TV
Business Top Stories
స్వల్పంగా పెరిగిన స్టాక్‌ మార్కెట్ సూచీలు
ఎన్విడియా సీఈఓ వారసుల జీతం ఎంతంటే..
ఎన్విడియా సీఈఓ వివాదం.. వెలుగులోకి మరో సంచలన విషయం!
బ్యాంకు ఖాతా లేకున్నా నగదు బదిలీ
ఈక్విటీ ఫండ్స్‌లోకి రూ. 33 వేల కోట్ల పెట్టుబడులు
ప్రభుత్వ బ్యాంకులకు జోష్‌!
గోల్డ్ ఈటీఎఫ్‌ల్లోకి భారీగా పెట్టుబడులు!
ఒకేసారి 108 కొత్త బ్రాంచీలు ప్రారంభించిన యూనియన్ బ్యాంక్
కొత్త జాబ్స్‌ బూమ్‌: ఐటీ కంటే వేగంగా నియామకాలు
పాల పాకెట్ల ధరలు పెంపు.. రేపటి నుంచే కొత్త రేట్లు!
ప్రధాన వార్తలు
మమ్ముట్టి, మోహన్‌లాల్ గ్యారేజీలోకి కొత్త కార్లు.. రెండూ ఒకటే బ్రాండ్!
మలయాళ సినీ పరిశ్రమలో అగ్ర హీరోలుగా కొనసాగుతున్న మమ్ముట్టి, మోహన్‌లాల్‌కు కార్లంటే ఎంత ఇష్టమో ప్రత్యేకంగా చెప్పాల్సిన అవసరం లేదు. ఎందుకంటే.. ఇప్పటికే వీరిద్దరి దగ్గర ఎన్నో ఖరీదైన కార్లు ఉన్నాయి. అయితే.. తాజాగా తమ కార్ల కలెక్షన్‌లో కొత్త లగ్జరీ కార్లను చేర్చారు. ఇక్కడ గమనించదగ్గ విషయం ఏమిటంటే.. ఇద్దరూ లెక్సస్ బ్రాండ్ కార్లనే కొనుగోలు చేయడం. మమ్ముట్టి లగ్జరీ సెడాన్‌ను ఎంచుకోగా, మోహన్‌లాల్ మాత్రం ఖరీదైన లగ్జరీ ఎంపీవీ సొంతం చేసుకున్నారు.మమ్ముట్టి కారుమమ్ముట్టి కొనుగోలు చేసిన కారు లెక్సస్ ఈఎస్ 350హెచ్. ఈ కారు ప్రారంభ ధర రూ.66.10 లక్షలు (ఎక్స్‌షోరూమ్). ఇది చూడటానికి ఎంతో స్టైలిష్‌గా ఉండటమే కాకుండా, లోపల కూడా అనేక ఆధునిక సదుపాయాలు ఉన్నాయి. 14 అంగుళాల టచ్‌స్క్రీన్, ప్రీమియం ఆడియో సిస్టమ్, వైర్‌లెస్ ఛార్జింగ్, ఆపిల్ కార్‌ప్లే, ఆండ్రాయిడ్ ఆటో, వెంటిలేటెడ్ సీట్లు, హెడ్‌అప్ డిస్‌ప్లే వంటి ఫీచర్లు ఇందులో ఉన్నాయి. భద్రత కోసం ఏడీఏఎస్ టెక్నాలజీని కూడా అందించారు.ఇంజిన్ విషయానికి వస్తే.. ఇందులో 2.5 లీటర్ల పెట్రోల్ స్ట్రాంగ్ హైబ్రిడ్ ఇంజిన్ ఉంది. ఇది 244 పీఎస్ పవర్, 270 ఎన్ఎమ్ టార్క్‌ ఉత్పత్తి చేస్తుంది. e-CVT గేర్‌బాక్స్‌తో పనిచేస్తుంది. అంటే మంచి పనితీరుతో పాటు ఇంధన పొదుపునకు కూడా ప్రాధాన్యత ఇచ్చారు. View this post on Instagram A post shared by Road Wheels (@roadwheels.in)మోహన్‌లాల్ కారుమోహన్‌లాల్ లెక్సస్ ఎల్ఎమ్ 350హెచ్ కారును ఎంచుకున్నారు. ఇది లెక్సస్ కంపెనీకి చెందిన ఫ్లాగ్‌షిప్ లగ్జరీ ఎంపీవీ. టయోటా వెల్‌ఫైర్ ఆధారంగా రూపొందించిన ఈ కారు భారత మార్కెట్లో అత్యంత ఖరీదైన ఎంపీవీలలో ఒకటిగా నిలుస్తోంది.లెక్సస్ ఎల్ఎమ్ 350హెచ్ అనేది ఆకట్టుకునే డిజైన్ పొందింది. ముందు భాగంలో భారీ గ్రిల్, సొగసైన ఎల్ఈడీ హెడ్‌ల్యాంప్స్, వెనుకవైపు కారు వెడల్పు అంతటా ఉండే ఎల్ఈడీ టెయిల్ ల్యాంప్ ఉన్నాయి. ఇందులో ఎలక్ట్రిక్ స్లైడింగ్ డోర్లు కూడా ఉన్నాయి.ఈ కారును నాలుగు సీట్లు, ఏడు సీట్ల ఆప్షన్లలో కొనుగోలు చేయవచ్చు. ముఖ్యంగా నాలుగు సీట్ల మోడల్‌లో ముందు, వెనుక సీట్ల మధ్య ప్రత్యేక విభజన ఉంటుంది. అవసరాన్ని బట్టి పైకి, కిందికి మార్చుకునే గ్లాస్ ప్యానెల్ కూడా అందించారు. ఈ కారులో ప్రయాణం కూడా.. విమానంలో బిజినెస్ క్లాస్‌లో కూర్చున్న అనుభూతిని ఇస్తుంది.ఇదీ చదవండి: ఎన్విడియా సీఈఓ వివాదం.. వెలుగులోకి మరో సంచలన విషయం!వెనుక ప్రయాణికుల కోసం విలాసవంతమైన రిక్లైనర్ సీట్లు, 48 అంగుళాల టీవీ, 23 స్పీకర్ల ఆడియో సిస్టమ్, ఫోల్డింగ్ టేబుళ్లు, ఫ్రిజ్, వైర్‌లెస్ ఛార్జింగ్ వంటి సదుపాయాలు ఉన్నాయి. అంతేకాకుండా వేడిని అందించే ఆర్మ్‌రెస్టులు, డిజిటల్ రియర్ వ్యూ మిర్రర్, గొడుగు పెట్టుకునే ప్రత్యేక స్థలం వంటి చిన్న చిన్న సౌకర్యాలపైనా కంపెనీ దృష్టి పెట్టింది. ఏడీఏఎస్ భద్రతా ఫీచర్లు కూడా ఇందులో ఉన్నాయి. View this post on Instagram A post shared by @cj7repsol.thecarspotter
స్వల్పంగా పెరిగిన స్టాక్‌ మార్కెట్ సూచీలు
దేశీయ స్టాక్‌ మార్కెట్ సూచీలు గురువారం స్వల్ప లాభాల్లో కదలాడుతున్నాయి. ఈరోజు ఉదయం 09:22 సమయానికి నిఫ్టీ(Nifty) 39 పాయింట్లు పెరిగి 25,294 వద్దకు చేరింది. సెన్సెక్స్‌(Sensex) 142 పాయింట్లు పుంజుకొని 81,997 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 103బ్రెంట్‌ క్రూడ్‌ఆయిల్‌ బ్యారెల్‌ ధర 91.75 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.9 శాతానికి చేరాయి.గడిచిన సెషన్‌లో యూఎస్‌ ఎస్ అండ్ పీ 1.31 శాతం పెరిగింది.నాస్‌డాక్‌ 1.6 శాతం పుంజుకుంది.Today Nifty position 12-11-2026(time: 09:22 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)
ఎన్విడియా సీఈఓ వారసుల జీతం ఎంతంటే..
