ఈ భూమి మీదకు వచ్చేటప్పుడు ఏ జీవిౖయెనా ఏమీ తీసుకురాదు. మృతి చెందినప్పుడూ తనతో ఏదీ తీసుకుపోదు. ఈ ఎరుక ఒక్కటే మనిషికి ఒత్తిడిలేని జీవితాన్ని అందిస్తుంది. ఈ చిన్న కథ ద్వారా ఈ వాస్తవం బోధపడుతుంది. ఒకానొక రోజు, ఓ ధనవంతుడు తన ఇంటి బాల్కనీలో పడక్కుర్చీలో విశ్రాంతి తీసుకుంటున్నాడు. కాస్సేపటికి అతను ఒక చిన్న చీమ తన ఆకారం కన్నా కొన్ని రెట్లు ఎక్కువ పెద్దదైన ఓ ఆకును తీసుకుపోవటం చూశాడు.ఇంతలో ఓ చోట ఒక పగులు కనిపించింది. అక్కడ ఆ చీమ ఎలా పోతుందా అని ఆసక్తిగా చూశాడు. పగులు దగ్గరకు రావడంతోనే చీమ అక్కడ ఆకును అడ్డంగా ఉంచి దానిపైకి ఎక్కి అవతలకు దాటింది. అనంతరం ఆ ఆకును ముందుకు లాగింది. మొత్తం మీద చీమ ఇలా మరిన్ని అడ్డంకులను దాటుకుంటూ విజయవంతంగా ముందుకు సాగింది. చీమ చివరకు దాని గమ్యస్థానమైన పుట్ట వద్దకు చేరుకుంది. తన పుట్ట ముందర ప్రవేశ ద్వారంగా ఓ రంధ్రం ఉంది. ఆ రంధ్రంలోకి తాను వెళ్ళడానికి వీలుంది తప్ప తానింత దూరమూ తీసుకొచ్చిన ఆకుని పుట్టలోకి తీసుకుపోయే వీలు లేదు. అది తెలీని చీమ ఎంత ప్రయత్నించినా ఆకుతో సహా రంధ్రంలోకి వెళ్లడానికి నానా తిప్పలూ పడింది. చివరకు చేయగలిగిందేమీ లేక ఆకును ప్రవేశద్వారం దగ్గరే విడిచిపెట్టి లోపలికి వెళ్లింది.ఇదీ చదవండి: యాంటీ ఏజింగ్‌ ఇంజెక్షన్లతో ముప్పు ; షెఫాలీ ప్రాణం తీసింది అవేనా?ఒక వ్యక్తి చాలా కష్టపడి తన జీవితంలో ఎన్నెన్నో సమకూర్చుకుంటాడు. ఇబ్బందులు అధిగమించి సౌకర్యాలను పొందుతాడు. బోల్డన్ని ఆస్తిపాస్తులను పోగేసుకుంటాడు. తాను జీవించడానికి అవసరమైనవాటికన్నా ఎక్కువే పోగుచేసి సంతోషపడిపోతూ ఉంటాడు. చివరికి, అతను మరణించేటప్పుడు తనదంటూ ఏదీ తీసుకుపోలేడు. ఈ సంపదలేవీ తనతో రావని తెలిసీ మనిషి చివరి వరకూ అవసరం లేకపోయినా సంపాదించడానికే ప్రయత్నిస్తాడు. కానీ, రిక్త హస్తాలతో చీమ పుట్టలోకి వెళ్లినట్లే... మనిషీ మరణం ఒడిలోకి జారుకుంటాడు. ఈ వాస్తవాన్ని అర్థం చేసుకోవడమే జ్ఞానం! ఈ జ్ఞానమే ఇహలోకంలో మనిషికి ప్రశాంతతను ప్రసాదిస్తుంది. – యామిజాల జగదీశ్‌

తొండమనాడు రాజు ఓ పర్వదినాన శేషాచలం కొండలలోని అద్భుత సహజ శిల్పకళా చమత్కారమైన తుంబురు తీర్థం దర్శించడానికి వెళ్ళాడు. సనక సనంద తీర్థం, నల్లగుండాల మీదుగా దట్టమైన అటవీలోయలో నడుచుకుంటూ తుంబురు తీర్థం చేరాడు. భూ పరిణామ క్రమంలో భాగంగా ఓ కొండ కొబ్బరిచిప్పలా రెండుగా విచ్చుకుని చివర్లో జలజల ΄ారుతున్న తుంబురు తీర్థం జలపాతాన్ని చూస్తూ గంటలకొద్దీ గడిపినాడు. పక్కనే వున్న తరిగొండ వెంగమాంబ గుహ వద్ద వున్న నిశ్చలానంద స్వామిని దర్శించుకున్నాడు.తనకు అష్టైశ్వర్యాలున్నా ఎందులోనూ ఆనందం కనిపించడం లేదని బాధను వ్యక్తం చేశాడు. నిశ్చలానంద స్వామి చిరునవ్వు నవ్వాడు. అప్పుడే కాలినడకన కొందరు భక్తులు గోవిందలు చెప్పుకుంటూ తిరుమల కొండకి నడిచి వెళుతున్నారు. వారు నడిచి నడిచి అలసిపోయి ఉన్నారు. వారికి కడుపు నిండా అన్నం పెట్టి, వారు భోజనం చేసి వెళ్లేటప్పుడు రాజును వారి కళ్ళలోకి చూడమన్నాడు.వెంటనే రాజు తనతో వచ్చిన వంటవాళ్లను, భటులను పురమాయించి చకాచకా వంటలు చేయించాడు. వేడివేడిగా అరటి ఆకులో వడ్డించిన వంటలను కాలి నడక భక్తులు ఆవురావురుమని తినసాగారు. అలా తింటున్న వారిని చూస్తున్న రాజుకు తాను తినకుండానే కడుపు నిండిపోయినట్లనిపించింది.భోజనమయ్యాక భక్తులు ఒక్కొక్కరూ వచ్చి ‘అన్నదాతా సుఖీభవా’ అని చెప్పి వెళ్తుంటే రాజు తృప్తిగా తియ్యటి గుటకలు మింగాడు. రాజు ముఖంలోకి మెరుపు వచ్చింది. తనకి తెలియకుండానే కళ్ల నుంచి ఆనంద భాష్పాలు రాలాయి. అదే అదునుగా భావించిన నిశ్చలానంద స్వామి ‘‘మనం ఒకరికి ఏదైనా ఇస్తున్నామంటే మనం శక్తి మంతులమవుతున్నామని గుర్తుంచుకోవాలి. అందుకే మనం ఎవరికైనా ఏదైనా ఇవ్వడంలో సహజమైన ఆనందం వుంటుంది. తీసుకోవడం కన్నా ఇవ్వడంలో వున్న ఆనందం పదింతల గొప్పది’’ అని ఇవ్వడంలో వున్న గొప్పదనాన్ని రాజుకు విశదీకరించి చెప్పినాడు. ఆనంద రహస్యం ఇవ్వడంలోనూ.... దాన గుణంలోనూ వుందని గుర్తించిన రాజు మరిన్ని దానాలు చేయాలని నిర్ణయించుకుని స్వామి పాదాలకు నమస్కరించి తన రాజ్యానికి బయలుదేరాడు.

ఎవ్వడ్రా వీడు.. ఘోల్లుమనే జోక్‌ వేశాడు అనుకుంటున్నారా?. కానీ ఇదే నిజం. పశ్చిమాసియా ఉద్రిక్తతలపై ప్రపంచమంతా దృష్టిసారించిన వేళ..పాక్‌ రహస్యంగా శక్తివంతమైన.. అదీ న్యూక్లియర్‌ బాలిస్టిక్‌ మిసైళ్ల తయారీ చేపట్టింది!. ఈ విషయాన్ని అమెరికా నిఘా వర్గాలు వెల్లడించినట్లు ఫారిన్‌ ఎఫైర్స్‌ అనే పత్రిక కథనం ప్రచురించింది. దీర్ఘ శ్రేణి నూక్లియర్‌ బాలిస్టిక్‌ మిసైళ్ల(ICBM) తయారీని పాకిస్థాన్‌ రహస్యంగా చేపడుతోంది. వీటి సామర్థ్యం ఏకంగా.. అమెరికాకు చేరుకోగలదని వెల్లడించింది. ఆపరేషన్‌ సిందూర్‌ తర్వాత.. చైనా సాయంతో పాక్‌ వీటిని అభివృద్ధి చేస్తోంది. ఒకవేళ పాకిస్థాన్‌ అలాంటి క్షిపణులను సమకూర్చుకుంటే.. ఆ దేశాన్ని అణ్వస్త్ర శత్రువుగా అమెరికా గుర్తించడం ఖాయమని వాషింగ్టన్‌ నిఘా వర్గాలు స్పష్టం చేశాయని సదరు కథనం పేర్కొంది.అమెరికాను తాకగలిగే అణ్వాయుధాలను కలిగి ఉన్న దేశం ఏదైనా సరే.. అమెరికాకు శత్రువుగానే చూడాల్సి వస్తుందని ఓ ఉన్నతాధికారి వ్యాఖ్యలను సదరు నివేదిక ప్రముఖంగా పేర్కొంది. ఈ కథనాన్ని వైట్‌హౌజ్‌ వర్గాలు ధృవీకరించాల్సి ఉంది. ఐసీబీఎం అంటే.. ఖండాలను దాటగలిగే సామర్థ్యం ఉన్న క్షిపణులు. ఇందులో అణ్వాయుధాలతో పాటు సాధారణ యుద్ధ క్షిపణులు కూడా ఉంటాయి. వీటి లక్ష్యం.. 5,500 కిలోమీటర్లు దాకా ఉండొచ్చు. అయితే ప్రస్తుతానికి పాక్‌ దగ్గర అలాంటి క్షిపణలేం లేవు. ప్రస్తుతం అమెరికా జాబితాలో రష్యా, చైనా, ఉత్తర కొరియాలు ఉన్నాయి.భారత్‌ చేపట్టిన ఆపరేషన్‌ సిందూర్‌ తర్వాత పాకిస్తాన్‌ తన ఆర్థికాభివృద్ధిని పణంగా పెట్టి.. ఆయుధాల కొనుగోళ్లపై దృష్టిపెట్టిందని ఆ దేశ మీడియా నుంచే కథనాలు వెలువడ్డాయి. ఈ క్రమంలోనే దేశ రక్షణ బడ్జెట్‌ను 20 శాతం పెంచింది. ఏకంగా 9 బిలియన్‌ డాలర్లకు కేటాయించింది. షెహ్‌బాజ్‌ షరీఫ్‌ నేతృత్వంలోని పాక్‌ ప్రభుత్వం ఆ దేశ ఫీల్డ్‌ మార్షల్‌ అసిమ్‌ మునీర్‌ డిమాండ్లను సంతృప్తిపర్చేందుకు ఈ నిర్ణయం తీసుకొన్నట్లు తెలుస్తోంది. అదే సమయంలో ఈ బడ్జెట్‌లో పెంచిన నిధులతో ఆపరేషన్‌ సిందూర్‌లో దెబ్బతిన్న టెర్రర్‌ క్యాంప్‌లను మళ్లీ పునరుద్ధరించనుందని తెలుస్తోంది. అలాగే చైనా నుంచి భారీగా ఆయుధ సంపత్తిని పాక్‌ దిగుమతి చేసుకుంటున్నట్లు సమాచారం. ప్రస్తుతానికైతే ఆ దేశ విధానంలో.. షార్ట్‌, మీడియం రేంజ్‌ మిస్సైల్స్‌ మాత్రమే ఉన్నాయి. చివరగా.. 2022లో పాక్‌ మీడియం రేంజ్‌ బాలిస్టిక్‌ మిస్సైల్‌ షాహీన్‌-3ను ప్రయోగించింది. దీని పరిధి.. 2,700 కిలోమీటర్లు. ఇదిలా ఉంటే.. తమ దేశం చేపట్టే అణు పరీక్షలు భారత్‌ ముప్పును ఎదుర్కొనేందుకేనని పాక్‌ పలుమార్లు బాహాటంగానే ప్రకటించుకుంది. కిందటి ఏడాది.. పాక్‌ మీద లాంగ్‌ రేంజ్‌ బాలిస్టిక్‌ మిస్సైల్స్‌ కార్యక్రమంపై అమెరికా ఆంక్షలు విధించగా.. పాక్‌ వాటిని పక్షపాత ధోరణిగా ప్రకటించింది.ప్రస్తుతం పాక్‌ దగ్గర 170 న్యూక్లియర్‌ వార్‌హెడ్స్‌ ఉన్నాయి. తద్వారా న్యూక్లియర్‌ నాన్‌ ప్రొలైఫ్‌రేషన్‌ ట్రీటీ(NPT)కి పరిధిని ఉల్లంఘించింది. న్యూక్లియర్‌ వెపన్స్‌ను కట్టడి చేయడం, తద్వారా అణు శక్తిని పరిమితంగా(శాంతి పరిధికి లోబడి) ఉపయోగించుకోవాలని చెప్పడం ఈ ఒప్పంద ఉద్దేశం.ఆపరేషన్‌ సిందూర్‌ పేరుతో భారత సైన్యం.. మే నెలలో పాక్‌ ఉగ్రశిబిరాలపై, ఆ దేశ ప్రధాన ఎయిర్‌బేస్‌లపై దాడులు జరిపింది. ఆ సమయంలో పాక్‌ తన హైపర్‌సోనిక్‌ బాలిస్టిక్‌ మిస్సైల్‌ ప్రయోగించిందని.. అయితే భారత రోబస్ట్‌ ఎయిర్‌డిఫెన్స్‌ సిస్టమ్‌ దానిని అడ్డుకుందనే ప్రచారం జోరుగా నడిచింది. అటుపై భారత రక్షణ శాఖ మంత్రి రాజ్‌నాథ్‌ సింగ్‌ సహా పలువురు కేంద్రమంత్రులు పాక్‌ న్యూక్లియర్‌ కార్యకలాపాలపై దృష్టిసారించాలని ఇంటర్నేషనల్‌ అటామిక్‌ ఎనర్జీ ఏజెన్సీని కోరారు. పాక్‌ అలాంటి ఆయుధాల విషయంలో హద్దులు మీరి ప్రవర్తించదనే ఆశిస్తున్నట్లు రాజ్‌నాథ్‌ కూడా వేరుగా ఓ ప్రకటన చేశారు.

బాలీవుడ్‌ బ్యూటీ భూమి పెడ్నేకర్ మెరిసే చర్మం కోసం అద్భుతంగా పనిచేసే సాంప్రదాయ చిట్కాను షేర్‌ చేసింది. సెల్ఫ్‌ కేర్‌ సండే అంటూ తన రొటీన్‌ స్కిన్‌ కేర్‌ గురించి ఇన్‌స్టాలో పేర్కొంది. అలాగే తన మెరిసే చర్మం, అందం రహస్యాన్ని అభిమానులకు ఈ పోస్ట్‌ ద్వారా వివరించింది. దీనికి సంబంధించి కొన్ని అందమైన ఫోటోలను కూడా ఇన్‌స్టాలో పోస్ట్‌ చేసింది. హై-ఫ్యాషన్ అప్పీరియన్స్ కు పేరుగాంచిన భూమి పెడ్నేకర్ ప్రస్తుతం ‘ది రాయల్స్ సిరీస్’ విజయాన్నిఆస్వాదిస్తోంది. తాజాగా ముల్తానీ మిట్టి మాస్క్‌ తయారు చేసే వీడియెను, "సెల్ఫ్-కేర్ సండే" అనే క్యాప్షన్తో ఆమె చేతిలో గులాబీని పట్టుకున్న ఫోటోలను అభిమానులతో పంచుకుంది. View this post on Instagram A post shared by Bhumi Pednekar (@bhumipednekar)ముల్తానీ మిట్టి - ప్రయోజనాలు సౌందర్య పోషణలో పురాతకాలంనుంచీ ముల్తానీ మట్టికి ఎంతో ప్రాధాన్యత ఉంది. జిడ్డు, లేదా మొటిమల బారిన పడే చర్మానికి ఇది మేలు చేస్తుంది.మృత కణాలను తొలగిస్తుంది. లోతుగా శుభ్రపర్చి, అదనపు నూనెను తొలగించి చర్మాన్ని ప్రకాశవంతం చేస్తుంది. చర్మాన్ని టైట్‌గా చేసి, వృద్ధాప్యల లక్షణాలను తొందరగా దరిచేరనీయదు. దీంట్లోని సున్నితమైన ఎక్స్‌ఫోలియేటింగ్ లక్షణాలు నల్ల మచ్చలను పోగొట్టడానికి, పిగ్మెంటేషన్‌ను తగ్గించి, ఆరోగ్యకరమైన, ప్రకాశ వంతమైన మెరుపును అందించడానికి సాయపడతాయి. అలాగే ముల్తాని మట్టిలోని సహజ శీతలీకరణ ప్రభావం ఎండ ప్రభావంతో వచ్చిన మచ్చలపై ప్రభావవంతంగా పనిచేస్తుంది.యాంటీ బాక్టీరియల్ లక్షణాలు, ఆయిల్‌ను నియంతరించే లక్షణాలు కారణంగా ఇది మొటిమలు ఎక్కువగా వచ్చేవారికి ఇది బాగా పనిచేస్తుంది.ఇదీ చదవండి: భారతీయ సంతతి ర్యాపర్‌ ఓవర్‌ యాక్షన్‌ : నెటిజన్ల తీవ్ర అగ్రహంముల్తానీ మిట్టి ఫేస్ ప్యాక్ ఎలా తయారు చేయాలి:ముల్తానీ మిట్టి పొడిని రోజ్ వాటర్ లేదా సాదా నీటితో కలిపి మృదువైన పేస్ట్ లా చేయండి. దీన్ని మీ ముఖానికి అప్లై చేసి, 15-20 నిమిషాలు ఆరనిచ్చి గోరువెచ్చని నీటితో శుభ్రం చేసుకోండి. స్కిన్‌ తత్వాన్ని బట్టి పెరుగు, తేనె లేదా బాదం పాలను కూడా జోడించవచ్చు. (‘శ్వాస ముద్ర’ ఇజ్రాయెల్‌ శాస్త్రవేత్తల న్యూ స్టడీ : ఆశ్చర్యకర ఫలితాలు)నోట్‌ : ఆధునిక కాలంలో బ్యూటీ ప్రొడక్ట్స్‌లో ముల్తాని మట్టిని విరివిగా వాడతారు. అయితే ముందుగా వేసుకునే వారు ప్యాచ్‌ టెస్ట్‌ వేసుకోవడం మర్చిపోవద్దు. ఒక వేళ ఏదైనా అలర్జీలాంటిది వస్తే వెంటనే చర్మవ్యాధి నిపుణుడిని సంప్రదించండి.

వాషింగ్టన్‌: అత్యంత సంపన్నులు, ఉన్నతాధికారుల కోసం అమెరికా ఏకంగా భూగర్భ నగరమే నిర్మించిందట! ఆ దేశా మాజీ ఉన్నతాధికారి కేథరిన్‌ ఆస్టిన్‌ ఫిట్స్‌ ఈ మేరకు వెల్లడించారు. అంతేకాదు, అందుకు ఏకంగా 21 లక్షల కోట్ల డాలర్ల మేరకు ప్రజల సొమ్మును వెచ్చించిందని ఆరోపించారు. జార్జ్‌ హెచ్‌.డబ్లు్య.బుష్‌ అధ్యక్షునిగా ఉండగా కేథరిన్‌ హౌసింగ్‌ అండ్‌ అర్బన్‌ డెవలప్‌మెంట్‌ అసిస్టెంట్‌ సెక్రటరీగా పని చేశారు. తాను చెబుతున్నది పచ్చి నిజమని ఆమె చెప్పుకొచ్చారు. ‘‘21 లక్షల కోట్ల డాలర్లు లెక్కాపత్రం లేకుండా మాయమయ్యాయి. ఎక్కడికి పోయాయని ఏళ్ల తరబడి పరిశోధించా. వాటిని 170 భూగర్భ స్థావరాలతో కూడిన భారీ నెట్‌వర్క్‌ నిర్మాణానికి వెచ్చించినట్టు చివరికి కనిపెట్టా. వాటి మధ్య అత్యాధునిక రవాణా తదితర సదుపాయాలు కూడా ఉన్నాయి. 1998 నుంచి 2015 వరకు రక్షణ, గృహనిర్మాణం, పట్టణాభివృద్ధి శాఖల్లో అత్యంత భారీ మొత్తాలను అనధికారికంగా ఖర్చు చేసినట్లు మిషిగన్‌ స్టేట్‌ వర్సిటీ ఆర్థికవేత్త మార్క్‌ స్కిడ్మోర్‌ అధ్యయనంలో కూడా వెల్లడైంది’’అని చెప్పుకొచ్చారు. కేథరిన్‌ చెబుతున్న బంకర్లలో కొన్ని సముద్రం అడుగున కూడా ఉన్నట్లు సమాచారం. ‘‘అమెరికాలో భూగర్భంలోనూ, సముద్రం అడుగునా ఈ స్థావరాలున్నాయి’’అని చెప్పారు. దాని పరిమాణం, పరిధి, యాక్సెస్‌ ప్రోటోకాల్స్‌ తదితర వివరాలేవీ ఆమె బయటపెట్టలేదు. విపత్తుల వేళ ఆ బంకర్లలోకి ప్రవేశమున్న ఉన్నత వ్యక్తుల పేర్లను కూడా ప్రస్తావించలేదు.

ఇంతవరకు ఎందరో వెయిట్‌ లాస్‌ జర్నీలు ప్రేరణగా నిలిచాయి. ఒక్కోక్కరిది ఒక్కో నేపథ్యంతో బరువు తగ్గేందుకు ఉపక్రమించారు. అయితే వారంతా డైట్‌లు వర్కౌట్‌లతో బరువు తగ్గితే. ఈ బాలీవుడ్‌ చిత్ర నిర్మాత హన్సల్ మెహతా మాత్రం మందులతోనే బరువు తగ్గానంటూ కుండబబ్దలు కొట్టినట్లుగా చెప్పేశారు. అందరు ఆ మందులు దుష్ప్రభావాలు చూపుతాయనే దుష్ప్రచారంతో వాడేందుకు జంకుతున్నారని, అందులో వాస్తవం లేదని మరీ చెబుతున్నారు. తాను ఆ మందులు వాడుతూనే ఎలా ఆర్యోకరంగా బరువు తగ్గారో కూడా వెల్లడించారు. ఇదేంటి మందుల వద్దనే అంటారు కదా నిపుణులు అనే సందేహంతో ఆగిపోకండి అసలు కథేంటో తెలుసుకోండి మరీ..!.బాలీవుడ్‌ నిర్మాత హన్సల్ మెహతా టెలివిజన్‌ షోలు తీస్తూ నెమ్మదిగా మంచి బ్లాక్‌బస్టర్‌ మూవీలు తీసి మంచి నిర్మాతగా పేరుతెచ్చుకున్నారు. ఉత్తమ చలన చిత్ర నిర్మాతగా అవార్డులు కూడా దక్కించుకున్నారు. ఆయన డయాబెటిస్‌తో బాధపడుతున్నారు. ఓ పక్క అధిక బరువుతో పలు ఆరోగ్య సమస్యలు ఎదుర్కొంటున్నారు కూడా. అయితే మెహతా బరువు తగ్గేందుకు తన ఆరోగ్య సమస్యల రీత్యా డయాబెటిస్‌ చికిత్సకు ఉపయోగించే మౌంజారో మందులను వాడానని అన్నారు. దానివల్లే బరువు తగ్గానని చెప్పారు. బరువు తగ్గాడానికి సెలబ్రిటీలు ఉపయోగిచే మౌజరోని తాను వాడానని మెహతా నిర్భయంగా చెప్పడమే గాక ఏకంగా పదికిలోలు తగ్గినట్లు తెలిపారు. అలాగే దీంతోపాటు సరైన జీవనశైలిని పాటించానని అన్నారు. అధిక ప్రోటీన్ భోజనం, చక్కెరను తగ్గించడం, మెడిటేరియన్‌ డైట్‌ వంటివి అనుసరించానని అన్నారు. ఆల్కహాల్‌ సేవించడం కూడా తగ్గించినట్లు తెలిపారు. సరైన జీవనశైలిని అనుసరించడం తోపాటు వర్కౌట్లు, అడదడపా ఉపవాసం, హైడ్రేటెడ్‌ ఉండేలా తగినంత నీరు తీసుకోవడం వంటి జాగ్రత్తలు తీసుకున్నట్లు వివరించారు. దాంతో తన రక్తంలోని చక్కెర స్థాయిలు సాధారణ స్థాయికి రావడమే గాక, ఇన్సులిన్ నిరోధకత తగ్గిందన్నారు. ఇప్పుడు యంగ్‌ ఏజ్‌లో వేసుకున్న పాత బట్టలు అన్ని సరిపోతున్నాయని ఆనందంగా చెప్పారు. ఆ మందులపై అపోహ ఎక్కువ..ఓజెంపిక్‌, మౌంజారో వంటి జీఎల్‌పీ-1 మందులు బరువు తగ్గడానికి పేరుగాంచినవి. కొద్దిమేర బరువుత తగ్గాలనుకునేవారికి, దీర్ఘకాలిక బరువుతో సతమతమవుతున్న వారికి ఇవి మంచివే అనేది నిపుణులు అభిప్రాయం. అయితే అనుసరించేటప్పుడు వైద్యులు లేదా వ్యక్తిగత నిపుణుల పరివేక్షణలోప్రారంభించాలట. ఇలాంటి వాడటానికి సిగ్గపడాల్సిన పనిలేదంటున్నారు మెహతా. అయితే వాటితోపాటు సరైన జీవనశైలి, మంచి ఆహారపు అలవాట్లు అవలంభిస్తే ఎలాంటి సైడ్‌ ఎఫెక్ట్‌లు ఉండవని చెబుతున్నారు. భారత్‌లో ఎలి లిల్లీ లాంఛ్‌ చేసిన ఈ ఔషధం మౌంజారో గేమ్-ఛేంజర్ కావచ్చని..భవిష్యత్తులో మరిన్ని సంచలనాలను సృష్టిస్తుందని చెబుతున్నారు నిపుణులు.Under medical guidance, I began Mounjaro to address rising blood sugar levels in the pre-diabetic range and to manage my steadily increasing weight. Paired with a committed lifestyle shift—high-protein meals, minimal sugar and alcohol, regular strength training, proper hydration,… pic.twitter.com/R0GnHuEcl7— Hansal Mehta (@mehtahansal) May 1, 2025గమనిక: ఈ కథనం కేవలం అవగాహన కోసం మాత్రమే ఇచ్చాం. మరిన్ని వివరాల కోసం వ్యక్తిగత నిపుణులు లేదా వైద్యులను సంప్రదించడం ఉత్తమం. (చదవండి: శరీరానికి సరిపడే ఆహారాలే తీసుకోవాలి..! పోషకాలపై దృష్టి పెట్టాలి..)

అందాల హీరోయిన్‌ త్రిప్తి దిమ్రి(Triptii Dimri) కేవలం బ్యూటీకే కాదు. ఫిట్‌నెస్‌కు కూడా చాలా ప్రాముఖ్యతనిస్తుంది. అద్భుతమైన నటనతో పాటు, టోన్డ్ ఫిగర్‌తో ఫ్యాన్స్‌ను మెస్మరైజ్‌ చేస్తుంది. తాజా తన ఫిట్‌నెస్‌ గురించి సోషల్‌ మీడియాలో ఒక పోస్ట్‌ పెట్టింది. ఇది ఫ్యాన్స్‌ను బాగా ఆకట్టుకుంటోంది.రణబీర్ కపూర్ సరసన నటించిన యానిమల్‌ మూవీతో ఆకట్టుకున్న త్రిప్తి దిమ్రీ తన మంచి ఆహార ప్రియురాలు. అలాగే యోగా, ధ్యానం,జిమ్‌ వర్కౌట్స్‌ను అంతే శ్రద్ధగా ఆచరిస్తుంది. తాజాగా ఫిట్‌నెస్ ఫార్ములా గురించి ఇన్‌స్టా స్టోరీలో వివరించింది. స్వెట్‌ ఫస్ట్‌.. స్వీట్స్‌...‍స్వీట్స్‌ లేటర్‌ (Sweat Now...Sweets Later)అంటూ ఫోటోను షేర్‌ చేసింది. వింక్‌ ఎమోజీతో జిమ్ మిర్రర్ సెల్ఫీని పోస్ట్‌ చేసింది. హోలీ పండుగ సీజన్‌లో అదనపు కేలరీలన్నింటినీ కోల్పోవడానికి ఆమె తన జిమ్ వర్కౌట్స్‌ను చాలా సీరియస్‌గా తీసుకుంటున్నట్టు కనిపిస్తోంది. ఇటీవల త్రిప్తి దిమ్రీ నాసిక్‌లోని త్రయంబకేశ్వరాలయాన్ని సందర్శించింది. అక్కడ ప్రత్యేకపూజలు నిర్వహించింది. దీనికి సంబంధించిన ఫోటోలను ఇన్‌స్టాగ్రామ్‌లో షేర్‌ చేసింది కూడా. ఫిట్‌గా ఉండేందుకు మూడు టిప్స్‌ స్క్వాట్ జంప్ : స్క్వాట్ జంప్‌లు లేదా జంపింగ్ స్క్వాట్‌లు. ఇవి ఎక్కువ కేలరీలను బర్న్‌ చేయడంలో చాలా బాగా ఉపయోగ పడతాయి. జంప్ స్క్వాట్స్ లేదా జంపింగ్ స్క్వాట్స్ అని కూడా అంటారు. ప్రతి ఫిట్‌నెస్ క్లాస్‌లో ఏదో ఒక రకమైన స్క్వాట్ ఉంటుంది.దీని వల్ల కేలరీలు త్వరగా బర్న్ అవుతాయి. ఒకేసారి బహుళ కండరాలనుబలోపేతం చేసేందుకు ఉపయోగ పడుతుంది. ముఖ్యంగా కాళ్లు, పిరుదులు . కోర్ కండరాలు బలోపేతమవుతాయి. బర్పీ: స్ట్రెంథ్ ట్రైనింగ్‌లో ఒకటిగా చెప్పుకునే బర్పీస్ , ఫుల్ బాడీ వర్కౌట్‌ అని చెప్పొచ్చు. వీని వల్ల మజిల్ స్ట్రెంథ్ పెరుగుతుంది. కేలరీలు కరుగుతాయి, చాలా బరువు తగ్గుతారు.బెల్లీ ఫ్యాట్, హిప్, థై ఫ్యాట్ తగ్గి టోన్డ​్‌ బాడీ వస్తుంది. స్కిప్పింగ్: స్కిప్పింగ్ అనేది సరళమైన, ఈజీ ఎక్సర్ సైజులలో ఒకటి. 10 నిమిషాలు లేదా దాదాపు 120 రౌండ్ల స్కిప్పింగ్‌ వల్ల 650 నుండి 1000 కేలరీలు ఖర్చవుతాయి. కేలరీలు బర్న్ అవుతాయి. గుండె ఆరోగ్యం మెరుగుపడుతుంది. కండరాలు టోన్ అవుతాయి. జీవక్రియ పెరుగుతుంది. ఊపిరితిత్తుల ఆరోగ్యం మెరుగుపడుతుంది.ఎముకల సాంద్రత పెరుగుతుంది. ఏకాగ్రత మెరుగుపడుతుంది.

అత్యంత కాలం బతికిన శతాధిక వృద్ధులను చూస్తే..వారి ఆరోగ్య రహస్యం ఏంటని కుతూహలంగా ఉంటుంది. వారి దీర్ఘాయువుకి కారణం.. క్రమశిక్షణతో కూడిన జీవన విధానమని క్లియర్‌గా స్పష్టమవుతోంది. ఇంతవరకు జపాన్‌, బ్రెజిల్‌లోని శతాధిక వృద్ధ మహిళలు, వారి హెల్త్‌ సీక్రెట్‌ల గురించి విన్నాం. ఇప్పుడు వారందర్నీ వెనక్కినెట్టి అత్యంత శతాధిక వృద్ధురాలికి నిలిచి ఆశ్చర్యపరుస్తోంది ఈ చైనా బామ్మ. అయితే ఈ బామ్మ ఇప్పటికీ తన పనులను తానే చేసుకుంటోందట. మిగతా శతాధిక వృద్ధ బామ్మల మాదిరిగా ఆరోగ్య సంరక్షణ కేంద్రాల్లో జాయిన్‌ అవ్వకపోవడం విశేషం. అయితే ఈ బామ్మ ఆరోగ్య రహస్యం ఏంటో తెలిస్తే విస్తుపోవడం ఖాయం. ఆ బామ్మ ఎవరంటే..చైనా(China)కు చెందిన క్వి చైషి(Qiu Chaishi) అనే బామ్మ. ఆమె వలసవాద సెమీ ఫ్యూడల్ పాలనకు గుర్తుగా నాటి క్వింగ్ రాజవంశ పాలకుల హయాంలో 1901లో జన్మించింది. జనవరి 1న 124వ పుట్టిన రోజున జరుపుకుంది. అప్పుడే రుతి చైనాలోని సిచువాన్ ప్రావిన్స్‌లో ఉన్న నాన్‌చాంగ్ నగరం అత్యంత శతాధిక వృద్ధులలో ఆమె కూడా ఒకరిగా క్విచైషి బామ్మను గుర్తించింది.ఆమెకు ఏకంగా 60 ఏళ్ల వయసున్న మనవరాలు ఉంది. తన తరంలోని అత్యంత చిన్న కుటుంబ సభ్యురాలు వయసు ఎనిమిది నెలల చిన్నారి అట. ఇక ఆమె సుదీర్ఠకాల ఆరోగ్యం రహస్యం ఏంటంటే..హెల్త్‌ సీక్రెట్‌..తన సుదీర్ఘకాల(Longevity) జీవన రహస్యం క్రమశిక్షణతో కూడిన జీవనశైలి అని నమ్మకంగా చెబుతోంది. రోజూ మూడుపూటల భోజనం(Lard Rice) చేస్తుందట. అయితే భోజనం తర్వాత నడక(Walks) తప్పనిసరి అని చెబుతోంది క్విచైషి. అలాగే రాత్రి 8 కల్లా నిద్రపోతుందట. ఇప్పటకీ తన పనులన్నీ చకచక చేసుకుంటుందట. తల దువ్వుకోవడం దగ్గర నుంచి స్టవ్‌ వెలిగించడం, పెంపుడు జంతువులను పెంచడం, మెట్లు ఎక్కడం తదితర అన్ని పనులను సునాయాసంగా చేసేస్తుందట. తనకు ఇష్టమైన వంటకాల గురించి కూడా షేర్‌ చేసుకుంది. ఆమెకు గుమ్మడికాయ, శీతాకాలపు పుచ్చకాయ, మొక్కజొన్న పిండితో చేసే గంజి, పందికొవ్వు అంటే మహా ఇష్టమట. కానీ పంది కొవ్వుని మాత్రం వైద్యుల సలహా మేరకు మితంగా తీసుకుంటున్నట్లు తెలిపింది. నిజంగా ఈ బామ్మ ఆరోగ్యపు అలవాట్లు ఎంతో మందికి స్ఫూర్తిదాయకం. ఈ బామ్మ మాములు గ్రేట్‌ కాదు, అంతకు మించి అని ప్రశంసించకుండా ఉండలేం కదా..!.(చదవండి: ఇంతలా 'కృతజ్ఞత' చూపించడం అందరి వల్ల కాదేమో..!)

అమెరికాలోని ఓ రెస్టరెంట్‌ వందేళ్లుగా ఒకే వంటనూనెను మళ్లీ మళ్లీ వాడి బర్గర్స్‌ను తయారుచేస్తోంది. పైగా ఇదే తమ అసలు రహస్యమంటూ ప్రచారం కూడా చేస్తోంది. అమెరికాలోని మెంఫిస్‌ పట్టణంలో ‘డయ్యర్స్‌ బర్గర్స్‌’ రెస్టరెంట్‌ రుచికరమైన బర్గర్స్‌కు ఫేమస్‌. 1912లో ఎల్మెర్‌ డాక్‌ దీనిని స్థాపించాడు. ఒకరోజు అతను పాన్‌లోని నూనెను మార్చడం మర్చిపోయి, తర్వాతి రోజు అలాగే బర్గర్‌ తయారు చేశాడు. ఆ బర్గర్‌ తీసుకున్న వ్యక్తి ‘నా జీవితంలో నేను తిన్న రుచికరమైన బర్గర్‌ ఇదే!’ అని చెప్పడంతో డాక్‌ అప్పటి నుంచి ఆ నూనెను మార్చలేదు. అవసరానికి తగ్గట్టుగా దానికి మరింత నూనెను కలుపుతూ అలాగే వాడుతున్నాడు. గత వందేళ్లుగా ఇలాగే చేస్తున్నట్లు ఓ మ్యాగజైన్‌ ఇంటర్వ్యూలో డాక్‌ కుమారుడు రాబర్ట్‌ చెప్పాడు. ఇప్పుడు ఈ విషయం వైరల్‌గా మారింది. కొంతమంది ఇదంతా అబద్ధమని, అసలు రహస్య పదార్థం వేరే ఉందని చెబుతుంటే, మరికొందరు దీనిని నమ్మి, బర్గర్‌ను ప్యాక్‌ చేయడానికి ముందు ఆ నూనెలో మరోసారి ముంచి డబుల్‌ డిప్‌ బర్గన్‌ను ఎక్కువగా ఆర్డర్‌ చేస్తున్నారు. ఏది ఏమైనా డయ్యర్స్‌ బర్గర్స్‌ ఎంతో రుచికరంగా ఉంటాయని అక్కడి వారందరూ ఒప్పుకుంటారు.(చదవండి: కృత్రిమ మేధాజాలం వంటింట్లో మయాజాలం

భారత మాజీ క్రికెటర్‌, ఎడమ చేతి వాటం బ్యాట్స్‌మెన్‌ శిఖర్ ధావన్ మైదానంలో అడుపెడితో ధనాధన్‌ సిక్సర్ల వర్షం కురవాల్సిందే. ధావన్‌ పరుగుల విధ్వంసానికి ఎవ్వరైనా ఫిదా కావాల్సిందే. అంతలా తన ఆటతో కట్టిపడేసే ధావన్‌​ ఇటీవలే అంతర్జాతీయ క్రికెట్‌తో పాటు.. ఇండియన్‌ ప్రీమియర్‌ లీగ్‌ నుంచి కూడా రిటైర్మెంట్‌ తీసుకున్నారు. ప్రస్తుతం నేపాల్‌ ప్రీమియర్‌ లీగ్‌(ఎన్‌పీఎల్‌)తో బిజీగా ఉన్నాడు. ఇంతలా శక్తిమంతంగా ఆడలాంటే అంతే స్థాయిలో బాడీని, ఆరోగ్యాన్ని ఫిట్‌గా ఉంచుకోవాలి. అందుకోసం ధావన్‌ ఎలాంటి వర్కౌట్లు, డైట్‌ తీసుకుంటారో తెలుసా..!.శిఖర్‌ ధావన్‌ వారంలో రెండు నుంచి మూడు కఠినమైన జిమ్‌ సెషన్‌లు తప్పనిసరిగా చేస్తాడు. వాటిలో కార్డియో వర్కౌట్‌లు కూడా ఉంటాయట. అంతేగాదు ఓ ఇంటర్వ్యూలో ప్రాథమిక వ్యాయామానికి ముందు బాడీ చురుకుగా ఉండేలో గ్లూట్‌ వ్యాయమాలు, మొబిలిటీ ట్రైనింగ్, స్ట్రెచింగ్ వంటివి చేస్తానని చెప్పుకొచ్చాడు. ధావన్‌ యోగా ప్రేమికుడు కూడా. యోగాసనాలు రోజువారీ దినచర్యలో కచ్చితంగా ఉంటాయి. అయితే ధావన్‌ ఎక్కువగా రన్నింగ్‌ ఎక్సర్‌సైజుని ఎంజాయ్‌ చేస్తానని చెబుతున్నారు. ఇది శరీరం అంతటా రక్తప్రసరణ మెరుగ్గా ఉండేలా చేస్తుందట. ఏదైన వర్కౌట్‌లు చేయడానికి ముందు కనీసం 30 నిమిషాలు శరీరం వేడెక్కేలా రన్నింగ్‌ లేదా జాగింగ్‌ చేయాలని సూచిస్తున్నాడు ధావన్‌. చివరిగా మానసిక ఆరోగ్యం కోసం శ్వాసకు సంబంధించిన వ్యాయామాలు, సూర్యనమస్కారాలు కూడా చేస్తానని అంటున్నారు ధావన్‌. డైట్‌..గబ్బర్‌గా పిలిచే ధావన్‌ ఎక్కువగా కాల్చిన చికెన్‌, బంగాళదుంపలు, సాల్మన్‌, బ్రోకలీ తదితర కూరగాయాలను ఇష్టంగా తింటారు. వీటితోపాటు ఆలూ పరాటాలు, దోసెలు, చికెన్‌ కర్రీ వంటివి కూడా తింటానని చెబుతున్నారు. ఈ ఫుడ్‌ తనకు కఠినమైన వ్యాయామాల సమయంలో హెల్ప్‌ అవుతుందని చెబుతున్నాడుప్రోటీన్‌ రిచ్‌ డైట్‌కి ప్రాధాన్యత ఇవ్వనని చెబుతున్నారు. శక్తి కోసం పిండి పదార్థాలు తప్పనసరి అని వాదించారు కూడా. తాను ప్రోటీన్లు, కార్బోహైడ్రేట్లు, లిపిడ్లు కలిగిన సమతుల్య ఆహారాన్ని తీసుకుంటానని చెప్పారు.అథ్లెట్లకు ప్రొటీన్లు అధికంగా ఉండే ఆహారం అవసరమనే అపోహ ప్రజల్లో ఉంది. కానీ "శక్తిని పెంచడానికి కార్బోహైడ్రేట్లే ప్రధానమని నమ్ముతా అని చెప్పారు ధావన్‌.(చదవండి: స్నానం చేయడం పాత ట్రెండ్‌! ఇలా మూడ్‌ని బట్టి..)

