మహిళల ప్రీమియర్‌ లీగ్‌ (WPL) టీ20 క్రికెట్‌ టోర్నీ వేలం- 2026 మెగా వేలానికి ముందు యూపీ వారియర్స్‌ తీసుకున్న నిర్ణయం క్రీడా వర్గాల్లో చర్చనీయాంశంగా మారింది. కేవలం ఒకే ఒక్క ప్లేయర్‌ను రిటైన్‌ చేసుకున్న ఈ ఫ్రాంఛైజీ.. మిగతా అందరినీ వదిలేసింది. ఇందులో.. భారత స్టార్‌ ఆల్‌రౌండర్‌, వన్డే ప్రపంచకప్‌-2025 విజేత దీప్తి శర్మ (Deepti Sharma) కూడా ఉండటం విశేషం.ఇటీవల ముగిసిన ఈ మెగా ఐసీసీ టోర్నీలో దీప్తి అద్భుత ప్రదర్శనతో ‘ప్లేయర్‌ ఆఫ్‌ ది టోర్నీ’ అవార్డు గెలుచుకుంది. అయినప్పటికీ యూపీ వారియర్స్‌ ఆమెను వదిలేయడం గమనార్హం. ఈ నేపథ్యంలో ఫ్రాంఛైజీ నిర్ణయంపై విమర్శలు వస్తుండగా.. యూపీ వారియర్స్‌ హెడ్‌కోచ్‌ అభిషేక్‌ నాయర్‌ (Abhishek Nayar) తాజాగా స్పందించాడు. జియో హాట్‌స్టార్‌తో మాట్లాడుతూ..అందుకే వరల్డ్‌కప్‌ విన్నర్‌ని వదిలేశాం‘‘మేము సరికొత్తగా సీజన్‌ను ఆరంభించాలనుకుంటున్నాం. పర్సులో వీలైనంత ఎక్కువ మొత్తాన్ని అట్టిపెట్టుకోవాలనుకున్నాం. కొత్త జట్టును నిర్మించాలని భావించాం. టైటిల్‌ గెలవగల జట్టును తయారు చేసే క్రమంలో వనరులు పొందేందుకు వీలుగా పర్సును నిండుగా ఉంచుకున్నాం.ఇప్పుడు వదిలివేసినా.. మాకు కావాల్సిన ప్లేయర్లను వేలంలో తిరిగి సొంతం చేసుకోవాలనే తలంపుతో ఉన్నాము’’ అని అభిషేక్‌ నాయర్‌.. తాము దీప్తి శర్మను రిలీజ్‌ చేయడానికి గల కారణాన్ని వెల్లడించాడు. కాగా 2023లో మొదలైన డబ్ల్యూపీఎల్‌లో ముంబై చాంపియన్స్‌ అరంగేట్ర చాంపియన్‌గా అవతరించింది.ఆ మరుసటి ఏడాది అంటే 2024లో రాయల్‌ చాలెంజర్స్‌ బెంగళూరు టైటిల్‌ గెలవగా.. ఈ ఏడాది ముంబై మరోసారి ట్రోఫీ దక్కించుకుని చరిత్ర సృష్టించింది. కాగా డబ్ల్యూపీఎల్‌లో ముంబై, బెంగళూరుతో పాటు యూపీ, గుజరాత్‌, ఢిల్లీ ఫ్రాంఛైజీలు పాల్గొంటున్నాయి.పర్సులో రూ. 14.50 కోట్లుఇదిలా ఉంటే.. నవంబరు 27న డబ్ల్యూపీఎల్‌ మెగా వేలం జరుగనుండగా.. ఇప్పటికే ఐదు ఫ్రాంఛైజీలు తమ రిటెన్షన్‌, రిలీజ్‌ లిస్టును విడుదల చేశాయి. యూపీ వారియర్స్‌ పర్సులో రూ. 14.50 కోట్లు ఉన్నాయి.ఇక వన్డే ప్రపంచకప్‌ క్రికెట్‌ టోర్నీలో విశేషంగా రాణించిన భారత ఆల్‌రౌండర్‌ దీప్తి శర్మ... దక్షిణాఫ్రికా కెప్టెన్‌ లౌరా వోల్‌వార్ట్‌... మహిళల ప్రీమియర్‌ లీగ్‌ (డబ్ల్యూపీఎల్‌) మెగా వేలంలో భాగం కానున్నారు. ‘ప్లేయర్‌ ఆఫ్‌ ద టోర్నీ’గా నిలిచిన దీప్తి శర్మను యూపీ వారియర్స్‌ జట్టు... ‘టోర్నీ టాప్‌ స్కోరర్‌’ వోల్‌వార్ట్‌ను గుజరాత్‌ జెయింట్స్‌ జట్టు రీటెయిన్‌ చేసుకోకుండా విడుదల చేసిన విషయం తెలిసిందే.స్టార్లను వదిలేశారుడబ్ల్యూపీఎల్‌- 2024 ‘ప్లేయర్‌ ఆఫ్‌ ద టోర్నీ’గా నిలిచిన దీప్తి శర్మను వదులుకొని భారత అండర్‌–19 ప్రపంచకప్‌ విజేత జట్టు సభ్యురాలైన శ్వేత సెహ్రావత్‌ను యూపీ వారియర్స్‌ జట్టు అట్టిపెట్టుకోవడం గమనార్హం. ఆస్ట్రేలియా స్టార్స్‌ అలీసా హీలీ, మెగ్‌ లానింగ్, కివీస్‌ ఆల్‌రౌండర్‌ అమెలియా కెర్‌లను కూడా ఆయా ఫ్రాంచైజీలు విడుదల చేశాయి.నిబంధనలు ఇవేభారత స్టార్స్‌ హర్మన్‌ప్రీత్‌ కౌర్, స్మృతి మంధాన, జెమీమా రోడ్రిగ్స్, రిచా ఘోష్, షఫాలీ వర్మలను ఆయా ఫ్రాంచైజీలు అట్టిపెట్టుకున్నాయి. డబ్ల్యూపీఎల్‌ రిటెన్షన్‌ నిబంధనల ప్రకారం ఒక్కో ఫ్రాంచైజీ గరిష్టంగా ఐదుగురిని అట్టిపెట్టుకోవచ్చు.ఇందులో ముగ్గురు భారత క్రికెటర్లు, ఇద్దరు విదేశీ క్రికెటర్లు ఉండాలి. డబ్ల్యూపీఎల్‌–2026 సీజన్‌ కోసం ఈనెల 27న న్యూఢిల్లీలో వేలం కార్యక్రమం నిర్వహిస్తారు. ఢిల్లీ క్యాపిటల్స్‌ గరిష్టంగా ఐదుగురిని రిటైన్‌ చేసుకోగా... ముంబై ఇండియన్స్‌ నలుగురిని... రాయల్‌ చాలెంజర్స్‌ బెంగళూరు నలుగురిని... గుజరాత్‌ జెయింట్స్‌ ఇద్దరిని... యూపీ వారియర్స్‌ ఒక్కరిని రీటెయిన్‌ చేసుకుంది. చదవండి: WPL 2026: రిటైన్‌ చేసుకున్న, రిలీజ్‌ చేసిన ఆటగాళ్ల పూర్తి జాబితా

యూపీ వారియర్జ్ (UP Warriorz) ఫ్రాంచైజీ సంచలన నిర్ణయం తీసుకుంది. మహిళల ప్రీమియర్ లీగ్‌-2026 మెగా వేలానికి ముందు ఒక్క ప్లేయర్‌నే మాత్రమే రిటైన్ చేసుకుంది. అన్‌క్యాప్డ్ ఇండియన్ బ్యాటర్ శ్వేతా సెహ్రావత్ (Shweta Sehrawat)ను యూపీ అంటిపెట్టుకుంది.తమ జట్టు కెప్టెన్‌, భారత మహిళల జట్టు స్టార్ ఆల్‌రౌండర్ దీప్తి శర్మను సైతం యూపీ వారియర్జ్ జట్టు నుంచి విడుదల చేసింది. నవంబర్ 27న ఢిల్లీ జరగనున్న వేలంలో దీప్తి పాల్గోనుంది. డబ్ల్యూపీఎల్ తొలి ఎడిష‌న్ నుంచి దీప్తీ శ‌ర్మ యూపీతో కొన‌సాగింది.ఈ వ‌ర‌ల్డ్‌క‌ప్ విన్న‌ర్‌ను యూపీ ఫ్రాంచైజీ డబ్ల్యూపీఎల్ తొలి సీజన్ వేలంలో రూ.2.5 కోట్ల భారీ ధరకు కొనుగోలు చేసింది. మూడు సీజన్ల పాటు ఒకే జట్టు ప్రాతినిథ్యం వహించిన దీప్తీ.. ఇప్పుడు వేలంలో తన అదృష్టాన్ని పరీక్షించుకునుంది. అలిస్సా హీలీ, ఇంగ్లాండ్‌ స్పిన్నర్ సోఫీ ఎక్లెస్టోన్ వంటి కీలక ఆటగాళ్లందరినీ యూపీ వారియర్జ్ రిలీజ్ చేసింది.యూపీ వారియర్జ్ వద్ద అత్యధికంగా రూ.14.5 కోట్లు పర్స్ బ్యాలెన్స్ ఉంది. అయితే యూపీ వద్ద నాలుగు 'రైట్ టు మ్యాచ్' (RTM) కార్డులు అందుబాటులో ఉన్నాయి. వీటిని ఉపయోగించి దీప్తి శర్మను లేదా ఇతర స్టార్ ప్లేయర్లను తిరిగి జట్టులోకి తీసుకునే అవకాశం ఉంది.యూపీ వారియర్స్ రిటైన్ చేసుకున్న ప్లేయర్లుశ్వేతా సెహ్రావత్‌ (రూ. 50 లక్షలు)యూపీ వారియర్స్ రిలీజ్ చేసే ప్లేయర్లు వీరే..ఉమా ఛెత్రి ఆరుషి గోయెల్‌, పూనమ్‌ ఖెన్మార్‌, కిరణ్‌ నవగిరె, దినేశ్‌ వ్రింద, దీప్తి శర్మ, అంజలి శర్వాణి, క్రాంతి గౌడ్‌, రాజేశ్వరి గైక్వాడ్‌, గౌహర్‌ సుల్తానా, సైమా ఠాకూర్‌, చినెల్లి హెన్రి, జార్జియా వాల్‌, అలిసా హేలీ గ్రేస్‌ హ్యారిస్‌, అలనా కింగ్‌, చమరి ఆటపట్టు, తాహిలా మెగ్రాత్‌, సోఫీ ఎక్లిస్టోన్‌.చదవండి: వారిద్దరూ అద్భుతం.. గంభీర్‌, నేను ఒక్కటే: సూర్య కుమార్‌

మహిళల ప్రీమియర్‌ లీగ్‌ -2026 మెగా వేలానికి ముందు ఫ్రాంఛైజీలు తాము అట్టిపెట్టుకునే, విడుదల చేసిన ప్లేయర్ల వివరాలు వెల్లడించాయి. ఢిల్లీ క్యాపిటల్స్‌ ఐదుగురు క్రికెటర్లను రిటైన్‌ చేసుకోగా.. ముంబై ఇండియన్స్‌ కూడా ఐదుగురిని అట్టిపెట్టుకుంది. ఇందులో భారత్‌కు తొలి వన్డే వరల్డ్‌కప్‌ అందించిన కెప్టెన్‌ హర్మన్‌ప్రీత్‌ కౌర్‌ (Harmanpreet Kaur) కూడా ఉంది.ఇక రాయల్‌ చాలెంజర్స్‌ బెంగళూరు తమ కెప్టెన్‌ స్మృతి మంధాన (Smriti Mandhana)తో పాటు మరో ముగ్గురిని రిటైన్‌ చేసుకుంది. గుజరాత్‌ టైటాన్స్‌ ఇద్దరిని అట్టిపెట్టుకోగా.. యూపీ వారియర్స్‌ ఒ‍క్కరిని మాత్రమే రిటైన్‌ చేసుకుని.. మిగతా అందరినీ విడుదల చేస్తూ సంచలన నిర్ణయం తీసుకుంది. కాగా భారత మహిళల జట్టు ఇటీవలే ఐసీసీ వన్డే వరల్డ్‌కప్‌ విజేతగా నిలిచిన విషయం తెలిసిందే. ఈ నేపథ్యంలో వేలంలోకి వస్తే హర్మన్‌, స్మృతి వంటి వారికి భారీ ధర దక్కుతుందనే అంచనాల నడుమ ఆయా జట్లు వీరిని రిటైన్‌ చేసుకోవడం గమనార్హం. కాగా నవంబరు 27న మెగా వేలం జరుగనుంది.రిటెన్షన్‌ లిస్టుఢిల్లీ క్యాపిటల్స్‌ షఫాలీ వర్మ (రూ. 2.20 కోట్లు)జెమీమా రోడ్రిగ్స్‌ (రూ. 2.20 కోట్లు)మరిజానే కాప్‌ (రూ. 2.20 కోట్లు)అనాబెల్‌ సదర్లాండ్‌ (రూ. 2.20 కోట్లు)నికీ ప్రసాద్‌ (రూ. 50 లక్షలు)ముంబై ఇండియన్స్‌నట్‌ సీవర్‌- బ్రంట్‌ (రూ. 3.50 కోట్లు)హర్మన్‌ప్రీత్‌ కౌర్‌ (రూ. 2.50 కోట్లు)హేలీ మాథ్యూస్‌ (రూ. 1.75 కోట్లు)అమన్‌జోత్‌ కౌర్‌ (రూ. 1 కోటి)గుణాలన్‌ కమిలిని (రూ. 50 లక్షలు)రాయల్‌ చాలెంజర్స్‌ బెంగళూరుస్మృతి మంధాన (రూ. 3.50 కోట్లు)రిచా ఘోష్‌ (రూ. 2.75 కోట్లు)ఎలిస్‌ పెర్రి (రూ. 2 కోట్లు)శ్రేయాంక పాటిల్‌ (రూ. 60 లక్షలు)గుజరాత్‌ జెయింట్స్‌ఆష్లే గార్డ్‌నర్‌ (రూ. 3.50 కోట్లు)బెత్‌ మూనీ (రూ. 2.50 కోట్లు)యూపీ వారియర్స్‌శ్వేతా సెహ్రావత్‌ (రూ. 50 లక్షలు)ఢిల్లీ క్యాపిటల్స్‌ వదిలేసిన ప్లేయర్లుతానియా భాటియా, నందిని కశ్యప్, స్నేహ దీప్తి, శిఖా పాండే, మిన్ను మణి, అరుంధతి రెడ్డి, టిటాస్ సాధు, శ్రీ చరణి, రాధా యాదవ్, మెగ్ లానింగ్, సారా బ్రైస్, అలిస్ క్యాప్సే, జెస్ జోనాసెన్.ముంబై ఇండియన్స్‌ వదిలేసిన ప్లేయర్లుయాస్తికా భాటియా, అమన్‌దీప్ కౌర్, క్లో ట్రయాన్, సజీవన్ సజన, సంస్కృతి గుప్తా, సైకా ఇషాక్, జింటిమణి కలిత, సత్యమూర్తి కీర్తన, అక్షితా మహేశ్వరి, పరుణికా సిసోడియా, పూజా వస్త్రాకర్, అమేలియా కెర్, నదీన్ డి క్లెర్క్, షబ్నిమ్ ఇస్మాయిల్.రాయల్‌ చాలెంజర్స్‌ బెంగళూరు వదిలేసిన ప్లేయర్లుసబ్బినేని మేఘన, నుజాత్ పర్వీన్, కనికా అహుజా, రాఘవి బిస్త్, స్నేహ్‌ రానా, ఆశా శోభన, ఏక్తా బిష్త్, వీజే జోషిత, జాగ్రవి పవార్, ప్రేమ రావత్, రేణుకా సింగ్, డాని వ్యాట్-హాడ్జ్, చార్లీ డీన్, కిమ్ గార్త్, హీథర్ గ్రాహమ్‌ సోఫీ డివైన్‌, సోఫీ మొలినక్స్‌, జార్జియా వారేహమ్‌, కేట్‌ క్రాస్‌.గుజరాత్‌ జెయింట్స్‌ వదిలేసిన ప్లేయర్లుహర్లీన్ డియోల్, భారతీ ఫుల్మాలి, దయాళన్ హేమలత, సిమ్రాన్ షేక్, మన్నత్ కశ్యప్, సయాలీ సత్‌ఘరే, కశ్వీ గౌతమ్, తనూజా కన్వర్, మేఘనా సింగ్, ప్రకాశిక నాయక్, ప్రియా మిశ్రా, షబ్నమ్ షకిల్, ఫోబ్ లిచ్‌ఫీల్డ్, బెత్ మూనీ, లారా వోల్వర్ట్‌, డియోండ్రా డాటిన్‌, డేనియల్‌ గిబ్సన్‌.యూపీ వారియర్స్‌ఉమా ఛెత్రి ఆరుషి గోయెల్‌, పూనమ్‌ ఖెన్మార్‌, కిరణ్‌ నవగిరె, దినేశ్‌ వ్రింద, దీప్తి శర్మ, అంజలి శర్వాణి, క్రాంతి గౌడ్‌, రాజేశ్వరి గైక్వాడ్‌, గౌహర్‌ సుల్తానా, సైమా ఠాకూర్‌, చినెల్లి హెన్రి, జార్జియా వాల్‌, అలిసా హేలీ గ్రేస్‌ హ్యారిస్‌, అలనా కింగ్‌, చమరి ఆటపట్టు, తాహిలా మెగ్రాత్‌, సోఫీ ఎక్లిస్టోన్‌.చదవండి: క్రీజులోకి వెళ్లు.. నీ తల పగలకొడతా!

