వెల్లింగ్టన్‌: జాతీయ కాంట్రాక్ట్‌ తీసుకునేందుకు నిరాకరించిన న్యూజిలాండ్‌ సీనియర్‌ ఓపెనర్‌ డెవాన్‌ కాన్వేను... ముక్కోణపు టి20 టోర్నమెంట్‌కు ఎంపిక చేయలేదు. వచ్చేనెలలో దక్షిణాఫ్రికా, జింబాబ్వేతో కలిసి న్యూజిలాండ్‌ జట్టు టి20 టోర్నమెంట్‌ ఆడనుంది. ఈ ముక్కోణపు పోటీకి జింబాబ్వే ఆతిథ్యమిస్తుండగా... దీని కోసం న్యూజిలాండ్‌ బోర్డు శుక్రవారం 15 మందితో కూడిన జట్టును ప్రకటించింది. ఇందులో సీనియర్‌ ఓపెనర్‌ కాన్వేకు చోటు దక్కలేదు. ఫ్రాంచైజీ క్రికెట్‌ ఆడేందుకు వీలుగా అతడు జాతీయ కాంట్రాక్ట్‌ను వదులుకోగా... ఈ టోర్నీకి అందుబాటులో ఉండనని మాజీ కెప్టెన్‌ కేన్‌ విలియమ్సన్‌ ప్రకటించాడు. అతడు ప్రస్తుతం ఇంగ్లండ్‌ కౌంటీ చాంపియన్‌షిప్‌లో మిడిలెసెక్స్‌ జట్టుకు ప్రాతినిధ్యం వహిస్తున్నాడు. 23 ఏళ్ల బెవాన్‌ జాకబ్‌కు మరో అవకాశం దక్కింది. శ్రీలంకతో సిరీస్‌కు కూడా అతడిని ఎంపిక చేసినా... మ్యాచ్‌ ఆడే అవకాశం దక్కలేదు. మేజర్‌ లీగ్‌ క్రికెట్‌లో మెరుగైన ప్రదర్శన చేస్తున్న ఆడమ్‌ మిల్నే, టిమ్‌ సీఫెర్ట్, ఫిన్‌ అలెన్‌లను తిరిగి జట్టులోకి వచ్చారు. అలెన్‌ ఇటీవల ఈ లీగ్‌లో ఒకే ఇన్నింగ్స్‌లో 19 సిక్స్‌లు కొట్టి ప్రపంచ రికార్డు సృష్టించాడు. గత ఏడాది ఫిబ్రవరిలో ఆస్ట్రేలియాతో జరిగిన టి20లో చివరిసారి మిల్నే న్యూజిలాండ్‌ తరఫున బరిలోకి దిగాడు. ఈ జట్టుకు మిచెల్‌ సాంట్నర్‌ సారథ్యం వహించనున్నాడు. ‘ముక్కోణపు టోర్నీ కోసం బలమైన జట్టును ఎంపిక చేశాం. ఐపీఎల్‌ కారణంగా పాకిస్తాన్‌తో జరిగిన సిరీస్‌కు అందుబాటులో లేని పలువురు ఆటగాళ్లు ఈ టోర్నీ బరిలోకి దిగనున్నారు. వారంతా మెరుగైన ప్రదర్శన కనబరుస్తారనే నమ్మకముంది’ అని న్యూజిలాండ్‌ హెడ్‌ కోచ్‌ రాబ్‌ వాల్టర్‌ అన్నాడు. వచ్చే నెల 14–26 వరకు రౌండ్‌ రాబిన్‌ లీగ్‌ పద్ధతిలో మూడు జట్ల మధ్య ఈ టోర్నీ జరగనుంది.

ఐపీఎల్‌-2025లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రుగుతున్న త‌మ ఆఖ‌రి మ్యాచ్‌లో చెన్నై సూప‌ర్ కింగ్స్ బ్యాట‌ర్లు జూలు విధిల్చారు. ఈ మ్యాచ్‌లో టాస్ గెలిచి తొలుత బ్యాటింగ్‌కు దిగిన సీఎస్‌కే నిర్ణీత 20 ఓవ‌ర్ల‌లో 4 వికెట్ల న‌ష్టానికి ఏకంగా 230 ప‌రుగుల భారీ స్కోర్ సాధించింది. సీఎస్‌కే ఇన్నింగ్స్‌లో డెవాల్డ్ బ్రెవిస్‌(23 బంతుల్లో 4 ఫోర్లు, 5 సిక్స్‌ల‌తో 57), డెవాన్ కాన్వే(35 బంతుల్లో 6 ఫోర్లు, 2 సిక్స్‌లతో 52) అద్బుత‌మైన హాఫ్ సెంచ‌రీల‌తో చెల‌రేగ‌గా.. ఆయూష్ మాత్రే(17 బంతుల్లో 3 ఫోర్లు, 3 సిక్స్‌ల‌తో 34), ఉర్విల్ ప‌టేల్‌(19 బంతుల్లో 4 ఫోర్లు, 2 సిక్స్‌ల‌తో 37) మెరుపు ఇన్నింగ్స్‌లు ఆడారు.గుజ‌రాత్ బౌల‌ర్ల‌లో ప్ర‌సిద్ద్ కృష్ణ రెండు వికెట్లు పడగొట్టగా.. సాయికిషోర్‌, రషీద్ ఖాన్‌, షారుఖ్ ఖాన్ తలా వికెట్ సాధించారు. కాగా ఈ ఏడాది సీజన్‌లో సీఎస్‌కేకే ఇదే అత్యధిక స్కోర్ కావడం గమనార్హం. అదేవిధంగా ఈ మ్యాచ్‌లో చెన్నై బ్యాటర్లు ఏకంగా 15 సిక్సర్లు బాదారు. అదేవిధంగా గుజరాత్‌ను 121 పరుగులలోపు ఆలౌట్ చేస్తే పాయింట్ల పట్టికలో ఆఖరి స్ధానం నుంచి సీఎస్‌కే బయటపడుతోంది. ప్రస్తుతం పాయింట్ల పట్టికలో సీఎస్‌కే పదో స్దానంలో ఉంది.

ఐపీఎల్‌-2025 (IPL 2025)లో చెన్నై సూపర్‌ కింగ్స్‌ (CSK) దారుణ ఆట తీరుతో విమర్శలు మూటగట్టుకుంటోంది. గతంలో ఐదుసార్లు చాంపియన్‌గా నిలిచిన సీఎస్‌కే ఈసారి పాయింట్ల పట్టికలో ఆఖరి స్థానాన్ని పటిష్టం చేసుకునే దిశగా పయనిస్తోంది.ఇప్పటికి ఆడిన తొమ్మిది మ్యాచ్‌లలో ఏకంగా ఏడు ఓడిపోయి అట్టడుగున పదో స్థానంలో కొనసాగుతోంది. ఐదుసార్లు ట్రోఫీ గెలవడంతో పాటు.. అనేకసార్లు ఫైనల్‌ చేరిన జట్టుగా ఘనత ఉన్న సీఎస్‌కేకు ఇలాంటి దుస్థితి ఇదే తొలిసారి.ఇక ఈ సీజన్‌లో ఐదు మ్యాచ్‌లు ఆడిన తర్వాత చెన్నై కెప్టెన్‌ రుతురాజ్‌ గైక్వాడ్‌ గాయం వల్ల మిగతా మ్యాచ్‌లకు దూరమయ్యాడు. అతడి స్థానంలో దిగ్గజ సారథి మహేంద్ర సింగ్‌ ధోని (MS Dhoni) మరోసారి సీఎస్‌కే సారథ్య బాధ్యతలు చేపట్టాడు.కాగా వికెట్‌ కీపర్‌గా ఇప్పటికీ మెరుపు వేగంతో పాదరసంలా కదిలి స్టంపింగ్‌లు చేస్తున్న ధోని.. బ్యాటర్‌గా మాత్రం పెద్దగా ఆకట్టుకోలేకపోతున్నాడు. 43 ఏళ్ల ఈ వెటరన్‌ క్రికెటర్‌ ఐపీఎల్‌-2025లో తొమ్మిది మ్యాచ్‌లు పూర్తి చేసుకుని కేవలం 140 పరుగులే చేశాడు.సీఎస్‌కే భవిష్యత్తు బాగుండాలంటేఈ నేపథ్యంలో ఆస్ట్రేలియా దిగ్గజ వికెట్‌ కీపర్‌, ఐపీఎల్‌ విన్నింగ్‌ కెప్టెన్‌ అయిన ఆడం గిల్‌క్రిస్ట్‌ ధోనిని ఉద్దేశించి కీలక వ్యాఖ్యలు చేశాడు. సీఎస్‌కే భవిష్యత్తు బాగుండాలంటే ధోని ఆ జట్టుతో తెగదెంపులు చేసుకోవాలని సూచించాడు.ఈ మేరకు క్రిక్‌బజ్‌ షోలో మాట్లాడుతూ.. ‘‘ధోని ఇప్పటికే తాను సాధించాల్సిందంతా సాధించేశాడు. ఆటలో తను ఇంకా నిరూపించుకోవాల్సింది ఏమీ లేదు. అయితే, ఏం చేయాలన్నది మాత్రం అతడి ఇష్టమే.కానీ నా అభిప్రాయం ప్రకారం.. జట్టు భవిష్యత్‌ దృష్ట్యా అతడు వచ్చే ఏడాది ఆడాల్సిన అవసరం లేదు. ఎంఎస్‌ ఐ లవ్‌ యూ. నువ్వొక చాంపియన్‌వి. ఐకాన్‌వి. నువ్వు ఇప్పటికే అన్నీ సాధించేశావు’’ అని ఆడం గిల్‌క్రిస్ట్‌ పేర్కొన్నాడు.ఆ నలుగురిని వదిలించుకోవాలిఅదే విధంగా.. సీఎస్‌కే వచ్చే ఏడాది ధోనితో పాటు షేక్‌ రషీద్‌, డెవాన్‌ కాన్వే, దీపక్‌ హుడాలను వదిలించుకోవాలని గిల్‌క్రిస్ట్‌ సలహా ఇచ్చాడు. కాగా ఆడం గిల్‌క్రిస్ట్‌ 2009లో దక్కన్‌ చార్జర్స్‌ (హైదరాబాద్‌ ఫ్రాంఛైజీ- ఇప్పుడు మనుగడలో లేదు) కెప్టెన్‌గా వ్యవహరించి.. జట్టుకు ట్రోఫీ అందించాడు. మొత్తంగా ఐపీఎల్‌లో 80 మ్యాచ్‌లు ఆడి 2069 పరుగులు చేశాడు. ఇందులో రెండు శతకాలు కూడా ఉండటం విశేషం.ఇక అంతర్జాతీయ స్థాయిలో ఆస్ట్రేలియా తరఫున గిల్‌క్రిస్ట్‌.. 96 టెస్టులు, 287 వన్డేలు, 13 టీ20 మ్యాచ్‌లు ఆడి.. ఆయా ఫార్మాట్లలో 5570, 9619, 272 పరుగులు చేశాడు. మరోవైపు ధోని టీమిండియాకు మూడు ఐసీసీ ట్రోఫీలు అందించాడు.టీ20 ప్రపంచకప్‌-2007, వన్డే వరల్డ్‌కప్‌-2011, చాంపియన్స్‌ ట్రోఫీ-2013 గెలిచిన దిగ్గజ కెప్టెన్‌గా తన పేరును చరిత్ర పుటల్లో లిఖించుకున్నాడు. భారత్‌ తరఫున మొత్తంగా 90 టెస్టులు, 350 వన్డేలు, 98 టీ20లు ఆడాడు.టెస్టుల్లో 4876, వన్డేల్లో 10773, టీ20లలో 1617 పరుగులు సాధించాడు. ఇక ఐపీఎల్‌లో అత్యధికంగా ఇప్పటికి 273 మ్యాచ్‌లు ఆడిన ధోని 5383 పరుగులతో సీఎస్‌కే టాప్‌ బ్యాటర్‌గా కొనసాగుతున్నాడు. అదే విధంగా కెప్టెన్‌గా సీఎస్‌కేకు టైటిల్‌ అందించిన ఘనత ధోని సొంతం.చదవండి: IPL 2025: రసవత్తరంగా సాగుతున్న ప్లే ఆఫ్స్‌ రేసు.. ఏ క్షణంలో ఏమైనా జరగవచ్చు..!

న్యూజిలాండ్ వికెట్ కీప‌ర్ బ్యాట‌ర్‌, చెన్నై సూప‌ర్ కింగ్స్ స్టార్ ఓపెన‌ర్ డెవాన్ కాన్వే ఇంట తీవ్ర విషాదం నెల‌కొంది. అత‌డి తండ్రి డెంటాన్ క‌న్నుమూశారు. ఈ విష‌యాన్ని సీఎస్‌కే అధికారికంగా ధ్రువీక‌రించింది. "ఈ క్లిష్ట స‌మ‌యంలో కాన్వే కుటుంబానికి మద్దతుగా ఉంటాము. డెంటాన్ మృతికి ప్రగాఢ సానుభూతి తెలియజేస్తున్నాము" అని సీఎస్‌కే యాజ‌మాన్యం ఎక్స్‌లో రాసుకొచ్చింది. కాగా కాన్వే తండ్రి మృతికి సంతాపంగా ఆదివారం ముంబై ఇండియన్స్‌తో జరిగిన మ్యాచ్‌లో సీఎస్‌కే ఆటగాళ్లు నల్లటి బ్యాండ్‌లు ధరించి మైదానంలో దిగారు. కాగా కాన్వే ఇప్పటికే న్యూజిలాండ్‌కు చేరుకున్నాడు. అతడు ఈ ఏడాది ఐపీఎల్‌లో చివరగా ఏప్రిల్ 11న సీఎస్‌కే తరపున ఆడాడు.దక్షిణాఫ్రికాకు చెందిన డెంటాన్ కాన్వే కుటంబం.. డెవాన్ కాన్వే చిన్నతనంలో న్యూజిలాండ్‌కు మకాం మార్చారు. ఈ క్రమంలోనే కాన్వే దేశవాళీ టోర్నీల్లో అద్భుతంగా ప్రదర్శన చేసి కివీస్ తరపున అంతర్జాతీయ అరంగేట్రం చేశాడు. అతి తక్కువ కాలంలోనే బ్లాక్‌క్యాప్స్ జట్టులో తనకంటూ ప్రత్యేక గుర్తింపు తెచ్చుకున్నాడు. ఐపీఎల్‌-2025లో ఇప్పటివరకు మూడు మ్యాచ్‌లు ఆడిన డెవాన్‌.. 27.03 స్ట్రైక్ రేట్‌తో 94 పరుగులు చేశాడు. కాన్వే తిరిగి రావడం‍పై మాత్రం సీఎస్‌కే ఎటువంటి ప్రకటన చేయలేదు. ఇక ఈ ఏడాది సీజన్‌లో సీఎస్‌కే దారుణ ప్రదర్శన కనబరుస్తోంది. చెన్నై జట్టు ఇప్పటివరకు 8 మ్యాచ్‌లు ఆడి కేవలం రెండింట మాత్రమే విజయం సాధించి పాయింట్ల పట్టికలో ఆఖరి స్ధానంలో కొనసాగుతోంది.

చెన్నై సూపర్‌ కింగ్స్‌ ఓపెనర్‌ డెవాన్‌ కాన్వే (Devon Conway) అరుదైన మైలురాయిని చేరుకున్నాడు. ఇండియన్‌ ప్రీమియర్‌ లీగ్‌ (IPL)లో వెయ్యి పరుగులు పూర్తి చేసుకున్నాడు. ఐపీఎల్‌-2025 (IPL 2025)లో భాగంగా పంజాబ్‌ కింగ్స్‌తో మ్యాచ్‌ సందర్భంగా ఈ న్యూజిలాండ్‌ క్రికెటర్‌ ఈ ఘనత సాధించాడు.అంతా తలకిందులుకాగా ముల్లాన్‌పూర్‌ వేదికగా మంగళవారం జరిగిన మ్యాచ్‌లో టాస్‌ గెలిచిన పంజాబ్‌ .. సీఎస్‌కేను బౌలింగ్‌కు ఆహ్వానించింది. ఈ క్రమంలో ఓపెనర్‌ ప్రభ్‌సిమ్రన్‌ సింగ్‌ (0)ను డకౌట్‌ చేసి ముకేశ్‌ చౌదరి చెన్నైకి శుభారంభం అందించాడు. ఆ తర్వాత కాసేపటికే కెప్టెన్‌, విధ్వంసకర బ్యాటర్‌ శ్రేయస్‌ అయ్యర్‌ (9)ను ఖలీల్‌ అహ్మద్‌ పెవిలియన్‌కు పంపాడు.ఇక స్టొయినిస్‌ (4) వికెట్‌ను కూడా ఖలీల్‌ తన ఖాతాలో వేసుకోగా.. నేహాల్‌ వధేరా (9), గ్లెన్‌ మాక్స్‌వెల్‌ (1)లను రవిచంద్రన్‌ అవుట్‌ చేశాడు. అయితే, వీళ్లందరినీ తక్కువ స్కోరుకే కట్టడి చేయగలిగిన చెన్నై బౌలర్లు ఓపెనర్‌ ప్రియాన్ష్‌ ఆర్య, లోయర్‌ఆర్డర్‌ బ్యాటర్లు శశాంక్‌ సింగ్‌, మార్కో యాన్సెన్లను మాత్రం అడ్డుకోలేకపోయారు.ప్రియాన్ష్‌ 42 బంతుల్లో 103 పరుగులతో చెలరేగగా.. శశాంక్‌ 36 బంతుల్లో 52, యాన్సెన్‌ 19 బంతుల్లో 34 రన్స్‌తో అజేయంగా నిలిచారు. ఫలితంగా పంజాబ్‌ నిర్ణీత 20 ఓవరల్లో ఆరు వికెట్లు నష్టపోయి 219 పరుగుల భారీ స్కోరు సాధించింది.కాన్వే నెమ్మదిగా..లక్ష్య ఛేదనలో సీఎస్‌కే ఓపెనర్లలో రచిన్‌ రవీంద్ర కాస్త వేగంగా (23 బంతుల్లో 36) ఆడగా.. డెవాన్‌ కాన్వే మాత్రం నెమ్మదిగా ఆడాడు. 49 బంతుల్లో ఆరు ఫోర్లు, రెండు సిక్సర్ల సాయంతో 69 పరుగులు పూర్తి చేసుకున్న తర్వాత.. అతడిని రిటైర్డ్‌ అవుట్‌గా నాయకత్వ బృందం వెనక్కి పిలిపించింది.Devon Conway with his maiden fifty this season ✅Shivam Dube flexing his arms ✅#CSK puts the foot on the accelerator 📈They need another 75 runs from 30 deliveries. Updates ▶ https://t.co/HzhV1VtSRq #TATAIPL | #PBKSvCSK | @ChennaiIPL pic.twitter.com/5JLVV9wc4u— IndianPremierLeague (@IPL) April 8, 202518 పరుగుల తేడాతో ఓటమిమిగతా వాళ్లలో కెప్టెన్‌ రుతురాజ్‌ గైక్వాడ్‌ (1) విఫలం కాగా.. శివం దూబే (42), ధోని (27) పోరాడినా ఫలితం లేకుండా పోయింది. 20 ఓవర్లు పూర్తయ్యేసరికి చెన్నై ఐదు వికెట్ల నష్టానికి 201 పరుగుల వద్ద నిలిచి ఓటమిని ఆహ్వానించింది.ఇదిలా ఉంటే.. కాన్వే పంజాబ్‌తో మ్యాచ్‌ సందర్భంగా హాఫ్‌ సెంచరీ బాది.. ఐపీఎల్‌లో వెయ్యి పరుగులు పూర్తి చేసుకున్నాడు. తద్వారా క్యాష్‌ రిచ్‌ లీగ్‌లో అత్యంత వేగంగా ఈ మార్కును చేరుకున్న మూడో క్రికెటర్‌గా చరిత్రకెక్కాడు. కాన్వే 24 ఇన్నింగ్స్‌లోనే మైలురాయిని అందుకున్నాడు. ఈ జాబితాలో షాన్‌ మార్ష్‌, లెండిల్‌ సిమ్మన్స్‌ ఈ న్యూజిలాండ్‌ బ్యాటర్‌ కంటే ముందున్నారు.ఐపీఎల్‌లో తక్కువ ఇన్నింగ్స్‌లో (ఫాస్టెస్ట్‌) వెయ్యి పరుగుల మార్కు చేరుకున్న క్రికెటర్లు1. షాన్‌ మార్ష్‌- 21 ఇన్నింగ్స్‌లో2. లెండిల్‌ సిమ్మన్స్‌- 23 ఇన్నింగ్స్‌లో3. డెవాన్‌ కాన్వే- 24 ఇన్నింగ్స్‌లో4. మాథ్యూ హెడెన్‌- 25 ఇన్నింగ్స్‌లో5. సాయి సుదర్శన్‌- 25 ఇన్నింగ్స్‌లో6. జానీ బెయిర్‌స్టో- 26 ఇన్నింగ్స్‌లో7. క్రిస్‌ గేల్‌- 27 ఇన్నింగ్స్‌లో ఈ ఘనత సాధించారు.చదవండి: హై రిస్క్‌ బ్యాటింగ్‌.. అతడు అద్భుతం.. ఆ తప్పులే మా కొంప ముంచాయి: రుతురాజ్‌ Back to winning ways this season ✅First home win this season ✅@PunjabKingsIPL compile a comprehensive 1⃣8⃣-run victory over #CSK ❤️Scorecard ▶ https://t.co/HzhV1VtSRq #TATAIPL | #PBKSvCSK pic.twitter.com/HtcXw4UYAK— IndianPremierLeague (@IPL) April 8, 2025

ఇండియన్ ప్రీమియర్ లీగ్ (IPL) చరిత్రలో అత్యంత విజయవంతమైన జట్లలో ఒకటి చెన్నై సూపర్ కింగ్స్ (Chennai Super Kings). రికార్డు స్థాయిలో ఆరవ టైటిల్‌ను లక్ష్యంగా చేసుకుని ఈసారి బరిలోకి దిగుతోంది. 2024లో లీగ్ దశ నుంచి నిష్క్రమించిన బాధ ఇంకా చెన్నై ఆటగాళ్ల మనసులో కదులుతూనే ఉంది. ఈ నేపథ్యంలో కొత్త సీజన్‌లో తమ అద్భుతమైన ప్రదర్శనతో తిరిగి పూర్వ వైభవం సాధించాలని సీఎస్‌కే పట్టుదలతో ఉందనడంలో సందేహం లేదు.యువ ఓపెనర్ రుతురాజ్ గైక్వాడ్ గత సీజన్‌కు ముందు కెప్టెన్‌గా బాధ్యతలు అప్పగించిన తర్వాత కొంత అనుభవం గడించిన నేపథ్యంలో ఈ సీజన్లో కొత్త కెప్టెన్ మరింత మెరుగ్గా వ్యవహరించే అవకాశముందని భావిస్తున్నారు. కాగా.. గత సీజన్లో చెన్నై సూపర్ కింగ్స్ ప్లేఆఫ్ స్థానాన్ని కూడా సాధించలేకపోయింది.7 విజయాలు, 7 ఓటములతో కేవలం 14 పాయింట్లు మాత్రమే సాధించి గత సీజన్లో పేలవంగా ఐదో స్థానం తో ముగించింది. ఈ ఐపీఎల్ సీజన్ లో చెన్నై సూపర్ కింగ్స్ మార్చి 23న చెన్నైలోని ఎం ఎ చిదంబరం స్టేడియంలో ముంబై ఇండియన్స్ తో జరిగే మ్యాచ్ తో తన టైటిల్ వేట ప్రారంభిస్తుంది.స్పిన్-టు-విన్ వ్యూహంఈ నేపథ్యంలో ఈ సారి భారత వెటరన్ స్పిన్నర్ రవిచంద్రన్ అశ్విన్ మరియు చెన్నై అభిమానుల ఫేవరెట్ ఆటగాడు సామ్ కుర్రాన్‌తో సహా అనేక సుపరిచితమైన ఆటగాళ్లను చెన్నై మళ్ళీ జట్టులోకి తీసుకుంది. భారత్ మాజీ కెప్టెన్ మహేంద్ర సింగ్ ధోని వెనుక నుంచి తన వ్యూహరచనలో జట్టును ముందుండి నడిపిస్తాడని అభిమానులు ఆశగా ఎదురుచూస్తున్నారు.ఇక జట్టును చూస్తే, గత కొన్ని సంవత్సరాలుగా అద్భుతమైన ఫలితాల్ని ఇచ్చిన 'స్పిన్-ట్రిక్' కు కట్టుబడి ఉండాలని చెన్నై భావిస్తున్నట్లు తెలుస్తోంది. ఇందుకు అనుగుణంగా రవీంద్ర జడేజా, న్యూజిలాండ్‌కు చెందిన భారత్ సంతతి ఆల్ రౌండర్ రచిన్ రవీంద్రతో పాటు నూర్ అహ్మద్, అశ్విన్‌లను చేర్చడం, ముఖ్యంగా సొంత గడ్డ పై గరిష్ట ప్రభావాన్ని చూపడానికి టర్నర్‌లను ఉపయోగించాలనే వారి ధోరణిని గుర్తుచేస్తుంది.అశ్విన్, నూర్ లతో పాటు జడేజా ఎడమచేతి ఫింగర్‌స్పిన్, గోపాల్ లెగ్‌స్పిన్, ఇంకా దీపక్ హుడా పార్ట్-టైమ్ ఆఫ్‌స్పిన్ వంటి బౌలర్లు చెన్నై స్పిన్ బౌలింగ్ కి వెరైటీ సమకూరుస్తున్నారు. ఇది చెపాక్‌లో స్పిన్-టు-విన్ వ్యూహానికి సరిగ్గా సరిపోతుంది.బలీయంగా కనిపిస్తున్న బ్యాటింగ్ఇక బ్యాటింగ్ పరంగా చూస్తే, కెప్టెన్ రుతురాజ్ గైక్వాడ్, న్యూ జిలాండ్ ఓపెనర్ డెవాన్ కాన్వేతో కలిసి బ్యాటింగ్‌ను ప్రారంభించే అవకాశముంది. ఈ జంట 2023 సీజన్‌లో చాలా విజయవంతమైంది. కానీ గత సీజన్లో గాయం కారణంగా కాన్వే ఆడలేక పోయాడు. ఈ సీజన్లో ఈ ఇద్దరి అద్భుతమైన భాగస్వామ్యంతో చెన్నై మళ్ళీ పుంజుకోవాలని భావిస్తోంది. ఇటీవల ముగిసిన ఛాంపియన్స్ ట్రోఫీలో విజృంభించిన ఆడిన రచిన్ రవీంద్రను మూడవ స్థానంలో బ్యాటింగ్ కి వచ్చే అవకాశముంది.కీలకమైన నాల్గవ స్థానంలో దీపక్ హుడా, రాహుల్ త్రిపాఠి లేదా విజయ్ శంకర్ ఒకరు వచ్చే అవకాశముంది. ఆ తర్వాత హార్డ్ హిట్టింగ్ శివమ్ దూబేను ఐదవ స్థానంలో, ఆ తర్వాత ఆరో స్థానంలో వచ్చే ఆల్ రౌండర్ రవీంద్ర జడేజా బ్యాటింగ్ మరియు బౌలింగ్ రెండింటిలోనూ తన నైపుణ్యంతో కీలక పాత్ర పోషిస్తాడని భావిస్తున్నారు. జడేజా తర్వాత, ఎంఎస్ ధోని ఏడో స్థానంలో బ్యాటింగ్ చేసే అవకాశముంది. లోయర్ ఆర్డర్‌ బ్యాటింగ్‌లో గత సీజన్లో కీలక పాత్ర పోషించిన ధోని మరోసారి ప్రభావం చూపే అవకాశం ఉంది.జట్టులో ప్రధాన ఆటగాళ్ళు:రుతురాజ్ గైక్వాడ్: గత కొన్ని సీజన్లగా చెన్నై తరఫున నిలకడగా బ్యాటింగ్ చేస్తున్నవారిలో కెప్టెన్ రుతురాజ్ గైక్వాడ్ ఒకడు. రుతురాజ్ తన జట్టు బ్యాటింగ్ యూనిట్‌కు వెన్నెముకగా నిలిచాడు, 41.75 సగటుతో మరియు 136.86 స్ట్రైక్ రేట్‌తో 2380 పరుగులు సాధించాడు. అతని నాయకత్వంలో పసుపు బ్రిగేడ్ గత సీజన్‌లో ప్లేఆఫ్స్‌కు అర్హత సాధించలేక పోయినా, గైక్వాడ్ ఈ సీజన్‌లో మెరుగైన ఆటతీరుతో చెన్నై ని ముందుకు నడిపించాలని పట్టుదలతో ఉన్నాడు.రవిచంద్రన్ అశ్విన్: అంతర్జాతీయ క్రికెట్ నుండి రిటైర్ అయిన రవిచంద్రన్ అశ్విన్, తన కెరీర్ ప్రారంభ దశలో తనను వెలుగులోకి తెచ్చిన ఫ్రాంచైజీ అయిన చెన్నై కి ఐపీఎల్ టైటిల్‌ను అందించాలని భావిస్తున్నాడు. 212 మ్యాచ్‌ల్లో 7.12 ఎకానమీ రేటుతో 180 వికెట్ల తో అశ్విన్ ఐపీఎల్‌లో అత్యధిక వికెట్లు తీసిన ఐదవ బౌలర్‌గా నిలిచాడు. అంతేకాకుండా, ఈ ఆఫ్ స్పిన్నర్ తాను బ్యాట్‌తో దూకుడుగా ఉండగలనని మరియు అవసరమైనప్పుడు ఫ్లోటర్‌గా వ్యవహరించగలనని చూపించాడు.నాథన్ ఎల్లిస్: వేగంగా బౌలింగ్ చేయగల మరియు తన వైవిధ్యాలను చాలా చక్కగా ఉపయోగించుకునే సామర్థ్యంతో, నాథన్ ఎల్లిస్ చెన్నై జట్టులో కీలకమైన బౌలర్‌గా రాణిస్తాడని భావిస్తున్నారు.శివం దూబే: దూకుడుతో బ్యాటింగ్ చేసే శివం దూబే చెన్నై జట్టుకు మిడిల్ ఆర్డర్‌లో కీలక పాత్ర పోషించాడు. సూపర్ కింగ్స్ తరఫున 39 ఇన్నింగ్స్‌లలో 34.47 సగటు మరియు 159.16 స్ట్రైక్ రేట్‌తో 1103 పరుగులు చేశాడు. చెన్నై జట్టుకి మిడిల్ ఓవర్లలో శివం దూబే ను గేమ్-ఛేంజర్ గా భావించవచ్చు.రాహుల్ త్రిపాఠి: డైనమిక్ బ్యాట్స్‌మన్ రాహుల్ త్రిపాఠి చెన్నై సూపర్ కింగ్స్ తరఫున మూడు లేక నాలుగో స్థానంలో ఆడే అవకాశముంది. త్రిపాఠి ఐపీఎల్‌లో ఇప్పటికే తన ప్రతిభను నిరూపించుకున్నాడు. 27.27 సగటుతో, 139.3 స్ట్రైక్ రేట్‌తో 2236 పరుగులు చేశాడు.చెన్నై సూపర్ కింగ్స్ జట్టురుతురాజ్ గైక్వాడ్ (కెప్టెన్‌), ఎంఎస్ ధోని , రవీంద్ర జడేజా, శివం దూబే, మతీషా పతిరానా, నూర్ అహ్మద్, రవిచంద్రన్ అశ్విన్, డెవాన్ కాన్వే, సయ్యద్ ఖలీల్ అహ్మద్, రచిన్ రవీంద్ర, రాహుల్ త్రిపాఠి, విజయ్ శంకర్, సామ్ కర్రాన్, షేక్ రషీద్, అన్షుల్ కాంబోజ్, ముఖేష్ చౌదరి, దీపక్ హుడా, గుర్జన్‌ప్రీత్ సింగ్, నాథన్ ఎల్లిస్, జామీ ఓవర్టన్, కమలేష్ నాగర్‌కోటి, రామకృష్ణన్ ఘోష్, శ్రేయాస్ గోపాల్, వంశ్ బేడి, ఆండ్రీ సిద్దార్థ్.చదవండి: అందుకే ఆర్సీబీ టైటిల్‌ గెలవలేదు.. ఈసారి ఆరెంజ్‌ క్యాప్‌ అతడికే: సీఎస్‌కే మాజీ స్పిన్నర్‌

ఐసీసీ ఛాంపియ‌న్స్ ట్రోఫీ-2025 ముంగిట పాకిస్తాన్ వేదిక‌గా జ‌రుగుతున్న ముక్కోణ‌పు వ‌న్డే సిరీస్‌లో న్యూజిలాండ్ అద‌ర‌గొడుతోంది. ఈ సిరీస్‌లో భాగంగా లహోర్‌ వేదికగా దక్షిణాఫ్రికాతో జరిగిన రెండో మ్యాచ్‌లో 6 వికెట్ల తేడాతో న్యూజిలాండ్‌ ఘన విజయం సాధించింది.305 పరుగుల భారీ లక్ష్యాన్ని కివీస్‌ కేవలం 4 వికెట్లు మాత్రమే కోల్పోయి 48.4 ఓవర్లలో చేధించింది. ఈ భారీ లక్ష్య చేధనలో బ్లాక్‌ క్యాప్స్‌ ఆరంభంలోనే ఓపెనర్‌ విల్‌ యంగ్‌(19) వికెట్‌ను కోల్పోయింది. ఆ తర్వాత క్రీజులోకి వచ్చిన కేన్‌ విలియమ్సన్‌(Kane Williamson) కాన్వేతో కలిసి స్కోర్‌ బోర్డును పరుగులు పెట్టించారు.వీరిద్దరూ రెండో వికెట్‌కు 187 పరుగుల భారీ భాగస్వామ్యాన్ని నెలకొల్పారు. విలియమ్సన్‌(113 బంతుల్లో 13 ఫోర్లు, 2 సిక్స్‌లతో 133 నాటౌట్‌) అద్బుతమైన సెంచరీతో చెలరేగగా.. డెవాన్‌ కాన్వే(97) తృటిలో శతకం సెంచరీ చేసే అవకాశాన్ని కోల్పోయాడు. సౌతాఫ్రికా బౌలర్లలో సేనురన్ ముత్తుసామి రెండు వికెట్లు పడగొట్టగా.. బాష్‌, ముల్డర్‌ తలా వికెట్‌ సాధించారు.మాథ్యూ బ్రీట్జ్‌కే విధ్వంస‌క‌ర సెంచరీఇక ఈ మ్యాచ్‌లో మొద‌ట బ్యాటింగ్ చేసిన ద‌క్షిణాఫ్రికా నిర్ణీత 50 ఓవ‌ర్ల‌లో 6 వికెట్ల నష్టానికి 304 పరుగులు చేసింది. ద‌క్షిణాఫ్రికా బ్యాట‌ర్ల‌లో అరంగేట్ర ఆట‌గాడు మాథ్యూ బ్రీట్జ్‌కే విధ్వంస‌క‌ర సెంచ‌రీతో చెల‌రేగాడు.148 బంతులు ఎదుర్కొని 11 ఫోర్లు, 5 సిక్సర్లతో 150 పరుగులు చేశాడు.త‌ద్వారా అరంగేట్రంలో 150 రన్స్‌ చేసిన తొలి ఆటగాడిగా ప్రపంచ రికార్డు సృష్టించాడు. అత‌డితో పాటు వియాన్ ముల్డర్ (64), జాసన్ స్మిత్ (41) కూడా రాణించారు. కివీస్‌ బౌలర్లలో మాట్‌ హెన్రీ, ఓ రూర్క్‌ తలా రెండు వికెట్లు పడగొట్టగా..బ్రాస్‌వెల్‌ ఓ వికెట్‌ సాధించాడు. కాగా ఈ సిరీస్‌లో కివీస్‌కు ఇదే రెండో విజయం. పాకిస్తాన్‌తో జరిగిన తొలి మ్యాచ్‌లో 78 పరుగుల తేడాతో న్యూజిలాండ్‌ గెలుపొందింది.చదవండి: ఆసీస్‌, భార‌త్, ఇంగ్లండ్‌ కాదు.. ఆ జ‌ట్టు చాలా డేంజ‌ర‌స్‌: రవి శాస్త్రి

సౌతాఫ్రికా టీ20 లీగ్‌-2025(SA20- 2025) ఎడిషన్‌ తుది అంకానికి చేరుకుంటోంది. ఇప్పటికే పర్ల్‌ రాయల్స్‌(Parl Royals) ప్లే ఆఫ్స్‌నకు అర్హత సాధించగా.. మిగిలిన మూడు స్థానాల కోసం నాలుగు జట్ల మధ్య ప్రధాన పోటీ నెలకొంది. ఇలాంటి తరుణంలో సన్‌రైజర్స్‌ ఈస్టర్న్‌కేప్‌(Sunrisers Eastern Cape) జట్టుకు జొబర్గ్‌ సూపర్‌ కింగ్స్‌ భారీ షాకిచ్చింది.సన్‌రైజర్స్‌ వరుస విజయాలకు అడ్డుకట్ట వేయడంతో పాటు.. ‘బోనస్‌’ పాయింట్‌(Win With Bonus Point)తో పాయింట్ల పట్టికలో నాలుగో స్థానానికి ఎగబాకింది. ప్లే ఆఫ్స్‌ రేసులోనూ రైజర్స్‌తో పోటీకి సై అంటోంది. కాగా గ్వెబెర్హా వేదికగా జనవరి 9న సౌతాఫ్రికా టీ20 లీగ్‌ మూడో సీజన్‌ ఆరంభమైంది. తొలి మ్యాచ్‌లో పర్ల్‌ రాయల్స్‌తో తలపడ్డ.. డిఫెండింగ్‌ చాంపియన్‌ సన్‌రైజర్స్‌ ఓటమితో ప్రయాణాన్ని ఆరంభించింది.వరుసగా నాలుగు విజయాలుఅనంతరం.. ప్రిటోరియా క్యాపిటల్స్‌ చేతిలోనూ ఓడిన మార్క్రమ్‌ బృందం.. తర్వాత వరుసగా నాలుగు విజయాలు సాధించింది. డర్బన్‌ సూపర్‌ జెయింట్స్‌ను వరుసగా రెండు మ్యాచ్‌లలో చిత్తు చేయడంతో పాటు.. ప్రిటోరియా క్యాపిటల్‌స​, జొబర్గ్‌ సూపర్‌ కింగ్స్‌పై గెలుపొందింది.ఈసారి మాత్రం ఘోర పరాజయంఇక ఆదివారం నాటి మ్యాచ్‌లో జొబర్గ్‌ జట్టుతోనే తలపడిన సన్‌రైజర్స్‌ ఈసారి మాత్రం ఘోర పరాజయం పాలైంది. జొహన్నస్‌బర్గ్‌ వేదికగా టాస్‌ గెలిచిన సన్‌రైజర్స్‌ తొలుత బ్యాటింగ్‌ చేసింది. అయితే, జొబర్గ్‌ బౌలర్ల ధాటికి 118 పరుగులకే కుప్పకూలింది. ఓపెనర్‌ బెడింగ్‌హాం(40 బంతుల్లో 48), వికెట్‌ కీపర్‌ ట్రిస్టన్‌ స్టబ్స్‌(37), మార్కో జాన్సెన్‌(22) మాత్రమే రాణించారు.మిగతా వాళ్లలో ఓపెనర్‌ జాక్‌ క్రాలే, అబెల్‌, జోర్డాన్‌ హెర్మాన్‌, కెప్టెన్‌ ఐడెన్‌ మార్క్రమ్‌, బేయర్స్‌ స్వానెపోయెల్‌ డకౌట్‌ కాగా.. లియామ్‌ డాసన్‌, ఒట్నీల్‌ బార్ట్‌మన్‌, రిచర్డ్‌ గ్లెసాన్‌(1*) ఒక్కో పరుగు మాత్రమే చేశారు. ఇక జొబర్గ్‌ బౌలర్లలో విల్‌జోన్‌ నాలుగు వికెట్లతో చెలరేగగా.. సిపామ్ల మూడు వికెట్లు, ఇమ్రాన్‌ తాహిర్, మతీశ పతిరణ ఒక్కో వికెట్‌ దక్కించుకున్నారు.What a start for the Joburg Super Kings 🏎️#BetwaySA20 #JSKvSEC #WelcomeToIncredible pic.twitter.com/jQhU4dIW85— Betway SA20 (@SA20_League) January 26, 2025 డెవాన్‌ కాన్వే మెరుపు​ ఇన్నింగ్స్‌ఇక స్వల్ప లక్ష్యంతో బరిలోకి దిగిన జొబర్గ్‌ సూపర్‌ కింగ్స్‌ ఆదిలోనే కెప్టెన్‌ ఫాఫ్‌ డుప్లెసిస్‌(15) వికెట్‌ కోల్పోయింది. అయితే, మరో ఓపెనర్‌ డెవాన్‌ కాన్వే ధనాధన్‌ దంచికొట్టాడు. 56 బంతుల్లో పదకొండు ఫోర్లు, మూడు సిక్సర్ల సాయంతో 76 పరుగులతో అజేయంగా నిలిచాడు. అతడికి తోడుగా వన్‌డౌన్‌ బ్యాటర్‌ విహాన్‌ లూబే(17 బంతుల్లో 3 ఫోర్లు, ఒక సిక్సర్‌ , 25 రన్స్‌) మెరుపు ఇన్నింగ్స్‌తో రాణించాడు.ఫలితంగా మరో 36 బంతులు మిగిలి ఉండగానే జొబర్గ్‌ సూపర్‌ కింగ్స్‌ లక్ష్యాన్ని ఛేదించింది. తొమ్మిది వికెట్ల తేడాతో సన్‌రైజర్స్‌పై గెలుపొంది.. అదనపు పాయింట్‌ను కూడా ఖాతాలో వేసుకుంది. కాగా సౌతాఫ్రికా టీ20 లీగ్‌లో ఆరు జట్లు లీగ్‌ దశలో పదేసి మ్యాచ్‌లు ఆడతాయి. పాయింట్ల కేటాయింపు ఇలామ్యాచ్‌ గెలిస్తే నాలుగు పాయింట్లు, ఫలితం తేలకపోతే రెండు పాయింట్లు వస్తాయి. ఓడితే పాయింట్లేమీ రావు. ఇక గెలిచిన- ఓడిన జట్టు మధ్య రన్‌రేటు పరంగా 1.25 రెట్ల తేడా ఉంటే.. నాలుగు పాయింట్లకు అదనంగా మరో బోనస్‌ పాయింట్‌ కూడా వస్తుంది.జొబర్గ్‌ సూపర్‌ కింగ్స్‌ ఈ నిబంధన ప్రకారమే తాజాగా బోనస్‌ పాయింట్‌ సాధించి.. ఓవరాల్‌గా 15 పాయింట్లతో పట్టికలో నాలుగో స్థానానికి దూసుకువచ్చింది. కాగా పర్ల్‌ రాయల్స్‌ ఇప్పటికి ఏడు మ్యాచ్‌లు పూర్తి చేసుకుని ఆరు విజయాలతో 24 పాయింట్లు సాధించి ప్లే ఆఫ్స్‌లో అడుగుపెట్టింది.మరోవైపు.. ఎంఐ కేప్‌టౌన్‌ ఏడింట నాలుగు(21 పాయింట్లు), సన్‌రైజర్స్‌ ఎనిమిదింట నాలుగు(19 పాయింట్ల) విజయాలతో పట్టికలో రెండు, మూడు స్థానాల్లో కొనసాగుతున్నాయి. జొబర్గ్‌ ఏడింట మూడు గెలిచి నాలుగో స్థానంలో.. ప్రిటోరియా క్యాపిటల్స్‌ ఏడింట కేవలం ఒక్కటి గెలిచి ఐదు, డర్బన్‌ సూపర్‌ జెయింట్స్‌ ఎనిమిదింట ఒక్క విజయంతో అట్టడుగున ఆరో స్థానంలో ఉన్నాయి. చదవండి: చరిత్ర సృష్టించిన హసరంగ.. ఫాస్టెస్ట్‌ ట్రిపుల్‌ సెంచరీ