ఈ ఫొటో చూస్తే మీకేమనిపిస్తోంది? ఏదో హెయిరాయిల్‌ ప్రకటనలా ఉంది కదా! కానీ నిజానికి అదో బర్త్‌డే పార్టీ. అత్యంత రహస్యంగా చేసుకున్న పార్టీ. అందులో పాల్గొన్న అమ్మాయిలంతా ఎట్టి పరిస్థితుల్లోనూ తమ ముఖాలు కనబడకుండా జాగ్రత్త పడ్డారు. బర్త్‌డే పార్టీ అంత రహస్యంగా చేసుకోవడమెందుకు? వేరే ఏ దేశంలోనైనా అవసరం లేదు. కానీ ఆఫ్గానిస్తాన్‌లో మాత్రం అది అత్యవసరం! తాలిబన్ల పాలనలో అక్కడి మహిళలు, బాలికల దుస్థితికి అద్దం పడుతున్న ఈ ఫొటోను ఇరాన్‌–కెనడియన్‌ ఫొటో జర్నలిస్ట్‌ కియానా హయేరి తీశారు. ఇలాంటి చిత్రాల సమాహారాన్ని ‘నో విమెన్స్‌ లాండ్‌’ పేరిట ఈ నెల పారిస్‌లో ప్రదర్శించనున్నారు.ఏడు ప్రావిన్సులు తిరిగి... ఫ్రెంచ్‌ పరిశోధకురాలు మెలిస్సా కార్నెట్‌తో హయేరి 2018 నుంచి కలిసి పని చేస్తున్నారు. వారు కొన్నేళ్లుగా అఫ్గాన్‌లోనే ఉంటున్నారు. 2021లో అమెరికా సైన్యం అఫ్గాన్‌ను వీడటం, దేశం తాలిబన్ల చేతుల్లోకి వెళ్లడం వంటి పరిణామాలకు వాళ్లు ప్రత్యక్ష సాక్షులు. నానాటికీ దిగజారుతున్న పరిస్థితులు వారిని భయపెట్టాయి. మహిళల హక్కులను గౌరవిస్తామని కల్లబొల్లి ప్రతిజ్ఞలు చేసిన తాలిబన్లు చివరికి వాళ్లకు అసలు ప్రజా జీవితమే లేకుండా చేశారు. ప్రాథమిక హక్కులతో సహా సర్వం కాలరాశారు. మహిళల గొంతు వినపడటమే నిషేధం. ముసుగు లేకుండా, మగ తోడు లేకుండా గడప దాటడానికి లేదు! బాలికల చదువుకు పాఠశాల స్థాయితోనే మంగళం పాడారు. బహిరంగ ప్రదేశాల్లో సంగీతం, నృత్యం నిషేధం. అఫ్గాన్‌ మహిళల దుస్థితిని బయటి ప్రపంచానికి చూపేందుకు హయేరి, కార్నెట్‌ ఏడు ప్రావిన్సుల్లో పర్యటించారు. ఎంతోమంది మహిళలను కలిశారు.ఆశలకు ప్రతీకలు కూడా... ఎంతసేపు అణచివేత గురించే ఎందుకు చెప్పాలి? అందుకే అఫ్గాన్‌ బాలికలు, మహిళలకు భవిష్యత్తు మీదున్న ఆశను కూడా హయేరి, కార్నెట్‌ ఫొటోల్లో బందించారు. తమ చీకటి జీవితాల్లో వెలుగులు నింపే వేడుకలను వాళ్లు జరుపుకొంటున్నారో చెబుతున్నారు. ప్రస్తుతం అఫ్గాన్‌లో బాలికలు, స్త్రీలకు సంబంధించి చిన్న వేడుక అయినా అది నేరుగా తాలిబన్‌ ప్రభుత్వాన్ని ధిక్కరించడమే. అందుకే బాలికలు పుట్టిన రోజులు, పెళ్లిళ్ల వంటి వేడుకల్లో స్నేహితులను కలుస్తున్నారు. వాటి ఫొటోలను సోషల్‌ మీడియాలో పోస్ట్‌ చేస్తున్నారు. ఇది ప్రమాదాలు తెచ్చి పెడుతుందని తెలిసీ రిస్క్‌ చేస్తున్నారు. మహిళలు గుర్తింపుకే నోచుకోని చోట ఇలాంటి చిన్న వేడుకైనా పెద్ద ప్రతిఘటనే! చిరునవ్వులు చిదిమేస్తున్న కాలంలో ఆనందాన్ని ప్రదర్శించడం కూడా తిరుగుబాటే. అందుకే నిరసనను వ్యక్తం చేసే ఏ అవకాశాన్నీ మహిళలు వదులుకోవడం లేదంటున్నారు. హయేరి, కార్నెట్‌.తాలిబన్లలోనూ విభేదాలు!మహిళలను తీవ్రంగా అణచివేయడంపై తాలిబన్లలోనే వ్యతిరేకత పెరుగుతోంది! అతివాది అయిన దేశాధినేత షేక్‌ హైబతుల్లా అఖుందా జాదా నిర్ణయాలను తాలిబన్లలోనే ఒక వర్గం తీవ్రంగా వ్యతిరేకిస్తున్నట్టు సమాచారం. మంత్రి సిరాజుద్దీన్‌ హక్కానీ వంటివాళ్లు బాలికలు, యువతుల విద్య కోసం ప్రభుత్వంతో పోరాడుతున్నారు. ఈ నేపథ్యంలో బాలికలకు ఆరో తరగతి తర్వాత కూడా విద్యను అందించే అండర్‌ గ్రౌండ్‌ పాఠశాలలపై తాలిబన్లలోని కొన్ని విభాగాలు దృష్టి సారించినట్టు కార్నెట్‌ పేర్కొన్నారు. – సాక్షి, నేషనల్‌ డెస్క్‌

భువనేశ్వర్‌: దొంగిలించిన సొమ్మును ఏం చేయాలో తెలీక ఇంటి వెనుక గత్తం కింద దాచిపెట్టాడో ప్రబుద్ధుడు. పోలీసులు గుట్టు రట్టు చేయడంతో పరారైపోయాడు. హైదరాబాద్‌ వ్యవసాయ పరిశ్రమలో పని చేస్తున్న సిబ్బంది సొమ్మును దొంగిలించి దాచాడు. హైదరాబాద్‌ నుంచి ప్రత్యేక పోలీసు దర్యాప్తు బృందం రాష్ట్రానికి విచ్చేసి ఈ దోపిడీ గుట్టు రట్టు చేసింది. పోలీసులు తెలిపిన వివరాల మేరకు..బాలాసోర్‌ జిల్లా బొడొమొందారుణి గ్రామానికి చెందిన గోపాల్‌ బెహరా అనే వ్యక్తి హైదరాబాద్‌లో ఓ కంపెనీలో పని చేస్తున్న సిబ్బంది నుంచి రూ. 21 లక్షలు దోచుకున్నాడు. దోచుకున్న నగదుని బావమరిది ద్వారా స్వస్థలానికి సురక్షితంగా తరలించాడు. నిందితుని అత్తమామలు ఈ సొమ్ముని సంచిలో పదిల పరచి ఇంటి పెరట గత్తం కుప్ప కింద దాచి పెట్టారు.గోపాల్‌ బెహరా గత పదేళ్లుగా ఈ కంపెనీలో పని చేస్తున్నాడు. ఈ అనుభవంతో లాకరు రహస్య నంబరు వగైరా అనుబంధ సమాచారం గుట్టుగా తెలుసుకుని భారీ మొత్తాన్ని కాజేశాడు. కాజేసిన సొమ్ముని బావమరిది ద్వారా జలేశ్వర్‌లో అత్త వారింటికి తరలించాడు. కంపెనీలో నగదు గల్లంతు విషయమై దాఖలైన ఫిర్యాదు ఆధారంగా హైదరాబాద్‌ దర్యాప్తు బృందం రాష్ట్రానికి చేరింది. స్థానిక కొమొర్దా ఠాణా పోలీసుల సహకారంతో నిందితుని అత్త వారింటికి చేరి గాలింపు, తనిఖీలు చేపట్టింది. దర్యాప్తులో ఇంటి పెరట్లో గత్తం కుప్ప కింద దోచుకున్న సొమ్ము పాతిపెట్టినట్లు గుర్తించారు. గత్తం కుప్ప తవ్వడంతో వాస్తవం తేలింది. మరో వైపు ప్రధాన నిందితుడు, అతని మామ ఉమాకాంత బెహరా పరారీలో ఉన్నాడు. అతని బావమరిది రబీంద్ర బెహరాని దర్యాప్తు బృందం అదుపులోకి తీసుకుంది. నిందితుని అత్త బాసంతి బెహరాని కూడా ప్రశ్నిస్తున్నారు. గత్తం తవ్వడంతో రూ. 15 లక్షలు మాత్రమే బయటపడినట్లు దర్యాప్తు బృందం వివరించింది. ఈ నెల 11న హైదరాబాదు వ్యవసాయ కంపెనీలో రూ. 21 లక్షల చోరీకి గురైంది. దీని ఆధారంగా దర్యాప్తు బృందం రంగంలోకి దిగింది. ఇక్కడ దొరికిన డబ్బును స్వాధీనం చేసుకున్నారు. మిగిలిన సొమ్ము కోసం గాలిస్తున్నారు. సీసీటీవీ ఫుటేజ్‌, ఫోను సంభాషణ వివరాలు ఆధారంగా దోపిడీ నుంచి తరలింపు వరకు జరిగిన ప్రక్రియ గుట్టు రట్టుకు దర్యాప్తు బృందం వ్యూహ రచన చేసింది. కేసు విచారణ, దర్యాప్తు కొనసాగుతుంది.ఇవీ చదవండి : 50లో కూడా శిల్పం లాంటి బాడీ...ఇదిగో సింపుల్‌ వర్కౌట్‌గొంతు నొప్పితో ఆసుపత్రికి : డాక్టర్‌ చెబితే ‘ఏప్రిల్‌ పూల్‌’ అనుకుంది..చివరికి!

ఆర్ట్ కలెక్టర్, దాత సోషల్‌ మీడియా సెన్సేషన్‌, రియాలిటీ టీవీ స్టార్ షాలిని పాసి 'ఫ్యాబులస్ లైవ్స్ వర్సెస్ బాలీవుడ్ వైవ్స్' సిరీస్‌తో మరింత పాపులర్‌ అయిపోయింది. ఆమె అదిరిపోయే పంచ్‌ డైలాగులు నెట్టింట తెగ చక్కర్లు కొడుతున్నాయి. అంతేకాదు 49 ఏళ్ల వయసులో ఇంత అందంగానా? శిల్పం లాంటి ఆకృతి, మెరిసే చర్మం కోసం, ఆమె ఏమి తింటుంది అనేది చర్చకు తెరతీసింది. ఈ నేపథ్యంలో ఒక ఇంటర్వ్యూలో తన ఆహార నియమాలు, సౌందర్య రహస్యాలను బహిర్గతం చేసింది. షాలిని రోజువారీ ఆహారంలో ఎటువంటి ఘనమైన ఆహారం తీసుకోదట. సెలెరీ (ఆకుకూరలు)జ్యూస్, కూరగాయలతో చేసిన జ్యూస్‌లు, నెయ్యి, మేక పెరుగు ఖచ్చితంగా తీసుకుంటానని తాగా వెల్లడించింది. ప్రధానంగాకొంచెం వింతగా అనిపించినా తాను మేక పెరుగును ఎక్కువగా తీసుకుంటానని చెప్పింది. మేక పెరుగుతో ఎముకలు ,దంతాలు బలంగా ఉంటాయని వివరించింది. డైట్‌ మాత్రమే కాదు, రోజుకు రెండు గంటల వ్యాయామం తప్పకుండా చేస్తుందట.షానిలి డైట్‌ సీక్రెట్‌, ఆమె మాటల్లో ఉదయం ఒక స్పూన్‌ నెయ్యి తీసుకుంటా.తర్వాత ఉసిరి అల్లం కలిపిన బీట్‌రూట్ రసం.డైట్‌లో హెర్బల్ లిక్విడ్‌లు, కూరగాయలజ్యూస్‌లు ఎక్కువ భాగం ఉంటాయి. రెండు గిన్నెల మొలకలను నమలడం కష్టం. అదే జ్యూస్‌ అయితే సులభంగా తాగవచ్చు. సెలెరీ జ్యూస్, రెడ్ జ్యూస్, స్ప్రౌట్ జ్యూస్, మిరియాలతో చేసే క్యాప్సికమ్ జ్యూస్‌ ఇలా చాలా ఉంటాయి.సాయంత్రం ఆహారంలో ప్రతిదీ సూప్ రూపంలో ఉంటుంది. వడకట్టకుండా, చిక్కగా ఉండే కూరగాయలను జ్యూస్‌లను తాగుతాను. ఇంకా బచ్చలికూర, బ్రోకలీ సూప్, టొమాటో, బెండ, తామర కాండం, బఠానీలు ఇలా ఏదైనా జ్యూస్‌ రూపంలోనే.సాయంత్రం 6 గంటల వరకు పచ్చి ఆహారం మాత్రమే .. రాత్రి 7 గంటలకు భోజనం. అదీ కూడా 'ఘర్ కా ఖానా (ఇంట్లో వండిన ఆహారం)'ఉండేలా చూసుకుంటా. కొల్లాజెన్‌ ఉత్పత్తిలో సహాయపడే సహజమైన వాటిని మాత్రమే తీసుకుంటాను.డిన్నర్‌లో అవకాడో, రాగి లేదా జొన్న పిండితో చేసిన దోసలు తింటానుఇక గుడికి వెళ్లని రోజుల్లో ప్రోటీన్ కోసం గుడ్డు, చేపలు లేదా చికెన్ తీసుకుంటా.సాయంత్రం 4 నుండి 6 వరకు నా వర్కౌట్ సమయం. కండరాలకు బలం చేకూర్చే పైలేట్స్ , డ్యాన్స్ చేస్తాను. ఆ సమయంలో నన్ను డిస్టర్బ్ చేయకూడదు. (ఫ్యాషన్‌తో దుమ్మురేపుతున్న షాలిని పాసి, ఒక్కో బ్యాగు ధర..!)

టాలీవుడ్‌ నటి తమన్నా భాటియా హ్యాపీ డేస్‌ మూవీతో ఎంట్రీ ఇచ్చి.. వరుస హిట్‌ సినిమాలతో మంచి సక్సెస్‌ని అందుకుంది. మిల్కీ బ్యూటీ, తన అందం, నటనతో విమర్శకుల ప్రశంసలందుకోవడమే గాక ఎన్నో విలక్షణమైన పాత్రలతో మెప్పించింది. కళ్లు తిప్పుకోలేని అందం, ఆహార్యం ఆమె సొంతం. అంతేగాదు యువ హీరోయిన్‌లకు తీసిపోని విధంగా గ్లామరస్‌గా ఉంటుంది. ఇప్పటికి అలానే చెక్కిన శిల్పంలా అందంగా ఉంటుంది. అంతలా బాడీ మెయింటైన్‌ చేసేందుకు ఆమె ఎలాంటి డైట్‌ ఫాలో అవుతుందోనని కుతూహలంగా ఉంటారు అభిమానులు. అయితే తమన్నా మాత్రం ఫిట్‌నెస్‌ అనేది రోజు బ్రెష్‌​ చేయడం మాదిరిగా శరీరానికి సంబంధించిన ఓ దినచర్య. అందుకోసం తాను ఎలాంటి డైట్‌లు ఫాలో అవ్వనని, తనకు వాటిపై నమ్మకం లేదని అంటోంది. మరీ అంతలా నాజుకైన శరీరం ఎలా మెయింటైన్‌ చేస్తుందంటే..తమన్నా నాజూకైన శరీరాకృతి పరంగా ఎన్నో ప్రశంసలందుకుంటుంది. ఫిట్‌గా ఉండేందుకు మెరిసే చర్మం కోసం ఎలాంటి ఫుడ్‌ తింటుందంటే..బ్రేక్‌ఫాస్ట్‌లో తప్పనిసరి అవి..గ్లూటెన్‌ ఫ్రీ గ్రానోలా, ఖర్జూరాలు, బాదంపాలు, అరటి పండు, గింజలు, కొన్ని బెర్రీలు ఉంటాయి. శక్తి బూస్ట్‌ కోసం తేలికపాటి అల్పాహారంతో డైట్‌ ప్రారంభిస్తుంది. ప్రోటీన్‌ కోసం గుడ్లను తింటుంది. అంతేగాదు మరింత హెల్తీగా ఉండేందుకు ఉల్లిపాయలు, టొమాటోలు, బచ్చలికూరతో చేసి ఆమ్లేట్‌లు తీసుకుంటుందట. View this post on Instagram A post shared by Tamannaah Bhatia (@tamannaahspeaks) లంచ్‌ వద్దకు వస్తే సాధారణ భోజనం, పప్పు, అన్నం, పచ్చికూరగాయలే తింటుంది. ఇలాంటి భోజనం సంతృప్తినిస్తుందని అంటోంది. షూటింగ్‌లో ఉన్న రోజుల్లో లేదా బయటకు వెళ్లే రోజుల్లో ఇడ్లీ, సాంబార్‌ లేదా రసం, దోస వంటి దక్షిణ భారత ఆహారాన్నే ఎంచుకుంటానంటోంది. డిన్నర్‌ చాలావరకు సాయంత్రం 5 నుంచి 6 గంటల్లోపు తినేలా చూసుకుంటుందట. దీంతోపాటు కొన్ని గింజలను తింటానని చెబుతోంది. View this post on Instagram A post shared by Tamannaah Bhatia (@tamannaahspeaks) అంతేగాదు తాను ఎక్కువగా సాయంత్రం సమయాల్లో జిమ్‌​ చేస్తానని అంటోంది. ఆ టైంలో తప్పనిసరిగా గుడ్లు, కూరగాయలతో కూడిన​ ప్రోటీన్‌ రిచ్‌ డిన్నర్‌కి ప్రాధాన్యత ఇస్తుందట. జిమ్‌ ఎక్కువ చేస్తే తాను తీసుకునే భోజనం క్వాంటిటీని కూడా పెంచుతానని చెబుతోంది. ఇక మెరిసే చర్మం కోసం హైడ్రేటెడ్‌గా ఉండేలా ఎక్కువ మొత్తంలో నీళ్లు తాగుతానని అంటోంది. (చదవండి: కళ ద్వారా ఆరోగ్య అక్ష్యరాస్యత..!)

వాషింగ్టన్‌: రిపబ్లికన్‌ పార్టీ నేత డొనాల్డ్‌ ట్రంప్‌ అమెరికా అధ్యక్షుడిగా ఉన్న సమయంలో రష్యా అధినేత పుతిన్‌ కోసం కోవిడ్‌–19 టెస్టింగ్‌ కిట్లు రహస్యంగా అందజేశారా? పుతిన్‌ వీటిని వ్యక్తిగతంగా వాడుకున్నారా? పదవి నుంచి దిగిపోయిన తర్వాత కూడా పుతిన్‌తో ట్రంప్‌ రహస్యంగా స్నేహ సంబంధాలు కొనసాగించారా? అవుననే చెబుతోంది ఓ పుస్తకం. వాటర్‌గేట్‌ కుంభకోణంపై వార్తలు రాసిన విలేకరి బాబ్‌ వుడ్‌వర్డ్‌ రచించిన ‘వార్‌’అనే పుస్తకంలో ఈ సంచలన విషయాలు ప్రస్తావించారు. ఈ పుస్తకం ఈ నెల 15న విడుదల కానుంది. ఇందులోని కొన్ని ముఖ్య అంశాలను అమెరికా పత్రికలు బయటపెట్టాయి. ట్రంప్‌ 2021లో అధికారం నుంచి తప్పుకున్నారు. ఆ తర్వాత ట్రంప్, పుతిన్‌ కనీసం ఆరుసార్లు ఫోన్‌లో సీక్రెట్‌గా మాట్లాడుకున్నారని ట్రంప్‌ సహాయకుడు చెప్పినట్లు పుస్తకాన్ని ఉటంకిస్తూ న్యూయార్క్‌ టైమ్స్‌ పత్రిక వెల్లడించింది. ప్రస్తుతం ఈ వ్యవహారం మొత్తం అమెరికాలో సంచలనాత్మకంగా మారింది. ఇదిలా ఉండగా, వార్‌ పుస్తకంలోని అంశాలను ట్రంప్‌ ప్రచార బృందం ఖండించింది. అదొక చెత్త పుస్తకం, అందులోని కాగితాలు టాయిలెట్‌ టిష్యూగా వాడుకోవడానికి పనికొస్తాయని ఎద్దేవా చేసింది. ట్రంప్‌ సైతం స్పందించారు. కథలు చెప్పడంతో దిట్ట అయిన బాబ్‌ వుడ్‌వర్డ్‌ చెప్పే పనికిమాలిన విషయాలు నమ్మాల్సిన అవసరం లేదని అన్నారు. అతడొక చెడ్డవ్యక్తి అని విమర్శించారు. తాజా వివాదంపై రష్యా అధ్యక్ష కార్యాలయం క్రెమ్లిన్‌ కూడా స్పందించింది. ‘వార్‌’పుస్తకంలో ప్రస్తావించిన వాటిలో ఏమాత్రం వాస్తవం లేవని, అవన్నీ అభూత కల్పనలు అని క్రెమ్లిన్‌ అధికార ప్రతినిధి దిమిత్రి పెస్కోవ్‌ తేలి్చచెప్పారు.

అమెరికా మాజీ అధ్యక్షుడు డొనాల్డ్ ట్రంప్.. గత అధ్యక్ష ఎన్నికల ఓటమిచెంది పదవి నుంచి దిగిపోయిన తర్వాత రష్యా అధ్యక్షుడు వ్లాదిమిర్ పుతిన్‌తో పలు ప్రైవేట్ ఫోన్ కాల్స్ మాట్లాడుకున్నారని వచ్చిన ఆరోపణలను బుధవారం క్రెమ్లిన్ ఖండించింది. ఇటీవల బాబ్ వుడ్‌వార్డ్ తాను రాసిన ‘వార్’ అనే పుస్తకంలో ట్రంప్‌,పుతిన్‌ రహస్య ఫోన్‌ కాల్స్‌ విషయాలను ప్రస్తావించారు. అమెరికా అధ్యక్ష ఎన్నికల నేపథ్యంలో ట్రంప్‌, పుతిన్‌ ఫోన్‌ సంభాషణ తీవ్ర సంచలనంగా మారింది. అయితే.. తాజాగా ఈ ఆరోపణలపై రష్యా స్పందించింది. మాజీ అమెరికా అధ్యక్షుడు డొనాల్డ్ ట్రంప్ పదవిలో ఉన్నప్పుడు కోవిడ్‌ మహమ్మారి తీవ్ర స్థాయిలో ఉందని క్రెమ్లిన్ప్రతినిధి డిమిత్రి పెస్కోవ్ తెలిపారు.#BREAKING : Kremlin denies calls between Trump and Putin The Russian Presidential spokesman, Dmitry Peskov, has denied information alleging that former US President Donald Trump had spoken on the phone with Russian President Vladimir Putin seven times after the former left… pic.twitter.com/8rbppPeRgD— upuknews (@upuknews1) October 9, 2024 అయితే ఆ సమయంలో తాము కోవిడ్ -19 పరీక్ష పరికరాలను అమెరికాకు పంపినట్లు ధృవీకరించారు. కానీ, ట్రంప్ అమెరికా అధ్యక్ష పదవి నుంచి దిగిపోయిన తర్వాత ఇరు నేతలు చాలాసార్లు ఫోన్‌లో మాట్లాడుకున్నారని పుస్తకంలోని వాదనను ఆయన తీవ్రంగా ఖండించారు. బాబ్ వుడ్‌వార్డ్ తన పుస్తకంలో చేసిన ఆరోపణలను ‘నిజం కాదు’ అని కొట్టిపారేశారు.బాబ్ వుడ్‌వార్డ్ తాను రాసిన ‘వార్’ అనే పుస్తకం వార​ం రోజులల్లో మార్కెట్‌లోకి విడుదల కానుంది. అయితే అంతకంటే ముందే కొన్ని అంశాలు బయటకు వచ్చాయి. 2024 ప్రారంభంలో ట్రంప్ తన ఫ్లోరిడా రిసార్ట్ మార్-ఎ-లాగోలో ఉన్నప్పుడు పుతిన్‌తో.. మాజీ అధ్యక్షుడు ట్రంప్‌ ప్రైవేట్ కాల్‌ను ఏర్పాటు చేశారు. ఇరు నేతల మధ్య ఇలాంటి ఫోన్‌ సంభాషణ కేవలం ఒక్కసారి మాత్రమే జరగలేదని ఆ పుస్తకంలో బాబ్‌ వుడ్‌వార్డ్‌ ప్రస్తావించటం చర్చనీయాంశంగా మారింది.చదవండి: హెజ్బొల్లా చితికి పోయింది: అమెరికా

నటి మసాబా గుప్తా జిహ్వచాపల్యం, తిండి పుష్టి గురించి అందరికీ తెలిసిందే! ఇంట్లో తయారు చేసే రకరకాల చిరుతిళ్లు అంటే ఆమెకు మహా మక్కువ. నోరూరించే రకరకాల తినుబండారాలకు నో చెప్పలేని బలహీనత ఆమెది. అయితే వాసికీ, రాశికీ మధ్య సమతూకాన్ని పాటించడం ఆమెకు తెలిసినంతగా మరెవరికీ తెలియదేమో అనిపిస్తుంది. డైట్‌ విషయంలో తాను 80/20 సూత్రాన్ని పాటిస్తానని చెప్పిన మసాబా గుప్తా ఇన్‌స్టాగ్రామ్‌లో కరోసెల్‌ అనే క్యాప్షన్‌ కింద తన రోజువారీ డైట్‌ గురించిన వివరాలు ఇలా పంచుకుంది. ‘‘80/20 రూల్‌ అనేది నా పాలిట బంగారం లాంటిది. ఇక్కడ 80 అనేది ప్రోటీన్లతో కూడిన బలవర్థకమైన ఆహారాన్ని సూచిస్తే, 20 నాకు నచ్చిన ఆహారాన్ని సూచిస్తుంది. (పేస్ట్రీలు, ఫ్రెంచ్‌ ఫ్రైస్, పిజ్జా బర్గర్‌లను సూచిస్తూ ఇమోజీలు పెట్టింది) వారంలో ఆరు రోజులూ నేను నా శరీరానికి ఏది అవసరమో అది ఇవ్వడానికే ప్రాధాన్యత ఇస్తాను. ఒకరోజు మాత్రం నా నాలుక ఏది కోరిందో అది తీసుకోవడానికే ప్రయత్నిస్తాను’’ అని చెప్పింది. తాను రోజువారీ తీసుకునే డైట్‌ గురించిన వివరాలు ఇలా పంచుకుంది మసాబా. ‘‘ఉదయం ఆరున్నరకు టేబుల్‌ స్పూన్‌ జీలకర్ర, టేబుల్‌ స్పూన్‌ సోంపు గింజలను బాగా నమిలి తిని గ్లాసు గోరువెచ్చటి నీళ్లు తాగుతాను. నా దృష్టిలో ఇది అమృత జలం. తొమ్మిది గంటలకు పెద్ద కప్పు నిండా ముసేలీ, బెర్రీలు. దాంతోపాటు వీలయితే అత్తిపళ్లు (రాస్‌బెర్రీ), నేరేడు పళ్లు. వర్క్‌ అవుట్స్‌ చేసిన తర్వాత పెద్ద గ్లాసు నిండా ప్రోటీన్ షేక్‌ తీసుకుంటాను. నానబెట్టిన ఐదు బాదం, ఐదు వాల్‌నట్స్‌ తీసుకుంటా. మధ్య మధ్యలో చల్లటి మజ్జిగ పిప్‌ చేస్తుంటా. ఒంటిగంటకు ఆలూ లేదా బెండకాయ ఫ్రై, చికెన్‌ కర్రీ, రైస్, స్ప్రౌట్స్‌తో చేసిన సలాడ్‌తో సంతృప్తికరమైన లంచ్‌ చేస్తాను. 5 గంటలకు చికెన్‌ లేదా చీజ్, కూరగాయలతో టాపింగ్‌ చేసిన హోల్‌ వీట్‌ లేదా మల్టిగ్రెయిన్స్‌తో చేసిన పిజ్జా.. రెండు ఉడకబెట్టిన గుడ్లు, కొద్దిగా చికెన్‌ గ్రేవీతో ఏడింటికల్లా డిన్నర్‌ ఫినిష్‌ చేస్తాను. మొత్తం మీద నా డైట్‌లో కార్బ్స్‌ కంటే ్రపోటీన్లు ఎక్కువగా ఉండేలా చూసుకుంటాను’’ అంటూ ఆమె చేసిన పోస్టింగ్‌కు చాలా లైకులు వచ్చాయి.

మన దేశ ప్రధానమంత్రి నరేంద్ర మోదీ కుర్రాడిలా చురుకుగా ఉంటారు. మంచి యాక్టివ్‌గా కనిపించే ఆయనకు 74 ఏళ్లు అంటే ఆశ్చర్యంగా అనిపిస్తుంది. సాధారణంగా ఏడు పదుల వయసులో వణుకుతూ..తడబడుతూ ఉంటారు. కానీ మన మోదీ మాత్రం పాతికేళ్ల కుర్రాడి మాదిరిగా వేగంగా కదులుతూ పనులు చేస్తారు. ఆ వయసు వారికి వచ్చే సమస్యలు అన్నీ ఇన్నీ కావు. కానీ ఆయన ఫిట్‌నెస్‌ పరంగా ఎంతో ఆరోగ్యంగా ఉంటారు. ఆరోగ్య పరంగా యువతకు ఆదర్శం ఆయన. ఇంతలా చురుగ్గా, ఆరోగ్యంగా ఉండేందుకు ఉపకరించే ఐదు ఆరోగ్య రహస్యల గురించి సవివరంగా చూద్దామా..!యోగా..యోగాతో రోజుని ప్రారంభిస్తారు మోదీ. పంచతత్త్వ యోగాసెషన్‌తో అతని రోజు త్వరగా ప్రారంభమవుతుందట. ఆయన ప్రకృతిలోని ఐదు అంశాలతో ముడిపడి ఉన్న అనేక ఆసనాలను వేస్తారు. ప్రతిరోజూ సుమారు 40 నిమిషాల పాటు సూర్య నమస్కారం, ధ్యానం, ప్రాణాయామం, యోగా నిద్ర తదితరాలు తప్పనిసరి. ఇక్కడ యోగా మనస్సుని, శరీరాన్ని సమతుల్యం చేస్తుంది, పైగా శారీరక, మానసిక ఆరోగ్యాన్ని మెరుగ్గా ఉంచడంలో ఉపకరిస్తుంది. View this post on Instagram A post shared by Narendra Modi (@narendramodi) యోగా నిద్ర లేదా సమాధి స్థితి..ప్రధానిగా ఆయనకు ఎంత బిజీ షెడ్యూల్‌ ఉంటుందో ప్రత్యేకంగా చెప్పాల్సిన పనిలేదు. అందువల్ల కంటినిండా నిద్ర అనేది కాస్త కష్టమనే చెప్పాలి. ఇది ఆరోగ్యంపై ఎంతలా ప్రభావం చూపిస్తుందో మనకు తెలిసిందే. అందుకోసం మోదీ యోగా నిద్ర లేదా సమాధి స్థితిలో గడుపుతుంటారు. ఇది నిద్రలేమితో పోరాడటానికి, శరీరానికి తగినంత విశ్రాంతి ఇవ్వడానికి ఉపకరిస్తుంది. ఇద తనకు మానసిక సామర్థ్యాన్ని పెంపొందించుకునేందుకు, శరీరాన్ని చురుకుగా ఉంచేందుకు ఉపయోగపడుతుందని పలు ఇంటర్యూలలో మోదీ చెప్పుకొచ్చారు కూడా. తప్పనిసరిగా వాకింగ్‌..ఎంత బిజీ షెడ్యూల్లో కూడా తప్పనిసరిగా వాకింగ్‌ చేస్తారు. అక్కడ ఉన్న వెసులబాటు రీత్యా సమయం తీసుకుని మరీ నడకకు ప్రాధాన్యత ఇస్తారు మోదీ. తాను ఎక్కువగా ప్రకృతిని ప్రేమిస్తానని, అక్కడ కాసేపు గడపడం తనకెంతో ఆహ్లాదాన్ని ఇస్తుందని చెబుతుంటారు. అందుకోసమైనా ఆపేదే లేదని చెబుతుంటారు. పచ్చగడ్డిపై నడుస్తూ ప్రకృతితో మమేకమవ్వడం తెలియని రిఫ్రెష్‌ని ఇస్తుందని అంటారు మోదీ.అల్పాహరం, భోజనంగా..ప్రధాని మోదీ శాకాహారి. ఆయన నవరాత్రుల తొమ్మిది రోజులు ఉపవాసాలు పాటిస్తారనే విషయం అందరికీ తెలిసిందే. ఆఖరికీ విదేశాల్లో ఉన్నా కూడా నియమం తప్పరు. అంతేగాదు కచ్చితంగా ప్రతిరోజు తొమ్మిది కల్లా అల్పాహారం తీసుకుంటానని చాలసార్లు చెప్పారు. అలాగే శరీరానికి కావాల్సిన పోషకాలు అందించేందుకు ఆయా కాలానుగుణ పండ్లను కూరగాయాలను, తృణధాన్యాలను అస్సలు మిస్‌కాకుండా చూసుకుంటానని సోషల్‌ మీడియా పలుసార్లు వెల్లడించారు. అంతేగాదు ఒకసారి ఫిట్‌ ఇండియా ఉద్యమంలోతాను ములక్కాయతో కూడిన పరాఠాను తినేందుకు ఇష్టపడతానని అన్నారు. అలాగే మిల్లెట్లు, కాయధాన్యాలు, భారతీయ మసాలాలతో చేసే గుజరాతీ వాఘరేలీ ఖిచ్డీ వంటివి ఇష్టంగా తింటానని చెప్పారు. ఆయర్వేదానికే ప్రాధాన్యత..మోదీకి ఆయుర్వేదంపై ప్రగాఢ నమ్మకం ఉంది. జలుబు, దగ్గు,లేదా కాలనుగుణ అలెర్జీలు వంటి ఏ అనారోగ్య సమస్యకైనా ఆయుర్వేదాన్నే ఆశ్రయిస్తారు. అలాగే ఆహారంలో సహజసిద్ధమైన నూనెలకే ప్రాధాన్యత ఇస్తారు. అందువల్లే తాను ఇంతలా ఆరోగ్యంగా, యాక్టివ్‌గా ఉండగలుగుతున్నానని అన్నారు. ఈ విధానాలను పాటించడం వల్లే అలసటకు ఆస్కారం లేకుండా చురుగ్గా ఉండటమే గాక దాదాపు 130 కోట్ల మంది భారతీయుల ప్రతినిధిగా సమర్థవంతంగా పనులు చేయగలుగుతున్నానని సగర్వంగా చెప్పారు మోదీ. View this post on Instagram A post shared by Narendra Modi (@narendramodi) (చదవండి: రోగి భద్రతకు కావాల్సింది భరోసా..!)

సాక్షి, చిత్తూరు జిల్లా: సత్యవేడు ఎమ్మెల్యే కోనేటి ఆదిమూలం లైంగిక దాడి కేసులో నాటకీయ పరిణామాలు చోటుచేసుకున్నాయి. బాధితురాలు వరలక్ష్మి అజ్ఞాతంలోకి వెళ్లింది. తిరుపతిలోని ప్రభుత్వ ప్రసూతి ఆస్పత్రిలో కేసు దర్యాప్తునకు అవసరమైన ఆరు రకాల పరీక్షల నిమిత్తం శాంపిల్స్‌ సేకరణ పూర్తయిన తర్వాత వరలక్ష్మి నిన్న(గురువారం) డిశ్చార్జ్ అయ్యారు. ఆసుపత్రి నుంచి డిశ్చార్జ్ అయిన తర్వాత ఇంటికి తాళం వేసుకొని, ఫోన్ స్విచ్ ఆఫ్ చేసుకుని ఆమె అజ్ఞాతంలోకి వెళ్లిపోయారు.వరలక్ష్మి జాడ కోసం పోలీసులు అన్వేషిస్తున్నారు. ఆదిమూలం-వరలక్ష్మిల మధ్య రాజీ కుదుర్చేందుకు టీడీపీ నాయకులు రహస్య మంతనాలు జరుపుతుండగా, ఈ క్రమంలోనే వరలక్ష్మి అజ్ఞాతంలోకి వెళ్లినట్లు సమాచారం. మరోవైపు, ఎమ్మెల్యే ఆదిమూలం హైకోర్టులో దాఖలు చేసిన క్యాష్ పిటిషన్ నేడు విచారణకు వచ్చే అవకాశం ఉంది.ఇదీ చదవండి: టీడీపీ ఎమ్మెల్యే ఆదిమూలం రాసలీలలుమరోవైపు, ఈ కేసులో హైడ్రామా నడుస్తోంది. మొక్కుబడిగా ఆయన్ని టీడీపీ నుంచి సస్పెండ్‌ చేయగా.. విమర్శల నేపథ్యంలో కేసు నమోదు చేశారు పోలీసులు. అయితే.. వేధింపులు వెలుగులోకి రాగానే చెన్నైలోని ఓ ఆస్పత్రిలో చేరిన ఆయన.. తాజా డిశార్జి అయ్యి ఇంటికి చేరుకున్నారు. కోర్టులో ఆయన క్వాష్‌ పిటిషన్‌ విచారణకు రానున్న నేపథ్యంలోనే ఈ పరిణామం చోటు చేసుకోవడం గమనార్హం.కాగా, బాధితురాలి ఆరోపణల మేరకు తిరుపతి భీమా ప్యారడైజ్‌లో ఎమ్మెల్యే గడిపిన 109, 105 రూములు సీజ్, సీసీ ఫుటేజ్‌ను స్వాధీనం చేసుకుని అశ్లీల వీడియోను ఫారెన్సీక్ ల్యాబ్‌కు పంపించారు. ఆరోపణలు ఎదుర్కొంటున్న వ్యక్తి ఎమ్మెల్యే కావడంతో శాసనసభ స్పీకర్ అనుమతి తీసుకొని ఎమ్మెల్యేని అదుపులోకి తీసుకొని పోలీసులు విచారించనున్నారు.

మనిషికి ఫిట్‌నెస్‌ చాలా ముఖ్యం. ఇది సినీ తారలకు మరీ ముఖ్యం. అందుకు వ్యాయామం వంటి కసరత్తులతో పాటు ఆహారపు అలవాట్లను పాటించాల్సి ఉంటుంది. కొందరు అందుబాటులో ఉన్నవి కదా అని అన్నీ తినేస్తుంటారు. దీంతో భారీ కాయంతో పాటు అనారోగ్య సమస్యలు తలెత్తుతుంటాయి. కాగా చాలా మంది కథానాయికలు వయసు పరంగా 40లో పడినా చాలా ఫిట్‌నెస్‌గా, ఆరోగ్యంగా ఉంటారు. అందులో ఒకరు అగ్రనటి నయనతార. జవాన్‌ చిత్రంలో ఇండియన్‌ స్టార్‌ హీరోయిన్‌గా మారిన ఈమె ప్రస్తుతం ఒక్కొక్క సినిమాకు రూ. 10 కోట్లు పారితోషికం డిమాండ్‌ చేస్తున్నట్లు సమాచారం. ఇప్పటికీ తరగని అందాలతో నిగ నిగలాడుతున్న ఈ భామ ఫిట్‌నెస్‌ రహస్యమేమిటో? అని చాలా మంది ఆశ్యర్యపోతుంటారు. ఆ రహస్యాన్ని నయనతారనే ఎక్స్‌ మీడియాలో పేర్కొన్నారు. అందులో డైట్‌ అంటే ఇష్టమైన వన్నీ భుజించకూడదని, తాను ఇంతకు ముందు వరకూ భావించానన్నారు. అయితే అది కరెక్ట్‌ కాదని తన వైద్యురాలి ద్వారా తెలుసుకున్నానన్నారు. ఇప్పుడు ఇప్పుడు ఆరోగ్యకరమైన, శక్తినిచ్చే మంచి పోషకాహారాలను ఇంట్లోనే తయారు చేయించుకుని, భుజిస్తున్నానని చెప్పారు. వాటిని ఆస్వాదిస్తూ తినడంతో జంక్‌ పదార్థాలపై కోరిక పుట్టడం లేదన్నారు. అలా తన ఆహారపు అలవాట్లే మారిపోయాయని పేర్కొన్నారు. మన లైఫ్‌ స్టైల్‌ బట్టే మన జీవన విధానం ఉంటుందని నయనతార అన్నారు. కాగా ప్రస్తుతం ఈ లేడీ సూపర్‌స్టార్‌ తమిళం, మలయాళం భాషల్లో నటిస్తూ చేతి నిండా చిత్రాలతో బిజీగా ఉన్నారు. మరో పక్క నిర్మాతగా, వ్యాపారవేత్తగా, వాణిజ్య ప్రకటనల్లోనూ నటిస్తూ పలు విధాలుగా సంపాదిస్తున్నారు.

