మొన్న‌టివ‌ర‌కు ప్ర‌తీ క్రికెట‌ర్ త‌మ‌ దేశానికి ప్రాతినిథ్యం వ‌హించాల‌ని క‌లలు క‌నేవారు. ఒక్క‌సారి త‌మ జాతీయ జ‌ట్టుకు ఆడితే చాలు అని ప‌రిత‌పించేవారు. కానీ ఇప్పుడు మాత్రం ప‌రిస్థితి ఇందుకు భిన్నంగా ఉంది.చాలా మంది ఆట‌గాళ్లు ప్రాంఛైజీ క్రికెట్ మోజులో ప‌డి త‌మ అంత‌ర్జాతీయ కెరీర్‌ను ఆర్ధాంతంగా ముగిస్తున్నారు. ద‌క్షిణాఫ్రికా ఆట‌గాడు హెన్రిస్ క్లాసెన్‌, విండీస్ స్టార్ ప్లేయ‌ర్ నికోల‌స్ పూర‌న్ ఈ కోవ‌కు చెందిన వారే. మ‌రికొంత‌మంది క్రికెట‌ర్లు ఆ దేశ క్రికెట్ బోర్డు కాంట్రాక్ట్‌ల‌ను సైతం వ‌దులుకున్నారు. ఒక‌ప్ప‌డు ఫిట్‌నెస్ స‌మ‌స్య‌ల కార‌ణంగానే, వ్య‌క్తిగ‌త కారణాల చేతో అంత‌ర్జాతీయ క్రికెట్‌కు వీడ్కోలు ప‌లికేవారు.మ‌రింత కాలం దేశానికి త‌మ‌ సేవ‌లు అందించాల‌న్న త‌ప‌న ఉన్న‌ప్ప‌టికి, అవ‌కాశాలు రాక‌పోవ‌డంతో చాలా మంది క్రికెట‌ర్లు త‌మ కెరీర్‌కు గుడ్‌బై చెప్పిన సంద‌ర్భాలు ఉన్నాయి. ఈ క్ర‌మంలో 30 ఏళ్ల తిర‌గ‌క‌ముందే రిటైర్మెంట్ ప్ర‌క‌టించిన స్టార్‌ క్రికెట‌ర్ల‌పై ఓ లుక్కేద్దాం.నికోల‌స్ పూర‌న్వెస్టిండీస్ స్టార్ వికెట్ కీప‌ర్ బ్యాట‌ర్ నికోల‌స్ పూర‌న్ 29 ఏళ్ల వ‌య‌స్సులో అంత‌ర్జాతీయ క్రికెట్ వీడ్కోలు ప‌లికి అంద‌రికి షాకిచ్చాడు. విండీస్ కెప్టెన్‌గా, వికెట్ కీప‌ర్ బ్యాట‌ర్‌గా సేవ‌లు అందించిన పూర‌న్.. ఈ నిర్ణ‌యం తీసుకుంటాడ‌ని ఎవ‌రూ ఊహించ‌లేదు. త‌న రిటైర్మెంట్ ప్ర‌క‌టించిన మ‌రుస‌టి రోజే అమెరికా మేజ‌ర్ టీ20 లీగ్‌లో ముంబై న్యూయ‌ర్క్ జ‌ట్టుకు కెప్టెన్‌గా ఎంపిక‌య్యాడు. దీనిబ‌ట్టి ఆర్ధం చేసుకోవ‌చ్చు పూర‌న్ రిటైర్మెంట్ వెన‌క అస‌లు కార‌ణ‌మేంటో. 2016లో అంతర్జాతీయ అరంగేట్రం చేసిన పూరన్‌.. విండీస్‌ తరఫున 106 టీ20లు, 61 వన్డేలు ఆడాడు.టీ20 స్పెషలిస్ట్‌గా పేరొందిన పూరన్‌ ఈ ఫార్మాట్‌లో 136.4 స్ట్రయిక్‌రేట్‌తో 13 హాఫ్‌ సెంచరీల సాయంతో 2275 పరుగులు చేశాడు. వన్డేల్లో 3 సెంచరీలు, 11 హాఫ్‌ సెంచరీల సాయంతో 1983 పరుగులు చేశాడు.ఉన్ముక్త్ చంద్..2012లో U-19 జట్టును ప్రపంచ కప్‌కు నడిపించిన తర్వాత భారతదేశం యొక్క తదుపరి గొప్ప విషయంగా ప్రశంసించబడిన ఉన్ముక్త్ చంద్, 28 సంవత్సరాల వయసులో ఆ జట్టుకు రాజీనామా చేశాడు. తరువాత అతను కొత్త క్రికెట్ ప్రయాణం మరియు భారత దేశీయ సర్క్యూట్‌లకు మించి కొత్త అవకాశాలను అన్వేషించడానికి USకి తన స్థావరాన్ని మార్చుకున్నాడు.క్రెయిగ్ కీస్‌వెట్టర్ఇంగ్లండ్ 2010 టీ20 ప్ర‌పంచ‌క‌ప్ విన్న‌ర్, వికెట్ కీప‌ర్ బ్యాట‌ర్ క్రెయిగ్ కీస్‌వెట్టర్ 27 ఏళ్ల వయసులోనే అంత‌ర్జాతీయ క్రికెట్‌కు వీడ్కోలు ప‌లికాడు. కంటికి తగిలిన గాయం కారణంగా అత‌డు ఇంట‌ర్న‌నేష‌న‌ల్ క్రికెట్‌కు రిటైర్మెంట్ ప్ర‌క‌టించాడు. 2010 టీ20 ప్రపంచ‌క‌ప్ ఫైన‌ల్లో ఆస్ట్రేలియాపై కీస్‌వెట్టర్(63) అద్బుత‌మైన హాఫ్ సెంచ‌రీ సాధించాడు.మునాఫ్ పటేల్2011 వ‌ర‌ల్డ్‌క‌ప్ విజ‌యం త‌ర్వాత భార‌త పేస‌ర్ మునాఫ్ పటేల్ అంత‌ర్జాతీయ క్రికెట్‌కు రిటైర్మెంట్ ప్ర‌క‌టించాడు. అప్ప‌టికి అత‌డు వ‌య‌స్సు 28 ఏళ్లు మాత్రమే. భార‌త్ వ‌ర‌ల్డ్‌క‌ప్‌ను సొంతం చేసుకోవ‌డంలో మునాఫ్‌ది కీల‌క పాత్ర‌. వ‌న్డేల్లో అత‌డు 86 వికెట్లు ప‌డ‌గొట్టాడు.జేమ్స్ టేలర్ఇంగ్లండ్ జట్టులో కీలక ఆటగాడిగా ఎదుగుతున్న సమయంలో జేమ్స్ టేలర్‌ను దురదృష్టం వెంటాడింది. 26 ఏళ్ల వయస్సులో టేలర్ గుండె సంబంధిత సమస్యలు కారణంగా అంత‌ర్జాతీయ క్రికెట్‌కు రిటైర్మెంట్ ప్ర‌క‌టించాడు. అంత‌ర్జాతీయ క్రికెట్ నుంచి వైదొలిగేట‌ప్ప‌టికి వ‌న్డేల్లో అత‌డి స‌గ‌టు 42పైగా ఉంది.ఆకిబ్ జావేద్ పాకిస్తాన్ టాలెంట‌డ్ పేస‌ర్ ఆకిబ్ జావేద్ మ్యాచ్ ఫిక్సింగ్ ఆరోప‌ణ‌లతో 26 ఏళ్ల వ‌య‌స్సులోనే అంత‌ర్జాతీయ క్రికెట్ నుంచి రిటైరయ్యాడు. వ‌న్డేల్లో అత‌డిపేరిట 182 వికెట్లు ఉన్నాయి. స్టార్ బౌల‌ర్‌గా కొన‌సాగుతున్న స‌మ‌యంలో అత‌డు అనూహ్య రిటైర్మెంట్ ప్ర‌క‌టించ‌డం అంద‌రిని ఆశ్చ‌ర్య‌ప‌రిచింది.హెన్రీ ఒలోంగాజింబాబ్వే తొలి నల్లజాతి క్రికెటర్ హెన్రీ ఒలోంగా కేవ‌లం 26 ఏళ్ల వ‌య‌స్సులోనే అంత‌ర్జాతీయ క్రికెట్ నుంచి త‌ప్పుకున్నాడు. 2003 ప్రపంచ కప్ సందర్భంగా దేశ పాలనకు వ్యతిరేకంగా ఈ నిర్ణ‌యాన్ని ఒలోంగా తీసుకున్నాడు.సక్లైన్ ముష్తాక్పాకిస్తాన్ అత్యుత్త‌మ ఆఫ్ స్పిన్న‌ర్ల‌లో ఒక‌రిగా నిలిచిన సక్లైన్ ముష్తాక్.. 27 ఏళ్ల వ‌య‌స్సులోనే అంత‌ర్జాతీయ క్రికెట్‌కు వీడ్కోలు ప‌లికాడు. తొమ్మిదేళ్ల పాటు పాక్‌కు ప్రాతినిథ్యం వ‌హించిన ముష్తాక్‌..496 అంతర్జాతీయ వికెట్లు త‌న ఖాతాలో వేసుకున్నాడు.టటెండా తైబు..టటెండా తైబు.. జింబాబ్వే క్రికెట్ చ‌రిత్ర‌లో త‌న పేరును సువర్ణక్షరాలతో లిఖించుకున్నాడు. ఈ జింబాబ్వే మాజీ కెప్టెన్ 29 ఏళ్ల వయసులో చర్చి పనిని కొనసాగించడానికి అంత‌ర్జాతీయ క్రికెట్ నుంచి త‌ప్పుకున్నాడు.

అంత‌ర్జాతీయ టీ20 క్రికెట్‌లో సంచ‌ల‌నం న‌మోదైంది. 64 ఏళ్ల వ‌య‌స్సులో జోవన్నా చైల్డ్ అనే మ‌హిళా క్రికెట‌ర్ పోర్చుగ‌ల్ త‌ర‌పున టీ20 అరంగేట్రం చేసింది. ఈ లేటు వ‌య‌స్సులో జోవన్నా చైల్డ్ ఏప్రిల్ 7న నార్వేతో జ‌రిగిన మ్యాచ్‌తో అంత‌ర్జాతీయ క్రికెట్‌లోకి అడుగుపెట్టింది.త‌ద్వారా ఇంటర్న‌నేష‌న‌ల్ క్రికెట్‌లో అరంగేట్రం చేసిన రెండవ పెద్ద వయసు క్రికెటర్‌గా ఆమె రికార్డుల‌కెక్కింది. ఇంత‌కుముందు ఈ రికార్డు ఫాక్లాండ్ ఐస్‌ల్యాండ్స్‌కు చెందిన ఆండ్రూ బ్రౌన్లీ (62 సంవత్సరాల, 145 రోజులు) పేరిట ఉండేది. తాజా మ్యాచ్‌తో ఆండ్రూ బ్రౌన్లీ ఆల్‌టైమ్ రికార్డును చైల్డ్ బ్రేక్ చేసింది. ఈ రేర్ ఫీట్ సాధించిన జాబితాలో జిబ్రాల్టర్ మాజీ ప్లేయ‌ర్ సాలీ బార్టన్ అగ్ర‌స్ధానంలో ఉంది. బార్టన్ 66 ఏళ్ల 334 రోజుల వయసులో గ‌తేడాది ఎస్టోనియాపై అరంగేట్రం చేసింది.జోవన్నా చైల్డ్ విష‌యానికి వ‌స్తే.. నార్వేతో జ‌రిగిన మూడు మ్యాచ్‌ల‌లోనూ ఆమె ఆడింది. అయితే మూడు మ్యాచ్‌ల్లో కేవ‌లం 3 ప‌రుగులు మాత్ర‌మే చైల్డ్ చేసింది. ఆదేవిధంగా బౌలింగ్ కూడా ఆమె చేసింది. 16.50 ఎకానమీతో వికెట్ తీసుకోకుండా 11 పరుగులు ఇచ్చింది. ఈ సిరీస్‌కు ముందు ఆమెకు అస్స‌లు పూర్తిగా క్రికెట్ అనుభ‌వం లేదు. అయిన‌ప్ప‌టికీ అంత‌ర్జాతీయ క్రికెట్‌లో అరంగేట్రం చేసిన చైల్డ్‌పై స‌ర్వాత్ర ప్ర‌శంస‌ల వర్షం కురుస్తోంది.టీ20ల్లో అరంగేట్రం చేసిన అతి పెద్ద వయస్సు గల ఆటగాళ్లు వీరేసాలీ బార్టన్ - 66 సంవత్సరాల 334 రోజులుజోన్నా చైల్డ్ - 64 సంవత్సరాలుఆండ్రూ బ్రౌన్లీ - 62 సంవత్సరాల 145 రోజులుకేమాన్ మాల్లీ మూర్ - 62 సంవత్సరాల‌ 25 రోజులు Congrats to Joanna Child, who made her T20I debut recently. At 64, she becomes the 2nd oldest cricketer to make her T20I debut after Gibraltar's Sally Barton. Portugal team also featured cricketers who were just 15, 16. The team's captain Sarah called Joanna an inspiration. pic.twitter.com/ASSaxJ1OKv— Krithika (@krithika0808) April 10, 2025

అఫ్గానిస్తాన్ వెట‌ర‌న్ పేస‌ర్ షాపూర్ జ‌ద్రాన్( Shapoor Zadran) కీల‌క నిర్ణ‌యం తీసుకున్నాడు. అంత‌ర్జాతీయ క్రికెట్‌కు విడ్కోలు ప‌లికాడు. 37 ఏళ్ల జద్రాన్‌ త‌న నిర్ణ‌యాన్ని సోష‌ల్ మీడియా వేదిక‌గా వెల్ల‌డించాడు. "ఈ రోజు అంత‌ర్జాతీయ క్రికెట్‌కు విడ్కోలు పల‌కాల‌ని నిర్ణ‌యించుకున్నాను. ఇది నా జీవితంలో అత్యంత కఠినమైన నిర్ణయాలలో ఒకటి. కానీ ప్ర‌తీ ఒక్క క్రికెట‌ర్ ఏదో ఒక‌రోజు త‌న కెరీర్‌ను ముగించ‌క త‌ప్ప‌దు. క్రికెట్‌ను నేను ఎప్పుడూ గేమ్‌గా చూడ‌లేదు, నా జీవితంలో భాగంగానే భావించాను. ఈ గేమే నాకంటూ ఓ గుర్తింపు తీసుకొచ్చింది. అటువంటి గేమ్‌ను వ‌దిలేయ‌డం నిజంగా చాలా బాధకారం. నాకు మ‌ద్ద‌తుగా నిలిచిన అఫ్గానిస్తాన్ క్రికెట్‌కు, నా సహచరులు, అభిమానులంద‌రికి ధ‌న్యవాదాలు" అని షాపూర్ ఫేస్‌బుక్‌లో రాసుకొచ్చాడు.కాగా 2009లో అఫ్గానిస్తాన్ త‌ర‌పున అంత‌ర్జాతీయ అర‌గేట్రం చేసిన షాపూర్‌.. దాదాపు పదేళ్ల పాటు త‌న దేశానికి సేవ‌లు అందించాడు. అఫ్గాన్ క్రికెట్ ఎదుగుదలలో ఈ లెఫ్ట్ ఆర్మ్ పేస‌ర్‌ ప్రధాన పాత్ర పోషించాడనే చెప్పాలి. జ‌ద్రాన్ 2020లో గ్రేటర్ నోయిడాలో ఐర్లాండ్‌తో తన చివరి మ్యాచ్‌ ఆడాడు. ఆ తర్వాత అతడికి జాతీయ జట్టులో చోటు దక్కలేదు.షాపూర్ జ‌ద్రాన్ త‌న కెరీర్‌లో 44 వ‌న్డేలు, 36 టీ20ల్లో అఫ్గాన్‌కు ప్రాతినిథ్యం వ‌హించాడు. రెండు ఫార్మాట్లలో కలిపి మొత్తం 80 వికెట్లు ప‌డ‌గొట్టాడు. అదేవిధంగా మూడు టీ20 ప్ర‌పంచ‌క‌ప్‌ల(2010, 2012, 2016)లో అఫ్గాన్ త‌ర‌పున జ‌ద్రాన్ ఆడాడు. 2014 ఆసియాకప్‌లో కూడా జద్రాన్‌ ఆడాడు. ఈ మూడు వరల్డ్‌కప్‌లలో 9 వికెట్లను జద్రాన్‌ ‍తన ఖాతాలో వేసుకున్నాడు. అదేవిధంగా జద్రాన్‌ 2014, 2016 ఆసియాకప్‌లలో కూడా భాగమయ్యాడు.Shapoor Zadran Calls Time on his International Career 🚨Afghanistan’s big tall left-arm fast bowler Shapoor Zadran, a key figure in the rise of cricket in Afghanistan, announced his retirement from International cricket. He represented Afghanistan in 80 international matches… pic.twitter.com/46W3B4msHH— Afghanistan Cricket Board (@ACBofficials) January 30, 2025 ఇక 2015 వ‌న్డే ప్ర‌పంచ‌క‌ప్‌లో స్కాట్లాండ్‌పై అఫ్గానిస్తాన్ విజ‌యం సాధించ‌డంలో జ‌ద్రాన్‌ది కీల‌క పాత్ర‌. అఫ్గాన్‌కు వ‌ర‌ల్డ్‌క‌ప్‌లో అదే తొలి విజ‌యం కావ‌డం గ‌మనార్హం. ఈ మ్యాచ్‌లో జ‌ద్రాన్ త‌న ప‌ది ఓవ‌ర్ల కోటాలో కేవ‌లం 38 ప‌రుగులిచ్చి 4 వికెట్లు ప‌డ‌గొట్టాడు. జద్రాన్‌ మొత్తంగా తన కెరీర్‌లో నాలుగు వరల్డ్‌కప్‌లలో ఆడాడు.చదవండి: టీ20 ప్రపంచకప్‌-2025: ఆసీస్‌ను చిత్తు చేసి ఫైనల్లో సౌతాఫ్రికా

భారత టెస్టు క్రికెట్‌ ఘనాపాఠిల్లో మరో శిఖరం తన ఆటను ముగించింది. తన పదునైన ఆఫ్‌స్పిన్‌ బంతులతో పాటు తనకే సాధ్యమైన వ్యూహాలు, తెలివితేటలతో ప్రత్యర్థి బ్యాటర్లను బోల్తా కొట్టించిన ఇంజినీరింగ్‌ బుర్ర ఇక అంతర్జాతీయ క్రికెట్‌ చాలంటూ తప్పుకుంది. సుదీర్ఘ కెరీర్‌ తర్వాత మదరాసీ ముద్దు బిడ్డ రవిచంద్రన్‌ అశ్విన్‌ టీమిండియా తరఫున చివరి మ్యాచ్‌ ఆడేసినట్లు ప్రకటించాడు. ఎన్నో రికార్డులు, మరెన్నో ఘనతల తర్వాత భారత్‌ తరఫున తన ప్రస్థానాన్ని ముగిస్తున్నట్లు అశ్విన్‌ వెల్లడించాడు. లెక్కపెట్టలేనన్ని మేటి గణాంకాలకు చిరునామాగా నిలిచిన ఈ దిగ్గజం తుది జట్టులో తన స్థానంపై సందేహం రాగానే ఇక చాలంటూ చివరి నిర్ణయం తీసుకున్నాడు. తన అవసరం లేని జట్టుతో ఇంకా కొనసాగడం అనవసరం అంటూ ఆ్రస్టేలియాతో సిరీస్‌ మధ్యలోనే గుడ్‌బై చెప్పేసి నిష్క్రమించాడు. బ్రిస్బేన్‌: భారత దిగ్గజ స్పిన్నర్‌ రవిచంద్రన్‌ అశ్విన్‌ అంతర్జాతీయ క్రికెట్‌ నుంచి రిటైర్‌ అవుతున్నట్లు ప్రకటించాడు. టీమిండియా క్రికెటర్‌గా ఇదే తన చివరి రోజు అంటూ వెల్లడించాడు. ఆస్ట్రేలియాతో జరుగుతున్న టెస్టు సిరీస్‌లో భాగంగా అడిలైడ్‌లో జరిగిన డే అండ్‌ నైట్‌ టెస్టు అశ్విన్‌ కెరీర్‌లో చివరిదిగా ముగిసింది. తొలి, మూడో టెస్టుల్లో తుది జట్టులో అతనికి స్థానం లభించలేదు. ‘గాబా’లో టెస్టు ముగిసిన తర్వాత కెపె్టన్‌ రోహిత్‌ శర్మతో కలిసి మీడియా సమావేశానికి హాజరైన అశ్విన్‌... తన నిర్ణయం గురించి స్పష్టంగా వివరించి వెనుదిరిగాడు. సిరీస్‌లో మరో రెండు టెస్టులు మిగిలి ఉన్నా... ముందే రిటైర్మెంట్‌ ప్రకటించిన అతను నేడు స్వదేశానికి బయలుదేరి వెళుతున్నాడు. 2011లో భారత్‌ తరఫున తొలి టెస్టు మ్యాచ్‌ ఆడిన అశ్విన్‌ 106 టెస్టుల్లో 537 వికెట్లు పడగొట్టాడు. 2010లో వన్డేలు, టి20ల్లో అశ్విన్‌ అరంగేట్రం జరిగింది. ఈ రెండు ఫార్మాట్‌లలో చాలా కాలం క్రితమే అతను జట్టుకు దూరమైనా... అనూహ్యంగా వచ్చిన అవకాశాలు మళ్లీ వరల్డ్‌ కప్‌లు ఆడేలా చేశాయి. గత ఏడాది సొంత మైదానంలో చెన్నై వేదికగా ఆస్ట్రేలియాతో ఆడిన వరల్డ్‌ కప్‌ మ్యాచ్‌ అతని ఆఖరి వన్డే కాగా... 2022 టి20 వరల్డ్‌ కప్‌లో భాగంగా అడిలైడ్‌లో ఇంగ్లండ్‌తో ఆడిన పోరు అతని ఆఖరి అంతర్జాతీయ టి20 మ్యాచ్‌. 2011 వన్డే వరల్డ్‌ కప్, 2013 వన్డే చాంపియన్స్‌ ట్రోఫీల్లో విజేతగా నిలిచిన భారత జట్టులో అశ్విన్‌ సభ్యుడు. అయితే గత కొన్నేళ్లుగా అతను ‘టెస్టు స్పెషలిస్ట్‌’గానే జట్టుతో కొనసాగుతున్నాడు. ప్రధాన స్పిన్నర్‌గా స్వదేశంలో భారత్‌ సిరీస్‌ విజయాల్లో అశ్విన్‌దే కీలక పాత్ర. జట్టులో అవకాశాలు రాకపోవడంతో... ఆ్రస్టేలియాతో టెస్టు సిరీస్‌ మధ్యలో తప్పుకోవడం ఆశ్చర్యంగా అనిపించినా అశ్విన్‌ తీసుకున్న నిర్ణయం మరీ అనూహ్యమేమీ కాదు. ఈ సిరీస్‌కు ముందు న్యూజిలాండ్‌తో 3 టెస్టుల్లో అతను 41.22 సగటుతో కేవలం 9 వికెట్లు తీశాడు. స్వదేశంలో అతని స్థాయి ప్రదర్శనతో పోలిస్తే ఇది చాలా పేలవం. ఆ్రస్టేలియాతో పెర్త్‌లో జరిగిన తొలి టెస్టులో అతడిని కాదని యువ ఆఫ్‌ స్పిన్నర్‌ వాషింగ్టన్‌ సుందర్‌కు చోటు కల్పించడం అశ్విన్‌కు తీవ్ర నిరాశ కలిగించింది. సాధారణంగా టీమిండియా విదేశీ గడ్డపై ఒక స్పిన్నర్‌ను ఆడిస్తే అతని బ్యాటింగ్‌ బలాన్ని కూడా పరిగణనలోకి తీసుకుంటోంది. మూడో టెస్టులో రవీంద్ర జడేజా ఆడాడు. బుధవారం కెప్టెన్ రోహిత్‌ శర్మ చేసిన వ్యాఖ్యలను బట్టి చూస్తే దీనిపై మరింత స్పష్టత వచ్చింది. తొలి టెస్టులో అతడిని తప్పించే నిర్ణయం కోచ్‌ గంభీర్‌ తీసుకోగా... రెండో టెస్టు కోసం అశ్విన్‌ను రోహిత్‌ ఒప్పించాడు. ‘పెర్త్‌ టెస్టు సమయంలోనే అతను రిటైర్మెంట్‌ గురించి చర్చించాడు. అప్పటికే అతని మనసులో చాలా ఆలోచనలు ఉన్నాయి. అడిలైడ్‌ తర్వాత బ్రిస్బేన్‌లో కూడా పలు కారణాలతో తుది జట్టులో అతను లేడు. మెల్‌బోర్న్‌ గురించి ఇప్పుడే చెప్పలేను. అపార అనుభవం ఉండి డ్రెస్సింగ్‌ రూమ్‌లో పరిణామాల గురించి ఎంతో తెలిసిన అశ్విన్‌ ఇలాంటి విషయాలు అర్థం చేసుకోగలడు. సిరీస్‌లో తన అవసరం లేకపోతే ఇంకా ఎందుకని అతను భావించాడు. అయితే అతని స్థాయి ప్లేయర్‌ ఏదైనా నిర్ణయం తీసుకుంటే దానిని మనం గౌరవించాలి’ అని రోహిత్‌ శర్మ అన్నాడు. నిజానికి స్పిన్‌కు అనుకూలించే సిడ్నీలో జరిగే చివరి టెస్టులో ఇద్దరు స్పిన్నర్లతో ఆడితే అశ్విన్‌ పేరును కూడా పరిశీలించే అవకాశం ఉండేది. అయితే దీనిపై కూడా అతనికి బహుశా నమ్మకం లేకపోవచ్చు. జడేజా, సుందర్‌లనే ఆడిస్తారని అతను అనుకొని ఉంటాడు. అందుకే సిరీస్‌ ముగిసేవరకు అతను ఆగలేదు. భారత్‌ తమ తర్వాతి సిరీస్‌ వచ్చే ఏడాది జూన్‌లో ఇంగ్లండ్‌ గడ్డపై ఆడుతుంది కాబట్టి అక్కడా అతనికి తుది జట్టులో స్థానంపై సందేహమే.టీమిండియా ప్రపంచ టెస్టు చాంపియన్‌షిప్‌ (డబ్ల్యూటీసీ) ఫైనల్‌ మ్యాచ్‌కు అర్హత సాధించినా ఇదే పరిస్థితి ఎదురు కావచ్చు. దాదాపు ఏడాది వరకు స్వదేశంలో టెస్టులు లేవు. ఈ నేపథ్యంలో తప్పుకోవడమే మంచిదని అశ్విన్‌ భావించాడు. ఐపీఎల్‌ బరిలో... ఐపీఎల్‌ 2025 సీజన్‌ కోసం ఇటీవల జరిగిన వేలంలో అశ్విన్‌ను చెన్నై సూపర్‌ కింగ్స్‌ జట్టు రూ.9 కోట్ల 75 లక్షలకు తీసుకుంది. కాబట్టి వచ్చే సీజన్‌లో అతను ఐపీఎల్‌ ఆడటం ఖాయం కాగా, తమిళనాడు ప్రీమియర్‌ లీగ్‌లో కూడా ప్లేయర్‌ కమ్‌ కోచ్‌గా బరిలోకి దిగే అవకాశం ఉంది.అంకెల్లో అశ్విన్‌ ఘనతపదమూడేళ్ల ఘనమైన టెస్టు కెరీర్‌లో అశ్విన్‌ ఎన్నో కొత్త రికార్డులు తన పేరిట నమోదు చేసుకున్నాడు. గతంలో ఎవరికీ సాధ్యం కాని అసాధారణ గణాంకాలకు అతను అడ్రస్‌గా మారాడు. కొన్ని అంకెలు చూస్తే జట్టులో అతని విలువేమిటో, చిరస్మరణీయ విజయాల్లో అశ్విన్‌ పాత్ర ఏమిటో అర్థమవుతుంది. 537టెస్టుల్లో అశ్విన్‌ వికెట్ల సంఖ్య. భారత్‌ తరఫున అత్యధిక వికెట్ల సాధించిన బౌలర్ల జాబితాలో అనిల్‌ కుంబ్లే (619) తర్వాత రెండో స్థానంతో అశ్విన్‌ ముగించాడు. ఓవరాల్‌గా అతనిది ఏడో స్థానం. మురళీధరన్‌ (800), వార్న్‌ (708), అండర్సన్‌ (704), కుంబ్లే (619), బ్రాడ్‌ (604), మెక్‌గ్రాత్‌ (563) అతనికంటే ముందున్నారు. 37టెస్టుల్లో 37సార్లు అశ్విన్‌ ఇన్నింగ్స్‌లో ఐదు వికెట్ల ప్రదర్శన నమోదు చేశాడు. ముత్తయ్య మురళీధరన్‌ (67) తర్వాత షేన్‌ వార్న్‌ (37)తో రెండో స్థానంలో అతను సమంగా నిలిచాడు.268అశ్విన్‌ అవుట్‌ చేసిన ఎడంచేతి వాటం బ్యాటర్లు. ఈ జాబితాలో అందరికంటే ముందున్న అతను అత్యధికంగా బెన్‌ స్టోక్స్‌ (13)ను పెవిలియన్‌ పంపించాడు.65అశ్విన్‌ అరంగేట్రం చేసిన నాటినుంచి ఇప్పటి వరకు భారత్‌ సొంతగడ్డపై 65 టెస్టులు ఆడింది. వీటన్నింటిలో అతను బరిలోకి దిగడం విశేషం. ఈ మ్యాచ్‌లలో 383 వికెట్లు పడగొట్టిన అతను జట్టు విజయాల్లో ప్రధాన పాత్ర పోషించాడు. ఈ మధ్య కాలంలో భారత్‌ స్వదేశంలో అశ్విన్‌ విఫలమైన 2 సిరీస్‌లలోనే ఓడి రికార్డు స్థాయిలో 18 సిరీస్‌లు గెలిచింది. 2012లో ఇంగ్లండ్‌పై 4 టెస్టుల్లో 52.64 సగటుతో 14 వికెట్లు... 2024లో న్యూజిలాండ్‌పై 3 టెస్టుల్లో 41.22 సగటుతో 9 వికెట్లతో అతను విఫలమయ్యాడు. ఈ రెండు సిరీస్‌లను ఇండియా చేజార్చుకోవడం అతని పాత్రను చూపిస్తోంది.11 అశ్విన్‌ ‘ప్లేయర్‌ ఆఫ్‌ ద సిరీస్‌’ల సంఖ్య. ఈ జాబితాలో మురళీధరన్‌తో సమానంగా అగ్రస్థానంలో నిలిచాడు.4 టెస్టు మ్యాచ్‌ ఇన్నింగ్స్‌లో 5 వికెట్లు తీయడంతో పాటు సెంచరీ కూడా చేసిన ఘనతను అశ్విన్‌ నాలుగు సార్లు నమోదు చేశాడు.14 ఏళ్లుగా కలిసి ఆడాం. నువ్వు ఈ మాట చెప్పినప్పుడు ఎంతో భావోద్వేగానికి గురయ్యా. మన జ్ఞాపకాలన్నీ కళ్ల ముందు కదిలాయి. ఈ ప్రయాణంలో ప్రతీ క్షణం ఆస్వాదించాను. నీలా మ్యాచ్‌లు గెలిపించడం ఎవరికీ సాధ్యం కాదు. భారత క్రికెట్‌లో నువ్వు ఒక దిగ్గజానివి. రిటైర్మెంట్‌ తర్వాతి జీవితం కూడా గొప్పగా సాగాలి. – కోహ్లి‘మనసా... వాచ ఆటపై నీవు కనబరిచే కచ్చితమైన దృక్పథం నన్ను ఎల్లప్పుడు అబ్బురపరుస్తుంది. నువ్వు సంధించే క్యారమ్‌ బాల్‌ నుంచి జట్టుకు అవసరమైన పరుగుల్ని రాబట్టే క్రమందాకా జట్టు విజయానికి వేసే బాట అద్భుతం. నువ్వో మ్యాచ్‌ విన్నర్‌వి. నీ గొప్పతనం ఏంటో నీ ప్రయాణమే చెబుతుంది. నీ పట్టుదల ప్రతి ఒక్కరికి ప్రేరణగా నిలుస్తుంది. ఇక నీ రెండో ఇన్నింగ్స్‌కు నా శుభాకాంక్షలు. ఆల్‌ ద బెస్ట్‌ అశ్విన్‌. –సచిన్‌ టెండూల్కర్‌ అద్భుత కెరీర్‌ ముగించిన నీకు నా అభినందనలు. నేను కోచ్‌గా ఉన్న సమయంలో నువ్వొక విలువైన ఆస్తివి. నీ నైపుణ్యంతో ఆటకు వన్నె తెచ్చావు. – రవిశాస్త్రిఘనమైన కెరీర్‌ సాగించిన నీకు శుభాకాంక్షలు. దశాబ్ద కాలం పాటు భారత స్పిన్‌కు పతాకధారిగా నిలబడిన నీ ఘనతల పట్ల గర్వంగా ఉన్నాం. – హర్భజన్‌ సింగ్‌నీ ప్రయాణం అసాధారణం. 700కు పైగా అంతర్జాతీయ వికెట్లతో ఆటను సుసంపన్నం చేశావు. మైదానం బయట కెరీర్‌ అద్భుతంగా ఉండాలి. – అనిల్‌ కుంబ్లే కుర్రాడిగా మొదలు పెట్టి దిగ్గజంగా ఎదిగే వరకు నిన్ను చూశాను. అశ్విన్‌ను చూసి బౌలర్‌గా మారామని ఒక తరం బౌలర్లంతా చెప్పుకుంటారు. ఆటలో నీ లోటు పూడ్చలేనిది. – గౌతమ్‌ గంభీర్‌నీ బౌలింగ్‌లో స్లిప్‌లో ఫీల్డింగ్‌ చేయడం అంత ఉత్సాహవంతమైన పని మరొకటి లేదు. ప్రతీ బంతికి క్యాచ్‌ అవకాశం వచ్చినట్లే అనిపించేది. – అజింక్య రహానేక్రికెట్‌లో నీ రాక మా అదృష్టం. అద్భుత ఆటతో అంతర్జాతీయ క్రికెట్‌లో సుదీర్ఘ కాలం కొనసాగావు. నువ్వు వినోదం పంచడమే కాదు ఎంతో నేర్పించావు కూడా. – ఇయాన్‌ బిషప్‌ అశ్విన్‌ కెరీర్‌ గణాంకాలుఆడిన టెస్టులు: 106 తీసిన వికెట్లు: 537 చేసిన పరుగులు: 3503 అత్యధిక స్కోరు: 124 సెంచరీలు: 6 అర్ధ సెంచరీలు: 14 ఇన్నింగ్స్‌లో ఉత్తమ బౌలింగ్‌: 7/59 ఇన్నింగ్స్‌లో 5 వికెట్లు: 37 సార్లు మ్యాచ్‌ మొత్తంలో 10 వికెట్లు: 8ఆడిన వన్డేలు: 116 తీసిన వికెట్లు: 156 చేసిన పరుగులు: 707 అత్యధిక స్కోరు: 65 ఉత్తమ బౌలింగ్‌: 4/25ఆడిన టి20లు: 65 తీసిన వికెట్లు: 72 చేసిన పరుగులు: 184 అత్యధిక స్కోరు: 31 ఉత్తమ బౌలింగ్‌: 4/814 భారత్‌ తరఫున 100 టెస్టులు ఆడిన 14వ ప్లేయర్‌గా అశ్విన్‌ గుర్తింపు పొందాడు. ఈ జాబితాలో సచిన్, ద్రవిడ్, వీవీఎస్‌ లక్ష్మణ్, అనిల్‌ కుంబ్లే, కపిల్‌ దేవ్, సునీల్‌ గావస్కర్, విరాట్‌ కోహ్లి, దిలీప్‌ వెంగ్‌సర్కార్, సౌరవ్‌ గంగూలీ, ఇషాంత్‌ శర్మ, వీరేంద్ర సెహ్వాగ్, హర్భజన్‌ సింగ్, చతేశ్వర్‌ పుజారా కూడా ఉన్నారు.

గల్లీ నుంచి ఢిల్లీ దాకా, ప‌సిపిల్లల నుంచి పండుముసలాళ్ల దాకా క్రికెట్‌ ఆటకున్న క్రేజే వేరు. గత కొన్ని రోజులుగా సందడి ఐపీఎల్‌ 2024 సీజన్‌ ముగిసింది. ఫైనల్‌పోరు కోలకత్తా నైట్‌ రైడర్స్‌ సునాయాసంగా సన్‌ రైజర్స్‌ హైదరాబాద్‌ను ఓడించింది టైటిట్‌ను కైవసం చేసుకుంది. ఇదంతా ఒక ఎత్తయితే లండ‌న్‌కు చెందిన‌ 66 ఏండ్ల స‌ల్లీ బార్ట‌న్(Sally Barton) విశేషంగా నిలుస్తోంది. ఈ కథా కమామిష్షు ఏంటో చూద్దాం రండి! ముగ్గురు మ‌నువ‌రాళ్లున్న ఈ అమ్మమ్మ క్రికెట్‌ అరంగేట్రం చేసిన రికార్డులు బద్దలు కొట్టింది గత నెలలో యూరోపా స్పోర్ట్స్ కాంప్లెక్స్‌లో ఎస్టోనియాతో జరిగిన 3-మ్యాచ్‌ల మహిళల T20 సిరీస్‌లో గిబ్రాల్టర్‌ తరపున అరంగేట్రం చేసింది సాలీ బార్టన్. తద్వారా 66 ఏళ్ల 334 రోజుల వయసులో అత్యంత వృద్ధ అంతర్జాతీయ క్రికెటర్‌గా కూడా అవతరించింది. ఆ మాట‌లు విన్న‌వాళ్లంతా ‘బామ్మ నీ సంక‌ల్పానికి జోహార్’. ‘నువ్వు నిజంగా సూప‌ర్’ అంటూ ఆమెను పొగ‌డ్త‌ల్లో ముంచెత్తుతున్నారు. ఏజ్‌ అనేది ఒక నంబరు మాత్రమేబీబీసీ స్పోర్ట్‌ కథనం ప్రకారం ‘‘అర‌వైల్లోకి వ‌చ్చాక నేను క్రికెట్ ఆడుతాన‌ని అస్స‌లే ఉహించ‌లేదు ‘నా డిక్ష‌న‌రీలో ‘అతి పెద్ద వ‌య‌స్కురాలు’ అనే ప‌దమే లేదు. అందుకే 66 ఏళ్ల వ‌య‌సులో క్రికెట్‌లో అరంగేట్రం చేశాను’’ అని బార్ట‌న్ తెలిపింది. 2012లో పోర్చుగ‌ల్‌కు చెందిన అక్బ‌ర్ స‌య్య‌ద్ (Akbar Saiyed) పేరిట ఉన్న రికార్డును బ‌ద్ధ‌లు కొట్టింది. అక్బ‌ర్ 66 ఏండ్ల 12 రోజుల వ‌య‌సులో క్రికెట్‌లో అరంగేట్రం చేసి రికార్డు సృష్టించాడు.అయితే ఈ సిరీస్‌లో వికెట్ కీప‌ర్ అయిన బార్ట‌న్‌కు బ్యాటింగ్ చేసే అవ‌కాశం రాలేదు. అంతేకాదు ఏ ఒక్క‌రిని ఔట్ చేయ‌లేక‌పోయింది. కానీ ఈ మ్యాచ్‌లో గిబ్రాల్టర్ 128 పరుగుల తేడాతో విజయం సాధించింది. 3-0తో సిరీస్‌ను కైవసం చేసుకుంది. బార్ట‌న్ లండన్ స్కూల్ ఆఫ్ ఎకనామిక్స్‌లో గణితంలో లెక్చరర్‌గా రిటైర్‌ అయ్యారు సాలీ. అనంతరం క్రికెట్ బ్యాట్ ప‌ట్టి సరికొత్త రికార్డును సృష్టించడం విశేషం.

న్యూజిలాండ్ విధ్వంంస‌క‌ర ఓపెన‌ర్ కోలిన్ మున్రో సంచ‌ల‌న నిర్ణ‌యం తీసుకున్నాడు. మున్రో అంత‌ర్జాతీయ క్రికెట్‌కు రిటైర్మెంట్‌ ప్రకటించాడు. టీ20 ప్ర‌పంచ‌క‌ప్‌-2024 కివీస్ జ‌ట్టులో చోటు ఆశించిన మున్రోకు సెల‌క్ట‌ర్లు మొండి చేయి చూపించారు. ఈ క్ర‌మంలో జ‌ట్టులో చోటు ద‌క్క‌క‌పోవ‌డంతోనే మున్రో అంత‌ర్జాతీయ క్రికెట్‌కు విడ్కోలు ప‌లికాడు. "అత్యున్న‌త స్ధాయిలో న్యూజిలాండ్ క్రికెట్‌కు ప్రాతినిథ్యం వ‌హించ‌డం నాకు ద‌క్కిన గౌర‌వంగా భావిస్తున్నాను. అన్ని ఫార్మాట్‌ల‌లోనూ బ్లాక్ క్యాప్స్ జెర్సీని నేను ధ‌రించాను. అది నేను నా జీవితంలో సాధించిన అతి పెద్ద విజ‌యం. మ‌ళ్లీ న్యూజిలాండ్ త‌ర‌పున ఆడేందుకు ఎంతో ఆతృతగా ఎదురు చూశాను. కానీ టీ20 వరల్డ్‌కప్‌లో జట్టులో నా పేరు లేదు. కాబట్టి క్రికెట్‌కు వీడ్కోలు పలకడానికి ఇదే సరైన సమయం అని భావించానని మున్రో పేర్కొన్నట్లు ఐసీసీ ఒక ప్రకటన విడుదల చేసింది.న్యూజిలాండ్ క్రికెట్‌లో మున్రోకు అంటూ ఓ ప్ర‌త్యేక గుర్తింపు ఉంది. ఇంట‌ర్న‌నేష‌న‌ల్ క్రికెట్‌లో మున్రో కివీస్ త‌ర‌పున 100కు పైగా మ్యాచ్‌లు ఆడాడు. 2014, 2016 టీ20 వ‌ర‌ల్డ్‌క‌ప్‌లలో న్యూజిలాండ్ జ‌ట్టులో మున్రో భాగమ‌య్యాడు. అంత‌ర్జాతీయ టీ20 క్రికెట్‌లో మూడు పైగా సెంచ‌రీలు చేసిన ఏడు మంది ఆట‌గాళ్ల‌లో మున్రో ఒక‌డిగా కొన‌సాగుతున్నాడు. 2012 లో అంత‌ర్జాతీయ క్రికెట‌లో అడుగుపెట్టిన‌ మున్రో. . త‌న కెరీర్‌లో 57 వ‌న్డేలు, 65 టీ20లు, ఒక టెస్టు మ్యాచ్ ఆడాడు. వ‌న్డేల్లో 1271 ప‌రుగులు, టీ20ల్లో 1724 ప‌రుగులు చేశాడు. అదే విధంగా ఎకైక టెస్టులో 15 ప‌రుగులు మాత్ర‌మే చేశాడు. ఇక టీ20ల్లో 47 బంతుల్లో సెంచ‌రీ చేసిన రికార్డు అత‌డి పేరిట ఉంది. 2018లో వెస్టిండీస్ పై ఈ ఘ‌న‌త సాధించాడు. కాగా అంత‌ర్జాతీయ క్రికెట్ నుంచి త‌ప్పుకున్న మున్రో.. ఫ్రాంచైజీ క్రికెట్‌లో మాత్రం కొన‌సాగ‌ననున్నాడు.

పాకిస్తాన్‌ మ‌హిళా జ‌ట్టు మాజీ కెప్టెన్ బిస్మా మ‌రూఫ్‌ సంచ‌ల‌న నిర్ణ‌యం తీసుకుంది. అంత‌ర్జాతీయ క్రికెట్‌కు బిస్మా మ‌రూఫ్ రిటైర్మెంట్ ప్రకటించింది. త‌న నిర్ణ‌యాన్ని మ‌రూఫ్ సోష‌ల్ మీడియా వేదిక‌గా గురువారం వెల్లడించింది. "నేను చాలా ఇష్టపడే ఆట(క్రికెట్‌) నుంచి తప్పుకోవాలని నిర్ణయించుకున్నాను.నా 17 ఏళ్ల ప్రయాణం ఎన్నో సవాళ్లు, విజయాలు, మధురమైన జ్ఞాపకాలతో నిండి ఉంది. నా క్రికెట్ ప్రయాణంలో అరంగేట్రం నుంచి ఇప్పటి వరకు నాకు మద్దతుగా నిలిచిన అందరికి కృతజ్ఞతలు తెలియజేస్తున్నాను.నాపై నమ్మకం ఉంచి, జట్టును నడిపించే బాధ్యతను తనకు అప్పగించినందుకు పీసీబీకి ప్రత్యేక ధన్యవాదాలు. చివరగా నా దేశానికి అత్యున్నత స్థాయిలో ప్రాతినిధ్యం వహించడం చాలా సంతోషంగా ఉందని" బిస్మా పేర్కొన్నట్లు పీసీబీ ఒక ప్రకటన విడుదల చేసింది.కాగా 2006లో అంతర్జాతీయ క్రికెట్‌లో అరంగేట్రం చేసిన మ‌రూఫ్ 17 ఏళ్ల పాటు పాకిస్తాన్ క్రికెట్‌కు త‌న సేవ‌లు అందించింది. పాకిస్తాన్ మ‌హిళ క్రికెట్ జ‌ట్టు త‌ర‌పున వ‌న్డేలు, టీ20ల్లో అత్య‌ధిక ప‌రుగులు చేసిన రికార్డు ఇప్ప‌టికి మ‌రూఫ్ పేరునే ఉంది. ఆమె పాక్‌ తరపున 136 వన్డేల్లో 3369 పరుగులతో పాటు 44 వికెట్లు, 146 టీ20ల్లో 2893 పరుగులతో పాటు 36 వికెట్లు పడగొట్టింది.96 మ్యాచ్‌ల్లో పాక్‌ జట్టుకు కెప్టెన్‌గా మ‌రూఫ్ వ్యవహరించింది. మరూఫ్‌ చివరగా స్వదేశంలో వెస్టిండీస్‌ మహిళలతో జరుగుతున్న వన్డే సిరీస్‌లో పాక్‌ జట్టు తరపున ఆడింది. విండీస్‌తో టీ20 సిరీస్‌కు ఎంపిక చేసిన జట్టులో కూడా మరూఫ్‌ భాగమైంది. కానీ ఈ సిరీస్‌లో ఆడుతారా లేదా అన్నది ఇంకా క్లారిటీ లేదు.

ఆఫ్గానిస్తాన్‌ వెటరన్‌ ఆటగాడు నూర్ అలీ జద్రాన్ అంతర్జాతీయ క్రికెట్‌కు రిటైర్మెంట్‌ ప్రకటించాడు. నూర్‌ అలీ తన నిర్ణయాన్ని గురువారం సోషల్‌ మీడియా వేదికగా వెల్లడించాడు. 35 ఏళ్ల జద్రాన్‌.. 2019లో స్కాట్‌లాండ్‌తో  జరిగిన వన్డేతో అఫ్గాన్‌ తరపున అంతర్జాతీయ క్రికెట్‌లోకి అరంగేట్రం చేశాడు. జద్రాన్‌ అఫ్గానిస్తాన్‌ తరపున 51 వన్డేలు, 23 టీ20లు, 2 టెస్టుల్లో ప్రాతినిథ్యం వహించాడు. తన 15 ఏళ్ల కెరీర్‌లో జద్రాన్‌ ఓవరాల్‌గా 1902 పరుగులు అలీ సాధించాడు. అందులో 1216 పరుగులు వన్డే ఫార్మాట్‌లో సాధించినివే కావడం గమనార్హం. టీ20ల్లో 597 పరుగులు చేశాడు. గతేడాది చైనా వేదికగా జరిగిన ఆసియాక్రీడల్లోనూ జద్రాన్‌ అఫ్గాన్‌ జట్టులో భాగమయ్యాడు. ఈ ఈవెంట్‌లో శ్రీలంక, పాకిస్తాన్‌లపై హాఫ్‌ సెంచరీలతో జద్రాన్‌ చెలరేగాడు. అతడు చివరగా అఫ్గాన్‌ తరపున ఇటీవల ఐర్లాండ్‌తో జరిగిన ఏకైక టెస్టు మ్యాచ్‌లో ఆడాడు. అదే విధంగా జద్రాన్‌ 2010 టీ20 వరల్డ్‌కప్‌లో భారత్‌పై హాఫ్‌ సెంచరీతో మెరిశాడు.

నలభై ఆరు రోజులు... 48 మ్యాచ్‌లు... దేశంలోని 10 వేర్వేరు నగరాలు... 10 అంతర్జాతీయ క్రికెట్‌ జట్లు. ఒక క్రీడా సంరంభానికి ఇంతకు మించి ఇంకేం కావాలి? అక్టోబర్‌ 5న ఆరంభమైన ఐసీసీ పురుషుల క్రికెట్‌ వరల్డ్‌ కప్‌–2023 కచ్చితంగా మరో పెద్ద ఆటల పండుగ. ఒక పక్కన చైనాలో ఆసియా క్రీడోత్సవాల హంగామా సాగుతుండగానే మన గడ్డపై మరో సందడి మొదలైపోయింది. నాలుగేళ్ళకు ఓసారి సాగే అంతర్జాతీయ వన్డే ప్రపంచ కప్‌ షురూ అయింది. నిరుటి ఛాంపియన్‌ ఇంగ్లండ్‌ ఈసారీ బలమైన జట్టుగా ముందుకు వస్తుంటే, సొంతగడ్డపై సాగుతున్న పోటీలో కప్పు కొట్టాలనే ఒత్తిడి భారత జట్టుపై ఉంటుంది. న్యూజిలాండ్, ఆస్ట్రేలియా జట్లు సైతం బలమైన పోటీదార్లుగా నిలుస్తుంటే, ఆఖరు నిమిషంలో తడబడతారనే పేరున్న దక్షిణాఫ్రికా జట్టు ‘అనూహ్యమైన గెలుపుగుర్రం’ కావచ్చని ఓ అంచనా. గత వరల్డ్‌ కప్‌లో లానే పోటీలో పాల్గొనే పది జట్లూ లీగ్‌ దశలో పరస్పరం తలపడే ఈ ప్రపంచపోటీ రానున్న నెలన్నర కాలంలో విస్తృత చర్చనీయాంశం కానుంది.  యాభై ఓవర్ల ఈ వన్డే మ్యాచ్‌ల వరల్డ్‌ కప్‌కు గతంలో 1987, 1996, 2011ల్లో భారత్‌ ఆతిథ్యమిచ్చింది. అయితే, అప్పుడు ఉపఖండంలోని ఇతర దేశాల సహ ఆతిథ్యంలో అవి సాగాయి. కానీ, ఈసారి పూర్తిగా మనమే ఆతిథ్యమిస్తున్నాం. సరిగ్గా దసరా, దీపావళి పండుగ సీజన్‌లోనే వరల్డ్‌ కప్‌ రావడంతో తమకు కలిసొస్తుందని ప్రకటనకర్తలు భావిస్తున్నారు. తమ ఉత్పత్తుల కొనుగోళ్ళు పెరుగుతాయని బ్రాండ్‌లన్నీ ఉత్సాహపడుతున్నాయి. దానికి తోడు ఆతిథ్య దేశం భారత్‌ కావడంతో ఉత్పత్తుల ప్రచారం మరింతగా జనంలోకి చొచ్చుకుపోతుందని భావిస్తున్నాయి. ఈ వాణిజ్య ప్రకటనల ఆదాయంలో సింహభాగం తాజా వరల్డ్‌ కప్‌కు అధికారిక మీడియా హక్కులున్న డిస్నీ స్టార్‌కు చేరుతుంది. పలు బ్రాండ్లు టీవీ, డిజిటల్‌ వేదికల్లో స్పాన్సర్‌షిప్‌ కోసం డిస్నీస్టార్‌తో ఒప్పందాలు కుదుర్చుకున్నాయి. నాకౌట్‌ మ్యాచ్‌ల వేళ టీవీలో 10 సెకన్ల ప్రకటన ఇప్పుడు రూ. 30 లక్షల పైనే అని వార్త. ఈ వరల్డ్‌ కప్‌తో ప్రయాణ, పర్యాటక, ఆతిథ్య, ఆహార రంగాలు ప్రధానంగా లబ్ధి పొందుతాయని నిపుణుల విశ్లేషణ. మ్యాచ్‌ల పుణ్యమా అని ఇప్పటికే విమాన టికెట్ల రేట్లు, హోటల్‌ బస రేట్లు భారీగా పెరిగాయి. దేశ స్టాక్‌ మార్కెట్‌పైనా గణనీయమైన ప్రభావం ఉంటుందని అంచనా.  సినిమా, క్రికెట్‌లంటే ప్రాణాలిచ్చే భారత్‌లో మామూలుగా అయితే, వన్డే క్రికెట్‌ వరల్డ్‌ కప్‌ అంటే చంద్రమండల యాత్ర అంత సంబరం ఉండాలి. విచిత్రంగా ఈసారి ఎందుకనో ఆ క్రేజు వ్యాపారంలోనే తప్ప వ్యవహారంలో కనిపించట్లేదు. మన దేశమే పూర్తిగా ఆతిథ్యమిస్తున్నప్పటికీ, తాజా కప్‌కు ముందస్తు హంగామా అంతగా లేదు. దాదాపు లక్షా 30 వేల మంది కూర్చొనే సౌకర్యంతో ప్రపంచంలోనే పెద్ద క్రికెట్‌ స్టేడియమ్‌గా పేరొందిన అహ్మదాబాద్‌ నరేంద్ర మోదీ స్టేడియమ్‌లో గురువారం అంతా కలిపి 20 వేల మంది కూడా లేరు. ఆది నుంచీ ఆన్‌లైన్‌లో కొనడానికి టికెట్లు దొరకలేదు గానీ, తీరా మ్యాచ్‌ రోజున మైదానమంతా ఖాళీగా ఉంది. లార్డ్స్‌లో గత 2019 వరల్డ్‌ కప్‌ ఫైనల్‌లో హోరాహోరీగా తలపడ్డ న్యూజిలాండ్, ఇంగ్లండ్‌ జట్ల మధ్య మ్యాచ్‌తో ఈ తాజా ప్రపంచ కప్‌ను ప్రారంభించారు. కానీ లాభం లేకపోయింది. భారత జట్టుతో తొలి మ్యాచ్‌ మొదలుపెడితే ఊపు వచ్చేదేమో! నిజానికి, 1999 నుంచి ఐసీసీ వరల్డ్‌ కప్‌గా పేరుబడ్డ ఈ పోటీల్లో ఆతిథ్యదేశం ఆరంభమ్యాచ్‌లో పాల్గొనడం ఆనవాయితీ. అదెందుకు మార్చారో తెలియదు.  ఈసారి మ్యాచ్‌ టికెట్ల కొనుగోలు అసాధ్యమైపోయింది. ఆఖరి నిమిషంలో మ్యాచ్‌ల తేదీలు, వేదికలు మారిపోయాయి. ఇవి చాలదన్నట్టు 2000లల్లో టీ20 మ్యాచ్‌లకు అలవాటు పడ్డ కొత్త తరానికి ఐపీఎల్‌ సరికొత్త నంబర్‌ వన్‌ టోర్నమెంట్‌గా అవతరించింది. వెరసి, 2011లో భారత్‌ ఆతిథ్యమిచ్చినప్పటితో పోలిస్తే పన్నెండేళ్ళ తర్వాతి ఈ వరల్డ్‌ కప్‌ ఆ స్థాయి హడావిడి సృష్టించట్లేదు. అలాగే, గతంలో వరల్డ్‌ థీమ్‌సాంగ్‌ ప్రతి ఛానల్‌లో మోత మోగేది. ఈసారి రణ్‌బీర్‌ సింగ్‌తో చేసిన ‘దిల్‌ జష్న్‌ బోలే...’ పాట విఫలమైంది. ఇక, మైదానం వెలుపల అవలక్షణాలకు కొదవ లేదు. ఐసీసీ వార్షిక ఆదాయంలో భారత క్రికెట్‌ కంట్రోల్‌ బోర్డ్‌ (బీసీసీఐ) వాటా 72 శాతానికి పెరిగింది. మిగతా దేశాల క్రికెట్‌ బోర్డులు బాగా వెనకబడ్డాయి. దాంతో, ఎప్పటిలానే బీసీసీఐ తన హజం చూపిస్తోంది. బీసీసీఐ అక్రమాలకు నెలవంటూ సుప్రీమ్‌ కోర్ట్‌ వేసిన ముగ్గురు సభ్యుల సంఘం నివేదిక లోపాలెత్తిచూపినా అది తన పంథా మార్చుకోలేదు. చిత్రంగా అధికారిక అమ్మకాలు మొదలైనా కాక ముందే టికెట్లు ‘అమ్ముడైపోయాయి’ అని బోర్డులు వెలిశాయి. మచ్చుకు, అహ్మదాబాద్‌లోని అదే భారీ స్టేడియమ్‌లో జరిగే భారత – పాకిస్తాన్‌ మ్యాచ్‌కు 8500 టికెట్లే అమ్మకానికి పెట్టారంటే ఏమనాలి? భారీ క్రికెట్‌ వేదికలైన ముంబయ్, కోలకతాలను వెనక్కినెట్టి, ఈసారి అహ్మదాబాద్‌ ముందుకు రావడంలోనూ రాజకీయాలు కనిపిస్తున్నాయి. ఆటకు సంబంధం లేని ఇతర ప్రయోజనాలను పక్కనపెట్టి, భారత్‌ తన ప్రతిష్ఠను పెంచుకోవడానికి ఇది మరో అవకాశం. జీ20 సదస్సు నిర్వహణ తర్వాత అంతర్జాతీయ వేదికపై మరోసారి మన పేరు మోగడానికి మంచి సందర్భం. దాన్ని చేజార్చుకోకూడదు. 1975లో మొదలైనప్పటి నుంచి ఆతిథ్య దేశాలేవీ కప్‌ గెల్చుకోలేదన్న వాదనను 2011 ఏప్రిల్‌లో మన ధోనీ సేన సమర్థంగా తిప్పికొట్టింది. తర్వాత 2015లో ఆస్ట్రేలియా, 2019లో ఇంగ్లండ్‌లు అదే బాటలో నడిచాయి. కోహ్లీ, శుభ్‌మన్‌ గిల్, సూర్యకుమార్, హార్దిక్‌ పాండ్యా లాంటి బ్యాట్స్‌మన్లు, బుమ్రా, షమీ, షిరాజ్‌ లాంటి పేసర్లు, అశ్విన్, కుల్దీప్‌ యాదవ్‌ లాంటి స్పిన్నర్లతో పటిష్ఠమైన రోహిత్‌ సేన ఆ కథ పునరావృతం చేయాలని ఆశ. రాజకీయాల కన్నా ఆట, వ్యక్తిగత రికార్డుల కన్నా దేశం గొప్పదని గ్రహిస్తే, నిర్వాహకులైనా, ఆటగాళ్ళైనా అద్భుతాలు చేయడం అసాధ్యమేమీ కాదు! 

పాకిస్తాన్‌ వెటరన్‌ ఫాస్ట్ బౌలర్ సోహైల్ ఖాన్ అంతర్జాతీయ క్రికెట్‌కు వీడ్కోలు పలికాడు. సోహైల్ ఖాన్ తన నిర్ణయాన్ని ఆదివారం ఎక్స్‌ (ట్విటర్‌) వేదికగా తెలియజేశాడు. అంతర్జాతీయ ‍క్రికెట్‌ నుంచి తప్పుకున్నప్పటికీ డొమాస్టిక్ వైట్‌బాల్‌ క్రికెట్‌, ఫ్రాంచైజీ క్రికెట్‌లో మాత్రం కొనసాగుతానని సోహైల్ సృష్టం చేశాడు. తన 15 ఏళ్ల ప్రయాణంలో మద్దతుగా నిలిచిన పాకిస్తాన్‌ క్రికెట్‌ బోర్డు, అభిమానలకు, సహచర ఆటగాళ్లకు సోహైల్ ధన్యవాదాలు తెలిపాడు. సోహైల్‌ ఖాన్‌ 2008 జింబాబ్వేతో జరిగిన వన్డే మ్యాచ్‌తో అంతర్జాతీయ క్రికెట్‌లోకి అడుగుపెట్టాడు. అతడు చివరగా 2016 ఆస్ట్రేలియాతో జరిగిన టెస్టు సిరీస్‌లో పాక్‌ తరపున ఆడాడు. తన కెరీర్‌లో సోహైల్  9 టెస్టు, 13 వన్డేలు, 5 టీ20ల్లో పాకిస్తాన్‌కు ప్రాతినిథ్యం వహించాడు. టెస్టుల్లో సోహైల్‌కు మంచి రికార్డు ఉంది. 9 మ్యాచ్‌ల్లో 3.69 ఏకానమీతో 27 వికెట్లు పడగొట్టాడు. అదే విధంగా వన్డేల్లో 19 వికెట్లు, టీ20ల్లో 5 వికెట్లు సాధించాడు. భారత్‌పై 5 వికెట్లు.. ముఖ్యంగా సోహైల్ ఖాన్ కంటే గుర్తు వచ్చేది 2015 వన్డే ప్రపంచకప్‌. టీమిండియాతో జరిగిన మ్యాచ్‌లో అతడు 5 వికెట్లు పడగొట్టి అద్బుతమైన ప్రదర్శన కనబరిచాడు. అప్పటిలో అతడి పేరు మారుమ్రోగిపోయింది. కానీ ఆతర్వాత ఏడాదికే జట్టులో అతడు చోటు కోల్పోయాడు. చదవండి: Asia Cup 2023: ఇదెక్కడి దరిద్రం రా బాబు.. సిక్స్‌ కొట్టినా ఔటైపోయాడు! వీడియో చూడాల్సిందే

అంతర్జాతీయ క్రికెట్‌లో ట్రాన్స్‌జెండర్‌ రంగప్రవేశానికి ఐసీసీ ఓకే చెప్పింది. ఆస్ట్రేలియాలో జన్మించిన డేనియల్ మెక్‌గాహె అంతర్జాతీయ క్రికెట్‌ మ్యాచ్‌ ఆడనున్న తొలి ట్రాన్స్‌జెండర్‌గా చరిత్ర సృష్టించనుంది. మెక్‌గాహె అంతర్జాతీయ మహిళల టీ20 మ్యాచ్‌ ఆడేందుకు ఐసీసీ నిర్ధేశించిన అన్ని అర్హత ప్రమాణాలను క్లియర్‌ చేసింది. మెక్‌గాహె 2024 మహిళల టీ20 వరల్డ్‌కప్‌ క్వాలిఫయింగ్‌ పోటీల కోసం ఎంపిక చేసిన కెనడా జట్టులో చోటు దక్కించుకుంది. 2020లో ఆస్ట్రేలియా నుంచి కెనడాకు వలస వెళ్లిన మెక్‌గాహె.. అదే ఏడాది లింగమార్పిడి చేయించుకని మహిళగా మారి, త్వరలో అదే దేశానికి ప్రాతినిథ్యం వహించనుంది. ఐసీసీ నుంచి క్లియెరెన్స్‌ లభించాక మెక్‌గాహె స్పందిస్తూ.. ట్రాన్స్‌జెండర్‌ కమ్యూనిటీకి ప్రాతినిధ్యం వహించనున్న  మొట్టమొదటి వ్యక్తిని అయినందుకు ఆనందంగా, గర్వంగా ఉందని అంది. కాగా, పురుషుడి నుంచి మహిళగా మారి అంతర్జాతీయ క్రికెట్‌ మ్యాచ్‌ ఆడాలంటే, సదరు వ్యక్తి పలు మెడికల్‌ టెస్ట్‌లు క్లియర్‌ చేయాల్సి ఉంటుంది. అలాగే వారు పలు రాతపూర్వక హామీలు కూడా ఇవ్వాల్సి ఉంటుంది.

అంతర్జాతీయ క్రికెట్‌లో రన్‌ మెషీన్‌ విరాట్‌ కోహ్లి 15 ఏళ్లు పూర్తి చేసుకున్న సందర్భంగా (2023 ఆగస్ట్‌ 18) ఓ ఆసక్తికర విషయం వెలుగు చూసింది. కోహ్లి తన 15 ఏళ్ల కెరీర్‌లో పరుగులు (బౌండరీలు, సిక్సర్లు కాకుంగా) సాధించే క్రమంలో ఏకంగా 500 కిలోమీటర్లుపైగా పరిగెట్టాడని ఈఎస్‌పీఎన్‌ క్రిక్‌ఇన్ఫో వెల్లడించింది. ఇందులో కోహ్లి తాను చేసిన పరుగుల కోసం 277 కిలోమీటర్లు.. సహచర బ్యాటర్ల పరుగుల కోసం మరో 233 కిలీమీటర్లు పరిగెట్టాడని సదరు వెబ్‌సైట్‌ ప్రకటించింది. మొత్తంగా కోహ్లి తన అంతర్జాతీయ కెరీర్‌లో 510 కిలోమీటర్లు పరిగెట్టాడని ఈఎస్‌పీఎన్‌ క్రిక్‌ఇన్ఫో పేర్కొంది. ఈ అంశానికి సంబంధించి పూర్తి డేటా లేనప్పటికీ.. అంతర్జాతీయ క్రికెట్‌లో బహుశా ఏ క్రికెటర్‌ కూడా వికెట్ల మధ్య ఇన్ని కిలోమీటర్లు పరిగెట్టి ఉండడని తెలుస్తుంది. ఫిట్‌నెస్‌కు బ్రాండ్‌ అంబాసిడర్‌గా నిలిచే కోహ్లికి మాత్రమే ఇది సాధ్యపడుతుందని అతని అభిమానులు అంటున్నారు. అంతర్జాతీయ వేదికలపై ప్రొఫెషనల్‌ అథ్లెట్లకు కూడా సాధ్యపడని ఈ ఫీట్‌ను కింగ్‌ కోహ్లి మాత్రమే సాధించాడని  కామెంట్లు చేస్తున్నారు. కోహ్లి తాను పరుగులు సాధించి, సహచరులు పరుగులు సాధించడంలోనూ భాగం కావడంతో పాటు ప్రత్యర్ధులను సైతం పరుగులు పెట్టించాడని (ఫీల్డింగ్‌), ఈ లెక్కన కోహ్లి ప్రమేయంతో అంతర్జాతీయ క్రికెట్‌లో ఆయా క్రికెటర్లు ఎన్ని కిలోమీటర్లు పరిగెత్తారో లెక్కిస్తే 1000 కిలోమీటర్ల మార్కు ఈజీగా దాటుతుందని అంటున్నారు.  2013లో జింబాబ్వేతో జరిగిన వన్డేలో కోహ్లి విశ్వరూపాన్ని (పరుగుల మధ్య పరిగెట్టడంతో) చూసామని, ఆ మ్యాచ్‌లో కోహ్లి బౌండరీ సాధించకుండా తీసిన నాలుగు పరుగులను సగటు క్రికెట్‌ అభిమాని ఎప్పటికీ మరచిపోలేడని అంటున్నారు. వికెట్ల మధ్య పరిగెట్టే సమయంలో కోహ్లిలోని వేగం, చురుకుదనం ఏ క్రికెటర్‌కు ఉండవని.. కోహ్లి క్రికెటర్‌ కాకపోయుంటే కచ్చితంగా సక్సెస్‌పుల్‌ అథ్లెట్‌ అయ్యేవాడని కామెంట్స్‌ చేస్తున్నారు. ఇదిలా ఉంటే, 2008లో శ్రీలంకతో జరిగిన వన్డే మ్యాచ్‌తో కోహ్లి అంతర్జాతీయ క్రికెట్‌లోకి అరంగేట్రం చేసిన విషయం తెలిసిందే. ఆ మ్యాచ్‌లో అతను గౌతమ్ గంభీర్‌తో కలిసి ఇన్నింగ్స్‌ను ప్రారంభించాడు. ఆ మ్యాచ్‌లో కోహ్లి 22 బంతులు ఎదుర్కొని కేవలం 12 పరుగులు మాత్రమే చేశాడు. అయితే కాలక్రమంలో కోహ్లి ఏరకంగా రాటుదేలాడో.. ఎన్ని పరుగులు, రికార్డులు,సెంచరీలు చేశాడో విశ్వం మొత్తం చూసింది.

