ఆస్టిన్‌: అమెరికా టెక్సాస్‌లో తెలుగు విద్యార్థిని హిట్‌ అండ్‌ రన్‌ కేసు విషాదాంతంగా ముగిసింది. తీవ్రంగా గాయపడి చికిత్స పొందుతున్న వంగవోలు దీప్తి(Deepthi Vangavolu)కన్నుమూశారు. ఈ విషయాన్ని అక్కడి అధికారులు ఇచ్చిన సమాచారం ద్వారా కుటుంబ సభ్యులు ధృవీకరించారు. దీంతో గుంటూరులోని ఆమె స్వస్థలంలో విషాద ఛాయలు అలుముకున్నాయి. దీప్తి(23) తండ్రి హనుమంత రావు చిరువ్యాపారి. ఆమె కుటుంబం గుంటూరు(Guntur) రాజేంద్రనగర్‌ రెండో లైనులో నివాసం ఉంటోంది. టెక్సాస్‌లోని డెంటన్‌ సిటీలో యూనివర్సిటీ ఆఫ్‌ నార్త్‌ టెక్సాస్‌లో ఎంఎస్‌ చేసేందుకు వెళ్లారు. మరో నెల రోజుల్లో కోర్సు పూర్తి కావాల్సి ఉంది. అయితే ఈలోపు రోడ్డు ప్రమాదం రూపంలో మృత్యువు ఆమెను కబళించింది. ఈ నెల 12వ తేదీన స్నేహితురాలైన మేడికొండూరుకు చెందిన స్నిగ్ధతో కలిసి రోడ్డుపై నడచి వెళ్తుండగా వేగంగా ప్రయాణిస్తున్న కారు ఢీకొట్టింది. దీప్తి తలకు తీవ్ర గాయమైంది. స్నిగ్ధకు కూడా గాయాలయ్యాయి. దీప్తి స్నేహితురాళ్లు ప్రమాద విషయాన్ని ఆమె తండ్రి హనుమంతరావుకు తెలిపారు. క్రౌడ్‌ ఫండింగ్‌(Crowd Funding) ద్వారా ఆమె చికిత్స కోసం ప్రయత్నాలు కొనసాగగా.. మంచి స్పందన లభించింది. అయినప్పటికీ ఫలితం లేకపోయింది. ఈ నెల 15న దీప్తి చికిత్స పొందుతూ కన్నుమూసింది. శనివారం(ఏప్రిల్‌ 19) నాటికి మృతదేహం గుంటూరుకు వచ్చే అవకాశం ఉంది. మరో బాధితురాలు స్నిగ్ధ ప్రస్తుతం అక్కడి ఆసుపత్రిలో చికిత్స పొందుతున్నారు. ఆమె పరిస్థితి నిలకడగానే ఉందని సమాచారం. అవే ఆమె చివరి మాటలు..దీప్తి మృతి వార్త విని ఆ తల్లిదండ్రులు గుండెలు అవిసెలా రోదిస్తున్నారు. చదువులో చాలా చురుకైన విద్యార్థిని అని, అందుకే పొలం అమ్మి మరీ అమెరికాకు పంపించామని చెప్పారు. నెల రోజుల్లో గ్రాడ్యుయేషన్‌ పూర్తి కావాల్సి ఉందని, ఆ టైంకి మమ్మల్ని అమెరికాకు రావాలని ఆమె కోరిందని, అందుకు ఏర్పాట్లలో ఉండగానే ఇలా జరిగిందని ఆవేదన వ్యక్తం చేశారు. ఈ నెల 10వ తేదీన దీప్తి చివరిసారిగా తమతో ఫోన్‌లో మాట్లాడినట్లు తెలిపారు. కాలేజీకి టైం అవుతోందని.. ఆదివారం మాట్లాడతానని చెప్పి హడావిడిగా ఫోన్‌ పెట్టేసిందని.. అవే తమ బిడ్డ మాట్లాడిన చివరి మాటలని గుర్తు చేసుకుని బోరున విలపించారు.

ఉన్నత చదువులకోసం అమెరికాకు వెళ్లిన తెలుగు విద్యార్థిని ప్రాణలతో పోరాడుతోంది. అమెరికాలోని టెక్సాస్‌లోని డెంటన్ నగరంలో జరిగిన రోడ్డు ప్రమాదంలో ఇద్దరు తెలుగు అమ్మాయిలు గాయపడ్డారు. వీరిలో తీవ్రంగా గాయపడిన విద్యార్థినిని దీప్తి వంగవోలుగా గుర్తించారు. మరో విద్యార్థినికి కూడా తీవ్రంగా గాయపడిందని అయితే ఆమెకు ప్రాణాపాయం లేదని అమెరికా మీడియా నివేదికలు తెలిపాయి.ఈ ప్రమాదం శనివారం (ఏప్రిల్ 12) తెల్లవారుజామున, ఎన్. బోనీ బ్రే స్ట్రీ మరియు డబ్ల్యు. యూనివర్శిటీ డ్రైవ్ సమీపంలో ఈ ప్రమాదం జరిగినట్టు తెలుస్తోంది. ఆంధ్రప్రదేశ్‌లోని గుంటూరుకు చెందిన దీప్తి వంగవోలు ,ఆమె స్నేహితురాలు కాలినడకన ఇంటికి చేరుకోబోతుండగా గుర్తు తెలియని వాహనం ఢీకొట్టింది. వెంటనే ఆ వాహనం డ్రైవర్‌ని అక్కడినుంచి పారిపోయాడు. దీప్తికి తలకు లోతైన గాయం అయిందని, ఆమెకు శస్త్రచికిత్స జరుగుతోందని స్థానిక మీడియా తెలిపింది. ప్రస్తుతం డెంటన్ పోలీసులు ఈ హిట్ అండ్ రన్ ఘటనపై దర్యాప్తు ముమ్మరం చేశారు. పరారీలో ఉన్న డ్రైవర్‌ను, ప్రమాదానికి కారణమైన వాహనాన్ని గుర్తించేందుకు ప్రజల సహాయం కోరుతూ ప్రకటన కూడా విడుదల చేశారు. ఈ ఘటనపై మరిన్నివివరాలు అందాల్సి ఉంది. లింక్డ్ఇన్ ప్రొఫైల్ ప్రకారం, దీప్తి వంగవోలు నార్త్ టెక్సాస్ విశ్వవిద్యాలయంలో కంప్యూటర్ అండ్‌ ఇన్ఫర్మేషన్ సైన్స్‌లో మాస్టర్స్ చదువుతోంది. 2023లో నరసరావు పేట ఇంజనీరింగ్ కళాశాల నుండి బీటెక్ పూర్తి చేసింది.

హైదరాబాద్‌,సాక్షి: హైదరాబాద్‌ అబ్దుల్లా పూర్‌ మెట్‌లో హిట్‌రన్‌ కేసు నమోదైంది. ఈ దుర్ఘటనలో బైక్‌పై వెళుతున్న యువతి దుర్మరణం చెందగా.. యువకుడు తీవ్రగాయాలతో ఆస్పత్రిలో చికిత్స పొందుతున్నాడు.హైదరాబాద్‌ పోలీసుల వివరాల మేరకు.. గురువారం రాత్రి తెనాలికి చెందిన ప్రదీప్‌ వర్మ మద్యం సేవించాడు. అనంతరం, తన స్కోడా కారుతో బీభత్సం సృష్టించాడు. మద్యం మత్తులో కోహెడ వద్ద తన కారుతో బైక్‌ను ఢీ కొట్టాడు. అక్కడి నుంచి కారుతో పరారయ్యాడు. ప్రదీప్‌ వర్మ కారు ఢీకొట్టడంతో బైక్‌పై వెళుతున్న బీఫార్మసీ విద్యార్థిని స్పందన అక్కడికక్కడే మరణించింది. ఆమె స్నేహితుడు తీవ్రంగా గాయపడ్డాడు. ప్రమాదంతో అప్రమత్తమైన స్థానికులు క్షతగాత్రుల్ని అత్యవసర చికిత్స నిమిత్తం ఆస్పత్రికి తరలించారు. అయితే బైక్‌ను ఢీకొట్టిన తరువాత కోహెడ నుంచి చైతన్యపురి వస్తుండగా ప్రదీప్‌ కారుపై పోలీసులకు అనుమానం వచ్చింది. కారు అద్దం పగలడం, అనుమానాస్పదంగా డ్రైవ్ చేస్తుండటంతో ప్రదీప్‌ కారును చైతన్య పురి పోలీసులు అడ్డగించారు. కారును ఆపి ప్రశ్నించారు. కారు డ్యామేజ్ అయ్యింది.. రిపేర్‌కి వెళ్తున్నానని ప్రదీప్‌ బుకాయించే ప్రయత్నం చేశాడు. అద్దంపై రక్తపు మరకలు, జుట్టు ఉండటంతో.. అనుమానించి అదుపులోకి తీసుకున్నారు. కోహెడ వద్ద ప్రమాదం జరిగినట్లు సమాచారం రావడంతో.. అక్కడ యాక్సిడెంట్ చేసింది ఈ కారే అని చైతన్యపురి పోలీసులు గుర్తించారు. హిట్‌ అండ్‌ రన్‌లో మృతి చెందిన విద్యార్థిని కొప్పు స్పందన(19)ది యాదాద్రి భువనగిరి జిల్లా నారాయణపురం మండలం చిల్లపూర్‌ స్వగ్రామం. ఘట్ కేసర్‌లోని ప్రైవేట్ హాస్టల్‌లోఉంటూ నగరానికి చెందిన ఓ కాలేజీలో బీ ఫార్మసీ చదువుతోంది. బాధితురాలి తండ్రి ఫిర్యాదుతో కేసు నమోదు చేసుకున్న పోలీసులు దర్యాప్తు ప్రారంభించారు.

హైదరాబాద్: నగరంలోని బాలా నగర్ పోలీస్ స్టేషన్ పరిధిలో ఐడీపీఎల్ చౌరస్తాలో హిట్ అండ్ రన్ కేసు మంగళవారం చోటు చేసుకుంది. అనిల్ అనే వ్యక్తి తన కారుతో ఓ యువతిని ఢీకొట్టి పారిపోయేందుకు యత్నించాడు. అయితే పోలీసులు సకాలంలో స్పందించడంతో నిందితుడిని పారిపోయే క్రమంలోనే అదుపులోకి తీసుకున్నారు. వివరాల్లోకి వెళితే.. ఐడీపీఎల్ చౌరస్తా నుంచి బల్కంపేటకు అనిల్ అనే వ్యక్తి తన ఫార్చునర్ కారులో వెళుతుండగా సాయి కీర్తి(19) అనే యువతిని ఢీకొట్టాడు. అయితే ఢీకొట్టిన అనంతరం కారును ఆపకుండా అతి వేగంగా ఫతేనగర్ ఫ్లైఓవర్ దాటేందుకు యత్నించాడు. ఈ ఘటనపై సమాచారం అందుకున్న పోలీసులు ఫతేనగర్ ఫ్లైఓవర్ వద్ద అనిల్ ను అదుపులోకి తీసుకున్నారు. అయితే కారును డ్రైవ్ చేస్తున్న అనిల్ మద్యం తాగి ఉన్నట్లు పోలీసులు తెలిపారు. ఈ ప్రమాదంలో గాయపడిన సాయి కీర్తి స్థానిక ఆస్పత్రిలో చికిత్స పొందుతున్నట్లు పోలీసులు వెల్లడించారు.

బంజారాహిల్స్‌: హిట్‌ అండ్‌ రన్‌ కేసులో సినీ హీరో సాధుల హర్షవర్ధన్‌తో పాటు అతడి స్నేహితుడు మాడే సాంకేత్‌ శ్రీనివాస్‌ అలియాస్‌ తేజను బంజారాహిల్స్‌ పోలీసులు ఆదివారం అరెస్టు చేసి రిమాండ్‌కు తరలించారు. బంజారాహిల్స్‌లోని బసవతారకం కేన్సర్‌ ఆస్పత్రి సమీపంలో శనివారం తెల్లవారుజామున అతి వేగంగా వచి్చన కారు ఫుట్‌పాత్‌ పైకి దూసుకెళ్లింది. ఈ ఘటనలో అక్కడ నిద్రిస్తున్న గుర్తుతెలియని వ్యక్తి మృతి చెందగా మరో ఇద్దరు గాయపడ్డారు. వివరాల్లోకి వెళితే..నిజామాబాద్‌ అర్బన్‌కు చెందిన హర్షవర్దన్‌ సినిమా హీరోగా నటిస్తూ బంజారాహిల్స్‌ రోడ్డునెంబర్‌–13లోని ఓ అపార్ట్‌మెంట్‌లో తన స్నేహితులు మాడే సాంకేత్‌ శ్రీనివాస్‌ అలియాస్‌ తేజ, వంశీ, రాకేష్‌తో కలిసి ఉంటున్నాడు. శనివారం తెల్లవారుజామున జూబ్లీహిల్స్‌లోని ఓ పబ్‌లో మద్యం తాగిన రాకేష్‌ తనను పికప్‌ చేసుకోవాలని ఫోన్‌ చేయడంతో హర్షవర్ధన్‌కు చెందిన కారులో బయలుదేరిన తేజ, కార్తీక్‌ బంజారాహిల్స్‌ రోడ్డునెంబర్‌–12 మీదుగా వేగంగా దూసుకెళ్తూ హిట్‌ అండ్‌ రన్‌కు పాల్పడ్డారు. తేజ కారు నడుపుతుండగా, కార్తీక్‌ పక్కన కూర్చున్నాడు. ఈ ఘటనతో భయాందోళనకు లోనైన తేజ, కార్తీక్‌తో పాటు గదిలో ఉన్న హర్షవర్ధన్, వంశీ తదితరులు కూడా పరారయ్యారు. పక్కా సమాచారంతో పోలీసులు వీరందరినీ అదుపులోకి తీసుకుని విచారించగా మిస్టరీ వీడింది. కారు హర్షవర్దన్‌ది కాగా డ్రైవింగ్‌ లైసెన్స్‌ లేకుండా తేజ కారు నడిపి ఈ ప్రమాదానికి కారకుడయ్యాడు. ఈ నేపథ్యంలో కారు ఇచి్చన హర్షవర్ధన్‌తో పాటు నడిపిన తేజపై పోలీసులు క్రిమినల్‌ కేసు నమోదు చేసి రిమాండ్‌కు తరలించారు. బంజారాహిల్స్‌ ఇన్‌స్పెక్టర్‌ కేఎం రాఘవేంద్ర కేసు దర్యాప్తు చేస్తున్నారు.

సాక్షి, గజ్వేల్‌: తెలంగాణలో మరో హిట్‌ అండ్‌ రన్‌ కేసు వెలుగు చూసింది. ఈ ప్రమాదంలో ఇద్దరు కానిస్టేబుల్స్‌ మృతి చెందారు. మృతిచెందిన కానిస్టేబుళ్లను పరందాములు, వెంకటేశ్‌గా గుర్తించారు.వివరాల ప్రకారం.. సిద్దిపేట-జాలిగామ బైపాస్‌లో ఆదివారం ఉదయం రోడ్డు ప్రమాదం జరిగింది. గుర్తుతెలియని వాహనం ఢీకొట్టడంతో ఇద్దరు కానిస్టేబుళ్లు మృతిచెందారు. ఈ ప్రమాదంలో మృతిచెందిన కానిస్టేబుళ్లను పరందాములు, వెంకటేశ్‌గా గుర్తించారు. వీరిలో పరందాములు రాయపోలు పీఎస్‌లో, వెంకటేశ్‌ దౌల్తాబాద్‌ పీఎస్‌లో విధులు నిర్వహిస్తున్నారు. అయితే, వీరిద్దరూ మారధాన్‌ కోసం వెళ్తున్నట్టు తెలిసింది.

సాక్షి, హైదరాబాద్‌: చార్జిషీట్‌ దాఖలు చేసిన తర్వాత.. సమాచారం అందించి కోర్టు అనుమతితో పోలీసులు దర్యాప్తు కొనసాగించవచ్చని హైకోర్టు స్పష్టం చేసింది. దర్యాప్తు అధికారులు అనుమతి కోరితే అనుమతించే అధికారం కోర్టుకు ఉందని స్ప ష్టం చేసింది. ఇలాంటి అంశాల్లో నిందితుల వాదన వినాలన్న నిబంధన ఎక్కడా లేదని తేల్చిచెప్పింది. రెండేళ్ల క్రితం జూబ్లీ హిల్స్‌ రోడ్‌ నెంబర్‌ 45లో జరిగిన రోడ్డు ప్రమాదంలో ఓ చిన్నారి మృతి చెందగా.. మరొకరు తీవ్రంగా గాయపడ్డారు. ప్రమాదం అనంతరం నిందితులు అక్కడి నుంచి పరారయ్యారు. కారుపై స్టిక్కర్‌ ఆధారంగా మాజీ ఎమ్మెల్యే షకీల్‌కు చెందినదిగా గుర్తించిన పోలీసులు.. ప్రమాద సమయంలో కారులో షకీల్‌ కొడుకు రాహిల్, స్నేహితులు ఆఫ్నాన్, మాజ్‌ ఉన్నట్లు నిర్ధారించారు. అయితే అనూహ్యంగా కారు తానే నడిపాను అంటూ ఆఫ్నా న్‌ అనే యువకుడు పోలీసులకు లొంగిపోయాడు. కేసును రీ ఓపెన్‌ చేసిన పోలీసులు ఈ కేసులో ఏ1గా ఉన్న రాహిల్‌ను ఏప్రిల్‌ 8న అరెస్ట్‌ చేశారు. ఇదిలా ఉండగా, ఈ కేసు తదుపరి దర్యాప్తునకు అనుమతిస్తూ కింది కోర్టు ఇచ్చిన ఉత్తర్వులను నిలిపివేయాలని కోరుతూ బీఆర్‌ఎస్‌ మాజీ ఎమ్మెల్యే షకీల్‌ కుమారుడు రాహిల్‌ హైకోర్టులో పిటిషన్‌ దాఖలు చేశారు. ఈ పిటి షన్‌పై జస్టిస్‌ కె.సుజన విచారణ చేపట్టారు. కింది కోర్టులో విచారణ ప్రక్రి య ప్రారంభించాక, సాక్షుల వాంగ్మూలం నమోదు దశలో దర్యాప్తునకు అనుమతించడం చట్టవిరుద్ధమని పిటిషనర్‌ న్యాయవాది వాదించారు. రాజకీయ కారణాలతోనే కేసును తిరగదోడుతున్నారన్నారు. కింది కోర్టు ఉత్తర్వులు చట్టబద్ధమేనని ప్రభుత్వ తరఫు న్యాయవాది చెప్పారు. గతంలో దర్యాప్తు లోపభూయిష్టంగా ఉందంటూ డీసీపీ ఫిబ్రవరిలో ఇచ్చిన నివేదిక ఆధారంగా తదుపరి దర్యాప్తునకు ఉన్నతాధికారులు ఆదేశించారని వెల్లడించారు. వాదనలను విన్న న్యాయమూర్తి.. జూబ్లీహిల్స్‌ కేసులో విచారణ ప్రక్రియ ఇంకా ప్రారంభం కాలేదని అభిప్రాయపడ్డారు. కేసులో దర్యాప్తు కొనసాగించినంత మాత్రాన నిందితులకు ఇబ్బంది ఏం కాదంటూ చెప్పారు. రాహిల్‌ దాఖలు చేసిన పిటిషన్‌ను కొట్టివేశారు.

ముంబై: మహారాష్ట్రలో హిట్‌ అండ్‌ రన్‌ కేసుల సంఖ్య క్రమంగా పెరుగుతోంది. తాజాగా ఓ మైనర్‌ బాలుడు మద్యం సేవించి కారు నడిపి.. బైక్‌ను ఢీకొన్న ఘటనలో ఓ వ్యక్తి మృతిచెందాడు. ఈ ప్రమాద ఘటనలో కారు నడిపిన మైనర్‌ను పోలీసులు అరెస్ట్‌ చేశారు.వివరాల ప్రకారం.. ముంబైలోని గోరేగావ్ ప్రాంతంలో గురువారం తెల్లవారుజామున మైనర్‌(17) ఎస్‌యూవీ కారును రాంగ్‌ రూట్‌లో నడుపుతూ ఎదురుగా వస్తున్న బైక్‌ను ఢీకొట్టాడు. ఈ క్రమంలో బైక్‌పై ఉన్న నవీన్‌ వైష్ణవ్‌(24) తీవ్రంగా గాయపడ్డాడు. అనంతరం, కారు పక్కనే ఉన్న కరెంట్‌ స్థంభాన్ని ఢీకొట్టింది. ఈ ప్రమాదంలో కారు నడుపుతున్న మైనర్‌ గాయపడటంతో కిందపడిపోయాడు. ప్రమాదం జరిగిన తర్వాత మైనర్‌ అక్కడి నుంచి పారిపోయే ప్రయత్నం చేయడంతో స్థానికులు అతడిని పట్టుకున్నారు.స్థానికులు వెంటనే పోలీసులకు సమాచారం ఇవ్వడంతో ఘటనా స్థలానికి చేరుకుని నవీన్‌ను స్థానిక ఆసుపత్రికి తరలించారు. అయితే, అప్పటికే నవీన్‌ మృతిచెందినట్టు వైద్యులు నిర్ధారించారు. కాగా, నవీన్‌ వైష్ణవ్‌ ఆ ఏరియాలో పాలు అమ్మే వ్యక్తిగా గుర్తింంచారు. ఇక, ఈ ప్రమాద ఘటనపై కేసు నమోదు చేసిన పోలీసులు.. మైనర్‌ను అరెస్ట్‌ చేశారు. మైనర్‌ను ముంబైకి చెందిన ఇక్బాల్ జివానీ కుమారుడిగా గుర్తించారు. ఈ సందర్భంగా ఇ‍క్బాల్‌పై కూడా కేసు నమోదు చేశారు. మరోవైపు.. ప్రమాదం సమయంలో నిందితుడు మద్యం సేవించి ఉన్నట్టు పోలీసులు తెలిపారు.

ముంబై: మహారాష్ట్రలో వరుసగా చోటు చేసుకుంటున్న హిట్‌ అండ్‌ రన్‌ ఉదంతాలు చర్చనీయాంశంగా మారుతున్నాయి. తాజాగా.. నగరంలో మరో ప్రమాదం జరగ్గా, బాధితుడు ప్రాణం కోల్పోయిన ఘటన ఆలస్యంగా వెలుగు చూసింది. ఈ నెల 20వ తేదీన వర్లీ ప్రాంతంలో ఓ బీఎండబ్ల్యూ కారు వేగంగా వెళ్తూ.. బైక్‌ను ఢీకొట్టింది. ఈ ప్రమాదంలో గాయపడిన బైకర్‌.. జూలై 27న మృతి చెందారు. ఈ ఘటన జూలై 20న ముంబైలోని వర్లీ ప్రాంతంలో చోటుచేసుకుంది. క్షతగాత్రుడ్ని వినోద్‌ లాల్‌(28)గా పోలీసులు నిర్ధారించారు. ఇక ప్రమాదానికి కారణమైన వ్యక్తిని కిరణ్‌ ఇందుల్కర్‌గా గుర్తించి అరెస్ట్‌ చేశారు. ముంబైలో ఈ నెలలో ఇది మూడో హిట్‌ అండ్‌ రన్ కేసు. జూలై 7న ముంబైలోని వర్లీలో శివసేన నాయకుడు రాజేష్ షా కుమారుడు మిహిర్ షా నడిపిన బీఎండబ్ల్యూ.. ముందు వెళ్తున్న ఓ స్కూటర్‌ను ఢీకొట్టడంతో ఒక మహిళ మరణించగా.. ఆమె భర్త గాయపడ్డాడు. జూలై 22 న ముంబైలో వేగంగా వెళ్తున్న ఆడి కారు రెండు ఆటో-రిక్షాలను ఢీకొట్టింది. ఈ ఘటనలో రెండు ఆటో రిక్షాల డ్రైవర్లు, ఇద్దరు ప్రయాణికులు గాయపడ్డారు.

న్యూఢిల్లీ: గత ఎనిమిదేళ్ల క్రితం జరిగిన ఓ రోడ్డు ప్రమాదం కేసులో దాదాపు రెండు కోట్ల నష్ట పరిహారం చెల్లించాలంటూ ఇన్సూరెన్స్‌ కంపెనీని ట్రిబ్యూనల్‌ ఆదేశించింది. రూ.1.21 కోట్ల‌ను ప‌రిహారంగా, 77.61 ల‌క్ష‌ల‌ను వ‌డ్డీ రూపంలో.. మొత్తం రూ. 1.98 కోట్లను మృతుడి తల్లిదండ్రులకు 30 రోజుల్లోగా ఇవ్వాలని ఆదేశించింది.వివరాలు 2016 ఏప్రిల్‌ 4న ఢిల్లీలో హిట్‌ అండ్‌ రన్‌ ఘటన జరిగింది. సివిల్స్‌ లైన్‌ ప్రాంతంలో ఓ మైనర్‌ బాలుడు నిర్లక్ష్యంగా మెర్సిడెస్‌ బెంజ్‌ కారు నడపడంతో రోడ్డు దాటుతున్న 32 ఏళ్ల సిద్ధార్థ్‌ శర్మ అనే వ్యక్తి మరణించాడు. ఈ ప్రమాదానికి సంబంధించిన దృశ్యాలు స్థానిక సీసీటీవీ ఫుటేజీలో రికార్డయ్యాయి. సిద్ధార్థ్‌ను ఢీకొట్టిన తర్వాత కారు ముందు టైర్‌ పగిలిపోవడంతో దూరంగా వెళ్లి ఆగిపోయింది. ఘటన అనంతరం నిందితుడైన మైనర్‌ కారును అక్కడే వదిలి తన స్నేహితులతో కలిసి పారిపోయాడు.దీనిపై కేసు నమోదు చేసుకున్న పోలీసులు దర్యాప్తు చేపట్టారు. మైనర్‌ అతివేగమే ప్రమాదానికి కారణంగా పోలీసులు తేల్చారు. కారు ఢీకొన్న సమయంలో సిద్ధార్థ్‌ 20 అడుగుల దూరంలో ఎగిరిపడినట్లు సీసీటీవీ ఫుటేజీ ద్వారా గుర్తించారు. తాజాగా ఈ ఘటనపై విచారణ చేపట్టిన మోటార్‌ యాక్సిడెంట్‌ క్లెయిమ్‌ ట్రిబ్యూనల్‌ బాధతుడైన సిద్ధార్థ శర్మ తల్లిదండ్రులకు రూ.1.21 కోట్ల‌ను ప‌రిహారంగా, 77.61 ల‌క్ష‌ల‌ను వ‌డ్డీ రూపంలో.. మొత్తం రూ. 1.98 కోట్లను 30 రోజుల్లోగా ఇవ్వాల‌ని ఇన్సూరెన్స్ కంపెనీని ఆదేశించింది. అంతేగాక కారు రిజిస్ట్రేషన్‌ చేసిన మైనర్‌ తండ్రి నుంచి పరిహారం మొత్తాన్ని రికవరీ చేసుకునేదుకు బీమా కంపెనీకి కోర్టు అనుమతినిచ్చింది. మైన‌ర్ కుమారుడిని మెర్సిడెస్‌ కారు నడుపడం అడ్డుకోవ‌డంలో తండ్రి విఫ‌ల‌మైన‌ట్లు చెబుతూ అతన్ని కూడా బాధ్యులుగా ట్రిబ్యున‌ల్ పేర్కొం‌ది.

ముంబై: ముంబై బీఎండబ్ల్యూ స్పోర్ట్స్‌ కారు హిట్‌ అండ్‌ రన్‌ కేసు నిందితుడు మిహిర్‌ షాకు మంగళవారం ముంబై కోర్టు 14 రోజుల జ్యుడీషియల్‌ కస్టడీ విధించింది. కోర్డు ఆదేశాల మేరకు నిందితుడు జూలై 30 వరకు జ్యుడీషియల్‌ కస్టడీలో ఉంటారు. హిట్‌ అండ్‌ రన్‌ కేసులో నిందితుడు మిహిర్‌ షాను పోలీసులు జూలై 9న అరెస్ట్ చేశారు. ఇక ఇదే కేసులో మిహిర్‌ షా డ్రైవర్‌ అరెస్ట్‌ పోలీసులు అరెస్ట్‌ చేయగా జూలై 11వ తేదీన అతనికి కూడా కోర్టు 14 రోజుల జ్యుడీషియల్‌ కస్టడీ విధించింది. ఈ కేసుతో సంబంధం ఉన్న నిందితుడి తండ్రి రాజేశ్‌ షాను పోలీసులు జూలై 7న అరెస్ట్ చేయగా.. ఆయన జూలై​ 8న కోర్టు బెయిల్‌ మంజూరు చేసింది.జులై 7 ఆదివారం ఉదయం 5.30 గంటలకు ముంబైలోని వర్లీ ప్రాంతంలో మిహిర్‌ షా మద్యం మత్తులో బీఎండబ్ల్యూ కారును వేగంగా నడుపుతూ ముందువెళ్తున్న స్కూటీని ఢీకొట్టాడు. ఈ ప్రమాదంలో 45 ఏళ్ల కావేరీ నఖ్వా మృతి చెందగా.. ఆమె భర్త ప్రదీప్‌ నక్వా తీవ్రంగా గాయపడ్డారు. అనంతరం నిందితుడు పరారయ్యాడు. నిందితుడు తండ్రి మహరాష్ట్ర పాల్ఘర్‌ ఏక్‌నాథ్ షిండే నేతృత్వంలోని శివసేన డిప్యూటీ లీడర్‌గా ఉన్న రాజేష్ షా కావడంతో ఈ ప్రమాదంపై విమర్శలు వెల్లువెత్తాయి.దీంతో మహరాష్ట్ర సీఎం ఏక్‌నాథ్‌ షిండే రంగంలోకి దిగారు. నేరస్తులు ఎంతటివారైనా ఉపేక్షించేది లేదని, నిందితుల్ని వెంటనే అరెస్ట్‌ చేయాలని ఆదేశించారు. సీఎం ఆదేశాలతో అతడి ఆచూకీ కోసం 11 పోలీస్‌ శాఖ ప్రత్యేక బృందాలు గాలింపు చర్యలు చేపట్టాయి. ప్రమాదం జరిగిన 72 గంటల అనంతరం ప్రధాన నిందితుడు మిహిర్‌ షాను అరెస్ట్‌ చేశారు. కేసు దర్యాప్తు కొనసాగిస్తున్నారు.

ముంబై బీఎండబ్ల్యూ స్పోర్ట్స్‌ కారు హిట్‌ అండ్‌ రన్‌ కేసు నిందితుడు మిహిర్‌ షా (24) పచ్చి తాగుబోతని (Habitual Drinker) పోలీసులు నిర్ధారించారు. హిట్‌ అండ్‌ రన్‌ కేసులో అరెస్టైన మిహిర్‌షాను విచారించగా ఈ విషయాన్ని గుర్తించామని పోలీసులు తెలిపారు. జులై 7 ఆదివారం ఉదయం 5.30 గంటలకు ముంబైలోని వర్లీ ప్రాంతంలో మిహిర్‌ షా మద్యం మత్తులో బీఎండబ్ల్యూ కారును వేగంగా నడుపుతూ ముందువెళ్తున్న స్కూటీని ఢీకొట్టాడు. ఈ ప్రమాదంలో 45 ఏళ్ల కావేరీ నఖ్వా మృతి చెందగా.. ఆమె భర్త ప్రదీప్‌ నక్వా తీవ్రంగా గాయపడ్డారు. అనంతరం నిందితుడు పరారయ్యాడు.నిందితుడు తండ్రి మహరాష్ట్ర పాల్ఘర్‌ ఏక్‌నాథ్ షిండే నేతృత్వంలోని శివసేన డిప్యూటీ లీడర్‌గా ఉన్న రాజేష్ షా కావడంతో ఈ ప్రమాదంపై విమర్శలు వెల్లువెత్తాయి. దీంతో మహరాష్ట్ర సీఎం ఏక్‌నాథ్‌ షిండే రంగంలోకి దిగారు. నేరస్తులు ఎంతటివారైనా ఉపేక్షించేది లేదని, నిందితుల్ని వెంటనే అరెస్ట్‌ చేయాలని ఆదేశించారు. సీఎం ఆదేశాలతో అతడి ఆచూకీ కోసం 11 పోలీస్‌ శాఖ ప్రత్యేక బృందాలు గాలింపు చర్యలు చేపట్టాయి. ప్రమాదం జరిగిన 72 గంటల అనంతరం ప్రధాన నిందితుడు మిహిర్‌ షాను అరెస్ట్‌ చేశారు. కేసు దర్యాప్తు కొనసాగిస్తున్నారు.నేను పెద్ద తప్పే చేశాతాజాగా, కేసు విచారణలో మిహిర్‌షా హిట్‌ అండ్‌ రన్‌లో మహిళ ప్రాణాలు తీసినందుకు పశ్చాతాపపడుతున్నట్లు సమాచారం. మహిళ ప్రాణం తీసి నేను పెద్ద తప్పే చేశా. నా కెరియర్‌ ఇక ముగిసిందని విచారణలో పోలీసుల ఎదుట విచారం వ్యక్తం చేసినట్లు జాతీయ మీడియా కథనాలు చెబుతున్నాయి.కటింగ్‌, షేవింగ్‌ చేసిఇక కేసు నుంచి తప్పించుకునేందుకు నిందితుడు విశ్వప్రయత్నాలు చేశాడు. పోలీసుల్ని తప్పుదోవ పట్టించేందుకు మీసాలు, గడ్డాలు తొలిగించాడు. కటింగ్‌ కూడా చేయించుకున్నాడని బార్బర్‌ షాపు యజమాని ఇచ్చిన స్టేట్మెంట్‌ను రికార్డ్‌ చేసుకున్నారు పోలీసులు. రాజేష్‌ షా అరెస్ట్‌.. బెయిల్‌పై విడుదలహిట్‌ అండ్‌ రన్‌ కేసు నిందితుడు మిహిర్‌ షా తండ్రి రాజేశ్‌ షాను పోలీసులు అరెస్ట్‌ చేసి ముంబై కోర్టులో హాజరు పరిచారు. విచారణ చేపట్టిన కోర్టు రాజేష్ షా, డ్రైవర్ రాజరిషి బిదావత్‌లకు వరుసగా 14 రోజుల జ్యుడీషియల్ కస్టడీ, ఒకరోజు పోలీసు కస్టడీ విధించింది. అయితే ఈ కేసులో రాజేష్ షాకు బెయిల్ లభించగా, బిదావత్ పోలీసు కస్టడీని జూలై 11 వరకు పొడిగించింది.కుమారుడు చేసిన ఘన కార్యం.. ముగిసిన తండ్రి పొలిటిక్‌ కెరియర్‌కుమారుడు మిహిర్‌ షా చేసిన ప్రమాదంతో రాజేష్‌ షా పొలిటికల్‌ కెరియర్‌ ఓ రకంగా ముగిసినట్లేనని శివసేన నేతలు చర్చించుకుంటున్నారు. ఇప్పటికే పార్టీకి చెందిన అన్ని పదవుల నుంచి తొలగించినట్లుగా శివసేన వర్గాలు వెల్లడించాయి. పాల్ఘర్‌లో ఏక్‌నాథ్ షిండే నేతృత్వంలోని శివసేన డిప్యూటీ లీడర్‌గా ఉన్న రాజేష్ షా హిట్‌ అండ్‌ రన్ కేసులో అరెస్టయిన సంగతి తెలిసిందే.

ముంబై: ముంబై బీఎండబ్ల్యూ హిట్ అండ్ రన్ కేసులో ప్రధాన నిందితుడు మిహిర్ షాను జూలై 16 వరకు పోలీసు కస్టడీ విధించింది కోర్టు. దీంతో నేటి నుంచి ఏడు రోజుల‌పాటు మిహిర్ షాను ముంబై పోలీసులు విచారించ‌నున్నారు. ప్ర‌మాదానికి సంబంధించిన విష‌యాల‌ను నిందితుడి నుంచి రాబ‌ట్ట‌నున్నారు. అయితే మిహిర్ మొబైల్ ఇంకా రిక‌వ‌రీ కాలేద‌ని పోలీసులు తెలిపారు.కాగా జులై 7న (ఆదివారం తెల్ల‌వారుజామున‌) మ‌ద్యం మ‌త్తులో మిహిర్ షా బీఎండ‌బ్ల్యూ కారుతో ద్విచ‌క్ర వాహ‌నాన్ని ఢీకొట్ట‌డంతో 45 ఏళ్ల మ‌హిళ అక్క‌డిక‌క్క‌డే మృతిచెందిన విష‌యం తెలిసిందే. ఆమె భ‌ర్త గాయాల‌తో బ‌య‌ట‌ప‌డ్డాడు. అయితే ప్ర‌మాదం జ‌రిగిన‌ప్ప‌టి నుంచి మిహిర్ షా ప‌రారీలో ఉన్నాడు. దాదాపు 72 గంట‌ల తర్వాత నిందితుడిని విహార్‌లో ముంబై పోలీసులు అదుపులోకి తీసుకున్నారు. మ‌రోవైపు నిందితుడు తండ్రి, శివసేన నాయకుడు రాజేష్ షాను పార్టీ స‌స్పెండ్ చేసింది. ఇక ప్ర‌మాదం త‌ర్వాత మిహిర్ త‌న ప్రియురాలికి 40 సార్లు ఫోన్ చేసిన‌ట్లు పోలీసుల విచార‌ణ‌లో తేలింది. మ‌హిళ‌ను కారుతో గుద్ది చంపిన త‌ర్వాత కారును విడిచిపెట్టి ఆటో ఎక్కి ఆమె ఇంటికి వెళ్లిన్న‌ట్లు పోలీసులు తెలిపారు. ప్రియురాలిని విచారణ నిమిత్తం అదుపులోకి తీసుకోవచ్చని పేర్కొన్నారు.చ‌ద‌వండి: ముంబై బీఎండబ్ల్యూ ఘటన... నిందితుడి తండ్రిపై శివసేన చర్యలు

ముంబయి: బీఎండబ్ల్యూ కారు హిట్‌ అండ్‌ రన్‌ కేసును మహారాష్ట్ర సర్కారు సీరియస్‌గా తీసుకుంది. కారును వేగంగా నడిపి మహిళ మృతికి కారణమైన మిహిర్‌ షాను ఇప్పటికే అరెస్టు చేసిన పోలీసులు కేసులో వేగంగా దర్యాప్తు చేస్తున్నారు. దీనికి తోడు ప్రమాదానికి ముందు నిందితుడు మిహిర్‌ షా మందు తాగిన జుహూ తారారోడ్‌లోని బార్‌పైనా అధికారులు కొరడా ఝళిపిస్తున్నారు.తాజాగా బుధవారం(జులై 10) బృహన్‌ ముంబై మునిసిపల్‌ కార్పొరేషన్‌(బీఎంసీ)అధికారులు బార్‌లో అక్రమ నిర్మాణాలను కూల్చివేశారు. పోలీసుల బందోబస్తుతో వచ్చి మరీ కూల్చివేత ప్రత్యేక డ్రైవ్‌ చేపట్టారు. మిహిర్‌షా అధికార శివసేన పార్టీకి చెందిన నేత రాజేష్‌ షా కుమారుడు కావడంతో ప్రభుత్వంపై ఈ కేసులో ఒత్తిడి రోజురోజుకు పెరుగుతోంది. కాగా, ఆదివారం(జులై 7) ఉదయం వర్లిలో చేపలు కొనేందుకు బైక్‌పై వెళ్లిన దంపతులను వేగంగా వచ్చిన బీఎండబ్ల్యూ కారు ఢీ కొట్టింది. ఢీవ కొట్టడమే కాకుండా మహిళను ఒకటిన్నర కిలోమీటరు దూరం వరకు ఈడ్చుకెళ్లింది. ఈ ప్రమాదంలో మహిళ దుర్మరణం పాలయింది.

