సాక్షి, హైదరాబాద్‌: అసలే ఎండలు.. ఆపై వేసవి తాపం.. ఉక్కిరిబిక్కిరి అవుతున్న మద్యంప్రియులు బీర్లతో చిల్‌ అవుతున్నారు. పెద్దఎత్తున బీర్లు సేవిస్తున్నారు. దీంతో రెండు నెలలుగా బీర్ల అమ్మకాలు అనూహ్యంగా పెరిగాయి. గత ఏడాది ఏప్రిల్‌తో పోలిస్తే ఈసారి బీర్ల అమ్మకాలు రెట్టింపైనట్లు ఎక్సైజ్‌ శాఖ తెలిపింది. సాధారణంగా విస్కీ, బ్రాందీ వంటి లిక్కర్‌ను సేవించే వాళ్లు సైతం ‘చిల్‌’అయ్యేందుకు చల్లటి బీర్లను ఆశ్రయిస్తున్నారు. ఒక్కసారిగా వీటికి డిమాండ్‌ పెరగడంతో వైన్‌షాపులు సహా మార్టుల్లో చల్లని బీర్లు దొరకని పరిస్థితి నెలకొంది. హైదరాబాద్, రంగారెడ్డి, మేడ్చల్, వికారాబాద్‌ జిల్లాల్లోని వివిధ ప్రాంతాల్లో చల్లటి బీర్ల కొరత ఏర్పడుతోంది. సాధారణ రోజుల్లో రోజుకు పది నుంచి పదిహేను కాటన్ల బీర్లను మాత్రమే రిఫ్రిజిరేటర్లలో బీర్లను పెట్టేవారు. ప్రస్తుత డిమాండ్‌ నేపథ్యంలో రోజుకు 30 నుంచి 40 కేసుల బీర్లను రిఫ్రిజిరేటర్లలో నిల్వ చేయాల్సి వస్తోంది. అయినా చిల్డ్‌ బీరు దొరకడం కష్టమవుతోంది. తెలంగాణ వ్యాప్తంగా ఏప్రిల్‌లో లిక్కర్‌ అమ్మకాల ద్వారా ప్రభుత్వానికి రూ.3,272.32 కోట్ల ఆదాయం సమకూరగా, కేవలం గ్రేటర్‌ జిల్లాల నుంచే రూ.1160 కోట్లకుపైగా ఆదాయం సమకూరడం గమనార్హం.

విమానం ప్రయాణం అంటేనే ఖర్చు ఎక్కువ. విమానాశ్రయంలో మామూలు కాఫీ లేదా వాటర్ బాటిల్‌ కొనాలంటే ఒకటికి రెండు సార్లు ఆలోచించాలి.ఇక ప్రపంచంలోనే అత్యంత ఖరీదైనది విమానాశ్రయం అయితే. బిల్లు చూసి గుడ్లు తేలేయాల్సిందే. ఇంతకీ ప్రపంచంలోనే అత్యంత ఖరీదైన విమానాశ్రయం ఏదో తెలుసా? అక్కడ ఒక్కో అరటి పండు ఖరీదు ఎంతో తెలిస్తే షాకవుతారు.మిర్రర్ నివేదిక ప్రకారం ప్రపంచవ్యాప్తంగా ఉన్న ప్రయాణికులు ఇస్తాంబుల్ విమానాశ్రయం "ప్రపంచంలోనే అత్యంత ఖరీదైనది". ఇస్తాంబుల్ విమానాశ్రయం (Istanbul Airport) టర్కీలోని ఇస్తాంబుల్‌కు సేవలందిస్తున్న రెండు అంతర్జాతీయ విమానాశ్రయాలలో అతిపెద్దది, ప్రధాన విమానాశ్రయం. ఐరోపాలో 2వ అత్యంత రద్దీగా ఉంటుంది. మధ్యప్రాచ్యంలో 2వ అత్యంత రద్దీగా ఉండే విమానాశ్రయమిది. అంత ప్రతిష్టాత్మకమైన ఎయిర్‌పోర్ట్‌లో ఒక్కో అరటిపండుకు రూ.565. ఒక్కో బీరుకు రూ.1,697 వసూలు చేయడం వార్తల్లో నిలిచింది. ఇటాలియన్ వార్తాపత్రిక కొరియర్ డెల్లా సెరా కూడా ఈ విషయంపై నివేదించింది, ఇటాలియన్ ప్రయాణికుడు లియోనార్డ్ బెర్బెరిని ఉటంకిస్తూ, 90 గ్రాముల లాసాగ్నా ( పాస్తాలాంటిది) రూ. 2,376 చెల్లించాడని పేర్కొంది. అయితే ఆహార నాణ్యత ఖరీదైన ధరకు సరిపోలడం లేదంటూ ఆయన అసంతృప్తి వ్యక్తం చేశాడట కూడా.ఇదీ చదవండి: Pahalgam : ఈ దుఃఖాన్ని ఆపడం ఎవ్వరి తరము? గుండెల్నిపిండేసే వీడియోలుక్రోసెంట్స్ (బ్రెడ్‌ లాంటిది)రూ. 1,410-1,698 మధ్య ఉంటుంది. ఇటాలియన్ చికెన్ సలాడ్‌ల ధర ఏకంగా రూ. 1,698 లియోనార్డ్ కూడా కనుగొన్నాడు. అంతేకాదు, బర్గర్ కింగ్, మెక్‌డొనాల్డ్స్ లాంటి వాటిల్లో ప్యాకెట్‌ ఫుడ్‌ ధర చాలా ఎక్కువగాఉందని తెలిపాడు ఆయన చెప్పిన దాని ప్రకారం మెక్‌డొనాల్డ్స్ వద్ద బిగ్ మాక్ , డబుల్ క్వార్టర్ పౌండర్ ధర సుమారు రూ. 2 వేలు, 2,450గా ఉన్నాయి.ఇక నాలుగు ఫ్రైడ్ చికెన్ వింగ్స్, ఫ్రెంచ్ ఫ్రైస్ ,కోకా-కోలా ధర రూ. 1,698కు పై మాటేనట. చదవండి: నీతా అంబానీ లైఫ్‌ స్టైల్‌, ఫ్యాషన్‌ సెన్స్‌ అది మరి! ఆమె టీ కప్‌ స్పెషల్‌ ఏంటో?ఇస్తాంబుల్ విమానాశ్రయం రోజుకు 2 లక్షల 20వేల మందికంటే ఎక్కువమంది ప్రయాణికులకు సేవలు అందిస్తున్నప్పటికీ, ఇక్కడి ధరలు మాత్రం విదేశీ పర్యాటకులకు షాకిస్తుండటం గమనార్హం. ఈ నేపథ్యంలో హై-ఎండ్ ట్రాన్సిట్ హబ్‌గా పేరొందిన ఇస్తాంబుల్ విమానాశ్రయంపై రాబోయే నెలల్లో విమర్శలు మరింత వెల్లువెత్తే అవకాశం ఉందని అంచనా.

సాక్షి, హైదరాబాద్‌: తెలంగాణలో బీర్ల(Beers) నిల్వలు తగ్గిపోతున్నాయి. ప్రస్తుతం గోడౌన్‌లో లక్ష కేసులు మాత్రమే అందుబాటులో ఉన్నాయి. ఈ నెల 8 వరకు సుమారు 84 లక్షల కేసులు ఉండగా క్రమేపి బీర్ల స్టాక్‌ తగ్గుతోంది. మరో రెండు, మూడు రోజులు మేనేజ్‌ చేయొచ్చని డిస్ట్రిబ్యూటర్లు అంటున్నారు. పాత బకాయిలు ఇవ్వకపోవడంతో బీర్ల స్టాక్‌ను యునైటెడ్‌ బ్రూవరీస్‌ (యూబీ) సంస్థ నిలిపివేసిన సంగతి తెలిసిందే.తెలంగాణలో కొత్త బీర్ బ్రాండ్లు తీసుకొచ్చేందుకు ప్రభుత్వం కసరత్తు ప్రారంభించింది. రిజిస్టర్ కానీ కంపెనీలను తీసుకొస్తే ఇబ్బందులు తప్పవని డిస్ట్రిబ్యూటర్లు అభిప్రాయపడుతున్నారు. గోడౌన్‌లో ఉన్న స్టాక్‌ను విడుదల వారీగా ప్రభుత్వం విడుదల చేస్తోంది.తాము తయారు చేసే బీర్లను ఇక నుంచి తెలంగాణలో సరఫరా చేయబోమని యూబీ సంస్థ ప్రకటించింది. బేసిక్‌ ధరలు పెంచలేదని, బిల్లులు పెండింగ్‌లో ఉన్నందున బీర్ల సరఫరా నిలిపివేస్తున్నట్టు కంపెనీ నిబంధనల ప్రకారం...ఎన్‌ఎస్‌ఈ, బీఎస్‌ఈ (బాంబే స్టాక్‌ ఎక్స్చేంజ్‌)లకు సమాచారం ఇచ్చింది. రాష్ట్రంలో నాలుగైదు బ్రాండ్ల బీర్లకు మంచి మార్కెట్‌ ఉంది.అందులో యూబీ తయారు చేసే కింగ్‌ఫిషర్‌ బీర్లదే సింహభాగం. మొత్తం తెలంగాణ మార్కెట్‌లో 72 శాతం వరకు ఈ బ్రాండ్‌దే ఉంటుందని అంచనా. ఈ బీర్లు తెలంగాణ బేవరేజెస్‌ కార్పొరేషన్‌ లిమిటెడ్‌ (టీజీబీసీఎల్‌)కు సరఫరా చేసినందుకుగాను కేస్‌కు రూ.289 చొప్పున తయారీదారులకు చెల్లిస్తారు. ఈ బేసిక్‌ ధర పెంచాలన్న డిమాండ్‌ ఎక్సైజ్‌ శాఖలో చాలా కాలంగా వినిపిస్తున్నా, అమల్లోకి రాకపోవడంతో తాజా సమస్య ఏర్పడింది. 2019–20 నుంచి కంపెనీకి చెల్లించే బేసిక్‌ ధరలను తెలంగాణ ప్రభుత్వం సవరించలేదని, దీని కారణంగా భారీ నష్టాలు వస్తున్నాయని ఆ లేఖలో వెల్లడించారు. టీజీబీసీఎల్‌ చెల్లించాల్సిన పెద్ద మొత్తం పెండింగ్‌లో ఉందని, ఈ కారణంగానే తాము బీర్లు సరఫరా చేయడం లేదని స్పష్టం చేసింది.ఇదీ చదవండి: తక్షణమే ప్రక్షాళన..!

సాక్షి, హైదరాబాద్‌: మద్యం సరఫరా చేసే కంపెనీలకు రాష్ట్ర ఎక్సైజ్‌ శాఖ చెల్లించాల్సిన బకాయిలు రూ.2 వేల కోట్లకు పైగానే ఉన్నట్టు తెలుస్తోంది. లిక్కర్‌తో పాటు బీర్లు తయారు చేసే కంపెనీలన్నింటికీ కలిపి ఈ మేరకు బకాయిలు ఉన్నాయని ఆ శాఖ వర్గాలు చెబుతున్నాయి. గత ప్రభుత్వ హయాం నుంచే ఈ బకాయిలు కొనసాగుతున్నాయని, కాంగ్రెస్‌ ప్రభుత్వం అధికారంలోకి వచ్చినప్పటి నుంచి ఒప్పందం మేరకు 45 రోజులకు బిల్లులు చెల్లిస్తున్నారే కానీ పాత బకాయిలు మాత్రం విడుదల చేయడం లేదని పేర్కొంటున్నాయి. బకాయిలు కొనసాగుతుండడాన్ని కంపెనీలు భరించలేకపోతున్నాయని, ఈ నేపథ్యంలోనే యూబీ కంపెనీ పరిణామం చోటు చేసుకుందని తెలుస్తోంది. యూబీతో పాటు బీర్లు సరఫరా చేసే ఏబీ, ఇతర లిక్కర్‌ కంపెనీలు కూడా బిల్లుల ఉక్కిరిబిక్కిరిలోనే ఉన్నాయనే చర్చ ఎక్సైజ్‌ వర్గాల్లో జరుగుతోంది. తమకు బకాయిలు చెల్లించని కారణంగా సరఫరా నిలిపివేస్తామంటూ ఆరు నెలల క్రితమే యూబీ కంపెనీ నుంచి ఎక్సైజ్‌ శాఖకు లేఖ వచ్చినట్టు తెలుస్తోంది. అయితే తాము ప్రభుత్వంలోకి వచ్చిన తర్వాత బిల్లులు క్రమం తప్పకుండా విడుదల చేస్తున్నందున ప్రభుత్వం ధీమాతో ఉందని సమాచారం. యూబీ లేఖతోనే తెరపైకి ‘సోం’!సరఫరా నిలిపివేస్తామంటూ యూబీ లేఖ రాసిన నేపథ్యంలోనే ఎక్సైజ్‌ వర్గాలు ముందుచూపుతో మరో డిస్టిలరీకి అనుమతినిచ్చే ప్రతిపాదన చేసినట్టు తెలుస్తోంది. లిక్కర్‌ కంపెనీలకు ఉండే ‘రాజకీయ’ సంబంధాల కారణంగా, యూబీకి చెక్‌ పెట్టాలనే యోచనతో ప్రభుత్వం కూడా ప్రోత్సహించిందని, ఈ పరిస్థితుల్లోనే సోం డిస్టిలరీస్‌ అనే మరో బీర్ల కంపెనీ తెరపైకి వచ్చిందనే చర్చ జరుగుతోంది. అయితే ఈ డిస్టిలరీకి అనుమతుల వ్యవహారం రాజకీయ రంగు పులుముకోవడంతో సదరు ప్రతిపాదనను రాష్ట్ర ప్రభుత్వం వెనక్కు తీసుకుంది. అయితే ఇప్పుడు యూబీ నిర్ణయం నేపథ్యంలో.. ఆ కంపెనీ అడిగిన విధంగా మద్యం సరఫరా చేసే కంపెనీల బేసిక్‌ ధరలను పెంచడం లేదంటే బీర్ల తయారీ కోసం సోం డిస్టిలరీస్‌ లాంటి కంపెనీలకు అనుమతులివ్వడం తప్ప ప్రభుత్వానికి మరో ప్రత్యామ్నాయం లేదని అధికారులు అంటున్నారు.ఇతర మద్యం బ్రాండ్లకు కొరత !యూబీ కంపెనీ నిర్ణయంతో కింగ్‌ఫిషర్‌ బీర్లు డిపో లకు రావడం నిలిచిపోయింది. దీంతో బుధవారం నాటికి డిపోల నుంచి తీసుకున్న బీర్లు మాత్రమే ప్రస్తుతం వైన్‌షాపుల్లో అందుబాటులో ఉన్నాయి. ఈ బీర్లు వారం వరకు సరిపోతాయని, అప్పటికి పరిష్కారం రాకపోతే కింగ్‌ ఫిషర్‌ బీర్ల కొరత ఏర్పడుతుందని ఎక్సైజ్‌ వర్గాలంటున్నా యి. ఇదిలావుంటే ఇతర మద్యం బ్రాండ్లకు ఇప్పటికే మార్కెట్‌లో కొరత వచ్చిందని తెలుస్తోంది. సియా గ్రామ్స్‌ అనే కంపెనీ తయారు చేసే 100 పైపర్స్, బ్లెండర్స్‌ ప్రైడ్, రాయల్‌స్టాగ్‌ లాంటి ప్రీమియం బాండ్ల సరఫరా నిలిచిపోయిందని సమా చారం. దీంతో ఇప్పటికే మార్కెట్‌లో ఆయా బ్రాండ్లు దొరకడం లేదని వైన్‌షాపుల యజమానులు చెపుతు న్నారు. అయితే ఇందుకు వికారాబాద్‌ జిల్లాలోని ఒక డిస్టిలరీని ప్రభుత్వం మూసివేయడమే కారణమని, ఈ డిస్టిలరీలోనే సియాగ్రామ్స్‌ ప్రీమియం బ్రాండ్లు తయార వుతాయని, అందుకే ఆయా బ్రాండ్లు మార్కెట్‌లోకి రావడం లేదని ఎక్సైజ్‌ వర్గాలు వెల్లడించాయి.

సాక్షి, హైదరాబాద్‌: తెలంగాణలో బీర్ల అమ్మకాలు నిలిపివేయడానికి యునైటెడ్‌ బ్రూవరీస్‌(UB) తీసుకున్న నిర్ణయం పలు ప్రశ్నలు పలు ప్రశ్నలు తలెత్తుతున్నాయని మాజీ మంత్రి, బీఆర్‌ఎస్‌ ఎమ్మెల్యే హరీశ్‌రావు అనుమానం వ్యక్తం చేశారు. బీర్లకు సంబంధించి యునైటెడ్‌ బ్రూవరీస్‌ ప్రకటనపై ఆయన ఎక్స్‌ వేదికగా స్పందించారు.బీర్లకు సంబంధించిన బకాయిలను బెవరేజెస్‌ కార్పొరేషన్(TGBCL) చెల్లించలేదని యునైటెడ్ బ్రూవరీస్‌ పేర్కొందన్న హరీష్‌ రావు.. దీంతో రాష్ట్రంలో కింగ్ ఫిషర్, హినెకెన్ వంటి ప్రీమియం బ్రాండ్ల లభ్యతకు అంతరాయం కలుగుతుందని భావిస్తున్నారని చెప్పారు.బూమ్ బూమ్, బిర్యానీ వంటి స్థానిక బ్రాండ్ల బీర్లను ప్రోత్సహించేందుకు ఇది ఉద్దేశపూర్వకంగా చేస్తున్న ప్రయత్నమా? అంటూ అనుమానం వ్యక్తం చేశారు. బిల్లుల చెల్లింపులో వరుస క్రమాన్ని కాకుండా ప్రత్యేక ప్రాధాన్యతల కారణంగా ఈ పరిస్థితి తలెత్తిందా అని హరీశ్ రావు వ్యాఖ్యానించారు.ఇదీ చదవండి: తెలంగాణకు కింగ్‌ఫిషర్‌ బీర్లు బంద్‌

మల్లాపూర్‌(కోరుట్ల): ఓ బెల్ట్‌షాపులో కొనుగోలు చేసిన బీరుసీసాల్లో ఫంగస్‌ కనిపించింది. కొనుగోలుదారుల వివరాల ప్రకారం.. నిర్మల్‌ జిల్లా ఖానాపూర్‌కు చెందిన కొంతమంది వ్యక్తులు మంగళవారం మెట్‌పల్లి వెళ్తున్నారు. మార్గమధ్యలో మల్లాపూర్‌ మండలంలోని ఒబులాపూర్‌ బెల్ట్‌షాప్‌లో బీర్లు తీసుకున్నారు. రెండు సీసాల్లో ఫంగస్‌ కనిపించింది. దీనిపై బెల్ట్‌షాప్‌ నిర్వాహకులను ప్రశ్నించగా, నిర్లక్ష్యంగా సమాధానం చెప్పారన్నారు. అధికా రులు స్పందించి, నాణ్యత లేని మద్యం విక్రయిస్తున్న బెల్ట్‌షాప్‌ నిర్వాహకులపై చర్యలు తీసుకోవాలని కోరారు.

భారతీయ బ్యాంకులకు వేలకోట్ల రూపాయలను ఎగవేసి విదేశాలకు చెక్కేసిన వ్యాపారవేత్త, కింగ్‌ఫిషర్ ఎయిర్‌లైన్స్ ప్రమోటర్ విజయ్‌ మాల్యా కుమారుడు సిద్ధార్థ మాల్యా తన చిరకాల స్నేహితురాలు జాస్మిన్‌ను పెళ్లి చేసుకున్నాడు.లండన్‌లో జూన్‌ 22న సిద్ధార్థ-జాస్మిన్ వివాహ వేడుక జరిగింది. అయితే ఈ పెళ్లి సందడిలో వడ్డించిన వంటలు, ఇతర పదార్థాలపై ఇంటర్నెట్‌లో చర్చ నడుస్తోంది.ముఖ్యంగా ఫ్యాషన్ డిజైనర్ మనోవిరాజ్ ఖోస్లా ఇన్‌స్టాగ్రామ్‌ స్టోరీలో ఇంట్రస్టింగ్‌ సంగతులను షేర్‌ చేశాడు. ముఖ్యంగా కింగ్‌ఫిషర్‌ బీర్‌ ఇమేజ్‌ను షేర్‌ చేయడంతో ఇది ఫాలోయర్లను ఆకట్టుకుంటోంది. లండన్‌లో కింగ్‌ పిషర్‌కు మించింది ఏముంటుంది అనే క్యాప్షన్‌తో ఫోటోను కూడా పోస్ట్‌ చేశాడు. ఇంకా కడీపట్టా బుర్రట్టా, పాన్-ఫ్రైడ్ అట్లాంటిక్ సీ బాస్ లాంటి వాటితో పాటు ఇతర వంటకాలున్నాయని తన స్టోరీలో తెలిపాడు. మరోవైపు సిద్ధార్థ-జాస్మిన్ పెళ్లి సంబరాలకు సంబంధించి ఫోటోలు వైరల్‌ అయ్యాయి. తాజాగా పెళ్లి కళ ఉట్టిపడుతున్న తమ రెండు ఫోటోలను సిద్ధార్థ మాల్యా ఇన్‌స్టాలో పోస్ట్‌ చేశాడు. అంతకుముందు తన కాబోయే భార్యతో పోజులిచ్చిన ఫోటోలను షేర్‌ చేసి, తన ఫ్యాన్స్‌కు పెళ్లికబురు అందించిన సంగతి తెలిసిందే.

సాక్షి, అమరావతి: ‘మాకు లాభం ఉంటేనే లారీలు కదులుతాయి’.. ‘మాకు కప్పం కడితేనే కింగ్‌ ఫిషర్‌ బీరు మార్కెట్‌లోకి వస్తుంది.. లేదంటే అంతే సంగతులు’ అని పారిశ్రామికవేత్తలకు హెచ్చరికలు జారీ చేస్తోంది.. టీడీపీ కూటమి ముఠా. డీల్‌ సెట్‌ కాకపోతే కంపెనీలోకి ఒక్క లారీని రానివ్వం.. పోనివ్వం అని తెగేసి చెబుతోంది. దీంతో కింగ్‌ ఫిషర్‌ బీరును ఉత్పత్తి చేసే యునైటెడ్‌ బ్రూవరీస్‌ (యూబీ) కంపెనీ అధికార పార్టీ దాష్టీకానికి బెంబేలెత్తుతోంది. శ్రీకాకుళం జిల్లాలో పారిశ్రామికవేత్తలను హడలెత్తిస్తున్న ఈ సిండికేట్‌ను ఎచ్చెర్ల బీజేపీ ఎమ్మెల్యే నడికుదిటి ఈశ్వరరావు వర్గం తెరముందు నడుపుతుంటే.. తెర వెనుక వ్యవసాయ శాఖ మంత్రి అచ్చెన్నాయుడు వర్గం చక్రం తిప్పుతోంది. నెలకు రూ.1.50 కోట్లు చొప్పున ఏడాదికి రూ.18 కోట్లు తమకు కప్పం కింద కట్టాలని కంపెనీకి కూటమి ప్రజాప్రతినిధులు హెచ్చరికలు జారీ చేస్తున్నారు. ఇందుకు యునైటెడ్‌ బ్రూవరీస్‌ సిద్ధంగా లేకపోవడంతో కింగ్‌ ఫిషర్‌ బీరు ఉత్పత్తి మొదలుకావడం లేదు.అడుగడుగునా అడ్డుపడుతున్న టీడీపీ కూటమి ముఠా..శ్రీకాకుళం జిల్లా ఎచ్చెర్ల నియోజకవర్గం రణస్థలం మండలం బంటుపల్లిలో ఉన్న యునైటెడ్‌ బ్రూవరీస్‌ (యూబీ) బీర్‌ కంపెనీ ఉంది. తమ ఫ్యాక్టరీలో కింగ్‌ ఫిషర్‌ బీరు ఉత్పత్తిని ప్రారంభించేందుకు ఆ కంపెనీ చేస్తున్న యత్నాలకు అడుగడుగునా టీడీపీ కూటమి ముఠా అడ్డు పడుతోంది. ముడి సరుకును ఫ్యాక్టరీకి తీసుకువచ్చి, ఉత్పత్తి చేసిన సరుకును ఫ్యాక్టరీ నుంచి బయటకు తీసుకువెళ్లే ఒక్కో లారీకి రూ.వేయి చొప్పున కప్పం చెల్లించాలని ఎమ్మెల్యే ఈశ్వరరావు వర్గం కరాఖండీగా తేల్చిచెప్పిందనే విషయం సంచలనం సృష్టించింది. ఎందుకంటే లోడింగ్, అన్‌ లోడింగ్‌ కోసం రోజుకు సగటున 500 లారీలు వస్తాయి.. ఆ లెక్కన రోజుకు రూ.5 లక్షల చొప్పున నెలకు రూ.1.50 కోట్ల వరకు కప్పంగా అధికార పార్టీ ప్రజాప్రతినిధులకు చెల్లించాల్సి ఉంటుంది. ఏడాదికి ఈ మొత్తం 18 కోట్లు. అంత భారీ మొత్తం కప్పంగా చెల్లించలేమని కంపెనీ ప్రతినిధులు చెప్పడంతో ఎమ్మెల్యే ఈశ్వరరావు వర్గీయులు ఏకంగా ఆ ఫ్యాక్టరీపై దాడి చేసి బీభత్సం సృష్టించిన విషయం తెలిసిందే. కంపెనీ ఆస్తులను ధ్వంసం చేయడమేకాకుండా కంపెనీలో విధులు నిర్వహిస్తున్న అధికారులు, సిబ్బందిపై దాడి చేసి భయోత్పాతం సృష్టించారు.దీనిపై ఫిర్యాదు చేసినా పోలీసులు మొదట పట్టించుకోలేదు. కేంద్ర హోం శాఖకు నివేదించడంతో ఢిల్లీ నుంచి ఆదేశాలు వెలువడ్డాయి. దీంతో పోలీసులు ఒక రోజు తరువాత కేసు నమోదు చేశారు. మరోవైపు కంపెనీ ఉద్యోగులపై ఎమ్మెల్యే ఈశ్వరరావు వర్గం ఎస్సీ, ఎస్టీ అట్రాసిటీ కేసులు నమోదు చేయించడం గమనార్హం. ఈ క్రమంలో శ్రీకాకుళం జిల్లాకే చెందిన వ్యవసాయ శాఖ మంత్రి అచ్చెన్నాయుడు జోక్యం చేసుకుని కప్పం కట్టేలా డీల్‌ సెట్‌ చేసినట్టు సమాచారం. ఆయన ఆదేశాలతో కంపెనీ ప్రతినిధులు ఎమ్మెల్యే ఈశ్వరరావుతో రాజీ చర్చలు కూడా జరిపారు. తాము అడిగినట్టుగా నెలకు రూ.1.50 కోట్లు కప్పం కడితేనే బీర్‌ ఉత్పత్తి ప్రారంభించకోవచ్చని ఎమ్మెల్యే వర్గం కంపెనీకి తేల్చిచెప్పింది. కంపెనీ యాజమాన్యం ససేమిరా.. ఎమ్మెల్యే ఈశ్వరరావు వర్గం డిమాండ్‌ చేసినట్టుగా నెలకు రూ.1.50 కోట్లు వరకు కప్పంగా చెల్లించేందుకు యూబీ కంపెనీ యాజమాన్యం ససేమిరా అన్నట్టు సమాచారం. బంటుమల్లిలోని ఒక్క యూనిట్‌కే ఏడాదికి ఏకంగా రూ.18 కోట్లు అధికార పార్టీ ప్రజాప్రతినిధులకు మామూళ్లుగా ఇవ్వడం తలకుమించిన భారంగా ఆ కంపెనీ భావిస్తున్నట్టు తెలుస్తోంది. మరో రూపంలో కొంత మొత్తం అయితేనే ఇవ్వగలమని చెప్పినట్టు సమాచారం. దీంతో ఎమ్మెల్యే ఈశ్వరరావు వర్గం భగ్గుమంది. ఫ్యాక్టరీలోని బీరు ఉత్పత్తికి అడ్డుపడుతోంది. రెండు రోజులుగా ఫ్యాక్టరీకి లారీలు వస్తున్నా అందులోని ముడి సరుకును అన్‌లోడింగ్‌ చేయనీయడం లేదు. అంతేకాకుండా ఇప్పటికే ఉత్పత్తి చేసిన బీరును మార్కెట్‌లోకి పంపేందుకు లారీల్లోకి లోడింగ్‌ చేయనీయడం లేదు. అంతేకాకుండా కళాసీలెవరూ పనిలోకి రావడానికి వీల్లేదని ఎమ్మెల్యే వర్గం ఆల్టిమేటం జారీ చేసింది. ఎమ్మెల్యే వర్గం గుప్పిట్లోనే కళాసీల సంఘం ప్రతినిధులు ఉండటం గమనార్హం. ఎమ్మెల్యే ఈశ్వరరావు వర్గీయుల దాష్టీకంతోయూబీ ఫ్యాక్టరీ ముందు భారీ సంఖ్యలో లారీలు బారులు తీరి ఉన్నాయి. ఎమ్మెల్యే వర్గం హెచ్చరికలకు భయపడి ఎవరూ ముడి సరుకును అన్‌లోడింగ్‌ చేయడం లేదు. దాంతో యూబీ ఫ్యాక్టరీలో బీరు ఉత్పత్తి నిలిచిపోయింది. మరోవైపు ఉత్పత్తి కోసం తెప్పించిన ముడి సరుకు సైతం లారీల్లోనే మగ్గిపోతోంది. ముడి సరుకు పాడైపోతే తీవ్రంగా నష్టపోవాల్సి వస్తుందని కంపెనీ ప్రతినిధులు ఆందోళన చెందుతున్నారు.డ్రామాను అదరగొడుతున్న అచ్చెన్నఈ వ్యవహారంలో వ్యవసాయ శాఖ మంత్రి అచ్చెన్నాయుడు డబుల్‌ గేమ్‌ ఆడుతుండటం గమనార్హం. కంపెనీ ప్రతినిధులు తమ సమస్యను ఆయన దృష్టికి తీసుకువెళ్లారు. దీంతో ఎమ్మెల్యే ఈశ్వరరావుతో మాట్లాడినట్టు అచ్చెన్నాయుడు కథ నడిపించారు. తాను చెబుతున్నా కళాసీలు వినడం లేదని చెప్పి ఎమ్మెల్యే ఈశ్వరరావు తప్పించుకున్నారు. అయితే మంత్రి అచ్చెన్న, ఎమ్మెల్యే ఈశ్వరావు పక్కా పన్నాగంతోనే ఈ వ్యవహారాన్ని ఉద్దేశపూర్వకంగా సాగదీస్తున్నారని విమర్శలు వ్యక్తమవుతున్నాయి. ఫ్యాక్టరీలో బీరు ఉత్పత్తి కొన్ని రోజుల పాటు నిలిచిపోతే యాజమాన్యం తప్పనిసరిగా తమ కాళ్లబేరానికి వస్తుందనేదే ఇద్దరు నేతల ఉద్దేశమని అంటున్నారు. అదే అదనుగా భారీగా కప్పం డిమాండ్‌ చేసి సాధించుకోవచ్చని కుట్రపన్నారు. పారిశ్రామికవేత్తల ఆందోళన..అధికారంలోకి వచ్చీ రావడంతోనే కూటమి నేతల బెదిరింపులతో పారిశ్రామికవేత్తలు ఆందోళన చెందుతున్నారు. పారిశ్రామికవేత్తల పట్ల ప్రభుత్వ వైఖరిపై వారిలో ఆవేదన వ్యక్తమవుతోంది. కానీ ప్రభుత్వ పెద్దలు మాత్రం తమ పంతం వీడటం లేదు. యూబీ కంపెనీ ఉదంతం ద్వారా రాష్ట్రంలోని పారిశ్రామికవేత్తలకు స్పష్టమైన సందేశం ఇవ్వాలన్నదే కూట­మి ప్రభుత్వ ఉద్దేశంగా ఉందనే విమర్శలు వ్యక్తమవుతున్నాయి. తాము డిమాండ్‌ చేసినంత కప్పం కడితేనే రాష్ట్రంలో ఏ కంపెనీ అయినా మనుగుడ సాగిస్తుంది.. లేదంటే ఆ కంపెనీ మూత పడాల్సిందేనని స్పష్టం చేస్తోంది.