స్వ‌దేశంలో ఇంగ్లండ్ చేతిలో టెస్టు సిరీస్‌ను కోల్పోయిన న్యూజిలాండ్ ఇప్పుడు త‌మ ప‌రువు కాపాడుకునేందుకు సిద్ద‌మైంది. డిసెంబ‌ర్ 14 నుంచి హామిల్ట‌న్ వేదిక‌గా ఇంగ్లండ్‌తో జ‌ర‌గ‌నున్న మూడో టెస్టులో ఎలాగైనా గెలిచి వైట్ వాష్ నుంచి త‌ప్పించుకోవాల‌ని కివీస్ భావిస్తోంది.అయితే ఈ ఆఖరి టెస్టుకు ముందు బ్లాక్‌క్యాప్స్‌కు భారీ షాక్ త‌గిలింది. ఆ జ‌ట్టు స్టార్ ఓపెనర్ డెవాన్ కాన్వే మూడో టెస్టుకు దూర‌మ‌య్యాడు. త‌న భార్య బిడ్డ‌కు జ‌న్మ‌నివ్వ‌డంతో కాన్వే కివీస్ జ‌ట్టు నుంచి వైదొలిగాడు. ఈ విష‌యాన్ని న్యూజిలాండ్ క్రికెట్ ధృవీకరించింది. కాన్వే స్ధానాన్ని మార్క్ చాప్‌మన్‌తో న్యూజిలాండ్ క్రికెట్ భర్తీ చేసింది. కాగా ఈ మ్యాచ్ కోసం న్యూజిలాండ్ జట్టు బుధవారం(డిసెంబర్ 12) హామిల్టన్‌కు చేరుకోనుంది. ఇక మూడో టెస్టులో కివీస్ ఓపెనర్‌గా విల్ యంగ్ బరిలోకి దిగనున్నాడు.గత నెలలో భారత పర్యటనలో ప్లేయర్ ఆఫ్ ది సిరీస్‌గా నిలిచిన యంగ్‌.. ఇంగ్లండ్ సిరీస్‌లో మాత్రం తొలి రెండు మ్యాచ్‌లకు బెంచ్‌కే పరిమితమయ్యాడు. ఇప్పడు కాన్వే దూరం కావడంతో తుది జట్టులోకి యంగ్‌ ఎంట్రీకి మార్గం సుగమమైంది. కాగా తొలి రెండు టెస్టుల్లో పర్యాటక ఇంగ్లండ్‌ చేతిలో కివీస్‌ ఘోర ఓటములను చవిచూసింది.చదవండి: IND vs AUS: 'మీరేమి టూర్‌కు వెళ్లలేదు.. దయచేసి హోటల్ గదులలో కూర్చోవద్దు'

టీమిండియాతో తొలి టెస్టులో న్యూజిలాండ్‌ భారీ స్కోరు సాధించింది. తొలి ఇన్నింగ్స్‌లో రోహిత్‌ సేన కంటే 356 పరుగుల ఆధిక్యంలో నిలిచింది. బెంగళూరు వేదికగా 180/3 ఓవర్‌నైట్‌ స్కోరుతో శుక్రవారం నాటి మూడో రోజు ఆట మొదలుపెట్టింది కివీస్‌.రచిన్‌ రవీంద్ర సెంచరీమిడిలార్డర్‌ బ్యాటర్‌ రచిన్‌ రవీంద్ర సెంచరీతో చెలరేగగా.. టెయిలెండర్‌ టిమ్‌ సౌతీ అతడికి సహకారం అందించాడు. రచిన్‌ 157 బంతులు ఎదుర్కొని 13 ఫోర్లు, 4 సిక్సర్ల సాయంతో 134 పరుగులు చేశాడు. అతడి కెరీర్‌లో ఇది రెండో టెస్టు సెంచరీ. మరోవైపు.. సౌతీ 73 బంతుల్లో 65 రన్స్‌తో ఆకట్టుకున్నాడు. మిగతా వాళ్లలో మూడో రోజు గ్లెన్‌ ఫిలిప్స్‌(14) ఒ​‍క్కడే డబుల్‌ డిజిట్‌ స్కోరు సాధించాడు.ఇక గురువారం ఓపెనర్‌ డెవాన్‌ కాన్వే 91 పరుగులతో అదరగొట్టిన విషయం తెలిసిందే. ఈ క్రమంలో న్యూజిలాండ్‌ తమ తొలి ఇన్నింగ్స్‌లో 402 పరుగులకు ఆలౌట్‌ అయింది. భారత బౌలర్లలో స్పిన్నర్లు కుల్దీప్‌ యాదవ్‌, రవీంద్ర జడేజా మూడేసి వికెట్లు పడగొట్టగా.. అశ్విన్‌ ఒక వికెట్‌ తీశాడు. పేసర్లు జస్‌ప్రీత్‌ బుమ్రా, మహ్మద్‌ సిరాజ్‌ రెండు వికెట్లు తమ ఖాతాలో వేసుకున్నారు. కాగా రోహిత్‌ సేన 46 పరుగులకే కుప్పకూలిన విషయం తెలిసిందే. ఫలితంగా న్యూజిలాండ్‌కు 356 పరుగుల ఆధిక్యం లభించింది.టీమిండియా వర్సెస్‌ న్యూజిలాండ్‌👉తొలి టెస్టు: అక్టోబరు 16- అక్టోబరు 20👉వేదిక: ఎం. చిన్నస్వామి స్టేడియం, బెంగళూరు👉వర్షం వల్ల తొలిరోజు ఆట రద్దు👉రెండో రోజు పడిన టాస్‌👉టాస్‌ గెలిచి బ్యాటింగ్‌ ఎంచుకున్న టీమిండియా👉టీమిండియా తొలి ఇన్నింగ్స్‌: 46 పరుగులకే ఆలౌట్‌👉న్యూజిలాండ్‌ తొలి ఇన్నింగ్స్‌: 402 ఆలౌట్‌.చదవండి: ‘కాస్తైనా సిగ్గుండాలి నీకు!: మండిపడ్డ టీమిండియా ఫ్యాన్స్‌

బెంగ‌ళూరు వేదిక‌గా న్యూజిలాండ్‌తో ప్రారంభ‌మైన మొద‌టి టెస్టులో భార‌త్‌కు ఏదీ క‌లిసి రావ‌డం లేదు. వ‌ర్షం కార‌ణంగా తొలి రోజు ఆట తుడిచిపెట్టుకుపోవ‌డంతో రెండో రోజు(గురువారం) మ్యాచ్ ప్రారంభమైంది. టాస్ గెలిచి బ్యాటింగ్‌కు దిగిన భార‌త్‌కు ఘోర ప‌రాభావం ఎదురైంది. న్యూజిలాండ్ బౌల‌ర్ల దాటికి భార‌త్ కేవ‌లం 46 ప‌రుగుల‌కే కుప్ప‌కూలింది. 92 ఏళ్ల త‌మ టెస్టు క్రికెట్ హిస్ట‌రీల భార‌త జ‌ట్టుకు స్వ‌దేశంలో ఇదే అత్య‌ల్ప స్కోర్ కావ‌డం గ‌మ‌నార్హం. న్యూజిలాండ్ బౌల‌ర్ల‌లో మ్యాట్ హెన్రీ 5 వికెట్లు ప‌డ‌గొట్ట‌గా.. రౌర్కీ 4 వికెట్లు త‌న ఖాతాలో వేసుకున్నాడు. భార‌త బ్యాట‌ర్ల‌లో రిష‌బ్ పంత్‌(20) ప‌రుగుల‌తో టాప్ స్కోర‌ర్‌గా నిలిచాడు. అనంత‌రం బ్యాటింగ్‌లో కూడా కివీస్ అద‌ర‌గొడుతోంది. రెండో రోజు ఆట ముగిసే స‌మ‌యానికి న్యూజిలాండ్ 3 వికెట్ల న‌ష్టానికి 180 ప‌రుగులు చేసింది.అత‌డొక డీఎస్పీ..కాగా రెండో రోజు ఆట సంద‌ర్భంగా ఓ ఆస‌క్తిక‌ర సంఘ‌ట‌న చోటు చేసుకుంది. తొలి ఇన్నింగ్స్‌లో కివీస్‌కు ఓపెన‌ర్లు లాథ‌మ్‌, కాన్వే మంచి ఆరంభాన్ని ఇచ్చారు. లాథ‌మ్‌గా స్లోగా ఆడిన‌ప్ప‌ట‌కి మ‌రో ఓపెన‌ర్ డెవాన్ కాన్వే మాత్రం వ‌న్డే త‌ర‌హాలో త‌న ఇన్నింగ్స్‌ను కొన‌సాగించాడు.ఈ క్ర‌మంలో న్యూజిలాండ్ ఇన్నింగ్స్ 15వ ఓవ‌ర్ వేసిన మ‌హ్మ‌ద్ సిరాజ్.. కాన్వేను స్లెడ్జ్ చేశాడు. ఆ ఓవ‌ర్‌లో మూడో బంతిని కాన్వే బౌండ‌రీకి త‌ర‌లించాడు. ఆ త‌ర్వాత నాలుగో బంతిని డెవాన్ డిఫెండ్ చేశాడు. వెంట‌నే సిరాజ్ కాన్వే వైపు సీరియ‌స్‌గా చూస్తూ ఏదో అన్నాడు. కాన్వే మాత్రం సిరాజ్ మాట‌ల‌ను ప‌ట్టించుకోలేదు. ఈ నేప‌థ్యంలో కామెంటేట‌ర్‌గా వ్య‌వ‌హ‌రిస్తున్న భార‌త క్రికెట్ దిగ్గ‌జం సునీల్ గ‌వాస్క‌ర్ ఫన్నీ వ్యాఖ్య‌లు చేశాడు. "అత‌డు ఇప్పుడు డీఎస్పీ అన్న విష‌యం మ‌ర్చిపోవ‌ద్దు. అతనికి సహచరులు సెల్యూట్ చేశారా? లేదా? ఒక వేళ చేస్తే కచ్చితంగా నేను షాక్‌ అవుతాను" అని గ‌వాస్క‌ర్ పేర్కొన్నాడు. టీ20 ప్రపంచకప్ 2024 గెలిచిన భారత జట్టులో సభ్యుడిగా ఉన్న మహమ్మద్ సిరాజ్‌కు తెలంగాణ రాష్ట్ర ప్రభుత్వం గ్రూప్-1 పోస్ట్‌ కింద డీఎస్పీ ఉద్యోగం ఇచ్చింది. Siraj telling his real Instagram I'd to Conway pic.twitter.com/OMTZbP4VSY— John_Snow (@MrSnow1981) October 17, 2024

న్యూజిలాండ్‌తో తొలి టెస్టులో టీమిండియా తడ‘బ్యాటు’కు గురైంది. స్టార్‌ బ్యాటర్లంతా పెవిలియన్‌కు వరుస కట్టడంతో మొదటి ఇన్నింగ్స్‌లో 46 పరుగులకే ఆలౌట్‌ అయింది. తద్వారా చెత్త రికార్డులతో పాటు విమర్శలూ మూటగట్టుకుంది. ఇక బౌలింగ్‌లోనూ మన వాళ్లు ప్రభావం చూపలేకపోయారు. భారత బ్యాటర్లు పరుగులు రాబట్టలేక చతికిలపడిన పిచ్‌పై కివీస్‌ బ్యాటర్లు మెరుగైన స్కోర్లు సాధించారు. ఓవరాల్‌గా రెండో రోజు కివీస్‌దే పైచేయి అయింది.భారీ వర్షం వల్ల తొలిరోజు ఆట రద్దుకాగా భారత్, న్యూజిలాండ్‌ మధ్య తొలి టెస్టులో బుధవారం మొదటి రోజు ఆట సాధ్యం కాని విషయం తెలిసిందే. ఉదయం నుంచి వర్షం కురవడంతో కనీసం టాస్‌ కూడా పడకుండానే తొలి రోజు ముగిసింది. షెడ్యూల్‌ ప్రకారం 9 గంటలకు టాస్‌ వేయాల్సి ఉండగా... ఆ సమయంలో భారీ వర్షం ముంచెత్తింది. దీంతో ఆటగాళ్లు డ్రెస్సింగ్‌ రూమ్‌లకే పరిమితమయ్యారు. కాసేపటికి వరుణుడు తెరిపినివ్వడంతో మెరుగైన డ్రైనేజీ వ్యవస్థ ఉన్న చిన్నస్వామి స్టేడియంలో మ్యాచ్‌ ప్రారంభం కావడం ఖాయమే అని అభిమానులు ఆశపడ్డారు.కానీ గత రెండు రోజులుగా బెంగళూరులో వర్షాలు కురుస్తుండటంతో గ్రౌండ్‌ను పూర్తిగా కవర్స్‌తో కప్పి ఉంచారు. ఈ నేపథ్యంలో మ్యాచ్‌కు ముందు ‘హాక్‌–ఐ’ టెక్నాలజీ పరికరాలను ఏర్పాటు చేయలేకపోయారు. దీంతో ముందస్తు లంచ్‌ బ్రేక్‌ ప్రకటించి ‘హాక్‌–ఐ’ పరికరాలను అమర్చే ప్రయత్నం చేశారు. అప్పటికే టీ విరామ సమయం కూడా మించి పోగా... కాసేపటికే మరోసారి భారీ వర్షం మైదానాన్ని ముంచెత్తింది. దీంతో అంపైర్లు తొలి రోజు ఆటను రద్దు చేస్తున్నట్లు ప్రకటించారు. రెండో రోజు కరుణించిన వరణుడుఈ క్రమంలో గురువారం కూడా ఆట మొదలవుతుందో లేదోనన్న సందేహాల నడుమ ఎట్టకేలకు వరణుడు కరుణించాడు. ఈ క్రమంలో టాస్‌ గెలిచిన టీమిండియా తొలుత బ్యాటింగ్‌ ఎంచుకుంది. అయితే, ఆరంభం నుంచే వికెట్ల పతనం మొదలైంది. ఓపెనర్లు యశస్వి జైస్వాల్‌(13), కెప్టెన్‌ రోహిత్‌ శర్మ (2) నిరాశపరచగా.. వన్‌డౌన్‌ బ్యాటర్‌ విరాట్‌ కోహ్లి, సర్ఫరాజ్‌ ఖాన్‌ డకౌట్‌ అయ్యారు.వికెట్ల పతనంఈ క్రమంలో వికెట్‌ కీపర్‌ బ్యాటర్‌ రిషభ్‌ పంత్‌ 20 పరుగులతో ఫర్వాలేదనిపించగా.. కేఎల్‌ రాహుల్‌, రవీంద్ర జడేజా, రవిచంద్రన్‌ అశ్విన్‌ పరుగుల ఖాతా తెరవకుండానే నిష్క్రమించారు. ఇక టెయిలెండర్లలో కుల్దీప్‌ యాదవ్‌ రెండు, బుమ్రా ఒకటి, సిరాజ్‌ నాలుగు(నాటౌట్‌) పరుగులు చేశారు. దీంతో టీమిండియా తొలి ఇన్నింగ్స్‌లో 31.2 ఓవర్లు మాత్రమే ఆడి కేవలం 46 పరుగులకే కుప్పకూలింది. కివీస్‌ బౌలర్లలో మ్యాచ్‌ హెన్నీ ఐదు వికెట్లు కూల్చగా.. విలియం రూర్కీ నాలుగు, టిమ్‌ సౌతీ ఒక వికెట్‌ పడగొట్టారు.కాన్వే హీరో ఇన్నింగ్స్‌ఆ తర్వాత బ్యాటింగ్‌ మొదలుపెట్టిన న్యూజిలాండ్‌కు డెవాన్‌ కాన్వే శుభారంభం అందించి.. రెండో రోజు ఆట ముగిసే సరికి పటిష్ట స్థితిలో నిలిపాడు. ఓపెనర్‌, కెప్టెన్‌ టామ్‌ లాథమ్‌(15) విఫలం కాగా.. మరో ఓపెనర్‌ కాన్వే 105 బంతులాడి 91 పరుగులతో అదరగొట్టాడు. విల్‌ యంగ్‌ 33 పరుగులు చేయగా.. గురువారం ఆట పూర్తయ్యేసరికి రచిన్‌ రవీంద్ర 22, డారిల్‌ మిచెల్‌ 14 పరుగులతో క్రీజులో ఉన్నారు. ఓవరాల్‌గా తొలి ఇన్నింగ్స్‌లో కివీస్‌ భారత్‌ కంటే 134 పరుగుల ఆధిక్యంలో నిలిచింది.

న్యూజిలాండ్‌ స్టార్‌ క్రికెటర్‌ డెవాన్‌ కాన్వే సూపర్‌ కింగ్స్‌ ఫ్రాంఛైజీ మరో జట్టులో భాగమయ్యాడు. సౌతాఫ్రికా టీ20 లీగ్‌ 2025 ఎడిషన్‌లో ఈ వికెట్‌ కీపర్‌ బ్యాటర్‌ జొబర్గ్‌ సూపర్‌ కింగ్స్‌కు ప్రాతినిథ్యం వహించనున్నాడు. ఇందుకు సంబంధించి జట్టు యాజమాన్యం శుక్రవారం ప్రకటన విడుదల చేసింది.మూడు టీ20 లీగ్‌లలోకాగా డెవాన్‌ కాన్వే ఇండియన్‌ ప్రీమియర్‌ లీగ్‌లో చెన్నై సూపర్‌ కింగ్స్‌కు ఆడుతున్న విషయం తెలిసిందే. అదే విధంగా మేజర్‌ క్రికెట్‌ లీగ్‌లో టెక్సాస్‌ సూపర్‌ కింగ్స్‌ తరఫున బరిలోకి దిగుతున్నాడు. తాజాగా జొబర్గ్‌ టీమ్‌లోనూ చోటు దక్కించుకున్న కాన్వే.. సూపర్‌ కింగ్స్‌ ఫ్రాంఛైజీ అన్ని టీ20 జట్లకు ఆడుతున్న క్రికెటర్‌గా నిలిచాడు.కివీస్‌తో తెగిన బంధంఇక ఫ్రాంఛైజీ క్రికెట్‌కు ప్రాధాన్యం ఇచ్చే క్రమంలో న్యూజిలాండ్‌ క్రికెట్‌ బోర్డు సెంట్రల్‌ కాంట్రాక్టును కాన్వే వదులుకున్న విషయం తెలిసిందే. ఈ విషయాన్ని కివీస్‌ బోర్డు గురువారం ధ్రువీకరించింది. మరుసటి రోజే అతడు జొబర్గ్‌తో ఒప్పందం కుదుర్చుకోవడం విశేషం. డెవాన్‌ కాన్వేతో పాటు ఫాఫ్‌ డుప్లెసిస్‌, ఇమ్రాన్‌ తాహిర్‌ సైతం వచ్చే ఏడాది జొబర్గ్‌కు ప్రాతినిథ్యం వహించబోతున్నారు.పొట్టి ఫార్మాట్‌ వీరుడుకాగా లెఫ్టాండర్‌ బ్యాటర్‌ అయిన డెవాన్‌ కాన్వే మేజర్‌ లీగ్‌ క్రికెట్‌ తాజా ఎడిషన్‌ టాప్‌ రన్‌ స్కోరర్లలో ఒకడిగా నిలిచాడు. ఎనిమిది మ్యాచ్‌లలో కలిపి 143.62 స్ట్రైక్‌రేటుతో 293 పరుగులు సాధించాడు. ఇందులో మూడు అర్ధ శతకాలు ఉన్నాయి. ఇక ఓవరాల్‌గా టీ20 క్రికెట్‌లో ఈ సౌతాఫ్రికన్‌- కివీ ఓపెనర్‌ 187 మ్యాచ్‌లు ఆడి 6028 పరుగులు చేశాడు. ఇందులో రెండు శతకాలు, 48 అర్ధ శతకాలు ఉండటం విశేషం.ఇదిలా ఉంటే.. బొటనవేలికి గాయం కారణంగా కాన్వే ఐపీఎల్‌-2024కు దూరమైన సంగతి తెలిసిందే. కాగా సౌతాఫ్రికా టీ20 లీగ్‌ 2023లో ఆరంభమైంది. అరంగేట్ర సీజన్‌లో చాంపియన్‌గా నిలిచిన సన్‌రైజర్స్‌ ఈస్టర్న్‌కేప్‌.. ఈ ఏడాది కూడా టైటిల్‌ను నిలబెట్టుకుంది. మరోవైపు.. జొబర్గ్‌ రెండు సీజన్లలో సెమీస్‌కు అర్హత సాధించినా.. ఫైనల్లో అడుగుపెట్టలేకపోయింది.చదవండి: ’టీ20 ఫార్మాట్‌ క్రికెట్‌ను నాశనం చేస్తోంది.. ఇండియా మాత్రం లక్కీ’

పొట్టి ఫార్మాట్‌ వల్ల క్రికెట్‌ నాశనమవడం ఖాయమని పాకిస్తాన్‌ మాజీ క్రికెటర్‌ బసిత్‌ అలీ ఆందోళన వ్యక్తం చేశాడు. ఆటగాళ్ల మెదళ్లలో టీ20 అనే విషం నిండిపోవడం వల్ల సంప్రదాయ క్రికెట్‌కు ఆదరణ తగ్గే ప్రమాదం ఉందని హెచ్చరించాడు. లీగ్‌ క్రికెట్‌ వల్ల ఆయా బోర్డులు, ఆటగాళ్లకు డబ్బులు వస్తాయని.. అయితే, ఆటకు మాత్రం నష్టం చేకూరుతుందని పేర్కొన్నాడు.కాగా ఇటీవలి కాలంలో లీగ్‌ క్రికెట్‌ ఆడేందుకు చాలా మంది ప్లేయర్లు సెంట్రల్‌ కాంట్రాక్టును వదులుకుంటున్న సంగతి తెలిసిందే. ముఖ్యంగా న్యూజిలాండ్‌ క్రికెటర్లలో కెప్టెన్‌ కేన్‌ విలియమ్సన్‌ సహా ట్రెంట్‌ బౌల్ట్‌, లాకీ ఫెర్గూసన్‌ ఇప్పటికే కాంట్రాక్టును వదులుకోగా.. డెవాన్‌ కాన్వే, ఫిన్‌ అలెన్‌ సైతం గురువారం ఇందుకు సంబంధించి తమ నిర్ణయాన్ని వెల్లడించారు.కాసుల వర్షం వల్లేఫ్రాంఛైజీ క్రికెట్‌ ఒప్పందాల దృష్ట్యా కాంట్రాక్ట్‌ రెన్యువల్‌పై సంతకం చేసేందుకు వీరిద్దరు నిరాకరించారని కివీస్‌ బోర్డు వర్గాలు తెలిపాయి. ఈ విషయంపై స్పందించిన పాకిస్తాన్‌ మాజీ బ్యాటర్‌ బసిత్‌ అలీ యూట్యూబ్‌ చానెల్‌ వేదికగా తన అభిప్రాయాలు పంచుకున్నాడు. ‘‘శ్రీలంకతో సిరీస్‌ సందర్భంగా న్యూజిలాండ్‌ జట్టుకు అందుబాటులో ఉండబోనని కాన్వే చెప్పాడు.మరో క్రికెటర్‌ కూడా ఇదే మాట అంటున్నాడు. ఇది కేవలం న్యూజిలాండ్‌ బోర్డు సమస్య మాత్రమే కాదు. క్రమక్రమంగా అన్ని దేశాల బోర్డులకు ఇలాంటి తలనొప్పులు వస్తాయి. పాకిస్తాన్‌ ప్లేయర్లు కూడా ఇదే బాటలో నడిచినా ఆశ్చర్యం లేదు. ఫ్రాంఛైజీ క్రికెట్‌ కురిపించే కాసుల వర్షం వల్లే ఆటగాళ్లు అటువైపు ఆకర్షితులవుతున్నారు.ఇండియా లక్కీనిజానికి ఈ విషయంలో ఇండియా లక్కీ అనే చెప్పాలి. ఎందుకంటే.. భారత ఆటగాళ్లు ఐపీఎల్‌ మినహా ఇతర టీ20 టోర్నమెంట్లు ఆడరు. ఏదేమైనా టీ20 పిచ్చి.. ఇక్కడితో ఆగదు. క్రికెట్‌ను.. ముఖ్యంగా టెస్టు క్రికెట్‌ను నాశనం చేస్తుంది. గంటల తరబడి క్రీజులో నిలబడే బ్యాటర్ల పాలిట ఇదొక విషం లాంటిది. ఇండియా మినహా దాదాపు అన్ని దేశాల జట్లు టీ20 క్రికెట్‌ వల్ల ఇబ్బందులు ఎదుర్కొంటున్నాయి. డబ్బు వస్తోంది.. కానీ సంప్రదాయ క్రికెట్‌ కనుమరుగయ్యే ప్రమాదం ఉంది’’ అని బసిత్‌ అలీ ఆందోళన వ్యక్తం చేశాడు.చదవండి: వీవీఎస్‌ లక్ష్మణ్‌ పదవీకాలం మరో ఏడాది పొడిగింపు

న్యూజిలాండ్ స్టార్ క్రికెటర్లు డెవాన్ కాన్వే, ఫిన్ అలెన్ కీలక నిర్ణయం తీసుకున్నారు. కివీస్ క్రికెట్ బోర్డు సెంట్రల్ కాంట్రాక్ట్‌లను వీరిద్దరూ వదులుకున్నారు. ఫ్రాంచైజీ క్రికెట్ ఒప్పందాల దృష్ట్యా కాన్వే, అలెన్ ఈ నిర్ణయం తీసుకున్నట్లు సమాచారం. వీరిద్దరూ తమ కాంట్రక్ట్ రెన్యూవల్‌పై సంతకం చేయలేదని కివీస్ క్రికెట్ వర్గాలు వెల్లడించాయి.అయితే వీరిద్దరూ సెంట్రల్‌ కాంట్రాక్ట్‌ వదులుకున్నప్పటికి బ్లాక్‌క్యాప్స్‌ సెలెక్షన్‌కు మాత్రం అందుబాటులో ఉంటారని బోర్డు స్పష్టం చేసింది. ఈ డిసెంబర్‌లో అలెన్ బిగ్ బాష్ లీగ్‌లో ఆడనుండగా.. కాన్వే వచ్చే ఏడాది జనవరిలో సౌతాఫ్రికా టీ20 లీగ్‌లో ఆడనున్నాడు. కాగా ఇప్పటికే కేన్ విలియమ్సన్‌, లూకీ ఫెర్గూసన్‌, ట్రెంట్ బౌల్ట్‌, మిల్నే వంటి స్టార్ క్రికెటర్లు సైతం బోర్డు కాంట్రాక్ట్‌లను వదులు కున్నారు.కివీస్ సెంట్రల్ ప్లేయింగ్ కాంట్రాక్ట్ నుండి నేను వైదొలగాలని నిర్ణయించుకున్నాను. నా అభ్యర్ధను అంగీకరించినందుకు న్యూజిలాండ్ క్రికెట్‌కు ధన్యవాదాలు. ఈ నిర్ణయం నేను అన్ని ఆలోచించే తీసుకున్నాను. నా కుటంబంతో కొద్ది రోజులు గడపాలనకుంటున్నాను. అదేవిధంగా బ్లాక్‌క్లాప్స్ తరపున ఆడేందుకు నేను ఎప్పుడూ సిద్దంగా ఉంటాను. ఐసీసీ వరల్డ్ ఛాంపియన్‌షిప్ సైకిల్‌లో ముఖ్యమైన టెస్టు సిరీస్‌లలో భాగమైనందుకు చాలా సంతోషంగా ఉంది. అంతేకాకుండా వచ్చే ఏడాది ఫిబ్రవరిలో పాకిస్తాన్‌లో జరిగే ఐసీసీ ఛాంపియన్స్ ట్రోఫీలో ఆడేండుకు కూడా ఆతృతగా ఎదురుచూస్తున్నాని న్యూజిలాండ్ క్రికెట్ విడుదల చేసే ప్రకటనలో డెవాన్ పేర్కొన్నాడు. కాగా అఫ్గానిస్తాన్‌, శ్రీలంకతో టెస్టు సిరీస్‌లకు కాన్వేకు న్యూజిలాండ్‌ జట్టులో చోటు దక్కింది.

టీ20 ప్రపంచకప్‌-2024 టోర్నీలో న్యూజిలాండ్‌ ఎట్టకేలకు బోణీ కొట్టింది. ఉగాండాను చిత్తుగా ఓడించి తొలి గెలుపు నమోదు చేసింది.ఈ మెగా ఈవెంట్లో అఫ్గనిస్తాన్‌, వెస్టిండీస్‌, ఉగాండా, పపువా న్యూగినియాలో కలిసి గ్రూప్‌-సిలో ఉన్న న్యూజిలాండ్‌.. తొలి రెండు మ్యాచ్‌లలో పరాజయం పాలైంది.మొదట అఫ్గనిస్తాన్‌ చేతిలో 84 పరుగుల తేడాతో చిత్తుగా ఓడిన కేన్‌ విలియమ్సన్‌ బృందం.. తదుపరి వెస్టిండీస్‌ చేతిలో 13 పరుగుల తేడాతో పరాజయం పాలైంది. ఈ క్రమంలో సూపర్‌-8 అవకాశాలు సంక్లిష్టమయ్యాయి.మరోవైపు.. అఫ్గనిస్తాన్‌, వెస్టిండీస్‌ వరుస విజయాలతో రాణించి.. సూపర్‌-8 బెర్తును ఖరారు చేసుకోవడంతో న్యూజిలాండ్‌ కథ ముగిసిపోయింది.ఈ క్రమంలో మిగిలిన రెండు నామమాత్రపు మ్యాచ్‌లలో విజయం సాధించాలని పట్టుదలగా ఉన్న కివీస్‌.. తాజాగా శనివారం నాటి మ్యాచ్‌లో పసికూన ఉగాండాపై ప్రతాపం చూపింది.ట్రినిడాడ్‌ వేదికగా టాస్‌ గెలిచిన న్యూజిలాండ్‌ తొలుత బౌలింగ్‌ ఎంచుకుంది. పేసర్లు ‘ప్లేయర్‌ ఆఫ్‌ ది మ్యాచ్‌’ టిమ్‌ సౌతీ(3/4), ట్రెంట్‌ బౌల్ట్‌(2/7), లాకీ ఫెర్గూసన్‌(1/9).. స్పిన్నర్లు మిచెల్‌ సాంట్నర్‌(2/8), రచిన్‌ రవీంద్ర(2/9) ఆకాశమే హద్దుగా చెలరేగారు.దీంతో ఉగాండా 18.4 ఓవర్లలో కేవలం 40 పరుగులే చేసి ఆలౌట్‌ అయింది. ఉగాండా ఇన్నింగ్స్‌లో టాప్‌ స్కోర్‌ 11గా నమోదైంది. ఇక అత్యంత స్వల్ప లక్ష్యంతో బరిలోకి దిగిన న్యూజిలాండ్‌ 5.2 ఓవర్లలో పని పూర్తి చేసింది.ఓపెనర్‌ ఫిన్‌ అలెన్‌ 17 బంతుల్లో కేవలం తొమ్మిది పరుగులే చేసి అవుట్ అయ్యాడు. మరో ఓపెనర్‌ డెవాన్‌ కాన్వే(15 బంతుల్లో 22), రచిన్‌ రవీంద్ర(1)తో కలిసి అజేయంగా నిలిచి.. కివీస్‌ విజయాన్ని ఖరారు చేశాడు.ఫలితంగా వికెట్‌ నష్టానికి 41 పరుగులు చేసిన న్యూజిలాండ్‌ వరల్డ్‌కప్‌-2024లో పాయింట్ల ఖాతా తెరిచింది. తదుపరి జూన్‌ 17న పపువా న్యూగినియాతో కివీస్‌ జట్టు తలపడనుంది. ‌ కాగా ఉగాండాపై న్యూజిలాండ్‌ విజయం నేపథ్యంలో అభిమానులు మిశ్రమంగా స్పందిస్తున్నారు. ఇప్పటికైనా ఒకటి గెలిచిందని కొంతమంది సంతోషిస్తుంటే.. చేతులు కాలాక ఆకులు పట్టుకుంటే ఏం లాభమని మరికొందరు విమర్శిస్తున్నారు. ‌ View this post on Instagram A post shared by ICC (@icc)

ప్రస్తుత ఐపీఎల్‌ సీజన్‌లో డిఫెండింగ్‌ ఛాంపియన్‌ చెన్నై సూపర్‌ కింగ్స్‌కు భారీ షాక్‌ తగిలింది. గాయం నుంచి పూర్తిగా కోలుకోని కారణంగా ఆ జట్టు స్టార్‌ ఓపెనర్‌, న్యూజిలాండ్‌ ఆటగాడు డెవాన్‌ కాన్వే సీజన్‌ మొత్తానికే దూరమయ్యాడు. గాయం కారణంగా సీజన్‌ తొలి ఆరు మ్యాచ్‌లకు దూరమైన కాన్వే.. ఇప్పుడు సీజన్‌ మొత్తానికే దూరం కావడం ఆ జట్టుపై పెను ప్రభావం పడనుంది. కాన్వే గత రెండు సీజన్లుగా సీఎస్‌కేలో కీలక ఆటగాడిగా ఉన్నాడు. సీఎస్‌కే మరో టైటిల్‌ దిశగా అడుగులు వేసే క్రమంలో కాన్వే లాంటి ఆటగాడు అందుబాటు లేకపోవడం ఆ జట్టు విజయావకాశాలను బాగా దెబ్బతీస్తుంది. కాన్వే సీజన్‌ మొత్తానికి దూరమైన విషయాన్ని సీఎస్‌కే యాజమాన్యం ఇవాళ (ఏప్రిల్‌ 18) అధికారికంగా ప్రకటించింది. కాన్వేకు ప్రత్యామ్నాయంగా ఇంగ్లండ్‌ వెటరన్‌ పేసర్‌ రిచర్డ్‌ గ్లీసన్‌ను ఎంపిక చేసుకున్నట్లు వెల్లడించింది. గ్లీసన్‌ను సీఎస్‌కే కనీస ధర 50 లక్షలకు సొంతం చేసుకుంది.  కాగా, సీఎస్‌కే ప్రస్తుత సీజన్‌లో 6 మ్యాచ్‌ల్లో 4 విజయాలు సాధించి పాయింట్ల పట్టికలో మూడో స్థానంలో కొనసాగుతుంది. కొత్త సారధి రుతురాజ్‌ సారధ్యంలో సీఎస్‌కే గత రెండు మ్యాచ్‌ల్లో వరుస విజయాలు సాధించింది. ఈ జట్టు రేపు (ఏప్రిల్‌ 19) జరుగబోయే తమ తదుపరి మ్యాచ్‌లో లక్నో సూపర్‌ జెయింట్స్‌తో తలపడనుంది. ఈ సీజన్‌లో సీఎస్‌కే ఇంకా ఎనిమిది మ్యాచ్‌లు ఆడాల్సి ఉంది. మరో నాలుగు మ్యాచ్‌లు గెలిస్తే సీఎస్‌కే ప్లే ఆఫ్స్‌ బెర్త్‌ను ఖరారు చేసుకుంటుంది. Richard Gleeson - The new Super King🦁pic.twitter.com/ZPvNldEqLw — CricTracker (@Cricketracker) April 18, 2024 Welcome To CSK, RICHARD GLEESON 🦁💛 Dismissed Rohit Sharma, Virat Kohli and Rishabh Pant within his first eight balls on debut. 🔥pic.twitter.com/rF7FAnSskk — 🜲 (@balltamperrer) April 18, 2024

ఐపీఎల్‌-2024 సీజన్‌కు చెన్నై సూపర్‌ కింగ్స్‌ స్టార్‌, కివీస్‌ వికెట్‌ కీపర్‌ బ్యాటర్‌ డెవాన్ కాన్వే దూరమైన సంగతి తెలిసిందే. చేతివేలి గాయం కారణంగా ఈ ఏడాది సీజన్‌ మొత్తానికి కాన్వే దూరమయ్యాడు. ఈ క్రమంలో అతడి స్ధానాన్ని భర్తీ చేసే పనిలో సీఎస్‌కే పడింది. శ్రీలంక కెప్టెన్‌ కుశాల్‌ మెండీస్‌తో కాన్వే స్ధానాన్ని సీఎస్‌కే  భర్తీ చేయనున్నట్లు వార్తలు వినిపిస్తున్నాయి. ఇప్పటికే అతడితో సీఎస్‌కే ఫ్రాంచైజీ సంప్రదింపులు జరిపినట్లు తెలుస్తోంది. కాగా ఐపీఎల్‌-2024 మినీ వేలంలో రూ.50లక్షల కనీస ధరతో వేలంకు వచ్చిన అతడిని ఏ ఫ్రాంచైజీ కొనుగొలు చేసేందుకు ఆసక్తి చూపలేదు. అయితే  ఇప్పుడు అద్బుతమైన ప్రదర్శన కనబరుస్తుడంతో సీఎస్‌కే అతడిని తమ జట్టులోకి తీసుకునేందుకు సిద్దమైంది. మెండీస్‌ ప్రస్తుతం అద్బుతమైన ఫామ్‌లో ఉన్నాడు. ముఖ్యంగా వైట్‌బాల్‌ క్రికెట్‌లో మెండీస్‌ దుమ్ములేపుతున్నాడు. మెండిస్‌ ప్రస్తుతం బంగ్లాదేశ్‌తో వన్డే సిరీస్‌లో బీజీబీజీగా ఉన్నాడు. ఛటోగ్రామ్‌ వేదికగా జరిగిన తొలి వన్డేలో సైతం మెండిస్‌ హాఫ్‌ సెంచరీతో చెలరేగాడు.  అంతకుముందు బంగ్లాతో జరిగిన టీ20 సిరీస్‌లోనూ మెండిస్‌ అదరగొట్టాడు. అదేవిధంగా మెండిస్‌ వికెట్‌ కీపర్‌ బ్యాటర్ అయినందున తమ జట్టులోకి తీసుకోవాలని సీఎస్‌కే ఫిక్స్‌​ అయినట్లు పలు రిపోర్ట్‌లు పేర్కొంటున్నాయి. ఇక ఐపీఎల్‌-2024 సీజన్‌ మార్చి 22 నుంచి ప్రారంభం కానుంది.  చెపాక్‌ వేదికగా జరగనున్న తొలి మ్యాచ్‌లో చెన్నై సూపర్‌ కింగ్స్‌, రాయల్‌ ఛాలెంజర్స్‌ బెంగళూరు జట్లు తలపడనున్నాయి.