ముంబై: ముంబైలోని వ‌ర్లీలో జ‌రిగిన బీఎండ‌బ్ల్యూ కారు రోడ్డు ప్ర‌మాదం కేసులో కీల‌క పురోగ‌తి చోటుచేసుకుంది. మ‌ద్యం మ‌త్తులో ల‌గ్జ‌రీ కారు న‌డుపుతూ దంప‌తుల‌ను ఢీకొట్టి మ‌హిళ ప్రాణాలు పోవ‌డానికి కార‌ణ‌మైన నిందితుడు మిహిర్ షాను పోలీసులు అదుపులోకి తీసుకున్నారు. ప్ర‌‌మాదం జ‌రిగిన‌ప్ప‌టి నుంచి అత‌డు ప‌రారీలో ఉండ‌గా.. 72 గంట‌ల త‌ర్వాత ముంబయికి 65 కిలోమీటర్ల దూరంలో ఉన్న విరార్‌లోని అపార్ట్‌మెంట్‌లో మిహిర్ షాను ముంబై పోలీసులు అరెస్ట్ చేశారు. అతని తల్లి, సోదరిని కూడా అదుపులోకి తీసుకున్నారు. వీరిని వర్లీ పోలీస్ స్టేషన్‌కు తరలించారు. అయితే గ‌త మూడు రోజులుగా కొడుకును దాచి పెట్ట‌డంతో తండ్రి, శివ‌సేన(ఏక్‌నాథ్ షిండే) నేత రాజేష్ షాా ప్రమేయం ఉందా అనే కోణంలో కూడా పోలీసులు ద‌ర్యాప్తు చేస్తున్నారు. ఇక షాు అరెస్టుకు ముందు అత‌డి తప్ప‌తాగి రూ. 18 వేల బిల్ చేసిన ద వైస్ గ్లోబల్ తపస్ బార్‌ను పోలీసులు సీజ్ చేశారు. కాగా ఈ హిట్‌ అండ్‌ రన్‌ కేసులో సంచలన విషయాలు వెలుగులోకి వ‌చ్చాయి. బాధితురాలు కావేరీ నక్వాను నిందితుడు మిహిర్‌ షా కారు త‌న‌ బానెట్‌పై సుమారు 1.5 కిలోమీటర్లు ఈడ్చుకెళ్లిన్న‌ట్లు సీసీ సీసీటీవీ కెమెరాలో రికార్డయ్యాయి.కారు బ‌లంగా ఢీకొట్టడంతో కావేరీ నక్వా ఎగిరి కారు బానెట్‌పై పడ‌గా.. అలాగే కిలోమీటర్‌ దూరం పైగా ఈడ్చుకెళ్లాడు. ఆ తర్వాత కారుమీదున్న బాడీని కిందకు దించాడు. అనంతరం అదే కారు రివర్స్‌ చేసి ఆమె శరీరం మీద నుంచి పోనిచ్చినట్లు సీసీ సీసీటీవీ కెమెరాలో రికార్డయ్యాయని స్థానిక పోలీసులు కోర్టులో వెల్లడించారు అస‌లేం జ‌రిగిందంటే.. ముంబైలోని వర్లీలో ఆదివారం ఉద‌యం వేగంగా వెళ్తున్న బీఎండబ్ల్యూ కారు ముందు వెళ్తున్న స్కూటీని ఢీకొట్టిన సంగతి తెలిసిందే. దీంతో స్కూటీపై ఉన్న దంపతులు ఎగిరిపడ్డారు. వేగంగా వెళ్తున్న కారు మహిళపై నుంచి దూసుకెళ్లడం వల్ల కావేరి నక్వా (45) అక్కడికక్కడే మరణించింది. ఆమె భర్త ప్రదీప్‌కు స్వల్పగాయాలయ్యాయి. చేపలు అమ్ముకుంటూ జీవిస్తున్న ఈ దంపతులు ఇంటికి వెళ్తుండగా ప్రమాదం జరిగింది.కొత్త క్రిమినల్ కోడ్ భారతీయ న్యాయ సంహిత ప్రకారం నేరపూరిత హత్య, ర్యాష్ డ్రైవింగ్, సాక్ష్యాలు నాశనం చేయడం వంటి సెక్షన్ల కింద కేసు నమోదు చేశారు. ప్రమాదానికి కారణమైన కారు రాజేష్‌ షా పేరుతో రిజిస్టర్ అయింది. ప్రమాదం అనంతరం నిందితులు సాక్ష్యాలను ధ్వంసం చేయడానికి ప్రయత్నించినట్లుగా పోలీసులు తెలిపారు.కారునిందితుడు మిహిర్‌ శనివారం అర్ధరాత్రి జూహూలోని ఓ బార్‌లో మద్యం తాగి.. తిరిగి ఇంటికి వెళ్తున్న సమయంలో కారు తానే నడుపుతానని పట్టుబట్టి డ్రైవరు సీటులోకి మారి ప్రమాదానికి కారణమయ్యాడు. ఈ ఘటనపై మహారాష్ట్ర ముఖ్యమంత్రి ఏక్​నాథ్ శిండే స్పందించారు. చట్టం అందరికీ సమానమేనని తెలిపారు. ఎవరినీ విడిచిపెట్టబోమని చెప్పారు.కాగా ఈ ప్ర‌మాదం పుణెలో జ‌రిగి పోర్చే కారు ప్ర‌మాద ఘ‌ట‌న‌ను గుర్తు చేసింది. 17 ఏళ్ల మైన‌ర్ బాలుడు మ‌ద్యం మ‌త్తులో కారు న‌డిపి ఇద్ద‌రు సాఫ్ట్‌వేర్ ఇంజ‌నీర్‌ల ప్రాణాల‌ను బ‌లి తీసుకున్న విష‌యం తెలిసిందే. ఈ కేసులో అనేక ట్విస్టుల అనంత‌రం నిందితుడు త‌ల్లి, తండ్రి, తాత అరెస్ట్ అయ్యారు. చివ‌రికి నిందితుడైన మైన‌ర్‌ను అత‌ని అత్త సంర‌క్ష‌ణ‌లో ఉండేలా న్యాయ‌మూర్తి ఆదేశాలు జారీ చేశారు.

ముంబై : ముంబై బీఎండబ్ల్యూ స్పోర్ట్స్‌ కారు హిట్‌ అండ్‌ రన్‌ కేసులో సంచలన విషయాలు వెలుగులోకి వస్తున్నాయి. నిందితుడు మిహిర్‌ షా బాధితురాలు కావేరీ నక్వాను కారు బానెట్‌పై సుమారు 1.5 కిలోమీటర్లు ఈడ్చుకెళ్లాడు. ఈ దృశ్యాలన్నీ సీసీటీవీ కెమెరాలో రికార్డయ్యాయి.గత ఆదివారం ఉదయం 5.30 గంటల సమయంలో ముంబై వ్రోలి అనే ప్రాంతంలో బీఎండబ్ల్యూ స్పోర్ట్స్‌ కారు హిట్‌ అండ్‌ రన్‌ కేసు నమోదైంది. స్థానిక కోర్టులో విచారణ జరిగింది. ఈ సందర్భంగా హిట్‌ అండ్‌ రన్‌ ఎలా జరిగిందో పోలీసులు కోర్టుకు వివరాలు అందించారుఈ కేసులో ప్రధాన నిందితుడైన శివసేన నేత రాజేష్‌ షా కుమారుడు మిహిర్‌ షా.. పూటుగా మద్యం సేవించి ఉదయం చేపల మార్కెట్‌కి వెళ్లి తిరిగి వస్తున్న కావేరీ నక్వా, పార్ధిక నక్వా ప్రయాణిస్తున్న స్కూటీని ఢీకొట్టాడు. బలంగా ఢీకొట్టడంతో కావేరీ నక్వా ఎగిరి కారు బానెట్‌పై పడ్డారు. అలాగే కిలోమీటర్‌ దూరం పైగా ఈడ్చుకెళ్లాడు. ఆ తర్వాత కారుమీదున్న బాడీని కిందకు దించాడు. అనంతరం అదే కారు రివర్స్‌ చేసి ఆమె శరీరం మీద నుంచి పోనిచ్చినట్లు సీసీ సీసీటీవీ కెమెరాలో రికార్డయ్యాయని స్థానిక పోలీసులు కోర్టులో వెల్లడించారు. స్థానికుల సమాచారం, బాధితురాలి భర్త ఫిర్యాదు, సీసీటీవీ పుటేజీ వీడియోల ఆధారంగా ప్రమాదం తర్వాత మిహిర్ షా కారును వదిలేసి ప్రియురాలి ఇంటికి వెళ్లాడు. తప్పించుకునేందుకు అక్కడి నుంచి మరో ప్రాంతానికి పరారయ్యాడని పోలీసులు గుర్తించారు. మిషిర్‌ షా ప్రియురాల్ని అదుపులోకి తీసుకుని విచారిస్తున్నారు.కాగా ప్రమాదం జరగడానికి కొన్ని గంటల ముందు మిహిర్ జుహూ ప్రాంతంలోని ఓ బారులో పీకల వరకు మద్యం సేవించినట్టు దర్యాప్తులో తేలింది. అక్కడి సీసీటీవీ దృశ్యాలను పోలీసులు పరిశీలించారు. ఆ బార్‌లో నిందితుడు రూ.18వేల బిల్లు చేసినట్లు తేలింది.ప్రమాద సమయంలో కారులో మిహిర్‌తో పాటు అతడి డ్రైవర్ కూడా ఉన్నాడు. బార్ నుంచి ఇంటికి వెళ్తూ కారు తానే నడుపుతానని పట్టుబట్టి నిందితుడు డ్రైవర్ సీట్లోకి మారినట్లు తెలిసింది. ప్రస్తుతం ఈ ఘటన తీవ్ర దుమారం రేపుతుంది. కాగా,ఇదే కేసులో మిహిర్‌ మిషిర్‌ షా తండ్రి శివసేన నేత రాజేష్‌ను పోలీసులు అరెస్ట్‌ చేసి స్థానిక కోర్టులో హాజరు పరిచారు. విచారణ చేపట్టిన కోర్టు సోమవారం సాయంత్రం రాజేష్‌ షాకు కోర్టు బెయిల్‌ రూ.15వేల పూచీకత్తుతో ప్రొవిజినల్‌ బెయిల్‌ను మంజూరు చేసింది.

ముంబై: మహారాష్ట్రలో జరిగిన హిట్‌ అండ్‌ రన్‌ కేసులో కీలక పరిణామం చోటుచేసుకుంది. ఈ కేసు ప్రధాన నిందితుడు మిషిర్‌ షా తండ్రి, శివసేన నేత రాజేష్‌ షాకు బెయిల్‌ లభించింది. సోమవారం సాయంత్రం రాజేష్‌ షాకు కోర్టు బెయిల్‌ రూ.15వేల పూచీకత్తుతో ప్రొవిజినల్‌ బెయిల్‌ను మంజూరు చేసింది.ఇక, ఈరోజు ఉదయం హిట్‌ రన్‌ కేసులో భాగంగా పోలీసులు రాజేష్‌, కారు డ్రైవర్‌ను పోలీసులు అరెస్ట్‌ చేశారు. ఈ క్రమంలో సిటీ కోర్టులో ప్రవేశపెట్టిన అనంతరం రాజేష్‌కు 14 రోజుల పాటు జ్యుడీషియల్‌ కస్టడీ విధించింది. ఇక, తాజాగా కోర్టు రాజేష్‌ షాకు బెయిల్‌ మంజూరు చేసింది. ఇదిలా ఉండగా.. కారుతో ఢీకొట్టి మహిళ మరణానికి కారణమైన మిషిర్‌ షాకు లుక్‌ అవుట్‌ నోటీస్‌ను పోలీసులు జారీ చేశారు. పరారీలో ఉన్న అతడి కోసం పోలీస్ బృందాలు వెతుకుతున్నాయి.VIP hit & run coward Mihir Shah's father Rajesh Shah (Shinde Faction Sena leader) gets bail a day after he was arrested. Son still absconding.#EknathShinde pic.twitter.com/iuzOMUlwqb— Kedar (@shintre_kedar) July 8, 2024మరోవైపు.. ఈ ఘటనపై మహారాష్ట్ర ముఖ్యమంత్రి ఏక్‌నాథ్‌ షిండే స్పందిస్తూ కీలక వ్యాఖ్యలు చేశారు. చట్టం ముందు అంతా సమానమేనని షిండే తెలిపారు. ఈ ఘటనలో ఉన్నది ఎంత పెద్ద ధనవంతుడైనా, రాజకీయ నాయకుడైన ఎవరినీ వదిలి పెట్టేది లేదన్నారు. ఇక, షిండే ఇలా వ్యాఖ్యలు చేసిన కొన్ని గంటల్లోనే రాజేష్‌ షాకు బెయిల్‌ రావడం మహారాష్ట్రలో చర్చనీయాంశంగా మారింది.ఇది కూడా చదవండి: ముంబై హిట్‌ అండ్‌ రన్‌ ఘటనపై సీఎం షిండే సంచలన కామెంట్స్‌..

ముంబై: మహారాష్ట్రలో హిట్‌ అండ్‌ రన్‌ కేసు సంచలనంగా మారింది. ఈ ప్రమాదానికి శివసేన నేత కుమారుడు మిహిర్‌ షానే కారణమని బాధితులు చెబుతున్నారు. ఈ నేపథ్యంలో మహారాష్ట్ర ముఖ్యమంత్రి ఏక్‌నాథ్‌ షిండే కీలక వ్యాఖ్యలు చేశారు.కాగా, సీఎం షిండే సోమవారం మీడియాతో మాట్లాడుతూ.. హిట్‌ రన్‌ కేసులో నిందితులపై కఠిన చర్యలు తీసుకుంటామన్నారు. అలాగే, ఈ ప్రమాదంలో నిందితులు ఎంతటివారైనా వదిలిపెట్టేది లేదన్నారు. చట్టం తన పని తాను చేస్తుంది. నిందితులకు శిక్ష పడేలా పోలీసులకు ఆదేశాలు జారీ చేసినట్టు స్పష్టం చేశారు. మహారాష్ట్ర ప్రజలే మాకు ముఖ్యం. ప్రజల భద్రత కోసం ఎలాంటి నిర్ణయాలు తీసుకోవడానికైనా సిద్ధంగా ఉన్నాం అని కామెంట్స్‌ చేశారు. ఇక, ఈ కేసు దర్యాప్తును వేగవంతం చేసినట్టు పోలీసు అధికారులు చెప్పారు.మరోవైపు.. మహారాష్ట్రలోని వర్లీ పోలీసులు మిహిర్‌పై ర్యాష్ డ్రైవింగ్, హత్యకు సంబంధించి కేసుతోపాటు, మోటారు వాహనాల చట్టంలోని సెక్షన్ల కింద కేసు నమోదు చేశారు. ప్రస్తుతం మిహార్ షా పారారీలో ఉండటంతో ఆరుగురు పోలీసుల బృందం అతనికోసం గాలిస్తుంది.జరిగింది ఇది.. ఇదిలా ఉండగా.. మహారాష్ట్రలో ఆదివారం ఉదయం బీఎండబ్ల్యూ స్పోర్ట్స్ కారు.. బైక్‌ను ఢీకొట్టడంతో ఓ మహిళ ప్రాణాలు కోల్పోయిన విషయం తెలిసిందే. ముంబై వర్లిలోని సాసూన్ డాక్ ఫిష్ మార్కెట్ నుంచి భార్య కావేరీ నక్వాతో పార్థిక్ నక్వా బైక్‌పై వెళ్తున్నారు. ఈ సమయంలో బీఎండబ్ల్యూ స్పోర్ట్స్ కారు వేగంగా వచ్చి బైక్‌ను ఢీకొట్టింది. ఈ ప్రమాదంలో కావేరీ నక్వా మరణించగా.. ఆమె భర్త పార్థిక్ నక్వాకు తీవ్ర గాయాలు కావడంతో ఆస్పత్రిలో చికిత్స అందిస్తున్నారు. ప్లాన్‌ ప్రకారమే జంప్‌..మిహిర్ షా మహారాష్ట్రలోని పాల్ఘర్ జిల్లాలో శివసేన నాయకుడు రాజేష్ షా కుమారుడు. రాజేష్ షా వ్యాపారాల్లో మిహిర్‌ షా సహకారం అందిస్తూ పలు కార్యక్రమాల్లో పాల్గొంటుఉన్నాడు. ఇక, ఈ ప్రమాదానికి ముందు.. మిహిర్ మద్యం మత్తులో ఉన్నాడు. డ్రైవర్‌తో లాంగ్ డ్రైవ్ వెళ్లాలని సూచించాడు. జుహూ నుంచి వర్లీకి వెళ్లే మార్గంలో డ్రైవర్ రాజేంద్ర సింగ్ బిజావత్ ను పక్కకు తప్పించి మిహిర్ షానే స్వయంగా డ్రైవ్ చేశాడు. ప్రమాదం తరువాత కారును బాంద్రా కళానగర్‌లో వదిలి అక్కడి నుంచి మిహిర్ షా పరారయ్యాడు. అంతకుముందు.. కారుపై ఉన్న శివసేన స్టిక్కర్ ను తొలగించే ప్రయత్నం చేశాడు. కారున తన తండ్రి పేరుపై ఉందని తెలియకుండా ఉండేందుకు నంబర్ ప్లేట్ ను సైతం తొలగించాడని పోలీసులు గుర్తించారు.

ముంబై అధికార శివసేన పార్టీ నేత రాజేష్‌ షా కుమారుడు మిహిర్‌ షా (24) హిట్‌ అండ్‌ రన్‌ కేసులో కీలక పరిణామాలు చోటు చేసుకుంటున్నాయి. ఆదివారం ఉదయం మిషిర్‌ షా బీఎండబ్ల్యూ స్పోర్ట్స్‌ కారు ఢీకొట్టడంతో ఓ మహిళ ప్రాణం కోల్పోయింది. అయితే ఈ కేసులో మిషిర్‌ షాను తప్పించేందుకు ప్రయత్నాలు జరుగుతున్నాయనే ఆరోపణలు వెల్లువెత్తుతున్నాయి. ఆదివారం ఉదయం 5.30 గంటల సమయంలో మిహిర్‌ షా ప్రయాణిస్తున్న బీఎండబ్ల్యూ స్పోర్ట్స్‌ కారు ముంబై వర్లిలోని సాసూన్ డాక్ ఫిష్‌ మార్కెట్‌కి వెళ్లి తిరిగి వస్తున్న భార్య కావేరీ నక్వా,ఆమె భర్త పార్థిక్‌‌ నక్వా ప్రయాణిస్తున్న ద్విచక్రవాహనాన్ని ఢీకొట్టింది. ఈ దుర్ఘటనలో బాధితురాలు కావేరీ నక్వా మరణించగా.. భర్త పార్థిక్‌ నక్వా గాయాల పాలై ఆస్పత్రిలో చికిత్స పొందుతుడున్నాడు.అయితే ఈ ఘోర రోడ్డు ప్రమాదం జరిగే సమయంలో కారులో కారు డ్రైవర్‌ రాజేంద్ర సింగ్‌ బిజావత్‌తో పాటు మిహిర్‌ షా ఉన్నాడు. ప్రమాదం జరిగిన వెంటనే పరారైన మిహిర్‌ షా కోసం పోలీసులు గాలింపు చర్యల్ని ముమ్మరం చేశారు. డ్రైవర్‌ను బిజావత్‌ను అదుపులోకి తీసుకున్న పోలీసులు కేసు నమోదు చేసి దర్యాప్తు ప్రారంభించారు. అధికార పార్టీ నేత కుమారుడికి అనుకూలంగాహిట్‌ అండ్‌ రన్‌ కేసులో పోలీసులు నమోదు చేసిన సెక్షన్లపై వివాదం నెలకొంది. భారతీయ న్యాయ సంహిత సెక్షన్ల కింద అంటే హత్యతో సమానం కాని నేరాల కింద పోలీసులు కేసు నమోదు చేయడం పలు అనుమానాలకు తావిస్తుంది. హిట్‌ అండ్‌ రన్‌ కేసులో సాధారణంగా నేరపూరిత నరహత్య, ర్యాష్ డ్రైవింగ్,సాక్ష్యాలను ధ్వంసం చేయడం మొదలైన వాటిపై కేసు నమోదు చేస్తారని పలువురు అభిప్రాయాలు వ్యక్తం చేస్తున్నారు. ప్రస్తుతం మద్యం సేవించిన కారు డ్రైవర్‌ బిజావత్ నుంచి రక్త నమోనాలకు సేకరించారు.రిపోర్ట్స్‌ రావాల్సి ఉంది.వాళ్లు సమాజంలో పేరున్న పెద్దోళ్లు.. మనమేం చేయలేంరోడ్డు ప్రమాదంపై తన భార్య కావేరీ నక్వా మరణంపై ఆమె భర్త పార్థిక్‌‌ నక్వా కన్నీరు మున్నీరవుతున్నారు. ‘‘ఫిష్‌ మార్కెట్‌ నుంచి తిరిగి వస్తున్న తమ వెహికల్‌ను బీఎండబ్ల్యూ కారు ఢీకొట్టింది. నా భార్య ఎగిరి 100 మీటర్ల అవతల పడింది. నాకు తీవ్ర గాయాలయ్యాయి. ఈ ప్రమాదంతో నా భార్యను కోల్పోయా. నాకు ఇద్దరు పిల్లలు. వారి సంరక్షణ ఎవరు చూసుకోవాలి. వాళ్లంటే సమాజంలో పేరున్న పెద్ద మనుషులు. వారిని ఎవరు ఏం చేయలేరు. చివరికి బాధపడాల్సి మనమే అంటూ హిట్‌ అండ్‌ రన్‌ కేసులో ప్రధాన కారకుడైన మిహిర్‌ షా‘‘ను ఉద్దేశిస్తూ వ్యాఖ్యానించారు.పోలీసులు వెర్షన్‌ ఎలా ఉందంటే? బీఎండబ్ల్యూ కారు మిహిర్ షా పేరు మీద రిజిస్టర్ అయినట్లు పోలీసులు చెబుతున్నారు. ప్రమాదం జరిగిన సమయంలో మిహిర్ షా, డ్రైవర్ ఇద్దరు కారులో ఉన్నారు. పోలీసు వర్గాలు తెలిపిన వివరాల ప్రకారం.. మిహిర్ షా గత రాత్రి జుహులోని ఓ బార్‌లో మద్యం సేవించాడు. ఇంటికి వెళుతుండగా, డ్రైవర్‌ని లాంగ్ డ్రైవ్ చేయమని అడిగాడు. వర్లీ ప్రాంతంలో కారు డ్రైవ్‌ చేస్తున్న మిహిర్‌ షా.. కావేరీ నక్వా ప్రయాణిస్తున్న స్కూటీని ఢీ కొట్టాడు. అనంతరం అక్కడి నుంచి పరారయ్యాడు. సీఎం ఏక్‌ నాథ్‌ షిండ్‌ ఏమన్నారంటే?మహారాష్ట్ర సీఎం ఏక్‌నాథ్‌ షిండ్‌ హిట్‌ అండ్‌ రన్‌ కేసుపై స్పందించారు. ఈ ఘటన దురదృష్టకరమని పేర్కొంటూ నిందితులపై చర్యలు తీసుకుంటామని హామీ ఇచ్చారు. నిందితులు ఎంతటివారైనా చట్టం తన పని తాను చేస్తుందని పేర్కొన్నారు. చట్టం ముందు అందరూ సమానమే దేశంలో చట్టం ముందు అందరూ సమానమేనని, ఆ విషయంలో ఎవరి పట్ల వివక్ష చూపబోమని, ఈ కేసులో బాధితులకు న్యాయం జరిగేలా.. నిందితులకు శిక్షపడేలా పోలీసులకు ఆదేశాలు జారీ చేసినట్లు ఏక్‌ నాథ్‌ షిండ్‌ వెల్లడించారు.

ఓ అధికార పార్టీకి చెందిన నేత కుమారుడి నిర్వాకంతో మహిళ ప్రాణాలు కోల్పోయింది. నిందితుడు తన లగ్జరీ బీఎండబ్ల్యూ స్పోర్ట్స్‌ కారుతో మహిళ, ఆమె భర్త ప్రయాణిస్తున్న స్కూటీని అతివేగంతో ఢీకొట్టాడు. సినీ ఫక్కీలో జరిగిన ఈ హిట్‌ అండ్‌ రన్‌ ప్రమాదంలో బాధితురాలు గాల్లోంచి ఎగిరి దూసుకెళ్లింది. 100 మీటర్ల అవతల పడిపోయింది. చికిత్స పొందుతూ కన్నుమూసింది. ఇంతకీ ఆ రాజకీయ నేత ఎవరు?ముంబై వర్లిలోని అట్రియా మాల్‌ సమీపంలో ఘోర రోడ్డు ప్రమాదం జరిగింది. ఆదివారం ఉదయం 5.30గంటల సమీపంలో బీఎండబ్ల్యూ కారు దంపతులు ప్రయాణిస్తున్న ద్విచక్రవాహనాన్ని ఢీకొట్టింది. ఈ ప్రమాదంలో భార్య కావేరీ నక్వా దుర్మరణం చెందగా.. భర్త పార్థిక్‌‌ నక్వా తీవ్రగాయాలతో ఆస్పత్రిలో చికిత్స పొందుతున్నాడు.అయితే ఆ బీఎండబ్ల్యూ కారు ముంబై అధికార ఏక్‌ నాథ్‌ షిండ్‌ నేతృత్వంలోని శివసేన పార్టీ నేత రాజేష్‌ షాకి చెందినదిగా పోలీసులు గుర్తించారు.Hit and run case in Mumbai.A BMW car hit a scooty in the Worli area. One female dead.#Mumbai pic.twitter.com/rFdfir4pjF— Vivek Gupta (@imvivekgupta) July 7, 2024ప్రమాద సమయంలో మహరాష్ట్ర పాల్ఘర్ జిల్లా శివసేన నేత రాజేష్‌ షా బీఎండబ్ల్యూ స్పోర్ట్స్‌ కారును ఆయన కుమారుడు మిహిర్‌ షా డ్రైవ్‌ చేసినట్లు పోలీసులు ప్రాథమిక విచారణలో నిర్ధారించారు. ఆదివారం ఉదయం 5.30గంటల సమయంలో మిహిర్‌ షా తన బీఎండబ్ల్యూ స్పోర్ట్స్‌ కారుతో వ్రోలి ప్రాంతానికి వెళుతున్నాడు. అదే సమయంలో సాసూన్ డాక్ ఫిష్‌ మార్కెట్‌కి వెళ్లి తిరిగి వస్తున్న దంపతులు ప్రయాణిస్తున్న స్కూటీని బలంగా ఢీకొట్టారు.ఈ కారు ప్రమాదంతో బాధితురాలు గాల్లోకి దూసుకెళ్లింది. సుమారు 100 మీటర్ల అవతల పడిపోవడంతో తీవ్రగాయాల పాలైంది. ప్రమాదంతో అప్రమత్తమైన స్థానికులు బాధితుల్ని అత్యవసర చికిత్స కోసం నాయర్‌ ఆస్పత్రికి తరలించారు. అయితే చికిత్స పొందుతున్న భార్య మరణించగా.. భర్తకు గాయాలైనట్లు వైద్యులు తెలిపారు. కారు ఎవరిదో.. నిర్ధారించే పనిలో పోలీసులు మరోవైపు రోడ్డు ప్రమాదానికి కారణమైన బీఎండబ్ల్యూ కారును వ్రోలీ పోలీసులు సీజ్‌ చేశారు. ఈ కారు ఎవరిది? శివసేన పార్టీ నేత రాజేష్‌ షాకి చెందినదేనా? ప్రమాదానికి కారకులు ఎవరనేది త్వరలో నిర్ధారిస్తామన్న పోలీసులు కేసు నమోదు చేసుకుని దర్యాప్తు ప్రారంభించారు. సీఎం షిండే ఆగ్రహం.. పోలీస్‌ శాఖకు ఆదేశాలుతన పార్టీకి చెందిన నేత కుమారుడు హిట్‌ అండ్‌ రన్‌ కేసులో ఓ మహిళ ప్రాణాలు పోయిందంటూ అటు జాతీయ మీడియా, ఇటు సోషల్‌ మీడియాలో వార్తలు వైరల్‌ కావడంతో ముంబై సీఎం ఏక్‌నాథ్‌ షిండ్‌ స్పందించారు. ప్రమాదానికి కారకులైన వారిని ఎట్టి పరిస్థితుల్లో వదిలిపెట్టబోమని హెచ్చరించారు. నిందితుల్ని గుర్తించి కఠిన చర్యలు తీసుకోవాలని ఆదేశాలు వ్రోలీ పోలీసులకు ఆదేశాలు జారీ చేశారు.

నల్లకుంట: మద్యం మత్తులో కారు నడిపి రవాణా, రహదారుల మంత్రిత్వ శాఖకు చెందిన ఓ అధికారి వీరంగం సృష్టించిన ఘటన నల్లకుంట పోలీస్‌ స్టేషన్‌ పరిధిలో ఆలస్యంగా వెలుగులోకి వచ్చింది. అడ్మిన్‌ ఎస్సై శ్రీనివాస్‌ కథనం మేరకు వివరాలిలా ఉన్నాయి. బాగ్‌అంబర్‌పేట డీడీ కాలనీకి చెందిన యడవల్లి శ్రీనివాస్‌ సీతారమేష్(46)టీచర్‌గా పని చేస్తున్నాడు. ఈ నెల 18న రాత్రి అతను బైక్‌పై విద్యానగర్‌ లక్కీ కేఫ్‌ సమీపంలోని ఐరావత్‌ ఐ క్లినిక్‌ రోడ్డులో వెళుతున్నాడు. అదే సమయంలో వేగంగా దూసుకువచి్చన కారు ముందు వెళుతున్న బైక్‌ను ఢీకొట్టడంతో రమేష్‌ కిందపడ్డాడు. ఈ ఘటనపై బాధితుడు రమేష్‌ ఈ నెల 19న నల్లకుంట పోలీసులకు ఫిర్యాదు చేశారు. కేసు నమోదు చేసిన ఎస్సై రమాదేవి దర్యాప్తు చేపట్టారు. ఈ ఘటనపై కేసు నమోదు చేయలేదని సామాజిక మాధ్యమాల్లో వస్తున్న వార్తల్లో వాస్తవం లేదని ఎస్సై పేర్కొన్నారు. ఫిర్యాదు అందిన వెంటనే కేసు నమోదు చేశామన్నారు. స్థానికులు కారును అడ్డుకుని కారు నడుపుతున్న వ్యక్తిని నిలదీస్తూ సెల్‌ ఫోన్‌లో వీడియో తీశారు. ప్రమాద సమయంలో అతను మద్యం మత్తులో ఉన్నట్లు సమాచారం.కారు కుడివైపు ముందు డోర్‌ పక్కన బీరు బాటిల్‌ ఉన్నట్లు సామాజిక మాధ్యమాల్లో వీడియో వైరల్‌గా మారింది. కాగా ఘటన జరిగిన సమయంలో కారు నడుపుతున్న వ్యక్తి పక్కన ఓ చిన్నారి కూడా ఉండటం గమనార్హం.

సాక్షి, హైదరాబాద్‌: బీఆర్‌ఎస్‌ మాజీ ఎమ్మెల్యే షకీల్ కుమారుడు రాహిల్‌కు నాంపల్లి కోర్టులో ఊరట లభించింది. హిట్‌ అండ్‌ రన్‌ కేసులో అరెస్టై ప్రస్తుతం చంచల్‌గూడ జైల్లో ఉన్న రాహిల్‌కు నాంపల్లి కోర్టు షరతులతో కూడిన బెయిల్‌ మంజూరు చేసింది.  రెండు 20 వేల షూరిటీలు సమర్పించాలని కోర్టు ఆదేశించింది. అలాగే  హైకోర్టు ఆదేశాలను పాటించాలని రాహిల్‌కు సూచించింది. ఈ మేరకు పోలీస్‌ కస్టడీ పిటిషన్‌ను నాంపల్లి కోర్టు కొట్టి వేసింది. కాగా ప్రగతి భవన్‌ వద్ద కారు ప్రమాదం కేసులో రాహిల్‌ నిందితుడిగా ఉన్న విషయం తెలిసిందే. ప్రమాదం తర్వాత రాహిల్‌ దుబాయ్‌కు పారిపోయాడు. అతడి కోసం గత కొంత కాలం గాలించిన పోలీసులు లుక్‌ అవుట్‌ నోటీసులు జారీ చేశారు. ఈ క్రమంలో  రహేల్‌ దుబాయ్‌ నుంచి హైదరాబాద్‌కు తిరిగి వస్తుండగా(ఏప్రిల్‌ 8న) పంజాగుట్ట పోలీసులు అతడిని అరెస్ట్‌ చేశారు. అనంతరం జడ్జీ ముందు హాజరు పరచగా.. ఈ నెల 22 వరకు రిమాండ్‌ విధించారు. ప్రస్తుతం చంచల్‌గూడ జైలులో ఉన్నారు. 

సాక్షి, హైదరాబాద్‌: నగరం నడిబొడ్డున మరో హిట్‌ అండ్‌ రన్‌ కేసు నమోదు అయ్యింది. దుర్గం చెరువు కేబుల్‌ బ్రిడ్జిపై ఫొటోలు దిగుతుండగా ఓ కారు ఇద్దరు యువకుల్ని ఢీ కొట్టింది. ఈ ప్రమాదంలో ఒకరు మృతి చెందగా, మరో వ్యక్తి తీవ్రంగా గాయపడ్డాడు. శుక్రవారం అర్ధరాత్రి దాటాక కేబుల్‌ బ్రిడ్జిపై ఫొటోలు దిగుతున్నారు ఇద్దరు. ఆ సమయంలో ఓ కారు వేగంగా వచ్చి వీళ్లను ఢీ కొట్టి వెళ్లిపోయింది. ప్రమాదంలో అక్కడికక్కడే చనిపోయిన వ్యక్తిని అనిల్‌గా గుర్తించారు. తీవ్ర గాయాలపాలైన అజయ్‌.. ఆస్పత్రిలో చికిత్స పొందుతున్నట్లు వైద్యులు తెలిపారు.   ఘటనపై కేసు నమోదు చేసుకున్న మాదాపూర్‌ పోలీసులు దర్యాప్తు చేపట్టారు. సీసీటీవీ ఫుటేజీ ఆధారంగా ప్రమాదానికి కారణమైన కారును గుర్తించినట్లు తెలుస్తోంది. 

హైదరాబాద్: కోకాపేటలో హిట్ అండ్ రన్ కేసు నమోదైంది. వేగంగా వచ్చిన ఆటో ఓ బైకును ఢీ కొట్టి ఆపకుండా వెళ్లిపోయింది. దీంతో బైక్ పై ఉన్న విద్యార్థి తీవ్రంగా గాయపడ్డారు. అయితే పుట్టెడు శోకంలోనూ.. బ్రెయిన్‌ డెడ్‌ అయిన ఆ విద్యార్థి అవయవదానానికి అతని తల్లిదండ్రులు ముందుకొచ్చి పెద్ద మనసు చాటుకున్నారు. వివరాల్లోకి వెళ్తే బిస్వాల్ ప్రభాస్ అనే విద్యార్థి హైదరాబాద్ కోకాపేట ఔటర్ రింగ్ రోడ్డు ఎగ్జిట్ వద్ద బైక్ పై వస్తున్నాడు. ఈ సమయంలో వేగంగా వచ్చిన ఆటో ప్రభాస్ ను ఢీ కొట్టి ఆపకుండా వెళ్లిపోయింది. దీంతో విద్యార్థికి తీవ్ర గాయాలయ్యాయి. స్థానికులు వెంటనే విద్యార్థిని సమీప ఆస్పత్రికి తరలించారు. వైద్య పరీక్షలు నిర్వహించిన డాక్టర్లు బ్రెయిన్ డెడ్ అని ప్రకటించారు. కొడుకు మరణ  వార్త విన్న తల్లిదండ్రులు శోక సంద్రంలో మునిగారు. బిస్వాల్ ప్రభాస్ అవయవాలు దానం చేయాలని నిర్ణయించుకున్నారు. లివర్, కిడ్నీలు దానం చేస్తున్నట్టు తెలిపారు. అవయవ దానం చేసిన బిస్వాల్ ప్రభాస్ కు సెల్యూట్ చేస్తూ ఆస్పత్రి సిబ్బంది శ్రద్ధాంజలి ఘటించారు. మరోవైపు ఘటనపై కేసు నమోదు చేసుకున్న పోలీసులు దర్యాప్తు చేపట్టారు. 

సాక్షి, రంగారెడ్డి: నార్సింగీలో సోమవారం మరో హిట్‌ అండ్‌ రన్‌ కేసు చోటుచేసుకుంది. ఔటర్ రింగు రోడ్డుపై రోడ్డు దాటుతున్న యువకుడిని గుర్తు తెలియని వాహనం ఢీకొట్టింది.  దీంతో యువకుడు అక్కడికక్కడే మృతి చెందాడు. అయినా వాహనం ఆపకుండా అక్కడి నుంచి వెళ్లిపోయింది. గచ్చిబౌలి నుంచి శంషాబాద్‌ విమానాశ్రయానికి వెళ్తుండగా ఈ ప్రమాదం జరిగింది. సమాచారం అందుకున్న నార్సింగీ పోలీసులు కేసు నమోదు చేసి దర్యాప్తు చేస్తున్నారు. ఓఆర్‌ఆర్‌పై ప్రమాద సమయంలో ఎంట్రీ, ఎగ్జిట్‌ అయిన వాహనాల ఫుటేజీని పరిశీలిస్తున్నారు. యువకుడిని ఢీకొట్టి పరారైంది రెడీ మిక్సర్‌ వాహనంగా పోలీసులు గుర్తించారు. పోలీసుల అనుమానం.. రోడ్డు ప్రమాదంలో మృతుడిని ఆర్మీ సైనికుడిగా గుర్తించారు. గోల్కొండ ఆర్టలరీ సెంటర్‌లో విధులు నిర్వహిస్తున్న జవాన్‌ కులాన్‌గా గుర్తించారు. హింట్ అండ్ రన్ కేసులో పలు అనుమానాలు వ్యక్తం చేస్తున్నారు. అతడు అసలు ఔటర్ రింగ్ రోడ్ వైపు ఎందుకు వచ్చాడు అని పోలీసులు ఆరా తీస్తున్నారు. సీసీటీవీ ఫుటేజ్‌ను క్షుణ్ణంగా పరిశీలిస్తున్నారు. విషయం తెలుసుకున్న ఆర్మీ జవాన్లు ప్రమాద స్థలానికి భారీగా చేరుకున్నారు.

న్యూఢిల్లీ: వలసపాలన నాటి నేర న్యాయ వ్యవస్థ చట్టాలను సంస్కరించి నేటి ఆధునిక సమాజ అవసరాలకు తగ్గట్లుగా కేంద్ర ప్రభుత్వం రూపొందించిన భారతీయ న్యాయ సంహిత, భారతీయ నాగరిక్‌ సురక్షా సంహిత, భారతీయ సాక్ష్యా చట్టాలు జూలై ఒకటో తేదీ నుంచి అమల్లోకి రానున్నాయి. హిట్‌ అండ్‌ రన్‌ కేసులకు సంబంధించిన నిబంధనలు మాత్రం ఇప్పుడే అమలుకావు. హిట్‌ అండ్‌ రన్‌ కేసులపై ట్రక్కు డ్రైవర్లు దేశవ్యాప్తంగా కొద్దివారాల క్రితం ధర్నాకు దిగిన నేపథ్యంలో ఈ నిబంధనల అమలును ప్రస్తుతానికి పక్కనబెట్టారు. ఈ మూడు నూతన చట్టాలకు గత ఏడాది డిసెంబర్‌ 21న పార్లమెంట్‌ ఆమోదం తెలపగా డిసెంబర్‌ 25వ తేదీన రాష్ట్రపతి ముర్ము ఆమోదముద్ర వేశారు. ఇండియన్‌ పీనల్‌ కోడ్, కోడ్‌ ఆఫ్‌ క్రిమినల్‌ ప్రొసిజర్, ఇండియన్‌ ఎవిడెన్స్‌ యాక్ట్‌1872ల స్థానంలో ఈ మూడు చట్టాలు తెచి్చన సంగతి తెల్సిందే. దోషులను శిక్షించడంకంటే ముందు బాధితులకు సత్వర న్యాయం అందించే లక్ష్యంతోనే ఈ చట్టాలను తెచ్చామని బిల్లులపై చర్చ సందర్భంగా పార్లమెంట్‌లో హోం మంత్రి అమిత్‌షా వ్యాఖ్యానించారు. ఐపీసీలో లేని ఉగ్రవాదం అనే దానికి తొలిసారిగా కొత్త చట్టంలో సరైన నిర్వచనం పొందుపరిచారు. రాజదోహ్రం అనే పదాన్ని తొలగించి దాని స్థానంలో ‘దేశ వ్యతిరేక నేరాలు’ అనే సెక్షన్‌ను జతచేశారు. వేర్పాటువాదం, సాయుధపోరాటాలు, దేశ సార్వ¿ౌమత్వాన్ని భంగపరిచే చర్చలు, దేశ, విదేశాల్లో ఉంటూ చేసే విధ్వంసకర కుట్రలు, దేశ ఆర్థిక వ్యవస్థను ఛిన్నాభిన్నం చేసే కుట్ర విద్వేష ప్రసంగాలు.. ఇలా పలు రకాల నేరాలను ఇకపై దేశవ్యతిరేక నేరాలుగా పరిగణిస్తారు. ఈ నేరాలకు గరిష్టంగా జీవితఖైదు పడొచ్చు. రాజద్రోహం అనే పదాన్ని తొలగించి దేశద్రోహం అనే నిర్వచించారు. దోషులకు మేజిస్ట్రేట్‌ విధించే జరిమానా మొత్తాలను పెంచారు. అన్ని భాగస్వామ్య వర్గాల సలహాలు, సూచనలు స్వీకరించి సమగ్ర చర్చలు, సంప్రతింపుల తర్వాతే ముసాయిదా బిల్లులు చట్టాలుగా రూపుదాల్చాయని అమిత్‌ షా అన్నారు.

సాక్షి, హైదరాబాద్‌: నగరంలోని బొల్లారంలో మరో హిట్‌ అండ్‌ రన్‌ కేసు నమోదైంది. గురువారం తెల్ల‌వారుజామున బొల్లారం ప‌రిధిలో వేగంగా కారు న‌డుపుతూ ఓ వైద్యుడు.. ఫుట్‌పాత్ వెంట ఉన్న తోపుడుబండిపైకి దూసుకెళ్లాడు. ప్ర‌మాదం జ‌రిగిన వెంట‌నే అక్క‌డే ఉన్న ప‌లువురు వ్య‌క్తులు వెంటాడి కారును అడ్డ‌గించి డాక్ట‌ర్‌ కార్తీక్‌ను ప‌ట్టుకున్నారు. ప్ర‌మాదానికి కార‌ణ‌మైన డాక్ట‌ర్.. హైద‌రాబాద్ న‌గ‌రంలోని ఓ ఆస్ప‌త్రిలో న్యూరో స‌ర్జ‌న్‌గా సమాచారం. ఈ ఘటనలో స‌య్య‌ద్ పాషా అనే వ్య‌క్తి తీవ్రంగా గాయ‌ప‌డగా, తాను ప‌ని చేస్తున్న ఆస్ప‌త్రిలోనే చికిత్స అందిస్తాన‌ని చెప్పిన డాక్టర్‌.. బాధితుడిని త‌న కారులో తీసుకెళ్లాడు. ఈ క్ర‌మంలో అత్తాపూర్‌లోని ఓ ప్రైవేట్‌ ఆస్ప‌త్రిలో చేర్పించి, ఆ వైద్యుడు పరారయ్యాడు. ప్రస్తుతం బాధితుడి ప‌రిస్థితి విష‌మంగా ఉన్నట్లు తెలిసింది. ఇదీ చదవండి: షణ్ముక్ గంజాయి కేసు.. దర్యాప్తులో సంచలన విషయాలు!