పాకిస్తాన్‌ మహిళా స్టార్‌ క్రికెటర్‌ ఆయేషా నసీమ్ సంచలన నిర్ణయం నిర్ణయం తీసుకుంది. అంతర్జాతీయ క్రికెట్‌కు ఆయేషా నసీమ్ గురువారం రిటైర్మెంట్‌ ప్రకటించింది. 18 ఏళ్లకే ఆమె క్రికెట్‌కు గుడ్‌బై చెప్పడం గమనార్హం. ఇస్లాం మతంకు అనుగుణంగా మరింత పవిత్రమైన జీవితాన్ని గడపడానికి ఈ నిర్ణయం తీసుకున్నట్లు ఆమె తెలిపింది. ఆమె తన నిర్ణయాన్ని పాకిస్తాన్‌ క్రికెట్‌ బోర్డుకు కూడా తెలియజేసింది. ఆయేషా నసీమ్ 2020లో పాకిస్తాన్‌ తరపున అంతర్జాతీయ క్రికెట్‌లోకి అడుగుపెట్టింది. తన కెరీర్‌లో 33 టీ20లు, 3 వన్డేలు ఆడిన నసీమ్‌.. వరుసగా 369,33 పరుగులు సాధించింది. ఆయేషా నసీమ్ చివరగా పాకిస్తాన్‌ తరపున ఈ ఏడాది ఫిబ్రవరిలో ఐర్లాండ్‌పై ఆడింది. అదే విధంగా ఈ ఏడాది జరిగిన మహిళల టీ20 ప్రపంచకప్‌లో భారత జట్టుపై నసీమ్‌ 45 పరుగులు సాధించింది. ఆమె టీ20 కెరీర్‌లో ఇదే అత్యధిక స్కోర్‌ కావడం విశేషం. ఆయేషా నసీమ్ హిట్టింగ్‌ చేసే సత్తా కూడా ఉంది. అటువంటి ఆయేషా అంతర్జాతీయ  క్రికెట్‌ నుంచి తప్పుకోవడం పాకిస్తాన్‌ జట్టుకు గట్టి ఎదురు దెబ్బ అనే చెప్పుకోవాలి. చదవండి: ఇదేమి ఔట్‌రా అయ్యా.. పాకిస్తాన్‌ ఆటగాళ్లు అంతే! వీడియో వైరల్‌

పాకిస్తాన్‌ స్టార్‌ మహిళా క్రికెటర్‌ నహిదా ఖాన్ సంచలన నిర్ణయం తీసుకుంది. అంతర్జాతీయ క్రికెట్‌కు నహిదా ఖాన్ రిటైర్మెంట్‌ ప్రకటించింది. 2009లో పాకిస్తాన్‌ తరపున అంతర్జాతీయ అరంగేట్రం చేసిన నహిదా ఖాన్ 100కి పైగా మ్యాచ్‌లు ఆడింది. అదే విధంగా అంతర్జాతీయ వన్డేల్లో ఒకే ఇన్నింగ్స్‌లో అత్యధిక క్యాచ్‌లు పట్టిన రికార్డు నహిదా ఖాన్ పేరిటే ఉంది. 2018లో శ్రీలంకతో జరిగిన వన్డే మ్యాచ్‌లో నహిదా ఏకంగా నాలుగు క్యాచ్‌లు అందుకుంది. పాకిస్తాన్‌ తరపున 66 వన్డేలు, 54 టీ20లు ఆడిన నహిదా.. వరుసగా 1410, 604 పరుగులు చేసింది. 36 ఏళ్ల నహిదా మూడు వన్డే ప్రపంచకప్‌లు(2013, 2017, 2022), నాలుగు టీ20 ప్రపంచకప్‌లలో (2012, 2014, 2016 ,2018) పాకిస్తాన్‌ తరపున ఆడింది. ఇక 14 ఏళ్ల ప్రయాణంలో మద్దతుగా నిలిచిన అభిమానులకు,  పాక్ క్రికెట్ బోర్డుకు నహిదా ధన్యవాదాలు తెలిపింది. ఇక నహిదా ఖాన్ నిర్ణయంపై పాకిస్తాన్‌ ఉమెన్స్‌ క్రికెట్‌ హెడ్‌ తానియా మల్లిక్ స్పందించింది. పాకిస్తాన్‌ క్రికెట్‌కు నహిదా ఖాన్ అందించిన సేవలు ఎప్పటికీ మర్చిపోలేనవి అని తానియా పేర్కొంది. ఎంతో మంది యువ క్రికెటర్‌లకు నహిదా ఆదర్శంగా నిలిచిందని ఆమె తెలిపింది. చదవండి: #DevonConway: 'టైటిల్‌ గెలిచిన మత్తులో ఎక్కాల్సిన ఫ్లైట్‌ మిస్సయ్యాం'

టీమిండియా కెప్టెన్‌ రోహిత్‌ శర్మ అరుదైన ఘనత సాధించాడు. అంతర్జాతీయ క్రికెట్‌లో 13000 పరుగుల మైలు రాయిని అందుకున్న మూడో భారత ఓపెనర్‌గా రోహిత్‌ రికార్డులకెక్కాడు. ఆస్ట్రేలియాతో జరుగుతున్న డబ్ల్యూటీసీ ఫైనల్‌లో రెండో ఇన్నింగ్స్‌లో 12 పరుగుల వ్యక్తిగత స్కోర్‌ వద్ద హిట్‌మ్యాన్‌ .. ఈ అరుదైన ఘనతను తన పేరిట లిఖించుకున్నాడు. ఇప్పటి వరకు ఓపెనర్‌గా ఆన్ని ఫార్మాట్‌లు కలిపి 295 మ్యాచ్‌లు ఆడిన రోహిత్‌.. 13031 పరుగులు చేశాడు. అతడి కెరీర్‌లో ఓపెనర్‌గా 38 సెంచరీలు, 63 హాఫ్‌ సెంచరీలు ఉన్నాయి. ఇక ఈ అరుదైన ఘనత సాధించిన జాబితాలో భారత క్రికెట్‌ దిగ్గజం వీరేంద్ర సెహ్వాగ్(15758), ఆ తర్వాత స్ధానంలో క్రికెట్‌ గాడ్‌ సచిన్‌ టెండూల్కర్( 15335) ఉన్నాడు. ఇక ఈ ఫైనల్‌ పోరులో టీమిండియా పోరాడతోంది.  భారత జట్టు విజయం సాధించాలంటే ఆఖరి రోజు 280 పరుగులు కావాలి. ప్రస్తుతం క్రీజులో విరాట్‌ కోహ్లి(44), రహానే(20) పరుగులతో ఉన్నారు. అయితే వీరిద్దరికి అపారమైన అనుభవం ఉంది కాబట్టి చివరి రోజు 280 పరుగులు చేయడం అసాధ్యమేమీ కాదు. దానికి తోడు పిచ్‌ కూడా బ్యాటింగ్‌కు అనుకూలిస్తోంది. ఇక టీమిండియా స్ఫూర్తి పొందేందుకు ఆ్రస్టేలియాపై ఆఖరి రోజు 325 పరుగులు సాధించి మరీ గెలిచిన ‘గాబా’ను గుర్తు చేసుకుంటే చాలు. చదవండి: WTC FINAL: వంద శాతం విజయం మాదే.. నేను కూడా బ్యాటింగ్‌ చేస్తా: షమీ View this post on Instagram A post shared by ICC (@icc)

అంతర్జాతీయ పురుషుల క్రికెట్‌లో సరికొత్త శకం మొదలైంది. తొలిసారి ఒక మెన్స్‌ అంతర్జాతీయ టి20 మ్యాచ్‌లో ఒక మహిళ ఫీల్డ్‌ అంపైర్‌గా విధులు నిర్వర్తించి చరిత్ర సృష్టించింది. న్యూజిలాండ్‌కు చెందిన మహిళా అంపైర్‌ కిమ్‌ కాటన్‌ ఈ ఘనతను సొంతం చేసుకుంది. బుధవారం న్యూజిలాండ్‌, శ్రీలంకల మధ్య జరిగిన రెండో టి20లో కిమ్‌ కాటన్‌.. మరో అంపైర్‌ వేన్‌ నైట్స్‌తో కలిసి ఫీల్డ్‌ అంపైరింగ్‌ చేసింది. అయితే కిమ్‌ కాటన్‌ గతంలో న్యూజిలాండ్‌, భారత్‌ల మధ్య హామిల్టన్‌ వేదికగా జరిగిన మ్యాచ్‌కు థర్డ్‌ అంపైర్‌ పాత్ర పోషించింది. తాజాగా మాత్రం పురుషుల క్రికెట్‌లో తొలిసారి ఫీల్డ్‌ అంపైరింగ్‌ చేసిన కిమ్‌ కాటన్‌ తన పేరును క్రికెట్‌ పుస్తకాల్లో లిఖించుకుంది. కాగా మహిళా అంపైర్‌గా కిమ్‌ కాటన్‌ పేరిట చాలా రికార్డులున్నాయి. 2020లో మెల్‌బోర్న్‌ వేదికగా భారత్‌, ఆస్ట్రేలియా మధ్య జరిగిన ఐసీసీ వుమెన్స్‌ టి20 వరల్డ్‌కప్‌ ఫైనల్‌కు ఫీల్డ్‌ అంపైర్‌గా వ్యవహరించిన తొలి మహిళా అంపైర్‌గా కిమ్‌ కాటన్‌ నిలిచింది. అంతేకాదు మూడు మహిళల టి20 వరల్డ్‌కప్‌లతో పాటు వన్డే వరల్డ్‌కప్‌లోనూ అంపైర్‌గా పనిచేసింది. ఇక 2020, 2022, 2023 వరల్డ్‌కప్‌ ఫైనల్స్‌లో ఫీల్డ్‌ అంపైర్‌గా బాధ్యతలు నిర్వహించి ఎవరికి దక్కని రికార్డును తన పేరిట లిఖించుకుంది. ఇక ఓవరాల్‌గా 2018 నుంచి కిమ్‌ కాటన్‌ 54 టి20 మ్యాచ్‌లతో పాటు 24 వన్డేల్లో అంపైర్‌గా విధులు నిర్వర్తించింది. ఇక రెండో టి20 విషయానికి వస్తే న్యూజిలాండ్‌ తొమ్మిది వికెట్ల తేడాతో లంకపై విజయం సాధించింది. ఫలితంగా 3 మ్యాచ్‌ల సిరీస్‌ను ఆతిధ్య  జట్టు 1-1తో సమం చేసింది. ఇరు జట్ల మధ్య నిర్ణయాత్మక మూడో టీ20 ఏప్రిల్‌ 8న క్వీన్స్‌ టౌన్‌లో జరుగనుంది. కాగా, సిరీస్‌లో భాగంగా రసవత్తరంగా జరిగిన తొలి టీ20లో శ్రీలంక సూపర్‌ ఓవర్‌లో విజయం సాధించిన విషయం తెలిసిందే మ్యాచ్‌లో టాస్‌ గెలిచి తొలుత బౌలింగ్‌ చేసిన కివీస్‌.. ఫాస్ట్‌ బౌలర్‌ ఆడమ్‌ మిల్నే (4-0-26-5) నిప్పులు చెరగడంతో శ్రీలంకను 19 ఓవర్లలో 141 పరుగులకు ఆలౌట్‌ చేసింది. అనంతరం 142 పరుగుల సాధారణ లక్ష్యాన్ని ఛేదించేందుకు బరిలోకి దిగిన న్యూజిలాండ్‌.. టిమ్‌ సీఫర్ట్‌ (43 బంతుల్లో 79 నాటౌట్‌; 3 ఫోర్లు, 6 సిక్సర్లు) రెచ్చిపోవడంతో అలవోకగా విజయం సాధించింది. History today for umpire Kim Cotton who becomes the first female umpire to stand in a men’s international match between two @ICC full member countries 🤝#NZvSL #CricketNation pic.twitter.com/EI8C1RJt4d — BLACKCAPS (@BLACKCAPS) April 5, 2023 చదవండి: NZ VS SL 2nd T20: సీఫర్ట్‌ విధ్వంసం.. నిప్పులు చెరిగిన మిల్నే

షార్జా: అంతర్జాతీయ క్రికెట్‌లో పాకిస్తాన్‌తో తొలి మ్యాచ్‌ ఆడిన పుష్కరకాలం తర్వాత అఫ్గనిస్తాన్‌కు ఆ జట్టుపై మొదటి విజయం దక్కింది. శుక్రవారం జరిగిన తొలి టి20లో అఫ్గన్‌ 6 వికెట్ల తేడాతో పాక్‌ను చిత్తు చేసింది. ముందుగా పాకిస్తాన్‌ 20 ఓవర్లలో 9 వికెట్ల నష్టానికి 92 పరుగులు చేసింది. అనంతరం అఫ్గనిస్తాన్‌ 17.5 ఓవర్లలో 4 వికెట్లకు 98 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ మొహమ్మద్‌ నబీ (38 బంతుల్లో 38 నాటౌట్‌; 3 ఫోర్లు, 1 సిక్స్‌) అఫ్గన్‌ను గెలిపించాడు. 

అంతర్జాతీయ క్రికెట్‌ నుంచి తప్పుకున్న దక్షిణాఫ్రికా మాజీ కెప్టెన్‌ ఫాఫ్ డుప్లెసిస్.. మళ్లీ జాతీయ జట్టు తరుపున ఆడేందుకు సిద్దమవుతున్నట్లు సమాచారం. 2021లో అనూహ్యంగా రిటైర్మెంట్ ప్రక‌టించిన డుప్లెసిస్.. ప్రోటీస్‌ వైట్‌ బాల్‌ జట్టు తరుపున ఆడేందుకు ఉత్సుక‌త చూపిస్తున్నట్లు పలు నివేదికలు పేర్కొం‍టున్నాయి. అంతర్జాతీయ క్రికెట్‌ నుంచి డుప్లెసిస్‌ తప్పుకున్నప్పటికీ ప్రపంచవ్యాప్తంగా వివిధ ఫ్రాంచైజీ లీగ్‌ల్లో ఆడుతున్నాడు. డుప్లెసిస్‌ చివరిసారిగా 2020లో ఇంగ్లండ్‌తో జరిగిన మ్యాచ్‌లో ప్రోటీస్‌ తరపున ఆడాడు. ప్రోటీస్‌ వార్తాపత్రిక ర్యాప్పోర్ట్ నివేదిక ప్రకారం.. డుప్లెసిస్ ఇప్పటికే దక్షిణాఫ్రికా కొత్త వైట్‌ బాల్‌ కోచ్‌ రాబ్ వాల్టర్‌ కలిసినట్లు సమాచారం. స్వదేశంలో విండీస్‌తో జరగనున్న వన్డే, టీ20 సిరీస్‌లలో డుప్లెసిస్‌కు చోటు దక్కే అవకాశం ఉంది. కాగా డుప్లెసిస్‌ ప్రస్తుతం అద్భుతమైన ఫామ్‌లో ఉన్నాడు. ఇటీవల జరిగిన దక్షిణాఫ్రికా టీ20లీగ్‌లో ఫాప్‌ అదరగొట్టాడు. జోబర్గ్ సూపర్ కింగ్స్‌కు సారథ్యం వహించిన డుప్లెసిస్‌ 369 పరుగులు సాధించాడు. ఇక విండీస్‌తో వైట్‌బాల్‌ సిరీస్‌లకు తమ జట్టును దక్షిణాఫ్రికా క్రికెట్‌ సోమవారం ప్రకటించనుంది. మార్చి16న ఈస్ట్‌ లండన్‌ వేదికగా జరగనున్న తొలి వన్డేతో ప్రోటీస్‌-విండీస్‌ వైట్‌ బాల్‌ సిరీస్‌ ప్రారంభం కానుంది. చదవండి: WPL 2023: లేడీ సెహ్వాగ్‌ విధ్వంసం.. 10 ఫోర్లు, 4 సిక్స్‌లతో! వీడియో వైరల్‌

ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ సంచలన వాఖ్యలు చేశాడు. వచ్చే ఏడాది టీ20 ప్రపంచకప్‌ తర్వాత అంతర్జాతీయ క్రికెట్‌ నుంచి తప్పుకోవాలని భావిస్తున్నట్లు వార్నర్‌ తెలిపాడు. తాజాగా స్కై స్పోర్ట్స్ కు ఇచ్చిన ఇంటర్వ్యూలో డేవిడ్‌ భాయ్‌ తన రిటైర్మెంట్‌కు సంబంధించిన విషయాలను అభిమానులతో పంచుకున్నాడు. వార్నర్‌ మాట్లాడుతూ.. "వచ్చే ఏడాది నా అంతర్జాతీయ కెరీర్‌లో ఆఖరిది కావచ్చు. 2024లో అమెరికా, వెస్టిండీస్‌ వేదికలగా జరగనున్న టీ20 ప్రపంచకప్‌లో కచ్చితంగా ఆడుతాను. అక్కడ అద్భుతంగా రాణించి మా జట్టుకు టైటిల్‌ను అందించడమే నా లక్ష్యం. అప్పుడు గర్వంగా క్రికెట్‌ నుంచి తప్పుకుంటాను. నేను రెండేళ్ల పాటు బిగ్‌బాష్‌ లీగ్‌లో సిడ్నీ థండర్‌ తరపున ఆడేందుకు ఒప్పందం కుదుర్చుకున్నాను. కాబట్టి అక్కడ కూడా మెరుగ్గా రాణించాలని అనుకుంటున్నాను. ఇక ప్రస్తుతం మాకు అంతర్జాతీయ టీ20 మ్యాచ్‌లు పెద్దగా లేవు. కాబట్టి నేను టెస్టులు, వన్డే క్రికెట్‌పై ఎక్కువగా దృష్టి సారించాలి భావిస్తున్నాను. అదే విధంగా వచ్చే నెలలో భారత్‌తో జరగనున్న బోర్డర్‌ గవాస్కర్‌ ట్రోఫీ మాకు చాలా కీలకం" అని అతడు పేర్కొన్నాడు. చదవండి: 

దక్షిణాఫ్రికా మహిళల జట్టు మాజీ కెప్టెన్‌ మిగ్నాన్ డు ప్రీజ్ అంతర్జాతీయ క్రికెట్‌లోని అన్ని ఫార్మాట్‌లకు విడ్కోలు పలికింది. ఇప్పటికే వన్డేలు, టెస్టులకు గుడ్‌ బై చెప్పిన మిగ్నాన్.. తాజగా టీ20ల నుంచి కూడా తప్పుకుంటున్నట్లు ప్రకటించింది. ఇక అంతర్జాతీయ క్రికెట్‌కు రిటైర్మెంట్‌ ప్రకటించిన డు ప్రీజ్.. ప్రపంచవ్యాప్తంగా ఫ్రాంచైజీ లీగ్‌లలో మాత్రం ఆడనుంది. ఈ ఏడాది బర్మింగ్‌హామ్‌ వేదికగా జరిగిన కామన్వెల్త్ గేమ్స్‌లో డు ప్రీజ్ చివరిసారిగా టీ20 మ్యాచ్‌ ఆడింది. తన టీ20 అంతర్జాతీయ కెరీర్‌లో 114 టీ20లు ఆడిన డు ప్రీజ్ 1805 పరుగులు సాధించింది. ఆమె ఇన్నింగ్స్‌లలో 7 అర్ధసెంచరీలు ఉన్నాయి. ఇక ఈ ఏడాది ఏప్రిల్‌లోనే ఆమె వన్డే, టెస్టు క్రికెట్‌కు రిటైర్మెంట్‌ ప్రకటించింది.  కాగా 2007 లో అంతర్జాతీయ క్రికెట్‌లో మిగ్నాన్ డు ప్రీజ్  అరంగేట్రం చేసింది.  2011 నుంచి 2016 వరకు దక్షిణాఫ్రికా కెప్టెన్‌గా కూడా డు ప్రీజ్ బాధ్యతలు నిర్వహించింది. దక్షిణాఫ్రికా తరపున  అత్యధిక వన్డేలు ఆడిన  మహిళా క్రికెటర్‌ కూడా డు ప్రీజ్ కావడం విశేషం. ఆమె తన వన్డే కెరీర్‌లో 154 మ్యాచ్‌లు ఆడిన డు ప్రీజ్.. 3760 పరుగులు సాధించింది. తన కెరీర్‌లో 18 అర్ధ సెంచరీలు, 2 సెంచరీలు ఉన్నాయి. చదవండి: WTC 2021-23: విండీస్‌తో మ్యాచ్‌.. ఆస్ట్రేలియా భారీ స్కోరు! ఫైనల్‌ చేరే క్రమంలో..

Dinesh Karthik Shares Emotional Video: టీమిండియా వెటరన్‌ క్రికెటర్‌ దినేష్‌ కార్తీక్‌ తర్వలోనే అంతర్జాతీయ క్రికెట్‌కు గుడ్‌బై చెప్పనున్నట్లు జోరుగా వార్తలు వినిపిస్తున్నాయి. తాజాగా కార్తీక్‌ పోస్ట్‌ చేసిన ఓ వీడియోతో ఈ వార్తలకు మరింత ఊతమిచ్చినట్లైంది. ప్రపంచకప్‌లో ఆడాలన్న తన కలను నెరవేర్చుకోవడంలో సహకరించిన సహచర ఆటగాళ్లు, కోచ్‌లకు, తన అభిమానులకు కార్తీక్‌ కృతజ్ఞతలు తెలపడం సోషల్‌ మీడియాలో చర్చకు దారి తీసింది. ఎన్నెన్నో జ్ఞాపకాలు.. డీకే భావోద్వేగం ఇన్‌స్టాగ్రామ్‌ వేదికగా కార్తీక్‌ భావోద్వేగ వీడియో ఇందుకు కారణమైంది. "టీమిండియా తరపున టీ20 ప్రపంచకప్‌ ఆడాలనే లక్ష్యం కోసం చాలా కష్టపడ్డాను. ఇప్పుడు నా కల నెరవేరినందుకు చాలా సంతోషంగా ఉంది. ఈ టోర్నీలో  మేము విజయం సాధించకపోవచ్చు.. కానీ ఎన్నో జ్ఞాపకాలు నా జీవితంలో ఎప్పటికీ చిరస్థాయిగా ఉండిపోతాయి. నాకు మద్దతుగా నిలిచిన నా తోటి ఆటగాళ్లు, కోచ్‌లు, అభిమానులకు ధన్యవాదాలు’’ అంటూ డీకే ఉద్వేగపూరిత క్యాప్షన్‌ జతచేశాడు. ఈ క్రమంలో కార్తీక్‌ వీడియోపై స్పందించిన అభిమానులు.. ‘‘ప్లీజ్‌ డీకే.. వద్దు.. ఇప్పుడే రిటైర్మెంట్‌ ప్రకటించకు.. మేము దానికి ఇంకా సిద్ధంగా లేము’’ అంటూ కామెంట్లు చేస్తున్నారు. మరి కొంతమంది నెటిజన్లు.. త్వరలోనే అంతర్జాతీయ క్రికెట్‌కు రిటైర్మెంట్‌ ప్రకటించనున్నట్లు డీకే సంకేతాలు ఇచ్చాడని అభిప్రాయపడుతున్నారు. ఐపీఎల్‌లో అదరగొట్టి.. రీ ఎంట్రీ ఈ ఏడాది ఐపీఎల్‌లో ఆర్సీబీ తరపున అదరగొట్టిన కార్తీక్‌.. ఫినిషర్‌గా భారత జట్టులో పునరాగమనం చేశాడు. అయితే ఫినిషర్‌గా టీ20 ప్రపంచకప్‌ భారత జట్టులో చోటు దక్కించుకున్న కార్తీక్‌.. అంచనాలకు తగ్గట్టు రాణించడంలో విఫలమయ్యాడు. కీలక మ్యాచ్‌లలో పంత్‌ను కాదని డికేకు అవకాశం ఇచ్చినప్పటికీ సింగిల్‌ డిజిట్‌ స్కోర్లకే పరిమితమయ్యాడు. దీంతో న్యూజిలాండ్‌తో టీ20 సిరీస్‌కు కార్తీక్‌ను సెలక్టర్లు ఎంపిక చేయలేదు. అయితే వచ్చే ఏడాది వన్డే ప్రపంచకప్‌ సన్నాహాకాల్లో భాగంగా భారత్‌ ఎక్కువగా వన్డే సిరీస్‌లు ఆడనుంది. కాబట్టి కార్తీక్‌ కెరీర్‌ దాదాపు ముగిసినట్టే అని చెప్పుకోవాలి. ఈ క్రమంలో అంతర్జాతీయ క్రికెట్‌కు కార్తీక్‌ కూడా గుడ్‌బై చెప్పాలని నిర్ణయించుకున్నట్లు తెలుస్తోంది. చదవండి: Shikhar Dhawan: కెప్టెన్‌గా కఠిన నిర్ణయాలు తీసుకుంటా! లోకాన్ని వీడేటపుడు ఏం పట్టుకుపోతాం! అంత మాత్రానికి.. View this post on Instagram A post shared by Dinesh Karthik (@dk00019)  

గతవారం అంతర్జాతీయ క్రికెట్‌కు వీడ్కోలు పలికిన భారత మహిళల జట్టు పేస్‌ బౌలర్‌ జులన్‌ గోస్వామి తన కెరీర్‌ను ఐదో ర్యాంక్‌తో ముగించింది. మంగళవారం విడుదల చేసిన అంతర్జాతీయ క్రికెట్‌ కౌన్సిల్‌ (ఐసీసీ) వన్డే ర్యాంకింగ్స్‌లో 39 ఏళ్ల జులన్‌ బౌలర్ల విభాగంలో 698 పాయింట్లతో తన ఐదో ర్యాంక్‌ను నిలబెట్టుకుంది. బ్యాటర్ల ర్యాంకింగ్స్‌లో భారత కెప్టెన్‌ హర్మన్‌ప్రీత్‌ కౌర్‌ ఐదో ర్యాంక్‌లో...   స్మృతి మంధాన ఆరో ర్యాంక్‌లో నిలిచారు.

ఇంగ్లండ్‌తో వన్డే సిరీస్‌కు ముందు దక్షిణాఫ్రికా మహిళల జట్టుకు భారీ షాక్‌ తగిలింది. ఆ జట్టు స్టార్‌ క్రికెటర్‌ లిజెల్ లీ అంతర్జాతీయ క్రికెట్‌కు రిటైర్మెంట్ ప్రకటించింది. లిజెల్ లీ తన నిర్ణయాన్ని సోషల్ మీడియా వేదికగా శుక్రవారం ప్రకటించింది. ఈ విధ్వంసకర ఓపెనర్‌ 184 అంతర్జాతీయ మ్యాచ్‌లలో దక్షిణాఫ్రికాకు ప్రాతినిధ్యం వహించింది. లీ తన కెరీర్‌లో నాలుగు నాలుగు సెంచరీలతో సహా 5253 పరుగులు సాధించింది. ఇక ఈ ఏడాది జరిగిన మహిళల వన్డే ప్రపంచకప్‌ ప్రోటీస్‌ జట్టులో  లీ భాగంగా ఉంది. ఈ మెగా టోర్నీలో దక్షిణాఫ్రికా సెమీస్‌కు చేరడంలో లీ కీలక పాత్ర పోషించింది. "ఈ రోజు నేను అంతర్జాతీయ క్రికెట్‌కు రిటైర్మెంట్  ప్రకటించాను. నాకు చిన్నతనం నుంచి క్రికెట్‌ నా జీవితంలో భాగమైంది. ముఖ్యంగా నా దేశానికి అత్యున్నత స్థాయిలో ప్రాతినిధ్యం వహించడం నాకు చాలా గర్వంగా ఉంది. గత 8 ఏళ్లుగా దక్షిణాఫ్రికా క్రికెట్‌లో భాగం కావడం చాలా సంతోషంగా ఉంది. ఇప్పటి వరకు ప్రోటీస్‌ జట్టు నా వంతు సహకారం అందించాని భావిస్తున్నాను" అని లీ పేర్కొంది. చదవండి: Bhuvneshwar Kumar Inswinger: భువీ ఇన్‌స్వింగర్‌.. బట్లర్‌ బౌల్డ్‌.. వీడియో వైరల్‌ pic.twitter.com/H0p6bok1YY — Lizelle Lee (@zella15j) July 8, 2022

టీమిండియాతో వన్డే, టీ20 సిరీస్‌కు ముందు ఇంగ్లండ్‌ కెప్టెన్‌ సంచలన నిర్ణయం తీసుకోబోతున్నట్లు తెలుస్తోంది. గత కొంత కాలం పేలవ ప్రదర్శన కనబరుస్తున్న కెప్టెన్‌ ఇయాన్‌ మోర్గాన్‌ త్వరలోనే అంతర్జాతీయ క్రికెట్‌కు గుడ్‌బై చెప్పనున్నట్లు బ్రిటిష్ మీడియాలో కథనాలు వెలువడుతున్నాయి. గార్డియన్ నివేదిక ప్రకారం.. జూలై తొలి వారంలో అంతర్జాతీయ క్రికెట్‌కు మోర్గాన్‌ రిటైర్మెంట్‌ ప్రకటించే అవకాశం ఉంది. ఇక మోర్గాన్‌ సారథ్యంలోనే 2019 వన్డే ప్రపంచకప్‌ను ఇంగ్లండ్‌ కైవసం చేసుకుంది. కాగా తాజాగా నెదర్లాండ్స్‌తో జరిగిన వన్డే సిరీస్‌లో రెండు మ్యాచ్‌లు ఆడిన మెర్గాన్‌ కేవలం ఒక్క పరుగు కూడా చేయలేకపోయాడు. ఆడిన రెండు మ్యాచ్‌ల్లోనూ మెర్గాన్‌ డకౌట్‌గా వెనుదిరిగాడు. గాయం కారణంగా అఖరి వన్డేకు మోర్గాన్‌ దూరమ్యాడు. మోర్గాన్‌ రిటైర్మెంట్‌ ప్రకటిస్తే.. ఒక వేళ మోర్గాన్‌ అంతర్జాతీయ క్రికెట్‌ నుంచి తప్పుకుంటే  అతడి స్థానంలో వికెట్‌ కీపర్‌ జోస్‌ బట్లర్‌ ఇంగ్లండ్‌ పరిమిత ఓవర్ల కెప్టెన్సీ బాధ్యతలు చేపట్టే అవకాశం ఉంది. అదే విధంగా 2015 నుంచి ఇంగ్లండ్‌ వైస్‌ కెప్టెన్‌గా బట్లర్‌ బాధ్యతలు నిర్వహిస్తున్నాడు. ఇక ఇంగ్లండ్‌-భారత మధ్య పరిమిత ఓవర్ల సిరీస్‌ జూలై 7 న ప్రారంభం కానుంది. చదవండి: Ranji Trophy 2022: 'కెప్టెన్‌ పెళ్లికి రెండు రోజుల సెలవు మాత్రమే ఇచ్చాను'

23 జూన్‌.. ఈ తేదీ టీమిండియాకు ఎంతో ప్రత్యేకం. ఇదే రోజున టీమిండియా ధోని సారధ్యంలో 2013లో ఇంగ్లండ్‌పై థ్రిల్లింగ్‌ విక్టరీ నమోదు చేసి ఐసీసీ చాంపియన్స్‌ ట్రోపీని గెలుచుకుంది. అయితే ఇదే రోజుకు మరొక ప్రత్యేకత కూడా ఉంది. ప్రస్తుతం టీమిండియాకు అన్ని ఫార్మాట్లలో రెగ్యులర్‌ కెప్టెన్‌గా ఉన్న రోహిత్‌ శర్మ అంతర్జాతీయ ‍క్రికెట్‌లో అడుగుపెట్టిన రోజు కూడా ఇదే. 2007, జూన్‌ 23న బెల్‌ఫాస్ట్‌ వేదికగా ఐర్లాండ్‌తో జరిగిన మ్యాచ్‌ ద్వారా హిట్‌మ్యాన్‌ అంతర్జాతీయ క్రికెట్‌లో అడుగుపెట్టాడు. తాజాగా నేటితో 15 ఏళ్ల క్రికెట్‌ కెరీర్‌ పూర్తి చేసుకున్న రోహిత్‌ ఈ విషయాన్ని ట్విటర్‌లో పంచుకుంటూ కాస్త ఎమోషనల్‌ అయ్యాడు. ''ఈ రోజుతో 15 ఏళ్ల అంతర్జాతీయ క్రికెట్‌ కెరీర్‌ను పూర్తి చేసుకున్నా. ఇన్నేళ్ల నా ప్రయాణంలో వెనక్కి తిరిగి చూసుకుంటే ఎన్నో మధురానుభూతులు.. ఒడిదుడుకులు, చీకటి రోజులు ఉంటాయి. కానీ వాటిన్నింటిని అదిగమిస్తూ ఈస్థాయికి చేరుకున్నానంటే దానికి మీ అందరి సపోర్ట్‌ ఒక కారణం. అందుకే నా ప్రయాణంలో మద్దుతగా నిలిచిన క్రికెట్‌ లవర్స్‌, అభిమానులు, విమర్శలకు పేరు పేరునా కృతజ్ఞతలు తెలుపుకుంటున్నా.'' అంటూ ముగించాడు.  𝟭𝟱 𝘆𝗲𝗮𝗿𝘀 in my favourite jersey 👕 pic.twitter.com/ctT3ZJzbPc — Rohit Sharma (@ImRo45) June 23, 2022 క్రికెట్‌లో రోహిత్‌ శర్మ ప్రస్థానం గురించి ఎంత చెప్పుకున్నా తక్కువే అవుతుంది. కెరీర్‌ ఆరంభంలో ఎక్కువగా మిడిలార్డర్‌లో వచ్చిన రోహిత్‌ శర్మ సరైన ఫామ్‌ కనబరచలేక జట్టులోకి వస్తూ పోతూ ఉండేవాడు. సెహ్వాగ్‌, సచిన్‌ల రిటైర్మెంట్‌ తర్వాత ఓపెనర్‌గా ప్రమోషన్‌ పొందిన రోహిత్‌ శర్మకు ఇక వెనుదిరిగి చూసుకోవాల్సిన అవసరం రాలేదు. వన్డేల్లో భారీ ఇన్నింగ్స్‌లకు పెట్టింది పేరుగా రోహిత్‌ శర్మ నిలిచాడు. వన్డే క్రికెట్‌లో మూడు డబుల్‌ సెంచరీలు కొట్టిన ఏ‍కైక బ్యాటర్‌గా రోహిత్‌ శర్మ నిలిచాడు. అంతేకాదు వన్డేల్లో అత్యధిక వ్యక్తిగత స్కోరు కలిగిన రికార్డు కూడా రోహిత్‌ పేరిటే ఉంది. 2014, నవంబర్‌ 13న ఈడెన్‌ గార్డెన్స్‌ వేదికగా శ్రీలంకతో జరిగిన మ్యాచ్‌లో 264 పరుగులు బాదాడు. ఆ తర్వాత 2019 అక్టోబర్‌ 5న సౌతాఫ్రికాతో జరిగిన టెస్టులో రెండు ఇన్నింగ్స్‌ల్లో సెంచరీలు బాదాడు. టెస్టుల్లో ఓపెనర్‌గా ఆడుతున్న తొలి మ్యాచ్‌లోనే అరుదైన ఘనత సాధించిన ఆటగాడిగా రోహిత్‌ నిలిచాడు. ఇక కోహ్లి అన్ని ఫార్మాట్ల నుంచి కెప్టెన్‌గా వైదొలగడంతో సారధ్య బాధ్యతలు ఎత్తుకున్న రోహిత్‌కు ఇంగ్లండ్‌ పర్యటన ఒక సవాల్‌ అని చెప్పొచ్చు. రెగ్యులర్‌ కెప్టెన్‌ రోహిత్‌ శర్మకు విదేశాల్లో ఇదే తొలి సిరీస్‌ అని చెప్పొచ్చు. ఇక  రోహిత్‌ శర్మ టీమిండియా తరపున 228 వన్డేల్లో 9283 పరుగులు.. 44 టెస్టుల్లో 3076 పరుగులు, 124 టి20ల్లో 3,308 పరుగులు సాధించాడు. రోహిత్‌ ఖాతాలో వన్డేల్లో 29 సెంచరీలు, 8 టెస్టు సెంచరీలు, 4 టి20 సెంచరీలు ఉన్నాయి. చదవండి: 'నీ ఓపికకు సలాం'.. రంజీ ఫైనల్లో సెంచరీ బాదిన సర్ఫరాజ్‌ ఖాన్‌ నీటి అడుగున తేలియాడుతూ.. చావు అంచుల వరకు

టీమిండియా మహిళా క్రికెట్‌లో మరో శకం ముగిసింది. మహిళా సీనియర్‌ ఆల్‌రౌండర్‌ రుమేలీ ధార్‌ బుధవారం అంతర్జాతీయ క్రికెట్‌కు వీడ్కోలు పలికింది. 2005 మహిళల వన్డే ప్రపంచకప్‌లో ఫైనల్‌ చేరిన టీమిండియా జట్టులో రుమేలీ ధార్‌ సభ్యురాలు. ఈ విషయాన్ని రుమేలీ ధార్‌ తన ఇన్‌స్టాగ్రామ్‌ ద్వారా షేర్‌ చేసింది. ''23 ఏళ్ల క్రితం బెంగాల్‌లోని శ్యామ్‌నగర్‌లో ప్రారంభమైన నా క్రికెట్‌ కెరీర్‌ నేటితో ముగిసింది. అంతర్జాతీయ క్రికెట్‌ సహా అన్ని రకాల ఫార్మాట్‌ నుంచి వైదొలుగుతున్నా. ఈ ప్రయాణంలో ఎన్నో ఒడిదుడుకులు చూశాను. ఇక 2005 నా కెరీర్‌లో మరిచిపోలేని సంవత్సరం. ఆ ఏడాది వన్డే ప్రపంచకప్‌లో టీమిండియా ఫైనల్‌ చేరడం.. అందులో నేను భాగస్వామ్యం అవడం ఎప్పటికి మరిచిపోలేను. మెన్‌ ఇన్‌ బ్లూ డ్రెస్‌లో కప్‌ కొట్టలేదన్న వెలితి తప్ప మిగతా అంతా సంతోషంగానే అనిపించింది. ఆ తర్వాత గాయాలు తరచూ వేధించినప్పటికి తిరిగి ఫుంజుకొని టీమిండియాకు ఆడాను. ఇక యువ క్రికెటర్లకు అవకాశం ఇవ్వాల్సిన సమయం వచ్చేసింది. అందుకే రిటైర్మెంట్‌కు ఇదే కరెక్ట్‌ అని భావించాను. ఇంతకాలం నాకు సహకరించిన కుటుంబసభ్యులకు, బీసీసీఐ, నా స్నేహితులకు కృతజ్ఞతలు. ఫస్ట్‌క్లాస్‌ క్రికెట్‌లో నేను ప్రాతినిధ్యం వహించిన అన్ని జట్లకు నా తరపున మరోసారి కృతజ్ఞతలు చెప్పుకుంటున్నా.'' అంటూ ముగించింది. 2003లో ఇంగ్లండ్‌ పర్యటనలో రుమేలీ ధార్‌ టీమిండియా తరపున మహిళల క్రికెట్‌లో అంతర్జాతీయ క్రికెట్‌లో అరంగేట్రం చేసింది. రుమేలీ ధార్‌ చివరిసారి 2018లో టీమిండియా తరపున ఆడింది. ఇండియా, ఇంగ్లండ్‌, ఆస్ట్రేలియాల మధ్య జరిగిన ట్రై సిరీస్‌ ఆమెకు ఆఖరుది. 19 ఏళ్ల కెరీర్‌లో టీమిండియా తరపున 78 వన్డేల్లో 961 పరుగులతో పాటు 63 వికెట్లు పడగొట్టింది. ఇక నాలుగు టెస్టుల్లో 236 పరుగులతో పాటు  వికెట్లు తీసింది. 18 టి20ల్లో 131 పరుగులు చేసిన రుమేలీ ధార్‌ బౌలింగ్‌లో 13 వికెట్లు పడగొట్టింది. 2005లో జరిగిన మహిళల వన్డే ప్రపంచకప్‌లో టీమిండియా మహిళల జట్టు ఫైనల్‌ చేరడంలో రుమేలీ ధార్‌ పాత్ర కూడా ఉంది. అయితే ఆస్ట్రేలియాతో జరిగిన ఫైనల్లో 98 పరుగుల తేడాతో ఓటమిపాలై రన్నరప్‌గా నిలిచింది. ఆ తర్వాత ఇంగ్లండ్‌ వేదికగా జరిగిన 2009 టి20 ప్రపంచకప్‌లో నాలుగు మ్యాచ్‌ల్లో ఆరు వికెట్లు తీసిన రుమేలీ ధార్‌.. ఒక పొట్టి ప్రపంచకప్‌లో అత్యధిక వికెట్లు తీసిన జాబితాలో రుమేలీ ధార్‌ మరో బౌలర్‌తో కలిసి సంయుక్తంగా నిలిచింది.  View this post on Instagram A post shared by Rumeli Dhar (@rumelidhar54) చదవండి: ఐసీయూలో వెంటిలేటర్‌పై పాక్‌ దిగ్గజ క్రికెటర్‌

నెదర్లాండ్స్‌ కెప్టెన్‌ పీటర్ సీలార్ సంచలన నిర్ణయం తీసుకున్నాడు. అంతర్జాతీయ క్రికెట్‌కు సీలార్ ఆదివారం రిటైర్మెంట్ ప్రకటించాడు. వెన్ను గాయం కారణంగా ఈ నిర్ణయం తీసుకున్నట్లు అతడు తెలిపాడు. ప్రస్తుతం ఇంగ్లండ్‌తో జరుగుతోన్న వన్డే సిరీస్‌లో నెదర్లాండ్స్‌ కెప్టెన్‌ పీటర్‌ సీలార్ ఉన్నాడు. అయితే గాయం కారణంగా ఆదివారం జరిగిన రెండో వన్డేకు దూరమయ్యాడు. దీంతో అతడి స్థానంలో వికెట్ కీపర్-బ్యాటర్ స్కాట్ ఎడ్వర్డ్స్ సారథ్య బాధ్యతలు చేపట్టాడు. కాగా పీటర్ బోరెన్ 2018లో అంతర్జాతీయ క్రికెట్‌కు రిటైర్మెంట్ ప్రకటించడంతో సీలార్‌ నెదర్లాండ్స్ కెప్టెన్‌గా ఎంపికయ్యాడు. 2006 లో అంతర్జాతీయ అరంగేట్రం చేసిన సీలార్ దాదాపు 16 ఏళ్ల పాటు నెదర్లాండ్స్‌ క్రికెట్‌కు సేవలు అందించాడు. "2020 ఏడాది తర్వాత నా వెన్నునొప్పి మరింత తీవ్రమైంది. కాబట్టి అంతర్జాతీయ క్రికెట్‌ నుంచి తప్పుకోవాలని నిర్ణయించకున్నాను. నాకు ఇన్నాళ్లు మద్దుతుగా నిలిచిన అభిమానులకు,నెదర్లాండ్స్ క్రికెట్‌ బోర్డ్‌కు ధన్యవాదాలు" అని సీలార్ పేర్కొన్నాడు. చదవండి: Wriddhiman Saha: త్రిపుర జట్టుకు మెంటార్‌గా వృద్ధిమాన్ సాహా..!

ఐపీఎల్ 2022లో సత్తా చాటడం ద్వారా టీమిండియాలోకి రీఎంట్రీ ఇచ్చిన వెటరన్‌ వికెట్‌కీపర్‌ దినేశ్‌ కార్తీక్‌ అంతర్జాతీయ క్రికెట్‌లో ఓ అరుదైన రికార్డును తన ఖాతాలో వేసుకున్నాడు. కెరీర్‌ దాదాపుగా ముగిసిపోయిందన్న దశలో తిరిగి టీమిండియాలో స్థానం సంపాదించిన డీకే.. తన అంతర్జాతీయ కెరీర్‌లో ఏకంగా 10 మంది భారత కెప్టెన్ల కింద ఆడి అరుదైన రికార్డు నెలకొల్పాడు. అంతర్జాతీయ స్థాయిలో ఓ ఆటగాడు ఇంత మంది కెప్టెన్ల కింద ఆడిన దాఖలాలు లేవు. ఐసీసీ ఈవెంట్లతో కలుపుకుంటే డీకే కెప్టెన్ల సంఖ్య 11కు చేరుతుంది. కార్తీక్‌ పాక్‌ దిగ్గజ ఆటగాడు షాహిద్‌ అఫ్రిది నాయకత్వంలో ఐసీసీ ఎలెవెన్‌ జట్టుకు ప్రాతినిధ్యం వహించాడు.  ఇటీవలే  37వ పడిలోకి అడుగుపెట్టిన కార్తీక్‌ త్వరలో అంతర్జాతీయ స్థాయిలో తన కెప్టెన్ల సంఖ్యను 12కు పెంచబోతున్నాడు. కార్తీక్.. త్వరలో ప్రారంభంకానున్న ఐర్లాండ్‌ పర్యటనలో హార్ధిక్ పాండ్యా కెప్టెన్సీలో ఆడబోతున్నాడు. 18 ఏళ్ల క్రితం 2004లో తొలిసారి టీమిండియా తరఫున ఆడిన కార్తీక్‌.. తన అరంగేట్రం మ్యాచ్‌లో సౌరవ్ గంగూలీ కెప్టెన్సీలో ఆడాడు. ఆ తర్వాత రాహుల్ ద్రవిడ్, వీరేంద్ర సెహ్వాగ్‌, ఎమ్మెస్ ధోని, అనిల్ కుంబ్లే, సురేష్ రైనా, అజింక్య రహానే, విరాట్ కోహ్లి, రోహిత్ శర్మ, రిషబ్‌ పంత్‌ల కెప్టెన్సీల్లో టీమిండియాకు ప్రాతినిధ్యం వహించాడు.  చదవండి: ఒకే జట్టులో కోహ్లి-బాబర్, బుమ్రా-అఫ్రిది‌..?

న్యూజిలాండ్ మాజీ కెప్టెన్‌ అమీ సాటర్త్‌వైట్ సంచలన నిర్ణయం తీసుకుంది. అంతర్జాతీయ క్రికెట్‌ నుంచి తప్పుకుంటున్నట్లు సాటర్త్‌వైట్ గురువారం ప్రకటన చేసింది. కాగా తన సెంట్రల్ కాంట్రాక్ట్‌ను న్యూజిలాండ్‌ క్రికెట్‌ రద్దు చేయండంతో ఈ నిర్ణయం  తీసుకున్నట్లు సాటర్త్‌వైట్ తెలిపింది. "నేను కాంట్రాక్ట్‌ను పొందనందుకు చాలా నిరాశ చెందాను. నేను మరికొంత కాలం న్యూజిలాండ్‌ క్రికెట్‌లో కొనసాగాలని భావించాను. అయితే న్యూజిలాండ్‌ క్రికెట్‌ తీసుకున్న ఈ నిర్ణయాన్ని నేను గౌరవిస్తాను. రాబోయే రోజుల్లో జట్టు మరింత రాణించాలని కోరుకుంటున్నాను. న్యూజిలాండ్‌ జట్టుకు ఇన్నాళ్లు ప్రాతినిద్యం వహించినందుకు నేను చాలా గర్వపడుతున్నాను. ఇకపై నా కుటంబంతో గడపాలని నిర్ణయించకున్నాను" అని సాటర్త్‌వైట్ విలేకరుల సమావేశంలో పేర్కొంది. ఇక 2007 అంతర్జాతీయ క్రికెట్‌లో అరంగేట్రం చేసిన సాటర్త్‌వైట్ న్యూజిలాండ్‌ మహిళా క్రికెట్‌లో తనదైన ముద్ర వేసుకుంది. 2018 నుంచి 2109 వరకు న్యూజిలాండ్ కెప్టెన్‌గా సాటర్త్‌వైట్ పనిచేసింది. ఇక న్యూజిలాండ్‌ తరపున 145 వన్డేలు ,111 టీ20 మ్యాచ్‌లు ఆడిన సాటర్త్‌వైట్ .. వరుసగా 4639, 1784 పరుగులు సాధించింది. అదే విధంగా తన అంతర్జాతీయ కెరీర్‌లో 76 వికెట్లు పడగొట్టింది. కాగా 2007లో టీ20 మ్యాచ్‌లో ఇంగ్లండ్‌పై 6 వికెట్లు పడగొట్టి సాటర్త్‌వైట్ సంచలనం సృష్టించింది. చదవండి: IPL 2022: కార్తీక్‌ క్యాచ్‌ను విడిచి పెట్టిన రాహుల్‌.. గంభీర్‌ రియాక్షన్‌ ఇదే.. వీడియో వైరల్..!

VR Vanitha Announces Retirement: టీమిండియా మ‌హిళా క్రికెట‌ర్ వి ఆర్ వ‌నిత అంత‌ర్జాతీయ క్రికెట్‌కు గుడ్‌బై చెప్పింది. ఈ మేర‌కు త‌న నిర్ణ‌యాన్ని సోమ‌వారం ట్విట్ట‌ర్ ద్వారా వెల్ల‌డించింది. క్రికెట్‌లోని అన్ని ఫార్మాట్ల నుంచి వైదొలుగుతున్న‌ట్లు 31 ఏళ్ల ఈ టీమిండియా ఓపెనింగ్ బ్యాట‌ర్‌ ప్ర‌క‌టించింది. టీమిండియాతో త‌న 12 ఏళ్ల ప్ర‌యాణాన్ని వ‌నిత త‌న ట్వీట్‌లో వివ‌రించింది. ఈ ప్ర‌యాణంలో త‌నకు స‌హ‌క‌రించిన వారంద‌రికీ ధ‌న్యావాదాలు తెలిపింది. దేశ‌వాళీ క్రికెట్‌లో కర్ణాట‌క‌, బెంగాల్ జ‌ట్ల‌కు ఆడిన వ‌నిత‌.. 2014 జ‌న‌వ‌రిలో భార‌త జట్టులోకి ఎంట్రీ ఇచ్చింది. అంత‌ర్జాతీయ కెరీర్‌లో 6 వ‌న్డేలు, 16 టీ20లు ఆడిన ఆమె.. ఓవ‌రాల్‌గా 300కు పైగా ప‌రుగులు సాధించింది. And this lovely innings comes to an END ! pic.twitter.com/ZJw9ieXHSO — Vanitha VR || ವನಿತಾ.ವಿ.ಆರ್ (@ImVanithaVR) February 21, 2022 చ‌ద‌వండి: ప్ర‌పంచ నం.1 మాగ్నస్ కార్ల్‌సెన్‌కు షాకిచ్చిన‌ 16 ఏళ్ల భార‌త కుర్రాడు

శ్రీలంక స్టార్ ఆల్ రౌండ‌ర్ దిల్రువాన్ పెరీరా అంతర్జాతీయ క్రికెట్‌కు రిటైర్మెంట్ ప్రకటించాడు. పెరీరా రిటైర్మెంట్ విష‌యాన్ని శ్రీలంక క్రికెట్ బోర్డు ద్రువీక‌రించింది. "శ్రీలంక జాతీయ జట్టుకు ప్రాతినిధ్యం వహించిన దిల్రువాన్ పెరీరా, అన్ని రకాల అంతర్జాతీయ క్రికెట్ క్రికెట్ ఫార్మాట్ల‌ నుంచి త‌ప్పుకున్నాడు" అని శ్రీలంక క్రికెట్ ఒక ప్ర‌క‌ట‌న‌లో తెలిపింది. కాగా అంతర్జాతీయ క్రికెట్‌కి గుడ్‌బై చెప్పిన పెరీరా.. దేశవాళీ క్రికెట్‌లో కొన‌సాగ‌నున్నాడు. ఇప్ప‌టి వ‌ర‌కు శ్రీలంక త‌రుపున 43 టెస్టు మ్యాచ్‌లు ఆడిన దిల్రువాన్ పెరీరా 161 వికెట్లు తీశాడు. కాగా అంత‌ర్జాతీయ టెస్ట్ క్రికెట్‌లో ఒకే మ్యాచ్‌లో 10 వికెట్లు, హాఫ్ సెంచ‌రీ చేసిన ఏకైక శ్రీ‌లంక ఆట‌గాడిగా దిల్రువాన్ పెరీరా అరుదైన ఘ‌న‌త సాధించాడు. అదే విధంగా 13 వ‌న్డేలు, 3 టీ20లు ఆడిన దిల్రువాన్.. వ‌రుస‌గా 13, 3 వికెట్లు ప‌డ‌గొట్టాడు. అలాగే 200కు పైగా ఫ‌స్ట్ క్లాస్ మ్యాచ్‌లు ఆడిన అత‌డు 800 వికెట్లు తీశాడు. 2007లో అంతర్జాతీయ క్రికెట్‌లో  శ్రీలంక త‌రుపున దిల్రువాన్ ఆరంగ‌ట్రేం చేశాడు. చ‌ద‌వండి: IPL 2022: 'ఐపీఎల్‌లో ఆ జ‌ట్టుకు ఆడాల‌ని ఉంది.. అత‌డే నా ఫేవ‌రెట్ కెప్టెన్‌'

Harbhajan Singh Announces Retirement: వెటరన్‌ ఆఫ్‌ స్పిన్నర్‌ హర్భజన్‌ సింగ్‌ తన క్రికెట్‌ కెరీర్‌కు ముగింపు పలికాడు. శుక్రవారం అన్ని రకాల ఫార్మాట్లకు అతను రిటైర్మెంట్‌ ప్రకటించాడు. అంతర్జాతీయ క్రికెట్, ఐపీఎల్‌ కలిపి 23 ఏళ్ల సుదీర్ఘ కెరీర్‌లో భజ్జీ బంతులు వికెట్లను పడగొట్టడమే కాదు... మ్యాచ్‌లనూ మలుపు తిప్పాయి. 1998లో అంతర్జాతీయ క్రికెట్‌లోకి అరంగేట్రం చేసిన 41 ఏళ్ల ఈ పంజాబీ స్టార్‌ సంప్రదాయ ఫార్మాట్‌లో 103 టెస్టులు ఆడి 417 వికెట్లు పడగొట్టాడు. 2 సెంచరీ లతో కలిపి 2,224 పరుగులు కూడా చేశాడు. ఇటు 236 వన్డేల్లో 269 వికెట్లను చేజిక్కించుకొని 1,237 పరుగులు సాధించాడు. 28 టి20 మ్యాచ్‌ల్లో 25 వికెట్లను తీశాడు. ‘మంచి విషయాలకు ముగింపు ఉంటుంది. నా జీవితంలో భాగమైన క్రికెట్‌కు, నాపై ఎంతగానో ప్రభావం చూపిన ఆటకు నేను గుడ్‌బై చెబుతున్నాను. నా 23 ఏళ్ల చిరస్మరణీయ కెరీర్‌కు అండదండలు అందించిన వారందరికీ కృతజ్ఞతలు’ అని హర్భజన్‌ తన రిటైర్మెంట్‌ సందేశాన్ని ట్విట్టర్‌లో పోస్ట్‌ చేశాడు. అందరి క్రికెటర్లలాగే నేను కూడా భారత జెర్సీతోనే ఆటకు వీడ్కోలు పలకాలని ఆశించాను. కానీ విధి నాతో మరోలా చేయించింది’ అని తెలిపాడు. 2016లో ఢాకాలో యూఏఈతో చివరిసారిగా అంతర్జాతీయ టి20 మ్యాచ్‌ ఆడిన భజ్జీ మళ్లీ టీమిండియా జెర్సీ వేసుకోలేదు. ఈ ఏడాది భారత్‌లో జరిగిన తొలి అంచె ఐపీఎల్‌లో కోల్‌కతా నైట్‌రైడర్స్‌ తరఫున మూడు మ్యాచ్‌లు ఆడాడు. కానీ రెండో అంచె ఐపీఎల్‌ కోసం వేదిక యూఏఈకి మారాక హర్భజన్‌ బరిలోకి దిగలేదు.  All good things come to an end and today as I bid adieu to the game that has given me everything in life, I would like to thank everyone who made this 23-year-long journey beautiful and memorable. My heartfelt thank you 🙏 Grateful .https://t.co/iD6WHU46MU — Harbhajan Turbanator (@harbhajan_singh) December 24, 2021 చదవండి: భారత్‌లో బెట్టింగ్‌.. రవిశాస్త్రి సంచలన వ్యాఖ్యలు

Harbhajan Singh Set To Join Support Staff Of IPL Franchise: టీమిండియా వెటరన్‌ స్పిన్నర్‌, కేకేఆర్‌ స్టార్‌ బౌలర్‌ హర్భజన్ సింగ్ త్వరలో కీలక ప్రకటన చేయనున్నట్లు తెలుస్తోంది. అంతర్జాతీయ క్రికెట్‌, ఐపీఎల్‌తో పాటు క్రికెట్‌లోని అన్ని ఫార్మాట్లకు గుడ్‌బై చెప్పాలని అతను నిర్ణయించుకున్నట్లు సమాచారం. భజ్జీ క్రికెట్ నుంచి తప్పుకున్న తరువాత ఐపీఎల్‌లో ప్రముఖ ఫ్రాంఛైజీ బౌలింగ్ కోచ్‌గా లేదా మెంటార్‌గా బాధ్యతలు చేపట్టే అవకాశం ఉందని అతని సన్నిహిత వర్గాలు వెల్లడించాయి. ఐపీఎల్‌-2022కు జరుగబోయే వేలంలో భజ్జీ.. సదరు ఫ్రాంఛైజీ తరఫున కీలకంగా వ్యవహరించనున్నాడని తెలుస్తోంది. భజ్జీకి కోల్‌కతా నైట్‌రైడర్స్‌, ముంబై ఇండియన్స్‌ ఫ్రాంఛైజీలు భారీ అఫర్లు ప్రకటించినట్లు సమాచారం. ఈ రెండు జట్లలో ఏదైనా ఓ జట్టును ఎంచుకుని భజ్జీ తన సెకెండ్‌ ఇన్నింగ్స్‌ను ప్రారంభించే అవకాశం ఉంది.  భారత్‌ వేదికగా జరిగిన 2021 ఐపీఎల్‌ సీజన్‌ తొలి అంచెలో భజ్జీ చివరిసారిగా మైదానంలో కనిపించాడు. దుబాయ్‌ వేదికగా జరిగిన సీజన్‌ సెకెండ్‌ లెగ్‌ మ్యాచ్‌లలో తుది జట్టులో ఆడనప్పటికీ.. జట్టు విజయాల్లో కీలకంగా వ్యవహరించాడు. 41 ఏళ్ల భజ్జీ.. 1998లో ఆస్ట్రేలియాతో జరిగిన టెస్ట్‌ మ్యాచ్ ద్వారా అంతర్జాతీయ క్రికెట్‌లోకి ఆరంగ్రేటం చేశాడు. టీమిండియా తరఫున 103 టెస్టుల్లో 417 వికెట్లు.. 236 వన్డేల్లో 269 వికెట్లు, 28 టీ20ల్లో 25 వికెట్లు తీసిన భజ్జీ.. ఓవరాల్‌గా 711 అంతర్జాతీయ వికెట్లు తీశాడు. హర్భజన్‌ ఖాతాలో రెండు టెస్ట్‌ సెంచరీలు, 9 హాఫ్ సెంచరీలు ఉన్నాయి. ఇక ఐపీఎల్ విషయానికొస్తే.. ఈ లీగ్‌లో మొత్తంలో 163 మ్యాచ్‌లు ఆడిన హర్భజన్‌ 150 వికెట్లు తీసి ఐపీఎల్ మోస్ట్ సక్సెస్‌ఫుల్ బౌలర్‌గా నిలిచాడు. చదవండి: కోహ్లి అశ్విన్‌ను ఆడించకపోవచ్చు.. ఇంగ్లండ్‌ మాజీ బౌలర్‌ సంచలన వ్యాఖ్యలు

Zimbabwe's Brendan Taylor Announces Retirement: జింబాబ్వే మాజీ కెప్టెన్‌, వికెట్‌ కీపర్‌ బ్యాట్స్‌మెన్‌ బ్రెండన్‌ టేలర్‌ రిటైర్మెంట్‌ ప్రకటించాడు. అంతర్జాతీయ క్రికెట్‌కు వీడ్కోలు పలుకుతున్నట్లు సోషల్‌ మీడియా వేదికగా వెల్లడించాడు. ఐర్లాండ్‌తో నేడు(సెప్టెంబరు 13) జరిగే మూడో వన్డే తన చివరి ఇంటర్నేషనల్‌ మ్యాచ్‌ అని పేర్కొన్నాడు. 17 ఏళ్ల కెరీర్‌లో ఎన్నో ఎత్తుపళ్లాలు చూశానని, అరంగేట్రం చేసిన నాటి నుంచి జట్టును మెరుగైన స్థితిలో ఉంచేందుకు తన వంతు కృషి చేశానని పేర్కొన్నాడు. బరువెక్కిన హృదయంతో ఈ ప్రకటన చేస్తున్నానంటూ ట్విటర్‌ వేదికగా టేలర్‌ ఓ భావోద్వేగ నోట్‌ షేర్‌ చేశాడు. తన ఎదుగుదలకు తోడ్పడిన జింబాబ్వే క్రికెట్‌ మేనేజ్‌మెంట్‌, కోచ్‌లు, అభిమానులు, సహచర ఆటగాళ్లు, తన కుటుంబ సభ్యులకు ఈ సందర్భంగా ధన్యవాదాలు తెలిపాడు. 2004లో అడుగుపెట్టి.. బ్రెండన్‌ టేలర్‌ 2004లో అంతర్జాతీయ క్రికెట్‌లో అడుగుపెట్టాడు. ఇప్పటి వరకు మొత్తంగా 34 టెస్టులాడిన అతడు... 2320 పరుగులు చేశాడు. ఇందులో ఆరు సెంచరీలు ఉన్నాయి. ఇక పరిమిత ఓవర్ల క్రికెట్‌ విషయానికొస్తే... 45 టీ20 మ్యాచ్‌లు ఆడిన టేలర్‌.. 118.22 స్ట్రైక్‌రేటుతో 934 పరుగులు సాధించాడు. ఇందులో ఆరు అర్ద శతకాలు ఉన్నాయి. ఇక తనెంతగానో ఇష్టపడే వన్డే క్రికెట్‌లో 204 మ్యాచ్‌లు ఆడి.. 6677 పరుగులతో సత్తా చాటిన టేలర్‌.. జింబాబ్వే తరఫున వన్డేల్లో అత్యధిక సెంచరీలు(11) చేసిన ఆటగాడిగా తన పేరు లిఖించుకున్నాడు. 2011-15 మధ్య జింబాబ్వే టీం కెప్టెన్‌గా కూడా వ్యవహరించిన టేలర్‌.. ఐర్లాండ్‌ పర్యటనలో భాగంగా మూడో వన్డే ఆడిన అనంతరం ఇంటర్నేషనల్‌ క్రికెట్‌ నుంచి అతడు నిష్క్రమించనున్నాడు. చదవండి: IPL 2021 Second Phase: ఇంగ్లీష్ క్రికెట‌ర్ల‌పై తీవ్రస్థాయిలో ధ్వజమెత్తిన మాజీ క్రికెట‌ర్   Forever grateful for the journey. Thank you 🙏 pic.twitter.com/tOsYzoE5eH — Brendan Taylor (@BrendanTaylor86) September 12, 2021

లాహోర్‌: గతేడాది అంతర్జాతీయ క్రికెట్‌కు గుడ్‌బై చెప్పిన పాకిస్థాన్ మాజీ ఫాస్ట్ బౌలర్‌ మహ్మద్ అమీర్.. క్రికెట్‌లోకి రీఎంట్రీ ఇవ్వబోతున్నట్లు పీసీబీ వర్గాలు వెల్లడించాయి. అయితే, ఈ ప్రకటన వెలువడిన కొద్ది గంటల్లోనే అమీర్‌ మరో వివాదంలో చిక్కుకున్నాడు. పాకిస్తాన్‌ సూపర్‌ లీగ్‌లో భాగంగా కరాచీ కింగ్స్‌కు ప్రాతినిధ్యం వహిస్తున్న ఆయన.. ఇస్లామాబాద్ బ్యాట్స్‌మెన్ ఇఫ్తికార్ అహ్మద్‌తో వాగ్వాదానికి దిగాడు. ఈ ఇద్దరు ఆటగాళ్లు ఒకరిపై ఒకరు నోరుపారేసుకున్నారు. నువ్వెంతా? అంటే నువ్వెంతా అని కయ్యానికి కాలు దువ్వారు. చివరకు అంపైర్లు జోక్యంతో గొడవ సద్దుమణిగింది. ప్రస్తుతం ఈ ఘటనకు సంబంధించిన వీడియో నెట్టింట హల్‌చల్ చేస్తోంది.   Source: Sony Sports Network #PSL6 #PSL #PSL2021 #MohammadAmir #KKvsIU pic.twitter.com/61d7xKsBC5 — Cricket (@ZombieCricketer) June 14, 2021 కాగా, 29 ఏళ్ల అమీర్.. పాక్‌ జట్టు మేనేజ్‌మెంట్ మానసిక వేధింపులకు గురి చేస్తుందని ఆరోపిస్తూ గతేడాది పాక్‌ క్రికెట్‌తో సంబంధాలు తెంచుకుని ఇంగ్లండ్‌కి వెళ్లి సెటిలయ్యాడు. అనంతరం బ్రిటీష్ సిటిజన్‌షిప్ పొం‍దాక ఐపీఎల్‌లో ఆడేందుకు ప్రయత్నాలు ఆరంభించాడు. ఈ విషయమై సమాచారం అందుకున్న పీసీబీ చీఫ్‌ వసీమ్‌ ఖాన్‌.. పీఎస్‌ఎల్‌ ఆడేందుకు పాక్‌కు వచ్చిన అమీర్‌తో చర్చలు ప్రారంభించాడు. ఈ క్రమంలో అతని ఇంటికి స్వయంగా వెళ్లి.. రిటైర్మెంట్‌ వెనక్కి తీసుకునేలా ఒప్పించినట్లు తెలుస్తోంది. ఇదిలా ఉంటే, 2010లో స్పాట్ ఫిక్సింగ్ కారణంగా మహ్మద్ అమీర్‌పై ఐసీసీ ఐదేళ్ల నిషేధం విధించిన విషయం తెలిసిందే. చదవండి: జడేజాపై మరోసారి అక్కసు వెల్లగక్కిన ప్రముఖ వ్యాఖ్యాత..