చెన్నై సూపర్‌ కింగ్స్‌ ఓపెనర్‌ డెవాన్‌ కాన్వే గాయం కారణంగా రాబోయే ఐపీఎల్‌ సీజన్‌ మొత్తానికి దూరమైన విషయం తెలిసిందే. కాన్వే వైదొలగడంతో రుతురాజ్‌ గైక్వాడ్‌తో పాటు సీఎస్‌కే ఇన్నింగ్స్‌ను ఎవరు ఆరంభిస్తారనే అంశంపై ప్రస్తుతం నెట్టింట భారీ ఎత్తున చర్చ నడుస్తుంది. ప్రస్తుతం సీఎస్‌కేకు అందుబాటులో ఉన్న వనరుల ప్రకారం ముగ్గురు ఆటగాళ్లను ఓపెనర్‌గా ప్రమోషన్‌ లభించే అవకాశం ఉంది. వారిలో కొత్తగా జట్టులో చేరిన న్యూజిలాండ్‌ ఆటగాడు రచిన్‌ రవీంద్రకు అవకాశాలు ఎక్కువగా కనిపిస్తున్నాయి. రచిన్‌ ఇటీవల ముగిసిన వన్డే వరల్డ్‌కప్‌లో ఓపెనర్‌గా సక్సెస్‌ సాధించాడు కాబట్టి అతన్నే రుతురాజ్‌కు జోడీగా పంపాలని మెజార్టీ శాతం సీఎస్‌కే అభిమానులు కోరుకుంటున్నారు. అయితే సీఎస్‌కే యాజమాన్యం ముందు రచిన్‌తో పాటు మరో రెండు ఆప్షన్స్‌ కూడా ఉన్నట్లు తెలుస్తుంది. వెటరన్లు అజింక్య రహానే, మొయిన్‌ అలీల్లో ఎవరో ఒకరికి ఓపెనర్‌గా ప్రమోషన్‌ ఇవ్వాలని ధోని యోచిస్తున్నట్లు సమాచారం. రహానేకు గతంలో రాజస్తాన్‌ రాయల్స్‌ ఓపెనర్‌గా ఆడిన అనుభవం ఉండటం అతనికి యాడెడ్‌ అడ్వాంటేజ్‌ అయ్యే అవకాశం ఉంది. అలాగే రహానేకు గత సీజన్‌లో పేసర్లపై విరుచుకుపడిన ట్రాక్‌ రికార్డు కూడా ఉండటం సెకెండ్‌ అప్షన్‌ ఓపెనర్‌గా అతని పేరునే పరిశీలించే అవకాశం ఉంది. రచిన్‌, రహానేలతో పాటు మొయిన్‌ అలీ పేరును సైతం​ సీఎస్‌కే మేనేజ్‌మెంట్‌ పరిశీలిస్తున్నట్లు సమాచారం. అయితే బ్యాటర్‌గా మొయిన్‌ అలీకి పెద్ద సక్సెస్‌ రేట్‌ లేకపోవడం, వయసు పైబడటం వంటి కారణాలు అతన్ని  ఓపెనర్‌ రేసులో వెనకపడేలా చేయవచ్చు. సీజన్‌ ప్రారంభానికి మరి కొద్ది రోజులు మాత్రమే ఉండటంతో సీఎస్‌కే యాజమాన్యం అతి త్వరలో ఓపెనింగ్‌ స్థానాన్ని ఫైనల్‌ చేసే అవకాశం ఉంది. కాగా, ఈ సీజన్‌ ఓపెనింగ్‌ మ్యాచ్‌లో చెన్నై సూపర్‌ కింగ్స్‌.. రాయల్‌ ఛాలెంజ్‌ బెంగళూరుతో తలపడనుంది. మార్చి 22న చెన్నైలో ఈ మ్యాచ్‌ జరుగనుంది.  చెన్నై సూపర్‌ కింగ్స్‌ పూర్తి జట్టు.. ఎంఎస్‌ ధోని వికెట్‌కీపర్‌బ్యాటర్‌ 12 కోట్లు (కెప్టెన్‌) డెవాన్ కాన్వే బ్యాటర్ కోటి రుతురాజ్ గైక్వాడ్ బ్యాటర్ 6 కోట్లు అజింక్య రహానే బ్యాటర్ 50 లక్షలు అజయ్ మండల్ ఆల్ రౌండర్ 20 లక్షలు నిశాంత్ సింధు ఆల్ రౌండర్ 60 లక్షలు మొయిన్ అలీ ఆల్ రౌండర్ 8 కోట్లు శివమ్ దూబే ఆల్ రౌండర్ 4 కోట్లు రాజవర్ధన్ హంగర్గేకర్ బౌలర్ 1.5 కోట్లు షేక్ రషీద్ బ్యాటర్ 20 లక్షలు మిచెల్ సాంట్నర్ ఆల్ రౌండర్ 1.9 కోట్లు రవీంద్ర జడేజా ఆల్ రౌండర్ 16 కోట్లు తుషార్ దేశ్‌పాండే బౌలర్ 20 లక్షలు ముఖేష్ చౌదరి బౌలర్ 20 లక్షలు మతీషా పతిరణ బౌలర్ 20 లక్షలు సిమ్రన్‌జీత్ సింగ్ బౌలర్ 20 లక్షలు దీపక్ చాహర్ బౌలర్ 14 కోట్లు ప్రశాంత్ సోలంకి బౌలర్ 1.2 కోట్లు మహేశ్ తీక్షణ బౌలర్ 70 లక్షలు రచిన్ రవీంద్ర బ్యాటర్ 1.8 కోట్లు శార్దూల్ ఠాకూర్ ఆల్ రౌండర్ 4 కోట్లు డారిల్ మిచెల్ ఆల్ రౌండర్ 14 కోట్లు సమీర్ రిజ్వీ బ్యాటర్ 8.4 కోట్లు ముస్తాఫిజుర్ రెహమాన్ బౌలర్ 2 కోట్లు అవినాష్ రావు ఆరవెల్లి కొట్టు 20 లక్షలు 

ఐపీఎల్‌-2024 సీజన్‌ ఆరంభానికి ముందు చెన్నై సూపర్‌ కింగ్స్‌కు బిగ్‌ షాక్‌ తగిలింది. ఆ జట్టు స్టార్‌ ఓపెనర్‌, కివీస్‌ క్రికెటర్‌ డెవాన్‌ కాన్వే గాయం కారణంగా ఈ ఏడాది ఐపీఎల్‌ సీజన్‌ మొత్తానికి దూరం కానున్నట్లు తెలుస్తోంది. కాన్వే ప్రస్తుతం చేతి వేలి గాయంతో బాధపడుతున్నాడు. ఆస్ట్రేలియాతో జరిగిన రెండో టీ20 సం డెవాన్ కాన్వే ఎడమ చేతి బొటన వేలికి గాయమైంది. .దీంతో అతడు ఆట మధ్యలోనే మైదానాన్ని వీడాడు. స్కానింగ్‌కు తరలించగా ఫ్రాక్చర్‌ ఉన్నట్లు తేలింది. ఈ క్రమంలో వైద్యులు అతడికి సర్జరీ అవసరమని సూచించారు. కాన్వే చేతి వేలికి త్వరలోనే శస్త్రచికిత్స జరగనుంది. ఈ నేపథ్యంలో శస్త్రచికిత్స అనంతరం అతడికి ఎనిమిది వారాల పాటు విశ్రాంతి వైద్యులు తెలిపినట్లు సమాచారం. అంటే మే వరకు కాన్వే అందుబాటులో ఉండే ఛాన్స్‌ లేదు. ఈ క్రమంలోనే సీజన్‌ మొత్తానికి డెవాన్‌ దూరం కానున్నాడు. కాగా గతేడాది సీఎస్‌కే ఛాంపియన్స్‌గా నిలవడంలో కాన్వేది కీలక పాత్ర. గుజరాత్‌ జెయింట్స్‌తో జరిగిన ఫైనల్లో ప్లేయర్‌ ఆఫ్‌ది మ్యాచ్‌గా డెవాన్‌ నిలిచాడు. అటువంటి అద్బుతమైన ఆటగాడు దూరం కావడం సీఎస్‌కేకు నిజంగా గట్టి ఎదురుదెబ్బే. ఈ సీఎస్‌కే తమ తొలి మ్యాచ్‌లో మార్చి 22న ఆరంభ మ్యాచ్‌లో రాయల్‌ ఛాలెంజర్స్‌ బెంగళూరుతో తలపడనుంది. చదవండి: Shreyas Iyer: కష్టాల్లో జట్టు.. తుస్సుమన్పించిన శ్రేయస్‌ అయ్యర్‌! స్టంప్స్‌ ఎగిరిపోయాయిగా

Australia tour of New Zealand, 2024: ఆస్ట్రేలియాతో టెస్టు సిరీస్‌ ఆరంభానికి ముందు న్యూజిలాండ్‌కు ఎదురుదెబ్బ తగిలింది. ఆ జట్టు స్టార్‌ బ్యాటర్‌ డెవాన్‌ కాన్వే జట్టుకు దూరమయ్యాడు. గాయం నుంచి ఇంకా కోలుకోని కారణంగా ఈ ఓపెనర్‌ తొలి టెస్టుకు అందుబాటులో ఉండటం లేదు. కాన్వే స్థానంలో అతడు జట్టులోకి ఈ విషయాన్ని న్యూజిలాండ్‌ క్రికెట్‌ ధ్రువీకరించింది. ‘‘కీలక మ్యాచ్‌కు ముందు డెవాన్‌ జట్టుకు దూరం కావడం మమ్మల్ని నిరాశకు గురిచేసింది. టాపార్డర్‌లో ఇలాంటి క్లాస్‌ ప్లేయర్‌ సేవలను కోల్పోవడం కష్టంగా ఉంది. పూర్తిగా కోలుకుని అతడు తిరిగి జట్టుతో చేరతాడని నమ్మకం ఉంది’’ అని కివీస్‌ జట్టు హెడ్‌కోచ్‌ గ్యారీ స్టెడ్‌ పేర్కొన్నాడు. కాన్వే స్థానంలో హెన్రీ నికోల్స్‌ను ఎంపిక చేసినట్లు తెలిపాడు.  కాగా మూడు టీ20లు, రెండు టెస్టు మ్యాచ్‌ల సిరీస్‌ ఆడే నిమిత్తం ఆస్ట్రేలియా.. న్యూజిలాండ్‌ పర్యటనకు వెళ్లింది. ఇందులో భాగంగా టీ20 సిరీస్‌ను 3-0తో క్లీన్‌స్వీప్‌ చేసిన ఆసీస్‌.. తదుపరి టెస్టు సిరీస్‌పై కన్నేసింది. రచిన్‌, మిచెల్‌ వచ్చేస్తున్నారు మరోవైపు.. సొంతగడ్డపై పొట్టి ఫార్మాట్లో కంగారూ జట్టు చేతిలో ఎదురైన పరాభవానికి బదులు తీర్చుకోవాలని కివీస్‌ పట్టుదలగా ఉంది. ఇరు జట్ల మధ్య వెల్లింగ్‌టన్‌ వేదికగా గురువారం నుంచి తొలి టెస్టు మొదలుకానుంది. ఈ మ్యాచ్‌కు యువ సంచలనం రచిన్‌ రవీంద్ర, ఆల్‌రౌండర్‌ డారిల్‌ మిచెల్‌ అందుబాటులోకి రానున్నారు. ఇదిలా ఉంటే.. ఆసీస్‌తో రెండో టీ20 సందర్భంగా డెవాన్‌ కాన్వే ఎడమచేతి బొటనవేలికి గాయమైంది. దీంతో మూడో టీ20కి దూరంగా ఉన్న అతడు.. తొలి టెస్టుకు కూడా ఆడలేకపోతున్నాడు. ఆస్ట్రేలియాతో సిరీస్‌కు న్యూజిలాండ్ టెస్టు జట్టు: టిమ్ సౌథీ (కెప్టెన్), టామ్ బ్లండెల్ (వికెట్ కీపర్), మ్యాట్ హెన్రీ, స్కాట్ కుగెలిజిన్, టామ్ లాథమ్, డారిల్ మిచెల్, విల్ ఓ రూర్కే, గ్లెన్ ఫిలిప్స్, రచిన్ రవీంద్ర, మిచెల్ శాంట్నర్, నీల్ వాగ్నర్, కేన్ విలియమ్సన్, విల్ యంగ్, హెన్రీ నికోల్స్‌. చదవండి: Ind vs Eng: లండన్‌కు పయనమైన కేఎల్‌ రాహుల్‌.. కారణం ఇదే!

New Zealand vs Australia, 1st T20I - Rachin Ravindra Maiden T20I fifty: ఆస్ట్రేలియాతో తొలి టీ20లో న్యూజిలాండ్‌ జట్టు అదరగొట్టింది. ఓపెనర్‌ డెవాన్‌ కాన్వే, ఆల్‌రౌండర్‌ రచిన్‌ రవీంద్ర సుడిగాలి అర్ధ శతకాల కారణంగా భారీ స్కోరు నమోదు చేసింది. కాగా మూడు టీ20లు, రెండు టెస్టులు ఆడేందుకు ఆసీస్‌.. న్యూజిలాండ్‌ పర్యటనకు వెళ్లింది. ఇందులో భాగంగా ఇరుజట్ల మధ్య వెల్లింగ్‌టన్‌ వేదికగా తొలి టీ20 బుధవారం మొదలైంది. టాస్‌ గెలిచిన ఆతిథ్య కివీస్‌ జట్టు తొలుత బ్యాటింగ్‌ ఎంచుకుంది. ఓపెనర్లు ఫిన్‌ అలెన్‌, డెవాన్‌ కాన్వే శుభారంభం అందించగా.. వన్‌డౌన్‌ బ్యాటర్‌ రచిన్‌ రవీంద్ర ఆకాశమే హద్దుగా చెలరేగాడు. ఫిన్‌ అలెన్‌ 17 బంతుల్లో 2 ఫోర్లు, 3 సిక్స్‌ల సాయంతో 32 రన్స్‌తో మెరుపు ఇన్నింగ్స్‌ ఆడగా.. కాన్వే(46 బంతుల్లో 5 ఫోర్లు, 2 సిక్సర్లతో 63) సూపర్‌ హాఫ్‌ సెంచరీతో మెరిశాడు. ఇక స్పిన్‌ ఆల్‌రౌండర్‌ రచిన్‌ రవీంద్ర 35 బంతులు ఎదుర్కొని 68 పరుగులు సాధించాడు. 19 బంతుల్లోనే 54 రన్స్‌ రచిన్‌ ఇన్నింగ్స్‌లో రెండు ఫోర్లు, ఆరు సిక్స్‌లు ఉన్నాయి. కాగా రచిన్‌కు టీ20లలో ఇదే తొలి అర్థ శతకం కావడం విశేషం. 29 బంతుల్లో 50 పరుగుల మార్కు అందుకున్నాడు ఈ లెఫ్టాండ్‌ బ్యాటర్‌. ఇక తాను ఎదుర్కొన్న  తొలి 16 బంతుల్లో కేవలం 14 పరుగులే చేసిన రచిన్‌.. మిగిలిన 19 బంతుల్లో 54 పరుగులతో సత్తా చాటాడు.   రచిన్‌ సంగతి ఇలా ఉంటే.. నాలుగో స్థానంలో బ్యాటింగ్‌కు దిగిన గ్లెన్‌ ఫిలిప్స్‌ 10 బంతుల్లో 19, ఐదో నంబర్‌ బ్యాటర్‌ మార్క్‌ చాప్‌మన్‌ 13 బంతుల్లో 18 పరుగులతో అజేయంగా నిలిచారు. ఈ క్రమంలో నిర్ణీత 20 ఓవర్లలో న్యూజిలాండ్‌ కేవలం మూడు వికెట్లు నష్టపోయి 215 పరుగులు చేసింది. ఆస్ట్రేలియాకు 216 పరుగుల విజయ లక్ష్యాన్ని విధించింది. ఇక ఆసీస్‌ బౌలర్లలో కెప్టెన్‌ మిచెల్‌ మార్ష్‌, పేసర్లు ప్యాట్‌ కమిన్స్‌, మిచెల్‌ స్టార్క్‌ ఒక్కో వికెట్‌ దక్కించుకున్నారు.  Rachin Ravindra 🔥#nzvsaus pic.twitter.com/VgISIw95Ji — piyush (@piyushson17) February 21, 2024 చదవండి: IPL 2024: టెస్టులో ధనాధన్‌ ఇన్నింగ్స్‌.. సర్ఫరాజ్‌ రీఎంట్రీ! A chat with Wellington local Rachin Ravindra after his maiden T20I fifty 🏏 #NZvAUS pic.twitter.com/ON0wxbgQGA — BLACKCAPS (@BLACKCAPS) February 21, 2024

Devon Conway: న్యూజిలాండ్‌ క్రికెటర్‌, చెన్నై సూపర్‌ కింగ్స్‌ స్టార్‌ బ్యాటర్‌ డెవాన్‌ కాన్వే కుటుంబంలో తీవ్ర విషాదం చోటుచేసుకుంది. త్వరలోనే పండంటి బిడ్డను ఎత్తుకుంటామని ఆనందంగా ఎదురుచూస్తున్న కాన్వే- కిమ్‌ దంపతులకు శోకమే మిగిలింది. ఈ ప్రపంచంలోకి రాకుండానే.. తల్లి గర్భంలోనే పాపాయి కన్నుమూసింది. ఈ విషయాన్ని కాన్వే భార్య కిమ్‌ సోషల్‌ మీడియా వేదికగా వెల్లడించింది. ‘‘నా వ్యక్తిగత జీవితం గురించి అందరితో పంచుకోవడానికి పెద్దగా ఇష్టపడను. సిగ్గుపడాల్సిన విషయం కాదు కానీ.. గర్భస్రావం వల్ల నాలాంటి ఎంతో మంది స్త్రీలు ఎలాంటి కఠిన పరిస్థితులు ఎదుర్కొంటారో నాకు తెలుసు. అయినా, ఈ విషయాన్ని చెప్పడానికి నేనేమీ బాధపడటం లేదు. సిగ్గుపడటమూ లేదు. ఎందుకంటే.. నాలాగే ఏ మహిళకైనా ఇలాంటి విపత్కర పరిస్థితి ఎదురైతే.. ఆమె హృదయం ముక్కలైతే తట్టుకునే శక్తి ఉండాలి కదా! అందుకే నా మనసులోని భావాలను ఇలా పంచుకుంటున్నాను. ఏదో ఒకరోజు మా జీవితాల్లో మళ్లీ అద్బుతం జరుగుతుంది. తను మళ్లీ తిరిగి వస్తే బోలెడంత ప్రేమను కురిపించేందుకు మేము సిద్ధంగా ఉంటాము’’ అంటూ కిమ్‌ కాన్వే ఉద్వేగపూరిత నోట్‌ షేర్‌ చేసింది. అమ్మా.. నాన్నా.. ప్లీజ్‌ ఏడవద్దు ‘‘చిన్నారి సీతాకోక చిలుకా: నీలోనే నే జీవించాను. నీ ప్రేమలో మునిగితేలాను. అమ్మా.. నాన్నా.. ప్లీజ్‌ ఏడవద్దు. నేను ఎప్పటికీ మీతోనే ఉంటాను. కాకపోతే ఆకాశం నుంచి మిమ్మల్ని చూస్తూనే ఉంటాను’’ అంటూ భావోద్వేగంతో సాగే కవితను కిమ్‌ ఈ సందర్భంగా పంచుకుంది. కాగా జనవరి 31న కిమ్‌ ఈ పోస్టు పెట్టగా తాజాగా వెలుగులోకి వచ్చింది. విషయం తెలుసుకున్న కాన్వే అభిమానులు అతడి పరిస్థితి పట్ల విచారం వ్యక్తం చేస్తున్నారు. ఐపీఎల్‌-2023లో సత్తా చాటి కాగా చాలా ఏళ్లుగా ప్రేమలో మునిగితేలిన కాన్వే- కిమ్‌ 2020లో నిశ్చితార్థం చేసుకున్నారు. ఈ క్రమంలో 2022లో సౌతాఫ్రికాలో సంప్రదాయ పద్ధతిలో వివాహం చేసుకున్నారు. ఇక కివీస్‌ కీలక బ్యాటర్లలో ఒకడైన డెవాన్‌ కాన్వే.. ఐపీఎల్‌లో సీఎస్‌కేకు ప్రాతినిథ్యం వహిస్తున్నాడు. గత సీజన్‌లో 15 ఇన్నింగ్స్‌లో 672 పరుగులు సాధించిన కాన్వే.. సీఎస్‌కే ఐదోసారి ట్రోఫీ గెలవడంతో కీలక పాత్ర పోషించాడు. అత్యధిక వీరుల జాబితాలో మూడో స్థానంలో నిలిచాడు. చదవండి: Virat Kohli: 13 ఏళ్లలో ఇదే తొలిసారి.. మేమంతా నీతోనే! ఆర్సీబీ ట్వీట్‌ వైరల్‌ View this post on Instagram A post shared by Kim Conway (@kimble15)

గత ప్రపంచకప్‌ ఫైనల్‌కు ప్రతీకారమా అంటే సరిగ్గా ఈ మ్యాచ్‌కు ఆ విలువ లేకపోవచ్చు. కానీ ఇంగ్లండ్‌ను తాము చిత్తు చేసిన తీరు న్యూజిలాండ్‌కు మాత్రం పూర్తి సంతృప్తినిచ్చి ఉంటుంది. దుర్బేధ్యమైన జట్టు, ఫేవరెట్‌లలో ఒకటిగా బరిలోకి దిగిన డిఫెండింగ్‌  చాంపియన్‌ ఇంగ్లండ్‌ తొలి మ్యాచ్‌లో పూర్తిగా చేతులెత్తేసింది. అటు పేలవ  బ్యాటింగ్‌ ఆపై పసలేని బౌలింగ్‌తో తమ స్థాయిపై సందేహాలు రేకెత్తించింది. కివీస్‌ మాత్రం అద్భుత ఆటతో తమపై ఉన్న అంచనాలను అమాంతం పెంచేసుకుంది. కట్టుదిట్టమైన బౌలింగ్‌తో ప్రత్యర్థిని పడగొట్టి ఆపై సునాయాస విజయాన్ని సొంతం చేసుకుంది. ప్రపంచకప్‌లో తాము ఆడిన తొలి మ్యాచ్‌ల్లోనే అజేయ మెరుపు సెంచరీలు సాధించి  కాన్వే, రచిన్‌ రవీంద్ర మరో 13.4 ఓవర్లు మిగిలి ఉండగానే జట్టు పేరిట గెలుపును లిఖించారు. రాహుల్‌+సచిన్‌ పేర్లను తన పేరులో ఉంచుకున్న రచిన్‌ అటు క్లాస్, ఇటు మాస్‌ ఆటను కూడా చూపించడం విశేషం.     అహ్మదాబాద్‌: వన్డే వరల్డ్‌ కప్‌ తొలి పోరు ఏకపక్షంగా ముగిసింది. 2019 ఫైనలిస్ట్‌ల మధ్య జరిగిన ఈ మ్యాచ్‌లో న్యూజిలాండ్‌ 9 వికెట్ల తేడాతో ఇంగ్లండ్‌ జట్టును ఓడించింది. టాస్‌ ఓడి ముందుగా బ్యాటింగ్‌కు దిగిన ఇంగ్లండ్‌ 50 ఓవర్లలో 9 వికెట్ల నష్టానికి 282 పరుగులు చేసింది. జో రూట్‌ (86 బంతుల్లో 77; 4 ఫోర్లు, 1 సిక్స్‌) టాప్‌ స్కోరర్‌ కాగా, జోస్‌ బట్లర్‌ (42 బంతుల్లో 43; 2 ఫోర్లు, 2 సిక్స్‌లు) ఫర్వాలేదనిపించాడు. అనంతరం కివీస్‌ 36.2 ఓవర్లలో వికెట్‌ నష్టానికి 283 పరుగులు చేసింది. డెవాన్‌ కాన్వే (121 బంతుల్లో 152 నాటౌట్‌; 19 ఫోర్లు, 3 సిక్స్‌లు), ‘ప్లేయర్‌ ఆఫ్‌ ద మ్యాచ్‌’ రచిన్‌ రవీంద్ర (96 బంతుల్లో 123 నాటౌట్‌; 11 ఫోర్లు, 5 సిక్స్‌లు) సెంచరీలతో చెలరేగారు. వీరిద్దరు రెండో వికెట్‌కు అభేద్యంగా 273 పరుగులు జోడించడం విశేషం. వన్డేల్లో రెండో వికెట్‌కు న్యూజిలాండ్‌ తరఫున ఇదే అత్యుత్తమ భాగస్వామ్యం. గప్టిల్‌ –విల్‌ యంగ్‌ పేరిట ఉన్న 203 పరుగుల రికార్డు భాగస్వామ్యాన్ని కాన్వే–రచిన్‌ సవరించారు.   కీలక భాగస్వామ్యం...  బలమైన లైనప్, చివరి ఆటగాడి వరకు బ్యాటింగ్‌ చేయగల సామర్థ్యం ఉన్న ఇంగ్లండ్‌ను చూస్తే భారీ స్కోరు ఖాయమనిపించింది. తొలి ఓవర్‌ రెండో బంతినే బెయిర్‌స్టో (35 బంతుల్లో 33; 4 ఫోర్లు, 1 సిక్స్‌) సిక్సర్‌గా మలిచాడు. వరల్డ్‌ కప్‌ చరిత్రలో ‘సిక్స్‌’తో స్కోరు మొదలు కావడం ఇదే తొలిసారి. అయితే ప్రత్యరి్థని కట్టడి చేయడంలో కివీస్‌ బౌలర్లు సఫలమయ్యారు. మలాన్‌ (14) విఫలం కాగా, ఆ తర్వాత తక్కువ వ్యవధిలో కివీస్‌ మరో 3 వికెట్లు పడగొట్టింది. రవీంద్ర ఓవర్లో వరుసగా 4, 4, 6 కొట్టిన బ్రూక్‌ (25) తర్వాతి బంతికి వెనుదిరిగాడు. ఈ దశలో రూట్, బట్లర్‌ ఆదుకున్నారు. వీరిద్దరు ఐదో వికెట్‌కు 72 బంతుల్లోనే 70 పరుగులు జోడించారు. అయితే ఈ భాగస్వామ్యాన్ని హెన్రీ విడదీశాక ఇంగ్లండ్‌ వేగంగా వికెట్లు కోల్పోయింది. లోయర్‌ ఆర్డర్‌లో ఎవరూ ఆశించిన స్థాయిలో ప్రభావం చూపలేకపోవడంతో స్కోరు కనీసం 300 పరుగులకు చేరువగా కూడా రాలేదు. వన్డే చరిత్రలో ఆడిన 11 మందీ కనీసం రెండంకెల స్కోరు చేయడం ఇదే మొదటిసారి కాగా... ప్రతీ ఒక్కరు అంతంతమాత్రంగానే ఆడటంతో ఇంగ్లండ్‌కు ఫలితం దక్కలేదు.   ఆడుతూ పాడుతూ...  స్యామ్‌ కరన్‌ వేసిన రెండో ఓవర్‌ తొలి బంతికే యంగ్‌ (0) అవుట్‌! దాంతో కివీస్‌ ఎలా లక్ష్యాన్ని ఛేదిస్తుందనేది ఆసక్తికరంగా మారింది. కానీ కాన్వే, రవీంద్ర అసలు ఎలాంటి అవకాశం ఇవ్వలేదు. కెరీర్‌లో 13వ వన్డే ఆడుతూ తొలిసారి ఓపెనర్‌గా బరిలోకి దిగిన రవీంద్ర పూర్తి ఆత్మవిశ్వాసంతో ఆడగా, ఐపీఎల్‌ అనుభవాన్ని కాన్వే అద్భుతంగా వాడుకున్నాడు. వీరిద్దరు ప్రత్యర్థిపై బౌలర్లందరిపై ఆధిపత్యం ప్రదర్శిస్తూ చకచకా పరుగులు రాబట్టారు. 10 ఓవర్లలోనే స్కోరు 81 పరుగులకు చేరగా, చెరో 36 బంతుల్లోనే రవీంద్ర, కాన్వే అర్ధసెంచరీలు పూర్తి చేసుకున్నారు. వీరిని కట్టడి చేయడంలో ఇంగ్లండ్‌ విఫలం కావడంతో 20 ఓవర్లకే స్కోరు 150 పరుగులకు చేరింది. ఆ తర్వాత ఈ జోడి ఎదురులేకుండా దూసుకుపోయింది. ముందుగా కాన్వే 83  బంతుల్లో, ఆ తర్వాత రవీంద్ర 82 బంతుల్లో శతకాలను అందుకున్నారు. ఆ తర్వాత ఇంగ్లండ్‌ ఎన్ని ప్రయత్నాలు చేసినా లాభం లేకపోగా... కివీస్‌ సునాయాసంగా లక్ష్యం చేరింది. విలియమ్సన్‌ గాయం నుంచి కోలుకోకపోవడంతో లాథమ్‌ కెప్టెన్‌గా వ్యవహరించాడు.   స్కోరు వివరాలు   ఇంగ్లండ్‌ ఇన్నింగ్స్‌: బెయిర్‌స్టో (సి) మిచెల్‌ (బి) సాన్‌ట్నర్‌ 33; మలాన్‌ (సి) లాథమ్‌ (బి) హెన్రీ 14; రూట్‌ (బి) ఫిలిప్స్‌ 77; బ్రూక్‌ (సి) కాన్వే (బి)  రవీంద్ర 25; మొయిన్‌ అలీ (బి) ఫిలిప్స్‌ 11; బట్లర్‌ (సి) లాథమ్‌ (బి) హెన్రీ 43; లివింగ్‌స్టోన్‌ (సి) హెన్రీ (బి) బౌల్ట్‌ 20; కరన్‌ (సి) లాథమ్‌ (బి) హెన్రీ 14; వోక్స్‌ (సి) యంగ్‌ (బి) సాన్‌ట్నర్‌ 11; ఆదిల్‌ రషీద్‌ (నాటౌట్‌) 15; వుడ్‌ (నాటౌట్‌) 13; ఎక్స్‌ట్రాలు 6; మొత్తం (50 ఓవర్లలో 9 వికెట్లకు) 282. వికెట్ల పతనం: 1–40, 2–64, 3–94, 4–118, 5–188, 6–221, 7–229, 8–250, 9–252.  బౌలింగ్‌: బౌల్ట్‌ 10–1–48–1, హెన్రీ 10–1–48–3, సాన్‌ట్నర్‌ 10–0–37–2, నీషమ్‌ 7–0–56–0,  రవీంద్ర 10–0–76–1, ఫిలిప్స్‌ 3–0–17–2.  న్యూజిలాండ్‌ ఇన్నింగ్స్‌: కాన్వే (నాటౌట్‌) 152; యంగ్‌ (సి) బట్లర్‌ (బి) కరన్‌ 0; రచిన్‌ రవీంద్ర (నాటౌట్‌) 123; ఎక్స్‌ట్రాలు 8; మొత్తం (36.2 ఓవర్లలో వికెట్‌ నష్టానికి) 283. వికెట్ల పతనం: 1–10. బౌలింగ్‌: వోక్స్‌ 6–0–45–0, స్యామ్‌ కరన్‌ 6–2–47–1, వుడ్‌ 5–0–55–0, అలీ 9.2–0–60–0, రషీద్‌ 7–0–47–0, లివింగ్‌స్టోన్‌ 3–0–24–0.   ప్రపంచకప్‌లో నేడు పాకిస్తాన్‌ X నెదర్లాండ్స్‌  వేదిక: హైదరాబాద్‌  , మధ్యాహ్నం 2 గంటల నుంచి స్టార్‌ స్పోర్ట్స్, హాట్‌స్టార్‌ యాప్‌లో ప్రత్యక్ష ప్రసారం 

2023 వన్డే వరల్డ్‌కప్‌కు అదిరిపోయే ఆరంభం లభించింది. గత ఎడిషన్‌ ఫైనలిస్ట్‌లు ఇంగ్లండ్‌-న్యూజిలాండ్‌ మధ్య జరిగిన టోర్నీ ఆరంభ మ్యాచ్‌లో పరుగుల వరద పారడంతో పాటు పలు ప్రపంచ రికార్డులు నమోదయ్యాయి. గత వరల్డ్‌కప్‌ (2019) ఫైనల్లో ఇంగ్లండ్‌ చేతిలో ఎదురైన అపజయానికి న్యూజిలాండ్‌ టీమ్ ఈ మ్యాచ్‌లో‌ ప్రతీకారం​ తీర్చుకుంది. అహ్మదాబాద్‌లోని నరేంద్ర మోదీ స్టేడియంలో జరిగిన ఈ మ్యాచ్‌లో కివీస్‌ టీమ్‌.. ప్రపంచ ఛాంపియన్‌ ఇంగ్లండ్‌ను 9 వికెట్ల భారీ తేడాతో మట్టికరిపించి, మెగా టోర్నీలో బోణీ విజయం దక్కించుకుంది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవరల్లో 9 వికెట్ల నష్టానికి 282 పరుగులు చేయగా.. కాన్వే (121 బంతుల్లో 152 నాటౌట్‌; 19 ఫోర్లు, 3 సిక్సర్లు), రచిన్‌ రవీంద్ర (96 బంతుల్లో 123 నాటౌట్‌; 11 ఫోర్లు, 5 సిక్సర్లు) అజేయమైన శతకాలతో విరుచుకుపడటంతో న్యూజిలాండ్‌ 36.2 ఓవర్లలో కేవలం ఒక్క వికెట్‌ మాత్రమే కోల్పోయి విజయతీరాలకు చేరుకుంది.  చరిత్ర సృష్టించిన న్యూజిలాండ్‌.. ఈ మ్యాచ్‌లో ఇంగ్లండ్‌ నిర్ధేశించిన 283 పరుగుల లక్ష్యాన్ని కేవలం 36.2 ఓవర్లలో ఛేదించిన న్యూజిలాండ్‌, వరల్డ్‌కప్‌ చరిత్రలో అత్యంత వేగంగా 280 అంతకంటే ఎక్కువ స్కోర్‌ను ఛేదించిన జట్టుగా చరిత్ర సృష్టించింది.   ఈ మ్యాచ్‌లో నమోదైన మరిన్ని రికార్డులు.. ఈ మ్యాచ్‌లో బెయిర్‌స్టో ఇంగ్లండ్‌ పరుగుల ఖాతాను సిక్సర్‌తో తెరిచి ఆల్‌టైమ్‌ వరల్డ్‌కప్‌ రికార్డును నెలకొల్పాడు. ప్రపంచకప్‌ చరిత్రలో తొలి పరుగులు సిక్సర్‌ రూపంలో రావడం ఇదే తొలిసారి.  ఈ మ్యాచ్‌లో ఇంగ్లండ్‌ ఇన్నింగ్స్‌లో 11 మంది ఆటగాళ్లు రెండంకెల స్కోర్‌ చేశారు. 4658 వన్డేల చరిత్రలో ఇలా జరగడం ఇదే తొలిసారి. ఇది ప్రపంచ రికార్డు. వరల్డ్‌కప్‌లో న్యూజిలాండ్‌ తరఫున ఏ వికెట్‌కైనా అత్యుత్తమ భాగస్వామ్యం- డెవాన్‌ కాన్వే, రచిన్‌ రవీంద్ర (అజేయమైన 273 పరుగులు)  డెవాన్‌ కాన్వే న్యూజిలాండ్‌ తరఫున వన్డేల్లో అత్యంత వేగంగా (22 ఇన్నింగ్స్‌లు) 1000 పరుగులు పూర్తి చేసిన ఆటగాడిగా రికార్డు నెలకొల్పాడు వరల్డ్‌కప్‌ అరంగేట్రంలోనే సెంచరీ చేసిన మూడో అతి పిన్న వయస్కుడిగా (23 ఏళ్ల, 321 రోజులు) రచిన్‌ రవీంద్ర రికార్డుల్లోకెక్కాడు. వరల్డ్‌కప్‌ అరంగేట్రంలో సెంచరీ చేసిన రెండో అతి పెద్ద వయస్కుడిగా (32 ఏళ్ల 89 రోజులు) కాన్వే రికార్డుల్లోకెక్కాడు.  

వన్డే వరల్డ్‌కప్‌ 2023కి అదిరిపోయే ఆరంభం లభించింది. ఈ ఎడిషన్‌ తొలి మ్యాచ్‌లోనే రెండు శతకాలు నమోదయ్యాయి. న్యూజిలాండ్‌ బ్యాటర్లు డెవాన్‌ కాన్వే (121 బంతుల్లో 152 నాటౌట్‌; 19 ఫోర్లు, 3 సిక్సర్లు), రచిన్‌ రవీంద్ర (96 బంతుల్లో 123 నాటౌట్‌; 11 ఫోర్లు, 5 సిక్సర్లు) అజేయమైన శతకాలతో విరుచుకుపడ్డారు. ఈ క్రమంలో వారు ప్రపంచకప్‌లో న్యూజిలాండ్‌ తరఫున ఏ వికెట్‌కైనా అత్యుత్తమ భాగస్వామ్యాన్ని నమోదు చేశారు. ఈ మ్యాచ్‌లో కాన్వే, రచిన్‌ జోడి రెండో వికెట్‌కు అజేయమైన 273 పరుగుల భాగస్వామ్యాన్ని నమోదు చేసింది. ప్రపంచకప్‌ టోర్నీల్లో న్యూజిలాండ్‌ తరఫున ఏ వికెట్‌కైనా ఇదే అత్యుత్తమ భాగస్వామ్యం. 1996 వరల్డ్‌కప్‌లో లీ జెర్మాన్‌-క్రిస్‌ హారిస్‌ జోడి నమోదు చేసిన 168 పరుగుల భాగస్వామ్యామే ఈ మ్యాచ్‌కు ముందు వరకు ప్రపంచకప్‌ల్లో న్యూజిలాండ్‌ బెస్ట్‌ పార్ట్‌నర్‌షిప్‌గా ఉండింది. తాజాగా కాన్వే-రచిన్‌ జోడీ ఈ రికార్డును బద్దలు కొట్టి చరిత్ర సృష్టించింది.  ఈ మ్యాచ్‌లో 36 బంతుల్లో అర్ధసెంచరీలను పూర్తి చేసుకున్న కాన్వే, రచిన్‌ సెంచరీకి చేరుకునేందుకు ఎక్కువ సమయం తీసుకోలేదు. కాన్వే 83 బంతుల్లో శతక్కొడితే.. రచిన్‌ 81 బంతుల్లోనే సెంచరీ మార్కును చేరుకున్నాడు. వన్డేల్లో కాన్వేకు ఇది ఐదో సెంచరీ కాగా.. రచిన్‌కు తన కెరీర్‌ మొత్తంలోనే ఇది తొలి సెంచరీ. కాగా, ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవరల్లో 9 వికెట్ల నష్టానికి 282 పరుగులు చేయగా.. కాన్వే, రచిన్‌ శతక్కొట్టడంతో న్యూజిలాండ్‌ 36.2 ఓవర్లలో కేవలం ఒక్క వికెట్‌ మాత్రమే కోల్పోయి విజయతీరాలకు చేరుకుంది.

హండ్రెడ్‌ లీగ్‌ 2023లో భాగంగా మాంచెస్టర్‌ ఒరిజినల్స్‌తో నిన్న (ఆగస్ట్‌ 24) జరిగిన మ్యాచ్‌లో సథరన్‌ బ్రేవ్స్‌ 6 వికెట్ల తేడాతో గెలుపొందింది. ఫలితంగా ఈ జట్టు ఫైనల్‌కు చేరే అవకాశాలను మరింత మెరుగుపర్చుకుంది. ఈ మ్యాచ్‌లో తొలుత బ్యాటింగ్‌ చేసిన ఒరిజినల్స్‌ జోస్‌ బట్లర్‌ (42 బంతుల్లో 45; 5 ఫోర్లు) రాణించడంతో నిర్ణీత 100 బంతుల్లో 8 వికెట్ల నష్టానికి 130 పరుగులు చేసింది. ఒరిజినల్స్‌ ఇన్నింగ్స్‌లో బట్లర్‌ మినహాయించి ఎవరూ పెద్దగా రాణించలేదు. మాడ్‌సన్‌ (22), సాల్ట్‌ (17), పాల్‌ వాల్టర్‌ (12), ఓవర్టన్‌ (0) రెండంకెల స్కోర్లు చేయగా.. లారీ ఈవాన్స్‌ (2), టామ్‌ హార్ట్లీ (2), హ్యారీసన్‌ (1) సింగిల్‌ డిజిట్‌ స్కోర్లకే పరిమతమయ్యారు. బ్రేవ్‌ బౌలర్లలో తైమాల్‌ మిల్స్‌ 3 వికెట్లు పడగొట్టగా.. రెహాన్‌ అహ్మద్‌ 2, క్రిస్‌ జోర్డన్‌, అకెర్‌మ్యాన్‌ తలో వికెట్‌ దక్కించుకున్నారు.  A knock which put the Southern Brave into #TheHundred Eliminator 🙌 How good was this man today? pic.twitter.com/1hxlAuxdok — The Hundred (@thehundred) August 23, 2023 రెచ్చిపోయిన కాన్వే.. 131 పరుగుల లక్ష్య ఛేదనలో ఓపెనర్‌ డెవాన్‌ కాన్వే (40 బంతుల్లో 54 నాటౌట్‌; 5 ఫోర్లు, సిక్స్‌) రెచ్చిపోవడంతో బ్రేవ్‌ మరో 5 బంతులు మిగిలుండగానే 4 వికెట్లు కోల్పోయి విజయతీరాలకు చేరింది. బ్రేవ్‌ ఇన్నింగ్స్‌లో కెప్టెన్‌ జేమ్స్‌ విన్స్‌ (25 బంతుల్లో 33; 2 ఫోర్లు, సిక్స్‌), ఆకెర్‌మ్యాన్‌ (21 బంతుల్లో 24 నాటౌట్‌; 4 ఫోర్లు), ఫిన్‌ అలెన్‌ (4 బంతుల్లో 14; 2 ఫోర్లు, సిక్స్‌) ఓ మోస్తరుగా రాణించగా.. డు ప్లూయ్‌ (2), వెథర్లీ (0) విఫలమయ్యారు. ఒరిజినల్స్‌ బౌలర్లలో జమాన్‌ ఖాన్‌ 2, జోష్‌ టంగ్‌, ఆస్టన్‌ టర్నర్‌ తలో వికెట్‌ పడగొట్టారు. కాగా, హండ్రెడ్‌ లీగ్‌ ప్రస్తుత ఎడిషన్‌లో ఓవల్‌ ఇన్విన్సిబుల్స్‌ ఇదివరకే ఫైనల్‌కు చేరుకుంది. మరో బెర్త్‌ కోసం మాంచెస్టర్‌ ఒరిజినల్స్‌, సథరన్‌ బ్రేవ్‌ జట్ల మధ్య పోటీ జరుగుతుంది. మిగతా జట్లన్నీ ఎలిమినేట్‌ అయ్యాయి.