మెదక్‌: టెండల్లో బుసబుస పొంగే చల్లని బీరు తాగి ఉపశమనం పొందాలనుకునే మందుబాబులకుకష్టకాలమొచ్చింది. వైన్‌ షాపుల్లో బ్రాండెడ్‌ బీర్లు దొరకని పరిస్థితి నెలకొంది. మద్యం డిపోలు ప్రధాన బ్రాండ్ల బీర్లపై రేషన్‌ విధించడంతో అటు వైన్‌షాప్‌ యజమానులు.. ఇటు కొనుగోలు దార్లు నిరుత్సాహానికి గురవుతున్నారు. దీంతో మద్యం ప్రియులు దొరికిన దానితోనే సరి పెట్టుకుంటున్నారు. ఒక్కో షాపునకు ఇండెక్స్‌ ఆధారంగా 20 నుంచి 25 కేసులు ఇస్తుండగా.. ఇది ఒక రోజుకు కూడా సరిపోదని మద్యం వ్యాపారులు పెదవి విరుస్తున్నారు.   జిల్లాలో మెదక్, రామాయంపేట, నర్సాపూర్‌లో ఎక్సైజ్‌ స్టేషన్లు ఉన్నాయి. వీటి పరిధిలో 49 వైన్‌ షాపులు, ఐదు బార్లు ఉన్నాయి. ఈయేడు ఎక్సైజ్‌ సంవత్సరం డిసెంబర్‌లో ప్రారంభమైంది. అదే సమయంలో అసెంబ్లీ ఎన్నికలు ఉండటంతో కొంత మేర మద్యం అమ్మకాలు పెరిగాయి. గతేడాది డిసెంబర్‌ నుంచి మార్చి వరకు రూ.194.68 కోట్ల మద్యం విక్రయాలు జరుగగా, ఈసారి నాలుగు నెలల కాలంలో రూ.206.71 కోట్ల విక్రయాలు జరిగాయి.  మందు బాబుల పరేషాన్‌..  వేసవి ఎండలు ముదరడంతో మద్యం ప్రియులు ఎక్కువగా బీర్లు తాగడానికి మొగ్గు చూపుతున్నారు. కానీ ప్రస్తుతం నీటి కొరత, బీర్ల ఉత్పత్తి షరతులు తదితర కారణాల వల్ల బీర్ల కొరత ఏర్పడింది. అలాగే బీరు కాలపరిమితి 6 నెలలు ఉండటంతో ఎక్కువ కాలం నిల్వ ఉంచలేని పరిస్థితి. గతేడాది నాలుగు నెలల కాలంలో 2,68,763 కేసులు అమ్మగా, ఈయేడు మార్చి 31 వరకు 2,96,977 కేసులు అమ్ముడయ్యాయి. ప్రస్తుతం సాధారణ బ్రాండ్లు లభిస్తున్నప్పటికీ వినియోగదారులు ఎక్కువగా ఇష్టపడే బ్రాండ్లు దొరకడం లేదు. దీంతో ఇండెక్స్‌కు అనుగుణంగా 20 నుంచి 25 కేసులు లభ్యతను బట్టి ఇస్తున్నారు. అలాగే సామాన్యుడికి అందుబాటు ధర కలిగి, నిత్యం ఎక్కువగా అమ్ముడు పోయే ఓ బ్రాండ్‌ లిక్కర్‌ కొరత కారణంగా దానికి కూడా రేషన్‌ విధించినట్లు మద్యం వ్యాపారులు తెలిపారు.  పెరిగిన 10.50 శాతం   ఎక్సైజ్‌ స్టేషన్ల వారీగా మద్యం అమ్మకాలు చూస్తే గతేడాది నాలుగు నెలలు (డిసెంబర్, జనవరి, ఫిబ్రవరి, మార్చి) నర్సాపూర్‌లో రూ.7,172.2 లక్షలు విక్రయాలు జరుగగా ఈసారి నాలుగు నెలలు రూ.7,888.2 లక్షలు, మెదక్‌లో గతేడాది రూ.6,847.6 లక్షలు ఉండగా, ఈసారి రూ.6,902.4 లక్షలు, రామాయంపేటలో గతేడాది రూ.5,447.9 లక్షలు కాగా, ఈసారి రూ.5,880.2 లక్షలు విక్రయించాయి. మొత్తం మీద గతేడాది నాలుగు నెలలతో పోలిస్తే ఈసారి జిల్లా వ్యాప్తంగా 6.18 శాతం మద్యం విక్రయాలు వృద్ధి చెందాయి. అలాగే గతేడాది బీర్లతో పోలీస్తే ఈ నాలుగు నెలల్లోనే బీర్ల వినియోగం 10.50 శాతం పెరిగింది. ప్రతీయేటా వేసవి కాలంలో బీరు సరఫరాలో కొరత ఏర్పడుతుంది. డిమాండ్‌ కనుగుణంగా సరఫరా లేక పోవడంతో ప్రధాన బ్రాండ్లపై రేషన్‌ విధిస్తున్నట్లు అధికారులు చెబుతున్నారు.

మంచిర్యాలరూరల్‌(హాజీపూర్‌): వేసవి కాలంలో చల్లని బీరు తాగాలని ఆశించే మద్యంప్రియులకు బీర్లు దొరకడం కష్టంగా మారుతోంది. ఇ ప్పటికే హాజీపూర్‌ మండలం గుడిపేటలోని మ ద్యం డిపోకు బీర్ల సరఫరా చాలావరకు నిలిచి పోయింది. వచ్చిన నిల్వలను డిపో పరిధిలోని మద్యం దుకాణాలు, బార్లకు రేషియో పద్ధతిన సరఫరా చేస్తోంది. బీర్లకు కొరత ఏర్పడగా.. కొ ద్ది రోజుల్లో తీవ్రం కానున్నట్లు తెలుస్తోంది. గ తంలో పలు కంపెనీలు ప్రభుత్వ లిక్కర్‌ గోదా ములకు సరఫరా చేసిన బీరు నిల్వలకు బకా యిల చెల్లింపులో జాప్యమే కొరతకు కారణమని తెలుస్తోంది. గుడిపేట లిక్కర్‌ డిపో పరిధిలో 135 మద్యం దుకాణాలు, 28వరకు బార్లు ఉన్నా యి. వేసవిలో పెద్దయెత్తున బీర్ల అమ్మకాలు సాగుతాయి. గత ఏడాది మార్చిలో రెండు లక్షల వరకు బీరు కేసుల విక్రయాలు జరిగాయి. ఈ ఏడాది మార్చిలో 1.80లక్షల వరకు బీరు కేసులు మాత్రమే అమ్మకాలు జరిగాయి. గత ఏడాది బీరు కేసులు మద్యం దుకాణాల డిమాండ్‌కు అనుగుణంగా సరఫరా జరిగి డిపోలో లక్షల కేసుల నిల్వలు ఉండేవి. ఇప్పుడు బీరు కేసులు వచ్చినవి వచ్చినట్లు విక్రయిస్తుండగా.. డిపోలో నిల్వలు ఉండడం లేదు. ఈ లెక్కన డిమాండ్‌కు తగిన విధంగా సరఫరా లేదని తెలుస్తోంది. బిల్లులు పెండింగ్‌లో.. లిక్కర్‌ తయారీ కంపెనీల నుంచి ప్రభుత్వం వివిధ బ్రాండ్లకు సంబంధించి బీర్లు కొనుగోలు చేసి ప్రభుత్వ ఆధ్వర్యంలోని మద్యం డిపోలకు సరఫరా చేస్తోంది. అక్కడి నుంచి రిటైల్‌ దుకాణాలకు సరఫరా జరుగుతుంది. లిక్కర్‌ తయారీ కంపెనీలు సరఫరా చేసిన మద్యం బిల్లులు పెండింగ్‌లో ఉండడంతో కొన్ని డిస్టిలరీస్‌, బ్రేవరేజేస్‌లు మద్యం ఉత్పత్తి తగ్గించడంతోపాటు బీరు నిల్వల సరఫరా చాలా వరకు తగ్గించేశాయి. వేసవిలో మార్చి నుంచి మే వరకు దాదాపు రూ.2కోట్ల విలువైన బీర్ల అమ్మకాలు జరుగుతాయి. ఒక్కో మద్యం దుకాణానికి రోజుకు సుమారుగా 50 బీరు కేసుల వరకు విక్రయాలు జరిగేవి. కానీ ఈ వేసవిలో 30 బీరు కేసుల వరకు కూడా సరఫరా చేయడం లేదని మద్యం వ్యాపారులు చెబుతున్నారు. ఏప్రిల్‌, మే నెలల్లో బీర్ల కొరత తీవ్రం కానుంది. డిపో పరిసరాలు వెల వెల గుడిపేట మద్యం డిపో పరిసరాలు నిత్యం కళకళలాడుతూ కనిపించేవి. ఇప్పుడు అందుకు భిన్నంగా వెల వెలబోతున్నాయి. పలు మద్యం కంపెనీలు బీరు నిల్వల సరఫరా తగ్గించడంతో లారీలు, ఇతర వాహనాల రాకపోకలు తగ్గాయి. మొన్నటి వరకు రోజుకు 20 వాహనాలకు పైగా మద్యం నిల్వలతో వచ్చిన సందర్భాలు ఉండగా ఇప్పుడు 10 వాహనాలు కూడా డిపోకు రావడం లేదు. డిపో మేనేజర్‌ శ్రీనివాస్‌ను సంప్రదించగా.. డిపోకు వచ్చిన బీరు నిల్వలను అన్ని రిటైల్‌ మద్యం దుకాణాలకు రేషియో పద్ధతిన సమానంగా సరఫరా చేస్తున్నామని తెలిపారు.

దేశంలోని మద్యం ప్రియుల రుచులు, అభిరుచులకు అనుగుణంగా కంపెనీలు సైతం తమ ఉత్పత్తులను తయారుచేస్తున్నాయి. పానీయాలు ఉత్పత్తి చేసే కంపెనీలు నెమ్మదిగా ఆల్కహాల్‌ తయారీ రంగంలోకి ప్రవేశిస్తున్నాయి.  గత నెలలో సాఫ్ట్ డ్రింక్స్ దిగ్గజం కోకా-కోలా ఆల్కహాలిక్ బెవరేజెస్ రంగంలోకి అడుగుపెట్టిన సంగతి తెలిసిందే. తాజాగా దిల్లీకి చెందిన పానీయాల తయారీ సంస్థ కిమయా హిమాలయన్ బెవరేజెస్ దక్షిణాది మార్కెట్‌లోకి ప్రవేశించేందుకు ప్రణాళికలు సిద్ధం చేస్తోంది. ఈ క్రమంలో కంపెనీ బార్లీ ఆధారిత స్వదేశీ బీర్‌ను ఏప్రిల్ 2024 నాటికి కర్ణాటక, తమిళనాడులో ప్రవేశపెట్టనున్నట్లు సంస్థ సీఈవో అభినవ్ జిందాల్ వెల్లడించారు. ప్రస్తుతం ఈ ఉత్పత్తిని ఉత్తర భారతదేశంలో దిల్లీ, ఉత్తరాఖండ్‌తో సహా ఐదు రాష్ట్రాల్లో విక్రయిస్తున్నారు. ఇదీ చదవండి: అదనపు ఛార్జీలు లేకుండా ఫుడ్‌, క్యాబ్‌ సర్వీసు..! కంపెనీ ఇప్పటికే ఇటీవలి కాలంలో ఉత్తరప్రదేశ్, పంజాబ్, చండీగఢ్‌ మార్కెట్లలోకి ప్రవేశించింది. సెప్టెంబరు 2019లో కంపెనీ ప్రారంభమైనప్పటి నుంచి మార్చి 2023 నాటికి అమ్మకాలు 1,25,000 కేసుల నుంచి సుమారు 10 లక్షల కేసులకు పెరిగినట్లు కంపెనీ వర్గాలు తెలిపాయి. ఇందులో 96 శాతం రిటైల్ అమ్మకాలేనని సంస్థ తెలిపింది. గత ఏడాది కంపెనీ 100 శాతం ఫెసిలిటీను ఉపయోగించినట్లు తెలిపింది. ఈ క్రమంలో 1,00,000 హెక్టోలీటర్లను ఉత్పత్తి చేసింది. ఇప్పుడు 2,00,000 హెక్టోలీటర్ల లక్ష్యంతో ఈ సామర్థ్యాన్ని రెట్టింపు చేయడానికి విస్తరణ చర్యలు చేపట్టినట్లు చెప్పింది.

బీరు అంటే మందుబాబులకు ఎంత ఇష్టం చెప్పనవసరం లేదు. ఇది ఆరోగ్యానికి మంచిదని చాలామంది దీన్నే ప్రిఫర్‌ చేస్తారు. అలాంటి బీరుని మూత్రంతోనా..ఛీ యాక్‌ అంటారేమో! అక్కడ సింగపూర్‌ జనాలు మాత్రం ఈ బీర్‌ చాలా రుచిగా ఉందని ఎగబడుతున్నారట. ఇలాంటి బీరు కావాలని అంటున్నారట. వాళ్లకి ఈ బీరు ఎలా తయారవ్వుతుందో తెలయదనుకోకండి. ఆ బీరుని ఉత్పత్తి చేసిన కంపెనీలు ప్రజలకు ఈ విషయాన్ని తెలియజేస్తున్నాయట. పైగా పర్యావరణ హితం కోసంమే ఇదంతా చేస్తున్నారట సింగపూర్‌ అధికారులు! సింగపూర్‌ జాతీయ నీటి ఏజెన్సీ సహకారంతో న్యూబ్రూ అనే కంపెనీ మూత్రంతో  బీరుని  తయారు చేస్తుంది. అంతేగాదు సూపర్‌ మార్కెట్‌లో బ్రూవర్క్ట్జ్‌ అనే బ్రాండ్‌తో ఈ బీరుని విక్రయాలు జరుపుతుంది. జనాలు కూడా ఎగబడి కొంటున్నారట. పైగా కస్టమర్లకు ఈ విషయాన్ని తెలియజేస్తున్నారట కూడా. అయినా కూడా జనాలు కొనడం విశేషం. మొదట్లో వాట్‌? అని ఆశ్చర్యపోయి.. చిరాకు పడ్డా ఆ తర్వాత ఈ బీరే చాలా టేస్టీగా ఉందని కొట్టుండడం విచిత్రం.  ఎందుకిలా అంటే.. నీటి భ్రదతను మెరుగుపరిచేందుకు శుద్ది చేసే కర్మాగారాల సాయంతో ప్రవహించే మరుగునీటిని రీసైకిల్‌ చేసి తాగే 'నీవాటర్‌గా' మారుస్తారు. ఈ శుద్ది చేసిన మరుగునీటి వినియోగం, ప్రాముఖ్యతపై సింగపూర్‌వాసులకు అవగాహన కల్పించే ప్రయత్నంలో భాగమే ఈ సరికొత్త బీరును తయారుచేస్తున్నారట. తొలుత మరుగు నీటిని ప్రాసెస్‌ చేయాలనే ఆలోచన చాలామంది తిరస్కరించారు. కానీ ప్రపంచవ్యాప్తంగా మంచి నీటి వనరులు దారుణంగా క్షీణిస్తున్నాయని సర్వేలు తెలిపాయి. అలాగే ప్రపంచ వన్యప్రాణి నిధి అంచనా ప్రకారం 2.7 బిలియన్ల మంది ప్రజలు ఏడాదిలో ఒక నెలపాటు నీటి కొరతను ఎదుర్కొంటున్నాయి. ఈనేపథ్యంలోనే సింగపూర్‌ అధికారులు ఈ వినూత్న ఆలోచనకు నాంది పలికారు. ఇప్పటికే సింగపూర్‌, ఇజ్రాయల్‌ వంటి దేశాలు మరుగునీటిని మంచి నీటిగా మార్చి వినియోగించే విధానాన్ని అమలు చేస్తున్నాయట. త్వరలో ఈ దేశాల సరసన యూఎస్‌ కూడా చేరనుందట. (చదవండి:  బుడగల మాదిరి భవనం..కట్టడానికే 14 ఏళ్లు..కానీ..)

కొంతమంది ఆకలితో అలమటిస్తుంటే, మరోపక్క టన్నులకొద్దీ ఆహారం వివిధ రకాలుగా వ్యర్థాల రూపంలో మట్టిపాలవుతోంది. ఈ మధ్య కాస్త అవగాహన రావడంతో ఫంక్షన్లలో మిగిలిన ఆహారాన్ని ఆశ్రమాలకు దానంగా ఇస్తున్నారు. అయితే వండిన ఆహారమే కాకుండా, కొన్నిరకాల పదార్థాలు, పానీయాలు తయారయ్యాక ఎన్నో పోషకాలున్న పదార్థాలు చెత్తలోకి వెళ్లి పోతున్నాయి. వీటిని మనం చక్కగా వినియోగించుకుంటే...బిస్కెట్లు, బ్రెడ్, రోటీలు చేసుకోవచ్చని చెబుతోంది ఎలిజబెత్‌ యార్క్‌. బీర్‌ తయారవగా మిగిలి పోయిన వ్యర్థాలతో చిక్కి, లడ్డు, నూడుల్స్‌ తయారు చేసి మరీ రుచి చూపెడుతోంది ఎలిజబెత్‌. బెంగళూరుకు చెందిన ఎలిజబెత్‌ యార్క్‌ ఒక చెఫ్‌. మణిపాల్‌లో  డిగ్రీ చేసిన ఎలిజబెత్‌ తరువాత మైసూర్‌లోని సెంట్రల్‌ఫుడ్‌ టెక్నలాజికల్‌ రీసెర్చ్‌ ఇన్‌స్టిట్యూట్‌లో రీసెర్చ్‌ చేసింది. అందులో భాగంగా దేశంలో ఎన్నో రకాలుగా భారీ ఎత్తున ఆహార వృథా జరుగుతోందని గ్రహించింది. ఆహారం వ్యర్థం కాకుండా ఎలా ఆపాలా... అని ఆలోచించింది. ఈ క్రమంలోనే 2016లో కాలిఫోర్నియాలోని బ్రెడ్‌ స్పెషలిస్ట్, ఫుడ్‌ హిస్టోరియన్‌ విలియం రెబెల్‌ దగ్గర ఇంటర్న్‌గా చేరింది. రుబెల్‌ ద్వారా... ‘‘వందల ఏళ్ల నాడే పానీయాల తయారీ దారు, (బ్రీవర్స్‌), రొట్టె, బ్రెడ్స్‌ తయారీదార్లు (బేకర్స్‌) కలిసి పనిచేసే వారని తెలిసింది. కొన్నిసార్లు ఆర్థికంగా ప్రతికూల పరిస్థితులు ఏర్పడినప్పుడు మిగిలిపోయిన బ్రెడ్‌ను బ్రీవర్స్, గింజలు, ఈస్ట్‌ను బ్రీవర్స్‌ బేకర్స్‌ ఇచ్చి పుచ్చుకునేవాళ్లు. అలా వాళ్లు పదార్థాలు వృథా కాకుండా, తక్కువ ఖర్చులో ఆహారాన్ని తయారు చేసేవారు’’ అని ఎలిజబెత్‌ తెలుసుకుంది. భారత్‌లో కూడా ఇలా చేసి ఫుడ్‌ వేస్ట్‌ కాకుండా చూడవచ్చు అనుకుంది. సేవింగ్‌ గ్రెయిన్స్‌ లాక్‌డౌన్‌ సమయంలో కాస్త ఎక్కువ సమయం దొరకడంతో ఎలిజబెత్‌ వ్యర్థాల నుంచి ఫుడ్‌ తయారు చేయాలని నిర్ణయించుకుంది. బీర్‌ తయారైన తరువాత పడేసే వ్యర్థాలను రుచికరమైన ఆహారంగా మార్చాలనుకుని 2021లో ‘సేవింగ్‌∙గ్రెయిన్స్‌’ ప్రారంభించింది. బీర్‌ తయారవగా మిగిలిన పిప్పిని పిండిగా మార్చి, తరువాత ఆ పిండితో బ్రెడ్, రోటీలు, గ్రనోలా, కుకీస్, టీ బిస్కెట్స్, లడ్డులు, చిక్కీలు తయారు చేసి విక్రయిస్తోంది. పిప్పినుంచి తయారు చేసినవే అయినా ఇవి ఎంతో రుచిగా ఉండడం విశేషం. సేవింగ్‌ గ్రెయిన్స్‌ ఉత్పత్తులు ఆఫ్‌లైన్‌లోనేగాక, ఆన్‌లైన్‌లోకూడా లభ్యమవుతున్నాయి. స్థానిక బేకరీ భాగస్వామ్యంతో సేవింగ్‌ గ్రెయిన్స్‌ను విస్తరిస్తోంది ఎలిజబెత్‌.  రోజుకి పన్నెండు వేల కేజీలు.. ‘‘రకరకాలుగా ఫుడ్‌ వేస్ట్‌ అవడం చాలా బాధగా అనిపించేది. రుబెల్‌ను కలిసాక ఈ సమస్యకు చక్కటి పరిష్కారం దొరికింది. దాంతోనే ‘సేవింగ్‌ గ్రెయిన్స్‌’ను ప్రారంభించాను. బీర్, ఆల్కహాల్‌ను తయారు చేసేందుకు గోధుమలు, ఓట్స్, బార్లీలను నానబెట్టి మొలకలు వచ్చిన తరువాత, చక్కెరతో ఉడికి స్తారు. తరువాత మెత్తగా రుబ్బి రసాన్ని వేరు చేసి బీర్, ఆల్కహాల్స్‌ను తయారు చేస్తారు. పానీయం వేరు చెయ్యగా మిగిలిన పిప్పిని  పశువులకు దాణాగా వేస్తుంటారు. పశువులు తిన్నప్పటికీ,  ఎక్కువ మొత్తంలో వ్యర్థంగా పోతుంది. ఒక్క బెంగళూరులోనే రోజుకి పన్నెండు వేలకేజీల ధాన్యాలను పానీయాల తయారీలో వాడుతున్నారు. రోజుకి ఇంత అంటే ఇక ఏడాదికి చాలా ఎక్కువ అవుతుంది. దేశవ్యాప్తంగా ఉన్న బ్రీవరీలు లక్షల కేజీల ధాన్యాలను ఉపయోగిస్తున్నాయి. ఇలా ఉత్పన్నమయ్యే పిప్పిని ఫుడ్‌గా మార్చడం వల్ల ధాన్యాలు వ్యర్థంగా పోవు. సేవింగ్‌ గ్రెయిన్స్‌ ద్వారా ఎంతోమంది ఆకలి కూడా తీర్చవచ్చు’’ అని ఎలిజబెత్‌ చెబుతోంది. (చదవండి: బీర్‌ని బేషుగ్గా తాగొచ్చట! అందులో ప్రోటీన్‌, విటమిన్‌ బి)   

బీర్‌ని ఎలాంటి సందేహం లేకుండా హాయిగా తాగొచ్చట. దీని వల్ల ఎన్నో ఆరోగ్య ప్రయోజనాలు ఉన్నాయని వైద్యులు చెబుతున్నారు. పైగా ఎన్నో రకాల వ్యాధుల నుంచి రక్షిస్తుందని తాజా అధ్యయనాల్లో వెల్లడైంది. ఆరోగ్య నిపుణులు ఎలాంటి ఆందోళన లేకుండా బీర్‌ని బేషుగ్గా తాగండి అని ధీమాగా చెప్పేస్తున్నారు. ఇంతకీ బీర్‌ వల్ల కలిగే ఆరోగ్య ప్రయోజనాలు ఏంటంటే.. బీర్‌ వల్ల కలిగే ఆరోగ్య ప్రయోజనాలు రోజు 1.5 నుంచి రెండు గ్లాసుల బీర్లు తీసుకుంటే గుండెపోటు ప్రమాదాన్ని తగ్గిస్తుందని వైద్యులు చెబుతున్నారు. ఒకవేళ ఇప్పటికే గుండె సమస్యలతో బాధపడుతుంటే వాళ్లు బీర్‌ తాగాలని నిర్ణయించుకోవడం అనేది చాలా మంచి ఆప్షన్‌ అంటున్నారు. ఇంతకు మునుపు గుండె పోటుకి గురైనవారు క్రమం తప్పకుండా బీర్‌ తాగితే ఇరవై ఏళ్లకు పైగా జీవిస్తారని, వారి ఆయుః ప్రమాణం కూడా పెరుగుతుందని చెబుతున్నారు బీర్‌లో వైన్‌ కంటే పోషకమైనది. ఎందుకంటే వైన్‌లో ఉండే ఆల్కహాలిక్‌ ద్రాక్ష రసం కంటే బీర్‌లో ఎక్కువ ప్రోటీన్‌లు, విటమిన్‌ బీ రెండూ ఉంటాయని అమెరికన్‌ జర్నల్‌ ఆఫ్‌ మెడికల్‌ సైన్స్‌ నిర్వహించిన అధ్యయనంలో వెల్లడైంది. బీర్‌లో యాంటీఆక్సిడెంట్లు కూడా ఉంటాయి. ఇది వివిధ రకాల వ్యాధుల నుంచి రక్షిస్తుంది.  మధుమేహం వచ్చే ప్రమాదం కూడా తక్కువే. వారానికి 14 గ్లాస్లుల బీర్‌ తాగితే టైప్‌2 డయాబెటిస్‌కు గురయ్యే అవకాశం తక్కువగా ఉందని, ఏడువేల మందికి పైగా వ్యక్తులపై జరిపిన అధ్యయనంలో తేలింది.  బలమైన ఎముకల కోసం పాలు ఎలా అయితే మంచిదే బీర్‌ కూడా మంచిదే. పాలు ఎముకలకు ఏ విధమైన శక్తిని అందిస్తాయో అలానే బీర్‌ కూడా ఇస్తుందని ఆరోగ్య నిపుణులు అంటున్నారు. పచ్చి బఠానీలు, తృణధాన్యాల్లో ఎలాంటి విటమిన్‌లు ఉంటాయో అవే బీర్‌లో కూడా ఉంటాయిన చెబుతున్నారు.  దంతాలు కూడా బాగుంటాయట. ఇది తాగితే పెదాలపై చిరునవ్వు తగ్గదని దంత వైద్యులు చెబుతున్నారు. ఎందుకంటే బీర్‌ దంతాలపై ప్రభావంతంగా పనిచేస్తుందట. ముఖ్యంగా కావిటీస్‌, ఇన్ఫెక్షన్‌కు కారణమయ్యే బ్యాక్టీరియాను తొలగించడంలో కీలక పాత్ర పోషిస్తుందట. (గమనిక: ఒక గ్లాసు బీరు ఎలాంటి హాని ఉండదన్నారు. అదికూడా వారానికి ఒక్కసారి చొప్పున తీసుకుంటుంటే ఎలాంటి సమస్య ఉండదని  చెబుతున్నారు) (చదవండి: అత్యంత అరుదైన వ్యాధి!స‍ల్మాన్‌ ఖాన్‌ సైతం ఫేస్‌ చేశాడు! ఆ వ్యాధి ఏంటంటే)

మైసూరు: మైసూరు జిల్లాలోని నంజనగూడులో ఉన్న యునైటెడ్‌ బ్రువరీస్‌ కర్మాగారంలో తయారవుతున్న బీరు నాణ్యత ప్రశ్నార్థకమైంది. జిల్లా అబ్కారీ అధికారులు సుమారు రూ. 25 కోట్ల విలుచ చేసే 78,678 బాక్స్‌ల బీర్లను సీజ్‌ చేశారు. ఈ కంపెనీ తయారుచేసే ప్రముఖ బీర్ల సీసాల్లో అవక్షేపం పేరుకుపోయిందని, ఇటువంటి బీర్లను తాగరాదని తెలిపారు. జూలై 15వ తేదీన ఈ సీసాలు నింపారని తెలిపారు. కొన్ని సీసాల్లో గసి పేరుకుపోయినట్లు మందుబాబుల ద్వారా తెలుసుకున్న అధికారులు బీర్ల శాంపిళ్లను తీసుకుని ల్యాబ్‌కు పంపించారు. దీనిపై ఆగస్టు 2వ తేదీన నివేదిక రాగా, ఈ బీర్లు తాగడానికి పనికిరావని అందులో హెచ్చరించారు. దాంతో ఆ బ్యాచ్‌లో సిద్ధమైన 78,678 పెట్టెల బీర్లను సీజ్‌ చేశారు. ఇవి అప్పటికే మద్యం షాపులకు వెళ్లిపో గా మళ్లీ వెనక్కి తెప్పించినట్లు తెలిపారు. సీసాల్లోకి నింపేముందు బీర్‌ను సక్రమంగా ఫిల్టర్‌ చేయకపోతే అవక్షేపం చేరుకుంటుందని చెప్పారు. చదవండి   ఫోన్‌ ఛార్జింగ్‌పై బాస్‌ ఆగ్రహం.. టాయిలెట్‌ ఫ్లష్‌ చేయద్దంటున్న నెటిజన్లు!

కొంతమంది వినోదం పేరుతో చేసే పనులు వారి ప్రాణాలకు ముప్పును తెచ్చిపెడతాయి. తాజాగా ఇటువంటి సంఘటనే చోటుచేసుకుంది. 42 ఏళ్ల పరిశోధకుడు గారాన్ మైయా, అతని కుమారుడు ఫ్రాన్సిస్కో మైయా నిర్లక్ష్యపు వినోదానికి పోయి మృత్యువు పాలయ్యారు. వీరు ‍ప్రయాణిస్తున్న ట్విన్ ఇంజిన్ బీచ్‌క్రాఫ్ట్ బారన్- 58 ఒక అడవిలో ప్రమాదానికి గురయ్యింది.  ఈ దుర్ఘటనకు జరగడానికి కొన్ని నిముషాల ముందు రికార్డయిన వీడియో అందరినీ ఆలోచింపజేస్తోంది. దీనిని చూస్తే ఈ ప్రమాదం ఎందుకు జరిగిందో ఇట్టే తెలిసిపోతుంది. వీడియోలో మద్యం తాగుతున్న తండ్రి గారోన్ మైయా, ఎయిర్‌క్రాఫ్ట్‌ను కంట్రోల్‌ చేసే ప్రయత్నంలో ఉన్న 11 ఏళ్ల కుమారుడు ఫ్రాన్సిస్కో మైయా కనిపిస్తారు.  Express.co.uk తెలిపిన వివరాల ప్రకారం ఈ వీడియో దుర్ఘటన జరగడానికి ముందు షూట్‌ చేసినది. ఈ కేసు విచారణ చేపట్టిన అధికారులు ఈ వీడియో ఈ ఘటనకు ముందు సమయానిదా? కాదా అనే దానిపై దర్యాప్తు చేస్తున్నారు. ఈ వీడియో చూస్తే ఎయిర్‌క్రాఫ్ట్‌లోని తండ్రీకొడుకులు తమ రక్షణ విషయంలో నిర్లక్ష్యంగా ఉన్నట్లు కనిపిస్తున్నారని దర్యాప్తు అధికారులు చెబుతున్నారు.   బ్రెజిల్‌కు చెందిన మీడియా రిపోర్టు ప్రకారం గారాన్ నోవా కాంక్విస్టాలోని రోండోనియా పట్టణంలోని తమ పొలం నుండి ఎయిర్‌ క్రాఫ్ట్‌లో బయలుదేరాడు. ఇంధనం నింపడానికి విల్హేనాలోని విమానాశ్రయంలో ల్యాండ్‌ చేశాడు. తన కుమారుడిని కాంపో గ్రాండే నుంచి వేరే ప్రాంతానికి తీసుకు వెళ్లాలని అతను అనుకున్నాడు. వారి కుమారుడు అక్కడ తల్లితో పాటు ఉంటూ స్కూలులో చదువుకుంటున్నాడు. కాగా ఎయిర్‌క్రాఫ్ట్‌ ప్రమాదంలో భర్త, కుమారుడు మృతిచెందారని తెలియగానే అతని భార్య ఎనాఫ్రిడోనిక్‌ ఆత్మహత్య చేసుకుంది. భర్త, కుమారుని అంత్యక్రియలకు ముందే ఆమె ఆత్మహత్య చేసుకుంది. కాగా ‍బ్రెజిల్‌ చట్టాల ‍ప్రకారం 18  ఏళ్ల వయసుదాటిన వారే అధికారికంగా ఎయిర్ క్రాఫ్ట్‌ నడిపేందుకు అర్హులు. ఇది కూడా చదవండి: అలస్కాలో పగిలిన హిమానీనదం.. కేదార్‌నాథ్‌ విపత్తును తలపించేలా..   Avião bimotor Beechcraft Baron 58, de matrícula PR-IDE, "caiu matando pai e filho" a Aeronave cair em uma região de mata fechada, na divisa de Rondônia e Mato Grosso. Os destroços da aeronave foram localizados na manhã deste domingo (30) o pecuarista Garon Maia e o filho.🇧🇷 pic.twitter.com/nOEBpVZJup — D' AVIATION 🇧🇷 (@pgomes7973) August 1, 2023

బెంగళూరు: బీరు సీసా మూత నిందితులను పట్టించింది. బెంగళూరులోని మిలీనియం బార్‌ వద్ద ఈనెల 16న అర్ధరాత్రి ఇద్దరు వ్యక్తులపై జరిగిన దాడి ఘటనను చంద్రాలేఔట్‌ పోలీసులు ఛేదించారు. అప్రోజ్‌, రాకేశ్‌, రాజు, ఆదిల్‌ పాషా అనే నిందితులను అరెస్టు చేశారు. వివరాలు.. మిథున్‌రాజ్‌, ముత్తురాజ్‌ అనే స్నేహితులు ఆటోలో పాటలు పెట్టుకొని మాట్లాడుకుంటుండగా రెండు బైక్‌ల్లో వచ్చిన నిందితులు బీరు బాటిళ్లతో తలలపై దాడి చేసి పారిపోయారు. బాధితులు రక్తం మడుగులో పడి ఉండగా ఆస్పత్రికి తరలించారు. చంద్రలేఔట్‌ ఎస్‌ఐ రవీశ్‌ కేసు దర్యాప్తు చేపట్టారు. సీసీకెమెరాల్లో కూడా నిందితుల కదలికలు లేవు. కేవలం ఘటన స్థలిలో బీరు బాటిల్‌ మూత లభించింది. బ్యాచ్‌ నంబర్‌ ఆధారంగా కొనుగోలు చేసిన బార్‌ ఆచూకీ లభించింది. అక్కడకు వెళ్లి సీసీకెమెరా పరిశీలించగా నిందితులు బీర్లు కొనుగోలు చేసి బైక్‌లో వెళుతున్న దృశ్యాలు కనిపించాయి. గాలింపు చేపట్టి నిందితులను అరెస్ట్‌ చేశారు. కాగా ఎందుకు దాడికి పాల్పడ్డారని ప్రశ్నించగా ఊరికేనే దాడి చేసినట్లు నిందితులు తెలిపినట్లు పోలీసులు తెలిపారు. చదవండి: భర్తకు దూరంగా.. ప్రియుడికి ఫోన్‌ చేసి నేను చనిపోతాను...

ఎక్కువ మంది బీర్‌లు తాగేందుకు ప్రిఫర్‌ చేస్తారు. అది మంచిదని కొందరూ..గ్లామర్‌ కోసం అని మరికొందరూ తాగుతుంటారు. పైగా ఆ బీర్‌లో క్రిస్పీగా సైడ్‌ డిష్‌లు ఉండాల్సిందే. ఇక చూడు సామిరంగా మందుబాబులు ఓ రేంజ్‌లో కుమ్మేస్తారు. ఇక ఓ కంపెనీ మరింత ముందడుగు వేసి ఏకంగా ఇన్‌స్టెంట్‌ బీర్‌ పౌడర్‌లను తీసుకొచ్చింది. ఇక మందు బాబులు బయటకు అడుగుపెట్టకుండా ఇంట్లోనే గ్లాస్‌లో దర్జాగా ఐస్‌క్యూబ్లు వేసుకుని బీర్‌ తాగేయొచ్చు అంటోంది జర్మన్‌ కంపెనీ. ఈ మేరకు జర్మనీకి చెందిన బ్రూవరీ కంపెనీ ఇంట్లోనే క్షణాల్లో బీర్‌ తయారు చేసుకునేలా ఇన్‌స్టింట్‌ కాఫీ మాదిరిగా బీర్‌ పౌడర్‌ని తీసుకొచ్చింది. ఇక ఇంట్లోనే చల్లగా తయారు చేసుకుని క్రిస్పీ స్నాక్స్‌తో ఓ పట్టుపట్టేయొచ్చు. ఇన్‌స్టెంట్‌ కాఫీ లేదా మిల్క్‌షేక్‌ మాదిరిగా క్షణాల్లో తయారు చేసుకోవచ్చట. ఒక గ్లాస్‌లో  రెండు చెంచాల బీర్‌ పొడికి నీటిని జోడిస్తే చాలట. నిమిషాల్లో రెడీ అయిపోతుందట. దీంతో ఇక టన్నుల కొద్ది బీర్‌ రవాణను భారీగా తగ్గుతుందని అంటున్నారు వ్యాపార నిపుణులు. ఇక నుంచి ఒక కిలో బీర్‌ రవాణకు బదులు  కేవలం 45 గ్రాముల పౌడర్‌కి పరిమితం చేయొచ్చు. అదే సమయంలో బీర్‌తో స్నానం చేయాలనుకునే వారి కోసం బాత్‌ బీర్‌ను కూడా రూపొందిస్తున్నారట. ప్రస్తుతానికి సదరు జర్మనీ కంపెనీ 42 రకాల బీర్లను అందిస్తోందని, అలాగే గ్లూటెన్-ఫ్రీ బీర్, నాన్‌ ఆల్కహాలిక్‌ బీర్‌లను సైతం తయారు చేయునున్నట్లు సదరు జర్మనీ కంపెనీ బ్రూవరీ న్యూజెల్లర్‌ క్లోస్టర్‌ బ్రూ పేర్కొంది. 