హైదరాబాద్‌: జూబ్లీహిల్స్ లో మరో హిట్ అండ్ రన్ వెలుగులోకి వచ్చింది. ఇటీవల జూబ్లీహిల్స్ పెద్దమ్మగుడి వద్ద బైకును కారు ఢీకొట్టిన ఘటనలో వ్యక్తి మృతి చెందారు. ఈ ఘటన మరువకముందే మరో ఘటన కలకలం రేగింది. హైదరాబాద్ జూబ్లీహిల్స్‌లో వైట్ డెకో స్పోర్ట్స్ కారు బీభత్సం సృష్టించింది. అతి వేగాంగా వెళ్లి ఎదురుగా ఉన్న రెండు బైకులను ఢీకొట్టింది. ఈ ఘటనలో అన్నాచెల్లితో పాటు మరో వాహనదారుడికి తీవ్ర గాయాలయ్యాయి. గాయపడిన వారిని మాదాపూర్‌లోని మెడికవర్‌ ఆస్పత్రికి తరలించారు. ప్రస్తుతం ముగ్గురి పరిస్థితి విషమంగా ఉందని సమాచారం. విషయం తెలుసుకున్న పోలీసులు సంఘటనా స్థలాన్ని పరిశీలించారు. కార్ నెంబర్ ఆధారంగా గుంటూరుకు చెందిన బిక్కి అశోక్‌గా పోలీస్ గుర్తించారు. గుంటూరు బయల్దేరిన జూబ్లీహిల్స్ పోలీస్ బృందం

కేంద్ర ప్రభుత్వం ‘హిట్ అండ్ రన్’ కేసులో కఠినమైన నిబంధనలను రూపొందించింది. పదేళ్ల  జైలు శిక్ష, రూ. 7 లక్షల జరిమానా విధించింది. దేశంలో చాలావరకూ రోడ్డు ప్రమాదాలు నిర్లక్ష్యం కారణంగానే చోటుచేసుకుంటున్నాయి. రోడ్డు ప్రమాదాల్లో మృతి చెందుతున్నవారి సంఖ్య కూడా అధికంగానే ఉంటోంది. మనదేశాన్ని మినహాయించి ఇతర దేశాల్లో ‘హిట్ అండ్ రన్’ కేసులలో ఎలాంటి శిక్ష ఉంటుందో ఇప్పుడు తెలుసుకుందాం.  బంగ్లాదేశ్ బంగ్లాదేశ్‌లో వాహన చట్టం, 1927 ప్రకారం ప్రమాదం జరిగిన తర్వాత, పోలీసులు అక్కడికి వచ్చి చర్యలు చేపట్టే వరకు వాహనం డ్రైవర్ తన వాహనంతో పాటు అక్కడే ఉండాలి. బంగ్లాదేశ్‌లో హిట్ అండ్ రన్ లేదా ఏ వాహన సంబంధిత ప్రమాదంలో ఎవరైనా మరణిస్తే అందుకు కారకులైనవారు నేరస్తులవుతారు. ‘హిట్‌ అండ్‌ రన్‌’కేసులో మరణశిక్ష విదించే అవకాశం కూడా ఉంది.  ఇటువంటి కేసులో డ్రైవర్‌ను వెంటనే అరెస్టు చేస్తారు. అతనికి బెయిల్ లభించే అవకాశం కూడా ఉండదు.  చైనా చైనాలో ‘హిట్ అండ్ రన్‌’లో  పెను ప్రమాదం జరిగితే నేరస్తుని డ్రైవింగ్ లైసెన్స్ రద్దు చేస్తారు. జీవితకాల నిషేధం కూడా  ఉండవచ్చు. చైనా క్రిమినల్ కోడ్, ఆర్టికల్ 133 కింద హిట్ అండ్ రన్ కేసులో తీవ్రమైన శారీరక హాని లేదా మరణం సంభవించినట్లయితే, నేరస్తునికి 3 నుండి 7 సంవత్సరాల జైలు శిక్ష విధించే అవకాశం ఉంది.  బ్రిటన్ యూకేలో ఏదైనా రోడ్డు ప్రమాదం జరిగితే డ్రైవర్ తన పూర్తి పేరు, చిరునామాను పోలీసులకు తెలియజేయాలి. అలాంటి సందర్భాలలో నేరస్తునికి గరిష్టంగా 6 నెలల జైలు శిక్ష, ఐదు వేల పౌండ్ల జరిమానా కూడా ఉంటుంది. దీనితో పాటు అతను డ్రైవింగ్ చేయకుండా నిషేధం విధిస్తారు. అమెరికా యునైటెడ్ స్టేట్స్‌లో ‘హిట్ అండ్ రన్‌’లో విధించే శిక్ష ప్రతీ రాష్ట్రానికీ మారుతూ ఉంటుంది. దీనిని థర్డ్ డిగ్రీ నేరంగా పరిగణిస్తారు. శిక్షాకాలం ఒకటి నుంచి ఐదేళ్లు లేదా అంతకంటే ఎక్కువ ఉండవచ్చు. దీంతో పాటు జరిమానా కూడా చెల్లించాల్సి ఉంటుంది.  ఆస్ట్రేలియా ఆస్ట్రేలియాలో హిట్‌ అండ్‌ రన్‌ ఉదంతంలో డ్రైవర్ ప్రమాద స్థలంలో వాహనాన్ని ఆపి, వెంటనే పోలీసులకు సమాచారం ఇవ్వాలి. ఆస్ట్రేలియాలో ట్రాఫిక్ నేరాల కోసం ఒక ప్రత్యేక కమిషన్ ఉంది. ఇది ప్రతి రోడ్డు ప్రమాదంలో దాని తీరుతెన్నులను గమనించి డ్రైవర్‌కు ఒక పాయింట్‌ను ఇస్తుంది. దీని ప్రకారం డ్రైవర్‌కు జరిమానా విధించవచ్చు. లేదా అతని లైసెన్స్‌ను సస్పెండ్  లేదా రద్దు చేసే అవకాశం ఉంది.  కెనడా కెనడాలో క్రిమినల్ కోడ్ ప్రకారం ‘హిట్ అండ్ రన్’ను నేరంగా పరిగణిస్తారు. ఇటువంటి కేసులో ఐదేళ్ల పాటు జైలు శిక్ష పడే అవకాశం ఉంది. ప్రమాదంలో ఎవరైనా మృతి చెందితే అందుకు కారకులపై గరిష్టంగా పదేళ్ల జైలు శిక్ష విధిస్తారు.  దక్షిణ కొరియా దక్షిణ కొరియాలో ‘హిట్ అండ్ రన్’ తీవ్రమైన నేరంగా పరిగణిస్తారు. అలాంటి ప్రమాదంలో ఎవరైనా చనిపోయి, డ్రైవర్ పరారైతే అతనికి కనీసం ఐదేళ్ల జైలు లేదా గరిష్టంగా జీవిత ఖైదు విధిస్తారు. దీనితో పాటు భారీ జరిమానా కూడా ఉంటుంది.  హాంకాంగ్‌ హాంకాంగ్‌లో ప్రమాదం జరిగిన తర్వాత, డ్రైవర్ వెంటనే వాహనం ఆపివేయాలి. అలాగే పోలీసులకు సమాచారం ఇవ్వాలి. నేరస్తుడు  హిట్‌ అండ్‌ రన్‌ ప్రమాదంలో బాధితులకు సహాయం చేయకపోతే, అతనికి ఒక సంవత్సరం జైలు శిక్ష లేదా జరిమానా కూడా విధించే అవకాశం ఉంది.  న్యూజిలాండ్ న్యూజిలాండ్‌లో ప్రమాదానికి కారణమైన డ్రైవర్లు వాహనాన్ని తప్పనిసరిగా ఆపాలి.  ఒకవేళ డ్రైవర్ ప్రమాదం జరిగిన ప్రదేశం నుండి పారిపోతే, అతనికి మూడు నెలల జైలు శిక్ష లేదా భారీ జరిమానా విధించే అవకాశం ఉంది. అతని డ్రైవింగ్ లైసెన్స్ కనీసం ఆరు నెలల పాటు సస్పెండ్ చేసేందుకు అవకాశం ఉంది. రోడ్డు ప్రమాదంలో ఎవరైనా చనిపోతే అందుకు కారకులపై ఐదేళ్ల జైలు శిక్ష లేదా 20 వేల న్యూజిలాండ్ డాలర్లు జరిమానాగా విధించే అవకాశం ఉంది. అలాగే అతని డ్రైవింగ్ లైసెన్స్‌ను ఏడాది పాటు రద్దు చేసేందుకు అవకాశం ఉంది.

సాక్షి, హైదరాబాద్‌: నగరంలో చోటుచేసుకున్న హిట్‌ అండ్‌ రన్‌ కేసులో కొత్త కోణం వెలుగులోకి వచ్చింది. ఈ ప్రమాదానికి ముఖ్య కారకుడైన ఐటీ ఉద్యోగి రుత్విక్‌ రెడ్డిని పోలీసులు అరెస్ట్‌ చేశారు. మద్యం మత్తులోనే కారు అతి వేగంతో నడిపి ప్రమాదానికి కారణమైనట్టు పోలీసులు గుర్తించారు.  పోలీసులు తెలిపిన వివరాల ప్రకారం.. జూబ్లీహిల్స్‌లో బుధవారం తెల్లవారుజామున జరిగిన హిట్‌ అండ్‌ రన్‌ కేసులో తారక్‌రామ్‌ మృతికి కారణమైన ఐదుగురు నిందితులను పోలీసులు అరెస్ట్‌ చేశారు. వారిలో నలుగురు యువకులు, ఒక యువతి ఉన్నారు. కాగా, ఈ కేసులో మరో కొత్త కోణం వెలుగులోకి వచ్చింది. ఈ ప్రమాదానికి ఐటీ ఉద్యోగి రుత్విక్‌ రెడ్డి కారణమని పోలీసులు నిర్ధారించారు. అయితే, రుత్విక్‌ రెడ్డి ఇటీవలే సాఫ్ట్‌వేర్‌ ఉద్యోగం పొందాడు.  ఈ క్రమంలో తాను పనిచేస్తున్న ఆఫీసును ఫ్రెండ్‌ చూపిస్తానంటూ వారిని తీసుకుని మాదాపూర్‌కు వెళ్లాడు. అనంతరం, ఫ్రెండ్స్‌తో కలిసి బార్‌లో ఫుల్‌గా మద్యం సేవించారు. తెల్లవారుజామున నాలుగు గంటల వరకు బార్‌లోనే ఫుల్‌గా మద్యం తాగి బిర్యానీ తిన్నారు. అనంతరం, ఆఫీసును చూసి తిరిగి వస్తున్నా క్రమంలో మద్యం మత్తులో కారును అతి వేగంతో డ్రైవ్‌ చేశాడు. జూబ్లీహిల్స్‌లోని పెద్దమ్మ గుడి సమీపంలో బైక్‌పై వెళ్తున్న తారక్‌ను ఢీకొట్టారు. ఈ ప్రమాదంలో తారక్‌ మృతిచెందాడు.   

హైదరాబాద్: అదుపుతప్పిన వేగంతో వెనుక నుంచి దూసుకొచ్చిన కారు ఢీకొట్టడంతో ఓ బౌన్సర్‌ అక్కడికక్కడే మృతి చెందిన ఘటన బుధవారం జూబ్లీహిల్స్‌ పోలీస్‌స్టేషన్‌ పరిధిలో జరిగింది. పోలీసుల కథనం ప్రకారం.. సికింద్రాబాద్‌ సిక్‌ విలేజ్‌ గాంధీనగర్‌కు చెందిన లింగాల తారక్‌రామ్‌ (30), కె.రాజు మాదాపూర్‌ నోవాటెల్‌లో బౌన్సర్‌లుగా పని చేస్తున్నారు. ఎప్పటిలాగే మంగళవారం సాయంత్రం డ్యూటీకి వెళ్లి బుధవారం తెల్లవారుజామున 5 గంటలకు బైక్‌పై జూబ్లీహిల్స్‌ మీదుగా ఇంటికి వెళ్తున్నారు. పెద్దమ్మ గుడి సమీపంలోకి రాగానే శ్రీ జ్యువెలర్స్‌ మలుపు వద్ద వెనుక నుంచి అతివేగంగా దూసుకువచ్చిన బ్లాక్‌ కలర్‌ కారు ఢీకొట్టి ఆగకుండా దూసుకెళ్లింది.  ఈ ప్రమాదంలో తారక్‌రామ్‌ అక్కడికక్కడే మృతి చెందాడు. రాజు తీవ్రంగా గాయపడ్డాడు.  సమాచారం అందుకున్న జూబ్లీహిల్స్‌ పోలీసులు ఘటనా స్థలానికి చేరుకుని దర్యాప్తు చేపట్టారు. మృతుడు తారక్‌రామ్‌కు రెండేళ్ల క్రితం సుధారాణితో వివాహం కాగా 7 నెలల కుమారుడున్నాడు. గత కొంతకాలంగా బౌన్సర్‌గా పని చేస్తున్నాడు. ప్రమాదానికి కారణమైన కారు కోసం జూబ్లీహిల్స్‌ పోలీసులు గాలింపు చేపట్టారు. గచ్చిబౌలి, మాదాపూర్‌ వైపు, జూబ్లీహిల్స్, పంజగుట్ట, బేగంపేట రోడ్లపై ఉన్న సీసీ ఫుటేజీలను వడబోస్తున్నారు.  సీసీ కెమెరాలకు కూడా అందనంత స్పీడ్‌గా 100 నుంచి 120 కిలోమీటర్ల వేగంతో కారు దూసుకెళ్తున్నట్లుగా పోలీసులు గుర్తించారు. ఈ వేగానికి కారు నంబర్‌ ఏ ఒక్క కెమెరాలో కూడా చిక్కడం లేదు. కారులో ఎంతమంది ఉన్నారని స్పష్టం తెలియడం లేదు. కారులో ఎంతమంది ఉన్నారు.. వీరు ఎక్కడి నుంచి వస్తున్నారు.. అన్నది తెలియాల్సి ఉంది. జూబ్లీహిల్స్‌ పోలీసులు కేసు నమోదు చేసుకుని దర్యాప్తు చేస్తున్నారు. కాగా ఈ కేసుకు సంబంధించిన వివరాలు తెలుసుకునేందుకు డీసీపీ విజయ్‌కుమార్‌ బుధవారం రాత్రి ఎస్‌ఆర్‌నగర్‌ స్టేషన్‌ను సందర్శించారు. మరోవైపు గాయపడిన రాజు యశోద ఆస్పత్రిలో చికిత్స పొందుతున్నాడు. పరిస్థితి విషమంగా ఉన్నట్లు తెలుస్తోంది. మృతుడి బంధువుల ఆందోళన  కారును అతివేగంగా నడిపిన నిందితుడ్ని ఇంతవరకు అరెస్టు చేయలేదని అసంతృప్తి వ్యక్తం చేస్తూ మృతుడి కుటుంబ సభ్యులు బుధవారం రాత్రి జూబ్లీహిల్స్‌ పోలీస్‌ స్టేషన్‌ ముందు బైఠాయించి ఆందోళన నిర్వహించారు. న్యాయం చేయాలంటూ నినాదాలు చేయడమే కాకుండా ఈ ఘటనకు కారకుడైన నిందితుణ్ణి తమ ముందు ప్రవేశపెట్టాలని, కారును కూడా చూపించాలని డిమాండ్‌ చేశారు. తారక్‌రామ్‌ తల్లి రాజమణి, భార్య సుధారాణి, సోదరుడు గణేష్, బావలు ప్రదీప్, సునీల్‌ తదితరులతో పాటు పెద్ద సంఖ్యలో బంధుమిత్రులు మృతదేహాన్ని రోడ్డుపై ఉంచి కన్నీరుమున్నీరవుతూ తమకు న్యాయం చేయాలంటూ డిమాండ్‌ చేశారు. పోలీసులు భారీ సంఖ్యలో మొహరించి పరిస్థితిని అదుపులోకి తీసుకువచ్చే ప్రయత్నం చేశారు. కాగా ఈ ఆందోళన కొనసాగుతున్న సమయంలోనే ముఖ్యమంత్రి రేవంత్‌రెడ్డి కాన్వాయ్‌ అదే దారిలో వెళ్లడంతో కొంత ఉద్రిక్తత నెలకొంది.  పోలీసుల అదుపులో  ఐదుగురు నిందితులు జూబ్లీహిల్స్‌లో బుధవారం తెల్లవారుజామున జరిగిన హిట్‌ అండ్‌ రన్‌ కేసులో తారక్‌రామ్‌ మృతికి కారణమైన ఐదుగురు నిందితులను గురువారం తెల్లవారుజామున పోలీసులు అదుపులోకి తీసుకున్నట్లు తెలిసింది. కారును కూడా స్వాదీనం చేసుకున్నారు. ఇది కొత్త వెర్నా కారు అని పోలీసులు గుర్తించారు. ద్వారంపూడి నాగ అనే పేరుతో ఈ కారు రిజిస్ట్రేషన్‌ అయిఉందని నిర్ధారించారు 

న్యూఢిల్లీ: హిట్‌ అండ్‌ రన్‌ కేసుల్లో ప్రతిపాదిత కఠిన చట్టాలను నిరసిస్తూ లారీలు, ట్రక్కుల డ్రైవర్లు చేపట్టిన సమ్మె మంగళవారం దేశవ్యాప్త గందరగోళానికి, అత్యవసర సేవల్లో తీవ్ర అంతరాయానికి దారి తీసింది. ఆయిల్‌ ట్యాంకర్ల డ్రైవర్లు కూడా సమ్మెలో పాల్గొనడంతో పెట్రోల్, డీజిల్, వంట గ్యాస్‌ కొరత ఏర్పడింది. సమ్మె రోజుల పాటు కొనసాగుతుందన్న వార్తల నేపథ్యంలో దేశమంతటా వాహనదారులంతా పెట్రోల్‌ బంకులకు పోటెత్తారు. దాంతో ఎక్కడ చూసినా బంకుల ముందు భారీ క్యూ లైన్లే దర్శనమిచ్చాయి. ఇది నగరాలు, పట్టణాల్లో భారీ ట్రాఫిక్‌ జామ్‌లకు దారితీసింది. అత్యధిక బంకుల్లో చూస్తుండగానే నిల్వలు అడుగంటి నో స్టాక్‌ బోర్డులు దర్శనమిచ్చాయి. వంట గ్యాస్‌ సిలిండర్లతో పాటు కాయగూరలు, ఇతర నిత్యావసరాల సరఫరా కూడా నిలిచిపోయి జనం తీవ్ర ఇక్కట్ల పాలయ్యారు. కేంద్రంతో ఆలిండియా మోటార్‌ ట్రాన్స్‌పోర్ట్‌ అసోసియేషన్‌ (ఏఐఎంటీసీ) జరిపిన చర్చలు ఎట్టకేలకు మంగళవారం రాత్రికి ఫలించాయి. కొత్త చట్టాన్ని ఇప్పటికిప్పుడే అమలు చేయడం లేదని కేంద్రం తరఫున హోం శాఖ కార్యదర్శి అజయ్‌ భల్లా వారికి హామీ ఇచ్చారు. దానిపై ఏఐఎంటీసీతో లోతుగా చర్చించాకే నిర్ణయం తీసుకునేలా అంగీకారం కుదిరిన్నట్టు సంఘం చైర్మన్‌ మల్కిత్‌సింగ్‌ బల్‌ తెలిపారు. దాంతో సమ్మె విరమిస్తున్నట్టు సంఘం ప్రకటించడంతో అంతా ఊపిరి పీల్చుకున్నారు.  సర్వత్రా నో స్టాక్‌...!  రోడ్డు ప్రమాద మృతికి బాధ్యుడైన వాహనదారు పోలీసులకు ఫిర్యాదు చేయకుండా పారిపోయేతే పదేళ్ల దాకా కఠిన కారాగార శిక్ష, రూ.7 లక్షల దాకా జరిమానా విధించేలా భారత న్యాయ సంహితలో చేర్చిన సెక్షన్లపై లారీలు, ట్రక్కుల డ్రైవర్లు తీవ్ర నిరసన వ్యక్తం చేస్తుండటం తెలిసిందే. వాటి రద్దు డిమాండ్‌తో మహారాష్ట్ర తదితర చోట్ల సోమవారం నుంచే మూడు రోజుల సమ్మెకు దిగారు. అది మంగళవారాకల్లా దేశమంతటా విస్తరించింది. దాంతో పెట్రోల్, డీజిల్‌ కోసం వాహనదారులంతా ఒక్కసారిగా రోడ్డెక్కడంతో అన్ని రాష్ట్రాల్లోనూ పరిస్థితి చేయి దాటింది. పెట్రోల్‌ బంకులన్నీ జనంతో పోటెత్తి కన్పించాయి. కిలోమీటర్ల పొడవున వాహనదారులు బారులు తీరారు. నో స్టాక్‌ బోర్డు పెట్టి బంకులను మూసేయడం ఉద్రిక్తతకు, గొడవలకు దారి తీసింది. పరిస్థితిని అదుపు చేసేందుకు పోలీసులు రంగంలోకి దిగాల్సి వచ్చింది. మరోవైపు డ్రైవర్లు కూడా తమ లారీలు, ట్రక్కులను హైవేలపై రోడ్డుకు అడ్డంగా పెట్టి వాహనాల రాకపోకలను కూడా అడ్డుకుంటూ కన్పించారు.

ఢిల్లీ: హిట్ అండ్ రన్ కేసుల్లో కేంద్రం తీసుకువచ్చిన కఠిన నిబంధనలకు వ్యతిరేకంగా దేశవ్యాప్తంగా ట్రక్కు డ్రైవర్లు ఆందోళన చేపట్టారు. దేశవ్యాప్తంగా రోడ్లపై రాస్తారోకోలు, ర్యాలీలు నిర్వహిస్తున్నారు. ఈ ఆందోళనలతో ఇంధన ట్రక్కులు దేశవ్యాప్తంగా నిలిచిపోయాయి. దీంతో ఇంధన కొరత ఏర్పడుతుందని జనం పెట్రోల్ బంక్‌లపై ఎగబడుతున్నారు. థానే జిల్లాలోని మీరా భయాందర్ ప్రాంతంలో ముంబై-అహ్మదాబాద్ హైవేపై ట్రక్కు డ్రైవర్లు నిరసన చేపట్టారు. ఈ క్రమంలో పోలీసులపై రాళ్లు రువ్వారు. రాళ్లదాడితో పోలీసు వాహనం ధ్వంసమైంది. షోలాపూర్, కొల్హాపూర్, నాగ్‌పూర్, గోండియా జిల్లాల్లో కూడా రోడ్లు దిగ్బంధించారు.  ఛత్తీస్‌గఢ్‌లోనూ నిరసనలు మిన్నంటాయి. రాష్ట్రవ్యాప్తంగా 12,000 మందికి పైగా ప్రైవేట్ బస్సు డ్రైవర్లు సమ్మెను ప్రకటించారు. రాయ్‌పూర్, బిలాస్‌పూర్, దుర్గ్, రాజ్‌నంద్‌గావ్‌లోని బస్ స్టేషన్‌లలో వందలాది మంది ప్రయాణికులు చిక్కుకున్నారు. ఆందోళనలు రాబోయే రోజుల్లో ఇంధన సరఫరాకు ఆటంకం కలిగిస్తాయని భయపడి ప్రజలు వివిధ నగరాల్లోని పెట్రోల్ పంపుల వద్ద క్యూ కట్టారు. అటు.. పశ్చిమబెంగాల్‌, పంజాబ్‌, మధ్యప్రదేశ్‌లోనూ డ్రైవర్ల ఆందోళనలు తీవ్ర స్థాయికి చేరాయి.  భారతీయ శిక్షా స్మృతి స్థానంలో కేంద్రం ఇటీవల భారత న్యాయ సంహితను తీసుకొచ్చింది. ఇందులో హిట్‌ అండ్ రన్ కేసుల్లో కఠిన నిబంధనలు తీసుకొచ్చింది. రోడ్డు ప్రమాదాలకు కారణమైన ట్రక్కు డ్రైవర్లు పోలీసులకు సమాచారం అందించాలి. లేదంటే పదేళ్ల జైలు శిక్షతో పాటు రూ.7 లక్షల జరిమానా విధించే అవకాశాన్ని కల్పించారు. దీంతో ట్రక్కు డ్రైవర్లు ఆందోళన చేపట్టారు. ఈ కఠిన నిబంధనలకు భయపడి కొత్తవారు ఈ వృత్తిలోకి రావడంలేదని నిరసన వ్యక్తం చేస్తున్నారు. ఇదీ చదవండి: వరుసగా మూడోనెల తగ్గిన ఫ్యూయెల్‌ ధర.. ఎంతంటే..

సాక్షి, హైదరాబాద్‌: చైతన్యపురి హిట్‌ అండ్‌ రన్ ‍కేసులో పోలీసులు మరిన్ని వివరాలు తెలియజేశారు. ప్రమాదంలో గాయపడ్డ ఇద్దరి పరిస్థితి విషమంగా ఉన్నట్లు చైతన్యపురి సీఐ తెలిపారు. మరో ఐదుగురు గాయాలతో ఆస్పత్రిలో చికిత్స పొందుతున్నట్లు వెల్లడించారు. ప్రమాదానికి గురైన కారు చౌటుప్పల్ ఎంఆర్‌వో హరికృష్ణదిగా గుర్తించారు. ఆదివారం అర్ధరాత్రి ఈ ఘోర రోడ్డు ప్రమాదం చోటు చేసుకుంది.  చైతన్య పురి పోలీస్ స్టేషన్ పరిధిలో.. ఎల్బీనగర్-ఉప్పల్ రోడ్‌లో వేగంగా దూసుకుపోతున్న కారు రాజీవ్ గాంధీనగర్ కమాన్ వద్ద ప్రమాదానికి గురైంది. కారు చౌటుప్పల్ ఎంఆర్‌ఓ హరికృష్ణ సతీమణి పేరుతో ఉన్నట్లు తెలిపారు. ప్రమాద సమయంలో హరికృష్ణ కొడుకు సాయికార్తీక్‌ అతని ఫ్రెండ్స్‌ ఆ కారులో ఉ‍న్నటులు సమాచారం. కమాన్‌ను డీకొట్టడంతో కారులో ఉన్నఏడుగురు యువకులకు తీవ్ర గాయాలయ్యాయి. కమాన్ వద్ద ఉన్న యువకుడికి ఢీకొనడంతో అక్కడికక్కడే మృతి చెందాడు. సాయి కార్తీక్  తన తండ్రి కారును  తీసుకుని తన స్నేహితులతో కలిసి ఓ బర్త్ డే పార్టీకి వెళ్లగా ఈ ప్రమాదం చోటు చేసుకున్నట్లు తెలుస్తోంది. ప్రమాదంలో గాయపడిన ఏడుగురిలో.. నలుగురు యువకులను గాంధీ ఆస్పత్రి కి తరలించి, సాయి కార్తీక్‌తో పాటు మరో ఇద్దరు యువకులని కొత్తపేట ఓమ్ని హాస్పిటల్‌కు తరలించి చికిత్స అందిస్తున్నారు. ఈ ఘటనపై చైతన్యపురి పోలీసులు కేసు నమోదు చేసి దర్యాప్తు చేస్తున్నారు.

విధుల్లో ఉన్న ట్రాఫిక్‌ కానిస్టేబుల్‌ను రాంగ్‌ డైరెక్షన్‌లో వచ్చిన ఓ కారు వేగంగా దూసుకొచ్చి ఢికొట్టింది. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. వివరాల్లోకి వెళ్లితే.. ఉత్తరప్రదేశ్‌ లక్నోలోని అవధ్‌ ప్రాంతంలో ఉన్న కూడలి వద్ద విధులు నిర్వహిస్తున్న ట్రాఫిక్‌ కానిస్టేబుల్‌పై నుంచి ఓ కారు వైగంగా దూసుకెళ్లింది. ఈ ఘటనలో ట్రాఫిక్‌ కానిస్టేబుల్‌కు తీవ్ర గాయాలు అయ్యాయి. అతన్ని స్థానిక ఆస్పత్రికి తరలించారు. ఈ ఘటనకు అక్కడ ఉన్న సీసీటీవీ కెమెరాల్లో రికార్డు అయింది. ఈ వీడియో ప్రస్తుతం నెట్టింట వైరల్‌ మారింది. ట్రాపిక్‌ను అదుపులో ఉంటే కానిస్టేబుల్‌ భద్రతలేకుండా పోయిందని నెటిజన్లు కామెంట్‌ చేస్తున్నారు. కాగా ఈ ఘటనకు పాల్పడిన కారు డ్రైవర్‌ను అరెస్ట్‌ చేసి.. అదుపులోకి తీసుకున్నట్లు పోలీసు పేర్కొన్నారు. लखनऊ के अवध चौराहे पर हादसा.. बेअन्दाज़ शख्स ने उल्टी दिशा में कार दौड़ाई और ट्रैफिक सिपाही पर चढ़ा दी हादसे के बाद चालक कार लेकर भाग निकला, घायल सिपाही अस्पताल में भर्ती पुलिस ने फुटेज की मदद से चालक अभिषेक दास को गिरफ्तार किया..@lkopolice pic.twitter.com/25izaQmiCc — Suraj Shukla (@suraj_livee) December 4, 2023

సాక్షి, హైదరాబాద్‌: నగరంలో మరో హిట్‌ అండ్‌ రన్‌ కేసు నమోదు అయ్యింది. మద్యం మత్తులో అతివేగంతో కారు నడపడంతో ఓ ప్రాణం పోయింది. యాక్సిడెంట్ చేసి కారుతో సహా నిందితుడు పరారయ్యాడు. పోలీసులు కేసు నమోదు చేసుకున్నప్పటికీ.. ఇప్పటిదాకా నిందితులను అదుపులోకి తీసుకోలేదని తెలుస్తోంది. దీంతో బాధిత కుటుంబం న్యాయ పోరాటానికి దిగింది.  హయాత్‌ నగర్‌లో ఓ వైట్‌ కలర్‌ బెంజ్‌ కారు వేగంగా ఓ వ్యక్తిని ఢీ కొట్టింది. దీంతో ఆ వ్యక్తి స్పాట్‌లోనే చనిపోగా.. కారు అక్కడి నుంచి వేగంగా వెళ్లిపోయింది. మృతుడ్ని పోషం కృష్ణారెడ్డిగా గుర్తించిన పోలీసులు.. హిట్‌ అండ్‌ రన్‌ కేసుగా నమోదు చేసుకున్నారు. సీసీ టీవీ ఫుటేజీ ఆధారంగా పోలీసులు దర్యాప్తు చేపట్టారు. వైట్‌ కలర్‌ బెంజ్‌ కారు నెంబర్‌ TS08EZ6717 ఆధారంగా.. ఓనర్‌ను వరాల శ్వేతారెడ్డిగా గుర్తించారు.  అయితే.. మద్యం మత్తులో పవన్‌ రెడ్డి కారు నడిపి కృష్ణారెడ్డి మృతికి కారణమైనట్లు తేలింది. దీంతో.. మోటర్ వెహికిల్ యాక్ట్ కింద కేసు  నమోదు చేశారు పోలీసులు. అయితే.. ఇప్పటివరకు నిందితుడ్ని అరెస్ట్‌ చేయలేదని బాధిత కుటుంబం ఆరోపిస్తోంది. నిందితులను అరెస్ట్ చేసి కఠినంగా శిక్షించాలని డిమాండ్ చేస్తోంది.

సాక్షి, హైదరాబాద్‌: నగరంలో మరో హిట్ అండ్‌ రన్ కేసు నమోదు అయ్యింది.  అంబర్‌పేట్‌ పోలీస్ స్టేషన్ పరిధిలో ఓ కారు.. వృద్ధురాలు ఢీ కొట్టింది. దీంతో ఆమె అక్కడికక్కడే మృతి చెందగా.. కారు అక్కడి నుంచి వేగంగా వెళ్లిపోయింది.   అంబర్‌పేట్ నుంచి ఉప్పల్ వెళ్లే రోడ్డులో.. కింగ్ ప్యాలెస్ హోటల్ వద్ద బుధవారం ఈ ఘటన చోటు చేసుకుంది. మృతురాలిని వినాయక్‌నగర్‌కు చెందిన ముత్యాలమ్మగా పోలీసులు గుర్తించారు. చెత్త పడేయడానికి వెళ్లి ఆమె ప్రమాదానికి గురైనట్లు కుటుంబ సభ్యులు వెల్లడించారు. కేసు నమోదు చేసుకున్న అంబర్‌పేట పోలీసులు..  సీసీ కెమెరా ఫుటేజీ ఆధారంగా దర్యాప్తు చేస్తున్నారు. ఇదీ చదవండి: మొదటి భార్య ఫిర్యాదుతో శవం వెలికితీత

సాక్షి, హైదరాబాద్‌: బంజారాహిల్స్‌ పోలీస్‌స్టేషన్‌ పరిధిలో  ఘోర రోడ్డు ప్రమాదం చోటుచేసుకుంది.  శుక్రవారం తెల్లవారుజామున 4.15 గంటలకు రాంగ్ రూట్‌లో వస్తున్న బీఎండబ్ల్యూ కారు ఎదురుగా వస్తున్న బైక్‌ను బలంగా ఢీకొంది. అంతటితో ఆగకుండా బైక్‌ను కొంత దూరం వరకు లాక్కెళ్లింది. ఈ ఘటనలో జీహెచ్‌ఎంసీ ఏరియా మేనేజర్‌ పనిచేస్తున్న బాలచందర్‌ తీవ్రంగా గాయపడ్డారు. నికులు బాల చందర్‌ను ఆసుపత్రికి తరలించారు. సమాచారం అందుకున్న పోలీసులు ఘటన స్థలానికి చేరుకొని దర్యాప్తు చేపట్టారు. ప్రమాదానికి కారణమైన బీఎండబ్ల్యూ కారు నెంబర్ (TS09EJ5688) పోలీసులు నిర్థారించారు. ఈ సమయంలో కారులో డ్రైవర్‌తో పాటు ఇద్దరు మహిళలు కూడా ఉన్నట్లు తెలుస్తోంది. దీనిపై కేసు నమోదు చేసుకున్న పోలీసులు దర్యాప్తు చేపట్టారు. ప్రమాదానికి సంబంధించిన వీడియోలు సీసీ కెమెరాల్లో రికార్డ్ అయ్యాయి.  ఈ దృశ్యాలు సోషల్‌ మీడియాలో వైరల్‌గా మారాయి.

న్యూఢిల్లీ: దేశ రాజధాని ఢిల్లీలో రోడ్డు ప్రమాదాలు ఇటీవల ఎక్కువగా వెలుగుచూస్తున్నాయి. తాజాగా ఢిల్లీలోని హై సెక్యూరిటీ వీఐపీ జోన్‌లో కంఝవాలా తరహా ఘటన చోటుచేసుకుంది. వేగంగా ప్రయాణిస్తున్న కారు టూవీలర్‌ను ఢీకొట్టడంతో ఓ వ్యక్తి ఊహించని రీతిలో ప్రాణాలు కోల్పోగా.. మరో వ్యక్తి తీవ్రంగా గాయపడ్డాడు. ఈ దారుణం  కస్తూర్భా గాంధీ మార్గంలో శనివారం అర్థరాత్రి జరిగింది. ప్రమాదానికి సంబంధించిన దృశ్యాలను రోడ్డు మీద వెళ్తున్న మరో వ్యక్తి తన ఫోన్‌లో చిత్రీకరించడంతో ఈ వీడియో నెట్టింట్లో వైరల్‌గా మారింది. టాల్‌స్టాయ్ మార్గ్ కూడలి వద్ద  బైక్‌పై వెళుతున్న ఇద్దరు యువకులను మహింద్రా ఎక్స్‌యూవీ కారు ఢీకొట్టింది. దీంతో బైక్‌ పైన ఉన్న ఓ వ్యక్తి కారుపై పడ్డాడు. మరో వ్యక్తి రోడ్డుపై ఎగిరి పడ్డాడు. ఇంత ఘోరం జరిగిన తర్వాత కూడా డ్రైవర్‌ కారును ఆపకుండా.. పైన వ్యక్తిని అలాగే ఉంచి వేగంగా వెళ్లనిచ్చాడు. దీన్నంతటినీ ప్రత్యక్షసాక్షి అయిన మహ్మద్ బిలాల్ తన స్కూటీతోపాటు కారును వెంబడిస్తూ వీడియో తీశాడు. హారన్‌ కొడుతూ, అరుస్తూ డ్రైవర్‌ను అప్రమత్తం చేసేందుకు ప్రయత్నించినప్పటికీ కారు ఎంతకూ ఆపలేదు. అలాగే 3 కిలోమీటర్లు పోనిచ్చాడు. చదవండి: కర్నాటక: ఎన్నికల సిత్రం.. మామిడిచెట్టులో కరెన్సీ కట్టల బ్యాగు అనంతరం గాయపడిన వ్యక్తిని ఢిల్లీ గేట్ సమీపంలో కారు నుంచి కింద పడవేసి అక్కడి నుంచి పారిపోయాడు. దీంతో యువకుడి తలకు తీవ్ర గాయమవ్వడంతో అక్కడికక్కడే మరణించాడు. మృతుడిని 30 ఏళ్ల దీపాంశు వర్మగా గుర్తించారు. ఈ ఘటనలో గాయపడిన అతని బంధువు 20 ఏళ్ల ముకుల్ పరిస్థితి విషమంగా ఉంది. దీనిపై సమాచారం అందుకున్న ఢిల్లీ పోలీసులు హత్య కేసు నమోదు చేశారు. కారు నడిపిన వ్యక్తి హర్నీత్ స్ంగ్ చావ్లాను అరెస్టు చేశారు. అతనితో పాటు అతని కుటుంబం కూడా కారులో ఉన్నట్లు గుర్తించారు. ప్రమాద సమయంలో డ్రైవర్‌ మద్యం మత్తులో ఉన్నట్లు పోలీసులు తెలిపారు.  చదవండి: ది కేరళ స్టోరీ విడుదల వివాదం.. తమిళనాడు ప్రభుత్వానికి హెచ్చరిక #WATCH | Man Dies In Delhi Hit-And-Run, Seen Lying On Roof As Car Driven For 3 Km Following a car hit a motorcycle one of the men on a motorcycle was thrown several feet away, while the other landed on the roof of the car Incident took place at the intersection of Kasturba… pic.twitter.com/7ta267NDjT — Subodh Kumar (@kumarsubodh_) May 3, 2023

న్యూఢిల్లీ: సంచలనం సృష్టించిన ఢిల్లీ హిట్‌ అండ్‌ రన్‌ కేసులో ఏడుగురు నిందితులపై పోలీసులు శనివారం 800 పేజీల చార్జిషీట్‌ దాఖలు చేశారు. దాదాపు 120 మంది సాక్ష్యాలను అందులో పొందుపరిచారు. నిందితుల్లో నలుగురిపై హత్యా నేరం మోపారు. దీనిపై విచారణను ఏప్రిల్‌ 13కు మెట్రోపాలిటన్‌ జడ్జి సన్యా దలాల్‌ వాయిదా వేశారు. గత డిసెంబర్‌ 31న ఢిల్లీలో న్యూ ఇయర్‌ వేడుకలు చేసుకుని అర్ధరాత్రి దాటాక స్కూటీపై వెళ్తున్న అంజలీసింగ్‌ అనే 20 ఏళ్ల యువతిని నిందితులు కారుతో ఢీకొట్టడం, ఆమె కారు కింద చిక్కుకుందని తెలిసి కూడా అలాగే 12 కిలోమీటర్లకు పైగా లాక్కెళ్లడం తెలిసిందే. దాంతో ఒళ్లంతా ఛిద్రమై అంజలి అత్యంత బాధాకరంగా మరణించింది.

న్యూఢిల్లీ: ఢిల్లీలో జనవరి 1న యువతిని కారులో ఈడ్చుకెళ్లిన ఘటనకు సంబంధించి విధుల్లో నిర్లక్ష‍్యంగా వ్యవహరించిన అధికారులపై కఠిన చర్యలు తీసుకుంది కేంద్ర హోంశాఖ. మొత్తం 11 మంది పోలీసులను సస్పెండ్ చేస్తూ ఆదేశాలు జారీ చేసింది. డీసీపీ స్థాయి అధికారితో పాటు 10 మంది పోలీసులపై వేటు వేసింది. జనవరి 1న ఈ ఘటన జరిగిన రూట్‌లో డ్యూటీ చేసిన అధికారులపై ఈమేరకు చర్యలకు ఉపక్రమించింది. వీరంతా ఆ రోజు మూడు పోలీస్ కంట్రోల్ రూం వ్యాన్లు, రెండు పికెట్లలో విధులు నిర్వహించారు. ఢిల్లీ కంఝవాలాలో జనవరి 1న స్కూటీపై వెళ్తున్న అంజలి అనే యువతిని కారుతో ఢీకొట్టారు కొందరు యువకులు. మద్యం మత్తులో వాహనాన్ని నడిపారు. అంజలి చక్రాల మధ్య ఇరుక్కున్నా పట్టించుకోకుండా 12 కిలోమీటర్లు కారును అలాగే రోడ్డుపై తిప్పారు. ఈ కిరాతక ఘటనలో యువతి మృతిచెందింది. తెల్లవారుజామున నడిరోడ్డుపై నగ్నంగా ఆమె మృతదేహం లభ్యమవ్వడం దేశవ్యాప్తంగా సంచలనం రేపింది. ఈ ఘటనకు సంబంధించిన నిందితులను పోలీసులు ఇప్పటికే అరెస్టు చేశారు. అయితే అంజలిని 12 కిలోమీటర్లు ఈడ్చుకెళ్లిన రోజు విధుల్లో ఉన్న పోలీసులపై తీవ్ర విమర్శలు వచ్చాయి. ఈ నేపథ్యంలోనే ఆరోజు విధుల్లో నిర్లక్ష‍్యంగా వ్యవహరించిన పోలీసులను హోంశాఖ సస్పెండ్ చేసింది. చదవండి: ప్రపంచంలోనే అతిపెద్ద రివర్ క్రూయిజ్‌ను ప్రారంభించిన మోదీ..