పురుషుల హండ్రెడ్‌ లీగ్‌-2023లో భాగంగా వెల్ష్‌ఫైర్‌తో నిన్న (ఆగస్ట్‌ 12) జరిగిన మ్యాచ్‌లో సథరన్‌ బ్రేవ్‌ 9 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన వెల్ష్‌ఫైర్‌.. టైమాల్‌ మిల్స్‌ (20-9-12-4), జార్జ్‌ గార్టన్‌ (15-9-8-3), క్రెయిగ్‌ ఓవర్టన్‌ (20-13-19-2), ఫిషర్‌ (20-10-24-1) ధాటికి నిర్ణీత 100 బంతుల్లో 87 పరుగులకు ఆలౌటైంది. టైమాల్‌ మిల్స్‌ హ్యాట్రిక్‌ వికెట్లు పడగొట్టాడు. వెల్ష్‌ఫైర్‌ ఇన్నింగ్స్‌లో ప్టీవీ ఎస్కినాజీ (38) టాప్‌ స్కోరర్‌గా నిలువగా.. గ్లెన్‌ ఫిలిప్స్‌ (12), డేవిడ్‌ విల్లే (16), బెన్‌ గ్రీన్‌ (10) రెండంకెల స్కోర్లు చేశారు. స్టార్‌ ప్లేయర్‌ జానీ బెయిర్‌స్టో, వికెట్‌ కీపర్‌ జో క్లార్క్‌, హరీస్‌ రౌఫ్‌, డేవిడ్‌ పేన్‌ డకౌట్లయ్యారు.  As it stands! 👇#TheHundred pic.twitter.com/cQMVSxwo0M — The Hundred (@thehundred) August 12, 2023 రాణించిన కాన్వే.. అనంతరం స్వల్ప లక్ష్యాన్ని ఛేదించేం​దుకు బరిలోకి దిగిన బ్రేవ్.. కేవలం 59 బంతుల్లో వికెట్‌ మాత్రమే కోల్పోయి విజయతీరాలకు చేరింది. బ్రేవ్‌ బ్యాటర్లు ఫిన్‌ అలెన్‌ 22 బంతుల్లో 5 ఫోర్లు, సిక్స్‌ సాయంతో 31 పరుగులు చేసి పేన్‌ బౌలింగ్‌లో విల్లేకు క్యాచ్‌ ఇ​చ్చి ఔట్‌ కాగా.. డెవాన్‌ కాన్వే (25 బంతుల్లో 35 నాటౌట్‌; 5 ఫోర్లు), కెప్టెన్‌ డు ప్లూయ్‌ (12 బంతుల్లో 17 నాటౌట్‌; ఫోర్‌, సిక్స్‌) అజేయంగా నిలిచారు.  What a final 5️⃣ balls from Tymal Mills! 😮#TheHundred pic.twitter.com/E4g6HNaD2n — The Hundred (@thehundred) August 12, 2023

మేజర్‌ లీగ్‌ క్రికెట్‌(MLC 2023)లో టెక్సస్‌ సూపర్‌ కింగ్స్‌ మరో విజయాన్ని నమోదు చేసింది. మంగళవారం తెల్లవారుజామున(భారత కాలమాన ప్రకారం) ముంబై న్యూయార్క్‌తో జరిగిన మ్యాచ్‌లో టెక్సస్‌ సూపర్‌ కింగ్స్‌ 17 పరుగుల తేడాతో విజయాన్ని అందుకుంది. ఐపీఎల్‌ 2023 సీజన్‌లో సీఎస్‌కే తరపున అదరగొట్టిన డెవాన్‌ కాన్వే మేజర్‌ లీగ్‌ క్రికెట్‌లోనూ అదే ప్రదర్శనను పునరావృతం చేస్తున్నాడు. తాజాగా ముంబై న్యూయార్క్‌తో మ్యాచ్‌లో కాన్వే 55 బంతుల్లో 74 పరుగులతో రాణించాడు. మిచెల్‌ సాంట్నర్‌(27 పరుగులు) మినహా మిగతావారు పెద్దగా రాణించలేకపోయారు. దీంతో టెక్సస్‌ సూపర్‌ కింగ్స్‌ నిర్ణీత 20 ఓవర్లలో ఏడు వికెట్ల నష్టానికి 154 పరుగులు చేసింది. ముంబై న్యూయార్క్‌ బౌలర్లలో బౌల్ట్‌, రబాడలు చెరో రెండు వికెట్లు తీయగా.. కీరన్‌ పొలార్డ్‌, రషీద్‌ ఖాన్‌లు తలా ఒక వికెట్‌ పడగొట్టారు. అనంతరం 155 పరుగుల లక్ష్యంతో బరిలోకి దిగిన ముంబై న్యూయార్క్‌ నిర్ణీత 20 ఓవర్లలో 8 వికెట్ల నష్టానికి 137 పరుగులు మాత్రమే చేయగలిగింది. ఓపెనర్‌ షయాన్‌ జాహంగీర్‌ 41 పరుగులతో టాప్‌ స్కోరర్‌గా నిలవగా.. టిమ్‌ డేవిడ్‌ 24 పరుగులు చేశాడు. టెక్సస్‌ సూపర్‌కింగ్స్‌ బౌలర్లలో మహ్మద్‌ మోషిన్‌, డేనియల్‌ సామ్స్‌లు చెరో రెండు వికెట్లు తీయగా.. రస్టీ థెరాన్‌, జియా ఉల్‌ హక్‌, డ్వేన్‌ బ్రావోలు తలా ఒక వికెట్‌ తీశారు. DEVON CON-do no wrong 🤩 🎉 Bow down to today's Player of the Match!!! 💛 #MajorLeagueCricket | @texassuperkings pic.twitter.com/OPbaXJBwPZ — Major League Cricket (@MLCricket) July 18, 2023 చదవండి: CWG 2026: 'అంత బడ్జెట్‌ మావల్ల కాదు'.. కామన్‌వెల్త్‌ గేమ్స్‌ నిర్వహించలేం Carlos Alcaraz: అల్‌కరాజ్‌ అందమైన గర్ల్‌ఫ్రెండ్‌ను చూశారా?

అమెరికా వేదికగా జరుగుతున్న మేజర్‌ లీగ్‌ క్రికెట్‌ (ఎంఎల్‌సీ) తొలి సీజన్‌ నిన్నటి (జులై 13) నుంచి ప్రారంభమైంది. సీజన్‌ ఆరంభ మ్యాచ్‌లో టెక్సాస్‌ సూపర్‌ కింగ్స్‌.. లాస్‌ ఏంజెలెస్‌ నైట్‌ రైడర్స్‌పై విజయఢంకా మోగించింది. భారతకాలమానం ప్రకారం ఇవాళ ఉదయం ప్రారంభమైన మ్యాచ్‌లో సూపర్‌ కింగ్స్‌ 69 పరుగుల తేడాతో గెలుపొంది, ఎంఎల్‌సీ-2023లో బోణీ విజయం దక్కించుకుంది.   మిల్లర్‌ కిల్లర్‌ ఇన్నింగ్స్‌.. కాన్వే సూపర్‌ ఫిఫ్టి.. బ్రేవో మెరుపులు ఈ మ్యాచ్‌లో టాస్‌ ఓడి ప్రత్యర్ధి ఆహ్వానం మేరకు తొలుత బ్యాటింగ్‌ చేసిన సూపర్‌ కింగ్స్‌.. కాన్వే (37 బంతుల్లో 55; 7 ఫోర్లు, సిక్స్‌), డేవిడ్‌ మిల్లర్‌ (42 బంతుల్లో 61; 2 ఫోర్లు, 4 సిక్సర్లు) మెరుపు అర్ధసెంచరీలతో చెలరేగడంతో నిర్ణీత 20 ఓవర్లలో 6 వికెట్ల నష్టానికి 181 పరుగులు చేసింది. ఆఖర్లో మిచెల్‌ సాంట్నర్‌ (14 బంతుల్లో 21; 2 సిక్సర్లు), డ్వేన్‌ బ్రేవో (6 బంతుల్లో 16 నాటౌట్‌; 2 సిక్సర్లు) మెరుపు ఇన్నింగ్స్‌లు ఆడారు. సూపర్‌ కింగ్స్‌ కెప్టెన్‌ ఫాఫ్‌ డుప్లెసిస్‌ తానెదుర్కొన్న తొలి బంతికే ఔటయ్యాడు. నైట్‌రైడర్స్‌ బౌలరల్లో అలీ ఖాన్‌, లోకీ ఫెర్గూసన్‌ తలో 2 వికెట్లు.. సునీల్‌ నరైన్‌, ఆడమ్‌ జంపా చెరో వికెట్‌ దక్కించుకున్నారు. రసెల్‌ పోరాటం వృధా.. 182 పరుగుల లక్ష్యాన్ని ఛేదించేందుకు బరిలోకి దిగిన నైట్‌ రైడర్స్‌.. సూపర్‌ కింగ్స్‌ బౌలర్ల ధాటి​కి 14 ఓవర్లలో 112 పరుగులకే కుప్పకూలింది. సూపర్‌ కింగ్స్‌ స్పిన్నర్‌ మొహమ్మద్‌ మొహిసిన్‌ (4/8) నైట్‌రైడర్స్‌ పతనాన్ని శాశించగా.. గెరాల్డ్‌ కొయెట్జీ, రస్టీ థెరన్‌ తలో 2 వికెట్లు, కాల్విన్‌ సావేజ్‌, డ్వేన్‌ బ్రేవో చెరో వికెట్‌ పడగొట్టారు. నైట్‌రైడర్స్‌ ఇన్నింగ్స్‌లో మిగతా బ్యాటర్లంతా పెవిలియన్‌కు క్యూ కడుతుంటే విండీస్‌ విధ్వంసర వీరుడు ఆండ్రీ రసెల్‌ (34 బంతుల్లో 55; 7 ఫోర్లు, 3 సిక్సర్లు) ఒక్కడే ఒంటరిపోరాటం చేశాడు. జస్కరన్‌ మల్హోత్రా (22), సునీల్‌ నరైన్‌ (15) రెండంకెల స్కోర్లు చేయగా.. మిగతావారంతా సింగిల్‌ డిజిట్‌కే పరిమితమయ్యారు. మార్టిన్‌ గప్తిల్‌ (0), ఉన్ముక్త్‌ చంద్‌ (4), రిలీ రొస్సో (4), జంపా (3), ఫెర్గూసన్‌ (1) నిరాశపరిచారు. కాగా, ఐపీఎల్ ఫ్రాంచైజీల యాజమాన్యాలే ఎంఎల్‌సీ జట్లను కూడా కొనుగోలు చేసిన విషయం తెలిసిందే. చెన్నై సూపర్‌ కింగ్స్‌ యాజమాన్యం.. టెక్సాస్‌ సూపర్‌ కింగ్స్‌ను, కోల్‌కతా నైట్‌రైడర్స్‌ యాజమాన్యం.. లాస్‌ ఏంజెలెస్‌ నైట్‌రైడర్స్‌ను సొంతం చేసుకున్నాయి. లీగ్‌లో భాగంగా రేపు (భారతకాలమానం ప్రకారం) సీటిల్‌ ఓర్కాస్‌, వాషింగ్టన్‌ ఫ్రీడం జట్లు.. ముంబై ఇండియన్స్‌ న్యూయార్క్‌, శాన్‌ఫ్రాన్సిస్కో యూనికార్న్స్‌ జట్లు తలపడతాయి.

ఐపీఎల్‌ 16వ సీజన్‌ విజేతగా సీఎస్‌కే నిలిచిన సంగతి తెలిసిందే. గుజరాత్‌ టైటాన్స్‌తో జరిగిన ఫైనల్లో ఐదు వికెట్ల తేడాతో విజయం సాధించింది. ఇది సీఎస్‌కే ఐదో ఐపీఎల్‌ టైటిల్‌ అన్న సంగతి ప్రత్యేకంగా చెప్పనవసరం లేదు. కాగా సీఎస్‌కే విజయంలో కీలకపాత్ర పోషించిన ఓపెనర్‌ డెవాన్‌ కాన్వే చాలా రోజులకు ఒక ఆసక్తికర విషయాన్ని తెలిపాడు. ''టైటిల్‌ గెలిచిన సంతోషంలో చాలా వైల్డ్‌గా సెలబ్రేషన్స్‌ చేసుకున్నాం. అలా సెలబ్రేషన్స్‌లో మునిగిపోయిన మాలో చాలా మంది ఎక్కాల్సిన ఫ్లైట్‌ మిస్సయ్యాం. మొయిన్‌ అలీ ఫ్యామిలీతో పాటు.. డ్వేన్‌ ప్రిటోరియస్‌ కూడా తర్వాతి రోజు వెళ్లారు. మా బౌలింగ్‌ కన్సల్టెంట్‌ ఎరిక్‌ సిమోన్స్‌ కూడా ఫ్లైట్‌ను క్యాన్సిల్‌ చేసుకున్నాడు. మేమంతా ఒక రూమ్‌లో కూర్చొని సెలబ్రేట్‌ చేసుకోగా.. ధోని సెంటర్‌ ఆఫ్‌ అట్రాక్షన్‌ అయ్యాడు. ధోనితో కలిసి గడిపిన సమయాన్ని మా అదృష్టంగా భావిస్తున్నాం.'' అంటూ తెలిపాడు. చదవండి: బ్రిజ్‌భూషణ్‌పై చార్జ్‌షీట్‌ దాఖలు 'నా సక్సెస్‌లో సగం క్రెడిట్‌ కేన్‌మామదే'  

ఐపీఎల్‌ 16వ సీజన్‌లో సీఎస్‌కే ఓపెనర్‌ డెవన్‌ కాన్వే సెంచరీ చేసే అవకాశాన్ని వదులుకున్నాడు. 52 బంతుల్లో 92 పరుగులతో నాటౌట్‌గా నిలిచాడు. అయితే ధోని మాయలో ఉన్న అభిమానులు కాన్వే సెంచరీ చేసినా పెద్దగా పట్టించుకునేవారు కాదేమో. ఎందుకంటే మ్యాచ్‌ జరుగుతుంది చెన్నైలో.   స్వయంగా తమిళనాడు ముఖ్యమంత్రి స్టాలిన్‌ కూడా కేవలం ధోని బ్యాటింగ్‌ చూడడం కోసమే వచ్చినట్లు సమాచారం. ధోని కూడా తనకోసం వేచి చూసిన అభిమానులకు న్యాయం చేశాడు.  తొలి బంతికి పరుగు రాలేదు.. రెండో బంతికి సింగిల్‌.. ఇక కాన్వే సెంచరీ కోసం ధోని ఇలా చేశాడేమో అనుకునేలోపే కాన్వే మళ్లీ సింగిల్‌ తీశాడు. దీంతో ధోని స్ట్రైక్‌లోకి వచ్చి రెండు వరుస సిక్సర్లతో అలరించాడు. వాస్తవానికి కాన్వే కూడా తన సెంచరీ కన్నా ధోని బ్యాటింగ్‌ ముఖ్యమని భావించి అలా చేసి ఉంటాడు. సీఎస్‌కే బ్యాటింగ్‌ ముగిశాకా ధోని పరిగెత్తుకుంటూ వెళ్లిపోయాడు. ఈ దశలో ధోని.. ధోని అని అరిచిన ప్రేక్షకులు.. కాన్వే ఇన్నింగ్స్‌ను పట్టించుకున్న పాపాన పోలేదు. అది ధోనికున్న క్రేజ్‌. మాములుగానే ఈ సీజన్‌లో ప్రత్యర్థి జట్ల సొంత మైదానంలో సీఎస్‌కే మ్యాచ్‌లు జరిగినా కేవలం ధోని ఆటను చూడడం కోసమే అభిమానులు పోటెత్తుతున్నారు. ఉదాహరణకు జైపూర్‌లో రాజస్తాన్‌ రాయల్స్‌తో జరిగిన మ్యాచ్‌. అంతకముందు కోల్‌కతాలో కేకేఆర్‌తో మ్యాచ్‌లోనూ ఆయా జట్లకు మద్దతు ఇచ్చేవాళ్లకంటే కేవలం ధోనిని చూడడం  కోసమే వచ్చారు. ఇక ఆదివారం పంజాబ్‌తో మ్యాచ్‌ చెపాక్‌ వేదికగా జరుగుతుందంటే ధోని క్రేజ్‌ ఎలా ఉంటుందో అర్థం చేసుకోవచ్చు.    Last ball. MS Dhoni. Don't think anything else needs to be said 🙂#CSKvPBKS #IPLonJioCinema #TATAIPL | @ChennaiIPL @msdhoni pic.twitter.com/Bpa7vtDPVv — JioCinema (@JioCinema) April 30, 2023 చదవండి: ఐపీఎల్‌ చరిత్రలో అత్యంత పేలవమైన ఔట్‌ అనుకుంటా!

చిన్నస్వామి స్టేడియం వేదికగా చెన్నై సూపర్‌ కింగ్స్‌తో జరిగిన మ్యాచ్‌లో 8 పరుగుల తేడాతో ఆర్సీబీ ఓటమి పాలైన సంగతి తెలిసిందే. ఫలితం విషయం పక్కన పెడితే.. ఈ మ్యాచ్‌ మాత్రం అభిమానులకు అసలు సిసలైన క్రికెట్‌ మజా అందించింది. ఈ మ్యాచ్‌లో పరుగులు వరద పారింది. రెండు జ‌ట్లు క‌లిపి ఏకంగా 444 పరుగులు నమోదు చేశాయి. అదే విధంగా ఇరు జట్ల బ్యాటర్లు ఏకంగా 33 సిక్స్‌లు బాదడం విశేషం. తొలుత బ్యాటింగ్‌ చేసిన సీఎస్‌కే నిర్ణీత 20 ఓవర్లలో 6 వికెట్ల నష్టానికి  226 ప‌రుగుల భారీ స్కోరు చేసింది. చెన్నై బ్యాటర్లలో కాన్వే(45 బంతుల్లో 83 పరుగులు), దుబే(27 బంతుల్లో 52) అద్భుతమైన ఇన్నింగ్స్‌లు ఆడారు. 227 ప‌రుగుల టార్గెట్‌తో బ‌రిలో దిగిన బెంగ‌ళూరు తొలి ఓవ‌ర్‌లోనే కోహ్లి వికెట్‌ను కోల్పోయింది. అనంతరం డుప్లెసిస్‌, మాక్స్‌వెల్‌ షో మొదలైంది. వీరిద్దరూ సీఎస్‌కే బౌలర్లపై సిక్సర్ల వర్షం కురిపించారు. మాక్స్‌వెల్‌ 36 బాల్స్‌లో 8 సిక్స‌ర్లు, 3 ఫోర్ల‌తో 76 పరుగులు చేయగా.. డుప్లెసిస్‌ 33 బంతుల్లో 62 పరుగులు చేశాడు. ఇక వీరిద్దరూ వరుస క్రమంలో ఔట్‌ కావడంతో ఆర్సీబీ 8 పరుగుల తేడాతో ఓటమి పాలైంది. ఆర్సీబీ నిర్ణీత 20 ఓవర్లలో 8  వికెట్లు కోల్పోయి 218 పరుగులు చేయగల్గింది. చదవండి: Trolls On Vijaykumar Vyshak: చివరి మ్యాచ్‌లో హీరో.. ఇప్పుడు జీరో! అత్యంత చెత్త రికార్డు..                  #Virat Kohli: దూకుడు ఎక్కువైంది.. కోహ్లికి ఊహించని షాక్‌! ఫైన్‌ పడింది.. ఎందుకంటే.. 2019: #TATAIPL debut for @RCBTweets 🏏 Now: Chief destructor against them for @ChennaiIPL 💛 Shivam Dube's attack mode was 🔛 with the bat🔥#RCBvCSK #IPLonJioCinema #IPL2023 | @IamShivamDube pic.twitter.com/jTnfAAccOL — JioCinema (@JioCinema) April 17, 2023

IPL 2023 CSK Vs RR: చెన్నై సూపర్‌ కింగ్స్‌ ఆటగాడు శివం దూబేపై అభిమానులు మండిపడుతున్నారు. మైదానంలో ఉన్నపుడు దృష్టి ఆట మీదే ఉండాలని.. నీ తప్పిదం వల్ల భారీ మూల్యమే చెల్లించాల్సి వచ్చిందని ఆగ్రహం వ్యక్తం చేస్తున్నారు. మరికొంత మంది మాత్రం అంపైర్‌ తప్పుడు నిర్ణయం వల్లే కనీసం ఆఖరి దాకా మ్యాచ్‌ సాగిందని.. ఒకవేళ ఈ మహానుభావుడు క్రీజులో ఉండి ఉంటే ఎప్పుడో ఓటమి ఖరారయ్యేందంటూ వ్యంగ్యాస్త్రాలు సంధిస్తున్నారు. ఐపీఎల్‌-2023లో భాగంగా సీఎస్‌కే- రాజస్తాన్‌ రాయల్స్‌ బుధవారం చెపాక్‌ స్టేడియం వేదికగా తలపడ్డాయి. ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన రాజస్తాన్‌ నిర్ణీత 20 ఓవర్లలో 8 వికెట్ల నష్టానికి 175 పరుగులు చేసింది. ఈ క్రమంలో టార్గెట్‌ చేధించేందుకు బరిలోకి దిగిన చెన్నై ఆఖరి ఓవర్‌ వరకు ఉత్కంఠ రేపిన మ్యాచ్‌లో మూడు పరుగుల తేడాతో పరాజయం పాలైంది. ఎల్బీడబ్ల్యూగా ఫలితంగా చెపాక్‌ రాజస్తాన్‌ రాయల్స్‌ తొలిసారి గెలుపొంది చరిత్ర సృష్టించింది. ఇక ఈ మ్యాచ్‌లో నాలుగో స్థానంలో బ్యాటింగ్‌కు వచ్చిన ఆల్‌రౌండర్‌ శివం దూబే 9 బంతులు ఎదుర్కొని ఒక ఫోర్‌ సాయంతో 8 పరుగులు చేయగలిగాడు. రాజస్తాన్‌ స్పిన్నర్‌ రవిచంద్రన్‌ అశ్విన్‌ బౌలింగ్‌లో ‘ఎల్బీడబ్ల్యూ’గా వెనుదిరిగాడు. PC: Twitter/IPL నిజానికి సీఎస్‌కే ఇన్నింగ్స్‌లో 12వ ఓవర్‌ నాలుగో బంతిని అశ్విన్‌ తనశైలిక కాస్త భిన్నంగా డెలివరీ చేశాడు. షాట్‌కు యత్నించిన దూబే బంతిని మిస్‌ చేయడంతో అతడి ఫ్రంట్‌ ప్యాడ్‌కి తగిలింది. దీంతో.. రాజస్తాన్‌ అప్పీల్‌ చేయగా అంపైర్‌ అవుటిచ్చాడు. నువ్వైనా చెప్పొచ్చు కదా! అయితే, ఈ రీప్లేలో బాల్‌ ట్రాకింగ్‌లో భాగంగా బంతి వికెట్లను మిస్‌ అయినట్లు తేలింది. కానీ.. అప్పటికే జరగాల్సిన నష్టం జరిగింది. దీంతో చెన్నై వికెట్‌ కోల్పోయింది. ఈ నేపథ్యంలో.. రివ్యూకి వెళ్లి ఉంటే.. దూబే నాటౌట్‌ అన్న విషయం తేలేదని.. కానీ దూబే కనీస ప్రయత్నం చేయకుండా క్రీజును వీడటం సరికాదని ఫ్యాన్స్‌ ఆగ్రహం వ్యక్తం చేస్తున్నారు. మరికొందరేమో ఈ తప్పిదంలో దూబేతో పాటు మైదానంలో ఉన్న డెవాన్‌ కాన్వేకు కూడా భాగం ఉందని అతడిని విమర్శిస్తున్నారు. అయితే, అప్పటికే బాల్స్‌ వృథా చేసిన దూబే కనీసం ఇలానైనా పెవిలియన్‌ చేరాడని మరికొందరు ట్రోల్‌ చేస్తున్నారు.  అయితే దూబే ఫ్యాన్స్‌ మాత్రం కట్టుదిట్టంగా బౌలింగ్‌ చేస్తున్నపుడు ఆ స్థానంలో ఎవరు ఉన్నా ఇలాగే ఆడతారంటూ మద్దతుగా నిలుస్తున్నారు. మొత్తానికి ఇలా శివం దూబే పేరు నెట్టింట వైరల్‌గా మారింది.   చదవండి: అదే మా ఓటమిని శాసించింది.. ఆ విషయం నాకు నిజంగా తెలియదు: ధోని   చెపాక్‌లో తొలిసారి ఇలా.. అలాంటి పప్పులేమీ ఉడకవు.. అయితే: సంజూ శాంసన్‌ WHAT. A. GAME! 👏 👏 Another day, another last-ball finish in #TATAIPL 2023! 😎@sandeep25a holds his nerve as @rajasthanroyals seal a win against #CSK! 👍 👍 Scorecard ▶️ https://t.co/IgV0Ztjhz8#CSKvRR pic.twitter.com/vGgNljKvT6 — IndianPremierLeague (@IPL) April 12, 2023

చెపాక్‌ వేదికగా లక్నో సూపర్‌ జెయింట్స్‌తో జరుగుతున్న మ్యాచ్‌లో సీఎస్‌కే ఓపెనర్లు రుత్‌రాజ్‌ గైక్వాడ్‌, డెవాన్‌ కాన్వే విధ్వంసం సృష్టించారు. వీరిద్దరూ తొలి వికెట్‌కు 110 పరుగుల భాగస్వామ్యాన్ని నెలకొల్పారు. తద్వారా ఈ జంట ఓ అరుదైన ఘనతను తమ పేరిట లిఖించుకుంది. ఐపీఎల్‌లో సీఎస్‌కే తరపున అత్యధిక సార్లు సెంచరీ భాగస్వా‍మ్యం నమోదు చేసిన జోడిగా వీరిద్దరూ నిలిచారు. ఇప్పటివరకు వీరిద్దరూ మూడు సార్లు సెంచరీ భాగస్వా‍మ్యం నెలకొల్పారు. ఇంతకుముందు వరకు ఈ రికార్డు మురళీ విజయ్, మైఖేల్ హస్సీ పేరిట ఉండేది. వీరిద్దరూ రెండు సార్లు సెంచరీ భాగస్వామ్యాన్ని నమోదు చేశారు. తాజా మ్యాచ్‌తో ఈ రికార్డును గైక్వాడ్‌, కాన్వే బ్రేక్‌ చేశారు. రుత్‌రాజ్‌ హాఫ్‌ సెంచరీ.. కాగా ఐపీఎల్‌-2023లో రుత్‌రాజ్‌ గైక్వాడ్‌ వరుసగా మూడో హాఫ్‌ సెంచరీ నమోదు చేశాడు. రుత్‌రాజ్‌ కేవలం 25 బంతుల్లోనే తన హాఫ్‌ సెంచరీ మార్క్‌ను అందుకున్నాడు. అతడి ఇన్నింగ్స్‌లో 3 ఫోర్లు, 4 సిక్స్‌లు ఉన్నాయి. అదే విధంగా కాన్వే కూడా అద్భుతమైన ఇన్నింగ్స్‌ ఆడాడు.  29 బంతుల్లో 5 ఫోర్లు, 2 సిక్స్‌లతో 47 పరుగులు చేశాడు.

Gujarat Titans vs Chennai Super Kings: ఐపీఎల్‌-2023లో భాగంగా చెన్నై సూపర్‌ కింగ్స్‌తో జరిగిన మ్యాచ్‌లో గుజరాత్‌ టైటాన్స్‌ 5 వికెట్ల తేడాతో విజయం సాధించిన సంగతి తెలిసిందే. అయితే ఈ మ్యాచ్‌లో గుజరాత్‌ పేసర్‌ మహ్మద్‌ షమీ అద్భుతమైన ప్రదర్శన కనబరిచాడు. తన నాలుగు ఓవర్ల కోటాలో 29 పరుగులిచ్చి 2 కీలక వికెట్ల పడగొట్టాడు. ముఖ్యంగా సీఎస్‌కే ఓపెనర్‌ డెవాన్‌ కాన్వేను షమీ ఔట్‌ చేసిన తీరు మ్యాచ్‌ మొత్తానికి హైలెట్‌గా నిలిచింది. అద్భతమైన బంతితో కాన్వేను షమీ క్లీన్‌ బౌల్డ్‌ చేశాడు. సీఎస్‌కే ఇన్నింగ్స్‌ మూడో ఓవర్‌ వేసిన షమీ బౌలింగ్‌లో రెండో బంతిని కాన్వే స్ట్రెయిట్‌ డ్రైవ్‌ ఆడటానికి ప్రయత్నించాడు. అయితే ఆఫ్‌సైడ్‌ పడిన బంతి అద్భుతంగా స్వింగ్‌ అయ్యి మిడిల్‌ స్టంప్‌ను గిరాటేసింది. దీంతో కాన్వే ఒక్క సారిగా షాక్‌కు గురయ్యాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. కాగా కాన్వే వికెట్‌తో ఐపీఎల్‌లో 100 వికెట్ల తీసిన ఎలైట్‌ జాబితాలో షమీ చేరాడు. ఈ ఘనత సాధించిన 19వ బౌలర్‌గా షమీ నిలిచాడు. షమీ ఈ మైల్‌స్టోన్‌ను 94 మ్యాచ్‌ల్లో అందుకున్నాడు. చదవండి: IPL 2023: ఐపీఎల్‌లో చరిత్ర సృష్టించిన మహ్మద్‌ షమీ..               WC 2023: చెలరేగిన మగల, బవుమా.. వెస్టిండీస్‌ పాలిట శాపంలా సౌతాఫ్రికా! ‘ప్రపంచకప్‌’ రేసులో.. A cracking delivery to get his 1⃣0⃣0⃣th IPL wicket 🔥🔥@MdShami11 picks the first wicket of #TATAIPL 2023! Follow the match ▶️ https://t.co/61QLtsnj3J#GTvCSK pic.twitter.com/hN0qgJ2rFo — IndianPremierLeague (@IPL) March 31, 2023

New Zealand vs England, 1st Test: ఇంగ్లండ్‌తో తొలి టెస్టులో న్యూజిలాండ్‌ 306 పరుగులకు ఆలౌట్‌ అయింది. ఓపెనర్‌ డెవాన్‌ కాన్వే (77)కు తోడు.. వికెట్‌ కీపర్‌ బ్యాటర్‌ టామ్‌ బ్లండెల్‌(138) సెంచరీతో రాణించడంతో ఈ మేరకు స్కోరు చేసింది. శుక్రవారం నాటి రెండో రోజు ఆటలో భాగంగా 306 పరుగుల(82.5 ఓవర్లలో) వద్ద తొలి ఇన్నింగ్స్‌ ముగించింది.  ఇంగ్లండ్‌ బౌలర్లలో వెటరన్‌ పేసర్‌ జేమ్స్‌ ఆండర్సన్‌ 3 వికెట్లు తీయగా.. రాబిన్సన్‌ 4 వికెట్లతో సత్తా చాటాడు. మిగిలిన వాళ్లలో స్టువర్ట్‌ బ్రాడ్‌, జాక్‌ లీచ్‌, కెప్టెన్‌ స్టోక్స్‌కు ఒక్కో వికెట్‌ దక్కింది. కాగా గత కొంతకాలంగా దూకుడైన ఆటతో టెస్టు క్రికెట్‌కు కొత్త పాఠాలు చెబుతున్న ఇంగ్లండ్‌ మరోసారి అదే తరహా ఆటతీరును ప్రదర్శిస్తోంది. వికెట్లు కోల్పోయే అవకాశం ఉన్నా.. న్యూజిలాండ్‌తో గురువారం మొదలైన తొలి టెస్టులో ఇంగ్లండ్‌ తమ తొలి ఇన్నింగ్స్‌ను 9 వికెట్ల నష్టానికి 325 పరుగుల వద్ద డిక్లేర్‌ చేసిన విషయం తెలిసిందే. కేవలం 58.2 ఓవర్లు మాత్రమే ఆడిన ఆ జట్టు ఏకంగా ఓవర్‌కు 5.57 రన్‌రేట్‌తో పరుగులు సాధించడం విశేషం. వికెట్లు కోల్పోయే అవకాశం ఉన్నా... ఓపిగ్గా క్రీజ్‌లో నిలబడే ప్రయత్నం చేయకుండా ఇంగ్లండ్‌ బ్యాటర్లంతా ధాటిని కొనసాగించారు. హ్యారీ బ్రూక్‌ (81 బంతుల్లో 89; 15 ఫోర్లు, 1 సిక్స్‌), బెన్‌ డకెట్‌ (68 బంతుల్లో 84; 14 ఫోర్లు) అర్ధ సెంచరీలు చేయగా, ఒలి పోప్‌ (42), బెన్‌ ఫోక్స్‌ (38) రాణించారు. కాన్వే, బ్లండెల్‌ వల్లే.. నీల్‌ వాగ్నర్‌కు 4 వికెట్లు దక్కాయి. అనంతరం ఆట ముగిసే సమయానికి న్యూజిలాండ్‌ 3 వికెట్లు కోల్పోయి 37 పరుగులు చేసింది. రెండో రోజు ఆటలో కాన్వే, బ్లండెల్‌ బ్యాట్‌ ఝులిపించడంతో ఆతిథ్య కివీస్‌ మొదటి ఇన్నింగ్స్‌లో 306 పరుగులు చేయగలిగింది. మరోసారి అదే దూకుడు ఈ క్రమంలో 19 పరుగుల ఆధిక్యంతో ఇంగ్లండ్‌ రెండో ఇన్నింగ్స్‌ ఆరంభించింది. స్వల్ప ఆధిక్యమే అయినా ఇంగ్లండ్‌ దూకుడుకు మాత్రం కళ్లెం పడలేదు. 9 ఓవర్లలోనే 50 పరుగులు స్కోరు చేసింది. ఓపెనర్లు జాక్‌ క్రాలే 27 (29), బెన్‌ డకెట్‌23 (25) దూకుడు ప్రదర్శిస్తున్నారు. అయితే, 9.2 వద్ద టిక్నర్‌ డకెట్‌ను అవుట్‌ చేయడంతో ఇంగ్లండ్‌ తొలి వికెట్‌ కోల్పోయింది. కాగా రెండు మ్యాచ్‌ల టెస్టు సిరీస్‌ ఆడేందుకు ఇంగ్లండ్‌ న్యూజిలాండ్‌లో పర్యటిస్తోంది. ఇందులో భాగంగా మౌంట్‌ మౌంగనీయ్‌, వెల్టింగ్టన్‌ ఈ సిరీస్‌కు వేదికలుగా మారాయి.   చదవండి: Anderson- Stuart Broad: ఆండర్సన్‌- స్టువర్ట్‌ బ్రాడ్‌ సంచలనం.. 1000 వికెట్లతో.. IND Vs AUS: పాపం వార్నర్‌.. మళ్లీ షమీ చేతిలోనే! వీడియో వైరల్‌ Tom Blundell (138) leads the batting effort with his highest Test score. Blundell and Tickner share a 59-run partnership for the 10th wicket, pushing the total 306. Time to bowl at Bay Oval! Follow play LIVE in NZ with @sparknzsport & @todayfm_nz 📲 #NZvENG pic.twitter.com/QO4XENUfSt — BLACKCAPS (@BLACKCAPS) February 17, 2023

జనవరి నెలకు గానూ ఐసీసీ ప్లేయర్‌ ఆఫ్‌ ది మంత్‌ అవార్డుకు పోటీ పడుతున్న క్రికెటర్ల జాబితాను ఐసీసీ మంగళవారం విడుదల చేసింది. పురుషుల విభాగంలో ఈ అవార్డుకు టీమిండియా నుంచి ఇద్దరు క్రికెటర్లు రేసులో ఉన్నారు. ఆ ఇద్దరే శుబ్‌మన్‌ గిల్‌, మహ్మద్‌ సిరాజ్‌. వీరిద్దరితో పాటు న్యూజిలాండ్‌ స్టార్‌ బ్యాటర్‌ డెవన్‌ కాన్వే కూడా పోటీ పడుతున్నాడు. మరి ఈ ముగ్గురిలో ఎవరు ఐసీసీ ప్లేయర్‌ ఆఫ్‌ ది మంత్‌ అవార్డు దక్కించుకుంటారనేది ఆసక్తికరంగా మారింది. టీమిండియాకు లభించిన ఆణిముత్యం శుబ్‌మన్‌ గిల్‌. కొన్నాళ్లుగా టెస్టులు మాత్రమే ఆడిన గిల్‌ తాజాగా వన్డేలు,టి20ల్లో తన హవా కొనసాగిస్తున్నాడు. మొదట శ్రీలంకతో జరిగిన మూడు వన్డేల సిరీస్ లో అతడు 70, 21, 116 రన్స్ చేశాడు. ఆ తర్వాత న్యూజిలాండ్ తో హైదరాబాద్ లో జరిగిన తొలి వన్డేలో డబుల్ సెంచరీ బాది తన స్థానాన్ని మరింత సుస్థిరం చేసుకున్నాడు. కేవలం 149 బాల్స్ లోనే 208 రన్స్ చేయడం విశేషం. అదే సిరీస్ లో తర్వాతి రెండు వన్డేల్లో 40, 112 స్కోర్లు చేశాడు.ఇక న్యూజిలాండ్ తో టి20 సిరీస్‌లోనూ రెచ్చిపోయాడు. టి20 ఫార్మాట్ కు పనికి రాడన్న విమర్శలకు చెక్ పెడుతూ చివరి మ్యాచ్ లో మెరుపు సెంచరీ సాధించాడు. An outrageous double hundred from Shubman Gill in Hyderabad 💥 A few incredible stats from the knock 👉 https://t.co/JgdSiZfaij#INDvNZ pic.twitter.com/ynfJezRaPX — ICC (@ICC) January 18, 2023 మరోవైపు హైదరాబాదీ మహ్మద్ సిరాజ్ టీమిండియాలో క్రమంగా ప్రధాన బౌలర్‌గా ఎదుగుతున్నాడు. బుమ్రా లేని లోటును తీరుస్తున్నాడు. వన్డేల్లో ఇప్పటికే నంబర్ వన్ ర్యాంకు కూడా అందుకున్నాడు.శ్రీలంకతో మూడు వన్డేల సిరీస్ లో అతడు మొత్తం 9 వికెట్లు తీసుకున్నాడు. ఆ తర్వాత తన హోమ్ గ్రౌండ్ హైదరాబాద్ లో న్యూజిలాండ్ తో జరిగిన తొలి వన్డేలో 4 వికెట్లు తీసుకున్నాడు. రెండో వన్డేలో ఆరు ఓవర్లు వేసి కేవలం 10 రన్స్ ఇచ్చి ఒక వికెట్ తీశాడు. ఇక కొత్త ఏడాదిని డెవన్‌ కాన్వే అద్భుతంగా ఆరంభించాడు. అన్ని ఫార్మాట్లలో కలిపి జనవరిలో మూడు సెంచరీలు, రెండు హాఫ్ సెంచరీలు బాదిన కాన్వే తన సూపర్‌ఫామ్‌ను కంటిన్యూ చేస్తున్నాడు. Devon Conway's match-winning knock earned him the Player of the Match award against Pakistan in Karachi 🏅#NZvPAK pic.twitter.com/zk7sDmUwSw — ICC (@ICC) January 11, 2023

స్వదేశంలో న్యూజిలాండ్‌తో జరుగుతున్న 3 మ్యాచ్‌ల వన్డే సిరీస్‌ను టీమిండియా 3-0 తేడాతో క్లీన్‌ స్వీప్‌ చేసింది. ఇండోర్‌ వేదికగా ఇవాళ (జనవరి 24) జరిగిన ఆఖరి మ్యాచ్‌లో భారత్‌ 90 పరుగుల తేడాతో ఘన విజయం సాధించి, పర్యాటక జట్టును ఒక్క మ్యాచ్‌ కూడా గెలవనీయకుండా ఊడ్చేసింది. ఈ విజయంతో భారత్‌.. ఐసీసీ వన్డే టీమ్‌ ర్యాంకింగ్స్‌లోనూ అగ్రస్థానానికి ఎగబాకింది. ఇప్పటికే టీ20 ర్యాంకింగ్స్‌లో టాప్‌లో ఉన్న భారత్‌.. వన్డేల్లోనూ ఈ ఘనత సాధించి అరుదైన రికార్డు నెలకొల్పింది.  Another comprehensive performance from #TeamIndia as they outclass New Zealand by 90 runs in Indore to complete a 3-0 whitewash. 🙌🏽 Scorecard ▶️ https://t.co/ojTz5RqWZf…#INDvNZ | @mastercardindia pic.twitter.com/7IQZ3J2xfI — BCCI (@BCCI) January 24, 2023 ఈ మ్యాచ్‌లో టాస్‌ ఓడి ప్రత్యర్ధి ఆహ్వానం మేరకు తొలుత బ్యాటింగ్‌ చేసిన టీమిండియా.. ఓపెనర్లు రోహిత్‌ శర్మ (85 బంతుల్లో 101; 9 ఫోర్లు, 6 సిక్సర్లు), శుభ్‌మన్‌ గిల్‌ (78 బంతుల్లో 112; 13 ఫోర్లు, 5 సిక్సర్లు) మెరుపు శతకాలతో విరుచుకుపడటంతో నిర్ణీత ఓవర్లలో 9 వికెట్ల నష్టానికి 385 పరుగులు చేసింది. ఆఖర్లో హార్ధిక్‌ పాండ్యా (38 బంతుల్లో 54; 3 ఫోర్లు, 3 సిక్సర్లు) సైతం మెరుపు ఇన్నింగ్స్‌ ఆడటంతో భారత్‌ ప్రత్యర్ధి ముందు భారీ లక్ష్యాన్ని ఉంచింది. .@imShard scalped 3️⃣ crucial wickets with the ball when the going got tough and bagged the Player of the Match award as #TeamIndia registered a 90-run victory in the final #INDvNZ ODI 👏🏻👏🏻 Scorecard ▶️ https://t.co/ojTz5RqWZf…@mastercardindia pic.twitter.com/cpKbBMOTll — BCCI (@BCCI) January 24, 2023 అనంతరం కష్టసాధ్యమైన లక్ష్యాన్ని ఛేదించేందుకు బరిలోకి దిగిన న్యూజిలాండ్‌ను ఓపెనర్‌ డెవాన్‌ కాన్వే (100 బంతుల్లో 138; 12 ఫోర్లు, 8 సిక్సర్లు) సుడిగాలి శతకం సైతం ఆదుకోలేకపోయింది. కాన్వే మినహా మిగతా వారెవ్వరూ భారీ స్కోర్లు చేయకపోవడంతో కివీస్‌ లక్ష్యానికి 91 పరుగుల దూరంలో నిలిచిపోయింది (41.2 ఓవర్లలో 295 పరుగులకు ఆలౌట్‌). హెన్రీ నికోల్స్‌ (42), మిచెల్‌ సాంట్నర్‌ (34) ఓ మోస్తరుగా రాణించారు. భారత బౌలర్లలో శార్ధూల్‌ ఠాకూర్‌, కుల్దీప్‌ యాదవ్‌ తలో 3 వికెట్లు పడగొట్టగా.. చహల్‌ 2, హార్ధిక్‌, ఉమ్రాన్‌ మాలిక్‌ చెరో వికెట్‌ దక్కించుకున్నారు.   3⃣6⃣0⃣ runs in three matches 🙌@ShubmanGill becomes the Player of the Series for his sensational performance with the bat, including a double-hundred in the #INDvNZ ODI series👏👏 Scorecard ▶️ https://t.co/ojTz5RqWZf…@mastercardindia pic.twitter.com/77HJHLgJoL— BCCI (@BCCI) January 24, 2023 Captain @ImRo45 collects the trophy as #TeamIndia clinch the #INDvNZ ODI series 3⃣-0️⃣ 👏🏻👏🏻Scorecard ▶️ https://t.co/ojTz5RqWZf…@mastercardindia pic.twitter.com/5D5lO6AryG— BCCI (@BCCI) January 24, 2023

టీమిండియా, న్యూజిలాండ్‌ మధ్య రెండో వన్డేలో ఆల్‌రౌండర్‌ హార్దిక్‌ పాండ్యా స్టన్నింగ్‌ క్యాచ్‌తో మెరిశాడు. ఇన్నింగ్స్‌  10వ ఓవర్‌లో ఇది చోటుచేసుకుంది. ఆ ఓవర్‌ పాండ్యానే బౌలింగ్‌ చేశాడు. ఓవర్‌ నాలుగో బంతిని పాండ్యా ఆఫ్‌సైడ్‌ వేయగా కాన్వే డిఫెన్స్‌ ఆడే ప్రయత్నంలో స్రెయిట్‌ షాట్‌ ఆడాడు. దీంతో పాండ్యా ఒకవైపుగా డైవ్‌ చేస్తూ ఒంటి చేత్తో స్టన్నింగ్‌ క్యాచ్‌ అందుకున్నాడు. పాండ్యా క్యాచ్‌కు కాన్వే బిక్కమొహం వేశాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది.  అంతకముందు షమీ కూడా డారిల్‌ మిచెల్‌ను ఇదే తరహాలో ఔట్‌ చేయడం విశేషం. తొలి వన్డేలో పోరాడిన న్యూజిలాండ్‌ రెండో వన్డేలో మాత్రం దారుణ ఆటతీరు ప్రదర్శిస్తుంది. టీమిండియా బౌలర్లు వరుస విరామాల్లో వికెట్లు తీస్తూ కివీస్‌పై ఒత్తిడి తెచ్చారు.15 పరుగులకే ఐదు వికెట్లు కోల్పోయిన కివీస్‌ ఒక దశలో  50 పరుగులైనా చేస్తుందా అన్న అనుమానం కలిగింది. ఈ దశలో గ్లెన్‌ పిలిప్స్‌, మైకెల్‌ బ్రాస్‌వెల్‌లు కాసేపు ప్రతిఘటించారు. ఈ క్రమంలో స్కోరుబోర్డు 56 పరుగులకు చేరగానే కివీస్‌ ఆరో వికెట్‌ కోల్పోయింది. ప్రస్తుతం న్యూజిలాండ్‌ 28 ఓవర్లలో ఆరు వికెట్ల నష్టానికి 86 పరుగులు చేసింది.  𝗪𝗛𝗔𝗧. 𝗔. 𝗖𝗔𝗧𝗖𝗛! 😎 Talk about a stunning grab! 🙌 🙌@hardikpandya7 took a BEAUT of a catch on his own bowling 🔽 #TeamIndia | #INDvNZ | @mastercardindia pic.twitter.com/saJB6FcurA — BCCI (@BCCI) January 21, 2023 చదవండి: IND Vs NZ: కివీస్‌ దారుణ ఆటతీరు.. చెత్త రికార్డు నమోదు రోహిత్‌ శర్మ.. ఇంత మతిమరుపా!