మా పిల్లలు బుద్ధిమంతులు, చెడు అలవాట్లు లేవు.. ఇది తల్లిదండ్రులకు వారి పిల్లలపై ఉన్న నమ్మకం. అంతెందుకు ఇరుగు పొరుగు, బంధువులు దగ్గర కూడా ఇలానే చెప్పడం మనం చూసే ఉంటాం​. ఇక కొందరైతే ఇంట్లో సైలెంట్‌గా బయట వైలెంట్‌గా ప్రవర్తిస్తుంటారు. కానీ ఏది ఏమైనా ఏదో ఒక రోజు అసలు బండారం మన పేరెంట్స్‌కి తెలిసి తీరుతుంది. తాజాగా ఓ కుర్రాడు ఇదే తరహాలోనే అడ్డంగా బుక్‌ అయ్యాడు. యువతలో ఐపీఎల్‌కు ఉన్న క్రేజ్‌ గురించి ప్రత్యేకంగా చెప్పక్కర్లేదు.  వీటిలో చెన్నై, ముంబై, ఆర్సీబీ వంటి టీమ్‌లకు ఫ్యాన్స్‌ ,ఫాలోవర్స్‌ ఎక్కవనే చెప్పాలి. ఇక తమ అభిమాన జట్టు గెలిస్తే ఆ ఆనందంతో సంబరాలు జరుపుకోవడం సహజమే.  తాజాగా ఓ యువకుడు బీర్‌ తాగుతూ ఐపీఎల్‌ మ్యాచ్‌ చూస్తూ ఎంజాయ్‌ చేస్తున్నాడు. అంతటి ఆగక వెంటనే ఆ బీర్‌ టిన్‌ ఫోటో తీసి "ముంబయి గెలుస్తుంది...లెట్స్ గో" అని వాట్సాప్‌ గ్రూప్‌లో షేర్‌ చేశాడు. అయితే ఇక్కడే ఓ పొరపాటు జరిగిపోయింది. అతను తన ఫ్రెండ్స్ గ్రూప్‌లో అనుకుని ఫోటోని ఫ్యామిలీ గ్రూప్‌లో షేర్‌ చేశాడు. ఇంకేముంది...ఆ కుర్రాడి తల్లిదండ్రులు ఇది చూసి ఖంగుతిన్నారు. "నీకు తాగే అలవాటుందా..? ఇదేంటి..?' అని అతన ప్రశ్నించారు. మరోవైపు ఆ ఫోటోని వెంటనే డిలీట్‌ చేయాలని సానియా తన సోదరుడిని కోరింది. దీంతో అతను తొందర్లో డెలీట్‌ ఫర్‌ ఎవరీ వన్‌ అనే ఆప్షన్‌ కాకుండా డెలీట్‌ ఫర్‌ మీ అనే దాన్ని క్లిక్‌ చేశాడు. ఇంకేముంది జరగాల్సిన నష్టం జరిగిపోయింది. ఆ తరవాత పెద్ద రచ్చ జరిగింది. ఆ కుర్రాడి అన్న ఈ ఛాటింగ్‌కి సంబంధించిన స్క్రీన్‌షాట్స్‌ని ట్విటర్‌లో షేర్ చేశాడు. "మా తమ్ముడు చేసిన పని ఇది" అంటూ పోస్ట్ చేశాడు. ఈ ఫోటో చూసిన నెటిజన్లు కడుపుబ్బా నవ్వుకుంటున్నారు. " ఏంటి బ్రో తాగితే తాగావ్..ఆ ఫోటోలు అవసరమా" అని ఆ కుర్రాడికి క్లాస్ పీకుతున్నారు. ఇంకొందరైతే "సెల్ఫ్ డ్యామేజ్ ఎలా చేసుకోవాలి అనే కోర్స్ చేసుంటాడు" అని ఫన్నీగా స్పందిస్తున్నారు.    No way my brother sent this on the family group 😭 pic.twitter.com/FKnrcYiu3K — Saniya Dhawan (@SaniyaDhawan1) May 26, 2023 చదవండి: మీరు లావుగా ఉన్నారా.. అయితే ఆ రెస్టారెంట్‌లో పుడ్ ఫ్రీ, ఫ్రీ!

చెమట ద్వారా ఒంట్లోని నీటి శాతానికి వేసవి సీజన్‌లో తీవ్ర నష్టం కలుగుతుంది. మరోవైపు ఆల్కహాల్‌ వినియోగంతో సంభవించే అధిక మూత్ర విసర్జన ఈ నష్టాన్ని అధికం చేస్తుంది. శరీరం తీసుకునే దానికంటే ఎక్కువ నీటిని కోల్పోయినప్పుడు డీహైడ్రేషన్‌ పరిస్థితి ఏర్పడుతుంది. శరీర పనితీరుకు అవసరమైన సాధారణ ద్రవాల కొరతకు దారితీస్తుంది. దీంతో తీవ్రమైన నాలుక పిడచ కట్టుకుపోయేంత దాహం, పొడి నోరు, తలనొప్పి, మైకం, అలసట, గందరగోళానికి గురికావడం వంటివి ఎదురవుతాయి. ఆల్కహాల్‌ మూత్ర ఉత్పత్తిని పెంచుతుంది. అంతేకాక శరీరానికి ద్రవాలను నిలుపుకోవడం కష్టతరం చేస్తుంది. వేసవి వేడిలో ఆల్కహాల్‌ వినియోగించినప్పుడు, త్వరగా డీహైడ్రేషన్‌కు గురయ్యే అవకాశం ఉంది, శరీర అంతర్గత ఉష్ణోగ్రతను నియంత్రించే స్వాభావిక సామర్థ్యాన్ని ఆల్కహాల్‌ దెబ్బతీస్తుంది, శరీరపు అంతర్గత ఉష్ణోగ్రత చాలా ఎక్కువగా పెరిగినప్పుడు సంభవించే తీవ్రమైన పరిస్థితి హీట్‌స్ట్రోక్‌. ఇది మెదడు, గుండె ఇతర అవయవాలకు హాని కలిగిస్తుంది. అధిక శరీర ఉష్ణోగ్రత, వేగవంతమైన హృదయ స్పందన, వికారం, వాంతులు, తలనొప్పి నుంచి మూర్ఛ వరకూ ఇది దారి తీసే ప్రమాదం ఉంది. మానేయాలి లేదా బాగా తగ్గించాలి.. ఈ నేపథ్యంలో ఆల్కహాల్‌ వేసవి వేడిని కలపడం వల్ల కలిగే ప్రమాదాల నుంచి రక్షించుకోవడానికి హైడ్రేటెడ్‌గా ఉండడం చాలా అవసరం. రోజంతా పుష్కలంగా నీరు తాగడం చాలా అవసరం. అధిక వేడి, ఉక్కపోత, ఉష్ణోగ్రతలు ఉండే రోజులలో ఆల్కహాల్‌ను పూర్తిగా ఆపేయడం లేదా బాగా పరిమితం చేయడం మంచిది. బీరుతో పాటు నాన్‌ వెజ్‌ వంటకాలు అధికంగా తీసుకోవడం కూడా ద్రవం అడుగంటడానికి శరీరంలో వేడి విజృంభణకు దారి తీస్తుంది. ఏటా పెరుగుతున్న బీరు విక్రయాలు... గత కొన్నేళ్లుగా మార్చి, ఏప్రిల్‌, నెలల్లో బీర్ల విక్రయాలు తారస్థాయికి చేరుకోవడం కనిపిస్తోంది. ఈ ఏడాది ఏప్రిల్‌ నెలాఖరు నుంచి మే మొదటి వారం వరకూ పది రోజుల పాటు వర్షాల కారణంగా వాతావరణం చల్లబడడంతో బీర్ల వినియోగం కూడా ఎప్పటికన్నా బాగా తగ్గిపోయింది. దాంతో ఈ సారి బీర్ల అమ్మకాల్లో తరుగుదల నమోదవుతుందని వైన్‌షాప్‌ యజమానులు భావించారు. 10 రోజులుగా ఒక్కసారిగా పెరిగిన ఎండలు మళ్లీ బీరు విక్రయాలు ఎగబాకాయి. కేవలం 2 వారాల విక్రయాలతోనే గత ఏడాది మే నెల సేల్స్‌ను అందుకోవడం తథ్యమని వ్యాపారులు చెబుతున్నారు. వేసవి కాలం చల్లని బీరు కిక్‌ని నగరవాసుల్లో పెంచుతోంది. గత కొన్నేళ్లుగా వేసవి సీజన్‌లో అమాంతం నగరంలో పెరిగే బీర్ల విక్రయాలే దీనికి నిదర్శనం. ఆల్కహాల్‌ శాతం తక్కువ, ఆరోగ్యానికి హానికరం కాదు వంటి అపోహలతో అడపాదడపా రుచి చూసేవాళ్లు కూడా వేసవిలో బీర్‌బలులుగా మారిపోతున్నారు. ముఖ్యంగా యువత బీర్ల వినియోగాన్ని మంచినీళ్ల ప్రాయంగా భావిస్తుండడం కనిపిస్తోంది. బీరు చల్లదనాన్ని ఇవ్వడమనేది అపోహ మాత్రమేనని, బీరు వ్యసనం ఆరోగ్యంపై తీవ్ర దుష్ప్రభావాలు చూపిస్తుందని వైద్యులు హెచ్చరిస్తున్నారు. వేడి వాతావరణంలో మద్యపానం శారీరక విపత్తుగా మారుతుందని వైద్యులు అంటున్నారు. వేడి వాతావరణం నేపథ్యంలో ఆల్కహాల్‌ను అత్యధికంగా తీసుకోవడం వల్ల తీవ్రమైన ఆరోగ్య ఇబ్బందులు వస్తాయని నేషనల్‌ ఇనిస్టిట్యూట్‌ ఆఫ్‌ ఆల్కహాల్‌ అబ్యూజ్‌ అండ్‌ ఆల్కహాలిజం నివేదిక చెబుతోంది. వైద్యులేమంటున్నారు? ► 5 నుంచి 12 శాతం ఆల్కహాల్‌తో, ఇతర ఆల్కహాలిక్‌ పానీయాల కంటే బీరు తక్కువ హానికరం. కొంత మొత్తంలో ఆల్కహాల్‌ కలిగి ఉందనే నెపంతో అధికంగా తీసుకోవడం వల్ల అనేక ఆరోగ్య సమస్యలకు దాని తీస్తుంది. ► ఆల్కహాల్‌లోని కేలరీలు ఆహారాల నుంచి వచ్చే కేలరీల కన్నా భిన్నంగా ఉండి, పొట్ట ఉబ్బడానికి దారితీస్తాయి పొత్తికడుపులో కొవ్వు పేరుకుపోవడం అన్నింటికంటే ప్రమాదకరం. ► అధిక మద్యపానం గుండె కండరాలను దెబ్బతీస్తుంది, స్ట్రోక్‌, అధిక రక్తపోటు, టైప్‌ 2 డయాబెటిస్‌ దడ ప్రమాదాన్ని పెంచుతుంది. ఆల్కహాల్‌ కంటెంట్‌ ఎక్కువగా ఉన్న బీరు తాగడం వల్ల హైపర్‌ టెన్షన్‌ కిడ్నీ వ్యాధులు వచ్చే ప్రమాదం ఉంది. అధిక మూత్రవిసర్జనకు కారణమై బీరు మూత్రపిండాలపై అదనపు ఒత్తిడిని కలిగిస్తుంది. దీర్ఘకాలంలో మూత్రపిండాల్లో రాళ్లు లేదా మూత్రపిండాల వైఫల్యానికి దారితీస్తుంది. ► రెగ్యులర్‌గా బీరు తాగడం వల్ల కొన్ని విటమిన్లు మినరల్స్‌ అవసరాలు శరీరానికి బాగా పెరుగుతాయి. ఈ అవసరాలు నెరవేరనప్పుడు, అది మొత్తం ఆరోగ్యంపై ప్రభావం చూపిస్తుంది. బీరు తాగడం వల్ల ఒక వ్యక్తి త్వరగా నిద్రపోవడానికి సహాయపడుతుంది కానీ అది దీర్ఘ కాలం ఉండదు. ఇందులో గాఢ నిద్ర 90 నిమిషాలు మాత్రమే ఉంటుంది. ఇది పగటిపూట మగత, ఏకాగ్రత లోపం, అలసటకు దారితీస్తుంది.

ఆ రాష్ట్రంలోని కార్యాలయాల్లో(ఆఫీసుల్లో) బీర్‌, వైన్‌ సర్వ్‌ చేసేలా అనుమితించడం కోసం ప్రత్యేక పాలసీని కూడా తీసుకొచ్చారు. ఈ పాలసీ ప్రకారం అన్ని కార్పొరేటే కార్యాలయాల్లో వైన్‌, బీర్‌ వంటి తక్కువ కంటెంట్‌ ఆల్కహాల్‌ డ్రింక్స్‌ని సర్వ్‌ చేసేలా అనుమితిస్తున్నారు. ఈ పాలసీ నిబంధన ప్రకారం కార్పోరేట్‌ కార్యాలయాల్లో సుమారు 2 వేల చదరపు అడుగుల విస్తీర్ణంలో క్యాంటీన్‌ లేదా తినుబండరాలు ఉండాలి. ఈ మేరకు గురుగ్రామ్‌ లేదా హర్యానాలోని అక్కడ క్యాబినేట్‌ మంగళవారం ఈ క్తొత పాలసీ 2023-24కి ఆమోదం తెలిపింది. రిటైల్‌ పర్మిట్‌ రుసుము కింద పర్యావరణం, జంతు సంక్షేమ నిధి కోసం రూ. 400 కోట్లను సమీకరించాలని ప్రభుత్వం లక్ష్యంగా పెట్టుకుంది. ఈ మేరకు ముఖ్యమంత్రి మనోహర్‌ లాల్‌ ఖట్టర్‌ అధ్యక్షతన జరిగిన మంత్రివర్గ సమావేశం తర్వాత విడదల చేసిన అధికారిక ప్రకటనలో దీని గురించి తెలిపారు.  హర్యానా కొత్త మద్యం పాలసీలో ముఖ్యాంశాలు కొత్త పాలసీలో దేశీయ మద్యం, ఇండియన్ మేడ్ ఫారిన్ లిక్కర్, ఇంపోర్టెడ్ ఫారిన్ లిక్కర్ బేసిక్ కోటా పెరిగింది. దీంతో దేశీయ మద్యం, IMFL పై ఎక్సైజ్ సుంకం రేట్లలో నామమాత్రపు పెరుగుదల మాత్రమే ఉంది. ఈ పెంపుదలతో ఎక్సైజ్ ఆదాయానికి పెద్దపీట వేయాలని ప్రభుత్వం లక్ష్యంగా పెట్టుకుంది. వ్యాపారం చేసే సౌలభ్యం కోసం, కొత్త విధానంలో, జిల్లా స్థాయిలో IFL (BIO) లేబుల్‌లను పునరుద్ధరించింది. అలాగే సూక్ష్మ మధ్య తరహా రంగాన్ని ప్రోత్సహించడానికి చిన్న షాపులకు లైసెన్స్ ఫీజును తగ్గించింది. రాష్ట్రంలో వైన్ తయారీ కేంద్రాలను ప్రోత్సహించేందుకు వైన్ తయారీ కేంద్రాల పర్యవేక్షక రుసుమును తగ్గించినట్లు ప్రకటనలో తెలిపారు. పంచకులలోని శ్రీ మాతా మానస దేవి ఆలయం చుట్టుపక్కల నోటిఫై చేయబడిన పవిత్ర ప్రాంతాలు,  గురుకులాలు ఉన్న గ్రామాలలో మద్యం దుకాణాలు తెరవకూడదని నిర్ణయించినట్లు ప్రకటన పేర్కొంది. తక్కువ ఆల్కహాల్ కంటెంట్ ఉన్న పానీయాలను ప్రోత్సహించడానికి, మైల్డ్, సూపర్ మైల్డ్ కేటగిరీల కింద సిద్ధంగా ఉన్న పానీయాలపై ఎక్సైజ్ సుంకాన్ని తగ్గించింది. పబ్ కేటగిరీలో బీర్, వైన్ వినియోగానికి మాత్రమే లైసెన్స్ ఫీజు మరింతగా తగ్గించింది. (చదవండి: మరో భారత్‌ జోడో యాత్రకు కాంగ్రెస్‌ సన్నాహాలు)

సాక్షి, ముంబై: బీర్‌తో న‌డిచే బైక్ ఎపుడైనా చూశారా? అవును బీర్‌ బైకే.. అది కూడా గంట‌కు 240 కిలోమీట‌ర్ల‌ వేగంతో ప‌రుగులు తీస్తుందట.  ప్రస్తుతం ఈ బీర్‌ బైక్‌  ఇంటర్నెట్‌లో హల్‌ చల్‌ చేస్తోంది.  అమెరికాకు చెందిన మైఖేల్స‌న్‌ బీర్‌ బైక్‌ సృష్టికర్త. గతంలో రాకెట్‌తో న‌డిచే టాయిలెట్‌, జెట్‌తో న‌డిచే కాఫీపాట్‌ను క‌నుగొన్న మైఖేల్స‌న్‌ తాజా బీర్‌బైక్‌ను రూపొందించడం విశేషం. దీనికి సంబంధించిన వివరాలను  ఫాక్స్‌9తో షేర్‌ చేసిన అతగాడు బైక్‌లో అమ‌ర్చిన హీటింగ్ కాయిల్ బీర్‌ను 300 డిగ్రీల వ‌ర‌కూ మండిస్తుంద‌ని, దీంతో నాజిల్స్‌లో ఆవిరి జ‌న‌రేట్ అవ్వడం ద్వారా బైక్‌ పని చేస్తుందని  మైఖేల్స‌న్‌  తెలిపారు. బీరుతో నడిచే మోటార్‌సైకిల్ బ్లూమింగ్టన్‌లోని అతని గ్యారేజీలో నిర్మించారట. ఈ బైక్ గంట‌కు 240 కిలోమీటర్ల వేగంతో దూసుకెళుతుంద‌ని చెప్పాడు మైఖేల్సన్‌. గ్యాస్ ధ‌రలు రోజురోజుకూ పెరుగుతున్న తరుణంలో ఇదొక వినూత్న ఆవిష్క‌ర‌ణ‌ అని వెల్ల‌డించాడు. అంతేకాదు రెడ్ బుల్, కారిబౌ కాఫీతో సహా ఏదైనా ద్రవం కూడా తన బైక్‌ ఇంధనంగా మార్చుకోవచ్చని కూడా పేర్కొన్నాడు. తాను డ్రింక్ చేయ‌న‌ని, అందుకే దీన్ని ఇంధ‌నంగా మ‌ల‌చి మెరుగ్గా వాడుకోవాల‌ని ఆలోచించాన‌ని చెప్పుకొచ్చాడు. రాకెట్‌మ్యాన్‌గా పేరొందిన మైఖేల్స‌న్ బీర్‌  బైక్‌ స్ధానిక కార్ షోస్‌లో టాప్‌ ప్లేస్‌ స్ధానంలో నిల‌వ‌డం విశేషం. కొన్ని ప్ర‌ద‌ర్శ‌న‌ల అనంత‌రం త‌న ఇంటిలోని మ్యూజియంలో ఈ బైక్‌ను ఉంచుతాన‌ని మైఖేల్స‌న్ తెలిపాడు. 9 నెలల క్రితం తన యూట్యూబ్ ఛానెల్‌లో ఈ వీడియోను షేర్‌ చేశాడు. అతని కుమారుడు దీని గురించి సవివరమైన సమాచారం ఇచ్చాడు.

కిడ్నీలో రాళ్లు ఏర్పడే కేసులు దేశంలో రోజురోజుకు పెరుగుతున్నాయి. కిడ్నీ పనితీరు, కిడ్నీ రోగాల బారినపడితే ఎదురయ్యే ఆరోగ్య సమస్యల గురించి చాలా మందికి సరైన అవగాహన లేకపోవడం వల్లే ఈ కేసులు పెరుగుతున్నాయి. ప్రపంచ కిడ్నీ దినోత్సవం(మార్చి 9) సందర్భంగా ప్రిస్టిన్ హెల్త్ కేర్ నిర్వహించిన సర్వేలో ఆసక్తికర విషయాలు వెల్లడయ్యాయి. బీర్ తాగితే కిడ్నీలో రాళ్లు కరిగిపోతాయని ప్రతి ముగ్గురిలో ఒకరు నమ్ముతున్నట్లు ఈ సర్వేలో తేలింది. అయితే ఇందులో అసలు వాస్తవం లేదని, కేవలం కల్పితమేనని వైద్య నిపుణులు స్పష్టం చేశారు. అలాగే కిడ్నీలో రాళ్ల సమస్య చికిత్సను  50 శాతం మంది కావాలనే 6 నెలలు ఆలస్యం చేస్తున్నారు. దాన్ని కాస్తా రెండేళ్లకు పొడిగిస్తున్నారు. కిడ్నీ రోగాలకు సంబంధించి అధికారికంగా జాతీయ గణాంకాలు లేకపోయినప్పటికీ కేసుల్లో గణనీయ పెరుగుదల కన్పిస్తున్నట్లు లైబ్రేట్ ఆన్‍లైన్ అపాయింట్‌మెంట్స్‌  డేటా స్పష్టం చేసింది. దీని ప్రకారం 2021తో పోల్చితే 2022 కిడ్నీ రోగాలకు సంబంధించి డాక్టర్ అపాయింట్‌మెంట్లు ఏకంగా 180 శాతం పెరిగాయి. వీరిలో ఎక్కువమందికి కిడ్నీలో రాళ్ల సమస్యే ఉంది. ఈ సమస్యతో బాధపడుతున్న వారిలో మహిళలతో పోల్చితే పురుషులే మూడు రెట్లు అధికంగా ఉన్నారు. కిడ్నీలో రాళ్ల సమస్య వల్ల ప్రధానంగా ఊబకాయం, హైపర్ టెన్షన్‌ వంటి సమస్యల బారినపడే ముప్పు ఉంటుంది. అయితే ఈ విషయం బాధితుల్లో 14 శాతం మందికే తెలుసు. యూరిన్ కిడ్నీ నుంచే ఉత్పత్తి అవుతుందన్న విషయం సర్వేలో పాల్గొన్న 50 శాతం మందికిపైగా తెలియదు.  కిడ్నీలు కూడా ప్రోటీన్‌లను విచ్ఛిన్నం చేస్తాయని 9 శాతం మందికి మాత్రమే తెలుసు. ఎముకల ఆరోగ్యానికి కిడ్నీనే కీలకమని 7 శాతం మందికే తెలుసు. ఫిట్‌నెస్, బాడీ బిల్డింగ్‌కు పాపులారిటీ పెరుగుతున్న కారణంగా చాలా మంది తమ డైట్లో ప్రోటీన్లు ఎక్కువగా ఉండేలా చూసుకుంటున్నారు. అయితే ప్రోటీన్ సప్లిమెంట్ల వల్ల కిడ్నీలో రాళ్లు ఏర్పడుతాయని 50 శాతం మంది విశ్వసిస్తున్నారు. కానీ ఇప్పటివరకు దీనికి సంబంధించి ఎలాంటి శాస్త్రీయ ఆధారాలు లేవు. కిడ్నీ ఆరోగ్యంపై చాలా మందికి కనీస అవగాహన లేదని సర్వే స్పష్టం చేసింది. కిడ్నీలో రాళ్లను తొలగించే సర్జరీ సేఫ్ ‍అని సర్వేలో పాల్గొన్న 68శాతం మంది నమ్ముతున్నారు. అయినా 50 శాతం మంది కావాలనే చికిత్సను 6 నెలల పాటు ఆలస్యం చేస్తున్నారు. కిడ్నీ సమస్యలను గుర్తించిన వెంటనే చికిత్స తీసుకుంటే అవి మరింత పాడవకుండా నివారించవచ్చని డాక్టర్ వైభవ్ కపూర్(ప్రిస్టిన్ కేర్‌ సహవ్యవస్థాపకులు) సూచిస్తున్నారు. చదవండి: ఇది ఎక్కువగా తినడం వల్లే గుండెపోట్లు, అకాల మరణాలు..!

క్రైమ్‌: స్మార్ట్‌ఫోన్‌ కొంటే బీర్లు ఫ్రీ అని అనౌన్స్‌ చేశాడు. ఊరంతా పోస్టర్లు అంటించి.. పాంప్‌లెట్స్‌ పంచాడు. ఆ ప్రకటనతో ఒక్కసారిగా ఆ సెల్‌ఫోన్‌ దుకాణం ముందు జనం ఎగబడ్డారు. ట్రాఫిక్‌కు అంతరాయం కలిగించడంతో పాటు అక్కడ రచ్చ  రచ్చ చేశారు. ఇది కాస్త పోలీసుల దాకా చేరింది. రంగ ప్రవేశం చేసి ఆ బంపరాఫర్‌ ప్రకటించిన వ్యక్తిని అరెస్ట్‌ చేశారు.  యూపీ భదోహిలో సోమవారం ఈ ఘటన చోటు చేసుకుంది. చౌరీ రోడ్‌లో రాజేశ్‌ మౌర్య అనే వ్యక్తి సెల్‌ఫోన్‌ల షాప్‌ నడిపిస్తున్నాడు. ఈ క్రమంలో తన దుకాణంలో మార్చి 3 నుంచి 7వ తేదీల మధ్య సెల్‌ఫోన్‌ కొంటే రెండు బీర్‌ క్యాన్లు ఇస్తానని ప్రకటించాడు. సెంటర్‌లలో పోస్టర్లు అతికించి, పాంప్‌లెట్స్‌ పంచాడు. దీంతో కస్టమర్లు ఒక్కసారిగా ఎగబడ్డారు. ట్రాఫిక్‌కు విఘాతం కలిగింది. సమాచారం అందుకున్న పోలీసులు రంగంలోకి దిగి గుంపును చెదరగొట్టారు. ఐపీసీ సెక్షన్‌ 151 (ప్రజాశాంతికి విఘాతం కలిగించడం) నేరం కింద మౌర్యను అరెస్ట్‌ చేసి, దుకాణాన్ని సీల్‌ చేశారు.   

చాలా మంది పెంపుడు జంతువులను పెంచుకోవడం చూస్తూనే ఉంటాం. ఇక కొందరైతే వాటిని తమ ఇళ్లలోని మనుషులులానే భావిస్తారు. ఇదంతా షరా మామూలే.  చైనాలోని ఓ కుటుంబం కూడా ఓ కుక్క పిల్లను రెండేళ్లు అల్లారుముద్దుగా పెంచుకుంది. కానీ పెద్దయ్యాక దాన్ని అసలు రంగు బయటపడింది. నిజం తెలియగానే కుటుంబమంతా షాక్‌లో ఉండిపోయింది. ఇంతకీ అక్కడ ఏం జరిగింది. వివరాల్లోకి వెళితే.. యునాన్ ప్రావిన్స్‌లోని కున్మింగ్ నగరం వెలుపల ఉన్న మారుమూల గ్రామానికి చెందిన సు యున్ అనే మహిళ, 2016లో విహారయాత్రలో వెళ్లి ఓ  కుక్కపిల్లని తన ఇంటికి తీసుకెళ్లింది .ఆ కుక్కపిల్ల చూసేందుకు పెద్దదిగా, కాస్త భిన్నంగా ఉన్నప్పటికీ ఆ మహిళ అవేవి పట్టించుకోలేదు. అయితే అది పెరిగేకొద్దీ, దాని ప్రవర్తన కుక్కలా కాకుండా వింతగా ప్రవర్తించేది. అలా రెండేళ్ల గడిచింది ఆ తర్వాత ఆ కుక్క పిల్ల బలంగా తయారై క్రూరంగా ప్రవర్తించడం మొదలుపెట్టింది. దీంతో ఆ మహిళకు అనుమానం రావడంతో జంతువులకు సంబంధిత అధికారులను సంప్రదించింది. ఆమె అనుమానాలను నిజం చేస్తూ, ఆ మహిళ ఇంట్లో పెంచుకుంటున్న జంతువు ఆసియాటిక్ బ్లాక్ బేర్ అని, అంతరించిపోతున్న జాబితాలో ఉన్న జాతికి చెందిన ఎలుగుబంటని తేలింది.  దీంతో ఆ మహిళ షాక్‌కు గురైంది. తత్ఫలితంగా, యునాన్ వైల్డ్ లైఫ్ రెస్క్యూ విభాగం ఆ జంతువును స్వాధీనం చేసుకుంది. 2018లో తొలిసారిగా వైరల్‌గా మారిన ఈ వింత కథనం.. అయితే తాజాగా మళ్లీ ఆ వార్త వైరల్‌గా మారింది. చదవండి: టికెట్‌ బుకింగ్‌ సమయంలో షాక్‌.. ఐఆర్‌సీటీసీపై యూజర్లు ఫైర్‌!

చండీగఢ్‌: కేంద్రపాలిత ప్రాంతం చండీగఢ్ అడ్మినిస్ట్రేషన్ కీలక నిర్ణయం తీసుకుంది. ఇకై బార్లు ఉదయం 3 గంటల వరకూ తెరచి ఉంచేందుకు అనుమతి ఇచ్చింది. ఇందుకు సంబంధించిన కొత్త ఎక్సైజ్ పాలసీ 2023-24ను బుధవారం విడుదల చేసింది. అలాగే మద్యంపై 'కౌ సెస్‌'ను తగ్గించింది. కొత్తగా 'క్లీన్‌ ఎయిర్‌ సెస్‌'ను తీసుకొచ్చింది. చండీగఢ్‌లో ఇంతకుముందు అర్ధరాత్రి ఒంటిగంట వరకే బార్లకు అనుమతి ఉండేది.  కొత్త ఎక్సైజ్ పాలసీలో కౌ సెస్‌ను తగ్గించారు. స్వదేశంలో తయారైన 750 ఎంఎల్‌ లిక్కర్‌ బాటిల్‌పై కౌ సెస్ గతంలో రూ.5 ఉండగా.. ఇప్పుడు రూ.1కి తగ్గించారు. అలాగే బీరుపై కూడా రూ.5గా ఉన్న ఈ సెస్‌ను రూ.1కి పరిమితం చేశారు. ఇక 750/700 ఎంఎల్‌ విస్కీపై కౌ సెస్‌ను రూ.10 నుంచి రూ.2కి తగ్గించారు. అలాగే ఎక్సైజ్‌ డ్యూటీలోనూ ఎలాంటి మార్పు చేయలేదు. తక్కువ ఆల్కహాల్‌ డ్రింక్స్‌ను ప్రోత్సహించడానికి బీర్, వైన్ వంటి వాటిపై లైసెన్స్ ఫీజులు పెంచలేదు. చదవండి: ‘వారి టార్గెట్‌ నేను కాదు.. మీరే!’ రాజీనామా లేఖలో మనీష్‌ సిసోడియా

మద్యం ప్రియులు బ్రాండ్‌ల విషయంలో ఏ మాత్రం రాజీపడరనే విషయం మరోసారి రుజువైంది. తమకు అత్యంత ఇష్టమైన మద్యం బ్రాండ్‌ లేకపోతే తాము ఎందుకు సర్దుకుపోవాలి అనుకున్నాడో ఏమో గానీ ఒక వ్యక్తి ఏకంగా కలెక్టరేట్‌నే ఆశ్రయించాడు. ‘మాకు కింగ్‌ ఫిషర్‌ బీర్లు అందుబాటులో లేవు’ అని  ఫిర్యాదు చేశాడు. మద్యం పాలసీ అనేది ప్రభుత్వం చూస్తుంది కాబట్టి దాన్ని ఏకండా ప్రభుత్వ ఉన్నతాధికారి దృష్టికే తీసుకెళ్లాడు మనోడు. ఏకంగా కలెక్టర్‌కే ఫిర్యాడు చేశాడు. జగిత్యాలకు చెందిన బీరం రాజేష్‌ అనే వ్యక్తి తమ ఊరిలో ప్రజావాణి కార్యక్రమం జరుగుతుందనే విషయం తెలుసుకున్నాడు. ఏదైనా సమస్య కదా అనుకున్నాడు. తనకు వచ్చిన సమస్య కింగ్‌ ఫిషర్‌ బ్రాండ్‌ అందుబాటులో లేదనేది. దీన్ని కలెక్టర్‌ వద్దకే తీసుకెళ్లాడు. ప్రజావాణిలో తమకు కింగ్‌ ఫిషర్‌ బ్రాండ్‌ బీర్లు దొరకడం లేదని విన్నవించాడు. ఇది చూడటానికి నవ్వు తెప్పించినా మనోడి కష్టం ఎవరికి తెలుసు. మరి ఆ కలెక్టర్‌గారు దీనిపై చర్యలు తీసుకుంటామన్నారా.. లేక లైట్‌ తీసుకుంటారో చూడాలి.  గతంలో కూడా జగిత్యాల ఇదే తరహా ఘటన చోటు చేసుకుంది.  అదే జగిత్యాలలో 2018లో అయిల సూర్యనారాయణ అనే వ్యక్తి కూడా కింగ్‌ ఫిషర్‌ బ్రాండ్‌ బీరు దొరకడం లేదని ఫిర్యాదు చేశాడు. అప్పుడు కూడా ప్రజావాణి కార్యక్రమంలోనే కలెక్టర్‌గా ఫిర్యాదు చేశాడు. జగిత్యాలలో కింగ్ ఫిషర్ బీరు విక్రయాలను నిలిపేసి వాటి స్థానంలో నాసిరకం బీరును అమ్ముతూ కొనుగోలుదారులను మోసం చేస్తున్నారని తెలిపారు. పొరుగున కరీంనగర్‌లో కింగ్ ఫిషర్ బీర్ యథేచ్చగా దొరుకుతుండగా జగిత్యాలలో ఈ గడ్డు పరిస్థితికి కారణమేంటని ఆయన ప్రశ్నించారు. ఇప్పుడుమరొక ఫిర్యాదు. వ్యక్తులు మారారు కానీ అదే ఫిర్యాదు. బ్రాండ్‌ కూడా అదే. 

