పాకిస్తాన్ ప‌ర్య‌ట‌న‌లో ఉన్న ద‌క్షిణాఫ్రికా క్రికెట్ జ‌ట్టుకు భారీ షాక్ త‌గిలింది. స్టార్ బ్యాట‌ర్ డెవాల్డ్ బ్రెవిస్ భుజం కండరాల నొప్పి కారణంగా పాక్‌తో మూడు వ‌న్డేల సిరీస్‌కు దూర‌మ‌య్యాడు. ఈ విష‌యాన్ని సౌతాఫ్రికా క్రికెట్ బోర్డు ధ్రువీక‌రించింది. బ్రెవిస్ ప్ర‌స్తుతం తమ వైద్య బృందం పర్యవేక్షణలో ఉన్నట్లు సౌతాఫ్రికా క్రికెట్ ఓ ప్రకటనలో పేర్కొంది. అయితే బ్రెవిస్‌కు ప్రత్నమ్నాయంగా మరోక ఆటగాడిని జట్టులోకి సెలక్టర్లు తీసుకోలేదు. అతడి స్దానాన్ని మరొకరితో సెలక్టర్లు భర్తీ చేయలేదు. జూనియర్ ఏబీడీ తన స్వదేశానికి వెళ్లకుండా ప్రస్తుతం జట్టుతో పాటు పాక్‌లో ఉన్నాడు.భారత పర్యటనకు ముందు బ్రెవిస్ తిరిగి పూర్తి ఫిట్‌నెస్ సాధిస్తాడ‌ని ఆశిస్తుంది. సౌతాఫ్రికా క్రికెట్ జట్టు మరో వారం రోజుల్లో భారత్ టూర్‌కు రానుంది. ఈ పర్యటనలో భాగంగా ప్రోటీస్ ఆతిథ్య జట్టుతో రెండు టెస్టు, మూడు వన్డేలు, ఐదు టీ20ల సిరీస్‌లో తలపడనుంది.ఈ మూడు ఫార్మాట్ల సిరీస్‌కు ఎంపిక చేసిన సౌతాఫ్రికా జట్టులో బ్రెవిస్ భాగంగా ఉన్నాడు. నవంబర్ 14 నుంచి ఈడెన్ గార్డెన్స్ వేదికగా భార‌త్‌-ద‌క్షిణాఫ్రికా మ‌ధ్య తొలి టెస్టు ప్రారంభం కానుంది. ఈ స‌మ‌యానికి బ్రెవిస్ కోలుకోపోతే అది స‌ఫారీల‌కు గ‌ట్టి ఎదురు దెబ్బే అనే చెప్పుకోవాలి. బ్రెవిస్ విధ్వంస‌క‌ర బ్యాటింగ్‌కు పెట్టింది పేరు. ఫార్మాట్ ఏదైనా త‌న ఆట తీరు ఏ మాత్రం మార‌దు. అయితే పాక్ ప‌ర్య‌ట‌న‌లో మాత్రం బ్రెవిస్ విఫ‌ల‌మ‌య్యాడు. తొలుత టెస్టు సిరీస్‌లో రెండు మ్యాచ్‌లు ఆడి కేవ‌లం 54 ప‌రుగులు మాత్ర‌మే చేసిన బ్రెవిస్‌.. ఆ త‌ర్వాత టీ20 సిరీస్‌లో కూడా పెద్ద‌గా ప్ర‌భావం చూపలేక‌పోయాడు. అయితే బ్రెవిస్ లాంటి ఆట‌గాడు త‌న‌దైన రోజున ఒంటి చేత్తో మ్యాచ్‌ను గెలిపించ‌గ‌ల‌డు.చదవండి: వైభ‌వ్ సూర్య‌వంశీ విధ్వంసం.. వణికి పోయిన బౌలర్లు

సౌతాఫ్రికా టీ20 లీగ్‌ వేలం-2026 (SA20 Auction) ముగిసింది. వచ్చే ఏడాది జరిగే ఈ పొట్టి ఫార్మాట్‌ టోర్నీ కోసం ఆరు జట్లు తమ ఆటగాళ్లను ఖరారు చేసుకున్నాయి. జొహన్నస్‌బర్గ్‌ వేదికగా మంగళవారం జరిగిన ఈ వేలంపాటలో ప్రొటిస్‌ యువ తరంగం డెవాల్డ్‌ బ్రెవిస్‌ అత్యధిక ధరకు అమ్ముడుపోయిన ఆటగాడిగా చరిత్ర సృష్టించాడు.ప్రిటోరియా క్యాపిటల్స్‌ బ్రెవిస్‌ (Dewald Brevis)ను రూ. 8.31 కోట్లకు కొనుగోలు చేసింది. అయితే, అంతకంటే ముందు డర్బన్‌ సూపర్‌ జెయింట్స్‌.. సౌతాఫ్రికా టీ20 జట్టు కెప్టెన్‌ ఐడెన్‌ మార్క్రమ్‌ను రూ. 7 కోట్లకు దక్కించుకుంది.టాప్‌-5 ఖరీదైన ప్లేయర్లు వీరేఈ నేపథ్యంలో ఎస్‌ఏటీ20 చరిత్రలో ఖరీదైన ఆటగాళ్లుగా బ్రెవిస్‌, మార్క్రమ్‌ తొలి రెండు స్థానాలు దక్కించుకున్నారు. ఆ తర్వాతి ప్లేస్‌లో వియాన్‌ ముల్దర్‌ (రూ. 4.50 కోట్లు- జోబర్గ్‌ సూపర్‌ కింగ్స్‌), గెరాల్డ్‌ కోయెట్జి (రూ. 3.73 కోట్లు- డర్బన్‌ సూపర్‌ జెయింట్స్‌), నండ్రీ బర్గర్‌ (రూ. 3.20 కోట్లు- జొబర్గ్‌ సూపర్‌ కింగ్స్‌) నిలిచారు.మరి.. ఫ్రాంఛైజీలు అట్టిపెట్టుకున్న ఆటగాళ్లు, వేలంలో అమ్ముడుపోయిన ప్లేయర్లు.. వెరసి వచ్చే ఏడాది ఆరు ఫ్రాంఛైజీలకు సంబంధించి ఖరారైన జట్ల వివరాలు తెలుసుకుందామా?!సన్‌రైజర్స్‌ ఈస్టర్న్‌కేప్‌👉ముందస్తు ఒప్పందం: జానీ బెయిర్‌స్టో, ఏఎమ్‌ ఘజన్‌ఫర్‌, ఆడం మిల్నే.👉రిటైన్డ్‌ ప్లేయర్లు: ట్రిస్టన్‌ స్టబ్స్‌👉వైల్డ్‌కార్డు: మార్కో యాన్సెన్‌ఎంఐ కేప్‌టౌన్‌👉రిటైన్డ్‌ ప్లేయర్లు: ట్రెంట్‌ బౌల్ట్‌, రషీద్‌ ఖాన్‌, రియాన్‌ రికెల్టన్‌, కగిసో రబడ, జార్జ్‌ లిండే, కార్బిన్‌ బాష్‌.👉ముందస్తు ఒప్పందం: నికోలస్‌ పూరన్‌.జొహన్నస్‌బర్గ్‌ సూపర్‌ కింగ్స్‌👉రిటైన్డ్‌ ప్లేయర్లు: ఫాఫ్‌ డుప్లెసిస్‌, డొనొవాన్‌ ఫెరీరా👉ముందస్తు ఒప్పందం: జేమ్స్‌ విన్స్‌, అకీల్‌ హొసేన్‌ప్రిటోరియా క్యాపిటల్స్‌👉ముందస్తు ఒప్పందం: ఆండ్రీ రసెల్‌, విల్‌ జాక్స్‌, షెర్ఫానే రూథర్‌ఫర్డ్‌పర్ల్‌ రాయల్స్‌👉రిటైన్డ్‌ ప్లేయర్లు: లువామన్‌-డి- ప్రిటోరియస్‌, డేవిడ్‌ మిల్లర్‌, జార్జ్‌ ఫార్చూన్‌👉ముందస్తు ఒప్పందం: సికందర్‌ రజా, ముజీబ్‌-ఉర్‌- రహమాన్‌.డర్బన్‌ సూపర్‌ జెయింట్స్‌👉ముందస్తు ఒప్పందం: సునిల్‌ నరైన్‌👉రిటైన్డ్‌ ప్లేయర్లు: నూర్‌ అహ్మద్‌👉వైల్డ్‌ కార్డ్‌: హెన్రిచ్‌ క్లాసెన్‌వేలం ముగిసిన తర్వాత పూర్తి జట్లుసన్‌రైజర్స్‌ ఈస్టర్న్‌ కేప్‌ జట్టుట్రిస్టన్ స్టబ్స్, మార్కో యాన్సెన్, జానీ బెయిర్‌స్టో, AM ఘజన్‌ఫర్, ఆడమ్ మిల్నే, క్వింటన్ డి కాక్, మాథ్యూ బ్రీట్జ్‌కే, అన్రిచ్ నోర్ట్జే, సెనురాన్ ముత్తుసామి, పాట్రిక్ క్రూగర్, లూథో సిపమ్లా, మిచెల్ వాన్ బ్యూరెన్, జోర్డాన్ హర్మన్‌, బేయర్స్‌ స్వనేపోల్‌, జేమ్స్‌ కోల్స్‌, క్రిస్‌ వుడ్‌, లూయిస్‌ గ్రెగరీ, సీజే కింగ్‌, జేపీ కింగ్‌.ఎంఐ కేప్‌టౌన్‌ జట్టుట్రెంట్ బౌల్ట్, రషీద్ ఖాన్, ర్యాన్ రికెల్టన్, జార్జ్ లిండే, కార్బిన్ బాష్, కగిసో రబడా, నికోలస్ పూరన్, రాస్సీ వాన్ డెర్ డ్యూసెన్, రీజా హెండ్రిక్స్, డ్వైన్ ప్రిటోరియస్, ట్రిస్టన్ లూస్, జాసన్ స్మిత్, టామ్ మూర్స్, డేన్ పీడ్ట్, టియాన్ వాన్‌ వారెన్‌, డాన్‌ లటేగన్‌, తబ్రేజ్‌ షంసీ, కరీం జనత్‌, జాకెవ్స్‌ స్నీమాన్‌.జోబర్గ్‌ సూపర్‌ కింగ్స్‌ జట్టుఫాఫ్ డు ప్లెసిస్, డోనోవన్ ఫెరీరా, జేమ్స్ విన్స్, అకేల్ హోసేన్, రిచర్డ్ గ్లీసన్, వియాన్ ముల్దర్, నండ్రీ బర్గర్, ప్రేనాలెన్ సుబ్రేయన్, డయాన్ ఫారెస్టర్, స్టీవ్ స్టోక్, జాంకో స్మిత్, నీల్ టిమ్మర్స్, శుభమ్ రంజానే, బ్రాండన్‌ కింగ్‌, రీలీ రొసోవ్‌, రివాల్డో మూన్‌సామీ, ఇమ్రాన్‌ తాహిర్‌, రీస్‌ టోప్లీ.ప్రిటోరియా క్యాపిటల్స్‌ జట్టుఆండ్రీ రస్సెల్, విల్ జాక్స్, షెర్ఫానే రూథర్‌ఫోర్డ్, కేశవ్ మహరాజ్, లుంగీ ఎన్‌గిడి, డెవాల్డ్ బ్రెవిస్, లిజాద్ విలియమ్స్, క్రెయిగ్ ఓవర్‌టన్, సాకిబ్ మహమూద్, కోడీ యూసుఫ్, కానర్ ఈస్టర్‌హుజెన్, బ్రైస్ పార్సన్స్, గిడియాన్ పీటర్స్, జునైద్‌ దావూద్‌, విల్‌ స్మీడ్‌, మీకా- ఈల్‌ ప్రిన్స్‌, బయాండా మజోలా, విహాన్‌ ల్యూబ్‌, సిబోనెలో మఖాన్య.పర్ల్‌ రాయల్స్‌ జట్టులువాన్-డ్రే ప్రిటోరియస్, డేవిడ్ మిల్లర్, జోర్న్ ఫార్చూయిన్‌, రూబిన్ హెర్మాన్, సికందర్ రజా, ముజీబ్-ఉర్-రహమాన్, ఒట్నీల్ బార్ట్‌మాన్, గుడకేష్ మోటీ, డెలానో పోట్‌గీటర్, కైల్ వెర్రెయిన్, కీగన్ లయన్-కాచెట్, అసా ట్రూడ్‌, హార్డస్‌ విల్‌జోన్‌, జాకన్‌ జొహన్స్‌ బేసర్‌, డాన్‌ లారెన్స్‌, ఇషాన్‌ మలింగ, ఎన్‌కొబానీ మొకొయెనా, విశేన్‌ హలాంబగే, ఎన్‌కబా పీటర్‌.డర్బన్‌ సూపర్‌ జెయింట్స్‌నూర్ అహ్మద్, హెన్రిచ్ క్లాసెన్, సునీల్ నరైన్, జోస్ బట్లర్, క్వేనా మఫాకా, ఐడెన్ మార్క్రమ్‌, డెవాన్ కాన్వే, గెరాల్డ్ కోయెట్జీ, డేవిడ్ బెడింగ్‌హామ్, మార్క్వెస్ అకెర్‌మాన్, ఈథన్ బాష్, ఆండిలే సిమెలానే, టోనీ డీ జోర్జి, డయాన్‌ గలీమ్‌, తైజుల్‌ ఇస్లాం, ఎవాన్‌ జోన్స్‌, గిస్‌బెర్ట్‌ వేజ్‌, డేవిడ్‌ వీస్‌, డారిన్‌ డుపావిలోన్‌.చదవండి: ‘యువీకి అప్‌గ్రేడ్‌ వర్షన్‌ అతడు.. గిల్‌కు కూడా మంచి ఛాన్స్‌’

టీమిండియా దిగ్గ‌జం సౌర‌వ్ గంగూలీ.. ప్రిటోరియా క్యాపిటల్స్ హెడ్ కోచ్‌గా త‌న ప‌నని మొద‌లు పెట్టాడు. జోహన్నెస్‌బర్గ్ వేదిక‌గా జ‌రుగుతున్న సౌతాఫ్రికా టీ20 లీగ్-2026 వేలంలో గంగూలీ త‌న మార్క్‌ను చూపించాడు. అత్య‌ధిక ప‌ర్స్ వాల్యూతో వేలంలోకి వ‌చ్చిన ప్రిటోరియా క్యాపిటల్స్.. తొలి ఆట‌గాడిగా సౌతాఫ్రికా స్టార్ స్పిన్న‌ర్ కేశ‌వ్ మహారాజ్‌ను సొంతం చేసుకుంది.సన్‌రైజర్స్ ఈస్టర్న్ కేప్ యజమాని కావ్య మారన్‌తో పోటీప‌డి మ‌రి 1.7 మిలియ‌న్ ర్యాండ్లు(సుమారు రూ. 85 లక్షలు)కు మ‌హారాజ్‌ను ప్రిటోరియా ద‌క్కించుకుంది. అత‌డిని సొంతం చేసుకోవ‌డంలో గంగూలీది కీల‌క పాత్ర‌. ఆ త‌ర్వాత సౌతాఫ్రికా టీ20 వేలంలో ప‌ది మిలియ‌న్ ర్యాండ్లు దాటిన మొదటి ఆటగాడిగా నిలిచిన ఐడెన్ మార్‌క్ర‌మ్ కోసం కూడా ప్రిటోరియా తీవ్రంగా ప్ర‌య‌త్నించింది. కానీ డర్బన్ సూపర్ జెయింట్స్ గ‌ట్టీ పోటీ ఇవ్వ‌డంతో క్యాపిట‌ల్స్ వెన‌క్కి త‌గ్గింది. మార్‌క్ర‌మ్‌ను డర్బన్‌ సూపర్‌ జెయింట్స్‌ రికార్డు స్థాయిలో రూ. 7 కోట్లకు కొనుగోలు చేసింది.క్యాపిటల్స్‌లోకి బ్రెవిస్‌..ఇక మార్‌క్ర‌మ్‌ను ద‌క్కించుకోవ‌డంలో విఫ‌ల‌మైన సౌర‌వ్ గంగూలీ.. సౌతాఫ్రికా సూప‌ర్ స్టార్ డెవాల్డ్ బ్రెవిస్‌ను మాత్రం ఆఖ‌రివ‌ర‌కు పోటీప‌డి మ‌రి త‌మ జ‌ట్టులోకి తీసుకొచ్చాడు. ప్రిటోరియా క్యాపిటల్స్‌ అతడి కోసం ఏకంగా రూ. 8.3 కోట్లు వెచ్చించి కొనుగోలు చేసింది. దీంతో ఎస్ఎ టీ20 లీగ్‌ హిస్టరీలోనే అత్యంత ఖ‌రీదైన ప్లేయర్‌గా 22 ఏళ్ల బ్రెవిస్ నిలిచాడు. బ్రెవిస్ కోసం జోబ‌ర్గ్ సూప‌ర్ కింగ్స్ హెడ్ కోచ్ స్టీఫెన్ ఫ్లేమింగ్ కూడా ఆఖ‌రి వ‌ర‌కు ప్ర‌య‌త్నించాడు. కానీ ప్రిటోరియా క్యాపిట‌ల్స్ మాత్రం ఎక్క‌డ వెన‌క్కి త‌గ్గ‌లేదు. అదేవిధంగా గంగూలీ అండ్ కో ప్రోటీస్ స్టార్ ఫాస్ట్ బౌల‌ర్ లుంగి ఎంగిడీని సైతం సొంతం చేసుకున్నారు. కాగా ప్రిటోరియా క్యాపిట‌ల్స్ ఐపీఎల్ ఢిల్లీ క్యాపిట‌ల్స్ సిస్ట‌ర్ ఫ్రాంచైజీ కావ‌డం విశేషం. ఈ ఏడాది ఆగ‌స్టులో ప్రిటోరియా క్యాపిట‌ల్స్ హెడ్ కోచ్‌గా గంగూలీ ఎంపికయ్యాడు. గ‌త కొన్ని ఐపీఎల్ సీజ‌న్‌లో ఢిల్లీ క్యాపిట‌ల్స్ మెంటార్‌గా గంగూలీ వ్య‌హ‌రించిన సంగ‌తి తెలిసిందే.

సౌతాఫ్రికా యువ క్రికెటర్‌ డెవాల్డ్‌ బ్రెవిస్‌ (Dewald Brevis) సరికొత్త చరిత్ర సృష్టించాడు. సౌతాఫ్రికా టీ20 లీగ్‌ వేలం (SAT20 Auction)లో అత్యధిక ధరకు అమ్ముడుపోయిన ఆటగాడిగా రికార్డులకెక్కాడు. కాగా 2023లో ఎస్‌టీ20 లీగ్‌ మొదలు కాగా.. వరుసగా రెండు సీజన్లలో సన్‌రైజర్స్‌ ఈస్టర్న్‌ కేప్‌ టైటిల్‌ సాధించింది.అత్యధిక ధర పలికిన ఆటగాడిగా మార్క్రమ్‌ఈ ఏడాది కూడా సన్‌రైజర్స్‌ ఫైనల్‌ చేరగా.. ఎంఐ కేప్‌టౌన్‌ తొలిసారి టైటిల్‌ సొంతం చేసుకుంది. ఇక వచ్చే ఏడాదికి ఇప్పటికే ఈ లీగ్‌లోని ఆరు జట్లు రిటెన్షన్‌ జాబితా విడుదల చేయగా.. మంగళవారం వేలానికి షెడ్యూల్‌ ఖరారైంది. ఈ నేపథ్యంలో ఎస్‌ఏటీ20 -2026 వేలంలో తొలుత ఐడెన్‌ మార్క్రమ్‌ (Aiden Markram) అత్యధిక ధర పలికిన ఆటగాడిగా నిలిచాడు.కాగా సన్‌రైజర్స్‌ ఈస్టర్న్‌కేప్‌ కెప్టెన్‌గా రెండుసార్లు టైటిల్‌ అందించిన ఘనత మార్క్రమ్‌కు ఉంది. అయితే, కారణమేమిటో తెలియదు గానీ.. వేలానికి ముందే సన్‌రైజర్స్‌తో అతడు బంధం తెంచుకున్నాడు. ఈ క్రమంలో వేలంలోకి రాగా.. డర్బన్‌ సూపర్‌ జెయింట్స్‌ రికార్డు స్థాయిలో రూ. 7 కోట్లకు అతడిని కొనుగోలు చేసింది.కాసేపటికే రికార్డు బద్దలుతద్వారా ఎస్‌ఏఈ టీ20 లీగ్‌ చరిత్రలో ఖరీదైన ప్లేయర్‌గా మార్క్రమ్‌ రికార్డు సాధించాడు. అయితే, కాసేపటికే అతడి రికార్డును యువ తార డెవాల్డ్‌ బ్రెవిస్‌ బద్దలు కొట్టేశాడు. ప్రిటోరియా క్యాపిటల్స్‌ అతడి కోసం ఏకంగా రూ. 8.3 కోట్లు వెచ్చించి కొనుగోలు చేసింది. దీంతో లీగ్‌ హిస్టరీలోనే కాస్ట్‌లీ ప్లేయర్‌గా 22 ఏళ్ల బ్రెవిస్‌ చరిత్ర లిఖించాడు.అంతర్జాతీయ క్రికెట్‌లోనూకాగా ఐపీఎల్‌లో 2022లో అరంగేట్రం చేసిన డెవాల్డ్‌ బ్రెవిస్‌.. ఇప్పటి వరకు 16 మ్యాచ్‌లు ఆడి.. 455 పరుగులు సాధించాడు. చివరగా అంటే 2025 సీజన్‌లో అతడు చెన్నై సూపర్‌ కింగ్స్‌కు ప్రాతినిథ్యం వహించాడు. హిట్టర్‌గా పేరొందిన బ్రెవిస్‌ 2023లోనే అంతర్జాతీయ క్రికెట్‌లోనూ అడుగుపెట్టాడు.అయితే, సౌతాఫ్రికా తరపున టీ20లకే పరిమితమైన బ్రెవిస్‌.. ఈ ఏడాది టెస్టు, వన్డేల్లోనూ అరంగేట్రం చేశాడు. ఇప్పటి వరకు అంతర్జాతీయ స్థాయిలో 10 టీ20 మ్యాచ్‌లు ఆడిన ఈ కుడిచేతి వాటం బ్యాటర్‌.. 318 పరుగులు చేశాడు. ఇక ఆరు వన్డేల్లో 110, రెండు టెస్టుల్లో కలిపి 84 పరుగులు సాధించాడు. ఇదిలా ఉంటే.. సౌతాఫ్రికా టీ20 కెప్టెన్‌గా ఉన్న ఐడెన్‌ మార్క్రమ్‌ ఈసారి డర్బన్‌ సూపర్‌ జెయింట్స్‌ సారథిగా పగ్గాలు చేపట్టే అవకాశం ఉంది.సౌతాఫ్రికా టీ20 లీగ్‌-2025 రిటెన్షన్స్‌ జాబితాసన్‌రైజర్స్‌ ఈస్టర్న్‌కేప్‌🏏ముందస్తు ఒప్పందం: జానీ బెయిర్‌స్టో, ఏఎమ్‌ ఘజన్‌ఫర్‌, ఆడం మిల్నే.🏏రిటైన్డ్‌ ప్లేయర్లు: ట్రిస్టన్‌ స్టబ్స్‌🏏వైల్డ్‌కార్డు: మార్కో యాన్సెన్‌ఎంఐ కేప్‌టౌన్‌🏏రిటైన్డ్‌ ప్లేయర్లు: ట్రెంట్‌ బౌల్ట్‌, రషీద్‌ ఖాన్‌, రియాన్‌ రికెల్టన్‌, కగిసో రబడ, జార్జ్‌ లిండే, కార్బిన్‌ బాష్‌.🏏ముందస్తు ఒప్పందం: నికోలస్‌ పూరన్‌.జొహన్నస్‌బర్గ్‌ సూపర్‌ కింగ్స్‌🏏రిటైన్డ్‌ ప్లేయర్లు: ఫాఫ్‌ డుప్లెసిస్‌, డొనొవాన్‌ ఫెరీరా🏏ముందస్తు ఒప్పందం: జేమ్స్‌ విన్స్‌, అకీల్‌ హొసేన్‌ప్రిటోరియా క్యాపిటల్స్‌🏏ముందస్తు ఒప్పందం: ఆండ్రీ రసెల్‌, విల్‌ జాక్స్‌, షెర్ఫానే రూథర్‌ఫర్డ్‌డర్బన్‌ సూపర్‌ జెయింట్స్‌🏏ముందస్తు ఒప్పందం: సునిల్‌ నరైన్‌🏏రిటైన్డ్‌ ప్లేయర్లు: నూర్‌ అహ్మద్‌🏏వైల్డ్‌ కార్డ్‌: హెన్రిచ్‌ క్లాసెన్‌పర్ల్‌ రాయల్స్‌🏏రిటైన్డ్‌ ప్లేయర్లు: లువామన్‌-డి- ప్రిటోరియస్‌, డేవిడ్‌ మిల్లర్‌, జార్జ్‌ ఫార్చూన్‌🏏ముందస్తు ఒప్పందం: సికందర్‌ రజా, ముజీబ్‌-ఉర్‌- రహమాన్‌.చదవండి: ఆల్‌టైమ్‌ ఆసియా టీ20 జట్టు: భారత్‌ నుంచి ఐదుగురు.. యువీకి నో ఛాన్స్‌

సౌతాఫ్రికా చిచ్చరపిడుగు డెవాల్డ్‌ బ్రెవిస్‌ వన్డే క్రికెట్‌లోకి ఘనంగా ఎంట్రీ ఇచ్చాడు. ఈ ఫార్మాట్‌లో తానెదుర్కొన్న తొలి బంతినే భారీ సిక్సర్‌గా మలిచి రికార్డుల్లోకెక్కాడు. వన్డేల్లో ఈ ఘనతను అతి కొద్ది మంది (2002 తర్వాత) మాత్రమే సాధించారు. బ్రెవిస్‌కు ముందు షమీమ్‌ హొస్సేన్‌ (బంగ్లాదేశ్‌), ఇషాన్‌ కిషన్‌ (భారత్‌), రిచర్డ్‌ నగరవ (జింబాబ్వే), క్రెయిగ్‌ వ్యాలెస్‌ (స్కాట్లాండ్‌), జవాద్‌ దావూద్‌ (కెనడా), జోహన్‌ లవ్‌ (సౌతాఫ్రికా) వన్డేల్లో తొలి బంతిని సిక్సర్‌గా మలిచారు. జోహన్‌ లవ్‌ తర్వాత ఈ ఘనత సాధించిన రెండో సౌతాఫ్రికా ఆటగాడిగా బ్రెవిస్‌ రికార్డు నెలకొల్పాడు.బాధాకరమేమిటంటే బ్రెవిస్‌ సిక్సర్‌ బాదిన మరుసటి బంతికే ఔటయ్యాడు. కెయిన్స్‌ వేదికగా ఆస్ట్రేలియాతో జరిగిన తొలి వన్డేలో ఇది జరిగింది. ఈ మ్యాచ్‌లో ఆరో స్థానంలో బరిలోకి దిగిన బ్రెవిస్‌ వేగంగా పరుగులు సాధించే క్రమంలో తొలి బంతికి సిక్సర్‌ కొట్టి, ఆతర్వాతి బంతికే ట్రవిస్‌ హెడ్‌ బౌలింగ్‌లో ఔటయ్యాడు. ఈ మ్యాచ్‌లో సౌతాఫ్రికా ఆస్ట్రేలియాను 98 పరుగుల తేడాతో చిత్తుగా ఓడించింది.తొలుత బ్యాటింగ్‌ చేసిన సౌతాఫ్రికా.. మార్క్రమ్‌ (82), బవుమా (65), మాథ్యూ బ్రీట్జ్కే (57) అర్ద సెంచరీలతో రాణించడంతో నిర్ణీత 50 ఓవర్లలో 8 వికెట్ల నష్టానికి 296 పరుగులు చేసింది. ఆసీస్‌ బౌలర్లలో ట్రవిస్‌ హెడ్‌ 4 వికెట్లతో సత్తా చాటాడు. ఓ రనౌట్‌ కూడా చేశాడు.అనంతరం 297 పరుగుల లక్ష్య ఛేదనకు దిగిన ఆసీస్‌.. కేశవ్‌ మహారాజ్‌ (10-1-33-5) ధాటికి 40.5 ఓవర్లలో 198 పరుగులకే కుప్పకూలింది. ఆసీస్‌ ఇన్నింగ్స్‌లో కెప్టెన్‌ మిచెల్‌ మార్ష్‌ (88) ఒక్కడే అర్ద సెంచరీతో రాణించాడు. ఈ గెలుపుతో సౌతాఫ్రికా మూడు మ్యాచ్‌ల సిరీస్‌లో 1-0 ఆధిక్యంలోకి వెళ్లింది. రెండో వన్డే ఆగస్ట్‌ 22న జరుగనుంది.సెంచరీ.. ఓ హాఫ్‌ సెంచరీవన్డే సిరీస్‌కు ముందు ఆస్ట్రేలియాతో జరిగిన టీ20 సిరీస్‌లో బ్రెవిస్‌ విశ్వరూపం ప్రదర్శించాడు. 3 మ్యాచ్‌ల ఈ సిరీస్‌లో ఓ సెంచరీ, ఓ హాఫ్‌ సెంచరీ సాధించాడు. దురదృష్టవశాత్తు ఈ సిరీస్‌ను సౌతాఫ్రికా గెలవలేకపోయింది. 1-2 తేడాతో కోల్పోయింది. ఈ సిరీస్‌లో బ్రెవిస్‌ 180 పరుగులతో లీడింగ్‌ రన్‌ స్కోరర్‌గా నిలిచాడు.