కరాచీ: పాకిస్తాన్‌ గడ్డపై మూడు మ్యాచ్‌ల ద్వైపాక్షిక వన్డే సిరీస్‌ను న్యూజిలాండ్‌ జట్టు తొలిసారి సొంతం చేసుకుని చరిత్ర సృష్టించింది. పాకిస్తాన్‌తో శుక్రవారం జరిగిన చివరిదైన మూడో వన్డేలో న్యూజిలాండ్‌ రెండు వికెట్ల తేడాతో గెలిచింది. తద్వారా మూడు మ్యాచ్‌ల సిరీస్‌ను న్యూజిలాండ్‌ 2–1తో దక్కించుకుంది. మొదట బ్యాటింగ్‌ చేసిన పాకిస్తాన్‌ 50 ఓవర్లలో 9 వికెట్లకు 280 పరుగులు చేసింది. ఫఖర్‌ జమాన్‌ (101; 10 ఫోర్లు, 1 సిక్స్‌) సెంచరీ సాధించాడు. మొహమ్మద్‌ రిజ్వాన్‌ (77; 6 ఫోర్లు) అర్ధ సెంచరీ చేశాడు. కివీస్‌ బౌలర్లలో టిమ్‌ సౌతీ (3/56) ఆకట్టుకున్నాడు. అనంతరం న్యూజిలాండ్‌ 48.1 ఓవర్లలో 8 వికెట్లు కోల్పోయి 281 పరుగులు చేసి విజయం సాధించింది. ‘ప్లేయర్‌ ఆఫ్‌ ద సిరీస్‌’ డెవాన్‌ కాన్వే (52; 5 ఫోర్లు, 1 సిక్స్‌), విలియమ్సన్‌ (53; 2 ఫోర్లు), ‘ప్లేయర్‌ ఆఫ్‌ ద మ్యాచ్‌’ గ్లెన్‌ ఫిలిప్స్‌ (42 బంతుల్లో 63 నాటౌట్‌; 4 ఫోర్లు, 4 సిక్స్‌లు) అర్ధ సెంచరీలు సాధించి న్యూజిలాండ్‌ విజయంలో కీలకపాత్ర పోషించారు. పాక్‌తో సిరీస్‌ ముగించుకున్న న్యూజిలాండ్‌ ఈనెల 18 నుంచి భారత్‌తో మూడు వన్డేల సిరీస్‌ ఆడనుంది.   

India Vs New Zealand T20 Series 2023: టీమిండియాతో టీ20 సిరీస్‌కు న్యూజిలాండ్‌ తమ జట్టును ప్రకటించింది. మూడు మ్యాచ్‌ల సిరీస్‌లో భాగంగా 15 మంది సభ్యులతో కూడిన టీమ్‌ను ఎంపిక చేసినట్లు వెల్లడించింది. భారత్‌తో తలపడే జట్టుకు మిచెల్‌ సాంట్నర్‌ కెప్టెన్‌గా వ్యవహరించనున్నాడు. దేశీ లీగ్‌లలో సత్తా చాటిన హెన్రీ షీప్లే, బెన్‌ లిస్టర్‌ తొలిసారి జట్టుకు ఎంపికయ్యారు. భారత పర్యటనకు కాగా జనవరి 18- ఫిబ్రవరి 1 వరకు న్యూజిలాండ్‌ భారత్‌లో పర్యటించనుంది. వన్డే సిరీస్‌తో ఇండియా టూర్‌ మొదలు పెట్టి టీ20 సిరీస్‌తో ముగించనుంది. ఈ నేపథ్యంలో బ్లాక్‌కాప్స్‌ టీ20 జట్టును ప్రకటించడం విశేషం. ఇక డిసెంబరులోనే వన్డే జట్టు వివరాలు వెల్లడించిన విషయం తెలిసిందే.  ఇదిలా ఉంటే.. జనవరి 27న రాంచి వేదికగా టీమిండియా- కివీస్‌ జట్ల మధ్య పొట్టి ఫార్మాట్‌ సిరీస్‌ మొదలు కానుంది. జనవరి 29, ఫిబ్రవరి 1న మిగిలిన రెండు మ్యాచ్‌లు జరుగనున్నాయి. ఇదిలా ఉంటే కివీస్‌ జట్టు ప్రస్తుతం పాక్‌లో పర్యటిస్తోంది. రెండు మ్యాచ్‌ల టెస్టు సిరీస్‌ డ్రా కాగా.. వన్డే సిరీస్‌లో 1-1తో సమంగా ఉంది. టీమిండియాతో టీ20 సిరీస్‌కు న్యూజిలాండ్‌ జట్టు: మిచెల్‌ సాంట్నర్‌(కెప్టెన్‌), ఫిన్‌ అలెన్‌, మిచెల్‌ బ్రాస్‌వెల్‌, మార్క్‌ చాప్‌మన్‌, డేన్‌ క్లీవర్‌, డెవాన్‌ కాన్వే, జాకోబ్‌ డఫ్పీ, లాకీ ఫెర్గూసన్‌, బెన్‌ లిస్టర్‌, గ్లెన్‌ ఫిలిప్స్‌, డారిల్‌ మిచెల్‌, మైఖేల్‌ రిప్పన్‌, హెన్రీ షీప్లే, ఇష్‌ సోధి, బ్లెయిర్‌ టిక్నర్‌. చదవండి: Rashid Khan: రషీద్‌ ఖాన్‌ సంచలన నిర్ణయం! Zim Vs IRE: చెలరేగిన జింబాబ్వే బౌలర్లు.. పటిష్ట జట్లపై ఆడిన బ్యాటర్లకు చుక్కలు! గెలుపుతో

కరాచీ వేదికగా పాకిస్తాన్‌తో నిన్న (జనవరి 11) జరిగిన రెండో వన్డేలో న్యూజిలాండ్‌ 79 పరుగుల తేడాతో ఘన విజయం సాధించింది. తద్వారా మూడు మ్యాచ్‌ల సిరీస్‌ను 1–1తో సమం చేసుకుం‍ది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన న్యూజిలాండ్‌.. డెవాన్‌ కాన్వే (92 బంతుల్లో 101; 13 ఫోర్లు, సిక్స్‌) సూపర్‌ సెంచరీతో, కెప్టెన్‌ కేన్‌ విలియమ్సన్‌ (100 బంతుల్లో 85; 10 ఫోర్లు) హాఫ్‌ సెంచరీతో సత్తా చాటడంతో 49.5 ఓవర్లలో 261 పరుగులకు ఆలౌటైంది. నవాజ్‌ (4/38), నసీమ్‌ షా (3/58) కివీస్‌ పతనాన్ని శాశించారు.  అనంతరం 262 పరుగుల లక్ష్యాన్ని ఛేదించేందుకు బరిలోకి దిగిన పాకిస్తాన్‌ 43 ఓవర్లలో 182 పరుగులకే ఆలౌటైంది. కెప్టెన్‌ బాబర్‌ ఆజమ్‌ (114 బంతుల్లో 79; 8 ఫోర్లు, 1 సిక్స్‌) టాప్‌ స్కోరర్‌గా నిలిచాడు. న్యూజిలాండ్‌ బౌలర్లలో సౌథీ, సోధీ చెరో 2 వికెట్లు పడగొట్టగా.. ఫెర్గూసన్‌, సాంట్నర్‌, బ్రేస్‌వెల్‌, ఫిలిప్స్‌ తలో వికెట్‌ దక్కించుకున్నారు. కాగా, ఇరు జట్ల మధ్య జరిగిన తొలి వన్డేలో పాక్‌ 6 వికెట్ల తేడాతో విజయం సాధించిన విషయం తెలిసిందే. మూడో వన్డే శుక్రవారం (జనవరి 13) జరుగుతుంది.  Ouch 😬🙏#PAKvNZ | #TayyariKiwiHai pic.twitter.com/JyuZ0Jwxi5 — Pakistan Cricket (@TheRealPCB) January 11, 2023 కాగా, ఈ మ్యాచ్‌లో చోటు చేసుకున్న ఓ ఊహించని పరిణామం ప్రస్తుతం సోషల్‌మీడియాలో వైరలవుతోంది. న్యూజిలాండ్‌ బ్యాటింగ్‌ సమయంలో (39వ ఓవర్‌లో)పాక్‌ ఆటగాడు మహ్మద్‌ వసీం జూనియర్‌ వికెట్లకు గురిపెట్టి విసిరిన ఓ త్రో ఫీల్డ్‌ అంపైర్‌ అలీం దార్‌ కాలికి బలంగా తాకింది. బంతి తాకిడికి చిర్రెత్తిపోయిన అంపైర్‌, చేతిలో ఉన్న పాక్‌ బౌలర్‌ హరీస్‌ రౌఫ్‌ జెర్సీని నేలకేసి కొట్టాడు. ఆతర్వాత గ్రౌండ్‌లో ఉన్న పాక్‌ ఆటగాళ్లు అంపైర్‌ కాలిని రుద్దుతూ సేవలు చేశారు. ఈ మొత్తం తంతుకు సంబంధించిన వీడియోను పాకిస్తాన్‌ క్రికెట్‌ బోర్డే సోషల్‌మీడియాలో షేర్‌ చేసింది.

కరాచీ: పాకిస్తాన్‌తో బుధవారం (జనవరి 11) జరిగిన రెండో వన్డేలో పర్యాటక న్యూజిలాండ్‌ 79 పరుగుల తేడాతో గెలిచి మూడు మ్యాచ్‌ల సిరీస్‌ను 1–1తో సమం చేసింది. టాస్‌ గెలిచి తొలుత బ్యాటింగ్‌ చేసిన న్యూజిలాండ్‌ 49.5 ఓవర్లలో 261 పరుగులకు ఆలౌటైంది. ఓపెనర్‌ డెవాన్‌ కాన్వే సూపర్‌ సెంచరీతో (92 బంతుల్లో 101; 13 ఫోర్లు, సిక్స్‌) అదరగొట్టగా.. కెప్టెన్‌ కేన్‌ విలియమ్సన్‌ (100 బంతుల్లో 85; 10 ఫోర్లు) హాఫ్‌ సెంచరీతో రాణించాడు. పాక్‌ బౌలర్లలో నవాజ్‌ (4/38), నసీమ్‌ షా (3/58) ఆకట్టుకున్నారు. అనంతరం 262 పరుగుల లక్ష్యాన్ని ఛేదించేందుకు బరిలోకి దిగిన పాకిస్తాన్‌ 43 ఓవర్లలో 182 పరుగులకే ఆలౌటైంది. కెప్టెన్‌ బాబర్‌ ఆజమ్‌ (114 బంతుల్లో 79; 8 ఫోర్లు, 1 సిక్స్‌) టాప్‌ స్కోరర్‌గా నిలిచాడు. బాబర్‌ మినహా పాక్‌ జట్టంతా విఫలమైంది. మహ్మద్‌ రిజ్వాన్‌ (28), అఘా సల్మాన్‌ (25) ఓ మోస్తరుగా రాణించారు. న్యూజిలాండ్‌ బౌలర్లలో సౌథీ, సోధీ చెరో 2 వికెట్లు పడగొట్టగా.. ఫెర్గూసన్‌, సాంట్నర్‌, బ్రేస్‌వెల్‌, ఫిలిప్స్‌ తలో వికెట్‌ దక్కించుకున్నారు. కాగా, ఇరు జట్ల మధ్య జరిగిన తొలి వన్డేలో పాక్‌ 6 వికెట్ల తేడాతో విజయం సాధించిన విషయం తెలిసిందే. మూడో వన్డే శుక్రవారం (జనవరి 13) జరుగుతుంది.  

PAK VS NZ 2nd ODI: పాకిస్తాన్‌తో జరుగుతున్న రెండో వన్డేలో న్యూజిలాండ్‌ ఓపెనర్‌ డెవాన్‌ కాన్వే సూపర్‌ సెంచరీతో (92 బంతుల్లో 101; 13 ఫోర్లు, సిక్స్‌) విరుచుకుపడ్డాడు. అతనికి కెప్టెన్‌ కేన్‌ విలియమ్సన్‌ (100 బంతుల్లో 85; 10 ఫోర్లు) తోడవ్వడంతో న్యూజిలాండ్‌ 261 పరుగులు చేసి ఆలౌటైంది (49.5 ఓవర్లలో). వీరిద్దరూ రెండో వికెట్‌కు రికార్డు స్థాయిలో 181 పరుగులు జోడించడంతో ఓ దశలో పర్యాటక జట్టు భారీ స్కోర్‌ సాధిస్తుందని అం‍తా భావించారు. అయితే స్వల్ప వ్యవధిలో వీరిద్దరూ ఔట్‌ కావడం, సాంట్నర్‌ (37) మినహా జట్టులో మిగతా బ్యాటర్లంతా సింగిల్‌ డిజిట్‌కే పరిమితం కావడంతో న్యూజిలాండ్‌ నామమాత్రపు స్కోర్‌కే ఆలౌటైంది. పాక్‌ బౌలర్లలో మహ్మద్‌ నవాజ్‌ 4 వికెట్లు పడగొట్టగా.. నసీం షా 3, హరీస్‌ రౌఫ్‌, ఉసామా మిర్‌ తలో వికెట్‌ దక్కించుకున్నారు. కాగా, ఇరు జట్ల మధ్య జరిగిన తొలి వన్డేలో పాక్‌ 6 వికెట్ల తేడాతో విజయం సాధించిన విషయం తెలిసిందే. ఈ గెలుపుతో 3 మ్యాచ్‌ల వన్డే సిరీస్‌లో పాక్‌ 1-0 ఆధిక్యంలోకి దూసుకెళ్లింది. అంతకుముందు జరిగిన రెండు మ్యాచ్‌ల టెస్ట్‌ సిరీస్‌ డ్రాగా  ముగిసింది. రెండు మ్యాచ్‌ల్లో పాక్‌ ఓటమి అంచుల దాకా వచ్చి డ్రాతో గట్టెక్కింది. అంతకుముందు స్వదేశంలో ఇంగ్లండ్‌తో జరిగిన టెస్ట్‌ సిరీస్‌ను పాక్‌ 0-3 తేడాతో కోల్పోయింది.   

Pakistan vs New Zealand, 2nd Test- Devon Conway: పాకిస్తాన్‌తో రెండో టెస్టులో న్యూజిలాండ్‌ ఓపెనర్‌ డెవాన్‌ కాన్వే శతకం సాధించాడు. 191 బంతులు ఎదుర్కొని 16 ఫోర్లు, ఒక సిక్సర్‌ సాయంతో 122 పరుగులు చేశాడు. కాగా కరాచీ వేదికగా సోమవారం(జనవరి 2) ఆరంభమైన రెండో టెస్టులో టాస్‌ గెలిచిన కివీస్‌ తొలుత బ్యాటింగ్‌ ఎంచుకుంది. ఈ క్రమంలో మొదటి రోజు ఆటలో భాగంగా 51.1 ఓవర్లో మీర్‌ హంజా బౌలింగ్‌లో పరుగులు తీసిన కాన్వే సెంచరీ పూర్తి చేసుకున్నాడు. టెస్టుల్లో అతడికి నాలుగో శతకం కావడం గమనార్హం. అంతేకాకుండా.. ఈ ఇన్నింగ్స్‌లో మరో అరుదైన ఫీట్‌ కూడా నమోదు చేశాడు కాన్వే. గతేడాది బంగ్లాదేశ్‌తో టెస్టులో భాగంగా  జనవరి 1న సెంచరీ చేసిన కాన్వే.. ఈ ఏడాది కూడా అదే తరహాలో శతకంతో కొత్త సంవత్సరాన్ని మొదలు పెట్టడం విశేషం. ఈ నేపథ్యంలో ఈ వికెట్‌ కీపర్‌ బ్యాటపై సోషల్‌ మీడియాలో ప్రశంసలు కురుస్తున్నాయి. గత మ్యాచ్‌లో సెంచరీకి 8 పరుగుల దూరంలో నిలిచిపోయిన అతడు.. ఈసారి 100 పరుగుల మార్కు అందుకోవడం పట్ల అభిమానులు ఆనందం వ్యక్తం చేస్తున్నారు. ఇక మాజీ కెప్టెన్‌ కేన్‌ విలియమ్సన్‌ కాన్వేను గట్టిగా ఆలింగనం చేసుకుని తన సంతోషాన్ని పంచుకున్నాడు. ఇదిలా ఉంటే.. వరుసగా జనవరి 1, 2022- జనవరి 2, 2023లో సెంచరీ బాదడాన్ని ప్రస్తావిస్తూ అన్నీ కుదిరితే.. వచ్చే ఏడాది మూడో తారీఖున శతకం బాదుతాడేమో అంటూ నెటిజన్లు సరదాగా కామెంట్లు చేస్తున్నారు.  కాగా ఐపీఎల్‌లో కాన్వేచెన్నై సూపర్‌ కింగ్స్‌కు ఆడుతున్న విషయం తెలిసిందే. ఈ నేపథ్యంలో.. ‘‘కొత్త ఏడాది.. న్యూజిలాండ్‌కు కొత్త 100.. గతేడాది నుంచి కాన్వే ఇదో సంప్రదాయంలా పాటిస్తున్నాడు’’ అని కొనియాడింది.  చదవండి: BBL: సంచలన క్యాచ్‌.. బిక్క ముఖం వేసిన బ్యాటర్‌! ఇంతకీ అది సిక్సరా? అవుటా? Devon Conway reaches his fourth Test 💯#PAKvNZ | #TayyariKiwiHai pic.twitter.com/Yic6mXYsGQ — Pakistan Cricket (@TheRealPCB) January 2, 2023 New Year. New 💯 for New Zealand! Conway has made it a ritual since 2022! #WhistlePodu #Yellove 🦁💛 pic.twitter.com/7XmJ02wxUG — Chennai Super Kings (@ChennaiIPL) January 2, 2023

Pakistan vs New Zealand, 1st Test: న్యూజిలాండ్‌ వికెట్‌ కీపర్‌ బ్యాటర్‌ డెవాన్‌ కాన్వే అరుదైన రికార్డు సాధించాడు. టెస్టుల్లో కివీస్‌ తరఫున అత్యంత వేగంగా 1000 పరుగులు చేసిన బ్యాటర్‌గా నిలిచాడు. పాకిస్తాన్‌తో జరుగుతున్న తొలి టెస్టు సందర్భంగా అద్భుత ప్రదర్శన కనబరిచిన కాన్వే ఈ ఘనత సాధించాడు. కాగా రెండో రోజు ఆటలో భాగంగా ఓపెనర్‌ డెవాన్‌ కాన్వే 12 ఫోర్ల సాయంతో 82 పరుగులు చేసి అజేయంగా నిలిచాడు. ఈ క్రమంలో వెయ్యి పరుగుల మైలురాయిని చేరుకున్న అతడు.. కివీస్‌ ప్లేయర్‌ జాన్‌ రీడ్‌ పేరిట ఉన్న రికార్డు బద్దలు కొట్టాడు. అదొక్కటే లోటు రీడ్‌ 20 ఇన్నింగ్స్‌లో ఈ మార్కు అందుకోగా.. కాన్వే 19 ఇన్నింగ్స్‌లోనే ఈ ఫీట్‌ సాధించాడు. కాగా టెస్టుల్లో కాన్వే అత్యుత్తమ స్కోరు 200. ఇక ఇప్పటి వరకు కాన్వే ఖాతాలో మూడు శతకాలు, ఐదు అర్ధ శతకాలు ఉన్నాయి. అయితే పాక్‌తో మ్యాచ్‌లో సెంచరీ చేసే అవకాశం చేజారింది. మూడో రోజు ఆటలో నౌమన్‌ బౌలింగ్‌లో ఎల్బీడబ్ల్యూగా వెనుదిరగడంతో అతడి ఇన్నింగ్స్‌కు తెరపడింది. దీంతో 92 పరుగుల వ్యక్తిగత స్కోరు వద్ద నిష్క్రమించిన కాన్వే సెంచరీని మిస్‌ చేసుకున్నాడు. ఇక టెస్టుల్లో అత్యంత వేగంగా 1000 పరుగుల మార్కు అందుకున్న రికార్డు హర్బర్ట్‌ సట్‌క్లిఫ్‌(12 ఇన్నింగ్స్‌లో 1925లో ఆస్ట్రేలియాపై) పేరిట ఉంది. చదవండి: WC 2023: వరల్డ్‌కప్‌ టోర్నీలో టీమిండియా ఓపెనర్‌ అతడే! గర్వం తలకెక్కితే మాత్రం..  Rishabh Pant: ఇదే కదా జరగాల్సింది! ఇకపై పంత్‌ కంటే ముందు వరుసలో వాళ్లిద్దరు!

Pakistan vs New Zealand, 1st Test Day 2 Highlights- కరాచీ: పాకిస్తాన్‌తో జరుగుతున్న తొలి టెస్టులో న్యూజిలాండ్‌ దీటైన జవాబిచ్చింది. ఓపెనర్లు డెవాన్‌ కాన్వే (82 బ్యాటింగ్‌; 12 ఫోర్లు), టామ్‌ లాథమ్‌ (78 బ్యాటింగ్‌; 8 ఫోర్లు) అర్ధ సెంచరీలతో రాణించారు. దీంతో రెండో రోజు ఆట నిలిచే సమ యానికి కివీస్‌ తొలి ఇన్నింగ్స్‌లో 47 ఓవర్లలో వికెట్‌ కోల్పోకుండా 165 పరుగులు చేసింది. దాదాపు రెండు సెషన్ల పాటు క్రీజు వీడకుండా న్యూజిలాండ్‌ ఓపెనర్లు పాకిస్తాన్‌ బౌలర్లను ఎదుర్కొన్నారు. అంతకుముందు ఉదయం 317/5 ఓవర్‌నైట్‌ స్కోరుతో తొలి ఇన్నింగ్స్‌ కొనసాగించిన పాకిస్తాన్‌ 438 పరుగుల వద్ద ఆలౌటైంది. ఓవర్‌నైట్‌ బ్యాటర్స్‌లో కెప్టెన్‌ బాబర్‌ ఆజమ్‌ (161) అదే స్కోరుపై అవుటవగా, ఆగా సల్మాన్‌ (103; 17 ఫోర్లు) సెంచరీ సాధించాడు. ఇక న్యూజిలాండ్‌ బౌలర్లలో సౌతీ 3 వికెట్లు పడగొట్టగా, ఎజాజ్, బ్రేస్‌వెల్, ఇష్‌ సోధి తలా 2 వికెట్లు తీశారు. రెండు రోజు ఆట ముగిసే సరికి కివీస్‌ 273 పరుగులు వెనుకబడి ఉన్నప్పటికీ చేతిలో పది వికెట్లున్నాయి.  చదవండి: Shikhar Dhawan: ధావన్‌పై వేటు.. వాళ్ల నుంచి తీవ్రమైన పోటీ! వరల్డ్‌కప్‌ ఆశలు ఆవిరి! మిస్‌ యూ గబ్బర్‌ అంటూ.. David Warner: 11 ఫస్ట్‌క్లాస్‌ మ్యాచ్‌ల అనుభవంతో అరంగేట్రం.. అత్యుత్తమ ప్రదర్శనలు ఇవే Ind_W Vs SA_W: అదరగొట్టిన షబ్నమ్‌.. దక్షిణాఫ్రికాపై టీమిండియా ఘన విజయం Babar Azam: పాంటింగ్‌ రికార్డు బద్దలు కొట్టిన బాబర్‌ ఆజం! సెహ్వాగ్‌లా అలా!

టి20 ప్రపంచకప్‌లో భాగంగా పాకిస్తాన్‌, న్యూజిలాండ్‌ మధ్య సెమీఫైనల్‌ పోరు ఆసక్తికరంగా సాగుతుంది. ఈ మ్యాచ్‌లో పాకిస్తాన్‌ ఆల్‌రౌండర్‌ షాదాబ్‌ ఖాన్‌ సూపర్‌ రనౌట్‌తో మెరిశాడు.  హారిస్‌ రౌఫ్‌ వేసిన ఇన్నింగ్స్‌ ఆరో ఓవర్‌ చివరి బంతిని కాన్వే మిడాఫ్‌ దిశగా ఆడాడు.  డెవన్‌ కాన్వే క్విక్‌ సింగిల్‌ కోసం ప్రయత్నించి నాన్‌స్ట్రైక్‌ ఎండ్‌లో ఉన్న కేన్‌ విలియమ్సన్‌కు కాల్‌ ఇచ్చాడు. విలియమ్సన్‌ పరిగెత్తగా.. కాన్వే మాత్రం సకాలంలో క్రీజులోకి చేరుకోలేకపోయాడు. అప్పటికే మిడాఫ్‌లో ఉన్న షాదాబ్‌ ఖాన్‌ విసిరిన డైరెక్ట్‌ త్రోకు కాన్వే రనౌట్‌గా పెవిలియన్‌ చేరాడు. షాదాబ్‌ ఖాన్‌ సూపర్‌ త్రోకు కాన్వే మొహం మాడిపోయింది. అలా పవర్‌ ప్లే ముగిసేసరికి న్యూజిలాండ్‌ 36 పరుగుల వద్ద రెండో వికెట్‌ కోల్పోయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది.  #ShadabKhan #NZvsPAK pic.twitter.com/3rNG3pYjUX — Raj (@Raj54060705) November 9, 2022

క్రికెట్‌లో విశ్లేషణ ఈరోజుల్లో కామన్‌గా మారిపోయింది. మ్యాచ్‌కు ముందు ఎవరు జట్టులో ఉంటే బాగుంటుంది.. బౌలింగ్‌, బ్యాటింగ్‌ కాంబినేషన్‌ ఏంటి.. జట్టు కూర్పు ఎలా ఉండాలి.. తొలుత బ్యాటింగ్‌ చేస్తే మంచిదా లేక బౌలింగ్‌ చేయాలా​అనే దానిపై క్రీడా పండితులు ఎవరికి తోచినట్లుగా వారు విశ్లేషిస్తారు. మ్యాచ్‌ పూర్తైన తర్వాత కూడా వీరి విశ్లేషణలు ఉంటాయి. కొన్నిసార్లు వాళ్లు చెప్పిన విషయాలు నిజమవ్వొచ్చు.. మరికొన్నిసార్లు విఫలం కావొచ్చు. ఇక మ్యాచ్‌ సమయంలో ఫుల్‌ ఫామ్‌లో ఉన్న బ్యాటర్‌కు ప్రత్యర్థి జట్టులో ఉన్న బౌలర్లలో ఎవరు బౌలింగ్‌ బాగా వేయగలరు అనేది అనలిస్టులు ఊహించడం చూస్తుంటాం.  తాజాగా టి20 ప్రపంచకప్‌లో ఇంగ్లండ్‌, న్యూజిలాండ్‌ మ్యాచ్‌ సందర్భంగా ఒక అనలిస్ట్‌ చేసిన విశ్లేషణ పూర్తిగా రివర్స్‌ అయింది. అదేంటంటే.. కివీస్‌ బ్యాటర్లలో డెవన్‌ కాన్వే మంచి ఫామ్‌ కనబరుస్తున్నాడు. అతనికి బౌలింగ్‌లో ఎవరు గుడ్‌ ఆప్షన్‌ .. బ్యాడ్‌ ఆప్షన్‌ అనే విషయంపై ఒక క్రీడా అనలిస్టు స్పందించాడు. గుడ్‌ ఆప్షన్‌ కింద మొయిన్‌ అలీ, మార్క్‌ వుడ్‌లను ఎంచుకున్న సదరు అనలిస్ట్‌ బ్యాడ్‌ ఆప్షన్‌ కింద క్రిస్‌ వోక్స్‌ను ఎంచుకున్నాడు.  ఇక్కడే అంచనాలు పూర్తిగా రివర్స్‌ అయ్యాయి. ఏ బౌలర్‌ అయితే కాన్వేకు బ్యాడ్‌ ఆప్షన్‌ అన్నాడో అతనో వికెట్‌ తీయడం విశేషం. వోక్స్‌ తాను వేసిన తొలి ఓవర్లోనే చివరి బంతికి కాన్వేను ఔట్‌ చేశాడు. వోక్స్‌ వేసిన బంతి బ్యాట్‌ను తాకి ఇన్‌సైడ్‌ ఎడ్జ్‌ తీసుకోగా కీపర్‌ బట్లర్‌ సూపర్‌గా డైవ్‌ చేసి స్టన్నింగ్‌ క్యాచ్‌ అందుకున్నాడు. దీంతో మూడు పరుగుల వద్ద కాన్వేను వెనక్కి పంపిన వోక్స్‌ ఇంగ్లండ్‌కు బ్రేక్‌ అందించాడు. ఇది చూసిన అభిమానులు.. అంచనాలు ఎప్పుడు ఒకేలా ఉండవు. మనం అనుకున్నవన్నీ రివర్స్‌ అవడం అంటే ఇదే. బ్యాడ్‌ ఆప్షన్‌ అని ఎంచుకున్న వోక్స్‌ ఇవాళ కాన్వే వికెట్‌ తీశాడు. మీ అంచనాలు తప్పాయి అంటూ కామెంట్స్‌ చేశారు. A #statswank story in 2 parts…. #T20WorldCup #engvnz pic.twitter.com/wzc9jWeyzl — Innocent Bystander (@InnoBystander) November 1, 2022 చదవండి: కేన్‌ మామ ఇలా చేస్తావని ఊహించలేదు.. ఇంగ్లండ్‌ తరపున తొలి బ్యాటర్‌గా జాస్‌ బట్లర్‌     var request = 'https://www.sakshi.com/knowwidget/kwstr_4911494512.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

సిడ్నీ: టి20 ప్రపంచకప్‌ ‘సూపర్‌ 12’ పోరు అనూహ్య ఫలితంతో మొదలైంది. సొంతగడ్డపై టైటిల్‌ నిలబెట్టుకునేందుకు బరిలోకి దిగిన డిఫెండింగ్‌ చాంపియన్‌ ఆస్ట్రేలియాకు టి20 ప్రపంచకప్‌ తొలి మ్యాచ్‌లోనే భారీ పరాజయం ఎదురైంది. గత వరల్డ్‌ కప్‌ ఫైనల్లో తమకు ఎదురైన ఓటమికి బదులు తీర్చుకుంటూ న్యూజిలాండ్‌ ఆతిథ్య జట్టును 89 పరుగుల తేడాతో ఓడించి షాక్‌ ఇచ్చింది. 2011 తర్వాత ఆసీస్‌ గడ్డపై కివీస్‌కు అన్ని ఫార్మాట్‌లలో కలిపి ఇదే తొలి విజయం కాగా, 15 ఓటముల తర్వాత 16వ మ్యాచ్‌లో గెలుపు దక్కింది. టాస్‌ ఓడి ముందుగా బ్యాటింగ్‌కు దిగిన న్యూజిలాండ్‌ 20 ఓవర్లలో 3 వికెట్ల నష్టానికి 200 పరుగులు సాధించింది. ‘ప్లేయర్‌ ఆఫ్‌ ద మ్యాచ్‌’ డెవాన్‌ కాన్వే (58 బంతుల్లో 92 నాటౌట్‌; 7 ఫోర్లు, 2 సిక్స్‌లు) మెరుపు బ్యాటింగ్‌తో చెలరేగాడు. మరో ఓపెనర్‌ ఫిన్‌ అలెన్‌ (16 బంతుల్లో 42; 5 ఫోర్లు, 3 సిక్స్‌లు) ఇచ్చిన శుభారంభం కూడా కివీస్‌ భారీ స్కోరుకు కారణమైంది. చివర్లో జేమ్స్‌ నీషమ్‌ (13 బంతుల్లో 26 నాటౌట్‌; 2 సిక్స్‌లు) కూడా దూకుడుగా ఆడి స్కోరును 200 పరుగులకు చేర్చాడు. హాజల్‌వుడ్‌కు 2 వికెట్లు దక్కగా, ఐదుగురు ఆసీస్‌ బౌలర్లు కూడా భారీగా పరుగులు సమర్పించుకున్నారు. అనంతరం ఆస్ట్రేలియా కనీసం పూర్తి ఓవర్లు కూడా ఆడలేక, మరో 23 బంతులు మిగిలి ఉండగానే కుప్పకూలిపోవడం విశేషం. కివీస్‌ బౌలింగ్‌ను ఎదుర్కోలేకపోయిన ఆసీస్‌ 17.1 ఓవర్లలో 111 పరుగులకే ఆలౌటైంది. మ్యాక్స్‌వెల్‌ (20 బంతుల్లో 28; 3 ఫోర్లు, 1 సిక్స్‌), ప్యాట్‌ కమిన్స్‌ (18 బంతుల్లో 21; 2 ఫోర్లు, 1 సిక్స్‌) మాత్రం ఫర్వాలేదనిపించారు. సాన్‌ట్నర్‌కు 3 వికెట్లు దక్కగా, 6 పరుగులే ఇచ్చి 3 వికెట్లు తీసిన టిమ్‌ సౌతీ... అంతర్జాతీయ టి20ల్లో అత్యధిక వికెట్లు (125) తీసిన బౌలర్‌గా నిలిచాడు. 

