Hanamkonda District News

విద్యారణ్యపురి: జీవిత కాలం ఆదర్శవంతమైన జీవితాన్ని గడపడమే కాకుండా.. సమాజ హితం కోసం కృషి చేసిన కాళోజీ సోదరుల స్ఫూర్తిని నేటితరం కవులు, రచయితలు అందిపుచ్చుకోవాలని కేంద్ర సాహిత్యఅకాడమీ అవార్డు గ్రహీత డాక్టర్‌ అంపశయ్యనవీన్‌ అన్నారు. కాళోజీ నారాయణరావు వర్ధంతి, కాళోజీ సోదరుల యాది సభ సందర్భంగా కాళోజీ ఫౌండేషన్‌ ఆధ్వర్యంలో శుక్రవారం హనుమకొండలోని కాళోజీ విగ్రహానికి పూలమాల వేసి నివాళులర్పించారు. అనంతరం వడ్డెపల్లిలోని పీఆర్‌రెడ్డి భవన్‌లో కాళోజీ ఫౌండేషన్‌ అధ్యక్షుడు నాగిళ్ల రామశాస్త్రి అధ్యక్షతన నిర్వహించిన కాళోజీ సోదరుల యాదిసభలో ఆయన ముఖ్యఅతిథిగా పాల్గొని మాట్లాడారు. వరంగల్‌లో సాహిత్య వాతావారణాన్ని కల్పించి కవులు, రచయితలను ప్రోత్సహించి ఒక నూతన సమాజ నిర్మాణానికి పాటుపడినవారు కాళోజీ సోదరులు అని ఆయన కొనియాడారు. ప్రముఖ కవయిత్రి నెల్లుట్ల రమాదేవి మాట్లాడుతూ.. ప్రజాకవి కాళోజీ నారాయణ రావు తన చివరిశ్వాస వరకు తెలంగాణా ప్రజల వ్యవహారిక భాష, యాసలో కవిత్వం రాశారని, తెలంగాణా సమాజాన్ని చైతన్యవంతం చేసిన గొప్పకవి కాళోజీ అని కొనియాడారు. అన్యాయాన్ని ఎదిరించినవాడే నాకు ఆరాధ్యుడంటూ వెళ్లిపోయిన కాళోజీ వ్యక్తిత్వం జీవితం భవిష్యత్‌ తరాలకు కూడా స్ఫూర్తిదాయకమని ఆమె అభిప్రాయపడ్డారు. ప్రముఖ కవి వీఆర్‌ విద్యార్థి కాళోజీ ఫౌండేషన్‌ నివేదికను సమర్పించారు. ప్రముఖసాహితీవేత్త గండా రామిరెడ్డి కాళోజీ రామేశ్వర్‌రావు షాద్‌ గురించి ప్రసంగించారు. పురస్కారాల ప్రదానం ప్రముఖకవులు పొట్లపెల్లి శ్రీనివాస్‌రావు, పందిళ్ల అశోక్‌కుమార్‌ నిర్వహణలో కాళోజీ రామేశ్వర్‌రావు షాద్‌ పురస్కారాన్ని ప్రముఖ కవయిత్రి ఎలిజబెత్‌ కురియన్‌మోనాకు, ప్రజాకవి కాళోజీ పురస్కారాన్ని ప్రముఖకవి ఉదారి నారాయణకు అందజేశారు. కార్యక్రమంలో ప్రముఖ కవి డాక్టర్‌ ఎన్‌వీఎన్‌చారి, మానవహక్కుల నేత జీవన్‌ కుమార్‌, సాహితీవేత్తలు పిచంద్‌, బిల్లా మహేందర్‌, డాక్టర్‌ బన్న అయిలయ్యి, డాక్టర్‌ కృష్ణారావు, డాక్టర్‌ కర్రెసదాశివ్‌, డాక్టర్‌ ఆగపాటి రాజకుమార్‌, డాక్టర్‌ బానోత్‌ స్వామి, కుందావజ్జుల కృష్ణమూర్తి పాల్గొన్నారు. కేంద్రసాహిత్య అకాడమీ అవార్డు గ్రహీత అంపశయ్య నవీన్‌

హన్మకొండ: ప్రయాణికులను ఆకట్టుకునేందుకు టీజీఎస్‌ ఆర్టీసీ సరికొత్త నిర్ణయాలు తీసుకుంటోంది. రోజువారీ ప్రయాణాన్ని సులభతరం చేసేందుకు మంత్లీ సీజన్‌ టికెట్‌ను ప్రవేశపెట్టింది. రూట్‌ దూరాన్ని బట్టి మంత్లీ టికెట్‌ ధర ఉంటుంది. ఈ టికెట్‌ తీసుకున్న వారు అదే రూట్‌లో కాకుండా ఇతర రూట్లలో 10శాతం రాయితీతో డీలక్స్‌, సూపర్‌ లగ్జరీ, ఆ పైబడిన సర్వీస్‌ల్లో ప్రయాణించే అవకాశం కల్పించింది. ఆదివారం కూడా హైదరాబాద్‌, వరంగల్‌, నిజామాబాద్‌, నల్లగొండ, కరీంనగర్‌ నగరాల్లోని అన్ని సిటీ బస్సుల్లో (పుష్పక్‌ ఎయిర్‌ పోర్ట్‌ బస్సులు మినహా) ప్రయాణించవచ్చు. ఇప్పటివరకు ఉన్న దూర పరిమితిని సంస్థ పూర్తిగా తొలగించింది. ధరల భారం మరింత తగ్గించే క్రమంలో టోల్‌చార్జీలు 25 రోజుల నుంచి 20 రోజులకు కుదించారు. డీలక్స్‌ బస్సు ప్రయాణికులకు నెలవారీ సీజన్‌ టికెట్‌ తీసుకునే సౌకర్యం కల్పించారు. అదే విధంగా పల్లె వెలుగు నెలవారీ సీజన్‌ టికెట్‌ తీసుకున్న ప్రయాణికులు రూ.20 చెల్లించి ఎక్స్‌ప్రెస్‌ బస్సుల్లో, ఎక్స్‌ప్రెస్‌ నెలవారీ సీజన్‌ టికెట్‌ తీసుకున్న వారు రూ.20 అదనంగా చెల్లించి డీలక్స్‌ బస్సులో ప్రయాణించవచ్చు. అదే విధంగా రెండు నెలల కాల పరిమితికి టికెట్‌ తీసుకున్న వారు అదనంగా 5 రోజులు, మూడు నెలల పరిమితి టికెట్‌ తీసుకున్న వారు అదనంగా పది రోజులు ప్రయాణించవచ్చు. మహిళలకు ఎక్స్‌ప్రెస్‌ వరకు ఉచిత ప్రయాణం ఉండగా, డీలక్స్‌ సర్వీసులో 15 రోజుల చార్జీలు చెల్లించి నెల పరిమితి కలిగిన సీజన్‌ టికెట్‌ తీసుకునే ప్రయోజనం ఆర్టీసీ కల్పించింది. సద్వినియోగం చేసుకోవాలి.. ఆర్టీసీ ప్రవేశపెట్టిన నెలవారీ సీజన్‌ టికెట్‌ ప్రయోజనాలను ప్రయాణికులు సద్వినియోగం చేసుకోవాలి. 9 రకాల ప్రయోజనాలు కల్పించింది. టోల్‌ చార్జీలపై రాయితీ అందిస్తోంది. టికెట్‌ తీసుకున్న రూట్లలో కాకుండా ఇతర రూట్లలో ప్రయాణించే వెసులుబాటు ఉంది. – భూక్యా ధరంసింగ్‌, ఆర్టీసీ హనుమకొండ డిపో మేనేజర్‌మంత్లీ సీజన్‌ టికెట్‌తో బహుళ ప్రయోజనాలు

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: ప్రభుత్వానికి బకాయి ఉన్న కస్టమ్‌ మిల్లింగ్‌ రైస్‌ (సీఎంఆర్‌)ను ఈనెల 30వ తేదీలోగా అందజేయాలని హనుమకొండ కలెక్టర్‌ చాహత్‌ బాజ్‌పాయ్‌.. డీఫాల్ట్‌ రైస్‌ మిల్లర్లను ఆదేశించారు. కలెక్టరేట్‌లో శుక్రవారం అదనపు కలెక్టర్‌ ఎన్‌.రవి, జిల్లా పౌర సరఫరాల అధికారి మహేందర్‌, ఇతర అధికారులతో పాటు సీఎంఆర్‌ బకాయిలు పూర్తిగా పెండింగ్‌లో ఉన్న రైస్‌మిల్లర్లు, జరిమానా బకాయిలున్న మిల్లర్లతో కలెక్టర్‌ సమావేశం నిర్వహించారు. ఈసందర్భంగా కలెక్టర్‌ మాట్లాడుతూ.. గడువులోగా సీఎంఆర్‌ అందించకపోతే రెవెన్యూ రికవరీ చట్టం ప్రకారం చర్యలు తీసుకుంటామని హెచ్చరించారు. సమావేశంలో పౌర సరఫరాల శాఖ సిబ్బంది నాగేంద్రప్రసాద్‌, భద్రునాయక్‌, ఇతర అధికారులు, రైస్‌మిల్లర్లు పాల్గొన్నారు.

కమలాపూర్‌: విద్యార్థులు చదువుతోపాటు క్రీడల్లోనూ రాణిస్తూ జాతీయస్థాయి క్రీడాకారులుగా ఎదగాలని మహాత్మా జ్యోతిబా పూలే గురుకుల విద్యాసంస్థల వరంగల్‌ ఉమ్మడి జిల్లా ఆర్సీఓ డాక్టర్‌ శ్రవణ్‌కుమార్‌ పిలుపునిచ్చారు. కమలాపూర్‌ ఎంజేపీ బాలికల గురుకుల పాఠశాలలో ఈ నెల 11 నుంచి ప్రారంభమైన వరంగల్‌ ఉమ్మడి జిల్లా స్థాయి అండర్‌–17 బాలికల క్రీడా పోటీలు శుక్రవారం ముగిశాయి. చివరిరోజు నిర్వహించిన బహుమతుల ప్రదానోత్సవంలో ఆయన పాల్గొన్నారు. ఈ సందర్భంగా ఆయన మాట్లాడుతూ విద్యార్థులు భవిష్యత్‌లోనూ ఇదే స్ఫూర్తితోఅన్ని రంగాల్లో రాణించి జీవితంలో ఉన్నత స్థాయికి ఎదగాలని సూచించారు. అండర్‌–17 బాలికల క్రీడా పోటీల్లో అత్యుత్తమ ప్రతిభ కనబర్చిన నెక్కొండ పాఠశాల ఓవరాల్‌ ఛాంపియన్‌గా నిలిచింది. వ్యక్తిగత విభాగంలోనూ నెక్కొండ పాఠశాలకు చెందిన అమ్ములు ఛాంపియన్‌గా నిలిచి ప్రత్యేక ప్రశంసలు అందుకుంది. అనంతరం నిర్వహించిన సాంస్కృతిక కార్యక్రమాలు ఆకట్టుకున్నాయి. కార్యక్రమానికి సభాధ్యక్షులుగా వై.మనోహర్‌రెడ్డి వ్యవహరించగా.. సర్పంచులు బండి వనజ, పబ్బు సతీశ్‌, ఎంపీడీఓ గుండె బాబు, బాలుర గురుకుల పాఠశాల ప్రిన్సిపాల్‌ డాక్టర్‌ రవీందర్‌, సీనియర్‌ న్యాయవాది బండి కళాధర్‌, వివిధ ఎంజేపీ పాఠశాలల ప్రిన్సిపాళ్లు, వ్యాయామ ఉపాధ్యాయులు, విద్యార్థులు పాల్గొన్నారు. ఆర్సీఓ శ్రవణ్‌కుమార్‌ కమలాపూర్‌లో ముగిసిన అండర్‌–17 బాలికల క్రీడలు ఓవరాల్‌ చాంపియన్‌గా నిలిచిన నెక్కొండ

హన్మకొండ అర్బన్‌: వీబీజీ రామ్‌జీ పథకం కింద పశుసంవర్థక శాఖకు కేటాయించిన నిధులతో జిల్లాలో చేపట్టాల్సిన అభివృద్ధి పనులకు ప్రతిపాదనలు సిద్ధం చేయాలని కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. శుక్రవారం కలెక్టరేట్‌లో నిర్వహించిన టెలికాన్ఫరెన్స్‌లో ఎంపీడీఓలు, ఏపీఓలు, పశువైద్యాధికారులకు సూచనలిచ్చారు. ఈసందర్భంగా కలెక్టర్‌ మాట్లాడుతూ.. పశువుల నీటి తొట్టెలు, పశువుల కొట్టాలు, కోళ్ల ఫారాల నిర్మాణంతో పాటు వ్యక్తిగత, సామూహిక పశుగ్రాసం పెంపకానికి ప్రతిపాదనలు రూపొందించాలన్నారు. ఇందులో డీఆర్డీఓ మేన శ్రీను, ఇతర శాఖల అధికారులు పాల్గొన్నారు.

కేయూ క్యాంపస్‌: యూనివర్సిటీల్లోని కాంట్రాక్టు అసిస్టెంట్‌ ప్రొఫెసర్లను రెగ్యులరైజ్‌ చేశాకే అసిస్టెంట్‌ ప్రొఫెసర్ల నియమకాలు చేపట్టాలని డిమాండ్‌ చేస్తూ కాకతీయ యూనివర్సిటీలోని వివిధ విభాగాల కాంట్రాక్టు అసిస్టెంట్‌ ప్రొఫెసర్లు శుక్రవారం చాక్‌డౌన్‌ చేసి తమ విభాగాలు, వర్సిటీ కాలేజీల్లో తరగతులు బోధించకుండా నిరసన వ్యక్తం చేశారు. క్యాంపస్‌లోని పరిపాలనాభవనం వద్ద నిరసన తెలిపారు. గత సంవత్సరం సీఎం రేవంత్‌రెడ్డి ఇచ్చిన హామీని అమలుచేయాలని డిమాండ్‌ చేశారు. అనంతరం పరిపాలనాభవనంలో కేయూ రిజిస్ట్రార్‌ ఆచార్య రామచంద్రంతో సమావేశమై పలు అంశాలపై మాట్లాడారు. తమను రెగ్యులరైజ్‌ చేస్తారని నమ్మకంతో ఎన్నో ఏళ్లనుంచి కాంట్రాక్టు అసిస్టెంట్‌ ప్రొఫెసర్లుగా పనిచేస్తున్నట్లు చెప్పారు. యూనివర్సిటీల్లో విద్యాబోధన చేస్తున్న తమ పరిస్థితి ఏమిటని ప్రశ్నించారు. నూతన నియమకాలను ప్రభుత్వం చేపట్టబోతున్నందున వెంటనే తమను రెగ్యులరైజ్‌ చేయాలని డిమాండ్‌ చేశారు. అంతేగా కుండా ఉద్యోగ భద్రతతో కూడిన యూజీసీ పేస్కేల్స్‌ను అమలుచేయాలని డిమాండ్‌ చేశారు. కేయూ పాలకమండలిలో కూడా తమ సమస్యను ఏజెండాలో పెట్టి చర్చించాలని మా సమస్యను పరిష్కరించాలన్నారు. అనంతరం పలు డిమాండ్లతో కూడిన వినతిపత్రాన్ని రిజిస్ట్రార్‌ రామచంద్రానికి అందజేశారు. నిరసనలో కేయూ కాంట్రాక్టు ప్రొఫెసర్ల జేఏసీ చైర్మన్‌ డాక్టర్‌ కరుణాకర్‌రావు, టీ ఆక్టా సెక్రటరీ డాక్టర్‌ శ్రీధర్‌కుమార్‌లోథ్‌, కేయూ జేఏసీ కన్వీనర్‌ డాక్టర్‌ సాదు రాజేష్‌, బాధ్యులు సతీష్‌, బైరి నింరజన్‌, రంగారెడ్డి, నాగేశ్వర్‌రావు, చంద్రశేఖర్‌, సూర్యనారాయణ, అరూరి సూర్యం, స్వామి, ప్రవీన్‌, నాగయ్య, వెంకటేష్‌, రాధిక, సాహితి, ప్రణీత, కవిత, భాగ్య, రమ, ప్రియాంక, బెస్సీ తదితరులు పాల్గొన్నారు. కేయూ రిజిస్ట్రార్‌కు వినతిపత్రం అందజేత

సాక్షి, వరంగల్‌: వరంగల్‌ పోలీస్‌ కమిషనరేట్‌ పరిధిలో ఎఫ్‌ఐఆర్‌ నమోదు నుంచి నిందితుల అరెస్ట్‌ వరకు రాజకీయ జోక్యం పెరుగుతుందన్న ఆరోపణలు వినిపిస్తున్నాయి. ‘వాడు మా వాడే.. కొంచెం చూసీచూడనట్లు వ్యవహరించండి’.. ‘బెయిల్‌ వచ్చేంత వరకు సహకరించండి’.. అంటూ రాజకీయ ముఖ్యులు, వారి అనుచరుల నుంచి వచ్చే ఫోన్‌ కాల్స్‌తో పోలీసులు ఆ దిశలోనే పనిచేస్తున్నారనే ఆరోపణలు వినిపిస్తున్నాయి. న్యాయం జరుగుతుందని ఠాణా గడప తొక్కితే.. అక్కడ కూడా రాజకీయ జోక్యంతో బాధితులకు అన్యాయం జరుగుతుందన్న విమర్శలు ఎక్కువవుతున్నాయి. ఇలాంటి వాటిపై వరంగల్‌ పోలీస్‌ కమిషనర్‌ శ్వేత దృష్టి సారించి బాధితులకు న్యాయం చేసేలా అధికారుల్లో మార్పులు తేవాలంటున్నారు. గతంలోనూ వరంగల్‌ నగరంలో కొన్ని కేసుల విషయంలో పోలీసులు రాజకీయంగా ప్రభావితమయ్యారంటూ మరో ముఖ్య రాజకీయ నాయకుడు ఆరోపించడమే కాకుండా.. డీజీపీకి కూడా ఫిర్యాదు చేసిన సంగతి తెలిసిందే. మచ్చుకు కొన్ని.. ● వరంగల్‌ సబ్‌ డివిజన్‌ పరిధిలోని ఓ పోలీస్‌ స్టేషన్‌ వివాదాలకు నిలయంగా మారింది. దసరా పండుగ రోజు ఉదయం వైన్‌షాప్‌ సమీపంలో సుమారు 60 ఏళ్ల వయస్సు ఉన్న వ్యక్తిపై ఒక పాత నేరస్తుడు బీర్‌ బాటిల్‌తో దాడి చేయడంతో కంటి వద్ద తీవ్ర గాయాలయ్యాయి. బాధితుడు ఎంజీఎం ఆస్పత్రిలో చికిత్స పొందిన అనంతరం ఫిర్యాదు చేసినా నిందితుడిపై చర్యలు తీసుకోలేదని బాధితుడు ఆరోపిస్తున్నారు. ● ఓ రౌడీ షీటర్‌.. వైన్‌ షాప్‌ యజమానిని బెదిరించి మద్యం డిమాండ్‌ చేయడం, మెడికల్‌ షాప్‌ యజమానిని బెదిరించి వస్తువులు తీసుకెళ్లిన ఘటనలపై కేసులు నమోదైనా చర్యలు తీసుకోవడంలో జాప్యం జరుగుతోందనే విమర్శలున్నాయి. ● గతంలో కేసులు నమోదైన ఒక ప్రధాన నేరగాడు గణేశ్‌ నిమజ్జనం సందర్భంగా డీజే నిర్వహిస్తున్న సమయంలో, డీజే నిలిపివేయాలని పోలీసులు సూచించగా వారిపై దుర్భాషలాడారు. పోలీసుల ఫిర్యాదుతో కేసు నమోదైనా తదుపరి చర్యలు తీసుకోలేదనే ఆరోపణలున్నాయి. ● ఆయా కేసుల్లో రాజకీయ నేతల జోక్యంతోనే చర్యల విషయంలో పోలీసులు వెనకడుగు వేస్తున్నారనే విమర్శలు వినిపిస్తున్నాయి. ● హనుమకొండ సబ్‌ డివిజన్‌లోని ఓ పోలీస్‌ స్టేషన్‌లో అత్త, మామలను కొట్టిన కేసులో నిందితుడిపై చర్యల విషయంలో పోలీసులు నిర్లక్ష్యంగా వ్యవహరిస్తున్నారనే ఆరోపణలున్నాయి. ఎంఎల్‌సీ నివేదికలోనూ బాధితులను కొట్టారని, గాయాలయ్యాయని వచ్చిన కూడా పోలీసుల నిర్లక్ష్యంతో సీపీ శ్వేతను కలిసి తమ గోడు వెళ్లబోసుకున్నారు. మీరు సదరు పోలీస్‌ స్టేషన్‌కు వెళ్లి కలవాలంటూ చెప్పడంతో పోలీసుల నుంచి ఒక రోజు బందోబస్తు అని, మరుసటి రోజు అదే పనిలో ఉన్నామని, అసలు నిందితుడు ఎక్కడ ఉన్నాడో మీకేమైనా సమాచారం ఉందా.. అంటూ అడుగుతుండడంతో పోలీసుల పనితీరుపై అనుమానాలు పెంచుతున్నాయి. ఈ కేసు విషయంలోనూ ఓ ప్రజాప్రతినిధి ఒత్తిడి మేరకే పోలీసులు పట్టించుకోవడం లేదని విమర్శిస్తుండడం గమనార్హం. ఎఫ్‌ఐఆర్‌ నుంచి అరెస్టుల వరకు నేతల జోక్యమంటూ ఆరోపణలు నిందితులకు అండగా ఫోన్‌ కాల్స్‌.. బాధితులకు తప్పని నిరీక్షణ వరంగల్‌ పోలీస్‌ కమిషనర్‌ దృష్టి సారించాలంటున్న బాధితులు

కేయూ క్యాంపస్‌: కాకతీయ యూనివర్సిటీలో రూసా 2.0 పరిశోధనా ప్రాజెక్టులో భాగంగా అభివృద్ధి చేసిన అధునాతన డింగో మొబైల్‌ రోబోను యూనివర్సిటీలోని ఇంజనీరింగ్‌ కళాశాలలో శుక్రవారం ప్రదర్శించారు. లిడార్‌ డిప్త్‌ కెమెరా సాంకేతికతతో పనిచేసే ఈ రోబో.. ఇండోర్‌ పరిసరాల్లో స్వయంచాలకంగా ప్రయాణించడంతో పాటు నిర్దేశించిన వ్యక్తిని అనుసరించే సామర్థాన్ని ప్రదర్శించింది. రూసా కేయూ కోఆర్డినేటర్‌ ప్రొఫెసర్‌ మల్లికార్జున్‌రెడ్డి, సెంటర్‌ డైరెక్టర్‌ ప్రొఫెసర్‌ రమణ, జాయింట్‌ డైరెక్టర్‌ ప్రొఫెసర్‌ బిక్షాలు మార్గదర్శకత్వంలో ఈ ప్రాజెక్టును రూపొందించారు. ఈ ప్రాజెక్టుకు ప్రధాన పరిశోధకుడిగా డాక్టర్‌ పున్నంచందర్‌, పరిశోధన ఫెల్లోగా మునీందర్‌ వ్యవహరిస్తున్నారు. రోబో పనితీరును ఎడ్యూటెక్‌ సంస్థ సీనియర్‌ ఇంజనీర్‌ మురగన్‌, ప్రకాశ్‌ పరిశీలించారు.

కాజీపేట: పదేళ్ల కాలంలో గత పాలకులు చేయని అభివృద్ధి పనులను మూడేళ్లలో చేశామని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. 61, 63వ డివిజన్లలో రూ.2.33 కోట్ల అంచనా వ్యయంతో చేపట్టిన పలు సీసీ రోడ్డులు, సైడ్‌ డ్రెయినేజీ పనులకు శుక్రవారం శంకుస్థాపన చేశారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ సీఎం రేవంత్‌ రెడ్డి సహకారంతో అతి త్వరలో అండర్‌ డ్రెయినేజీ పనులను చేపట్టడంతో పాటు దాదాపు 40 ఏళ్ల వరకు జనాభా అవసరాలను దృష్టిలో పెట్టుకుని కొత్తగా తాగునీటి పైపులైన్లను మార్చనున్నట్లు తెలిపారు. అందుకు ప్రజలు సహకరించాలని కోరారు. కార్యక్రమంలో అజీజ్‌ఖాన్‌, బైరి రవికృష్ణ గౌడ్‌, జి.రమాకాంత్‌ రెడ్డి, మాజీ కార్పొరేటర్లు విజయశ్రీ రజాలీ, గుంటి కుమారస్వామి, సుంచు కృష్ణ, ఎండి అంకూస్‌, అరూరి సాంబయ్య, క్రాంతిభరత్‌, కొండా శివకుమార్‌ తదితరులు పాల్గొన్నారు. పశ్చిమ ఎమ్మెల్యే రాజేందర్‌ రెడ్డి

నయీంనగర్‌: హనుమకొండ పబ్లిక్‌ గార్డెన్‌ వద్ద ఉన్న సెంట్రల్‌ లైబ్రరీ వేలాది మంది నిరుద్యోగులకు ఉద్యోగ ప్రదాతగా నిలుస్తోంది. విద్యార్థులకు, పాఠకులకు వేల సంఖ్యలో పుస్తకాలు అందిస్తూ సేవలందిస్తోంది. 1958లో స్థాపితమైన ఈ లైబ్రరీ అంచంచెలుగా ఎదుగుతూ ఉమ్మడి వరంగల్‌, ఖమ్మం, కరీంనగర్‌ జిల్లా నిరుద్యోగులకు, విద్యార్థులకు, పాఠకులు అడిగిన పుస్తకాలు ఇస్తూ సేవలందిస్తోంది. అన్ని విభాగాల్లో కలిపి 70 వేల పుస్తకాలు ఈ లైబ్రరీలో అందుబాటులో ఉన్నాయి. పాఠకులకు రూ. 5 భోజనం, ఇంటర్‌నెట్‌ వైఫై, రీడింగ్‌ చైర్‌, రీడింగ్‌ ప్యాడ్లు కూడా ఈ లైబ్రరీ అందిస్తోంది. నేటి (శనివారం) నుంచి గ్రంథాలయాల వారోత్సవాల సందర్భంగా ‘సాక్షి’ ప్రత్యేక కథనం.. సెంట్రల్‌ లైబ్రరీలో మెరుగైన వసతులు ఆర్‌ఓ వాటర్‌, ఇంటర్‌నెట్‌, రూ.5కే భోజనం.. వినియోగించుకుంటూ ఉద్యోగాలు సాధిస్తున్న యువత

శనివారం శ్రీ 14 శ్రీ నవంబర్‌ శ్రీ 2026టీజీఎంసీ తనిఖీల్లో నకిలీ వైద్యుల గుర్తింపుకాశిబుగ్గ: నగరంలోని పలుచోట్ల గురువారం సాయంత్రం తెలంగాణ మెడికల్‌ కౌన్సిల్‌ (టీజీఎంసీ) బృందం చేపట్టిన తనిఖీల్లో నకిలీ డాక్టర్ల బాగోతం బయటపడింది. ఇందిరానగర్‌లోని శ్రీలక్ష్మి ఫార్మసీని బి.కరుణాకర్‌ అనే వ్యక్తి నిర్వహిస్తుండగా అదే భవనం వెనుక గదిలో శ్రీలక్ష్మి క్లినిక్‌ నిర్వహిస్తున్నారు. బోర్డుపై డాక్టర్‌ బి. మోహనకృష్ణ ఎండీ, డాక్టర్‌ ఎన్‌.అవినాష్‌ ఎంబీబీఎస్‌ పేర్లు, వారి మెడిల్‌ రిజిస్ట్రేషన్‌ నంబర్లు ప్రదర్శించారు. కానీ, లోపల రోగులకు హైదరాబాద్‌ నుంచి వచ్చిన ఆర్‌కె రావు అనే వ్యక్తి వైద్యం చేస్తున్నట్లు టీజీఎంసీ అధికా రులు గుర్తించారు. సదరు వ్యక్తి ఇంటర్‌ కూడా చదవలేదని, గతంలో ఒక కాంపౌండర్‌ వద్ద పనిచేసినట్లు తెలిసిందని పేర్కొన్నారు. ఇదే ప్రాంతంలో ప్రణతి క్లినిక్‌కు డాక్టర్‌ కె.సుస్మిత పేరుతో అనుమతి తీసుకోగా గడువు ముగిసింది. కానీ, ఫార్మసీ చదివిన ఎన్‌.సందీప్‌ తానే వైద్యుడిగా చెప్పుకుంటూ వైద్యం చేస్తున్నట్లు గుర్తించారు. దీంతోపాటు రెడ్డికాలనీ, ఇందిరానగర్‌ ప్రాంతాల్లో సిద్దార్థ క్లినిక్‌ నిర్వహణకు సంబంధించి విజయ, మరో క్లినిక్‌ నిర్వహకుడు వేణులపై గతంలో కేసులు నమోదు చేయగా, కలెక్టర్‌, డీఎంహెచ్‌ఓ అధికారులకు కౌన్సి ల్‌ తరఫున లేఖలు పంపించినప్పటికీ చర్యలు తీసుకోలేదని తెలిపారు. దీంతో వారు అదే ప్రాంతంలో క్లినిక్‌ను కొనసాగిస్తున్నట్లు గుర్తించామన్నారు. బోర్డుపై పేరున్న వైద్యులకు నోటీసులు.. క్లినిక్‌ బయట ఫ్లెక్సీల్లో పేర్లున్న సదరు వైద్యులకు నోటీసులు జారీ చేయనున్నారు. వీరిపై పోలీస్‌ స్టేషన్‌లో కేసులు నమోదు చేయనున్నట్లు టీజీఎంసీ సభ్యుడు డాక్టర్‌ వి.నరేష్‌కుమార్‌, కో ఆప్టెడ్‌ సభ్యులు వెంకటస్వామి, జిల్లా యాంటీ క్వాకరీ కమిటీ చైర్మన్‌ మహ్మద్‌ అన్వర్‌ మియా, ఐఎంఏ సెక్రటరీ డాక్టర్‌ ఎస్‌.శిరీష్‌కుమార్‌ తెలిపారు.

కాజీపేట రూరల్‌: కాజీపేట, వరంగల్‌ రైల్వేస్టేషన్లలో ప్రయాణికుల సౌకర్యార్థం మౌలిక సదుపాయాలు కల్పిస్తున్నట్లు రైల్వే అధికారులు శుక్రవారం తెలిపారు. దక్షిణ మధ్య రైల్వే జీఎం సంజయ్‌కుమార్‌ శ్రీవాస్తవ పర్యవేక్షణలో పండుగల సీజన్లను దృష్టిలో ఉంచుకుని కాజీపేట, వరంగల్‌లో 150 ప్రత్యేక రైళ్లకు హాల్టింగ్‌ కల్పించినట్లు వివరించారు. ప్లాట్‌ఫాంలు, వెయిటింగ్‌ హాళ్లు, టాయ్‌లెట్స్‌లు, టిక్కెట్‌ బుకింగ్‌ కౌంటర్లు, ఇతర ప్రదేశాల్లో ప్రయాణికుల రద్దీని దృష్టిలో ఉంచుకుని ప్రత్యేక ఏర్పాట్లు చేసినట్లు పేర్కొన్నారు. ప్రయాణకుల రాకపోకలు, సజావుగా క్రమబద్దంగా సాగేందుకు రద్దీని నియంత్రించేందుకు టిక్కెట్‌ తనిఖీ సిబ్బంది, ఆర్పీఎఫ్‌ ఫోర్స్‌ను నియమించినట్లు తెలిపారు. ఆటోమెటిక్‌ టికెట్‌ మిషన్లు, క్యూ ఆర్‌ కోడ్‌లు, రైల్వే టిక్కెట్‌ యాప్‌లను ప్రదర్శించి సిబ్బందిని అప్రమత్తం చేసినట్లు తెలిపారు. రైళ్ల వివరాలు, నంబర్లు, కోచ్‌ల స్థానాల వివరాలను ఎప్పటికప్పుడు మెగా ఫోన్ల ద్వారా ప్రకటిస్తున్నట్లు వివరించారు. ఈ నెల చివరి వరకు పండుగ సీజన్లను దృష్టిలో ఉంచుకొని ప్రయాణికులకు కావాల్సిన సదుపాయాలను బలోపేతం చేస్తున్నట్లు అధికారులు తెలిపారు. కాజీపేట, వరంగల్‌లో 150 ప్రత్యేక రైళ్లకు హాల్టింగ్‌ ఆయా స్టేషన్లలో భద్రత కట్టుదిట్టం

హన్మకొండ: ఆధునిక సాంకేతిక పరిజ్ఞానం అమలుతో టీజీ ఎన్పీడీసీఎల్‌ పరిధిలో విద్యుత్‌ అంతరాయాలు గణనీయంగా తగ్గుతున్నాయి. రియల్‌ టైం మానిటరింగ్‌ సిస్టమ్‌తో విద్యుత్‌ సరఫరాలో నాణ్యత పెరిగింది. త్వరగా సమస్యను గుర్తించడంతో పాటు వెనువెంటనే పరిష్కరిస్తూ అతి తక్కువ సమయంలో విద్యుత్‌ సరఫరాను పునరుద్ధరిస్తూ విద్యుత్‌ అంతరాయాల సమయాన్ని కనిష్ట స్థాయికి తీసుకొచ్చారు. ఈక్రమంలో హనుమకొండ, వరంగల్‌ సర్కిల్‌లో రియల్‌ టైం మానిటరింగ్‌ సిస్టమ్‌ పనులు వందశాతం పూర్తయ్యాయి. విస్తృతంగా సాంకేతికత వినియోగం.. హనుమకొండ సర్కిల్‌లోని 59 విద్యుత్‌ 33/11 కేవీ సబ్‌స్టేషన్లు, వరంగల్‌ సర్కిల్‌లోని 68 విద్యుత్‌ 33/11 కేవీ సబ్‌స్టేషన్లను స్కాడాతో అనుసంధానించారు. ఈఆధునిక సాంకేతిక పరిజ్ఞానాన్ని వినియోగించడం ద్వారా విద్యుత్‌ సరఫరా నాణ్యతను మరింత మెరుగుపర్చడం, అంతరాయాలను తగ్గించడం, సమస్యలను వేగంగా గుర్తించి పరిష్కరించడం, ఫీడర్ల పనితీరును సమర్థవంతంగా పర్యవేక్షించడం ద్వారా వినియోగదారులకు మెరుగైన సేవలు అందించడమే లక్ష్యంగా టీజీ ఎన్పీడీసీఎల్‌ యాజమాన్యం ఈ సాంకేతికతను విస్తృతంగా వినియోగించుకుంటోంది. త్వరితగతిన పరిష్కారం.. రియల్‌ టైమ్‌ ఫీడర్‌ మానిటరింగ్‌ సిస్టమ్‌ను టీజీ ఎన్పీడీసీఎల్‌ ప్రధాన కార్యాలయంలోని సూపర్‌వైజింగ్‌ అండ్‌ డాటా ఆక్విజేషన్‌ (స్కాడా కంట్రోల్‌ రూం)కు అన్ని సబ్‌స్టేషన్లను స్కాడాతో అనుసంధానించారు. విద్యుత్‌ సరఫరాలో అంతరాయాలు ఏర్పడిన వెంటనే సూపర్‌వైజింగ్‌ అండ్‌ డాటా ఆక్విజేషన్‌కు సమాచారం చేరుతుంది. ఇక్కడ నిరంతరం పర్యవేక్షించే అధికారులు, సిబ్బంది త్వరితగతిన క్షేత్రస్థాయి సిబ్బందికి చేరవేస్తారు. క్షేత్రస్థాయి సిబ్బంది వెంటనే స్పందించి వేగంగా సమస్యను పరిష్కరిస్తారు. సమస్యను రియల్‌ టైం ఫీడర్‌ మానిటరింగ్‌ సిస్టమ్‌ ద్వారా విద్యుత్‌ ఫీడర్ల పనితీరును రియల్‌ టైంలో పర్యవేక్షించడంతో పాటు విద్యుత్‌ అంతరాయాలు, ఓవర్‌ లోడ్‌, ఓల్టేజీ హెచ్చుతగ్గులు తదితర సమస్యలు తక్షణమే గుర్తించి, సంబంధిత క్షేత్రస్థాయి సిబ్బందిని అప్రమత్తం చేస్తున్నారు. వందశాతం పూర్తి.. వరంగల్‌ సర్కిల్‌లో వందశాతం రియల్‌ టైమ్‌ మానిటరింగ్‌ సిస్టమ్‌ పనులు పూర్తి చేశాం. విద్యుత్‌ సరఫరాలో అంతరాయాలు ఏర్పడితే త్వరితగతిన గుర్తించి వేగంగా సమస్యను పరిష్కరిస్తున్నాం. తక్కువ సయమంలో సమస్యను పరిష్కరించడం ద్వారా వినియోగదారులకు తక్కువ సమయంలో విద్యుత్‌ సరఫరాను పునరుద్ధరిస్తున్నాం. – ఎ.ఆనందం, బి.సామ్యానాయక్‌, ఎస్‌ఈలు, వరంగల్‌, హనుమకొండ ప్రయోజనాలెన్నో.. స్కాడా కంట్రోల్‌ రూమ్‌ నుంచి విద్యుత్‌ సరఫరా పరిస్థితిని రియల్‌టైంలో పర్యవేక్షించే అవకాశం ఉంటుంది. ఫీడర్‌లో విద్యుత్‌ అంతరాయం ఏర్పడితే వెంటనే రియల్‌ టైంలో అలర్టులు అందుబాటులోకి వస్తాయి. ఫీడర్లపై ఓవర్‌ లోడ్‌ ఏర్పడినప్పుడు తక్షణ హెచ్చరికలు వస్తాయి. విద్యుత్‌ వినియోగం, ఓల్టేజ్‌ స్థాయిలు, లోడ్‌ తదితర వివరాలను రియల్‌ టైమ్‌లో సేకరించి విశ్లేషించే అవకాశం ఉంటుంది. విద్యుత్‌ సరఫరాలో తలెత్తే సమస్యలు ముందుగానే గుర్తించి నివారణ చర్యలు చేపట్టడం సులభమవుతోంది. క్షేత్రస్థాయి సిబ్బంది స్పందన వేగాన్ని పెంచి, విద్యుత్‌ అంతరాయ సమయాన్ని తగ్గించవచ్చు. విద్యుత్‌ సరఫరా పునరుద్ధరణ చర్యలు వేగవంతం చేయవచ్చు.ఆధునిక సాంకేతికతతో నాణ్యమైన విద్యుత్‌ సరఫరా రియల్‌టైం ఫీడర్‌ మానిటరింగ్‌ సిస్టమ్‌తో అంతరాయాల తగ్గింపు హనుమకొండ, వరంగల్‌ జిల్లాలో వందశాతం పనులు పూర్తి వరంగల్‌ సర్కిల్‌లో 68, హనుమకొండ సర్కిల్‌లో 59 సబ్‌స్టేషన్లు స్కాడాతో అనుసంధానం

కాశిబుగ్గ: వరంగల్‌ కాకతీయ వైద్య కళాశాలలో నిర్వహిస్తున్న ఉత్కర్ష–2026 కార్యక్రమంలో భాగంగా శుక్రవారం ఉదయం ఇంపల్స్‌, సాయంత్రం షార్ట్‌ ఫిల్మ్‌ ఫెస్టివల్‌ ఘనంగా నిర్వహించారు. విద్యార్థుల్లోని ప్రతిభను వెలికితీసే లక్ష్యంతో ఏర్పాటు చేిసిన కార్యక్రమంలో పలువురు మెడికోలు పాల్గొన్నారు. ఈ సందర్భంగా నిర్వహించిన ఇంపల్స్‌ పోటీలను కళాశాల ప్రిన్సిపాల్‌ డాక్టర్‌ దివ్వెల మోహన్‌దాసు పచ్చజెండా ఊపి ప్రారంభించారు. మూడు విభాగాల్లో నిర్వహించిన పోటీల్లో మిస్టర్‌ ఇంపల్స్‌ విభాగంలో గోవింద్‌, మిస్‌ ఇంపల్స్‌ విభాగంలో వర్షిత, టీమ్‌ ఇంపల్స్‌ విభాగంలో వెరోజియన్స్‌ బృందం విజేతలుగా నిలించారు. ఆకట్టుకున్న విద్యార్థుల షార్ట్‌ ఫిల్మ్‌ ఫెస్టివల్‌.. సాయంత్రం కళాశాల ప్రాంగణంలో ఏర్పాటు చేసిన షార్ట్‌ ఫిల్మ్‌ ఫెస్టివల్‌ ఆకట్టుకుంది. వైద్య విద్యార్థులు స్వయంగా చిత్రీకరించిన పలు లఘు చిత్రాలను ప్రదర్శించారు. మెడికోలు, విద్యార్థులు పెద్ద సంఖ్యలో పాల్గొని ఆసక్తిగా తిలకించారు. ఈ సందర్భంగా ఉత్తమ చిత్రాన్ని ప్రదిర్శించిన బృందాన్ని ప్రిన్సిపాల్‌ డాక్టర్‌ మోహన్‌దాస్‌, కమ్యూనిటీ మెడిసిన్‌ విభాగాధిపతి డాక్టర్‌ శ్రీధర్‌, మెడిసిన్‌ ప్రొఫెసర్‌ డాక్టర్‌ మురళీ అభినందించారు. వైద్య విద్యతోపాటు ఇలాంటి సృజనాత్మక కళల్లోనూ ప్రతిభ కలిగి ఉండటం అభినందనీయమని పేర్కొన్నారు. ఉత్సాహంగా పాల్గొన్న వైద్య విద్యార్థులు

● డిప్యూటీ సీఎం భట్టి విక్రమార్క హన్మకొండ అర్బన్‌/న్యూశాయంపేట: రాష్ట్రంలోని ప్రతీ కుటుంబానికి రూ.5 లక్షల జీవిత బీమా భద్రత కల్పించడమే లక్ష్యంగా ఇందిరమ్మ కుటుంబ జీవిత బీమా పథకాన్ని ప్రభుత్వం అమలు చేస్తోందని ఉప ముఖ్యమంత్రి మల్లు భట్టి విక్రమార్క అన్నారు. శుక్రవారం హైదరాబాద్‌లోని రాష్ట్ర సచివాలయం నుంచి ప్రభుత్వ ప్రధాన కార్యదర్శి సంజయ్‌ జాజు, ఆర్థిక శాఖ కార్యదర్శి గౌరవ్‌ ఉప్పల్‌తో కలిసి అన్ని జిల్లాల కలెక్టర్లతో వీడియో కాన్ఫరెన్స్‌ నిర్వహించారు. హనుమకొండ కలెక్టర్‌ చాహత్‌ బాజ్‌పాయ్‌ ఐడీఓసీ నుంచి పాల్గొన్నారు. మాజీ ప్రధాని ఇందిరాగాంధీ జయంతి సందర్భంగా నవంబర్‌ 19న సీఎం రేవంత్‌ ఈపథకాన్ని ప్రారంభిస్తారని, అదే రోజు రాష్ట్రవ్యాప్తంగా అమల్లోకి వస్తుందని చెప్పారు. వీడియో కాన్ఫరెన్స్‌లో స్థానిక సంస్థల ఇన్‌చార్జ్‌ అదనపు కలెక్టర్‌ బి.శేషాద్రి, వరంగల్‌ నుంచి కలెక్టర్‌ డాక్టర్‌ సత్యశారద, అదనపు కలెక్టర్‌ వైవీ గణేశ్‌, జెడ్పీ సీఈఓ వసంత, డీఆర్‌డీఓ నాగపద్మజ, డీపీఓ కల్పన, అధికారులు పాల్గొన్నారు. డీఆ ర్డీఓ, సీపీఓ తదితర అధికారులు పాల్గొన్నారు. ప్రత్యామ్నాయ పంటలపై అవగాహన కల్పించాలి రబీ 2026–27 సీజన్‌లో ప్రాజెక్టుల్లో నీటి లభ్యత లేనందున వరి సాగును నివారించి, ఉద్యాన పంటలు, ఆయిల్‌పామ్‌, కూరగాయలు వంటి ప్రత్యామ్నాయ పంటల సాగును ప్రోత్సహించాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు కలెక్టర్లను ఆదేశించారు. శుక్రవారం హైదరాబాద్‌ నుంచి అన్ని జిల్లాల కలెక్టర్లతో వ్యవసాయం, విద్య, భూసేకరణ, వీధి కుక్కల నియంత్రణ, గ్రామీణాభివృద్ధి పనుల పురోగతిపై వీడియో కాన్ఫన్స్‌ నిర్వహించారు. హనుమకొండ కలెక్టరేట్‌ నుంచి చాహత్‌ బాజ్‌పాయ్‌ మాట్లాడుతూ. విద్యా సంవత్సరం ప్రారంభంలోనే మౌలిక వసతుల పెంపుపై దృష్టి సారించడం వల్ల ప్రభుత్వ విద్యాసంస్థల్లో విద్యార్థుల నమోదు పెరిగిందన్నారు. దీనిపై సీఎస్‌ కలెక్టర్‌ను అభినందించారు. వీసీలో అదనపు కలెక్టర్‌ ఎన్‌.రవి, జిల్లా విద్యాశాఖ అధికారి గిరిరాజ్‌ గౌడ్‌, ఇంటర్మీడియట్‌ విద్యాశాఖ అధికారి గోపాల్‌, ఇతర శాఖల అధికారులు పాల్గొన్నారు.

హన్మకొండ చౌరస్తా / కాజీపేట: తెలంగాణ ఉద్యమకారుల ఆత్మగౌరవం, ఆత్మస్థైర్యాన్ని పెంపొందించి, వారి సమస్యల పరిష్కారం కోసం ఐక్యంగా పోరాడుతామని తెలంగాణ ఉద్యమనేత, ప్రముఖ న్యాయవాది, తెలంగాణ ఉద్యమకారుల ఐక్య వేదిక రాష్ట్ర చైర్మన్‌ గుడిమళ్ల రవికుమార్‌ అన్నారు. ములుగు రోడ్డు జంక్షన్‌ నుంచి గుడిమళ్ల రవికుమార్‌ శుక్రవారం చేపట్టిన రెండో దశ ఉద్యమకారుల ఓదార్పు యాత్రను 1969వ సంవత్సర తెలంగాణ ఉద్యమకారుడు రామబ్రహ్మచారి ప్రారంభించారు. అక్కడి నుంచి హనుమకొండ చౌరస్తా, కాజీపేట వరకు పాదయాత్ర నిర్వహించారు. అనంతరం సుభాష్‌ చంద్రబోస్‌ విగ్రహానికి పూలమాల వేసి నివాళులర్పించారు. ఈ కార్యక్రమంలో ఉద్యమకారుల ఐక్యవేదిక హనుమకొండ జిల్లా అధ్యక్షుడు షేక్‌ ఉస్మాన్‌ అలీ, రాష్ట్ర నాయకులు వొడపెల్లి శ్యామ్‌కృష్ణ, జినుకుల లక్ష్మణ్‌, రెండ్ల సంతోష్‌, బొల్లిశెట్టి అశోక్‌, అనుముల రమేష్‌, రామగిరి ప్రభాకర్‌, దేవేందర్‌ రెడ్డి, అంజద్‌, గోపనబోయిన రాజు, బైరి రమేష్‌, స్వర్ణలత, రాంకుమార్‌, ఖదీర్‌, బొల్లపెల్లి శ్రీనివాస్‌, రాంపెల్లి శ్రీనివాస్‌ తదితరులు పాల్గొన్నారు.

హన్మకొండ కల్చరల్‌: శ్రీరుద్రేశ్వరస్వామి వేయిస్తంభాల దేవాలయంలో కార్తీకమాసోత్సవాల్లో భాగంగా శుక్రవారం నాగులచవితి పూజలు నిర్వహించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో వేదపండితులు మూలగణపతికి నవరాసాభిషేకం, ఆరాధన, రుద్రేశ్వరునికి రుద్రాభిషేకాలు, సామూహిక రుద్రాభిషేకం నిర్వహించారు. నాట్యమండపంలో శ్రీసుబ్రహ్మణ్యస్వామి ఉత్సవమూర్తిని పతిష్ఠించి పుష్పార్చన చేశారు. వందలాది మంది భక్తులు దేవాలయాన్ని సందర్శించారు. దేవాలయ ఆవరణలోని నాగేంద్రస్వామి శిలలు, పుట్టకు పాలు, నైవేధ్యాలు సమర్పించి పుట్టచుట్టూ ప్రదక్షిణలు చేసి మొక్కులు తీర్చుకున్నారు. భక్తులు సాయంత్రం కార్తీకదీపాలు వెలిగించారు.

లాలాపేట: తెలంగాణ ఉద్యమకారులకు ఇచ్చిన హామీలను వెంటనే అమలు చేయాలని డిమాండ్‌ చేస్తూ కరీంనగర్‌, వరంగల్‌, జనగామ జిల్లాల ఉద్యమకారులు గురువారం తార్నాకలోని గుర్తింపు కమిటీ సభ్యుడు మోతె శోభన్‌రెడ్డి నివాసాన్ని ముట్టడించారు. 1969, 2009 ఉద్యమకారులకు ఇప్పటికీ న్యాయం జరగలేదని, హైకోర్టు ఆదేశించి ఎనిమిది నెలలైనా ప్రభుత్వం కాలయాపన చేస్తోందని వారు ఆగ్రహం వ్యక్తం చేశారు. హామీలు నెరవేర్చకపోతే కమిటీ సభ్యులందరి ఇళ్లను ముట్టడిస్తామని హెచ్చరించి, శోభన్‌రెడ్డికి వినతిపత్రం అందించారు. ఓయూ పోలీసులు పరిస్థితిని అదుపు చేశారు. దీనిపై స్పందించిన శోభన్‌రెడ్డి, ఉద్యమకారుల దరఖాస్తుల స్వీకరణకు వెబ్‌సైట్‌ సిద్ధమైందని తెలిపారు. డిసెంబర్‌ 9న సోనియా గాంధీ జన్మదినం సందర్భంగా సీఎం రేవంత్‌రెడ్డి చేతుల మీదుగా దీనిని ప్రారంభించేందుకు కృషి చేస్తామని హామీ ఇచ్చారు. ఎవరూ ఆవేశపూరిత చర్యలకు పాల్పడొద్దని కోరారు. 22న హనుమకొండలో కేటీఆర్‌ సభ హన్మకొండ : బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సభను విజయవంతం చేయాలని మాజీ మంత్రి ఎర్రబెల్లి దయాకర్‌ రావు, మాజీ ఎంపీ బోయినపల్లి వినోద్‌ కుమార్‌ పిలుపునిచ్చారు. ఏకశిల విద్యా సంస్థల చైర్మన్‌ తిరుపతి రెడ్డి బీఆర్‌ఎస్‌లో చేరుతు న్న సందర్భంగా ఈ నెల 22న హనుమకొండ కేడీసీ మైదానంలో నిర్వహించనున్న బహిరంగ సభ విజ య వంతంపై హనుమకొండ రాంనగర్‌లోని మాజీ మంత్రి ఎర్రబెల్లి దయాకర్‌ రావు స్వగృహంలో పా ర్టీ ముఖ్య నాయకుల సమీక్ష నిర్వహించారు. ఈ స మావేశంలో కేటీఆర్‌ సభ విజయవంతం చేయడానికి అనుసరించాల్సిన వ్యూహంపై చర్చించారు. ఉ మ్మడి వరంగల్‌ జిల్లాలోని నాయకులు, కార్యకర్తలు ఈ సభ విజయవంతానికి కృషి చేయాలని సూచించారు. మాజీ ఎమ్మెల్యేలు డాక్టర్‌ తాటికొండ రాజ య్య, చల్ల ధర్మా రెడ్డి, నన్నపునేని నరేందర్‌, ‘కుడా’ మాజీ చైర్మన్‌ మర్రి యాదవ రెడ్డి, ఏకశిల విద్యా సంస్థల చైర్మన్‌ తిరుపతి రెడ్డి పాల్గొన్నారు. కాజీపేట మీదుగా శబరిమల ప్రత్యేక రైళ్లు కాజీపేట రూరల్‌ : శబరిమల పుణ్యక్షేత్రం వెళ్లే అయ్యప్ప మాలధారుల సౌకర్యార్థం కాజీపేట జంక్షన్‌, వరంగల్‌ మీదుగా చర్లపల్లి–కొల్లం–చర్లపల్లి మధ్య ఆరు ప్రత్యేక రైళ్లను నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ గురువారం తెలిపారు. ప్రత్యేక రైళ్ల వివరాలు.. డిసెంబర్‌ 30వ తేదీ, 2027 జనవరి 6, 13వ తేదీల్లో (బుధవారం) బయలుదేరే చర్లపల్లి–కొల్లం (07199) శబరిమల ఎక్స్‌ప్రెస్‌ కాజీపేటకు చేరుకుని వెళ్తుంది. అదేవిధంగా 2027, జనవరి 1,8,15వ తేదీల్లో (శుక్రవారం) బయలుదేరే కొల్లం–చర్లపల్లి (07200) శబరిమల ఎక్స్‌ప్రెస్‌ మరుసటి రోజు కాజీపేటకు చేరుకుని వెళ్తుంది. వరంగల్‌ ఉమ్మడి జిల్లా నుంచి శబరిమలకు వెళ్లే అయ్యప్ప మాలధారులకు ఈ ప్రత్యేక రైళ్లు ఎంతో ఉపయోగపడుతాయి. కాజీపేట సబ్‌ డివిజన్‌ పరిధిలో భువనగిరి, జనగామ, కాజీపేట, వరంగల్‌, కేసముద్రం, మహబూబాబాద్‌, డోర్నకల్‌, ఖమ్మం, విజయవాడలో హాల్టింగ్‌ కల్పించారు. కాజీపేట మీదుగా వన్‌వే స్పెషల్‌ ట్రైన్‌.. కాజీపేట జంక్షన్‌ మీదుగా బరౌని–ఎస్‌ఎంవీటీ బెంగళూరు మధ్య వన్‌వే స్పెషల్‌ ట్రైన్‌ నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ తెలిపారు. ట్రైన్‌ వివరాలు.. నవంబర్‌ 20వ తేదీన బరౌనిలో బయలుదేరే బరౌని–ఎస్‌ఎంవీటీ బెంగళూరు (05250) ఎక్స్‌ప్రెస్‌ మరుసటి రోజు కాజీపేటకు చేరుకుని వెళ్తుంది. ● ఉద్యమకారుల గుర్తింపు కమిటీ సభ్యుడు మోతె శోభన్‌రెడ్డి నివాసం ముట్టడి

ధర్మసాగర్‌: రాష్ట్రంలో అర్హులైన ప్రతీ ఒక్కరికి చేయూత పింఛన్లు అందించడమే ప్రజాప్రభుత్వ లక్ష్యమని వరంగల్‌ ఎంపీ డాక్టర్‌ కడియం కావ్య, స్టేషన్‌ ఘన్‌పూర్‌ ఎమ్మెల్యే కడియం శ్రీహరి స్పష్టం చేశారు. గురువారం హనుమకొండ జిల్లా ధర్మసాగర్‌లోని ఓ గార్డెన్స్‌లో చేయూత నూతన పింఛన్ల మంజూరు పత్రాలు, సంక్షేమ పథకాల చెక్కుల పంపిణీ కార్యక్రమం నిర్వహించారు. ఈ కార్యక్రమానికి ఎంపీ కావ్యతో కలిసి ఎమ్మెల్యే కడియం శ్రీహరి ముఖ్య అతిథిగా హాజరయ్యారు. ఈ సందర్భంగా ఎమ్మెల్యే మాట్లాడుతూ నాలుగైదేళ్లుగా పెన్షన్‌ కోసం ఎదురుచూస్తున్న వితంతువులు, దివ్యాంగులు, ఒంటరి మహిళలు, చేనేత, గీత కార్మికుల సమస్యలను సీఎం రేవంత్‌రెడ్డి దృష్టికి తీసుకెళ్లగా కొత్త పింఛన్లు మంజూరు చేశారని తెలిపారు. గతంలో డబుల్‌ బెడ్‌రూం ఇళ్ల పేరుతో మోసం చేసిన వారు, ఇప్పుడు ఇందిరమ్మ ఇళ్ల నిర్మాణాన్ని జీర్ణించుకోలేకపోతున్నారని ఎద్దేవా చేశారు. ఎంపీ కావ్య మాట్లాడుతూ మహిళా సర్పంచులను తమ భర్తలు స్వతంత్రంగా పనిచేయనివ్వాలని సూచించారు. బీఆర్‌ఎస్‌లో ఓ సొంత ఇంటి మహిళే బయటకు వచ్చి తమ కుటుంబీకులు రాష్ట్రాన్ని దోచుకున్నారని ఆరోపిస్తున్నారంటే ఆమె ఆవేదనను ప్రజలు అర్థం చేసుకోవాలని వ్యాఖ్యానించారు. లబ్ధిదారులకు రూ.55 లక్షలకు పైగా ఆర్థిక సాయం.. ధర్మసాగర్‌ మండలంలో ఐదు కేటగిరీల కింద కొత్తగా 729 మందికి పింఛన్‌ మంజూరు పత్రాలు అందజేశారు. అలాగే, ధర్మసాగర్‌, రాంపూర్‌ గ్రామాలకు చెందిన 58 మందికి రూ.19.43 లక్షల సీఎంఆర్‌ఎఫ్‌ చెక్కులు, 27 మందికి రూ.27.03 లక్షల కల్యాణలక్ష్మి చెక్కులు, తుర్కకాశ గ్రామానికి చెందిన 15 మంది మైనారిటీలకు రూ.9 లక్షల విలువైన టూల్‌ కిట్లు పంపిణీ చేశారు. జెడ్పీ సీఈఓ శేషాద్రి, డీఆర్‌డీఓ శ్రీనివాస్‌, తహసీల్దార్‌ భావ్‌సింగ్‌, ఎంపీడీఓ అనిల్‌ కుమార్‌, పాల్గొన్నారు. ఎంపీ కడియం కావ్య, ఎమ్మెల్యే కడియం శ్రీహరి

● హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: ప్రభుత్వ ఆరోగ్య కార్యక్రమాల అమలులో ప్రైవేట్‌ ఆస్పత్రులు భాగస్వాములు కావాలని హనుమకొండ కలెక్టర్‌ చాహత్‌బాజ్‌పాయ్‌ ఆదేశించారు. రోడ్డు ప్రమాద బాధితులకు సత్వర వైద్యం అందించే పీఎం రాహత్‌ పథకాన్ని సమర్థవంతంగా అమలు చేయాలని, అర్హులకు నగదు రహిత చికిత్స అందించాలని కోరారు. జిల్లాలోని ప్రైవేట్‌ ఆస్పత్రుల యాజమాన్యాలతో కలెక్టరేట్‌లో గురువారం నిర్వహించిన సమీక్షలో ఆమె మాట్లాడారు. ఆస్పత్రుల్లో సిజేరియన్లు, సాధారణ ప్రసవాల నిష్పత్తిపై ఆడిట్‌ నిర్వహించాలని పేర్కొన్నారు. అవసరం ఉన్నప్పుడే మాత్రమే సిజేరియన్లు చేయాలని, సాధారణ ప్రసవాలను ప్రోత్సహించాలని స్పష్టం చేశారు. డీఎంహెచ్‌ఓ అప్పయ్య, ప్రోగ్రాం అధికారులు డాక్టర్లు రజిత, కృష్ణారావు, జ్ఞానేశ్వర్‌, ప్రదీప్‌రెడ్డి, ప్రైవేట్‌ ఆస్పత్రుల ప్రతినిధులు పాల్గొన్నారు. బాలల ఆధార్‌ నమోదు పూర్తిచేయాలి బాలలకు కొత్తగా ఆధార్‌ నమోదు చేయడంతోపాటు ఇప్పటికే ఆధార్‌ కార్డులు ఉన్న పిల్లల బయోమెట్రిక్‌ నవీకరణ ప్రక్రియను త్వరగా పూర్తి చేయాలని కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. కలెక్టరేట్‌లో అధికారుల సమీక్షలో కలెక్టర్‌ మాట్లాడారు. అదనపు కలెక్టర్‌ ఎన్‌.రవి, జిల్లా రెవెన్యూ అధికారి కె.శ్రీనివాస్‌, డీఈఓ గిరిరాజ్‌ గౌడ్‌, డీఐఈఓ గోపాల్‌, డీడబ్ల్యూఓ విశ్వజ, ఈడీఎం శ్రీధర్‌, యూఐడీఏఐ అసిస్టెంట్‌ మేనేజర్‌ శ్రవణ్‌ కుమార్‌, కలెక్టరేట్‌ డీసెక్షన్‌ సూపరింటెండెంట్‌ నాగరాజు, పోస్టల్‌ శాఖ ఇన్‌స్పెక్టర్‌ రవి, మీసేవ జిల్లా సమన్వయకర్త చంద్రశేఖర్‌ తదితరులు పాల్గొన్నారు.

కాజీపేట అర్బన్‌: నిట్‌ వరంగల్‌ ఎలక్ట్రానిక్స్‌ అండ్‌ కమ్యూనికేషన్‌ ఇంజనీరింగ్‌ (ఈసీఈ) ప్రొఫెసర్‌, ఇంటర్నేషనల్‌ రిలేషన్స్‌ అండ్‌ అల్యూమ్ని అఫైర్స్‌ డీన్‌ టి.కిశోర్‌కుమార్‌ పద్మవిభూషణ్‌ డాక్టర్‌ మురళీమనోహర్‌ జోషి అవార్డ్స్‌–2026కు ఎంపికయ్యారు. న్యూఢిల్లీకి చెందిన ఫెడరేషన్‌ ఫర్‌ వరల్డ్‌ అకడమిక్స్‌ (ఎఫ్‌డబ్ల్యూఏ) సంస్థ వివిధ రంగాల్లో విశేష ప్రతిభ కనబరిచిన వారికి అందించే ఈ అవార్డుకు కిశోర్‌కుమార్‌ను ఎంపిక చేసింది. న్యూఢిల్లీలోని ఇండియా ఇంటర్నేషనల్‌ సెంట ర్‌లో ఈనెల 22న నిర్వహించే 9వ ఎఫ్‌డబ్ల్యూఏ కాన్‌క్లేవ్‌లో ఆయన డాక్టర్‌ మురళీమనోహర్‌ జోషి చేతుల మీదుగా అవార్డు అందుకోనున్నారు. ఈ సందర్భంగా నిట్‌ యాజమాన్యం ప్రొఫెసర్‌ కిశోర్‌కుమార్‌ను అభినందించింది. విద్యారణ్యపురి: హనుమకొండలోని ప్రభుత్వ డైట్‌ కళాశాలలో రెండు సబ్జెక్టుల్లో విద్యాబోధనకు గెస్ట్‌ లెక్చరర్ల నియామకానికి దరఖాస్తులు ఆహ్వానిస్తున్నట్లు ఆ కళాశాల ఇన్‌చార్జ్‌ ప్రిన్సిపాల్‌ రంగయ్యనాయుడు గురువారం ఒక ప్రకటనలో తెలిపారు. కళలు, కళావిద్య (తెలుగు అండ్‌ ఇంగ్లిష్‌ మీడియం, వేతనం రూ.15,660) బోధనకు, పెడగాజి ఆఫ్‌ సైన్స్‌ ఉర్దూమీడియం(వేతనం రూ.23,400)లో ఒక పోస్టు భర్తీ చేయనున్నట్లు పేర్కొన్నారు. అర్హులైన అసక్తిగల అభ్యర్థులు దరఖాస్తు ఫారం పూర్తిచేసి ఈనెల 13నుంచి 16వ తేదీ దరకు సమర్పించాలని కోరారు. మెరిట్‌ ప్రాతిపదికన 1ః5 నిష్పత్తిలో ఈనెల 19న డెమో/ఇంటర్వ్యూలు ఉంటాయని, ఎంపికై న వారిని 20న ప్రకటిస్తామని తెలిపారు. ప్రభుత్వ బీఈడీ కళాశాలలో.. హనుమకొండలోని ప్రభుత్వ బీఈడీ కళాశాలలో ఆరోగ్యం శారీరక విద్య ఒకపోస్టు తాత్కాలిక పద్ధతిన గెస్ట్‌ లెక్చరర్‌ నియామకానికి దరఖాస్తులు ఆహ్వానిస్తున్నట్లు ఆ కళాశాల ఇన్‌చార్జ్‌ ప్రిన్సిపాల్‌ రంగయ్యనాయుడు తెలిపారు. ఈ నెల 13 నుంచి 16వరకు ఎంపీఈడీ కలిగి ఉన్న అభ్యర్థులు దరఖాస్తు చేసుకోవాలని కోరారు. హన్మకొండ: మహిళా కాంగ్రెస్‌ హనుమకొండ జిల్లా అధ్యక్షురాలిగా పునర్నియామకమైన బంక సరళ గురువారం హైదరాబాద్‌లో జరిగిన సమావేశంలో మహిళా కాంగ్రెస్‌ జాతీయ అధ్యక్షురాలు అల్కలాంబ చేతుల మీదుగా నియామక పత్రం అందుకున్నారు. కార్యక్రమంలో మహిళా కాంగ్రెస్‌ రాష్ట్ర అధ్యక్షురాలు ఎర్రబెల్లి స్వర్ణ పాల్గొన్నారు. విద్యారణ్యపురి: హనుమకొండ జిల్లాలోని మూడు తెలంగాణ మోడల్‌ స్కూళ్లలో అవుట్‌సోర్సింగ్‌ పద్ధతిలో వివిధ పోస్టుల నియామకానికి ఇటీవల అధికారులు ప్రకటన విడుదల చేయగా భారీగా దరఖాస్తులు వచ్చాయి. జిల్లాలోని కమలాపూర్‌, ఎల్కతుర్తి, భీమదేవరపల్లి మండలం ముల్కనూరు మోడల్‌ స్కూళ్లలో కంప్యూటర్‌ బోధన, ఆర్ట్‌, యోగా టీచర్లు, లైబ్రేరియన్‌ పోస్టులు మొత్తం 12 ఉండగా గురువారంతో దరఖాస్తుల స్వీకరణ ప్రక్రియ ముగిసింది. కంప్యూటర్‌ టీచర్‌ పోస్టులకు 372, లైబ్రేరియన్‌ – 308, ఆర్ట్‌ టీచర్‌ – 32, యోగాటీచర్‌ – 24 మొత్తంగా 736 దరఖాస్తులు వచ్చినట్లు అధికారులు తెలిపారు. పూర్తిస్థాయి నియామక ప్రక్రియ ఎప్పుడు పూర్తి చేస్తారన్నది ఇంకా ప్రకటించలేదు. కేయూ క్యాంపస్‌: కాకతీయ యూనివర్సిటీలో ఎల్‌ఎల్‌బీ మూడేళ్ల 5, 6వ సెమిస్టర్ల పరీక్షలు, ఐదేళ్ల లా కోర్సు 9, 10 సెమిస్టర్ల అడ్వాన్స్‌ సప్లిమెంటరీ పరీక్షలు కొనసాగుతున్నాయి. గురువారం యూనివర్సిటీలోని కామర్స్‌ అండ్‌ బిజినెస్‌ మేనేజ్‌మెంట్‌ కళాశాల సెంటర్‌ను పరీక్షల నియంత్రణాధికారి కె.రాజేందర్‌ తనిఖీ చేశారు. పరీక్షల నిర్వహణ తీరును పరిశీలించారు. ఆయన వెంట ఆ కళాశాల ప్రిన్సిపాల్‌ నర్సింహాచారి ఉన్నారు.

కేయూ క్యాంపస్‌ : కాకతీయ యూనివర్సిటీ అంతర్‌ కళాశాలల జోనల్‌ క్రికెట్‌ టోర్నమెంట్‌ ఫైనల్‌లో వరంగల్‌ జట్టు విజయం సాధించింది. కేయూ స్పోర్ట్స్‌ బోర్డు ఆధ్వర్యంలో మూడురోజులపాటు నిర్వహించిన ఇంటర్‌ జోనల్‌ పోటీల్లో ఉమ్మడి వరంగల్‌, ఖమ్మం, ఆదిలాబాద్‌ జిల్లాల జట్లు తలపడ్డాయి. ఈక్రమంలో గురువారం నిర్వహించిన ఫైనల్‌లో వరంగల్‌, ఖమ్మం జట్లు తలపడగా వరంగల్‌ విజయం సాఽధించింది. ఖమ్మం జట్టు ద్వితీయ స్థానంలో నిలిచింది. ఈ టోర్నమెంట్‌లో ప్రతిభ చూపిన క్రీడాకారులు తమిళనాడులోని ఎస్‌ఆర్‌ఎం విశ్వవిద్యాలయంలో నిర్వహించనున్న సౌత్‌జోన్‌ ఇంటర్‌ యూనివర్సిటీ క్రికెట్‌ టోర్నమెంట్‌లో పాల్గొంటారని కేయూ స్పోర్ట్స్‌బోర్డు సెక్రటరీ టి. శాస్త్రి తెలిపారు. విజేతలకు షీల్డ్‌తోపాటు ప్రశంస పత్రాలు అందజేశారు. ఇంటర్‌ కాలేజియెట్‌ టోర్నమెంట్స్‌ కమ్‌ సెలక్షన్స్‌ ఇన్‌చార్జ్‌ ఎస్‌. కుమార్‌, ఫిజికల్‌ డైరెక్టర్ల అసోసియేషన్‌ కేయూ అధ్యక్షుడు జె. సోమన్న, ఫిజికల్‌ డైరెక్టర్లు వెంకన్న, గోపికృష్ణ, అస్లాం, శ్రీనివాస్‌, మట్టెడ కుమారస్వామి, అప్జల్‌ కోటి తదితరులు పాల్గొన్నారు. ద్వితీయ స్థానంలో ఖమ్మం జట్టు

గ్రేటర్‌ 43వ డివిజన్‌ ఆఫీసర్‌ గఫార్‌ఖాన్‌పై సస్పెన్షన్‌ వేటు● విచారిస్తే మరిన్ని బాగోతాలు వెలుగులోకి.. వరంగల్‌ అర్బన్‌: గ్రేటర్‌ వరంగల్‌ పన్నుల విభాగంలో అవినీతి రాజ్యమేలుతోంది. పెద్ద మొత్తంలో పన్నులు చెల్లించాల్సి వస్తుందని భవన నిర్మాణదారులను బెదిరిస్తూ కొందరు అడ్డగోలుగా అవినీతి పాల్పడుతున్నారనే ఆరోపణలు వెల్లువెత్తుతున్నాయి. 43వ డివిజన్‌ వార్డు ఆఫీసర్‌ ఎంఏ గఫార్‌ఖాన్‌ ఉదంతం గురువారం వెలుగు చూసింది. ఈ నేపథ్యంలో బల్దియా ప్రత్యేకాధికారి, హనుమకొండ కలెక్టర్‌ చాహత్‌ బాజ్‌పాయ్‌ సదరు వార్డు ఆఫీసర్‌ను సస్పెండ్‌ చేస్తూ ఉత్తర్వులు జారీ చేశారు. భవన యజమానుల నుంచి వార్డు ఆఫీసర్‌ వసూలు చేసిన రూ.1,13,00,452 ఆస్తిపన్ను మొత్తాన్ని మున్సిపల్‌ ఖజానాలో జమ చేయలేదు. సంబంధిత డిప్యూటీ కమిషనర్‌, రెవెన్యూ ఆఫీసర్‌, రెవెన్యూ ఇన్‌స్పెక్టర్‌ దృష్టి సారించలేదు. ఈ నేపథ్యంలో వార్డు ఆఫీసర్‌ ఆ మొత్తాన్ని సొంతానికి వాడుకున్నట్లు స్పెషల్‌ ఆఫీసర్‌ గుర్తించారు. దీనిపై వార్డు ఆఫీసర్‌ను వివరణ కోరగా ఎలాంటి సమాధానం లేకపోవడంతో సస్పెండ్‌ చేస్తూ ఆదేశాలు జారీ చేశారు. ఈ సస్పెన్షన్‌ తక్షణమే అమల్లోకి వస్తుందని, తదుపరి ఉత్తర్వులు వెలువడే వరకు కొనసాగుతుందని ఆమె తెలిపారు. అనుమతి లేకుండా హనుమకొండ జిల్లా కేంద్రాన్ని విడిచి వెళ్లరాదని ఆదేశించారు. అలాగే, తన వద్ద ఉన్న మున్సిపల్‌ రికార్డులు, పన్ను వసూలు రిజిస్టర్లు, రశీదు పుస్తకాలు, నగదు తదితరాలను సంబంధిత అధికారులకు అప్పగించాలని స్పష్టం చేశారు. ప్రభుత్వ ఆదాయం విషయంలో ఎలాంటి అవకతవకలు, నిర్లక్ష్యాన్ని సహించేది లేదని, ప్రజాధనం పరిరక్షణలో బాధ్యతాయుతంగా వ్యవహరించాల్సిందేనని ఈ చర్య ద్వారా ప్రత్యేక అధికారి స్పష్టం చేశారు.