ప్రపంచ ఏఐ రంగంలో దూసుకుపోతున్న ‘ఎన్విడియా’ కంపెనీ చీఫ్ ఎగ్జిక్యూటివ్ ఆఫీసర్ (సీఈఓ) జెన్సన్ హువాంగ్ కుటుంబానికి సంబంధించి తాజాగా వెలువడిన అధికారిక నివేదికలు కార్పొరేట్ వర్గాల్లో చర్చనీయాంశంగా మారాయి. హువాంగ్ కుమారుడు స్పెన్సర్ హువాంగ్, కుమార్తె మాడిసన్ హువాంగ్ ఇద్దరూ వార్షిక వేతనాల రూపంలో ఒక్కొక్కరు మిలియన్ డాలర్లకు పైగా ఆర్జిస్తున్నట్లు కంపెనీ తాజాగా విడుదల చేసిన ప్రాక్సీ స్టేట్‌మెంట్‌లో వెల్లడించింది.కంపెనీ ఆర్థిక నివేదికల ప్రకారం.. జెన్సన్ హువాంగ్ కుమార్తె మాడిసన్ హువాంగ్ టోటల్ కాంపెన్సేషన్ కింద దాదాపు 1.23 మిలియన్ డాలర్లు(సుమారు రూ.10 కోట్లు) అందుకోగా, కుమారుడు స్పెన్సర్ హువాంగ్ దాదాపు 1.32 మిలియన్ డాలర్ల మొత్తాన్ని ఆర్జించారు. ఈ ప్యాకేజీల్లో కేవలం బేస్ జీతమే కాకుండా ఈక్విటీ అవార్డులు తదితర ప్రోత్సాహకాలు కూడా కలిసి ఉన్నాయని ఎన్విడియా స్పష్టం చేసింది. అయితే, ఈ నియామకాలు, వేతనాల నిర్ణయ ప్రక్రియలో జెన్సన్ ఎలాంటి జోక్యం చేసుకోలేదని, ఇతర ఉద్యోగులకు వర్తించే సాధారణ కంపెనీ విధానాల ప్రకారమే వీరికి బాధ్యతలు, వేతనాలు కేటాయించారని ఎన్విడియా స్పష్టం చేయడం గమనార్హం.టెక్ మార్గానికి భిన్నంగా..జెన్సన్ హువాంగ్ వారసులు అయినప్పటికీ మాడిసన్, స్పెన్సర్‌ల కెరీర్ ప్రారంభం సాంప్రదాయ టెక్ రంగం వైపు సాగలేదు. మాడిసన్ హువాంగ్ మొదటగా కలినరీ ఆర్ట్స్‌ వైపు ఆసక్తి చూపి, పారిస్‌లో శిక్షణ పొంది ప్రఖ్యాత లగ్జరీ బ్రాండ్ ఎల్‌వీఎంహెచ్ వంటి సంస్థల్లో పనిచేశారు. ఆ తర్వాత లండన్ బిజినెస్ స్కూల్ నుంచి ఎంబీఏ పూర్తి చేసి 2020లో ఎన్విడియాలో ఇంటర్న్‌గా చేరి క్రమంగా ఉన్నత స్థాయికి ఎదిగారు. ప్రస్తుతం ఆమె ఎన్విడియాలో ఫిజికల్ ఏఐ, ఓమ్నివర్స్ సిమ్యులేషన్ సాఫ్ట్‌వేర్ విభాగాలను పర్యవేక్షిస్తున్నారు.మరోవైపు కుమారుడు స్పెన్సర్ హువాంగ్ తైవాన్‌లోని తైపీలో కొన్నాళ్లపాటు ఒక కాక్‌టెయిల్ బార్‌కు సహ-స్థాపకుడిగా ఉన్నారు. ఆ తర్వాత న్యూయార్క్ విశ్వవిద్యాలయంలో ఎంబీఏ పూర్తి చేసి 2022లో ఎన్విడియాలో చేరారు. ప్రస్తుతం ఆయన కంపెనీ రోబోటిక్స్ అండ్ సిమ్యులేషన్ బిజినెస్ విభాగంలో ప్రొడక్ట్ మేనేజ్‌మెంట్‌ను లీడ్ చేస్తున్నారు. రోబోట్లు తమ చుట్టూ ఉన్న వాతావరణాన్ని అర్థం చేసుకునేలా వర్చువల్ సిమ్యులేషన్ల ద్వారా శిక్షణనిచ్చే సాంకేతికతల రూపకల్పనలో ఆయన కీలక పాత్ర పోషిస్తున్నారు.తండ్రి ఆ స్థానంలో ఉన్నా..కంపెనీలో అత్యున్నత స్థాయిలో జెన్సన్ హువాంగ్ సీఈఓగా ఉన్నప్పటికీ ఆయన పిల్లలు ఇద్దరూ ఎలాంటి ఎగ్జిక్యూటివ్ ఆఫీసర్ హోదాలో లేరని, పైగా నేరుగా తమ తండ్రికి రిపోర్ట్ చేసే విధంగా వారి విధులు లేవని ఎన్విడియా స్పష్టం చేసింది. టెక్ ప్రపంచంలో ఎన్విడియా సాధిస్తున్న అసాధారణ వృద్ధి నేపథ్యంలో భవిష్యత్ వ్యూహాత్మక రంగాలైన రోబోటిక్స్, ఫిజికల్ ఏఐ, ఓమ్నివర్స్ ప్లాట్‌ఫారమ్‌లలో వీరు ఇద్దరూ బాధ్యతలు నిర్వర్తించడం కార్పొరేట్ వర్గాల్లో ప్రాధాన్యం సంతరించుకుంది.ఇదీ చదవండి: పంచ్‌ ఫలక్‌నామాకే పంచ్‌! కార్పొరేట్ కఠిన నిజాలు
ఎన్విడియా సీఈఓ వివాదం.. వెలుగులోకి మరో సంచలన విషయం!
గ్లోబల్ టెక్ రంగంలో ప్రముఖ వ్యక్తిగా గుర్తింపు పొందిన ఎన్విడియా సీఈఓ జెన్సన్ హువాంగ్.. ఇప్పుడు తన వ్యక్తిగత జీవితానికి సంబంధించిన ఆరోపణలతో వార్తల్లో నిలిచారు. ఇప్పటికే.. అలిస్ హువాంగ్ అనే మహిళతో వివాహేతర సంబంధం ఉందంటూ వార్తలు వచ్చాయి. తాజాగా తన కంపెనీలోనే పనిచేస్తున్న మరో మహిళా ఉన్నతాధికారి 'కింబర్లీ పావెల్'తో కూడా ఆయనకు సంబంధం ఉన్నట్లు న్యూయార్క్ టైమ్స్ కథనం వెల్లడించింది.ఎవరీ కింబర్లీ పావెల్48 ఏళ్ల కింబర్లీ పావెల్ 2008లో ఎన్విడియాలో చేరారు. ప్రస్తుతం కంపెనీ హెల్త్‌కేర్ విభాగానికి వైస్ ప్రెసిడెంట్‌గా పనిచేస్తున్నారు. వైద్య రంగంలో ఆర్టిఫిషియల్ ఇంటెలిజెన్స్ (AI), మెడికల్ ఇమేజింగ్, ఔషధాల పరిశోధన వంటి విభాగాల్లో ఎన్విడియా సాంకేతికతను విస్తరించే బాధ్యతలు నిర్వహిస్తున్నారు. కంపెనీలో వివిధ హోదాల్లో పనిచేస్తూ 2017 చివరి నాటికి వైస్ ప్రెసిడెంట్ స్థాయికి ఎదిగారు. ఆమె నేరుగా జెన్సన్ హువాంగ్‌కు రిపోర్ట్ చేసే సుమారు 60 మంది ఉన్నతాధికారుల్లో ఒకరు కావడం గమనార్హం.ఈ ఏడాది మార్చిలో అమెరికాలోని శాన్‌జోస్‌లో జరిగిన ఎన్విడియా వార్షిక టెక్నాలజీ సమావేశం జీటీసీలో కింబర్లీ పావెల్ పాల్గొన్నారు. ఈ కార్యక్రమం సందర్భంగా సమీపంలోని ఒక హోటల్‌లో జెన్సన్ హువాంగ్, కింబర్లీ పావెల్ సన్నిహితంగా మెలిగినట్లు.. ఈ వ్యవహారాన్ని అక్కడున్న ఒక వ్యక్తి కెమెరాలో చిత్రీకరించగా, హువాంగ్ భద్రతా సిబ్బంది అతనితో రహస్య ఒప్పందం (NDA)పై సంతకం చేయించినట్లు న్యూయార్క్ టైమ్స్ కథనం పేర్కొంది.అలిస్ హువాంగ్‌తో సంబంధంకాగా.. సింగపూర్‌కు చెందిన మెగాస్పీడ్ డేటా సెంటర్ సంస్థలో పనిచేస్తున్న ఆలిస్ హువాంగ్‌తోనూ జెన్సన్‌కు సంబంధం ఉన్నట్లు.. 2024, 2025లో వీరిద్దరూ తైవాన్‌లో కలిసి కనిపించినట్లు వాల్ స్ట్రీట్ జర్నల్ కథనం ప్రచురించింది.అంతేకాకుండా.. అలిస్ హువాంగ్‌కు చైనా ప్రభుత్వ నిఘా సంస్థ మినిస్ట్రీ ఆఫ్ స్టేట్ సెక్యూరిటీతో సంబంధాలు ఉన్నాయంటూ అమెరికా నిఘా వర్గాలు అనుమానాలు వ్యక్తం చేశాయి. ఈ నేపథ్యంలో జెన్సన్ హువాంగ్ తన భార్యకు నమ్మకద్రోహం చేసినట్లు కంపెనీ ఉద్యోగులకు పంపిన సందేశంలో అంగీకరించారు.ఈ వరుస పరిణామాలతో ఎన్విడియాలో జెన్సన్ హువాంగ్ నాయకత్వంపై చర్చ మొదలైంది. ఆయన భవిష్యత్తుపై నిర్ణయం తీసుకునేందుకు కంపెనీ బోర్డు సమావేశం కావడానికి సిద్ధమవుతోందని తెలుస్తోంది. మరోవైపు, ఈ వ్యవహారానికి సంబంధించిన సమాచారాన్ని పెట్టుబడిదారులకు వెల్లడించలేదని ఆరోపిస్తూ హువాంగ్, ఎన్విడియా కంపెనీపై వాటాదారులు క్లాస్ యాక్షన్ దావా వేసినట్లు వార్తలు వచ్చాయి. అయితే.. ఆయనను పదవి నుంచి తొలగించాలని బోర్డు నిర్ణయించినట్లు అధికారిక ప్రకటన వెల్లడికాలేదు.ఇదీ చదవండి: బ్యాంకు ఖాతా లేకున్నా నగదు బదిలీ