ప్రధాన మంత్రి నరేంద్ర మోదీ (Narendra Modi) పట్ల భారత స్టార్‌ క్రికెటర్‌, వన్డే వరల్డ్‌కప్‌ విజేత దీప్తి శర్మ (Deepti Sharma) అభిమానం చాటుకుంది. ఆయనను నేరుగా కలవాలని ఎన్నాళ్ల నుంచో ఎదురుచూస్తున్నానని.. ఇప్పటికి తన కల నెరవేరిందని హర్షం వ్యక్తం చేసింది. కాగా ఐసీసీ మహిళల వన్డే ప్రపంచకప్‌-2025 (ICC Women's ODI World Cup)లో విజేతగా నిలిచిన భారత జట్టు బుధవారం ప్రధాని నరేంద్ర మోదీని మర్యాదపూర్వకంగా కలిసింది.సరదాగా ముచ్చటించిన మోదీఈ సందర్భంగా.. విజయవంతమైన ఈ ప్రపంచకప్‌ ప్రయాణంలో ఎదురైన సవాళ్లను అధిగమించి తొలిసారి విశ్వవిజేతగా నిలిచిన హర్మన్‌ప్రీత్‌ కౌర్‌ నేతృత్వంలో జట్టును మోదీ అభినందించారు. ప్రధాని కేవలం ఓ ఫొటో, రెండు ముక్కల ప్రశంసకే పరిమితం కాకుండా ప్లేయర్లందరితో కలిసి కూర్చుని సరదాగా ముచ్చటించారు.ఈ క్రమంలో 2017లో ఫైనల్లో ఓడినపుడు ఉత్త చేతులతో మోదీని కలిసిన తాము ఇప్పుడు ప్రపంచకప్‌ ట్రోఫీతో కలవడం చాలా సంతోషాన్నిచ్చిందని కెప్టెన్‌ హర్మన్‌ప్రీత్‌ చెప్పుకొచ్చింది. మోదీ అప్పుడు చెప్పిన మాటలు ఈ సారి కప్‌ గెలిచేందుకు ఎంతగానో దోహదపడ్డాయని వైస్‌ కెప్టెన్‌ స్మృతి మంధాన చెప్పింది.ఇక ‘ప్లేయర్‌ ఆఫ్‌ ద టోర్నీ’గా నిలిచిన దీప్తి శర్మ మాట్లాడుతూ మరోసారి ప్రధానిని కలిసే అవకాశం కోసం ఎంతగానో ఎదురు చూశామని తాజా కప్‌తో కలుసుకోవడం మరింత తృప్తినిచ్చిందని పేర్కొంది. ఈ సందర్భంగా దీప్తి ఇన్‌స్ట్రాగామ్‌ బయోలో ఉన్న ‘జై శ్రీరామ్‌’, ఆమె భుజంపై ఉన్న హనుమాన్‌ టాటూ విశేషాలను మోదీ అడిగితెలుసుకున్నారు. తన మానసిక, శారీరక బలానికి హనుమాన్‌ టాటూ ఉత్ప్రేరకమని దీప్తి చెప్పింది.‘‘మిమ్మల్ని కలవాలని ఎన్నాళ్లుగానో వేచి చూస్తున్నా. ఈరోజు నేను సంతోషంగా ఉన్నాను. 2017లో మీరు మాతో ఓ మాట చెప్పారు. అవరోధాలను అధిగమించి సవాళ్లను సమర్థవంతంగా పూర్తి చేసినవాళ్లే అసలైన ఆటగాళ్లు అని మీరన్నారు.లార్డ్‌ హనుమాన్‌ టాటూ మీకెలా ఉపయోగపడుతుంది?కఠినంగా శ్రమిస్తే తప్పక ఫలితం వస్తుందని చెప్పారు. మీ మాటలు, సలహాలు మాలో స్పూర్తిని నింపాయి’’ అని దీప్తి శర్మ ప్రధాని మోదీతో పేర్కొంది. ఈ క్రమంలో ఆయన.. లార్డ్‌ హనుమాన్‌ టాటూ మీకెలా ఉపయోగపడుతుంది? అని దీప్తిని అడుగగా.. ‘‘నా కంటే నేను ఆయన (హనుమాన్‌)నే ఎక్కువగా నమ్ముతాను. నా ఆట మెరుగుపడటానికి ఆయన మీదున్న నా నమ్మకం, సానుకూల దృక్పథమే కారణం’’ అని దీప్తి శర్మ బదులిచ్చింది.కాగా వరల్డ్‌కప్‌-2025లో భాగంగా సౌతాఫ్రికాతో ఫైనల్లో దీప్తి శర్మ 58 పరుగులు చేయడంతో పాటు.. ఐదు వికెట్లు తీసి భారత్‌ విజయంలో కీలక పాత్ర పోషించింది. టోర్నీ ఆసాంతం అద్భుత ప్రదర్శన కనబరిచి ప్లేయర్‌ ఆఫ్‌ ది టోర్నమెంట్‌గా నిలిచింది.‘ఫిట్‌ ఇండియా’ కార్యక్రమంలోఇదిలా ఉంటే.. సౌతాఫ్రికాతో ఫైనల్లో అమన్‌జోత్‌ క్యాచ్, క్రాంతి గౌడ్‌ బౌలింగ్‌ ప్రదర్శనను ప్రత్యేకంగా అభినందించారు. ఈ సందర్భంగా ‘ఫిట్‌ ఇండియా’ కార్యక్రమంలో విశ్వవిజేతలు భాగం కావాలని మోదీ క్రికెటర్లను ఉద్దేశించి అన్నారు. శారీరక ఫిట్‌నెస్‌ ఆవశ్యకతను తెలియజేసే కార్యక్రమాల్లో పాల్గొనాలని సూచించారు. వీలైనపుడు విద్యార్థులను స్ఫూర్తిదాయక ప్రసంగాలతో ఉత్సాహపరచాలని మోదీ సూచించారు. చదవండి: ‘సాకులు చెబుతారు... కానీ ఏదో ఒకరోజు సెలక్ట్‌ చేయక తప్పదు’Player of the Tournament, Deepti Sharma, recalled that in 2017, Prime Minister @narendramodi had advised her to learn from failure and keep working hard. She shared that she had been eagerly looking forward to this meeting. Deepti also explained the significance of the ‘Hanuman’… pic.twitter.com/aUXki9yZz6— DD News (@DDNewslive) November 6, 2025

అర్ధ శతాబ్దపు స్వప్నం సాకారమై క్రికెట్‌లో మన నారీమణులు సాధించిన ప్రపంచ కప్‌ విజయం వెనుక వారు ఎన్నో ఏళ్ళుగా ఎదుర్కొన్న పెను సవాళ్ళు, ఛీత్కారాలు ఉన్నాయి. అమ్మాయిల క్రికెట్‌ నిన్న మొన్నటి దాకా ఆటలో అరటి పండు లాంటిదే. ‘పురుషుల క్రికెట్‌లో మీకు ఇష్టమైన ప్లేయర్‌ ఎవరు?’ అని మిథాలీ రాజ్‌ను ఆ మధ్య ఓ జర్నలిస్ట్‌ అడిగాడు. ‘ముందు ఆ పురుష పుంగవులను కలిసి వారికిష్టమైన మహిళా క్రికెటర్‌ ఎవరో అడిగి తెలుసుకుని రండి’ అంటూ ఘాటుగా కౌంటర్‌ ఇచ్చి పడేశారామె. చులకన భావం ఒక్కటే మన క్రికెట్‌ వనితల సమస్య కాదు. మన దేశంలో మహిళల క్రికెట్‌ చాలా కాలం పాటు ఓ మొక్కుబడి వ్యవహారంగానే ఉంటూ వచ్చింది. నిధుల కొరత, అరకొర సదు పాయాల వల్ల ఆస్ట్రేలియా, ఇంగ్లండ్‌ లాంటి దేశాల క్రికెట్‌ ప్రమాణా లను అందుకోవడం మన అమ్మాయిలకు కష్టంగా ఉండేది. మన దేశంలో మగపిల్లలు క్రీడలపై ఆసక్తి చూపిస్తేనే అది తలిదండ్రులకు నచ్చదు. ఇక ఆడపిల్లల్ని ఆటలకు పంపడం గురించి చెప్పేదేముంది! బ్యాట్లయినా లేని రోజుల నుంచి...పురుషులతో పోలిస్తే చాలా ఆలస్యంగా మన మహిళలు అంత ర్జాతీయ క్రికెట్‌లోకి అడుగుపెట్టారు. 1976లో మన మహిళా జట్టు మొట్టమొదటి క్రికెట్‌ టెస్ట్‌ ఆడింది. కొన్ని సంవత్సరాల తరబడి ఒక్క అంతర్జాతీయ మ్యాచ్‌ కూడా ఆడని సందర్భాలు 1980, 1990 దశ కాల్లో ఉండేవి. అప్పట్లో నిధుల కొరత వల్ల మన జట్టు ఫంక్షన్‌ హాళ్ళలో, స్కూలు బిల్డింగుల్లో బస చేసేది. అక్కడ ఎలుకలు, బొద్దింకలతో సహజీవనం చేయాల్సి వచ్చేదని తొలినాళ్ళలో భారత మహిళా జట్టు కెప్టెన్‌ గా ఉన్న శాంతా రంగస్వామి చెబుతోంది. టీమ్‌ మొత్తానికి కలిపి రెండు, మూడు బ్యాట్లు మాత్రం ఉండేవట! మిథాలీ రాజ్‌ ఆడిన రోజుల్లో కూడా సరైన టాయిలెట్‌ సదుపాయలు లేక పోవడాన్ని ‘శభాష్‌ మిథు’ బయోపిక్‌లో చూపించారు. ఇన్ని ఇబ్బందులున్నా అప్పట్లో శాంతా రంగస్వామితో పాటు, డయానా ఎడుల్జీ, నీతూ డేవిడ్, మిథాలీ, ఝులన్‌ గోస్వామి లాంటి మెరిక ల్లాంటి క్రికెటర్లు పుట్టుకొచ్చారు. 2005 ప్రపంచ కప్‌లో మన జట్టు ఫైనల్‌ దాకా వెళ్ళింది కూడా!అప్పట్లో రైల్వేస్‌ వారు మన మహిళా క్రికెటర్లకు ఉద్యోగాలిచ్చి ప్రోత్సహించేవారు. 2006లో మహిళల క్రికెట్‌ను బి.సి.సి.ఐ. పరిధి లోకి తీసుకొచ్చారు. అయితే మన క్రికెట్‌ బోర్డు వారు ప్రేమ కొద్దీ చేసిన పని మాత్రం కాదది. అంతర్జాతీయ క్రికెట్‌ కౌన్సిల్‌ (ఐ.సి.సి.) ఆదేశాల మేరకు మహిళల క్రికెట్‌ను బి.సి.సి.ఐ.లో విలీనం చేశారు. ఈ మార్పు తర్వాత పరిస్థితులు కాస్త మెరుగుపడ్డాయి. కనీసం రిజర్వేషన్‌ ఉన్న రైల్వే కంపార్ట్‌మెంట్లలో ప్రయాణం, కొన్నిసార్లు విమానయానం కూడా సాధ్యపడింది. ఆర్థికంగా కూడా మహిళా క్రికెటర్లు కొంత లాభపడ్డారు. ఇందిరా గాంధీతో 1975 నాటి తొలి భారత మహిళా క్రికెట్‌ జట్టు సీరియస్‌గా తీసుకోవడం మొదలైంది!హర్మన్‌ ప్రీత్‌ కౌర్, స్మృతీ మంధాన, దీప్తీ శర్మ, షెఫాలీ వర్మ లాంటి కొత్త తరం రంగంలోకి దిగాక అమ్మాయిల క్రికెట్‌కి కొత్త కళ వచ్చింది. ఈ తరం అమ్మాయిలు ఫిట్‌నెస్‌ మీద ఎక్కువ శ్రద్ధ పెట్టడంతో పాటు, తమ ఆట తీరులో కూడా దూకుడు పెంచారు. 2017 ప్రపంచ కప్‌ సెమీఫైనల్లో హర్మన్‌ ప్రీత్‌ ఆడిన ఇన్నింగ్స్‌ భారత మహిళల క్రికెట్‌లో గేమ్‌ ఛేంజర్‌. ఆస్ట్రేలియాతో జరిగిన ఆ మ్యాచ్‌లో ఆమె కేవలం 115 బంతుల్లో అజేయంగా 171 పరుగులు చేసింది. హర్మన్‌ ఆడిన ఆ ఇన్నింగ్స్‌ మొత్తం క్రికెట్‌ ప్రపంచం విస్తుపోయేలా చేసింది. అప్పటి ఫైనల్లో కూడా మన జట్టు గెల వాల్సింది గానీ తొమ్మిది పరుగుల తేడాతో కప్‌ పోగొట్టుకుంది. ఆ ప్రపంచ కప్‌ తర్వాత మన క్రీడాభిమానులు అమ్మాయిల క్రికెట్‌ను కూడా సీరియస్‌గా తీసుకోవడం మొదలుపెట్టారు. ఫ్యాన్‌ ఫాలో యింగ్‌ బాగా పెరిగింది.2022 నుంచి మహిళా క్రికెటర్లకు పురుషులతో సరిసమానంగా మ్యాచ్‌ ఫీజ్‌ ఇవ్వాలని బి.సి.సి.ఐ. నిర్ణయించింది. అలాగే మహిళా ఐపీఎల్‌ (డబ్ల్యూపీఎల్‌) కూడా ప్రారంభించడం మరో ముఖ్యమైన పరిణామం. కడప జిల్లాలోని ఓ మారుమూల పల్లెకు చెందిన శ్రీచరణి ఈ డబ్ల్యూపీఎల్‌ ద్వారానే భారత జట్టులోకి వచ్చింది. శ్రీచరణి లాగానే డబ్ల్యూపీఎల్‌ వల్ల గ్రామాల నుంచి, దిగువ మధ్య తరగతి కుటుంబాల నుంచి కొత్త క్రికెటర్లు వస్తున్నారు. అమన్‌ జోత్‌ కౌర్‌ తండ్రి ఒక వడ్రంగి. తండ్రి తయారు చేసిచ్చిన బ్యాట్‌తోనే ఆమె క్రికెట్‌లో ఓనమాలు దిద్దుకుంది. షెఫాలీ వర్మ మగవాళ్ల హెయిర్‌ కట్‌తో కనిపిస్తుంది. అందుకు కారణం ఆమె చిన్నప్పుడు మగపిల్లాడిగా నటిస్తూ మగవాళ్లతో కలిసి ఆడేది. గ్రామీణ వాతా వరణం నుంచి వచ్చిన ఈ కొత్త తరం అమ్మాయిలు కసిగా, నిర్భయంగా ఆడుతున్నారు. మంచి ఫలితాలు తెస్తున్నారు. మగవాళ్లతో పోటీ!2022 కామన్వెల్త్‌ క్రీడల్లో మన అమ్మాయిలు క్రికెట్‌లో రజత పతకం గెలుచుకున్నారు. 2023 ఆసియా క్రీడల్లో మన దేశానికి క్రికెట్‌లో మొట్టమొదటి స్వర్ణ పతకం మన మహిళా జట్టే అందించింది. ఇప్పుడు ప్రపంచ కప్‌లో జయకేతనం ఎగరవేశారు. 1983 విజయం పురుషుల జట్టును అమాంతంగా ఎలా సూపర్‌ స్టార్స్‌ను చేసిందో, ఈ గెలుపు మహిళల క్రికెట్‌లో కూడా ఒక సువర్ణాధ్యాయా నికి తెర లేపనుంది అనడంలో సందేహం లేదు. 2017లో హర్మన్‌ ఆడిన ఇన్నింగ్స్‌ లాగానే మొన్నటి సెమీ ఫైనల్లో జమీమా రోడ్రిగ్స్‌ సెంచరీ కూడా భావితరాలకు స్ఫూర్తిగా నిలిచిపోతుంది. ఇకపై సూపర్‌ స్టార్‌డమ్‌ కేవలం మగ క్రికెటర్లకే పరిమితం కాకపోవచ్చు. వారు అమ్మాయిలతో పోటీ పడాల్సి రావచ్చు. వై షుడ్‌ బాయ్స్‌ హ్యావ్‌ ఆల్‌ ద ఫన్‌!సి. వెంకటేశ్‌వ్యాసకర్త జర్నలిస్ట్, స్పోర్ట్స్‌ కామెంటేటర్‌

ఎవరికైనా ఇంటి అడ్రస్‌ చెప్పడానికి చుట్టుపక్కల ఉన్న ల్యాండ్‌ మార్క్‌ చెబుతాం తేలిగ్గా కనుక్కోవడానికి! కానీ ఇల్లే అలా ల్యాండ్‌మార్క్‌ అయిన అబ్బురం గురించి విన్నారా? ఆ ఘనత క్రికెటర్‌ దీప్తి శర్మకు దక్కుతుంది. ఆమె ఇంటి ముందు ‘అర్జున అవార్డీ క్రికెటర్‌ దీప్తి శర్మ మార్గ్‌: సర్వజన్‌ వికాస్‌ సమితి అవద్‌పురి మీకు హృదయపూర్వక స్వాగతం పలుకుతోంది’ అనే ఆర్చ్‌ కనపడుతుంది. ఇప్పుడు ఎందుకీ ప్రస్తావన అంటే మహిళా క్రికెట్‌ వరల్డ్‌ కప్‌ పోటీలే! ఆల్‌రౌండర్‌గా అందులో ఆమె చూపిస్తున్న ప్రతిభనే సందర్భంగా దీప్తి పరిచయం.. ఆగ్రాలోని షాగంజ్, అవద్‌పురి కాలనీలో పుట్టి పెరిగారు దీప్తి. చిన్నప్పటి నుంచీ క్రికెట్‌ అంటే ప్రాణం. క్రికెట్‌ బ్యాట్‌తో ఆగ్రా వీధులను చుట్టారు. తన స్పిన్‌ బౌలింగ్‌తో ఆ ఊరి దారులను సుపరిచితం చేసుకున్నారు. క్రికెటర్‌ కావాలన్న ఆ దీక్షే ఆమెను ఈ రోజు స్టేడియంలో నిలబెట్టింది. వరల్డ్‌ కప్‌ టీమ్‌లో భాగస్వామిని చేసింది.అన్నయ్యే తొలి గురువుగా.. దీప్తికి క్రికెట్‌ మీద ఆసక్తి ఏర్పడింది అన్నయ్య సుమిత్‌ శర్మ క్రికెట్‌ ఆడటాన్ని చూసే. అన్నయ్యను అనుకరిస్తూ ఆమె క్రికెట్‌ ఆడేవారు. అది అన్నయ్య దృష్టిలో పడింది. క్రికెట్‌ అంటే దీప్తికున్న మక్కువనూ, ఆ ఆటలో ఆమె ప్రతిభనూ గమనించాడు. అంతే! చెల్లికి తొలి కోచ్‌గా మారాడు. ‘ఆడపిల్లకు క్రికెట్‌ ఏంటీ?’ అన్న బంధువుల మాటలకు తలొగ్గిన తల్లి .. చెల్లిని క్రికెట్‌ ఆడనీయకుండా ప్రయత్నించేది. కానీ అమ్మకు తెలియకుండా చెల్లిని గ్రౌండ్‌కి తీసుకెళ్లి క్రికెట్‌లోని మెలకువలను నేర్పించాడు అన్నయ్య. ఆట పట్ల ఆ పిల్లలకున్న నిబద్ధతను చూసి తల్లిదండ్రులూ ప్రోత్సహించడం మొదలుపెట్టారు. బంధువుల మాటను బేఖాతరు చేసి. చదువునూ సీరియస్‌గా తీసుకోవాలనే షరతు పెట్టారు. అలా ఆ ఇంటి పెద్దలు రెండిటి మధ్య సమన్వయం పాటించినట్లే దీప్తి కూడా చదువు, క్రికెట్‌ రెండిటినీ సమన్వయం చేసుకుంది. ప్రొఫెషనల్‌ క్రికెటర్‌గా..గ్రౌండ్‌లో అన్నాచెల్లెళ్ల క్రికెట్‌ కమిట్‌మెంట్‌ చూసిన స్థానిక కోచ్‌లు దీప్తికి తదుపరి శిక్షణనివ్వడానికి ముందుకు వచ్చారు. ఆ శిక్షణ ఆమె బ్యాటింగ్‌ను, బౌలింగ్‌ స్కిల్స్‌ను మెరుగుపరచాయి. దానికి తోడు గ్రౌండ్‌లో గంటల కొద్దీ ప్రాక్టీస్‌.. ఆమెను ఆల్‌రౌండర్‌గా మలిచింది. ఆ ప్రత్యేకతే నేషనల్‌ సెలెక్టర్‌లను ఆకట్టుకుంది. పదిహేడేళ్ల వయసులోనే ఆమెకు ఇండియన్‌ విమెన్స్‌ క్రికెట్‌ జట్టులో స్థానం కల్పించేలా చేసింది. ఆమె ప్రతిభ యూపీ వారియర్స్‌ (ఐపీఎల్‌)కి కెప్టెన్‌ను చేసింది. తర్వాత అంతర్జాతీయ క్రికెట్‌కూ చేర్చింది. సవాళ్లు.. విజయాలుగెలుపు దారి అంత సులువుగా ఉండదు. ఇందుకు దీప్తి క్రికెట్‌ ప్రయాణం మినహాయింపు కాదు. ఆడపిల్ల క్రికెట్‌ ఆడటం ఏంటీ అని పెదవి విరవడాల దగ్గర్నుంచి క్రికెట్‌లో లింగవివక్ష లాంటి నుదురు చిట్లింపుల వరకు ప్రతి చిన్నా పెద్దా సవాళ్లకు ఎదురొడ్డింది దీప్తి. అన్నిటినీ బౌల్డ్‌ చేసింది.. మూస ఆలోచనలను బౌండరీకి ఆవల నెట్టేసింది. ఒక్కమాటలో క్రికెట్‌లో ఆమె ప్రకంపనలు సృష్టించిందని చెప్పవచ్చు. వన్‌ డే ఇంటర్నేషనల్స్‌లో డబుల్‌ సెంచరీ చేసిన తొలి భారతీయ మహిళా క్రికెటర్‌గా రికార్డ్‌ క్రియేట్‌ చేయడమే కాదు క్రికెట్‌లో ఉన్న పురుషాధిపత్యాన్నీ బ్రేక్‌ చేసింది. ఇలా ఆటలోని ఆమె శైలి, వ్యూహం, స్థిరత్వం అన్నీ మన దేశ మహిళా క్రికెట్‌ను ఉన్నత స్థితికి చేర్చాయి. అందుకే మన మహిళా క్రికెట్‌లో ఆమెను ఒక అద్భుతంగా అభివర్ణిస్తారు క్రికెట్‌ విశ్లేషకులు. చిన్న పట్టణం నుంచి పెద్ద కలతో విశాలమైన మైదానంలోకి అడుగుపెట్టి ఆ కలను ఆమె సాకారం చేసుకున్న తీరు అమ్మాయిలకే కాదు అబ్బాయిలకూ స్ఫూర్తే! అందుకే దీప్తి శర్మ అర్జున అవార్డ్‌ అందుకున్న వెంటనే ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌.. ఆమె ఇంటిముందున్న రోడ్లను సువిశాలం చేసి.. ఆమె ఉంటున్న వీథికి మౌలిక సదుపాయాలను కల్పించారట. ఆ గౌరవంతోనే అవద్‌పురి వాసులు తమ వీథి ముందు ‘అర్జున అవార్డీ క్రికెటర్‌ దీప్తిశర్మ మార్గ్‌ : సర్వజన్‌ వికాస్‌ సమితి అవద్‌పురి మీకు హృదయపూర్వక స్వాగతం పలుకుతోంది’ అనే ఆర్చ్‌ను ఏర్పాటు చేశారు. ‘జీవితంలో.. ఆటలో ఎక్కడైనా ఒడిదొడుకులు ఉంటాయి. వాటిని సమర్థవంతంగా ఎదుర్కోవడమే విజయం. ఆ చాలెంజెసే మనల్ని అద్భుతమైన ప్లేయర్‌గా తీర్చిదిద్దుతాయి ఆటలో అయినా.. జీవితంలో అయినా!– దీప్తి శర్మ