సాక్షి, హైదరాబాద్‌: మలక్‌పేట్‌ హిట్‌ అండ్‌ రన్‌ కేసు విషాదంగా ముగిసింది. కారు ఢీ కొన్న ప్రమాదంలో గాయపడ్డ డాక్టర్‌ శ్రావణి కన్నుమూసింది. చావు బతుకుల నడుమ కొట్టుమిట్టాడుతూ.. మూడు రోజులుగా ఆమె నిమ్స్‌ ఆస్పత్రిలో చికిత్స పొందుతోంది. అయితే..  ప్రమాదంలో తలకు బలమైన గాయం కావడంతోనే ఆమె కన్నుమూసిందని వైద్యులు ప్రకటించారు. ఇక నిందితుడిని ఓల్డ్‌ మలక్‌పేటకు చెందిన ఇబ్రహీంగా గుర్తించారు. అంతేకాదు.. నిందితుడికి లైసెన్స్‌, కారుకు పేపర్లు సైతం లేవని వెల్లడించారు పోలీసులు.  శ్రావణి హస్తినాపురంలోని ఓ ప్రైవేట్‌ ఆస్పత్రిలో డెంటల్‌ డాక్టర్‌గా విధులు నిర్వహించేవారు. ఇదిలా ఉంటే.. నెల వ్యవధిలో ఆ కుటుంబంలో ఇది రెండో విషాదం. సుమారు 25 రోజుల కిందటే శ్రావణి తల్లి గుండెపోటుతో కన్నుమూయడం గమనార్హం. దీంతో ఆ కుటుంబం శోకంలో మునిగిపోయింది. సెప్టెంబర్‌ 21వ తేదీన ఓలా బైక్‌ బుక్‌ చేస్కొని శ్రావణి వెళ్తుండగా.. గుర్తు తెలియని కారు ఒకటి బైక్‌ను ఢీకొట్టింది. ఈ ఘటనలో ఓలా బైక్‌ డ్రైవర్‌ వెంకటయ్య, శ్రావణి గాయపడగా.. పోలీసులు ఆస్పత్రిలో చేర్పించారు. అయితే ప్రమాదంలో తీవ్రంగా గాయపడ్డ శ్రావణి పరిస్థితి విషమంగా మారింది. చివరకు ఆమె తుది శ్వాస విడిచింది. ఇక  సీసీ టీవీ ఫుటేజీ ఆధారంగా నిందితుడు ఇబ్రహీంను గుర్తించారు పోలీసులు. ఇదీ చదవండి: న్యూడ్‌ కాల్స్‌తో ఆమె నన్ను వేధిస్తోంది సార్‌..

కండల వీరుడు, స్టార్‌ సల్మాన్‌ ఖాన్‌ గురించి బాలీవుడ్‌ చిత్ర పరిశ్రమలో ఉన్న క్రేజ్‌ తెలిసిందే.  అభిమానులు ఆయన్ని ముద్దుగా ‘సల్మాన్‌ భాయ్‌’ అని పిలుచుకుంటూ ఉంటారు. అయితే కొన్ని సంవత్సరాల క్రితం ఆయనపై హిట్‌ అండ్‌ రన్‌ కేసు నమోదైన విషయం విదితమే. ఈ కాన్సెప్ట్‌ ఆధారంగా తయారైన వీడియో గేమ్‌ ‘సెల్మన్‌ భాయ్‌’. అది తన ముద్దు పేరు ‘సల్మాన్‌ భాయ్‌’ని పోలి ఉందని, అందులోని చిత్రాలు ఆయన్ని వ్యంగంగా చూపిస్తున్నాయని, గేమ్‌ డెవలపర్స్‌పై సల్మాన్‌ ముంబై సివిల్‌ కోర్టులో గత నెల ఫిర్యాదు చేశాడు.  సల్లు భాయ్‌ కేసును విచారించిన ముంబై సివిల్‌ కోర్టు జడ్జి ‘సెల్మన్‌ భాయ్‌’ వీడియో గేమ్‌ను తాత్కాలికంగా నిలిపివేయాలని తాజాగా ఆదేశించారు. దీనికి సంబంధించిన ఉత్తర్వులను సివిల్ కోర్టు జడ్జి కెఎం జైస్వాల్ సోమవారం (సెప్టెంబర్‌ 6న) జారీ చేయగా, మంగళవారం (సెప్టెంబర్‌ 7) నుంచి దాని కాపీ  అందుబాటులోకి వచ్చింది.  ఆ గేమ్‌ సల్మాన్‌ ఖాన్‌ హిట్‌ అండ్‌ రన్‌ కేసుకు పేరడీల ఉందని ప్రాథమిక విచారణ తేలినట్లు ఆ ఉత్తర్వుల్లో తెలిపారు. కాబట్టి ఆ వీడియో గేమ్‌ ప్రమోషన్స్‌, లాంచింగ్‌, రీ లాంచింగ్‌ల్లో సల్మాన్‌ ఖాన్‌కి సంబంధించిన ఎటువంటి విషయాలు లేకుండా నిషేధించారు. అలాగే ఆ గేమ్‌ని గూగుల్‌ ప్లే స్టోర్‌ లాంటి అన్ని ప్లాట్‌ఫామ్‌ నుంచి తొలగించాలని గేమ్‌ డెవలపర్స్‌ పేరడీ స్టూడియోస్‌ ప్రైవేట్‌ లిమిటెడ్‌కు ఆదేశాలు జారీ చేశారు. ఈ గేమ్‌కి సంబంధించి సల్మాన్‌ ఎటువంటి అనుమతి ఇవ్వలేదని అందులో పేర్కొన్నారు. ‘‘సెల్మన్‌ భాయ్‌’ గేమ్‌ డెవలపర్స్‌ నా అనుమతి లేకుండానే కమర్షియల్‌గా లబ్ధిపొందారని’ గతనెల సల్మాన్‌ ఖాన్‌ ఫైల్‌ చేసిన కేసులో ఫిర్యాదు చేశాడు. ఈ విషయమై సెప్టెంబర్‌ 20లోగా అఫిడవిట్‌ దాఖలు చేయాలని గేమ్‌ డెవలపర్స్‌కి కోర్టు ఆదేశాలు జారీ చేసింది. ఇటీవలే సల్మాన్‌ ఖాన్‌ ‘రాధే: ది మోస్‌ వాంటెడ్‌ భాయ్‌’తో ఓటీటీ ద్వారా ప్రేక్షకులని పలరించాడు. కాగా ప్రస్తుతం ఆయన తదుపరి సినిమా లాల్‌ సింగ్‌ చద్ధా షూటింగ్‌ జరుపుకుంటోంది.

విజయనగరం క్రైమ్‌/పూసపాటిరేగ: పూసపాటిరేగ మండలం కనిమెట్ట గ్రామ సమీపంలో 16వ నంబర్‌ జాతీయ రహదారిపై మే 31న జరిగిన హిట్‌ అండ్‌ రన్‌ రహదారి ప్రమాద నిందితుడు పట్టుబడ్డాడు. సాంకేతిక సాక్ష్యాధారాలు, సీసీ టీవీ ఫుటేజీల ఆధారంగా నిందితుడిని అదుపులోకి తీసుకున్నట్టు విజయనగరం డీఎస్పీ పి.అనిల్‌కుమార్‌ తెలిపారు. జిల్లా పోలీసు కార్యాలయ సమావేశ మందిరంలో శనివారం ఏర్పాటు చేసిన విలేకరుల సమావేశంలో కేసు వివరాలను వెల్లడించారు. శ్రీకాకుళం జిల్లా ఆమదాలవలస పట్టణం గాజులకొల్లివలసకు చెందిన భార్యాభర్తలు రౌతు రోహిణి, యోగేశ్వరరావులు విశాఖపట్నానికి మోటారు సైకిల్‌పై వెళ్తుండగా వెనుక నుంచి గుర్తు తెలియని వాహనం ఢీకొనడంతో ఇద్దరి తలలకు బలమైన గాయాలు కావడం, ఘటనా స్థలంలోనే మృతిచెందిన విష యం తెలిసిందే. దీనిపై కేసు నమోదు చేసిన పూసపాటిరేగ ఎస్‌ఐ ఆర్‌.జయంతి దర్యాప్తు చేపట్టారు. ప్రమాద స్థలంలో దొరికిన సాంకేతిక సాక్ష్యాలు, ఎక్సేంజ్‌ ఆఫ్‌ మెటిరియల్‌లో బైక్‌కు అంటిన వైట్‌ పెయింట్, ఫాగ్‌ లైట్‌ కవర్‌లు ఆధారంగా ఢీకొట్టిన వాహనం తెలుపు రంగు ఎర్టిగా కారుగా గుర్తించారు. ప్రమాద స్థలానికి దగ్గరగా జాతీయ రహదారిపై ఉన్న అరబిందో ఫార్మా కంపెనీ సీసీ టీవీ ఫుటేజీలను పరిశీలించారు. ప్రమాద సమయంలో నాలుగు ఎర్టిగా కార్లు వెళ్లడం గమనించారు. అరబిందో ఫార్మాకు, ప్రమాద స్థలానికి నాలుగు కిలోమీటర్లు దూరం. ఈ లెక్కన బైక్‌ను వేగంగా క్రాస్‌ చేసి ప్రమాదానికి కారణమైన కారును గుర్తించారు. టోల్‌ గేట్‌ సిబ్బంది సహకారంతో కారు నంబర్‌ (ఏపీ 39బీవీ9909)ను సేకరించారు.  ఈ చలానా యాప్‌ ద్వారా కారు నంబర్‌ అడ్రస్‌ విశాఖ పట్నానికి చెందిన నాయని శంకర రెడ్డిదిగా గుర్తించారు.  వెంటనే ఎస్‌ఐ, సిబ్బంది విశాఖపట్నం వెళ్లారు. సీసీ ఫుటేజీలో కారు డ్రైవర్‌ వేసుకున్న మాస్క్‌ డిజైన్‌తో అక్కడ ఉన్న కారు డ్రైవర్‌ వేసుకున్న మాస్క్‌ డిజైన్‌ మ్యాచ్‌ కావడంతో విచారణ జరిపి నిందితుడిని అరెస్టు చేశారు. కారును సీజ్‌చేసి పూసపాటిరేగ స్టేష న్‌కు తరలించారు. కేసు ఛేదించిన ఎస్‌ఐ, సిబ్బందితో పాటు, వారికి మోనటరింగ్‌ చేసిన భోగాపురం సీఐ శ్రీధర్‌ను డీఎస్పీ అభినందించారు. చదవండి: అర్ధరాత్రి కారు చీకటి.. ఆ ఫోన్‌ కాల్‌ కాపాడింది  కులాంతర వివాహం చేసుకున్నాడని.. 

యాలాల: మండల పరిధిలోని జక్కేపల్లి సమీపంలో బుధవారం సాయంత్రం జరిగిన రోడ్డు ప్రమాదానికి కారణమైన కారును పోలీసులు గుర్తించారు. అయితే ఆటోను ఢీకొని వేగంగా వెళ్లిపోయిన కారు, జక్కేపల్లి శివారులోని ఓ పొలంలో కారుపై టార్ఫాలిన్‌ కవర్, గడ్డికప్పి ఉంచి తప్పించేందుకు యత్నించినప్పటికి గ్రామస్తులు, పోలీసులు కారును పట్టుకున్నారు. ఇందుకు సంబంధించి ఎస్‌ఐ విఠల్‌రెడ్డి తెలిపిన వివరాల ప్రకారం.. తాండూరు పట్టణంలోని సాయిపూర్‌కు చెందిన చంద్రకాంత్‌రెడ్డి మరో ఇద్దరు వ్యక్తులతో కలిసి బుధవారం సాయంత్రం స్విఫ్ట్‌కారు (టీఎస్‌07 ఈకే 4509)లో యాలాల నుంచి తాండూరు వైపు వెళ్తున్నారు. అదే సమయంలో బెన్నూరు నుంచి జోగు సదానందం అలియాస్‌ సతీష్, అమృతయ్యతో కలిసి ఆటోలో యాలాల వైపు వెళ్తున్నారు. అయితే జక్కేపల్లి శివారులో కారు ఆటోను ఢీకొనడంతో సదానందం అక్కడికక్కడే మృతి చెందగా, అమృతయ్యకు గాయాలయ్యాయి. కాగా ఘటన జరిగిన అనంతరం కారు వేగంగా జక్కేపల్లి వైపు వెళ్లిపోయిందని స్థానికులు పోలీసులకు సమాచారం ఇచ్చారు. బెన్నూరు ఎంపీటీసీ లక్ష్మయ్యతో పాటు వార్డు సభ్యులు, యువకులు పోలీసుల సహాయంతో బుధవారం రాత్రి వరకు గుర్తుతెలియని వాహనం కోసం ముకుందాపూర్, జక్కేపల్లి, గిరిజాపూర్‌ వరకు జల్లెడపట్టారు. అయితే జక్కేపల్లి గ్రామానికి చెందిన యాదవరెడ్డి పొలంలో ప్రమాదానికి కారణమైన కారు ఉన్నట్లు స్థానికులు గుర్తించి పోలీసులకు సమాచారం ఇవ్వడంతో గురువారం ఉదయం అక్కడికి చేరుకున్నారు. ఆటోను ఢీకొన్న కారు ముందుభాగం దెబ్బతిని ఉండటంతో పాటు కారుపై టార్ఫాలిన్‌ కవర్, గడ్డి కప్పి ఉంచినట్లు గుర్తించారు. అనంతరం కారును పీఎస్‌కు తరలించారు. ప్రమాదానికి కారణమైన చంద్రకాంత్‌రెడ్డితో పాటు కారును దాచిపెట్టడానికి సహకరించిన వారిపై కేసు నమోదు చేసినట్లు ఎస్‌ఐ తెలిపారు.

కర్ణాటక, బొమ్మనహళ్లి:  ఆదివారం నగరంలోని మేక్రి సర్కిల్‌ వద్ద వరుసగా వాహనాలను ఢీకొట్టి, అక్కడే వదిలివెళ్లిన అత్యంత ఖరీదైన బెంట్లీ కారు ఎవరిదనేది పోలీసులు గుర్తించారు. ఈ కారును డ్రైవింగ్‌ చేస్తు ప్రమాదానికి కారణమైన వ్యక్తి బెంగళూరు శాంతి నగర నియోజకవర్గం ఎమ్మెల్యే హ్యారిస్‌ కుమారుడు అయిన మహ్మద్‌ నలపాద్‌గా గుర్తించారు. ప్రమాదం జరిగిన చోటతో పాటు చట్టుపక్కల సిసి కెమెరాల్లో నమోదైన చిత్రాల ఆధారంగా పోలీసులు గుర్తించారు. దాంతో విచారణకు  హాజరు కావాలని పోలీసులు నలపాడుకు నోటిసు జారి చేసినట్లు డీసీపి రవికాంతెగౌడ తెలిపారు. ఈ ప్రమాదంపై  ఇప్పటికే నగరంలోని సదాశివర నగర పోలిస్‌ స్టేషన్‌లో కేసు నమోదు చేశారు.  ఏం జరిగింది   నలపాద్‌కు వివాదాల్లోకి దిగడం కొత్త కాదు. గతంలో ఓ కేఫ్‌లో యువకున్ని తీవ్రంగా కొట్టి కొన్ని నెలల పాటు సెంట్రల్‌ జైలులో రిమాండు అనుభవించడం తెలిసిందే. తాజాగా ఆదివారం మేక్రిసర్కిల్‌ వద్ద ఉన్న అండర్‌ పాస్‌లో బెంట్లి కారులో వేగంగా వచ్చి ద్విచక్ర వాహనంతో పాటు ఆటోను ఢీకొన్నారు. దీంతో బైకిస్టు కాలు విరిగిపోగా, ఆటో పూర్తిగా డ్యామేజీ అయింది. కారు డ్రైవర్‌  అజాగ్రత్త వల్లనే ఈ ప్రమాదం చోటు చేసుకుంది. ప్రమాదం జరిగిన వెంటనే కారును అక్కడ వదలి వెళ్ళి పోవడం జరిగింది.  ఆధారాలున్నాయి: డీసీపీ గౌడ ఈ ప్రమాదం కేసులో తానే డ్రైవింగ్‌ చేశానని ఒక వ్యక్తి వచ్చి పోలీసుల వద్ద లొంగిపోయాడు. అయితే పోలీసులు జరిపిన విచారణలో ఈ వ్యక్తి డ్రైవింగ్‌ చేయలేదని తేలింది. మహ్మద్‌ నలపాడ్‌ నడిపాడని గుర్తించి కేసు నమోదు చేసి నోటీసులు పంపారు. నోటిసులు అందిన వెంటనే విచారణకు హాజరు కావాలి. రానిపక్షంలో తదుపరి చర్యలు ఉంటాయని డీసీపీ రవికాంతేగౌడ అన్నారు.కారును నడిపింది నలపాడేనని ఆధారాలు ఉన్నాయని, హాజరుకాక పోతే తాము కోర్టులో ఆధారాలను ప్రవేశ పెడతామని తెలిపారు.  ప్రమాద సమయంలో అతడు జారుకున్నాడు. కానీ  స్నేహితుడు నఫి మహ్మద్‌నసీర్, అతని బాడిగార్డ్‌ బాలకృష్ణలను స్థానికులు గుర్తించారు. పలు చోట్ల ట్రాఫిక సిగ్నల్స్‌ వద్ద సిసి కెమరాల్లో నలపాడు కారు నడుపుతున్నట్లు రికార్డయింది.  చిన్న ప్రమాదమే: దినేష్‌ గుండూరావు   కాగా, ఇది ఒక చిన్న ప్రమాదం అని దానిని పెద్దగా చేయ వద్దని కేపిసిసి అధ్యక్షుడు దినేష్‌ గుండూరావు అన్నారు. కేపీసీసీ ఆఫీసులో మీడియాతో మాట్లాడారు. పోలీసులు నోటీసులు ఇచ్చారన్నారు. కానీ కొంత మంది పని కట్టుకుని రాజకీయం చేస్తున్నారని అన్నారు. ఎమ్మెల్యే కుమారుడైనా, ఇతరులైనా చట్టం ముందు అందరూ సమానమే అన్నారు.   

ఢిల్లీకి చెందిన ముఖేశ్‌ గోయల్‌ కిరాణా కొట్టు నడుపుతుంటారు. ఆయనకు ఇద్దరు రత్నాల్లాంటి పిల్లలు. కొడుకు మయాంక్‌(25) తండ్రికి చేదోడువాదోడుగా ఉంటూనే సివిల్స్‌కు ప్రిపేర్‌ అవుతున్నాడు. కూతురు కనక్‌(21).. ఓవైపు కామర్స్‌లో మాస్టర్స్‌ డిగ్రీ చేస్తూనే మరోవైపు సీఏ ఇంటర్న్‌షిప్‌ కోర్సు కూడా చేస్తోంది. అంతేకాదు ఇటీవలే ఎల్ఐసీ ఎంట్రన్స్‌ ఎగ్జామ్‌ పాస్‌ అయ్యింది. ఆ ఆనందంలో తండ్రి ఆమెకు ఇచ్చిన బహుమతి ప్రస్తుతం వారి జీవితాల్లో విషాదాన్ని నింపింది. కొత్త ఏడాది తీరని శోకం మిగిల్చింది.. తన దినచర్యలో భాగంగా భాగంగా జనవరి 2న కనక్‌ ట్యూషన్‌కు బయలుదేరింది. ముకార్బా చౌక్‌ వద్దకు రాగానే వెనుక నుంచి వచ్చిన ఓ గుర్తు తెలియని వాహనం ఆమెను ఢీకొట్టి వెళ్లిపోయింది. రక్తపు మడుగులో పడి ఉన్న కనక్‌ను దగ్గర్లోని ఆస్పత్రిలో చేర్పించారు స్థానికులు. విషయం అందుకున్న కుటుంబ సభ్యులు అక్కడికి వెళ్లే సరికే కనక్‌ మరణించిందన్న విషయాన్ని వైద్యులు ధ్రువీకరించారు. ‘హంతకుడి’ జాడ తెలియలేదు హిట్‌ అండ్‌ రన్‌ కేసుగా నమోదైన కనక్‌ డెత్‌ కేసులో నిందితులెవరూ పోలీసులు ఇంతవరకూ కనిపెట్టలేదు. సీసీటీవీ ఫుటేజీల్లో సదరు వాహనానికి  సంబంధించిన ఎటువంటి ఆధారాలు లభించకపోవడం, ప్రమాదం జరిగిన చోట జన సమ్మర్ధం ఎక్కువగా ఉండటంతో  కూడా ఈ కేసులో కాస్త జాప్యం జరుగుతుందంటూ పోలీసులు చెప్పడంతో కనక్‌ అన్నయ్య రంగంలోకి దిగాడు. నా చెల్లెలి హంతకులెవరో తెలియాలి అంతే.. ‘ట్యూషన్లతో మొదలైన కనక్‌ దినచర్య ఇంటర్న్‌షిప్‌తో ముగుస్తుంది. ఎల్‌ఐసీ ఎంట్రన్స్‌ ఎగ్జామ్‌ పాస్‌ అయిన తర్వాత సెప్టెంబరులో నాన్న తనకు స్కూటీ కొనిచ్చాడు. సమయానికి ఇంటికి చేరుకోవడంతో పాటు తనకు ఇబ్బందులు రాకుండా ఉంటాయని భావించారు. కానీ ఇప్పుడు ఇలా జరిగిపోయింది. తను మాకు శాశ్వతంగా దూరమైంది. అయితే నా చెల్లెలి చావుకు కారణమైన వాళ్లెవరో తెలుసుకోవాలనుకుంటున్నాను. అందుకే కనక్‌, స్కూటీ ఫొటోలతో కూడిన పాంప్లెంట్స్‌ పంచడంతో పాటుగా పోలీసుల అనుమతి తీసుకుని బారికేడ్లు కూడా ఏర్పాటు చేశాను. అయితే ఒక్కటి మాత్రం నిజం.. కనక్‌ను పొట్టనబెట్టుకున్న ఆ వ్యక్తి ఇవన్నీ చూస్తూనే ఉంటారు. దయచేసి తనకు తానుగా ముందుకు వచ్చి పోలీసుల ఎదుట లొంగిపోతే మంచిది. ఎందుకంటే ఏ రోజుకైనా నిజం బయటపడక తప్పదు. ఒకవేళ ప్రత్యక్ష సాక్షులెవరైనా ఉంటే ఇప్పటికైనా సమాచారం ఇచ్చి మాకు సహాయపడండి’ అని కనక్‌ సోదరుడు మయాంక్‌ మీడియా ముఖంగా అభ్యర్థించాడు. అయినా ఆక్సిడెంట్‌ చేసిన ఆ వ్యక్తికి అంత మంచితనమే ఉంటే వెంటనే తానే కనక్‌ని ఆస్పత్రికి తీసుకువెళ్లేవాడు గానీ ఇలా చేయడు కదా.. అయితే కాస్త ఆలస్యమైనా సరే ఈ హిట్‌ అండ్‌ రన్‌ డ్రైవర్‌ను పట్టుకోవాలని ప్రయత్నిస్తున్న మయాంక్‌ ప్రయత్నాలు తొందరగా ఫలించాలని కోరుకుందాం.

సాక్షి, శంషాబాద్‌ : తాగిన మైకంలో కొందరు వ్యక్తులు రంగారెడ్డి జిల్లా శంషాబాద్‌లో వీరంగం సృష్టించారు. డ్రంక్‌ అండ్‌ డ్రైవ్‌ నుంచి తప్పించుకునే యత్నంలో ట్రాఫిక్‌ పోలీసులను కారుతో ఢీకొట్టి మందుబాబులు పరారయ్యేందుకు యత్నించారు. అయితే 2 కిలోమీటర్ల మేర వెంబడించి నిందితులను పోలీసులు పట్టుకున్నారు. శంషాబాద్‌ పోలీస్‌స్టేషన్‌కు నిందితులను తరలించారు.  అయితే కారును ఆపే క్రమంలో ఎస్‌ఐకి స్వల్పగాయాలయ్యాయి. ఎస్‌ఐ, కానిస్టేబుల్‌ కారును అపేందుకు యత్నించగా, మందుబాబులు ఎస్‌ఐని, వారి వాహనాన్ని.. పోలీసుల నుంచి తప్పించుకునే యత్నంలో మరో బైకును ఢీకొట్టినట్లు తెలుస్తోంది. కేసు నమోదు చేసి విచారణ చేపట్టినట్లు వివరించారు.

ఫ్లోరిడా : విధి బలీయమైనదని కొందరు నమ్ముతారు.. మరికొందరు కొట్టిపారేస్తారు. అయితే డగ్లస్‌ పార్క్‌హర్స్ట్‌(68) అనే వ్యక్తి మృతిచెందడం ఎన్నో అంశాలను వెలుగులోకి తెచ్చింది. ఐదు దశాబ్దాల కిందట చేసిన పాపమే ఇప్పుడు అతడి పాలిట మృత్యువైందని బాధితురాలి కుటుంబంతో పాటు నెటిజన్లు అంటున్నారు. ఆ వివరాల్లోకెళ్తే... గత శుక్రవారం అమెరికా ఫ్లోరిడాలోని శాన్‌ఫోర్డ్‌లో జరిగిన కారు ప్రమాదం (హిట్‌ అండ్‌ రన్ కేసు‌)లో డగ్లస్‌ అనే వృద్ధుడు మృతిచెందాడు. తాగిన మైకంలో ఉన్న కరోల్‌ షారో(51) బేస్‌బాల్‌ పార్కు స్టేడియంలో వాహనాన్ని నడిపి ఈ ప్రమాదానికి కారణమయ్యారని పోలీసులు తెలిపారు. హిట్‌ అండ్‌ రన్‌లో గాయపడ్డ డగ్లస్‌ను హాస్పిటల్‌కు తరలిస్తుండగా చనిపోయాడు. 50 ఏళ్ల కిందట డగ్లస్‌ కారు కింద పడి ఓ చిన్నారి చనిపోయినట్లుగానే ఇప్పుడు అతడు ప్రాణాలు వదలడం గమనార్హం. అసలేమైందంటే.. 1968లో వియత్నానికి చెందిన డగ్లస్‌ పార్క్‌హర్స్ట్‌(18) తాగిన మైకంలో కారును నడిపాడు. ఈ క్రమంలో చిన్నారి కరోలీ(4) మృతికి కారణమయ్యాడు. హిట్‌ అండ్‌ రన్‌ కేసులో తన సోదరి చనిపోయిందని కరోలీ అక్క ఫిర్యాదు చేశారు. అక్కతో కలిసి చిన్నారి కరోలీ రోడ్డు దాటుతుండగా నిందితుడు డగ్లస్‌ తాగిన మైకంలో వాహనాన్ని నడపంతో కారు పాపను ఢీకొట్టింది. దీంతో కరోలీ 40 అడుగుల దూరంలో పడిపోయి తీవ్రరక్తస్రావమై చనిపోయింది. కేసు విచారణలో.. తనకు ఏ పాపం తెలియదని, ఏదో వస్తువును ఢీకొట్టిన మాట వాస్తవమేనన్నాడు డగ్లస్‌. కానీ ఏ చిన్నారి కూడా తనకు రోడ్డుపై కనిపించలేదని చెప్పడంతో నిర్దోషిగా బటయకొచ్చాడు.  2013లో మరోసారి కరోలీ సోదరి కేసును రీఓపెన్‌ చేయించారు. ఈసారి నిజం బట్టబయలైంది. కొన్ని సాక్ష్యాధారాలు, పరిస్థితుల కారణంగా నిందితుడు డగ్లస్‌ తన తప్పును అంగీకరించాడు. కానీ అప్పటికే నేరం జరిగి చాలాకాలం (45 ఏళ్లు) అయిపోయిందని.. ఇప్పుడు నిందితుడికి శిక్ష వేయలేమని కోర్టు తీర్పిచ్చింది. 50 ఏళ్లకు న్యాయం ఐదు దశాబ్దాల తర్వాతనైనా దేవుడు న్యాయం జరిగేలా చూశాడని కరోలీ కేసును విచారణ చేసిన పోలీసు అధికారి (రిటైర్డ్‌) రస్‌ జాన్సన్‌ అన్నారు. అందుకే చివరికి కరోల్‌ అనే పేరున్న యువతి కారణంగానే, అదేతీరుగా హిట్‌ అండ్‌ రన్‌ ప్రమాదంలో నిందితుడు డగ్లస్‌ చనిపోయాడని చెప్పారు. నెటిజన్లు సైతం ఈ విషయంపై పోస్టులు చేస్తున్నాడు. నా చెల్లికి జరిగినట్లే : తన చెల్లెలు కరోలీ మృతికి కారణమైన వ్యక్తి డగ్లస్‌ పార్క్‌హర్స్ట్‌(68) కూడా అదే తీరుగా చనిపోయాడని డార్లీన్‌ అన్నారు. ఇప్పుడు ఓ వలయం పూర్తయింది. ఇక ఈ విషయాన్ని వదిలేయాలని అభిప్రాయపడ్డారు.

సాక్షి, హైదరాబాద్‌: ర్యాష్‌ డ్రైవింగ్‌తో ప్రాణాన్ని బలితీసుకున్న కేసులో చంచల్‌గూడ మహిళా జైల్లో రిమాండ్‌ ఖైదీగా ఉన్న ఈశాన్యరెడ్డికి కోర్టు బెయిల్‌ మంజూరు చేయడంతో మంగళవారం సాయంత్రం జైలు నుంచి విడుదలైంది. కుషాయిగూడ డీఏఈ కాలనీలో ఆదివారం రాత్రి ఫుట్‌పాత్‌పై నిద్రిస్తున్న వ్యక్తిపై కారు ఎక్కించి అతని మృతికి కారణమైన ఇంజినీరింగ్‌ విద్యార్థిని ఈశాన్యరెడ్డిని పోలీసులు అరెస్ట్‌ చేసి చంచల్‌గూడ మహిళ జైలుకు తరలించారు. ఎట్టకేలకు ఆమెకు బెయిల్‌ రావడంతో జైలు నుంచి విడుదలైంది.

సాక్షి, ముంబై : బాలీవుడ్‌ సల్మాన్‌ ఖాన్‌కు ఊరట లభించింది. హిట్‌ అండ్‌ రన్‌ కేసులో దాఖలు చేసిన వారెంట్‌ను ముంబై సెషన్స్‌ కోర్టు శనివారం కొట్టేసింది. ఈ కేసులో బాంబే హైకోర్టు ఆదేశాలనుసారం సల్మాన్‌ వ్యవహరించకపోవటంతో ఈ నెల 4వ తేదీన కోర్టు ఈ వారెంట్‌ను జారీ చేసింది. అయితే శనివారం​ కోర్టుకు హాజరైన సల్మాన్‌.. ఆ ప్రక్రియను పూర్తి చేశారు.  షూరిటీ ప్రక్రియ.. హిట్‌ అండ్‌ రన్‌ కేసులో బాంబే హైకోర్టు సల్మాన్‌ను నిర్దోషిగా ప్రకటించింది. తీర్పు వెలువరించే సమయంలో నిందితుడు షూరిటీని సమర్పించాల్సిందిగా కోర్టు ఆదేశించింది. ఈ నేపథ్యంలో ఈ ఏడాది మరో కొత్త షూరిటీ పేరుతో రెన్యువల్‌ చేయాల్సి ఉంది. దీంతో సల్మాన్‌ తన బాడీగార్డ్‌ గుర్మీత్‌సింగ్‌ జోలీ అలియాస్‌ షేరా పేరును కోర్టుకు సమర్పించాడు. అయితే అందుకు సంబంధించిన అధికార ప్రక్రియను మాత్రం సల్మాన్‌ పూర్తి చేయలేదు. దీంతో ఏప్రిల్‌ 4న సెషన్స్‌ కోర్టు సల్మాన్‌కు బెయిలబుల్‌ వారెంట్‌ను జారీ చేసింది. దీనిపై సల్మాన్‌ కోర్టును అభ్యర్థించటంతో ఏప్రిల్‌ 11న దానిపై స్టే విధిస్తూ.. షూరిటీ ప్రక్రియను పూర్తి చేసేందుకు ఏప్రిల్‌ 25వ తేదీ వరకు గడువు ఇచ్చింది. ఈ నేపథ్యంలో శనివారం కోర్టుకు హాజరైన సల్మాన్‌.. షేరాతో ఆ ఫామ్‌లపై సంతకాలు చేయించాడు. దీంతో కోర్టు వారెంట్‌ను కొట్టేస్తున్నట్లు ప్రకటించింది.   హిట్‌ అండ్‌ రన్‌ కేసు నేపథ్యం... 2002లో ఫుట్‌పాత్‌పై నిద్రిస్తున్న వారిపై నుంచి సల్మాన్‌ తన కారును పోనివ్వటంతో ఒకరు మృతి చెందగా.. నలుగురు గాయపడ్డారన్న ఆరోపణలు ఉన్నాయి. ఈ కేసులో 13 ఏళ్ల విచారణ తర్వాత బాంబే సెషన్స్‌ కోర్టు సల్మాన్‌ను దోషిగా తేలుస్తూ మే 2015లో ఐదేళ్ల జైలు శిక్ష విధించింది. దీనిని సవాల్‌ చేస్తూ సల్మాన్‌ హైకోర్టును ఆశ్రయించగా.. డిసెంబర్‌ 2015లో కోర్టు ఆయన్ని నిర్దోషిగా ప్రకటించింది. ఈ తీర్పుపై మహారాష్ట్ర ప్రభుత్వం సుప్రీం కోర్టులో పిటిషన్‌ దాఖలు చేయగా... అది పెండింగ్‌లో ఉంది.

సాక్షి, పాట్నా: హిట్ అండ్ రన్ కేసులో నిందితుడు, తొమ్మిది మంది చిన్నారుల మృతికి కారకుడైన బీజేపీ బహిష్కృత నేత మనోజ్ బైతా పోలీసుల ఎదుట లొంగిపోయారు. నిందితుడు బైతాను తొలుత శ్రీక్రిష్ణ మెడికల్-హాస్పిటల్‌లో చేర్పించామని, మెరుగైన వైద్యం కోసం పాట్నా మెడికల్ కాలేజీ హాస్పిటల్‌కు తరలించినట్లు పోలీసులు బుధవారం వెల్లడించారు. బిహార్‌లోని ముజఫర్‌పూర్‌ శివార్లలో ఉన్న ఝంజా గ్రామంలో గత శనివారం మధ్యాహ్నం 1:30 గంటలకు రోడ్డు దాటేందుకు 9 మంది విద్యార్థులు సిద్ధంగా ఉన్నారు. అదే సమయంలో తన ఎస్‌యూవీ కారులో అటుగా వెళ్తున్న బీజేపీ నేత మనోజ్ బైతా తన వాహనంతో విద్యార్థులను ఢీకొడుతూ వారిపైనుంచి దూసుకెళ్లాడు. మరో 20 మందిని వాహనంతో ఢీకొట్టారు. అనంతరం భయందోళనకు గురైన బైతా తన వాహనాన్ని అక్కడే వదిలి పరారైన విషయం తెలిసిందే. అయితే ఆ ప్రమాదంలో స్కూలు విద్యార్థులు 9 మంది అక్కడికక్కడే మృతిచెందగా, మరో 20 మంది గాయపడ్డారు.  బిహార్‌లోని ముజఫర్‌పూర్‌ శివార్లలో ఉన్న ఝంజా గ్రామంలో చోటుచేసుకుంది.   అదే ప్రమాదంలో గాయపడ్డ నిందితుడు బైతాను ముజఫర్‌పూర్‌కు  తీసుకెళ్తే మృతిచెందిన విద్యార్థుల తల్లిదండ్రులు, గాయపడ్డవారి బంధువులు, సన్నిహితులు దాడిచేసే ప్రమాదం ఉందని చికిత్స కోసం పాట్నాకు తరలించినట్లు తెలిపారు. కాగా, మద్యం మత్తులో వాహనం నడిపి చిన్నారుల మృతికి కారణమైన ప్రమాదంపై బీజేపీ నేతపై తీవ్ర విమర్శలు వెల్లువెత్తిన నేపథ్యంలో మనోజ్ బైతాను పార్టీ నుంచి ఆరేళ్లపాటు ఇదివరకే బహిష్కరించిన విషయం తెలిసిందే.


 న్యూఢిల్లీ :
 మెర్సిడిస్‌ హిట్‌ అండ్‌ రన్‌ కేసులో ప్రమేయమున్నట్టు ఆరోపణలు ఎదుర్కొంటున్న 27 ఏళ్ల బిజినెస్‌మెన్‌ సవ్నీత్‌ సింగ్ను ఢిల్లీ పోలీసులు బుధవారం అరెస్ట్‌ చేశారు. అతుల్‌ అరోరా అనే విద్యార్థి ఆదివారం రాత్రి స్కూటర్‌పై తన స్నేహితుడిని డ్రాప్‌ చేసి వస్తుండగా.. మెర్సిడెస్ కారు ఢీకొని అక్కడికక్కడే మృతి చెందిన విషయం తెలిసిందే. పశ్చిమ్‌ విహార్‌ ప్రాతంలో చోటు చేసుకున్న ఈ ఘటనలో.. 100 కిలోమీటర్లకు పైగా వేగంతో ప్రయాణించిన కారు విద్యార్థిని సుమారు 50 మీటర్ల మేర ఈడ్చుకెళ్లింది. ప్రమాదం జరిగాక కనీసం ఆగి కూడా చూడకుండా.. మెర్సిడెస్ కారులోని వ్యక్తి పరారయ్యాడు.
 
 సీసీటీవీ ఫుటేజీ ఆధారంగా ప్రమాదానికి కారణమైన వ్యక్తిని రాజౌరీ క్రైం బ్రాంచ్ పోలీసులు గుర్తించారు. ప్రమాదానికి కారణమైన మెర్సిడిస్‌ కారును కూడా పోలీసులు సీజ్ చేశారు. ఈ సంఘటన జరిగిన సమయంలో సవ్నీత్‌ సింగ్ పీకల్లోతు వరకు తాగి ఉన్నట్టు పోలీసులు అనుమానిస్తున్నారు. సవ్నీత్‌ సింగ్ తన స్నేహితునితో కలిసి రెస్టారెంట్‌కు వెళుతుండగా ఈ సంఘటన చోటుచేసుకుందని పోలీసులు తెలిపారు.
 
 బడాబాబుల విలువైన కార్లు ఢిల్లీ పౌరుల పాలిట శాపంగా మారుతున్నాయి. హై ఎండ్‌ వాహనాలు.. అదుపులేని వేగంతో దూసుకొస్తూ మనుషుల ప్రాణాలు బలిగొనడం ఇటీవల దేశ రాజధానిలో పరిపాటిగా మారింది. దక్షిణ ఢిల్లీ ప్రాంతంలో బీఎమ్‌డబ్ల్యూ కారు అతివేగం మూలంగా ఓ ఉబర్‌ డ్రైవర్‌ ప్రాణాలు కోల్పోయిన ఘటన జనవరిలో జరిగింది. అదే నెలలో ఢిల్లీ శివార్లలో జరిగిన మరో ఘటనలో ఆడీ స్పీడు.. ఓ మహిళా సాఫ్ట్‌వేర్ ఇంజనీర్‌తో సహా నలుగురిని పొట్టనబెట్టుకుంది. రోడ్డు ప్రమాదాల్లో 97 శాతం అతివేగం, నిర్లక్ష్య పూరిత డ్రైవింగ్ మూలంగానే జరుగుతున్నాయని రిపోర్టులు వెల్లడిస్తున్నాయి.


 న్యూఢిల్లీ: బాలీవుడ్ హీరో సల్మాన్‌ ఖాన్‌ను హిట్‌ అండ్ రన్‌ కేసు వెంటాడుతోంది. ఈ కేసును సుప్రీం కోర్టు విచారించనుంది. ఈ కేసులో బాంబే హైకోర్టు సల్మాన్ను నిర్దోషిగా ప్రకటించడాన్ని సవాల్ చేస్తూ మహారాష్ట్ర ప్రభుత్వం దాఖలు చేసిన పిటిషన్ను సుప్రీం కోర్టు విచారణకు స్వీకరించింది. కాగా వెంటనే విచారణను ప్రారంభించాలని మహారాష్ట్ర ప్రభుత్వం కోరగా, 6 నెలల తర్వాత విచారిస్తామని సుప్రీం కోర్టు పేర్కొంది.
 
 2002 సెప్టెంబర్ 28 అర్ధరాత్రి ఒక బార్‌లో మద్యం సేవించి,  మితిమీరిన వేగంతో డ్రైవింగ్ చేస్తూ సల్మాన్‌ బాంద్రా శివార్లలో పేవ్‌మెంట్‌పై పడుకున్న వారిపై వాహనంతో దూసుకెళ్లడంతో ఓ వ్యక్తి చనిపోగా, మరో నలుగురు తీవ్ర గాయపడ్డారన్న ఆరోపణలతో కేసు నమోదైంది. 13 ఏళ్ల సుదీర్ఘ నిరీక్షణ అనంతరం హిట్‌ అండ్‌ రన్‌ కేసులో సెషన్‌ కోర్టు సల్మాన్ను దోషిగా ప్రకటించి ఐదేళ్ల జైలుశిక్ష విధించింది. కాగా బాంబే హైకోర్టు సల్మాన్‌ఖాన్‌ను నిర్దోషిగా ప్రకటించి విడుదల చేసింది.


 సినిమాకూ, నిజజీవితానికీ చాలా తేడా ఉంటుంది. సినిమాలో డ్రామా ఉంటే..రియల్‌లైఫ్‌లో లైఫ్‌ మాత్రమే ఉంటుంది. అందుకేనేమో ఎక్కడలేని ఆసక్తినీ రేకెత్తించే సినిమా కథలే హిట్టై కూర్చుంటున్నాయి. సామాన్యుల జీవితాలేమో ఫట్‌మంటున్నాయి. సినిమా హీరోలు రారాజులుగా వెలుగుతుంటే.. వారిని ఆరాధించే సామాన్యుడు దిక్కులేని చావు చస్తున్నాడు. వారి చక్రాల కిందపడి నలిగిపోతున్నాడు. జీవితపు చరమాంకంలో ముంబై వీధుల్లో బిచ్చమెత్తుకు తిరిగిన రవీంద్ర పాటిల్‌ కూడా అలాగే నలిగిపోయాడు.
 