సౌతాఫ్రికా యువ సంచలనం క్వెనా మఫాకా (Kwena Maphaka) వన్డే జట్టులోకి తిరిగి వచ్చాడు. ఆస్ట్రేలియాతో యాభై ఓవర్ల ఫార్మాట్‌ సిరీస్‌ ఆడే ప్రొటిస్‌ జట్టులో అతడు చోటు దక్కించుకున్నాడు. కాగా సౌతాఫ్రికా క్రికెట్‌ జట్టు ప్రస్తుతం ఆస్ట్రేలియా పర్యటనలో ఉన్న విషయం తెలిసిందే.టీ20 సిరీస్‌లో ఆసీస్‌ చేతిలో ఓటమిఆసీస్‌తో మూడు టీ20, మూడు వన్డేల (AUS vs SA) సిరీస్‌ ఆడేందుకు ప్రొటిస్‌ జట్టు అక్కడికి వెళ్లింది. ఈ క్రమంలో తొలుత పొట్టి ఫార్మాట్‌ సిరీస్‌ జరుగగా.. ఆతిథ్య ఆసీస్‌.. సౌతాఫ్రికాను 2-1తో ఓడించింది. ఈ క్రమంలో ఇరుజట్ల మధ్య మంగళవారం (ఆగష్టు 19) నుంచి వన్డే సిరీస్‌ మొదలుకానుంది.అదరగొట్టిన మఫాకా, బ్రెవిస్‌ఈ నేపథ్యంలో తమ జట్టులోకి క్వెనా మఫాకాను చేర్చినట్లు సౌతాఫ్రికా సోమవారం ప్రకటించింది. కాగా 19 ఏళ్ల లెఫ్టార్మ్‌ పేసర్‌ అయిన మఫాకా.. గతేడాది అంతర్జాతీయ క్రికెట్‌లో అడుగుపెట్టాడు. సౌతాఫ్రికా తరఫున ఇప్పటి వరకు రెండు టెస్టులు, రెండు వన్డేలు, 11 టీ20 మ్యాచ్‌లు ఆడాడు. టెస్టుల్లో మూడు, వన్డేల్లో ఐదు, టీ20లలో 15 వికెట్లు పడగొట్టాడు.ఇటీవల ఆసీస్‌తో టీ20 సిరీస్‌లో క్వెనా మఫాకా అదరగొట్టాడు. మూడు మ్యాచ్‌లలో కలిపి తొమ్మిది వికెట్లు తీసి.. టాప్‌ వికెట్‌ టేకర్‌గా నిలిచాడు. ఈ క్రమంలో సెలక్టర్లు అతడిని వన్డే జట్టులోకి తిరిగి పిలిపించారు. కాగా క్వెనా మఫాకా గతేడాది పాకిస్తాన్‌తో చివరగా వన్డే మ్యాచ్‌ ఆడాడు.మరోవైపు.. బ్యాటింగ్‌ యువ సంచలనం డెవాల్డ్‌ బ్రెవిస్‌ (Dewald Brevis) ఆస్ట్రేలియాతో సిరీస్‌ సందర్భంగా వన్డేల్లో అరంగేట్రం చేసే అవకాశం ఉంది. కంగారూలతో టీ20 సిరీస్‌లో 22 ఏళ్ల ఈ కుడిచేతి వాటం బ్యాటర్‌.. 200కు పైగా స్ట్రైక్‌రేటుతో ఏకంగా 180 పరుగులు రాబట్టాడు.బవుమా రీఎంట్రీ.. యంగ్‌ గన్స్‌ఈ నేపథ్యంలో క్వెనా మఫాకా, డెవాల్డ్‌ బ్రెవిస్‌ గురించి కెప్టెన్‌ టెంబా బవుమా మాట్లాడుతూ.. ‘‘యువకులు జట్టులో ఉండటం ఎల్లప్పుడూ సంతోషంగానే ఉంటుంది. ముఖ్యంగా బ్రెవిస్‌.. సూపర్‌ ఫామ్‌లో ఉన్నాడు.జట్టు కష్టాల్లో ఉన్న వేళ నేనున్నానంటూ ముందుకు వస్తున్నాడు. వన్డేల్లోనూ అతడు రాణించగలడు’’ అని కొనియాడాడు. కాగా ఐసీసీ వరల్డ్‌ టెస్టు చాంపియన్‌షిప్‌లో సౌతాఫ్రికాను విజేతగా నిలిపిన తర్వాత బవుమా.. గాయం నుంచి కోలుకునే క్రమంలో విశ్రాంతి తీసుకున్నాడు. ఆసీస్‌తో వన్డే సిరీస్‌ సందర్భంగా అతడు రీఎంట్రీ ఇస్తున్నాడు.ఆస్ట్రేలియాతో వన్డే సిరీస్‌కు సౌతాఫ్రికా జట్టుటెంబా బావుమా (కెప్టెన్‌), కార్బిన్ బాష్, మాథ్యూ బ్రీట్జ్కే, డెవాల్డ్ బ్రెవిస్, నండ్రీ బర్గర్, టోనీ డి జోర్జి, ఐడెన్ మార్క్రమ్‌, క్వెనా మఫాకా, సెనురాన్ ముత్తుసామి, కేశవ్ మహరాజ్, వియాన్ ముల్డర్, లుంగి ఎంగిడి, లువాన్-డ్రే ప్రిటోరియస్, కగిసో రబడ, రియాన్‌ రికెల్టన్‌, ట్రిస్టన్‌ స్టబ్స్‌, ప్రనెలన్‌ సబ్రాయన్‌.సౌతాఫ్రికాతో వన్డే సిరీస్‌కు ఆస్ట్రేలియా జట్టుమిచెల్ మార్ష్ (కెప్టెన్), జేవియర్ బార్ట్‌లెట్, అలెక్స్ కారీ, కూపర్ కొన్నోలీ, బెన్ డ్వార్షుయిస్, నాథన్ ఎల్లిస్, కామెరాన్ గ్రీన్, ఆరోన్ హార్డీ, జోష్ హాజిల్‌వుడ్, ట్రావిస్ హెడ్, జోష్ ఇంగ్లిస్, మాథ్యూ కుహ్నెమాన్, మార్నస్ లబుషేన్‌, ఆడమ్ జంపా.చదవండి: ఆసియా కప్‌- 2025: అభిషేక్‌ శర్మకు జోడీగా.. వైభవ్‌ సూర్యవంశీ ఉండాలి: మాజీ కెప్టెన్‌

చెన్నై: దక్షిణాఫ్రికా సంచలన బ్యాటర్‌ డెవాల్డ్‌ బ్రెవిస్‌ను ఐపీఎల్‌–2025 సీజన్‌ మధ్యలో జట్టులో తీసుకోవడం గురించి వివాదంపై చెన్నై సూపర్‌ కింగ్స్‌ (సీఎస్‌కే) వివరణ ఇచ్చిoది. సీజన్‌ మధ్యలో గాయపడిన పేస్‌ బౌలర్‌ గుర్‌జప్‌నీత్‌ సింగ్‌ స్థానంలో అతను జట్టులోకి వచ్చాడు. దీని కోసం సీఎస్‌కే బ్రెవిస్‌కు రూ.2.20 కోట్లు చెల్లించింది. సీజన్‌ ఆరంభానికి ముుందు రూ.75 లక్షల కనీస విలువతో వచ్చిన బ్రెవిస్‌ను ఐపీఎల్‌ వేలంలో ఎవరూ తీసుకోలేదు. మంగళవారం దక్షిణాఫ్రికాతో జరిగిన రెండో టి20లో బ్రెవిస్‌ 56 బంతుల్లోనే 125 పరుగులు బాది వార్తల్లో నిలిచాడు. ఈ నేపథ్యంలో సీఎస్‌కే టీమ్‌ సభ్యుడైన సీనియర్‌ బౌలర్‌ రవిచంద్రన్‌ అశ్విన్‌ తన యూట్యూబ్‌ చానల్‌లో బ్రెవిస్‌ గురించి ఆసక్తికర వ్యాఖ్యలు చేశాడు. 6 మ్యాచ్‌లు ఆడిన బ్రెవిస్‌ 180 స్ట్రైక్‌రేట్‌తో 225 పరుగులు సాధించి చెన్నై గెలిచిన మ్యాచ్‌లలో కీలక పాత్ర పోషించాడు. ‘బ్రెవిస్‌ అద్భుతమైన బ్యాటర్‌. అయితే కనీస ధర ఎక్కువ కావడంతో అతడిని ఎవరూ తీసుకోలేదు. సీజన్‌ మధ్యలో ఏ జట్టయినా తీసుకుంటే అతని కనీస ధరనే చెల్లించాలి. కానీ నేను ఫలానా మొత్తం ఇస్తేనే వస్తానంటూ బ్రెవిస్‌ ఏజెంట్ల ద్వారా డిమాండ్‌ చేశాడు. అయినా సరే సీఎస్‌కే తీసుకుంది’ అని అన్నాడు. దీనిపై సీఎస్‌కే తాజాగా స్పందించింది. ఐపీఎల్‌ నిబంధనల ప్రకారమే తాము బ్రెవిస్‌ను తీసుకున్నామని చెప్పింది. ‘గాయపడిన ఆటగాడి స్థానంలో ఎవరినైనా తీసుకుంటే ఆ ప్లేయర్‌కు ఇచ్చే మొత్తమే కొత్త ఆటగాడికి ఇవ్వాలని నిబంధనల్లో ఉంది. మేం దీనిని ఎక్కడా ఉల్లంఘించలేదు’ అని సీఎస్‌కే పేర్కొంది. వచ్చే సీజన్‌ కోసం చెన్నైను వీడేందుకు అశ్విన్‌ దాదాపుగా సిద్ధమైన తరుణంలో ఇది చర్చనీయాంశమైంది.

కైర్న్స్ వేదిక‌గా ఆస్ట్రేలియాతో జ‌రిగిన మూడో టీ20లో ద‌క్షిణాఫ్రికా యువ సంచ‌ల‌నం డెవాల్డ్ బ్రెవిస్ అద్బుత‌మైన హాఫ్ సెంచ‌రీతో మెరిశాడు. ఆస్ట్రేలియా బౌల‌ర్ల‌కు బ్రెవిస్ చుక్క‌లు చూపించాడు. ముఖ్యంగా ఆసీస్ బౌల‌ర్ ఆరోన్ హార్దీని బ్రెవిస్ ఉతికారేశాడు.సౌతాఫ్రికా ఇన్నింగ్స్ పదో ఓవర్ వేసిన హార్దీ బౌలింగ్‌లో బ్రెవిస్ వ‌రుస‌గా నాలుగు సిక్సర్లు బాదాడు. కేవలం 26 బంతులు మాత్రమే ఎదుర్కొన్న బ్రెవిస్‌.. 6 సిక్స్‌లు, ఒక ఫోర్ సాయంతో 53 పరుగులు చేశాడు. ఈ క్ర‌మంలో బ్రెవిస్ పలు అరుదైన ఘ‌న‌తల‌ను త‌న పేరిట లిఖించుకున్నాడు.విరాట్‌ కోహ్లి రికార్డు బద్దలు..టీ20 చ‌రిత్ర‌లో ఆస్ట్రేలియాపై వ‌రుస‌గా నాలుగు సిక్స‌ర్లు బాదిన తొలి ఆట‌గాడిగా బ్రెవిస్ రికార్డుల‌కెక్కాడు. ఇప్ప‌టివ‌ర‌కు ఏ బ్యాట‌ర్ కూడా ఈ ఫీట్ సాధించ‌లేక‌పోయాడు. అదేవిధంగా ఆస్ట్రేలియా గ‌డ్డ‌పై కంగారూ జ‌ట్టుపై టీ20ల్లో అత్య‌ధిక సిక్స‌ర్లు కొట్టిన ప్లేయ‌ర్‌గా బ్రెవిస్ చ‌రిత్ర సృష్టించాడు.బ్రెవిస్ ఇప్పటివరకు ఆసీస్ గడ్డపై మూడు టీ20లు ఆడి 14 సిక్స్‌లు బాదాడు. ఇంతకుముందు ఈ రికార్డు టీమిండియా స్టార్ విరాట్ కోహ్లి పేరిట ఉండేది. కోహ్లి ఆస్ట్రేలియాలో మెన్ ఇన్ ఎల్లోపై 11 మ్యాచ్‌లు ఆడి 12 సిక్స్‌లు బాదాడు.తాజా మ్యాచ్‌లో ఆరు సిక్స‌ర్లు బాదిన బ్రెవిస్ కోహ్లి రికార్డును బ్రేక్ చేశాడు. వీరిద్ద‌రి త‌ర్వాతి స్ధానంలో శిఖ‌ర్ ధావ‌న్‌(9) ఉన్నాడు. ఈ మూడు మ్యాచ్‌ల సిరీస్‌లో బ్రెవిస్‌(180) టాప్ ర‌న్‌స్కోర‌ర్‌గా నిలిచాడు. అయితే ఆఖ‌రి మ్యాచ్‌లో 2 వికెట్ల తేడాతో సౌతాఫ్రికా ఓట‌మి పాలైంది. దీంతో మూడు మ్యాచ్‌ల సిరీస్‌ను 1-2తో ఆస్ట్రేలియాకు కోల్పోయింది.

ఆస్ట్రేలియా గ‌డ్డ‌పై సౌతాఫ్రికా యువ సంచ‌ల‌నం డెవాల్డ్ బ్రెవిస్ త‌న సూప‌ర్ ఫామ్‌ను కొన‌సాగిస్తున్నాడు. డార్విన్ వేదిక‌గా ఆసీస్‌తో జ‌రిగిన రెండో టీ20లో మెరుపు సెంచ‌రీతో చెల‌రేగిన బ్రెవిస్‌.. ఇప్పుడు మూడో టీ20లో అదే త‌ర‌హా విధ్వంసాన్ని సృష్టించాడు. కెయిర్న్స్ లోని కాజాలి స్టేడియం వేదికగా జరుగుతున్న సిరీస్ డిసైడ్‌ర్‌లో బ్రెవిస్ తుపాన్ ఇన్నింగ్స్ ఆడాడు.మరోసారి ఆసీస్ బౌలర్లను ఈ జూనియర్ ఏబీడీ ఉతికారేశాడు. ముఖ్యంగా ఆసీస్ యువ బౌలర్ ఆరోన్ హార్డీకి బ్రెవిస్ చుక్కలు చూపించాడు. సౌతాఫ్రికా ఇన్నింగ్స్ పదో ఓవర్ వేసిన హార్దీ బౌలింగ్‌లో బ్రెవిస్ ఏకంగా నాలుగు సిక్సర్లు బాదాడు. అంతకంటే ముందు ఆసీస్ స్పీడ్ స్టార్ బెన్ ద్వార్షుయిస్ బౌలింగ్‌లో కూడా బ్రెవిస్ 100 మీటర్ల భారీ సిక్సర్ కొట్టాడు.అతడి బ్యాట్ పవర్‌కు బంతి స్టేడియం బయట పడింది. ఇది చూసిన వారంతా షాకయ్యారు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. ఈ మ్యాచ్‌లో కేవలం 26 బంతులు మాత్రమే ఎదుర్కొన్న బ్రెవిస్‌.. 6 సిక్స్‌లు, ఒక ఫోర్ సాయంతో 53 పరుగులు చేశాడు.ఇక టాస్ ఓడి తొలుత బ్యాటింగ్ చేసిన సౌతాఫ్రికా నిర్ణీత 20 ఓవర్లలో 7 వికెట్ల నష్టానికి 172 పరుగులు చేసింది. సఫారీ బ్యాటర్లలో బ్రెవిస్‌తో పాటు స్టబ్స్‌(25), వండర్ డస్సెన్‌(38) రాణించారు. ఆస్ట్రేలియా బౌలర్లలో నాథన్ ఈల్లీస్ మూడు, జంపా, హాజిల్ వుడ్ తలా రెండు వికెట్లు పడగొట్టారు.చదవండి: పాకిస్తాన్ క్రికెట్ బోర్డు కీలక నిర్ణయం.. ఆటగాళ్లకు జీతాలు కట్‌!?Oh my goodness, what a player Dewald Brevis is!#AUSvSA pic.twitter.com/pcYPrcidd9— cricket.com.au (@cricketcomau) August 16, 2025

డార్విన్‌: దక్షిణాఫ్రికా యువ బ్యాటర్‌ డెవాల్డ్‌ బ్రెవిస్‌ మెరుపు ప్రదర్శనతో చెలరేగిపోయాడు. ఆ్రస్టేలియాతో జరిగిన రెండో టి20లో అతను ఫోర్లు, సిక్సర్లతో సత్తా చాటి ఒంటిచేత్తో జట్టును గెలిపించాడు. ఈ క్రమంలో బ్రెవిస్‌ దక్షిణాఫ్రికా తరఫున టి20ల్లో అత్యధిక వ్యక్తిగత స్కోరు సాధించిన బ్యాటర్‌గా నిలిచాడు. మంగళవారం జరిగిన ఈ మ్యాచ్‌లో దక్షిణాఫ్రికా 53 పరుగుల తేడాతో ఆ్రస్టేలియాపై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన దక్షిణాఫ్రికా 20 ఓవర్లలో 7 వికెట్ల నష్టానికి 218 పరుగులు చేసింది. ఆ్రస్టేలియాపై దక్షిణాఫ్రికాకు టి20ల్లో ఇదే అత్యధిక స్కోరు. ‘ప్లేయర్‌ ఆఫ్‌ ద మ్యాచ్‌’ డెవాల్డ్‌ బ్రెవిస్‌ (56 బంతుల్లో 125 నాటౌట్‌; 12 ఫోర్లు, 8 సిక్స్‌లు) అజేయ శతకంతో చెలరేగాడు. అనంతరం ఆసీస్‌ 17.4 ఓవర్లలో 165 పరుగులకే ఆలౌటైంది. టిమ్‌ డేవిడ్‌ (24 బంతుల్లో 50; 4 ఫోర్లు, 4 సిక్స్‌లు) అర్ధ సెంచరీ చేయగా... మిగతావారంతా విఫలమయ్యారు. మూడు మ్యాచ్‌ల సిరీస్‌లో ఇరు జట్లు 1–1తో సమంగా నిలవగా, చివరి టి20 శనివారం జరుగుతుంది. బౌండరీలతోనే 96 పరుగులు... ఐదో ఓవర్లో దక్షిణాఫ్రికా స్కోరు 44/2 వద్ద ఉన్నప్పుడు క్రీజ్‌లోకి వచ్చిన బ్రెవిస్‌ చివరి వరకు నిలిచాడు. తాను ఎదుర్కొన్న మూడో బంతికి తొలి ఫోర్‌ కొట్టిన అతను అదే జోరు కొనసాగిస్తూ ఒక దశలో 24 బంతుల్లో 44 పరుగులు చేశాడు. ఆ తర్వాత మ్యాక్స్‌వెల్‌ ఓవర్లో వరుసగా 6, 6, 4, 6 బాదడం ఇన్నింగ్స్‌లో హైలైట్‌గా నిలిచింది. ఈ ఓవర్లో అతను 56 పరుగుల వద్ద ఉన్నప్పుడు లాంగాన్‌లో ఇచ్చిన క్యాచ్‌ను కునెమన్‌ వదిలేయడం కూడా కలిసొచ్చింది. 25 బంతుల్లో అర్ధ సెంచరీ పూర్తి చేసున్న బ్రెవిస్‌కు శతకం చేసుకునేందుకు మరో 16 బంతులు మాత్రమే సరిపోయాయి. హాజల్‌వుడ్‌ ఓవర్లో 2 ఫోర్లు, సిక్స్‌ బాదిన తర్వాత డ్వార్‌షుయిస్‌ ఓవర్లో కొట్టిన మూడో ఫోర్‌తో 41 బంతుల్లోనే బ్రెవిస్‌ శతకం పూర్తయింది. ఛేదనలో డేవిడ్‌కు ఇతర ఆసీస్‌ బ్యాటర్లెవరూ సహకారం అందించలేదు. ఒకదశలో 9.3 ఓవర్లలో 106/3తో ఉన్నా...ఆ తర్వాత జట్టు తడబడింది. 125 టి20ల్లో దక్షిణాఫ్రికా తరఫున బ్రెవిస్‌ స్కోరు (125) అత్యధికం. డుప్లెసిస్‌ (119)ను అతను అధిగమించాడు.2 దక్షిణాఫ్రికా తరఫున ఇది రెండో ఫాస్టెస్ట్‌ (41 బంతుల్లో) సెంచరీ. ప్రస్తుతం డేవిడ్‌ మిల్లర్‌ (35 బంతుల్లో) పేరిట ఈ రికార్డు ఉంది.1 అతి పిన్న వయసులో అంతర్జాతీయ టి20 శతకం బాదిన దక్షిణాఫ్రికా బ్యాటర్‌గా (22 ఏళ్ళ 105 రోజులు) నిలిచిన బ్రెవిస్‌... రిచర్డ్‌ లెవీ (24 ఏళ్ల 36 రోజులు) రికార్డును సవరించాడు.చదవండి: AUS vs SA: చరిత్ర సృష్టించిన బ్రెవిస్‌.. ప్రపంచంలోనే తొలి ప్లేయర్‌గా రికార్డు

విధ్వంసకర బ్యాటింగ్‌తో ‘బేబీ ఏబీడీ’గా పేరొందిన డెవాల్డ్‌ బ్రెవిస్‌ (Dewald Brevis) సరికొత్త చరిత్ర సృష్టించాడు. ఆస్ట్రేలియా (AUS vs SA T20I)తో రెండో టీ20 సందర్భంగా.. ఆసీస్‌ దిగ్గజం షేన్‌ వాట్సన్‌ పేరిట ఉన్న ప్రపంచ రికార్డును బద్దలు కొట్టాడు. అంతర్జాతీయ పొట్టి ఫార్మాట్లో కంగారూ గడ్డపై అత్యధిక వ్యక్తిగత స్కోరు సాధించిన ఆటగాడిగా నిలిచాడు.పరుగుల విధ్వంసంకాగా మూడు టీ20లు, మూడు వన్డేల సిరీస్‌లు ఆడేందుకు ఆస్ట్రేలియాకు వెళ్లింది సౌతాఫ్రికా టీమ్‌. ఇందులో భాగంగా తొలుత పొట్టి సిరీస్‌ మొదలుకాగా.. మొదటి టీ20లో ఆతిథ్య ఆసీస్‌ గెలిచింది. ఈ క్రమంలో ఇరుజట్ల మధ్య మంగళవారం నాటి రెండో టీ20లో డెవాల్డ్‌ బ్రెవిస్‌ పరుగుల విధ్వంసం సృష్టించాడు.కేవలం 41 బంతుల్లోనే శతకం సాధించిన ఈ కుడిచేతి వాటం బ్యాటర్‌.. మొత్తంగా 56 బంతులు ఎదుర్కొని 12 ఫోర్లు, ఎనిమిది సిక్సర్ల సాయంతో 125 పరుగులతో అజేయంగా నిలిచాడు. ఈ క్రమంలో డెవాల్డ్‌ బ్రెవిస్‌ తన పేరిట పలు రికార్డులు లిఖించుకున్నాడు.వాట్సన్‌ ప్రపంచ రికార్డు బద్దలుఆస్ట్రేలియా గడ్డ మీద అంతర్జాతీయ టీ20లలో అత్యధిక వ్యక్తిగత స్కోరు సాధించిన ఆటగాళ్లు1. డెవాల్డ్‌ బ్రెవిస్‌ (సౌతాఫ్రికా)- ఆస్ట్రేలియాపై 2025లో డార్విన్‌ వేదికగా 125 పరుగులు నాటౌట్‌2. షేన్‌ వాట్సన్‌ (ఆస్ట్రేలియా)- టీమిండియాపై 2016లో సిడ్నీ వేదికగా 124 నాటౌట్‌3. గ్లెన్‌ మాక్స్‌వెల్‌ (ఆస్ట్రేలియా)- వెస్టిండీస్‌పై 2024లో అడిలైడ్‌ వేదికగా 120 నాటౌట్‌.తొలి ప్లేయర్‌గా అరుదైన రికార్డులు🏏సౌతాఫ్రికా తరఫున పురుషుల అంతర్జాతీయ టీ20లలో అత్యంత పిన్న వయసులో శతకం బాదిన క్రికెటర్‌గా డెవాల్డ్‌ బ్రెవిస్‌. 22 ఏళ్ల 105 రోజుల వయసులో ఈ ఘనత సాధించాడు. అంతకు ముందు ఈ రికార్డు రిచర్డ్‌ లెవి (24 ఏళ్ల 36 రోజులు) పేరిట ఉండేది.🏏ఆస్ట్రేలియాపై టీ20లలో ఫాస్టెస్ట్‌ సెంచరీ సాధించిన ఆటగాడిగా డెవాల్డ్‌ బ్రెవిస్‌. 2018లో మార్టిన్‌ గఫ్టిల్‌ 49 బంతుల్లో సెంచరీ చేయగా.. బ్రెవిస్‌ 41 బంతుల్లోనే ఈ ఫీట్‌ అందుకున్నాడు.🏏సౌతాఫ్రికా తరఫున పరుషుల టీ20 క్రికెట్‌లో అత్యధిక వ్యక్తిగత స్కోరు సాధించిన ఆటగాడిగా బ్రెవిస్‌ రికార్డు. గతంలో ఫాఫ్‌ డుప్లెసిస్‌ (119) వెస్టిండీస్‌పై 2015లో ఈ ఘనత సాధించాడు.🏏మెన్స్‌ టీ20 క్రికెట్‌లో ఆస్ట్రేలియాపై ఓ మ్యాచ్‌లో అత్యధిక సిక్సర్లు బాదిన సౌతాఫ్రికా ప్లేయర్‌గా డెవాల్డ్‌ బ్రెవిస్‌. 2016లో ఫాఫ్‌ డుప్లెసిస్‌, 2023లో డొనావన్‌ ఫెరీరా ఐదేసి సిక్సర్లు బాదగా.. తాజాగా బ్రెవిస్‌ 8 సిక్సర్లు బాదడం విశేషం.చదవండి: WC 2011: ఇయర్‌ ఫోన్స్‌ పెట్టుకోండి... వారిద్దరి సలహాల వల్లే..: యువీDewald Brevis - 125(56)* highlights pic.twitter.com/34vSYRNpUc— ` (@WorshipDhoni) August 12, 2025The second-quickest T20I hundred from a South African player!Dewald Brevis, take a bow 👏#AUSvSA pic.twitter.com/JOpk3tptGT— cricket.com.au (@cricketcomau) August 12, 2025

ఆస్ట్రేలియాతో మ్యాచ్‌లో సౌతాఫ్రికా యువ సంచలనం డెవాల్డ్‌ బ్రెవిస్‌ (Dewald Brevis) పరుగుల సునామీ సృష్టించాడు. ఆసీస్‌తో రెండో టీ20లో ఆకాశమే హద్దుగా చెలరేగిన ఈ కుడిచేతి వాటం బ్యాటర్‌.. 25 బంతుల్లోనే హాఫ్‌ సెంచరీ సాధించాడు.41 బంతుల్లోనే...ఇదే జోరులో మరో పదహారు బంతుల్లోనే శతక మార్కును అందుకున్న డెవాల్డ్ బ్రెవిస్‌.. సౌతాఫ్రికా తరఫున అంతర్జాతీయ పొట్టి ఫార్మాట్లో రెండో ఫాస్టెస్ట్‌ సెంచరీ (T20I Fastest Century) నమోదు చేశాడు. అంతకు ముందు డేవిడ్‌ మిల్లర్‌ (David Miller) బంగ్లాదేశ్‌పై 35 బంతుల్లో శతక్కొట్టగా.. తాజాగా బ్రెవిస్‌ ఆసీస్‌పై 41 బంతుల్లో సెంచరీ సాధించాడు.ఆసీస్‌పై ఇదే తొలి ఫాస్టెస్ట్‌ సెంచరీఇక ఆస్ట్రేలియాపై టీ20లలో ఇదే ఫాస్టెస్ట్‌ సెంచరీ కావడం మరో విశేషం. కాగా మూడు టీ20లు, మూడు వన్డేల సిరీస్‌ ఆడేందుకు సౌతాఫ్రికా క్రికెట్‌ జట్టు ఆస్ట్రేలియా పర్యటనకు వచ్చింది. ఇందులో భాగంగా ఇరుజట్ల మధ్య డార్విన్‌ వేదికగా ఆదివారం తొలి టీ20 జరుగగా.. ఆసీస్‌ 17 పరుగుల తేడాతో గెలిచి 1-0తో ఆధిక్యంలోకి వెళ్లింది.ఈ క్రమంలో ఆసీస్‌- ప్రొటిస్‌ జట్ల మధ్య మంగళవారం డార్విన్‌ వేదికగా రెండో టీ20కి షెడ్యూల్‌ ఖరారు కాగా.. టాస్‌ గెలిచిన ఆతిథ్య జట్టు తొలుత బౌలింగ్‌ ఎంచుకుంది. దీంతో బ్యాటింగ్‌కు దిగిన సౌతాఫ్రికాకు శుభారంభం మాత్రం లభించలేదు.టాపార్డర్‌ విఫలంఆసీస్‌ స్టార్లు గ్లెన్‌ మాక్స్‌వెల్‌, బెన్‌ డ్వార్షుయిస్‌ దెబ్బకు ప్రొటిస్‌ టాపార్డర్‌ కుప్పకూలింది. ఓపెనర్లలో కెప్టెన్‌ ఐడెన్‌ మార్క్రమ్‌ (18)ను మాక్సీ స్వల్ప స్కోరుకు వెనక్కి పంపగా.. రియాన్‌ రికెల్టన్‌ (14)ను డ్వార్షుయిస్‌ పెవిలియన్‌ బాట పట్టించాడు.ఇక వన్‌డౌన్‌లో వచ్చిన యువ ఆటగాడు లువాన్‌-డ్రి ప్రిటోరియస్‌ పది పరుగుల వ్యక్తిగత స్కోరు వద్ద ఉన్న వేళ.. మాక్సీ బౌలింఘ్‌లో స్టంపౌట్‌గా వెనుదిరిగాడు. ఇలా 57 పరుగులకే మూడు వికెట్లు కోల్పోయి కష్టాల్లో పడిన సౌతాఫ్రికాను బేబీ ఏబీడీ డెవాల్డ్‌ బ్రెవిస్‌ సంచలన ఇన్నింగ్స్‌తో ఆదుకున్నాడు.బేబీ ఏబీడీ సునామీ ఇన్నింగ్స్‌కేవలం 41 బంతుల్లోనే సెంచరీ సాధించిన బ్రెవిస్‌.. ట్రిస్టన్‌ స్టబ్స్‌ (22 బంతుల్లో 31)తో కలిసి ఇన్నింగ్స్‌ చక్కదిద్దాడు. మొత్తంగా 56 బంతుల్లో 12 ఫోర్లు, 8 సిక్సర్లు బాదిన 22 ఏళ్ల బ్రెవిస్‌.. 125 పరుగులతో ఆఖరి వరకు అజేయంగా నిలిచాడు. ఫలితంగా నిర్ణీత 20 ఓవర్లలో సౌతాఫ్రికా ఏడు వికెట్ల నష్టానికి 218 పరుగుల మేర భారీ స్కోరు సాధించింది.ఆసీస్‌ బౌలర్లలో గ్లెన్‌ మాక్స్‌వెల్‌, బెన్‌ డ్వార్షుయిస్‌ రెండేసి వికెట్లు కూల్చగా.. జోష్‌ హాజిల్‌వుడ్‌, ఆడం జంపా ఒక్కో వికెట్‌ తమ ఖాతాలో వేసుకున్నారు. సీన్‌ అబాట్‌, అలెక్స్‌ క్యారీ కగిసో రబాడ (5) రనౌట్‌లో భాగమయ్యారు.చదవండి: WC 2011: ఇయర్‌ ఫోన్స్‌ పెట్టుకోండి... వారిద్దరి సలహాల వల్లే..: యువీThe second-quickest T20I hundred from a South African player!Dewald Brevis, take a bow 👏#AUSvSA pic.twitter.com/JOpk3tptGT— cricket.com.au (@cricketcomau) August 12, 2025