కేప్‌టౌన్‌: దక్షిణాఫ్రికా వెటరన్‌ ఆటగాడు ఏబీ డివిలియర్స్‌.. రిటైర్మెంట్‌పై తన నిర్ణయం మార్చుకునేది లేదని తేల్చి చెప్పాడు. భారత్‌ వేదికగా అక్టోబర్‌లో జరుగబోయే టీ20 ప్రపంచకప్‌ ద్వారా అంతర్జాతీయ క్రికెట్‌లోకి రీఎంట్రీ ఇస్తాడని ఊహాగానాలు వెలువడిన నేపథ్యంలో ఈ మిస్టర్‌ 360 ఆటగాడి నిర్ణయంపై సర్వత్రా ఉత్కంఠ నెలకొని ఉండింది. అయితే అభిమానుల ఆశలను పటాపంచలు చేస్తూ తన నిర్ణయాన్ని వెనక్కు తీసకునేదే లేదంటూ ఏబీ స్పష్టతనిచ్చాడు.  2018లో అంతర్జాతీయ కెరీర్‌కు వీడ్కోలు పలికిన తరువాత చాలా సందర్భాల్లో ఏబీ ఇంటర్నేషనల్‌ క్రికెట్‌లోకి రీఎంట్రీ ఇస్తాడని పుకార్లు షికార్లు చేశాయి. ఇదే అంశంపై ఈ ఏడాది ఐపీఎల్‌కు ముందు దక్షిణాఫ్రికా హెడ్‌ కోచ్‌ మార్క్‌ బౌచర్‌  ఏబీని సంప్రదించగా, ఐపీఎల్‌ ముగిసాక తన నిర్ణయాన్ని ప్రకటిస్తానని చెప్పడంతో అభిమానుల ఆశలు సజీవంగా నిలిచాయి. అయితే ప్రపంచవ్యాప్తంగా ఉన్న అభిమానుల ఆశలను అడియాశలు చేస్తూ..  తన రిటైర్మెంట్‌ నిర్ణయంపై తగ్గేదే లేదంటూ కుండబద్దలు కొట్టాడు.  ఈ ఏడాది ఐపీఎల్‌లో అద్భుతంగా రాణించిన ఏబీ.. అంతర్జాతీయ క్రికెట్‌లోకి పునరాగమనం చేసి మరింతగా అలరిస్తాడని భావించిన ఫ్యాన్స్‌ ఆశలపై నీళ్లు చల్లాడు. భారత్‌లో కరోనా ఉద్ధృతి కారణంగా ఈ ఏడాది ఐపీఎల్‌ అర్ధంతరంగా రద్దు కావడంతో స్వదేశానికి వెళ్లిన ఏబీడిని దక్షిణాఫ్రికా క్రికెట్‌ బోర్డు సంప్రదించినప్పటికీ, తన నిర్ణయంలో ఏ మార్పు లేదని, ఉండదని తేల్చేశాడు. దీంతో అతనిపైనే గంపెడాశలు పెట్టుకున్న దక్షిణాఫ్రికా క్రికెట్‌ బోర్డులో నైరాశ్యం ఆవహించింది.  చదవండి: నేను రెడీగా ఉన్నా, కాల్‌​ రావడమే ఆలస్యం: నితీష్‌ రాణా

లక్నో: ఏడాది విరామం తర్వాత తొలి అంతర్జాతీయ క్రికెట్‌ మ్యాచ్‌ ఆడిన భారత మహిళల జట్టుకు ఓటమి పలకరించింది. ఐదు వన్డేల సిరీస్‌లో భాగంగా దక్షిణాఫ్రికా మహిళల జట్టుతో ఆదివారం జరిగిన తొలి వన్డేలో భారత్‌ 8 వికెట్లతో ఓడింది. ముందుగా భారత్‌ 50 ఓవర్లలో 9 వికెట్లకు 177 పరుగులు చేసింది. కెప్టెన్‌ మిథాలీ రాజ్‌ (85 బంతుల్లో 50; 4 ఫోర్లు, సిక్స్‌) కెరీర్‌లో 54వ అర్ధ సెంచరీ సాధించగా... తన కెరీర్‌లో 100వ వన్డే ఆడుతోన్న హర్మన్‌ప్రీత్‌ కౌర్‌ (41 బంతుల్లో 40; 6 ఫోర్లు) రాణించింది. అనంతరం దక్షిణాఫ్రికా 40.1 ఓవర్లలో రెండు వికెట్లు మాత్రమే నష్టపోయి 178 పరుగులు చేసి గెలిచింది. లిజెల్లె లీ (83 నాటౌట్‌; 11 ఫోర్లు, సిక్స్‌), లారా వోల్వార్డ్‌ (80; 12 ఫోర్లు) జట్టుకు విజయాన్ని ఖాయం చేశారు.

అహ్మదాబాద్‌: భారత క్రికెట్‌ దిగ్గజం సునీల్‌ గావస్కర్‌ అంతర్జాతీయ క్రికెట్‌లో జేగంట మోగించి 50 ఏళ్లు పూర్తయిన సందర్భంగా భారత క్రికెట్‌ నియంత్రణ మండలి (బీసీసీఐ) ఆయనను ఘనంగా సన్మానించింది. శనివారం నరేంద్ర మోదీ స్టేడియంలో ఆఖరి టెస్టు మూడో రోజు భోజన విరామంలో గావస్కర్‌ను బీసీసీఐ కార్యదర్శి జై షా సన్మానించారు. దీనికి సంబంధించిన వీడియోను ట్విట్టర్‌లో పోస్ట్‌ చేసిన బోర్డు... సన్నీ సేవల్ని కొనియాడింది. తన 16 ఏళ్ల కెరీర్‌లో గావస్కర్‌ 125 టెస్టులు, 108 వన్డేలు ఆడారు. 1987 మార్చి 7న అహ్మదాబాద్‌ స్టేడియంలోనే గావస్కర్‌ టెస్టు క్రికెట్‌లో 10వేల పరుగులు చేసిన తొలి బ్యాట్స్‌మన్‌గా గుర్తింపు పొందారు. 71 ఏళ్ల సన్నీ సరిగ్గా అర్ధ శతాబ్దం క్రితం 1971లో జరిగిన వెస్టిండీస్‌ పర్యటనలో మార్చి 6న అరంగేట్రం చేశారు. తొలి మ్యాచ్‌లో రెండు ఇన్నింగ్స్‌ల్లోనూ అర్ధ శతకాలు బాదిన తర్వాత 1987దాకా 16 ఏళ్లపాటు భారత క్రికెట్‌కు ఎన లేని సేవలందించి... దిగ్గజంగా ఎదిగారు.

కరాచీ: పాకిస్తాన్‌ లెఫ్టార్మ్‌ పేసర్‌ మొహమ్మద్‌ ఆమిర్‌ అంతర్జాతీయ క్రికెట్‌కు రిటైర్మెంట్‌ ప్రకటించాడు. పాక్‌ క్రికెట్‌ బోర్డు (పీసీబీ) పెట్టే మానసిక క్షోభ భరించలేకే క్రికెట్‌ నుంచి తప్పుకుంటున్నట్లు 29 ఏళ్ల బౌలర్‌ ఓ వీడియో మెసేజ్‌లో వెల్లడించాడు. ‘ఇప్పుడున్న పీసీబీ మేనేజ్‌మెంట్‌ వేధింపుల్ని తట్టుకోలేకపోతున్నా. ఇలాంటి పరిస్థితుల్లో ఆడలేను. నేను తప్పు (స్పాట్‌ ఫిక్సింగ్‌) చేశాను. దానికి శిక్ష కూడా అనుభవించాను. అయినా సరే బోర్డు నన్ను గత అనుభవాలతోనే చిన్నచూపు చూస్తోంది. నిషేధం అనంతరం తిరిగి క్రికెట్‌ ఆడేందుకు మాజీ క్రికెటర్‌ షాహిద్‌ ఆఫ్రిది, మాజీ పీసీబీ చీఫ్‌ నజమ్‌ సేథీ నాకు వెన్నుదన్నుగా నిలిచారు. వాళ్ల అండదండలతోనే నేను మళ్లీ ఆడగలిగాను’ అని ఆ వీడియోలో వివరించాడు. అతని వీడియో సందేశం వైరల్‌ కావడంతో పీసీబీ స్పందించింది. ఆమిర్‌ నిర్ణయాన్ని బోర్డు గౌరవిస్తుందని, అలాగే అతని ఆరోపణలపై తక్షణం స్పందించడం తగదని ఒక ప్రకటనలో తెలిపింది.   ‘స్పాట్‌’ చిచ్చు నాణ్యమైన పేసర్‌గా కెరీర్‌ తొలినాళ్లలోనే కితాబు అందుకున్న ఈ క్రికెటర్‌ ప్రతిభాపాఠవాలను ‘స్పాట్‌ ఫిక్సింగ్‌’ మసకబార్చింది. 2010లో ఇంగ్లండ్‌లో ఫిక్సింగ్‌కు పాల్పడటంతో ఐదేళ్ల నిషేధానికి (2010–2015)కు గురయ్యాడు. అంతర్జాతీయ కెరీర్‌లో 36 టెస్టులాడి 119 వికెట్లు తీశాడు. 61 వన్డేల్లో 81 వికెట్లు, 50 టి20ల్లో 59 వికెట్లను పడగొట్టాడు. 2009లో టి20 ప్రపంచకప్‌ నెగ్గిన పాకిస్తాన్‌ జట్టు సభ్యుడు. నిషేధం తర్వాత 2017లో చాంపియన్స్‌ ట్రోఫీ విజయంలోనూ ఆమిర్‌ కీలకపాత్ర పోషించాడు. ఆ టోర్నీ ఫైనల్లో భారత్‌పై పాక్‌ గెలిచింది. 

న్యూఢిల్లీ: కరోనా వైరస్‌తో లభించిన సుదీర్ఘ విరామం తర్వాత వచ్చే ఏడాది భారత్‌లో మళ్లీ అంతర్జాతీయ క్రికెట్‌ మొదలుకానుంది. ఫిబ్రవరి, మార్చి నెలల్లో భారత్‌లో ఇంగ్లండ్‌ జట్టు పర్యటించనుంది. ఈ సిరీస్‌కు సంబంధించిన పూర్తి షెడ్యూల్‌ను భారత క్రికెట్‌ నియంత్రణ మండలి (బీసీసీఐ) గురువారం విడుదల చేసింది.   ► ఫిబ్రవరి 5 నుంచి మార్చి 28 వరకు జరిగే ఈ సిరీస్‌లో భారత్, ఇంగ్లండ్‌ జట్ల మధ్య నాలుగు టెస్టులు, ఐదు టి20 మ్యాచ్‌లు, మూడు వన్డేలు జరుగుతాయి.   ► కరోనా వైరస్‌ నేపథ్యంలో బయో సెక్యూర్‌ వాతావరణంలో ఈ సిరీస్‌ను నిర్వహిస్తారు. చెన్నై, అహ్మదాబాద్, పుణేలలో మ్యాచ్‌లు జరుగుతాయి. రొటేషన్‌ పాలసీలో భాగంగా చెన్నై, పుణే వేదికలను ఎంపిక చేశారు.   ► ఈ సిరీస్‌ సందర్భంగా భారత్‌ సొంతగడ్డపై రెండో డే–నైట్‌ టెస్టు (ఫిబ్రవరి 24 నుంచి 28 వరకు) ఆడనుంది. ప్రపంచంలోని అతిపెద్ద క్రికెట్‌ స్టేడియం (ప్రేక్షకుల సామర్థ్యం 1,10,000) అయిన అహ్మదాబాద్‌లోని సర్దార్‌ పటేల్‌ మొతేరా స్టేడియంలో ఈ డే–నైట్‌ టెస్టును నిర్వహిస్తారు. గత ఏడాది కోల్‌కతాలో బంగ్లాదేశ్‌తో భారత్‌ తొలిసారి డే–నైట్‌ టెస్టు ఆడింది. కొత్తగా నిర్మించిన సర్దార్‌ పటేల్‌ స్టేడియంలో డే–నైట్‌ టెస్టుతోపాటు మరో టెస్టు కూడా జరుగుతుంది. తొలి రెండు టెస్టులకు చెన్నై వేదిక కానుంది. తర్వాతి రెండు టెస్టులను అహ్మదాబాద్‌లో నిర్వహిస్తారు. టెస్టు సిరీస్‌ ముగిశాక అహ్మదాబాద్‌లోనే ఐదు టి20 మ్యాచ్‌లు జరుగుతాయి. అనంతరం పుణేలో మూడు వన్డేలతో పర్యటన ముగుస్తుంది.   ► శ్రీలంకతో రెండు టెస్టులు (జనవరి 14–18; జనవరి 22–26) ఆడాక ఇంగ్లండ్‌ జట్టు జనవరి 27న కొలంబో నుంచి చెన్నైకు చేరుకుంటుంది. అక్కడే వారంరోజులపాటు క్వారంటైన్‌లో ఉంటుంది. మరోవైపు భారత జట్టు ఆస్ట్రేలియా పర్యటన జనవరి 19న ముగుస్తుంది. ఆస్ట్రేలియా నుంచి స్వదేశానికి చేరుకున్నాక భారత క్రికెటర్లకు వారం రోజులపాటు విశ్రాంతి ఇవ్వనున్నారు. అనంతరం కరోనా వైరస్‌ నిర్ధారణ ఆర్‌టీ–పీసీఆర్‌ పరీక్షలు చేశాక వారిని చెన్నైలోని బయో బబుల్‌లోకి పంపిస్తారు.   భారత్‌–ఇంగ్లండ్‌ సిరీస్‌ షెడ్యూల్‌ ► తొలి టెస్టు: ఫిబ్రవరి 5–9 (చెన్నై) ► రెండో టెస్టు: ఫిబ్రవరి 13–17 (చెన్నై) ► మూడో టెస్టు: ఫిబ్రవరి 24–28        అహ్మదాబాద్‌ (డే/నైట్‌) ► నాలుగో టెస్టు: మార్చి 4–8 (అహ్మదాబాద్‌) ► తొలి టి20: మార్చి 12 (అహ్మదాబాద్‌) ► రెండో టి20: మార్చి 14 (అహ్మదాబాద్‌) ► మూడో టి20: మార్చి 16 (అహ్మదాబాద్‌) ► నాలుగో టి20: మార్చి 18 (అహ్మదాబాద్‌) ► ఐదో టి20: మార్చి 20 (అహ్మదాబాద్‌) ► తొలి వన్డే: మార్చి 23 (పుణే) ► రెండో వన్డే: మార్చి 26 (పుణే) ► మూడో వన్డే: మార్చి 28 (పుణే)

ముంబై : టీమిండియా మాజీ వికెట్‌ కీపర్‌ పార్థివ్‌ పటేల్‌ అంతర్జాతీయ క్రికెట్‌ సహా అన్ని రకాల ఫార్మాట్లకు రిటైర్మెంట్‌ ప్రకటిస్తున్నట్లు బుధవారం తెలిపాడు. 35 ఏళ్ల పార్థివ్‌ టీమిండియా తరపున 25 టెస్టులు, 38 వన్డేలు, రెండు టీ20లు కలిపి 1706 పరుగులు.. 93 క్యాచ్‌లు, 19 స్టంపిం‍గ్స్‌ చేశాడు.ఇక దేశవాలి క్రికెట్‌లో గుజరాత్‌ తరపున 194 ఫస్ట్‌క్లాస్‌ మ్యాచ్‌లు ఆడాడు. 2002లో ఇంగ్లండ్‌తో జరిగిన వన్డే ద్వారా పార్థివ్‌ పటేల్‌ అంతర్జాతీయ క్రికెట్‌లోకి అడుగుపెట్టాడు.  టెస్టు క్రికెట్‌లో అత్యంత పిన్న వయసులో( 17 సంవత్సరాల 153 రోజులు) అరంగేట్రం చేసిన ఆటగాడిగా పార్థివ్‌ అప్పట్లో రికార్డు సృష్టించాడు.  ఆరంభంలో కొన్ని మంచి ఇన్నింగ్స్‌లు ఆడినా అదే ప్రదర్శను చూపించలేకపోయాడు. అదే సమయంలో దినేష్‌ కార్తిక్‌, ఎంఎస్‌ ధోనిలు అంతర్జాతీయ క్రికెట్‌లోకి అడుగుపెట్టడంతో పార్థివ్‌ కెరీర్‌ డౌన్‌ఫాల్‌ మొదలైంది. ముఖ్యంగా ధోని అన్ని ఫార్మాట్లకు రెగ్యులర్‌ వికెట్‌ కీపర్‌గా మారిన తర్వాత పార్థివ్‌కు అవకాశాలు పూర్తిగా తగ్గిపోయాయి. ఇక పార్థివ్‌ తన చివరి టెస్టు మ్యాచ్‌ను 2018లో దక్షిణాఫ్రికాతో ఆడగా.. 2012లో ఇంగ్లండ్‌తో చివరి వన్డే ఆడాడు. ఐపీఎల్‌లో పార్థివ్‌ పటేల్‌ చెన్నై సూపర్‌కింగ్స్‌, రాయల్‌ చాలెంజర్స్‌ బెంగళూరు, ముంబై ఇండియన్స్‌, డెక్కన్‌ చార్జర్స్‌కు ప్రాతినిధ్యం వహించాడు. Parthiv Patel announces his retirement from all cricket. 👕 25 Tests, 38 ODIs, two T20Is 🏏 1706 runs 🧤 93 catches, 19 stumpings He remains the youngest wicket-keeper to play Test cricket, having made his debut at 17 years and 152 days ⭐ pic.twitter.com/O5i8FeRUiW — ICC (@ICC) December 9, 2020

క్రైస్ట్‌చర్చ్‌: ఒకవైపు తరచూ గాయాల బారిన పడుతుండటం... మరోవైపు కాబోయే భార్యతో అమెరికాలో స్థిరపడే అవకాశం రావడం... వెరసి న్యూజిలాండ్‌ ఆల్‌రౌండర్‌ కోరె అండర్సన్‌ అంతర్జాతీయ క్రికెట్‌కు వీడ్కోలు పలకాలని... క్లబ్‌ క్రికెట్‌లో కొనసాగాలని నిర్ణయం తీసుకున్నాడు. ఈ మేరకు అమెరికాలోని మేజర్‌ లీగ్‌ క్రికెట్‌ (ఎంఎల్‌సీ)తో అండర్సన్‌ మూడేళ్లపాటు ఒప్పందం చేసుకున్నాడు. న్యూజిలాండ్‌ తరఫున 13 టెస్టులు, 49 వన్డేలు, 31 టి20 మ్యాచ్‌ల్లో పాల్గొన్న అండర్సన్‌ మొత్తం 2,277 పరుగులు చేశాడు. 90 వికెట్లు తీశాడు. ‘ఈ నిర్ణయాన్ని సులువుగా తీసుకోలేదు. రాబోయే కాలంలో ఏం చేయాలనుకుంటున్నానో ఇప్పుడే నిర్ణయించుకున్నాను. నా కాబోయే భార్య మేరీ మార్గరెట్‌ అమెరికాలో పుట్టి పెరిగింది. నా కోసం ఆమె ఎన్నో త్యాగాలు చేసింది. మేజర్‌ లీగ్‌ క్రికెట్‌ రూపంలో అమెరికాలో ఉండేందుకు, వీలైతే అక్కడే స్థిరపడేందుకు నాకు అవకాశం లభించింది. దాంతో భవిష్యత్‌ను దృష్టిలో పెట్టుకొని ఈ నిర్ణయం తీసుకున్నాను’ అని 29 ఏళ్ల అండర్సన్‌ తెలిపాడు. 2014 జనవరి 1న విండీస్‌పై అండర్సన్‌ 36 బంతుల్లో సెంచరీ సాధించి వన్డేల్లో ఫాస్టెస్ట్‌ సెంచరీ చేసిన ప్లేయర్‌గా రికార్డు నెలకొల్పాడు. 2015లో వెస్టిండీస్‌పైనే డివిలియర్స్‌ 31 బంతుల్లోనే శతకం బాది ఈ రికార్డును బద్దలు కొట్టాడు.

ఆక్లాండ్‌ : న్యూజిలాండ్‌ స్టార్‌ క్రికెటర్‌ కోరె అండర్సన్‌ అంతర్జాతీయ క్రికెట్‌కు శనివారం రిటైర్మెంట్‌ ప్రకటించాడు. ఈ విషయాన్ని స్వయంగా అండర్సన్‌ వెల్లడించాడు. వన్డేల్లో అత్యంత వేగంగా సెంచరీ సాధించిన రెండో ఆటగాడిగా(మొదటి స్థానంలో ఏబి డివిలియర్స్‌) అండర్సన్‌ రికార్డు సాధించాడు. 2014లో వెస్టిండీస్‌తో జరిగిన వన్డేలో 36 బంతుల్లోనే సెంచరీ సాధించిన అండర్సన్‌ అప్పటివరకు షాహిద్‌ ఆఫ్రిది పేరిట ఉన్న రికార్డును చెరిపేశాడు. అయితే  సరిగ్గా ఏడాది తర్వాత 2015లో దక్షిణాఫ్రికా విధ్వంసకర ఆటగాడు ఏబి డివిలియర్స్‌ కేవలం 31 బంతుల్లోనే సెంచరీ సాధించి ఆ రికార్డును తిరగరాశాడు. తనకు కాబోయే భార్య కోరిక మేరకు కివీస్‌ క్రికెట్‌కు రిటైర్మెంట్‌ ప్రకటించి యూఎస్‌ఏ మేజర్‌ క్రికెట్‌ లీగ్‌లో ఆడనున్నట్లు అండర్సన్‌ తెలిపాడు. (చదవండి : '11 ఏళ్లయినా తక్కువ అంచనా వేస్తున్నారు') 'ఇంతకాలం కివీస్‌ క్రికెటర్‌గా కొనసాగినందుకు గర్వంగా ఫీలవుతున్నా. కివీస్‌ జట్టుకు సేవలందించినందుకు సంతోషంగా ఉన్నా. ఒక్కోసారి మన ప్రమేయం లేకుండానే నిర్ణయాలు తీసుకోవాల్సి వస్తుంది. అవకాశం మనల్ని వెతుక్కుంటూ వచ్చినప్పుడు అదే సరైన సమయమని భావించాలి. నా ప్రియురాలు.. కాబోయే భార్య మేరీ మార్గరేట్‌ అమెరికాలో ఉంటుంది. త్వరలోనే ఆమెను పెళ్లి చేసుకోబోతున్నాను. అమెరికాలోని యూఎస్‌ మేజర్‌ క్రికెట్‌ లీగ్‌ ఆడాలని మార్గరేట్‌ కోరడంతో కాదనలేకపోయా. అందుకే కివీస్‌ జట్టుకు రిటైర్మెంట్‌ ప్రకటించాల్సి వచ్చింది. ఇన్నిరోజులు నాకు అండగా నిలిచిన కివీస్‌ బోర్డుకు కృతజ్ఞతలు తెలుపుకుంటున్నా.' అంటూ అండర్స్‌న్‌ చెప్పుకొచ్చాడు.(చదవండి : 'కాంకషన్‌పై మాట్లాడే అర్హత ఆసీస్‌కు లేదు') 2013లో దక్షిణాఫ్రికాతో జరిగిన టీ20 సిరీస్‌ ద్వారా 29 ఏళ్ల కోరె అండర్సన్‌ కివీస్‌ తరపున అంతర్జాతీయ క్రికెట్‌లో అరంగేట్రం చేశాడు. మంచి ఆల్‌రౌండర్‌గా పేరున్న అండర్సన్‌ భారీ షాట్లకు పెట్టింది పేరు.  తన కెరీర్‌లో 13 టెస్టుల్లో 683 పరుగులు, 49 వన్డేల్లో 1,109 పరుగులు, 31 టీ20ల్లో 485 పరుగులు సాధించాడు. ఇక బౌలింగ్‌ విషయానికి వస్తే టెస్టుల్లో 16, వన్డేల్లో 60, టీ20ల్లో 14 వికెట్లు తీశాడు. అండర్సన్‌ తన ఏడేళ్ల అంతర్జాతీయ కెరీర్‌లో ఎక్కువభాగం గాయాలతో సతమతమయ్యాడు. అతను కివీస్‌ తరపున చివరిసారిగా 2018లో పాకిస్తాన్‌తో జరిగిన టీ20 మ్యాచ్‌లో ఆడాడు. అప్పటినుంచి కివీస్‌ జట్టు తరపున ఒక్క మ్యాచ్‌ కూడా ఆడలేదు. కాగా అండర్సన్‌ ఐపీఎల్‌లో  ఢిల్లీ డేర్‌డెవిల్స్‌ , ముంబై ఇండియన్స్‌, రాయల్‌ చాలెంజర్స్‌ బెంగళూరు జట్లకు ప్రాతినిధ్యం వహించాడు. (చదవండి : కోహ్లికి మాత్రం రూల్స్‌ వర్తించవా?)

కేప్‌టౌన్‌: బోర్డు అవకతవకలు, అనుచిత కార్యకలాపాలు, అవినీతి ఆరోపణలతో కుదేలైన దక్షిణాఫ్రికా క్రికెట్‌ (సీఎస్‌ఏ) మరో ప్రమాదంలో పడనుంది. అంతర్జాతీయ క్రికెట్‌లో పాల్గొనకుండా దక్షిణాఫ్రికా క్రికెట్‌పై నిషేధం విధించేందుకు అక్కడి ప్రభుత్వం సిద్ధమైంది. ఈ మేరకు తమ నిర్ణయాన్ని అంతర్జాతీయ క్రికెట్‌ మండలి (ఐసీసీ) దృష్టికి కూడా తీసుకెళ్లినట్లు క్రీడా మంత్రి నాతి మెథ్వీ ఒక ప్రకటనలో పేర్కొన్నారు. సమస్యను పరిష్కరించడంలో సీఎస్‌ఏకు సహకరించేందుకు పలుమార్లు సమావేశమైనప్పటికీ వారి తీరులో ఎలాంటి మార్పు రాలేదని మెథ్వీ అసంతృప్తి వ్యక్తం చేశారు. ‘సీఎస్‌ఏ పాలనలో స్థిరత్వం తీసుకురావడానికి చాలా ప్రయత్నించాం. కానీ వారి నుంచి సహకారం అందలేదు. అందుకే ఈ నిర్ణయానికి వచ్చాం. ఇక వారితో ఎటువంటి సంప్రదింపులు చేయదల్చుకోలేదు’ అని ఆయన అన్నారు. తాను ఈ విషయంలో ఎందుకు జోక్యం చేసుకోకూడదో తెలిపేలా తమ వాదనలు వినిపించాలని క్రికెట్‌ అధికారులకు మెథ్వీ అక్టోబర్‌ 27 వరకు గడువునిచ్చారు.   

చెన్నై: భారత క్రికెట్‌లో ధోని, సురేశ్‌ రైనాలది ప్రత్యేక అనుబంధం...కెరీర్‌ ఆరంభంనుంచి రైనాకు ధోని అండగా నిలవగా, వారిద్దరి మధ్య ఆత్మీయతకు క్రికెట్‌ వర్గాలు రామలక్ష్మణులుగా పేరు పెట్టాయి. ఇప్పుడు రైనా కూడా ఆటకు వీడ్కోలు పలికే విషయంలో అన్ననే అనుసరించాడు. నేనూ నీకు తోడుగా వస్తానంటూ రిటైర్మెంట్‌ ప్రకటించాడు. ధోని గుడ్‌బై చెప్పిన కొద్ది సేపటికే అతని సహచరుడు రైనా కూడా అంతర్జాతీయ క్రికెట్‌ నుంచి తప్పుకుంటున్నట్లు వెల్లడించాడు. ‘నీతో కలిసి ఆడినంత కాలం ఆప్యాయంగా అనిపించింది ధోని... అభిమానం నిండిన హృదయంతో చెబుతున్నా... నేనూ నీ ప్రయాణంలో భాగం కావాలని నిర్ణయించుకున్నా. థ్యాంక్యూ ఇండియా. జైహింద్‌’ అని సురేశ్‌ రైనా తన రిటైర్మెంట్‌ సందేశాన్ని ఇన్‌స్టగ్రామ్‌లో పోస్ట్‌ చేశాడు. వచ్చే నెలలో యూఏఈలో జరిగే ఐపీఎల్‌ టి20 టోర్నీలో ధోని సారథ్యంలోని చెన్నై సూపర్‌ కింగ్స్‌ జట్టు తరఫున రైనా ఆడనున్నాడు.  ♦ ఉత్తర్‌ప్రదేశ్‌కు చెందిన 33 ఏళ్ల రైనా 2005 జూలై 30న దంబుల్లాలో శ్రీలంకపై తొలి వన్డే ఆడాడు. 2018 జూలై 17న లీడ్స్‌లో ఇంగ్లండ్‌పై రైనా చివరిసారి భారత్‌కు ప్రాతినిధ్యం వహించాడు.   ♦ తన 13 ఏళ్ల అంతర్జాతీయ క్రికెట్‌ కెరీర్‌లో రైనా 18 టెస్టులు, 226 వన్డేలు, 78 టి20 మ్యాచ్‌లు ఆడాడు. టెస్టుల్లో ఒక సెంచరీ, 7 అర్ధ సెంచరీలతో కలిపి 768 పరుగులు... వన్డేల్లో 5 సెంచరీలు, 36 అర్ధ సెంచరీలతో కలిపి 5,615 పరుగులు... టి20ల్లో ఒక సెంచరీ, 5 అర్ధ సెంచరీలతో కలిపి 1,605 పరుగులు సాధించాడు. మూడు ఫార్మాట్‌లలోనూ సెంచరీలు సాధించిన తొలి భారతీయ క్రికెటర్‌గా రైనా ఘనత వహించాడు. చురుకైన ఫీల్డర్‌గా గుర్తింపు పొందిన రైనా తన కెరీర్‌ మొత్తంలో 167 క్యాచ్‌లు (టెస్టుల్లో 23+వన్డేల్లో 102+టి20ల్లో 42) తీసుకున్నాడు.   ♦ ధోని మాదిరిగానే రైనా కూడా తన అరంగేట్రం వన్డేలో ‘డకౌట్‌’ అయ్యాడు. ఆ తర్వాత కొన్ని చక్కని ఇన్నింగ్స్‌ ఆడి జట్టులో నిలదొక్కుకున్నాడు. 2011 వన్డే ప్రపంచకప్‌ నెగ్గిన భారత జట్టులో రైనా సభ్యుడిగా ఉన్నాడు. ఆస్ట్రేలియాతో జరిగిన క్వార్టర్‌ ఫైనల్లో (28 బంతుల్లో 34 నాటౌట్‌; 2 ఫోర్లు, సిక్స్‌); పాకిస్తాన్‌తో జరిగిన సెమీఫైనల్లో (39 బంతుల్లో 36 నాటౌట్‌; 3 ఫోర్లు) రైనా కీలక ఇన్నింగ్స్‌ ఆడాడు. ♦ తన అంతర్జాతీయ కెరీర్‌లో రైనా వన్డేల్లో రెండుసార్లు (2013లో ఇంగ్లండ్‌పై; 2014లో ఇంగ్లండ్‌పై)... టి20ల్లో ఒకసారి (2010లో జింబా బ్వేపై) ‘మ్యాన్‌ ఆఫ్‌ ద సిరీస్‌’ అవార్డులు గెల్చు కున్నాడు. వన్డేల్లో 12 సార్లు... టి20ల్లో మూడు సార్లు ‘మ్యాన్‌ ఆఫ్‌ ద మ్యాచ్‌’ పురస్కారాలు అందుకున్నాడు.

‘మిస్టర్‌ కూల్‌’ మళ్లీ టీమిండియా జెర్సీలో కనిపించడు... భారత క్రికెట్‌ను అత్యున్నత స్థాయికి చేర్చిన నాయకుడిని ఇక అంతర్జాతీయ ఆటలో చూసే అవకాశం మళ్లీ రాదు... అద్భుత విజయాలు సాధించినా, పరాజయపు అవమానాలు ఎదుర్కొన్నా ఒకే తరహాలో స్థితప్రజ్ఞత చూపించిన మహేంద్ర సింగ్‌ ధోని తన ఆటను ముగిస్తున్నట్లు ప్రకటించాడు. 16 ఏళ్ల కెరీర్‌కు వీడ్కోలు పలుకుతూ తప్పుకుంటున్నట్లు వెల్లడించాడు. గత ఏడాది జరిగిన వన్డే వరల్డ్‌ కప్‌ సెమీ ఫైనల్లో న్యూజిలాండ్‌తో ధోని తన చివరి మ్యాచ్‌ ఆడాడు. ఆ తర్వాత ఏడాది కాలంగా అతను జట్టుకు దూరంగా ఉంటూ ఏ స్థాయి క్రికెట్‌లో కూడా ఆడలేదు. ఈ ఏడాది టి20 ప్రపంచకప్‌ ఆడవచ్చని ఇటీవలి వరకు వినిపించినా...కరోనా కారణంగా ఈ టోర్నీ ఏడాది పాటు వాయిదా పడటంతో ఇక తప్పుకునేందుకు సరైన సమయంగా ఎమ్మెస్‌ భావించాడు. ఇప్పుడు ఐపీఎల్‌ మాత్రం మహి మెరుపులు చూసేందుకు అవకాశం ఉంది. 350 వన్డేల్లో ధోని 50.57 సగటుతో 10,773 పరుగులు సాధించాడు. ఇందులో 10 సెంచరీలు, 73 అర్ధ సెంచరీలు ఉన్నాయి. 98 అంతర్జాతీయ టి20 మ్యాచ్‌లలో 37.60 సగటుతో అతను 1,617 పరుగులు చేశాడు. 2007లో టి20 ప్రపంచకప్, 2011లో వన్డే వరల్డ్‌ కప్, 2013లో వన్డే చాంపియన్స్‌ ట్రోఫీని గెలిపించిన ధోని మూడు ఐసీసీ టోర్నీలు సాధించిన ఏకైక కెప్టెన్‌గా నిలవడం విశేషం. ధోని 2014 డిసెంబర్‌లోనే టెస్టు క్రికెట్‌ నుంచి తప్పుకున్నాడు.  ఏడాది విరామమిచ్చి...  గత సంవత్సర కాలంలో ధోని రిటైర్మెంట్‌పై ఎన్నో ఊహాగానాలు వచ్చాయి. వన్డే ప్రపంచ కప్‌లో సెమీ ఫైనల్‌ మ్యాచ్‌ తర్వాత అతను మళ్లీ క్లబ్‌ స్థాయి క్రికెట్‌ కూడా ఆడలేదు. అయితే అంతర్జాతీయ క్రికెట్‌నుంచి తప్పుకోవడంపై తన వైపు నుంచి ఎలాంటి స్పష్టత లేకపోగా సెలక్టర్లు కూడా నేరుగా ఎలాంటి సమాధానం ఇవ్వకుండా దాటవేత ధోరణిని అవలంబించారు. ఆ సమయంలో పరిస్థితి చూస్తే అతను కచ్చితంగా ఆస్ట్రేలియాలో టి20 ప్రపంచ కప్‌ ఆడతాడని అనిపించింది. కెప్టెన్‌ కోహ్లి మాటలు వింటున్నప్పుడు కూడా వరల్డ్‌ కప్‌లో ధోని అనుభవం అక్కరకు వస్తుందనే భావం కనిపించింది. అయితే కరోనా వచ్చి అంతా మార్చేసింది. ఇప్పుడు ప్రత్యేక పరిస్థితుల్లో యూఏఈలో ఐపీఎల్‌ జరుగుతున్నా... దాని వల్ల ధోనికి వ్యక్తిగతంగా పెద్దగా ప్రయోజనం ఉండకపోవచ్చు. టి20 వరల్డ్‌ కప్‌ 2021 నవంబర్‌కు వాయిదా పడింది. అప్పటి వరకు అంటే సంవత్సర కాలం పాటు ఆటను, ఫిట్‌నెస్‌ను కాపాడుకోవడంతో పాటు టీమిండియా సభ్యుడిగా ఉండే ఒత్తిడిని ఎలాగూ భరించాల్సి ఉంటుంది. ప్రస్తుత పరిస్థితి చూస్తే ఆటగాడిగా ధోని కొత్తగా సాధించాల్సిన విజయాలు, అందుకోవాల్సిన లక్ష్యాలులాంటివి ఏమీ లేవు. సరిగ్గా చూస్తే గత సంవత్సర కాలంలో ఎప్పుడైనా ధోని రిటైర్‌ కావచ్చని వినిపించింది. కానీ అతను మాత్రం తనదైన శైలిలో చివరి బంతి వరకు మ్యాచ్‌ను తీసుకెళ్లినట్లుగా ఇప్పుడు అధికారికంగా రిటైర్మెంట్‌ను ప్రకటించాడు.    రనౌట్‌తో మొదలై రనౌట్‌తో ముగించి...  చిట్టగాంగ్‌లో బంగ్లాదేశ్‌తో ఆడిన తన తొలి అంతర్జాతీయ మ్యాచ్‌లో ఏడో స్థానంలో బరిలోకి దిగిన ధోని ఒకే ఒక బంతిని ఎదుర్కొని ‘సున్నా’కే రనౌట్‌గా వెనుదిరిగాడు. న్యూజిలాండ్‌తో ఆడిన ఆఖరి వన్డేలో కూడా 50 పరుగులు చేసిన అనంతరం గప్టిల్‌ అద్భుత త్రోకు అతను రనౌట్‌ అయ్యాడు.

న్యూఢిల్లీ: టీమిండియా మాజీ కెప్టెన్‌ మహేంద్ర సింగ్‌ ధోని సంచలన నిర్ణయం తీసుకున్నాడు. అంతర్జాతీయ క్రికెట్‌కు గుడ్‌ బై చెబుతున్నట్టు ధోని శనివారం ఇన్‌స్టాగ్రామ్‌ వేదికగా ప్రకటించాడు. ఇన్నేళ్లు తనకు మద్దతుగా నిలిచిన అభిమానులకు, కుటుంబ సభ్యులకు, స్నేహితులకు ధన్యవాదాలు తెలిపాడు. ధోని సారథ్యంలో టీమిండియా వన్డే, టీ-20 ప్రపంచకప్‌, ఐసీసీ చాంపియన్స్‌ ట్రోఫి సాధించింది. గతంలోనే టెస్టు క్రికెట్‌ నుంచి వైదొలిగిన ధోని, టీ-20 వన్డే, జట్లలో ఆటగాడిగా కొనసాగాడు. ధోని అనూహ్య నిర్ణయంతో యావత్‌ క్రీడా లోకం ఆశ్చర్యంలో మునిగింది. ఇక ఐపీఎల్‌లో చెన్నై సూపర్‌ కింగ్స్‌కు కెప్టెన్‌గా వ్యవహరిస్తున్న ధోని ప్రస్తుతం జట్టు సభ్యులతో కలిసి ప్రాక్టీస్‌ చేస్తున్నాడు. యూఏఈ వేదికగా సెప్టెంబర్ 19 నుంచి నవంబర్‌ 10వరకు ఐపీఎల్ 2020 జరుగనున్న సంగతి తెలిసిందే. (అంతర్జాతీయ క్రికెట్‌కు రైనా గుడ్‌బై) View this post on Instagram Thanks a lot for ur love and support throughout.from 1929 hrs consider me as Retired A post shared by M S Dhoni (@mahi7781) on Aug 15, 2020 at 7:01am PDT టీమిండియాకు ఎనలేని కృషి 39 ఏళ్ల మహేంద్రసింగ్‌ ధోనీ అంతర్జాతీయ క్రికెట్‌లో పలు సంచలన రికార్డులు నమోదు చేశాడు. ప్రపంచ క్రికెట్‌లో టీమిండియాను నెంబర్‌ 1 స్థానానికి చేర్చడంలో రాంచీ డైనమెట్‌ కీలక పాత్ర పోషించాడు. బ్యాట్స్‌మెన్‌, వికెట్‌ కీపర్‌, కెప్టెన్‌గా ధోనీ టీమిండియాకు ఎనలేని కృషి చేశాడు. 2004, డిసెంబర్‌ 23న బంగ్లాదేశ్‌తో వన్డే మ్యాచ్‌లో టీమిండియా జట్టులోకి ధోని అరంగ్రేటం చేశాడు. ఆ మ్యాచ్‌లో ధోని పరుగులేమీ చేయకుండా రనౌట్‌ కావడం విశేషం. ఇక 2005లో శ్రీలంకతో మ్యాచ్‌లో ధోని తొలి టెస్టుల్లో అరంగేట్రం చేశాడు. 2006లో తొలిసారి అంతర్జాతీయ టీ20 మ్యాచ్‌ ఆడాడు. 2014లో ఆస్ట్రేలియాతో చివరి టెస్టు మ్యాచ్‌ ఆడాడు. ధోని చివరి సారిగా 2019, జులై 19న  ప్రపంచకప్‌లో న్యూజిలాండ్‌తో అంతర్జాతీయ మ్యాచ్‌లో పాల్గొన్నాడు. అంతర్జాతీయ కెరీర్‌లో ధోని 90 టెస్ట్‌ మ్యాచ్‌ల్లో 4876 పరుగులు సాధించాడు. ఇందులో 6 సెంచరీలు, 33 అర్ధశతకాలు ఉన్నాయి. 350 వన్డే మ్యాచ్‌ల్లో 10,773 రన్స్‌ చేశాడు. వీటిల్లో 10 శతకాలలతో పాటు 73 అర్థ శతకాలు ఉన్నాయి. వ్యక్తిగత అత్యధిక స్కోర్ 183‌. ఇక 98 టీ 20 మ్యాచ్‌లలో 1600 పరుగుల సాధించాడు.  (ఎక్కడైనా ధోనియే నెంబర్‌ వన్‌)

వెస్టిండీస్‌ పేస్‌ బౌలర్‌ కీమర్‌ రోచ్‌ రౌండ్‌ ద వికెట్‌గా వచ్చి తొలి బంతిని వేయగా ఇంగ్లండ్‌ ఎడంచేతి వాటం ఓపెనర్‌ రోరీ బర్న్స్‌ దానిని సమర్థంగా డిఫెన్స్‌ ఆడాడు... దాదాపు నాలుగు నెలల తర్వాత అంతర్జాతీయ క్రికెట్‌ ఇలా మళ్లీ మొదలైంది. ప్రేక్షకుల చప్పట్లు, ఉత్సాహపు హోరు ఏమీ కనిపించకుండా ఇరు జట్ల ఆటగాళ్లు మైదానంలో తమ ఆటను మొదలు పెట్టేశారు. అయితే ఇన్ని రోజుల తర్వాత వచ్చిన క్రికెట్‌ను వరుణుడు మాత్రం కరుణించలేదు. భయపడినట్లుగానే తొలి రోజు ఆటలో చాలా భాగం వర్షం బారిన పడింది. తొలి రోజు  సంఘీభావం, సంతాపం మినహా రోజ్‌ బౌల్‌లో ఎలాంటి విశేషాలు లేకుండానే క్రికెట్‌ సాగింది. సౌతాంప్టన్‌: సీజన్‌కు తగినట్లుగానే ఇంగ్లండ్‌లో వాన తన ప్రతాపం చూపించడంతో ఇంగ్లండ్, వెస్టిండీస్‌ మధ్య తొలి టెస్టు మ్యాచ్‌ నిరాశాజనకంగా మొదలైంది. పదే పదే వాన అంతరాయం కలిగించడంతో అభిమానులు పెట్టుకున్న భారీ అంచనాలకు తగిన వినోదం దక్కలేదు. బుధవారం తొలి రోజు ఆట ముగిసే సమయానికి ఇంగ్లండ్‌ తమ మొదటి ఇన్నింగ్స్‌లో 17.4 ఓవర్లలో వికెట్‌ నష్టానికి 35 పరుగులు చేసింది. రోరీ బర్న్స్‌ (55 బంతుల్లో 20 బ్యాటింగ్‌; 3 ఫోర్లు), డెన్లీ (48 బంతుల్లో 14 బ్యాటింగ్‌; 3 ఫోర్లు) క్రీజ్‌లో ఉన్నారు. కేవలం 82 నిమిషాల ఆట మాత్రమే సాగింది. రెండో రోజు శుక్రవారం కూడా వర్ష సూచన ఉంది.   రెండో ఓవర్లోనే... సుమారు పది నెలల తర్వాత వెస్టిండీస్‌ తరఫున ఆడే అవకాశం దక్కించుకున్న పేసర్‌ షెనాన్‌ గాబ్రియెల్‌ తన తొలి ఓవర్లోనే సత్తా చాటాడు. అతను వేసిన నాలుగో బంతిని ఆడకుండా చేతులెత్తేసిన సిబ్లీ (0) క్లీన్‌బౌల్డయ్యాడు. ఆ తర్వాత పదే పదే వచ్చిన అంతరాయాల మధ్య బర్న్స్, డెన్లీ జట్టు ఇన్నింగ్స్‌ను కొనసాగించారు. వీరిద్దరు కొన్ని చక్కటి షాట్లు ఆడిన తర్వాత ఆగిన ఆట మళ్లీ మొదలు కాలేదు.   మళ్లీ మళ్లీ... తొలి టెస్టు ఆరంభమే ఆలస్యమైంది. ఉదయం నుంచి వర్షం కురవడంతో మ్యాచ్‌ మొదలు కాలేదు. చివరకు సరిగ్గా 3 గంటలు ఆలస్యంగా... భారత కాలమానం ప్రకారం సాయంత్రం 6 గంటల 30 నిమిషాలకు తొలి బంతి పడింది. సరిగ్గా 3 ఓవర్లు సాగగానే వర్షంతో ఆట ఆగిపోయింది. వాన తగ్గాక మళ్లీ ఆడితే 7 బంతుల తర్వాతే మళ్లీ చినుకులతో బ్రేక్‌ పడింది. కొంత విరామం తర్వాత మొదలైన ఆట 13.3 ఓవర్ల పాటు సాగింది. అంతా బాగుందనుకున్న సమయంలో వెలుతురులేమితో మ్యాచ్‌ ఆపేయాల్సి వచ్చింది. కొద్ది నిమిషాల్లోనే మరోసారి వర్షం వచ్చింది. ఆ తర్వాత వర్షం తగ్గకపోవడంతో మ్యాచ్‌ను అంపైర్లు నిలిపివేయక తప్పలేదు.   బ్రాడ్‌ అవుట్‌... ఇంగ్లండ్‌ తుది జట్టులో సీనియర్‌ పేసర్‌ స్టువర్ట్‌ బ్రాడ్‌కు చోటు దక్కలేదు. సొంతగడ్డపై జరిగిన ఒక టెస్టులో బ్రాడ్‌ ఆడకపోవడం 2012 తర్వాత ఇదే తొలిసారి కావడం విశేషం. మోకాళ్లపై కూర్చోని... అమెరికా నల్ల జాతీయుడు జార్జ్‌ ఫ్లాయిడ్‌ మృతికి సంతాపసూచకంగా మ్యాచ్‌లో తొలి బంతిని వేయడానికి ముందు ఇంగ్లండ్, వెస్టిండీస్‌ ఆటగాళ్లు మోకాలిపై కూర్చొని నిరసనను ప్రదర్శించారు. జాతి వివక్షకు వ్యతిరేకంగా వీరందరూ ‘బ్లాక్‌ లైవ్స్‌ మ్యాటర్‌’ లోగో ముద్రించి ఉన్న జెర్సీలతో బరిలోకి దిగారు. ఇటీవలే కన్నుమూసిన విండీస్‌ దిగ్గజ క్రికెటర్‌ ఎవర్టన్‌ వీక్స్‌తో పాటు ప్రపంచవ్యాప్తంగా మృతి చెందిన కరోనా బాధితుల స్మృతిలో రెండు నిమిషాలు మౌనం పాటించారు. భుజానికి నల్ల బ్యాండ్‌లు ధరించారు. రూట్‌కు రెండో అబ్బాయి... ఇంగ్లండ్‌ టెస్టు జట్టు రెగ్యులర్‌ కెప్టెన్‌ జో రూట్‌కు మరో బాబు పుట్టాడు. ఈ విషయాన్ని తన ఇన్‌స్టాగ్రామ్‌ పేజీ ద్వారా రూట్‌ అభిమానులతో పంచుకున్నాడు. తన భార్య ప్రసవం కారణంగానే రూట్‌ తొలి టెస్టుకు దూరమయ్యాడు. ‘ఇంగ్లండ్‌ జట్టుకు బెస్టాఫ్‌ లక్‌. మేం మ్యాచ్‌ చూస్తూ మీకు మద్దతునిస్తాం’ అంటూ కొత్తగా పుట్టిన అబ్బాయి, తన పెద్ద కొడుకు ఆల్ఫ్రెడ్‌ విలియమ్‌తో కలిసి ఉన్న ఫోటోను అతను పోస్ట్‌ చేశాడు. విరామం అనంతరం రూట్‌ నిబంధనల ప్రకారం వారం రోజుల పాటు సెల్ఫ్‌ ఐసోలేషన్‌లో ఉండనున్నాడు. ఆ తర్వాత రెండో టెస్టు కోసం అతను మాంచెస్టర్‌లో జట్టుతో కలుస్తాడు. రూట్‌ గైర్హాజరు కారణంగా తొలి టెస్టులో జట్టుకు స్టోక్స్‌ కెప్టెన్‌గా వ్యవహరిస్తున్నాడు. ఇంగ్లండ్‌ జట్టు తరఫున 81వ కెప్టెన్‌గా స్టోక్స్‌ నిలిచాడు.

న్యూఢిల్లీ: అంతర్జాతీయ క్రికెట్‌ ఆడే సత్తా తనలో ఇంకా వుందని భారత వెటరన్‌ స్పిన్నర్‌ హర్భజన్‌ సింగ్‌ చెప్పుకొచ్చాడు. ఓ ఇంటర్వూ్యలో మాట్లాడుతూ ‘నేను ఆడేందుకు సిద్ధం. ఒక వేళ నేను ఐపీఎల్‌లో బాగా బౌలింగ్‌ చేస్తే... అంతర్జాతీయ క్రికెట్‌లో కూడా అదే చేస్తాగా! బౌలర్లకు ఐపీఎల్‌ క్లిష్టమైన టోర్నమెంట్‌. ఎందుకంటే బౌండరీ దూరం తక్కువుండే ఈ టోర్నీల్లో ప్రపంచ మేటి ఆటగాళ్లంతా ఆడతారు. అలాంటి వారికి పవర్‌ ప్లే, మధ్య ఓవర్లలో బౌలింగ్‌ చేసి వికెట్లు పడగొట్టిన నాకు అంతర్జాతీయ క్రికెట్‌ ఆడే సత్తా లేదంటారా చెప్పండి’ అని అన్నాడు. ప్రపంచ క్రికెట్లో అన్ని జట్లు బలమైనవి కావని... అదే ఐపీఎల్‌లో అయితే అత్యుత్తమ ఆటగాళ్లంతా కలసి ఆడటం వల్ల అన్ని జట్లు పటిష్టమైనవని భజ్జీ విశ్లేషించాడు. ‘ఈ లీగ్‌లో బెయిర్‌ స్టో (ఇంగ్లండ్‌), డేవిడ్‌ వార్నర్‌ (ఆసీస్‌) వికెట్లను తీయగలిగే నేను అంతర్జాతీయ క్రికెట్లో తీయలేనా? అయితే తిరిగి భారత్‌కు ఆడే అంశం నా చేతిలో లేదు. సెలక్షన్‌ కమిటీ చూడాలి’ అని ముక్తాయించాడు. 

న్యూఢిల్లీ: అంతర్జాతీయస్థాయి క్రికెట్‌ టోర్నీల్లో పాల్గొనే ముందు క్రికెటర్లకు కనీసం నెల రోజుల ప్రాక్టీస్‌ అవసరమని భారత టెస్టు జట్టు వైస్‌ కెప్టెన్‌ అజింక్య రహానే అభిప్రాయపడ్డాడు. కరోనా వైరస్‌కు వ్యాక్సిన్‌ అందుబాటులోకి వచ్చాకే ఆటల్ని పునఃప్రారంభించాలని సూచించాడు. బుధవారం ఎల్సా కార్ప్‌ సంస్థకు బ్రాండ్‌ అంబాసిడర్‌గా నియమితుడైన రహానే మాట్లాడుతూ... ఇకనుంచి మైదానంలో ఆటగాళ్లు ముందులా సంబరాలు చేసుకునే అవకాశం ఉండబోదని చెప్పాడు. ‘ఏ స్థాయి క్రికెట్‌ ఆడాలన్నా క్రికెటర్లకు 3 నుంచి 4 వారాల కఠిన ప్రాక్టీస్‌ అవసరం. నావరకైతే ఆటను చాలా మిస్‌ అవుతున్నా. కానీ వ్యాక్సిన్‌ వచ్చాకే టోర్నీలు ప్రారంభిస్తే మంచిది. కరోనా కట్టడి అయ్యాక కూడా మనం ఇష్టమొచ్చినట్లు ప్రవర్తించకూడదు. అభిమానులు, ప్రేక్షకుల భద్రతను దృష్టిలో పెట్టుకుని నిర్ణయాలు తీసుకోవాల్సి ఉంటుంది. అంతా సద్దుమణిగాక కూడా మైదానంలో మా సంబరాలు మునుపటిలా ఉండకపోవచ్చు. ప్రయాణాల్లో, వికెట్‌ తీసినప్పుడు మేం చప్పట్లు, నమస్కారాలతో సరిపెట్టుకుంటామేమో. ఇక బంతిని మెరిపించేందుకు లాలాజలం వాడాలా? వద్దా? అనే అంశంపై ఆట ప్రారంభమయ్యాకే స్పష్టత వస్తుందని’ రహానే చెప్పాడు.  

న్యూఢిల్లీ: కరోనా వైరస్‌ నియంత్రణలోకి వచ్చాక లీగ్‌ క్రికెట్‌ స్థానంలో అంతర్జాతీయ క్రికెట్‌కే అధిక ప్రాధాన్యమివ్వాలని భారత స్పిన్నర్‌ రవిచంద్రన్‌ అశ్విన్‌ అన్నాడు. సంప్రదాయిక టెస్టు క్రికెట్‌ ఫార్మాట్‌లో ఎటువంటి మార్పులు చేయకుండా ఐదు రోజుల మ్యాచ్‌లనే నిర్వహించాలని కోరాడు. ‘కరోనా మహమ్మారి కట్టడి తర్వాత అందరూ లీగ్‌ క్రికెట్‌ వైపు మొగ్గుచూపుతారేమో! అలా జరుగకూడదు. అంతర్జాతీయ క్రికెట్‌ షెడ్యూల్‌ను ఎట్టి పరిస్థితుల్లోనూ లీగ్‌లకు కేటాయించొద్దు. ప్రపంచ క్రికెట్‌ గాడిలో పడేందుకు అందరూ అనుకుంటున్న దానికంటే ఎక్కువ సమయం పట్టొచ్చు. సమీప భవిష్యత్‌లో ఏం జరుగనుందో ఎవరూ ఊహించలేరు’ అని అశ్విన్‌ పేర్కొన్నాడు. భారత్‌ తరఫున టెస్టుల్లో వేగంగా 350 వికెట్లు దక్కించుకున్న బౌలర్‌గా ఘనత సాధించిన అశ్విన్‌... టెస్టుల్ని నాలుగు రోజులకు కుదించాలన్న ఐసీసీ ప్రతిపాదన తనకు నచ్చలేదని చెప్పాడు. ‘సుదీర్ఘ ఫార్మాట్‌లో నేను సాధించాల్సింది ఇంకా ఉంది. నా శరీరం సహకరిస్తే మరిన్ని ఘనతల్ని అందుకోగలను. ఐసీసీ చెబుతోన్న నాలుగు రోజుల టెస్టు ప్రతిపాదనతో నేనైతే ఆనందంగా లేను. ఈ ఆలోచన మంచిదో, చెడ్డదో విశ్లేషించను గానీ ఒకరోజు ఆటపై కోత వేయడమంటే టెస్టు క్రికెట్‌ మజాను తగ్గించినట్లే అని నా ఉద్దేశం’ అని అశ్విన్‌ వివరించాడు.    

ఒక ఆటగాడు అంతర్జాతీయ క్రికెట్‌లో తన తొలి టెస్టు మ్యాచ్‌ ఆడుతూ సెంచరీ సాధించడం అంటే గొప్ప ప్రదర్శనగా గుర్తించవచ్చు. ఎందుకంటే 143 ఏళ్ల టెస్టు చరిత్రలో 2,384 మ్యాచ్‌లు జరిగితే 108 మందికే ఇది సాధ్యమైంది. అదే జోరు కొనసాగించి రెండో టెస్టులోనూ శతకం బాదితే అద్భుతమని చెప్పవచ్చు. ఎందుకంటే కేవలం 9 మంది మాత్రమే ఈ జాబితాలో ఉన్నారు. ఇక అంతటితో ఆగకుండా మూడో టెస్టు మ్యాచ్‌లోనూ వందతో చెలరేగిపోతే ఆ సంచలనాన్ని మొహమ్మద్‌ అజహరుద్దీన్‌ అనవచ్చు. ఎందుకంటే తన తొలి మూడు టెస్టుల్లోనూ సెంచరీలు సాధించిన ఈ మాజీ కెప్టెన్‌ రికార్డును ఇప్పటికీ ఎవరూ సమం కూడా చేయలేకపోయారు. ఫలితంగా ఈ ఘనత సాధించిన ఏకైక బ్యాట్స్‌మన్‌గా ఇప్పటికీ అజహర్‌ కొనసాగుతున్నాడు. ఇంగ్లండ్‌ క్రికెట్‌ జట్టు 1984–85 సీజన్‌లో ఐదు టెస్టుల సిరీస్‌ కోసం భారత్‌లో పర్యటించింది. భారత జట్టుకు సునీల్‌ గావస్కర్‌ కెప్టెన్‌గా వ్యవహరించాడు. ఈ సిరీస్‌కు అజహర్‌ ఎంపికయ్యాడు. తొలి రెండు టెస్టుల్లో అతనికి తుది జట్టులో స్థానం లభించలేదు. అయితే మూడో టెస్టులో సందీప్‌ పాటిల్‌ స్థానంలో అజ్జూను తీసుకున్నారు. 1984 డిసెంబర్‌ 31న మొదలైన ఈ టెస్టుతో అజ్జూ చరిత్ర సృష్టించాడు.   తొలి సెంచరీ (కోల్‌కతా)   ఈడెన్‌ గార్డెన్స్‌లో జరిగిన ఈ టెస్టులో అజహర్‌ ఐదో స్థానంలో వచ్చాడు. 322 బంతుల్లో 10 ఫోర్లతో 110 పరుగులు చేసి తన అరంగేట్రాన్ని ఘనంగా చాటాడు. అద్భుతంగా కెరీర్‌ను ఆరంభించిన అజహర్‌పై అందరి దృష్టీ పడింది. అన్ని వైపుల నుంచి ప్రశంసలు లభించాయి. తొలి ఇన్నింగ్స్‌లో భారత్‌ ఏడు వికెట్ల నష్టానికి 437 పరుగులు చేసి డిక్లేర్‌ చేసింది. అనంతరం ఇంగ్లండ్‌ 276 పరుగులకే ఆలౌటైంది. అయితే వర్షం కారణంగా మ్యాచ్‌కు ఇబ్బంది కలగడంతో భారత్‌ రెండో ఇన్నింగ్స్‌లో అజహర్‌కు బ్యాటింగ్‌ చేసే అవకాశం రాలేదు. తుదకు ఈ టెస్టు ‘డ్రా’గా ముగిసింది. రెండో సెంచరీ (మద్రాస్‌) చిదంబరం స్టేడియం వేదికగా జరిగిన ఈ మ్యాచ్‌లో భారత్‌ తొలి ఇన్నింగ్స్‌లో 272 పరుగులకు ఆలౌటైంది. అజహరుద్దీన్‌ 90 బంతుల్లో 6 ఫోర్లతో 48 పరుగులు చేశాడు. అనంతరం మైక్‌ గ్యాటింగ్‌ (207; 20 ఫోర్లు; 3 సిక్స్‌లు), గ్రేమ్‌ ఫ్లవర్‌ (201; 22 ఫోర్లు, 3 సిక్స్‌లు) డబుల్‌ సెంచరీలు సాధించారు. దాంతో ఇంగ్లండ్‌ 7 వికెట్లకు 652 పరుగుల భారీ స్కోరు వద్ద ఇన్నింగ్స్‌ను డిక్లేర్‌ చేసింది. 380  పరుగుల భారీ లోటుతో రెండో ఇన్నింగ్స్‌ ప్రారంభించిన భారత్‌ చివరకు 412 పరుగులు చేసి ఆలౌటై ఇంగ్లండ్‌ ముందు 33 పరుగుల విజయలక్ష్యాన్ని పెట్టింది. తీవ్ర ఒత్తిడిలో పోరాడుతూ ఇక్కడ సాధించిన మరో శతకం అజహర్‌ అసలు సత్తాను చూపించింది. 218 బంతుల్లో అజహర్‌ 18 ఫోర్లతో 105 పరుగులు సాధించాడు. భారత్‌ 9 వికెట్లతో ఈ మ్యాచ్‌ ఓడినా... మన హైదరాబాదీ ప్రదర్శించిన బ్యాటింగ్‌ సొగసు, అతని మణికట్టు మాయాజాలం ఒక్కసారిగా పెద్ద సంఖ్యలో అభిమానులను తెచ్చిపెట్టింది. వరుసగా రెండో సెంచరీతో అజ్జూ తళుక్కుమన్నాడు.   మూడో సెంచరీ ( కాన్పూర్‌) అజహర్‌కు ముందు ముగ్గురు బ్యాట్స్‌మెన్‌కు మాత్రమే తమ అరంగేట్రం తొలి రెండు టెస్టుల్లో సెంచరీలు సాధించిన గుర్తింపు ఉంది. తాజా ప్రదర్శనతో భారత అభిమానుల దృష్టి అజహర్‌పై నిలిచింది. అతను మూడో మ్యాచ్‌లోనూ శతకాన్ని అందుకోగలడా అని అందరూ ఆసక్తిగా ఎదురుచూశారు. గ్రీన్‌పార్క్‌ స్టేడియంలో జరిగిన ఈ మ్యాచ్‌లో అజహర్‌ అభిమానుల అంచనాలు వమ్ము చేయలేదు. చురుకైన బ్యాటింగ్‌తో మరో సెంచరీని తన ఖాతాలో వేసుకొని చరిత్ర సృష్టించాడు. మూడో స్థానంలో బ్యాటింగ్‌ చేసిన అజ్జూ 270 బంతుల్లో 16 ఫోర్లతో 122 పరుగులు చేసి తనపై ఉంచిన నమ్మకాన్ని నిలబెట్టాడు. భారత్‌ 8 వికెట్లకు 553 పరుగులు చేసి తొలి ఇన్నింగ్స్‌ను డిక్లేర్‌ చేసింది. అనంతరం ఇంగ్లండ్‌ 417 పరుగులకు ఆలౌటైంది. మ్యాచ్‌ ఫలితం ‘డ్రా’గా ఖాయమైన నేపథ్యంలో రెండో ఇన్నింగ్స్‌లో దూకుడుగా ఆడిన అజహర్‌ 43 బంతుల్లోనే 5 ఫోర్లతో 54 పరుగులు చేసి అజేయంగా నిలిచాడు. అలా అతని వరుసగా మూడు సెంచరీల ప్రదర్శన క్రికెట్‌ చరిత్రలో నిలిచిపోయింది. మొత్తంగా 3 టెస్టుల్లో కలిపి అజహర్‌ 439 పరుగులు సాధించాడు. మూడో టెస్టులో వేటుపడ్డాక సందీప్‌ పాటిల్‌ మళ్లీ టెస్టు జట్టులోకి రాలేకపోయాడు. తన స్థానంలో వచ్చిన అజహర్‌ పాతుకుపోవడంతో పాటిల్‌ కెరీర్‌ అక్కడే ముగిసిపోయింది.   భారత్‌ తరఫున 15 మంది తమ తొలి టెస్టుల్లో సెంచరీలు చేయగా... అజహర్‌తో పాటు గంగూలీ, రోహిత్‌ శర్మ మాత్రమే తొలి రెండు టెస్టుల్లోనూ శతకాలు సాధించారు. అజహర్‌ అనూహ్యంగా ముగిసిన తన కెరీర్‌ చివరి టెస్టు (99వ)లోనూ సెంచరీ సాధించడం విశేషం. –సాక్షి క్రీడా విభాగం

కరాచీ: పాకిస్తాన్‌ మహిళల క్రికెట్‌లో స్టార్‌ ప్లేయర్‌గా గుర్తింపు పొందిన మాజీ కెప్టెన్‌ సనా మీర్‌ అంతర్జాతీయ క్రికెట్‌ నుంచి వీడ్కోలు తీసుకుంది. తన 15 ఏళ్ల కెరీర్‌లో 34 ఏళ్ల సనా మీర్‌ పాకిస్తాన్‌ తరఫున 120 వన్డేలు, 106 టి20 మ్యాచ్‌లు ఆడింది. 2009 నుంచి 2017 మధ్య 137 మ్యాచ్‌ల్లో ఆమె పాక్‌ జట్టుకు కెప్టెన్‌గా వ్యవహరించింది. ‘రిటైర్మెంట్‌కు ఇదే సరైన సమయంగా నేనే భావిస్తున్నాను. నా క్రికెట్‌ ప్రయాణంలో అండగా నిలిచిన జట్టు సభ్యులకు, ప్రేక్షకులకు నా ధన్యవాదాలు’ అని సనా తెలిపింది. వన్డేల్లో 1,630 పరుగులు చేసిన ఆమె 151 వికెట్లు కూడా తీసింది. తద్వారా పాక్‌ తరఫున వన్డేల్లో అత్యధిక వికెట్లు తీసిన బౌలర్‌గా నిలిచింది. ఇక టి20 ఫార్మాట్‌లో 802 పరుగులు సాధించిన ఆమె 89 వికెట్లు పడగొట్టింది. 

ముంబై: ఒకానొక దశలో భారత క్రికెట్‌లో కపిల్‌దేవ్‌ తర్వాత నిఖార్సయిన ఆల్‌రౌండర్‌గా కనిపించిన ఇర్ఫాన్‌ పఠాన్‌ అన్ని రకాల క్రికెట్‌ నుంచి వీడ్కోలు తీసుకుంటున్నట్లు శనివారం ప్రకటించాడు. 35 ఏళ్ల ఇర్ఫాన్‌ పఠాన్‌ తన కెరీర్‌ ఆరంభంలో ఓ వెలుగు వెలిగాడు. ముఖ్యంగా గ్రెగ్‌ చాపెల్‌ కోచ్‌గా ఉన్న సమయంలో మేటి ఆల్‌రౌండర్‌గా పేరుతెచ్చుకున్న ఈ బరోడా క్రికెటర్‌ ఆ తర్వాత అంచనాలను నిలబెట్టుకోలేకపోయాడు. తొలుత బౌలింగ్‌లో గతి తప్పి... ఆ తర్వాత బ్యాటింగ్‌లో తడబడి... కొన్నాళ్లకు ఫిట్‌నెస్‌ కోల్పోయి... ఆఖరికి జట్టులోనే స్థానం కోల్పోయాడు. 2003లో ఆ్రస్టేలియాపై అడిలైడ్‌ టెస్టులో అరంగేట్రం చేసిన ఇర్ఫాన్‌ ఆ సిరీస్‌లో తన స్వింగ్‌ బౌలింగ్‌తో ఆసీస్‌ బ్యాట్స్‌మెన్‌ను హడలెత్తించాడు. 2012లో తన కెరీర్‌లో చివరి అంతర్జాతీయ మ్యాచ్‌ ఆడిన ఇర్ఫాన్‌... గతేడాది సయ్యద్‌ ముస్తాక్‌ అలీ టి20 క్రికెట్‌ టోర్నీలో జమ్మూ కాశ్మీర్ తరఫున చివరిసారిగా దేశవాళీ మ్యాచ్‌లో బరిలోకి దిగాడు. ప్రస్తుతం ఇర్ఫాన్‌ క్రికెట్‌ వ్యాఖ్యాతగా వ్యవహరిస్తున్నాడు. తన తొమ్మిదేళ్ల అంతర్జాతీయ కెరీర్‌లో ఇర్ఫాన్‌ కొన్ని చిరస్మరణీయ ప్రదర్శనలు చేశాడు. ముఖ్యంగా 2006 పాకిస్తాన్‌ పర్యటనలో కరాచీ టెస్టులో మ్యాచ్‌ తొలి రోజు తొలి ఓవర్‌లోనే వరుసగా మూడు బంతుల్లో సల్మాన్‌ బట్, యూనిస్‌ ఖాన్, మొహమ్మద్‌ యూసుఫ్‌లను అవుట్‌ చేశాడు. హర్భజన్‌ తర్వాత టెస్టుల్లో హ్యాట్రిక్‌ తీసిన రెండో బౌలర్‌గా ఇర్ఫాన్‌ గుర్తింపు పొందాడు. దక్షిణాఫ్రికా వేదికగా జరిగిన తొలి టి20 వరల్డ్‌ కప్‌లో భారత్‌ విశ్వవిజేతగా అవతరించడంలో ఇర్ఫాన్‌ కూడా కీలకపాత్ర పోషించాడు. పాకిస్తాన్‌తో జరిగిన ఫైనల్లో ఇర్ఫాన్‌ 4 ఓవర్లు వేసి 16 పరుగులు ఇచ్చి మూడు కీలక వికెట్లు (షోయబ్‌ మాలిక్, షాహిద్‌ అఫ్రిది, యాసిర్‌ అరాఫత్‌) తీశాడు. ఈ ప్రదర్శనకుగాను ఇర్ఫాన్‌ ‘మ్యాన్‌ ఆఫ్‌ ద ఫైనల్‌’ అవార్డును గెల్చుకున్నాడు.