 మహారాష్ట్రలోని చాలామంది కుర్రాళ్లలాగే రవీంద్ర పాటిల్‌కు కూడా సల్మాన్‌ ఖాన్‌ అంటే చాలా ఇష్టం. చిన్నప్పటి నుంచీ అతడి కండలు తిరిగిన దేహాన్నే చూస్తూ పెరిగాడు. తన హీరోలాగే తానూ కండలు పెంచాలనుకున్నాడు. చివరకు పెంచాడు కూడా. ఈ దేహదారుఢ్యమే అతడిని పోలీస్‌ శాఖలో ఉద్యోగం సంపాదించేలా చేసింది. 1997లో ముంబై పోలీస్‌ డిపార్ట్‌మెంట్‌లో కానిస్టేబుల్‌గా చేరాడు. కెరీర్‌ ప్రారంభించిన రెండేళ్లకే ఉగ్రవాదుల ఆటకట్టించే ‘స్పెషల్‌ ఆపరేషన్‌ స్క్వాడ్‌’ కమాండోగా శిక్షణ కూడా పూర్తి చేసుకున్నాడు.
 
 సరిగ్గా అప్పుడే బాలీవుడ్‌ సూపర్‌స్టార్‌ సల్మాన్‌ఖాన్‌కు ముంబై అండర్‌వరల్డ్‌ నుంచి బెదిరింపులు మొదలయ్యాయి. తన ప్రాణాలకు ముప్పు ఉందని, రక్షణ కావాలనీ పోలీస్‌ కమిషనర్‌కు విన్నవించుకున్నాడు సల్మాన్‌. కమీషనర్‌ ఆదేశంతో బాడీగార్డ్‌ కోసం వేటలో పడ్డారు అధికారులు. ఆ సమయంలోనే వారి కంటపడ్డాడు రవీంద్ర పాటిల్‌. రూపంలో సల్మాన్‌కు పోటీగా ఉన్నాడు. ఓ రకంగా సల్మాన్‌ను మించిన ఫిజిక్‌తో పోలీసు అధికారుల దష్టిని ఆకర్షించాడు. ఇలాంటి వాడైతేనే సూపర్‌స్టార్‌కు సరైన జోడు అనుకున్నారో ఏమో.. స్పెషల్‌ ఆపరేషన్‌ స్క్వాడ్‌ నుంచి పాటిల్‌ను తప్పించారు. సల్మాన్‌కు బాడీగార్డ్‌గా పనిచేయమంటూ ఆదేశించారు.
 
 ఇది పాటిల్‌లో ఎక్కడలేని సంతోషాన్ని నింపింది. ఎగిరి గంతేశాడు. ‘‘ఇకపై సల్మాన్‌కు దగ్గరగా ఉండబోతున్నాను.. సల్మాన్‌ను రోజూ చూస్తాను.. సల్మాన్‌ కుటుంబంలో ఒకడిగా మారబోతున్నాను..’’ ఇలా ఒకటా రెండా బోలెడన్ని ఆలోచనలు అతడిని ఉక్కిరిబిక్కిరి చేశాయి. వెంటనే విధుల్లో చేరిపోయాడు. అయితే, ఆ రోజు అతడికి తెలియలేదు. అదే అతడి జీవితాన్ని సర్వనాశనం చేయబోతోందని..!
 
 రోజులు నెమ్మదిగా గడుస్తున్నాయి. సల్మాన్‌తో కలిసి తిరగడం వల్ల ప్రముఖులతో పరిచయాలు, భారీ పార్టీలు, ఖరీదైన గిఫ్టులు, బ్రాండెడ్‌ దుస్తులు.. ఇలా తన జీవితంలో ఎన్నడూ చూడని మార్పును చూస్తున్నాడు పాటిల్‌. సల్మాన్‌ను చూడాలని ఉందనే తన స్నేహితుల కోరికా కాదనేవాడు కాదు. ఎలాగోలా వారు సూపర్‌స్టార్‌ని కలిసేలా చేసేవాడు. దీంతో బంధుమిత్రుల దగ్గర పరపతినీ పెంచుకున్నాడు. అలా జీవితం కొన్నాళ్లు సాఫీగానే సాగింది.
 
 కానీ, 2002 సంవత్సరం పాటిల్‌ జీవితంపై కోలుకోలేని దెబ్బ కొట్టింది. సెప్టెంబర్‌ 28 అర్ధరాత్రి రోడ్డు పక్కన నిద్రిస్తున్న ఐదుగురి మీదుగా సల్మాన్‌ఖాన్‌కు చెందిన టయోటా ల్యాండ్‌ క్రూజర్‌ వెళ్లిపోయింది. ఈ ప్రమాదంలో ఓ వ్యక్తి మరణించగా మిగిలినవారు గాయపడ్డారు. అయితే, ఆ సమయంలో కారు వెనక సీటులో కూర్చున్న రవీంద్ర పాటిల్‌.. ప్రమాదానికి కారణం సల్మాన్‌ ఖాన్‌ తప్పతాగి డ్రైవ్‌ చేయడమేనని పేర్కొన్నాడు. తాను వద్దని వారిస్తున్నా, వినకుండా వేగంగా కారు నడిపాడని.. ఫలితంగా ప్రమాదం సంభవించిదనీ సమీప పోలీస్‌ స్టేషన్‌లో ఫిర్యాదు కూడా చేశాడు.
 
 ఇదే అతడి జీవితాన్ని తలకిందులు చేసింది. సల్మాన్‌ లాంటి హై ప్రొఫైల్‌ వ్యక్తికి వ్యతిరేకంగా సాక్ష్యం చెప్పినందుకు పోలీస్‌ డిపార్ట్‌మెంట్‌ నుంచీ, వెలుపలి నుంచీ పాటిల్‌ తీవ్ర ఒత్తిడి ఎదుర్కోవాల్సి వచ్చింది. ఉద్యోగంలో ఉన్నతాధికారుల వేధింపులు తాళలేకపోయాడు. కేసును ఉపసంహరించుకోవాల్సిందిగా ఎవరెన్ని చెప్పినా దానికి అంగీకరించలేదు. ఒకరోజు ఎవరికీ చెప్పకుండా అజ్ఞాతంలోకి వెళ్లిపోయాడు. అలా అదశ్యం కావడంతో కేసు విచారిస్తున్న న్యాయస్థానం పాటిల్‌పై అరెస్టు వారెంట్‌ జారీ చేసింది. దీంతో, 2006లో మహాబలేశ్వరంలో పోలీసుల చేతికి చిక్కి జైలు ఊచలు లెక్కపెట్టాడు. తర్వాత బెయిల్‌పై విడుదలైనా కుటుంబ సభ్యులు అతడిని ఆదరించలేదు. భార్య విడాకులు తీసుకుంది. ఎక్కువ కాలం విధులకు హాజరు కాలేదంటూ పోలీస్‌ శాఖ పాటిల్‌ను ఉద్యోగం నుంచి తప్పించింది. దీంతో, ముంబై వీధుల్లో బిచ్చమెత్తుకునే స్థితికి దిగజారాడు. మరోవైపు, అతడిని క్షయ వ్యాధి పట్టిపీడించింది. ఈ దశలో 2007లో బిచ్చమెత్తుకున్న డబ్బుతోనే ఆసుపత్రికి చేరాడు. అక్కడే అక్టోబర్‌ 4న కన్నుమూశాడు.
 
 తాను చనిపోవడానికి రెండ్రోజుల ముందు కలిసిన స్నేహితుడితో..,‘‘ఆ ప్రమాదం నా జీవితాన్ని సర్వనాశనం చేసింది’’ అని వ్యాఖ్యానించాడు. చివరి వరకూ ఒకే మాటపై నిలబడిన ఆ కానిస్టేబుల్‌ తుదిశ్వాస వరకూ న్యాయం జరుగుతుందనే భావించాడు!


 తిరునెల్వలి: హిట్‌ అండ్‌ రన్‌ కేసులో ఇద్దరు యువకులు మృతిచెందారు. ఈ ఘటన తమిళనాడులో నాగనూర్‌కు 25 కిలోమీటర్ల దూరంలో తిరునెల్వలి ప్రాంతంలో ఆదివారం చోటుచేసుకుంది. బైక్‌పై వెళుతున్న ఇద్దరు యువకులను ఎదురుగా వస్తున్న ఓ గుర్తు తెలియని వాహనం ఢీకొట్టింది.
 
 విజయనారాయణ గ్రామం నుంచి బైక్‌పై తిరిగివస్తుండగా గుర్తుతెలియని వాహనం ఢీకొట్టడంతో ఎస్‌. పరమశివన్‌ (18), సుదలిముత్తు (17) అనే ఇద్దరు యువకులు అక్కడిక్కడే మృతిచెందినట్టు పోలీసులు తెలిపారు. ఈ ప్రమాదానికి కారణమైన వాహనాన్ని గుర్తించేందుకు గాలింపు చర్యలు చేపట్టినట్టు పోలీసులు వెల్లడించారు.


 ఢిల్లీ: ప్రముఖ బాలీవుడ్‌ కండల వీరుడు సల్మాన్‌ఖాన్‌ హిట్‌ అండ్‌ రన్‌ కేసులో బుధవారం సుప్రీంకోర్టులో అఫిడవిట్‌ దాఖలు చేశాడు. ఈ  కేసు విషయంలో సల్మాన్‌ వివరణ ఇచ్చుకున్నాడు. తాను ఆ రోజు రాత్రి కారును నడపలేదని, డ్రైవరే కారును నడపినట్టు తెలిపాడు. కారు డ్రైవర్‌ స్టేట్‌మెంట్‌ను పోలీసులు రికార్డ్‌ చేయలేదని చెప్పాడు.
 
 కాగా, 2002లో ముంబైలోని బాంద్రా ప్రాంతంలో ఫుట్ పాత్ పై నిద్రిస్తున్నవారిపై నుంచి సల్మాన్ కారు నడపడంతో ఒ వ్యక్తి మరణించగా, మరో నలుగురికి గాయాలయ్యాయి. ఆ సమయంలో సల్మాన్ మోతాదుకు మించి మద్యం సేవించాడని రుజువైన కారణంగా ముంబై సెషన్స్ కోర్టు అతడికి  ఐదేళ్ల జైలు శిక్ష విధించింది.


 న్యూఢిల్లీ: హిట్ అండ్ రన్ కేసులో బాలీవుడ్ నటుడు సల్మాన్‌ఖాన్ నిర్దోషిత్వాన్ని సవాలు చేస్తూ మహారాష్ట్ర ప్రభుత్వం వేసిన అప్పీలుపై స్పందన తెలపాలని సుప్రీం కోర్టు  ఆయనను ఆదేశించింది. ‘సర్వోన్నత న్యాయస్థానంలో నిర్దోషిగా తేలడం ముఖ్యం. అదే చివరి నిరూపణ అవుతుంది’ అని పేర్కొంది.


  న్యూఢిల్లీ: 2002 నాటి హిట్ అండ్ రన్  కేసులో బాలీవుడ్ సూపర్ స్టార్ సల్మాన్ ఖాన్.. మద్యం తాగి వాహనం నడిపారని మహారాష్ట్ర సర్కారు సుప్రీంకోర్టుకు నివేదించింది. కేసులో సల్మాన్‌కు బాంబే హైకోర్టు క్లీన్ చిట్ ఇవ్వటంపై సుప్రీంలో సవాల్ చేసిన  సర్కారు.. శుక్రవారం సుప్రీంకోర్టులో వాదనలు వినిపించింది.
 
 ప్రభుత్వం తరపున వాదించిన అటార్నీ జనరల్ ముకుల్ రోహత్గీ.. ఘటన జరిగిన రోజు సల్మాన్ వాహనం నడుపగా.. ఆయన డ్రైవర్ వెనకాల సీట్లో ఉన్నారన్నారు. హైకోర్టు తీర్పుకు హేతుబద్ధత లేదని.. న్యాయ వ్యవస్థను అవహేళన చేసినట్లుందన్నారు. కేసు విచారణను కోర్టు ఈ నెల 12కు  వాయిదా వేసింది.


 న్యూఢిల్లీ: బాలీవుడ్ స్టార్ హీరో సల్మాన్‌ఖాన్‌ను హిట్‌ అండ్ రన్‌ కేసు వీడని నీడలా వెంటాడుతోంది. సుప్రీంకోర్టులో సల్మాన్ కు వ్యతిరేకంగా దాఖలయిన పిటిషన్ నేడు విచారణకు రానుంది. ఈ కేసులో సల్మాన్‌కు వ్యతిరేకంగా మహారాష్ట్ర ప్రభుత్వం గత నెల 22న సుప్రీంకోర్టులో స్పెషల్ లీవ్ పిటిషన్ వేసింది. సల్మాన్ ను నిర్దోషిగా ప్రకటిస్తూ గతంలో బొంబాయి హైకోర్టు ఇచ్చిన తీర్పును సవాల్‌ చేస్తూ ఆ రాష్ట్ర ప్రభుత్వం ఈ పిటిషన్ దాఖలు చేసిన విషయం అందరికీ విదితమే.
 
 13 ఏళ్ల సుదీర్ఘ నిరీక్షణ అనంతరం హిట్‌ అండ్‌ రన్‌ కేసులో బొంబాయి హైకోర్టు సల్మాన్‌ఖాన్‌ను నిర్దోషిగా ప్రకటించి విడుదల చేసింది. ఈ కేసుకు సంబంధించి ఆయనపై ఉన్న అన్ని అభియోగాలనూ హైకోర్టు తోసిపుచ్చింది. అంతకుముందు సెషన్‌ కోర్టు ఆయనను దోషిగా ప్రకటించి ఐదేళ్ల జైలుశిక్ష విధించింది. దీనిపై ఆయన బొంబాయి హైకోర్టును ఆశ్రయించడంతో ఊరట లభించింది.
 
 హిట్ అండ్ రన్ మొదలైందిలా...
 2002 సెప్టెంబర్ 28 అర్ధరాత్రి ఒక బార్‌లో మద్యం సేవించి,  మితిమీరిన వేగంతో డ్రైవింగ్ చేస్తూ సల్మాన్‌ బాంద్రా శివార్లలో పేవ్‌మెంట్‌పై పడుకున్న వారిపై వాహనంతో దూసుకెళ్లాడని, ఆ ఘటనలో ఒక వ్యక్తి చనిపోగా, మరో నలుగురు తీవ్ర గాయాల పాలయ్యారన్న ఆరోపణలతో ఈ బాలీవుడ్ నటుడిపై కేసు నమోదైంది.


 కోల్ కతా: ఫుల్లుగా తాగి నిర్లక్ష్యంగా కారు నడిపి యువ మిలటరీ అధికారిని ఢీకొట్టిన కేసులో నిందితులకు బెయిలిచ్చేందుకు కోర్టు నిరాకరించింది. వారిని ఈ నెల(జనవరి) 30 వరకు పోలీసుల కస్టడీకి అనుమతినిచ్చింది. రిపబ్లిక్ డేను పురస్కరించుకొని ఈ నెల 13న రెడ్ రోడ్డు ఏరియాలో వైమానిక దళ సైనికులు రిహార్సల్స్ చేస్తుండగా సాంబియా సోహ్రాబ్, సోనూ అలియాస్ షానవాజ్ ఖాన్ వేగంగా ఆడి కారులో వెళుతూ అభిమన్యు గౌడ్ అనే సైనికుడిని ఢీకొట్టారు.
 
 అనంతరం అక్కడి నుంచి పారిపోయారు. దీంతో కోల్ కతా పోలీసులు ఢిల్లీ పోలీసుల సహాయంతో వారిని ఒక్కొక్కరిగా అదుపులోకి తీసుకొని కోర్టులో హాజరుపరిచారు. ఈ సందర్భంగా నిందితులు బెయిల్ పిటిషన్ పెట్టుకోగా కోర్టు బెయిలిచ్చేందుకు నిరాకరించింది. వీరిలో సాంబియా ఆర్జేడీ మాజీ ఎమ్మెల్యే మహ్మద్ సోహ్రాబ్ కుమారుడు. వీరిపై హత్య, నేరపూరిత కుట్ర, సాక్ష్యాలను మాయం చేయాలని ప్రయత్నించడం, హానీ కలిగించడంవంటి ఆరోపణల పేరిట కేసులు నమోదు చేశారు.
  


 కోల్ కతా: పశ్చిమ బెంగాల్ రాజధాని కోల్ కతాలో సంచలనం సృష్టించిన హిట్ అండ్ రన్ కేసులో మరొకరిని పోలీసులు అరెస్ట్ చేశారు. తృణమూల్ కాంగ్రెస్ పార్టీ నేత కుమారుడు సాంబియా సోహ్రాబ్ స్నేహితుడు సోనూను కోల్ కతా పోలీసు విభాగానికి చెందిన ఎస్టీఎఫ్ అధికారులు ఆదివారం రాత్రి ఢిల్లీలో అదుపులోకి తీసుకున్నారు.
 
 ఈ నెల 13న సాంబియా, అతడి మిత్రులు ఆడీ కారుతో వైమానిక దళ అధికారి అభిమాన్యు గౌడ్(21) ఢీకొట్టి పారిపోయారు. రిపబ్లిక్ డే పరేడ్ ప్రాక్టీస్ లో పాల్గొన్న ఆ అధికారి ప్రాణాలు కోల్పోయారు. శనివారం రాత్రి సాంబియాను పోలీసులు పట్టుకున్నారు. ఆదివారం అతడిని కోర్టులో హాజరుపరిచారు. అతడికి బెయిల్ ఇచ్చేందుకు కోర్టు నిరాకరించింది. ఈ నెల 30 వరకు పోలీసు కస్టడీకి పంపింది. కాగా, ప్రమాదం జరిగిన సమయంలో సాంబియా, అతడి స్నేహితులు మద్యం సేవించివున్నారని పోలీసులు గుర్తించారు.


 ముంబై: ఈ ఏడాదంతా బాలీవుడ్ హీరో సల్మాన్ ఖాన్‌కు మంచి రోజులే. ఆయన నటించిన ‘బజరంగీ భాయ్‌జాన్’ చిత్రం బాక్సాఫీస్ వద్ద 300 కోట్ల రూపాయలను వసూలు చేసింది. ఇటీవలే విడుదలైన ‘ప్రేమ్ రతన్ ధన్ పాయో’ చిత్రం 200 కోట్ల రూపాయలను వసూలు చేసింది. 2002 నుంచి కార్ యాక్సిడెంట్ కేసులో దోషిగా ఎదుర్కొంటున్న ఆరోపణల నుంచి బయటపడడం మామూలు విజయం కాదు. డిసెంబర్ 27వ తేదీన 50వ పుట్టిన రోజును జరుపుకుంటున్న సల్మాన్ ఖాన్‌కు ఇంతకన్నా పెద్ద గిఫ్ట్ ఎవరివ్వగలరు!
 
 కారు యాక్సిడెంట్ కేసులో సల్మాన్ ఖాన్ నిర్దోషి అంటూ బాంబే హైకోర్టు గురువారం తీర్పు ఇచ్చిన విషయం తెల్సిందే. దీన్ని సుప్రీంకోర్టులో సవాల్ చేస్తామంటూ మహారాష్ట్ర ప్రభుత్వం ప్రకటించడం వేరే విషయం. ప్రస్తుతానికి కోర్టు కేసులో విజయం ఆయనదే. అచ్చం ఆయన డిక్టేట్ చేసిన స్క్రిప్ట్‌లాగా ఈ ఏడాది ఆయనకు గడచిపోతోంది.
 
 1990 దశకంలో బాలీవుడ్ బ్యాడ్ బాయ్‌గా ముద్రపడిన సల్మాన్ ఖాన్ క్రమక్రమంగా నిజమైన హీరోగా, గుడ్ బాయ్‌గా అభిమానుల మెప్పు సంపాదించడం సాధారణ విషయమేమి కాదు. బాలీవుడ్ కండల వీరుడిగా అస్తమానం అమ్మాయిలతో గొడవ పడడం, మద్యం మత్తులో ఎవరిపై పడితే వారిపై చేయి చేసుకుంటూ మీడియాలో సంచలనం సృష్టిస్తూ కారు యాక్సిడెంట్ కేసులో ఇరుక్కొని పూర్తిస్థాయి బ్యాడ్ బాయ్‌గా ముద్రపడిన విషయం తెల్సిందే. కారు యాక్సిడెంట్ నుంచి వచ్చిన గుణపాఠమో లేక ఆయన విధేయ మేనేజర్ రేష్మ శెట్టిలాంటి వారి సలహాలు, సూచనలు బుద్ధిగా పాటిస్తూ రావడమో స్పష్టంగా తెలియదుగానీ తనదైన నడతను మార్చుకుంటూ వచ్చి ప్రస్తుతం లక్షలాది అభిమానులకు ప్రేమ పాత్రుడయ్యారు.


 ముంబై: హిట్ అండ్ రన్ కేసులో బాలీవుడ్ హీరో సల్మాన్ ఖాన్ భవిషత్తేమిటో ఈ వారం తేలనుంది. 2002నాటి ఈ కేసులో సల్మాన్ ఖాన్ కు ఐదేళ్ల జైలు శిక్ష పడిన సంగతి తెలిసిందే. ఈ శిక్షను సవాలు చేస్తూ ఆయన దాఖలుచేసిన అప్పీలుపై బొంబాయి హైకోర్టు ఈ వారంలోనే తీర్పు ఇవ్వనుంది. ఈ కేసులో వాదనలు ఆదివారంతో ముగిశాయి. సోమవారం నుంచి తీర్పు డిక్టేషన్ ను ప్రారంభిస్తానని న్యాయమూర్తి ఏఆర్ జోషీ తెలిపారు. 2002లో తాగి వాహనం నడిపి పేవ్ మెంట్ మీద పడుకున్న ఓ వ్యక్తిని ఢీకొని.. అతని మరణానికి కారణమైనట్టు సల్మాన్ ఆరోపణలు ఎదుర్కొంటున్నాడు. ఈ కేసులో 49 ఏళ్ల సల్మాన్ కు సెషన్ కోర్టు ఐదేళ్ల జైలుశిక్ష విధించింది. ఐపీసీ ప్రకారం అతనిపై పలు అభియోగాలు రుజువైనట్టు కింది కోర్టు పేర్కొంది.
 
 ఈ తీర్పుపై సల్మాన్ బొంబాయి హైకోర్టును ఆశ్రయించగా.. న్యాయస్థానం వాదనలు వినడానికి ముందే ఆయనకు బెయిల్ మంజూరుచేసింది. 2002 సెప్టెంబర్ 28న 'రాణి బార్ అండ్ రెస్టారెంట్'లో మద్యాన్ని సేవించిన సల్మాన్ టయోటా లెక్సెస్ కారును స్వయంగా నడుపుతూ ఓ షాపులోకి దూసుకెళ్లాడని, దీంతో ఒక వ్యక్తి మరణించగా.. నలుగురు గాయపడ్డారని ప్రాసిక్యూషన్ వాదిస్తుండగా.. ఆ సమయంలో కారు నడిపింది సల్మాన్ కాదు ఆయన కుటుంబ డ్రైవర్ అమిత్ దేశాయ్ అని సల్మాన్ తరఫు న్యాయవాది పేర్కొంటున్నారు.


 ముంబై: హిట్ అండ్ రన్ కేసులో బాలీవుడ్ హీరో సల్మాన్ ఖాన్కు సెషన్స్ కోర్టు ఐదేళ్లు జైలు శిక్ష విధించడం సబబేనని, అతను నేరం చేసినట్టు నిరూపితమైందని బాంబే హైకోర్టులో పబ్లిక్ ప్రాసిక్యూటర్ సందీప్ షిండే వాదించినట్టు సమాచారం. జాతీయ మీడియాలో వచ్చిన కథనం ప్రకారం.. నిందితుడు సల్మాన్ ఖాన్పై ఎలాంటి కనికరం చూపాల్సిన అవసరం లేదని, కింది కోర్టు విధించిన శిక్షను అమలు చేయాలని సందీప్ షిండే హైకోర్టును కోరారు.
 
 2002 నాటి హిట్ అండ్ రన్ కేసులో సల్మాన్ ఖాన్ను దోషిగా పేర్కొన్న ముంబై సెషన్స్ కోర్టు అతడి ఐదేళ్ల జైలు శిక్షను ఖరారు చేయగా.. బాంబే హైకోర్టు ఆ తీర్పును రద్దు చేసిన సంగతి తెలిసిందే. ఈ కేసు విచారణ ప్రస్తుతం బాంబే హైకోర్టులో సాగుతోంది. కింది కోర్టు తీర్పును రద్దు చేయాలంటూ సల్మాన్ దాఖలు చేసిన పిటిషన్ను జస్టిస్ ఏ ఆర్ జోషి విచారిస్తున్నారు. కోర్టులో సందీప్ షిండే, ప్రాసిక్యూటర్ పూర్ణిమా కంథారియా తమ వాదనలు వినిపిస్తూ.. 'ప్రమాదం జరిగిన సమయంలో సల్మాన్ మద్యం సేవించాడు. ఆ మరుసటి రోజు వైద్య పరీక్షల కోసం అతడిని ఆస్పత్రికి తీసుకువచ్చినపుడు మద్యం తాగినట్టు వాసన వచ్చింది' అని కోర్టుకు తెలియజేసినట్టు సమాచారం. ప్రమాదం జరిగిన సమయంలో సల్మాన్ కారు డ్రైవర్ అశోక్ సింగ్ వాహనాన్ని నడుపుతున్నాడని, టైరు పేలడంతో వాహనం అదుపుతప్పి ఫుట్పాత్పైకి దూసుకెళ్లిందన్న సల్మాన్ తరపు న్యాయవాదుల వాదనను తోసిపుచ్చారు. ప్రమాద స్థలంలో సల్మాన్ ఉన్నాడని సందీప్ షిండే, పూర్ణిమా కంథారియా కోర్టు దృష్టికి తీసుకువచ్చారు.
  


 న్యూఢిల్లీ: బాలీవుడ్ నటుడు సల్మాన్ ఖాన్ కు మరో ఊరట లభించింది. హిట్ అండ్ రన్ కేసులో దోషిగా నిరూపితుడైన సల్మాన్ కు ముంబై హైకోర్టు మంజూరు చేసిన బెయిల్ ను సవాలు చేస్తూ దాఖలైన పిటిషన్ ను సుప్రీంకోర్టు సోమవారం తిరస్కరించింది.
 
 హిట్ అండ్ రన్ కేసులో గడిచిన మే 8న ముంబై సెషన్స్ కోర్టు  సల్మాన్కు ఐదేళ్ల జైలు శిక్ష విధించిన సంగతి తెలిసిందే. శిక్షపడిన కొన్నిగంటల్లోనే ఆయన న్యాయవాదులు హైకోర్టును ఆశ్రయించడంతో మొదట రెండు రోజుల పాటు తాత్కాలిక బెయిల్ లభించింది. ఆతర్వాత బెయిల్ గడువును మరింతకాలం పొడిగించిన సంగతి విదితమే.


 బీజింగ్: చైనాలో విషాదకర సంఘటన జరిగింది. హిట్ అండ్ రన్ కేసులో ఓ వ్యక్తి తల్లి ప్రాణాలు తీశాడు. తాను చేసిన యాక్సిడెంట్లో చనిపోయింది తల్లేనని ఆలస్యంగా తెలుసుకున్న నిందితుడు పోలీసులకు లొంగిపోయాడు.
 
 చైనాలో హుబీ ప్రావిన్స్లో ఓ వ్యక్తి తన కొడుకుతో కలసి మోటార్ సైకిల్పై అతివేగంగా వెళ్తూ ఇద్దరు మహిళలను ఢీకొట్టాడు. వారికి సాయం చేద్దామని కొడుకు చెప్పినా వినకుండా ఆ వ్యక్తి అక్కడి నుంచి పారిపోయాడు. తీవ్రంగా గాయడిపన ఇద్దరు మహిళల్లో ఒకరు ప్రమాద స్థలంలో మరణించగా, మరొకరు ఆస్పత్రిలో చనిపోయారు. అనంతరం నిందితుడికి అసలు విషయం తెలిసింది. హిట్ అండ్ రన్ లో ప్రాణాలు కోల్పోయిన ఇద్దరు మహిళల్లో తన తల్లి కూడా ఉందని తెలుసుకున్నాడు. మరుసటి రోజు పోలీస్ స్టేషన్కు వెళ్లి లొంగిపోయాడు.


 న్యూఢిల్లీ: బాలీవుడ్ హీరో సల్మాన్ ఖాన్ తరువాత వేరొక హిట్ అండ్ రన్ కేసులో దోషిగా తేలిన వ్యక్తికి బెయిల్ లభించింది. బీఎండబ్ల్యూ కారుతో ఇద్దరిని ఢీకొట్టి పారిపోయిన ఘటనలో దోషిగా తేలిన గుజరాత్ వైద్యుడి కుమారుడు విస్మయ్ షాకు సోమవారం సుప్రీంకోర్టు బెయిల్ మంజురు చేసింది.
 
 విస్మయ్.. 2013లో బీఎండబ్ల్యూ కారుతో ఇద్దరిని ఢీకొట్టి పారిపోయాడు. కేసు నిరూపణ కావడంతో అతడికి స్థానిక కోర్టు అయిదేళ్ల జైలు శిక్ష, రూ.25వేల జరిమానా విధించింది. కారుతో ఢీ కొట్టడంతో ఇద్దరు వ్యక్తులు మృతిచెందారు. మృతిచెందిన వారి కుటుంబాలకు రూ.5లక్షల చొప్పున నష్టపరిహారం చెల్లించాల్సిందిగా కోర్టు ఆదేశించింది. విస్మయ్‌ తండ్రి అమిత్‌షా అహ్మదాబాద్‌లో కంటి వైద్య నిపుణులు. నిన్న సల్మాన్, ఇవాళ విస్మయ్.. ఇలా దోషులకు వరుసగా బెయిల్ లభిస్తుండటం సర్వత్రా చర్చనీయాంశమైంది.


 ముంబై: 1993 ముంబై పేలుళ్ల దోషి యాకుబ్ మెమన్ ఉరిశిక్షకు వ్యతిరేకంగా బాలీవుడ్ హీరో సల్మాన్ ఖాన్ చేసిన ట్వీట్లపై బీజేపీ ఆగ్రహం వ్యక్తం చేసింది. వెంటనే హిట్ అండ్ రన్ కేసులో ఆయన బెయిల్ను రద్దు చేయాలని డిమాండ్ చేసింది. ఈ విషయంలో వెంటనే జోక్యం చేసుకొని సల్మాన్ బెయిల్ను రద్దు చేసేలా చూడాలంటూ ముంబై బీజేపీ అధ్యక్షుడు ఆశిష్ షెలార్ మహారాష్ట్ర గవర్నర్ సీహెచ్ విద్యాసాగర్రావుకు వినతి పత్రం సమర్పించారు.
 
 ఈ సందర్భంగా ఆశిష్ మీడియాతో మాట్లాడుతూ ఓ దోషికి సల్మాన్ మద్దతు తెలపడం తనను తీవ్రంగా బాధపెట్టిందని, ఒక నేరానికి మద్దతు తెలిపిన ఆయన బెయిల్ రద్దు చేయాలని గవర్నర్కు లేఖ ఇచ్చినట్లు స్పష్టం చేశారు. యాకూబ్ మెమన్ పెద్ద సంఖ్యలో మారణ హోమానికి పాల్పడ్డారని చెప్పారు. ఇదిలా ఉండగా, సల్మాన్ నివాసం ముందు బీజేపీ యువజన విభాగం బీజేపీ యువ మోర్చా ఆందోళన నిర్వహిస్తోంది.  
  


 న్యూఢిల్లీ: బాలీవుడ్ కండల వీరుడు సల్మాన్ ఖాన్ కు హిట్ అండ్ రన్ కేసులో మంజూరైన బెయిల్ ను రద్దు చేయాలని కోరుతూ దాఖలైన పిటిషన్ ను సుప్రీంకోర్టు విచారణకు స్వీకరించింది. గత రెండు నెలల క్రితం సల్మాన్ కు బాంబే హైకోర్టు బెయిల్ మంజూరు చేసిన సంగతి తెలిసిందే. అయితే దీన్ని సవాల్ చేస్తూ ఇటీవల దాఖలైన పిటిషన్ పై విచారణ చేపట్టేందుకు మంగళవారం సుప్రీం అంగీకారం తెలిపింది.
 
 
 సల్మాన్ కు  హిట్ అండ్ రన్ కేసులో కింది కోర్టు విధించిన ఐదేళ్ల జైలు శిక్షను బాంబే హైకోర్టు సస్పెండ్ చేస్తూ.. సల్మాన్ కు బెయిల్ మంజూరు చేసింది.


 ముంబై: ‘హిట్ అండ్ రన్’ కేసులో పడిన ఐదేళ్ల జైలుశిక్షను సవాలు చేస్తూ బాలీవుడ్ నటుడు సల్మాన్‌ఖాన్ దాఖలు చేసిన అప్పీలు విచారణను బాంబే హైకోర్టు జూలై 13కు వాయదా వేసింది. సల్మాన్ న్యాయవాది అమిత్ దేశాయ్ విజ్ఞప్తి మేరకు కోర్టు ఈ నిర్ణయం తీసుకుంది. ‘పేపర్‌బుక్’ (ఆధారాలు, పత్రాల నివేదిక)ను ఇరుపక్షాలకు కోర్టు ఇదివరకే అందజేసింది.
 
 అయితే డాక్యుమెంట్లు సరిగ్గా ఉన్నాయో లే దో సరిచూసుకోడానికి మూడువారాల గడువు ఇవ్వాలని కోర్టుకు అమిత్ విజ్ఞప్తి చేశారు. డాక్యుమెంట్లలో ఏవైనా వేరే భాషల్లో ఉంటే వాటిని ఇంగ్లిష్‌లోకి అనువదించుకోవాల్సి ఉంటుందని కోర్టుకు తెలిపారు. ఆధారాలు పోగొట్టుకు పోయాయేమో సరిచూసుకోవాల్సి ఉంటుందని చెప్పారు. దీనిపై స్పందించిన జస్టిస్ ఏఆర్ జోషీ.. డాక్యుమెంట్లను సరిచేసుకునేందుకు జూలై 13 వరకు గడువిచ్చారు.


 ముంబై:ఎంతో ప్రతిష్టాత్మకంగా చేపట్టిన ఆర్టీఐ(సమాచారహక్కు చట్టం) నిర్వీర్యం అవుతోందా?, సమాచార హక్కు చట్టం ప్రభుత్వ నిర్లక్ష్యానికి గురవుతోందా? అంటే అవుననే పరిస్థితులే కనిపిస్తున్నాయి. బాలీవుడ్ కండల వీరుడు సల్మాన్ ఖాన్ హిట్ అండ్ రన్ కేసులో కీలకమైన సమాచారం అగ్గిపాలు అయిందంటూ అధికారులు ఇచ్చిన సమాధానం ఇందుకు మరింత బలాన్నిస్తుంది. ఇటీవల ఆ కేసుకు సంబంధించిన ముఖ్యమైన సమాచారాన్ని తెలుసుకునేందుకు ఆర్టీఐ ఉద్యమ కారుడు మన్సూర్ దర్వేష్ దాఖలు చేసుకున్న పిటిషన్  కు ..  ఆ పేపర్లు కాలిపోయాయని ప్రభుత్వం నుంచి వచ్చిన సమాధానం ఆందోళన కలిగిస్తోంది.
 
 2002 నాటి సల్మాన్ ఖాన్ హిట్ అండ్ రన్ కేసులో ప్రభుత్వం నుంచి నియమితులైన న్యాయ సలహాదారులు, న్యాయవాదులు, పబ్లిక్ ప్రాసిక్యూటర్ తదితర వివరాలను తెలుసుకునేందుకు దర్వేష్ పిటిషన్ దాఖలు చేసుకున్నాడు. అయితే ఆ కేసుకు సంబంధించి తమ దగ్గర ఎటువంటి సమాచారం అందుబాటులో లేదని.. జూన్ 21, 2012న సచివాలయంలో సంభవించిన అగ్నిప్రమాదంలో సల్మాన్ కేసు పేపర్లు బూడిద అయిపోయాయని ఆర్టీఐ అధికారులు సమాధానం ఇచ్చారు.  దీనిపై దర్వేష్ మండిపడుతున్నాడు. ఎటువంటి అవతవకలు లేకండా ఆ కేసు దర్యాప్తు జరుపుతామని ప్రభుత్వం ప్రజలకు ముందు హామీ ఇచ్చిన సంగతిని ఆయన గుర్తు చేశారు. ఆ కేసు విచారణ నిష్పక్షపాతంగా జరగాలంటే ప్రభుత్వం తిరిగి ఆ ఫైల్స్ ను పునరుద్ధరించాలని దర్వేష్ విజ్ఞప్తి చేశాడు.


 - కమాల్ వాంగ్మూలంలో కీలక అంశాలు
 - సల్మాన్ ఇరకాటంలో పడే అవకాశం
 సాక్షి, ముంబై: హిట్ అండ్ రన్ కేసులో మరో ప్రత్యక్ష సాక్షి, గాయకుడు కమాల్ ఖాన్ పోలీసు స్టేషన్‌లో ఇచ్చిన వాంగ్మూలంలో అనేక కీలక అంశాలు వెలుగుచూశాయి. సల్మాన్ ఖాన్‌కు బెయిల్ లభించడంలో కీలక పాత్ర పోషించిన డిఫెన్స్ లాయర్ కమాల్ ఖాన్ ఎందుకు విచారించలేదని, ఆయన సాక్ష్యం ఎందుకు తీసుకోలేదని ప్రశ్నించారు.
 
 అయితే ముంబై పోలీసుల వద్ద కమాల్ ఖాన్ చెప్పిన సాక్ష్యం ఉందని తెలిసింది. ముంబై పోలీసులకు కమాల్ ఖాన్ లిఖిత పూర్వకంగా తెలిపిన వివరాల్లో అనేక విషయాలు భిన్నంగా ఉన్నాయి. ఆయన చెప్పిన సాక్ష్యంతో సల్మాన్ ఖాన్ ఇరకాటంలో పడే అవకాశాలు కన్పిస్తున్నాయి. ప్రమాదం జరిగిన సమయంలో కారులో సల్మాన్‌తోపాటు బాడీగార్డు రవీంద్ర పాటిల్, తాను ఉన్నానని కమాల్ పేర్కొన్నారు.
 
 కారు నడిపింది సల్మాన్: కమాల్
 ‘2002 సెప్టెంబరు 27న రాత్రి నేను సల్మాన్ కలిసేందుకు ఆయన ఇంటికి వెళ్లాను. అక్కడ డిన్నర్ చేయాలన్న ప్లాన్ చేశాం. సల్మాన్ ఖాన్‌తోపాటు ఆయన బాడిగార్డు, నేను ల్యాండ్ క్రూజర్ కారులో జుహూ నుంచి రైన్ హోటల్ కు వెళ్లాం. సల్మాన్ ఖాన్ సోదరుడు సోహెల్‌తోపాటు బాడిగార్డు మరో కారులో అక్కడికి వచ్చారు. రాత్రి 11 గంటలకు అక్కడికి చేరాం. సల్మాన్,సోహైల్, నేను సర్వీసు కౌంటర్ వద్ద స్నాక్స్ తీసుకున్నాం. రెండు గంటల తర్వాత మేము తెలుపు రంగు ల్యాండ్  క్రూజర్ కారులో జెడబ్ల్యూ మెరియట్ హోటల్‌కు చేరుకున్నాం. అక్కడ కొంతసేపు ఉన్నతర్వాత అక్కడి నుంచి బయలుదేరాం.
 
 సల్మాన్ ఖాన్ డ్రైవ్ చేయసాగాడు. ఆయన పక్కన సీట్లో బాడిగార్డు కూర్చున్నాడు. నేను డ్రైవర్ వెనుకాల సీట్లో కూర్చున్నాను. మేము ఇంటివైపు వెళ్తూ ఉన్నాం. సెయింట్ అండ్రూస్ రోడ్డుపై నుంచి హిల్ రోడ్డు వరకు వచ్చాం. అక్కడ ఓ రైట్ టర్న్ తీసుకుంటుండగా సల్మాన్ కారు కంట్రోల్ కాలేదు. కారు ఓ భవనం వద్ద ఫుట్‌పాత్‌పైకి ఎక్కి భవనంలోకి దూసుకెళ్లింది. అదే సమయంలో అరుపులు విన్నాం. కారు దగ్గర ప్రజలు గుమిగూడారు. సల్మాన్ బయటికి రా అంటూ కొందర అరుస్తున్నారు. కొందరు గాయలైనవారికి సాయం చేస్తున్నారు. ఎప్పుడైతే మేము కారులో నుంచి దిగామో అప్పుడు కొందరు మా వద్దకి వచ్చి తోయసాగారు.
 
 సల్మాన్ ఖాన్ బాడిగార్డు అక్కడున్నవారికి నేను పోలీసునని చెప్పడంతో జనం కొంత శాంతించారు. ఈ సమయంలో నా సెల్ ఫోన్ కిందపడిపోయింది. నేను సల్మాన్ ఖాన్ ఇంటివైపు పరుగెత్తి వాచ్‌మెన్‌ను పిలిచాను. సల్మాన్ ఖాన్ కారు ప్రమాదానికి గురైందని సోహెల్ ఖాన్‌కు ఫోన్ చేయమని చెప్పాను. సోహెల్ ఖాన్‌కు ఈ విషయం చెప్పిన అనంతరం నేను కొంత సమయం వాచ్‌మెన్ కుర్చీలో కూర్చున్నాను. అనంతరం నేను ఇంటికి ఆ తర్వాత అక్కడి నుంచి లోనవాలా వెళ్లాను.’ అని కమాల్ తన వాంగ్మూలంలో పేర్కొన్నాడు.
  
 బెయిల్‌పై అనేక అనుమానాలు
 హిట్ అండ్  రన్ కేసులో బాలీవుడ్ నటుడు సల్మాన్ ఖాన్‌కు బెయిల్ లభించిన తీరుపై అనేక అనుమానాలు వ్యక్తమవుతున్నాయి. బెయిలు మంజూరుకోసం కారణాలను ృసష్టించారా అనే అనుమానాన్ని ముంబై సేషన్స్ కోర్టు ప్రభుత్వ న్యాయవాది ప్రదీప్ ఘరాత్ వ్యక్తం చేశారు. ముంబై సెషన్స్ కోర్టులో న్యాయమూర్తి ఇచ్చిన తీర్పు కాపీ అందకపోవడంతో తాత్కాలికంగా రెండు రోజుల బెయిల్‌ను హై కోర్టు మంజూరు చేసిన సంగతి తెలిసిందే.
 