జింబాబ్వేలో జరుగుతున్న ముక్కోణపు టీ20 సిరీస్‌లో సౌతాఫ్రికా ఘనంగా బోణీ కొట్టింది. నిన్న (జులై 14) హరారే స్పోర్ట్స్‌ క్లబ్‌లో జరిగిన టోర్నీ ఓపెనర్‌లో సౌతాఫ్రికా ఆతిథ్య జింబాబ్వేపై 5 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన జింబాబ్వే నిర్ణీత 20 ఓవర్లలో 6 వికెట్ల నష్టానికి 141 పరుగులు మాత్రమే చేయగలిగింది. జార్జ్‌ లిండే (3-0-10-3), లుంగి ఎంగిడి (4-1-15-1), నండ్రే బర్గర్‌ (4-0-22-1), ఎన్‌ పీటర్‌ (3-0-22-1), కార్బిన్‌ బాష్‌ (4-0-36-0) పొదుపుగా బౌలింగ్‌ చేయడమే కాకుండా వరుస విరామాల్లో వికెట్లు తీసి జింబాబ్వేను తక్కువ స్కోర్‌కే పరిమితం చేశారు. 5 SIXES BY DEWALD BREVIS IN HIS RETURN TO T20I. 🤯🔥 pic.twitter.com/avZKMovpRj— Johns. (@CricCrazyJohns) July 14, 2025జింబాబ్వే ఇన్నింగ్స్‌లో సికందర్‌ రజా (38 బంతుల్లో 54; 3 ఫోర్లు, 2 సిక్సర్లు) ఒక్కడే అజేయ అర్ద సెంచరీతో రాణించాడు. రజాతో పాటు బ్రియాన్‌ బెన్నెట్‌ (30), ర్యాన్‌ బర్ల్‌ (29) రెండంకెల స్కోర్లు చేశారు. మదెవెరె 1, క్లైవ్‌ మదండే 8, తషింగ ముసేకివ 9, మున్యోంగ 0, మసకద్జ 1 (నాటౌట్‌) పరుగుకు పరిమితమయ్యారు.అనంతరం స్వల్ప లక్ష్య ఛేదనకు దిగిన సౌతాఫ్రికా ఆడుతూ పాడుతూ విజయం సాధించింది. తొలి బంతికే చిచ్చరపిడుగు లుహాన్‌ డ్రి ప్రిటోరియస్‌ డకౌటైనా, రుబిన్‌ హెర్మన్‌ (37 బంతుల్లో 45; 5 ఫోర్లు, సిక్స్‌), డెవాల్డ్‌ బ్రెవిస్‌ (17 బంతుల్లో 41; ఫోర్‌, 5 సిక్సర్లు) సౌతాఫ్రికా విజయానికి పునాది వేశారు. కార్బిన్‌ బాష్‌ (23 నాటౌట్‌) మ్యాచ్‌ను లాంఛనంగా ముగించాడు. అతనికి జార్జ్‌ లిండే (3 నాటౌట్‌) సహకరించాడు. సౌతాఫ్రికా 15.5 ఓవర్లలో 5 వికెట్లు కోల్పోయి విజయతీరాలకు చేరింది. 5 సిక్సర్లతో విధ్వంసం​ సృష్టించిన బ్రెవిస్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. సౌతాఫ్రికా తరఫున అతనికి ఇదే తొలి ప్లేయర్‌ ఆఫ్‌ ద మ్యాచ్‌ అవార్డు. సౌతాఫ్రికా ఇన్నింగ్స్‌లో రీజా హెండ్రిక్స్‌ (11), కెప్టెన్‌ డస్సెన్‌ (16) తక్కువ స్కోర్లకే ఔటయ్యారు. జింబాబ్వే బౌలర్లలో రిచర్డ్‌ నగరవ 3, ట్రెవర్‌ గ్వాండు 2 వికెట్లు తీశారు. ఈ టోర్నీలో జింబాబ్వే, సౌతాఫ్రికా సహా న్యూజిలాండ్‌ కూడా పాల్గొంటుంది. తదుపరి మ్యాచ్‌ రేపు సాయంత్రం 4:30 గంటలకు సౌతాఫ్రికా, న్యూజిలాండ్‌ మధ్య హరారే వేదికగా జరుగనుంది.

జింబాబ్వేతో తొలి టెస్టు (ZIM vs SA 1st Test)లో సౌతాఫ్రికా ఘన విజయం సాధించింది. ఆతిథ్య జట్టును ఏకంగా 328 పరుగుల భారీ తేడాతో ఓడించి జయభేరి మోగించింది. కీలక ఆటగాళ్లు జట్టుతో లేకపోయినా ప్రొటిస్‌ జట్టు ఆద్యంత ఆధిపత్యం కనబరిచి రెండు మ్యాచ్‌ల సిరీస్‌లో 1-0తో ముందంజ వేసింది.అరంగేట్రంలోనే సత్తా చాటిన చిచ్చరపిడుగులుప్రపంచ టెస్టు చాంపియన్‌షిప్‌ (WTC)-2025 ఫైనల్‌ గెలిచిన తర్వాత సౌతాఫ్రికా.. తొలుత జింబాబ్వే పర్యటనకు వెళ్లింది. ఆతిథ్య జట్టుతో రెండు టెస్టులు ఆడనుంది. రెగ్యులర్‌ కెప్టెన్‌ టెంబా బవుమా (Temba Bavuma)తో పాటు ఐడెన్‌ మార్క్రమ్‌ వంటి కీలక ఆటగాళ్లు ఈ టూర్‌కు దూరం కాగా.. కేశవ్‌ మహరాజ్‌ సారథ్యంలో లువాన్‌-డ్రి ప్రిటోరియస్‌, డెవాల్డ్‌ బ్రెవిస్‌ టెస్టులలో అరంగేట్రం చేశారు.ఇక బులవాయో వేదికగా జూన్‌ 28న మొదలైన తొలి టెస్టులో టాస్‌ గెలిచిన పర్యాటక సౌతాఫ్రికా తొలుత బ్యాటింగ్‌ చేసింది. టాపార్డర్‌ విఫలమైనప్పటికీ టీనేజర్లు లువాన్‌-డ్రి ప్రిటోరియస్‌, డెవాల్డ్‌ బ్రెవిస్‌ అదరొట్టారు. ప్రిటోరియస్‌ భారీ శతకం (153) బాదగా.. బ్రెవిస్‌ (41 బంతుల్లో 51) మెరుపు హాఫ్‌ సెంచరీ చేశాడు.వీరిద్దరికి తోడు పేస్‌ బౌలింగ్‌ ఆల్‌రౌండర్‌ కార్బిన్‌ బాష్‌ శతకం (100 నాటౌట్‌)తో చెలరేగాడు. ఈ క్రమంలో తొలి ఇన్నింగ్స్‌లో తొమ్మిది వికెట్ల నష్టానికి 418 పరుగుల వద్ద ప్రొటిస్‌ జట్టు తమ మొదటి ఇన్నింగ్స్‌ డిక్లేర్‌ చేసింది. జింబాబ్వే బౌలర్లలో టనకా చివాంగ నాలుగు వికెట్లు తీయగా.. ముజర్‌బానీ రెండు, మసకజ్ద, మసేకెస ఒక్కో వికెట్‌ దక్కించుకున్నారు. 251 పరుగులకే ఆలౌట్‌ ఇక తొలి ఇన్నింగ్స్‌లో జింబాబ్వే 251 పరుగులకే ఆలౌట్‌ అయింది. సీన్‌ విలియమ్స్‌ (137) శతక్కొట్టగా.. మిగతా వారి నుంచి అతడికి సహకారం అందలేదు. ప్రొటిస్‌ బౌలర్లలో వియాన్‌ ముల్డర్‌ నాలుగు వికెట్లతో చెలరేగగా.. కెప్టెన్‌ కేశవ్‌ మహరాజ్‌, కోడి యూసఫ్‌ చెరో మూడు వికెట్లు తీశారు.ఈ క్రమంలో 167 పరుగుల భారీ ఆధిక్యంతో రెండో ఇన్నింగ్స్‌ మొదలుపెట్టిన సౌతాఫ్రికా.. 369 పరుగులు చేసి ఆలౌట్‌ అయింది. ఈసారి వియాన్‌ ముల్డర్‌ (147) శతకంతో ఆకట్టుకోగా.. కేశవ్‌ మహరాజ్‌ హాఫ్‌ సెంచరీ (51) చేశాడు.జింబాబ్వే బౌలర్లలో ఈసారి మసకజ్ద నాలుగు, చివాంగ, మసెకెస రెండేసి వికెట్లు తీయగా.. ముజర్‌బానీ, మెధెవెరె చెరో వికెట్‌ పడగొట్టారు. భారీ లక్ష్య ఛేదనలో తడబడిఈ క్రమంలో తొలి ఇన్నింగ్స్‌ ఆధిక్యం కలుపుకుని సౌతాఫ్రికా జింబాబ్వేకు 537 పరుగుల లక్ష్యం విధించింది. అయితే, మంగళవారం నాటి నాలుగో రోజు ఆటలో భాగంగా 208 పరుగులకే జింబాబ్వే ఆలౌట్‌ కాగా.. సౌతాఫ్రికా భారీ గెలుపు దక్కించుకుంది.మరోవైపు.. టెస్టుల్లో జింబాబ్వేకు ఇదే అతిపెద్ద పరాజయం. ఇదిలా ఉంటే.. జింబాబ్వే రెండో ఇన్నింగ్స్‌లో కార్బిన్‌ బాష్‌ ఐదు వికెట్లతో చెలరేగగా.. యూసఫ్‌ మూడు, కేశవ్‌ మహరాజ్‌, డెవాల్డ్‌ బ్రెవిస్‌ ఒక్కో వికెట్‌ తమ ఖాతాలో వేసుకున్నారు. అరంగేట్రంలోనే శతక్కొట్టిన సౌతాఫ్రికా 19 ఏళ్ల చిచ్చరపిడుగు ప్రిటోరియస్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.జింబాబ్వే వర్సెస్‌ సౌతాఫ్రికా తొలి టెస్టు సంక్షిప్త స్కోర్లుసౌతాఫ్రికా: 418/9 d & 369జింబాబ్వే: 251 & 208.చదవండి: IPL 2026: సీఎస్‌కేలోకి సంజూ.. బదులుగా రాజస్తాన్‌కు రుతురాజ్‌?!

తొలి ప్ర‌పంచ టెస్టు ఛాంపియ‌న్‌షిప్ (WTC) టైటిల్‌ను గెలుచుకున్న ద‌క్షిణాఫ్రికా క్రికెట్ జ‌ట్టు.. ప్ర‌స్తుతం రెండు మ్యాచ్‌ల టెస్టు సిరీస్ కోసం జింబాబ్వేలో ప‌ర్య‌టిస్తోంది. ఈ సిరీస్‌లో భాగంగా తొలి టెస్టు బులవాయోలోని క్వీన్ స్పోర్ట్స్ క్లబ్ వేదిక‌గా శ‌నివారం(జూన్ 28) నుంచి ప్రారంభ‌మైంది.తొలి రోజు ఆట‌లో స‌ఫారీ బ్యాట‌ర్లు స‌త్తాచాటారు. మొద‌టి రోజు ఆట ముగిసే స‌మ‌యానికి ద‌క్షిణాఫ్రికా తమ తొలి ఇన్నింగ్స్‌లో 9 వికెట్ల న‌ష్టానికి 418 ప‌రుగులు చేసింది. స‌ఫారీ బ్యాట‌ర్ల‌లో అరంగేట్ర ఆటగాళ్లు లువాన్‌-డ్రి ప్రిటోరియస్‌(153), బాష్‌(100 బ్యాటింగ్‌) సెంచ‌రీలతో చెల‌రేగ‌గా.. డెవాల్డ్ బ్రెవిస్( 41 బంతుల్లో 3 ఫోర్లు, 4 సిక్స్‌ల‌తో 51) హాఫ్ సెంచ‌రీతో మెరిశాడు.అరంగేట్రంలోనే బ్రెవిస్ ఓ వ‌ర‌ల్డ్ రికార్డును త‌న పేరిట లిఖించుకున్నాడు. డెబ్యూ టెస్టు తొలి ఇన్నింగ్స్‌లో ఫాస్టెస్ట్ హాఫ్ సెంచ‌రీ చేసిన ఆట‌గాడిగా బ్రెవిస్ చ‌రిత్ర సృష్టించాడు. ఈ మ్యాచ్ తొలి ఇన్నింగ్స్‌లో బేబీ ఏబీడీ కేవలం 38 బంతుల్లోనే ఆర్ధ శతకం సాధించాడు. బ్రెవిస్ కంటే ముందు న్యూజిలాండ్ మాజీ కెప్టెన్ టిమ్ సౌథీ తన డెబ్యూ టెస్టులో 29 బంతులు, ఇంగ్లండ్ ఆటగాడు జాకబ్ బెతల్ 37 బంతుల్లోనే తన హాఫ్ సెంచరీ మార్క్‌ను అందుకున్నాడు. కానీ ఈ రెండు హాఫ్ సెంచరీలు కూడా రెండో ఇన్నింగ్స్‌లో వచ్చినవే కావడం గమనార్హం.చదవండి: IND vs ENG: ఇంగ్లండ్‌తో రెండో టెస్టు.. టీమిండియాకు గుడ్ న్యూస్‌! వీడియో వైరల్‌

జింబాబ్వే-ద‌క్షిణాఫ్రికా రెండు మ్యాచ్‌ల టెస్టు సిరీస్‌లో త‌ల‌ప‌డ‌తున్నాయి. ఈ సిరీస్‌కు ప్రోటీస్‌ రెగ్యులర్‌ కెప్టెన్‌ టెంబా బావుమా గాయం కారణంగా దూరం కాగా.. కేశవ్‌ మహరాజ్‌ (Keshav Maharaj) సారథిగా బాధ్యతలు నిర్వర్తిస్తున్నాడు. ఇక రెండు మ్యాచ్‌ల సిరీస్‌లో భాగంగా జింబాబ్వే- సౌతాఫ్రికా (ZIM vs SA) మధ్య శనివారం తొలి టెస్టు ఆరంభమైంది. బులవాయోలోని క్వీన్స్‌ స్పోర్ట్స్‌ క్లబ్‌లో టాస్‌ గెలిచిన పర్యాటక సౌతాఫ్రికా జట్టు.. తొలుత బ్యాటింగ్‌ ఎంచుకుంది.కుప్పకూలిన టాపార్డర్‌ఈ క్రమంలో ఆతిథ్య జింబాబ్వే బౌలర్లు ధాటిగా తమ అటాకింగ్‌ ఆరంభించారు. టనకా చివాంగ దెబ్బకు ఓపెనర్లు టోనీ డి జోర్జి (0), మాథ్యూ బ్రీట్జ్కే (13) త్వరత్వరగా పెవిలియన్‌ చేరారు. ఇక వన్‌డౌన్‌ బ్యాటర్‌ వియాన్‌ ముల్దర్‌ (17) రనౌట్‌ కాగా.. నాలుగో నంబర్‌ బ్యాటర్‌ డేవిడ్‌ బెడింగ్‌హామ్‌ ​కూడా పరుగుల ఖాతా తెరవకుండానే వెనుదిరిగాడు.లువాన్‌-డ్రి ప్రిటోరియస్‌, బాష్‌ శతకాలుఇలాంటి క్లిష్ట పరిస్థితుల్లో అరంగేట్ర బ్యాటర్‌ లువాన్‌-డ్రి ప్రిటోరియస్‌ (Lhuan-Dre Pretorius) భారీ శతకంతో సత్తా చాటాడు. మొత్తంగా 160 బంతులు ఎదుర్కొన్న పందొమిదేళ్ల ఈ ఎడమచేతి వాటం బ్యాటర్‌.. 11 ఫోర్లు, 4 సిక్సర్ల సాయంతో 153 పరుగులు సాధించాడు. ఇతడికి తోడుగా చిచ్చరపిడుగు డెవాల్డ్‌ బ్రెవిస్‌ (51) అర్ధ శతకంతో మెరవగా.. వికెట్‌ కీపర్‌ బ్యాటర్‌ కైలీ వెరెన్నె (10) మాత్రం నిరాశపరిచాడు.అయితే, బౌలింగ్‌ ఆల్‌రౌండర్‌ కార్బిన్‌ బాష్‌ కూడా శతకంతో చెలరేగడం విశేషం. మిగతా వాళ్లలో కెప్టెన్‌ కేశవ్‌ మహరాజ్‌ 21, కోడీ యూసఫ్‌ 27 పరుగులు చేశారు. శనివారం నాటి తొలి రోజు ఆట ముగిసేసరికి 90 ఓవర్లలో సౌతాఫ్రికా తొమ్మిది వికెట్ల నష్టానికి 418 పరుగులు సాధించింది. బాష్‌ 100, క్వెనా మఫాకా 9 పరుగులతో క్రీజులో ఉన్నారు.చరిత్ర సృష్టించిన ప్రిటోరియస్‌జింబాబ్వేతో మ్యాచ్‌లో శతక్కొట్టిన లువాన్‌-డ్రి ప్రిటోరియస్‌ సరికొత్త చరిత్ర సృష్టించాడు. సౌతాఫ్రికా తరఫున పురుషుల క్రికెట్‌లో అత్యంత పిన్న వయసులో సెంచరీ చేసిన ఆటగాడిగా నిలిచాడు. అంతేకాదు.. అరంగేట్రంలోనే టెస్టుల్లో శతకం బాదిన అత్యంత పిన్న వయస్కుడిగానూ నిలవడం విశేషం.ఈ క్రమంలో సౌతాఫ్రికా తరఫున 61 ఏళ్లుగా గ్రేమ్‌ పొలాక్‌ పేరిట ఉన్న రికార్డును ప్రిటోరియస్‌ బద్దలు కొట్టాడు. 1964లో ఆస్ట్రేలియా మీద 19 ఏళ్ల 317 రోజుల్లో పొలాక్‌ సెంచరీ చేయగా.. ప్రిటోరియస్‌ 19 ఏళ్ల 93 రోజుల వయసులో జింబాబ్వే మీద ఈ ఘనత సాధించాడు.చదవండి: నితీశ్‌ రెడ్డి కాదు!.. శార్దూల్‌ స్థానంలో అతడే సరైనోడు: భారత మాజీ క్రికెటర్‌

సీఎస్‌కే చిచ్చరపిడుగు డెవాల్డ్‌ బ్రెవిస్‌ తన జాతీయ జట్టు సౌతాఫ్రికా తరఫున టెస్ట్‌ అరంగేట్రానికి సిద్దమయ్యాడు. రేపటి నుంచి జింబాబ్వేతో జరుగబోయే టెస్ట్‌ మ్యాచ్‌ కోసం ప్రకటించిన తుది జట్టులో బ్రెవిస్‌ చోటు దక్కించుకున్నాడు. తుది జట్టు ఆటగాళ్ల జాబితాను క్రికెట్‌ సౌతాఫ్రికా ఇవాళ (జూన్‌ 27) ప్రకటించింది. సీనియర్ల గైర్హాజరీలో రెండు మ్యాచ్‌లో ఈ సిరీస్‌లో సౌతాఫ్రికా సారధిగా కేశవ్‌ మహారాజ్‌ ఎంపికయ్యాడు. రేపటి నుంచి ప్రారంభం కాబోయే టెస్ట్‌ మ్యాచ్‌లో మహారాజ్‌ యువ దక్షిణాఫ్రికా జట్టును ముందుండి నడిపిస్తాడు. ఓపెనర్లుగా టోనీ డి జోర్జి, మాథ్యూ బ్రీట్జ్కీ బరిలోకి దిగనుండగా.. వన్‌ డౌన్‌లో వియాన్‌ ముల్దర్‌, నాలుగో స్థానంలో డేవిడ్‌ బెడింగ్హమ్‌, ఐదో స్థానంలో లుహాన్‌ డ్రి ప్రిటోరియస్‌, ఆరో స్థానంలో డెవాల్డ్‌ బ్రెవిస్‌ బరిలోకి దిగనున్నారు. వికెట్‌ కీపర్‌ బ్యాటర్‌గా కైల్‌ వెర్రిన్‌, ఆల్‌రౌండర్‌ కోటాలో కార్బిన్‌ బాష్‌, స్పెషలిస్ట్‌ స్పిన్నర్‌గా కేశవ్‌ మహారాజ్‌, పేసర్లుగా కోడి యూసఫ్‌, క్వేనా మఫాకా బరిలోకి దిగనున్నారు. ఈ మ్యాచ్‌లో బ్రెవిస్‌తో పాటు డ్రి ప్రిటోరియస్‌ కూడా టెస్ట్‌ అరంగేట్రం చేస్తాడు.వరల్డ్‌ టెస్ట్‌ ఛాంపియన్‌గా అవతరించాక సౌతాఫ్రికా ఆడబోయే తొలి మ్యాచ్‌ ఇదే. ఈ మ్యాచ్‌లో సౌతాఫ్రికా ఛాంపియన్‌ హోదాలో బరిలోకి దిగుతుంది. డబ్ల్యూటీసీ టైటిల్‌ గెలవడం ద్వారా సౌతాఫ్రికా చిరకాల కల నెరవేర్చిన రెగ్యులర్‌ కెప్టెన్‌ టెంబా బవుమా ఈ సిరీస్‌కు దూరంగా ఉన్నాడు. అలాగే డబ్ల్యూటీసీ ఫైనల్లో అద్భుత సెంచరీ చేసిన మార్క్రమ్‌, అదే మ్యాచ్‌లో చెలరేగిన రబాడ, ఆల్‌రౌండర్‌ జన్సెన్‌, బ్యాటర్‌ ర్యాన్‌ రికెల్టన్‌ ఈ సిరీస్‌కు దూరంగా ఉన్నారు. వీరందరికి క్రికెట్‌ సౌతాఫ్రికా విశ్రాంతినిచ్చింది. డబ్ల్యూటీసీ ఫైనల్‌ ఆడిన కార్బిన్‌ బాష్‌, వియాన్‌ ముల్దర్‌ తొలి టెస్ట్‌లో సౌతాఫ్రికా పేస్‌ విభాగాన్ని ముందుండి నడిపిస్తారు. రెండు మ్యాచ్‌ల టెస్ట్‌ సిరీస్‌ కోసం సౌతాఫ్రికా జింబాబ్వేలో పర్యటిస్తుంది. రెండు టెస్ట్‌లు బులవాయోలోని క్వీన్స్‌ స్పోర్ట్స్‌ క్లబ్‌లో జరుగుతాయి. రెండో టెస్ట్‌ జులై 6 నుంచి ప్రారంభమవుతుంది.జింబాబ్వేతో తొలి టెస్ట్‌ కోసం సౌతాఫ్రికా తుది జట్టు..టోనీ డి జోర్జి, మాథ్యూ బ్రీట్జ్కీ, వియాన్ ముల్డర్, డేవిడ్ బెడింగ్హమ్, లుహాన్-డ్రి ప్రిటోరియస్, డెవాల్డ్ బ్రెవిస్, కైల్ వెర్రిన్‌ (వికెట్‌కీపర్‌), కార్బిన్ బాష్, కేశవ్ మహారాజ్ (కెప్టెన్‌), కోడి యూసఫ్, క్వేనా మఫాకాజింబాబ్వే జట్టు..క్రెయిగ్ ఎర్విన్ (కెప్టెన్), బ్రియాన్ బెన్నెట్, తనకా చివాంగా, ట్రెవర్ గ్వాండు, టకుద్జ్వానాషే కైటానో, వెస్లీ మాధేవెరే, క్లైవ్ మదాండే, విన్సెంట్ మసెకేసా, వెల్లింగ్టన్ మసకద్జా, ప్రిన్స్ మస్వౌరే, కుండై మతిగిము, బ్లెస్సింగ్ ముజరబానీ, న్యూమ్యాన్‌ న్యామ్హురి, తఫద్జా సిగ, నికోలస్‌ వెల్చ్, సీన్ విలియమ్స్

ఈ నెలాఖరులో జింబాబ్వేతో జరుగనున్న రెండు మ్యాచ్‌ల టెస్ట్‌ సిరీస్‌ కోసం 16 మంది సభ్యుల దక్షిణాఫ్రికా జట్టును ఇవాళ (జూన్‌ 6) ప్రకటించారు. ఈ జట్టుకు సారధిగా టెంబా బవుమా ఎంపిక కాగా.. ఐదు అన్‌క్యాప్డ్‌ ప్లేయర్లకు చోటు దక్కింది. తాజాగా ముగిసిన ఐపీఎల్‌ సీజన్‌లో ఇరగదీసిన సీఎస్‌కే చిచ్చరపిడుగు డెవాల్డ్‌ బ్రెవిస్‌ తొలిసారి టెస్ట్‌ జట్టు నుంచి పిలుపునందుకున్నాడు. అతనితో పాటు మరో విధ్వంసకర బ్యాటర్‌ లుహాన్‌-డ్రి-ప్రిటోరియస్‌ కూడా టెస్ట్‌ అరంగేట్రానికి సిద్దమయ్యాడు. జింబాబ్వే సిరీస్‌లో బ్రెవిస్‌, ప్రిటోరియస్‌ సెంటర్‌ ఆఫ్‌ ద అట్రాక్షన్‌గా ఉంటారు. భారీ హిట్టర్లుగా పేరున్న వీరు టెస్ట్‌ ఫార్మాట్‌లో ఏమేరకు రాణిస్తారో అని అందరూ ఆసక్తిగా ఎదురుచూస్తున్నారు.ఈ సిరీస్‌ కోసం ఎంపిక చేసిన అన్‌క్యాప్డ్‌ ప్లేయర్ల జాబితాలో బ్రెవిస్‌, ప్రిటోరియస్‌తో పాటు లెసెగొ సెనొక్వానే (బ్యాటర్‌), కోడి యూసఫ్‌ (ఫాస్ట్‌ బౌలర్‌), ప్రెనెలన్ సుబ్రాయన్‌ (ఆఫ్‌ స్పిన్నర్‌) ఉన్నారు. స్పిన్నర్‌ జుబేర్‌ హంజా ఏడాది తర్వాత జట్టులోకి రీఎంట్రీ ఇచ్చాడు.డబ్ల్యూటీసీ ఫైనల్‌ కోసం ప్రస్తుతం ఇంగ్లండ్‌లో ఉన్న జట్టులోని ఎనిమిది మందికి (బవుమా, బెడింగ్హమ్‌, కార్బిన్‌ బాష్‌, జోర్జి, కేశవ్‌ మహారాజ్‌, ముల్దర్‌, ఎంగిడి, వెర్రిన్‌) మాత్రమే ఈ జట్టులో చోటు దక్కింది. జన్సెన్‌, రబాడ, మార్క్రమ్‌, రికెల్టన్‌, ట్రిస్టన్‌ స్టబ్స్‌కు విశ్రాంతి కల్పించారు. సౌతాఫ్రికా, ఆస్ట్రేలియా మధ్య డబ్ల్యూటీసీ 2023-25 ఫైనల్‌ జూన్‌ 11 నుంచి 15 వరకు లార్డ్స్‌ వేదికగా జరుగనున్న విషయం తెలిసిందే. ఈ మ్యాచ్‌ కోసం సౌతాఫ్రికా జట్టు ఇదివరకే లండన్‌కు చేరుకుంది.జింబాబ్వేతో సిరీస్‌ షెడ్యూల్‌.. తొలి టెస్ట్‌-జూన్‌ 28-జులై 2 (బులవాయో)రెండో టెస్ట్‌-జులై 6-10 (బులవాయో)జింబాబ్వే సిరీస్‌కు దక్షిణాఫ్రికా టెస్టు జట్టు: టెంబా బవుమా (కెప్టెన్‌), డేవిడ్ బెడింగ్హమ్, మాథ్యూ బ్రీట్జ్‌కే, డెవాల్డ్ బ్రెవిస్, కార్బిన్ బాష్, టోనీ డి జోర్జి, జుబేర్ హంజా, కేశవ్ మహరాజ్, క్వేనా మఫాకా, వియాన్ ముల్డర్, లుంగి ఎంగిడి, లుహాన్‌-డ్రి-ప్రిటోరియస్‌, ప్రీటోరియస్, లెసెగొ సెనొక్వానే, ప్రెనెలన్ సుబ్రాయన్‌, కైల్ వెర్రిన్‌, కోడి యూసుఫ్.