లక్నో: ఓ యువకుడు అతిగా ప్రవర్తించాడు. రాయల్‌ ఎన్‌ఫీల్డ్ బైక్ నడుపుతూ బీర్ తాగాడు. రహదారిపై ఇతడు చేసిన చేష్టలను స్నేహితులే వీడియో తీశారు. ఇది కాస్త సోషల్ మీడియాలో వైరల్‌గా మారింది. దీంతో రంగంలోకి దిగిన ఉత్తర ప్రదేశ్ గాజియాబాద్ పోలీసులు యువకుడికి దిమ్మతిరిగే షాక్ ఇచ్చారు. రూ.31,000 చలనా విధించారు. హెల్మెట్ ధరించకపోగా బైక్ నడుపుతూ మద్యం సేవించినందుకు ఇంత భారీమొత్తంలో జరిమానా వేశారు. ఇందుకు సంబంధించిన చలానాను సోషల్ మీడియాలో షేర్ చేశారు. #Ghaziabad DME पर बीयर पीकर रील रिकॉर्ड करने वाले इस सूरमा ने तो @Gzbtrafficpol की चालानी कार्यवाई की पोल खोल दी, DME पर 2 व्हीलर नही जा सकते यहाँ तो पूरी शूटिंग जारी है। मसूरी थाना क्षेत्र है। @ghaziabadpolice @uptrafficpolice @sharadsharma1 @bstvlive @DCPRuralGZB pic.twitter.com/Mvbj2sFZ2H — Lokesh Rai 🇮🇳 (@lokeshRlive) January 20, 2023 చదవండి: రష్యా నుంచి గోవా వస్తున్న విమానానికి బాంబు బెదిరింపు

హే... బీరుకు అంత ఖరీదుంటుందా? ఏదో పాత వైనో, విస్కీనో, షాంపేనో అయినా నమ్మొచ్చు. కానీ.. బీరు కు మరీ అంత కాస్ట్‌ ఉండటం ఏంటి? సహజంగా వచ్చే కామెంట్‌. కానీ, ఈ బీరు చాలా విలువైనది. ఎందుకంటే అది 140 ఏళ్ల కిందటిది. దీని వెనుక ఎంతో చరిత్ర ఉంది. అదే దీన్ని అత్యంత ఖరీదైన మద్యంగా చేసింది. ఒక్లోహామాకు చెందిన ఓ వ్యక్తి 2007లో ఈ బీర్‌ ‘ఆల్‌సాప్స్‌ ఆర్కిటిక్‌ ఆలె’ని మసాచుసెట్స్‌కు చెందిన ఓ సెల్లర్‌ నుంచి కొన్నాడు. షిప్పింగ్‌తో కలిపి రూ. 24 వేలు అయ్యింది. ఆ బాటిల్‌తో పాటు... లామినేట్‌ చేసిన చేతిరాత నోట్‌ ఒకటి వచ్చింది. ‘ఈ బాటిల్‌ను 1919లో నేను పొందాను. దీన్ని 1852లో ఆర్కిటిక్‌ యాత్ర కోసమే తయారు చేశారు’ అని ఆ బాటిల్‌ అమ్మిన పెర్సీ.జి.బోలస్టర్‌ పేర్కొన్నాడు. కొనుగోలు చేసిన వ్యక్తి ఆసక్తితో పరిశోధిస్తే ఈ చరిత్ర తెలిసింది. ‘ఆ బీర్‌ను సర్‌ జాన్‌ ఫ్రాంక్లిన్‌ ఆర్కిటిక్‌ యాత్ర కు వెళ్లేటప్పుడు వెంట తీసుకెళ్లారు. అప్పటికే ఆ వాయవ్య మార్గంలో రెండుసార్లు ప్రయాణించిన ఫ్రాంక్లిన్‌ బృందాన్ని ఆ యాత్ర మింగేసింది. రెండు ఓడలు మునిగిపోయాయి. 129 మంది మరణించారు. వారిని వెదకడానికి వెళ్లిన అడ్మిరల్‌ సర్‌ ఎడ్వర్డ్‌ బెల్చెర్‌కు.. వాళ్లు తీసుకెళ్లిన సరుకుల్లో ఈ బీర్‌ మాత్రమే దొరికింది’ అని తెలుసుకున్నాడు. ఆ అరుదైన బీర్‌ను ఈబేలో వేలం వేస్తే... 157కు పైగా బిడ్లు వచ్చాయి. చివరకు రూ.4 కోట్లకు ఆ బాటిల్‌ను ఎవరో కొనుగోలు చేశారు. దాన్ని తాగారా? లేదా? అనేది మాత్రం తెలియదు.   

న్యూఢిల్లీ: ప్ర‌పంచంలోనే ఖ‌రీదైనవి, విలువైనవి ఎవరికైనా ఆసక్తి ఎక్కువే.   అందులోనూ  పురాతనమైన వైన్‌, షాంపైన్ ఖరీదైన లగ్జరీ డ్రింక్స్‌గా మందుబాబులను ఊరిస్తూ  ఉంటాయి. తాజాగా ఒక బీరు బాటిల్ అంత్యంత ఖరీదైన ధరతో వార్తల్లో నిలిచింది.  ఈ బీరు బాటిల్ ఖరీదు ఎంతో తెలిస్తే షాక్‌ అవ్వక తప్పదు. అవును ఈ బీరు బాటిల్ ధర అక్షరాలా ఐదు ల‌క్ష‌ల డాల‌ర్ల అంటే  మన భారతీయ కరెన్సీలో రూ.4 కోట్ల పైనే అన్నమాట.  140 సంవత్సరాల క్రితం నాటి ‘అల్ సాప్స్ ఆర్కిటిక్ అలె’ వేలంలో అత్యంత ధర పలికి ప్రపంచంలోనే అత్యంత ఖరీదైనదిగా  చరిత్ర కెక్కింది.   ఒక వ్యక్తి ఈ బీరు బాటిల్‌ని 5,03,300 డాల‌ర్లకు కొనుగోలు చేయడం  విశేషం.  అల్‌సాప్స్ అనే బీర్ల త‌యారు కంపెనీ దీన్ని త‌యారుచేసింది. దీంటోల ఆల్క‌హాల్ 10 శాతం ఉండటమే దీని ప్రత్యేకత అట. లండ‌న్‌లోని పురాత‌న వ‌స్తువులు, ఆర్ట్‌వ‌ర్క్‌కి సంబంధించిన ఆంటిక్‌ట్రేడ్  సమాచారం ప్రకారం, ఓక్లహోమాకు చెందిన ఒక కస్టమర్ 2007లో ఈబే ఆన్‌లైన్ వేలంలో దీన్ని 304 డాల‌ర్లకు సొంతం చేసుకున్నాడు. ఈ బీరు బాటిల్‌ని స్టోర్‌లో వేలానికి పెడితే 157 మంది పోటీప‌డ్డారు. మ‌సాచుసెట్స్ రాష్ట్రానికి చెందిన ఒక‌ వ్యాపారి ఈ బీరు బాటిల్‌కి డెలివ‌రీ ఛార్జి కింద 19.5 డాల‌ర్లు తీసుకున్నాడని వెల్లడించింది.  ఈ బీరు బాటిల్‌పైన‌  పాత పేపర్‌తో లామినేటెడ్  క‌వ‌ర్ ఉంది. ఆ కాగితం మీద చేతితో రాసిన అక్ష‌రాలు, పెస్సీ జి.బోల్‌స్ట‌ర్ అనే పేరుతో సంత‌కం ఉంది. అందులో ‘ఈ బాటిల్‌ 1919లో నా ద‌గ్గ‌ర ఉంది’ అని రాసి ఉంది. ఆ నోట్‌ని బ‌ట్టి ఈ బీరు బాటిల్‌ని ధ్రువ ప్రాంతాల‌కు వెళ్లేవాళ్ల కోసం 1852లో ప్ర‌త్యేకంగా త‌యారుచేశారు అన్నట్లుగా తెలుస్తోంది. కాగా స‌ర్ ఎడ్వ‌ర్డ్ బెల్‌చ‌ర్ అనే నౌకాద‌ళం అధికారి ఆర్కిటిక్ చ‌ల్ల‌టి వాతావర‌ణానికి త‌గ్గ‌ట్టుగా ఒక బీరు బాటిళ్ల‌ను త‌యారుచేయాల‌ని 1852లో అల్‌సాప్స్ కంపెనీని కోరాడ‌ట‌. అందుక‌ని ఆర్కిటిక్ ధ్రువంలో గ‌డ్డ‌క‌ట్ట‌కుండా ఉండేందుకు ఆల్క‌హాల్ శాతం ఎక్కువ (10శాతం) ఉండేలా ఈ బీరుని త‌యారుచేశారు. ఎడ్వ‌ర్డ్ ఈ బీరు బాటిళ్ల‌ను బ్రిటీష్ నౌకాద‌ళం అధికారి, ఆర్కిటిక్ యాత్రికుడు స‌ర్ జాన్‌ ఫ్రాంక్లిన్, అత‌ని టీం కోసం ఆర్కిటిక్ ధ్రువానికి పంపించాడ‌ని యాంటిక్ ట్రేడ్ వెబ్‌సైట్ తెలియజేస్తోంది.ఎరేబస్, టెర్రర్ , వారి సిబ్బందిని కనుగొనడానికి రెస్క్యూ ప్రయత్నాల తర్వాత బీర్ బాటిల్ కనుగొన్నారట. దురదృష్టవశాత్తు, ఇద్దరు సిబ్బందికి సంబంధించిన ఆధారాలు ఎప్పుడూ కనిపించలేదు.   

ఉపాధ్యాయుడి వృత్తిలో ఉండి కూడా ఒక ప్రబుద్ధుడు దారుణమైన ఘోరానికి ఒడిగట్టాడు. విద్యార్థులుండే స్కూల్‌కి తాగుతు రావడమే కాకుండా చిన్నారుల ముందే ఒక ఖాళీ బీర్‌బాటిల్‌ని కింద పెట్టాడు. అదీకూడా విద్యార్థులకు మంచి చెడు చెప్పాల్సిన పవిత్రమైన వృత్తిలో ఉండి ఇలా తాగుతూ స్కూల్‌కి రావడం అందర్నీ ఒకింత విస్తుపోయేలా చేసింది. ఈ ఘటన ఉత్తరప్రదేశ్‌లోని హత్రాస్‌లో చోటు చేసుకుంది. అందుకు సంబంధించిన ఒక వీడియో నెట్టింట తెగ చక్కెర్లు కొడుతోంది. ఆ వీడియోలో ఈ ఉపాధ్యాయుడు తాగా వచ్చిందే గాక వారి ముందే ఒక ఖాళీ బీర్‌ల బాటిల్‌ని కింద పెట్టాడు. ఎవరో ఒక పక్క నుంచి వీడియో తీస్తుంటే మరో బీర్‌ బాటిల్‌ని దాచుకునేందుకు యత్నించి విఫలమయ్యాడు కూడా. ఈ ఘటన స్పందించిన ఉత్తరప్రదేశ్‌ జిల్లా అధికారులు సదరు ఉపాధ్యాయుడిన సస్పెండ్‌ చేశారు. కొంతమంది వ్యక్తులు మద్యం మత్తులోనే స్కూల్‌కి వస్తున్న టీచర్‌ని గమనించి ఈ వీడియో రికార్డు చేసినట్లు సమాచారం. ఈ ఘటనపై స్పందించిన డిల్లీ మహిళా కమిషన్‌ చైర్‌పర్సన్‌ స్వాతి మాలి ట్విట్టర్‌లో...విద్యార్థుల ముందే తాగి వచ్చిన సదరు టీచర్‌పై చర్యలు తీసుకోవాల్సిందిగా ఉత్తరప్రదేశ్‌ పోలీసులను కోరారు.  नशे की हालत में धुत मास्टर जी बच्चे बच्चियों को पढ़ा रहे हैं। वीडियो हाथरस यूपी की बताई जा रही है। यदि बच्चों के भविष्य के सृजनहार टीचर ऐसी हरकत करें तो क्या बच्चों का भविष्य अच्छा हो सकता है? तुरंत इस टीचर पे कार्यवाही करे @Uppolice pic.twitter.com/zbCoJb5D8e — Swati Maliwal (@SwatiJaiHind) October 2, 2022 (చదవండి: టన్నుల కొద్ది వ్యర్థాలతో కోట్లు గడిస్తూ...వరుసగా ఆరోసారి తొలిస్థానం దక్కించుకున్న నగరం)  

ఆట ఏదైనా సరే.. కొందరు అభిమానులు తమ చర్యతో, అందంతో అందరి దృష్టిని తమవైపు తిప్పుకుంటారు. తాజాగా యూఎస్‌ ఓపెన్‌లో అలాంటి ఘటనే ఒకటి చోటుచేసుకుంది. విషయంలోకి వెళితే.. అమెరికాకు చెందిన మేఘన్‌ లక్కీ అనే యువతి టెన్నిస్‌కు వీరాభిమాని. గతేడాది యూఎస్‌ ఓపెన్‌ గ్రాండ్‌స్లామ్‌లో భాగంగా ఒక మ్యాచ్‌కు హాజరైన మేఘన్‌ లక్కీ.. అందరూ చూస్తున్న సమయంలో గ్లాసు బీరును దించకుండా తాగి అందరి దృష్టిలో పడింది. అప్పటినుంచి ఆమెను ''బీర్‌ చీర్‌ గర్ల్‌'' అని ముద్దుగా పిలుస్తున్నారు. కాగా సదరు యువతి ఈ ఏడాది కూడా తన బాయ్‌ఫ్రెండ్‌తో కలిసి ఆదివారం(సెప్టెంబర్‌ 4న) యూఎస్‌ ఓపెన్‌ గ్రాండ్‌స్లామ్‌లో మ్యాచ్‌లు చూడడానికి వచ్చింది. కాగా ఈసారి కూడా తన బాయ్‌ఫ్రెండ్‌ అందించిన బీర్‌ గ్లాసును అందుకున్న మేఘన్‌ పూర్తిగా తాగేసింది. అలా వరుసగా రెండో ఏడాది కూడా బీర్‌ చాలెంజ్‌ను పూర్తి చేసి తనకున్న పేరును నిలబెట్టుకోవడంతో మ్యాచ్‌కు హాజరైన ప్రేక్షకులు మేఘన్‌కు స్టాండింగ్‌ ఒవేషన్‌ ఇవ్వడం గమనార్హం. ఈ వీడియోనూ స్వయంగా యూఎస్‌ ఓపెన్‌ నిర్వాహకులే ట్విటర్‌లో షేర్‌ చేస్తూ.. మేఘన్‌ లక్కీకి మా అభినందనలు.. బహుశా ఇది ట్రెండింగ్‌ పాయింట్‌గా నిలిచే అవకాశముంది. అంటూ క్యాప్షన్‌ జత చేశాడు.  కాగా ఈ వీడియోకు దాదాపు 2 లక్షల వ్యూస్‌ రావడం విశేషం.   It seems this is becoming tradition at this point 🍻 pic.twitter.com/vTO1hUJVNS — US Open Tennis (@usopen) September 4, 2022 View this post on Instagram A post shared by US Open (@usopen) చదవండి: యూఎస్‌ ఓపెన్‌లో పెను సంచలనం.. నాదల్‌ కథ ముగిసింది 

చల్లచల్లని బీర్‌.. కూల్‌గా గొంతు దిగుతుంటే ఆ కిక్కే వేరంటూ బీరు ప్రియులు లొట్టలేస్తుంటారు. ఒక్కో బ్రాండ్‌ బీర్‌.. ఒక్కో టేస్ట్‌.. అంటూ నాలుక చప్పరిస్తుంటారు. ఇక్కడిదాకా అందరూ ఒకటే.. కానీ సింగపూర్‌కు చెందిన ‘న్యూబ్రూ’ బీర్‌ గురించి చెప్తే మాత్రం ఎవరెవరు ఎలా స్పందిస్తారో ఊహించడం కష్టమే. ఎందుకంటే.. ఆ బీర్‌ను మూత్రంతో, డ్రైనేజీ వాటర్‌తో తయారు చేస్తారు మరి. నిజమే.. సాధారణంగా బీరు తయారీకి భారీగా నీళ్లు అవసరం. అసలే నీటి కరువుతో ఉన్న సింగపూర్‌లో.. డ్రైనేజీ నీళ్లయినా, మరే నీళ్లయినా సరే పూర్తిగా శుద్ధిచేసి మళ్లీ వాడాల్సిందేనని ప్రభుత్వం ఆదేశించింది. ఈ క్రమంలోనే సింగపూర్‌ ప్రభుత్వ వాటర్‌ ఏజెన్సీ పీయూబీ, స్థానిక బీరు తయారీ సంస్థ బ్రూవర్క్‌జ్‌ కలిసి ‘న్యూబ్రూ’ను మార్కెట్లోకి తెచ్చాయి. అధికారులు మూత్రాన్ని, డ్రైనేజీ నీళ్లను పూర్తిస్థాయిలో శుద్ధిచేసి ‘న్యూవాటర్‌’ పేరుతో సురక్షిత నీటిని సిద్ధం చేశారు. ఆ నీటిని ఉపయోగించి ‘న్యూబ్రూ’ బీరును తయారుచేసి మార్కెట్లోకి వదిలారు. మంచి మాల్ట్‌తో, తాగాక తేనె వంటి రుచిని ఇస్తుండటంతో ‘న్యూబ్రూ’ బీర్‌కు బాగా డిమాండ్‌ కనిపిస్తోందని సింగపూర్‌ అధికారులు చెప్తున్నారు.   

బీర్ అంటే ఇష్టపడని మందుబాబులు ఎవరైనా ఉంటారా?  మార్కెట్లో  విభిన్న ఫ్లేవర్లలో,  రక రకాల బ్రాండ్లలో బీర్లు లభ్యమవుతున్న సంగతి తెలిసిందే. తాజాగా మరో కొత్త రకమైన బీర్  అందుబాలోకి వచ్చింది. ఈ వెరైటీ బీరుకు లభిస్తున్న ఆదరణ చూస్తే.. మరి వావ్‌.. అనాల్సిందే.  వాస్తవానికి ఆ బీర్ దేనితో తయారువుతుందో తెలిస్తే షాక్‌ అవుతారు. ఇది తెలిసి వావ్‌ అంటారో లేదంటే.. యాక్‌ అంటారో మీరు తేల్చుకోండి. ఎందుకంటే ఈ బీర్ యూరిన్‌తో తయారవుతుంది. ఇంకో షాకింగ్‌ విషయం ఏమిటంటే దాదాపు 20 సంవత్సరాల నాటి మురుగునీటిని శుద్ధిచేసి మరీ తయారుచేస్తున్న 'యూరిన్ బీర్'ను గ్రీన్ బీర్‌గా ప్రచారం చేస్తోంది. సింగప్‌పూర్‌లోని న్యూబ్రూ కంపెనీ. సింగపూర్ న్యూబ్రూ ఉత్పత్తి చేస్తున్న యూరిన్ బీర్‌కు భారీ ఆదరణ లభిస్తుండటం విశేషం. పలురకాల పరీక్షలు, వివిధ దశల్లో వడపోత తర్వాత ఆరోగ్యకరమైన బీర్‌ను తయారు చేస్తున్నామని, త్రాగడానికి సురక్షితమని కంపెనీ పేర్కొంది. అంతేకాకుండా తమ స్పెషల్‌ బీరు ఆరోగ్యానికి  ఆరోగ్యం, అద్భుతమైన రుచి కూడా అని తెలిపింది. ఆసక్తికరమైన విషయమేమిటంటే, నీటి కొరతపై అవగాహన కల్పించేందుకు ప్రచారం చేపట్టిన ప్రభుత్వ నీటి సంస్థ, ఈ సమస్యను అధిగమించేందుకు వినూత్న  పరిష్కారాల్ని  అన్వేషిస్తోంది. బీర్‌లో 90 శాతం నీరు ఉంటుందనీ అందుకే అల్ట్రా-క్లీన్ హై-గ్రేడ్ రీసైకిల్ వాటర్‌తో తయారు చేస్తున్నామని కంపెనీ తెలిపింది. సింగపూర్ ఇంటర్నేషనల్ వాటర్ వీక్‌, వాటర్ కాన్ఫరెన్స్‌లో నేషనల్ వాటర్ ఏజెన్సీ, స్థానిక క్రాఫ్ట్ బీర్ బ్రూవరీ 'Brewerkz' న్యూబ్రూ ఏప్రిల్ 8న ప్రారంభించింది. నీటి రీసైక్లింగ్, పునర్వినియోగంపై అవగాహన కల్పించేందుకే న్యూబ్రూ సింగపూర్ 'గ్రీనెస్ట్ బీర్'  ఆవిష్కరణ అని  కంపెనీ ఎండీ ర్యాన్ యుయెన్  వెల్లడించారు. కాగా ప్రపంచవ్యాప్తంగా నీళ్లు, టీ, తరువాత అత్యంత ప్రజాదరణ పొందిన పానీయం బీర్‌. వికీపీడియా, ఫార్చ్యూన్ బిజినెస్ ఇన్‌సైట్స్ అందించిన అంచనాల ప్రకారం, 2021లో 768.17 బిలియన్‌ డాలర్లుగా ఉన్న గ్లోబల్ బీర్ మార్కెట్  2028 నాటికి  989.48  బిలియన్ల డాలర్లకు పెరిగే అవకాశం ఉంది. 

సాక్షి,హైదరాబాద్‌: ‘బీర్‌’ప్రియులకు చేదు వార్త. బీర్‌ ధరలను పెంచాలని రాష్ట్ర ఎక్సైజ్‌ శాఖ నిర్ణయించినట్టు తెలుస్తోంది. ఈ మేరకు ప్రతిపా దనలు కూడా సిద్ధమైనట్టు సమా చారం. బీర్‌ ధరలను పెంచాలని కొంతకాలంగా డిస్టలరీల యాజమాన్యాలు కోరుతున్న నేపథ్యంలో బీర్‌ ధరల పెంపుపై ఎ క్సైజ్‌ ఉన్నతాధికారులు ఇటీవల కసరత్తు జరిపారు. ఈ కసరత్తు అనంతరం ఒక్కో బీర్‌ ధరను రూ.10–20 పెంచాలని నిర్ణయించినట్లు తెలుస్తోంది. ఈ మేరకు త్వరలోనే ఉత్తర్వులు వెలువడనున్నాయి. ప్రస్తుతం లైట్‌ బీర్‌ రూ.140 ఉండగా దాన్ని రూ.150, స్ట్రాంగ్‌ బీర్‌ రూ.150 ఉండగా, దాన్ని రూ.170 చేయనున్నట్లు సమాచారం.  చదవండి: హైకోర్టు సీజేగా జస్టిస్‌ ఉజ్జల్‌ భూయాన్‌

దౌల్తాబాద్‌: అర్ధరాత్రి ఓ ఆకతాయి చేసిన పనికి పోలీసులు అవాక్కయ్యారు. గురువారం రాత్రి 2 గంటల సమయంలో ఓ యువకుడు ‘డయల్‌ 100’కు కాల్‌ చేసి ‘సార్‌.. నేను చాలా ఇబ్బందుల్లో ఉన్నాను, మీరు రావాలి’అని కోరాడు. దీంతో డ్యూటీలో ఉన్న బ్లూకోల్ట్స్‌ కానిస్టేబుళ్లు, ఏఎస్‌ఐలు వెంటనే అతని వద్దకు బయలుదేరారు. తీరా అక్కడికి వెళితే ‘సార్‌.. నాకు రెండు బీర్లు కావాలి’అని ఆ యువకుడు అనడంతో పోలీసులు విస్తుపోయారు. ఈ సంఘటన వికారాబాద్‌ జిల్లా దౌల్తాబాద్‌ మండలం గోకఫసల్‌వాద్‌ గ్రామంలో చోటుచేసుకుంది. పోలీసులు ఆ గ్రామానికి వెళ్లేసరికి ‘డయల్‌ 100’కు ఫోన్‌ చేసిన జనిగెల మధు అనే యువకుడు మద్యం మత్తులో తూగుతున్నాడు. పైగా బీర్లు కావాలంటూ పోలీసులను ఆటపట్టించడానికి యత్నించాడు. దీంతో మధును పోలీసులు అదుపులోకి తీసుకుని పోలీసుస్టేషన్‌కు తరలించారు. 100కు ఫోన్‌ చేసి తమ సమయం వృథా చేసిన మధుపై కేసు నమోదు చేసినట్లు ఎస్‌ఐ రమేశ్‌ తెలిపారు.  

సాక్షి, రంగారెడ్డి జిల్లా: అధిక పాల దిగుబడి కోసం గేదెలు, ఆవులకు మోతాదుకు మించి బీర్‌దాణా (బీర్‌ తయారు చేయగా మిగిలిన వ్యర్థాల లిక్విడ్‌) తాగిస్తున్నారు. ఇలా చేయడం వలన ప్రత్యక్షంగా పశువుల ఆరోగ్యాన్ని దెబ్బతీయడంతో పాటు.. పరోక్షంగా పాలు తాగిన చిన్నారుల అనారోగ్యానికి కారణమవుతున్నారు. సాధారణంగా పాలిచ్చే గేదెలు, ఆవులకు రైతులు అధిక పాల దిగుబడి కోసం కడుపునిండా పచ్చిగడ్డి, ఎండుగడ్డి, పల్లిపట్టి, బెల్లంపట్టి, కుసుమ నూనె తీయగా మిగిలిన కిల్లి, తవుడు, కందిపొట్టు, మొక్కజొన్నతో తయారు చేసిన సంప్రదాయ దాణా వాడుతుంటారు. వీటిలో పోషక విలువలు పుష్కలంగా ఉంటాయి. అయితే బహిరంగ మార్కెట్లో ఈ దాణా ధరలు రెట్టింపవడంతో వ్యయ భారాన్ని తగ్గించుకునేందుకు కొంతమంది పక్కదారిపట్టారు.   ధర తక్కువ    బీర్‌ తయారీ కంపెనీలు ట్యాంకర్ల ద్వారా రహస్యంగా సరఫరా చేస్తున్న బీర్‌దాణాను డ్రమ్ముకు రూ.900 నుంచి రూ.1,000 చొప్పున కొనుగోలు చేసి పశువులకు అందిస్తున్నారు.  సంప్రదాయదాణాలో ఐదు శాతానికి మించి బీర్‌దాణా వాడకూడదు. కానీ తక్కువ ధర.. 20–30 శాతం పాలు ఎక్కువగా ఇస్తుండడంతో రైతులు ఒక్కో పశువుకు రోజుకు సగటున నాలుగు నుంచి ఐదు కిలోల చొప్పున వాడుతున్నారు. పశువుల ఆరోగ్యానికి ఇది హానికరమని వైద్యులు హెచ్చరించినా పెడ చెవిన పెడుతున్నారు. ఫలితంగా పశువుల జీవితకాలం పదిహేనేళ్ల నుంచి పదేళ్లకు పడిపోతోంది. ఎనిమిది నుంచి పది ఈతలు ఈనాల్సిన గేదెలు నాలుగైదు ఈతలకే పరిమితమవుతున్నాయి. ఆరోగ్యపరిస్థితి క్షీణించి, త్వరగా మృత్యువాత పడుతున్నాయి. పశువుల పాకలోని డ్రమ్ముల్లో బీర్‌ లిక్విడ్‌  డిమాండ్‌ ఎక్కువ కావడంతో..   పశువైద్యశాఖ అధికారుల అంచనా ప్రకారం జిల్లా లో 1,88,182 పశువులు ఉండగా, వీటిలో 1,22, 58 7 గేదెజాతివి ఉన్నాయి. విజయ, మదర్‌ డెయి రీలు 8,570 మంది రైతుల నుంచి పాలు సేకరిస్తున్నాయి. గ్రేటర్‌ వాసులకు రోజుకు కనీసం 25–30 లక్షల లీటర్ల పాలు అవసరమవుతుండగా, ప్రస్తుతం జిల్లాలో 2.50 లక్షల లీటర్లకు మించి సరఫరా కావడం లేదు. బహిరంగ మార్కెట్లో లీటర్‌ పాలను రూ.70 నుంచి రూ.100 వరకు విక్రయిస్తున్నారు. దిగుబడికి, డిమాండ్‌కు మధ్య భారీ వ్యత్యాçసం ఉండడంతో రైతులు పశువుల నుంచి అధిక దిగుబడి సాధించేందుకు బీర్‌దాణాను వాడుతున్నారు. ఇప్పటి వరకు జిల్లాలో 4,144 పాడిపశువులను 75 శాతం నుంచి 50 శాతం సబ్సిడీపై రైతులకు అందజేశారు. పశుగ్రాస సాగు కోసం ఈ ఏడాది ఇప్పటి వరకు 140.2 మెట్రిక్‌ టన్నుల విత్తనాలు సరఫరా చేశారు. సొంతంగా పొలం ఉన్న వారు గడ్డినిసాగు చేసినప్పటికీ.. పొలం లేనివారు పశువులకు ఆహారంగా బీర్‌దాణాను వినియోగిస్తున్నారు. ఆరోగ్య సమస్యలు తలెత్తి ప్రభుత్వం సరఫరా చేసిన పశువుల్లో ఇప్పటికే 417 చనిపోవడం గమనార్హం.    ఆరోగ్య సమస్యలు వస్తాయి  సాధారణంగా మక్క, తవుడు, వేరుశశగ చెక్క, కందిపొట్టుతో తయారు చేసిన దాణాను పశువులకు వాడుతుంటారు. కిలో రూ.25 నుంచి రూ.30 వరకు ఖర్చవుతుంది. బీర్‌దాణాకు లీటర్‌కు రూ.పదిలోపే దొరుకుతోంది. ఇందులో ఆల్కాహాల్‌ శాతం ఎక్కువగా ఉండడంతో పశువులు ఆరోగ్య సమస్యలను ఎదుర్కోవాల్సి వస్తుంది. పాలల్లో ఎసిడిటీ లెవల్స్‌ ఎక్కువగా ఉంటాయి. వీటిని తాగిన పిల్లలకు జీర్ణకోశ సంబంధ సమస్యలు తలెత్తే ప్రమాదముంది.    – డాక్టర్‌ శంకర్,వెటర్నరీ అసిస్టెంట్‌ సర్జన్, తలకొండపల్లి  

రష్యా - ఉక్రెయిన్ దేశాల మ‌ధ్య జరుగుతున్న యుద్ధం నేప‌థ్యంలో బీర్ల ధ‌ర‌లు భారీగా పెర‌గ‌నున్నాయి. మద్యాన్ని త‌యారు చేసేందుకు ఉప‌యోగించే కీలకమైన బార్లీ ధరలు, సరఫరాలపై ప్రభావం చూపే అవకాశం ఉంది. దీంతో దేశంలో బీర్ ధ‌ర‌లు పెర‌గనున్న‌ట్లు తెలుస్తోంది. ఇప్పటికే, రష్యా-ఉక్రెయిన్ వివాదంతో యుఎస్, కెనడాతో పాటు ఇత‌ర దేశాల్లో  రష్యా బ్రాండెడ్ స్పిరిట్‌లను బహిష్కరించడంతో వోడ్కా ధర భారీగా పెరిగింది.   రష్యా, ఉక్రెయిన్ బార్లీ రష్యా ప్రపంచంలో రెండవ అతిపెద్ద బార్లీ ఉత్పత్తిని కలిగి ఉండగా, ఉక్రెయిన్ ప్రపంచవ్యాప్తంగా మాల్ట్ నాల్గవ అతిపెద్ద ఉత్పత్తిదారుగా ఉంది. అయితే యుద్ధ సంక్షోభం తీవ్రమైతే  బార్లీ ధరలు పెరిగే అవ‌కాశం ఉంది.  దేశం బార్లీని ఉత్పత్తి చేస్తుంది భారతదేశం కూడా బార్లీని ఉత్పత్తి చేస్తుంది. దేశంలోని అనేక బ్రేవరీలు బార్లీ దేశీయ ఉత్పత్తిపై మాత్రమే ఆధారపడి ఉన్నాయి. అయితే అంతర్జాతీయ బార్లీ ధరలు పెర‌గ‌డం వ‌ల్ల దేశీయంగా ధ‌ర‌ల‌పై ప్రభావితం కావచ్చు.   ప్ర‌భావం ఎలా ఉంటుందో బీర్ బ్రాండ్ బిరా 91  చీఫ్ ఎగ్జిక్యూటివ్ అంకుర్ జైన్ మాట్లాడుతూ..రష్యా-ఉక్రెయిన్ సంక్షోభం ప్రపంచ బార్లీ ధరలపై ప్రభావం చూపుతుందని.  అయితే ఇది స్వల్పంగా ఉంటుందా..? దీర్ఘంగా కొన‌సాగుతుందో తెలియాల‌ని జైన్ చెప్పారు.

బీర్‌ను సాధారణంగా బార్లీ గింజలు, హోప్‌ మొక్కనుంచి వచ్చే పువ్వులు, ఒక్కోసారి గోధుమలతోను తయారు చేస్తారని మనలోచాలామందికి తెలుసు కదా. ఈ మధ్య గ్లూటెన్‌ ఫ్రీ అంటూ జొన్నలతో కూడా బీర్‌ను ఉత్పత్తి చేస్తున్నారు. తాజాగా వెరైటీ బీరు ఒకటి హల్‌ చల్‌ చేస్తోంది. అదే కాక్రోచ్‌ బీర్‌.. మీరు విన్నది నిజమే. బొద్దింకల బీర్‌. కానీ ఇది ఎక్కడ పడితే దొరకదు సుమా! మరి ​ఈ స్పెషల్‌ బీర్‌  ఎక్కడ తయారవుతుంది. దీని రేటెంత? ఆ విశేషాలేంటో తెలుసుకుందాం రండి. బార్లీ గంజిని పులియబెట్టి, ప్రాసెస్‌ చేసి  బీరు తయారు చేస్తారు. ఆయా బ్రాండ్లు వీటికి కొన్ని ప్లేవర్లను యాడ్‌ చేస్తాయి. కానీ జపాన్‌లో మాత్రం బీరును ఎలా త‌యారు చేస్తారో తెలిస్తే..ముందు యాక్‌ అంటారు. కానీ టేస్ట్‌కు టేస్ట్‌.. ఆరోగ్యానికి ఆరోగ్యం అంటూ జపాన్‌ వాసులు  ఈ స్పెషల్‌ బీర్‌ కోసం ఎగబడతారట.  20వ శతాబ్దం ప్రారంభం నుండి  ఈ బీర్‌ను  ఎంజాయ్‌ చేస్తున్నారట  అక్కడి మందుబాబులు.   