● ఎంజీఎంలో జూనియర్‌ అసిస్టెంట్‌గా పనిచేసిన ఓ ఉద్యోగి 2021 ఫిబ్రవరిలో గుండెపోటుతో మృతి చెందాడు. తండ్రి స్థానంలో ఆఫీస్‌ సబార్డినేట్‌ ఉద్యోగం కోసం కుమారుడు కారుణ్య నియామకం కింద దరఖాస్తు చేసుకున్నాడు. ఐదేళ్లు గడుస్తున్నా ఇప్పటికీ ఉద్యోగంపై స్పష్టత లేకపోవడంతో ఆ కుటుంబం ఆందోళన చెందుతోంది.● ఎంజీఎం ఎక్స్‌రే విభాగంలో సుమారు 30 ఏళ్లపాటు రేడియోగ్రాఫర్‌గా పనిచేసిన మరో ఉద్యోగి 2025 జనవరిలో మృతిచెందాడు. పదవీ విరమణకు నాలుగు నెలల సమయం ఉండగా పక్షవాతం, ఇతర అనారోగ్య సమస్యలతో కన్నుమూశాడు. ఆయన కుమారుడు బీకాం డిగ్రీ పూర్తి చేసి జూనియర్‌ అసిస్టెంట్‌ ఉద్యోగం కోసం కారుణ్య నియామకం కింద దరఖాస్తు చేసుకున్నాడు. ఈ దరఖాస్తు కూడా పెండింగ్‌లోనే ఉంది. ● ఎంజీఎం అకడమిక్‌ సెల్‌లో టేబుల్‌ బాయ్‌గా పనిచేసిన మరో ఉద్యోగి కుటుంబంలో వరుస విషాదాలు చోటుచేసుకున్నాయి. 2023 మేలో ఇద్దరు కుమారులు మరణించగా...అదే ఏడాది అక్టోబర్‌లో ఆయన గుండెపోటుతో కన్నుమూశారు. ఆమెకు అండగా నిలిచేందుకు కుమార్తె జూనియర్‌ అసిస్టెంట్‌ ఉద్యోగం కోసం దరఖాస్తు చేసుకున్నా ఇప్పటివరకు స్పష్టత రాలేదు.... ఇలా మరో 15 మంది కారుణ్య నియామకాల కోసం గత ఆరేళ్ల నుంచి ఎదురుచూస్తున్నారు. ఏదో సాకుచూపుతూ ఏళ్ల తరబడి కలెక్టరేట్‌, ఎంజీఎం ఆస్పత్రి చుట్టూ కాళ్లరిగేలా తిప్పుకుంటున్నారని ఆవేదన వ్యక్తం చేస్తున్నారు.

పోచమ్మమైదాన్‌: విద్యార్థులు వైద్యవిద్యతోపాటు కళలు, సాహిత్యంపై మక్కువ కలిగి ఉండాలని కేఎంసీ ప్రిన్సిపాల్‌ దివ్వెల మోహన్‌దాస్‌ అన్నారు. కాకతీయ మెడికల్‌ కళాశాలలో నిర్వహిస్తున్న ‘ఉత్కర్ష’–2026 రెండో రోజు కార్యక్రమంలో భాగంగా గు రువారం ‘కళావైభవ్‌’ సాహిత్య, కళాపోటీలు నిర్వహించారు. ఈ సందర్భంగా ఆయన మాట్లాడుతూ వైద్య విద్యార్థుల్లో దాగి ఉన్న సృజనాత్మక ప్రతిభ, క ళాత్మక నైపుణ్యాలను ఇలాంటి కార్యక్రమాల ద్వారా వెలికి తీయొచ్చన్నారు. 2022 బ్యాచ్‌ జెంటారియంజ్‌ ఆధ్వర్యంలో నిర్వహించిన పోటీల్లో 300 మంది విద్యార్థులు ఉత్సాహంగా పాల్గొన్నారు. విజేతలకు ప్రిన్సిపాల్‌ మోహన్‌దాస్‌, బయోకెమిస్ట్రీ అసోసియే ట్‌ ప్రొఫెసర్‌ రమేశ్‌ బహుమతులు అందజేశారు. వివిధ పోటీల విజేతలు వీరే.. గ్లాస్‌ పెయింటింగ్‌ పోటీలో సాయి ప్రతి మ, టోట్‌ పెయింటింగ్‌లో అంజలి, ఫేస్‌ పెయింటింగ్‌లో సు ప్రియ, అర్చిశ్రీ, టీ షర్టు పెయిటింగ్‌లో జాగృతి, మండల ఆర్ట్‌లో ప్రణవ్‌నాథ్‌, బోకె మేకింగ్‌లో అ ఖిల్‌, థీమ్‌ ఆర్ట్‌లో హరిత, క్లే మోడలింగ్‌లో గుణశేఖర్‌ విజేతలుగా నిలిచారు. ఈ పోటీలతో ప్రతిభ ప్రోత్సహించారని మెడికోలు సంతోషం వ్యక్తం చేశారు. కాకతీయ వైద్య కళాశాల ప్రిన్సిపాల్‌ మోహన్‌దాస్‌ కేఎంసీలో ఘనంగా ‘కళావైభవ్‌’ సాహిత్య పోటీలు

హన్మకొండ: రైతుబీమా పథకం నిలిచిపోవడంతో హనుమకొండ జిల్లాలోని బాధిత కుటుంబాలు ఇబ్బందులు పడుతున్నాయి. 2018లో అప్పటి బీఆర్‌ఎస్‌ ప్రభుత్వం రైతుబీమా పథకాన్ని తీసుకొచ్చింది. జిల్లాలో 2025 వరకు 3,360 మంది రైతులు మరణించగా ఆ బాధిత కుటుంబాలకు రూ.168 కోట్ల సాయాన్ని అందించారు. 18 నుంచి 59 ఏళ్ల వయస్సు ఉన్న అర్హులైన రైతులకు ప్రభుత్వమే ప్రీమియం చెల్లించేది. ప్రతి సంవత్సరం ఆగస్టు 14న ఎల్‌ఐసీకి ప్రీమియం చెల్లించి పునరుద్ధరిస్తూ వచ్చింది. రైతు మరణించిన వారం నుంచి పది రోజుల్లో నామిని బ్యాంకు ఖాతాలో రూ.5 లక్షలు జమయ్యేవి. 2026 ఆగస్టు 13 వరకు పథకం కొనసాగింది. ప్రభుత్వం ప్రీమియం చెల్లించకపోవడంతో ఆగస్టు 14 నుంచి రైతుబీమా పథకం నిలిచిపోయింది. మూడు నెలల్లో ఇప్పటి వరకు జిల్లాలో 80 మంది రైతులు చనిపోయారు. దీంతో ఆర్థిక సాయం అందక రైతు కుటుంబాలు తీవ్ర ఇబ్బందులు ఎదుర్కొంటున్నాయి. ప్రభుత్వం సూచించిన మేరకు బీమా పథకం నిలిచిపోయిన రైతుల వివరాలను వ్యవసాయ అధికారులు సేకరిస్తున్నారు. కొత్త బీమా పథకంపై కరువైన స్పష్టత.. కొత్త బీమా పథకం అమలు చేయనున్నట్లు ప్రభుత్వం ప్రకటించినా ఇప్పటి వరకు స్పష్టత లేదు. ఏ బీమా కంపెనీ ద్వారా పథకం అమలు చేస్తారు, ప్రీమియం చెల్లింపు ఎలా ఉంటుంది, అందించే సాయం ఎంత, ఎప్పటి నుంచి అమలు చేస్తారు అనే అంశాలపై ప్రభుత్వం నుంచి స్పష్టత రావాల్సి ఉంది. ప్రీమియం చెల్లించకుండా క్లెయిమ్స్‌ ఎలా సాధ్యమవుతుందని పలువురు రైతులు ప్రశ్నిస్తున్నారు. చనిపోయిన వారికి ప్రత్యేక నిధులు కేటాయించి సాయం అందించాలని రైతు కుటుంబాలు కోరుతున్నాయి. ఆగస్టు 14వ తేదీన నిలిచిపోయిన రైతుబీమా పథకం హనుమకొండ జిల్లాలో 80 మంది రైతుల మృతి సాయం కోసం బాధిత కుటుంబాల ఎదురుచూపులు

● సూపరింటెండెంట్‌ రాంకుమార్‌రెడ్డి కాశిబగ్గ: వరంగల్‌ ఎంజీఎం ఆస్పత్రిలోని పిల్ల ల వార్డులో వెంటిలెటర్ల కొరత లేదని సూపరింటెండెంట్‌ డాక్టర్‌ కాటం రాంకుమార్‌రెడ్డి తెలిపారు. గురువారం సూపరింటెండెంట్‌ కార్యాలయంలో తమను కలిసిన మీడియాతో ఆయన మాట్లాడారు. పిల్లల వార్డులో అవసరమైన వైద్య సదుపాయాలు అందుబాటులో ఉన్నాయని, వెంటిలెటర్ల కొరత ఉన్నట్లు వస్తున్న ఆరోపణలో వాస్తవం లేదని పేర్కొన్నారు. ప్రస్తుతం 12 వెంటిలెటర్లు పనిచేస్తున్నాయని, పిల్లలందరికీ అత్యవసర సేవలు వైద్య సిబ్బంది అందిస్తున్నారని వివరించారు. తగ్గుముఖం పట్టిన జ్వరాలు... ప్రస్తుతం వైరల్‌ ఫీవర్‌ పేషంట్లు ఎక్కువగా లేరని, అయినా వారి కోసం తగిన ఏర్పాట్లు చేశామని తెలిపారు. జ్వరాలు తగ్గుముఖం పట్టడంతో బెడ్స్‌ కొరత కూడా లేదన్నారు. గత నెల పదిహేను రోజుల క్రితం పలు రకాల జ్వరాలకు సంబంధించిన పేషంట్లకు నివారణ చికిత్సలు అందించామని పేర్కొన్నారు. ప్రస్తుతం 15 నుంచి 20 వరకు జ్వరాల బాధితులకు చికిత్స అందిస్తున్నట్లు వివరించారు. ఇందులో ఒకరిద్దరు డెంగీ కేసులు ఉన్నాయని, వారికి తగిన చికిత్స చేస్తున్నట్లు పేర్కొన్నారు.కాళోజీ సెంటర్‌: వరంగల్‌ మండలంలోని ఇంతేజార్‌గంజ్‌ ప్రభుత్వ పాఠశాలను డీఈఓ ప్రశాంత్‌రెడ్డి గురువారం ఆకస్మిక తనిఖీ చేశారు. విద్యార్థులకు పాఠాలు బోధించడంలో నిర్లక్ష్యం, పాఠశాల ఆవరణ అపరిశుభ్రంగా ఉండడాన్ని డీఈఓ గమనించారు. దీంతో హెచ్‌ఎం ఎం.మురళితో పాటు ఆరుగురు ఉపాధ్యాయులు సాహిదా సుల్తానా, అస్రాఫ్‌, మోహినుద్దీన్‌, మాసుక్‌ రబ్బాని, ఎండీ షర్ఫోద్దీన్‌, ఎ.సుల్తానాకు షోకాజ్‌ నోటీసులు జారీ చేశారు. ఈ పాఠశాలను ఇటీవల కలెక్టర్‌ డాక్టర్‌ సత్యశారద ఆకస్మికంగా తనిఖీ చేశారు. ఇదే పరిస్ధితి ఆమె దృష్టికి రాగా సున్నితంగా మందలించారు. ఉపాధ్యాయుల్లో ఎలాంటి మార్పు రాలేదని గుర్తించిన డీఈఓ ప్రశాంత్‌రెడ్డి షోకాజ్‌ నోటీసులు జారీ చేశారు. రాష్ట్రస్థాయి తైక్వాండో పోటీలకు ఎంపిక కాశిబుగ్గ: మహబూబాబాద్‌ జిల్లా కేంద్రంలో నిర్వహించిన తైక్వాండో అండర్‌–14 బాలబాలికల పోటీల్లో వరంగల్‌ కొత్తవాడలోని భరత్‌ స్కూల్‌ విద్యార్థులు ప్రతిభ కనబరిచారు. పాఠశాల నుంచి 20 మంది పాల్గొనగా.. 15 మంది విద్యార్థులు పతకాలు సాధించినట్లు యాజమాన్యం గురువారం ఒక ప్రకటనలో ప్రకటించింది. రెండు బంగారు, రెండు వెండి, 11 కాంస్య పతకాలు పొందారని తెలిపారు. ఈ సందర్భంగా కోచ్‌ కల్లెపల్లి రమేష్‌, క్రీడాకారులను అభినందించారు. కాజీపేట: కుటుంబ కలహాలతో హనుమకొండ జిల్లా కాజీపేట మండలం సోమిడి గ్రామానికి చెందిన ఆటో డ్రైవర్‌ సుంచు నాగ కిషన్‌ (40) ఉరేసుకుని ఆత్మహత్యకు పాల్పడ్డాడు. కుటుంబీకులు, పోలీసుల కథనం ప్రకారం.. నాగ కిషన్‌ దంపతులకు గొడవలు కావడంతో వేర్వేరుగా ఉంటున్నారు. ఈ క్రమంలో బుధవారం రాత్రి ఆటో నడిపి ఇంటికి చేరుకున్న నాగకిషన్‌ జీవితంపై విరక్తి చెంది ఆత్మహత్యకు పాల్పడ్డాడు. మృతుడికి భార్య, ఇద్దరు పిల్లలు ఉన్నారు. పోలీసులు ఘటనా స్థలికి చేరుకుని కేసు నమోదు చేసి దర్యాప్తు చేస్తున్నారు.

హసన్‌పర్తి: పరారీలో ఉన్న నిందితుల ఆచూకీ కోసం ప్రత్యేక బృందాలు ఏర్పాటు చేసి త్వరితగతిన అరెస్ట్‌ చేయాలని వరంగల్‌ పోలీస్‌ కమిషనర్‌ శ్వేత ఆదేశించారు. గురువారం వరంగల్‌ పోలీస్‌ కమిషనరేట్‌ కార్యాలయంలో డీసీపీలు, ఏసీపీల స్థాయి అధికారులతో నెలవారీ సమీక్ష నిర్వహించారు. ఈ సందర్భంగా కమిషనరేట్‌ పరిధిలోని వివిధ పోలీస్‌స్టేషన్‌ల్లో నమోదైన కేసులు, దర్యాప్తులు, నిందితుల అరెస్ట్‌లు, సాక్ష్యాధారాల సేకరణ, కోర్టు కేసుల పురోగతులను సమగ్రంగా సమీక్షించారు. పెండింగ్‌ కేసుల దర్యాప్తు వేగవంతం చేయాలని ఆదేశించారు. మహిళలు, చిన్నారులపై నేరాలు, ఆస్తి వివాదాలు, సైబర్‌నేరా లు, మాదక ద్రవ్యాల కేసులు, తీవ్ర నేరాల దర్యాప్తుపై ప్రత్యేక దృష్టి సారించాలన్నారు. ప్రజలకు త్వరితగతిన న్యాయం అందేలా దర్యాప్తును పారదర్శకంగా చేపట్టాలని ఆదేశించారు. సమావేశంలో డీసీపీలు అంకిత్‌కుమార్‌, దార కవిత, రాజమహేంద్రనాయక్‌, అదనపు డీసీపీలు రాయల ప్రభాకర్‌రావు, ఏసీపీలు మధుసూదన్‌, సదయ్య, డేవిడ్‌ రాజు తదితరులు పాల్గొన్నారు. వరంగల్‌ పోలీస్‌ కమిషనర్‌ శ్వేత

స్టేషన్‌ఘన్‌పూర్‌: మల్లన్నగండి ప్రకృతి అందాలను ఆస్వాదించేందుకు వెళ్తున్న ఓ జంటకు చేదు అనుభవం ఎదురైంది. తాము ప్రయాణిస్తున్న కారు బ్యానెట్‌ నుంచి ఒక్కసారిగా పొగలు రావడంతో అప్రమత్తమైన వారు కారును పక్కకు ఆపి కారులోనుంచి దిగగా చూస్తుండగానే కారు పూర్తిగా దగ్ధమైంది. ఈ ఘటన జనగామ జిల్లా స్టేషన్‌ఘన్‌పూర్‌ శివారు కొత్తపల్లి క్రాస్‌రోడ్డు వద్ద జాతీయ రహదారిపై పెట్రోల్‌బంక్‌ సమీపాన గురువారం జరిగింది. బాధితులు, పోలీసులు తెలిపిన వివరాల ప్రకారం.. హనుమకొండ సుబేదారికి ఎండీ.అన్వర్‌ హుస్సేన్‌, అతని భార్య నేహాతన్వీర్‌తో కలిసి నిస్సాన్‌ టెర్రానో కారులో స్టేషన్‌ఘన్‌పూర్‌, చిల్పూరు మండలాల పరిధిలోని మల్లన్నగండి రిజర్వాయర్‌ను చూసేందుకు గురువారం మధ్యాహ్నం బయలుదేరారు. వారు పల్లగుట్ట క్రాస్‌రోడ్డు నుంచి వెళ్లాల్సి ఉండగా గుగూల్‌లో చూస్తూ దారితప్పి కొత్తపల్లి క్రాస్‌రోడ్డు వరకు వచ్చారు. అక్కడ యూ టర్న్‌ చూపించగా తిరిగి పల్లగుట్ట క్రాస్‌రోడ్డు వద్దకు వెళ్లేందుకు కారును యూటర్న్‌ తీసుకున్నారు. ఆ సమయంలో కారు బ్యానెట్‌ నుంచి పొగలు రావడంతో పక్కకు నిలిపి దిగారు. వారు చూస్తుండగానే ఒక్కసారిగా మంటలు చెలరేగాయి. స్థానికుల సమాచారం మేరకు ఫైర్‌ సిబ్బంది వచ్చి మంటలు ఆర్పారు. అప్పటికే కారు పూర్తిగా దగ్ధమైంది. ప్రమాదంలో ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు. జాతీయ రహదారిపై ఒక్కసారిగా అగ్నిప్రమాదం జరగడంతో కొత్తపల్లి క్రాస్‌రోడ్డు వద్ద ట్రాఫిక్‌ స్తంభించిపోయింది. సీఐ శ్రీనివాస్‌, ఎస్సై రాజేష్‌ ఆధ్వర్యంలో పోలీసు సిబ్బంది దగ్ధమైన కారును జేసీబీతో పక్కకు తప్పించి ట్రాఫిక్‌ను క్లియర్‌ చేశారు.● దంపతులిద్దరు సేఫ్‌

● క్రైం ఏసీపీ సదయ్య కాశిబుగ్గ: విద్యార్థులు ర్యాగింగ్‌కు పాల్పడితే కఠిన చర్యలు తప్పవని వరంగల్‌ క్రైం ఏసీపీ సదయ్య అన్నారు. గురువారం వరంగల్‌ కాకతీయ వైద్య కళాశాలలో యాంటీ ర్యాగింగ్‌, మహిళల భద్రతపై అవగాహన సదస్సు నిర్వహించగా ఆయన ముఖ్య అతిథిగా హాజరై మాట్లాడారు. కళాశాలలో విద్యార్థులు ర్యాగింగ్‌కు దూరంగా ఉండాలని, మహిళల భద్రతకు ప్రతీ ఒక్కరు ప్రాధాన్యం ఇవ్వాలన్నారు. మహిళల భద్రతకు టీ–సేఫ్‌ యాప్‌ ఉపయోగపడుతుందని, దీని ద్వారా మహిళలు తమ భద్రతను ఎలా పొందవచ్చొ వివరించారు. కేఎంసీ ప్రిన్సిపాల్‌ దివ్వెల మో హన్‌దాస్‌ మా ట్లాడుతూ కేఎంసీలో ర్యాగింగ్‌ పూర్తిగా నిషేధమన్నారు. విద్యార్థులు స్నేహపూర్వక వాతావరణంలో విద్యనభ్యసించాలన్నారు. మట్టెవాడ సీఐ నడిపల్లి కరుణాకర్‌, పోలీసు సిబ్బంది, అధ్యాపకులు, విద్యార్థులు పాల్గొన్నారు. ఈ సందర్భంగా ‘షీ’ టీం ఎస్సై రావేళ్ల రామారావు యాంటీ ర్యాగింగ్‌, మహిళల భద్రతపై ఆలపించిన పాటలు ఆకట్టుకున్నాయి.

● వరంగల్‌ కలెక్టర్‌ డాక్టర్‌ సత్యశారద ఖిలా వరంగల్‌: గురుకుల విద్యార్థినుల ఆరోగ్యంపై ప్రత్యేక శ్రద్ధ తీసుకోవాలని వరంగల్‌ కలెక్టర్‌ డాక్టర్‌ సత్యశారద ఆదేశించారు. ఈమేరకు వరంగల్‌ ఉర్సుగుట్ట సమీపంలోని మహాత్మాజ్యోతిరావు పూలే తెలంగాణ వెనుకబడిన తరగతుల సంక్షేమ బాలికల గురుకుల పాఠశాల, కళాశాలను గురువారం కలెక్టర్‌ సందర్శించారు. ఈ సందర్భంగా విద్యార్థినులకు అందిస్తున్న వైద్యసేవలు, పౌష్టికాహారం నాణ్యత, వసతులను పరిశీలించారు. అనంతరం ఆమె మాట్లాడుతూ విద్యార్థినులు ఆరోగ్యంగా ఉండేందుకు పౌష్టికాహారం ఎంతో ఆవసరమని పేర్కొన్నారు. అనంతరం విద్యార్థినులతో కలెక్టర్‌ ముచ్చటిస్తూ చలికాలంలో ఆరోగ్య పరిరక్షణకు తీసుకోవాల్సిన జాగ్రత్తలను వివరించారు. గురుకులంలో ఏవైనా సమస్యలు ఉంటే ఫిర్యాదుల పెట్టె ద్వారా తనకు తెలియజేయాలని కోరారు. కార్యక్రమంలో బీసీ సంక్షేమాధికారి పుష్పలతరెడ్డి, ప్రిన్సిపాల్‌ అంజిరెడ్డి, విద్యార్థినులు పాల్గొన్నారు. అదేవిధంగా వరంగల్‌ మండలం కొత్తపేటలో చేపట్టిన యంగ్‌ ఇండియా స్కూల్‌ భవన పనులను గురువారం ఆమె పరిశీలించారు.

● సమీక్షా సమావేశంలో కలెక్టర్‌ సత్యశారద న్యూశాయంపేట: చిత్తడి నేలల సరిహద్దులను క్షేత్రస్థాయిలో గుర్తించి సంరక్షణకు చర్యలు చేపట్టాలని కలెక్టర్‌ సత్యశారద అధికారులను ఆదేశించారు. జిల్లా స్థాయి చిత్తడి నేలల కమిటీ సమావేశంలో జిల్లా అటవీశాఖ అధికారి నిఖితతో కలిసి చిత్తడి నేలల గుర్తింపు సరిహద్దుల నిర్దారణ నోటిఫికేషన్‌ ప్రక్రియపై కలెక్టర్‌ గురువారం కలెక్టరేట్‌లో సమీక్ష నిర్వహించారు. సుప్రీం కోర్టు ఇటీవల జారీ చేసిన ఉత్తర్వులు ప్రభుత్వ మెమోకు అనుగుణంగా జిల్లాలోని నేలల సరిహద్దులను భౌతికంగా నిర్ధారించాల్సిన అవసరం ఉందన్నారు. స్పేస్‌ అప్లికేషన్‌ సెంటర్‌ అట్లాస్‌ ద్వారా గుర్తించిన చిత్తడి నేలలు నీటి వనరులను క్షేత్రస్థాయిలో పరిశీలించి వాటి హద్దులను స్పష్టంగా గుర్తించాలని సూచించారు. సమావేశంలో అదనపు కలెక్టర్లు కిశోర్‌కుమార్‌, వై.వీ.గణేష్‌, వరంగల్‌, నర్సంపేట ఆర్డీఓలు సుమ, ఉమారాణి, వివిధ శాఖల అధికారులు, తదితరులు పాల్గొన్నారు. భూ రీసర్వే పురోగతిపై సమీక్ష జిల్లాలో భూభారతి భూ రీసర్వే ప్రక్రియను వేగవంతం చేసి గడువులోగా పూర్తి చేయాలని కలెక్టర్‌ సత్యశారద సంబంధిత అధికారులను ఆదేశించారు. రీ సర్వే పురోగతిపై సంబంధిత అధికారులతో గురువారం కలెక్టరేట్‌లో సమీక్షా సమావేశాన్ని నిర్వహించారు. స్పష్టమైన కార్యాచరణతో లక్ష్యాలను పూర్తి చేయాలన్నారు. రీసర్వేలో ఎదురయ్యే సమస్యలను క్షేత్రస్థాయిలో గుర్తించి సంబంధిత శాఖల అధికారులతో సమన్వయం చేసుకోవాలని సూచించారు.

● మాజీ మంత్రి కొండా సురేఖ వరంగల్‌ చౌరస్తా/కాశిబుగ్గ: కాలేజీకి నూతన భవన నిర్మాణం, వసతుల కల్పనలో అరబిందో ఫార్మ ఫౌండేషన్‌ సహకారం మరువలేనిదని మాజీ మంత్రి, తూర్పు ఎమ్మెల్యే కొండా సురేఖ అన్నారు. కార్పొరేట్‌ సామాజిక బాధ్యత(సీఎస్‌ఆర్‌)కింద అరబిందో ఫార్మ ఫౌండేషన్‌ ఆధ్వర్యంలో రూ.5.5 కోట్ల అంచనా వ్యయంతో నిర్మించిన వరంగల్‌లోని కృష్ణాకాలనీ ప్రభుత్వ బాలికల జూనియర్‌ కళాశాల భవనాన్ని గురువారం ఆమె ప్రారంభించి మాట్లాడారు. ఈ కాలేజీలో పేద, మధ్య తరగతి వర్గాల విద్యార్థులు 500 మంది చదువుతున్నారని తెలిపారు. ప్రైవేట్‌ విద్య వ్యాపారమైనందున పారిశ్రామిక వేత్తలు ఇలాంటి కాలేజీల భవన నిర్మాణాల సహకారానికి ముందుకు రావాలని కోరారు. కార్యక్రమంలో వరంగల్‌ జిల్లా గ్రంథాలయ సంస్థ చైర్మన్‌ మీసాల ప్రకాశ్‌, కాంగ్రెస్‌ నాయకుడు గోపాల నవీన్‌రాజు, అడిషనల్‌ కలెక్టర్‌ వైవీ గణేష్‌, శ్రీధర్‌ సుమన్‌, అరబిందో డైరెక్టర్లు సదానందరెడ్డి, శరత్‌చంద్రారెడ్డి, నరసింహారెడ్డి పాల్గొన్నారు.

సాక్షి, వరంగల్‌ : వరంగల్‌ మహాత్మా గాంధీ మెమోరియల్‌ (ఎంజీఎం) ఆస్పత్రిలో విధి నిర్వహణలో ఉండి మరణించిన ప్రభుత్వ ఉద్యోగుల కుటుంబాల పరిస్థితి అత్యంత దయనీయంగా, అగమ్యగోచరంగా మారింది. ఇంటి పెద్దను కోల్పోయి పుట్టెడు దుఃఖంలో ఉన్న ఆ కుటుంబాలను ఆదుకోవాల్సిన ఆస్పత్రి యంత్రాంగం కారుణ్య నియామకాల (కంపోసియేనెట్‌ అపాయింట్‌మెంట్స్‌) విషయంలో అత్యంత నిర్లక్ష్యంగా, బాధ్యతారహితంగా వ్యవహరిస్తోందనే ఆరోపణలున్నాయి. ప్రభుత్వ ఉద్యోగి విధి నిర్వహణలో మరణిస్తే, వారిపై ఆధారపడిన కుటుంబ సభ్యులకు ఏడాది లోపే కారుణ్య నియామకం కింద ప్రభుత్వ ఉద్యోగం కల్పించి ఆ కుటుంబానికి అండగా నిలవాలని రాష్ట్ర ప్రభుత్వం ఎన్నో జీఓల్లో స్పష్టంగా ఆదేశాలు జారీ చేసింది. కానీ, వరంగల్‌ ఎంజీఎం ఆస్పత్రిలో మాత్రం ఆ ప్రభుత్వ నిబంధనలు ఏమాత్రం అమలు కావడం లేదు. ఏడాదిలోపు ఇవ్వాల్సిన ఉద్యోగాలను ఏళ్లు గడుస్తున్నా భర్తీ చేయకపోవడం అధికారుల పనితీరుకు నిదర్శనంగా నిలుస్తోందన్న విమర్శలున్నాయి. కలెక్టర్‌ అనుమతి ఇచ్చినా కదలని ఫైళ్లు... బాధిత కుటుంబాలు గత దశాబ్ద కాలంగా తమ గోడును చెప్పుకోని వేదిక లేదు, తిరగని కార్యాలయం లేదు. వరంగల్‌ జిల్లా కలెక్టర్‌ ఈ విషయంపై సానుకూలంగా స్పందించి, ఎంజీఎంలో కారుణ్య నియామకాలు చేపట్టడానికి గ్రీన్‌ సిగ్నల్‌ ఇచ్చినప్పటికీ, ఆస్పత్రి పరిపాలన విభాగంలోని కొంతమంది అధికారుల అలసత్వం, నిర్లక్ష్యం కారణంగా ఆ ఫైళ్లు అడుగు కూడా ముందుకు కదలడం లేదు. ఏదో ఒక సాకు చెబుతూ, కాలయాపన చేస్తున్నట్లు ఆరోపణలు వినిపిస్తున్నాయి. మంత్రులు, స్థానిక ప్రజాప్రతినిధుల దృష్టికి తీసుకెళ్లినా సమస్య పరిష్కారం కావడం లేదని బాధితులు ఆవేదన వ్యక్తం చేస్తున్నారు. ఇంటి పెద్దలను కోల్పోవడంతో ఆర్థిక ఇబ్బందులు కలెక్టర్‌ సానుకూలత తెలిపినా ముందుకు సాగని ప్రక్రియ ఖాళీలు ఉన్నా ఉద్యోగాలివ్వని వైనం... త్వరగా నియామకం చేపట్టాలంటూ బాధితుల వేడుకోలు ఎంజీఎం ఆస్పత్రిలో కారుణ్య నియామకాలు ఇవ్వడానికి పోస్టులు లేక కాదు. అటెండర్‌, జూనియర్‌ అసిస్టెంట్‌, కంప్యూటర్‌ ఆపరేటర్‌, టైపిస్ట్‌ వంటి పలు కీలక విభాగాల్లో పోస్టులు ఖాళీగా ఉన్నాయి. ఇంకోవైపు వరంగల్‌లో ప్రారంభానికి సిద్ధంగా ఉన్న 24 అంతస్తుల సూపర్‌ స్పెషాలిటీ ఆస్పత్రిలో సేవలు ప్రారంభమైతే అక్కడ పనిచేయడానికి భారీ ఎత్తున సిబ్బంది అవసరం. ఆయా ఖాళీల్లో ఎన్నో ఏళ్లుగా కారుణ్య నియామకాల కోసం దరఖాస్తులు చేసుకుని ఎదురుచూస్తున్న అర్హులైన వారసులను భర్తీ చేస్తే ఆయా కుటుంబాలకు ఎంతో న్యాయం జరగనుంది. అధికారుల నిర్లక్ష్యానికి, జాప్యానికి తాము బలైపోతున్నామని బాధిత కుటుంబ సభ్యులు కన్నీటిపర్యంతమవుతున్నారు. ఇప్పటికై నా కలెక్టర్‌, మంత్రులు ఈ విషయంపై ప్రత్యేక దృష్టి సారించి ఆదుకోవాలని వారు కోరుతున్నారు.

అవస్థలు పడుతున్న ప్రయాణికులుహన్మకొండ : హనుమకొండ జిల్లా బస్‌ స్టేషన్‌ వద్ద అడ్డగోలు ఆటోల పార్కింగ్‌తో ప్రయాణికులు తీవ్ర ఇబ్బందులు పడుతున్నారు. బస్‌ స్టేషన్‌కు ప్రయాణికులను తీసుకువచ్చే సహాయకులు, కుటుంబ సభ్యుల కోసం బైక్‌ పార్కింగ్‌ కల్పించిన స్థలంలో, బస్‌ స్టేషన్‌లోకి వెళ్లే దారికి అడ్డంగా ఆటోలు నిలపడంతో ప్రయాణికులు అవస్థలు పడుతున్నారు. బస్టాండ్‌ చౌరస్తా నుంచి హనుమాన్‌ టెంపుల్‌ వైపు వెళ్లే రోడ్డుపై ఇష్టానుసారంగా ప్రైవేట్‌ వాహనాల పార్కింగ్‌తో రోడ్డు ఇరుకుగా మారుతోంది. వివిధ ప్రాంతాల నుంచి వచ్చే బస్సులను బస్టాండ్‌లోకి తీసుకు వెళ్లేందుకు డ్రైవర్లు తీవ్ర ఇబ్బందులు పడుతున్నారు. ఏ మాత్రం ఏమరుపాటుగా ఉన్న ప్రమాదం జరిగే అవకాశాలున్నాయి. క్రమపద్ధతి లేని ఆటోల పార్కింగ్‌తో బస్సు వెళ్లేందుకు కూడా అవకాశం ఇవ్వకుండా రోడ్డుపై అడ్డంగా పార్కింగ్‌ చేస్తున్నారు. ఇంత జరుగుతున్నా పోలీసులు, టీజీఎస్‌ ఆర్టీసీ యాజమాన్యం పట్టించుకోవడం లేదని ప్రయాణికులు మండిపడుతున్నారు. పట్టించుకోని అధికారులు బస్‌ స్టేషన్‌ వద్ద ఆటోలు అడ్డంగా పార్కింగ్‌ చేస్తున్న ట్రాఫిక్‌ పోలీసులు పట్టించుకోవడం లేదనే విమర్శలున్నాయి. ప్రైవేట్‌ వాహనాల నుంచి మామూళ్లు వసూలు చేస్తూ తమకేమి పట్టనట్లు పోలీసులు వ్యవహరిస్తున్నారనే ఆరోపణలు వెల్లువెత్తుతున్నాయి. మరో వైపు ఆర్టీసీ వరంగల్‌ రీజినల్‌ అధికారులు సైతం చోద్యం చూస్తున్నారని విమర్శలు వినిపిస్తున్నాయి. ద్విచక్రవాహనాల కోసం ఏర్పాటు చేసిన పార్కింగ్‌ నుంచి వాహనాలు తీసుకు వెళ్లకుండా అడ్డంగా ఆటోలు పార్కింగ్‌ చేయడంపై ద్విచక్ర వాహనదారులకు ఆటోవాలాలకు మధ్య రోజు వాగ్వాదాలు జరుగుతున్నాయి. దాడి చేసుకునే వరకు పరిస్థితులు వెళ్తున్నాయి. ఇప్పటికై నా పోలీసులు, ఆర్టీసీ అధికారులు స్పందించి ప్రయాణికులకు ఇబ్బందులు కలుగకుండా చర్యలు తీసుకోవాలని కోరుతున్నారు. చోద్యం చూస్తున్న ఆర్టీసీ అధికారులు ట్రాఫిక్‌ నియంత్రణ పట్టని పోలీసులు

వరంగల్‌ లీగల్‌: హనుమకొండ హంటర్‌ రోడ్డులోని ‘డీ’కన్వెన్షన్‌ హాల్‌లో ఈనెల 14(రేపు)న జరగనున్న ఇండియన్‌ లీగల్‌ ప్రొఫెషనల్స్‌ అసోసియేషన్‌(ఐఎల్‌పీఏ) తెలంగాణ 6వ రాష్ట్ర సదస్సును జయప్రదం చేయాలని ఐఎల్‌పీఏ రాష్ట్ర ఆర్గనైజింగ్‌ సెక్రటరీ చిల్ల రాజేంద్రప్రసాద్‌ పిలుపునిచ్చారు. ఈమేరకు గురువారం వరంగల్‌ జిల్లా కోర్టు ప్రాంగణంలో నిర్వహించిన సమావేశంలో సదస్సు పోస్టర్‌ను ఆవిష్కరించి మాట్లాడారు. బీఆర్‌ అంబేడ్కర్‌ పిలుపునిచ్చిన ‘పే బ్యాక్‌ టు సొసైటీ’ లక్ష్యంగా బ్లాక్‌ కోట్స్‌ ఫర్‌ బ్ల్యూ రెవెల్యూషన్‌తో ఐఎల్‌పీఏ పనిచేస్తోందన్నారు. ఈ సదస్సు ప్రారంభోత్సవానికి ముఖ్యఅతిథిగా రాష్ట్ర సీనియర్‌ సిటిజన్స్‌ కమిషన్‌ చైర్‌పర్సన్‌, హైకోర్టు రిటైర్డ్‌ జడ్జి జస్టిస్‌ ఈద తిరుమలాదేవి, గౌరవ అతిథులుగా వరంగల్‌ జిల్లా ప్రధాన న్యాయమూర్తి వి.బి.నిర్మలాగీతాంబ, హనుమకొండ జిల్లా ప్రధాన న్యాయమూర్తి ఎంఆర్‌ సునీత హాజరుకానున్నారన్నారు. అదేవిధంగా మధ్యాహ్నం జరిగే ప్రతినిధుల సభకు ముఖ్య అతి థిగా రాష్ట్ర పంచాయతీ రాజ్‌ శాఖ మంత్రి ధనసరి సీతక్క, వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, కేయూ రిజిస్ట్రార్‌ రామచంద్రం, తెలుగు అకాడమీ చైర్మన్‌ ప్రొఫెసర్‌ వెంకటనారాయణ హాజరై ప్రసంగించనున్నారన్నారు. న్యాయవాదులు తీగల జీవన్‌గౌడ్‌, సాయిని నరేందర్‌, విలాసాగరం సురేందర్‌, పులిగిల్ల భిక్షపతి, బండి మొగిలి, షేక్‌ అబ్దుల్‌ నబీ, జన్ను పద్మ, రాజు, అనిల్‌, రాజ్‌కుమార్‌ ,శ్రీనివాస్‌, చంద్రశేఖర్‌ తదితరులు పాల్గొన్నారు. అసోసియేషన్‌ రాష్ట్ర ఆర్గనైజింగ్‌ సెక్రటరీ చిల్ల రాజేంద్రప్రసాద్‌

కాశిబుగ్గ : వరంగల్‌ జిల్లాలో పీసీపీఎన్‌డీటీ చట్టం అమలుపై ప్రైవేట్‌ ఆస్పత్రులు, స్కానింగ్‌ కేంద్రాల్లో అధికారుల కమిటీ సభ్యులు బుధవారం తనిఖీలు చేపట్టారు. కాశిబుగ్గ, ఎల్‌బీ నగర్‌, గాయత్రి కాలనీ ఏరియాలోని ఏడు ప్రైవేట్‌ ఆస్పత్రులతో పాటు స్కానింగ్‌ కేంద్రాలను ఆర్డీఓ సుమ, డీఎంహెచ్‌ఓ డాక్టర్‌ రాజారెడ్డి, ఎంహెచ్‌ఎన్‌ ప్రోగ్రాం ఆఫీసర్‌ సాజిదా, అభ్యుదయ సేవా సమితి అధ్యక్షుడు మండల పరశురాములు తనిఖీ చేశారు. ఈ సందర్భంగా స్కానింగ్‌ కేంద్రాల్లో రికార్డులు, రిజిస్టర్లు, యంత్రాల నిర్వహణ, నిబంధనలు పరిశీలించారు. అనంతర కమిటీ సభ్యులు మాట్లాడుతూ ఎట్టి పరిస్థితుల్లోనూ గర్భస్థ శిశువు లింగ నిర్ధారణ పరీక్షలు నిర్వహించకూడదని, శిశువుల వివరాలను కుటుంబ సభ్యులకు వెల్లడించొద్దని సూచించారు.

కలెక్టరేట్‌ నిర్వహణ పెండింగ్‌ బకాయిలుఖర్చులు ఇలా.. ● హౌస్‌కీపింగ్‌, పారిశుద్ధ్య నిర్వహణకు నెలకు రూ.1.50 లక్షలు, చిన్నచిన్న మరమ్మతులు, ప్లంబింగ్‌ తదితర పనులకు అదనంగా నెలకు రూ.10 వేల నుంచి రూ.20 వేల వరకు ఖర్చవుతోంది. ● రెండు లిఫ్ట్‌ల నిర్వహణకు ఏడాదికి సుమారు రూ.1.50 లక్షలు వెచ్చిస్తున్నారు. ● కలెక్టరేట్‌ ప్రాంగణంలో మొత్తం మూడు బోర్లు ఉన్నాయి. వీటి నుంచి మూడు మోటార్ల ద్వారా ఉదయం 7:30 నుంచి సాయంత్రం 7:30 గంటల వరకు అవసరమైన నీటిని పంపింగ్‌ చేస్తున్నారు. ఇందులో కరెంటు బిల్లు కూడా ఉంటుంది. ● 32 ప్రభుత్వ కార్యాలయాలనుంచి రాని రుసుములు ● అన్ని శాఖలు సకాలంలో చెల్లిస్తేనే మెరుగైన సేవలు ● ఇలా అయితే నిర్వహణ సాగేదెలా అంటున్న అధికారిహన్మకొండ అర్బన్‌ : హనుమకొండ జిల్లా పరిపాలనకు కేంద్ర బిందువుగా ఉన్న సమీకృత జిల్లా కార్యాలయాల సముదాయం (ఐడీఓసీ) నిర్వహణకు ఆర్థిక ఇబ్బందులు ఎదురవుతున్నాయి. 32 ప్రభుత్వ శాఖల కార్యాలయాలు ఒకే ప్రాంగణంలో కొనసాగుతుండగా.. పరిశుభ్రత, పచ్చదనం, విద్యుత్‌, నీటి సరఫరా, మరమ్మతులు, ఇతర మౌలిక వసతుల నిర్వహణకు నిరంతరం నిధులు వెచ్చించాల్సి వస్తోంది. కార్యాలయాలకు కేటాయించిన విస్తీర్ణం ఆధారంగా నిర్ణయించిన నిర్వహణ రుసుములు చెల్లించడం లేదు. ఇలా.. సుమారు రూ.కోటివరకు బకాయిలు పేరుకుపోయాయి. దీంతో నిర్వహణ బాధ్యతలు చూస్తున్న సిబ్బందికి ఆర్థికంగా ఇబ్బందులుఎదురవుతున్నట్లు చెబుతున్నారు. ఏడు ఎకరాల్లో ఐడీఓసీ.. 32 కార్యాలయాలు హనుమకొండ కలెక్టరేట్‌ సముదాయం మొత్తం 7 ఎకరాల విస్తీర్ణంలో ఉంది. ఇందులో సుమారు 4 ఎకరాలు పచ్చదనం, అంతర్గత రహదారులకు కేటాయించగా.. మిగిలిన స్థలంలో కార్యాలయ భవనాలు ఉన్నాయి. మూడు అంతస్తుల భవనంలో 32 ప్రభుత్వ శాఖల కార్యాలయాలతోపాటు నాలుగు సమావేశ మందిరాలు ఉన్నాయి. కలెక్టరేట్‌లోని కార్యాలయాలు, పరిసరాల పరిశుభ్రత కోసం కాంట్రాకు ్ట పద్ధతిలో 15 మందితో హౌస్‌కీపింగ్‌ బృందాన్ని ఏర్పాటు చేశారు. వీఐపీ, వీవీఐపీ, సాధారణ సందర్శకుల కోసం కలిపి మొత్తం 18 మరుగుదొడ్లు ఉన్నాయి. వీటి శుభ్రత కోసం ప్రత్యేకంగా ముగ్గురు పారిశుద్ధ్య కార్మికులు పనిచేస్తున్నారు. ఇక.. అవసరమైన విద్యుత్‌, ఐటీ సహాయక సిబ్బంది కూడా అందుబాటులో ఉంటారు. వీరికి వేతనాలు కూడా నిర్వహణ ఖర్చులో నుంచి ఇవ్వాల్సి ఉంటుంది. మిగతా శాఖల కార్యాలయాలు రూ.లక్ష నుంచి రూ.2లక్షల వరకు బకాయిలున్నాయి.చదరపు అడుగుకు రూ.3.. కలెక్టరేట్‌లోని ప్రభుత్వ కార్యాలయాలకు కేటాయించిన విస్తీర్ణం ఆధారంగా చదరపు అడుగుకు రూ.3 చొప్పున నిర్వహణ రుసుము నిర్ణయించారు. ఆయా శాఖలు తమకు కేటాయించిన మొత్తం కార్యాలయ విస్తీర్ణానికి అనుగుణంగా ఈ మొత్తాన్ని చెల్లించాలి. ఈ ఖర్చులన్నీ నిర్వహణ నిధులపైనే ఆధారపడి ఉంటాయి. 32 శాఖలకు సంబంధించి సుమారు కోటి రూపాయల వరకు బకాయిలు పేరుకుపోయినట్లు తెలుస్తోంది. వీటి లో కొన్ని ఏడాదికాలంగా, మరికొన్ని కలెక్టరేట్‌ ప్రారంభంనుంచి నిర్వహణ రుసుములు చెల్లించడం లేదు. తమ వాటా రుసుములను చెల్లిస్తేనే వసతుల కల్పనకు ఇబ్బంది ఉండదు.

ఖిలా వరంగల్‌ : బియ్యం కొనుగోలు ధరలపై వినియోగదారులు ఎలాంటి ఆందోళనకు గురికావొద్దని.. అధిక ధరకు బియ్యం అమ్మేవారిపై కఠిన చర్యలు తప్పవని వరంగల్‌ జిల్లా పౌర సరఫరాల శాఖ అధికారి కిష్టయ్య తెలిపారు. బియ్యం ధరలు ప్రజలను ఆందోళన కలిగిస్తున్న నేపథ్యంలో ఆయన మాటల్లో.. దాడులు చేస్తున్నాం.. ప్రతి రోజు బియ్యం విక్రయించే దుకాణాలను పౌర సరఫరాల శాఖ డిప్యూ టీ తహసీల్దార్‌తోపాటు తాము స్వయంగా తనిఖీ చేస్తున్నాం. ప్రభుత్వం నిర్ణయించిన ధరల కంటే ఎక్కువ ధరకు అమ్మితే చర్యలు తీసుకుంటున్నాం. షాపుల ఎదుట ధరల ఫ్లెక్సీ ఏర్పాటు చేసి ప్రజలు, వ్యాపారులకు అవగాహన కల్పిస్తున్నాం. దీంతో షాపుల్లో సన్నరకం బియ్యం ధరలు దిగి వచ్చాయి. ప్రభుత్వం నిర్ణయించిన ధరకే విక్రయాలు బీపీటీ/కేఎన్‌ఎం రకం రూ.66, ఆర్‌ఎన్‌ఆర్‌ /తెలంగాణ సోనా మసూరి రూ.74, హెచ్‌ఎంటీ/ జేఎస్‌ ఆర్‌ రూ.79ల ధరకు విక్రయిస్తున్నారు. సూపర్‌ మార్కెట్లలో సైతం ఇవే ధరలకు విక్రయాలు కొనసాగుతున్నాయి. ప్రభుత్వం నిర్ణయించిన ధరలను ఎవరైనా ఉల్లంఘిస్తే కఠినంగా వ్యవహరిస్తాం. కేసులు నమోదు చేస్తున్నాం.. జిల్లా వ్యాప్తంగా రైస్‌ మిల్లులు, హోల్‌సేల్‌, రిటైల్‌ షాపుల్లో ఆకస్మికంగా దాడులు చేస్తున్నాం. నిబంధనలు పాటించని షాపులపై కేసులు నమోదు చేస్తున్నాం. దుకాణాదారుల వద్ద ట్రేడ్‌ లైసెన్సు, జీఎస్టీ, ఆహార భద్రత లైసెన్సు లేకపోవడంతో చట్ట పరమైన చర్యలు తీసుకోవడం జరుగుతోంది. లీగల్‌ మెట్రాలాజీ శాఖాధికారులతో కలిసి తూకంలో మోసాలు చేస్తున్న షాపులపై దాడులు నిర్వహించి కేసులు నమోదుతో పాటు జరిమానాలు విధించారని డీఎస్‌ఓ కిష్టయ్య తెలిపారు. ప్రభుత్వ నిర్ణీత ధరలకే విక్రయాలు వరంగల్‌ జిల్లా పౌర సరఫరాల శాఖ అధికారి కిష్టయ్య

గురువారం శ్రీ 12 శ్రీ నవంబర్‌ శ్రీ 2026‘గ్రేటర్‌’లో ఆందోళనకరంగా ఆహార కల్తీ ఘటనలుసాక్షిప్రతినిధి, వరంగల్‌: గ్రేటర్‌ వరంగల్‌ నగరంలో హోటళ్లు, బిర్యానీ సెంటర్లు, ఫాస్ట్‌ఫుడ్‌ సెంటర్లు, బేకరీ, స్వీట్‌ షాపుల్లో ఆహార భద్రత గాలికి వదిలేస్తున్నారు. రుచికి, రంగుకు ప్రాధాన్యమిస్తూ పరిశుభ్రతను విస్మరిస్తున్నారు. కుళ్లిన ముడిసరుకులు, గడువు తీరిన పదార్థాలు, అపరిశుభ్ర వాతావరణంలో ఆహార తయారీ సాగుతున్నట్లు అధికారుల తనిఖీల్లో బయటపడిన అంశాలు ఆందోళన కలిగిస్తున్నాయి. ప్రజల ఆరోగ్యాన్ని కాపాడాల్సిన ఆహార భద్రత నిబంధనలే అమలుకు నోచుకోకపోవడం నగరవాసులను కలవరపెడుతోంది. యథేచ్ఛగా వ్యాపారం! గ్రేటర్‌ వరంగల్‌లో హోటళ్లు, బిర్యానీ పాయింట్లు, ఫాస్ట్‌ ఫుడ్‌ సెంటర్లు, స్వీట్‌ షాపుల సంఖ్య భారీగా ఉంది. 380–420 రెస్టారెంట్లు, హోటళ్లు, 100–120 స్వీట్‌హౌజ్‌లు, 130 వరకు బేకరీలు, ఫాస్ట్‌ఫుడ్‌ సెంటర్లు 500–550లు, బిర్యానీ పాయింట్లు 180–200 వరకు ఉంటాయనేది అధికార వర్గాల లెక్క. రోజువారీ ఆహార విక్రయాల స్థూల అంచనా రూ.1.10 కోట్ల నుంచి రూ.1.60 కోట్ల మేరకు ఉంటుంది. కొందరు రెస్టారెంట్లు, హోటళ్లు, ఫాస్ట్‌ఫుడ్‌ సెంటర్ల నిర్వాహకులు నాణ్యత, శుచి, శుభ్రతను పాటిస్తున్నప్పటికీ మరికొందరు ఏ మాత్రం నిబంధనలు పట్టించుకోవడం లేదన్న ఆరోపణలున్నాయి. ఇలాంటి వాటిపై నిరంతర తనిఖీలు జరగాల్సి ఉన్నా.. అప్పుడప్పుడు జరిగే దాడులతోనే సరిపెడుతున్నారనే విమర్శలున్నాయి. నమూనాల సేకరణతోపాటు వాటి పరీక్ష ఫలితాలను త్వరగా వెల్లడించడం, ఉల్లంఘనలకు పాల్పడిన సంస్థలపై చర్యలను పర్యవేక్షించడం కీలకంగా మారింది. తనిఖీలతోనే ప్రజారోగ్యానికి భరోసా.. హోటళ్లు, రెస్టారెంట్లు, ఫాస్ట్‌ఫుడ్‌ కేంద్రాల్లో ఆకస్మిక తనిఖీలు పెంచాలి. మాంసం, నూనెలు, మసాలాలు, రంగుల నాణ్యతను పరీక్షించాలి. గత నెల 29న మెరుపుదాడులు నిర్వహించిన టీజీ సేఫ్‌ ఎన్‌ఫోర్స్‌మెంట్‌ అధికారులు సుమారు 50 వరకు రెస్టారెంట్లు, హోటళ్లు, బేకరీలు, నూనెమిల్లులు, ఫుడ్‌ సెంటర్లలో తనిఖీలు నిర్వహించారు. తొమ్మిది మందికి నోటీసులు ఇచ్చి లైసెన్స్‌లు రద్దు చేశారు. అపరిశుభ్రత ఉన్న కేంద్రాలకు నోటీసులతో సరిపెట్ట కుండా చట్టప్రకారం చర్యలు తీసుకోవాలని, లైసెన్సులు సస్పెండ్‌ చేసిన సంస్థలపై ఫాలోఅప్‌ తనిఖీలు నిర్వహించాలని ప్రజలు కోరుతున్నారు. కల్తీ ఆహారంతో అనారోగ్యం కల్తీ ఆహారం ఆహారం తీసుకున్న వెంటనే వాంతులు, విరేచనాలు, కడుపునొప్పి, జ్వరం, డీహైడ్రేషన్‌ వంటి సమస్యలు వస్తాయి. ఆహారంలో కలిపే కొన్ని హానికరమైన రసాయనాలు, కృత్రిమ రంగులు, విషపూరిత లోహాలు శరీరంలోకి చేరితే కాలేయం, మూత్రపిండాలు, నాడీ వ్యవస్థపై ప్రతికూల ప్రభావం చూపుతాయి. కొన్ని విషపదార్థాలతో క్యాన్సర్‌ ముప్పు కూడా ఉంటుంది. ముఖ్యంగా చిన్నారులు, గర్భిణులు, వృద్ధులపై వీటి ప్రభావం ఎక్కువగా ఉండే అవకాశం ఉంది. – సిరుప రఘు, జనరల్‌ ఫిజీషియన్‌, హనుమకొండతనిఖీలు చేపట్టాలి హోటళ్లు, బేకరీలు, ఫాస్ట్‌పుడ్‌ సెంటర్లలో ఏం తింటున్నామో.. ఎలాంటి ఆహారం పెడుతున్నారో తెలియని పరిస్థితి. కొన్ని హోటళ్లు, రెస్టారెంట్లలో నాణ్యత లేని కుళ్లిన చికెన్‌ పీస్‌లతో కూడిన బిర్యానీ అమ్ముతున్నారు.. వేడిగా ఉన్నప్పుడు తింటే బాగుంటోంది.. ఆతర్వాత దుర్వాసన వస్తోంది. అధికారులు నిత్యం తనిఖీలు నిర్వహించాలి. ప్రజల ఆరోగ్యంతో చెలగాటమాడే హోటళ్లు, ఫాస్ట్‌ఫుడ్‌, బిర్యానీ సెంటర్లు, బేకరీ దుకాణాల నిర్వాహకులపై కఠిన చర్యలు తీసుకోవాలి. – గోనే రాంప్రసాద్‌, కరీమాబాద్‌, వరంగల్‌ ● బిర్యానీ సెంటర్లు, హోటళ్లు, స్వీట్‌ షాపుల్లో నిబంధనలకు నీళ్లు ఉడికీఉడకని చికెన్‌, కృత్రిమ రంగుల వాడకం బూజుపట్టిన అల్లం.. గడువు తీరిన పాలు.. తుప్పుపట్టిన యంత్రాలు టీజీ సేఫ్‌ తనిఖీల్లో వెల్లడి.. తరచూ తనిఖీలు చేస్తేనే కట్టడి

ఖిలా వరంగల్‌ : రోడ్డు ప్రమాదాల్లో గాయపడిన క్షతగాత్రులకు సకాలంలో వైద్య సహాయం అందించి ప్రాణాలు కాపాడాలని వరంగల్‌ రవాణాశాఖ అ ఽధికారి(డీటీఓ) రంగారావు సూచించారు. బుధవారం వరంగల్‌ రవాణాశాఖ కార్యాలయ ప్రాంగణంలో సీనియర్‌ మోటార్‌ వెహికిల్‌ ఇన్‌స్పెక్టర్‌ (ఎంవీఐ) శోభన్‌కుమార్‌ ఆధ్వర్యంలో పీఎం–రహత్‌, పీఎం–రహవీర్‌ పథకాలపై వాహనదారులకు అవగాహన నిర్వహించారు. ఈ కార్యక్రమానికి డీటీఓ ముఖ్యఅతిథిగా హాజరై మాట్లాడుతూ ప్రమాదం జరిగిన వెంటనే క్షతగాత్రులకు ప్రథమ చికిత్స అందించడమే కేంద్ర ప్రభుత్వం ప్రవేశ పెట్టిన పీఎం–రహత్‌, పీఎం– రహవీర్‌ పథకాల ప్రధాన లక్ష్యమన్నారు. ప్రమాదం జరిగిన వెంటనే ఘటనాస్థలి నుంచి హాస్పిటల్‌కు తరలించడం ద్వారా ప్రాణాలు కాపాడొచ్చని తెలిపారు. క్షతగాత్రులకు సహాయం చేసేందుకు ప్రజలు ముందుకు రావాలన్నారు. ఏఎంవీఐ ఉదయ్‌కుమార్‌, ఎన్‌ఐఎస్‌యూ నుంచి మహేశ్‌, సిబ్బంది పాల్గొన్నారు.కాజీపేట, వరంగల్‌ మీదుగా ప్రత్యేక రైళ్లు కాజీపేట రూరల్‌: ప్రయాణికుల సౌకర్యార్థం కాజీ పేట, వరంగల్‌ రైల్వే స్టేషన్ల మీదుగా గయా–ఎంజీ ఆర్‌ చైన్నె సెంట్రల్‌, ఎస్‌ఎంవీటీ బెంగళూరు–బ రౌని మధ్య ప్రత్యేక రైళ్లను నడిపిస్తున్నట్లు దక్షిణ మ ధ్య రైల్వే సీపీఆర్వో ఎ.శ్రీధర్‌ బుధవారం తెలిపారు. కాజీపేట మీదుగా .. ఈ నెల 9నుంచి 30వ తేదీ వరకు ప్రతీ సోమవారం బయలుదేరే ఎస్‌ఎంవీటీ బెంగళూరు–బరౌని (06587) 4 ఎక్స్‌ప్రెస్‌లు మరుసటి రోజు కాజీపేటకు చేరుకుని వెళ్తాయి. ఈ నెల 12 నుంచి డిసెంబర్‌ 3వ తేదీ వరకు ప్రతీ మంగళవారం బరౌని–బెంగళూరు కాంట్‌ (06588) 4 ఎక్స్‌ప్రెస్‌లు మరుసటి రోజు కాజీపేటకు చేరుకుని వెళ్తాయి. ఈ రైళ్లకు సికింద్రాబాద్‌, కాజీపేట, బల్లార్షా, నాగ్‌పూర్‌లో హాల్టింగ్‌ కల్పించారు. వరంగల్‌ మీదుగా.. ఈ నెల 17న బయలుదేరే గయా–ఎంజీఆర్‌ చైన్నె సెంట్రల్‌ (03689) ఎక్స్‌ప్రెస్‌ మరుసటి రోజు వరంగల్‌కు చేరుకుని వెళ్తుంది. ఈ రైలుకు బల్లార్షా, వరంగల్‌, విజయవాడ, ఒంగోలు, నెల్లూరు స్టేషన్‌లో హాల్టింగ్‌ కల్పించారు. కలెక్టర్‌ను కలిసిన ట్రెయినీ డిప్యూటీ కలెక్టర్‌హన్మకొండ అర్బన్‌ : కలెక్టర్‌ చాహత్‌ బాజ్‌పాయ్‌ని బుధవారం ట్రెయినీ డిప్యూటీ కలెక్టర్‌ ఎం.పవన్‌ మర్యాదపూర్వకంగా కలిసి మొక్క అందజేశారు. జవహర్‌ లాల్‌ నెహ్రూ స్టేడియంలో డిసెంబర్‌లో జరుగనున్న ఖేల్‌ ఇండియా యూత్‌ గేమ్స్‌ పర్యవేక్షణ నిమిత్తం ప్రభుత్వం నియమించగా జిల్లాకు వచ్చిన ఆయన కలెక్టర్‌ను కలిశారు.

హన్మకొండ : విద్యుత్‌ ఎస్సీ, ఎస్టీ ఉద్యోగుల సమస్యలు పరిష్కరించాలని తెలంగాణ ఎలక్ట్రిసిటీ ఎస్సీ, ఎస్టీ ఎంప్లాయీస్‌ వెల్ఫేర్‌ అసోసియేషన్‌ రాష్ట్ర అధ్యక్షుడు, మాజీ ఎమ్మెల్యే అరేపల్లి మోహన్‌, జనరల్‌ సెక్రటరీ మక్క దానయ్య కోరారు. బుధవారం హనుమకొండకు వచ్చిన డిప్యూటీ సీఎం మల్లు భట్టివిక్రమార్కను అసోసియేషన్‌ నాయకులు కలిశారు. విద్యుత్‌ సంస్థల్లో ఎస్సీ, ఎస్టీ ఉద్యోగుల పదోన్నతులకు సంబంధించిన మెరిట్‌ కమ్‌ సీనియారిటీ విధానంలో తలెత్తుతున్న సమస్యలు వివరించి వినతి పత్రం అందజేశారు. సమస్యను విన్న ఉప ముఖ్యమంత్రి సానుకూలంగా స్పందించారని దానయ్య తెలిపారు. కాశిబుగ్గ : వరంగల్‌లోని దేశాయిపేటకు చెందిన అరవింద్‌ నాగనబోయినకు లండన్‌ పార్లమెంట్‌లో పాల్గొనే అవకాశం దక్కింది. బ్రిటన్‌ పార్లమెంట్‌ వెస్ట్‌ మినిస్టర్‌లో జరిగిన ఫారిన్‌ పాలసీ సెంటర్‌కు హాజరై ప్రత్యేక గుర్తింపు పొందారు.అంతర్జాతీయ సంబంధాలు, విదేశాంగ విధానం, ప్రపంచ రాజకీయ పరిణామాలపై జరిగిన చర్చలో వివిధ రంగాలకు చెందిన ప్రతినిధులు హాజరయ్యారు. ఈ సందర్భంగా ఐక్యరాజ్యసమితి భద్రతా మండలిలో భారత్‌కు శాశ్వత సభ్యత్వం కల్పించాల్సిన అవసరంపై అరవింద్‌ తన అభిప్రాయాన్ని వెలిబుచ్చారు. లండన్‌లో మాస్టర్స్‌ చదివేందుకు వెళ్లిన అరవింద్‌కు మన దేశానికి ఎన్నో ఏళ్లుగా ఎదురుచూస్తున్న ఐక్యరాజ్యసమితి భద్రతా మండలిలో శాశ్వత సభ్యత్వం కావాలని విన్నవించే అవకాశం రావడం సంతోషంగా ఉందని వరంగల్‌కు చెందిన మిత్రులు తెలిపారు. వీసీలో మంత్రి పొంగులేటి శ్రీనివాస్‌రెడ్డి హన్మకొండ అర్బన్‌/న్యూశాయంపేట : భూముల రీసర్వే ప్రక్రియను ప్రజలకు మేలు జరిగేలా నిర్వహించాలని, ఈ నెలాఖరులోగా తొలి విడత రీ సర్వే పూర్తి చేయాలని రాష్ట్ర రెవెన్యూ, గృహ నిర్మాణ, పౌర సంబంధాల శాఖ మంత్రి పొంగులేటి శ్రీనివాస్‌ రెడ్డి.. అధికారులను ఆదేశించారు. బుధవారం హైదరాబాద్‌ నుంచి అన్ని జిల్లాల కలెక్టర్లతో మంత్రి వీడియో కాన్ఫరెన్స్‌ నిర్వహించి మాట్లాడారు. రీసర్వే ప్రక్రియలో ఎలా ముందుకెళ్లాలో దిశానిర్దేశం చేశారు. వీసీ అనంతరం హనుమకొండ కలెక్టర్‌ చాహత్‌ బాజ్‌పాయ్‌ సంబంధిత అధికారులతో మాట్లాడుతూ నిర్ణీత గడువులోగా రీసర్వే ప్రక్రియను పూర్తి చేయాలని ఆదేశించారు. సమావేశంలో అదనపు కలెక్టర్‌ ఎన్‌.రవి, సంబంధిత అధికారులు పాల్గొన్నారు. వరంగల్‌ కలెక్టరేట్‌ నుంచి కలెక్టర్‌ సత్యశారద, అదనపు కలెక్టర్‌ (రెవెన్యూ) ఎల్‌.కిశోర్‌కుమార్‌, డీఆర్‌ఓ విజయలక్ష్మి, ఆర్డీఓలు సుమ, ఉమారాణి, అధికారులు పాల్గొన్నారు. నియామకం హన్మకొండ : వరల్డ్‌ అలయన్స్‌ ఆఫ్‌ స్కూల్‌ ప్రిన్సిపల్స్‌ (డబ్ల్యూఏఎస్‌పీ) తెలంగాణ రీజినల్‌ డైరెక్టర్‌గా వెనిశెట్టి రవికుమార్‌ నియమితులయ్యారు. హనుమకొండ పలివేల్పుల ప్రాథమిక పాఠశాల ప్రధానోపాధ్యాయుడిగా పనిచేస్తున్న రవికుమార్‌ను నియమిస్తూ వరల్డ్‌ అలయన్స్‌ ఆఫ్‌ స్కూల్‌ ప్రిన్సిపల్స్‌ చైర్‌పర్సన్‌ డాక్టర్‌ దీపశిఖ పాఠక్‌ ఉత్తర్వులు జారీ చేశారు. కేయూ క్యాంపస్‌ : కాకతీయ యూనివర్సిటీ 24వ స్నాతకోత్సవాన్ని ఈనెల 28న క్యాంపస్‌లోని ఆడిటోరియంలో నిర్వహించనున్నారు. ఈ నేపథ్యంలో స్నాతకోత్సవ నిర్వహణకు వివిధ కమిటీలను నియమిస్తూ కేయూ రిజిస్ట్రార్‌ ప్రొఫెసర్‌ వి.రామచంద్రం బుధవారం ఉత్తర్వులు జారీచేశారు. స్టీరింగ్‌ కమిటీ చైర్మన్‌గా ప్రొఫెసర్‌ పి.మల్లారెడ్డి, సభ్యులుగా ప్రొఫెసర్లు టి.మనోహర్‌, పి.వరలక్ష్మి, వై.వెంకయ్య ఉన్నారు. కన్వీనర్‌గా పరీక్షల నియంత్రణాధికారి ప్రొఫెసర్‌ కె.రాజేందర్‌ వ్యవహరించనున్నారు. వీరితో పాటు వివిధ కమిటీలు ఏర్పాటు చేసి కన్వీనర్లను, కో కన్వీనర్లును నియమించారు.

జీడబ్ల్యూఎంసీ కమిషనర్‌ టి.వెంకన్న వరంగల్‌ అర్బన్‌ : నగరంలో చేపడుతున్న అభివృద్ధి పనులను నాణ్యతా ప్రమాణాలతో గడువులోగా పూర్తి చేయాలని గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ టి.వెంకన్న అధికారులను ఆదేశించారు. అదేవిధంగా పారిశుద్ధ్య నిర్వహణను నిత్యం పర్యవేక్షించాలని సూచించారు. బుధవారం కమిషనర్‌ గ్రేటర్‌ వరంగల్‌ పరిధిలోని హనుమకొండ, వరంగల్‌ ప్రాంతాల్లో పర్యటించి అభివృద్ధి పనులు, పూర్తయిన పనులు, పారిశుద్ధ్య నిర్వహణను క్షేత్రస్థాయిలో పరిశీలించారు. వడ్డేపల్లి బండ్‌పై ఫుడ్‌ స్ట్రీట్‌ పనుల పరిశీలన హనుమకొండలోని వడ్డేపల్లి బండ్‌పై చేపడుతున్న సుందరీకరణ పనులను కమిషనర్‌ పరిశీలించారు. ఇందులో భాగంగా ఏర్పాటు చేస్తున్న ఫుడ్‌ స్ట్రీట్‌ నిర్మాణ పనుల పురోగతిని సమీక్షించారు. హనుమకొండ బస్టాండ్‌ పరిసరాలను పరిశీలించిన కమిషనర్‌ పారిశుద్ధ్య నిర్వహణను సమీక్షించి అక్కడి మురుగు కాల్వను పరిశీలించి శాశ్వత పరిష్కారం చూపేందుకు అవసరమైన పనుల ప్రతిపాదనలు సమర్పించాలని ఇంజనీరింగ్‌ అధికారులకు సూచించారు. అనంతరం ఏనుమాముల మార్కెట్‌ సమీపంలోని బాలాజీ జంక్షన్‌ వద్ద పూర్తయిన అభివృద్ధి పనులను పరిశీలించారు. వరంగల్‌లోని గోవిందరాజులగుట్ట ప్రాంతంలో నిర్మిస్తున్న వాటర్‌ ట్యాంక్‌ పనులను, స్వచ్ఛ ఆటోను తనిఖీ చేసి తడి, పొడి చెత్తను వేర్వేరుగా సేకరిస్తున్న తీరును పరిశీలించారు. డ్రైవర్‌ నిర్వహిస్తున్న లాగ్‌బుక్‌ను తనిఖీ చేసి, ప్రతి ఇంటి నుంచి చెత్త సేకరణ వివరాలను నమోదు చేస్తున్న విధానాన్ని పరిశీలించారు. సీఎంహెచ్‌ఓ డాక్టర్‌ రాజారెడ్డి, ఎగ్జిక్యూటివ్‌ ఇంజనీర్లు సంజయ్‌ కుమార్‌, ఎంహెచ్‌ఓ డాక్టర్‌ రాజేష్‌, శానిటరీ ఇన్‌స్పెక్టర్లు, సూపర్‌వైజర్లు, డీఈలు, ఏఈలు, సిబ్బంది పాల్గొన్నారు.