మెల్‌బోర్న్‌: ఆ్రస్టేలియా పేస్‌ బౌలర్‌ పీటర్‌ సిడిల్‌ అంతర్జాతీయ క్రికెట్‌ నుంచి తప్పుకుంటున్నట్లు ప్రకటించాడు. ఆదివారం న్యూజిలాండ్‌తో ముగిసిన రెండో టెస్టు కోసం అతడిని ఎంపిక చేసినా... తుది జట్టులో స్థానం దక్కలేదు. 11 ఏళ్ల కెరీర్‌లో 20 వన్డేలు, 2 టి20లు ఆడినా సిడిల్‌కు టెస్టు స్పెషలిస్ట్‌గానే ఎక్కువ గుర్తింపు దక్కింది. 67 టెస్టుల్లో ఆసీస్‌కు ప్రాతినిధ్యం వహించిన 35 ఏళ్ల సిడిల్‌ 30.66 సగటుతో 221 వికెట్లు పడగొట్టాడు. ఇందులో 8 సార్లు ఇన్నింగ్స్‌లో 5 వికెట్ల ప్రదర్శనలు ఉన్నాయి. కంగారూల తరఫున అత్యధిక టెస్టు వికెట్లు తీసిన బౌలర్ల జాబితాలో 13వ స్థానంతో సిడిల్‌ తన కెరీర్‌ ముగించాడు. 2008లో మొహాలిలో తన తొలి టెస్టు ఆడిన సిడిల్‌ కెరీర్‌లో సచిన్‌ టెండూల్కర్‌ వికెట్‌ మొదటిది. తర్వాతి ఏడాది ఐసీసీ ఎమర్జింగ్‌ ప్లేయర్‌గా కూడా అవార్డు అందుకున్న అతను అందరి దృష్టినీ ఆకర్షించాడు. అయితే వరుస గాయాలతో అతని కెరీర్‌ సక్రమంగా సాగలేదు. అనేక సార్లు ఆసీస్‌ తరఫున ఆడి జట్టుకు దూరం కావడం, మళ్లీ పునరాగమనం చేయడం తరచుగా జరిగింది.

మెల్‌బోర్న్‌:  ఆసీస్‌ వెటరన్‌ ఫాస్ట్‌ బౌలర్‌ పీటర్‌ సిడెల్‌ తన అంతర్జాతీయ కెరీర్‌కు గుడ్‌ బై చెప్పేశాడు. ఆసీస్‌ తరఫున 11 ఏళ్లు క్రికెట్‌ ఆడిన 35 ఏళ్ల సిడెల్‌ తన రిటైర్మెంట్‌ను ప్రకటించాడు. తాను రిటైర్మెంట్‌ తీసుకోవడానికి ఇదే తగిన సమయమని భావించి అంతర్జాతీయ క్రికెట్‌కు వీడ్కోలు చెబుతున్నట్లు వెల్లడించాడు. ఆసీస్‌ జట్టుకు ఆడటాన్ని గొప్పగా భావించానని చెప్పుకొచ్చిన సిడెల్‌.. కాస్త బాధతోనే క్రికెట్‌కు ముగింపు పలుకుతున్నానని అన్నాడు. ‘ నా చిన్నతనంలో నాలో క్రికెట్‌ పరంగా సూపర్‌ టాలెంట​ ఏమీ లేదు. ఆసీస్‌కు ఆడాలనే ప్రయత్నంలో ఎక్కువగా శ‍్రమించే లక్ష్యాన్ని చేరుకున్నా. బ్యాగీ గ్రీన్‌ను ధరించడం గొప్పగా భావించా. ఒక్కసారి ఆసీస్‌కు ప్రాతినిథ్యం వహిస్తే సరిపోతుందని అనుకున్నా. యాషెస్‌ సిరీస్‌ వంటి ప్రతిష్టాత్మక సిరీస్‌ కూడా ఆడా. నేను ఆడుతున్న సమయంలో ముగ్గురు ఫాస్ట్‌  బౌలర్లు అరంగేట్రం చేశారు. ఆపై వారు క్రికెట్‌ నుంచి వీడ్కోలు కూడా తీసుకున్నారు. వారు నా కంటే చాలా వయసులో ఉన్నారు. వారి వ్యక్తిగత కారణాల వల్ల క్రికెట్‌కు గుడ్‌ బై చెప్పారు. నేను జట్టు నుంచి ఉద్వాసన గురైన ప్రతీసారి నాలో సత్తాను నిరూపించుకుని మళ్లీ జట్టులోకి వచ్చా’ అని సిడెల్‌ తెలిపాడు. తన అంతర్జాతీయ కెరీర్‌లో 67 టెస్టులు ఆడిన సిడెల్‌.. 221 వికెట్లు సాధించాగు. అందులో ఐదు వికెట్ల మార్కును ఎనిమిదిసార్లు చేరాడు. ఆసీస్‌ తరఫున 13వ అత్యధిక వికెట్‌ టేకర్‌గా సిడెల్‌ ఉన్నాడు. 2010లో ఇంగ్లండ్‌తో జరిగిన మ్యాచ్‌లో అది కూడా సిడెల్‌ 26వ బర్త్‌ డే రోజున హ్యాట్రిక్‌ సాధించాడు.  ఇక 20 వన్డేలు, రెండు టీ20లు సిడెల్‌ ఆడాడు. ఆసీస్‌ తరఫున చివరగా యాషెస్‌ సిరీస్‌లో సిడెల్‌ పాల్గొన్నాడు.

జొహన్నెస్‌బర్గ్‌: సీనియర్లు దూరమై ఇప్పటికే దిక్కు తోచని స్థితిలో కనిపిస్తున్న దక్షిణాఫ్రికా క్రికెట్‌కు మరో దెబ్బ తగిలింది. స్టెయిన్, మోర్నీ మోర్కెల్‌ దూరమయ్యాక పేస్‌ బౌలింగ్‌ భారాన్ని మోస్తున్న సీనియర్‌ వెర్నాన్‌ ఫిలాండర్‌ కూడా టెస్టు క్రికెట్‌కు వీడ్కోలు చెబుతున్నట్లు ప్రకటించాడు. త్వరలో స్వదేశంలో ఇంగ్లండ్‌తో జరిగే టెస్టు సిరీస్‌ తర్వాత అతను రిటైర్‌ కానున్నాడు. తొలి టి20 ప్రపంచకప్‌తో పాటు 30 వన్డేలు కూడా ఆడినా... టెస్టు స్పెషలిస్ట్‌గానే ఫిలాండర్‌కు ఎక్కువ గుర్తింపు దక్కింది. 12 ఏళ్ల కెరీర్‌లో ఫిలాండర్‌ 60 టెస్టుల్లో 22.16 సగటుతో 216 వికెట్లు పడగొట్టాడు. ఇందులో 13 సార్లు ఐదు వికెట్ల ప్రదర్శన నమోదు చేయడం విశేషం. సఫారీ జట్టు చిరస్మరణీయ టెస్టు విజయాల్లో కీలక పాత్ర పోషించిన ఈ స్వింగ్‌ బౌలర్, ఆ దేశం తరఫున అత్యధిక టెస్టు వికెట్లు తీసిన బౌలర్ల జాబితాలో ఏడో స్థానంలో ఉన్నాడు. ఇటీవల తరచూ గాయాలబారిన పడుతుండటంతో 34 ఏళ్ల ఫిలాండర్‌ రిటైర్మెంట్‌ నిర్ణయం తీసుకున్నట్లు సమాచారం. గత 18 నెలల్లో ఫిలాండర్‌ 6 టెస్టులు మాత్రమే ఆడగలిగాడు. కొన్నాళ్ల క్రితమే అతని ఫిట్‌నెస్‌ను మాజీ కెప్టెన్, ప్రస్తుతం దక్షిణాఫ్రికా బోర్డు డైరెక్టర్‌ గ్రేమ్‌ స్మిత్‌ ప్రశ్నించడంతో ఫిలాండర్‌ కెరీర్‌పై చర్చ మొదలైంది.

న్యూఢిల్లీ: భారత మాజీ కెప్టెన్‌ మహేంద్రసింగ్‌ ధోని అంతర్జాతీయ క్రికెట్‌కు 15 ఏళ్లు పూర్తయ్యాయి. 2004లో సౌరవ్‌ గంగూలీ సారథ్యంలో అరంగేట్రం చేసిన ధోని సోమవారం డిసెంబర్‌ 23తో 15 ఏళ్ల కెరీర్‌ను పూర్తి చేసుకున్నాడు. భారత క్రికెట్‌లో అత్యంత విజయవంతమైన సారథిగా ఘనతకెక్కిన ఈ జార్ఖండ్‌ స్టార్‌ మూడు ఫార్మాట్లలో కలిపి 17, 266 పరుగులు చేశాడు. 38 ఏళ్ల ఈ వికెట్‌కీపర్‌ బ్యాట్స్‌మన్‌ ఇప్పటివరకు 350 వన్డేలు, 98 టి20లు, 90 టెస్టులు ఆడాడు. 829 వికెట్ల పతనంలో పాలు పంచుకున్నాడు. అతని సారథ్యంలో భారత్‌ ఇటు పొట్టి ఫార్మాట్‌ (2007)లో, అటు వన్డేల్లో (2011) ప్రపంచకప్‌ విజేతగా నిలిచింది. మూడు ఐసీసీ ట్రోఫీలు గెలిపించిన ఏకైక భారత సారథిగా ధోనిది ఘనమైన రికార్డు. 2013లో జరిగిన చాంపియన్స్‌ ట్రోఫీలోనూ ధోని సేన గెలిచింది. టీమిండియాను ఐసీసీ టెస్టు, వన్డే ర్యాంకుల్లో అగ్రస్థానంలో నిలిపిన ఘనత కూడా అతనిదే. ప్రస్తుతం అతని చుట్టూ రిటైర్మెంట్‌ వార్తలు వస్తున్నా... ఇప్పటివరకు తను మాత్రం అధికారికంగా వెల్లడించలేదు. జనవరి దాకా తనను ఈ విషయమై అడగొద్దని ఇటీవల మీడియాతో అన్నాడు. ఈ ఏడాది వన్డే ప్రపంచకప్‌లో న్యూజిలాండ్‌తో జరిగిన సెమీ ఫైనల్‌ మ్యాచ్‌ తర్వాత అతను బరిలోకి దిగలేదు.

మెల్‌బోర్న్‌: ఆస్ట్రేలియా కీలక ఆటగాడు, విధ్వంసక బ్యాట్స్‌మన్‌ గ్లెన్‌ మ్యాక్స్‌వెల్‌ ఆశ్చర్యకర రీతిలో క్రికెట్‌కు నిరవధిక విరామం ప్రకటించాడు. మానసికపరమైన సమస్యలతో తాను బాధపడుతున్నట్లు, కొంత కాలం ఆటకు దూరం కావాలని భావిస్తున్నట్లు అతను తన నిర్ణయాన్ని వెలువరించాడు. క్రికెట్‌ ఆ స్ట్రేలియా (సీఏ) ఈ విషయాన్ని నిర్ధారిస్తూ అధికారిక ప్రకటన చేసింది. ‘ఆస్ట్రేలియా ఆటగాళ్ల మంచి చెడులు చూసుకోవడం మా బాధ్యత. మ్యాక్స్‌వెల్‌కు మా పూర్తి మద్దతు ఉంటుంది. క్రికెట్‌ ఆస్ట్రేలియా, అతని దేశవాళీ జట్టు విక్టోరియా కలిసి అతని ఆరోగ్యంపై తగిన శ్రద్ధ తీసుకుంటాయి. మ్యాక్సీ మళ్లీ క్రికెట్‌లోకి అడుగు పెట్టే విధంగా తగిన వాతావరణం కల్పిస్తాం. ఈ సమయంలో మ్యాక్స్‌వెల్‌ వ్యక్తిగత జీవితాన్ని ఎవరూ ఇబ్బంది పెట్టరాదని మేం విజ్ఞప్తి చేస్తున్నాం. అతనో ప్రత్యేకమైన ఆటగాడు. ఆస్ట్రేలియా క్రికెట్‌ కుటుంబంలో భాగమైన గ్లెన్‌ తొందరగా తిరిగొస్తాడని ఆశిస్తున్నాం’ అని క్రికెట్‌ ఆస్ట్రేలియా ఎగ్జిక్యూటివ్‌ జనరల్‌ మేనేజర్‌ బెన్‌ ఒలీవర్‌ ప్రకటన జారీ చేశారు. గత కొంత కాలంగా మ్యాక్స్‌వెల్‌ మానసికపరమైన ఇబ్బందులు ఎదుర్కొంటున్నాడని, దీనిని సరైన సమయంలో గుర్తించిన అతనికి విరామం తప్పనిసరి అని టీమ్‌ సైకాలజిస్ట్‌ మైకేల్‌ లాయిడ్‌ వ్యాఖ్యానించారు. ఆదివారం శ్రీలంకతో జరిగిన తొలి టి20లో గ్లెన్‌ మ్యాక్స్‌వెల్‌ బరిలోకి దిగాడు. 28 బంతుల్లోనే 62 పరుగుల మెరుపు ఇన్నింగ్స్‌ ఆడటంతో పాటు మైదానంలో కూడా చాలా చురుగ్గా కనిపించి ఒక అద్భుతమైన రనౌట్‌ కూడా చేశాడు. అతని ఉత్సాహాన్ని చూస్తే ఎవరికీ అతని మానసిక స్థితిపై కనీస సందేహం కూడా రాదు. కానీ నాలుగు రోజులు తిరిగే సరికి తాను క్రికెట్‌ ఆడలేనని, విరామం కోరుకుంటున్నట్లు చెప్పాడు. మానసికంగా తాను తీవ్రమైన ఆందోళన, ఒత్తిడికి గురవుతున్నట్లు 31 ఏళ్ల మ్యాక్స్‌వెల్‌ వెల్లడించడం అనూహ్యం. ఏడాది కాలంగా...  అడిలైడ్‌లో జరిగిన తొలి టి20 మ్యాచ్‌కు ముందే తన విరామం గురించి కోచ్‌ లాంగర్‌తో మ్యాక్స్‌వెల్‌ చర్చించాడు. బ్రిస్బేన్‌లో జరిగిన రెండో టి20లో అతను బ్యాటింగ్‌ చేయలేదు. అయితే మ్యాక్సీ సమస్యల్లో ఉన్నట్లు తాను చాలా కాలం క్రితమే గుర్తించానని టీమ్‌ కోచ్‌ జస్టిన్‌ లాంగర్‌ వెల్లడించాడు. ‘నా పరిస్థితి అంత బాగా ఏమీ లేదు. ఆటను ఆస్వాదించలేకపోతున్నాను’ అని తనతో చెప్పినట్లు లాంగర్‌ స్పష్టం చేశాడు. శ్రీలంకతో సిరీస్‌ సమయంలో మ్యాచ్‌ ప్రసారకర్తలతో మ్యాక్స్‌వెల్‌ సరదాగా మాట్లాడటం కూడా ఒక ‘ముసుగు’ మాత్రమేనని కోచ్‌ అభిప్రాయ పడ్డాడు. తమ ఆటతో ప్రజలకు ఎంతో వినోదం పంచినా...ఆటగాళ్ల అంతరంగాన్ని ఎవరూ గుర్తించలేరని లాంగర్‌ వ్యాఖ్యానించాడు. గత ఏడాది కాలంగా మ్యాక్స్‌వెల్‌ పెద్ద సంఖ్యలో మ్యాచ్‌లు ఆడటంతో పాటు సుదీర్ఘ ప్రయాణాలు చేశాడు. స్వదేశంలో సిరీస్‌ల తర్వాత భారత్, యూఏఈ పర్యటన, ఆ తర్వాత ఇంగ్లండ్‌లో ప్రపంచ కప్, దానికి కొనసాగింపుగా కౌంటీల్లో కూడా అతను ఆడాడు. తాను ఎప్పుడు తిరిగి వస్తాననే విషయంలో మ్యాక్స్‌వెల్‌ ఎలాంటి స్పష్టతనివ్వలేదు. ప్రస్తుతానికి అతని స్థానంలో ఆస్ట్రేలియా జట్టులో డి ఆర్సీ షార్ట్‌ను ఎంపిక చేశారు. మనసంతా కలతే..!  మార్కస్‌ ట్రెస్కోథెక్, ఫ్లింటాఫ్, టెయిట్, హోగార్డ్, ట్రాట్, హార్మిసన్, మాడిసన్, హేల్స్, సారా టేలర్‌... ఒకరా, ఇద్దరా ఈ జాబితా చాలా పెద్దదే! ఎక్కడో ఒక చోట మ్యాచ్‌ లేదా సిరీస్‌ ఆడుతుంటారు. అకస్మాత్తుగా మనసులో ఏదో తెలియని నైరాశ్యం అలముకుంటుంది. ఆడింది చాలు, ఇక నా వల్ల కాదు అంటూ అకస్మాత్తుగా ఇంటికి వెళ్లిపోయేందుకు లేదా ఆటకు దూరమయ్యేందుకు సిద్ధపడిపోతారు. ఆ సమయంలో వారికి ఆటగాడిగా తమ ఘనతలు, కీర్తి కనకాదులు ఏవీ గుర్తుకు రావు. పైన చెప్పిన క్రికెటర్లంతా ఏదో ఒక దశలో మానసిక సమస్యలతో బాధపడినవారే. వీరిలో కొందరు విరామం తర్వాత మళ్లీ కోలుకొని బరిలోకి దిగితే... మరికొందరు ఆట ముగించారు. ఇదే సమస్యతో దాదాపు నెల రోజుల క్రితం రిటైర్మెంట్‌ ప్రకటించిన మహిళా క్రికెటర్‌ సారా టేలర్‌ వయసు 30 ఏళ్లే అంటే ఆశ్చర్యం కలుగుతుంది. యాదృచ్ఛికమో,  మరే కారణమో గానీ వీరిలో ఎ క్కువ మంది ఇంగ్లండ్, ఆస్ట్రేలియా క్రికెటర్లే ఉన్నారు. ఆసీస్‌ కీలక ఆటగాడైన మ్యాక్స్‌వెల్‌ తాజా నిర్ణయంతో ఈ ‘మానసిక ఆందోళన’ సమస్య మళ్లీ చర్చను రేకెత్తిస్తోంది. డబ్బుకు లోటుండదు, ఎక్కడకు వెళ్లినా దేవుడి స్థాయిలో నీరాజనాలు లభిస్తాయి. అలాంటి క్రికెటర్లకు కూడా మానసిక సమస్యలు, ఒత్తిడి ఉంటాయా అనేది సగటు అభిమానికి సహజంగానే వచ్చే సందేహం. అయితే సాధారణ రోగాలను, గాయాలను ఏదో ఒక పరీక్ష ద్వారా గుర్తించే తరహాలో మానసిక ఆందోళనను కొలిచే పరికరాలు లేవు. ఇది సదరు వ్యక్తికి మాత్రమే తెలుస్తుంది. అంతర్జాతీయ క్రికెటర్‌ కెరీర్‌ తీవ్ర ఒత్తిడితో కూడుకున్నదనేది వాస్తవం. సుదీర్ఘ కాలం దేశవాళీలో రాణించిన తర్వాత వచ్చే అవకాశాన్ని సరిగ్గా ఉపయోగించుకోవాల్సి ఉంటుంది. దురదృష్టవశాత్తూ విఫలమైతే ఇక ఆట ముగిసిపోతుందనే ఆందోళన కూడా సహజం. ఎంతగా రాణించినా ఇంకా బాగా ఆడాలనే ఒత్తిడి, వారిపై అంచనాలు ఉంటాయి. ఎంత వద్దనుకున్నా కొన్ని సందర్భాల్లో వాణిజ్యపరమైన అంశాలు కూడా ఆటగాళ్లను నడిపిస్తాయి. క్రికెటర్లు జట్టులో స్థిరపడిన తర్వాత కూడా ఇలాంటి మానసిక సమస్యలు ఎదుర్కొన్నారు.  మ్యాక్స్‌వెల్‌ విషయంలో ఇలాంటి ఒత్తిడే పెరిగింది. పరిమిత ఓవర్ల క్రికెట్‌లో తన స్థాయికి తగినట్లుగా ఆడలేకపోతున్నానని, ఎంత బాగా ఆడినా టెస్టు జట్టులో స్థానం కోసం తనను పరిగణనలోకి తీసుకోవడం లేదనే నైరాశ్యం అతనిలో ఇటీవల బాగా కనిపించిందని మ్యాక్సీ సన్నిహితులు వెల్లడించారు. టెస్టు జట్టులో స్థానం కోసమే 2019 ఐపీఎల్‌నుంచి తప్పుకొని దేశవాళీ క్రికెట్‌లో పడిన శ్రమను వారు గుర్తు చేశారు. ప్రస్తుత తరంలో చాలా మంది క్రికెటర్లు ఇలాంటి సమస్యలను ఎదుర్కొంటున్నారని స్పోర్ట్స్‌ సైకాలజిస్ట్‌లు చెబుతున్నారు. వీరిలో కొందరు దీనిని సమర్థంగా ఎదుర్కొంటే, మరికొందరు ఒకసారి బయటపడితే తమ కెరీర్‌పై ఆ ముద్ర ప్రభావం చూపిస్తుందని, కెరీర్‌ ముగుస్తుందని భయపడుతుంటారని వారు అభిప్రాయపడ్డారు. ఆస్ట్రేలియా, ఇంగ్లండ్‌ దేశాల్లో బోర్డునుంచి ఈ తరహా అంశాల్లో సహకారం లభిస్తుంది కాబట్టి వారే స్వేచ్ఛగా బయటపడతారనేది ఒక విశ్లేషణ. 110 వన్డేలు ఆడిన మ్యాక్స్‌వెల్‌ 32.32 సగటు, 123.37 స్ట్రైక్‌రేట్‌తో 2877 పరుగులు చేశాడు. ఇందులో 1 సెంచరీ, 19 అర్ధ సెంచరీలు ఉన్నాయి. 61 అంతర్జాతీయ టి20ల్లో 35.02 సగటుతో 1576 పరుగులు సాధించాడు. అతని స్ట్రైక్‌రేట్‌ ఏకంగా 160 ఉండటం విశేషం. ఈ రెండు ఫార్మాట్‌లలో కలిపి మ్యాక్స్‌వెల్‌ 76 వికెట్లు తీశాడు. అతను 7 టెస్టులు కూడా ఆడినా పెద్దగా ప్రభావం   చూపలేకపోయాడు.

లండన్‌: మహిళల క్రికెట్‌లో దశాబ్ద కాలానికి పైగా తన ముద్ర చూపించిన ఇంగ్లండ్‌ వికెట్‌ కీపర్‌ సారా టేలర్‌ (30) అంతర్జాతీయ క్రికెట్‌కు గుడ్‌బై చెప్పింది. కొంత కాలంగా భావోద్వేగాలను నియంత్రించుకోలేని ‘మానసిక బెంగ’తో బాధపడుతున్న టేలర్‌ ఇక ఆట తన వల్ల కాదని ప్రకటించేసింది. 17 ఏళ్ల వయసులోనే ఆమె 2006లో ఇంగ్లండ్‌ తరఫున అరంగేట్రం చేసింది. ఆ తర్వాత ఇంగ్లండ్‌ సాధించిన పలు చిరస్మరణీయ విజయాల్లో ఆమె భాగమైంది. తమ జట్టు వన్డే, టి20 ప్రపంచ కప్‌లను గెలవడంలో టేలర్‌ కీలక పాత్ర పోషించింది. ముఖ్యంగా అత్యుత్తమ వికెట్‌ కీపర్‌గా ఆమె ప్రత్యేక గుర్తింపు సాధించింది. మూడు ఫార్మాట్‌లలో కలిపి టేలర్‌ 232 వికెట్ల పతనంలో భాగం కావడం మహిళల క్రికెట్‌లో అత్యుత్తమ ఘనత కావడం విశేషం. తన కెరీర్‌లో సారా టేలర్‌ 10 టెస్టులు, 126 వన్డేలు, 90 అంతర్జాతీయ టి20 మ్యాచ్‌లు ఆడి 6,533 పరుగులు సాధించింది.     

దక్షిణాఫ్రికా క్రికెట్‌ జట్టు మూడు రోజుల వ్యవధిలో మరో దిగ్గజ క్రికెటర్‌ సేవలు కోల్పోయింది. సోమవారం స్టెయిన్‌ టెస్టుల రిటైర్మెంట్‌ తర్వాత మరో సీనియర్‌ బ్యాట్స్‌మన్‌ ఆటకు గుడ్‌బై చెప్పాడు. దశాబ్దన్నర కాలం పాటు సఫారీ బ్యాటింగ్‌ మూలస్థంభాల్లో ఒకడిగా నిలిచిన హషీమ్‌ మొహమ్మద్‌ ఆమ్లా అంతర్జాతీయ క్రికెట్‌కు వీడ్కోలు పలికాడు. టెస్టు క్రికెట్‌లో పలు ఘనతలను తన ఖాతాలో వేసుకున్న ఆమ్లా వన్డేల్లోనూ తన సత్తా చాటాడు.   జొహన్నెస్‌బర్గ్‌: రుషిలాంటి ఏకాగ్రత...వీరుడిలాంటి పోరాటపటిమ... హషీమ్‌ ఆమ్లా రిటైర్మెంట్‌ సందర్భంగా సహచర క్రికెటర్‌ ఒకరు చేసిన ప్రశంస ఇది. అద్భుతమైన బ్యాటింగ్‌ టెక్నిక్, గంటల కొద్దీ క్రీజ్‌లో పాతుకుపోయే తత్వం, చూడముచ్చటైన స్ట్రోక్‌లు, వివాదాలు లేని, బ్యాట్‌తోనే తప్ప ఏనాడూ నోటితో సమాధానం చెప్పని తనదైన ప్రత్యేక వ్యక్తిగత జీవన శైలి...ఇవన్నీ హషీం ఆమ్లాను విశేష క్రికెటర్‌గా నిలబెట్టాయి. దక్షిణాఫ్రికా క్రికెట్‌ దిగ్గజాలలో ఒకడిగా గుర్తింపు తెచ్చుకున్న అతను ఇప్పుడు ఆటకు గుడ్‌బై చెప్పాడు. అంతర్జాతీయ స్థాయిలో అన్ని ఫార్మాట్‌లనుంచి రిటైర్‌ అవుతున్నట్లు 36 ఏళ్ల ఆమ్లా ప్రకటించాడు. దేశవాళీ క్రికెట్‌కు మాత్రం అందుబాటులో ఉంటానని అతను వెల్లడించాడు. ఇటీవల ముగిసిన ప్రపంచకప్‌లో శ్రీలంకతో జరిగిన మ్యాచ్‌ ఆమ్లా కెరీర్‌లో చివరిది. లంకపైనే ఈ ఏడాది ఫిబ్రవరిలో ఆమ్లా తన ఆఖరి టెస్టు ఆడాడు. గత కొంత కాలంగా ఫామ్‌ కోల్పోయి ఇబ్బంది పడుతున్న ఈ సఫారీ స్టార్‌ చివరకు ఆట ముగించాలని నిర్ణయించుకున్నాడు. టెస్టు ల్లో గత 29 ఇన్నింగ్స్‌లలో ఒక్క సెంచరీ కూడా చేయలేకపోయిన అతను... వన్డే ప్రపంచ కప్‌లో కూడా 7 ఇన్నింగ్స్‌లలో కలిపి 203 పరుగులే చేయగలిగాడు. అద్భుతమైన ప్రదర్శనలతో... 2002 అండర్‌–19 ప్రపంచకప్‌లో దక్షిణాఫ్రికాకు కెప్టెన్‌గా వ్యవహరించిన ఆమ్లా కోల్‌కతాలో భారత్‌పైనే 2004లో టెస్టుల్లో అరంగేట్రం చేశాడు. తొలి 3 టెస్టుల్లో కలిపి 62 పరుగులే చేయడంతో జట్టులో చోటు కోల్పోయాడు. అయితే 15 నెలల తర్వాత తిరిగి వచ్చి కివీస్‌పై భారీ సెంచరీతో చెలరేగాడు. ఆ తర్వాత కూడా కొంత తడబడ్డా 2007లో వరుసగా రెండు టెస్టుల్లో శతకాలు బాదడంతో అతనికి ఎదురు లేకుండా పోయింది. మరుసటి ఏడాది లార్డ్స్‌ టెస్టు రెండో ఇన్నింగ్స్‌లో ఫాలోఆన్‌ ఆడుతూ సెంచరీతో తన జట్టును రక్షించడంతో ఆమ్లా పోరాటపటిమ క్రికెట్‌ ప్రపంచానికి తెలిసింది. ఆస్ట్రేలియా గడ్డపై 2012 సిరీస్‌లో చేసిన రెండు సెంచరీలు, అంతకు ముందు ఏడాది స్వదేశంలో అదే జట్టుపై సాధించిన రెండు వరుస శతకాలు ఆమ్లా కెరీర్‌లో చెప్పుకోదగ్గవి. 2012లో ఇంగ్లండ్‌పై ఓవల్‌ మైదానంలో 13 గంటలకు పైగా క్రీజ్‌లో నిలిచి అజేయంగా సాధించిన 311 పరుగులు అతని కెరీర్‌లో హైలైట్‌. 2006నుంచి 2015 మధ్య కాలంలో దక్షిణాఫ్రికా జట్టు విదేశాల్లో ఒక్క సిరీస్‌ కూడా కోల్పోలేదంటే అందులో ఆమ్లా పోషించిన పాత్ర అద్భుతం. 14 టెస్టుల్లో సఫారీ జట్టుకు అతను కెప్టెన్‌గా వ్యవహరించాడు.   భారత్‌లో సూపర్‌... ఆమ్లా భారత్‌లో 3 సార్లు పర్యటించాడు. 2004లో విఫలమైన అతను 2008 సిరీస్‌లో అద్భుతమైన సెంచరీతో చెలరేగాడు. 2010 సిరీస్‌లోనైతే ఆడిన మూడు ఇన్నింగ్స్‌లలో వరుసగా 253 నాటౌట్, 114, 123 నాటౌట్‌ పరుగులతో మన బౌలర్లను ఒక ఆటాడుకున్నాడు. 2015లో కెప్టెన్‌గా వచ్చి 0–3తో సిరీస్‌ చేజార్చుకున్నా...ఢిల్లీ టెస్టులో మ్యాచ్‌ను కాపాడేందుకు 244 బంతుల్లో 25 పరుగులు చేసిన అతని పట్టుదలను ఎవరూ మరచిపోలేరు.   వన్డేల్లోనూ దూకుడు... శైలిపరంగా చూస్తే టెస్టు క్రికెట్‌ కోసమే పుట్టినట్లుగా అనిపించినా...వన్డేల్లోనూ ఆమ్లాకు అద్భుతమైన రికార్డు ఉంది. 2010లో విండీస్‌పై ఐదు వన్డేల సిరీస్‌లో 402 పరుగులు చేయడంతో అతని వన్డే సత్తా బయటపడింది. ఇదే ఏడాది మొత్తం 15 ఇన్నింగ్స్‌లలో కలిపి ఏకంగా 75 సగటు, 104 స్ట్రైక్‌రేట్‌లో 1058 పరుగులు చేయడం విశేషం. ఒక దశలో అతను వేగంలో కోహ్లితో పోటీ పడ్డాడు. కెరీర్‌లో 2 వేల పరుగుల నుంచి 7 వేల పరుగుల వరకు ప్రతీ వేయి పరుగుల మైలురాయిని అందరికంటే వేగంగా ఆమ్లానే చేరుకోవడం మరో ఘనత. దక్షిణాఫ్రికా తరఫున వన్డేల్లో అత్యధిక సెంచరీలు (27) సాధించిన బ్యాట్స్‌మన్‌గా ఆమ్లా నిలిచాడు. టెస్టుల్లో దక్షిణాఫ్రికా తరఫున ట్రిపుల్‌ సెంచరీ (311 నాటౌట్‌) సాధించిన ఏకైక క్రికెటర్‌ ఆమ్లా   

ముంబై: భారత వన్డే క్రికెట్‌ చరిత్రలో అత్యుత్తమ ఆటగాళ్లలో ఒకడిగా గుర్తింపు తెచ్చుకున్న యువరాజ్‌ సింగ్‌ ఆటకు వీడ్కోలు పలికాడు. అంతర్జాతీయ క్రికెట్‌తో పాటు ఐపీఎల్‌ నుంచి కూడా తప్పుకుంటున్నట్లు అతను వెల్లడించాడు. సోమ వారం జరిగిన మీడియా సమావేశంలో తన రిటైర్మెంట్‌ గురించి ప్రకటన చేసిన 37 ఏళ్ల యువీ... ఇన్నేళ్ల సుదీర్ఘ కెరీర్, భవిష్యత్తు తదితర అంశాలపై వివరంగా మాట్లాడాడు. ఇటీవల ముగిసిన ఐపీఎల్‌లో ముంబై ఇండియన్స్‌కు ఆఖరి సారిగా ప్రాతినిధ్యం వహించిన యువరాజ్‌... జాతీయ జట్టు తరఫున రెండేళ్ల క్రితం 2017 జూన్‌లో ఆఖరి వన్డే ఆడాడు. 17 ఏళ్ల అంతర్జా తీయ కెరీర్‌లో యువీ మూడు ఫార్మాట్‌లలో కలిపి 402 మ్యాచ్‌లలో భారత్‌కు ప్రాతినిధ్యం వహించాడు. భారత జట్టులోకి పునరాగమనం చేసే అవకాశాలు దాదాపుగా లేకపోవడం, ఐపీఎల్‌లో కూడా అతనిపై ఫ్రాంచైజీలు ఆసక్తి చూపించకపోవడంతో ఇక తప్పుకోవడమే సరైనదిగా యువీ భావించాడు. 25 ఏళ్ల పాటు 22 గజాల క్రికెట్‌ పిచ్‌తో అనుబంధం కొనసాగించిన తర్వాత ఆటకు ముగింపు పలికేందుకు ఇది సరైన సమయంగా భావిస్తున్నట్లు యువరాజ్‌ చెప్పాడు. అయితే రిటైర్మెంట్‌ అనంతరం బీసీసీఐ అనుమతిస్తే ప్రపంచ వ్యాప్తంగా వేర్వేరు టి20 లీగ్‌లు ఆడాలనుకుంటున్నట్లు తన మనసులో మాటను వెల్లడించాడు. మీడియా సమావేశంలో యువరాజ్‌ వెంట అతని తల్లి షబ్నమ్, భార్య హాజల్‌ కీచ్‌ ఉన్నారు.   భారత్‌ తరఫున 400కు పైగా మ్యాచ్‌లు ఆడగలగడం నా అదృష్టం. నా కెరీర్‌ మొదలు పెట్టినప్పుడు ఇది సాధ్యమవుతుందని ఏనాడూ ఊహించలేదు. పడ్డ ప్రతీసారి పైకి లేవడం ఎలాగో నాకు క్రికెట్‌ నేర్పించింది. విజయాలకంటే అపజయాలు నన్ను ఎక్కువగా పలకరించినా నేనెప్పుడూ ఓటమిని ఒప్పుకోలేదు. దేశం కోసం ఆడే సమయంలో నేను ఉద్వేగంతో ఉప్పొంగి పోయేవాడిని. జట్టు కోసం నేను చేసిన ప్రతీ పరుగు, తీసిన వికెట్, ఆపిన పరుగులు అన్నీ గొప్పగానే అనిపిస్తాయి. 28 ఏళ్ల తర్వాత ప్రపంచకప్‌ గెలిచిన జట్టులో భాగమయ్యాను. అంతకు మించి ఇంకేం కావాలి. ఎలా రిటైర్‌ కావాలనే విషయంలో కొంత సందిగ్ధత నన్ను వెంటాడింది. ఐపీఎల్‌ ఫైనల్‌ మ్యాచ్‌ ఆడి టైటిల్‌ గెలిచాక రిటైర్‌ అయితే సంతృప్తిగా ఉంటుందని భావించా. అయితే తుది జట్టులో నాకు చోటు దక్కలేదు. జీవితంలో అన్నీ అనుకున్నట్లు జరగవు. సంవత్సరం క్రితమే ఈ ఏడాది ఐపీఎల్‌ తర్వాత తప్పుకోవాలని నిర్ణయించుకున్నా. ఇక ఆడింది చాలు అనిపించిన సమయం వచ్చేసింది. రిటైర్‌ అవడానికి ముందు సచిన్‌ సలహా తీసుకోవడంతో పాటు సహచరులు జహీర్, భజ్జీ, వీరూలకు చెప్పా. చాలా కాలం తర్వాత నాన్నతో కూడా సుదీర్ఘంగా మాట్లాడి నా నిర్ణయాన్ని చెప్పాను. ఇకపై ఆటను ఆస్వాదించేందుకే బయటి లీగ్‌లలో పాల్గొనాలనుకుంటున్నా.                                       –యువరాజ్‌ ► 10 వేల పరుగులు పూర్తి చేయలేదనే బాధ ఏమాత్రం లేదు. దాని గురించి అసలు ఎప్పుడూ ఆలోచించనే లేదు. నాకు ప్రపంచ కప్‌ గెలవడం అనేది కల. నా దృష్టిలో 10 వేలకంటే ప్రపంచ కప్‌ గెలుపే మిన్న. ► నాలుగు మ్యాన్‌ ఆఫ్‌ ద మ్యాచ్‌లు, మ్యాన్‌ ఆఫ్‌ ద సిరీస్‌ అవార్డు, 28 ఏళ్ల తర్వాత భారత్‌ ప్రపంచకప్‌ గెలవడం... నిస్సందేహంగా ఇంతకంటే మధుర క్షణం నా కెరీర్‌లోనే లేదు. శ్రీలంకపై 2014 టి20 ప్రపంచ కప్‌ ఫైనల్‌ అత్యంత బాధాకర సమయం. నా కెరీర్‌ అప్పుడే ముగిసిపోయిందని భావించా. నా పనైపోయిందని అందరూ నన్ను తేలిగ్గా తీసిపారేసిన క్షణమది. ► టెస్టుల్లో రాణించలేకపోయాననే నిరాశ మాత్రం ఉంది. నాటి దిగ్గజాల వరుసలో నాకు జట్టులో స్థానం దక్కడమే కష్టంగా ఉండేది. ఒక్క మ్యాచ్‌ ఆడి విఫలం కాగానే చోటు పోయేది. నేను చేయగలిగినదంతా చేశాను. మరో 40 టెస్టులైనా ఆడగలిగితే బాగుండేదేమో. టెస్టుల్లో సగటు కూడా కనీసం 40 ఉండాలని కోరుకున్నా సాధ్యం కాలేదు. ►  నా తొలి కెప్టెన్‌ గంగూలీ చాలా అండగా నిలిచాడు. తన ఆటగాళ్ల కోసం అతను ఎప్పుడూ పోరాడేందుకు సిద్ధంగా ఉంటాడు. ధోనితో కలిసి ఎన్నో విజయాలు సాధించాం కాబట్టి అతని ప్రభావం కూడా నాపై చాలా ఉంది. ►  ముత్తయ్య మురళీధరన్, మెక్‌గ్రాత్‌ల బౌలింగ్‌ను ఎదుర్కోవడంలో నేను ఎక్కువగా ఇబ్బంది పడ్డాను. విదేశీ ఆటగాళ్లలో బ్యాట్స్‌మన్‌గా పాంటింగ్‌ను అభిమానిస్తా. ► వివాదాస్పద అంశాల గురించి మాట్లాడేందుకు మున్ముందు చాలా సమయం ఉంది. ఇప్పుడు మన ఆటగాళ్లు ప్రపంచకప్‌ ఆడుతున్న సమయంలో ఎలాంటి వ్యాఖ్యలు చేయదల్చుకోలేదు.   ‘ఫేర్‌వెల్‌ మ్యాచ్‌ వద్దన్నా’... నాకు ఆఖరిసారిగా ఒక మ్యాచ్‌ ఆడే అవకాశం ఇవ్వమని బీసీసీఐలో ఎవరినీ అడగలేదు. ఆఖరి మ్యాచ్‌ అంటూ క్రికెట్‌ ఆడటం నాకు నచ్చదు. గతంలో ఒకసారి నేను యో యో టెస్టులో విఫలమైతే రిటైర్మెంట్‌ మ్యాచ్‌ ఏర్పాటు చేస్తామని నాతో చెప్పారు. అయితే నాకు అవసరం లేదన్నాను. యో యో టెస్టులో విఫలమైతే నేరుగా ఇంటికే వెళ్లిపోతానని చెప్పా. ఆ తర్వాత యో యో టెస్టు పాస్‌ అయి మిగతా విషయాలు వారికే వదిలేశా.

సాక్షి క్రీడా విభాగం: 2000 సంవత్సరం... మ్యాచ్‌ ఫిక్సింగ్‌ వివాదంతో మసకబారిన భారత క్రికెట్‌ ప్రతిష్టను మళ్లీ నిలబెట్టే ప్రయత్నం చేస్తున్న సమయం. కొత్త మిలీనియంలో కెప్టెన్‌గా సౌరవ్‌ గంగూలీ కొందరు సీనియర్లతో పాటు యువరక్తం నిండిన ఆటగాళ్లతో కలిసి టీమిండియాకు నవ్య దిశ చూపించాలని పట్టుదలగా ఉన్నాడు. అలాంటి సమయంలో అతనికి లభించిన ఒక మెరుపు యువరాజ్‌ సింగ్‌. కొన్నాళ్ల క్రితమే జరిగిన అండర్‌–19 ప్రపంచకప్‌లో చెలరేగి ‘ప్లేయర్‌ ఆఫ్‌ ద టోర్నీ’గా నిలిచిన ఆ కుర్రాడిని భారత సెలక్టర్లు ప్రతిష్టాత్మక చాంపియన్స్‌ ట్రోఫీకి ఎంపిక చేశారు. తన తొలి మ్యాచ్‌లో బ్యాటింగ్‌ అవకాశం రాని యువీ... పటిష్ట ఆస్ట్రేలియాతో జరిగిన తర్వాతి పోరులో 80 బంతుల్లోనే 84 పరుగులతో జట్టును గెలిపించి తన రాకను ఘనంగా చాటాడు. అది మొదలు తర్వాతి 17 ఏళ్ల పాటు యువరాజ్‌ బ్యాట్‌ గర్జించింది. వన్డేల్లో అనేకానేక అద్భుతాలు చేయడమే కాదు... అప్పుడప్పుడే అడుగులు నేర్చుకుంటున్న టి20 క్రికెట్‌లో కూడా బలమైన ముద్ర వేసింది. ఒకటా...రెండా... భారత జట్టు సాధించిన ఎన్నో చిరస్మరణీయ విజయాల్లో  యువీ పోషించిన పాత్ర అసమానం.   భారత్‌ తరఫున ఒకే ఒక టెస్టు ఆడిన తండ్రి యోగ్‌రాజ్‌ సింగ్‌ తాను సాధించని ఘనతను కొడుకు ద్వారా అందుకోవాలని కల కన్నాడు. అందుకే జాతీయ స్థాయి రోలర్‌ స్కేటింగ్‌లో చాంపియన్‌గా నిలిచిన తర్వాత యువీ అందుకున్న పతకాన్ని బయటకు విసిరేసి క్రికెట్‌ మాత్రమే ఆడాలని హెచ్చరించాడు. నాడు తండ్రి ఆంతర్యం సరిగా అర్థం చేసుకోలేకపోయినా తర్వాత ఆటపై పెంచుకున్న మమకారం అతడితో చిన్న వయసు నుంచే అద్భుతాలు చేయించింది. అండర్‌–15 నుంచి ఏ వయసులో ఆడినా పరుగుల వరద పారించడం అలవాటుగా మారిపోయింది. బిహార్‌తో జరిగిన అండర్‌–19 కూచ్‌బెహర్‌ ట్రోఫీ మ్యాచ్‌లో పంజాబ్‌ తరఫున చెలరేగి చేసిన 358 పరుగుల ఇన్నింగ్స్‌తో యువరాజ్‌ పేరు దేశవాళీ క్రికెట్‌లో మారుమోగిపోయింది. ఆ తర్వాత యువీ మళ్లీ వెనుదిరిగి చూడాల్సిన అవసరం లేకపోయింది. తారాజువ్వలా.... టీమిండియాకు ఎంపికైన తర్వాత కొంత కాలం తన ముద్ర చూపిన యువీ రెండేళ్ల తర్వాత వరుస వైఫల్యాలతో జట్టులో స్థానం కోల్పోయాడు. అయితే పునరాగమనం తర్వాత 2002 నాట్‌వెస్ట్‌ టోర్నీ అతని కెరీర్‌ను తారాజువ్వలా పైకి లేపింది. 2003 ప్రపంచకప్‌లో సచిన్‌కు తోడుగా అర్ధసెంచరీ చేసిన అతను... తన 71వ వన్డేలో గానీ మొదటి సెంచరీ సాధించలేకపోయాడు. 2004లో సిడ్నీ మైదానంలో ఆసీస్‌పై చెలరేగి 122 బంతుల్లో చేసిన 139 పరుగుల ఇన్నింగ్స్‌ అతని కెరీర్‌లో చెప్పుకోదగ్గ ప్రదర్శనల్లో ఒకటి. ఇక 2007లో జరిగిన తొలి టి20 ప్రపంచకప్‌లో యువీ ప్రదర్శన గురించి ప్రత్యేకంగా చెప్పాల్సిన అవసరం లేదు. ఇంగ్లండ్‌తో మ్యాచ్‌లో స్టువర్ట్‌ బ్రాడ్‌ ఓవర్లో ఆరు సిక్సర్లే కాదు... ఆసీస్‌తో జరిగిన సెమీఫైనల్లో 30 బంతుల్లో చేసిన 70 పరుగుల ఇన్నింగ్స్‌ అతని విలువేమిటో చూపించింది. 2010లో ఫామ్‌ కోల్పోవడం, క్రమశిక్షణ లోపం, ఫిట్‌నెస్‌ సమస్యలతో మళ్లీ అతనిపై వేటు పడినా... తక్కువ వ్యవధిలోనే తిరిగొచ్చాడు. 2011 వన్డే వరల్డ్‌ కప్‌ ప్రదర్శన యువరాజ్‌ కెరీర్‌లో కోహినూర్‌ వజ్రంగా నిలిచిపోయింది. బ్యాటింగ్‌కు తోడు అతని లెఫ్టార్మ్‌ స్పిన్‌ కూడా భారత్‌కు కీలక సమయాల్లో విజయాలు అందించింది.   క్యాన్సర్‌తో పోరాడి... ప్రపంచ కప్‌ గెలిచిన కొన్నాళ్లకే యువరాజ్‌కు క్యాన్సర్‌ ఉన్నట్లు బయటపడింది. జీవితంలో అతి పెద్ద పోరాటంగా భావిస్తూ చికిత్స పొంది కోలుకున్న అనంతరం యువీ మళ్లీ క్రికెట్‌ మైదానంలో అడుగు పెట్టడం ఒక అద్భుతం. అయితే కెరీర్‌లో ఉచ్ఛ స్థితిలో ఉన్న సమయంలో వచ్చిన క్యాన్సర్‌ తర్వాత అతని ఆట అంత గొప్పగా సాగలేదు. పోరాటానికి మారుపేరుగా నిలిచిన యువీ పలు మార్లు జట్టులోకి రావడం, పోవడం తరచుగా జరిగాయి. వన్డేల్లో ఇంగ్లండ్‌పై చేసిన 150 పరుగుల తన వ్యక్తిగత అత్యుత్తమ స్కోరు,  టి20ల్లో ఆస్ట్రేలియాపై 35 బంతుల్లోనే 77 పరుగులు చేసిన ఇన్నింగ్స్‌ మినహా చెప్పుకోదగ్గ ప్రదర్శనలు రాలేదు. ఆ తర్వాత దేశవాళీలో ఎన్ని ప్రయత్నాలు చేసినా కొత్త క్రికెటర్ల రాకతో అతను మెల్లగా భారత జట్టుకు దూరమయ్యాడు. అయితే పరిమిత ఓవర్ల క్రికెట్‌లో యువీ రాజసం ఎప్పటికీ చెక్కుచెదరనిది అనడంలో సందేహమే లేదు.   మధుర జ్ఞాపకాలు... 7 అక్టోబర్, 2000 (నైరోబీ):  ఆసీస్‌తో చాంపియన్స్‌ ట్రోఫీ క్వార్టర్‌ ఫైనల్‌ మ్యాచ్‌. యువీ తొలి ఇన్నింగ్స్‌ ఇదే. 80 బంతుల్లో 12 ఫోర్లతో 84 పరుగులు చేసి ‘మ్యాన్‌ ఆఫ్‌ ద మ్యాచ్‌’గా నిలిచాడు. యువీ రాక ప్రపంచానికి తెలిసింది. భారత్‌ ఈ మ్యాచ్‌లో 20 పరుగులతో నెగ్గింది.  13 జూలై, 2002 (లార్డ్స్‌): ఇంగ్లండ్‌పై నాట్‌వెస్ట్‌ సిరీస్‌ ఫైనల్లో అసాధ్యమైన 326 పరుగుల లక్ష్యాన్ని ఛేదించే క్రమంలో కైఫ్‌ (87 నాటౌట్‌)తో కలిసి యువీ ఆడిన అద్భుత ఇన్నింగ్స్‌ ఇది. వీరిద్దరి 121 పరుగుల భాగస్వామ్యంతో సాధించిన ఘన విజయం భారత వన్డే క్రికెట్‌ రాతను మార్చింది. యువీ 63 బంతుల్లో 9 ఫోర్లు, 1 సిక్స్‌తో 69 పరుగులు చేశాడు.   22 జనవరి, 2004 (సిడ్నీ): ఆస్ట్రేలియాపై 122 బంతుల్లో 16 ఫోర్లు, 2 సిక్సర్లతో చేసిన 139 పరుగులు చేసిన యువరాజ్‌ ‘మ్యాన్‌ ఆఫ్‌ ద మ్యాచ్‌’ అయ్యాడు. అయితే ఈ మ్యాచ్‌ ఆసీస్‌ గెలిచింది.   19 ఫిబ్రవరి, 2006 (కరాచీ): పాకిస్తాన్‌ గడ్డపై 4–1తో వన్డే సిరీస్‌ నెగ్గడంలో కీలక పాత్ర పోషించి మ్యాన్‌ ఆఫ్‌ ద సిరీస్‌గా నిలిచాడు. ఆఖరి వన్డేలో 93 బంతుల్లోనే 14 ఫోర్లతో 107 పరుగులు చేయడంతో భారత్‌ 8 వికెట్లతో గెలిచింది.     19 జనవరి, 2017 (కటక్‌): పునరాగమనం తర్వాత యువీ చేసిన అద్భుత శతకం ఇది. ఇంగ్లండ్‌పై 127 బంతుల్లోనే 21 ఫోర్లు, 3 సిక్సర్లతో చెలరేగి 150 పరుగులతో తన అత్యధిక స్కోరు నమోదు చేశాడు.   6 6 6 6 6 6   యువరాజ్‌ అంటే క్రికెట్‌ ప్రపంచానికి గుర్తుకొచ్చే మ్యాచ్‌ ఇది. 2007 తొలి టి20 ప్రపంచకప్‌లో భాగంగా ఇంగ్లండ్‌తో జరిగిన పోరులో యువరాజ్‌ చూపించిన విశ్వరూపం ఇది. స్టువర్ట్‌ బ్రాడ్‌ వేసిన ఓవర్లో 6 బంతుల్లో 6 సిక్సర్లు బాదిన యువీ కొత్త చరిత్ర సృష్టించాడు. టి20ల్లో ఈ ఘనత సాధించిన ఏకైన ఆటగాడిగా నిలిచాడు. ఈ క్రమంలో 12 బంతుల్లోనే అతను చేసిన ఫాస్టెస్ట్‌ హాఫ్‌ సెంచరీ రికార్డు ఇప్పటికీ పదిలంగానే ఉంది.   కొరుకుడు పడని టెస్టు క్రికెట్‌... వన్డేలు, టి20ల్లో అద్భుతాలు చేసినా యువరాజ్‌ వేర్వేరు కారణాలతో ఏనాడూ మంచి టెస్టు బ్యాట్స్‌మన్‌ కాలేకపోయాడు. అతని కెరీర్‌లో ఉన్న మూడు సెంచరీలు కూడా పాక్‌పై సాధించినవే కావడం విశేషం. లాహోర్‌ లో కఠిన పరిస్థితుల్లో చేసిన 129 పరుగులు, కరాచీలో ఓటమి ఖాయమైన టెస్టులో 122 పరుగులు చేసిన యువీ... బెంగళూరులో భారత్‌ స్కోరు 61/4గా ఉన్నప్పుడు చేసిన 169 పరుగులు అతని మూడో శతకం. సెంచరీ కాకపోయినా... ఇంగ్లండ్‌పై 2008 చెన్నై టెస్టులో సచిన్‌కు సహకారం అందిస్తూ చేసిన (85 నాటౌట్‌) ఇన్నింగ్స్‌ కూడా ఎప్పటికీ మరచిపోలేనిది. అద్భుతమైన కెరీర్‌ నీది. మైదానంలోనూ, బయటా కష్టకాలంలో నువ్వు చూపిన పోరాటం అభినందనీయం. జట్టుకు అవసరమైన ప్రతీసారి చాంపియన్‌లా తిరిగొచ్చావు.   –సచిన్‌   గొప్ప కెరీర్‌ ముగించిన నీకు అభినందనలు. మాకు ఎన్నో విజయాలు, జ్ఞాపకాలు అందించావు. –కోహ్లి ఆటగాళ్లు వస్తుంటారు, పోతుంటారు కానీ యువీలాంటి వాళ్లు అరుదు. అటు బౌలర్లను, ఇటు క్యాన్సర్‌ను చితక్కొట్టి మనసులు గెలుచుకున్న అతను ఎందరికో స్ఫూర్తిదాయకం.  –సెహ్వాగ్‌ ప్రిన్స్‌కు అభినందనలు. భారత్‌ తరఫున పరిమిత ఓవర్ల క్రికెట్‌లో నువ్వే అత్యుత్తమం. నేనూ నీలాగా బ్యాటింగ్‌ చేయగలిగితే బాగుండేది. బీసీసీఐ ఇకపై 12 నంబర్‌ జెర్సీకి రిటైర్మెంట్‌ ప్రకటించాలి.  –గంభీర్‌ నా యుద్ధ వీరుడు. ఆటలో, జీవితంలో ఎంతో పోరాడాడు. నీ గురించి అంతా ఎప్పటికీ చెప్పుకుంటారు. –హర్భజన్‌   నీతో ఆడటం ఎంతో సంతోషాన్నిచ్చింది. క్రికెట్‌లో అత్యుత్తమ ఆటగాళ్లలో ఒకడిగా ముగిస్తున్నావు. నీ పట్టుదల, పోరాటంతో మాకందరికీ స్ఫూర్తిగా నిలిచావు. –లక్ష్మణ్‌ రిటైర్మెంట్‌ను బాగా ఆస్వాదించు. –బ్రాడ్‌ ‘విశ్వ’ రూపం యువరాజ్‌ కెరీర్‌లో 2011 వన్డే ప్రపంచ కప్‌ విజయం ఎవరెస్ట్‌లాంటిది. తన ఆల్‌రౌండ్‌ ప్రదర్శనతో అతను భారత్‌ 28 ఏళ్ల తర్వాత ట్రోఫీ గెలవడంతో కీలక పాత్ర పోషించాడు. ఒక సెంచరీ, నాలుగు అర్ధ సెంచరీలు సహా 362 పరుగులు చేసిన అతను... 15 వికెట్లు పడగొట్టి ‘ప్లేయర్‌ ఆఫ్‌ ద టోర్నమెంట్‌’గా నిలిచాడు.   వ్యక్తిగత జీవితం... తండ్రి యోగ్‌రాజ్, తల్లి షబ్నమ్‌ విడాకులు తీసుకొని విడిపోయినా యువరాజ్‌ వారిద్దరికీ ఎప్పుడూ దూరం కాలేదు. తల్లితోనే ఉండిపోవాలని నిర్ణయించుకున్న అతను తండ్రితోనూ సంబంధాలు కొనసాగించాడు. కొన్నిసార్లు యోగ్‌రాజ్‌ వివాదాస్పద వ్యాఖ్యలతో ఇబ్బందుల్లో పడ్డా... తనకు ఆటలో ఓనమాలు నేర్పిన తండ్రిని గౌరవిస్తూనే వచ్చాడు. 2015 ఐపీఎల్‌ సీజన్‌లో యువరాజ్‌పై ఢిల్లీ డేర్‌డెవిల్స్‌ రూ. 16 కోట్లు వెచ్చించి కొనుగోలు చేసింది. ఇప్పటివరకు ఐపీఎల్‌లో ఇదే రికార్డుగా ఉంది. 2016లో నటి హాజల్‌ కీచ్‌తో యువీకి పెళ్ళయింది. బాల నటుడిగా రెండు పంజాబీ చిత్రాల్లో కూడా యువరాజ్‌ నటించాడు. 2012లో కేంద్ర ప్రభుత్వం నుంచి ‘అర్జున అవార్డు’... 2014లో ‘పద్మశ్రీ’ పురస్కారాలు అందుకున్నాడు.

న్యూఢిల్లీ: భారత జట్టు నుంచి స్థానం కోల్పోయిన వెటరన్‌ బ్యాట్స్‌మన్‌ యువరాజ్‌ సింగ్‌ విదేశీ టి20 టోర్నీలపై ఆసక్తి కనబరుస్తున్నాడు. త్వరలోనే అంతర్జాతీయ క్రికెట్‌కు అధికారికంగా గుడ్‌బై చెప్పి... భారత క్రికెట్‌ నియంత్రణ మండలి (బీసీసీఐ) అనుమతితో విదేశాల్లో జరిగే ప్రైవేట్‌ టి20 టోర్నీల్లో ఆడాలని భావిస్తున్నాడు. ‘యువరాజ్‌ బోర్డు నుంచి స్పష్టత కోరుతున్న మాట వాస్తవమే. కెనడాలో జరిగే ‘జి టి20’, ఐర్లాండ్, నెదర్లాండ్స్‌లలో జరిగే ‘యూరో టి20’లలో ఆడాలనుకుంటున్నాడు. అయితే అతను రిటైరైనా కూడా బీసీసీఐ నిబంధనల ప్రకారం భారత్‌లో రిజిస్టర్‌ టి20 ప్లేయర్‌. ఈ నేపథ్యంలో ప్రైవేట్‌ టి20లో ఆడే వెసులుబాటు ఉందో లేదో ఓసారి చూసుకోవాలి’ అని బీసీసీఐ అధికారి ఒకరు అన్నారు. కరీబియన్‌ క్రికెట్‌ లీగ్‌లో ఆడేందుకు భారత జట్టు మాజీ సభ్యుడు ఇర్ఫాన్‌ పఠాన్‌కు ఇటీవల బోర్డు నిరాకరించింది.

1999 సెప్టెంబర్‌ 22–26... రంగన హెరాత్‌ తన తొలి టెస్టు ఆడిన తేదీలు. గత 19 ఏళ్లుగా అతను అలసట లేకుండా అంతర్జాతీయ క్రికెట్‌లో వేల సంఖ్యలో బంతులు వేస్తూనే ఉన్నాడు. కొత్త మిలీనియం ప్రారంభానికి ముందు అరంగేట్రం చేసి ఇప్పటి వరకు టెస్టు క్రికెట్‌ ఆడుతున్నవారిలో హెరాత్‌ ఆఖరివాడు. ఒకనాడు మురళీధరన్‌ నీడలోనే ఉండిపోయిన అతను, మురళీధరన్‌ తప్పుకున్న తర్వాత తనదైన ప్రత్యేకత కనబర్చి శ్రీలంక క్రికెట్‌లో ప్రత్యేక అధ్యాయం లిఖించుకున్నాడు. నేటి నుంచి గాలేలో ఇంగ్లండ్‌తో జరిగే తొలి టెస్టు 40 ఏళ్ల హెరాత్‌ ముదియన్‌సెలగే రంగన కీర్తి బండార (హెచ్‌ఎంఆర్‌కేబీ) హెరాత్‌కు ఆఖరి టెస్టు మ్యాచ్‌ కానుంది.    సాక్షి క్రీడా విభాగం  : శ్రీలంక జట్టులో మురళీధరన్‌ ఉన్నంత వరకు 22 టెస్టులు 37.88 సగటుతో హెరాత్‌ కేవలం 71 వికెట్లు పడగొట్టాడు. రెండో స్పిన్నర్‌గా జట్టులో కొనసాగుతున్నా, కొన్ని అద్భుత ప్రదర్శనలు ఉన్నా అతడిని ఎవరూ పెద్దగా పట్టించుకోలేదు. కచ్చితత్వంతో సుదీర్ఘ స్పెల్‌ల పాటు బౌలింగ్‌ చేసి బ్యాట్స్‌మన్‌పై ఒత్తిడి పెంచడమే అతని పనిగా ఉండేది. ఇలాంటి స్థితిలో టన్నులకొద్దీ వికెట్లు మాత్రం మురళీ ఖాతాలోకి వెళ్లిపోయేవి. అయితే ఏనాడూ తన అసంతృప్తిని ప్రదర్శించని రంగన... మురళీ తప్పుకున్న తర్వాత తనెంత విలువైన ఆటగాడినో చూపిస్తూ చెలరేగిపోయాడు. ఆ తర్వాత ఆడిన 70 టెస్టుల్లో కేవలం 26 సగటుతో ఏకంగా 359 వికెట్లు తీయడం హెరాత్‌ స్వయంప్రకాశాన్ని చూపిస్తుంది. టెస్టుల్లో అత్యధిక వికెట్లు తీసిన జాబితాలో 10వ స్థానంలో (430 వికెట్లు) ఉన్న హెరాత్‌ ఎడంచేతి వాటం వారిలో అత్యంత విజయవంతమైన బౌలర్‌ కావడం విశేషం. తొలి పదేళ్లలో 14 టెస్టులు మాత్రమే దక్కడంతో దాదాపు కెరీర్‌ ముగిసిపోయిన దశలో ఇంగ్లండ్‌లో మైనర్‌ లీగ్‌లు ఆడుకునేందుకు హెరాత్‌ వెళ్లిపోయాడు. అలాంటి స్థితిలో 31 ఏళ్ల వయసులో 2009లో అనూహ్యంగా వచ్చిన మరో అవకాశంతో హెరాత్‌ జట్టులో పాతుకుపోయాడు. తన సత్తాను ప్రదర్శిస్తూ జట్టులో కొనసాగగలిగాడు. 35 ఏళ్ల వయసు దాటిన తర్వాతే అతను 230 వికెట్లు తీయడం మరో చెప్పుకోదగ్గ విశేషం. ఇతర బౌలర్లతో పోలిస్తే హెరాత్‌ను ప్రత్యేకంగా నిలబెట్టే అంశం నాలుగో ఇన్నింగ్స్‌లో అతను తీసిన వికెట్ల సంఖ్య. చివరి ఇన్నింగ్స్‌లో ప్రత్యర్థిని పడగొట్టి మ్యాచ్‌ను గెలిపించడంలో తనకెవరూ సాటి రారన్నట్లుగా హెరాత్‌ ఏకంగా 12 సార్లు ఇన్నింగ్స్‌లో ఐదు వికెట్లు పడగొట్టాడు. ఆ తర్వాతి స్థానంలో ఉన్న మురళి 7 సార్లే ఆ ఘనత నమోదు చేయగలిగాడు! దీనిపై స్పందిస్తూ ‘అవన్నీ సొంతగడ్డపై స్పిన్‌కు బాగా అనుకూలమైన పిచ్‌లు. ముఖ్యంగా నాలుగో ఇన్నింగ్స్‌లో బంతి బాగా టర్న్‌ అవుతుంది. రికార్డులకు పిచ్‌లు కూడా కారణం’ అంటూ చెప్పుకోవడం హెరాత్‌కే చెల్లింది. శ్రీలంకలోనే కాకుండా 2011లో డర్బన్‌లో అద్భుత బౌలింగ్‌తో 9 వికెట్లు తీసి దక్షిణాఫ్రికా గడ్డపై లంక తొలి టెస్టు విజయం సాధించడంలో కీలక పాత్ర పోషించడం అతని కెరీర్‌లో చిరస్మరణీయ జ్ఞాపకం. ఘనతలపరంగా చూస్తే కావాల్సినంత పేరు ప్రఖ్యాతులు రాకపోయినా, స్టార్‌ బౌలర్‌గా గుర్తింపు లేకపోయినా తన పనేంటో తాను చేసుకుంటూ పోయిన హెరాత్‌ వివాదాలకు దూరంగా ఆటకు గుడ్‌బై చెబుతున్నాడు. తాను తొలి టెస్టు ఆడిన, బాగా అచ్చొచ్చిన గాలే మైదానంలో (99 వికెట్లు)     చివరి టెస్టులో హెరాత్‌ మరో ఐదు వికెట్లు తీస్తే హ్యాడ్లీ, బ్రాడ్, కపిల్‌లను దాటి ఏడో స్థానంతో కెరీర్‌ ముగిస్తాడు.     శ్రీలంక గీ ఇంగ్లండ్‌; తొలి టెస్టు (గాలే) ఉదయం గం. 10 నుంచి సోనీ సిక్స్‌లో ప్రత్యక్ష ప్రసారం  

పోర్ట్‌ ఆఫ్‌ స్పెయిన్‌: టి20 స్పెషలిస్ట్‌ ఆల్‌రౌండర్‌గా ప్రపంచవ్యాప్తంగా క్రికెట్‌ అభిమానులకు చిర పరిచితమైన వెస్టిండీస్‌ ఆల్‌ రౌండర్‌ డ్వేన్‌ బ్రావో అంతర్జాతీయ క్రికెట్‌ నుంచి వైదొలుగుతున్నట్లు గురువారం ప్రకటించాడు. అయితే, టి20 లీగ్‌లు మాత్రం ఆడతానని తెలిపాడు.  35 ఏళ్ల బ్రావో... 2004లో ఇంగ్లండ్‌తో లార్డ్స్‌లో జరిగిన టెస్టు ద్వారా వెస్టిండీస్‌ తరఫున అరంగేట్రం చేశాడు. అదే ఏడాది ఇంగ్లండ్‌పై జార్జిటౌన్‌లో తొలి వన్డే ఆడాడు. 40 టెస్టుల్లో 2,200 పరుగులు చేసి, 86 వికెట్లు పడగొట్టాడు. 164 వన్డేల్లో 2,968 పరుగులు, 199 వికెట్లు తీశాడు. టి20ల్లో మరింత ప్రభావవంతుడైన ఈ ఆల్‌రౌండర్‌ 2012, 2016 టి 20 ప్రపంచ కప్‌ నెగ్గిన వెస్టిండీస్‌ జట్టులో సభ్యుడు. ఈ ఫార్మాట్‌లో 66 మ్యాచ్‌ల్లో 1,142 పరుగులు చేసి, 52 వికెట్లను తన ఖాతాలో వేసుకున్నాడు. ఐపీఎల్‌లో చెన్నై సూపర్‌ కింగ్స్, ముంబై ఇండియన్స్, గుజరాత్‌ లయన్స్‌ తరఫున ఆడాడు. కెరీర్‌ అలా ముగిసింది: బ్రావో టెస్టు కెరీర్‌ 2010లోనే ముగిసింది. 2014లో భారత్‌లో పర్యటించిన విండీస్‌ వన్డే జట్టుకు కెప్టెన్‌గా వ్యవహరించిన బ్రావోకు ఆ సిరీసే చివరిదైంది. బోర్డుతో వివాదాల నేపథ్యంలో నిరసన తెలిపేందుకు  ధర్మశాలలో జరిగిన నాలుగో వన్డేలో టాస్‌ వేసేందుకు జట్టంతటినీ మైదానంలోకి తీసుకొచ్చి సంచలనం రేపాడు. తర్వాత విండీస్‌ జట్టు చివరిదైన ఐదో వన్డే, ఏకైక టి20, మూడు టెస్టులు ఆడకుండానే స్వదేశం వెళ్లిపోయింది. దీంతో ధర్మశాల మ్యాచ్‌తోనే ఆల్‌రౌండర్‌ వన్డే కెరీర్‌ ముగిసినట్లైంది. 2016లో అబుదాబిలో పాకిస్తాన్‌తో చివరి టి20 ఆడిన బ్రావో... ప్రస్తుతం విండీస్‌ దీవులతో పాటు ఆస్ట్రేలియా, ఇంగ్లండ్, పాకిస్తాన్‌లలో నిర్వహించే టి20 లీగ్‌లలో పాల్గొంటున్నాడు. మారిన పరిణామాలతో దేశం తరఫున 2019 వన్డే ప్రపంచ కప్‌ ఆడతాడని భావించారు. కానీ, అనూహ్యంగా రిటైర్మెంట్‌ ప్రకటించాడు.