ఐసీసీ మహిళల వన్డే వరల్డ్‌కప్‌-2025 (ODI World Cup 2025)లో భారత జట్టు మరో పరాజయం చవిచూసింది. స్వీయ తప్పిదాల కారణంగా ఇంగ్లండ్‌ మహిళా జట్టు (IND W vs ENG W)తో గెలవాల్సిన మ్యాచ్‌లో.. నాలుగు పరుగుల స్వల్ప తేడాతో ఓడిపోయింది. తద్వారా సెమీ ఫైనల్‌ అవకాశాలను సంక్లిష్టం చేసుకుంది.ఈ నేపథ్యంలో ఇండోర్‌ వేదికగా ఇంగ్లండ్‌ చేతిలో ఓటమిపై భారత జట్టు వైస్‌ కెప్టెన్‌ స్మృతి మంధాన (Smriti Mandhana) స్పందించింది. తాను కాస్త తెలివిగా ఆడి ఉంటే మ్యాచ్‌ తప్పక గెలిచేవాళ్లమని పేర్కొంది. గెలవాల్సిన మ్యాచ్‌లో ఓడటానికి తాను ప్రధాన కారణమంటూ ఓటమికి బాధ్యత వహించింది. 88 పరుగులు చేసి..నిజానికి ఇంగ్లండ్‌తో మ్యాచ్‌లో స్మృతి అదరగొట్టింది. ఈ ఓపెనింగ్‌ బ్యాటర్‌ 94 బంతులు ఎదుర్కొని 88 పరుగులు చేసి.. జట్టును విజయం దిశగా నడిపించింది. చేతిలో ఏడు వికెట్లు.. గెలుపునకు 53 బంతుల్లో 55 పరుగులు అవసరమైన వేళ అనూహ్య రీతిలో స్మృతి అవుటైంది.లిన్సే స్మిత్‌ బౌలింగ్‌లో లాంగాఫ్‌ మీదుగా షాట్‌ బాది అలిస్‌ కాప్సేకి క్యాచ్‌ ఇచ్చిన స్మృతి మంధాన.. పెవిలియన్‌కు చేరింది. ఇక కెప్టెన్‌ హర్మన్‌ప్రీత్‌ కౌర్‌ కూడా అద్బుత అర్ధ శతకం (70)తో రాణించింది. మరోవైపు.. దీప్తి శర్మ 50 పరుగులతో అదరగొట్టింది. కానీ స్మృతి అవుటైన తర్వాత భారత బ్యాటింగ్‌ ఆర్డర్‌ వేగంగా పతనమైంది.The skipper’s looking solid and locked on to the chase! 🤜🏻🤛🏻Will Harmanpreet Kaur turn this start into a big one and guide #TeamIndia through in this do-or-die clash? 😮‍💨Catch the LIVE action ➡https://t.co/WF0rXIHjl8#CWC25 👉 #INDvENG | LIVE NOW on Star Sports & JioHotstar pic.twitter.com/vTs7nP01Tb— Star Sports (@StarSportsIndia) October 19, 2025 ఇంగ్లండ్‌ విధించిన 289 పరుగుల లక్ష్యాన్ని ఛేదించే క్రమంలో.. నిర్ణీత 50 ఓవర్లలో ఆరు వికెట్ల నష్టానికి టీమిండియా 284 పరుగుల వద్ద నిలిచింది. దీంతో ఓటమి ఖరారైంది. ఈ నేపథ్యంలో మ్యాచ్‌ అనంతరం స్మృతి మంధాన తీవ్ర భావోద్వేగానికి లోనైంది.నా వల్లే జట్టు ఓడింది.. నేను కాస్త తెలివిగా ఆడాల్సింది‘‘అవును.. మా బ్యాటింగ్‌ ఆర్డర్‌ కుప్పకూలింది. ప్రతి ఒక్కరు ఇది చూసే ఉంటారు.‍ మా షాట్‌ సెలక్షన్లు మరింత మెరుగ్గా ఉండాల్సింది. ముఖ్యంగా నేను.. ఇంకాస్త తెలివిగా ప్రవర్తించాల్సింది. మా బ్యాటింగ్‌ ఆర్డర్‌ పతనం నాతోనే మొదలైంది. ఇందుకు నేను నైతిక బాధ్యత వహిస్తాను.నాదే బాధ్యతమేము ఓవర్‌కు కేవలం ఆరు పరుగులు చేసి ఉంటే గెలిచేవాళ్లం. కానీ పరిస్థితి మరోలా మారిపోయింది. ఏదేమైనా ఈ మ్యాచ్‌లో మా బ్యాటింగ్‌ ఆర్డర్‌ పతనానికి నాదే బాధ్యత’’ అని స్మృతి మంధాన పేర్కొంది. కాగా తాజా వన్డే వరల్డ్‌కప్‌ టోర్నీలో భారత్‌కు ఇది హ్యాట్రిక్‌ ఓటమి.ఇదిలా ఉంటే.. ఇప్పటికే ఆస్ట్రేలియా, సౌతాఫ్రికా మహిళా జట్లు సెమీ ఫైనల్‌ చేరగా.. భారత్‌పై గెలుపుతో ఇంగ్లండ్‌ కూడా సెమీస్‌కు అర్హత సాధించింది. నాలుగో స్థానం కోసం న్యూజిలాండ్‌తో భారత్‌ పోటీ పడుతోంది.చదవండి: నితీశ్‌ రెడ్డిని అందుకే తీసుకున్నారు.. కానీ ఇదేం పద్ధతి?: అశూ ఫైర్‌

గువాహటి: సొంతగడ్డపై అట్టహాసంగా ఆరంభమైన వన్డే ప్రపంచకప్‌లో భారత మహిళల జట్టు శుభారంభం చేసింది. బ్యాటింగ్‌లో అర్ధసెంచరీ సాధించిన దీప్తి శర్మ బౌలింగ్‌లో కీలక వికెట్లతో ఆల్‌రౌండ్‌ ప్రదర్శన కనబరిచింది. దీంతో మంగళవారం జరిగిన తొలి లీగ్‌ మ్యాచ్‌లో భారత్‌ డక్‌వర్త్‌ లూయిస్‌ పద్ధతిలో 59 పరుగుల తేడాతో శ్రీలంకపై ఘనవిజయం సాధించింది. టాస్‌ ఓడి ముందుగా బ్యాటింగ్‌కు దిగిన భారత్‌... వర్షం వల్ల కుదించిన 47 ఓవర్లలో 8 వికెట్ల నష్టానికి 269 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ దీప్తి శర్మ (53 బంతుల్లో 53; 3 ఫోర్లు), అమన్‌జోత్‌ కౌర్‌ (56 బంతుల్లో 57; 5 ఫోర్లు, 1 సిక్స్‌), రాణించారు. లంక బౌలర్లలో ఇనొక రణవీర 4 వికెట్లు, ప్రబోధని 2 వికెట్లు తీశారు. అనంతరం దిగిన శ్రీలంక 45.4 ఓవర్లలో 211 పరుగులకే ఆలౌటైంది. కెప్టెన్‌ చమరి ఆటపట్టు (47 బంతుల్లో 43; 4 ఫోర్లు, 3 సిక్స్‌లు) మెరుగ్గా ఆడింది. దీప్తి (3/54) సహా భారత బౌలర్లు స్నేహ్‌ రాణా (2/32), ఆంధ్రప్రదేశ్‌ అమ్మాయి శ్రీచరణి (2/37), క్రాంతి (1/41), అమన్‌జోత్‌ (1/37), ప్రతిక (1/6) సమష్టిగా ప్రత్యర్థి బ్యాటర్ల భరతం పట్టారు. అమన్‌జోత్‌తో నడిపించి... బౌలింగ్‌తో గెలిపించి... భారత వెటరన్‌ ఆల్‌రౌండర్‌ దీప్తి శర్మ ఆల్‌రౌండ్‌ షోకు శ్రీలంక కుదేలైంది. ప్రతీక (37; 3 ఫోర్లు, 1 సిక్స్‌), హర్లీన్‌ డియోల్‌ (64 బంతుల్లో 48; 6 ఫోర్లు) మెరుగ్గా ఆడినప్పటికీ మరోవైపు కీలక స్టార్లు స్మృతి మంధాన (8), హర్మన్‌ప్రీత్‌ (21), జెమీమా (0), రిచా ఘోష్‌ (2) విఫలమవడంతో 124/6 స్కోరు వద్ద భారత్‌ పనైపోయిందనిపించింది. ఈ దశలో దీప్తి, అమన్‌జోత్‌తో కలిసి భారత్‌ను నడిపించింది. లంక అమ్మాయిల చెత్త ఫీల్డింగ్‌తో అమన్‌జోత్‌ మూడుసార్లు 18, 37, 50 పరుగుల వ్యక్తిగత స్కోర్ల వద్ద అవుటయ్యే ప్రమాదం నుంచి బయటపడింది. ఇద్దరు అర్ధసెంచరీ పూర్తి చేసుకొని జట్టును ఒడ్డుకు చేర్చారు. ఏడో వికెట్‌కు 99 బంతుల్లో 103 పరుగులు జోడించాక ముందుగా అమన్‌జోత్, అనంతరం దీప్తి అవుటయ్యారు. ఆఖర్లో స్నేహ్‌ రాణా (15 బంతుల్లో 28 నాటౌట్‌; 2 ఫోర్లు, 2 సిక్స్‌లు) మెరిపించింది. తర్వాత కష్టమైన లక్ష్యాన్ని ఛేదించేందుకు బరిలోకి దిగిన శ్రీలంక వరుస విరామాల్లో వికెట్లను కోల్పోయి ఓటమిని ఆహ్వానించింది. ఓపెనర్, కెపె్టన్‌ చమరి ఆటపట్టు, వన్‌డౌన్‌ బ్యాటర్‌ హర్షిత (29; 3 ఫోర్లు), మిడిలార్డర్‌లో నీలాక్షిక సిల్వా (29 బంతుల్లో 35; 4 ఫోర్లు; 1 సిక్స్‌) మెరుగ్గా ఆడారంతే! మిగతా బ్యాటర్లను భారత బౌలింగ్‌ దళం క్రీజులో నిలువనీయలేదు.స్కోరు వివరాలుభారత మహిళల ఇన్నింగ్స్‌: ప్రతిక రావల్‌ (సి) విష్మి (బి) ఇనొక 37; స్మృతి మంధాన (సి) విష్మి (బి) ప్రబోధని 8; హర్లీన్‌ డియోల్‌ (సి) దిల్హారి (బి) ఇనొక 48; హర్మన్‌ప్రీత్‌ కౌర్‌ (సి) సంజీవని (బి) ఇనొక 21; జెమీమా రోడ్రిగ్స్‌ (బి) ఇనొక 0; దీప్తి శర్మ (సి) సుగంధిక (బి) అచిని 53; రిచా ఘోష్‌ (సి) ప్రబోధని (బి) చమరి 2; అమన్‌జోత్‌ (సి) విష్మి (బి) ప్రబోధని 57; స్నేహ్‌ రాణా (నాటౌట్‌) 28; ఎక్స్‌ట్రాలు 15; మొత్తం (47 ఓవర్లలో 8 వికెట్లకు) 269. వికెట్ల పతనం: 1–14, 2–81, 3–120, 4–120, 5–121, 6–124, 7–227, 8–269. బౌలింగ్‌: అచిని కులసూర్య 8–0–42–1, ఉదేíÙక ప్రబోధని 10–1–55–2, సుగంధిక 9–0–46–0, కవిశా దిల్హారి 8–0–51–0, ఇనొక రణవీర 9–0–46–4, చమరి 3–0–24–1. శ్రీలంక మహిళల ఇన్నింగ్స్‌: హాసిని (బి) క్రాంతి గౌడ్‌ 14; చమరి (బి) దీప్తి శర్మ 43; హర్షిత (ఎల్బీడబ్ల్యూ) (బి) శ్రీచరణి 29; విష్మి గుణరత్నే (ఎల్బీడబ్ల్యూ) (బి) అమన్‌జోత్‌ 11; కవిశా (సి) రిచా ఘోష్‌ (బి) దీప్తి 15; నీలాక్షిక (బి) స్నేహ్‌ రాణా 35; అనుష్క (సి) హర్మన్‌ప్రీత్‌ (బి) దీప్తి 6; సుగంధిక (బి) స్నేహ్‌ రాణా 10; అచిని (సి) స్మృతి (బి) శ్రీచరణి 17; ప్రబోధని (నాటౌట్‌) 14; ఇనొక రణవీర (ఎల్బీడబ్ల్యూ) (బి) ప్రతిక రావల్‌ 3; ఎక్స్‌ట్రాలు 14; మొత్తం (45.4 ఓవర్లలో ఆలౌట్‌) 211. వికెట్ల పతనం: 1–30, 2–82, 3–103, 4–105, 5–130, 6–140, 7–173, 8–184, 9–199, 10–211. బౌలింగ్‌: క్రాంతి గౌడ్‌ 9–0–41–1, అమన్‌జోత్‌ 6–0–37–1, స్నేహ్‌ రాణా 10–0–32–2, దీప్తి శర్మ 10–1–54–3, శ్రీచరణి 8–0–37–2, ప్రతిక 2.4–0–6–1.

మ‌హిళ‌ల ప్ర‌పంచ‌క‌ప్‌-2025లో భాగంగా గౌహ‌తి వేదిక‌గా శ్రీలంక‌తో జ‌రుగుతున్న మ్యాచ్‌లో భార‌త బ్యాట‌ర్లు మెరుగైన ప్ర‌ద‌ర్శ‌న క‌న‌బ‌రిచారు. వ‌ర్షం కారణంగా మ్యాచ్‌ను 47 ఓవ‌ర్ల‌కు కుదించారు. టాస్ ఓడి తొలుత బ్యాటింగ్‌కు దిగిన భార‌త మ‌హిళ‌ల జ‌ట్టు నిర్ణీత ఓవ‌ర్ల‌లో 8 వికెట్ల‌ న‌ష్టానికి 269 ప‌రుగులు సాధించింది.భార‌త బ్యాట‌ర్ల‌లో అమన్‌జోత్ కౌర్(57) టాప్ స్కోర‌ర్‌గా నిల‌వ‌గా.. దీప్తి శర్మ(53), హర్లీన్ డియోల్(48) రాణించారు. ఒకనొక ద‌శ‌లో ఉమెన్ ఇన్ బ్లూ 120 ప‌రుగుల‌కే 6 వికెట్లు కోల్పోయి క‌ష్టాల్లో ప‌డింది. ఈ స‌మ‌యంలో అమ‌న్‌జోత్‌, దీప్తీ శ‌ర్మ ఏడో వికెట్‌కు 103 ప‌రుగుల కీల‌క భాగస్వామ్యం నెల‌కొల్పారు. ఆ త‌ర్వాత ఆఖ‌రిలో స్నేహ్ రాణా(15 బంతుల్లో 2 ఫోర్లు, 2 సిక్స్‌ల‌తో 28) దూకుడుగా ఆడింది. ఫ‌లితంగా భార‌త్ మెరుగైన టోట‌ల్‌ను సాధించగ‌ల్గింది. భార‌త స్టార్ బ్యాట‌ర్లు స్మృతి మంధాన(8), రోడ్రిగ్స్‌(0), హ‌ర్మాన్ ప్రీత్ కౌర్‌(21), రిచా ఘోష్(2) తీవ్ర‌నిరాశ‌ప‌రిచారు.శ్రీలంక బౌల‌ర్ల‌లో ఇనోకా రణవీర నాలుగు వికెట్లు ప‌డ‌గొట్ట‌గా.. ప్ర‌భోద‌ని రెండు, కులసూర్య, ఆతప‌ట్టు త‌లా వికెట్ సాధించారు. రణవీర ఒకే ఓవ‌ర్‌లో మూడు వికెట్లు ప‌డ‌గొట్టి భార‌త్‌కు ఊహించని షాకిచ్చింది.చదవండి: ఆసియాక‌ప్ ఫైన‌ల్లో ఓట‌మి... పాకిస్తాన్ క్రికెట్ బోర్డు సంచ‌ల‌న నిర్ణ‌యం

సౌతాంప్టన్‌: ఇంగ్లండ్‌తో బుధవారం జరిగిన తొలి వన్డేను భారత మహిళల జట్టు గెలుచుకోవడంలో దీప్తి శర్మ ప్రధాన పాత్ర పోషించింది. ఆఫ్‌స్పిన్నర్‌గా జట్టు బౌలింగ్‌ బృందంలో రెగ్యులర్‌ సభ్యురాలైన దీప్తి... బ్యాటర్‌గా లోయర్‌ ఆర్డర్‌లో అనేక మార్లు కీలక ఇన్నింగ్స్‌లు ఆడింది. ఇప్పుడు ఇంగ్లండ్‌తో మ్యాచ్‌లో ఆరో స్థానంలో బ్యాటింగ్‌కు వచ్చిన దీప్తి తనపై ఉంచిన నమ్మకాన్ని నిలబెడుతూ జట్టును విజయం వరకు తీసుకెళ్లింది.28వ ఓవర్లో 127/4 వద్ద క్రీజ్‌లోకి వచ్చిన ఆమె 62 బంతుల్లో 3 ఫోర్లు, 1 సిక్స్‌తో 64 పరుగులు సాధించి చివరి వరకు అజేయంగా నిలిచింది. లారెన్‌ బెల్‌ బౌలింగ్‌లో దీప్తి ఒంటి చేత్తో కొట్టిన సిక్సర్‌ హైలైట్‌గా నిలిచింది.‘ఇన్నేళ్ల నా కెరీర్‌లో చాలా సందర్భాల్లో ఇలాంటి స్థితిలోనే బరిలోకి దిగాను. నేను ఎంత ప్రశాంతంగా ఉండగలనో నాకు బాగా తెలుసు. కాబట్టి ఏమాత్రం ఒత్తిడికి గురి కాలేదు. ఈసారి కూడా అదే కీలకంగా మారింది. జెమీమాతో భాగస్వామ్యం నెలకొల్పడంపై ముందుగా దృష్టి పెట్టాను. మా పార్ట్‌నర్‌షిప్‌ జట్టు గెలుపు వరకు తీసుకెళుతుందని నేను నమ్మాను.నేను చివరి వరకు నిలిస్తే విజయం ఖాయమవుతుందని తెలుసు. జెమీమా తర్వాత రిచా, అమన్‌ కూడా బాగా సహకరించారు. ఒంటి చేత్తో సిక్సర్‌ కొట్టడం రిషభ్‌ పంత్‌ను చూసి నేర్చుకున్నాను’ అని మ్యాచ్‌ అనంతరం దీప్తి శర్మ వ్యాఖ్యానించింది.ఇంగ్లండ్‌ పేసర్‌ ఫైలర్‌ షార్ట్‌ పిచ్‌ బంతులతో పన్నిన వ్యూహానికి తాము సిద్ధంగా ఉండటం వల్లే ఎలాంటి సమస్యా రాలేదని దీప్తి పేర్కొంది. ఆమె కెరీర్‌లో ‘ప్లేయర్‌ ఆఫ్‌ ద మ్యాచ్‌’గా నిలవడం 20వసారి కాగా... మొదటిసారి బౌలింగ్‌లో ఒక్క వికెట్‌ కూడా తీయకుండా కేవలం బ్యాటింగ్‌ ప్రదర్శనతోనే ఆమె ఈ అవార్డును గెలుచుకోవడం విశేషం.త్వరలో జరిగే వన్డే వరల్డ్‌ కప్‌లోనూ ఆల్‌రౌండర్‌గా ఆమె కీలకం కానుంది. ‘మా జట్టు ఇటీవల వరుసగా చెప్పుకోదగ్గ విజయాలు సాధిస్తోంది. శ్రీలంకతో ముక్కోణపు టోర్నీ గెలిచాక ఇక్కడ కూడా బాగా రాణిస్తున్నాం. వరల్డ్‌ కప్‌కు ఇంకా చాలా సమయం ఉంది. దాని గురించి ఇప్పుడే ఆలోచించడం లేదు. ప్రస్తుతం ఒక్కో మ్యాచ్‌పైనే దృష్టి పెట్టాం’ అని దీప్తి పేర్కొంది. తొలి వన్డేలో 4 వికెట్లతో ఇంగ్లండ్‌ను ఓడించిన భారత్‌ సిరీస్‌లో 1–0తో ముందంజ వేయగా... రేపు లార్డ్స్‌ మైదానంలో రెండో వన్డే జరుగుతుంది.