సీఎస్‌కే చిచ్చరపిడుగు డెవాల్డ్‌ బ్రెవిస్‌ ఇంగ్లండ్‌ టీ20 లీగ్‌లో (వైటాలిటి టీ20 బ్లాస్ట్‌ 2025) తన తొలి మ్యాచ్‌లోనే ఇరగదీశాడు. ఈ లీగ్‌లో హ్యాంప్‌షైర్‌కు ప్రాతినిథ్యం వహిస్తున్న బ్రెవిస్‌.. ఎసెక్స్‌తో జరిగిన మ్యాచ్‌లో విధ్వంసకర అర్ద శతకంతో విరుచుకుపడ్డాడు. 32 బంతుల్లో 4 ఫోర్లు, 6 సిక్సర్ల సాయంతో 68 పరుగులు చేశాడు. బ్రెవిస్‌తో పాటు టాబీ ఆల్బర్ట్‌ (54), జేమ్స్‌ విన్స్‌ (62) కూడా మెరుపు అర్ద శతకాలతో చెలరేగడంతో హ్యాంప్‌షైర్‌ నిర్ణీత 20 ఓవర్లలో 7 వికెట్ల నష్టానికి 230 పరుగుల భారీ స్కోర్‌ చేసింది. హ్యాంప్‌షైర్‌ ఇన్నింగ్స్‌లో హోవెల్‌ 11, జేమ్స్‌ ఫుల్లర్‌ 4, వెథర్లీ 3, టామ్‌ ప్రెస్ట్‌ 3 పరుగులకు ఔట్‌ కాగా.. లియామ్‌ డాసన్‌ 19, వుడ్‌ 1 పరుగుతో అజేయంగా నిలిచారు. ఎసెక్స్‌ బౌలర్లలో మహ్మద్‌ ఆమిర్‌, వాల్టర్‌ చెరో రెండు వికెట్లు పడగొట్టగా.. సామ్‌ కుక్‌, హార్మర్‌, క్రిచ్లే తలో వికెట్‌ తీశారు.అనంతరం భారీ లక్ష్య ఛేదనకు దిగిన ఎసెక్స్‌ ఏమాత్రం పోరాడకుండానే చేతులెత్తేసింది. డాసన్‌ (4-0-26-4), స్టార్‌ కర్రీ (2.2-0-20-2) చెలరేగడంతో ఆ జట్టు 16.2 ఓవర్లలో 124 పరుగులకే చాపచుట్టేసింది. ఫుల్లర్‌, హోవెల్‌ కూడా తలో వికెట్‌ తీశారు. ఎసెక్స్‌ ఇన్నింగ్స్‌లో కైల్‌ పెప్పర్‌ ఒక్కడే అర్ద సెంచరీతో (51) రాణించాడు. రొస్సింగ్టన్‌ (18), వాల్టర్‌ (23) రెండంకెల స్కోర్లు చేయగలిగారు. డీన్‌ ఎల్గర్‌ 0, క్రిచ్లీ 4, అల్లీసన్‌ 0, బెన్‌కెన్‌స్టెయిన్‌ 6, హార్మర్‌ 2, స్నేటర్‌ 5, ఆమిర్‌ 3 పరుగులకు ఔటయ్యారు.ఐపీఎల్‌ 2025లో అదరగొట్టిన బ్రెవిస్‌ఐపీఎల్‌ 2025లో లేట్‌గా రంగప్రవేశం​ చేసిన డెవాల్డ్‌ బ్రెవిస్‌ ఈ సీజన్‌లో ఆడిన ఆరు మ్యాచ్‌ల్లోనే తన తడాఖా చూపించాడు. ఈ మ్యాచ్‌లో అతను 180 స్ట్రయిక్‌రేట్‌తో రెండు హాఫ్‌ సెంచరీల సాయంతో 225 పరుగులు చేశాడు. ఈ సీజన్‌లో బ్రెవిస్‌ ఆడిన ఇన్నింగ్స్‌లు వచ్చే సీజన్‌లో సీఎస్‌కే ప్రయాణానికి జీవం పోశాయి. బ్రెవిస్‌ను ఈ సీజన్‌లో సీఎస్‌కే రీప్లేస్‌మెంట్‌ ఆటగాడిగా తీసుకుంది. రూ.3 కోట్లకు సొంతం చేసుకుంది. ఈ సీజన్‌లో సీఎస్‌కే ప్లే ఆఫ్స్‌ రేసు నుంచి నిష్క్రమించిన తొలి జట్టుగా నిలిచింది.

ఐపీఎల్‌-2025లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రుగుతున్న త‌మ ఆఖ‌రి మ్యాచ్‌లో చెన్నై సూప‌ర్ కింగ్స్ బ్యాట‌ర్లు జూలు విధిల్చారు. ఈ మ్యాచ్‌లో టాస్ గెలిచి తొలుత బ్యాటింగ్‌కు దిగిన సీఎస్‌కే నిర్ణీత 20 ఓవ‌ర్ల‌లో 4 వికెట్ల న‌ష్టానికి ఏకంగా 230 ప‌రుగుల భారీ స్కోర్ సాధించింది. సీఎస్‌కే ఇన్నింగ్స్‌లో డెవాల్డ్ బ్రెవిస్‌(23 బంతుల్లో 4 ఫోర్లు, 5 సిక్స్‌ల‌తో 57), డెవాన్ కాన్వే(35 బంతుల్లో 6 ఫోర్లు, 2 సిక్స్‌లతో 52) అద్బుత‌మైన హాఫ్ సెంచ‌రీల‌తో చెల‌రేగ‌గా.. ఆయూష్ మాత్రే(17 బంతుల్లో 3 ఫోర్లు, 3 సిక్స్‌ల‌తో 34), ఉర్విల్ ప‌టేల్‌(19 బంతుల్లో 4 ఫోర్లు, 2 సిక్స్‌ల‌తో 37) మెరుపు ఇన్నింగ్స్‌లు ఆడారు.గుజ‌రాత్ బౌల‌ర్ల‌లో ప్ర‌సిద్ద్ కృష్ణ రెండు వికెట్లు పడగొట్టగా.. సాయికిషోర్‌, రషీద్ ఖాన్‌, షారుఖ్ ఖాన్ తలా వికెట్ సాధించారు. కాగా ఈ ఏడాది సీజన్‌లో సీఎస్‌కేకే ఇదే అత్యధిక స్కోర్ కావడం గమనార్హం. అదేవిధంగా ఈ మ్యాచ్‌లో చెన్నై బ్యాటర్లు ఏకంగా 15 సిక్సర్లు బాదారు. అదేవిధంగా గుజరాత్‌ను 121 పరుగులలోపు ఆలౌట్ చేస్తే పాయింట్ల పట్టికలో ఆఖరి స్ధానం నుంచి సీఎస్‌కే బయటపడుతోంది. ప్రస్తుతం పాయింట్ల పట్టికలో సీఎస్‌కే పదో స్దానంలో ఉంది.

కోల్‌కతా నైట్‌ రైడర్స్‌ (KKR) స్టార్‌ క్రికెటర్‌ వరుణ్‌ చక్రవర్తి (Varun Chakravarthy)కి ఎదురుదెబ్బ తగిలింది. చెన్నై సూపర్‌ కింగ్స్‌ (CSK)తో మ్యాచ్‌లో అనుచిత ప్రవర్తనకు గానూ.. భారత క్రికెట్‌ నియంత్రణ మండలి (BCCI) అతడికి మొట్టికాయలు వేసింది. మ్యాచ్‌ ఫీజులో ఇరవై ఐదు శాతం మేర కోత విధించింది.అంతేకాదు.. ఐపీఎల్‌ ప్రవర్తనా నియమావళిని ఉల్లంఘించినందుకు గానూ వరుణ్‌ చక్రవర్తి ఖాతాలో ఓ డిమెరిట్‌ పాయింట్‌ జతచేసింది. ఐపీఎల్‌-2025లో భాగంగా కేకేఆర్‌ బుధవారం చెన్నైతో తలపడిన విషయం తెలిసిందే.రహానే రాణించినాసొంత మైదానం ఈడెన్‌ గార్డెన్స్‌లో టాస్‌ గెలిచిన కేకేఆర్‌ తొలుత బ్యాటింగ్‌ చేసింది. ఓపెనర్లలో రహ్మనుల్లా గుర్బాజ్‌ (11) విఫలం కాగా.. సునిల్‌ నరైన్‌ (26) ఫర్వాలేదనిపించాడు.వన్‌డౌన్‌లో వచ్చిన అజింక్య రహానే కెప్టెన్‌ ఇన్నింగ్స్‌ (48) ఆడగా.. మనీశ్‌ పాండే (36 నాటౌట్‌), ఆండ్రీ రసెల్‌ (38) కూడా రాణించారు. ఫలితంగా నిర్ణీత 20 ఓవర్లలో కేకేఆర్‌ ఆరు వికెట్ల నష్టానికి 179 పరుగులు చేయగలిగింది.చెన్నై బౌలర్లలో స్పిన్నర్లు నూర్‌ అహ్మద్‌ నాలుగు వికెట్లతో చెలరేగగా.. రవీంద్ర జడేజా ఒక వికెట్‌ దక్కించుకున్నాడు. పేసర్‌ అన్షుల్‌ కాంబోజ్‌ ఓ వికెట్‌ తన ఖాతాలో వేసుకున్నాడు.మ్యాచ్‌ స్వరూపాన్ని మార్చివేశాడుఇక కేకేఆర్‌ విధించే లక్ష్యాన్ని ఛేదించే క్రమంలో చెన్నై ఆదిలోనే ఓపెనర్లు ఆయుశ్‌ మాత్రే, డెవాన్‌ కాన్వే డకౌట్‌ కావడంతో కష్టాల్లో పడింది. ఈ క్రమంలో వన్‌డౌన్‌ బ్యాటర్‌ ఉర్విల్‌ పటేల్‌ 31 పరుగులతో రాణించగా.. ఆరో స్థానంలో వచ్చిన డెవాల్డ్‌ బ్రెవిస్‌ దంచికొట్టాడు.కేవలం 25 బంతుల్లోనే నాలుగు ఫోర్లు, నాలుగు సిక్సర్ల సాయంతో 52 పరుగులు చేసిన బ్రెవిస్‌.. మ్యాచ్‌ స్వరూపాన్ని మార్చివేశాడు. అయితే, హాఫ్‌ సెంచరీతో జోరు మీదున్న ఈ సౌతాఫ్రికా చిచ్చర పిడుగును కేకేఆర్‌ మిస్టరీ స్పిన్నర్‌ వరుణ్‌ చక్రవర్తి పెవిలియన్‌కు పంపాడు.వరుణ్‌ రౌండ్‌ ది వికెట్‌ బౌల్‌ చేయగా.. బ్రెవిస్‌ ముందుకు వచ్చి షాట్‌ ఆడే ప్రయత్నం చేశాడు. ఈ క్రమంలో లాంగాన్‌ మీదుగా వెళ్లిన బంతి రింకూ సింగ్‌ చేతిలో పడటంతో.. బ్రెవిస్‌ ఇన్నింగ్స్‌కు తెరపడింది. అత్యంత కీలకమైన ఈ వికెట్‌ తీసిన తర్వాత వరుణ్‌ చక్రవర్తి..‘‘ పో.. పో’’ అంటూ వేలు చూపిస్తూ సెలబ్రేట్‌ చేసుకున్నాడు.pic.twitter.com/vhf3iwOR8o— Knight Vibe Media (@Kkrmediareels) May 7, 2025 డీమెరిట్‌ పాయింట్‌ కూడా ఈ నేపథ్యంలో ఐపీఎల్‌ పాలక మండలి వరున్‌ చక్రవర్తికి జరిమానా విధిస్తున్నట్లు ప్రకటన విడుదల చేసింది. ఐపీఎల్‌ ప్రవర్తనా నియమావళిలోని ఆర్టికల్‌ 2.5 ప్రకారం వరుణ్‌ చక్రవర్తి లెవల్‌ 1 తప్పిదానికి పాల్పడ్డాడని.. అందుకే అతడి మ్యాచ్‌ ఫీజులో 25 శాతం కోత విధిస్తున్నట్లు తెలిపింది. అదే విధంగా.. క్రమశిక్షణా రాహిత్యానికి పాల్పడినందుకు డీమెరిట్‌ పాయింట్‌ కూడా జతచేసింది.ఇక బ్రెవిస్‌ విధ్వసంతో గెలుపు దిశగా వచ్చిన చెన్నై.. శివం దూబే (45), కెప్టెన్‌ మహేంద్ర సింగ్‌ ధోని(17 నాటౌట్‌) కారణంగా విజయతీరాలకు చేరింది. కేకేఆర్‌పై రెండు వికెట్ల తేడాతో గెలిచి ఈ సీజన్‌లో మూడో గెలుపు నమోదు చేసింది. మరోవైపు.. ఈ విజయంతో చెన్నైకి వరుస ఓటముల తర్వాత ఊరట లభించగా.. కేకేఆర్‌ ప్లే ఆఫ్స్‌ అవకాశాలు సంక్లిష్టమయ్యాయి.చదవండి: అతడికి థాంక్యూ.. అద్భుతంగా ఆడాడు.. ఈ ఐపీఎల్‌ ముగిసిన తర్వాతే..: ధోనిElation for the men in yellow 🥳@ChennaiIPL make it 1⃣-1⃣ against #KKR in the season with a 2⃣ wicket win at Eden Gardens💛 Updates ▶ https://t.co/ydH0hsBFgS #TATAIPL | #KKRvCSK pic.twitter.com/6MTmj6NPMH— IndianPremierLeague (@IPL) May 7, 2025

ఐపీఎల్‌-2025 (IPL 2025)లో ఒక్క విజయం.. ఒకే ఒక్క విజయం కోసం కళ్లు కాయలు కాసేలా ఎదురుచూసిన అభిమానులకు చెన్నై సూపర్‌ కింగ్స్‌ (CSK) ఊరట కలిగించింది. వరుస పరాజయాలు, పరాభవాల తర్వాత బుధవారం నాటి మ్యాచ్‌లో కోల్‌కతా నైట్‌ రైడర్స్‌ (KKR)పై గెలిచింది. తద్వారా ఈ సీజన్‌లో ఎట్టకేలకు మూడో గెలుపు నమోదు చేసింది. ఏదీ కలిసిరాలేదుఈ నేపథ్యంలో కేకేఆర్‌పై విజయానంతరం సీఎస్‌కే కెప్టెన్‌ మహేంద్ర సింగ్‌ ధోని (MS Dhoni) మాట్లాడుతూ ఆసక్తికర వ్యాఖ్యలు చేశాడు. ‘‘ఈ సీజన్‌లో మేము కొన్ని మ్యాచ్‌లో మాత్రమే గెలిచాం. ఇది మాకు మూడో విజయం. ఏదేమైనా గెలవడం సంతోషంగానే ఉంటుంది కదా!అయితే, ఈ ఏడాది మాకూ ఏదీ కలిసిరాలేదు. ఎక్కడ తప్పు జరిగిందో సమీక్షించుకోవాల్సిన అవసరం ఉంది. మా జట్టులో 25 మంది ఆటగాళ్లు ఉన్నారు. వాళ్ల సేవలను ఎలా ఉపయోగించుకోవాలన్న అంశంపైనే ప్రస్తుతం నా దృష్టి కేంద్రీకృతమై ఉంది.వచ్చే ఏడాదైనా సరైన సమాధానం లభిస్తుందని భావిస్తున్నాం. ఏ బ్యాటర్‌ను ఏ స్థానంలో పంపాలి.. ఎవరైతే పరిస్థితులకు తగ్గట్లు బౌలింగ్‌ చేస్తున్నారన్న అంశాలను క్షుణ్ణంగా పరిశీలించాల్సిన అవసరం ఉంది’’ అని ధోని పేర్కొన్నాడు.అతడికి కృతజ్ఞతలుఅదే విధంగా.. ‘‘ఈ మ్యాచ్‌లో గెలుపునకు బ్రెవిస్‌ కారణం. అందుకు అతడికి కృతజ్ఞతలు. అతడి వల్లే ఈరోజు నేను ఇక్కడ నిలబడగలిగాను. చక్కటి షాట్లతో బ్రెవిస్‌ అలరించాడు. అతడు బాదిన రెండు సిక్సర్ల వల్ల మాపై ఒత్తిడి తగ్గి విజయం దిశగా పయనం సాధ్యమైంది’’ అని ధోని సౌతాఫ్రికా యువ సంచలనం డెవాల్డ్‌ బ్రెవిస్‌ను ప్రశంసించాడు.అప్పుడే రిటైర్మెంట్‌ఇక తన ఐపీఎల్‌ భవితవ్యం గురించి ప్రస్తావన రాగా.. ‘‘నాకిప్పుడు 43 ఏళ్లు. ఇప్పటికి చాలా ఏళ్లుగా నేను క్రికెట్‌ ఆడుతూనే ఉన్నాను. అయితే, ఈ లీగ్‌లో నా చివరి సంవత్సరం ఏది అన్నది మాత్రం స్పష్టంగా చెప్పలేను.నిజానికి ఏడాదిలో కేవలం రెండు నెలలు మాత్రమే ఇక్కడ క్రికెట్‌ ఆడతాం. ఒక్కసారి ఐపీఎల్‌ ముగిసిపోతే మరో 6-8 నెలలు నాకు విశ్రాంతి దొరుకుతుంది. నా శరీరం ఎంత వరకు ఒత్తిడిని తట్టుకుందనే అంశం మీదే అంతా ఆధారపడి ఉంది. ఇప్పటికైతే రిటైర్మెంట్‌ గురించి ఎలాంటి నిర్ణయం తీసుకోలేదు. అయితే, ఎక్కడికి వెళ్లినా ప్రేక్షకుల నుంచి లభించే ప్రేమ, ఆదరణ చూస్తుంటే సంతోషంగా ఉంది’’ అని ధోని పేర్కొన్నాడు.బ్రెవిస్‌ విధ్వంసం కాగా ఈడెన్‌ గార్డెన్స్‌లో కేకేఆర్‌తో మ్యాచ్‌లో టాస్‌ ఓడిన చెన్నై తొలుత బౌలింగ్‌ చేసింది. ఈ క్రమంలో బ్యాటింగ్‌కు దిగిన రహానే సేన 20 ఓవర్లలో ఆరు వికెట్లు కోల్పోయి 179 పరుగులు చేసింది. చెన్నై బౌలర్లో నూర్‌ అహ్మద్‌ అత్యధికంగా నాలుగు వికెట్లు తీయగా.. అన్షుల్‌ కాంబోజ్‌, రవీంద్ర జడేజా చెరో వికెట్‌ దక్కించుకున్నారు.ఇక లక్ష్య ఛేదనలో చెన్నైకి ఆరంభంలోనే వరుస షాకులు తగిలాయి. ఓపెనర్లు ఆయుశ్‌ మాత్రే, డెవాన్‌ కాన్వే డకౌట్‌ అయ్యారు. ఈ క్రమంలో కొత్తగా వచ్చిన ఉర్విల్‌ పటేల్‌ 31 పరుగులతోరాణించగా.. డెవాల్డ్‌ బ్రెవిస్‌ (25 బంతుల్లో 52) అద్బుత అర్ధ శతకంతో చెలరేగాడు.ఆఖర్లో శివం దూబే (45), ధోని (17 నాటౌట్‌) రాణించడంతో.. చెన్నై 19.4 ఓవర్లలో లక్ష్యాన్ని పూర్తి చేసింది. ఈ సీజన్‌లో ఇప్పటికి 12 మ్యాచ్‌లు ఆడిన చెన్నైకి ఇది మూడో గెలుపు. ఇప్పటికే ప్లే ఆఫ్స్‌ రేసు నుంచి నిష్క్రమించిన ధోని సేన అట్టడుగున పదో స్థానంలో కొనసాగుతోంది.ఐపీఎల్‌-2025: కోల్‌కతా వర్సెస్‌ చెన్నై👉వేదిక: ఈడెన్‌ గార్డెన్స్‌, కోల్‌కతా👉టాస్‌: కోల్‌కతా.. తొలుత బ్యాటింగ్‌👉కోల్‌కతా స్కోరు: 179/6 (20)👉చెన్నై స్కోరు: 183/8 (19.4)👉ఫలితం: రెండు వికెట్ల తేడాతో కోల్‌కతాపై చెన్నై గెలుపు👉ప్లేయర్‌ ఆఫ్‌ ది మ్యాచ్‌: నూర్‌ అహ్మద్‌ (చెన్నై స్పిన్నర్‌- 4/31).Last over maximums 🤝 MS Dhoni A never ending story 💛Updates ▶ https://t.co/ydH0hsBFgS #TATAIPL | #KKRvCSK | @msdhoni | @ChennaiIPL pic.twitter.com/fyQcVOIusT— IndianPremierLeague (@IPL) May 7, 2025

ఐపీఎల్‌-2025 (IPL 2025)లో చెన్నై సూపర్‌ కింగ్స్‌ (CSK) ప్రయాణం ముగిసిపోయింది. పంజాబ్‌ కింగ్స్‌తో బుధవారం నాటి మ్యాచ్‌లో ఓడిన తర్వాత ధోని సేన అధికారికంగా ప్లే ఆఫ్స్‌ రేసు నుంచి నిష్క్రమించింది. ఈ నేపథ్యంలో ఓటమి అనంతరం కెప్టెన్‌ మహేంద్ర సింగ్‌ ధోని (MS Dhoni) తీవ్ర విచారం వ్యక్తం చేశాడు.పంజాబ్‌తో మ్యాచ్‌లో తమ బ్యాటర్లు మెరుగ్గానే ఆడారని.. అయితే, కనీసం ఇంకో 15 పరుగులు చేసి ఉంటే ఫలితం వేరేలా ఉండేదని అభిప్రాయపడ్డాడు. ఈ మేరకు.. ‘‘ఈరోజు తొలిసారి మా బ్యాటర్లు స్కోరు బోర్డుపై మెరుగైన సంఖ్యను ఉంచారు. కానీ ఇలాంటి పిచ్‌పై ఇది సరిపోదు.ఆఖరి నాలుగు బంతులు వృథా చేశాంమా వాళ్లు ఇంకాస్త మెరుగ్గా ఆడితే బాగుండేది. అదే విధంగా మేము కీలక సమయాల్లో కీలక క్యాచ్‌లు జారవిడవడం కూడా ప్రభావం చూపింది.ఏదేమైనా ఈరోజు బ్రెవిస్‌, సామ్‌ అద్భుతంగా ఆడి విలువైన భాగస్వామ్యం నెలకొల్పారు. అయితే, మేము దురదృష్టవశాత్తూ ఆలౌట్‌ అయ్యాము. ఆఖరి నాలుగు బంతులు వృథా చేశాం. అంతకంటే ముందు మా వాళ్లు నలుగురు అవుట్‌ అయ్యారు.అతడొక పోరాట యోధుడుఇలాంటి కీలక పోరులో ఒక్క బంతి ఆడటం కూడా మ్యాచ్‌ను మలుపు తిప్పుతుంది’’ అని ధోని పేర్కొన్నాడు. ఇక పంజాబ్‌తో మ్యాచ్‌లో అద్భుత అర్థ శతకంతో మెరిసిన సామ్‌ కరన్‌ గురించి ప్రస్తావిస్తూ.. ‘‘అతడొక పోరాట యోధుడు. తనకు అవకాశం దొరికినప్పుడల్లా కచ్చితంగా రాణిస్తాడు.అయితే, దురదృష్టవశాత్తూ పిచ్‌ దృష్ట్యా అతడికి ఎక్కువగా ఛాన్సులు ఇవ్వలేకపోయాం. కానీ ఈరోజు మా సొంతమైదానంలో టోర్నీలోనే అత్యుత్తమ వికెట్‌ మీద ఆడి తానేంటో నిరూపించుకున్నాడు.అతడొక అద్భుతమైన ఫీల్డర్‌ కూడామేము ఇంకొక్క పదిహేను పరుగులు చేసి ఉంటే బాగుండేది’’ అని ధోని అన్నాడు. అదే విధంగా అద్భుత ఫీల్డింగ్‌ నైపుణ్యాలు కనబరిచిన డెవాల్డ్‌ బ్రెవిస్‌ గురించి మాట్లాడుతూ.. ‘‘మిడిలార్డర్‌లో తను మొమెంటమ్‌ తీసుకువచ్చాడు.చిన్న అవకాశం దొరికినా బంతిని బౌండరీకి తరలించాలని చూస్తాడు. అంతేకాదు.. అతడొక అద్భుతమైన ఫీల్డర్‌ కూడా. జట్టులో సరికొత్త ఉత్సాహం నింపుతున్నాడు. అతడి ఆట పట్ల సంతృప్తిగా ఉన్నాము. భవిష్యత్తులో అతడొక విలువైన ఆస్తిగా మారతాడు’’ అని ధోని ఈ సౌతాఫ్రికా యువ బ్యాటర్‌పై ప్రశంసలు కురిపించాడు.Brilliant Brevis catch: Composure. Presence of mind & Athleticism at its best 🫨Watch 🔽🎥#TATAIPL | #CSKvPBKS— IndianPremierLeague (@IPL) April 30, 2025 సీఎస్‌కేకే ఇదే తొలిసారికాగా చెపాక్‌ స్టేడియంలో పంజాబ్‌తో జరిగిన మ్యాచ్‌లో టాస్‌ ఓడి తొలుత బ్యాటింగ్‌ చేసింది చెన్నై. ఓపెనర్లు షేక్‌ రషీద్‌ (11), ఆయుశ్‌ మాత్రే (7) విఫలం కాగా.. వన్‌డౌన్‌లో వచ్చిన సామ్‌ కరన్‌ ఇన్నింగ్స్‌ చక్కదిద్దాడు.మొత్తంగా 47 బంతుల్లో 9 ఫోర్లు, 4 సిక్సర్ల సాయంతో 88 పరుగులతో ఆకట్టుకున్నాడు. అతడికి తోడుగా డెవాల్డ్‌ బ్రెవిస్‌ (32) రాణించాడు. మిగతా వాళ్లంతా విఫలమయ్యారు. ఈ క్రమంలో 19.2 ఓవర్లో 190 పరుగులు చేసి చెన్నై జట్టు ఆలౌట్‌ అయింది.ఇక ఆఖరి ఓవర్‌ వరకు ఉత్కంఠగా సాగిన ఈ మ్యాచ్‌లో పంజాబ్‌ 19.4 ఓవర్లలో ఆరు వికెట్లు కోల్పోయి లక్ష్యాన్ని ఛేదించింది. చెన్నైని ప్లే ఆఫ్స్‌ రేసు నుంచి తప్పుకొనేలా చేసింది. అయితే, ఈ మ్యాచ్‌లో బేబీ ఏబీడీ బ్రెవిస్‌ అద్భుతమైన క్యాచ్‌లతో మెరిశాడు. నూర్‌ అహ్మద్‌ బౌలింగ్‌లో ప్రభ్‌సిమ్రన్‌ సింగ్‌ (54) ఇచ్చిన క్యాచ్‌ను ఒడిసిపట్టాడు.అయితే, రవీంద్ర జడేజా బౌలింగ్‌లో శశాంక్‌ సింగ్‌ (23) ఇచ్చిన క్యాచ్‌ను బౌండరీ వద్ద అద్భుత రీతిలో అందుకున్న బ్రెవిస్‌ అభిమానులను మంత్రముగ్ధులను చేశాడు. బౌండరీ లైన్‌కు తాకే ప్రమాదం ఉండటంతో బంతిని మూడుసార్లు గాల్లోకి లేపి ఆ తర్వాత సురక్షితంగా క్యాచ్‌ పట్టాడు. కాగా గతేడాది కూడా చెన్నై టాప్‌-4కు చేరలేదన్న విషయం తెలిసిందే. ఇలా వరుసగా రెండు సీజన్లలో చెన్నై ప్లే ఆఫ్స్‌ చేరకపోవడం ఇదే తొలిసారి.చదవండి: క్రికెట్‌ నీకు రెండో ఛాన్స్‌ ఇచ్చింది.. కానీ.. Hat-trick 👌Powerful start with the bat 🔥Captain's knock 🫡The Battle of Kings goes the @PunjabKingsIPL way again this season ❤Scorecard ▶ https://t.co/eXWTTv7Xhd #TATAIPL | #CSKvPBKS pic.twitter.com/Yk1SOZOzip— IndianPremierLeague (@IPL) April 30, 2025