ముంబై: అంతర్జాతీయ క్రికెట్‌లో భారత కెప్టెన్‌ విరాట్‌ కోహ్లి స్థాయి ఏంటో కొత్తగా చెప్పనవసరంలేదు. మ్యాచ్‌ ఫలితాలు ఎలా ఉన్నా అతను ఆడుతుంటే దేశం మొత్తం మ్యాచ్‌ చూడటం మాత్రం ఖాయం. ఇప్పుడతను సుదీర్ఘ షెడ్యూల్‌ నుంచి విశ్రాంతి కోరుకుంటూ ఆసియా కప్‌కు దూరమయ్యాడు. దాంతో ప్రసారకర్తలైన స్టార్‌ స్పోర్ట్స్‌ గుండెల్లో రాయి పడింది! అసలే అంతంత మాత్రం ఆదరణ ఉండే ఆసియా కప్‌లో కోహ్లిలాంటి స్టార్‌ కూడా లేకపోతే సహజంగానే రేటింగ్‌లపై ప్రభావం పడుతుందని స్టార్‌ భావిస్తోంది. ఇదే విషయంపై ఆసియా క్రికెట్‌ కౌన్సిల్‌ (ఏసీసీ)కి స్టార్‌ సంస్థ లేఖ రాసినట్లు సమాచారం. టోర్నీలో పాల్గొంటున్న అన్ని జట్లు పూర్తి స్థాయి బలంతో బరిలోకి దిగితే భారత్‌ మాత్రం కోహ్లిని పక్కన పెట్టిందని... ఏసీసీతో తాము చేసుకున్న ఒప్పందాన్ని ఇది ఉల్లంఘించడమేనని ఆరోపించింది. గతంలో కోహ్లి బ్యాటింగ్‌ చేస్తున్నంత సేపు అద్భుతమైన రేటింగ్‌లు రావడం, అతను ఔట్‌ కాగానే పడిపోయిన విషయాన్ని కూడా స్టార్‌ గుర్తు చేసింది. భారీ మొత్తం చెల్లించి ఏసీసీతో ఎనిమిదేళ్ల కాలానికి స్టార్‌ ఒప్పందం కుదుర్చుకుంది. విరాట్‌కు విశ్రాంతినివ్వడంపై అభ్యంతరం వ్యక్తం చేస్తూ తమతో పాటు టోర్నీతో సంబంధం ఉన్న అనేక సంస్థలకు వాణిజ్యపరంగా నష్టదాయకమని పేర్కొంది. అయితే దీనిపై భారత క్రికెట్‌ నియంత్రణ మండలి (బీసీసీఐ) ఘాటుగా స్పందించినట్లు తెలిసింది. ‘బీసీసీఐ అంతర్గత వ్యవహారాలతో స్టార్‌కు ఎలాంటి సంబంధం లేదు. మా సెలక్షన్‌ ప్రక్రియ విషయంలో వారి జోక్యం అనవసరం’ అని బోర్డు అధికారి ఒకరు స్పష్టం చేశారు. యూఏఈలో జరుగుతున్న ఆసియా కప్‌లో భారత్‌ తమ తొలి మ్యాచ్‌లో మంగళవారం హాంకాంగ్‌తో, ఆ తర్వాత బుధవారం పాకిస్తాన్‌తో తలపడుతుంది. 

లండన్‌: టెస్టు క్రికెట్‌లో అసాధారణ ఘనతలతో తనకంటూ ప్రత్యేక స్థానం సంపాదించుకున్న ఇంగ్లండ్‌ స్టార్‌ బ్యాట్స్‌మన్‌ అలిస్టర్‌ కుక్‌ అంతర్జాతీయ క్రికెట్‌కు గుడ్‌బై చెప్పాడు. భారత్‌తో శుక్రవారం నుంచి ఓవల్‌ మైదానంలో జరిగే టెస్టు తర్వాత రిటైర్‌ అవుతున్నట్లు అతను ప్రకటించాడు. గత కొంత కాలంగా ఘోరంగా విఫలమవుతూ తీవ్ర విమర్శల పాలైన కుక్‌ ఇక ఆడలేనంటూ తప్పుకున్నాడు. వయసు 33 ఏళ్లే అయినా, అతని తాజా ఫామ్‌ చూస్తే రిటైర్మెంట్‌ ప్రకటన ఆశ్చర్యం కలిగించలేదు. కెరీర్‌ మొత్తంగా చూస్తే అద్భుత రికార్డు ఉన్న కుక్‌ బ్యాటింగ్‌ 2018లో పేలవంగా సాగింది. 9 టెస్టుల్లో 16 ఇన్నింగ్స్‌లు ఆడిన కుక్‌ కేవలం 18.62 సగటుతో 298 పరుగులు మాత్రమే చేయగలిగాడు. గత ఎనిమిదేళ్ల కాలంలో తొలిసారి అతని సగటు 45కంటే తక్కువగా పడిపోగా...  ఆటలో ప్రాథమిక స్థాయి బలహీనతలు కూడా ఇటీవల తరచుగా కనిపించాయి. ఇవన్నీ కుక్‌ రిటైర్మెంట్‌కు కారణమయ్యాయి. టెస్టుల నుంచి రిటైర్‌ అయినా కౌంటీల్లో ఎసెక్స్‌ తరఫున దేశవాళీ క్రికెట్‌ను కొనసాగిస్తానని అతను చెప్పాడు. పుష్కర కాలపు కెరీర్‌లో ఇంగ్లండ్‌ తరఫున పలు చిరస్మరణీయ టెస్టు విజయాలతో పాటు అనేక పరాభవాల్లో కూడా భాగంగా ఉన్నాడు. ఇంగ్లండ్‌ తరఫున అత్యధిక పరుగులు చేసిన ఘనత వహించిన కుక్, ఓవరాల్‌ జాబితాలో ఆరో స్థానంలో నిలిచాడు. దాదాపు రెండేళ్ల క్రితం భవిష్యత్‌లో సచిన్‌ టెండూల్కర్‌ అత్యధిక పరుగుల రికార్డును కూడా అధిగమించగలడని కుక్‌పై అంచనాలు ఏర్పడ్డాయి. అయితే వరుస వైఫల్యాలతో ఆ స్వప్నానికి కుక్‌ సుదూరంగా నిలిచిపోయాడు. టెస్టులకంటే ముందే వన్డేల్లో అరంగేట్రం చేసినా... మారుతున్న శైలిని అందుకోలేక విఫలమైన కుక్‌ వన్డే కెరీర్‌ 2014 డిసెంబర్‌లోనే ముగిసింది. 92 వన్డేల్లో అతను 36.40 సగటుతో 3204 పరుగులు చేశాడు. ఇందులో 5 సెంచరీలు, 9 అర్ధసెంచరీలు ఉన్నాయి. అతను 4 అంతర్జాతీయ టి20 మ్యాచ్‌లు కూడా ఆడటం విశేషం.   గత కొద్ది నెలలుగా దీని గురించి తీవ్రంగా ఆలోచించి చివరకు ఈ నిర్ణయం తీసుకున్నా. నాకు ఇది బాధాకరమైన రోజే అయినా నా శక్తి మేరా జట్టుకు ఉపయోగపడ్డానని, ఇక నాలో సత్తా కరిగిపోయిందని తెలుసు కాబట్టి సంతోషంగానే ఉన్నాను. నేను ఊహించినదానికంటే చాలా ఎక్కువగా సాధించాను. దేశం తరఫున ఇన్నేళ్లు ఆడగలగడం గొప్ప గౌరవంగా భావిస్తున్నా. రిటైర్‌ అయ్యేందుకు ఇది సరైన సమయం. నా కెరీర్‌లో ఎంతో మంది అండగా నిలచినా... నన్ను ఈ స్థాయికి చేరేలా తీర్చిదిద్దిన గ్రాహం గూచ్‌కు నా ప్రత్యేక కృతజ్ఞతలు.  –అలిస్టర్‌ కుక్‌   కుక్‌  టెస్టు కెరీర్‌  టెస్టులు 160  ఇన్నింగ్స్‌  289  పరుగులు 12,254  అత్యధిక స్కోరు 294  సగటు 44.88  సెంచరీలు 32  అర్ధసెంచరీలు 56  క్యాచ్‌లు  173  

బాసెటెర్‌ (వెస్టిండీస్‌): వెస్టిండీస్‌ విధ్వంసకర క్రికెటర్‌ క్రిస్‌ గేల్‌ మరో అరుదైన మైలురాయిని చేరుకున్నాడు. అంతర్జాతీయ క్రికెట్‌లో అత్యధిక సిక్సర్లు కొట్టిన ఆటగాళ్ల జాబితాలో పాకిస్తాన్‌ మాజీ క్రికెటర్‌ షాహిద్‌ ఆఫ్రిదితో కలిసి సంయుక్తంగా అగ్రస్థానంలో నిలిచాడు. బంగ్లాదేశ్‌తో జరిగిన మూడో వన్డేలో గేల్‌(73; 66 బంతుల్లో 6 ఫోర్లు, 5 సిక్సర్లు) రాణించాడు. ఈ మ్యాచ్‌లో ఐదో సిక్సర్‌ను సాధిండం ద్వారా గేల్‌ తన కెరీర్‌లో 476వ సిక్సర్‌ను నమోదు చేశాడు. ఫలితంగా ఆఫ్రిది(476 సిక్సర్లు) అత్యధిక సిక్సర్ల రికార్డును గేల్‌ సమం చేశాడు. అంతర్జాతీయ క్రికెట్‌లో అత్యధిక సిక్సర్లు కొట్టిన ఆటగాళ్లలో ఆఫ్రిది, గేల్‌ తర్వాత బ్రెండన్‌ మెకల్లమ్‌(398), సనత్‌ జయసూర్య(352), ఎంఎస్‌ ధోని(342), ఏబీ డివిలియర్స్‌(328), రోహిత్‌ శర్మ(291), మార్టిన్‌ గప్టిల్‌(274), సచిన్‌ టెండూల్కర్‌(264)లు ఉన్నారు. వెస్టిండీస్‌తో జరిగిన మూడో వన్డేలో బంగ్లాదేశ్‌ 18 పరుగుల తేడాతో విజయం సాధించింది.  తద్వారా తొమ్మిదేళ్ల తర్వాత వెస్టిండీస్‌ గడ్డపై బంగ్లాదేశ్‌ సిరీస్‌ గెలుచుకుంది.

టీమిండియా మాజీ కెప్టెన్‌ మహేంద్ర సింగ్‌ ధోని రికార్డుల పరంపర కొనసాగుతోంది. ప్రస్తుతం ధోని మరో రికార్డుకు చేరువలో ఉన్నాడు. మాస్టర్‌ బ్లాస్టర్‌ సచిన్‌ టెండూల్కర్‌, ది వాల్‌ రాహుల్‌ ద్రవిడ్‌లు మాత్రమే ఈ రికార్డును అందుకున్నారు. వారిద్దరి సరసన ధోని కూడా చేరనున్నాడు. ఆ రికార్డు ఏంటంటే.. భారత్‌ తరఫున అంతర్జాతీయ క్రికెట్‌లో మూడు ఫార్మాట్‌లో కలిపి 500లు, ఆపైన మ్యాచ్‌లు ఆడటం. ప్రస్తుతం ధోని 497(టెస్టులు-90, వన్డేలు-318, టీ20-89) మ్యాచ్‌లతో పదో స్థానంలో ఉన్నాడు.  ధోని బ్రిస్టల్‌లో జూలై 8వ తేదీన ఇంగ్లాండ్‌తో జరిగే మూడో టీ20 మ్యాచ్‌తో 500 మ్యాచ్‌ల క్లబ్‌లో చేరనున్నాడు. ప్రస్తుతం ధోని ఐర్లాండ్‌తో బుధవారం, శుక్రవారం రెండు టీ20లు మ్యాచ్‌లు ఆడనున్నాడు. ఆ తర్వాత ఇంగ్లాండ్‌తో 3 టీ20లు, 3 వన్డేలు ఆడనున్న విషయం తెలిసిందే. ధోని ఈ ఎనిమిది మ్యాచ్‌లు ఆడితే అతను ఆడిన మ్యాచ్‌ల సంఖ్య 505కు చేరనుంది.  ఈ రికార్డులో సచిన్‌ అగ్రస్థానంలో ఉన్నాడు. సచిన్‌ అంతర్జాతీయ క్రికెట్‌లో మొత్తం 664 మ్యాచ్‌లతో(టెస్టులు-200, వన్డేలు-463, టీ20-1) మొదటి స్థానంలో ఉన్నాడు. సచిన్‌ తర్వాత ఇండియా తరఫున ఈ రికార్డును రాహుల్‌ ద్రవిడ్‌ సాధించాడు. ద్రవిడ్‌ 509మ్యాచ్‌లతో(టెస్టులు-164, వన్డేలు-344, టీ20-1) రెండో స్థానంలో ఉన్నాడు. అతి తర్వలో ధోని భారత్‌ తరఫున 500 మ్యాచ్‌లు ఆడిన మూడో ప్లేయర్‌గా రికార్డును నెలకొల్పనున్నాడు. అన్ని దేశాల ప్లేయర్స్‌తో పోలిస్తే సచిన్‌దే అగ్రస్థానం. శ్రీలంక ఆటగాడు మహేల జయవర్దనే రెండో స్థానం, కూమార సంగాక్కర మూడో స్థానంలో ఉన్నాడు. మహేంద్ర సింగ్‌ ధోని 497 మ్యాచ్‌లతో పదో స్థానంలో ఉన్నాడు. టాప్‌-10: అత్యధిక మ్యాచ్‌లు ఆడిన వ్యక్తుల జాబితా.. 1. సచిన్‌ టెండూల్కర్‌ - 594(టెస్టులు-200, వన్డేలు-463, టీ20-1)- ఇండియా 2. మహేళ జయవర్ధనే- 652(టెస్టులు-149, వన్డేలు-448, టీ20-55)-శ్రీలంక 3.  కుమార సంగాక్కర -594(టెస్టులు-134, వన్డేలు-404, టీ20-56)-శ్రీలంక 4. జయసూర్య-  586 (టెస్టులు110, వన్డేలు445, టీ2031)-శ్రీలంక 5. రికీ పాంటింగ్‌-  560 (టెస్టులు-168, వన్డేలు-375, టీ20-17)-ఆస్ట్రేలియా 6. షాహిద్ అఫ్రిది- 524 (టెస్టులు-27,వన్డేలు-398, టీ20-99) -పాకిస్తాన్‌ 7. కలిస్‌- 519 (టెస్టులు-166, వన్డేలు-328,టీ20- 25)-దక్షిణాఫ్రికా 8. రాహుల్‌ ద్రవిడ్‌- 509(టెస్టులు-164, వన్డేలు-344, టీ20-1)- ఇండియా 9. ఇంజమామ్-ఉల్-హక్-499(టెస్టులు-120, వన్డేలు-378, టీ20-1)పాకిస్తాన్‌ 10. మహేంద్ర సింగ్‌ ధోని 497(టెస్టులు-90, వన్డేలు-318, టీ20-89)ఇండియా

డెహ్రాడూన్‌: అఫ్గానిస్తాన్‌తో జరిగిన మూడు టీ20ల సిరీస్‌లో బంగ్లాదేశ్‌ చిత్తుగా ఓడిపోయిన సంగతి తెలిసిందే. రాజీవ్‌ గాంధీ ఇంటర్నేషనల్‌ స్టేడియంలో ఇక్కడ జరిగిన చివరి టీ20లో బంగ్లాదేశ్‌ ఓడిపోవడంతో సిరీస్‌లో వైట్‌వాష్‌ అయ్యింది. కాగా, బంగ్లా ఆల్‌రౌండర్‌ షకిబుల్‌ హసన్‌ సరికొత్త రికార్డు నమోదు చేశాడు. అఫ్గానిస్తాన్‌తో మూడో టీ20లో నజీబుల్లా జద్రాన్ వికెట్ తీసిన షకీబుల్..  అంతర్జాతీయ క్రికెట్లో 500 వికెట్లను ఖాతాలో వేసుకున్నాడు. తద్వారా అన్ని అంతర్జాతీయ క్రికెట్‌లో 10 వేల పరుగులు, 500 వికెట్లు పడగొట్టిన మూడో ఆల్‌రౌండర్‌గా రికార్డు నెలకొల్పాడు. అంతకుముందు దక్షిణాఫ్రికా క్రికెటర్‌ జాక్వస్‌ కల్లిస్‌, పాకిస్తాన్‌ క్రికెటర్‌ షాహిద్‌ అఫ్రిదిలు మాత్రమే ఈ ఫీట్ నమోదు చేశారు. ఈ ఇద్దరి కంటే వేగంగా షకిబుల్‌ ఈ క్లబ్‌ చేరడం విశేషం. దక్షిణాఫ్రికా విజయాల్లో కీలక పాత్ర పోషించిన కలిస్.. 519 మ్యాచ్‌ల్లో 25, 534 పరుగులు, 577 వికెట్లు సాధించాడు. తర్వాతి స్థానంలో ఉన్న షాహిద్ అఫ్రిది 524 మ్యాచ్‌ల్లో 11,196 పరుగులతో పాటు 541 వికెట్లను సొంతం చేసుకున్నాడు. షకీబుల్ హసన్  302 మ్యాచ్‌ల్లోనే 10,102 పరుగులు చేయడతోపాటు 500 వికెట్ల మార్కును అందుకున్నాడు. కాగా, భారత్ తరపున కపిల్ దేవ్ మాత్రమే ఈ రికార్డుకు చేరువగా వచ్చాడు. టీమిండియా చరిత్రలోనే అత్యుత్తమ ఆల్‌రౌండర్‌గా పేరొందిన కపిల్ దేవ్... 356 మ్యాచ్‌ల్లో 9,031 పరుగులు చేయడంతోపాటు 687 వికెట్లు పడగొట్టాడు.

హరారే: అఫ్గానిస్తాన్‌ యువ లెగ్‌ స్పిన్నర్‌ రషీద్‌ ఖాన్‌ అత్యంత చిన్న వయసు (19 ఏళ్ల 160 రోజులు)లోనే అంతర్జాతీయ జట్టుకు సారథ్యం వహించిన ఆటగాడిగా రికార్డులకెక్కనున్నాడు. రెగ్యులర్‌ కెప్టెన్‌ అస్గర్‌ స్టాన్‌జాయ్‌ కడుపునొప్పి కారణంగా ఆస్పత్రి పాలవడంతో రషీద్‌కు తమ జట్టు పగ్గాలు చేపట్టే అవకాశం దక్కింది. అఫ్గాన్‌ మార్చి 4న స్కాట్లాండ్‌తో ప్రపంచకప్‌ అర్హత మ్యాచ్‌ ఆడనుంది. దీనికి రషీద్‌ సారథ్యం వహిస్తాడని అఫ్గాన్‌ బోర్డు ట్విట్టర్‌లో ప్రకటించింది. ఇప్పటివరకు ఈ రికార్డు రాజిన్‌ సలే (బంగ్లాదేశ్‌–20 ఏళ్ల 297 రోజులు; దక్షిణాఫ్రికాపై 2004లో) పేరిట ఉంది. ఇటీవల ప్రకటించిన ఐసీసీ వన్డే, టి20 బౌలర్ల ర్యాంకింగ్స్‌లో రషీద్‌ నంబర్‌వన్‌గా నిలిచి పిన్న వయసులోనే ఈ ఘనత సాధించిన ఆటగాడయ్యాడు. రషీద్‌ 37 వన్డేల్లో 86 వికెట్లు, 29 టి20ల్లో 47 వికెట్లు తీశాడు. ఐపీఎల్‌ 2018 సీజన్‌కు సన్‌రైజర్స్‌ హైదరాబాద్‌ ఇతడిని ‘రైట్‌ టు మ్యాచ్‌’ కార్డు ద్వారా రూ.9 కోట్లకు దక్కించుకుంది. 

కౌలాలంపూర్‌: అంతర్జాతీయ క్రికెట్‌లో అఫ్ఘానిస్తాన్‌ క్రికెట్‌ జట్టు అద్భుతం చేసింది. అందరి అంచనాలను తారుమారు చేస్తూ తొలిసారి ఆసియా కప్‌ అండర్‌–19 టోర్నీలో చాంపియన్‌గా అవతరించింది. ఆదివారం జరిగిన ఫైనల్లో టైటిల్‌ ఫేవరెట్‌ పాకిస్తాన్‌పై అఫ్ఘానిస్తాన్‌ ఏకంగా 185 పరుగుల తేడాతో ఘనవిజయం సాధించింది. మొదట అఫ్ఘాన్‌ 50 ఓవర్లలో 7 వికెట్లకు 248 పరుగులు చేసింది. ఇక్రామ్‌ ఫైజీ (107; 10 ఫోర్లు, 2 సిక్సర్లు) సెంచరీ చేయగా, రహ్మాన్‌ గుల్‌ 40 పరుగులు చేశాడు. మూసా 3, షాహిన్‌ 2 వికెట్లు తీశారు. తర్వాత పాక్‌ 22.1 ఓవర్లలో 63 పరుగులకే కుప్పకూలింది. తాహ (19) టాప్‌స్కోరర్‌ కాగా, అఫ్ఘాన్‌ బౌలర్లలో ముజీబ్‌ 5, ఖైస్‌ అహ్మద్‌ 3 వికెట్లు పడగొట్టారు. 


 వెల్లింగ్టన్:న్యూజిలాండ్ క్రికెట్ జట్టులో పించ్ హిట్టర్ గా పేరొందిన ల్యూక్ రోంచీ అనూహ్య నిర్ణయం తీసుకున్నాడు. తన అంతర్జాతీయ క్రికెట్ కెరీర్ కు గుడ్ బై చెబుతున్నట్లు ప్రకటించాడు. మూడు ఫార్మాట్ల నుంచి వీడ్కోలు తీసుకుంటున్నట్లు వెల్లడించాడు. తన కెరీర్ కు ముగింపు ఇదే సరైన సమయమంటూ 36 ఏళ్ల రోంచీ పేర్కొన్నాడు. న్యూజిలాండ్ క్రికెట్ జట్టుకు ఆడటంతో తన కల నెరవేరినట్లు పేర్కొన్న రోంచీ..ఒకే సమయంలో మూడు ఫార్మాట్లకు ప్రాతినిథ్యం వహించడం మధురమైన జ్ఞాపకంగా అభివర్ణించాడు.
 
 తన వన్డే కెరీర్ ను 2008లో ఆరంభించిన రోంచీ  85 మ్యాచ్ లు ఆడి 1397 పరుగులు చేశాడు. ఇందులో ఒక సెంచరీ, నాలుగు హాఫ్ సెంచరీలున్నాయి. వన్డేల్లో అతని అత్యధిక వ్యక్తిగత స్కోరు 170 నాటౌట్. 32 అంతర్జాతీయ ట్వంటీ 20 లు ఆడిన రోంచీ ఒక హాఫ్ సెంచరీ మాత్రమే చేశాడు. ట్వంటీ 20ల్లో అతని అత్యధిక స్కోరు 51 నాటౌట్. ఇక టెస్టు కెరీర్ లో నాలుగు మ్యాచ్ లు మాత్రమే ఆడాడు. 2015లో టెస్టుల్లో అరంగేట్రం చేసిన రోంచీ..8 ఇన్నింగ్స్ ల్లో 319 పరుగులు చేశాడు. టెస్టుల్లో అతని అత్యధిక వ్యక్తిగత స్కోరు 88.
 
 
  


 చెన్నై: అంతర్జాతీయ క్రికెట్‌లో 2016 ఏడాదిని చిరస్మరణీయం చేసుకున్న భారత స్పిన్నర్‌ రవిచంద్రన్‌ అశ్విన్‌ వ్యక్తిగత జీవితాన్ని కూడా అంతే ఆనందంగా ముగించాడు. ఈ నెల 21న అతని భార్య ప్రీతి నారాయణన్‌ రెండో పాపకు జన్మనిచ్చింది. ఈ విషయాన్ని కాస్త ఆలస్యంగా నాలుగు రోజుల తర్వాత ప్రీతి ట్విట్టర్‌ ద్వారా సరదా వ్యాఖ్యలతో ప్రకటించింది. ‘ఈ నెల 21న మాకు క్యారమ్‌ బేబీ 2 పుట్టింది. రాష్ట్రంలో తుఫాను, చెన్నైలో చివరి టెస్టు ముగిసే వరకు ఆమె వేచి చూసింది.
 
 భారత్‌ మ్యాచ్‌ గెలిచిన సమయంలోనైతే చేపాక్‌లోనే పాప పుడుతుందేమోననిపించింది. అయితే ఆమె తర్వాతి రోజు ఈ ప్రపంచంలోకి వచ్చింది. దీని కారణంగా అశ్విన్‌ ‘క్రికెటర్‌ ఆఫ్‌ ద ఇయర్‌’గా ఎంపికైన సంతోషకర క్షణాలనుంచి దృష్టి మళ్లరాదని భావించాను. అందుకే ఇప్పుడు చెబుతున్నాను’ అని ప్రీతి వెల్లడించింది. అశ్విన్‌కు ఇప్పటికే ఏడాదిన్నర వయసున్న ‘అఖీరా’ అనే అమ్మాయి ఉంది.  


 2016ను విజయవంతంగా ముగించిన భారత్‌
 మూడు ఫార్మాట్‌లలో చిరస్మరణీయ విజయాలు
 అన్నింటిలో విరాట్‌ కోహ్లి హవా   
 విశ్వరూపం... ఏడాది కాలంగా విరాట్‌ కోహ్లి ప్రదర్శనను వర్ణించడానికి మాటలు సరిపోవడం లేదు. అతని ప్రశంసకు పదాలు కరువైపోతున్నాయి. ఒకటా, రెండా ఎన్ని అద్భుత ఇన్నింగ్స్‌లు. అతను ఆడిన షాట్‌లు, తీసిన పరుగులు, గెలిపించిన మ్యాచ్‌లు.. భారత్‌ జైత్రయాత్రలో ఎక్కడైనా కోహ్లి ముద్ర కనిపించింది. అన్నీ తానే అయి ఒంటి చేత్తో అందించిన విజయాలు కొన్నైతే... ముందుండి సహచరులను నడిపిస్తూ, వారిని ప్రోత్సహిస్తూ అందించిన ఫలితాలు మరికొన్ని. మూడు ఫార్మాట్‌లలోనూ 2016లో కోహ్లి సాగించిన పరుగుల విధ్వంసం అంతా ఇంతా కాదు. ఏకంగా మూడు డబుల్‌ సెంచరీలు సాధించి 75.93 సగటుతో టెస్టుల్లో అతను పరుగులు సాధించాడు. వన్డేల్లో మరో మూడు శతకాలతో   92.37 సగటుతో అతను సరిగ్గా 100 స్ట్రైక్‌రేట్‌తో పరుగులు చేయడం విశేషం. 30 పరుగుల సగటును కూడా మెరుగ్గా భావించే టి20ల్లో కోహ్లి సగటుఏకంగా 106.83 ఉందంటే ఆశ్చర్యం కలుగుతుంది. ఈ ఫార్మాట్‌లో 140.26 స్ట్రైక్‌రేట్‌తో పరుగులు చేసిన తీరు చూస్తే అతను ఏ రేంజ్‌లో రెచ్చిపోయాడో అర్థమవుతుంది. ఇక 2016 ఐపీఎల్‌లోనూ ఈ సూపర్‌మ్యాన్‌ 16 మ్యాచ్‌లలో 4 శతకాలు సహా 973 పరుగులు చేయడం విశేషం.
 
 కాలగర్భంలో మరో ‘క్రికెట్‌ ఏడాది’ కలిసిపోయింది. ప్రపంచవ్యాప్తంగా పలు చిరస్మరణీయ క్షణాలను ముద్రించిన 2016 సంవత్సరం భారత జట్టుకు కూడా బాగా అచ్చొచ్చింది. టీమిండియా ఎప్పటిలాగే అభిమానులను ఆనందపరుస్తూ, ఆశలు రేపుతూ, అక్కడక్కడ అయ్యో అనిపిస్తూ ఈ ఏడాదిలోనూ కొన్ని మధుర జ్ఞాపకాలతో ముగించింది. టెస్టుల్లో పరాజయం లేకుండా అప్రతిహత యాత్రతో ప్రపంచ నంబర్‌వన్‌ కిరీటం, టి20ల్లో ఆసియా కప్‌లో అగ్రస్థానంతో పాటు పలు వ్యక్తిగత ప్రదర్శనలు ఎప్పటికీ గుర్తుండిపోయేలా చేశాయి. అయితే ఫార్మాట్‌ మారినా, తేదీలు మారినా అలుపెరుగని శ్రామికుడిలా పరుగుల సంపద సృష్టించిన విరాట్‌ కోహ్లికే నిస్సందేహంగా ఈ సంవత్సరం చెందుతుంది. అతని అమేయ ప్రదర్శన, గణాంకాల ముందు ఇతర ఆటగాళ్లు ప్రదర్శించిన చక్కటి ఆట కూడా సూర్యుని ముందు దివిటీలా మారిపోతే... రికార్డులు తలవంచుకొని పక్కకు తప్పుకున్నాయి. మరోవైపు బౌలింగ్‌లో అశ్విన్‌ హవా కొనసాగింది. సుదీర్ఘ కాలం తర్వాత అంతర్జాతీయ క్రికెట్‌లో భారత్‌ బ్రాండ్‌ గుర్తుంచుకునేలా చేసిన 2016లో మన టీమ్‌ మెరుపులను గుర్తు చేసుకుంటే...               – సాక్షి క్రీడా విభాగం
 
 2016 సంవత్సరంలో 12 టెస్టు మ్యాచ్‌లు ఆడితే... 9 విజయాలు, 3 ‘డ్రా’లతో పరాజయం అన్న మాటే లేదు. 13 వన్డేల్లో 7 విజయాలు, 6 పరాజయాలు.  21 టి20 మ్యాచ్‌లు ఆడితే 15 మ్యాచ్‌లలో గెలుపు అందుకోగా... 5 మ్యాచ్‌లలోనే ఓటమి ఎదురైంది. మరో మ్యాచ్‌లో మాత్రం ఫలితం తేలలేదు. ఎన్నో అంచనాల మధ్య బరిలోకి దిగిన తర్వాత సొంతగడ్డపై టి20 ప్రపంచ కప్‌ కాస్త నిరాశను మిగల్చడం మినహా... ఓవరాల్‌గా ఈ ఏడాదిని భారత క్రికెట్‌ జట్టు విజయవంతమైన రీతిలో ముగించింది. గాయాలు, ఫిట్‌నెస్‌ సమస్యలు లేదా జట్టు వ్యూహాల్లో భాగంగా ఒక్కో సందర్భంలో ఒక్కో కీలక ఆటగాడు ఎవరైనా జట్టుకు దూరమైనా... అతని స్థానంలో వచ్చిన మరో ఆటగాడు ఆ అవకాశాన్ని అందిపుచ్చుకొని సత్తా చాటడం ఇటీవలి కొన్నేళ్లలో లేని విధంగా భారత జట్టులో కనిపించిన సానుకూల పరిణామం. టీమిండియా టెస్టు కెప్టెన్‌గా కోహ్లి, పరిమిత ఓవర్లలో నాయకుడిగా ధోని తమదైన శైలిలో జట్టును నడిపించారు.
 
 టెస్టులు
 ►వెస్టిండీస్‌ గడ్డపై జరిగిన నాలుగు టెస్టుల సిరీస్‌ను భారత్‌ 2–0తో గెలుచుకుంది. నాలుగో టెస్టు వర్షం కారణంగా దాదాపు పూర్తిగా తుడిచి పెట్టుకుపోగా, రెండో టెస్టులో భారత్‌కు 304 పరుగుల భారీ ఆధిక్యం దక్కినా, రోస్టన్‌ ఛేజ్‌ అసమాన పోరాటంతో విండీస్‌ ఓటమిని తప్పించుకుంది. అశ్విన్‌ ‘మ్యాన్‌ ఆఫ్‌ ద సిరీస్‌’గా నిలిచాడు.
 
 ►సొంతగడ్డపై జరిగిన మూడు టెస్టుల సిరీస్‌లో భారత్‌ 3–0తో న్యూజిలాండ్‌ను చిత్తుగా ఓడించింది. చివరి టెస్టులో విజయంతో వరల్డ్‌ నంబర్‌వన్‌ ర్యాంక్‌ ఖాయం కావడంతో గావస్కర్‌ చేతుల మీదుగా కోహ్లి గదను అందుకున్నాడు. మరోసారి అశ్విన్‌ ‘మ్యాన్‌ ఆఫ్‌ ద సిరీస్‌’ అయ్యాడు.
 
 ►భారత్‌లోనే ఇంగ్లండ్‌తో జరిగిన ఐదు టెస్టుల సిరీస్‌ను టీమిండియా 4–0తో సొంతం చేసుకుంది. తొలి టెస్టు మాత్రమే డ్రాగా ముగియగా, ఆ తర్వాత వరుసగా నాలుగు మ్యాచ్‌లు భారత్‌ వశమయ్యాయి. భారత టెస్టు చరిత్రలోనే గొప్ప విజయాల్లో ఇది ఒకటిగా నిలిచిపోయింది. ఈ సిరీస్‌లో పరుగుల వరద (655) పారించిన కోహ్లి ‘మ్యాన్‌ ఆఫ్‌ ద సిరీస్‌’ అవార్డును అందుకున్నాడు.
 
 
 ► ఏడాదిలో అత్యధిక పరుగులు: కోహ్లి (1215), పుజారా (836), రహానే (653).
 ► అత్యధిక వికెట్లు: అశ్విన్‌ (72), జడేజా (43), షమీ (29)
 ► టెస్టుల్లో అరంగేట్రం: జయంత్‌ యాదవ్, కరుణ్‌ నాయర్‌.
 
 
 వన్డేలు
 ►ఆస్ట్రేలియాతో వారి గడ్డపై జరిగిన ఐదు వన్డేల సిరీస్‌ను భారత్‌ 1–4తో కోల్పోయింది. తొలి నాలుగు వన్డేలూ వరుసగా గెలిచి ఆసీస్‌ జయభేరి మోగించగా, చివరి మ్యాచ్‌లో మనీశ్‌ పాండే అద్భుత సెంచరీతో భారత్‌ క్లీన్‌స్వీప్‌ కాకుండా తప్పించుకోగలిగింది. అయితే 2 సెంచరీలు సహా 441 పరుగులు చేసిన రోహిత్‌ శర్మ ‘మ్యాన్‌ ఆఫ్‌ ద సిరీస్‌’గా నిలిచాడు.
 
 ►దాదాపు మొత్తం జూనియర్‌ ఆటగాళ్లను తీసుకొని జింబాబ్వేకు వెళ్లిన కెప్టెన్‌ ధోని మూడు వన్డేల సిరీస్‌ను 3–0తో గెలిపించాడు. ఏ మ్యాచ్‌లోనూ భారత్‌కు కనీస పోటీ కూడా ఎదురు కాలేదు. వరుసగా 9, 8, 10 వికెట్ల తేడాతో విజయాలు దక్కాయి. 196 పరుగులు చేసిన కేఎల్‌ రాహుల్‌కు ‘మ్యాన్‌ ఆఫ్‌ ద సిరీస్‌’ అవార్డు దక్కింది.
 
 ►భారత్‌లోనే న్యూజిలాండ్‌తో జరిగిన ఐదు వన్డేల సిరీస్‌ను భారత్‌ 3–2తో సొంతం చేసుకుంది. ఇరు జట్లు చెరో రెండు మ్యాచ్‌లు నెగ్గి 2–2తో సమంగా నిలవగా... విశాఖపట్నంలో జరిగిన చివరి వన్డేలో కివీస్‌ 79 పరుగులకే కుప్పకూలి 190 పరుగులతో చిత్తుగా ఓడింది. 15 వికెట్లు పడగొట్టిన అమిత్‌ మిశ్రా ‘మ్యాన్‌ ఆఫ్‌ ద సిరీస్‌’ అవార్డును గెలుచుకున్నాడు.
 
 ► ఏడాదిలో అత్యధిక పరుగులు: కోహ్లి (739), రోహిత్‌ (564), ధావన్‌ (287).
 ►అత్యధిక వికెట్లు: జస్‌ప్రీత్‌ బుమ్రా (17), అమిత్‌ మిశ్రా (15), ఉమేశ్‌ (15).
 ►వన్డేల్లో అరంగేట్రం: బరీందర్‌ శరణ్, రిషి ధావన్, గుర్‌కీరత్‌ సింగ్, జస్‌ప్రీత్‌ బుమ్రా, యజువేంద్ర చహల్, కరుణ్‌ నాయర్, కేఎల్‌ రాహుల్, ఫైజ్‌ ఫజల్, హార్దిక్‌ పాండ్యా, జయంత్‌ యాదవ్‌.
 
 టి20లు
 ►ప్రపంచకప్‌తో పాటు దానికి ముందు సన్నాహకంగా గతంతో పోలిస్తే ఈ ఏడాది భారత్‌ ఎక్కువ సంఖ్యలో (21) అంతర్జాతీయ టి20 మ్యాచ్‌లు ఆడింది.
 
 ►ఆస్ట్రేలియా గడ్డపై జరిగిన మూడు మ్యాచ్‌ల సిరీస్‌ను భారత్‌ 3–0తో గెలుచుకొని కంగారూలకు షాక్‌ ఇచ్చింది. ఆద్యంతం ఆధిక్యం కనబర్చిన మన జట్టు ప్రత్యర్థికి కోలుకునే అవకాశం ఇవ్వకుండా వన్డే సిరీస్‌ పరాజయానికి ప్రతీకారం తీర్చుకుంది. మూడు అర్ధ సెంచరీలు చేసిన కోహ్లి ‘మ్యాన్‌ ఆఫ్‌ ద సిరీస్‌’గా నిలిచాడు.
 
 ►సొంతగడ్డపై శ్రీలంకతో జరిగిన మూడు మ్యాచ్‌ల సిరీస్‌ను భారత్‌ 2–1తో సొంతం చేసుకుంది. తొలి మ్యాచ్‌లో అనూహ్య రీతిలో 101కే కుప్పకూలి విమర్శలు ఎదుర్కొన్న మన జట్టు, తర్వాతి రెండు మ్యాచ్‌లలో సత్తా చాటింది. అశ్విన్‌ ‘మ్యాన్‌ ఆఫ్‌ ద సిరీస్‌’గా నిలిచాడు.  
 
 ► తొలిసారి టి20 ఫార్మాట్‌లో నిర్వహించిన ఆసియా కప్‌లో ధోని సేన విజేతగా నిలిచింది. లీగ్‌ దశలో ఆడిన నాలుగు మ్యాచ్‌లను అజేయంగా ముగించిన టీమిండియా ఫైనల్లో బంగ్లాదేశ్‌ను 8 వికెట్లతో చిత్తు చేసింది. ఈ టోర్నీలో పాకిస్తాన్‌తో జరిగిన మ్యాచ్‌లో 5 వికెట్ల తేడాతో భారత్‌ ఘన విజయం సాధించింది.
 
 ► మొదటిసారి భారత్‌లో నిర్వహించిన ప్రపంచ కప్‌లో భారత్‌ సెమీఫైనల్‌ వరకు చేరగలిగింది. లీగ్‌ తొలి మ్యాచ్‌లో న్యూజిలాండ్‌ చేతిలో అనూహ్య ఓటమి తర్వాత వరుసగా పాకిస్తాన్, బంగ్లాదేశ్, ఆస్ట్రేలియాలపై గెలిచి సెమీస్‌ చేరిన టీమిండియా, అక్కడ వెస్టిండీస్‌ చేతిలో పరాజయం పాలైంది. బంగ్లాదేశ్‌తో మ్యాచ్‌లో ఆఖరి ఓవర్లో తీసిన మూడు వికెట్లు, ఆసీస్‌పై కోహ్లి ఆడిన అద్భుత ఇన్నింగ్స్, ధోనితో కలిసి చేసిన ఛేజింగ్‌ అభిమానులకు గుర్తుండిపోయాయి. అయితే సెమీస్‌లో కీలక సమయంలో అశ్విన్‌ వేసిన నోబాల్‌తో బతికిపోయిన సిమన్స్, ఆ తర్వాత చెలరేగి భారత్‌ను ఓడించడం అభిమానులకు తీవ్ర నిరాశను కలిగించింది. తిరుగులేని ఆటతీరు కనబర్చిన కోహ్లినే ‘మ్యాన్‌ ఆఫ్‌ ద సిరీస్‌’ పురస్కారానికి ఎంపికయ్యాడు.
 
 ► జింబాబ్వేలో జరిగిన మూడు మ్యాచ్‌ల సిరీస్‌ను భారత్‌ 2–1తో గెలుచుకుంది. తొలి మ్యాచ్‌లో ఊహించని విధంగా చివరి బంతికి ధోని ఫోర్‌ కొట్టలేకపోవడంతో భారత్‌ ఓడిపోగా... ఆ తర్వాత కోలుకొని మిగతా రెండు మ్యాచ్‌లు గెలుచుకుంది. బరీందర్‌ శరణ్‌ ‘మ్యాన్‌ ఆఫ్‌ ద సిరీస్‌’గా నిలిచాడు.
 
 ► తొలిసారి అమెరికా గడ్డపై క్రికెట్‌ ఆడిన భారత జట్టు వెస్టిండీస్‌తో రెండు మ్యాచ్‌లో సిరీస్‌ను 0–1తో కోల్పోయింది. తొలి మ్యాచ్‌లో రాహుల్‌ శతకం సాధించినా, ఒక పరుగుతో జట్టు ఓటమిపాలు కాగా... రెండో మ్యాచ్‌ వర్షం కారణంగా అర్ధాంతరంగా రద్దయింది.
 
 ► టెస్టుల్లో భారత్‌ తరఫున ట్రిపుల్‌ సెంచరీ సాధించిన రెండో ఆటగాడిగా కరుణ్‌ నాయర్‌ నిలిచాడు. చెన్నైలో ఇంగ్లండ్‌తో జరిగిన ఐదో టెస్టులో అతను 303 పరుగులు చేసి అజేయంగా నిలిచి చరిత్రలో తన పేరు లిఖించుకున్నాడు. 2016 ఏడాదిలో భారత్‌కు సంబంధించి ఇదో ప్రత్యేక క్షణం.
 
 ► ఐపీఎల్‌–2016ను డేవిడ్‌ వార్నర్‌ సారథ్యంలోని సన్‌రైజర్స్‌ హైదరాబాద్‌ జట్టు గెలుచుకుంది. ఫైనల్లో హైదరాబాద్‌ 8 పరుగులతో రాయల్‌ చాలెంజర్స్‌ బెంగళూరును ఓడించింది.
 
 
 
 ► ఏడాదిలో అత్యధిక పరుగులు: కోహ్లి (647), రోహిత్‌ (497), ధావన్‌ (301).
 ► అత్యధిక వికెట్లు: జస్‌ప్రీత్‌ బుమ్రా (28), అశ్విన్‌ (23), నెహ్రా (18).
 ►టి20ల్లో అరంగేట్రం: జస్‌ప్రీత్‌ బుమ్రా, హార్దిక్‌ పాండ్యా, పవన్‌ నేగి, యజువేంద్ర చహల్, రిషి ధావన్, మన్‌దీప్‌ సింగ్, కేఎల్‌ రాహుల్, జైదేవ్‌ ఉనాద్కట్, ధావల్‌ కులకర్ణి, బరీందర్‌ శరణ్‌.
 ►మహిళల క్రికెట్‌ విషయానికొస్తే హర్మన్‌ప్రీత్‌ కౌర్‌ సారథ్యంలోని భారత జట్టు వరుసగా ఆరోసారి ఆసియా కప్‌ విజేతగా నిలిచింది. బ్యాంకాక్‌లో జరిగిన టి20 ఫార్మాట్‌ ఆసియా కప్‌ ఫైనల్లో భారత్‌ 17 పరుగుల తేడాతో పాకిస్తాన్‌పై గెలిచింది. ఫైనల్లో మిథాలీ రాజ్‌ అజేయ అర్ధ సెంచరీ సాధించి భారత విజయంలో కీలకపాత్ర పోషించింది. హర్మన్‌ప్రీత్‌ ఆస్ట్రేలియా మహిళల బిగ్‌బాష్‌ లీగ్‌లో సిడ్నీ థండర్‌ జట్టుకు ప్రాతినిధ్యం వహించగా... స్మృతి మంధన తొలిసారి ప్రకటించిన ‘ఐసీసీ టీమ్‌ ఆఫ్‌ ది ఇయర్‌’లో భారత్‌ నుంచి చోటు సంపాదించింది.


 రోహిత్ శర్మ అమోఘమైన నైపుణ్యం ఉన్న క్రికెటర్... కానీ ఎర్ర బంతి చూస్తే భయపడతాడు... అంతర్జాతీయ క్రికెట్ ఆడటం మొదలుపెట్టి తొమ్మిది సంవత్సరాలైనా అతడిపై ఈ ముద్ర మాత్రం ఇంకా చెరిగిపోలేదు. టి20ల్లో, వన్డేల్లో 2007లో అరంగేట్రం చేసిన రోహిత్.... 2013లోగానీ తొలి టెస్టు ఆడలేదు. నిజానికి దీనికి కారణాలు వేరు. సచిన్, ద్రవిడ్, గంగూలీ, లక్ష్మణ్‌ల శకంలో టెస్టు జట్టులోకి రావడానికి రోహిత్‌కు అవకాశం రాలేదు.
 
 నిజానికి ఆ సమయంలో రోహిత్ మాత్రమే కాదు... టెస్టుల్లో ఆడే అవకాశం కోసం చాలామంది యువ క్రికెటర్లు ఎదురు చూశారు. 2013లో సచిన్ ఆఖరి సిరీస్ ద్వారా టెస్టుల్లో రోహిత్ ఈడెన్‌గార్డెన్‌‌సలోనే అరంగేట్రం చేశాడు. ఈ రెండున్నరేళ్ల కాలంలో రోహిత్ ఆడింది 19 టెస్టులు. దాదాపు 35 సగటుతో రెండు సెంచరీలతో 1049 పరుగులు చేశాడు. నిజానికి ఇది అంత చెత్త ప్రదర్శనేం కాదు. కానీ రోహిత్ నుంచి ఇంకా ఎక్కువ ఆశించడం వల్ల విఫలమైన ప్రతిసారీ అతనిపై విమర్శలు వచ్చాయి. వన్డేల్లో రెండు డబుల్ సెంచరీలు... టి20లో సెంచరీ... ఇలా పొట్టి ఫార్మాట్‌లో రికార్డులు రోహిత్‌కు దాసోహం.
 
  ఇలా తను భారీగా పరుగులు చేయడంతో టెస్టుల్లో తన ప్రదర్శన చిన్నగా కనిపిస్తోంది. ఈ రెండున్నరేళ్ల కాలంలో రోహిత్ విఫలమైన ప్రతిసారీ ‘టెస్టుకు పనికిరాడు’ అనే విమర్శ పదే పదే వినిపించింది. మీడియాలో, అభిమానుల్లో ఇలాంటి విమర్శలు తరచూ వినిపిస్తున్నా కెప్టెన్లుగా ధోని, కోహ్లి మాత్రం రోహిత్‌పై నమ్మకం ఉంచారు. ఓ అద్భుతమైన ఆటగాడు ఏ ఫార్మాట్‌లో అయినా గంటలో ఆటను మార్చేస్తాడనేది ఎవరూ కాదనలేని వాస్తవం. భారత క్రికెట్‌లో రోహిత్ కూడా మ్యాచ్ విన్నర్. అందుకే ఎన్నిసార్లు ఎన్ని విమర్శలు వచ్చినా... తన కంటే ముందు కెప్టెన్‌లే సరైన సమాధానం ఇచ్చారు.
 ఒడిదుడుకులు ఉన్నా..: కెరీర్‌లో ఆరంగేట్రంలో వరుసగా రెండు టెస్టుల్లో రెండు సెంచరీలు చేసిన రోహిత్... ఆ తర్వాత మాత్రం ఆ స్థాయి నిలకడ చూపించలేదనేది కూడా కాదనలేని వాస్తవం. ఐదుగురు బౌలర్ల సిద్ధాంతం ఎప్పుడు తెరమీదకు వచ్చినా రోహిత్ బెంచ్‌కే పరిమితమయ్యాడు. నిజానికి తన స్థాయి క్రికెటర్‌కు ఇది జీర్ణించుకోవడం కష్టం. అడపాదడపా ఒక్కో అవకాశం లభించినా దానిని పూర్తిగా రెండు చేతులతో అందుకోలేకపోయాడు. అరుుతే ‘క్లాస్’ ఆటగాడు సరైన సమయంలో తన పూర్తి ఆటను బయటకు తీస్తాడు.
  
  తనకు బాగా కలిసొచ్చిన, ఇష్టమైన మైదానం ఈడెన్‌గార్డెన్‌‌సలో రోహిత్ ఆదివారం ఓ ‘క్లాసిక్’ ఇన్నింగ్‌‌స ఆడాడు. భారత్ రెండో ఇన్నింగ్‌‌సలో 43 పరుగులకే నాలుగు వికెట్లు కోల్పోయిన దశలో రోహిత్ క్రీజులోకి వచ్చాడు. గత టెస్టు రెండో ఇన్నింగ్‌‌సలో అజేయంగా 68 పరుగులు చేసినా... కోల్‌కతా తొలి ఇన్నింగ్‌‌సలో తను విఫలమయ్యాడు. రెండో ఎండ్‌లో ఆడుతున్న కోహ్లి కూడా గొప్ప ఫామ్‌లో లేడు. ఈ సమయంలో ఈ ఇద్దరిలో ఎవరు అవుటైనా భారత్ ప్రమాదంలో పడేది. తొలి ఇన్నింగ్‌‌స ఆధిక్యం చేతిలో ఉన్నా... మ్యాచ్ కచ్చితంగా గెలవాలంటే 300పైచిలుకు ఆధిక్యం కచ్చితంగా కావాలి. బంతి ఎలా బౌన్‌‌స అవుతుందో అర్థంకాని స్థితిలో రోహిత్ అద్భుతంగా ఆడాడు.
  
  వన్డే స్పెషలిస్ట్ రోహిత్ టెస్టులు కూడా బాగా ఆడగలడని ఈ ఇన్నింగ్‌‌స చూపించింది. ఆరంభంలో బంతి కొత్తగా ఉన్నప్పుడు జాగ్రత్తగా ఆడిన అతను, ఆ తర్వాత బంతి పాతబడిపోగానే తనదైన శైలిలో షాట్లు ఆడటం మంచి ఫలితాన్నిచ్చింది. కోహ్లి, సాహాలతో కలిసి రోహిత్ నిర్మించిన రెండు భాగస్వామ్యాలతో మ్యాచ్ పూర్తిగా భారత్ చేతిలోకి వచ్చింది. ఈ ఇన్నింగ్‌‌సలో రోహిత్ స్వీప్, లాఫ్ట్, డ్రైవ్ అన్ని రకాల షాట్లూ ఆడి తనలోని సహజ నైపుణ్యాన్ని మరోసారి బయటపెట్టాడు. చూడచక్కని కవర్‌డ్రైవ్‌లు అభిమానులకు ఆనందం పంచాయి.
  
  మరికొంత కావాలేమో!: ఈ ఇన్నింగ్‌‌స రోహిత్ కెరీర్‌లో చెప్పుకోదగ్గ వాటిలో ఒకటిగా నిలుస్తుంది. ప్రతికూల పరిస్థితుల్లో ఎదురుదాడిని మేళవించి అద్భుతమైన ఇన్నింగ్‌‌సతో తను ఆకట్టుకున్నాడు. కెప్టెన్ తనపై ఉన్న నమ్మకాన్ని నిలబెట్టుకోవడంతో పాటు జట్టును నిలబెట్టాడు. ఈ సీజన్‌లో భారత్ స్వదేశంలో మరో 11 టెస్టులు ఆడాల్సి ఉంది. స్వదేశంలో సాధారణంగా స్పిన్ వికెట్లు ఉంటాయి కాబట్టి... ఐదుగురు బౌలర్ల సిద్ధాంతానికి వెళ్లకపోవచ్చు. కాబట్టి రోహిత్‌కు ఈ సీజన్‌లో కావలసినన్ని మ్యాచ్‌లు దొరికే అవకాశం ఉంది. ఇలాంటి ఇన్నింగ్‌‌స మరో రెండు ఆడి, మరికొంత నిలకడ చూపితే... తను ఐదుగురు బౌలర్లు ఉన్నా తుది జట్టులోకి వస్తాడు.                    
  -సాక్షి క్రీడావిభాగం
 
 
  


 ♦ బెస్ట్ క్యూరేటర్‌గా చంద్రశేఖర్‌రావు
 ♦ అంతర్జాతీయ క్రికెట్‌లో మెతుకుసీమ ముద్ర
 అతను ఇక్రిశాట్‌లో ఉద్యోగి.. నేల స్వభావాన్ని గుర్తించి పంటల బ్రీడింగ్‌పై రీసెర్చ్ చేయడం తన విధి.. మరో వైపు క్రికెట్‌లో రాణిస్తుండటంతో ఇక్రిశాట్ జట్టుకు 11 సంవత్సరాలు కెప్టెన్‌గా వ్యవహరించారు. వృత్తిరీత్యా నేల స్వభావం తెలియడం.. క్రికెట్‌పై ఆసక్తి.. వెరసి పిచ్‌ల తయారీలో రాణించాడు. అంతేకాదు  బీసీసీఐ సర్టిఫైడ్ క్యూరేటర్‌గా ప్రపంచవ్యాప్తంగా గుర్తింపు పొందాడు. అతనే మెతుకుసీమ ముద్దుబిడ్డ వైఎల్ చంద్రశేఖర్‌రావు. జిన్నారానికి చెందిన ఇతను ప్రస్తుతం తల్లిదండ్రులతో హైదరాబాద్‌లో స్థిరపడ్డారు. క్రికెట్‌లో గెలుపెవరిదైనా అభినందనలు మాత్రం ఇతనికే.. ఉత్తమ క్యూరేటర్ అవార్డులు సైతం ఇతని సొంతం. ప్రపంచ వ్యాప్తంగా సునిల్ గవాస్కర్, వివియన్ రిచర్డ్స్, సచిన్‌టెండూల్కర్ వంటి క్రికెట్ దిగ్గజాల నుంచి ప్రశంసలను అందుకున్నాడు. జిల్లాలోని నల్లరేగడి మట్టినే పిచ్‌ల తయారీకి వినియోగిస్తున్నట్టు పేర్కొన్నారు. ప్రభుత్వం ప్రోత్సహిస్తే అలాంటి పిచ్‌లనే జిల్లాలో సైతం తయారు చేస్తానంటున్నారు.  - సిద్దిపేట జోన్
  సిద్దిపేట జోన్: క్రికెట్.. ప్రస్తుతం ఐపీఎల్ ఫీవర్ నడుస్తోంది. ప్రపంచ వ్యాప్తంగా క్రికెట్ అభిమానులకు ఆసక్తి కల్గిస్తున్న ఈ క్రీడ లో గెలుపోటములు సహజం. అలాంటి క్రికెట్ ఆటకు పిచ్ కీలకం. జట్టు జయాపజయాలను నిర్ణయించేది, నిర్దేశించేది పిచ్ మాత్రమే. బౌలింగ్, బ్యాటింగ్‌లకు అనుగుణంగా ఉండేలా పిచ్‌లను తయారు చేయడానికి ప్రత్యేక నిపుణులుంటారు. అలాంటి పిచ్ తయారీలో దిట్టగా నిలిచి బీసీసీఐ సర్టిఫైడ్ క్యూరేటర్‌గా ప్రపంచ వ్యాప్తంగా గుర్తింపు పొందిన వైఎల్ చంద్రశేఖర్ రావు పిచ్ మాంత్రికుడు అని చెప్పడంలో అతిశయోక్తిలేదు. అలాంటి మాంత్రికుడు మెతుకుసీమ బిడ్డ కావడం జిల్లాకు గర్వకారణం.
 జిన్నారం మండలం గడ్డిపోతారం గ్రామానికి చెందిన లక్ష్మీనారాయణ, నాగమణిల కుమారుడు వైఎల్ చంద్రశేఖర్‌రావు. చిన్నతనంలోనే తనతల్లిదండ్రులతో కలిసి హైదరాబాద్ వెళ్లి అక్కడే స్థిరపడ్డారు. మహబూబ్ కళాశాలలో విద్యాభ్యాసం పూర్తిచేశారు. చదువు అనంతరం మెదక్ జిల్లా ఇక్రిశాట్‌లో వేరుశనగ బ్రీడింగ్ రిసెర్చ్ అసోసియేట్‌గా విధులను నిర్వర్తించారు. 1976లో పటాన్‌చెరువు ఇక్రిశాట్ జట్టుకు 11 సంవత్సరాలుగా కెప్టెన్‌గా కొనసాగారు. క్రికెట్‌పై ఆసక్తి కలిగిన చంద్రశేఖర్‌రావు 1994-95లో అండర్ 13 జట్టుగా కోచ్‌గా, మేనేజర్‌గా పనిచేశారు. తాను వృత్తిరీత్యా నేల స్వభావాన్ని తెలుసుకునే ఉద్యోగి కావడంతో పదవీ విరమణ అనంతరం పిచ్‌ల తయారీకి అనుకూలంగా ఉండే నేలలపై దృష్టిసారించారు.
 ఒక దశలో పిచ్‌లను తయారుచేసేందుకు 1986లోనే తన ఉద్యోగ విరమణ చేసి పూర్తికాలం క్రికెట్‌పైనే ఆసక్తిని కనబర్చారు. 9 సంవత్సరాలు హైదరాబాద్ క్రికెట్ అసోసియేషన్ క్యూరేటర్‌గా పనిచేశారు. 5 సంవత్సరాల క్రితం బీసీసీఐ సర్టిఫైడ్ క్యూరేటర్‌గా పదోన్నతి పొందారు. పలు వన్‌డే, టెస్ట్ మ్యాచ్‌లకు పిచ్‌లను తయారు చేశారు. అదే విధంగా ఇప్పటి వరకు  ఐపీఎల్‌లోని 50 మ్యాచ్‌లకు పిచ్‌లను  రూపొందించారు. 46 రంజీ ట్రోఫీలకు పిచ్‌లను తయారు చేయడం కాకుండా దులిప్‌ట్రోఫీ, రంజీ ఫైనల్‌లకు పిచ్‌లను తయారు చేశారు. ఈ క్రమంలోనే హైదరాబాద్‌లోని ఉప్పల్ స్టేడియంలో జరిగిన ఇంగ్లాండ్, ఆస్ట్రేలియా, న్యూజిల్యాండ్, శ్రీలంక, భారత్ ఆడిన నాలుగు మ్యాచ్‌లకు పిచ్‌లను రూపొందించారు.
 న్యూజిల్యాండ్‌తో జరిగిన రెండు టెస్ట్‌లు, ఇంగ్లాండ్ ఆస్ట్రేలియాతో జరిగిన టెస్ట్‌లకు పిచ్‌లు తయారు చేశారు. 2009, 2011.2012, 2014, 2015తో పాటు ప్రస్తుత ఐపీఎల్ మ్యాచ్‌లకు చంద్రశేఖర్‌రావు క్యూరేటర్‌గా పనిచేశారు. 2014లో ఉత్తమ క్యూరేటర్‌గా అవార్డును కూడా అందుకున్నారు. రెండు పర్యాయాలు ఉత్తమ క్యూరేటర్‌గా అవార్డులు, నగదు పురస్కారాలను అందుకున్నారు. బ్యాటింగ్, వికెట్లకు అనుగుణంగా పిచ్‌లను తయారు చేయడంలో చంద్రశేఖర్‌రావు నైపుణ్యం కలిగిన క్యూరేటర్. వీటితో పాటు 20-20, వన్‌డే, టెస్ట్ మ్యాచ్‌లకు ఇరు జట్లను దృష్టిలో పెట్టుకొని పిచ్‌ను తయారు చేయడం ఈయన ప్రత్యేకత. క్యూరేటర్‌గా ప్రముఖ క్రికెట్ దిగ్గజం సునీల్ గవస్కర్, వీవీఎన్ రిచర్డ్, సచిన్ టెండూల్కర్, ధోని, వీవీఎస్ లక్ష్మణ్‌లాంటి వారి అభినందనలు కూడా అందుకున్నారు. గోవా, నాందేడ్, చెన్నై లాంటి ప్రాంతాల్లో స్థానిక క్రీడకారుల కోసం పిచ్‌లను తయారు చేశారు.
  జిల్లా నేలలు ఎంతో ఉపయోగం
 పిచ్‌ల తయారీలో పేరుగాంచిన చంద్రశేఖర్‌రావుకు మెదక్ జిల్లా అంటే అమితమైన ప్రేమ. జిల్లాలోని నల్లరేగడి నెలలు క్రికెట్ పిచ్ తయారీకి ఎంతో ఉపయోగపడుతాయన్నారు. జిల్లాలోని నల్లరేగడి మట్టితో చెన్నైలో, గోవాలో, కొచ్చిలో పిచ్‌ల తయారీకి మెతుకుసీమ మట్టిని వినియోగించినట్లు ఆయన పేర్కొన్నారు.
 ప్రోత్సహిస్తే జిల్లా వ్యాప్తంగా పిచ్‌లను తయారు చేస్తా
 గ్రామీణ ప్రాంతాల్లో క్రీడా వసతులు కల్పించాల్సిన ఆవసరముంది. తనను ప్రభుత్వం ప్రోత్సహిస్తే జిల్లాలోని అన్నిచోట్లా పిచ్‌ల తయారీకి కృషి చేస్తా. ప్రధానంగా టర్ఫ్ వికెట్ అనేది ఎంతో ముఖ్యంగా మారింది. సిద్దిపేట, సంగారెడ్డి, మెదక్‌లాంటి ప్రాంతాల్లో పిచ్‌లు తయారు చేయాలని తనకు ఆసక్తి ఉంది. జిల్లా క్రీడాభివృద్ధి సంస్థ కోరికమేరకు సిద్దిపేటలో ఇటీవలే టర్ఫ్ వికెట్ పిచ్‌ను తయారు చేశాను.
 - చంద్రశేఖర్, పిచ్ క్యూరేటర్


 ► 600కు పైగా అమ్మాయిలతో గడిపా 
 ► వెస్టిండీస్ మాజీ పేసర్ టినో బెస్ట్ సంచలన వ్యాఖ్యలు
  
 35 ఏళ్ల టినో బెస్ట్ పదేళ్ల టెస్టు కెరీర్‌లో ప్రపంచంలోని ఫాస్టెస్ట్ బౌలర్లలో ఒకడిగా నిలిచాడు. 25 టెస్టులు, 26 వన్డేల్లో కలిపి91 వికెట్లు పడగొట్టాడు. 2014 జనవరిలో అతను ఆఖరిఅంతర్జాతీయ మ్యాచ్ ఆడాడు. 2012లో ఇంగ్లండ్‌తో జరిగిన టెస్టులో 11వ స్థానంలో బ్యాటింగ్‌కు దిగి బెస్ట్ చేసిన 95 పరుగులు  అప్పట్లో రికార్డుగా నిలిచింది.
  
 బార్బడోస్: అంతర్జాతీయ క్రికెటర్ల సరదాలు, కొండొకచో అమ్మాయిలతో పరిధి దాటి ‘సహవాసం’లాంటి వార్తలు తరచుగా వినిపిస్తూనే ఉంటాయి. అయితే ఇలాంటి విషయాల్లో సాధారణంగా ఎవరూ బయట పడరు. ఖండించడమో లేదా మౌనంగా ఉండటమో చేస్తారు. వెస్టిండీస్ మాజీ ఫాస్ట్ బౌలర్ టినో బెస్ట్ మాత్రం తనను తాను పురుష వ్యభిచారిగా ప్రకటించుకున్నాడు. తన వ్యక్తిగత జీవితం, సెక్స్ అభిరుచుల గురించి బహిరంగంగా సంచలన వ్యాఖ్యలు చేశాడు.
 
 ఇప్పటి వరకు వేర్వేరు దేశాలకు చెందిన కనీసం 650 మంది వరకు అమ్మాయిలతో శృంగారం జరిపినట్లు అతను చెప్పుకున్నాడు. టినో బెస్ట్ ఆటోబయోగ్రఫీ ‘మైండ్ ద విండోస్-మై స్టోరీ’ లో ఈ విషయాలు ఉన్నాయి. ‘నేను అమ్మాయిలను ఇష్టపడతా. వాళ్లు కూడా నన్ను ఇష్టపడతారు. తలపై జుట్టు లేని అందమైన వ్యక్తిగా నన్ను నేను భావిస్తా. ఆ మాటకొస్తే బ్లాక్ బ్రాడ్ పిట్‌గా నన్ను పిలవవచ్చు’ అని బెస్ట్ అభివర్ణించుకున్నాడు.
 
 
  జాబితా పెద్దదే...
 తన తొలిప్రేమ మెలీసా ద్వారా అమ్మాయి కూడా పుట్టిందని, అయితే ఆ తర్వాత ఆమె తనను పట్టించుకోలేదని, ఆపై తాను ప్లేబాయ్‌లాగా మారిపోయానన్న బెస్ట్... క్రికెటర్‌గా ఎక్కడికి వెళ్లినా అమ్మాయిలతో మాటలు కలిపి ఎలాగైనా వారిని పడక గది వరకు కచ్చితంగా తీసుకుపోయేవాడినని చెప్పుకున్నాడు. 2005 ఆస్ట్రేలియా సిరీస్‌లో ఒక్క మ్యాచ్ ఆడకపోయినా, మూడు నెలల వ్యవధిలో కనీసం 40 మందిని హోటల్ గది వరకు తీసుకురావడం జట్టులో అందరికంటే తనదే రికార్డని బెస్ట్ వెల్లడించాడు! వీటి వల్ల తన ఆటపై ఎలాంటి ప్రభావం పడలేదని, ప్రాక్టీస్‌లో అందరికంటే ఎక్కువగా కష్టపడిన క్రికెటర్ తనేనని టినో వ్యాఖ్యానించాడు.
 
 గేల్‌తో తనకు మంచి స్నేహం ఉన్నా... ఇలాంటి విషయాలకు అతను దూరమని, ఎక్కువగా తన వినోదంలో డ్వేన్ బ్రేవో భాగమని అతను చెప్పాడు. అయితే ఎన్ని రాసలీలలు సాగించినా, దేశానికి ఆడటమే గర్వకారణంగా భావిస్తానన్నాడు.