ఎన్‌హెచ్‌ఎం ఉద్యోగుల బాటలో ‘ఆశ’లు.. వైద్య సేవలకు ఆటంకం?హన్మకొండ అర్బన్‌ : జిల్లాలో వైద్యారోగ్య శాఖ సేవలకు ఆందోళనల సెగ తగులుతోంది. ఇప్పటికే జాతీయ ఆరోగ్య మిషన్‌ పరిధిలోని ఉద్యోగులు తమ సమస్యల పరిష్కారం కోసం నిరవధిక ఆందోళన చేపట్టి నవంబర్‌ 11 నాటికి 30 రోజులు పూర్తయ్యాయి. మరోవైపు ఆశ కార్యకర్తలు కూడా డిసెంబర్‌ 15వ తేదీ నుంచి రాష్ట్ర వ్యాప్తంగా నిరవధిక సమ్మెలోకి వెళ్లనున్నట్లు ప్రకటించారు. హనుమకొండ జిల్లాలో 700 ఆశ కార్యకర్తల పోస్టులు ఉండగా, ప్రస్తుతం 690 మంది పనిచేస్తున్నారు. అలాగే, ఎన్‌హెచ్‌ఎం పరిధిలో వైద్యులు మొదలు.. క్షేత్రస్థాయి సిబ్బంది వరకు సుమారు 15 రకాల కేడర్లలో 410 మంది ఉద్యోగులు విధులు నిర్వర్తిస్తున్నారు. ఈ రెండు వర్గాలూ ఆందోళన బాట పట్టడంతో క్షేత్రస్థాయిలో వైద్య సేవల నిర్వహణపై ప్రభావం పడే అవకాశం ఉంది. 30 రోజులుగా ఎన్‌హెచ్‌ఎం ఉద్యోగుల ఆందోళన.. రాష్ట్ర వ్యాప్తంగా సుమారు 17 వేల మంది ఎన్‌హెచ్‌ఎం ఉద్యోగులు 78 కేడర్లలో పనిచేస్తున్నారు. వైద్యులు మొదలు.. క్షేత్రస్థాయి సిబ్బంది వరకు వివిధ కేడర్లకు చెందిన ఉద్యోగులు జాయింట్‌ యాక్షన్‌ కమిటీగా ఏర్పడి తమ సమస్యల పరిష్కారం కోసం అక్టోబర్‌ 13 నుంచి నిరవధిక ఆందోళన కొనసాగిస్తున్నారు. ఉద్యోగాలను క్రమబద్ధీకరించడంతోపాటు ఉద్యోగ భద్రత కల్పించి వేతనాల పెంపు, ఇతర సమస్యలు పరిష్కరించాలని డిమాండ్‌ చేస్తున్నారు. హనుమకొండ కలెక్టరేట్‌ ఎదుట కూడా ఆందోళన చేపడుతున్నారు. నవంబర్‌ 11 నాటికి ఈ నిరసనలకు 30 రోజులు పూర్తయ్యాయి. అయినా ప్రభుత్వం నుంచి సమస్యల పరిష్కారానికి స్పష్టమైన చర్యలు కనిపించడం లేదని ఉద్యోగ సంఘాలు ఆవేదన వ్యక్తం చేస్తున్నాయి. ఇంతకాలం ఎన్‌హెచ్‌ఎం ఉద్యోగుల పనుల్లో అధిక భాగాన్ని ఆశ కార్యకర్తలతోనే చేయిస్తున్న పరిస్థితి ఉంది. ఇప్పుడు వారూ సమ్మెకు సిద్ధమవుతుండడంతో వైద్యారోగ్య శాఖ యంత్రాంగానికి మరింత ఇబ్బందికర పరిస్థితి ఎదురుకానుంది. సీఐటీయూ పరిధిలోని ‘ఆశ’లేనా.. అందరూ వస్తారా? ఎన్‌హెచ్‌ఎం ఉద్యోగులు వివిధ కేడర్లకు చెందిన వారంతా జేఏసీగా ఏర్పడి సమ్మెలో పాల్గొంటుండగా, ఆశ కార్యకర్తల సమ్మెకు సంబంధించి పరిస్థితి భిన్నంగా ఉంది. ప్రస్తుతం సీఐటీయూ అనుబంధ ఆశ వర్కర్స్‌ యూనియన్‌ ఆధ్వర్యంలో సమ్మె నోటీసులు ఇచ్చారు. దీంతో డిసెంబర్‌ 15 నుంచి సమ్మెలో కేవలం సీఐటీయూ అనుబంధంగా ఉన్న ఆశ కార్యకర్తలే పాల్గొంటారా? లేక జిల్లాలోని మొత్తం కార్యకర్తలు ఆందోళనలోకి వస్తారా? అనే అంశంపై వేచి చూడాల్సి ఉంది. ప్రత్యామ్నాయ ఏర్పాట్లు ఎలా? జిల్లాలో ఇప్పటికే ఎన్‌హెచ్‌ఎం ఉద్యోగుల విధులకు ప్రత్యామ్నాయంగా ఇతర సిబ్బందితో పనులు చేయించేందుకు అధికారులు ఇబ్బందులు పడుతున్న పరిస్థితి ఉంది. ఇప్పుడు ఆశ కార్యకర్తలు కూడా సమ్మెకు దిగితే క్షేత్రస్థాయి సేవలను కొనసాగించేందుకు ఎలాంటి ప్రత్యామ్నాయ ఏర్పాట్లు చేస్తారన్నది ప్రశ్నగా మారింది. రెండు వర్గాల ఉద్యోగుల సమస్యల పరిష్కారంపై ప్రభుత్వం స్పందించకపోతే వైద్య సేవల నిర్వహణ మరింత సవాలుగా మారే అవకాశం ఉంది.ఆశ కార్యకర్తలు క్షేత్రస్థాయిలో వైద్యారోగ్య శాఖకు కీలక సేవలు అందిస్తున్నారు. బుధ, శనివారాల్లో నిర్వహించే టీకాల పంపిణీ కార్యక్రమాలు, గర్భిణులు, బాలింతల పర్యవేక్షణ, చిన్నారుల ఆరోగ్య సంరక్షణలో వీరి పాత్ర కీలకం. కేన్సర్‌ స్క్రీనింగ్‌, కుష్ఠు వ్యాధి నివారణతో పాటు పలు జాతీయ ఆరోగ్య కార్యక్రమాలను ప్రజల్లోకి తీసుకెళ్లడంలోనూ ఆశ కార్యకర్తల సేవలు అవసరం. ఇప్పటికే ఎన్‌హెచ్‌ఎం ఉద్యోగుల ఆందోళనతో సిబ్బంది కొరతను ఎదుర్కొంటున్న ఆ శాఖ.. ఆశ కార్యకర్తలు కూడా సమ్మెకు దిగితే ఈ కార్యక్రమాలను ఎలా కొనసాగిస్తారన్నది ప్రశ్నార్థకంగా మారింది. ఇప్పటికే 30 రోజులుగా ఎన్‌హెచ్‌ఎం ఉద్యోగుల ఆందోళనలు డిసెంబర్‌ 15 నుంచి ఆశ కార్యకర్తల నిరవధిక సమ్మె క్షేత్రస్థాయిలో వైద్య సేవలపై ప్రభావం పడే అవకాశంతమకు నెలకు రూ.18 వేల స్థిర వేతనం చెల్లించడంతోపాటు ఈఎస్‌ఐ, పీఎఫ్‌ సౌకర్యాలు కల్పించి పని భారం తగ్గించాలని ఆశ కార్యకర్తలు డిమాండ్‌ చేస్తున్నారు. విధుల్లో చనిపోతే రూ.50 లక్షల బీమా, అంత్యక్రియల ఖర్చుల కింద రూ.50 వేలు ఇవ్వాలని కోరుతున్నారు. ఈ మేరకు సీఐటీయూ, బీఆర్‌టీయూ ఆధ్వర్యంలో జిల్లా వైద్యారోగ్య శాఖాధికారి, జిల్లా రెవెన్యూ అధికారికి సమ్మె నోటీసులు అందజేశారు. సమ్మె సన్నాహాల్లో భాగంగా ఈ నెల 16న జిల్లా కలెక్టరేట్‌ ముట్టడి కార్యక్రమం చేపట్టనున్నట్లు సంఘాల నాయకులు ప్రకటించారు.

● ముగిసిన రాష్ట్ర స్థాయి ఎస్‌జీఎఫ్‌ అథ్లెటిక్స్‌ పోటీలువరంగల్‌ స్పోర్ట్స్‌ : హనుమకొండలోని జేఎన్‌ స్టేడియంలో రెండు రోజులపాటు నిర్వహించిన 70వ తెలంగాణ రాష్ట్ర స్థాయి ఎస్‌జీఎఫ్‌ అండర్‌–14 బాలబాలికల అథ్లెటిక్స్‌ పోటీలు బుధవారం ముగిశాయి. ఈ పోటీల్లో 50 పాయింట్లతో రంగారెడ్డి జిల్లా ఓవరాల్‌ చాంపియన్‌గా నిలిచింది. బాలుర విభాగంలో 29 పాయింట్లతో ఆదిలాబాద్‌ జిల్లా ప్రథమ, 19 పాయింట్లతో రంగారెడ్డి జిల్లా ద్వితీయ స్థానాలు సాధించాయి. బాలికల విభాగంలో 31 పాయింట్లతో రంగారెడ్డి జిల్లా ప్రథమ, 24 పాయింట్లతో ఖమ్మం జిల్లా ద్వితీయ స్థానంలో నిలిచాయి. ముగింపు కార్యక్రమానికి ముఖ్య అతిథిగా హాజరైన జిల్లా యువజన, క్రీడల అధికారి కొత్త ప్రశాంత్‌ విజేతలకు బహుమతులు, ప్రశంస పత్రాలు అందజేశారు. తెలంగాణ అథ్లెటిక్స్‌ అసోసియేషన్‌ ప్రధాన కార్యదర్శి కె. సారంగపాణి, ఖేలో ఇండియా అథ్లెటిక్స్‌ కోచ్‌ మహమ్మద్‌ గౌస్‌ తదితరులు పాల్గొని క్రీడాకారులను అభినందించారు. కార్యక్రమంలో పీఈటీ అసోసియేషన్‌ అధ్యక్షుడు ఎ. ప్రభాకర్‌ రెడ్డి, ఆర్గనైజింగ్‌ సెక్రటరీ వి. వాసుదేవరావు, పలువురు ఫిజికల్‌ డైరెక్టర్లు పాల్గొన్నారు.

● ఎమ్మెల్యే నాయిని రాజేందర్‌ రెడ్డి హన్మకొండ అర్బన్‌ : దేశ తొలి విద్యాశాఖ మంత్రి మౌలానా అబుల్‌ కలాం ఆజాద్‌ ఆశయాలను ఆదర్శంగా తీసుకొని విద్యాభివృద్ధికి ప్రతి ఒక్కరూ కృషి చేయాలని వరంగల్‌ పశ్చిమ ఎమ్మెల్యే నాయిని రాజేందర్‌ రెడ్డి పేర్కొన్నారు. బుధవారం హనుమకొండ కలెక్టరేట్‌లో జిల్లా మైనారిటీ సంక్షేమ శాఖ ఆధ్వర్యంలో మౌలానా అబుల్‌ కలాం ఆజాద్‌ జయంతిని పురస్కరించుకొని మైనారిటీల సంక్షేమ దినోత్సవం, జాతీయ విద్యా దినోత్సవ వేడుకలు నిర్వహించారు. ఈ సందర్భంగా ఎమ్మెల్యే రాజేందర్‌ రెడ్డి, కలెక్టర్‌ చాహత్‌ బాజ్‌పాయ్‌, అదనపు కలెక్టర్‌ ఎన్‌.రవి, ఇన్‌చార్జ్‌ అదనపు కలెక్టర్‌ బి.శేషాద్రి, జిల్లా మైనారిటీ సంక్షేమ అధికారి మేన శ్రీనుతో పాటు ముస్లిం మత పెద్దలు ఆజాద్‌ చిత్రపటానికి పూలమాలలు వేసి నివాళులర్పించారు. జాతీయ సమైక్యతకు ఆయన చేసిన సేవలు చిరస్మరణీయమన్నారు. వివిధ శాఖల అధికారులు నవీన్‌ కుమార్‌, సిద్ధార్థ నాయక్‌, విజయ్‌ చంద్ర, రాధాకిషన్‌, ముస్లిం మతపెద్దలు, సిబ్బంది పాల్గొన్నారు. ఆజాద్‌ సేవలు చిరస్మరణీయం న్యూశాయంపేట: వరంగల్‌ కలెక్టరేట్‌ కాన్ఫరెన్స్‌ హాల్‌లో మైనారిటీ సంక్షేమశాఖ బుధవారం నిర్వహించిన అబుల్‌ కలాం ఆజాద్‌ జయంతి వేడుకల్లో ఆయన చిత్రపటానికి కలెక్టర్‌ సత్యశారద, అదనపు కలెక్టర్‌ ఎల్‌.కిశోర్‌కుమార్‌, అధికారులు పూలమాల వేసి నివాళులర్పించారు. కార్యక్రమంలో డీఎండబ్ల్యూఓ టి.రమేశ్‌, డీఈఓ ప్రశాంత్‌రెడ్డి, డీఐఈఓ శ్రీధర్‌ సుమన్‌ తదితరులు పాల్గొన్నారు. టీజీపీఎస్సీ చైర్మన్‌ను కలిసిన కలెక్టర్‌ టీజీపీఎస్సీ చైర్మన్‌ బుర్రా వెంకటేశంను హనుమకొండ ఆర్‌అండ్‌బీ గెస్ట్‌హౌస్‌లో కలెక్టర్‌ డాక్టర్‌ సత్యశారద బుధవారం మర్యాద పూర్వకంగా కలిసి పూల మొక్కను అందించారు.

హన్మకొండ అర్బన్‌ : రాష్ట్రంలో నెలకొన్న కరువు పరిస్థితుల నేపథ్యంలో కేంద్ర ప్రభుత్వం తక్షణమే స్పందించి రూ.20 వేల కోట్ల సాయం అందించాలని సీపీఐ రాష్ట్ర సహాయ కార్యదర్శి తక్కళ్లపల్లి శ్రీనివాసరావు డిమాండ్‌ చేశారు. బుధవారం హనుమకొండ కలెక్టరేట్‌ ఎదుట ఆ పార్టీ జిల్లా సమితి ఆధ్వర్యంలో నిర్వహించిన ధర్నాలో ఆయన పాల్గొని మాట్లాడారు. కేంద్ర ప్రభుత్వం తెలంగాణ పట్ల పక్షపాత వైఖరి విడనాడాలన్నారు. కరువు నేపథ్యంలో పేద, మధ్యతరగతి ప్రజలకు ఉపశమనం కలిగించేలా చౌక ధరల దుకాణాల ద్వారా 14 రకాల నిత్యావసర వస్తువులను ఉచితంగా లేదా రాయితీకింద సరఫరా చేయాలన్నారు. నీరు లేక ఎండిపోయిన వరికి ఎకరానికి రూ.30 వేలు, పత్తి, మొక్కజొన్న పంటలకు ఎకరానికి రూ.50 వేల చొప్పున పరిహారం అందించాలని డిమాండ్‌ చేశారు. కౌలు రైతులను గుర్తించి ప్రభుత్వ సహాయం అందించాలన్నారు. పార్టీ జిల్లా కార్యదర్శి కర్రె భిక్షపతి అధ్యక్షతన జరిగిన ఈ కార్యక్రమంలో రాష్ట్ర కార్యవర్గ సభ్యురాలు నేదునూరి జ్యోతి, రాష్ట్ర సమితి సభ్యులు సిరబోయిన కరుణాకర్‌, ఆదరి శ్రీనివాస్‌, మండ సదాలక్ష్మి, జిల్లా సహాయ కార్యదర్శి మద్దెల ఎల్లేష్‌, జిల్లా నాయకులు ఎన్‌. అశోక్‌ స్టాలిన్‌, ఉట్కూరి రాములు, కర్ర లక్ష్మణ్‌, నేదునూరి రాజమౌళి, బాషబోయిన సంతోష్‌, కొట్టెపాక రవి, జక్కు రాజు గౌడ్‌, వేల్పుల సారంగపాణి, తదితరులు పాల్గొన్నారు. సీపీఐ రాష్ట్ర సహాయ కార్యదర్శి తక్కళ్లపల్లి శ్రీనివాసరావు హనుమకొండ కలెక్టరేట్‌ ఎదుట ధర్నా

జనగామ రూరల్‌ : జనగామ జిల్లా క్రీడా రంగం మరో ప్రతిష్టాత్మక ఘట్టానికి వేదిక కానుంది. స్కూల్‌ గేమ్స్‌ ఫెడరేషన్‌ ఆధ్వర్యంలో 14 సంవత్సరాల లోపు బాలబాలికలకు సంబంధించిన రాష్ట్రస్థాయి సెపక్‌ తక్రా క్రీడా పోటీలు, ఎంపికలు గురువారం నుంచి ఈ నెల 14వ తేదీ వరకు జిల్లా కేంద్రంలోని ధర్మకంచ మినీ స్టేడియంలో నిర్వహించనున్నారు. ఈ రాష్ట్రస్థాయి పోటీల్లో ఉమ్మడి 10 జిల్లాల నుంచి సుమారు 100 మంది క్రీడాకారులు, 40 మంది కోచ్‌లు, మేనేజర్లు, 15 మంది టెక్నికల్‌ అధికారులతో పాటు స్థానిక పీఈటీలు, పీడీలు పాల్గొననున్నారు. పకడ్బందీ ఏర్పాట్లు.. రాష్ట్రస్థాయి క్రీడా పోటీలు విజయవంతంగా నిర్వహించేందుకు కలెక్టర్‌ సందీప్‌కుమార్‌ ఝా ఆధ్వర్యంలో జిల్లా యంత్రాంగం పకడ్బందీ ఏర్పాట్లు చేపట్టింది. భద్రత, వైద్య సేవలు, తాగునీరు, పారిశుద్ధ్యం, వసతి, రవాణా, క్రీడా ప్రాంగణానికి సంబంధించిన అన్ని సదుపాయాలు సిద్ధం చేశారు. బాలబాలికలకు ప్రత్యేక వసతి.. పోటీల్లో పాల్గొనే బాలికలు, వారితో పాటు వచ్చే మహిళా ఎస్కార్ట్‌ ఉపాధ్యాయుల కోసం ఎంజేపీపెంబర్తి పాఠశాలలో ప్రత్యేక సౌకర్యాలు ఏర్పాటు చేశారు. అదే విధంగా బాలురకు వారితో పాటు వచ్చే పురుష ఎస్కార్ట్‌ ఉపాధ్యాయుల కోసం స్థానిక మైనారిటీ రెసిడెన్షియల్‌ పాఠశాలలో వసతి సౌకర్యాలు కల్పించారు. నేటినుంచి 14వ తేదీ వరకు సెపక్‌ తక్రా పోటీలు ధర్మకంచ మినీ స్టేడియంలో నిర్వహణ హాజరుకానున్న 100 మంది క్రీడాకారులు, 40 మంది కోచ్‌లు

● ప్రభుత్వ మాజీ చీఫ్‌విప్‌ వినయ్‌భాస్కర్‌ హన్మకొండ : మహిళలు, పేదల అరెస్టు అత్యంత హేయమైన చర్య అని ప్రభుత్వ మాజీ చీఫ్‌విప్‌ దాస్యం వినయ్‌భాస్కర్‌ మండిపడ్డారు. ఉప ముఖ్యమంత్రి మల్లు భట్టి విక్రమార్క పర్యటన నేపథ్యంలో బుధవారం మాజీ చీఫ్‌విప్‌ వినయ్‌భాస్కర్‌ను హనుమకొండలోని టెంపుల్‌ ట్రీ సిటిలో గృహనిర్భందం చేశారు. అదే విధంగా టీచర్స్‌ కాలనీలోని స్వగృహంలో ‘కుడా’ మాజీ చైర్మన్‌ మర్రి యాదవ రెడ్డిని హౌజ్‌ అరెస్టు చేశారు. బీఆర్‌ఎస్‌ నాయకులను రాత్రికి రాత్రే అరెస్టు చేసి వివిధ పోలీసు స్టేషన్లకు తరలించారు. కాజీపేట పోలీసు స్టేషన్‌లో అరెస్టు చేసిన నాయకులను పరామర్శించేందుకు వెళ్లిన బీఆర్‌ఎస్‌ సీనియర్‌ నాయకుడు దాస్యం విజయ్‌భాస్కర్‌ను అరెస్టు చేసి స్టేషన్‌లో ఉంచారు. ఈ సందర్భంగా దాస్యం వినయ్‌భాస్కర్‌ మాట్లాడుతూ.. శాంతియుతంగా తమ హక్కుల కోసం ప్రశ్నించిన పేద గుడిసెవాసులను, మహిళలను పోలీసులు అర్ధరాత్రి ఇళ్లలోకి చొరబడి అరెస్ట్‌ చేయడం ప్రజాస్వామ్య విరుద్ధం కాదా.. ఇదేనా ప్రజాపాలన అని ప్రశ్నించారు. దశాబ్దాలుగా వైఎస్సార్‌ నగర్‌లో తలదాచుకుంటున్న పేదల భూములపై కన్నేసిన కబ్జాదారులకు అధికార పార్టీ నాయకులు అండగా నిలుస్తున్నారని, పేదలను ఖాళీ చేయించే కుట్రలను బీఆర్‌ఎస్‌ పార్టీ ఎట్టి పరిస్థితుల్లోనూ సహించబోదని స్పష్టం చేశారు.

● హనుమకొండ అదనపు కలెక్టర్‌ రవికమలాపూర్‌ : విద్యార్థులు చదువుతో పాటు క్రీడల్లో రాణించాలని హనుమకొండ అదనపు కలెక్టర్‌ ఎన్‌.రవి సూచించారు. బుధవారం మండల కేంద్రంలోని ఎంజేపీ (బాలికల)లో వరంగల్‌ ఉమ్మడి జిల్లాస్థాయి అండర్‌–14, 17, 19 విభాగాల్లో ఎంజేపీ పాఠశాలలు, కళాశాలల బాలికల క్రీడా పోటీలు (కబడ్డీ, ఖోఖో, వాలీబాల్‌, టెన్నికాయిట్‌, చెస్‌, క్యారం్స, అథ్లెటిక్స్‌) ప్రారంభించి మాట్లాడారు. క్రీడలతో క్రమశిక్షణ, నాయకత్వ లక్షణాలు పెంపొందుతాయని, శారీరక, మానసిక వికాసానికి క్రీడలు ఎంతో దోహదపడుతాయన్నారు. కాగా, పోటీల ప్రారంభోత్సవం సందర్భంగా విద్యార్థులు నిర్వహించిన సాంస్కృతిక కార్యక్రమాలు అలరించారు. ఎంజేపీ హనుమకొండ జిల్లా డీసీఓ స్టెల్లా, స్థానిక ఎంజేపీ ప్రిన్సిపాళ్లు సౌజన్య, రవీందర్‌, తహసీల్దార్‌ సురేశ్‌కుమార్‌, ఉమ్మడి జిల్లా డీసీఓలు, వివిధ ఎంజేపీ పాఠశాలలు, కళాశాలల ప్రిన్సిపాళ్లు, పీఈటీలు, అధ్యాపకులు, ఉపాధ్యాయులు పాల్గొన్నారు.

కాశిబుగ్గ: వరంగల్‌లోని కాకతీయ మెడికల్‌ కళాశాలను తెలంగాణ రాష్ట్రంలో అగ్రస్థానంలో నిలుపు తూ పేరు తీసుకురావాలని కాళోజీ నారాయణరావు హెల్త్‌ యూనివర్సిటీ వైస్‌ చాన్స్‌లర్‌ రమేశ్‌రెడ్డి అన్నారు. బుధవారం రాత్రి కేఎంసీలో ‘ఉత్కర్ష’– 2026 వేడుకలు (వార్షిక కళాశాల వేడుకలు) ఘనంగా ప్రారంభమయ్యాయి. ఈ వేడుకలకు ఆయన ముఖ్య అతిథిగా హాజరై మాట్లాడుతూ కాకతీయ మెడికల్‌ కళాశాలకు నాటి నుంచి గొప్ప పేరు ఉందని, ప్రస్తుతం హైదరాబాద్‌ తర్వాత వరంగల్‌ను పెద్ద నగరంగా తీర్చిదిద్దుతున్నారన్నారు. విద్యార్థులు కష్టపడి చదువుతూ ఈ కళాశాల పేరు నిలపాలని సూచించారు. ఈ సందర్భంగా కేఎంసీతో తనకున్న అనుబంధాన్ని గుర్తు చేసుకున్నారు. బిజీ షెడ్యూల్‌ నుంచి కొంత ఉపశమనం కోసం ఉత్కర్ష వేడుకలు ఏడు రోజుల పాటు జరుపుకోవడం ఆనందంగా ఉందన్నారు. సమావేశంలో కేఎంసీ ప్రిన్సిపాల్‌ దివ్వెల మోహన్‌దాస్‌, ఎంజీఎం సూపరింటెండెంట్‌ రాంకుమార్‌రెడ్డి, పలువురు వైద్యులు, కమిటీ సభ్యులు పాల్గొన్నారు. అనంతరం ఉత్కర్ష–2026 లోగోను వీసీ రమేశ్‌రెడ్డి ఆవిష్కరించారు. డ్రగ్స్‌ రహిత సమాజ నిర్మాణానికి కృషి చేయాలి డ్రగ్స్‌ రహిత సమాజ నిర్మాణంలో యువత కీలక పాత్ర పోషించాలని వరంగల్‌ పోలీస్‌ కమిషనర్‌ ఎన్‌. శ్వేత అన్నారు. బుధవారం కాకతీయ వైద్య కళాశాల ఉత్కర్ష–2026 భాగంగా ‘నశా ముక్త్‌ భార త్‌ అభియాన్‌’పై ప్రజల్లో అవగాహన కల్పించడానికి కళాశాల విద్యార్థులు హెల్త్‌ రన్‌, ప్లాష్‌మాబ్‌ నిర్వహించారు. కేఎంసీ నుంచి హనుమకొండ పోలీస్‌ హెడ్‌క్వార్టర్‌ వరకు నిర్వహించిన కార్యక్రమలో సీపీ పాల్గొని మాట్లాడారు. తెలంగాణలో గుర్తింపు పొందిన విద్యాసంస్థ కాకతీయ వైద్య కళాశాల విద్యార్థులు డ్రగ్స్‌ వ్యతిరేక సందేశాన్ని సమాజంలోని అన్ని వర్గాలు, ముఖ్యంగా యువతకు చేరవేయడం అభినందనీయమన్నారు. అనంతరం విద్యార్థులతో ప్రతిజ్ఞ చేయించారు. ఆకట్టుకున్న విద్యార్థుల ప్రదర్శనలు.. కేఎంసీ నుంచి పోలీసు హెడ్‌క్వార్టర్‌ వరకు నిర్వహించిన కార్యక్రమంలో భాగంగా వైద్య కళాశాల విద్యార్థులు నాటక, నృత్య ప్రదర్శనల ద్వారా మాదక ద్రవ్యాల వినియోగంతో కలిగే అనర్థాలను వివరించారు. ఇవి ఆకట్టుకున్నాయి. అనంతరం పోలీసు హెడ్‌క్వార్టర్‌ గ్రౌండ్‌లో ‘సే నో టు డ్రగ్స్‌’ అనే నినాదంతో మానవహారం ఏర్పాటు చేశారు. సెంట్రల్‌ జోన్‌ డీసీపీ దార కవిత, వరంగల్‌ ఇన్‌చార్జ్‌ ఏసీపీ నరసింహారావు, సీఐలు నడిపల్లి కరుణాకర్‌, మచ్చ శివకుమార్‌, డ్రగ్స్‌ కంట్రోల్‌ టీం ఇన్‌స్పెక్టర్‌ సాయి రమణ, కేఎంసీ ప్రిన్సిపాల్‌ డి.మోహన్‌దాస్‌, ప్రవీణ్‌, హెల్త్‌రన్‌ కో ఆర్డినేటర్లు షణ్ముఖ్‌, వసంత్‌, కేఎంసీ, నర్సింగ్‌ కళాశాల విద్యార్థులు పాల్గొన్నారు. కాళోజీ నారాయణరావు హెల్త్‌ యూనివర్సిటీ వీసీ రమేశ్‌ రెడ్డి ‘ఉత్కర్ష’ –2026 వేడుకలు ప్రారంభం

వరంగల్‌ అర్బన్‌ : వరంగల్‌ బల్దియా ప్రధాన కార్యాలయంలో సోమవారం జరిగిన ప్రజావాణికి 34 ఫిర్యాదులు అందాయి. ఇన్‌చార్జ్‌ అడిషనల్‌ కమిషనర్‌ సమ్మయ్య, ఆయా విభాగాల అధికారులు నగరవాసులనుంచి వినతులు స్వీకరించారు. టౌన్‌ ప్లానింగ్‌ సెక్షన్‌కు 14, ఇంజనీరింగ్‌ – 11, హెల్త్‌–శానిటేషన్‌ విభాగం– 5, నీటి సరఫరా–3, రెవెన్యూ విభాగానికి 1 చొప్పున ఫిర్యాదులు అందినట్లు అధికారులు వెల్లడించారు. కార్యక్రమంలో సూపరింటెండెంట్‌ ఇంజనీర్‌ రాజ్‌ కుమార్‌, సిటీ ప్లానర్‌ రవీందర్‌ రాడేకర్‌, ఉద్యావనవన అధికారి లక్ష్మారెడ్డి, సెక్రటరీ అనిల్‌బాబు, పన్నుల అధికారి రామకృష్ణ, ఆరోగ్యాధికారి డా.రాజేష్‌ పాల్గొన్నారు. లక్ష్మిపురంవాసుల నిరసన 26వ డివిజన్‌ లక్ష్మిపురంలో ఓ రాజకీయ నేత రోడ్డు, డ్రెయినేజీ ఆక్రమించుకున్నారంటూ స్థానికులు కౌన్సిల్‌ హాల్‌లో ప్లకార్డులతో నిరసన తెలిపారు.

ఐదు జిల్లాలకు నియామకం సాక్షిప్రతినిధి, వరంగల్‌ : ఉమ్మడి వరంగల్‌ పరిధిలోని ఐదు జిల్లాలకు మహిళా కాంగ్రెస్‌ అధ్యక్షురాళ్లను నియమించారు. ఈ మేరకు ఆలిండియా మహిళా కాంగ్రెస్‌ జాతీయ అధ్యక్షురాలు అల్కా లాంబా ఈ జాబితాను ఆమోదించినట్లు రాష్ట్ర మహిళా కాంగ్రెస్‌ అధ్యక్షురాలు ఎర్రబెల్లి స్వర్ణ సోమవారం వెల్లడించారు. హనుమకొండ జిల్లా అధ్యక్షురాలిగా నీలం పద్మ, వరంగల్‌ జిల్లా అధ్యక్షురాలిగా గద్దె రేణుక నియమితులయ్యారు. జయశంకర్‌ భూపాలపల్లి జిల్లా అధ్యక్షురాలిగా గుమ్మడి శ్రీదేవి, మహబూబాబాద్‌ జిల్లా అధ్యక్షురాలిగా జిన్నారెడ్డి పద్మజ, జనగామ జిల్లా అధ్యక్షురాలిగా వంగల కల్యాణి నియమితులయ్యారు. రాష్ట్ర కార్యదర్శిగా వరంగల్‌కు చెందిన సోమ లక్ష్మీకి అవకాశం కల్పించారు. ములుగు జిల్లాను పెండింగ్‌లో ఉంచారు. మహిళా అధ్యక్షురాళ్ల ఎంపికతో ఉమ్మడి వరంగల్‌లో మహిళా కాంగ్రెస్‌ను మరింత బలోపేతం చేయడంపై పార్టీ అధిష్టానం దృష్టి సారించినట్లు రాజకీయ వర్గాల్లో చర్చ జరుగుతోంది. హసన్‌పర్తి: వరంగల్‌ కమిషనరేట్‌ పరిధిలోని వివిధ ప్రాంతాల్లో పనిచేస్తున్న 15 మంది ఎస్సైలు బదిలీ అయ్యారు. ఈమేరకు సోమవారం రాత్రి పోలీస్‌ కమిషనర్‌ శ్వేత ఉత్తర్వులు జారీ చేశారు. పి.తిరుపతి ఆత్మకూర్‌ నుంచి కొడకండ్ల, ఎన్‌.చెన్నకేశవ్‌ జనగామ నుంచి తరి గొప్పుల, ఎం.రమేశ్‌ సీసీఆర్‌బీ వరంగల్‌ నుంచి పీసీఆర్‌ వరంగల్‌, కె. హరికృష్ణ పీసీఆర్‌ అండ్‌ అటాచ్డ్‌ టు సీసీఆర్‌బీ వరంగల్‌ నుంచి సీసీఆర్‌బీ వరంగల్‌, కళ్యాణ్‌కుమార్‌ కేయూసీ నుంచి సీటీసీ వరంగల్‌, టి.శ్రావణి మిల్స్‌కాలనీ అటాచ్డ్‌ టు ఎహెచ్‌టీయూ నుంచి సుబేదారి, నైనాల నాగభూషణం అలియాస్‌ నగేష్‌ సీసీఎస్‌ వరంగల్‌ నుంచి హసన్‌పర్తి, సీహెచ్‌ రవికుమార్‌, వరంగల్‌ నుంచి జనగామ, ఎండీ ఫసీయోద్దీన్‌ వరంగల్‌ ట్రాఫిక్‌ నుంచి సీసీఎస్‌ వరంగల్‌, డి.వి. పాణి సుబేదారి నుంచి వరంగల్‌ ట్రాఫిక్‌, డి.సాంబయ్య మట్టెవాడ నుంచి కేయూసీ, ఎం.శంకర్‌ పీసీఆర్‌ వరంగల్‌ నుంచి మడికొండ, ఎం.కుమారస్వామి పీసీఆర్‌ వరంగల్‌ నుంచి ఆత్మకూర్‌, టి.కృష్ణమూర్తి పీసీఆర్‌ వరంగల్‌ నుంచి సీఎస్‌బీ వరంగల్‌, జి. రామకృష్ణచారి పీసీఆర్‌ వరంగల్‌ నుంచి నర్సంపేటకు బదిలీ అయ్యారు. కేయూ క్యాంపస్‌: హైదరాబాద్‌లోని ఉమెన్స్‌ యూనివర్సిటీలో ఈనెల 9నుంచి ప్రారంభమై 12వ తేదీవరకు జరగనున్న సౌత్‌జోన్‌ ఇంటర్‌ యూనివర్సిటీ చెస్‌టోర్నమెంట్‌లో పాల్గొననున్న కాకతీయ యూనివర్సిటీ మహిళా జట్టును ఎంపిక చేసినట్లు స్పోర్ట్స్‌బోర్డు సెక్రటరీ డాక్టర్‌ టి.శాస్త్రి సోమవారం తెలిపారు. జట్టులో చిలకబత్తిని నవ్య, పూజశ్రీపుప్పాల, మాధురి కర్జ్‌, బచ్చలి నవ్య, కోరం పూజిత, కుర్సమ్‌ సాహిత్య ఉన్నారు. జట్టుకు టీజీటీ డబ్ల్యూఆర్‌డీసీ(ఖమ్మం) ఫిజికల్‌ డైరెక్టర్‌ బి రమ్య, కోచ్‌కమ్‌ మేనేజర్‌గా వ్యవహరిస్తారని శాస్త్రి తెలిపారు. విద్యారణ్యపురి: పాఠశాల విద్య వరంగల్‌ ఆర్‌జేడీగా (రీజనల్‌ జాయింట్‌ డైరెక్టర్‌) పుల్‌ అడిషనల్‌ చార్జి (ఎఫ్‌ఏసీ) బి.వెంకటనర్సమ్మను నియమిస్తూ సోమవారం రాష్ట్ర ప్రభుత్వం ఉత్తర్వులు జారీచేసింది. ప్రస్తుతం వెంకటనర్సమ్మ హైదరాబాద్‌లో పాఠశాల విద్యాశాఖ డైరెక్టరేట్‌లో జాయింట్‌ డైరెక్టర్‌ (సర్వీసెస్‌)గా బాధ్యతలు నిర్వర్తిస్తున్నారు. కొంతకాలం క్రితమే పాఠశాల విద్యాశాఖ డైరెక్టరేట్‌లో జాయింట్‌ డైరెక్టర్‌గా పనిచేస్తున్న విజయలక్ష్మికి వరంగల్‌కు పోస్టింగ్‌ ఇవ్వగా ఆమె బాధ్యతలు చేపట్టలేదు. సెలవుల్లో కొనసాగుతున్నారు. దీంతో ఆమెస్థానంలో వెంకటనర్సమ్మకు పోస్టింగ్‌ ఇస్తూ ప్రభుత్వం ఉత్తర్వులు జారీచేసింది. హన్మకొండ కల్చరల్‌: కార్తీకమాసం ప్రారంభం సందర్భంగా నేటి(మంగళవారం)నుంచి ప్రతీరోజూ శ్రీభద్రకాళి దేవాలయంలో కార్తీక దీపోత్సవం నిర్వహిస్తున్నట్లు ఈఓ రామల సునీత తెలిపారు. ఈ మాసంలో రుద్రాభిషేకాలు, బిల్వార్చనలు, రుద్రహోమాలుంటాయని పేర్కొన్నారు. శ్రీభద్రకాళి దేవాలయాన్ని సోమవారం మణిపూర్‌ రాష్ట్రం నోని జిల్లాకు చెందిన ఐఏఎస్‌ అధికారి శ్రీధర్‌ కుటుంబ సమేతంగా దర్శించుకున్నారు. పూజల అనంతరం అర్చకులు తీర్థప్రసాదాలు, శేషవస్త్రాలు, మహాదాశీర్వచనం అందజేశారు.

దీపావళి వేడుకల్లో ప్రమాదాలు.. పది మందికి గాయాలుసాక్షి, వరంగల్‌ : దీపావళి పండుగ బాణసంచా పేలుళ్లు పలువురిని ఆస్పత్రులపాలు చేశాయి. వరంగల్‌ నగరంలో దీపావళి సందర్భంగా పటాకులు కాల్చుతూ పది మంది గాయపడ్డారు. వీరిలో నలుగురు వరంగల్‌ ప్రాంతీయ నేత్ర వైద్యశాలకు రాగా.. మరో ఆరుగురు ప్రైవేట్‌ ఆస్పత్రుల్లో చికిత్స పొందారు. బాధితులు నగరంలోని కీర్తినగర్‌, దేశాయిపేట, హనుమకొండ ప్రాంతాలకు చెందినవారు ఉన్నారు. ముఖ్యంగా కంటికి గాయాలవడం ఆందోళన కలిగిస్తోంది. కుడి, ఎడమ కళ్లకు గాయాలు... వరంగల్‌ ప్రాంతీయ నేత్ర వైద్యశాల వైద్యుల వివరాల ప్రకారం... ఆదివారం రాత్రి 8 గంటల నుంచి సోమవారం ఉదయం 8 గంటల వరకు నాలుగు కంటి గాయాల కేసులు నమోదయ్యాయి. వీరిలో ఇద్దరికి కుడి కంటికి, మరొకరికి ఎడమ కంటికి గాయాలైనట్లు వైద్య నివేదిక రికార్డుల్లో పేర్కొన్నారు. ఇంకొకరికి సాధారణ గాయాలయ్యాయి. బాధితులకు అవసరమైన మందులు సూచించారు. మరొకరికి నొప్పి నివారణ మందులు, యాంటీబయాటిక్‌ మాత్రలు ఇచ్చారు. బాణసంచా పేలుడు ధాటికి కంటిలోని సున్నితమైన భాగాలు దెబ్బతినే ప్రమాదం ఉండటంతో వైద్యులు ప్రత్యేకంగా పరీక్షించి చికిత్స అందించారు. నగరంలోని ప్రైవేట్‌ ఆస్పత్రుల్లో ఆరుగురు గాయాలతో చేరారు. దీపావళి ప్రమాదాల నుంచి పాఠాలు నేర్చుకోవాల్సిన అవసరముంది. ఈ నెల 24న కార్తీక పౌర్ణమి సందర్భంగా కూడా పలు ప్రాంతాల్లో బాణసంచా కాల్చే ఆనవాయితీ ఉంది. ఈ నేపథ్యంలో ప్రజలు మరింత అప్రమత్తంగా ఉండాలని నేత్రవైద్యులు సూచిస్తున్నారు. చూపుపై ప్రభావం పడే ప్రమాదం... బాణసంచా పేలినప్పుడు వెలువడే వేడి, నిప్పురవ్వలు, చిన్న చిన్న లోహ, కాగితపు ముక్కలు నేరుగా కంటిని తాకితే తీవ్ర గాయాలయ్యే అవకాశం ఉంది. కార్నియా దెబ్బతినడం, కనురెప్పలకు కాలిన గాయాలు, రెటీనా దెబ్బతినడం వంటి తీవ్రమైన సమస్యలు కూడా తలెత్తవచ్చు. కొన్ని సందర్భాల్లో శాశ్వతంగా చూపు కోల్పోయే ప్రమాదం ఉంది. పిల్లలకు టపాసులు ఇచ్చి ఒంటరిగా వదలకూడదు. రాకెట్లు, చిచ్చుబుడ్లు, ఇతర బాణసంచాను జనసంచారం లేని బహిరంగ ప్రదేశాల్లోనే కాల్చాలి. టపాసులు వెలిగించేటప్పుడు ముఖాన్ని దగ్గరగా పెట్టకూడదు. కంటికి నిప్పురవ్వ తగిలినా, గాయమైనా చేతులతో రుద్దకూడదు. వెంటనే నేత్ర వైద్యుడిని సంప్రదించాలి. పండుగ సంబరాల కంటే ప్రాణాలు, చూపు ముఖ్యమనే విషయాన్ని గుర్తుంచుకోవాలి. – డాక్టర్‌ రవిశేఖర్‌, వరంగల్‌ ప్రాంతీయ నేత్ర వైద్యశాల సూపరింటెండెంట్‌ వరంగల్‌ ప్రాంతీయ నేత్ర వైద్యశాలలో నలుగురు.. ప్రైవేట్‌ ఆస్పత్రుల్లో ఆరుగురికి చికిత్స 24న కార్తీక పౌర్ణమి వేళ అప్రమత్తత అవసరమంటున్న వైద్యులు

●సాక్షిప్రతినిధి, వరంగల్‌ : జనాభా లెక్కలకు ముహూర్తం ఖరారైంది. ఇళ్ల గణన ఘట్టం ముగియగా.. ఇప్పుడు వ్యక్తుల గణనకు ప్రభుత్వం సిద్ధమైంది. 2011 తర్వాత దాదాపు 16 ఏళ్ల విరామంతో జరుగుతున్న జనగణన–2027 రెండో విడతకు ప్రభుత్వం తేదీలను ప్రకటించింది. ఈ మేరకు జీఓ నంబర్‌ 155 ద్వారా చీఫ్‌ సెక్రటరీ సంజయ్‌ జాజు సోమవారం ఉత్తర్వులు జారీ చేశారు. వచ్చే ఏడాది జనవరి 10 నుంచి 24 వరకు ప్రజలకు స్వీయ గణనకు అవకాశం కల్పించనుండగా.. జనవరి 25 నుంచి ఫిబ్రవరి 28 వరకు ఎన్యుమరేటర్లు ఇంటింటికీ తిరిగి జనాభా వివరాలు సేకరించనున్నారు. మార్చి 1 నుంచి 5 వరకు సవరణల ప్రక్రియ చేపట్టనున్నారు. ఉమ్మడి వరంగల్‌ జిల్లాలో 2011 జనాభా లెక్కల ప్రకారం మొత్తం జనాభా 38,20,369 ఉండగా, ఇందులో పట్టణ 28,28,036మంది, గ్రామీణ జనాభా 9,92,333 ఉన్నట్లు గణాంకాలు చెబుతున్నాయి. ఈ విడతలో కుటుంబ సభ్యుల వివరాలు.. 15 ఏళ్ల విరామం తరువాత జనగణనలో మొదటి విడతగా చేపట్టిన హౌస్‌లిస్టింగ్‌ అండ్‌ హౌసింగ్‌ సెన్సస్‌లో ఇళ్ల నిర్మాణం, నివాస పరిస్థితులు, కుటుంబాలకు ఉన్న సౌకర్యాల వివరాలను సేకరించారు. ఉమ్మడి వరంగల్‌లోని ఆరు జిల్లాలతోపాటు గ్రేటర్‌ వరంగల్‌ పరిధిలోనూ ఈ ప్రక్రియ కొనసాగింది. ఇళ్ల రకం, గోడలు, పైకప్పుల నిర్మాణం, తాగునీరు, విద్యుత్‌, మరుగుదొడ్డి, వంట ఇంధనం, ఇంటర్నెట్‌, స్మార్ట్‌ఫోన్‌, వాహనాలు తదితర వివరాలను డిజిటల్‌ విధానంలో నమోదు చేశారు. రెండో విడతలో కుటుంబ సభ్యుల సంఖ్య, వయసు, లింగం, విద్యార్హతలు, వైవాహిక స్థితి, వృత్తి, ఉపాధి తదితర అంశాలపై సమాచారం సేకరిస్తారు. ఈసారి కుల గణనకు సంబంధించిన ప్రశ్నలు కూడా జనగణనలో భాగంగా ఉండనున్నాయి. స్వయంగా నమోదు చేసుకునే అవకాశం.. ప్రజలకు జనవరి 10 నుంచి 24 వరకు సెల్ఫ్‌ ఎన్యుమరేషన్‌ సదుపాయం కల్పిస్తున్నారు. ప్రత్యేక ఆన్‌లైన్‌ పోర్టల్‌ ద్వారా కుటుంబ వివరాలను స్వయంగా నమోదు చేసుకోవచ్చు. అనంతరం ఎన్యుమరేటర్‌ ఇంటికి వచ్చినప్పుడు నమోదు చేసిన వివరాలను ధ్రువీకరించాలి. ఈ సదుపాయాన్ని విని యోగించుకోని కుటుంబాల వివరాలను సిబ్బంది నేరుగా సేకరిస్తారు. ఉమ్మడి జిల్లాల్లో గ్రామీణ, పట్టణ ప్రాంతాల వారీగా గణన చేపట్టనున్నారు. కలెక్టర్ల పర్యవేక్షణలో సంబంధిత శాఖల సిబ్బందికి బాధ్యతలు అప్పగించనున్నారు. ఉపాధ్యాయులు, ఇతర ప్రభుత్వ ఉద్యోగులను ఎన్యుమరేటర్లుగా నియమించి శిక్షణ ఇచ్చి, ‘గ్రేటర్‌’లో వార్డులు, కాలనీల వారీగా గణన చేయనున్నారు. వరంగల్‌హనుమకొండభూపాలపల్లిములుగుమహబూబాబాద్‌జనగామ‘గ్రేటర్‌’జనాభాపై ఆసక్తి.. హనుమకొండ–వరంగల్‌–కాజీపేట ట్రైసిటీ ప్రాంతంలో గత పదహారేళ్లలో పట్టణీకరణ వేగంగా పెరిగింది. కొత్త కాలనీలు, విలీన గ్రామాలు, అపార్ట్‌మెంట్లు, గేటెడ్‌ కమ్యూనిటీలు విస్తరించాయి. దీంతో ఇక్కడి జనాభా ఎంత పెరిగింది? ఏ ప్రాంతాల్లో ఎక్కువ కుటుంబాలు నివసిస్తున్నాయి? అనే అంశాలపై ఆసక్తి నెలకొంది. సుమారుగా 11 లక్షల వరకు ఉంటుందని అంచనా కాగా, తాజా గణాంకాలు వెలువడితే తాగునీరు, రహదారులు, డ్రెయినేజీ, పారిశుద్ధ్యం, ప్రజా రవాణా, విద్య, వైద్య సదుపాయాల భవిష్యత్‌ ప్రణాళికలకు ఉపయోగపడనున్నాయి. కాగా, జనాభా గణనకు 2027, మార్చి 1వ తేదీ అర్ధరాత్రి 00:00 గంటలను ప్రామాణిక సమయంగా నిర్ణయించారు. ప్రధాన గణన అనంతరం మార్చి 1 నుంచి 5 వరకు రివిజనల్‌ రౌండ్‌ నిర్వహించి వివరాల్లో పొరపాట్లు, మినహాయింపులను సరిచూడనున్నారు. 10 నుంచి 24 వరకు స్వీయ గణనకు అవకాశం ఉత్తర్వులు జారీ చేసిన ప్రభుత్వం.. గ్రేటర్‌ విస్తరణ.. కొత్త కాలనీల జనాభాపై ఆసక్తిఉమ్మడి వరంగల్‌ జనాభా–2011 జనగణన ప్రకారం

● వరంగల్‌ కలెక్టర్‌ డాక్టర్‌ సత్యశారదన్యూశాయంపేట : ప్రజావాణిలో స్వీకరించిన అర్జీలకు వెంటనే పరిష్కారం చూపాలని వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. సోమవారం ప్రజావాణిలో భాగంగా కలెక్టరేట్‌లో ప్రజలనుంచి వినతులు స్వీకరించారు. దీపావళి పండుగ మరుసటి రోజు కావడంతో ప్రజలు తక్కువ సంఖ్యలో హాజరయ్యారు. మొత్తంగా 56 అర్జీలు రాగా వాటిలో అత్యధికంగా రెవెన్యూ శాఖ –22, మున్సిపల్‌ కార్పొరేషన్‌–8, డీఆర్‌డిఏ–4, హౌసింగ్‌–3, ఎంజీఎం–3, వివిధ శాఖలకు సంబంధించి 16 దరఖాస్తులు సమర్పించారు. వరంగల్‌ నూతన కలెక్టరేట్‌ను వెంటనే ప్రారంభించాలని విద్యావంతుల వేదిక బాధ్యులు వినతిపత్రం సమర్పించారు. అదనపు కలెక్టర్లు ఎల్‌.కిశోర్‌ కుమార్‌, వై.వీ.గణేష్‌, డీఆర్‌ఓ విజయలక్ష్మి పాల్గొన్నారు. అర్జీలు వేగవంతంగా పరిష్కరించాలి : రవిహన్మకొండ అర్బన్‌ : ప్రజావాణిలో ప్రజలనుంచి వచ్చిన అర్జీలను వేగవంతంగా పరిష్కరించాలని హనుమకొండ జిల్లా అదనపు కలెక్టర్‌ ఎన్‌.రవి.. సంబంధిత శాఖల అధికారులను ఆదేశించారు. సోమవారం హనుమకొండ కలెక్టరేట్‌తోపాటు హనుమకొండ, పరకాల ఆర్డీఓ కార్యాలయాలు, ఎంపీడీఓ కార్యాలయాల్లో ప్రజావాణి కార్యక్రమం నిర్వహించారు. కలెక్టరేట్‌లో అదనపు కలెక్టర్‌ ఎన్‌.రవి ప్రజలనుంచి వివిధ సమస్యలపై అర్జీలు స్వీకరించారు. కలెక్టరేట్‌లో 39, ఆర్డీఓ కార్యాలయాల్లో 6, ఎంపీడీఓ కార్యాలయాల్లో 39, మొత్తం 84 అర్జీలు అందాయి. ఈ అర్జీలను సంబంధిత శాఖల అధికారులు త్వరితగతిన పరిష్కరించాలని అదనపు కలెక్టర్‌ ఆదేశించారు. కార్యక్రమంలో డీఆర్‌ఓ శ్రీనివాస్‌, డీఆర్‌డీఓ మేన శ్రీను, అధికారులు పాల్గొన్నారు.

సాక్షిప్రతినిధి, వరంగల్‌: ఉమ్మడి వరంగల్‌ జిల్లాలో రెండు నియోజకవర్గాలు రాజకీయంగా ఇప్పుడు చర్చనీయాంశంగా మారాయి. ఒకచోట ఫ్లెక్సీల తొలగింపు వివాదం ప్రతిపక్ష బీఆర్‌ఎస్‌లో అంతర్గత విభేదాలను తెరపైకి తెస్తుండగా.. మరోచోట ఎమ్మెల్యే కుటుంబానికి చెందిన వ్యక్తి, మాజీ ఎమ్మెల్యే కుటుంబానికి చెందిన నాయకుడి మధ్య ఆరోపణలు, ప్రత్యారోపణలు రాజకీయ వేడిని పెంచుతున్నాయి. పరకాలలో మాజీ ఎమ్మెల్యే చల్లా ధర్మారెడ్డి, ఎమ్మెల్సీ పోచంపల్లి శ్రీనివాస్‌రెడ్డి వర్గాల మధ్య నెలకొన్నట్లు ప్రచారంలో ఉన్న విభేదాలు తాజాగా క్రికెట్‌ టోర్నమెంట్‌ ఫ్లెక్సీల తొలగింపుతో చర్చకు వచ్చాయి. వరంగల్‌ పశ్చిమలో ఎమ్మెల్యే నాయిని రాజేందర్‌రెడ్డి అల్లుడు విష్ణువర్ధన్‌రెడ్డి, మాజీ ఎమ్మెల్యే దాస్యం వినయ్‌భాస్కర్‌ సోదరుడు విజయభాస్కర్‌ మధ్య మాటల యుద్ధం బహిరంగమైంది. పరకాలలో ఫ్లెక్సీల చిచ్చు.. పరకాలలో పోచంపల్లి ఫౌండేషన్‌ ఆధ్వర్యంలో క్రికెట్‌ టోర్నమెంట్‌ నిర్వహణకు ఏర్పాట్లు చేస్తున్నారు. ఈ సందర్భంగా పట్టణంలో ఏర్పాటు చేసిన ప్రచార ఫ్లెక్సీలు తొలగించడం వివాదానికి దారితీసింది. ఈ వ్యవహారంలో బీఆర్‌ఎస్‌ కౌన్సిలర్‌ దుబ్బాసి వెంకటస్వామితోపాటు పలువురు నాయకులపై పోలీసులకు ఫిర్యాదు చేశారు. ఫ్లెక్సీల్లో పోచంపల్లి శ్రీనివాస్‌రెడ్డికి ప్రాధాన్యం ఉండటం, చల్లా ధర్మారెడ్డి ఫొటో లేకపోవడం వివాదానికి కారణమైంది. ఫ్లెక్సీల తొలగింపు వెనుక ఎవరున్నారు? ఎవరి ఆదేశాలతో ఈ పని జరిగింది? అన్నది విచారణలో తేలాల్సి ఉంది. భవిష్యత్‌ రాజకీయ సమీకరణాల కోసమేనా? పరకాల నియోజకవర్గంలో మాజీ ఎమ్మెల్యే చల్లా ధర్మారెడ్డి బీఆర్‌ఎస్‌ ఇన్‌చార్జ్‌గా పార్టీ కార్యక్రమాలను నిర్వహిస్తున్నారు. ఎప్పటినుంచో పరకాలపై కన్నేసిన ఎమ్మెల్సీ పోచంపల్లి శ్రీనివాస్‌రెడ్డి తన ఫౌండేషన్‌ ద్వారా సేవ, యువతకు సంబంధించిన కార్యక్రమాలతో ప్రజల్లోకి వెళ్తున్నారు. గతంలో ఇద్ద రూ కలిసి ఫౌండేషన్‌ కార్యక్రమాల్లో పాల్గొన్న సందర్భాలూ ఉన్నాయి. తాజా ఫ్లెక్సీల వివాదం నేపథ్యంలో ఇరువర్గాల మధ్య రాజకీయ సమన్వ యం, ప్రాధాన్యంపై చర్చ మొదలైంది. రానున్న ఎన్నికల నాటికి నియోజకవర్గంలో పార్టీ నాయకత్వం, రాజ కీయ ప్రాధాన్యం ఎవరికి దక్కుతుందన్న అంశం ఈ పరిణామాల నేపథ్యంలో ప్రస్తావనకు వస్తోంది. వరంగల్‌ పశ్చిమలో వారసుల వార్‌.. మరోవైపు వరంగల్‌ పశ్చిమ నియోజకవర్గంలో కాంగ్రెస్‌ ఎమ్మెల్యే నాయిని రాజేందర్‌రెడ్డి అల్లుడు విష్ణువర్ధన్‌రెడ్డి, బీఆర్‌ఎస్‌ మాజీ ఎమ్మెల్యే దాస్యం వినయ్‌భాస్కర్‌ సోదరుడు విజయభాస్కర్‌ మధ్య వివాదం బహిరంగమైంది. సోషల్‌ మీడియాలో తమ పార్టీ నేతలు, కార్యకర్తలు, కుటుంబ సభ్యులను లక్ష్యంగా చేసుకుని పోస్టులు, వీడియోలు పెడుతున్నారని విష్ణువర్ధన్‌రెడ్డిపై విజయభాస్కర్‌ ఆరోపించారు. బీఆర్‌ఎస్‌ కార్యాలయంలోకి బీరు సీసాలు విసిరిన ఘటనకు సంబంధించిన వీడియోలు తన వద్ద ఉన్నాయని మీడియా సమావేశంలో పేర్కొన్నారు. తాము పదేళ్లు అధికారంలో ఉన్నప్పుడు ప్రత్యర్థులపై అక్రమ కేసులు పెట్టలేదని, ఇప్పుడు తమ కార్యకర్తలను ఇబ్బందులకు గురిచేస్తున్నారని విజయభాస్కర్‌ విమర్శించారు. ఎమ్మెల్యే నాయిని రాజేందర్‌రెడ్డిపై గౌరవం ఉందంటూనే.. ఆయన అల్లుడిని ఉద్దేశించి ‘దశమగ్రహం’అంటూ చేసిన వ్యాఖ్యలు రాజకీయంగా చర్చకు దారితీశాయి. ఈ వ్యాఖ్యలను కాంగ్రెస్‌ నాయకులు ఖండించారు. విష్ణువర్ధన్‌రెడ్డి మాత్రం ఆ ఆరోపణలకు సంబంధం లేనట్లుగా స్పందించడం లేదు. అంతర్గతంగానూ.. వరంగల్‌ పశ్చిమలో నాయిని రాజేందర్‌రెడ్డి, దాస్యం వినయ్‌భాస్కర్‌ మధ్య గతంలో భద్రకాళి చెరువు, ఆలయ మాడవీధుల విస్తరణ, గుడిసెల తొలగింపువంటి అంశాలపై రాజకీయ విమర్శలు, ప్రతివిమర్శలు చోటుచేసుకున్నాయి. తాజాగా కుటుంబ సభ్యుల పేర్లు వివాదంలోకి రావడంతో రాజకీయ పోరు మరో కోణం సంతరించుకుంది. రాజకీయ పార్టీలకు ప్రజా సమస్యలు, అభివృద్ధి అంశాలే ప్రధాన ఎజెండాగా ఉండాల్సి ఉండగా.. ఫ్లెక్సీలు, సోషల్‌ మీడియా పోస్టులు, వ్యక్తిగత విమర్శలు చర్చనీయాంశంగా మారడంపై చర్చ జరుగుతోంది. కాగా, రానున్న రోజుల్లో ఈ రెండు నియోజకవర్గాల్లో రాజకీయ పరిణామాలు ఏ మలుపు తిరుగుతాయో వేచి చూడాలి. పరకాల, వరంగల్‌ పశ్చిమ నియోజకవర్గాల్లో రాజకీయ రగడ.. భవిష్యత్‌ ఎన్నికల కోసం అక్కడ సమీకరణాలు.. రాజకీయ ఆధిపత్యం కోసం ఇక్కడ ఎత్తుగడలు. చర్చనీయాంశంగా మారిన రెండు నియోజకవర్గాల పరిణామాలు

దీపావళి టపాసులు కాల్చుతున్నప్పుడు ప్రమాదాలు జరిగే అవకాశం ఉంది. ట పాసుల నిప్పులు కళ్లలో ప డే ప్రమాదం ఉంటుంది. ప్రమాదం జరిగితే వెంటనే చికిత్స చేయించుకోవాలి. కాలిన, పేలని టపాసులను తిరిగి కాల్చవద్దు. కాలిన గాయాలకు దుమ్ము, దూళి, వ్యర్థాలు ఉంటే పైన మాత్రమే పరిశుభ్రం చేయాలి. చర్మం కాలితే ఆయింట్‌మెంట్‌ పూతగా రాయాలి. కంటిపై గాయాలైతే రుద్దవద్దు. నీటితో కూడా కడగొద్దు.. కన్ను కదలకుండా బ్యాండేజ్‌ వేసి, నేత్ర వైద్య నిపుణుడి సలహాలు తీసుకోవాలి. – డాక్టర్‌ రవిశేఖర్‌, ప్రాంతీయ నేత్రవైద్యశాల సూపరింటెండెంట్‌

ఖిలా వరంగల్‌ : చారిత్రక ఖిలా వరంగల్‌ కోటను శనివారం హైదరాబాద్‌లోని మర్రి చెన్నారెడ్డి మానవవనరులు అభివృద్ధి సంస్థలో శిక్షణ పొందుతున్న ట్రెజరీ సీనియర్‌, జూనియర్‌ అధికారులు సందర్శించారు. ఈ సందర్భంగా మధ్యకోటలోని నాలుగు కీర్తి తోరణాల మధ్య శిల్పకళాసంపద ను ఆసక్తిగా తిలకించారు. అనంతరం రాతి, మట్టి కోట, ఖుష్‌మహల్‌ అందాల ను వీక్షించారు. వీరికి కోట గైడ్‌ రవి యాదవ్‌ కాకతీయుల విశిష్టతను వివరించారు. ఏటీఓ శ్రీనివాస్‌రెడ్డి, కోర్సు కోఆర్డినేటర్‌ వై. రాజేశ్వరి, శ్రీనివాస్‌, కేంద్రపురావస్తు, రాష్ట్ర పురా వస్తుశాఖ కోఆర్టినేటర్‌ శ్రీకాంత్‌, టీఎస్‌ టీడీసీ కోట ఇన్‌చార్జ్‌ అజయ్‌ పాల్గొన్నారు.

కాశిబుగ్గ: వరంగల్‌ ఎంజీఎం ఆస్పత్రికి నలుగురు అదనపు ఆర్‌ఎంఓలు రానున్నారు. అలాగే, కాకతీయ వైద్యకళాశాలకు కూడా నలుగురు సివిల్‌ అసిస్టెంట్‌ సర్జన్ల (మెడికల్‌)ను ఎంపిక చేశారు. ఎంజీఎంకు అదనపు ఆర్‌ఎంఓలతోపాటు వైద్యుల కొరత లేకుండా చూస్తామని ఇటీవల డీఎంఈ డాక్టర్‌ వాణి ఇచ్చిన హామీ నెరవేరడంతో సంతోషం వ్యక్తం చేస్తున్నారు. ఈ నేపథ్యంలో గత నెల 31న కాంట్రాక్టు పద్ధతిన సివిల్‌ అసిస్టెంట్‌ సర్జన్ల నియామకం కోసం కేఎంసీలో ఇంటర్వ్యూలు నిర్వహించారు. ఈ సందర్భంగా నలుగురు సివిల్‌ అసిస్టెంట్‌ సర్జన్లు, మరో నలుగురు ఆర్‌ఎంఓలను ఎంపిక చేశారు. ఈ నేపథ్యంలో కేఎంసీ అనాటమీకి ఇద్దరు, ఎస్‌పీఎం (కమ్యూనిటీ మెడిసిన్‌)కు మరో ఇద్దరిని కేటాయించారు. దీంతో ముగ్గురు సివిల్‌ అసిస్టెంట్‌ సర్జన్లు జాయిన్‌ కాగా మరొకరు సోమవారం జాయిన్‌ కానున్నారు. అలాగే, ఎంజీఎం నలుగురు అదనపు ఆర్‌ఎంఓలు కేటాయించగా ఇద్దరు జాయిన్‌ అయ్యారు. మరో ఇద్దరు సోమవారం విధుల్లో చేరనున్నట్లు తెలుస్తోంది. కాశిబుగ్గ: వరంగల్‌ ఎంజీఎం ఆస్పత్రిలో ఈనెల 2న కాంట్రాక్టు అసిస్టెంట్‌ ప్రొఫెసర్ల ఉద్యోగాలకు వాక్‌ఇన్‌ ఇంటర్వ్యూ నిర్వహించారు. 16 పోస్టులకు 53 మంది హాజరయ్యారు. అభ్యర్థుల తాత్కాలిక జాబితా mgmwarangal.com వెబ్‌సైట్‌లో ప్రకటించినట్లు ఎంజీఎం సూపరింటెండెంట్‌ డాక్టర్‌ రాంకుమార్‌రెడ్డి ఒక ప్రకటనలో తెలిపారు. ఈ జాబితాలో ఎవరికైనా అభ్యంతరాలు ఉంటే ఎంజీఎం హాస్పిటల్‌లో ఈనెల 10వ తేదీ సాయంత్రం 4 గంటల వరకు రాతపూర్వకంగా తెలియజేయాలని ఆయన పేర్కొన్నారు. హన్మకొండ అర్బన్‌: హనుమకొండలోని మల్లి కాంబ మనోవికాస కేంద్రానికి చెందిన మానసిక దివ్యాంగ చిన్నారులతో వరంగల్‌ ఎంపీ డాక్టర్‌ కడియం కావ్య, మాజీ ఉప ముఖ్యమంత్రి, స్టేషన్‌ఘన్‌పూర్‌ ఎమ్మెల్యే కడియం శ్రీహరి దీపావళి వేడుకలు జరుపుకున్నారు. శనివారం హనుమకొండ కనకదుర్గ కాలనీలోని వారి నివాసంలో చిన్నారులు ఎంపీ, ఎమ్మెల్యేలను కలిసి పండుగ శుభాకాంక్షలు తెలిపారు. ఈ సందర్భంగా వారు చిన్నారులను ఆప్యాయంగా పలకరించి, స్వయంగా స్వీట్లు తినిపించి దీపావళి శుభాకాంక్షలు చెప్పారు. కాజీపేట అర్బన్‌: నిట్‌ వరంగల్‌లో సెమీకండక్టర్స్‌ ప్రయోగశాలతో పాటు టెక్స్‌టైల్‌ ఇంజనీరింగ్‌ కోర్సు ఏర్పాటుకు నిట్‌ వరంగల్‌తో కంబోడియాకు చెందిన కిరిరోమ్‌ ఇన్‌స్టిట్యూట్‌ ఆప్‌ టెక్నాలజీ (కేఐటీహెచ్‌) శనివారం ఎంఓయూ కుదుర్చుకుంది. నిట్‌ డైరెక్టర్‌ బిద్యాధర్‌ సుబుదీ, కేఐటీహెచ్‌ చైర్మన్‌ కిరణ్‌కుమార్‌రెడ్డి ఒప్పందపత్రాలు పంచుకున్నారు. కేఐటీహెచ్‌ బిజినెస్‌ డెవలప్‌మెంట్‌ ప్రతినిధి పంకజ్‌చౌదరి, బోర్డు మెంబర్‌ పవన్‌రెడ్డి, నిట్‌ డిప్యూటీ డైరెక్టర్‌ రతీశ్‌కుమార్‌, ప్రొఫెసర్లు,డీన్లు శంకర్‌, కిరణ్‌కుమార్‌ పాల్గొన్నారు. కాజీపేట అర్బన్‌: దివ్యాంగుల అభ్యున్నతి, సాధికారతకు విశేష కృషిచేసిన ఉత్తమ వ్యక్తులు, సంస్థలకు రాష్ట్రస్థాయి పురస్కారాలు అందజేసేందుకు దరఖాస్తులు ఆహ్వానిస్తున్నట్లు హనుమకొండ జిల్లా స్త్రీ, శిశు సంక్షేమ శాఖ ఇన్‌చార్జ్‌ అధికారి విశ్వజ ఒక ప్రకటనలో తెలిపారు. ప్రతి ఏడాది డిసెంబర్‌ 3న అంతర్జాతీయ దివ్యాంగుల దినోత్సవాన్ని పురస్కరించుకుని అందజేసే పురస్కారాలకు ఈనెల 16 లోపు depwdsctgn. telangana.gov. inలో దరఖాస్తు చేయాలన్నారు. వరంగల్‌ అర్బన్‌: దేశ వ్యాప్తంగా ఉన్న నగరాల్లో నిర్వహించిన స్వచ్ఛ వాయు సర్వేక్షణ్‌ – 2026లో గ్రేటర్‌ వరంగల్‌ అడ్రస్‌ గల్లంతైంది. కేంద్ర గృహ నిర్మాణ, పట్టణాభివృద్ధి శాఖ అఽఽధికారులు స్వచ్ఛ సర్వేక్షణ్‌ అవార్డులను శని వారం ప్రకటించారు. మూడు కేటగిరీల అవా ర్డుల్లో వరంగల్‌ చిరునామా ఆచూకీ లేదు. పది లక్షలకుపైన ఉన్న జనాభాలో గ్రేటర్‌ హైదరాబాద్‌ 27వ స్థానం దక్కించుకోగా, 10 లక్షల జనాభా కలిగిన వరంగల్‌ అర్హత లభించకపోవడంతో విమర్శలు వస్తున్నాయి.