నెదర్లాండ్స్‌: మనం మన చేతుతలతో వాటర్‌ గ్లాస్‌లని ఒకేసారి రెండూ, మూడో మహా అయితే నాలుగు కూడా పట్టుకోవచ్చు. ఇంకా మరింత ప్రయత్నం చేసి ట్రై ఉపయోగించో లేక మరో విధంగానైనా తీసుకువెళ్లడానికి ప్రయత్నిస్తాం. కానీ ఒకేసారి ఎక్కవ గాజు గ్లాస్‌లతో వాటర్‌ లేదా కూల్‌ డ్రింక్‌ లాంటి వాటిని తీసుకువెళ్లడం అసాధ్యం. కానీ ఇక్కడొక వ్యక్తి హీరో మాదిరి ఏకంగా 48 బీర్‌ గ్లాస్‌లను తీసుకొచ్చేశాడు. (చదవండి: అక్టోబర్‌ 20 ప్రపంచ గణాంకాల దినోత్సవం) నెదర్లాండ్స్‌కి చెందిన క్రిస్టియాన్ రోట్‌గెరింగ్ ఫుట్‌బాట్‌ అభిమాని. అతను తన కుటుంబ సభ్యులు, స్నేహిలతులతో కలసి ఫుట్‌బాట్‌ స్టేడియంలో మ్యాచ్‌ చూసేందుకు వచ్చాడు. ఆ తర్వాత అతను తనవాళ్ల కోసం బీర్‌ను కొనుగొలు చేసి తీసుకువెళ్తున్నాడు. ఎవరైనా డిస్పాజుబుల్ గ్లాస్‌తో ప్యాక్‌ చేసి ఉంటే సులభంగా తీసుకెళ్లగలం. కానీ  క్రిస్టియాన్ ఓకేసారి ఐదు ట్రైలో బీరుగ్లాస్‌లను ఒకదానిపై ఒకటి పెట్టి మొత్తం 48 గ్లాస్‌లను ఒకేసారి హీరోలా తీసుకువెళ్లడంతో అక్కడ ఉన్న స్టేడియంలోని ప్రేక్షక్షుల అందర్ని ఆశ్చర్యపరిచాడు. దీంతో అతను ఒక్కసారిగా సెలబ్రిటీ స్టేటస్‌ పొందాడు. ప్రస్తుతం ఈ వీడియో నెట్టింట తెగ వైరల్‌ అవుతోంది. దీంతో నెటిజన్‌ వావ్‌ యు ఆర్‌ సో గ్రేట్‌ అంటూ రకరకాలు ట్వీట్‌ చేశారు. (చదవండి:  అదో వింతైన రంగురంగుల బల్లి.. ప్లీజ్‌ కాపాడండి) View this post on Instagram A post shared by Veronica Inside (@veronica.inside)

International Beer Day 2021: ‘ఈ గింజల సారా తయారు చేసినవాడు ఎవడో గానీ.. వాడు మహా మేధావి అయ్యి ఉంటాడు’.. బీరు రుచి మరిగి గ్రీకు తత్వవేత్త ప్లాటో చెప్పిన మాటలివి. మత్తులో చెప్పాడో.. మామూలుగా చెప్పాడోగానీ ఇక్కడే ఆయన బీరులో కాలేశాడు. బీరును తయారు చేసింది, చరిత్రలో ఆ పానీయానికి పెద్ద ఎత్తున్న ప్రాముఖ్యత కల్పించింది.. అంతర్జాతీయంగా ప్రచారం చేసింది, ఇప్పుడు మార్కెట్‌లో అమ్ముడుపోతున్న బీరుకు ఒక రూపం తెచ్చిపెట్టింది.. అంతా ఆడవాళ్లే. అందుకే ఈ ‘బీర్‌ డే’ నాడు మందు బాబులు.. ఆ మహిళామణులకు జోహార్లు చెప్పాల్సిందే. సాక్షి, వెబ్‌డెస్క్‌: సుమారు ఏడువేల సంవత్సరాల క్రితం.. మెసోపోటామియా సంస్కృతిలో బీరు కల్చర్‌ ఆసక్తికరంగా మొదలైంది. అప్పట్లో ఆడవాళ్లు బలవర్థకమైన ఆహారం(ఇమ్యూనిటీ ఫుడ్‌) కోసం అంబలి కాచుకునేవాళ్లు. అయితే కొందరు ఆడవాళ్లు మాత్రం ధాన్యాలకు మూలికలను జోడించి నీళ్లలో బాగా మరిగించి పానీయాలు తయారు చేసుకునేవాళ్లు. వాటిని నిల్వ బెట్టడం.. అవి పులిసిపోయి విచిత్రమైన వాసన, రుచి అందించేవి. ఆపై అవి మత్తు ద్రావణాలనే ప్రచారం(ఫుల్‌గా తీసుకుంటే ఏదైనా మత్తు ఇస్తుంది కదా) జరగడంతో చాలా మంది వాటిని ఇంట్లోనే తయారు చేసుకోవడం మొదలుపెట్టారు. అలా సారాయి(బీరు) అమ్మకాల సంప్రదాయం వేల సంవత్సరాల క్రితమే మొదలైంది. పోను పోనూ ఆ పానీయాలకు తమ చేతివాటం ప్రదర్శిస్తూ మరింత మార్కెటింగ్‌ పెంచారని బ్రిటిష్‌ చరిత్రకారుడు సొమ్మెలియర్‌ జేన్‌ పెయిటోన్‌ చెప్పాడు. కానీ, ఈజిప్షియన్ల కాలంలో మగవాళ్లతో సమానంగా ఆడవాళ్లు మద్యం సేవించడం, ఈ క్రమంలో ఇళ్లలోనే వాటి తయారీ ఉండేదని.. ఆ సమయంలోనూ బీర్‌లాంటి పానీయాలు చెలామణిలో ఉండొచ్చని చరిత్రకారులు అభిప్రాయపడుతుంటారు.       మంచి నీళ్లు, టీ తర్వాత ప్రపంచంలో ఎక్కువ మంది తాగేది.. బీరు సన్యాసి చొరవ.. మధ్యయుగం నాటికి.. పులిసిన పానీయాల తయారీ, వాటి అమ్మకం విపరీతంగా పెరిగింది. ఉన్నత వర్గాల నుంచి కింది వర్గాల దాకా అంతా ఆ పానీయాలకు అలవాటు అయ్యారు. అయితే పులిసిన ద్రావణాలు.. ఎక్కువ రోజులు నిల్వ ఉండేవి కావు. దీంతో రకరకాల ప్రయోగాలు చేశారు. చివరికి గంజాయి మొక్కలకు చెందిన హోప్స్‌ మొక్క పువ్వులను చేర్చడం.. అవి ద్రావణాలను పాడుకాకుండా ఉంచడంతో పాటు మత్తూ అందించడం మొదలైంది. జర్మనీకి చెందిన క్రైస్తవ సన్యాసి.. హిల్డెగార్డ్‌ ఆఫ్‌ బింగెన్‌(హిల్డెగార్డ్‌) విప్లవాత్మక ధోరణితో ఆధునిక కాలంలో బీర్‌(11వ శతాబ్దంలో ఈ పేరు పెట్టింది కూడా ఈమెనే?!)కు ఒక రూపం వచ్చింది. అయితే బలవర్థకమైన ఈ పులిసిన పానీయాలను డొమెస్టిక్‌ నుంచి కమర్షియల్‌గా మార్చేయాలన్న బుద్ధి కలిగింది మాత్రం మగవాళ్లకే. ఆడవాళ్లు తెలివిగా గుర్తించిన సహజమైన కార్బొనేషన్‌ను పక్కనపెట్టేసి.. బలవంతంగా పరిశ్రమల్లో కార్బొనేషన్‌ను చొప్పించడం మొదలుపెట్టారు.  అలా బీర్‌ వెనుక ఆడవాళ్ల కృషిని తెర వెనక్కి నెట్టేసి.. అప్పటి నుంచి బీర్ల పరిశ్రమలో కింగ్‌లుగా చెలామణి అవుతున్నారు మగవాళ్లు.   ఇంటర్నేషనల్‌ బీర్‌ డే అన్నట్లు..  International Beer Day ఎలా పుట్టిందో, ఇంతకీ బీర్‌ డే ఉద్దేశం తెలుసా?.. ఏం లేదు సరదాగా స్నేహితులతో నాలుగు సిప్‌లు వేస్తూ ఈ రోజును ఎంజాయ్‌ చేయడమే బీర్‌ డే ఉద్దేశం. బీర్‌ ప్రియుల కోసం బీర్‌కు జరిపే పుట్టిన రోజు ఇది.  2007లో కాలిఫోర్నియా, శాంటా క్రూజ్‌కు చెందిన జెస్సే అవ్‌షాలోమోవ్న్‌ అనే తాగుబోతు.. ఈ బీర్‌ డే పుట్టుకకు కారణం. 2012 దాకా ఆగష్టు 5నే ఇంటర్నేషనల్‌ బీర్‌ డేను చేస్తూ వచ్చారు. అయితే ఆ తర్వాత ఆగష్టు మొదటి శుక్రవారంను బీర్‌ డేగా నిర్వహించుకోవాలని మందుబాబులకు సూచించాడు జెస్సే. అలా పాశ్చాత్య సంస్కృతి నుంచి పుట్టిన ఈరోజు.. ఇప్పుడు దాదాపు 80కిపైగా దేశాల్లో, ప్రధానంగా 200 నగరాల్లో ఈ బీర్‌ వేడుకలను నిర్వహించుకుంటున్నారు మందుబాబులు. ఆ లిస్ట్‌లో మన దేశం కూడా ఉంది. ఆ లెక్కన ఇవాళ(ఆగష్టు 6) ఇంటర్నేషనల్‌ బీర్‌ డే అన్నమాట.  బీర్‌ మీద కొన్ని అపోహలు అతిగా తీసుకుంటే ఏదైనా అనర్థమే. అది ఆల్కహాల్‌ విషయంలోనూ వర్తిస్తుంది. ఓ మోస్తరుగా ఆల్కహాల్‌ తీసుకుంటే ఫర్వాలేదని డాక్టర్లే చెప్తుంటారు.  ఇది బీర్‌కు కూడా వర్తిస్తుంది. చాలా అధ్యయనాల్లో సైంటిఫిక్‌గా రుజువయ్యింది ఏంటంటే.. మోస్తరు మందు తాగేవాళ్లు ఎక్కువ కాలం బతుకుతారని!.  నమ్మమని అంటారా?.. ఎవరి ఇష్టం వాళ్లది! ►బీరు.. సహజంగా తయారు చేసేదే. వీటిని కల్తీ చేయాలని ప్రయత్నిస్తే.. చెడిపోతుంది కూడా. ఇక బీర్‌లో క్యాలరీలు-కార్బొహైడ్రేట్స్‌ ఉంటాయని సైంటిఫిక్‌గా రుజువైంది. అలాగే ఇందులో కొవ్వు-కొలెస్ట్రాల్‌ పర్సంటేజ్‌ ఉండవని కూడా తేలింది. ఇదిలా ఉంటే యూనివర్సిటీ కాలేజ్‌ ఆఫ్‌ లండన్‌-క్లినికే మెడిసిన్‌ యూనివర్సిటీ(ప్రేగ్‌) సంయుక్తంగా బీర్‌పై పరిశోధనలు నిర్వమించాయి.  బీర్‌ తాగితే లావు అవుతారని చెప్పడం, బొజ్జ పెరుగుతుందనే ప్రచారం అంతా ఉత్తవేనని ఈ పరిశోధనలు సైంటిఫిక్‌గా నిరూపించాయి.  ►ఒకానొక టైంలో నీళ్ల కంటే బీరు పదిలం అనే ప్రచారం జరిగిందంటే ఆశ్చర్యపోవాల్సిన అవసరం లేదు. ఎందుకంటే.. ప్యాకింగ్‌ వాటర్‌లో కల్తీ జరిగే అవకాశం ఉన్నా.. బీర్‌లో(మరిగించి.. సీల్‌ వేయడం) ఆ ఛాన్స్‌ అస్సలు ఉండదని చెప్తుంటారు రీసెర్చర్లు. కానీ, ఈ రోజుల్లో కల్తీ కానిది ఏది చెప్పండి!. ఇక స్నేహితులతో సరదాగా ఛిల్‌ కావడానికి బీర్‌ కొట్టడం ఒక అలవాటు(అలవాటు ఉన్నవాళ్లకు మాత్రమే). కాలాలతో సంబంధం లేకుండా తీసుకునే ఆల్కాహాల్‌గా.. సమ్మర్‌లో చల్లని పానీయంగా బీర్‌ సేల్స్‌ విపరీతంగా ఉంటాయి.  ►అన్‌ఫిల్టర్‌-లైట్‌ఫిల్టర్‌ బీర్లలో ‘విటమిన్‌-బి’ సమృద్ధిగా ఉంటుంది. గింజల పానీయాన్ని షుగర్‌తో పులియబెట్టినప్పుడు.. గుండె జబ్బులను అరికట్టే ఫొలిక్‌ యాసిడ్‌ పుడుతుందనేది పరిశోధనల్లో(2014) వెల్లడైంది. అయితే అమెరికన్‌ హార్ట్‌ అసోషియేషన్‌ మాత్రం దీనిని కచ్చితంగా నమ్మాల్సిన అవసరం లేదని ప్రకటించింది.  ►హోప్స్‌లో గ్జాంథోహూమోల్‌ అనే ఫ్లేవనాయిడ్‌ ఉంటుంది. ఇది క్యాన్సర్‌కారక ఎంజైములను నిరోధించే పొటెంట్‌ యాంటీయాక్సిడెంట్‌. అందుకే జర్మన్‌లు దీనిని ఎక్కువ ప్రోత్సహిస్తుంటారు. బీర్‌ మెటాబాలిజంను సక్రమంగా నడిపిస్తుందని నిరూపించిన అధ్యయనాలూ ఉన్నాయి. ఇవిగాక బీర్‌ తయారీ, ప్యాకింగ్‌, యాడ్స్‌, అమ్మకాలు.. ఇలా వ్యాపారపరంగా బీర్‌ అందించే లాభాలు.. వేల కోట్లలో ఉంటాయి.  బీర్‌ వీళ్లకు వద్దు బీర్‌తో బెనిఫిట్స్‌ మాత్రమే చెప్పుకోకూడదు కదా. అందుకే ఉన్న ప్రతికూల ప్రభావాలను చర్చిద్దాం.  ♦గర్భవతులు, పిల్లలకు పాలిచ్చే తల్లుళ్లు ♦ఎలర్జీ-చర్మ వ్యాధులు ఉన్నవాళ్లు ♦నిద్రలేమితో బాధపడుతున్న వాళ్లు ♦కాలేయ సంబంధిత వ్యాధులు ఉన్నవాళ్లు ♦అల్సర్‌, గుండెలో మంట సమస్యలు ఉన్నవాళ్లు ♦ చిన్నపిల్లలు.. తదితరులు      చివరగా.. మద్యం సేవించడం ఆరోగ్యానికి హానికరం అనే హెచ్చరిక అందరికీ తెలుసు!.

సాక్షి, సిటీబ్యూరో: చిల్డ్‌ బీర్‌ అంటే మద్యం ప్రియులకు అదో క్రేజ్‌.. చాలా మంది అలాంటి బీర్‌నే ఇష్టపడుతారు..అయితే ఇటీవల నగరంలో బీర్ల వినియోగం తగ్గుముఖం పట్టింది. బీర్‌ తాగేందుకు వెనుకంజ వేస్తున్నారు.గతంలో పెంచిన బీర్ల ధరలను కొంతమేరకు  తగ్గించినప్పటికీ  వినియోగం పెరగకపోవడం గమనార్హం. శీతల పానీయా లు సేవించడం వల్ల  కోవిడ్‌ వ్యాపించవచ్చుననే  భావన  వల్ల చాలా మంది బీర్‌ తాగేందుకు విముఖత చూపుతున్నారు. దీంతో మద్యం  వైపు మొగ్గు చూపుతున్నారు.   ►గ్రేటర్‌ హైదరాబాద్‌లో  సుమారు  15 లక్షల కేసుల నుంచి 13 లక్షల కేసులకు రోజువారి విక్రయాలు తగ్గినట్లు అధికారుల  అంచనా.    ►కేవలం ఎండాకాలంలోనే కాకుండా  సాధారణ వాతావరణంలోనూ  బీర్ల అమ్మకాలు  అసాధారణంగానే ఉంటాయి. అయితే ఈ సారి మాత్రం అందుకు విరుద్ధమైన పరిస్థితి నెలకొంది. కిక్‌ ఇచ్చే మద్యం వైపే ఎక్కువ మంది మొగ్గు చూపుతున్నారు.   ధరలు కూడా కారణమేనా...  గత సంవత్సరం లాక్‌డౌన్‌ అనంతరం బీర్లపై రూ.30 వరకు పెంచారు. సహజంగానే కోవిడ్‌  దృష్ట్యా  బీర్‌కు దూరంగా ఉన్న వారు ధరల పెంపుతో మరింత దూరమయ్యారు.  దీంతో  ప్రభుత్వం ఒక్కో బీర్‌పై  రూ.10  తగ్గించింది.   ► రూ.210 నుంచి రూ.200 కు, రూ.170 నుంచి రూ.160 కి ధరలు తగ్గాయి. ఈ కారణంగానైనా అమ్మకాలు పెరగవచ్చునని అంచనా వేశారు. అయినా ప్రయోజనం లేదు.   ► బీర్‌  సేల్స్‌ పెద్దగా  పెరగలేదు.‘అమ్మకాలు తగ్గడానికి ధరలే  ప్రధాన కారణం. ఒక క్వార్టర్‌ లిక్కర్‌ కంటే ఇప్పటికీ బీర్‌ ధరే ఎక్కువ. అందుకే బీర్‌ కంటే లిక్కర్‌ సేవించడం నయమనే  భావన ఉంది.’ అని ఎక్సైజ్‌  అధికారి ఒకరు అభిప్రాయపడ్డారు. కేవలం  రూ.10 తగ్గించడం వల్ల  అమ్మకాలు పెద్దగా  ప్రయోజనం  లేదని  అన్నారు. కరోనా భయం కూడా సేల్స్‌ తగ్గడానికి కారణం కావచ్చు.  మూసివేత దిశగా బార్లు  మరోవైపు బార్లకు చల్లదనమే శాపంగా మారింది. చల్లటి వాతావరణంలో కోవిడ్‌ వైరస్‌ ఎక్కువగా వ్యాప్తి చెందుతుందనే కారణంతో మద్యం ప్రియులు బార్లకు వెళ్లడం తగ్గించారు. క్లోజ్డ్‌ బార్‌లకు బదులు ‘ఓపెన్‌ బార్‌’ను ఎంపిక చేసుకుంటున్నారు. సరదాగా నలుగురు కలిసి బార్‌కు వెళ్లే అలవాటు తగ్గింది.చాలా వరకు ఇంటి వద్ద మద్యం సేవించేందుకు ఇష్టపడుతున్నారు.   ► తప్పనిసరి పరిస్థితుల్లో బార్‌లకు వెళ్లవలసి వచ్చినా ఒక్కరిద్దరు మాత్రమే కలిసి వెళ్లడం  గమనార్హం.దీంతో గ్రేటర్‌లో చాలా బార్లు నష్టాల్లో కొట్టుమిట్టాడుతున్నాయి.   ► సుమారు 404  బార్‌లలో 60 శాతం వరకు నష్టాల్లో నడుస్తున్నట్లు అంచనా. ఇప్పటికే 20 బార్లను మూసివేశారు.మరికొన్ని బార్‌లు  లైసెన్సు ఫీజు కూడా చెల్లించలేని స్థితిలో మూసి వేత దిశగా ఉన్నట్లు తీస్తున్నట్లు ఎక్స్‌జ్‌ అధికారులు వెల్లడించారు.

సాక్షి, హైదరాబాద్‌: మద్యం అమ్మకాలు జోరుగా జరగడంతో ఎక్సైజ్‌ శాఖకు ఈ ఆర్థిక సంవత్సరం తొలి త్రైమాసికంలో కాసుల పంట పండింది. 2021–22కిగాను ఏప్రిల్, మే, జూన్‌లలో కలిపి రూ. 6,741.44 కోట్ల విలువైన మద్యం అమ్మకాలపై రూ. 5 వేల కోట్ల మేర ఆదాయం వచ్చిందని ఎక్సైజ్‌ శాఖ వర్గాలు తెలిపాయి. ఇక ఈ నెల 18 వరకు రూ. 1,436 కోట్ల విలువైన మద్యం విక్రయాలు గణాంకాలు జరిగాయని బ్రూవరేజెస్‌ కార్పొరేషన్‌ లెక్కలు చెబుతున్నాయి. ఈ ఆర్థిక సంవత్సరంలో ఎక్సైజ్‌ ఆదాయం కింద రూ.16 వేల కోట్లు వస్తాయని ప్రభుత్వం బడ్జెట్‌ ప్రతిపాదనల్లో అంచ నా వేయగా తొలి 3 నెలల్లోనే సుమారు  5 వేల కోట్ల (దాదాపు 30%) ఆదాయం రావడం గమనార్హం. ఆ ఐదు జిల్లాల్లోనే 50 శాతానికి పైగా... రాష్ట్రంలోనే అత్యధికంగా రంగారెడ్డి జిల్లాలో మద్యం విక్రయాలు జరుగుతుండగా రెండో స్థానంలో నల్లగొండ, ఆ తర్వాత హైదరాబాద్, మహబూబ్‌నగర్, వరంగల్‌ (అర్బన్‌) జిల్లాలున్నాయి. ఈ మూడు నెలల్లో కలిపి రంగారెడ్డి జిల్లాలోనే రూ. 1,500 కోట్ల మేర అమ్మకాలు జరిగాయి. ఏప్రిల్‌లో రూ. 534.83 కోట్లు, మేలో రూ. 450.67 కోట్లు, జూన్‌లో రూ. 495.08 కోట్ల విలువైన మద్యం రంగారెడ్డి జిల్లాలో అమ్ముడుపోయింది. నల్లగొండ జిల్లాలో ఏప్రిల్‌లో రూ. 251.32 కోట్లు, మేలో రూ. 243.32 కోట్లు, జూన్‌లో రూ. 267.5 కోట్ల అమ్మకాలు జరిగాయి. హైదరాబాద్‌లో ఈ మూడు నెలల్లో కలిపి రూ. 650 కోట్లు, మహబూబ్‌నగర్‌లో రూ.570 కోట్లు, వరంగల్‌ అర్బన్‌లో రూ. 555 కోట్ల  విలువైన మద్యం అమ్ముడుపోయిందని గణాంకాలు చెబుతున్నాయి. మేలో తగ్గిన బీర్‌ విక్రయాలు ఈ మూడు నెలల మద్యం అమ్మకాలను పరిశీలిస్తే ప్రతి నెలలో 27 లక్షలకుపైగా కేసుల లిక్కర్‌ అమ్ముడవుతోంది. జూన్‌లో మాత్రం అత్యధికంగా 28.73 లక్షల కేసుల మేర లిక్కర్‌ విక్రయాలు జరిగాయి. బీర్ల విషయానికి వస్తే ఏప్రిల్, జూన్‌లలో 26 లక్షలకుపైగా కేసులు అమ్ముడు కాగా, మేలో సుమారు 20 లక్షల కేసుల బీర్లు అమ్ముడయ్యాయి. ఇందుకు బీర్ల ఉత్పత్తి తగ్గిపోవడమే కారణమని తెలుస్తోంది. రాష్ట్ర ప్రభుత్వం నుంచి రావాల్సిన బకాయిలు రాకపోవడంతో డిస్టిల్లరీలు బీర్ల ఉత్పత్తిని తగ్గించాయని, ఆ తర్వాత రూ.10 చొప్పున ప్రతి బాటిల్‌పై ప్రభుత్వం ఉపశమనం ఇవ్వడంతో జూన్‌లో బీర్ల ఉత్పత్తి, అమ్మకాలు పెరిగాయని ఎక్సైజ్‌ వర్గాల్లో చర్చ జరుగుతోంది.

‘హమ్ మందు నహీతో బతుకు నయ్ సక్తాహై’.. లాక్‌డౌన్‌ టైంలో చాలామంది మందు బాబులు వెల్లడించిన అభిప్రాయం ఇదే. అంతెందుకు ఫస్ట్‌ వేవ్‌ టైంలో మందు దొరక్క.. శానిటైజర్లు, ఇంట్లోనే మందు ప్రయోగాలతో ఘోరంగా దెబ్బతిన్నవాళ్లూ లేకపోలేదు. ప్రస్తుతం సౌతాఫ్రికాలో మందు బాబులకు ఇలాంటి పరిస్థితులే ఎదురయ్యాయి. దీంతో ఇంట్లోనే బీర్లు తయారు చేసుకుంటున్నారు. దీంతో పైనాపిల్‌ ధరలకు రెక్కలొచ్చాయి.  సౌతాఫ్రికాలో లాక్‌డౌన్‌ 4 లెవల్‌లో భాగంగా 14 రోజులపాటు లిక్కర్‌ షాపులు మూతపడ్డాయి. దీంతో పైనాపిల్‌ పండ్ల ద్వారా ఇంట్లోనే బీర్లు తయారు చేసుకుంటున్నారు మందుబాబులు. ఈ ప్రభావంతో పైనాపిల్‌ పండ్ల ధరలు 74 శాతం పెరిగాయి. లాక్‌డౌన్‌-మందు దొరకని పరిస్థితుల నేపథ్యంలోనే పైనాపిల్‌కు ఒక్కసారిగా డిమాండ్‌  సౌతాఫ్రికా అగ్రిమార్క్‌ ట్రెండ్స్‌(ఏఎంటీ) గురువారం వెల్లడించింది. అయితే జూన్‌ చివరి వారం నుంచే లిక్కర్‌పై ఆంక్షలను అమలు చేస్తోంది దక్షిణాఫ్రికా ప్రభుత్వం. దీంతో అప్పటి నుంచే పైనాపిల్‌ ధరలు స్వల్ఫంగా పెరుగుతూ వస్తున్నాయి. తాజాగా 14 రోజుల నిషేధం నేపథ్యంలో.. ఒక్కసారిగా రేట్లు పెరిగాయి. ఒకవేళ లాక్‌డౌన్‌ కొనసాగితే మాత్రం పైనాపిల్‌ ధరలు ఊహించని రేంజ్‌కు చేరొచ్చని అంచనా వేస్తున్నారు.

సాక్షి, వైరా: ఎండల తీవ్రత పెరగడంతో మద్యం ప్రియులు చల్లటి బీర్లను తాగేందుకు ఎక్కువగా ఇష్టపడుతున్నారు. దీంతో వాటి విక్రయాలు అమాంతంగా పెరిగి పోయాయి. ఓ వైపు కరోనా కేసులు పెరుగుతున్నప్పటికీ.. మే నెలలో 40 డిగ్రీలకు పైగా ఉష్ణోగ్రతలు నమోదు కావడంతో ఎండ తాపం నుంచి సేద తీరేందుకు మందుబాబులు చల్లటి బీర్లు తాగేశారు. గతేడాది జనవరి నుంచి మే నెల వరకు రూ.61 కోట్ల విలువ చేసే బీర్లను తాగగా, ఈ ఏడాది జనవరి నుంచి మే వరకు రూ.89.83 కోట్ల విలువైన బీర్లు లాగించేశారు. డిమాండ్‌కు తగ్గట్లుగా సరఫరాకు ఇబ్బంది లేకుండా డిపో అధికారులు ఏర్పాట్లు చేశారు. ఉమ్మడి ఖమ్మం జిల్లాలో 167 మద్యం దుకాణాలు, 47 బార్లు, 3 క్లబ్‌లు ఉన్నాయి. వాటితో పాటు అనధికారికంగా  వేల సంఖ్యలో బెల్టుషాపుల్లో బీర్ల అమ్మకాలు సాగిస్తున్నారు.  అదనపు వసూళ్లు.. వ్యాపారులు కొన్ని చోట్ల సిండికేట్‌గా మారి బీరు ధరపై అదనంగా వసూలు చేస్తూ మందుబాబుల జేబులకు చిల్లులు పెట్టి దండుకుంటున్నారు. జిల్లాలో చాలా మద్యం దుకాణాల్లో బీర్లు దొరకడం లేదు. పక్కనే ఉన్న బెల్టు దుకాణాల్లో మాత్రం యథేచ్ఛగా బీర్లు అమ్ముతున్నారు. ఈ ఏడాది ఏప్రిల్, మే నెలల్లో భానుడి ప్రతాపం విపరీతంగా పెరిగింది. ఇక అప్పటి నుంచి బీర్ల అమ్మకాలు పెరిగి పోయాయి. జనవరి, ఫిబ్రవరి నెలల్లో పగటి పూట 30 డిగ్రీల మేర ఉష్ణోగ్రతలు నమోదు కాగా,  రాత్రి పూట వాతావరణం చల్లగా మారింది. మార్చి, ఏప్రిల్‌ నెలల్లో ఎండలు ముదిరిపోయాయి. ఉష్ణోగ్రతలు కూడా 40 డిగ్రీలకు చేరకున్నాయి. దీంతో జనాలు ఎండ వేడికి అల్లాడి పోయారు. ఈ సమయంలో ఎండ వేడిని తట్టుకోవడానికి మందు బాబులు చల్లని బీర్ల వైపు మొగ్గు చూపారు. దీంతో మార్చి నుంచి మే నెల వరకు 60 శాతానికి పైగా విక్రయాలు పెరిగాయి. మొత్తం మీద 5 నెలల్లోనే మద్యం ప్రియులు అక్షరాలా రూ.89.83 కోట్ల విలువ చేసే బీర్లు తాగేశారు. గతేడాది, ఈ ఏడాది అమ్మకాలు ఇలా..           2020 లో                     బీర్లు (కేసులు)    2021లో           బీర్లు(కేసులు)  జనవరి       రూ.16 కోట్లు       1.18 లక్షలు     రూ.17 కోట్లు         1.20 లక్షలు ఫిబ్రవరి     రూ.19 కోట్లు        1.42 లక్షలు     రూ.14 కోట్లు         83 వేలు మార్చి       రూ.11 కోట్లు         86 వేలు          రూ.22 కోట్లు         1.27 లక్షలు  ఏప్రిల్‌        లాక్‌డౌన్‌            --------             రూ.22 కోట్లు           1.30 లక్షలు  మే             రూ.15 కోట్లు        90 వేలు          రూ. 14.83 కోట్లు      88 వేలు    చదవండి: మందుబాబు ఆత్రం.. రూ1.5ల‌క్ష‌లు గోవింద‌

ముంబై: క‌రోనా క‌ట్ట‌డికి మ‌హారాష్ట్ర‌లో లాక‌డౌన్ విధించిన సంగ‌తి తెలిసిందే. ఇంటి నుంచి కాలు బ‌య‌ట‌పెట్ట‌కుండా ఉండాలంటే చాలా క‌ష్టం. ఇక మందు బాబుల‌ది మ‌రో ర‌క‌మైన బాధ‌. చుక్క ప‌డ‌క‌పోతే.. న‌రాలు లాగేస్తాయి. ఇలాంటి వారి కోసం ప‌లు ఈ కామ‌ర్స్ సంస్థ‌లు ఆన్‌లైన్‌లో మ‌ద్యం అందుబాటులోకి తెచ్చాయి. ఈ క్ర‌మంలో ఓ వ్య‌క్తి ఆన్‌లైన్‌లో బీర్ ఆర్డ‌ర్ చేయడానికి ప్ర‌య‌త్నించి ల‌క్ష‌న్న‌ర పొగొట్టుకున్నాడు. వెంట‌నే పోలీసుల‌ను అప్ర‌మ‌త్తం చేయ‌డంతో న‌ష్ట‌పోకుండా బ‌య‌ట‌ప‌డ‌గ‌లిగాడు.  ఆ వివ‌రాలు.. పుణెకు చెందిన‌ 55 ఏళ్ల వ్య‌క్తి ఒక‌రు ఆన్‌లైన్‌లో బీర్ ఆర్డ‌ర్ చేయ‌డానికి ఓ ఈ కామ‌ర్స్ సంస్థకు కాల్ చేశాడు. తొలుత రిజిస్టేష‌న్ ఫీజు కింద 10 రూపాయ‌లు చెల్లించాడు. ఆ త‌ర్వాత స‌ద‌రు కంపెనీ అత‌డి నంబ‌ర్‌కు ఓ యాప్ లింక్‌ను సెండ్ చేసింది. దాని ద్వారా డ‌బ్బులు చెల్లించాల్సిందిగా సూచించింది. దాంతో బాధితుడు యాప్ ఒపెన్ చేసి.. డ‌బ్బులు చెల్లించ‌డానికి పిన్ నంబ‌ర్ ఎంట‌ర్ చేయ‌గా.. అత‌డి అకౌంట్ నుంచి 1,50,009 రూపాయ‌లు డిడ‌క్ట్ అయిన‌ట్లు మెసేజ్ వ‌చ్చింది. వెంట‌నే ఆ వ్య‌క్తి ఆల‌స్యం చేయ‌కుండ సైబ‌ర్ క్రైం టీమ్‌ను సంప్ర‌దించాడు.  వారు అత‌డి నంబ‌ర్‌కు వ‌చ్చిన బ్యాంక్ మెసేజ్‌ను వెరిఫై చేసుకుని.. నిందితుల అకౌంట్‌కి డ‌బ్బులు క్రెడిట్ కాకుండా ఫ్రీజ్ చేయ‌గ‌లిగారు. ఈ సంద‌ర్బంగా సైబ‌ర్ క్రైం టీం అధికారు ఒక‌రు మాట్లాడుతూ.. "స‌ద‌రు ఈ కామ‌ర్స్ సంస్థ పంపిన యాప్ ఒక రిమోట్ డివైజ్‌కు అయి ఉంటుంది. ఒక్కసారి యాప్ ఒపెన్ చేశామంటే మ‌న ఫోన్ కంట్రోల్ మొత్తం సైబ‌ర్ కేటుగాళ్ల చేతిలోకి వెళ్లిపోతుంది. ఇక వారు అకౌంట్‌లో ఉన్న కాడికి ట్రాన్స్‌ఫ‌ర్ చేసుకుంటారు. అయితే బాధితుడు వెంట‌నే మ‌మ్మ‌ల్ని సంప్ర‌దించ‌డంతో.. డ‌బ్బులు న‌ష్ట‌పోకుండా చూడ‌గ‌లిగాం. వారాల వ్య‌వ‌ధిలో డ‌బ్బులు అత‌డి అకౌంట్‌లోకి వ‌స్తాయి" అని తెలిపారు.  చ‌ద‌వండి: కుక్కకు ఉద్యోగం.. నెలకు 15 లక్షల జీతం! కాపాడుకోగ‌లిగాడు కి

అసలే కరోనా దెబ్బకు జాబులు పోయి.. జీతాలు తగ్గిపోయి.. ఇంక్రిమెంట్లు రాక ఇబ్బందులు పడుతున్న మనలాంటోళ్లు.. ఈ జాబ్‌ ఆఫర్‌ వింటే.. పైనన్న మాట నిజమేనని ఒప్పుకోవాల్సిందే..  ఎందుకంటే.. తాజాగా ఓ బీరు కంపెనీలో చీఫ్‌ టేస్టింగ్‌ ఆఫీసర్‌ జాబును భర్తీ చేసేందుకు నోటిఫికేషన్‌ ఇచ్చింది. నెలకు దాదాపు రూ.15 లక్షల జీతం. రూ.60 వేల విలువైన హెల్త్‌ ఇన్సూరెన్స్‌. ఇలా చాలా బెనిఫిట్స్‌. ఇంతకీ ఎవరికి? శునకాలకు!! అవును.. వాటికే.. అవి చేయాల్సిందల్లా.. బీరును రుచి చూడటంతోపాటు, సంస్థ అంబాసిడర్‌గా వ్యవహరించాల్సి ఉంటుంది.  ఇంకా అర్థం కాలేదా.. బీరుకు.. వాటికి ఏం సంబంధమని..? అమెరికాలోని బుష్‌ కంపెనీ కేవలం కుక్కల కోసం జంతువుల ఎముకలతో ప్రత్యేకమైన బీరు తయారు చేస్తుంటుంది. ఈ ఆల్కహాల్‌ రహిత బీరును రుచి చూసేందుకు మాంచి ఘ్రాణ శక్తి ఉండి.. రుచి చూడటంలో దిట్ట అయిన కుక్క కావాలి. అందుకే ఎవరైనా తమ పెంపుడు కుక్కలను ఈ జాబ్‌లో జాయిన్‌ చేసేందుకు దరఖాస్తు చేసుకోవాల్సిందిగా కంపెనీ పేపర్‌లో ప్రకటన ఇచ్చింది. అదండీ సంగతి..   ఇక్కడ చదవండి: వైరల్‌: చలి చీమ చేతలకు పాము గిలగిల ఏలియ‌న్స్ నిజంగానే ఉన్నారా?