దుబాయ్‌: ఇంగ్లండ్‌తో జరుగుతున్న టి20 సిరీస్‌లో నిలకడగా రాణిస్తున్న భారత స్పిన్నర్‌ దీప్తి శర్మ... అంతర్జాతీయ క్రికెట్‌ కౌన్సిల్‌ (ఐసీసీ) మహిళల టి20 ర్యాంకింగ్స్‌లో అగ్ర స్థానానికి చేరువైంది. మంగళవారం విడుదల చేసిన తాజా ర్యాంకింగ్స్‌లో దీప్తి శర్మ ఒక స్థానం పురోగతి సాధించి రెండో ర్యాంక్‌కు చేరుకుంది. గత ఆరేళ్లగా టాప్‌–10లో కొనసాగుతున్న దీప్తి తన కెరీర్‌లో తొలిసారి టాప్‌ ర్యాంక్‌ అందుకునేందుకు దగ్గరగా వచ్చింది. ప్రస్తుతం దీప్తి ఖాతాలో 738 రేటింగ్‌ పాయింట్లు ఉన్నాయి. 746 పాయింట్లతో పాకిస్తాన్‌ బౌలర్‌ సాదియా ఇక్బాల్‌ నంబర్‌వన్‌ స్థానంలో ఉంది. ఇంగ్లండ్‌తో మరో రెండు టి20లు జరగాల్సి ఉన్న నేపథ్యంలో దీప్తి శర్మ విశేషంగా రాణిస్తే తదుపరి ర్యాంకింగ్స్‌లో టాప్‌ ర్యాంక్‌ను అందుకునే అవకాశముంది. ‘హండ్రెడ్‌’ టోర్నీకి దూరం వచ్చే నెలలో ఇంగ్లండ్‌లో జరిగే ‘హండ్రెడ్‌’ టోర్నీ నుంచి దీప్తి శర్మ వైదొలిగింది. వర్క్‌లోడ్‌ మేనేజ్‌మెంట్, టీమిండియా బిజీ షెడ్యూల్‌ కారణంగా ఆమె ఈ నిర్ణయం తీసుకుంది. దీప్తి వైదొలిగిన నేపథ్యంలో ఈసారి ‘హండ్రెడ్‌’ టోర్నీలో భారత ప్రాతినిధ్యం ఉండటంలేదు. గత సీజన్‌ ఫైనల్లో దీప్తి శర్మ చివరి ఓవర్‌లో కొట్టిన సిక్స్‌తో లండన్‌ స్పిరిట్స్‌ జట్టు తొలిసారి ‘హండ్రెడ్‌’ ట్రోఫీని సొంతం చేసుకోవడం విశేషం. గత సీజన్‌లో లండన్‌ స్పిరిట్స్‌ జట్టు దీప్తి శర్మకు 36 వేల పౌండ్లు చెల్లించింది.

ఐసీసీ తాజాగా విడుదల చేసిన మహిళల టీ20 ర్యాంకింగ్స్‌లో పాకిస్తాన్‌ బౌలర్‌ సదియా ఇక్బాల్‌ అగ్రస్థానానికి ఎగబాకింది. సదియా.. ఇంగ్లండ్‌ బౌలర్‌ సోఫీ ఎక్లెస్టోన్‌ను కిందకు దించి టాప్‌ ప్లేస్‌కు చేరుకుంది. గత వారం ర్యాంకింగ్స్‌లో రెండో స్థానంలో ఉండిన సదియా ఓ స్థానం మెరుగుపర్చుకుంది.తాజాగా స్వదేశంలో వెస్టిండీస్‌తో జరిగిన సిరీస్‌లో ఎక్లెస్టోన్‌ పాల్గొనకపోవడంతో సదియా అగ్రపీఠాన్ని దక్కించుకుంది. సదియా ఖాతాలో 746 రేటింగ్‌ పాయింట్లు ఉండగా.. ఎక్లెస్టోన్‌ ఖాతాలో 734 పాయింట్లు ఉన్నాయి. ఎక్లెస్టోన్‌ మూడు స్థానాలు కోల్పోయి నాలుగో స్థానానికి పడిపోయింది.భారత స్టార్‌ స్పిన్నర్‌ దీప్తి శర్మ (737 పాయింట్లు), ఆసీస్‌ బౌలర్‌ అన్నాబెల్‌ సదర్‌ల్యాండ్‌ తలో స్థానం మెరుగుపర్చుకుని రెండు, మూడు స్థానాలకు ఎగబాకారు. భారత పేసర్‌ రేణుక సింగ్‌ ఠాకూర్‌ ఐదో స్థానాన్ని నిలబెట్టుకుంది.ఇంగ్లండ్‌ బౌలర్‌ లారెన్‌ బెల్‌ ఏకంగా 13 స్థానాలు ఎగబాకి ఆరో స్థానానికి చేరింది. మరో ఇంగ్లండ్‌ బౌలర్‌ చార్లీ డీన్‌, పాకిస్తాన్‌ బౌలర్‌ సష్రా సంధు, ఆస్ట్రేలియా బౌలర్‌ జార్జియా వేర్హమ్‌ ఏడు నుంచి తొమ్మిది స్థానాల్లో ఉన్నారు. ఇంగ్లండ్‌ బౌలర్‌ సారా గ్లెన్‌ నాలుగు స్థానాలు కోల్పోయి పదో స్థానానికి పడిపోయింది. భారత బౌలర్లలో రాధా యాదవ్‌ 16, శ్రేయాంక పాటిల్‌ 21, పూజా వస్త్రాకర్‌ 33 స్థానాల్లో ఉన్నారు.బ్యాటర్ల ర్యాంకింగ్స్ విషయానికొస్తే.. బెత్‌ మూనీ టాప్‌ ప్లేస్‌ను నిలబెట్టుకుంది. విండీస్‌ స్టార్‌ బ్యాటర్‌ హేలీ మాథ్యూస్‌ రెండు స్థానాలు మెరుగుపర్చుకుని నాలుగు నుండి రెండో స్థానానికి చేరింది. ఆసీస్‌ బ్యాటర్‌ తహిళ మెక్‌గ్రాత్‌, టీమిండియా స్టార్‌ బ్యాటర్‌ స్మృతి మంధన తలో స్థానం కోల్పోయి మూడు, నాలుగు స్థానాలకు పడిపోయారు. ఇంగ్లండ్‌ బ్యాటర్‌ నాట్‌ సీవర్‌ బ్రంట్‌ ఐదు స్థానాలు మెరుగుపర్చుకుని తొమ్మిదో స్థానానికి ఎగబాకింది. ఆల్‌రౌండర్ల విషయానికొస్తే.. హేలీ మాథ్యూస్‌, అమేలియా కెర్‌, దీప్తి శర్మ టాప్‌-3లో కొనసాగుతున్నారు.

భారత మహిళా క్రికెట్ జట్టు స్టార్ ప్లేయర్‌ దీప్తి శర్మ ఇంట్లో చోరీ జరిగింది. అగ్రాలోని దీప్తీకి చెందిన ఫ్లాట్ నుంచి విలువైన వస్తువులను ఢిల్లీ ఉమెన్స్ క్రికెటర్ ఆరుషి గోయల్ దొంగతనం చేసినట్లు ఆమె సోదరుడు సుమిత్ శర్మ పోలీసులకు ఫిర్యాదు చేశాడు. ఇండియన్ రైల్వేలో జూనియర్ క్లర్క్‌గా పనిచేస్తున్న ఆరుషి.. మహిళల ప్రీమియర్ లీగ్‌లో యూపీ వారియర్స్ తరపున దీప్తీతో కలిసి ఆడింది. అదేవిధంగా దీప్తీని ఆరుషి రూ.25 లక్షలు మోసం చేసిందని సుమిత్ శర్మ ఆరోపించాడు."తన సోదరి ఇంట్లో దొంగతనం జరిగిందని దీప్తీ సోదరుడు సుమిత్ శర్మ అగ్రాలోని సదర్ పోలీస్ స్టేషన్‌ను సంప్రదించారు. ప్రాథమిక విచారణ అనంతరం మేము పలు సెక్షన్ల కింద కేసును నమోదు చేశాము. అరుషి, దీప్తీ కలిసి ఒకే జట్టుకు ఆడడం ఇద్దరూ మధ్య మంచి అనుబంధం ఏర్పడింది.ఈ క్రమంలో ఆరుషీ కుటుంబ అత్యవసర పరిస్థితులు, ఆర్థిక ఇబ్బందులను చూపుతూ దీప్తీ నుంచి పలుమార్లు నగదు తీసుకున్నట్లు ఆరోపణలు ఉన్నాయి. దీనిపై మేము పూర్తి స్దాయి విచారణ జరుపుతామని" ఏసీపీ (ఆగ్రా సదర్), సుకన్య శర్మ తెలిపినట్లు టైమ్స్ ఇండియా తమ రిపోర్ట్‌లో పేర్కొంది.దీప్తీ శర్మ ప్రస్తుతం ఇంగ్లండ్ పర్యటనకు సిద్దమవుతోంది. ఇంగ్లండ్‌తో వైట్‌బాల్ సిరీస్‌లకు ప్రకటించిన భారత జట్టులో ఆమె సభ్యురాలిగా ఉంది. ఇంగ్లండ్ పర్యటనలో భాగంగా హర్మాన్ ప్రీత్ సేన ఆతిథ్య జట్టుతో ఐదు టీ20లు, మూడు వన్డేల సిరీస్‌లో తలపడనుంది.చదవండి: పుజారా ఆల్‌టైమ్ భార‌త జ‌ట్టు ఇదే.. రోహిత్‌, పంత్‌కు నో ఛాన్స్‌?

న్యూఢిల్లీ: మహిళల ప్రీమియర్‌ లీగ్‌ (WPL) టీ20 క్రికెట్‌ టోర్నమెంట్‌లో మరో జట్టుకు కొత్త కెప్టెన్‌ నియామకం జరిగింది. ఈనెల 14 నుంచి జరిగే మూడో సీజన్‌లో యూపీ వారియర్స్‌ జట్టుకు భారత ఆల్‌రౌండర్‌ దీప్తి శర్మ(Deepti Sharma) నాయకత్వం వహించనుంది. గత సీజన్‌లో ఆస్ట్రేలియా స్టార్‌ అలీసా హీలీ కెప్టెన్సీలో యూపీ వారియర్స్‌(UP Warriorz) జట్టు బరిలోకి దిగింది.అయితే గాయం కారణంగా అలీసా హీలీ మూడో సీజన్‌ డబ్ల్యూపీఎల్‌ నుంచి వైదొలిగింది. దాంతో యూపీ వారియర్స్‌కు కొత్త కెప్టెన్‌గా దీప్తి శర్మను నియమించారు. గత సీజన్‌లో దీప్తి శర్మ ఎనిమిది ఇన్నింగ్స్‌లు ఆడి 136.57 స్ట్రయిక్‌రేట్‌తో 295 పరుగులు సాధించడంతోపాటు 10 వికెట్లు తీసింది. గత సీజన్‌లో గుజరాత్‌ జెయింట్స్‌ జట్టుకు బెత్‌ మూనీ కెప్టెన్‌ వ్యవహరించగా... ఈసారి ఆస్ట్రేలియాకే చెందిన ఆస్లీ గార్డ్‌నర్‌ గుజరాత్‌ జెయింట్స్‌ జట్టుకు కెప్టెన్‌గా ఎంపికైంది. డబ్ల్యూపీఎల్‌లోని మిగతా మూడు జట్లకు హర్మన్‌ప్రీత్‌ (ముంబై ఇండియన్స్‌), స్మృతి మంధాన (రాయల్‌ చాలెంజర్స్‌ బెంగళూరు), మెగ్‌ లానింగ్‌ (ఢిల్లీ క్యాపిటల్స్‌) కెప్టెన్లుగా ఉన్నారు. లంకపై ఘన విజయం.. సిరీస్‌ ఆసీస్‌దేగాలె: ఆల్‌రౌండ్‌ ప్రదర్శనతో అదరగొట్టిన ఆస్ట్రేలియా... శ్రీలంకలో 14 ఏళ్ల తర్వాత టెస్టు సిరీస్‌ అందుకుంది. రెండు మ్యాచ్‌ల సిరీస్‌లో భాగంగా ఆదివారం ముగిసిన చివరిదైన రెండో టెస్టులో ఆస్ట్రేలియా 9 వికెట్ల తేడాతో ఘనవిజయం సాధించింది. తద్వారా సిరీస్‌ను 2–0తో చేజిక్కించుకుంది. కంగారూ జట్టు చివరిసారిగా 2011లో శ్రీలంకలో టెస్టు సిరీస్‌ గెలిచింది. ఇప్పటికే ప్రపంచ టెస్టు చాంపియన్‌షిప్‌ (డబ్ల్యూటీసీ) ఫైనల్‌కు అర్హత సాధించిన ఆసీస్‌... లంక పర్యటనలో సంపూర్ణ ఆధిపత్యం కనబర్చింది. ఓవర్‌నైట్‌ స్కోరు 211/8తో ఆదివారం నాలుగో రోజు రెండో ఇన్నింగ్స్‌ కొనసాగించిన శ్రీలంక చివరకు 68.1 ఓవర్లలో 231 పరుగులకు ఆలౌటైంది. కుశాల్‌ మెండిస్‌ (50; 5 ఫోర్లు, 1 సిక్స్‌) హాఫ్‌సెంచరీ పూర్తి చేసుకున్నాడు. కంగారూ బౌలర్లలో కూనెమన్, లయన్‌ చెరో 4 వికెట్లు పడగొట్టారు. కుశాల్‌ మెండిస్‌ క్యాచ్‌ పట్టడం ద్వారా టెస్టు క్రికెట్‌లో 200 క్యాచ్‌లు అందుకున్న ఐదో ప్లేయర్‌గా ఆ్రస్టేలియా కెప్టెన్‌ స్మిత్‌ రికార్డుల్లోకి ఎక్కాడు. అనంతరం స్వల్ప లక్ష్యఛేదనకు దిగిన ఆస్ట్రేలియా రెండో ఇన్నింగ్స్‌లో 17.4 ఓవర్లలో ఒక వికెట్‌ కోల్పోయి 75 పరుగులు చేసింది. ఉస్మాన్‌ ఖ్వాజా (27 నాటౌట్‌), ట్రావిస్‌ హెడ్‌ (20), లబుషేన్‌ (26 నాటౌట్‌) రాణించారు. ఆసీస్‌ వికెట్‌ కీపర్‌ అలెక్స్‌ కేరీకి ‘ప్లేయర్‌ ఆఫ్‌ ద మ్యాచ్‌’... స్మిత్‌కు ‘ప్లేయర్‌ ఆఫ్‌ ద సిరీస్‌’ అవార్డులు దక్కాయి. కరుణరత్నే వీడ్కోలు శ్రీలంక సీనియర్‌ బ్యాటర్‌ దిముత్‌ కరుణరత్నే పరాజయంతో కెరీర్‌కు వీడ్కోలు పలికాడు. ఈ పోరు ద్వారా టెస్టు క్రికెట్‌లో 100 మ్యాచ్‌లు పూర్తి చేసుకున్న 36 ఏళ్ల కరుణరత్నే మాట్లాడుతూ... ‘కెరీర్‌ ఆరంభంలో ఒక్క టెస్టు మ్యాచ్‌ ఆడితే చాలు అనుకున్నా. వంద మ్యాచ్‌లు ఆడటం అదృష్టంగా భావిస్తున్నా’ అని అన్నాడు. సుదీర్ఘ కెరీర్‌లో కరుణరత్నే 39.25 సగటుతో 7,222 పరుగులు చేశాడు. అందులో 16 శతకాలు, 39 అర్ధశతకాలు ఉన్నాయి. చదవండి: జట్టు కోసం కొన్ని పరుగులు చేశా.. అతడొక క్లాసీ ప్లేయర్‌: రోహిత్‌ శర్మ