బ్యాంకు ఖాతా లేకున్నా నగదు బదిలీ
ఒక బ్యాంక్ ఖాతా నుంచి మరొక ఖాతాకు, లేదా దేశంలోని ఏ వ్యక్తికైనా డబ్బు పంపే నిబంధనలను రిజర్వ్ బ్యాంక్ ఆఫ్ ఇండియా సరళీకరించింది. గుర్తింపు ధ్రువీకరణ, చిరునామా ధ్రువీకరణలాంటివి లేకపోవడం వల్ల బ్యాంకింగ్ మాధ్యమాన్ని ఉపయోగించుకోలేని వలస కార్మికుల్లాంటి వారు కూడా నగదును ట్రాన్స్‌ఫర్‌ చేసేందుకు వీలు కల్పిస్తూ మార్గదర్శకాలు జారీ చేసింది. 2026 నవంబర్ 11న విడుదల చేసిన ఈ నిబంధనలు తక్షణమే అమల్లోకి వచ్చాయి.రూ.50,000 వరకు బదిలీకొత్త నిబంధనల ప్రకారం.. మీకు ఏ బ్యాంకులోనూ ఖాతా లేకపోయినా, మీరు బ్రాంచ్‌కు వెళ్లి ఎన్‌ఈఎఫ్‌టీ ద్వారా ఎవరి ఖాతాకైనా ఒకేసారి రూ.50,000 వరకు బదిలీ చేసుకోవచ్చు. ఒకవేళా.. మీరు ఎవరికైనా నేరుగా నగదు రూపంలో డబ్బు పంపాలనుకుంటే, ఒకేసారి రూ. 10,000 వరకు పంపవచ్చు, కాగా ఒక వ్యక్తి నెలకు గరిష్టంగా రూ. 25 వేల నగదును పంపవచ్చు.ఆర్బీఐ కొత్త నిబంధనల ప్రకారం.. బ్యాంకు ఖాతాలు ఉన్నవారు సొంతంగా ఖాతా లేని వారికి నేరుగా డబ్బు పంపే సౌకర్యాన్ని బ్యాంకులు ఇకపై కల్పించనున్నాయి. స్వీకర్త ఏదైనా ఏటీఎం నుంచి నగదును తీసుకోవచ్చు లేదా బ్యాంకు ఏజెంట్ (బిజినెస్ కరస్పాండెంట్)ను సంప్రదించవచ్చు. సమీపంలో బ్యాంకు శాఖలు లేని గ్రామాలు, మారుమూల ప్రాంతాలలో నివసించే ప్రజలకు ఈ సేవ చాలా ఉపయోగకరంగా ఉంటుంది.ఒక్కో లావాదేవీకి రూ.5,000 మాత్రమేబ్యాంకింగ్ కరస్పాండెంట్లు, ఏటీఎంలు, ఇతర అనుమతించిన మార్గాల ద్వారా డబ్బులు పంపించాలంటే ఒక్కో లావాదేవీకి రూ.5,000 మాత్రమే అనుమతిస్తారు. ఈ విధానంలో ఒక వ్యక్తి నెలకు గరిష్ఠంగా రూ.25,000 వరకు మాత్రమే పంపించగలడు.ఈ సేవలను ఉపయోగించుకునే కస్టమర్ల వివరాలను బ్యాంకులు తప్పనిసరిగా నమోదు చేయాలి. రిజర్వ్ బ్యాంక్ రూపొందించిన కేవైసీ నిబంధనల ప్రకారం.. కస్టమర్ వివరాలను పరిశీలించాలి. అంతేకాకుండా ప్రతి లావాదేవీకి అదనపు భద్రతా ధృవీకరణ తప్పనిసరిగా ఉండాలి.ఇదీ చదవండి: 6.5 కేజీల బంగారం, వజ్రాలతో దీపావళి ముగ్గు!
ఈక్విటీ ఫండ్స్‌లోకి రూ. 33 వేల కోట్ల పెట్టుబడులు
న్యూఢిల్లీ: గత నెల (అక్టోబర్) ఈక్విటీ మ్యూచువల్ ఫండ్స్‌లోకి పెట్టుబడులు రూ. 32,994 కోట్లకు పరిమితమయ్యాయి. సెప్టెంబర్‌ నాటి రూ. 38,306 కోట్లతో పోలిస్తే 14 శాతం తగ్గాయి. అయితే, ఈక్విటీ కేటగిరీలోకి నికరంగా పెట్టుబడులు రావడమనేది ఇది వరుసగా 68వ నెల కావడం గమనార్హం. మ్యూచువల్ ఫండ్స్‌ సంస్థల సమాఖ్య యాంఫీ నివేదికలో ఈ విషయాలు వెల్లడయ్యాయి. మార్కెట్ హెచ్చుతగ్గులకు లోను కావడం వల్ల పెట్టుబడులు నెమ్మదించి ఉండొచ్చని, అయితే విదేశీ బ్రోకరేజీలు భారత ఈక్విటీలను రీ–రేటింగ్‌ చేయడం, ముడిచమురు ధరలు తగ్గడం తదితర అంశాలు సానుకూలంగా నిల్చాయని యాంఫీ సీఈవో వెంకట్‌ చలసాని తెలిపారు. అలాగే, కార్పొరేట్ ఆదాయాలు మెరుగుపడటం, బ్యాంకుల్లో రుణ వృద్ధి పెరగడంలాంటివి కూడా పెట్టుబడుల ప్రవాహం కొనసాగడానికి దోహదపడినట్లు వివరించారు. మార్కెట్లలో ఒడిదుడుకులు నెలకొన్నప్పటికీ సిప్‌ రూపంలో పెట్టుబడులు గతేడాది అక్టోబర్‌లో నమోదైన రూ. 29,000 కోట్లతో పోలిస్తే ఈ ఏడాది అక్టోబర్‌లో దాదాపు 10% పెరిగినట్లు చెప్పారు. గత నెలలో విదేశీ సంస్థాగత ఇన్వెస్టర్లు నికరంగా రూ. 34,843 కోట్ల మేర ఈక్విటీలను విక్రయించినట్లు ఆయన వివరించారు. అక్టోబర్‌లో మ్యుచువల్‌ ఫండ్‌ పరిశ్రమలోకి నికరంగా రూ. 1.74 లక్షల కోట్ల పెట్టుబడులు రావడంతో మొత్తం నిర్వహణలోని ఆస్తుల పరిమాణం నెలవారీగా 1% పెరిగి రూ. 83.39 లక్షల కోట్లకు చేరాయి. యాంఫీ రిపోర్టులోని మరిన్ని విశేషాలు.. → గోల్డ్, సిల్వర్‌ ఎక్సే్చంజ్‌ ట్రేడెడ్‌ ఫండ్స్‌లోకి రూ. 3,000 కోట్ల మేర పెట్టుబడులు వచ్చాయి. → అక్టోబర్‌లో 28 న్యూ ఫండ్‌ ఆఫర్స్ సుమారు రూ. 3,829 కోట్లు సమీకరించాయి. → ఈక్విటీ ఫండ్‌ ఏయూఎం సుమారు 6% పెరిగి రూ. 37.15 కోట్లకు చేరింది.
కార్పొరేట్
ఎన్విడియా సీఈఓ వారసుల జీతం ఎంతంటే..
ఎన్విడియా సీఈఓ వివాదం.. వెలుగులోకి మరో సంచలన విషయం!
బ్యాంకు ఖాతా లేకున్నా నగదు బదిలీ
ఈక్విటీ ఫండ్స్‌లోకి రూ. 33 వేల కోట్ల పెట్టుబడులు
ఒకేసారి 108 కొత్త బ్రాంచీలు ప్రారంభించిన యూనియన్ బ్యాంక్
పాల పాకెట్ల ధరలు పెంపు.. రేపటి నుంచే కొత్త రేట్లు!
పంచ్‌ ఫలక్‌నామాకే పంచ్‌! కార్పొరేట్ కఠిన నిజాలు
6 రోజుల్లో రూ.53,739 కోట్లు!
క్విక్‌–కామర్స్‌ కోసం ప్రత్యేక ఉత్పత్తులు
క్విక్‌ డాక్టర్‌!
బంగారం ధరల్లో మార్పు.. నేటి ధరలు ఇలా..
భారీగా పెరిగిన బంగారం ధరలకు ఒక్కసారిగా బ్రేక్ పడిం...
అందుకే.. బంగారం ధరలు పెరుగుతున్నాయ్!
అంతర్జాతీయ మార్కెట్లో బంగారం ధరలు మళ్లీ పెరిగాయి....
బ్యాంకులు, ఫైనాన్స్‌ షేర్లకు డిమాండ్!
ఆరంభ నష్టాలు భర్తీ చేసుకున్న స్టాక్‌ మార్కెట్ సోమ...
సీఈవో చిలిపి ప్రతాపం! రూ.25 లక్షల కోట్ల నష్టం!!
ప్రపంచ ప్రముఖ చిప్‌ తయారీ సంస్థ ఎన్విడియాను వివాదం...
సుంకాల పోరులో అమెరికాపై చైనా దయ
ప్రపంచ ఆర్థిక వ్యవస్థలను కుదిపేస్తున్న వాణిజ్య పోర...
మానవాభివృద్ధి లేని ఆర్థిక వృద్ధి!
ఒక దేశం లేదా ప్రాంతం ఆర్థికంగా ఎంత బలపడింది, జీడీప...