వివాహేతర సంబంధం.. సరస్సు వద్దకు తీసుకెళ్తే.. అక్కాచెల్లెళ్లిద్దరు ఆహ్లాదం అనుకున్నారు.. అమ్మ చేయి పట్టుకుని బుడిబుడి అడుగులు వేశారు. సరదాగా ఆడుకున్నారు. పార్కంతా కలియదిరిగారు. తెల్లవారితే అందరి ఇళ్లలో దీపావళి వెలుగులు.. కానీ, తన భర్త చేసిన మోసంతో జీవితంలో కారు చీకట్లు అలుముకున్నాయి. తన గుండెలో గూడుకట్టుకున్న ఆవేదన, ఆక్రందనలకు మరణమే శరణ్యమనుకుంది. తాను చనిపోతే పిల్లలిద్దరు అనాథలవుతారని భావించి చున్నీతో పిల్లలిద్దరిని నడుముకు కట్టుకుంది. ఏంటమ్మా ఇలా చేస్తున్నావని చిన్నారులు అడిగేలోపే సరస్సులో దూకింది. ముగ్గురూ విగతజీవులయ్యారు. భర్త వివాహేతర సంబంధం మిగిల్చిన పెనువిషాదమిది.ఖానాపురం/గీసుకొండ: కన్నవారిని కాదనుకుంది. సామాజిక వర్గాలు వేరైనా ప్రేమించిన వ్యక్తిని వివాహం చేసుకుంది. తన భర్త మరో మహిళతో వివాహేతర సంబంధం పెట్టుకోవడంతో మనస్తాపం చెందింది. ఇటు తల్లిగారింటికి వెళ్లలేదు. భర్త మోసం తట్టుకోలేక చావే దిక్కనుకుంది. కానీ, పిల్లలు దిక్కులేని వారవుతారనే భావనతో వారితో సహా ఆత్మహత్యకు పాల్పడింది. ఈ హృదయ విదారక ఘటన పాకాలలో చోటుచేసుకుంది. హనుమకొండ జిల్లా బైరాన్‌పల్లి గ్రామానికి చెందిన ఈరెల్లి మమత(30) చిన్నతనం నుంచి వరంగల్‌ జిల్లా గీసుకొండ మండలం ఎలుకుర్తిహవేలిలోని అమ్మమ్మ ఇంటి వద్ద ఉండి చదువుకుంది. చదువుకునే సమయంలో అదే గ్రామానికి చెందిన సుమన్‌ అనే యువకుడితో ప్రేమలో పడింది. ఇద్దరి సామాజిక వర్గాలు వేరు. పెద్దలకు ఇష్టంలేకపోయినా వారిని వదిలి ఆరేళ్ల క్రితం కులాంతర వివాహం చేసుకుంది. సుమన్‌ ట్రాక్టర్‌ డ్రైవర్‌గా పనిచేస్తుండగా, మెడికల్‌ డిప్లొమా చదివిన మమత నర్సంపేటలోని ఓ ప్రైవేట్‌ ఆస్పత్రిలో పనిచేస్తోంది. వారికి హర్షిణి(4), కావ్య(3) ఇద్దరు కూతుళ్లు ఉన్నారు. హర్షిణి నర్సరీ చదువుతుండగా కావ్య ఇంటివద్దే ఉంటోంది. భర్త మరో మహిళతో వివాహేతర సంబంధం.. వారిద్దరి సంసారం సజావుగా సాగుతుండగా సుమన్‌ గ్రామంలోని తనఇంటి సమీపంలోని ఓ మహిళతో 6 నెలల నుంచి వివాహేతర సంబంధం పెట్టుకున్నాడు. ఈ విషయం తెలిసిన మమత మానసికంగా కుంగిపోయింది. సొంత వారిని వదులుకుని ఇష్టపడిన వ్యక్తిని ప్రేమ వివాహం చేసుకుంటే భర్త నమ్మించి మోసం చేశాడనే ఆవేదన చెందింది. ఈ విషయమై గ్రామంలోని పెద్ద మనుషులు రెండుసార్లు పంచాయితీ పెట్టి సుమన్‌ను హెచ్చరించారు. అతను తీరు మార్చుకోకపోగా ఆ మహిళతో పలుమార్లు ఇంట్లోనుంచి వెళ్లిపోయాడు. పోలీస్‌ కేసు కూడా నమోదైంది. ఈ క్రమంలో సుమన్‌, మమ త నర్సంపేట మండలం ముగ్దుంపురంలోని బంధువుల ఇంట్లో ఉంటున్నారు. రెండు రోజుల క్రితం సదరు మహిళతో కలిసి మళ్లీ వెళ్లిపోయాడు. దీంతో మమత ఎలుకుర్తి హవేలిలో తన ఇంటికి వెళ్లింది. శుక్రవారం రాత్రి ఆ మహిళ తరఫు భర్త, బంధువులు తన ఇంటికి వచ్చి తీవ్రంగా దూషించారు. అవమానంగా భావించిన మమత శనివారం ఉదయం డ్యూటీకి వెళ్తున్నానని చెప్పి ఇద్దరు కూతుళ్లను వెంటబెట్టుకుని పాకాల సరస్సుకు వచ్చి చున్నీతో నడుముకు కట్టుకుని దూకి ఆత్మహత్య చేసుకుంది. పిల్లలతో కాసేపు గడిపి.. సరస్సు పార్కులో మమత పిల్లలతో కాసేపు గడిపింది. తాను ఆత్మహత్య చేసుకుంటున్నానని హైదరాబాద్‌లో ఉన్న బంధువులకు వాట్సాప్‌ ద్వారా లొకేషన్‌ వివరాలు పంపింది. తన వెంట తెచ్చుకున్న బ్యాగు, సెల్‌ఫోన్‌ బోటింగ్‌ పాయింట్‌ సమీపంలో పెట్టింది. అప్రమత్తమైన బంధువులు గ్రామంలోని కుటుంబ సభ్యులకు తెలిపి వెంటనే మమతకు ఫోన్‌ చేయగా బోటింగ్‌ సిబ్బంది ఫోన్‌ లిఫ్ట్‌ చేశారు. ఇద్దరు పిల్లలతో వచ్చిన మహిళ ఆత్మహత్య చేసుకుంటానని తెలిపిందని, వెంటనే కాపాడాలని కోరగా.. పార్కు, కట్ట ప్రాంతంలో వెతికి బోటింగ్‌ పాయింట్‌ వద్దకు చేరుకోగా ముగ్గురి మృతదేహాలు నీటిపై తేలాయి. ఎస్సై గుగులోతు రాంమోహన్‌కు సమాచారం తెలియడంతో అక్కడికి చేరుకుని కుటుంబ సభ్యులకు సమాచారం అందించారు. వరంగల్‌ ఈస్ట్‌జోన్‌ డీసీపీ అంకిత్‌కుమార్‌ ఘటనా స్థలానికి చేరుకుని మృతదేహాలను పరిశీలించి వివరాలు సేకరించారు. నర్సంపేట ఏసీపీ రవీందర్‌రెడ్డి, నర్సంపేట, దుగ్గొండి సీఐలు శ్రీనివాస్‌, శంకర్‌రావు వివరాలు సేకరించారు. తహసీల్దార్‌ నంగునూరి రమేశ్‌ సమక్షంలో పంచనామా నిర్వహించి ముగ్గురి మృతదేహాలను పోస్టుమార్టం నిమిత్తం నర్సంపేటకు తరలించారు. తల్లీకూతుళ్ల మృతదేహాలను చూసి బంధువులు, అక్కడికి వచ్చిన ప్రతిఒక్కరూ కంటతడి పెట్టుకున్నారు. సుమన్‌ పరారీలో ఉన్నట్లు తెలుస్తోంది. తల్లి గారింటికి వెళ్లలేక.. భర్త మోసం తట్టుకోలేక తాను చనిపోతే పిల్లలు అనాథలవుతారని భావించి.. ఇద్దరు కూతుళ్లతో కలిసి తల్లి బలవన్మరణం పాకాల సరస్సులో దూకి తనువు చాలించిన వైనం ఘటనా స్థలాన్ని పరిశీలించిన ఈస్ట్‌జోన్‌ డీసీపీ, అధికారులు

సాక్షిప్రతినిధి, వరంగల్‌: ప్రజల ఆరోగ్యంతో చెలగాటమాడుతున్న అక్రమ ఔషధ వ్యాపారంపై టీజీ సేఫ్‌ (తెలంగాణ స్టాండర్డ్స్‌ అథారిటీ ఫర్‌ ఫుడ్‌ అండ్‌ ఎసెన్షియల్‌ డ్రగ్స్‌) డ్రగ్స్‌ విభాగం కొరడా ఝుళిపించింది. ఎలాంటి డ్రగ్‌ లైసెన్స్‌ లేకుండానే మందులను నిల్వచేసి విక్రయాలకు సిద్ధం చేసిన ఓ అక్రమ గోదాంపై అధికారులు దాడులు చేశారు. ఈ తనిఖీల్లో సుమారు రూ.7.89 లక్షల విలువైన ఔషధాలను స్వాధీనం చేసుకున్నారు. యాంటీబయాటిక్స్‌, అల్సర్‌ నివారణ మందులు, దగ్గు మందులు, నొప్పి నివారణ ఔషధాలు, యాంటీహిస్టమైన్స్‌ సహా మొత్తం 22 రకాల మందులు అక్కడ నిల్వ చేసినట్లు గుర్తించారు. శ్రీనివాసనగర్‌లో తనిఖీలు.. టీజీ సేఫ్‌ అధికారులకు అందిన విశ్వసనీయ సమాచారం మేరకు నవంబర్‌ 6న హనుమకొండలోని బాలసముద్రం శ్రీనివాసనగర్‌లో తనిఖీలు చేపట్టారు. కాళోజీ కళాక్షేత్రం సమీపంలోని డోర్‌ నంబర్‌ 1–7–1741లో నిర్వహిస్తున్న గోదాంలో ఎలాంటి చెల్లుబాటయ్యే డ్రగ్‌ లైసెన్స్‌ లేకుండానే మందులను నిల్వ చేసినట్లు గుర్తించారు. బి.సృజన్‌రెడ్డి అనే వ్యక్తి తన ఉద్యోగి హరికృష్ణ ద్వారా ఈ గోదాంను నిర్వహిస్తున్నట్లు తనిఖీల్లో వెల్లడైందని టీజీ సేఫ్‌ ఒక ప్రకటనలో పేర్కొంది. నమూనాల సేకరణ.. నిల్వ చేసిన మందుల్లో యాంటీబయాటిక్స్‌, అల్సర్‌ నివారణ ఔషధాలు, దగ్గు మందులు, నొప్పి నివారణ మందులు, యాంటీహిస్టమైన్స్‌ తదితరాలు ఉన్నాయి. మొత్తం రూ.7.89 లక్షల విలువైన ఔషధాలను అధికారులు స్వాధీనం చేసుకున్నారు. వాటి నాణ్యత, వివరాల నిర్ధారణ కోసం నమూనాలను సేకరించి విశ్లేషణకు పంపించారు. అనంతరం చర్యలు తీసుకోనున్నట్లు అధికారులు వెల్లడించారు. సరఫరాదారులకూ హెచ్చరికలు.. లైసెన్స్‌ లేని సంస్థలకు మందులను సరఫరా చేసే హోల్‌సేల్‌ వ్యాపారులు, డీలర్లపైనా చట్టం ప్రకారం చర్యలు తీసుకుంటామని టీజీ సేఫ్‌ హెచ్చరించింది. మందులను సరఫరా చేసే ముందు కొనుగోలుదారులకు చెల్లుబాటు అయ్యే డ్రగ్‌ లైసెన్స్‌ ఉందో లేదో తప్పనిసరిగా నిర్ధారించుకోవాలని సూచించింది. లైసెన్స్‌ లేకుండా ఔషధాలు నిల్వ చేయడం నేరమని, ఇందుకు ఐదేళ్ల వరకు జైలు శిక్ష పడే అవకాశం ఉందని స్పష్టం చేసింది. ముగ్గురు డ్రగ్‌ ఇన్‌స్పెక్టర్లతో తనిఖీలు.. హనుమకొండ, వరంగల్‌, భూపాలపల్లి డ్రగ్‌ ఇన్‌స్పెక్టర్లు జె.కిరణ్‌కుమార్‌, వి.ఉపేందర్‌, పి.పావని దాడుల్లో పాల్గొన్నారు. వరంగల్‌ అసిస్టెంట్‌ డైరెక్టర్‌ డాక్టర్‌ రాజ్యలక్ష్మి పర్యవేక్షణలో తనిఖీలు చేశారు. ఫిర్యాదులకు టోల్‌ఫ్రీ నంబర్‌.. మందుల అక్రమ నిల్వలు, విక్రయాలు, అనుమానాస్పద తయారీ కార్యకలాపాలు, మాదకద్రవ్యాలు, సైకోట్రోపిక్‌ పదార్థాల అక్రమ కార్యకలాపాలపై ప్రజలు టీజీ సేఫ్‌ డ్రగ్స్‌ విభాగానికి ఫిర్యాదు చేయవచ్చని అధికారులు సూచించారు. ఇందుకోసం 1800–599–6969 టోల్‌ఫ్రీ నంబర్‌ను అందుబాటులో ఉంచారు. పనిదినాల్లో ఉదయం 10.30 నుంచి సాయంత్రం 5 గంటల వరకు ఫిర్యాదులు స్వీకరిస్తారు. ఖిలా వరంగల్‌: సరైన వైద్య అర్హతలు, రిజిస్ట్రేషన్‌ లేకుండానే అల్లోపతి వైద్యం చేస్తున్న వారిపై తెలంగాణ రాష్ట్ర మెడికల్‌ కౌన్సిల్‌ (టీజీ ఎంసీ) కొరడా ఝుళిపించింది. ఉర్సు కరీమాబాద్‌లో నాలుగు అక్రమ వైద్య కేంద్రాలను గుర్తించి, వాటి నిర్వాహకులపై పోలీసులకు ఫిర్యాదు చేసింది. కౌన్సిల్‌ తనిఖీ బృందం ఇటీవల నిర్వహించిన ఆకస్మిక తనిఖీల్లో ఈకేంద్రాలను గుర్తించింది. ఎస్‌.జయలక్ష్మి క్లినిక్‌, అన్విక్ష ఫార్మసితోపాటు రెండు ఫస్ట్‌ ఎయిడ్‌ సెంటర్ల నిర్వాహకులపై కౌన్సిల్‌ రిజిస్ట్రార్‌ డాక్టర్‌ దండెం లాలయ్యకుమార్‌ ఫిర్యాదు మేరకు మిల్స్‌కాలనీ పోలీస్‌ స్టేషన్‌లో ఈనెల 6న ఎఫ్‌ఐఆర్‌ నంబర్‌ 832/2026 నమోదు చేశారు. బీఎన్‌ఎస్‌ 318(4),319(2), తెలంగాణ మెడికల్‌ ప్రాక్టీషనర్స్‌ రిజిస్ట్రేషన్‌ చట్టం–1968లోని 20(ఐఐ), 21, 22 సెక్షన్ల కింద కేసు నమోదు చేసినట్లు కౌన్సిల్‌ సభ్యులు శనివారం వెల్లడించారు. అర్హత, రిజిస్ట్రేషన్‌ లేకుండా వైద్య చేయడం ప్రజల ప్రాణాలకు ముప్పని హెచ్చరించారు. డాక్టర్ల అర్హతలు, రిజిస్ట్రేషన్‌ వివరాలు పరిశీలించాలని సూచించారు. నకిలీ వైద్యులు, అక్రమ వైద్య కేంద్రాల సమాచారం ఉంటే 9154382727 నంబర్‌కు వాట్సాప్‌ ద్వారా ఫిర్యాదు చేయాలని వారు కోరారు. హనుమకొండలో టీజీ సేఫ్‌ దాడులు.. రూ.7.89 లక్షల విలువైన మెడిసిన్స్‌ స్వాధీనం

హన్మకొండ కల్చరల్‌: జ్ఞానజ్యోతి వెలిగించి కొత్త ఆశలను మోసుకొచ్చే ఆధ్యాత్మిక దీపావళి పర్వదినం నేడు.. దీపకాంతి జ్ఞానానికి ప్రతీక, అజ్ఞానమనే చీకటి నుంచి విజ్ఞానమనే వెలుగులోనికి పయనించి జీవితపరమార్థాన్ని తెలియజేసే దివ్వెల దీపావళి పండుగ ఉద్దేశం.. ఇంట్లోని ప్రతి కూల శక్తులను తొలగించి.. నూతన వెలుగులను తీకువచ్చే గొప్ప పండుగ ... ఆశ్వయుజ బహుళ అమావాస్య రోజు నేడు ఆదివారం నగర ప్రజలు దీపావళిని జరుపుకోనున్నారు. బంతిపూలు, తోరణాలతో వ్యాపార కేంద్రాల అలంకరణ వ్యాపారులు ప్రతిఒక్కరూ ఈ రోజున వ్యాపారకేంద్రాన్ని శుభ్రంచేసి తోరణాలు కట్టి, బంతిపూలతో అలంకరించుకుంటారు. అష్టైశ్వర్యాలు ప్రసాదించే శ్రీమహాలక్ష్మీదేవికి భక్తిపూర్వకంగా పూజలు జరుపుకుంటారు. తమ జమాఖర్చుల లెక్కల పుస్తకాలను పూజిస్తారు. కొత్తగా జమఖర్చు పుస్తకాలను రాయడం ప్రారంభిస్తారు. ఒకప్పుడు పండుగ వచ్చిందంటే వరంగల్‌చౌరస్తా, హన్మకొండ చౌరస్తాలో వ్యాపారులు లక్ష్మీపూజలు నిర్వహించుకున్న అనంతరం రాత్రి 8 గంటల నుంచి బాణసంచాకాల్చేవారు. కిక్కిరిసిపోయిన రహదారులు.. మట్టిప్రమిదలు, పింగాణి ప్రమిదలు, వివిధ అంతస్తుల ప్రమిదలు విక్రయాలతో, బాణసంచావిక్రయాలతో శనివారం నగరంలోని ప్రధాన రహదారులు కిక్కిరిసిపోయాయి. ఈ సందర్బంగా హన్మకొండలోని హంటర్‌రోడ్డు, వరంగల్‌చౌరస్తా, బట్టల బజార్‌ ప్రాంతాలలో వెలసిన బాణసంచా దుకాణాలలో జోరుగా కొనుగోళ్లు జరిగాయి. దీంతో పాటు కేదారేశ్వరవ్రతంలో ఉపయోగించే పట్టుదారాలు, మర్రిఊడలు, కొత్తచేటలు, ఊదు, బంతిపూలు, లక్ష్మీదేవిగా ప్రియమైన పద్మములు తదితర నోము సామగ్రి అమ్మకాలు జోరుగా జరిగాయి. అమ్మవారిని పూజించాలి.. దీపావళి రోజు దీపతోరణాలు వెలిగించే ఆచారం ఉంది కాబట్టి దీపావళి పండుగగా పిలుస్తారు. ఈరోజున శ్రీమహా లక్ష్మీదేవి భూలోకానికి వచ్చి ఇంటింటికి తిరుగుతుందని భావిస్తారు కావున ప్రజలు శ్రీమహాలక్ష్మీదేవిని భక్తిశ్రద్ధలతో పూజించాలి. మట్టి ప్రమిదలో నెయ్యి లేదా నూనె పోసి, వత్తులు వేసి దీపాలు వెలిగించడం సర్వశ్రేష్టం. దీపాల వరుసను వృక్షాకారంలో, స్వస్తిక్‌ ఆకారంలోనూ పేర్చి వెలిగిస్తే మంచిది. – ఆరుట్ల శ్రీనివాసాచార్యస్వామి, శ్రీగోదామాధవ ఆధ్యాత్మిక ప్రచార కేంద్రం నిర్వాహకులు, నారసింహ ఉపాసకులు, గోపాల్‌పూర్‌ వృక్షాకారంలో దీపాలు వెలిగిస్తే చాలా మంచిది.. వ్యాపారులకు శ్రీమహాలక్ష్మీ పూజలు ప్రత్యేకం.. కిక్కిరిసిపోయిన నగర రహదారులు

హసన్‌పర్తి: బతుకమ్మ వేడుకలు దసరాకు ముందు రోజుల్లో జరుపుకోవడం ఆనవాయితీ. కానీ, హసన్‌పరిత మండలం సీతంపేటలో మాత్రం దీపావళి సందర్భంగా బతుకమ్మ వేడుకలు నిర్వహించడం ప్రత్యేకత. ఇక్కడ 200 ఏళ్లుగా దీపావళి పర్వదినం నుంచి మూడు రోజులపాటు బతుకమ్మ వేడుకలు నిర్వహిస్తూ వస్తున్నారు. ఈ ఉత్సవాలు ఆ గ్రామానికి చెందిన నేతకాని సామాజిక వర్గానికి ప్రత్యేకం. ఇప్పటికే సామాజికవర్గ ఆడపడుచులు, బంధువులు గ్రామానికి తరలివచ్చారు. ప్రతిఇంటా సందడి నెలకొంది. 200 ఏళ్లుగా వస్తున్న నేతకాని కులస్తుల ఆచారంనేటినుంచి మూడు రోజులపాటు సంబురాలు చివరి రోజు పురుషులు సైతం బతుకమ్మలతో..వేడుకలను పురస్కరించుకుని తొలిరోజు నేడు (ఆదివారం) చెరువు నుంచి మట్టిని సేకరిస్తారు. పురుషులు మాత్రమే చెరువు వద్దకు వెళ్లి మట్టిని తీసుకొస్తారు. వాటితో జోడెడ్ల (జోడెడ్ల ప్రతిమలు) తయారు చేస్తారు. సాయంత్రం కేదారేశ్వరస్వామి వ్రతం ఆచరిస్తారు. అనంతరం జోడెడ్ల ప్రతిమలను ప్రత్యేక గదిలో ప్రతిష్ఠించి పూజలు చేస్తారు.

ఖిలా వరంగల్‌: ఖిలా వరంగల్‌లోని రాతికోట సమీపంలో కాకతీయ పట్టణాభివృద్ధి సంస్థ (కుడా) ఆధ్వర్యంలో కొనసాగుతున్న ఇన్నర్‌, ఔటర్‌ మోటు అభివృద్ధి పనులను శుక్రవారం కుడా చైర్‌పర్సన్‌ గుండు సుధారాణి క్షేత్రస్థాయిలో పరిశీలించారు. ప్రతిపాదిత ఇన్నర్‌ మోటు నిర్మాణానికి రాష్ట్ర ప్రభుత్వం నిధులు మంజూరు చేస్తూ ఉత్తర్వులు జారీ చేసిన నేపథ్యంలో పనుల ప్రారంభం స్థానం నుంచి ముగింపు వరకు చేపట్టాల్సిన నిర్మాణాలపై అధికారులతో కలిసి పరిశీలించారు. ఈసందర్భంగా అభివృద్ధి పనులకు సంబంధించిన సమగ్ర ప్రాజెక్టు నివేదిక (డీపీఆర్‌)ను ఆమె అధికారులతో సమీక్షించారు. గడువులోగా పనులు పూర్తి చేసేలా ఆవసరమైన చర్యలు తీసుకోవాలని అధికారులను ఆదేశించారు. ఈపర్యటనలో కుడా సీపీఓ అజిత్‌రెడ్డి, ఈఈ భీమ్‌రావు, ఏఈ భరత్‌, స్థానికులు బిల్లా శ్రీకాంత్‌, బైరబోయిన శివాజీ పాల్గొన్నారు.

● హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: ప్రత్యేక సమగ్ర ఓటర్ల జాబితా సవరణలో భాగంగా ప్రచురించిన ముసాయిదా ఓటర్ల జాబితాలో పేరు లేని పాత ఓటర్లు ఎలాంటి అపోహలకు గురికాకుండా ఫారమ్‌–6 ద్వారా దరఖాస్తు చేసుకోవాలని హనుమకొండ కలెక్టర్‌ చాహత్‌ బాజ్‌పాయ్‌ శుక్రవారం ఒక ప్రకటన విడుదల చేశా రు. ముసాయిదా జాబితాలో పేరు లేని పాత ఓట ర్లు తిరిగి పేరు నమోదు చేసుకునేందుకు ఫారమ్‌–6 దాఖలు చేయవచ్చని భారత ఎన్నికల సంఘం స్పష్టం చేసిందన్నారు. ఈ అంశంపై ఢిల్లీ హైకోర్టు సైతం గతంలో ఓటరుగా నమోదైన వారు ఫారమ్‌–6 ద్వారా దరఖాస్తు చేసుకోవచ్చని స్పష్టం చేసినట్లు తెలిపారు. జిల్లాలోని అన్ని శాసనసభ నియోజకవర్గాల ఓటర్లు తమ పేరు ఓటర్ల జాబితాలో ఉందో లేదో పరిశీలించుకోవాలని కోరారు. అభివృద్ధి పనులు పూర్తిచేయాలి న్యూశాయంపేట: కాకతీయ మెగా టెక్స్‌టైల్‌ పార్కులో భూములు కోల్పోయిన వారికి కేటాయించిన రాజీవ్‌గాంధీ టౌన్‌షిప్‌లో మౌలిక వసతులు, అభివృద్ధి పనులను త్వరితగతిన పూర్తిచేయాలని పరకాల ఎమ్మెల్యే రేవూరి ప్రకాశ్‌రెడ్డి, వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. టౌన్‌షిప్‌లో చేపట్టిన అభివృద్ధి పనులపై కలెక్టరేట్‌లో శుక్రవారం సమీక్ష నిర్వహించారు. జీపీ భవనం, ప్రభుత్వ పాఠశాల, ప్రాథమిక ఆరోగ్య కేంద్రం, వెటర్నరీ ఆస్పత్రి తదితర నిర్మాణ పనులపై అధికారులతో చర్చించారు. పనుల నాణ్యతలో రాజీపడకుండా నిరంతరం పర్యవేక్షించాలని వారు సూచించారు. సమీక్షలో ఈస్ట్‌జోన్‌ డీసీపీ అంకిత్‌కుమార్‌, అదనపు కలెక్టర్లు ఎల్‌.కిశోర్‌కుమార్‌, వైవీ గణేశ్‌, జోనల్‌ మేనేజర్‌ స్వామి, డీఆర్‌ఓ విజయలక్ష్మి, వరంగల్‌ ఆర్డీఓ సుమ, గీసుకొండ తహసీల్దార్‌ రియాజుద్దీన్‌ పాల్గొన్నారు. 9లోగా పరీక్ష ఫీజు చెల్లించాలి కాళోజీ సెంటర్‌: ఇంటర్మీడియట్‌ వార్షిక పరీక్షలకు హాజరయ్యే ప్రథమ, ద్వితీయ సంవత్సరం విద్యార్థులు ఈ నెల 9వ తేదీలోగా ఎలాంటి అపరాధ రుసుము లేకుండా పరీక్ష ఫీజు చెల్లించాలని వరంగల్‌ జిల్లా ఇంటర్మీడియట్‌ విద్యాధికారి డాక్టర్‌ శ్రీధర్‌ సుమన్‌ సూచించారు. ఈ మేరకు శుక్రవా రం వరంగల్‌లోని పలు జూనియర్‌ కళాశాలలను ఆ యన సందర్శించి అడ్మిషన్లు, అంతర్గత పరీక్షల రి కార్డులు పరిశీలించారు. విద్యార్థులు ప్రయోగ పరీక్షలకు సిద్ధమవుతున్న తీరు, కళాశాలల్లో ప్రాక్టికల్స్‌ నిర్వహణకు చేస్తున్న ఏర్పాట్లను తనిఖీ చేశారు. కాశిబుగ్గ: హనుమకొండ పరిధి కాకతీయ వైద్య కళాశాల, అనుబంధ ఆస్పత్రుల్లో పనిచేయడానికి కాంట్రాక్టు వేతనంపై వివిధ కేటగిరీల్లో సేవలందించేందుకు ప్రొఫెసర్లను నియమిస్తున్నట్లు కేఎంసీ ప్రిన్సిపాల్‌ డాక్టర్‌ మోహన్‌దాస్‌ శుక్రవారం ఒక ప్రకటనలో తెలిపారు. ఇందులో భాగంగా.. వివిధ విభాగాల్లో వైద్య సేవలందించేందుకు 13 మంది ప్రొఫెసర్లు, 10 మంది అసోసియేట్‌ ప్రొఫెసర్లు, 38 మంది అసిస్టెంట్‌ ప్రొఫెసర్ల భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు ఆయన పేర్కొన్నారు. ఈపోస్టులకు ఎంపికై న అభ్యర్థులు వైద్య విద్యా సంచాలకులు పరిపాలన తెలంగాణ, హైదరాబాద్‌ నియంత్రణలో ఉన్న కాకతీయ వైద్య కళాశాలలో విధులు నిర్వహించాల్సి ఉంటుందని తెలిపారు. ఆసక్తి ఉన్న అభ్యర్థులకు ఈ నెల 12న జరుగు ఇంటర్వ్యూకు హాజరుకావాలని సూచించారు. కేఎంసీలోని ఏసీ కాన్ఫరెన్స్‌ హాల్‌లో ఉదయ ం10 గంటల నుంచి సాయంత్రం 5 గంటల వరకు ఇంటర్వ్యూ జరుగుతుందని ఆయన పేర్కొన్నారు.

ఖిలా వరంగల్‌: వరంగల్‌ ఉర్సు గుట్ట రంగలీలమైదానంలో శుక్రవారం రాత్రి నరకాసుర వధ కార్యక్రమం వైభవంగా జరిగింది. దీపావళి పర్వదినాన్ని పురస్కరించుకుని మైదానంలో ఏర్పాటుచేసిన నరకాసుర ప్రతిమను ఆటోమేటిక్‌ ఎలక్ట్రిక్‌ పరికరం ద్వారా కుడా చైర్‌పర్సన్‌ గుండు సుధారాణి, జిల్లా గ్రంథాలయ చైర్మన్‌ మీసాల ప్రకాశ్‌, నగర కమిషనర్‌ వెంకన్నతో కలిసి మాజీ మంత్రి కొండా సురేఖ స్విచ్‌ ఆన్‌ చేయగా బాణసంచా మోతలతో భారీ నరకాసురుడి ప్రతిమ దహనమైంది. అంతకుముందు వేదికపై సాంస్కృతిక నృత్యాలు అలరించాయి. ఈ అపూర్వ ఘట్టాన్ని తిలకించేందుకు నగరంలోని వివిధ ప్రాంతాలనుంచి పెద్ద సంఖ్యలో ప్రజలు తరలివచ్చారు. వరంగల్‌ పోలీస్‌ కమిషనర్‌ శ్వేత ఆధ్వర్యంలో డీసీపీ దార కవిత నేతృత్వంలో భారీ పోలీస్‌ బందోబస్తు ఏర్పాటు చేశారు. చెడుపై విజయం సాధించడమే దీపావళి : మాజీ మంత్రి, తూర్పు ఎమ్మెల్యే కొండా సురేఖ చెడుపు మంచి విజయం సాధించడమే దీపావళి అని, వేడుకలు జరుపుకోవడం తరతరాలు నుంచి ఆనవాయితీగా వస్తుందని మాజీ మంత్రి, వరంగల్‌ తూర్పు ఎమ్మెల్యే కొండా సురేఖ అన్నారు. రంగలీల మైదానానికి గొప్ప చరిత్ర ఉందని, శ్రీ రంగనాఽథుడి సన్నిధానంలో 100 ఏళ్లుగా దసరా, 20 ఏళ్లుగా నరకాసుర వధ ఉత్సవాలు జరుపుకోవడం సంతోషకరమన్నారు. కార్యక్రమంలో ఉత్సవ కమిటీ అధ్యక్షుడు మరుపల్లి రవి, కాంగ్రెస్‌ నాయకుడు గోపాల నవీన్‌రాజు, తహసీల్దార్‌ ఇక్బాల్‌, ఇన్‌స్పెక్టర్లు కర్రె స్వామి, మంగిలాల్‌, ఉత్సవ కమిటీ ప్రతినిధులు పాల్గొన్నారు. ఆటపాటలు, బాణసంచా మోతలతో దద్దరిల్లిన రంగలీలమైదానం చెడుపై మంచి విజయానికి ప్రతీక.. నరకాసుర వధ : మాజీ మంత్రి కొండా సురేఖ

చిన్నారుల సాంస్కృతిక ప్రదర్శన దహనమవుతున్న నరకాసుర ప్రతిమకాశిబుగ్గ: ఎంజీఎం ఆస్పత్రిలోని పిల్లల వార్డులో సరిపడా పరికరాలు, పూర్తిస్థాయిలో వెంటిలేటర్‌ సదుపాయం లేక చిన్నారులు ఇబ్బందులు పడుతున్నారని సీపీఐ జాతీయ నాయకుడు, మాజీ ఎమ్మెల్యే చాడా వెంకట్‌రెడ్డి అన్నారు. శుక్రవారం వరంగల్‌లోని ఎంజీఎం ఆస్పత్రిని ఆయన సందర్శించారు. ఈసందర్భంగా వెంకట్‌రెడ్డి మాట్లాడుతూ.. ఎంజీఎంలోని సమస్యలను సీఎం రేవంత్‌రెడ్డి దృష్టికి తీసుకెళ్తానన్నారు. చిన్నారులకు మెరుగైన వైద్యసేవలందించడానికి ప్రభుత్వం వెంటనే చర్యలు తీసుకోవాలని డిమాండ్‌ చేశారు. అలాగే, రోగులకు అవసరమైన మందులు, పరికరాలు అందుబాటులో ఉంచాలని సూచించారు. కార్యక్రమంలో ఏఐవైఎఫ్‌ జాతీయ కార్యదర్శి డాక్టర్‌ సయ్యద్‌ వలీ ఉల్లా ఖాద్రి, సయ్యద్‌ అలీజా ఖాద్రి, జిల్లా కార్యదర్శి షేక్‌ బాషామియా, ఆదరి శ్రీనివాస్‌, గుండె బద్రి, గన్నారపు రమేశ్‌, అక్కనపల్లి రమేశ్‌, సంఘం ఏలేందర్‌ పాల్గొన్నారు. గెజిటెడ్‌ అధికారుల సంఘం వరంగల్‌ జిల్లా కార్యవర్గం న్యూశాయంపేట: తెలంగాణ గెజిటెడ్‌ అధికారుల (టీజీఓ) సంఘం వరంగల్‌ జిల్లా కార్యవర్గ సమావేశం శుక్రవారం నగరంలో నిర్వహించారు. జిల్లా అధ్యక్షుడు ఫణికుమార్‌ అధ్యక్షతన జరిగిన సమావేశంలో సంఘం ప్రధాన కార్యదర్శి డాక్టర్‌ బొల్లా రాజేశ్‌రెడ్డి తదితరులు హాజరయ్యారు. ఈ సందర్భంగా నూతనంగా కార్యవర్గాన్ని ఎన్నుకున్నారు. సంఘం కోశాధికారిగా ఎంపీడీఓ పాక శ్రీనివాస్‌, ఉపాధ్యక్షుడిగా ఎకై ్సజ్‌ సర్కిల్‌ ఇన్‌స్పెక్టర్‌ అచ్చారావు, ఆర్గనైజింగ్‌ సెక్రటరీగా డివిజనల్‌ అకౌంట్స్‌ ఆఫీసర్‌ స్వాతిరెడ్డి, కల్చరల్‌ సెక్రటరీగా ఎంపీఓ ఎ.సునీల్‌, కార్యాలయ కార్యదర్శిగా ఎంజీఓ సునీల్‌, జాయింట్‌ సెక్రటరీలుగా మోటార్‌ వెహికిల్‌ ఇన్‌స్పెక్టర్‌ శ్రీనివాస్‌, పీఆర్‌ ఏఈ వెంకటేశ్వర్‌రావును ఎన్నుకున్నారు. నాయకులు అన్నమనేని జగన్‌మోహన్‌రావు, కోలా రాజేష్‌కుమార్‌, కిరణ్‌కుమార్‌, డాక్టర్‌ ప్రవీణ్‌కుమార్‌, పలువురు కార్యవర్గ సభ్యులు పాల్గొన్నారు.● మాజీ ఎమ్మెల్యే చాడా వెంకట్‌రెడ్డి

గీసుకొండ: ఆయుష్మాన్‌ ఆరోగ్య మందిరాల్లో ప్రజలకు నాణ్యమైన వైద్య సేవలందించాలని ఆయుష్మాన్‌ ఆరోగ్య మందిరం (ఆమ్‌) ప్రోగ్రాం మేనేజర్‌ శ్రీనివాస్‌ వైద్యాధికారులు, సిబ్బందికి సూచించారు. వరంగల్‌ జిల్లా వైద్య, ఆరోగ్యశాఖ అధికారి కార్యాలయంలో డీఎంహెచ్‌ఓ డాక్టర్‌ బి.రాజారెడ్డి, జిల్లా ప్రోగ్రాం అధికారులతో శుక్రవారం రాష్ట్ర బృందం సమావేశమైంది. ఈ సందర్భంగా ఆమ్‌ ప్రోగ్రాం అధికారి డాక్టర్‌ ప్రసాద్‌, టి.హబ్‌ ప్రోగ్రాం అధికారి డాక్టర్‌ నందిత, ప్రోగ్రాం మేనేజర్‌ శ్రీనివాస్‌ జిల్లాలో జాతీయ ఆరోగ్య కార్యక్రమాల అమలు, నిధుల వినియోగం, ఆయుష్మాన్‌ ఆరోగ్య మందిరాల నూతన భవనాల నిర్మాణ పురోగతిని సమీక్షించారు. సంబంధిత నివేదికలు, రికార్డులను పరిశీలించి పలు సూచనలు చేశారు. అనంతరం ప్రోగ్రాం మేనేజర్‌ శ్రీనివాస్‌ పైడిపల్లి ఆయుష్మాన్‌ ఆరోగ్య మందిరాన్ని సందర్శించి కార్యక్రమాల అమలును తనిఖీ చేశారు. ఆరోగ్య కార్యక్రమాల నివేదికలను సంబంధిత పోర్టల్‌లో ఎప్పటికప్పుడు నమోదు చేయాలని సిబ్బందికి సూచించారు. డిప్యూటీ డీఎంహెచ్‌ఓ డాక్టర్‌ ఐ.ప్రకాశ్‌, ప్రోగ్రాం అధికారులు సాజిదా, ఇక్తిదార్‌ అహ్మద్‌, అరుణ్‌ జోషి, రవీందర్‌, మానస శ్యామల తదితరులు పాల్గొన్నారు. ఆమ్‌ ప్రోగ్రాం మేనేజర్‌ శ్రీనివాస్‌

హన్మకొండ: వేసవి డిమాండ్‌ను దృష్టిలో ఉంచుకుని వేసవి ప్రణాళికను సిద్ధం చేయాలని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అధికారులను ఆదేశించారు. హనుమకొండలోని ఎన్పీడీసీఎల్‌ ప్రధాన కార్యాలయంలో ఆపరేషన్స్‌, ప్రాజెక్ట్స్‌, పీఅండ్‌ ఎంఎం విభాగాల అధికారులతో శుక్రవారం నిర్వహించిన సమీక్ష సమావేశంలో ఆయన మాట్లాడారు. గోదావరి పుష్కరాలకు అన్ని ఏర్పాట్లు చేయాలని సూచించారు. సంస్థ పరిధిలోని 18 సర్కిళ్లలో విద్యుత్‌ అవసరాలను సమగ్రంగా అంచనా వేసి, కొత్త సబ్‌స్టేషన్లు, పవర్‌ ట్రాన్స్‌ఫార్మర్లు, డిస్ట్రిబ్యూషన్‌ ట్రాన్స్‌ఫార్మర్ల అవసరాన్ని గుర్తించి తగిన ఏర్పాట్లు చేయాలని సూచించారు. ప్రస్తుతం పురోగతిలో ఉన్న కొత్త సబ్‌స్టేషన్ల పనులను డిసెంబర్‌ నెలాఖరులోగా పూర్తి చేసి అందుబాటులోకి తీసుకురావాలన్నారు. 33 కేవీ, 11 కేవీ ఓవర్‌లోడ్‌ ఫీడర్లను గుర్తించి, అవసరమైన ప్రాంతాల్లో అదనపు పవర్‌ ట్రాన్స్‌ఫార్మర్లను ఏర్పాటు చేయాలని ఆదేశించారు. విద్యుత్‌ లోడ్‌ అధికంగా ఉండే పట్టణాలు, మున్సిపల్‌ కార్పొరేషన్‌ ప్రాంతాలతో పాటు కొత్తగా నిర్మిస్తున్న సబ్‌స్టేషన్లలో 8 ఎంవీఏ సామర్థ్యం కలిగిన పవర్‌ ట్రాన్స్‌ఫార్మర్లను ఏర్పాటు చేయాలన్నారు. వేసవిలో విద్యుత్‌ వినియోగం అధికంగా ఉండే ప్రాంతాలను ముందుగానే గుర్తించి, ఆయా ప్రాంతాల్లో ట్రాన్స్‌ఫార్మర్లపై ఉండే లోడ్‌ను అంచనా వేసి, అవసరమైన చోట సామర్థ్యాన్ని పెంచాలన్నారు. సమావేశంలో డైరెక్టర్లు వి.మోహన్‌ రావు, టి.మధుసూదన్‌, చీఫ్‌ ఇంజినీర్లు కె.తిరుమల్‌ రావు, అశోక్‌, సురేందర్‌, జనరల్‌ మేనేజర్లు విజేందర్‌ రెడ్డి, అమర్‌నాథ్‌, ప్రభావతి, బాబు రావు, ఎస్‌ఈ (సివిల్‌) వెంకటేశ్వర్లు, డీఈలు నాగరాజు, అనిల్‌ కుమార్‌, భాస్కర్‌ పాల్గొన్నారు. టీజీ ఎన్పీడీసీఎల్‌ సీఎండీ వరుణ్‌ రెడ్డి

విద్యారణ్యపురి: విద్యార్థులు శాసీ్త్రయ పరిశోధనాత్మక దృక్పథాన్ని అలవర్చుకోవాలని జిల్లా సైన్స్‌ అధికారి ఎస్‌.శ్రీనివాస స్వామి అన్నారు. హనుమకొండ జిల్లా స్థాయి జాతీయ బాలల సైన్స్‌ కాంగ్రెస్‌ను శుక్రవారం బాలసముద్రంలోని శ్రీనివాస్‌ గురుకుల్‌ హైస్కూల్‌లో నిర్వహించారు. తెలంగాణ శాస్త్ర సాంకేతిక మండలి, పాఠశాల విద్యాశాఖ సంయుక్తంగా సుస్థిరత కోసం జ్ఞానం అనే ప్రధాన ఇతివృత్తంలోని ఐదు ఉప అంశాలతో ఈ కార్యక్రమం నిర్వహించారు. ప్రభుత్వ, ప్రైవేట్‌, గురుకులాల నుంచి 200 మంది విద్యార్థులు 100 ప్రాజెక్టులు ప్రదర్శించారు. ప్రాజెక్టులను అసోసియేట్‌ ప్రొఫెసర్లు ఆర్‌.వేణుగోపాల్‌రెడ్డి, డాక్టర్‌ ఎం.నరేందర్‌, డాక్టర్‌ డి.వీరన్న, డాక్టర్‌ సుతారి సతీశ్‌ మూల్యంకనం చేశారు. 70 మంది గైడ్‌ టీచర్లు పాల్గొన్నారు. జిల్లా స్థాయిలో ప్రతిభ కనబర్చిన ప్రాజెక్టులకు జిల్లా సైన్స్‌ అధికారి శ్రీనివాసస్వామి బహుమతులు ప్రదానం చేశారు. కాగా, జిల్లా స్థాయిలో ఎంపికైన విద్యార్థులు ఈనెల చివరి వారంలో రాష్ట్రస్థాయిలో పాల్గొననున్నారు. కార్యక్రమంలో బాలల సైన్స్‌ కాంగ్రెస్‌ జిల్లా అకాడమీ కో–ఆర్డినేటర్‌ దొంతుల శ్రీనివాస్‌, శ్రీనివాస్‌ గురుకుల్‌ ప్రిన్సిపాల్‌ యుగేంధర్‌ పాల్గొన్నారు. రాష్ట్రస్థాయికి ఎంపికై న ప్రాజెక్టులివే.. జూనియర్‌ విభాగంలో రాష్ట్రస్థాయికి ఎంపికై న ప్రాజెక్టులు ● స్మార్ట్‌ పుడ్‌ పరిశోధన: ఎం.సహస్రిక, కొలను కీర్తన, ధర్మసాగర్‌ మండలం నారాయణగిరి జెడ్పీహెచ్‌ఎస్‌ ● రూఫ్‌టాప్‌ రెయిన్‌ వాటర్‌ హార్వెస్టింగ్‌, ఎ.వేదశ్రీ, తేజస్వి ఉన్నత పాఠశాల సీనియర్‌ విభాగంలో.. ● దోమల రహిత గ్రామం: బి.హరీష్‌, నడికుడ జెడ్పీహెచ్‌ఎస్‌ ● ఎలక్ట్రిక్‌ వెహికిల్‌ విత్‌ ఎనర్జీ రీ జనరేషన్‌: ఎం.దీక్షిత్‌, వేలేరు పీఎం శ్రీ గురుకుల పాఠశాల ● పేపర్‌వేస్ట్‌ రీసైక్లింగ్‌ అండ్‌ రీయూజ్‌: ఆర్‌.ఆసిత, ఎల్కతుర్తి తెలంగాణ సాంఘిక సంక్షేమ బాలికల గురుకుల పాఠశాల హనుమకొండ జిల్లా సైన్స్‌ అఽధికారి శ్రీనివాసస్వామి ఘనంగా జాతీయ బాలల సైన్స్‌ కాంగ్రెస్‌ రాష్ట్రస్థాయికి ఐదు ప్రాజెక్టుల ఎంపిక

సాక్షి ప్రతినిధి, వరంగల్‌: ఉమ్మడి వరంగల్‌ జిల్లాలో ప్రభుత్వ ధాన్యం పక్కదారి.. మిల్లర్ల ముసుగులో బినామీల వ్యాపారం.. సీఎంఆర్‌ (కస్టమ్‌ మిల్లింగ్‌ రైస్‌) పేరుతో సాగుతున్న అక్రమాల్లో అసలు సూత్రధారులు ఎవరన్నది చర్చనీయాంశంగా మారింది. రైస్‌మిల్లుల యజమానులుగా కొందరు కనిపిస్తున్నా.. తెరవెనుక పోలీసు, రెవెన్యూ అధికారుల కుటుంబసభ్యులు, రాజకీయ నేతల బంధువుల పెట్టుబడులు ఉన్నాయన్న ఆరోపణలు కలకలం రేపుతున్నాయి. గీసుకొండ పోలీస్‌స్టేషన్‌ పరిధిలో ఓ పోలీస్‌ అధికారి కుటుంబసభ్యులపై కేసు నమోదు కావడం, జయశంకర్‌ భూపాలపల్లి జిల్లా డీఎస్‌ఓ వ్యవహారంపై ఎస్పీ నివేదిక పంపడం ఈ వ్యవహారానికి మరింత ప్రాధాన్యం తెచ్చాయి. మరోవైపు విజిలెన్స్‌, సీఐడీ దర్యాప్తుల్లో మిల్లర్ల అక్రమాలు ఒక్కొక్కటిగా వెలుగులోకి వస్తుండటంతో.. ఈ దందా వెనుక ఉన్న బినామీలు, వారికి అండగా నిలిచిన అధికారుల పాత్రపైనా విచారణ జరగాలన్న డిమాండ్లు వినిపిస్తున్నాయి. సీఎంఆర్‌ దందాలో అధికారుల బినామీలు? సీఎంఆర్‌ అక్రమాలకు సంబంధించి గీసుకొండ పోలీస్‌స్టేషన్‌లో ఓ పోలీసు అధికారి కుటుంబసభ్యులపై కేసు నమోదు కావడం అప్పట్లో చర్చనీయాంశమైంది. స్టేషన్‌కు వెళ్లకుండా అంటిసిపేటరీ బెయిల్‌ (ముందస్తు బెయిల్‌) పొందినట్లు ప్రచారం ఉంది. ప్రభుత్వ ధాన్యం, బియ్యం లావాదేవీల్లో సంబంధిత మిల్లుతో వారికున్న సంబంధం ఏమిటి? పెట్టుబడులు, ఆర్థిక లావాదేవీల వెనుక ఎవరున్నారు? అని ఇప్పుడు సీఐడీ ఆరా తీస్తోంది. ● జేఎస్‌ భూపాలపల్లి జిల్లాలో ఇద్దరు పోలీసు అధికారుల పెట్టుబడులు ఉన్నట్లు ప్రచారం జరిగింది. ● హనుమకొండ, వరంగల్‌లో రెవెన్యూ, పౌరసరఫరాలశాఖకు చెందిన కొందరు అధికారుల కుటుంబసభ్యులు, బంధువులు పెద్ద ఎత్తున సీఎంఆర్‌ ఎగవేతలో భాగస్వాములుగా ఉన్నారని సమాచారం. ● జయశంకర్‌ భూపాలపల్లి జిల్లాలో సీఎంఆర్‌ వ్యవహారానికి సంబంధించి జిల్లా పౌరసరఫరాల అధికారి (డీఎస్‌ఓ) రాఘవేంద్రరావు పాత్రపై పోలీసు శాఖ దృష్టి సారించింది. ఆయన హయాంలో జరిగిన అక్రమాల బాగోతంపై జిల్లా ఎస్పీ సంకీర్త్‌ సమర్పించిన నివేదిక కలకలం రేపుతోంది. పాత బకాయిలు, కొత్త కేటాయింపులు.. బినామీల పెట్టుబడులపై ఆరా.. సీఐడీ విచారణలో సీఎంఆర్‌ బకాయిలున్న మిల్లులకు తిరిగి ధాన్యం కేటాయింపులు జరిగాయన్న విమర్శలు ఉన్నాయి. ఈ నేపథ్యంలో పాత బకాయిలు చెల్లించని మిల్లులకు కొత్తగా ధాన్యం ఎలా కేటాయించారు? వాస్తవ నిల్వలు పరిశీలించకుండా సరఫరాలు చేశారా? తనిఖీల్లో వ్యత్యాసాలు గుర్తించినా చర్యలు ఎందుకు ఆలస్యమయ్యాయి? అనే ప్రశ్నలు ఉత్పన్నమవుతున్నాయి. బకాయిలు చెల్లించకుండా ఇతరుల పేర్లతో వ్యాపారాలు కొనసాగిస్తున్నారన్న ఆరోపణలు ఉండగా, వాటిపైనా కూడా విచారణ జరగాల్సి ఉంది. మిల్లర్ల పేర్లతో వ్యాపారాలు సాగుతున్నా.. వాటి వెనుక పెట్టుబడులు పెట్టినవారెవరు? కుటుంబసభ్యులు, భాగస్వాములు, ఇతరుల పేర్లతో ఆస్తులు కొనుగోలు చేశారా? అన్న అంశాలపై సమగ్ర విచారణ జరగాల్సి ఉంది. పొలిటికల్‌, పోలీసు, రెవెన్యూ శాఖల అధికారుల కుటుంబసభ్యుల పేర్లు వినిపిస్తున్న నేపథ్యంలో వాటిపైనా సీఐడీ, విజిలెన్స్‌ ఎన్‌ఫోర్స్‌మెంట్‌ అధికారులు లోతుగా విచారణ జరుపుతుండడం చర్చనీయాంశం అవుతోంది. పోలీస్‌, రెవెన్యూ, రాజకీయ నేతల కుటుంబాల పాత్ర మిల్లర్ల ముసుగులో బినామీలుగా వ్యాపారం.. రూ.కోట్లల్లో ప్రభుత్వ ధాన్యం ఎగవేత ఓ పోలీస్‌ అధికారి కుటుంబ సభ్యులపై గతంలో కేసు జేఎస్‌ భూపాలపల్లి డీఎస్‌ఓపై ఎస్పీ రిపోర్టు విజిలెన్స్‌, సీఐడీ దర్యాప్తులో వెలుగుచూస్తున్న అక్రమాలు

కాజీపేట అర్బన్‌: రూ.4 కోట్లతో 1,200 మంది నిరుద్యోగ యువతకు అడ్వాన్స్‌డ్‌ టెక్నాలజీలో నైపుణ్య శిక్షణ అందించేందుకు భారత ప్రభుత్వం ద్వారా ఈ ప్రాజెక్ట్‌ను నిట్‌ వరంగల్‌ సాధించినట్లు నిట్‌ యాజమాన్యం శుక్రవారం తెలిపింది. ప్రధాన మంత్రి కౌశల్‌ వికాస్‌ యోజన (పీఎంకేవీవై) ప్రాజెక్ట్‌ను మినిస్ట్రీ ఆఫ్‌ స్కిల్‌ డెవలప్‌మెంట్‌ అండ్‌ ఎంట్రపెన్యూర్‌షిప్‌ (ఎంఎస్‌డీఈ) సౌజన్యంతో 1200 మంది నిరుద్యోగ యువతకు రూ.4 కోట్ల విలువైన ప్రాజెక్ట్‌ ద్వారా ఆర్టిఫీషియల్‌ ఇంటెలిజెన్స్‌ (ఏఐ), మెషిన్‌ లెర్నింగ్‌ (ఎంఎల్‌), వెబ్‌ డిజైనింగ్‌, ఫుల్‌ స్టాక్‌ డెవలప్‌మెంట్‌ కోర్సుల నైపుణ్య శిక్షణ అందించనున్నారు. పరిశ్రమలకు అనుగుణంగా నిరుద్యోగ యువతకు స్కిల్‌ డెవలప్‌మెంట్‌ శిక్షణను 2027 మార్చిలోపు పూర్తి చేసి పరిశ్రమలకు నిష్ణాతులను అందించనున్నారు. పీఎంకేవీవై ప్రాజెక్ట్‌ కో–ఆర్డినేటర్‌గా నిట్‌ ప్రొఫెసర్‌ ఎస్‌.శంకర్‌ను ఎంపిక చేశారు. త్వరలో నిరుద్యోగ యువత ఎంపిక విధానం, నైపుణ్య శిక్షణ వివరాలు వెల్ల డించనున్నారు. కాజీపేట అర్బన్‌: రిజిస్ట్రేషన్‌ కార్యాలయాల్లో మధ్యవర్తులు, ప్రైవేట్‌ వ్యక్తుల పెత్తనం లేకుండా చేసేందుకు రిజిస్ట్రేషన్‌ అండ్‌ స్టాంప్స్‌ శాఖ ఉన్నతాధికారులు రంగం సిద్ధం చేసినట్లు సమాచారం. ఉమ్మడి వరంగల్‌ జిల్లావ్యాప్తంగా ఉన్న 13 సబ్‌ రిజిస్ట్రార్‌ కార్యాలయాల్లో విధులు నిర్వహిస్తున్న సబ్‌ రిజిస్ట్రార్లతో శుక్రవారం ఆన్‌లైన్‌లో ఉన్నతాధికారులు సమావేశమయ్యారు. రిజిస్ట్రేషన్‌ కార్యాలయాల్లో అనధికారంగా చెలామణీ అవుతున్న ప్రైవేట్‌ వ్యక్తులపై వేటు, ఔట్‌సోర్సింగ్‌ ఉద్యోగుల పనితీరు, సిబ్బంది తప్పకుండా ఐడీ కార్డులు ధరించడం, ఆఫీస్‌ సబార్డినేటర్లు తెల్లని యునిఫాం, ప్రతీ రోజు ఉద్యోగి హాజరుతోపాటు క్యాష్‌ రిజిస్టర్‌ మెయింటెయిన్‌ చేయడం వంటి పలు అంశాలపై చర్చించి సబ్‌ రిజిస్ట్రార్లకు సూచనలు చేశారు. త్వరలో రిజిస్ట్రేషన్‌ కార్యాలయాల్లో ఈ మార్పునకు శ్రీకారం చుట్టనున్నట్లు సమాచారం. హన్మకొండ అర్బన్‌: ప్రభుత్వం నిర్దేశించిన లక్ష్యాలను గడువులోగా సాధించాలని, ప్రజలకు నాణ్యమైన వైద్య సేవలందించాలని హనుమకొండ డీఎంహెచ్‌ఓ అప్పయ్య వైద్యాధికారులు, సిబ్బందిని ఆదేశించారు. శుక్రవారం ఆయన కొండపర్తి ప్రాథమిక ఆరోగ్య కేంద్రాన్ని ఆకస్మికంగా తనిఖీ చేశారు. ఈసందర్భంగా కేంద్రంలోని వివిధ రికార్డులు, రిజిస్టర్లను పరిశీలించారు. ఫార్మసీ స్టోర్‌లో మందుల నిల్వలు, పంపిణీ రికార్డులు తనిఖీ చేశారు. అవసరమైన మందులు అందుబాటులో ఉండేలా చూడాలని, రికార్డులను ఎప్పటికప్పుడు సక్రమంగా నిర్వహించాలని సిబ్బందిని ఆదేశించారు. అనంతరం కేంద్రంలో అమలవుతున్న జాతీయ ఆరోగ్య కార్యక్రమాల పురోగతిని సమీక్షించారు. మాతా శిశు ఆరోగ్య సేవలు, సాధారణ టీకాల కార్యక్రమం, హెచ్‌పీవీ టీకాలు, అసంక్రమిత వ్యాధుల నియంత్రణ, టీబీ ముక్త్‌ భారత్‌, హెచ్‌ఐవీ, ఎయిడ్స్‌ నివారణ, దోమల ద్వారా వ్యాపించే వ్యాధుల నియంత్రణ కార్యక్రమాల అమలుపై ఆరా తీశారు.

జిల్లాలో ఉదయం మంచు కురుస్తుంది. వాతావరణం ఆహ్లాదకరంగా ఉంటుంది. పలుచోట్ల చిరుజల్లులు కురిసే అవకాశం ఉంది. రాత్రి చల్లగాలులు వీస్తాయి. ● డోర్లు ఏర్పాటు చేసినంత మాత్రాన సమస్య సమసిపోదని, వాటిని నిరంతరం మెయింటెయిన్‌ చేయాలని సూచిస్తున్నారు. ● గ్యారేజీలో ప్రతీరోజు మెకానిక్‌లు డోర్లను తనిఖీ చేసి లోపాలుంటే సరిదిద్దాల్సి ఉంటుంది. మెకానికల్‌ డోర్లు కండక్టర్లు మూసివేయాల్సి ఉంటుందని, ఇది కొంత అసౌకర్యకరంగా ఉంటుందని చెబుతున్నారు. ● ఏసీ, సూపర్‌ లగ్జరీ, ఎలక్ట్రిక్‌ బస్సుల మాదిరిగా ఎయిర్‌ సస్పెన్షన్‌తో పనిచేసే న్యూమాటిక్‌ డోర్లు ఏర్పాటు చేస్తే డ్రైవర్‌ వాటిని ఆపరేట్‌ చేసే అవకాశం ఉంటుంది. కండక్టర్‌ టికెట్లు ఇస్తున్నా.. డ్రైవర్‌ తానే డోర్‌ వేయడం, తెరవడం జరుగుతుంది. ● ఆర్టీసీ యాజమాన్యం అన్ని బస్సులకు న్యూమాటిక్‌ డోర్లు ఏర్పాటు చేసేలా చర్యలు తీసుకోవాలని, అప్పుడే సంస్థ ఆశించిన భద్రత లక్ష్యం నెరవేరుతుందంటున్నారు. మొత్తం 1,009 సంస్థవి 570అద్దెవి 439

కేయూ క్యాంపస్‌: కేయూ భూముల పరిరక్షణకు సమగ్ర సర్వే నిర్వహించాలని బీజేపీ పట్టభద్రుల ఎమ్మెల్సీ అభ్యర్థి అంజిరెడ్డి తరఫున బీజేపీ హనుమకొండ జిల్లా అధ్యక్షుడు కొలను సంతోష్‌రెడ్డి హనుమకొండ జిల్లా అదనపు కలెక్టర్‌ రవిని కలిసి వినతి పత్రం అందించారు. పేద విద్యార్థులకు అండగా కేంద్ర మంత్రి హనుమకొండ జిల్లాలోని ప్రభుత్వ హైస్కూల్స్‌లో టెన్త్‌ చదువుతున్న పేద విద్యార్థులు 463 మందికి సంబంధించిన పరీక్ష ఫీజు రూ.57,875ను కేంద్ర హోంశాఖ సహాయ మంత్రి బండి సంజయ్‌ చెల్లించినట్లు బీజేపీ హనుమకొండ జిల్లా అధ్యక్షుడు కొలను సంతోశ్‌రెడ్డి తెలిపారు. ఇందుకు సంబంధించిన వివరాలను అదనపు కలెక్టర్‌ రవికి తెలియజేసినట్లు తెలిపారు. కార్యక్రమంలో భీమదేవరపల్లి సర్పంచ్‌, సిద్ధిపేట జిల్లా బీజేపీ ఉపాధ్యక్షుడు మాచర్ల కుమారస్వామి, ఆ మండల పార్టీ అధ్యక్షు డు శ్రీరామోజు శ్రీనివాస్‌, బీజేవైఎం రాష్ట్ర కార్యవర్గ సభ్యుడు రుత్విక్‌రెడ్డి తదితరులు పాల్గొన్నారు.

కాజీపేట: మద్యం మత్తులో ప్రైవేట్‌ స్కూల్‌ బస్సు నడుపుతూ పట్టుబడిన డ్రైవర్‌కు కోర్టు ఐదు రోజుల జైలు శిక్ష విధించింది. అదేవిధంగా డ్రైవింగ్‌ లైసెన్స్‌ లేకుండా వాహనాలు నడిపిన ఆరుగురు మైనర్లకు ఒకరోజు జువైనల్‌ హోంకు పంపుతూ న్యాయస్థానం ఆదేశించింది. కాజీపేట ట్రాఫిక్‌ పోలీస్‌స్టేషన్‌ పరిధిలో నిర్వహించిన డ్రంకెన్‌ డ్రైవ్‌ తనిఖీల్లో 14 మంది మద్యం తాగి వాహనాలు నడుపుతూ పట్టుబడ్డారు. వీరిలో మద్యం సేవించి ప్రైవేట్‌ స్కూల్‌ బస్సు నడిపిన డ్రైవర్‌ను కోర్టులో హాజరుపర్చగా రెండో తరగతి మెజిస్ట్రేట్‌ రాజశేఖర్‌రెడ్డి ఐదురోజుల జైలు శిక్ష విధించారు. దీంతో అతడిని పరకాల సబ్‌ జైలుకు తరలించారు. అదేవిధంగా.. డ్రైవింగ్‌ లైసెన్స్‌ లేకుండా వాహనాలు నడిపిన ఆరుగురు మైనర్లను జువైనల్‌ కోర్టులో హాజరుపర్చగా.. మేజిస్ట్రేట్‌ ఎండీ ఫారియా ఒకరోజు జువైనల్‌ హోంకు పంపించారు. జువైనల్‌ హోమ్‌కు ఆరుగురు మైనర్లు

సాక్షి, వరంగల్‌: క్యాన్సర్‌.. పేరు వింటేనే భయం. కానీ ప్రారంభ దశలో గుర్తిస్తే వ్యాధిని జయించే అవకాశాలు మెరుగ్గా ఉంటాయి. అవగాహన లోపం, లక్షణాల నిర్లక్ష్యం, పరీక్షలకు వెనుకాడటంతో చాలామంది వ్యాధి ముదిరిన తర్వాతే ఆస్పత్రులకు వెళ్తున్నారు. ఉమ్మడి వరంగల్‌ జిల్లాలోనూ క్యాన్సర్‌ కేసుల నమోదు రేటు ఆందోళన కలిగిస్తోంది. అయితే తెలంగాణ క్యాన్సర్‌ అట్లాస్‌–2026 ప్రకారం రాష్ట్రంలో లక్ష జనాభాకు ఏడాదికి సగటున 52 కేసులు నమోదవుతున్నట్లు తేలింది. హనుమకొండలో ఈ సంఖ్య 79గా ఉండగా.. రాష్ట్రంలోనే అత్యధిక నమోదు రేటుగా నిలిచింది. ఉమ్మడి వరంగల్‌ పరిధిలోని వరంగల్‌, జనగామ, జయశంకర్‌ భూపాలపల్లి జిల్లాల్లోనూ లక్ష జనాభాకు 55 నుంచి 59 కేసుల మధ్య నమోదవుతున్నాయి. క్యాన్సర్‌ చికిత్స పొందినవారిలో మహిళలు ఎక్కువగా ఉన్నారు. రొమ్ము, గర్భాశయ ముఖద్వార క్యాన్సర్లు మహిళల్లో ప్రధానంగా కనిపిస్తుండగా.. పురుషుల్లో నోటి, గొంతు, ఊపిరితిత్తుల క్యాన్సర్లు ఎక్కువగా నమోదవుతున్నాయి. పొగాకు, గుట్కా, ఖైనీ, ధూమపానం అలవాట్లు క్యాన్సర్‌ ముప్పును పెంచుతున్నాయి. ఈ నేపథ్యంలో నేడు జాతీయ క్యాన్సర్‌ అవగాహన దినోత్సవం సందర్భంగా కే సుల వివరాలు, పలు సూచనలతో ప్రత్యేక కథనం. స్క్రీనింగ్‌పై నిర్లక్ష్యం.. అలవాట్లతో ఆగమాగం.. ఐసీఎంఆర్‌–ఎన్‌సీడీఐఆర్‌ నివేదిక ప్రకారం 30 నుంచి 49 ఏళ్ల మహిళల్లో గర్భాశయ ముఖద్వార క్యాన్సర్‌ పరీక్షలు చేయించుకున్నవారు 3.3 శాతం మాత్రమే. రొమ్ము క్యాన్సర్‌ పరీక్షలు చేయించుకున్నవారు 0.3 శాతమే. నోటి క్యాన్సర్‌ పరీక్షలపైనా అవగాహన తక్కువగా ఉంది. నోటిలో పుండ్లు తగ్గకపోవడం, రొమ్ములో గడ్డలు, అసాధారణ రక్తస్రావం, దీర్ఘకాలిక దగ్గు, కారణం లేకుండా బరువు తగ్గడం వంటి లక్షణాలను నిర్లక్ష్యం చేయకూడదని వైద్యులు చెబుతున్నారు. ఎంజీఎంలోనూ ప్రత్యేక చికిత్సలు.. క్యాన్సర్‌ బాధితులకు మెరుగైన సేవలు అందించేందుకు వరంగల్‌లోని ఎంజీఎం ఆస్పత్రిలో రేడియేషన్‌ అంకాలజీ డిపార్ట్‌మెంట్‌లోని డే కేర్‌ వార్డులో 50 నుంచి 60 వరకు రోజు ఓపీలు ఉండగా, 15 నుంచి 20 మందికి కిమియోథెరపీ చేస్తున్నారు. అదే సమయంలో మెడికల్‌ అంకాలజీ డిపార్ట్‌మెంట్‌లో రోజుకు ఐదు నుంచి ఆరుగురికి కిమియోథెరపీ చేస్తున్నారు. అలాగే అత్యవసరమున్న రోగులను ఆస్పత్రిలో చేర్చుకునేందుకు 15 మెడికల్‌ అంకాలజీ, 15 రేడియేషన్‌ అంకాలజీ బెడ్‌లు అందుబాటులో ఉన్నాయని అంకాలజీ డిపార్ట్‌మెంట్‌ హెచ్‌ఓడీ, అసోసియేట్‌ ప్రొఫెసర్‌ సుధారాణి తెలిపారు. త్వరలోనే 24 అంతస్తుల మల్టీ సూపర్‌ స్పెషాలిటీ అందుబాటులోకి వస్తే అందులో ప్రత్యేక బ్లాక్‌లో అత్యాధునిక వసతులతో కిమియోథెరపీతోపాటు రేడియోథెరపీ సేవలు కూడా అందుబాటులోకి వస్తాయని ఆమె తెలిపారు. పొగాకు, మద్యపానానికి దూరంగా ఉండాలి. ఆకుకూరలు, కూరగాయలు, పండ్లు తీసుకోవాలి. రోజూ కనీసం 30 నిమిషాలు వ్యాయామం చేయాలి. 30 ఏళ్లు దాటినవారు వైద్యుల సూచన మేరకు నోటి, రొమ్ము, గర్భాశయ ముఖద్వార క్యాన్సర్‌ స్క్రీనింగ్‌ చేయించుకోవాలి. హెచ్‌పీవీ, హెపటైటిస్‌–బీ టీకాల గురించి వైద్యులను సంప్రదించాలి. రాష్ట్రంలోనే అత్యధికంగా హనుమకొండలో లక్ష జనాభాకు 79 కేసులు స్క్రీనింగ్‌పై నిర్లక్ష్యం.. ఆలస్యంగా వ్యాధి నిర్ధారణతో ముప్పే జీవనశైలిలో మార్పులు, ముందస్తు పరీక్షలతో ముప్పు తగ్గింపు నేడు జాతీయ క్యాన్సర్‌ అవగాహన దినోత్సవంఎక్కువగానే కేసులు..వరంగల్‌ జిల్లా వైద్యారోగ్యవిభాగాధికారుల వద్ద ఉన్న సమాచారం మేరకు జిల్లాలో 762 క్యాన్సర్‌ కేసులు గుర్తించారు. వీటిలో 335 ఓరల్‌, 245 బ్రెస్ట్‌, 182 సర్వైకల్‌ క్యాన్సర్‌ ఉన్నట్టుగా తేల్చారు. ఇవీ కేవలం హైదరాబాద్‌లోని ఎంఎన్‌జే క్యాన్సర్‌ ఆస్పత్రి, ఎంజీఎంలోని క్యాన్సర్‌ చికిత్స కేంద్రాల నుంచి వచ్చిన సమాచారం మాత్రమే. అలాగే హనుమకొండ జిల్లాలోనూ 987 కేసులున్నట్టుగా తెలిసింది. ఇక ప్రైవేట్‌ ఆస్పత్రుల్లో చే రిన వారు వందల సంఖ్యలోనే ఉండొచ్చని వైద్యశాఖ అ ధికారులు చెబుతున్నారు.ఉమ్మడి వరంగల్‌లో ఆందోళన కలిగిస్తున్న కేసుల నమోదు

వరంగల్‌ చౌరస్తా: ఎల్‌నినో ప్రభావం నేపథ్యంలో రైతులు యాసంగిలో పంట మార్పిడి చేయాలని వ్యవసాయ శాస్త్రవేత్త ప్రొఫెసర్‌ జలపతిరావు సూచించారు. వరంగల్‌ అబ్బనికుంటలోని తెలంగాణ రైతు సంఘం కార్యాలయంలో ఆ సంఘం రాష్ట్ర కన్వీనర్‌ సోమిడి శ్రీనివాస్‌ అధ్యక్షత శుక్రవారం నిర్వహించిన రాష్ట్రస్థాయి వర్క్‌షాప్‌లో జలపతిరావు మాట్లాడారు. వాతావరణ మార్పులకు అనుగుణంగా పంటల మార్పిడి చేయాలని జనుము, మినుములు, తెల్ల నువ్వులు తదితర పంటలు సాగుచేయాలన్నారు. తక్కువ కాలంలో తక్కువ ఖర్చుతో ఎక్కువ లాభాలు ఉంటాయని సూచించారు. భూగర్భ జలాలు తగ్గుతున్న క్రమంలో వరి, మొక్కజొన్న పంటలు వేయడం వల్ల ఆఖరి దశలో నీరందక పంటలు ఎండిపోతాయని తెలిపారు. రైతులు భూసార పరీక్షలు చేయించాలని సూచించారు. తెలంగాణ రైతు సంఘం గౌరవ అధ్యక్షుడు, తెలుగు అకాడమీ చైర్మన్‌ ప్రొఫెసర్‌ వెంకటనారాయణ మాట్లాడుతూ.. మారిన వాతావరణ పరిస్థితుల్లో సరైన పంటలు పండించేందుకు ప్రభుత్వ పథకాలను ఉపయోగించుకోవాలన్నారు. నాబార్డ్‌ వంటి జాతీయ సంస్థల సేవలను ఉపయోగించుకోవాలని తెలిపారు. కార్యక్రమంలో నాయకులు రాచర్ల బాలరాజు, ఓదెల రాజయ్య, సోమ రామ్మూర్తి, షేక్‌ హుస్సేన్‌, బుగ్గే శేఖర్‌, హంసల్‌ రెడ్డి, దామోదర్‌రెడ్డి, ముగిడే పీరయ్య, మోహన్‌ రావు, చిర్ల రవీందర్‌, రవీందర్‌, విజయ్‌ పాల్గొన్నారు. ప్రొఫెసర్‌ జలపతిరావు

గ్రేటర్‌ వరంగల్‌కు 960 ఇళ్లు మంజూరు● హనుమకొండ, వరంగల్‌ జిల్లాలకు చెరో 480 యూనిట్లు ● జీ+5 అంతస్తుల్లో అపార్ట్‌మెంట్లు.. ● అర్హుల ఎంపికకు డిమాండ్‌ సర్వే.. లాటరీ పద్ధతిలో కేటాయింపు ● ఉత్తర్వులు జారీ చేసిన ప్రభుత్వ కార్యదర్శి వీపీ గౌతమ్‌ సాక్షిప్రతినిధి, వరంగల్‌: ఓరుగల్లు నగరంలో సొంతింటి కల నెరవేర్చుకునేందుకు ఎదురుచూస్తున్న నిరుపేద కుటుంబాలకు ప్రభుత్వం తీపి కబురు అందించింది. పట్టణ ప్రాంతాల్లో గృహ వసతి కల్పించే లక్ష్యంతో చేపట్టిన ఇందిరమ్మ టవర్స్‌ పథకంలో గ్రేటర్‌ వరంగల్‌కు 960 ఇళ్లను కేటాయించింది. హనుమకొండ, వరంగల్‌ జిల్లాలకు చెరో 480 ఇళ్ల చొప్పున మంజూరు చేసింది. ఈమేరకు ప్రభుత్వ కార్యదర్శి (ఎఫ్‌ఏసీ) వీపీ గౌతం శుక్రవారం జీవో ఆర్‌టీ నంబర్‌ 579 ద్వారా ఉత్తర్వులు జారీ చేసింది. బహుళ అంతస్తుల భవనాల్లో ఫ్లాట్ల నిర్మాణం చేపట్టి అర్హులైన కుటుంబాలకు అందించనున్నారు. ఒక్కో ఇంటికి రూ.5 లక్షల సాయం నగరాల్లో పెరుగుతున్న జనాభా, ఇళ్లకు ఉన్న డిమాండ్‌ను దృష్టిలో పెట్టుకుని జీ+5 విధానంలో అపార్ట్‌మెంట్‌ బ్లాకులు నిర్మించనున్నారు. గ్రౌండ్‌ ఫ్లోర్‌తో పాటు ఐదు అంతస్తుల్లో ఫ్లాట్లు అందుబాటులోకి తీసుకురానున్నారు. ఇందుకోసం ప్రభుత్వ భూములను గుర్తించి నిర్మాణాలకు అనువైన స్థలాలను ఎంపిక చేయనున్నారు. వరంగల్‌, హనుమకొండతో పాటు నిజామాబాద్‌, నల్లగొండ, మహబూబ్‌నగర్‌ పట్టణాలకూ ఈ పథకాన్ని విస్తరించారు. కాగా, ప్రధానమంత్రి ఆవాస్‌ యోజన అర్బన్‌ 2.0 కింద ఒక్కో యూనిట్‌కు రూ.8.50 లక్షల వ్యయాన్ని అంచనా వేశారు. ఇందులో అర్హులైన ఈడబ్ల్యూఎస్‌, ఎల్‌ఐజీ కుటుంబాలకు ఒక్కో ఇంటిపై రూ.5 లక్షల సబ్సిడీ అందించనున్నారు. లబ్ధిదారుల వాటా కింద గరిష్టంగా రూ.3.50 లక్షల వరకు వసూలు చేసేందుకు అనుమతిచ్చారు. ఈ మొత్తంతో ఇళ్ల నిర్మాణాలు చేపట్టి అర్హులకు అందించాలన్నది ప్రభుత్వ లక్ష్యం. భూముల గుర్తింపుపై కసరత్తు ఇళ్ల కేటాయింపునకు ముందుగా నగరం, ప్రాంతాల వారీగా డిమాండ్‌ సర్వే నిర్వహించనున్నారు. తెలంగాణ హౌసింగ్‌ బోర్డు నోటిఫికేషన్లు జారీ చేసి దరఖాస్తులను స్వీకరిస్తుంది. అర్హతలను పరిశీలించి, క్షేత్రస్థాయి తనిఖీల అనంతరం లాటరీ విధానంలో అర్హులను ఎంపిక చేయనున్నారు. దరఖాస్తుల స్వీకరణ, అర్హతల నిబంధనలు, ఎంపిక ప్రక్రియపై తదుపరి మార్గదర్శకాలు వెలువడనున్నాయి. కాగా, టవర్ల నిర్మాణానికి అవసరమైన భూములు గుర్తించి హౌసింగ్‌ బోర్డుకు అప్పగించే బాధ్యతను సంబంధిత కలెక్టర్లకు అప్పగించారు. మున్సిపల్‌, ప్లానింగ్‌ అధికారులు భూముల ఎంపిక, నిర్మాణ అనుమతులు, ఇతర చట్టపరమైన ప్రక్రియల్లో సహకరించా లని ప్రభుత్వం సూచించింది. స్థలాల గుర్తింపు పూ ర్తయితేనే నిర్మాణాలకు మార్గం సుగమం కానుంది. గ్రేటర్‌ వరంగల్‌లో 960 ఇళ్ల కేటాయింపుతో సొంతిల్లు లేని పేద కుటుంబాల్లో ఆశలు చిగురిస్తున్నాయి. అయితే ఎక్కడ నిర్మిస్తారు? ఎప్పుడు పనులు ప్రారంభిస్తారు? దరఖాస్తులు ఎప్పుడు స్వీకరిస్తారు? అర్హతల ప్రాతిపదిక ఏంటి? అన్న ప్రశ్నలు నగరవాసుల్లో నెలకొన్నాయి. కేటాయింపునకు అనుగుణంగా భూముల గుర్తింపు, నిర్మాణాలు, లబ్ధిదారుల ఎంపిక ప్రక్రియను వేగవంతం చేయాలని ప్రజలు కోరుతున్నారు.