ఐపీఎల్‌-2025 (IPL 2025)లో చెన్నై సూపర్‌ కింగ్స్‌ కథ దాదాపు ముగిసినట్లే!.. సన్‌రైజర్స్‌ హైదరాబాద్‌ (CSK vs SRH)తో తప్పక గెలవాల్సిన మ్యాచ్‌లో సీఎస్‌కే ఓటమిపాలైంది. ఫలితంగా ప్లే ఆఫ్స్‌ ఆశలు వదులుకోవాల్సిన దుస్థితి. ఈ నేపథ్యంలో రైజర్స్‌ చేతిలో ఓటమి తర్వాత చెన్నై సారథి మహేంద్ర సింగ్‌ ధోని (MS Dhoni) స్పందించాడు.తమ పరాజయానికి బ్యాటర్ల వైఫల్యమే ప్రధాన కారణమని స్పష్టం చేశాడు. చెపాక్‌ వికెట్‌ మీద తమ వాళ్లు బ్యాట్‌ ఝులిపించలేకపోయారని విచారం వ్యక్తం చేశాడు. చిదంబరం స్టేడియంలో శుక్రవారం జరిగిన మ్యాచ్‌లో టాస్‌ ఓడిన చెన్నై తొలుత బ్యాటింగ్‌కు దిగింది.బ్రెవిస్‌ ఒక్కడేఓపెనర్లలో షేక్‌ రషీద్‌ డకౌట్‌ కాగా.. ఆయుశ్‌ మాత్రే (19 బంతుల్లో 30) రాణించాడు. మిగతా వాళ్లలో రవీంద్ర జడేజా (21), దీపక్‌ హుడా (22) ఫర్వాలేదనిపించగా.. కొత్తగా జట్టుతో చేరిన డెవాల్డ్‌ బ్రెవిస్‌ ధనాధన్‌ దంచికొట్టాడు. ఈ సౌతాఫ్రికా స్టార్‌ 25 బంతుల్లో 42 పరుగులతో సీఎస్‌కే టాప్‌ రన్‌ స్కోరర్‌గా నిలిచాడు.రైజర్స్‌ గెలిచి నిలిచిందికెప్టెన్‌ ధోని (6) సహా మిగతా వాళ్లంతా విఫలం కావడంతో చెన్నై 19.5 ఓవర్లలోనే కేవలం 154 పరుగులు చేసి ఆలౌట్‌ అయింది. ఇక తప్పక గెలవాల్సిన మ్యాచ్‌లో రైజర్స్‌ 18.4 ఓవర్లలోనే లక్ష్యాన్ని పూర్తి చేసి.. ఐదు వికెట్ల తేడాతో గెలుపొందింది. ఆడిన తొమ్మిదింట చెన్నైకి ఇది ఏడో పరాజయం.మా వాళ్లు విఫలంఈ నేపథ్యంలో మ్యాచ్‌ అనంతరం ధోని మాట్లాడుతూ.. ‘‘తొలి ఇన్నింగ్స్‌లో వికెట్‌ మరీ అంత కఠినంగా ఏమీ లేదు. కానీ మేము వరుస విరామాల్లో వికెట్లు కోల్పోయాం. ఈ పిచ్‌ మీద 155 పరుగుల స్కోరు చెప్పుకోదగ్గది కానేకాదు. అసలు వికెట్‌ ఎక్కువగా టర్న్‌ కాలేదు.అయితే, 8-10 ఓవర్ల తర్వాత పిచ్‌ స్వభావం కాస్త మారింది. అయినా సరే పరుగులు రాబట్టేందుకు ఆస్కారం ఉన్నా మేము ఆ పని చేయలేకపోయాం. ఇక రెండో ఇన్నింగ్స్‌లో వికెట్‌ స్పిన్నర్లకు సహకరించింది.మా వాళ్లు నాణ్యంగానే బౌలింగ్‌ చేశారు. సరైన సమయంలో వికెట్లు తీశారు. కానీ మేము ఇంకో 15- 20 పరుగులు చేసి ఉంటే.. వాళ్లు సులువుగా పని పూర్తి చేసేవారు’’ అని పేర్కొన్నాడు.ఒక్కరంటే పర్లేదు.. అందరూ అంతేఇక డెవాల్డ్‌ బ్రెవిస్‌ గురించి ప్రస్తావిస్తూ.. ‘‘అతడు అద్భుతంగా బ్యాటింగ్‌ చేశాడు. మాకు మిడిలార్డర్‌లో అలాంటి ఆటగాడే కావాలి. స్పిన్నర్లు బరిలోకి దిగినప్పుడు మా వాళ్లు కాస్త ఇబ్బంది పడుతున్నారు.అలాంటి సమయంలో బ్రెవిస్‌ లాంటి వాళ్లు నిలదొక్కుకుంటే పరిస్థితి వేరుగా ఉంటుంది’’ అని ధోని తెలిపాడు. ఏదేమైనా జట్టులో ఒకరిద్దరు బాగా ఆడకపోయినా పెద్దగా తేడా ఉండదని.. అయితే, మూకుమ్మడిగా అందరూ విఫలమైతే ఇలాంటి ఫలితాలే వస్తాయని తలా అసంతృప్తి వ్యక్తం చేశాడు.అదే విధంగా.. ప్రతిసారీ 180- 200 పరుగులు స్కోరు చేయాల్సిన అవసరం లేదన్న ధోని.. పిచ్‌ పరిస్థితులకు అనుగుణంగా కనీస ప్రదర్శన చేయాలని తమ బ్యాటర్లను విమర్శించాడు. జట్టులో ఎక్కువ మంది విఫలమవుతుంటే ఎలాంటి మార్పులు చేయాలో కూడా అర్థం కాదంటూ పెదవి విరిచాడు. చదవండి: IPL 2025: చ‌రిత్ర సృష్టించిన మహ్మద్ షమీ.. ఐపీఎల్ హిస్టరీలోనేA milestone victory 👏#SRH register their first ever win at Chepauk with a strong performance against #CSK 🔝💪Scorecard ▶ https://t.co/26D3UampFQ#TATAIPL | #CSKvSRH | @SunRisers pic.twitter.com/lqeX4CiWHP— IndianPremierLeague (@IPL) April 25, 2025

ఐపీఎల్‌-2025లో చెపాక్ వేదిక‌గా కీల‌క పోరులో స‌న్‌రైజ‌ర్స్ హైద‌రాబాద్‌, చెన్నై సూప‌ర్ కింగ్స్ జ‌ట్లు త‌ల‌ప‌డ‌నున్నాయి. ఈ మ్యాచ్‌లో గెలిచిన జ‌ట్టు త‌మ ప్లే ఆఫ్స్ ఆశ‌ల‌ను సజీవంగా ఉంచుకుంటుంది. దీంతో ఈ మ్యాచ్‌లో ఎలాగైనా గెల‌వాల‌ని ఇరు జ‌ట్లు ప‌ట్టుద‌ల‌తో ఉన్నాయి. ఈ మ్యాచ్‌లో సీఎస్‌కే ఓ కీల‌క‌ మార్పుతో బ‌రిలోకి దిగ‌నున్న‌ట్లు తెలుస్తోంది. ద‌క్షిణాఫ్రికా యువ ఆట‌గాడు డెవాల్డ్ బ్రెవిస్‌కు తుది జ‌ట్టులోకి అవ‌కాశమివ్వాల‌ని సీఎస్‌కే మెనెజ్‌మెంట్ భావిస్తున్న‌ట్లు తెలుస్తోంది. తాజాగా బ్రెవిస్ డెబ్యూపై సీఎస్‌కే హెడ్‌కోచ్ స్టీఫెన్ ఫ్లెమింగ్ హింట్ ఇచ్చాడు. ఎస్ఆర్‌హెచ్‌తో మ్యాచ్‌లో బ్రెవిస్ ఆడే అవ‌కాశ‌ముంద‌ని ఫ్లెమింగ్ తెలిపాడు."మాకు ఉన్న బ్యాటింగ్ అప్ష‌న్స్‌లో బ్రెవిస్ ఒక‌డు. అత‌డికి రాబోయే మ్యాచ్‌ల్లో క‌చ్చితంగా అవ‌కాశం ద‌క్కుతుంది. అయితే ఇత‌ర ఆట‌గాళ్లు టోర్నీ ఆరంభం నుంచి మా జ‌ట్టులో ఉన్నారు. తుది జ‌ట్టు ఎంపిక‌లో వారి పేర్ల‌ను కూడా ప‌రిశీలిస్తున్నాము. ఈ మ్యాచ్‌లో బెస్ట్ ప్లేయింగ్ ఎలెవ‌న్‌తో బ‌రిలోకి దిగ‌నున్నాము" అని ప్రీ మ్యాచ్ కాన్ఫ‌రెన్స్‌లో ఫ్లెమింగ్ పేర్కొన్నాడు. కాగా తొలుత‌ ఐపీఎల్‌-2025 మెగా వేలంలో బ్రెవిస్‌ను ఏ ఫ్రాంచైజీ కొనుగోలు చేయ‌లేదు. అయితే ఈ ఏడాది సీజ‌న్‌కు గాయం కార‌ణంగా దూర‌మైన గుర్జప్నీత్ సింగ్ స్థానంలో జూనియ‌ర్ ఏబీడీని సీఎస్‌కే తీసుకుంది.బ్రెవిస్ ప్ర‌స్తుతం అద్భుత‌మైన ఫామ్‌లో ఉన్నాడు. ఇటీవ‌ల జ‌రిగిన సౌతాఫ్రికా టీ20 లీగ్‌లో 21 ఏళ్ల బ్రెవిస్ దుమ్ములేపాడు. బ్రెవిస్ మిడిలార్డ‌ర్‌లో వ‌చ్చి అద్బుత ఇన్నింగ్స్‌లు ఆడాడు. ఈ టోర్నీలో ఏంఐ కేప్ టౌన్ త‌ర‌పున 12 మ్యాచ్‌లు ఆడిన బ్రెవిస్‌.. 184.17 స్ట్రైక్ రేట్‌తో 291 పరుగులు చేశాడు. బ్రెవిస్‌తో బంతితో కూడా మ్యాజిక్ చేసే స‌త్తాఉంది.ఎస్ఆర్‌హెచ్‌తో మ్యాచ్‌కు సీఎస్‌కే తుది జ‌ట్టు: షేక్ రషీద్, రచిన్ రవీంద్ర, ఆయుష్ మాత్రే, రవీంద్ర జడేజా, శివమ్ దూబే, విజయ్ శంకర్‌, డెవాల్డ్ బ్రెవిస్‌, ఎంఎస్‌ ధోని (కెప్టెన్‌), నూర్ అహ్మద్, ఖలీల్ అహ్మద్, మతీషా పతిరణ, అశ్విన్చ‌ద‌వండి: IPL 2025: ప్లే ఆఫ్స్ రేసు.. ఏ జట్టు ఎన్ని మ్యాచ్‌లు గెల‌వాలంటే?

ప్రస్తుత ఐపీఎల్‌ సీజన్‌లో పేలవ ప్రదర్శన కనబరుస్తూ, పాయింట్ల పట్టికలో చిట్ట చివరి స్థానంలో ఉన్న చెన్నై సూపర్‌ కింగ్స్‌ తమ బ్యాటింగ్‌ విభాగాన్ని పటిష్ట పరచుకునే పనిలో పడింది. ఇప్పటికే గాయపడిన కెప్టెన్‌ రుతురాజ్‌ స్థానాన్ని ముంబై యువ సంచలనం ఆయుశ్‌ మాత్రేతో భర్తీ చేసిన సీఎస్‌కే యాజమాన్యం తాజాగా మరో గాయపడిన ఆటగాడికి రీప్లేస్‌మెంట్‌ను ప్రకటించింది. లెఫ్ట్‌ ఆర్మ్‌ మీడియం​ ఫాస్ట్‌ బౌలర్‌ అయిన గుర్జప్నీత్‌ సింగ్‌ ఈ సీజన్‌ ఆరంభ దశలో గాయపడగా.. తాజాగా అతని స్థానాన్ని సౌతాఫ్రికా చిచ్చరపిడుగు, బేబీ ఏబీడీగా పిలువబడే డెవాల్డ్‌ బ్రెవిస్‌తో భర్తీ చేసింది. బ్రెవిస్‌ ఈ సీజన్‌ మెగా వేలంలో 75 లక్షల బేస్‌ ధర విభాగంలో తన పేరు నమోదు చేసుకున్నప్పటికీ.. సీఎస్‌కే మేనేజ్‌మెంట్‌ అతనికి బంపరాఫర్‌ ఇచ్చి ఏకంగా రూ. 2.2 కోట్లకు డీల్‌ సైన్‌ చేసుకుంది. వాస్తవానికి ఈ సీజన్‌లో సీఎస్‌కేకు ఓ ఓవర్సీస్‌ బెర్త్‌ ఖాళీగా ఉంది. ఎవరికీ రీప్లేస్‌మెంట్‌గా కాకుండానే బ్రెవిస్‌ను ఎంపిక చేసుకునే అవకాశం ఆ జట్టుకు ఉండింది. అయినా ఎందుకో వేచి చూసే ధోరణిని అవళంభించి గుర్జప్నీత్‌కు ప్రత్యామ్నాయంగా ఎంపిక చేసుకుంది. విధ్వంసకర వీరుడిగా పేరు తెచ్చుకున్న బ్రెవిస్‌ను ఈ సీజన్‌ మెగా వేలంలో ఎందుకో ఏ జట్టు ఎంపిక చేసుకోలేదు. బ్రెవిస్‌ గతంలో ముంబై ఇండియన్స్‌కు ఆడాడు. సౌతాఫ్రికా టీ20 లీగ్‌, మేజర్‌ లీగ్‌ క్రికెట్‌ టోర్నీల్లోనూ అతను ముంబై సిస్టర్‌ ఫ్రాంచైజీలకు ప్రాతినిథ్యం వహిస్తున్నాడు. 21 ఏళ్ల బ్రెవిస్‌ సౌతాఫ్రికా తరఫున కేవలం రెండు మ్యాచ్‌లే ఆడినప్పటికీ.. అతన్ని ఆ దేశ దిగ్గజ ఆటగాడు ఏబీ డివిలియర్స్‌తో పోలుస్తారు. బ్రెవిస్‌ ఓవరాల్‌గా 81 టీ20లు ఆడి 145 స్ట్రయిక్‌రేట్‌తో పరుగులు చేశాడు. బ్రెవిస్‌ ప్రస్తుతం మంచి ఫామ్‌లో ఉన్నాడు. సౌతాఫ్రికా దేశవాలీ సీజన్‌లో ఫార్మాట్లకతీతంగా అదరగొట్టాడు. ఈ ఏడాది ప్రారంభంలో జరిగిన సౌతాఫ్రికా టీ20 లీగ్‌లోనూ బ్రెవిస్‌ మంచి ప్రదర్శనలు చేశాడు. బ్రెవిస్‌ ఫామ్‌ కష్టాల్లో ఉన్న సీఎస్‌కేను గట్టెక్కిస్తుందేమో చూడాలి. సీఎస్‌కే తమ తదుపరి మ్యాచ్‌లో చిరకాల ప్రత్యర్థి ముంబై ఇండియన్స్‌ను ఢీకొట్టబోతుంది. ఈ మ్యాచ్‌ వాంఖడే వేదికగా ఏప్రిల్‌ 20న జరుగనుంది. ఈ సీజన్‌లో సీఎస్‌కే తొలి మ్యాచ్‌లో ముంబై ఇండియన్స్‌ను చిత్తు చేసి ఆతర్వాత వరుసగా ఐదు మ్యాచ్‌ల్లో ఓడింది. తాజా లక్నోతో జరిగిన మ్యాచ్‌లో సీఎస్‌కే మళ్లీ గెలుపు గుర్రం ఎక్కింది. ఈ సీజన్‌లో సీఎస్‌కే ఏడు మ్యాచ్‌ల్లో రెండు విజయాలు మాత్రమే సాధించి, నాలుగు పాయింట్లతో అట్టడుగు స్థానంలో ఉంది. ఈ సీజన్‌లో సీఎస్‌కే బ్యాటింగ్‌ విభాగంలో చాలా బలహీనంగా కనిపిస్తుంది. రుతురాజ్‌ వైదొలగడంతో ఆ జట్టు కష్టాలు మరింత ఎక్కువయ్యాయి. ఆయుశ్‌ మాత్రే, డెవాల్డ్‌ బ్రెవిస్‌ చేరికతో సీఎస్‌కే బ్యాటింగ్‌ కష్టాలు తీరుతాయేమో చూడాలి. ఈ సీజన్‌లో సీఎస్‌కే బౌలింగ్‌లో పర్వాలేదనిపిస్తుంది. రుతరాజ్‌ గైర్హాజరీలో సీఎస్‌కే కెప్టెన్‌గా ధోని వ్యవహరిస్తున్నాడు. లక్నోపై గెలుపులో ధోని కీలకపాత్ర పోషించాడు. సీఎస్‌కే బౌలర్లలో నూర్‌ అహ్మద్‌, రవీంద్ర జడేజా, ఖలీల్‌ అహ్మద్‌, పతిరణ అద్భుతంగా రాణిస్తున్నారు.

ఐపీఎల్‌-2025కు ముందు హ్యారీ బ్రూక్ రూపంలో ఢిల్లీ క్యాపిట‌ల్స్‌కు గ‌ట్టి ఎదురుదెబ్బ త‌గిలిన సంగ‌తి తెలిసిందే. ఈ ఇంగ్లండ్ వైస్ కెప్టెన్ అనూహ్యంగా ఈ ఏడాది సీజ‌న్ ఐపీఎల్ నుంచి వైదొలిగాడు. గ‌తేడాది సీజ‌న్ నుంచి వ్య‌క్తిగ‌త కార‌ణాల‌తో త‌ప్పుకున హ్యారీ బ్రూక్.. ఈ ఏడాది సీజ‌న్‌కు అందుబాటులో ఉంటాడ‌ని ఢిల్లీ క్యాపిట‌ల్ యాజమాన్యం భావించింది.ఈ క్రమంలో గత డిసెంబర్‌లో జరిగిన మెగా వేలంలో రూ. 6.25 కోట్ల భారీ ధర వెచ్చించి మరి ఢిల్లీ అతడిని కొనుగోలు చేసింది. కానీ ఈసారి కూడా అతడు హ్యాండ్‌​ ఇచ్చాడు. దీంతో అతడిపై బీసీసీఐ రెండేళ్ల పాటు నిషేదం విధించినట్లు వార్తలు వినిపిస్తున్నాయి. ఇక ఢిల్లీ క్యాపిటల్స్‌​ మెనెజ్‌మెంట్ హ్యారీ బ్రూక్‌​ స్ధానాన్ని భర్తీ చేసే పనిలో పడింది.బ్రెవిస్‌పై క‌న్ను.. ?సౌతాఫ్రికా విధ్వంస‌క‌ర ఆట‌గాడు డెవాల్డ్ బ్రెవిస్‌తో హ్యారీ బ్రూక్‌​ స్ధానాన్ని భ‌ర్తీ చేయాల‌ని ఢిల్లీ క్యాపిట‌ల్స్ యోచిస్తున్న‌ట్లు తెలుస్తోంది. ఐపీఎల్‌-2025 మెగా వేలంలో రూ. 75 లక్ష‌ల బేస్‌ప్రైస్‌తో వ‌చ్చిన బ్రెవిస్‌ను ఏ ఫ్రాంచైజీ కొనుగోలు చేసేందుకు ఆస‌క్తి చూప‌లేదు.అయితే ఆ త‌ర్వాత జ‌రిగిన సౌతాఫ్రికా టీ20 లీగ్‌లో 21 ఏళ్ల బ్రెవిస్ దుమ్ములేపాడు. బ్రెవిస్ మిడిలార్డ‌ర్‌లో వ‌చ్చి అద్బుత ఇన్నింగ్స్‌లు ఆడాడు. ఈ టోర్నీలో ఏంఐ కేప్ టౌన్ త‌ర‌పున 12 మ్యాచ్‌లు ఆడిన బ్రెవిస్‌.. 184.17 స్ట్రైక్ రేట్‌తో 291 పరుగులు చేశాడు. బ్రెవిస్‌తో బంతితో కూడా మ్యాజిక్ చేసే స‌త్తాఉంది.ఈ క్ర‌మంలోనే అత‌డిని త‌మ జ‌ట్టులోకి తీసుకోవాల‌ని ఢిల్లీ భావిస్తోంది. బ్రెవిస్ ఐపీఎల్‌లో గ‌తసీజ‌న్ వ‌ర‌కు ముంబై ఇండియ‌న్స్‌కు ప్రాతినిథ్యం వ‌హించాడు. ఐపీఎల్‌-2022 మెగా వేలంలో బ్రెవిస్‌ను మూడు కోట్ల‌కు ముంబై కొనుగోలు చేసింది.ఆ త‌ర్వాత ఐపీఎల్‌-2025 మెగా వేలానికి ముందు అత‌డిని ముంబై విడిచిపెట్టింది. ఇక ఐపీఎల్ 18వ సీజ‌న్ మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్ గార్డెన్స్ వేదిక‌గా డిఫెండింగ్ ఛాంపియన్ కోల్‌కతా నైట్‌రైడర్స్‌, ఆర్సీబీ జట్లు తలపడనున్నాయి.2025 ఐపీఎల్‌ సీజన్‌ కోసం ఢిల్లీ జట్టు..ఫాఫ్‌ డుప్లెసిస్‌, జేక్‌ ఫ్రేజర్‌ మెక్‌గుర్క్‌, కరుణ్‌ నాయర్‌, సమీర్‌ రిజ్వి, అషుతోష్‌ శర్మ, విప్రాజ్‌ నిగమ్‌, దర్శన్‌ నల్కండే, అజయ్‌ జాదవ్‌ మండల్‌, త్రిపురణ విజయ్‌, అక్షర్‌ పటేల్‌, మన్వంత్‌ కుమార్‌, మాధవ్‌ తివారి, ట్రిస్టన్‌ స్టబ్స్‌, అభిషేక్‌ పోరెల్‌, డొనొవన్‌ ఫెరియెరా, కేఎల్‌ రాహుల్‌, కుల్దీప్‌ యాదవ్‌, దుష్మంత చమీరా, మిచెల్‌ స్టార్క్‌, మోహిత్‌ శర్మ, టి నటరాజన్‌, ముకేశ్‌ కుమార్‌చదవండి: IPL 2025: 'ఒకప్పుడు రోహిత్ వారసుడు.. కానీ స‌డన్‌గా ఏమైందో మరి'

సౌతాఫ్రికా టీ20 లీగ్‌-2025లో భాగంగా బుధవారం ఎంఐ కేప్ టౌన్‌, స‌న్‌రైజ‌ర్స్ ఈస్టర్న్ కేప్ జ‌ట్లు త‌ల‌ప‌డ్డాయి. ఈ మ్యాచ్‌లో ద‌క్షిణాఫ్రికా సూప‌ర్ స్టార్‌, ఎంఐ యువ ఆట‌గాడు డెవాల్డ్ బ్రెవిస్ సంచ‌ల‌న క్యాచ్‌తో మెరిశాడు. బ్రెవిస్ త‌న అద్బుత విన్యాసంతో స‌న్‌రైజ‌ర్స్ బ్యాట‌ర్ టామ్ అబెల్‌ను పెవిలియ‌న్‌కు పంపాడు. స‌న్‌రైజ‌ర్స్ ఇన్నింగ్స్ నాలుగో ఓవర్ వేసిన కార్బిన్ బాష్ ఆఖ‌రి బంతిని షార్ట్ పిచ్ డెలివ‌రీగా అబెల్‌కు సంధించాడు. ఆ బంతికి అబెల్ డీప్ స్క్వేర్ లెగ్ దిశ‌గా భారీ షాట్‌కు ప్ర‌య‌త్నించాడు. షాట్ స‌రిగ్గా క‌న‌క్ట్ కావ‌డంతో అంతా సిక్స్ అని భావించారు. కానీ బౌండ‌రీ లైన్‌వ‌ద్ద ఉన్న బ్రెవిస్ అద్భుతం చేశాడు. గాల్లోకి దూకి త‌న శ‌రీరాన్ని విల్లులా వెన‌క్కి వంచి మ‌రి సింగిల్ హ్యాండ్‌తో బ్రెవిస్ క్యాచ్ అందుకున్నాడు. దీంతో బ్యాట‌ర్‌తో పాటు స‌హ‌చ‌ర ఆట‌గాళ్లంతా బిత్త‌ర పోయారు. కాగా జూనియ‌ర్ ఏబీడీ ప‌ట్టిన స్ట‌న్నింగ్‌ క్యాచ్ ప్రస్తుతం సోష‌ల్ మీడియాలో వైర‌ల‌వుతోంది. ఇది చూసిన నెటిజ‌న్లు క్రికెట్ చ‌రిత్ర‌లోనే సూప‌ర్ క్యాచ్ అంటూ అభివ‌ర్ణిస్తున్నారు. కాగా ఈ టోర్నీలో అంత‌కుముందు జోబ‌ర్గ్ సూప‌ర్ కింగ్స్ కెప్టెన్ డుప్లెసిస్‌ను కూడా ఇదే త‌ర‌హాలో క్యాచ్ ప‌ట్టి పెవిలియ‌న్‌కు పంపాడు.ప్లే ఆఫ్స్‌కు ఎంఐ..ఇక మ్యాచ్ విష‌యానికి వ‌స్తే.. సన్‌రైజర్స్ ఈస్టర్న్ కేప్‌ను 10 వికెట్ల తేడాతో ఎంఐ కేప్ టౌన్‌(MI Cape Town)​ చిత్తు చేసింది. దీంతో తొలిసారి ఎస్ఎ20 ప్లేఆప్స్‌కు ఎంఐ ఆర్హ‌త సాధించింది. తొలుత బ్యాటింగ్ చేసిన స‌న్‌రైజర్స్‌ ఈస్టర్న్ కేప్ 19.2 ఓవర్లలో కేవలం 107 పరుగులకే ఆలౌటైంది. సన్‌రైజర్స్‌ బ్యాటర్లలో బెడింగ్‌హామ్(45) మినహా మిగితందరూ తీవ్ర నిరాశపరిచారు. కెప్టెన్‌ మార్‌క్రమ్‌(10), స్టబ్స్‌(5), అబెల్‌ విఫలమయ్యారు. ఎంఐ బౌలర్లలలో ఆల్‌రౌండర్‌ కార్బిన్ బాష్‌ 4 వికెట్లతో సత్తాచాటాడు. అతడితో పాటు రబాడ రెండు, బౌల్ట్‌, రషీద్‌ ఖాన్‌, డెవాల్డ్‌ బ్రెవిస్‌ తలా వికెట్‌ సాధించారు. అనంత‌రం 108 పరుగుల స్వల్ప లక్ష్యాన్ని ఎంఐ వికెట్‌ నష్టపోకుండా కేవలం 11 ఓవర్లలోనే చేధించింది. ముంబై జట్టు ఓపెనర్లు ర్యాన్‌ రికెల్టన్‌(59), రాస్సీ వాన్ డెర్ డస్సెన్(48) ఆజేయంగా నిలిచి మ్యాచ్‌ను ముగించారు.Brevis just defied gravity with that catch! 🤯#BetwaySA20 #MICTvSEC #WelcomeToIncredible pic.twitter.com/NNE8lUVtWM— Betway SA20 (@SA20_League) January 29, 2025చదవండి: జనాయ్ భోంస్లే కాదు.. సిరాజ్ డేటింగ్‌లో ఉన్నది ఆమెతోనే?

సౌతాఫ్రికా టీ20 లీగ్‌-2025(SA20) ను డిఫెండిండ్‌ ఛాంపియన్స్‌ సన్‌రైజర్స్‌ ఈస్టర్న్ కేప్‌ ఘోర ఓటమితో ఆరంభించింది. సెయింట్‌ జార్జ్‌ పార్క్ వేదికగా ఏంఐ కేప్‌ టౌన్‌తో జరిగిన మ్యాచ్‌లో 97 పరుగుల తేడాతో సన్‌రైజర్స్‌ పరాజయం పాలైంది. 175 పరుగుల భారీ లక్ష్యంతో బరిలోకి దిగిన సన్‌రైజర్స్‌ ఈస్టర్న్ కేప్‌.. ఎంఐ బౌలర్ల దాటికి 15 ఓవర్లలో కేవలం 77 పరుగులకే కుప్పకూలింది.ఎంఐ ఆల్‌రౌండర్‌ డెలానో పోట్‌గీటర్ 5 వికెట్లతో ఈస్టర్న్ కేప్‌ పతనాన్ని శాసించాడు. ఈ మ్యాచ్‌లో 3 ఓవర్లు బౌలింగ్‌ చేసిన పోట్‌గీటర్‌ కేవలం 10 పరుగులు మాత్రమే ఇచ్చి 5 వికెట్లను తన ఖాతాలో వేసుకున్నాడు. అతడితో పాటు ట్రెంట్‌ బౌల్ట్‌ రెండు, లిండే, ఒమర్జాయ్‌ తలా వికెట్‌ సాధించారు. సన్‌రైజర్స్‌ బ్యాటర్లలో కెప్టెన్‌ ఐడైన్‌ మార్‌క్రమ్‌(19) టాప్‌ స్కోరర్‌గా నిలవగా.. మిగితా బ్యాటర్లంతా పూర్తిగా తేలిపోయారు.బ్రెవిస్‌ విధ్వంసం..అంతకుముందు టాస్‌ ఓడి తొలుత బ్యాటింగ్‌ చేసిన ఎంఐ కేప్‌టౌన్‌ నిర్ణీత 20 ఓవర్లలో 7 వికెట్ల నష్టానికి 174 పరుగులు చేసింది. మొదటి ఓవర్‌లోనే సన్‌రైజర్స్‌ పేసర్‌​ మార్కో జానెసన్.. రీజా హెండ్రిక్స్‌ను ఔట్‌ చేసిన కేప్‌టౌన్‌ జట్టుకు బిగిషాకిచ్చాడు. ఆ తర్వాత రాస్సీ వాన్ డెర్ డస్సెన్(16), కానర్ ఎస్టెర్‌హజెన్(22) ఎంఐ ఇన్నింగ్స్‌ చక్కదిద్దే ప్రయత్నం చేశారు.Marco rocked, and Reeza was left shocked! 🤯☝️Jansen picks up the 1st wicket of the new season of the #SA20! 🔥Catch all the action LIVE on Disney+Hotstar, Star Sports 2 & Sports18-2!#SECvMICT pic.twitter.com/kA4kgI5wuK— JioCinema (@JioCinema) January 9, 2025అయితే వీరిద్దరూ వరుస క్రమంలో ఔట్‌ కావడంతో కేప్‌టౌన్‌ జట్టు మళ్లీ కష్టాల్లో పడింది. ఈ సమయంలో క్రీజులోకి వచ్చిన యువ ఆటగాడు డెవాల్డ్‌ బ్రెవిస్‌(Dewald Brevis) విధ్వంసం సృష్టించాడు. సన్‌రైజర్స్‌ బౌలర్లపై ఎదురుదాడికి దిగాడు. మైదానం నలుమూలల బౌండరీల వర్షం కురిపించాడు.Dewald Brevis 🔛🔥Keep watching the #SA20 LIVE on Disney + Hotstar, Star Sports 2 & Sports18-2!#DewaldBrevis #SECvMICT pic.twitter.com/58X2QHetea— JioCinema (@JioCinema) January 9, 2025 కేవలం 29 బంతులు మాత్రమే ఎదుర్కొన్న 'జూనియర్‌ ఏబీడీ' 2 ఫోర్లు, 6 సిక్స్‌లతో 57 పరుగులు చేసి ఔటయ్యాడు. అతడితో పాటు పోట్‌గీటర్ ఆఖరిలో(12 బంతుల్లో 2 ఫోర్లు, 1 సిక్సర్‌తో 25 పరుగులు) మెరుపు ఇన్నింగ్స్‌ ఆడాడు. సన్‌రైజర్స్‌ బౌలర్లలో మార్కో జానెసన్‌, గ్లీసన్‌ తలా రెండు వికెట్లు సాధించగా.. బేయర్స్ స్వాన్‌పోయెల్, లైమ్‌ డాసన్‌, హర్మర్‌ తలా వికెట్‌ సాధించారు.ఇదే తొలి విజయం..కాగా సౌతాఫ్రికా టీ20 లీగ్‌లో సన్‌రైజర్స్‌ ఈస్టర్న్ కేప్‌ జట్టుపై ఎంఐకేప్‌టౌన్‌కు ఇదే తొలి విజయం కావడం​ గమనార్హం. గత రెండు సీజన్లలో ఒక్కసారి కూడా సన్‌రైజర్స్‌పై కేప్‌టౌన్ విజయం సాధించలేదు. ఇక ఆల్‌రౌండ్‌ షోతో అదరగొట్టిన పోట్‌గీటర్‌కు ప్లేయర్‌ ఆఫ్‌ది మ్యాచ్‌ అవార్డు దక్కింది.చదవండి: CT 2025: 'అఫ్గానిస్తాన్‌తో మ్యాచ్‌ ఆడొద్దు'.. సౌతాఫ్రికాకు ఆ దేశ ప్రజల పిలుపు