భారత్‌లో 1500 శాతం పెరిగిన గోల్డ్ స్మగ్లింగ్‌
ప్రపంచంలోనే రెండో అతిపెద్ద బంగారం వినియోగదారైన భార...
భారత ఆర్థిక వ్యవస్థకు కొత్త సవాళ్లు.. అనంత నాగేశ్వరన్‌ హెచ్చరిక!
బయట సమస్యలతో పాటు తయారీ, ఇంధనం, వ్యవసాయం, టెక్నాలజ...
ఆటోమొబైల్‌
మమ్ముట్టి, మోహన్‌లాల్ గ్యారేజీలోకి కొత్త కార్లు.. రెండూ ఒకటే బ్రాండ్!
అక్టోబర్‌లో ఈవీల అమ్మకాలు ఎంతంటే..
600 కిమీ ప్రయాణించే కారు.. లాంచ్ ఎప్పుడంటే?
మహిళల కోసం బెస్ట్ కార్లు.. తక్కువ ధరలో అదిరిపోయే మోడల్స్!
అందుకే.. టెస్లా సైబర్‌ట్రక్‌కు గుడ్‌బై!
పండుగ ఆఫర్స్.. కొత్త కార్ల కొనుగోలుపై అద్భుతమైన బెనిఫిట్స్!
పాత వాహనం కొన్నా.. అమ్మినా.. ఏపీనే టాప్!
అందుకే.. ఈ కారు వెబ్‌సైట్‌లో మాయమైందా?
ఒక్కరోజే లక్ష కార్లు.. రూ.12 వేల కోట్లు!
రేంజ్ రోవర్ మాస్టర్ ప్లాన్ ఇదే!
టెక్నాలజీ
కొత్త జాబ్స్‌ బూమ్‌: ఐటీ కంటే వేగంగా నియామకాలు
పెళ్లికానివాళ్లకు బంపరాఫర్‌! 3 ఏళ్లలో పెళ్లి గ్యారంటీ!!
వాట్సప్‌ చాట్‌లోనే బిల్లుల చెల్లింపు
క్వాల్‌కామ్‌లో లేఆఫ్స్ కలకలం.. లీగల్‌ క్లెయిమ్‌పై హెచ్చరిక
సేంద్రీయ వ్యర్థాలతో చేపల దాణా తయారీ
హైదరాబాద్‌లో మరో కొత్త కంపెనీ జీసీసీ ప్రారంభం
ఐఫోన్ 18 ప్రో యూజర్లకు ఆ ఖర్చు 3 రెట్లు!
ప్రముఖ టెక్నాలజీ సంస్థ యాపిల్ తన ఐఫోన్‌ల విక్రయాల్లో స్టోరేజ్ అప్‌గ్రేడ్‌లను లాభదాయక ఆదాయ వనరుగా మార్చుకుంటోంది. తాజా ఐఫోన్ 18 ప్రో మోడళ్లలో అదనపు స్టోరేజ్ కోసం వినియోగదారుల నుంచి భారీ మొత్తాలను వసూలు చేస్తున్నట్లు ‘ది వాల్ స్ట్రీట్ జర్నల్’ (WSJ) విశ్లేషణ వెల్లడించింది. ఫ్లాష్ మెమరీ భాగాల కోసం కంపెనీ పెట్టే ఖర్చుతో పోలిస్తే వినియోగదారుల నుంచి వసూలు చేసే అదనపు ధర గణనీయంగా ఎక్కువగా ఉంది.1TB అప్‌గ్రేడ్‌పై రూ.38 వేలకుపైగా మార్జిన్!వాల్ స్ట్రీట్ జర్నల్ విశ్లేషణ ప్రకారం.. ఐఫోన్ 18 ప్రోలో 256GB నుంచి 1TB స్టోరేజ్‌కు అప్‌గ్రేడ్ చేయడానికి యాపిల్‌కు సుమారు 192 డాలర్లు (దాదాపు రూ.18 వేలు) ఖర్చవుతోంది. అయితే, ఇదే అప్‌గ్రేడ్ కోసం వినియోగదారుల నుంచి అదనంగా 600 డాలర్లు (సుమారు రూ.56 వేలు) వసూలు చేస్తోంది. అంటే కాంపోనెంట్ ఖర్చును మినహాయిస్తే ఒక్కో ఫోన్‌పై సుమారు 408 డాలర్ల (రూ.38 వేలకుపైగా) స్థూల లాభం వస్తోంది.512GB స్టోరేజ్ విషయంలోనూ ఇదే పరిస్థితి కనిపిస్తోంది. అదనపు మెమరీ కోసం యాపిల్‌కు సుమారు 66 డాలర్లు ఖర్చవుతుండగా.. కస్టమర్ల నుంచి 200 డాలర్లు అదనంగా తీసుకుంటోంది. దీంతో ఈ అప్‌గ్రేడ్‌పై అంచనా స్థూల లాభం 134 డాలర్లుగా ఉంది.2TB వేరియంట్‌పై రూ.70 వేలకుపైగా!2TB స్టోరేజ్ మోడల్ యాపిల్‌కు మరింత లాభదాయకంగా కనిపిస్తోంది. 1TB వేరియంట్‌తో పోలిస్తే 2TB మోడల్‌కు వినియోగదారులు అదనంగా 1,200 డాలర్లు చెల్లించాలి. అయితే, అదనపు స్టోరేజ్ కోసం కంపెనీకి అయ్యే అంచనా ఖర్చు 450 డాలర్లు మాత్రమే. ఈ లెక్కన ఒక్కో ఫోన్‌పై సుమారు 750 డాలర్ల (రూ.70 వేలకుపైగా) స్థూల లాభం వస్తోంది.భారత్‌లో స్టోరేజ్ ధరల పెరుగుదల ఇలా..భారత్‌లో ఐఫోన్ 18 ప్రో 256GB వేరియంట్ ధర రూ.1,64,900గా ఉంది. 512GB మోడల్‌కు రూ.1,89,900, 1TB మోడల్‌కు రూ.2,39,900, 2TB వేరియంట్‌కు రూ.3,14,900 చెల్లించాలి. అంటే ప్రతి స్టోరేజ్ స్థాయికి అప్‌గ్రేడ్ కావడానికి అదనంగా రూ.25 వేల నుంచి రూ.75 వేల వరకు ఖర్చు చేయాల్సి వస్తోంది.మెమరీ ధరల పెరుగుదల ప్రభావంమరోవైపు, ఆర్టిఫిషియల్ ఇంటెలిజెన్స్ (ఏఐ) డేటా సెంటర్ల విస్తరణతో ప్రపంచవ్యాప్తంగా మెమరీ చిప్‌లకు డిమాండ్ పెరుగుతోంది. దీంతో ఫ్లాష్ మెమరీ ధరలు కూడా పెరిగి యాపిల్ వంటి సంస్థలపై వ్యయ భారం పడుతోంది. ఐఫోన్ 17 ప్రోలో 1TB అప్‌గ్రేడ్ కోసం యాపిల్‌కు గతంలో 42 డాలర్లు మాత్రమే ఖర్చయ్యేది. ఐఫోన్ 18 ప్రోలో అది 192 డాలర్లకు చేరింది. అయినప్పటికీ అప్‌గ్రేడ్ ధరను పెంచడం ద్వారా కంపెనీ తన స్థూల లాభాన్ని మరింత పెంచుకోగలిగింది.ఇదీ చదవండి: ఒకేసారి 3 ఏళ్ల రీచార్జ్‌ ప్లాన్.. జియో సెన్సేషన్‌!
భారత ఐటీ కంపెనీలకు శాపమే వరంగా మారుతుందా?