 కాని ముంబై సేషన్స్ కోర్టు న్యాయమూర్తి దేశ్‌పాండే ప్రకటించిన తీర్పును టైప్ చేసే సమయంలో కోర్టులో విద్యుత్ సరఫరా నిలిచిపోయిందని ప్రదీప్ ఘరాత్ మీడియాకు తెలిపారు. సల్మాన్ ఖాన్ కేసులో తీర్పును టైప్ చేసే సమయంలో రెండు గంటలపాటు విద్యుత్ సరఫరా నిలిచిపోవడంపై పలు అనుమానాలకు తావిస్తోందని ఆయన అన్నారు. ముంబైలో సాధారణంగా విద్యుత్ సరఫరా నిలిచిపోవడం అరుదని అన్నారు. విద్యుత్ సరఫరా నిలిచిపోవడంతో తీర్పును టైప్ చేయడంలో జాప్యమయిందని, తద్వారా బెయిల్ లభించేందుకు సల్మాన్ ఖాన్‌కు అవకాశం లభించిందని ఘరాత్ చెప్పడం విశేషం.


 ముంబై: హిట్ అండ్ రన్ కేసులో బాంబే హైకోర్టు నుంచి బెయిల్ పొందిన బాలీవుడ్ నటుడు సల్మాన్ ఖాన్ సెషన్స్ కోర్టు ఫార్మాలటీస్ అన్నింటినీ పూర్తి చేసి శుక్రవారం సాయంత్రం ఇంటికి చేరుకున్నాడు. సల్మాన్ రూ.30 వేల పూచీకత్తుతో పాటు, పాస్ పోర్టును కూడా సెషన్స్ కోర్టుకు సమర్పించారు. తొలుత ఈరోజు హైకోర్టులో కేసు విచారణ జరిగే సమయంలో సల్మాన్ వ్యక్తిగతంగా  హాజరుకాలేదు. విచారణ సమయంలో ఆయన బాంద్రాలోని ఇంట్లో ఉన్నారు. అయితే బెయిల్ మంజూరు కావడంతో సెషన్స్ కోర్టుకు సల్మాన్ హాజరయ్యాడు.
 
 అంతకుముందు ముంబై సెషన్స్ కోర్టు సల్మాన్ ఖాన్ కు ఐదేళ్ల జైలుశిక్ష విధించిన సంగతి తెలిసిందే. దీనిపై బెయిల్ పిటిషన్ దాఖలు చేసిన సల్మాన్ కు హైకోర్టులో ఉపశమనం లభించింది. దీంతోపాటు సెషన్స్ కోర్టు తీర్పును కూడా హైకోర్టు సస్పెండ్ చేసింది. హైకోర్టు న్యాయమూర్తి జస్టిస్ ఏ ఎం తిప్సే ఈ మేరకు ఉత్తర్వులు జారీచేశారు. వ్యక్తిగత పూచీకత్తుతో పాటు 30 వేల రూపాయల బాండ్ సమర్పించాల్సిందిగా సల్మాన్ ను ఆదేశించారు. సల్మాన్ తరపున సీనియర్ న్యాయవాది అమిత్ దేశాయ్ వాదనలు వినిపించారు.


 హిట్ అండ్ రన్...హిట్‌కు ఎన్నో కారణాలుండొచ్చు. రక్తంలో మద్యం మత్తు ఎక్కువైతే 'హిట్' జరుగొచ్చు. రక్తంలో మానవత్వం ఆనవాళ్లు లేకపోతే, మదాంధకారం ఎక్కువైతేనే 'రన్'. అవినీతి వ్యవస్థ అండగా నిలుస్తోందన్న విశ్వాసం ఉంటే... అర్థ, అంగబలంతో బయటపడొచ్చని అర్థం చేసుకుంటే 'రన్'... హిట్ అండ్ రన్ కేసులో బాలీవుడ్ సూపర్ స్టార్ సల్మాన్ ఖాన్ మొదటిసారి యాక్సిడెంట్ జరిగిన రోజున 'రన్' (పారిపోయాడు), అవినీతి వ్యవస్థను ఆసరా చేసుకొని గత 13 ఏళ్లుగా 'రన్'....
 
 నేను కూడా 'హిట్ అండ్ రన్'  కేసులో బాధితుడినే. 1998లో నాకు పెళ్లయింది. నా భార్య గర్భవతి. అదే సంవత్సరం అక్టోబర్ నెలలో ఓ రోజు, మధ్యాహ్నం 2 గంటల సమయం... నేను ఆటోలో వెళ్తున్నాను. సల్మాన్ ఖాన్ యాక్సిడెంట్ చేసిన ఆమెరికన్ ఎక్స్‌ప్రెస్ బేకరీకి దగ్గరిలోనే ఉన్నాను. ఇంతలో ర్యాష్‌గా వచ్చిన ఓ కారు నేను ప్రయాణిస్తున్న ఆటోను బలంగా ఢీకొంది. ఆటో తలకిందులైంది. ఆటో కింద నా కాలు చిక్కుకుపోవడం వల్ల కాలు నుజ్జునుజ్జు అయింది. కారు డ్రైవర్ సీటులో నుంచి ఓ యువతి, ఆమెతోపాటు ఆమె స్నేహితురాలు దిగారు. కాకతాళీయంగా ఆ యువతి పాలీహిల్‌లో ఉంటున్న ఓ సినీ ప్రముఖుడి కూతురు. నా పరిస్థితిని చూసి వెంటనే ఆ యువతి కారెక్కి పారిపోయింది. నుజ్జునుజ్జయిన నా కాలు నుంచి రక్తం చిమ్ముతోంది. నన్ను చూసిన బాటసారులకు నాకు ఎలా సాయం చేయాలో అర్థం కాలేదు. ఇంతలో రెండు బలమైన చేతులు వచ్చి నన్ను పసిపిల్లాడిలా ఎత్తుకొని, తన కారులో కూర్చోబెట్టుకున్నాయి. నేను చచ్చిపోతానా? అని ఆ బలమైన చేతుల ఆసామిని అడిగాను. ఏం చావవంటూ భరోసా ఇచ్చాడు. నన్ను సమీపంలోని ఆస్పత్రిలో చేర్చి, నా ద్వారా ఇంటి ఫోన్ నెంబర్ తీసుకొని ఇంటికి ఫోన్ చేసి విషయం చెప్పాడు. ఆ తర్వాత ఆ ఆసామి తన దారిన తాను వెళ్లిపోయాడు. నా కాలుకు ఆ రోజంతా ఆపరేషన్ చేశారట. మర్నాడు యాక్సిడెంట్‌కు గురైన ఆటో డ్రైవర్ వచ్చి నన్ను పలకరించాడు. అదృష్టవశాత్తు ఆ యాక్సిడెంట్‌లో ఆయనకు పెద్ద గాయాలేవీ తగల్లేదు. యాక్సిడెంట్ చేసిన కారు నెంబర్ తాను సగమే చూశానని, ఆ విషయం పోలీసులకు ఫిర్యాదు చేశానని చెప్పాడు.
 
 ఆ మర్నాడు నన్ను రక్షించిన ఆ బలమైన ఆసామి నన్ను పలకరించేందుకు వచ్చాడు. అతని పేరు సమారితన్. ఆస్ట్రేలియాలో ఇండియన్ జిమ్ ఇన్‌స్ట్రక్టర్‌గా పని చేస్తున్నాడట. అతని తండ్రి 'హిట్ అండ్ రన్' కేసులో చనిపోతే అంత్యక్రియలకు వచ్చాడట. రెండున్నర నెలల తర్వాత కూడా నేను బెడ్ మీదనే ఉన్నాను. ఆలోగా యాక్సిడెంట్ చేసిన అమ్మాయిని పోలీసులు గుర్తించారు. ఆ తర్వాత ఆమె స్వయంగా ఓ బొకే పట్టుకొని నా దగ్గరికి వచ్చింది. నా దగ్గరికి ఎందుకొచ్చావ్, పోలీసుల దగ్గరికి వెళ్లకపోయావా? అని ప్రశ్నించాను. ఆమె నుంచి ఎలాంటి సమాధానం రాలేదు. యాక్సిడెంట్ చేసిన రోజున ఎందుకు పారిపోయావ్ అంటే, జనం తిడతారని భయపడి వెళ్లిపోయానంది. క్లుప్తంగా సారీ చెప్పి వెళ్లి పోయింది. ఆ తర్వాత నాకు ఎన్నో ఆపరేషన్లు జరిగాయి. బోలెడంత డబ్బు ఖర్చయింది. జీవిత బీమా కంపెనీల నుంచి తప్ప మరెక్కడి నుంచి నాకు సాయం అందలేదు. ఈ రోజున కూడా నేను కుంటుతూనే నడుస్తున్నా.
 
 ఇదంతా ఎందుకు చెబుతున్నానంటే... తాగి కారు నడిపినందుకు కాదు, గుద్దినందుకూ కాదు. సిగ్గులేకుండా, పిరికిపందలా పారిపోయినందుకు. నీవు నేడు, నిన్ను స్టార్‌గా నిలబెట్టిన నీ బాధితుల భూతానికి భయపడిపోతున్నావు. వెన్నెముక లేని సినీ పరిశ్రమ కూడా ఈ రోజు నీ వెనకాల నడుస్తున్నందుకు సిగ్గు పడుతున్నా. ఏదో రోజు మీలో ఎవరో ఒకరు మీ ఇంట్లో ఉన్న వారి కోసం జెల్లీ పాస్టరీస్ కొనేందుకు అమెరిక్ ఎక్స్‌ప్రెస్ బేకరీకి వస్తారు. తిరిగి వెళుతుండగా తాగి కారు నడుపుతున్న సల్మాన్ కారు ఢీకొంటుంది. మీ కాలు కూడా జెల్లీ పాస్టరీలా అవుతుంది. ఆయన మళ్లీ రన్. ఎన్నేళ్లయినా మీరు విరిగిన కాలుతో అలా ఆస్పత్రి వార్డులో డాక్టర్ కోసం ఎదురుచూస్తూనే ఉంటారు. ఏదో పని మీద అటువైపు వచ్చిన సల్మాన్ మిమ్మల్ని గుర్తించడు. ఓ అభిమాని అనుకొని చేతులూపుతూ వెళతారు.
 -చారుదత్ ఆచార్య, దర్శకుడు, రచయిత
 
 (చారుదత్ ఆచార్య సినిమా దర్శకుడు, స్క్రిప్ట్, మాటల రచయిత. ఐఎండీబీకి కాంట్రిబ్యూటర్. గత ఏడాది విడుదలైన 'సోనాలీ కేబుల్' చిత్రానికి దర్శకత్వం వహించారు. 'నోటోంకీ సాలా' చిత్రానికి స్క్రీప్లే, మాటలు రాశారు. దమ్ మారో దమ్ తదితర చిత్రాలకు మాటలు రాశారు. ఆయన ఓ ఆంగ్ల వెబ్‌సైట్‌కు రాసిన వ్యాసం నుంచి ఈ భాగాన్ని ఇక్కడ అందిస్తున్నాం)


 ముంబై: బాలీవుడ్ హీరో సల్మాన్ ఖాన్కు ముంబై హైకోర్టులో ఉపశమనం లభించింది. హిట్ అండ్ రన్ కేసులో ఐదేళ్ల జైలు శిక్ష పడ్డ సల్మాన్కు న్యాయస్థానం బెయిల్ను మంజూరు చేసింది. అంతేగాక కింది కోర్టు తీర్పును హైకోర్టు సస్పెండ్ చేసింది. సెషన్స్ కోర్టులో విచారణ సరిగా జరగలేదని హైకోర్టు వ్యాఖ్యానించింది. శుక్రవారం హైకోర్టు న్యాయమూర్తి జస్టిస్ ఏ ఎం తిప్సే ఈ మేరకు ఉత్తర్వులు జారీ చేశారు.  వ్యక్తిగత పూచీకత్తుతో పాటు 30 వేల రూపాయల బాండ్ సమర్పించాల్సిందిగా సల్మాన్ ను ఆదేశించారు. సల్మాన్ వ్యక్తిగతంగా కోర్టుకు హాజరుకాలేదు. విచారణ సమయంలో ఆయన బాంద్రాలోని ఇంట్లో ఉన్నారు. సల్మాన్ తరపున సీనియర్ న్యాయవాది అమిత్ దేశాయ్ వాదనలు వినిపించారు. సల్మాన్ సోదరుడు అర్బాజ్ ఖాన్, సోదరి అల్వీరా కోర్టుకు వచ్చారు.
 
 హిట్ అండ్ రన్ కేసులో రెండ్రోజుల క్రితం ముంబై సెషన్స్ కోర్టు  సల్మాన్కు ఐదేళ్ల జైలు శిక్ష విధించిన సంగతి తెలిసిందే. శిక్షపడిన కొన్నిగంటల్లోనే ఆయన న్యాయవాదులు హైకోర్టును ఆశ్రయించడంతో రెండు రోజుల పాటు తాత్కాలిక బెయిల్ లభించింది. ఈ బెయిల్ గడువు ఈ రోజుతో ముగిసింది. కాగా బెయిల్ పొడగించాలని సల్మాన్ తరపున ఆయన న్యాయవాది విన్నవించగా న్యాయస్థానం మన్నించింది. దీంతో ఆయనకు ఊరట కలిగింది.


 ముంబయి : హిట్ అండ్ రన్ కేసులో బాలీవుడ్ హీరో సల్మాన్ ఖాన్ బెయిల్ పిటిషన్పై అతని తరపు న్యాయవాది అమిత్ దేశాయి వాదనలు వినిపించారు.  ఈ కేసు వివరాలను ఆయన శుక్రవారం ముంబై హైకోర్టు జడ్జి ముందు ఉంచారు. సెషన్స్ కోర్టు ఇచ్చిన తీర్పును సస్పెండ్ చేయాలని అమిత్ దేశాయి ఈ సందర్భంగా జడ్జిని కోరారు.  ఆ రోజు జరిగింది కేవలం యాక్సిడెంట్ మాత్రమే అని, చావుకు కారణమయ్యారనే అభియోగాలను తొలగించాలని కోర్టుకు విజ్ఞప్తి చేశారు.
 
 ప్రత్యక్ష సాక్షి రవీంద్ర పాటిల్ ఇచ్చిన వాంగ్మూలం పరిశీలిస్తామని న్యాయమూర్తి తెలిపారు.  కాగా ఈ కేసులో నాలుగో వ్యక్తి సాక్ష్యాన్ని పరిగణనలోకి తీసుకోలేదని, సల్మాన్తో పాటు కారులో ఉన్న బంధువు కమాల్ ఖాన్ వాంగ్మూలం ఎందుకు రికార్డు చేయలేదనే అంశాన్ని అమిత్ దేశాయి లేవనెత్తారు.  ప్రమాదం జరిగిన సమయంలో కారులో మొత్తం నలుగురు వ్యక్తులున్నారన్నారు. నలుగురు కూడా ప్రత్యక్ష సాక్షులని, దీనిని కింద కోర్టు పరిగణనలోకి తీసుకోలేదన్నారు.  పోలీస్ అధికారుల ముందు ఇచ్చిన సాక్ష్యాలు పొంతన లేకుండా ఉన్నాయన్నారు.
 
 ప్రమాదం జరిగిన సమయంలో కారు గంటకు 90 నుంచి 100 కిలోమీరట్ల వేగంగా ప్రయాణించిందని సాక్షి చెబుతున్నారని, అయితే హోటల్ నుంచి ఘటనా స్థలానికి రావటానికి 30 నిమిషాలు పట్టిందని, దూరం 14 కిలోమీటర్ల మాత్రమే అన్నారు. సల్మాణ్ ఖానే కారు నడుపుతున్నారని ఎవరూ నిరూపించలేకపోయారని అమిత్ దేశాయి వాదనలు వినిపించారు. అనంతరం ప్రభుత్వం తరపున పబ్లిక్ ప్రాసిక్యూటర్ సందీప్ షిండే వాదనలు ప్రారంభం అయ్యాయి.


 ముంబై: ముంబై హైకోర్టులో బాలీవుడ్ హీరో సల్మాన్ ఖాన్ బెయిల్ పిటిషన్ విచారణ ప్రారంభమైంది. సల్మాన్ వ్యక్తిగతంగా కోర్టుకు హాజరుకాలేదు. ఆయన బాంద్రాలోని ఇంట్లో ఉన్నారు. సల్మాన్ తరపున సీనియర్ న్యాయవాది అమిత్ దేశాయ్ వాదనలు వినిపిస్తున్నారు. సల్మాన్ సోదరుడు అర్బాజ్ ఖాన్, సోదరి అల్వీరా కోర్టుకు చేరుకున్నారు. సల్మాన్ ఖాన్కు బెయిల్ మంజూరవుతుందా? లేక జైలుకెళ్లాలా అన్న విషయం ఈ రోజు తేలనుంది. సల్మాన్కు బెయిల్ లభించకుంటే.. ఇదే రోజు సుప్రీం కోర్టును ఆశ్రయించే అవకాశముంది.
 
 హిట్ అండ్ రన్ కేసులో రెండ్రోజుల క్రితం సల్మాన్కు ఐదేళ్ల జైలు శిక్ష పడిన సంగతి తెలిసిందే. శిక్షపడిన కొన్నిగంటల్లోనే ఆయన న్యాయవాదులు హైకోర్టును ఆశ్రయించడంతో రెండు రోజుల పాటు తాత్కాలిక బెయిల్ లభించింది.
  


 ముంబై: బాలీవుడ్ హీరో సల్మాన్ ఖాన్ ఇంటికి అభిమానులు పోటెత్తారు. సల్మాన్ బెయిల్ పిటీషన్ ముంబై హైకోర్టులో ఈ రోజు విచారణకు రానుండటంతో..  ఆయనకు మద్దతుగా అభిమానులు భారీ సంఖ్యలో తరలివచ్చారు. బాంద్రాలోని సల్మాన్ ఇంటి ముందు గుమిగూడారు. భారీ సంఖ్యలో పోలీసులను మోహరించారు. రాజకీయ, సినీ ప్రముఖులు సల్మాన్ను పరామర్శించారు. ఎంఎన్ఎస్ చీఫ్ రాజ్ ఠాక్రే, బాలీవుడ్ ప్రముఖులు ఆమీర్ ఖాన్, కరీనా కపూర్, సోనాక్షి సిన్హా, కరణ్ జోహార్ సల్మాన్ ఇంటికి వచ్చారు. సల్మాన్ ఈ రోజు ఇంట్లోనే ఉన్నారు.
 
 హిట్ అండ్ రన్ కేసులో సల్మాన్కు ఐదేళ్ల జైలు శిక్ష పడిన సంగతి తెలిసిందే. శిక్షపడిన కొన్నిగంటల్లోనే ఆయన న్యాయవాదులు హైకోర్టును ఆశ్రయించడంతో రెండు రోజుల పాటు తాత్కాలిక బెయిల్ లభించింది. బెయిల్ గడువు ఈ రోజుతో ముగియనుంది. హైకోర్టు సల్మాన్కు బెయిల్ ను పొడగిస్తుందా లేదా అన్న విషయం కాసేపట్లో  తేలనుంది.
  


 ముంబయి : హిట్ అండ్ రన్ కేసులో బాలీవుడ్ హీరో సల్మాన్ ఖాన్కు జైలా...బెయిలా అనే అంశంపై ముంబయి హైకోర్టు నిర్ణయం ఉత్కంఠ రేపుతోంది. సుప్రీంకోర్టులో వేరేకేసు విచారణ ఉన్నందున సల్మాన్ తరపు న్యాయవాది హరీష్ సాల్వే ఇవాళ హైకోర్టుకు హాజరు కావటం లేదు. దాంతో సల్మాన్ తరపున సీనియర్ న్యాయవాది అమిత్ దేశాయ్ వాదనలు వినిపించనున్నారు.
 
 కాగా అయిదేళ్లకు పైగా జైలు శిక్ష పడినవాళ్ల అప్పీల్ పిటిషన్పై నిర్ణయానికి కొంత సమయం పడుతుందని సీనియర్ క్రిమినల్ న్యాయవాది మజీద్ మెమన్ పేర్కొన్నారు. ఈలోగా దోషిని కస్టడీలో ఉంచాల్సిన అవసరం లేదన్నారు. సల్మాన్ పారిపోయే మనిషి కాదు అని మజీద్ మెమన్ వ్యాఖ్యానించారు.
 
 2002లో ముంబైలోని సబర్బన్ బాంద్రా ప్రాంతంలో పేవ్‌మెంట్‌పై పడుకున్న వారిపైకి తన వాహనంతో దూసుకెళ్లి ఒకరి మృతికి కారణమైన కేసులో సల్మాన్‌ను ముంబై సెషన్స్ కోర్టు దోషిగా నిర్ధారించింది. ఈ కేసుకు సంబంధించి సల్మాన్‌పై నమోదు చేసిన అభియోగాలన్నీ రుజువయ్యాయని స్పష్టం చేసింది. దాంతో అతనికి ఐదేళ్లు జైలు శిక్ష విధించింది.


 ముంబై: హిట్ అండ్ రన్ కేసులో బాలీవుడ్ కండల వీరుడు సల్మాన్ ఖాన్కు బెయిల్ మంజూరవుతుందా? లేక జైలుకెళ్లాలా అన్న విషయం ఈ రోజు తేలనుంది. శుక్రవారం ముంబై హైకోర్టు సల్మాన్ బెయిల్ పిటీషన్ ను విచారించనుంది. సల్మాన్ తరపున సీనియర్ న్యాయవాది అమిత్ దేశాయ్ వాదనలు వినిపించనున్నారు.
 
 హిట్ అండ్ రన్ కేసులో సల్మాన్కు ఐదేళ్ల జైలు శిక్ష పడిన సంగతి తెలిసిందే. శిక్షపడిన కొన్నిగంటల్లోనే ఆయన న్యాయవాదులు హైకోర్టును ఆశ్రయించడంతో రెండు రోజుల పాటు తాత్కాలిక బెయిల్ లభించింది. బెయిల్ గడువు ఈ రోజుతో ముగియనుంది. హైకోర్టు సల్మాన్కు బెయిల్ ను పొడగిస్తుందా లేదా అన్న విషయం కొన్ని గంటల్లో తేలనుంది. సల్మాన్ వ్యక్తిగతంగా కోర్టుకు హాజరుకానవసరం లేదు. ఆయన తరపు న్యాయవాది వాదనలు వినిపిస్తారు. సల్మాన్కు బెయిల్ లభించకుంటే.. ఇదే రోజు సుప్రీం కోర్టును ఆశ్రయించే అవకాశముంది.
 
 2002లో ముంబైలోని సబర్బన్ బాంద్రా ప్రాంతంలో పేవ్‌మెంట్‌పై పడుకున్న వారిపైకి తన వాహనంతో దూసుకెళ్లి ఒకరి మృతికి కారణమైన కేసులో సల్మాన్‌ను ముంబై సెషన్స్ కోర్టు దోషిగా నిర్ధారించింది. ఈ కేసుకు సంబంధించి సల్మాన్‌పై నమోదు చేసిన అభియోగాలన్నీ రుజువయ్యాయని స్పష్టం చేసింది.


 ముంబై: బాలీవుడ్ హీరో సల్మాన్ ఖాన్‌కు హిట్ అండ్ రన్ కేసులో కోర్టు ఐదేళ్ల జైలు శిక్ష విధించిన నేపథ్యంలో గురువారం ఆయనను అనేక మంది బాలీవుడ్, రాజకీయ ప్రముఖులు కలసి పరామర్శించారు. బాలీవుడ్ హీరో ఆమిర్‌ఖాన్ గురువారం మధ్యాహ్నం సల్మాన్ ఇంటికి వచ్చి ఆయనను కలసి మాట్లాడారు. బాలీవుడ్ బాద్షా షారుక్‌ఖాన్ సల్మాన్‌ను కలసి ఆయన ఇంట్లో గంటసేపు గడిపారు.
 
 ఎంఎన్‌ఎస్ చీఫ్ రాజ్‌ఠాక్రే కూడా బాంద్రాలోని సల్మాన్ నివాసం గెలాక్సీ అపార్ట్‌మెంట్‌కు వచ్చి ఆయనను కలుసుకున్నారు. ఇంకా.. బాలీవుడ్ ప్రముఖులు కరణ్ జోహర్, కరీనా కపూర్, క రిష్మా కపూర్, రాణీ ముఖర్జీ, సంగీతా బిజిలానీ, సంజయ్ కపూర్, వహీదా రెహమాన్, గోవిందా, ఆదిత్య రాయ్ కపూర్, శ్రద్ధా కపూర్ , తదితరులు కూడా సల్మాన్‌ను పరామర్శించారు.
 
 
 సోనాక్షీ సిన్హా, ప్రీతి జింతా, ప్రేమ్ చోప్రా, సునీల్ శెట్టి, తదితరులు బుధవారం సాయంత్రమే సల్మాన్ ఇంటికి వెళ్లారు. కాగా, హిట్ అండ్ రన్ కేసులో అయిదేళ్ల జైలు శిక్ష పడిన బాలీవుడ్ సూపర్‌స్టార్ సల్మాన్‌ఖాన్ బెయిల్ పిటిషన్‌పై శుక్రవారం బాంబే హైకోర్టు విచారణ చేపట్టనుంది. బుధవారం ఆయనకు శిక్ష పడిన వెంటనే రెండు రోజుల మధ్యంతర బెయిలు మంజూరు చేసిన జస్టిస్ అభయ్ థిప్సే ముందుకే రెగ్యులర్ బెయిల్ విచారణ కూడా రానుంది.


 బాలీవుడ్ స్టార్, కండల వీరుడు సల్మాన్‌ఖాన్‌కు హిట్ అండ్ రన్ కేసులో శిక్ష ఖరారవడం నగరవాసుల్లో విషాదాన్ని నింపింది. బాలీవుడ్ హీరోల్లో బహుశా ఎవరికీ లేనంత అనుబంధం సల్మాన్‌ఖాన్‌కి సిటీతో ఉంది. సల్లూభాయ్ నగరానికి వస్తే చాలు అతడిని చూడడానికి ఎగబడతారు. తన సినిమాలను సూపర్‌హిట్ చేయడంలో రికార్డులు సృష్టించిన జోధ్‌పూర్ వంటి నగరాలను దాటి సల్మాన్ మన హైదరాబాద్‌కు వచ్చారు. ఇక్కడి అభిమానులు సల్మాన్ మానియాకు కేరాఫ్‌గా నిలిచారనేది అధికారికంగా రూఢీ అయిన విషయం. అందుకే.. ‘సల్లూభాయ్ వుయ్ లవ్ యు’ అంటూ సిటీ సినీ ప్రియులు ఆవేదన వ్యక్తం చేస్తున్నారు.          - సాక్షి, లైఫ్‌స్టైల్ ప్రతినిధి
  
 క్రేజ్‌కి కేరాఫ్   సల్లూభాయ్
  
  సల్మాన్‌కి సిటీ అంటే మహా ఇష్టం. హైదరాబాద్‌లో సినిమా షూటింగ్స్ అంటే ఇష్టపడేవాడని బాలీవుడ్ నిర్మాతలు అంటుంటారు. తెలుగు నటి భూమికాచావ్లాతో నటించిన ‘తేరేనామ్’ ఇక్కడి సిటీ కాలేజ్‌లోనే ఎక్కువ భాగం షూట్ చేశారు. ఇంకా ‘వాంటెడ్’ తదితర సినిమాలూ షూటింగ్ జరుపుకున్నాయిక్కడ. మన బిర్యానీ అన్నా, హలీమ్ అన్నా సల్మాన్‌కి చాలా ఇష్టం. తన సోదరి అర్పిత పెళ్లి నగరంలోని ఫలక్‌నుమా ప్యాలెస్‌లో చేయడం సిటీ మీద సల్మాన్‌కి ఉన్న అభిమానానికి నిదర్శనం. సల్మాన్ హోస్ట్ చేసిన టీవీ షో ‘బిగ్‌బాస్’లో తొలి కామన్ మ్యాన్‌గా ఎంట్రీ ఇచ్చిన ఖాసిఫ్ ఖురేషి నగరవాసే. సిటీలోని సబేరీ కళ్లజోడు షోరూమ్‌కి సల్మాన్ బ్రాండ్ అంబాసిడర్. ఇలాంటి నడుడికి శిక్ష పడడాన్ని అభిమానులు తట్టుకోలేకపోతున్నారు.
  
 అందరికీ మంచి చేసే వ్యక్తి..
  
 పలు ఈవెంట్స్‌తో పాటు అర్పిత మ్యారేజ్‌కు సల్మాన్ సెక్యూరిటీ ఇన్‌చార్జ్‌గా పనిచేశా. సీసీఎల్ ఆఫ్టర్ పార్టీలో సంతోష్‌నగర్‌కు చెందిన బౌన్సర్ రఫీఖ్.. సల్మాన్‌ని ఆర్మ్ రెజ్లింగ్‌లో ఓడించాడు. దీనికి ఏ మాత్రం ఫీలవ్వకపోగా, అతనికి క్యాష్ గిఫ్ట్ ఇచ్చి మరీ ప్రశంసించాడు. తన దగ్గర పనిచేసేవారిని సల్లూభాయ్ బాగా చూస్తాడు. అందరికీ మంచి చేసే వ్యక్తికి శిక్ష పడడం వేదనకు గురిచేసింది.
  - మహ్మద్ అబ్రార్, సల్మాన్‌కు
  సిటీలో సెక్యూరిటీ
  
 చాలా మారిపోయాడు..
  
 చాలా బాధగా ఉంది. సిటీకి సల్మాన్ ఎప్పుడు వచ్చినా తప్పకుండా చూసేవాడిని. తనని చూసే రెగ్యులర్‌గా బ్రాస్లెట్ వాడుతున్నా. హీరోగా ఎంత మంచి నటుడో.. వ్యక్తిగా అంత సహృదయుడు. ఆయన ‘బీయింగ్ హ్యూమన్’ వంటి చారిటీ కార్యక్రమాలు చేశాడు. ఆయనకు ఐదేళ్ల ఖైదు వల్ల సినిమాలకు మాత్రమే కాదు.. ఆయన్ను నమ్ముకున్న ఎన్నో చారిటీ కార్యక్రమాలకు కూడా విఘాతం కలుగుతుంది. ఆ సంఘటన జరిగిన 13 సంవత్సరాల తర్వాత తను చాలా మారాడు. వందల మంది ప్రాణాలు కాపాడాడు. ఒక అభిమానిగానే కాకుండా ఆయన కారణంగా సాయం పొందుతున్న వారి తరపున ఆలోచించి బాధపడుతున్నా. - అహ్మద్‌ఖాన్, ఈవెంట్ కో ఆర్డినేటర్
  
  రియల్ ‘హ్యూమన్’ సల్మాన్
  
 చిన్నప్పటి నుంచీ సల్మాన్ అంటే చాలా ఇష్టం. ఎన్నోసార్లు కలవాలనుకున్నా కుదర్లేదు. అతను చేసే చారిటీ కార్యక్రమాలు నాలో మరింత అభిమానాన్ని పెంచాయి. అలాంటిది.. అతనికి ఇలా శిక్ష పడడం చాలా బాధగా అనిపిస్తోంది. తన వల్ల చాలా మంది చిన్నారులు సేవ్ అయ్యారు. దేవుడు అతనికి మంచి చేయాలని కోరుకుంటున్నాను.
   - ప్రత్యూష, సిటీ మోడల్
  
  


 న్యూఢిల్లీ: హిట్ అండ్ రన్ కేసులో బాలీవుడ్ నటుడు సల్మాన్ ఖాన్ ను కోర్టు దోషిగా తేల్చినా.. అంతకుముందు తమ కుటుంబానికి వారు ఇస్తానన్న రూ.10 లక్షల నష్ట పరిహారం ఇప్పటివరకూ అందలేదని ఆ ఘటనలో ప్రాణాలు కోల్పోయిన నురాల్లాహ్ మహబూబ్ షరిఫ్ భార్య కన్నీటి పర్యంతమైంది.  తమ కుటుంబం ఆర్థికంగా చాలా ఇబ్బందుల్లో ఉందని.. భర్తను కోల్పోయిన తరువాత చాలానే కష్టాలను చవిచూడాల్సి వచ్చిందని ఈ సందర్భంగా పేర్కొంది.  నిత్యవసరాలతో పాటు  పిల్లల విద్యకు సంబంధించి లెక్కకు మించిన ఇబ్బందులను ఎదుర్కొన్నట్లు ఆమె తెలిపింది.
  
 'భర్త చనిపోయిన తరువాత కుటుంబాన్ని పెంచడం భారంగా మారింది. గతంలో రూ. పది లక్షల పరిహారం ఇస్తామని హామీ ఇచ్చారు. కానీ ఇప్పటి వరకూ ఒక్క రూపాయి కూడా తీసుకోలేదు. ప్రస్తుత పరిస్థితుల్లో ఆ పరిహారం ఇచ్చినా కుటంబ అవసరాలు తీరవు. నా కుమారుడికి ఒక ఓ ఉద్యోగం ఇచ్చి ఆదుకోండి' అంటూ జాతీయ మీడియాకు ఇచ్చిన ఇంటర్యూలో బాధిత మహిళ పేర్కొంది.
  
 2002 నాటి హిట్ అండ్ రన్ కేసులో సల్మాన్ దోషేనని ముంబై సెషన్స్ కోర్టు తేల్చి చెప్పిన సంగతి తెలిసిందే. ఐదేళ్ల కఠిన కారాగార శిక్ష విధిస్తూ బుధవారం తీర్పు వెలువరించింది. మద్యం మత్తులో కారు నడిపి ఒకరి మరణానికి కారణమయ్యాడని సల్మాన్‌పై నమోదైన అభియోగాలు రుజువయ్యాయని పేర్కొంది. ప్రమాద సమయంలో కారు నడుపుతోంది తన డ్రైవర్ అశోక్‌సింగ్ అన్న సల్మాన్ వాదనను న్యాయస్థానం అంగీకరించలేదు. దీంతో సల్మాన్ కు ఐదేళ్ల శిక్షను ఖరారు చేస్తూ తీర్పునిచ్చింది.


 (వెబ్సైట్  ప్రత్యేకం)
 
 ఎట్టకేలకు పదమూడేళ్ళ తరువాత బాలీవుడ్ హీరో సల్మాన్ ఖాన్ హిట్ అండ్ రన్  కేసులో ఒక సంచలనాత్మక తీర్పు వెలువడింది.  అవును సంచలన తీర్పే.. ఏదో సరదాగా  పార్టీ కెళ్ళి... ముచ్చటపడి  మందేసి.... పొరపాటున....రోడ్డు మీద నడపాల్సిన తన ఖరీదైన వాహనాన్ని...దిక్కూ మొక్కూలేక పేవ్మెంట్ మీద నిద్రపోతున్న కార్మికులపైకి ఎక్కించేసి...
 
 ఒక అనామకుడ్ని చంపేస్తే....  నేరమా?
 దానికి ఐదేళ్ళ జైలు శిక్ష వేయాలా?
 25 వేల రూపాయల జరిమానా?
 అసలు  ఫుట్పాత్ మీద పడుకోమని ఎవరు చెప్పారు?
 
 దిక్కులేనివాళ్లు ...కుక్కల్లా పేవ్మెంట్ పడుకుంటే...అంతే జరుగుతుంది...అసలు అలాంటి వాళ్ళను ముంబై లాంటి గొప్ప నగరాల నుండి తరిమికొట్టాలి ..ఇవీ   తీర్పు వెలుడినప్పటినుంచీ జాతీయ మీడియాలోడిజైనర్ ఫరా అలీఖాన్, సింగర్ అభిజిత్ లాంటి వాళు చేస్తున్న చర్చలు, వాదనలు. బుధవారం సల్మాన్ ఖాన్ను దోషిగా నిర్ధారిస్తూ ముంబై   సెషన్స్ కోర్టు తీర్పు వెలువడిన తరువాత దేశవ్యాప్తంగా కొంతమంది  సో కాల్డ్ నటులు, హీరోగారి అభిమానుల అభిప్రాయాలు.. ఆగ్రహావేశాలు..
 
 బాలీవుడ్ అగ్ర హీరో.. అదీ ఏక్ దమ్మున 100 కోట్ల  రూపాయల వసూళ్లను  సాధించగలిగే సత్తా ఉన్న హీరో.  మరి అలాంటి హీరోకి  ఐదేళ్ళ జైలు శిక్షా!   హన్నన్నా... ఎంత అన్యాయం... ఎంత అమానుషం...అభిమానులు గుండెలు పగిలిపోవు? అభిమాన సంఘాలు బావురుమనవూ?   అందుకే టాలీవుడ్ మెగాస్టార్ కూడా  పాపం బాధపడ్డారు..పొరబాటుగా జరిగిందానికీ, ఉద్దేశపూర్వకంగా జరిగిందానికి తేడా చూడాలంటూ  వాపోయారు... అయినా హైకోర్టుగా ఉందిగా అప్పీలు చేసుకోవడానికన్నారు.
 ఎంత ధీమా ...భారత న్యాయవ్యవస్థ మీద.
 
 ఇదంతా చూస్తున్న సగటు ప్రేక్షకుడు మాత్రం  నివ్వెరపోయాడు...  
 చనిపోయిన పేదవాడి ప్రాణానికి విలువ లేదా?
  వీధిన పడిన ఆ కుటుంబం పరిస్థితి ఏంటి?
 ఇప్పుడు బాధపడే మనషులకు... ఆ ప్రాణం గాల్లో కలిసినా పట్టదా?
 
 ఆయనకు(సల్మాన్ ఖాన్) ఎంత శిక్షపడితే మాకేంటి.. మా కడుపుకు పట్టెడన్నం  దొరికితే చాలు.. అంటున్న ఆ అభాగ్యుల రోదన వీరి చెవులకెక్కదా...తప్పతాగి ...రోడ్డు మీద నడపాల్సిన కారును ఫుట్పాత్ మీద ఎక్కించేస్తే తప్పులేదుగానీ.. కనీస మౌలిక అవసరాలు తీరని పేద కార్మికుడు.. వేరే గత్యంతరం లేక అలసి సొలసి ఫుట్పాత్మీద  నిద్రపోవడం నేరమా?  రీల్ లైఫ్కి రియల్ లైఫ్కి అంతరాలు అవగతమైన మనసులు మౌనంగా  మూలుగుతున్నాయి.
 
 మొదటిరోజు మొదటి  ఆట కోసం క్యూలో నిలబడ్డపుడు పడిన అవస్థలు.. ప్రమాదాలు.. చావులు ..ఒకటా..రెండా... ఎన్నని..వరుసగా అన్నీ ఒక్కసారిగా తెరలు తెరలుగా  కదలాడాయి.. తెరపై తమ అభిమాన హీరో ఎంట్రీ కోసం..ఆ సీన్ కోసం  ఆరాటపడి...  ఖరీదైన కారులో...హీరో గారి  పాదం అలా కనపడగానే  ఈలలు....కేకలు.. వేసి.. చప్పట్లతో తీన్మార్ నృత్యం చేసిన  క్షణాలు  మదిలో మెదిలాయి.
 
 అంతేనా..  ఎన్నో ప్రశ్నలు..ఎన్నెన్నో అనుమానాలు..పన్నుకు-పన్ను, కన్నుకు - కన్ను,  హత్యకు హత్య ..ఏ సినిమా శుభం కార్డయినా  దాదాపు ఇదే కదా.. మరి  13 ఏళ్ళ పాటు జీళ్లపాకంలా సాగిన  ఈ కారు కథనే సల్మాన్ఖాన్ను హీరోగా పెట్టి  సినిమాగా తీస్తే  ముగింపు ఎలా ఉంటుంది.
 
 ఫుట్పాత్మీద పడుకునే నిర్భాగ్యులు లేని దేశంగా మన భారతదేశాన్ని మార్చేస్తారా... అవినీతి కుళ్లు కంపుకొడుతున్న వ్యవస్థను అమాంతం ప్రక్షాళన చేసేలా ఉంటుందా?  పేద, ధనిక అన్న తేడా లేకుండా  రాజ్యాంగంలో ఆమోదించుకున్న చట్టాల అమలుకు పూనుకుంటారా?  లేకపోతే....కార్మికుడి చావుకు కారణమైన వ్యక్తిని....???
 (సూర్యకుమారి)


 ‘హిట్ అండ్ రన్’ కేసులో శిక్ష విధిస్తూ కోర్టు తీర్పు
  
 {పమాద సమయంలో సల్మాన్ తాగి కారు నడిపాడని స్పష్టం చేసిన కోర్టు
 డ్రైవర్ కారు నడిపాడన్న వాదనను తోసిపుచ్చిన న్యాయస్థానం
 శిక్ష ఖరారు కాగానే కోర్టు హాల్లోనే కన్నీటి పర్యంతమైన బాలీవుడ్ స్టార్
 హైకోర్టును ఆశ్రయించిన సల్మాన్; ఈ నెల 8 వరకు బెయిల్ మంజూరు
  
 బాలీవుడ్ సూపర్‌స్టార్ సల్మాన్ ఖాన్‌కు పెద్ద ఎదురుదెబ్బ! 2002 నాటి హిట్ అండ్ రన్ కేసులో ఆయన దోషేనని ముంబై సెషన్స్ కోర్టు తేల్చింది. ఐదేళ్ల కఠిన కారాగార శిక్ష విధిస్తూ తీర్పు వెలువరించింది. మద్యం మత్తులో కారు నడిపి ఒకరి మరణానికి కారణమయ్యాడని సల్మాన్‌పై నమోదైన అభియోగాలు రుజువయ్యాయని పేర్కొంది. ప్రమాద సమయంలో కారు నడుపుతోంది తన డ్రైవర్ అశోక్‌సింగ్ అన్న సల్మాన్ వాదనను న్యాయస్థానం అంగీకరించలేదు. కోర్టు తీర్పుతో సల్మాన్ న్యాయస్థానం హాల్లోనే కన్నీటిపర్యంతమయ్యాడు. తీర్పు వెలువడగానే సల్మాన్ లాయర్లు హైకోర్టును ఆశ్రయించడంతో.. ఆయనకు రెండ్రోజుల ఊరట లభించింది. తీర్పు సమగ్ర కాపీని నిందితుడికి ఇవ్వకపోవడాన్ని తప్పుబడుతూ మే 8 వరకు సల్మాన్‌కు బాంబే హైకోర్టు బెయిల్ మంజూరు చేసింది.
  