అక్టోబర్‌ 21 నుంచి బంగ్లాదేశ్‌తో జరుగబోయే రెండు మ్యాచ్‌ల టెస్ట్‌ సిరీస్‌కు ముందు సౌతాఫ్రికా జట్టుకు బ్యాడ్‌ న్యూస్‌ అందింది. గాయం కారణంగా ఆ జట్టు కెప్టెన్‌ టెంబా బవుమా తొలి టెస్ట్‌కు దూరమయ్యాడు. బవుమా స్థానంలో యువ ఆటగాడు డెవాల్డ్‌ బ్రెవిస్‌ తొలి టెస్ట్‌కు ఎంపికయ్యాడు. బ్రెవిస్‌కు టెస్ట్‌ జట్టు నుంచి పిలుపు రావడం ఇదే మొదటిసారి. తొలి టెస్ట్‌కు దూరమైనప్పటికీ బవుమా జట్టుతో పాటే ప్రయాణిస్తాడు. రెండో టెస్ట్‌ సమయానికి బవుమా కోలుకుంటాడని క్రికెట్‌ సౌతాఫ్రికా ఆశాభావం వ్యక్తం చేస్తుంది. బవుమా గైర్హాజరీలో ఎయిడెన్‌ మార్క్రమ్‌ తొలి టెస్ట్‌లో కెప్టెన్‌గా వ్యవహరిస్తాడు.మరోవైపు ఇదే బంగ్లాదేశ్‌ సిరీస్‌కు ఎంపికైన నండ్రే బర్గర్‌ సైతం గాయపడ్డాడు. అతని​ స్థానంలో లుంగి ఎంగిడి జట్టులోకి వచ్చాడు. అప్‌డేట్‌ చేసిన జట్టు వివరాలను క్రికెట్‌ సౌతాఫ్రికా ఇవాళ (అక్టోబర్‌ 11) వెల్లడించింది.బంగ్లాదేశ్‌తో టెస్ట్‌ సిరీస్‌కు సౌతాఫ్రికా జట్టు: టెంబా బవుమా (మొదటి టెస్టుకు అందుబాటులో ఉండడు), డేవిడ్ బెడింగ్‌హామ్, మాథ్యూ బ్రీట్జ్‌కే, డెవాల్డ్ బ్రెవిస్, టోనీ డి జోర్జి, కేశవ్ మహరాజ్, ఎయిడెన్ మార్క్రమ్, వియాన్ ముల్డర్, సెనురన్ ముత్తుసామి, లుంగి ఎంగిడి, డేన్ ప్యాటర్సన్, డేన్ పీడ్, ట్రిస్టన్ స్టబ్స్‌, కగిసో రబాడ, ర్యాన్‌ రికెల్టన్, కైల్ వెర్రేన్నేబంగ్లాదేశ్‌ వర్సెస్‌ సౌతాఫ్రికా షెడ్యూల్‌..తొలి టెస్ట్‌ (అక్టోబర్‌ 21-25, ఢాకా)రెండో టెస్ట్‌ (అక్టోబర్‌ 29-నవంబర్‌ 2, చట్టోగ్రామ్‌)చదవండి: పొదల్లోకి వెళ్లిన బంతి.. నవ్వులు పూయించిన ఆసీస్‌ స్టార్‌ ప్లేయర్‌( వీడియో)

సౌతాఫ్రికా టీ20 లీగ్‌-2024లో ఏంఐ కేప్‌ టౌన్‌ ఆటగాడు, ప్రోటీస్‌ యువ సంచలనం డెవాల్డ్‌ బ్రెవిస్‌ ఎట్టకేలకు బ్యాట్‌ ఝుళిపించాడు. ఈ లీగ్‌లో భాగంగా సెంచూరియన్‌ వేదికగా ప్రిటోరియా క్యాపిటల్స్‌తో జరిగిన మ్యాచ్‌లో ఆకాశమే హద్దుగా బ్రెవిస్‌ చెలరేగిపోయాడు. కేవలం 32 బంతుల్లో 3 ఫోర్లు, 6 సిక్స్‌లతో 66 పరుగులు చేసి ఆజేయంగా నిలిచాడు. అయితే ఈ మ్యాచ్‌లో బ్రెవిస్‌ ఓ అద్బుతమైన షాట్‌తో మెరిశాడు. కేప్‌ టౌన్‌ ఇన్నింగ్స్‌ 18 ఓవర్‌ వేసిన డుపావిలోన్ బౌలింగ్‌లో తొలి బంతిని చూడకుండానే బ్రెవిస్‌ అద్బుతమైన సిక్సర్‌గా మలిచాడు. జూనియర్‌ ఏబీడీ కొట్టిన ఆ షాట్‌ మ్యాచ్‌ మొత్తానికి హైలెట్‌గా నిలిచింది. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కాగా ఈ మ్యాచ్‌లో ప్రిటోరియాపై 34 పరుగుల తేడాతో ఏంఐ కేప్‌ టౌన్‌ విజయం సాధించింది. ఈ విజయంతో ప్లే ఆఫ్స్‌ ఆశలను కేప్‌టౌన్‌ సజీవంగా ఉంచుకుంది. A NO-LOOK SIX BY DEWALD BREVIS ....!!!! 🔥pic.twitter.com/rURTI6gYNx — Mufaddal Vohra (@mufaddal_vohra) February 1, 2024

ఆస్ట్రేలియాతో స్వదేశంలో జరిగే టీ20, వన్డే సిరీస్‌ల కోసం​ క్రికెట్‌ సౌతాఫ్రికా (సీఎస్‌ఏ) వేర్వేరు జట్లను ఇవాళ (ఆగస్ట్‌ 14) ప్రకటించింది. ఈ పర్యటనలోని టీ20 సిరీస్‌ కోసం సౌతాఫ్రికన్‌ సెలెక్టర్లు విధ్వంసకర ఆటగాడు డెవాల్డ్‌ బ్రెవిస్‌కు తొలిసారి పిలుపునిచ్చారు. ఇతనితో పాటు వికెట్‌కీపర్‌ కమ్‌ బ్యాటర్‌ డోనోవన్ ఫెర్రీరా, యువ బ్యాటర్‌ మాథ్యూ బ్రీట్జ్కీలను కూడా తొలిసారి ఎంపిక చేశారు. ఆసీస్‌ పర్యటనలోని 3 మ్యాచ్‌ల టీ20 సిరీస్‌ కోసం సౌతాఫ్రికా సెలెక్టర్లు 15 మంది సభ్యులతో కూడిన యువ జట్టును ప్రకటించారు. సీనియర్లు క్వింటన్‌ డికాక్‌, హెన్రిచ్‌ క్లాసెన్‌, డేవిడ్‌ మిల్లర్‌, కగిసో రబాడ, అన్రిచ్‌ నోర్జేల గైర్హాజరీలో సెలెక్టర్లు యువకులకు అవకాశం ఇచ్చారు. పైపేర్కొన్న సీనియర్లంతా ఇదే పర్యటనలో జరిగే 5 మ్యాచ్‌ల వన్డే సిరీస్‌కు అందుబాటులోకి వస్తారు.  టీ20 సిరీస్‌కు ఎయిడెన్‌ మార్క్రమ్‌, వన్డే సిరీస్‌కు టెంబా బవుమా కెప్టెన్లుగా వ్యవహరిస్తారు. గాయం కారణంగా గతకొంతకాలంగా జట్టుకు దూరంగా ఉన్న సీనియర్‌ ఆటగాడు కేశవ్‌ మహారాజ్‌ సైతం రెండు జట్లలో చోటు దక్కించుకున్నాడు. ఆసీస్‌ పర్యటనలో టీ20 సిరీస్‌కు సౌతాఫ్రికా జట్టు: ఎయిడెన్ మార్క్రమ్ (కెప్టెన్‌), టెంబా బవుమా, మాథ్యూ బ్రీట్జ్కీ, డెవాల్డ్ బ్రెవిస్, గెరాల్డ్ కోయెట్జీ, డోనోవన్ ఫెర్రీరా, జోర్న్ ఫార్టుయిన్, రీజా హెండ్రిక్స్, మార్కో జన్సెన్, సిసంద మగాల, కేశవ్ మహరాజ్, లుంగీ  ఎంగిడి, తబ్రేజ్‌ షంషి, ట్రిస్టన్‌ స్టబ్స్‌, లిజాడ్‌ విలియమ్స్‌, రస్సీ వాన్ డెర్ డస్సెన్ ఆసీస్‌ పర్యటనలో వన్డే సిరీస్‌కు సౌతాఫ్రికా జట్టు: టెంబా బవుమా (కెప్టెన్‌), డెవాల్డ్ బ్రెవిస్, గెరాల్డ్ కోయెట్జీ, క్వింటన్ డికాక్, జోర్న్ ఫార్టుయిన్, రీజా హెండ్రిక్స్, మార్కో జన్సెన్, హెన్రిచ్ క్లాసెన్, సిసంద మగాలా, కేశవ్ మహరాజ్, ఎయిడెన్ మార్క్రమ్, డేవిడ్ మిల్లర్, లుంగి ఎంగిడి, అన్రిచ్‌ నోర్జే, తబ్రేజ్‌ షంషి, వేన్‌ పార్నెల్‌, కగిసో రబాడ, ట్రిస్టన్‌ స్టబ్స్‌, రస్సీ వాన్ డెర్ డస్సెన్ షెడ్యూల్‌.. ఆగస్ట్‌ 30: తొలి టీ20 (డర్బన్‌) సెప్టెంబర్‌ 1: రెండో టీ20 (డర్బన్‌) సెప్టెంబర్‌ 2: మూడో టీ20 (డర్బన్‌) సెప్టెంబర్‌ 7: తొలి వన్డే (బ్లోంఫొన్‌టెయిన్‌) సెప్టెంబర్‌ 9: రెండో వన్డే (బ్లోంఫొన్‌టెయిన్‌) సెప్టెంబర్‌ 12: మూడో వన్డే (పోచెఫ్‌స్ట్రూమ్‌) సెప్టెంబర్‌ 15: నాలుగో వన్డే (సెంచూరియన్‌) సెప్టెంబర్‌ 17: ఐదో వన్డే (జోహనెస్‌బర్గ్‌)

సౌతాఫ్రికా టీ20 లీగ్‌లో భాగంగా సన్‌రైజర్స్‌ ఈస్ట్రన్‌ కేప్‌తో నిన్న (జనవరి 14) జరిగిన మ్యాచ్‌లో ప్రిటోరియా క్యాపిటల్స్‌ 37 పరుగుల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన క్యాపిటల్స్‌..  విల్‌ జాక్స్‌ (46 బంతుల్లో 92; 7 ఫోర్లు, 8 సిక్సర్లు) విధ్వంసకర ఇన్నింగ్స్‌తో విరుచుకుపడటంతో నిర్ణీత ఓవర్లలో 6 వికెట్ల నష్టానికి 216 పరుగులు చేసింది. జాక్స్‌కు జతగా డి బ్రూన్‌ (23 బంతుల్లో 42; 2 ఫోర్లు, 4 సిక్సర్లు) రాణించడంతో క్యాపిటల్స్‌ టీమ్‌ ప్రత్యర్ధి ముందు భారీ లక్ష్యాన్ని ఉం‍చింది. ఛేదనలో క్యాపిటల్స్‌ బౌలర్లు పార్నెల్‌ (2/20), ఆదిల్‌ రషీద్‌ (2/46), నోర్జే (1/37), నీషమ్‌ (1/13), ఈథన్‌ బాష్‌ (1/33) కట్టుదిట్టంగా బౌలింగ్‌ చేయడంతో సన్‌రైజర్స్‌ నిర్ణీత ఓవర్లలో 7 వికెట్లు కోల్పోయి 179 పరుగులకు మాత్రమే పరిమితమై ఓటమిపాలైంది. సన్‌రైజర్స్‌ ఇన్నింగ్స్‌లో మార్క్రమ్‌ (29 బంతుల్లో 46; 5 ఫోర్లు, 2 సిక్సర్లు) టాప్‌ స్కోరర్‌గా నిలిచాడు. చెలరేగిన బేబీ ఏబీడీ.. రెచ్చిపోయిన ఎంఐ బౌలర్లు లీగ్‌లో భాగంగా నిన్న (జనవరి 14) జరిగిన మరో మ్యాచ్‌లో రబాడ (2/12), రషీద్‌ ఖాన్‌ (2/18), జార్జ్‌ లిండే (2/25), ఓడియన్‌ స్మిత్‌ (2/10)  రెచ్చిపోవడంతో జోబర్గ్‌ సూపర్‌ కింగ్స్‌పై ముంబై ఇండియన్స్‌ కేప్‌ టౌన్‌ టీమ్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన సూపర్‌ కింగ్స్‌.. నిర్ణీత ఓవర్లు బ్యాటింగ్‌ చేసి 9 వికెట్ల నష్టానికి 105 పరుగులు చేయగా, ఎంఐ జట్టు 16.2 ఓవర్లలో 3 వికెట్లు కోల్పోయి లక్ష్యాన్ని ఛేదించింది. బేబీ ఏబీడీ డెవాల్డ్‌ బ్రెవిస్‌ (34 బంతుల్లో 42; 2 ఫోర్లు, 3 సిక్సర్లు) మరోసారి సత్తా చాటగా.. ఆఖర్లో సామ్‌ కర్రన్‌ (15 నాటౌట్‌) మ్యాచ్‌ను లాంఛనంగా ముగించాడు. లీగ్‌లో భాగంగా ఇవాళ (జనవరి 15) డర్బన్‌ సూపర్‌ జెయింట్స్‌-పార్ల్‌ రాయల్స్‌ జట్లు తలపడనున్నాయి.    

దక్షిణాఫ్రికా యువ సంచలనం డెవాల్డ్‌ బ్రెవిస్‌ సౌతాఫ్రికా టీ20 లీగ్‌ తొలి మ్యాచ్‌లోనే విధ్వంసం​ సృష్ఠించిన సంగతి తెలిసిందే.  సౌతాఫ్రికా టీ20 లీగ్‌లో ముంబై కేప్‌టౌన్‌కు ప్రాతినిథ్యం వహిస్తున్న బ్రెవిస్‌..  మంగళవారం పార్ల్ రాయల్స్‌తో జరిగిన మ్యాచ్‌లో 70 పరుగులతో ఆజేయంగా నిలిచాడు. అతడి ఇన్నింగ్స్‌లో 5 ఫోర్లు, 4 సిక్స్‌లు ఉన్నాయి.  పార్ల్ రాయల్స్‌పై కేప్‌టౌన్‌ విజయంలో సాధించడంలో డెవాల్డ్‌ కీలక పాత్ర పోషించాడు. ఇక శుక్రవారం(జనవరి 13)న డర్బన్‌ సూపర్‌ జెయింట్స్‌తో జరగనున్న మ్యాచ్‌లో మరోసారి మెరుపులు మెరిపించేందుకు బ్రెవిస్‌ సిద్దమవతున్నాడు. కాగా ముంబై కేప్‌టౌన్‌ ఫ్రాంచైజీని ఐపీఎల్‌ జట్టు ముంబై ఇండియన్స్‌ యాజమాన్యం కొనుగోలు చేసిన విషయం విధితమే. ముంబై ఇండియన్స్‌ ఓపెనర్‌గా బ్రెవిస్‌ ఇక ఐపీఎల్‌లో డెవాల్డ్‌ బ్రెవిస్‌ ముంబై ఇండియన్స్‌ తరపున ఆడుతున్న సంగతి తెలిసిందే. గతేడాది ఐపీఎల్‌లో అరంగేట్రం చేసిన అతడు తన అద్భుత ఆటతీరుతో అందరినీ ఆకట్టుకున్నాడు. ఈ 19 ఏళ్ల యువ ఆటగాడిని అభిమానులు "జూనియర్‌ ఏబీగా" పిలుచుకుంటున్నారు. ఇక దక్షిణాఫ్రికా టీ20 లీగ్‌లో ముంబై కేప్‌టౌన్‌ ఓపెనర్‌గా అదరగొడుతున్న "జూనియర్‌ ఏబీడి" కి ఐపీఎల్‌లో ప్రమోషన్‌ దక్కనున్నట్లు తెలుస్తోంది. ఈ ఏడాది ఐపీఎల్‌లో తమ జట్టు ఓపెనర్‌గా బ్రెవిస్‌ను పంపాలని ముంబై ఇండియన్స్‌ మేనెజ్‌మెంట్‌ భావిస్తున్నట్లు సమాచారం. కాగా గతేడాది ఐపీఎల్‌లో ముంబై ఇన్నింగ్స్‌ను రోహిత్‌ శర్మ, ఇషాన్‌ కిషన్‌ ప్రారంభించారు. అయితే ఐపీఎల్‌-2023లో మాత్రం రోహిత్‌ మిడిలార్డర్‌లో బ్యాటింగ్‌కు రానున్నట్లు నివేదికలు తెలుపుతున్నాయి. ఐపీఎల్‌ 2023లో ముంబై జట్టు: కామెరాన్ గ్రీన్, జే రిచర్డ్‌సన్, పీయూష్ చావ్లా, దువాన్ జాగర్, విష్ణు వినోద్, షామ్స్ ములానీ, నేహాల్ వధేరా, రాఘవ్ గోయల్, రోహిత్ శర్మ, టిమ్ డేవిడ్, రమణదీప్ సింగ్, తిలక్ వర్మ, సూర్యకుమార్ యాదవ్, ఇషాన్ కిషాన్‌ ట్రిస్టన్ స్టబ్స్, డెవాల్డ్ బ్రీవిస్, జోఫ్రా ఆర్చర్, జస్ప్రీత్ బుమ్రా, అర్జున్ టెండూల్కర్, అర్షద్ ఖాన్, కుమార్ కార్తికేయ, హృతిక్ షోకీన్, జాసన్ బెహ్రెన్‌డార్ఫ్, ఆకాష్ మాధ్వల్ చదవండి: IND vs SL: లంక యువ సంచలనం.. అరంగేట్రంలోనే అదుర్స్‌! కానీ పాపం..

మినీ ఐపీఎల్‌గా పరిగణించబడే సౌతాఫ్రికా టీ20 లీగ్‌లో ముంబై ఇండియన్స్‌ యాజమాన్యం కొనుగోలు చేసిన ఎంఐ కేప్‌టౌన్‌ టీమ్‌ శుభారంభం చేసింది. లీగ్‌ ఇనాగురల్‌ మ్యాచ్‌లో రాజస్థాన్‌ రాయల్స్‌ కొనుగోలు చేసిన పార్ల్‌ రాయల్స్‌ను ఢీకొట్టిన కేప్‌టౌన్‌ జట్టు.. 8 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన కేప్‌టౌన్‌.. జోఫ్రా ఆర్చర్‌ (3/27), ఓలీ స్టోన్‌ (2/31), డుయన్‌ జన్సెన్‌ (1/16) విజృంభించడంతో నిర్ణీత 20 ఓవర్లలో 7 వికెట్ల నష్టానికి 142 పరుగుల నామమాత్రపు స్కోర్‌కే పరిమితమైంది. రాయల్స్‌ ఇన్నింగ్స్‌లో జోస్‌ బట్లర్‌ (42 బంతుల్లో 51; 6 ఫోర్లు, సిక్స్‌), కెప్టెన్‌ డేవిడ్‌ మిల్లర్‌ (31 బంతుల్లో 42; 4 ఫోర్లు, సిక్స్‌) మాత్రమే రాణించారు. అనంతరం 143 పరుగుల లక్ష్యాన్ని ఛేదించేందుకు బరిలోకి దిగిన కేప్‌టౌన్‌ టీమ్‌.. బేబీ ఏబీడీ డెవాల్డ్‌ బ్రెవిస్‌ (41 బంతుల్లో 70 నాటౌట్‌; 4 ఫోర్లు, 5 సిక్సర్లు) విధ్వంసం ధాటికి 15.3 ఓవర్లలో కేవలం 2 వికెట్లు మాత్రమే కోల్పోయి లక్ష్యాన్ని ఛేదించింది. ఓపెనర్‌గా బరిలోకి దిగిన బ్రెవిస్‌ అజేయమైన అర్ధశతకంతో రాయల్స్‌ బౌలింగ్‌ను తునాతునకలు చేయగా.. మరో ఓపెనర్‌ ర్యాన్‌ రికెల్టన్‌ (33 బంతుల్లో 42; 5 ఫోర్లు, సిక్స్‌) పర్వాలేదనిపించాడు. వన్‌డౌన్‌లో బ్యాటింగ్‌కు దిగిన సామ్‌ కర్రన్‌.. 16 బంతుల్లో 2 సిక్సర్లు, ఫోర్‌ సాయంతో 20 పరుగులు చేసి ఔటయ్యాడు. బ్రెవిస్‌.. రస్సీ వాన్‌ డర్‌ డస్సెన్‌ (3 బంతుల్లో 8 నాటౌట్‌; సిక్స్‌) సాయంతో మ్యాచ్‌ను ముగించాడు. రాయల్స్‌ బౌలర్లలో కోడి యుసఫ్‌, రామోన్‌ సిమండ్స్‌కు తలో వికెట్‌ లభించింది. లీగ్‌లో తదుపరి మ్యాచ్‌ డర్బన్‌ సూపర్‌ జెయింట్స్‌ (లక్నో సూపర్‌ జెయింట్స్‌)-జొహనెస్‌బర్గ్‌ సూపర్‌ కింగ్స్‌ (చెన్నై సూపర్‌ కింగ్స్‌) జట్ల మధ్య ఇవాళ (జనవరి 11) జరుగనుంది. భారతకాలమానం ప్రకారం ఈ మ్యాచ్‌ రాత్రి 9 గంటలకు ప్రారంభంకానుంది. 

టీ20 క్రికెట్‌లో అత్యంత అరుదైన రికార్డు నమోదైంది. సౌతాఫ్రికా వేదికగా జరుగుతున్న క్రికెట్‌ సౌతాఫ్రికా (సీఎస్‌ఏ) టీ20 ఛాలెంజ్‌ లీగ్‌ ఈ ప్రపంచ రికార్డుకు వేదికగా నిలిచింది. పొట్టి క్రికెట్‌లో ఒక్క మ్యాచ్‌లోనే కనీవినీ ఎరుగని రీతిలో ఏకంగా 501 పరుగులు నమోదయ్యాయి. టీ20 క్రికెట్‌ చరిత్రలో ఓ మ్యాచ్‌లో ఈ స్థాయిలో పరుగులు నమోదు కావడం ఇదే తొలిసారి.  సీఎస్‌ఏ టీ20 ఛాలెంజ్‌ లీగ్‌లో భాగంగా టైటాన్స్‌-నైట్స్‌ మధ్య జరిగిన మ్యాచ్‌లో ఇరు జట్లు కలిపి 501 పరుగులు సాధించాయి. గతంలో టీ20 ఫార్మాట్‌లో అత్యధిక స్కోర్‌ (ఇరు జట్ల స్కోర్లు కలిపి) 497 పరుగులుగా ఉండింది. 2016లో సూపర్‌ స్మాష్‌ లీగ్‌లో భాగంగా సెంట్రల్‌ డిస్ట్రిక్స్‌-ఒటాగో మధ్య జరిగిన మ్యాచ్‌లో ఇరు జట్లు కలిపి ఈ స్కోర్‌ సాధించాయి. ఇక, అంతర్జాతీయ క్రికెట్‌లో ఒకే మ్యాచ్‌లో అత్యధిక పరుగుల రికార్డు 2016లో భారత్‌-వెస్టిండీస్‌ మధ్య జరిగిన మ్యాచ్‌లో నమోదైంది. ఆ మ్యాచ్‌లో ఏకంగా 489 పరుగులు నమోదయ్యాయి. #CSAT20Challenge@Titans_Cricket claim a comfortable 41-run victory over @KnightsCricket in a game that broke the world record for the highest match aggregate in a T20 game - 5⃣0⃣1⃣ 🤯 🗒️ Ball by ball https://t.co/QxPLEjNMQg 📺 SuperSport 208#BePartOfIt #SummerOfCricket pic.twitter.com/yu4wsSfwxH — DomesticCSA (@DomesticCSA) October 31, 2022 ఇదిలా ఉంటే, సీఎస్‌ఏ లీగ్‌లో భాగంగా నైట్స్‌తో జరిగిన మ్యాచ్‌లో తొలుత బ్యాటింగ్‌ చేసిన టైటాన్స్‌.. డెవాల్డ్‌ బ్రెవిస్‌ (57 బంతుల్లో 162; 13 ఫోర్లు, 13 సిక్సర్లు) విధ్వంసకర ఇన్నింగ్స్‌తో చెలరేగడంతో 20 ఓవర్లలో 3 వికెట్ల నష్టానికి 271 పరుగులు చేసింది. ఛేదనలో నైట్స్‌ సైతం అదే రేంజ్‌లో రెచ్చిపోయి నిర్ణీత ఓవర్లలో 9 వికెట్ల నష్టానికి 230 పరుగులు చేసి, లక్ష్యానికి 41 పరుగుల దూరంలో నిలిచిపోయింది. ఈ మ్యాచ్‌లో ఏకంగా 36 సిక్సర్లు నమోదయ్యాయి. టీ20 క్రికెట్‌ చరిత్రలో అత్యధిక సిక్సర్లు నమోదైన మ్యాచ్‌ల జాబితాలో ఈ మ్యాచ్‌ మూడో స్థానంలో నిలిచింది.  That record-breaking innings 🤯#CSAT20Challenge #BePartOfIt #SummerOfCricket pic.twitter.com/C7KLkPBHzD — DomesticCSA (@DomesticCSA) November 1, 2022

దక్షిణాఫ్రికా యువ ఆటగాడు డెవాల్డ్‌ బ్రెవిస్‌ టి20 క్రికెట్‌లో సంచలన ప్రదర్శన నమోదు చేశాడు. సీఎస్‌ఏ చాలెంజ్‌ లీగ్‌లో భాగంగా నైట్స్‌తో జరిగిన మ్యాచ్‌లో టైటాన్స్‌కు ప్రాతినిధ్యం వహించిన బ్రెవిస్‌  57 బంతుల్లోనే 13 ఫోర్లు, 13 సిక్సర్లతో 162 పరుగులు సాధించాడు. 35 బంతుల్లోనే శతకం సాధించిన అతను ఐదో ఫాస్టెస్ట్‌ సెంచరీని నమోదు చేయగా, 52 బంతుల్లో 150 పరుగులు సాధించి కొత్త రికార్డు నెలకొల్పాడు. గేల్‌ (175), ఫించ్‌ (172) తర్వాత టి20 క్రికెట్‌లో ఇది మూడో అత్యుత్తమ స్కోరు కావడం విశేషం. కాగా బ్రెవిస్‌ ఐపీఎల్‌లో ముంబై ఇండియన్స్‌కు ప్రాతినిథ్యం వహిస్తున్న సంగతి తెలిసిందే. ఇక మ్యాచ్‌ విషయానికి వస్తే.. తొలుత బ్యాటింగ్‌ చేసిన టైటాన్స్‌.. బ్రెవిస్‌ తుపాన్‌ ఇన్నింగ్స్‌ ఫలితంగా నిర్ణీత 20 ఓవర్లలో మూడు వికెట్లు కోల్పోయి 271 పరుగులు చేసింది. అతడితో పాటు మరో ఓపెనర్‌ పిళ్లై 52 పరుగులతో రాణించాడు. అనంతరం 272 పరుగుల భారీ లక్ష్యంతో  బరిలోకి దిగిన నైట్స్‌ 9 వికెట్లు కోల్పోయి 230 పరుగులకే పరిమితమైంది. తద్వారా నైట్స్‌పై 41 పరుగుల తేడాతో టైటాన్స్‌ విజయం సాధించింది. ఇక నైట్స్‌ బ్యాటర్లలో గిహాన్ క్లోయెట్(51) పరుగులతో టాప్‌ స్కోరర్‌గా నిలిచాడు. టైటాన్స్‌ బౌలర్లలో నైల్‌ బ్రాండ్‌ మూడు వికెట్లతో చెలరేగగా.. ఆరోన్ ఫాంగిసో రెండు, బ్రెవిస్‌, హర్మర్‌ తలా వికెట్‌ సాధించారు. చదవండి: బంగ్లాదేశ్‌లో పర్యటించే టీమిండియా ఇదే.. తెలుగు ఆటగాడికి అవకాశం

కరేబియన్‌ ప్రీమియర్‌ లీగ్‌(సీపీఎల్‌ 2022)లో దక్షిణాఫ్రికా యువ బ్యాటర్‌.. బేబీ ఏబీ అని పిలుచుకున్న డెవాల్డ్‌ బ్రెవిస్‌ విధ్వంసం సృష్టించాడు. ఆరు బంతుల్లో ఆరు సిక్సర్లు కొట్టే అవకాశం కొద్దిలో మిస్‌ అయింది. అయినప్పటికి వరుసగా ఐదు బంతులను సిక్సర్లుగా మలిచిన బ్రెవిస్‌ 30 పరుగులు పిండుకున్నాడు. సీపీఎల్‌లో డెవాల్డ్‌ బ్రెవిస్‌ సెంట్‌ కిట్స్‌ అండ్‌ నెవిస్‌ పాట్రియాట్స్‌కు ప్రాతినిధ్యం వహిస్తున్నాడు. గురువారం ట్రిన్‌బాగో నైట్‌రైడర్స్‌తో జరిగిన మ్యాచ్‌లో బ్రెవిస్‌ ఈ ఫీట్‌ నమోదు  చేశాడు. అకిల్‌ హొసెన్‌ వేసిన ఇన్నింగ్స్‌ 19వ ఓవర్లో తాను ఎదుర్కొన్న తొలి బంతిని మిస్‌ చేసిన బ్రెవిస్‌.. ఆ తర్వాత వరుస మూడు బంతులను సిక్సర్లుగా మలిచాడు. ఆ తర్వాత ఓవర్‌ పూర్తయింది. 20వ ఓవర్‌ బౌలింగ్‌కు వచ్చిన డారిన్‌ దుపావిల్లన్‌ బౌలింగ్‌లో చివరి రెండు బంతులు ఆడిన బ్రెవిస్‌ రెండు సిక్సర్లు బాదాడు. అలా తాను ఎదుర్కొన్న వరుస ఐదు బంతులను సిక్సర్లుగా మలిచినప్పటికి... ఓవర్లు అయిపోవడంతో తృటిలో ఆరు సిక్సర్ల రికార్డు మిస్‌ అయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌లో సెంట్‌ కిట్స్‌ ఏడు పరుగుల తేడాతో విజయం సాధించింది. తొలుత బ్యాటింగ్‌ చేసిన సెంట్‌ కిట్స్‌ నిర్ణీత 20 ఓవర్లలో ఆరు వికెట్ల నష్టానికి 163 పరుగులు చేసింది. రూథర్‌ఫోర్డ్‌ 7 పరుగులుతో టాప్‌ స్కోరర్‌గా నిలవగా.. డెవాల్డ్‌ బ్రెవిస్‌ 30 నాటౌట్‌, బ్రావో 23 పరుగులు చేశాడు. అనంతరం 164 పరుగుల లక్ష్యంతో బరిలోకి దిగిన ట్రిన్‌బాగో నైట్‌ రైడర్స్‌ 20 ఓవర్లలో ఏడు వికెట్ల నష్టానికి 156 పరుగులు చేసి ఏడు పరుగుల తేడాతో పరాజయం పాలైంది.  Dewald Brevis 5 sixes in a row 30*(6) 🔥🔥🔥 pic.twitter.com/faGyEvD84z — ° (@anubhav__tweets) September 22, 2022 చదవండి: ఆ ఒక్క సిక్స్‌తో '1998 షార్జా'ను గుర్తుచేశాడు డుప్లెసిస్‌ అద్భుత సెంచరీ.. టీ20 ఫార్మాట్‌లో నాలుగోది! కానీ పాపం..