దేశమంతా అత్యంత ఆసక్తిగా ఎదురు చూస్తున్న ఒడిశాలోని పూరీ శ్రీక్షేత్ర రత్న భాండాగారం రహస్య గది తెరిచేందుకు రంగం సిద్ధమైంది. ఐదు కర్ర పెట్టెల్లో దాచిన విలువైన జగన్నాథుని ఆభరణాల గది రేపే తెరుచుకోనుంది.ఈ రత్న భాండాగారంపై ఏళ్లుగా చర్చ నడుస్తోంది. గతంలో రాజులు, భక్తులు సమర్పించిన అనేక బంగారు, వజ్ర, రత్నాభరణాలు ఈ గదిలో ఉన్నాయని.. వీటి విలువ వెలకట్టలేనిదని అంచనాలున్నాయి.ఆదివారం పూరీలోని ప్రముఖ జగన్నాథ దేవాలయంలోని రత్న భాండాగారాన్ని తెరవనున్నారు. అందులోని విలువైన వస్తువులపై ఆడిట్ చేయనున్నారు. అక్కడ ఉంచిన విలువైన వస్తువులపై ఆడిట్‌ చేయనున్నారు.46 ఏళ్ల తర్వాత ఆ రహస్య గది తెరవనుండటంతో లోపల కింగ్ కోబ్రా వంటి భారీ విష సర్పాలుంటాయనే భయం నెలకొంది. ముందు జాగ్రత్తగా పాములు పట్టడంలో నిపుణులైన వారిని పిలిపించారు. ఒకవేళ విషసర్పాలు కాటేసినా.. సత్వర వైద్యం కోసం వైద్యుల్ని సిద్ధం చేశారు. అయితే.. పురాతన దేవాలయం కాబట్టి చిన్న చిన్న రంధ్రాల ద్వారా పాములు రత్న భండారంలోకి ప్రవేశించే అవకాశం ఉందని సేవకుడు హరేకృష్ణ మహాపాత్ర అంటున్నారు. జగన్నాథ్ హెరిటేజ్ కారిడార్ ప్రాజెక్టు పనులు చేస్తుండగా ఆలయ పరిసరాల్లో పాములు కనిపించిన సందర్భాన్ని ఆయన ప్రస్తావించారు కూడా.👉పూరీ జగన్నాథ ఆలయం కింది భాగంలో ఈ రత్న భాండాగారం ఉంది. ఇందులో రెండు భాగాలున్నాయి. 12వ శతాబ్దంలో రాజులు సమర్పించిన అనేక వజ్ర, రత్నాభరణాలు ఈ గదిలో ఉన్నాయి. ఆలయంలో రోజువారీ పూజలు నిర్వహించేందుకు అవసరమైన నగలు నిధి పైభాగంలో ఉంటాయి. మిగతా ఆభరణాలు ఖజానా కింది భాగంలో భద్రపరుస్తారు. 👉అయితే.. లోపలి భాగంలో వెలకట్టలేనంత అపార సంపద ఉందని భావిస్తుంటారు. అయితే.. దీని తాళాలు మాత్రం కొన్నేళ్లుగా కనిపించకుండా పోయాయి. దీంతో.. ఆ ఆభరణాలు భద్రంగా ఉన్నాయా? లేదా? అన్నదానిపై ఉత్కంఠ నెలకొంది.👉భాండాగారంలో భారీ మొత్తంలో బంగారం, వజ్రాలు, నగలు కొన్ని వస్త్రాల్లో చుట్టి చెక్కపెట్టెల్లో ఉన్నాయని ఆలయ మాజీ నిర్వాహకులు రబీంద్ర నారాయణ్‌ మిశ్రా వెల్లడించారు. 1978లో ఓసారి ఆ గదిని పరిశీలించిన బృందంలో మిశ్రా కూడా ఒకరు. ఆ సమయంలో విలువైన నగల వివరాలన్నింటిని పొందుపరిచారు. తమిళనాడు, గుజరాత్‌లకు చెందిన కంసాలీలను రప్పించినప్పటికీ.. ఆ ఆభరణాల విలువను మాత్రం లెక్కకట్టలేకపోయారు. తిరిగి 1985లో ఆ రత్న భాండాగారాన్ని తెరిచి చూసినప్పటికీ కొత్త జాబితాను మాత్రం రూపొందించలేదు.👉ఆభరణాల భద్రతపై ప్రజల్లో అనుమానాలు వ్యక్తమైన తరుణంలో దానిని తెరిచేందుకు కొన్నేళ్ల క్రితం ప్రయత్నాలు జరిగాయి. ఈ క్రమంలోనే.. హైకోర్టు ఆదేశాల మేరకు జస్టిస్‌ రఘుబీర్‌ దాస్‌ కమిషన్‌ బృందం భాండాగారం తలుపులు తెరిచేందుకు 2018 ఏప్రిల్‌ 4న పరిశీలనకు వెళ్లింది. అయితే, రహస్య గది తాళం చెవి లేకపోవడంతో లోపలకు వెళ్లలేకపోయింది. కిటికీ ద్వారా వెలుపల నుంచి పరిశీలించిన బృందం.. పైకప్పుల పెచ్చులు ఊడటం, గోడల్లో తేమ ఉండడాన్ని గమనించారు. వెంటనే మరమ్మతులు చేయకపోతే భాండాగారానికి ముప్పు ఉందని హెచ్చరించారు. ఇది జరిగిన కొన్నాళ్లకు ఆ గదికి సంబంధించిన డూప్లికేట్‌ తాళం లభ్యమైందని ప్రభుత్వం వెల్లడించింది. 👉జగన్నాథుని రత్న భాండాగారాన్ని గురించిన మొదటి అధికారిక వివరణ 1805లో అప్పటి పూరీ కలెక్టర్ చార్లెస్ గోమ్స్ నివేదికలో వచ్చింది. ఆ సమయంలో రత్న భాండాగారంలో రత్నాలు పొదిగిన బంగారు, వెండి ఆభరణాలు, 128 బంగారు నాణేలు, 24 బంగారు కడ్డీలు, 1297 వెండి నాణేలు, 106 రాగి నాణేలు, 1333 రకాల వస్త్రాలు లభించాయి. 👉కాగా, 1978లో జగన్నాథ ఆలయంలోని రత్నాల దుకాణాన్ని తెరిచినప్పుడు అక్కడ 454 బంగారు ఆభరణాలు, 293 వెండి వస్తువులు లభించాయి. 1982 – 1985 సంవత్సరాలలో రత్న భండాగారం తెరచుకుంది. కానీ అప్పటికి విషయాలు లెక్కించలేదు.👉జగన్నాథుడి సన్నిధిలో విలువైన ఆభరణాలకు సంబంధించి ఒడిశా అసెంబ్లీలోనూ చర్చ జరిగింది. 2021లో అప్పటి న్యాయశాఖ మంత్రి ప్రతాప్‌ జెనా మాట్లాడుతూ.. 1978లో రూపొందించిన జాబితా ప్రకారం, 12,831 భరీల బంగారం (ఒక భరీ సుమారు 12 గ్రాములతో సమానం), 22,153 భరీల వెండితోపాటు అత్యంత విలువైన రాళ్లతో కూడిన బంగారు ఆభరణాలు, ఇతర నగలు ఉన్నాయి. ఎంతో విలువైన రాళ్లతో కూడిన 22,153 భరీల వెండి కూడా నిపుణులు గుర్తించారు. వీటితోపాటు వెండి ఉపకరణాలు ఉన్నాయి. అయితే, పలు కారణాల వల్ల 14 బంగారు, వెండి ఆభరణాలను కొలవలేకపోయినందున వాటిని ఈ జాబితాలో పొందుపరచలేదని చెప్పారు.👉రఘుబీర్‌ కమిటీ నివేదికపై జులై 10లోగా స్పందన తెలియజేయాలంటూ ఒడిశా హైకోర్టు.. ప్రభుత్వాన్ని ఆదేశించిన నేపథ్యంలో ఈ అంశం మరోసారి తెరపైకి వచ్చింది. తాళాలు ఎలా మాయమయ్యాయని.. డూప్లికేట్‌ తాళాలతో వాటిని తెరవాల్సిందేనని విపక్ష పార్టీలు పట్టుబట్టాయి. రాజకీయం చేయొద్దని బీజేడీ కోరినా.. బీజేపీ, కాంగ్రెస్‌లు వెనక్కి తగ్గలేదు. అయితే ఈలోపే ఎన్నికలు జరిగాయి. ఒడిశాలో తొలిసారి అధికారం చేపట్టిన బీజేపీ.. ఎన్నికల హామీ మేరకు రత్న భాండాగారం తెరిపించేందుకు సిద్ధమైంది.👉ఒడిశా పూరీ జగన్నాథ క్షేత్రంలోని రత్న భాండాగారాన్ని తెరిపించి సంపద లెక్కింపు, భాండాగారం మరమ్మతులు పర్యవేక్షించేందుకు బీజేపీ ప్రభుత్వం హైకోర్టు రిటైర్డ్ జడ్జి బిశ్వనాథ్ రథ్‌ కమిటీని ఏర్పాటు చేసింది. దీంతో.. ఈ నెల 14న(ఆదివారం) రత్న భాండాగారం రహస్య గదిని తిరిగి తెరవాలని ఒడిశా ప్రభుత్వానికి ఆ కమిటీ సిఫార్సు చేసింది.👉జగన్నాథ ఆలయంలోని రత్నాల భాండాగారాన్ని తెరిచే బాధ్యతను బిశ్వనాథ్ కమిటీనే తీసుకుంది. ఆయన నేతృత్వంలోని 16 మంది సభ్యుల కమిటీకి ఈ బాధ్యతను అప్పజెప్పారు. ఈ కమిటీ జగన్నాథ ఆలయంలోని రత్న భాండాగారంలో ఉంచిన వస్తువులను లెక్కించి వాటిపై నివేదికను రూపొందిస్తుంది. సంప్రదాయ దుస్తుల్లో.. రత్న భాండాగారం తెరిచి అక్కడున్న వస్తువులను లెక్కిస్తారని తెలుస్తోంది.

వృధాప్యం అనేది సర్వసాధారణం. వయసు గడిచేకొద్ది ఎవ్వరైనా ఈ స్టేజ్‌కి రావాల్సిందే. అందుకోసం మార్కెట్లో లభించే వేల ఖరీదు చేసే కాస్మెటిక్స్‌కి డబ్బులు తగలేస్తుంటారు. పలు వర్కౌట్లని, డైట్‌లని నానాతంటాలు పడుతుంటారు. అయితే అవేమీ లేకుండానే, ఎలాంటి కష్టం లేకుండా తన తల్లి 60లలో కూడా యంగ్‌గా కనిపిస్తోందని చెబుతున్నాడు డిజిటల్‌ క్రియేటర్‌. ఆమె బ్యూటీ సీక్రెట్‌ ఏంటో కూడా షేర్‌ చేసుకున్నాడు. అదెంటో చూద్దామా..వృద్ధాప్యాన్ని ఆపడం అంత ఈజీకాదు కానీ నియంత్రించొచ్చు. అది కూడా సహజమైన వాటితోనే చెయ్యొచ్చట. వయసు రీత్యా చర్మం పలు మార్పులకు లోనవ్వుతుంది. ఆ మార్పులను నియంత్రించగలిగితే నిగనిగలాడే కాంతివంతమైన చర్మం మన సొంతం అవుతుందట. అందుకు నిద ర్శనం తన తల్లేనని డిజి టల్‌ క్రియేటర్‌ రోహిత్‌ బోస్‌ చెబుతున్నాడు. ఆమె 64 ఏళ్ల వయసులో కూడా యంగ్‌గా ఉంటుందని, అలా అని బోటాక్స్‌ ట్రీట్‌మెంట్‌, జిమ్‌ వంటి వర్కౌట్‌లు ఏమి చెయ్యదని చెబుతున్నాడు. అందుకోసం ఆరోగ్యకరమైన ఫుడ్స్‌ అంటూ ప్రత్యేకంగా ఏమి తీసుకోదని కూడా తెలిపారు. అయినా ఇంతలా ఆమె అందంగా కనిపించడానికి ఈ యాంటీ ఏజింగ్‌ ఫుడ్సేనని చెప్పుకొచ్చారు. అవేంటంటే..బొప్పాయి: విటమిన్లు ఏ, సీ, ఈ, కే పుష్కలంగా ఉంటాయి. ముఖంపై గీతలు తగ్గించడంలో సహాయపడుతుంది. అవిసె గింజలు: ఒమేగా-3 ఫ్యాటీ యాసిడ్స్‌తో నిండిన అవిసె గింజలు చర్మాన్ని ఆర్ద్రీకరణ, స్థితిస్థాపకతకు మద్దతునిస్తాయి. దీంతో చర్మం బొద్దుగా, మృదువుగా ఉంచుతాయి.గుమ్మడి గింజలు: జింక్, యాంటీ ఆక్సిడెంట్లు అధికంగా ఉన్న గుమ్మడికాయ గింజలు కణాల పునరుద్ధరణను ప్రోత్సహిస్తాయి, పైగా వృద్ధాప్యంతో పోరాడుతాయి.కొబ్బరి నీరు: ఈ సహజ హైడ్రేటర్ సైటోకినిన్‌లతో నిండి ఉంటుంది. ఇది కణాల పెరుగుదల, వృద్ధాప్యాన్ని నియంత్రించడంలో సహాయపడుతుంది. అలాగే చర్మాన్ని తాజాగా హైడ్రేట్‌గా ఉంచుతుంది.అల్లం: యాంటీ ఇన్‌ఫ్లమేటరీ లక్షణాలకు ప్రసిద్ధి చెందిన అల్లం చర్మపు రంగును సమంగా ఉంచడంలో సహాయపడటమే గాక వృద్ధాప్య సంకేతాలతో పోరాడుతుంది.పసుపు: పసుపులోని కర్కుమిన్ కొల్లాజెన్ ఉత్పత్తిని పెంచి, చర్మం ఆరోగ్యాన్ని మెరుగుపరుస్తుంది. ముఖ్యగా ముడతలు తగ్గించి,యవ్వనపు ఛాయను ప్రోత్సహిస్తుంది.వైద్యులు సైతం ఇలాంటి ఆహారాలు వృద్ధాప్య సంకేతాలను తగ్గించడంలో సహాయపడతాయని అంటున్నారు. బొప్పాయి చర్మానికి, ఆరోగ్య సంరక్షణకు ఉపయోగపడతాయని చెబుతున్నారు. ఇక అవిసెగింజలు చర్మాన్ని కోమలంగా ఉంచడంలోనూ, జీర్ణక్రియకు మంచిదని చెబుతున్నారు. ఈ ఆహారాలు స్కిన్‌ టోన్‌ని మంచిగా ఉంచినప్పటికీ వ్యాయామాలు కూడా చేస్తే ఎలాంటి ఆరోగ్య సమస్యలు రావని చెబుతున్నారు. (చదవండి: పాత జీన్స్‌ ప్యాంటులతో స్లీపింగ్‌ బ్యాగ్‌లు..ఒక్కో జీన్స్‌కి ఏకంగా..!)

టాలీవుడ్‌ రౌడీ హీరోగా పేరుగాంచిన విజయ్‌ దేవకొండ గురించి ప్రత్యేకంగా చెప్పాల్సిన పనిలేదు. చూడటానికి మంచి స్టైయిలిష్‌ లుక్‌తో కండలు తిరిగిన బాడీతో మంచి ఫిట్‌నెస్‌గా ఉంటాడు. అమ్మాయిల కలల రాకుమారుడిలా క్రేజీ లుక్‌తో ఎట్రాక్ట్‌ చేస్తుంటాడు. అర్జున్‌ రెడ్డి సినిమాతో ఓవర్‌ నైట్‌ స్టార్‌గా మారి మంచి ఫ్యాన్‌ ఫాలోయింగ్‌ తెచ్చుకున్న ఈ రౌడీ హీరో పిట్‌ నెస్‌ రహస్యం ఏంటో తెలుసుకుందామా..!వర్కౌట్లు..కండలు తిరిగిన టోన్డ్‌ ఫిజిక్‌ని మెయింటెయిన్‌ చేసేందుకు తీవ్రమైన వ్యాయామాలు చేస్తుంటారు. ముఖ్యంగా అధిక బరువులు, కార్డియో ఫంక్షన్‌లకు సంబంధించిన వ్యాయామాలు ఎక్కువగా చేస్తుంటాయడు. ప్రతిరోజు కనీసం రెండు గంటలు వర్కౌట్‌లకు కేటాయిస్తాడు. ముఖ్యంగా మనస్సు, శరీరం ప్రశాంతంగా ఉండేలా యోగా, మెడిటేషన్‌ వంటివి తప్పనిసరి. డైట్‌ ప్లాన్‌..విజయ్‌ చాలా స్ట్రిక్ట్‌ డైట్‌ ప్లాన్‌ని ఫాలో అవుతాడు. ఇందులో ప్రోటీన్లు ఎక్కువగా ఉంటాయి. పిండి పదార్థాలు, కొవ్వులు తక్కువగా ఉండే ఆహారానికే ప్రాధాన్యత ఇస్తాడు. ముఖ్యంగా జీవక్రియను చురుకుగా ఉంచేందుకు అతిగా తినకుండా ఉండేలా జాగ్రత్త పడుతుంటాడు. ముఖ్యంగా రోజంతా చిన్న చిన్నగానే భోజనం తీసుకుంటాడు. ప్రాసెస్‌ చేసిన ఆహారాలు, చక్కెర పానీయాలకు దూరంగా ఉంటాడు. హైడ్రేటెడ్‌గా ఉండటానికి పుష్కలంగా నీరు తాగుతుంటాడు.ఇక్కడ విజయ్‌ దేవరకొండలా పిట్‌గా ఉండాలంటే మంచి ఫిజిక్‌, తీవ్రమైన వర్కౌట్‌లు, స్ట్రిక్ట్‌ డైట్‌ ప్లాన్‌లు అవసరం అనేది గ్రహించాలి. అలా అని ఎలా పడితే అలా చేసేయ్యకూడదు. ఫిట్‌నెస్‌ కోచ్‌లు, ఆరోగ్య నిపుణులు పర్యవేక్షణలో సలహాలు, సూచనలతో సరైన విధంగా వర్కౌట్‌లు చేయాల్సి ఉంటుంది. అలాగే అందుకు తగ్గట్టుగా తీసుకునే డైట్‌ కూడా నిపుణుల సలహాలు మేరకు తీసుకోవాలినేది గ్రహించాలి. అందరికి ఒకలాంటి డైట్‌ప్లాన్‌లు వర్కౌట్‌లు సరిపోవు. ఇక్కడ ఆయా వ్యక్తుల ఆరోగ్య చరిత్ర, ఫేస్‌ చేసే హెల్త్‌ సమస్యలు తదితరాలను పరిగణలోనికి తీసుకుని ఎలాంటి వర్కౌట్‌ సెషన్‌లు మంచివి, ఎలాంటి ఆహారం తీసుకోవడం మంచిది అనేది చెప్పడం జరుగుతుంది. కాబట్టి వాటన్నింటిని పరిగనలోనికి తీసుకుని ఫాలో అవ్వడం మంచిది. (చదవండి: భారతదేశంలో బ్యాన్‌ చేసిన ఆహార పదార్థాలు ఇవే..!)

ప్రముఖ స్టార్‌ క్రికెటర్‌ రోహిత్ గురునాథ్ శర్మ గురించి ప్రత్యేకంగా చెప్పాల్సిన పనిలేదు. మైదానంలోకి బ్యాట్‌తో దిగడంతోనే ప్రత్యర్థులను మట్టికరిపించేలా సిక్స్‌ర్‌లతో చెలరేగిపోతాడు. విధ్వంసకర బ్యాట్సమెన్‌గా ఈ హిట్‌మ్యాన్‌కి పేరు. ఇండియన్ ప్రీమియర్ లీగ్‌లో ముంబై ఇండియన్స్ జట్టుకు ప్రాతినిధ్యం వహించి తానెంటో ప్రూవ్‌‌ చేసుకున్నాడు. అంతేగాదు రోహిత్‌ టీమిండియా జ‌ట్టు కెప్టెన్‌గా మూడు ఫార్మాట్ల‌లో ఆడి తొలి సిరీస్‌ల్లోనే ప్ర‌త్య‌ర్థి జ‌ట్టును క్లీన్ స్వీప్ చేసిన కెప్టెన్‌గా ప్రపంచ రికార్డు నెల‌కొల్పాడు. అలాంటి విధ్వంసకర బ్యాట్సమెన్‌ రోహిత్‌ ఫిట్‌నెస్‌ రహస్యం ఏంటో తెలుసుకుందామా..! క్రీడాకారులు మంచి ఆటతీరుని కనబర్చాలంటే ఫిట్‌గా ఉండాల్సిందే. మంచి ఆరోగ్యకరమైన జీవనశైలిని పాటిస్తేనే మంచి ఆట తీరుని కనబర్చగలరు. మరి ఈ దిగ్గజ ఆటగాడు రోహిత్‌ ఫిట్‌నెస్‌ సీక్రెట్‌, ఫాలో అయ్యే డైట్‌ ఏంటో సవివరంగా చూద్దామా..! డైట్‌.. రోహిత్‌ పోషకాహారంతో కూడిన ఆరోగ్యకరమైన డైట్‌ని ఫాలో అవ్వుతాడు. తన డైట్‌లో తప్పనిసరిగా కార్బోహైడ్రేట్లు, ప్రోటీన్లు, కొవ్వులు ఉంటాయి.  అల్పాహరంలో రోహిత్‌ తప్పనిసరిగా గుడ్లు, ఓట్స్‌, పండ్లను తింటాడు.  సమతుల్య ఆహారానికే ప్రాధాన్యత ఇస్తాడు.  మధ్యాహ్నాం లంచ్‌లో తప్పనిసరిగా బ్రౌన్‌ రైస్‌, చికెన్‌, కూరగాయాలు తీసుకుంటాడు.  రాత్రిపూట తప్పనిసరిగా కాల్చిన చేపలు, సలాడ్‌, ఉడికించిన కూరగాయాలు తీసుకుంటాడు వర్కౌట్‌లు.. ఫిట్‌గా ఉండేలా శరీరంలో చెడు కొలస్ట్రాల్‌ చేరకుండా  జాగ్రత్త పడతాడు. అలాగే ఇన్సులిన్‌ స్థాయిలు సమంగా ఉండేలా డైలీ శరీరానికి కావాల్సిన వర్కౌట్‌లు చేస్తుంటాడు.  ఎక్కువ సమయం తన ట్రైనర్‌తో కలిసి వ్యాయామ శాలలో గడుపుతాడు. కోర్‌ వర్కౌట్‌లపై దృష్టిపెడతాడు. ఇది కండరాల స్థాయిని మెరుగుపరుస్తుంది. బరువుని అదుపులో ఉంచుతుంది.  నిజానికి రోహిత్‌ కెరియర్‌ ప్రారంభంలో ఫిట్‌నెస్‌లో అంత ప్రావీణ్యం పొందలేదు. రానురాను ఆటను మెరుగుపరచుకునే క్రమంలో తన ఫిట్‌నెస్‌పై దృష్టిసారించడం ప్రారంభించినట్లు  ఓ ఇంటర్యూలో వెల్లడించారు.  ఇక రోహిత్‌ శాకాహార కుటుంబంలో జన్మించినప్పటికీ ఫిట్‌నెస్‌గా ఉండి మెరుగ్గా ఆడేందుకు నాన్‌వెజ్‌ తీసుకోక తప్పలేదు.  (చదవండి:  రాష్ట్రపతి ద్రౌపది ముర్ము ఫాలో అయ్యే డైట్‌ ఇదే!)

చాలా మంది వృద్ధులు సుదీర్ఘకాలం ఆరోగ్యంగా జీవించిన పలు ఘటనలను చూశాం. వాళ్లు అంతకాలం ఎలా జీవించారు. జీవితంలో ఎదురయ్యే సమస్యలను అధిగమించి మరీ అంతకాలం ఎలా జీవించారని కూడా అనుకుంటాం. అందకు రహస్యలివే అంటూ.. ప్రముఖ పారిశ్రామిక వేత్త హర్ష్‌ గోయెంకా ఓ వీడియోని షేర్‌ చేశారు. ఆయన ఎప్పటికప్పుడూ సోషల్‌ మీడియాలో యాక్టివ్‌గ్‌ ఉంటూ మంచి మంచి వీడియోలను నెటిజన్లతో పంచుకుంటుంటారు. అలానే ఈసారి ఆరోగ్యగానికి సంబంధించిన వీడియోని షేర్‌ చేశారు. ఆ వీడియోలో ఓ డాక్టర్‌ సుదీర్ఘమైన ఆరోగ్యకర జీవిత రహాస్యలను వెల్లడించారు. ఆ వీడియోలో డాక్టర్‌ నిషిత్‌ చోక్సీ అనే వ్యక్తి 90 ఏళ్లు అంతకంటే ఎక్కువ వయసు గల రోగులతో సంభాషణ ద్వారా తాను తెలుసుకున్న విషయాలను గురించి చెప్పుకొచ్చారు. దాదాపు తన పేషంట్లలో చాలామంది సుదీర్ఘమైన ఆరోగ్యకర జీవితానికి సంతోషం, సంతృప్తి ప్రాముఖ్యతల గురించి నొక్కి చెప్పినట్లు తెలిపారు. వాళ్లందరూ చెప్పిన మరో కామన్‌ పాయింట్‌ వ్యాయామం అని అన్నారు. చక్కటి వ్యాయామం దీర్ఘాయువుని నిర్ణయిస్తుందని వారంతా చెప్పినట్లు తెలిపారు.  తన పేషంట్లలో కొంతమంది వృద్ధులు కర్ర లేకుండా నడవగలరని, కొందరూ అసలు కళ్లద్దాలు ఉపయోగించకుండా పుస్తకాలు, పేపర్లు చదవగలరని చెప్పుకొచ్చారు. వారిలో చాలామంది తమ పనులను వారే స్వయంగా చేసుకుంటారు. అంతేగాదు చాలామంది మోతాదుకు మించి తిని ఆరోగ్య సమస్యలు తెచ్చుకుంటారని అన్నారు. ఓ వయసు వచ్చాక మితంగా తినాలని, అలాగే ఎక్కువ ఒత్తిడిగా ఉన్న సమయంలో మనం తీసుకునే ఆహారంలో తేడాలు ఉంటాయని కూడా చెప్పారన్నారు. "ఎందుకంటే.. ఒత్తిడిగా ఉంటే కొందరు తినరు, మరికొందరూ అతిగా తింటారు. ఇవి రెండూ కూడా ప్రమాదమే. పిడుగు వచ్చి మీద పడిపోయేంత సమస్య అయినా.. తాపీగా జరేది జరగక మానదు..నా చేతిలో ఏమిలేదు అనేది సత్యాన్ని గట్టిగా విశ్వసించాలి. అప్పుడూ ఎంతటి ఒత్తడి అయినా తట్టుకుంటారు, నిదానంగా తినేందుకు యత్నిస్తారు. అప్పుడు రక్తపోటు పెరగదు. కాబట్టి జీవితంలో సంతోషం, సంతృప్తికి ప్రాధాన్యత ఇస్తూ వీలైనంతలో వ్యాయామం చేయండి చాలు. ఈ మూడే సుదీర్ఘ కాలం ఆరోగ్యంగా జీవించడానికి కీలకమైనవని డాక్టర్‌ నిషిత్‌ అన్నారు. అందుకు సంబంధించిన వీడియోకి "సుదీర్ఘ జీవితానికి రహస్యాలు" అనే క్యాప్షన్‌ని జోడించి మరీ పోస్ట్‌ చేశారు హర్ష గోయెంకా. ఈ వీడియోని చూసిన నెటిజన్లు..ఆ వైద్యుడు చెప్పిన వాటితో ఏకీభవిస్తూ ఆరోగ్యమే అసలైన సంపద అంటూ పోస్టులు పెట్టారు. అలాగే మెదడు షార్ప్‌గా ఉండేలా పజిల్స్‌ లేదా కొత్త భాషను నేర్చుకునే ప్రయత్నాలు చేస్తుంటే కూడా ఆరోగ్యంగా ఉంటామని పోస్టుల్లో పేర్కొన్నారు.  Simple secrets to long life… pic.twitter.com/nuVzuGGR2C — Harsh Goenka (@hvgoenka) March 27, 2024 (చదవండి: అందం కోసం పాము రక్తమా? ఎక్కడో తెలుసా!)  

Facebook Secret Project: మార్క్ జుకర్‌బర్గ్ నేతృత్వంలోని ఫేస్‌బుక్‌పై సంచలన ఆరోపణలకు సంబంధిచిన పత్రాలు బయటకొచ్చాయి. స్నాప్‌చాట్, యూట్యూబ్, అమెజాన్ వంటి ప్రత్యర్థి ప్లాట్‌ఫామ్‌ల యూజర్లపై ఫేస్‌బుక్‌ స్నూపింగ్ (అనైతిక విశ్లేషణ) చేసినట్లు ఆరోపిస్తూ కాలిఫోర్నియాలోని ఫెడరల్ కోర్టు కొత్త పత్రాలను విడుదల చేసింది.  ‘టెక్‌ క్రంచ్‌’ కథనం ప్రకారం.. స్నాప్‌చాట్‌ (Snapchat) యాప్‌కి, తమ సర్వర్‌లకు మధ్య నెట్‌వర్క్‌ ట్రాఫిక్‌ను అడ్డగించడానికి, డీక్రిప్ట్ చేయడానికి ఫేస్‌బుక్‌ 2016లో 'ప్రాజెక్ట్ ఘోస్ట్‌బస్టర్స్' అనే రహస్య కార్యక్రమాన్ని ప్రారంభించింది. కోర్టు పత్రాల ప్రకారం..   యూజర్‌ బిహేవియర్‌ను అర్థం చేసుకోవడానికి, స్నాప్‌చాట్‌పై ప్రయోజనాన్ని పొందేందుకు ఫేస్‌బుక్‌ ఈ చొరవను రూపొందించింది. ఈ పత్రాల్లో రహస్య ప్రాజెక్ట్ గురించి ప్రస్తావించిన ఫేస్‌బుక్‌ అంతర్గత ఈమెయిల్‌లు కూడా ఉన్నాయి. 2016 జూన్ 9 నాటి అంతర్గత ఈమెయిల్‌లో ఫేస్‌బుక్ సీఈవో మార్క్ జుకర్‌బర్గ్ స్నాప్‌చాట్‌లో ఎన్‌క్రిప్టెడ్ ట్రాఫిక్ ఉన్నప్పటికీ దానిలో విశ్లేషణలను పొందాలని ఉద్యోగులను ఆదేశించినట్లుగా ఉంది. దీంతో నిర్దిష్ట సబ్‌డొమైన్‌ల ట్రాఫిక్‌కు అంతరాయం కలిగించడానికి 2013లో ఫేస్‌బుక్‌ ద్వారా పొందిన వర్చువల్ ప్రైవేట్ నెట్‌వర్క్‌ ‘ఒనావో’ను ఉపయోగించాలని ఫేస్‌బుక్‌ ఇంజనీర్లు ప్రతిపాదించారు. ఒక నెల తర్వాత, వారు ఐవోఎస్‌, ఆండ్రాయిడ్‌ ప్లాట్‌ఫారమ్‌లలో ఇన్‌స్టాల్ చేయగల ప్రతిపాదన కిట్‌లను అందించారు. ఈ ప్రాజెక్ట్‌ను అమెజాన్, యూట్యూబ్‌ యూజర్ల డేటా కోసం విస్తరించారు.  సీనియర్ ఎగ్జిక్యూటివ్‌ల బృందంతో పాటు దాదాపు 41 మంది న్యాయవాదులు ప్రాజెక్ట్ ఘోస్ట్‌బస్టర్స్‌లో పనిచేశారు. ఓనావోను ఉపయోగించడానికి ఫేస్‌బుక్ టీనేజర్‌లకు రహస్యంగా డబ్బు చెల్లిస్తోందని దర్యాప్తులో వెల్లడైన తర్వాత, ఫేస్‌బుక్ 2019లో ఒనావోను మూసివేసింది.

హీరోయిన్  తాప్సీ సీక్రెట్‌గా వివాహం చేసుకున్నారా? అంటే అవుననే అంటున్నాయి బాలీవుడ్‌ వర్గాలు. డెన్మార్క్‌ బ్యాడ్మింటన్  ప్లేయర్‌ మథియాస్‌ బోతో తాప్సీ రిలేషన్ షిప్‌లో ఉన్నారని కొన్నాళ్లుగా వార్తలు వస్తున్న సంగతి తెలిసిందే. మథియాస్, తాప్సీ వివాహం చేసుకున్నట్లుగా గతంలో కూడా వార్తలు వచ్చాయి. కానీ ఆ వార్తలను తాప్సీ ఖండించారు. అయితే తాజాగా మథియాస్, తాప్సీల వివాహం తెరపైకి వచ్చింది. అత్యంత సన్నిహితులు, బంధువుల సమక్షంలో మథియాస్, తాప్సీ వివాహబంధంతో ఒక్కటయ్యారని బాలీవుడ్‌ సమాచారం. వీరి పెళ్లి వేడుకలు ఈ నెల 20నే మొదలయ్యాయని, 23న వివాహం జరిగిందని టాక్‌. తాప్సీ మెయిన్  లీడ్‌గా నటించిన సినిమాలతో అసోసియేట్‌ అయిన కనికా థిల్లాన్ తో పాటు కొందరు బాలీవుడ్‌ నటీనటులు తాము ఓ పెళ్లి వేడుకలో పాల్గొంటున్నామన్నట్లుగా సోషల్‌ మీడియాలో హింట్‌ ఇచ్చారు. దీంతో వీరు హాజరైంది తాప్సీ వివాహానికే అనే ప్రచారం జరుగుతోంది. మరి.. తాప్సీ, మథియాస్‌ పెళ్లి జరిగిందా అనే విషయంపై ఆ ఇద్దరే క్లారిటీ ఇవ్వాలి.

సినిమాలు పాత కథలను తవ్వి పోస్తున్నాయి. చరిత్ర గతిని వెండి తెర మీద పునఃసృష్టిస్తున్నాయి. స్వాతంత్య్ర పోరాటంలో ఎన్నో ఘట్టాలు. ఎందరో త్యాగమూర్తులు. కాని పురుషుల బయోపిక్‌లు వచ్చినట్టుగా స్త్రీలవి రాలేదు. తాజాగా విడుదలైన ‘అయ్‌ వతన్‌ మేరే వతన్‌’ సినిమా నాటి వీర వనిత ఉషా మెహతా జీవితాన్ని చూపింది. బ్రిటిష్‌కు వ్యతిరేకంగా సీక్రెట్‌ రేడియో నడిపిన ఉషా మెహతా ఎవరు? ‘దిసీజ్‌ కాంగ్రెస్‌ రేడియో కాలింగ్‌ ఆన్‌ 42.34 మీటర్స్‌ సమ్‌వేర్‌ ఇన్‌ ఇండియా’... ఈ అనౌన్స్‌మెంట్‌ బ్రిటిష్‌ వారిని గడగడలాడించింది. మునికాళ్ల మీద పరిగెత్తిచ్చింది. ఒక బుల్లి రహస్య రేడియో స్టేషన్‌ని, దాని నిర్వాహకులను అరెస్ట్‌ చేయడానికి పిచ్చెక్కినట్టు తిరిగేలా చేసింది. మూడు నెలల పాటు బ్రిటిష్‌వారిని ముప్పుతిప్పలు పెట్టిన ఆ రేడియో నిర్వాహకురాలి పేరు ఉషా మెహతా. గాంధీ పిలుపు విని... ఉషా మెహతా గుజరాత్‌లోని సూరత్‌ సమీపంలో ఉన్న సారస్‌ అనే ఊళ్లో 1920లో జన్మించింది. ఐదేళ్ల వయసులో గాంధీజీని అహ్మదాబాద్‌లో చూసింది. 8 ఏళ్ల వయసులో వాళ్ల ఊరి దగ్గర గాంధీజీ చరఖా కార్యక్రమం నిర్వహిస్తే ఉషా పాల్గొని కొద్దిసేపు చరఖా తిప్పింది. బాల్యంలోనే గాంధీజీ మీద గొప్ప భక్తి పెంచుకున్న ఉషా 12 ఏళ్ల వయసులో తండ్రి వృత్తిరీత్యా బొంబాయికి మారడంతో తన దేశభక్తిని చాటుకునే అవకాశం పొందింది. డూ ఆర్‌ డై 1942 ఆగస్టు 8న బొంబాయిలో గాంధీజీ క్విట్‌ ఇండియా పిలుపునిచ్చారు. ‘డూ ఆర్‌ డై’ లేదా ‘కరో యా మరో’ నినాదాలు మిన్నంటాయి. ‘ఇక భారత ప్రజలు నాయకుల కోసం ఎదురు చూడొద్దు. ప్రజలే నాయకులు’ అని గాంధీజీ పిలుపునిచ్చారు. 22 ఏళ్ల ఉషా మెహతా తన స్నేహితులైన విఠల్‌ దాస్‌ ఖాకడ్, చంద్రకాంత్‌ ఝావేరీ, బాబూభాయ్‌ ఠక్కర్‌లతో కలిసి ఆ మీటింగ్‌కు వెళ్లింది. ఉత్తేజితురాలైంది. అప్పటికే స్వతంత్రోద్యమ వార్తల మీద బ్రిటిష్‌ ప్రభుత్వం నిషేధం విధించింది. ఉద్యమం ఉధృతం కావాలంటే రేడియో మాధ్యమం ద్వారా వార్తలు అందించాల్సిన అవసరం ఉందని ఉషా మెహతా తన స్నేహితులతో చెప్పింది. దేశం కోసం ఏ త్యాగానికైనా సిద్ధపడాలని పిలుపునిచ్చింది. రహస్య కాంగ్రెస్‌ రేడియో బ్రిటిష్‌ ప్రభుత్వంలో జడ్జిగా పని చేస్తున్న తండ్రి నివారించినా వినకుండా ఇంటి నుంచి వెళ్లిపోయిన ఉషా  బొంబాయిలో షికాగో రేడియో ట్రాన్స్‌మిషన్‌ను చూస్తున్న మరో మిత్రుడు మోత్వాని సహాయంతో సొంత ట్రాన్స్‌మిటర్‌ను సంపాదించింది. మిత్రులతో ఒక ఫ్లాట్‌ అద్దెకు తీసుకుని రేడియో స్టేషన్‌గా మలిచింది. ఆగస్టు 27, 1942న మొదటి చరిత్రాత్మక ప్రసారాన్ని సొంత గొంతుతో చేసింది. ‘దిసీజ్‌ కాంగ్రెస్‌ రేడియో 42.34 మీటర్స్‌ సమ్‌వేర్‌ ఇన్‌ ఇండియా’... అంటూ  స్వాతంత్రోద్యమ వార్తలు వినిపించింది. ఆ క్షణం నుంచి ఆ రహస్య రేడియో కోసం బ్రిటిష్‌ అధికారులు, పోలీసులు కంటి మీద కునుకు లేకుండా వెతకసాగారు. ప్రసారాలు బొంబాయి నుంచే నిర్వహిస్తున్నా దేశంలో ఎక్కడి నుంచి అవుతున్నాయో తెలియక గింజుకున్నారు. మూడు నెలలు రహస్య రేడియో ప్రసారాలు మూడు నెలలు సాగాయి. కాని పరికరాలు సమకూర్చిన మోత్వాని లొంగిపోయి రేడియో స్టేషన్‌ చిరునామా చెప్పేశాడు. నవంబర్‌ 12, 1942న పోలీసులు దాడి చేసి ఉషా మెహతాను అరెస్ట్‌ చేశారు. ఆరు నెలల పాటు ఆమెను ఇంటరాగేట్‌ చేశారు. 4 ఏళ్ల జైలు శిక్ష పడింది. ఉషా ఏ మాత్రం జంకలేదు. 1946 నాటి మధ్యంతర ప్రభుత్వ హయాంలో మురార్జీ దేశాయ్‌ హోమ్‌ మినస్టర్‌గా ఉండగా ఆమె విడుదల జరిగింది. కాని జైలు జీవితం ఆమె ఆరోగ్యాన్ని బాగా దెబ్బ తీసింది. బయటకు వచ్చాక ఆమె చదువు కొనసాగించి ముంబై యూనివర్సిటీలో ప్రొఫెసర్‌గా పనిచేసి 1980లో రిటైర్‌ అయ్యింది. గాంధీజీ భావజాలాన్ని ప్రచారం చేస్తూ 2000 సంవత్సరంలో తుది శ్వాస విడిచింది. ఉషా మెహతా జీవితం ఆధారంగా నిర్మించిన బయోపిక్‌ ‘అయ్‌ వతన్‌ మేరే వతన్‌’ అమేజాన్‌లో మార్చి 21న విడుదలైంది.     

ఓ వృద్ధుడు 40 ఏళ్ల వ్యక్తిలా దేహ ధారుడ్యంతో పూర్తి స్థాయి ఆరోగ్యంతో ఉన్నారు. అతడి శరీరాకృతిని చూసి శాస్త్రవేత్తలే ఆశ్చర్యపోయారు. ఇంత అద్భుతమైన ఫిట్‌నెస్‌కి గల కారణాలేంటని అధ్యయనం చేసే పనిలో పడ్డారు పరిశోధకులు. ఐరిష్‌కి చెందిన 93 ఏళ్ల రిచర్డ్ మెర్గాన్‌ అనే వ్యక్తి చూడటాని 40 ఏళ్ల వ్యక్తిలా చురుగ్గా ఉన్నాడు. పైగా 70 ఏళ్ల వయసులో రోయింగ్‌(పడవ రేస్‌)ను ప్రారంభించినప్పటికీ నాలుగుసార్లు చాంపియన్‌గా నిలిచి ఆశ్చర్యపరిచాడు. అతడిని చూస్తే యువకుడి మాదిరిగా మంచి శరీరాకృతితో ఉంటాడు. శాస్త్రవేత్తలు సైతం అతడి హృదయ స్పందన రేటుని చూసి ఆశ్చర్యపోతున్నారు. మోర్గాన్‌  ఫిట్‌నెస్‌ ప్రయాణం, ఆరోగ్యకరమైన వృద్ధాప్యంపై పరిశోధకులు అధ్యయనం చేయడంతో ఒక్కసారిగా అతను వార్తల్లో నిలిచాడు. అంతేగాదు అతని శరీరంలోని 80% కండర ద్రవ్యరాశి, గుండె పనితీరుని ఆశ్చర్యపోతున్నారు. అచ్చం 40 ఏళ్ల వ్యక్తిని పోలి ఉందని చెప్పారు. అతను మనందరికీ ప్రేరణ అని చెబుతున్నారు. అతని జీవన శైలి, ఆహార పద్ధతులు, చేసే వ్యాయమాలు తదితరాలను పరిశీలించింది పరిశోధకుల బృందం. అంతేగాదు అతడి శారీరక పనితీరు, పోషకాహారం తీసుకోవడం తదితరాలను బయో ఎలక్ట్రిక్‌ ఇంపెడెన్స్‌ ద్వారా అంచనా వేసింది. ఇక అతను ఆక్సిజన్‌ తీసుకోవడం, కార్బన్‌ డయాక్సైడ్‌ వదలడం, హృదయ స్పందన రేటు, తదితర వాటిని రోయింగ్‌ ఎర్గోమీటర్‌తో కొలిచారు. అందుకు సంబంధించిన అధ్యయనం గురించి గత నెలలో జర్నల్‌ ఆఫ్‌ అప్లైడ్‌ ఫిజియాలజీలో ప్రచురితమయ్యింది. ఇక మోర్గాన్‌ తాను 73 ఏళ్ల వయసులో వ్యాయామం ప్రారంభించానని, ఆ తర్వాత రోయింగ్ క్రీడలో పాల్గొనేందుకు ఆసక్తి కనబర్చానని చెప్పుకొచ్చారు. తనకు వ్యాయామం చేయడంలో ఆనందం ఉందని తెలిశాక ఇక ఆపలేదని, అదే ఈ రోయింగ్‌ క్రీడో పాల్గొనేలా చేసిందని చెప్పారు మోర్గాన్‌. వ్యాయామం మంచి ఫిట్‌నెస్‌గా ఉండేలా చేయడమే గాక సర్వసాధారణంగా వయసు రీత్యా వచ్చే శరీరంలోని వృద్ధాప్య ప్రభావాలను అరికడుతుందని మోర్గాన్‌పై జరిపిన పరిశోధనలో తేలిందని చెబుతున్నారు పరిశోధకులు. ఇక అతను మంచి ఫిట్‌నెస్‌లో.. వ్యాయామం స్కిప్‌ చేయకపోవడం, బరువుకి సంబంధించిన వ్యాయామాలు, ప్రోటీన్‌ ఆహారం తదితరాలు తన రోజూ వారీ జీవశైలిలో ఉండే ప్రాథమిక మూల స్థంభాలని చెప్పారు పరిశోధకులు. ఇంకేందుకు ఆలస్యం వయసుతో సంబంధం లేకుండా చక్కగా మంచి వ్యాయామాలు చేసి ఆరోగ్యంగా ఉండటమే గాక వృధాప్య ప్రభావం పడకుండా చూసుకోండి.  (చదవండి: ఏక్‌ 'మసాలా చాయ్‌'తో భారత్‌ డెవలప్‌మెంట్‌ని ఫ్రాన్స్‌ అధ్యక్షుడికి చూపించిన ప్రధాని మోదీ!)