● బీజేపీ ఎమ్మెల్సీ అంజిరెడ్డి హన్మకొండ: పట్టభద్రులను, నిరుద్యోగులను వంచించిన కాంగ్రెస్‌కు పట్టభద్రుల ఎమ్మెల్సీ ఎన్నికల్లో బుద్ధి చెబుదామని బీజేపీ ఎమ్మెల్సీ ఎన్నికల ఇన్‌చార్జ్‌, ఎమ్మెల్సీ అంజిరెడ్డి, బీజేపీ రాష్ట్ర ప్రధాన కార్యదర్శి ఎన్‌.గౌతంరావు పిలుపునిచ్చారు. శుక్రవారం హనుమకొండ హంటర్‌ రోడ్డులోని సత్యం కన్వెన్షన్‌లో హనుమకొండ, వరంగల్‌ జిల్లాల పట్టభద్రుల ఎన్నికల విస్తృత స్థాయి సన్నాహక సమావేశం నిర్వహించారు. ఈ సందర్భంగా వారు మాట్లాడుతూ.. ‘ప్రజాస్వామ్యాన్ని రక్షిద్దాం – అరాచక శక్తులను తరిమికొడతాం’ నినాదంతో బీజేపీ త్వరలో మహా పాదయాత్ర చేపట్టనున్నట్లు తెలిపారు. ఈ పాదయాత్ర ద్వారా కాంగ్రెస్‌ వైఫల్యాలను, వారి ప్రజావ్యతిరేక విధానాలను ప్రజల్లోకి బలంగా తీసుకెళ్లాలని శ్రేణులకు సూచించారు. గ్రాడ్యుయేట్‌ ఎమ్మెల్సీ ఎన్నికలో బీజేపీ అభ్యర్థి విజయానికి కృషి చేయాలని కార్యకర్తలకు పిలుపునిచ్చారు. సమావేశంలో బీజేపీ హనుమకొండ జిల్లా అధ్యక్షుడు కొలను సంతోష్‌ రెడ్డి, వరంగల్‌ జిల్లా అధ్యక్షుడు గంట రవికుమార్‌, నాయకులు కొండపల్లి శ్రీధర్‌ రెడ్డి, మార్తినేని ధర్మారావు, కొండేటి శ్రీధర్‌, వన్నాల శ్రీరాములు, డాక్టర్‌ టి.రాజేశ్వర్‌ రావు, గుజ్జుల ప్రేమేందర్‌ రెడ్డి, రావు పద్మ పాల్గొన్నారు.

కేయూ క్యాంపస్‌: శాస్త్రవేత్తలుగా ఆలో చించాలని ప్రయోగాల పరిశీలన, ధ్రువీకరించిన పరిజ్ఞానం ఆధారంగా స్టార్టప్‌లను అభివృద్ధి చేయాలని హైదరాబాద్‌ ఎంటర్‌ప్రెన్యూరాలజీ వ్యవస్థాపకుడు విశాల్‌రెడ్డి సూచించారు. కాకతీయ యూనివర్సిటీలోని కే హబ్‌, హైదరాబాద్‌లోని టీ హబ్‌ సౌజన్యంతో విద్యార్థుల్లో స్టార్టప్‌ ఆలోచనలు, నూతన ఆవి ష్కరణలు, వ్యాపార నైపుణ్యాలను పెంపొందించే లక్ష్యంతో ఐడియా టు ప్రోటోటైప్‌ అంశంపై విద్యార్థులకు శుక్రవారం కేయూలోని సెనెట్‌ హాల్‌లో అవగాహన కల్పించారు. ఈ సందర్భంగా విశాల్‌రెడ్డి మాట్లాడుతూ.. స్టార్టప్‌లు కూడా జీవుల మాదిరిగా నే నిరంతరం అభివృద్ధి చెందుతూ మార్పులకు అనుగుణంగా ఎదుగుతాయని తెలిపారు. వ్యాపార ఆలోచనలకు విజయవంతమైన ఎంట్రప్రెన్యూరాల జీ ఒక క్రమబద్ధమైన విధానమని వివరించారు. కె హబ్‌ డైరెక్టర్‌ ఆచార్య సవితాజ్యోత్స్న, రూసా నోడల్‌ అధికారి ఆచార్య మల్లికార్జున్‌రెడ్డి, కెహబ్‌ కోఆర్డినేటర్లు కిరణ్‌కుమార్‌, సిద్దార్థ పాల్గొన్నారు. ● ప్రోగ్రామ్‌ ఆఫీసర్‌ డాక్టర్‌ సరిత హన్మకొండ అర్బన్‌: జిల్లాలో పీసీపీఏడీటీ చట్టాన్ని పకడ్బందీగా అమలు చేయాలని జిల్లా వైద్యారోగ్యశాఖ ప్రోగ్రామ్‌ ఆఫీసర్‌ డాక్టర్‌ రజిత అన్నారు. శుక్రవారం హనుమకొండలోని పలు స్కానింగ్‌ కేంద్రాలను ఆమె తనిఖీ చేశారు. ఈసందర్భంగా కేంద్రాల్లో చట్టం అమలవుతున్న తీరును పరిశీలించి, సంబంధిత రికార్డులు, రిజిస్టర్లు, స్కానింగ్‌ వివరాలు, అనుమతి పత్రాలను తనిఖీ చేశారు. అనంతరం ఆమె మాట్లాడుతూ.. ప్రతీ స్కానింగ్‌ కేంద్రం పీసీపీఏడీటీ చట్ట నిబంధనలను తప్పనిసరిగా పాటించాలన్నారు. నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు. తనిఖీల్లో పర్యవేక్షకురాలు పద్మజ తదితరులు పాల్గొన్నారు. స్వల్పంగా పెరిగిన పత్తి ధర ఖిలా వరంగల్‌: వరంగల్‌ ఏనుమాముల వ్యవసాయ మార్కెట్‌లో శుక్రవారం పత్తి ధర స్వల్పంగా పెరిగింది. ప్రభుత్వం మద్దతు ధర రూ.8,667 ఉండగా. గరిష్టంగా రూ.8750 ధర పలికింది. మక్కకు మద్దతు ధర రూ.2410 ఉండగా.. రూ.3175 ధర లభించింది. దేశీ మిర్చికి జెండా పాటలో రూ.43 వేల ధర పలికింది. పంటలకు ఆశాజనక ధరలు లభించడంతో రైతులు హర్షం వ్యక్తం చేశారు. దరఖాస్తుల ఆహ్వానం కాళోజీ సెంటర్‌: అంతర్జాతీయ దివ్యాంగుల దినోత్సవాన్ని పురస్కరించుకొని దివ్యాంగుల అభ్యున్నతి, సాధికారత కోసం విశేష కృషిచేసిన ఉత్తమ వ్యక్తులు, సంస్థలకు రాష్ట్రస్థాయి పురస్కారాలు అందించనున్నటు వరంగల్‌ జిల్లా సంక్షేమాధి కారి రాజమణి తెలిపారు. ఈ పురస్కారాలకు అర్హులైన వ్యక్తులు, సంస్థల నుంచి దరఖాస్తులు ఆహ్వానిస్తున్నట్లు ఆమె పేర్కొన్నారు. దరఖాస్తు వి ధానం, పూర్తి వివరాలకు https://depwdsctgp. telangana. gov. in⁠ ⁠Ððl-»Œæ-OòÜ-sŒæ-ÌZ ^èl*yé-ÌS° çÜ*_…^éÆý‡$. AÆý‡$á-Ë$ ™èlW¯]l {«§ýl$ÒMýS-Æý‡-×æ ç³{™é-ÌS-™ø MýS*yìl¯]l §ýlÆý‡-RêçÜ$¢-Ë$ D¯ðlÌS 16ÌZV> hÌêÏ çÜ…„óS-Ð]l$-Ô>Q M>Æ>Å-ÌS-Ķæ$…-ÌZ çÜÐ]l$-ǵ…^éÌS° MøÆ>Æý‡$. జపనీస్‌, జర్మన్‌ భాషల్లో ఉచిత శిక్షణ న్యూశాయంపేట: అర్హులైన మైనారిటీ విద్యార్థులకు జపనీస్‌, జర్మన్‌, (ఫ్రెంచ్‌, కొరియన్‌) భాషల్లో ఫౌండేషన్‌ కోర్సులకు 45 రోజుల ఉచిత శిక్షణ ఇవ్వడానికి దరఖాస్తులు ఆహ్వానిస్తున్నట్లు హనుమకొండ, వరంగల్‌ జిల్లాల మైనారిటీ సంక్షేమాధికారులు మేన శ్రీను, టి.రమేశ్‌ వేర్వేరు ప్రకటనల్లో తెలిపా రు. పూర్తి వివరాల కోసం ఆయా జిల్లాల మైనారిటీ సంక్షేమాధికారి కార్యాలయాల్లో సంప్రదించాలని కోరారు. దరఖాస్తులు ఈనెల 10 వరకు గడువు ఉందని పేర్కొన్నారు.

ఖిలా వరంగల్‌: బైక్‌ కొనుగోలు చేశానన్న ఆనందం ఆ యువకుడిలో ఎంతో సేపు నిలవలేదు.. సంతోషంగా బైక్‌పై స్వగ్రామానికి బయల్దేరిన ఆ యువకుడిని మార్గమధ్యలో మృత్యువు కబళించింది. ఇంటికి చేరుకుని కుటుంబ సభ్యులతో ఆనందాన్ని పంచుకోవాల్సిన యువకుడు విగతజీవిగా మారడంతో ఆ కుటుంబంలో తీరని విషాదం నెలకొంది. శుక్రవారం రాత్రి వరంగల్‌ –ములుగు జాతీయ రహదారిపై అయ్యప్ప టెంపుల్‌ సమీపాన ఆర్టీసీ డ్రైవింగ్‌ శిక్షణ కళాశాల వద్ద జరిగిన ఈ ప్రమాదానికి సంబంధించి స్థానికులు తెలిపిన వివరాల ప్రకారం.. ములుగు జిల్లా బాణాలపల్లి గ్రామానికి చెందిన యాట రామ్‌చరణ్‌ (20) హనుమకొండలోని ఓ సెకండ్‌ హ్యాండ్‌ షోరూంలో శుక్రవారం బైక్‌ కొనుగోలు చేసి స్వగ్రామానికి బయల్దేరాడు. ఈక్రమంలో ఆరెపల్లి సమీపంలోని ఆర్టీసీ డ్రైవింగ్‌ శిక్షణ కళాశాల వద్ద ఎదురుగా వచ్చే వాహనాన్ని తప్పించబోయిన బైక్‌ అదుపుతప్పి రోడ్డుపై పడడంతో తలకు తీవ్రగాయాలై రామ్‌చరుణ్‌ అక్కడికక్కడే మృతిచెందాడు. సమాచారం అందుకున్న ఇన్‌స్పెక్టర్‌ జవ్వాజి సురేష్‌, ఎస్సై గోవర్ధన్‌ ఘటన స్థలానికి చేరుకుని వివరాలు సేకరించారు. అనంతరం మృతదేహాన్ని పోస్టుమార్టం నిమిత్తం ఎంజీఎం మార్చురీకి తరలించారు. స్వగ్రామానికి వెళ్తూ రోడ్డు ప్రమాదంలో యువకుడి మృతి కొనుగోలు చేసిన బైక్‌పైనే మృత్యుఒడికి

ఖమ్మం స్పోర్ట్స్‌: ఖమ్మం జిల్లా కేంద్రంలోని పోలీస్‌ పరేడ్‌ మైదానంలో నిర్వహించిన రాష్ట్రస్థాయి పాఠశాలల అండర్‌–17 బాలబాలికల అథ్లెటిక్స్‌ పోటీలు గురువారం ముగిశాయి. పోటీల్లో బాలబాలికల ఓవరాల్‌ చాంపియన్‌షిప్‌ను వరంగల్‌ జట్లు కై వసం చేసుకున్నాయి. ఇక రెండో స్థానంలో రంగారెడ్డి, మూడో స్థానంలో ఆదిలాబాద్‌ జట్లు నిలిచాయి. బాలుర విభాగంలో రంగారెడ్డి 33 పాయింట్లతో చాంపియన్‌ షిప్‌ దక్కించుకోగా, 32 పాయింట్లతో వరంగల్‌ రెండో స్థానంలో నిలిచింది. బాలికల విభాగంలో 36 పాయింట్లతో కరీంనగర్‌, 29 పాయింట్లతో వరంగల్‌ మొదటి రెండు స్థానాలు దక్కించుకున్నాయి. విజేతలకు డీవైఎస్‌ఓ టి.సునీల్‌రెడ్డి బహుమతులు అందజేశారు. పరుగుపందెం, షాట్‌పుట్‌లో.. 5వేల మీటర్ల పరుగులో బాలుర విభాగం నుంచి ఓ.అభినయ్‌, మధుకర్‌ (వరంగల్‌), షాట్‌ఫుట్‌లో పి.రవీంద్ర(మహబూబ్‌నగర్‌), టి.అభిలాష్‌(రంగారెడ్డి), బాలికల విభాగంలో ఏ.వినూత్న తేజ(హైదరాబాద్‌), ఎస్‌.సమ్నావిత(వరంగల్‌) ప్రథమ, ద్వితీయస్థానాలు దక్కించుకున్నారు.

● వారానికిపైగా భవనం అడుగు భాగాన నిలిచి ఉన్న నీరు..● రద్దీ ఉండే ఏరియాలో ప్రమాదం జరిగితే ఎవరిది బాధ్యత? ఈ ఫొటోలో కనిపిస్తున్న భవనం హనుమకొండ చౌరస్తాలోనిది. ఇటీవల కురిసిన వర్షాలకు ఈ కాంప్లెక్స్‌లోని సెల్లార్‌ మొత్తం వరద నీటితో నిండింది. వర్షం కురిసి వారం దాటినా సెల్లార్‌లోని నీటిని మాత్రం తొలగించలేదు. నీటి నిల్వ కారణంగా పిల్లర్లు, గోడలు దెబ్బతిని భవనం నేలమట్టం అయ్యే ప్రమాదం ఉంది. విద్యుత్‌ షార్ట్‌ సర్క్యూట్‌ జరిగే అవకాశం ఉంది. ఈగలు, దోమలు విజృంభిస్తున్నాయి. ఈబహుళ అంతస్తుల భవనంలో వివిధ వ్యాపార సముదాయాలున్నాయి. నిత్యం వందలాది మంది కస్టమర్లు ఆయా షాపులకు వస్తూ పోతుంటారు. ఏదైనా ప్రమాదం జరిగితే ఎవరు బాధ్యత వహిస్తారు? అని పలువురు ప్రశ్నిస్తున్నారు. – సాక్షి స్టాఫ్‌ ఫొటోగ్రాఫర్‌, హనుమకొండ

హన్మకొండ అర్బన్‌: హనుమకొండ జిల్లాలో గ్రాడ్యుయేట్‌ ఎమ్మెల్సీ పోలింగ్‌ కేంద్రాల సంఖ్య పెంపునకు ఎన్నికల సంఘానికి ప్రతిపాదనలు పంపించనున్నట్లు అదనపు కలెక్టర్‌ ఎన్‌.రవి తెలిపారు. గురువారం కలెక్టరేట్‌లో ఎస్‌ఐఆర్‌, వరంగల్‌–ఖమ్మం–నల్లగొండ పట్టభద్రుల ఎమ్మెల్సీ ఓటరు నమోదు ప్రక్రియపై ఎన్నికల నమోదు అధికారులు, రాజకీయ పార్టీల ప్రతినిధులతో ఆయన సమీక్ష నిర్వహించారు. ఈ సందర్భంగా జిల్లాలో కొనసాగుతున్న ఎస్‌ఐఆర్‌ ప్రక్రియ, పట్టభద్రుల ఎమ్మెల్సీ ఓటరు నమోదుకు వచ్చిన దరఖాస్తులు, వాటి పరిశీలన తదితర అంశాలను రాజకీయ పార్టీల ప్రతినిధులకు వివరించారు. ఇప్పటివరకు గ్రాడ్యుయేట్‌ ఎమ్మెల్సీ ఓటర్లుగా నమోదు కోసం 61,041 దరఖాస్తులు వచ్చాయన్నారు. సమావేశంలో హనుమకొండ, పరకాల ఎన్నికల నమోదు అధికారులు, ఆర్డీఓలు వెంకటేశ్‌, డీఎస్‌. వెంకన్న, హనుమకొండ సహాయ ఎన్నికల నమోదు అధికారి, తహసీల్దార్‌ రవీందర్‌రెడ్డి, ఎన్నికల విభాగం సూపరింటెండెంట్‌ జగత్‌సింగ్‌, రాజకీయ పార్టీల ప్రతినిధులు రావు అమరేందర్‌రెడ్డి, ఎండీ నేహాల్‌, ప్రభాకర్‌ రెడ్డి తదితరులు పాల్గొన్నారు. రైల్వే సీసీఎస్‌ షేర్‌ హోల్డర్స్‌కు దీపావళి కానుక.. ● 18 శాతం డివిడెంట్‌ చెల్లింపు కాజీపేట రూరల్‌ : దక్షిణ మధ్య రైల్వే ఎంప్లాయీస్‌ కోఆపరేటివ్‌ క్రెడిట్‌ సొసైటీ లిమిటెడ్‌ (ఈసీసీఎస్‌–ఎల్‌టీడీ) షేర్‌హోల్డర్లకు 2025–2026 ఆర్థిక సంవత్సరానికి సంబంధించి 18 శాతం డివిడెంట్‌ చెల్లించామని కాజీపేట సీసీఎస్‌ డైరెక్టర్‌ డి.శ్రీనివాస్‌యాదవ్‌ గురువారం తెలిపారు. దక్షిణ మధ్య రైల్వే సికింద్రాబాద్‌ ప్రధాన కార్యాలయంలో గురువారం నిర్వహించిన సీసీఎస్‌ బోర్డు సభ్యుల సమక్షంలో సీసీఎస్‌ సొసైటీ అధ్యక్షుడు చిలుకు స్వామి ఈ డివిడెంట్‌ నిధుల విడుదల కార్యక్రమాన్ని ప్రారంభించినట్లు తెలిపారు. ఈ మేరకు కాజీపేట సీసీఎస్‌ కార్యాలయం కేంద్రంగా కాజీపేట సబ్‌ డివిజన్‌ పరిధిలోని కాజీపేట–బల్లార్షా, కాజీపేట–విజయవాడ, కాజీపేట –జనగామ వరకు రైల్వే సీసీఎస్‌ సభ్యులైన సుమారు 6,700 మంది షేర్‌హోల్డర్లకు దీపావళి కానుకగా 18 శాతం డివిడెంట్‌ చెల్లించామని, ఈ డివిడెంట్‌ రైల్వే సీసీఎస్‌ మెంబర్ల ఖాతాలో నేరుగా జమ అవుతుందని శ్రీనివాస్‌యాదవ్‌ తెలిపారు.

న్యాయమూర్తులు వీబీ నిర్మలాగీతాంబ, మంత్రి రామకృష్ణ సునీత వరంగల్‌ లీగల్‌: ప్రత్యేక అవసరాలు కలిగిన చిన్నారుల్లో అపారమైన ప్రతిభ దాగి ఉందని, దివ్యాంగులకు ప్రోత్సాహం, అవకాశాలు కల్పిస్తే అద్భుతాలు సృష్టిస్తారని వరంగల్‌, హనుమకొండ జిల్లా ప్రధాన న్యాయమూర్తులు వీబీ నిర్మలాగీతాంబ, మంత్రి రామకృష్ణ సునీత పేర్కొన్నారు. ప్రత్యేక అవసరాలు కలిగిన చిన్నారుల్లోని సృజనాత్మకతను ప్రోత్సహించేలా మల్లికాంబ సంస్థ ఆధ్వర్యంలో రూపొందించిన రంగురంగుల మట్టి ప్రమిదల విక్రయ కేంద్రాన్ని హనుమకొండ జిల్లా కోర్టు ప్రాంగణంలో ఏర్పాటు చేయగా.. గురువారం వారు ప్రారంభించారు. ఈ సందర్భంగా చిన్నారులు స్వయంగా తయారుచేసిన రంగురంగుల ప్రమిదలను న్యాయమూర్తులు పరిశీలించారు. ప్రమిదలను కొనుగోలు చేసి చిన్నారులను ప్రోత్సహించారు. జిల్లా కోర్టు ప్రాంగణంలో ప్రమిదల స్టాల్‌ను ప్రారంభించడం ఆనందంగా ఉందని వారు వివరించారు. కార్యక్రమంలో జిల్లా న్యాయ సేవాధికార సంస్థల కార్యదర్శులు ఎన్వీ హైమ పూజిత, కె.పూజ, న్యాయమూర్తులు, ఇరు జిల్లాల బార్‌ అసోసియేషన్‌ అధ్యక్షులు, అనురాగ్‌ హెల్పింగ్‌ సొసైటీ చైర్‌పర్సన్‌ డాక్టర్‌ కె.అనితారెడ్డి, మల్లికాంబ సంస్థ వ్యవస్థాపకురాలు, ప్రధాన కార్యదర్శి బండ రామలీల, కోడం కల్యాణ్‌, సంస్థ సిబ్బంది, చిన్నారులు పాల్గొన్నారు.

న్యూశాయంపేట: జిల్లాలో గ్రావెల్‌, మట్టి అక్రమ తవ్వకాలను అరికట్టడంతో పాటు రవాణా అనుమతుల జారీ ప్రక్రియను సులభతరం చేసేందుకు ఇంటిగ్రేటెడ్‌ గ్రావెల్‌ మేనేజ్‌మెంట్‌ సిస్టం (ఐజీఎంఎస్‌) సాఫ్ట్‌వేర్‌ను సమర్థవంతంగా అమలు చేయాలని కలెక్టర్‌ డాక్టర్‌ సత్యశారద అధికారులను ఆదేశించారు. హైదరాబాద్‌లోని సెంటర్‌ ఫర్‌ గుడ్‌ గవర్నెన్స్‌ రూపొందించిన ఐజీఎంఎస్‌ సాఫ్ట్‌వేర్‌ పనితీరును గురువారం కలెక్టరేట్‌లో అధికారులు కలెక్టర్‌కు వివరించారు. ఈ వ్యవస్థ ద్వారా క్షేత్రస్థాయి నియంత్రణ, జిల్లాస్థాయి పర్యవేక్షణ వరకు వివిధ స్థాయిల్లో పనిచేసే అధికారుల విధులు, అనుమతుల జారీ ప్రక్రియ, నివేదికల పర్యవేక్షణ విధానాలు తెలుసుకున్నారు. లబ్ధిదారుల ఎంపిక తెలంగాణ క్రిస్టియన్‌ మైనారిటీస్‌ కార్పొరేషన్‌ ఆధ్వర్యంలో 2026–27 ఆర్థిక సంవత్సరానికి పెట్టీ బిజినెస్‌, ఈ–స్కూటర్‌, ఈ–బైక్‌ పథకాల లబ్ధిదారుల ఎంపిక కోసం గురువారం కలెక్టరేట్‌లో లక్కీడిప్‌ నిర్వహించారు. కలెక్టర్‌ డాక్టర్‌ సత్యశారద అధ్యక్షతన ఎంపిక కమిటీ సమక్షంలో లక్కీడ్రా తీశారు. ఎంపికై న లబ్ధిదారులు ప్రభుత్వ మార్గదర్శకాలకు అనుగుణంగా యూనిట్లు గ్రౌండింగ్‌ చేయాలని, లేనిపక్షంలో ఎంపికను రద్దు చేసి వెయిటింగ్‌ లిస్ట్‌లో ఉన్న దరఖాస్తుదారులకు అవకాశం కల్పిస్తామని అధికారులు తెలిపారు. అదనపు కలెక్టర్‌ వైవీ గణేశ్‌, డీఆర్‌డీఓ, రవాణాశాఖ డిప్యూటీ కమిషనర్‌, లీడ్‌ బ్యాంకు జిల్లా మేనేజర్‌, జిల్లా మైనారిటీ సంక్షేమాధికారి పాల్గొన్నారు.

బచ్చన్నపేట : తెలంగాణ రాష్ట్ర సాధన కోసం సుదీర్ఘకాలం పోరాడిన ఉద్యమకారుడు వేముల లక్ష్మణ్‌ గౌడ్‌ మృతి తెలంగాణ ఉద్యమకారులకు తీరని లోటని, ఆయన కుటుంబాన్ని ఆదుకునేలా ప్రభుత్వానికి సిఫార్సు చేస్తామని తెలంగాణ ఉద్యమకారుల ప్రభుత్వ గుర్తింపు కేకే కమిటీ సభ్యులు ప్రొఫెసర్‌ కోదండరాం, మోతె శోభన్‌ రెడ్డి, రాములు నాయక్‌ పేర్కొన్నారు. జనగామ జిల్లా బచ్చన్నపేట మండలం కొన్నే గ్రామానికి చెందిన తెలంగాణ ఉద్యమకారుడు, పీఏసీఎస్‌ డైరెక్టర్‌ వేముల లక్ష్మణ్‌ గౌడ్‌ ఇటీవల ఆత్మహత్య చేసుకున్న నేపథ్యంలో గురువారం ఆయన కుటుంబ సభ్యులను కమిటీ సభ్యులు పరామర్శించారు.ఈ సందర్భంగా లక్ష్మణ్‌ గౌడ్‌ చిత్రపటానికి నివాళులర్పించి, ఆయన కుటుంబ సభ్యులకు ప్రగాఢ సానుభూతి తెలియజేశారు. మృతుడి భార్య, పిల్లలను ఓదార్చి మనోధైర్యం కల్పించారు. కుటుంబం ఎదుర్కొంటున్న ఆర్థిక ఇబ్బందులు, ఇతర సమస్యలను అడిగి తెలుసుకున్నారు. అనంతరం వారు మాట్లాడుతూ తెలంగాణ రాష్ట్ర సాధన ఉద్యమంలో లక్ష్మణ్‌ గౌడ్‌ చురుగ్గా పాల్గొన్నారని గుర్తుచేశారు. తెలంగాణ సాధనలో ఉద్యమకారుల త్యాగాలను ఎప్పటికీ మరువలేమని పేర్కొన్నారు. లక్ష్మణ్‌ గౌడ్‌ కుటుంబాన్ని అన్ని విధాలుగా ఆదుకునేందుకు ప్రభుత్వానికి ప్రత్యేకంగా సిఫార్సు చేస్తామని తెలిపారు. ముఖ్యంగా మృతుడి భార్య స్వప్న బీఫార్మసీ అర్హత మేరకు ఉద్యోగ అవకాశం కల్పించే విషయాన్ని ప్రభుత్వం దృష్టికి తీసుకెళ్లి వచ్చేలా కృషి చేస్తామని హామీ ఇచ్చారు. అదేవిధంగా ఆయన పిల్లల విద్యాభ్యాసానికి ఆటంకం కలగకుండా అవసరమైన సహాయ సహకారాలు అందేలా చర్యలు తీసుకోవాలని ప్రభుత్వాన్ని కోరుతామన్నారు. లక్ష్మణ్‌ గౌడ్‌ కుటుంబం అధైర్యపడవద్దని, ప్రధానంగా తన భూమి పార్ట్‌ బీనుంచి తొలగించడంలో సంబంధించిన అధికారులపై చర్యలు తీసుకునేలా సీఎం దృష్టికి తీసుకెళ్తామని తెలిపారు. మృతుడి భార్యకు ఉద్యోగ అవకాశం కల్పించేందుకు కృషి ఉద్యమకారుల కుటుంబాలకు అండగా ఉంటాం.. ప్రభుత్వ గుర్తింపు కేకే కమిటీ సభ్యులు ప్రొఫెసర్‌ కోదండరాం, మోతె శోభన్‌ రెడ్డి, రాములు నాయక్‌

హన్మకొండ అర్బన్‌: ‘వైద్యాధికారి సంతకం ఫోర్జరీ’ శీర్షికన గురువారం ‘సాక్షి’ లో ప్రచురితమైన కథనానికి వైద్య ఆరోగ్యశాఖ ఉన్నతాధికారులు స్పందించారు. ఫోర్జరీ వ్యవహారంపై సమగ్ర విచారణ జరిపేందుకు అంతర్గత కమిటీని ఏర్పాటు చేయనున్నట్లు డీఎంహెచ్‌ఓ అప్పయ్య తెలిపారు. అసలు ఈ వ్యవహారంలో ఏం జరిగింది? ఎవరు చేశారు? ఎందుకు చేశారు? అనే అంశాలపై కమిటీ విచారణ జరుపుతుందని, సంబంధిత రికార్డులను పరిశీలించి నివేదిక అందిస్తుందన్నారు. విచారణలో బాధ్యులుగా తేలిన వారిపై శాఖాపరంగా, చట్టపరంగా చర్యలు తీసుకుంటామని స్పష్టం చేశారు. అధికారుల సంతకాలను ఫోర్జరీ చేయడాన్ని తీవ్రమైన నేరంగా పరిగణిస్తున్నామన్నారు. విచారణ పూర్తయిన అనంతరం పూర్తి వివరాలు వెల్లడిస్తామని డాక్టర్‌ అప్పయ్య తెలిపారు. కాజీపేట అర్బన్‌: నిట్‌ వరంగల్‌తో మోసాఫ్ట్‌ (ఎంఓహెచ్‌) టెక్‌ ప్రైవేట్‌ లిమిటెడ్‌తో గురువారం పరస్పర ఒప్పందం (ఎంఓయూ) కుదుర్చుకుంది. నిట్‌ డైరెక్టర్‌ బిద్యాధర్‌ సుబుదీ, మోసాఫ్ట్‌ టెక్‌ ప్రైవేట్‌ లిమిటెడ్‌ సీఈఓ, సహ వ్యవస్థాపకురాలు సుభా చాగంటి ఒప్పంద పత్రాలు మార్చుకుని మాట్లాడారు. నిట్‌ వరంగల్‌ ఎంహెచ్‌ సాఫ్ట్‌ టెక్‌తో కమర్షియల్‌ ఎంఓయూను నిట్‌ వరంగల్‌లోని ఫిజిక్స్‌ విభాగం ఆధ్వర్యంలో ఆవిష్కరించిన స్వదేశీ ఓజోన్‌ ఆధారిత క్రిమి సంహారక సాంకేతికతను అందజేసేందుకు ఒప్పందం కుదుర్చుకున్నట్లు నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌ వరంగల్‌లో ఎంఓయూ కుదుర్చుకోవడం ఆనందంగా ఉందని ఎంఓహెచ్‌ సాఫ్ట్‌టెక్‌ సీఈఓ సుభా చాగంటి తెలిపారు. కాగా, దేశీయ, అంతర్జాతీయ మార్కెట్ల కోసం సాంకేతికత ఆధారిత ఉత్పత్తులను తయారు చేసేందుకు ఎంఓయూ తోడ్పడుతుందని ఎంఓహెచ్‌ సాఫ్ట్‌ టెక్‌ చీఫ్‌ స్ట్రాటజీ ఆఫీసర్‌, సహ వ్యవస్థాపకుడు, నిట్‌ పూర్వ విద్యార్థి శ్యామ్‌ మామిడి తెలిపారు. కార్యక్రమంలో నిట్‌ ఫిజిక్స్‌ డిపార్ట్‌మెంట్‌ ప్రొఫెసర్లు డి.హరనాథ్‌, ఆర్‌.రాకేశ్‌ తదితరులు పాల్గొన్నారు. వరంగల్‌ స్పోర్ట్స్‌: యువతలోని కళా నైపుణ్యాల్ని వెలికితీసేందుకు యువజనోత్సవాలు దోహదపడతాయని జిల్లా యువజన, క్రీడల అధికారి కొత్త ప్రశాంత్‌ అన్నారు. గురువారం హనుమకొండలోని జేఎన్‌ఎస్‌లో జిల్లా యువజన, క్రీడల శాఖ ఆధ్వర్యంలో నిర్వహించిన జిల్లా స్థాయి యువజనోత్సవం బహుమతుల ప్రదానోత్సవానికి ఆయన ముఖ్య అతిథిగా హాజరయ్యారు. విజేతలకు బహుమతులు, ప్రశంసపత్రాలు అందించారు. కవితా రచనలో జి.ఆకాంక్ష ప్రథమ, ఎన్‌.వైష్ణవి (కేయూ) ద్వితీయ బహుమతి సాధించారు. చిత్రలేఖనంలో పి.శ్రీనిక ప్రథమ, డి.వాహిని ద్వితీయ స్థానంలో నిలిచారు. నుక్కడ్‌ నాటక్‌లో కౌశల్‌ బృందం విజేతగా నిలిచింది. జానపద గీతాల పోటీలో ఎస్‌కే.ఖైరాన్‌ ప్రథమ, కావేరి ద్వితీయ బహుమతి పొందారు. జానపద బృంద నృత్యంలో సిరి పౌర్ణమి బృందం ప్రథమ, పరశురామ్‌ బృందం ద్వితీయ స్థానాలు సాధించాయి. జాతీయ యువజన అవార్డు గ్రహీతలు మండల పరశురాములు, ఆకులపెల్లి మధు, మౌనిక, నయీమ్‌ తదితరులున్నారు. దివ్యాంగ విద్యార్థులను గుర్తించాలి: డీఈఓవిద్యారణ్యపురి: జిల్లాలోని దివ్యాంగ విద్యార్థులను గుర్తించడం కోసం స్క్రీనింగ్‌ పరీక్షను ప్రతీ పాఠశాలలో రాబోయే పది రోజుల్లో పూర్తి చేయాలని హనుమకొండ డీఈఓ ఎల్వీ.గిరిరాజ్‌గౌడ్‌ కోరారు. గురువారం హనుమకొండ జిల్లా విద్యాశాఖ కార్యాలయంలో జిల్లాలోని సమ్మిళిత విద్య రిసోర్స్‌పర్సన్ల, స్పెషల్‌ ఎడ్యుకేటర్లకు నిర్వహించిన ఒక రోజు శిఽక్షణలో డీఈఓ ఎల్వీ.గిరిరాజ్‌గౌడ్‌ వర్చువల్‌గా పాల్గొన్నారు. స్క్రీనింగ్‌ పరీక్ష ద్వారా గుర్తించినవారికి అవసరమైన పరికరాలు అందించే బాధ్యత కూడా ఉందన్నారు. సమావేశంలో జిల్లా సమ్మిళిత విద్య కో–ఆర్డినేటర్‌ బి.మహేశ్‌ మాట్లాడుతూ ప్రభుత్వ, ప్రైవేట్‌ పాఠశాలల ఉపాధ్యాయులు ప్రతీ విద్యార్థికి 64 ప్రశ్నలు పూర్తి చేసి మొదటి దశ స్క్రీనింగ్‌ పూర్తి చేయాలని కోరారు. రెండో దశను స్పెషల్‌ ఎడ్యుకేటర్లు పాఠశాలకు హాజరై పూర్తి చేయాలని సూచించారు. సమావేశంలో జిల్లా క్వాలిటీ కో–ఆర్డినేటర్‌ బండారు మన్‌మోహన్‌, రిసోర్స్‌పర్సన్‌ శ్రీధర్‌ సుమన్‌ తదితరు లు పాల్గొన్నారు.

● సెంట్రల్‌ యూనివర్సిటీ ప్రొఫెసర్‌ కె.లక్ష్మీనారాయణ కాళోజీ సెంటర్‌: సమానమైన, నాణ్యమైన విద్య అందించినప్పుడే సామాజిక అంతరాలు తొలగిపోతాయని సెంట్రల్‌ యూనివర్సిటీ ప్రొఫెసర్‌, తెలంగాణ విద్యా పరిరక్షణ కమిటీ రాష్ట్ర ఆర్గనైజింగ్‌ సెక్రటరీ కె.లక్ష్మీనారాయణ అన్నారు. ప్రభుత్వ విద్యారంగాన్ని బలోపేతం చేసినప్పుడే సమాజంలో ఆశించిన మార్పులు వస్తాయన్నారు. హనుమకొండలోని పెన్షనర్స్‌ భవనంలో డీటీఎఫ్‌ వరంగల్‌ జిల్లా శాఖ గురువారం విద్యా సదస్సు నిర్వహించింది. ముఖ్య అతిథిగా ఆయన పాల్గొని ‘విద్యారంగం–సవాళ్లు’ అంశంపై మాట్లాడారు. విద్యార్థులకు స మానమైన, నాణ్యమైన విద్య అందడం లేదని ఆందోళన వ్యక్తం చేశారు. విద్యారంగం వివిధ యాజ మాన్యాల కింద కొనసాగడం సమాజంలో చీలికలకు కారణమవుతోందని పేర్కొన్నారు. ప్రైవేటీకరణ, కార్పొరేటీకరణతో ప్రభుత్వ విద్యారంగం క్ర మంగా కుచించుకుపోతోందని పేర్కొన్నారు. విద్యారంగానికి బడ్జెట్‌లో కనీసం 20 శాతం నిధులు కేటాయించి, ప్రైవేటీకరణను నియంత్రించాలని కో రారు. డీటీఎఫ్‌ రాష్ట్ర ప్రధాన కార్యదర్శి టి.లింగారెడ్డి మాట్లాడుతూ ఉపాధ్యాయులు, ఉద్యోగులు, పెన్షనర్ల సమస్యలను ప్రభుత్వం పరిష్కరించాలని కోరారు. అనంతరం డీటీఎఫ్‌ రాష్ట్ర కౌన్సిలర్‌ రూపురెడ్డి రామిరెడ్డి ఉద్యోగ విరమణ అభినందన సభ నిర్వహించారు. డీటీఎఫ్‌ రాష్ట్ర కార్యదర్శి అటుకుల శ్రీనివాస్‌రెడ్డి,బాధ్యులు డాక్టర్‌ ఎం.గంగాధర్‌, చాప బాబుదొర, కె.శ్రీనివాస్‌, జి.ఆదిరెడ్డి, తంగెళ్ల సుదర్శనం, సోమయ్య, అబ్దుల్‌ అలీం పాల్గొన్నారు.

నీటి సంరక్షణ..విద్యుత్‌ పొదుపు, హన్మకొండ : స్వల్ప మార్పులతో పచ్చని భవిష్యత్‌కు బాటలు వేయొచ్చని, ‘మిషన్‌ లైఫ్‌’తో పర్యావరణహిత జీవనశైలిని ప్రోత్సహించొచ్చని టీజీ రెడ్‌ కో ఉమ్మడి వరంగల్‌ జిల్లా మేనేజర్‌ గంథం రాజేందర్‌ తెలిపారు. పర్యావరణ పరిరక్షణ కేవలం ప్రభుత్వాల బాధ్యత మాత్రమే కాదు.. ప్రతీ పౌరుడి దైనందిన జీవనశైలిలో భాగం కావా ల్సిన సామాజిక బాధ్యత అన్నారు. ‘బ్రిక్స్‌ సస్టేయినబుల్‌ లైఫ్‌స్టైల్‌’ (సుస్థిరమైన జీవన శైలి) వీక్‌ సందర్భంగా గురువారం ఆయన ‘సాక్షి’తో ప్రత్యేకంగా మాట్లాడారు. ఆ వివరాలు ఆయన మాటల్లోనే.. 7వ తేదీ వరకు బ్రిక్స్‌ సుస్థిర జీవనశైలి వారోత్సవాలు.. విద్యుత్‌ను పొదుపుగా వినియోగించడం, నీటి వృథా తగ్గించడం, ప్లాస్టిక్‌ వినియోగం తగ్గించడం, చెత్తను వేరు చేయడం, మొక్కలు పెంచడం వంటి చిన్న చర్యలతోనే పర్యావరణ పరిరక్షణలో ప్రతీ ఒక్కరు భాగస్వాములు కావొచ్చు. ఈ సందేశాన్ని ప్రజల్లోకి విస్తృతంగా తీసుకెళ్లే లక్ష్యంతో మన దేశం ముందడుగు వేసింది. ఇందులో భాగంగా ఈ నెల 1 నుంచి 7వ తేదీ వరకు బ్రిక్స్‌ సుస్థిర జీవనశైలి వారోత్సవాలు నిర్వహిస్తోంది. పర్యావరణ పరిరక్షణ ప్రజల జీవనశైలిలో అంతర్భాగం.. ప్రపంచవ్యాప్తంగా వాతావరణ మార్పులు, పెరుగుతున్న కాలుష్యం, నీటి కొరత, ప్లాస్టిక్‌ వ్యర్థాలు, ఇంధన వినియోగం, ఎలక్ట్రానిక్‌ వ్యర్థాల సమస్యలు తీవ్ర ఆందోళన కలిగిస్తున్నాయి. ఈ నేపథ్యంలో వ్యక్తిగత జీవనశైలిలో మార్పులు తీసుకురావడం ద్వారా పర్యావరణానికి ఎంతో మేలు చేయొచ్చు. దీనిపై అవగాహన కల్పించడమే వారోత్సవాల ప్రధాన ఉద్దేశం. పర్యావరణ పరిరక్షణను ప్రజల జీవనశైలిలో అంతర్భాగం చేయడమే మిషన్‌ లైఫ్‌ లక్ష్యం. రోజువారీ జీవితంలో కొన్ని ముఖ్య అంశాలు తప్పనిసరిగా పాటించాలి ప్రజలు తమ రోజువారీ జీవితంలో కొన్ని ముఖ్య అంశాలను తప్పనిసరిగా పాటించాలి. విద్యుత్‌ పొదుపులో భాగంగా అవసరం లేనప్పుడు లైట్లు, ఫ్యాన్లు, ఇతర విద్యుత్‌ పరికరాలను ఆపి విద్యుత్‌ వృథాను అరికట్టాలి. సంప్రదాయ ఇంధన వనరులపై ఆధారపడడం తగ్గించి సౌరశక్తి వంటి పునరుత్పాదక ఇంధన వనరుల వినియోగాన్ని విస్తృతంగా ప్రోత్సహించాలి. నీటిని వృథా చేయకుండా పొదుపుగా వినియోగించాలి. ప్రభుత్వ శాఖలు, విద్యాసంస్థలు, యువజన సంఘాలు, స్వచ్ఛంద సంస్థలు, ప్రభుత్వ ఉద్యోగులు, ప్రజలు ‘మిషన్‌ లైఫ్‌’లో భాగస్వాములై విద్యుత్‌ పొదుపు, నీటి సంరక్షణ, పర్యావరణ పరిరక్షణ అంశాలను ప్రజా ఉద్యమంగా ముందుకు తీసుకెళ్లాలి. ‘మిషన్‌ లైఫ్‌’తో పర్యావరణ పరిరక్షణకు కృషి చేయాలి బ్రిక్స్‌ పర్యావరణ మంత్రుల సమావేశంలో నిర్ణయం ఈ నెల 1 నుంచి కొనసాగుతున్న వారోత్సవాలు ‘సాక్షి’తో రెడ్‌కో ఉమ్మడి వరంగల్‌ జిల్లా మేనేజర్‌ రాజేందర్‌పర్యావరణ పరిరక్షణ ఒక రోజు, ఒక వారం నిర్వహించే కార్యక్రమాలతో పూర్తయ్యే అంశం కాదు. అది ప్రతీ ఒక్కరి జీవన విధానంలో నిరంతరం కొనసాగాల్సిన బాధ్యత. అవసరం లేని విద్యుత్‌ పరికరాలను బంద్‌ చేయడం, నీటిని పొదుపుగా వినియోగించడం, ప్లాస్టిక్‌కు బదులు పునర్వినియోగ వస్తువులను ఉపయోగించడం, ఆహారాన్ని వృథా చేయకపోవడం, చెత్తను వేరు చేయడం, మొక్కలు నాటడం వంటి చిన్న చర్యలే సమాజంలో పెద్ద మార్పునకు పునాది వేస్తాయి. బ్రిక్స్‌ సుస్థిర జీవనశైలి వారోత్సవాలు–2026 ద్వారా ప్రభుత్వ విధానాలను ప్రజల దైనందిన అలవాట్లతో అనుసంధానించి పర్యావరణ పరిరక్షణను సామూహిక బాధ్యతగా మార్చే ప్రయత్నం జరుగుతోంది.సుస్థిర భవిష్యత్‌కు బాటలు వేయడమే లక్ష్యం.. వ్యక్తిగత బాధ్యత, సామాజిక భాగస్వామ్యం, ప్రభుత్వ సమన్వయం, అంతర్జాతీయ సహకారం అనే నాలుగు అంశాల ఆధారంగా సుస్థిర భవిష్యత్‌కు బాటలు వేయడమే ఈ కార్యక్రమ అంతిమ లక్ష్యం. పర్యావరణాన్ని కాపాడడమంటే మన భవిష్యత్‌ను కాపాడుకోవడమేనని, ప్రతీ పౌరుడు తన జీవనశైలిలో పర్యావరణహిత మార్పులు ఆచరించాలి. ప్రజలందరూ భాగస్వాములై స్వచ్ఛ, ఆరోగ్యకర, పచ్చని సమాజం నిర్మిద్దాం.

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: హనుమకొండ జిల్లావ్యాప్తంగా వివిధ దశల్లో కొనసాగుతున్న భవన నిర్మాణ పనులు త్వరగా పూర్తి చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. గురువారం కలెక్టరేట్‌లో పంచాయతీరాజ్‌ శాఖ అధికారులు, ఎంపీడీఓలతో వివిధ అభివృద్ధి పనుల పురోగతిపై కలెక్టర్‌ సమీక్షించారు. స్థానిక సంస్థల ఇన్‌చార్జ్‌ అదనపు కలెక్టర్‌ శేషాద్రి, జిల్లా గ్రామీణాభివృద్ధి అధికారి మేన శ్రీను, పంచాయతీరాజ్‌ ఇంజనీరింగ్‌ ఈఈ రాజగోపాల్‌రావు, డీఈలు, ఎంపీడీఓలు, ఇతర ఇంజనీరింగ్‌ శాఖల అధికారులు పాల్గొన్నారు. ఈవీఎం గోదాం తనిఖీ హనుమకొండ సుబేదారిలోని రెడ్‌క్రాస్‌ సమీపంలోని ఈవీఎంలు భద్రపర్చిన గోదాంను జిల్లా ఎన్నికల అధికారి, కలెక్టర్‌ చాహత్‌ బాజ్‌పాయ్‌ గురువారం నెలవారీ తనిఖీల్లో భాగంగా పరిశీలించారు. ఈసందర్భంగా గోదాంకు వేసిన సీళ్లను పరిశీలించారు. గోదాం వద్ద భద్రతా ఏర్పాట్లను నిరంతరం పర్యవేక్షించాలని సిబ్బందికి సూచించారు. ఎన్నికల విభాగం సూపరింటెండెంట్‌ జగత్‌సింగ్‌, సంబంధిత సిబ్బంది పాల్గొన్నారు. రైతులకు అవగాహన కల్పించాలి రాబోయే యాసంగి సీజన్‌లో రైతులు ఆరుతడి పంటలు సాగు చేసేలా ప్రోత్సహించాలని కలెక్టర్‌ చాహత్‌ బాజ్‌పాయ్‌ వ్యవసాయ శాఖ అధికారులను ఆదేశించారు. గురువారం కలెక్టరేట్‌లో వ్యవసాయ శాఖ కార్యక్రమాలపై అధికారులతో కలెక్టర్‌ సమీక్ష నిర్వహించారు. ఖేత్‌ బచావో యోజనలో భాగంగా వ్యవసాయ అనుబంధ శాఖల అధికారులతో సమన్వయం చేసుకుంటూ రైతులకు అవగాహన కార్యక్రమాలు నిర్వహించాలని సూచించారు. డీఏఓ విజయ్‌ చంద్ర, సహాయ వ్యవసాయ సంచాలకులు ఆదిరెడ్డి, అవినాష్‌ వర్మ, సాంకేతిక వ్యవసాయ అధికారి కమలాకర్‌, మండల వ్యవసాయ అధికారులున్నారు.

వరంగల్‌ అర్బన్‌: గ్రేటర్‌ వరంగల్‌ నగరానికి కేంద్ర గృహ పట్టణాభివృద్ధి శాఖ రూ.1,465 కోట్ల నిధుల మంజూరుకు ఆమోద ముద్ర వేసిన విషయం తెలిసిందే. అర్బన్‌ చాలెంజ్‌ ఫండ్‌ (యూసీఎఫ్‌) ద్వారా గ్రేటర్‌ వరంగల్‌ వరంగల్‌కు ముంపు నివారణ నుంచి శాశ్వత గట్టెక్కించేందుకు కట్టుదిట్టమైన చర్యలు తీసుకునేందుకు ఈ నిధులు వినియోగించాల్సి ఉంటుంది. కాగా, ఈ నిధులతో 95 కిలోమీటర్ల విస్తీర్ణంతో కూడిన వరద నీటి కాల్వల నిర్మాణం, కల్వర్టులు, నాలాల విస్తరణ చేపట్టనున్నారు. వర్షపు నీటి నాలాల వ్యవస్థలను అందుబాటులోకి తీసుకొస్తే సుమారు 200 కాలనీల ప్రజలకు ప్రయోజనం కలుగుతుంది. నగర ప్రజల 25 ఏళ్లకు చిరకాల కోరిక తీరనుంది. ‘హైడ్రా’ తరహాలోనే సాధ్యం? హైడ్రా తరహాలో ప్రభుత్వం వరంగల్‌కు కూడా ప్రత్యేక అధికారాలను కలిగి ఉన్న ఏజెన్సీ అప్పగించాలని నగర ప్రజలు కోరుతున్నారు. తద్వారా ఇక్క డి నాలా మూలాలు తేల్చడంతో పాటు ఆక్రమణలపై ఉక్కుపాదం, విస్తరణ, అభివృద్ధికి మార్గం లభిస్తుందన్న అభిప్రాయాలు వ్యక్తమవుతున్నాయి. ఒకప్పడు సువిశాలంగా ఉన్న నాలాలు కుచించుకుపోయాయి. రెవెన్యూ రికార్డుల్లో ఒకలా, సర్వే ల్యాండ్‌ దస్త్రాలు మరోలా, ఇరిగేషన్‌ ఇంకొలా, ‘కుడా’, గ్రేటర్‌ వరంగల్‌ రికార్డులు మరోలా ఒకదానికొకటి పొంతన లేకపోవడం గమనార్హం. నాలాల స్థలాల్లో బల్దియా భవనాలకు పర్మిషన్లు మంజూరు చేసింది. నాలా స్థలాల్లో నిర్మాణాలు వెలుస్తున్నప్పటికీ చూసీ చూడనట్లుగా అధికారులు వ్యవహరిస్తున్నారనే ఆరోపణలున్నాయి. ప్రస్తుతం ఉన్న వరద నీటి నుంచి ఆయా నాలాలను విస్తరించాలంటే ప్రైవేట్‌ భూములు తీసుకోవాల్సిన ఆవశ్యకత ఏర్పడింది. కానీ, ఆ భూములను ఇచ్చేందుకు ఆ యాజమానులు సంసిద్ధత వ్యక్తం చేయట్లేదు. నగరంలో నాలాల పరిస్థితి దయనీయంగా మారింది. ప్రజలకు ఏటా వర్షకాలంలో ప్రాణసంకటంగా మారుతోంది. అధికారులు నడుం బిగించాలి.. నాలాల ఆక్రమణలు తొలగించేందుకు గతంలో పలుమార్లు కలెక్టర్ల అధ్యక్షతన ఏర్పాటైన టాస్క్‌ఫోర్స్‌ కమిటీల నిర్ణయాలు నీరుగారిపోయా యి. నగరంలో నాలాల ఆక్రమణల తొలగింపునకు అనేక అడ్డంకులు ఏర్పడ్డాయి. నయీంనగర్‌, భద్రకాళి, హంటర్‌ రోడ్డు ప్రాంతాల్లోనే నాలాల సమీపంలో భవన నిర్మాణ అనుమతులు, చేంజ్‌ ఆఫ్‌ ల్యాండ్‌ యూజ్‌ ఇచ్చారు. ఎలా ఇచ్చారని ఆరా తీస్తే ఇరిగేషన్‌శాఖ ఇంజనీర్లు ఎన్‌ఓసీల ఆధారంగా బిల్డింగ్‌ పర్మిషన్లు ఇవ్వక తప్పలేదని గ్రేటర్‌ అధికారులు పేర్కొంటున్నారు. వాస్తవ స్థలాలు నిర్ధారించాల్సిన శాఖలు మీదే బాధ్యత.. అంటే మీదే అంటూ తప్పించుకుంటున్నాయన్న ఆరోపణలున్నాయి. చిన్న వర్షమొచ్చినా ముంపే.. భారీ వర్షం తర్వాత కాలనీలు నీట మునగడం, ఆతర్వాత హడావిడి చేసి మర్చిపోవడం ఆయా శాఖల అధికారులకు సర్వ సాధారణమైందనన్న ఆరోపణలున్నాయి. వడ్డేపల్లి చెరువు మత్తడి నుంచి కేయూసీ వంద అడుగుల రోడ్డు, సమ్మయ్య నగర్‌, నయీంనగర్‌ బ్రిడ్జి వరకు నాలా విస్తరణ, రిటైనింగ్‌ వాల్‌ నిర్మాణ పనులకు మూడేళ్లు పట్టింది. పోచమ్మకుంట నుంచి కాకతీయ కెనాల్‌ వరకు అడ్డంకులు ఉన్నాయి. భద్రకాళి చెరువు కాపువాడ మత్తడి నుంచి అలంకార్‌ పెద్ద మోరీ వరకు 120 అడుగుల వరకు నాలాను విస్తరించాలంటే 80 శాతం పట్టా భూములున్నాయి. వరంగల్‌ పోతన నగర్‌, కాకతీయ మ్యూజికల్‌ గార్డెన్‌, సరస్వతి కాలనీ, రంగంపేట, ములుగు రోడ్డు మీదుగా అలంకార్‌ వరకు 120 అడుగుల నాలా విస్తరణకు ఇక్కడ ఇవే సమస్యలు ఉత్పన్నమవుతున్నాయి.నిధుల మంజూరు సరే.. ఆక్రమణల సంగతేంటి? ‘గ్రేటర్‌’లో నీరుగారిన ప్రత్యేక టాస్క్‌ఫోర్స్‌ కమిటీ నిర్ణయాలు ‘హైడ్రా’ తరహాలోనే సాధ్యమవుతుందనే అభిప్రాయాలు ఐదు శాఖలు నడుం బిగిస్తేనే ఆక్రమణల కట్టడిరాజకీయ నాయకుల జోక్యం, పలుకుబడి కలిగిన వ్యక్తుల ఒత్తిళ్ల కారణంగా గ్రేటర్‌లో ఆక్రమణల తొలగింపు, నాలాల విస్తరణ సాధ్యమేనా అనే ప్రశ్నలు ఉత్పన్నమవుతున్నాయి. కాగా, ఖిలా వరంగల్‌ అగర్తలా నుంచి శివనగర్‌, సాకరాశికుంట, పెరుకవాడ, పన్నెండు మోరీలు, డీకే నగర్‌, బీఆర్‌ నగర్‌, దేశాయిపేట, డాక్టర్స్‌ కాలనీ, తుమ్మలకుంట, కట్టమల్ల నుంచి గరీభ్‌ నగర్‌, ఎస్‌ఆర్‌ నగర్‌, గాంధీ నగర్‌ తదితర ప్రాంతాల్లో నాలాల ఆక్రమణలు కోకొల్లులు. కాజీపేట సోమిడి చెరువు, బంధం చెరువు, తదితర ప్రాంతాల్లో వివాదాస్పద సమస్యలున్నాయి. ప్రస్తుతం ‘కుడా’ సమర్పించిన డీపీఆర్‌లో నగరవ్యాప్తంగా 95 కిలోమీటర్ల విస్తీర్ణంలో వరద నీటి కాల్వలు, కల్వర్టులు నిర్మించాలని నిర్ణయించారు. హైడ్రా వంటి చట్టం ఇక్కడ కూడా అమలైతే తప్ప.. నాలాల విస్తరణ సాధ్యం కాదన్న అభిప్రాయాలు వ్యక్తం అవుతున్నాయి.

విద్యారణ్యపురి: విద్యార్థుల్లో పరిశోధన, సృజనాత్మక ఆలోచనలకు జాతీయ బాలల సైన్స్‌ కాంగ్రెస్‌ ఒక వేదికగా నిలుస్తోంది. భారత ప్రభుత్వశాస్త్ర సాంకేతిక శాఖ, జాతీయ శాస్త్ర సాంకేతిక మండలి సంయుక్తంగా తెలంగాణ రాష్ట్ర శాస్త్ర సాంకేతిక మండలి, రాష్ట్ర విద్యా పరిశోధన శిక్షణ మండలి ఆధ్వర్యంలో 32వ జాతీయ బాలల సైన్స్‌ కాంగ్రెస్‌ ప్రదర్శనలు రెండేళ్ల తర్వాత నిర్వహించనున్నారు. హనుమకొండ జిల్లా స్థాయి జాతీయ బాలల సైన్స్‌ కాంగ్రెస్‌ హనుమకొండ జిల్లా కేంద్రంలోని శ్రీనివాస్‌ గురుకుల్‌ ఉన్నత పాఠశాలలో ఈనెల నేడు (శుక్రవారం) నిర్వహించనున్నారు. ఇందుకు ఏర్పాట్లు పూర్తి చేసినట్లు డీఈఓ గిరిరాజ్‌గౌడ్‌, జిల్లా సైన్స్‌ కాంగ్రెస్‌ కో–ఆర్డినేటర్‌ ఎస్‌.శ్రీనివాసస్వామి వెల్ల డించారు. ప్రాజెక్టులు సిద్ధం.. ఈజాతీయ బాలల సైన్స్‌ కాంగ్రెస్‌ ప్రాజెక్టుల కోసం 2026లో ‘సుస్థిరత కోసం విజ్ఞానం’ అనే ప్రధాన ఇతివృత్తం ఆధారంగా ఐదు ఉప ఇతివృత్తాల్లో బాలల సైన్స్‌ కాంగ్రెస్‌ ప్రతిభ చాటేందుకు విద్యార్థులు సంసిద్ధులయ్యారు. ప్రభుత్వ ప్రైవేట్‌ అన్ని యాజమాన్యాల పాఠశాలల విద్యార్థులు ఆరో తరగతి నుంచి పదో తరగతి చడువుతున్న విద్యార్థులు ఈ జాతీయ బాలల సైన్స్‌ కాంగ్రెస్‌లో ప్రాజెక్టులు ప్రదర్శించబోతున్నారు. 200 మంది విద్యార్థులు.. 100 ప్రాజెక్టులు రెండేళ్ల తర్వాత నిర్వహణ

శుక్రవారం శ్రీ 6 శ్రీ నవంబర్‌ శ్రీ 2026ఖిలా వరంగల్‌: వరంగల్‌ ఉర్సు గుట్ట రంగలీల మైదానంలో నేడు (శుక్రవారం) జరిగే నరకాసుర వధకు సర్వం సిద్ధమైంది. ఏటా దీపావళి పర్వదినానికి ముందు జరిపే ఈ కార్యక్రమానికి నగరవాసులు పెద్ద ఎత్తున హాజరుకానున్నారు. బల్దియా, ఇతరశాఖల ఆధ్వర్యంలో అన్ని ఏర్పాట్లు చేశారు. ఉత్సవ కమి టీ అధ్యక్షుడు మరుపల్ల రవి ఆధ్వర్యంలో గత 24 ఏళ్లుగా నరకాసురవధ కార్యక్రమం జరుగుతోంది. ఊరేగింపుతో శ్రీకృష్ణ, సత్యభామ రాక కరీమాబాద్‌ ఉర్సు ప్రతాప్‌నగర్‌ నుంచి శ్రీకృష్ణ సత్యభామ ఉత్సవ మూర్తులు, పిల్లల వేషధారణతో భారీ ఊరేగింపుతో రంగలీల మైదానానికి చేరుకుంటారు అక్కడే శ్రీకృష్ణ, సత్యభామ డిజిటల్‌ బొమ్మలను ఏర్పాటు చేసి బాణాలతో నరకాసుర ప్రతిమను బాణసంచాతో కాలుస్తారు. గత ఏడాది 56 అడుగుల నరకాసుర ప్రతిమను ఏర్పాటు చేయగా.. ఈఏడాది 58 అడుగుల ప్రతిమను సిద్ధం చేశారు. సాయంత్రంనుంచి సాంస్కృతిక కార్యక్రమాలు నిర్వహించనున్నారు. సీపీ శ్వేత ఆదేశాల మేరకు డీసీపీలు అంకిత్‌కుమార్‌, ధార కవిత, అడిషనల్‌ డీసీపీ రాయల ప్రభాకర్‌ నేతృత్వంలో భారీ పోలీసు బందోబస్తు ఏర్పాటు చేశారు. ‘వీఐపీ, వీవీఐపీలకు వేర్వేరుగా గ్యాలరీలు ఏర్పాటు చేశాం. కిలోమీటర్‌ దూరం నుంచి వేడుకలను వీక్షించేలా ఎత్తయిన ప్రదేశంలో నరకాసుర ప్రతిమను ఏర్పాటు చేశాం.’ అని ఉత్సవ కమిటీ అధ్యక్షుడు మరుపల్లి రవి తెలిపారు. శాంతియుతంగా జరుపుకోవాలి.. ఉర్సుగుట్ట మైదానంలో నిర్వహించే నరకాసుర ప్రతిమ దహనం సమయంలో ఎలాంటి అవాంఛనీయ ఘటనలకు తావులేకుండా శాంతియుతంగా జరిగేలా పటిష్ట పోలీస్‌ బందోబస్తు ఏర్పాటు చేస్తున్నాం. వేదిక, నాలుగు వైపుల పార్కింగ్‌ స్థలాలు, ట్రాఫిక్‌ మళ్లింపునకు చర్యలు చేపడుతున్నాం. – శ్వేత, పోలీస్‌ కమిషనర్‌, వరంగల్‌ ముస్తాబైన వరంగల్‌ రంగలీల మైదానం 58 అడుగుల నరకాసుర ప్రతిమ ఏర్పాటు

విమానాశ్రయ పునర్నిర్మాణానికి అడుగులుజాతీయ ఎస్టీ కమిషన్‌ సభ్యుడు జాటోత్‌ హుస్సేన్‌ నాయక్‌మామునూరు: ప్రధాన మంత్రి మోదీ చొరవతో మామునూరు విమానాశ్రయ పునర్నిర్మాణానికి అడగులు పడడం సంతోషకరమని జాతీయ ఎస్టీ కమిష న్‌ సభ్యుడు జాటోత్‌ హుస్సేన్‌ నాయక్‌ అన్నారు. విమానాశ్రయం నిర్మాణానికి సంబంధించి ఎస్సీ, ఎస్టీ వర్గాలకు చెందిన భూ నిర్వాసితుల సమస్యలను త్వరితగతిన పరిష్కరించాలని కలెక్టర్‌ను ఆదేశించారు. గురువారం మామునూరు విమానాశ్రయాన్ని కలెక్టర్‌ సత్యశారద, ఎయిర్‌పోర్టు అథారిటీ అసిస్టెంట్‌ జనరల్‌ మేనేజర్‌ నటరాజ్‌, ఇతర శాఖల అధికారులతో కలిసి సందర్శించారు. ఈ సందర్భంగా రూ. 203.49కోట్లతో రన్‌వే నిర్మాణ పనులకు టెండర్‌, తాజాగా 213.59 కోట్ల అంచనా వ్యయంతో నూతన డొమెస్టిక్‌ టెర్మినల్‌ బిల్డింగ్‌, ఏటీసీ టవర్‌ కం టెక్నికల్‌ బ్లాక్‌, ఎలక్ట్రికల్‌ సబ్‌ స్టేషన్‌, ఫైర్‌ స్టేషన్‌, ఈఅండ్‌ఎం వర్క్‌షాప్‌ వంటి కీల మౌలిక వసతుల కల్పనకు టెండర్ల పురోగతిని సంబంధిత అధికారులను అడిగి తెలుసుకున్నారు. అనంతరం వివిధ శాఖల అధికారులతో సమీక్ష నిర్వహించారు. ఈసందర్భంగా ఆయన మాట్లాడుతూ మామునూరు విమానాశ్రయం వరంగల్‌ ప్రజల చిరకాల ఆకాంక్ష అన్నారు. తెలంగాణలో విమానాశ్రయాల అభివృద్ధి మరింత విస్తరించాల్సి న అవసరం ఉందన్నారు. ఆంధ్రప్రదేశ్‌లో ఆరు ఉండగా.. తెలంగాణలో ప్రస్తుతం ఒకే విమానాశ్రయం ఉందని పేర్కొన్నారు. మామునూరు విమానాశ్రయం అందుబాటులోకి వస్తే వరంగల్‌తోపాటు పరిసర జిల్లాల ప్రజలకు రవాణా సౌకర్యాలు మెరుగుపడి, ప్రాంతీయ అభివృద్ధికి మరింత దోహదపడుతుందని ఆశాభావం వ్యక్తం చేశారు. అనంతరం కలెక్టర్‌ సత్యశారద మాట్లాడుతూ ఎయిర్‌పోర్టులో భూములు కోల్పోయిన వారిలో ఎస్సీ 55, ఎస్టీ1, బీసీలు 214, ఓసీలు 60 మంది ఉన్నట్లు తెలిపారు. ఎస్సీ, ఎస్టీల హక్కుల పరిరక్షణకు ముందు ప్రాధాన్యం ఇస్తామన్నారు. అటవీశాఖ అధికారి నిఖిత, బల్దియా కమిషనర్‌ వెంకన్న, అదనపు కలెక్టర్‌ ఎల్‌.కిశోర్‌కుమార్‌, డీఆర్‌ఓ విజయలక్ష్మి, ఆర్‌అండ్‌బీ ఎస్‌ఈ సురేశ్‌బాబు, విద్యుత్‌ ఎస్‌ఈ ఆనందం, ఆర్డీఓ సుమ, తహసీల్దార్‌ ఇక్బాల్‌, బీజేపీ జిల్లా అధ్యక్షుడు గంట రవికుమార్‌, కిసాన్‌ మోర్చా రాష్ట్ర నేత మల్లాడి తిరుపతిరెడ్డి,బన్న ప్రభాకర్‌ తదితరులు పాల్గొన్నారు.

ఖిలా వరంగల్‌ : దీపావళి పండుగ సందర్భంగా వరంగల్‌ ఏనుమాముల వ్యవసాయ మా ర్కెట్‌కు మూడు రోజులు సెలవులు ప్రకటించారు. ఈనెల 7 నుంచి 9వ తేదీ వరకు మార్కె ట్‌ బంద్‌ ఉంటుందని మార్కెట్‌ కమిటీ ఉన్నత శ్రేణి కార్యదర్శి శ్రీనివాస్‌ గురువారం ఒక ప్రకటనలో తెలిపారు. ఈనెల 7న నరక చతుర్ధశి, 8న దీపావళి, 9న అమావాస్య సందర్భంగా మార్కెట్‌కు సెలవులు ప్రకటించినట్లు పేర్కొన్నారు. 10వ తేదీన మార్కెట్‌ కార్యకలా పాలు యథావిధిగా ప్రారంభమవుతాయని వెల్లడించారు. సెలవు రోజుల్లో రైతులు తమ వ్యవసాయ ఉత్పత్తులు మార్కెట్‌కు తీసుకొచ్చి ఇబ్బందులకు గురికావొద్దని సూచించారు. మార్కెట్‌ బంద్‌ విషయాన్ని రైతులు, వ్యాపారులు, గుమస్తాలు, దడవాయిలు, కార్మికులు గమనించి సహకరించాలని ఆయన కోరారు. న్యూశాయంపేట: నర్సంపేట డివిజనల్‌ సబ్‌ ట్రెజరీలో లంచం డిమాండ్‌, ఉద్యోగుల వేధింపులపై గ్రీవెన్స్‌లో ఫిర్యాదులు వచ్చాయి. ఈ నేపథ్యంలో ఇద్దరు ఉద్యోగులపై చర్యలకు కలెక్టర్‌ డాక్టర్‌ సత్యశారద ఉన్నతాధికారులకు సిఫారసు చేశారు. కాగా, సంబంధిత శాఖ ఉన్నతాధికారులు విచారణ చేపట్టారు. విచారణ నివేదిక ఆధారంగా నర్సంపేట డివిజనల్‌ సబ్‌ ట్రెజరీ అసిస్టెంట్‌ ట్రెజరీ ఆఫీసర్‌ (ఏటీఓ) బి.చంద్రకళను కరీంనగర్‌కు, సీనియర్‌ అకౌంటెంట్‌ అలేఖ్యను భద్రాద్రి కొత్తగూడం జిల్లాకు బదిలీ చేస్తూ డైరెక్టర్‌ ఆప్‌ ట్రెజరీస్‌ అండ్‌ అకౌంట్స్‌ కె.పార్వతీదేవి గురువారం ఉత్తర్వులు జారీ చేశారు. మహబూబాబాద్‌ జిల్లా గూడూరు సబ్‌ ట్రెజరీ ఆఫీసర్‌ మహ్మద్‌ రఫీని నర్సంపేట ఏటీఓగా పూర్తి అదనపు బాధ్యతలు నిర్వర్తించాలని ఉత్తర్వుల్లో పేర్కొన్నారు. కల్తీకారం, పసుపు పట్టివేత ● వ్యాపారి అరెస్ట్‌ ● రూ.5.92 లక్షల విలువైన సరుకు స్వాధీనం కాశిబుగ్గ : కారం, పసుపు పొడి తయారీ కేంద్రంపై దాడులు నిర్వహించి రూ.5.92 లక్షల విలువైన కల్తీ సరుకు స్వాధీనం చేసుకుని వ్యాపారిని అరెస్ట్‌ చేసినట్లు టాస్క్‌ఫోర్స్‌ పోలీసులు గురువారం తెలిపారు. వివరాలు ఇలా ఉన్నాయి. కరీమాబాద్‌కు చెందిన ఆకుతోట గోపి వరంగల్‌ మట్టెవాడ పోలీస్‌ స్టేషన్‌ పరిధిలోని పాతబీట్‌ బజారులో కారం, పసుపు పొడి తయారీ కేంద్రం నిర్వహిస్తున్నాడు. అయితే ఇందులో కల్తీ జరుగుతోందని టాస్క్‌ఫోర్స్‌ ఏసీపీ మధుసూదన్‌కు సమాచారం అందింది. దీంతో ఆయన ఆదేశాల మేరకు ఇన్‌స్పెక్టర్‌ వి.క్రాంతికుమార్‌, ఎస్సై కె.సుధాకర్‌ ఆధ్వర్యంలో దాడులు నిర్వహించారు. ఇందులో ఫుడ్‌ సేఫ్టీ లైసెన్స్‌ లేకుండా కేంద్రం నిర్వహించడం, సరైన లేబుల్స్‌ లేకుండా ప్యాకింగ్‌ చేయడం, అపరిశుభ్ర వాతావరణంలో తయారు చేసి ప్యాకింగ్‌ చేయడాన్ని గుర్తించారు. దీంతో గోపిని అరెస్ట్‌ చేసి రూ.5,92,500 విలువైన 2,250 కిలోల కల్తీ కారం, పసుపు పొడిని స్వాధీనం చేసుకున్నారు. ఇందులో 600 కిలోల కారం, 1,650 కిలోల పసుపు పొడి ఉన్నట్లు గుర్తించారు. బైక్‌ అదుపు తప్పి రైల్వే ఉద్యోగి మృతి కాజీపేట : బైక్‌ అదుపు తప్పిన ఘటనలో ఓ రైల్వే ఉద్యోగి మృతి చెందాడు. ఈ ఘటన కాజీపేట ప్రధాన రహదారిపై చోటు చేసుకుంది. మృతుడి కుటుంబీకుల కథనం ప్రకారం.. కాజీపేట 62వ డివిజన్‌ రహమత్‌నగర్‌ కాలనీకి చెందిన ఎం.డి ఎబి ఫాయాజ్‌ (37) రైల్వే ఉద్యోగి. ఈ క్రమంలో ఇటీవల తన మిత్రుడు, రైల్వే ఉద్యోగి దూలం శ్రీనివాస్‌ మృతి చెందాడు. అదే ఆవేదనలో ఉన్న ఫాయాజ్‌ బుధవారం రాత్రి బైక్‌పై ఇంటికి వెళ్తూ అదుపు తప్పి రహదారిపై పడ్డాడు. ఈ ఘటనలో తలకు తీవ్ర గాయమై అక్కడికక్కడే మృతి చెందాడు. మృతుడి కుటుంబీకుల ఫిర్యాదు మేరకు పోలీసులు కేసు నమోదు చేసి దర్యాప్తు చేపడుతున్నారు.