అమెరికాలో విదేశీ ఉద్యోగులకు సంబంధించి మారుతున్న వలస విధానాలు, వీసా నిబంధనల కఠినతరం భారతీయ ఐటీ రంగాన్ని పునరాలోచనలో పడేశాయి. ఇటీవల అమెరికా కార్మిక శాఖ కొన్ని ప్రముఖ టెక్నాలజీ కంపెనీలకు సంబంధించి శాశ్వత కార్మిక ధ్రువీకరణ (పీఈఆర్‌ఎం) కార్యక్రమం కింద కొత్త, పెండింగ్‌లో ఉన్న దరఖాస్తులను నిలిపివేయడం టెక్ పరిశ్రమలో కలకలం రేపింది. ఈ పరిణామాల నేపథ్యంలో భారతీయ ఐటీ దిగ్గజాలు అమెరికా స్థానిక మార్కెట్‌పైనే పూర్తిగా ఆధారపడకుండా భారతదేశంలోనే ఉద్యోగులను నియమించుకోవడం (ఆఫ్షోర్ హైరింగ్), ప్రాజెక్ట్‌లను ఇక్కడి నుంచే నిర్వహించడంపై దృష్టి సారించే అవకాశాలు స్పష్టంగా కనిపిస్తున్నాయి.అమెరికా వీసా అడ్డంకుల అసలు రూపంగత అక్టోబర్ 8న అమెరికా కార్మిక శాఖ తీసుకున్న ఈ నిర్ణయం నేరుగా హెచ్-1బీ వీసాలపై పనిచేస్తున్న ఉద్యోగుల గ్రీన్ కార్డ్ ప్రక్రియను ప్రభావితం చేసింది. ఇప్పటికే అమల్లో ఉన్న హెచ్-1బీ వీసాలపై లేదా ప్రస్తుత ఉద్యోగాలపై దీని తక్షణ ప్రభావం లేనప్పటికీ అమెరికాలో శాశ్వతంగా స్థిరపడాలనుకునే నిపుణులకు ఇది నిరుత్సాహాన్ని కలిగిస్తోంది. నిపుణుల అభిప్రాయం ప్రకారం, అమెరికా దేశీయ రాజకీయ సమీకరణాలు, గృహోపకరణాల ఒత్తిళ్ల కారణంగా ఈ కఠిన నిబంధనలు తెరపైకి వచ్చాయి.ఐటీ కంపెనీల వ్యూహాత్మక మార్పుఅమెరికాలో పెరుగుతున్న వీసా ఆంక్షలు, స్థానికంగా నిపుణుల కొరత కారణంగా భారతీయ ఐటీ కంపెనీలు తమ వ్యాపార నమూనాను మార్చుకోవాల్సిన అవసరం ఏర్పడింది. అమెరికాలోనే స్థానిక ఉద్యోగులను విపరీతమైన వేతనాలతో హైర్ చేసుకోవడం లేదా భారతీయులను అక్కడికి పంపడం కంటే పూర్తి స్థాయి ప్రాజెక్ట్ డెలివరీని ఆఫ్షోర్ కేంద్రాలకు తరలించడమే మేలైన వ్యూహంగా మారుతోంది.దీనివల్ల బెంగళూరు, హైదరాబాద్, చెన్నై, పుణె వంటి ప్రముఖ భారతీయ టెక్నాలజీ హబ్‌ల్లో హైరింగ్ కార్యకలాపాలు వేగవంతం కానున్నాయి. కేవలం అమెరికాలో ఉన్న ఉద్యోగుల స్థానంలో ఇక్కడ కొత్తవారిని భర్తీ చేయడమే కాకుండా పెద్ద ఎత్తున ప్రాజెక్ట్ కార్యకలాపాలను పూర్తిగా ఇక్కడి బృందాలకే అప్పగించే దిశగా ఐటీ దిగ్గజాలు అడుగులు వేస్తున్నాయి.ఉద్యోగులపై ప్రభావంఈ వీసా నిబంధనల తాత్కాలిక నిలిపివేత వల్ల ఉద్యోగుల్లో అనిశ్చితి నెలకొన్నప్పటికీ ఇప్పటికే ఐ-140 (ఫామ్‌ ఐ-140 అనేది అమెరికాలో శాశ్వత నివాస హోదా-గ్రీన్ కార్డ్ పొందడం కోసం విదేశీ ఉద్యోగుల తరఫున అమెరికా కంపెనీలు దాఖలు చేసే ఒక అధికారిక పిటిషన్ దీన్ని అధికారికంగా Immigrant Petition for Alien Workers అని పిలుస్తారు) ఆమోదం పొందిన వారు మెరుగైన స్థితిలో ఉన్నారు. మరోవైపు, ఈ ఆంక్షల పరిధిలో లేని ఇతర కంపెనీలకు మారడం లేదా కెనడా వంటి దేశాల వైపు దృష్టి సారించడం వంటి ప్రత్యామ్నాయాలను కొందరు నిపుణులు పరిశీలిస్తున్నారు. అయితే, వలస విధానాల పరంగా వస్తున్న ఈ సవాళ్లు భారత్‌కు ఒక రకంగా శాపమే వరంగా మారే అవకాశం ఉందని ఆర్థిక విశ్లేషకులు భావిస్తున్నారు.ఇదీ చదవండి: మాదేశం వచ్చినవారికి గుడ్‌న్యూస్‌!
‘జెమిని నోట్‌బుక్’లో ఉచితంగా వందలాది పుస్తకాలు!
టెక్నాలజీ రంగంలో దూసుకుపోతున్న ఏఐ విద్యార్థుల అభ్యాసన పద్ధతులను పూర్తిగా మార్చేస్తోంది. డిజిటల్ బోధనా రంగంలో మరో మైలురాయిగా నిలుస్తూ ప్రముఖ టెక్ దిగ్గజం గూగుల్ సరికొత్త సంచలనానికి తెరతీసింది. విద్యార్థులు ఎలాంటి రుసుము చెల్లించకుండా ఎంతో సులభంగా పరీక్షలకు సన్నద్ధమయ్యేలా తన ‘జెమిని నోట్‌బుక్’ (గతంలో నోట్‌బుక్‌ఎల్‌ఎం) ప్లాట్‌ఫారమ్‌లో వందలాది ఉచిత పాఠ్యపుస్తకాలను అందుబాటులోకి తెచ్చింది.‘ఎక్స్‌పర్ట్ ఇంటెలిజెన్స్’లో భాగంగా అప్‌డేట్గూగుల్ ప్రతిష్టాత్మకంగా చేపట్టిన ‘ఎక్స్‌పర్ట్ ఇంటెలిజెన్స్’ ఇనిషియేటివ్‌లో భాగంగా ఈ అప్‌డేట్‌ను తీసుకొచ్చారు. భారత్, అమెరికా దేశాల విద్యార్థులను దృష్టిలో ఉంచుకుని దీన్ని రూపొందించినట్లు అధికారులు చెప్పారు. కేవలం ఇంటర్నెట్‌లో దొరికే సాధారణ సమాచారమే కాకుండా, విద్యార్థులు ప్రామాణికమైన పుస్తకాలను ఏఐ సాయంతో మరింత లోతుగా అధ్యయనం చేసేందుకు ఇది వీలు కల్పిస్తుంది. గతంలో గూగుల్ ప్లే బుక్స్ ద్వారా కొనుగోలు చేసిన ఈ-బుక్స్‌ను మాత్రమే జెమిని నోట్‌బుక్‌లో జోడించడానికి అనుమతి ఉండేది. కానీ తాజా అప్‌డేట్‌తో ఈ పరిమితి తొలగిపోయింది.ప్రముఖ విద్యా ప్రచురణకర్తలైన ‘ఓపెన్‌స్టాక్స్’, ‘ఓపెన్ టెక్స్ట్ బుక్ లైబ్రరీ’తో పాటు భారత్‌కు చెందిన ప్రముఖ పబ్లిషర్ ‘ఎస్ చంద్ పబ్లిషింగ్’ వంటి సంస్థలకు చెందిన వందలాది పుస్తకాలను నేరుగా ఈ ప్లాట్‌ఫారమ్‌లో ఉచితంగా పొందుపరిచారు.విద్యార్థులకు లభించే ప్రయోజనాలుసాధారణంగా విద్యార్థులు పరీక్షల సమయంలో రివిజన్ నోట్స్ తయారు చేసుకోవడానికి, ముఖ్యమైన అంశాలను వెతకడానికి గంటల తరబడి సమయం వెచ్చిస్తుంటారు. అయితే గూగుల్ జెమిని నోట్‌బుక్ ఈ కష్టాన్ని తగ్గిస్తుంది. విద్యార్థులు విడివిడిగా పుస్తకాలను పీడీఎఫ్‌ రూపంలో అప్‌లోడ్ చేయాల్సిన అవసరం లేకుండానే నేరుగా ఈ డిజిటల్ లైబ్రరీ నుంచి పుస్తకాలను ఎంచుకోవచ్చు. దీని ద్వారా కింది ప్రయోజనాలుంటాయి.విద్యార్థులు తమ సిలబస్‌కు తగినట్లుగా కీలక అంశాలను క్రోడీకరించి వ్యక్తిగత స్టడీ గైడ్లను క్షణాల్లో తయారు చేసుకోవచ్చు.వివిధ చాప్టర్లు, సబ్జెక్టులపై తమకున్న అవగాహనను పరీక్షించుకోవడానికి ఏఐ సాయంతో ఆటోమేటిక్‌గా ప్రాక్టీస్ క్విజ్‌లను సృష్టించుకోవచ్చు.ముఖ్యమైన నిర్వచనాలు, శాస్త్రీయ వాస్తవాలు, ప్రాథమిక భావనలను త్వరగా గుర్తుంచుకోవడానికి క్వశ్చన్ అండ్ ఆన్సర్ ఫ్లాష్‌కార్డ్స్ ఉపయోగపడతాయి.విద్యార్థులు అడిగే ప్రశ్నలకు జెమిని కేవలం ఏఐ జనరేటెడ్ సమాధానాలనే కాకుండా అసలు పాఠ్యపుస్తకంలో ఆ సమాచారం ఎక్కడ ఉందో సూచించే ఒరిజినల్ లింకులు, సైటేషన్లను కూడా అందిస్తుంది. దీనివల్ల సమాచార ప్రామాణికతను సరిచూసుకునే అవకాశం ఉంటుంది.జెమిని నోట్‌బుక్‌ను ఎలా ఉపయోగించుకోవాలి?మొదటగా (https://notebook.google/) వెబ్‌సైట్‌ను సందర్శించి మీ గూగుల్ ఖాతాతో సైన్-ఇన్ కావాలి.ఒక కొత్త నోట్‌బుక్‌ను సృష్టించాలి లేదా ఇప్పటికే ఉన్న దాన్ని ఓపెన్ చేయాలి.ఆపై ‘Add sources’ ఆప్షన్‌ను ఎంచుకోవాలి.అందుబాటులో ఉన్న కేటగిరీల నుంచి ‘Textbooks’ ఆప్షన్‌ను క్లిక్ చేసి మీకు కావలసిన పాఠ్యపుస్తకాన్ని ఎంపిక చేసుకోవాలి.ఆ పుస్తకాన్ని మీ నోట్‌బుక్‌కు జోడించిన తర్వాత దానికి సంబంధించిన చాప్టర్లపై ప్రశ్నలు అడుగుతూ లెర్నింగ్ ప్రాసెస్ ప్రారంభించవచ్చు.నిపుణుల హెచ్చరికఈ టెక్నాలజీ విద్యార్థులకు మేలు చేస్తున్నప్పటికీ ఇది ఎట్టి పరిస్థితుల్లోనూ స్వయంగా పుస్తకాలు చదవడం లేదా తరగతి గదిలో నేర్చుకునే పద్ధతులకు ప్రత్యామ్నాయం కాదని నిపుణులు స్పష్టం చేస్తున్నారు. ఏఐ అందించే సమాధానాల్లో కొన్నిసార్లు పొరపాట్లు ఉండే అవకాశం ఉన్నందున విద్యార్థులు ఎల్లప్పుడూ ఒరిజినల్ టెక్స్ట్ బుక్స్‌తో సరిపోల్చుకోవడం ఉత్తమం.ఇదీ చదవండి: మాదేశం వచ్చినవారికి గుడ్‌న్యూస్‌!