చాట్‌ జీపీటీ సృష్టికర్త శామ్‌ ఆల్ట్‌మన్‌ తొలగింపు వ్యవహారం టెక్‌ ప్రపంచంలో అలజడి సృష్టించింది. ఈ ఉదంతం మార్క్ జుకర్‌బర్గ్, డ్రూ హ్యూస్టన్‌లతో సహా 100 మందికి పైగా సిలికాన్ వ్యాలీ సీఈవోలు ఉన్న ప్రైవేటు వాట్సాప్‌ చాట్‌ గ్రూప్‌లో హల్‌చల్‌ చేసింది. దీనికి సంబంధించిన వాట్సాప్‌ చాట్‌ తాజాగా వెలుగులోకి వచ్చింది.  ఓపెన్‌ఏఐ సీఈఓ పదవి నుంచి శామ్‌ ఆల్ట్‌మన్‌ను ఆ పదవి నుంచి తొలగించింది. ఆ తర్వాత జరిగిన వరుస పరిణామాలతో ఆల్ట్‌మన్‌ను తిరిగి వెనక్కి తీసుకున్నారు ఆ సంస్థ బోర్డ్‌ సభ్యులు. అయితే ఆల్ట్‌మన్‌ అనూహ్య తొలగింపు ఉదంతం.. మెటా సీఈవో మార్క్ జుకర్‌బర్గ్, డ్రాప్‌బాక్స్ సీఈవో డ్రూ హ్యూస్టన్‌తో సహా యూఎస్‌లోని పలు అతిపెద్ద టెక్నాలజీ కంపెనీల సీఈవోలను దిగ్భ్రాంతికి గురిచేసింది.  న్యూయార్క్ టైమ్స్‌లో వచ్చిన ఓ కథనం ప్రకారం.. నవంబర్ 17న ఆల్ట్‌మన్‌ను ఓపెన్‌ఏఐ తొలగించినట్లు వార్తలు వెలువడినప్పుడు, సిలికాన్ వ్యాలీ కంపెనీలకు చెందిన 100 మందికి పైగా చీఫ్ ఎగ్జిక్యూటివ్‌లతో కూడిన ఈ ప్రైవేట్ వాట్సాప్ గ్రూప్‌లో ఒక సందేశం వచ్చింది. ఇంతకీ ఏంటది? సీఈవోల వాట్సాప్‌ గ్రూప్‌లో ఆ రోజు "శామ్ అవుట్" అని ఓ సందేశం వచ్చింది. దీనిపై గ్రూప్‌ సభ్యులు వెంటనే స్పందించారు. శామ్ ఏమి చేశాడు.. అంటూ రకరకాల ప్రశ్నలు వచ్చాయి. ఉన్నంటుండి తొలగించడానికి శామ్‌ ఆల్ట్‌మన్‌ చేసిన తప్పేంటి అనేదానికిపై అనేక ఊహాగానాలు బయలుదేరాయి.  సత్య నాదెళ్లకు అర్జెంట్‌ కాల్‌! ఓపెన్‌ఏఐ సంస్థకు అతిపెద్ద పెట్టుబడిదారైన మైక్రోసాఫ్ట్‌లో కూడా దీనిపై అలజడి చలరేగింది. మైక్రోసాఫ్ట్ చీఫ్ టెక్నాలజీ ఆఫీసర్ కెవిన్ స్కాట్‌కి ఓపెన్‌ఏఐ చీఫ్ టెక్నాలజీ ఆఫీసర్ మీరా మురాటి నుంచి కాల్ వచ్చినట్లు వాట్సాప్‌ చాట్‌లో ఉంది. ఆల్ట్‌మన్‌ను తొలగించినట్లు ఓపెన్‌ఏఐ బోర్డు ప్రకటించబోతోందని, తానే తాత్కాలిక చీఫ్‌గా ఉండనున్నట్లు ఆ కాల్‌లో ఆమె స్కాట్‌తో చెప్పినట్లు సందేశంలో పేర్కొన్నారు. దీంతో స్కాట్‌ వెంటనే మైక్రోసాఫ్ట్ సీఈఓ సత్య నాదెళ్లకు అర్జెంట్‌ కాల్‌ చేశారట. ఆ సమయంలో ఆయన  రెడ్‌మండ్‌లోని మైక్రోసాఫ్ట్ హెడ్‌క్వార్టర్స్‌లో టాప్ ఎగ్జిక్యూటివ్‌లతో సమావేశంలో ఉన్నారు.  ఈ ఉదంతం గురించి తెలుసుకుని ఆశ్చర్యపోయిన సత్య నాదెళ్ల తక్షణమే ఓపెన్‌ఏఐ సీటీవో మీరా మురాటికి ఫోన్‌ చేసి బోర్డు నిర్ణయం వెనుక ఉన్న కారణాన్ని ఆరా తీసినట్లు వాట్సాప్‌ సందేశాల ద్వారా తెలుస్తోంది.  అయితే ఆమె నుంచి సమాధానం లేదు. దీంతో ఆయన ఓపెన్‌ఏఐ ప్రధాన స్వతంత్ర డైరెక్టర్ డీఏంజెలోకి కాల్‌ చేసి ఏం జరిగిందని అడిగినా కారణం తెలియరాలేదు. అయితే తమతో ఆల్ట్‌మన్‌ సమన్వయం సక్రమంగా లేదని మాత్రమే బోర్డు చెప్పినట్లు వాట్సాప్‌ సందేశాల సారాంశం.

కమలహాసన్‌ కూతురిగా సినీ ఇండస్ట్రీలోకి అడుగుపెట్టి అనాతి కాలంతో మంచి హిరోయిన్‌గా గుర్తింపు తెచ్చుకుంది. తనదైన నటనతో ప్రేక్షకులను మెప్పించి నూటికి నూరు మార్కులు కొట్టేసింది. ఉత్తమ నటి, సైమా వంటి ప్రతిష్టాత్మక అవార్డులను తన ఖాతాలో వేసుకుంది. చక్కటి ముఖ సౌందర్యంతో చూడచక్కని రూపంలో ఉండే శృతి తన గ్లామర్‌ కాపాడుకోవడానికి ప్రత్యేక శ్రద్ధ తీసుకుంటుందట. ఎక్కువగా సహజసిద్ధమైన నూనెలనే వాడతానని చెబుతోంది. తన మృదువైన చర్మం కోసం ఏం చేస్తుందో వెల్లడించింది కూడా. ఇంతకీ ఆమె అందమైన చర్మం వెనుక దాగున్న రహస్యం ఏంటంటే..అలోవెరా.. బంగాళదుంప.. ఈ రెండే నా బ్యూటీ సీక్రెట్స్‌! మృదువైన చర్మం కోసం వీలైనప్పుడల్లా అలోవెరా జెల్‌తో ఫేస్‌ మాస్క్‌ వేసుకుంటాను. ట్యాన్‌ లైన్స్‌ పోగొట్టుకోవడానికి బంగాళదుంప జ్యూస్‌ని మొహానికి అప్లయ్‌ చేసి.. అది మొత్తం ఆరిపోయాక చన్నీళ్లతో కడిగేసుకుంటే.. ట్యాన్‌ అంతా పోయి ఈవెన్‌ టోన్‌ వచ్చేస్తుంది.  (చదవండి: చర్మం ఆరోగ్యంగా కాంతివంతంగా కనిపించాలంటే..ఇలా చేయండి!)  

అమెరికా ఆంక్షల నేపథ్యంలో చైనాకు చెందిన టెక్నాలజీ కంపెనీ హువాయి టెక్నాలజీస్‌ ( Huawei Technologies ) చైనా అంతటా రహస్యంగా సెమీకండక్టర్ తయారీ కేంద్రాలను నిర్మిస్తున్నట్లుగా వాషింగ్టన్ కేంద్రంగా ఉన్న సెమీకండక్టర్ అసోసియేషన్ హెచ్చరించినట్లు బ్లూమ్‌బెర్గ్ న్యూస్ తాజాగా నివేదించింది. ఈ చైనీస్ టెక్ దిగ్గజం ఏడాది క్రితమే చిప్‌ల ఉత్పత్తి చేపట్టిందని, ఇందు కోసం ఆ దేశ ప్రభుత్వం నుంచి 30 బిలియన్‌ డాలర్ల నిధులను సైతం పొందిందని సెమీకండక్టర్ ఇండస్ట్రీ అసోసియేషన్ చెబుతోంది. దేశంలో ఇప్పటికే రెండు ప్లాంట్‌లను ఏర్పాటు చేసిన హువాయి మరో మూడు ప్లాంట్లను నిర్మిస్తోందని అనుమానం వ్యక్తం చేసింది. భద్రతాపరమైన సమస్యల కారణంగా 2019లో యూఎస్‌ వాణిజ్య విభాగం తమ ఎగుమతి నియంత్రణ జాబితాలో హువాయి కంపెనీని చేర్చింది. సెమీకండక్టర్ ఇండస్ట్రీ అసోసియేషన్ చెప్పినట్లుగా ఇతర కంపెనీల పేర్లతో హువాయి తయారీ కేంద్రాలను నిర్మిస్తుంటే యూఎస్‌ ఆంక్షలను అధిగమించి అమెరికన్ చిప్ తయారీ పరికరాలను పరోక్షంగా కొనుగోలు చేస్తుండవచ్చని బ్లూమ్‌బెర్గ్ రిపోర్ట్‌ పేర్కొంది. యూఎస్‌లో హువాయి కంపెనీని ట్రేడ్ బ్లాక్‌లిస్ట్‌లో చేర్చారు. దీంతో ఆ కంపెనీకి ఇక్కడి కంపెనీలు విడిభాగాలు, సాంకేతికతను అందించేందుకు వీలు లేదు. సెమీకండక్టర్ చిప్‌లను తయారు చేయకుండా హువాయి కంపెనీ కట్టడి చేసేందుకు యూఎస్‌ అధికారులు నియంత్రణలను కఠినతరం చేస్తున్నారు. ఇదీ చదవండి: సంపదకు సరికొత్త నిర్వచనం.. వారెన్ బఫెట్! ఆస్తుల్లో కొత్త మైలురాయి..

దక్షిణాది అగ్రకథనాయికగా ఇప్పటికీ చెలమణి అవుతున్న మళయాళి కుట్టి నయనతార. ఆమె తెలుగు, తమిళ, కన్నడ అగ్రకథనాయకుల సరసన నటించి మంచి గుర్తింపు తెచ్చుకుంది. తన అందంతో కుర్రాళ్ల కలల రాణిగా మంచి క్రేజీ స్టార్‌గా వెలుగొందుతోంది. అందంలోనూ, అభినయంలోనూ తనకు తానే సాటి అని పేరుతెచ్చుకుంది. ఆమె డైరెక్టర్‌ విఘ్నేశ్‌ని ప్రేమించి పెళ్లి చేసుకుంది. పైగా ఇద్దరు పిల్లలు(సరోగసి విధానం) తల్లి కూడా. నాలుగు పదుల వయసుకు దగ్గరవ్వుతున్న ఏమాత్రం వన్నెతరగని అందంతో అందర్నీ ఆశ్చర్యపరుస్తుంది. ఆమె ఇప్పటికీ అందంగా ఉండటం వెనుక దాగున్న రహస్యం ఏంటీ?..ఆమె ఎలాంటి జాగ్రత్తలు తీసుకుంటారో ఇప్పుడూ చూద్దాం. ఆమె ఎక్కువగా ఆయుర్వేదిక్‌ బ్యూటీ ప్రొడక్ట్స్‌నే ప్రిఫర్‌ చేస్తుందట. బాడీ డ్రీహైడ్రేట్‌ అవ్వకుండా ఉండేందుకు ఎక్కువగా మచినీళ్లు తాగుతుందట. అలాగే బయటకు వెళ్లితే కంప్లసరి సన్‌స్క్రీన్‌ లోషన్‌ రాసుకుంటుందట. అస్సలు అది లేకుండా గడప కూడా దాటనని చెబుతున్నారు నయన్‌. అంతేకాదు మాయిశ్చరైజర్‌ని తప్పనిసరిగా వాడతారు.  అది ఆమె చర్మాన్ని అందంగా మృదువుగా ఉండేలా చేస్తుంది. ఆమె ఎప్పుడూ విటమిన్ సీ ఎక్కువగా ఉండే..  పండ్లు, పండ్ల రసాలు ప్రతిరోజూ మర్చిపోకుండా తీసుకుంటుందట. వాటి వల్ల.. ఆమె చర్మం మృదువుగా , అందంగా మెరిసేలా చేయడంలో సహాయం చేస్తుందని చెబుతోంది నయన తార.  (చదవం‍డి: కీర్తీ సురేష్‌ బ్యూటీ సీక్రెట్‌ ఇదే..!)

ఒక యువతికి తమ ఇంటి కింది భాగంలో ఒక రహస్య గది కనిపించింది. వెంటనే ఈ విషయాన్ని ఆమె తన స్నేహితులకు, అధ్యాపకులకు తెలిపింది. దీంతో వీరంతా ఆ గదిలోనికి వెళ్లి, లోపల ఏముందో చూసే ప్రయత్నం చేశారు. ఆ గది 1800 శతాబ్దం నాటిదని గుర్తించారు. ఈ ఉదంతం బ్రిటన్‌లోని నాటింగ్‌హామ్‌లో చోటుచేసుకుంది.  ది సన్‌ రిపోర్టును అనుసరించి ఈ నేలమాళిగ 200 ఏళ్ల క్రితం నాటిది. అమ్మాయిలంతా దానిలోనికి వెళ్లి చూడగా వారికి అక్కడ ఒక ఫ్లోర్‌ కనిపించింది. అక్కడ నాలుగు మూలలా బెంచీలు కనిపించాయి. అలాగే పలు అల్మరాలు కూడా ఉన్నాయి. అది వారికి ఒక స్టోర్‌ రూమ్‌ మాదిరిగా కనిపించింది. ఆ యువతి కుటుంబం ఈ ఇంటిలోకి షిష్ట్‌ అయ్యే సమయంలో వారికి ఈ సంగతి తెలియదు. నాటింగ్‌హామ్ ట్రెంట్ యూనివర్శిటీ జర్నలిజం విద్యార్థి స్టెఫానీ బెన్నెట్.. కొద్దిపాటి భయాందోళనల వాతావరణం మధ్య తన ఈ నూతన ఆవిష్కరణ ఎలా జరిగిందో మీడియాకు తెలియజేసింది.. ‘అదేమీ పెద్ద గది కాదు. 6 అడుగుల పొడవు, 4 అడుగుల వెడల్పు కలిగివుంది. ఈ ఆవిష్కరణ ఎంతో ఆసక్తికరంగా సాగింది. లోపల ఏముందో చూడాలనే ఆసక్తితో తామంతా ఒకేసారి ఆ గదిలోనికి ప్రవేశించాం. అయితే ఆ గదిని ఎందుకు వినియోగించేవారో కనుగొనలేకపోయాం’ అని పేర్కొంది.   ఈ యువతుల బృందం ఈ విషయాన్ని స్థానిక పురాతత్వ శాస్త్రవేత్తలకు తెలియజేసింది. వారు వెంటనే గుహను సందర్శించారు. అది రెండు శతాబ్ధాల క్రితం నిర్మితమయినదని తెలిపారు.  నాటింగ్‌హామ్ సిటీ కౌన్సిల్ యాక్టింగ్ ఆర్కియాలజిస్ట్ స్కాట్ లోమాక్స్ మాట్లాడుతూ ఆ గుహ ఒక నేలమాళిగ అని తెలిపారు. దానిపైన భవనం నిర్మితమవడాన్ని గమనిస్తే అది 19వ శతాబ్దం నాటిదిగా తెలుస్తున్నదన్నారు. ఈ నేలమాళిక అనేక పురాతన విశేషాలను తెలియజేస్తుందన్నారు.  ఇది కూడా చదవండి: ‘ఆరోపణలతో పెరుగుతున్న ఆదరణ’.. ట్రంప్‌ మరో వింత వ్యాఖ్యానం!

సినిమాల తోపాటు సోషల్‌ మీడియాలోనూ యాక్టివ్‌గా ఉండే హిరోయిన్‌లో ఒకరు అనుపమ పరేమశ్వరన్‌. ప్రస్తుతం అనుపమ డీజే టిల్లు స్క్వేర్ సినిమాతో పాటు సైరన్‌ (తమిళ్‌) సినిమా తోపాటు ఒక మలయాళ మూవీలో నటిస్తూ బిజీగా ఉంది. తన కర్లీ హెయిర్‌తో కుర్రకారుకి కునుకు లేకుండా చేసే ఈ మలయాళం భామ తన అందమైన శిరోజాల వెనుక దాగి ఉన్న బ్యూటీ సీక్రేట్‌ని షేర్‌ చేసుకుంది.  ఈ మేరకు అనుమ మాట్లాడుతూ..ఉంగరాల జుట్టును మేనేజ్‌ చేయడం చాలా కష్టం కదా.. మరి మీరెలా మేనేజ్‌ చేస్తుంటారు అని చాలామంది అడుగుతుంటారు నన్ను! నిజమే కర్లీ హెయిర్‌ని మేనేజ్‌ చేయడం కష్టమే కానీ అసాధ్యమైతే కాదు. సల్ఫేట్‌ ఫ్రీ షాంపూ వాడతాను. వీలైనప్పుడల్లా స్వచ్ఛమైన కొబ్బరి నూనెతో తలను మసాజ్‌ చేసుకుంటాను. గ్లోయింగ్‌ స్కిన్‌ విషయానికి వస్తే.. రెండు టేబుల్‌ స్పూన్ల కాఫీ పొడిలో రెండు టేబుల్‌ స్పూన్ల తేనె వేసి బాగా కలిపి ముఖానికి అప్లయ్‌ చేసి.. సున్నితంగా మసాజ్‌ చేసుకుంటాను. అలా ఒక పదిహేను నిమిషాలు ఉంచేసి.. ముఖం కడుక్కుంటాను.’ – అనుపమ పరమేశ్వరన్‌ (చదవండి: ఏజెంట్‌ బ్యూటీ ధరించిన డ్రస్‌ ధర వింటే షాక్‌ అవ్వాల్సిందే!)

బాలీవుడ్ భామ కృతి సనన్ బీటౌన్‌లో పరిచయం అక్కర్లేని పేరు.  దిల్లీకి చెందిన ముద్దుగుమ్మ ఆదిపురుష్ సినిమాతో టాలీవుడ్ ప్రేక్షకులకు దగ్గరైంది. బాలీవుడ్ డైరెక్టర్ తెరకెక్కించిన ఆదిపురుష్  జూన్ 16 రిలీజ్‌ కాగా.. బాక్సాఫీస్ వద్ద బోల్తా కొట్టింది. దీంతో ఈ భామకు నిరాశే ఎదురైంది. అంతకుముందే మహేశ్ బాబు సరసన నేనొక్కడినే చిత్రంలో నటించింది. అంతే కాకుండా ఈ ఏడాది అల వైకుంఠపురములో రీమేక్‌గా వచ్చిన షెహజాదా చిత్రంలో కార్తీక్ ఆర్యన్ సరసన కనిపించింది. ప్రస్తుతం బాలీవుడ్‌లో ఘనపత్‌ పార్ట్-1లో నటించనుంది.  (ఇది చదవండి: 'మేడ్‌ ఇన్‌ హెవెన్‌ 2' ఓటీటీ డేట్‌ వచ్చేసింది, ఎప్పటినుంచంటే?) తాజాగా కృతి సనన్ చేసిన ట్వీట్ సోషల్ మీడియాలో వైరలవుతోంది. ఈనెల 27న తన బర్త్‌ డే సందర్బంగా ఓ సీక్రెట్‌ను రివీల్ చేస్తున్నట్లు ప్రకటించింది. అదేంటో అభిమానులు గెస్ చేయండి అంటూ ఓ వీడియోను పోస్ట్ చేసింది. అంతే కాకుండా ఆ వీడియోలో హెచ్‌ లెటర్‌తో మొదలవుతుందని క్లూ ఇచ్చేసింది భామ. అయితే ఇది చూసిన అభిమానులు బ్యూటీకి సంబంధించి యాడ్ గురించేనా కొందరు కామెంట్స్ చేస్తున్నారు. మరికొందరేమో ఎవరా లక్కీ గాయ్.. అంటూ పోస్టులు పెడుతున్నారు.   కొందరు ఫ్యాన్స్ ఏకంగా ఎవరినైనా పెళ్లి చేసుకుంటున్నావా?.. లేకపోతే ప్రభాస్ అన్నను పెళ్లి చేసుకోవచ్చు కదా అని సలహాలు ఇస్తున్నారు. కొందరు నెటిజన్స్ అయితే కొత్త మూవీ గురించి అప్‌డేట్‌ ఉంటుందని చెబుతున్నారు. ఏది ఏమైనా కృతి సనన్ తన పుట్టిన రోజు అభిమానులకు ఓ సీక్రెట్‌ రివీల్ చేయడం ఖాయంగా కనిపిస్తోంది. అయితే కృతి సనన్ ట్వీట్‌ ప్రస్తుతం నెట్టింట వైరల్‌గా మారింది.  (ఇది చదవండి: నిహారికతో విడాకులు.. తొలిసారి పోస్ట్ చేసిన చైతన్య!) I’m gonna be sharing my birthday with someone special! 🥹 I've kept this secret from you guys for too long! It's been a year and I can't wait for you all to see what I've been working on. Any Guesses??#StayTuned pic.twitter.com/MbPzA15hve — Kriti Sanon (@kritisanon) July 26, 2023

ఒక్కోసారి కొన్ని దశాబ్ధాల పురాతన గృహాలలో అనుకోని విధంగా ఏవైనా లభిస్తే  మన ఆశ్చర్యానికి అవధులు ఉండవు. యూకేలోని ఒక టిక్‌టాకర్‌ తన తల్లిదండ్రులకు సంబంధించిన 200 ఏళ్ల క్రితం నాటి పురాతన ఫార్మ్‌హౌస్‌లోని ఫ్లోర్‌బోర్డ్‌ కింద కనిపించిన ఆనవాళ్లు చూసి తెగ ఆశ్చర్యపోయింది. ఇటువంటిది ఒకటి ఉందని ఆమెకు బాల్యంలో ఎప్పుడూ తెలియలేదు. ఇంటి రెనోవేషన్‌ సందర్భంగా ఆ ఇంటిలో ఒక భూగృహం ఉందని ఆమెకు తెలిసింది. దశాబ్ధాల తరబడి రహస్యంగా.. జెనిఫర్‌ మల్లాఘన్‌ ఇటీవల తమ చారిత్రాత్మక పురాతన ఇంటికి సంబంధించిన ఒక వీడియోను టిక్‌టాక్‌లో షేర్‌ చేసింది. ఈ ఇంటిలో తన తల్లిదండ్రులు 6 దశాబ్ధాల పాటు ఉన్నారని, అయితే తనకు ఈ ఇంటిలో భూగృహం ఉందన్న సంగతి ఇన్నాళ్లలో తెలియలేదన్నారు. జెనీఫర్‌ ఈ వీడియో కాప్షన్‌లో ‘ఈ భూగృహం ఏళ్ల తరబడి రహస్యంగానే ఉంది’ అని పేర్కొన్నారు. 44 సెకెన్లపాటు ఉన్న ఈ వీడియోలో ఒక వ్యక్తి తవ్వకాల మధ్య నిలుచుని, చేతులతో ఒక పరికరం పట్టుకుని, కంపార్ట్‌మెంట్‌ను తెరిచే ప్రయత్నం చేస్తుంటాడు. లోపల చీకటిగా ఉంటూ, ఆ గది భయం గొలిపేదిగా కనిపిస్తుంది. గది తెరుచుకున్నా.. మల్లాఘన్‌  మాట్లాడుతూ భయపెడుతున్న ఆ గదిలో ఎటువంటి సామాను లేదని తెలిపింది. విలువైన ఖజానా అంతకన్నా లేదని పేర్కొంది. ఈ వీడియో చూసిన ఒక యూజర్‌ ఈ గదిని రెనోవేషన్‌ చేస్తారా? అని అడగగా, దానికి జవాబుగా ఆమె ఆ గది రెనోవేషన్‌ చేయబోమని, దానిలో ఏముందో చూడాలని అనుకున్నామని తెలిపింది. గతంలోనూ బయల్పడిన భూగృహాలు ఈ విధంగా భూగృహం బయటపడటం ఇదేమీ తొలిసారి కాదు. గత నెలలోనే ఒక రెడిట్‌ యూజర్‌ తమ కొత్త ఇంటిలో హిడెన్‌ రూమ్‌లో కొన్ని ప్రైవేట్‌ వస్తువులు లభ్యమయ్యాయని తెలిపారు. 1970-1980ల మధ్యకాలం నాటి ఈ గదిలో కొన్ని పురాతన వస్తువులతో పాటు ఒక బీరుబాటిల్‌ కూడా దొరికిందని పేర్కొన్నారు.  ఇది కూడా చదవండి: ప్రపంచంలోని ఆ ముగ్గురు పాస్‌పోర్టు లేకుండా ఎక్కడికైనా వెళ్లొచ్చు.. వారెవరో తెలిస్తే..

న్యూయార్క్‌: రష్యాలో వాగ్నర్‌ గ్రూప్‌ తిరుగుబాటు ఘటన అక్కడి మిలటరీలో లుకలుకలను ఒకటొకటిగా బయట పెడుతోంది. తాజాగా, రష్యా టాప్‌ మిలటరీ కమాండర్‌ జనరల్‌ సెర్గెయ్‌ సురోవికిన్‌ వాగ్నర్‌ గ్రూప్‌లో రహస్య వీఐపీ సభ్యుడని తెలిపే కొన్ని పత్రాలు దొరికినట్లు సీఎన్‌ఎన్‌ పేర్కొంది. వాగ్నర్‌ వీఐపీ సభ్యుడిగా సురోవికిన్‌ పేరు 2018లో నమోదైనట్లు అందులో తెలిపింది. ఆయనతోపాటు మరో 30 మంది రష్యా సీనియర్‌ మిలటరీ, ఇంటెలిజెన్స్‌ అధికారులు కూడా వాగ్నర్‌ వీఐపీ సభ్యులని పేర్కొంది. వాగ్నర్‌ సభ్యుడిగా సురోవికిన్‌ ఉన్నారనేందుకు కచ్చితమైన ఆధారాలేవీ లేనప్పటికీ, రష్యా సైనిక బలగాల్లోని చాలా మంది సీనియర్‌ అధికారులు వాగ్నర్‌ గ్రూప్‌తో దగ్గరి సంబంధాలు సాగించేందుకు అవకాశం ఉందని సీఎన్‌ఎన్‌ కథనం పేర్కొంది.  ఇలాంటి దగ్గరి సంబంధాల వల్లే వాగ్నర్‌ కిరాయి సైనికులు రొస్తోవ్‌లోని కీలక మిలటరీ బేస్‌నుæ శ్రమ లేకుండా స్వాధీనం చేసుకోగలిగారన్న అనుమానా లున్నాయి. తిరుగుబాటు అనంతరం సురోవికిన్‌ కనిపించకుండా పోయారు. ప్రిగోజిన్‌ తిరుగుబాటు విషయం ఆయనకు తెలుసునంటూ న్యూయార్క్‌టైమ్స్‌ కథనం పేర్కొంది. ప్రిగోజిన్‌ను తిరుగుబాటు ఆపేయాలంటూ విడుదల చేసిన వీడియోలో సురోవికిన్‌ తడబడుతూ మాట్లాడుతున్నట్లు కనిపించారు. దీంతో, ఆయన మానసిక ఆరోగ్యంపైనా అనుమానాలున్నాయి. జనర ల్‌ ఆర్మగెడ్డాన్‌గా పిలుచుకునే సురోవికిన్‌ అధ్యక్షుడు పుతిన్‌కు నిన్నటిదాకా నమ్మినబంటు. తాజా పరిణామాలతోనూ ఆయన్ను పుతిన్‌ నమ్ముతారా అన్నది తేలాల్సి ఉంది.

మయామి: అమెరికా రహస్య పత్రాల కేసులో మాజీ అధ్యక్షుడు డొనాల్డ్‌ ట్రంప్‌పై నమోదైన నేరాభియోగాల్లో ఎన్నో ఊహకందని అంశాలు చోటు చేసుకున్నాయి. ట్రంప్‌ తనతో పాటు గుట్టలు గుట్టలుగా రహస్య పత్రాలను కార్డ్‌బోర్డ్‌ బాక్సుల్లో ఉంచి ఫ్లోరిడాలోని మార్‌ ఏ లాగో ఎస్టేట్‌లో ఉంచారు. ఆ ఎస్టేట్‌లో ఆయన ఆ పత్రాలను ఉంచని స్థలమే లేదంటే అతిశయోక్తి కాదు. బెడ్‌ రూమ్, బాల్‌రూమ్‌ (డ్యాన్స్‌లు చేసే గది), బాత్‌రూమ్, ఆఫీసు రూమ్, స్టోరేజీ రూమ్‌ ఇలా ప్రతీ చోటా దాచి ఉంచారు. చివరికి టాయిలెట్‌లో షవర్‌పైన, సీలింగ్‌లో ఆ బాక్సుల్ని ఉంచడం ఫొటోల్లో కనిపించింది. కీలకమైన పత్రాలను కూడా ట్రంప్‌ నిర్లక్ష్యంగా నేలపై పడేశారని అభియోగాల్లో వివరించారు. మొత్తం 13 వేలకు పైగా రహస్య పత్రాలు ట్రంప్‌ ఎస్టేట్‌లో లభిస్తే, అందులో 300 పత్రాలు అత్యంత రహస్యమైనవి ఉన్నాయి. ప్రాసిక్యూషన్‌ ట్రంప్‌పై 37 అభియోగాలను నమోదు చేసింది. కీలక సమాచారం.. ప్రభుత్వానికి చెందిన అత్యంత రహస్య ప్రాంతాల్లో దేశ భద్రత, సైనిక వ్యవస్థకి సంబంధించిన కీలక సమాచారం ఉంది. అమెరికా అణు కార్యక్రమాలు, అమెరికా, ఇతర దేశాలకు సంబంధించిన ఆయుధ సంపత్తి, అమెరికా దాని  మిత్రదేశాలకు పొంచి ఉన్న మిలటరీ ముప్పు, ప్రతీకారంగా చేయబోయే ఎదురు దాడులకు సంబంధించిన వ్యూహరచనలు వంటివి ఉన్నాయి. ట్రంప్‌ శ్వేతసౌధం ఖాళీ చేసి వెళ్లిన తర్వాత ఏడాది పాటు ఆ పత్రాలన్నీ ఎస్టేట్‌లోనే ఉన్నాయని, రోజూ వేలాది మంది అతిథులు వచ్చే ఆ ఎస్టేట్‌లో ప్రభుత్వ రహస్యాలు ఎన్ని బయటకు పొక్కాయోనని ప్రాసిక్యూటర్‌ ఆందోళన వ్యక్తం చేశారు. వైట్‌ హౌస్‌ ఖాళీ చేసే సమయంలో ట్రంపే ఆ పత్రాలన్నీ బాక్సుల్లో సర్దినట్టు ప్రాసిక్యూషన్‌ ఆరోపిస్తోంది. ప్రైవేటు వ్యక్తులతో పంచుకున్నారా ? ఒక ప్రైవేటు పార్టీలో ట్రంప్‌ రహస్య పత్రాల్లోని సమాచారాన్ని కూడా పంచుకున్నట్టుగా అభియోగాల్లో పేర్కొన్నారు. ఇరాన్‌పై అమెరికా దాడికి సన్నాహాలు చేస్తోందంటూ సున్నితమైన సమాచారాన్ని ట్రంప్‌ తన పొలిటికల్‌ యాక్షన్‌ కమిటీలో ఉన్న వ్యక్తులతో 2021లో జరిగిన ఒక పార్టీలో పంచుకున్నట్టుగా అభియోగాల్లో పేర్కొన్నారు. అదే ఏడాది సెప్టెంబర్‌లో అమెరికా మిలటరీ ఆపరేషన్‌ చేపట్టాలనుకుంటున్న ఒక దేశం మ్యాప్‌ను చూపిస్తూ ఏదో మామూలు సమాచారమంటూ షేర్‌ చేసుకున్నట్టు అభియోగాలు నమోదయ్యాయి. ఆడియో సంభాషణలతో బిగుస్తున్న ఉచ్చు? ట్రంప్‌పై నమోదైన అభియోగాలతో పాటు సాక్ష్యాల కింద వీడియోలు, ట్రంప్‌ అనుచరులతో మాట్లాడిన ఆడియో సంభాషణలు, ఫోన్‌ మెసేజ్‌లు ప్రాసిక్యూషన్‌ కోర్టుకు సమర్పించింది.  ఆ ఆడియో టేపుల్లో ట్రంప్‌ ‘‘ఆ బాక్సుల్ని ఎవరూ చూడొద్దు.  అసలు ఇక్కడ ఏమీ లేవని వారికి చెబితే సరి. వారి ప్రశ్నలకు బదులివ్వకపోతే  ఇంకా మేలు. వారితో ఆడుకోవడం మంచిది కాదు’’ వంటివి ఉన్నాయి.

అమెరికా అధ్యక్షుడు ఎవరైనా పదవి దిగిపోయిన వెంటనే తన అధీనంలో ఉన్న ప్రభుత్వ డాక్యుమెంట్లు జాతీయ ఆర్కీవ్స్‌ అండ్‌ రికార్డ్స్‌ ఏజెన్సీ (ఎన్‌ఏఆర్‌ఏ)కి అప్పగించాలి. ప్రభుత్వానికి సంబంధించిన ఆ రహస్య పత్రాలన్నీ జాతి సంపదగా భావిస్తారు. 2020లో అమెరికా అధ్యక్ష ఎన్నికల్లో డొనాల్డ్‌ ట్రంప్‌ ఓటమి పాలైన కొద్ది నెలలకి అంటే 2021 మేలో ఎన్‌ఏఆర్‌ఏ ట్రంప్‌ రహస్య పత్రాలు పూర్తిగా ఇవ్వలేదని తొలిసారిగా బయటపెట్టింది. రెండు డజన్ల బాక్సుల్లో ఉండే పత్రాలు ఇవ్వలేదని పేర్కొంది. దీనిపై విచారణ మొదలై ట్రంప్‌ అధీనంలో ఉన్న రహస్య పత్రాలన్నీ ఆర్కీవ్స్‌కు ఇవ్వాలంటూ కోర్టు నుంచి ఆదేశాలు జారీ అయ్యాయి. 2021 జనవరిలో అధ్యక్షుడిగా గద్దె దిగిన ట్రంప్‌ వందలాది పత్రాలను తన అధీనంలోనే ఉంచుకున్నట్టుగా ఆరోపణలు వచ్చాయి. కోర్టు ఆదేశాలతో ట్రంప్‌ తరఫు లాయర్లు మరో 30 పత్రాలు అందజేశారు. అంతకు మించి తమ దగ్గర ఏవీ లేవని స్పష్టం చేశారు. 2022 ఆగస్టులో ఫెడరల్‌ బ్యూరో ఆఫ్‌ ఇన్వెస్టిగేషన్‌ (ఎఫ్‌బీఐ) రంగంలోకి దిగి ఫ్లోరిడాలోని ట్రంప్‌ ప్రైవేటు ఎస్టేట్‌ మార్‌ ఎ లాగోలో సోదాలు చేపడితే 15 బాక్సుల్లో 184 కీలక పత్రాలు లభించాయి. ఇందులో 67 విశ్వసనీయ పత్రాలు, 92 రహస్య, 25 అత్యంత రహస్య పత్రాలు లభించినట్టుగా అప్పట్లో వార్తలు వచ్చాయి. ఇదే తరహా రహస్య పత్రాల కేసులో ట్రంప్‌ హయాంలో ఉపాధ్య’క్షుడిగా వ్యవహరించిన మైక్‌ పెన్స్, అంతకు ముందు ఉపాధ్యక్షుడు, ప్రస్తుత అధ్యక్షుడు జో బైడెన్‌పై కేసులు నమోదై ఉన్నాయి. వైట్‌ హౌస్‌ నుంచి అత్యంత కీలకమైన డాక్యుమెంట్లను ట్రంప్‌ ఉద్దేశపూర్వకంగానే తీసుకువెళ్లారా ? గూఢచర్య చట్ట నిబంధనల్ని ట్రంప్‌ ఉల్లంఘించారా ? అన్న దిశగా ప్రాసిక్యూషన్‌ విచారణ సాగిస్తోంది.అయితే శ్వేతసౌధం ఖాళీ చేయడానికి తక్కువ సమయం ఇవ్వడంతో హడావుడిగా తీసుకువెళ్లిన సామాన్లలో పత్రాలు కూడా వచ్చి ఉంటాయని ట్రంప్‌ కార్యాలయం అప్పట్లో సమర్థించుకుంది.     ట్రంప్‌ ఎదుర్కొంటున్న కేసులు ఇవే..! హష్‌ మనీ అగ్రరాజ్యం చరిత్రలో నేరాభియోగాలు ఎదుర్కొన్న ఒక మాజీ అధ్యక్షుడిగా డొనాల్డ్‌ ట్రంప్‌ హష్‌ మనీ కేసులో నిలిచారు. 2016 అధ్యక్ష ఎన్నికల బరిలో ఉన్నప్పుడు తనతో లైంగిక సంబంధాలున్నా­యని ఆరోపించిన పోర్న్‌ స్టార్‌ స్టార్మీ డేనియల్‌ నోరు మూయించడానికి 1.30 లక్షల డాలర్లను ము­ట్టజెప్పినట్టు అభియోగాలు నమోదయ్యాయి. ఈ వ్యవహారంలో ట్రంప్‌ లాయర్‌ మైఖేల్‌ కోహెన్‌ ద్వా­రా సొమ్ములు చెల్లించి ఒప్పందం కుదుర్చుకున్నట్టు తెలుస్తోంది. ఈ కేసులో ట్రంప్‌ మన్‌హట్టన్‌ క్రిమినల్‌ కోర్టుకు ఈ ఏడాది ఏప్రిల్‌ 4న హాజరయ్యారు.   ఎన్నికల్లో అక్రమాలు 2020 అధ్యక్ష ఎన్నికల్లో ఎన్నికల తుది ఫలితాలు ప్రకటించడానికి ముందే జో బైడెన్‌పై గెలుపు తనదేనంటూ ట్రంప్‌ ప్రచారం చేయడంపై విచారణ జరుగుతోంది. జార్జియా రాష్ట్ర కార్యదర్శి బ్రాడ్‌ రాఫెన్స్‌పెర్గర్‌తో ట్రంప్‌ ఫోన్‌లో మాట్లాడుతూ జార్జియాలో జరిగిన రీకౌంట్‌లో తనకు అదనపు ఓట్లు లెక్కించాలంటూ మాట్లాడిన సంభాషణ బయటకు రావడంతో ఈ కేసు నమోదైంది. ఈ ఏడాది జులై–సెప్టెంబర్‌ మధ్య ఈ కేసులో  నేరాభియోగాలు నమోదయ్యే అవకాశాలున్నాయి.    క్యాపిటల్‌పై దాడి 2020 అమెరికా అధ్యక్ష ఎన్నికల ఫలితాలు ప్రకటించిన తర్వాత ట్రంప్‌ ఓటమి భారాన్ని తట్టుకోలేక క్యాపిటల్‌ భవనంపై దాడికి తన అనుచరుల్ని ఉసిగొల్పిన ఘటనకు సంబంధించిన కేసు కూడా పెండింగ్‌లో ఉంది. కొలంబియా జిల్లా కోర్టులో ట్రంప్‌పై క్రిమినల్‌ కేసు నమోదైంది. అదే సమయంలో కొత్త అధ్యక్షుడిగా జో బైడెన్‌ ఎన్నికను కాంగ్రెస్‌ ధ్రువీకరించకుండా అడ్డుకోవాలని అప్పటి ఉపాధ్యక్షుడు మైక్‌ పెన్స్‌పై ఒత్తిడి తెచ్చారన్న ఆరోపణలపై కూడా కేసు నమోదై ఉంది.   అక్రమ వ్యాపారాలు డొనాల్డ్‌ ట్రంప్‌ న్యూయార్క్‌లో చేసిన వ్యాపారాల్లో నిబంధనల్ని తుంగలో తొక్కి అక్రమాలకు పాల్పడ్డారని, తన ఆస్తుల్ని కూడా తప్పుడుగా చూపించారంటూ న్యూయార్క్‌ అటార్నీ జనరల్‌ లెటిషియా జేమ్స్‌ కేసు నమోదు చేశారు. ట్రంప్‌ న్యూయార్క్‌ రాష్ట్రంలో వ్యాపార లావాదేవీలు కొనసాగించకుండా నిషేధం విధించాలంటూ ఆమె తన పిటిషన్‌లో పేర్కొన్నారు. ఈ అంశంలో ఇప్పటికే ట్రంప్‌ను అటార్నీ జనరల్‌ తన కార్యాలయంలోనే కొన్ని గంటలు ప్రశ్నించారు. న్యాయస్థానంలో ఈ కేసు అక్టోబర్‌లో విచారణకు రానుంది.   కాలమిస్ట్‌పై అత్యాచారం మూడు దశాబ్దాల క్రితం తనపై అత్యాచారం చేశారన్న ఆరోపణలతో కాలమిస్ట్‌ జీన్‌ కరోల్‌ వేసిన కేసులో డొనాల్డ్‌ ట్రంప్‌ను న్యూయార్క్‌ కోర్టు మే 9న దోషిగా తేల్చింది. 1990లో మన్‌హటన్‌లోని ఒక డిపార్ట్‌మెంట్‌ స్టోర్‌లోని డ్రెస్సింగ్‌ రూమ్‌లో ట్రంప్‌ తనపై అత్యాచారం చేశారంటూ 2019లో న్యూయార్క్‌ కోర్టులో ఆమె పిటిషన్‌ వేశారు. ఏప్రిల్‌ 25న దీనిపై విచారణ మొదలైంది. కరోల్‌ను అబద్ధాల కోరుగా ప్రచారం చేసి ఆమె పరువుని బజారుకి ఈడ్చినందుకు నష్టపరిహారంగా 50 లక్షల డాలర్లు చెల్లించాలంటూ న్యూయార్క్‌ కోర్టు తీర్పు చెప్పింది. దీనిపై ట్రంప్‌ న్యాయనిపుణుల బృందం పై కోర్టుకు వెళ్లనుంది.   – సాక్షి, నేషనల్‌ డెస్క్‌  

పోన్లేండి సార్‌.. పోలీస్‌స్టేషనే కదా!.. అధ్యక్ష భవనం కాదుగా!

సాంకేతిక ప్రపంచంలో చాట్‌జీపీటీ ఇప్పుడు ఓ సంచలనం. ఆర్టిఫిషియల్ ఇంటెలిజెన్స్ (ఏఐ) ఆధారిత టూల్ చాట్ జీపీటీని యూజర్లకు అందుబాటులోకి తెచ్చిన ఓపెన్ ఏఐ అనే స్టార్టప్ సంస్థలో భారీగా పెట్టుబడులు పెట్టిన మైక్రోసాఫ్ట్.. తన సెర్చ్‌ ఇంజన్ బింగ్ లోనూ చాట్ జీపీటీ తరహా సేవలు యూజర్లకు అందుబాటులోకి తెచ్చింది. అయితే మైక్రోసాఫ్ట్‌ తన బింగ్‌ ఏఐ చాట్‌బాట్‌ ‘సిడ్నీ’ని కొన్నేళ్లుగా భారత్‌లో సీక్రెట్‌ టెస్టింగ్‌ చేస్తున్నట్లు మైక్రోసాఫ్ట్ సపోర్ట్ ఫోరమ్‌లలో పాత యూజర్ పోస్ట్‌ల ద్వారా తెలుస్తోంది. ఇలా రహస్యంగా పరీక్షించి, సామర్థ్యాలను మెరుగుపరిచి తాజాగా అందుబాటులోకి తెచ్చింది. మైక్రోసాఫ్ట్‌ సెర్చ్‌ఇంజన్‌ అయిన బింగ్‌ యూజర్లకు సమాచారం అందించడంలో సహాయకంగా సిడ్నీ చాట్‌బాట్‌ను రూపొందించారు. సాధారణ భాషలో యూజర్లు ఇచ్చే కమాండ్లను ఇది అర్థం చేసుకుని వాటికి అనుగుణంగా సమాచారం అందిస్తుంది. ఈ చాట్‌బాట్‌ను మెరుగ్గా తీర్చిదిద్దేందుకు మైక్రోసాఫ్ట్‌కు భారత్‌ కీలకమైన టెస్టింగ్‌ గ్రౌండ్‌గా ఉపయోగపడింది. (ఇదీ చదవండి: ఇక రావు అనుకున్న రూ.90 లక్షలు.. అద్భుతం చేసిన చాట్‌జీపీటీ!) మైక్రోసాఫ్ట్‌ చాట్‌బాట్‌ ఫీచర్‌ ‘సిడ్నీ’ అనేది పాత కోడ్‌నేమ్‌ అని, దీన్ని తాము 2020 నుంచి భారత్‌తో పరీక్షిస్తున్నామని మైక్రోసాఫ్ట్‌ కమ్యూనికేషన్స్‌ డైరెక్టర్‌ కైట్లిన్‌ రౌల్స్‌టన్‌ ‘వెర్జ్‌’ అనే సంస్థకు ఓ ప్రకటనలో తెలిపారు. ఈ ప్రక్రియలో చాలా మంది నిపుణులు తమకు సహాయపడ్డారని, ఇలాగే సరికొత్త టెక్నిక్‌లతో యూజర్లకు మరింత మెరుగైన అనుభూతిని అందించేందుకు కృషి చేస్తామన్నారు. ఆర్టిఫీషియల్‌ ఇంటెలిజెన్స్‌, మెషిన్‌ లర్నింగ్‌ రంగలో మైక్రోసాఫ్ట​్‌ భారీగా పెట్టుబడులు పెడుతోంది. ఇందులో చాట్‌బాట్‌ల రూపకల్పన కీలక అభివృద్ధి. ఈ చాట్‌బాట్‌లు ప్రస్తుతం యూజర్లకు అవసరమైన సమాచారాన్ని, సహాయాన్ని క్షణాల్లో అందిస్తూ చాలా ప్రాచుర్యం పొందాయి. మైక్రోసాఫ్ట్‌ బింగ్‌ ఏఐ చాట్‌బాట్‌ను సెర్చ్‌ఇంజన్‌ కోసమే ప్రత్యేకంగా రూపొందించినా ప్రస్తుతం స్కైప్‌ వంటి తమ ఇతర సేవలకూ దీన్ని అనుసంధానించేందుకు ప్రయత్నాలు జరుగుతున్నాయి. (ఇదీ చదవండి: Google: ఉద్యోగులకే కాదు.. రోబోలకూ లేఆఫ్‌!)