హసన్‌పర్తి: జాతీయ స్థాయిలో ప్రతిభ కనబరిచే పో లీస్‌ క్రీడాకారులకు ఇంక్రిమెంట్స్‌ అందజేస్తామని మల్టీజోన్‌–1 ఐజీ ఎస్‌.చంద్రశేఖర్‌రెడ్డి ప్రకటించారు. వరంగల్‌ పోలీస్‌ కమిషనరేట్‌ ఆధ్వర్యంలో మూడు రోజుల పాటు నిర్వహించిన తెలంగాణ రాష్ట్ర స్థాయి పోలీస్‌ క్రీడా పోటీలు గురువారం ము గిశాయి. ఈ కార్యక్రమానికి చంద్రశేఖర్‌రెడ్డి ముఖ్య అతిథిగా పాల్గొని మాట్లాడారు. విధి నిర్వహణలో శారీరక దృఢత్వం, మానసిక వికాసం, ఉల్లాసం, క్రమశిక్షణ అవసరమన్నారు. ఇలాంటి పోటీలు సిబ్బందిలో ఐక్యమత్యం, క్రీడాస్ఫూర్తి పెంపొందిస్తాయన్నారు. పోలీస్‌ కమిషనర్‌ శ్వేత మాట్లాడుతూ రాష్ట్రంలోని వివిధ ప్రాంతాల నుంచి వచ్చిన పోలీస్‌ క్రీడాకారులు క్రమశిక్షణతో పోటీల్లో పాల్గొని స్ఫూర్తి చాటారని పేర్కొన్నారు. అనంతరం వాలీబాల్‌, బాస్కెట్‌ బాల్‌, ఖో–ఖో, కబడ్డీ, హాకీ, ఫుట్‌బాల్‌, సెపక్‌ తక్రా తదితర క్రీడల్లో ప్రతిభ చాటిన క్రీడాకారులకు మెమోంటో అందజేశారు. కార్యక్రమంలో డీసీపీలు అంకిత్‌కుమార్‌, దార కవిత, రాజమహేంద్రనాయక్‌, అడిషనల్‌ డీసీపీ రాయల ప్రభాకర్‌రావు, తదితరులు పాల్గొన్నారు. మల్టీజోన్‌–1 ఐజీ చంద్రశేఖర్‌రెడ్డి ముగిసిన రాష్ట్ర స్థాయి పోలీస్‌ క్రీడలు

సాక్షి, వరంగల్‌: వరంగల్‌ జిల్లాలో జ్వరాలు, డెంగీ ప్రజలను హడలెత్తిస్తున్నాయి. వాతావరణ మార్పులు, దోమలతో వరంగల్‌ నగరంలోని ఆస్పత్రులకు రోగుల తాకిడి పెరుగుతోంది. ఈ ఏడాది 10 నెలల్లోనే 6,580 జ్వర కేసులు, 164 డెంగీ కేసులు నమోదైనట్లు వైద్యారోగ్యశాఖ గణాంకాలు చెబుతున్నాయి. ప్రభుత్వ ఆస్పత్రుల్లో నమోదైన కేసులే ఇంత భారీగా ఉంటే.. ప్రైవేట్‌ ఆస్పత్రుల్లో చికిత్స పొందుతున్న వారిని కలిపితే ఈ సంఖ్య మరింత ఎక్కువగా ఉండే అవకాశం ఉంది. జ్వరమొస్తే జేబుకు చిల్ల్లే.. ప్లేట్‌లెట్ల పేరుతో భయం.. జ్వరం తగ్గకపోతే డెంగీ, టైఫాయిడ్‌ వంటి వ్యాధుల అనుమానంతో రక్తపరీక్షలు చేయిస్తున్నారు. వైద్యుల కన్సల్టేషన్‌ ఫీజు, రక్త పరీక్షలు, మందులు, స్కానింగ్‌, బెడ్‌ చార్జీలు కలిపితే సాధారణ జ్వరానికే రూ.వేలు ఖర్చవుతున్నాయి. ఇక డెంగీ బాధితుల్లో ప్లేట్‌లెట్ల సంఖ్య తగ్గడం సహజం. ప్రతి డెంగీ బాధితుడికి ప్లేట్‌లెట్లు ఎక్కించాల్సిన అవసరముండదు. అయినప్పటికీ ప్లేట్‌లెట్లు తగ్గుతున్నాయంటూ కొంతమంది బాధితులను, వారి కుటుంబ సభ్యులను భయపెట్టి ఆస్పత్రిలో చేర్పిస్తున్నారన్న ఆరోపణలున్నాయి. వైద్యారోగ్యశాఖ పర్యవేక్షించాలి.. ప్రైవేట్‌ ఆస్పత్రుల్లో రోగుల నుంచి వసూలు చేస్తున్న ఫీజులు, పరీక్షల చార్జీలు, బెడ్‌ అద్దెలు, ఐసీయూ ఖర్చులపై వైద్యారోగ్యశాఖ నిరంతరం పర్యవేక్షించాల్సి ఉంది. క్షేత్రస్థాయిలో తూతూమంత్రంగా తనిఖీలు తప్ప కఠిన చర్యలు తీసుకోవడం లేదన్న ఆరోపణలు ఉన్నాయి. ఈ విషయమై జిల్లా వైద్యారోగ్యాధికారి డాక్టర్‌ బి.రాజారెడ్డిని వివరణ కోరగా తమకు రోగుల నుంచి ఏమైనా ఫిర్యాదులు వస్తే ఆయా ఆస్పత్రుల్లో తనిఖీలు చేస్తున్నామని, ఎవరైనా ఇబ్బందులు ఎదుర్కొంటే సమాచారం ఇవ్వాలని తెలిపారు. ఖిలావరంగల్‌లో ఉంటున్న ఒకరికి జ్వరం రావడంతో కుటుంబ సభ్యులు సమీపంలోని ప్రైవేట్‌ ఆస్పత్రికి తీసుకెళ్లారు. ఆస్పత్రి సిబ్బంది తొలు త రక్త పరీక్షలు, అనంతరం మరికొన్ని వైద్య పరీక్షలు చేయించుకోవాలని సూచించారు. వైద్యుల కన్సల్టేషన్‌, పరీక్షలు, మందులు కలిపి రెండు మూడు రోజుల్లోనే రూ.20 వేల వరకు ఖర్చయ్యాయి. వరంగల్‌ నగరానికి చెందిన ఒకరు డెంగీ లక్షణాలతో ఆస్పత్రికి వెళ్లారు. ప్లేట్‌లెట్ల సంఖ్య తగ్గిందని వైద్యులు చెప్పడంతో కుటుంబ సభ్యులు ఆందోళనకు గురయ్యారు. తప్పనిసరిగా ప్లేట్‌లెట్లు ఎక్కించాలా? చికిత్సకు ఎన్ని డబ్బులవుతాయి అనే విషయాలపై వైద్యులు ముందుగా చెప్పకపోవడంతో చికిత్స అనంతరం వైద్య ఖర్చులు చెల్లించేందుకు ఇబ్బంది పడ్డారు. వరంగల్‌ జిల్లాలో 10 నెలల్లో 6,580 ఫీవర్‌, 164 డెంగీ కేసులు రోగులతో కిటకిటలాడుతున్న ఆస్పత్రులు రూ.వేలల్లో వసూలు చేస్తున్న ప్రైవేట్‌ హాస్పిటల్స్‌

వరంగల్‌ కలెక్టర్‌ డాక్టర్‌ సత్యశారద న్యూశాయంపేట: కరువు ప్రభావిత రైతులను బ్యాంకులు ఆదుకోవాలని వరంగల్‌ కలెక్టర్‌ డాక్టర్‌ సత్యశారద బ్యాంకు అధికారులను ఆదేశించారు. కలెక్టరేట్‌లో కలెక్టర్‌ అధ్యక్షతన ప్రత్యేక జిల్లా సంప్రదింపుల కమిటీ సమావేశం బుధవారం నిర్వహించారు. ఎస్‌ఎల్‌బీసీ సమావేశంలో తీసుకున్న నిర్ణయాలు, ఆర్‌బీఐ మార్గదర్శకాల మేరకు ఈ సమావేశంలో రైతులకు అందించాల్సిన ప్రయోజనాలపై సమీక్ష నిర్వహించారు. ఈసందర్భంగా కలెక్టర్‌ మాట్లాడుతూ అర్హులైన రైతుల పంట రుణాలు పునర్వ్యవస్థీకరణ, రుణ చెల్లింపు గడువు పొడిగింపునకు చర్యలు తీసుకోవాలని సూచించారు. వచ్చే వ్యవసాయ సీజన్‌కు కొత్తపంట రుణాల మంజూరు వేగవంతం చేయాలన్నారు. ప్రభుత్వ శాఖలు, బ్యాంకు అధికారులు పరస్పర సమన్వయంతో పనిచేస్తూ కరువు ప్రభావిత మండలాల్లో అర్హులైన రైతులను గుర్తించాలన్నారు. సమావేశంలో అదనపు కలెక్టర్లు ఎల్‌.కిశోర్‌కుమార్‌, వైవీ గణేశ్‌, యూనియన్‌ బ్యాంకు డీజీఎం జి.కమలాకర్‌, ఆర్‌బీఐ ఎల్‌డీఓ యశ్వంత్‌, నాబార్డ్‌ డీడీఎం చైతన్య రవి, లీడ్‌ డిస్ట్రిక్ట్‌ మేనేజర్‌ జి.జీవన్‌కుమార్‌, వ్యవసాయ, పశుసంవర్థక, ఉద్యాన, మత్స్యశాఖ జిల్లా అధికారులు పాల్గొన్నారు.

హనుమకొండలోని సుబేదారి ప్రభుత్వ హైస్కూల్‌కు బుధవారం రెండుగంటలు ఆలస్యంగా విద్యార్థులకు బ్రేక్‌ఫాస్ట్‌ (ఉప్మాను) సరఫరా చేశారు. ఉదయం 8:30 గంటల వరకు అందజేయాల్సి ఉండగా.. ఉదయం 10:30 గంటలకు వచ్చింది. దీంతో విద్యార్థులు ఆలస్యంగా ఇంటర్వెల్‌ సమయంలో బ్రేక్‌ఫాస్ట్‌ తిన్నారు. పాఠశాలలో ఉంటుందన్న భావనతో విద్యార్థులు ఇంటివద్ద ఏమీ తినకుండా రావడం.. రెండు గంటలు ఆలస్యంగా బ్రేక్‌ఫాస్ట్‌ పెట్టడంతో ఆకలితో ఇబ్బంది పడ్డారు. ఈ విషయమై హైస్కూల్‌ హెచ్‌ఎం.. ఎంఈఓ నెహ్రూకు సమాచారం ఇచ్చారు. ఇకనుంచి సమయానికే తీసుకు రావాలని సంబంధిత సిబ్బందికి సూచించామని నెహ్రూ తెలిపారు. – విద్యారణ్యపురి

కుడా కీలక ప్రాజెక్టులకువరంగల్‌ అర్బన్‌ : కాకతీయ అర్బన్‌ డెవలప్‌మెంట్‌ అథారిటీ(కుడా) పరిధిలో రూ. 4,200 కోట్లకు సంబంధించిన నిధుల ప్రతిపాదనలపై కేంద్ర గృహ నిర్మాణ, పట్టణాభివృద్ధి శాఖ బుధవారం ఆమోదముద్ర వేసింది. ఈ మేరకు కేంద్ర శాఖ ఉన్నతాధికారులు ఆదేశాలు జారీ చేశారు. అర్బన్‌ చాలెంజ్‌ ఫండ్‌(యూసీఎఫ్‌)లో భాగంగా ‘కుడా’, గ్రేటర్‌ వరంగల్‌ నివేదించిన డీటైల్డ్‌ ప్రాజెక్టు రిపోర్టులను క్షుణ్ణంగా అధ్యయనం చేసిన యంత్రాంగం నిధులకు సుముఖత వ్యక్తం చేసినట్లు అధికారులు వెల్లడించారు. నగరంలో స్ట్రాంగ్‌ వాటర్‌ డ్రెయినేజీ సిస్టానికి రూ.1,240 కోట్లు, ఖిలా వరంగల్‌ మట్టి, రాతికోట చుట్టూ ఉన్న మోటు పనులకు రూ.210 కోట్లు, కందకం పనుల కోసం రూ.52.27 కోట్లు, హనుమకొండ సీబీడీ పనులకు రూ.42.19 కోట్లు, తదితర ప్రాజెక్టులకు నిధుల మంజూరుకి గ్రీన్‌ సిగ్నల్‌ ఇచ్చినట్లు తెలిపారు. గోదావరి తాగునీటి పనులకు రూ.398.40 కోట్లుగా పేర్కొన్నారు. వరంగల్‌ ఆర్టీసీ బస్‌స్టేషన్‌కు గతంలో రూ.120 కోట్ల కాగా, ప్రస్తుత ప్రతిపాదనల మేరకు రూ. 250కోట్ల నిధుల మంజూరుకు పచ్చ జెండా ఊపినట్లు వెల్లడించారు. ‘కుడా’ పరిధిలోని వేయిస్తంభాల దేవాలయం తదితర అభివృద్ధి పనులకుసైతం ఓకే చెప్పినట్లు తెలిపారు. ఈ సొమ్ములో ప్రపంచ బ్యాంక్‌నుంచి 50 శాతం రుణంగా, కేంద్ర ప్రభుత్వం 25 శాతం, స్థానిక సంస్థలు 25 శాతం నిధులు వెచ్చించించేందుకు ఒప్పందం చేసుకున్నట్లు ఉత్తర్వుల్లో పేర్కొన్నారు. డీపీఆర్‌లపై ఇంకా పూర్తి స్థాయిలో కసరత్తు చేస్తున్నట్లు అధికారులు వెల్లడించారు. ప్రతిపాదనలను ఆమోదించిన కేంద్రం

వరంగల్‌ అర్బన్‌: వరంగల్‌ పోతన రోడ్డు–హంటర్‌ రోడ్డులో పలు ప్రాంతాల కాలనీలకు తాగునీటి సరఫరా చేసే నాలుగు చోట్ల పైప్‌లైన్‌ వాల్వ్‌ లీకేజీగా మారింది. బుధవారం మధ్యాహ్నం నాలుగు ప్రాంతాల్లో వాల్వ్‌లు లీక్‌గా మారాయి. నీరుపైకి ఎగిసిపడి పక్కన ఉన్న నాలాల్లోకి చేరింది. రెండున్నర గంటలకుపైగా తాగునీరు (దాదాపు రెండు గ్యాలన్ల నీరు) వృథాగా పోయింది. లైన్‌మెన్‌కు, ఏఈకి సమాచారం అందించడంతో నీటి పంపింగ్‌ నిలిపేశారు. ఇలా.. నగరంలో వందల సంఖ్యలో రోజూ పైప్‌లైన్ల వాల్వ్‌లు, పైప్‌లైన్లు లీకవుతున్నాయి. కొన్ని అధికారుల దృష్టికి వస్తున్నాయి. చాలా వరకు రావడం లేదు. తీరు మార్చుకోని ఇంజనీర్లు ఎలినినో ప్రభావంతో భూగర్భ జలాలు అడుగంటిపోగా.. రిజర్వాయర్లలోని నీరు సామర్థ్యం మేరకు లేదు. మరో 5 నెలలు పాటు మాత్రమే మహా నగరానికి సరిపడా నీరు ధర్మసాగర్‌ రిజర్వాయర్‌లో నిల్వ ఉంది. నీళ్లను పొదుపుగా వాడుకోవాలని రాష్ట్ర ప్రభుత్వం ఆదేశించింది. ఈనేపథ్యంలో.. బల్దియాకు చెందిన లైన్‌మెన్‌, వర్క్‌ ఇన్‌స్పెక్టర్‌, ఏఈలు, డీఈలు, ఈఈల వరకు నీటి వృథా చేస్తే రూ.5వేల జరిమానా విధిస్తామని ఆయా కాలనీల వాసులను హెచ్చరించారు. దీంతో కొంత మేరకు నీటి వృథాపై ప్రజలు దృష్టి కేంద్రీకరించారు. కానీ, బల్దియా ఇంజనీర్ల నిర్లక్ష్యం వల్ల పైప్‌లైన్లు, వాల్వ్‌ లు లీకేజీలు పెద్ద ఎత్తున చోటు చేసుకుంటున్నాయి. 70 శాతం కాలనీలకు రోజూ నీటి సరఫరా, 20 శాతం కాలనీలకు రెండు రోజులకోసారి నీటిని సరఫరా చేస్తున్నారు. నీటి సరఫరాను 2 గంటల నుంచి గంటకు తగ్గించారు. కానీ, వాల్వ్‌ల దగ్గర లీకేజీలను మాత్రం కట్టడి చేయలేకపోతున్నారు. దీంతో అమూల్యమైన తాగునీరంతా రోడ్లు, డ్రెయినేజీ పాలవుతోంది. నిత్యం సుమారు 30 కాలనీలకు సరిపడా తాగునీరు వృథాగా పోతోదని ఇంజనీర్లే చెబుతుండడం గమనార్హం. మరమ్మతులు కరువు.. తాగునీటి సరఫరా చేసేందుకు పైప్‌లైన్ల మధ్య కంట్రోల్‌ వాల్వ్‌లను ఏర్పాటు చేస్తారు. ఏ సమయంలో నీటిని వదలాలో వీటి ద్వారా చేస్తుండడంతో వాల్వ్‌లు తరుచూ పాడైపోతుంటాయి. ఈ వాల్వ్‌లు పాతబడడం, ఇనుము రాడ్స్‌ అరిగిపోవడం, తుప్పుపట్టి ఈ సమస్యలు ఆధికమవుతున్నాయి. లీకేజీల కోసం బల్దియా ఏటా రూ.2.50 కోట్లకుపైగా నిధులు వెచ్చిస్తున్నప్పటికీ నీటి వృథాను అరికట్టడంలో విఫలమవుతోందనే ఆరోపణలున్నాయి. నగరంలో నిత్యకృత్యంగా పైప్‌లైన్‌ లీకేజీలు నిత్యం 30 కాలనీలకు సరిపోయే నీరు డ్రెయినేజీలోకి.. నీరు వృథా చేసేవారికి రూ.5 వేలు జరిమానా విధించాలి: బల్దియా ఈ లెక్కన ఇంజనీర్లకెంత జరిమానా విధిస్తారు?: గ్రేటర్‌ ప్రజలు బుధవారం పోతననగర్‌లో రెండున్నర గంటలు నాలాలోకి శుద్ధి నీరుసమీక్ష సమావేశాల్లో.. ‘ఎల్‌నినో కారణంగా వర్షాభావ పరిస్థితులు నెలకొన్నాయి. భూగర్భ జలాలు అడుగంటుతున్నాయి. ప్రతీ నీటి బొట్టును అవసరం మేరకే వాడాలి. నీటిని వృథా చేసే నగరవాసులకు రూ.5 వేలు జరిమానా విధిస్తాం’ అని బల్దియా అధికారులు ఇటీవల నిర్ణయించారు. అందుకు అనుగుణంగా క్షేత్రస్థాయిలో తనిఖీలు నిర్వహిస్తున్నారు.క్షేత్రస్థాయిలో.. నగరంలో పైప్‌లైన్‌ లీకేజీలు నిత్యకృత్యంగా మారాయి. దాదాపు 30 కాలనీలకు సరిపడా నీరు నిత్యం డ్రెయినేజీల్లోకి వెళ్తోంది. ఎల్‌నినో ఎఫెక్ట్‌ అని నీటి సరఫరా రెండు గంటల నుంచి గంటకు తగ్గించారు. చాలా కాలనీలకు నీటినే వదలడం లేదన్న ఆరోపణలున్నాయి. లీకేజీల కారణంగా డ్రెయినేజీల్లో కలుస్తున్న నీటి వృథాకు బాధ్యులెవరు? ఇంజనీర్లకు ఎన్ని లక్షల పెనాల్టీ విధిస్తారు? అని నగరవాసులు ప్రశ్నిస్తున్నారు.

వరంగల్‌ అర్బన్‌: వరంగల్‌ ఉర్సుగుట్ట వద్ద ఈనెల 6న నిర్వహించనున్న నరకాసుర వధ కార్యక్రమానికి విస్తృతంగా ఏర్పాట్లు చేయాలని, భక్తులకు ఎలాంటి అసౌకర్యాలు కలగొద్దని గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ టి.వెంకన్న అధికారులను ఆదేశించారు. బుధవారం ఉర్సు రంగలీల మైదానం, రంగశాయిపేటలోని మహంకాళి దేవాలయం సమీపంలో నిర్వహించనున్న నరకాసుర వధ కార్యక్రమాల ఏర్పాట్లను కమిషనర్‌ అధికారులతో కలిసి పర్యవేక్షించారు. అనంతరం కాశిబుగ్గలో నిర్మాణంలో ఉన్న కమ్యూనిటీ హాల్‌ పనుల పురోగతిని పరిశీలించారు. ఉనికిచర్లలో సీసీ రోడ్లు, డ్రెయినేజీలను పరిశీలించారు. ఎగ్జిక్యూటివ్‌ ఇంజనీర్‌ సంజయ్‌కుమార్‌, ఎంహెచ్‌ఓ రాజేశ్‌, పారిశుద్ధ్య, ఇంజనీరింగ్‌ విభాగాల సిబ్బంది తదితరులు ఉన్నారు. యూజీడీపై వీడియో కాన్ఫరెన్స్‌ నగరంలో భూగర్భ డ్రెయినేజీ (యూజీడీ) వ్యవస్థ ఏర్పాటుకు ఆమోదం లభించిన నేపథ్యంలో, ప్రాజెక్టుకు సంబంధించిన సాంకేతిక అంశాలపై కేంద్ర పట్టణాభివృద్ధి, గృహ నిర్మాణ మంత్రిత్వ శాఖ అదనపు కార్యదర్శి డి.తారా బుధవారం ఢిల్లీ నుంచి వీడియో కాన్ఫరెన్స్‌ నిర్వహించారు. సమావేశంలో హనుమకొండ క్యాంపు కార్యాలయంలో నుంచి బల్దియా కమిషనర్‌ టి.వెంకన్న పాల్గొనగా.. గ్రేటర్‌ వరంగల్‌ మున్సిపల్‌ కార్పొరేషన్‌ ఆదాయ వనరులు, సొంత ఆదాయాన్ని మరింత పెంచుకునేందుకు ఉన్న అవకాశాలపై ఆమె వివరాలు కోరారు. వీడియో కాన్ఫరెన్స్‌లో సూపరింటెండింగ్‌ ఇంజనీర్‌ రాజ్‌కుమార్‌, ఎగ్జిక్యూటివ్‌ ఇంజనీర్‌ రవికుమార్‌, పబ్లిక్‌ హెల్త్‌ డీఈ కార్తీక్‌రెడ్డి తదితరులు పాల్గొన్నారు. బల్దియా కమిషనర్‌ టి.వెంకన్న నగరంలో అభివృద్ధి పనుల తనిఖీ

పశ్చిమ ఎమ్మెల్యే రాజేందర్‌రెడ్డి కాజీపేట: పదేళ్లు అధికారంలో ఉన్నప్పుడు ఒక్కరికి కూడా వైఎస్సార్‌ నగర్‌ కాలనీలో పట్టాలు ఇప్పించలేకపోయిన నాయకులు నేడు రాజకీయ లబ్ధ్ది కోసం చిల్లర మాటలు మాట్లాడుతున్నారని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. గ్రేటర్‌ వరంగల్‌ మున్సిపాలిటీ 62వ డివిజన్‌ సోమిడిలోని ఎస్సీ కాలనీలో బుధవారం రూ.17 లక్షల వ్యయంతో చేపట్టిన అభివృద్ధి పనులకు ఆయన శంకుస్థాపన చేశారు. అనంతరం మాట్లాడుతూ.. వైఎస్సార్‌నగర్‌ కాలనీ భూమి ప్రైవేటుదైతే తాను జోక్యం చేసుకోబోనని, ప్రభుత్వ భూమిగా తేలితే గజం స్థలం కూడా ప్రైవేట్‌ వ్యక్తులకు వదిలిపెట్టేదిలేదని స్పష్టం చేశారు. కార్యక్రమంలో మాజీ కార్పొరేటర్లు జక్కుల రవీందర్‌ యాదవ్‌, సుంచు అశోక్‌, మెరుగు రాజయ్య పాల్గొన్నారు. మామునూరు: వరంగల్‌ మామునూరు విమానాశ్రయాన్ని జాతీయ ఎస్టీ కమిషన్‌ మెంబర్‌ హుస్సేన్‌నాయక్‌ గురువారం సందర్శించనున్నారు. ఈసందర్భంగా ఎయిర్‌పోర్ట్‌ అథారిటీ పర్యవేక్షణలో జరుగుతున్న పనులు ఆయన పరిశీలించనున్నారు. డిసెంబర్‌ మొదటివారంలో దేశ ప్రధాని మోదీ ఎయిర్‌పోర్ట్‌ను సందర్శించి, పునరుద్ధరణ పనులకు శంకుస్థాపన చేయనున్న నేపథ్యంలో జాతీయ ఎస్టీ కమిషన్‌ మెంబర్‌ ఎయిర్‌పోర్ట్‌ను పరిశీలించి నివేదిక అందించనున్నట్లు తెలిసింది.

కేయూ క్యాంపస్‌: కేయూలోని స్పోర్ట్స్‌ బోర్డ్‌ ఆధ్వర్యంలో వరంగల్‌ జోన్‌ పురుషుల క్రికెట్‌ టోర్నమెంట్‌ను వీసీ ప్రతాప్‌రెడ్డి బుధవారం ప్రారంభించారు. ఈక్రికెట్‌ టోర్నమెంట్‌లో పది కళాశాలల జట్లు పాల్గొంటున్నాయి. ఈనెల 6వ తేదీ వరకు టోర్నమెంట్‌ కొనసాగనుందని కేయూ స్పోర్ట్స్‌ బోర్డ్‌ సెక్రటరీ డాక్టర్‌ శాస్త్రి తెలిపారు. ప్రతిభ చూపిన క్రీడాకారులు త్వరలో జరగబోయే కేయూ అంతర్‌ కళాశాలల క్రికెట్‌ పోటీల్లో పాల్గొంటారని ఆయన పేర్కొన్నారు. కార్యక్రమంలో క్రీడా పోటీల ఇన్‌చార్జ్‌ డాక్టర్‌ ఎస్‌.కుమార్‌, ఫిజికల్‌ డైరెక్టర్లు మట్టెడ కుమారస్వామి, అఫ్షల్‌ అస్లాం, డాక్టర్‌ ఏటీబీటీ ప్రసాద్‌, కేయూ ఫిజికల్‌ ఎడ్యుకేషన్‌ కళాశాల ప్రిన్సిపాల్‌ డాక్టర్‌ భాస్కర్‌ ఫిజికల్‌ ఎడ్యుకేషన్‌ ఫ్యాకల్టీ సభ్యులు లాల్‌పాషా, సుమన్‌, అన్వేష్‌ తదితరులు పాల్గొన్నారు. కాశిబుగ్గ: వరంగల్‌ దేశాయిపేటలోని సీకేఎం ప్రభుత్వ ఆర్ట్స్‌ అండ్‌ సైన్స్‌ కళాశాలలో 2026–2027 విద్యా సంవత్సరంలో ఎంబీఏ బోధించేందుకు అతిథి అధ్యాపకులు కావాలని ప్రిన్సిపాల్‌ డాక్టర్‌ పోచయ్య బుధవారం ఒక ప్రకటనలో తెలిపారు. ఎంబీఏలో 55 శాతం (ఎస్సీ, ఎస్టీలకు 50శాతం) మార్కులతో ఉత్తీర్ణత కలిగిన ఉండాలని, పీహెచ్‌డీ/నెట్‌/సెట్‌ కలిగిన వారికి ప్రాధాన్యం, బోధన అనుభవానికి వెయిటేజీ ఇస్తామని పేర్కొన్నారు. అసక్తిగల వారు బయోడేటాతోపాటు జిరాక్స్‌ సర్టిఫికెట్లను కళాశాల కార్యాలయంలో ఈ నెల 7వరకు అందజేయాలని కోరారు. కాశిబుగ్గ: వరంగల్‌ ఎంజీఎంలో స్టెమీ కార్యక్రమంతోపాటు పాలియేటివ్‌ కేర్‌ సేవల నమోదుపై చర్చించారు. బుధవారం వరంగల్‌ జిల్లా వైద్య ఆరోగ్యశాఖ అధికారి డాక్టర్‌ బి.రాజారెడ్డి, ఎంజీఎం ఆస్పత్రి సూపరింటెండెంట్‌ డాక్టర్‌ రామ్‌కుమార్‌రెడ్డి, కాకతీయ మెడికల్‌ కళాశాల ప్రిన్సిపాల్‌ ఈ కార్యక్రమాల సమ్వనయంపై సమీక్షించారు. హన్మకొండ: ఆల్‌ తెలంగాణ గవర్నమెంట్‌ పెన్షనర్స్‌ అసోసియేషన్‌ హనుమకొండ జిల్లా నూతన కమిటీని ఎన్నుకున్నట్లు ఆ అసోసియేషన్‌ రాష్ట్ర ప్రధాన కార్యదర్శి తూపురాణి సీతారాం తెలిపారు. బుధవారం ఆయన కమిటీని ప్రకటించారు. గౌరవ సలహాదారుడిగా సముద్రాల రామనరసింహాచార్యులు, గౌరవాధ్యక్షుడిగా తిరువరంగం నంద కిశోర్‌, అధ్యక్షుడిగా జన్నపురెడ్డి ప్రభాకర్‌రెడ్డి, ప్రధాన కార్యదర్శిగా ఎర్రబెల్లి రాజేశ్వర్‌రావు, ఆర్థిక కార్యదర్శిగా దేవరకొండ నరేందర్‌, ఉప ప్రధాన కార్యదర్శిగా మురహరి శెట్టి చంద్రశేఖర్‌, ఉపాధ్యక్షులుగా రెబెల్లి వెంకటేశ్వరస్వామి, బండ నర్సింహా రెడ్డి, బోయినిపల్లి సోమేశ్వర్‌ రావు, బి.వెంకటస్వామి, చెక్క మొగిళి, కోడెపాక శాయన్న, ఎంబాడి శ్యాంసుందర్‌, వన్నాల రాజముల్లు, కాసం సుధాకర్‌ రెడ్డి, కాసం ప్రభాకర్‌, సీహెచ్‌.విద్యాసాగర్‌ ఎన్నికయ్యారు. అదేవిధంగా కార్యదర్శులుగా కందికొండ సదానందం, తాడూరు సుధాకర్‌, డింగరి వేణుగోపాల్‌ చారి, కొదిరిపాక సాంబమూర్తి, మెచం వెంకన్న, తమటం మనోహర స్వామి, మందల వెంకట్‌ రెడ్డి, కోల నర్సయ్య, మహిళా కార్యదర్శులుగా రాజనాల కుసుమ కుమారి, మందల వసుమతి రెడ్డి, గోరంటల అరుణ, కొప్పుల శైలజ, పద్మ ఎన్నికై నట్లు వివరించారు. మాజీ వీసీ కొకాటేకు నివాళికేయూ క్యాంపస్‌ : కేయూ మాజీ వీసీ చంద్రకాంత్‌ కొకాటే మృతికి సంతాపంగా బుధవారం మధ్యాహ్నం పరిపాలనా భవనంలో రెండు నిమిషాలు మౌనం పాటించారు. వీసీ ప్రతాప్‌రెడ్డి మాట్లాడుతూ కొకాటే వీసీగా అందించిన సేవలను కొనియాడారు. ఇన్‌చార్జ్‌ రిజిస్ట్రార్‌ రాజేందర్‌ సంతాప తీర్మానం చదివారు. ఓఎస్‌డీ వెంకట్రామ్‌రెడ్డి, ఫార్మసీ కళాశాల ప్రిన్సిపాల్‌ కృష్ణవేణి, పాలకమండలి సభ్యులు చిర్ర రాజు, రమ, కళాశాలల పిన్సిపాల్స్‌, మల్లికార్జున్‌రెడ్డి, వెంకయ్య, టి.శాస్త్రి, కెమిస్ట్రీ విభాగం అధిపతి ఆచార్య వాసుదేవరెడ్డి, తదితరులు పాల్గొన్నారు.

సాక్షి, వరంగల్‌: గ్రాడ్యుయేట్‌ ఎమ్మెల్సీ ఓటరు జాబితాలో పేర్ల నమోదుకు వరంగల్‌ జిల్లాలో పట్టభద్రుల నుంచి భారీగా దరఖాస్తులు అందుతున్నాయి. కానీ, వాటి పరిశీలన, ఆమోద ప్రక్రియ మాత్రం ఆశించిన వేగంతో సాగడం లేదు. జిల్లాలోని 13 మండలాల పరిధిలో ఇప్పటివరకు 56,407 దరఖాస్తులు (56,367 ఆన్‌లైన్‌, 40 ఆఫ్‌లైన్‌) అందగా.. వీటిలో 10,956 మాత్రమే ఆమోదం పొందాయి. మరో 553 దరఖాస్తులు తిరస్కరణకు గురయ్యాయి. మిగిలిన 44,898 దరఖాస్తులు వివిధ స్థాయిల్లో పెండింగ్‌లో ఉన్నాయి. బుధవారం నాటికి గణాంకాలు పరిశీలిస్తే దరఖాస్తుల స్వీకరణకు, పరిష్కారానికి మధ్య భారీ వ్యత్యాసం కనిపిస్తోంది. ఇప్పటికే ప్రధాన అధికార పార్టీ కాంగ్రెస్‌తో పాటు ప్రతిపక్ష బీఆర్‌ఎస్‌, బీజేపీతో పాటు ఇతర రాజకీయ పార్టీలు ఎమ్మెల్సీ ఓటర్ల నమోదుపై దృష్టి సారించాయి. అత్యధిక పెండింగ్‌ ఇక్కడే.. దరఖాస్తుల పరిష్కారంలోనూ మండలాల మధ్య వ్యత్యాసం స్పష్టంగా కనిపిస్తోంది. గ్రేటర్‌ పరిధిలోని వరంగల్‌ మండలంలో 11,808 దరఖాస్తులు రాగా, 11,393 పెండింగ్‌లో ఉన్నాయి. ఖిలా వరంగల్‌లో 10,236 దరఖాస్తులు రాగా, 9,926 పరిష్కారం కావాల్సి ఉంది. మిగతా మండలాల్లోనూ ఇదే పరిస్థితి నెలకొంది. వివిధ దశల్లో 44 వేలకుపైగా... మొత్తం పెండింగ్‌ దరఖాస్తుల్లో 6,133 ఇంకా అన్‌న్‌ ప్రాసెస్డ్‌ (ఇంకా ప్రాసెస్‌ చేయని) దశలో ఉన్నాయి. 36,778 దరఖాస్తులు బ్లాక్‌ అసైన్‌న్‌మెంట్‌ కేటగిరీలో, 1,027 ఏఈఆర్‌ఓ స్థాయిలో, 960 ఈఆర్‌ఓ స్థాయిలో ఉన్నట్లు డ్యాష్‌బోర్డులో నమోదైంది. దీంతో దరఖాస్తుల పరిశీలనను అధికారులు వేగవంతం చేయాల్సిన అవసరం కనిపిస్తోంది. వరంగల్‌ జిల్లాలో గ్రాడ్యుయేట్‌ ఎమ్మెల్సీ ఓటర్ల నమోదులో మందగమనం 56,407 దరఖాస్తుల స్వీకరణ ఇప్పటివరకు 10,956 అప్లికేషన్స్‌ అప్రూవ్డ్‌ ఇంకా పెండింగ్‌లోనే 44,898 అర్జీలు

హసన్‌పర్తి : గుర్తు తెలియని ఇద్దరు మహిళలు అమ్మా అంటూ వృద్ధురాలి ఇంట్లోకి ప్రవేశించి ఆమెతో మాట మాట కలిపారు.. అనంతరం ఆమె ఒంటిపై ఉన్న బంగారు నగలు లాక్కొని పరారయ్యారు. కాకతీయ యూనివర్సిటీ పోలీస్‌ స్టేషన్‌ పరిధిలోని వాయుపుత్ర కాలనీలో మంగళవారం ఈ ఘటన జరగగా పోలీసులు బుధవారం ఆ మహిళల ఫొటోలను విడుదల చేశారు. కాలనీకి చెందిన వృద్ధురాలు కాసర్ల జయప్రద ఇంట్లో ఒంటరిగా ఉంటోంది. మంగళవారం మధ్యాహ్నం ఆస్పత్రికి వెళ్లి తిరిగి ఇంటికి వచ్చింది. అప్పుడే 30 ఏళ్ల వయస్సు ఉన్న ఇద్దరు మహిళలు వచ్చి... ఓ అమ్మా అంటూ కేక వేశారు. తలుపు తీసిన ఆ వృద్ధురాలు లోపలికి రమ్మని చెప్పింది. దీంతో మహిళలు మాటలు కలిపి.. మీరు ఎవరో తెలియదని వృద్ధురాలు సమాధానం చెబుతుండగానే ఇద్దరు మహిళలు ఆమె నోట్లో కొంగును కుక్కి చేతుల్లో ఉన్న బంగారు గాజులతోపాటు మెడలోని బంగారు గొలుసును లాక్కెళ్లారు. ఐదున్నర తులాల బంగారు నగలు అపహరణకు గురైనట్లు బాధితురాలు రోదిస్తూ తెలిపింది. బాధితురాలి కుటుంబ సభ్యులు కేయూసీ పోలీస్‌ స్టేషన్‌లో ఫిర్యాదు చేయడంతో ఇన్‌స్పెక్టర్‌ రవికుమార్‌ ఘటనా స్థలానికి చేరుకుని పరిస్థితిని సమీక్షించారు. అక్కడి సీసీ ఫుటేజీలు పరిశీలించారు. దొంగలు దోచుకెళ్తున్న దృశ్యాలు కెమెరాలో నమోదయ్యాయి. వారి ఫొటోలు విడుదల చేశా రు. కేసు నమోదు చేసి నిందితుల కోసం గాలిస్తున్నట్లు పోలీస్‌ ఇన్‌స్పెక్టర్‌ రవికుమార్‌ తెలిపారు. నగర ప్రజలు జాగ్రత్తగా ఉండాలని సూచించారు.నగరంలో ఇద్దరు మహిళల సంచారం.. మంగళవారం వాయుపుత్ర కాలనీలో దోపిడీ జాగ్రత్తగా ఉండాలంటున్న పోలీసులు

వరంగల్‌ స్పోర్ట్స్‌ : Ķæ¬Ð]l-™èl-ÌZ° çÜ–f¯é™èlÃMýS, MýSâê™èlÃMýS {糆¿ýæ¯]l$ ÐðlÍMìS-¡õÜ…-§ýl$MýS$ D¯ðlÌS 5¯]l hÌêÏ Ýë¦Æ‡$$ Ķæ¬Ð]l-f¯ø™èlÞ-ÐéË$ °Æý‡Ó-íßæ…^èl-¯]l$-¯]l²r$Ï Ä¶æ¬Ð]l-f¯]l, {MîSyýlÌS hÌêÏ A«¨M>Ç Mö™èl¢ {ç³Ô>…™Œæ ™ðlÍ´ëÆý‡$. ÝëÓÑ$ ÑÐól-M>¯]l…§ýl fĶæ$…-†° ç³#Æý‡-çÜP-Ç…^èl$-MýS$° 30Ð]l gê¡Ä¶æ$ Ķæ¬Ð]l-f¯ø™èlÞ-ÐéÌZÏ ¿êVýS…-V> ÑMýS-íÜ™Œæ ¿êÆý‡™Œæ Ķæ¬Ð]l ¯éĶæ$-MýS$ÌS çÜ…¿êçÙ-×æ (Ò½OÐðl-GÌŒæ-yîl)-&-2027™ø ´ër$ Ýë…çÜP–-†MýS ´ùsîæ-Ë$ °Æý‡Ó-íßæ-çÜ$¢-¯]l²r$Ï ÑÐ]l-Ç…^éÆý‡$. VýS$Æý‡$-ÐéÆý‡… E§ýlĶæ$… 9VýS…-rÌSMýS$ çßæ¯]l$-Ð]l$-Mö…yýl gôæG¯ŒS- õÜtyìl-Ķæ$…-ÌZ ´ùsîæ-Ë$ {´ëÆý‡…-¿ýæ-Ð]l$-Ð]l#-™éĶæ$°, 15 ¯]l$…_ 29 HâýæÏ-ÌZç³# Ķæ¬Ð]l¡, Ķæ¬Ð]l-MýS$-Ë$ AÆý‡$á-ÌS° õ³ÆöP-¯é²Æý‡$. gê¯]l-糧ýl ¯]l–™èlÅ…, gê¯]l-糧ýl X™éË$, _{™èl-Ìôæ-Q¯]l…, Ò«¨ ¯érMýS…, MýSÑ™èlÓ Æý‡^èl¯]l Ñ¿êV>ÌZÏ ´ùsîæ-Ë$ °Æý‡Ó-íßæ…^èl-¯]l$-¯]l²r$Ï ÐðlÌS-Ïyìl…^éÆý‡$. A¿ýæÅ-Æý‡$¦-Ë$ ™èlç³µ-°çÜ-ÇV> OÐðl$ ¿êÆý‡™Œæ ´ùÆý‡t-ÌŒæ-⁠ÌZ Ð]l¬…§ýlçÜ$¢ ¯]lÐðl*§ýl$ ^ólçÜ$-MøÐéÌS° çÜ*_…^éÆý‡$. Ð]lÊyól-âýæÏ-ÌZ gê¡Ä¶æ$ Ķæ¬Ð]l-f¯ø™èlÞ-ÐéÌZÏ ´ëÌŸY-¯]l²-ÐéÆý‡$ AÆý‡$á-Ë$ M>§ýl°, JMöP-MýSPÆý‡$ JMýS Ñ¿êVýS…-ÌZ Ð]l*{™èlÐól$ ´ëÌŸY-¯éÌS° ™ðlÍ´ëÆý‡$. ´ùsîæÌS Æøk¯]l Çh[õÜt-çÙ¯ŒS {í³…sŒæ, B«§éÆŠ‡ hÆ>MŠSÞ, Æð‡…yýl$ ´ë‹Ü´ùÆŠ‡t OòÜk ¸÷sZ-Ë$ ¡çÜ$-MýS$-Æ>ÐéÌS° çÜ*_…^éÆý‡$. Ð]l$Ç°² ÑÐ]l-Æ>ÌSMýS$ 79955 03018 ¯]l…ºÆŠ‡-ÌZ çÜ…{ç³-¨…^éÌS° ™ðlÍ´ëÆý‡$. ఉమ్మడి జిల్లాకు ఇద్దరు సబ్‌ రిజిస్ట్రార్లు కాజీపేట అర్బన్‌ : ప్రొబేషనరీ కాలం పూర్తి చేసుకున్న వారిని సబ్‌ రిజిస్ట్రార్లుగా పోస్టింగ్‌ ఖరారు చేస్తూ రిజిస్ట్రేషన్‌ అండ్‌ స్టాంప్స్‌ శాఖ ఐజీ రాజీవ్‌గాంధీ హన్మంతు మంగళవారం ఉత్తర్వులు జారీ చేశారు. ఇందులో భాగంగా వరంగల్‌ ఆర్వోలో జాయింట్‌–2 సబ్‌ రిజిస్ట్రార్‌గా శ్రీరాం మధు, వరంగల్‌ ఫోర్ట్‌ సబ్‌ రిజిస్ట్రార్‌గా మేకల ఉపేందర్‌కు పోస్టింగ్‌ కేటాయింయారు. దీపావళికి జరిగే బదిలీల్లో మిగతా రిజిస్ట్రేషన్‌ కార్యాలయాలకు కూడా సబ్‌ రిజిస్ట్రార్లు వచ్చే అవకాశం ఉన్నట్లు తెలిసింది. కమలాపూర్‌ ఇన్‌చార్జ్‌ వైద్యాధికారిగా కృష్ణారావు హన్మకొండ అర్బన్‌: కాలం చెల్లిన మందులు నిల్వ ఉంచిన ఆరోపణలతో కమలాపూర్‌ ప్రాథమిక ఆరోగ్య కేంద్రం వైద్యాధికారి నాగరాజు సస్పెండ్‌ అయిన విషయం తెలిసిందే. ఈ నేపథ్యంలో కమలాపూర్‌ ఇన్‌చార్జ్‌ వైద్యాధికారిగా జిల్లా వ్యాధి నిరోధక అధికారిగా (డీఐఓ) పనిచేస్తున్న డాక్టర్‌ కృష్ణారావును నియమించారు. ఈ మేరకు జిల్లా వైద్య ఆరోగ్యశాఖ అధికారి డాక్టర్‌ అప్పయ్య మంగళవారం ఉత్తర్వులు జారీ చేశారు. ఐఎంఏ నూతన కార్యవర్గం ఎన్నిక కాశిబుగ్గ : వరంగల్‌ ఇండియన్‌ మెడికల్‌ అసోసియేషన్‌ (ఐఎంఏ) నూతన కార్యవర్గాన్ని ఏకగ్రీవంగా ఎన్నుకున్నారు. ఈ మేరకు మంగళవారం ఐఎంఏ ఎన్నికలకు నామినేషన్ల ప్ర క్రియ పూర్తి కావడంతో ఎన్నికై న వారిని రిటర్నింగ్‌ అధికారి డాక్టర్‌ నాగార్జునరెడ్డి, కో రిటర్నింగ్‌ ఆఫీసర్లు డాక్టర్‌ బందెల మోహన్‌రావు, డాక్టర్‌ కె.మల్లేశం ప్రకటించారు. అధ్యక్షుడిగా డాక్టర్‌ టి.సనత్‌కుమార్‌, ఉపాధ్యక్షులుగా డాక్టర్‌ బి.నరేష్‌, డాక్టర్‌ జి.రాజేశ్వర్‌ రెడ్డి, డాక్టర్‌ ఎన్‌.మానస, డాక్టర్‌ తెలుగు రామకృష్ణ, జనరల్‌ సెక్రటరీగా డాక్టర్‌ వి.నరేష్‌కుమార్‌, జాయింట్‌ సెక్రటరీలుగా డాక్టర్‌ జె.కావ్యరావు, డాక్టర్‌ బి.సంతోష్‌కుమార్‌, డాక్టర్‌ ఎస్‌.సృజన, డాక్టర్‌ బి.పూర్ణచందర్‌. ఫైనాన్స్‌ సెక్రటరీగా డాక్టర్‌ ఎం.దిలీప్‌కుమార్‌ ఎన్నికై నట్లు వారు పేర్కొన్నారు. అలాగే స్టేట్‌ కౌన్సిల్‌ మెంబర్లుగా 23 మంది వైద్యులు ఎన్నికై నట్లు వివరించారు. ఖిలా వరంగల్‌: హైదరాబాద్‌లో జరుగుతున్న అంతర్జాతీయ మొక్కజొన్న సదస్సు(ఐఎంసీ–2026)లో మంగళవారం ప్రముఖ జన్యు శాస్త్రవేత్త డాక్టర్‌ ఆర్‌ఎస్‌ పరోడాతో వరంగల్‌ వ్యవసాయ కళాశాల అధ్యాపకుడు, శాస్త్రవేత్త డాక్టర్‌ సిద్దార్థ నాయక్‌ భేటీ అయ్యారు. తెలంగాణలో ఇప్పటికే సాధించిన మొక్కజొన్న అభివృద్ధిని మరింత ముందుకు తీసుకెళ్లేందుకు అనుసరించాల్సిన ప్యూహాలపై చర్చించారు. కోడ్‌ పరోడా దృక్పథం, వాతావరణ మార్పులను త ట్టుకునే కొత్త వంగడాల రూపకల్పన, దేశీయ ప ంటల జన్యు వనరుల పరిరక్షణ వంటి అంశాలు చర్చకు వచ్చినట్లు సిద్దార్థ నాయక్‌ తెలిపారు.

కాశిబుగ్గ: పాఠకులకు విజ్ఞానాన్ని అందించే గ్రంథాలయాలు ఇన్‌చార్జ్‌ల పాలన, అరకొర వసతులతో సతమతమవుతున్నాయి. పాఠకుల అభిరుచికి అనుగుణంగా అందించాల్సిన పాఠ్యపుస్తకాలు, సాహితీప్రియులకు కావాల్సిన గ్రంథాలు లేకపోవడంతో నిరాశ ఎదురవుతుంది. దీనితోడు జిల్లాలోని చాలా గ్రంథాలయాలు ఇన్‌చార్జ్‌లతో పనిచేయడం, అద్దె భవనాల్లో కొనసాగుతున్నాయి. వరంగల్‌ జిల్లా కేంద్రంలోని గ్రంథాలయం కూడా ఇన్‌చార్జ్‌తోనే పనిచేస్తూ, నామమాత్రంగా నడుస్తుంది. వరంగల్‌ నగరంలోని ఎల్లంబజార్‌లో 1972 సంవత్సరంలో శాఖ గ్రంథాలయంగా ప్రారంభించారు. 2017 సంవత్సరంలో జిల్లాల పునర్విభజన జరిగినప్పుడు వరంగల్‌ అర్బన్‌, రూరల్‌లో భాగంగా జిల్లా కేంద్ర గ్రంథాలయాన్ని గీసుకొండలో ఏర్పాటు చేశారు. తర్వాత వరంగల్‌, హనుమకొండ జిల్లాలుగా మారినప్పుడు గీసుకొండలోని జిల్లా కేంద్ర గ్రంథాలయాన్ని తిరిగి వరంగల్‌ ఎల్లంబజార్‌లోని శాఖ గ్రంథాలయంలోకి మార్చారు. దీంతో ఈ శాఖ గ్రంథాలయం ప్రస్తుతం జిల్లా కేంద్ర గ్రంథాలయంగా మారింది. పేరుకే జిల్లా గ్రంథాలయం అయినా అభివృద్ధిలో వెనుకబడి ఉంది. జిల్లాలో 12 శాఖ గ్రంథాలయాలు.. వరంగల్‌ జిల్లాలో 12 శాఖ, 4 గ్రామ గ్రంథాలయాలు, పనిచేస్తున్నాయి. చాలా గ్రంథాలయాలు అరకొర వసతులతో సతమతమవుతున్నాయి. అలాగే ఇన్‌చార్జ్‌లతో నామమాత్రంగా నడుస్తున్నట్లు తెలుస్తుంది. కేవలం మూడు గ్రంథాలయాల్లో మాత్రమే రెగ్యులర్‌గా పనిచేస్తున్నారు. వీరు కూడా ఇతర గ్రంథాలయాలకు ఇన్‌చార్జ్‌లుగా కొనసాగుతున్నారు. వరంగల్‌ జిల్లా కేంద్ర గ్రంథాలయంలో ఉన్న లైబ్రేరియన్‌ మంచిర్యాల జిల్లా కేంద్ర గ్రంథాలయంలో ఇన్‌చార్జ్‌ సెక్రటరీగా విధులు నిర్వహిస్తున్నారు. అలాగే రీజినల్‌ గ్రంథాలయంలో పనిచేస్తున్న గెజిటెడ్‌ లైబ్రేరియన్‌ జిల్లా గ్రంథాలయ సంస్థ ఇన్‌చార్జ్‌ సెక్రటరీగా విధులు నిర్వహిస్తున్నారు. నర్సంపేట లైబ్రేరియన్‌ రాయపర్తి, వర్ధన్నపేట గ్రంథాలయాకు ఇన్‌చార్జ్‌గా వ్యవహరిస్తున్నారు. గీసుకొండ లైబ్రేరియన్‌ వరంగల్‌ జిల్లా గ్రంథాలయంలో ఇన్‌చార్జ్‌గా, పర్వతగిరి లైబ్రేరియన్‌ నెక్కొండ, సంగెం మండలాల గ్రంథాలయాలకు ఇన్‌చార్జ్‌గా ఉన్నారు. అరకొర వసతులు జిల్లాలోని పలు గ్రంథాలయాలకు సొంత భవనాలు ఉన్నప్పటికీ అరకొర వసతులు ఉన్నాయి. రాయపర్తి, వర్ధన్నపేట, నెక్కొండ, నర్సంపేట, ఖానాపురం, నల్లబెల్లి, ఉర్సు, ఎల్లంబజార్‌లోని జిల్లా కేంద్ర గ్రంథాలయాలకు సొంత భవనాలు ఉన్నాయి. గీసుకొండ, సంగెంలోని గ్రంథాలయాలు అద్దె భవనంలో నడుస్తున్నాయి. గురజాల, రంగశాయిపేట, కరీమాబాద్‌, చెన్నరావుపేట, దుగ్గొండి, పర్వతగిరి ప్రాంతాల్లోని గ్రంథాలయాలు అద్దె లేకుండా పనిచేస్తున్నాయి. అయితే గ్రంథాలయాల్లో పనిచేస్తున్న లైబ్రేరియన్లు ఇన్‌చార్జ్‌లుగా ఉండటంతో వారు లేనప్పుడు ఆయా గ్రంథాలయాల్లో పనిచేసే స్వీపర్లు చూసుకోవాల్సి వస్తుంది. గ్రంథాలయాల సెస్సుపై అభివృద్ది కార్యక్రమాలు.. జిల్లావ్యాప్తంగా ప్రజలు చెల్లిస్తున్న ఇంటి పన్ను ద్వారా వచ్చే గ్రంథాలయ సెస్సు అభివృద్ధికి తోడ్పడుతుంది. వరంగల్‌ నగరంతో పాటు జిల్లాలోని గ్రామాల ద్వారా వచ్చిన ఇంటి పన్నులో 8 శాతాన్ని గ్రంథాలయాల అభివృద్ధికి కెటాయిస్తున్నారు. ఈ నిధులతో ఆయా గ్రంథాలయాలకు సంబంధించిన మరమ్మతులు, నూతన భవనాలు, ఔట్‌ సోర్సింగ్‌ సిబ్బందికి వేతనాలు, విద్యుత్‌ ఛార్జీలు, పేపర్లు, స్టేషనరీ, పార్ట్‌ టైం వర్కర్లకు వేతనాలు చెల్లిస్తారు. పాఠకులకు అన్ని రకాల పుస్తకాలను అందుబాటులో ఉంచాలి. చదువుకోవడానికి పత్రికల కొరత లేదు. కొన్ని రకాల పుస్తకాలు ప్రతీనెల వచ్చే విధంగా చూడాలి. జిల్లా కేంద్ర గ్రంథాలయానికి నూతన భవనం నిర్మించాలి. – రాజేందర్‌, స్థానికుడు గ్రంథాలయాల్లో అరకొర వసతులు రెగ్యులర్‌ లైబ్రేరియన్లు లేకపోవడంతో స్వీపర్లే చూసుకుంటున్న వైనం సెస్సుతోనే సిబ్బందికి వేతనాలు వరంగల్‌ జిల్లాలో 12 శాఖ, 4 గ్రామ గ్రంథాలయాలు

హన్మకొండ: టీజీ ఎన్పీడీసీఎల్‌ సర్కిల్‌ ఖానాపురం సెక్షన్‌ పరిఽధి మంగళవారిపేట సబ్‌ స్టేషన్‌లో చేసుకున్న మద్యం విందులో ఒక్కరు కాదు మొత్తం 8 మంది పాల్గొన్నారు. ఈ మేరకు టీజీ ఎన్పీడీసీఎల్‌ విజిలెన్స్‌ విభాగం యాజమాన్యానికి నివేదిక అందించింది. ఈ మేరకు ఆ ఎనిమిదిపై అధికారులు వేటు వేశారు. ఒక్క సారి ఎనిమిది మందిపై వేటు వేయడం టీజీ ఎన్పీడీసీఎల్‌లో సంచలనం సృష్టించింది. అక్టోబర్‌ 29న ఉదయం 10 నుంచి 12.30 గంటల వరకు 33/11 కేవి విద్యుత్‌ సబ్‌ స్టేషన్‌లో మద్యం సేవించారు. ఈ విషయం అదే రోజు సామాజిక మాధ్యమాల్లో వైరల్‌ అయ్యింది. స్పందించిన టీజీ ఎన్పీడీసీఎల్‌ అధికారులు విజిలెన్స్‌ విచారణకు ఆదేశించగా మూడు రోజులు ఎంకై ్వరీ చేపట్టారు. అప్పటి వరకు లైన్‌ ఇన్‌స్పెక్టర్‌ పిట్టల రాజు ఒక్కరే మద్యం సేవించాడని విస్తృత ప్రచారం జరిగింది. విజిలెన్స్‌ విచారణలో ఒక్కడు కాదు మొత్తం ఎనిమిది మంది ఉన్నట్లు గుర్తించారు. ఈ మేరకు నివేదికను ఎన్పీడీసీఎల్‌ యాజమాన్యానికి అందించారు. సీనియర్‌ లైన్‌ ఇన్‌స్పెక్టర్‌ నాగయ్య మద్యం విందు ఏర్పాటు చేసినట్లు విజిలెన్స్‌ విచారణలో తేలింది. ఆయనతో పాటు ఒక లైన్‌ ఇన్‌స్పెక్టర్‌, ఇద్దరు ఏఎల్‌ఎంలు, ఒక సబ్‌స్టేషన్‌ ఆపరేటర్‌, ముగ్గురు అన్‌మ్యాన్డ్‌ వర్కర్లు సబ్‌ స్టేషన్‌లో మద్యం సేవించినట్లు విచారణలో గుర్తించారు. విధుల్లో మద్యం సేవించడాన్ని సీరియస్‌గా తీసుకున్న యాజమాన్యం.. విద్యుత్‌ ప్రమాదకరమైందని తెలిసి కూడా విధుల్లో మద్యం సేవించడాన్ని యాజమాన్యం సీరియస్‌గా తీసుకుంది. రెగ్యులేషన్స్‌ ప్రకారం విధుల్లో ఉంటూ మద్యం సేవించడం క్రమశిక్షణ చర్యలు ఉల్లంఘించడమే అవుతుందని, ఈమేరకు మద్యం సేవించిన వారిపై చర్యలు తీసుకోవాల్సిందిగా సంబంధిత సర్కిల్‌ ఎస్‌ఈకి యాజమాన్యం ఆదేశాలు జారీ చేసింది. విజిలెన్స్‌ నివేదిక మేరకు సీనియర్‌ లైన్‌ ఇన్‌స్పెక్టర్‌ డి.నాగయ్య, లైన్‌ ఇన్‌స్పెక్టర్‌ పిట్టల రాజు, ఎల్‌ఎంలు ఎ.రాంచంద్రయ్య, షేక్‌ బషీర్‌ను సస్పెండ్‌ చేస్తూ ఎన్పీడీసీఎల్‌ వరంగల్‌ సర్కిల్‌ ఎస్‌ఈ ఎ.ఆనందం ఉత్తర్వులు జారీ చేశారు. సబ్‌ స్టేషన్‌ ఆపరేటర్‌గా పని చేస్తున్న రిటైర్డ్‌ లైన్‌మెన్‌ చంద్రమౌళిని, ముగ్గురు ఆర్టిజన్లు ఇ.ప్రశాంత్‌, ఎన్‌.మురళి, ఆర్‌.సాయిమల్లును విధుల నుంచి తప్పించారు. ఇప్పటికే సిబ్బంది కొరత వేధిస్తుండగా ఒక సీనియర్‌ లైన్‌ ఇన్‌స్పెక్టర్‌, ఒక లైన్‌ఇన్‌స్పెపెక్టర్‌, ఇద్దరు ఎఎల్‌ఎంలు, ముగ్గురు అన్‌మ్యాన్డ్‌ వర్కర్లు విధులకు దూరం కావడంతో ఖానాపూర్‌ సెక్షన్‌లో భారీ ఉద్యోగుల లోటు నెలకొంది. ఉన్న వారిపై మరింత భారం పడునుంది. మద్యం విందు చేసుకున్న వారిపై వేటు టీజీ ఎన్పీడీసీఎల్‌లో సంచలనం

ఖిలా వరంగల్‌: ప్రభుత్వం నిర్ణయించిన ధరలకే సన్న బియ్యం విక్రయించాలని వరంగల్‌ జిల్లా పౌర సరఫరాల శాఖ అధికారి (డీఎస్‌ఓ) డి.కిష్టయ్య హె చ్చరించారు. మంగళవారం జిల్లా పౌరసరఫరాల శాఖ మేనేజర్‌ సంధ్యారాణి, జిల్లా మెట్రాలజీ అధికారి మనోహర్‌తో కలిసి గొర్రెకుంటలోని గణేష్‌, హరిహర రైస్‌ మిల్లులు, నర్సంపేటలోని శ్రీజగదానంద మోడ్రన్‌ రైస్‌ మిల్లులపై ఆకస్మికంగా దా డులు నిర్వహించారు. రైస్‌ మిల్లుల స్టాక్‌ రిజిస్టర్లు, నిల్వలను క్షేత్రస్థాయిలో పరిశీలించారు. కార్యక్రమంలో పౌరసరఫరాల శాఖ అధికారులు, నర్సంపేట డీటీ సంధ్యారాణి, సిబ్బంది పాల్గొన్నారు. తక్కువ తూకంతో బియ్యం విక్రయం హన్మకొండ అర్బన్‌ : తక్కువ తూకంతో బియ్యం విక్రయిస్తున్న రెండు దుకాణాల యజమానులపై కేసులు నమోదయ్యాయి. హనుమకొండ నయీంనగర్‌లోని మూడు బియ్యం వ్యాపార దుకాణాల్లో అదనపు కలెక్టర్‌ ఎన్‌. రవి మంగళవారం పౌర సరఫరాలు, తూనికలు, కొలతల శాఖ అధికారులతో కలిసి తనిఖీ చేశారు. ఈ సందర్భంగా గణపతి రైస్‌ ట్రేడర్స్‌లో 25 కిలోల బియ్యం సంచులను తూకం వేయగా, ఒక్కో సంచిలో ఒకటి నుంచి ఒకటిన్నర కిలోల వరకు తక్కువగా తూకం ఉన్నట్లు గుర్తించారు. అదేవిధంగా హనుమకొండలోని హరినాథ్‌ రైస్‌ మర్చంట్‌, నయీంనగర్‌లోని చిదర సంపత్‌ కుమార్‌ ఫుడ్‌ గ్రెయిన్‌ డీలర్‌, శ్రీ శ్యామ్‌ ట్రేడర్స్‌ దుకాణంలోనూ తక్కువ తూకంతో బియ్యం విక్రయిస్తున్నట్లు గుర్తించి, ఆ దుకాణ యజమానులపై కేసు నమోదు చేశారు. అదనపు కలెక్టర్‌ రవి మాట్లాడుతూ.. బియ్యం వ్యాపారులు ప్రభుత్వం నిర్దేశించిన ధరలకే విక్రయించాలని ఆదేశించారు. తనిఖీల్లో జిల్లా పౌరసరఫరాల శాఖ అధికారి మహేందర్‌, డిప్యూటీ తహసీల్దార్‌ నాగేంద్రప్రసాద్‌, తూనికలు, కొలతల శాఖ అధికారులు భద్ర నాయక్‌, భాస్కర్‌రెడ్డి, విశ్వేశ్వర్‌ పాల్గొన్నారు. వరంగల్‌ డీఎస్‌ఓ కిష్టయ్య

మలక్‌పేట: హత్యాయత్నం, దోపిడీ కేసులో ముగ్గురు నిందితులను మలక్‌పేట పోలీసులు మంగళవారం అరెస్ట్‌ చేశారు. రూ.7 లక్షల విలువైన 22 సెల్‌ఫోన్లు, నాలుగు ద్విచక్రవాహనాలు స్వాధీనం చేసుకున్నారు. మలక్‌పేట పోలీస్‌స్టేషన్‌లో ఏర్పాటు చేసిన విలేకరుల సమావేశంలో ఏసీపీ రాజావెంకట్‌రెడ్డి, ఇన్‌స్పెక్టర్‌ కుందూరు వెంకట్‌రెడ్డి వివరాలు వెల్లడించారు. సూర్యాపేట జిల్లా తాళ్లగడ్డ గ్రామానికి చెందిన కేసరి మణికంఠ అలియాస్‌ నరమ్‌దాస్‌ అలియాస్‌ మున్నా అలియాస్‌ మణి, వరంగల్‌ జిల్లా శివనగర్‌కు చెందిన నారపోగు వంశీకృష్ణ అలియాస్‌ నారపాక వంశీకృష్ణ అలియాస్‌ నల్లి అలియాస్‌ వంశీ పాత నేరస్తులు. ఆటోనడుపుతూ సికింద్రాబాద్‌ అల్ఫా హోటల్‌ ఫుట్‌పాత్‌పై నివాసం ఉంటున్నారు. జైల్లో వీరిద్దరికి పరిచయం ఏర్పడింది. 5 నెలల క్రితం జైలు నుంచి బెయిల్‌పై బయటకు వచ్చిన తర్వాత ఇద్దరు కలిసి పలు చోట్ల చోరీలకు పాల్పడ్డారు. ఉత్తరప్రదేశ్‌లోని బాలాజీనగర్‌కు చెందిన అజయ్‌కుమార్‌ సికింద్రాబాద్‌లోని అజామ్‌ మిలన్‌ గార్మెంట్స్‌లో సేల్స్‌మెన్‌గా చేస్తున్నాడు. మణికంఠ, వంశీకృష్ణ అపహరించిన ద్విచక్రవాహనాలు, సెల్‌ఫోన్లు ఇతని ద్వారా విక్రయించేవారు. ఈక్రమంలో సూర్యాపేటకు చెందిన హేమలత మలక్‌పేట పోలీస్‌స్టేషన్‌ పరిధిలోని గడ్డిఅన్నారం పోచమ్మబస్తీలో స్నేహితులతో అద్దె ఇంట్లో నివాసం ఉంటూ గ్రూప్‌ పరీక్షలకు ప్రిపరేషన్‌ అవుతోంది. అక్టోబర్‌ 27న హేమలత చదువుకుంటున్న సమయంలో మణికంఠ ఇంట్లోకి ప్రవేశించి ఆమైపె కత్తి దాడి చేసి సెల్‌ఫోన్‌ తీసుకుని అక్కడ నుంచి పరారయ్యాడు. ఆమెను చికిత్స నిమిత్తం ఓ ప్రైవేట్‌ ఆసుపత్రిలో చేర్పించారు. ఈ మేరకు కేసు నమోదు చేసుకుని దర్యాప్తు చేపట్టారు. సీసీ ఫుటేజీని పరిశీలించి నిందితులను గుర్తించారు. సోమవారం గడ్డిఅన్నారం క్రాస్‌రోడ్‌లో టాస్క్‌ఫోర్స్‌, పోలీసులు వాహనాలు తనిఖీలు చేస్తుండగా మణికంఠ పట్టుబడ్డాడు. అతని విచారించగా నేరం ఒప్పుకున్నాడు. బాధిత మహిళకు చెందిన వన్‌ప్లస్‌ సెల్‌ఫోన్‌, వివిధ కంపెనీలకు చెందిన 22 సెల్‌ఫోన్లు, ఒక స్టీల్‌ కత్తి, 4 ద్విచక్రవాహనాలు స్వాధీనం చేసుకుని ముగ్గురిని అరెస్ట్‌ చేసి రిమాండ్‌కు తరలించారు. వీరిపై పీడీ యాక్ట్‌ నమోదు చేసినట్లు తెలిపారు. మలక్‌పేట డీఐ ధర్మారెడ్డి గిరి, క్రైం సిబ్బందికి నగదు రివార్డులు అందజేశారు. సమావేశంలో ఎస్సైలు సంజీవరెడ్డి, తేజ్యానాయక్‌, రాజశేఖర్‌రెడ్డి, నర్సింహులు, క్రైం సిబ్బంది పాల్గొన్నారు.ధర్మసాగర్‌ : నమ్మిన సిద్ధాంతం కోసం మూడు దశాబ్దాలకు పైగా సొంతూరును విడిచి, అడవి బాట పట్టిన మునిగాల రవి దంపతులు ఐదు నెలల క్రితం జనజీవన స్రవంతిలో కలిసిన విషయం తెలిసిందే. కాగా రవి దంపతులు తమ కుటుంబ సభ్యులతో కలిసి జీవించడానికి మంగళవారం సొంత గ్రామమైన పెద్దపెండ్యాలకు విచ్చేయగా గ్రామ పంచాయతీ కార్యాలయంలో సర్పంచ్‌ తోట నాగరాజు ఆధ్వర్యంలో వారిని ఆహ్వానించి, శాలువాతో సన్మానించారు. ఈ సందర్భంగా సర్పంచ్‌ మాట్లాడుతూ.. నమ్మిన సిద్ధాంతం కోసం ఉద్యమ బాటలో పయనించి, తిరిగి గ్రామానికి వచ్చిన రవి దంపతులు సాధారణ జీవనం సాగించడానికి గ్రామస్తులందరి సహకారం ఎల్లప్పుడూ ఉంటుందని తెలిపారు. శ్రీధరాచార్యులకు సన్మానం కాళోజీ సెంటర్‌: తెలంగాణ రాష్ట్ర ఉత్తమ ఉపాధ్యాయ అవార్డు గ్రహీత, ప్రముఖ వ్యాఖ్యాత, గాయకుడు ఠంయ్యాల శ్రీధరాచార్యులను జిల్లా విద్యాశాఖ అధికారులు మంగళవారం ఘనంగా సన్మానించారు. ఎల్బీనగర్‌లోని ప్రభుత్వ ఉన్నత పాఠశాల ప్రధానోపాధ్యాయుడిగా విధులు నిర్వహిస్తున్న ఆయన సమ్మిళిత విద్యపై నిర్వహించిన ఒకరోజు శిక్షణ కార్యక్రమంలో వ్యాఖ్యాత, గాయకుడిగా సేవలందించారు. రైల్వే ఉద్యోగి ఆత్మహత్య కాజీపేట: కాజీపేట ఈఎల్‌ఎస్‌ రైల్వే క్వార్టర్స్‌లో మంగళవారం రాత్రి రైల్వే ఉద్యోగి దూలం శ్రీనివాస్‌ (45) ఉరేసుకుని ఆత్మహత్యకు పాల్పడ్డారు. కుటుంబ సభ్యుల కథనం ప్రకారం.. శ్రీనివాస్‌ కొద్దిరోజులుగా విధులకు హాజరుకాకుండా ఇంటి వద్దే ఉంటున్నారు. రామగుండంలో పాయింట్స్‌మెన్‌గా పని చేస్తున్న శ్రీనివాస్‌పై అధికారులు క్రమ శిక్షణ చర్యలు తీసుకోవడంతో మనస్తాపం చెంది ఆత్మహత్య చేసుకున్నట్లు చెప్పారు. పోలీ సులు కేసు నమో దు చేసి విచారణ జరుపుతున్నారు.