భారత మహిళా క్రికెటర్‌ దీప్తి శర్మ(Deepti Sharma)కు ఉత్తరప్రదేశ్‌ ప్రభుత్వం పోలీస్‌ ఉద్యోగం ఇచ్చింది. ‘డిప్యూటీ సూపరింటెండెంట్‌ ఆఫ్‌ పోలీస్‌(Deputy Superintendent Of Police-డీఎస్పీగా)’గా ఆమెను నియమిస్తూ ఆదేశాలు జారీ చేసింది. ఈ నేపథ్యంలో యోగి ఆదిత్యనాథ్‌ సర్కారుకు దీప్తి కృతజ్ఞతలు తెలియజేసింది. విధి నిర్వహణలో అంకితభావంతో పనిచేస్తానని పేర్కొంది.కాగా భారత మహిళా క్రికెట్‌ జట్టు(Indian Women Cricket Team)లో దీప్తి శర్మ గత కొంతకాలంగా కీలక సభ్యురాలిగా ఉంది. రెండేళ్ల క్రితం కామన్‌వెల్త్‌ గేమ్స్‌లో భారత్‌ రజత పతకం గెలవడంలో తన వంతు పాత్ర పోషించిన ఈ స్పిన్‌ బౌలింగ్‌ ఆల్‌రౌండర్‌.. గతేడాది అద్భుత ప్రదర్శనతో ఆకట్టుకుంది.గతేడాది అత్యుత్తమంగానిలకడైన ఆట తీరుతో ఐసీసీ వుమెన్స్‌ టీ20 టీమ్‌ ఆఫ్‌ ది ఇయర్‌-2024 జట్టులో దీప్తి స్థానం దక్కించుకుంది. గతేడాది ఆమె బంతితో అత్యుత్తమంగా రాణించింది. 6.01 ఎకానమీతో అంతర్జాతీయ టీ20లలో ముప్పై వికెట్లు కూల్చింది.ఇక రైటార్మ్‌ ఆఫ్‌బ్రేక్‌ స్పిన్నర్, ఎడమచేతి వాటం బ్యాటర్‌ అయిన 27 ఏళ్ల దీప్తి శర్మ.. ఇప్పటి వరకు 5 టెస్టులు ఆడి 319 పరుగులు చేయడంతో పాటు 20 వికెట్లు తీసింది. అదే విధంగా.. 101 వన్డేల్లో 2154 రన్స్‌ సాధించడంతో పాటుగా.. 130 వికెట్లు పడగొట్టింది. భారత్‌ తరఫున అంతర్జాతీయ టీ20లలో 124 మ్యాచ్‌లు ఆడిన దీప్తి శర్మ 1086 పరుగులు చేసింది. అదే విధంగా.. 138 వికెట్లతో సత్తా చాటింది.రూ. 3 కోట్ల క్యాష్‌ రివార్డుతో పాటుఈ నేపథ్యంలో అంతర్జాతీయ స్థాయిలో రాణిస్తూ రాష్ట్రానికి పేరు తీసుకువస్తున్న దీప్తి శర్మకు ఉత్తరప్రదేశ్‌ ప్రభుత్వం సముచిత గౌరవం కల్పించింది. క్రీడా రంగంలో ఆమె సేవలకు గుర్తింపుగా రూ. 3 కోట్ల క్యాష్‌ రివార్డుతో పాటు డీఎస్పీగా ఉద్యోగం ఇవ్వనున్నట్లు గతేడాది ప్రకటించింది. తాజాగా విధుల్లో చేరేందుకు వీలుగా ఉత్తర్వులు జారీ చేసింది.ఇందులో భాగంగా మొరదాబాద్‌లో సోమవారం అధికారికంగా ఉద్యోగంలో చేరిన దీప్తి శర్మ.. డీఎస్పీ యూనిఫామ్‌లో మెరిసింది. ఆమె తండ్రి భగవాన్‌ శర్మ, సోదరులు సుమిత్‌ శర్మ, ప్రశాంత్‌ శర్మ ఈ కార్యక్రమంలో పాల్గొన్నారు. ఈ నేపథ్యంలో ఈ ఆగ్రా ఆల్‌రౌండర్‌ ఆనందంతో ఉబ్బితబ్బిబ్బైపోతోంది.ప్రతిజ్ఞ చేస్తున్నా‘‘ఈ మైలురాయిని చేరినందుకు ఎంత సంతోషంగా ఉందో మాటల్లో చెప్పలేను. నాకు మద్దతుగా నిలిచి.. ఈస్థాయికి చేరుకునేలా ప్రోత్సహించిన నాకు కుటుంబ సభ్యులు, స్నేహితులు, ఈ ప్రయాణంలో నాకు సహకరించిన ప్రతి ఒక్కరికి హృదయపూర్వకంగా ధన్యవాదాలు చెబుతున్నా.అలాగే.. ప్రజలకు సేవ చేసేందుకు వీలుగా ఇంతటి గొప్ప అవకాశం ఇచ్చినందుకు ఉత్తరప్రదేశ్‌ ప్రభుత్వానికి కృతజ్ఞురాలినై ఉంటాను. ఉత్తరప్రదేశ్‌ పోలీస్‌ విభాగంలో డీఎస్పీగా నా కొత్త పాత్రలో ఒదిగిపోవడంతో పాటుగా.. విధి నిర్వహణలో పూర్తి అంకితభావంతో పనిచేస్తానని ప్రతిజ్ఞ చేస్తున్నా’’ అని దీప్తి శర్మ పోలీస్‌ యూనిఫామ్‌లో ఉన్న ఫొటోలను సోషల్‌ మీడియాలో షేర్‌ చేసింది. మన క్రికెటర్లలో మరో డీఎస్పీఈ క్రమంలో దీప్తికి శుభాకాంక్షలు వెల్లువెత్తుతున్నాయి. ‘‘తొలుత సిరాజ్‌.. ఇప్పుడు మన క్రికెటర్లలో మరో డీఎస్పీ’’ అంటూ ఓ నెటిజన్‌ పేర్కొనడం హైలైట్‌గా నిలిచింది. కాగా టీమిండియా స్టార్‌ పేసర్‌ మహ్మద్‌ సిరాజ్‌కు డీఎస్పీ ఉద్యోగం ఇచ్చిన తెలంగాణ ప్రభుత్వం.. ఇటీవలే అధికారికంగా అతడికి నియామక ఉత్తర్వులు ఇచ్చిన విషయం తెలిసిందే.చదవండి: 13 ఏళ్ల తర్వాత రంజీ బరిలో ​కోహ్లి.. పోటెత్తిన జనం.. తొక్కిసలాట..

అంతర్జాతీయ క్రికెట్‌ మండలి (ఐసీసీ) ‘మహిళల వన్డే టీమ్‌ ఆఫ్‌ ద ఇయర్‌’ జట్టులో ఇద్దరు భారత ప్లేయర్లకు చోటు దక్కింది. గతేడాది అద్భుత ప్రదర్శనతో ఆకట్టుకున్న భారత మహిళల జట్టు ఓపెనర్‌ స్మృతి మంధాన, స్పిన్‌ ఆల్‌రౌండర్‌ దీప్తి శర్మ ఈ టీమ్‌లో స్థానం సంపాదించారు. అత్యధిక పరుగులు చేసిన ప్లేయర్‌గాకాగా స్మృతి మంధాన 2024లో 13 వన్డేలు ఆడి 747 పరుగులు చేసింది. తద్వారా అత్యధిక పరుగులు చేసిన ప్లేయర్‌గా నిలిచింది. దక్షిణాఫ్రికాతో వన్డే సిరీస్‌లో వరుసగా రెండు శతకాలు బాదిన ఆమె న్యూజిలాండ్‌పై కూడా ఒక సెంచరీ చేసింది.24 వికెట్లు పడగొట్టిఇక 2024లో 13 వన్డేలాడిన దీప్తి శర్మ 186 పరుగులు చేయడంతో పాటు... 24 వికెట్లు పడగొట్టి ఈ జట్టులో చోటు దక్కించుకుంది. ఈ జట్టుకు దక్షిణాఫ్రికా స్టార్‌ లౌరా వాల్వర్ట్‌ సారథిగా ఎంపికైంది.మరోవైపు.. ఇంగ్లండ్‌ నుంచి అమీ జోన్స్, సోఫీ ఎకెల్‌స్టోన్, కేట్‌ క్రాస్‌ రూపంలో ముగ్గురు ప్లేయర్లు, ఆస్ట్రేలియా నుంచి ఆష్లే గార్డ్‌నర్, అనాబెల్‌ సథర్‌లాండ్‌ చోటు దక్కించుకున్నారు. సఫారీ ప్లేయర్‌ మరీనే కాప్‌తో పాటు శ్రీలంక నుంచి చమరి ఆటపట్టు, వెస్టిండీస్‌ ప్లేయర్‌ హేలీ మాథ్యూస్‌ కూడా ఈ టీమ్‌కు ఎంపికయ్యారు.ఐసీసీ మహిళల వన్డే టీమ్‌ ఆఫ్‌ ద ఇయర్‌-2024స్మృతి మంధాన, లారా వాల్వర్ట్‌(కెప్టెన్‌), చమరి ఆటపట్టు, హేలీ మాథ్యూస్‌, మరీనే కాప్‌, ఆష్లే గార్డ్‌నర్‌, అనాబెల్‌ సథర్‌లాండ్‌, అమీ జోన్స్‌(వికెట్‌ కీపర్‌), దీప్తి శర్మ, సోఫీ ఎక్లిస్టోన్‌, కేట్‌ క్రాస్‌. మరిన్ని క్రీడా వార్తలుఫైనల్లో సూర్మా క్లబ్‌ రాంచీ: మహిళల హాకీ ఇండియా లీగ్‌ తొలి టోర్నమెంట్‌లో జేఎస్‌డబ్ల్యూ సూర్మా హాకీ క్లబ్‌ జట్టు ఫైనల్లోకి దూసుకెళ్లింది. శుక్రవారం జరిగిన చివరి లీగ్‌ మ్యాచ్‌లో సూర్మా క్లబ్‌ జట్టు 4–2 గోల్స్‌ తేడాతో ష్రాచి రార్‌ బెంగాల్‌ టైగర్స్‌ జట్టును ఓడించింది. సూర్మా క్లబ్‌ తరఫున ఎంగెల్‌బెర్ట్‌ (1, 17వ, 47వ నిమిషాల్లో) మూడు గోల్స్‌ చేయగా... హినా బానో (9వ నిమిషంలో) ఒక గోల్‌ సాధించింది.బెంగాల్‌ టైగర్స్‌ తరఫున కెప్టెన్‌ వందన కటారియా (48వ నిమిషంలో), శిల్పి దబాస్‌ (58వ నిమిషంలో) ఒక్కో గోల్‌ చేశారు. నాలుగు జట్లు పోటీపడుతున్న ఈ టోర్నీలో లీగ్‌ దశ ముగిశాక సూర్మా క్లబ్‌ 13 పాయింట్లతో... ఒడిశా వారియర్స్‌ జట్టు 11 పాయింట్లతో తొలి రెండు స్థానాల్లో నిలిచి ఫైనల్‌కు చేరుకున్నాయి. ఈనెల 26న జరిగే ఫైనల్లో సూర్మా క్లబ్, ఒడిశా వారియర్స్‌ టైటిల్‌ కోసం తలపడతాయి. శ్రీనిధి డెక్కన్‌ ఎఫ్‌సీ జట్టుకు నాలుగో ఓటమిసాక్షి, హైదరాబాద్‌: ఐ–లీగ్‌ జాతీయ ఫుట్‌బాల్‌ టోర్నమెంట్‌లో హైదరాబాద్‌కు చెందిన శ్రీనిధి డెక్కన్‌ ఫుట్‌బాల్‌ క్లబ్‌ (ఎఫ్‌సీ) జట్టుకు నాలుగో ఓటమి ఎదురైంది. బెంగళూరులో శుక్రవారం జరిగిన మ్యాచ్‌లో శ్రీనిధి జట్టు 0–1 గోల్‌ తేడాతో స్పోర్టింగ్‌ క్లబ్‌ బెంగళూరు జట్టు చేతిలో ఓడిపోయింది.ఆట 34వ నిమిషంలో ఆసిఫ్‌ గోల్‌తో ఆధిక్యంలోకి వెళ్లిన స్పోర్టింగ్‌ జట్టు ఆ తర్వాత ఈ ఆధిక్యాన్ని కాపాడుకొని విజయాన్ని ఖరారు చేసుకుంది. 12 జట్లు పోటీపడుతున్న ఐ–లీగ్‌లో శ్రీనిధి జట్టు 9 మ్యాచ్‌లు పూర్తి చేసుకుంది. 3 మ్యాచ్‌ల్లో గెలిచి, 2 మ్యాచ్‌లను ‘డ్రా’ చేసుకొని, 4 మ్యాచ్‌ల్లో ఓడిన శ్రీనిధి జట్టు 11 పాయింట్లతో ఆరో స్థానంలో ఉంది. 28న హైదరాబాద్‌లో జరిగే తదుపరి మ్యాచ్‌ లో నాంధారి జట్టుతో శ్రీనిధి జట్టు ఆడుతుంది.

లండన్‌: ‘హండ్రెడ్‌’ మహిళల క్రికెట్‌ టోర్నీకి అద్భుత ముగింపు లభించింది. ఆదివారం ముగిసిన ఈ టోర్నీలో లండన్‌ స్పిరిట్‌ జట్టు తొలిసారి చాంపియన్‌గా అవతరించింది. ఇంగ్లండ్‌ క్రికెట్‌ బోర్డు ఆధ్వర్యంలో 2021లో హండ్రెడ్‌ టోర్నీ (ఇన్నింగ్స్‌కు 100 బంతులు) మొదలైంది. విఖ్యాత లార్డ్స్‌ మైదానంలో ఆదివారం జరిగిన ఫైనల్లో హీతెర్‌ నైట్‌ సారథ్యంలోని లండన్‌ స్పిరిట్‌ జట్టు నాలుగు వికెట్ల తేడాతో టామీ బీమోంట్‌ నాయకత్వంలోని వెల్ష్ ఫైర్‌ జట్టును ఓడించింది. లండన్‌ స్పిరిట్‌ జట్టుకు టైటిల్‌ దక్కడంలో భారత క్రికెటర్‌ దీప్తి శర్మ (16 బంతుల్లో 16 నాటౌట్‌; 1 సిక్స్‌) కీలకపాత్ర పోషించింది. లండన్‌ జట్టు విజయానికి చివరి 5 బంతుల్లో 6 పరుగులు అవసరమయ్యాయి. వెల్ష్ ఫైర్‌ జట్టు బౌలర్, విండీస్‌ ఆల్‌రౌండర్‌ హీలీ మాథ్యూస్‌ చివరి ఐదు బంతులు వేయడానికి వచ్చింది. తొలి బంతికి దీప్తి... రెండో బంతికి చార్లీ డీన్‌ చెరో సింగిల్‌ తీశారు. దాంతో లండన్‌ విజయ సమీకరణం 3 బంతుల్లో 4 పరుగులుగా మారింది. ఈ దశలో హీలీ వేసిన మూడో బంతిని దీప్తి శర్మ సిక్సర్‌గా మలిచి లండన్‌ విజయాన్ని ఖరారు చేసింది. రెండు బంతులు మిగిలి ఉండగా లండన్‌ స్పిరిట్‌ చాంపియన్‌గా అవతరించింది. అంతకుముందు వెల్ష్ ఫైర్‌ జట్టు 100 బంతుల్లో 8 వికెట్లకు 115 పరుగులు సాధించింది. జెస్‌ జొనాసెన్‌ (41 బంతుల్లో 54; 8 ఫోర్లు) టాప్‌ స్కోరర్‌గా నిలువగా... టామీ బీమోంట్‌ (16 బంతుల్లో 21; 4 ఫోర్లు), హీలీ మాథ్యూస్‌ (26 బంతుల్లో 22; 3 ఫోర్లు) రాణించారు. లండన్‌ స్పిరిట్‌ బౌలర్లలో ఇవా గ్రే, సారా గ్లెన్‌ రెండు వికెట్ల చొప్పున తీయగా... దీప్తి శర్మ, తారా నోరిస్‌లకు ఒక్కో వికెట్‌ దక్కింది. అనంతరం లండన్‌ స్పిరిట్‌ జట్టు 98 బంతుల్లో 6 వికెట్లు కోల్పోయి 118 పరుగులు చేసి గెలిచింది. జార్జియా రెడ్మెన్‌ (32 బంతుల్లో 34; 3 ఫోర్లు), హీతెర్‌ నైట్‌ (18 బంతుల్లో 24; 2 ఫోర్లు), డానియెలా గిబ్సన్‌ (9 బంతుల్లో 22; 5 ఫోర్లు) దూకుడుగా ఆడారు. వెల్ష్ ఫైర్‌ జట్టు బౌలర్లలో షబ్నిమ్‌ మూడు వికెట్లు పడగొట్టింది. గత ఏడాది విజేతగా నిలిచిన సదరన్‌ బ్రేవ్‌జట్టులో భారత జట్టు వైస్‌ కెప్టెన్, ఓపెనర్‌ స్మృతి మంధాన సభ్యురాలిగా ఉండటం విశేషం.

వుమెన్స్‌ ఆసియా కప్‌ టీ20- 2024 టోర్నీ సెమీ ఫైనల్లో భారత బౌలర్లు విజృంభించారు. ఆకాశమే హద్దుగా చెలరేగుతూ బంగ్లాదేశ్‌ బ్యాటర్లకు చుక్కలు చూపించారు. ఫలితంగా కేవలం ఎనభై పరుగులకే బంగ్లా కథ ముగిసింది. శ్రీలంక వేదికగా జరుగుతున్న ఆసియా టీ20 కప్‌లో గ్రూప్‌-ఏలో ఉన్న హర్మన్‌ప్రీత్‌ కౌర్‌ సేన లీగ్‌ దశలో హ్యాట్రిక్‌ విజయాలు సాధించింది. ఈ క్రమంలో గ్రూప్‌-ఏ టాపర్‌గా సెమీస్‌ బెర్తును ఖరారు చేసుకుంది. మరోవైపు.. బంగ్లాదేశ్‌ గ్రూప్‌-బి సెకండ్‌ టాపర్‌గా నిలిచింది.ఫలితంగా తొలి సెమీస్‌ మ్యాచ్‌లో టీమిండియాతో పోటీకి అర్హత సాధించింది. ఈ నేపథ్యంలో డంబుల్లా వేదికగా ఇరు జట్ల మధ్య శుక్రవారం నాటి మ్యాచ్‌లో టాస్‌ గెలిచిన బంగ్లాదేశ్‌ తొలుత బ్యాటింగ్‌ ఎంచుకుంది. అయితే, భారత పేసర్‌ రేణుకా సింగ్‌ ఆది నుంచే నిప్పులు చెరిగే బంతులతో బంగ్లా బ్యాటర్లను తిప్పలు పెట్టింది.తన బౌలింగ్‌ నైపుణ్యాలతో టాపార్డర్‌ను కుదేలు చేసింది. రేణుక దెబ్బకు ఓపెనర్లు దిలారా అక్తర్‌(6), ముర్షీదా ఖతూన్‌(4), వన్‌డౌన్‌ బ్యాటర్‌ ఇష్మా తంజీమ్‌(8) పట్టుమని పది పరుగులు కూడా చేయకుండానే పెవిలియన్‌ చేరారు.నిగర్‌ కెప్టెన్‌ ఇన్నింగ్స్‌జట్టు పీకల్లోతు కష్టాల్లో ఉన్న వేళ నాలుగో స్థానంలో బ్యాటింగ్‌కు వచ్చిన బంగ్లా కెప్టెన్‌ నిగర్‌ సుల్తానా పట్టుదలగా నిలబడింది. 51 బంతులు ఎదుర్కొని 32 పరుగులు సాధించింది. భారత స్పిన్నర్‌ రాధా యాదవ్‌ బౌలింగ్‌లో నిగర్‌ ఇన్నింగ్స్‌కు తెరపడింది.ఆ తర్వాత టపా టపా వికెట్లు పడ్డాయి. పేసర్‌ పూజా వస్త్రాకర్‌, స్పిన్నర్‌ దీప్తి శర్మ మిగిలిన పని పూర్తి చేశారు. బంగ్లాదేశ్‌ లోయర్‌ ఆర్డర్‌లో ష్రోనా అక్తర్‌ 19 పరుగులతో ఫర్వాలేదనిపించింది. ఈ క్రమంలో నిర్ణీత 20 ఓవర్లలో ఎనిమిది వికెట్ల నష్టానికి బంగ్లాదేశ్‌ కేవలం 80 పరుగులు మాత్రమే చేయగలిగింది.భారత బౌలర్లలో రేణుకా సింగ్‌, రాధా యాదవ్‌ అత్యధికంగా మూడేసి వికెట్లు దక్కించుకోగా.. పూజా వస్త్రాకర్‌, దీప్తి శర్మ ఒక్కో వికెట్‌ తమ ఖాతాలో వేసుకున్నారు. ఇక ఈ టోర్నీలో భారత బ్యాటర్లు సూపర్‌ ఫామ్‌లో ఉన్న విషయం తెలిసిందే. బంగ్లాదేశ్‌ విధించిన 81 పరుగుల లక్ష్యాన్ని భారత మహిళా జట్టు తేలికగానే ఛేదించే అవకాశం ఉంది.

