Flydubai

సాక్షి, న్యూఢిల్లీ: మిడిల్‌ ఈస్ట్‌ ఉద్రిక్తతల నేపథ్యంతో తాజాగా జరిగిన ఓ పరిణామం తీవ్ర కలకలం రేపింది. దుబాయ్‌ నుంచి ఇజ్రాయెల్‌ రాజధాని టెల్‌అవీవ్‌కు వెళ్తున్న ఫ్లైదుబాయ్‌ విమానంలో అత్యవసర పరిస్థితి నెలకొంది. విమానం తొలుత ఎమర్జెన్సీ కోడ్‌ పంపింది. కొద్దిసేపటికే హైజాక్‌ కోడ్‌ పంపడంతో ఆందోళనలు వ్యక్తమయ్యాయి. దీంతో ఇజ్రాయెల్‌ వైమానిక దళం యుద్ధవిమానాలను అప్రమత్తం చేసినట్లు తెలుస్తోంది.ఫ్లైదుబాయ్‌ విమానం ఎఫ్‌జెడ్‌1073 దుబాయ్‌ నుంచి టెల్‌అవీవ్‌ వెళ్తుండగా ఈ గందరగోళం నెలకొంది. జోర్డాన్‌ గగనతలంలో ఉండగా.. వరుసగా 7700 ఎమర్జెన్సీ కోడ్‌, ఆ తర్వాత కాసేపటికే 7500 హైజాక్‌ కోడ్‌లు వచ్చాయి. కాసేపటికే విమానం సౌదీ అరేబియా గగనతలంలోకి మళ్లి టబుక్‌ విమానాశ్రయంలో అత్యవసరంగా ల్యాండ్‌ అయ్యింది. విమానంలో సుమారు 200 మంది ప్రయాణికులు ఉన్నట్లు సమాచారం.🚨✈️🇦🇪🇮🇱 Un vol Flydubai reliant Dubaï à Tel-Aviv a déclenché le code d’urgence signalant un possible détournement alors qu’il transportait environ 180 passagers.L’appareil a été dérouté vers l’Arabie saoudite. pic.twitter.com/JCAcaidYT0— KRONIK Insights (@KRONIKInsights) September 30, 2026పైలట్ల మధ్య గొడవ?విమానంలో ఏం జరిగిందన్న దానిపై ప్రాథమికంగా భిన్న కథనాలు వెలువడ్డాయి. కాక్‌పిట్‌లో ఇద్దరు పైలట్ల మధ్య భౌతికంగా గొడవ జరిగినట్లు కొన్ని నివేదికలు పేర్కొన్నాయి. ఈ ఘటన నేపథ్యంలోనే.. నొక్కుకుపోయి ఎమర్జెన్సీ సిగ్నల్‌ పంపినట్లు సమాచారం. 7500 కోడ్‌ సాధారణంగా హైజాక్‌ సమయంలో ఉపయోగిస్తారు. అందుకే ఇజ్రాయెల్‌ అధికారులు తొలుత అప్రమత్తమయ్యారు. అయితే అసలు విమానంలో ఏం జరిగిందన్నది దర్యాప్తులో తేలాల్సి ఉంది.UPDATE: The plane has landed safely in Saudi Arabia. The assessment in Israel is that the emergency signal on the plane was activated during a violent altercation between the pilots in the cockpit, and not due to a highjacking. https://t.co/Cz2W33I5qO— Ariel Oseran أريئل أوسيران (@ariel_oseran) September 30, 202617,400 అడుగులు ఒక్కసారిగా కిందకు..ఇదే సమయంలో విమానం గాల్లోనే భారీగా కిందకు దిగడం కూడా ఆందోళనకు కారణమైంది. విమానం సుమారు 34,000 అడుగుల ఎత్తులో ఉండగా.. కేవలం రెండు నిమిషాల్లో 16,600 అడుగులకు పడిపోయినట్లు ఫ్లైట్‌ ట్రాకింగ్‌ డేటాను ఉటంకిస్తూ సీఎన్‌ఎన్‌ నివేదించింది. అంటే ఈ వ్యవధిలో దాదాపు 17,400 అడుగుల మేర ఎత్తు తగ్గింది. ఈ పరిణామంతో ఇజ్రాయెల్‌ అధికారులు మరింత అప్రమత్తమయ్యారు.హైజాక్‌ కాదని అంచనా?విమానం సౌదీ అరేబియాలో సురక్షితంగా ల్యాండ్‌ అయిన తర్వాత.. హైజాక్‌ ప్రయత్నం జరగలేదని ఇజ్రాయెల్‌ అధికారులు అంచనా వేసినట్లు తాజా సమాచారం వెల్లడించింది. కాక్‌పిట్‌లో పైలట్ల మధ్య జరిగిన భౌతిక ఘర్షణ సమయంలోనే ఎమర్జెన్సీ సిగ్నల్‌ యాక్టివేట్‌ అయి ఉండొచ్చని భావిస్తున్నారు. అయితే 7500 కోడ్‌ ఎలా యాక్టివేట్‌ అయిందన్నదానిపై పూర్తి వివరాలు ఇంకా వెల్లడి కాలేదు.ఇదీ చదవండి: ఇండియన్‌ సినిమాలు.. ఓ ఆటాడుకుంటున్న ఇరాన్‌!


 విశాఖకు ఫ్లైదుబాయ్‌ ఫ్లైట్‌ 
 Flydubai Flight to visakha
  
 విశాఖ,ఫ్లైదుబాయ్‌, ఫ్లైట్‌,Flydubai, Flight, visakha
  
 గోపాలపట్నం: విశాఖ విమానాశ్రయంలో మరో అందమైన విమానం వాలబోతోంది. అది దుబాయ్‌కి మరో సర్వీసుగా అందుబాటులోకి రానుంది. ఇప్పటికే ఎయిరిండియా విమానం దుబాయ్‌ నుంచి విశాఖకు సర్వీసులు అందిస్తోంది. దీనికి ప్రయాణికుల తాకిడి పెరగడంతో ఫ్లైదుబాయ్‌ విమాన సంస్ధ కూడా ఇటు వైపు ఉవ్విళ్లూరుతోంది. దీనికి తాజాగా ముహూర్తం కూడా పెట్టేసింది. అక్టోబరు 25 నుంచి దుబాయ్‌ ఇంటర్నేషనల్‌ విమానాశ్రయానికి సర్వీసులు అందించడానికి రంగం సిద్ధం చేసినట్లు ఆ సంస్ధ వర్గాలు తెలిపాయి.