కొంతమంది గురించి ఎంత చెప్పుకున్నా ఇంకా ఏదో మిగిలే ఉంటుంది. చాలా మంది ఒకటి రెండు విషయాల్లో రాణిస్తేనే కాలరెగరేస్తారు. చాలా తక్కువ మంది మాత్రం ఇంకా ఏదో సాధించాలని తపిస్తారు ఎంత సాధించినా ఇంకా దాహంతోనే ఉంటారు. ప్రపంచాన్ని గుప్పిట్లో పెట్టుకోగలిగిన స్థాయికి ఎదిగి.. దిక్కుమాలిన శవంగా మిగిలి.. మరణానంతరం కోట్లాది డాలర్ల సామాజిక సేవలో చిరంజీవిగా ఉన్న ఓ సంపన్నుడి కథే ఇవ్వాల్టి సీక్రెట్. 1976 ఏప్రిల్ 5 మెక్సికో నుంచి హోస్టన్ వచ్చిన ఓ ప్రయివేట్ ఎయిర్ క్రాఫ్ట్ లో ఓ గుర్తు తెలీని వ్యక్తి మరణించి ఉన్నాడు. ఏళ్ల తరబడి తైల సంస్కారం లేకుండా పొడుగ్గా పెరిగిన జుట్టు.... అంతే కాలంగా పెరుగుతూ వచ్చిన చేతి.. కాలి గోళ్లు... నెలల తరబడి ఏమీ తినలేదేమో అన్నట్లు చిక్కి శల్యమైన శరీరం. ఆరడుగుల రెండంగుళాల పొడగరి అయినా శరీరంలో మాంసమే లేనట్లు 41కిలోలు మాత్రమే తూగిన మృతదేహం.  ఎవరూ బాడీని గుర్తించే పరిస్థితే లేదు.  ఎఫ్.బి.ఐ. రంగంలోకి దిగింది. అటాప్సీ చేసిన వైద్యులు కిడ్నీ ఫెయిల్యూర్ కావడం వల్లనే చనిపోయాడని తేల్చారు. మాల్ న్యూట్రిషన్ వల్ల దేహమంతా డొల్లయ్యిందని విశ్లేషించారు. అంత తినడానికి కూడా గతి లేని ఈ మనిషి విమానంలో ఎలా వచ్చాడు?  ఈ అనుమానమే ఎఫ్. బి. ఐ. ని మరింత లోతుగా దర్యాప్తుచేసేలా చేసింది. ఇతని ఫింగర్ ప్రింట్స్ సేకరించి ఇన్వెస్టిగేషన్ మొదలెట్టింది. అతనెవరో తెలిశాక అందరూ కళ్లు తేలేశారు. సరైన ఆహారం లేక బక్కచిక్కిన ఈ మనిషి అల్లా టప్పా మనిషి కానే కాదు. మొత్తం ప్రపంచంలోనే అత్యంత సంపన్నుడితను. ఇతనే ద గ్రేట్ హోవర్డ్ రాబర్డ్ హ్యూగ్స్. ఇతని దగ్గరున్న సంపదతో ప్రపంచంలోని కొన్ని దేశాలను కొనేయగలడు. ఇతను కనుసైగ చేస్తే చాలు ఏం కావాలంటే అది వచ్చి ఒళ్లో వాలుతుంది. ఇంతటి రిచెస్ట్ పెర్సన్ కి ఇంత దిక్కులేని చావేంటి? అదే మానవ జీవితంలోని ఐరనీ. అగ్రరాజ్యం  అమెరికానే శాసించగల హ్యూగ్స్ మృత దేహాన్ని గ్లెన్ వుడ్ స్మశాన వాటికలో ఖననం చేశారు. మల్టీ బిలియనీర్ అయిన హ్యూగ్స్ ఇక్కడ శాస్వతంగా నిద్రపోతున్నాడు.  ఇంతకీ హ్యూగ్స్ ఏం చేసేవాడో  అంత గొప్పవాడిగా ఎదిగే క్రమంలో ఎంత కఠోర శ్రమ చేశాడో  అతని జీవితంలో ఎన్ని మజిలీలున్నాయో తెలుసుకోవాలంటే అతని ఆటోబయోగ్రఫీని ఓ సారి తెరవాలి.  హోవర్డ్ రాబర్డ్ హ్యూగ్స్  అనగానే అందరికీ గుర్తుకు వచ్చేది అమెరికన్ ఏవియేటర్. విమానంలో అత్యంత వేగంగా ప్రపంచాన్ని చుట్టి వచ్చిన వీరుడిగా హ్యూగ్స్ రికార్డ్ సృష్టించాడు.  కేవలం నాలుగు రోజుల వ్యవథిలోనే లోకాన్ని చుట్టి పారేశాడు.  ఆ తర్వాత తన రికార్డును తానే తిరగరాశాడు. ఈ సారి మూడు రోజుల్లోనే ప్రపంచాన్ని చుట్టి వచ్చాడు. హ్యూగ్స్ అంటే ఇంతేనా అనకండి.  ఇంకా చాలా ఉంది.  హ్యూగ్స్ మంచి ఏవియేటరే కాదు.....ప్రపంచంలోనే అత్యంత పెద్ద విమాన తయారీ కంపెనీకి ఓనర్ కూడా. ఔను .. అమెరికాలో హ్యూగ్స్ ఎయిర్ లైన్స్ నంబర్ వన్ ప్రయివేట్ కంపెనీ.  ఎయిర్ క్రాఫ్ట్ లంటే హ్యూగ్స్ కి ఆరో ప్రాణం. ఆ మాటకొస్తే అసలదే మొదటి  ప్రాణం కూడా. ఎయిర్ క్రాఫ్ట్ ఇంజనీరే కాదు ఎఫిషియంట్ పైలట్ గానూ హ్యూగ్స్ కు పేరుంది.  కొన్ని ఎయిర్ క్రాఫ్ట్ లను అతనే స్వయంగా డిజైన్ చేశాడు. తండ్రి ఇచ్చిన హ్యూగ్స్ టూల్ కంపెనీ ని శాఖోప శాఖలుగా విస్తరించాడు హ్యూగ్స్ జూనియర్. ముందుగా ఎయిర్ క్రాఫ్ట్ కంపెనీని ఫ్లోట్ చేశాడు. 1932 లో కాలిఫోర్నియాలో ఓ రెంటల్ కార్నర్ లో దీన్ని స్టార్ట్ చేశాడు.  కొంత మంది ఆలోచనలు కూడా భారీగానే ఉంటాయి. అందరూ నేలపై చూపులు పెడితే వీళ్లు మాత్రం ఆకాశంలో చుక్కలపైనే దృష్టి సారిస్తారు. 27 ఏళ్ల వయసులో ఓ ఎయిర్ క్రాఫ్ట్ కంపెనీకి ఓనరయ్యాడు.  ఏడేళ్లలోనే ఈ సంస్థ నంబర్ వన్ గా అవతరించింది. గంటకు 352కిమీ రికార్డు.. 1939 లో ట్రాన్స్ ఇంటర్నేషనల్ వెస్ట్ ఎయిర్ లైన్స్ -T.W.I. లో మేజర్ షేర్ ను హ్యూగ్స్ కొనుగోలు చేశాడు.  అతని దృష్టిలో విమానాల తయారీ..ఎయిర్ లైన్స్ యాక్టివిటీస్ కేవలం వ్యాపారాలు కావు. ఈ రెండూ హ్యూగ్స్ కి ప్రొఫెషనల్ పేషన్సే. T.W.I. పై పూర్తి కంట్రోల్ రావడంతోనే హ్యూగ్స్ వైమానిక రంగానికి రారాజైపోయాడు. అతన్నిలాగే వదిలేస్తే ఇక తమ వ్యాపారాలు మూసుకోవలసిందేనని పాన్ అమెరికన్ ఎయిర్ లైన్స్ సంస్థ ఓనర్ ట్రిప్ కు భయం పట్టుకుంది.  అతని భయానికి తగ్గట్టే హ్యూగ్స్ ఎయిర్ లైన్స్ లో దూసుకుపోతున్నాడు.  స్వతహాగా పైలట్ కూడా అయిన హ్యూగ్స్ H1 రేసర్ టెస్ట్ రన్ లోనే గంటకు 352 కిలోమీటర్ల వేగంతో నడిపి రికార్డు సృష్టించాడు. రాజకీయంగా పాన్ అమెరికన్ ఎయిర్ లైన్స్ వేధింపులు- ఎయిర్ క్రాఫ్ట్ క్రాష్ ఘటనలతో హ్యూగ్స్ మానసికంగా బాగా దెబ్బతిన్నాడు. మానసిక పరిస్థితి దెబ్బతింది. అబ్సెసివ్ కంపల్సరీ డిజార్డర్ అనే మానసిక రుగ్మత మొదలైంది.  ఒక్కోసారి ఏం చేస్తున్నాడో ఏం మాట్లాడుతున్నాడో అతనికే తెలిసేది కాదు. ఒకే మాటను అదే పనిగా రిపీట్ చేసేవాడు. ఓ దశలో కొంతకాలం పాటు ఓ గదిలో తలుపులు వేసుకుని ఉండిపోయేవాడు. తాను తీసిన సినిమాలతో పాటు తనకు నచ్చిన సినిమాలను చూస్తూ గడిపేవాడు. ఓ కుర్చీలో నగ్నంగా కూర్చుని పిచ్చిపిచ్చిగా సినిమాలు చూసేవాడు. సన్నిహితుల సమాచారం ప్రకారం ఒక్కోసారి రోజుల తరబడి స్నానం చేసేవాడు కాదు. చాకొలెట్ బార్స్- పాలే ఆహారం. అవిలేకపోతే ఏమీ తినకుండా అలాగే ఉండిపోయేవాడు. కాలిగోళ్లు చేతి గోళ్లు బాగా పెరిగిపోయినా పట్టించుకునేవాడు కాదు. జుట్టు పెరిగిపోయి తైల సంస్కారం లేకుండా రోజుల తరబడి అలాగే ఉండిపోయేవాడు. చూడ్డానికి భయంకరంగా కనిపించేవాడు. హోటల్ బిల్లు రూ.కోట్లు.. అప్పటికే ప్రపంచంలో అత్యంత సంపన్నుల్లో ఒకడిగానే ఉన్నాడు. చివరి దశలో మెక్సికోలో ఓ హోటల్లో కాలక్షేపం చేశాడు. ఆ హోటల్ బిల్లే కొన్ని కోట్లు పే చేశాడు. సరిగ్గా తినక పోవడం వల్ల ఒళ్లంతా గుల్లయింది.  42 కిలోల బరువుకు పడిపోయాడు.  కిడ్నీలు ఇక పనిచేయలేమని మొరాయించాయి. ఈ టైమ్ లోనే తాను పుట్టిన హోస్టన్ నగరానికి ఓ స్నేహితుని విమానంలో బయలుదేరాడు.  చివరికి అందులోనే చివరి శ్వాస విడిచాడు. ఏ విమానాలనైతే జీవితాంతం ప్రేమించాడో ఏ విమానాల తయారీ కోసం తన మేథస్సునూ డబ్బునూ ఖర్చు చేశాడో ఆ విమానంలోనే అంతిమయాత్ర చేశాడు. హ్యూగ్స్ మరణానంతరం అతని విల్లు ప్రకారం ఆస్తిలో 75శాతం మొత్తాన్ని ఈ ఇన్ స్టిట్యూట్ కే అప్పగించారు. ఇప్పటికీ ప్రపంచంలోనే రెండవ అతి పెద్ద మెడికల్ రీసెర్చ్ ఇన్ స్టిట్యూట్ గా ఇది చెలామణీ అవుతోంది. ఈ ఇన్ స్టిట్యూట్ ద్వారా ఇప్పటికీ జన హృదయాల్లో బతికే ఉన్నాడు హ్యూగ్స్. అమెరికాలో హ్యూగ్స్ ను ఇప్పటికీ ఒక ఐకాన్ గానే కొలుస్తారు. మనసున్న మారాజని జనం నీరాజనాలు పడతారు. చచ్చీ కూడా బతికుండడమంటే ఇదే. అందుకే హ్యూగ్స్ ఎప్పటికీ చిరంజీవే.

ముంబై: మహారాష్ట్ర ముంబైలోని రెస్టారెంట్ అండ్ బార్‍పై రైడ్ చేసిన పోలీసులు లోపల చూసి షాక్ అయ్యారు. రహస్యంగా నిర్మించిన ఓ గదిలో 17 మంది మహిళలను చూసి అవాక్కయ్యారు. మరో నలుగురు మహిళలు బార్‌లో డాన్స్ చేస్తూ కన్పించారు. దహిసార్‌ ప్రాంతంలో శుక్రవారం ఈ దాడులు చేసిన పోలీసులు మొత్తం 19 మంది కస్టమర్లు, ఐదుగురు సిబ్బందితో పాటు బార్ మేనేజర్‌ను అరెస్టు చేశారు. సీక్రెట్ రూంలో రహస్యంగా దాచిన 17 మంది మహిళలకు విముక్తి కల్పించారు. ఇలాంటి రైడ్లు చేసినప్పుడు మహిళలను కన్పించకుండా దాచాలనే నిర్వహకులు రహస్యంగా ఓ గదిని నిర్మించి బలవంతంగా వారిని అందులో ఉంచారని అధికారులు తెలిపారు. నిర్వాహకులపై కఠిన చర్యలు తీసుకుంటామన్నారు. చదవండి: వయసులో మూడేళ్లు చిన్నోడితో సహజీవనం.. పెళ్లి చేసుకోమని అడిగితే..

సాక్షి, ముంబై:   మెటా  యాజమాన్యంలోని మెసేజింగ్ యాప్ వాట్సాప్  తన  యూజర్ల కోసం మరో కొత్త అప్‌డేట్‌ తీసుకు రాబోతోంది. నిత్యం సరికొత్త ఫీచర్లతో వినియోగదారులను ఆకట్టుకునే వాట్సాప్‌ తాజాగా కొత్త ఫీచర్‌పై  పరీకక్షిస్తోంది.  వ్యూ వన్స్‌  టెక్ట్స్  ఫీచర్‌ను పరిచయం చేయనుంది. ఇదీ చదవండి: లేడీ బాస్‌ సర్‌ప్రైజ్‌ బోనస్‌ బొనాంజా..ఒక్కొక్కరికీ రూ. 82 లక్షలు! వాట్సాప్‌లో మెసేజ్‌ను ఒకసారి రిసీవర్‌ ఒకసారే మాత్రమే చూడగలరు. రిసీవర్‌ చదవిన వెంటనే ఆ మెసేజ్‌  ఆటో మేటిక్‌గా డిలీట్‌ అవుతుందన్న మాట. అటు మెసేజ్ పంపిన వారికి, అందుకున్న వారికి కూడా ఆ మెసేజ్‌ కనపించదు. తమ వాట్సాప్‌ చాట్‌ను ఎవరూ చూడకుండా సీక్రెట్‌గా  ఉండాలనుకునే యూజర్లకు  ఇది బాగా ఉపయోగ పడనుంది. (WhatsApp 3D Avatar: వాట్సాప్‌ అవతార్‌ వచ్చేసింది..మీరూ కస్టమైజ్‌ చేసుకోండి ఇలా!) వేబేటా ఇన్ఫో ప్రకారం ఈ ఫీచర్ ప్రస్తుతం వాట్సాప్‌ ఆండ్రాయిడ్ బీటా వెర్షన్‌లో అందుబాటులో ఉంది. పూర్తిస్థాయిలో యూజర్లందరికీ ఎప్పుడు అందుబాటులోకి తెస్తారన్నది మాత్రం  ప్రస్తుతానికి సస్పెన్స్‌.  వాట్సాప్‌ అధికారికంగా లాంచ్‌ చేసేవరకు వెయిట్‌ చేయాల్సిందే. కాగాఇప్పటికే వాట్సాప్‌లో వన్స్ వ్యూ ఫీచర్.. వీడియోలు, ఫొటోలకు వినియోగంలో ఉంది. వీడియోలు లేదా ఫొటోలకు వన్స్ వ్యూ ఫీచర్ ఆప్షన్ ద్వారా ఒక్కసారి మాత్రమే కనిపించి ఆ తరువాత అదృశ్యమవుతాయి.దీన్ని ఫార్వార్డ్‌ చేయడం, స్క్రీన్ షాట్ తీసుకోవడం కూడా కుదరదు.  ఇదే ఫీచర్‌ను టెక్ట్స్  ఫార్మాట్ కోసం వ్యూ వన్స్ ఫీచర్‌ను  పరీక్షిస్తుండటం గమనార్హం.  

సిడ్నీ: క్వీన్‌ ఎలిజబెత్‌-2 స్వదస్తూరితో రాసిన ఓ లేఖ గురించి ఇప్పుడు చర్చ నడుస్తోంది. ఆ లేఖను ఇంతవరకు ఎవరూ చదివింది లేదు. అలాగే..  భద్రంగా ఓ చోట ఉండిపోయింది. మరి రాణి చనిపోయింది కదా!. అది అలాగే రహస్యంగా ఉండిపోవాల్సిందేనా?..  1986 నంబర్‌లో సిడ్నీ(ఆస్ట్రేలియా) ప్రజలను ఉద్దేశించి.. క్వీన్‌ ఎలిజబెత్‌-2 ఓ లేఖ రాశారు. దానిని సిడ్నీలోని ఓ చారిత్రక భవనం వ్యాలెట్‌లో భద్రంగా దాచారు. అయితే.. అందులో ఏముందనే విషయం అది రాసిన రాణివారికి తప్పా ఎవరికీ తెలియదు. మరి ఇప్పుడు ఆమె మరణించడంతో ఆ లెటర్‌ను బయటకు తీయాలనే డిమాండ్‌ తెర మీదకు వచ్చింది.  అయితే ఆ లెటర్‌ను తెరుస్తారట. అది ఇంకా 63 ఏళ్ల తర్వాత. అంటే.. 2085లో. సిడ్నీ లార్డ్‌ మేయర్‌ను ఉద్దేశిస్తూ.. ఎలిజబెత్‌ రాణి 2 ఆ లేఖను ‘‘2085వ సంవత్సరంలో ఓ మంచి ముహూర్తాన ఆ లేఖను తెరవండి అంటూ ఎలిజబెత్‌ రాణి సంతకం చేశారు. దీంతో ఆమె కోరిక మేరకు అప్పటివరకు గ్లాస్‌ బాక్స్‌లో ఉన్న ఆ లేఖను అలాగే ఉంచాలని సిడ్నీ అధికారులు నిర్ణయించుకున్నారు.  ఇదిలా ఉంటే.. ఆస్ట్రేలియాతో క్వీన్‌ ఎలిజబెత్‌-2కు ప్రత్యేక అనుబంధం ఉంది. పదహారుసార్లు ఆమె ఆ దేశాన్ని సందర్శించారు. 1901లో ఆస్ట్రేలియా స్వాతంత్రం ప్రకటించుకుంది. కానీ, పూర్తి స్థాయి గణతంత్ర రాజ్యంగా ప్రకటించుకోకపోవడంతో టెక్నికల్‌గా ఇంకా బ్రిటన్‌ రాజరికం కిందే ఉన్నట్లయ్యింది. ఆస్ట్రేలియాకు రాణిగా ఎలిజబెత్‌-2 కొనసాగారు.  1999లో ఆమెను ఆ దేశ అధినేతగా తొలగించాలనే డిమాండ్‌ తెర మీదకు వచ్చింది. కానీ, అది వీగిపోయింది. ఇదీ చదవండి: బ్రిటన్‌ రాజకుటుంబం ఆస్తుల విలువెంతంటే..

మనం భారత్‌ సరిహద్దుల్లో ఇలానే చేస్తుంటే.. వాళ్లు మన సరిహద్దుల్లో అదే పని చేస్తున్నార్సార్‌!

అలహాబాద్‌: తాజ్‌ మహల్‌లో మూతపడి ఉన్న గదులను తెరిపించాలంటూ దాఖలైన పిటిషన్‌ను అలహాబాద్‌ హైకోర్టు(ఉత్తర ప్రదేశ్‌) తిరస్కరించింది. 22 గదుల్ని తెరవాల్సిన విషయంలో పిటిషనర్‌ జోక్యం అనవసరమని గురువారం లక్నో బెంచ్‌ వ్యాఖ్యానించింది.    తాజ్‌మహల్‌ చరిత్రను వెలుగులోకి తేవాల్సిన అవసరం ఉందని, వాస్తవాలను తెలుసుకునే హక్కు ప్రజలకు కూడా ఉంటుందని దాఖలైన పిటిషన్‌పై ధర్మాసనం విచారణ చేపట్టకుండానే తిరస్కరించింది. అంతేకాదు ప్రజా ప్రయోజన వ్యాజ్యం వ్యవస్థను అవమానపరిచేలా వ్యవహరించొద్దంటూ పిటిషనర్‌పై ఆగ్రహం వ్యక్తం చేసింది కోర్టు. ఈ వ్యవహారాన్ని చరిత్రకారులకు వదిలేయండంటూ తేల్చి చెప్పింది.  ‘‘వెళ్లండి. వెళ్లి ఏదైనా పరిశోధనలు చేసుకోండి. ఎంఏలు, పీహెచ్‌డీలు చేసుకోండి. న్యాయస్థానాల సమయం వృథా చేయొద్దంటూ’’ అంటూ బెంచ్‌ న్యాయమూర్తులు ఉపాధ్యాయ్‌, సుభాష్‌ విద్యార్థిలు పిటిషనర్‌ను ఉద్దేశించి వ్యాఖ్యలు చేశారు. ఇలాంటి వ్యవహారాన్ని సరదాగా నాలుగు గోడల మధ్య కూర్చుని చర్చిస్తే బాగుంటుంది. ఇలా కోర్టు రూమ్‌లో కాదు అంటూ బెంచ్‌ అసంతృప్తి వ్యక్తం చేసింది. అంతేకాదు.. ఇది కోర్టుకు సంబంధించిన వ్యవహారం కాదని, కోర్టు బయట మెథడాలజీ, చరిత్రకారుల ద్వారా తేలాల్సిన విషయం అని బెంచ్‌ స్పష్టం చేసింది. ఒకవేళ చరిత్ర తెలుసుకోవాలనుకుంటే ఆర్టీఐ ద్వారా తెలుసుకోవాలంటూ సూచించింది. సీల్‌ చేసి ఉన్న గదులను తెరిపించేందుకు ఆర్కియాలజీ సర్వే ఆఫ్‌ ఇండియాను ఆదేశించాలంటూ బీజేపీ యూత్‌ మీడియా ఇన్‌ఛార్జి డాక్టర్‌ రజనీష్‌ సింగ్‌ హైకోర్టు లక్నో బెంచ్‌ ముందు అభ్యర్థన పిటిషన్‌ దాఖలు చేశారు. తాజ్‌ మహల్‌ వాస్తవానికి తేజ్‌ మహాలయా అని.. అది శివుడి ఆలయం అంటూ ఆయన వాదించారు. అంతేకాదు నిజనిర్ధారణ కమిటీ ద్వారా అసలు చరిత్రను వెలుగులోకి తేవాలంటూ ఆయన ప్రభుత్వాన్ని కూడా కోరారు.  మొఘలుల కాలానికి చెందిన తాజ్‌ మహల్‌ను ఆర్కియాలజీ సర్వే ఆఫ్‌ ఇండియా పరిరక్షిస్తోంది. ఈ కళాఖండం 1982లో యనెస్కో​ వరల్డ్‌ హెరిటేర్‌ సైట్‌ గుర్తింపు దక్కించుకుంది కూడా. చదవండి: తాజ్‌ మహల్‌ కట్టిన స్థలం మాదే!: బీజేపీ ఎంపీ దియా

బెంగళూరు: అప్పట్లో.. రాజులు యుద్ధాల సమయంలో శత్రు రాజ్యాలకు భయపడి రహస్య గదులను ఏర్పాటు చేసుకోవడం గురించి చరిత్రలో చదివి ఉంటాం.  సాధారణంగా.. ఐటీ రైడింగ్‌లకు భయపడి డబ్బును గోడల్లోనో, సీక్రెట్‌ గదుల్లోనూ, వాటర్‌ ట్యాంక్‌ల్లోనో దాచడం చూస్తుంటాం. అలాగే డబ్బు, నగలు, ముఖ్యమైన డాక్యుమెంట్లు భద్రపరిచే సీక్రెట్ రూమ్ చూసి ఉంటాం. కానీ, టాయిలెట్‌లో రహస్య గది ఒకటి ఏర్పాటు చేసుకుని.. అందులో గుట్టుగా వ్యభిచారం సాగించే ముఠా ఓ ముఠా వ్యవహారం తాజాగా వెలుగు చూసింది.  ఈమధ్యకాలంలో ఇతర రాష్ట్రాల వ్యభిచార ముఠాల వ్యవహారాలు ఎక్కువగా బయటపడుతున్నాయి. ఈ నేపథ్యంలో బ్రోకర్లు.. పోలీసుల కళ్లు గప్పేలా అతితెలివి ప్రదర్శిస్తున్నారు. కర్ణాటకలోని చిత్రదుర్గలో ఓ హోటల్‌పై రైడింగ్‌కు వెళ్లిన పోలీసులు షాక్‌కు గురయ్యారు. చిత్ర‌దుర్గ‌లోని ఓ చోట వ్య‌భిచారం చేస్తున్న‌ట్లు పక్కా స‌మాచారం అందుకుని స్పెషల్‌ టీం రైడ్‌కు వెళ్లింది. అయితే ఆ సమయంలో గదుల్లో వెతికినా ఏం కనిపించలేదు. దీంతో పోలీసులు ఘటనా స్థలంలోని బాత్‌రూమ్‌ను పరిశీలించగా..  ఒకచోట నుంచి గురక శబ్దం వినిపించింది.  శబ్ధం ఎటువైపు వస్తుందోనని పరిశీలించిన ఓ అధికారికి.. టైల్స్‌ నుంచి రావడం వినిపించింది. అనుమానంతో ఆయన టైల్స్‌పై చెయ్యి వేయగానే.. అది కాస్త పక్కకు జరిగింది. దీంతో లోపల ఏర్పాటు చేసిన ఒక చిన్న గది బయటపడింది. పోలీసులు గదిని తెరిచి చూడగా.. అందులో ఒక చిన్న సెల్లార్ ఏర్పాటు చేశారు. అలా మొత్తం మూడు వ్యభిచార గృహాలు, ఒక క్లయింట్, ఒక బ్రోకర్ పట్టుబడ్డారు. బయట చూడ్డానికి మామూలు ప్రదేశమే అనిపించినా టాయిలెట్ లోపల ఇలా వ్యభిచార గృహం ఉండడం షాక్ కు గురిచేస్తోంది. ప్రస్తుతం ఈ వీడియో సోషల్‌ మీడియాలోనూ వైరల్‌ అవుతోంది.

Lock Upp: Saisha Shinde Reveal Secret Says This Is Why You Are Gay: బాలీవుడ్‌ వివాస్పద బ్యూ​​టీ కంగనా రనౌత్‌ ఓ వైపు సినిమాల్లో రాణిస్తూనే మరోవైపు హోస్ట్‌గా సక్సెస్‌ఫుల్‌గా కొనసాగుతోంది. డిఫరెంట్‌ కాన్సెప్ట్‌తో వచ్చిన రియాలిటీ షో 'లాకప్‌'కు కంగనా వ్యాఖ్యాతగా వ్యవహరిస్తున్న విషయం తెలిసిందే. ఈ షో ఇటీవలి జడ్జిమెంట్‌ స్పెషల్‌ ఎపిసోడ్‌లో మునావర్ ఫరూఖీ తన లైఫ్‌ సీక్రెట్‌ను చెప్పాడు. తన ఆరేళ్ల వయసులో ఎదుర్కొన్న లైంగిక వేధింపుల గురించి చెబుతూ ఎమోషనల్‌ అయ్యాడు. తర్వాత కంగనాకు కూడా ఇలాంటి చేదు అనుభవం ఎదురైందని చెప్పి షాక్‌కు గురి చేసింది.  అయితే వీరి తర్వాత ఎవిక్షన్‌ నుంచి సేవ్ అయిన సైషా షిండే తను ఎలాంటి వేధింపులను ఎదుర్కుందో లాకప్‌ వేదికగా తెలియజేసింది. 'ఇది నా మొదటి సీక్రెట్. మీకు (మునావర్ ఫరూఖీ, కంగనా రనౌత్) జరిగిన లైంగిక వేధింపులను మీరు పంచుకోవడం చూశాక, అది విని ప్రజలు ఎలా రియాక్టయ్యారో చూశాక నాకు జరిగింది గుర్తుకు వచ్చింది. నేను కూడా లైంగిక వేధింపులకు గురయ్యాను. ఈ విషయం చెప్పినప్పుడు కొంతమంది వ్యక్తులు 'ఇందుకేనా నువ్‌ స్వలింగ సంపర్కురాలివి అయ్యావా (గే)' అని అన్నారు. అలా అన్నాక ఇక ఎవ్వరికీ ఈ విషయం గురించి చెప్పే సాహసం చేయలేదు.' చదవండి: ఆరేళ్లప్పుడు లైంగిక వేధింపులు.. కంగనా రనౌత్‌ షాకింగ్ రియాక్షన్‌ View this post on Instagram A post shared by S A I S H A S H I N D E (@officialsaishashinde) సైషా తాను స్వప్నిల్ షిండేగా ఉన్న సమయం గురించి పలుసార్లు తెలిపింది. ఆ సమయంలో తనను తాను స్వలింగ సంపర్కాలు (గే) అని నమ్మిందట. సైషాగా మారాలని నిర్ణయించుకునేంత వరకు మానసికంగా ఎలా పోరాడిందో తరచుగా చెప్పేది. దీపికా పదుకొణె, కరీనా కపూర్‌ ఖాన్, కత్రీనా కైఫ్, శ్రద్ధా కపూర్, ప్రియాంక చోప్రా, మాధురీ దీక్షిత్‌, సన్నీ లియోన్‌, తాప్సీ పన్ను, భూమి పడ్నేకర్‌, హీనా ఖాన్‌లతో సహా టాప్ ఎ-లిస్ట్‌ బాలీవుడ్‌ నటులతో ప్రముఖ డిజైనర్‌ స్వప్నిల్ షిండేగా పనిచేసింది.  చదవండి: పెళ్లయ్యాక పరాయి వ్యక్తిని ముద్దు పెట్టుకున్నా.. భర్తకు చెప్పిన నటి     var request = 'https://www.sakshi.com/knowwidget/kwstr_921254769.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Dev Mahadev Star Mohit Raina Secretly Marries Aditi : బాలీవుడ్‌ నటుడు మోహిత్‌ రైనా సీక్రెట్‌గా వివాహం చేసుకున్నాడు. జనవరి1న న్యూ ఇయర్‌ సందర్భంగా పెళ్లి ఫోటోలు షేర్‌ చేసి అందరికి షాక్‌ ఇచ్చాడు. సాధారణంగా సెలబ్రిటీల వివాహం అంటే కొన్ని రోజుల ముందు నుంచే ఆ హడావిడి సోషల్‌ మీడియాలో స్పష్టంగా కనిపిస్తుంది. కానీ మోహిత్‌ మాత్రం పెళ్లి తేదీ వరకు తన వివాహాన్ని అత్యంత రహస్యంగా ఉంచాడు. గత కొన్నాళ్లుగా రిలేషన్‌షిప్‌లో ఉన్నా ఆ విషయం బయటికి పొక్కకుండా చాలా జాగ్రత్త పడ్డాడు. తాజాగా ప్రియురాలిని సీక్రెట్‌గా పెళ్లి చేసుకొని ఫ్యాన్స్‌కి షాకిచ్చాడు. కొత్త ఏడాదిలో కొత్త జీవితం ప్రారంభమవుతుందని, మీ అందరి ఆశీస్సులు కావాలంటూ ఇన్‌స్టాగ్రామ్‌లో పోస్ట్‌ షేర్‌ చేశాడు. ఇక చూడముచ్చటైన ఈ జంటకు సినీ ప్రముఖులు, నెటిజన్ల నుంచి పెద్ద ఎత్తున శుభాకాంక్షలు వెల్లువెత్తుతున్నాయి. కాగా 2005 నుంచి ఇండస్ట్రీలో ఉన్న మోహిత్‌ మహాదేవ్‌ సీరియల్‌తో ఎంతో పాపులర్‌ అయ్యాడు. శివుడి పాత్రలో మోహిత్‌ నటనకు ప్రేక్షకులు ఫిదా అయిపోయారు. 2019లో వచ్చిన యురి..ది సర్జికల్ స్ట్రైక్ సినిమాలో సైతం కీలక పాత్రలో కనిపించాడు.  View this post on Instagram A post shared by Mohit Raina (@merainna)

పిడుగురాళ్ల (గుంటూరు జిల్లా): తనను మోసం చేసి, తన భర్త వేరే వివాహం చేసుకున్నాడని, తనకు న్యాయం చేయాలంటూ ఓ మహిళ పిడుగురాళ్ల పోలీస్‌స్టేషన్‌ ఎదుట శుక్రవారం నిరసన  వ్యక్తం చేసింది. బాధితురాలి కథనం మేరకు.. పిడుగురాళ్ల పిల్లలగడ్డకు చెందిన ముజావర్‌ షాహీనాకు సత్తెనపల్లి మండలం తొండపి గ్రామానికి చెందిన ముజావర్‌ సైదాతో 2000 సంవత్సరం జూలై 23వ తేదీ వివాహం జరిగింది. చదవండి: దుస్తులు సరిగా కుట్టలేదని హత్య  కొంతకాలం తొండపిలో వీరి కాపురం సాఫీగా సాగింది. వీరికి ఇద్దరు మగ పిల్లలు. భర్త సైదా తన వద్ద డబ్బులు లేవని చెప్పి భార్య షాహీనా పేరు మీద ఉన్న ఆస్తిని అమ్మి వ్యాపారం ప్రారంభిస్తానని నమ్మబలికాడు. దీంతో షాహీనా 20 సవర్ల బంగారం, తన పేరు మీద ఉన్న ఎకరం పొలం, ఇల్లు మొత్తం భర్త సైదాకు రాసి ఇచ్చింది. కొంతకాలం తర్వాత భార్యాపిల్లలను ఆమె పుట్టింట్లో వదిలి వ్యాపారం నిమిత్తం వెళ్తున్నానని, మళ్లీవచ్చి తీసుకెళ్తానని చెప్పి సైదా వెళ్లిపోయాడు. అలా రెండేళ్లు గడిచిపోయాయి. చివరకు భర్త ఎక్కడున్నాడో తెలుసుకుందామని తొండపి వెళ్లగా సైదా వేరే పెళ్లి చేసుకుంటున్నాడని తెలిసి 2021 అక్టోబర్‌ 17వ తేదీ ఆ వివాహం ఆపివేయించానని భార్య షాహీనా తెలిపింది. అయితే గత నెలలో హైదరాబాద్‌లో మళ్లీ రహస్యంగా వేరే మహిళతో వివాహం చేసుకున్నాడని తెలిసింది. దీంతో తన బంధువులతో కలిసి హైదరాబాద్‌లో తన భర్త, వేరే మహిళ ఉన్నచోటుకు వెళ్లి ఇద్దరిని పట్టుకోవడం జరిగిందని తెలిపింది. శుక్రవారం తన భర్త రెండో పెళ్లి ఆధారాలతో పట్టణ పోలీస్‌స్టేషన్‌ వద్ద న్యాయం చేయాలంటూ నిరసన వ్యక్తం చేసింది. సైదాను షాహీనా బంధువులు పోలీసులకు అప్పగించారు. సీఐ మధుసూదన్‌రావు కేసు నమోదు చేసి దర్యాప్తు చేస్తున్నట్లు తెలిపారు.

Anchor Suma Reveals About The Secrets She Hide From Long Time: యాంకర్‌ సుమ కనకాల..తెలుగు రాష్ట్రాల్లో ఈ పేరు తెలియని బుల్లితెర ప్రేక్షకులు లేరంటే అతిశయోక్తికాదు. దాదాపు రెండు దశాబ్దాలుగా యాంకరింగ్‌లో త‌న‌కు ఎవ‌రూ సాటి లేర‌న్న విధంగా ముందుకు సాగుతుంది.   ఆడియో ఫంక్ష‌న్‌, ఈవెంట్ సహా పలు టీవీ షోలతో ప్రేక్షకులను అలరిస్తుంది. తాజాగా తన సొంత యూట్యూబ్‌ ఛానల్‌లో మాట్లాడిన సుమ పలు ఆసక్తికర విషయాలను పంచుకుంది. చాలాకాలంగా దాచిపెట్టిన ఒక విషయాన్ని అభిమానులతో షేర్‌ చేసుకుంది. చదవండి: 'గుండె తరుక్కుపోతుంది..సమంత ఎలా భరిస్తుందో' 'చాలా ఏళ్ల నుంచి ఒక విషయం దాచిపెట్టే ప్రయత్నం చేస్తూ వచ్చాను. ఇకపై దాన్ని దాచాలనుకోవడం లేదు. నేను కీలాయిడ్‌ టెండెన్సీ అనే స్కిన్‌ ప్రాబ్లమ్‌తో బాధపడుతున్నా. అంటే ఏదైనా గాయం అయితే అది మరింత పెద్దదిగా చుట్టుపక్కల వ్యాపిస్తుంది. అంటే చిన్న గాయం కూడా పెద్దదిగా చూపిస్తుందనమాట. దీన్ని పోగొట్టుకోవడానికి చేయాల్సినవి అన్నీ చేసి చూశాను. కానీ ఫలితం లేదు. ఇది నా శరీరంలో భాగమైపోయిందని అర్థమైంది.చదవండి: మనసులోని బాధను బయటపెట్టిన సమంత.. పోస్ట్‌ వైరల్‌ గతంలో ఈ ప్రొఫెషనలిజంలోకి వచ్చినప్పడు మేకప్‌ ఎలా వేసుకోవాలి, ఎలా తీసేయాలి వంటివి తెలియక జరగాల్సిన డ్యామెజ్‌ జరిపోయింది. ఇప్పుడు ఉన్నదాన్ని కాపాడుకుంటూ వస్తున్నాను. సాదారణంగా మన బాడీలో ఏదైనా మనకు నచ్చకపోతే ఎవరైనా ఏమైనా అనుకుంటారేమోనని దాచిపెడుతూ వస్తాం. కానీ అది మన శరీరంలోనే ఉంటుంది అని తెలిసినప్పుడు దాన్ని అంగీకరించాలి. అప్పుడే మనం సంతోషంగా ఉండగలం' అంటూ వీడియోను షేర్‌ చేసింది. చదవండి: సమంత తల్లి కావాలనుకుంది కానీ.. సంచలన నిజాలు వెల్లడించిన నీలిమ

సాక్షి, న్యూఢిల్లీ: పరారీలో ఉన్న మాజీ వ్యాపారవేత్త విజయ్‌మాల్యాను భారత్‌కు తీసుకొచ్చేందుకు అప్పగించే ప్రక్రియ రహస్యంగా కొనసాగుతోందని సుప్రీంకోర్టుకు కేంద్రం తెలియజేసింది. ఈ అంశంలో తాజా పరిస్థితి గురించి తెలియదని.. ఇందులో తాము ఒక పక్షంగా లేమని స్పష్టం చేసింది. అప్పగించే విషయంలో రహస్యంగా కొనసాగుతున్న ప్రక్రియలు ఏంటనేవి తమకు తెలియజేయాలని మాల్యా తరఫు న్యాయవాది అంకుర్‌సైగల్‌ను జస్టిస్‌ యూయూ లలిత్, జస్టిస్‌ అశోక్‌భూషణ్‌ ఆధ్వర్యంలోని ధర్మాసనం ఆదేశించింది. మాల్యా న్యాయవాది సైతం ఈప్రక్రియలపై తనకు అవగాహన లేదని చెప్పారు. అప్పగింతకు వ్యతిరేకంగా చేసుకున్న అభ్యర్థనను తిరస్కరించిన విషయమే తనకు తెలుసన్నారు. దీంతో మాల్యా అప్పగింత ప్రక్రియ ముగియనున్న నవంబర్‌ 2 నాటికి ఈ వివరాలు తెలియజేయాలని కోర్టు ఆదేశాలు జారీ చేసింది. కోర్టు ఆదేశాలను ఉల్లంఘిస్తూ మాల్యా తన పిల్లలకు 40 మిలియన్‌ డాలర్లను బదిలీ చేయగా.. దీన్ని నేరంగా కోర్టు గతంలో ప్రకటించింది. దీన్ని సమీక్షించాలని కోరుతూ మాల్యా దాఖలు చేసుకున్న రివ్యూ పిటిషన్‌ను కొట్టివేస్తూ అక్టోబర్‌ 5న తమ ముందు హాజరుకావాలని సుప్రీంకోర్టు లోగడ ఆదేశాలు జారీ చేసింది. కింగ్‌ఫిషర్‌ ఎయిర్‌లైన్స్‌ సంస్థ తరఫున తీసుకున్న రూ.9,000 కోట్ల రుణ ఎగవేతకు సంబంధించి మాల్యా కోర్టు కేసును ఎదుర్కొంటున్నారు. ప్రస్తుతం ఆయన బ్రిటన్‌లో తలదాచుకున్నారు.

సినిమా మ్యాజిక్కే వేరు. లేనిది ఉన్నట్టుగా, ఉన్నది లేనట్టుగా చూపించడం సినిమాకు చాలా మామూలు విషయం. అందుకు తాజా ఉదాహరణ చిరంజీవి లుక్‌. ఇటీవలే చిరంజీవి గుండుతో ఉన్న లుక్‌ను ఆన్‌లైన్‌లో షేర్‌ చేసి, అభిమానులను ఆశ్చర్యపరిచారు. తన తదుపరి చిత్రాల్లో ఓ సినిమాకు సంబంధించిన లుక్‌ అని తెలిపారు. అయితే నిజంగానే చిరు గుండు చేయించుకున్నారని చాలామంది భావించారు. కొంతమంది చేయించుకోలేదన్నారు. ఆ లుక్‌ కేవలం ట్రిక్‌ అని మంగళవారం అసలు విషయం బయటపెట్టారు చిరంజీవి. మేకప్‌ టెక్నిక్‌తొ ఆ లుక్‌ ట్రై చేశాం అని, ఆ లుక్‌ కోసం ఎలా శ్రమించారో ఓ వీడియోను ఆయన ఇన్‌స్టాగ్రామ్‌లో అప్‌లోడ్‌ చేశారు. ‘‘ఎటువంటి లుక్‌ అయినా సరే నిజమేమో? అని నమ్మించగలిగే సాంకేతిక నిపుణులందరికీ ధన్యవాదాలు. సినిమా మ్యాజిక్‌కు సెల్యూట్‌’’ అన్నారు చిరంజీవి.