T20 World Cup 2022 - New Zealand vs Australia: స్వదేశంలో భారీ అంచనాల నడుమ టీ20 ప్రపంచకప్‌-2022 బరిలోకి దిగిన డిఫెండింగ్‌ చాంపియన్‌ ఆస్ట్రేలియా తొలి మ్యాచ్‌లోనే దారుణంగా విఫలమైంది. బౌలర్లు, బ్యాటర్ల సమిష్టి వైఫల్యం కారణంగా న్యూజిలాండ్‌ చేతిలో చిత్తుగా ఓడిపోయింది.  టాస్‌ గెలిచి సూపర్‌-12 ఆరంభం మ్యాచ్‌లో ఆస్ట్రేలియా- న్యూజిలాండ్‌ సిడ్నీ క్రికెట్‌ గ్రౌండ్‌ వేదికగా తలపడ్డాయి. ఈ మ్యాచ్‌లో టాస్‌ గెలిచిన ఆతిథ్య కంగారూ జట్టు తొలుత బౌలింగ్‌ ఎంచుకుంది. ఆసీస్‌ ఆహ్వానం మేరకు బ్యాటింగ్‌కు దిగిన కివీస్‌కు ఓపెనర్లు ఫిన్‌ అలెన్‌(16 బంతుల్లో 42 పరుగులు), డెవాన్‌ కాన్వే (58 బంతుల్లో 92 పరుగులు- నాటౌట్‌) అద్భుత ఆరంభం అందించారు. వీరిద్దరి విజృంభణతో 20 ఓవర్లలో 3 వికెట్ల నష్టానికి న్యూజిలాండ్‌ 200 పరుగులు చేయగలిగింది. ఆసీస్‌ బౌలర్లలో జంపాకు ఒకటి, హాజిల్‌వుడ్‌కు రెండు వికెట్లు దక్కాయి. కుప్పకూలిన టాపార్డర్‌ న్యూజిలాండ్‌ బౌలర్ల ధాటికి ఆసీస్‌ టాపార్డర్‌ కుప్పకూలింది. ఓపెనర్లు వార్నర్‌ 5, ఆరోన్‌ ఫించ్‌ 13.. వన్‌డౌన్‌ బ్యాటర్‌ మిచెల్‌ మార్ష్‌ 16 పరుగులకే పెవిలియన్‌ చేరారు. ఆ తర్వాత గ్లెన్‌ మాక్స్‌వెల్‌ చేసిన 28 పరుగులే ఆసీస్‌ ఇన్నింగ్స్‌లో టాప్‌ స్కోర్‌. ఇక ఆఖర్లో ప్యాట్‌ కమిన్స్‌ 18 బంతుల్లో 21 పరుగులు చేశాడు. మిగతా వాళ్లంతా సింగిల్‌ డిజిట్‌ స్కోరుకే పరిమితం కాగా 17.1 ఓవర్లలో 111 పరుగులు మాత్రమే చేసి ఆస్ట్రేలియా ఆలౌట్‌ అయింది. టోర్నీలో తమ ఆరంభ మ్యాచ్‌లోనే 89 పరుగులతో న్యూజిలాండ్‌ ఘన విజయం సాధించింది. డెవాన్‌ కాన్వే ప్లేయర్‌ ఆఫ్‌ ది మ్యాచ్‌గా నిలిచాడు. మరీ చెత్తగా ప్రతిష్టాత్మక టోర్నీలో స్వదేశంలో ఆరంభ మ్యాచ్‌లోనే ఆసీస్‌ చెత్త ప్రదర్శన కనబరిచింది. ఏ దశలోనూ ఆకట్టుకోలేకపోయింది. ఒక్కరంటే ఒక్కరు కూడా చెప్పుకోదగ్గ రీతిలో ఆడలేదు. ఈ నేపథ్యంలో బౌలింగ్‌, బ్యాటింగ్‌లో స్థాయికి తగ్గట్లు రాణించలేక చతికిల పడ్డ ఫించ్‌ బృందంపై అభిమానులు మండిపడుతున్నారు. డిఫెండింగ్‌ చాంపియన్‌ మరీ ఇంత చెత్తగా ఆడుతుందని ఊహించలేదంటూ ఆగ్రహం వ్యక్తం చేస్తున్నారు. ఆసీస్‌ పరిస్థితి ఇలా ఉంటే.. న్యూజిలాండ్‌ అటు బ్యాటింగ్‌, ఇటు బౌలింగ్‌, ఫీల్డింగ్‌ విభాగాల్లో అదరగొట్టి సమిష్టి కృషితో విజయం సాధించింది. చదవండి: T20 WC 2022: ఇదేం బ్యాటింగ్‌రా బాబు.. తొలి ఓవర్‌లోనే బౌలర్‌కు చుక్కలు! T20 WC 2022: ఫిలిప్స్‌ అద్భుత విన్యాసం.. గాల్లోకి ఎగిరి డైవ్‌ చేస్తూ..! View this post on Instagram A post shared by ICC (@icc)

టీ20 ప్రపంచకప్‌-2022 సూపర్‌-12 సమరం ప్రారంభమైంది. తొలి మ్యాచ్‌లో సిడ్నీ వేదికగా న్యూజిలాండ్‌, ఆస్ట్రేలియా జట్లు తలపడుతోన్నాయి. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ 200 పరుగుల భారీ స్కోర్‌ సాధించింది. న్యూజిలాండ్‌ బ్యాటర్లలో ఓపెనర్‌ డెవాన్‌ కాన్వే 58 బంతుల్లో 7 ఫోర్లు, 2 సిక్స్‌లతో 92 పరుగులు చేసి ఆజేయంగా నిలిచాడు. అతడితో పాటు మరో ఓపెనర్‌ ఫిన్‌ అలెన్‌ కేవలం 16 బంతుల్లోనే 5ఫోర్లు,  42 పరుగులు చేసి కివీస్‌కు అద్భుతమైన ఆరంభం ఇచ్చాడు. ముఖ్యంగా న్యూజిలాండ్‌ ఇన్నింగ్స్‌ తొలి ఓవర్‌ వేసిన మిచిల్ స్టార్క్‌ వేసిన బౌలింగ్‌లో అలెన్‌ ఏకంగా 14 పరుగులు రాబట్టాడు. అదే ఓవర్‌లో మూడో బంతికి అలెన్‌ లాంగ్‌ ఆన్‌ మీదగా అద్భుతమైన సిక్స్‌ బాదాడు. View this post on Instagram A post shared by ICC (@icc) ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతోంది. ఈ క్రమంలో సునామీ ఇన్నింగ్స్‌ ఆడిన అలెన్‌పై నెటిజన్లు ప్రశంసల వర్షం కురిపిస్తున్నారు. మిచెల్‌ స్టార్క్‌ వంటి స్టార్‌ బౌలర్‌కు ఇటువంటి షాట్‌ ఆడటం అంత ఈజీ కాదు అని కొనియాడుతున్నారు. ఇక అఖరికి 42 పరుగులు చేసిన అలెన్‌ జోష్‌ హాజిల్‌ వుడ్‌ బౌలింగ్‌లో క్లీన్‌ బౌల్డయ్యాడు. This was a crazy shot from Finn Allen. pic.twitter.com/b5ZeZz4iNa — Johns. (@CricCrazyJohns) October 22, 2022 var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); చదవండి: T20 WC 2022: టిమ్‌ సౌథీ అరుదైన రికార్డు.. ప్రపంచంలోనే తొలి బౌలర్‌గా

ICC Mens T20 World Cup 2022 - New Zealand vs Australia- Super 12 Group 1: టీ20 ప్రపంచకప్‌-2022 సూపర్‌-12 ఆరంభ మ్యాచ్‌లో న్యూజిలాండ్‌ ఓపెనర్లు దుమ్ములేపారు. డిఫెండింగ్‌ చాంపియన్‌ ఆస్ట్రేలియాతో మ్యాచ్‌లో దంచికొట్టారు. కివీస్‌ ఇన్నింగ్స్‌ ఆరంభించిన ఫిన్‌ అలెన్‌ 16  బంతుల్లో 42 పరుగులు సాధించగా.. డెవాన్‌ కాన్వే సైతం అద్భుత ఇన్నింగ్స్‌ ఆడాడు. 58 బంతుల్లో 7 ఫోర్లు, 2 సిక్సర్ల సాయంతో 92 పరుగులతో ఆఖరి వరకు అజేయంగా నిలిచాడు.  ఇక వన్‌డౌన్‌ బ్యాటర్‌, కెప్టెన్‌ కేన్‌ విలియమ్సన్‌ 23 పరుగులు చేయగా.. గ్లెన్‌ ఫిలిప్స్‌ 12 పరుగులు సాధించాడు. జేమ్స్‌ నీషమ్‌ ఆఖర్లో మెరుపులు(13 బంతుల్లో 26 పరుగులు- నాటౌట్‌) మెరిపించాడు.  ఈ నేపథ్యంలో నిర్ణీత 20 ఓవర్లలో 3 వికెట్లు నష్టపోయిన న్యూజిలాండ్‌ 200 పరుగుల భారీ స్కోరు నమోదు చేసింది. కాగా టీ20 వరల్డ్‌కప్‌ టోర్నీలో న్యూజిలాండ్‌కు ఇదే అత్యధిక స్కోరు కావడం విశేషం. గతంలో ఐర్లాండ్‌, బంగ్లాదేశ్‌ మీద 190 పైచిలుకు స్కోర్లు నమోదు చేసిన కివీస్‌.. ఈసారి డిఫెండింగ్‌ చాంపియన్‌ ఆసీస్‌పై ఈ మేరకు రాణించడం గమనార్హం. టీ20 ప్రపంచకప్‌లో కివీస్‌ అత్యధిక స్కోర్లు సిడ్నీ- 2022- ఆస్ట్రేలియా మీద- 200/3 నాటింగ్‌హాం- 2009- ఐర్లాండ్‌ మీద- 198/5 పల్లకెలె- 2012- బంగ్లాదేశ్‌ మీద- 191/32 ఇక ఓపెనర్లు ఆకాశమే హద్దుగా చెలరేగడంతో ఈ మెగా టోర్నీ పవర్‌ప్లేలోనూ తమ అత్యధిక స్కోరు(65/1) నమోదు చేసింది న్యూజిలాండ్‌ జట్టు.  ఆసీస్‌తో గత మ్యాచ్‌లలో పవర్‌ప్లేలో కీవీస్‌ నమోదు చేసిన స్కోర్లు 2018- అక్లాండ్‌లో- 67/0 2018- అక్లాండ్‌లో-63/2 చదవండి: T20 WC 2022: టిమ్‌ సౌథీ అరుదైన రికార్డు.. ప్రపంచంలోనే తొలి బౌలర్‌గా NZ Vs Aus: ఒకే ఒక్క మార్పు.. మిగతా అంతా సేమ్‌ టూ సేమ్‌! కొత్తగా ఎవరంటే? View this post on Instagram A post shared by ICC (@icc)

న్యూజిలాండ్‌ ఓపెనర్‌ డెవన్‌ కాన్వే టి20 క్రికెట్‌లో అరుదైన ఘనత సాధించాడు. టి20ల్లో అత్యంత వేగంగా వెయ్యి పరుగులు పూర్తి చేసిన బ్యాటర్‌గా బాబర్‌ ఆజంతో కలిసి సంయుక్తంగా రెండో స్థానంలో నిలిచాడు. టి20 ప్రపంచకప్‌లో భాగంగా సూపర్‌-12లో ఆస్ట్రేలియాతో మ్యాచ్‌లో కాన్వే ఈ ఫీట్‌ సాధించాడు. మ్యాచ్‌లో 59 పరుగుల వద్ద ఆడుతున్నప్పుడు వెయ్యి పరుగుల మార్క్‌ను క్రాస్‌ చేశాడు. కాగా కాన్వేకు వెయ్యి పరుగుల మైలురాయిని అందుకునేందుకు 26 ఇన్నింగ్స్‌లు అవసరమయ్యాయి. బాబర్‌ ఆజం కూడా 26 ఇన్నింగ్స్‌ల్లోనే ఈ మార్కును అందుకున్నాడు. వీరిద్దరి కంటే ముందు ఇంగ్లండ్‌ స్టార్‌ డేవిడ్‌ మలాన్‌ 24 ఇన్నింగ్స్‌ల్లోనే వెయ్యి పరుగుల మార్క్‌ను అందుకొని తొలి స్థానంలో ఉన్నాడు. చదవండి: IND Vs PAK: అభిమానులకు గుడ్‌న్యూస్‌.. ఆ భయాలేమి అక్కర్లేదట!

స్వదేశంలో జరుగుతున్న ముక్కోణపు వన్డే టోర్నీలో న్యూజిలాండ్‌ జట్టు బోణీ కొట్టింది. బంగ్లాదేశ్‌తో ఇవాళ (అక్టోబర్‌ 9) జరిగిన మ్యాచ్‌లో ఆతిధ్య జట్టు 8 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన కివీస్‌.. బంగ్లాదేశ్‌ను 137 పరుగులకే కట్టడి చేసింది. కివీస్‌ బౌలర్లు బౌల్ట్‌ (2/25), సౌథీ (2/34), బ్రేస్‌వెల్‌ (2/14), సోధీ (2/31) మూకుమ్మడిగా విజృంభించడంతో బంగ్లా జట్టు నిర్ణీత ఓవర్లలో 8 వికెట్లు కోల్పోయి నామమాత్రపు స్కోర్‌కే పరిమితమైంది. బంగ్లాదేశ్‌ ఇన్నింగ్స్‌లో ఓపెనర్‌ శాంటో (33) టాప్‌ స్కోరర్‌గా నిలువగా.. ఆఫీఫ్‌ హొసేన్‌ (24, నరుల్‌ హసన్‌ (25 నాటౌట్‌) పర్వాలేదనిపించారు. ఆఖర్లో నరుల్‌ వేగంగా (12 బంతుల్లో ఫోర్‌, 2 సిక్సర్లు) పరుగులు సాధించడంతో బంగ్లాదేశ్‌ ఈ మాత్రం స్కోరైనా చేయగలిగింది.  రాణించిన కాన్వే.. చెలరేగిన ఫిలిప్స్‌ బంగ్లాదేశ్‌ నిర్ధేశించిన 138 పరుగుల నామమాత్రపు లక్ష్యాన్ని ఛేదించేందుకు బరిలోకి దిగిన కివీస్‌ 17.5 ఓవర్లలో 2 వికెట్లు మాత్రమే కోల్పోయి లక్ష్యాన్ని చేరుకుంది. ఓపెనర్‌ డెవాన్‌ కాన్వే (51 బంతుల్లో 71; 7 ఫోర్లు, సిక్స్‌) అజేయమైన అర్ధసెంచరీతో రాణించగా.. ఆఖర్లో గ్లెన్‌ ఫిలిప్స్‌ (9 బంతుల్లో 23 నాటౌట్‌; 2 ఫోర్లు, 2 సిక్సర్లు) మెరుపు వేగంతో పరుగలు సాధించి జట్టును విజయతీరాలకు చేర్చాడు. కెప్టెన్‌ కేన్‌ విలియమ్సన్‌ (30) బాధ్యతాయుతమైన ఇన్నింగ్స్‌ ఆడాడు. బంగ్లా బౌలర్లలో షొరిఫుల్‌ ఇస్లాం, హసన్‌ మహమూద్‌ తలో వికెట్‌ పడగొట్టారు. పొదుపుగా బౌలింగ్‌ చేయడంతో పాటు 2 వికెట్లు పడగొట్టిన బ్రేస్‌వెల్‌కు మ్యాన్‌ ఆఫ్‌ ద మ్యాచ్‌ అవార్డు లభించింది. టోర్నీలో తదుపరి మ్యాచ్‌ అక్టోబర్‌ 11న న్యూజిలాండ్‌-పాకిస్తాన్‌ జట్ల మధ్య జరుగనుంది. 

ఇంగ్లండ్ పర్యటనలో ఉన్న న్యూజిలాండ్‌ జట్టులో కరోనా కల్లోలం సృష్టిస్తుంది. ఇప్పటికే వరుసగా రెండు టెస్ట్‌ల్లో ఓడి 3 మ్యాచ్‌ల సిరీస్‌ను 0-2 తేడాతో చేజార్చుకున్న ఆ జట్టుకు కరోనా మహమ్మారి కంటి మీద కునుకు లేకుండా చేస్తుంది.రెండో టెస్ట్‌ ముగిసిన వెంటనే జరిపిన పరీక్షల్లో ఆ జట్టు స్టార్‌ ఆల్‌రౌండర్‌ మైకేల్‌ బ్రేస్‌వెల్‌కు‌ కరోనా పాజిటివ్‌గా నిర్ధారణ కాగా, తాజాగా ఇవాళ (జూన్‌ 16) జరిపిన ఆర్టీపీసీఆర్‌ పరీక్షల్లో స్టార్‌ బ్యాటర్‌ డెవాన్‌ కాన్వే మహమ్మారి బారిన పడినట్లు రిపోర్టులు వచ్చాయి.  దీంతో కివీస్‌ మేనేజ్‌మెంట్‌ జట్టు సభ్యులందరికీ మరోసారి కోవిడ్‌ పరీక్షలు నిర్వహించేందుకు నమూనాలు సేకరించి, కాన్వేను ఐదు రోజుల పాటు ఐసోలేషన్‌కు తరలించింది. కాన్వేకు కోవిడ్‌ పాజిటివ్‌గా నిర్ధారణ కావడంతో న్యూజిలాండ్‌ బృందంలో కేసుల సంఖ్య ఐదుకు చేరింది. రెండో టెస్ట్‌ ప్రారంభానికి కొద్ది గంటల ముందు కెప్టెన్‌ కేన్ విలియమ్సన్, ఆతర్వాత సపోర్టింగ్‌ స్టాఫ్‌లో ఇద్దరు సభ్యులు కోవిడ్ బారిన పడిన విషయం తెలిసిందే.  ఓ పక్క వరుస ఓటములు, మరో పక్క కోవిడ్‌ కేసులతో ఉక్కిరిబిక్కిరి అవుతున్న కివీస్‌ జట్టును గాయాల బెడద కూడా వేధిస్తుంది. తొలి టెస్ట్‌ సందర్భంగా ఆల్‌రౌండర్‌ కొలిన్ గ్రాండ్‌హోమ్ గాయపడగా, అతనికి రీప్లేస్‌మెంట్‌గా వచ్చిన బ్రేస్‌వెల్‌ కరోనా బారిన పడ్డాడు. అలాగే రెండో టెస్ట్‌ సందర్భంగా మరో ఆల్‌రౌండర్ కైల్ జేమీసన్ కూడా గాయపడ్డట్లు తెలుస్తోంది. రెండో టెస్టు ఆఖరి రోజు  బౌలింగ్ చేస్తూ జేమీసన్ గాయపడ్డాడని.. అతని గాయం చాలా తీవ్రమైందని సమాచారం. దీంతో జేమీసన్‌ కూడా మూడో టెస్ట్‌ ఆడటం అనుమానమేనని తెలుస్తోంది.  దీంతో చివరిదైన మూడో టెస్ట్‌కు న్యూజిలాండ్‌ పూర్తి జట్టును బరిలోకి దించేది అనుమానంగా మారింది. ఇంగ్లండ్‌తో మూడో టెస్ట్‌ జూన్ 23 నుంచి ప్రారంభంకానుంది. ఇదిలా ఉంటే, ట్రెంట్ బ్రిడ్ వేదికగా జరిగిన రెండో టెస్ట్‌లో ఇంగ్లండ్‌ సంచలన విజయం నమోదు చేసిన విషయం తెలిసిందే. రసవత్తరంగా సాగిన ఈ సమరంలో ఇంగ్లండ్‌ బ్యాటర్లు జూలు విదిల్చి తమ జట్టుకు చిరస్మరణీయ విజయాన్ని అందించారు. బెయిర్‌స్టో సూపర్‌ శతకంతో (92 బంతుల్లో 14 ఫోర్లు, 7 సిక్సర్ల సాయంతో 136), బెన్‌ స్టోక్స్‌ (70 బంతుల్లో 10 ఫోర్లు, 4 సిక్సర్ల సాయంతో 75) అజేయమైన అర్ధశతకంతో చెలరేగి క్రికెట్‌ ప్రేమికులకు టీ20 క్రికెట్‌ మజాను అందించారు. చదవండి: విజయానందంలో ఉన్న ఇంగ్లండ్‌కు ఐసీసీ షాక్‌..

కొత్త కెప్టెన్‌.. కొత్త కోచ్‌ రావడంతో ఇంగ్లండ్‌ దశ మారినట్లుంది. క్రికెట్‌ మక్కాగా పిలుచుకునే లార్డ్స్‌ వేదికగా న్యూజిలాండ్‌తో ప్రారంభమైన తొలి టెస్టులో ఇంగ్లండ్‌ బౌలర్లు చెలరేగడంతో కివీస్‌ జట్టు కకావికలమైంది. ఇంగ్లీష్‌ బౌలర్ల దాటికి న్యూజిలాండ్‌ తొలి ఇన్నింగ్స్‌లో 134 పరుగులకే ఆలౌటైంది. రీఎంట్రీ ఇచ్చిన అండర్సన్‌.. డెబ్యూ టెస్టు ఆడుతున్న మాథ్యూ పాట్స్‌ చెరో నాలుగు వికెట్లతో చెలరేగారు. ఆ తర్వాత కివీస్‌ బౌలర్లు కూడా తామేం తక్కువ తిన్నామా అన్నట్లుగా చెలరేగిపోయారు. దీంతో తొలిరోజు ఆటముగిసే సమయానికి ఏడు వికెట్ల నష్టానికి 116 పరుగులు చేసింది. ఈ సంగతి పక్కనబెడితే.. ఆస్ట్రేలియా ఆటగాడు డేవిడ్‌ వార్నర్‌.. తన ఇన్‌స్టా‍గ్రామ్‌లో ఇచ్చిన క్యాప్షన్‌ సోషల్‌ మీడియాలో వైరల్‌గా మారింది. ''డెవన్‌ కాన్వే.. నీ బాధ నాకు అర్థమయింది..'' అంటూ కాన్వే ఫోటో కాకుండా బ్రాడ్‌ ఫోటోను పెట్టాడు. కాన్వేకు బదులుగా బ్రాడ్‌ ఫోటో పెట్టడం వెనుక ఒక చిన్న కథ ఉంది. మ్యాచ్‌లో అండర్సన్‌, బ్రాడ్‌లు రీఎంట్రీ ఇచ్చారు. రొటేషన్‌లో భాగంగా విండీస్‌తో సిరీస్‌కు వీరిద్దరిని దూరంగా పెట్టారు. ఇక కివీస్‌తో జరుగుతున్న తొలి టెస్టులో ఇద్దరికి అవకాశం వచ్చింది. అండర్సన్‌ తనకు వచ్చిన అవకాశాన్ని చక్కగా ఉపయోగించుకున్నాడు. 4 వికెట్లు తీసి కివీస్‌ ఆలౌట్‌ కావడంలో కీలకపాత్ర పోషించాడు. అతనికి తోడుగా డెబ్యూ బౌలర్‌ మాథ్యూ పాట్స్‌ కూడా నాలుగు వికెట్లతో దుమ్మురేపాడు. ఇద్దరే చెరో నాలుగు వికెట్లు తీయడంతో బ్రాడ్‌కు ఒక్క వికెట్‌ దక్కుతుందా లేదా అనే అనుమానం కలిగింది. కానీ డెవన్‌ కాన్వే రూపంలో బ్రాడ్‌కు అదృష్టం తగిలింది. ఆఫ్‌స్టంప్‌కు వైడ్‌ రూపంలో వెళ్తున్న బంతిని అనవసరంగా గెలుకున్న కాన్వే వికెట్‌ సమర్పించుకున్నాడు. అలా ఎట్టకేలకు అండర్సన్‌, మాథ్యూ పాట్స్‌ల మధ్య బ్రాడ్‌ వికెట్‌ దక్కించకున్నాడు. ఇది పసిగట్టిన వార్నర్‌ కాస్త తెలివిని ప్రదర్శిస్తూ కాన్వేపై జాలి చూపిస్తూనే.. ఇన్‌డైరెక్ట్‌గా బ్రాడ్‌కు మెసేజ్‌ పంపాడు. ''ఇన్నింగ్స్‌లో వాళ్లిద్దరే వికెట్లన్నీ పడగొట్టారు.. నీకు దక్కుతుందో లేదో అని భయపడ్డా.. మొత్తానికి దక్కించుకున్నావు.. నీ బాధ నాకు అర్థమయింది'' అంటూ పేర్కొన్నాడు.  చదవండి:  అప్పుడు మొత్తుకున్నారుగా.. ఇప్పుడేం మాట్లాడరా!

ఐపీఎల్‌-2022లో భాగంగా ముంబై ఇండియన్స్‌తో జరిగిన మ్యాచ్‌లో చెన్నై సూపర్ కింగ్స్‌ ఓపెనర్‌ డెవాన్‌ కాన్వే ఔటైన తీరు వివాదాస్పదంగా మారింది. సీఎస్‌కే ఇన్నింగ్స్‌ తొలి ఓవర్‌లో డానియల్‌ సామ్స్‌ వేసిన రెండో బంతి.. స్ట్రైక్‌లో ఉన్న డెవాన్‌ కాన్వే ప్యాడ్‌ను తాకింది. వెంటనే బౌలర్‌తో పాటు ఫీల్డర్లు ఎల్బీకు అప్పీలు చేయగా.. అంపైర్‌ ఔట్‌ అని వేలు పైకెత్తాడు. అయితే ఆశ్చర్యకరంగా  వాంఖడే స్టేడియంలో పవర్ కట్ కారణంగా.. కాన్వేకు  రివ్యూ తీసుకునే అవకాశం దక్కలేదు.  కాన్వే తన భాగస్వామి రుతురాజ్ గైక్వాడ్‌తో కలిసి అంపైర్‌లతో మాట్లాడాడు. కానీ అంపైర్‌లు మాత్రం ఔట్‌గానే నిర్ధారించారు. దీంతో డకౌట్‌గా కాన్వే వెనుదిరిగాడు. అయితే బంతి క్లియర్‌గా లెగ్‌ స్టంప్‌ను మిస్‌ అవుతున్నట్లు అన్పించింది. ఇక సోషల్‌ మీడియాలో ఇందుకు సంబంధించిన వీడియో వైరల్‌గా మారింది. కాగా స్టేడియంలో పవర్‌ కట్‌కు సంబంధించి ఎటువంటి అధికారిక ప్రకటన వెలవడలేదు. చదవండి: Brendon McCullum: ఇంగ్లండ్‌ టెస్ట్‌ జట్టు కోచ్‌గా బ్రెండన్ మెక్ కల్లమ్‌.. pic.twitter.com/f5Q751kph4 — Cred Bounty (@credbounty) May 12, 2022

Moeen Ali Lauds Devon Conway: హ్యాట్రిక్‌ హాఫ్‌ సెంచరీలతో సీఎస్‌కే విజయాల్లో కీలకపాత్ర పోషిస్తున్న డెవాన్‌ కాన్వేపై అతని సహచర ఆటగాడు మొయిన్‌ అలీ ఫన్నీ కామెంట్‌ చేశాడు. కాన్వే పెళ్లైనప్పటి నుంచి బ్యాటింగ్‌లో అదరగొడుతున్నాడని, అతనికి మ్యారేజీ వర్కౌట్‌ అయినట్లుందని సరదాగా వ్యాఖ్యానించాడు. ఆదివారం (మే 8) ఢిల్లీ క్యాపిటల్స్‌తో జరిగిన మ్యాచ్‌లో కాన్వే (49 బంతుల్లో 87; 7 ఫోర్లు, 5 సిక్స‌ర్లు) ఆడిన సునామీ ఇన్నింగ్స్‌పై మాట్లాడుతూ మొయిన్‌ అలీ ఈ మేరకు వ్యాఖ్యానించాడు. కాన్వే అద్భుతమైన ఆటగాడని, అతను అన్ని యాంగిల్స్‌లో షాట్లు కొట్టగల సమర్ధుడని అలీ కొనియాడాడు.  Devonum Deviyum! 💛 Happy Whistles for the soon-to-be's! Wishing all the best to Kim & Conway for a beautiful life forever!#WhistlePodu #Yellove 🦁 pic.twitter.com/yPJe5DBQQK — Chennai Super Kings (@ChennaiIPL) April 18, 2022 కాగా, దక్షిణాఫ్రికాలో పుట్టి న్యూజిలాండ్‌ క్రికెటర్‌గా పేరు ప్రఖ్యాతలు గడించిన డెవాన్‌ కాన్వే.. 2022 ఐపీఎల్‌ సీజన్‌లో సీఎస్‌కేతో జతకట్టాడు. సీఎస్‌కే యాజమాన్యం అతన్ని కోటి రూపాయల బేస్‌ ప్రైజ్‌కు సొంతం చేసుకుంది. ఈ సీజన్‌లో తొలి మ్యాచ్‌ ఆడిన అనంతరం ఇష్ట సఖి కిమ్ వాట్సన్‌ను మనువాడేందుకు కొన్ని రోజుల పాటు బయోబబుల్‌ను వీడిన కాన్వే.. రీఎంట్రీలో వీర లెవెల్లో రెచ్చిపోతున్నాడు. వరుస హాఫ్‌ సెంచరీలతో పరాజయాల బాట పట్టిన సీఎస్‌కేను గెలుపు ట్రాక్‌ ఎక్కించాడు. వివాహం (ఏప్రిల్‌ 23) అనంతరం స‌న్‌రైజ‌ర్స్‌తో మ్యాచ్‌లో 55 బంతుల్లో 85 ప‌రుగులు చేసిన కాన్వే.. ఆత‌రువాత ఆర్సీబీపై 37 బంతుల్లో 56, తాజాగా డీసీపై 49 బంతుల్లో 87 ప‌రుగులు స్కోర్ చేశాడు.  Now showing - Kim & Conway Wedding Cassette 📼! 📹👉 https://t.co/oYBPQHs25f!#WeddingWhistles #Yellove 🦁💛 pic.twitter.com/pTLdQgTa5n — Chennai Super Kings (@ChennaiIPL) April 19, 2022 చదవండి: IPL 2022: ఇష్ట సఖిని మనువాడిన చెన్నై సూపర్‌ కింగ్స్‌ బ్యాటర్‌

Devon Conway Compared With Mike Hussey: ఢిల్లీ క్యాపిటల్స్‌తో నిన్న (మే 7) జరిగిన మ్యాచ్‌లో సీఎస్‌కే ఓపెనర్‌ డెవాన్ కాన్వే (49 బంతుల్లో 87; 7 ఫోర్లు, 5 సిక్స‌ర్లు) ఆకాశమే హద్దుగా చెలరేగి జట్టు విజయంలో కీలకపాత్ర పోషించిన విషయం తెలిసిందే. అంతకుముందు రెండు మ్యాచ్‌ల్లోనూ కాన్వే ఇదే తరహాలో రెచ్చిపోయి వరుస హాఫ్‌ సెంచరీలు బాదాడు. ఈ నేపథ్యంలో కాన్వేపై సర్వత్రా ప్రశంసలు వెల్లువెత్తుతున్నాయి. నెటిజన్లు, విశ్లేషకులు ఈ న్యూజిలాండ్‌ ఆటగాడిని ఆస్ట్రేలియా దిగ్గజ క్రికెటర్‌, సీఎస్‌కే బ్యాటింగ్‌ కోచ్‌ మైక్‌ హస్సీతో పోలుస్తున్నారు.  మైక్‌ హస్సీతో పోల్చడంపై కాన్వే స్పందిస్తూ.. సంతోషాన్ని వ్యక్తం చేశాడు. ఐపీఎల్‌తో పాటు విశ్వ వేదికపై ఘన చరిత్ర కలిగిన హస్సీ లాంటి దిగ్గజ ఆటగాడితో తనను పోల్చడం ఎంతో ప్రత్యేకమైందని చెప్పుకొచ్చాడు. హస్సీ మార్గదర్శకంలో తాను మరింత రాటుదేలానని, హస్సీతో సన్నిహితంగా మెలగడం ద్వారా చాలా కొత్త విషయాలు నేర్చుకున్నానని పేర్కొన్నాడు. హస్సీ లాంటి అనుభవం కలిగిన వ్యక్తి నుంచి బ్యాటింగ్‌కు సంబంధించి ఎన్నో టెక్నిక్స్‌ నేర్చుకున్నానని.. ఇవి తన కెరీర్‌ ఉన్నతి తప్పక తోడ్పడతాయని ఆశాభావం వ్యక్తం చేశాడు.  నేను అమితంగా ఆరాధించే వ్యక్తితో తనను పోల్చడం గొప్ప అనుభూతిని కలిగిస్తుందని తెలిపాడు. తన పరిధిలో ఉన్న ఏ సవాలునైనా స్వీకరించేందుకు సిద్ధంగా ఉన్నానని, ఇందుకు సీఎస్‌కే జట్టు నుంచి తనకు గొప్ప సహకారం లభిస్తుందని వివరించాడు. ఇటీవల జరిగిన తన వివాహ సమయంలో జట్టు సభ్యులందరూ తనకెంతగానో సహకరించారని, తన జీవితంలో ప్రత్యేకమైన కార్యక్రమాన్ని జట్టు సభ్యులంతా దగ్గరుండి జరిపించారని గుర్తు చేసుకున్నాడు.   కాగా, దక్షిణాఫ్రికాతో పుట్టి న్యూజిలాండ్‌ క్రికెటర్‌గా పేరు ప్రఖ్యాతలు సంపాదించిన డెవాన్‌ కాన్వే.. 2022 ఐపీఎల్‌ సీజన్‌తో సీఎస్‌కేతో జతకట్టాడు. సీఎస్‌కే యాజమాన్యం కాన్వేను కోటి రూపాయల బేస్‌ ప్రైజ్‌కు సొంతం చేసుకుంది. ఈ సీజన్‌లో తొలి మ్యాచ్‌ ఆడిన అనంతరం గర్ల్ ఫ్రెండ్ కిమ్ వాట్సన్‌తో వివాహం కోసం అతను కొన్ని రోజులు బయోబబుల్‌ను విడిచి వెళ్లాడు. వివాహం అనంతరం జట్టులోకి రీఎంట్రీ ఇచ్చిన కాన్వే వీర లెవెల్లో రెచ్చిపోతూ వరుస హాఫ్‌ సెంచరీలు సాధిస్తూ జట్టు విజయాల్లో కీలకపాత్ర పోషిస్తున్నాడు. వివాహం అనంతరం స‌న్‌రైజ‌ర్స్‌తో మ్యాచ్‌లో 55 బంతుల్లో 85 ప‌రుగులు చేసిన కాన్వే.. ఆత‌రువాత ఆర్సీబీపై 37 బంతుల్లో 56, తాజాగా డీసీపై 49 బంతుల్లో 87 ప‌రుగులు స్కోర్ చేశాడు.  చదవండి: ఐపీఎల్‌ హంగామా నడుస్తున్నా నేనున్నానని గుర్తు చేస్తున్న పుజారా..!     var request = 'https://www.sakshi.com/knowwidget/kwstr_4381453179.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

డెవన్‌ కాన్వే.. సీజన్‌ ఆరంభంలో ఒకే ఒక్క మ్యాచ్‌ ఆడాడు. ఆ మ్యాచ్‌లో పెద్దగా రాణించలేదు. ఏప్రిల్‌ మొదటి వారంలో వ్యక్తిగత కారణాల రిత్యా లీగ్‌ విడిచి బయటకు వెళ్లాడు. తన ప్రియురాలిని పెళ్లి చేసుకొని మళ్లీ ఏప్రిల్‌ చివరి వారంలో జట్టుతో కలిశాడు. అయితే కాన్వేకు తుదిజట్టులో అవకాశం మాత్రం రాలేదు. సీజన్‌లో సగం మ్యాచ్‌లు ముగిసేసరికి సీఎస్‌కే రెండు విజయాలు, ఐదు ఓటములతో పాయింట్ల పట్టికలో తొమ్మిదో స్థానంలో నిలిచింది. కెప్టెన్‌గా దారుణంగా విఫలమైన జడేజా నాయకత్వ బాధ్యతలను ధోనికి అప్పగించాడు. ఇక్కడి నుంచి సీన్‌ కాస్త రివర్స్‌ అయింది. తన మైండ్‌గేమ్‌తో కాన్వేకు ఓపెనర్‌గా అవకాశం ఇచ్చాడు. అంతే వరుసగా మూడు మ్యాచ్‌ల్లో కాన్వే అర్థసెంచరీలతో మెరిశాడు. ఎస్‌ఆర్‌హెచ్‌తో మ్యాచ్‌లో 85 నాటౌట్‌, ఆర్‌సీబీతో మ్యాచ్‌లో 56, ఢిల్లీ క్యాపిటల్స్‌తో మ్యాచ్‌లో 87 పరుగులు సాధించాడు. వరుసగా మూడు మ్యాచ్‌ల్లో అర్థసెంచరీ చేసిన మూడో సీఎస్‌కే బ్యాట్స్‌మన్‌గా కాన్వే నిలిచాడు. ప్రస్తుతం సీఎస్‌కే 11 మ్యాచ్‌ల్లో నాలుగు విజయాలు.. ఏడు ఓటములతో పాయింట్ల పట్టికలో ఎనిమిదో స్థానంలో ఉంది.  తాజాగా కాన్వే తన ప్రదర్శన పట్ల సంతృప్తి వ్యక్తం చేస్తూ.. ''సీఎస్కే కెప్టెన్‌ ధోని ఇచ్చిన సలహా బాగా ఉపయోగపడిందని తెలిపాడు. ఢిల్లీతో మ్యాచ్‌ అనంతరం కాన్వే మాట్లాడాడు. గత రెండు మ్యాచ్‌ల్లో రుతురాజ్‌తో మంచి సమన్వయం ఏర్పడింది. మా ఆలోచనను సింపుల్‌గా ఆచరణలో పెట్టాం. రుతురాజ్‌, నేను కలిసి మొదట ఇన్నింగ్స్‌ను నిలకడగా ఆరంభించి ఆ తర్వాత వేగం పెంచాలని భావించాం. అందుకు తగ్గట్లే మా ప్రణాళికలు రచించాం. కెప్టెన్‌ ధోని, నేను, రుతురాజ్‌, హస్సీ.. ఈ విషయమై చాలాసేపు చర్చించుకున్నాం. గత మూడు మ్యాచ్‌ల్లో సక్సెస్‌ అవడం వెనుక మా కెప్టెన్‌ ధోని సలహా బాగా ఉపయోగపడింది. గత మ్యాచ్‌లో స్పిన్‌ బౌలింగ్‌లో స్వీప్‌షాట్‌ ఆడే ప్రయత్నంలో ఔట్‌ అయ్యాను. దీంతో ధోని.. ''గేమ్‌పై ఫోకస్‌ ఉంచు.. రిస్కీ షాట్స్‌ వద్దు.. స్రెయిట్‌ షాట్స్‌ ఆడేందుకు ఎక్కువగా ప్రయత్నించు.. అదే నిన్ను నిలబెడుతుంది. ధోని చెప్పినట్లే ఢిల్లీ క్యాపిటల్స్‌తో మ్యాచ్‌లో ఎలాంటి పొరపాటు చేయకుండా బ్యాటింగ్‌ ఆడాను. అక్షర్‌ పటేల్‌ బౌలింగ్‌ను సమర్థంగా ఎదుర్కొని 17 పరుగులు సాధించాను. స్పిన్నర్ల బలహీనతను అధిగమించడంలో ధోని సహాయం చేశాడు. మా కెప్టెన్‌ ధోనికి థాంక్స్‌'' అంటూ చెప్పుకొచ్చాడు. చదవండి: IPL 2022: ధోని.. బ్యాట్‌ కొరకడం వెనుక అసలు కథ ఇదే! MS Dhoni: ధోని అరుదైన ఫీట్‌.. ఐపీఎల్‌ చరిత్రలో ఎవరికి సాధ్యం కాలేదు D One and Only Conway! 🔥#CSKvDC #WhistlePodu #Yellove 🦁💛 pic.twitter.com/PeJkoIuilB — Chennai Super Kings (@ChennaiIPL) May 8, 2022

IPL 2022 CSK Vs DC- MS Dhoni Comments: ఆలస్యంగానైనా అదరగొట్టే ప్రదర్శనతో ఆకట్టుకుంది చెన్నై సూపర్‌ కింగ్స్‌. ఢిల్లీ క్యాపిటల్స్‌పై ఏకంగా 91 పరుగుల తేడాతో విజయం సాధించి సత్తా చాటింది. దీంతో ఐపీఎల్‌-2022లో ధోని సేన నాలుగో గెలుపు నమోదు చేసింది. అయితే, ఆరంభంలో వరుసగా పరాజయాల చెన్నై పరాజయాల పాలైన నేపథ్యంలో.. ప్రస్తుతం అతిపెద్ద విజయం సాధించినా లాభం లేకుండా పోయింది. సీఎస్‌కే ప్లే ఆఫ్‌ ఆశలు దాదాపు ముగిసిపోయినట్లే!  ఈ నేపథ్యంలో ఢిల్లీపై విజయానంతరం ధోని ఆసక్తికర వ్యాఖ్యలు చేశాడు. ప్లే ఆఫ్స్‌నకు అర్హత సాధించనంత మాత్రాన ప్రపంచమేమీ ముగిసిపోయినట్లు కాదని పేర్కొన్నాడు. ఈ మేరకు... ‘‘ఇది పర్ఫెక్ట్‌ గేమ్‌. నిజానికి కాస్త ముందుగా ఇలాంటి విజయం సాధించి ఉంటే ఎంతో బాగుండేది. బ్యాటర్లు అద్భుతంగా రాణించారు. టాస్‌ గెలిచి తొలుత ఫీల్డింగ్‌ ఎంచుకోవాలనుకున్నాం. అయితే, మనసులో మాత్రం టాస్‌ ఓడటమే మంచిదైందని నాకు అనిపించింది.  బౌలర్లు కష్టపడ్డారు. ముఖ్యంగా వాళ్ల(ఢిల్లీ) బిగ్‌ హిట్టర్లను పరుగులు చేయకుండా ఆపాలని ముందే ప్రణాళిక రచించాం. సిమర్‌జీత్‌, ముఖేశ్‌ ఇంకాస్త పరిణతి చెందాల్సి ఉంది. అనుభవం గడిస్తున్న కొద్దీ ఆటపై పూర్తి పట్టు సాధించగలుగుతారు. స్కూళ్లో ఉన్నప్పటి నుంచే నాకు లెక్కలంటే పెద్దగా ఇష్టం ఉండేది కాదు. ఇక్కడ ఇప్పుడు ఈ పరిస్థితుల్లో నెట్‌రన్‌రేటు ఉపయోగపడుతుందని నేను అనుకోవడం లేదు. ఐపీఎల్‌ను ఆస్వాదించాలి అంతే! మేము ప్లే ఆఫ్స్‌నకు వెళ్తే చాలా బాగుంటుంది. ఒకవేళ అలా జరుగకపోతే దాని అర్థం ప్రపంచం అంతమైపోయినట్లు కాదు’’ అని ధోని వ్యాఖ్యానించాడు. ఐపీఎల్‌ మ్యాచ్‌ 55: చెన్నై వర్సెస్‌ ఢిల్లీ  టాస్‌ గెలిచింది: ఢిల్లీ మ్యాచ్‌ స్కోర్లు చెన్నై: 208/6 (20) ఢిల్లీ: 117 (17.4) 91 పరుగుల తేడాతో చెన్నై విజయం ప్లేయర్‌ ఆఫ్‌ ది మ్యాచ్‌: డెవాన్‌ కాన్వే(49 బంతుల్లో 7 ఫోర్లు, 5 సిక్సర్లు- 87 పరుగులు)  చదవండి👉🏾Dinesh Karthik: స్ట్రైక్‌ రేటు 375.. దినేశ్‌ కార్తిక్‌తో అట్లుంటది! శెభాష్‌ అన్న కోహ్లి! Yellow all the way 💛💛 A comprehensive 91-run win for Chennai Super Kings over Delhi Capitals - WHAT A WIN! #TATAIPL #CSKvDC #IPL2022 pic.twitter.com/O7yTOV0FnQ — IndianPremierLeague (@IPL) May 8, 2022 var request = 'https://www.sakshi.com/knowwidget/kwstr_4031445617.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఐపీఎల్ 2022 సీజ‌న్‌లో భాగంగా ఇవాళ (మే 8) ఢిల్లీ క్యాపిట‌ల్స్‌తో జరుగుతున్న మ్యాచ్‌లో సీఎస్‌కే ఓపెన‌ర్ డెవాన్ కాన్వే (49 బంతుల్లో 87; 7 ఫోర్లు, 5 సిక్స‌ర్లు) భారీ హాఫ్ సెంచ‌రీతో విరుచుకుప‌డ్డాడు. కాన్వేకు రుతురాజ్ గైక్వాడ్ (33 బంతుల్లో 41; 4 ఫోర్లు, సిక్స్‌), శివ‌మ్ దూబే (19 బంతుల్లో 32; 2 ఫోర్లు, 2 సిక్స్‌లు), ధోని (8 బంతుల్లో 21 నాటౌట్‌; ఫోర్, 2 సిక్స్‌లు) కూడా స‌హ‌క‌రించ‌డంతో ఈ మ్యాచ్‌లో సీఎస్‌కే నిర్ణీత ఓవ‌ర్ల‌లో 6 వికెట్లు కోల్పోయి 208 ప‌రుగుల భారీ స్కోర్ చేసింది. Devon Conway in the last 3 matches in IPL 2022: 85*(55) vs SRH 56(37) vs RCB 87(49) vs DC pic.twitter.com/Smx31KLJ4P — Johns. (@CricCrazyJohns) May 8, 2022 ఈ మ్యాచ్‌లో కాన్వే హాఫ్ సెంచ‌రీ న‌మోదు చేయ‌డం ద్వారా ఓ అరుదైన క్ల‌బ్‌లో చేరాడు. సీఎస్‌కే త‌ర‌ఫున వ‌రుస‌గా 3 అంత‌కంటే ఎక్కువ హాఫ్ సెంచ‌రీలు చేసిన మూడో ఆట‌గాడిగా రికార్డుల్లోకెక్కాడు. 2021 సీజ‌న్‌లో ఫాఫ్ డెప్లెసిస్, రుతురాజ్ గైక్వాడ్‌లు సీఎస్‌కే త‌ర‌ఫున వ‌రుస‌గా 4 హాఫ్ సెంచ‌రీలు సాధించగా.. ప్ర‌స్తుత సీజ‌న్‌లో డెవాన్ కాన్వే వ‌రుస‌గా మూడు హాఫ్ సెంచ‌రీలు బాదాడు. స‌న్‌రైజ‌ర్స్‌తో మ్యాచ్‌లో 55 బంతుల్లో 85 ప‌రుగులు చేసిన కాన్వే.. ఆత‌రువాత ఆర్సీబీపై 37 బంతుల్లో 56, తాజాగా డీసీపై 49 బంతుల్లో 87 ప‌రుగులు స్కోర్ చేశాడు.  చ‌ద‌వండి: IPL 2022: ఐదేసిన హ‌స‌రంగ‌.. సీజ‌న్ అత్యుత్త‌మ గ‌ణాంకాలు న‌మోదు