హన్మకొండ : ఉద్యోగులు, పెన్షనర్ల సమస్యలను ప్రభుత్వం పట్టించుకోవడం లేదని, ఎన్నికల్లో ఇచ్చిన హామీలను సీఎం రేవంత్‌ రెడ్డి విస్మరించారని ఆల్‌ తెలంగాణ గవర్నమెంట్‌ పెన్షనర్స్‌ అసోసియేషన్‌ రాష్ట్ర ప్రధాన కార్యదర్శి తూపురాణి సీతారాం మండిపడ్డారు. హనుమకొండలోని అంబేడ్కర్‌ భవన్‌లో ఆల్‌ తెలంగాణ గవర్నమెంట్‌ పెన్షనర్స్‌ అసోసియేషన్‌ వరంగల్‌, హనుమకొండ జిల్లా సమావేశాలు రెండ్రోజుల పాటు జరిగాయి. మంగళవారం నిర్వహించిన సమావేశంలో సీతారాం ముఖ్య అతిథిగా పాల్గొని మాట్లాడారు. ఎన్నికల సమయంలో సీఎం రేవంత్‌ రెడ్డి ఆరు నెలల్లో పీఆర్‌సీ ఇస్తామని చెప్పి ఆ ఊసే ఎత్తడం లేదని, డీఏలు చెల్లించడం లేదని పేర్కొన్నారు. ఇప్పటికై నా కాంగ్రెస్‌ ప్రభుత్వం వెంటనే 50 శాతం ఫిట్‌మెంట్‌తో పీఆర్‌సీ ప్రకటించాలని, బకాయి డీఏలను ప్రకటించాలని డిమాండ్‌ చేశారు. అసోసియేషన్‌ రాష్ట్ర అధ్యక్షుడు తిరువరంగల్‌ నందకిశోర్‌, సుధీర్‌ కంచర్ల, నాయకులు కట్టా నాగభూషణచారి, మల్లారెడ్డి, గడ్డం స్వామి, ప్రభాకర్‌ రెడ్డి, ఎర్రబెల్లి రాజేశ్వర్‌ రావు, దేవరకొండ నరేందర్‌, మురహరి శెట్టి చంద్రశేఖర్‌, రెబెల్లి వెంకటేశ్వరస్వామి, బోయినిపల్లి సోమేశ్వర్‌ రావు, పి.చక్రధర స్వామి, డి.రామచంద్రాచార్యులు, శ్రీరంగాచార్యులు, కె.సాయన్న, కె.సదానందం. తాడూరి సుధాకర్‌, వేణుగోపాలచారి, కొదిరిపాక సాంబమూర్తి, రాజనాల కుసుమ కుమారి, మందల వసుమతి, మందల వెంకట్‌రెడ్డి పాల్గొన్నారు.రాష్ట్ర ప్రధాన కార్యదర్శి సీతారాం

కేయూ క్యాంపస్‌ : దేశ ఫార్మసీ విద్య, పరిశోధన రంగంలో తనదైన ముద్రవేసిన ప్రముఖ విద్యావేత్త, ఔషధ శాస్త్రవేత్త, కాకతీయ యూనివర్సిటీ మాజీ వీసీ ఆచార్య చంద్రకాంత్‌ కొకాటే(79) ఇక లేరు. అనారోగ్యకారణాలతో సోమవారం రాత్రి మహారాష్ట్రలోని పూణెలోని తన నివాసంలో తుదిశ్వాస విడిచారు. ఆయనకు భార్య, ఇద్దరు కుమారులు ఉన్నారు. కొకాటే 2001 నుంచి 2004 వరకు కాకతీయ యూనివర్సిటీ వైస్‌ చాన్స్‌లర్‌ (ఉపకులపతి)గా సేవలందించారు. ఉమ్మడి ఆదిలాబాద్‌ జిల్లా బైంసాకు చెందిన కొకాటే కేయూ ఫార్మసీ కళాశాలలో ప్రొఫెసర్‌గా నియమిలై పిన్సిపాల్‌ అండ్‌ విభాగం అధిపతి, బోర్డు ఆఫ్‌ స్టడీస్‌ చైర్మన్‌, కేయూ యూజీసీ కోఆర్డినేటింగ్‌ ఆఫీసర్‌, ఫార్మసీ డీన్‌గా కీలక పదవులు చేపట్టారు. వీసీగా కొనసాగుతూ కూడా ఫార్మాకాగ్నెసి, ఫొరెన్సిక్‌ ఫార్మసీ సబ్జెక్టుల విద్యార్థులకు విద్యాబోధన చేసిన ఘనత ఆయనకే దక్కింది. ఫార్మసీ కౌన్సిల్‌ ఆఫ్‌ ఇండియా అధ్యక్షుడిగా.. న్యూఢిల్లీలోని ఫార్మసీ కౌన్సిల్‌ ఆఫ్‌ ఇండియా (పీసీఐ) అధ్యక్షుడిగా కూడా ప్రొఫెసర్‌ చంద్రకాంత్‌ కొకాటే బాధ్యతలు నిర్వర్తించి మన్ననలు పొందారు. ఇండియన్‌ ఫార్మాస్యూటికల్‌ అసోసియేషన్‌ అధ్యక్షుడిగా, ఇండియన్‌ సొసైటీ ఆఫ్‌ ఫార్మకోగ్నసి అధ్యక్షుడిగా బాధ్యతలు నిర్వర్తించారు. యూజీసీ, న్యాక్‌, నేషనల్‌ బోర్డు ఆఫ్‌ అక్రిడిటేషన్‌ తదితర సంస్థల కమిటీలు, సలహా మండళ్లలో కూడా పనిచేశారు. పరిశోధన గ్రంథ రచనల్లో విశేష కృషి.. ప్రొఫెసర్‌ కొకాటే జాతీయ, అంతర్జాతీయ పరిశోధన పరంగా 115కిపైగా వ్యాసాలు రాశారు. ఫార్మసీ విద్యార్థులకు ఉపయోగపడే ఏడు పుస్తకాలు రచించారు. ఆయన పర్యవేక్షణలో17 మంది పరిశోధకులు పీహెచ్‌డీ పూర్తిచేశారు. కేయూ నుంచి వలంటీర్‌ రిటైర్మెంట్‌ తీసుకుని.. ప్రొఫెసర్‌ కొకాటే కేయూ వీసీగా పదవీకాలం ముగిసిన అనంతరం కొంత సర్వీస్‌ ఉండగానే వలంటీర్‌ రిటైర్మెమెంట్‌ తీసుకున్నారు. ఆతర్వాత కర్నాటక రాష్ట్రం బెల్గాంలోని కెఎల్‌ యూనివర్సిటీ వీసీగా పదేళ్ల పాటు సేవలు అందించారు. వీసీ, రిజిస్ట్రార్‌ సంతాపం.. ఆచార్య కొకాటే మృతిపై కేయూ వీసీ కె. ప్రతాప్‌రెడ్డి, రిజిస్ట్రార్‌ వి. రామచంద్రం, కాకతీయ యూనివర్సిటీ అధ్యాపకుల సంఘం అధ్యక్షుడు బి. వెంకట్రామ్‌రెడ్డి, ఫార్మసీ కళాశాల ప్రిన్సిపాల్‌ జె. కృష్ణవేణి, మాజీ డీన్‌ సమ్మయ్య సంతాపం తెలిపారు. కొకాటే మృతి ఫార్మసీ విద్య, పరిశోధన రంగానికి తీరని లోటని పేర్కొన్నారు.కొకాటేకు పురస్కారాలు.. ప్రొఫెసర్‌ కొకాటే జాతీయ, అంతర్జాతీయ స్థాయిలో 28కిపైగా పురస్కారాలు అందుకున్నారు. ప్రపంచంలోని సుమారు 35 దేశాలను విద్య, పరిశోధన, వృత్తిపరమైన కార్యక్రమాల నిమిత్తం సందర్శించారు ఫార్మసీ విద్యారంగంలో విశిష్టసేవలు వీసీ, రిజిస్ట్రార్‌, ఫార్మసీ కళాశాల ఆచార్యుల సంతాపం

హన్మకొండ అర్బన్‌ : హనుమకొండ జిల్లా వైద్య ఆరోగ్యశాఖలో నకిలీ సర్టిఫికెట్లతో ఉద్యోగం పొందేందుకు ప్రయత్నించిన ఓ వ్యక్తి బాగోతం వెలుగులోకి వచ్చింది. ల్యాబ్‌ టెక్నీషియన్‌ పోస్టుకు దరఖాస్తు చేసుకున్న వ్యక్తి సమర్పించిన విద్యార్హత ధ్రువపత్రాలు నకిలీవని సంబంధిత విశ్వవిద్యాలయం ధ్రువీకరించడంతో ఈ వ్యవహారం బయటపడింది. ఫిర్యాదుల నేపథ్యంలో విచారణ చేపట్టిన అధికారులు సదరు వ్యక్తికి నియామక పత్రం జారీ చేయకుండా నిలిపివేశారు. అంతేకాకుండా తనను తాను జర్నలిస్టుగా పరిచయం చేసుకుంటూ అధికారులను బెదిరించినట్లు ఆరోపణలున్నాయి. హనుమకొండ జిల్లా వైద్యారోగ్యశాఖలో ఇటీవల ల్యాబ్‌ టెక్నీషియన్లతో పాటు మరికొన్ని ఉద్యోగాల భర్తీకి కలెక్టర్‌ పేరుతో నోటిఫికేషన్‌ జారీ చేశారు. దీంతో అర్హులైన అభ్యర్థులు దరఖాస్తు చేసుకున్నారు. వారి ధ్రువపత్రాలను పరిశీలించిన అధికారులు అర్హతలు, సీనియారిటీ, రిజర్వేషన్ల ప్రాతిపదికన నిబంధనల ప్రకారం నియామక ప్రక్రియ చేపట్టారు. ఈ క్రమంలో ల్యాబ్‌ టెక్నీషియన్‌ పోస్టుకు దరఖాస్తు చేసుకున్న ఆత్మకూరు మండలానికి చెందిన ఓ వ్యక్తి నకిలీ సర్టిఫికెట్లు సమర్పించారంటూ వైద్య ఆరోగ్యశాఖ అధికారులకు ఫిర్యాదులు అందాయి. కలెక్టర్‌కు ప్రజావాణిలోనూ ఫిర్యాదు చేశారు. దీంతో కలెక్టర్‌ ఆదేశాల మేరకు వైద్య ఆరోగ్యశాఖ అధికారులు విచారణ చేపట్టారు. సదరు వ్యక్తి సమర్పించిన ధ్రువపత్రాల వాస్తవికతను నిర్ధారించేందుకు సంబంధిత విశ్వవిద్యాలయానికి లేఖ రాశారు. దీనిపై స్పందించిన విశ్వవిద్యాలయ అధికారులు సదరు సర్టిఫికెట్లు తమ సంస్థ నుంచి జారీ కాలేదని, వాటికి తమ విశ్వవిద్యాలయానికి ఎలాంటి సంబంధం లేదని స్పష్టం చేస్తూ నివేదిక ఇచ్చారు. దీంతో ఆ ధ్రువపత్రాలు నకిలీవని నిర్ధారణ అయింది. నియామక పత్రం కోసం బెదిరింపులు? ఫిర్యాదులు అందడంతో విచారణ పూర్తయ్యే వరకు సదరు అభ్యర్థికి నియామక పత్రం జారీ చేయకుండా అధికారులు నిలిపివేశారు. తాను ఓ పత్రికలో జర్నలిస్టుగా పనిచేస్తున్నానని, ముందుగా నియామక పత్రం ఇవ్వాలని, అవసరమైతే ఆ తర్వాత విచారణ చేసుకోవాలని అధికారులపై ఒత్తిడి తెచ్చినట్లు ఆరోపణలు ఉన్నాయి. లేదంటే ఇబ్బందులు ఎదుర్కొవాల్సి వస్తుందని హెచ్చరించినట్లు సమాచారం. అయినప్పటికీ విచారణ పూర్తయ్యాకే నియామక పత్రం జారీ చేస్తామని అధికారులు స్పష్టం చేయడంతో సదరు వ్యక్తి కార్యాలయం నుంచి వెళ్లిపోయినట్లు తెలిసింది. క్రిమినల్‌ కేసు నమోదుకు చర్యలు? నకిలీ ధ్రువపత్రాలతో ఉద్యోగం పొందేందుకు ప్రయత్నించిన వ్యక్తిపై అధికారులు సమగ్ర నివేదిక సిద్ధం చేసినట్లు సమాచారం. ఇప్పటికే నియామక పత్రం జారీని నిలిపివేయగా, నకిలీ సర్టిఫికెట్లు సమర్పించి అధికారులను తప్పుదోవ పట్టించడం, కార్యాలయానికి వచ్చి బెదిరింపులకు పాల్పడినట్లు వచ్చిన ఆరోపణలపై క్రిమినల్‌ కేసులు నమోదు చేసే దిశగా అధికారులు చర్యలు చేపడుతున్నట్లు తెలిసింది. ఈ ఘటన నేపథ్యంలో మిగిలిన ఉద్యోగాల నియామకాలకు సంబంధించి అభ్యర్థుల ధ్రువపత్రాల పరిశీలనపైనా అధికారులు మరింత దృష్టి సారించినట్లు సమాచారం. ల్యాబ్‌ టెక్నీషియన్‌ ఉద్యోగం కోసం నకిలీ ధ్రువపత్రాలు సమర్పించిన వ్యక్తి తాము జారీ చేయలేదని ధ్రువీకరించిన విశ్వవిద్యాలయం నియామకపత్రం ఇవ్వకుండా నిలిపేసిన అధికారులు క్రిమినల్‌ కేసు నమోదు చేసే దిశగా చర్యలు హనుమకొండ జిల్లా వైద్యారోగ్యశాఖలో ఘటన

కేయూ క్యాంపస్‌ : కాకతీయ యూనివర్సిటీ అభివృద్ధి, విద్యారంగ సమస్యల పరిష్కారానికి ప్రభుత్వం ప్రత్యేకంగా ప్రాధాన్యతనిస్తోందని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. వరంగల్‌, నల్లగొండ, ఖమ్మం పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీ అభ్యర్థి రాంరెడ్డి సర్వోత్తమ్‌ రెడ్డికి మద్దతు తెలిపి గెలిపించాలని అభ్యర్థించారు. మంగళవారం కాకతీయ యూనివర్సిటీలోని సెనెట్‌హాల్‌లో విద్యార్థులు, ఉద్యోగులు, అధ్యాపకులు, విశ్రాంత ఆచార్యుల ఆత్మీయ సమావేశంలో ఎమ్మెల్యే మాట్లాడారు. తాను అసెంబ్లీలోనూ యూనివర్సిటీ సమస్యలను ప్రస్తావించానని, సీఎం రేవంత్‌రెడ్డి ఈనెల 19లోపు యూనివర్సిటీని సందర్శించే అవకాశం ఉందన్నారు. రాష్ట్ర తెలుగు అకాడమీ చైర్మన్‌ ఆచార్య కె.వెంకటనారాయణ మాట్లాడుతూ.. గత పదేళ్లలో విద్యారంగం ఎదుర్కొన్న నష్టాలను విద్యావంతులు గమనించాలన్నారు. ఈ ఎన్నికలు కేవలం ఒక రాజకీయ పార్టీకి సంబంధించినవి మాత్రమే కాదని రాష్ట్రంలో విద్యాభివృద్ధికి ప్రభుత్వం చేస్తున్న ప్రయత్నాలకు మద్దతు తెలిపే ఎన్నికలన్నారు. ఎమ్మెల్సీ అభ్యర్థ్ధి రాంరెడ్డి సర్వోత్తమ్‌ రెడ్డి మాట్లాడుతూ ఉన్నతస్థాయిలో ఉద్యోగం వదులుకొని రాజకీయాల్లోకి వచ్చానని తెలిపారు. విద్యార్థి, అధ్యాపక సమస్యలపై గళం విప్పుతానని, తనను గెలిపించాలని కోరారు. ఎమ్మెల్యేలు గండ్ర సత్యనారాయణరావు, కేఆర్‌ నాగరాజు, రేవూరి ప్రకాశ్‌రెడ్డి, ఎమ్మెల్సీ బస్వరాజు సారయ్య, రాష్ట్ర కాలుష్య నియంత్రణ మండలి అప్పిలేట్‌ అథారిటీ సభ్యుడు ప్రొఫెసర్‌ గాదె దయాకర్‌ మాట్లాడుతూ యూనివర్సిటీలో కాంట్రాక్ట్‌,ఔట్‌సోర్సింగ్‌ ఉద్యోగుల సమస్యలు, ఖాళీలపై ప్రభుత్వం దృషికి తీసుకెళ్లి పరిష్కరిస్తామని పేర్కొన్నారు. అంతకుముందు తెలంగాణ అమరవీరులకు రెండు నిమిషాలు మౌనం పాటించారు. ఎన్‌ఎస్‌యూఐ కేయూ మాజీ అధ్యక్షుడు డాక్టర్‌ బండి శ్రీనివాస్‌ అధ్యక్షతన జరిగిన సమావేశంలో ‘కుడా’ చైర్‌పర్సన్‌ గుండు సుధారాణి, జిల్లా గ్రంథాలయ సంస్థ చైర్మన్‌ అజీజ్‌ఖాన్‌, డీసీసీ అధ్యక్షులు ఇనుగాల వెంకట్రాంరెడ్డి, ఆయూబ్‌ఖాన్‌, కాకతీయ యూనివర్సిటీ అధ్యాపకుల సంఘం అధ్యక్షుడు ఆచార్య బి.వెంకట్రామ్‌రెడ్డి, కాంట్రాక్టు లెక్చరర్ల అసోసియేషన్‌ బాధ్యులు డాక్టర్‌ సాధు రాజేష్‌, కేయూ ఎస్సీ,ఎస్టీ ఎంప్లాయీస్‌ అసోసియేషన్‌ జనరల్‌ సెకటరీ డాక్టర్‌ పుల్లా శ్రీనివాస్‌ తదితరులు పాల్గొన్నారు. ఈనెల 19లోపు యూనివర్సిటీకి సీఎం వచ్చే అవకాశం ఎమ్మెల్సీగా సర్వోత్తమ్‌ రెడ్డిని గెలిపించాలి ఎమ్మెల్యే నాయిని రాజేందర్‌రెడ్డి

హన్మకొండ అర్బన్‌ : దేశవ్యాప్తంగా క్రీడాకారులు పాల్గొనే ఖేలో ఇండియా అథ్లెటిక్స్‌ పోటీల నిర్వహణకు పక్కాగా ఏర్పాట్లు చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. డిసెంబర్‌ 18 నుంచి 21వ తేదీ వరకు హనుమకొండ జేఎన్‌ఎస్‌లో 8వ ఖేలో ఇండియా యూత్‌ గేమ్స్‌–2026 జాతీయస్థాయి అథ్లెటిక్స్‌ పోటీలు నిర్వహించనున్న నేపథ్యంలో మంగళవారం కలెక్టరేట్‌లో వివిధ శాఖల అధికారులతో సమీక్ష నిర్వహించారు. ఈ పోటీలకు క్రీడాకారులు, అధికారులు, సాంకేతిక బృందాలు, కోచ్‌లు కలిపి సుమారు 1,500 మంది హాజరయ్యే అవకాశం ఉందని జిల్లా క్రీడాభివృద్ధి అధికారి కొత్త ప్రశాంత్‌ వివరించారు. ఈ సందర్భంగా కలెక్టర్‌ మాట్లాడుతూ క్రీడాకారులకు ఎలాంటి ఇబ్బందులు కలగకుండా మౌలిక సదుపాయాలు కల్పించాలని ఆదేశించారు. వైద్య ఆరోగ్య శాఖ ఆధ్వర్యంలో రెండు అంబులెన్సులు, వైద్య బృందాన్ని అందుబాటులో ఉంచాలని, పో లీస్‌ శాఖ బందోబస్తు, ట్రాఫిక్‌ నియంత్రణ చర్యలు చేపట్టాలని ఆదేశించారు. తాగునీటి సదుపాయం, తాత్కాలిక మరుగుదొడ్లు ఏర్పాటు చేయాలని నగరపాలక సంస్థ అధికారులకు సూచించారు. స్టేడియంలోని వేదికకు ఇరువైపులా సీసీ ప్లాట్‌ఫామ్‌ల నిర్మాణ పనులు చేపట్టాలన్నారు. సమావేశంలో అదనపు కలెక్టర్‌ ఎన్‌. రవి, డీఎంహెచ్‌ఓ అ ప్పయ్య, ఏసీపీలు పి. నర్సింహారావు, టి. సత్యనా రాయణ, ఆర్‌అండ్‌బీ ఈఈ దేవక చవాన్‌, తెలంగా ణ అథ్లెటిక్స్‌ అసోసియేషన్‌ ప్రధాన కార్యదర్శి సారంగపాణి, వివిధ శాఖల అధికారులు పాల్గొన్నారు. హనుమకొండ కలెక్టర్‌ చాహత్‌ బాజ్‌పాయ్‌

బల్దియా కమిషనర్‌ టి.వెంకన్న వరంగల్‌ అర్బన్‌ : తాగునీటి సరఫరా, పారిశుద్ధ్య నిర్వహణపై ప్రత్యేక శ్రద్ధ వహించాలని గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ టి.వెంకన్న అధికారులను ఆదేశించారు. మంగళవారం ఇంజనీరింగ్‌, శానిటేషన్‌ విభాగాల అధికారులతో కలిసి గ్రేటర్‌ వరంగల్‌ పరిధిలోని మడికొండ, మెట్టుగుట్ట, ఇందిరానగర్‌ తదితర ప్రాంతాల్లో కమిషనర్‌ పర్యటించి పైపులైన్లు, నీటి సరఫరా వ్యవస్థ, పారిశుద్ధ్య నిర్వహణ, వివిధ అభివృద్ధి పనులను క్షేత్రస్థాయిలో పరిశీలించారు. ముందుగా మడికొండలోని బాలాజీనగర్‌ వాటర్‌ ట్యాంక్‌ నుంచి మెట్టుగుట్ట వరకు తాగునీటి పైపులైల్‌ను పరిశీలించి, నీటి సరఫరా వ్యవస్థ పనితీరును సమీక్షించారు. వివిధ కాలనీల్లో నిర్మించిన సీసీ రోడ్లను, ఇందిరమ్మ కాలనీ సమీపంలోని శ్మశానవాటికను సందర్శించి అక్కడి పరిస్థితులను పరిశీలించారు. అనంతరం మడికొండ, రాంపూర్‌ ప్రాంతాల్లో పారిశుద్ధ్య నిర్వహణ తీరును కమిషనర్‌ క్షేత్రస్థాయిలో పరిశీలించారు. ప్రతి ఇంటి నుంచి తడి, పొడి చెత్తను వేర్వేరుగా సేకరించాలన్నారు. ఎస్‌ఈ రాజ్‌కుమార్‌, సీఎంహెచ్‌ఓ డాక్టర్‌ రాజారెడ్డి, ఈఈలు రవికుమార్‌ పాల్గొన్నారు. పన్ను వసూళ్లలో పురోగతి కనిపించాలి నగరంలో పన్ను వసూళ్లలో పురోగతి కనిపించాలని, నిర్దేశిత లక్ష్యాలను సాధించే దిశగా రెవెన్యూ అధికారులు సమన్వయంతో పనిచేయాలని బల్దియా కమిషనర్‌ టి.వెంకన్న ఆదేశించారు. మంగళవారం బల్దియా ప్రధాన కార్యాలయంలోని కాన్ఫరెన్‌న్స్‌ హాల్‌లో డిప్యూటీ కమిషనర్లు, రెవెన్యూ అధికారులు, ఇన్‌స్పెక్టర్లతో నిర్వహించిన సమీక్షా సమావేశంలో కమిషనర్‌ పన్ను వసూళ్ల పురోగతిని సమీక్షించి పలు సూచనలు చేశారు. ఈ సమావేశంలో ఇన్‌చార్జ్‌ అదనపు కమిషనర్‌ సమ్మయ్య, డిప్యూటీ కమిషనర్లు ప్రసన్న రాణి, శ్రీనివాస్‌, పన్నుల అధికారి రామకృష్ణ, రెవెన్యూ అధికారులు తదితరులు పాల్గొన్నారు.

కాజీపేట రూరల్‌ : కాజీపేట రైల్వే ఎంప్లాయీస్‌ సంఘ్‌ కార్యాలయంలో మంగళవారం జరిగిన సంఘ్‌ సమావేశానికి సౌత్‌ సెంట్రల్‌ రైల్వే ఎంప్లాయీస్‌ సంఘ్‌ జాయింట్‌ జనరల్‌ సెక్రటరీ భరణిభానుప్రసాద్‌, సికింద్రాబాద్‌ డివిజన్‌ అధ్యక్ష కార్యదర్శులు కొత్త మురళీకృష్ణ, ప్రభురాజ్‌, తదితరులు హాజరయ్యారు. ఈ సందర్భంగా రైల్వే ఆస్పత్రి సమస్యలతో పాటు ఆస్పత్రి ఏసీఎంఎస్‌ డాక్టర్‌ నిరంజన్‌ దురుసు ప్రవర్తనను కార్మికులు.. నేతల దృష్టికి తీసుకెళ్లారు. దీంతో సంఘ్‌ నేతలు డాక్టర్‌ నిరంజన్‌ను కలిసేందుకు గదిలోకి వెళ్లగా మీరు ఎవరు అంటూ ప్రశ్నించగా నాయకులు ఆగ్రహానికి లోనయ్యారు. దీంతో నాయకులు డాక్టర్‌ తీరుపై అసహనం వ్యక్తం చేస్తూ నినాదాలు చేయడంతో ఉద్రిక్త పరిస్థితి ఏర్పడింది. రైల్వే డాక్టర్‌ మద్యం సేవించి ఉన్నాడని, వెంటనే డ్యూటీలో ఉన్న డాక్టర్లు రక్త నమూనాలు సేకరించి రైల్వే ఉన్నతాధికారులకు పంపాలని డిమాండ్‌ చేశారు. దీనిపై జేజీఎస్‌ భరణిభానుప్రసాద్‌.. సికింద్రాబాద్‌ రైల్వే సీఎండీ నిర్మల రాజారామ్‌కు ఫోన్‌లో ఫిర్యాదు చేశారు. వెంటనే స్పందించిన రైల్వే సీఎండీ ఈ ఘటనపై విచారణ చేపట్టి 24 గంటలలోపు రైల్వే డాక్టర్‌పై శాఖపరంగా చర్యలు తీసుకుంటామని హామీ ఇచ్చారు. దీంతో సికింద్రాబాద్‌, కాజీపేట రైల్వే సంఘ్‌ నాయకులు, కార్మికులు శాంతించారు. ఈ ఘటనపై రైల్వే డాక్టర్‌ నిరంజన్‌ను వివరణ కోరగా తాను విధులు నిర్వర్తిస్తున్న సమయంలో ఓ వ్యక్తి తన గదికి వచ్చాడని, అతను ఎవరో తనకు తెలియదన్నారు. అతనితో వచ్చిన రైల్వే నాయకులు తనకు చెప్పలేదన్నారు. అతను ఎవరో తెలియక ‘హూ ఆర్‌ యూ’ అన్నానని డాక్టర్‌ నిరంజన్‌ తెలిపారు. అధికారులకు ఫిర్యాదు చేసిన నాయకులు చర్యలు తీసుకుంటామని సీఎండీ హామీ

● వరంగల్‌ కలెక్టర్‌ డాక్టర్‌ సత్యశారద ఖిలా వరంగల్‌: రోడ్డు ప్రమాదాల నివారణకు చర్యలు చేపట్టాలని వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. మంగళవారం వరంగల్‌–ఖమ్మం జాతీయ రహదారిపై వరంగల్‌ నాయుడు పెట్రోల్‌ బంక్‌ నుంచి ఐనవోలు కమాన్‌ వరకు ప్రమాదకరమైన స్థలాలను (బ్లాక్‌ స్పాట్స్‌) అదనపు కలెక్టర్‌ కిషోర్‌ కుమార్‌, ఎన్‌హెచ్‌ఏఐ ప్రాజెక్ట్‌ డైరెక్టర్‌ దివ్య, ఆర్‌అండ్‌బీ ఈఈ రాజేందర్‌, ఆర్టీఓ రంగారావు, ఏసీపీలు సత్యనారాయణ, వెంకటేష్‌, తహసీల్దార్‌ ఇక్బాల్‌లతో కలిసి కలెక్టర్‌ పరిశీలించారు. ఈ సందర్భంగా కలెక్టర్‌ మాట్లాడుతూ జాతీయ రహదారులతో పాటు జిల్లాలోని ప్రధాన రహదారులపై తరచూ ప్రమాదాలు జరిగే ప్రాంతాలను గుర్తించి, ప్రమాదాల నివారణకు ప్రత్యేక చర్యలు చేపట్టాలని సూచించారు. ప్రమాద స్థలాల్లో హెచ్చరిక బోర్డులు, రేడియం సూచికలు, స్పీడ్‌ బ్రేకర్లు, వీధి దీపాలు ఏర్పాటు చేయాలని ఆదేశించారు. ఈ కార్యక్రమంలో ఇన్‌స్పెక్టర్‌ శ్రీనివాస్‌, సర్వేల్యాండ్‌, రికార్డ్స్‌ అధికారి శ్రీనివాసులు, సిటీ ప్లానర్‌ రవీందర్‌, ట్రాఫిక్‌ పోలీసులు పాల్గొన్నారు ఉపాధ్యాయుల సమస్యల పరిష్కారానికి కృషి ● రాష్ట్ర పంచాయతీరాజ్‌ శాఖ మంత్రి సీతక్క కాజీపేట అర్బన్‌ : ప్రైవేట్‌ పాఠశాలల, కళాశాలల ఉపాధ్యాయులు, అధ్యాపకుల సమస్యల పరిష్కారానికి కృషి చేస్తానని రాష్ట్ర పంచాయతీరాజ్‌ శాఖ మంత్రి సీతక్క తెలిపారు. ప్రైవేట్‌ పాఠశాలల, కళాశాలల ఉపాధ్యాయుల, అధ్యాపకుల ఆధ్వర్యంలో మంగళవారం హంటర్‌రోడ్డులోని ‘డీ’ కన్వెన్షన్‌ హాల్‌లో నిర్వహించిన గ్రాడ్యుయేట్‌ ఎమ్మెల్సీ ఎన్నికల ఆత్మీయ పరిచయ కార్యక్రమానికి మంత్రి ముఖ్య అతిథిగా హాజరై మాట్లాడారు. కాంగ్రెస్‌ బలపరచిన సర్వోత్తంరెడ్డికి మొదటి ప్రాధాన్యత ఓటు వేసి గెలిపించాలని కోరారు. ఎమ్మెల్సీ బస్వరాజు సారయ్య, ఎమ్మెల్యేలు నాయిని రాజేందర్‌రెడ్డి, కె.ఆర్‌.నాగరాజు, రేవూరి ప్రకాశ్‌రెడ్డి, ‘కుడా’ చైర్‌పర్సన్‌ గుండు సుధారాణి, డీసీసీ అధ్యక్షుడు ఇనుగాల వెంకట్రాంరెడ్డి, తదితరులు పాల్గొన్నారు. ‘పత్తి’ పతనం! ● నెల రోజుల్లో క్వింటాకు రూ. 600 తగ్గిన ధర ఖిలా వరంగల్‌ : వరంగల్‌ ఏనుమాముల మార్కెట్‌లో పత్తి పంట ధరలు రోజురోజూకూ పడిపోతున్నాయి. గత నెలలో క్వింటాకు రూ. 9,250 ఽపైగాధర పలకగా.. ప్రస్తుతం రూ.8,790కి తగ్గింది. నెల రోజుల్లోనే క్వింటాకు రూ. 600 మేర ధర పతనం కావడంతో రైతులు ఆందోళన చెందుతున్నారు. గత వారం మార్కెట్‌కు రోజుకు 2వేల బస్తాలకు మించి అమ్మకాలకు రాలేదు. ప్రస్తుతం రైతులు అమ్మకాలు పెంచడంతో మార్కెట్‌కు సుమారు 4వేల బస్తాల పంట చేరుతోంది. అమ్మకాలు పెరుగుతున్న నేపథ్యంలో వ్యాపారులు ధరలు తగ్గిస్తున్నారని రైతులు ఆవేదన వ్యక్తం చేస్తున్నారు. పెట్టుబడులు పెరిగి, దిగుబడులు ఆశించిన స్థాయిలో లేని క్రమంలో ధరల పతనం తమకు మరింత భారంగా మారిందని అన్నదాతలు వాపోతున్నారు.

హన్మకొండ అర్బన్‌ : అర్బన్‌ చాలెంజ్‌ ఫండ్‌ కింద వరంగల్‌ నగరంలో చేపట్టనున్న వివిధ అభివృద్ధి పనుల సమగ్ర ప్రాజెక్టు నివేదికలపై కేంద్ర అధికారులు సమీక్ష నిర్వహించారు. మంగళవారం న్యూఢిల్లీ నుంచి కేంద్ర గృహ నిర్మాణ, పట్టణ వ్యవహారాల మంత్రిత్వ శాఖ జాయింట్‌ సెక్రటరీ, మిషన్‌ డైరెక్టర్‌ ఇషా కలియా ఇతర అధికారులతో కలిసి వీడియో కాన్ఫరెన్స్‌ నిర్వహించారు. ఈ సమావేశంలో కలెక్టర్‌ చాహత్‌ బాజ్‌పాయ్‌ ప్రాజెక్టులకు సంబంధించిన వివరాలను పవర్‌పాయింట్‌ ప్రజెంటేషన్‌ ద్వారా వివరించారు. వరదల నివారణకు కాల్వల నిర్మాణం, ఖిలా వరంగల్‌లో మోటుబావి అభివృద్ధి, వరంగల్‌ బస్‌స్టేషన్‌, హనుమకొండ చౌరస్తా అభివృద్ధి, బహుళ అంతస్తుల్లో వాహనాల పార్కింగ్‌ ఏర్పాటు తదితర పనులకు సంబంధించిన నివేదికలపై సమర్పించారు. ఈ నివేదికలపై కేంద్ర జాయింట్‌ సెక్రటరీ కలియా సంతృప్తి వ్యక్తం చేశారు. సమావేశంలో మున్సిపల్‌ సూపరింటెండెంట్‌ ఇంజినీర్‌ రాజ్‌కుమార్‌, ఈఈ రవికుమార్‌, కుడా సీపీఓ అజిత్‌రెడ్డి, ఈఈ భీమ్‌రావు పాల్గొన్నారు. 6నుంచి సెలవులో హనుమకొండ కలెక్టర్‌హనుమకొండ కలెక్టర్‌ చాహత్‌ బాజ్‌పాయ్‌ ఈ నెల 6 నుంచి 10వ తేదీ వరకు సెలవులో వెళ్లనున్నారు. ఈ మేరకు ఆమె ప్రభుత్వానికి పంపిన సెలవు దరఖాస్తుకు ఆమోదం లభించింది. దీపావళి పండుగ నేపథ్యంలో స్వస్థలానికి వెళ్లేందుకు సెలవు తీసుకున్నట్లు సమాచారం.

వరంగల్‌ అర్బన్‌ : గ్రేటర్‌ వరంగల్‌ మున్సిపల్‌ కార్పొరేషన్‌లోని కంప్యూటర్‌ విభాగం అవినీతి, అక్రమాలకు అడ్డాగా మారిందన్న ఆరోపణలు వినిపిస్తున్నాయి. ఓ ఔట్‌ సోర్సింగ్‌ టెక్నికల్‌ పర్సన్‌ అన్నీ తానై వ్యవహరిస్తున్నాడని, ఈ వింగ్‌లో రెండు దశాబ్దాలకుపైగా ఉండడంతో సాఫ్ట్‌గా, సేఫ్టీగా కార్పొరేషన్‌ ఖజానాకు కన్నం వేస్తున్నాడన్న విమర్శలు వెల్లువెత్తుతున్నాయి. గ్రేటర్‌ వరంగల్‌కు సంబంధించిన వివరాలన్నీ ఈ–ఆఫీస్‌, సెంటర్‌ ఫర్‌ గుడ్‌ గవర్నెన్స్‌లో నిక్షిప్తంగా నమోదవుతున్నాయి. కీలకమైన విభాగానికి భద్రతగా వింగ్‌ అధికారికి బాధ్యతలు కట్టబెట్టాలి. కానీ, ఓ ఔట్‌సోర్సింగ్‌ ఉద్యోగి అంతా చూసుకుంటున్నాడని, ఉన్నతాధికారి పర్యవేక్షణ లేకపోవడంతో కంప్యూటర్‌ ఆపరేటర్లు ఆడిందే ఆట.. పాడిందే పాటగా తయారైందన్న విమర్శలు వెల్లువెత్తుతున్నాయి. కంప్యూటర్‌ వింగ్‌కు బాధ్యులెవరు? బల్దియాలో 43మంది కంప్యూటర్‌ ఆపరేటర్లు ఔట్‌ సోర్సింగ్‌ పద్ధతిలో పనిచేస్తున్నారు. ఇదో ప్రత్యేక వింగ్‌గా కొనసాగుతోంది. బల్దియాకు సంబంధించిన అన్నీ కార్యకలాపాలు కంప్యూటర్లలో నిక్షిప్తం చేస్తుంటారు. కానీ, అధికారులు ఈ వింగ్‌లో జరిగే కార్యకలాపాలపై కన్నెత్తి చూడటం లేదు. ఔట్‌ సోర్సింగ్‌ టెక్నికల్‌ పర్సన్‌ ఒకరు అన్నీ వ్యవహారాలను చక్కదిద్దుతున్నాడు. అత్యంత కీలకమైన ఈ వింగ్‌కు బాధ్యత కలిగిన పర్యవేక్షణ అధికారి లేరు. పదుల సంఖ్యలో ఉన్న అధికారులు, వంద మందికి పైగా ఉన్న అడ్మినిస్ట్రేటివ్‌ సిబ్బందికి కంప్యూటర్‌ విభాగంలోని వ్యవహారాలపై అవగాహన లేకపోవడంతో ఆసరాగా చేసుకుని సొమ్ము చేసుకుంటున్నట్లు తెలుస్తోంది. ఆపరేటర్లదీ అదే తోవ.. కంప్యూటర్‌ విభాగంలోని కొన్ని సెక్షన్‌లలో పనిచేసే ఆపరేటర్లు సైతం ఏళ్ల తరబడి పాతుకు పోయారు. అంతర్గత బదిలీలు లేక సాంకేతిక పరిజ్ఞానంతో అక్రమాలకు పాల్పడుతున్నారన్న ఆరోపణలున్నాయి. అనర్హులకు పింఛన్ల నమోదు, ఇంజనీరింగ్‌ పనులు, ట్రేడ్‌ లైసెన్స్‌, ఆస్తిపన్ను, యూజర్‌ చార్జీలు, బిల్డింగ్‌ పర్మిషన్లు, బయోమెట్రిక్‌ తదితర వ్యవహారాల్లో తమ సాంకేతికతను ఉపయోగిస్తూ చేతివాటం ప్రదర్శిస్తున్నారనే విమర్శలున్నాయి. ఇదంతా ఆ వింగ్‌ బాస్‌ కనుసన్నల్లోనే అక్రమాలు చోటు చేసుకుంటున్నాయనే ఆరోపణలున్నాయి. బల్దియా కమిషనర్‌ ఇప్పటికై నా కంప్యూటర్‌ వింగ్‌పై దృష్టిసారించాల్సిన అవసరం ఉందని, లేకపోతే భవిష్యత్‌లో సాంకేతికంగా విపత్కర పరిస్థితులు ఎదురుకానున్నాయనే వాదన వినిపిస్తోంది.ఔట్‌ సోర్సింగే.. ఆ వింగ్‌కు బాస్‌ అక్రమాలన్నీ ఆయన కనుసన్నల్లోనే కంప్యూటర్‌ కార్యకలాపాలను పట్టించుకోని బల్దియా రెగ్యులర్‌ పర్యవేక్షణాధికారి లేరు..గత రెండు దశాబ్దాలుగా బల్దియా కంప్యూటర్‌ వింగ్‌లో ఓ ఔట్‌ సోర్సింగ్‌ ఉద్యోగి హవా కొనసాగుతోంది. వస్తూ, వెళ్తున్న కమిషనర్ల వద్ద అమాయకంగా, చనువుగా ఉంటూ శభాష్‌ అనిపించుకుంటాడని, ఇదే అదునుగా తన కార్యకలాపాలను కొనసాగిస్తుంటాడన్న ప్రచారం ఉంది. చిన్నపాటి ఎలక్ట్రానిక్‌ పరికరంనుంచి రూ.లక్షల్లో కొనుగోలు చేసే కంప్యూటర్లు, బయోమెట్రిక్‌ యంత్రాలు, ట్యాబ్‌లు, జిరాక్స్‌ యంత్రాలు, ఇలా ఏది కొనుగోలు చేసినా ఆయనకు కమీషన్‌ ముట్టజెప్పాల్సిందేనని చెబుతుంటారు. సదరు కంపెనీలు, సంస్థలు ఆ వ్యక్తితో ముందుగానే ఒప్పందం చేసుకొని కార్యకలాపాలను కొనసాగిస్తున్నాయని, చాలామేరకు ఆయన బినామీ పేర్ల మీద కొనుగోలు చేస్తున్నారనే ఆరోపణలున్నాయి. సుదీర్ఘకాలంగా పనిచేస్తున్న ఈ ఔట్‌ సోర్సింగ్‌ ఉద్యోగి రూ.కోట్లకు పడగలెత్తాడని బల్దియాలోని కొందరు చర్చించుకుంటున్నారు.

ప్రముఖ ఆధ్యాత్మికవేత్త, ధర్మప్రవచనకులు చాగంటి కోటేశ్వరరావుహన్మకొండ కల్చరల్‌ : వేయిరేకుల కమలం వేయిస్తంభాల దేవాలయం అపూర్వమైందని, నాడు విద్వాంసులను సంప్రదించి నిర్మించిన శివాలయం పరమాద్భుతమైనదని, రుద్రేశ్వరుడిని దర్శించుకోవడం వల్ల యోగస్థితి కలుగుతుందని ప్రముఖ ఆధ్యాత్మికవేత్త, ధర్మప్రవచనకులు చాగంటి కోటేశ్వరరావు పేర్కొన్నారు. ఈ మేరకు తెలంగాణ పర్యటనలో భాగంగా వరంగల్‌కు వచ్చిన చాగంటి కోటేశ్వరరావు మంగళవారం హనుమకొండలోని వేయిస్తంభాల దేవాలయాన్ని సందర్శించారు. ఆలయ ఈఓ అనిల్‌కుమార్‌, ప్రధానార్చకులు గంగు ఉపేంద్రశర్మ, అర్చకులు ఆయనను ఆలయమర్యాదలతో ఘనంగా స్వాగతించారు. ఈ సందర్భంగా చాగంటి కోటేశ్వరరావు శ్రీరుద్రేశ్వరస్వామి వారికి రుద్రాభిషేకం నిర్వహించుకున్న అనంతరం దేవాలయంలో జరుగనున్న కార్తీకమాసోత్సవాల కరపత్రాన్ని ఆవిష్కరించారు. అనంతరం కార్తీకమాసం విశిష్టతను భక్తులకు వివరించారు. సృష్టిలో మెదటి జ్యోతి పరమేశ్వరుడని, రుద్రేశ్వరస్వామి జ్యోతిరూపంలో వచ్చాడన్నారు. కార్తీకమాసంలో ఈ దేవాలయంలో పూజలు జరుపుకోవడం పుణ్యఫలాన్ని ఇస్తుందన్నారు. కార్యక్రమంలో వేదపండితులు మణికంఠశర్మ, నాగిళ్ల షణ్ముఖశర్మ, కపర్తిశర్మ, బాబిశర్మ, దుర్గాప్రసాద్‌శర్మ, లంకాశివకుమార్‌శర్మ, ఎస్‌పీఆర్‌ స్కూల్‌ ఆధినేత జగన్‌, ఈసీజీ సంస్థ ఫౌండర్‌ శివప్రసాద్‌ పాల్గొన్నారు. భారతీయ సంస్కృతిలో గోవుకు విశిష్టస్థానం భారతీయ సంస్కృతిలో గోవుకు విశిష్టమైన స్థానం ఉందని, గోవులను స్మరించడం, సేవ చేయడం ద్వారా భక్తిభావన, కరుణ, జీవుల పట్ల ప్రేమ వంటి సద్గుణాలు పెంపొందుతాయని ధార్మికవేత్త, ప్రవచనకర్త చాగంటి కోటేశ్వరరావు పేర్కోన్నారు. విద్యారణ్య ఆర్ష ధర్మ రక్షణ సంస్థ వరంగల్‌ ఆధ్వర్యంలో రెండురోజుల పాటు జరిగే చాగంటి కోటేశ్వరరావు ప్రవచనాలు మంగళవారం సాయంత్రం వరంగల్‌లోని శ్రీభద్రకాళి దేవాలయం దగ్గరలోని కీర్తిగార్డెన్స్‌లో ప్రారంభమయ్యాయి. కార్యక్రమంలో ఆర్ష ధర్మ రక్షణ సంస్థ అధ్యక్షుడు నకిరేకంటి రామమూర్తి, కార్యదర్శి పోలా పశుపతి, భద్రకాళి దేవాలయం ట్రస్ట్‌ చైర్మన్‌ బండారు శివసుబ్రహ్మణ్యం, ప్రధానార్చకులు భద్రకాళి శేషు పాల్గొన్నారు. అంతకు ముందు చాగంటి కోటేశ్వరరావు శ్రీభద్రకాళి దేవాలయాన్ని సందర్శించారు.

● క్రీడలు, సంక్షేమం ఐజీ గజారావు భూపాల్‌ ● ఘనంగా ప్రారంభమైన తెలంగాణ పోలీస్‌ క్రీడలుహసన్‌పర్తి: విధి నిర్వహణలో ఒత్తిడిని అధిగమించేందుకు క్రీడలు దోహదపడుతాయని క్రీడలు, సంక్షేమం విభాగం ఐజీ గజారావు భూపాల్‌ అన్నారు. మూడు రోజుల పాటు నిర్వహిస్తున్న 5వ తెలంగాణ పోలీస్‌ గేమ్స్‌ అండ్‌ స్పోర్ట్స్‌ మీట్‌–2026(క్లస్టర్‌–డి) క్రీడా పోటీలు మంగళవారం ప్రారంభమయ్యాయి. వరంగల్‌ పోలీస్‌ కమిషనరేట్‌ ఆధ్వర్యంలో హనుమకొండలో జవహర్‌లాల్‌ నెహ్రూస్టేడియంలో నిర్వహిస్తున్న ఈ పోటీలను ఐజీ గజారావు భూపాల్‌ ముఖ్యఅతిథిగా పాల్గొని ప్రారంభించి మాట్లాడారు. పోలీస్‌ సిబ్బంది విధి నిర్వహణతో పాటు క్రీడల్లోనూ ప్రతిభ కనబరచడం అభినందనీయమన్నారు. క్రీడలు శారీరక దృఢత్వం, మానసిక వికాసానికి దోహదపడుతాయన్నారు. పోటీల నిర్వహణకు పకడ్బందీ ఏర్పాట్లు చేసిన పోలీస్‌ కమిషనర్‌ శ్వేతతోపాటు క్రీడల ఇన్‌చార్జ్‌ అధికారులను ఐజీ అభినందించారు. ఈస్ట్‌జోన్‌ డీసీపీ అంకిత్‌కుమార్‌, సెంట్రల్‌ జోన్‌ డీసీపీ దార కవిత, అదనపు డీసీపీలు రాయల ప్రభాకర్‌రావు, బాలస్వామి, ఏసీపీలు నర్సింహారావు, సదయ్య, మధుసూదన్‌, జానీ నర్సింహులు, ఏఆర్‌ అదనపు డీసీపీలు సురేశ్‌, శ్రీనివాస్‌,నాగయ్య, ఆర్‌ఐలు, ఆర్‌ఎస్సైలు,క్రీడాకారులు తదితరులు పాల్గొన్నారు.

హన్మకొండ కల్చరల్‌: వరంగల్‌ శ్రీభద్రకాళి దేవాలయ సమీపంలోని కీర్తి గార్డెన్స్‌లో మంగళ, బుధవారాల్లో ధార్మికవేత్త, ప్రవచనకర్త చాగంటి కోటేశ్వరరావు ప్రవచించనున్నారు. ఈ మేరకు విద్యారణ్య ఆర్ష ధర్మరక్షణ సంస్థ వరంగల్‌ బాధ్యులు ఏర్పాట్లు చేశారు. సోమవారం మధ్యాహ్నం చాగంటి కోటేశ్వరరావు వరంగల్‌ నగరానికి చేరుకున్నారు. ఈ సందర్భంగా ఆర్ష ధర్మరక్షణ సంస్థ అధ్యక్షుడు నకిరేకంటి రామమూర్తి, కార్యదర్శి పోలా పశుపతి, సభ్యులు తదితరులు ఆయనను ఘనంగా స్వాగతించారు. హసన్‌పర్తి: 5వ తెలంగాణ పోలీస్‌ గేమ్స్‌ అండ్‌ స్పోర్ట్స్‌ మీట్‌–26కు వేదిక సిద్ధమైంది. వరంగల్‌ పోలీస్‌ కమిషనరేట్‌ ఆధ్వర్యంలో ఈ పోటీలు నిర్వహిస్తున్నారు. ఈనెల 3వ తేదీ నుంచి 5వ తేదీ వరకు క్రీడలు కొనసాగుతాయని పోలీస్‌ కమిషనర్‌ శ్వేత తెలిపారు. హనుమకొండలోని జవహర్‌లాల్‌నెహ్రూ స్టేడియం, కిట్స్‌ కళాశాల మైదానం, భీమారంలోని ఎస్‌వీఎస్‌ కళాశాల గ్రౌండ్‌లో పోటీలకు ఏర్పాట్లు చేసినట్లు సీపీ చెప్పారు. తెలంగాణ వ్యాప్తంగా 1,535 మంది పోలీస్‌ క్రీడాకారులు ఈపోటీల్లో పాల్గొననున్నట్లు కమిషనర్‌ శ్వేత తెలిపారు. కేయూ క్యాంపస్‌: హనుమకొండలోని యూనివర్సిటీ ఆర్ట్స్‌ అండ్‌ సైన్స్‌ కళాశాలలో బీఏ, బీకాం, బీఎస్సీ మూడు, ఐదో సెమిస్టర్‌ పరీక్షలు సోమవారం ప్రారంభమయ్యాయి. పరీక్షలను కళాశాల ప్రిన్సిపాల్‌ ఎస్‌.జ్యోతి పరిశీలించారు. మధ్యాహ్నం 2 గంటల నుంచి సాయంత్రం 5 గంటల వరకు పరీక్షలు నిర్వహించారు. ఈనెల 23 వరకు పరీక్షలు కొనసాగుతాయని ప్రిన్సిపాల్‌ తెలిపారు. అధ్యాపకులు డాక్టర్‌ అంజన్‌రావు, డాక్టర్‌ జితేందర్‌, సుధీర్‌ పాల్గొన్నారు. కాశిబుగ్గ: తెలంగాణ గవర్నమెంట్‌ డాక్టర్స్‌ అసోసియేషన్‌ కేఎంసీ యూనిట్‌కు జనరల్‌ కౌన్సిల్‌, ఎగ్జిక్యూటివ్‌ కమిటీకి ఏకగ్రీవంగా సభ్యులను ఎన్నుకున్నారు. సోమవారం ఎంజీఎంలో నూతన కమిటీ సభ్యుల ఎన్నిక కోసం నామినేషన్లు స్వీకరించారు. జనరల్‌ కౌన్సిల్‌ సభ్యులుగా జనరల్‌ సర్జరీ ప్రొఫెసర్‌, హెచ్‌ఓడీ వి.శ్రీనివాస్‌గౌడ్‌, ఈఎన్‌టీ ప్రొఫెసర్‌, హెచ్‌ఓడీ సంపత్‌రావు, ఎగ్జిక్యూటివ్‌ కమిటీ సభ్యులుగా ఫోరెన్సిక్‌ అసిస్టెంట్‌ ప్రొఫెసర్‌ టి.నవీన్‌, జనరల్‌ మెడిసిన్‌ అసిస్టెంట్‌ ప్రొఫెసర్‌ వి.సుశాంత్‌, ఆర్‌ఈహెచ్‌ ఆఫ్తాల్మజీ ప్రొఫెసర్‌ చంద్రభాను, ఆర్‌ఈహెచ్‌ ఆఫ్తాల్మజీ ప్రొఫెసర్‌ హరిదేవ్‌ కుమార్‌, హనుమకొండ ప్రసూతి వైద్యశాల గైనకాలజిస్ట్‌, అసోసియేట్‌ ప్రొఫెసర్‌ ఎం.శిరీష, ఆర్‌ఈహెచ్‌ ఆఫ్తాల్మజీ అసిస్టెంట్‌ ప్రొఫెసర్‌ పి.సవిత, కేఎంసీ ఎస్‌పీఎం ప్రొఫెసర్‌ ఎల్‌.మురళి ఏకగ్రీవంగా ఎన్నికైనట్లు అసోసియేషన్‌ అధ్యక్షుడు అంబి శ్రీనివాస్‌, ప్రధాన కార్యదర్శి బి.చిన్నికృష్ణ, కోశాధికారి చాడా రమేశ్‌ తెలిపారు. వరంగల్‌ అర్బన్‌: ఇన్‌చార్జ్‌ అడిషనల్‌ కమిషనర్‌గా నియమితులైన సమ్మయ్య సోమవారం జీడబ్ల్యూఎంసీ ప్రధాన కార్యాలయంలో కమిషనర్‌ టి.వెంకన్నను మర్యాదపూర్వకంగా కలిసి పూల మొక్క అందజేశారు. ఈసందర్భంగా కమిషనర్‌ ఆయనకు శుభాకాంక్షలు తెలిపారు. అదనపు కమిషనర్‌ జోనా ఉద్యోగ విరమణతో ఖాళీ ఏర్పడింది. సీనియర్‌ అధికారి సమ్మయ్యకు ఇన్‌చార్జ్‌ బాధ్యతలు అప్పగించారు.

విద్యారణ్యపురి: ప్రభుత్వ పాఠశాలల్లో విద్యార్థులు, ఉపాధ్యాయులకు ముఖగుర్తింపు హాజరువిధానం (ఎఫ్‌ఆర్‌ఎస్‌) అమలు చేస్తున్నారు. కొంతకాలంగా విద్యార్థులు, టీచర్ల హాజరు ఆశించిన మేర నమోదు కావడంలేదని విద్యాశాఖ ఉన్నతాధికారుల పరిశీలనలో వెల్లడైంది. పాఠశాల విద్యాశాఖ డైరెక్టర్‌, సమగ్రశిక్ష రాష్ట్ర ప్రాజెక్టు డైరెక్టర్‌ నవీన్‌నికోలస్‌ నవంబర్‌ ప్రత్యేక హాజరు నెలగా.. వందశాతం హాజరు నమోదుకు స్పెషల్‌ డ్రైవ్‌ నిర్వహించాలని తాజాగా ఉత్తర్వులు జారీచేశారు. ఈనెల 2 నుంచి 30 వరకు రాష్ట్రంతోపాటు ఉమ్మడి వరంగల్‌ జిల్లాల్లోని ప్రభుత్వ, జిల్లాపరిషత్‌, రెసిడెన్షియల్‌ పాఠశాలల్లో వందశాతం హాజరు డ్రైవ్‌ చేపట్టనున్నారు. ఇందుకోసం హనుమకొండ, వరంగల్‌, మహబూబాబాద్‌, జయశంకర్‌ భూపాలపల్లి, జనగామ డీఈఓలు, ఆయా జిల్లాల ఎంఈఓలను, క్లస్టర్‌ హెడ్స్‌, హెడ్‌మాస్టర్ల సమన్వయంతో ప్రణాళిక ప్రకారం బాధ్యతలు నిర్వర్తించాలని ఆదేశించారు. జిల్లాస్థాయిలో ప్రతీవారం సమీక్షించాలని, అవగాహన కల్పించాలని పేర్కొన్నారు. వందశాతం అటెండెన్స్‌ నమోదుకు స్పెషల్‌ డ్రైవ్‌ విద్యార్థులు, ఉపాధ్యాయులకు ఎఫ్‌ఆర్‌ఎస్‌ తప్పనిసరి చేసిన సర్కారు

●సాక్షిప్రతినిధి, వరంగల్‌: సీఎంఆర్‌ (కస్టమ్‌ మిల్లింగ్‌ రైస్‌) అక్రమాలపై సీఐడీ అధికారులు దర్యాప్తు ముమ్మరం చేశారు. ప్రభుత్వ ధాన్యం పక్కదారి పట్టించి, సన్న బియ్యం సరఫరా చేయాల్సిన చోట దొడ్డు బియ్యం పంపించినట్లు వచ్చిన ఆరోపణలపై వరుసగా తనిఖీలు, అరెస్టులు చేస్తున్నారు. ములుగు జిల్లాలో ఇప్పటికే 9 రైస్‌ మిల్లులకు సంబంధించి 23 మందిపై కేసులు నమోదు కాగా.. పలువురిని సీఐడీ వరంగల్‌ డీఎస్పీ వాసం సంపత్‌ బృందం అరెస్టు చేసింది. పరారీలో ఉన్న మరో 14 మంది కోసం ప్రత్యేక బృందాలు గాలిస్తున్నాయి. మరోవైపు తనిఖీల పరిధిని విస్తరిస్తూ మరో 6 మిల్లులకు అధికారులు నోటీసులు జారీ చేయడం మిల్లర్లలో కలకలం రేపుతోంది. కాగా, త్వరలోనే హనుమకొండ, వరంగల్‌ జిల్లాల్లోనూ ధాన్యం అక్రమాలపై తనిఖీలు, అరెస్టుల పరంపర కొనసాగనుందని సమాచారం. ధాన్యం నిల్వల్లో భారీ వ్యత్యాసాలు.. రెండో విడత తనిఖీల్లోనూ అదే పరిస్థితి.. హనుమకొండ, వరంగల్‌, మహబూబాబాద్‌, జేఎస్‌ భూపాలపల్లి, ములుగు జిల్లాల రైస్‌మిల్లర్లు గత రబీ సీజన్‌కు సంబంధించి 1,25,737 మెట్రిక్‌ టన్నుల సీఎంఆర్‌కు 47,675 (37.92 శాతం) మెట్రిక్‌ టన్నులే చెల్లించారు. అక్టోబర్‌ 31కే గడువు ముగిసినా ఇంకా 78,062 టన్నుల సీఎంఆర్‌ పెండింగ్‌లో ఉంది. ఈ మేరకు ములుగు జిల్లాలోని 6 రైస్‌ మిల్లుల్లో నిర్వహించిన తనిఖీల్లో సుమారు 6 వేల క్వింటాళ్ల ధాన్యం నిల్వలు లేనట్లు గుర్తించారు. రికార్డుల్లో ఉన్న నిల్వలకు, క్షేత్రస్థాయిలో ఉన్న ధాన్యానికి మధ్య భారీ వ్యత్యాసాలు ఉన్నట్లు ప్రాథమికంగా తేలింది. సీఎంఆర్‌ కింద మరో 6,700 క్వింటాళ్ల సన్న బియ్యం ఎఫ్‌సీఐకి సరఫరా చేయాల్సి ఉండగా.. వాటి స్థానంలో దొడ్డు బియ్యం అందించినట్లు ఆరోపణలు ఉన్నాయి. సీఐడీ అధికారులు రెండో విడత తనిఖీలు చేపట్టగా మరో మూడు మిల్లుల్లో సుమారు నాలుగు వేల క్వింటాళ్ల ధాన్యం నిల్వలు కనిపించలేదని సమాచారం. దీంతో ఇప్పటివరకు తనిఖీలు జరిగిన మిల్లుల్లో ధాన్యం నిల్వల గల్లంతు, బియ్యం రకం మార్పిడి వ్యవహారం మరింత విస్తృతంగా ఉన్నట్లు అనుమానిస్తున్నారు. ధాన్యం ఎక్కడికి తరలించారు? బహిరంగ మార్కెట్‌లో విక్రయించారా? సీఎంఆర్‌ బియ్యం బదులు ఇతర ప్రాంతాల నుంచి దొడ్డు బియ్యం కొనుగోలు చేసి సరఫరా చేశారా? అనే కోణాల్లో దర్యాప్తు సాగుతోంది. అరెస్టుల పరంపర.. పరారీలో నిందితులు ములుగు జిల్లాలో అక్టోబర్‌ 25 నుంచి సీఐడీ అరెస్టుల పర్వం ప్రారంభమైంది. రైస్‌మిల్లర్ల సంఘం మాజీ అధ్యక్షుడు బాదం ప్రవీణ్‌తో పాటు పలువురు మిల్లర్లను అదుపులోకి తీసుకున్నారు. అనంతరం సంఘం అధ్యక్షుడు కాట్రగడ్డ సతీశ్‌ సహా మరికొందరిపై చర్యలు చేపట్టారు. తాజాగా, మరికొందరు మిల్లర్ల అరెస్టులతో దర్యాప్తు మరింత వేగం పుంజుకుంది. కేసుల్లో నిందితులుగా ఉన్నవారిలో కొందరు ముందస్తు బెయిల్‌ కోసం న్యాయస్థానాలను ఆశ్రయిస్తుండగా.. పరారీలో ఉన్నవారి ఆచూకీ కోసం అధికారులు గాలిస్తున్నారు. ఇప్పటికే 9 మిల్లులపై కేసులు నమోదు చేసిన సీఐడీ.. మరో 6 మిల్లుల్లో తనిఖీలకు సిద్ధమవుతోంది. ఇందుకోసం సంబంధిత మిల్లర్లకు నోటీసులు జారీ చేసినట్లు తెలిసింది. ధాన్యం కేటాయింపులు, సీఎంఆర్‌ బకాయిలు, స్టాక్‌ రిజిస్టర్లు, రవాణా పత్రాలు, ఎఫ్‌సీఐకి పంపిన బియ్యం నమూనాలను పరిశీలించనున్నారు. అవసరమైతే పౌరసరఫరాల శాఖ అధికారుల పాత్రపైనా విచారణ చేపట్టే అవకాశం ఉంది. ఈ క్రమంలోనే ధాన్యం కేటాయింపుల నుంచి మిల్లింగ్‌, బియ్యం సరఫరా వరకు ప్రతి దశలోని రికార్డులను సీఐడీ పరిశీలిస్తోంది. నిల్వల లెక్కలు, ధాన్యం రవాణా, బియ్యం నాణ్యత పరీక్షలు, సీఎంఆర్‌ ఒప్పందాల ఆధారంగా అక్రమాల పరిమాణాన్ని నిర్ధారించనున్నారు. కస్టమ్‌ మిల్లింగ్‌ రైస్‌ అక్రమాలపై సీఐడీ కొరడా.. గడువు ముగిసినా రబీ సీఎంఆర్‌ ఇప్పటికీ 37.92 శాతమే ములుగులో 9 మిల్లులు.. 23 మంది నిందితులు సన్నబియ్యం పేరిట దొడ్డు బియ్యం సరఫరా.. పలు మిల్లులకు నోటీసులు హనుమకొండ, వరంగల్‌ జిల్లాల్లోనూ త్వరలో అరెస్టులు

● మంత్రుల పర్యటనలు, ఢిల్లీ ధర్నాకు గైర్హాజరు ● ఇటీవల కేటీఆర్‌కు తూర్పు ఎమ్మెల్యే సురేఖ క్షమాపణ ● కేబినెట్‌ నుంచి బర్తరఫ్‌ తర్వాత మారిన రాజకీయ వైఖరి ● తాజా పరిణామాలతో రాజకీయవర్గాల్లో కొత్త చర్చసాక్షి ప్రతినిధి, వరంగల్‌: కాంగ్రెస్‌లో ఉంటూనే ఆ పార్టీ కార్యక్రమాలకు దూరంగా.. ప్రత్యర్థి పార్టీ నేతకు క్షమాపణ చెబుతూ మరోవైపు మౌనం.. మాజీ మంత్రి, వరంగల్‌ తూర్పు ఎమ్మెల్యే కొండా సురేఖ, మాజీ ఎమ్మెల్సీ కొండా మురళీధర్‌రావు దంపతుల తాజా రాజకీయ వైఖరి ఉమ్మడి వరంగల్‌ రాజకీయాల్లో చర్చనీయాంశంగా మారింది. కేబినెట్‌ నుంచి బర్తరఫ్‌ అయిన తర్వాత పార్టీ, ప్రభుత్వ కార్యక్రమాల్లో గతంలో మాదిరిగా చురుగ్గా కనిపించకపోవడం.. ఢిల్లీలో నిర్వహించిన ‘ఓటు బచావో–దేశ్‌ బచావో’ నినాదంతో చేసిన ధర్నాకు సైతం దూరంగా ఉండడం రాజకీయ వర్గాల దృష్టిని ఆకర్షిస్తోంది. దీనికి తోడు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై గతంలో చేసిన వ్యక్తిగత వ్యాఖ్యలను ఉపసంహరించుకుంటూ క్షమాపణలు చెప్పడం కొత్త రాజకీయ చర్చకు తెరలేపింది. కేబినెట్‌ నుంచి బర్తరఫ్‌కు గురైన తర్వాత కొండా దంపతులు అనుసరిస్తున్న వ్యూహం ఏంటి? పార్టీపై అసంతప్తి వ్యక్తం చేస్తున్నారా? లేక భవిష్యత్‌ రాజకీయ అడుగుల కోసం వేచి చూస్తున్నారా? అన్న చర్చ సాగుతోంది. కాంగ్రెస్‌ కార్యక్రమాలకు దూరంగా.. కేబినెట్‌ నుంచి తొలగింపునకు గురైన అనంతరం కొండా సురేఖ వ్యవహారశైలిలో మార్పు కనిపిస్తోందన్న అభిప్రాయాలు వ్యక్తమవుతున్నాయి. కాంగ్రెస్‌ చేపట్టిన కార్యక్రమాలకు దూరంగా ఉండటంతో పాటు ఢిల్లీలో ఆదివారం నిర్వహించిన ఇండియా కూటమి ర్యాలీకి సైతం హాజరుకాకపోవడం చర్చకు దారితీసింది. సుమారు 10 రోజుల కిందట వరంగల్‌ నగరంలో సూపర్‌ స్పెషాలిటీ ఆస్పత్రి సందర్శన, కలెక్టరేట్‌లో జరిగిన సమీక్షకు మంత్రులు పొంగులేటి శ్రీనివాస్‌రెడ్డి, సీతక్క హాజరైనప్పటికీ.. నగరంలోనే ఉన్న కొండా సురేఖ దూరంగా ఉండడం రాజకీయ వర్గాల దృష్టిని ఆకర్షించింది. ప్రభుత్వ అధి కారిక కార్యక్రమాలు, మంత్రుల పర్యటనలు, సమీక్షలకు వరుసగా దూరంగా ఉండడం వెనుక అసంతృప్తి ఉందా? అన్న ప్రశ్నలు వినిపిస్తున్నాయి. కేబినెట్‌ నుంచి తొలగింపు, రాష్ట్ర నాయకత్వంతో విభేదాలు, తాజా గైర్హాజరు కలిపి చూస్తే కాంగ్రెస్‌లో కొండా దంపతుల రాజకీయ భవిష్యత్‌పై సందేహాలు వ్యక్తమవుతున్నాయి. అయితే, కార్యక్రమాలకు దూరంగా ఉన్నంత మాత్రాన పార్టీని వీడతారని నిర్ధారించలేం. కానీ, వారి తదుపరి అడుగులపై మాత్రం ఆసక్తి నెలకొంది. రెండేళ్ల తర్వాత కేటీఆర్‌కు క్షమాపణెందుకు? 2024 అక్టోబర్‌లో అప్పటి బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై కొండా సురేఖ చేసిన వ్యక్తిగత వ్యాఖ్యలు తీవ్ర వివాదానికి దారితీశాయి. సినీనటులు నాగచైతన్య, సమంత విడాకుల వ్యవహారంలో కేటీఆర్‌ను ప్రస్తావిస్తూ ఆమె చేసిన వ్యాఖ్యలపై రాజకీయ, సినీ రంగాల నుంచి తీవ్ర అభ్యంతరాలు వ్యక్తమయ్యాయి. ఈ వ్యవహారంపై కేటీఆర్‌ పరువునష్టం కేసు వేయగా, నటుడు నాగార్జున కూడా న్యాయపరమైన చర్యలు చేపట్టారు. నాగార్జున కుటుంబానికి సంబంధించిన కేసు 2025 నవంబర్‌లో ఉపసంహరణకు వచ్చినప్పటికీ, కేటీఆర్‌ దాఖలు చేసిన కేసు కొనసాగింది. ఈనేపథ్యంలో అక్టోబర్‌ 29న ‘ఎక్స్‌’ వేదికగా కొండా సురేఖ తన గత వ్యాఖ్యలపై వివరణ ఇచ్చారు. ప్రతిపక్షాన్ని విమర్శించే క్రమంలో అప్పటి రాజకీయ పరిస్థితుల నేపథ్యంలో అలా మాట్లాడానని, కొన్ని నిరాధార వ్యాఖ్యలు చేయకుండా ఉండాల్సిందని పేర్కొన్నారు. కేటీఆర్‌ను, ఆయన కుటుంబ సభ్యులను బాధపెట్టాలనే ఉద్దేశం లేదని, తన వ్యాఖ్యల వల్ల వారు బాధపడి ఉంటే చింతిస్తున్నానని తెలిపారు. గత వ్యాఖ్యలను ఉపసంహరించుకుంటున్నట్లు స్పష్టం చేశారు. కేబినెట్‌ నుంచి తొలగింపునకు గురైన కొద్ది వారాలకే.. గతంలో చేసిన వ్యాఖ్యలపై దాదాపు రెండేళ్ల తర్వాత స్పందించడం రాజకీయంగా ప్రాధాన్యం సంతరించుకుంది. న్యాయపరమైన కేసు నేపథ్యంలో తీసుకున్న నిర్ణయమా? లేక మారుతున్న రాజకీయ పరిస్థితుల్లో తన వైఖరిని మార్చుకుంటున్నారా? అన్న చర్చ జరుగుతోంది. ఒకప్పుడు బీఆర్‌ఎస్‌ నాయకత్వంపై తీవ్ర విమర్శలు చేసిన కొండా సురేఖ.. ఇప్పుడు కేటీఆర్‌ విషయంలో విచారం వ్యక్తం చేయడం రాజకీయ వర్గాల్లో ఆసక్తిని పెంచింది. కాంగ్రెస్‌ రాష్ట్ర నాయకత్వంతో విభేదాలు కొనసాగుతున్న నేపథ్యంలో బీఆర్‌ఎస్‌తో మళ్లీ సన్నిహితమవుతారా? అన్న ఊహాగానాలు వినిపిస్తున్నాయి. అయితే, కేటీఆర్‌కు క్షమాపణ చెప్పడాన్ని పార్టీ మార్పునకు సంకేతంగా భావించలేమని, అయితే కాంగ్రెస్‌ నాయకత్వంతో తమకు ఎదురవుతున్న పరిస్థితులపై అధిష్టానంతో ఏదైనా స్పష్టత కోరుతున్నారా? ప్రత్యామ్నాయ రాజకీయ వేదికను పరిశీలిస్తున్నారా? అనే అంశాలపై కొండా దంపతులు అధికారికంగా ప్రకటిస్తేనే స్పష్టత వస్తుందన్న చర్చ పొలిటికల్‌ సర్కిళ్లలో సాగుతోంది.