న్యూఢిల్లీ: యూజర్ల వివరాల గోప్యతకు సంబంధించి మెసేజింగ్‌ యాప్‌.. వాట్సాప్‌ కొత్త అప్‌డేట్‌ ప్రవేశపెట్టింది. దీనితో యూజరు అనుమతించిన వారు తప్ప మిగతావారెవరు సదరు యూజరు అనుమతి లేకుండా వారి పేర్లను గ్రూప్స్‌లో చేర్చే వీలుండదు. ఇందుకు సంబంధించి ప్రస్తుతం యాప్‌లో ఉన్న ’నోబడీ’ ఆప్షన్‌ స్థానంలో ’మై కాంటాక్ట్స్‌ ఎక్సెప్ట్‌’ అనే ఆప్షన్‌ను వాట్సాప్‌ ప్రవేశపెట్టింది. దీనితో గ్రూప్స్‌లో తనను చేర్చేందుకు ఎవరెవరికి అనుమతి ఇవ్వొచ్చు, ఎవరికి ఇవ్వొద్దు అన్నది యూజరే నిర్ణయించుకోవచ్చని సంస్థ తెలిపింది. యూజరును నేరుగా గ్రూప్‌లో చేర్చేందుకు తమకు అనుమతి లేకపోతే వ్యక్తిగత చాటింగ్‌ ద్వారా గ్రూప్‌ అడ్మినిస్ట్రేటర్లు .. వారికి ప్రైవేటుగా ఆహ్వానం పంపాల్సి ఉంటుంది. దీనిపై యూజరు నిర్ణయం తీసుకోవచ్చు. పలువురు జర్నలిస్టులు, సామాజిక కార్యకర్తలపై పెగాసస్‌ స్పైవేర్‌ ద్వారా నిఘా పెట్టేందుకు దరిమిలా.. యూజర్ల వివరాల గోప్యత ప్రశ్నార్థకంగా మారిందంటూ ఆరోపణలు వస్తున్న నేపథ్యంలో వాట్సాప్‌ కొత్త ఫీచర్‌ ప్రాధాన్యం సంతరించుకుంది. 

నెల్లిమర్ల: జిల్లావ్యాప్తంగా ఈ విద్యాసంవత్సరంలో ఏడు గురుకులాలను ప్రారంభిస్తున్నట్లు జూలై నెలలోనే ప్రభుత్వం ప్రభుత్వం ప్రకటించింది. ప్రస్తుతం భవనాలు అందుబాటులో ఉన్న మూడు ప్రాంతాల్లో ఈ నెలలో పాఠశాలలు ప్రారంభించేందుకు సంబంధిత అధికారులు కసరత్తు చేస్తున్నారు. ఆ పాఠశాలలకు సంబంధించిన గెస్ట్‌ టీచర్ల నియామకాలను మాత్రం అడ్డదారిలో చేపట్టారు. అధికార టీడీపీ నేతల ఒత్తిడితో ఎలాంటి ప్రకటనలు ఇవ్వకుండానే నియామకాలు చేపట్టారు. ప్రతిపక్ష ఎమ్మెల్యే ఉన్న సాలూరులో కనీసం సమాచారం కూడా ఇవ్వకుండానే టీచర్లను నియమించారు. సంబంధిత బీసీ సొసైటీ అధికారులు ఈ విషయంలో టీడీపీ నేతలకు సహకరించారనే ఆరోపణలు వినిపిస్తున్నాయి. అసలేమైందంటే... విజయనగరం, కొత్తవలస, గంట్యాడ, సాలూరు, పార్వతీపురం, బొబ్బిలి మండలం కారాడ, కురుపాం ప్రాంతాల్లో ఈ విద్యాసంవత్సరంలో మహాత్మా జ్యోతిబా ఫూలే బీసీ గురుకుల పాఠశాలలు నెలకొల్పాలని ప్రభుత్వం నిర్ణయించింది. కొత్తవలస, గంట్యాడ, సాలూరు, పార్వతీపురంలో బాలికలు, విజయనగరం, కారాడ, కురుపాంలో బాలుర పాఠశాలలు ప్రారంభించాలని సంబంధిత అధికారులు ముందుకొచ్చారు. భవనాలు అందుబాటులో ఉన్న గంట్యాడ, కారాడ, సాలూరు ప్రాంతాల్లో ముందుగా ఈ నెలలోనే పాఠశాలలను ఏర్పాటుచేయాలని సన్నాహాలు చేశారు. ఈ పాఠశాలల్లో బోధనకు గెస్ట్‌ టీచర్లను నియమించేందుకు ప్రకటన ఇవ్వాలి. కానీ అదేమీ లేకుండానే సంబంధిత అధికారులు గెస్ట్‌ టీచర్ల నియామకాలు చేపట్టేశారు. అధికార టీడీపీ నేతలు చెప్పిన అభ్యర్థుల నుంచి బయోడేటాలు తీసుకుని, వారు సిఫారసు చేసినవారినే ఎంపిక చేశారన్న ఆరోపణలున్నాయి. వందిమంది దరఖాస్తు చేసుకున్నారు గెస్ట్‌ టీచర్ల కోసం మొత్తం వందమంది అభ్యర్థులు స్వతహాగానే దరఖాస్తు చేసుకున్నట్లు సంబంధిత అధికారులు చెబుతున్నారు. వారిలో 40మంది మాత్రమే ఇంటర్వూ్యలకు హాజరయ్యారని అంటున్నారు. మూడు పాఠశాలలకు సంబంధించి 20మందిని నియమించినట్లు తెలిపారు. అకడమిక్‌ గైడెన్స్‌ అధికారితో పాటు గురుకులాల జిల్లా కన్వీనరుతో పాటు ఒక సబ్జెక్ట్‌ నిపుణుడు కమిటీగా ఏర్పడి టీచర్లను ఎంపికచేసినట్లు చెబుతున్నారు. అయితే ఇదంతా అబద్ధమని, కేవలం టీడీపీ నేతలు చెప్పిన వారినే నియమించినట్లు భోగట్టా. పారదర్శకంగానే నియామకాలు జిల్లాలోని గంట్యాడ, కారాడ, సాలూరులో నెలకొల్పే బీసీ గురుకులాలకు సంబంధించిన గెస్ట్‌ టీచర్ల నియామకాలను పారదర్శకంగానే చేపట్టాం. ఉన్నతాధికారుల ఆదేశాల మేరకే ప్రకటన ఇవ్వలేదు. ఎంపికైన అభ్యర్థులకు నియామక పత్రాలు కూడా ఇవ్వలేదు. గంటకు రూ. 148లు చొప్పున నెలకు గరిష్టంగా రూ 14,800 గౌరవ వేతనంగా అందజేస్తాం. రెగ్యులర్‌ టీచర్లను నియమించగానే వీరిని తొలగిస్తాం.–సత్యారావు, జిల్లా గురుకులాల కన్వీనర్‌    

సాక్షి, కామారెడ్డి అర్బన్‌: పోలింగ్‌ స్టేషన్‌లో వీడియోలు, ఫొటోలు తీయడం సుప్రీంకోర్టు సూచనలకు విరుద్ధం అయినప్పటికీ ఎన్నికల పరిశీలకుడి అనుమతితో ప్రతికా సిబ్బంది, ఫొటోగ్రాఫర్లు వీడియో చిత్రీకరణ, ఫొటోలు తీయడానికి ఎన్నికల సంఘం అనుమతి ఇచ్చింది. ఓటరు రహస్యంగా ఓటు వేస్తున్న ఫొటోలు, చిత్రీకరణ చేయడం ఎట్టి పరిస్థితిల్లోనూ నేరంగా పరిగణిస్తారు. ఓటరు రహస్య బ్యాలెట్‌ పద్ధతికి విఘాతం కలగకుండా నిబంధనలు పాటించాల్సి ఉంటుంది.  పత్రికా సిబ్బంది తమ వీడియో, ఫొటోలను అనధికార వ్యక్తులు, మధ్యవర్తుల ద్వారా తీయడం నేరం అవుతుంది. సున్నిత, అతి సున్నిత పోలింగ్‌ కేంద్రాల్లో ఎన్నికల పక్రియను ఎన్నికల అధికారులే స్వయంగా వీడియో చిత్రీకరణ చేస్తారు.  శాంతి భద్రతలకు విఘాతం కలుగకుండా గుర్తింపు పొందిన ఫొటోగ్రాఫర్‌ స్టేషన్‌ బయట తమ వంతు కోసం ఎదురు చూస్తున్న ఓటర్లను ఫొటోలు, వీడియో తీయవచ్చు. ఓటింగ్‌ యంత్రంలో ఓటు వేస్తున్న ఫొటో, వీడియో తీయడం నేరంగా పరిగణిస్తారు.  ఎన్నికల సంఘం గుర్తింపు లేకుండా ఎలాంటి వారికి పోలింగ్‌ స్టేషన్‌లోని అనుమతి లేదు. రాష్ట్ర, కేంద్ర ప్రభుత్వ సమాచార శాఖ సిబ్బంది అయినా సరే ఎన్నికల సంఘం అనుమతిపత్రం తప్పని సరి. అనుమతి పత్రం లేకుండా అడుగు పెట్టడానికి వీలులేదు.

కొన్ని రోజుల క్రితం సంజయ్‌ దత్‌ ఒక ప్రముఖ ఆంగ్ల దిన పత్రికకు ఇచ్చిన ఇంటర్వ్యూలో తనకు 308మంది మహిళలతో సంబంధం ఉందని స్వయంగా వెల్లడించిన సంగతి తెలిసిందే. ఆ రోజు నుంచి అందరి మనసుల్లో ఒకటే అనుమానం...ఏం చూసి ఈ ‘ఖల్‌నాయక్‌’కు ఇంత మంది అమ్మాయిలు పడిపోయారా అని. అయితే ఈ సందేహాలకు ‘సంజు’ చిత్ర దర్శకుడు రాజ్‌ కుమార్‌ హీరానీ సమాధానం చెప్పారు. తనతో పరిచయం అయిన ప్రతి అమ్మాయిని సంజయ్‌ ఒక సమాధి దగ్గరకు తీసుకెళ్లేవాడు. ఆ సమాధిని తన తల్లిదని చెప్పేవాడు. దాంతో ఆ అమ్మాయి కాస్తా ఎమోషనల్‌ అయ్యి సంజయ్‌కు మరింత దగ్గరయ్యేది. అయితే ఇక్కడ అసలు విషయం ఏంటంటే ఆ సమాధి సంజయ్‌ తల్లిది కాదు.. నకిలీ సమాధి వద్దకు తీసుకెళ్లి వారి సానుభూతి పొందేవాడు’ అని అసలు విషయం బయట పెట్టాడు రాజ్‌కుమార్‌ హీరానీ. ‘ఇండియా టుడే’కు ఇచ్చిన ఇంటర్వ్యూలో ఆయన సంజు గురించి పలు ఆసక్తికర విషయాలు వెల్లడించాడు. తన ప్రియురాళ్లకు అబద్దాలు చెప్పడమే కాక తనను వదిలేసిన అమ్మాయిల మీద పగ తీర్చుకోవడానికి కూడా వెనకాడేవాడు కాదంట సంజయ్‌. ఒకసారి ఓ అమ్మాయి సంజయ్‌తో బ్రేకప్‌ చేసుకుందంట. దాంతో ఆగ్రహం చెందిన సంజయ్‌ ఆ అమ్మాయి ఇంటికి వెళ్లాడు. అక్కడ ఒక కొత్త కారు పార్క్‌ చేసి ఉంది. సంజయ్‌ ఆ కారును తీసుకెళ్లి తుక్కుతుక్కు చేశాడంట. తర్వాత తెలిసిన విషయం ఏంటంటే ఆ కారు తన మాజీ ప్రేయురాలి కొత్త ప్రేమికుడిదని. అంతేనా ఈ మున్నాబాయ్‌ కాలంలో వచ్చిన హీరోయిన్లలో దాదాపు అందరితో సంజయ్‌ సంబంధాలు నడిపాడంట. వీరిలో కొందరు హీరోయిన్లు సంజయ్‌ కంటే ముందే ఇండస్ట్రీకి వచ్చారు. ప్రస్తుతం మీడియా రణ్‌బీర్‌ కపూర్‌ను ‘బాలీవుడ్‌ ప్లేబాయ్‌’గా ప్రచారం చేస్తున్న సంగతి తెలిసిందే. ఈ విషయం గురించి రణ్‌బీర్‌ ‘నేను కేవలం పదిమంది అమ్మాయిలతోనే డేటింగ్‌ చేసాను. కానీ బాబా(సంజయ్‌ దత్‌) కౌంట్‌ 308’ అన్నాడు. అంతేకాక ప్రతిరోజు షూటింగ్‌ జరగడానికి ముందు రోజు రాత్రి రణ్‌బీర్‌ సంజయ్‌దత్‌కు ఫోన్‌ చేసేవాడంట. తరువాత రోజు షూటింగ్‌ జరిగే సన్నివేశాల గురించి సంజయ్‌తో చర్చించే వాడంట. ఆ సమయంలో సంజయ్‌ మనసు ఎలా ఉండేది...ఆ సంఘటనల గురించి ఎలా స్పందించేవాడని అడిగి తెలుసుకునే వాడినన్నాడు రణ్‌బీర్‌. అంతేకాక సంజయ్‌ డ్రగ్స్‌కు బానిసయినప్పుడు అతని పరిస్థితి ఎలా ఉండేదో తెలిపే ఒక సంఘటనను గుర్తు చేసుకున్నాడు రణ్‌బీర్‌. ‘ఒకానొక సమయంలో బాబా డ్రగ్స్‌కు తీవ్రంగా బానిసయ్యాడు. ఆ సమయంలో ఒకసారి బాబాకు తన తండ్రి సునిల్‌ దత్‌ సాబ్‌ తల మీద క్యాండిల్‌ వెలుగుతున్నట్లు అనిపించిందంట. సంజయ్‌ వెంటనే వెళ్లి ఆ క్యాండిల్‌ను తొలగించాడంట. సంజయ్‌ డ్రగ్స్‌కు ఎంతలా బానిసయ్యడనే విషయం అప్పుడు దత్‌సాబ్‌కు అర్థమయ్యింది‘ అని రణ్‌బీర్‌ తెలిపాడు.

న్యూయార్క్‌ : ఇప్పటి వరకు పురుషులు స్త్రీలను వేధించడం చూశాం. అయితే, ఓ మహిళ కూడా మరో మహిళను లైంగికంగా వేధిస్తుందని తాజాగా వెలుగులోకి వచ్చింది. ఈ అనుభవం కూడా ఓ ప్రముఖ హాలీవుడ్‌ నటి ఎదుర్కోవాల్సి వచ్చింది. పమీలా ఆండర్సన్‌ ప్రముఖ కెనడియన్‌ అమెరికన్‌ నటి పైగా మోడల్‌. ఆమెకు ఓ అతిథి బస గృహం ఉంది. 2001లో ఒకసారి వైద్యం చేయించుకునేందుకు ఆమె తల్లిదండ్రులు వస్తున్నందున వారికోసం ఆ ఇంటిని శుభ్రం చేసేందుకు వెళ్లింది. అయితే, తన పడక గదిని శుభ్రం చేసేందుకు వెళ్లగా అందులో ఓ మహిళ తనకు ఇష్టమైన, తాను ధరించే  బే వాచ్‌ స్విమ్‌ సూట్‌ను ధరించి కనిపించింది. దాంతో ఆమె ఒక్కసారిగా ఉలిక్కి పడింది. అయితే, తనను చూసి భయపడవొద్దని, తాను అల్లరి చేసేందుకు రాలేదని, తాను కేవలం ఆమెను స్పృషించేందుకే వచ్చానంటూ చెప్పింది. టచ్‌ చేసేందుకు వచ్చినంత మాత్రానా తనను లెస్బియన్‌ అనుకోవద్దని చెప్పింది. దాంతో ఒక్కసారిగా పమీలాకు చెమటలు పట్టాయి. 'నిన్ను ఓసారి టచ్‌ చేసి వెళ్లేందుకే నేను ఈ ఇంట్లోకి రహస్యంగా చొరబడ్డాను. మీరు ఒక్కరోజైనా రాకపోతారా అని మీరు ధరించే స్విమ్‌ సూట్‌ను వేసుకొని మూడు రోజులుగా ఇక్కడ విశ్రాంతి తీసుకుంటున్నాను' అని ఆమె చెప్పింది. దాంతో అప్పటికే తన ఇద్దరు బిడ్డలతో వచ్చిన పమీలా ఆ కొత్త మహిళ బహుశా ఓ సైకో ఉంటుందని భయపడి తన సెక్యూరిటీని అలర్ట్‌ చేసింది. దాంతో వారు ఆమెను పట్టుకొని పోలీసులకు అప్పగించారు. అయితే, పోలీసుల విచారణలో కూడా పమీలాకు హానీ చేయడానికి వచ్చినట్లు రుజువు కాలేదు. కేవలం వెర్రి అభిమానంతోనే ఆమె ఇంట్లోకి చొరబడినట్లు పోలీసులు గుర్తించారు. అయితే, ఆ సంఘటన మాత్రం తనను భయపెట్టిందని, ఇప్పటికీ గుర్తొస్తే భయపడుతుంటానని ఓ మీడియాకు ఓ లేఖ ద్వారా ఆమె తన అనుభవాన్ని పంచుకున్నారు.

సాక్షి, హైదరాబాద్‌ : హీరోయిన్‌ తమన్నా ఎంత అందంగా ఉంటారో ప్రత్యేకంగా చెప్పనక్కర్లేదు. ఆమెను మిల్కీబ్యూటీ అనిపిలుస్తారంటే ఆమె అందం ఎంత సుకుమారమో అర్ధమైపోతుంది. బాహుబలిలో సన్నటి మెరుపు తీగలా కనిపించిన ఈ ముద్దు గుమ్మ అదే సమయంలో పూర్తి ఫిట్‌నెస్‌తో కనిపిస్తూ యుద్ధ విన్యాసాలు ఎంతో చక్కగా చేసి మెప్పించారు. ఇది చూసిన ఎవరికైనా తమన్నా తన ఆరోగ్యం విషయంలో ఎంతో జాగ్రత్తలు పాటిస్తారని, భారీగా వర్క్‌వుట్‌లు కూడా చేస్తారని అందరికీ డౌట్‌ రావచ్చు.. అయితే ఆరోగ్యవంతమైన, జిమ్‌లో గడపడం వంటి విషయాలు పక్కనబెడితే ఆమె ఓ కప్పు కాఫీతోనే తన ఆరోగ్యాన్ని పదిలంగా ఉంచుకుంటారంట. అయితే, మాములు కాఫీ కాదు.. బటర్‌ కాఫీ.. సాధారణంగా మనం బటర్‌ మిల్క్‌ వింటాంగానీ, ఈ బటర్‌ కాఫీ ఏమిటి అని ప్రశ్నించగా ఇది తన ఆరోగ్య రహస్యం అని చెప్పారు. కాఫీలో బటర్‌ మిక్స్‌ చేసి తాగితే కొవ్వుమొత్తం కరిగి పోతుందని, హృదయానికి మంచిదని, రక్తప్రసరణ కూడా బాగా జరుగుతుందని చెప్పారు. తన రోజును బటర్‌ కాఫీతోనే ప్రారంభిస్తానంటూ ఆమె ఈ సందర్భంగా చెప్పుకొచ్చారు.

సాక్షి, న్యూఢిల్లీ : వివాదాస్పదమైన సంజయ్‌ లీలా బన్సాలీ బాలీవుడ్‌ చిత్రం ‘పద్మావతి’ విడుదలను కొన్ని హిందూ శక్తుల బెదిరింపులకు భయపడి నిరవధికంగా వాయిదా వేయడం పట్ల సోషల్‌ మీడియాలో ముఖ్యంగా, ట్విట్టర్‌లో మిశ్రమ స్పందన వస్తోంది. కొత్త మంది దీన్ని హిందూ శక్తుల విజయంగా వ్యాఖ్యానిస్తుండగా, ఎక్కువ మంది ఇది ప్రజాస్వామ్యానికి ఓటమని, ముఖ్యంగా భావ ప్రకటనా స్వేచ్ఛకు విఘాతమని వ్యాఖ్యానిస్తున్నారు. భారత యావత్‌ చలనచిత్ర పరిశ్రమ సంఘటితంగా నిలబడి ఉంటే నేడు ‘పద్మావతి’కి ఈ పరిస్థితి వచ్చేది కాదని, ఇందుకు చలనచిత్ర పరిశ్రమకు చెందిన వారంతా సిగ్గుతో తలదించుకోవాల్సిందేనని ఎక్కువ మంది వ్యాఖ్యానిస్తున్నారు. గోవాలో ప్రారంభమవుతున్న అంతర్జాతీయ బాలల చలనచిత్రోత్సవంలో ప్రదర్శించే భారతీయ సినిమాల జాబితా నుంచి ఎస్‌. దుర్గా, న్యూడ్‌ చిత్రాలను కేంద్ర ప్రభుత్వం ఒత్తిడి మేరకు తొలగించడం పట్ల వివాదం రాజకున్న తరుణంలోనే పద్మావతి వివాదం తారాస్థాయికి చేరుకుంది. పద్మావతి సినిమా షూటింగ్‌ జరుగుతుండగానే అంటే, గత జనవరి నెలలో సినిమాకు వ్యతిరేకంగా కొన్ని హిందూ శక్తులు ఆందోళనలు నిర్వహించాయి. సినిమా షూటింగ్‌ సెట్‌లను దగ్ధం చేయడం దగ్గరి నుంచి పద్మావతి దర్శకుడు సంజయ్‌ లీలా బన్సాలీని తల నరికిన వాడికి పది కోట్లు హిస్తామని, పద్మావతిగా సినిమాలో నటించిన దీపికా పదుకొణె ముక్కు కోసిన వ్యక్తికి కోటి రూపాయలు, ఆమెను నిలువున తగులబెట్టిన వ్యక్తికి మరో కోటి రూపాయలు ఇస్తామని బెదిరిస్తూ వచ్చాయి. ఓ బీజేపీ ఎమ్మెల్యేనే ఇలాంటి బెదిరింపులకు పాల్పడడం గమనార్హం. ఇలాంటి బెదిరింపులను సినీ పరిశ్రమ సంఘటితంగా ఎదుర్కోక పోవడం వల్లనే నేడు పద్మావతి సినిమా విడుదలను నిలిపివేయాల్సి వచ్చిందని, ఇది నిజంగా గూండాల విజయమని ఎక్కువ మంది ట్వీట్లు చేస్తున్నారు. ఇంతటి బెదిరింపులు వస్తున్నా కేంద్ర ప్రభుత్వం మౌనం వహించడం ఏమిటని, ముఖ్యంగా సినిమా పరిశ్రమ పట్ల ఆసక్తి చూపించే స్మతి ఇరానీ లాంటి వారు కూడా బాలీవుడ్‌ నటి పదుకొణేను అంతగా బెదిరిస్తున్నా ఎందుకు మాట్లాడడం లేదని ట్వీటర్లు ప్రశ్నిస్తున్నారు. గుజరాత్‌ అసెంబ్లీకి డిసెంబర్‌ 9, 14 తేదీల్లో రెండు విడతలుగా ఎన్నికలు జరుగనున్న నేపథ్యంలో ఓ రాజకీయ పార్టీ లబ్ధి పొందడం కోసమే కొన్ని హిందూ శక్తులను ఉద్దేశపూర్వకంగా రెచ్చగొడుతోందని, ఎన్నికల అనంతరం ఆందోళన సద్దుమణుగుతోందని ఆ పార్టీ ప్రభుత్వమే భరోసా ఇవ్వడంతోనే పద్మావతి విడుదలను వాయిదా వేసుకున్నారని విశ్వసనీయ వర్గాలు చెబుతున్నాయి. అయితే సల్మాన్‌ ఖాన్‌ హీరోగా నటించిన ‘టైగర్‌ జిందా హై’ సినిమా డిసెంబర్‌ 22వ తేదీన విడుదల కావాల్సి ఉందని,  ఆ సమయంలో పద్మావతి విడుదలయితే తమకు ఇబ్బంది అవుతుందని ఆ సినిమా డిస్ట్రిబ్యూటర్లు ఆందోళన వ్యక్తం చేస్తున్నారు. పద్మావతి స్థానంలో అంటే, డిసెంబర్‌ ఒకటవ తేదీన ‘టైగర్‌ జిందా హై’ చిత్రాన్ని విడుదలకు చర్యలు తీసుకోవాలని వారు ఆ సినిమా నిర్మాతలను కోరుతున్నట్లు తెల్సింది. Simply unprecedented.. the inability of our industry to stand together as one has got us here. A film, an artistic work used to the hilt for political gains, for free publicity. All industry ‘leaders’ should hang their heads in shame! #PadmavatiPostPoned — Amul Vikas Mohan (@amul_mohan) 19 November 2017 The real question is: what is the Padmavati row distracting us from? — Tanmay Bhat (@thetanmay) 19 November 2017 Big news from Bollywood with #Padmavati release being postponed; not happening on Dec1. Unfortunate to see all the political issues surrounding the film! The makers have been left with no other go! — Kaushik LM (@LMKMovieManiac) 19 November 2017


 -  వాస్తవమా..? అయోమయం సృష్టించేందుకా?
 -  ముస్లిం రిజర్వేషన్ల క్రెడిట్‌  టీఆర్‌ఎస్‌కు దక్కకుండా చేసేందుకా?
 -  దక్షిణాదిన తెలంగాణపై కాంగ్రెస్‌ కన్నేసిందా?
 -  మైనారిటీలను తమ వైపు తిప్పుకునేందుకేనా?
 -  రాజకీయ వర్గాల్లో చర్చోపచర్చలు
 - ఇది ఆషామాషీ వ్యవహారం కాదు.. అసలు కథ ముందుందన్న దిగ్విజయ్‌
 - డిగ్గీపై మండిపడుతున్న టీఆర్‌ఎస్‌.. చర్యలు తీసుకోవాలన్న బీజేపీ
 - ముస్లింలను ఆకర్షించడానికి ఉపయోగపడుతుందంటున్న కాంగ్రెస్‌ సీనియర్లు
 దిగ్విజయ్‌ వివాదాస్పద వ్యాఖ్యల వెనుక వ్యూహమేంటి?
 సాక్షి, హైదరాబాద్‌: ఐసిస్‌ పేరిట నకిలీ వెబ్‌సైట్‌ ప్రారంభించి తెలంగాణ పోలీసులు ముస్లిం యువతను రెచ్చగొడుతున్నారంటూ కాంగ్రెస్‌ ప్రధాన కార్యదర్శి దిగ్విజయ్‌ సింగ్‌ చేసిన వ్యాఖ్యలు రాజకీయ వర్గాల్లో పెను సంచలనం సృష్టించాయి. దిగ్విజయ్‌ చేసిన ఆరోపణల్లో వాస్తవం ఉందా..? లేదా అయోమయం సృష్టించడానికి ఇలాంటి ట్వీట్‌ చేశారా..? అని వివిధ పార్టీల నేతలు అసలు విషయం తెలుసుకునే ప్రయత్నం చేశారు. కాంగ్రెస్‌ నేతలు కొందరు నేరుగా దిగ్విజయ్‌కే ఫోన్‌ చేసి ఆరా తీశారు. తమకు తెలిసిన పోలీసు ఉన్నతాధికారులను వాకబు చేశారు.
 
 మరోవైపు దిగ్విజయ్‌ ట్వీట్‌లో నిజానిజాలు పక్కన పెడితే ఈ వ్యవహారం ఎటు దారి తీస్తుందోనని రాజకీయ పార్టీలు ఆచితూచీ వ్యవహరిస్తున్నాయి. ఆధారాల్లేకుండా ఆరోపణలు చేసిన దిగ్విజయ్‌పై చర్యలు తీసుకోవాలని బీజేపీ డిమాండ్‌ చేయగా.. బాధ్యతారహితమైన వ్యాఖ్యలు చేశారంటూ అధికార టీఆర్‌ఎస్‌ మండిపడింది. ఇక దిగ్విజయ్‌ ట్వీట్‌ వెనుక వ్యూహమేంటో తెలియక రాష్ట్ర కాంగ్రెస్‌ నేతలెవరూ మంగళవారం మీడియా ముందుకు కూడా రాలేదు.
 
 అసలు కథ ముందుంది..
 ట్వీట్‌ వెనుక వాస్తవాలు తెలుసుకునేందుకు పార్టీ ముఖ్య నేత ఒకరు దిగ్విజయ్‌సింగ్‌తో సోమవారం రాత్రి ఫోన్‌లో మాట్లాడారు. అయితే తాను చేసిన ట్వీట్‌ ఆషామాషీ వ్యవహారం కాదన్నారే తప్ప దాని గురించి పూర్తి వివరాలు వెల్లడించలేదు. ఐసిస్‌ పేరిట ప్రారంభించిన నకిలీ వెబ్‌సైట్‌కు సంబంధించి మున్ముందు అసలు కథ ఉంటుందని, జరగబోయే పరిణామాలను జాగ్రత్తగా గమనించాలని దిగ్విజయ్‌ ఆ నేతకు సూచించారు. మరికొందరు నేతలు మాట్లాడినా.. ఆయన దీనిపై పూర్తి వివరాలు తెలియజేయడానికి నిరాకరించారు. రాష్ట్రంలో జరుగుతున్న పరిణామాలను ఎప్పటికప్పుడు తన దృష్టికి తీసుకురావాలని సూచించినట్లు చెబుతున్నారు.
 
 ఐసిస్‌ పేరిట పోలీసులు వెబ్‌సైట్‌ నడుపుతున్నారా లేదా అన్నది పక్కనపెడితే ముస్లిం వర్గం వారికి పార్టీ దగ్గరయ్యేందుకు ఇది దోహదపడుతుందని ఓ సీనియర్‌ నేత విశ్లేషించారు. 12 శాతం రిజర్వేషన్లు అంటూ టీఆర్‌ఎస్‌ ముస్లింలను ఆకట్టుకుంటోందని, ఈ నేపథ్యంలో పోలీసులు ఇలా అమాయక ముస్లిం యువతను రెచ్చగొడుతున్నారన్నది ప్రచారంలో పెడితే కాంగ్రెస్‌కు ఎంతో కొంత ప్రయోజనకరంగా ఉంటుందని కాంగ్రెస్‌ సీనియర్‌ నేత ఒకరు విశ్లేషించారు. అయితే కొన్నిసార్లు ఇది బెడిసి కొట్టే ప్రమాదం కూడా లేకపోలేదని ఆ నేత వ్యాఖ్యానించారు.
 
 రాష్ట్రంపై హస్తం కన్ను..!
 ఇటీవల దక్షిణాదిన కర్ణాటక, ఏపీ, తెలంగాణలో పార్టీ పరిస్థితిపై కాంగ్రెస్‌ ఓ ప్రైవేట్‌ కంపెనీతో సర్వే చేయించుకుంది. కర్ణాటకలో అధికారంలో ఉన్న కాంగ్రెస్‌కు ఈసారి గెలుపు అవకాశాలు ఏమాత్రం లేవని, ఏపీలో పరిస్థితి గడచిన ఎన్నికలతో పోలిస్తే మరింతగా దిగజారిందని ఆ సర్వేలో తేలింది. తెలంగాణలో అధికారంలో ఉన్న టీఆర్‌ఎస్‌తో పోలిస్తే ఓట్ల పరంగా భారీ తేడా కనిపించినా రెండోస్థానంలో 36 శాతం ఓట్లు కలిగి ఉన్నట్లు ఆ సర్వే తెలిపింది. ఇప్పటికిప్పుడు ఎన్నికలు జరిగితే టీఆర్‌ఎస్‌కు 52 శాతం ఓట్లు లభిస్తాయని ఆ సర్వే వెల్లడించినట్లు విశ్వసనీయ వర్గాలు తెలిపాయి.
 
 ఈ సర్వేలో ముస్లింలు కేవలం 2 శాతం మాత్రమే కాంగ్రెస్‌కు మద్దతు పలికారు. ఎన్నికలకు ఏడాదిన్నర వ్యవధి మిగిలిన ఉన్న తరుణంలో ముస్లిం వర్గాలను టీఆర్‌ఎస్‌కు దూరం చేసేందుకు దిగ్విజయ్‌ ఈ పాచిక వేసి ఉంటారని కాంగ్రెస్‌ వర్గాలు విశ్లేషిస్తున్నాయి. దిగ్విజయ్‌ ఆరోపించినట్లు పోలీసులు ఐసిస్‌ పేరిట ఓ వెబ్‌సైట్‌ పెట్టి ముస్లిం యువతను రెచ్చగొట్టినా వారికి కౌన్సెలింగ్‌ నిర్వహించి వదిలేస్తున్నారని, ఒక విధంగా అది మంచిదేనని, వారు పక్కదారులు పట్టకుండా ఉంటుందని కాంగ్రెస్‌ నేతలే ప్రైవేట్‌ సంభాషణల్లో వ్యాఖ్యానిస్తున్నారు.
 
 ట్వీట్‌ వెనుక పోలీస్‌ కోల్డ్‌వార్‌
 దిగ్విజయ్‌ ట్వీట్‌ వెనుక పోలీస్‌ కోల్డ్‌వార్‌ ఉం దా? అవుననే అంటున్నాయి నిఘా వర్గాలు! గత రెండేళ్లుగా దేశవ్యాప్తంగా ఏ రాష్ట్రంలో ఉగ్ర నెట్‌వర్క్‌ ఉన్నా.. దాన్ని ట్రాక్‌ చేయడం, పేలు ళ్ల పథక రచనను నిరోధించి బ్రేక్‌ చేయడం కేవలం తెలంగాణ పోలీస్‌కు మాత్రమే సాధ్య మైంది. ఈ రకంగా దక్షిణాది రాష్ట్రాలతోపాటు ఈశాన్య రాష్ట్రాల్లోనూ అనేక మంది కీలక ఉగ్ర వాదులను తెలంగాణ పోలీస్‌ విభాగం పట్టిం చింది. అక్కడి స్థానిక నిఘా బృందాలకు, యాంటీ టెర్రరిస్ట్‌ స్క్వాడ్‌కు సైతం దొరకని ఉగ్రవాదులని రాష్ట్ర పోలీసులు పక్కాగా ఆప రేషన్‌ నిర్వహించి కటకటాల్లోకి నెట్టారు.
 
 పలు కాంగ్రెస్‌ పాలిత రాష్ట్రాల్లోనూ తెలంగాణ పోలీ సులు ఇలాగే వ్యవహరించారు. అయితే తమ రాష్ట్రాల్లో తెలంగాణ పోలీసులు ఇలా దూకు డుగా వ్యవహరించడం ఆయా రాష్ట్రాలకు రుచించలేదు. దీంతో ఆ రాష్ట్రాల పోలీసులకు, తెలంగాణ పోలీసులకు మధ్య కోల్డ్‌వార్‌ మొదలైనట్టు వార్తలు వినిపిస్తున్నాయి. దీన్ని దృష్టిలో ఉంచుకొనే కాంగ్రెస్‌ పాలిత రాష్ట్రా ల్లోని పోలీస్‌ అధికారులు.. ఈ విషయాన్ని దిగ్విజయ్‌ సింగ్‌ దృష్టికి తెచ్చారని, దాన్ని ఆధా రంగా చేసుకొని ట్వీట్ల వర్షం కురిపిస్తున్నట్టు నిఘా వర్గాలు అనుమానిస్తున్నాయి.
 
 నకిలీ వెబ్‌సైట్‌ చూపించాలి: రాష్ట్ర పోలీసులు
 దిగ్విజయ్‌ సింగ్‌ ఆరోపిస్తున్నట్టు నకిలీ వెబ్‌సైట్‌ ఉంటే చూపించాలని, పక్కా ఆధారాలతో రావాలని రాష్ట్ర పోలీస్‌ విభాగం సవాల్‌ విసిరింది. అవాస్తవాలతో తమ మనోస్థైర్యాన్ని దెబ్బతీయడం సరి కాదని వ్యాఖ్యానించింది. ఇతర రాష్ట్రాల్లో తమ బృందాలు ఉగ్రవాద నెట్‌వర్క్‌ను ఛేదిస్తూ దేశ రక్షణలో కీలక పాత్ర పోషిస్తున్నాయన్నారు. ఇతర రాష్ట్ర పోలీసుల్లో ఉన్న అసహనం దిగ్విజయ్‌ ట్వీట్ల ద్వారా బయటపడిందన్నారు.
 
 కేంద్ర హోంశాఖ, ఎన్‌ఐఏ, కేంద్ర ఇంటెలిజెన్స్‌.. విభాగాలు కూడా ఈ అంశంపై ఆరా తీశాయని సీనియర్‌ ఐపీఎస్‌ అధికారి ఒకరు ‘సాక్షి’కి తెలిపారు. నకిలీ వెబ్‌సైట్‌ ఏర్పాటు చేసి నెట్‌వర్క్‌ సాగించడం అంత సులభం కాదని, తాము చేసే ఆపరేషన్స్‌ను ఎన్‌ఐఏ, కేంద్ర హోంశాఖ, కేంద్ర ఇంటెలిజెన్స్‌ ఎప్పటికప్పుడు గమనిస్తూనే ఉంటాయని, ఆ విభాగాలను కాదని తాము ముందుకెళ్లే ప్రసక్తి ఉండదని ఆయన స్పష్టంచేశారు.
 
 క్షమాపణ చెప్పకుంటే చట్టపరమైన చర్యలు: నాయిని
 తెలంగాణ పోలీసులపై వివా దాస్పద వ్యాఖ్యలు చేసిన దిగ్విజయ్‌ బహిరంగ క్షమా పణ చెప్పాలని హోంమంత్రి నాయిని నర్సింహారెడ్డి డిమాండ్‌ చేశారు. అట్టర్‌ ప్లాఫ్‌ పార్టీకి ఇన్‌ చార్జిగా ఉన్న దిగ్విజయ్‌.. రాష్ట్ర పోలీస్‌ల కు క్షమాపణ చెప్పకపోతే చట్టపరంగా చర్యలు తీసుకుంటామని స్పష్టం చేశారు. 2014లో కాంగ్రెస్‌ తమతో పొత్తుకు యత్నించిందని, అయితే దిగ్విజయ్‌ సింగ్, జైరాం రమేశ్‌ వల్లే తాము పొత్తుకు నిరాకరించామని పేర్కొన్నారు. తెలం గాణ పోలీసులు దేశంలోనే సమర్థవం తంగా పనిచేస్తున్నారని కొనియాడారు.


 లండన్‌: భూమి పొరల్లో ఉండే ఐరన్‌ కోర్‌ కరిగిపోకుండా ఘనపదార్థంలాగే ఉండటం వెనుక గల కారణాన్ని పరిశోధకులు గుర్తించారు. సూర్యుడి ఉపరితలం కంటే భూమిలో పలి పొరల్లో వేడి ఎక్కువగా ఉంటుంది. ఇంత వేడిగా ఉన్నప్పటికీ అక్కడ ఉండే ఐరన్‌ కోర్‌  కరిగిపోకుండా ఉండటానికి గల గుట్టును ఛేదించేందుకు శాస్త్రవేత్తలు కొన్నేళ్లుగా పరిశో ధనలు నిర్వహిస్తున్నారు. దీనికి గల కారణా న్ని స్వీడన్‌లోని కేటీహెచ్‌ రాయల్‌ ఇన్‌స్టి ట్యూట్‌ ఆఫ్‌ టెక్నాలజీకి చెందిన పరిశోధ కులు గుర్తించారు.
 
 భూమిలోపలి ఐరన్‌ కోర్‌ కేంద్రభాగంలోని స్ఫటిక నిర్మాణాలు కరిగి కోర్‌లోని అంచుభాగానికి వెళతాయి. అక్కడి పీడనం కారణంగా మళ్లీ అవి కేంద్ర భాగానికి వచ్చి చేరతాయి. దీంతో కోర్‌లోని కేంద్ర భాగం ఎల్లప్పుడూ తటస్థంగా ఘన రూపం లోనే ఉంటోందని శాస్త్రవేత్త అనాటోలీ  వివరించారు. దీని వల్లే అక్కడ ఎంత అధికంగా ఉష్ణోగ్రత ఉన్నప్పటికీ ఐరన్‌ కోర్‌ ఘనరూపం లోనే ఉంటోందన్నారు. భూ ఉపరితలం కంటే ఐరన్‌ కోర్‌ వద్ద పీడనం 35 లక్షల రెట్లు ఎక్కువని, 6వేల డిగ్రీల కంటే అధికంగా ఉష్ణోగ్రత ఉంటుందన్నారు.


 నారాయణ ఆత్మహత్య చేసుకొని చనిపోతాడని ఎవరూ ఎప్పుడూ ఊహించలేదు. ఎందుకంటే... పదిమందికి ధైర్యం చెప్పడం తప్ప ఆయన మాటల్లో అధైర్యం ఎప్పుడూ తొంగిచూడదు. అయితే తన గురించి తాను ఎప్పుడూ చెప్పుకునేవాడు కాదు. ప్రతి చిన్న విషయంలో గోప్యత పాటించేవాడు.అందుకే ‘నారాయణ జీవితం తెరవని పుస్తకం’ అంటారు కొద్దిమంది.ప్రతి విషయంలో గోప్యత పాటించే నారాయణ వైఖరి చాలామందికి చాదస్తంగా అనిపించేది. కానీ అతని హోదా దృష్ట్యా  ఎవరూ ఏమీ అనడానికి సాహసించేవాళ్లు కాదు. తన మనసులో ఉన్న భావాన్ని చివరికి భార్యాపిల్లలకు కూడా చెప్పేవాడు కాదు. ఇలాంటి నారాయణకు ఒక అలవాటు ఉంది. ప్రతి చిన్న విషయాన్ని డైరీలో రాసుకునేవాడు. ఆ డైరీని ఎవరైనా చదువుతారేమోననే భయం వల్ల కాబోలు దాన్ని ఒక లాకర్‌లో పెట్టేవాడు.  నారాయణ ఆత్మహత్య చేసుకోవడంతో... ఇప్పుడు అందరి దృష్టి ఆ లాకర్‌పై పడింది.
 
 
 ‘ఈ లాకర్‌ను తెరిస్తే చాలు... డైరీ దొరుకుతుంది. నారాయణ ఆత్మహత్య కారణం తెలిసిపోతుంది’ అనుకున్నాడు ఇన్‌స్పెక్టర్‌.
 అయితే అదంత సులభమైన విషయమేమీ కాదని ఇన్‌స్పెక్టర్‌గా అర్థమైంది. ఎవరికీ ఆ లాకర్‌ను తెరిచే ‘కోడ్‌’ ఏమిటో తెలియదు.
 ‘ఎలా?’ అని తెగ ఆలోచిస్తున్న సమయంలో తన క్లోజ్‌ఫ్రెండ్‌ రాజ్‌కుమార్‌ నుంచి ఫోన్‌ వచ్చింది.
 ‘‘ఒక పని మీద నేను రేపు మీ ఊరికి వస్తున్నాను’’ అని చెప్పాడు రాజ్‌కుమార్‌.
 ‘‘చాలా మంచి సమయంలో వస్తున్నావు’’ అన్నాడు ఇన్‌స్పెక్టర్‌. రాజ్‌కుమార్‌ సైకాలజిస్ట్‌. కొన్ని కేసుల చిక్కుముడులు విప్పడానికి ఇన్‌స్పెక్టర్‌ నరసింహకు సహాయపడ్డాడు.
 
 ‘‘అవునూ... ఏదో విషయం మాట్లాడాలన్నావు? ఏమిటా విషయం?’’  ఆసక్తిగా అడిగాడు ఇన్‌స్పెక్టర్‌.
 ‘‘అవును. చాలా ముఖ్యమైన విషయం. ఈ సిటీలో నారాయణ అని ఒక పారిశ్రామికవేత్త ఉన్నాడు. కారణం ఏమిటో తెలియదు... సడన్‌గా ఒకరోజు ఆత్మహత్య చేసుకున్నాడు. తన డైరీలో ప్రతి చిన్న విషయం రాసే అలవాటు ఉందట’’ అని చెప్పాడు ఇన్‌స్పెక్టర్‌.
 ‘‘ఇప్పుడు ఆ డైరీ ఎక్కడ ఉంది?’’ అడిగాడు రాజ్‌కుమార్‌.
 