ఒకేసారి 3 ఏళ్ల రీచార్జ్‌ ప్లాన్.. జియో సెన్సేషన్‌!
దేశంలో అతిపెద్ద టెలికాం ఆపరేటర్‌ రిలయన్స్‌ జియో తమ వినియోగదారుల కోసం సరికొత్త ప్రీపెయిడ్‌ ప్లాన్‌ను ప్రకటించింది. ఏకంగా మూడేళ్ల వ్యాలిడిటీతో అందుబాటులోకి తెచ్చిన ఈ ప్లాన్ ధరను రూ.10,000గా నిర్ణయించింది. సాధారణంగా నెలవారీ లేదా మూడు నెలలకోసారి రీఛార్జ్‌ చేసుకునే వినియోగదారులకు భిన్నంగా, దీర్ఘకాలం పాటు రీఛార్జ్‌ అవసరం లేకుండా ఉండాలనుకునే వారిని లక్ష్యంగా చేసుకుని జియో ఈ ప్లాన్‌ను రూపొందించింది. దేశంలోని మరేతర టెలికాం ఆపరేటర్లు ప్రస్తుతం ఇలాంటి ధరతో మూడేళ్ల వ్యాలిడిటీ కలిగిన ప్లాన్‌ను అందించడం లేదు.జియో రూ.10,000 ప్లాన్ బెనిఫిట్స్ ఇవేజియో తీసుకొచ్చిన ఈ దీర్ఘకాలిక ప్రీపెయిడ్‌ ప్లాన్‌లో మొత్తం 36 నెలల సర్వీస్‌ వ్యాలిడిటీ లభిస్తుంది. ఇందులో వినియోగదారులు అపరిమిత వాయిస్‌ కాల్స్‌ చేసుకోవచ్చు. అలాగే రోజుకు 100 ఎస్‌ఎంఎస్‌లు, 2.5 జీబీ హైస్పీడ్‌ డేటా అందుబాటులో ఉంటాయి. వీటితో పాటు అపరిమిత 5జీ డేటా ప్రయోజనాన్ని కూడా జియో అందిస్తోంది. అదనంగా జియో హాట్‌స్టార్‌ మొబైల్‌ ప్లస్‌ హాలీవుడ్‌ సబ్‌స్క్రిప్షన్‌, 12 నెలల పాటు కాన్వా ప్రో లైట్‌ యాక్సెస్‌, 50 జీబీ ఉచిత క్లౌడ్‌ స్టోరేజ్‌తో కూడిన జియో ఏఐ క్లౌడ్‌ ప్రయోజనాలు లభిస్తాయి.టారిఫ్‌లు పెరిగినా నో టెన్షన్‌!ఈ ప్లాన్‌లో ప్రధాన ఆకర్షణ మూడేళ్ల వ్యాలిడిటీ. సాధారణంగా వినియోగదారులు తమ ప్లాన్ గడువు ముగిసిన ప్రతిసారీ రీఛార్జ్‌ చేసుకోవాల్సి ఉంటుంది. అయితే ఈ ప్లాన్ తీసుకుంటే ఏకంగా 36 నెలల పాటు ఆ ఇబ్బంది ఉండదు. అంతేకాకుండా టెలికాం టారిఫ్‌లు భవిష్యత్తులో పెరిగినా, ఇప్పటికే రీఛార్జ్‌ చేసుకున్న వినియోగదారులకు ప్రస్తుత ప్లాన్ ప్రయోజనాలు కొనసాగుతాయి.నవంబర్ 7 నుంచి అందుబాటులోకి..ఈ రూ.10,000 ప్లాన్ నవంబర్ 7 నుంచి అందుబాటులోకి రానుంది. మైజియో యాప్‌, జియో అధికారిక వెబ్‌సైట్‌, జియో స్టోర్లు, రిటైల్‌ అవుట్‌లెట్లు, ఇతర రీఛార్జ్‌ కేంద్రాల ద్వారా వినియోగదారులు ఈ ప్లాన్‌ను పొందవచ్చు. అయితే ఈ ప్లాన్‌లో జియో అదనపు ఓటీటీ సబ్‌స్క్రిప్షన్లను పెద్దగా చేర్చలేదు. దీర్ఘకాలిక వ్యాలిడిటీ, డేటా, కాలింగ్‌ ప్రయోజనాలే ప్రధాన ఆకర్షణగా నిలవనున్నాయి.ఇదీ చదవండి: జియో కొత్త చౌక రీచార్జ్‌ ప్లాన్లు వచ్చేశాయ్‌..
పర్సనల్‌ ఫైనాన్స్‌
HDFC బ్యాంక్ గుడ్‌న్యూస్‌.. ఎఫ్‌డీ వడ్డీ రేట్లు పెంపు!
బ్యాంకుల్లో ఫిక్స్‌డ్‌ డిపాజిట్లు (ఎఫ్‌డీ) చేసేవారికి హెచ్‌డీఎఫ్‌సీ బ్యాంక్ తీపి కబురు అందించింది. ఎంపిక చేసిన కాలపరిమితుల డిపాజిట్లపై వడ్డీ రేట్లను పెంచింది. రూ.3 కోట్లలోపు చేసే ఎఫ్‌డీలకు సంబంధించి సవరించిన రేట్లు నవంబర్ 4, 2026 నుంచి అమల్లోకి వచ్చాయి. కొన్ని కాలపరిమితులపై గరిష్ఠంగా 0.50 శాతం (50 బేసిస్ పాయింట్లు) మేర వడ్డీ పెరిగింది. తాజా మార్పులతో సాధారణ ఖాతాదారులు గరిష్ఠంగా 6.60 శాతం, సీనియర్ సిటిజన్లు 7.20 శాతం వడ్డీ పొందవచ్చు.సాధారణ ఖాతాదారులకు ఎంత వడ్డీ?61 రోజుల నుంచి ఆరు నెలల లోపు కాలపరిమితి కలిగిన డిపాజిట్లపై వడ్డీని 4.25 శాతం నుంచి 4.75 శాతానికి పెంచింది. మూడేళ్లకు పైబడి పదేళ్ల వరకు చేసే డిపాజిట్లపై గరిష్ఠంగా 6.60 శాతం వడ్డీ లభిస్తుంది. గతంలో ఈ దీర్ఘకాలిక డిపాజిట్లపై గరిష్ఠ రేటు 6.15 శాతంగా ఉండేది. అయితే 60 రోజుల వరకు ఉండే డిపాజిట్లపై వడ్డీ రేట్లలో ఎలాంటి మార్పు చేయలేదు.సీనియర్ సిటిజన్లకు మరింత ప్రయోజనంవృద్ధులకు కూడా బ్యాంకు వడ్డీ రేట్లను పెంచింది. 61 రోజుల నుంచి ఆరు నెలల లోపు డిపాజిట్లపై 4.75 శాతంగా ఉన్న వడ్డీని 5.25 శాతానికి చేర్చింది. మూడేళ్ల ఒక రోజు నుంచి ఐదేళ్ల వరకు చేసే ఎఫ్‌డీలపై అత్యధికంగా 7.20 శాతం వడ్డీ అందిస్తోంది. ఐదేళ్ల ఒక రోజు నుంచి పదేళ్ల కాలపరిమితి డిపాజిట్లపై 7.10 శాతం వడ్డీ లభిస్తుంది.ఇతర బ్యాంకుల్లోనూ వడ్డీ రేట్ల సవరణహెచ్‌డీఎఫ్‌సీ బ్యాంకుతో పాటు ఐసీఐసీఐ బ్యాంక్, పంజాబ్ నేషనల్ బ్యాంక్, కోటక్ మహీంద్రా బ్యాంక్, యాక్సిస్ బ్యాంక్ వంటి సంస్థలు కూడా ఇటీవల ఎంపిక చేసిన కాలపరిమితుల డిపాజిట్లపై వడ్డీ రేట్లను సవరించాయి. ఎఫ్‌డీలో పెట్టుబడి పెట్టాలనుకునేవారు డిపాజిట్ కాలపరిమితి, ముందస్తు ఉపసంహరణ నిబంధనలు, పన్నుల అంశాలను పరిశీలించి నిర్ణయం తీసుకోవడం మంచిది.ఇదీ చదవండి: దీపావళి బోనస్ వచ్చిందా? ఇలా చేస్తే బెస్ట్!