Ruturaj Gaikwad-Devon Conway Break CSK Record: ఐపీఎల్‌-2022లో భాగంగా సన్‌రైజర్స్‌ హైదరాబాద్‌తో మ్యాచ్‌లో చెన్నై సూపర్‌కింగ్స్‌(సీఎస్‌కే) ఓపెనర్లు రుతురాజ్‌ గైక్వాడ్‌, డెవాన్‌ కాన్వే అదరగొట్టారు. గతేడాది ఆరెంజ్‌ క్యాప్‌ హోల్డర్‌ అయిన రుతు ఈ మ్యాచ్‌లో 57 బంతుల్లో(6 ఫోర్లు, 6 సిక్సర్లు) 99 పరుగులు చేయగా.. కాన్వే 55 బంతుల్లో(8 ఫోర్లు, 4 సిక్సర్లు) 85 పరుగులతో అజేయంగా నిలిచాడు. ఈ ​ క్రమంలో ఇద్దరూ కలిసి 107 బంతుల్లో 182 పరుగుల భాగస్వామ్యం నమోదు చేశారు. తద్వారా చెన్నై సూపర్‌కింగ్స్‌ తరఫున షేన్‌ వాట్సన్‌- ఫాఫ్‌ డుప్లెసిస్‌ తరఫున ఉన్న రికార్డును బద్దలు కొట్టారు. కాగా ఐపీఎల్‌-2020 సీజన్‌లో వాట్సన్‌- డుప్లెసిస్‌ 181 పరుగుల భాగస్వామ్యం నమోదు చేయగా సీఎస్‌కే తరఫున అదే అత్యుత్తమ పార్ట్‌నర్‌షిప్‌. ఇప్పుడు రుతు- కాన్వే ఓపెనింగ్‌ జోడీ దీనిని అధిగమించింది.  అదే విధంగా.. ఐపీఎల్‌ చరిత్రలో అత్యుత్తమ ఓపెనింగ్‌ భాగస్వామ్యం నెలకొల్పిన నాలుగో జోడీగా నిలిచింది. డేవిడ్‌ వార్నర్‌- జానీ బెయిర్‌స్టో(ఎస్‌ఆర్‌హెచ్‌- 185), గౌతమ్‌ గంభీర్‌- క్రిస్‌ లిన్‌(కేకేఆర్‌ 184 నాటౌట్‌), కేఎల్‌ రాహుల్‌- మయాంక్‌ అగర్వాల్‌(కింగ్స్‌ ఎలెవన్‌ పంజాబ్‌) ఈ జాబితాలో ముందు వరుసలో ఉన్నారు. ఇక ఈ అరుదైన రికార్డుపై సంతోషం వ్యక్తం చేసిన రుతురాజ్‌ గైక్వాడ్‌ మ్యాచ్‌ అనంతరం మాట్లాడుతూ.. ఫాఫ్‌ డుప్లెసిస్‌ను ఉద్దేశించి ఆసక్తికర వ్యాఖ్యలు చేశాడు. తమ రికార్డు భాగస్వామ్యం చూసి ఆర్సీబీ కెప్టెన్‌ ఫాఫ్‌ డుప్లెసిస్‌ కుళ్లుకొని ఉంటాడని సరదాగా వ్యాఖ్యానించాడు.  ఈ మేరకు.. ‘‘కాన్వేతో రికార్డు భాగస్వామ్యం ఇది. సీఎస్‌కే తరఫున ఈ భాగస్వామ్యం అత్యధికం. ఈ విషయంలో ఫాప్‌ కాస్త అసూయ పడుతున్నాడనుకుంటా(నవ్వులు). అసలు ఇది సాధ్యమవుతుందని మేము ఊహించలేదు. శుభారంభం ఇవ్వాలని భావించాం. వికెట్లు పడకుండా జాగ్రత్త పడాలని ముందే నిర్ణయించుకున్నాం’’ అని రుతు చెప్పుకొచ్చాడు. కాగా ఐపీఎల్‌-2021లో డుప్లెసిస్‌ సీఎస్‌కేకు ప్రాతినిథ్యం వహించిన సంగతి తెలిసిందే. రుతురాజ్‌తో కలిసి ఓపెనింగ్‌ చేసిన ఈ దక్షిణాఫ్రికా మాజీ కెప్టెన్‌ రుతు(635) కంటే కేవలం రెండు పరుగులు వెనుకబడి(633) ఆరెంజ్‌ క్యాప్‌ చేజార్చుకున్నాడు. ఇక ఐపీఎల్‌ మెగా వేల-2022 నేపథ్యంలో సీఎస్‌కే అతడిని రిటైన్‌ చేసుకోకపోవడంతో ఆక్షన్‌లోకి వచ్చిన సంగతి తెలిసిందే. దీంతో 7 కోట్ల రూపాయలు వెచ్చించి డుప్లెసిస్‌ను కొనుగోలు చేసిన ఆర్సీబీ అతడిని కెప్టెన్‌గా నియమించింది.  ఐపీఎల్‌ మ్యాచ్‌-46: సీఎస్‌కే వర్సెస్‌ ఎస్‌ఆర్‌హెచ్‌ స్కోర్లు చెన్నై-202/2 (20) హైదరాబాద్‌-189/6 (20) చదవండి👉🏾 MS Dhoni: జడేజాకు ముందే తెలుసు.. అయినా ప్రతీదీ విడమరిచి చెప్పలేం కదా! ధోని ఘాటు వ్యాఖ్యలు! var request = 'https://www.sakshi.com/knowwidget/kwstr_4141448520.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

చెన్నై సూపర్ కింగ్స్ బ్యాటర్, న్యూజిలాండ్ స్టార్ క్రికెటర్‌ డెవాన్ కాన్వే ఏప్రిల్‌ 23న తన ఇష్ట సఖి కిమ్‌ వాట్సన్‌ను మనువాడాడు. వీరి వివాహం కాన్వే మాతృ దేశమైన దక్షిణాఫ్రికాలో బంధు మిత్రుల సమక్షంలో అంగరంగ వైభవంగా జరిగింది. కాన్వే, కిమ్‌ జోడీ మూడేళ్ల డేటింగ్ అనంతరం పెళ్లితో ఒక్కటయ్యారు. కాన్వే వివాహ వేడుకకు సంబంధించిన ఫోటోను సీఎస్‌కే యాజమాన్యం సోషల్‌మీడియాలో పోస్ట్‌ చేయగా.. సహచర క్రికెటర్లు, అభిమానుల నుంచి శుభాకాంక్షలు వెల్లువెత్తుతున్నాయి.  We pronounce you Lion and Lady! Happy #WeddingWhistles to Kim & Conway! 💛#SuperFam #WhistlePodu #Yellove 🦁 pic.twitter.com/NxvybLpcXO — Chennai Super Kings (@ChennaiIPL) April 24, 2022 కాగా, కాన్వే తన వివాహ వేడుక కోసం తాత్కాలికంగా ఐపీఎల్ బయోబబుల్‌ను వీడిన సంగతి తెలిసింది. కాన్వే బయోబబుల్‌ను వీడేముందు సీఎస్‌కే యాజమాన్యం ప్రీ వెడ్డింగ్ పార్టీని అరేంజ్‌ చేసింది. ఈ వేడకులో సీఎస్‌కే ఆటగాళ్లు పంచకట్టులో డ్యాన్సులేసి రచ్చరచ్చ చేశారు. ఇదిలా ఉంటే, ప్రస్తుత ఐపీఎల్‌ సీజన్‌లో డిఫెండింగ్‌ ఛాంపియన్‌ సీఎస్‌కే పరిస్థితి గందరగోళంగా ఉన్న సంగతి తెలిసిందే. ఆ జట్టు గాయాలు, వరుస ఓటములతో (7 మ్యాచ్‌ల్లో 2 విజయాలు) సతమతమవుతోంది. పసుపు దళం ఇవాళ తమ 8వ మ్యాచ్‌లో పంజాబ్‌ కింగ్స్‌తో తలపడాల్సి ఉంది.   ఈ మ్యాచ్‌కు డెవాన్‌ కాన్వే అందుబాటులో ఉండటం లేదు. కాన్వేను సీఎస్‌కే బేస్ ధర రూ. కోటికి దక్కించుకున్న విషయం తెలిసిందే. ఐపీఎల్‌ అరంగేట్రం సీజన్‌లో ఆడుతున్న కాన్వే ఇప్పటివరకు ఒక్కమ్యాచ్‌ మాత్రమే ఆడాడు. ఇందులో అతను 3 పరుగులు మాత్రమే చేయడంతో బెంచ్‌కే పరిమితమయ్యాడు. అంతర్జాతీయ క్రికెట్‌లో న్యూజిలాండ్‌ తరఫున మెరుపులు మెరిపిస్తున్న కాన్వే జన్మ స్థలం దక్షిణాఫ్రికా కావడంతో అతను అక్కడే వివాహం చేసుకున్నాడు. కాన్వే మే 1న సీఎస్‌కే వర్సెస్‌ సన్‌రైజర్స్‌తో మ్యాచ్‌ సమయానికి అందుబాటులో ఉంటాడు. చదవండి: IPL 2022: లక్నోకు భారీ షాక్‌! మళ్లీ అదే తప్పు.. ఇంకోసారి చేశారంటే..     var request = 'https://www.sakshi.com/knowwidget/kwstr_4031445617.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Devon Conway Leaves IPL For His Wedding: ఓ పక్క వరుస ఓటములు మరో పక్క గాయాల బెడదతో సతమతవుతున్న చెన్నై సూపర్‌ కింగ్స్‌కు మరో షాక్‌ తగిలింది. దక్షిణాఫ్రికాలో జరుగనున్న తన వివాహం కోసం ఆ జట్టు విదేశీ ఆటగాడు (న్యూజిలాండ్‌) డెవాన్‌ కాన్వే పాక్షికంగా లీగ్‌ను వీడాడు. ఇటీవలే భారతీయ సంప్రదాయ దుస్తుల్లో (తమిళ స్టైల్‌ పంచకట్టులో) ప్రీ వెడ్డింగ్‌ పార్టీ చేసుకున్న కాన్వే పెళ్లి తర్వాత ఏప్రిల్ 24న భార్యతో కలిసి తిరిగి భారత్‌కు వస్తాడని తెలుస్తోంది. సీఎస్‌కే వర్గాల సమాచారం మేరకు కాన్వే ముంబై ఇండియన్స్‌ (ఏప్రిల్‌ 21), పంజాబ్‌ కింగ్స్‌ (ఏప్రిల్‌ 25)తో జరిగే మ్యాచ్‌లకు అందుబాటులో ఉండడం లేదు.  కాన్వే ప్రీ వెడ్డింగ్‌ పార్టీలో సీఎస్‌కే కోచ్ స్టీఫెన్ ఫ్లెమింగ్, ప్రస్తుత, మాజీ కెప్టెన్లు, జడేజా, ధోని, ఇతర జట్టు సభ్యులు హుషారుగా పాల్గొన్న సంగతి తెలిసిందే. 2022 ఐపీఎల్‌ మెగా వేలంలో కాన్వేను సీఎస్‌కే కోటి రూపాయలకు సొంతం చేసుకుంది. డుప్లెసిస్‌ స్థానాన్ని భర్తీ చేస్తాడని సీఎస్‌కే అతనిపై భారీ అంచనాలు పెట్టుకుంది. అయితే ప్రస్తుత సీజన్‌లో అతనికి ఒకే మ్యాచ్‌ ఆడే అవకాశం లభించింది. ఇదిలా ఉంటే, ప్రస్తుత ఐపీఎల్‌లో డిఫెండింగ్‌ ఛాంపియన్‌ సీఎస్‌కే ఇప్పటివరకు ఆడిన 6 మ్యాచ్‌ల్లో 5 పరాజయాలు ఒకే ఒక్క విజయాన్ని నమోదు చేసి, పాయింట్ల పట్టికలో చివరి నుంచి రెండో స్థానంలో ఉంది. గాయాల కారణంగా దీపక్‌ చాహర్‌, ఆడమ్‌ మిల్నే ఐపీఎల్‌ నుంచి పూర్తిగా వైదొలిగిన విషయం తెలిసిందే. Maple & Machis! 📸 that go straight into the Yellove Album! 😍#SuperFam #WhistlePodu #Yellove 🦁💛 pic.twitter.com/qUAKbrCpYu— Chennai Super Kings (@ChennaiIPL) April 19, 2022 చదవండి: డెవాన్‌ కాన్వే ప్రీ వెడ్డింగ్‌ పార్టీ.. పంచ కట్టుతో రచ్చరచ్చ చేసిన సీఎస్‌కే ప్లేయర్లు     var request = 'https://www.sakshi.com/knowwidget/kwstr_4031445617.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Devon Conway Pre Wedding Party: ఐపీఎల్‌ 2022 సీజన్‌లో వరుస పరాజయాలతో సతమతమవుతున్న చెన్నై సూపర్ కింగ్స్‌ జట్టు రేపు (ఏప్రిల్‌ 21)ముంబైతో జరుగబోయే కీ ఫైట్‌కు ముందు ఓ ముఖ్యమైన ఈవెంట్‌లో పాల్గొంది. జట్టు కీలక సభ్యుడు, విదేశీ ఆటగాడు (న్యూజిలాండ్‌) డెవాన్‌ కాన్వే ప్రీ వెడ్డింగ్ పార్టీలో చెన్నై ఆటగాళ్లు రచ్చరచ్చ చేశారు. ముంబైలోని ట్రైడెంట్ హోటల్‌లో సీఎస్‌కే యాజమాన్యం ఆధ్వర్యంలో జరిగిన ఈ పార్టీలో కాన్వే సహా సీఎస్‌కే బృంద సభ్యులంతా తమిళ సంప్రదాయ పంచ కట్టుతో మెరిశారు.  Devonum Deviyum! 💛 Happy Whistles for the soon-to-be's! Wishing all the best to Kim & Conway for a beautiful life forever!#WhistlePodu #Yellove 🦁 pic.twitter.com/yPJe5DBQQK — Chennai Super Kings (@ChennaiIPL) April 18, 2022 Maple & Machis! 📸 that go straight into the Yellove Album! 😍#SuperFam #WhistlePodu #Yellove 🦁💛 pic.twitter.com/qUAKbrCpYu — Chennai Super Kings (@ChennaiIPL) April 19, 2022 📹 Colourful Kaatchis from the last night kondattam! 😎💛#SuperFam #WhistlePodu #Yellove 🦁 pic.twitter.com/hoJWgpzEbx — Chennai Super Kings (@ChennaiIPL) April 19, 2022 ఈ వేడుకలో కాన్వే సహా జట్టు కోచ్ స్టీఫెన్ ఫ్లెమింగ్, మాజీ, ప్రస్తుత కెప్టెన్లు ధోని, జడేజా, మొయిన్ అలీ, బ్రావో, రుతురాజ్ గైక్వాడ్, ఉతప్ప, అంబటి రాయుడు ప్రత్యేక ఆకర్షణగా నిలిచారు. సహచరుడి ప్రీ వెడ్డింగ్‌ ఈవెంట్‌కు సీఎస్‌కే ప్లేయర్లు కుటుంబ సభ్యులతో హాజరయ్యారు. ఈ వేడుకకు కాన్వే ఫియాన్సి కిమ్ వాట్సన్ వర్చువల్‌గా హాజరైంది. న్యూజిలాండ్‌లో ఉన్న కిమ్‌ పసుపురంగు పట్టు చీరలో మెరిసిపోయింది. కాన్వే, కిమ్‌ ఇద్దరు వర్చువల్‌గా సంభాషించుకుంటుండగా.. సహచర సభ్యులు చప్పట్లతో ఇద్దరినీ విష్‌ చేశారు.  Maapilai with Thol Kodukkum thozhans! 💛#WeddingWhistles #YelloveIsInTheAir #WhistlePodu 🦁💛 https://t.co/v3boCGSb5A pic.twitter.com/AzDvpHgH5Y — Chennai Super Kings (@ChennaiIPL) April 18, 2022 Sivapu Manjal Pachai - Part 2! 😃#SuperFam #WhistlePodu #Yellove 🦁💛 pic.twitter.com/eyf0K0Ky9N — Chennai Super Kings (@ChennaiIPL) April 19, 2022 అనంతరం కేక్‌ కట్టింగ్‌, ఆలింగనాలతో పార్టీ సందడి సందడిగా సాగింది. ఈ ఈవెంట్‌కు సంబంధించిన ఫోటోలు,  వీడియోలను సీఎస్‌కే యాజమాన్యం ట్విటర్‌లో పోస్ట్‌ చేయగా ప్రస్తుతం వైరలవుతున్నాయి. కాగా, డెవాన్ కాన్వే-కిమ్ వాట్సన్ 2020లో ఎంగేజ్‌మెంట్ చేసుకున్నారు. ఈ ఏడాది వారు పెళ్లి పీటలు ఎక్కనున్నారు. ఇదిలా ఉంటే, సీఎస్‌కే.. తమ తదుపరి మ్యాచ్‌లో తమ కంటే దారుణమైన ప్రదర్శన కనబరుస్తున్న ముంబై ఇండియన్స్‌తో తలపడనుంది. ఈ సీజన్‌లో సీఎస్‌కే ఇప్పటివరకు ఆడిన 6 మ్యాచ్‌ల్లో 5 ఓటములను చవిచూడగా, ముంబై.. ఆడిన ఆరింటిలో ఓటమిపాలై పాయింట్ల పట్టికలో చివరి స్థానంలో నిలిచింది.  Conway Kudumbathaar! 🤳Selfie with the Maapillai Side!#WeddingWhistles #YelloveIsInTheAir #WhistlePodu 🦁💛 pic.twitter.com/h4ngrhXMtB — Chennai Super Kings (@ChennaiIPL) April 18, 2022 Pudhu Maapillai ku Hip Hip Hoorayy! 🥳 When the Superfam came together to celebrate Conway’s pre wedding 💍#WeddingWhistles #YelloveIsInTheAir #WhistlePodu 🦁💛 pic.twitter.com/UCa7xQSB5v — Chennai Super Kings (@ChennaiIPL) April 18, 2022 Now showing - Kim & Conway Wedding Cassette 📼! 📹👉 https://t.co/oYBPQHs25f!#WeddingWhistles #Yellove 🦁💛 pic.twitter.com/pTLdQgTa5n — Chennai Super Kings (@ChennaiIPL) April 19, 2022 చదవండి: RCB VS LSG: కోహ్లి గోల్డెన్‌ డక్‌ ఎక్స్‌ప్రెషన్‌పై ఆసక్తికర ట్వీట్‌ చేసిన సజ్జనార్‌     var request = 'https://www.sakshi.com/knowwidget/kwstr_4141448520.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

ఐపీఎల్‌ 2022లో సీఎస్‌కే తరపున డెవన్‌ కాన్వే ఒక్క మ్యాచ్‌కే పరిమితమయ్యాడు. కేకేఆర్‌తో జరిగిన మ్యాచ్‌లో కాన్వే కేవలం 3 పరుగులు మాత్రమే చేసి ఔటయ్యాడు. ఆ తర్వాత జరిగిన రెండు మ్యాచ్‌ల్లో కాన్వేకు అవకాశం రాలేదు. అతని స్థానంలో మొయిన్‌ అలీ తుది జట్టులోకి రావడంతో కాన్వేకు అవకాశం లేకుండా పోయింది. ఈ నేపథ్యంలో కాన్వే జట్టులోకి రావడానికి ప్రాక్టీస్‌ సెషన్‌లో తెగ కష్టపడుతున్నాడు. ఇందులో భాగంగానే కాన్వే విండీస్‌ మాజీ దిగ్గజం బ్రియాన్‌ లారాను గుర్తు చేస్తూ అతని షాట్లతో మెప్పించాడు. దీనికి సంబంధించిన వీడియోనూ సీఎస్‌కే తన ట్విటర్‌లో పంచుకుంది. '' అచ్చం లారాను తలపిస్తూ షాట్‌ ఆడానా అని కాన్వే ప్రశ్న వేయగా.. ఈరోజు మరోసారి మేము లారాను చూస్తున్నాం'' అంటూ క్యాప్షన్‌ జత చేసింది. కేకేఆర్‌తో మ్యాచ్‌ ఓటమి తర్వాత సీఎస్‌కే లక్నో సూపర్‌ జెయింట్స్‌, పంజాబ్‌ కింగ్స్‌తో ఆడింది. లక్నో చేతిలో ఆరు వికెట్ల తేడాతో ఓడిన సీఎస్‌కే పంజాబ్‌తో మ్యాచ్‌లో దారుణ ఆటతీరు కనబరిచింది. టాపార్డర్‌ అంతా తక్కువ స్కోరుకే వెనుదిరిగారు. మధ్యలో శివమ్‌ దూబే అర్థసెంచరీతో మెరిసినప్పటికి.. ధోని మినహా మిగతావారు సహకరించడంలో విఫలం కావడంతో ఓటమిపాలైంది. ధోని నుంచి కెప్టెన్‌ బాధ్యతలు అందుకున్న రవీంద్ర జడేజా అటు కెప్టెన్‌గా.. బ్యాట్స్‌మన్‌గా ఘోరంగా విఫలమవుతున్నాడు.  ఇక  మూడు మ్యాచ్‌ల్లోనూ ఓటమి పాలైన సీఎస్‌కే పాయింట్ల పట్టికలో తొమ్మిదో స్థానంలో ఉంది.  ఇక సీఎస్‌కే తన తర్వాతి మ్యాచ్‌ ఏప్రిల్‌ 9(శనివారం) ఎస్‌ఆర్‌హెచ్‌తో ఆడనుంది. చదవండి: IPL 2022: ఆ ఆటగాడిని వెనక్కి పిలవండి.. లేదంటే సీఎస్‌కే పని అంతే! “Did I pull it off like B C Lara?” Yes, We C Lara here! 🦁#Yellove #WhistlePodu 🦁💛 pic.twitter.com/NHoHRVKsiY — Chennai Super Kings (@ChennaiIPL) April 5, 2022

ఐపీఎల్‌-2022లో భాగంగా లక్నో సూపర్‌ జెయింట్స్‌తో మ్యాచ్‌లో డెవాన్‌ కాన్వేకు చెన్నై సూపర్‌ కింగ్స్‌ తుది జట్టులో చోటు దక్కకపోవడంపై నెటిజన్లు విమర్శల వర్షం కురిపిస్తున్నారు. కోల్‌కతాతో జరిగిన తొలి మ్యాచ్‌లో కేవలం మూడు పరుగులు మాత్రమే కాన్వే చేశాడు. అయితే లక్నో సూపర్‌ జెయింట్స్‌తో మ్యాచ్‌కు మొయిన్‌ అలీ అందుబాటులోకి రావడంతో కాన్వేను బెంచ్‌కే పరిమితం చేశారు. కాగా ఈ మ్యాచ్‌లో నలుగురు విదేశీ ఆటగాళ్లకు అవకాశం ఉండగా, సీఎస్కే కేవలం ముగ్గురు విదేశీ ఆటగాళ్లతో మాత్రం బరిలోకి దిగింది. కాగా ఒక్క మ్యాచ్‌లో విఫలమైనంత మాత్రాన పక్కన పెడతారా అంటూ నెటిజన్లు విమర్శిస్తున్నారు. ఓ నెటిజన్‌ స్పందిస్తూ.. "డెవాన్ కాన్వేపై చాలా అంచనాలు పెంచారు. కానీ అతని ఐపిఎల్ కెరీర్‌ను ఒక మ్యాచ్‌తో ముగించారు.. డెవన్‌ కాన్వేకు ఇంకొక అవకాశం ఇచ్చి చూడాల్సింది.." అని కామెంట్‌ చేశాడు. చదవండి: Ruturaj Gaikwad: ఎల్బీ నుంచి తప్పించుకున్నా.. రనౌట్‌కు బలయ్యాడు

న్యూజిలాండ్‌ స్టార్‌ బ్యాటర్‌ డెవాన్ కాన్వే ప్రపంచ రికార్ఢు సృష్టించాడు. ఆడిన మొదటి ఐదు టెస్టుల్లో వరుసగా 50 ప్లస్‌ స్కోరు సాధించిన తొలి ఆటగాడిగా కాన్వే నిలిచాడు. బంగ్లాదేశ్‌తో జరుగుతున్న రెండో టెస్ట్‌లో ఆర్దసెంచరీ సాధించిన  కాన్వే ఈ ఘనతను నమోదు చేశాడు. కాన్వే ఇప్పటి వరకు 5 టెస్టులు ఆడగా, మొత్తం 5 టెస్టుల్లో 50 పైగా పరుగులు సాధించాడు. దీంట్లో రెండు సెంచరీలు,  మూడు అర్ధ సెంచరీలు ఉన్నాయి. కాగా  బంగ్లాదేశ్‌తో రెండో టెస్ట్‌లో 99 పరుగులు చేసిన కాన్వే తన మూడో సెంచరీకు ఒక్క పరుగు దూరంలో ఉన్నాడు. ఇక తన అరంగేట్రం చేసిన తొలి టెస్ట్‌లోనే ఇంగ్లండ్‌పై డబుల్‌ సెంచరీ సాధించి కాన్వే.. సంచలనం సృష్టించిన సంగతి తెలిసిందే.అదే విధంగా టెస్టు ఛాంఫియన్​షిప్ ఫైనల్లోనూ భారత్‌పై 54 పరుగులతో కాన్వే కీలక ఇన్నింగ్స్‌ ఆడాడు. ఇక బంగ్లాదేశ్‌-న్యూజిలాండ్‌ మ్యాచ్‌ విషయానికి వస్తే తొలి రోజు న్యూజిలాండ్‌ పూర్తి అధిపత్యం చెలాయించింది. తొలి రోజు ఆట ముగిసే సమయానికి న్యూజిలాండ్‌ వికెట్‌ నష్టానికి 349 పరుగులు సాధించింది. లాథమ్‌ 186 పరుగులు సాధించి డబుల్‌ సెంచరీకు చెరువలో ఉండగా, కాన్వే 99 పరుగులు చేసి సెంచరీకు ఒక్క పరుగు దూరంలో నిలిచాడు. చదవండి: SA vs IND: 'పంత్‌ని కొద్ది రోజులు పక్కన పెట్టండి.. అప్పుడే తెలిసి వస్తుంది'

బే ఓవల్‌: నూతన సంవత్సరం(2022) తొలి రోజున ప్రారంభమైన టెస్ట్‌ మ్యాచ్‌లో డెవాన్ కాన్వే(227 బంతుల్లో 122; 16 ఫోర్లు, సిక్స్‌) అద్భుత శతకంతో అదరగొట్టడంతో బంగ్లాదేశ్‌తో జరుగుతున్న తొలి టెస్ట్‌ తొలి రోజు ఆటలో ఆతిధ్య న్యూజిలాండ్‌దే పైచేయిగా నిలిచింది. రెండు టెస్ట్‌ల సిరీస్‌లో భాగంగా జరుగుతున్న మ్యాచ్‌లో పర్యాటక బంగ్లా జట్టు టాస్ గెలిచి బౌలింగ్ ఎంచుకుంది. బంగ్లా బౌల‌ర్ షోరిఫుల్ ఇస్లాం కివీస్‌ను ఆరంభంలోనే దెబ్బ‌కొట్టాడు. ఓపెనర్‌ టామ్ లాథ‌మ్‌ కేవలం ఒక్క ప‌రుగు మాత్ర‌మే చేసి షోరిఫుల్‌ బౌలింగ్‌లో ఔట్ కావడంతో న్యూజిలాండ్ ఒక్క ప‌రుగుకే తొలి వికెట్ కోల్పోయింది.  Devon Conway! A single to go to a 100 in his first Test in New Zealand. A special way to start 2022. Follow play LIVE with @sparknzsport. #NZvBAN pic.twitter.com/BHVNhjgmLE — BLACKCAPS (@BLACKCAPS) January 1, 2022 వన్‌ డౌన్‌లో బ్యాటింగ్‌కు దిగిన కాన్వే.. మ‌రో ఓపెన‌ర్ విల్ యంగ్‌తో క‌లిసి ఇన్నింగ్స్‌ను చ‌క్క‌దిద్దాడు. వీరిద్ద‌రు రెండో వికెట్‌కు 138 ప‌రుగుల సెంచ‌రీ భాగ‌స్వామ్యాన్ని నెల‌కొల్పారు. జ‌ట్టు స్కోర్ 139 ప‌రుగుల వ‌ద్ద ఉండ‌గా విల్‌ యంగ్‌(52) ర‌నౌట్ కావడంతో న్యూజిలాండ్‌ రెండో వికెట్‌ కోల్పోయింది. అనంత‌రం బరిలోకి దిగిన రాస్ టేల‌ర్‌(31), టామ్‌ బ్లండెల్‌(11) నామమాత్రపు స్కోర్లు చేసి ఔట్‌ కాగా, కాన్వే శతక్కొట్టిన అనంతరం వెనుదిరిగాడు.  తొలి రోజు ఆట ముగిసే స‌మ‌యానికి న్యూజిలాండ్ 5 వికెట్ల నష్టానికి 258 పరుగులు సాధించింది. బంగ్లా బౌలర్లలో షోరిఫుల్‌ 2, ఎబాదత్‌ హుసేన్‌, మొమినుల్‌ హాక్‌ తలో వికెట్‌ పడగొట్టగా.. విల్‌ యంగ్‌ రనౌటయ్యాడు. కాగా, గతేడాది జరిగిన టీ20 ప్రపంచక‌ప్‌లో గాయ‌ప‌డి కాన్వే..  7 వారాల పాటు జ‌ట్టుకు దూరంగా ఉన్నాడు. అనంతరం గాయం నుంచి కోలుకుని ఆడిన తొలి మ్యాచ్‌లోనే సెంచ‌రీ బాదాడు. చదవండి: గాయం నుంచి తిరిగొచ్చాడు.. 2022లో తొలి సెంచరీ బాదాడు  

న్యూజిలాండ్‌ బ్యాట్స్‌మన్‌ డెవన్‌ కాన్వే కొత్త ఏడాదిని ఘనంగా ఆరంభించాడు. బంగ్లాదేశ్‌తో జరుగుతున్న తొలి టెస్టులో తొలిరోజే కాన్వే సెంచరీ బాదాడు. కాగా 2022 క్రికెట్‌లో డెవన్‌ కాన్వేది తొలి సెంచరీ కావడం విశేషం. అయితే టి20 ప్రపంచకప్‌ సందర్భంగా ఒక మ్యాచ్‌లో తాను ఔటయ్యాననే కోపంతో తన కుడిచేతిని బ్యాట్‌కు బలంగా కొట్టుకున్నాడు. దీంతో చేతికి గాయం కావడంతో దాదాపు ఏడు వారాలు జట్టుకు దూరమయ్యాడు. తాజాగా గాయం నుంచి కోలుకున్న కాన్వే స్వదేశంలో బంగ్లాదేశ్‌తో జనవరి 1న ఆరంభమైన తొలి టెస్టు మ్యాచ్‌లో తొలిరోజే సెంచరీ సాధించి సూపర్‌ కమ్‌బ్యాక్‌ ఇచ్చాడు.  చదవండి: Team India Schedule 2022: బిజీ బిజీగా టీమిండియా.. 2022లో ఆడనున్న మ్యాచ్‌లు ఇక మ్యాచ్‌ విషయానికి వస్తే.. తొలి టెస్టును ఘనంగా ఆరంభించింది. ఓపెనర్‌ టామ్‌ లాథమ్‌ ఒక్క పరుగుకే పెవిలియన్ చేరినప్పటికి.. విల్‌ యంగ్‌(52) ఆకట్టుకోగా.. వన్‌డౌన్‌లో వచ్చిన కాన్వే 122 పరుగులు చేసి ఔటయ్యాడు. వీరిద్దరి మధ్య రెండో వికెట్‌కు 138 పరుగుల భాగస్వామ్యం నమోదైంది. ప్రస్తుతం న్యూజిలాండ్‌ 80 ఓవర్లలో 4 వికెట్ల నష్టానికి 229 పరుగులు చేసింది. హెన్రీ నికోల్స్‌ 17, టామ్‌ బ్లండెల్‌ 1 పరుగుతో ఆడుతున్నారు. చదవండి: Kieron Pollard: కెప్టెన్‌గా పొలార్డ్‌.. జట్టును ప్రకటించిన వెస్టిండీస్ Two hundreds and two fifties in his first seven Test innings! Devon Conway returns from injury with a 💯 🙌 #NZvBAN — ESPNcricinfo (@ESPNcricinfo) January 1, 2022

Daryl Mitchell to replace Devon Conway: టీ20 ప్రపంచకప్‌-2021 ముగిసిన తర్వాత న్యూజిలాండ్‌ భారత్‌లో పర్యటించనుంది. ఈ పర్యటనలో భాగంగా కీవిస్‌ మూడు టీ20లు, రెండు టెస్ట్‌లు ఆడనుంది. అయితే  భారత్‌తో టెస్ట్‌ సిరీస్‌కు ఎంపికైన ఆజట్టు స్టార్‌ బ్యాటర్‌  డెవాన్ కాన్వే టీ20 ప్రపంచకప్‌లో గాయపడిన సంగతి తెలిసిందే. దీంతో అతడు ఈ మెగా టోర్నెమెంట్‌ ఫైనల్‌కు, భారత పర్యటనకు దూరమయ్యాడు. దీంతో గాయపడిన  కాన్వే స్ధానంలో ఆజట్టు  ఆల్ రౌండర్ డారిల్ మిచెల్‌ను భారత్‌తో టెస్ట్‌ సిరీస్‌కు ఎంపిక చేశారు. ఇక  ఆ జట్టు ఫైనల్‌కు చేరడంలో డారిల్ మిచెల్‌ కీలకమైన పాత్ర పోషించాడు. టీ20 ప్రపంచకప్‌-2021లో కివీస్‌ తరుపున అత్యధిక పరుగులు చేసిన ఆటగాడిగా నిలిచాడు. కాగా నవంబర్‌17న జైపూర్‌ వేదికగా జరగనున్న తొలి టీ0 మ్యాచ్‌తో  న్యూజిలాండ్‌ పర్యటన ప్రారంభంకానుంది. చదవండి: Matthew Wade: క్యాన్సర్‌ బారిన పడ్డ మాథ్యూ వేడ్.. ప్లంబర్‌గా, కార్పెంటర్‌గా.. చివరకు...

Tim Seifert Replace Devon Conway For T20 WC 2021 Final.. టి20 ప్రపంచకప్‌ 2021లో ఆస్ట్రేలియా, న్యూజిలాండ్‌ మధ్య ఫైనల్‌ జరగనున్న సంగతి తెలిసిందే. అయితే ఫైనల్‌కు గాయం కారణంగా స్టార్‌ బ్యాట్స్‌మన్‌ డెవన్‌ కాన్వే దూరమయ్యాడు. అతని స్థానంలో టిమ్‌ స్టీఫెర్ట్‌ను ఎంపిక చేసినట్లు కివీస్‌ బోర్డు శనివారం ఒక ప్రకటనలో తెలిపింది. టి20 ప్రపంచకప్‌ అనంతరం టీమిండియాతో జరగనున్న టి20 సిరీస్‌కు కూడా స్టీఫెర్ట్‌ అందుబాటులో ఉంటాడని పేర్కొంది. ఇక టిమ్‌ స్టీఫెర్ట్‌ న్యూజిలాండ్‌ తరపున 36 టి20ల్లో 703 పరుగులు చేశాడు. చదవండి: T20 WC 2021: కోహ్లి.. టాస్‌ కోసం ఏమైనా టిప్స్‌ ఇస్తావా: కేన్‌ విలియమ్సన్‌ ఇక నవంబర్‌10న ఇంగ్లండ్‌తో జరిగిన తొలి సెమిఫైనల్లో విజయం సాధించి న్యూజిలాండ్‌ ఫైనల్‌కు చేరడంలో కాన్వే కీలక పాత్ర పోషించాడు. అయితే తొలి సెమీఫైనల్లో 46 పరుగులు చేసిన కాన్వే.. కీలక సమయంలో  లివింగ్‌స్టోన్‌ బౌలింగ్‌లో స్టంప్‌ ఔట్‌గా వెనుదిరిగాడు. ఈ క్రమంలో  కొంత అసహనానికి గురైన కాన్వే.. చేతితో బ్యాట్‌ను గట్టిగా గుద్దాడు. దీంతో అతడి కుడి చేతి ఎముక విరిగింది. దీంతో విచిత్రరీతిలో కాన్వే టి20 ప్రపంచకప్‌ నుంచి దూరమవ్వాల్సి వచ్చింది. చదవండి: Marnus Labuschagne: పక్కకు పోతుందని వదిలేశాడు.. మైండ్‌బ్లాక్‌; లబుషేన్‌ అద్భుతం

New Zealands Devon Conway Out Of T20 World Cup Final: టీ20 ప్రపంచకప్‌- 2021 తుది ఘట్టానికి చేరుకుంది. నవంబర్‌-14న దుబాయ్‌ వేదికగా ఫైనల్లో న్యూజిలాండ్‌, ఆస్ట్రేలియా జట్లు తలపడనున్నాయి. కాగా ఆస్ట్రేలియాతో ఫైనల్‌కు ముందు న్యూజిలాండ్‌కు భారీ షాక్‌ తగిలింది. ఆ జట్టు స్టార్‌ బ్యాటర్‌ డెవాన్ కాన్వే గాయం కారణంగా ఈ కీలక పోరుకు దూరమయ్యాడు. నవంబర్‌10న ఇంగ్లండ్‌తో జరిగిన తొలి సెమిఫైనల్లో విజయం సాధించి న్యూజిలాండ్‌ ఫైనల్‌కు చేరడంలో కాన్వే కీలక పాత్ర పోషించాడు. అయితే తొలి సెమీఫైనల్లో 46 పరుగులు చేసిన కాన్వే.. కీలక సమయంలో  లివింగ్‌స్టోన్‌ బౌలింగ్‌లో స్టంప్‌ ఔట్‌గా వెనుదిరిగాడు. ఈ క్రమంలో  కొంత అసహనానికి గురైన కాన్వే.. చేతితో బ్యాట్‌ను గట్టిగా గుద్దాడు. దీంతో అతడి కుడి చేతి ఎముక విరిగింది. దీంతో కాన్వే  ఆస్ట్రేలియాతో ఫైనల్‌, భారత పర్యటనకు దూరమయ్యాడు. దీనిపై  స్పందించిన  న్యూజిలాండ్‌ కోచ్‌ గ్యారీ స్టెడ్‌ మాట్లడూతూ.. కాన్వే ఫైనల్‌మ్యాచ్‌కు అందు బాటులో లేకపోవడంపై నేను చాలా నిరాశ చెందుతున్నాను. ఆదే విధంగా కాన్వే కూడా ఫైనల్లో ఆడకపోవడంపై చాలా భాదపడుతున్నాడు. కాన్వే ఎప్పుడూ  న్యూజిలాండ్ తరపున ఆడటాన్ని గౌరవంగా భావిస్తాడు. ఈ సమయంలో మేము అందరం అతడి వెంటే ఉంటాం. కాన్వే ఒక అద్బుతమైన ఆటగాడు, అతడు ఔటయ్యాక అలా చేయడం వల్ల భారీ మూల్యం చెల్లించకుకోవలసి వచ్చింది. కాన్వే త్వరగా కోలుకుని జట్టులో తిరిగి చేరాలని నేను కోరుకుంటున్నాను అని అతడు పేర్కొన్నాడు. చదవండి: T20 World Cup 2021 Final: ఇంటర్వెల్‌ వరకు ఫేవరెట్లు.. ఆఖర్లో ప్రేక్షకులు మరి..అంతేగా అంతేగా!!