సాక్షి, న్యూఢిల్లీ: దేశంలో కరోనా వైరస్‌ విజృంభిస్తోంది. సెకండ్‌ వేవ్‌లో పలురాష్ట్రాల్లో శరవేగంగా విస్తరిస్తోంది. రోజువారీ వరుసగా లక్షకేసులకు తగ్గడం లేదు. అటు మరణాల సంఖ్య పెరుగుతోంది. అయినా కరోనా టీకాపై ప్రజల ఆసక్తి అంతంతమాత్రంగానే కనిపిస్తోంది. ఈ నేపథ్యంలో టీకా వేయించుకున్న వారికి వినూత్న ఆఫర్‌తో ముందుకొచ్చిందో రెస్టారెంట్. బిజినెస్ ఇన్‌సైడర్ సమాచారం ప్రకారం, గుర్గావ్ గోల్డ్ రోడ్‌లోని రెస్టారెంట్ టీకా స్వీకరించిన తరువాత ఆ టీకా కార్డు చూపిస్తే ఉచిత బీరును ఆఫర్‌  చేస్తోంది.  ఢిల్లీకి సరిహద్దున ఉన్న హార్యానాలోని గుర్గావ్‌లోని ఇండియన్ గ్రిల్ రూమ్ రెస్టారెంట్ యాజమాన్యం మందుబాబులకు ఈ  ఆఫర్‌ ప్రకటించింది. కరోనా టీకా వేయించుకొని, సంబంధిత  కార్డును చూపిన వారికి బీర్ ఉచితంగా ఇస్తామని తెలిపింది. ఏప్రిల్ 5, 2021 న ప్రారంభమైన ఈ ఆఫర్ కేవలం వారం వరకు మాత్రమే  కొనసాగుతుందని వెల్లడించింది. టీకాలు వేయించుకునేలా ప్రజలను  ప్రోత్సహించే ఉద్దేశంతో టీకా లగావో, బీర్‌ లేజావో అంటోంది.  ‘ఇండియన్ గ్రిల్ రూమ్‌తో  టీకా వేసుకున్న సంతోషాన్ని పంచుకోండి' అంటూ కొత్త ప్రచారాన్ని ప్రారంభించింది. గత వారం, గుజరాత్ రాజ్‌కోట్‌లోని స్వర్ణకారుల సంఘం టీకా తీసుకున్న మహిళలకు బంగారంతో చేసిన ముక్కు పుడకలను, పురుషులకు హ్యాండ్ బ్లెండర్‌లను అందించింది.అలాగే  జాన్ విజన్ సంస్థ ఉచితంగా ఆహారం అందించింది. అల్పాహారం, లంచ్‌, రాత్రి భోజనం అందిస్తున్నాం కాబట్టి టీకా తీసుకున్న వారు ఇంటికి వెళ్ళిన తర్వాత పని చేయాల్సిన అవసరం లేదనీ, వారు విశ్రాంతి తీసుకోవచ్చుని విజన్‌ యాజమాన్యం ప్రకటించిన సంగతి తెలిసిందే. (కరోనా సెకండ్‌ వేవ్‌ : బ్యాంకులకు చిక్కులు) అయితే కరోనా టీకా తీసుకున్నాక మద్యం విషయంలో చాలా జాగ్రత్తగా ఉండాలని ఇప్పటికే వైద్యులు హెచ్చరించారు.  వ్యాక్సిన్‌ తీసుకున్న తరువాత అల్కహాల్‌ వంటివి తీసుకుంటే.. వారిలో కరోనా ఇమ్యూనిటీ సమర్థవంతంగా పనిచేయదని సూచించారు.  మరోవైపు కోవిడ్-19 వ్యాక్సిన్ తీసుకున్న తర్వాత 45 రోజుల వరకు తప్పనిసరిగా వీటికి దూరంగా ఉండాలని రష్యాకు చెందిన అడ్వైజరీ ఇటీవల ఒక ప్రకటన  జారీ చేసింది. అయితే దీనిపై భిన్న అభిప్రాయాలున్నప్పటికీ, వ్యాక్సిన్‌ తీసుకున్నవారికి మద్యం ఆఫర్‌ చేయడంపై మాత్రం సామాన్యులనుంచి  విమర్శలొస్తున్నాయి. 

గాంధీనగర్‌: ఎన్నారై సంబంధం అంటే చాలు.. ఎగిరి గంతేసి.. ఎలాంటి ఆరాలు తీయకుండా భారీగా కట్నకానుకలు సమర్పించుకుని.. ఆనక వారి చేతిలో మోసపోయి కోర్టు మెట్లు ఎక్కేవారు ఇప్పటికి చాలా మంది ఉన్నారు మన సమాజంలో. తాజాగా ఈ కోవకు చెందిన కేసు ఒకటి గుజరాత్‌లో వెలుగు చూసింది. ఎన్నారై భర్త అదనపు కట్నం కోసం వేధిస్తూ.. తనతో సఖ్యంగా ఉండటం లేదని.. పైగా ఏడాదిగా తనతో శృంగారం జరపలేదని.. అంతటితో ఊరుకోక తన బిడ్డ చేత బీర్‌ తాగిస్తూ సైకోలా ప్రవర్తిస్తున్నాడని.. తనకు న్యాయం చేయాలని కోరుతూ ఓ మహిళ గుజరాత్‌ పోలీసులను ఆశ్రయించింది. ఆ వివరాలు.. సదరు మహిళకు 2016లో వివాహం అయ్యింది. ఏడాది తర్వాత భర్తతో కలిసి ఆమె దుబాయ్‌కు వెళ్లింది. ఇండియాలో ఉన్నన్ని రోజులు తనను బాగానే చూసుకున్న భర్త దుబాయ్‌ వెళ్లిన నాటి నుంచి హింసించడం ప్రారంభించాడు. దుబాయ్‌ వెళ్లాక అతడిలోని సైకో బయటకు వచ్చాడు. అదనపు కట్నం తేవాల్సిందిగా  బాధితురాలిని వేధింపులకు గురి చేసేవాడు. ప్రతి రోజు తాగి నరకం చూపించేవాడు. అతంటితో ఊరుకోక భార్య చేత బలవంతంగా బీర్‌ తాగించేందుకు ప్రయత్నించేవాడు. ఎంత సైకోలా ప్రవర్తించేవాడంటే రెండేళ్ల తన కుమార్తె చేత బీర్‌ తాగించేవాడు. ఇక ఏడాదిగా భార్యతో శృంగారానికి కూడా దూరంగా ఉంటున్నాడు. తాను అడిగినంత కట్నం ఇస్తేనే కాపురం అని తేల్చి చెప్పాడు. ఇక బిడ్డకు, బాధితురాలికి ఆరోగ్యం బాగాలేకపోయినా పట్టించుకునేవాడు కాదు. ఆస్పత్రికి తీసుకెళ్లడం.. మందులిప్పించడం వంటివి చేసేవాడు కాదు. ఈ క్రమంలో ఈ ఏడాది మార్చిలో భర్తతో కలిసి ఇండియాకు వచ్చింది బాధితురాలు. భర్త ఆమెను తన పుట్టింట్లో వదిలేసి దుబాయ్‌ చెక్కెశాడు. అతడి చేష్టలతో విసిగిపోయిన మహిళ అహ్మదాబాద్‌ పోలీస్‌ స్టేషన్‌లో అతడిపై ఫిర్యాదు చేసింది.  చదవండి: ‘దృశ్యం’ సీన్‌: పోలీస్‌స్టేషన్‌లో అస్థిపంజరం

న్యూఢిల్లీ: యువత తమ భావోద్వేగాలను వ్యక్త పరిచేందుకు స్నేహితులతో కలిసి అప్పుడప్పుడు బీర్‌ను సేవిస్తుంటారు. గతంలో యువత బీర్‌లో కొంత ఆల్క్‌హాల్‌ శాతం ఉన్న పట్టించుకునే వారు కాదు. కానీ ప్రస్తుత యువత వైఖరిలో మార్పు వచ్చింది. ఈ నేపథ్యంలో ఆరోగ్యానికి హానీ కలిగించే ఆల్కహాల్‌ కలిగిన బీర్‌కు  యువత దూరంగా ఉండాలని భావిస్తున్నారు. అయితే బీర్‌ అంటే విపరీతంగా ఇష్టపడేవారు సైతం ఆల్కహోల్‌ శాతం లేని బీర్‌ను ఇష్టపడుతున్నారు. కొంత మంది తక్కువ ఆల్కహాల్‌ శాతమున్న బీర్‌నైనా ఓకే అంటున్నారు. ఇప్పటికీ దేశంలో 85 శాతం ఆల్కహాల్‌ బీర్లనే సేవిస్తున్నారు. కాగా దేశంలోని అనేక బీర్‌ కంపెనీలు (యునైటెడ్‌ బెవరేజ్‌, అన్‌హిసర్‌ ఇన్‌బెవ్‌) నాన్‌ ఆల్క్‌హాల్‌, ఆల్క్‌హాల్‌ కలిగిన బీర్లకు ప్రాధాన్యత ఇస్తున్నారు. కాగా దేశంలోని బీర్‌ వినియోగంపై మింటెల్ సంస్థ సర్వే నిర్వహించింది. అయితే గత ఆరు నెలల్లో బీర్‌ వినియోగించిన 25 ఏళ్ల పైబడిన 1,655 మంది దేశీయ ఇంటర్నెట్ వినియోగదారులను మింటెల్ సర్వే చేసింది. తమ సర్వేలో 25నుంచి 34ఏళ్ల యువత పాల్గొన్నారు. కాగా తక్కువ ఆల్కహాల్‌ శాతం లేదా పూర్తిగా ఆల్కహాల్‌ శాతం లేని బీర్లవైపే 40శాతం యువత మొగ్గు చూపినట్లు సర్వే పేర్కొంది. (చదవండి: థియేటర్‌లో బీరు, బ్రీజర్‌ ఓకేనా: నాగ్‌ అశ్విన్‌)

మాడ్గుల: మాడ్గుల మండల కేంద్రంలోని ఓ వైన్స్‌లో కాలం చెల్లిన బీర్ల అమ్మకాలు జోరుగా సాగుతున్నాయి. కాలం చెల్లిన బీర్లను వైన్స్‌ యజమాన్యం ఒక్కో బీరు ఎంఆర్‌పీ ధర కంటే రూ.10తో అధిక ధరలకు బెల్ట్‌ షాపుల నిర్వాహకులకు విక్రయిస్తున్నారు. సదరు బెల్టు షాపుల నిర్వాహకులు ఒక్కో బీరును మరో రూ.20 కలిపి అధిక ధరకు మద్యం ప్రియులకు అంటకడుతున్నారు. కాగా మండంలలోని పెద్దమాడ్గుల, నర్సాయిపల్లి, మాడ్గులకు చెందిన వారు మంగళవారం స్థానికంగా ఉన్న బెల్టు షాపుల వద్ద బీర్లు కొనుగోలు చేశారు. వారు కొనుగోలు చేసిన బీర్లు కాలం చెల్లిపోవడంతో వినియోగదారులు బెల్టుషాపు నిర్వాహకులను ప్రశ్నించగా వైన్స్‌లో ఇచ్చిందే తెచ్చామని సమాధానం ఇచ్చారు. కొనుగోలుదారులు సరాసరి మాడ్గులలోని ఓ వైన్స్‌కు వచ్చి బీర్లు కొనుగోలు చేశారు. ఆ బీర్లు గతేడాది డిసెంబర్‌ 28వ తేదీ నుంచి ఈ ఏడాది జూన్‌ 24వరకు వినియోగించాల్సి ఉంది. ఈ విషయమై సదరు కొనుగోలుదారులు వైన్స్‌షాపు యజమానిని నిలదీయగా వేరేది ఇస్తాం.. అంటూ కొనుగోలుదారులతో వాగ్వాదానికి దిగారు. బీర్ల కాలపరిమితి దాటి సుమారు 2 నెలలు కావస్తున్నా వైన్స్‌షాపు యజమాన్యం ప్రజలకు అంటగడుతూ సొమ్ము చేసుకుంటున్నారని ప్రజలు ఆరోపిస్తున్నారు. ఈ విషయమై కొనుగోలుదారులు ఫోన్‌లో ఎౖMð్సజ్‌ అధికారులకు ఫిర్యాదు చేశారు.  కాలంచెల్లిన మద్యం సీజ్‌ చేశాం......  వినియోగదారుల నుంచి అందిన సమాచారం మేరకు మంగళవారం వైన్స్‌ను తనిఖీ చేశాం. కాలం చెల్లిన బీర్లను సీజ్‌ చేశాం. విషయం ఉన్నతాధికారులకు నివేదిక అందజేస్తాం. కాలం చెల్లిన బీర్లను ల్యాబ్‌కు పంపించి నివేదిక వచ్చిన తర్వాత సదరు వైన్స్‌షాపు యాజమాన్యంపై చర్యలు తీసుకుంటామని ఆమనగల్లు ఎక్సైజ్‌ శాఖ సీఐ వేణుకుమార్‌ తెలిపారు.  

బీజింగ్‌: మీరు అదే పనిగా ఎత్తిన బాటిల్‌ దించకుండా బీర్లు తాగుతున్నారా? ఒకటి, రెండు కాదు ఏకంగా 10, 12 తాగుతూ మత్తులో ఏం చేస్తున్నారో అర్థం కానీ స్థితిలోకి వెళ్తున్నారా? ఏది మర్చిపోయినా సరే బీర్‌ కానీ లేదా ద్రవ పదార్థాలు ఏవైనా తీసుకున్నప్పుడు మూత్ర విసర్జన చేయడం మాత్రం మర్చిపోకండి. ఎందుకంటే చైనాలో ఒక వ్యక్తి పది బీర్లకు పైగా తాగి మత్తులో మూత్ర విసర్జన చేయకుండా నిద్రపోయాడు. ఉదయం లేచే సరికి అతడి  మూత్రాశయం పగిలి తీవ్ర అస్వస్థతకు గురయ్యాడు. (అబ్రకదబ్ర.. సెలబ్రిటీ అయిపోయింది!) చైనాకు చెందిన హూ(40) ఒక రోజు రాత్రి బార్‌లో 10 బీర్లకు పైగా తాగేసి ఆ మత్తులో మూత్రం పోయకుండానే 18 గంటల పాటు నిద్రపోయాడు. నిద్రలేవగానే అతనికి తీవ్రమైన నొప్పి రావడంతో అతనిని వెంటనే ఆసుపత్రికి తరలించారు. అతనిని పరీక్షించిన వైద్యులు హూ మూత్రాశయం మూడు చోట్ల పగిలి ద్రవం అతని కడుపులోకి చేరి నొప్పి వచ్చిందని తెలిపారు. సరైన సమయంలో ఆసుపత్రికి తీసుకురావడంతో అతని ప్రాణాలు కాపాడగలిగామని చెప్పారు. ఈ విషయం పై డాక్టర్‌ మాట్లాడుతూ, మనం ఏం తాగినా అది మూత్రాశయంలోకి చేరుతుందని, అది నిండగానే మూత్రం పోయాలన్నా సం‍కేతాలు వస్తాయన్నారు.  మత్తులో ఉన్న కారణంగా మెదడు నుంచి సంకేతాలు రాకపోవడంతో హూ అలాగే నిద్రపోవడంతో ఇలా జరిగిందని తెలిపారు. ఎంత నీరు తాగితే దానికి తగ్గట్టుగా మూత్రవిసర్జన చేయాలని తెలిపారు. ('ఇది త‌యారు చేసినవాడిని చంపేస్తా’)       

న్యూఢిల్లీ: నీళ్ల‌లో ఉండే చేప‌లు ఏం తాగుతాయి‌? అన‌గానే ఉప్పు నీటిలో నివ‌సించే చేప‌లు నీళ్లు తాగుతాయి, మంచి నీటిలో ఉండే చేప‌లు నీళ్లు తాగ‌వు అని ‌సైన్స్ స్టూడెంట్స్ చ‌టుక్కున స‌మాధాన‌మిస్తారు. కానీ ఇక్క‌డో చేప మాత్రం నీళ్లు కాకుండా బీరు తాగుతోంది. దీని తాలూకు వీడియోను అట‌వీ అధికారి సుశాంత్ నందా సోష‌ల్ మీడియాలో షేర్ చేయ‌గా చ‌క్క‌ర్లు కొడుతోంది. అయితే చేప బీరు తాగ‌డ‌మేంట‌ని నెటిజ‌న్లు అవాక్క‌వుతున్నారు. (కోబ్రాతో ఫైట్‌: కోతి పోరాటానికి ఫిదా!) స‌ముద్రంలో ఓ వ్య‌క్తి షికారుకెళ్లాడు. ఈ క్ర‌మంలో ఓ చేప ఏదో ప‌సిగ‌ట్టిన‌దానిలా వెంట‌నే అత‌ని ప‌డ‌వ‌పై వ‌చ్చి కూర్చుంది. దీంతో అత‌ను వ‌చ్చింది నా ఫ్రెండే అన్న‌ట్లుగా దానికి బీరు ప‌ట్టించాడు. బీరు సీసా ముందు పెట్ట‌గానే చేప కూడా ఆత్రంగా గుటుక్కుమంటూ తాగింది. దీన్ని చూసిన నెటిజ‌న్లకు ఇప్పుడో ప్ర‌శ్న అంతుచిక్క‌డం లేదు. "చేప‌కు బీరు మంచిదేనా? కాదా?" అని నెట్టింట‌ వాదులాడుకుంటున్నారు. "ఇంత‌కీ బీరు పుచ్చుకుంటున్న ఈ చేప పేరేంటి చెప్మా?" అని మ‌రికొంద‌రు దాని వివ‌రాల‌కోసం ఆరా తీస్తున్నారు. (ఈ చేపలను తింటే ప్రాణాలు పోతాయ్‌)

వాషింగ్ట‌న్ : చిన్నా, పెద్దా తేడా లేకుండా అంద‌రినీ క‌రోనా క‌బ‌ళిస్తుంటే 103 ఏళ్ల బామ్మ మాత్రం మృత్యువు అంచుల దాకా వెళ్లి పూర్తిగా కోలుకుంది. కోలుకున్న శుభ సందర్భంగా ఆసుప‌త్రిలోనే చిల్డ్ బీర్స్‌తో సెల‌బ్రేట్ కూడా చేసుకుంది. అమెరికాలోని మ‌సాచూసెట్స్ న‌గ‌రానికి చెందిన స్టెజ్నా మే నెలలో క‌రోనా బారిన‌ ప‌డింది. అందులోనూ వృద్ధురాలు కావడంతో అప్ప‌టికే ఆమె ప‌రిస్థితి విష‌మించింది. దీంతో స్టెజ్నాపై కుటుంబ‌ స‌భ్యులు ఆశలు వదులుకున్నారు. దీంతో ఆమె చివ‌రి కోరిక‌లు ఏమైనా ఉంటే తీర్చేద్దాం అనుకున్నారు. కానీ అనూహ్యంగా స్టెజ్నా క‌రోనా నుంచి కోలుకుంది. చావు వరకూ వెళ్లిన బామ్మ తిరిగి సంపూర్ణ ఆరోగ్యంతో కోలుకోవ‌డంతో వారి కుటుంబంలో ఆనందానికి అవ‌ధుల్లేవు. కోలుకున్న బామ్మ కూడా చిల్డ్ బీర్‌తో సెల‌బ్రేట్  చేసుకుంది. ఈ విష‌యాన్ని ఆమె మ‌నువ‌రాలు షెల్లీ గ‌న్ సోష‌ల మీడియాలో షేర్ చేయ‌డంతో ఇది కాస్తా వైర‌ల్ అయ్యింది. దీంతో ప‌లు ప‌త్రిక‌లు ఈ విష‌యాన్ని హైలైట్ చేస్తూ ప్ర‌చురించాయి. (ట్విట్టర్‌ను మూసేస్తా : ట్రంప్‌ ) ఈ సంద‌ర్భంగా షెల్లీ మ‌ట్లాడుతూ, ‘మా బామ్మ త‌న జీవిత కాలంలో మా కోసం చాలా క‌ష్ట‌ప‌డింది. ఈ వ‌య‌సులో ఆమె క‌రోనాకు గురి కావ‌డంతో మేం చాలా ఆందోళ‌నకు గుర‌య్యాం. అంతేకాకుండా ఆమె పరిస్థితి కూడా విష‌మించ‌డంతో ఆశ‌లు వ‌దులుకున్నాం. చివ‌రి కోరిక‌లు ఏమైనా ఉంటే తీర్చేద్దాం అనుకున్నాం. కానీ బామ్మ కోవిడ్‌ను జ‌యించింది. సంపూర్ణ ఆరోగ్యంగా ఉంది. ఈ విష‌యాన్ని మేమే న‌మ్మ‌లేక‌పోతున్నాం. అంటూ ఆనందం వ్య‌క్తం చేసింది'’ అంతేకాకుండా 103 ఏళ్ల వ‌య‌సులోనూ క‌రోనా వైరస్‌ను తట్టుకుని కోలుకోవడంతో ఈ ఆనందాన్ని సెల‌బ్రేట్ చేసుకునేందుకు ఆస్ప‌త్రి సిబ్బందే ఆమెకు చిల్డ్ బీర్ అందించారు. అది చూడ‌గానే బామ్మ మ‌రింత సంతోషంతో బీర్‌ను ఎంజాయ్ చేసింది అంటూ షెల్లీ పేర్కొంది. (ఎన్ ‌95 మాస్క్‌ల పేరుతో భారీ మోసం ) 

లాక్‌డౌన్‌ నేపథ్యంలో ప్రస్తుతం దేశవ్యాప్తంగా థియేటర్లు మూతపడిన సంగతి తెలిసిందే. ఇప్పటికే చాలా సినిమాల విడుదల ఆగిపోయింది. థియేటర్లు ఇప్పట్లో తెరుచుకోవు.. ఒకవేళ తెరుచుకున్నా వెంటనే ప్రేక్షకులతో కళకళలాడతాయనుకోవడం భ్రమ అంటున్నారు సినీ విశ్లేషకులు. ఈ క్రమంలో ఇప్పటికే ప్రేక్షకులు నెమ్మదిగా ఓటీటీలవైపు మొగ్గు చూపుతున్నారు. ఈ నేపథ్యంలో థియేటర్లకు వచ్చే జనాల సంఖ్య పెంచడం కోసం దర్శకుడు నాగ్‌ అశ్విన్‌ ఓ ఐడియా చెప్తున్నారు. అయితే ఇది మంచి ఆలోచన, కాదా చెప్పాలంటూ నెటిజన్లను కోరారు.(2 వేల కోట్ల రూపాయల బీరు వృధా!) ‘ఒకసారి నేను, సురేష్‌ బాబు గారు, రానా  థియేటర్లకు వచ్చే జనాల సంఖ్య పెరగాలంటే ఏం చేయాలి అని చర్చించుకున్నాం. విదేశాల్లో మాదిరిగానే మన దగ్గర కూడా థియేటర్లలో బీర్‌, వైన్‌, బ్రీజర్‌ అందించేందుకు లైసెన్స్‌ ఇస్తే ఎలా ఉంటుంది.. వ్యాపారం మెరుగుపడుతుందా అని చర్చించుకున్నాం. ఇంతకు నా ఆలోచన మంచిదా, చెడ్డదా చెప్పండి’ అంటూ నాగ్‌ అశ్విన్‌ ట్వీట్‌ చేశారు. దీనిపై నెటిజన్లు వెంటనే స్పందించారు. కొందరు దీనికి మద్దతు తెలపగా.. మరి కొందరు మాత్రం ఇలా చేస్తే.. ఫ్యామిలీ ఆడియెన్స్‌ థియేటర్లకు దూరమవుతారు అని రీట్వీట్‌ చేశారు.(పేరు చెడగొట్టకూడదనుకున్నాను) Once In a talk with suresh babu garu and rana, it came up what if theaters get license to serve beer/breezer/wine, like in other countries..could it increase footfalls...could it save the theater business (which does need saving)...wat do you think? Good idea, bad idea? — Nag Ashwin (@nagashwin7) May 15, 2020

సాక్షి, న్యూఢిల్లీ : ప్రాణాంతక కరోనా వైరస్‌ను కట్టడి చేయడం కోసం విధించిన లాక్‌డౌన్‌లో భాగంగా బ్రిటన్‌లోని పబ్‌లన్నింటిని మూసివేయడం జరిగింది. దీంతో దాదాపు రూ. 7 కోట్ల పింట్ల బీరు వృధా అవుతోంది. మార్చి 20వ తేదీన మూతపడిన పబ్‌లు జూలై నాలుగవ తేదీన తెరచుకోనున్నాయి. ఈ కారణంగా పబ్స్‌లో రూ. 7 కోట్ల పింట్ల బీరు నిల్వ ఉండి పోయిందని, అవి తెరచుకునే నాటికి బీరు ఎందుకు పనికి రాదని బ్రిటన్‌ బీర్‌ అండ్‌ పబ్‌ అసోసియేషన్‌ తెలిపింది. (కరోనాకు ‘క్యూర్‌’ ఉందన్న శాస్త్రవేత్తలు) అయితే మిగిలి పోయిన బీరులో కొంత భాగాన్ని సేంద్రీయ వ్యవసాయంలో ఎరువుల కోసం, జంతువుల దాణ కోసం ఉపయోగించవచ్చని అసోసియేషన్‌ చీఫ్‌ ఎమ్మా మార్క్‌క్లార్కిన్‌ తెలిపారు. కరోనా కారణంగా దెబ్బతిన్న వ్యవసాయాన్ని ఈ రకంగా ఆదుకునేందుకు బీరు ఉపయోగపడడం సంతోషకరమైనప్పటికీ పబ్‌లకు బారీ నష్టం వాటిల్లుతోందని ఆయన ఆందోళన వ్యక్తం చేశారు. దీంతో బీరు తయారీ కేంద్రాలను, పబ్‌లను కొంత మేరకైనా ప్రభుత్వం ఆదుకోవాలని ఆయన విజ్ఞప్తి చేశారు. రూ. 7 కోట్ల పింట్ల బీరు విలువ బ్రిటన్‌లో దాదాపు రెండు వేల కోట్ల రూపాయలు ఉంటుంది. (మనమే మాయం చేశాం..సిగ్గుతో తలదించుకోవాలి!) 

ఒంగోలు: వేసవి వచ్చిందంటే చాలు.. బీరు బాటిళ్ల గలగలలు వినిపిస్తుంటాయి. ఒక్కో సందర్భంలో లిక్కర్‌ కంటే బీర్లే అధికంగా అమ్ముడవుతాయి. ఈ ఏడాది మాత్రం బీరు విక్రయాలు పూర్తిగా తగ్గుముఖం పట్టాయి. గత నాలుగేళ్లలో మే నెల 8 నుంచి 13వ తేదీ వరకు జరిగిన విక్రయాలను పరిశీలిస్తే 2017లో కనిష్టంగా రోజుకు 2,037 కేసులు, గరిష్టంగా 4,625 కేసుల బీర్లు విక్రయించారు. 2018లో కనిష్టంగా 2,073 కేసులు, గరిష్టంగా 6,591 కేసులు, 2019లో కనిష్టంగా 1,553 కేసులు, గరిష్టంగా 5,397 కేసులు అమ్ముడయ్యాయి. ఈ నెల 8న లాక్‌డౌన్‌ మినహాయింపులతో మార్కాపురం(ప్రకాశం 2) మద్యం డిపో ప్రారంభమైంది. మొత్తం ఐదు రోజులపాటు విక్రయాలు జరిగితే అమ్ముడైన బీరు కేసుల సంఖ్య 3,234 మాత్రమే. ఇక ఒంగోలు మద్యం డిపో ఈ నెల 11న ప్రారంభమైంది. అప్పటి నుంచి 13వ తేదీ వరకు కేవలం 695 కేసుల బీరు అమ్ముడైంది. ధరల పెంపు కారణంగా ప్రజలు మద్యానికి దూరం అవుతున్నారని, బీర్ల విక్రయాలపై ధరల పెంపు ప్రభావం ఎక్కువుగా కనిపిస్తోందని ఎక్సైజ్‌ అధికారులు పేర్కొంటున్నారు. లిక్కర్‌ విక్రయాలు కూడా క్రమేపీ తగ్గుతున్నాయని వారు పేర్కొనడంగమనార్హం. 