 ‘‘ఇప్పుడు సమస్యంతా ఆ డైరీ గురించే’’
 ‘‘ఏమైంది?’’
 ‘‘ఆ డైరీని ఒక లాకర్‌లో పెడతాడు. అయితే ఆ లాకర్‌ కోడ్‌ ఎవరికీ తెలియదు. అది ఫోర్‌ డిజిట్స్‌ కాంబినేషన్‌ లాకర్‌’’
 ‘‘పాస్‌వర్డ్‌లు, కోడ్‌లు ఎంపిక చేసుకోవడంలో వ్యక్తిగత అభిరుచులు, ఇష్టాయిష్టాలు ఉంటాయని తెలుసా?’’ అన్నాడు రాజ్‌కుమార్‌.
 ‘‘ఇలా కూడా ఉంటుందా!’’ కాస్త ఆశ్చర్యంగా అన్నాడు ఇన్‌స్పెక్టర్‌.
 ‘‘ఇలా కూడా ఉంటుందా...అని తీరిగ్గా ఆశ్చర్యపోదువుగానీ... ఆ నారాయణ ఇష్టాయిష్టాలేమిటో ముందుగా తెలుసుకో... ఏమైనా పనికొస్తుందేమో చూద్దాం’’ అన్నాడు రాజ్‌కుమార్‌.
 నిజమే అనిపించింది ఇన్‌స్పెక్టర్‌కు.
 వెంటనే రంగంలోకి దిగాడు.
 
 నారాయణకు సినిమాలంటే పెద్దగా ఆసక్తేమీ లేదు. చూడక చూడక... ‘షోలే’  సినిమా చూశాడు. ఇక అది మొదలు ఆ సినిమా మీద ఎంతో ఇష్టం పెంచుకున్నాడు. ఆ సినిమాలో డైలాగులు సరదాగా చెబుతుండేవాడు. ‘షోలే’ మీద  ఏ పుస్తకం వచ్చినా కొని లైబ్రరీలో దాచుకునేవాడు. ఇది తప్ప అతనికి ఉన్న ప్రత్యేక ఆసక్తి అనేది ఏదీ లేదు అనే విషయం తెలిసింది. ఇదే విషయాన్ని రాజ్‌కుమార్‌తో పంచుకున్నాడు ఇన్‌స్పెక్టర్‌.
 కొద్దిసేపు ఆలోచనలో పడ్డాడు రాజ్‌కుమార్‌.
 
 అతనికో ఆలోచన వచ్చింది.
 ‘‘ఈ నంబర్‌ ట్రై చేసి చూడు... నా అంచనా నిజమవుతుందని నమ్ముతున్నాను’’ అంటూ ఫోర్‌ డిజిట్స్‌తో ఒక ఫిగర్‌ చెప్పాడు రాజ్‌కుమార్‌.
  ఇన్‌స్పెక్టర్‌ నరసింహ ఆ నంబర్లు ఉపయోగించి... లాకర్‌ ఓపెన్‌ చేశాడు.
 లాకర్‌ తలుపులు తెరుచుకున్నాయి. డైరీ బయటపడింది. నారాయణ ఏ కారణంతో చనిపోయాడు అనేది తరువాత విషయం... ఇన్‌స్పెక్టర్‌కు రాజ్‌కుమార్‌ చెప్పిన నంబర్లు ఏమిటి? అవి చెప్పడానికి కారణం ఏమిటి?
 
 అద్దంలో ఆన్సర్‌
 ఇన్‌స్పెక్టర్‌కు రాజ్‌కుమార్‌ చెప్పిన నంబర్లు...
 1–9–7–5
 ‘షోలే’ విడుదలైన సంవత్సరం... 1975
 
 కుడివైపు నుంచి అద్దం పెట్టుకుని చదవండి


 న్యూఢిల్లీ : ప్రధాని నరేంద్రమోదీ మంగళవారం రాత్రి ప్రకటించిన షాకింగ్ న్యూస్ పెద్ద నోట్ల రద్దు. కేబినెట్ మంత్రులతో భేటీ అయిన అనంతరం జాతినుద్దేశించి చేసిన ప్రసంగంలో ఆయన ఈ విషయాన్ని ప్రకటించిన విషయం తెలిసిందే. అసలు ఆ విషయం ఎంత రహస్యంగా ఉందంటే.. భేటీ అనంతరం ప్రధాని వెల్లడించే వరకు ప్రజలెవరికీ కొంచెమైనా బయటికి పొక్కలేదు. భేటీలో పాల్గొన్న వారికి కూడా ఆ విషయం అప్పుడే తెలిసింది. సమావేశ అనంతరం మంత్రులు బయటికి వస్తే, మీడియాకు కాని మరెవరికైనా లీక్ అవుతుందేమోనని ప్రధాని ముందస్తు జాగ్రత్తలు తీసుకున్నారు.
 
 జాతినుద్దేశించి తను ప్రకటన చేసేంతవరకు మంత్రులెవరూ సమావేశ మందిరం నుంచి బయటికి రాకూడదని ఆదేశించారు. దీంతో ప్రధాని ప్రసంగం అయ్యేంతవరకు మంత్రులందరూ మీటింగ్ హాల్లోనే ఉన్నారు. వారు ఒక్కలే కాదు, రిజర్వు బ్యాంకు బోర్డు సభ్యులు కూడా మోదీ ప్రసంగం అయ్యాకే బయటికి వచ్చారు. దీంతో ఈ విషయం చాలా సీక్రెట్గా ఉండగలిగింది. నోట్ల రద్దు లీక్ కాకుండా ఉండటానికి ప్రధాన కారణం మరొకటి కూడా ఉంది.
  
 అదేమిటంటే, కేబినెట్ సమావేశ మందిరంలోకి సెల్ఫోన్లను అనుమతించకపోవడం. కొన్ని వారాల కిందటే, మంత్రుల వ్యక్తిగత సిబ్బందికి, మంత్రులకు కేబినెట్ సెక్రటరీ  ఓ సర్క్యూలర్ జారీచేశారు. కేబినెట్ సమావేశాల్లో సెల‍్ఫోన్లను తీసుకురాకూడదని ఆ సర్క్యూలర్లో పేర్కొన్నారు. దీంతో సమాచారం బయటికి రావడానికి ఎలాంటి అవకాశం లేదని అధికార ప్రతినిధులు పేర్కొన్నారు. మరోవైపు కేబినెట్ మీటింగ్ సమయంలోనే ఆర్బీఐ బోర్డు సభ్యులు భేటీ నిర్వహించారు. రెండూ సమావేశాలు ఒకేసారి జరుగడంతో, ఆ విషయం బయటికి పొక్కలేదు. కేబినెట్ భేటీ ప్రారంభానికి 10 నిమిషాల ముందు ఓ కీలకమైన నిర్ణయాన్ని ప్రభుత్వం తీసుకోబోతుందని తెలిసింది.
 
 అందరూ జపాన్, భారత్ల మధ్య ఏదో మోసపూరితమైన ఒప్పందం జరుగబోతుందని భావించారు. కానీ వారి అంచనాలకు భిన్నంగా బ్లాక్ మనీపై సర్జికల్ స్ట్రైక్ చేస్తూ, 500,1000 నోట్లను రద్దు చేస్తున్నట్టు ప్రకటించారు. మంగళవారం సాయంత్రం 6.45 నిమిషాలకు సమావేశం ప్రారంభమైంది. రాత్రి 7.30 కల్లా ముగిసింది. అనంతరం కేబినెట్లో తీసుకున్న నిర్ణయం రాష్ట్రపతి ప్రణబ్ ముఖర్జీకి  తెలుపడానికి ప్రధాని మోదీ వెళ్లారు. ఆ సమయంలోనూ అందరు మంత్రులు మీటింగ్ హాల్లోనే ఉన్నారు. ప్రణబ్ దగ్గర్నుంచి వచ్చిన తర్వాత ప్రధాని మరోసారి ముగ్గురు సీనియర్ మంత్రులతో మీటింగ్ నిర్వహించారు. ఎట్టకేలకు ఎలాంటి లీకేజీలు లేకుండా చాలా పకడ్భందీగా ఈ విషయాన్ని ప్రధాని మోదీ ప్రకటించారు. 


 సాక్షి, హైదరాబాద్: ఒకేరకమైన పంటలను అధిక విస్తీర్ణంలో పండిస్తే వాటికి చీడపీడల బెడద ఎక్కువగా ఉంటుందని చాలా కాలం నుంచి తెలిసిందే. అయితే దీనికి కారణం ఇప్పటివరకు తెలియదు. తాజాగా కాలిఫోర్నియా యూనివర్సిటీ శాస్త్రవేత్తలు దీనికి గల కారణాలను కనుక్కున్నారు. వేర్వేరు మొక్కలున్న పంటపొలాల్లో కీటకాల పోషకావసరాలు పూర్తిగా తీరవని, ఒకే తీరు పంటలు (మోనోకల్చర్) మాత్రం కీటకాలకు మంచి ఆహారంగా ఉంటాయని శాస్త్రవేత్త విలియం వెట్జెల్ తెలిపారు.
 
 అలాగే తక్కువ ప్రాంతంలో ఎక్కువ ఆహారం అందుబాటులో ఉండటం వల్ల కీటకాలు మోనోకల్చర్ పంటలను ఇష్టపడతాయని చెప్పారు. దాదాపు 53 రకాల కీటకాలను పరిశీలించిన తర్వాత ఈ అంచనాకు వచ్చామని పేర్కొన్నారు. ఒక పంటకు సంబంధించిన వేర్వేరు జాతుల మొక్కలను కలిపి పండించడం ద్వారా ఈ సమస్యను అధిగమించే అవకాశం ఉంటుందని తమ అధ్యయనంలో తేలిందన్నారు. కొన్నిచోట్ల వరి, గోధుమ పంటల్లో ఇప్పటికే ఈ రకమైన పద్ధతిని ఉపయోగిస్తున్నారని తెలిపారు. అధ్యయన వివరాలు నేచర్ తాజా సంచికలో ప్రచురితమయ్యాయి.
  


 • స్విస్ ఆల్ప్స్ పర్వతాల సమీపంలో నేల మాళిగలు
 • ఒకప్పుడు సైనికులకు సేవలు..
 • నేడు రహస్య బంగారం నిల్వలకు కేంద్రాలు
 ఒకప్పుడు అవి సైనికుల బంకర్లు. ఇప్పుడు  బంగారు బంకర్లు. అంటే టన్నుల కొద్దీ బంగారాన్ని రహస్యంగా నిల్వ చేసిన గోదాములు. నల్లధనానికి సురక్షిత స్థావరంగా పేరొందిన స్విట్జర్లాండ్‌లోనే ఇవి కూడా ఉండడం విశేషం.
 స్విస్ ఆల్ప్స్ పర్వతాలు. విమానాలు, ఫాల్కన్ జెట్స్ దిగడానికి వీలుగా వాటి పక్కనే చిన్నపాటి ఎయిర్‌స్ట్రిప్. ఇక్కడేప్రపంచంలోనే భారీ పరిమాణంలో బంగారం నిల్వలు ఉంచిన బంకర్ కూడా ఉంది. ముఖ ద్వారం ముందు అత్యాధునిక ఆయుధాలు ధరించిన గార్డులతో కొత్త వారు అడుగు పెట్టడానికి ధైర్యం చేయలేనంత కట్టుదిట్టమైన భద్రతతో ఉంటుంది.
 మూడున్నర టన్నుల ఇనుముతో కూడిన తలుపులు, కోడ్‌తోపాటు కనుపాపలు చూపించి అవి సరిపోలితే తప్ప తెరచుకోకుండా ఏర్పాట్లు. స్విట్జర్లాండ్ రక్షణ శాఖ సమాచారం ప్రకారం... ఆ దేశ వ్యాప్తంగా ఒకప్పుడు సైనికులకు సేవలు అందించిన వెయ్యి బంకర్లు (నేల మాళిగలు) ప్రస్తుతం ఖాళీగా ఉన్నాయి. వీటిలో కొన్ని వందల బంకర్లను ఇటీవలే విక్రయించారు. వాటిలో ఓ పది బంకర్లు బంగారం నిల్వల కేంద్రాలుగా ఇప్పుడు సేవలందిస్తున్నాయి.
 ఎవరి కోసం
 పన్నులు ఎగ్గొట్టి, అక్రమ మార్గాల్లో కూడబెట్టిన నల్లధనాన్ని పసిడి రూపంలో భద్రపరచుకునేందుకు ఇవి సురక్షిత స్థావరాలుగా నిలుస్తున్నాయి. 2008 ప్రపంచ ఆర్థిక సంక్షోభం తర్వాత నుంచి ఈ బంగారు బంకర్లకు డిమాండ్ పెరిగిపోయింది. బ్యాంకులు, బాండ్లు వంటి ఇతర ఇన్వెస్ట్‌మెంట్ సాధనాలపై రాబడులు తగ్గిపోయిన నేపథ్యంలో ఎక్కువ మంది బంగారంపై పెట్టుబడులకు ఆసక్తి చూపారు. అదే సమయంలో పన్ను అధికారుల పరిశీలనల నుంచి తప్పించుకోవడానికీ ఇవి ఓ మార్గంగా కనిపించాయి.
 స్విస్ బ్యాంకుల వలే ఈ బంగారు ఖజానాల నిర్వాహకులు అనుమానిత లావాదేవీల గురించి ఫెడరల్ నియంత్రణ సంస్థలకు తెలియజేయాల్సిన బాధ్యత లేదు. అదే సమయంలో స్విట్జర్లాండ్ మనీ లాండరింగ్ విభాగానికి కూడా తెలియజేయాల్సిన పనిలేదు. అమెరికా ఫారిన్ అకౌంట్ ట్యాక్స్ కాంప్లియన్స్ యాక్ట్ కింద ఆర్థిక సంస్థలకు బయట దాచుకున్న బంగారు నిల్వల గురించి అమెరికన్లు పన్ను అధికారులకు తెలియజేయాల్సిన బాధ్యత లేకపోవడం కూడా ఇక్కడ గమనార్హం.
 క్లయింట్లకు ప్రవేశం లేదు
 ఖాతాదారుల కోసం నిర్వాహకులు సకల సదుపాయాలను సమకూర్చడం ఆసక్తికరం. విమాన రన్‌వే పక్కన వీఐపీ లాంజ్, రెండు అత్యాధునిక లగ్జరీ అపార్ట్‌మెంట్లు, టీవీ తెరలు, నిద్రించడానికి, తినడానికి కూడా సౌకర్యాలు ఇక్కడ ఉన్నాయి. క్లయింట్లను నేరుగా బంగారం నిల్వ చేసిన కేంద్రాలకు తీసుకెళ్లరు. అవి కచ్చితంగా ఎక్కడున్నాయో తెలియనీయరు. దీనికి బదులు చూసేందుకు వచ్చిన వారిని కంప్యూటర్ సర్వర్లు ఉన్న గదికి తీసుకెళ్లి వివరాలు తెలియజేస్తారు.
 బంగారానికి డిమాండ్ ఉంది
 ‘2008 నుంచి బ్యాంకు డిపాజిట్లకు ప్రత్యామ్నాయంగా బంగారంపై ఆసక్తి పెరిగింది. ఈ డిమాండ్‌ను మేము ఒడిసిపట్టుకున్నాం’ అని ఓ అతిపెద్ద బంగారం నిల్వ కేంద్రాన్ని నిర్వహిస్తున్న స్విస్ డేటా సేఫ్ అనే సంస్థ సీఈవో డోల్ఫ్ విప్‌ఫ్లీ ఓ వార్తా సంస్థకు తెలిపారు. తాము కార్పొరేట్ క్లయింట్లనే బంగారం దాచుకునేందుకు అనుమతిస్తామని చెప్పారు.
 ఆరు నెలల్లో 1,359 మెట్రిక్ టన్నులు
 స్విస్ కస్టమ్స్ కార్యాలయ సమాచారం ప్రకారం... ఈ ఏడాది మొదటి ఆరు నెలల్లో 1,359 మెట్రిక్ టన్నుల బంగారం స్విట్జర్లాండ్‌కు దిగుమతి అయింది. దీని విలువ సుమారు 2.68 లక్షల కోట్లు (40 బిలియన్ డాలర్లు). బంగారం వాణిజ్యం అనేది స్విస్ ఆర్థిక రంగంలో ఓ భాగమని అమెరికా ట్రెజరీ మాజీ ఏజెంట్ జాన్ కస్సరా తెలిపారు. మరోవైపు ఉగ్రవాదులకు ఆర్థిక సాయం అందించేందుకు నేరగాళ్లు బంగారాన్ని వినియోగించుకుంటున్నారనే ఆరోపణలు సైతం ఉన్నాయి.


 – కాంగ్రెస్‌ పార్టీ ఆధ్వర్యంలో ఎన్‌హెచ్‌–44పై ఆందోళన
 – పాల్గొన్న పీసీసీ అధ్యక్షులు రఘువీరా రెడ్డి
  
 కర్నూలు సిటీ: టీడీపీ, బీజేపీ మధ్య రహస్య ఎజెండా ఏదో ఉందని.. అందువల్లే హోదాపై బాబు వెనక్కు తగ్గారని ఏపీసీసీ అధ్యక్షుడు ఎన్‌.రఘువీరారెడ్డి అన్నారు. రాష్ట్రానికి ప్రత్యేక హోదా ఇవ్వాలని కోరుతూ కాంగ్రెస్‌ పార్టీ ఆధ్వర్యంలో చేపట్టిన జాతీయ రహదారుల దిగ్బంధంలో ఆయన పాల్గొని మాట్లాడారు. ప్యాకేజీ వస్తే కాంట్రాక్టుల పేరిట టీడీపీ నేతలకు దోచిపెట్టే ఉద్దేశంతోనే ముఖ్యమంత్రి మొదటి నుంచి అదే పాట పాడుతున్నాడని విమర్శించారు. విభజన బిల్లులో హోదా విషయం ఎందుకు పెట్టలేదనే విషయాన్ని ఆనాడు బీజేపీ ఎందుకు కోరలేదని.. తమ తప్పును కప్పిపుచ్చుకునేందుకే టీడీపీ, బీజేపీలు కాంగ్రెస్‌పై అసత్య ఆరోపణలు చేస్తున్నాయన్నారు. గతంలో 11 రాష్ట్రాల విభజనలు జరిగిన సమయంలోనే జాతీయ అభివద్ధి మండలి ఆమోదం, కేంద్ర కేబినెట్‌ తీర్మానాలు ఇచ్చిన విషయాన్ని ఆయన గుర్తు చేశారు. తిరుపతి సభలో కాంగ్రెస్‌ పార్టీ హోదా ఐదేళ్లు ఇస్తామంటుందని.. తమ పార్టీ అధికారంలోకి వస్తే పదేళ్లు ఇస్తామని బీజేపీ నేతలు చెప్పగా, కాదు కాదు 15 ఏళ్లు కావాలని చంద్రబాబు కోరిన మాటలను ఓసారి గుర్తు తెచ్చుకోవాలన్నారు. ఇస్తామని చెప్పినవే ఇవ్వలేమని మాట మార్చిన మీరు.. చెప్పనివి చేస్తామంటే ప్రజలు నమ్మే పరిస్థితుల్లో లేరన్నారు. సీఎం తన తీరు మార్చుకోకపోతే ప్రజలు రాష్ట్రం నుంచి తరిమికొట్టే రోజులు వస్తాయన్నారు. బాబుకు ప్రతిపక్ష పార్టీలు అంటే లెక్క లేకుండా పోయిందన్నారు. హోదా విషయంలో అన్ని పార్టీలను కలుపుకుపోదామనే భావనే ఆయనకు లేదన్నారు. హోదా సాధించే వరకు తమ పార్టీ పోరాటం చేస్తుందన్నారు. అనంతరం పీసీసీ అధ్యక్షుడు రఘువీరారెడ్డి, మాజీ కేంద్ర మంత్రి కోట్ల జయసూర్యప్రకాష్‌రెడ్డి, మాజీ ఎమ్మెల్యే కోట్ల సుజాతమ్మ, డీసీసీ అధ్యక్షుడు లక్ష్మీరెడ్డి తదితరులను పోలీసులు అరెస్టు చేసి సొంత పూచీకత్తుపై విడుదల చేశారు.
  


 అనంతపురం అగ్రికల్చర్‌: వేరుశనగ పంటకు ఇస్తున్న రక్షక తడి విస్తీర్ణంపై జిల్లా యంత్రాంగం గోప్యత పాటిస్తోంది. రెండు రోజుల కిందట వరకు రోజువారీ ఎన్ని ఎకరాలకు రక్షక తడులు ఇచ్చిన వివరాలు చెబుతున్నా, ఇపుడు మాత్రం చెప్పడానికి నిరాకరిస్తున్నారు. లక్ష ఎకరాలకు రక్షక తడి ఇచ్చి రూ.200 కోట్లు విలువ చేసే పంటను కాపాడటంతో పాటు ప్రభుత్వానికి రూ.42 కోట్ల వరకు ఇన్‌పుట్‌ సబ్సిడీ మిగిలేలా చేశామని రెండు రోజుల కిందట గొప్పగా చెప్పిన వారు... ఇపుడు నోరు మెదపకపోవడం విశేషం. ఎవ్వరికీ లెక్కలు చెప్పవద్దని అధికారులకు  పాలకులు స్పష్టమైన ఆదేశాలు జారీ చేసినట్లు సమాచారం.
 
 
 కార్యాలయాల్లో అందుబాటులో లేకపోవడంతో వ్యవసాయశాఖ జేడీ, ఏపీఎంఐపీ పీడీతో పాటు మరికొందరు అధికారులకు పదుల సార్లు ఫోన్లు చేసినా ఎత్తడానికి కూడా ఎవరూ సాహసించడం లేదు. కనీసం సెల్‌ మెసేజ్‌ ఇవ్వడానికి కూడా తీరికలేకుండా పోయింది. చివరకు కలెక్టరేట్‌లో ఏర్పాటు చేసిన కమాండ్‌ అండ్‌ కంట్రోల్‌ రూంను సంప్రదించినా... రక్షక తడి వివరాలు తెలియదంటూ సమాధానం ఇవ్వడం విశేషం. పంట పరిస్థితి, ఊరు, పేరు చెబితే నమోదు చేసుకుంటాం కానీ... ఇతర వివరాలు చెప్పలేమని తేల్చిచెప్పారు.


 ఎంసెట్‌–2 లీకేజీపై సీఐడీ ముమ్మర దర్యాప్తు
 60 మంది విద్యార్థుల ర్యాంకుల పరిశీలన
 విద్యార్థుల స్టేట్‌మెంట్‌ను రికార్డు చేయాలని నిర్ణయం
 అదుపులో ఇద్దరు బ్రోకర్లు, జాడలేని మరో వ్యక్తి
 బ్రోకర్లు, విద్యార్థులను కలిపి విచారించే యోచన
 సాక్షి, హైదరాబాద్‌: ఎంసెట్‌–2 పేపర్‌ లీకేజీపై దర్యాప్తును సీఐడీ ముమ్మరం చేసింది. ప్రాథమిక విచారణలో వెలుగు చూసిన అంశాలపై లోతుగా ఆరా తీస్తోంది. జేఎన్‌టీయూ ఇచ్చిన 60 మంది విద్యార్థుల ర్యాంకుల జాబితాను పూర్తిగా పరిశీలించింది. వారి నుంచి సేకరించే వివరాలను అధికారికంగా నమోదు చేసుకునేందుకు నోటీసులు జారీ చేసింది. ఈ మేరకు వివిధ ప్రాంతాల్లో ఉన్న విద్యార్థులను విచారించేందుకు సీఐడీ ప్రత్యేక బృందాలు వరంగల్, భూపాలపల్లి, పరకాల, ఖమ్మం, కరీంనగర్‌ ప్రాంతాలకు వెళ్లాయి.
 
 వారు చెప్పే విషయాలన్నింటినీ అధికారులు పక్కాగా రికార్డ్‌ చేస్తున్నారు. మరోవైపు బ్రోకర్లుగా చెలామణి అయిన వారిలో ఇప్పటి వరకు ఇద్దరిని పట్టుకున్నారు. హైదరాబాద్‌కు చెందిన వెంకట్రావ్, ఖమ్మంకు చెందిన మరో వ్యక్తిని అదుపులోకి తీసుకున్న సీఐడీ ప్రత్యేక బృందాలు రహస్య ప్రదేశంలో విచారిస్తున్నాయి. అలాగే కీలకంగా వ్యవహరించినట్లు భావిస్తున్న మరో బ్రోకర్‌ రమేశ్‌ తప్పించుకొని తిరుగుతున్నాడు. అతడిని పట్టుకునేందుకు మరొక బృందం ప్రత్యేకంగా పని చేస్తోంది. విద్యార్థులను, బ్రోకర్లను విడివిడిగా విచారించిన తర్వాత మళ్లీ కలిపి విచారించాలని కూడా సీఐడీ భావిస్తోంది.
 విద్యార్థుల ట్రాక్‌ రికార్డు పరిశీలన
 
 ఎంసెట్‌–2లో అనూహ్యంగా ర్యాంకులు సాధించిన 60 మంది విద్యార్థుల ట్రాక్‌ రికార్డును సీఐడీ క్షుణ్ణంగా పరిశీలిస్తోంది. ఎంసెట్‌–1లో తక్కువ మార్కులు వచ్చి ఎంసెట్‌–2లో అనూహ్యంగా మార్కులు పెరగడానికి గల కారణాలపై అధ్యయనం చేస్తోంది. కాలేజీల్లో జరిగిన పరీక్షల్లో వారు చూపిన ప్రతిభనూ పరిశీలిస్తున్నారు. అయితే ఇప్పటి వరకు కొంత మంది విద్యార్థులకు సంబంధించి తలెత్తుతున్న సందేహాలను నివృత్తి చేసుకుంటూ బాధ్యుల్ని గుర్తించేందుకు ప్రయత్నిస్తున్నారు. అయితే అనుమానిత ర్యాంకులు గల వారు ఎంసెట్‌–2లో ఇంచుమించు ఒకే విధంగా మార్కులు స్కోర్‌ చేశారు. వీరికి ఇంటర్‌ మార్కుల ఆధారంగా మాత్రమే ర్యాంకుల్లో తేడా వచ్చింది. అందరూ 130 నుంచి 140కి మధ్యలోనే మార్కులు సాధించారు. అదెలా సాధ్యమైందనే అంశంపై సీఐడీ ప్రధానంగా దృష్టి కేంద్రీకరించింది.
 సీఐడీ అదుపులో ఫ్యాకల్టీ సిబ్బంది
 
 ప్రశ్నపత్రాల తయారీ విధానంపై సీఐడీ ప్రధానంగా దృష్టి సారించింది. దళారులు ప్రముఖ విద్యాసంస్థల్లో కోచింగ్‌ తీసుకునే కొంత మందిని మాత్రమే ఎంపిక చేసుకొని పదేపదే ‘మెడికల్‌ సీటు గ్యారెంటీ’ అని చెప్పడంలో గల ధీమాపై ఆరా తీస్తోంది. అంతేకాదు కొంతమంది ఫ్యాకల్టీలతో బ్రోకర్లు ఎందుకు సంభాషించారనే అంశంపై వివరాలు సేకరిస్తున్నారు. ఈ మేరకు కొంత మంది ఫ్యాకల్టీ సిబ్బందిని మంగళవారం రహస్య ప్రాంతంలో విచారించినట్లు సమాచారం.
  


 బీజింగ్ః బతికున్నంతకాలం ఆరోగ్యంగా ఉండి, జీవితకాలాన్ని వీలైనంత పెంచుకునేందుకు ప్రతివారూ ప్రయత్నిస్తూనే ఉంటారు. వారు చేసిన ప్రయత్నాలు , వారి సాధన ఒక్కోసారి తగిన ఫలితాలను కూడ ఇస్తుంటుంది. కానీ అరవై ఏళ్ళ ఆయుర్దాయం ఉండటమే కష్టంగా మారిన తరుణంలో ఓ వ్యక్తి వందేళ్ళు బతికితే ఎంతో గొప్పగా ఫీలవుతాం. నిజంగా గ్రేట్ అని సంబర పడిపోతాం. కానీ చైనాకు చెందిన ఓ వ్యక్తి 256 సంవత్సరాలు బతికాడంటే నమ్ముతారా? ఎప్పుడూ ఎవ్వరూ జీవించనంతకాలం ఆయన బతికినట్లు ఇటీవల ఓ పత్రికా కథనం ద్వారా ఆధారాలు దొరికాయి.
 
 చైనాకు చెందిన లీ చింగ్ యన్ 1933 మే 6న మరణించాడు. అయితే అప్పటికి ఆయన వయసు 256 ఏళ్ళని, అన్నేళ్ళు జీవించడం చరిత్రలోనే మొదటిసారి అని ఓ పత్రిక తన వ్యాసంలో పేర్కొంది. ఆ సుదీర్ఘ వయస్కుడి వివరాలు ఏ ఒక్కరో శోధించినవి కాదని, ఆయన అన్నేళ్ళు బతికాడనేందుకు ఎన్నో సాక్ష్యాధారాలను సేకరించి మరీ నిర్థారించింది. లీని ఆయన 150వ పుట్టినరోజు సందర్భంగా 1827 లో అభినందిచినట్లు ఓ డాక్యుమెంటేషన్ లో చెంగ్డూ విశ్వవిద్యాలయం ప్రొఫెసర్ వు చుంగ్ రాశారని,  చైనా ప్రభుత్వ రికార్డుల్లోనూ లీ చింగ్ 150వ పుట్టినరోజుకు శుభాకాంక్షలు తెలిపినట్టు ఉందని, అనంతరం ఆయన 200 పుట్టినరోజు సందర్భంగా 1877లోనూ లీని అభినందిస్తూ ఎన్నో వ్యాసాలు, పత్రాలు వెలువడ్డాయని తెలుస్తోంది. ఆయనకు పొరుగునే ఉన్న ఓ వ్యక్తి... తమ చిన్ననాటినుంచే ఆయన్ను వృద్ధుడుగా చూసినట్లు తెలిపినట్లు సదరు పత్రిక వెల్లడించింది.
 
 సిచుయాన్ ప్రాంతంలో జన్మించిన లీ చింగ్ పదేళ్ళ వయసునుంచే ఆయుర్వేద మూలికలు సేకరిస్తూ అనేక ప్రాంతాల్లో తిరిగాడట. ఆ సమయంలో దాదాపు నలభై ఏళ్ళ పాటు అడవుల్లో దొరికే మూలికలు, గోజీపండ్లు వంటి ఆహారాన్నే భుజించాడట. ఆయుర్వేద వైద్యుడిగా అనేకచోట్ల కాలం గడిపిన ఆయన.. 71 ఏళ్ళ వయసులో 1749 లో చైనీస్ సైన్యం లో యుద్ధ కళల శిక్షకుడిగా, సలహాదారుడుగా చేరాడు. తర్వాత కనీసం వంద సంవత్సరాల పాటు ఆయన మంచి ఆహారంతోపాటు, ఔషధాలు, రైస్ వైన్ తీసుకున్నాడు. తన కమ్యూనిటీలో ప్రత్యేక సభ్యుడుగా ఉండే లీ.. 23 సార్లు వివాహం చేసుకోవడంతోపాటు, సుమారు 200 మంది పిల్లలకు తండ్రి అయ్యాడట. కుటుంబంలో 11 తరాలను చూసిన ఆయన... 1933లో మరణించాడు.  ఆయన్ను ఎవరైనా తన సుదీర్ఘ జీవితకాలం గురించి సీక్రెట్ ఏమిటి అని అడిగితే మాత్రం... నిశ్శబ్దమైన మనసుతో ఉండి, తాబేలులా కూర్చొని, పావురంలా హుషారుగా పరిగెడుతూ, కుక్కలా నిద్రపోవడమే కారణమని చెప్పేవాడట. ఆయన పుస్తకంలో (జీవితం) ఒక పేజీ చదివినా... ఈ కాలంవారికి ఎంతో స్ఫూర్తిదాయకం అయ్యే అవకాశం ఉంది.


 విశ్లేషణ
  
 నిఘా నివేదికలు ఇచ్చే సంస్థలను, దేశ భద్రత వ్యవ హారాలను పరిశీలించే సంస్థ లను ఆర్టీఐ చట్టం నుంచి పూర్తిగా మినహాయిస్తూ నోటి ఫికేషన్ జారీ చేసే అధికారాన్ని  ఆర్టీఐ చట్టం 2005 సెక్షన్ 24 ద్వారా ప్రభుత్వానికి ఇచ్చింది. ఈ సెక్షన్ పారదర్శ కతకు పూర్తి విరుద్ధమైన నియమమని పలువురు విమ ర్శించారు. నిఘా, భద్రత సంస్థలను అనవసరమైన ప్రశ్నల నుంచి రక్షించేందుకు ఈ నియమాన్ని చేర్చారు. అయితే పోలీసు సంస్థలకు, రక్షణ సంస్థలకు మినహాయింపు లేదని గమనించాలి.
  
 సెక్షన్ 24: (1) రెండో షెడ్యూలులో పేర్కొన్న కేంద్ర ప్రభుత్వ నియమిత నిఘా భద్రతా సంస్థలకు గానీ, ఆ సంస్థలు ప్రభుత్వానికి ఇచ్చిన సమాచారానికి గానీ ఈ చట్టంలోని నియమాలేవీ వర్తించవు. కానీ అవినీతి, మానవ హక్కుల ఉల్లంఘనకు సంబంధించిన సమాచారాన్ని ఈ సబ్ సెక్షన్ కింద మినహాయించడానికి వీల్లేదు. అయితే మానవ హక్కుల ఉల్లంఘన గురించి సమాచారాన్ని అడిగినప్పుడు, కేంద్ర సమాచార కమి షన్ అనుమతి తర్వాతనే ఇవ్వవలసి ఉంటుంది.
  
 (2) రెండో షెడ్యూల్‌లో ఇంకే ఇతర నిఘా లేదా భద్రతా సంస్థనైనా చేర్చుతూ లేదా తొలగిస్తూ అధికారిక గెజిట్‌లో కేంద్ర ప్రభుత్వం నోటిఫికేషన్ జారీ చేయ వచ్చు, అప్పుడు ఆ సంస్థను షెడ్యూలు నుంచి తొలగిం చినట్టు లేదా చేర్చినట్టు భావిస్తారు.
  
 రాష్ట్రాల నిఘా, భద్రతా సంస్థలను మినహా యించడానికి సెక్షన్ 24లో ఇలాంటి నియమాలనే చేర్చారు. రాష్ట్ర ప్రభుత్వం కూడా నోటిఫికేషన్ ద్వారా రెండో షెడ్యూల్‌లో నిఘా భద్రతా సంస్థలను చేర్చడానికి లేదా తొలగించడానికి వీలుంది. రెండో షెడ్యూలులో చాలా నిఘా సంస్థలను, భద్రతా సంస్థలను చట్టం రూపొందించిన సమయంలోనే మినహాయించారు. ఇంకా ఏమయినా సంస్థలు పొరబాటున మిగిలిపోయి ఉంటే, వాటిని చేర్చడానికి చట్టం సవరించే అవసరం లేకుండా నోటిఫికేషన్ ద్వారా చేర్చే అవకాశాన్ని సెక్షన్ 24 కల్పించింది. నిఘా భద్రతా సంస్థలు కూడా పార దర్శకంగా పనిచేయాలని ప్రభుత్వం అనుకుంటే దాన్ని కూడా మినహాయింపునుంచి తొలగించి వాటి సమా చారాన్ని కూడా ఇవ్వడానికి వీలు కల్పించాలని ఈ చట్టం భావించింది.
 
 కేవలం నిఘా భద్రతా సంస్థలకు మాత్రమే వర్తిస్తుందని చాలా స్పష్టంగా ఉన్నా.. మణి పూర్ పోలీసు శాఖ నిఘా, భద్రతా సంస్థ కాకపోయినా మణిపూర్ ప్రభుత్వం దాన్ని మినహాయించింది. అవి నీతి, మానవ హక్కుల ఉల్లంఘనకు సంబంధించిన సమాచారాన్ని ఇచ్చే వీలు కల్పించడం ద్వారా, మినహాయించిన సంస్థలు కూడా పారదర్శకతకు అతీ తం కాదని ఆర్టీఐ స్పష్టం చేసింది. అయితే అవినీతి, మానవ హక్కులకు సంబంధించిన అనే వాక్యానికి అసలు అర్థాన్ని, లక్ష్యాన్ని తెలుసుకునేందుకు హైకోర్టుల తీర్పులు మనకు ఉపకరిస్తాయి. మినహాయించిన సంస్థల సమాచారాన్ని అడిగిన అనేక సందర్భాలలో హైకోర్టులు పారదర్శకత సాధించడానికి సరైన వివరణ లను, సూత్రాలను రూపొందించాయి.
  
 ఒక డాక్టర్ దేశం వదిలి వెళ్లిపోయిన వివరాలు, ఆ తరువాత మరణించిన సమాచారం ఇవ్వాలని ఇంటెలి జెన్స్ బ్యూరోను కోరుతూ ఒక ఆర్టీఐ అభ్యర్థన దాఖ లైంది. ఐబీ సంస్థకు ఆర్టీఐ వర్తిస్తుందంటూ ఐబీ వారు నిరాకరించారు. కానీ సెక్షన్ 24 ఒకటో మినహాయింపు కింద అడిగిన సమాచారం ఇవ్వాలని కమిషన్ ఆదేశించింది. భారత ప్రభుత్వం ఈ ఆదేశాన్ని సవాలు చేస్తూ ఢిల్లీ హైకోర్టులో రిట్ పిటిషన్ దాఖలు చేసింది. అడిగిన సమాచారం అవినీతి మానవ హక్కుల ఉల్లంఘనకు సంబంధించినది కనుక ఇవ్వాలన్న సీఐసీ ఆదేశాన్ని కొట్టివేస్తూనే, ఒక పౌరుడి హక్కుల అమలుకు ఉపయోగపడే సమాచారం తమ దగ్గర ఉంటే ఇవ్వడమే శ్రేయస్కరమని ఢిల్లీ హైకోర్టు భావించింది (యూని యన్ ఆఫ్ ఇండియా ఆదర్శ శర్మ కేసు 2013).
  
 పంజాబ్ హరియాణా హైకోర్టు ముందుకు ఇటువంటి కేసు మరొకటి వచ్చింది. సెక్షన్ 24 కింద ఆర్టీఐ నుంచి మినహాయించిన సంస్థలో సీఐడీ సంస్థలో ఉద్యోగ ఖాళీలు ఏయే విభాగాల్లో ఎన్ని ఉన్నాయనే సమాచారం అడిగారు. నియామకాలలో అవినీతిని నిరోధించేందుకు ఈ సమాచారం ఉపయోగిస్తుందని, ఇది అవినీతికి సంబంధించిన సమాచారమే అవుతుం దని (ఎల్‌పీఏ 744,755 ఆఫ్ 2011, ఫస్ట్ అప్పీలేట్ అథారిటీ అదనపు డీఐజీ, సీఐడీ, హరియాణా వర్సెస్ సీఐసీ) 2011లో ఆదేశించింది. వీరి మధ్యే 12904 ఆఫ్ 2009 నెంబర్ రిట్ పిటిషన్‌లో నిఘా భద్రతకు సంబం ధించిన సమాచారం తప్ప మిగిలిన అన్ని రకాల సమా చారాన్ని ఇవ్వవలసిందే అని హైకోర్టు న్యాయమూర్తి మొహిందర్ సింగ్ సుల్లూర్ 27 జనవరి 2011న తీర్పు చెప్పారు.
 
 మొత్తం సమాచార హక్కు చట్టాన్ని సమ గ్రంగా అధ్యయనం చేస్తే అర్థమయ్యేదేమంటే నిఘా, భద్రతకు సంబంధించి సంస్థను దెబ్బతీసే సమాచారం మాత్రమే ఇవ్వకూడదు. కానీ సమాచారం ఇవ్వకుండా పూర్తిగా మినహాయించడం సరికాదు. ఈ కేసులో అడి గిన విధంగా పోస్టుల సంఖ్య, ఖాళీలపై  ఒక దర్యాప్తు నివేదిక ఇవ్వాలని ఆదేశించారు.
  
 మినహాయించిన సంస్థలు కూడా పాలనాపరమైన సమాచారాన్ని ఇవ్వాల్సిందే. నిఘా నివేదికలు, భద్రతకు సంబంధించిన సమాచారం మాత్రమే మినహాయిం చాలి. పారదర్శకత ద్వారా అవినీతిని ఎదుర్కొనడానికి ఆర్టీఐని వినియోగించకుండా సెక్షన్ 24 మినహాయింపు ఆపలేదని ఐబీ గానీ, తదితర సంస్థలు గానీ తెలుసు కోవలసిన అవసరం ఉంది. రహస్యం ఎక్కడున్నా అది అవినీతికి దారితీస్తుంది, లంచగొండితనం దేశ భద్రతకు కూడా ముప్పు తెస్తుంది.
 వ్యాసకర్త: మాడభూషి శ్రీధర్
 కేంద్ర సమాచార కమిషనర్
 professorsridhar@gmail.com


 దుబాయి: ప్రతిష్టాత్మక గామా టాలీవుడ్ మ్యూజిక్ అవార్డ్స్ వేడుక శుక్రవారం దుబాయిలో అట్టహాసంగా జరిగింది. వరుసగా మూడో ఏడాది నిర్వహిస్తున్న ఈ వార్షిక పురస్కారాల ప్రధానోత్సవంలో ఈసారి 'బాహుబలి' ప్రభాస్‌ హల్‌చల్ చేశాడు. గల్ఫ్ ఆంధ్ర ఈవెంట్స్ ఆధ్వర్యంలో దుబాయి జబీల్ పార్క్ లో జరిగిన ఈ వేడుకలో 'బాహుబలి' చిత్రం 'బెస్ట్ మూవీ ఆఫ్ ది ఇయర్' అవార్డ్ అందుకుంది. హీరో ప్రభాస్, రాణా, తమన్నా, నిర్మాతలు శోభు యార్లగడ్డ, దేవినేని ప్రసాద్ స్వయంగా విచ్చేసి  స్థానిక షేక్ చేతుల మీదుగా ఈ పురస్కారాన్ని అందుకున్నారు.  రెబల్ స్టార్ కృష్ణం రాజుకు జీవితసాఫల్య పురస్కారం ప్రదానం చేశారు.
 (మరిన్ని చిత్రాల కోసం ఇక్కడ క్లిక్‌ చేయండి)
 
 ప్రభాస్‌ చెప్పిన సీక్రెట్!
 అవార్డు అందుకున్న సందర్భంగా  ప్రభాస్ మాట్లాడుతూ 'మొదటగా ఈ చిత్రం గురించి,  రాజమౌళి గురించి మాట్లాడాలంటే.. 15 రోజులు మాట్లాడాలి, అంత టైం లేదు కాబట్టి, నేను ఎప్పట్నుంచో చెప్దామనుకుంటున్న విషయం దుబాయి తెలుగు వారి ముందు చెప్తున్నాను. మొట్టమొదట బాహుబలి కథ విని అందరం రాజమౌళితో కూచుని, బాహుబలి ఒకటే పార్ట్ అనుకున్నాం. కథ మొత్తం నెరేషన్ అయి పేపర్ మీదకి లెక్కలేసినాక ఎటువంటి పరిస్థితుల్లోనూ ఇది కమర్షియల్ గా వర్క్ అవుట్ అవదని రాజమౌళే నిర్మాతలకు చెప్పేశాడు.
  