 నాలుగో టైటిల్ కోసం కంగారూలు
 తొలి టైటిల్ లక్ష్యంగా వెస్టిండీస్
 మహిళల టి20 ప్రపంచ కప్ ఫైనల్ నేడు
 
 కోల్‌కతా నుంచి సాక్షి క్రీడా ప్రతినిధి: సుదీర్ఘ కాలంగా అంతర్జాతీయ క్రికెట్‌లో ఆధిపత్యం ప్రదర్శిస్తున్న ఆస్ట్రేలియా మహిళల జట్టు మరో ప్రపంచకప్‌పై కన్నేసింది. ఆదివారం ఇక్కడి ఈడెన్ గార్డెన్స్‌లో జరిగే టి20 ప్రపంచకప్ ఫైనల్లో ఆస్ట్రేలియా, వెస్టిండీస్‌తో తలపడుతుంది. మహిళల క్రికెట్‌లో ఇప్పటి వరకు నాలుగు ప్రపంచకప్‌లు జరగ్గా తొలి సారి (ఇంగ్లండ్) మినహా మిగిలిన మూడు సార్లు నెగ్గిన ఆస్ట్రేలియా ఎదురులేని జట్టుగా ఉంది. మరో వైపు విండీస్ తొలిసారి ఫైనల్ ఆడబోతోంది. టోర్నీలో ఇప్పటి వరకు బ్యాటింగ్‌లో ఆసీస్ ఆధిక్యం ప్రదర్శించగా... విండీస్ బౌలింగ్, ఫీల్డింగ్ మెరుగ్గా ఉన్నాయి. ఈ నేపథ్యంలో హోరాహోరీ పోరుకు అవకాశం ఉంది.
  
 సమ ఉజ్జీల సమరం: లీగ్ దశలో ఆస్ట్రేలియా, వెస్టిం డీస్ సమానంగా చెరో 3 విజయాలు సాధించాయి. సెమీస్‌లో ఇంగ్లండ్‌ను ఆసీస్... న్యూజిలాండ్‌ను విండీస్ ఓడించాయి. అత్యధిక పరుగులు చేసిన టాప్-10 బ్యాట్స్‌విమెన్ జాబితాలో ఆసీస్‌నుంచి లానింగ్ (149), విలాని (119) ఉండగా... విండీస్ జట్టు తరఫున స్టెఫానీ టేలర్ (187), డాటిన్ (111) ఉన్నారు. విండీస్ బౌలర్లలో టేలర్ 8, ఫ్లెచర్ 7 వికెట్లతో రాణించగా... షుట్ (ఆసీస్) 7 వికెట్లు తీసింది. అయితే ఆస్ట్రేలియా క్రికెటర్లకు విండీస్‌తో పోలిస్తే ఎక్కువగా అంతర్జాతీయ అనుభవం ఉండటంఅనుకూలాంశం.
  


 పాకిస్తాన్ కెప్టెన్ షాహిద్ ఆఫ్రిది అంతర్జాతీయ క్రికెట్ కెరీర్ ముగిసినట్లే. స్వదేశానికి వెళ్లిన తర్వాత నాలుగైదు రోజుల్లో తన నిర్ణయాన్ని వెల్లడిస్తానని ఆస్ట్రేలియాతో మ్యాచ్ తర్వాత వ్యాఖ్యానించాడు. ‘ఆటగాడిగా నేను పూర్తి ఫిట్‌గా ఉన్నాను. కానీ కెప్టెన్‌గా ఒత్తిడిని తట్టుకోలేకపోయాను. దేశానికి ఏది మంచిదని అనిపిస్తే అదే చేస్తాను.
 
 ప్రస్తుతం ఇంటికి వెళ్లిన తర్వాత నాలుగైదు రోజులు ఆలోచిస్తాను. ఏ విషయమైనా మా దేశంలో ప్రకటిస్తాను’ అని ఆఫ్రిది వ్యాఖ్యానించాడు. ఇదే సమయంలో మరోసారి రాజకీయంగా వివాదాస్పదమయ్యే వ్యాఖ్య చేశాడు. కోల్‌కతాలో తమకు మద్దతు ఇచ్చిన అభిమానులతో పాటు కశ్మీర్ నుంచి మొహాలీ వచ్చి తమకు మద్దతు తెలిపిన అభిమానులకు కృతజ్ఞతలంటూ వ్యాఖ్యానించాడు.


  వేదిక మార్పు ఆలోచన లేదు: ఐసీసీ
  
 న్యూఢిల్లీ: టి20 ప్రపంచకప్‌లో భాగంగా భారత్, పాకిస్తాన్‌ల మధ్య మ్యాచ్ ధర్మశాలలోనే జరుగుతుందని అంతర్జాతీయ క్రికెట్ మండలి (ఐసీసీ) స్పష్టం చేసింది. పాక్‌తో మ్యాచ్‌కు సరైన భద్రత ఇవ్వలేమని హిమాచల్ ప్రదేశ్ సీఎం తేల్చిన విషయం విదితమే. ‘మ్యాచ్‌ల వేదికలను ఏడాది క్రితమే ప్రకటించాం. అయితే ధర్మశాల, ఢిల్లీ మ్యాచ్‌లపై సమస్యలున్న మాట నిజమే. మేం వాటిని పరిష్కరించే దిశగా వెళుతున్నాం. భారత ప్రభుత్వం ఇప్పటికే అన్ని జట్లకు తగిన రీతిలో భద్రత కల్పిస్తామని చెప్పింది’ అని ఐసీసీ చీఫ్ ఎగ్జిక్యూటివ్ డేవ్ రిచర్డ్‌సన్ తెలిపారు. ఫిక్సింగ్ ఆరోపణలపై ఓ అంతర్జాతీయ జట్టు విచారణ ఎదుర్కొంటున్న విషయాన్ని అంగీకరిస్తూనే వివరాలు తెలిపేందుకు నిరాకరించారు.
 మరోవైపు ఫిరోజ్‌షా కోట్ల మైదానంలో మ్యాచ్‌లపై అస్పష్టత వీడింది. కీలకమైన కంప్లీషన్ సర్టిఫికెట్‌ను దక్షిణ ఢిల్లీ మున్సిపల్ కార్పొరేషన్ (ఎస్‌డీఎంసీ) నుంచి ఢిల్లీ క్రికెట్ సంఘం అందుకుంది. అయితే ఇది తాత్కాలిక ఆక్యుపెన్సీ సర్టిఫికెటేనని, మరో 20 రోజుల్లో స్టేడియంలోని 60 అతిక్రమణలను తొలగించాలని ఎస్‌డీఎంసీ షరతు విధించింది.
 
 ధర్మశాలకు పాక్ బృందం
 అమృత్‌సర్: టి20 ప్రపంచకప్‌లో భాగంగా భద్రతా ఏర్పాట్లను సమీక్షించేందుకు పాక్ బృం దం ధర్మశాలకు చేరుకుంది. పాక్ ఫెడరల్ పరిశోధక ఏజెన్సీ డెరైక్టర్ డాక్టర్ ఉస్మాన్ అన్వర్, పీసీబీ ముఖ్య భద్రతాధికారి కల్నల్ ఆజం ఖాన్, మూడో సభ్యునిగా భారత్‌లోని పాక్ డిప్యూటీ హై కమిషనర్ ఉన్నారు. అలాగే టి20 ప్రపంచకప్‌లో పాక్ ఆడే ఒక్కో మ్యాచ్‌కు 250 మంది ఆ దేశ అభిమానులకు భారత్ వీసాలు ఇవ్వనుంది. ఈ జట్టు సెమీస్, ఫైనల్‌కు చేరితో ఈ సంఖ్యను పెంచుతారు. మరోవైపు భారత్‌లో భద్రత గురించి ఎవ రూ ఆందోళన చెందాల్సిన అవసరం లేదని పాక్ మాజీ కెప్టెన్ ఇంజమామ్ ఉల్ హక్ అన్నారు.
  


 ఐసీసీ ఏసీయూ చీఫ్ వెల్లడి
 ముంబై: ఓ అంతర్జాతీయ క్రికెట్ జట్టుపై ఫిక్సింగ్ ఆరోపణలతో విచారణ సాగుతోందని అంతర్జాతీయ క్రికెట్ మండలి (ఐసీసీ) అవినీతి వ్యతిరేక యూనిట్ చైర్మన్ సర్ రోనీ ఫ్లనగాన్ వెల్లడించారు. అయితే ఆ జట్టు గురించి పూర్తి వివరాలను వెల్లడించేందుకు ఆయన నిరాకరించారు. ‘ప్రస్తుతం విచారణ జరుగుతున్న ఆ జట్టు గురించి ఇప్పుడే వివరాలు చెప్పడం వీలు కాదు. అయితే ఆ జట్టులోని ఆటగాళ్లు రాబోయే మ్యాచ్‌లను ఉద్దేశపూర్వకంగా ప్రభావితం చేసే ఆలోచనలను కలిగి ఉన్నారు’ అని ఫ్లనగాన్ తెలిపారు.
  


 భారత్‌లో జరిగే టి20 ప్రపంచకప్ తర్వాత అంతర్జాతీయ క్రికెట్ నుంచి రిటైరయ్యే ఆలోచనలో ఉన్నట్లు శ్రీలంక కెప్టెన్ లసిత్ మలింగ చెప్పాడు. ‘దాదాపు 12 ఏళ్ల పాటు శ్రీలంకకు ఆడాను. మోకాలికి ఉన్న గాయం పదే పదే వేధిస్తోంది. కాబట్టి ఇంకా ఎంత కాలం ఆడతాననేది తెలియదు’ అని మలింగ అన్నాడు. ప్రస్తుతం గాయం నుంచి పూర్తిగా కోలుకోకపోయినా, ప్రపంచకప్‌కు ముందు జట్టుకు తన అవసరం ఉన్నందునే ఆడుతున్నానని తెలిపాడు.


 చివరి అంతర్జాతీయ మ్యాచ్ ఆడిన మెకల్లమ్
 ఇక టి20 లీగ్‌ల ద్వారా మాత్రమే అభిమానులకు వినోదం
   
 సాక్షి క్రీడావిభాగం  యుద్ధానికి వెళుతున్నప్పుడు తన సైన్యం బలహీనంగా ఉందని తెలిస్తే రాజు ఏం చేయాలి..? ముందే వెళ్లి ప్రత్యర్థులు కోలుకోలేనంతగా వీరవిహారం చే యాలి. మిగిలిన సైన్యానికి పెద్దగా పని లేకుండానే గెలవాలి. న్యూజిలాండ్ కెప్టెన్ మెకల్లమ్ కూడా అంతే. సారథిగా తనకు ఎప్పుడూ ప్రపంచంలో ఉత్తమ జట్టు అనిపించుకునే ఆటగాళ్లు లేరు. అయినా ఒంటిచేత్తో న్యూజిలాండ్‌కు విజయాలు అందించాడు. ఆరంభంలో పది ఓవర్లలోనే వన్డే మ్యాచ్‌ను ప్రత్యర్థి నుంచి లాగేసుకుంటాడు. అదే అతడిని దిగ్గజాల సరసన చేర్చింది.
 
 మెకల్లమ్‌కు ముందు ఆటలో అనేక మంది గొప్ప బ్యాట్స్‌మెన్ ఉన్నారు. భవిష్యత్‌లోనూ అంతకు మించిన క్రికెటర్లు రావచ్చు. కానీ ఎంత మంది వచ్చినా మెకల్లమ్‌కు ఓ ప్రత్యేక స్థానం ఉంది. ఫ్లాట్ వికెట్లపై చెలరేగే ఎంతోమంది హిట్టర్స్... పచ్చటి పిచ్‌పై బంతిని ఆడటానికి భయపడే చోట మెకల్లమ్ విధ్వంసం సృష్టిస్తాడు. అదే అతని గొప్పతనం. తన ఆఖరి అంతర్జాతీయ మ్యాచ్‌లోనూ ఈ న్యూజిలాండ్ స్టార్ క్రికెటర్ అదే చేసి చూపించాడు.
 
 పుష్కరకాలం పాటు బ్రేక్ లేకుండా...
 ప్రస్తుతం ఉన్న క్రికెట్ షెడ్యూల్‌లో ఏ ఆటగాడికీ వరుసగా అన్ని మ్యాచ్‌లూ ఆడటం సాధ్యం కాదు. అలాంటిది 12 సంవత్సరాల సుదీర్ఘ టెస్టు కెరీర్‌లో మెకల్లమ్ ఒక్క మ్యాచ్ కూడా మిస్ కాలేదు. అరంగేట్రం నుంచి వరుసగా 101 టెస్టులు ఆడిన తొలి ఆటగాడిగా రికార్డు సృష్టించి రిటైరయ్యాడు. టెస్టు కెరీర్‌లో 106 సిక్సర్లతో రికార్డు, టెస్టుల్లో ఫాస్టెస్ట్ సెంచరీ (54 బంతులు) రికార్డులు కెరీర్ చివరి టెస్టులో సాధించాడు. టెస్టుల్లో ట్రిపుల్ సెంచరీ చేసిన ఏకైక న్యూజిలాండ్ క్రికెటర్ కూడా మెకల్లమే.
 
 2002లో అంతర్జాతీయ క్రికెట్‌లో అరంగేట్రం చేసిన తర్వాత ఆరేళ్ల పాటు మెకల్లమ్ చాలా సాధారణ ఆటగాడు. 2008 తన కెరీర్‌ను మార్చేసింది. బ్యాటింగ్ ఆర్డర్‌లో ఓపెనర్‌గా ప్రమోట్ కావడంతో కెరీర్‌లో తొలి వన్డే సెంచరీ సాధించాడు. ఇదే ఏడాది న్యూజిలాండ్‌కు తొలిసారి కెప్టెన్‌గా వ్యవహరించాడు. ఆ తర్వాత తను వెనుదిరిగి చూడలేదు. అంతర్జాతీయ టి20ల్లో అత్యధిక పరుగుల రికార్డుతో పాటు రెండు సెంచరీలు చేసిన ఏకైక క్రికెటర్‌గా కూడా రికార్డు సొంతం చేసుకున్నాడు.
 
 లీగ్‌లలో చూస్తాం
 ఆస్ట్రేలియాతో చివరి టెస్టు ద్వారా మెకల్లమ్ అంతర్జాతీయ కెరీర్ ముగిసింది. అయితే తను ఐపీఎల్‌తో సహా అనేక టి20 లీగ్‌లలో కనిపిస్తాడు. కాబట్టి మెకల్లమ్ మెరుపులను పూర్తిగా మిస్ కాలేదు. అయితే న్యూజిలాండ్ క్రికెట్‌కు తన సేవలు లేకపోవడం పెద్ద లోటు. తన సుదీర్ఘ కెరీర్‌లో ఆటలో ఎంత దూకుడు చూపించినా ప్రత్యర్థుల పట్ల మాత్రం చాలా స్నేహంగా వ్యవహరించాడు. ఏనాడూ ఏ ప్రత్యర్థినీ దూషించలేదు. కెప్టెన్‌గా చక్కటి క్రీడాస్ఫూర్తితో వ్యవహరించాడు. అందుకే తనకు మైదానం బయట స్నేహితులు, గౌరవం ఎక్కువ.
 
 క్రికెట్ కుటుంబం
 డునెడిన్‌లో జన్మించిన మెకల్లమ్ ప్రస్తుత వయసు 34 సంవత్సరాలు. ఇంకా విధ్వం సకరంగా ఆడుతూ రికార్డులు సృష్టిస్తూనే ఉన్నాడు. అయినా ఎందుకు రిటైరయ్యాడనేది పెద్ద ప్రశ్న. టి20 ప్రపంచకప్‌కు జట్టు ఎంపికలోకి తనని పరిగణనలోకి తీసుకోకూడదని 3నెలల ముందే (గత డిసెంబరులో) రిటైర్‌మెంట్ నిర్ణయా న్ని ప్రకటించాడు. మెకల్లమ్ తండ్రి స్టువర్ట్ మెకల్లమ్ దేశవాళీ క్రికెట్ ఆడారు. తమ్ముడు నాథన్ మెకల్లమ్ కూడా బ్రెండన్‌తో కలిసి అంతర్జాతీయ క్రికెట్ ఆడాడు.
   
  మెకల్లమ్ అంతర్జాతీయ కెరీర్
  ఫార్మాట్    మ్యాచ్‌లు    పరుగులు    సెంచరీలు    సగటు
  టెస్టులు     101           6453             12      38.64
  వన్డేలు     260             6083              5      30.41
  టి20లు     71             2140               2      35.66
  
  
  
    సరైన సమయంలోనే రిటైర్‌మెంట్ నిర్ణయం తీసుకున్నా. కెరీర్‌ను చాలా ఆస్వాదించా. కెప్టెన్‌గా జట్టులో మంచి సంస్కృతిని పెంచాను. నాతో కలిసి ఆడిన వాళ్లు, నా ఆటను చూసిన వాళ్లకు ఎప్పుడూ గుర్తుండిపోతానని అనుకుంటున్నాను. నా రిటైర్‌మెంట్ సమయంలో ఆస్ట్రేలియా క్రికెటర్లు చూపించిన గౌరవం చాలు... నేను సాధించిన దానితో తృప్తి చెందడానికి. చివరి మ్యాచ్, సిరీస్ ఓడిపోయి వైదొలగడం ఎవరికైనా బాధ కలిగిస్తుంది. కానీ చాలా అనుభవాలతో సంతోషంగా వెళుతున్నాను.             - మెకల్లమ్


 రెండో టెస్టులోనూ కివీస్ చిత్తు
 
 క్రైస్ట్‌చర్చ్: టెస్టు క్రికెట్‌లో ఆస్ట్రేలియా జట్టు తమ ఆధిపత్యాన్ని మరోసారి చాటింది. బుధవారం న్యూజిలాండ్‌తో ఇక్కడ ముగిసిన రెండో టెస్టులో ఆసీస్ 7 వికెట్ల తేడాతో విజయం సాధించింది. ఫలితంగా రెండు టెస్టుల సిరీస్‌ను 2-0తో చేజిక్కిం చుకుంది. ఈ ఫలితంతో కంగారూలు 112 పాయిం ట్లతో భారత్ (110)ను వెనక్కి నెట్టి ఐసీసీ టెస్టు ర్యాంకుల్లో నంబర్‌వన్‌గా నిలిచారు. 2014 తర్వాత ఆసీస్ మళ్లీ నంబర్‌వన్ స్థానానికి చేరుకుంది. న్యూజి లాండ్ కెప్టెన్ బ్రెండన్ మెకల్లమ్ పరాజయంతో అంతర్జాతీయ క్రికెట్‌కు వీడ్కోలు పలికాడు.
 
 ఓవర్‌నైట్ స్కోరు 70/1తో చివరి రోజు ఆట ప్రారంభించిన ఆస్ట్రేలియా 3 వికెట్ల నష్టానికి 201 పరుగులు చేసి విజయాన్నందుకుంది. ‘మ్యాన్ ఆఫ్ ద మ్యాచ్’ బర్న్స్ (65), ఖాజా (45) రెండో వికెట్‌కు 64 పరుగులు జోడించగా... అనంతరం స్మిత్ (53 నాటౌట్), వోజెస్ (10 నాటౌట్) కలిసి మ్యాచ్‌ను ముగించారు. తొలి టెస్టును కూడా ఆస్ట్రేలియా ఇన్నింగ్స్ 52 పరుగుల తేడాతో గెలుచుకుంది. మరో వైపు  అంపైర్‌ను దూషించినందుకు మ్యాచ్ నాలుగో రోజే పేసర్ హాజల్‌వుడ్‌కు 15 శాతం మ్యాచ్ ఫీజు జరిమానాగా విధించిన ఐసీసీ... ఇప్పుడు ఆసీస్ కెప్టెన్ స్మిత్‌ను కూడా బాధ్యుడిగా చేస్తూ అతని ఫీజులో 30 శాతం కోత విధించింది.
 
 ఎనిమిదో సారి
 ఈ ఏడాది టెస్టు ర్యాంక్‌లకు కటాఫ్ తేదీ ఏప్రిల్ 1. ఈ లోపు ఏ దేశాలకూ టెస్టులు లేవు. కాబట్టి ఐసీసీ ప్రతి ఏడాదీ అందించే గదతో పాటు 10 లక్షల డాలర్ల బహుమతి కంగారూలకు దక్కుతుంది. ఆ జట్టు ఈ ఘనత సాధించడం ఇది ఎనిమిదోసారి. 2003 నుంచి 2009 వరకు వరుసగా ఏడేళ్లు ఆస్ట్రేలియా నంబర్‌వన్‌గా సీజన్‌ను ముగించింది. ఆ తర్వాత ఇంగ్లండ్, భారత్, దక్షిణాఫ్రికాల ఆధిపత్యం కొనసాగింది. తిరిగి ఆసీస్ పాత వైభవాన్ని తెచ్చుకుంది. ఈ ఏడాది ర్యాంక్‌ల్లో రెండో స్థానంలో నిలిచిన భారత్‌కు ఐదు లక్షల డాలర్లు లభిస్తాయి. వన్డేల్లోనూ ఆస్ట్రేలియా నంబర్‌వన్‌గా సీజన్‌ను ముగించడం విశేషం.
  


 ►54 బంతుల్లోనే సెంచరీ
 ►టెస్టుల్లో మెకల్లమ్ ప్రపంచ రికార్డు
 ►79 బంతుల్లో 21 ఫోర్లు,
 ►6 సిక్సర్లతో 145
 ►ఆస్ట్రేలియాతో రెండో టెస్టు
   
  క్రికెట్‌లో నా బ్రాండ్ ఆట అందరికీ గుర్తుండిపోతుందని బల్లగుద్ది గర్వంగా ప్రకటించుకున్న విధ్వంసకారుడు పోతూ పోతూ కూడా తనదైన ముద్ర వేశాడు. చాలా మందిలా చివరి మ్యాచ్‌లో ఆటకంటే భావోద్వేగాలకే ప్రాధాన్యం ఇస్తే అతను బ్రెండన్ మెకల్లమ్ ఎందుకవుతాడు? తాను నిశ్శబ్దంగా వెళ్లిపోయేవాడిని కాదని అతను చూపించాడు. అందుకే అలా ఇలా కాదు వీరబాదుడు బాదాడు. బ్యాటింగ్ కల్లోలంతో తన పేరిట కొత్త చరిత్రను లిఖించుకున్నాడు.
 
 కివీస్ స్కోరు 32/3... పేస్, స్వింగ్‌కు అనుకూలిస్తున్న పచ్చటి హాగ్లీ ఓవల్ మైదానంలో ఆసీస్ బౌలర్లు భీకరంగా చెలరేగిపోతున్నారు. అటువైపు వరల్డ్ క్లాస్ బ్యాట్స్‌మన్ విలియమ్సన్ 44 బంతుల్లో చేసింది 3 పరుగులే! ఈ స్థితిలో తన కెరీర్‌లో చివరి మ్యాచ్ ఆడుతూ క్రీజ్‌లోకి వచ్చిన జట్టు కెప్టెన్‌పై ఎలాంటి ఒత్తిడి ఉంటుంది. కానీ మెకల్లమ్ ఇలాంటివేవీ లెక్క చేయలేదు. మదిలో ఒకటే ఆలోచన. అదే ఎదురుదాడి చేయడం! తన గురించి ప్రపంచానికి తెలిసిన విద్యనే మరోసారి మెకల్లమ్ ప్రదర్శించాడు. 54 బంతుల్లోనే ‘శత’క్కొట్టాడు. టి20 ప్రపంచకప్‌కు ముందే అంతర్జాతీయ క్రికెట్ నుంచి నిష్ర్కమిస్తున్న ఈ స్టార్ అంతకుముందే  ఆ వినోదాన్ని తన సొంత అభిమానులకు చూపించడం విశేషం.
 
  వన్డేలు, టి20ల్లో ఇన్నేళ్ల పాటు అందరికీ తన బాదుడు రుచి చూపించిన మెకల్లమ్ కెరీర్ ఆఖరి మ్యాచ్‌లో టెస్టు క్రికెట్‌లో వేగవంతమైన సెంచరీతో ఫార్మాట్ ఏదైనా తన బ్యాటింగ్ సునామీకి తిరుగులేదని నిరూపించాడు. బౌలర్ ఎవరైనా, బంతి ఎలాంటిదైనా అతను నిర్దాక్షిణ్యంగా విరుచుకు         పడ్డాడు. తన ఆరాధ్య క్రికెటర్ వివియన్ రిచర్డ్స్‌ను గుర్తుకు తెచ్చేలా ఆడి రిచర్డ్స్ రికార్డునే తెరమరుగు చేశాడు. బ్రెండన్ మెరుపులకు క్రైస్ట్‌చర్చ్ మైదానం   హోరెత్తితే... న్యూజిలాండ్ దేశం యావత్తూ పులకించింది. తమ జాతీయ హీరోకి నీరాజనం పట్టింది. అందరి మదిలో ఇప్పుడు ఒక్కటే ప్రశ్న... 
 
                                            
  ♦ మెకల్లమ్ ఎందుకు రిటైర్ అవుతున్నాడు?
 క్రైస్ట్‌చర్చ్: అంతర్జాతీయ కెరీర్ చివరి మ్యాచ్‌లో బ్రెండన్ మెకల్లమ్ విశ్వరూపం చూపించాడు. ఆస్ట్రేలియాతో శనివారం ఇక్కడ ప్రారంభమైన రెండో టెస్టులో అతను కేవలం 54 బంతుల్లోనే సెంచరీ సాధించి కొత్త ప్రపంచ రికార్డు నెలకొల్పాడు. గతంలో వివ్ రిచర్డ్స్ (56 బంతుల్లో; ఇంగ్లండ్‌పై 1986లో), మిస్బా వుల్ హక్ (56 బంతుల్లో; ఆస్ట్రేలియాపై 2014లో) పేరిట ఉన్న రికార్డును అతను బద్దలు కొట్టాడు. మెకల్లమ్ (79 బంతుల్లో 145; 21 ఫోర్లు, 6 సిక్సర్లు)కు తోడు కోరీ అండర్సన్ (66 బంతుల్లో 72; 8 ఫోర్లు, 4 సిక్సర్లు), వాట్లింగ్ (57 బంతుల్లో 58; 9 ఫోర్లు) కూడా ధాటిగా ఆడటంతో తొలి ఇన్నింగ్స్‌లో న్యూజిలాండ్ 370 పరుగులకు ఆలౌటైంది. ఆసీస్ బౌలర్లలో హాజల్‌వుడ్, ప్యాటిన్సన్, జాక్సన్ బర్డ్ రెండేసి వికెట్లు తీసుకోగా... స్పిన్నర్ లియాన్‌కు మూడు వికెట్లు దక్కాయి. అనంతరం ఆస్ట్రేలియా తమ తొలి ఇన్నింగ్స్‌లో ఆట ముగిసే సమయానికి వికెట్ నష్టానికి 57 పరుగులు చేసింది. డేవిడ్ వార్నర్ (12) అవుట్‌కాగా... బర్న్స్ (27 బ్యాటింగ్), ఉస్మాన్ ఖాజా (18 బ్యాటింగ్) క్రీజ్‌లో ఉన్నారు.
 
  బాదుడే బాదుడు...
 ఆసీస్ బౌలింగ్ ధాటికి కివీస్ 32 పరుగులకే 3 వికెట్లు కోల్పోయింది. ఈ దశలో క్రీజ్‌లోకి వచ్చిన మెకల్లమ్ చెలరేగిపోయాడు. ఏ బౌలర్‌నూ అతను వదిలి పెట్టలేదు. మార్ష్ వేసిన ఓవర్లో 2 సిక్సర్లు, 2 ఫోర్లతో 21 పరుగులు కొల్లగొట్టిన అతను ఆ తర్వాతా అదే జోరు కొనసాగించాడు. హాజల్‌వుడ్ వేసిన ఓవర్లో వరుస బంతుల్లో సిక్స్, మూడు ఫోర్లు కొట్టి 18 పరుగులు రాబట్టాడు. ఇదే ఓవర్ చివరి బంతికి కవర్స్ దిశగా కొట్టిన ఫోర్‌తో టెస్టుల్లో ఫాస్టెస్ట్ సెంచరీ నమోదైంది. 78 నిమిషాల్లోనే చకచకా అతని 12వ శతకం పూర్తి కావడం విశేషం. మెకల్లమ్, అండర్సన్ భాగస్వామ్యం కూడా దూకుడుగా సాగింది. వీరిద్దరు కలిసి ఐదో వికెట్‌కు 18.2 ఓవర్లలోనే ఏకంగా 9.76 రన్‌రేట్‌తో 179 పరుగులు జోడించారు.
 
  నోబాల్ కావడంతో...
  రికార్డు ఇన్నింగ్స్‌లో మెకల్లమ్‌కు కాసింత అదృష్టం కూడా కలిసొచ్చింది. 39 పరుగుల వద్ద ప్యాటిన్సన్ బౌలింగ్‌లో షాట్ ఆడగా... గల్లీలో సంచలన రీతిలో ఒంటిచేత్తో మిచెల్ మార్ష్ క్యాచ్ అందుకున్నాడు. అయితే అది నోబాల్ కావచ్చని సందేహించిన అంపైర్ రీప్లే చూశాడు. ప్యాటిన్సన్ గీత దాటినట్లు తేలడంతో మెకల్లమ్ బతికిపోయాడు. ఆ తర్వాత మెకల్లమ్ వీరవిహారం చేశాడు.
  
  
  ‘ప్రతీ బంతిని ఫోర్ లేదా సిక్స్ కొట్టాలనే ప్రయత్నించాను. రికార్డు గురించి నాకు ఏమీ తెలీదు. అయితే ఇప్పుడు సంతోషంతో పాటు నేను ఎంతో అభిమానించే రిచర్డ్స్‌ను అధిగమించడం ఒకింత ఇబ్బందిగానే అనిపిస్తోంది. నోబాల్ తర్వాత మరింత దూకుడుగా ఆడే ధైర్యం వచ్చింది. ఆరంభంలోనే అవుటవుతానేమో అనిపించే విధంగా కొన్ని షాట్లు గుడ్డిగా ఆడాను. అవి ఫీల్డర్లకు దగ్గరి నుంచే వెళ్లాయి. ఈ పిచ్‌పై ఆడటం అంత సులువు కాదు. అందుకే రిస్క్ తీసుకొని ఎదురుదాడి చేశాను. ఇలాంటప్పుడు కాస్త అదృష్టం కూడా కలిసి రావాలి. దేవుడు నా పక్షమే ఉన్నాడు. రెండో ఇన్నింగ్స్‌లో కూడా దూకుడుగా ఆడేందుకే ప్రయత్నిస్తా.’  -బ్రెండన్ మెకల్లమ్


 ►ఆఖరి సిరీస్ ఆడనున్న మెకల్లమ్
 ►కెరీర్‌లో 100వ టెస్టుకు రెడీ
 ►వరుసగా వంద మ్యాచ్‌లు ఆడిన తొలి క్రికెటర్
  
  ‘క్రికెట్ చరిత్రలో గొప్ప ఆటగాళ్ల జాబితాలో నేను ఉండకపోవచ్చు. అయితే నా దేశం తరఫున ఎంతో కొంత సాధించిన, ఎందరికో స్ఫూర్తినిచ్చినవారిగా అందరికీ గుర్తుండిపోతాను. బ్యాటింగ్‌లో నా శైలితో నాదైన ముద్ర చూపించాననే నమ్ముతున్నా’...ఆఖరి సిరీస్‌కు ముందు తన గురించి బ్రెండన్ మెకల్లమ్ చెప్పుకున్న మాట ఇది. నిజమే... క్రికెట్‌పై ‘బాజ్’ సంతకం మరచిపోలేనిది. అతని సునామీ ఇన్నింగ్స్ ప్రత్యర్థుల గుండెల్లో కల్లోలం రేపాయి. వన్డేల్లో దూకుడు, టి20ల్లో విధ్వంసం కామన్ కావచ్చు... కానీ టెస్టుల్లోనూ ఆ బ్యాట్ పదునేంటో భారత జట్టుకే అందరికంటే బాగా తెలుసు. నాలుగు డబుల్ సెంచరీలు చేస్తే అందులో మూడు భారత్‌పైనే వచ్చాయి. దాదాపు రెండేళ్ల క్రితం ధోని సేన గెలవాల్సిన మ్యాచ్‌ను అద్భుతమైన ట్రిపుల్ సెంచరీతో (302) రక్షించుకున్న ఇన్నింగ్స్ అజరామరం. గత సోమవారం వన్డేలకు విజయంతో గుడ్‌బై చెప్పిన మెకల్లమ్ ఇప్పుడు ఆఖరిసారిగా టెస్టు సిరీస్ బరిలోకి దిగుతున్నాడు. ఆస్ట్రేలియాతో శుక్రవారంనుంచి ప్రారంభం కానున్న రెండు టెస్టుల సిరీస్ అతని అంతర్జాతీయ కెరీర్‌లో ఆఖరిది. వెల్లింగ్టన్‌లో నేటినుంచి జరిగే తొలి టెస్టు మెకల్లమ్ కెరీర్‌లో 100వది కావడం విశేషం. అరంగేట్రం చేసిననాటినుంచి విరామం లేకుండా వరుసగా వంద టెస్టులు ఆడిన తొలి క్రికెటర్‌గా బ్రెండన్ మరో ఘనతను తన పేరిట లిఖిస్తున్నాడు.
 
 
  గ్రేట్ జెంటిల్‌మన్...
 విధ్వంసకర బ్యాట్స్‌మన్‌గా మెకల్లమ్‌కు కొత్తగా పరిచయం అవసరం లేదు. 155 కిలోమీటర్ల వేగంతో వచ్చిన బంతులను కూడా స్కూప్ షాట్ ఆడుతూ 50 బంతుల్లో చేసిన టి20 సెంచరీనుంచి... టెస్టుల్లో పాకిస్తాన్‌పై మెరుపు వేగంతో డబుల్ సెంచరీ చేయడం వరకు అతని దూకుడుకు ఉదాహరణలు ఎన్నో. ఇక వన్డేల్లో మెరుపు ఆరంభాలతో మ్యాచ్ దిశ మార్చిన ఇన్నింగ్స్‌కు లెక్కే లేదు. కానీ ఇదంతా ఆటలోనే. ప్రత్యర్థిని ఒక్క మాట అన్నదీ లేదు. ఆవేశంతో నోరు జారినదీ లేదు! అసలు సిసలైన జెంటిల్‌మన్‌లా వ్యవహరించిన అతను కెప్టెన్‌గా అదే తన జట్టుకు నేర్పాడు. మెకల్లమ్ సారథ్యంలో కొత్త బ్రాండింగ్‌తో కనిపించిన కివీస్ తమ దేశ చరిత్రలో గతంలో సాధ్యం కాని వరుస విజయాలు అందుకుంది. వన్డే వరల్డ్ కప్‌లో తొలిసారి ఫైనల్ చేరడమే కాకుండా సొంతగడ్డపై వరుసగా 13 టెస్టుల పాటు పరాజయమన్నదే లేకుండా కొనసాగుతోంది. ఐపీఎల్‌లో అతని బ్యాటింగ్ చూసే అవకాశాలు ఉన్నా...అంతర్జాతీయ క్రికెట్‌కు సంబంధించి మరో రెండు మ్యాచ్‌లే మెకలమ్ మెరుపులకు వేదికగా నిలవనున్నాయి.
  
  గత 15-20 టెస్టులు నా జీవితంలో గొప్పగా సాగాయి. ప్రతిభ గల కొంతమందితో కలిసి అద్భుతాలు చేయగలిగాం. నేను సాధించినదాని పట్ల గర్వంగా ఉన్నా. గాయాలను అధిగమించి వరుసగా 100 టెస్టులు ఆడటం నిజంగా మధురానుభూతి. భారత్‌పై చేసిన ట్రిపుల్ సెంచరీతోనే మా జట్టు పోరాటపటిమ ప్రపంచానికి తెలిసింది. కాబట్టి అదే నా అత్యుత్తమం. వెనక్కి తిరిగి చూసుకుంటే నేను పడిన కఠోర శ్రమ, ఆ తర్వాతి విజయాలు గుర్తుకొచ్చాయి. నా జీవితానికి ఈ జ్ఞాపకాలు చాలు’     -బ్రెండన్ మెకల్లమ్


 కరాచి: పాకిస్థాన్ క్రికెటర్ ఇమ్రాన్ ఫర్హాత్ అంతర్జాతీయ క్రికెట్కు గుడ్బై చెప్పాడు. పాకిస్థాన్ టెస్టు జట్టుకు ఓపెనర్గా సేవలందించిన ఈ లెఫ్ట్ హ్యండ్ బ్యాట్స్మెన్ తన చివరి అంతర్జాతీయ మ్యాచ్ను 2013లో ఆడాడు. దుబాయ్లో జరగనున్న మాస్టర్స్ ఛాంపియన్స్ లీగ్(ఎంసీఎల్)లో పాల్గొననున్న నేపథ్యంలో ఫర్హాత్ రిటైర్మెంట్ నిర్ణయం తసుకున్నాడు.
 అంతర్జాతీయ క్రికెట్లో పాకిస్థాన్ తరపున 40 టెస్ట్లు, 58 వన్డేలు, 7 టీట్వంటీ మ్యాచ్లకు ఫర్హాత్ ప్రాతినిథ్యం వహించాడు. మాస్టర్స్ లీగ్లో పాల్గొనే క్రీడాకారులు అంతర్జాతీయ క్రికెట్ నుండి తప్పుకోవాలని పాక్ క్రికెట్ బోర్డు పెట్టిన నిబంధన కారణంగా ఫర్హాత్ రిటైర్మెంట్ నిర్ణయం తీసుకున్నాడు. ఈ మేరకు బుధవారం బోర్డు అతనికి నో అబ్జెక్షన్ లెటర్ ఇచ్చింది. లీగ్లో తన సహచర ఆటగాళ్లు మహ్మద్ యూసుఫ్, అజార్ మహ్మద్, యాసిర్ హమీద్, నవీద్ రానా, సక్లైన్ ముస్తాక్లతో కలిసి ఫర్హాత్ పాల్గొననున్నాడు.
  


 న్యూజిలాండ్‌తో సిరీస్‌కు ఎంపిక
 కరాచీ: స్పాట్ ఫిక్సింగ్‌కు పాల్పడి ఐదే ళ్ల పాటు నిషేధం ఎదుర్కొన్న పాకిస్తాన్ లెఫ్టార్మ్ పేస్ బౌలర్ మొహమ్మద్ ఆమిర్ తిరిగి అంతర్జాతీయ క్రికెట్ ఆడే అవకాశం దక్కించుకున్నాడు. న్యూజిలాండ్‌తో తలపడే వన్డే, టి20 పాకిస్తాన్ జట్లలో అతనికి స్థానం లభించింది. 24 ఏళ్ల ఆమిర్ పునరాగమనంపై అన్ని వైపులనుంచి విమర్శలు వచ్చినా... అతనికి గట్టిగా మద్దతు పలికిన పాక్ బోర్డు, ఇటీవలి ప్రదర్శనను పరిగణలోకి తీసుకొని ఎంపికపై తమ వాదనను సమర్థించుకుంది.
 
 ఆమిర్‌కు న్యూజిలాండ్ దేశం వీసా ఇవ్వడంపై అతని పర్య టన ఆధార పడి ఉంటుంది. వీసాకు సంబంధించి ఏదైనా సమస్య వస్తే మాత్రం ఆమిర్ స్థానంలో ఇర్ఫాన్‌కు చోటు దక్కుతుంది. 2010లో లార్డ్స్ టెస్టులో స్పాట్ ఫిక్సింగ్‌కు పాల్పడిన ఆమిర్ ఐదేళ్ల నిషేధం ఎదుర్కొనడంతో పాటు ఆరు నెలల పాటు జైలు శిక్ష కూడా అనుభవించాడు. ఇటీవల సెప్టెంబర్‌లో అతడిపై నిషేధం ముగియడంతో పాక్ దేశవాళీ క్రికెట్‌లోకి అడుగుపెట్టి మెరుగైన ప్రదర్శన కనబర్చాడు. ఆ తర్వాత బంగ్లాదేశ్ ప్రీమియర్ లీగ్‌లోనూ రాణించాడు.


  ► స్పిన్నర్ హర్భజన్ సింగ్
  
 న్యూఢిల్లీ: 15 ఏళ్ల సుదీర్ఘ అంతర్జాతీయ క్రికెట్ అనుభవం ఉన్న తను ఇప్పుడు కొత్తగా నిరూపించుకోవాల్సిందేమీ లేదని భారత ఆఫ్ స్పిన్నర్ హర్భజన్ సింగ్ అభిప్రాయపడ్డాడు. ఇదే అనుభవాన్ని ఉపయోగించి టీమిండియా మరోసారి టి20 ప్రపంచ చాంపియన్‌గా నిలిచేందుకు దోహదపడతానని, కొత్త ప్రయోగాల జోలికి పోవాల్సిన అవసరం లేదన్నాడు. ఆసీస్ పర్యటన కోసం తను పొట్టి ఫార్మాట్‌కు ఎంపికైన విషయం తెలిసిందే. ‘క్యారమ్ బాల్‌లాంటి వాటితో నేను ఇప్పుడు కొత్తగా ప్రయోగాలు చేయాల్సిన అవసరం లేదు. నా బలమైన ఆఫ్ స్పిన్, దూస్రాలతోనే రెచ్చిపోతాను.
  
   వీటి ఆధారంగానే గత 15 ఏళ్లలో సత్తా చాటి 700కు పైగా అంతర్జాతీయ వికెట్లు తీశాను. దక్షిణాఫ్రికాతో వన్డే సిరీస్‌లో మెరుగ్గానే ఆడాను. అయితే ఇప్పుడు నా దృష్టంతా టి20పైనే ఉంది. ఈ ఫార్మాట్‌తో పాటు వన్డే ప్రపంచకప్ కూడా నా ఖాతాలో ఉన్నాయి. మరోసారి నెగ్గి హ్యాట్రిక్ టైటిల్స్‌లో నా పాత్ర ఉంటే సంతోషిస్తా’ అని భజ్జీ తెలిపాడు. అలాగే తన సన్నిహితుడు ఆశిష్ నెహ్రా నాలుగున్నరేళ్ల అనంతరం జట్టులోకి రావడం ఆనందంగా ఉందని అన్నాడు. 2003, 11 ప్రపంచకప్‌ల్లో అతడిది కీలక పాత్ర అని చెప్పాడు. పాక్‌తో మొహాలీలో జరిగిన ప్రపంచకప్ సెమీస్‌లో డెత్ ఓవర్లు అద్భుతంగా బౌలింగ్ చేసినా జట్టులో చోటు కోల్పోయాడన్నాడు. ఎవరికైనా ప్రదర్శనే ముఖ్యమని, వయస్సు కాదని 35 ఏళ్ల హర్భజన్ స్పష్టం చేశాడు.
  


 ►  ఆసీస్‌తో టెస్టు సిరీసే చివరిది
 ►  కొత్త కెప్టెన్‌గా విలియమ్సన్
  
  క్రైస్ట్‌చర్చ్: న్యూజిలాండ్ కెప్టెన్ బ్రెండన్ మెకల్లమ్... వచ్చే ఏడాది ఫిబ్రవరిలో అంతర్జాతీయ క్రికెట్‌కు వీడ్కోలు పలకనున్నాడు. అన్ని ఫార్మాట్లకు గుడ్‌బై చెబుతున్నట్లు మంగళవారం వెల్లడించాడు. సొంతగడ్డపై ఆస్ట్రేలియాతో జరగనున్న రెండు టెస్టుల సిరీస్ తనకు చివరిదని తెలిపాడు. ఫిబ్రవరి 12న ఆసీస్‌తో ప్రారంభంకానున్న తొలి మ్యాచ్‌తో మెకల్లమ్ కెరీర్‌లో వందో టెస్టు పూర్తి చేసుకుంటాడు. తర్వాత 20 నుంచి జరిగే రెండో టెస్టు ఆడి రిటైర్ కానున్నాడు. అయితే మార్చి 8 నుంచి జరిగే టి20 ప్రపంచకప్‌కు కేన్ విలియమ్సన్ కివీస్ జట్టుకు కెప్టెన్‌గా వ్యవహరించనున్నాడు.
  
   రిటైర్మెంట్ గురించి తర్వాత చెప్పాలనుకున్నా ప్రపంచకప్‌కు జట్టు ఎంపిక నేపథ్యంలో ముందుగానే నిర్ణయాన్ని వెల్లడించానని తెలిపాడు. ‘ఆసీస్‌తో తొలి టెస్టు ముగిసే వరకు ఈ విషయాన్ని బహిరంగం చేయొద్దని భావించా. అయితే టి20 ప్రపంచకప్ జట్టులో నా పేరు లేకపోతే చాలా సమస్యలు, ఆందోళనలు ఏర్పడతాయి. దాన్ని తప్పించేందుకే నా నిర్ణయాన్ని ముందుగానే చెప్పేశా. కివీస్ తరఫున ఆడినందుకు చాలా గర్వపడుతున్నా’ అని మెకల్లమ్ వ్యాఖ్యానించాడు.
  
   2002లో ఆసీస్‌పై అంతర్జాతీయ క్రికెట్‌లోకి అరంగేట్రం చేసిన మెకల్లమ్.. కెరీర్‌లో ఇప్పటి వరకు 99 టెస్టులు ఆడి 11 సెంచరీలతో 6273 పరుగులు సాధించాడు. 254 వన్డేల్లో ఐదు సెంచరీలతో 5909 పరుగులు చేశాడు. ఐపీఎల్‌లో కోల్‌కతా నైట్‌రైడర్స్, కొచ్చి టస్కర్స్ కేరళ, చెన్నై సూపర్‌కింగ్స్‌కు ప్రాతినిధ్యం వహించాడు. ఇటీవల క్రిస్ కెయిన్స్‌కు సంబంధించిన మ్యాచ్ ఫిక్సింగ్ కేసులో సాక్ష్యం ఇచ్చిన మెకల్లమ్.. తన వీడ్కోలుపై దాని ప్రభావం లేదని స్పష్టం చేశాడు.
  


 న్యూఢిల్లీ:  ఐపీఎల్ ఫ్రాంచైజీ ఢిల్లీ డేర్‌డెవిల్స్ తమ చీఫ్ కోచ్ పదవి నుంచి గ్యారీ కిర్‌స్టెన్‌ను తొలగించింది. అంతర్జాతీయ క్రికెట్‌లో అత్యంత విజయవంతమైన కోచ్‌గా పేరు తెచ్చుకున్న గ్యారీ.. ఐపీఎల్‌లో మాత్రం ఎలాంటి ప్రభావం చూపలేకపోయారు. 2011 ప్రపంచకప్‌ను భారత్ గెలవడంలో ఆయనదే కీలక పాత్ర అయినా టి20 ఫార్మాట్‌లో తన వ్యూహాలు పనిచేయలేదు. రెండు సీజన్లపాటు ఢిల్లీ జట్టుకు కోచ్‌గా ఉన్నా చివరి నుంచి రెండో స్థానంలో నిలవాల్సి వచ్చింది.


 దుబాయ్: వెస్టిండీస్ అనుమానాస్పద స్పిన్నర్ సునీల్ నరైన్పై వేటు పడింది. అంతర్జాతీయ క్రికెట్ నుంచి నరైన్ను సస్పెండ్ చేశారు. అతని బౌలింగ్ శైలి నిబంధనలకు విరుద్ధంగా ఉందని తేలడంతో అంతర్జాతీయ క్రికెట్ మండలి (ఐసీసీ) ఈ నిర్ణయం తీసుకుంది. గత నెల్లో శ్రీలంకతో మూడో వన్డే సందర్భంగా నరైన్ పై అంపైర్లు అనుమానం వ్యక్తం చేశారు.  నరైన్ బౌలింగ్ చేసే క్రమంలో తన మోచేతిని 15 డిగ్రీల కంటే ఎక్కువగా వంచుతున్నాడంటూ ఐసీసీకి ఫిర్యాదు చేశారు.
 
 
 నరైన్ బౌలింగ్ యాక్షన్ను పరిశీలించిన ఐసీసీ బృందం అతను నిబంధనలను ఉల్లంఘించినట్టు కనుగొని అంతర్జాతీయ క్రికెట్ నుంచి సస్పెండ్ చేసింది.


 పునరాగమనంపై ఇర్ఫాన్ పఠాన్ వ్యాఖ్య
 న్యూఢిల్లీ: అంతర్జాతీయ క్రికెట్‌లోకి పునరాగమనం ఎప్పుడనేది తన ప్రదర్శనే చెబుతుందని భారత ఆల్‌రౌండర్ ఇర్ఫాన్ పఠాన్ అన్నాడు. దీని గురించి తాను మాట్లాడటం కంటే ప్రదర్శనపై ఎక్కువగా దృష్టిపెట్టానని చెప్పాడు. ‘పునరాగమనం గురించి ఎక్కువగా మాట్లాడి నా దృష్టిని మరల్చుకోలేను. ప్రస్తుతానికి బరోడా తరఫున నా సత్తా మేరకు రాణించాలని భావిస్తున్నా. జట్టుకు అవసరమైనప్పుడు ఏ స్థానంలోనైనా బ్యాటింగ్, బౌలింగ్ చేసేందుకు సిద్ధంగా ఉన్నా.
 
 అలాగే నా అనుభవాన్ని జట్టు సభ్యులతో పంచుకుంటా. నా ప్రదర్శనే అంతర్జాతీయ క్రికెట్‌లోకి వచ్చే అంశాన్ని చెబుతుంది’ అని పఠాన్ పేర్కొన్నాడు. 2012లో భారత్ తరఫున చివరి వన్డే ఆడిన ఇర్ఫాన్ చాలా కాలం తర్వాత మళ్లీ రంజీల్లో బరిలోకి దిగాడు. గతవారం పంజాబ్‌తో జరిగిన మ్యాచ్‌లో 58 పరుగులు చేయడంతోపాటు 6 వికెట్లూ తీసి జట్టును గెలిపించాడు.
 
 అయితే ఇప్పుడు ఆల్‌రౌండర్ పాత్రపై ఎక్కువగా దృష్టిపెట్టానని చెప్పాడు. ఇందుకోసం ఎక్కువ మ్యాచ్‌లు ఆడితే బాగా మెరుగుపడొచ్చన్నాడు. క్రీడాకారుడి జీవితంలో గాయాలు చాలా సాధారణం కాబట్టి వాటి గురించి పెద్దగా పట్టించుకోవాల్సిన అవసరం లేదన్నాడు.
  
 కోహ్లి కెప్టెన్సీ భిన్నం
 గంగూలీ, ద్రవిడ్, ధోనిల నాయకత్వంతో పోలిస్తే కోహ్లి కెప్టెన్సీ భిన్నంగా ఉందని ఇర్ఫాన్ అన్నాడు. ప్రస్తుత టెస్టు జట్టుకు ఇది మంచి చేస్తుందన్నాడు. ‘ప్రతి కెప్టెన్ పనితీరు భిన్నంగా ఉంటుంది. నేను ఆడిన కెప్టెన్లందరూ భిన్నమైన వైఖరి కలిగి ఉన్నవారే. కెప్టెన్‌కు తగ్గట్టుగానే జట్టు స్పందన కూడా ఉండేది.
 
 ఓవరాల్‌గా జట్టును నడిపించడం మొత్తం నాయకుడిపైనే ఆధారపడి ఉంటుంది. ఇప్పుడైతే విరాట్ టీమ్‌ను బాగా నడిపిస్తున్నాడు. లంకపై, దక్షిణాఫ్రికాపై అద్భుతంగా గెలిపించాడు. అతని కెప్టెన్సీని ఆస్వాదిస్తున్నా. భవిష్యత్‌లో మరిన్ని విజయాలు సాధించాలని ఆకాంక్షిస్తున్నా’ అని ఈ బరోడా పేసర్ వ్యాఖ్యానించాడు.


 పెర్త్: ఆస్ట్రేలియా పేసర్ మిచెల్ జాన్సన్ అంతర్జాతీయ క్రికెట్కు వీడ్కోలు చెప్పాడు. అన్ని ఫార్మాట్ల నుంచి రిటైరవుతున్నట్టు ప్రకటించాడు. న్యూజిలాండ్, ఆస్ట్రేలియాల పెర్త్ టెస్టే జాన్సన్కు ఆఖరి మ్యాచ్.
 
 టెస్టుల్లో అత్యిధిక వికెట్లు తీసిన నాలుగో ఆస్ట్రేలియా క్రికెటర్గా జాన్సన్ ఘనత సాధించాడు. టెస్టుల్లో 311 వికెట్లు పడగొట్టాడు.  153 వన్డేలాడి 239 వికెట్లు తీశాడు. కాగా, రిటైర్మెంట్ ప్రకటించిన జాన్సన్‌కు సచిన్ టెండూల్కర్ తన శుభాభినందనలు తెలిపాడు. అతడు ఎప్పుడూ చాలా స్పెషల్ బౌలర్ అని ప్రశంసించాడు.
  
 
 Good luck to @MitchJohnson398 who has always been a special bowler. Got to know him well at @mipaltan and enjoyed his aggressive approach!
 — sachin tendulkar (@sachin_rt) November 17, 2015
  
  


 అంతర్జాతీయ క్రికెట్‌కు రిటైర్మెంట్ ప్రకటించిన పేసర్ జహీర్ ఖాన్‌ను ఆదివారం ముంబై క్రికెట్ సంఘం (ఎంసీఏ) ఘనంగా సత్కరించింది. ఐదో వన్డే ముగిసిన అనంతరం ఎంసీఏ తరఫున జహీర్‌కు సచిన్ టెండూల్కర్ ప్రత్యేక జ్ఞాపికను అందజేశారు. ఈ సందర్భంగా ప్రసంగించిన జహీర్, తన కెరీర్‌లో అండగా నిలిచినవారికి కృతజ్ఞతలు తెలిపాడు. మరోవైపు రైతుల సంక్షేమం కోసం గతంలో ఎంసీఏ ప్రకటించిన రూ. కోటి చెక్‌ను కూడా స్థానిక క్రికెటర్లు రోహిత్ శర్మ, రహానేలతో కలిసి ఎంసీఏ అధ్యక్షుడు శరద్ పవార్, మహారాష్ట్ర ముఖ్యమంత్రి దేవేంద్ర ఫడ్నవీస్‌కు అందజేశారు.


 అంతర్జాతీయ క్రికెట్‌తో పాటు లీగ్ నుంచీ తప్పుకున్న సెహ్వాగ్
 న్యూఢిల్లీ: భారత డాషింగ్ ఓపెనర్ వీరేంద్ర సెహ్వాగ్ అంతర్జాతీయ క్రికెట్‌తో పాటు ఐపీఎల్ నుంచి కూడా రిటైర్ అవుతున్నట్లు ప్రకటించాడు. అయితే ముందుగా హర్యానా క్రికెట్ సంఘానికి ఇచ్చిన మాట ప్రకారం ఈ సీజన్‌లో రంజీ మ్యాచ్‌లు మాత్రం ఆడతాడు. ఆ తర్వాత మాజీ క్రికెటర్లు ఆడే మాస్టర్స్ చాంపియన్స్ లీగ్ (ఎంసీఎల్) లో బరిలోకి దిగుతాడు. వాస్తవానికి సోమవారం దుబాయ్‌లో జరిగిన ఎంసీఎల్ కార్యక్రమంలోనే వీరూ తన రిటైర్‌మెంట్ నిర్ణయాన్ని ప్రకటించాడు.
 
 అయితే ఈ విషయంలో పూర్తి స్పష్టత లేకపోవడంతో... మంగళవారం అధికారికంగా ఓ వీడియో ప్రకటన విడుదల చేశాడు. మంగళవారం నాడు కుటుంబసభ్యులతో కలిసి 37వ పుట్టిన రోజు జరుపుకుంటూ రిటైర్‌మెంట్ ప్రకటన చేశాడు. వీరూ ప్రకటన అతని మాటల్లోనే...
  
 ‘నేనెప్పుడూ ఏది కరెక్ట్ అనుకుంటానో అదే చేస్తాను. దేవుడి దయవల్ల నేను సాధించాలనకున్నవి చాలా సాధించాను. నా 37వ పుట్టినరోజు రిటైర్ కావాలని చాలా కాలం క్రితమే నిర్ణయించుకున్నాను. అంతర్జాతీయ క్రికెట్ నుంచి, ఐపీఎల్ నుంచి కూడా రిటైర్ అవుతున్నాను. క్రికెట్ నా జీవితం. భారత్ తరఫున ఆడటం మరచిపోలేని ప్రయాణం. నా సహచరులకు, అభిమానులకు మంచి జ్ఞాపకాలను అందించడంలో నేను విజయం సాధించాననే అనుకుంటున్నాను. చాలా సంవత్సరాలుగా నాతో కలిసి ఆడిన ఆటగాళ్లలో ఎందరో దిగ్గజాలు ఉన్నారు. వాళ్లందరితో పాటు భారత క్రికెట్ అభిమానులందరికీ కృతజ్ఞతలు తెలుపుతున్నాను.
 
 నా మీద మీరు చూపించిన ప్రేమ, అందించిన మద్దతు, జ్ఞాపకాలు జీవితాంతం గుర్తుంటాయి. నా సుదీర్ఘ కెరీర్‌లో ఎంతోమంది గొప్ప ప్రత్యర్థులతో ఆడగలిగాను. ప్రపంచంలో ఎన్నో గొప్ప మైదానాల్లో నా సామర్ధ్యాన్ని నిరూపించుకునే అవకాశం రావడం నా అదృష్టం. సచిన్, గవాస్కర్, కపిల్ నా రోల్ మోడల్స్. వారి ఆటను చూస్తూ పెరిగా, వారి దగ్గరి నుంచి చాలా నేర్చుకున్నా. పాజిటివ్ దృక్పథం కారణంగానే నేను పరుగులు చేయగలిగాను. తొలి ట్రిపుల్ సెంచరీ, వన్డే ప్రపంచకప్ గెలవడం మరచిపోలేని జ్ఞాపకాలు.
 
 నాలో టెస్టు ఆటగాడు ఉన్నాడని గుర్తించింది గంగూలీ. తను నా కోసం వన్డే ఓపెనర్ స్థానాన్ని త్యాగం చేశాడు. ఎంతో నమ్మకం ఉంచాడు. తను చేసిన మేలును ఎప్పటికీ మరచిపోలేను. నా సుదీర్ఘ కెరీర్‌లో మురళీధరన్ బౌలింగ్ అంటే భయపడేవాడిని. నా క్రికెట్ ప్రయాణం ప్రారంభమైనప్పుడు మా నాన్న ఉన్నారు. రిటైర్ అవుతున్న రోజు కూడా ఆయన ఉంటే బాగుండేది. ఆయన ఏ లోకంలో ఉన్నా నన్ను చూసి గర్వపడుతున్నారనే అనుకుంటున్నా. నేను ఓ మంచి ఆటగాడిగా ఎదగడానికి కారకులైన కోచ్ ఎ.ఎన్.శర్మగారు.
 
 ఆయన వల్లే నేను ఎదిగాను. మా అమ్మ, నా భార్య, పిల్లలు నా బలం. ఢిల్లీ క్రికెట్ సంఘం, బీసీసీఐ మద్దతును ఎప్పటికీ మరవలేను. ఏ స్థాయి క్రికెట్‌లో ఏ జట్టుకు ప్రాతినిధ్యం వహించినా నా అత్యుత్తమ క్రికెట్ ఆడాను. ఇకపై జజ్జర్‌లోని సెహ్వాగ్ ఇంటర్నేషనల్ స్కూల్‌లో ఎక్కువ సమయం గడుపుతా.  ఏదో ఒక రూపంలో ఆటతో నా అనుబంధం కొనసాగుతుంది. కామెంటేటర్‌గా లేదా కోచ్‌గా ఏదో ఒక రూపంలో మళ్లీ కనిపిస్తా. ఎందుకంటే క్రికెట్ లేకుండా నేను ఉండలేను.’
  
 థాంక్యూ వీరూ...
 ఏంటీ షాక్... మనసు జీర్ణించుకోలేకపోతోంది. సెహ్వాగ్ ఆటను ఇక చూడలేమా..? అంతర్జాతీయ క్రికెట్‌లో సరే. ఐపీఎల్‌లోనూ అతను ఆడటం లేదా..? ఎందుకీ కఠిన నిర్ణయం. ఏం వయసైపోయిందని అప్పుడే రిటైరవుతున్నాడు..! తొలి ఓవర్లోనే అలా బంతులు ఎగిరి స్టాండ్‌లో పడుతుంటే మేం తీన్‌మార్ వేయడం ఇష్టం లేదేమో..! జిడ్డురా బాబూ అంటూ టెస్టులకు రాని స్నేహితులు, వీరూ ఉన్నాడురా అంటే ఉరుకుతూ వచ్చేవాళ్లు.  
  
 పొగరుగా ఎగిరే షోయబ్ అక్తర్ బంతిని అలవోకగా సిక్సర్ బాదుతుంటే... ఎవరినైనా భయపెట్టే బ్రెట్‌లీ బౌన్సర్‌ని స్టాండ్స్‌లోకి పంపిస్తుంటే...  స్టెయిన్ బుల్లెట్ బంతులు కూడా బౌండరీలు దాటుతుంటే... బంతిని ఎలా తిప్పుతాడో తెలియని వార్న్ కూడా తలపట్టుకుంటే... దానర్థం ఒక్కటే. అక్కడ సెహ్వాగ్ ఆడుతున్నాడని.
  
 1999లో సెహ్వాగ్ జట్టులోకి వచ్చినా రెండేళ్ల పాటు సాధారణ క్రికెటర్లలో ఒకడు మాత్రమే. 2001లో కొలంబోలో న్యూజిలాండ్‌పై 69 బంతుల్లోనే సెంచరీ బాదినప్పుడు తొలిసారి అనిపించింది... ఆహా... ఏం ఆటగాడు దొరికాడురా అని. అప్పటి నుంచి 12 ఏళ్ల పాటు భారత అభిమాని ఎప్పుడూ వినోదం కోసం వెతుక్కోవాల్సిన అవసరం రాలేదు. సచిన్ లాంటి దిగ్గజంతో సరిసమానంగా షాట్లు ఆడాలంటే ఎంత గొప్ప ఆటగాడై ఉండాలి. ప్రత్యర్థులు 300 లక్ష్యాన్ని ఎదురుగా ఉంచినా... వీరూ పది ఓవర్లు ఉంటే చాలురా బాబూ అనుకునేవాళ్లం. ఎదురుగా ఎంత గొప్ప బౌలర్ ఉన్నా అదురూ బెదురూ లేదు. బ్యాటింగ్ చేయడం క్లిష్టంగా ఉన్న పిచ్‌పై కూడా పునరాలోచన లేదు. బాదడం ఒక్కటే తెలుసు. ఉన్నంతసేపు దడదడలాడిస్తూ స్కోరుబోర్డును పరుగులు పెట్టించడమే తెలుసు.
  
 95 పరుగుల మీద ఒక్క బంతి కూడా వృథా చేయకుండా సిక్సర్ కొట్టాలంటే ఎంత ధైర్యం కావాలి. టెస్టు మ్యాచ్‌లో 294 పరుగుల దగ్గర స్పిన్నర్ బౌలింగ్‌లో ముందుకు రావాలంటే ఎంత ఆత్మవిశ్వాసం ఉండాలి. అందుకే.. వీరూలాంటి విధ్వంసం మరెవరికీ సాధ్యం కాదు. గత దశాబ్ద కాలంలో... ఆ మాటకొస్తే క్రికెట్‌లోనే అత్యంత విధ్వంసకర ఓపెనర్ సెహ్వాగ్. తను రిటైరైతే క్రికెట్ ప్రపంచం రిచర్డ్స్‌ను గుర్తుకు తెచ్చుకుంటోంది. ఈ ఒక్క పోలిక చాలు తను అభిమానులు, సహచరుల గుండెల్లో ఎలాంటి స్థానం సంపాదించుకున్నాడో చెప్పడానికి.
  
 నిజానికి సెహ్వాగ్ భారత్ తరఫున ఆడి రెండేళ్లు దాటిపోయింది. అయినా అభిమానులు తనని మరచిపోలేదు. ఐపీఎల్‌లో ఈ రెండేళ్లూ పంజాబ్ ఆడిన మ్యాచ్‌లను విరగబడి చూశారు. అక్కడ వీరూ విధ్వంసాన్ని చూసుకుని మురిసిపోయారు. ఇకపై అదీ చూసే అవకాశం లేదని తలచుకుంటేనే అదోలా  ఉంది. సచిన్ టెండూల్కర్ రిటైర్ అయిన రోజు భారత అభిమాని ఏం కోల్పోయాడని భావించాడో... ఇప్పుడు వీరూ ఇక ఆడడని తెలిసినా అదే బాధను అనుభవిస్తున్నాడు. ఆటపై తను వేసిన ముద్ర అలాంటిది. సచిన్‌లాంటి దిగ్గజం చాటున కూడా తన ప్రతిభతో, విధ్వంసంతో చరిత్రలో తనకంటూ కొన్ని పేజీలు లిఖించుకున్నాడు.
 
 టెస్టుల్లో అనేక మంది భారత దిగ్గజాలకు సాధ్యం కాని ట్రిపుల్ సెంచరీ ఘనతను రెండుసార్లు సాధించాడు. నిజానికి గత ఏడాది డిసెంబరులోనే... రిటైర్‌మెంట్ గురించి చిన్న హింట్ ఇచ్చాడు. ‘నేను సాధించాల్సింది ఏమీ లేదు. అనుకున్నదానికంటే ఎక్కువ ఘనతలు సొంతం చేసుకున్నాను. ఇక ఆటను ఆస్వాదించడానికి మాత్రమే ఆడుతున్నాను’ అనే మాటతో తిరిగి భారత జట్టులోకి రావడానికి ప్రత్యేక ప్రయత్నాలు లేవని అర్థమైంది.
  
 వీరూ భారత జట్టుకు దూరమవడానికి కారణాలు ఏమైనా కావచ్చు. ఆ చర్చ జోలికి ఇప్పుడు వెళ్లడం అనవసరం. కానీ ఇంత గొప్ప క్రికెటర్ ఇలా సాధారణంగా రిటైర్ కావడం మాత్రం బాధ కలిగించే అంశం. భారత క్రికెట్ దిగ్గజాల్లో ఒకడికి ఓ గౌరవప్రదమైన వీడ్కోలు దొరికి ఉంటే బాగుండేది. ఇందుకు భారత క్రికెట్ వీరూకు సారీ చెప్పాలి. ఏమైనా.. దశాబ్దంపాటు అందులేని వినోదాన్ని అందించినందుకు థాంక్స్ చెప్పి తీరాలి.
 - సాక్షి క్రీడావిభాగం
  
 మాటల్లోనూ ఘనాపాటి!
 * ఈతరం క్రికెటర్లలో సెహ్వాగ్ తరహాలో కుండబద్దలు కొట్టినట్లు ఎవరూ మాట్లాడలేరు. బ్యాటింగ్‌తోనే కాదు మాట లతో కూడా ‘పంచ్’లు విసిరే అతని వ్యాఖ్యల్లో కొన్ని...
 * ‘బ్యాంక్ బ్యాలెన్స్ (సచిన్‌కు తనకు తేడా ఏమిటనే ప్రశ్నకు)
 * ‘బంతి విసురుతున్నాడా...బిచ్చం అడుగుతున్నాడా...(తన బౌలింగ్‌లో హుక్ చేయమంటూ పదే పదే రెచ్చగొట్టిన అక్తర్ గురించి)
 * ‘ఆయన రోజంతా ఆడి ఒకే ఒక్క ఫోర్ కొట్టిన విషయం మరచిపోయాడా (ప్రతిభ ఉన్నా బుర్ర లేదంటూ తనపై వ్యాఖ్య చేసిన బాయ్‌కాట్ గురించి)
 * ‘ప్రపంచంలో చాలా తక్కువ మంది మాత్రమే రెండు ట్రిపుల్ సెంచరీలు చేసి మరొకటి కొద్దిలో మిస్ అయ్యారు. అస్సలు నిరాశ లేదు’ (ముంబైలో 293 తర్వాత)
 * ‘94 మీద ఉన్నావు. సిక్సర్ కొట్టి సెంచరీ చేయవచ్చుగా’ (లక్ష్మణ్‌కు క్రీజ్‌లో రన్నర్‌గా వచ్చి సలహా)
  
 ప్రశంసల వెల్లువ
 అంతర్జాతీయ క్రికెట్ నుంచి వీడ్కోలు పలికిన దిగ్గజం వీరేంద్ర సెహ్వాగ్ కు క్రికెట్ ప్రపంచంతో పాటు                               పలువురు ప్రముఖులు శుభాకాంక్షలు తెలిపారు.
 