న్యూఢిల్లీ: వరుసగా మూడో మ్యాచ్‌లోనూ దీప్తి శర్మ (60 బంతుల్లో 88 నాటౌట్‌; 9 ఫోర్లు, 4 సిక్స్‌లు) మెరుపు అర్ధ సెంచరీతో చెలరేగినా... యూపీ వారియర్స్‌ను గెలిపించలేకపోయింది. ఫలితంగా మహిళల ప్రీమియర్‌ లీగ్‌ (డబ్ల్యూపీఎల్‌)లో యూపీ ‘ప్లే ఆఫ్స్‌’ అవకాశాలను దాదాపుగా చేజార్చుకుంది. సోమవారం జరిగిన మ్యాచ్‌లో గుజరాత్‌ జెయింట్స్‌ 8 పరుగుల తేడాతో యూపీ వారియర్స్‌పై విజయం సాధించింది. టాస్‌ గెలిచి బ్యాటింగ్‌కు దిగిన గుజరాత్‌ 20 ఓవర్లలో 8 వికెట్ల నష్టానికి 152 పరుగులు చేసింది. కెపె్టన్‌ బెత్‌ మూనీ (52 బంతుల్లో 74 నాటౌట్‌; 10 ఫోర్లు, 1 సిక్స్‌) దూకుడుగా ఆడి హాఫ్‌ సెంచరీ సాధించగా, లౌరా వోల్‌వార్ట్‌ (30 బంతుల్లో 43; 8 ఫోర్లు, 1 సిక్స్‌) రాణించింది. యూపీ బౌలర్లలో సోఫీ ఎకెల్‌స్టోన్‌ 3, దీప్తి శర్మ 2 వికెట్లు పడగొట్టారు. అనంతరం వారియర్స్‌ 20 ఓవర్లలో 5 వికెట్లకు 144 పరుగులు చేసింది. ఆంధ్రప్రదేశ్‌ అమ్మాయి ‘ప్లేయర్‌ ఆఫ్‌ ద మ్యాచ్‌’ షబ్నమ్‌ షకీల్‌ (3/11) కీలక వికెట్లతో ఆరంభంలోనే యూపీని దెబ్బ తీసింది. దాంతో స్కోరు 35/5 వద్ద నిలిచింది. అయితే దీప్తి, పూనమ్‌ ఖేమ్నర్‌ (36 బంతుల్లో 36; 3 ఫోర్లు, 1 సిక్స్‌) పోరాడి జట్టును విజయానికి చేరువగా తెచ్చారు. వీరిద్దరు 78 బంతుల్లో అభేద్యంగా 109 పరుగులు జోడించారు. చివరి ఓవర్లో 26 పరుగులు అవసరం కాగా, దీప్తి 2 సిక్సర్లతో సహా మొత్తం 17 పరుగులే వచ్చాయి. పట్టికలో మూడో స్థానం కోసం ఇంకా పోటీ మిగిలే ఉంది. యూపీ, బెంగళూరుకు చెరో 6 పాయింట్లు ఉండగా, యూపీ మ్యాచ్‌లు పూర్తయ్యాయి. నేడు ముంబై ఇండియన్స్‌తో జరిగే మ్యాచ్‌లో బెంగళూరు గెలిస్తే ప్లే ఆఫ్‌కు అర్హత పొందుతుంది. ఒకవేళ భారీ తేడాతో ఓడిపోకున్నా బెంగళూరుకే ప్లే ఆఫ్స్‌ అవకాశం ఉంది. ఇక 4 పాయింట్లున్న గుజరాత్‌ చివరి మ్యాచ్‌లో గెలవడంతో పాటు భారీ రన్‌రేట్‌ సాధించాలి.   

నవీ ముంబై వేదికగా ఆస్ట్రేలియాతో జరుగుతున్న రెండో టీ20లో టీమిండియా  ఆల్‌రౌండర్‌ దీప్తి శర్మ అరుదైన రికార్డు సాధించింది. పొట్టి ఫార్మాట్‌లో 1000 పరుగులతో పాటు 100 వికెట్లు పడగొట్టిన తొలి భారత మహిళా క్రికెటర్‌గా రికార్డుల్లోకెక్కింది. ఓవరాల్‌గా దీప్తికి ముందు ఈ ఘనతను మరో ముగ్గురు మహిళా క్రికెటర్లు సాధించారు. పాకిస్తాన్‌కు చెందిన నిదా దార్‌ (1839 పరుగులు, 130 వికెట్లు), ఆస్ట్రేలియాకు చెందిన ఎల్లిస్‌ పెర్రీ (1750 పరుగులు, 123 వికెట్లు), న్యూజిలాండ్‌కు చెందిన సోఫీ డివైన్‌ (3107 పరుగులు, 113 వికెట్లు) టీ20ల్లో అరుదైన డబుల్‌ను సాధించారు. మ్యాచ్‌ విషయానికొస్తే.. తొలుత బ్యాటింగ్‌ చేసిన భారత్‌.. దీప్తి శర్మ (30) ఓ మోస్తరుగా రాణించడంతో నిర్ణీత 20 ఓవర్లలో 8 వికెట్ల నష్టానికి 130 పరుగుల నామమాత్రపు స్కోర్‌ చేసింది. భారత ఇన్ని​ంగ్స్‌లో దీప్తితో పాటు రిచా ఘోష్‌ (23), స్మృతి మంధన (23), జెమీమా రోడ్రిగెజ్‌ (13) మాత్రమే రెండంకెల స్కోర్లు చేశారు.  ఆసీస్‌ బౌలర్లలో జార్జీయా వేర్హమ్‌, అన్నాబెల్‌ సదర్‌ల్యాండ్‌, కిమ్‌ గార్త్‌ తలో రెండు వికెట్లు పడగొట్టగా.. ఆష్లే గార్డ్‌నర్‌ ఓ వికెట్‌ దక్కించుకుంది.  అనంతరం స్వల్ప లక్ష్య ఛేదనకు దిగిన ఆసీస్‌.. 19 ఓవర్లలో నాలుగు వికెట్లు కోల్పోయి విజయతీరాలకు చేరింది. అలైసా హీలీ 26, బెత్‌ మూనీ 20, తహిల మెక్‌గ్రాత్‌ 19, ఎల్లిస్‌ పెర్రీ 34 నాటౌట్‌, ఆష్లే గార్డ్‌నర్‌ 7, లిచ్‌ఫీల్డ్‌ 18 నాటౌట్‌ తలో చేయి వేసి ఆసీస్‌ను విజయతీరాలకు చేర్చారు. బ్యాట్‌తో రాణించిన దీప్తి బంతితోనూ సత్తా చాటింది. 4 ఓవర్లు వేసి 22 పరుగులిచ్చి 2 వికెట్లు పడగొట్టింది.  శ్రేయాంక పాటిల్‌, పూజా వస్త్రాకర్‌ తలో వికెట్‌ పడగొట్టారు. మూడు మ్యాచ్‌ల ఈ సిరీస్‌లో భారత్‌ తొలి మ్యాచ్‌ నెగ్గగా.. ఆసీస్‌ రెండో టీ20 గెలిచింది. నిర్ణయాత్మక మూడో మ్యాచ్‌ జనవరి 9న జరుగనుంది.  

ముంబై వేదికగా ఆస్ట్రేలియాతో జరుగుతున్న రెండో వన్డేలో టీమిండియా యువ బ్యాటర్‌ రిచా ఘోష్‌ వీరోచిత పోరాటం (117 బంతుల్లో 96; 13 ఫోర్లు) వృధా అయ్యింది. ఈ మ్యాచ్‌లో ఆసీస్‌ నిర్ధేశించిన 259 పరుగుల లక్ష్యాన్ని ఛేదించేందుకు బరిలోకి దిగిన భారత్‌.. రిచా ఘోష్‌ చిరస్మరణీయ ఇన్నింగ్స్‌తో రాణించినప్పటికీ ఆఖర్లో వరుసగా వికెట్లు కోల్పోవడంతో వరుసగా రెండో మ్యాచ్‌లో ఓటమిపాలైంది. తద్వారా భారత్‌ సిరీస్‌ను సైతం 0-2తో కోల్పోయింది. రిచాకు జెమీమా రోడ్రిగెజ్‌ (44), స్మృతి మంధన (34) సహకరించినప్పటికీ.. ఆఖర్లో భారత బ్యాటర్లు ఒక్కో పరుగు చేసేందుకు కూడా ఇబ్బంది పడి వికెట్లు సమర్పించుకున్నారు. దీప్తి శర్మ (24 నాటౌట్‌) టీమిండియాను గట్టెక్కించే ప్రయత్నం చేసింది. భారత్‌ నిర్ణీత ఓవర్లు ముగిసే సరికి లక్ష్యానికి నాలుగు పరుగుల దూరంలో నిలిచిపోయింది (255/8). గెలవాల్సిన మ్యాచ్‌లో ఓటమిపాలు కావడంతో టీమిండియా అభిమానులు తీవ్ర నిరాశకు లోనయ్యారు. సదర్‌ల్యాండ్‌ (3/47), వేర్హమ్‌ (2/39) టీమిండియాను దెబ్బకొట్టారు.  అంతకుముందు దీప్తి శర్మ (10-0-38-5) ఐదు వికెట్ల ప్రదర్శనతో  విజృంభించడంతో టీమిండియా.. ఆసీస్‌ను 258 పరుగులకు (8 వికెట్ల నస్టానికి) పరిమితం చేయగలిగింది. దీప్తితో పాటు పూజా వస్త్రాకర్‌, స్నేహ్‌ రాణా, శ్రేయాంక పాటిల్‌ తలో వికెట్‌ పడగొట్టారు. ఈ మ్యాచ్‌లో భారత ఫీల్డర్లు ఏకంగా ఏడు క్యాచ్‌లు జారవిడిచడం విశేషం.  ఆసీస్‌ ఇన్నింగ్స్‌లో ఓపెనర్‌ లిచ్‌ఫీల్డ్‌ (63), ఎల్లైస్‌ పెర్రీ (50) అర్ధసెంచరీలతో రాణించగా.. తహిళ మెక్‌గ్రాత్‌ (24), సదర్‌ల్యాండ్‌ (23), జార్జ్‌ వేర్హమ్‌ (22), అలానా కింగ్‌ (28 నాటౌట్‌) ఓ మోస్తరు స్కోర్లు చేశారు. ఈ సిరీస్లో తొలి వన్డేలో ఆస్ట్రేలియా 6 వికెట్ల తేడాతో భారత్‌పై ఘన విజయం సాధించింది. అంతకుముందు ఇదే సిరీస్‌లో భాగంగా జరిగిన ఏకైక టెస్ట్‌లో భారత్‌ ఆసీస్‌ను 8 వికెట్ల తేడాతో చిత్తు చేసింది.  చరిత్ర సృష్టించిన దీప్తి శర్మ.. ఆసీస్‌పై రెండో వన్డేలో ఐదు వికెట్ల ప్రదర్శనతో దీప్తి శర్మ ఓ అరుదైన ఘనత సాధించింది. ఆసీస్‌పై వన్డేల్లో ఐదు వికెట్ల ఘనత సాధించిన తొలి భారత మహిళా బౌలర్‌గా రికార్డుల్లోకెక్కింది.

మూడు మ్యాచ్‌ల వన్డే సిరీస్‌లో భాగంగా ముంబై వేదికగా డిఫెండింగ్‌ ఛాంపియన్స్‌ ఆస్ట్రేలియాతో (మహిళల జట్టు) జరుగుతున్న రెండో మ్యాచ్‌లో టీమిండియా స్పిన్‌ బౌలింగ్‌ ఆల్‌రౌండర్‌ దీప్తి శర్మ సత్తా చాటింది. ఈ మ్యాచ్‌లో టీమిండియా టాస్‌ ఓడి తొలుత బౌలింగ్‌ చేయగా.. దీప్తి శర్మ ఐదు వికెట్ల ప్రదర్శనతో ఆసీస్‌ వెన్ను విరిచింది. తన కోటా 10 ఓవర్లు పూర్తి చేసిన దీప్తి కేవలం 38 పరుగులు మాత్రమే ఇచ్చి ఐదు కీలక వికెట్లు పడగొట్టింది. దీప్తితో పాటు పూజా వస్త్రాకర్‌, స్నేహ్‌ రాణా, శ్రేయాంక పాటిల్‌ తలో వికెట్‌ పడగొట్టడంతో ఆసీస్‌ నిర్ణీత 50 ఓవర్లలో 8 వికెట్ల నష్టానికి 258 పరుగులు చేసింది. ఆఖరి ఓవర్‌లో వస్త్రాకర్‌ 18 పరుగులు సమర్పించుకోవడంతో ఆసీస్‌ 250 పరుగుల మార్కును దాటగలిగింది. ఈ మ్యాచ్‌లో భారత ఫీల్డర్లు ఏకంగా ఏడు క్యాచ్‌లు జారవిడిచడం విశేషం. ఆసీస్‌ ఇన్నింగ్స్‌లో ఓపెనర్‌ లిచ్‌ఫీల్డ్‌ (63), ఎల్లైస్‌ పెర్రీ (50) అర్ధసెంచరీలతో రాణించగా.. తహిళ మెక్‌గ్రాత్‌ (24), సదర్‌ల్యాండ్‌ (23), జార్జ్‌ వేర్హమ్‌ (22), అలానా కింగ్‌ (28 నాటౌట్‌) ఓ మోస్తరు స్కోర్లు చేశారు. ఈ సిరీస్లో తొలి వన్డేలో ఆస్ట్రేలియా 6 వికెట్ల తేడాతో భారత్‌పై ఘన విజయం సాధించింది. అంతకుముందు ఇదే సిరీస్‌లో భాగంగా జరిగిన ఏకైక టెస్ట్‌లో భారత్‌ ఆసీస్‌ను 8 వికెట్ల తేడాతో చిత్తు చేసింది. వన్డే సిరీస్‌ అనంతరం ఇరు జట్ల మధ్య మూడు మ్యాచ్‌ల టీ20 సిరీస్‌ కూడా జరుగనుంది.  చరిత్ర సృష్టించిన దీప్తి శర్మ.. ఆసీస్‌పై రెండో వన్డేలో ఐదు వికెట్ల ప్రదర్శనతో దీప్తి శర్మ ఓ అరుదైన ఘనత సాధించింది. ఆసీస్‌పై వన్డేల్లో ఐదు వికెట్ల ఘనత సాధించిన తొలి భారత మహిళా బౌలర్‌గా రికార్డుల్లోకెక్కింది.  

ముంబై: ఇంగ్లండ్‌తో జరుగుతున్న ఏకైక టెస్టు మ్యాచ్‌లో భారత మహిళల జట్టు విజయంపై కన్నేసింది. భారత బౌలర్ల జోరుతో రెండో రోజే మ్యాచ్‌పై జట్టు పూర్తిగా పట్టు బిగించింది. స్పిన్నర్ల హవా సాగిన శుక్రవారం రెండు జట్లలో కలిపి 19 వికెట్లు నేలకూలగా... అందులో 15 వికెట్లు స్పిన్నర్లే పడగొట్టారు. భారత ఆఫ్‌స్పిన్నర్‌ దీప్తి శర్మ (5/7) కేవలం 7 పరుగులకే 5 వికెట్లు పడగొట్టి తన అత్యుత్తమ ప్రదర్శన నమోదు చేసింది. దీప్తి ధాటికి ఇంగ్లండ్‌ తమ తొలి ఇన్నింగ్స్‌లో 35.3 ఓవర్లలో 136 పరుగులకే కుప్పకూలింది. నాట్‌ సివర్‌ బ్రంట్‌ (70 బంతుల్లో 59; 10 ఫోర్లు) మాత్రమే పోరాడి అర్ధ సెంచరీ సాధించగా, ఇతర బ్యాటర్లంతా విఫలమయ్యారు. మరో ఆఫ్‌ స్పిన్నర్‌ స్నేహ్‌ రాణాకు 2 వికెట్లు దక్కాయి. ఫలితంగా భారత్‌కు తొలి ఇన్నింగ్స్‌లో 292 పరుగుల భారీ ఆధిక్యం లభించింది. అయితే ఇంగ్లండ్‌కు ఫాలోఆన్‌ ఇవ్వకుండా భారత్‌ మళ్లీ బ్యాటింగ్‌కు దిగింది. ఆరంభం నుంచే బ్యాటర్లంతా దూకుడుగా ఆడటంతో జట్టు ఆధిక్యం మరింత పెరిగింది. రెండో రోజు ఆట ముగిసేసమయానికి భారత్‌ తమ రెండో ఇన్నింగ్స్‌లో 6 వికెట్లు కోల్పోయి 186 పరుగులు సాధించింది. కెప్టెన్‌ హర్మన్‌ప్రీత్‌ కౌర్‌ (67 బంతుల్లో 44 నాటౌట్‌; 5 ఫోర్లు) రాణించగా... షఫాలీ వర్మ (33), జెమీమా (27), స్మృతి మంధాన (26) కీలక పరుగులు సాధించారు. ఇంగ్లండ్‌ లెఫ్టార్మ్‌ స్పిన్నర్లు చార్లీ డీన్‌ 4, ఎకెల్‌స్టోన్‌ 2 వికెట్లతో భారత్‌ను దెబ్బ తీశారు. తొలి ఇన్నింగ్స్‌లో భారత్‌ టాప్‌ స్కోరర్‌గా నిలిచిన శుభ సతీశ్‌ ఎడమ చేతికి ఫ్రాక్చర్‌ కావడంతో బ్యాటింగ్‌కు దిగలేదు. అంతకుముందు ఓవర్‌నైట్‌ స్కోరు 410/7తో శుక్రవారం ఉదయం ఆట కొనసాగించిన భారత్‌ మరో 18 పరుగులు జోడించి 428 పరుగులకు ఆలౌటైంది. ప్రస్తుతం ఏకంగా 478 పరుగుల ఓవరాల్‌ ఆధిక్యంతో భారత్‌ ఇప్పటికే అసాధ్యమైన లక్ష్యం విధించే దిశగా సాగుతోంది. మ్యాచ్‌లో మరో రెండు రోజులు మిగిలి ఉన్న నేపథ్యంలో ఇంగ్లండ్‌ ఓటమి నుంచి తప్పించుకోవడం దాదాపు అసాధ్యమే.

మహిళల ప్రీమియర్‌ లీగ్‌ (డబ్ల్యూపీఎల్‌) టి20 క్రికెట్‌ టోర్నీలో పాల్గొనే యూపీ వారియర్స్‌ జట్టు వైస్‌ కెప్టెన్  గా భారత ఆల్‌రౌండర్‌ దీప్తి శర్మను నియమించారు. ఆ్రస్టేలియా స్టార్‌ ప్లేయర్‌ అలీసా హీలీని ఇప్పటికే కెప్టెన్ గా ఎంపిక చేశారు. ఉత్తరప్రదేశ్‌కే చెందిన దీప్తి శర్మ ఇప్పటి వరకు భారత జట్టు తరఫున 92 అంతర్జాతీయ టి20 మ్యాచ్‌లు ఆడి 941 పరుగులు చేయడంతోపాటు 102 వికెట్లు పడగొట్టింది. 25 ఏళ్ల దీప్తి ప్రస్తుతం ఐసీసీ టి20  ర్యాంకింగ్స్‌లో బౌలింగ్, ఆల్‌రౌండర్‌ విభాగాల్లో నాలుగో స్థానంలో ఉంది.   