 ప్రభాస్ తో బాక్సింగ్ నేపథ్యంతో ఓ సినిమా చేద్దామని చెప్పాడు. నిర్మాతలు ప్రభాస్ సంగతేంటి అని అడిగితే.. అతను నా బెస్ట్ ఫ్రెండ్ నేను చూసుకుంటానులే అని రాజమౌళి చెప్పాడు. కానీ సినిమా అంటే ఎంతో ప్యాషన్ ఉన్న శోభు యార్లగడ్డ - దేవినేని ప్రసాద్ మాత్రం 'ఎంత ఖర్చైనా ఫరవాలేదు మేము సప్పోర్ట్ చేస్తాం. స్టాటిస్టిక్స్ చూసుకోవద్దు. రాజమౌళి గారు మీరు ముందుకువెళ్లండి. మేమున్నాం' అంటూ ఈ సినిమాకు ప్రాణం పోశారు. ఇంత రిస్క్ తీసుకున్నందుకు శోభు, దేవినేని ప్రసాద్‌లను ఎంతైనా అభినందించాలి. నేను ఎప్పట్నుంచో ఈ విషయం చెప్దామనుకున్నా. కానీ అవకాశం రాలేదు. వచ్చినా నేను ఎక్కువ మాట్లాడను. అయాం సో థాంక్ ఫుల్.. టు దిస్ ప్రొడ్యూసర్స్' అని అన్నారు
 
 లైఫ్ టైం అఛీవ్ మెంట్ అవార్డు అందుకున్న కృష్ణంరాజు మాట్లాడుతూ.. 'మా రోజుల్లో నిర్మాతలకిచ్చే గౌరవం వేరు. నిర్మాత బతికితేనే సినిమాలో 24 క్రాఫ్ట్స్ కి పని దొరుకుతుంది. అటువంటి నిర్మాత ఇప్పుడెక్కడున్నాడు. ఇప్పుడు నిర్మాత పరిస్థితి ఏమిటి అనుకుంటున్న తరుణం లో నిర్మాతలంటే మేము అంటూ ముందుకొచ్చారు శోభు, ప్రసాద్‌. వందేళ్ళ తెలుగు సినీ చరిత్రలో తొలిసారి హాలీవుడ్ కి ఏమాత్రం తగ్గకుండా.. అద్భుతంగా తెరకెక్కించిన చిత్రం బాహుబలి. ఈ చిత్రంతో హాలీవుడ్ కి దీటుగా తెలుగు సినిమా స్థాయిని పెంచాడు రాజమౌళి.  ప్రభాస్ ఆమధ్య నాతో మాట్లాడుతూ.. పెద పాజి మీరు ఇండస్ట్రీకొచ్చి 50 ఏళ్ళైంది. నేను అతి త్వరలో ఈ 50 ఏళ్ళ పండగ అద్భుతం గా చేస్తా అన్నాడు. అలా అనుకోగానే ఇలా గామా అవార్డ్స్ లో లైఫ్ టైం అఛీవ్ మెంట్ అవార్డ్ ని ప్రకటించారు. నా 50 ఏళ్ళ నట జీవితానికి సెలబ్రేషన్స్ ఇలా దుబాయి లో మొదలవడం చాలా సంతోషంగా ఉంది' అని అన్నారు.
 
 దేవి శ్రీ ప్రసాద్ మాట్లాడుతూ 'గామాఅవార్డ్ ని మా నాన్న తో పాటు అనూప్ గారి తల్లికి అంకితమిస్తున్నాను. ఎందుకంటే వారం వ్యవధిలోనే మా ఇద్దరి ప్రధాన బలమైన మానాన్న, అనూప్ వాళ్ళ అమ్మ వెళ్ళిపోవడం అన్న బాధ ఎవరూ తీర్చలేనిది. ఇద్దరం ఒకే విధమైన విచారంలో ఉన్నాం. అందుకని వాళ్ళిద్దరికీ అంకితమిస్తున్నాను' అని తెలిపారు. 'సూపర్ మచ్చి' పాటని సూపర్ గామా అంటూ పాట పాడి ఆడియన్స్ ను అలరించాడు దేవిశ్రీ ప్రసాద్.  మంచు లక్ష్మి బెస్ట్ సెలబ్రిటీ సింగర్ అవార్డ్ తీసుకుంటుంటే కృష్ణం రాజు గారితో విజిల్స్ వేయించి సందడి చేసాడు దేవిశ్రీ
 
 గామా అవార్డ్ 2015 విజేతలు వీళ్ళే :
 క్యాటగిరీ ఆఫ్ అవార్డ్స్ :
 
 గామా బెస్ట్ మూవీ ఆఫ్ ద యియర్ - బాహుబలి
 
 గామా లైఫ్ టైం అచీవ్ మెంట్ అవార్డ్ - రెబల్ స్టార్ కృష్ణం రాజు
 
 బెస్ట్ ఫిమేల్ సింగర్ : రమ్య బెహరా - ధీవర - బాహుబలి
 
 బెస్ట్ సెలబ్రిటీ సింగర్ - లక్ష్మి మంచు - ఏందిరో ఈ మగాళ్ల గొప్ప - దొంగాట
 
 బెస్ట్ టైటిల్ సాంగ్ : రామజోగయ్య శాస్త్రి - శ్రీమంతుడు
 
 బెస్ట్ లిరిసిస్ట్ : సిరివెన్నెల సీతారామ శాస్త్రి - కంచె - విద్వేషం
 
 బెస్ట్ లవ్ సాంగ్ - ఎస్ ఎస్ తమన్ & జోనిత గాంధి - కిక్ 2 - నువ్వే నువ్వే
 
 బెస్ట్ డ్యూయెట్ సాంగ్ - కార్తిక్ - దామిని - పచ్చబొట్టేసిన - బాహుబలి
 
 బెస్ట్ అప్ కమింగ్ సింగర్ - స్ఫూర్తి - కిక్ 2 - కిక్
 
 బెస్ట్ కమర్షియల్ సాంగ్ - దేవిశ్రీ  ప్రసాద్ & శ్రావణ భార్గవి- సూపర్ మచ్చి - S/o   సత్యమూర్తి
 
 బెస్ట్ పోయెటిక్ వాల్యూ సాంగ్ - శ్రీమణి - బెంగాల్ టైగర్ - చూపులతో
 
 బెస్ట్ మ్యూజికల్ సాంగ్ - గోపి సుందర్ & రేణుక అరుణ్ - ఎందరో మహానుభావులు - భలే భలే మొగాడివోయ్
 
 బెస్ట్ అప్ కమింగ్ లిరిసిస్ట్ - రామాంజనేయులు - కుమారి 21F - లవ్ చేయాలా వద్దా
 
 బెస్ట్ అప్ కమింగ్ మ్యూజిక్ డైరెక్టర్ - బీంస్ శశిరోలియో - బెంగాల్ టైగర్
 
 బెస్ట్ బ్యాక్ గ్రౌండ్ సాంగ్ - అనూప్ రుబెన్స్ - గోపాల గోపాల
 
 స్పెషల్ జ్యూరీ అవార్డ్ - చంద్రబోస్ - సుబ్రహ్మణ్యం ఫర్ సేల్ - తెలుగంటే
 
 బెస్ట్ అప్ కమింగ్ సింగర్ మేల్ - యాజీన్ నిజార్ - శ్రీమంతుడు - చారు శీల & S/0 సత్యమూర్తి -  సీతాకాలం


 న్యూ ఢిల్లీ: బ్యాంకాక్లో ఆదివారం జరిగిన భారత్, పాకిస్థాన్ జాతీయ భద్రతా సలహాదారుల సమావేశ వివరాలను వెల్లడించాలని కాంగ్రెస్ డిమాండ్ చేసింది. భేటీకి సంబంధించిన వివరాలను రహస్యంగా ఉంచాల్సిన అవసరం లేదని, దీపిపై ప్రధాని నరేంద్రమోదీ ప్రకటనను విడుదల చేయాలని కాంగ్రెస్ డిమాండ్ చేసింది. పాకిస్థాన్తో సంబంధాల విషయంలో పార్లమెంట్లో చేసిన ప్రకటన నుంచి ప్రభుత్వం తప్పుకొన్నట్లు కాంగ్రెస్ ఆరోపించింది. పాక్తో సంబంధాలపై ప్రభుత్వ విధానాన్ని బహిర్గతం చేయాలని మాజీ విదేశాంగ మంత్రి ఆనంద్ శర్మ పేర్కొన్నారు.
 బ్యాంకాక్లో సోమవారం ఇరు దేశాల భద్రతా సలహాదారుల సమావేశానికి ప్రధాని నరేంద్రమోదీ చొరవ తీసుకున్నట్లు తెలుస్తోంది. ఇటీవల పర్యావరణ సదస్సు సందర్భంగా పారిస్లో పాక్ ప్రధాని నవాజ్ షరీఫ్తో మోదీ భేటీ అయిన సంగతి తెలిసిందే. ఈ నేపథ్యంలోనే భద్రతా సలహాదారుల సమావేశం బ్యాంకాక్లో జరిగింది. ఈ పరిణామాల దృష్ట్యా వచ్చే ఏడాది పాక్లో జరగనున్న సార్క్ సదస్సుకు నరేంద్రమోదీ హాజరయ్యే అవకాశాలు కన్పిస్తున్నాయని విశ్లేషకులు అంచనా వేస్తున్నారు.


 ఈ సంవత్సరం మొదట్లో జరిగిన పార్టమెంట్ బడ్జెట్ సమావేశాల సమయంలో ఏఐసీసీ ఉపాధ్యక్షుడు రాహుల్ గాంధీ అజ్ఞాతవాసం పలు విమర్శలకు దారితీసింది. దాదాపు రెండు నెలలు సెలవులో ఉన్నపుడు ఆయన ఎక్కడెక్కడ తిరిగారు? ఏం చేశారు? అన్న విషయాలపై విస్తృతంగా రాజకీయ పార్టీల్లో, మీడియాలో చర్చలు జరిగాయి. ఫిబ్రవరి 22 నుంచి అజ్ఞాతంలోకి వెళ్లిన రాహుల్... థాయ్ ఎయిర్‌వేస్ విమానంలో భారత్‌కు చేరుకున్నారు. కానీ ఆయన ఎక్కడకు వెళ్లారన్నది మాత్రం ఎవరికీ తెలియరాలేదు.
 
 రాహుల్ టూర్ పై తాజాగా ఓ టీవీ ఛానెల్ కొన్ని వివరాలు వెలుగులోకి తెచ్చింది. కాంగ్రెస్ వంశాంకురం 'సూపర్ సీక్రెట్ ఫారెన్ టూర్'లో రెండు నెలల కాలంలో ఆగ్నేయ ఆసియాలోని థాయ్ ల్యాండ్, కాంబోడియా, మయన్మార్, వియత్నాం దేశాలు చుట్టారు. ఇవన్నీ విశ్వవ్యాప్త పర్యటకులను ఆకర్షించే ధ్యానకేంద్రాలు కలిగిన స్థలాలు. అద్భుత వాతావరణం, రుచికరమైన వంటకాలకు గుర్తింపు పొందిన ప్రాంతాలు. రాహుల్ థాయిలాండ్ లో 15 రోజులు, కంబోడియాలో 11 రోజులు గడపడంతోపాటు.. మొత్తం టూర్ లో అత్యంత ఎక్కువ సమయం మయన్మార్ లో 21 రోజులు గడిపారు.
 
 ఫిబ్రవరి 17న బ్యాంకాక్ నుంచి ప్రారంభమైన ప్రయాణంలో మయన్మార్‌లో  21 రోజుల పాటు ఉన్నారు. థాయిలాండ్‌లో ఉన్నప్పుడు రాహుల్  ప్రముఖ బౌద్ధ క్షేత్రం అయుత్తయను సందర్శించారు. చివరిగా ఏప్రిల్ 16న బ్యాంకాక్ తిరిగి వచ్చిన రాహుల్ అక్కడి నుంచి ఢిల్లీ చేరుకున్నారు. రాహుల్ పర్యటన మొత్తం.. కాంగ్రెస్ ఎంపీ సతీష్ శర్మ కుమారుడు.. ఆప్త మిత్రుడైన సమీర్ శర్మతో కలసి ఉన్నట్లు సమాచారం. విదేశాల్లో ఉన్న సమయంలో తనవెంట ఎప్పుడూ ఉండే ప్రత్యేక సాయుధ బృందాన్ని (ఎస్పీజీ) కూడా రాహుల్ వద్దన్నారు. నాలుగు దేశాల్లో రెండునెలలున్న కాంగ్రెస్ ఉపాధ్యక్షుడు.. అక్కడ ఏం చేశారన్న వివరాలు మాత్రం నేటికీ రహస్యంగానే ఉండిపోయాయి.


 హాలీవుడ్ నటుడు చార్లీ షీన్ తనకు హెచ్ఐవీ పాజిటివ్ ఉందన్న విషయాన్ని దాచడానికి చాలానే డబ్బును వదిలించుకున్నాడు. 'ఓ హాలీవుడ్ స్టార్కు హెచ్ఐవీ సోకింది' అని ఇటీవల ఓ పోర్న్ స్టార్ చేసిన సంచలన వ్యాఖ్యల నేపథ్యంలో అది తానేనంటూ చార్లీ షీన్ బహిరంగంగా అంగీకరించిన విషయం తెలిసిందే. అయితే ఈ రహస్యాన్ని దాచేందుకు బ్లాక్ మెయిల్ చేసినవారికి సుమారు రూ. 66 కోట్లను ఇచ్చినట్లు చార్లీ బుధవారం వెల్లడించాడు.
 'టూ అండ్ ఎ ఆఫ్ మెన్ షో' తో ఫేమస్ అయిన ఈ నటుడు తనపై వస్తున్న ఆరోపణలపై ఓ టీవీ షోలో వివరణ ఇచ్చాడు.  ఉద్దేశపూర్వకంగానే ఇతరులకు హెచ్ఐవీని అంటించాడని, తనకు గల వ్యాధి వివరాలను దాచి లైంగిక సంబంధాలను కొనసాగించాడని తనపై వస్తున్న ఆరోపణలను ఆయన ఖండించాడు. తనకు నాలుగేళ్ల క్రితం ఎయిడ్స్ ఉన్నట్లు నిర్థారణ అయిందని ఆ తరువాత తగిన జాగ్రత్తలు తీసుకొని నిజాయితీగా లైగిక సంబంధాలు జరిపినట్లు తెలిపాడు.
 అయితే చార్లీతో నాలుగేళ్ల క్రితం ఏడాది పాటు గడిపిన మాజీ పోర్న్ స్టార్ బ్రీ ఓల్సన్ మాత్రం అతని వ్యాఖ్యలను ఖండించింది. చార్లీ తనతో గడిపిన ఏడాదిలో మాట మాత్రమైనా తనకు ఈ విషయం గురించి చెప్పలేదని ఆమె వెల్లడించింది. ఎప్పుడూ 'ఐయామ్ క్లీన్' అని చెప్పేవాడని తెలిపింది. అయితే తనకు హెచ్ఐవీ ఫలితాలు నెగటీవ్ అని తేలాయని చెప్పిన ఓల్సన్ ఉద్దేశపూర్వకంగానే చార్లీ రహస్యాన్ని దాచాడని ఆరోపించింది.
 ఒకప్పుడు అమెరికాలోనే టీవీ షో కార్యక్రమాలలో అత్యంత రెమ్యునరేషన్ అందుకున్న నటుడుగా పేరున్న చార్లీ షీన్ పలువురు సెలబ్రిటీలతో పాటు పోర్న్స్టార్లతో విచ్చలవిడిగా లైంగిక సంబంధాలు కొనసాగించి ఉద్దేశపూర్వకంగానే హెచ్ఐవీని అంటించాడనే విమర్శలు వెల్లువెత్తుతున్నాయి.


 వడ్లగింజలో బియ్యపుగింజ!
 ‘అప్పటి నుంచీ తెగ మాట్లాడుకుంటున్నారు... ఏమిటి విశేషం?’
  ‘విశేషమా పాడా! వడ్లగింజలో బియ్యపుగింజ!’
  ‘ఏదో చెబుతాడని  వెళితే ఏమీ లేదు. వడ్లగింజలో బియ్యపుగింజ.’
  ఇలాంటి మాటలు మనకు తరచుగా వినిపిస్తూనే ఉంటాయి. ఒక విషయంలో కొత్తదనం లేనప్పుడు, ప్రాధాన్యత  లేనిదైనప్పుడు ఉపయోగించే జాతీయమే ఈ ‘వడ్లగింజలో బియ్యపుగింజ’.
  వడ్లగింజ మీద పొట్టు ఉంటుంది.
 
 ఆ పొట్టు తీస్తే లోపల బియ్యపు గింజ ఉంటుంది. ఇదేమీ కొత్త విషయం కాదు. అందరికీ తెలిసిందే. అయితే వెనకటికో వెంకయ్య ‘ఒక రహస్యం చెబుతాను’ అని తన మిత్రుడిని ఇంటికి పిలిచాడట. ఈ మిత్రుడు ఎలాంటి వాడంటే చీమ చిటుక్కుమన్నా... ‘ఏదో జరిగింది’ అంటూ ఆరా తీసే అతి ఆసక్తికరుడు. మరి అలాంటివాడు రహస్యం అంటే ఊరుకుంటాడా! ఉరుకులు పరుగుల మీద వెంకయ్య ఇంటికి వెళ్లాడు.
  
 తీరా వెళ్లాక ఆ వెంకయ్య ఈ మిత్రుడి చెవిలో చెప్పిన రహస్యం ఏమిటంటే-
  ‘‘నీకో విషయం తెలుసా. బియ్యపు గింజ ఎక్కడ నుంచి వస్తుందో నాకు తెలిసిపోయింది. వడ్లగింజ పొట్టు ఒలిచేస్తే బియ్యపుగింజ బయట పడుతుంది’’ అన్నాట్ట. అప్పట్నుంచీ ఆ మాట వాడుకలోకి వచ్చింది.  
  
 మీది పిట్టలకు పులుసు కాసినట్లు!
 పని పూర్తిగా చేయకుండానే చేసేశామనే మానసిక స్థితిలో ఉండేవారి గురించి వాడే జాతీయం ఇది.
  ఒక వేటగాడు తన భార్యను పిలిచి - ‘‘పిట్టమాంసంతో పులుసు కాయి’’ అని ఆర్డర్ వేశాడట. ‘‘పిట్టేది? మాంసం ఏది?’’ అని భార్య అమాయకంగా అడిగింది.
  ‘‘అదిగో ఆకాశంలో ఎగురుతున్నాయి చూడు. ఇలా వెళ్లి అలా కొట్టుకొస్తాను. ఈలోపు పులుసు పొయ్యి మీద పెట్టు’’ అని చెప్పాడట.
 తీరా భార్య పులుసు కోసం ఏర్పాట్లు చేసేసరికి వేటగాడు మాత్రం ఉత్త చేతులతో తిరిగి వచ్చాడు! ఇలాగే కొందరు ఏదేదో చేసేస్తాం అని డంబాలు పలుకుతారు. కానీ చేసేదేమీ ఉండదు. అలాంటి వారి గురించి వాడే మాట ఇది!
  
 కంచంత కాపురం!
 ఒకప్పుడు ఉమ్మడి కుటుంబాలు ఎక్కువగా ఉండేవి. దాంతో ఇల్లు పిల్లా పాపలతో సందడి సందడిగా ఉండేది. నాన్న, పెదనాన్న, చిన్నాన్న, అమ్మ, పెద్దమ్మ, చిన్నమ్మ, తాతయ్య, అమ్మమ్మ... ఇలా అందరూ ఒక  ఇంట్లోనే ఉండేవాళ్లు. ఇలాంటి ఇళ్లలోకి అడుగు పెడితే రోజూ పండగ వాతావరణం కనిపించేది.
  
 దీంతో పిల్లలు, పెద్దలు కూడా ఎలాంటి మానసిక సమస్యలూ లేకుండా ఉండేవాళ్లు. పిల్లలందరినీ కూర్చోబెట్టుకొని పెద్దలు వెన్నెల రాత్రులలో కథలు చెప్పేవారు. అవి కథలు మాత్రమే కాదు... జీవితానికి మార్గదర్శకాలు. ఇలాంటి పెద్ద కుటుంబాన్ని ‘కంచంత కాపురం’ అనేవారు. కంచి అనేది తీర్థస్థలం. ఎప్పుడూ జనాలతో సందడి సందడిగా ఉంటుంది. తీరిక అనేదే లేదన్నట్లుగా ఉంటుంది. పెద్ద కుటుంబాలు కూడా అంతే కదా! అందుకే ఆ కుటుంబ స్థాయిని చెప్పడానికి ‘కంచంత కాపురం’ అంటుంటారు.
  
 కూరగాయ కవి!
 ‘‘నీకేమయ్యా మాంచి కవివి. కవిత్వాలు రాసి రాసి బోలెడు సంపాదించి ఉంటావు.’’
  ‘‘సంపాదనా పాడా? నేను కూరగాయ కవిని.’’
  ఈ సంభాషణ వింటే, కూరగాయ కవా అని ఆశ్చర్యం వేస్తుంది. అసలా మాటకు అర్థం ఏమిటి?
  వెనకటికో కవిగారు కొత్తగా పెళ్లి చేసుకున్నారు. కొన్ని రోజుల తరువాత కూతుర్ని చూసి వెళదామని ఆయన మామగారు వచ్చారు. ‘‘ఏమ్మా... అల్లుడు గొప్ప కవి కదా, సంపాదన  బాగానే ఉంటుందా?’’ అని కూతురిని అడిగాడు. ‘‘మీ అల్లుడు కవిత్వం చెప్పి సంపాదించిన డబ్బు కూరగాయలు కొనడానికి మాత్రమే సరిపోతోంది. అన్నీ అప్పులే’’ అని భోరుమంది కూతురు. ఈ విషయం ఆ నోటా ఈ నోటా పడి, కవిగారు కాస్తా కూరగాయ కవి అయ్యాడు! అప్పట్నుంచీ ఈ మాట వాడుకలోకి వచ్చింది. ప్రతిభకు తగిన ఆదరణ దొరకనప్పుడు ఈ జాతీయాన్ని ఉపయోగిస్తారు.


 ముంబై: ప్రముఖ దర్శకుడు రామ్ గోపాల్ వర్మ దర్శకత్వంలో తెరకెక్కుతున్న తాజా చిత్రం సీక్రెట్. ఆ చిత్రానికి సంబంధించిన తొలి పోస్టర్ను వర్మ ఆదివారం ముంబైలో ఆవిష్కరించారు. దాదాపు రెండేళ్ల తర్వాత హిందీలో ఈ చిత్రాన్ని వర్మ తెరకెక్కిస్తున్నారు.2013, నవంబర్ లో హిందీలో ఆయన దర్శకత్వంలో రూపొందిన సత్య 2 విడుదలైన సంగతి తెలిసిందే. దాదాపు ఏడాదిన్నర తర్వాత నా మొదటి హిందీ చిత్రం సీక్రెట్ను నిర్మిస్తున్నట్లు  ఆయన ట్విట్టర్లో వెల్లడించారు. అయితే ఈ చిత్రానికి ముందు టైటిల్ గా 'ద ఎఫైర్' అనుకున్నామని కానీ సీక్రెట్ పేరు ఖరారు చేశామన్నారు.
 ఈ చిత్రంలో సచిన్ జోషి, కైనత్ అరోరా, టిస్కా చోప్రా, మీరా చోప్రాలు నటిస్తున్నారని రామ్ గోపాల్ వర్మ తెలిపారు. కాగా ఈ చిత్రం తెలుగులో మొగలిపువ్వు పేరుతో  విడుదల కానుంది. ప్రముఖ దర్శకుడు ఎ. కోదండరామ్ రెడ్డి దర్శకత్వంలో చిరంజీవి హీరోగా వచ్చిన చిత్రం ఖైదీ. ఈ చిత్రంలోని రగులుతుంది మొగలిపోద అనే పాట నుంచి ఈ చిత్రానికి టైటిల్ ఖరారు చేసినట్లు గతంలోనే వర్మ వివరించారు. 


 తొలి ముగ్గురు అవినీతిపరులపై వేటుకు కసరత్తు
 {పత్యేక ప్రశ్నావళితో వివరాలు సేకరిస్తున్న ఇంటెలిజెన్స్ విభాగం
 ఎప్పటికప్పుడు ప్రభుత్వానికి నివేదికల సమర్పణ
  
 సంగారెడ్డి: రాష్ట్ర ప్రభుత్వం ప్రతిష్టాత్మకంగా చేపట్టిన మిషన్ కాకతీయలో కమీషన్లదందాపై భారీ నీటిపారుదలశాఖ రహస్యంగా స్వీయ విచారణ చేపడుతోంది. ఈ పథకంలో అధికారులు, అధికార పార్టీ నేతలు అక్కడక్కడా సుమారు రెండు శాతం కమీషన్లు దండుకుంటున్నారనే ఆరోపణల నేపథ్యంలో భారీ నీటిపారుదలశాఖ మంత్రి హరీశ్‌రావు ఇంటలిజెన్స్ అధికారులను రంగంలోకి దించి నట్లు విశ్వసనీయంగా తెలిసింది. ఈ బృహత్ పథకానికి అవినీతి, రాజకీయ మరక అంటుకోకుండా చూడాలన్న పట్టుదలతో ఉన్న హరీశ్‌రావు నిఘా అధికారుల నివేదికల ఆధారంగా అత్యంత అవినీతిపరులైన ముగ్గురేసి అధికారు లు, ప్రజాప్రతినిధులపై తక్షణమే వేటు వేసేం దుకు కసరత్తు చేస్తున్నట్లు సమాచారం. వచ్చే వారంలోగా అవినీతి అధికారులను గుర్తించి వారిపై వేటువేయాలని ఇంజనీర్-ఇన్-చీఫ్‌ను ఆదేశించారని, అవినీతిపరులుగా తేలిన ముగ్గు రు ప్రజాప్రతినిధులపై సీఎంకు ఫిర్యాదు చేయాలని నిర్ణయించినట్లు తెలిసింది.
 
 ప్రశ్నావళితో రంగంలోకి: మిషన్ కాకతీయ పనులపై ఇంటలిజెన్స్, విజిలెన్స్ యంత్రాంగం క్షేత్రస్థాయి నుంచి సమగ్ర సమాచారం సేకరిస్తోంది. జిల్లాలో పనులు జరుగుతున్న గ్రామాల్లో ఇంటలిజెన్స్ అధికారులు రహస్యంగా పర్యటిస్తూ పూర్తి సమాచారం సేకరిస్తున్నారు. ఇందుకోసం వారు ప్రత్యేక ప్రశ్నావళి తయారు చేసుకొని ప్రజల్లోకి వెళ్తున్నారు. అదే రోజు ప్రాథమిక నివేదిక తయారు చేసి ఉన్నతాధికారులకు నివేదిస్తున్నారు.
 
 మెదక్‌లో కమీషన్లకు నేతల పట్టు...
 
 మెదక్ నియోజకవర్గంలో పలు చెరువు పనులకు సంబంధించి స్థానిక నేతలు కమీషన్లు కావాలని పట్టుబడుతున్న అంశంతోపాటు మిషన్ కాకతీయకు ఆటంకంగా మారుతున్న ఇతర అంశాలపై ఇంటెలిజెన్స్ వర్గాలు ప్రభుత్వానికి సమగ్ర నివేదికలు పంపుతున్నట్లు తెలుస్తోంది. నిజామాబాద్ జిల్లా  గాంధారి మండలం ముదెల్లి గ్రామంలో చిన్న చెరువుకు రూ. 49 లక్షలకు టెండర్ పిలవగా ఓ కాంట్రాక్టర్‌కు టెండర్ ఖరారు అయింది. చివరి నిమిషంలో ఓ ప్రజాప్రతినిధి అడ్డంపడి టెండర్ రద్దు చేయించినట్లు సమాచారం. ఇరిగేషన్‌శాఖ అధికారులు ముందుగా చెరువులో 11,000 క్యూబిక్ మీటర్ల పూడిక ఉందని నిర్ధారించగా, తాజాగా దాన్ని 21 వేల క్యూబిక్ మీటర్లకు పెంచి రూ. 84 లక్షలకు మళ్లీ టెండర్ కోట్ చేసినట్లు నివేదికలు అందాయి. అదే జిల్లా తాడ్వాయి మండలం ఎర్రపాడు గ్రామంలో ఒక పర్క్యులేషన్ ట్యాంకుకు రూ. 39 లక్షలు కేటాయించినట్లు, దీని కింద రైతులే లేరని, ఒక ప్రజాప్రతినిధి సంబందికులే ఉన్నట్లు ఇంటెలిజె న్స్ తేల్చింది.
  
 దొరికిన ఆధారాలు
  
 చెరువు పనుల కాంట్రాక్టుల్లో అధికారులు 2 శాతం కమీషన్ ముందుగానే వసూలు చేస్తున్నట్లు నిఘా పరిశీలనలో అక్కడక్కడ బయటపడగా ప్రజాప్రతినిధులు వీలునుబట్టి 3 శాతంపైనే వసూలు చేస్తున్నట్లు తేలింది. నర్సాపూర్ నియోజకవర్గంలోని ముఖ్య నేతల సమీప బంధువులు సబ్ కాంట్రాక్టర్ల అవతారమెత్తి చెరువు పనులు చేపడుతున్నట్లు ఇంటెలిజెన్స్ అధికారులు గుర్తించా రు. అందోలు నియోజకవర్గంలో అల్లాదుర్గం, పుల్కల్, అందోలు మండలాల్లో చెరువు  పనులను అధికార పార్టీలోని వైరి వర్గం నేతలు దక్కించుకోగా వారికి వర్క్‌ఆర్డర్ ఇవ్వకుండా ఓ ప్రజాప్రతినిధి అధికారులపై ఒత్తిడి తెస్తున్నట్లు సమాచారం.


 ఇన్నాళ్లూ ఒంటరిగా ఉన్న బాలీవుడ్ సెక్సీ తార కంగనా రనౌత్ ఎట్టకేలకూ జతగాడిని వెతుక్కుంది. ఈ సీక్రెట్‌ను ఆమె విప్పి చెప్పింది. అయితే అతగాడెవరనేది ప్రస్తుతానికి సస్పెన్సట! ఇంత అద్భుతమైన బాయ్‌ఫ్రెండ్ దొరికినందుకు తనకెంతో ఆనందంగా ఉందంటోంది. ప్రస్తుతం ఇమ్రాన్‌ఖాన్‌తో ‘కట్టి బత్తి’ సినిమాలో చేస్తున్న కంగనా... ‘అతడెవరో బయటపెట్టడానికి ఇది సరైన సమయం కాదు. సందర్భం వచ్చినప్పుడు అందరికీ చెబుతా. నిజానికి బంధాలు ఎంతో క్లిష్ట మైనవి. కాదంటారా! అవి ఆరోగ్యకరంగా లేకపోతే తరువాత బాధపడాల్సి వస్తుంది. ఆ విషయంలో నేను లక్కీ. మంచి జతగాడిని పొందగలిగా’ అంటూ చెప్పుకొచ్చిందీ చిన్నది.


 మనలో చాలామందికి పొద్దెక్కాక లేవడం అలవాటు. దీన్ని సమర్థించుకోవడానికి కూడా బోలెడు కారణాలు ఉంటాయి. ఈ విషయాన్ని పక్కన పెడితే...త్వరగా లేవడం, త్వరగా పడుకోవడం మన ఆరోగ్య సంస్కృతిలో భాగం. అదే ఆరోగ్య రహస్యం కూడా!
  ‘‘మేము  కూడా పొద్దున్నే లేవాలి అనుకుంటాం. ఎందుకో మరి వీలుకావడం లేదు!’’ అంటారా? అయితే కింద ఇచ్చిన సలహాలను పాటించి చూడండి.
  త్వరగా నిద్రపోండి!
  రాత్రి పది లేదా పదకొండుకల్లా నిద్రపోండి. మొదట్లో నిద్ర రాక పోవచ్చు. వారం రెండు వారాల్లో అది అలవాటుగా మారి నిద్రపడుతుంది.
  అలారం... కాస్త దూరంగా!
  మీ మంచం పక్కనే చేతికి అందుబాటు దూరంలో అలారం ఉండకూడదు. మనం సెట్ చేసిన టైమ్‌కు -
  ‘‘నిద్ర లే గురూ’’ అని అలారమ్ మనల్ని మేల్కొలుపుతుంది. మనమేమో నిద్రమత్తులో, దాని పీక నొక్కేసి మళ్లీ గుర్రు పెట్టి నిద్రపోతాం. అలారం దూరంగా ఉందనుకోండి... బెడ్ మీది నుంచి లేచి అలారం ఆఫ్ చేసే లోపు నిద్ర ఎగిరిపోతుంది.
  పని చేయండి!
  నిద్ర లేవగానే ఖాళీగా కూర్చోకుండా ఏదో ఒక పనిలో నిమగ్నం కండి. లేకపోతే మళ్లీ నిద్ర చుట్టుముడుతుంది. అందుకే బ్రష్ చేయడం, టీ చేయడం, తోటపని చేయడంలాంటివి చేయాలి.
  ఒక విషయం
  ఇటీవల జర్మనీలోని హైడెల్‌బెర్గ్‌కు చెందిన జీవశాస్త్ర ప్రొఫెసర్ ఒకరు వేకువజామునే నిద్ర లేచే విద్యార్థులు, ఆలస్యంగా నిద్ర లేచే విద్యార్థుల మీద ఒక అధ్యయనం నిర్వహించారు. ఆలస్యంగా నిద్ర లేచే విద్యార్థులతో పోలిస్తే, త్వరగా నిద్ర లేచే విద్యార్థులు చదువుతో పాటు అనేక విషయాల్లో చురుగ్గా ఉన్నట్లు కనుగొన్నారు.


 తెలంగాణ సీఎం కేసీఆర్ ఎట్టకేలకు సమగ్ర సర్వే గుట్టు విప్పారు. గత నెల 19న తెలంగాణవ్యాప్తంగా సమగ్రసర్వే నిర్వహించిన విషయం తెలిసిందే.  ఇతర రాష్ట్రాల్లో నివసించేవారు కూడా పరుగు... పరుగున వచ్చి ఈ సర్వేలో పాల్గొన్నారు. అయితే ఇంతకీ సమగ్ర సర్వే ఎందుకంటే.. ప్లానింగ్ కమిషన్ వేసిన ఓ ప్రశ్నకు సమాధానంగానే కేసీఆర్ ఈ సర్వే చేయించినట్లు సమాచారం.
 
 కేసీఆర్ను ప్లానింగ్ కమిషన్ అడిగిన ఓ ప్రశ్నకు... ఆయన షేమ్గా ఫీలయ్యారట. తెలంగాణలో ఎక్కువ మంది వికలాంగులు ఎందుకు ఉన్నారని కేసీఆర్ను ప్రశ్నించారట. ఆ ప్రశ్నకు సీఎంగారు సమాధానం చెప్పలేకపోయారట. దాంతో హైదరాబాద్ వచ్చిన ఆయన ఫించన్లు, ఆరోగ్యశ్రీ, రేషన్ కార్డుల విషయంలో బోగస్లను ఎత్తివేసి అసలైన లబ్దిదారులను గుర్తించేలా...సర్వే చేపట్టాలని డిసైడ్ అయ్యారట.
 
 ఇందుకోసం ఉన్నతాధికారులతో సమావేశం ఏర్పాటు చేసిన కేసీఆర్ ... 'ప్లానింగ్ కమిషన్ అధికారులు అడిగిన ప్రశ్నలకు నేను చాలా అవమానపడ్డాను. కించపరిచేలా ప్రశ్నించారు. మళ్లీ ఇటువంటివి పునరావృతం కాకుండా పట్టిష్టమైన సర్వే చేపట్టేందుకు టైమ్ వచ్చింది' అన్నారట. దాని ఎఫెక్టే 'సమగ్ర కుటుంబ సర్వే' అట. మరోవైపు సమగ్ర సర్వేలో తెలిసిన సమాచారం ప్రకారం కేసీఆర్ మరో సర్వేకి కూడా ప్రణాళికలు రూపొందిస్తున్నట్లు సమాచారం.
 
  


 చెప్పా పెట్టకుండా...సెలైంటుగా ఖర్చులు చేసేది మహిళలే అంటుంటారు కానీ.. నిజానికి ఆ పని ఎక్కువగా చేసేది మగాళ్లేనట. పెపైచ్చు బోలెడంత డబ్బు తగలేసి కొన్నా వాటిని కనిపించకుండా దాచిపెట్టేయడం, కొన్న విషయం బైటపడకుండా రసీదులు చింపి అవతల పారేయడం లాంటివి చేసి జాగ్రత్తపడతారట.
 
 వోచర్‌క్లౌడ్‌డాట్‌కామ్ అనే సంస్థ నిర్వహించిన సర్వేలో ఈ విషయాలు బైటపడ్డాయి. షాపింగ్ గురించి, ఏయే ఐటమ్‌లు ఎంతెంత ఖర్చు పెట్టి కొన్నామన్నవి జీవిత భాగస్వామికి చెప్పకుండా గోప్యంగా ఉంచుతామన్న వారిలో మహిళలు 22 శాతమే ఉంటే.. పురుషుల సంఖ్య అంతకు రెట్టింపు ఉంది. చాలా మంది మహిళలు తాము కొన్న వస్తువుకి సంబంధించి ఇంట్లో అసలు రేటు చెప్పకుండా తగ్గించే చెబుతామని వెల్లడించారు.
 
 అలాగే, అప్పుడప్పుడు కొత్తవైనా సరే .. పాతవాటిగా కలరింగ్ ఇస్తుంటామని కూడా చెప్పారు. ఇందుకు మహిళల దగ్గర బలమైన కారణాలే ఉన్నాయి. జీవిత భాగస్వామిని ఆందోళనపర్చడం, వారితో వాదులాటకు దిగడానికి ఇష్టపడకపోవడం అందులో ప్రధాన కారణం.
  


 లండన్: మీ భర్త మీకు అన్యాయం చేస్తున్నారని అనుమానమా..? సీక్రెట్‌గా వివాహేతర సంబంధం కొనసాగిస్తున్నారని డౌటా..? అయితే వెంటనే ‘ఎంకపుల్’ అప్లికేషన్ డౌన్‌లోడ్ చేసుకోండి.. దీనితో మీ భర్తకు సంబంధించిన డిజిటల్ సమాచారం మొత్తం సులువుగా తెలుసుకోవచ్చు. లండన్‌కు చెందిన ‘ఎంస్పై’ అనే సంస్థ ఈ యాప్‌ను రూపొందించింది. దీని ద్వారా మీ భాగస్వామికి వచ్చే ప్రతి కాల్, మెసేజ్, ఈ-మెయిల్ సమాచారం మీకు అందుతుంది. స్కైప్, ఫేస్‌బుక్ ఉపయోగించి చాటింగ్ చేసినా ఇట్టే పట్టేస్తుంది.
 
 అలాగే మీ భాగస్వామి స్మార్ట్‌ఫోన్‌లో తీసి ఫేస్‌బుక్, స్కైప్‌లో పోస్ట్ చేసిన లేదా షేర్ చేసిన వీడియోలు, ఫొటోలు కూడా మీకు అందిస్తుంది. అంతేనా మీ భాగస్వామి ఫోన్ సంభాషణలను రికార్డ్ చేసే సౌకర్యం కూడా ఇది మీకు కల్పిస్తుంది. అలాగే జీపీఎస్ ద్వారా వారి కదలికలను ఎప్పటికప్పుడు తెలియజేస్తుంది. అయితే మీ భాగస్వామి అనుమతి ఉంటేనే ఈ యాప్‌ను డౌన్‌లోడ్ చేసుకోవడం సాధ్యపడుతుంది. ప్రస్తుతం ఈ సంస్థ పిల్లల కదలికలపై నిఘా పెట్టే తల్లిదండ్రులు, ఆఫీసుల్లో సిబ్బంది పనితీరుపై కన్నేసే కంపెనీలను లక్ష్యంగా చేసుకుంది. అయితే ఈ యాప్‌తో ప్రేమ పేరుతో చేసే చీటింగ్‌లకు చెక్ పెట్టొచ్చని ఎంస్పై వర్గాలు నమ్మకంగా చెపుతున్నాయి.
  
  


 కొత్త పుస్తకం: మై హజ్బెండ్ డజన్ట్ లవ్ మీ
  
  ఒక అమ్మాయిని పెళ్లి చేసుకోవడం, మరొక అమ్మాయితో ప్రేమాయణం సాగించడాన్ని చాలా గొప్పగా భావిస్తారు కొందరు మగాళ్లు. భర్త వేరొక అమ్మాయితో ఎఫైర్ సాగిస్తున్నాడని భార్యకు తెలిసిన రోజు ఇంట్లో రచ్చ రచ్చ అవుతుంది. ‘అలాంటిదేమీ లేదు’ అని బుకాయించాలని చూసినప్పటికీ భార్యాభర్తల మధ్య ప్రేమ స్థానంలో ‘అనుమానం’ అనే పెనుభూతం పెద్ద కుర్చీ వేసుకొని కూర్చుంటుంది. ఒకే ఇంట్లో ఉండి కూడా రెండు వేరు వేరు దీవుల్లో ఉన్నట్లుగా ప్రవర్తిస్తారు...ఇలాంటి సమస్యలను తన పుస్తకంలో లోతుగా విశ్లేషించారు ఆండ్రూ జి. మార్షల్.
 
  ఇటీవల విడుదలైన ‘మై హజ్బెండ్ డజన్ట్ లవ్‌మీ’ పుస్తకంలో భార్యాభర్తలకు ఉపకరించే కొన్ని విషయాలు...
  
  ఆయనకు వేరే స్త్రీతో సంబంధం ఉందనే విషయం తెలిసినప్పుడు...మీ కడుపులో ఎన్నో అగ్నిపర్వతాలు రగులుతుంటాయి. అంతమాత్రాన ఆవేశమే సమస్యకు పరిష్కారం కాదు.
  
  ‘‘నేను మీకు నచ్చలేదేమో’’ అని సారీ చెప్పండి. మగవాడు పశ్చాత్తాపంతో బాధపడతాడు. మారిపోతాడు.
  
  సంసారంలో ‘పారదర్శకత’ అనేది ముఖ్యం. ‘రహస్యం’ అనేది శత్రువు.
  
  సమస్యకు ‘పరిష్కారం’ గురించి ఆలోచించాలి తప్ప ‘ప్రతీకారం’ గురించి ఆలోచించవద్దు.
  
  భార్య ఎప్పుడూ ఏదో ఒకటి అంటుందనే సాకుతో...సంతోషాన్ని, శాంతిని బయట వెదుక్కోవడం మానేయాలి.
  టీవి షో ‘మ్యాడ్ మెన్’లో మాదిరిగా మగాళ్ల సంబంధాలన్నీ పనిచేసే స్థలంలోనే మొదలవుతాయి. ఈ విషయంలో జాగ్రత్తగా ఉండాలి.
  
  ప్రతి స్నేహం ప్రేమ కాదు. సంబంధం అంతకంటే కాదు.మౌనంగా ఉండి శత్రుత్వాన్ని పెంచుకోవడం కంటే, తగాదా పడైనా సరే సమస్యను పరిష్కరించుకోవడమే మేలు.
  ఎవరి వాదన వారు వినిపించుకోవచ్చు. అపోహలను తొలగించుకోవచ్చు.
  
  మోసం చేసే మగాడిలో ‘మోసం’ శాశ్వతం కాదు. ప్రేమతో అతడిని జయించవచ్చు.
  
  ప్రతి నిరాశలోనూ ఒక ఆశ ఉంటుంది. ఇద్దరి మధ్య దూరం పెరిగినంత మాత్రాన ఇక ఎప్పుడూ దగ్గరవ్వరనికాదు...ప్రయత్నిస్తే కలవడం కష్టమేమీ కాదు.