వరంగల్‌ అర్బన్‌: బల్దియా గ్రీవెన్స్‌కు అందిన ఫిర్యాదుల్లో జాప్యం వహిస్తే సహించేది లేదని బల్దియా కమిషనర్‌ టి.వెంకన్న అధికారులను ఆదేశించారు. సోమవారం బల్దియా ప్రధాన కార్యాలయంలో నిర్వహించిన ప్రజావాణిలో కమిషనర్‌ ప్రజల నుంచి వినతులు స్వీకరించారు. గత వారం ప్రజావాణిలో స్వీకరించిన వినతుల పరిష్కారంపై కమిషనర్‌ విభాగాల వారీగా సమీక్షించారు. గ్రీవెన్స్‌ సెల్‌కు మొత్తం 116 ఫిర్యాదులు రాగా, అందులో టౌన్‌ ప్లానింగ్‌కు 51, ఇంజనీరింగ్‌ 46కు, ప్రజారోగ్యం, పారిశుద్ధ్యానికి 11, రెవెన్యూ సెక్షన్‌కు 6, హార్టికల్చర్‌ 1, నీటి సరఫరా 1 చొప్పున ఫిర్యాదులు అందినట్లు అధికారులు వెల్లడించారు. కార్యక్రమంలో ఇన్‌చార్జ్‌ అడిషనల్‌ కమిషనర్‌ సమ్మయ్య, సూపరింటెండింగ్‌ ఇంజనీర్‌ రాజ్‌కుమార్‌, సిటీప్లానర్‌ రవీందర్‌ రాడేకర్‌, ముఖ్య హార్టికల్చర్‌ అధికారి లక్ష్మారెడ్డి, డిప్యూటీ కమిషనర్‌ ప్రసన్నరాణి, సెక్రటరీ అనిల్‌బాబు, పన్నుల అధికారి రామకృష్ణ అన్ని విభాగాల అధికారులు సిబ్బంది పాల్గొన్నారు.బల్దియా కమిషనర్‌ వెంకన్న

● గ్రీవెన్స్‌లో అధికారుల నిర్లక్ష్యం ● ప్రజావాణికి సమయపాలన కరువు హన్మకొండ అర్బన్‌: ప్రజాసమస్యల పరిష్కారం కోసం ప్రతీ సోమవారం కలెక్టరేట్‌లో నిర్వహించే ప్రజావాణికి అధికారులు సమయపాలన పాటించడం లేదు. ఉన్నతాధికారులంతా తప్పనిసరిగా సకాలంలో హాజరు కావాలని కలెక్టర్‌ ఆదేశిస్తున్నా ఆచరణలో మాత్రం మార్పు కనిపించట్లేదు. సోమవారం నిర్వహించిన ప్రజావాణికి హనుమకొండ కలెక్టర్‌ చాహత్‌ బాజ్‌పాయ్‌ వివిధ కారణాలతో ఉదయం 11 గంటల తర్వాత హాజరయ్యారు. అయితే ఉదయం 10.30 గంటల నుంచే కొందరు అధికారులు ఒక్కొక్కరుగా వచ్చారు. మరికొందరు తమ కార్యాలయాల్లోనే ఉండిపోయారు. కలెక్టర్‌ రాగానే సమాచారం ఇవ్వాలని తమ సిబ్బందిని కాన్ఫరెన్స్‌ హాల్‌ వద్ద ఉంచారు. దీంతో ఉదయం 10.30 గంటల వరకు కాన్ఫరెన్స్‌ హాల్‌లో దాదాపు పది మంది అధికారులే కనిపించారు. అదనపు కలెక్టర్‌ ఎన్‌.రవి వచ్చి ప్రజల నుంచి వినతులు స్వీకరించడం ప్రారంభించినప్పటికీ పలువురు అధికారుల హాజరు అంతంత మాత్రంగానే ఉంది. ఉదయం 11:24 గంటలకు కలెక్టర్‌ హాజరైన తర్వాత ఒక్కొక్కరుగా అధికారులు వచ్చి తమ సీట్లలో కూర్చున్నారు. సమయపాలన పాటించాలని కలెక్టర్‌ ఆదేశిస్తున్నప్పటికీ అధికారులు ఇలా వ్యవహరించడంపై విమర్శలు వ్యక్తమవుతున్నాయి. అధికారుల తీరుపై కలెక్టర్‌ ఎలా స్పందిస్తారో చూడాలి.

హన్మకొండ అర్బన్‌: హనుమకొండ జిల్లాలో గ్రావెల్‌, సాధారణ మట్టి తవ్వకాలు, తరలింపునకు అనుమతులు పొందే ప్రక్రియను సులభతరం చేసేందుకు నూతన ఆన్‌లైన్‌ విధానాన్ని అందుబాటులోకి తీసుకొచ్చినట్లు కలెక్టర్‌ చాహత్‌ బాజ్‌పాయ్‌ వెల్లడించారు. ఇందుకోసం రూపొందించిన ఇంటిగ్రేటెడ్‌ గ్రావెల్‌ మేనేజ్‌మెంట్‌ వ్యవస్థను ప్రారంభించినట్లు ఆమె పేర్కొన్నారు. సోమవారం హనుమకొండ కలెక్టరేట్‌లో నిర్వహించిన విలేకరుల సమావేశంలో పోర్టల్‌ పనితీరు, దరఖాస్తు ప్రక్రియ, పర్యవేక్షణ తదితర అంశాలను వివరించారు. దరఖాస్తు చేసుకున్న 5 రోజుల్లోగా అనుమతులు మంజూరు చేసేలా వ్యవస్థను రూపొందించినట్లు వివరించారు. ఈ పోర్టల్‌ కేవలం గ్రావెల్‌, సాధారణ మట్టి తవ్వకాలు, తరలింపులకు మాత్రమే వర్తిస్తుందని, ఇసుక తరలింపునకు వర్తించదని కలెక్టర్‌ స్పష్టం చేశారు. సీజీజీ సహకారంతో రూపొందించిన ఈ పోర్టల్‌ను ప్రయోగాత్మకంగా జిల్లాలో అమలు చేస్తున్నామని, ఇక్కడ విజయవంతమైతే రాష్ట్రవ్యాప్తంగా విస్తరించే అవకాశం ఉందన్నారు. అనంతరం నూతన ఆన్‌లైన్‌ గ్రావెల్‌ అనుమతుల విధానానికి సంబంధించిన పోస్టర్‌ను కలెక్టర్‌ ఇతర అధికారులతో కలిసి ఆవిష్కరించారు. ఇందులో అదనపు కలెక్టర్లు ఎన్‌.రవి, బి.శేషాద్రి, జిల్లా రెవెన్యూ అధికారి కె.శ్రీనివాస్‌, జిల్లా వైద్య ఆరోగ్యశాఖ అధికారి డాక్టర్‌ అప్పయ్య తదితరులు పాల్గొన్నారు.

హన్మకొండ అర్బన్‌: ప్రజావాణి కార్యక్రమంలో ప్రజల నుంచి అందిన అర్జీలు బాధ్యతాయుతంగా పరిశీలించి, వెంటనే పరిష్కరించేందుకు చర్యలు చేపట్టాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. సోమవారం కలెక్టరేట్‌లో జిల్లా అధికారులతో కలిసి ప్రజావాణి నిర్వహించారు. ఈసందర్భంగా ప్రజల నుంచి కలెక్టర్‌ స్వయంగా అర్జీలు స్వీకరించారు. అర్జీలు పెండింగ్‌లో లేకుండా సంబంధిత శాఖల అధికారులు తక్షణమే చర్యలు తీసుకోవాలని సూచించారు. 232 అర్జీల స్వీకరణ కలెక్టరేట్‌తో పాటు హనుమకొండ, పరకాల ఆర్డీఓ కార్యాలయాలు, ఎంపీడీఓ కార్యాలయాల్లో నిర్వహించిన ప్రజావాణికి మొత్తం 232 అర్జీలు అందాయి. వీటిలో కలెక్టరేట్‌కు 116, ఆర్డీఓ కార్యాలయాల్లో 21, ఎంపీడీఓ కార్యాలయాల్లో 95 అర్జీలు అధికారులు స్వీకరించారు. కార్యక్రమంలో అదనపు కలెక్టర్‌ ఎన్‌.రవి, స్థానిక సంస్థల ఇన్‌చార్జ్‌ అదనపు కలెక్టర్‌ శేషాద్రి, జిల్లా గ్రామీణాభివృద్ధి అధికారి మేన శ్రీను, అధికారులు పాల్గొన్నారు. గ్రీవెన్స్‌ వినతులు పరిష్కరించాలి..న్యూశాయంపేట: గ్రీవెన్స్‌ కార్యక్రమంలో ప్రజల నుంచి స్వీకరించిన వినతులను సత్వరమే పరిష్కరించాలని వరంగల్‌ కలెక్టర్‌ సత్యశారద అధికారులను ఆదేశించారు. కలెక్టరేట్‌లో సోమవారం నిర్వహించిన గ్రీవెన్స్‌లో ఆమె ప్రజల నుంచి అర్జీలను స్వీకరించారు. మొత్తం 198 వినతులు వచ్చాయని, వాటిలో రెవెన్యూ శాఖకు సంబంధించి 69, గ్రేటర్‌ వరంగల్‌ మున్సిపల్‌ కార్పొరేషన్‌కు సంబంధించి 32, ఉపాధి శాఖ 14, లీడ్‌ బ్యాంకు 12 రాగా, వివిధ శాఖలకు సంబంధించి మరో 73 అర్జీలు వచ్చాయని కలెక్టర్‌ తెలిపారు. ప్రతీ అర్జీని క్షుణ్ణంగా పరిశీలించి నిబంధనల మేరకు నిర్ణీత సమయంలో పరిష్కార చర్యలు చేపట్టాలని ఆదేశించారు. కార్యక్రమంలో అదనపు కలెక్టర్లు ఎల్‌.కిశోర్‌కుమార్‌, వై.వీ.గణేశ్‌, డీఆర్‌ఓ విజయలక్ష్మి, జెడ్పీ సీఈఓ వసంత, హౌసింగ్‌ పీడీ శ్రీవాణి, డీఎంహెచ్‌ఓ రాజారెడ్డి పాల్గొన్నారు. వరంగల్‌ ఆర్డీఓ ఆఫీస్‌లో నిల్‌.. వరంగల్‌ రెవెన్యూ డివిజన్‌ కార్యాలయంలో సోమవారం ఒక్క దరఖాస్తు కూడా రాలేదని అధికారులు తెలిపారు. కలెక్టరేట్‌, ఆర్డీఓ కార్యాలయం పక్కపక్కనే ఉండడంతో ప్రజలు కలెక్టరేట్‌లో జరిగే గ్రీవెన్స్‌కే మొగ్గుచూపుతున్నారని అధికారులు చెప్పారు. నర్సంపేట ఆర్డీఓ కార్యాలయంలో 9 దరఖాస్తులు అందాయని అందులో విద్యుత్‌శాఖకు సంబంధించి 2, రెవెన్యూ డివిజన్‌కు సంబంధించి 3, జీజీహెచ్‌ 1, తహసీల్దార్‌ కార్యాలయం నర్సంపేటకు సంబంధించి 3 దరఖాస్తులు అందాయని అధికారులు తెలిపారు.హనుమకొండ కలెక్టర్‌ చాహత్‌ బాజ్‌పాయ్‌

కేయూ క్యాంపస్‌: కాకతీయ యూనివర్సిటీ పరిధి ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లోని అంతర్‌ కళాశాలల హాకీ క్రీడాపోటీలు సోమవారం నిర్వహించారు. క్రీడా పోటీలను కేయూ స్పోర్ట్స్‌బోర్డు సెక్రటరీ టి.శాస్త్రి, స్పోర్ట్స్‌బోర్డు మాజీ సెక్రటరీ వై.వెంకయ్య ప్రా రంభించారు. ప్రతిభ చూపిన 24 మంది హాకీ క్రీడాకారులను ఎంపిక చేసినట్లు స్పోర్ట్స్‌బోర్డు సెక్రటరీ శాస్త్రి తెలిపారు. వీరు సౌత్‌జోన్‌ ఇంటర్‌ యూనివర్సిటీ హాకీ టోర్నమెంట్‌లో పా ల్గొంటారని పేర్కొన్నారు. సెలక్టర్లుగా ఫిజికల్‌ డైరెక్టర్లు శ్రీనివాస్‌రెడ్డి, యూసిన్‌, మహేశ్‌, అజ య్‌రెడ్డి, ఫిజికల్‌ డైరెక్టర్స్‌ అసోసియేషన్‌ జా యింట్‌ సెక్రటరీ మట్టెడ కుమార్‌ పాల్గొన్నారు. బ్యాడ్మింటన్‌ నేషనల్‌ అంపైర్‌గా సునీల్‌ దుగ్గొండి : జాతీయస్థాయి బ్యాడ్మింటన్‌ అంపైర్‌గా వరంగల్‌ జిల్లా దుగ్గొండి మండలం పొనకల్‌ గ్రామానికి చెందిన జన్ను సునీల్‌ ఎంపికయ్యారు. ఈ మేరకు తెలంగాణ బ్యాడ్మింటన్‌ అసోసియేషన్‌ అధ్యక్షుడు దుద్దిళ్ల శ్రీధర్‌బాబు సోమవారం ఉత్తర్వులు వెలువరించారు. నేటినుంచి 8వ తేదీ వరకు హైదరాబాద్‌ గచ్చిబౌలిలో జరగనున్న ఇంటర్నేషనల్‌ చాలెంట్‌ –2026 బ్యాడ్మింటన్‌ టోర్నమెంట్‌కు సునీల్‌ అంపైర్‌గా వ్యవహరించనున్నారు. ఈ మేరకు సునీల్‌ను సర్పంచ్‌ బొమ్మగాని వెంకటేశ్వర్లు, మాజీ స ర్పంచ్‌లు ఊర్మిళ, కొత్తకొండ శారద, గుండె రా జీరు, బొమ్మగాని సదానందం, వివిధ పార్టీల నాయకులు అభినందించారు. రాష్ట్రస్థాయి పోటీలకు ఎంపిక చిన్నగూడూరు: మహబూబాబాద్‌ జిల్లా చిన్న గూడూరు జెడ్పీహెచ్‌ఎస్‌ విద్యార్థి గంగాధరి సాత్విక్‌ రాష్ట్రస్థాయి పోటీలకు ఎంపికై నట్లు వ్యాయామ ఉపాధ్యాయుడు జక్కి నాగేశ్వర్‌ సోమవారం తెలిపారు. ఎస్‌జీఎఫ్‌ ఉమ్మడి వరంగల్‌ జిల్లా స్థాయి అండర్‌–14 ఖోఖో విభాగంలో ప్రతిభ కనబరిచి వికారాబాద్‌ జిల్లాలో జరుగుతున్న రాష్ట్రస్థాయి పోటీలకు ఎంపికయ్యాడు. మండలానికి పేరు తీసుకురావాలని ఎంఈఓ రవికుమార్‌ ఆకాంక్షించారు.జాతీయస్థాయి తైక్వాండో పోటీలకు.. మహబూబాబాద్‌ అర్బన్‌: జిల్లా కేంద్రంలోని ప్రభుత్వ బాలికల జూనియర్‌ కళాశాల విద్యార్థిని నరాల వెన్నల ఎస్జీఏఎఫ్‌ రాష్ట్రస్థాయిలో ప్రతిభ చూపి జాతీయస్థాయి తైక్వాండో పోటీలకు ఎంపికై ందని కళాశాల ప్రిన్సిపాల్‌ పొక్కుల సదానందం సోమవారం తెలిపారు. వెన్నలను కళాశాల అధ్యాపకులు సాధిక్‌, శ్రీనివాస్‌, పర్వీనాబేగం, శ్రీను, స్వాతిరాణి, రవికిరణ్‌, నవీన్‌, రియాజ్‌ అభినందించారు. డ్రంకెన్‌ డ్రైవ్‌లో 26 మందికి జరిమానా కాశిబుగ్గ: మద్య తాగి వాహనం నడుపుతూ వరంగల్‌ ట్రాఫిక్‌ పోలీస్‌స్టేషన్‌ పరిధిలో నిర్వహించిన డ్రంకెన్‌ డ్రైవ్‌ తనిఖీల్లో 26 మంది వ్యక్తులు పట్టుబడినట్లు ట్రాఫిక్‌ ఇన్‌స్పెక్టర్‌ సు జాత తెలిపారు. వారిని కోర్టులో హాజరు పర్చగా మెజిస్ట్రేట్‌ అంకేశ్వరపు కమలాకర్‌ రూ.19, 200 జరిమానా విధించినట్లు పేర్కొన్నారు. అ లాగే, డ్రైవింగ్‌ లైసెన్స్‌ లేకుండా వాహనాలు నడిపిన ఇద్దరికి రూ. వెయ్యి జరి మానా విధించారని ఆమె వివరించారు.

మొగుళ్లపల్లి: హైదరాబాద్‌లో జరిగిన రోడ్డు ప్రమాదంలో జయశంకర్‌భూపాలపల్లి జిల్లా మొగుళ్లపల్లి మండలం కొర్కిశాలకు చెందిన ఓ యువకుడు దుర్మరణం చెందాడు. గ్రామస్తుల కథనం ప్రకారం.. గ్రామానికి చెందిన మాజీ సర్పంచ్‌ దానవేణి రాములు, అఖిల దంపతుల కుమారుడు యశ్వంత్‌ (20) హైదరాబాద్‌లోని ఓ కళాశాలలో బీటెక్‌ చదువుతున్నాడు. ఆదివారం రాత్రి మిత్రుడితో బైక్‌పై వెళ్తున్న క్రమంలో రోడ్డుప్రమాదానికి గురై అక్కడికక్కడే దుర్మరణం చెందాడు. మరో విద్యార్థి తీవ్ర గాయాలతో ఓ ప్రైవేట్‌ ఆస్పత్రిలో చికిత్స పొందుతున్నాడు. ఈ ఘటనతో గ్రామంలో విషాదఛాయలు అలుముకున్నాయి.

ఖిలా వరంగల్‌: వృత్తి నైపుణ్యాలను పెంపొందించుకోవాలని వరంగల్‌ పోలీస్‌ కమిషనర్‌ ఎన్‌.శ్వేత సూచించారు. ఈ మేరకు సోమవారం మామూనూరు పోలీస్‌ శిక్షణ కళాశాలలో 302 మంది హెడ్‌కానిస్టేబుళ్లు, 176 మంది ఏఆర్‌ఎస్సైలకు పదోన్నతి శిక్షణ కార్యక్రమం ప్రారంభమైంది. ముఖ్య అతిథిగా సీపీ శ్వేత హాజరై శిక్షణ కార్యక్రమాన్ని ప్రారంభించి మాట్లాడారు. విధి నిర్వహణలో క్రమశిక్షణ, బాధ్యతాయుతమైన సేవలు, చట్టాలపై అవగాహన పెంచుకోవడంతో పాటు పోలీసు వ్యవస్థలో సమర్థవంతంగా విధులు నిర్వహించేందుకు అవసరమైన అంశాలపై శిక్షణ పొందాలని సూచించారు. కార్యక్రమంలో ప్రిన్సిపాల్‌ రవీందర్‌, డీఎస్పీలు రమేశ్‌, రవీందర్‌, విజయ్‌కుమార్‌, వెంకటేశ్వర్‌రావు, సోమాని, సీఐలు ఎం.రామ్మూర్తి, నరేందర్‌, అశోక్‌, నరేందర్‌, అశోక్‌, సత్యనారాయణ, రాజ్యలక్ష్మి, ఆర్‌ఐలు నగేశ్‌, నవీన్‌, చంద్రశేఖర్‌, మహేశ్‌, ఆర్‌ఎస్సైలు రాజేశ్‌, సీహెచ్‌ నందకిశోర్‌, అరుణ, రామాంజరెడ్డి తదితరులు పాల్గొన్నారు. వరంగల్‌ పోలీస్‌ కమిషనర్‌ ఎన్‌.శ్వేత

● వరంగల్‌ కలెక్టర్‌ డాక్టర్‌ సత్యశారద కాళోజీ సెంటర్‌ : దివ్యాంగ పిల్లల్లో ఆత్మవిశ్వాసం నింపి, వారికి నాణ్యమైన విద్యతోపాటు అవసరమైన ప్రోత్సాహం అందిస్తే జీవితంలో ఉన్నత స్థాయికి ఎదుగుతారని కలెక్టర్‌ సత్యశారద అన్నారు. డీఈఓ ప్రశాంత్‌ రెడ్డి అధ్యక్షతన వరంగల్‌లోని ఓ కన్వెన్షన్‌ హాల్‌లో సోమవారం సమ్మిళిత విద్యపై ప్రత్యేక అవసరాలు కలిగిన పిల్లల తల్లిదండ్రులు, సంబంధిత వ్యక్తులకు నిర్వహించిన జిల్లాస్థాయి అవగాహన కార్యక్రమానికి కలెక్టర్‌ ముఖ్య అతిథిగా హాజరై మాట్లాడారు. ప్రత్యేక అవసరాలు కలిగిన పిల్లల భవిష్యత్‌ను తీర్చిదిద్దడంలో భవిత కేంద్రాలు కీలక పాత్ర పోషిస్తున్నాయని పేర్కొన్నారు. దివ్యాంగ పిల్లల అభివృద్ధికి ఉపాధ్యాయులు, తల్లిదండ్రులు, అధికారులు, సమాజంలోని ప్రతీ ఒక్కరు సమష్టిగా కృషి చేయాలని పిలుపునిచ్చారు. పిల్లల అవసరాలను తల్లిదండ్రులు గుర్తించి, వారికి అవసరమైన సదుపాయాలు కల్పించడంలో చొరవ చూపాలన్నారు. దివ్యాంగుల హక్కుల చట్టం–2016 ప్రకారం ప్రత్యేక అవసరాలు కలిగిన పిల్లలకు ఇతర పిల్లలతో సమానంగా విద్య, ఉపాధి, ఆరోగ్యం, సామాజిక జీవనం, ప్రజా సేవలు పొందే హక్కు ఉందన్నారు. జిల్లా విద్యాశాఖ అధికారి ప్రశాంత్‌ రెడ్డి మాట్లాడుతూ.. సమ్మిళిత విద్య ద్వారా ప్రత్యేక అవసరాలు కలిగిన పిల్లలు సాధారణ విద్యార్థులతో కలిసి ఒకే పాఠశాల వాతావరణంలో విద్యనభ్యసించే అవకాశం కలుగుతుందన్నారు. కార్యక్రమ సమన్వయకర్త, జిల్లా సమ్మిళిత విద్య కోఆర్డినేటర్‌ కట్ల శ్రీనివాస్‌ మాట్లాడుతూ.. జిల్లాలో 18 మంది స్పెషల్‌ ఎడ్యుకేటర్లు, 17 మంది ఐఈఆర్పీలు, ముగ్గురు ఫిజియోథెరపిస్టులు సేవలందిస్తున్నారని తెలిపారు. కౌన్సెలింగ్‌ సై కాలజిస్ట్‌ డాక్టర్‌ బరుపాటి గోపి.. దివ్యాంగ పిల్లల సమస్యలు, వాటి పరిష్కార మార్గాలపై అవగాహన కల్పించారు. డీఎంహెచ్‌ఓ రాజారెడ్డి, విద్యాశాఖ క్వాలిటీ కోఆర్డినేటర్‌ మహేశ్‌నాయక్‌, డీసీసీబీ కార్యదర్శి కృష్ణమూర్తి, ప్లానింగ్‌ కోఆర్డినేటర్‌ విజ య్‌కుమార్‌, ఏఎస్‌ఓ వేణుగోపాల్‌, జిల్లా సైన్స్‌ అధికారి సురేశ్‌బాబు, శ్రవణ్‌ కుమార్‌ పాల్గొన్నారు. చేనేత వస్త్రాలపై అవగాహన పెంపొందించాలి కాశిబుగ్గ: చేనేత వస్త్రాలపై ప్రజలకు అవగాహన పెంపొందించాలని కలెక్టర్‌ సత్యశారద అన్నారు. సోమవారం కేంద్ర జౌళి మంత్రిత్వ శాఖ, డెవలప్‌మెంట్‌ కమిషనర్‌ ఫర్‌ హ్యాండ్లూమ్స్‌, తెలంగాణ రాష్ట్ర చేనేత, సహకార సంఘాల ఆధ్వర్యంలో హనుమకొండలోని రెడ్డి మ్యారేజ్‌ హాల్‌లో ఏర్పాటు చేసిన చేనేత వస్త్ర ప్రదర్శను ఆమె ప్రారంభించి మాట్లాడారు. చేనేత కార్మికుల నైపుణ్యాన్ని ప్రొత్సహిస్తూ, వారి ఉత్పత్తులను మార్కెటింగ్‌ సదుపాయాలను కల్పించాలన్నారు. చేనేత కార్మికులకు నిరంతరం పని, ఉపాధి కల్పించడంతోపాటు వారు తయారు చేసిన వస్త్రాలకు డిమాండ్‌ చేసేందుకు ఈ ప్రదర్శన దోహదపడుతుందని పేర్కొన్నారు. తెలంగాణ, ఆంధ్రప్రదేశ్‌, ఉత్తరప్రదేశ్‌, పశ్చిమ బెంగాల్‌, జమ్మూ కాశ్మీర్‌, మధ్యప్రదేశ్‌ రాష్ట్రాలకు చెందిన 60 మంది ప్రాథమిక చేనేత సహకార సంఘాల వస్త్రాలను ప్రదర్శించారు. అలాగే గద్వాల్‌, పోచంపల్లి, వెంకటగిరి, ఉప్పాడ, మంగళగిరి, ధర్మవరం ప్రాంతాల చెందిన ప్రత్యేక చేనేత చీరెలు, డ్రెస్‌ మెటీరియల్స్‌, కరీంనగర్‌ బెడ్‌షీట్లు, బంగిమ్స్‌, టవల్స్‌ ను అందుబాటులో ఉంచారు. కార్యక్రమంలో చేనే త జౌళిశాఖ అసిస్టెంట్‌ డైరెక్టర్‌ శ్రీకాంత్‌రెడ్డి, వరంగల్‌, నర్సంపేట ఆర్డీఓలు సుమ, ఉమారాణి, డీసీఓ నీరజ, జిల్లా ఉద్యాన శాఖ అధికారి శ్రీనివాస్‌రావు, ఫిషరీష్‌ అధికారి శ్రీపతి పాల్గొన్నారు. ప్రజాస్వామ్యంలో ఓటు హక్కు విలువైంది ప్రజాస్వామ్యంలో ఓటు హక్కు ఎంతో విలువైనదని, అర్హత కలిగిన ప్రతీ ఒక్కరు ఓటరుగా నమో దు చేసుకోవాలని కలెక్టర్‌ సత్యశారద అన్నారు. ఎమ్మెల్సీ ఎన్నికల్లో ఓటు హక్కు వినియోగంపై సోమవారం ఓ సిటీ నుంచి కాశిబుగ్గ సర్కిల్‌ వరకు అవగాహన ర్యాలీ నిర్వహించారు. అదనపు కలెక్టర్‌ కిశోర్‌కుమార్‌ వైవీ గణేశ్‌, డీఆర్‌ఓ విజయలక్ష్మి, జెడ్పీ సీఈఓ వసంత పాల్గొన్నారు. ‘ఎల్‌నినో’పాటల సీడీ ఆవిష్కరణ న్యూశాయంపేట: ఎల్‌నినో ప్రభావం.. ప్రజలు తీ సుకోవాల్సిన జాగ్రత్తలపై పాటల సీడీని కలెక్టర్‌ స త్యశారద సోమవారం ఆవిష్కరించారు. తెలంగాణ సాంస్కృతిక సారథి జిల్లా కళాకారులు రచించి పా డిన పాటలను కలెక్టర్‌ ఆవిష్కరించారు. డీపీఆర్‌ఓ ప్రేమలత, కళాకారులు సునీల్‌, రాజేందర్‌, సుమ న్‌, రంజిత్‌, రజిత, శివ, తదితరులు పాల్గొన్నారు.

రెండు ఎకరాలే ఉంది. దానిలో పత్తి, ఇతర పంటలు వేయాలంటే నీరు కావాలి. కరువు కాలంలో సాహసం చేయలేను. దీంతో ఎలాగైనా సరే కూరగాయలు సాగు చేయాలనుకున్నా. నాణ్యమైన కూరగాయలు కావాలంటే పందిరి వేయాలని అనుకుని పందిరి వేయించా. దూరం దూరంగా సాళ్లలో నాలుగు రకాలు చిక్కుడు, కాకర, బీర, దొండ సాగు చేశాను. కాపు బాగా రావడంతో పాటు మంచి నాణ్యతగల కాయలు వస్తున్నాయి. 20 గుంటల వరికి సరిపడే నీటితో రెండు ఎకరాల్లో కూరగాయలు పండుతున్నాయి. మార్కెట్‌లో రాజు బీరకాయలు వచ్చాయంటే చాలు వ్యాపారులు పోటీపడి కొంటున్నారు. చాలా సంతోషంగా ఉంది. – జనగం రాజు, రైతు మహ్మదాపురం

వరంగల్‌ లీగల్‌: మద్యానికి బానిసై వేధింపులకు గురి చేస్తున్న భర్తను గొంతు నులిమి హత్య చేసిన నేరస్తురాలికి జీవిత ఖైదు, రూ.2 వేల జరిమానా విధిస్తూ వరంగల్‌ జిల్లా కోర్టు ప్రధాన న్యాయమూర్తి వీబీ నిర్మలా గీతాంబ సోమవారం తీర్పు వెల్లడించారు. ప్రాసిక్యూషన్‌ కథనం ప్రకారం.. పర్వతగిరి మండలం దావుమోర్మ తండాకు చెందిన బట్టు వెంకన్న దంపతులకు ఇద్దరు కుమారులు, ఒక కుమార్తె ఉన్నారు. వెంకన్న మద్యానికి బానిసై కుటుంబ బాధ్యతలు విస్మరించాడు. భార్యను మానసికంగా, శారీరకంగా వేధించేవాడు. ఈ క్రమంలో తాగుడు మాన్పించడానికి బతుకుదెరువు కోసం నగరానికి వచ్చారు. పైడిపల్లి సమీపంలోని ఆర్‌ఎన్‌నగర్‌లో స్థలం కొనుగోలు చేసి గుడిసె వేసుకొని కూలి పనులు చేసుకుంటూ ముగ్గురు పిల్లలతో జీవిస్తున్నారు. వెంకన్న మద్యం మానకపోవడంతో కుటుంబ ఆర్థిక అవసరాల కోసం భార్య నగరంలోని మోటారు షోరూంలో పనికి వెళ్లేది. పనికి వెళ్లి వస్తున్న క్రమంలో అదే ప్రాంతానికి చెందిన ఆటో డ్రైవర్‌ లావుడ్య ప్రశాంత్‌తో పరిచయం ఏర్పడి క్రమంగా వివాహేతర సంబంధంగా మారింది. ఈ విషయమై పలుమార్లు పంచాయితీలు జరిగాయి. దీంతో భార్య కొద్ది రోజులు భర్త, పిల్లలను వదిలేసి వెళ్లింది. తిరిగి వచ్చి తప్పు అయ్యిందని చెప్పి కలిసి ఉన్నారు. 2023, ఏప్రిల్‌ 20న మేసీ్త్ర పనికి వెళ్లిన వెంకన్న రాత్రి 8.30 గంటలకు తాగిన మైకంలో ఇంటికి వచ్చాడు. భార్యను దూషించి విపరీతంగా కొట్టాడు. అలాగే నిద్రపోయాడు. జరిగిన గొడవను ఫోన్‌ ద్వారా భార్య.. లావుడ్య ప్రశాంత్‌కు చెప్పింది. ఇదే అదునుగా నీ భర్తను చంపదామని చెప్పాడు. నాకు భయంగా ఉంది నేను చంపలేనని తెలుపగా లావుడ్య ప్రశాంత్‌ ప్రోద్బలంతో అర్ధరాత్రి నిద్రిస్తున్న భర్త వెంకన్నపై కూర్చొని గొంతు నులిమి చంపింది. తిరిగి వెళ్లి పిల్లలతో కలిసి పడుకుంది. ఏమి తెలియనట్లు తెల్లవారి ఉదయం 6 గంటలకు భర్తను నిద్రలేపింది. చనిపోయిన విషయం తమ పెద్దకుమారుడి ద్వారా బంధువులకు తెలిపింది. వెంకన్న తమ్ముడు లక్ష్మణ్‌ ఫిర్యాదు మేరకు ఏనుమాముల పోలీసులు కేసు నమోదు చేశారు. నిందితులు వెంకన్న భార్యతోపాటు లావుడ్య ప్రశాంత్‌ను అరెస్ట్‌ చేసి కోర్టులో హాజరుపర్చారు. విచారణలో సాక్ష్యాధారాలను పరిశీలించగా వెంకన్న భార్యపై హత్య నేరం రుజువుకావడంతో జీవిత ఖైదు శిక్ష, రూ.2 వేల జరిమానా విధిస్తూ జడ్జి నిర్మలాగీతాంబ తీర్పు వెల్లడించారు. మరో నిందితుడు ప్రశాంత్‌పై నేరం రుజువుకానందున విడుదల చేశారు. కేసును పోలీస్‌ అధికారులు మహేందర్‌, సురేశ్‌ పరిశోధించగా, లైజన్‌ ఆఫీసర్‌ హరికృష్ణ పర్యవేక్షణలో మహిళా కానిస్టేబుల్‌ తస్లీమ్‌ సాక్షులను కోర్టులో ప్రవేశపెట్టారు. పబ్లిక్‌ ప్రాసిక్యూటర్‌ కావటి మురళీధర్‌ కేసును వాదించారు.

● ఉప్పరపల్లిలో విషాదం కేసముద్రం: విషజర్వంతో ఓ బాలుడు మృతి చెందాడు. విషాదకర ఘటన మహబూబాబాద్‌ జిల్లా కేసముద్రం మండలం ఉప్పరపల్లిలో చోటుచేసుకుంది. వివరాలు ఇలా ఉన్నాయి.. గ్రామానికి చెందిన మంద మహేశ్‌, ప్రశాంతి దంపతులకు ఇద్దరు కుమారులు ఉన్నారు. చిన్న కుమారుడు రిషి(6) గ్రామంలోని ప్రభుత్వ ప్రాథమిక పాఠశాలలో ఫస్ట్‌క్లాస్‌ చదువుతున్నాడు. ఈ క్రమంలో శుక్రవారం (గత నెల 30న) పాఠశాలకు వెళ్లిన ఆ బాలుడు జ్వరంతో అస్వస్థతకు గురయ్యాడు. దీంతో వెంటనే కేసముద్రంలోని ఓ ప్రైవేట్‌ ఆస్పత్రికి తరలించారు. జ్వరం తగ్గకపోవడంతో అదే రోజు సాయంత్రం మానుకోటలోని ఓ ఆస్పత్రికి తీసుకెళ్లారు. ఈ క్రమంలో పరిస్థితి విషమంగా మారడంతో అక్కడి నుంచి వరంగల్‌ ఎంజీఎం తరలించారు. అక్కడ చికిత్స పొందుతుండగా జ్వరం తగ్గకపోవడంతోపాటు ఫిట్స్‌ రావడంతో సోమవారం తెల్లవారుజామున మృతి చెందాడు. కాగా, అల్లారు ముద్దుగా పెంచుకుంటున్న కుమారుడు చనిపోవడంతో ఆ చిన్నారి జ్ఞాపకాలను తలుచుకుంటూ తల్లిదండ్రులు రోదించిన తీరు అందరిని కంటతడి పెట్టించింది. రిషి మృతితో కుటుంబంతోపాటు గ్రామంలో విషాదం చోటుచేసుకుంది.

న్యూశాయంపేట: వరంగల్‌– ఖమ్మం– నల్ల గొండ పట్టభద్రుల ఎమ్మెల్సీ ఎన్నికల్లో భాగంగా ఓటరు నమోదు కోసం కలెక్టరేట్‌లో సోమవారం హెల్ప్‌డెస్క్‌ను ఏర్పాటు చేశారు. ఓటరు నమోదుపై ఏమైనా సందేహాలు ఉంటే ఈ హెల్ప్‌డెస్క్‌లో సంప్రదించాలని అధికారులు సూచించారు. ఓటర్ల తుది జాబితా సిద్ధం కావాలి ● వీసీలో రాష్ట్ర ఎన్నికల ప్రధాన అధికారి సుదర్శన్‌రెడ్డి న్యూశాయంపేట: రాష్ట్రంలో చేపట్టిన ఎస్‌ఐఆర్‌ ప్రక్రియలో భాగంగా ఈనెల 30వ తేదీ వరకు తుది ఓటర్ల జాబితా ప్రచురణకు సిద్ధం కావాలని రాష్ట్ర ఎన్నికల ప్రధాన అధికారి సుదర్శన్‌రెడ్డి.. కలెక్టర్లను ఆదేశించారు. సోమవారం వీడియో కాన్ఫరెన్స్‌ ద్వారా కలెక్టర్లు, సంబంధిత అధికారులతో ప్రక్రియ పురోగతి, పెండింగ్‌లో ఉన్న అంశాలు, తుది ఓటర్ల జాబితా ప్రచురణకు చేపట్టాల్సిన చర్యలపై సమీక్షించారు. వీసీలో కలెక్టర్‌ సత్యశారద, అదనపు కలెక్టర్లు కిషోర్‌కుమార్‌, వై.వీ.గణేష్‌, నర్సంపేట ఆర్డీఓ ఉమారాణి పాల్గొన్నారు.

ఖిలా వరంగల్‌: ఎల్‌నినో ప్రభావంతో పాడి పరిశ్రమ తీవ్ర సవాళ్లను ఎదుర్కొనే అవకాశం ఉందని, పాడి రైతులు ఇప్పటి నుంచే ముందస్తు జాగ్రత్తలు తీసుకోవాలని పశువైద్యాధికారులు సూచిస్తున్నారు. వర్షపాతం తగ్గడం, ఉష్ణోగ్రతలు పెరగడం వల్ల పశుగ్రాసం, నీటి కొరత ఏర్పడడంతోపాటు పాల దిగుబడి, వెన్నశాతం తగ్గే ప్రమాదం ఉంది. ఈపరిస్థితులను ముందుగానే అంచనా వేసి పశుసంపదను కాపాడుకునేందుకు తగిన ప్రణాళికలు రూపొందించుకోవాలని పశువైద్య అధికారులు విజ్ఞప్తి చేస్తున్నారు. పశుగ్రాసం కొరత.. ఎల్‌నినో ప్రభావంతో రబీ పంటల సాగు తగ్గితే వరిగడ్డి, జొన్నచొప్ప, మొక్కజొన్న చొప్ప వంటి పశుగ్రాసం కొరత ఏర్పడుతుంది. నీటి లభ్యత తగ్గడం, అధిక ఉష్ణోగ్రతల కారణంగా పచ్చిగ్రాసం పెరుగుదల మందగిస్తుంది. ఎండల తీవ్రతతో పశువులు మేత సరిగా తీసుకోకపోవడంతో పాల దిగుబడి, పాలలో వెన్నశాతం తగ్గుతుంది. ఎదప్రక్రియ కూడా మందగిస్తుంది. నీటి కొరత వల్ల పశువులకు తాగునీరు అందించడం, వాటిని శుభ్రం చేయడం, పాడిఫాంల నిర్వహణ కష్టతరమవుతుందని అధికారులు చెబుతున్నారు. కరువును ఎదుర్కోవాలి.. కరువు పరిస్థితులను అధిగమించేందుకు ఖరీప్‌లో లభించే వరి గడ్డి, మొక్కజొన్న చొప్ప వంటి పంట అవశేషాలను ముందుగానే సేకరించి నిల్వ చేసుకోవాలి. పంట కోతల అనంతరం పొలాల్లో మిగిలే తేమను వినియోగించుకుని తక్కువ నీటితో పెరిగే పశుగ్రాస పంటలను సాగు చేయాలి. రబీ ప్రారంభంలో అవసరానికి మించి లభించే పచ్చి గ్రాసాన్ని వృథా చేయకుండా ఎండబెట్టి నిల్వ చేసుకోవాలని ఆధికారులు సూచిస్తున్నారు. పశువులకు పౌష్టికాహారం.. పశువులకు పౌష్టికాహారం ఇవ్వాలి. అందులో ప్రధానంగా వేరుశనగ, పెసర, మినుము వంటి పప్పు ధాన్యాల పంటల కోత అనంతరం లభించే పొట్టు, పంట వ్యర్థాలను సేకరించి పశువులకు పౌష్టికాహారంగా ఇవ్వాలి. నీటి పారుదల సౌకర్యం ఉన్న రైతులు నాణ్యమైన పశుగ్రాసాన్ని సాగు చేసి, మిగులు పచ్చిగ్రాసాన్ని సైలేజ్‌గా తయారు చేసి గాలిచొరబడకుండా నిల్వ చేసుకోవాలని సూచిస్తున్నారు. ఇది వేసవిలో పశువులకు మంచి పోషకాహారంగా ఉపయోపడుతుంది. సబ్సిడీపై గడ్డి విత్తనాలు. ఉమ్మడి జిల్లాలోని ప్రాథమిక పశువైద్యశాలల్లో సబ్సిడీ గడ్డి విత్తనాలు అందుబాటులో ఉన్నాయి. సీఎస్‌ఎఫ్‌ 24 ఎంఎఫ్‌ జోవర్‌ విత్తనాలు 75 శాతం రాయితీపై రైతులకు ఇవ్వనున్నట్లు వెటర్నరీ అధికారులు చెబుతున్నారు. ముందస్తు జాగ్రత్తలతోనే నష్టాల నివారణ పశుగ్రాసం, నీటి కొరతను అధిగమించాలి వెటర్నరీ డాక్టర్‌ పల్లె రాజు సూచనలుపాడి రైతులు పశువైద్యుల సలహాలు పాటిస్తూ వాతావరణ మార్పులకు అనుగుణంగా పశుపోషణ పద్ధతులు అవలంబించాలి. ముందస్తు ప్రణాళిక, పశుగ్రాస నిల్వలు, నీటి నిర్వహణతో పశుసంపదను కాపాడుకోవాలి. పాల ఉత్పత్తి తగ్గకుండా చూసుకుని ఆర్థిక నష్టాలను నివారించుకోవాలి. –పల్లె రాజు, ఖిలా వరంగల్‌ ప్రాథమిక పశువైద్య కేంద్రం పశువైద్యాధికారి

తిమ్మంపేటలో కొక్కుల మొగిలి సాగు చేసిన వివిధ రకాల కూరగాయ పంటలు, మహ్మదాపురంలో జనగం రాజు సాగు చేసిన పందిరి చిక్కుడు దుగ్గొండి: కరువులోనూ కూరగాయ పంటలు పండిస్తూ నెలకు లక్ష రూపాయలు సంపాదిస్తూ సాఫ్ట్‌వేర్‌ ఉద్యోగులకు సైతం సవాలు విసురుతున్నారు. తక్కువ నీటితో ఆధునిక పద్ధతులు పాటించి ఆదర్శంగా నిలుస్తున్నారు రైతులు. వరంగల్‌ జిల్లా దుగ్గొండి మండలం తిమ్మంపేట గ్రామానికి చెందిన కొక్కుల మొగిలి– విజయ దంపతులు కొన్ని సంవత్సరాల క్రితం రాజకీయాల్లో ఉండి ఎంపీటీసీగా, వైస్‌ ఎంపీపీగా పనిచేసి ప్రజలకు సేవలు అందించారు. అయితే వారికి ప్రజల సేవలే మిగిలాయి. కానీ ఆస్తులు కరిగిపోయాయి. వారికి చివరికి ఎకరంన్నర భూమి మిగిలింది. నీరులేక పంట పండదు. గత సంవత్సరం ఇదే గ్రామానికి చెందిన ఓ రైతు వద్ద ఏడున్నర ఎకరాల వ్యవసాయ భూమిని రూ.1.20 లక్షలకు కౌలుకు తీసుకున్నారు. అందులో డ్రిప్పు ఉంది. మల్చింగ్‌తో పాటు కొత్త డ్రిప్‌ పైపుల కోసం రూ.2 లక్షలు ఖర్చు చేసి పూర్తిగా మల్చింగ్‌ చేశారు. మొత్తం భూమిలో వంకాయ, బీరకాయ, నల్ల, తెల్లకాకర, సోరకాయ, కీరదోస, కూరదోస, టమాట కూరగాయల పంటలు సాగు చేశారు. కరువులో బావి నుంచి వచ్చే 2, 3 గంటల సాగునీటితోనే మొత్తం భూమికి నీరు అందిస్తున్నారు. వర్షం లేకపోయినా చుక్క చుక్క నీరు ఇస్తూ పంటను కాపాడుకుంటున్నారు. వచ్చిన కూరగాయలను దళారులకు విక్రయించకుండా నేరుగా వారే స్వయంగా ఆటోలో వేసుకుని మార్కెట్‌లో విక్రయిస్తున్నారు. ఇలా రోజుకు రూ. 5 వేల నుంచి 15 వరకు ఆర్జిస్తున్నారు. సంవత్సరంలో 65 రోజులు మినహా 300 రోజులు కూరగాయలు తెంపి అమ్ముతున్నారు. రోజుకు 10 మందికి ఉపాధి కల్పిస్తున్నారు. ఖర్చులు పోగా నెలకు రూ. 90 వేల నుంచి రూ.లక్ష వరకు సంపాదిస్తున్నారు. లక్నెపల్లి నుంచి తిమ్మంపేటకు వెళ్లే ప్రధాన రహదారి వెంట ఉన్న ఈ కూరగాయల పంటలను పలువురు వాహనదారులు కాసేపు ఆగి ఆసక్తిగా తిలకిస్తున్నారు. విజయ రహస్యమిదే.. వరి, పత్తి, మొక్కజొన్నలాంటి పంటలను నమ్ముకుంటే కరువు వస్తే పోయినట్లే. నాలుగు రకాల కూరగాయలు సాగు చేస్తే ఒకటి పోయినా ఇంకొకటి కాపాడుతుంది. డ్రిప్‌ పద్ధతితో పాటు మల్చింగ్‌ వేయడం వల్ల ఎరువు, నీరు వృథా కావడం లేదు. దళారులకు నేరుగా వరంగల్‌, నర్సంపేట పట్టణాలకు తీసుకెళ్లి విక్రయిస్తున్నారు. వాట్సాప్‌ గ్రూపుల్లో ధరను, కూరగాయల నాణ్యతను షేర్‌ చేస్తూ అడిగివారికి నేరుగా అందిస్తున్నారు. డిగ్రీలు చదివి ఉద్యోగాలు రాలేదని బాధపడే యువతకు అప్పులతో సతమతమయ్యే ఈ ఇద్దరు రైతులు ఓ మంచి సందేశం ఇస్తున్నారు. భూమిని తిట్టుకోవడం కాదు, భూమితో స్మార్ట్‌గా ఆడుకోవడం నేర్చుకోవాలి. కూరగాయల్లోనే బంగారం ఉంది అని చెబుతున్నారు. కూరగాయల సాగుతో లాభాలు నెలకు రూ.లక్ష వరకు ఆదాయం దుగ్గొండి మండలం మహ్మదాపురం గ్రామానికి చెందిన చిన్నరైతు జనగాం రాజు–శ్వేత దంపతులకు రెండు ఎకరాల వ్యవసాయ భూమి మాత్రమే ఉంది. బావిలో నీరు రెండుగంటలకు మించి రావడం లేదు. దీంతో ఈసారి ఎలా గట్టెక్కాలని ఆలోచించారు. రెండు ఎకరాలను నాలుగు భాగాలు చేశారు. ఎకరాకు రూ.80 వేల వ్యయంతో పందిరి వేయించారు. దానిలో 20 గుంటలకు ఒక బిట్టు చొప్పున పందిరి చిక్కుడు, పందిరి బీర, పందిరి కాకర, పందిర దొండ సాగు చేశారు. ఇలా చేయడం వల్ల 20 గుంటలకు సరిపడే నీటితో రెండు ఎకరాల్లో కూరగాయలు పండిస్తున్నారు. వీరు ప్రతి రోజు నలుగురికి ఉపాధి కల్పిస్తున్నారు. రెండు ఎకరాలకు ఏడాదిలో రూ.నాలుగు లక్షల నికరదాయం ఆర్జిస్తున్నారు. తిమ్మంపేట–మహ్మదాపురం ప్రధాన రహదారి పక్కన ఉన్న చేనును రైతులు ఆగి మరీ చూసి వెళ్తున్నారు.

కాళోజీ సెంటర్‌ : బొల్లికుంట జిల్లా పరిషత్‌ ఉన్నత పాఠశాల విద్యార్థి అబ్బోజు భరత్‌ వాలీబాల్‌ జిల్లా జట్టు కెప్టెన్‌గా ఎంపిక కావడం అభినందనీయమని హెచ్‌ఎం ఎండీ ముజాహిద్‌ అలీ అన్నారు. హనుమకొండలోని జేఎన్‌ఎస్‌లో అక్టోబర్‌ 31న నిర్వహించిన స్కూల్‌ గేమ్స్‌ ఫౌండేషన్‌ (ఎస్‌జీఎఫ్‌) పోటీల్లో భరత్‌ను జిల్లా కెప్టెన్‌గా ఎంపిక చేశారని తెలిపారు. ఈసందర్భంగా ఆదివారం హెచ్‌ఎం మాట్లాడుతూ.. భవిష్యత్‌లో మరింత ఉన్నత స్థాయికి ఎదగాలని అకాంక్షించారు. విద్యార్థులను క్రీడల్లో ప్రోత్సహిస్తూ తీర్చిదిద్దుతున్న వ్యాయామ ఉపాధ్యాయుడు బాబును అభినందించారు. పాఠశాల ఉపాధ్యాయులు అలివేలు మంగ, పూల రవి, సీహెచ్‌.కృష్ణారెడ్డి, జయ, తాబేటి కుమారస్వామి, దయాకర్‌, వంశీ మోహన్‌ తదితరులు భరత్‌ను అభినందించారు.

విద్యారణ్యపురి: ఉమ్మడి వరంగల్‌ జిల్లాలోని తెలంగాణ మోడల్‌ స్కూళ్లల్లో నాలుగు కేటగిరీల పోస్టులను ఔట్‌సోర్సింగ్‌ విధానంలో భర్తీ చేసేందుకు పాఠశాల విద్యాశాఖ చర్యలు చేపట్టింది. ప్రతీ మోడల్‌ స్కూల్‌లో ఆర్ట్‌, యోగా, కంప్యూటర్‌ టీచర్లతో పాటు లైబ్రేరియన్‌ పోస్టులు కూడా భర్తీ చేయాలని పాఠశాల విద్యాశాఖ డైరెక్టర్‌ నవీన్‌ నికోలస్‌ ఉత్తర్వులు జారీ చేశారు. కాగా, ఐదు నెలల కాలపరిమితికి (నవంబర్‌ 1 నుంచి మార్చి 31 వరకు) ఔట్‌సోర్సింగ్‌ విధానం ద్వారా ఉమ్మడి వరంగల్‌ జిల్లాల్లోని మోడల్‌ స్కూళ్లలో పోస్టులు భర్తీ చేయనున్నారు. కంప్యూటర్‌ టీచర్‌, లైబ్రేరియన్‌ ఆర్ట్‌, యోగా టీచర్లను నియమించనున్నారు. కలెక్టర్లకు, డీఈఓలకు ఆదేశాలు ఉమ్మడి వరంగల్‌ జిల్లాలోని కలెక్టర్లు, డీఈఓలకు తమ జిల్లాలోని తెలంగాణ మోడల్‌ స్కూళ్లలో అర్హులైన ఆయా సిబ్బందిని ఔట్‌సోర్సింగ్‌ ఏజెన్సీల ద్వారా నియమించుకునేలా చర్యలు చేపట్టాలని పాఠశాల విద్యాశాఖ డైరెక్టర్‌ జారీ చేసిన ఆదేశాల్లో పేర్కొన్నారు. నియమాకాలు, విద్యార్హతలు, వయో పరిమితి, అర్హత ప్రమాణాలు, వేతనం, ప్రభుత్వ నిబంధనలకు అనుగుణంగా పారదర్శకంగా జరగాలని ఆదేశించారు. కాగా, సంబంధిత జిల్లాల డీఈఓలు జిల్లాల కలెక్టర్లతో సమన్వయం చేసుకుని ఔట్‌సోర్సింగ్‌ సిబ్బందిని నియమించుకోవాల్సి ఉంటుంది. ఔట్‌సోర్సింగ్‌ ద్వారా భర్తీ నవంబర్‌ 1 నుంచి 5 నెలల ఉద్యోగ కాలపరిమితి రాష్ట్ర పాఠశాల విద్యాశాఖ డైరెక్టర్‌ ఉత్తర్వులు జారీ

వరంగల్‌ మల్టీ సూపర్‌ స్పెషాలిటీ ఆస్పత్రిని ఆదివారం హనుమకొండ, వరంగల్‌ కలెక్టర్లు సందర్శించారు. ఒకరు ఆస్పత్రి లోపల, మరొకరు ఆస్పత్రి బయట పనులు పరిశీలించారు. ఇద్దరు జిల్లా పాలనాధికారులు వేర్వేరుగా సందర్శించడం చర్చనీయాంశంగా మారింది. వీరి పర్యటన సమయంలో వైద్యాధికారులు ఎవరూ లేకపోవడం గమనార్హం. వరంగల్‌ కలెక్టర్‌ సత్యశారద ఆస్పత్రి పనులను క్షేత్రస్థాయిలో పరిశీలించారు. ఆస్పత్రి లోపల వివిధ విభాగాల వారీగా కొనసాగుతున్న నిర్మాణ పనుల పురోగతిని సంబంధిత ఏజెన్సీలను అడిగి తెలుసుకున్నారు. ఆమె వెంట ఆర్‌అండ్‌బీ ఎస్‌ఈ సురేశ్‌బాబు, ఈఈ రాజేందర్‌ ఉన్నారు. పనుల్లో వేగం పెంచాలి సూపర్‌ స్పెషాలిటీ నిర్మాణ పనుల్లో మరింత వేగం పెంచాలని హనుమకొండ కలెక్టర్‌ చాహత్‌బాజ్‌పాయ్‌ అధికారులు, నిర్మాణ సంస్థ ప్రతినిధులను ఆదేశించారు. ఆస్పత్రి నిర్మాణ వెలుపల జరుగుతున్న అభివృద్ధి పనుల పరోగతిని ఆమె క్షేత్రస్థాయిలో పరిశీలించారు. ఈ సందర్భంగా ఆమె మాట్లాడుతూ పనుల పురోగతిని నిరంతరం పర్యవేక్షించాలని అధికారులను సూచించారు. కలెక్టర్‌ వెంట ఆర్‌అండ్‌బీ ఎస్‌ఈ సురేశ్‌బాబు, కార్పొరేషన్‌ ఎస్‌ఈ రాజ్‌కుమార్‌, ఆర్‌అండ్‌బీ ఈఈ దేవిక చౌహాన్‌ ఉన్నారు. ఆస్పతి బయట పనులపై ఆరా తీస్తున్న హనుమకొండ కలెక్టర్‌ చాహత్‌బాజ్‌పాయ్‌పనుల వివరాలు తెలుసుకుంటున్న వరంగల్‌ కలెక్టర్‌ సత్యశారద

రైల్వే కోచ్‌ ఫ్యాక్టరీ వ్యూ కోచ్‌ ఫ్యాక్టరీ మెయిన్‌ షాపుపెయింట్‌ సెక్షన్‌ షాపు కాజీపేట రూరల్‌: కాజీపేట ప్రజల ఏళ్ల కల సాకారం కానుంది. అందరూ ఎదురు చూస్తున్న రైల్వే కోచ్‌ మాన్యుఫ్యాక్చరింగ్‌–ఆర్‌ఎంయూ యూనిట్‌ నిర్మాణ పనులు (చిన్న చిన్న పనులు మినహా) పూర్తయ్యాయి. కాజీపేట మండలం అయోధ్యపురం శివారులో 160 ఎకరాల విస్తీర్ణంలో సుమారు రూ.560 కోట్ల వ్యయంతో కేంద్ర, రాష్ట్ర ప్రభుత్వాలు ఈ కోచ్‌ ఫ్యాక్టరీని నిర్మిస్తున్న విషయం తెలిసిందే. 2009–10 రైల్వే బడ్జెట్‌లో అప్పటి యూపీఏ ప్రభుత్వంలో రైల్వే మంత్రి మమతా బెనర్జీ పీపీపీ విధానంతో రైల్వే వ్యాగన్ల తయారీ పరిశ్రమను మంజూరు చేశారు. ఎన్నో మలుపులు అనేక ఉద్యమాల ఫలితంగా రైల్వే వ్యాగన్‌ మాన్యుఫ్యాక్చరింగ్‌ యూనిట్‌ నుంచి వ్యాగన్‌ పీఓహెచ్‌ షెడ్డు, ఆ తర్వాత వ్యాగన్‌ రిపేర్‌ షెడ్డు మంజూరైంది. ఆతర్వాత 2024లో ప్రధాని నరేంద్రమోదీ హనుమకొండ పర్యటనలో ఆర్ట్స్‌ కాలేజ్‌ గ్రౌండ్‌ నుంచి రైల్వే మాన్యుఫ్యాక్చరింగ్‌ యూనిట్‌గా అప్‌గ్రేడ్‌ చేస్తున్నట్లు ప్రకటించారు. చురుగ్గా పనులు.. నాటి నుంచి నేటి వరకు నిర్మాణ పనులు చురుగ్గా సాగుతూ వస్తున్నాయి. ఈరైల్వే కోచ్‌ ఫ్యాక్టరీ ప్రాజెక్ట్‌ను అత్యాధునిక సాంకేతిక పరిజ్ఞానం, లెటెస్ట్‌ టెక్నాలజీతో దేశంలో ఉన్న అన్ని రైల్వే యూనిట్లకంటే బెటర్‌గా కాజీపేట యూనిట్‌ను రైల్వే శాఖ, ఆర్‌వీఎన్‌ఎల్‌, పవర్‌మెక్‌ ప్రాజెక్ట్‌ వారు కలిసి చేస్తున్నారు. ఇటీవల కోచ్‌ఫ్యాక్టరీలో కోచ్‌ల ఉత్పత్తికి గ్రీన్‌ సిగ్నల్‌ ఇచ్చిన రైల్వేశాఖ, ఇక కోచ్‌ ఫ్యాక్టరీ ప్రారంభం తర్వాత ఉద్యోగాల నియామకం చేపట్టాల్సి ఉంది. డిసెంబర్‌లో ప్రధాని మోదీ చేతుల మీదుగా ప్రారంభించేందుకు సర్వం సిద్ధం చేస్తున్నట్లు రైల్వే అధికారులు చెబుతున్నారు. పెండింగ్‌లో ఉన్న పనులు.. యూనిట్‌ ప్రాంగణంలో క్లీనింగ్‌ పనులు, పార్కింగ్‌ కోసం రోడ్డు విస్తరణ, మెకానికల్‌ విభాగంలో గ్యాస్‌ మ్యాన్‌ ఫోల్డ్‌ నిర్మాణ పనులు కొనసాగుతున్నాయి. అదేవిధంగా ప్రధానమైన కాజీపేట ఆర్‌ఎంయూ ఉద్యోగుల కోసం రైల్వే శాఖ కడిపికొండ బ్రిడ్జి వద్ద క్వార్టర్స్‌ నిర్మిస్తున్నారు. సుమారు 40 మందికి క్వార్టర్స్‌ నిర్మాణం జరుగుతోంది. ఈక్వార్టర్స్‌ నిర్మాణం ఇంకా పూర్తి కాలేదు. అందరి చూపు ఉద్యోగాలపైనే.. కాజీపేట రైల్వే కోచ్‌ఫ్యాక్టరీలో తమకు ఉద్యోగాలు ఇవ్వాలని ఫ్యాక్టరీ నిర్మాణానికి భూమి ఇచ్చిన వారు ఎంతో ఆశగా ఎదురు చూస్తున్నారు. కోచ్‌ ఫ్యాక్టరీకి భూమి ఇచ్చిన వారికి, ఉమ్మడి జిల్లావ్యాప్తంగా నిరుద్యోగులు, ఆక్ట్‌ అప్రంటీస్‌ చేసిన వారికి ఉద్యోగాలివ్వాలని కాజీపేట రైల్వే జేఏసీ ఆధ్వర్యంలో కాజీపేట నుంచి ఢిల్లీ వరకు అనేక ఉద్యమాలు కొనసాగాయి. నాయకులు కేంద్ర, రాష్ట్ర మంత్రులను, రైల్వే అధికారులను కలిసి విన్నవించారు. ఇప్పటి వరకు కోచ్‌ ఫ్యాక్టరీలో ఉద్యోగాల విషయాన్ని రైల్వే శాఖ ప్రకటించకపోవడంపై ఆందోళన వ్యక్తమవుతోంది. నీళ్లు, నిధులు, నియామకాల కోసం కొట్లాడి తెచ్చుకున్న తెలంగాణలో ఏర్పడిన పరిశ్రమల్లో ఈ ప్రాంతం వారికి ఉద్యోగాలు కల్పించాలని అన్ని రాజకీయపార్టీల ఎంపీలు, కేంద్రమంత్రులు, ఎమ్మెల్యేలు కేంద్రాన్ని ఒప్పించి న్యాయం చేయాలని ఉమ్మడి జిల్లా నిరుద్యోగులు కోరుతున్నారు.డిసెంబర్‌లో ప్రధానితో ప్రారంభించేందుకు సన్నాహాలు రైల్వే క్వార్టర్స్‌తో పాటు చిన్న పనులు పెండింగ్‌ ఉద్యోగాల నియామకంపై ఎదురుచూపులుమెయిన్‌షాప్‌, పెయింట్‌ షాప్‌, స్టోర్‌ వార్డు, టెస్ట్‌ షాప్‌, క్యాంటీన్‌, అడ్మినిస్ట్రేటివ్‌ బ్లాక్‌, ఎలక్ట్రిక్‌ సబ్‌ స్టేషన్‌, సెక్యూరిటీ పోస్ట్‌, రెస్ట్‌ హౌజ్‌, సేవగ్‌ ట్రీట్‌మెంట్‌ ప్లాంట్‌, పంప్‌హౌస్‌, టాయిలెట్‌ బ్లాక్స్‌, ప్యాకేజ్‌ సబ్‌ స్టేషన్‌, షౌవర్‌ టెస్ట్‌, రోడ్‌వే బ్రిడ్జి, జీఎల్‌ఆర్‌ పంప్‌ హౌస్‌, పిట్‌ ట్రావెర్సర్‌, వ్యాగన్‌ వే బ్రిడ్జి, గార్డు పోస్ట్‌/ట్రాక్‌ గేట్‌, ఆర్‌యూబీ, పార్కింగ్‌, 2,000 కేఎల్‌ కెపాసిటీ గల పాండ్‌, స్టోరేజీ వార్డు, టర్న్‌ బ్రిడ్జి నిర్మాణ పనులు పూర్తయ్యాయి.

కాళేశ్వరం : మేడిగడ్డ బరాజ్‌ను మహారాష్ట్ర ప్రభుత్వ ప్రధాన కార్యదర్శి (చీఫ్‌ సెక్రటరీ) రాజేష్‌ అగర్వాల్‌ ఆదివారం సందర్శించారు. శనివారం మహారాష్ట్రలోని గడ్చిరోలి జిల్లా సిరొంచ తాలూకాలో పలు ప్రభుత్వ కార్యక్రమాల్లో పాల్గొన్న ఆయన, అక్కడ పల్లె నిద్ర కార్యక్రమం ముగించుకుని ఆదివారం మేడిగడ్డకు చేరుకున్నారు. ఈ సందర్భంగా మేడిగడ్డ బరాజ్‌ను క్షేత్రస్థాయిలో పరిశీలించారు. అనంతరం మహారాష్ట్ర వైపు ఉన్న వడిదంలోని ఫాజిల్స్‌ పార్క్‌ తదితర సందర్శనీయ ప్రాంతాలను సందర్శించారు. బరాజ్‌ నిర్మాణం, ప్రాజెక్టు వివరాలు, నీటి లభ్యత, విద్యుత్‌ వినియోగం, టీఎంసీల స్టోరేజీ వివరాలు, ఇతర అంశాలపై సీఎస్‌కు మేడిగడ్డ ఈఈ సురేశ్‌ క్షుణ్ణంగా వివరించారు. సీఎస్‌ పర్యటన సందర్భంగా గడ్చిరోలి కలెక్టర్‌ అవిశాంత్‌పాండేతో పాటు పలువురు అధికారులు, సిబ్బంది ఉన్నారు. రైతుల సమస్యలపై ఆరా! మేడిగడ్డ బరాజ్‌ను మహారాష్ట్ర సీఎస్‌ పరిశీలించడం రెండు రాష్ట్రాల్లో ప్రాధాన్యత సంతరించుకుంది. గోదావరి నది బ్యాక్‌వాటర్‌ వల్ల గడ్చిరోలి జిల్లా సిరోంచ తాలూకాలోని రైతులు ఎదుర్కొంటున్న వ్యవసాయ సమస్యలపై కొంత మంది ఆయన దృష్టికి తీసుకెళ్లారు. ఈ సందర్భంగా పలువురు రైతులు నేరుగా సీఎస్‌ను కలిసి తమ ఇబ్బందులను వివరించారు. రైతుల సమస్యలను ఆయన ఆలకించారు. ఇటీవల తెలంగాణ సీఎం రేవంత్‌రెడ్డి, మహారాష్ట్ర సీఎం దేవేంద్ర ఫడ్నవీస్‌ మధ్య తుమ్మిడిహెట్టి ప్రాజెక్టుపై చర్చలు జరిగిన నేపథ్యంలో ఈ పర్యటనకు అత్యంత ప్రాధాన్యం ఏర్పడింది. గడ్చిరోలి జిల్లా పర్యటనలో బరాజ్‌కు రాక

ఖిలా వరంగల్‌: మధ్యకోట ఆరెల్లి బుచ్చయ్య ప్రభుత్వ ఉన్నత పాఠశాలలో 1968–69వ సంవత్సరం పదో తరగతి బ్యాచ్‌ విద్యార్థుల సమ్మేళనం ఆదివారం ఘనంగా జరిగింది. ఈ సందర్భంగా దశాబ్దాల తర్వాత ఒకచోట కలుసుకున్న పూర్వ విద్యార్థులు పరస్పరం ఆత్మీయంగా పలకరించుకు ని యోగ క్షేమాలు తెలుసుకున్నారు. ఆనాటి మధుర జ్ఞాపకాలను నెమరువేసుకుంటూ ఆనందంగా గడిపారు. చిన్ననాటి స్నేహాలను గుర్తు చేసుకుంటూ ఒకరికొకరు శుభాకాంక్షలు చెప్పుకున్నారు. కల్వచర్ల సుధాకర్‌, జయసేన, గూడూరు ప్రభాకర్‌, కేదారి, రాజమౌళి, యాదగిరి, చంద్రమోహన్‌, సురేందర్‌రావు, భిక్షపతి, ఇస్తా, రవీందర్‌ రాజ్‌, సు జాత, గంగాబాయి, సత్యవతి తదితరులు పాల్గొన్నారు.

కాజీపేట రూరల్‌ : కాజీపేట జంక్షన్‌ మీదుగా వెళ్లే తిరుపతి–రక్సోల్‌–తిరుపతి మధ్య వెళ్లే రెండు రైళ్లు సౌత్‌ ఈస్ట్రన్‌ రైల్వేలోని చక్రాధర్‌పూర్‌ రైల్వే డివిజన్‌ పరిధిలోని బగ్దేహి–జర్సుగుడ మధ్య 4వ రైల్వే లైన్‌ నిర్మాణంతో ఈ నెల 2, 5వ తేదీన రద్దు చేసినట్లు రైల్వే అధికారులు ఆదివారం తెలిపారు. రద్దు అయిన రైళ్ల వివరాలు 2వ తేదీన తిరుపతి–రక్సోల్‌ (17433) వెళ్లే ఎక్స్‌ప్రెస్‌, ఈ నెల 5వ తేదీన రక్సోల్‌–తిరుపతి (17434) వెళ్లే ఎక్స్‌ప్రెస్‌ను రద్దు చేసినట్లు అధికారులు పేర్కొన్నారు. 70.3 ట్రాయాథాన్‌ పూర్తి చేసిన నిఖిల్‌ ములుగు రూరల్‌ : ములుగు జిల్లా రాయనిగూడెం గ్రామానికి చెందిన వజ్జ నిఖిల్‌ ఆదివారం గోవాలో జరిగిన 70.3 ట్రాయాథాన్‌ను విజయవంతంగా పూర్తి చేసి ఫినిషర్‌గా నిలిచాడు. ఈ పోటీల్లో 1.9 కిలోమీటర్ల స్విమ్మింగ్‌, 90 కిలో మీటర్ల సైక్లింగ్‌, 21.1 కిలో మీటర్ల రన్నింగ్‌ మొత్తం కలిసి 113 కిలో మీటర్ల దూరాన్ని పూర్తి చేశాడు. నిఖిల్‌ తెలంగాణ సంస్కృతి, చరిత్ర, పర్యాటక ప్రదేశాల విశిష్టతను తన క్రీడా ప్రయాణం ద్వారా ప్రజలకు పరిచయం చేస్తున్నారు. 2027లో ఫ్రాన్స్‌లో జరిగే పుల్‌ ఐరన్‌ మ్యాన్‌ ట్రయాథాన్‌ను 3.8 కిలో మీటర్ల ఈత, 180 కిలో మీటర్ల సైక్లింగ్‌ 42.2 కిలో మీటర్ల పరుగు పూర్తి చేయాలని లక్ష్యంగా పెట్టుకున్నాడు. కోతుల దాడిలో ఒకరికి తీవ్ర గాయాలుభూపాలపల్లి రూరల్‌ : కోతుల దాడిలో ఒకరికి కాలు విరిగి, తలకు తీవ్ర గాయాలైన సంఘటన జయశంకర్‌ భూపాలపల్లి జిల్లాలో ఆదివారం జరిగింది. స్థానికుల కథనం ప్రకారం.. భూపాలపల్లి మున్సిపాలిటీ పరిధిలోని కాసీంపల్లి గ్రామానికి చెందిన బొర్లకుంట లక్ష్మయ్య తన ఇంటి స్లాబ్‌పై చిరు ధాన్యాలు ఆరబెట్టాడు. దీంతో కోతుల స్లాబ్‌పైకి వచ్చి ధాన్యాన్ని చిందర వందర చేస్తుండగా లక్ష్మయ్య స్లాబ్‌పైకి వెళ్లి కోతులను తరిమాడు. అదేక్రమంలో ధాన్యాన్ని సంచుల్లో నింపుతుండగా కోతులు మూకుమ్మడిగా దాడి చేశాయి. తప్పించుకునే తరుణంలో కాలుజారి స్లాబ్‌నుంచి లక్ష్మయ్య కింద పడగా కాలు విరిగింది. తలకు తీవ్ర గాయాలు కావడంతో కుటుంబ సభ్యులు స్థానిక ప్రైవేట్‌ ఆస్పత్రికి తీసుకెళ్లి చికిత్స చేయిస్తున్నారు. హేమాచల క్షేత్రంలో భక్తురాలిపై.. మంగపేట : ములుగు జిల్లా మంగపేట మండలంలోని మల్లూరు శ్రీ హేమాచల లక్ష్మీనర్సింహస్వామి ఆలయంలో భక్తురాలిపై కోతి దాడి చేసి తీవ్రంగా గాయపరిచిన సంఘటన ఆదివారం చోటు చేసుకుంది. మండలంలోని కమలాపురం గ్రామానికి చెందిన భక్తురాలు పిల్లలమర్రి మౌనిక తనతల్లి దుర్గమ్మ మరి కొందరితో కలిసి లక్ష్మీనర్సింహస్వామిని దర్శించుకునేందుకు ఆలయానికి వచ్చింది. కొండపై ఆలయంలో స్వామివారి తిలతైలాభిషేకం తిలకించేందుకు భక్తులతో పాటు కూర్చుని ఉండగా అకస్మాత్తుగా కోతి దాడి చేసింది. ఎడమ చేతిని నోటితో కొరకడంతో తీవ్ర గాయమై రక్తస్రావమైంది. అక్కడే ఉన్న ఆలయ మాజీ చైర్మన్‌ చిట్యాల పురుషోత్తం భక్తుల సాయంతో హుటాహుటిన ఆమెను మంగపేట పీహెచ్‌సీకి తరలించారు.