Devon Conway Stunning Catch.. టి20 ప్రపంచకప్‌లో భాగంగా పాకిస్తాన్‌తో మ్యాచ్‌లో న్యూజిలాండ్‌ ఆటగాడు డెవన్‌ కాన్వే సూపర్‌ క్యాచ్‌తో మెరిశాడు. మిచెల్‌ సాంట్నర్‌ వేసిన ఇన్నింగ్స్‌ 11వ ఓవర్‌ ఆఖరి బంతిని మహ్మద్‌ హఫీజ్‌ లాంగాన్‌ దిశగా భారీ షాట్‌ ఆడాడు. అయితే అక్కడే కాచుకు కూర్చొన్న కాన్వే పరిగెత్తుతూ ఎడమవైపుగా డైవ్‌ చేస్తూ అద్భుతంగా క్యాచ్‌ తీసుకున్నాడు. దీంతో హఫీజ్‌ నిరాశగా పెవిలియన్‌ చేరాడు. కాగా కాన్వే అందుకున్న క్యాచ్‌.. టోర్నమెంట్‌లో సూపర్‌ క్యాచ్‌గా నిలిచే అవకాశముందని అభిమానులు కామెంట్స్‌ చేస్తున్నారు. దీనికి సంబంధించిన వీడియోపై ఒక లుక్కేయండి. చదవండి: NZ Vs PAK: టిమ్‌ సౌథీ నయా రికార్డు; టి20 చరిత్రలో మూడో బౌలర్‌గా What a catch Unbelievable... Devon Conway ♥#PakvsNz#T20WC pic.twitter.com/wJJEpPOnTY — Mudassir Shafiq (@MudassirShaf01) October 26, 2021

దుబాయ్‌: జూన్‌ నెలకు గాను ఐసీసీ ప్లేయర్ ఆఫ్ ద మంత్‌ అవార్డు న్యూజిలాండ్ నయా బ్యాటింగ్‌ సెన్సేషన్‌ డెవాన్ కాన్వేను వరించింది. పురుషుల విభాగంలో ఈ అవార్డు కోసం కాన్వేతో పాటు న్యూజిలాండ్ ఫాస్ట్‌ బౌలింగ్‌ ఆల్‌రౌండర్‌ కైల్‌ జేమీసన్‌, దక్షిణాఫ్రికా ఓపెనర్ క్వింటన్‌ డికాక్ పోటీపడినప్పటికీ.. ఐసీసీ కాన్వే వైపే మొగ్గు చూపింది. దీంతో పురుషుల విభాగంలో ఈ అవార్డు అందుకున్న మొట్టమొదటి కివీస్‌ ప్లేయర్‌గా కాన్వే చరిత్ర పుటల్లోకెక్కాడు. జూన్‌లో ఇంగ్లండ్‌తో జరిగిన టెస్ట్‌ ద్వారా అంతర్జాతీయ క్రికెట్‌లోకి ఎంట్రీ ఇచ్చిన కాన్వే.. అరంగేట్రం టెస్ట్‌లోనే డబుల్ సెంచరీతో అదరగొట్టాడు. ఆ తర్వాత భారత్‌తో జరిగిన ఐసీసీ వరల్డ్ టెస్ట్‌ ఛాంపియన్‌షిప్ ఫైనల్లోనూ విలువైన హాఫ్ సెంచరీ నమోదు చేసిన కాన్వే.. మొత్తం మూడు టెస్ట్‌ల్లో డబుల్‌ సెంచరీ, రెండు హాఫ్‌ సెంచరీలను నమోదు చేశాడు.  మరోవైపు మహిళల క్రికెట్‌లో ప్లేయర్‌ ఆఫ్‌ ద మంత్‌గా(జూన్‌) ఇంగ్లండ్ స్పిన్న‌ర్ సోఫీ ఎక్లెస్టోన్ నిలిచింది. ఈ అవార్డు రేసులో టీమిండియా నవయువ బ్యాటర్‌ షెఫాలీ వ‌ర్మ‌, సహచర ప్లేయర్‌ స్నేహ్ రాణా ఉన్నప్పటికీ.. ఎక్లెస్టోన్‌ వీరిద్దరినీ వెన‌క్కి నెట్టి ప్లేయ‌ర్ ఆఫ్ ద మంత్‌గా నిలిచింది. దీంతో టీమిండియా ప్లేయర్స్‌కు మరోసారి మొండిచెయ్యే మిగిలింది. భారత్‌తో జ‌రిగిన ఏకైక టెస్ట్‌లో 8 వికెట్లు, ఆ త‌ర్వాత జ‌రిగిన రెండు వ‌న్డేల్లో మూడేసి వికెట్లు తీసిన ఎక్లెస్టోన్‌.. అత్యధిక రేటింగ్‌ పాయింట్లు సాధించి ప్రతిష్టాత్మక ఐసీసీ అవార్డు కైవసం చేసుకుంది. కాగా, ఇంగ్లండ్‌తో జరిగిన ఏకైక టెస్ట్‌ ద్వారా టెస్ట్‌ క్రికెట్‌లోకి ఎంట్రీ ఇచ్చిన షెఫాలి వర్మ.. బ్యాక్ టు బ్యాక్ హాఫ్ సెంచరీలు నమోదు చేసి శభాష్‌ అనిపించుకుంది. ఇదే టెస్ట్‌లో టీమిండియా ఆల్‌రౌండర్‌ స్నేహ్‌ రాణా బంతితోనూ, బ్యాట్‌తోనూ రాణించి, భారత్ జట్టును ఓటమి బారి నుంచి రక్షించింది.  

దుబాయ్‌: జూన్ నెల‌కు గాను ‘ప్లేయ‌ర్ ఆఫ్ ద మంత్’ నామినీలను ఐసీసీ ప్రకటించింది. కాగా టీమిండియా మహిళల జట్టు నుంచి భారత టీనేజ్‌ బ్యాట్స్‌వుమెన్‌ షఫాలీ వర్మ, ఆల్‌రౌండర్‌ స్నేహ్‌ రాణా ‘ఐసీసీ ప్లేయర్‌ ఆఫ్‌ ద మంత్‌’ మహిళల కేటగిరీ అవార్డుకు నామినేట్‌ అయ్యారు. ఇంగ్లండ్‌తో జరిగిన ఏకైక టెస్టులో రాణించడం ద్వారా గత నెల అవార్డు రేసులో ఉన్నారు. అరంగేట్రం చేసిన టెస్టులోనే వీళ్లిద్దరు అర్ధసెంచరీలతో కదంతొక్కి భారత జట్టును ‘డ్రా’తో గట్టెక్కించారు. ఇక పురుషుల కేటగిరీలో న్యూజిలాండ్‌ క్రికెటర్లు డెవన్‌ కాన్వే, జేమీసన్, దక్షిణాఫ్రికా ప్లేయర్‌ డికాక్‌ అవార్డు రేసులో ఉన్నారు. టీమిండియాతో జరిగిన డబ్ల్యూటీసీ ఫైనల్లో కైల్‌ జేమిసన్‌ తొలి ఇన్నింగ్స్‌లో ఐదు, రెండో ఇన్నింగ్స్‌లో రెండు మొత్తంగా ఏడు వికెట్లు తీసి విజయంలో కీలకపాత్ర పోషించాడు. ఇంగ్లండ్‌తో టెస్టు సిరీస్‌, టీమిండియాతో డబ్ల్యూటీసీ ఫైనల్లో బ్యాటింగ్‌లో డెవన్‌ కాన్వే మెరిశాడు. కాగా ఈసారి టీమిండియా పురుషుల జట్టు నుంచి ఒక్కరు కూడా ఎంపికవలేదు.  ఇక షఫాలీ వర్మ టీ 20 ఫార్మాట్​లో ఆకట్టుకోవడంతో.. ఇంగ్లండ్​తో జరిగిన టెస్టులు, వన్డేల్లో అరంగేట్రం చేసింది. ఈ సిరీస్‌లోనూ ఆకట్టుకోవడంతో పాటు ఏకైక టెస్టులో ‘ప్లేయర్​ ఆఫ్ ది మ్యాచ్’​గా నిలిచింది. ఈ మ్యాచ్‌లో రెండు ఇన్నింగ్స్​ల్లోనూ హాఫ్​సెంచరీలతో ఆకట్టుకుంది. దాంతో రెండు ఇన్నింగ్స్‌ల్లోనూ అర్థ సెంచరీలు చేసిన మొదటి భారత బ్యాట్స్‌వుమెన్‌గా నిలిచింది.  ఆల్​రౌండర్ స్నేహ్​రాణా ఇంగ్లండ్​తో జరిగిన ఏకైక టెస్టును డ్రా చేయడంలో కీలక పాత్ర పోషించింది. 154 బంతుల్లో 80 పరుగులు చేసి ఇంగ్లండ్ బౌలర్ల సహనానికి పరీక్ష పెట్టింది. చివరకు ఇంగ్లండ్ టీంకు విజయాన్ని దూరం చేసింది. బౌలింగ్‌లోనూ రాణించి నాలుగు వికెట్లు పడగొట్టింది. అవార్డుకు నామినేట్ అయిన ఇంగ్లండ్​ బౌలర్​సోఫీ ఎకిల్​స్టోన్​ 8 వికెట్లు పడగొట్టింది.

ఆక్లాండ్‌: అరంగేట్రంలోనే డబుల్ సెంచరీతో దుమ్మురేపిన న్యూజిలాండ్‌ నయా సెన్సేషన్‌ డెవాన్ కాన్వేపై అతని వ్యక్తిగత కోచ్ గ్లెన్ పొక్నాల్ ప్రశంసల వర్షం కురిపించాడు. తాజాగా క్రిక్‌ ట్రాకర్‌ వెబ్‌సైట్‌కి ఇచ్చిన ఇంటర్వ్యూలో ఆయన మాట్లాడుతూ..  ప్రస్తుతం మూడు ఫార్మాట్లలో అదరగొడుతున్న అతి కొద్దిమంది క్రికెటర్లలో డెవాన్‌ కాన్వే అత్యుత్తమ ఆటగాడని ఆకాశానికెత్తాడు. త్వరలో జరుగబోయే ప్రపంచ టెస్ట్‌ ఛాంపియన్షిప్‌ ఫైనల్‌ నేపథ్యంలో టీమిండియా.. కాన్వే పట్ల అప్రమత్తంగా వ్యవహరించాలని లేకపోతే, మ్యాచ్‌ను కోల్పోయే ప్రమాదముందని హెచ్చరించాడు.  కాన్వే ఐపీఎల్‌ ఎంట్రీపై గ్లెన్ పొక్నాల్ స్పందిస్తూ.. ఐపీఎల్‌ 2021 సీజన్‌ కోసం జరిగిన మినీ వేళంలో కాన్వే అన్‌ సోల్డ్‌ ప్లేయర్‌గా మిగిలిపోవడం బాధించిందన్నాడు. రూ.50 లక్షల బేస్ ప్రైజ్‌కు కూడా అతన్ని సొంతం చేసుకునేందుకు ఫ్రాంచైజీలు ఆసక్తి కనపర్చకపోవడం విచారకరమని పేర్కొన్నాడు. అయితే తదుపరి సీజన్‌లో పరిస్థితి వేరుగా ఉంటుందని, కాన్వే కోసం ఫ్రాంచైజీలన్నీ ఎగబడతాయని ఆశాభావం వ్యక్తం చేశాడు. ఓపెనర్‌గా, మిడిలార్డ్ బ్యాట్స్‌మన్‌గా అవసరమైతే వికెట్ కీపర్‌గా రాణించగలిగే సత్తా ఉన్న కాన్వేను ముంబై ఇండియన్స్ సొంతం చేసకునే అవకాశాలున్నాయని అభిప్రాయడ్డాడు. ఇదే జరిగితే, రోహిత్ శర్మ, కాన్వేల జోడీ చూడముచ్చటగా ఉంటుందని పేర్కొన్నాడు.  కాగా, దక్షిణాఫ్రికా సంతతికి చెందిన కాన్వే.. 2017లో ఆ దేశాన్ని వదిలి న్యూజిలాండ్‌కు వలస వచ్చి అక్కడే సెట్‌ అయ్యాడు. 2017 మార్చిలో దక్షిణాఫ్రికా దేశవాలీ క్రికెట్‌లో ఆఖరి మ్యాచ్‌ ఆడిన కాన్వే.. అందులో డబుల్ సెంచరీ సాధించి, ఆ దేశానికి గుడ్‌బై చెప్పాడు. అంతర్జాతీయ క్రికెట్‌లో ఇప్పటివరకు 14 టీ20లు, 3 వన్డేలు, రెండు టెస్ట్‌ మ్యాచ్‌లు ఆడిన కాన్వే.. టీ20ల్లో 151.12 సగటులో 473 పరుగులు(4 అర్ధశతకాలు), వన్డేల్లో 75 సగటులో 225 పరుగులు(సెంచరీ, హాఫ్‌ సెంచరీ), టెస్ట్‌ క్రికెట్‌లో డబుల్‌ సెంచరీ, అర్ధసెంచరీ సాయంతో 306 పరుగులు సాధించాడు. చదవండి: శతక్కొట్టిన పంత్‌.. ఫిఫ్టీతో ఆకట్టుకున్న గిల్‌  

లండన్‌: న్యూజిలాండ్‌తో జరిగిన తొలి టెస్ట్‌ను ఆతిథ్య ఇంగ్లండ్‌ జట్టు డ్రాగా ముగించుకోగలిగింది. లార్డ్స్‌ వేదికగా జరిగిన ఈ మ్యాచ్‌లో తొలి రోజు నుంచి అంతగా ప్రభావం చూపించని ఇంగ్లండ్‌ జట్టు ఎట్టకేలకు మ్యాచ్‌ను డ్రా చేసుకోగలిగింది. కివీస్‌ నిర్దేశించిన 273 పరుగుల లక్ష్యాన్ని ఛేదించే క్రమంలో, ఆఖరి రోజు ఆట ముగిసే సరికి 3 వికెట్ల నష్టానికి 170 పరుగులు చేసింది. ఓపెనర్‌ డామినిక్‌ సిబ్లీ 60 పరుగులు చేసి నాటౌట్‌గా నిలువగా, కెప్టెన్‌ జో రూట్‌ (40) పర్వాలేదనిపించాడు. రోరి బర్న్స్‌ (25), జాక్‌ క్రాలీ (2) ఆకట్టుకోలేకపోయినా.. చివర్లో సిబ్లేకు ఓలీ పోప్‌ (20) తోడుగా నిలిచాడు. కివీస్‌ బౌలర్లలో వాగ్నర్‌కు రెండు, సౌథీకి ఓ వికెట్‌ దక్కింది.  అంతకుముందు 62/2 ఓవర్‌నైట్‌ స్కోరుతో బరిలోకి దిగిన న్యూజిలాండ్‌ 6 వికెట్లు కోల్పోయి 169 పరుగుల వద్ద రెండో ఇన్నింగ్స్‌ను డిక్లేర్‌ చేసింది. న్యూజిలాండ్‌ సెకెండ్‌ ఇన్నింగ్స్‌లో టామ్‌ లాథమ్‌(36), రాస్‌ టేలర్‌(33) ఓ మోస్తరుగా రాణించగా, ఓలీ రాబిన్సన్‌ 3 వికెట్లతో సత్తా చాటాడు. కాగా, అరంగేట్రం ఆటగాడు డెవాన్‌ కాన్వే ద్విశతకంతో సత్తాచాటడంతో న్యూజిలాండ్‌ తొలి ఇన్నింగ్స్‌లో  378 పరుగులు చేయగా, రోరీ బర్న్స్(132) శతకొట్టడంతో ఇంగ్లండ్‌ తొలి ఇన్నింగ్స్‌లో 275 పరుగులకు ఆలౌటైంది. తొలి ఇన్నింగ్స్‌లో ఇంగ్లండ్‌ను కివీస్ సీనియర్ పేసర్ టీమ్ సౌథీ (6/43) దారుణంగా దెబ్బ తీశాడు. ఇక అరంగేట్రంలోనే ద్విశతకంతో రాణించిన డెవాన్‌ కాన్వేను ప్లేయర్‌ ఆఫ్‌ ద మ్యాచ్‌ అవార్డు వరించింది. ఇరు జట్ల మధ్య చివరిదైన రెండో టెస్టు, జూన్ 10 నుంచి బర్మింగ్‌హామ్ వేదికగా జరగనుంది. చదవండి: కోహ్లీకి పెద్ద ఫ్యాన్‌ని అంటున్న ప్రముఖ పాక్‌ క్రికెటర్‌ భార్య..

లండన్: లార్డ్స్‌ వేదికగా ఇంగ్లండ్‌తో జరుగుతున్న తొలి టెస్ట్‌లో అరంగేట్రంలోనే అద్భుతమైన ద్విశతకాన్ని సాధించి, రాత్రికి రాత్రే హీరోగా మారిపోయిన న్యూజిలాండ్‌ ఆటగాడు డెవాన్ కాన్వే గత జీవితం ఏమంత సాఫీగా సాగలేదన్న విషయం ఇప్పుడిప్పుడే వెలుగు చూస్తుంది. క్రికెట్ అంటే అమితంగా ఇష్టపడే కాన్వే.. ట్రైనింగ్ కోసం ఇల్లు, కారు సహా చాలా ఆస్తులు అమ్ముకున్నాడు. పుట్టింది దక్షిణాఫ్రికాలోనే అయినా.. క్రికెట్‌ కోసం దేశాన్ని వీడి న్యూజిలాండ్‌ బాట పట్టాడు. 2017 మార్చిలో దక్షిణాఫ్రికా దేశవాలీ క్రికెట్‌లో ఆఖరి మ్యాచ్‌ ఆడిన కాన్వే.. అందులో డబుల్ సెంచరీ సాధించి, ఆ దేశానికి గుడ్‌బై చెప్పాడు.  అక్కడి నుంచి స్నేహితుల సహకారంతో వెల్లింగ్టన్‌కు చేరిన కాన్వే.. అక్కడే తన క్రికెట్ కెరీర్‌ను కొనసాగించాడు. విక్టోరియా క్రికెట్ క్లబ్ కోచ్‌గా, బ్యాట్స్‌మెన్‌గా డ్యుయల్‌ రోల్ పోషిస్తూ, అవకాశాల కోసం ఎదురు చూశాడు. ఎట్టకేలకు రెండేళ్ల తర్వాత న్యూజిలాండ్‌ జాతీయ జట్టులో చోటు దక్కించుకున్న కాన్వే.. ఫార్మాట్లకతీతంగా రాణిస్తూ అనతి కాలంలోనే ప్రపంచ ఖ్యాతి గడించాడు. ఇంగ్లండ్‌తో జరుగుతున్న తొలి టెస్ట్‌లో అరంగేట్రంలోనే డబుల్‌ సెంచరీ సాధించిన అతను.. అండర్సన్, బ్రాడ్ లాంటి ప్రపంచ స్థాయి బౌలర్లను ధీటుగా ఎదుర్కొని నిలబడి క్రికెట్‌ మక్కాలో చరిత్ర సృష్టించాడు. ఈ మ్యాచ్‌లో ఓపెనర్‌గా బరిలోకి దిగిన కాన్వే.. 347 బంతుల్లో 22 ఫోర్లు, ఒక సిక్స్‌తో 200 పరుగులు సాధించాడు. ఈ క్రమంలో పలు అరుదైన రికార్డులను తన ఖాతాలో వేసుకున్నాడు. అతని బ్యాటింగ్ తీరు చూసి మిస్టర్ 360 డిగ్రీస్ ఆటగాడు ఏబీ డివిలియర్స్ ఫిదా అయ్యాడు. క్రికెట్‌ను ప్రాణంగా ప్రేమించే మరో స్టార్ ఆవిర్భవించాడంటూ ప్రశంసించాడు. అంతర్జాతీయ క్రికెట్‌లో ఇప్పటివరకు 14 టీ20లు, 3 వన్డేలు, ఒక టెస్ట్‌ మ్యాచ్‌ ఆడిన కాన్వే.. టీ20ల్లో 151.12 సగటులో 473 పరుగులు(4 అర్ధశతకాలు), వన్డేల్లో 75 సగటులో 225 పరుగులు(సెంచరీ, హాఫ్‌ సెంచరీ), టెస్ట్‌ క్రికెట్‌లో 200 పరుగులు సాధించాడు. చదవండి: ఎనిమిదేళ్ల క్రితం చేసిన ట్వీట్‌కు ఇప్పుడు శిక్ష అనుభవిస్తున్నాడు..

లండన్‌: న్యూజిలాండ్‌ ఓపెనింగ్‌ బ్యాట్స్‌మెన్‌ డెవాన్‌ కాన్వే అరంగేట్రం ఇన్నింగ్స్‌తోనే ప్రపంచ క్రికెట్‌ దృష్టిని ఆకర్శించాడు. లార్డ్స్ వేదికగా ఇంగ్లండ్‌తో జరుగుతున్న తొలి టెస్ట్‌లో తన అరంగేట్రం ఇన్నింగ్స్‌లోనే డబుల్‌ సెంచరీ సాధించి, టెస్ట్‌ క్రికెట్‌ చరిత్రలో ఈ అరుదైన ఘనత సాధించిన ఆరో ఆటగాడిగా రికార్డు సృష్టించాడు. గతంలో టిప్‌ ఫోస్టర్‌(287), జాక్‌ రుడాల్ఫ్‌(222*), లారెన్స్‌ రోవ్‌(214), మాథ్యూ సింక్లెయిర్‌(214), బ్రెండన్‌ కురుప్పు(201*)లు టెస్ట్‌ డెబ్యూలో డబుల్‌ కొట్టారు. మాథ్యూ సింక్లెయిర్‌ తర్వాత ఈ ఘనత సాధించిన రెండో కివీస్‌ ఆటగాడిగా కాన్వే రికార్డు నెలకొల్పాడు. ఈ అద్భుతమైన ఇన్నింగ్స్‌తో కాన్వే మరో రికార్డును కూడా తన ఖాతాలో వేసుకున్నాడు. టెస్ట్‌ డెబ్యూలో బౌండరీతో సెంచరీని, సిక్సర్‌తో ద్విశతకాన్ని సాధించిన తొలి ఆటగాడిగా చరిత్రపుటల్లోకెక్కాడు. అంతకుముందు తొలి రోజు ఆటలో లార్డ్స్‌ మైదానంలో గంగూలీ 25 ఏళ్ల కిందట నెలకొల్పిన రికార్డును బద్దలుకొట్టిన కాన్వే.. తాజాగా డబుల్‌ సాధించి అరుదైన క్రికెటర్ల క్లబ్‌లోకి చేరాడు. కాగా, ఈ మ్యాచ్‌లో కాన్వే(347 బంతుల్లో 200; 22 ఫోర్లు, సిక్స్‌) ఒక్కడే ద్విశతకంతో పోరాడటంతో న్యూజిలాండ్‌ తొలి ఇన్నింగ్స్‌లో 378 పరుగులకు ఆలౌటైంది. అతనికి హెన్నీ నికోల్స్‌(61), నీల్‌ వాగ్నర్‌(25 నాటౌట్‌) సహకరించడంతో కివీస్‌ గౌరవప్రదమైన స్కోర్‌ సాధించగలిగింది. ఇంగ్లండ్‌ బౌలర్లలో అరంగేట్రం బౌలర్‌ రాబిన్సన్‌ 4 వికెట్లు పడగొట్టగా, మార్క్‌ వుడ్‌ 3, అండర్సన్‌ 2 వికెట్లు పడగొట్టారు. చదవండి: కోహ్లీతో నన్ను పోల్చకండి.. అతని స్టైల్‌ వేరు, నా స్టైల్‌ వేరు

లండన్‌: టీమిండియా మాజీ కెప్టెన్‌, ప్రస్తుత బీసీసీఐ అధ్యక్షుడు సౌరవ్‌ గంగూలీ 25 ఏళ్ల కింద నెలకొల్పిన ఓ అరుదైన రికార్డును న్యూజిలాండ్‌ ఆటగాడు డెవాన్‌ కాన్వే బద్దలు కొట్టాడు. లార్డ్స్‌ వేదికగా ఇంగ్లండ్‌తో బుధవారం మొదలైన తొలి టెస్ట్‌లో అరంగేట్రం మ్యాచ్‌లోనే అజేయమైన 136 పరుగులు సాధించిన కాన్వే.. 1996లో ఇదే వేదికపై గంగూలీ నెలకొల్పిన 131 పరుగుల అత్యధిక స్కోర్‌ రికార్డును అధిగమించాడు. ఈ క్రమంలో లార్డ్స్‌ మైదానంలో అరంగేట్రంలో సెంచరీ సాధించిన ఆరో బ్యాట్స్‌మెన్‌గా రికార్డు పుటల్లోకెక్కాడు. దీంతో పాటు కాన్వే మరో రెండు రికార్డులను తన ఖాతాలో వేసుకున్నాడు. న్యూజిలాండ్‌ తరఫున తొలి మ్యాచ్‌లోనే శతకం నమోదు చేసిన 12వ ఆటగాడిగా, అలాగే న్యూజిలాండ్‌ తరఫున అరంగేట్రంలో నాలుగో అత్యధిక స్కోర్‌ చేసిన ప్లేయర్‌గా రికార్డులు నెలకొల్పాడు.   కాగా, గంగూలీ, కాన్వేకు సంబంధించిన కొన్ని విషయాలు యాదృచ్చికంగా ఒకేలా ఉన్నాయి. వీరిద్దరు లెఫ్ట్‌ హ్యాండ్‌ బ్యాట్స్‌మెన్‌, రైట్‌ హ్యాండ్‌ మీడియం పేసర్లు కాగా, వీరిద్దరి పుట్టిన రోజు కూడా ఒకే రోజు కావడం విశేషం. దాదా, కాన్వేలు జులై 8న జన్మించారు. ఇదిలా ఉంటే, ఇంగ్లండ్‌తో రెండు టెస్ట్‌ల సిరీస్‌లో భాగంగా బుధవారం మొదలైన తొలి టెస్ట్‌లో టాస్‌ గెలిచి తొలుత బ్యాటింగ్‌ ఎంచుకున్న కివీస్‌.. తొలి రోజు ఆట ముగిసే సమయానికి 3 వికెట్ల నష్టానికి 246 పరుగులు చేసింది. ఓపెనర్‌ డెవాన్‌ కాన్వే (240 బంతుల్లో 136 నాటౌట్‌; 16 ఫోర్లు), హెన్రీ నికోల్స్‌ (46 నాటౌట్‌; 3 ఫోర్లు) క్రీజ్‌లో ఉన్నారు. వీరిద్దరు నాలుగో వికెట్‌కు అజేయమైన 132 పరుగులు జోడించారు. టామ్‌ లాథమ్‌(23), కెప్టెన్‌ విలియమ్సన్‌(13), రాస్‌ టేలర్‌(14) తక్కువ స్కోర్‌కే అవుటయ్యారు. ఇంగ్లండ్‌ బౌలర్లలో రాబిన్సన్‌ రెండు, అండర్సన్‌ ఓ వికెట్‌ పడగొట్టారు.  చదవండి: ఆ ఐపీఎల్‌ ఆటగాళ్లకు జీతాలు కట్‌..

ఆక్లాండ్‌: ప్రపంచటెస్టు చాంపియన్‌షిప్‌ ఫైనల్లో టీమిండియా స్పిన్నర్లను ఎదుర్కొనేందుకు కివీస్‌ ఆటగాడు డెవన్‌ కాన్వే సరికొత్త వ్యూహంతో సిద్ధమవుతున్నాడు. ఈ నేపథ్యంలో ఒక చానెల్‌కు ఇచ్చిన ఇంటర్య్వూలో పలు ఆసక్తికర వ్యాఖ్యలు చేశాడు.   ''టీమిండియా స్పిన్నర్లను ధీటుగా ఎదుర్కొనేందుకు కొత్త టెక్నిక్‌ను ఫాలో అవుతున్నా. కిట్టీ లిట్టర్‌ను నేను ప్రాక్టీస్‌ చేసే పిచ్‌పై ఉపయోగిస్తున్నా. స్పిన్‌ బౌలర్‌ బంతిని ఇది కాస్త కఠినంగా మారుస్తుంది. ఇలా ఆడడం కాస్త కష్టంగా ఉన్నా.. మంచి ప్రాక్టీస్ మాత్రం లభిస్తుంది. ఇది కేవలం నా గేమ్‌ప్లాన్‌లో భాగం మాత్రమే.. రేపటి మ్యాచ్‌లో ఇది నాకు ఉపయోగపడుతుందని మాత్రం నమ్ముతున్నా.'' అంటూ చెప్పుకొచ్చాడు. ఇక కిట్టీ లిట్టర్‌ అంటే కుక్కలు, పిల్లుల నుంచి వచ్చే వ్యర్థ పదార్థాలను బంకమట్టితో కలిపి తయారుచేస్తారు. ఇక కాన్వే న్యూజిలాండ్‌ తరపున 3 వన్డేలు.. 14 టీ20లు ఆడాడు. ఇక జూన్‌ 18 నుంచి 22 వరకు ప్రపంచ టెస్టు చాంపియన్‌షిప్‌ ఫైనల్‌ మ్యాచ్‌ జరగనుంది.   

దుబాయ్‌: ఐసీసీ బుధవారం విడుదల చేసిన టీ20 ర్యాంకింగ్స్‌లో భారత ఆటగాళ్ల ర్యాంకింగ్స్‌  దిగజారాయి. టీమిండియా కెప్టెన్‌ విరాట్‌ కోహ్లి ఒక స్థానం దిగజారి 762 పాయింట్లతో 5వ స్థానంలో నిలవగా.. కేఎల్‌ రాహుల్‌ ఒక స్థానం దిగజారి 743 పాయింట్లతో ఆరవ స్థానంలో ఉన్నాడు. బంగ్లాదేశ్‌తో జరిగిన మొదటి టీ20లో 52 బంతుల్లోనే 92 పరుగులతో విధ్వంసం సృష్టించిన న్యూజిలాండ్‌ ఆటగాడు డెవొన్‌ కాన్వే 5 స్థానాలు ఎగబాకి 784 పాయింట్లతో 4వ స్థానంలో నిలిచి కెరీర్‌ బెస్ట్‌ సాధించాడు. ఇక ఇంగ్లండ్‌ ఆటగాడు డేవిడ్‌ మలాన్‌ 892 పాయింట్లతో అగ్రస్థానం నిలుపుకోగా.. ఆరోన్‌ ఫించ్‌(830 పాయింట్లు), బాబర్‌ అజమ్‌( 801 పాయింట్లు) రెండు.. మూడు స్థానాల్లో నిలిచారు. ఇక బౌలింగ్‌ విభాగంలో టీమిండియా నుంచి ఒక్క బౌలర్‌ కూడా టాప్‌ 10లో చోటు సంపాదించలేకపోయారు. 733 పాయింట్లతో తబ్రియాజ్‌ షంషీ టాప్‌ లేపగా.. అప్ఘన్‌ బౌలర్‌ రషీద్‌ ఖాన్‌ 719 పాయింట్లతో రెండో స్థానంలో నిలవగా.. ఆసీస్‌ బౌలర్‌ ఆస్టన్‌ అగర్‌ 702 పాయింట్లతో మూడో స్థానంలో నిలిచాడు. ఆల్‌రౌండర్‌ విభాగంలో ఆఫ్ఘన్‌కు చెందిన మహ్మద్‌ నబీ 285 పాయింట్లతో మొదటి స్థానం.. బంగ్లా స్టార్‌ ఆల్‌రౌండర్‌ షకీబ్‌ అల్‌ హసన్‌ 248 పాయింట్లతో రెండో స్థానంలో.. ఆసీస్‌ ఆల్‌రౌండర్‌ గ్లెన్‌ మ్యాక్స్‌వెల్‌ 226 పాయింట్లతో మూడో స్థానంలో నిలిచాడు. ఇక టీమ్‌ విభాగంలో ఇంగ్లండ్‌(272 పాయింట్లు)  టాప్‌ స్థానంలో నిలవగా.. భారత్‌ 270 పాయింట్లతో రెండో స్థానంలో.. ఆస్ట్రేలియా 267 పాయింట్లతో మూడో స్థానంలో ఉంది. చదవండి:  ‘పంత్‌ను చూస్తే నన్ను నేను చూసుకున్నట్లు ఉంటుంది’ ఐపీఎల్‌ 2021: వైఫై అస్సలు బాలేదు.. సాయం చేయండి

దుబాయ్‌: ఐసీసీ బుధవారం విడుదల చేసిన టీ20 ర్యాంకింగ్స్‌లో టీమిండియా ఓపెనర్‌ కేఎల్‌ రాహుల్‌ 816 పాయింట్లతో రెండో స్థానం నిలుపుకోగా.. విరాట్‌ కోహ్లి మాత్రం 697 పాయింట్లతో ఆరో స్థానానికి పరిమితమయ్యాడు. ఇక ఇంగ్లండ్‌ బ్యాట్స్‌మన్‌ డేవిడ్‌ మలన్‌ 915 పాయింట్లతో టాప్‌ స్థానాన్ని నిలుపుకోగా.. పాక్‌ ఆటగాడు బాబర్‌ అజమ్‌ 801 పాయింట్లతో మూడో స్థానంలో ఉన్నాడు. ఆరోన్‌ ఫించ్(ఆస్ట్రేలియా)‌, వాన్‌ డెర్‌ డసెన్‌(దక్షిణాఫ్రికా) నాలుగు, ఐదు స్థానాల్లో నిలిచారు. ఇక క్రైస్ట్‌ చర్చి వేదికగా ఆసీస్‌తో జరిగిన తొలి టీ20లో  99* పరుగుల దుమ్మురేపే ప్రదర్శనతో ఆకట్టుకున్న న్యూజిలాండ్‌ బ్యాట్స్‌మన్‌ డెవోన్‌ కాన్వే తన కెరీర్‌లోనే అత్యుత్తమ ర్యాంక్‌ను సాధించాడు. కాన్వే 46 స్థానాలు ఎగబాకి 17వ స్థానంలో నిలవగా.. కివీస్‌ ఓపెనర్‌ మార్టిన్‌ గప్టిల్‌ 97 పరుగుల నాకౌట్‌ ఇన్నింగ్స్‌తో 11వ స్థానంలో నిలిచాడు. ఇక బౌలర్ల విషయానికి వస్తే.. ఆఫ్ఘన్‌ బౌలర్‌ రషీద్‌ ఖాన్‌ 736 పాయింట్లతో తొలి స్థానంలో నిలవగా.. తబ్రేయిజ్‌ షంషీ(దక్షిణాఫ్రికా) 733 పాయింట్లతో రెండో స్థానంలో ఉండగా..ముజీబ్‌ ఉర్‌ రెహమాన్‌ 730 పాయింట్లతో మూడో స్థానంలో ఉన్నాడు. టీమిండియా బౌలర్లలో టాప్‌ టెన్‌లో ఒక్కరు కూడా లేరు. ఇక ఆల్‌రౌండర్‌ కోటాలో మహ్మద్‌ నబీ 294 పాయింట్లతో మొదటి స్థానంలో.. బంగ్లా ఆల్‌రౌండర్‌ షకీబ్‌ ఆల్‌ హసన్‌ రెండో స్థానంలో.. ఆసీస్‌ ఆల్‌రౌండర్‌ గ్లెన్‌ మ్యాక్స్‌వెల్‌ మూడో స్థానంలో ఉన్నాడు. చదవండి: కివీస్‌పై ఆసీస్‌ ఘన విజయం: ఆర్సీబీ ఫ్యాన్స్‌ హర్షం!

న్యూఢిల్లీ: ఇటీవల చెన్నైలో ఐపీఎల్‌-2021 వేలం జరిగిన విషయం తెలిసిందే. ఐపీఎల్‌ వేలంలో పోటీలో ఉండాలంటే షార్ట్‌ లిస్ట్‌లో ఉన్న ఆయా క్రికెటర్ల ప్రదర్శన ఆధారంగానే జరుగుతుంది. అదే ఐపీఎల్‌ వేలానికి ముందు ఏ ఆటగాడైనా అద్వితీయ ప్రదర్శన చేస్తే అతనికి కాసుల వర్షం కురిసిన సందర్భాలు ఎన్నో చూశాం. ఈసారి ఐపీఎల్‌ వేలంలో​ కూడా అదే రుజువైంది. కాగా, ఇక్కడ ఒక ఆటగాడికి మంచి చాన్స్‌ మిస్సయ్యిందనే చెప్పాలి. న్యూజిలాండ్‌కు చెందిన ఎడమచేతి వాటం ఆటగాడు డేవాన్‌ కాన్వే రోజుల వ్యవధిలో ఐపీఎల్‌ ఆడే అవకాశాన్ని కోల్పోవడమే కాదు.. కోట్ల రూపాయల్ని సంపాదించే అవకాశాన్ని కూడా చేజార్చుకున్నాడనే చెప్పాలి. ఇది విషయాన్ని పరోక్షంగా ప్రస్తావించాడు  టీమిండియా స్పిన్నర్‌ రవిచంద్రన్‌ అశ్విన్‌. ఇందుకు కారణం కాన్వే ఒక సూపర్‌ నాక్‌తో ఆసీస్‌ను చిత్తుచేయడమే. తాజాగా ఆస్ట్రేలియాతో జరిగిన టీ20 మ్యాచ్‌లో కాన్వే చెలరేగి ఆడాడు.  59 బంతుల్లో 10 ఫోర్లు, 3 సిక్స్‌లతో​ 99 పరుగులు చేసి అజేయంగా నిలిచాడు. కాగా, ఇటీవల ముగిసిన వేలంలో ఈ ఆటగాడు అమ్ముడుపోలేదు. అతని కనీస ధర 50 లక్షల రూపాయలు ఉన్నా ఎవరూ తీసుకోలేదు. అయితే ఆసీస్‌తో ఆడిన ఇన్నింగ్స్‌ ముందే వచ్చుంటే విషయాన్ని అశ్విన్‌ ప్రస్తావించాడు. ‘నాలుగు రోజులు లేటైంది.. కానీ వాటే నాక్‌’ అని ట్వీట్‌ చేశాడు. ఒకవేళ వేలానికి ముందు కాన్వే ఈ తరహా సంచలన ఇన్నింగ్స్‌ ఏమైనా చేసి ఉంటే కోట్లలో అమ్ముడుపోయేవాడు.  ఐదు ట్వంటీ20ల ద్వైపాక్షిక సిరీస్‌లో భాగంగా ఆసీస్‌తో జరిగిన తొలి టీ20లో న్యూజిలాండ్‌ ఘన విజయం సాధించింది. అటు బ్యాటింగ్‌, ఇటు బౌలింగ్‌లో విశేషంగా రాణించిన కివీస్‌.. ఆసీస్‌ను చిత్తుగా ఓడించింది. ఈ మ్యాచ్‌లో తొలుత బ్యాటింగ్‌ చేసిన బ్లాక్‌క్యాప్స్‌ 20 ఓవర్లలో ఐదు వికెట్లు కోల్పోయి 184 పరుగులు చేయగా, ఆపై ఆసీస్‌ 17.3 ఓవర్లలో 131 పరుగులకే ఆలౌటై ఘోర పరాజయం చవిచూసింది. టాస్‌ గెలిచిన ఆసీస్‌ ముందుగా ఫీల్డింగ్‌ ఎంచుకోవడంతో కివీస్‌ ముందుగా బ్యాటింగ్‌కు దిగింది. కాగా, కివీస్‌కు శుభారంభం లభించలేదు.  ఓపెనర్లు గప్టిల్‌(0), సీఫెర్ట్‌(1)లు ఇద్దరూ నిరాశపరిచారు.  అనంతరం  కెప్టెన్‌ విలియమ్సన్‌(12) కూడా ఆకట్టుకోలేదు. కానీ తన కెరీర్‌లో ఏడో అంతర్జాతీయ మ్యాచ్‌ ఆడుతున్న కాన్వే రెచ్చిపోయి ఆడాడు. కివీస్‌ను కష్టాల్లోంచి గట్టెక్కించడమే కాదు.. మ్యాచ్‌ స్వరూపాన్నే మార్చేశాడు.  ఈ మ్యాచ్‌కు ముందు కాన్వే  అత్యధిక టీ20 స్కోరు 65గా ఉంది.   ఇక్కడ చదవండి: కివీస్‌ చేతిలో ఆసీస్‌ చిత్తు Devon Conway is just 4 days late, but what a knock 👏👏👏 #AUSvNZ — Ashwin 🇮🇳 (@ashwinravi99) February 22, 2021 Devon Conway & Darren Bravo remain UNSOLD. @Vivo_India #IPLAuction — IndianPremierLeague (@IPL) February 18, 2021 Imagine not taking Devon Conway in the IPL auction and then seeing that performance #NZvsAUS — Alex Chapman (@AlexChapmanNZ) February 22, 2021