మద్యం దుకాణాలు తిరిగి తెరుచుకోవడంతో మద్యంప్రియులు బారులు తీరుతున్నారు. గతంలో ఎప్పుడూ లేనివిధంగా ఉమ్మడి మహబూబ్‌నగర్‌ జిల్లావ్యాప్తంగా 16శాతం ధరలు పెంచినా రికార్డు స్థాయిలో అమ్మకాలు జరుగుతున్నాయి. కరోనా వైరస్‌ కట్టడి నేపథ్యంలో ప్రభుత్వం మద్యం అమ్మకాల సమయాన్ని కుదించింది. ఉదయం పది నుంచి సాయంత్రం ఆరు గంటల వరకు మాత్రమే తెరిచి ఉంటున్నాయి. ఎక్కడా ధరల పట్టిక ఉండటంలేదు. సమయం దాటిన తర్వాత చాలా చోట్ల రహస్యంగా అమ్ముతున్నా ఎవరూ పట్టించుకోవడం లేదు.   మహబూబ్‌నగర్‌ క్రైం: ఉమ్మడి జిల్లాలో ఏటా మద్యం అమ్మకాలు పెరుగుతూ వస్తున్నాయి. అయితే ఈ ఏడాది కరోనా వైరస్‌ నేపథ్యంలో మార్చి 23నుంచి మే 5వరకు మద్యం దుకాణాలు దాదాపు 45 రోజుల పాటు మూతపడి ఉండటంతో డిమాండ్‌ మ రింత పెరిగింది. ఈ క్రమంలో రాష్ట్ర ప్రభుత్వం ఈ నెల 6 నుంచి మద్యం దుకాణాలు తెరుచుకోవడా నికి అనుమతి ఇవ్వగా మద్యం అమ్మకాలు గణనీయంగా పెరిగాయి. నాలుగు రోజుల వ్యవధిలోనే రూ.42.36కోట్ల విలువజేసే మద్యం రెండు డిపోల నుంచి వైన్‌షాపులకు తరలించారు. దీనిని బట్టి చూ స్తే రికార్డు స్థాయిలో లిక్కర్‌ విక్రయాలు జరుగుతున్నట్టు తెలుస్తోంది. తిమ్మాజిపేట డిపో నుంచి మహబూబ్‌నగర్, నాగర్‌కర్నూల్‌ జిల్లాలకు కలిపి రూ. 22.15కోట్ల లిక్కర్‌ను, రూ.3.26కోట్ల విలువజేసే బీ ర్లను మద్యం దుకాణాలకు తరలించారు. అలాగే వ నపర్తి, గద్వాల, నారాయణపేట జిల్లాలకు కలిపి కొ త్తకోట డిపో నుంచి రూ.16.95కోట్ల విలువజేసే మ ద్యం వ్యాపారులు తమ దుకాణాలకు తీసుకెళ్లారు. నిబంధనలు హుష్‌కాకి! ప్రభుత్వ ఉత్తర్వుల ప్రకారం ప్రతి మద్యం షాపు వద్ద పెరిగిన మద్యం ధరల పట్టిక విధిగా ఉండాలి. ఏ బ్రాండు మద్యం ఎంతకు విక్రయిస్తున్నారో ధరల పట్టికలో సూచించాల్సి ఉన్నా ఈ నిబంధన అనేక చోట్ల అమలుకు నోచుకోవడం లేదు. ఫలితంగా ఒక్కో క్వార్టర్‌ మద్యంపై కనీసం రూ.పది నుంచి రూ.15 వరకు అదనంగా వసూలు చేస్తున్నా అధికారులు పట్టించుకున్న దాఖలాలు లేవు. ప్రతి బీరుపై ఎంఆర్‌పీ కన్నా రూ.పదికి అదనంగా విక్రయిస్తున్నారు. దీంతో ప్రతినెలా మద్యంప్రియుల జేబుకు చిల్లు పడుతోంది. అలాగే ఖరీదైన మద్యం బ్రాండ్లపై క్వార్టర్‌కు రూ.30 చొప్పన అదనంగా విక్రయిస్తున్నారు.  బీర్లకు డిమాండ్‌ అప్పుడే వేసవి తాపం మొదలైంది. ఎన్నడూ లేనంత ఉష్ణోగ్రతలు ఈ ఏడాది నమోదువుతుండటంతో మద్యంప్రియులు బీర్ల వైపు మొగ్గు చూపుతున్నారు. దీంతో వీటి అమ్మకాలు బాగా పెరిగాయి. ముఖ్యంగా పది రోజుల నుంచి ఉమ్మడి జిల్లాలో ఉష్ణోగ్రతలు అమాంతం పెరగడంతో బీర్లకు డిమాండ్‌ పెరిగింది. ఎండలను బట్టి జూన్, జూలైలోనూ ఈ అమ్మకాలు తారస్థాయిలోనే ఉంటాయి. పెరిగిన అదనపు ఆదాయం   మద్యం ధరలను పెంచుతూ ప్రభుత్వం తీసుకున్న నిర్ణయంతో ఉమ్మడి మహబూబ్‌నగర్‌ జిల్లా నుంచి భారీగా అదనపు ఆదాయం సమకూరునుంది. చీప్‌ లిక్కర్‌పై 11శాతం, బ్రాండెడ్‌ మద్యంపై 16శాతం వరకు ధరలను పెంచుతున్నట్లు ప్రభుత్వం ప్రకటించిన విషయం విదితమే. ఈ మేరకు మద్యంప్రియులపై భారం పడింది. ఉమ్మడి జిల్లాలో మద్యం దుకాణాలు 164, బార్లు 30 ఉన్నాయి. కరోనా ప్రభావంతో మూతపడిన మద్యం దుకాణాలను తెరిచేందుకు అనుమతినిస్తూనే ధరలను సైతం పెంచుతున్నట్టు సీఎం కేసీఆర్‌ ప్రకటించారు. ఒక్కో చిన్న బీరుపై రూ.20, పెద్ద బీర్లపై రూ.30 పెంచారు. ఈ లెక్కన చూస్తే ప్రభుత్వానికి ఏటా సుమారు రూ.200కోట్ల ఆదాయం పెరగనుంది. అధిక ధరలకు విక్రయిస్తే కఠిన చర్యలు దుకాణాదారులు ఎమ్మార్పీ కంటే ఎక్కువ ధరకు మద్యం అమ్మితే కఠిన చర్యలు తీసుకుంటాం. అన్ని దుకాణాలకు ఎక్సైజ్‌ శాఖ నుంచే ధరల బోర్డులు తయారుచేసి అందజేశాం. నిర్వాహకులు వీటిని ఎక్కడికక్కడ ఏర్పాటు చేయాల్సిందే. సాయంత్రం ఆరు గంటల తర్వాత ఎక్కడా ఈ దుకాణాలు తెరవడం లేదు. డిపో నుంచి స్టాక్‌ వస్తే తప్ప ఆ సమయంలో తెరుచుకోవు.– అనిత, ఈఎస్, మహబూబ్‌నగర్

ముంబై: ‘లాక్‌డౌన్‌లో నేను ఉన్న ప్రాంతం(అలీబాగ్‌) తొలుత రెడ్‌జోన్‌లో ఉండేది. ఇప్పుడు ఆరెంజ్‌ జోన్‌ అయింది. కేంద్ర ప్రభుత్వం ఇచ్చిన లాక్‌డౌన్‌ సడలింపుల్లో భాగంగా మద్యం షాపులు తెరుచుకోగానే వెంటనే బీర్‌ తెచ్చుకుంటాను. చాలా మద్యం షాపుల దగ్గర భౌతిక దూరం పాటించడం లేదు. నేను మాత్రం తప్పకుండా భౌతిక దూరం పాటించడంతో పాటు మాస్క్‌ ధరించే షాప్‌కు వెళ్లి మద్యం తెచ్చుకుంటాను. ఇక నేను ఇద్దరితో కలిసి బీర్‌ తాగే అవకాశం ఉంటే కచ్చితంగా రోజర్‌ బిన్నీ, లక్షణ్‌ శివరామకృష్ణన్‌లతో కలిసి తాగుతాను’అని టీమిండియా ప్రధాన కోచ్‌ రవిశాస్త్రి పేర్కొన్నాడు.  ఇక ఆస్ట్రేలియా వేదికగా 1985లో జరిగిన వరల్డ్‌ ఛాంపియన్‌షిప్‌ ఫైనల్లో భాగంగా భారత్, పాకిస్థాన్ జట్ల మధ్య జరిగిన మ్యాచ్‌ను గుర్తుచేసుకున్నాడు. ఈ మ్యాచ్‌లో రవిశాస్త్రి హాఫ్‌ సెంచరీతో రాణించి జట్టు విజయంలో కీలకపాత్ర పోషించాడు. అయితే మ్యాచ్‌ సందర్భంగా తనను మియాందాద్‌ స్లెడ్జింగ్‌ చేశాడని తెలిపాడు. ‘పాకిస్థాన్‌ని ఆ మ్యాచ్‌లో ఓడించడం నాకు మరిచిపోలేని జ్ఞాపకం. నిజాయతీగా చెప్పాలంటే ప్లేయర్ ఆఫ్ ద టోర్నీగా నిలిచేందుకు మియాందాద్ చాలా ప్రయత్నించాడు. కానీ.. అతనికి ఆడీ(ప్లేయర్‌ ఆఫ్‌ ద టోర్నీ) కారు గెలుచుకునే అవకాశం దక్కలేదు’ అని రవిశాస్త్రి వెల్లడించాడు.  చదవండి: ‘ధోని, కోహ్లిలు వెన్నుపోటు పొడిచారు’ 'అందుకే రైనాను పక్కన పెట్టాం'

సాక్షి, హైదరాబాద్‌: లాక్‌డౌన్‌తో అమ్మకాల్లేకపోవడంతో రాష్ట్రంలో ఏకంగా కోటిన్నర లీటర్ల బీరు డ్రైనేజీపాలు కానుంది. ఎందుకంటే, బీరు తయారైన తేదీ నుంచి సుమారు ఆరు నెలల పాటు వినియోగించుకోవచ్చు. ఈ లెక్కన చూస్తే రాష్ట్రవ్యాప్తంగా బీర్లు తయారుచేసే బేవరేజెస్‌ సంస్థలు, ఎక్సైజ్‌ డిపోలు, వైన్‌షాపులు, బార్లలో సుమారు 20 లక్షల కాటన్ల బీరు నిల్వ ఉన్నట్టు అంచనా. లీటర్ల లెక్కన తీసుకుంటే సుమారు కోటిన్నర లీటర్ల బీరు గడువు తీరిపో వడంతో వినియోగానికి పనికిరాకుండా పో తోందని ఆబ్కారీ శాఖ లెక్కలు వేస్తోంది. ఏప్రి ల్‌లో సాధారణంగా రాష్ట్రవ్యాప్తంగా 50 లక్షల కాటన్ల మేర బీరు విక్రయమయ్యేది. దీని విలు వ సుమారు రూ.600 కోట్లు. (ఫేస్‌బుక్‌ వలలో పడి.. బీమా డబ్బు) ఇక మేలోనూ ఇంతే మొత్తంలో బీరు విక్రయాలు జరిగేవి. మే లో లాక్‌డౌన్‌ ఇంకా పొడిగిస్తే మొత్తంగా రెండు నెలలకు కలిపి సుమారు రూ.1,200 కోట్లు (7.5 కోట్ల లీటర్ల) విలువైన బీర్ల అమ్మకాలకు బ్రేక్‌ పడినట్లే. నిజానికి బీర్ల ఉత్పత్తి మార్చి నెలాఖరు నుంచే పలు బేవరేజెస్‌లో నిలిచిపోయింది. అప్పటికే తయారుచేసిన స్టాకు పలు బా ట్లింగ్‌ యూనిట్లు, ఆబ్కారీ డిపోలు, బార్లు, వై న్స్, క్లబ్‌లలో నిల్వ ఉంది. ఇందులో 6నెలల గడువు తీరిన స్టాక్‌ 20 లక్షల కాటన్ల మేర ఉం టుందని అంచనా. ఒక్కో కాటన్‌లో 12 బీర్లు ఉంటాయి. ఒక్కో సీసాలో 650 మి.లీ బీరు ఉం టుంది. ఈ లెక్కన సుమారు 1.56 కోట్ల లీటర్ల బీరుకు గడువు తీరిపోయిందని ఆబ్కారీ అధికా రులు చెబుతున్నారు. దీనిని అనివార్యంగా డ్రైనేజీ పాలు చేయాల్సిందేనని అంటున్నారు. ఇక, బీర్ల వినియోగంలో రాజధాని గ్రేటర్‌ హైదరాబాద్‌ అగ్రభాగాన ఉంది. ఏప్రిల్‌లో రాష్ట్రంలో 50 లక్షల కేసుల బీరు వినియోగం ఉండగా, ఇందులో యాభైశాతం అంటే 25 లక్షల కాటన్లు నగరంలోనే విక్రయమయ్యేవి. (‘సూపర్‌’గా దోపిడీ!)

ఆస్ట్రేలియాలో గత కొంతకాలంగా పొదలు తగలబడుతూ మంటలు చుట్టుముట్టిన విక్టోరియా పట్టణాల్లో మల్లకూట ఒకటి. ఆ నగరం నుంచి బుధవారం నాడే వేలాది మంది ప్రజలను, వారితోపాటు ఆహార పదార్థాలను తీసుకొని ఓ నౌకా దళం సురక్షిత ప్రాంతానికి తరలి పోయింది. అయినా నాలుగు వేల మంది ప్రజలు పట్టణంలో మిగిలిపోయారు. ఆ పట్టణానికి వచ్చి పోయే దారులను అధికారులు తాత్కాలికంగా మూసి వేశారు.  పట్టణంలోని హోటల్‌ మోటల్‌లోని పబ్‌లో బీర్లు అయిపోయాయి. అప్పటికే మంచినీటి కొరతతో బాధ పడుతున్న పట్టణ ప్రజలు బీర్లకు ఎగబడడంతో బీర్లు త్వరగా అయిపోయాయి. రెగ్యులర్‌ కోటా రావడానికి సమయం పడుతుంది. దాంతో పబ్‌ చీఫ్‌ ఎగ్జిక్యూటివ్‌ పీటర్‌ ఫిలిపోవిక్‌ మల్లకూట కౌంటీ అగ్నిమాపక దళాధికారికి ఫోన్‌ చేసి పరిస్థితి వివరించారు. ఆయన ఈ విషయాన్ని సహాయక చర్యల్లో నిమగ్నమైన సైనిక దళానికి చేరవేయడంతో ఆ సైనిక దళం కార్ల్‌టాన్, యునైటెడ్‌ బ్రేవరీస్‌కు చెందిన మూడు వేల లీటర్ల బీర్లను తీసుకొచ్చి పబ్‌కు సరఫరా చేసింది. అందుకు హోటల్‌ యజామానితోపాటు వినియోగదారులు కూడా సైన్యానికి కృతజ్ఞతలు తెలియజేశారు.  భూగర్భ జలాలు బాగా తగ్గిపోయి భూ ఉపరితం బాగా వేడెక్కిపోవడంతో ఆస్ట్రేలియాలో అడవులు, పొదలు తగులబడుతున్న విషయం తెల్సిందే. దీని వల్ల ఇప్పటికే కొన్ని కోట్ల జంతువులు మత్యువాత పడ్డాయి. నీటిని రక్షించుకోవడంలో భాగంగా లక్షకుపైగా ఒంటెలను కాల్చివేయాలని ఆస్ట్రేలియా ప్రభుత్వం నిర్ణయించిన విషయం తెల్సిందే.  చదవండి: ఆస్ట్రేలియా ప్రభుత్వం సంచలన నిర్ణయం ఆగని కార్చిచ్చు.. ఎటుచూసిన కళేబరాలే బీచ్‌లలో చిక్కుకున్న వేల మంది

న్యూఢిల్లీ : ‘పాలు తాగండి. ఆరోగ్యంగా ఉంటారు’.. ప్రభుత్వ నినాదమిది. రోజూ లేవగానే ఒక గ్లాసుడు పాలు తాగాలని పిల్లలకు పెద్దలు కూడా చెబుతుంటారు. అయితే ప్రముఖ జంతు సంరక్షణ సంస్థ(పెటా) మాత్రం.. మనుషుల ఆరోగ్యానికి పాల కంటే రోజూ ఓ పెగ్గు బీరే బెటర్‌ అని చెబుతోంది. ఈ మేరకు ఇటీవల ఓ ప్రకటన విడుదల చేసింది. హార్వర్డ్‌ మెడికల్‌ స్కూల్‌ పరిశోధనలు చేసి విడుదల చేసిన రిపోర్టు ఆధారంగా పెటా ఈ విషయాన్ని వెల్లడించింది. ఆరోగ్యం కోసం పాలకంటే బీరే చాలా మంచిదని పెటా ఘంటాపథంగా చెబుతోంది. ఇందులో ఎలాంటి అనుమానాలూ అక్కర్లేదని పెటా ఎగ్జిక్యూటివ్‌ వైఎస్‌ ప్రెసిడెంట్‌ ట్రేసీ రీమాన్స్‌ స్పష్టం చేశారు. డెయిరీ ప్రాడక్ట్స్ ఎక్కువగా తీసుకుంటే సైడ్‌ ఎఫెక్ట్స్ వస్తాయని పెటా పేర్కొంది. గుండె సంబంధిత వ్యాధుల, ఒబెసిటీ, డయాబెటిస్‌, క్యాన్సర్‌ వంటి వ్యాధులు వచ్చే ప్రమాదముందని పెటా హెచ్చరించింది. ఇక డెయిరీ ఉత్పత్తుల వాడకం వల్ల ఎముకల వ్యాధి కూడా సోకుతుందని చెప్పిన పెటా.. దీన్ని నిర్థారిస్తూ కొన్ని రుజువులను కూడా వెల్లడించింది. కానీ బీరు తాగడం వల్ల ఎముకలు బలోపేతమవుతాయని చెబుతోంది. 

న్యూఢిల్లీ : ఇక ఎవరైనా మూడు బీర్లు, ఆరు గ్లాసులతో ఛీర్స్‌ చెప్పాల్సిందే. ఇంతకాలానికి శాస్త్రవేత్తలు బీరులో ఉన్న మంచి గుణాలను కనిపెట్టారు. బీరు తాగితే కొత్తగా బొజ్జలు రాకపోవడమే కాకుండా బొజ్జలు కరిగిపోయి మొత్తంగా స్థూలకాయం తగ్గుతుందట. పైగా సుఖంగా నిద్ర పడుతుందట. వీటిలో ఒకరకమైన బ్యాక్టీరియా, ఈస్ట్‌ మిశ్రమం ఉండడమే అందుకు కారణమని శాస్త్రవేత్తలు తేల్చారు. అన్ని బీర్లలో ఈ గుణం ఉందో, లేదో తెలియదుగానీ బెల్జియంకు చెందిన హోగార్డెన్, వెస్ట్‌మల్లే ట్రిపల్, ఎట్‌ క్రైకెన్‌బియర్‌ బ్రాండ్‌ల బీర్లలో ఈ మంచి గుణాలు ఉన్నాయట. ఆ బీర్లు రెండుసార్లు, భూగర్భంలో ఉండగా ఒకసారి, సీసాలో మరోసారి బీరు పులియడం వల్ల వాటికి ఆ మంచి గుణాలు అబ్బాయట. భూగర్భంలో పులియడానికి ఒకరకమైన ఈస్ట్, సీసాలో పులియడానికి మరో రకమైన ఈస్ట్‌ను ఉత్పత్తిదారులు ఉపయోగిస్తున్నారని, ఈ రెండోసారి పులియడంతోనే బీరులో ఎక్కువగా ఆరోగ్య లక్షణాలు చేరుతున్నాయని శాస్త్రవేత్తలు కనిపెట్టారు. వాటిలో కూడా లైట్‌ బీరుకన్నా స్ట్రాంగ్‌ బీరే మంచిదని, అలా అని ఎక్కువగా బీర్లు తాగమని తాను సిఫార్సు చేయడం లేదని ఆమ్‌స్టర్‌డామ్‌ యూనివర్శిటీలో బ్యాక్టీరియా నిపుణుడిగా పనిచేస్తున్న ప్రొఫెసర్‌ ఎరిక్‌ క్లాసెన్‌ చెప్పారు. ‘ఎక్కువ ఆల్కహాల్‌ ఆరోగ్యానికి మంచిది కాదు, ఈ రకమైన బ్రాండ్లలో రోజొకటి తాగినా ఆరోగ్యానికి మంచిదే. ఈ రకాల బీరు బాటిళ్లలో 50 శాతానికిపైగా మంచి బ్యాక్టీరియా ఉంది’ ఆయన చెప్పారు.

కాన్‌బెర్రా : ఓ వ్యక్తి గ్లాసుడు బీరు కోసం చెల్లించిన మొత్తం ఎంతో తెలిస్తే మీరు కచ్చితంగా షాక్‌ అవుతారు. అంత చెల్లించాడా? అంటూ నోరెళ్ల బెడతారు. వివరాల్లోకి వెళితే.. ఆస్ట్రేలియాకు చెందిన పీటర్‌ లాలర్‌ అనే వ్యక్తి కొన్ని రోజుల క్రితం మాల్‌మేసన్‌ అనే హోటల్‌కు వెళ్లాడు. అక్కడ అమెరికన్‌ది కాకుండా బ్రిటీష్‌ బీరు ఆర్డర్‌ చేశాడు. డ్రింక్‌ను ఎంజాయ్‌ చేస్తూ తాగాడు. కార్డుతో డబ్బులు కట్టేశాడు. బీరుకు ఎంత డబ్బులు చెల్లించానో తెలుసుకోవాలనుకున్న పీటర్‌ హోటల్‌ సిబ్బందిని అడిగాడు. పీటర్‌ చెల్లించిన మొత్తం ఎంతో చెప్పడానికి సిబ్బంది తటపటాయించాడు. పీటర్‌ గట్టిగా అడిగేసరికి బిల్‌ ఎంతో చెప్పాడు. అంతే! పీటర్‌ షాక్‌ తిన్నాడు. తాను ఒక గ్లాసు బీరుకోసం దాదాపు రూ. 70 లక్షలు చెల్లించానని తెలిసి నోరెళ్లబెట్టాడు. అయితే మొదట అతడికి నమ్మకం కుదురలేదు. ఇంటి వద్దనుంచి ఫోన్‌ రావటంతో అది వాస్తవమేనని అతడు ధ్రువీకరించుకున్నాడు. దీనిపై పీటర్‌ మాట్లాడుతూ.. ‘‘ చరిత్రలో అత్యంత ఖరీదైన బీరు. దీని కోసం నేను నిజంగానే 99 వేల డాలర్లు చెల్లించాను’’ అంటూ వాపోయాడు. కాగా, హోటల్‌ సిబ్బంది పొరపాటు వల్లే బిల్‌ ఎక్కువగా వేసినట్లు తేలటంతో సదరు డబ్బు మొత్తాన్ని వెనక్కు ఇచ్చేందుకు యాజమాన్యం సమ్మతించింది. జరిగిన పొరపాటుకు చింతిస్తూ పీటర్‌కు క్షమాపణలు చెప్పింది. వసూలు చేసిన డబ్బును వీలైనంత త్వరగా వెనక్కు ఇచ్చే ఏర్పాటు చేస్తామని తెలిపింది. See this beer? That is the most expensive beer in history. I paid $99,983.64 for it in the Malmaison Hotel, Manchester the other night. Seriously. Contd. pic.twitter.com/Q54SoBB7wu — Peter Lalor (@plalor) September 5, 2019

హైదరాబాద్, రంగారెడ్డి జిల్లాల్లో గత జూన్‌ నెలలోబీరోత్సాహం కనిపించింది. లిక్కర్‌ కంటే బీరు వైపే మందుబాబులు ఎక్కువ మొగ్గు చూపారు. ఏడాదిగణాంకాలను పరిశీలిస్తే బీర్ల అమ్మకాల్లో ఎక్కువ పెరుగుదల కనిపించడమే దీనికి నిదర్శనం. మార్చి, ఏప్రిల్, మే నెలల్లో ఎండల వేడి నుంచి ఉపశమనం పొందేందుకు బీర్లు తాగడంతో అమ్మకాలు బాగా పెరిగాయి అనుకుంటే జూన్‌ నెలలోనూ రికార్డు స్థాయిలో అధికంగా అమ్ముడుపోవడం గమనార్హం. జూన్‌ నెలలో హైదరాబాద్‌ జిల్లాలో గడిచిన ఏడాదితో పోలిస్తే 18.06 శాతం, రంగారెడ్డి జిల్లాలో 19 శాతం మేర అమ్మకాలు పెరిగాయి. దీంతో ప్రభుత్వానికి వచ్చే ఆదాయం కూడా భారీగా పెరిగింది.  ఈ ఏడాది జూన్‌ నెలలో ఎండలు మండిపోయాయి. ఉక్కపోత తగ్గకపోవడంతో మద్యం ప్రియులు ఎక్కువగా లిక్కర్‌కు బదులు బీర్లు తాగడానికే  ఆసక్తి చూపారు. జూలై నుంచి బీర్ల అమ్మకాలు తగ్గి లిక్కర్‌ అమ్మకాలు పెరిగే అవకాశం ఉంటుందని ఎక్సైజ్‌ అధికారులు అంటున్నారు.     నీటి ఎద్దడిని అధిగమించి.. ఈ ఏడాది వేసవి కాలంలో రాష్ట్రంలోని అన్ని నదులు, జలాశయాల్లో నీటి కొరత ఏర్పడటంతో బీర్ల ఉత్పత్తి చేసే కంపెనీలు కొన్ని రోజుల పాటు ఉత్పత్తిని తగ్గించాయి. దీంతో గ్రేటర్‌లో కొన్ని రోజుల పాటు ఆబ్కారీ శాఖ నుంచి సరఫరా సరిగ్గా లేకపోవడంతో  మద్యం దుకాణాలు, బార్‌లలో మే నెలలో బీర్లకు కొరత ఏర్పడింది. ఆ తర్వాత బీర్లు ఉత్పత్తి చేసే కంపెనీలు ప్రత్యామ్నాయ మార్గాలను వెతుక్కుని, ట్యాంకర్ల ద్వారా ఇతర ప్రాంతాల నుంచి నీటిని తెప్పించుకుని బీర్లను ఉత్పత్తి చేశాయి. దీంతో డిమాండ్‌ మేరకు సరఫరా చేయగలిగారు. దీనికి తోడు ఎక్సైజ్‌ అండ్‌ ప్రొహిబిషన్‌ శాఖ అధికారులు ఇతర రాష్ట్రాల నుంచి కూడా దిగుమతి చేసుకుని సరఫరా చేశారు. రంగారెడ్డి జిల్లాలో రంగారెడ్డి జిల్లాలో గత ఏడాది జూన్‌లో 6,38,150 కాటన్‌ల లిక్కర్, 11,65,641 కాటన్‌ల బీర్లు సేల్‌ కావడంతో ప్రభుత్వానికి రూ.426.05 కోట్ల ఆదాయం వచ్చింది. జూన్‌ నెలలో 6,51,023 కాటన్‌ల లిక్కర్, 13,91,526 కాటన్‌ల బీర్లు సేల్‌ కావడంతో ప్రభుత్వానికి రూ.462.06 కోట్ల ఆదాయం చేకూరింది. లిక్కర్‌ అమ్మకాల్లో పెద్దగా తేడా లేకపోయినా 2 శాతం అమ్మకాలు పెరిగాయి. బీర్లు మాత్రం 19 శాతం అధికంగా గ్రోత్‌ రేట్‌ సాధించాయి. అమ్మకం విలువ 8 శాతం అదనంగా నమోదయింది. అదేవిధంగా రంగారెడ్డి జిల్లాలో 2018 మే నెలలో  533353 కాటన్ల లిక్కర్, 1425207 కాటన్ల బీర్లు అమ్ముడుపోవడంతో ప్రభుత్వానికి రూ. 396.95 కోట్ల ఆదాయం వచ్చింది. ఈ ఏడాది మే  నెలలో 6,10,081 కాటన్‌ల లిక్కర్, 15,96,409 కాటన్‌ల బీర్లు అమ్ముడుపోగా ఆదాయం రూ. 467.11 వచ్చింది. గడచిన ఏడాదితో పోలిస్తే లిక్కర్‌ అమ్మకాలు 14 శాతం పెరగగా, బీర్ల అమ్మకాలు 12 శాతం పెరిగాయి. అమ్మకం విలువ 18 శాతం పెరిగింది. హైదరాబాద్‌ జిల్లాలో హైదరాబాద్‌ జిల్లాలో గత ఏడాది జూన్‌లో 3,25,119 కాటన్ల లిక్కర్, 4,79,840 కాటన్‌ల బీర్ల విక్రయంతో ప్రభుత్వానికి రూ.213.66 కోట్ల ఆదాయం చేకూరింది. ఈ ఏడాది జూన్‌లో 3,30605 కాటన్‌ల లిక్కర్, 5,69,131 కాటన్‌ల బీర్లు సేల్‌ కావడంతో రూ. 225.16 కోట్ల  ఆదాయం వచ్చింది. జూన్‌ నెలలో హైదరాబాద్‌ జిల్లాలో గడచిన ఏడాదితో పోలిస్తే లిక్కర్‌ గ్రోత్‌ రేట్‌ కేవలం 1.7 శాతం మాత్రమే ఉంది. అదే బీర్ల గ్రోత్‌ రేట్‌ మాత్రం బాగా పెరగడంతో 18.6 శాతం పెరుగుదల నమోదయింది. మొత్తం అమ్మకం విలువ 5.4 శాతం పెరిగింది. అదేవిధంగా మే 2018 సంవత్సరంలో 2,70,663 కాటన్‌ల లిక్కర్, 5,75,575 కాటన్‌ల బీర్లు అమ్ముడుపోగా ప్రభుత్వానికి రూ.191.61 కోట్ల ఆదాయం సమకూరింది. 2019 మే నెలలో 2,95,709 కాటన్‌ల లిక్కర్, 6,09,070 కాటన్‌ల బీర్లు అమ్ముడుపోగా ప్రభుత్వానికి రూ.213.04 కోట్ల  ఆదాయం వచ్చింది. గడచిన ఏడాదితో పోలిస్తే లిక్కర్‌ 9.3, బీర్లు 5.8, గ్రోత్‌ రేటు సాధించగా అమ్మకం విలువ 11.2 శాతంపెరిగింది. 

సాక్షి, జగిత్యాల: బీర్బల్‌ కథలు వినే ఉంటారు. ‘బీర్‌’బాబుల లేఖ ఎప్పుడైనా చదివారా? వేసవిలో మందుబాబుల దాహం తీర్చే ‘బీర్‌’కాయల కోసం జగిత్యాల వాసులు ఏకంగా తమ జిల్లాను త్యాగం చేయడానికి సిద్ధపడ్డారు. కిక్కిచ్చే ‘కింగ్‌ఫిషర్‌’ కోసం కరీంనగర్‌ జిల్లాకు మారిపోతామంటున్నారు! తెలంగాణ స్థానిక సంస్థల ఎన్నికల ఫలితాల సందర్భంగా ఈ విచిత్ర ఘటన వెలుగులోకి వచ్చింది. జగిత్యాల రాయికల్ మండలం మూటపల్లి గ్రామంలోని బ్యాలెట్ బాక్స్ లోంచి బయటపడ్డ ఉత్తరం సోషల్‌ మీడియాలో చక్కర్లు కొడుతోంది. తమ జిల్లాను తిరిగి కరీంనగర్‌ జిల్లాలో విలీనం చేయాలని ముఖ్యమంత్రి కె. చంద్రశేఖర్‌రావును కోరుతూ జగిత్యాల వాసుల పేరుతో ‘బీర్‌’కాయుడెవరో ఈ లేఖ రాశారు. మంగళవారం ఓట్ల లెక్కింపు సందర్భంగా ఇది బయటపడింది. తమకెంతో ఇష్టమైన బీర్‌ జగిత్యాల జిల్లాలో లభ్యంకానందున తమ జిల్లాను కరీంనగర్‌లో కలిపేయాలని లేఖలో కోరారు. కింగ్‌ఫిషర్‌(కేఎఫ్‌) బీర్‌ను అందుబాటులో ఉంచాలని పనిలో పనిగా అభ్యర్థించారు. ఈ లెటర్‌ చదివి జనాలు తెగ నవ్వుకుంటున్నారు.  అయితే ఈ లేఖ బ్యాలెట్‌ బాక్స్‌లో రాలేదని, ఇదంతా ఫేక్‌ అని స్థానికులు అంటున్నారు.

సాక్షి సిటీబ్యూరో: ఎండల వేడి తారాస్థాయికి చేరింది. ఎండ తీవ్రతతో ప్రజలు ఉక్కిరిబిక్కిరి అవుతున్నారు. బీరు తాగి ఎండల నుంచి తాత్కాలిక ఉపశమనం పొందాలనుకున్న  మద్యం ప్రియులకు మద్యం దుకాణాలు, బార్లలో బీర్లు నో స్టాక్‌ అనే సమాధానం వినిపిస్తుంది.దీంతో నిరాశకు లోనవుతున్నారు. వేసవిలో బీర్ల అమ్మకాలు సాధారణం కంటే ఎక్కువగా ఉంటాయి. వేసవిలో పలువురు విస్కీ, రమ్ము తదితరాలకంటే బీర్లపైనే ఎక్కువగా ఆసక్తి చూపుతుంటారు. ఈ నేపథ్యంలో రాష్ట్ర వ్యాప్తంగా బీర్ల కొరత ఉన్నప్పటికీ గ్రేటర్‌ పరిధిలో సమస్య మరింత ఎక్కువగా ఉంది.   ఉత్పత్తి తగ్గినందునే ఎండాకాలంలో బీర్లకు డిమాండ్‌ అధికంగా ఉన్నప్పటికీ అందుకు సరిపడా ఉత్పత్తి లేకపోవడంతో మద్యం ప్రియులకు ఇబ్బందులు తప్పడం లేదు. బీర్ల ఉత్పత్తికి అధికంగా నీరు అవసరం అవుతుంది. ఎండలతో జలాశయాలు, నదులు ఎండిపోవడంతో బీర్లను ఉత్పత్తి చేసే కంపెనీలకు నీటి సరఫరా నిలిచిపోయింది. ముఖ్యంగా సంగారెడ్డి జిల్లాలోని సింగూరు జలాశయం నుంచి 5 బీర్లు ఉత్పత్తి చేసే కంపెనీలకు నీటి సరఫరా జరుగుతుంది. అయితే జలాశయంలో నీరు లేకపోవడంతో కంపెనీలకు సరఫరా నిలిపివేశారు. దీంతో  ట్యాంకర్ల ద్వారా నీటిని తరలించాల్సి వస్తోంది.  10 నుంచి 20 శాతం మాత్రమే సరఫరా.. గతంలో బేవరేజెస్‌ కార్పోరేషన్‌ ద్వారా 100 కార్టన్ల బీర్లు సరఫరా చేసే వైన్స్, బార్‌లకు ఆర్డర్‌ చేసిన మొత్తంలో 10 నుంచి 25 శాతం వరకు మాత్రమే సరఫరా చేస్తున్నారు. గతంలో వారానికి రెండు సార్లు బేవరేజెస్‌ గోదాంల నుంచి బీర్ల సరఫరా జరిగేది. ప్రస్తుతం ఇండెంట్‌ పెట్టినా ఒకేసారి సరిపడిన స్టాక్‌ ఇవ్వకపోవడం, ఆర్డర్‌ చేసిన దాంట్లో కొంత మాత్రమే స్టాక్‌ ఇవ్వడంతో  ప్రతి రోజు బీర్ల స్టాక్‌ కోసం గోదాంలకు వెళ్లాల్సి వస్తుంది. దీంతో దుకాణ దారులపై చలాన్, గేట్‌ పాస్, రవాణా ఇతర చార్జీల పేరుతో అదనపు భారం పడుతోంది. బీర్ల ప్రియులు అధికంగా ఇష్టపడే బ్రాండ్ల బీర్లు దొరకడం కష్టంగా మారింది. వైన్స్, బార్లకు 10 నుంచి 25 శాతం వరకే సరఫరా చేస్తుండటంతో కొన్ని గంటల వ్యవధిలోనే స్టాక్‌ అయిపోతోంది. దీంతో దుకాణాల యజమానులు బీర్ల ప్రియులు అడిగిన బ్రాండ్‌ను ఇవ్వలేకపోతున్నారు.  ఎండ నుంచి ఉపశమనం పొందాలనుకునే వారు ఇష్టపడే బ్రాండ్‌ దొరకకపోయినా తప్పనిసరి పరిస్థితుల్లో అందుబాటులో ఉన్న వాటితో సరిపెట్టుకుంటున్నారు. వర్షాలు కురిసి జలాశయాల్లో నీరు చేరి బీర్ల ఉత్పత్తి పెరిగితేనే సమస్య తీరుతుందని ఎక్సైజ్‌ శాఖ అధికారులు పేర్కొంటున్నారు.