దీపావళి బోనస్ వచ్చిందా? ఇలా చేస్తే బెస్ట్!
దీపావళి వస్తుందంటే ఉద్యోగుల్లో ఎక్కడ చూసినా బోనస్‌ల సందడి ఉంటుంది. పండుగ వేళ ఉద్యోగులకు వచ్చే బోనస్ అదనపు ఆనందాన్ని ఇస్తుంది. అయితే చేతికి అందిన ఆ మొత్తాన్ని ఎలా ఉపయోగించుకోవాలన్నది చాలామందికి ఎదురయ్యే ప్రశ్న. పండుగ షాపింగ్ కోసం ఖర్చు చేయాలా? అప్పులు తీర్చాలా? అత్యవసర అవసరాల కోసం పొదుపు చేయాలా? లేక పెట్టుబడులు పెట్టాలా? ఆర్థిక నిపుణుల సూచనల ప్రకారం.. బోనస్‌ను ఒకేసారి ఖర్చు చేయకుండా, ప్రస్తుత ఆర్థిక పరిస్థితి, అప్పులు, భవిష్యత్తు అవసరాలను బట్టి విభజించుకోవడం మంచిది.బోనస్‌ను ఇలా విభజించుకోవచ్చు..ఎయిర్‌పే మనీ సీఈఓ కుమార్ బినిత్ సూచించిన 20:30:30:20 విధానం ఒక ప్రాథమిక మార్గదర్శకంగా ఉపయోగపడుతుంది. దీని ప్రకారం బోనస్‌లో 20 శాతం పండుగ ఖర్చులకు, 30 శాతం అత్యవసర పొదుపులకు, మరో 30 శాతం అప్పుల చెల్లింపునకు, మిగిలిన 20 శాతం పెట్టుబడులకు కేటాయించవచ్చు. ఉదాహరణకు రూ.50,000 బోనస్ వస్తే.. రూ.10,000 పండుగ ఖర్చులకు, రూ.15,000 అత్యవసర నిధికి, రూ.15,000 అప్పుల చెల్లింపునకు, మరో రూ.10,000 పెట్టుబడులకు వినియోగించవచ్చు.క్రెడిట్‌ కార్డు అప్పులుంటే తీర్చేయండి..బోనస్‌తో పెట్టుబడులు పెట్టే ముందు క్రెడిట్‌ కార్డు బకాయిలు, అధిక వడ్డీ వ్యక్తిగత రుణాలు ఉంటే వాటిని తగ్గించుకోవడంపై దృష్టి పెట్టాలి. ఎందుకంటే ఈ రుణాలపై చెల్లించే వడ్డీ భారం ఎక్కువగా ఉంటుంది. మరోవైపు మ్యూచువల్ ఫండ్లు, షేర్లలో వచ్చే రాబడికి ఎలాంటి హామీ ఉండదు. కాబట్టి అధిక వడ్డీ అప్పులను కొనసాగిస్తూ పెట్టుబడులు పెట్టడం కంటే వాటిని ముందుగా క్లియర్ చేయడం ప్రయోజనకరం.అత్యవసర నిధి తప్పనిసరిఅప్పులు తీర్చడంతోపాటు కనీసం మూడు నుంచి ఆరు నెలల కుటుంబ ఖర్చులకు సరిపడా అత్యవసర నిధిని ఏర్పాటు చేసుకోవాలి. ఉదాహరణకు నెలకు రూ.40,000 ఖర్చు చేసే వ్యక్తి రూ.1.2 లక్షల నుంచి రూ.2.4 లక్షల వరకు అత్యవసర నిధిగా సమకూర్చుకోవాలి. ఉద్యోగ భద్రత తక్కువగా ఉన్నవారు, కుటుంబ బాధ్యతలు ఎక్కువగా ఉన్నవారు మరింత మొత్తాన్ని కేటాయించుకోవచ్చు. ఈ డబ్బును సులభంగా ఉపసంహరించుకునే పొదుపు ఖాతా లేదా తగిన ఇతర సురక్షిత మార్గాల్లో ఉంచాలి.పెట్టుబడులు పెట్టేటప్పుడు జాగ్రత్తఅత్యవసర అవసరాలకు సరిపడా డబ్బు పక్కన పెట్టిన తర్వాతే మిగిలిన మొత్తాన్ని పెట్టుబడులకు మళ్లించాలి. స్వల్పకాలిక అవసరాలున్నవారు తక్కువ వ్యవధి డెట్‌ ఫండ్లను పరిశీలించవచ్చు. దీర్ఘకాలిక లక్ష్యాలున్నవారు తమ రిస్క్‌ సామర్థ్యం, పెట్టుబడి వ్యవధిని బట్టి ఇతర పథకాలను ఎంచుకోవచ్చు. అయితే డెట్‌ మ్యూచువల్ ఫండ్లు కూడా ఫిక్స్‌డ్‌ డిపాజిట్లు కావు. వాటి రాబడికి హామీ ఉండదు. వడ్డీ రేట్లు, క్రెడిట్‌ రిస్క్‌ కారణంగా పెట్టుబడి విలువలో మార్పులు రావచ్చు.రుణాలు లేనివారికి మరింత వెసులుబాటుఇప్పటికే అప్పులు తీర్చేసి, తగినంత అత్యవసర నిధిని ఏర్పాటు చేసుకున్నవారు తమ బోనస్‌లో ఎక్కువ మొత్తాన్ని దీర్ఘకాలిక పెట్టుబడులకు లేదా భవిష్యత్తు లక్ష్యాలకు కేటాయించవచ్చు. అవసరమైతే పండుగ వేడుకలు, షాపింగ్ కోసం కొంత ఎక్కువ ఖర్చు చేయవచ్చు.మొత్తంగా చెప్పాలంటే.. దీపావళి బోనస్‌ను పూర్తిగా ఖర్చు చేయడం లేదా మొత్తం పెట్టుబడి పెట్టడం రెండూ సరైన నిర్ణయాలు కాకపోవచ్చు. అప్పుల భారం, పొదుపులు, కుటుంబ అవసరాలను బట్టి ప్రణాళిక రూపొందించుకోవాలి. పండుగ ఆనందాన్ని ఆస్వాదిస్తూనే భవిష్యత్తు ఆర్థిక భద్రతకు ప్రాధాన్యత ఇవ్వడం ముఖ్యం.ఇదీ చదవండి: ఎగబడిన పసిడి ప్రియులు.. ఎలక్ట్రానిక్‌ బంగారానికి భారీ డిమాండ్!
ఇవి కొంటే మీ బ్యాడ్‌లక్‌!
భారతీయ సంస్కృతిలో దీపావళి వేడుకల్లో భాగంగా జరుపుకునే ధంతేరాస్ (ధనత్రయోదశి) ప్రత్యేకంగా నిలుస్తుంది. దీపావళి సంబరాల్లో భాగంగా భక్తులు ధన్వంతరితో పాటు లక్ష్మీదేవిని, కుబేరుడిని భక్తిశ్రద్ధలతో పూజిస్తారు. ధనత్రయోదశి రోజున బంగారం, వెండి, ఇత్తడి పాత్రలు లేదా ఆభరణాలు కొనుగోలు చేయడం సాంప్రదాయంగా వస్తోంది. అయితే, ఈ శుభదినాన కొన్ని ప్రత్యేక వస్తువులను కొనుగోలు చేయడం అశుభమని, అవి ప్రతికూల శక్తిని ఆహ్వానిస్తాయని సంప్రదాయ పండితులు, వాస్తు నిపుణులు హెచ్చరిస్తున్నారు. ధంతేరాస్ పర్వదినాన ఇంటికి తీసుకురాకూడని, లేదా కొనుగోలు చేయకూడని వస్తువుల వివరాలు చూద్దాం.(ఇది పండితులు, వాస్తు నిపుణులు వ్యక్తిగత అభిప్రాయం మాత్రమేనని గమనించాలి)పదునైన వస్తువులుధంతేరాస్ రోజున కత్తులు, కత్తెరలు, బ్లేడ్లు లేదా ఇతర కట్టింగ్ టూల్స్ వంటి పదునైన వస్తువులను అసలు కొనకూడదు. హిందూ విశ్వాసాల ప్రకారం, ఇటువంటి పదునైన వస్తువులు కుటుంబంలో విభేదాలకు, బంధాలు తెగిపోవడానికి లేదా మనస్పర్థలకు ప్రతీకగా భావిస్తారు. కాబట్టి ఇటువంటి వస్తువుల కొనుగోళ్లను పండగ ముగిసే వరకు వాయిదా వేయడం మంచిది.ఇనుప వస్తువులుసాంప్రదాయ నమ్మకాల ప్రకారం ఇనుముతో చేసిన వస్తువులను ధనత్రయోదశి నాడు కొనుగోలు చేయడం అశుభమని చాలామంది భావిస్తారు. హిందూ సంప్రదాయంలో ఇనుమును శనీశ్వరుడికి ప్రతీకగా చూస్తారు. అందువల్ల ఈ పవిత్ర రోజున ఇనుప సామాగ్రికి బదులుగా బంగారం, వెండి, రాగి లేదా కంచు వంటి పవిత్ర లోహాలను కొనుగోలు చేయడానికి ప్రాధాన్యత ఇస్తారు.