అండర్‌-19 ప్రపంచకప్‌-2022 టోర్నీలో అదిరిపోయే ప్రదర్శనతో ఆకట్టుకున్నాడు దక్షిణాఫ్రికా యువ సంచలనం డెవాల్డ్‌ బ్రెవిస్‌. ఈ క్రమంలో ఐపీఎల్‌ ఫ్రాంఛైజీల దృష్టిని ఆకర్షించిన బేబీ ఏబీడీని.. ముంబై ఇండియన్స్‌ కొనుగోలు చేసిన విషయం తెలిసిందే. మెగా వేలం-2022లో భాగంగా మూడు కోట్ల రూపాయలు వెచ్చించి మరీ అతడిని సొంతం చేసుకుంది.  ఈ క్రమంలో ఐపీఎల్‌ తాజా ఎడిషన్‌లో అతడు 7 ఇన్నింగ్స్‌లో కలిపి 161 పరుగులు చేశాడు. అయితే, ఐదుసార్లు చాంపియన్‌గా నిలిచిన ముంబై ఇండియన్స్‌ ఈసారి మాత్రం పద్నాలుగింటికి కేవలం 4 మ్యాచ్‌లే గెలిచి.. పాయింట్ల పట్టికలో అట్టడుగు స్థానంలో నిలిచిన విషయం తెలిసిందే. అయితే, బ్రెవిస్‌కు మాత్రం పలువురు మేటి క్రికెటర్ల సలహాలతో పాటు కొంతమంది స్నేహితులూ దొరికారు. ఈ నేపథ్యంలో తాజాగా స్పోర్ట్స్‌కీడాతో మాట్లాడిన డెవాల్డ్‌ బ్రెవిస్‌ ముంబై ఇండియన్స్‌తో తన ప్రయాణంలోని జ్ఞాపకాలు పంచుకున్నాడు. ‘‘ఇంతకంటే గొప్ప జట్టు ఉంటుందని నేను అను​కోను.. ఒక పెద్ద కుటుంబంలో భాగస్వామినైనందుకు చాలా సంతోషంగా ఉంది. దిగ్గజాలతో కలిసి ఆడటం గొప్ప అనుభవం. నా ఆటను మెరుగుపరుచుకునే ఎన్నో సలహాలు నాకు లభించాయి’’ అని బ్రెవిస్‌ పేర్కొన్నాడు. దేవుడిచ్చిన వరం ఇక హైదరాబాదీ బ్యాటర్‌, ముంబై ఇండియన్స్‌ ప్లేయర్‌ తిలక్‌ వర్మతో స్నేహం గురించి చెబుతూ.. ‘‘నాకు అక్కడ ఓ స్పెషల్‌ ఫ్రెండ్‌ ఉన్నాడు. తనతో స్నేహం నాకు దేవుడిచ్చిన గొప్ప బహుమతిగా భావిస్తాను.  ఈ స్నేహబంధం నా గుండెల్లో ఎల్లప్పుడూ పదిలంగా ఉంటుంది. నాకోసం తిలక్‌ అన్ని వేళలా అండగా నిలబడతాడు’’ అని బేబీ ఏబీడీ ఉద్వేగానికి లోనయ్యాడు. ‘‘మేము ఇద్దరం ఒకరినొకరం సపోర్టు చేసుకుంటాం. మాకు కాస్త హాస్య చతురత ఎక్కువ. ఒకరినొకరం ప్రాంక్‌ చేసుకోవడమే కాదు.. సహచర ఆటగాళ్లను కూడా ఆటపట్టించేవాళ్లం. View this post on Instagram A post shared by Mumbai Indians (@mumbaiindians) బస్సు ప్రయాణాల్లోనూ మా అల్లరికి అంతే ఉండేది కాదు. వేకువజామునా.. లేదంటే అర్ధరాత్రులు అనే తేడా లేకుండా ఇద్దరం కలిసి నెట్‌ఫ్లిక్స్‌ చూసేవాళ్లం’’ అంటూ తిలక్‌తో గడిపిన మధుర జ్ఞాపకాలను బ్రెవిస్‌ గుర్తు చేసుకున్నాడు. కాగా తెలుగు కుర్రాడు తిలక్‌ వర్మ ఐపీఎల్‌-2022లో 397 పరుగులతో ముంబై తరఫున టాప్‌ స్కోరర్‌గా నిలిచి విషయం తెలిసిందే. చదవండి: Trolls On BCCI: కోహ్లి తప్పుకొన్నాక.. పరిస్థితి మరీ ఇంతలా దిగజారిందేంటి? బీసీసీఐపై ట్రోల్స్‌   View this post on Instagram A post shared by Tilak Varma (@tilakvarma9)

IPL 2022- Mumbai Indians: ఐపీఎల్‌ జట్టు ముంబై ఇండియన్స్‌ యువ ఆటగాళ్లకు ఆటను మెరుగుపరచుకునే మంచి అవకాశం దక్కింది. ఇంగ్లండ్‌లోని అగ్రశ్రేణి టీ20 క్లబ్‌లతో మ్యాచ్‌లు ఆడేందుకు వీలుగా ఫ్రాంఛైజీ ఏర్పాట్లు చేస్తోంది. ఇందులో భాగంగా వారు మూడు వారాల పాటు యూకేలో గడుపనున్నారు. కాగా ఐపీఎల్‌-2022లో ముంబై దారుణంగా విఫలమైన సంగతి తెలిసిందే. గతంలో ఐదుసార్లు చాంపియన్‌గా నిలిచిన రోహిత్‌ శర్మ సేన.. పద్నాలుగింట కేవలం నాలుగు మాత్రమే గెలిచింది. తద్వారా పాయింట్ల పట్టికలో అట్టడుగున నిలిచి విమర్శలు మూటగట్టుకుంది. అయితే, అరంగేట్ర ఆటగాళ్లు తిలక్‌ వర్మ, డెవాల్డ్‌ బ్రెవిస్‌ తదితరులు రాణించడం కాస్త ఊరటనిచ్చిన అంశం. ఈ నేపథ్యంలో వచ్చే ఏడాది ఎడిషన్‌కు సన్నద్ధమయ్యే క్రమంలో ముంబై ఫ్రాంఛైజీ ఈ మేరకు యువ ఆటగాళ్లను ఇంగ్లండ్‌ టూర్‌కు పంపుతున్నట్లు తెలుస్తోంది. అక్కడి టాప్‌ కౌంటీ క్లబ్‌తో పోటీ పడేందుకు వీలుగా సుమారు 10 టీ20 మ్యాచ్‌లు ఆడించనున్నట్లు సమాచారం. వాళ్లందరికీ అవకాశం ఈ విషయాల గురించి ముంబై వర్గాలు ఎన్డీటీవీతో మాట్లాడుతూ.. ‘‘తిలక్‌ వర్మ, కుమార్‌ కార్తికేయ, రమణ్‌దీప్‌ సింగ్‌, హృతిక్‌ షోకీన్‌ తదితర యువ క్రికెటర్లకు టాప్‌ టీ20 క్లబ్‌లతో పోటీ పడే అవకాశం ఇవ్వాలని యాజమాన్యం భావిస్తోంది. ఇప్పటికే అర్జున్‌ టెండుల్కర్‌ యూకే చేరుకున్నాడు. ఇక దక్షిణాఫ్రికా సంచలనం డెవాల్డ్‌ బ్రెవిస్‌ సైతం వీరితో చేరునున్నాడు’’ అని పేర్కొన్నాయి. ఇక భారత్‌కు చెందిన అన్‌క్యాప్డ్‌ ప్లేయర్లను మాత్రమే ఈ ట్రిప్‌నకు తీసుకువెళ్తున్నామని.. ఇది కమర్షియల్‌ టూర్‌ కాదని.. కాబట్టి బీసీసీఐ అనుమతి తీసుకోవాల్సిన అవసరం లేదని వెల్లడించాయి. కాగా తెలుగు కుర్రాడు తిలక్‌ వర్మ ఐపీఎల్‌-2022లో 397 పరుగులతో ముంబై తరఫున టాప్‌ స్కోరర్‌గా నిలిచి విషయం తెలిసిందే. ఇంగ్లండ్‌ ట్రిప్‌లో భాగమైన ముంబై ఇండియన్స్‌ ఆటగాళ్ల జాబితా(అంచనా) ఎన్టీ తిలక్‌ వర్మ, కుమార్‌ కార్తికేయ, హృతిక్‌ షోకేన్‌, మయాంక్‌ మార్కండే, రాహుల్‌ బుద్ధి, రమణ్‌దీప్‌ సింగ్‌, అన్మోల్‌ప్రీత్‌ సింగ్‌, బాసిల్‌ థంపి, మురుగన్‌ అశ్విన్‌, ఆర్యన్‌ జుయాల్‌, ఆకాశ్‌ మెధ్వాల్‌, అర్షద్‌ ఖాన్‌, అర్జున్‌ టెండుల్కర్‌, డెవాల్డ్‌ బ్రెవిస్‌. చదవండి: Hardik Pandya- Umran Malik: అద్భుతమైన షాట్లు.. అందుకే ఆఖర్లో ఉమ్రాన్‌ చేతికి బంతి.. ఈ క్రెడిట్‌ మొత్తం వాళ్లదే! "Talking to Sachin sir, Rohit bhai and Mahela gave me a lot of confidence." 💯 Tilak caps off an excellent debut season with this honest chat about what he learnt and where he has improved 💪#OneFamily #DilKholKe #MumbaiIndians @TilakV9 MI TV pic.twitter.com/Qc3nQeTZJs — Mumbai Indians (@mipaltan) May 26, 2022

IND Vs SA T20 Series: ఇండియన్‌ ప్రీమియర్‌ లీగ్‌లో తాను భాగస్వామ్యం కావాలనుకుంటున్నానని దక్షిణాఫ్రికా పరిమిత ఓవర్ల కెప్టెన్‌ తెంబా బవుమా అన్నాడు. ఏదో ఒకరోజు క్యాష్‌ రిచ్‌ లీగ్‌లో తప్పకుండా ఆడతానని ఆశాభావం వ్యక్తం చేశాడు. కాలం కలిసి వస్తే కెప్టెన్‌గా కూడా వ్యవహరించే అవకాశం రావాలని ఆశిస్తున్నానంటూ మనసులోని మాటను బయటపెట్టాడు. అయితే, అంతకంటే ముందు ఏదో ఒక జట్టులో ఆడే ఛాన్స్‌ రావాలని పేర్కొన్నాడు. కాగా ఐపీఎల్‌లో ఇప్పటికే చాలా మంది ప్రొటిస్‌ ఆటగాళ్లు తమ ప్రతిభను నిరూపించుకున్న విషయం తెలిసిందే. ఏబీ డివిలియర్స్‌ వంటి స్టార్ల నుంచి బేబీ ఏబీడీ డెవాల్డ్‌ బ్రెవిస్‌ వరకు ఈ జాబితాలో చాలా మందే ఉన్నారు.  ముఖ్యంగా ఐపీఎల్‌-2022లో కగిసో రబడ, డేవిడ్‌ మిల్లర్‌, ఎయిడెన్‌ మార్కరమ్‌, మార్కో జాన్‌సెన్‌ తదితరులు తాము ప్రాతినిథ్యం వహించిన జట్ల విజయాల్లో తమ వంతు పాత్ర పోషించారు.  ఇక మిల్లర్‌.. గుజరాత్‌ టైటాన్స్‌ ఫైనల్‌ చేరడంలో కీలకంగా వ్యవహరించాడు. టైటిల్‌ గెలిచిన జట్టులో భాగమయ్యాడు. ఈ క్రమంలో వీరందరిపై ప్రశంసలు కురిపించిన బవుమా.. ఐపీఎల్‌లో మంచి ప్రదర్శన నమోదు చేశారని పేర్కొన్నాడు. రబడ వంద వికెట్లు తీయడం గర్వంగా ఉందని పేర్కొన్నాడు. ఈ నేపథ్యంలో తానూ ఏదో ఒకరోజు ఐపీఎల్‌లో ఆడతానని ఈ 32 ఏళ్ల బ్యాటర్‌ పేర్కొన్నాడు. ఈ మేరకు.. ‘‘నేను కూడా అక్కడ ఆడతాను. మెరుగ్గా రాణిస్తే అవకాశాలు వాటంతట అవే వస్తాయి. నిజానికి అక్కడ ఓ జట్టుకు కెప్టెన్‌గా కూడా బాధ్యతలు నిర్వర్తించాలని ఉంది. ఇది నా ఫాంటసీ. అయితే, ముందు ఐపీఎల్‌లో ఏదో ఒక జట్టుకు ఆడి అనుభవం గడించాలి కదా’’ అని క్రికెట్‌మంత్లీతో బవుమా చెప్పుకొచ్చాడు. కాగా ఈ ఏడాది ఫిబ్రవరిలో జరిగిన మెగా వేలంలో 33 మంది ప్రొటిస్‌ ప్లేయర్లు తమ పేరు నమోదు చేసుకున్నారు. వీరిలో బవుమా లేకపోవడం గమనార్హం. ఇక జూన్‌ 9 నుంచి టీమిండియాతో టీ20 సిరీస్‌ ఆడేందుకు దక్షిణాఫ్రికా సన్నద్ధమవుతోంది.  చదవండి 👇 అమ్మో అదో పీడకల.. ఆ బౌలర్‌ ఎదురుగా ఉన్నాడంటే అంతే ఇక: జయవర్ధనే Ind Vs SA T20 Series: టీమిండియాను తక్కువగా అంచనా వేయలేం.. కానీ విజయం మాదే: బవుమా Welcome to the #Proteas, Tristan Stubbs 🇿🇦💚#INDvSA #BePartOfIt pic.twitter.com/EJWx8agZKV — Cricket South Africa (@OfficialCSA) June 1, 2022

IPL 2022- Mumbai Indians- Tilak Varma: ఐపీఎల్‌-2022లో ముంబై ఇండియన్స్‌ పరిస్థితి ఎలా ఉన్నా ఆ జట్టు ఆటగాడు తిలక్‌ వర్మ అదరగొడుతున్నాడు. తాజా ఎడిషన్‌తో క్యాష్‌ రిచ్‌ లీగ్‌లో ఎంట్రీ ఇచ్చిన ఈ తెలుగు కుర్రాడు ఇప్పటి వరకు ఆడిన 9 మ్యాచ్‌లలో 307 పరుగులు సాధించి అత్యధిక పరుగుల వీరుల జాబితాలో ఆరో స్థానంలో ఉన్నాడు.  ఇక ఆట విషయాన్ని పక్కన పెడితే.. సహచర ఆటగాళ్లతో ఇట్టే కలిసిపోయే స్వభావం తిలక్‌ వర్మది. ముంబై ఇండియన్స్‌ జట్టులోని యువ ఆటగాళ్లు ముఖ్యంగా దక్షిణాఫ్రికా సంచలనం, జూనియర్‌ ఏబీడీగా పేరొందిన డెవాల్డ్‌ బ్రెవిస్‌తో తిలక్‌కు స్నేహం కుదిరింది. ఇద్దరూ కలిసి సరదాగా గడిపిన క్షణాలను ఫ్రాంఛైజీ సోషల్‌ మీడియాలో పోస్ట్‌ చేస్తూ ఉంటుంది. తాజాగా తిలక్‌కు సంబంధించిన ఫన్నీ వీడియో నెటిజన్లను ఆకర్షిస్తోంది. ఇందులో ‘పేస్ట్‌ బిస్కట్‌’తో బ్రెవిస్‌, రిలే మెరెడిత్‌, టిమ్‌ డేవిడ్‌ను ఆటపట్టించాడు. అసలేం జరిగిందంటే.. ముందుగా బిస్కట్లలో క్రీమ్‌ తీసేసిన తిలక్‌ వర్మ.. దానికి బదులు అందులో పేస్ట్‌ను పూశాడు. ఆ తర్వాత మళ్లీ ఎప్పటిలాగే వాటిని ప్యాక్‌ చేసి.. మెల్లగా సహచర ఆటగాళ్ల దగ్గరికి వెళ్లాడు. తన చేతిలోని బిస్కట్లు తినమంటూ వారికి ఆఫర్‌ చేశాడు. పాపం తిలక్‌ ‘స్కెచ్‌’ గురించి తెలియని డేవిడ్‌, బ్రెవిస్‌, మెరెడిత్‌ ఎంచక్కా వాటిని లాగించేశారు. రుచి కాస్త భిన్నంగా ఉన్నా పర్లేదులే అనుకుంటూ తినేశారు.  అయితే, ఆఖర్లో అసలు విషయాన్ని బయటపెట్టాడు క్రేజీ తిలక్‌. దీంతో అక్కడ నవ్వులు పూశాయి. పర్లేదు ఇది మింట్‌ ఫ్లేవర్‌ బిస్కట్‌ అనుకున్నా. ఏదమైనా దంతాలకు ఇది మంచిదేగా అంటూ డేవిడ్‌, మెరెడిత్‌ నవ్వుతూ వ్యాఖ్యానించడం విశేషం. ఈ ప్రాంక్‌ వీడియోను ముంబై తమ సోషల్‌ మీడియా అకౌంట్‌లో షేర్‌ చేయగా వైరల్‌ అవుతోంది. ఇందుక స్పందించిన నెటిజన్లు.. ‘‘వామ్మో తిలక్‌ నీలో ఈ యాంగిల్‌ కూడా ఉందా! ఏదేమైనా మీ మధ్య అనుబంధం.. ముఖ్యంగా బ్రెవిస్‌తో నీ స్నేహబంధం ముచ్చటగొలుపుతోంది’’అని కామెంట్లు చేస్తున్నారు. కాగా అండర్‌-19 భారత జట్టులో సభ్యుడైన తిలక్‌ వర్మను ముంబై మెగా వేలం-2022లో 1.7 కోట్ల రూపాయలకు కొనుగోలు చేసింది. తద్వారా మధ్య తరగతి కుటుంబం నుంచి వచ్చిన అతడికి ఆర్థికంగా నిలదొక్కుకునే అవకాశం లభించింది. చదవండి👉🏾 Sanju Samson: ఆరోజు పిచ్చిపట్టినట్లయింది.. బ్యాట్‌ విసిరేసి వెళ్లిపోయా.. రాత్రి వచ్చి చూస్తే View this post on Instagram A post shared by Mumbai Indians (@mumbaiindians)

ఐపీఎల్‌ 2022 సీజన్‌ ముంబై ఇండియన్స్‌కు పెద్దగా కలిసిరాలేదు. ఇప్పటివరకు ఆడిన ఐదు మ్యాచ్‌ల్లో వరుసగా పరాజయాలు చవిచూసిన ముంబై బోణీ కొట్టలేపోయింది. అయితే ఆర్‌సీబీతో మ్యాచ్‌లో గెలుపు అవకాశాలు వచ్చినప్పటికి ముంబై ఇండియన్స్‌ను రనౌట్లు కొంపముంచాయి. ఆ రనౌట్లలో పరోక్షంగా సూర్యకుమార్‌ యాదవ్‌ పాత్ర ఉంది. అయితే మ్యాచ్‌లో జూనియర్‌ ఏబీ డెవాల్డ్‌ బ్రెవిస్‌ సంచలన ఇన్నింగ్స్‌ ఆడిన సంగతి తెలిసిందే. కేవలం 25 బంతుల్లోనే 49 పరుగులు చేసిన బ్రెవిస్‌.. రాహుల్‌ చహర్‌ను ఉతికారేశాడు. అతను వేసిన ఒక ఓవర్‌లో వరుసగా నాలుగు సిక్సర్లు బాది హడలెత్తించాడు. అతనితో పాటు తిలక్‌ వర్మ కూడా ఉన్నది కాసేపే అయినా ఫోర్లు, సిక్సర్లతో అలరించాడు. వీరిద్దరు ఔట్‌ కాని పక్షంలో ముంబై ఇండియన్స్‌ పరిస్థితి వేరుగా ఉండేది. అందుకే వీరిద్దరిపై సూర్యకుమార్‌ యాదవ్‌ ప్రశంసలు కురిపించాడు. శుక్రవారం ఎన్‌డీటీవీ నిర్వహించిన వర్చువల్‌ కాన్ఫరెన్స్‌లో సూర్యకుమార్‌ పాల్గొన్నాడు. ''ఈ సీజన్‌లో మాకు మంచి ఆరంభం లభించలేదు. ఆడిన ఐదు మ్యాచ్‌ల్లోనూ పరాజయాలే ఎదురయ్యాయి. మ్యాచ్‌లు ఓడాలని మాకు ఉండదు. ప్రతీ మ్యాచ్‌ గెలవాలని ప్రయత్నిస్తున్నాం.. కానీ ఓటములు పలకరిస్తున్నాయి. కచ్చితంగా కుదురుకుంటాం.. విజయాలు అందుకుంటాం. అయితే జట్టుగా విఫలమైనా మాకు ఇద్దరు ఆణిముత్యాల్లాంటి క్రికెటర్లు దొరికారు. ఆ ఇద్దరే డెవాల్డ్‌ బ్రెవిస్‌, తిలక్‌ వర్మ. 19 ఏళ్ల వయసులో వీరిద్దరు అద్బుతాలు చేస్తున్నారు. తమ విధ్వంసకర ఆటతీరుతో అభిమానాన్ని చూరగొంటున్నారు. నిజానికి ఒక సీనియర్‌గా వాళ్లకి సలహాలు ఇవ్వాల్సింది ఏం లేదు. ఎందుకంటే ఆ స్థాయిని వాళ్లిద్దరు ఎప్పుడో దాటేశారు. ఒక రకంగా టీనేజ్‌ వయసులో ఉన్నప్పుడు వాళ్లగా షాట్లు ఎందుకు ఆడలేకపోయానా అని నాకే ఆశ్చర్యమేస్తోంది. కచ్చితంగా రాబోయే రోజుల్లో పెద్ద పేరు సంపాదించడం ఖాయం. అని పేర్కొన్నాడు. చదవండి: IPL 2022: దీపక్ చహర్‌కు ఒక్క రూపాయి కూడా దక్కకపోవచ్చు!

ఐపీఎల్‌-2022లో పంజాబ్‌ కింగ్స్‌తో జరిగిన మ్యాచ్‌లో ముంబై ఇండియన్స్‌ యువ ఆటగాడు జానియర్‌ 'ఏబీ' డెవాల్డ్ బ్రెవిస్ అదరగొట్టాడు. ఈ మ్యాచ్‌లో బ్రెవిస్‌ తన విధ్వంసకర బ్యాటింగ్‌తో పంజాబ్‌ స్పిన్నర్‌ రాహుల్‌ చాహర్‌కు చుక్కలు చూపించాడు. ముంబై ఇన్నింగ్స్‌ 9వ ఓవర్‌ వేసిన రాహుల్‌ చాహర్‌ బౌలింగ్‌లో 4 సిక్స్‌లు, 1 ఫోర్‌ బాది  బ్రెవిస్‌ ఏకంగా 28 పరుగులు రాబట్టాడు. ఈ ఓవర్‌లోనే నాలుగో బంతికి  బ్రెవిస్‌ 112 మీటర్ల భారీ సిక్స్‌ బాదాడు. దీంతో ఈ ఏడాది ఐపీఎల్‌లో లాంగెస్ట్ సిక్స్ కొట్టిన ఆటగాడిగా బ్రెవిస్‌  నిలిచాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. అంతకు ముందు పంజాబ్‌ కింగ్స్‌ బ్యాటర్‌ లివింగ్ స్టోన్ 108 మీటర్ల దూరంతో భారీ సిక్స్ బాదిన సంగతి తెలిసిందే. ఇక ఈ మ్యాచ్‌లో  49 పరుగులు సాధించిన బేబి 'ఏబీ' కేవలం ఒక్క పరుగు దూరంలోను తన తొలి అర్ధ సెంచరీను చేజార్చుకున్నాడు. ఇక ఈ ​‍మ్యాచ్‌లో పంజాబ్‌ కింగ్స్‌ చేతిలో 12 పరుగల తేడాతో ముంబై ఓటమి పాలైంది. కాగా ఈ సీజన్‌లో వరసుగా ఐదో మ్యాచ్‌లో ముంబై ఓటమి చెందడం గమనార్హం. చదవండి: IPL 2022 MI Vs PBKS: ఒకే ఓవర్‌లో 28 పరుగులు.. బేబీ ‘ఏబీ’ విధ్వంసం.. వీడియో వైరల్‌ 112 meter six by Dewald Brevis - longest in #IPL2022 pic.twitter.com/ofDn7NjrfI — Ranjeet - Wear Mask😷 (@ranjeetsaini7) April 13, 2022     var request = 'https://www.sakshi.com/knowwidget/kwstr_4141448520.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

ఐపీఎల్‌లో గత సీజన్‌ వరకు తన విధ్వంసక ఆటతో అభిమానులను అలరించిన ఏబీ డివిలియర్స్‌ ఈ సారి నుంచి దూరమయ్యాడు. అయితే అతడిని గుర్తు చేసేలా 18 ఏళ్ల దక్షిణాఫ్రికా క్రికెటర్‌ డెవాల్డ్‌ బ్రెవిస్‌ మెరుపు ఇన్నింగ్స్‌ను ప్రదర్శించాడు. ఈ ఏడాది సీజన్‌లో ముంబై ఇండియన్స్‌కు బ్రెవిస్‌ ప్రాతినిధ్యం వహిస్తున్న సంగతి తెలిసిందే. ఐపీఎల్‌-2022లో భాగంగా బుధవారం పంజాబ్ కింగ్స్‌తో జరిగిన మ్యాచ్‌లో బ్రెవిస్‌ విధ్వసంకర ఇన్నింగ్స్‌ ఆడాడు. కేవలం 25 బంతుల్లో 49 పరుగులు సాధించి ముంబై విజయంపై ఆశలు రేకెత్తించాడు. కాగా రాహుల్‌ చహర్‌ ఓవర్లో బ్రెవిస్‌ వరుసగా ఐదు బంతుల్లో 4, 6, 6, 6, 6 (మొత్తం 28 పరుగులు) బాదడం మ్యాచ్‌లో హైలైట్‌గా నిలిచింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. బ్రెవిస్‌(49), సుర్యకూమార్‌ యాదవ్‌(43) అద్భుతమైన ఇన్నింగ్స్‌ ఆడినప్పటికీ ముంబై కు విజయం వరించలేదు. పంజాబ్‌ కింగ్స్‌పై 12 పరుగుల తేడాతో ముంబై పరాజాయం పాలైంది. దీంతో ఈ ఏడాది సీజన్‌లో వరుసగా ఐదో ఓటమిని ముంబై చవి చూసింది. చదవండి: IPL 2022: తీరు మారని ముంబై ఇండియన్స్‌.. వరుసగా ఐదో ఓటమి.. పంజాబ్ ఘన విజయం 1, 4, 6, 6, 6, 6 Baby AB" Dewald Brevis is putting up a batting show against PBKS 🔥💥#DewaldBrevis #BabyAB #IPL2022 #MIvsRCB pic.twitter.com/1916DYWONK — Pritam Biswas (@pritambiswas_18) April 13, 2022

ఐపీఎల్‌లో ముంబై ఇండియన్స్‌ ఆటగాడు డెవాల్డ్‌ బ్రెవిస్‌ అరుదైన ఘనత సాధించాడు. ఐపీఎల్‌లో తానే వేసిన తొలి బంతికే వికెట్‌ తీసిన ఆటగాడిగా జూనియర్‌ ఏబీ చరిత్ర సృష్టించాడు. ఆర్‌సీబీ ఇన్నింగ్స్ 19వ ఓవర్‌ వేసిన డెవాల్డ్‌ బ్రెవిస్‌ తన తొలి బంతికే కోహ్లి వికెట్‌ దక్కించుకున్నాడు. గుడ్‌ లెంగ్త్‌తో పడిన బంతి కోహ్లి ప్యాడ్లను తాకి బ్యాట్‌ను తాకింది. దీంతో బ్రెవిస్‌ ఎల్బీకి అ‍ప్పీల్‌ చేశాడు. ఫీల్డ్‌ అంపైర్‌ ఔటిచ్చాడు. అయితే కోహ్లి రివ్యూకు వెళ్లినప్పటికి ఫలితం వ్యతిరేకంగా వచ్చింది. దీంతో డెవాల్డ్‌ బ్రెవిస్‌ ఖాతాలో కోహ్లి రూపంలో తొలి వికెట్‌ పడింది. ఇక ముంబై ఇండియన్స్‌ వరుసగా నాలుగో పరాజయాన్ని చవిచూసింది. 152 పరగుల లక్ష్యంతో బరిలోకి దిగిన ఆర్‌సీబీ 18.3 ఓవర్లలో 3 వికెట్లు కోల్పోయి లక్ష్యాన్ని చేధించింది. చదవండి: Surya Kumar Yadav: అంతా కట్టగట్టుకొని విఫలమయ్యారు.. ఒక్కడు మాత్రం