 ప్రపంచ వ్యాప్తంగా క్రికెట్ అభిమానులకు కావలసిన వినోదాన్ని సెహ్వాగ్ అందించాడు. ఎంతోమంది యువ క్రికెటర్లలో స్ఫూర్తిని నింపాడు. అతని భవిష్యత్తు బాగుండాలి’         -శశాంక్ మనోహర్
  
 సెహ్వాగ్‌కు నా అభినందనలు. దేశానికి ఎన్నో గొప్ప విజయాలను అందించాడు. భారత క్రికెట్‌కు తను రిచర్డ్స్. దిగ్గజాల్లో ఒకడిగా ఆటకు వీడ్కోలు చెబుతున్నాడు. అంకితభావం ఉంటే ఎలా ఎదగొచ్చో వీరూను చూసి నేటి తరం క్రికెటర్లు నేర్చుకోవాలి’     - అనురాగ్ ఠాకూర్
  
 రిచర్డ్స్ బ్యాటింగ్‌ను నేను ప్రత్యక్షంగా చూడలేదు. కానీ ప్రపంచంలోని ఉత్తమ బౌలర్లను సెహ్వాగ్ బాదడం కళ్లారా చూశాను. వీరూలాంటి మైండ్‌సెట్ ఉన్న ఆటగాడిని చూడలేం. మిగిలిన ఆటగాళ్లు సింగిల్ కోసం ఆడే చోట వీరూ బౌండరీ కోసం ప్రయత్నిస్తాడు’      -ధోని
  
 వీరూ భాయ్ నీతో కలిసి ఆడగలగడం నా అదృష్టం. నీది అద్భుతమైన కెరీర్. నీ మార్గదర్శకత్వానికి, నువ్విచ్చిన జ్ఞాపకాలకు కృతజ్ఞతలు. ఆధునిక క్రికెట్‌లో నువ్వు దిగ్గజం’     -కోహ్లి
  
 శుభాకాంక్షలు వీరూ. నువ్వు అద్భుతమైన వినోదాన్ని అందించావు. ఎన్నో గొప్ప జ్ఞాపకాలను అందించినందుకు కృతజ్ఞతలు       -లక్ష్మణ్
  
 ఆటలోనూ, జీవితంలోనూ సెహ్వాగ్ దృక్పథం అంటే నాకు చాలా ఇష్టం. తను ఆడిన ఎన్నో గొప్ప ఇన్నింగ్స్‌ను రెండో ఎండ్‌లో నిలబడి చూశాను. మనందరిలో ఇంకా సంతోషాన్ని, నవ్వులను వీరూ తెస్తాడు. తన ప్రదర్శనలతో ఆటపై తన ముద్రను వేసి వెళుతున్నాడు’     -సచిన్
  
 టాపార్డర్‌లో సెహ్వాగ్‌లా బ్యాటింగ్ చేసే క్రికెటర్ మరొకరు లేరు. జట్టు కోసం ఎప్పుడూ కష్టపడేవాడు. తన రెండో ఇన్నింగ్స్ కూడా సంతోషంగా సాగాలి’     -కుంబ్లే


 రిటైర్ మెంట్ వార్తలపై భారత స్టార్ బ్యాట్స్ వీరేంద్ర సెహవాగ్ స్పందించారు. సమాచార లోపం వల్ల మీడియా పొరపడిందని, అంతర్జాతీయ క్రికెట్ కు వీడ్కోలు పలికినట్లు వస్తున్న వార్తల్లో నిజం లేదని ఆయన స్పష్టం చేశారు. 'ఆ వార్తలు అధికారికంగా వెల్లడించినవికావు. సమాచారలోపం వల్ల పుట్టుకొచ్చినవే' అని సెహవాగ్ అన్నారు.
 
 కాగా సెహవాగ్ ఇంటర్నేషనల్ క్రికెట్ నుంచి రిటైర్ అయ్యారంటూ సోమవారం రాత్రి ప్రముఖ ఛానెళ్లన్నీ వార్తలు ప్రసారం చేశాయి.  ఓవైపు వయసు మీదపడుతుండటం, గడిచిన రెండున్నరేళ్ల కాలంగా టీమిండియాలోకి రీఎంట్రీ ఇచ్చేందుకు చేసిన ప్రయత్నాలన్నీ విఫలయం కావడంతో సెహ్వాగ్ రిటైర్ మెంట్ అనివార్యమైందని పేర్కొన్నాయి.
  
 ప్రస్తుతం దుబాయ్ లో మాస్టర్స్ సిరీస్ లో ఆడుతోన్న వీరేంద్ర సెహవాగ్.. 'ఈ సిరీస్ పూర్తయిన తర్వాత రిటైర్ మెంట్ పై ఓ నిర్ణయానికి  వస్తా' అని మాత్రమే తాను అన్నానన, అది కూడా క్యాజువల్ గానే నని చెప్పుకొచ్చారు. ఇంటర్ నెట్ లో హల్ చల్ చేస్తున్న వార్తలపై స్వయంగా సెహవాగే ప్రకటన చేయడంతో అస్పష్టతకు తెరపడినట్లయింది.
  
 భారతీయ క్రికెటర్ వీరేంద్ర సెహ్వాగ్ అంతర్జాతీయ క్రికెట్ లో ఆడి తనదైన శైలీలో ఘనతను చాటాడు. వన్డే, టెస్టు మ్యాచ్ లలో దూకుడుగా ఆడి సెంచరీలతో అత్యధిక పరుగులు చేసిన ఆటగాడిగా ప్రపంచ చరిత్రలో చెరగని ముద్రను వేశాడు.
 భారత క్రికెటర్ గా  ప్రపంచస్థాయిలో తన ప్రస్థానం కొనసాగించిన అతడు కుడిచేతి వాటం గల బ్యాట్స్ మెన్ గానూ, బౌలింగ్ లో హాఫ్ స్పిన్నర్ గానూ అత్యుత్తమ ప్రదర్శనతో  చెలరేగి ఆడాడు.  చాలా ఏళ్ల సుదీర్ఘ  ప్రయాణం తర్వాత ఫామ్ లేమితో జట్టుకు దూరమైన సెహవాగ్..  రెండెన్నరేళ్లుగా టీమిండియాలో చోటు కోసం ఎదురు చూస్తున్నాడు.
 ► భారత్ తరపున 104 టెస్టులు, 251 వన్డేలు, 19 టీ 20 మ్యాచ్లు ఆడిన సెహ్వాగ్
 ► వన్డేల్లో 15 సెంచరీలు, టెస్టుల్లో 23 సెంచరీలు
 ► 251 వన్డేల్లో 8273 పరుగులు
 ► 104 టెస్టుల్లో 8586 పరుగులు
 ► 19 టీ 20 మ్యాచ్ల్లో 394 పరుగులు


 భారతీయ స్టార్ క్రికెటర్ వీరేంద్ర సెహ్వాగ్ అంతర్జాతీయ క్రికెట్ లో  తనదైన శైలీలో ఆడి ఘనతను చాటాడు. వన్డే, టెస్టు మ్యాచ్ లలో దూకుడుగా ఆడి సెంచరీలతో అత్యధిక పరుగులు చేసిన ఆటగాడిగా ప్రపంచ చరిత్రలో చెరగని ముద్రను వేశాడు. భారత క్రికెటర్ గా  ప్రపంచస్థాయిలో తన ప్రస్థానం కొనసాగించి.. కుడిచేతి వాటం గల బ్యాట్స్ మెన్ గానూ, బౌలింగ్ లోనూ, హాఫ్ స్పిన్నర్ గానూ అత్యుత్తమ ప్రదర్శనతో  చెలరేగి ఆడాడు.  ఇన్నేళ్లా సుదీర్ఘ  ప్రయాణంలో అంతర్జాతీయ క్రికెట్ కు వీడ్కోలు  పలుకుతున్నట్టు ప్రకటించాడు.
 ► భారత్ తరపున 104 టెస్టులు, 251 వన్డేలు, 19 టీ 20 మ్యాచ్లు ఆడిన సెహ్వాగ్
 ► వన్డేల్లో 15 సెంచరీలు, టెస్టుల్లో 23 సెంచరీలు
 ► 251 వన్డేల్లో 8273 పరుగులు
 ► 104 టెస్టుల్లో 8586 పరుగులు
 ► 19 టీ 20 మ్యాచ్ల్లో 394 పరుగులు


 భారత్‌తోనే తొలి సిరీస్ ఆడిన దక్షిణాఫ్రికా
 ఏడు సార్లు పర్యటించిన సఫారీలు
 సొంతగడ్డపై మనదే పైచేయి
  
  వర్ణ వివక్ష కారణంగా దాదాపు రెండు దశాబ్దాలకు పైగా క్రికెట్‌కు దూరంగా ఉన్న దక్షిణాఫ్రికాను తిరిగి అంతర్జాతీయ క్రికెట్‌లోకి తీసుకొచ్చింది భారత్. 1991లో సఫారీలను ఆహ్వానించి వన్డే సిరీస్ ఆడారు. ఈ 24 ఏళ్లలో భారత్‌లో ఏడుసార్లు దక్షిణాఫ్రికా జట్టు ద్వైపాక్షిక సిరీస్‌లు ఆడింది. సహజంగానే సొంతగడ్డపై బలమైన భారత్ ఆధిపత్యం ప్రదర్శించినా... సఫారీలు కూడా కొన్ని చిరస్మరణీయ విజయాలు సాధించారు. భారత్, దక్షిణాఫ్రికాల మధ్య మరో సిరీస్ నేపథ్యంలో... గత సిరీస్‌లను ఒక్కసారి పరిశీలిస్తే...  
  
  1991-92 (3 వన్డేలు)
  కోల్‌కతా ఈడెన్ గార్డెన్స్‌లో పరిమితికి మించి రికార్డు స్థాయిలో 90 వేలకు పైగా వచ్చిన ప్రేక్షకుల సమక్షంలో భారత్, దక్షిణాఫ్రికా తొలివన్డే జరిగింది. ఈ మ్యాచ్‌తో పాటు గ్వాలియర్‌లో జరిగిన రెండో వన్డేనూ గెలుచుకొని భారత్ సిరీస్ సొంతం చేసుకుంది. అయితే న్యూఢిల్లీలో మూడో మ్యాచ్ గెలిచి బోణీ చేసిన ఆనందంతో దక్షిణాఫ్రికా  వెనుదిరిగింది.
  హైలైట్స్: 22 ఏళ్ల తర్వాత దక్షిణాఫ్రికా జట్టు అంతర్జాతీయ క్రికెట్ మ్యాచ్ ఆడింది. ఈ సిరీస్‌తో అలెన్ డొనాల్డ్‌లాంటి దిగ్గజ బౌలర్ వెలుగులోకి వచ్చాడు.
  ఫలితం:  2-1తో భారత్ సిరీస్ గెలిచింది.
  మ్యాన్ ఆఫ్ ద సిరీస్: సంజయ్ మంజ్రేకర్, కెప్లర్ వెసెల్స్.
  
  1996-97 (3 టెస్టులు, వన్డే టోర్నీ)
  పూర్తి స్థాయి జట్టుతో దక్షిణాఫ్రికా తొలి సారి భారత పర్యటనకు వచ్చింది. అహ్మదాబాద్‌లో తొలి టెస్టులో 170 పరుగుల లక్ష్యాన్ని ఛేదిస్తూ శ్రీనాథ్ (6/21) ధాటికి కుప్పకూలి దక్షిణాఫ్రికా ఓటమిపాలైంది. అయితే కోల్‌కతాలో రెండో టెస్టులో ఆ జట్టు 329 పరుగులతో  ఘనవిజయం సాధించింది. కానీ కాన్పూర్‌లో మాత్రం భారత్  280 పరుగులతో గెలిచింది. ఫలితం: 2-1తో టెస్టు సిరీస్ భారత్ గెలిచింది.
  హైలైట్స్: 74 బంతుల్లో సెంచరీతో భారత రికార్డు సమం చేసిన అజహర్, వీవీఎస్ లక్ష్మణ్ అరంగేట్రం, కెరీర్ తొలి టెస్టులోనే క్లూస్‌నెర్ అద్భుత బౌలింగ్ (8/64) ప్రదర్శన.
  మ్యాన్ ఆఫ్ ద సిరీస్: అజహరుద్దీన్.
  వన్డే ప్రదర్శన: టైటాన్ కప్ ముక్కోణపు టోర్నీ ఫైనల్లో దక్షిణాఫ్రికాను ఓడించి భారత్ విజేతగా నిలిచింది.
  
  1999-2000 (2 టెస్టులు, 5 వన్డేలు)
  భారత్‌లో టెస్టు సిరీస్ గెలిచిన అరుదైన ఘనతను దక్షిణాఫ్రికా సొంతం చేసుకుంది. 14 సిరీస్‌ల తర్వాత భారత్‌కు ఇది సొంతగడ్డపై తొలి ఓటమి. అయితే ఈ పర్యటనకు సంబంధించే మ్యాచ్ ఫిక్సింగ్ వివాదం ఆ తర్వాత బయటపడటం దీనిని వివాదాస్పద సిరీస్‌గా మిగిల్చింది. ముంబైలో తొలి టెస్టులో 4 వికెట్లతో నెగ్గిన సఫారీలు, బెంగళూరులో జరిగిన రెండో టెస్టును ఇన్నింగ్స్, 71 పరుగులతో గెలుచుకున్నారు.
  హైలైట్స్: టెస్టు సిరీస్ ముగియగానే తాను కెప్టెన్సీనుంచి తప్పుకుంటానని నాలుగు రోజుల ముందు సచిన్ ప్రకటిం చడం సంచలనం సృష్టించింది. అజ హర్ పునరాగమనంతో పాటు కపిల్ కోచ్‌గా రావడమే కారణమని వార్తలు వచ్చాయి. సిరీస్‌లో నమోదైన ఏకైక సెంచరీ చేసిన అజహర్‌కు ఫిక్సింగ్ వివాదంతో రెండో టెస్టే ఆఖరిది అయింది.
 
  ఫలితం: 2-0తో సిరీస్ గెలిచిన దక్షిణాఫ్రికా
  మ్యాన్ ఆఫ్ ద సిరీస్:  జాక్ కలిస్
  వన్డే సిరీస్ ఫలితం: 3-2తో గెలిచిన భారత్
  హైలైట్స్: సౌరవ్ గంగూలీ నాయకత్వంలో తొలిసారి భారత్ బరిలోకి దిగింది. చివరిదైన నాగపూర్ వన్డేలోనే క్రానే, బోయె, విలియమ్స్ ఫిక్సింగ్ చేసినట్లు కొద్ది రోజులకు ఢిల్లీ పోలీసులు బయట పెట్టారు.
  మ్యాన్ ఆఫ్ ద సిరీస్: సచిన్ టెండూల్కర్.
  
  2004-05 (2 టెస్టులు)
  గిబ్స్, బోయెలను పోలీ సులు విచారించబోరని హామీ ఇస్తేనే సిరీస్ ఆడతామని మెలిక పెట్టిన దక్షిణాఫ్రికా చివరకు వారిద్దరినీ జట్టునుంచి తప్పించి భారత్‌కు వచ్చింది.  కాన్పూర్‌లో తొలి టెస్టు నిస్సారమైన డ్రా కాగా, కోల్‌కతాలో రెండో టెస్టు భారత్ 8 వికెట్లతో గెలుచుకుంది. షెడ్యూల్ గందరగోళం కారణంగా వన్డేల నిర్వహణ సాధ్యం కాలేదు.
  సిరీస్ ఫలితం: 1-0తో భారత్ విజయం
  మ్యాన్ ఆఫ్ ద సిరీస్:  వీరేంద్ర సెహ్వాగ్.
  
  2005-06 (5 వన్డేలు)
  దక్షిణాఫ్రికా వన్డేల కోసం మ ళ్లీ భారత్‌కు వచ్చింది. వర్షం కారణంగా చెన్నై వన్డే రద్దుకాగా, ఇరు జట్లు చెరో 2 మ్యాచ్‌లు గెలిచాయి.
  హైలైట్స్: ఈ సిరీస్‌కు గంగూలీని తప్పించారనే ఆగ్రహంతో కోల్‌కతా వన్డేలో దాదాపు 80 వేల మంది ప్రేక్షకులు భారత జట్టుకు, కెప్టెన్ ద్రవిడ్‌కు వ్యతిరేకంగా నినాదాలు చేస్తూ ప్రత్యర్థికి మద్దతు ఇచ్చారు. మ్యాచ్ తర్వాత కోచ్ గ్రెగ్ చాపెల్ మైదానం బయట వేలితో సంజ్ఞ చేయడం కొత్త వివాదాన్ని రేపింది.  
  ఫలితం: 2-2తో సిరీస్ సమం.
  మ్యాన్ ఆఫ్ ద సిరీస్: గ్రేమ్ స్మిత్, యువరాజ్ సింగ్.
  
  2007-08 (3 టెస్టులు)
  చెన్నైలో జరిగిన తొలి మ్యాచ్‌లో పరుగుల వరద పారడంతో డ్రాగా ముగిసింది. అహ్మదాబాద్‌లో రెండో టెస్టులో స్టెయిన్ (5/23) దెబ్బకు భారత్ తొలి ఇన్నింగ్స్‌లో 76 పరుగులకే కుప్పకూలి మ్యాచ్‌ను ఇన్నింగ్స్, 90 పరుగులతో చేజార్చుకుంది. కాన్పూర్‌లో మూడో టెస్టును భారత్ 8 వికెట్ల తేడాతో గెలుచుకుంది.
  హైలైట్స్: కెరీర్‌లో రెండో ట్రిపుల్ సెంచరీతో చెలరేగిన సెహ్వాగ్, ఈ ఘనత సాధించిన బ్రాడ్‌మన్, లారాల సరసన చేరాడు. కుంబ్లే గాయంతో కాన్పూర్ టెస్టుతో తొలిసారి ధోని భారత టెస్టు కెప్టెన్‌గా వ్యవహరించాడు.
  ఫలితం: 1-1తో సిరీస్ సమం
  మ్యాన్ ఆఫ్ ద సిరీస్: హర్భజన్ సింగ్.
  
  2009-10 (2 టెస్టులు, 3 వన్డేలు)
  నాగ్‌పూర్‌లో జరిగిన తొలి టెస్టును దక్షిణాఫ్రికా గెలుచుకోగా, కోల్‌కతాలో తర్వాతి మ్యాచ్‌ను గెలిచి భారత్ సిరీస్ సమం చేసింది.
  హైలైట్స్: ఆమ్లా 3 ఇన్నింగ్స్‌లలో కలిపి ఏకంగా 490 పరుగులు నమోదు చేశాడు. రెండో టెస్టు తొలి ఇన్నింగ్స్‌లో నలుగురు భారత ఆటగాళ్లు సచిన్ టెండూల్కర్, సెహ్వాగ్, వీవీఎస్ లక్ష్మణ్, ధోని సెంచరీలు సాధించడం విశేషం.
  ఫలితం: 1-1తో టెస్టు సిరీస్ సమం; మ్యాన్ ఆఫ్ ద సిరీస్: హషీం ఆమ్లా
  వన్డే సిరీస్‌లో జైపూర్, గ్వాలియర్‌లలో తొలి రెండు మ్యాచ్‌లను భారత్ గెలుచుకోగా, అహ్మదాబాద్‌లో జరిగిన చివరి వన్డే దక్షిణాఫ్రికా వశమైంది. ఈ మ్యాచ్‌లో డివిలియర్స్ 58 బంతుల్లోనే సెంచరీ బాదాడు.
  హైలైట్స్: ప్రపంచ వన్డే చరిత్రలో తొలి డబుల్ సెంచరీ ఈ సిరీస్‌లోనే నమోదైంది. రెండో వన్డేలో సచిన్  200 పరుగులతో నాటౌట్‌గా నిలిచాడు.
  ఫలితం: 2-1తో సిరీస్ భారత్ వశం
  మ్యాన్ ఆఫ్ ద సిరీస్: సచిన్ టెండూల్కర్.


 ఆస్ట్రేలియా వికెట్ కీపర్ బ్రాడ్ హాడిన్ అంతర్జాతీయ క్రికెట్ నుంచి వైదొలిగాడు. ప్రపంచకప్ విజయంతో వన్డేలకు వీడ్కోలు పలికిన హాడిన్... తాజాగా అన్ని ఫార్మాట్‌ల నుంచి తప్పుకుంటున్నట్లు ప్రకటించాడు. కెరీర్‌లో 67 టెస్టులు ఆడిన హాడిన్ బిగ్‌బాష్ టి20లో మాత్రం సిడ్నీ సిక్సర్ తరఫున ఆడతాడు. ఈ యాషెస్ ముగిసిన తర్వాత రిటైరైన నాలుగో ఆసీస్ క్రికెటర్ హాడిన్.


 ప్రపంచ క్రికెట్లో ఇద్దరు యోధుల శకం ముగిసింది. అత్యుత్తమ కెప్టెన్గా, బాట్స్మన్గా మన్నలందుకున్న ఇద్దరు దిగ్గజాలు అంతర్జాతీయ క్రికెట్కు వీడ్కోలు పలికారు. నిన్న ఆస్ట్రేలియా కెప్టెన్ మైకేల్ క్లార్క్.. ఈ రోజు శ్రీలంక మాజీ కెప్టెన్ సంగక్కర. తమ చివరి టెస్టు మ్యాచ్లో క్లార్క్ విజయంతో.. సంగా పరాజయంతో నిష్ర్కమించారు. చివరి మ్యాచ్ ఫలితాలను పక్కనబెడితే.. ఈ ఇద్దరూ తమ కెరీర్లో ఎన్నో చిరస్మరణీయ విజయాలు సాధించారు. అంతర్జాతీయ క్రికెట్లో కెప్టెన్గా, బ్యాట్స్మన్గా చెరగని ముద్ర వేశారు. చివరి మ్యాచ్లో ఈ ఇద్దరూ దిగ్గజాలకు ప్రత్యర్థి జట్టు ఆటగాళ్లు 'గార్డ్ ఆఫ్ ఆనర్'తో స్వాగతం పలికారు. ఇంతకుముందే పరిమిత ఓవర్ల క్రికెట్ నుంచి వైదొలిగిన సంగా, క్లార్క్లు.. టెస్టు క్రికెట్లోనూ బ్యాట్ను పక్కనపెట్టేశారు. కాకతాళీయమే అయినా  అంతర్జాతీయ క్రికెట్‌కు ఒకేసారి వీడ్కోలు చెప్పేశారు.
 
 పోరాట యోధుడు సంగా: సంగా ఒక పరుగుల యంత్రం. 38 ఏళ్ల సంగా దశాబ్దమన్నర కాలంగా శ్రీలంక క్రికెట్‌కు వెన్నె ముకగా నిలిచాడు. 134 టెస్టుల్లో 12,400 పరుగులు చేశాడు. ఇందులో 38 సెంచరీలు, 52 హాఫ్ సెంచరీలు ఉన్నాయి. 38 సెంచరీల్లో 11 డబుల్ సెంచరీలుగా మలచడం విశేషం. ఇక 404  వన్డేల్లో 14,234 పరుగులు చేశాడు. వీటిలో 25 సెంచరీలు, 93 హాఫ్ సెంచరీలున్నాయి. ప్రస్తుతం టెస్టు క్రికెట్‌లో అత్యధిక పరుగుల జాబితాలో అతను ఐదో స్థానంలో ఉన్నాడు. సచిన్ (15921) అగ్రస్థానంలో ఉన్న సంగతి తెలిసిందే.  ఐసీసీ టెస్టు ర్యాంకింగ్స్‌లో సుదీర్ఘకాలంపాటు నంబర్‌వన్‌గా కొనసాగాడు. మహేళ జయవర్ధనేతో కలిసి ఎన్నో రికార్డు భాగస్వామ్యాలు కూడా నెలకొల్పాడు. తన కెరీర్‌లో ఒక టి20 ప్రపంచకప్ గెలిచాడు. వన్డే ప్రపంచకప్‌లో రెండు ఫైనల్స్ ఆడినా టైటిల్ లేకపోవడం కెరీర్‌లో లోటు. వన్డేల నుంచి తప్పుకునే ముందు చివరి ఐదు ఇన్నింగ్స్‌లో ఏకంగా నాలుగు సెంచరీలు చేశాడు.
  
 మేటి సారథి మైకేల్ క్లార్క్: అంతర్జాతీయ క్రికెట్లో అరంగేట్రం చేశాక స్వల్ప కాలంలోనే క్లార్క్ తిరుగులేని బ్యాట్స్‌మన్‌గా ఎదిగాడు. 12 ఏళ్ల పాటు జట్టుకు సేవలందించాడు. 34 ఏళ్ల క్లార్క్ 115 టెస్టుల్లో 8643 పరుగులు చేశారు. ఇందులో 28 సెంచరీలు, 27 హాఫ్ సెంచరీలు ఉన్నాయి. అత్యధిక వ్యక్తిగత స్కోరు 329 (నాటౌట్). ఇక 245 వన్డేలాడిన క్లార్క్ 7981 పరుగులు చేశాడు. వీటిలో 8 సెంచరీలు, 58 హాఫ్ సెంచరీలు ఉన్నాయి. క్లార్క్ తన కెరీర్లో రెండు వన్డే ప్రపంచకప్‌లు, రెండు యాషెస్ సిరీస్ విజయాల్లో భాగస్వామి అయ్యాడు. పాంటింగ్ తర్వాత ఆసీస్ సారథిగా బాధ్యతలు తీసుకున్న క్లార్క్.. సొంతగడ్డపై ఈ ఏడాది వన్డే ప్రపంచకప్‌ను అందుకోవడం తన కెరీర్‌లో అత్యంత మధుర క్షణం. 


 తన సుదీర్ఘ కెరీర్‌ను సంతోషంగానే ముగిస్తున్నానని, వన్డే ప్రపంచకప్ గెలవకపోవడం ఒక్కటే లోటని శ్రీలంక దిగ్గజం కుమార సంగక్కర అన్నాడు. వన్డే ప్రపంచకప్‌తోనే రిటైర్ అవుదామని భావించినా సెలక్టర్లతో చర్చల తర్వాత పాకిస్తాన్, భారత్‌లతో రెండేసి టెస్టులు ఆడాలని నిర్ణయించుకున్నట్లు చెప్పాడు. భారత్‌తో రెండో టెస్టు తర్వాత సంగక్కర అంతర్జాతీయ క్రికెట్‌కు వీడ్కోలు పలుకుతున్నాడు. తొలి టెస్టు వేదిక గాలె పట్టణం మొత్తం అతని కటౌట్లు, బ్యానర్లతో నిండిపోయింది.


 న్యూఢిల్లీ : భారత ఆఫ్ స్పిన్నర్ హర్భజన్ సింగ్ 700 వికెట్ల క్లబ్‌లో చేరాడు. జింబాబ్వేతో మంగళవారం జరిగిన మూడో వన్డేలో సికిందర్ రజా వికెట్ తీసి ఈ ఘనతను అందుకున్నాడు. అంతర్జాతీయ క్రికెట్‌లో ఓవరాల్‌గా 700 వికెట్లు తీసిన జాబితాలో 12వ స్థానంలో ఉన్న భజ్జీ భారత్ తరఫున రెండో బౌలర్‌గా రికార్డులకెక్కాడు. లెగ్ స్పిన్నర్ అనిల్ కుంబ్లే ఇతని కంటే ముందున్నాడు. టాప్-5లో ముత్తయ్య మురళీధరన్ (1347), షేన్ వార్న్ (1001), అనిల్ కుంబ్లే (956), మెక్‌గ్రాత్ (949), వసీమ్ అక్రమ్ (916) ఉన్నారు. 435 ఇన్నింగ్స్‌లో హర్భజన్ ఈ మార్క్‌ను సాధించగా, మురళీధరన్ 308 ఇన్నింగ్స్‌లోనే అందుకున్నాడు.
  


  లండన్: యాషెస్ సిరీస్ ప్రారంభానికి ముందు ఆస్ట్రేలియా పేసర్ రియాన్ హ్యారిస్ సంచలన నిర్ణ యం తీసుకున్నాడు. ఈ ప్రతిష్టాత్మక సిరీస్ కోసం జట్టుతో పాటే ఉన్న ఈ 35 ఏళ్ల ఆటగాడు అంతర్జాతీయ క్రికెట్ నుంచి తప్పుకుంటున్నట్టు తెలిపాడు. మోకాలి గాయం తిరగబెట్టడంతో ఎసెక్స్‌తో జరిగిన చివరి వార్మప్ మ్యాచ్‌లో తను ఆడలేదు. స్కానిం గ్‌లో అతడి కుడి మోకాలు బాగా దెబ్బతిన్నట్టు తేలింది.
  
   దీంతో ఇక క్రికెట్ నుంచి తప్పుకోవడమే మేలని భావించినట్టు హారిస్ తెలిపాడు. 2010లో అరంగేట్రం చేసిన తను 27 టెస్టుల్లో 113 వికెట్లు.. 21 వన్డేల్లో 44 వికెట్లు తీశాడు. హ్యారిస్ నిర్ణయంతో జట్టులోకి 22 ఏళ్ల పాట్ కమిన్స్‌ను తీసుకున్నారు. బుధవారం నుంచి తొలి టెస్టు జరుగుతుంది.
  


 అంతర్జాతీయ క్రికెట్‌కు వీడ్కోలు చెబుతాడంటూ వస్తున్న ఊహాగానాలకు న్యూజిలాండ్ కెప్టెన్ బ్రెండన్ మెకల్లమ్ తెరదించాడు. మరో ఏడాది పాటు క్రికెట్ ఆడతానని, కివీస్ బోర్డు కాంట్రాక్టుపై సంతకం చేశానని ప్రకటించాడు. భారత్‌లో వచ్చే ఏడాది జరిగే టి20 ప్రపంచకప్ వరకు మెకల్లమ్ ఆడతాడు.


 ముందే రిటైర్ కానున్న సంగక్కర
 
  కొలంబో : శ్రీలంక దిగ్గజ క్రికెటర్ సంగక్కర అంతర్జాతీయ క్రికెట్ నుంచి అనుకున్న సమయంకంటే రెండు టెస్టుల ముందే తప్పుకుంటున్నాడు. ఈ విషయాన్ని ఇప్పటికే లంక బోర్డుకు తెలియజేసిన సంగ, మంగళవారం దీనిని అధికారికంగా ప్రకటించే అవకాశం ఉంది. ఇటీవలి ప్రపంచకప్‌తో వన్డేలకు వీడ్కోలు పలికిన సంగక్కర... సొంతగడ్డపై రెండు టెస్టు సిరీస్‌ల తర్వాత పూర్తి స్థాయిలో రిటైర్ అవ్వాలని నిర్ణయించుకున్నాడు. శ్రీలంక జట్టు పాకిస్తాన్‌తో మూడు టెస్టుల సిరీస్, భారత్‌తో మూడు టెస్టుల సిరీస్ ఆడాల్సి ఉంది.
 
 అయితే ఇంగ్లండ్ కౌంటీ జట్టు సర్రేతో కాంట్రాక్ట్ కారణంగా నాలుగు టెస్టులు ఆడిన వెంటనే నిష్ర్కమించాలని భావిస్తున్నాడు. దాంతో పాక్‌తో మూడు టెస్టుల తర్వాత భారత్‌తో గాలేలో జరిగే తొలి టెస్టు సంగక్కర కెరీర్‌లో చివరిది కానుంది. 130 టెస్టుల్లో 12,203 పరుగులు సాధించి అత్యధిక పరుగులు చేసిన బ్యాట్స్‌మన్ జాబితాలో ఐదో స్థానంలో ఉన్న సంగక్కర, మరో డబుల్ సెంచరీ చేస్తే బ్రాడ్‌మన్ (12) రికార్డును సమం చేస్తాడు.


 లండన్ : ఇంగ్లండ్ వికెట్ కీపర్ మాట్ ప్రయర్ అంతర్జాతీయ క్రికెట్‌కు వీడ్కోలు పలికాడు. చీలమండ గాయం నుంచి పూర్తిగా కోలుకోకపోవడంతో అతను ఈ నిర్ణయం తీసుకున్నాడు. 11 నెలల కిందట భారత్‌తో లార్డ్స్‌లో జరిగిన టెస్టులో ఆడిన ప్రయర్... ఆ తర్వాత చీలమండ గాయానికి శస్త్రచికిత్స చేయించుకున్నాడు. ఇంగ్లండ్ తరఫున 79 టెస్టులు ఆడిన ఈ వికెట్ కీపర్ 7 సెంచరీలతో 4 వేల 99 పరుగులు చేశాడు. 256 అవుట్‌లలో భాగం పంచుకున్నాడు. 68 వన్డేల్లో 1282 పరుగులు సాధించాడు.


 లండన్ : కంటి గాయం కారణంగా ఇంగ్లండ్ బ్యాట్స్‌మన్, వికెట్ కీపర్ క్రెయిగ్ కీస్‌వెట్టర్ కెరీర్‌కు రిటైర్మెంట్ ప్రకటించాడు. గతేడాది జూలైలో నార్తంప్టన్‌షైర్‌తో జరిగిన మ్యాచ్‌లో సోమర్‌సెట్ తరఫున బ్యాటింగ్ చేస్తుండగా వేగంగా దూసుకొచ్చిన బంతి కీస్‌వెట్టర్ ఎడమ కంటితో పాటు ముక్కును బలంగా తాకింది. దీంతో చూపు మందగించడంతో ఆట నుంచి తప్పుకుంటున్నట్లు తెలిపాడు. ఇంగ్లండ్ తరఫున కీస్‌వెట్టర్ 46 వన్డేలు, 25 టి20 మ్యాచ్‌లు ఆడాడు.


 పాక్-జింబాబ్వే వన్డే జరుగుతుండగా స్టేడియం సమీపంలో బాంబు దాడి
  
  లాహోర్ : ఆరేళ్లుగా తమ దేశంలో అంతర్జాతీయ క్రికెట్ కోసం పాకిస్తాన్ క్రికెట్ బోర్డు (పీసీబీ) చేయని ప్రయత్నం లేదు. భద్రత పరంగా ఎంత కట్టుదిట్టమైన ఏర్పాట్లు చేస్తామన్నా ఏ ఒక్క దేశం కూడా ఇందుకు సుముఖత వ్యక్తం చేయలేకపోయింది. అయితే 2009 అనంతరం ఇన్నాళ్లకు వారికి జింబాబ్వే జట్టు అంతులేని సంతోషాన్ని కలిగించింది. రెండు టి20లు, మూడు వన్డేల కోసం వారు పాక్‌లో అడుగుపెట్టారు. దీనికి తగ్గట్టుగానే ఆ జట్టు ఆటగాళ్లకు దేశాధ్యక్షుడి తరహాలో సురక్షిత భద్రతను ఏర్పాటు చేసింది.
 
 ఇక్కడి దాకా బాగానే ఉన్నా జింబాబ్వే పర్యటన మరో రెండు రోజుల్లో ముగుస్తుందనగా పీసీబీకి గట్టి షాకే తగిలింది. మ్యాచ్‌లు జరుగుతున్న స్టేడియానికి కిలో మీటర్ దూరంలోనే శుక్రవారం ఆత్మాహుతి దాడి జరిగింది. అది కూడా ఇరు జట్ల మధ్య రెండో వన్డే జరుగుతున్న సమయంలోనే.. రిక్షా తొక్కుతూ స్టేడియంలో చొరబడేందుకు ప్రయత్నించిన ఈ మిలిటెంట్‌ను కిలో మీటర్ దూరంలోనే ఓ పోలీసు అధికారి అడ్డుకున్నాడు. అయితే ఈక్రమంలో మిలిటెంట్ తనను తాను పేల్చుకోగా పోలీసు కూడా మరణించాడు. స్టేడియంలో ఉన్న 20 వేల మందికి ఈ విషయం తెలి స్తే తొక్కిసలాట జరిగి మరింత మంది ప్రాణాలు గాల్లో కలిసిపోయేవి. అయితేఆదివారం జరిగే చివరి వన్డే ఆడాకే పర్యటన ముగిస్తామని జింబాబ్వే చెప్పడం పాక్ బోర్డుకు ఊరట.
 
  2-0తో పాక్‌కు సిరీస్
  కెప్టెన్ అజహర్ అలీ (104 బంతుల్లో 102; 8 ఫోర్లు) సూపర్ శతకం సహాయంతో జింబాబ్వేతో జరిగిన రెండో వన్డేలో పాకిస్తాన్ ఆరు వికెట్ల తేడాతో నెగ్గింది. దీంతో ఇరు జట్ల మధ్య జరుగుతున్న మూడు వన్డేల సిరీస్‌ను పాక్ 2-0తో గెలుచుకుంది. అలాగే పాకిస్తాన్ ఓ వన్డే సిరీస్‌ను గెలువడం 17 నెలల అనంతరం ఇదే తొలిసారి. శుక్రవారం జరిగిన మ్యాచ్‌లో ముందుగా బ్యాటింగ్‌కు దిగిన జింబాబ్వే 50 ఓవర్లలో ఏడు వికెట్లకు 268 పరుగులు చేసింది. సికిందర్ రజా (84 బంతుల్లో 100 నాటౌట్; 8 ఫోర్లు; 3 సిక్సర్లు) సెంచరీతో చెలరేగగా.. చిబాబా (99) తృటిలో శతకాన్ని కోల్పోయాడు.  పాకిస్తాన్ 47.2 ఓవర్లలో 4 వికెట్లకు 269 పరుగులు చేసింది.


  చెన్నై: అంతర్జాతీయ క్రికెట్ నుంచి తప్పుకున్న భారత దిగ్గజ ఆటగాళ్లు సచిన్ టెండూల్కర్, రాహుల్ ద్రవిడ్, వీవీఎస్ లక్ష్మణ్, సౌరవ్ గంగూలీకి బీసీసీఐ నుంచి భారీగా సొమ్ము అందనుంది. ఏక మొత్తం ప్రయోజనం కింద వీరికి రూ. కోటీ 50 లక్షల చొప్పున ఇచ్చేందుకు బోర్డు ఆర్థిక కమిటీ నిర్ణయించింది.
 
 జాతీయ జట్టు తరఫున టెస్టు మ్యాచ్‌లు ఆడి రిటైర్ అయిన వారికి ఈ స్కీం కింద బోర్డు నగదు చెల్లిస్తూ వస్తోంది. మరోవైపు బీసీసీఐలో పాలనా సంస్కరణల గురించి సుప్రీం కోర్టు నాలుగు నెలల క్రితం ఏర్పాటు చేసిన లోధా కమిటీపై ఇప్పటిదాకా రూ.3.90 కోట్లు ఖర్చు చేసినట్టు వచ్చిన కథనాలు అవాస్తవమని బోర్డు తెలిపింది. ఈ మొత్తంలో పదో వంతు మాత్రమే ఖర్చయ్యిందని పేర్కొంది.


 లండన్ : ఇంగ్లండ్ బ్యాట్స్‌మన్ జొనాథన్ ట్రాట్ అంతర్జాతీయ క్రికెట్‌కు వీడ్కోలు పలికాడు. 18 నెలల క్రితం ఆసీస్‌లో జరిగిన యాషెస్ సిరీస్ మధ్యలో మానసిక ఒత్తిడి కారణంగా ఈ 34 ఏళ్ల ఆటగాడు అర్ధాంతరంగా తప్పుకున్నాడు. అనంతరం ఆదివారం ముగిసిన వెస్టిండీస్‌తో టెస్టు సిరీస్‌కు జట్టులో చేరాడు. అయితే ఆరు ఇన్నింగ్స్‌లో కలిపి ట్రాట్ కేవలం 72 పరుగులు మాత్రమే చేశాడు. ఇందులో మూడు డకౌట్‌లున్నాయి. పేలవ ఫామ్ కనబరుస్తున్న తను రిటైర్ కావడానికి ఇదే తగిన సమయంగా భావిస్తున్నట్టు తెలిపాడు.
 
 ‘ఇది చాలా కఠిన నిర్ణయం. ఇంగ్లండ్ జట్టుకు ఆడగల స్థాయి నా ఆటలో ఉందని అనుకోవడం లేదు. సుదీర్ఘ కాలం తర్వాత అంతర్జాతీయ క్రికెట్ ఆడగలిగినా రాణించలేకపోవడం నిరాశ కలిగించింది. ఇంతకాలం నాకు సహకరించిన వారందరికీ కృతజ్ఞతలు తెలుపుకుంటున్నాను. కెరీర్‌లో ఉన్నత స్థాయికి వెళ్లడంతో పాటు విఫలమైన సందర్భాలూ ఉన్నాయి. వార్విక్‌షైర్ తరఫున మాత్రం నా ఆట కొనసాగుతుంది’ అని ట్రాట్ అన్నాడు.
 
  దక్షిణాఫ్రికాలో జన్మించిన ట్రాట్ 2007లో విండీస్‌తో జరిగిన టి20 మ్యాచ్‌లో ఇంగ్లండ్ జట్టు తరఫున అరంగేట్రం చేశాడు. అనంతరం రెండేళ్ల తర్వాత 2009 యాషెస్ సిరీస్‌లో కెరీర్‌లో తొలి టెస్టు ఆడాడు. అందులో తన సెంచరీ సహాయంతో జట్టు యాషెస్‌ను నిలబెట్టుకోవడంతో ట్రాట్ పేరు మార్మోగింది. 2011లో ఐసీసీ ప్లేయర్ ఆఫ్ ద ఇయర్‌గా నిలిచాడు. అయితే 2013-14 యాషెస్ సిరీస్‌లో షార్ట్ బంతులను ఆడడంలో ఘోరంగా విఫలమై మధ్యలోనే జట్టు నుంచి తప్పుకున్నాడు. ఓవరాల్‌గా ఎనిమిదేళ్ల పాటు అతడి అంతర్జాతీయ కెరీర్ కొనసాగింది.


 అంతర్జాతీయ క్రికెట్‌కు ఆఫ్రిది గుడ్‌బై
  
 కరాచీ : వచ్చే ఏడాది భారత్‌లో జరిగే టి20 ప్రపంచ కప్ తర్వాత తాను అంతర్జాతీయ క్రికెట్ నుంచి తప్పుకుంటానని పాకిస్తాన్ ఆల్‌రౌండర్ షాహిద్ ఆఫ్రిది ప్రకటించాడు. ఈ టోర్నీలో కెప్టెన్‌గా పాక్ జట్టుకు టైటిల్ అందించాలనేదే తన లక్ష్యమని అతను పేర్కొన్నాడు. టెస్టుల నుంచి ఐదేళ్ల క్రితమే తప్పుకున్న ఆఫ్రిది, ఇటీవల ప్రపంచకప్‌తో వన్డేలకు కూడా వీడ్కోలు పలికాడు.
 
 ప్రస్తుతం ఒక్క టి20 ఫార్మాట్‌లోనే ఆడుతున్న 35 ఏళ్ల ఆఫ్రిది తన కెరీర్‌లో 78 అంతర్జాతీయ టి20 మ్యాచ్‌లలో పాక్‌కు ప్రాతినిధ్యం వహించాడు. 1154 పరుగులు చేసిన అతను, 81 వికెట్లు పడగొట్టాడు.


 కరాచీ : ఆరేళ్ల విరామం తర్వాత పాకిస్తాన్ దేశంలో అంతర్జాతీయ క్రికెట్ నిర్వహణకు దారులు తెరచుకున్నాయి. 2009 మార్చిలో లాహోర్‌లో శ్రీలంక జట్టుపై తీవ్రవాదుల దాడి తర్వాత అన్ని దేశాలు తమ జట్లను పాక్‌లో ఆడించరాదని నిర్ణయించాయి. ఇప్పుడు జింబాబ్వే జట్టు ఆ దేశంలో పర్యటించే అవకాశం ఉంది. ఇటీవల ఇరు బోర్డుల మధ్య చర్చల అనంతరం వన్డే, టి20 సిరీస్‌లు దాదాపుగా ఖరారు అయ్యాయి. దీని ప్రకారం పాక్, జింబాబ్వే మధ్య 3 వన్డేలు, 2 టి20 మ్యాచ్‌లు జరుగుతాయి. ‘మ్యాచ్‌ల వివరాలను ఇప్పటికే జింబాబ్వే బోర్డుకు పంపించాం. వారు కోరినట్లుగా భద్రతా వివరాలు కూడా అందించాం. ఇక అధికారిక అనుమతి రావడమే మిగిలి ఉంది. సిరీస్‌లు జరుగుతాయని ఆశిస్తున్నాం’ అని పాక్ బోర్డు సీనియర్ అధికారి ఒకరు వెల్లడించారు.


 జాతీయ సాంకేతిక విద్యాసంస్థ (నిట్)లో స్ప్రింగ్ స్ప్రీ-15 సంబరాలు కేక పెట్టిస్తున్నారుు. ఉరిమె ఉత్సాహంతో విద్యార్థులు ప్రదర్శనలతో అదరగొడుతున్నారు. విజ్ఞాన ప్రాంగాణంలో శనివారం ఫేస్ పెయింటింగ్, నిట్ మూవ్, గేమ్‌డోమ్, పెయిర్ డ్యాన్స్, వన్స్‌స్టేజ్, రంగోళి, ఫొటో మేకింగ్ తదితర ప్రదర్శనలు అబ్బురపరిచారుు. హాస్య సన్నివేశాలు కడుపుబ్బ నవ్వించాయి.
  
  ఇంద్రజాల ప్రదర్శనలు ఔరా అనిపించాయి. ఇంటర్నేషనల్ క్రికెట్ ఆడిన అంధ విద్యార్థులు మధు, రెడ్డి, వెంకట్‌తో.. అంధులైన చిన్నారులకు క్రికెట్ శిక్షణ ఇచ్చారు. క్లాసికల్, వెస్ట్రన్, డ్యాన్స్ పోటీలు నిర్వహించారు. నిట్ డెరైక్టర్ ఎన్.శ్రీనివాసరావు శనివారం పోటీలను ప్రారంభించారు. ఎన్‌ఐటీ ప్రాంగాణంలో వివిధ కంపెనీల ఉత్పత్తులను అమ్మకానికి పెట్టారు. దేశవిదేశాల నుంచి వచ్చిన విద్యార్థులు సందడి చేశారు. హైదరాబాద్‌కు చెందిన ఫ్రెండ్స్ ఆఫ్ మేక్ ఆర్గనైజేషన్ అధ్వర్యంలో కాకినాడకు చెందిన ఎన్‌ఐటీ విద్యార్థి రాజేష్ పాములతో ప్రదర్శన నిర్వహించి ఆకట్టుకున్నాడు.   


 దుబాయ్: శ్రీలంక ఆఫ్ స్పిన్నర్ సేనానాయకే, న్యూజిలాండ్ ఆఫ్ స్పిన్నర్ కేన్ విలియమ్సన్‌లపై ఉన్న సస్పెన్షన్‌ను అంతర్జాతీయ క్రికెట్ మండలి (ఐసీసీ) ఎత్తేసింది. తమ లోపాలను సరిదిద్దుకోవడంతో పాటు బౌలింగ్ పరీక్షలో నిబంధనలకు లోబడి బంతులు వేసినందుకు ఈ నిర్ణయం తీసుకుంది. ఇక ఈ ఇద్దరు బౌలర్లు అంతర్జాతీయ మ్యాచ్‌ల్లో బౌలింగ్ వేయవచ్చని ఐసీసీ తెలిపింది.
 అయితే భవిష్యత్‌లో వీరిద్దరి బౌలింగ్ శైలిపై అనుమానం వస్తే అంపైర్లు ఫిర్యాదు చేయవచ్చని పేర్కొంది. మరోవైపు తమ ప్రపంచకప్ ప్రాబబుల్స్‌లో ఈ ఇద్దరు ఆటగాళ్ల పేర్లను వారి జట్లు ఇంతకుముందే చేర్చాయి.
  


 ఐసీసీని కోరిన పాక్ క్రికెట్ బోర్డు
  కరాచీ: తమ జట్టు ప్రధాన బౌలర్ సయీద్ అజ్మల్‌ను ప్రపంచ కప్ బరిలోకి దించాలని పాకిస్థాన్ క్రికెట్ బోర్డు (పీసీబీ) పట్టుదలగా ఉంది. అందు కోసం అన్ని ప్రయత్నాలు చేస్తోన్న పాకిస్థాన్...‘చకింగ్’ ఆరోపణలతో సస్పెన్షన్‌కు గురైన అజ్మల్ యాక్షన్‌ను వెంటనే మరోసారి పరిశీలించాలని అంతర్జాతీయ క్రికెట్ మండలి (ఐసీసీ)కి విజ్ఞప్తి చేసింది.
  
  అజ్మల్ అధికారిక బయోమెకానికల్ పరీక్ష కోసం తేదీని నిర్ణయించమని కోరింది. గత సెప్టెంబర్‌లో సస్పెన్షన్ అనంతరం అజ్మల్... పాక్ మాజీ స్పిన్నర్ సక్లాయిన్ ముస్తాక్ పర్యవేక్షణలో తన యాక్షన్‌ను సరిదిద్దుకునే ప్రయత్నం చేశాడు. అతను ఇప్పటికే రెండు సార్లు అనధికారిక పరీక్షలో పాల్గొన్నాడు. ఇందులో సాధారణ బంతులను అతను పరిమితికి లోబడే విసిరినా, దూస్రా వేసేటప్పుడు మాత్రం 15 డిగ్రీల నిబంధనను ఉల్లంఘిస్తున్నాడు.
  


 కీలక బ్యాట్స్‌మన్‌గా ఎదిగిన అజింక్య
  నిలకడగా రాణిస్తున్న ముంబైకర్
  చక్కటి స్ట్రోక్‌ప్లే, ఆకట్టుకునే శైలి
  
 మూడేళ్ల క్రితం... ఇంగ్లండ్ గడ్డపై భారత జట్టుకు ఒక్క విజయమూ దక్కని వన్డే సిరీస్‌తో రహానే అంతర్జాతీయ క్రికెట్ ప్రస్థానం మొదలైంది. జట్టు ప్రదర్శనను పక్కన పెడితే ఆ పర్యటన ద్వారా లభించిన ‘కొత్త ప్రతిభ’గా గుర్తింపు దక్కింది. ఓపెనర్‌గా బరిలోకి దిగి 5 మ్యాచ్‌ల్లో రహానే 158 పరుగులు చేశాడు. ఇప్పుడూ అదే ఇంగ్లండ్‌తో వన్డే సిరీస్... 41, 45, 106... ఇవీ రహానే చేసిన స్కోర్లు. మరో వన్డే మిగిలి ఉంది. ప్రస్తుతం అతని ఆత్మవిశ్వాసం చూస్తుంటే చివరి మ్యాచ్‌లోనూ మరో మంచి ఇన్నింగ్స్ ఆడగల నమ్మకం కనిపిస్తోంది.
  
  సాక్షి క్రీడావిభాగం
  గత మూడేళ్ల సమయంలో రహానే ఎంతో మారాడు. జట్టులో స్థానం కోల్పోయినప్పుడూ స్థైర్యం కోల్పోలేదు. ఓపెనర్‌గా, మిడిలార్డర్‌లో... ఏ స్థానంలోనైనా ఆడేందుకు ‘సై’ అన్నాడు. ఫలితమే సాధారణ ఆటగాడి నుంచి ఇప్పుడు జట్టులో కీలక బ్యాట్స్‌మన్‌గా ఎదిగాడు.
  
  కళాత్మక షాట్లతో...
  ‘అతను ఆడుతున్న ప్రతీ షాట్‌లో కళాత్మకత కనిపిస్తోంది. అసలైన ముంబై తరహా సాంప్రదాయ బ్యాటింగ్ శైలిని అతను గుర్తుకు తెస్తున్నాడు’... నాలుగో వన్డేలో రహానే ఆటతీరు గురించి మాజీ ఆటగాడు, విశ్లేషకుడు ఆకాశ్ చోప్రా చేసిన వ్యాఖ్య ఇది. ఈ మ్యాచ్‌లో అతని బ్యాటింగ్ చూస్తే ఆ ఇన్నింగ్స్ ఎంత బాగా ఆడాడో తెలుస్తుంది.
  
  ముఖ్యంగా అండర్సన్ ఓవర్లో రహానే కొట్టిన నాలుగు ఫోర్లు దేనికవే ప్రత్యేకం. పాదాల కదలిక, షాట్లు ఆడటంలో సాధికారత రహానేకు సహజ సిద్ధంగా అబ్బినట్లు కనిపిస్తుంది. జూనియర్ స్థాయి క్రికెట్‌లో అత్యుత్తమ ఇన్నింగ్స్‌లు ఆడిన అనంతరం ముంబై రంజీ ట్రోఫీ స్థాయికి చేరిన రహానే... ఆస్ట్రేలియాలో జరిగిన ఎమర్జింగ్ టోర్నీలో రెండు సెంచరీలు సాధించి భారత వన్డే జట్టులో చోటు దక్కించుకున్నాడు. ఫామ్‌లేమితో స్థానం కోల్పోవడంతో 2012లో ఒకటి, 2013లో ఆరు వన్డేలు మాత్రమే ఆడగలిగాడు. అయితే మళ్లీ టీమ్‌లోకి వచ్చిన అనంతరం రహానే తన తప్పులను పునరావృతం చేయలేదు. ఫలితంగా ఈ ఏడాది 15 వన్డేలు ఆడిన రహానే 1 సెంచరీ, 3 అర్ధ సెంచరీలు సహా 484 పరుగులు చేసి వన్డే జట్టులో రెగ్యులర్ సభ్యుడిగా మారాడు.  
  
  నిలబడ్డాడు...
  కార్డిఫ్‌లో జరిగిన రెండో వన్డేలో అలసత్వంతో స్టంపౌట్ అయిన తర్వాత రహానే తన అవకాశాలు ‘కాలదన్నుకోరాదు’ అంటూ మాజీ ఆటగాళ్లు సుతిమెత్తగా హెచ్చరించారు. మంచి ఆరంభాలను భారీ స్కోర్లుగా మలచలేకపోతున్నాడనే అపప్రథ రహానేపై మొదటినుంచీ ఉంది. అతను ఆడిన 33 ఇన్నింగ్స్‌లలో ఒక్కసారి కూడా నాటౌట్‌గా నిలవలేదు. ఇందులో 18 సార్లు అతను కనీసం 20 పరుగులపైనే చేశాడు. ఇందులో నాలుగుసార్లు మాత్రమే 60 పరుగులు దాటగలిగాడు. మంచి స్ట్రోక్‌లతో ఇన్నింగ్స్ ఆరంభిస్తున్నా... అంతే సునాయాసంగా అతను వికెట్ సమర్పించుకున్నాడు.
  
  అయితే దీనినుంచి అతను పాఠాలు నేర్చుకున్నట్లున్నాడు. బర్మింగ్‌హామ్ వన్డేతో ఇది రుజువైంది. కెరీర్‌లో తొలి సెంచరీ సాధించే వరకు కూడా అతను ఎక్కడా తడబడలేదు. నాలుగు సిక్సర్లు బాదినా అనవసరపు దూకుడుతో గుడ్డిగా బ్యాట్ ఊపేయకుండా ఆత్మవిశ్వాసంతో బ్యాటింగ్ చేశాడు. రివర్స్ స్వీప్, స్కూప్‌లాంటి ఈతరం తరహాలో కాకుండా వన్డేలకు తగినట్లు చక్కటి సాంప్రదాయ షాట్లు ఆడటం అతనిలోని ప్రతిభను బయట పెట్టింది. లార్డ్స్‌లో చారిత్రాత్మక సెంచరీతో భారత్ మ్యాచ్ గెలవగా... ఇప్పుడు వన్డే సెంచరీతో సిరీస్ భారత్ వశమైంది.
  
  స్థానం పక్కా...
  లార్డ్స్‌లో శతకం సాధించినా... టెస్టుల్లో రహానే సుదీర్ఘ ప్రయాణం చేయాల్సి ఉంది. అయితే వన్డేల్లో అతని ముందు ఇప్పుడు అరుదైన అవకాశం నిలిచింది. తాజా ప్రదర్శనతో ప్రపంచ కప్ జట్టులో స్థానం ఖరారైనట్లే కనిపిస్తోంది. కెరీర్‌లో అన్ని మ్యాచ్‌లు టాప్-4లో ఆడిన రహానే, ఓపెనర్‌గా రాణిస్తుండటం ఇప్పుడు జట్టుకు అదనపు బలంగా మారింది. సహచర ముంబై ఆటగాడు రోహిత్ శర్మతో పోలిస్తే టెక్నిక్ పరంగా చాలా బలంగా ఉండటం కూడా రహానేకు సానుకూలాంశం. ఆస్ట్రేలియా గడ్డపై శుభారంభం ఇచ్చేందుకు ఇలాంటి ఆటగాడి అవసరం ఎంతో ఉంది.
  
   ‘ప్రపంచ కప్‌కు వెళ్లే ముందు వన్డేల్లో ఎదుర్కునే విభిన్న పరిస్థితుల్లో, ఒత్తిడి గురించి మా ఆటగాళ్లకు అనుభవం ఉండాలని నేను కోరుకుంటున్నా’ అని కెప్టెన్ ధోని ఇటీవల తరచుగా వ్యాఖ్యానిస్తున్నాడు. ఆ రకంగా చూస్తే ఇంగ్లండ్ గడ్డపై రహానే చేసిన పరుగులు ఎంతో కీలకమైనవి. ‘రహానేకు ఓపెనర్ స్థానం సరిగ్గా సరిపోతుంది. అప్పుడు మేం రోహిత్‌ను మిడిలార్డర్‌లో ఆడించవచ్చు’ అని కూడా ధోని స్పష్టంగా చెప్పడం తన ఆటగాడిపై అతని నమ్మకాన్ని చూపిస్తుంది. ఈ ఇంగ్లండ్ సిరీస్ వ్యక్తిగతంగా అతనికి, భారత జట్టుకు కూడా ఎంతో మేలు చేసింది. భవిష్యత్తులోనూ అద్భుతాలు చేయగల సత్తా తనలో ఉందని రహానే నిరూపించుకోవడం శుభసూచకం.
  


  ‘ప్రపంచానికి మొయిన్ అలీ ఓ మామూలు స్పిన్నర్... కానీ భారత బ్యాట్స్‌మెన్‌కు మురళీధరన్‌లా కనిపిస్తున్నాడు’... ఇంటర్నెట్‌లో ఇప్పుడు హల్‌చల్ చేస్తున్న కామెంట్ ఇది. స్పిన్ బాగా ఆడతారనే పేరున్న భారత్‌పై ఆరు వికెట్లు తీయడం... అది కూడా ఇంగ్లండ్ పిచ్‌పై విశేషమే. మరి మొయిన్ విజయ రహస్యం ఏమిటి?
  
  
  సాక్షి క్రీడావిభాగం
  ఈ ఏడాది ఫిబ్రవరిలో వెస్టిండీస్ పర్యటన ద్వారా మొయిన్ అలీ అంతర్జాతీయ క్రికెట్‌లో అరంగేట్రం చేశాడు. ఆ తర్వాత బంగ్లాదేశ్‌లో టి20 ప్రపంచకప్ సందర్భంగా అతని పేరు వినిపించింది. వెస్టిండీస్ పర్యటనలో ఫర్వాలేదనిపించినా... టి20 ప్రపంచకప్‌లో వూత్రం విఫలవుయ్యూడు.
  
  అరుునా లంకతో టెస్టు సిరీస్‌కు మాత్రం జట్టులో చోటు దక్కించుకున్నాడు. రెండు మ్యాచ్‌ల్లోనూ బ్యాట్స్‌మన్‌గా రాణించాడు. పార్ట్‌టైమ్ స్పిన్నర్‌గా సహచరులకు మద్దతు ఇచ్చే బౌలర్ పాత్ర పోషించాడు. కానీ భారత్‌తో సిరీస్ సమయానికి అనూహ్యంగా జట్టుకు ప్రధాన స్పిన్నర్‌గా మారాడు. గత యాషెస్ సమయంలో గ్రేమ్ స్వాన్ ఆకస్మిక రిటైర్మెంట్ తర్వాత ఇంగ్లండ్‌కు నాణ్యమైన స్పిన్ బౌలర్ దొరకలేదు.
  
  రకరకాల ప్రత్యామ్నాయాలను చూసినా... అలీని పట్టించుకోలేదు. కానీ ప్రస్తుతం భారత్‌తో అతని ప్రదర్శన చూసిన తర్వాత ఇంగ్లండ్‌కు స్పిన్నర్ కొరత తీరిందనే అనుకోవాలి. జడేజా లాంటి స్పెషలిస్ట్ స్పిన్నర్ విఫలమైన చోట అలీ అద్భుతమైన ఫ్లయిట్, బౌన్స్, టర్న్ రాబట్టాడు. ఇప్పటివరకు అలీ కెరీర్‌లో ఆడింది 5 టెస్టులు, 3 వన్డేలు, 6 టి20లు మాత్రమే. అన్ని ఫార్మాట్లలో కలిపి తీసింది 21 వికెట్లు. ఈ గణాంకాల ఆధారంగా అతణ్ని గొప్ప స్పిన్నర్‌గా  లెక్కకట్టడం కాస్త తొందరపాటే. అయితే ఇంగ్లండ్‌కు మాత్రం అతనిలో స్వాన్ కనిపిస్తున్నాడు. అలీ ఆ అంచనాలను అందుకుంటే మాత్రం గొప్ప ఆల్‌రౌండర్‌గా ఎదుగుతాడు.
  
  అజ్మల్ దగ్గర దూస్రాలు...
  పాకిస్థాన్ సంతతికి చెందిన మొయిన్ అలీ బర్మింగ్‌హామ్‌లో జన్మించాడు. అతని సోదరుడు ఖాదీర్ అలీ స్ఫూర్తితో క్రికెట్‌లో అడుగుపెట్టిన అలీ... ఇంగ్లండ్‌లోని చాలామంది లాగే రకరకాల కౌంటీ డివిజన్లలో మ్యాచ్‌లు ఆడాడు. కానీ అతని కెరీర్ మలుపు తిరిగింది 2011లో. ఆ సీజన్‌లో వర్సెస్టర్‌షైర్ తరఫున పాక్ స్పిన్నర్ అజ్మల్‌తో కలిసి ఆడటం అలీని బౌలర్‌గా బాగా ఎదిగేలా చేసింది. అజ్మల్ దగ్గర దూస్రాలు నేర్చుకున్నాడు. బంతిలో వేగాన్ని ఎలా పెంచుకోవాలో తెలుసుకున్నాడు. వీటిని ఇంగ్లండ్ కౌంటీల్లో ప్రదర్శించి విజయం సాధించాడు. అంతే... 13 మంది సభ్యుల ఇంగ్లండ్ డెవలెప్‌మెంట్ జట్టులోకి వచ్చేశాడు. రెండేళ్లలోనే నాణ్యమైన ఆల్‌రౌండర్‌గా ఎదిగి ఇంగ్లండ్ జాతీయ జట్టులోకి వచ్చాడు.
  
  ‘బ్యాండ్’ వివాదం...
  భారత్‌తో మూడో టెస్టులో తన చేతికి ‘సేవ్ గాజా, సేవ్ పాలస్తీనా’ అనే రిస్ట్‌బ్యాండ్‌లను ధరించి వివాదాల్లోకీ వచ్చాడు. ఐసీసీ నిబంధనల ప్రకారం ఓ క్రికెటర్ రాజకీయు, వుతపరమైన, జాతి కార్యకలాపాలు ప్రదర్శించకూడదు. దీంతో ఐసీసీ మొయిన్‌ను హెచ్చరించింది. కానీ ఈ విషయుంలో ఈసీబీ మొరుున్ అలీని సవుర్థించడం విశేషం.


 దక్షిణాఫ్రికా దిగ్గజ ఆల్రౌండర్ జాక్విస్ కలిస్‌ అంతర్జాతీయ క్రికెట్ కు వీడ్కోలు పలికాడు. అన్ని ఫార్మాట్ల నుంచి వైదొలగుతున్నట్టు ప్రకటించాడు. దక్షిణాఫ్రికా క్రికెట్ జట్టులో 'కింగ్'గా కీర్తించబడిన 38 ఏళ్ల ఈ సఫారీ క్రికెటర్ 2013 డిసెంబర్ లో టెస్టు కెరీర్‌కు గుడ్‌బై చెప్పాడు. ఇప్పుడు వన్డేల నుంచి కూడా తప్పుకున్నాడు.
 
 అయితే టీ20లో సిడ్నీ థండర్స్, కోల్కతా నైట్ రైడర్స్ తరపున ఆడాలన్న ఆకాంక్షను 'కింగ్ కల్లిస్' వెలిబుచ్చాడు. కల్లిస్ రిటైర్మెంట్ ను దక్షిణాఫ్రికా క్రికెట్ సంఘం చీఫ్ ఎగ్జిక్యూటివ్ హరూన్ లార్గట్ స్వాగతించారు. ప్రపంచ క్రికెట్ గొప్ప ప్రతిభాశాలిగా పేరు తెచ్చుకున్న కల్లిస్కు దక్షిణాఫ్రికా దీవెనలుంటాయని పేర్కొన్నారు.
 
 ఇక కల్లిస్ కెరీర్ గ్రాఫ్ పరిశీలిస్తే...328 వన్డేలు ఆడి 11579 పరుగులు చేశాడు. ఇందులో 17 సెంచరీలు, 86 అర్థ సెంచరీలున్నాయి. 166 టెస్టులాడి 13289 పరుగులు చేశాడు. ఇందులో 45 సెంచరీలు, 58 అర్థ సెంరీలున్నాయి. బౌలింగ్ లోనూ కల్లిస్ సత్తా చాటాడు. వన్డేల్లో 273, టెస్టుల్లో 292 వికెట్లు పడగొట్టాడు.


 స్పష్టం చేసిన ఎంసీసీ
  లండన్: అంతర్జాతీయ క్రికెట్‌లో ప్రస్తుతం అమల్లో ఉన్న ‘మన్కడింగ్’ నిబంధనను మార్చాల్సిన అవసరం లేదని ఎంసీసీ వరల్డ్ క్రికెట్ కమిటీ తేల్చి చెప్పింది.  మన్కడింగ్ క్రీడా స్ఫూర్తికి విరుద్ధం కాదని అభిప్రాయ పడింది. బౌలర్ బంతి విసరక ముందే (డెలివరీ స్ట్రైడ్ పూర్తి కాకుండా) నాన్‌స్ట్రైకర్ ఆటగాడు క్రీజ్‌ను విడిచి ముందుకు వెళితే అతడిని బౌలర్ అవుట్ చేయవచ్చని మన్కడింగ్ నిబంధన చెబుతోంది. అయితే తరచూ ఇది వివాదాస్పదం అవుతోంది. ఇటీవల ఇంగ్లండ్ ఆటగాడు బట్లర్‌ను లంక బౌలర్ సేనానాయకే ఇలా అవుట్ చేయడం క్రీడా స్ఫూర్తికి విరుద్ధమంటూ దుమారం రేపింది.
  
  అయితే వరల్డ్ క్రికెట్ కమిటీ సభ్యుడైన ఆండ్రూ స్ట్రాస్ ఇందులో తప్పేమీ లేదన్నారు. ‘ఇది క్రీడా స్ఫూర్తికి సంబంధించిన విషయం కాదు. ఇది నిబంధనలను సరిగ్గా పాటించడానికి సంబంధించినది. అలా అవుట్ కాకూడదంటే మీరు సరిగ్గా క్రీజ్‌లో ఉండండి చాలు. దీని గురించి బౌలర్ గానీ, ఫీల్డింగ్ జట్టు కెప్టెన్ గానీ హెచ్చరించాల్సిన అవసరం కూడా లేదు. మన్కడింగ్ లేకపోతే నాన్‌స్ట్రైకర్ అదనపు ప్రయోజనం పొందే ప్రయత్నం చేస్తాడు’ అని స్ట్రాస్ స్పష్టం చేశారు.
  