  ముంబై: ‘హిట్ అండ్ రన్’ కేసులో బాలీవుడ్ సూపర్‌స్టార్ సల్మాన్ ఖాన్(49)కు ఐదేళ్ల కఠిన కారాగార శిక్ష విధిస్తూ ముంబై సెషన్స్ కోర్టు బుధవారం తీర్పునిచ్చింది. 2002లో ముంబైలోని సబర్బన్ బాంద్రా ప్రాంతంలో పేవ్‌మెంట్‌పై పడుకున్న వారిపైకి తన వాహనంతో దూసుకెళ్లి ఒకరి మృతికి కారణమైన కేసులో సల్మాన్‌ను కోర్టు దోషిగా నిర్ధారించింది. ఈ కేసుకు సంబంధించి సల్మాన్‌పై నమోదు చేసిన అభియోగాలన్నీ రుజువయ్యాయని స్పష్టం చేసింది. సెషన్స్ కోర్టు తీర్పు వెలువడిన తక్షణమే హైకోర్టును ఆశ్రయించడంతో.. బొంబాయి హైకోర్టు సల్మాన్‌కు మే 8 వరకు మధ్యంతర బెయిల్ మంజూరు చేసింది. దాంతో ఆయనకు వెంటనే జైలుకెళ్లాల్సిన పరిస్థితి తప్పింది.
  
 కోర్టు హాల్లో.. దేశమంతా ఆసక్తిగా గమనిస్తున్న ఈ కేసు తీర్పు బుధవారం ఉదయం 11.15 గంటలకు వెలువరించనుండటంతో దక్షిణ ముంబైలోని ఫోర్ట్ ప్రాంతంలో ఉన్న కోర్టు వద్ద భారీ బందోబస్తు ఏర్పాటు చేశారు. తీర్పు వెలువడనున్న కోర్టులోని రూం నంబర్ 52 మీడియా, పోలీసులు, న్యాయవాదులతో కిక్కిరిసిపోయింది. భారీగా తరలివచ్చిన సల్మాన్ అభిమానులంతా కోర్టు లోపలికి అనుమతి లేకపోవడంతో బయటే ఉండిపోయారు.జడ్జి రావడానికి కొద్ది నిమిషాల ముందు లైట్ బ్లూ జీన్స్, వైట్ షర్ట్‌లో సల్మాన్ కోర్టు హాల్లోకి వచ్చారు.
  
 తీర్పు ఏంటి?
 
 సెషన్స్ కోర్టు జడ్జి డీడబ్ల్యూ దేశ్‌పాండే తీర్పును వెలువరిస్తూ.. ‘మీపై నమోదైన ఆరోపణలన్నీ రుజువయ్యాయి. ప్రమాదకరంగా డ్రైవ్‌చేసి ఒక వ్యక్తి మరణానికి మీరు కారణమయ్యారని కోర్టు విశ్వసిస్తోంది. ప్రమాద సమయంలో ప్రమాదానికి కారణమైన వాహనాన్ని మీరే డ్రైవ్ చేస్తున్నారని, అప్పుడు మీరు మద్యం మత్తులో ఉన్నారని, ఆ సమయానికి మీకు డ్రైవింగ్ లెసైన్సూ లేదని కోర్టు నమ్ముతోంది. ప్రమాదంలో చనిపోయిన వ్యక్తి.. ప్రమాదంలో కాకుండా, ప్రమాదం అనంతరం వాహనాన్ని క్రేన్‌తో పైకి లేపుతుండగా, అది ప్రమాదవశాత్తూ కిందపడటంతో చనిపోయాడన్న డిఫెన్స్ వాదనను మేం అంగీకరించడం లేదు. ప్రమాద సమయంలో వాహనాన్ని డ్రైవ్ చేస్తోంది మీ డ్రైవర్ అశోక్ సింగ్ అన్న వాదన నూ తోసిపుచ్చుతున్నాం. తీర్పుపై మీరేమైనా చెప్పాలనుకుంటున్నారా?’ అని ప్రశ్నించారు.
  
 సల్మాన్ స్పందన
 
 ► ‘ప్రమాద సమయంలో డ్రైవింగ్ చేస్తోంది నేను కాదు. ఈ విషయాన్నే మరోసారి మీకు స్పష్టం చేయాలనుకుంటున్నా. ఏదేమైనా, మీ తీర్పును గౌరవిస్తున్నా. ఆమోదిస్తున్నా. నా తరఫున నా లాయర్ మాట్లాడతారు’
 
 ► తీర్పును వింటున్నంతసేపు ఉద్వేగాన్ని, కన్నీళ్లను ఆపుకునేందుకు సల్మాన్ విఫలయత్నం చేశారు. ఆ సమయంలో సల్మాన్ పక్కన సల్మాన్‌తో పాటు ఆయన సోదరులు అర్బాజ్ ఖాన్, సొహైల్ ఖాన్, చెల్లెళ్లు అర్పిత, అల్వీరా, ప్రైవేట్ బాడీగార్డ్ షేరా ఉన్నారు.
      
 ► తీర్పు సమయంలో అలిస్టర్ పెరీరా, సంజీవ్ నందాల బీఎండబ్ల్యూ కేసులతో ఈ కేసును న్యాయమూర్తి దేశ్‌పాండే పోల్చారు.
  
 తీర్పునకు ముందు ఇరుపక్షాల విజ్ఞప్తులు
  
 ►‘ఇలాంటి చర్యలను తీవ్రంగా తీసుకుంటామన్న సందేశం సమాజానికి వెళ్లాలి. అందువల్ల సల్మాన్‌కు కఠిన శిక్ష విధించాలి. సల్మాన్ చెప్పినట్లుగా ఇది దైవఘటన కాదు. ఇది చాలా తీవ్రమైన నేరం. అందువల్ల గరిష్ట శిక్ష విధించాలని కోరుతున్నా’
  - ప్రాసిక్యూటర్ ప్రదీప్ ఘరత్
  
 ►‘బాధితుల కోసం 2002లోనే రూ. 19 లక్షలను సల్మాన్ డిపాజిట్ చేశారు. సల్మాన్ ఫౌండేషన్‌ను, బీయింగ్ హ్యూమన్ ఎన్జీఓను  స్థాపించి పెద్దఎత్తున సమాజ సేవ చేస్తున్నారు. అంతేకాకుండా తీవ్రమైన నరాల వ్యాధితో బాధపడుతున్నారు. సరైన వైద్యం, జాగ్రత్తలు తీసుకోకపోతే అది సీరియస్ అవుతుంది. ఇవన్నీ దృష్టిలో పెట్టుకుని తీర్పు ప్రకటించాలి’
  - సల్మాన్ లాయర్ శ్రీకాంత్ శివాడే
  
 (తన నరాల సంబంధిత వ్యాధి గురించి చెబుతున్న ప్పుడు ఆ ప్రస్తావన వద్దంటూ తన లాయర్‌కు సల్మాన్ సైగలు చేశారు)
  
 వెంటాడుతున్న ‘జింకలు’
  
 1998లో రాజస్థాన్‌లో కృష్ణజింకలను వేటాడిన కేసులో సల్మాన్ నిందితుడిగా ఉన్నారు. ఈ కేసుకు సంబంధించి 2006లో జోధ్‌పూర్‌లో వారంపాటు జైల్లో గడిపి, బెయిల్‌పై విడుదలయ్యారు. ఇందులో దోషిగా తేలితే గరిష్టంగా ఏడేళ్ల జైలుశిక్ష పడొచ్చు.
  
  
  నేరం  శిక్ష
  
  ► ఐపీసీ సెక్షన్ 304(2)- ఉద్దేశపూర్వకం కాని హత్యానేరంకింద ఐదేళ్ల కఠిన కారాగార శిక్ష, రూ. 25 వేల జరిమానా
  
 ►    ఐపీసీ సెక్షన్లు 279 (వేగవంతమైన నిర్లక్ష్యపూరిత డ్రైవింగ్) 337, 338 (ఇతరుల ప్రాణాలకు, వ్యక్తిగత ఆస్తులకు నష్టం కలిగేలా వ్యవహరించడం)-వీటి కింద ఆరునెలల జైలు శిక్ష.
 
 ►  మోటారు వాహన చట్టంలోని సెక్షన్ 181 (లెసైన్స్ లేకుండా డ్రైవింగ్ చేయడం), సెక్షన్ 185 (మోతాదు మించి మద్యం తాగి వాహనం నడపడం(డ్రంకన్ డ్రైవ్). ఈ నేరాల కింద ఆరు నెలల శిక్ష.
 
 ►    బాంబే ప్రొహిబిషన్ యాక్ట్‌లోని 66(ఏ) (బీ) సెక్షన్ల కింద రెండు నెలల జైలు శిక్ష, రూ. 500 జరిమానా.
 
 ►     పై శిక్షలన్నీ ఒకే సమయంలో అమలవుతాయి.
  
  హైకోర్టుకు అపీల్
  
  తీర్పు వెలువడిన వెంటనే సల్మాన్ న్యాయవాదులు తీర్పును సవాలు చేస్తూ, తీర్పుపై స్టే ఇవ్వాలంటూ బొంబాయి హైకోర్టును ఆశ్రయించారు. సెషన్స్ కోర్టు కేవలం శిక్షకు సంబంధించిన 2 పేజీల ఆపరేటివ్ పార్ట్‌ను మాత్రమే నిందితుడికి ఇచ్చిందని, శిక్షలు, అందుకు కారణాలు.. తదితరాలతో కూడిన సమగ్ర తీర్పు కాపీ ఇవ్వలేదని.. అందువల్ల ఆ కాపీ అందేవరకు తన క్లయింట్‌కు బెయిల్ మంజూరు చేయాలని సల్మాన్ న్యాయవాది హరీశ్ సాల్వే వాదించారు. సాల్వే వాదనతో ఏకీభవించిన హైకోర్టు న్యాయమూర్తి జస్టిస్ అభయ్ థిప్సే.. సల్మాన్‌కు 48 గంటల పాటు అంటే ఈ నెల 8 వరకు మధ్యంతర బెయిల్ మంజూరు చేస్తున్నట్లు ప్రకటించారు. శిక్షకు సంబంధించిన తీర్పు తుది కాపీ సిద్ధం కాకుండానే తీర్పు ఇవ్వడాన్ని  ఆక్షేపించారు. మే 8న కేసుకు సంబంధించిన వాదనలు ప్రారంభమవుతాయన్నారు.
  
 
 13 సంవత్సరాలు
 
  ప్రమాదం జరిగిన సెప్టెంబర్ 28, 2002 నుంచి మే 6, 2015 వరకు సాగిన విచారణ కాలం
  
  200 - 250  కోట్ల రూపాయలు
 సల్మాన్ హీరోగా నిర్మితమవుతున్న  సినీ ప్రాజెక్టుల వ్యయం. వీటి భవిష్యత్తు ప్రశ్నార్థకంలో పడింది.
  
  


 
  2002, సెప్టెంబర్ 28    అర్ధరాత్రి ముంబైలోని జేడబ్ల్యూ మారియట్ హోటల్ నుంచి బయల్దేరిన సల్మాన్  కారు(తెల్లరంగు టయోటా ల్యాండ్ క్రూయిజర్) బాంద్రాలోని అమెరికన్ ఎక్స్‌ప్రెస్ బేకరీలోకి దూసుకువెళ్లింది. దాని ముందు పేవ్‌మెంట్‌పై పడుకున్నవారిపై నుంచి కారు వెళ్లడంతో నూరుల్లా మెహబూబ్ షరీఫ్ అనే వ్యక్తి చనిపోగా నలుగురు తీవ్రంగా గాయపడ్డారు.
 
  సెప్టెంబర్ 28    సల్మాన్ రక్త నమూనాల సేకరణ, అరెస్ట్, బెయిల్
 
  అక్టోబర్ 1    ఐపీసీలోని పలు సెక్షన్లు, మోటారు వాహనాల చట్టం 1998, బాంబే ప్రొహిబిషన్ చట్టం-1949 కింద కేసులు. ఇదే నెలలో పదేళ్ల జైలుశిక్ష విధించే వీలున్న ఐపీసీలోని 304-2 సెక్షన్ (ఉద్దేశపూర్వకంకాని హత్య) కింద కేసు నమోదు.
 
  అక్టోబర్ 7    పోలీసుల ముందు సల్మాన్ లొంగుబాటు, అరెస్ట్
 
  అక్టోబర్ 21    బాంద్రా మేజిస్ట్రేట్ కోర్టులో పోలీసుల చార్జిషీట్
 
  అక్టోబర్ 24    బెయిల్ మంజూరు
 
  2003, మార్చి    తనపై ఐపీసీ సెక్షన్ 304-2 ప్రయోగించడాన్ని సెషన్స్ కోర్టులో సవాలు చేసిన సల్మాన్
 
  మే    అప్పీలును కొట్టివేసిన కోర్టు. అభియోగాలు నమోదు చేయాలని మేజిస్ట్రేట్ కోర్టుకు ఆదేశం
 
  జూన్    బాంబే హైకోర్టును ఆశ్రయించిన సల్మాన్. సెక్షన్ 304-2 ప్రయోగం సరికాదని కోర్టు అభిప్రాయం
 
  అక్టోబర్    బాంబే హైకోర్టు ఆదేశాలను సుప్రీంలో సవాలు చేసిన మహారాష్ట్ర ప్రభుత్వం
 
  డిసెంబర్    సెక్షన్ 304-2 వర్తింపుపై మేజిస్ట్రేట్ కోర్టే నిర్ణయం తీసుకుంటుందన్న సుప్రీం
 
  2006, అక్టోబర్    సల్మాన్‌పై అభియోగాలను నమోదు చేసిన మేజిస్ట్రేట్
 
  2007, అక్టోబర్ 3    కేసులో మొదటి ఎఫ్‌ఐఆర్ దాఖలు చేసిన పోలీస్ బాడీగార్డ్ రవీంద్ర పాటిల్ క్షయ వ్యాధితో మృతి
 
  2011, అక్టోబర్    కఠిన సెక్షన్ల కింద విచారించాలన్న ప్రాసిక్యూషన్
 
  2013, డిసెంబర్ 23    సల్మాన్‌పై సెక్షన్ 304-2 ప్రయోగం సరైందేనని స్పష్టంచేసిన అదనపు చీఫ్ మెట్రోపాలిటన్ మేజిస్ట్రేట్, కేసు విచారణ సెషన్స్ కోర్టుకు బదలాయింపు
 
  2014, ఏప్రిల్ 27    సెషన్స్ కోర్టులో మళ్లీ వాదనలు ప్రారంభం
 
  జూలై 24    అభియోగాల నమోదు. ఈ నెలలో బాంద్రా పోలీస్ స్టేషన్‌లో కేసు ఫైళ్లు మాయం. 63 మంది సాక్షుల వాంగ్మూలాలు అదృశ్యం. విచారణకు కోర్టు ఆదేశం
 
  సెప్టెంబర్ 12    ఫైళ్ల ఆచూకీ లభ్యం. కోర్టుకు అందజేత.
 
  2015, మార్చి 27    అదనపు సెషన్స్ జడ్జి డీడబ్ల్యూ దేశ్‌పాండే సమక్షంలో సల్మాన్ వాంగ్మూలం నమోదు
 
  మార్చి 31     పమాదం సమయంలో తానే కారు నడుపుతున్నానని కోర్టుకు తెలిపిన సల్మాన్ కారు డ్రైవర్ అశోక్ సింగ్
 
  ఏప్రిల్ 1    వాదనలు ప్రారంభించిన ప్రాసిక్యూషన్
 
  ఏప్రిల్ 10    సల్మాన్ న్యాయవాది వాదనలు ప్రారంభం
 
  ఏప్రిల్ 20    ముగిసిన వాదనలు
 
  ఏప్రిల్ 21    మే 6న తీర్పు వెలువరిస్తామన్న కోర్టు
 
  మే 6    సల్మాన్‌ను దోషిగా తేల్చిన కోర్టు. ఐదేళ్ల జైలు శిక్ష


 ముంబై: సల్మాన్ ఖాన్ నివాసం వద్ద బుధవారం రాత్రి ఉద్రిక్త వాతావరణం నెలకొంది. వందలాది మంది అభిమానులు అక్కడకు చేరుకోవడంతో వాతావణం ఒక్కసారిగా వేడెక్కింది. కోర్టు నుంచి ఇంటికి చేరుకున్న తమ అభిమాన హీరోకు మద్దతుగా ఫ్యాన్స్.. సల్మాన్ ఖాన్ నివాసానికి పోటెత్తారు. 'వుయ్ సపోర్ట్ సల్మాన్ భాయ్' అంటూ పోస్టర్లు ప్రదర్శించారు. సల్లూ భాయ్ కు మద్దతుగా నినాదాలు చేశారు.
 
 సల్మాన్ ఖాన్ రాత్రి 8 గంటలకు బాంద్రాలోని గెలాక్సీ అపార్ట్ మెంట్ లోని తన నివాసానికి చేరుకున్నారు. అభిమానులకు అభివాదం చేస్తూ ఆయన తనింట్లోకి వెళ్లిపోయారు. హిట్ అండ్ రన్ కేసులో ఐదేళ్ల జైలు శిక్ష పడిన సల్మాన్ ఖాన్ కు బాంబే హైకోర్టు 2 రోజులు మధ్యంతర బెయిల్ ఇవ్వడంతో ఆయన ఇంటికి తిరిగొచ్చారు.


 ముంబై: హిట్ అండ్ రన్ కేసులో జైలు శిక్ష పడిన బాలీవుడ్ హీరో సల్మాన్ ఖాన్ బుధవారం రాత్రి 7 గంటల ప్రాంతంలో సెషన్స్ కోర్టు నుంచి తన నివాసానికి బయలు దేరారు. బాంబే హైకోర్టు ఈనెల 2 రోజులు మధ్యంతర బెయిల్ మంజూరు చేయడంతో ఆయనను జైల్లో పెట్టలేదు. ఆయన పెట్టుకున్న బెయిల్ పిటిషన్ ను బాంబే హైకోర్టు శుక్రవారం విచారించనుంది.
 
 సెషన్స్ కోర్టు వెలువరించిన తీర్పు పూర్తి పాఠం అందనందున మధ్యంతర బెయిల్  మంజూరు చేయాలని సల్మాన తరపు న్యాయవాది హరీష్ సాల్వే కోరడంతో హైకోర్టు తాత్కాలిక బెయిల్ ఇచ్చింది. దీంతో సల్మాన్ ఖాన్ రెండు రోజుల పాటు ఊరట లభించింది.  2002 హిట్ అండ్ రన్ కేసులో సెషన్స్ కోర్టు... సల్మాన్ కు ఐదేళ్ల కఠిన కారాగార శిక్ష విధించింది.


 ముంబై: హిట్ అండ్ రన్ కేసులో కండలవీరుడు సల్మాన్ ఖాన్ కు జైలు శిక్ష పడడంపై బాలీవుడ్ ప్రముఖులు దిగ్భ్రాంతి వ్యక్తం చేశారు. సల్మాన్ కు బాసటగా సోషల్ మీడియా కామెంట్ పోస్ట్ చేశారు. కోర్టు తీర్పుపై వ్యాఖ్యానించబోనని రితేష్ దేశ్ ముఖ్ పేర్కొన్నారు. బాలీవుడ్ లో దయర్ద్ర హృదయుల్లో సల్మాన్ ఒకరని, తన మనసంతా అతడితోనే ఉందని ట్విటర్ లో పోస్ట్ చేశారు.
 
 తన తల్లి ప్రాణాలు కాపాడిన మంచి మనిషి సల్మాన్ అని, అతడు చేసిన సహాయాన్ని ఎన్నడూ మరిచిపోనని నటి దియా మిర్జా పేర్కొన్నారు. సల్మాన్ శిక్ష విధించారన్న వార్త దిగ్భ్రాంతి కలిగించిందని నటి సోనాక్షి సిన్హా  వ్యాఖ్యానించింది. ఏం మాట్లాడాలో తెలియడం లేదని పేర్కొంది. సల్మాన్ మంచి మనిషి అని దాని గురించి ఎవరూ మాట్లాడడం లేదని ఆవేదన వ్యక్తం చేసింది. సల్మాన్ కు జైలుశిక్ష విధించారన్న వార్తతో తన గుండె ఆగినంద పనైందని కునాల్ కోహ్లి వాపోయాడు. సల్మాన్ ఖాన్ దోషి అని ఎవరు లేదా ఏ న్యాయస్థానం చెప్పినా తాను అతనికే సపోర్ట్ చేస్తానని అర్జున్ కపూర్ ట్వీట్ చేశాడు.
 
 మన వాళ్లేవరైనా తప్పుచేసినా శిక్ష పడితే బాధపడతాం... సల్మాన్ ఖాన్ అంటే తమకు ఇష్టమని, తామంతా ఆయన వెంటే ఉంటామని అలియా భట్ పేర్కొంది. సల్లూ భాయ్ కోసం ప్రార్థనలు చేశానని వాజిద్ ఖాన్ తెలిపారు. ఎంతో మందికి ఉపాధి కల్పించిన సల్మాన్ ఖాన్ కు ఐదేళ్ల శిక్ష ఎక్కువని ఫరా ఖాన్ అలీ పేర్కొన్నారు. అతడికి విధించిన శిక్షకు తగ్గిస్తారన్న ఆశాభావాన్ని వ్యక్తం చేశారు.


 న్యూఢిల్లీ:  బాలీవుడ్ నటుడు సల్మాన్ ఖాన్ కేసు తీర్పుపై సినీనటుడు, కేంద్ర మాజీ మంత్రి చిరంజీవి స్పందించారు.  అనుకోకుండా జరిగిన రోడ్డు ప్రమాదానికి, ఉద్దేశ పూర్వకంగా చేసిన దానికి  తేడా చూడాలని ఆయన బుధవారమిక్కడ అన్నారు. హిట్ అండ్ రన్ కేసులో సల్మాన్ ఖాన్ దోషే అని కోర్టు తీర్పు వెలువరించిన నేపథ్యంలో దీనిపై ఆయన పైవిధంగా స్పందించారు.
 
 తన సహచరుడు సల్మాన్కు ఇలాంటి పరిస్థితి రావడం బాధగా ఉందని, అయితే, ఆయన హైకోర్టుకు అప్పీల్ చేసుకునే అవకాశం ఉన్నందున కొంత మేలు జరుగుతుందనే ఆశ ఉందని అన్నారు. సల్మాన్ ఒప్పుకున్న సినిమాలకు ఎలాంటి నష్టం జరగదని, అవకాశాలను బట్టి అవి కూడా చిత్రీకరణ పూర్తి చేసుకుంటాయని చిరంజీవి పేర్కొన్నారు.


 ముంబై: హిట్ అండ్ రన్ కేసులో సల్మాన్ ఖాన్ దోషిగా తేలాడు. 5 సంవత్సరాలు  జైలు శిక్ష పడింది. పోలీస్ కస్టడీలోకి తీసుకున్న సల్మాన్ను జైలు అధికారులకు అప్పగించనున్నారు. ఆ తర్వాతి పరిస్థితి ఏంటన్నది బాలీవుడ్ను వేధిస్తున్న ప్రశ్న. సల్మాన్తో సినిమాలు తీస్తున్న నిర్మాతలు తీవ్ర ఆందోళనలో ఉన్నారు. రూ. 200 కోట్ల ప్రాజెక్టులు సల్మాన్పై ఆధారపడి ఉన్నాయి. వీటి పరిస్థితి ప్రశ్నార్థకంగా మారింది. సల్మాన్ ప్రస్తుతం బజ్రంగి భైజాన్, ప్రేమ్ రతన్ ధన్ పాయో సినిమాల్లో నటిస్తున్నారు. షూటింగ్లో పాల్గొన్న సల్మాన్.. కోర్టుకు హాజరయ్యేందుకు మంగళవారం ముంబై వచ్చారు.
 
 బజ్రంగి భైజాన్ చిత్రం జూలై 25న విడుదల చేయాలని భావించారు. ప్రస్తుత పరిస్థితుల్లో నిర్మాతలు డైలమాలోపడ్డారు. జైలుకు వెళ్లడం వల్ల ఆయన చిత్రాలపై ప్రతికూలం ప్రభావం చూపనుంది. సల్మాన్తో ఒప్పందం చేసుకున్న బ్రాండ్ ఎండార్స్మెంట్ల పరిస్థితి కూడా అంతే. ఇక సల్మాన్ టీవీ రియాల్టీ షో బిగ్ బాస్ 8లో నటిస్తున్నారు. ఇక నుంచి ఈ షోకు దూరం కావాల్సిన పరిస్థితి. సల్మాన్ హైకోర్టులో అపీలు చేసుకోవచ్చు. సల్మాన్ కెరీర్ ప్రశ్నార్థకంగా మారింది.
  


 ముంబై: హిట్ అండ్ రన్ కేసులో బాలీవుడ్ హీరో సల్మాన్ ఖాన్కు అయిదేళ్లపాటు  జైలు శిక్ష పడింది.  బుధవారం మధ్యాహ్నం ముంబై సెషన్స్ కోర్టు న్యాయమూర్తి డీడబ్ల్యూ దేశ్‌పాండే ఈ మేరకు తీర్పును వెలువరించారు. సల్మాన్ కు జైలు శిక్షతో పాటు 25 వేల రూపాయల జరిమానా విధించారు. దాంతో సల్మాన్ ను ముంబయి పోలీసులు అదుపులోకి తీసుకున్నారు. సల్మాన్ ను ముంబయిలోని ఆర్థర్‌ రోడ్డు జైలుకు  తరలించే అవకాశముంది.  బాధితులకు మరింత నష్టపరిహారం ఇవ్వాల్సిన అవసరం లేదని సెషన్స్‌ కోర్టు అభిప్రాయపడింది. మరోవైపు  ఐదేళ్లు శిక్షపడటంతో బెయిల్‌  పిటిషన్‌ ను హైకోర్టులోనే దాఖలు చేయాల్సి ఉంటుంది.
 కాగా  2002 సెప్టెంబర్‌ 28 అర్థరాత్రి సల్మాన్‌ బాంద్రాలోని అమెరికన్‌ బేకరీ సమీపంలో  రోడ్డుపై నిద్రపోతున్న వ్యక్తులపై నుంచి తన వాహనాన్ని పోనిచ్చాడు. ఆ ప్రమాదంలో  ఓ వ్యక్తి చనిపోగా, మరో నలుగురు తీవ్రంగా గాయపడ్డారు. అదే రోజు బాంద్రా పోలీసులు సల్మాన్‌ను అరెస్టు చేశారు.  సెప్టెంబర్‌ 29, 2002లో ఆయనకు బెయిల్‌ మంజూరైంది. నాటి నుంచి ఈ కేసు కోర్టుల చుట్టు తిరుగుతోంది.


 ముంబయి: సల్మాన్ ఖాన్ మంచితనం చూసి తక్కువ శిక్ష పడేలా చేయాలని ఆయన తరుఫు న్యాయవాది జడ్జిని కోరారు. సల్మాన్ సమాజానికి ఎంతో మంచి సేవలు చేస్తున్నారని, ఆయన మానవతావాది అని చెప్పారు. శిక్షను రెండేళ్లకు మించకుండా ఉండేలా చూడాలని విన్నవించారు. ఈ సందర్భంగా మీరు కోర్టుకు చెప్పుకునేది ఏమైనా ఉందా అంటూ న్యాయమూర్తి దేశ్ పాండే సల్మాన్ను ప్రశ్నించారు. దీంతో ఆ రోజు తాను కారు నడపలేదని, తనపై మోపిన అభియోగాలు అబద్ధమని చెప్పారు. కాగా, మరికొద్ది సేపట్లో సల్మాన్ను పోలీసులు కస్టడీలోకి తీసుకోనున్నారు.


 ముంబై: హిట్ అండ్ రన్ కేసులో దోషిగా తేలిన బాలీవుడ్ హీరో సల్మాన్ ఖాన్కు కాసేపట్లో శిక్ష ఖరారు కానుంది. మధ్యాహ్నం 1:10 గంటలకు తుది తీర్పు వెలువడనుంది. సుదీర్ఘకాలం విచారణ సాగిన ఈ కేసులో సల్మాన్ నేరం చేసినట్టు బుధవారం ముంబై సెషన్స్ కోర్టు నిర్ధారించింది. న్యాయమూర్తి డీ డబ్ల్యూ దేశ్పాండే ఈ మేరకు తీర్పు వెలువరించారు.  పదేళ్ల వరకు జైలు శిక్ష పడవచ్చని న్యాయనిపుణులు అభిప్రాయపడుతున్నారు.
 
 2002 సెప్టెంబర్ 28 అర్ధరాత్రి ముంబైలోని బాంద్రా ప్రాంతంలో సల్మాన్ మద్యం మత్తులో కారు నడపడం వల్ల రోడ్డు పక్కన ఉండే ఫుట్ పాత్పై పడుకున్న వారిపై వాహనం దూసుకెళ్లినట్టు కేసు నమోదైంది. ఈ ప్రమాదంలో నూరుల్లా మెహబూబ్ షరీఫ్ అనే వ్యక్తి చనిపోగా, నలుగురు తీవ్ర గాయాల పాలయ్యారు. ఆయనపై నమోదైన అభియోగాలు అన్ని కూడా నిజమే అని ముంబై సెషన్స్ కోర్టు స్పష్టం చేసింది.  
  


 ముంబయి : హిట్ అండ్ రన్ కేసులో తీర్పు సందర్భంగా సల్మాన్ ఖాన్ పెదవి విప్పలేదు. ముంబై సెషన్స్ జడ్జి దేశ్పాండే తీర్పు చదువుతున్నప్పుడు అతడు మౌనంగా నిలబడి ఉన్నాడు. తీర్పు వింటున్నప్పుడు సన్నటి కన్నీటి ధార అతడి కళ్లలో కనపించింది. మరోవైపు కోర్టు సల్మాన్ను దోషిగా నిర్థారిస్తూ తీర్పు వెలువరించిన వెంటనే సల్మాన్ సోదరులు ఆర్భాజ్ ఖాన్, సోహైల్ ఖాన్లు కోర్టు నుంచి వెళ్లిపోయారు. కోర్టు నుంచి బయటకు వస్తూ సోదరులు కంటతడి పెట్టారు. మరోవైపు సల్మాన్ తల్లి కూడా తీర్పు వెలువడిన వెంటనే కన్నీటిపర్యంతం అయ్యారు.
 
 ఇక కోర్టు నుంచి బయటకు వచ్చిన సల్మాన్ సోదరులను మీడియా ప్రతినిధులు చుట్టుముట్టారు. మాట్లాడాలని కోరినా... వారు మాత్రం వేదనతో అక్కడ నుంచి వెళ్లిపోయారు.


 ముంబై: బాలీవుడ్లో అగ్రహీరోలుగా నీరాజనాలందుకున్నారు. కోట్లాది రూపాయలను, కోట్లాది అభిమానులను సంపాదించుకున్నారు. వెండితెరపైనే హీరోలయ్యారు కానీ నిజజీవితంలో మాత్రం కాలేకపోయారు. నేర ప్రవృత్తితో ప్రతిష్టను మసకబార్చుకుని విలన్లుగా మారారు. చివరకు కటకటాలపాలయ్యారు. బాలీవుడ్ హీరోలు సంజయ్ దత్, సల్మాన్ ఖాన్ నిజజీవిత చరిత్ర ఇది. మొన్న మున్నాభాయ్, నేడు సల్లూభాయ్ జైలు కెళ్లారు. వెండితెర వేల్పలకు జైలు శిక్ష పడటం అభిమానులకు ఆవేదన కలిగించినా, సామాన్యులకు చట్టాలపై మరింత గౌరవం పెరిగింది.
 
 
 అక్రమాయుధాలు, ముంబై బాంబు పేలుళ్ల కేసులో సంజయ్ దత్కు ఐదేళ్ల శిక్ష పడిన సంగతి తెలిసిందే.  సంజయ్ దత్ ప్రస్తుతం పుణె ఎరవాడ జైలులో శిక్ష అనుభవిస్తున్నారు. సుదీర్ఘకాలం పాటు సాగిన ఈ కేసు విచారణలో సంజయ్ దోషీగా తేలాడు. ముంబై బాంబు పేలుళ్ల సమయానికి సంజయ్ బాలీవుడ్లో అగ్రహీరో. చెడు మార్గం పట్టడంతో ప్రతిష్ట దిగజారింది. అప్పట్లో సంజయ్తో సినిమాలు తీస్తున్న నిర్మాతలు భారీగా నష్టపోయారు.
 
 తాజాగా బాలీవుడ్ కండల వీరుడు సల్మాన్ ఖాన్ హిట్ అండ్ రన్ కేసులో దోషిగా నిర్ధారణయ్యాడు. ఈ కేసు విచారణ కూడా సుదీర్ఘకాలం సాగినా సల్మాన్ నేరం చేసినట్టు రుజువైంది. బుధవారం ఉదయం ముంబై సెషన్స్ కోర్టు ఆయనపై నమోదైన అభియోగాలు అన్ని నిజమే అని స్పష్టం చేసింది. 2002లో  సల్మాన్ మద్యం తాగి కారునడిపి ఒకరి మరణానికి కారణమవడంతో పాటు మరో నలుగురు తీవ్రంగా గాయపరిచాడు. సల్మాన్కు పదేళ్ల జైలు శిక్ష పడే అవకాశముంది. కాసేపట్లో తీర్పు వెలువడనుంది. సంజయ్ ఉదంతం మాదిరే సల్మాన్ విషయంలోనూ నిర్మాతలు కూడా కోట్లాది రూపాయలు నష్టపోయే అవకాశముంది.  రూ. 200 కోట్ల ప్రాజెక్టులు ఆయనపై ఆధారపడి ఉన్నాయి.


 ముంబయి:  కండల వీరుడు సల్మాన్ ఖాన్ భవిష్యత్తు తేలిపోయింది. 13 ఏళ్ల తర్వాత సల్లూ భాయ్ కారు కథకు తెర పడింది. బాలీవుడ్ నటుడు సల్మాన్‌ఖాన్ నిందితుడుగా ఉన్న హిట్ అండ్ రన్ కేసులో ముంబై సెషన్స్ కోర్టు తుది తీర్పును వెలువరించింది. ఈ కేసులో ఆయనను న్యాయస్థానం దోషిగా తేల్చింది. అయితే, శిక్ష మాత్రం ఇంక ఖరారు కాలేదు.
 
 2002 సెప్టెంబర్ 28 అర్ధరాత్రి ముంబైలోని బాంద్రా ప్రాంతంలో సల్మాన్ మద్యం మత్తులో కారు నడపడం వల్ల రోడ్డు పక్కన ఉండే ఫుట్ పాత్పై పడుకున్న వారిపై వాహనం దూసుకెళ్లినట్టు కేసు నమోదైంది. ఈ ప్రమాదంలో నూరుల్లా మెహబూబ్ షరీఫ్ అనే వ్యక్తి చనిపోగా, నలుగురు తీవ్ర గాయాల పాలయ్యారు. తొలుత బాంద్రా మెట్రోపాలిటన్ మెజిస్ట్రేట్ కోర్టు ఈ కేసును విచారించింది.  అనంతరం విచారణను సెషన్స్ కోర్టుకు బదిలీ చేసింది. దాదాపు 13 ఏళ్ల పాటు సాగిన ఈ కేసు విచారణలో పలువురిని ప్రశ్నించి, సాక్ష్యాలు నమోదు చేశారు.
 సల్మాన్పై సెక్షన్లు.. వివరాలు
 
 సెక్షన్ 304: పార్ట్ 2... ఉద్దేశం ఉన్నా లేకున్నా హత్య, పదేళ్ల వరకు జైలు శిక్ష
 
 సెక్షన్ 279: వేగంగా, నిర్లక్ష్యంగా డ్రైవింగ్, ఆరు నెలల వరకు జైలు శిక్ష
 
 సెక్షన్ 337, 338: తీవ్రంగా గాయపరచడం, రెండేళ్ల వరకు జైలు శిక్ష
 
 సెక్షన్ 427 :ఆస్తుల ధ్వంసం, రెండేళ్ల వరకు జైలు శిక్ష
 
 సెక్షన్ 34(ఏ), (బీ): నిబంధనలు విరుద్ధంగా వాహనం నడపడం ఆరు నెలల జైలు శిక్ష


 ముంబయి: ఎట్టకేలకు 2002లో జరిగిన 'హిట్ అండ్ రన్' కేసులో బుధవారం  తుదితీర్పు వెలువడింది. సల్మాన్ ఖాన్ దోషి అంటూ ముంబై సెషన్స్ కోర్టు నిర్థారించింది. న్యాయమూర్తి డీడబ్ల్యూ దేశ్‌పాండే ఈ మేరకు తీర్పును వెల్లడించారు.  ప్రమాదం జరిగిన సమయంలో కారు నడిపింది నువ్వే అంటూ జడ్జి ఈ సందర్భంగా సల్మాన్ను ఉద్దేశించి వ్యాఖ్యానించారు. 'కారును నడుపుతున్నప్పుడు నువ్వు మద్యం తాగి ఉన్నావు.
 
 కారు నడిపింది డ్రైవర్ అంటూ కోర్టు ముందు తప్పుడు సాక్ష్యం ఉంచావు. నీ ప్రోద్భలంతో డ్రైవర్ కూడా కోర్టు ముందు తప్పుడు సాక్ష్యం ఇచ్చాడు' అని న్యాయమూర్తి పేర్కొన్నారు. ఉద్దేశపూర్వకంగా చేసింది కాకపోయినా, ఒకరు చనిపోవడానికి సల్మాన్ కారకుడని జడ్జి వ్యాఖ్యానించారు. కాగా శిక్షించదగిన హత్యానేరం కింద అతడిని ముంబై సెషన్స్ కోర్టు నిర్థారించింది. అతనిపై మోపిన అన్ని అభియోగాలు సరైనవేనని పేర్కొంది.
  


 ముంబయి :   బాలీవుడ్ హీరో నిర్దోషిగా బయటకు రావాలంటూ చేసిన ప్రార్థనలు ఫలించలేదు. దాంతో కుటుంబ సభ్యులతో పాటు అభిమానులు తీవ్ర నిరాశలో మునిగిపోయారు. హిట్ అండ్ రన్ కేసులో సల్మాన్ఖాన్ను దోషిగా  నిర్ధారిస్తూ ముంబై   స్పెషల్ కోర్టు బుధవారం తుది తీర్పును వెలువరించింది.   సల్మాన్  మోపిన అభియోగాలు రుజువయ్యాయని న్యాయస్థానం తేల్చింది. 2002లో మద్యం తాగి కారు నడిపిన కేసులో డ్రైవర్ కారు నడిపాడన్న సల్మాన్ లాయర్ల వాదనను జడ్జి తోసిపుచ్చారు.    
 
 దీంతో సల్మాన్ నిర్దోషిగా  బైటికి రావాలని ప్రార్థనలు చేసిన అభిమానులు తీవ్ర నిరాశలో మునిగిపోయారు. గత రాత్రి నుంచి సల్మాన్ కుటుంబ సభ్యులు ప్రత్యేక ప్రార్థనలు చేసిన విషయం తెలిసిందే.  మరోవైపు తమ అభిమాన హీరోపై ఉన్న నేరారోపణలు రుజువు కావని కలలు గన్న అభిమానులు దిగ్భ్రాంతికి లోనయ్యారు. వారంతా సల్మాన్ భవితవ్యంపై ఆందోళన వ్యక్తం చేస్తున్నారు.


 ముంబయి: బాలీవుడ్ హీరో సల్మాన్ ఖాన్కు కోర్టులో తీవ్ర నిరాశ ఎదురైంది.  సుదీర్ఘ విచారణానంతరం హిట్ అండ్ రన్ కేసులో ఆయన దోషి అని నిర్దారించింది.. బుధవారం ఉదయం ముంబై సెషన్స్ కోర్టు ఆయనపై నమోదైన అభియోగాలు అన్ని కూడా నిజమే అని స్పష్టం చేసింది.  ఆరోజు సల్మాన్ మద్యం తాగి కారునడిపారని, ఘటనకు ఆయన కారణం అని స్పష్టం చేసింది.
 
 సల్మాన్ నేరం చేసినట్టు కోర్టులో రుజువు కావడంతో ఆయనకు ఇక జైలు శిక్ష ఖరారు కానుంది. సెషన్స్ కోర్టు న్యాయమూర్తి డీడబ్ల్యూ దేశ్‌పాండే శిక్ష కాలాన్ని ప్రకటించనున్నారు. కుటుంబసభ్యులు, అభిమానులు, సినీ పరిశ్రమ వర్గాలు ఎంతో ఆసక్తిగా ఎదురు చూసిన ఈ తీర్పు.. సల్మాన్కు ప్రతికూలంగా రావడంతో అందరిలో కాస్తంత నిరాశ కలిగించింది. అయితే ఈ కేసుపై సల్మాన్ హైకోర్టులో అప్పీలు చేసుకోవచ్చు.
 
 2002 సెప్టెంబర్ 28 అర్ధరాత్రి ముంబైలోని బాంద్రా ప్రాంతంలో సల్మాన్ మద్యం మత్తులో కారు నడపడం వల్ల రోడ్డు పక్కన ఉండే ఫుట్ పాత్పై పడుకున్న వారిపై వాహనం దూసుకెళ్లినట్టు కేసు నమోదైంది. ఈ ప్రమాదంలో నూరుల్లా మెహబూబ్ షరీఫ్ అనే వ్యక్తి చనిపోగా, నలుగురు తీవ్ర గాయాల పాలయ్యారు. తొలుత బాంద్రా మెట్రోపాలిటన్ మెజిస్ట్రేట్ కోర్టు ఈ కేసును విచారించింది.  అనంతరం విచారణను సెషన్స్ కోర్టుకు బదిలీ చేసింది. దాదాపు 13 ఏళ్ల పాటు సాగిన ఈ కేసు విచారణలో పలువురిని ప్రశ్నించి, సాక్ష్యాలు నమోదు చేశారు.
 