Deepti Sharma: భారత మహిళా క్రికెటర్‌ దీప్తి శర్మ అరుదైన రికార్డు నెలకొల్పింది. మహిళల టీ20 ప్రపంచకప్‌లో భాగంగా పాకి​స్తాన్‌తో జరిగిన మ్యాచ్‌ బరిలోకి దిగడం ద్వారా ఈ టీమిండియా ఆల్‌రౌండర్‌ అరుదైన ఘనతను సొంతం చేసుకుంది. ఇంతకు ఏంటా రికార్డు అంటే..? రైట్‌ హ్యాండ్‌ ఆఫ్‌ బ్రేక్‌ బౌలర్‌, లెఫ్ట్‌ హ్యాండ్‌ డాషింగ్‌ బ్యాటర్‌ అయిన దీప్తి శర్మ.. వరుసగా 50కి పైగా (2016-21 మధ్యలో 54) వన్డేలు, 50 టీ20లు (2020-23) ఆడిన తొలి భారత క్రికెటర్‌గా రికార్డు సృష్టించింది. భారత పురుష క్రికెటర్లు, అత్యంత ఫిట్‌గా ఉండే విరాట్‌ కోహ్లి, మాజీ సారధి మహేంద్ర సింగ్‌ ధోనికి సైతం సాధ్యం కాని ఈ రికార్డును దీప్తి తన ఖాతాలో వేసుకుని ఔరా అనిపించింది. భారత్‌ తరఫున ఏ పురుష క్రికెటర్‌కు కాని మహిళా క్రికెటర్‌కు కాని సాధ్యం కాని ఈ రికార్డును దీప్తి తన పేరిట లిఖించుకుని శభాష్‌ అనిపించుకుంది. 25 ఏళ్ల దీప్తి ఇప్పటివరకు తన అంతర్జాతీయ కెరీర్‌లో 2 టెస్ట్‌లు, 80 వన్డేలు, 87 టీ20లు ఆడింది. ఇందులో 152 టెస్ట్‌ పరుగులు, 1891 వన్డే పరుగులు, 914 టీ20 పరుగులు సాధించింది. బౌలింగ్‌లో 5 టెస్ట్‌ వికెట్లు, 91 వన్డే వికెట్లు, 96 టీ20 వికెట్లు దీప్తి ఖాతాలో ఉన్నాయి. దీప్తి ఇప్పటివరకు వన్డేల్లో ఓ సెంచరీ, 12 హాఫ్‌ సెంచరీలు, టెస్ట్‌ల్లో 2 హాఫ్‌ సెంచరీలు, టీ20ల్లో 2 హాఫ్‌ సెంచరీలు చేసింది. వన్డేల్లో ఓసారి 5 వికెట్లు, 2 సార్లు 4 వికెట్లు, టీ20ల్లో ఓ సారి 4 వికెట్ల ఘనత దీప్తి ఖాతాలో ఉన్నాయి. కాగా, నిన్న (ఫిబ్రవరి 13) జరిగిన మహిళల తొట్టతొలి ఐపీఎల్‌ మెగా వేలంలో దీప్తి రికార్డు ధరను సొంతం చేసుకున్న విషయం తెలిసిందే. యూపీ వారియర్జ్‌ దీప్తిని 2.6 కోట్టు వెచ్చించి సొంతం చేసుకుంది. యూపీ వారియర్జ్‌ తరఫున దీప్తినే అత్యధిక ధర పలికిన ప్లేయర్‌ కావడం​ విశేషం. ఓవరాల్‌గా చూస్తే వేలంలో అత్యధిక ధర రికార్డును టీమిండియా డాషింగ్‌ ఓపెనర్‌ స్మృతి మంధన సొంతం చేసుకుంది. మంధనను రాయల్‌ ఛాలెంజర్స్‌ బెంగళూరు 3.4 కోట్ల రికార్డు ధరకు దక్కించుకుంది. మంధనను దక్కిన మొత్తం పాకిస్తాన్‌లో జరిగే పీఎస్‌ఎల్‌లో స్టార్‌ ఆటగాళ్లకు లభించే మొత్తంతో పోలిస్తే రెండింతలకు ఎక్కువ. పీఎస్‌ఎల్‌ పాక్‌ కెప్టెన్‌ బాబర్‌ ఆజమ్‌కు లభించే 1.2 కోట్లే అత్యధికం.      

భారత మహిళా క్రికెట్‌లో సరికొత్త చరిత్రకు శ్రీకారం చుడుతూ బీసీసీఐ.. మహిళల ప్రీమియర్‌ లీగ్‌ నిర్వహణకు రంగం సిద్ధం చేసింది. ఇందుకు తొలి అడుగుగా ముంబై వేదికగా వేలం నిర్వహించింది. ఇందులో భాగంగా యూపీ వారియర్జ్‌ భారత క్రికెటర్‌ దీప్తి శర్మకు అత్యధికంగా రూ. 2.60 కోట్లు వెచ్చించి సొంతం చేసుకుంది. ఆ జట్టులోని ప్లేయర్ల జాబితా.. యూపీ వారియర్జ్‌  ►దీప్తి శర్మ-    రూ.2.60 కోట్లు  ►సోఫీ ఎకిల్‌స్టోన్‌-    రూ.1.80 కోట్లు  ►దేవిక వైద్య-    రూ.1.40 కోట్లు  ►తాహ్లియా మెక్‌గ్రాత్‌-    రూ.1.40 కోట్లు  ►షబ్నిమ్‌ ఇస్మాయిల్‌-    రూ.1 కోటి  ►గ్రేస్‌ హరిస్‌-    రూ.75 లక్షలు  ►అలీసా హీలీ -   రూ.70 లక్షలు  ►అంజలీ శర్వాణి-    రూ.55 లక్షలు  ►రాజేశ్వరి గైక్వాడ్‌ -   రూ.40 లక్షలు  ►శ్వేత సెహ్రావత్‌ -   రూ.40 లక్షలు  ►కిరణ్‌ నవ్‌గిరే-    రూ.30 లక్షలు  ►లారెన్‌ బెల్‌-    రూ.30 లక్షలు  ►లక్ష్మీ యాదవ్‌-    రూ.10 లక్షలు  ►పార్శవి చోప్రా-    రూ.10 లక్షలు  ►సొప్పదండి యషశ్రీ-    రూ.10 లక్షలు  ►సిమ్రాన్‌ షేక్‌-    రూ.10 లక్షలు  ►మొత్తం ప్లేయర్లు: 16      ►విదేశీ ప్లేయర్లు: 6   యజమాని ఎవరంటే? కాప్రీ గ్లోబల్‌ హోల్డింగ్స్‌ ప్రైవేట్‌ లిమిటెడ్‌ డబ్ల్యూపీఎల్‌లో భాగంగా యూపీ వారియర్జ్‌ ఫ్రాంఛైజీని సొంతం చేసుకుంది. జట్ల వేలంలో భాగంగా 757 కోట్ల రూపాయలకు టీమ్‌ను దక్కించుకుంది. కాగా కాప్రీ గ్లోబల్‌కు ఐఎల్‌టీ20లో షార్జా వారియర్స్‌ పేరిట జట్టు ఉంది. చదవండి: WPL 2023 Auction: స్మృతికి అంత ధరెందుకు? వాళ్లకేం తక్కువ కాలేదు.. హర్మన్‌ విషయంలో మాత్రం.. Eoin Morgan: రిటైర్మెంట్‌ ప్రకటించిన ఇంగ్లండ్‌ స్టార్‌ క్రికెటర్‌

అంతర్జాతీయ క్రికెట్‌ మండలి (ఐసీసీ) మహిళల టి20 బౌలర్ల ర్యాంకింగ్స్‌లో భారత ఆల్‌రౌండర్‌ దీప్తి శర్మ మూడో ర్యాంక్‌ నుంచి రెండో ర్యాంక్‌కు చేరుకుంది. దక్షిణాఫ్రికాలో జరుగుతున్న ముక్కోణపు టి20 టోర్నీలో దీప్తి 9 వికెట్లు పడగొట్టింది. అగ్రస్థానంలో ఉన్న సోఫీ ఎకిల్‌స్టోన్‌ (ఇంగ్లండ్‌)కు దీప్తికి కేవలం 26 రేటింగ్‌ పాయింట్ల వ్యత్యాసమే ఉంది. రేపు దక్షిణాఫ్రికాతో జరిగే ఫైనల్లో భారత స్పిన్నర్‌ తన జోరు కొనసాగిస్తే టాప్‌ ర్యాంక్‌ సాకారమయ్యే చాన్స్‌ ఉంది. టాప్‌–10లో మరో ఇద్దరు భారత బౌలర్లు రేణుక (7వ), స్నేహ్‌ రాణా (10వ) ఉన్నారు.   చదవండి: భారత పర్యటనలో ‘వార్మప్‌’ ఆడకపోవడం సరైందే: స్మిత్‌  Virat Kohli: మ్యాచ్‌లు లేకుంటే ఆధ్యాత్మిక ధోరణిలోకి

Womens Asia Cup T20 2022- India Vs Pakistan: మహిళల ఆసియా కప్‌- 2022 టీ20 టోర్నీలో భారత జట్టుకు చేదు అనుభవం ఎదురైంది. దాదాపు ఆరేళ్ల తర్వాత తొలిసారిగా చిరకాల ప్రత్యర్థి పాకిస్తాన్‌ చేతిలో ఓటమిపాలైంది. ఆఖరి ఓవర్‌ వరకు ఉత్కంఠ రీతిలో సాగిన మ్యాచ్‌లో హర్మన్‌ప్రీత్‌ సేనకు భంగపాటు తప్పలేదు. 13 పరుగుల తేడాతో గెలుపొందిన పాక్‌ మహిళా జట్టు.. సుదీర్ఘకాలం తర్వాత పొట్టి ఫార్మాట్‌లో భారత్‌పై తొలి విజయం నమోదు చేసింది. ఆదుకున్న నిదా బంగ్లాదేశ్‌లోని సెల్హెట్‌ వేదికగా శుక్రవారం భారత్‌- పాకిస్తాన్‌ మహిళా జట్లు ముఖాముఖి తలపడ్డాయి. ఈ మ్యాచ్‌లో టాస్‌ గెలిచిన పాకిస్తాన్‌ తొలుత బ్యాటింగ్‌ ఎంచుకుంది. అయితే, భారత బౌలర్లు దీప్తి శర్మ మూడు వికెట్లు, పూజా వస్త్రాకర్‌ చెలరేగడంతో నిర్ణీత 20 ఓవర్లలో పాక్‌ 6 వికెట్ల నష్టానికి 137 పరుగులు చేసింది. కెప్టెన్‌ బిస్మా మరూఫ్‌ 32 పరుగులతో రాణించగా.. ఆల్‌రౌండర్‌ నిదా దర్‌ 56 పరుగులతో ఆఖరి వరకు అజేయంగా నిలిచి జట్టు గౌరవప్రదమైన స్కోరు చేయడంలో కీలక పాత్ర పోషించింది. భారత బౌలర్లలో దీప్తికి మూడు, పూజాకు రెండు, రేణుకకు ఒక వికెట్‌ దక్కాయి. ఒకరిద్దరు మినహా భారత ఓపెనర్లు సబ్బినేని మేఘన 15, స్మృతి మంధాన 17 పరుగులు మాత్రమే చేసి నిష్క్రమించారు. మూడో స్థానంలో వచ్చిన జెమీమా(2) పూర్తిగా నిరాశపరచగా.. హేమలత 20 పరుగులతో రాణించింది. మిగతా వాళ్లలో దీప్తి 16, హర్మన్‌ప్రీత్‌ కౌర్‌ 12, రిచా ఘోష్‌ 26 పరుగులు(13 బంతుల్లో) మాత్రమే డబుల్‌ డిజిట్‌ స్కోరు చేయగలిగారు. దీంతో 19.4 ఓవర్లలో 124 పరుగులకే భారత జట్టు ఆలౌట్‌ అయింది. పాక్‌ 13 పరుగుల తేడాతో గెలుపొందింది. బ్యాట్‌తోనూ, బంతితోనూ రాణించిన నిదా దర్‌(37 బంతుల్లో 56 పరుగులు, రెండు వికెట్లు)ప్లేయర్‌ ఆఫ్‌ ది మ్యాచ్‌ అవార్డు అందుకుంది.  అప్పుడలా.. ఇప్పుడిలా కాగా టీ20 ఫార్మాట్‌లో ఇరుజట్లు 13 సార్లు తలపడగా భారత మహిళా జట్టుపై పాక్‌ టీమ్‌కు ఇది మూడో విజయం. 2016 తర్వాత ఇదే తొలి గెలుపు. ఇక ఈ టోర్నీలో ఇప్పటి వరకు ఆడిన నాలుగు మ్యాచ్‌లలో హర్మన్‌ప్రీత్‌ బృందం మూడింట గెలిచింది. మరోవైపు పాక్‌కు ఇది రెండో విజయం. ఇదిలా ఉంటే.. ఇటీవల ముగిసిన పురుషుల ఆసియా కప్‌-2022 ఈవెంట్‌లో లీగ్‌ దశలో పాక్‌పై గెలుపొందిన రోహిత్‌ సేన.. కీలకమైన సూపర్‌-4 దశలో మాత్రం ఓటమిని మూటగట్టుకుంది. ఫైనల్‌ చేరకుండా టోర్నీ నుంచి నిష్క్రమించింది ఈ డిఫెండింగ్‌ చాంపియన్‌. చదవండి: T20 WC 2022: ప్రపంచకప్‌ టోర్నీ.. ప్రాక్టీసు​ మొదలుపెట్టిన టీమిండియా IND vs SA: 'మేము అలా చేయలేకపోయాం.. అందుకే ఓడిపోయాం! సంజూ గ్రేట్‌'

కోల్‌కతా: మూడో వన్డేలో ఇంగ్లండ్‌ చివరి బ్యాటర్‌ చార్లీ డీన్‌ను భారత బౌలర్‌ దీప్తి శర్మ రనౌట్‌ చేసిన తీరు వివాదంపై మ్యాచ్‌ ముగిసిన తర్వాత తీవ్ర చర్చ జరిగింది. దీప్తి బంతి వేయకముందే డీన్‌ క్రీజ్‌ దాటడంతో నిబంధనల ప్రకారం దీప్తి ఆమెను రనౌట్‌ చేసినా... మరోసారి క్రీడాస్ఫూర్తి అంశం ముందుకు వచ్చింది. దీనిపై కెప్టెన్‌ హర్మన్‌ప్రీత్‌ కౌర్‌ ఇప్పటికే వివరణ ఇచ్చినా దీప్తి శర్మ కూడా స్పందించింది. రిటైర్‌ అయిన పేసర్‌ జులన్‌ గోస్వామితో పాటు దీప్తికి స్వదేశం తిరిగొచ్చిన అనంతరం కోల్‌కతా విమానాశ్రయంలో ఘనస్వాగతం లభించింది. ‘రనౌట్‌ విషయంలో మేం వ్యూహంతో సిద్ధమయ్యాం. మేం ఎన్నిసార్లు హెచ్చరించినా ఆమె మళ్లీ మళ్లీ క్రీజ్‌ దాటి ముందుకు వెళ్లింది. ఆ విషయాన్ని అంపైర్లకు కూడా చెప్పాం. అయినా ఆమె తీరు మార్చుకోలేదు. దాంతో నిబంధనల ప్రకారమే అవుట్‌ చేశాం. మేం ఇంకేం చేయగలం’ అని దీప్తి వివరణ ఇచ్చింది. దీప్తి వ్యాఖ్యలపై ఇంగ్లండ్‌ కెప్టెన్‌ హీతర్‌ నైట్‌ మళ్లీ స్పందించింది. ‘మ్యాచ్‌ ముగిసిపోయింది. నిబంధనల ప్రకారమే చార్లీ అవుటైంది. మ్యాచ్‌తోపాటు సిరీస్‌ గెలిచేందుకు భారత్‌కు అన్ని విధాలా అర్హత ఉంది. అయితే రనౌట్‌ గురించి మమ్మల్ని హెచ్చరించారనడంలో వాస్తవం లేదు. నిజానికి వారు చేసింది తప్పు కాదు కాబట్టి హెచ్చరించాల్సిన అవసరం లేదు. కానీ తాము చేసిన దానిని సమర్థించుకోవాలని, అందుకు హెచ్చరిక అనే ఒక అబద్ధాన్ని వాడుకోవాలని కూడా భారత్‌ భావించరాదు’ అని నైట్‌ వ్యాఖ్యానించింది.     తానియా గదిలో చోరీ... వన్డే సిరీస్‌లో భారత జట్టు సభ్యురాలిగా ఉన్న తానియా భాటియాకు అనూహ్య పరిణామం ఎదురైంది. లండన్‌లో ఆమె బస చేసిన మారియట్‌ హోటల్‌లోని తన గదిలో    దొంగతనం జరిగినట్లు ఆమె వెల్లడించింది. ‘నన్ను చాలా నిరాశకు గురి చేసిన, నిర్ఘాంతపోయే ఘటన ఇది. ఎవరో అపరిచితులు నా గదిలోకి వచ్చి బ్యాగ్‌ చోరీ చేశారు. ఇందులో నగదు, కార్డులు, గడియారాలతో పాటు నగలు కూడా ఉన్నాయి. ఇంగ్లండ్‌ బోర్డుతో భాగస్వామ్యం ఉన్న  హోటల్‌లోనే ఇలా జరిగింది. భద్రతా ఏర్పాట్ల వైఫల్యం ఇది. వీలైనంత తొందరగా విచారణ జరిపి తగిన చర్య తీసుకుంటారని భావిస్తున్నా’ అని తానియా ట్వీట్‌ చేసింది.  

పల్లెకెలె: శ్రీలంక జట్టుతో శుక్రవారం జరిగిన తొలి వన్డేలో హర్మన్‌ప్రీత్‌ కౌర్‌ సారథ్యంలోని టీమిండియా నాలుగు వికెట్ల తేడాతో శ్రీలంక జట్టును ఓడించింది. రేణుక సింగ్‌ (3/29) పదునైన బౌలింగ్‌... దీప్తి శర్మ ఆల్‌రౌండ్‌ ప్రదర్శన (3/25; 22 నాటౌట్‌) భారత విజయంలో కీలకపాత్ర పోషించాయి. టాస్‌ గెలిచి బ్యాటింగ్‌ ఎంచుకున్న శ్రీలంక 48.2 ఓవర్లలో171 పరుగులకు ఆలౌటైంది. నీలాక్షి డిసిల్వా (43; 4 ఫోర్లు), హాసిని పెరీరా (37; 5 ఫోర్లు) రాణించారు. 172 పరుగుల లక్ష్యంతో బరిలోకి దిగిన భారత్‌ 38 ఓవర్లలో 6 వికెట్లకు 176 పరుగులు చేసి గెలిచింది. షఫాలీ వర్మ (35; 1 ఫోర్, 2 సిక్స్‌లు), హర్మన్‌ప్రీత్‌ కౌర్‌ (44; 3 ఫోర్లు), హర్లీన్‌ (34; 2 ఫోర్లు) ఆకట్టుకున్నారు. పూజా వస్త్రకర్‌ (21 నాటౌట్‌; 2 సిక్స్‌లు)తో కలిసి దీప్తి భారత్‌ను విజయతీరానికి చేర్చింది. శ్రీలంక బౌలర్లలో ఇనోకా రణవీర (4/39), ఒషాది రణసింఘే (2/34) టీమిండియాను ఇబ్బంది పెట్టినా ఇతర బౌలర్లు విఫలమయ్యారు. రెండో వన్డే ఇదే వేదికపై సోమవారం జరుగుతుంది.