 అంతర్జాతీయ క్రికెట్‌లో సచిన్‌కు డబుల్ సెంచరీ ఎలా సాధ్యమైంది? టెస్టుల్లో సెహ్వాగ్ ట్రిపుల్ సెంచరీలు ఎలా కొట్టగలిగాడు? భారత కెప్టెన్ ధోని హెలికాప్టర్ షాట్లను అంత ఈజీగా ఎలా ఆడగలడు? టి20ల్లో రైనా సక్సెస్‌కు కారణమేంటి? వీటన్నింటికీ సమాధానం రామ్ భండారి బ్యాటే. బెంగళూరుకు చెందిన 53 ఏళ్ల రామ్ భండారి చేసిన బ్యాట్ పట్టనిదే భారత క్రికెటర్లకు బ్యాటింగ్ చేసినట్లు అనిపించదు.  
 
 నమ్మలేకపోయినా ఇది నిజం. కొన్నేళ్లుగా భారత క్రికెటర్లకు ఈ బ్యాట్ డాక్టరే బ్యాట్లను తయారు చేసి ఇస్తున్నాడు. చాలా మంది క్రికెటర్ల బ్యాట్లకు అతనే డాక్టర్. కొత్త బ్యాట్ తయారు చేయాలన్నా.. వారికి ఇష్టమైన బ్యాట్‌ను రిపేర్ చేసి ఇవ్వాలన్నా భారత క్రికెటర్లు బెంగళూరులో భండారి ఇంటి తలుపులు తట్టాల్సిందే.. ప్రతీ సిరీస్‌కు ముందు, ఆ తర్వాత క్రికెటర్లు ఈ బ్యాట్ డాక్టర్‌ను కలసి తమ బ్యాట్‌లను సరి చేయించుకుంటారు. అవసరమైతే ఓ రెండు రోజులు బెంగళూరులోనే ఉండి మరీ క్రికెటర్లు తమ సొంత పట్టణాలకు వెళ్తారంటే అతిశయోక్తి కాదు.
  
 వడ్రంగి నుంచి బ్యాట్ ఎక్స్‌పర్ట్...
 
 53 ఏళ్ల రామ్ భండారి వడ్రంగిగా జీవితాన్ని ఆరంభించాడు. బీహార్‌లో తన తాత దగ్గర వడ్రంగి పనులు నేర్చుకున్న భండారి 1979లో బెంగళూరులో స్థిరపడ్డాడు. కార్పెంటర్‌గా తనకున్న నైపుణ్యంతో బ్యాట్‌లు తయారు చేయడం, వాటిని రిపేర్ చేయడంపై దృష్టిపెట్టాడు. అనతికాలంలోనే మంచి బ్యాట్‌లను తయారుచేయడంలో దిట్టగా మారాడు.
 
 తొలుత స్థానిక క్రికెటర్లకు బ్యాట్‌లను తయారుచేసిచ్చే భండారి దశ మిస్టర్ డిపెండబుల్ రాహుల్ ద్రవిడ్‌తో మారిపోయింది. భండారిని బెంగళూరులోనే ఉన్న జాతీయ క్రికెట్ అకాడమీలో తోటి క్రికెటర్లకు ద్రవిడ్ పరిచయం చేశాడు. 2004 నుంచి రిటైరయ్యే వరకు మాస్టర్... భండారి చేసిన బ్యాట్‌లనే ఉపయోగించాడు. క్రికెట్ ఆటను, అభిరుచిని బట్టి బ్యాట్‌లు తయారుచేయడం ఈయన ప్రత్యేకత.
  


 న్యూజిలాండ్ క్రికెట్ స్పష్టీకరణ
 వెల్లింగ్టన్: మ్యాచ్ ఫిక్సింగ్ ఆరోపణలపై కివీస్ స్టార్ బ్యాట్స్‌మన్ బ్రెండన్ మెకల్లమ్‌పై ఐసీసీ విచారణ జరుగుతుందనే కథనాలను న్యూజిలాండ్ క్రికెట్ (ఎన్‌జడ్‌సీ) బోర్డు ఖండించింది. 2008లో మెకల్లమ్‌ను ఓ ఫిక్సర్ సంప్రదించినప్పటికీ ఆ ఆఫర్‌ను అతను తిరస్కరించాడని తెలిపింది. ఈ వ్యవహారంపై బ్రిటిష్ పత్రిక  డెయిలీ మెయిల్‌లో కథనం ప్రచురితమైంది. ‘మెకల్లమ్ ఐసీసీ ముందు ఇచ్చిన వాంగ్మూలాన్ని అవినీతి వ్యతిరేక యూనిట్ బ్రిటిష్ మీడియాకు లీక్ చేయడం దిగ్భ్రాంతిని కలిగించింది. ఐసీసీ పరిశోధన కింద మాత్రం మెకల్లమ్ లేడని స్పష్టం చేస్తున్నాం.
 
 నిజానికి తన నిజాయితీని వారు అప్పుడే ప్రశంసించారు. అవినీతిని ఎదుర్కోవడంలో మా కెప్టెన్‌పై వంద శాతం నమ్మకముంది’ అని ఎన్‌జడ్‌సీ తమ ప్రకటనలో వెల్లడించింది. ఐపీఎల్ తొలి సీజన్ ప్రారంభానికి ముందు 2008లో ప్రపంచ ప్రఖ్యాత మాజీ క్రికెటర్ ఒకరు మెకల్లమ్‌తో మ్యాచ్ ఫిక్స్ చేయించేందుకు ప్రయత్నించాడని డెయిలీ మెయిల్ పేర్కొంది.
 
 ఆ తర్వాత ఏడాది ఇంగ్లండ్ పర్యటనలో ఉన్నప్పుడు కూడా మాజీ క్రికెటర్ కలిశాడని చెప్పింది. పేలవంగా ఆడితే లక్షా 80 వేల డాలర్లు ఇస్తానని, అంతర్జాతీయ క్రికెట్‌లో పెద్ద ఆటగాళ్లంతా ఫిక్సింగ్ చేస్తున్నారని ఆ ఆటగాడు మెకల్లమ్‌తో చెప్పినట్లు ఆ పత్రిక కథనంలో పేర్కొంది.


 మారేడ్‌పల్లి, న్యూస్‌లైన్: క్రికెట్ క్రేజీ నగరంలో అకాడమీలకు లెక్కేలేదు. ఆసక్తిని క్యాష్ చేసుకునే సెంటర్లు ఎన్నో ఉంటే అంతర్జాతీయ స్థాయికి తీసుకెళ్లే అకాడమీలు కొన్నే! సరిగ్గా ఈ కోవలోకే చెందిన నాణ్యమైన కోచింగ్ అకాడమీ...
  
  ‘సెయింట్ జాన్స్’. ఈస్ట్‌మారేడుపల్లిలో ఉన్న ఈ క్రికెట్ అకాడమీలో ఓనమాలు నేర్చుకున్న పలువురు ఆటగాళ్లు అంతర్జాతీయ క్రికెట్‌లో మెరిశారు. హైదరాబాద్ క్రికెట్ దిగ్గజం, భారత మాజీ క్రికెటర్ వీవీఎస్ లక్ష్మణ్ ఇక్కడ శిక్షణ తీసుకునే అంతర్జాతీయ క్రికెట్‌లో ‘వెరీ వెరీ స్పెషల్’గా అవతరించాడు. అనుభవజ్ఞలైన కోచ్‌ల నేతృత్వంలో రెండున్నర దశాబ్దాలుగా నడుస్తున్న ఈ అకాడమీలో నిత్యం వందల సంఖ్యలో విద్యార్థులు ఆట నేర్చుకుంటున్నారు. వేసవిలోనైతే ఈ సంఖ్య మరింత పెరుగుతుంది.
  
  ఇద్దరు కలిసి...
  మన నగరంలోనూ చక్కటి శిక్షణనిచ్చే అకాడమీని తీర్చిదిద్దాలనే లక్ష్యంతో మాజీ రంజీ క్రికెటర్లు ఎం.వి. నరసింహారావు, జాన్ మనోజ్‌లు కలిసి దీన్ని ప్రారంభించారు. 1987 మార్చి 11న ‘సెయింట్ జాన్స్ క్రికెట్ అకాడమీ’ పేరిట క్రికెట్ కోచింగ్‌కు శ్రీకారం చుట్టారు. ప్రస్తుతం హైదరాబాద్‌లో కొనసాగుతున్న క్రికెట్ అకాడమీలన్నీ దీని తర్వాతే పుట్టుకొచ్చాయి. వీవీఎస్ లక్ష్మణ్ మొదలుకొని తాజాగా హనుమ విహారి  వరకు ఎందరో క్రీడాకారులు ఇక్కడే ఓనమాలు దిద్దారు. అలా 26 ఏళ్లుగా ఔత్సాహిక క్రికెటర్లెందరికో ఇక్కడ పాఠాలు నేర్పుతున్నారు జాన్ మనోజ్.
  
  ప్రతి విభాగంలోనూ ప్రత్యేక శిక్షణ
  ఆరేళ్ల పిల్లల నుంచి వర్ధమాన క్రికెటర్ల వరకు వివిధ స్థాయిల్లో శిక్షణ ఇస్తున్నారు. ఉదయం, సాయంత్రం సెషన్ల వారిగా విద్యార్థుల చదువులకు ఆటంకం కలగని రీతిలో ప్రత్యేక శిక్షణ కార్యక్రమాలు నిర్వహిస్తున్నారు. సుమారు 22 మంది సుశిక్షితులైన కోచ్‌లు బౌలింగ్, బ్యాటింగ్, ఫీల్డింగ్, కీపింగ్ తదితర విభాగాల్లో క్రీడాకారుల ప్రతిభకు పదును పెడుతున్నారు. జాన్ మనోజ్‌తో పాటు పి. ప్రసన్న కుమార్  (1979-89 రంజీ ప్లేయర్) వంటి కోచ్‌లు నిరంతరం ఆటగాళ్లకు అందుబాటులో ఉంటున్నారు. భిన్నమైన పిచ్‌లపై ప్రాక్టీసు, శిక్షణ ఇస్తుండడం ఈ అకాడమీ ప్రత్యేకత. క్రీడాకారులను శారీరకంగా, మానసికంగా తీర్చిదిద్దుతున్నారు. సామాన్యులకు సైతం అందుబాటులో ఉండేవిధంగా ఫీజులు వసూలు చేస్తున్నారు.
  
  వసతులు... పిచ్‌లు...
  ఆధునిక సదుపాయాలన్నీ ఈ అకాడమీలో ఉన్నాయి. ఆరు మ్యాటింగ్ వికెట్లు, మూడు టర్ఫ్ వికెట్లు, 2 ఆస్ట్రోటర్ఫ్ వికెట్లతో పాటు ఒక సిమెంట్ పిచ్ ఈ సెంటర్‌లో అందుబాటులో ఉన్నాయి. ఆటకు ముందు శారీరక కసరత్తుల కోసం ప్రత్యేక జిమ్ సౌకర్యం కూడా ఉంది. అప్పటి హుడా (ఇప్పుడు జీహెచ్‌ఎంసీ) సహకారంతో మైదానాన్ని తీర్చిదిద్దారు. ఇక్కడ కేవలం క్రికెట్ కోచ్‌లే కాదు... ఫిజియోలు, డాక్టర్లు సైతం శిక్షణార్థులకు ఎప్పుడూ అందుబాటులో ఉంటారు. ట్రెయినింగ్ మధ్యలో సీనియర్ క్రికెటర్లు, కోచ్‌లు అకాడమీని సందర్శించి వర్ధమాన క్రీడాకారులతో తమ అనుభవాల్ని పంచుకుంటారు. అమూల్యమైన సూచనలు అందిస్తారు.
  
  వేసవిలో ప్రత్యేక శిబిరాలు
  ఏడాది పొడవునా ఉదయం 5.45 గంటల నుంచి 8.30 గంటల వరకు, తిరిగి సాయంత్రం 4.30 గంటల నుంచి 6.30 గంటల వరకు శిక్షణ కార్యక్రమాలు కొనసాగుతున్నాయి. ప్రస్తుతం ఈ రెండు సెషన్‌లలో 170 మంది చొప్పున 340 మంది క్రికెటర్లు శిక్షణ తీసుకుంటున్నారు. వేసవిలో ఈ సంఖ్య మరింత పెరుగుతుందని నిర్వాహకులు పేర్కొన్నారు.
  
  విజేతలెందరో....
  హైదరాబాద్ క్రికెట్ బ్రాండ్ వీవీఎస్ లక్ష్మణ్... సచిన్ సారథ్యంలో భారత్‌కు ఆడిన నోయల్ డేవిడ్, ఎమ్మెస్కే ప్రసాద్‌లు ఆట నేర్చుకుంది ఇక్కడే. 2012 అండర్-19 భారత క్రికెట్ టీమ్ సభ్యుడు, దేవధర్ ట్రోఫీలో సౌత్‌జోన్ ప్లేయర్ హనుమ విహారీ  సెయింట్ జాన్స్ క్రికెట్ అకాడమీ విద్యార్థే. వీరే కాకుండా పదుల సంఖ్యలో క్రీడాకారులు దేశవాళీ క్రికెట్‌లో రాణిస్తున్నారు.
  


 మొదట దుబాయ్‌లో... తర్వాత భారత్‌లో
  న్యూఢిల్లీ: అంతర్జాతీయ క్రికెట్‌కు దూరమైన తర్వాత ఐపీఎల్‌పై దృష్టిపెట్టిన ఇంగ్లండ్ మాజీ బ్యాట్స్‌మన్ కెవిన్ పీటర్సన్ ఇప్పుడు మరో కొత్త ఇన్నింగ్స్‌కు ప్రణాళికలు సిద్ధం చేసుకుంటున్నాడు. ఆడినన్ని రోజులు ప్రీలాన్స్ క్రికెటర్‌గా ఉంటూనే... అకాడమీలు కూడా ఏర్పాటు చేయాలని యోచిస్తున్నాడు. ఇందులో భాగంగా అక్టోబర్‌లో దుబాయ్‌లో సకల సౌకర్యాలతో కూడిన క్రికెట్ అకాడమీని ఏర్పాటు చేయనున్నాడు. తర్వాత భారత్‌లో రెండో అకాడమీని ప్రారంభించేందుకు సన్నాహాలు చేస్తున్నాడు. ‘వేదిక ఇంకా ఖరారు కానప్పటికీ దుబాయ్ అకాడమీ మాత్రం అక్టోబర్‌లో ప్రారంభమవుతుంది.
  
   7-18 ఏళ్ల వయసుగల కుర్రాళ్లు ఇందులో చేరొచ్చు. ఇక్కడ భిన్నమైన కోర్సులు అందుబాటులో ఉంటాయి. రెండు వారాల కోచింగ్ కోసం ప్రపంచవ్యాప్తంగా ఎవరైనా రావొచ్చు. వెనుకబడిన కుర్రాళ్లకు చేయూతనిచ్చేందుకు ఓ నిధిని కూడా సమకూరుస్తున్నా. అకాడమీ ప్రాజెక్ట్ కొత్త ఉత్సాహన్ని ఇస్తోంది. కాబట్టి వీలైనంత త్వరగా దీన్ని మొదలుపెడతా’ అని అంబేద్కర్ స్టేడియంలో ‘ఫిఫా’ ప్రపంచకప్‌కు వెళ్లే ఇద్దరు పిల్లలను ఎంపిక చేసే కార్యక్రమంలో పాల్గొన్న కేపీ వెల్లడించాడు. ఫిఫా టోర్నీకి వెళ్లనున్న మొత్తం ఆరుగురు పిల్లల్లో మరో నలుగురిని ఇతర నగరాల నుంచి ఎంపిక చేస్తారు.  
  
  ఇంగ్లండ్‌లో కోహ్లి, పుజారా కీలకం
  జూలైలో జరగబోయే ఇంగ్లండ్ పర్యటనలో భారత్ విజయవంతం కావాలంటే విరాట్ కోహ్లి, చతేశ్వర్ పుజారా చాలా కీలకమని పీటర్సన్ అభిప్రాయపడ్డాడు. ప్రపంచంలో టీమిండియా బ్యాటింగ్ లైనప్ చాలా పటిష్టమైందని కితాబిచ్చాడు. ‘ఇంగ్లండ్ జట్టు పునర్నిర్మాణ దశలో ఉంటే... ధోనిసేనలో అద్భుతమైన నైపుణ్యం ఉంది. కాబట్టి సిరీస్ రసవత్తరంగా సాగుతుంది. కోహ్లి, పుజారా, విజయ్‌ల టెక్నిక్ అమోఘం. ఇంగ్లండ్‌లో ఇది చాలా కీలకం’ అని పీటర్సన్ వివరించాడు. స్పిన్నర్ గ్రేమ్ స్వాన్ రిటైర్ కావడం ఇంగ్లండ్‌కు లోటేనన్నాడు. అన్ని జట్లకు 2015 వన్డే ప్రపంచకప్‌ను గెలిచే అవకాశాలు పుష్కలంగా ఉన్నాయన్నాడు. ఐపీఎల్-7లో ఢిల్లీ డేర్‌డెవిల్స్ జట్టు ప్రదర్శన గురించి మాట్లాడుతూ... ‘మా బ్యాటింగ్ అద్భుతంగా ఉంది. కాకపోతే సమష్టిగా రాణించలేకపోతున్నాం. బౌలింగ్‌లో కాస్త మెరుగుపడాలి. కీలక మ్యాచ్‌ల్లో గెలిస్తే జట్టులో ఆత్మవిశ్వాసం పెరుగుతుంది’ అని పీటర్సన్ అన్నాడు.
  


 టెస్టుల్లో అగ్రస్థానానికి ఆస్ట్రేలియా
   వన్డేల్లోనూ కంగారూలే టాప్
   టి20ల్లో నంబర్‌వన్‌గా భారత్
  
  దుబాయ్: ఐదేళ్ల క్రితం అంతర్జాతీయ క్రికెట్‌లో వన్డేల్లో, టెస్టుల్లోనూ తిరుగులేని ఆధిపత్యం కనబరచి నంబర్‌వన్‌గా చలామణి అయిన ఆస్ట్రేలియా... క్రమంగా తన వైభవం కోల్పోయింది. అయితే తాజాగా విడుదల చేసిన ఐసీసీ ర్యాంకుల్లో తిరిగి ఆస్ట్రేలియా వన్డేల్లో, టెస్టుల్లోనూ నంబర్‌వన్ స్థానాన్ని కైవసం చేసుకుంది. ఐదేళ్ల తర్వాత ఆస్ట్రేలియా జట్టు నంబర్‌వన్ స్థానానికి రావడం విశేషం. దక్షిణాఫ్రికాతో సమానంగా 123 రేటింగ్ పాయింట్లను కలిగి ఉన్నప్పటికీ దశాంశ స్థానాల ఆధారంగా కంగారూలది పైచేయి అయింది.
 
 ఇక వన్డే ర్యాంకుల్లో ఆసీస్ (115 రేటింగ్ పాయింట్లు) నంబర్ వన్ ర్యాంకును నిలబెట్టుకుంది. అటు టెస్టుల్లో, ఇటు వన్డేల్లో టాప్‌లో నిలవడం 2008 డిసెంబర్ తర్వాత ఇదే మొదటిసారి కావడం విశేషం.  ఏడాది కాలంలో టెస్టుల్లో ఘోరంగా విఫలమైన భారత్  మూల్యం చెల్లించుకుంది. మూడో స్థానం నుంచి ఐదుకు దిగజారింది. అయితే వన్డే ర్యాంకుల్లో ఒక రేటింగ్ పాయింట్ కోల్పోయినప్పటికీ ధోనీసేన (112) రెండో స్థానాన్ని నిలబెట్టుకుంది.
  
  గెలవకున్నా ఎలాగంటే...
  వార్షిక ర్యాంక్‌లను ప్రకటించడానికి మూడు సీజన్ల ప్రదర్శనను పరిగణలోకి తీసుకుంటారు. 2011-12 నుంచి 2013-14 సీజన్లు వరకు మ్యాచ్‌ల ఫలితాలను పరిగణలోకి తీసుకుంటారు. దీంతో ఆసీస్ సాధించిన తాజా యాషెస్ విజయానికి ఎక్కువ పాయింట్లు రావడం ఆ జట్టుకు కలిసొచ్చింది.
  
  టి20ల్లో భారత్ టాప్
  ఐసీసీ టి20 ర్యాంకుల్లో ధోనీసేన మళ్లీ అగ్రస్థానానికి చేరింది. వార్షిక ర్యాంకుల ప్రకారం భారత్ ఒక ర్యాంకును మెరుగుపర్చుకుంది. ఫలితంగా టి20 ప్రపంచ చాంపియన్ శ్రీలంక ఒక ర్యాంకు కోల్పోయి రెండోస్థానంలో నిలిచింది. 12 నెలల కాలంలో భారత్ ఒకే ఒక్క టి20 మ్యాచ్‌లో ఓడగా.. శ్రీలంక మాత్రం నాలుగు మ్యాచ్‌ల్లో పరాజయం పాలైంది.
  


 ఐసీసీ అకాడమీలో సచిన్, అర్జున్ ప్రాక్టీస్
  దుబాయ్: అంతర్జాతీయ క్రికెట్ నుంచి తప్పుకున్నా ఆటపై మాస్టర్ బ్లాస్టర్ సచిన్ టెండూల్కర్‌కు మమకారం ఏమాత్రం తగ్గలేదు. ముంబై ఇండియన్స్ మెంటర్‌గా వ్యవహరిస్తున్న మాస్టర్ తమ జట్టు ఆటగాళ్లకు నెట్స్‌లో బౌలింగ్ చేశాడు.
  
  ఇక్కడి అంతర్జాతీయ క్రికెట్ కౌన్సిల్ (ఐసీసీ) అకాడమీలో ముంబై ఆటగాళ్లు సాధన చేయగా సచిన్ వెంట కుమారుడు అర్జున్ కూడా ఉన్నాడు. ఈ టీనేజర్ కూడా తండ్రి బౌలింగ్‌లో బ్యాటింగ్ ప్రాక్టీస్ చేశాడు. మరోవైపు సచిన్‌ను చూసేందుకు వందలమంది గుమిగూడారు. సచిన్ తమ జట్టులో లేకపోయినప్పటికీ అతడి పదో నంబర్ జెర్సీని ఎవరికీ ఇవ్వలేదని, ఆ నంబర్ అతడికి మాత్రమే సొంతమని ముంబై జట్టు మీడియా మేనేజర్ లీలాధర్ సింగ్ తెలిపారు.
  


 బ్యాట్స్‌మెన్‌ను కట్టి పడేస్తున్న స్పిన్నర్
  టి20ల్లో సవాల్‌గా సునీల్ బౌలింగ్
  ఇప్పటికీ ఎదుర్కోలేకపోతున్న ప్రత్యర్థులు
  
  సాక్షి క్రీడా విభాగం
  ఐపీఎల్-7 తొలి మ్యాచ్‌లో సునీల్ నరైన్ బౌలింగ్ చూస్తే అతని సత్తా ఏమిటో మరోసారి అర్థమవుతుంది. మూడో బంతికే హస్సీని అవుట్ చేసిన అతను కీలక సమయంలో రాయుడు వికెట్ తీసి తన జట్టును నిలబెట్టాడు. అదే జోరులో చివరి ఓవర్లో మరో రెండు వికెట్లు కూడా పడగొట్టాడు. ఈ నాలుగు వికెట్లలో మూడు క్లీన్‌బౌల్డ్‌లే కావడం విశేషం.
  
  
  అంతర్జాతీయ క్రికెట్‌లోకి అడుగు పెట్టి దాదాపు రెండున్నరేళ్లు పూర్తయినా... ఐపీఎల్‌లో గత మూడు సీజన్లుగా ఆడుతున్నా ఇప్పటికీ అతని స్పిన్‌ను చదవడం బ్యాట్స్‌మెన్‌కు ‘మిస్టరీ’గానే మారిపోయింది. ఎవరైనా కొత్త బౌలర్‌తో ఆరంభంలో కొంత ఇబ్బంది పడ్డా... ఆ తర్వాత కొన్నాళ్లకే సదరు బౌలర్‌ను చితక్కొట్టడం మనకు కనిపిస్తుంది. అజంతా మెండిస్ ఇందుకు చక్కటి ఉదాహరణ. కానీ నరైన్ విషయంలో మాత్రం అది సాధ్యం కావడం లేదు. ముఖ్యంగా టి20 మ్యాచ్‌ల్లో అనితర సాధ్యమైన గణాంకాలు అతను నమోదు చేస్తున్నాడు.
  
   లీగ్‌ల హీరో...
  సునీల్ నరైన్ ఐపీఎల్ సహా ప్రపంచ వ్యాప్తంగా వేర్వేరు (కరీబియన్, దక్షిణాఫ్రికా, సీఎల్ టి20 తదితర) లీగ్‌లలో ఆడుతున్నాడు. ఒక్క బిగ్‌బాష్ మినహా అన్నింటిలో అతను అతి తక్కువ సగటుతో వికెట్లు పడగొట్టాడు. ముఖ్యంగా ఈ టోర్నీల్లో నరైన్ ఎకానమీ రేట్ ఎప్పుడూ 6 దాటకపోవడం విశేషం. టి20ల్లో సాగే విధ్వంసకర బ్యాటింగ్‌తో పోలిస్తే ఇలాంటి బౌలింగ్‌ను అద్భుతంగా చెప్పవచ్చు. అనేక మంది శ్వేత జాతీయేతర ఆఫ్ స్పిన్నర్లలాగే నరైన్ కూడా ఆరంభంలో యాక్షన్‌పై విమర్శలు ఎదుర్కొన్నాడు. ఆ తర్వాత బయోమెకానికల్ పరీక్షల్లో సఫలమైన వచ్చిన తర్వాత అతని బౌలింగ్ మరింత పదునెక్కింది. 2011 చాంపియన్స్ లీగ్‌లో కేవలం 4.37 ఎకానమీ రేట్, 10.50 సగటుతో 10 వికెట్లు తీయడంతో ఒక్కసారిగా నరైన్ అందరి దృష్టిలో పడ్డాడు. దాంతో కోల్‌కతా 2012 ఐపీఎల్ కోసం 7 లక్షల డాలర్లతో సొంతం చేసుకుంది. దానికి న్యాయం చేస్తూ 5.47 ఎకానమీతో 24 వికెట్లు పడగొట్టిన అతను... నైట్‌రైడర్స్‌కు టైటిల్ అందించాడు. ఆ టోర్నీలో మ్యాన్ ఆఫ్ ద సిరీస్‌గా నిలిచాడు. తర్వాతి సీజన్‌లో జట్టుగా కోల్‌కతా విఫలమైనా...ఈ స్పిన్నర్ మాత్రం 5.46 ఎకానమీతో 22 వికెట్లు తీసి సత్తా చాటాడు.
  
  అంతర్జాతీయ స్థాయిలోనూ...
  ఇటీవల బంగ్లాదేశ్‌లో ముగిసిన టి20 ప్రపంచకప్‌లో ఈ విండీస్ క్రికెటర్ అరుదైన ఘనత సాధించాడు. ఈ టోర్నీలో అతను 4.60 ఎకానమీ రేట్‌తో బౌలింగ్ చేశాడు. అంతకు ముందు జరిగిన నాలుగు టోర్నీలలో ఏ బౌలర్ కూడా 5కంటే తక్కువ ఎకానమీతో బౌలింగ్ చేయలేకపోయారు. బంగ్లా ప్రపంచకప్‌లో అతను వేసిన 20 ఓవర్లలో (120 బంతులు) ప్రత్యర్థి బ్యాట్స్‌మెన్ కేవలం రెండు సిక్సర్లు మాత్రమే కొట్టగలిగారు. అదీ ఒకటి ఫ్రీ హిట్‌కు కాగా, మరొకటి మ్యాచ్ ముగింపు దశలో ఫలితాన్ని ప్రభావితం చేయలేని సిక్సర్ మాత్రమే!  ఈ 12 పరుగులు మినహాయిస్తే మిగతా 19.4 ఓవర్లలో అతని బౌలింగ్‌లో 80 పరుగులు మాత్రమే తీయగలిగారు.
  
  వీటిలో కూడా రెండే ఫోర్లు ఉన్నాయి. లంక చేతిలో సెమీస్‌లో ఓడినా...ఈ కీలక మ్యాచ్‌లో అతను ఒక్క ఫోర్ గానీ సిక్స్ గానీ ఇవ్వకపోవడం విశేషం. అంటే నరైన్ బౌలింగ్‌లో రిస్క్ చేసి షాట్లు ఆడగల ధైర్యం బ్యాట్స్‌మెన్ చేయలేకపోతున్నారు. ఏదో ఒక మ్యాచ్‌తో సరి పెట్టకుండా సునీల్ టి20ల్లో నిలకడగా రాణిస్తుండటం అతని ప్రత్యేకతను చూపిస్తోంది. ఈ టోర్నీలో ఏ జట్టయినా కోల్‌కతాను చిత్తు చేయాలంటే ముందుగా నరైన్ మిస్టరీని ఛేదించక తప్పదని తొలి మ్యాచ్ ఫలితం చూపిస్తోంది. ఈసారైనా అతడిపై ఎవరైనా ఎదురు దాడి చేయగలరేమో చూడాలి.
  


 ఐసీసీ టెస్టు ర్యాంకింగ్స్‌లో భారత్
  దుబాయ్: అంతర్జాతీయ క్రికెట్ మండలి (ఐసీసీ) టెస్టు టీమ్ ర్యాంకింగ్స్‌లో భారత జట్టు ఈ ఏడాదిని మూడో ర్యాంకుతో ముగించింది. దీంతో 2 లక్షల 65 వేల డాలర్ల (రూ. కోటి 60 లక్షలు) చెక్‌ను అందుకుంది. ఈనెల 1 వరకు ఈ ర్యాంకులకు కటాఫ్ తేదీగా ఉంది. వరుసగా రెండో ఏడాది నంబర్‌వన్‌గా నిలిచిన దక్షిణాఫ్రికా జట్టుకు 4 లక్షల 75 వేల డాలర్లు (రూ. 2 కోట్ల 86 లక్షలు) అందాయి.
 
 రెండో స్థానం పొందిన ఆసీస్‌కు 3 లక్షల 70 వేల డాలర్లు (రూ. 2 కోట్ల 23 లక్షలు), నాలుగో స్థానంలో ఉన్న ఇంగ్లండ్‌కు లక్షా 60 వేల డాలర్లు (రూ.96 లక్షల 36 వేలు) పొందాయి. ఆగస్టు 2012 నుంచి సఫారీ జట్టు తమ అద్భుత ప్రదర్శనతో నంబర్‌వన్‌గా కొనసాగుతోంది. ‘ఐసీసీ టెస్ట్ ప్రైజ్‌మనీని తీసుకున్నందుకు చాలా సంతోషంగా ఉంది. ఆటగాళ్లు, టీమ్ మేనేజిమెంట్ తరఫునే కాకుండా మొత్తం దక్షిణాఫ్రికా ప్రజల తరఫున ఇది నాకు దక్కిన గౌరవంగా భావిస్తున్నాను’ అని సీఎస్‌ఏ చీఫ్ ఎగ్జిక్యూటివ్ హరూన్ లోర్గాట్ తెలిపారు.
  


 దుబాయ్: అంతర్జాతీయ క్రికెట్ మండలి (ఐసీసీ) టి20 ర్యాంకింగ్స్‌లో భారత బ్యాట్స్‌మెన్ ఆధిపత్యం కొనసాగుతోంది. ఐసీసీ తాజాగా విడుదల చేసిన ర్యాంకుల్లో స్టార్ బ్యాట్స్‌మన్ విరాట్ కోహ్లికి నాలుగో స్థానం దక్కింది. సురేశ్ రైనా (5), యువరాజ్ (6) ఆ తర్వాతి స్థానాల్లో ఉన్నారు.
 
  
  బౌలర్ల ర్యాంకుల్లో టాప్-20లో ఒక్క భారత ఆటగాడికి కూడా చోటు దక్కలేదు. ఆల్‌రౌండర్ల ర్యాంకుల్లో యువీ మూడో స్థానంలో నిలిచాడు. ఇక టి20 ప్రపంచకప్‌లో చాంపియన్‌గా నిలవాలని ఆరాటపడుతున్న శ్రీలంక... నంబర్‌వన్ ర్యాంకుతో టోర్నీలో బరిలోకి దిగుతోంది. 2009, 2012లో రన్నరప్‌గా నిలిచిన లంకేయులు టి20 ర్యాంకింగ్స్‌లో 129 రేటింగ్ పాయింట్లతో అగ్రస్థానంలో ఉన్నారు. భారత్ (123 రేటింగ్ పాయింట్లు), పాకిస్థాన్ (121 రేటింగ్ పాయింట్లు), డిఫెండింగ్ చాంపియన్ వెస్టిండీస్ (112 రేటింగ్ పాయింట్లు) వరుసగా రెండు, మూడు, ఆరు స్థానాల్లో నిలిచాయి.
  


 నేటి నుంచి టి20 ప్రపంచకప్
  క్వాలిఫయింగ్ మ్యాచ్‌లతో మొదలు
  తొలిసారిగా బరిలోకి నేపాల్, హాంకాంగ్, యూఏఈ
  
  నిరీక్షణ ముగిసింది. పొట్టి ఫార్మాట్ క్రికెట్ పండుగకు నేటితో తెరలేవనుంది. తొలుత ఎనిమిది పసికూన జట్ల మధ్య క్వాలిఫయింగ్ పోరు జరగనుంది. గతానికి భిన్నంగా తొలిసారి టి20 ప్రపంచకప్‌లో అర్హత రౌండ్ ద్వారా రెండు జట్లు అగ్రశ్రేణి జట్లున్న ప్రధాన రౌండ్‌లోకి అడుగుపెడతాయి. నేపాల్, హాంకాంగ్, యూఏఈ తొలిసారి టి20 ప్రపంచకప్‌లో తమ అదృష్టాన్ని పరీక్షించుకోనున్నాయి. రెండు గ్రూప్‌ల్లో అగ్రస్థానంలో నిలిచిన జట్లు ప్రధాన రౌండ్‌కు అర్హత సాధిస్తాయి.     
  - సాక్షి క్రీడా విభాగం
  
  ఆసియా కప్‌లో ఆతిథ్య జట్టు బంగ్లాదేశ్‌కు చేదు ఫలి తాలు ఎదురయ్యాయి. ఆ జట్టు ఒక్క మ్యాచ్‌లోనూ గెలువలేకపోయింది. పొట్టి ఫార్మాట్‌లోనైనా సత్తా చాటుకోవాలనే లక్ష్యంతో బంగ్లాదేశ్ టి20 మెగా ఈవెంట్‌లో బరిలోకి దిగనుంది. ఆడిన రెండు వార్మప్ మ్యాచ్‌ల్లో గెలిచిన బంగ్లాదేశ్ శనివారం మొదలయ్యే క్వాలిఫయింగ్ రౌండ్ తొలి మ్యాచ్‌లో అఫ్ఘానిస్థాన్‌తో తలపడుతుంది. గ్రూప్ ‘ఎ’లో బం గ్లాదేశ్ ఫేవరెట్‌గా కనిపిస్తోంది. అయితే అప్ఘానిస్థాన్‌ను తక్కువ అంచనా వేయలేం. ఈ నేపథ్యంలో క్వాలిఫయింగ్‌లో ఆడనున్న జట్ల బలాబలాలు, బలహీనతలను పరిశీలిద్దాం.
  
   బంగ్లాదేశ్: అంతర్జాతీయ క్రికెట్ మండలి (ఐసీసీ) సభ్యదేశమైనప్పటికీ  ఫార్మాట్‌ను మార్చడంతో బంగ్లాదేశ్ జట్టు  సొంతగడ్డపై జరుగుతున్న టి20 ప్రపంచకప్‌లో అర్హత మ్యాచ్‌లు ఆడాల్సి వస్తోంది. గ్రూప్ ‘ఎ’లో ఉన్న వాటిలో ఈ జట్టే ఫేవరెట్. బ్యాటింగ్, బౌలింగ్‌లో పటిష్టంగా కనిపిస్తోంది. ముష్ఫి కర్ రహీమ్ సారథ్యంలోని ఈ జట్టులో తమీమ్ ఇక్బాల్, షకీబ్ అల్ హసన్, మొమినుల్ హక్, మహ్మదుల్లా, మొర్తజా, అబ్దుర్ రజాక్ లాంటి సత్తా ఉన్న ఆటగాళ్లకు కొదువ లేదు. దీనికి తోడు సొంతగడ్డపై టోర్నీ జరగనుండటం బంగ్లా టైగర్లకు కలిసి రానుంది. అయితే ఇటీవల స్వదేశంలో ముగిసిన ఆసియాకప్‌లో చెత్త ఆటతో విమర్శల పాలైంది. కీలక ఆటగాళ్లు గాయాల పాలవడంతో అనామక జట్టయిన అఫ్ఘానిస్థాన్ చేతిలో చిత్తుగా ఓడిపోయింది. దీంతో అర్హత మ్యాచ్‌ల్లో ఈ జట్టుపై ఒత్తిడి ఉంటుంది.  
  
   అఫ్ఘానిస్థాన్: ఈ పసికూన జట్టుకు ఇది మూడో టి20 ప్రపంచకప్. 2010, 2012 ప్రపంచకప్‌లో పాల్గొన్నా తొలి రౌండ్‌ను దాటలేకపోయింది. అలాగని ఈ జట్టును తక్కువగా అంచనా వేస్తే మూల్యం చెల్లించుకోక తప్పదు. ఇటీవల ముగిసిన ఆసియా కప్‌లో అప్ఘానిస్థాన్ పెద్ద సంచలనమే సృష్టించింది. ఆతిథ్య బంగ్లాదేశ్‌ను ఓడించి తమలో సత్తా ఉందని నిరూపించింది. వన్డేల్లోనే తమ ప్రదర్శనతో ఆకట్టుకున్న ఈ క్రికెట్ బేబీలు టి20ల్లోనూ రాణిస్తారని విశ్లేషకులు అంచనా వేస్తున్నారు. ఇక ఈ జట్టులో కెప్టెన్ మహమ్మద్ నబీతో పాటు అస్ఘర్, ఆల్‌రౌండర్ సమీయుల్లా షెన్వారి, మీర్వాయిస్ అష్రాఫ్,  షెహజాద్ లాంటి లాంటి ఆటగాళ్లు మ్యాచ్‌ను మలుపు తిప్పగల సమర్థులు.
  
   హాంకాంగ్: తొలిసారిగా టి20 ప్రపంచకప్ ఆడుతున్న ఈ జట్టుపై ఎలాంటి అంచనాలు లేవు. ఐసీసీ టి20 ప్రపంచకప్ క్వాలిఫయింగ్ టోర్నీలో ఆరో స్థానంలో నిలిచిన హాంకాంగ్‌కు ఫార్మాట్ మార్చడం కలిసొచ్చింది.  జేమీ అట్కిన్సన్ సారథ్యంలోని ఈ జట్టులో సీనియర్లు, కుర్రాళ్లు ఉన్నారు. జట్టులో ఉన్నవారిలో ఎక్కువమంది ఆల్‌రౌండర్లే. నలభై ఏళ్లు పైబడిన నజీబ్ అమర్ (42), మునీర్ దార్ (41) అటు బ్యాట్‌తో, ఇటు బంతితో రాణించగలరు.
  
    నేపాల్: భారత్‌కు పొరుగు దేశమైన నేపాల్‌లో క్రికెట్ అంటే పడిచచ్చే అభిమానులు లక్షల్లో ఉన్నారు. అయితే నేపాల్ జట్టు మాత్రం క్రికెట్ ఆటలో మాత్రం వెనకబడే ఉంది. ఈ జట్టు ఆడబోతున్న అతిపెద్ద టోర్నీ టి20 ప్రపంచకపే కావడం విశేషం. అర్హత గ్రూప్‌లో ఈ జట్టుపై ఎలాంటి అంచనాలు లేవు. కెప్టెన్ పారస్ ఖద్కా, శరద్ వెసావ్కర్, బసంత్ రెగ్మి నుంచి మంచి ప్రదర్శన ఆశించొచ్చు.
  
   జింబాబ్వే: గ్రూప్ ‘బి’లో టెస్టు హోదా ఉన్న జట్టు జింబాబ్వే ఒక్కటే. అయితే జింబాబ్వే ప్రధాన గ్రూప్‌కు అర్హత సాధించే అవకాశాలు అంతంత మాత్రమేనని చెప్పాలి. ఎందుకంటే అంతర్జాతీయ టి20ల్లో జింబాబ్వే పెద్దగా విజయాలు సాధించకపోవడమే ఇందుకు కారణం. ఇప్పటిదాకా టి20ల్లో 28 మ్యాచ్‌లు ఆడిన జింబాబ్వే 23 మ్యాచ్‌ల్లో ఓడి, 4 మ్యాచ్‌ల్లో నెగ్గి, మరో మ్యాచ్‌ను టై చేసుకొని ‘సూపర్ ఓవర్’లో గెలిచింది. ఇక టి20 ప్రపంచకప్ చరిత్రలో జింబాబ్వే ఆరు మ్యాచ్‌ల్లో ఆడి కేవలం ఒకే ఒక మ్యాచ్‌లో నెగ్గి, ఐదు మ్యాచ్‌ల్లో ఓడిపోయింది.
  
  ఐర్లాండ్: ఈ గ్రూప్‌లో ఐర్లాండ్ ఫేవరెట్‌గా చెప్పుకోవచ్చు. టి20 ప్రపంచకప్‌లో ఈ జట్టు ప్రదర్శన ఆశించిన స్థాయిలో ఉంది. ఇప్పటిదాకా మూడు టి20 ప్రపంచకప్‌ల్లో పాల్గొన్న అనుభవం ఈ జట్టుకు ఉంది. ఇక 2009 ప్రపంచకప్‌లో ఈ ఐరిష్ జట్టు బంగ్లాదేశ్‌కు షాకిచ్చి సంచలన విజయం సాధించింది. ఇప్పుడు కూడా సంచలనాలు సృష్టించేందుకు ఈ జట్టు సిద్ధమవుతోంది. ఇక ఐర్లాండ్‌లో కెప్టెన్ పోర్టర్‌ఫీల్డ్, ఆల్‌రౌండర్ కెవిన్ ఒబ్రియాన్, వికెట్ కీపర్  నీల్ ఒబ్రియాన్‌తో పాటు సత్తా చాటే ఆటగాళ్లు చాలా మందే ఉన్నారు. ఈ జట్టులోని ఆటగాళ్లు తరుచుగా కౌంటీల్లో పాల్గొంటారు.
  
  నెదర్లాండ్స్: ఈ జట్టు తానాడిన తొలి టి20 ప్రపంచకప్‌లోనే సంచలనం సృష్టించింది. 2009లో ఇంగ్లండ్‌లో జరిగిన టి20 ప్రపంచకప్‌లో ఆతిథ్య జట్టునే ఓడించి సత్తా చాటింది. ఈ గ్రూప్‌లో తన ప్రత్యర్థులకు గట్టిపోటీనిచ్చే అవకాశాలున్నాయి. కెప్టెన్ పీటర్ బోరెన్, వెస్లీ బరెసీ, ముదస్సర్ బుఖారి జట్టులో కీలక ఆటగాళ్లుగా చెప్పవచ్చు.
  
   యూఏఈ: తొలిసారిగా టి20 ప్రపంచకప్ ఆడనున్న యూఏఈపై పెద్దగా అంచనాలేమీ లేవు. అంతర్జాతీయ క్రికెట్‌లో యూఏఈ అప్పుడప్పుడు కనిపించినా... ప్రదర్శన అంతంత మాత్రమే.
  
   గ్రూప్ ‘ఎ’: బంగ్లాదేశ్, అఫ్ఘానిస్థాన్, హాంకాంగ్, నేపాల్.
  
   గ్రూప్ ‘బి’: జింబాబ్వే, ఐర్లాండ్, నెదర్లాండ్స్, యూఏఈ.
  
  టి20 ప్రపంచకప్‌లో నేడు
 
  బంగ్లాదేశ్   x అఫ్ఘానిస్థాన్
  మధ్యాహ్నం గం. 3.00 నుంచి
  
  నేపాల్   x హాంకాంగ్
  రాత్రి గం. 7.00 నుంచి
  
  స్టార్ స్పోర్ట్స్-1లో ప్రత్యక్ష ప్రసారం
  
  క్వాలిఫయింగ్ మ్యాచ్‌ల షెడ్యూల్
  మార్చి 16    బంగ్లాదేశ్ x అఫ్ఘానిస్థాన్
  మార్చి 16    హాంకాంగ్ xనేపాల్
  మార్చి 17    ఐర్లాండ్ x జింబాబ్వే
  మార్చి 17    నెదర్లాండ్స్ x యూఏఈ
  మార్చి 18    అఫ్ఘానిస్థాన్ xహాంకాంగ్
  మార్చి 18    బంగ్లాదేశ్ xనేపాల్
  మార్చి 19    నెదర్లాండ్స్ x జింబాబ్వే
  మార్చి 19    ఐర్లాండ్ x యూఏఈ
  మార్చి 20    అఫ్ఘానిస్థాన్ x నేపాల్
  మార్చి 20    బంగ్లాదేశ్ x హాంకాంగ్
  మార్చి 21    జింబాబ్వే x యూఏఈ
  మార్చి 21    ఐర్లాండ్ x నెదర్లాండ్స్
  


 అంతర్జాతీయ క్రికెట్‌కు గ్రేమ్ స్మిత్ వీడ్కోలు
 ఆస్ట్రేలియాతో ఆడుతున్నదే ఆఖరి మ్యాచ్
 కెరీర్‌లో విజయవంతమైన కెప్టెన్‌గా గుర్తింపు
  
  అంతర్జాతీయ క్రికెట్‌కు మరో దిగ్గజం వీడ్కోలు చెప్పాడు. కలిస్ వైదొలిగి రెండు నెలలు కాకముందే... దక్షిణాఫ్రికా టెస్టు కెప్టెన్ గ్రేమ్ స్మిత్ కూడా ఆటకు గుడ్‌బై చెప్పాడు. ప్రస్తుతం కేప్‌టౌన్‌లో ఆస్ట్రేలియాతో జరుగుతున్న టెస్టు తనకు ఆఖరి మ్యాచ్ అని ప్రకటించాడు. తన చివరి ఇన్నింగ్స్‌లో కేవలం 3 పరుగులకే అవుటైన స్మిత్.. భారంగా కెరీర్‌ను ముగించాడు. ప్రపంచ క్రికెట్‌లో అత్యంత విజయవంతమైన టెస్టు కెప్టెన్ గ్రేమ్ స్మిత్.
  
  కేప్‌టౌన్: దక్షిణాఫ్రికాను టెస్టుల్లో నంబర్‌వన్ చేయడంలో... అంతర్జాతీయ క్రికెట్‌లో బలమైన జట్టుగా మార్చడంలో అత్యంత కీలక పాత్ర గ్రేమ్ స్మిత్‌ది. తను ఆడిన 117 టెస్టుల్లో ఏకంగా 109 టెస్టులకు సారథిగా పని చేసిన దిగ్గజం అతను. ఆస్ట్రేలియాతో మూడో టెస్టుకు ముందు రిటైర్మెంట్ ఆలోచన లేదని చెప్పిన దక్షిణాఫ్రికా కెప్టెన్... అనూహ్యంగా మ్యాచ్ మధ్యలో తన నిర్ణయాన్ని ప్రకటించాడు.
  
  
  తొలి ఇన్నింగ్స్‌లో విఫలమైన తర్వాత తన నిర్ణయాన్ని సహచరులకు చెప్పాడు. చివరి టెస్టులో స్మిత్ రెండు ఇన్నింగ్స్‌లో కలిపి 8 (5, 3) పరుగులు మాత్రమే చేశాడు. ‘నా జీవితంలో నేను తీసుకున్న అత్యంత క్లిష్టమైన నిర్ణయం ఇదే. ఏడాది నుంచి రిటైర్మెంట్‌పై ఆలోచిస్తున్నా. న్యూలాండ్స్ నాకు సొంతగడ్డ లాంటిది. అందుకే ఇక్కడే గుడ్‌బై చెప్పాలని నిర్ణయించుకున్నా. ఇకపై కుటుంబ సభ్యులతో గడుపుతా’ అని స్మిత్ చెప్పాడు.
  
  కెరీర్ హైలైట్స్
  మొత్తం 117 టెస్టుల్లో 109 మ్యాచ్‌లకు స్మిత్ సారథిగా వ్యవహరించాడు. (ఇందులో 108 మ్యాచ్‌ల్లో దక్షిణాఫ్రికాకు, ఒక్క మ్యాచ్‌లో ఐసీసీ ఎలెవన్‌కు కెప్టెన్సీ చేశాడు.)
  
  కెప్టెన్‌గా అత్యధిక విజయాలు (53). పాంటింగ్ (48) స్మిత్ తర్వాతి స్థానంలో ఉన్నాడు.
  టెస్టుల్లో స్మిత్ సెంచరీ చేసిన ప్రతిసారీ (27 సెంచరీలు) దక్షిణాఫ్రికా గెలిచింది.
  
  వంద టెస్టులకు కెప్టెన్‌గా వ్యవహరించిన ఒకే ఒక్క క్రికెటర్ స్మిత్. బోర్డర్ (93) తర్వాతి స్థానంలో ఉన్నాడు.
  
  వన్డేల్లో 149 మ్యాచ్‌లకు సారథిగా వ్యవహరించాడు. ఇందులో దక్షిణాఫ్రికా 92 గెలిచి, 51 ఓడింది. ఒక మ్యాచ్ టై కాగా... మిగిలిన మ్యాచ్‌ల్లో ఫలితం రాలేదు.
  
  టి20ల్లో 27 మ్యాచ్‌లకు కెప్టెన్‌గా వ్యవహరించగా దక్షిణాఫ్రికా 18 మ్యాచ్‌ల్లో నెగ్గి, 9 మ్యాచ్‌ల్లో ఓడింది.
  
  స్మిత్ అంతర్జాతీయ కెరీర్...
                    టెస్టు               వన్డే                 టి20
 మ్యాచ్‌లు    117             197                  33
 పరుగులు    9265         6989                982
 సెంచరీలు    27            10                       0
  


 మందన్‌గడ్: ప్రపంచ క్రికెట్‌లో ఎన్నో రికార్డులను తన పేరిట లిఖించుకున్న మాస్టర్ బ్లాస్టర్ సచిన్ టెండూల్కర్ అంధుల క్రికెట్ నుంచి కూడా పలు విషయాలను నేర్చుకున్నట్టు తెలిపాడు. మహారాష్ట్రలోని రత్నగిరి సమీపంలోని స్నేహజ్యోతి నివాసి అంధ పాఠశాలను మంగళవారం సచిన్ సందర్శించాడు. ‘15 ఏళ్ల క్రితం ముంబైలో నేను అంధుల క్రికెట్ టోర్నీని ప్రారంభించాను. వారు ఆడే విధానం నన్ను చాలా ఆకట్టుకుంది. ఎందుకంటే శబ్దాన్ని విని స్పందించడంతో పాటు పరుగులు తీయడం, వికెట్లు పడగొట్టడం అబ్బురమనిపించింది. నిజంగా ఇది నమ్మశ క్యం కాని విషయం. అప్పట్లో అది నాకు కొత్త అనుభవం. వెంటనే అక్కడి ఆటగాళ్ల నుంచి కొన్ని విషయాలను నేర్చుకున్నాను’ అని సచిన్ చెప్పాడు.
  
  రిటైరైనా సచినే టాప్!
  న్యూఢిల్లీ: అంతర్జాతీయ క్రికెట్‌కు దూరమైనా, ఇతర సంచలన వార్తలకు కేంద్రబిందువు కాకపోయినా ఆన్‌లైన్‌లో సచిన్ టెండూల్కర్‌కు ఏ మాత్రం ఆదరణ తగ్గలేదు. గత నెల రోజుల కాలంలో ప్రముఖ సెర్చ్ ఇంజిన్ ‘గూగుల్’లో ఎక్కువ మంది వెతికిన భారత క్రికెటర్ల జాబితాలో సచిన్ అందరికంటే ముందున్నాడు. అయితే ఈ జాబితాలో సచిన్ తర్వాతి స్థానం తాజా సంచలనం విరాట్ కోహ్లికి దక్కింది.  మొదటిసారి కెప్టెన్ ధోనిని కోహ్లి వెనక్కి నెట్టడం విశేషం.
  


 దక్షిణాఫ్రికా క్రికెట్ దిగ్గజం గ్రేమ్ స్మిత్ అంతర్జాతీయ క్రికెట్కు గుడ్బై చెప్పాడు. దక్షిణాఫ్రికా జట్టును విజయాల బాటలో నడిపించి అద్భుతమైన కెప్టెన్గా ప్రశంసలు అందుకున్న స్మిత్ ఆకస్మికంగా తన రిటైర్మెంట్ నిర్ణయాన్ని ప్రకటించాడు. కేప్టౌన్లో ఆస్ట్రేలియాతో జరిగే చివరి టెస్టు ముగిసిన వెంటనే తాను క్రికెట్ నుంచి వైదొలగుతానన్నాడు. 117 మ్యాచ్లు ఆడిన స్మిత్ (33) 109 టెస్టులకు కెప్టెన్గా వ్యవహరించాడు. ఇదో ప్రపంచ రికార్డు. ప్రస్తుతం జరుగుతున్న టెస్టు మూడోరోజు ఆట జరుగుతున్పప్పడు తన జట్టు సభ్యులకు ఈ విషయం తెలిపాడు. తన జన్మభూమిపైనే చిట్టచివరి మ్యాచ్ ఆడితే బాగుంటుందని భావించినట్లు చెప్పాడు. గత సంవత్సరం కాలి మడమకు ఆపరేషన్ చేయించుకున్నప్పటి నుంచే స్మిత్ రిటైర్మెంట్ దిశగా ఆలోచిస్తున్నాడు.
 
 తన జీవితంలో ఇంత కష్టమైన నిర్ణయం ఎప్పుడూ తీసుకోలేదని, గత ఏప్రిల్లో ఆపరేషన్ చేయించుకున్నప్పటినుంచే ఆలోచిస్తున్నానని తెలిపాడు. న్యూలాండ్స్లో రిటైరైతే బాగుంటుందని అనుకున్నానని, తనకు 18 ఏళ్ల వయసు ఉన్నప్పటి నుంచి దీన్ని తన జన్మభూమిగానే భావిస్తున్నానని తెలిపాడు. ఇంతమంది అద్భుతమైన ఆగటాళ్లకు నేతృత్వం వహించినందుకు చాలా గర్వంగా ఉందని అన్నాడు.
 
 స్మిత్ కెరీర్లో 27 టెస్టు సెంచరీలున్నాయి. అతడు సెంచరీ చేసిన ప్రతిసారీ ఆ జట్టు గెలిచింది. ఇంగ్లండ్ జట్టుపై డబుల్ సెంచరీలు కూడా బాదాడు. ఒకసారి ఆస్ట్రేలియా సిరీస్లో అయితే, చెయ్యి విరిగినా కూడా ఆ విరిగిన చేత్తోనే బ్యాటింగ్ చేశాడు. వన్డేల విషయానికొస్తే, మొత్తం 197 వన్డేలు ఆడి 37.98 సగటుతో 6989 పరుగులు చేశాడు. ఇందులో పది సెంచరీలున్నాయి.


 దుబాయ్: అంతర్జాతీయ క్రికెట్ మండలి (ఐసీసీ)పై పూర్తి పట్టు సాధించేందుకు ప్రయత్నిస్తున్న బీసీసీఐ ప్రయత్నాలు ఫలించేటట్టు కనిపిస్తున్నాయి. మంగళవారం జరిగిన ఐసీసీ ఎగ్జిక్యూటివ్ బోర్డు సమావేశంలో కొత్త ప్రతిపాదనల్లో చాలా వాటికి సభ్య దేశాల నుంచి ఏకగ్రీవ ఆమోదం లభించింది. ఆరు గంటలపాటు వాడివేడిగా జరిగిన చర్చలో ఇతర సభ్య దేశాల నుంచి ఈ విషయంలో కొన్ని అభ్యంతరాలు వ్యక్తమయ్యాయి. దీంతో వాటిపై ఓటింగ్ జరుపకుండా వచ్చే నెలలో మరోసారి చర్చిద్దామని తెలిపింది.
 
  
  భవిష్యత్ నిర్మాణం, పరిపాలన, ఆదాయ పంపిణీకి సంబంధించి ప్రతిపాదనలపై ఏకగ్రీవ ఆమోదం లభించినట్టు ఐసీసీ ఓ ప్రకటనలో పేర్కొంది. ప్రస్తుతం అంగీకారం పొందిన వాటితో బీసీసీఐ, ఇంగ్లండ్, ఆస్ట్రేలియా క్రికెట్ బోర్డులకు అధిక ప్రయోజనం కలుగనుంది. ఆదాయ పంపిణీలోనూ, కీలక నిర్ణయాలు తీసుకునే విషయంలోనూ ఈ ముగ్గురిదే ఇక ఆధిపత్యం ఉండనుంది.
  
  ఆమోదం పొందిన ప్రతిపాదనలు:
  ఐసీసీలో ఇక నుంచి బీసీసీఐ ప్రధాన నాయకత్వ బాధ్యతలు తీసుకుంటుంది.
  ఐసీసీలోని సభ్య దేశాలన్నింటికీ మెరిట్ ఆధారంగా అన్ని ఫార్మాట్లలో ఆడే వీలు కలుగుతుంది. సభ్యత్వ విషయంలో మార్పు ఉండదు.
  
  టెస్టు క్రికెట్ నిధిని కొత్తగా ఏర్పాటు చేస్తారు. దీంట్లో నుంచి బీసీసీఐ, ఆసీస్, ఇంగ్లండ్ క్రికెట్ బోర్డులకు మినహా మిగిలిన అన్ని దేశాలకు వార్షిక పద్దతిన ఆదాయం సమానంగా పంపిణీ అవుతుంది.
  
  శాశ్వత సభ్య దేశాలు కాని బోర్డుల్లో అత్యున్నత ప్రదర్శన కనబరిచిన వాటికి ప్రోత్సాహకంగా అధిక ఆదాయాన్ని పంపిణీ చేస్తారు.
  
  నాలుగేళ్లలో మూడు ప్రధాన ఐసీసీ ఈవెంట్స్ జరుగుతాయి. దీంట్లో చాంపియన్స్ ట్రోఫీ కూడా ఉంటుంది. ముందుగా అనుకున్నట్లు టెస్టు చాంపియన్‌షిప్ ఆలోచన విరమించుకున్నారు.
  
  నూతన ఎగ్జిక్యూటివ్ కమిటీ ఏర్పాటవుతుంది. ఆర్థిక , వాణిజ్య వ్యవహారాల కమిటీతో కలిసి పలు కీలక నిర్ణయాల్లో దీనిదే పెత్తనం. భారత్, ఆసీస్, ఇంగ్లండ్ బోర్డుల ప్రతినిధులతో పాటు ఈ కమిటీలో ఐదుగురు సభ్యలు ఉంటారు.
  
  ఐసీసీ బోర్డుకు వచ్చే జూన్ నుంచి శ్రీనివాసన్ చైర్మన్‌గా వ్యవహరిస్తారు. ఎగ్జిక్యూటివ్ కమిటీకి క్రికెట్ ఆస్ట్రేలియా ప్రతినిధి చైర్మన్, ఆర్థిక , వాణిజ్య వ్యవహారాల కమిటీకి ఈసీబీ ప్రతినిధి చైర్మన్‌గా వ్యవహరిస్తారు. రెండేళ్ల పాటు వీరు పదవిలో ఉంటారు.


 విజయనగరం కంటోన్మెంట్, న్యూస్‌లైన్: విజయనగరంలో తొలిసారి ఓ అంతర్జాతీయ క్రికెట్ మ్యాచ్‌కు రంగం సిద్ధమైంది.
  
  భారత్, శ్రీలంక మహిళల మూడు టి20ల సిరీస్‌లో భాగంగా తొలి రెండు మ్యాచ్‌లు... ఇక్కడి ఏసీఏ నార్త్‌జోన్ క్రికెట్ అకాడమీ మైదానంలో నిర్వహిస్తున్నారు. శనివారం, ఆదివారం రెండు మ్యా చ్‌లు ఉదయం 10 గంటల నుంచి జరుగుతాయి. మూడో మ్యాచ్ 28న వైజాగ్‌లో జరుగుతుంది.
  


 బీసీసీఐ వర్కింగ్ కమిటీ తీర్మానం
  చెన్నై: అంతర్జాతీయ క్రికెట్ మండలి (ఐసీసీ) నుంచి సాధ్యమైనంత లబ్ధి పొందేలా బీసీసీఐ తమ ప్రయత్నాలను ముమ్మరం చేసింది. దీంట్లో భాగంగా ఐసీసీ ఆర్థిక, వాణిజ్య వ్యవహారాల కమిటీ ముందుకు రాబోతున్న ప్రతిపాదనలను బోర్డు వర్కింగ్ కమిటీ ఏకగ్రీవంగా ఆమోదించింది.
  
  దీని ప్రకారం ఐసీసీలో కీలక నిర్ణయాలు తీసుకునే అధికారం తమతో పాటు ఆస్ట్రేలియా, ఇంగ్లండ్ క్రికెట్ బోర్డులకు ఉండనుంది. గురువారం స్థానికంగా జరిగిన అత్యవసర వర్కింగ్ కమిటీలో ఈ అంశంపై సుదీర్ఘ చర్చ జరిగింది. ‘ఐసీసీ వర్కింగ్ గ్రూప్ ప్రతిపాదనలపై ప్రధానంగా చర్చ జరిపాం. దీని ద్వారా భవిష్యత్‌లో క్రికెట్‌కు మంచి జరుగుతుంది’ అని బోర్డు కార్యదర్శి సంజయ్ పటేల్ తెలిపారు.
  
  అలాగే ఐసీసీ కమర్షియల్ రైట్స్‌పై కూడా సభ్యులు చర్చ జరిపారు. ప్రస్తుతం ఐసీసీకి లభిస్తున్న ఆదాయంలో 75 శాతం... బోర్డు పది సభ్య దేశాలకు సమానంగా పంచుతుండగా, మిగిలినది అసోసియేట్ సభ్యులకు వెళుతోంది. అయితే ఇకపై క మర్షియల్ రైట్స్ (2015 నుంచి 2023 వరకు) నుంచి మాత్రం సింహభాగం తమకే దక్కాలని బీసీసీఐ కోరనుంది. ‘క్రికెట్‌లో మేం మమేకమైన తీరుతో పాటు మా నుంచి లభిస్తున్న అధిక ఆదాయానికి ఇది గుర్తింపుగా భావిస్తున్నాం. న్యాయపరమైన హక్కునే మా బోర్డు అడుగుతోంది. దీనివల్ల క్రికెట్ కార్యకలాపాలకు ఎలాంటి విఘాతం కలుగదు’ అని సంజయ్ పటేల్ అన్నారు.
  
  శ్రీనివాసన్‌కు మాతృవియోగం
  బీసీసీఐ అధ్యక్షుడు శ్రీనివాసన్ తల్లి జయలక్ష్మి నారాయణస్వామి గురువారం తెల్లవారుజామున మరణించారు. ఆవిడ వయసు 92 సంవత్సరాలు. మాతృ వియోగం కారణంగా శ్రీనివాసన్ బీసీసీఐ అత్యవసర వర్కింగ్ కమిటీ సమావేశానికి  హాజరు కాలేదు. దీంతో ఆయన స్థానంలో బోర్డు ఉపాధ్యక్షుడు శివలాల్ యాదవ్ కమిటీ సమావేశానికి నేతృత్వం వహించారు.
  
  ఏప్రిల్ 10నుంచి ఐపీఎల్ ?
  ఇండియన్ ప్రీమియర్ లీగ్ ఏడో సీజన్ ఏప్రిల్ 10 నుంచి జరిగే అవకాశం ఉంది. అయితే పార్లమెంట్ ఎన్నికల షెడ్యూల్ ప్రకటించిన తర్వాతే ఐపీఎల్ పూర్తి షెడ్యూల్‌ను ఖరారు చేస్తారు. ఏప్రిల్ 6న టి20 ప్రపంచ కప్ ముగుస్తుంది. 10 నుంచి ఐపీఎల్ నిర్వహించాలని బోర్డు భావిస్తోంది.
  
  కింగ్స్ ఎలెవన్ సహాయక కోచ్‌గా బంగర్
  చండీగఢ్: భారత మాజీ క్రికెటర్ సంజయ్ బంగర్‌ను పంజాబ్ కింగ్స్ ఎలెవన్ జట్టు తమ సహాయక కోచ్‌గా నియమించుకుంది. 2014 సీజన్ కోసం ఈ నియామకం చేసినట్లు జట్టు ప్రకటించింది. మరోవైపు కోల్‌కతా నైట్‌రైడర్స్ జట్టు భారత మాజీ క్రికెటర్ డబ్ల్యు.వి.రామన్‌ను తమ బ్యాటింగ్ కోచ్‌గా నియమించుకుంది.
 
  


 ఐసీసీలో భారీ మార్పులు
  దుబాయ్: ప్రపంచ క్రికెట్‌పై అంతర్జాతీయ క్రికెట్ మండలి (ఐసీసీ)కి ఉన్న ఆధిపత్యం ఇక నామమాత్రమే కానుందా? ఈ అధికారం ఇక భారత క్రికెట్ బోర్డు (బీసీసీఐ), క్రికెట్ ఆస్ట్రేలియా (సీఏ), ఇంగ్లండ్ క్రికెట్ బోర్డు (ఈసీబీ)లకే చెందనుందా? తాజా పరిస్థితులను గమనిస్తే అవుననే సమాధానం వస్తుంది. ఐసీసీ పునర్‌వ్యవస్థీకరణలో భాగంగా పలు మార్పులు చోటు చేసుకోనున్నాయి.
  
  దీంట్లో భాగంగా ఇప్పటికే రెవిన్యూ పరంగా అధిక ఆదాయాన్నిస్తున్న బీసీసీఐ, సీఏ, ఈసీబీలకు కీలక నిర్ణయాలు తీసుకునే అధికారాన్ని కట్టబెట్టనున్నారు. ఈమేరకు ఈనెల 28, 29న దుబాయ్‌లో జరిగే ఐసీసీ ఎగ్జిక్యూటివ్ బోర్డు సమావేశంలో ఓ ముసాయిదాను ప్రవేశపెట్టనున్నారు. ఈ మూడు బోర్డులు ముఖ్య సభ్యులుగా ఉన్న ఐసీసీ ఫైనాన్స్ అండ్ కమర్షియల్ ఎఫైర్స్ కమిటీ కొన్ని సవరణలు ప్రతిపాదించింది. ఇవి అమల్లోకి వస్తే క్రికెట్‌పై గుత్తాధిపత్యం ఈ మూడు క్రికెట్ బోర్డుల చేతికే వస్తుంది. అలాగే ఐసీసీ ఆదాయంలో కూడా వీటికి భారీ వాటానే దక్కనుంది. అయితే ఈ ప్రతిపాదనలపై ఇతర సభ్య దేశాల ఆమోదం కోసం ఎదురుచూస్తున్నట్టు ఐసీసీ తెలిపింది.
  
    ప్రతిపాదిత సవరణలు
   ఐసీసీకి వచ్చిన ఆదాయాన్ని క్రికెట్ బోర్డులకు పంచే విధానంలో మార్పు
   పరిపాలన నిర్మాణం, భవిష్యత్ పర్యటన కార్యక్రమం (ఎఫ్‌టీపీ)
   టెస్టు ర్యాంకింగ్స్ ఇచ్చే పద్దతి
   ప్రపంచ టెస్టు చాంపియన్‌షిప్ స్థానంలో చాంపియన్స్ ట్రోఫీ పునరుద్ధరణ
   కొత్త ఎగ్జిక్యూటివ్ కమిటీ నియామకంలో బీసీసీఐ, ఈసీబీ, సీఏలకు శాశ్వత సభ్యత్వం ఇవ్వడం, ఇతర అన్ని కమిటీలపై అధికారాన్ని కల్పించడం
   ఐసీసీలో కీలక పదవులైన చైర్మన్, ఫైనాన్స్ అండ్ కమర్షియల్ ఎఫైర్స్ కమిటీ పదవులకు మూడు క్రికెట్ బోర్డుల నుంచే నామినేషన్‌లు వేయడం