ఐపీఎల్‌ అరంగేట్ర మ్యాచ్‌లోనే ముంబై ఇండియన్స్‌ యువ ఆటగాడు డెవాల్డ్‌ బ్రెవిస్‌ తన ఆటతీరుతో ఆకట్టుకున్నాడు. బుధవారం(ఏప్రిల్‌ 6) కేకేఆర్‌తో జరిగిన మ్యాచ్‌లో 19 బంతులు ఆడిన  బ్రెవిస్‌ 29 పరుగులు సాధించాడు. అతడి ఇన్నింగ్స్‌లో రెండు ఫోర్లు, రెండు భారీ సిక్సర్లు ఉన్నాయి. అయితే అతడు బాదిన ఓ సిక్సర్‌ మాత్రం మ్యాచ్‌కే  హైలెట్‌గా నిలిచింది. ముంబై ఇన్నింగ్స్‌ 8 ఓవర్‌ ఓవర్‌ వేసిన  వరుణ్‌ చక్రవర్తి బౌలింగ్‌లో..  బంతిని చూడ‌కుండానే  బ్రెవిస్‌ అద్భుత‌మైన సిక్స్ బాదాడు. కాగా అదే ఓవర్‌లో ఐదో బంతికి బ్రెవిస్‌ స్టంపౌట్‌గా వెనుదిరిగడం గమనార్హం. బ్రెవిస్‌ సిక్స్‌కు సంబంధించిన వీడియో సోష‌ల్ మీడియాలో వైర‌ల్ అవుతోంది. ఇక దక్షణాఫ్రికాకు చెందిన ఈ యువ ఆటగాడిని అభిమానులు "జూనియర్‌ ఏబీగా" పిలుచుకుంటున్నారు. అండర్‌-19 ప్రపంచకప్‌లో కూడా బ్రెవిస్‌ అదరగొట్టాడు. ఐపీఎల్‌లో మెగా వేలంలో అతడిని రూ. 3కోట్లకు ముంబై ఇండియన్స్‌ కొనుగోలు చేసింది.  ఇక ఈ మ్యాచ్‌లో ముంబై ఐదు వికెట్ల తేడాతో పరాజయం పాలైంది. చదవండి: IPL 2022: బుమ్రాకు అక్షింతలు.. నితీష్‌ రాణాకు జరిమానా! pic.twitter.com/qGIdoAGcka — Jemi_forlife (@jemi_forlife) April 6, 2022

ఐపీఎల్‌ 2022లో ముంబై ఇండియన్స్‌ తరపున అరంగేట్రం చేసిన డెవాల్డ్‌ బ్రెవిస్‌ తొలి మ్యాచ్‌లోనే ఆకట్టుకునే ప్రదర్శన చేశాడు. అండర్‌-19 ప్రపంచకప్‌లో సౌతాఫ్రికా తరపున టోర్నీలోనే అత్యధిక పరుగులు చేసిన ఆటగాడిగా నిలిచిన బ్రెవిస్‌ను జూనియర్‌ ఏబీగా అభివర్ణిస్తున్నారు.కేకేఆర్‌తో మ్యాచ్‌లో బ్రెవిస్‌ చేసింది 29 పరుగులే అయినప్పటికి అతని ఇన్నింగ్స్‌లో చూడచక్కని రెండు బౌండరీలు.. రెండు సిక్సర్లు ఉన్నాయి. అయితే అనుభవంలేమి జూనియర్‌ ఏబీ కొంపముంచింది. వరుణ్‌ చక్రవర్తి వేసిన ఇన్నింగ్స్‌ 8వ ఓవర్లో తొలి బంతికే డీప్‌ మిడ్‌వికెట్‌ మీదుగా కళ్లు చెదిరే సిక్స్‌ బాదాడు.  ఆ తర్వాతి మూడు బంతులు పరుగులు రాలేదు. ఓవర్‌ ఐదో బంతిని భారీ షాట్‌ ఆడే ప్రయత్నంలో ఫ్రంట్‌ఫుట్‌కు వచ్చేశాడు. ఇది గమనించిన సామ్‌ బిల్లింగ్స్‌ వేగంగా వికెట్లను గిరాటేశాడు. అయితే రిప్లేలో బ్రెవిస్‌ కనీసం క్రీజులోకి వచ్చే ప్రయత్నం చేయలేదు. Courtesy: IPL Twitter తొలి మ్యాచ్‌ ఆడుతున్నానన్న టెన్షన్‌ అతనిలో స్పష్టంగా కనిపించింది. తాను క్రీజులోనే ఉన్నానని భ్రమించినట్టున్నాడు. కానీ అప్పటికే జరగాల్సిన నష్టం జరిగిపోవడంతో బ్రెవిస్‌ చేసేదేం లేక నిరాశగా పెవిలియన్‌వైపు నడిచాడు. ఉన్నది కాసేపే అయినా మంచి ఇన్నింగ్స్‌ ఆడిన బ్రెవిస్‌ను పాట్‌ కమిన్స్‌ సహా ఇతర ఆటగాళ్లు అభినందించడం విశేషం.   డెవాల్డ్‌ బ్రెవిస్‌ ఔట్‌ కోసం క్లిక్‌ చేయండి

ఐపీఎల్‌-2022లో భాగంగా ఢిల్లీ క్యాపిటల్స్‌తో తొలి పోరుకు ముంబై ఇండియన్స్‌ సిద్దమైంది. బ్రబౌర్న్ వేదికగా మార్చి 27 మధ్యాహ్నం 3:30 గంటలకు ఈ మ్యాచ్‌ ప్రారంభంకానుంది. అయితే ఈ మ్యాచ్‌కు ఆ జట్టు స్టార్‌ బ్యాటర్‌ సూర్యకుమార్ యాదవ్‌ గాయం కారణంగా దూరమయ్యే అవకాశాలు కన్పిస్తున్నాయి. ఈ క్రమంలో అతడి స్దానాన్ని భర్తీ చేసే అవకాశం ఉన్న ఆటగాళ్లపై ఓ లూక్కేద్దం. డెవాల్డ్ బ్రెవిస్  జూనియర్‌ ఏబీడిగా పేరుపొందిన దక్షిణాఫ్రికా అండర్‌-19 ఆటగాడు డెవాల్డ్ బ్రెవిస్‌ను ఐపీఎల్‌-2022 మెగా వేలంలో రూ. 3 కోట్లకు ముంబై ఇండియన్స్ కొనుగోలు చేసింది. బ్రెవిస్‌ అచ్చం డివిలియర్స్‌ లాగే అద్భుతమైన షాట్లు ఆడుతున్నాడు. అదే విధంగా అండర్‌-19 ప్రపంచకప్‌లో డెవాల్డ్ బ్రెవిస్‌ అద్భుతంగా రాణించాడు. బ్రెవిస్‌ మూడవ స్థానంలో  యాదవ్‌కు సరైన రీప్లేస్‌మెంట్‌ అని చెప్పుకోవచ్చు. అన్మోల్‌ప్రీత్ సింగ్ ఈ 23 ఏళ్ల ఆల్ రౌండర్ గతంలో ముంబై ఇండియన్స్‌ తరుపున 2019లో ఐపీఎల్‌  అరంగేట్రం చేశాడు. అయితే ఐపీఎల్‌-2022 మెగా వేలంలో మళ్లీ ముంబై కొనుగోలు చేసింది. అన్మోల్‌ప్రీత్ సింగ్ ఇండియా-ఎ,ఇండియా బ్లూ, ఇండియా సి జట్లకు ప్రాతినిధ్యం వహించాడు. అన్మోల్‌ప్రీత్ పార్ట్‌టైమ్‌ స్పిన్నర్‌గా ఉపయోగపడతాడు. ఈ క్రమంలో యాదవ్‌ స్థానంలో అన్మోల్‌ప్రీత్‌కు ఛాన్స్‌ ఇచ్చే అవకాశం ఉంది. ఫాబియన్ అలెన్ ఈ ఏడాది మెగా వేలంలో వెస్టిండీస్‌ ఆల్‌ రౌండర్‌ ఫాబియన్ అలెన్‌ను ముంబై ఇండియన్స్‌ కొనుగోలు చేసింది.  అతడు గతంలో సన్‌రైజర్స్ హైదరాబాద్,పంజాబ్ కింగ్స్‌కు ఐపీఎల్‌లో ప్రాతినిద్యం వహించాడు. అలెన్ గతేడాది కరీబీయన్‌ ప్రీమియర్‌ లీగ్‌లో అద్భుతంగా రాణించాడు. అదే విధంగా అతడు స్పిన్‌ బౌలింగ్‌తో  పాటు, బెస్ట్‌ ఫినెషర్‌గా కూడా మ్యాచ్‌ను ముగించగలడు. ఈ క్రమంలో యాదవ్‌కు ప్రత్యామ్నాయంగా అలెన్‌ను ముంబై తీసుకునే అవకాశం ఉంది.

ఐపీఎల్‌ 2022లో మార్చి 27న ముంబై ఇండియన్స్‌, ఢిల్లీ క్యాపిటల్స్‌ మధ్య మ్యాచ్‌ జరగనుంది. ఇప్పటికే ఐదుసార్లు చాంపియన్‌గా నిలిచిన ముంబై గత సీజన్‌లో అంతగా ఆకట్టుకోలేకపోయింది. ఈసారి మాత్రం మెగావేలంలో ఇషాన్‌ కిషన్‌ను రిటైన్‌ చేసుకోవడంతో పాటు టిమ్‌ డేవిడ్‌, డెవాల్డ్‌ బ్రెవిస్‌ లాంటి యంగ్‌ ఆటగాళ్లను కొనుగోలు చేసింది. ముఖ్యంగా జూనియర్‌ ఏబీగా పిలుస్తోన్న డెవాల్డ్‌ బ్రెవిస్‌పై మంచి అంచనాలు ఉన్నాయి. తాజాగా బ్రెవిస్‌ ఆ అంచనాలు అందుకునేలా కనిపిస్తున్నాడు. ఢిల్లీ క్యాపిటల్స్‌తో మ్యాచ్‌కు ముందు ముంబై ఇండియన్స్‌ ప్రాక్టీస్‌లో జోరు పెంచింది. ఈ నేపథ్యంలో డెవాల్డ్‌ బ్రెవిస్‌ బ్యాటింగ్‌లో విధ్వంసం సృష్టించాడు. అసలు బంతి ఎటువైపు వస్తుందో కూడా చూడని బ్రెవిస​ భారీ షాట్లు ఆడాడు. అతని షాట్లు కూడా కళ్లు తిప్పికోకుండా ఉన్నాయంటే అతిశయోక్తి కాదు. దీనికి సంబంధించిన వీడియోను ముంబై ఇండియన్స్‌ ట్విటర్‌లో షేర్‌ చేసింది. డెవాల్డ్‌ బ్రెవిస్‌ షాట్లు చూడముచ్చటగా ఉన్నాయి.. చూడకుండా ఉండలేకపోతున్నాం అంటూ క్యాప్షన్‌ జత చేసింది. కాగా వేలంలో బ్రెవిస్‌ రూ. 3 కోట్లకు ముంబై ఇండియన్స్‌ దక్కించుకుంది. Can't stop looking at DB's 👀 𝑵𝒐 𝑳𝒐𝒐𝒌 👀 shots! 🔥#OneFamily #DilKholKe #MumbaiIndians #DewaldBrevis MI TV pic.twitter.com/QQzPUxDdB2 — Mumbai Indians (@mipaltan) March 26, 2022

డెవాల్డ్‌ బ్రెవిస్‌.. దక్షిణాఫ్రికాకు చెందిన 18 ఏళ్ల కుర్రాడు ఇప్పుడు ఒక సంచలనం. ఇటీవలే ముగిసిన అండర్‌-19 ప్రపంచకప్‌లో బ్రెవిస్‌ 506 పరుగులతో టాప్‌ స్కోరర్‌గా నిలిచి ప్లేయర్‌ ఆఫ్‌ ది టోర్నమెంట్‌గా నిలిచాడు. జూనియర్‌ ఏబీగా మన్ననలు పొందిన దక్షిణాఫ్రికా క్రికెటర్‌ ఏబీ డివిలియర్స్‌ ఐపీఎల్‌ 2022లో ముంబై ఇండియన్స్‌ తరపున ప్రాతినిధ్యం వహించనున్నాడు. ముంబై ఇండియన్స్‌ బ్రెవిస్‌ను రూ. 3 కోట్లకు కొనుగోలు చేసింది. ఐపీఎల్‌లో ఐదుసార్లు చాంపియన్‌గా నిలిచిన ముంబై ఇండియన్స్‌ తరపున బ్రెవిస్‌ మ్యాచ్‌లో అవకాశం దక్కించుకుంటాడేమో చూడాలి. ఈ విషయం పక్కనబెడితే.. ఇటీవలే ముంబై ఇండియన్స్‌ డెవాల్డ్‌ బ్రెవిస్‌ను ఇంటర్య్వూ చేసింది. ఆ ఇంటర్య్వూలో తన అభిమాన క్రికెటర్‌ సచిన్‌ టెండూల్కర్‌ అని పేర్కొన్నాడు. తాజాగా దీనికి సంబంధించిన వీడియోనూ ఇన్‌స్టాగ్రామ్‌లో రిలీజ్‌ చేసింది. ఆ వీడియోలో జూనియర్‌ ఏబీ తన క్రికెట్‌ రూంను చూపించాడు. ఈ సందర్భంగా పలు ఆసక్తికర విషయాలు బయటపడ్డాయి. తొలుత తన ఆరాధ్య క్రికెటర్‌ సచిన్‌ టెండూల్కర్‌ ఫోటోను చూపించాడు. మాస్టర్‌ బ్లాస్టర్‌ ఫేమస్‌ షాట్‌ అప్పర్‌కట్‌తో ఇచ్చిన ఫోజును పెద్ద ఫోటోగా బ్రెవిస్‌ తన రూంలో పెట్టుకున్నాడు. ఆ తర్వాత మరో మాజీ టీమిండియా క్రికెటర్‌ హర్భజన్‌ సింగ్‌ ఫోటోను చూపించాడు. యాదృశ్చికంగా సచిన్‌, హర్భజన్‌లు ఐపీఎల్‌లో ముంబై ఇండియన్స్‌కు ప్రాతినిధ్యం వహించారు. ఇప్పుడు బ్రెవిస్‌ కూడా ముంబై తరపున ఆడనున్నాడు. మార్చి 26 నుంచి మే 29 వరకు ఐపీఎల్‌ 15వ సీజన్‌ జరగనుంది. తొలుత 25శాతం ప్రేక్షకులను మాత్రమే స్టేడియంలోకి అనుమతించనున్నట్లు బీసీసీఐ ఒక ప్రకటనలో పేర్కొంది. చదవండి: Kohli 100th Test: కోహ్లి వందో టెస్టు..  వాట్సాప్‌ గ్రూప్‌లో రచ్చ మాములుగా లేదు Mohammed Siraj: సిరాజ్‌కు ప్రమోషన్‌.. ఇకపై ఎంత జీతం అంటే! View this post on Instagram A post shared by Mumbai Indians (@mumbaiindians)

IPL 2022 Mega Auction- Dewald Brewis: దక్షిణాఫ్రికా యువ కెరటం డెవాల్డ్‌ బ్రెవిస్‌ ఇండియన్‌ ప్రీమియర్‌ లీగ్‌లో ఎంట్రీ ఇచ్చాడు. బెంగళూరు వేదికగా జరిగిన తొలి రోజు మెగా వేలం-2022లో భాగంగా ముంబై ఇండియన్స్‌ అతడిని కొనుగోలు చేసింది. మూడు కోట్ల రూపాయలు ఖర్చు చేసి ‘బేబీ ఏబీడీ’ని సొంతం చేసుకుంది.  కాగా ఇటీవల ముగిసిన అండర్‌ 19 ప్రపంచకప్‌ టోర్నీలో బ్రెవిస్‌ అద్భుత ప్రదర్శనతో ఆకట్టుకున్న సంగతి తెలిసిందే. ఐసీసీ మెగా ఈవెంట్‌లో మొత్తంగా 58.88 సగటుతో 530 పరుగులు సాధించాడు.  ఇందులో రెండు సెంచరీలు, మూడు అర్ధ సెంచరీలు ఉండటం విశేషం. అదే విధంగా... అండర్‌ 19 వరల్డ్‌కప్‌ టోర్నీలో సింగిల్‌ ఎడిషన్‌లో అత్యధిక పరుగులు సాధించిన ఆటగాడిగా నిలిచాడు. తద్వారా టీమిండియా ఆటగాడు శిఖర్‌ ధావన్‌ పేరిట ఉన్న రికార్డు అధిగమించాడు. ఇక  ప్రపంచకప్‌లో 9 ఇన్నింగ్స్‌లో 45 బౌండరీలు, 18 సిక్సర్లు బాదిన యువ సంచలనం బ్రెవిస్‌ను అభిమానులు ముద్దుగా ఏబీ డివిలియర్స్‌ 2.0, బేబీ ఏబీడీ అని పిలుచుకుంటున్నారు.  కాగా జట్టుకు అవసరమైన సమయంలో బౌలింగ్‌ చేయడానికి కూడా బ్రెవిస్‌ సిద్ధంగా ఉంటాడు. మిడిల్‌ ఓవర్లలో ఈ రిస్ట్‌ స్పిన్నర్‌ సేవలను ఉపయోగించుకోవచ్చు. కాగా ఐపీఎల్‌ ఆడాలని ఉందని, ఒకవేళ అవకాశం వస్తే రాయల్‌ చాలెంజర్స్‌ బెంగళూరుకు ఆడతానని బ్రెవిస్‌ ఇటీవల తన మనసులోని మాట బయటపెట్టాడు. విరాట్‌ కోహ్లి, ఏబీ డివిలియర్స్‌ తనకు ఇష్టమైన ప్లేయర్లు అని పేర్కొన్నాడు. మరోవైపు.. రిటెన్షన్‌లో భాగంగా ఆల్‌రౌండర్‌ కృనాల్‌ పాండ్యాను ముంబై వదిలేసుకున్న సంగతి తెలిసిందే. ఈ క్రమంలో బేబీ ఏబీడీ.. అతడి స్థానాన్ని భర్తీ చేయగలడని విశ్లేషకులు అంటున్నారు. ఇక కృనాల్‌ను లక్నో ఫ్రాంఛైజీ 8.25 కోట్లకు కొనుగోలు చేసింది. తొలిరోజు వేలంలో ముంబై ఇషాన్‌ కిషన్‌   : రూ. 15 కోట్ల 25 లక్షలు, డెవాల్డ్‌ బ్రెవిస్: రూ. 3 కోట్లు, మురుగన్‌ అశ్విన్‌: రూ. 1 కోటి 60 లక్షలు, బాసిల్‌ థంపి: రూ. 30 లక్షలకు కొనుగోలు చేసింది. చదవండి: IPL 2022 Auction Day 1: ఆ ఇద్దరి కోసం భారీగా ఖర్చు చేసిన ఆర్సీబీ...! తొలిరోజు కొన్న ప్లేయర్లు వీరే

అండర్ 19 ప్రపంచకప్‌లో ప్రకంపనలు సృష్టించి, బేబీ ఏబీ డివిలియర్స్‌గా ప్రసిద్ధి చెందిన దక్షిణాఫ్రికా కుర్రాడు డెవాల్డ్ బ్రెవిస్.. ఓ అరుదైన ఘనత సాధించాడు. సీనియర్‌ స్థాయిలో ఒక్క అంతర్జాతీయ మ్యాచ్‌ కూడా ఆడకుండానే ప్రతిష్టాత్మక ఐసీసీ ప్లేయర్‌ ఆఫ్‌ ది మంత్‌(జనవరి 2022) అవార్డుకు నామినేట్‌ అయ్యాడు. తద్వారా ఈ ఘనత సాధించిన తొలి నాన్‌ సీనియర్‌ క్రికెటర్‌గా చరిత్ర సృష్టించాడు. బ్రెవిస్‌తో పాటు ఐసీసీ ప్లేయర్ ఆఫ్ ది మంత్‌(జనవరి) రేసులో దక్షిణాఫ్రికా బ్యాటర్ కీగన్ పీటర్సన్‌, బంగ్లా బౌలర్ ఎబాదత్ హొసేన్ ఉన్నారు.  కాగా, ఇటీవల జరిగిన అండర్ 19 ప్రపంచకప్‌లో బ్రెవిస్ ఆకాశమే హద్దుగా చెలరేగి 84.33 సగటున 506 పరుగులు చేశాడు. ఈ క్రమంలో అండర్‌ 19 స్థాయి క్రికెట్‌లో పలు రికార్డులను నెలకొల్పాడు. సింగిల్ ఎడిషన్‌లో అత్యధిక పరుగులు చేసిన ఆటగాడిగా టీమిండియా ఓపెనర్‌ శిఖర్‌ ధవన్(505 పరుగులు) పేరిట ఉన్న రికార్డును ఒక్క పరుగుల తేడాతో బద్ధలు కొట్టాడు. ఫలితంగా ప్లేయర్ ఆఫ్ ది టోర్నీ అవార్డును సైతం ఎగరేసుకుపోయాడు. ఇదిలా ఉంటే, జూనియర్‌ స్థాయిలో పరుగుల వరద పారిస్తున్న బేబీ ఏబీడీపై ఐపీఎల్‌ ఫ్రాంఛైజీలన్నీ కన్నేశాయి. త్వరలో జరగనున్న మెగా వేలంలో అతనికి భారీ ధర దక్కడం ఖాయమని విశ్లేషకులు అంచనా వేస్తున్నారు.   చదవండి: IND VS WI: రెండో వన్డేకు ప్రత్యేక అతిథులు.. సీనియర్లను ఉత్సాహపరిచిన జగజ్జేతలు

దక్షిణాఫ్రికా యువ సంచలనం డేవాల్డ్‌ బ్రెవిస్‌ సరికొత్త రికార్డు సృష్టించాడు. అండర్‌ 19 ప్రపంచకప్‌ టోర్నీలో సింగిల్‌ ఎడిషన్‌లో అత్యధిక పరుగులు సాధించిన ఆటగాడిగా నిలిచాడు. వెస్డిండీస్‌ వేదికగా జరుగుతున్న ఐసీసీ అండర్‌ 19 వరల్డ్‌కప్‌ టోర్నీలో బ్రెవిస్‌ అద్భుత ప్రదర్శనతో ఆకట్టుకుంటున్న సంగతి తెలిసిందే. ఇందులో భాగంగా బంగ్లాదేశ్‌తో ఫిబ్రవరి 3న జరిగిన ప్లే ఆఫ్‌(ఏడో స్థానం) మ్యాచ్‌లో 130 బంతుల్లో 138 పరుగులు స్కోరు చేసి సత్తా చాటాడు. ఈ క్రమంలో మెగా టోర్నీలో ఇప్పటి వరకు మొత్తంగా 506 పరుగులు సాధించాడు. తద్వారా టీమిండియా ఓపెనర్‌ శిఖర్‌ ధావన్‌ పేరిట ఉన్న రికార్డును బద్దలు కొట్టాడు. 2004లో భారత అండర్‌ 19 జట్టులో భాగమైన ధావన్‌ ఆ ఈవెంట్‌లో మొత్తంగా 505 పరుగులు చేయగా.. బ్రెవిస్‌ ఇప్పుడు ఆ రికార్డును అధిగమించాడు. ఇక అండర్‌ 19 వరల్డ్‌కప్‌ సింగిల్‌ ఎడిషన్‌లో అత్యధిక పరుగులు చేసిన ఆటగాళ్ల జాబితాలో బ్రెవిస్‌ ఒక్క పరుగు తేడాతో అగ్రస్థానానికి చేరుకోగా.. ధావన్‌ రెండో స్థానంలో ఉన్నాడు.  ఆ తర్వాత స్థానాలను బ్రెట్‌ విలియమ్స్‌(ఆస్ట్రేలియా- 471 పరుగులు), కామెరూన్‌ వైట్‌(ఆస్ట్రేలియా- 423 పరుగులు), డెనోవాన్‌ పాగన్‌(వెస్టిండీస్‌- 421 పరుగులు) ఆక్రమించారు. కాగా ఈ టోర్నీలో బ్రెవిస్‌ సంచలన ఇన్నింగ్స్‌ నమోదు చేశాడు. 84.33 సగటుతో 506 పరుగులు సాధించాడు. ఇందులో రెండు సెంచరీలు, మూడు అర్ధ శతకాలు ఉన్నాయి. ఇక బ్రెవిస్‌ ఆటతీరుకు ఫిదా అవుతున్న అభిమానులు అతడిని దక్షిణాఫ్రికా దిగ్గజం ఏబీ డివిలియర్స్‌తో పోలుస్తున్నారు. బేబీ ఏబీడీ, ఏబీడీ 2.0 అంటూ ముద్దు పేర్లతో పిలుచుకుంటున్నారు. కాగా ఈ ప్రొటిస్‌ యువ సంచలనం ఐపీఎల్‌-2022 మెగా వేలంలో పాల్గొనే ఆటగాళ్ల జాబితాలో చోటు దక్కించుకున్న సంగతి తెలిసిందే. అండర్‌ 19 ప్రపంచకప్‌ టోర్నీలో దక్షిణాఫ్రికా- బంగ్లాదేశ్‌ మ్యాచ్‌ విషయానికొస్తే.. ప్రొటిస్‌ రెండు వికెట్ల తేడాతో గెలుపొందింది. బ్రెవిస్‌ ప్లేయర్‌ ఆఫ్‌ ది మ్యాచ్‌గా నిలిచాడు.  స్కోర్లు: బంగ్లాదేశ్‌ అండర్‌- 19: 293/8 (50) దక్షిణాఫ్రికా అండర్‌- 19: 298/8 (48.5) చదవండి: Yash Dhull: యశ్‌ ధుల్‌ ఎలా కొట్టావయ్యా ఆ సిక్స్‌.. క్రికెట్‌ పుస్తకాల్లో పేరుందా! South Africa’s Dewald Brevis now holds the record for the most runs in a single edition of the #U19CWC 🙌 pic.twitter.com/O5UCelEIdn — ICC (@ICC) February 3, 2022

ఐపీఎల్‌.. కాసులు కురిపించే లీగ్‌... ఒక్కసారి ఇందులో ప్రతిభ నిరూపించుకుంటే చాలు కావాల్సినంత డబ్బు... పాపులారిటీకి పాపులారిటి వస్తాయి. మరి ఇలాంటి క్యాష్‌ రిచ్‌ లీగ్‌లో పాల్గొనాలని ఆటగాళ్లు కోరుకోవడం సహజమే కదా! దక్షిణాఫ్రికా యువ సంచలనం డేవాల్డ్‌ బ్రెవిస్‌ కూడా ఇదే మాట అంటున్నాడు. ఐపీఎల్‌లో తనకు ఆడాలని ఉందని, అవకాశం వస్తే రాయల్‌ చాలెంజర్స్‌ బెంగళూరుకు ఆడతానని చెప్పుకొచ్చాడు. వెస్డిండీస్‌ వేదికగా జరుగుతున్న ఐసీసీ అండర్‌ 19 వరల్డ్‌కప్‌ టోర్నీలో బ్రెవిస్‌ అదరగొట్టిన సంగతి తెలిసిందే. ఆడిన 4 మ్యాచ్‌లలో 362 పరుగులు సాధించాడు. లీగ్‌ స్టేజ్‌లో అత్యధిక పరుగులు చేసిన ఆటగాడిగా తన పేరును లిఖించుకున్నాడు. ఈ క్రమంలో బ్రెవిస్‌ ఆట తీరు దక్షిణాఫ్రికా మాజీ కెప్టెన్‌ ఏబీ డివిల్లియర్స్‌ను గుర్తు చేస్తోందంటూ.. అతడికి ఏబీడీ 2.0గా పేరు పెట్టారు ఫ్యాన్స్‌. అంతేగాక అతడు ఆర్సీబీ జెర్సీలో ఉన్న ఫొటో కంటపడటంతో ఐపీఎల్‌లో ఎంట్రీ ఇస్తున్నావా అంటూ కామెంట్లు చేస్తున్నారు.  ఈ నేపథ్యంలో బ్రెవిస్‌ ఐసీసీ అధికారిక వెబ్‌సైట్‌తో మాట్లాడుతూ... అన్ని ఫార్మాట్లలోనూ జాతీయ జట్టుకు ప్రాతినిథ్యం వహించడమే తన ప్రధాన లక్ష్యమని పేర్కొన్నాడు. అదే విధంగా ఏబీ డివిల్లియర్స్‌, విరాట్‌ కోహ్లి తన ఫేవరెట్‌ క్రికెటర్లు అన్న బ్రెవిస్‌... ఐపీఎల్‌లో ఆడే అవకాశం వస్తే... ఆర్సీబీకి ఆడతానని పేర్కొన్నాడు. ఈ మేరకు... ‘‘ప్రొటిస్‌కు ఆడటం తన అతిపెద్ద కల. ఐపీఎల్‌కు నేను పెద్ద అభిమానిని. ఏబీడీ, కోహ్లి వంటి దిగ్గజాలు ఆడిన ఆర్సీబీకి ఆడటాన్ని నేను ఇష్టపడతా. ఆల్‌రౌండర్‌గా ఎదిగి జాతీయ జట్టులో చోటు దక్కించుకోవడంతో పాటు... ప్రపంచవ్యాప్తంగా అన్ని లీగ్‌లలోనూ ఆడాలని భావిస్తున్నా’’ అని బ్రెవిస్‌ తమ మనసులోని భావాలు పంచుకున్నాడు. చదవండి: IPL 2022 Mega Auction: వేలంలో పేరు నమోదు చేసుకున్న శ్రీశాంత్.. ధర ఎంతో తెలుసా? India Captain: భవిష్యత్తు కెప్టెనా... అసలు అతడిలో ఏ స్కిల్‌ చూసి ఎంపిక చేశారు: సెలక్టర్లపై మండిపడ్డ మనోజ్‌ తివారి Meet Dewald Brevis the mini AB playing for South Africa U-19 team. His last few scores in the U-19 W C 👇 97, 96, 104, 65, 50#ENGvSA #U19WorldCuppic.twitter.com/fdfGYleIR7 — Ahmer Najeeb Raja (@ahmersatti90) January 26, 2022 View this post on Instagram A post shared by Dewald Brevis (@dewald_brevis_17)