పుణే: హర్మన్‌ప్రీత్‌ కౌర్‌ సారథ్యంలోని ‘సూపర్‌ నోవాస్‌’ జట్టు మహిళల టి20 చాలెంజ్‌ టోర్నీలో మరోసారి తన సత్తాను ప్రదర్శించింది. ఆల్‌రౌండ్‌ ప్రదర్శన కనబర్చిన టీమ్‌ మూడో టైటిల్‌ను సొంతం చేసుకోవడం విశేషం. శనివారం చివరి బంతి వరకు ఉత్కంఠభరితంగా సాగిన ఫైనల్లో సూపర్‌ నోవాస్‌ నాలుగు పరుగుల తేడాతో దీప్తి శర్మ నాయకత్వంలోని వెలాసిటీ జట్టుపై విజయం సాధించింది. విజేతగా నిలిచిన సూపర్‌ నోవాస్‌ జట్టుకు రూ. 25 లక్షలు ప్రైజ్‌మనీగా లభించాయి. టాస్‌ ఓడి ముందుగా బ్యాటింగ్‌కు దిగిన నోవాస్‌ 20 ఓవర్లలో 7 వికెట్ల నష్టానికి 165 పరుగులు చేసింది. డియాండ్రా డాటిన్‌ (44 బంతుల్లో 62; 1 ఫోర్, 4 సిక్స్‌లు) అర్ధ సెంచరీ సాధించగా... హర్మన్‌ప్రీత్‌ కౌర్‌ (29 బంతుల్లో 43; 1 ఫోర్, 3 సిక్స్‌లు), ప్రియా పూనియా (29 బంతుల్లో 28; 2 సిక్స్‌లు) రాణించారు. దీప్తి శర్మ, కేట్‌ క్రాస్, సిమ్రన్‌ బహదూర్‌ తలా 2 వికెట్లు పడగొట్టారు. అనంతరం వెలాసిటీ 20 ఓవర్లలో 8 వికెట్లకు 161 పరుగులే చేయగలిగింది. లారా వోల్‌వార్ట్‌ (40 బంతుల్లో 65 నాటౌట్‌; 5 ఫోర్లు, 3 సిక్స్‌లు) చెలరేగి అజేయంగా నిలిచినా జట్టును గెలిపించడంలో విఫలమైంది. చివరి 3 ఓవర్లలో విజయానికి 48 పరుగులు కావాల్సి ఉండగా... వోల్‌వార్ట్, సిమ్రన్‌ బహదూర్‌ (10 బంతుల్లో 20 నాటౌట్‌; 3 ఫోర్లు, 1 సిక్స్‌) కలిసి 18వ ఓవర్లో 2 సిక్స్‌లతో 14 పరుగులు, 19వ ఓవర్లో 4 ఫోర్లతో 17 పరుగులు రాబట్టారు. దాంతో ఆఖరి ఓవర్లో విజయ సమీకరణం 17 పరుగులకు మారింది. ఎకెల్‌స్టోన్‌ వేసిన ఈ ఓవర్‌ తొలి బంతినే వోల్‌వార్ట్‌ సిక్సర్‌గా మలచినా... తర్వాతి 5 బంతుల్లో 6 పరుగులే వచ్చాయి. అలానా కింగ్‌ 3 వికెట్లు పడగొట్టగా, ఎకెల్‌స్టోన్, పూజ చెరో 2 వికెట్లు తీశారు. గతంలో మూడు సార్లు మహిళల టి20 చాలెంజ్‌ టోర్నీ జరగ్గా... 2018, 2019లలో సూపర్‌ నోవాస్‌ విజేతగా నిలిచింది. 2020లో ట్రయల్‌ బ్లేజర్స్‌ టైటిల్‌ నెగ్గింది. కరోనా కారణంగా 2021లో ఈ టోర్నీని నిర్వహించలేదు. Winners Are Grinners! ☺️ ☺️@ImHarmanpreet, Captain of Supernovas, receives the #My11CircleWT20C Trophy from the hands of Mr. @SGanguly99, President, BCCI & Mr. @JayShah, Honorary Secretary, BCCI. 👏 🏆 #SNOvVEL pic.twitter.com/ujGbXX4GzB — IndianPremierLeague (@IPL) May 28, 2022

ఐసీసీ మహిళా వన్డే ప్రపంచకప్‌-2022 టోర్నీలో భారత్‌ ప్రయాణం ముగిసింది. క్రైస్ట్‌చర్చ్‌ వేదికగా ఆదివారం దక్షిణాఫ్రికాతో జరిగిన మ్యాచ్‌లో మిథాలీ సేన 3 వికెట్ల తేడాతో ఓటమిపాలైంది. దీంతో గత వరల్డ్‌కప్‌ రన్నరప్‌ భారత మహిళా జట్టు ఈసారి కనీసం సెమీస్‌ కూడా చేరకుండానే నిష్క్రమించింది. టాస్‌ గెలిచి బ్యాటింగ్‌ ఎంచుకున్న 274 పరుగుల భారీ స్కోరు చేసినా దురదృష్టం వెంటాడింది. ఇక ఆదిలో దక్షిణాఫ్రికా వికెట్‌ తీసిన ఆనందం అంతలోనే ఆవిరైపోగా.. 26వ ఓవర్‌ తర్వాత వికెట్లు పడటం ఊరటనిచ్చింది.  ముఖ్యంగా 48 పరుగులతో రాణించిన భారత జట్టు వైస్‌ కెప్టెన్‌ హర్మన్‌ప్రీత్‌ కౌర్‌ బంతితోనూ అద్భుతం చేయడం అభిమానుల్లో ఉత్సాహం నింపింది. మొత్తంగా 8 ఓవర్లు బౌలింగ్‌ వేసిన హర్మన్‌ 2 వికెట్లు కూల్చింది.  View this post on Instagram A post shared by ICC (@icc) అంతేగాక మూడు రనౌట్లలో భాగమైంది. ఆమె అద్భుత ప్రదర్శనతో భారత శిబిరంలో ఆశలు చిగురించాయి. అయితే, చివర్లో దీప్తి శర్మ నోబాల్‌ భారత్‌ కొంపముంచింది. ఆఖరి బంతికి దక్షిణాఫ్రికా బ్యాటర్‌ మిగ్నన్‌ డు ప్రీజ్‌ సింగిల్‌ తీసి మిథాలీ సేన సెమీస్‌ ఆశలపై నీళ్లు చల్లింది. అయితే, దక్షిణాఫ్రికా చేతిలో భారత్‌ ఓటమి వెస్టిండీస్‌కు వరంగా మారింది. View this post on Instagram A post shared by ICC (@icc) కాగా అంతకు ముందు గురువారం జరగాల్సిన దక్షిణాఫ్రికా- వెస్టిండీస్‌ మ్యాచ్‌ వర్షం కారణంగా రద్దు అయిన సంగతి తెలిసిందే. దీంతో దక్షిణాఫ్రికా, వెస్టిండీస్‌ జట్లకు చెరో పాయింట్‌ లభించింది. ఈ క్రమంలో 7 పాయింట్లతో వెస్టిండీస్‌ పాయిం‍ట్ల పట్టికలో మూడో స్థానంలో నిలిచింది. ఇక ఆదివారం బంగ్లాదేశ్‌తో జరిగిన మ్యాచ్‌లో విజయంతో ఇంగ్లండ్‌ గెలుపొంది సెమీస్‌ చేరింది. విండీస్‌ను వెనక్కినెట్టింది. View this post on Instagram A post shared by ICC (@icc) ఇదిలా ఉంటే.. దక్షిణాఫ్రికాతో మ్యాచ్‌లో భారత్‌ ఓటమి పాలైన కారణంగా టాప్‌-4లోకి చేరలేకపోయింది. దీంతో మిథాలీ సేన సెమీస్‌ నుంచి నిష్క్రమించగా.. విండీస్‌ సెమీ ఫైనల్‌లో అడుగుపెట్టింది.  దీంతో వెస్టిండీస్‌ జట్టులో ఆనందాలు వెల్లివిరిశాయి.  చదవండి: IPL 2022: శ్రేయస్‌ కెప్టెన్సీ భేష్‌.. అతడిని తుదిజట్టులోకి తీసుకోవడం తెలివైన నిర్ణయం: టీమిండియా మాజీ క్రికెటర్‌ View this post on Instagram A post shared by ICC (@icc)

గోల్డ్‌కోస్ట్‌: ఆస్ట్రేలియాతో జరుగుతున్న ‘పింక్‌ బాల్‌’ టెస్టులో భారత్‌ పటిష్ట స్థితిలో నిలిచింది. ఓవర్‌నైట్‌ స్కోరు 276/5తో శనివారం ఆటను కొనసాగించిన భారత మహిళల జట్టు తమ తొలి ఇన్నింగ్స్‌ను 145 ఓవర్లలో 8 వికెట్లకు 377 పరుగుల వద్ద డిక్లేర్‌ చేసింది. ఆస్ట్రేలియాపై భారత్‌కిదే అత్యధిక స్కోరు. ఆ్రస్టేలియా గడ్డపై విదేశీ జట్టు చేసిన అత్యధిక స్కోరు కూడా ఇదే. ఓవర్‌నైట్‌ బ్యాటర్‌ దీప్తి శర్మ (167 బంతుల్లో 66; 8 ఫోర్లు) అర్ధ సెంచరీ చేసింది. అనంతరం బ్యాటింగ్‌కు దిగిన ఆస్ట్రేలియాను జులన్‌ గోస్వామి (2/27), పూజా వ్రస్తాకర్‌ (2/31) ఇబ్బంది పెట్టారు. దాంతో మూడో రోజు ఆట ముగిసే సమయానికి ఆసీస్‌ తమ తొలి ఇన్నింగ్స్‌లో 60 ఓవర్లలో 4 వికెట్లు నష్టపోయి 143 పరుగులు చేసింది. ఎలీస్‌ పెర్రీ (27 బ్యాటింగ్‌; 3 ఫోర్లు), గార్డ్‌నర్‌ (13 బ్యాటింగ్‌; 1 ఫోర్‌) క్రీజులో ఉన్నారు. ఫాలోఆన్‌ తప్పించుకోవాలంటే ఆ్రస్టేలియా మరో 85 పరుగులు చేయాల్సి ఉంది. నేడు ఆటకు చివరి రోజు కావడంతో మ్యాచ్‌ ‘డ్రా’గా ముగిసే అవకాశాలే ఎక్కువగా ఉన్నాయి. ఒకవేళ భారత్‌ గెలవాలంటే మాత్రం... ఆదివారం జరిగే మూడు సెషన్స్‌లోనూ బౌలర్లు అద్భుతంగా రాణించాలి. తొలి సెషన్‌లో ఆస్ట్రేలియాను 228 పరుగులలోపు ఆలౌట్‌ చేయాలి. అప్పుడు ఆ జట్టు ఫాలోఆన్‌ ఆడే అవకాశం ఉంటుంది. చివరి రెండు సెషన్స్‌లో (దాదాపు 60 ఓవర్లలో) మరోసారి ఆస్ట్రేలియాను 150లోపు ఆలౌట్‌ చేయగలిగితే భారత్‌ చిరస్మరణీయ విజయాన్ని అందుకోగలదు.

లార్డ్స్‌: భారత్‌, ఇంగ్లండ్‌ జట్ల జరుగుతున్న రెండో టెస్ట్‌ మ్యాచ్‌ నాలుగో రోజు ఆట ప్రారంభించే అదృష్టం మన మహిళా క్రికెటర్‌ దీప్తి శర్మకు దక్కింది. లార్డ్స్‌లో జరిగే ప్రతి టెస్టు జరిగే రోజు ఆట ఆరంభానికి సూచికగా గంట మోగించడం ఆనవాయితీ. ఆదివారం భారత ఆల్‌రౌండర్‌ దీప్తి గంట కొట్టి నాలుగో రోజు ఆటను ప్రారంభించింది. 23 ఏళ్ల దీప్తి అక్కడ ‘ది హండ్రెడ్‌’ టోర్నీ లో లార్డ్స్‌ హోం గ్రౌండ్‌గా ఉన్న ‘లండన్‌ స్పిరిట్‌’ జట్టు తరఫున ఆడుతోంది. ‘క్రికెట్‌ మక్కా’లో గంట మోగించే గౌరవం లభించడం ఆనందంగా ఉందని ట్వీట్‌ చేసింది. (చదవండి: లార్డ్స్‌ టెస్ట్‌ మ్యాచ్‌లో ఇంగ్లండ్‌​ బాల్‌ టాంపరింగ్‌?)

సూరత్‌: భారత మహిళా క్రికెటర్‌ దీప్తి శర్మ టి20ల్లో చరిత్ర సృష్టించింది. దక్షిణాఫ్రికా జట్టుతో మంగళవారం జరిగిన మ్యాచ్‌లో ఏకంగా మూడు మెయిడిన్‌ ఓవర్లు వేసి రికార్డులకు ఎక్కింది. టి20ల్లో మూడు మూడు మెయిడిన్‌ ఓవర్లు వేసిన మొట్టమొదటి భారత క్రికెటర్‌గా ఖ్యాతి దక్కించుకుంది. నాలుగు ఓవర్లు వేసి కేవలం 8 పరుగులు మాత్రమే ఇచ్చి 3 వికెట్లు పడగొట్టి జట్టుకు ఒంటిచేత్తో విజయాన్ని అందించింది. తాను వేసిన 19 బంతికి మొదటి పరుగు ఇచ్చిదంటే ఆమె బౌలింగ్‌ ఎంత పదునుగా ఉందో తెలుస్తోంది. ఈ ఆగ్రా అమ్మాయి రెండు మేడిన్‌ ఓవర్లలో రెండు వికెట్లు తీయడం విశేషం. దీప్తి అద్భుత ప్రదర్శనకు తోడు ఇతర బౌలర్లు కూడా రాణించడంతో దక్షిణాఫ్రికా జట్టుతో ప్రారంభమైన టి20 సిరీస్‌లో భారత మహిళల టీమ్‌ శుభారంభం చేసింది. తమ బౌలర్లు గొప్పగా రాణించడం​ వల్లే విజయం దక్కిందని కెప్టెన్‌ హర్మన్‌ప్రీత్‌ కౌర్‌ పేర్కొంది. తమ వ్యూహానికి తగినట్టుగా బౌలింగ్‌ చేసి విజయాన్ని అందించారని ప్రశంసించింది. (చదవండి: దీప్తి సూపర్‌ బౌలింగ్‌)

జైపూర్‌: ఐపీఎల్‌ మహిళల టి20 చాలెంజ్‌లో భాగంగా బుధవారం ట్రయల్‌ బ్లేజర్స్‌, వెలాసిటీ జట్ల మధ్య జరిగిన మ్యాచ్‌ చివరల్లో ఆసక్తి చేసింది. ట్రయల్‌ బ్లేజర్స్‌ బౌలర్‌ దీప్తి శర్మ చివరల్లో ముగ్గురిని క్లీన్‌బౌల్డ్‌ చేసి అందరి దృష్టిని ఆకర్షించింది. అయితే అప్పటికే వెలాసిటీ టీమ్‌ విజయం ఖాయం అయిపోవడంతో దీప్తి ప్రదర్శన వృధా అయింది. వెలాసిటీ 18 బంతులకు 2 పరుగులు చేయాల్సిన దశలో దీప్తి టపాటపా మూడు వికెట్లు పడగొట్టింది. ముందుగా బ్యాటింగ్‌ చేసిన బ్లేజర్స్‌ నిర్ణీత 20 ఓవర్లలో 6 వికెట్లు నష్టపోయి 112 పరుగులు చేసింది. ఛేజింగ్‌కు దిగిన మిథాలీ సేన 16.5 ఓవర్లలో 111 పరుగులు చేసి మూడో వికెట్‌ నష్టపోయింది. ఇక్కడ నుంచి వరుసగా ఐదు వికెట్లు కోల్పోయింది. టాప్‌ స్కోరర్‌ డానియల్‌ వ్యాట్‌(46)  మూడో వికెట్‌గా ఔటైంది. తర్వాత వేదాకృష్ణమూర్తి రనౌటయింది. ఇక్కడి నుంచి దీప్తి షో మొదలైంది.  17 ఓవర్‌ తొలి బంతికి మిథాలీ రాజ్‌ను బౌల్డ్‌ చేసింది. మూడో బంతికి శిఖా పాండే, ఐదో బంతికి అమిలా కెర్‌ను క్లీన్‌బౌల్డ్‌ చేసి పెవిలియన్‌కు పంపింది. ఈరోజు మ్యాచ్‌లో దీప్తి పడొట్టిన నాలుగు వికెట్లు క్లీన్‌బౌల్డ్‌ కావడం విశేషం. 4 ఓవర్‌ 5 బంతికి ఓపెనర్‌ హెలే మాథ్యూస్‌ను అవుట్‌ చేసిన దీప్తి చివర్లో మళ్లీ మాయాజాలం చేసింది. విజయానికి 2 పరుగులు చేయాల్సిన దశలో వెలాసిటీ టీమ్‌ ఏకంగా 5 వికెట్లు కోల్పోవడం గమనార్హం. 8 వికెట్ల తేడాతో గెలవాల్సిన మ్యాచ్‌లో వెలాసిటీ టీమ్‌ చివరకు మూడు వికెట్ల తేడాతో విజయం దక్కించుకుంది. (చదవండి: మంధానకు షాక్‌.. మిథాలీ సేనదే విజయం)


 పోచెస్ట్రూమ్: గతవారం భారత మహిళా ప్రధాన పేసర్ జులన్ గోస్వామి(181) వన్డేల్లో అత్యధిక వికెట్ల ఘనతను సొంతం చేసుకోగా, తాజాగా భారత మహిళా ఓపెనర్లు దీప్తి శర్మ, పూనమ్ రౌత్ లు  సరికొత్త వరల్డ్ రికార్డును నెలకొల్పారు. వన్డే క్రికెట్ లో తొలి వికెట్ కు 320 పరుగుల భాగస్వామ్యాన్ని సాధించి ప్రపంచ రికార్డును తన ఖాతాలో వేసుకున్నారు ఈ జోడి.
  
 క్వాడ్రాంగులర్ సిరీస్ లో భాగంగా సోమవారం ఐర్లాండ్ తో జరిగిన మ్యాచ్ లో భారత ఓపెనింగ్ జోడి ఈ ఘనతను కైవసం చేసుకుంది. ప్రపంచ రికార్డును నెలకొల్సే క్రమంలో దీప్తి శర్మ(188;160బంతుల్లో 27 ఫోర్లు, 2 సిక్సర్లు), పూనమ్ రౌత్(109;116 బంతుల్లో 11 ఫోర్లు) లు విశేషంగా రాణించి దాదాపు 9 ఏళ్ల రికార్డును బద్దలు కొట్టారు. 2008లో లార్డ్స్ లో దక్షిణాఫ్రికాతో జరిగిన మ్యాచ్ లో ఇంగ్లండ్ జోడి ఎస్ జే టేలర్, సీఎంజీ అటికిన్స్లు 268 పరుగుల తొలి వికెట్ భాగస్వామ్యాన్ని సాధించారు. మహిళల వన్డే క్రికెట్ లో ఇదే ఇప్పటివరకూ అత్యధిక తొలి వికెట్ భాగస్వామ్యం. తాజాగా ఆ రికార్డును భారత జోడి అధిగమించి సరికొత్త చరిత్ర సృష్టించింది. ఈ మ్యాచ్ లో భారత మహిళలు 50 ఓవర్లలో మూడు వికెట్ల నష్టానికి 358 భారీ పరుగులు చేశారు. ఈ క్రమంలోనే 320 పరుగుల భాగస్వామ్యాన్ని భారత ఓపెనింగ్ జోడి సాధించింది. ఓవరాల్ గా చూస్తే వన్డే క్రికెట్ లో ఇదే అత్యధిక తొలి వికెట్ భాగస్వామ్యం కావడం మరో విశేషం. పురుషుల క్రికెట్ లో అత్యధిక పరుగుల తొలి వికెట్ భాగస్వామ్యం 286 పరుగులు. 2006లో శ్రీలంక ఆటగాళ్లు ఉపుల్ తరంగా-జయసూర్యలు ఈ ఘనతను సాధించారు.