నలుపు రంగు వస్తువులుధంతేరాస్ పండుగ అనేది ఆనందానికి, సానుకూలతకు, సంపదకు ప్రతీక. నలుపు రంగును సాధారణంగా ప్రతికూల శక్తికి, అశుభాలకు సంకేతంగా పరిగణిస్తారు. అందువల్ల ఈ పర్వదినాన నలుపు రంగు దుస్తులు, పాదరక్షలు లేదా నూతన గృహోపకరణాలను కొనుగోలు చేయకుండా ఉండటం శ్రేయస్కరం. దీనికి బదులుగా ఎరుపు, పసుపు, లేదా పచ్చటి ప్రకాశవంతమైన రంగులను ఎంచుకోవడం ఆనవాయితీ.గాజు వస్తువులు, పెళుసైన సామాగ్రిగాజుతో చేసిన వస్తువులు అత్యంత పెళుసుగా ఉండి త్వరగా పగిలిపోయే గుణం కలిగి ఉంటాయి. ప్రాంతీయ సాంప్రదాయాల ప్రకారం గాజు వస్తువులు విరిగిపోవడం లేదా పగలడం అనేది అస్థిరతకు, అశాంతికి చిహ్నంగా భావిస్తారు. అందువల్ల ధంతేరాస్ రోజున గాజు పాత్రలు లేదా గాజుతో చేసిన అలంకరణ వస్తువులను కొనుగోలు చేయకపోవడమే మంచిది.నూనెలు, నెయ్యికొన్ని ప్రాంతీయ ఆచారాల ప్రకారం, ధంతేరాస్ నాడు వంటనూనెలు లేదా నెయ్యిని బయట నుంచి కొనుగోలు చేసి నేరుగా ఇంటికి తెచ్చి నిల్వ చేయడం నిషిద్ధంగా భావిస్తారు. అయితే దీపాలు వెలిగించడానికి ఇవి అత్యంత ఆవశ్యకం అయినప్పటికీ షాపింగ్ చేసేటప్పుడు మాత్రం ఈ నియమాన్ని కొన్ని కుటుంబాలు పాటిస్తుంటాయి.లెదర్ (చర్మం) ఉత్పత్తులుజంతువుల చర్మంతో తయారు చేసిన లెదర్ పర్సులు, బెల్టులు, షూస్, జాకెట్లు వంటి ఉత్పత్తులను ధంతేరాస్ రోజున కొనుగోలు చేయడం చాలా కుటుంబాల్లో నిషేధంగా భావిస్తారు. పవిత్రమైన పూజా కార్యక్రమాలు, దైవిక వాతావరణం ఉండే ఈ పండగ రోజున అహింసా మార్గానికి వ్యతిరేకమైన లేదా అశుభకరమైన పదార్థాలకు దూరంగా ఉండటం ఆచారంగా వస్తోంది.ఖాళీ పాత్రలుధంతేరాస్ రోజున కొత్త పాత్రలు (వంటసామాగ్రి) కొనడం శుభప్రదమే అయినప్పటికీ వాటిని పూర్తిగా ఖాళీగా ఇంటికి తీసుకురావడం మాత్రం మంచిది కాదని పెద్దలు చెబుతుంటారు. దుకాణం నుంచి ఏ పాత్ర కొన్నప్పటికీ దాన్ని ఇంటికి తెచ్చే ముందు అందులో కొద్దిగా బియ్యం, గోధుమలు, పప్పుధాన్యాలు, నీరు వంటివి నింపాలి. ఇలా చేయడం ద్వారా ఆ ఇంట్లో నిత్యం సిరిసంపదలు, ఆహార ధాన్యాల కొరత ఉండదని, సంపద వృద్ధి చెందుతుందని విశ్వాసం.ఇదీ చదవండి: పాల ధరల పెంపు.. 35 శాతం పెరిగిన బస్సు ఛార్జీలు!
డబ్బును దాచుకుంటే దరిద్రం!?
ప్రపంచ ప్రఖ్యాత ఆర్థిక విశ్లేషకులు, బెస్ట్ సెల్లింగ్ పుస్తకం ‘రిచ్ డాడ్ పూర్ డాడ్’ రచయిత రాబర్ట్ టి.కియోసాకి ఆధునిక ఆర్థిక వ్యవస్థపై మరోసారి సంచలన వ్యాఖ్యలు చేశారు. సంప్రదాయ బ్యాంకు ఖాతాలు, సేవింగ్స్ విధానాలపై ఆయన తీవ్ర విమర్శలు గుప్పిస్తూ.. ప్రజలు తమ ఆర్థిక వ్యూహాలను తక్షణమే మార్చుకోవాలని హెచ్చరించారు. తన జీవితంలో జరిగిన ఒక పొరపాటును, తన ఇద్దరు తండ్రుల (రిచ్ డాడ్, పూర్ డాడ్) పాఠాలను ఉదాహరిస్తూ ఆయన చెప్పిన విశ్లేషణ ఆర్థిక రంగంలో చర్చనీయాంశంగా మారింది. దీనికి సంబంధించిన అంశాలు ఆయన తన సోషల్‌మీడియా హ్యాండిల్‌లో పోస్ట్‌ చేశారు. అదికాస్తా వైరల్‌గా మారింది.నాకు 20 ఏళ్ల వయసున్నప్పుడు లాస్ వెగాస్ జూదశాలలో నా వద్ద ఉన్న 3000 డాలర్లు పెరుగుతుంటే చూసి మురిసిపోయాను. దురాశతో ఉన్న డబ్బునంతటినీ ఒకే ఆటపై పందెం కాసి ఒక్క క్షణంలో మొత్తాన్ని పోగొట్టుకున్నాను. చాలామంది తమ జీవితకాల పొదుపు విషయంలో సరిగ్గా ఇదే పొరపాటును నిదానంగా (స్లో మోషన్) చేస్తుంటారు. ఆర్థిక సలహాదారులను కలిసి ‘నాకు ఎంత లాభం వస్తుంది?’ అని మాత్రమే అడుగుతారు. వారు 8, 10 లేదా 12 శాతం వస్తుందని చెప్పగానే నమ్మేస్తారు. కానీ అది సగం నిజం మాత్రమే!అసలు విషయం ఏమిటంటే..నా పూర్ డాడ్ ఎప్పుడూ పెన్షన్ చెక్కు కోసం చూసే సగటు మనిషిలా ఆలోచించేవారు. కానీ రిచ్ డాడ్ నా జీవితాన్ని మార్చే ఒక గొప్ప సత్యాన్ని నేర్పించారు. ‘పెట్టుబడిపై వచ్చే లాభం కంటే పెట్టిన అసలు ఎంత త్వరగా మన చేతికి తిరిగి వస్తుంది అనేదే అతి ముఖ్యం’ అని నేర్పించారు.ధనికులు ఆడే అసలు ఆట ఇదే!డబ్బు కేవలం పన్నుల మినహాయింపులకు లేదా జీతం కోతలకే పరిమితం కాకూడదు. నిజమైన నగదు మీ జేబులోకి తిరిగి రావాలి. ఏదైనా వ్యాపారంలో లేదా ఆస్తిలో పెట్టిన మీ అసలు మూలధనాన్ని వీలైనంత త్వరగా వెనక్కి తెచ్చుకోండి. అదే సమయంలో ఆ ఆస్తిపై మీ హక్కును వదులుకోకండి. వెనక్కి వచ్చిన ఆ డబ్బును మరొక కొత్త ఆస్తిని కొనడానికి వెచ్చించండి.‘ప్రస్తుత బ్యాంకింగ్ వ్యవస్థ సరిగ్గా పనిచేయడం లేదు. మీరు నిద్రపోతున్న సమయంలో కూడా బ్యాంకు ఖాతాల్లో ఉన్న మీ డబ్బు విలువ తగ్గిపోతూనే ఉంటుంది. కాబట్టి గుడ్డిగా బ్యాంకు పొదుపుపై ఆధారపడటం మాని, ఆదాయాన్ని ఇచ్చే నిజమైన ఆస్తులను సృష్టించడం ప్రారంభించండి’ అంటూ రాబర్ట్ కియోసాకి తెలిపారు.ఇదీ చదవండి: భారత్‌లో 1500 శాతం పెరిగిన గోల్డ్ స్మగ్లింగ్‌
రియల్టీ
బెంగళూరులో అద్దె ఇల్లు.. వింత షరతులు!
హోమ్లోన్ లేకుండానే రూ.70 లక్షల ఇల్లు..
జెఫ్ బెజోస్కు నెలవారీ అద్దె ఎంత వస్తుందంటే..
రూ.2,100 కోట్ల లగ్జరీ హోటల్.. అందుకే అమ్మేశారట!
ట్రంప్ టవర్పై ఆరోపణలు రూ. 7 కోట్ల ఫ్లాట్ కొంటే, నో లిఫ్ట్, నో కర్టెన్స్ !
బాస్ సర్ప్రైజ్.. ఉద్యోగికి రూ.4 కోట్ల కారు గిఫ్ట్!
రూ.665 కోట్ల ఇల్లు.. అమెజాన్ బాస్ కొన్న గోల్డెన్ బీచ్ హౌస్ చూశారా?
అంతర్జాతీయ ఐటీ కంపెనీ భారీ ఆఫీస్ లీజు.. రూ.522 కోట్లు!
ఆఫీస్ అద్దెకు రూ.189 కోట్లు.. జపాన్ కంపెనీ భారీ డీల్!
హైదరాబాద్ రియల్ ఎస్టేట్ జోరు తగ్గిందా?