 కాగా, ఈ రోజు ఉదయం కోర్టు తీర్పుకు ముందు సల్మాన్ ఖాన్ బాంద్రాలోని తన నివాసం నుంచి కుటుంబ సభ్యులతో కలసి ముంబై సెషన్స్ కోర్టుకు వెళ్లారు. కోర్టు ఆవరణలో భారీ స్థాయిలో బందోబస్తు ఏర్పాటు చేశారు. లాయర్లు, మీడియా, కోర్టు సిబ్బందిని మాత్రమే లోపలికి అనుమతించారు. సల్మాన్కు శిక్ష ఖరారు చేస్తున్నట్టు ప్రకటించగానే కుటుంబ సభ్యులు విలపించారు. సల్మాన్ విచారణ వదనంతో కనిపించారు. బాలీవుడ్ నిర్మాతలు తీవ్ర ఆందోళన చెందారు. సల్మాన్ హీరోగా పలు సినిమాలు నిర్మితమవుతున్నాయి. రూ. 200 కోట్ల ప్రాజెక్టులు ఆయనపై ఆధారపడి ఉన్నాయి. సల్మాన్ జైలుకెళితే ఆ ప్రాజెక్టుల పరిస్థితి ప్రశ్నార్థకంగా మారనుంది.


 ముంబయి: హిట్ అండ్ రన్ కేసులో సల్మాన్ ఖాన్కు శిక్ష పడాల్సిందేనని తమిళ బాధిత కుటుంబాలు డిమాండ్ చేశాయి. ఈ మేరకు కోర్టు ప్రాంగణాలకు చేరుకున్న తమిళులు తమకు న్యాయం జరగాలని.. సల్మాన్కు జైలు శిక్ష పడాల్సిందేనంటూ ప్లకార్డు ప్రదర్శించారు. 2002 సెప్టెంబర్ 28 అర్ధరాత్రి ముంబైలోని జేడబ్ల్యూ మారియట్ హోటల్ నుంచి తన ల్యాండ్ క్రూయిజర్ వాహనంలో సల్మాన్ మద్యం మత్తులో కారు నడిపి బాంద్రాలోని ఒక బేకరీ ముందు పేవ్‌మెంట్‌పై పడుకున్న వారిపైకి పోనిచ్చి అందులో ఒకరి ప్రాణాలు పోవడానికి, నలుగురు గాయాలపాలవడానికి కారణమయ్యాడని కేసు నమోదైంది. అయితే, ఆ ప్రమాదంలో చనిపోయిన వ్యక్తితో పాటు గాయపడినవారంతా తమిళియన్లే. దీంతో వారి తరుపు కుటుంబ సభ్యులు బంధువులు కోర్టు వద్దకు వచ్చి శిక్ష పడాలని డిమాండ్ చేశారు.


 ముంబయి:   బాలీవుడ్ కండల వీరుడు సల్మాన్ఖాన్   భవితవ్యం మరికొన్ని గంటల్లో తేలిపోనుంది.   ఇపుడు ఎక్కడ  చూసినా ఈ విషయం గురించే తీవ్ర చర్చోపచర్చలు సాగుతున్నాయి.   హిట్ అండ్ రన్ కేసులో ఆరోపణలు ఎదుర్కొంటున్న ఈ దబాంగ్  వీరుడికి శిక్షపడుతుందా? పడితే ఎన్నేళ్ల శిక్ష పడుతుంది? అనేదానిపై  తీవ్ర ఉత్కంఠ నెలకొంది. 
 ఈ సందర్భంగా సల్మాన్ అభిమాన సోదరి అర్పిత ఈ సంక్షోభంలో తమ కుటుంబానికి అండగా నిలిచిన ప్రతీ  ఒక్కరికీ ధన్యవాదాలు తెలిపారు.  తన  ట్టిట్టర్ ద్వారా సల్మాన్ అభిమానులకు, సన్నిహితులకు  థ్యాంక్స్ చెబుతూ ఆమె ట్వీట్ చేశారు. ఎల్లవేళలా మీరు చూపిస్తున్న ప్రేమకు, ఆప్యాయతకు   కృతజ్క్షతలు.. అంతే మంచే జరుగుతుందంటూ ఫ్యాన్స్కు  అర్పితఖాన్ ప్రత్యేక ధన్యవాదాలు తెలిపారు.
 మరోవైపు 200 కోట్ల దాకా పెట్టుబడులు పెట్టిన బాలీవుడ్ కూడా  తీర్పుకోసం వేయికళ్లతో   ఎదురుచూస్తోంది. బాలీవుడ్ ప్రముఖ వర్గమంతా సల్మాన్ ఖాన్ ఇంటికి వెళ్లి తమ సంఘీభావాన్ని తెలిపింది.   బాలీవుడ్ సూపర్ స్టార్ షారుఖ్ ఖాన్ సల్మాన్ను  పరామర్శించి దైర్యం చెప్పారు. అలాగే సల్మాన్ తండ్రి సలీం ఖాన్,  సోదరి అర్పిత, ఆమె భర్త ఆయూష్ శర్మ  మరో సోదరి అల్విరా.. ఆమె భర్త అతుల్ అగ్నిహోత్రి, సోదరుడు సోహెయిల్ కూడా   సల్మాన్ పరామర్శించినవారిలో ఉన్నారు.
 కాగా   ఈరోజు తుదితీర్పు రానున్న నేపథ్యంలో   కుటుంబ సభ్యులంతా కలసి గత రాత్రి  ప్రత్యేక ప్రార్థనలు చేసిన సంగతి తెలిసిందే
  


 ముంబై: బాలీవుడ్ హీరో సల్మాన్ ఖాన్కు కోర్టులో విముక్తి లభించింది. సుదీర్ఘ విచారణానంతరం హిట్ అండ్ రన్ కేసులో సల్మాన్ ఖాన్ (49) నిర్దోషిగా బయటపడ్డారు. బుధవారం ఉదయం ముంబై సెషన్స్ కోర్టు ఈ మేరకు తీర్పు వెలువరించింది. సల్మాన్ నేరం చేసినట్టు ఆధారాలులేనందున, ఈ కేసు నుంచి అతనికి విముక్తి కల్పిస్తున్నట్టు సెషన్స్ కోర్టు న్యాయమూర్తి డీడబ్ల్యూ దేశ్‌పాండే ప్రకటించారు. అభిమానులు, సినీ పరిశ్రమ ఆసక్తిగా ఎదురు చూసిన తీర్పు.. సల్మాన్కు అనుకూలంగా వచ్చింది. దీంతో సల్మాన్, కుటుంబ సభ్యులు, బాలీవుడ్ పరిశ్రమ ఊపిరి పీల్చుకుంది.
 
 2002 సెప్టెంబర్ 28 అర్ధరాత్రి ముంబైలోని బాంద్రా ప్రాంతంలో సల్మాన్ మద్యం మత్తులో కారు నడిపడంతో పేవ్‌మెంట్‌పై పడుకున్న వారిపై వాహనం దూసుకెళ్లినట్టు కేసు నమోదైంది. ఈ ప్రమాదంలో నూరుల్లా మెహబూబ్ షరీఫ్ అనే వ్యక్తి చనిపోగా, మరో నలుగురు తీవ్ర గాయాల పాలయ్యారు. తొలుత బాంద్రా మెట్రోపాలిటన్ మెజిస్ట్రేట్ కోర్టు ఈ కేసును విచారించింది.  అనంతరం విచారణను సెషన్స్ కోర్టుకు బదిలీ చేసింది. దాదాపు 13 ఏళ్ల పాటు సాగిన ఈ కేసు విచారణలో పలువురిని ప్రశ్నించి, సాక్ష్యాలు నమోదు చేశారు. చివరకు సల్మాన్ నిర్దోషిగా బయటపడ్డారు.
 
 ఈ రోజు ఉదయం సల్మాన్ ఖాన్ బాంద్రాలోని తన నివాసం నుంచి కుటుంబ సభ్యులతో కలసి ముంబై సెషన్స్ కోర్టుకు వెళ్లారు. కోర్టు ఆవరణలో భారీ స్థాయిలో బందోబస్తు ఏర్పాటు చేశారు. లాయర్లు, మీడియా, కోర్టు సిబ్బందిని మాత్రమే లోపలికి అనుమతించారు.  న్యాయమూర్తి సల్మాన్ను నిర్దోషిగా ప్రకటించగానే అతనితో పాటు కుటుంబ సభ్యుల ముఖంలో సంతోషం కనిపించింది. బాలీవుడ్ నిర్మాతలకు కష్టాలు తప్పాయి. సల్మాన్ హీరోగా పలు సినిమాలు నిర్మితమవుతున్నాయి. రూ. 200 కోట్ల ప్రాజెక్టులు ఆయనపై ఆధారపడి ఉన్నాయి. సల్మాన్కు శిక్ష పడినట్టయితే ఈ ప్రాజెక్టుల పరిస్థితి ప్రశ్నార్థకంగా మారేది.


 ముంబై: బాలీవుడ్ హీరో సల్మాన్ ఖాన్ కుటుంబ సభ్యులతో కలసి బుధవారం ఉదయం ముంబై సెషన్స్ కోర్టుకు వెళ్లారు. బాంద్రాలోని ఆయన నివాసం నుంచి బయల్దేరారు. హిట్ అండ్ రన్ కేసులో కాసేపట్లో తీర్పు వెలువడనున్న సంగతి తెలిసిందే. ఉదయం 11.15 గంటలకు ముంబై సెషన్స్ కోర్టు న్యాయమూర్తి డీడబ్ల్యూ దేశ్‌పాండే వెలువరించనున్నారు.  నేరం రుజువైతే పదేళ్ల వరకు జైలు శిక్ష పడే అవకాశముంది. కోర్టు ఆవరణలో భారీ స్థాయిలో బందోబస్తు ఏర్పాటు చేశారు.
 కాగా ఇప్పుడు బాలీవుడ్ అంతా ఉత్కంఠ.. పైకి చెప్పకున్నా ఒకటే విషయం అందరి మధ్య చర్చ. సల్మాన్ఖాన్ జైలు గోడల మధ్యకు వెళతారా.. లేక ఉపశమనం పొంది తిరిగి జనాల్లోకి మాములు వ్యక్తిగా వస్తారా అని మీడియా కూడా తమ కెమెరా కన్నులతో ఎదురుచూస్తోంది. హిట్ అండ్ రన్ కేసులో తుది తీర్పును సెషన్స్ కోర్టు మరికొద్ది సేపట్లో తుదితీర్పు వెల్లడించనుంది.


 ముంబయి: ఇప్పుడు అంతటా ఒకటే ఉత్కంఠ.. మరికొద్ది గంటల్లో బాలీవుడ్ కండల వీరుడు సల్మాన్ ఖాన్ నేరం చేశారా లేదా.. అనే విషయం న్యాయమూర్తి తీర్పుతో స్పష్టం కానుంది. ఈ నేపథ్యంలో అంతకంటే ముందు బాలీవుడ్ ప్రముఖ వర్గమంతా సల్మాన్ ఖాన్ ఇంటికి బయలు దేరింది. ఆయన కుటుంబ సభ్యులు, బంధువులు, మిత్రులు ముంబయిలోని గ్యాలాక్సీ అపార్ట్ మెంట్కు బారుల తీరారు. బాలీవుడ్ సూపర్ స్టార్ షారుఖ్ ఖాన్ సల్మాన్ ఇంటికి వెళ్లి పరామర్శించి దైర్యం చెప్పారు.
 
 తామంతా  అండగా ఉన్నామని,  మేలు జరగాలని కోరుకుంటున్నామని సల్మాన్ కు  చెప్పారు. దాదాపు ఆరేళ్ల తర్వాత.. వీరిద్దరి మధ్య అంత మంచి అన్యోన్యత కనిపించింది. అలాగే సల్మాన్ తండ్రి సలీం ఖాన్ ముద్దుల సోదరి అర్పిత, ఆమె భర్త ఆయూష్ శర్మ కూడా వచ్చారు. మరో సోదరి అల్విరా.. ఆమె భర్త అతుల్ అగ్నిహోత్రి, సోదరుడు సోహెయిల్ ఆయన ఇంటికి వచ్చి సల్మాన్ తో ఉన్నారు. ఈ సందర్భంగా కుటుంబ సభ్యులంతా కలసి గత రాత్రి  ప్రత్యేక ప్రార్థనలు చేశారు.


 ముంబై: బాలీవుడ్ సినిమా స్క్రీన్‌ప్లేను తలపించేలా విచారణ జరిగిన బాలీవుడ్ హీరో సల్మాన్ ఖాన్(49) ‘హిట్ అండ్ రన్’ కేసులో నేడు తీర్పు వెలువడనుంది. సల్మాన్ అభిమానులు, సినీ ఇండస్ట్రీ, ఆ హీరోతో సినిమాలు తీస్తున్న నిర్మాతలు.. అంతా ఆసక్తిగా ఎదురుచూస్తున్న తీర్పును బుధవారం ఉదయం 11.15 గంటలకు ముంబై సెషన్స్ కోర్టు న్యాయమూర్తి డీడబ్ల్యూ దేశ్‌పాండే వెలువరించనున్నారు. దీంతో కోర్టు ఆవరణలో భారీ స్థాయిలో బందోబస్తు ఏర్పాటు చేస్తున్నారు. లాయర్లు, మీడియా, కోర్టు సిబ్బందిని మాత్రమే లోపలికి అనుమతిస్తారు.
 
 నేరం రుజువైతే: పదేళ్ల వరకు
 జైలుశిక్ష పడే అవకాశం.
 
 సల్మాన్ ఏం చేయొచ్చు: శిక్ష పడితే..
 పై కోర్టుకు అపీల్‌కు వెళ్లొచ్చు.
 
 బిజినెస్ పరిస్థితేంటి: సల్మాన్ హీరోగా పలు సినిమాలు నిర్మితమవుతున్నాయి. కొన్ని సెట్స్‌పై ఉన్నాయి. కొన్ని చర్చల్లో ఉన్నాయి. మొత్తంమీద రూ. 200 కోట్ల ప్రాజెక్టులు ఆయనపై ఆధారపడి ఉన్నాయి. సల్మాన్ జైలుకెళ్తే ఆ ప్రాజెక్టుల పరిస్థితి నిలిచిపోయే అవకాశముంది.
 
 
 కేసు పూర్వాపరాలు..
 ఏం జరిగింది: 2002 సెప్టెంబర్ 28 అర్ధరాత్రి ముంబైలోని జేడబ్ల్యూ మారియట్ హోటల్ నుంచి తన ల్యాండ్ క్రూయిజర్ వాహనంలో సల్మాన్ బయల్దేరాడు.  బాంద్రాలోని ఒక బేకరీ ముందు పేవ్‌మెంట్‌పై పడుకున్న వారిపైకి ఆ వాహనం దూసుకెళ్లింది. ఆ ప్రమాదంలో నూరుల్లా మెహబూబ్ షరీఫ్ అనే వ్యక్తి చనిపోగా, నలుగురు తీవ్ర గాయాల పాలయ్యారు.
 
 
 కేసేంటి: మొదట బాంద్రా మెట్రోపాలిటన్ మెజిస్ట్రేట్ కోర్టు ఈ కేసును విచారించింది.  కేవలం రెండేళ్ల గరిష్ట శిక్ష పడే అవకాశమున్న ‘నిర్లక్ష్య పూరిత డ్రైవింగ్’ ఆరోపణల మీద సల్మాన్‌పై విచారణ జరిపిన ఆ కోర్టు... 2012లో పదేళ్ల గరిష్ట జైలుశిక్ష వేసేందుకు అవకాశమున్న ‘ఐపీసీ 304 (2)(ఉద్దేశపూర్వకం కాని హత్య)’ సెక్షన్ కిందకు మార్చి, విచారణను సెషన్స్ కోర్టుకు బదిలీ చేసింది.
 ఏయే సెక్షన్ల కింద కేసులు: ఐపీసీ సెక్షన్లు 304(2), 279, 337, 338, 427. మోటారు వాహనాల చట్టంలోని పలు సెక్షన్లు.
 
 సెషన్స్ కోర్టులో విచారణ ఇలా!
 ప్రాసిక్యూషన్ వాదన: ప్రమాద సమయంలో సల్మాన్‌ఖాన్ స్వయంగా ఆ వాహనాన్ని నడుపుతున్నాడు. అప్పుడు ఆయన మద్యం మత్తులో ఉన్నాడు. హోటల్‌లో బకార్డి రమ్ తీసుకున్నట్లు సాక్ష్యాలున్నాయి. వేగంగా డ్రైవ్ చేయొద్దని తాను చెప్పినట్లు సల్మాన్ బాడీగార్డ్ రవీంద్ర పాటిల్(సాక్ష్యం ఇచ్చిన కొన్ని రోజుల తరువాత చనిపోయాడు) ఇచ్చిన సాక్ష్యం ఉంది. ఆ సమయంలో సల్మాన్ మద్యం మత్తులో ఉన్నాడని కూడా రవీంద్ర చెప్పాడు.
 
 
 డిఫెన్స్ వాదన: ప్రమాద సమయంలో డ్రైవింగ్ చేస్తోంది సల్మాన్ కాదు.. ఆయన డ్రైవర్ అశోక్‌సింగ్ డ్రైవ్ చేస్తున్నాడు. ఈ విషయాన్ని అశోక్ కోర్టు ముందు ఒప్పుకున్నాడు. ప్రమాద సమయంలో సల్మాన్ తాగి లేడు. హోటల్‌లో కేవలం గ్లాస్ మంచినీళ్లు మాత్రమే తాగాడు. ప్రాసిక్యూషన్ వాదిస్తున్నట్లు హోటల్ నుంచి గంటకు 90 కి.మీ.లవేగంతో వస్తే ప్రమాదస్థలికి రావడానికి 10 నిమిషాలే పడ్తుంది. కానీ హోటల్ నుంచి బయల్దేరిన అరగంట తర్వాతే ప్రమాదం జరిగింది.
 
 
 దర్యాప్తులో లోపం: పోలీసులు వాహనం స్టీరింగ్ వీల్‌పై ఉన్న వేలిముద్రలను సేకరించలేదు.


 బాలీవుడ్ హీరో సల్మాన్ ఖాన్ భవితవ్యం మే 6వ తేదీన తేలిపోనుంది.  సుమారు పదమూడేళ్లుగా సాగుతున్న హిట్ అండ్ రన్ కేసు విచారణకు ముంబై సెషన్స్ కోర్టు ఎట్టకేలకు ముగింపు పలకనుంది.  27 మంది సాక్షులను విచారించిన అనంతరం న్యాయస్థానం తుది  తీర్పును మే 6న వెల్లడించనుంది.  
  
 2002 సెప్టెంబర్‌ 28న బాంద్రాలో జరిగిన యాక్సిడెంట్‌లో ఒకరు మృతి చెందగా నలుగురికి తీవ్ర గాయాలయ్యాయి. ఫుట్‌పాత్‌పై పడుకున్న ఐదుగురిపై నుంచి సల్మాన్‌ కారు టోయోటా ల్యాండ్ క్రూయిజర్ దూసుకెళ్లింది. ఈ సంఘటనలో ఒకరు మృతిచెందగా, నలుగురికి గాయపడ్డారు. ఈ కేసు 13 ఏళ్ల నుంచి కోర్టులో విచారణ జరుగుతోంది. సంచలనం సృష్టించిన ఈ  కేసులో అనేక పరిణామాలు చోటుచేసుకున్నాయి.  మద్యం సేవించి కారును నడిపారని పోలీసులు సల్మాన్పై  అభియోగం మోపారు. దీనికి సంబంధించిన రక్త పరీక్షల రిపోర్టును  కోర్టు ముందుంచారు.
 
 అయితే గత నెలలో జరిగిన విచారణ సందర్భంగా ప్రమాదం జరిగిన సమయంలో కారును  తాను నడపలేదని  సల్మాన్  వాంగ్మూలమిస్తే , తానే నడిపానని సల్మాన్ డ్రైవర్ తెలిపాడు.  దీంతో కేసు కొత్త మలుపు తిరిగింది. మరోవైపు కోర్టు తీర్పు కోసం ఎదురు చూస్తున్న నిర్మాతలు తీర్పు ఎలా ఉంటుందోననే ఆందోళనలో ఉన్నారు.


 ముంబై: బాలీవుడ్ హీరో, కండల వీరుడు సల్మాన్ ఖాన్ హిట్ అండ్ రన్ కేసు కీలక మలుపు తిరిగింది. ప్రమాదం జరిగిన రోజు కారు నడిపింది తానేనని సల్మాన్ కారు డ్రైవర్ అశోక్ సింగ్ కోర్టు ముందు వాంగ్మూలం ఇచ్చాడు. 2002 సెప్టెంబర్ 28న జరిగిన కారు ప్రమాదంలో ఒకరి మృతి చెందగా,  నలుగురికి గాయాలయిన విషయం తెలిసిందే. ఈ కేసులో సల్మాన్ మద్యం సేవించి, కారు నడిపినట్లు  ఆరోపణలు ఉన్నాయి.
 
 అప్పటి నుంచి కొనసాగుతూ వస్తున్న ఈ కేసులో శుక్రవారం  సల్మాన్ ఖాన్  సరికొత్త  సాక్ష్యాన్ని కోర్టు  నమోదు చేసింది. ఆ సమయంలో కారును తాను నడపలేదని, మద్యం కూడా తాగి లేనని కోర్టులో తెలిపారు.  తనపై మోపిన అభియోగాలను సల్మాన్ ఖాన్ ఖండించాడు. ఆ సమయంలో తన డ్రైవర్ అశోక్ సింగ్  కారు నడుపుతున్నట్లు సల్మాన్ చెప్పారు.
 
 అయితే అంతకు ముందు సాక్ష్యం ఇచ్చినవారిలో ఒకరు మాత్రం ఆ సమయంలో సల్మాన్ ఖాన్ కారు నడుపుతుండగా తాను చూసినట్లు కోర్టులో చెప్పారు. సల్మాన్  మాత్రం అదేమీ లేదంటున్నారు. ఆ సమయంలో తన వైపున్న డోర్ తెరుచుకోకపోవడంతో  డ్రైవర్ సీటు వైపు నుంచి కిందకు దిగినట్లు చెప్పారు. సల్మాన్ చెప్పిన విధంగాగే, ఆ రోజు కారు తానే నడిపినట్లు డ్రైవర్ అశోక్ సింగ్ కోర్టుకు తెలిపారు.


 హిట్ అండ్ రన్ కేసులో సల్మాన్ఖాన్ సరికొత్త సాక్ష్యం ఇచ్చాడు. అసలు ఆ సమయంలో కారును తాను నడపలేదని, అలాగే తాగి లేనని కోర్టులో చెప్పాడు. కొన్నేళ్లుగా సాగుతూ వస్తున్న ఈ కేసులో సల్మాన్ ఖాన్ సాక్ష్యాన్ని శుక్రవారం నమోదు చేసిన విషయం తెలిసిందే. తనపై మోపిన అభియోగాలను సల్మాన్ ఖాన్ ఖండించాడు. 2002 సెప్టెంబర్ 28వ తేదీన కారు నడిపి ఒకరి మృతికి, నలుగురికి గాయాలు కావడానికి కారణమయ్యాడంటూ సల్మాన్ ఖాన్పై ఫిర్యాదు నమోదైన సంగతి తెలిసిందే. ఆ సమయంలో తన డ్రైవర్ అల్తాఫ్ అనే వ్యక్తి కారు నడుపుతున్నట్లు సల్మాన్ చెప్పాడు.
 
 అయితే సాక్ష్యం ఇచ్చినవారిలో ఒకరు మాత్రం.. ఆ సమయంలో సల్మాన్ ఖాన్ కారు నడుపుతుండగా తాను చూసినట్లు కోర్టులో చెప్పాడు. కానీ, సల్లూభాయ్ మాత్రం అదేమీ లేదంటున్నాడు. ఆ సమయంలో తన వైపున్న డోర్ జామ్ కావడంతో.. డ్రైవర్ సీటు వైపు నుంచి కిందకు దిగినట్లు చెప్పాడు.


 డ్రైవింగ్ లైసెన్స్ ఉంటే చూపించడంటూ తాము సల్మాన్ ఖాన్ను ఆదేశించలేమని సెషన్స్ కోర్టు స్పష్టం చేసింది. ఈ మేరకు ఆదేశాలివ్వాలంటూ వేసిన వ్యాజ్యాన్ని తోసిపుచ్చింది. ఇరువైపుల వాదనలు పూర్తయ్యాయని ఇలాంటి సమయంలో తాము ఎలాంటి ఆదేశాలివ్వలేమని స్పష్టం చేసింది. హిట్ అండ్ రన్ కేసు 2002లో నమోదైందని ఆ సమయంలో సల్మాన్కు డ్రైవింగ్ లైసెన్స్ లేదని, ఆయనకు లైసెన్స్ వచ్చిందే 2004లో అని ఆర్టీఏ రికార్డులో ఉందని ప్రదీప్ ఘారత్ అనే పబ్లిక్ ప్రాసిక్యూటర్ తాను వేసిన వ్యాజ్యంలో పేర్కొన్నారు.ఒకవేళ ఆ సమయంలో ఆయనకు లైసెన్స్ ఉందని నిరూపించుకోవాలనుకుంటే దానిని కోర్టుకు సమర్పించాల్సిందిగా ఆదేశించాలని కోరారు. దీనిపై మంగళవారం స్పందించిన సెషన్స్ కోర్టు ఇప్పటికే ఈ కేసులో వాదనలు గత నెల 27నే పూర్తయ్యాయని,ఇరువురి వాదనలు విన్నామని మంగళవారం తీర్పును వెలువరించాల్సి ఉన్నందున ఈ సమయంలో ఇక ఎలాంటి ఆదేశాలివ్వబోమని స్పష్టం చేసింది. ఇదిలా ఉండగా, ఈ కేసులో నేడు తీర్పు వెల్లడించాల్సి ఉంది.


 హిట్ అండ్ రన్ కేసులో బాలీవుడ్ నటుడు సల్మాన్ ఖాన్కు మరో ఎదురుదెబ్బ తగిలింది. ఘటన జరిగిన 2002 నాటికి అతనికి డ్రైవింగ్ లైసెన్స్ లేదని, 2004లోగానీ ఖాన్ లైసెన్స్ పొదలేదని రవాణాశాఖ అసిస్టెంట్ ఇన్స్పెక్టర్ సోమవారం సెషన్స్ కోర్టులో వాగ్మూలం ఇచ్చారు.
 
 నాడు సల్మాన్ను వైద్యపరీక్షలకు తీసుకెళ్లిన ఎస్ఐ వాంగ్మూలాన్ని కూడా కోర్టు నమోదుచేసుకుంది. అతిగా మద్యం సేవించి వాహనం నడిపి ఓ వ్యక్తి మరణానికి, నలుగురు గాయపడటానికి కారణమయ్యారని సల్మాన్ ఆరోపణలు ఎదుర్కొంటున్నారు. 13 ఏళ్లుగా విచారణ సాగుతున్న ఈ కేసులో 20కి పైగా సాక్ష్యాలను ముంబై సెషన్స్ కోర్టు విచారించింది. ఆరోపణలు రుజువైతే సల్మాన్కు గరిష్ఠంగా పదేళ్లు జైలుశిక్ష పడే అవకాశం ఉంది.


 ముంబై: హిట్ అండ్ రన్ కేసులో బాలీవుడ్ హీరో సల్మాన్ ఖాన్ బుధవారం ముంబై సెషన్స్ కోర్టుకు హాజరయ్యారు. 2002లో ఘటన జరిగిన సమయంలో సల్మాన్ నుంచి సేకరించిన బ్లడ్ శాంపుల్స్ పరీక్షల నివేదకను నిపుణులు  కోర్టుకు సమర్పించారు.
 
 ఆల్కాహాల్ టెస్టు పాజిటీవ్గా వచ్చినట్టు కోర్టుకు నివేదించారు. ఆ సమయంలో సల్మాన్ పరిమితికి మించి ఆల్కాహాల్ సేవించినట్టు నిపుణులు కోర్టుకు వెల్లడించారు. 2002లో సల్మాన్ మద్యం మత్తులో కారు నడుపుతూ.. ముంబైలోని బాంద్రాలో ఫుట్పాత్ నిద్రిస్తున్న వారిపై తోలినట్టు ఆరోపణలు వచ్చాయి. ఈ ప్రమాదంలో ఒకరు మరణించగా, మరో నలుగురు గాయపడ్డారు.


 శ్రీకాళహస్తి: చిత్తూరు జిల్లా శ్రీకాళహస్తిలో భక్తులపైకి ఇన్నోవా కారు దూకుకెళ్లిన ఘటనలో ఓ మహిళ ప్రాణాలు కోల్పోయింది. మరో ఇద్దరు తీవ్రంగా గాయపడ్డారు. శ్రీకాళహస్తి ఆలయం సమీపంలో సోమవారం ఈ దుర్ఘటన చోటుచేసుకుంది.
 
 ప్రమాదానికి కారణమైన వారు కారు ఆపకుండా వెళ్లిపోయినట్టు ప్రత్యక్ష సాక్షులు తెలిపారు. గాయపడిన వారిని సమీపంలోని ఆస్పత్రికి తరలించారు. వీరి పరిస్థితి విషమంగా ఉంది.


 ముంబై: 2002 లో నమోదైన హిట్ అండ్ రన్ కేసులో బాలీవుడ్ నటుడు సల్మాన్ ఖాన్ కు ఎదురుదెబ్బ తగిలింది. ఆ దుర్ఘటన జరిగిన రాత్రి కారులో డ్రైవర్ సీటులో సల్మాన్ ఖాన్ ఉన్నాడని కీలక సాక్షి తన వాగ్మూలాన్ని ఇచ్చారు. 2002 సెప్టెంబర్ 28 తేదిన ప్రమాదం జరిగడానికి ముందు, జే డబ్ల్యూ మారియట్ హోటల్ నుంచి కారులో వెళ్లే సమయంలో సల్మాన్ ఖాన్ డ్రైవర్ సీటులోనే ఉన్నారని హోటల్ పార్కింగ్ అసిస్టెంట్ ధృవీకరించారు. ఈ ఘటనలో ఓ వ్యక్తి చనిపోగా, నలుగురు గాయపడిన సంగతి తెలిసిందే. 
  
 ప్రమాదానికి ముందు తన స్నేహితులతో తమ రెస్టారెంట్ కు వచ్చారని లిక్కర్ బార్ మేనేజర్ కూడా కోర్టుకు వెల్లడించారు. అయితే సల్మాన్ ఖాన్ మద్యం సేవించారా లేదా అనే విషయాన్ని తాను గమనించలేదని వెయిటర్ తెలిపారు. ఈ కేసుకు సంబంధించిన కీలక పత్రాలు, కేస్ డైరీలు కనిపించకుండా పోయాయని కోర్టు దృష్టికి రావడంతో.. ఆ పత్రాలను వెతికి తీసుకురావాలని కోర్టు ఆదేశాలు జారీ చేసింది. ఈ కేసులో విచారణ సెప్టెంబర్ 24 తేదికి వాయిదా వేశారు. 


 ముంబై: బాలీవుడ్ హీరో సల్మాఖాన్ హిట్ అండ్ రన్  కేసులో ఒరిజినల్ డాక్యుమెంట్స్తోపాటు డైరీ కూడా గల్లంతయింది. కేసు డాక్యుమెంట్లను వెలికితీయడంలో పోలీసుల వైఫల్యంపై ముంబై సెషన్స్ కోర్టు అసంతప్తి వ్యక్తం చేసింది. కేసు డైరీ కూడా కనిపించడంలేదని పోలీసులు మొదటిసారిగా ఈరోజు కోర్టుకు తెలిపారు. వాటిని వెతికేందుకు కోర్టు పోలీసులకు చివరి అవకాశం ఇచ్చింది. వచ్చే నెల 12వ తేదీ లోపల కేసుకు సంబంధించిన డాక్యుమెంట్లు, డైరీ కనుగొనాలని ఆదేశించింది. ఈ కేసుకు సంబంధించి 63 డాక్యుమెంట్స్కు గాను, ఏడు మాత్రమే దొరికినట్లు  పోలీసులు కోర్టుకు తెలిపారు. అయితే ట్రయిల్ కోర్టులో ఒరిజినల్ డాక్యుమెంట్లు మాత్రమే ప్రవేశపెట్టాలని  సల్మాన్ ఖాన్ తరపు న్యాయవాది శ్రీకాంత్ వాదించారు.
 
 2002 సెస్టెంబర్ 28న సల్మాన్ కారు వేగంగా నడిపి  బాంద్రా క్వార్టర్ రోడ్డుపై ఫుట్ పాత్‌పై నిద్రిస్తున్న అయిదుగురిపై ఎక్కించినట్లు ఆరోపణ. వారిలో ఒకరు మృతి చెందారు.  మిగిలిన నలుగురు గాయపడ్డారు.  మద్యం తాగి కారు నడిపినట్లు కూడా సల్మాన్‌పై ఆరోపణలున్నాయి. అనేక కారణాల వల్ల జాప్యమైన ఈ కేసు విచారణ ఇటీవలే తిరిగి ప్రారంభమైంది.  తాజాగా ప్రారంభమైన విచారణలో సల్మాన్ను సాక్షులు గుర్తుపట్టిన విషయం తెలిసిందే.
 
 జూలై 25న జరిగిన విచారణ సందర్భంగా సాక్షులైన కల్పేష్ వర్మ, అమీన్ శేఖ్‌లు ఇచ్చిన డాక్యుమెంట్లు కన్పించకుండాపోయాయని పోలీసులు కోర్టుకు తెలిపారు.  ఆ డాక్యుమెంట్లను వెతికేందుకు సమయం కావాలని పోలీసులు కోరారు. దీనిపై స్పందించిన న్యాయస్థానం విచారణను ఆగస్టు 21కి వాయిదా వేసింది. ఈరోజు విచారణలో కేసు డైరీ కూడా కనిపించడంలేదని పోలీసులు తెలిపారు.  హిట్ అండ్ రన్ కేసులో నేరం రుజువైతే పదేళ్ల జైలు శిక్ష పడే అవకాశాలున్నాయి.


 సాక్షి, ముంబై: బాలీవుడ్ నటుడు సల్మాన్ ఖాన్ ‘హిట్ అండ్ రన్’ కేసును ఆగస్టు 21వ తేదీ వరకు కోర్టు వాయిదా వేసింది. విచారణ సందర్భంగా సాక్షులైన కల్పేష్ వర్మ, అమీన్ శేఖ్‌లు ఇచ్చిన డాక్యుమెంట్లు కన్పించకుండాపోయాయని పోలీసులు శుక్రవారం కోర్టుకు తెలిపారు. మొత్తం 63 డాక్యుమెంట్‌లకు గాను కేవలం ఏడు తమ వద్ద ఉన్నట్టు పేర్కొన్నారు. దీంతో ఆ డాక్యుమెంట్లను వెతికేందుకు సమయం కావాలని పోలీసులు కోరారు. దీనిపై స్పందించిన న్యాయస్థానం విచారణను ఆగస్టు 21కి వాయిదా వేసింది.
  
 దీంతో కొంత ఊరట లభించిందని భావిస్తున్నప్పటికీ  సల్మాన్ ఖాన్‌కు సుమారు నెల రోజులపాటు ఉత్కంఠతతో గడపాల్సి రానుంది. 2002లో బాంద్రా క్వార్టర్ రోడ్డుపై ఫుట్ పాత్‌పై నిద్రిస్తున్న అయిదుగురిని సల్మాన్‌ఖాన్ కారు ఢీ కొట్టింది. వేగంగా కారు నడపడంతోపాటు మద్యం తాగి కారు నడిపినట్టు సల్మాన్‌పై ఆరోపణలున్నాయి. ఈ విషయంపై అనేక కారణాల వల్ల జాప్యమైన ఈ కేసు విచారణ ఇటీవలే తిరిగి ప్రారంభమైంది. ముఖ్యంగా తాజాగా ప్రారంభమైన విచారణలో సాక్షులు గుర్తుపట్టడంతో మరింత ఇబ్బందుల్లో సల్మాన్ ఇరుక్కున్న సంగతి తెలిసిందే. హిట్ అండ్ రన్ కేసులో నేరం రుజువైతే పదేళ్ల జైలు శిక్ష పడే అవకాశాలున్నాయి.


 ముంబై: కారుతో ఢీకొట్టి పారిపోయిన కేసులో నిందితుడైన బాలీవుడ్ నటుడు సల్మాన్ ఖాన్ సంఘటన స్థలంలో ఉన్నట్టు మరో ఇద్దరు సాక్షులు గుర్తించారు. సోమవారం ముంబై కోర్టుకు హాజరైన ఆయనను వారు గుర్తుపట్టారు. 2002లో జరిగిన ఈ ప్రమాదానికి కొన్ని గంటల ముందు సల్మాన్ స్నేహితులతో కలిసి తన బార్‌కు వచ్చాడని, అయితే ఆయన మద్యం తాగారో లేదో తనకు తెలియదని జుహూలోని రెయిన్ బార్ యజమాని రిజ్వాన్ చెప్పాడు. సల్మాన్  రంగులేని ద్రవమున్న గ్లాసుతో కనిపించాడని, అది మద్యమో కాదో తెలియదని, ఆయన వద్ద మద్యం వాసన రాలేదని వెల్లడించాడు.
  
 ప్రమాదం తర్వాత సల్మాన్ కారు దిగుతుండగా చూశానని మరో సాక్షి రామశ్రీపాండే చెప్పాడు. సల్మాన్ రెయిన్ బార్‌లో మద్యం తాగి, మత్తులో కారును ఫుట్‌పాత్‌పై నిద్రిస్తున్న వారిపై నుంచి పోనివ్వడంతో ఒకరు మరణించగా, నలుగురు గాయపడ్డారని ప్రాసిక్యూషన్ ఆరోపిస్తుండడం తెలిసిందే.


 బాలీవుడ్ హీరో సల్మాన్ఖాన్కు పెద్ద ఊరట లభించింది. గతంలో జరిగిన హిట్ అండ్ రన్ కేసులో ఆయనకు వ్యతిరేకంగా ఉంటాడనుకున్న ప్రత్యక్ష సాక్షి కాస్తా సల్లూభాయ్కి అనుకూలంగా సాక్ష్యం చెప్పాడు.
 సల్మాన్ఖాన్ మద్యం తాగినట్లు తాను గుర్తించలేదని అతడు కోర్టులో తెలిపాడు. సల్మాన్ఖాన్ వద్ద మద్యం వాసన ఏమాత్రం రాలేదని కూడా చెప్పాడు. దాంతో సల్లూభాయ్కి శిక్ష ప్రమాదం అవకాశాలు చాలావరకు తగ్గిపోయినట్లే అయ్యింది.


 ముంబై: 12 ఏళ్ల క్రితం నాటి 'హిట్ అండ్ రన్' కేసులో ఆరోపణలెదుర్కొంటున్న సల్మాన్ ఖాన్ ను ఓ ఫైవ్ స్టార్ హోటల్ కు చెందిన బార్ వెయిటర్ కోర్టులో గుర్తించారు. సల్మాన్ ఖాన్ తన స్నేహితులతో కలిసి వచ్చి మద్యం సేవించారని కోర్టులో మోలే బాగ్ వెయిటర్ తన వాగ్మూలాన్ని ఇచ్చారు.
  
 అయితే తన స్నేహితులతో వచ్చిన సల్మాన్ మద్యం సేవించారా లేదా అనే విషయం తనకు గుర్తు లేదని వెయిటర్ తెలిపారు. బార్ లో మసక చీకటి ఉంది. సల్మాన్ మద్యం సేవించారా అనేది చూడలేదు. కాని ఆయన స్నేహితులందరికి మద్యం సరఫరా చేశాను అని క్రాస్ ఎగ్జామినేషన్ లో బెయిటర్ కోర్టుకు తెలిపారు. 
  
 ఈ కేసులో సల్మాన్ సోదరుడు సోహైల్ ఖాన్ నివాసం వద్ద పనిచేసే లక్ష్మణ్ మోరే అనే సెక్యూరిటీ గార్డు సాక్ష్యాన్ని కోర్టు రికార్డు చేసింది. సల్మాన్, సొహైల్ లిద్దరూ 'రెయిన్ బార్'కు వెళ్లారు. అర్ధరాత్రి మూడు గంటల తర్వాత సొహైల్ తిరిగివచ్చారు. మరో గంటల తర్వాత ఓ వ్యక్తి సల్మాన్ ప్రమాదం జరిగిందని చెప్పారు అని లక్ష్మణ్ మోరే కోర్టుకు వివరించారు. 


 ముంబై: ప్రముఖ బాలీవుడ్ నటుడు సల్మాన్ ఖాన్‌కు ‘హిట్ అండ్ రన్’ కేసులో చుక్కెదురైంది. మంగళవారం ముంబైలోని సెషన్స్ కోర్టులో ఈ కేసు పునర్విచారణ సందర్భంగా నాటి ఘటనలో గాయపడిన ముగ్గురు ప్రత్యక్ష సాక్షులు (మనూఖాన్, మొహమ్మద్ కలీం ఇక్బాల్ పఠాన్, ముస్లిం షేక్ లు) సల్మాన్ ఖాన్‌ను నిందితుడిగా గుర్తించారు. స్థానికులు చుట్టుముట్టి కార్లోంచి దిగాల్సిందిగా అరవడంతో మద్యం మత్తులో ఉన్న సల్మాన్ కారులోంచి దిగినట్లు చెప్పారు. అప్పుడు స్థానికులు సల్మాన్‌ను పట్టుకోగా కార్లోంచి దిగిన అతని భద్రతాధికారి (రవీంద్ర పాటిల్) తాను పోలీసునని చెప్పడంతో వారు సల్మాన్‌ను విడిచిపెట్టారని సాక్షులు కోర్టుకు వివరించారు.
  
 2002 సెప్టెంబర్ 28న రాత్రి సబర్బన్ బాంద్రాలో ఓ బేకరీ సమీపంలోని ఫుట్‌పాత్‌పై నిద్రిస్తున్న ఐదుగురిపై సల్మాన్ నడిపిన కారు (టొయోటా లాండ్ క్రూజర్) దూసుకెళ్లింది. ఈ ఘటనలో ఒకరు మృతిచెందగా మరో నలుగురు గాయపడ్డారు.