సాక్షి, హైదరాబాద్: బేగంపేటలో సోమవారం తెల్లవారుజామున బీరు కాటన్లతో వెళ్తున్న లారీ బోల్తా పడింది. రోడ్డుపైనే లారీ బోల్తా పడటంతో రోడ్డుకు ఇరువైపులా భారీగా ట్రాఫిక్‌ జామ్‌ అయింది. లారీ బోల్తా పడటంతో బీరు సీసాలన్నీ రోడ్డు మీద పడిపోయాయి. దీంతో వాటిని దొంగలించేందుకు స్థానికులు ఎగబడ్డారు. వెంటనే అక్కడికి చేరుకున్న పోలీసులు బీరు సీసాలు చోరీకి గురికాకుండా కాపలా కాస్తున్నారు. సంబంధిత వీడియో కోసం ఇక్కడ క్లిక్ చేయండి

బొమ్మనహళ్లి : పవిత్రమైన మంటపంలో ఓ పెళ్లి జంట బీరు తాగి అందర్ని ఆశ్చర్యంలో ముంచెత్తిన ఘటన సోషల్‌ మీడియాలో వైరల్‌గా మారింది. వివరాలు... సాధారంగా పెళ్లి మండటపంలో నూతన దంపతులకు చల్లటి పానీయాలు ఇవ్వడం ఆనవాయితీ. అయితే ఇక్కడ కనిపించే ఓ జంట తమ స్నేహితులు ప్రేమతో తీసుకువచ్చిన బీరు బాటిళ్లను ఎత్తి గుటగుట తాగి అందరిని ఆశ్చర్యంలో ముంచెత్తారు. ఇదేమి పెళ్లిరా బాబు అంటూ మరికొందరు నిట్టూరుస్తు వెళ్లిపోయారు. కర్ణాటక హుబ్బళ్లి జిల్లా పరిధిలో ఈ వీడియో ప్రస్తుతం వైరల్‌గా మారింది. సంబంధిత వీడియో కోసం ఇక్కడ క్లిక్ చేయండి

మహబూబ్‌నగర్‌ విద్యావిభాగం: వేసవి సెలవులు పూర్తయి విద్యాసంవత్సరం ప్రారంభం కాగానే ప్రభుత్వ పాఠశాలల్లో చదివే విద్యార్థులకు సకాలంలో పుస్తకాలు అందించేందుకు విద్యాశాఖ ముందస్తుగానే ఏర్పాట్లు చేసింది. ఇందుకోసం మహబూబ్‌నగర్, నారాయణపేట జిల్లాలకు కలిపి అధికారులు ప్రతిపాదనలు పంపగా మొదటి విడతలో సగానికి పైగానే పుస్తకాలు వచ్చేశాయి. వాటిని మండలాల వారీగా సర్దుకుని పంపిణీ చేసేందుకు సిద్ధమవుతున్నారు. గతంలో మాదిరి కాకుండా ఈ సారి అన్ని పాఠశాలల్లో విద్యార్థులకు సరిపోయే పుస్తకాలను అందించడానికి ఏర్పాట్లు జరుగుతున్నాయి. ప్రభుత్వం పంపిణీ చేసిన పుస్తకాలు పక్కదారి పడుతున్నాయన్న ఆరోపణలను కొట్టిపారేస్తూ ఈ విద్యాసంవత్సరం నుంచి ప్రతి పుస్తకానికి కూడా ఒక ప్రత్యేకమైన కోడ్‌ను విధించారు. వీటిని విద్యార్థులకు పంపిణీ చేసేటప్పడు వారి ఆధార్‌కార్డుతో అనుసంధానం చేస్తారు. అయితే పూర్తి స్థాయిలో పుస్తకాలు గతంలో అందుబాటులో లేనప్పుడు ప్రతి పాఠశాలలో కూడా బుక్‌బ్యాంక్‌ పద్ధతిలో విద్యార్థులందరికీ  మండుతున్న ఎండలకు తడారిపోతున్న గొంతులను తడిపేందుకు మందు ప్రియులు బీర్లను తెగతాగేస్తున్నారు. గతేడాదితో పోలిస్తే.. పది  శాతానికి పైగా విక్రయాలు జరిగాయి. ఉక్కపోతలకు విస్కీ ప్రియులు సైతం బీర్ల వైపే ఆసక్తి చూపడంతో కేసుల కొద్ది బీర్లు ఖర్చవుతున్నాయి. సర్పంచ్, పార్లమెంట్‌ ఎన్నికలు, ప్రాదేశిక ఎన్నికలు కూడా కలిసి రావడంతో బీర్ల అమ్మకాల్లో జోరు కొనసాగింది. ఈ నాలుగు నెలల్లోనే రూ.171కోట్ల బీర్లు విక్రయించారు. మండుతుండటంతో గడిచిన నాలుగు నెలల్లో బార్లు, వైన్స్‌ షాపులలో బీర్లు అధికంగా అమ్ముడుపోయి ప్రభుత్వ ఖజానాలో భారీగా నగదు జమ అయింది. గతేడాది జనవరి, ఫిబ్రవరి, మార్చి, ఏప్రిల్‌ మాసాల్లో కలిపి రూ.145.76కోట్ల వ్యాపారం జరగగా, ఈ ఏడాది రూ.171.34కోట్ల వ్యాపారం సాగింది. అంటే దాదాపు రూ.25కోట్ల వ్యాపారం ఎక్కువగా సాగింది. ఉమ్మడి జిల్లావ్యాప్తంగా మహబూబ్‌నగర్‌ జిల్లాలో 66 వైన్స్‌లు, 13 బార్లు, 1 ఎలైట్‌ బార్, నాగర్‌కర్నూల్‌ జిల్లాలో 45 వైన్స్‌లు, 7 బార్లు, వనపర్తి జిల్లాలో 29 వైన్స్‌లు, 4బార్లు , 1ఎలైట్‌ బార్, జోగుళాంబ గద్వాలలో 24 వైన్స్‌లు, 4బార్లు ఉన్నాయి. రికార్డుస్థాయిలో బీర్ల అమ్మకాలు   ఉమ్మడి జిల్లావ్యాప్తంగా గడిచిన ఏడాది జనవరి నుంచి ఏప్రిల్‌వరకు జరిగిన బీర్ల విక్రయాల కంటే ప్రస్తుత సంవత్సరం జనవరి నుంచి ఏప్రిల్‌ వరకు ఎక్కువగా బీర్ల విక్రయాలు జరిగినట్లు గణాంకాలు చెపుతున్నాయి. గడిచిన ఏడాది జనవరిలో 2,89,903 కాటన్లు అమ్ముడు పోగా రూ.29.7కోట్లు, ఫిబ్రవరిలో 2,21,506 కాటన్ల విక్రయాలు జరగగా, రూ.22.82కోట్లు, మార్చిలో 4,23,235కాటన్లు అమ్ముడుపోగా, రూ.43.55 కోట్లు, ఏప్రిల్‌లో 4,45,653 కాటన్లు అమ్ముడు పోగా రూ.49.69కోట్ల ఆదాయం వచ్చింది. 2019 జనవరిలో 3,16,687 కాటన్ల బీర్లు అమ్ముడు పోగా రూ.34.93 కోట్లు, ఫిబ్రవరిలో 2,96119 కాటన్లకు రూ.32.91కోట్లు, మార్చిలో 4,46,545, కాటన్లకు రూ.49.44 కోట్లు, ఏప్రిల్‌లో 4,50,502 కాటన్లకు రూ. 54.06 కోట్ల ఆదాయం వచ్చింది. ఈ లెక్కన గతేడాదితో పోలిస్తే ఈ జనవరిలో రూ.5.23కోట్లు, ఫిబ్రవరిలో రూ.10.09కోట్లు, మార్చిలో రూ.6.11కోట్లు, ఏప్రిల్‌లో రూ.4.37కోట్ల ఆదాయం ఎక్కువగా వచ్చింది. అధిక ధరకు విక్రయాలు   ఉమ్మడి జిల్లావ్యాప్తంగా నిర్వహిస్తున్న బెల్టుషాపులలో మద్యాన్ని అధిక ధరలకు విక్రయిస్తున్నారు. అదే విధంగా ఆయా జిల్లా పరిధిలోని మద్యం దుకాణాలలో యజమానులు వయస్సుతో నిమిత్తం లేకుండా దుకాణాలకు వచ్చే ప్రతి ఒక్కరికీ మద్యాన్ని విక్రయిస్తున్నారు. అందులో మైనర్లు కూడా మద్యాన్ని విక్రయిస్తున్నారన్న ఆరోపణలు ఉన్నాయి.

లక్నో : ఎర్రటి ఎండల్లో చల్లని బీరు తాగాలని భావించే మందుబాబుల మనసు ద్రవించే ఘటన ఉత్తరప్రదేశ్‌లోని నోయిడాలో చోటుచేసుకుంది. ఎక్స్‌పైరీ డేట్‌ ముగిసిన కారణంగా దాదాపు లక్షల లీటర్ల బీరును అధికారులు నేలపాలు చేశారు. దీని విలువు సుమారు 3 కోట్ల రూపాయలు ఉంటుందని వెల్లడించారు. వివరాలు.. నోయిడాలోని ఓ గోడౌన్‌లో మద్యం నిలువచేసి ఉందన్న సమాచారం అందుకున్న ఎక్సైజ్‌ అధికారులు గురువారం అక్కడికి చేరుకున్నారు. ఈ క్రమంలో 11, 652 బీరు బాటిళ్లను గుర్తించారు. అయితే వాటి ఎక్స్‌పైరీ డేట్‌ ముగిసిపోవడంతో వాటన్నింటినీ పోగుచేసి బుల్డోజర్లతో తొక్కించారు. ఈ సందర్భంగా వివిధ బ్రాండ్లకు చెందిన దాదాపు 1.24 లక్షల బీరు బాటిళ్లను ధ్వంసం చేసినట్లు అధికారులు పేర్కొన్నారు. కాగా ఎన్నికల నేపథ్యంలోనే పెద్ద మొత్తంలో మద్యం నిల్వ చేసినట్లు అనుమానిస్తున్నారు. ఇందుకు సంబంధించి విచారణ చేపట్టినట్లు తెలిపారు. ఇక ఉత్తరప్రదేశ్‌లోని కొన్ని ప్రాంతాలు సహా దేశంలోని పలు లోక్‌సభ నియోజకవర్గాల్లో గురువారం రెండో దఫా పోలింగ్‌ జరిగిన సంగతి తెలిసిందే.

లండన్‌ : క్రికెట్‌ మైదానంలో వరల్డ్‌ కప్‌ మ్యాచ్‌ చూస్తూ చేతిలో చల్లని బీరు గ్లాసు ఉంటే ప్రేక్షకులకు ఆ మజాయే వేరు!  అయితే త్వరలో జరగబోయే వన్డే వరల్డ్‌ కప్‌లో అఫీషియల్‌ బీర్‌ పార్ట్‌నర్‌ పెట్టిన రేటుతో మద్యం గొంతు దిగడం కష్టంగా అనిపించింది. అంతే... మీరెందుకు బాధ పడుతున్నారు మేమున్నాం కదా అంటూ నేరుగా అంతర్జాతీయ క్రికెట్‌ మండలి (ఐసీసీ)నే రంగంలోకి దిగింది. టోర్నీ నిర్వాహక దేశం ఇంగ్లండ్‌ క్రికెట్‌ బోర్డు (ఈసీబీ)తో కలిసి బీరు ధరను కిందకు దించింది. అదేమీ చర్చలతో కాదు... మీరు కోల్పోయే మొత్తాన్ని మేం చెల్లిస్తాం కానీ తక్కువ ధరకే స్టేడియాల్లో బీర్లు అందించండని సదరు సంస్థతో ఒప్పందం కుదుర్చుకుంది. సబ్సిడీ బీరు కథ వివరాల్లోకెళితే... వరల్డ్‌ కప్‌ అధికారిక బీర్‌ స్పాన్సర్‌గా భారత్‌కు చెందిన ‘బీరా 91’ కంపెనీతో ఐసీసీ ఒప్పందం కుదుర్చుకుంది. ప్రపంచ కప్‌ మ్యాచ్‌లు జరిగే 11 వేదికల్లో ఇదే బీరును అమ్మాలి. నిర్వాహకులు ఒక బీరు పింట్‌ (గ్లాసు) ధరను 9.70 డాలర్లు (సుమారు రూ. 670)గా నిర్ణయించారు. అయితే అక్కడి వ్యాపారులు మాత్రం ఇది తమకు ఏమాత్రం గిట్టుబాటు కాదని, కనీసం 15.5 డాలర్లు (సుమారు రూ.1000) ఉంటే గాని కుదరదని తేల్చేశారు. పెద్ద సంఖ్యలో వచ్చే అభిమానులను బీరు రేటుతో నిరాశపర్చడం ఇష్టం లేని ఐసీసీ...ఫ్యాన్స్‌కు తక్కువ రేటుకే ఇవ్వండి, మిగిలిన నష్టాన్ని మేం పూరిస్తాం అని హామీ ఇచ్చింది. దీని ప్రకారం మొత్తం దాదాపు 5 లక్షల పౌండ్ల (రూ. 4 కోట్ల 52 లక్షలు) సబ్సిడీ భారం పడనుంది. దీనిని ఐసీసీ, ఇంగ్లండ్‌ బోర్డు సమంగా భరిస్తాయి. అంటే క్రికెట్‌ పెద్ద ఐసీసీ బీర్ల కోసం 2 లక్షల 50 వేల పౌండ్ల (రూ. 2 కోట్ల 26 లక్షలు) నష్టాన్ని భరించేందుకు సన్నద్ధమైంది!

లండన్‌: ప్రపంచవ్యాప్తంగా అత్యధికులు ఇష్టపడే బీరుపైనా వాతావరణ మార్పులు ప్రభావం చూపనున్నాయి. భవిష్యత్తులో బీరు ఉత్పత్తి తగ్గి, ధరలు పెరిగే అవకాశం ఉందని బ్రిటన్‌లోని ఈస్ట్‌ ఆంగ్లియా వర్సిటీ పరిశోధకులు గుర్తించారు. దీంతో బీర్ల వినియోగమూ తగ్గనుంది. బీర్ల తయారీకి ప్రధానంగా బార్లీని వాడతారు. ప్రపంచవ్యాప్తంగా పండే బార్లీలో ప్రస్తుతం 17 శాతం బీరు తయారీకే వాడుతున్నారు. ఏటా తీవ్రమవుతున్న కరువు పరిస్థితులు, పెరుగుతున్న ఉష్ణోగ్రతల కారణంగా బార్లీ దిగుబడులు పడిపోతున్నాయి. బార్లీ ఉత్పత్తిపై వాతావరణ మార్పుల ప్రతికూల ప్రభావం ఆయా దేశాల పరిస్థితులను బట్టి 3 నుంచి 17 శాతం వరకు పడనుంది. దీనివల్ల బీరు తయారీలో వాడే బార్లీ పరిమాణం తగ్గిపోనుంది. అంతిమంగా ఉత్పత్తి పడిపోయి, డిమాండ్‌ కారణంగా బీర్ల ధరలు ఆకాశాన్నంటుతాయని పరిశోధకులు అంటున్నారు. దీనివల్ల ప్రపంచవ్యాప్తంగా బీరు వినియోగం కూడా 16 శాతం లేదా 2,900 కోట్ల లీటర్లకు పడిపోతుందని పేర్కొన్నారు. ఇది ఏటా అమెరికన్లు తాగే బీరుకు సమానం.

వాషింగ్టన్‌: బీర్‌ కోసం విమానంలో రచ్చ చేసిన తాగుబోతు.. దెబ్బలు తినటమే కాకుండా జైలు పాలయ్యాడు. అమెరికా ఎయిర్‌లైన్స్‌కు చెందిన ఓ ఫ్లైట్‌లో ఈ ఘటన చోటు చేసుకోగా, అందుకు సంబంధించిన వీడియోలు ఇప్పుడు నెట్‌లో హల్‌ చల్‌ చేస్తున్నాయి. వివరాల్లోకి వెళ్తే... వర్జిన్‌ ఐలాండ్స్‌ నుంచి మియామి వెళ్తున్న విమానంలో జాసన్‌ ఫెలిక్స్‌ అనే వ్యక్తి ప్రయాణిస్తున్నాడు. అప్పటికే పీకలదాకా తాగిన ఫెలిక్స్‌ ఇంకా బీర్‌ కావాలంటూ ఫ్లైట్‌ సిబ్బందిని కోరాడు. అయితే వారు నిరాకరించారు. ‘నేను అసలు ఫ్లైట్‌ ఎక్కిందే మందు కోసం. మీరు బార్‌టెండర్‌లు. నాకు బీర్‌ కావాల్సిందే’ అని అతను అనటం, అవును మేం బార్‌టెండర్‌లమే కానీ, మీకు ఇంకా అదనంగా బీర్‌ ఇవ్వలేం’ అంటూ సిబ్బంది చెప్పటం వీడియోలో ఉంది. వాగ్వాదం ముదురుతున్న క్రమంలో  వెనకాలే నిల్చున్న ఓ వ్యక్తి  ఫెలిక్స్‌కు నచ్చజెప్పే యత్నం చేశాడు. చివరకు ఇద్దరి మధ్య మాటల యుద్ధం ముదిరి ఘర్షణకు దారితీసింది. గొడవలో ఫెలిక్స్‌ మూతి పగిలి రక్తం కారింది. చివరకు తోటి ప్రయాణికులు వారిద్దరినీ నిలువరించారు. మియామీ చేరుకున్న తర్వాత ఫెలిక్స్‌ను అదుపులోకి తీసుకున్న పోలీసులు విమాన సిబ్బందితో గొడవకు దిగాడంటూ అతనిపై ఆరోపణలు నమోదు చేశారు. ఫెలిక్స్‌ను చితక్కొట్టింది ఆఫ్‌ డ్యూటీలో ఉన్న ఓ పోలీసాఫీసర్‌ అని తేలింది. బుధవారం ఈ ఘటన చోటు చేసుకున్నట్లు ఎఫ్‌బీఐ అధికారి ఒకరు తెలిపారు. నేరం రుజువైతే కోర్టు ఫెలిక్స్‌కు 20 ఏళ్ల జైలు శిక్షతోపాటు 2,50,000 డాలర్ల జరిమానాను విధించే అవకాశం ఉంది.

దగ్గు లేదా జలుబు చేసినప్పుడు పాలల్లో మిరియాలు వేసి.. వేడి చేసుకుని తాగుతుంటారు. అది కూడా చాలా అయిష్టంగానే. మీరు కూడా చిన్నప్పుడు అమ్మ బలవంతం మీదనో.. నాన్న అంటే భయంతోనో గుటుక్కున్న మింగేసి ఉంటారు. ఇప్పుడు ఫ్రెండ్స్‌తో ఎంచక్కా ఎంజాయ్‌ చేసుకుంటూ లాగించేయొచ్చు. ఎలా అంటే.. మిరియాల ఫ్లేవర్‌తో కొత్త బీరు అందుబాటులోకి రానుంది. ఇది ప్రపంచంలోనే తొలి మిరియాల ఫ్లేవర్‌ ఉన్న బీరు. డాగ్‌ ఫిష్‌ బ్రూవరీ అనే కంపెనీ దీన్ని తయారు చేసింది. దీనికి ‘ఇన్‌ యువర్‌ మేస్‌’ అని పేరు పెట్టారు. ఇలాంటి కొత్త కొత్త ప్రయోగాలకు ఈ కంపెనీ పెట్టింది పేరు. వెరైటీగా అంతరిక్షం నుంచి సేకరించిన దుమ్ము ధూళితో కూడా ఓ బీరు మోడల్‌ను తయారు చేసింది. అయితే వీటిని చాలా తక్కువ మొత్తంలో తయారు చేశారు. ఆ సంస్థ వ్యవస్థాపకులు శాం కాలాగియోన్, ఎరిక్‌ క్రాఫోర్డ్‌ ఇద్దరూ చిన్నప్పటి స్నేహితులు. పలు ఫ్లేవర్లతో బీర్లు తయారు చేస్తే ఎలా ఉంటుందని వీరిద్దరికీ ఓ రోజు ఆలోచన తట్టిందట. ఆ తర్వాత సంస్థ స్థాపించడం.. పాలు, కాఫీ, చక్కెర ఇలా అనేక రకాలుగా బీరును తయారు చేస్తూ వస్తున్నారట.

సాక్షి, న్యూఢిల్లీ : అమెరికాలోని ఫ్లోరిడాలోని ఓ పాఠశాలలో ఉన్మాదిగా మారిన ఓ 19 ఏళ్ల విద్యార్థి నికోలస్‌ క్రజ్‌ నిర్ధాక్షిణ్యంగా 17 మంది విద్యార్థులను కాల్చి చంపిన విషయం తెల్సిందే. అందుకు ఆ విద్యార్థి ఉపయోగించిన ఆయుధం ‘ఏఆర్‌–15’ పిస్టల్‌. అమెరికాలోని 50 రాష్ట్రాల్లో కాలిఫోర్నియా, న్యూయార్క్‌ రాష్ట్రాలు మాత్రమే ఈ పిస్టల్‌ అమ్మకాలను నిషేధించాయి. 21 ఏళ్లున్న వ్యక్తులకు మాత్రమే ఈ పిస్టల్‌ను అమ్మాలని అమెరికా ఫెడరల్‌ చట్టం సూచిస్తోంది. 18 ఏళ్లకే తుపాకులు విక్రయించవచ్చని పలు రాష్ట్రాలు చట్టాలు చెబుతుండడంతో ఆ ఏడుకే ఏఆర్‌–15 లాంటి పిస్టళ్లను కూడా ఆయుధ దుకాణాలు స్వేచ్ఛగా అమ్ముతున్నాయి. అందుకనే 19 ఏళ్ల నికోలస్‌ క్రజ్‌ కూడా సులభంగానే ఈ లైసెన్స్‌డ్‌ పిస్టల్‌ను సులభంగానే కొన్నాడు. తాను ఇలాంటి పిస్టల్‌ను కొని తోటివారిని కాల్చబోతున్నట్లు కూడా ఆన్‌లైన్‌లో గతంలోనే హెచ్చరించారట. అలాంటప్పుడు ఆ విద్యార్థి గురించి ముందస్తు హెచ్చరికలు జారీ చేయడం, ఆయుధ సంస్థలకు ఆయన ఫొటో పంపించడం లాంటి చర్యలేవీ పోలీసులు తీసుకోలేదు. అమెరికాలో తుపాకీ సంస్కృతికి ఎంతో మంది మరణిస్తున్నప్పటికీ తుపాకీ విక్రయాలను నియంత్రించేందుకు అక్కడి ప్రభుత్వం ఎలాంటి చర్యలు తీసుకోవడం లేదు. 21 ఏళ్లలోపు బీరు తాగడానికి వీల్లేదనే చట్టాన్ని మాత్రం దేశంలో కఠినంగా అమలు చేస్తారుగానీ, తుపాకులను అమ్మరాదనే చట్టాన్ని మాత్రం కఠినంగా ఎందుకు అమలు చేయరాదని పాఠశాల దుర్ఘటనలో పిల్లలను కోల్పోయిన తల్లిదండ్రులు ప్రశ్నిస్తున్నారు. హంతకుడుగా మారిన విద్యార్థి ట్రంప్‌ లాంటి టోపీని ధరించడం కూడా దేశం ఎటు పోతుందా? అన్న దానికి సూచికగా మారిందని వారంటున్నారు.

సాక్షి, హైదరాబాద్‌ : అమ్మాయిలు కూడా బీర్లు తాగడం మొదలుపెట్టేశారని.. వారిని చూస్తుంటే తనకి భయమేస్తోందని గోవా సీఎం మనోహర్‌ పారికర్‌ చేసిన వ్యాఖ్యలపై సోషల్‌ మీడియాలో ఆగ్రహం వ్యక్తమవుతోంది. పలువురు 'గర్ల్స్ హూ డ్రింక్ బీర్'  హ్యాష్‌ ట్యాగ్ జోడిస్తూ, పారికర్ వ్యాఖ్యలకు నిరసనగా బీరు తాగే ఫొటోలను పోస్ట్‌ చేస్తున్నారు. అమ్మాయిలు బీరు తాగడాన్ని మాత్రమే చూశానని పారికర్‌ చెబుతున్నారని, మహిళలు పోర్న్ చూస్తారని, సిగరెట్లు తాగుతారని ఆయనకు తెలిస్తే నెలల తరబడి నిద్రపోరేమోనని ఒకరు, ప్రధాని మహిళను చూసి నవ్వుతారు, పారికర్ అమ్మాయిలను చూసి భయపడతారు, యోగి మహిళలను ఇంటికే పరిమితం చేయాలంటారు... వీరా మన పాలకులు అని ఇంకొకరు  ప్రశ్నిస్తున్నారు. పారికర్ కు ఎనిమిది నెలల పాటు అత్యాచారనికి గురైన అమ్మాయి విషయం తెలియదా? పరువు హత్యలు కనిపించడం లేదా? పట్టపగలు బస్సుల్లో మహిళలపై జరుగుతున్న లైంగిక వేధింపులు తెలియవా అని నిలిదీస్తున్నారు. ఇవన్నీ పారికర్ ను భయపెట్టలేదా అని ట్రోల్‌ చేస్తున్నారు. ఓ అమ్మాయిగా బీరు తాగడం నాకిష్టం అంటూ పలువురు అమ్మాయిలు బీరు తాగుతున్న ఫొటోలను పోస్టు చేస్తున్నారు. ఇంకొందరు యువతులైతే  తండ్రితో బీరు తాగిన ఫొటోలను పోస్ట్‌ చేయండని సూచిస్తున్నారు. To Sir, With Love. Cheers from Goa, Mr Parrikar! #GirlsWhoDrinkBeer C’mon good ladies, let’s make this weekend worth it. Use the hashtag and share your beer 🍻 pics on my timeline. The one with the best pic, your beer is on me. pic.twitter.com/6AX3jejIIV — Nishtha Gautam (@TedhiLakeer) 10 February 2018

సాక్షి, పనాజీ : భారత్‌లో మద్యం సేవించే యువతుల సంఖ్య నానాటికీ పెరిగిపోతోందని సర్వేలో స్పష్టం చేస్తున్నాయి. ఈ నేపథ్యంలో గోవా ముఖ్యమంత్రి మనోహర్‌పారికర్‌ ఆసక్తికర వ్యాఖ్యలు చేశారు. అమ్మాయిలు కూడా బీర్లు తాగటం మొదలుపెట్టేశారని.. వారిని చూస్తుంటే తనకి భయమేస్తోందని ఆయన అంటున్నారు. ‘‘అమ్మాయిల్లో ఆల్కహాల్ సేవించే అలవాటు పెరిగిపోయింది. అది పరిమితి ఎప్పుడో దాటి పోయింది. బీర్లు ఎగబడి తాగేస్తున్నారు. ఇది నాకు ఎంతో భయాన్ని కలగజేస్తోంది’ అని పారికర్ పేర్కొన్నారు. గోవాలో జరిగిన స్టేట్ యూత్ పార్లమెంట్ కు హాజరైన యువతను ఉద్దేశించి ప్రసంగిస్తూ ఈ వ్యాఖ్యలు చేశారు. ‘ఈ మాట అమ్మాయిలందరినీ ఉద్దేశించి నేను అనటం లేదు. ఇక్కడున్న వాళ్లలో ఆ అలవాటు లేకపోలేదు.  కానీ, గోవాలో గత రెండేళ్లలో మద్యం సేవిస్తున్న అమ్మాయిల సంఖ్య మాత్రం విపరీతంగా పెరిగిపోయింది. దీనికి అడ్డుకట్ట పడాల్సిన అవసరం ఎంతైనా ఉంది’ అని పారికర్‌ అభిప్రాయపడ్డారు.  ఇక గోవాలో మాదకద్రవ్యాల వ్యాపారంపై ఆయన మాట్లాడుతూ..  డ్రగ్ నెట్ వర్క్ ను అంతమొందించే ఆపరేషన్ కొనసాగుతోందని చెప్పారు.  కాలేజీలో డ్రగ్స్ సంస్కృతి ఎక్కువగా ఉందని తాను భావించడం లేదని.. కానీ, మొత్తానికి లేదన్న వాదనతో మాత్రం తాను ఏకీభవించబోవని చెప్పారు. ఇప్పటి వరకు 170 మంది డ్రగ్ పెడ్లర్లను అరెస్ట్ చేసినట్లు ఆయన తెలిపారు. చట్టంలోని లోపాలతో నిందితులు త్వరగతిన బయటపడుతున్నారని.. అందుకే శిక్షాస్మృతిని సవరించాల్సిన అవసరం ఉందని అభిప్రాయపడ్డారు. ఇక నిరోద్యోగ సమస్యపై స్పందిస్తూ... గోవా యువత కష్టపడి పని చేయడానికి ఇష్టపడటం లేదని... సింపుల్ వర్క్ వైపే మొగ్గుచూపుతున్నారని చెప్పారు. గవర్నమెంట్ జాబ్ అంటే పని ఉండదనే భావంతో ఉన్నారని పారికర్‌ అసహనం వ్యక్తం చేశారు.

న్యూఢిల్లీ : పెట్రోల్‌ కోసం క్యూలలో వేచి ఉండాల్సిన అవసరం భవిష్యత్‌లో ఉండబోదు. బీరు మూల వస్తువుగా సరికొత్త ఇంధనాన్ని బ్రిటన్‌ పరిశోధకులు అభివృద్ధి చేశారు. రవాణా కొరకు శిలాజ ఇంధనాల నుంచి ప్రత్యామ్నాయం వెతకడం ప్రారంభించిన శాస్త్రవేత్తలు విస్తృత పరిశోధనలు చేశారు. ‘మద్యంలో ఉండే ఆల్కహాల్‌లో ఇథనాల్‌ అనే మూలకం ఉంటుంది. ఇథనాల్‌ను బ్యుటనాల్‌గా మార్చి  పెట్రోల్‌కు ప్రత్యామ్నాయం సృష్టించాలని మేం భావించాం. ఆ దిశగా పరిశోధనలు చేసి ఆల్కహాల్‌లోని ఇథనాల్‌ను బ్యుటనాల్‌గా మార్చి విజయం సాధించాం.’ అని పరిశోధనకు నేతృత్వం వహించిన యూనివర్సిటీ ఆఫ్‌ బ్రిస్టల్‌ ప్రొఫెసర్‌ డంకన్‌ వాస్‌ వెల్లడించారు. ఇథనాల్‌ ముడిపదార్థాన్ని పెట్రోల్‌గా వినియోగించడం వల్ల పెద్ద మొత్తంలో నష్టాలు కలుగుతాయని చెప్పారు. ఇథనాల్‌ స్వభావ రీత్యా తక్కువ శక్తిని కలిగివుంటుందని తెలిపారు. సులువుగా నీటిలో కలిసిపోతుందని వివరించారు. దీని వల్ల వాహనాల ఇంజన్‌లు త్వరగా పాడవుతాయని చెప్పారు. అందుకే ఇథనాల్‌ను బ్యుటనాల్‌గా మార్చినట్లు వివరించారు. ప్రస్తుతం ఈ ప్రోగ్రామ్‌ మొత్తం లాబోరేటరీ దశలోనే ఉందని చెప్పారు. భవిష్యత్‌లో ‘బీరు’ను దృష్టిలో పెట్టుకుని మరిన్ని పరిశోధనలు చేసి ఇండస్ట్రీ లెవల్‌లో పెట్రోల్‌కు ప్రత్యామ్నాయాన్ని సృష్టించాలని భావిస్తున్నట్లు వెల్లడించారు.  

సాక్షి, అనకాపల్లి : విశాఖ జిల్లా అనకాపల్లి మండలం మామిడిపాలెం జంక్షన్‌లో శుక్రవారం ఒకరు దారుణ హత్యకు గురయ్యారు. మద్యం మత్తులో స్నేహితులు కత్తితో17 చోట్ల పొడిచి హతమార్చారు. ఇదే ఘర్షణలో తీవ్రంగా గాయపడి అనకాపల్లి ఆస్పత్రిలో చికిత్స పొందుతున్న బాధితుడు గోవాడ గిరిబాబు, పోలీసులు తెలిపిన వివరాల మేరకు.. అనకాపల్లి మండలానికి చెందిన పండు, లచ్చతో పాటు మరో వ్యక్తి, దర్జీనగర్‌కు చెందిన లాలం పరమేశ్‌ (28), గిరిబాబులు మామిడిపాలెం జంక్షన్‌లోని మద్యం దుకాణానికి వెళ్లారు. బీరు తెచ్చే విషయమై పరమేశ్‌, పండుల మధ్య చోటుచేసుకున్న వాగ్వాదం ఘర్షణకు దారి తీసింది. చివరకు పండు తన స్నేహితులు లచ్చ, మరో వ్యక్తి సహకారంతో పరమేశ్‌ను కత్తితో పొడిచాడు. 17 కత్తిపోట్లకు గురైన పరమేశ్‌ తీవ్ర రక్త స్రావంతో నడిరోడ్డుపై అక్కడికక్కడే మృతి చెందాడు. పరమేశ్‌ను కాపాడేందుకు ప్రయత్నించిన గిరిబాబుపై కూడా దాడి చేశారు. అతని చెవి, ఛాతిపైన గాయాలయ్యాయి. గిరిబాబు అనకాపల్లి ప్రభుత్వ ఆస్పత్రిలో చికిత్స పొందుతున్నాడు. సంఘటన స్థలాన్ని డీఎస్పీ వెంకటరమణ పరిశీలించారు. పోలీసులు కేసు నమోదు చేసి దర్యాప్తు చేస్తున్నారు. పాత కక్షలు కూడా హత్యకు కారణమై ఉండవచ్చని పోలీసులు భావిస్తున్నారు.


 త్రిశంకు స్వర్గంలో బీరు ఫ్యాక్టరీ కార్మికులు
 ఉపాధి లేక వీధిన పడుతున్న వైనం
 రామచంద్రపురం:  కంపెనీలో కార్మికులకు పని చెప్పరు.. అలాగని పొమ్మనరు.. జీతాలివ్వక పస్తులుంచుతున్నారు. ఇదీ పట్టణంలోని ఆర్టోస్‌ బ్రూవరీస్‌ (బీరు ఫ్యాక్టరీ) పరిస్థితి. 50 ఏళ్లుగా ఎంతో మందికి ఉపాధి కల్పించిన బీరు ఫ్యాక్టరీ ప్రస్తుతం మూతపడింది. దీంతో వందలాది మంది కార్మికులు రోడ్డున పడ్డారు. కానీ ఫ్యాక్టరీ పెట్టినప్పచీ నుంచి పనిచేస్తున్న 35 మంది కార్మికులు ఇప్పటికీ ఫ్యాక్టరీనే నమ్ముకుని ఉన్నారు. ప్రత్యక్షంగా 200 మంది కార్మికులు ఫ్యాక్టరీ పనిచేసే సమయంలో ఉంటే ఎన్‌ఎంఆర్‌లుగా మరో 500 మంది వరకూ ఉపాధి పొందేవారు. ప్రతీరోజు సుమారు 1.75 లక్షల బీరు సీసాలు తయారు చేయగల సామర్థ్యం ఈ ఫ్యాక్టరీది. రాష్ట్ర విభజనానంతరం శ్రీకాకుళం జిల్లా రణస్థంలో ఒక ఫ్యాక్టరీ ఉంటే రెండవ ఫ్యాక్టరీ ఇదే ఏపీలో ఉన్న రెండింటిలో ఒకటి రామచంద్రపురానికి చెందిన ఆర్టీస్‌ బ్రూవరీస్‌ కావడం గమనార్హం. ఇక్కడ తయారయ్యే గోల్డెన్‌ ఈగల్‌ బీరు అప్పట్లో దేశవ్యాప్త ప్రాచుర్యం పొందింది. కారణం తెలియదు గానీ, ఏడాదిన్నరగా ఇక్కడ బీరు సీసాల తయారీ నిలిపివేశారు. ఇక్కడ తయారు చేసిన సుమారు 3.5 లక్షల వేల బీరు సీసాలను గత ఏడాదిన్నరగా ఉంచేశారని కార్మికులు చెబుతున్నారు. దీంతో ఎన్‌ఎంఆర్‌లతో పాటుగా కాంట్రాక్టుపై పనిచేసే వారికి ఉపాధి లేకుండా పోయింది. ట్రాన్స్‌పోర్టు మీద ఆధారపడి జీవించే లారీల యజమానులు, డ్రైవర్లు అప్పులపాలయ్యారు. సుమారు 600 మంది వరకు ఉపాధి లేక జీవనోపాధి కోల్పోయారు. ఇక మిగిలింది గత 30 ఏళ్లుగా పనిచేస్తున్న 35 మంది కార్మికులు ఉన్నారు. వీరికి కూడా ఐదు నెలలుగా జీతాలు లేవు. పాత బకాయిలతో కలిపి ఒకొక్కరికీ సుమారు రూ.1.50లక్షల వరకు కంపెనీ ఇవ్వాల్సి ఉంది. ఈ నేపథ్యంలో ఎలక్ర్టీషియన్‌ పెండ్యాల శ్రీనివాసరావు తన చావుకు కారణం యాజమాన్యమే నంటూ సూసైడ్‌ నోట్‌ రాసి ఆత్మహత్యకు పాల్పడడంతో మిగిలినవారిలో ఆందోళన నెలకొంది. మరిన్ని కుటుంబాలు వీధిని పడకుండా చూడాలని యాజమాన్యాన్ని వారు వేడుకుంటున్నారు. 
 పస్తులుంటున్నాము
 కంపెనీలో 30 ఏళ్లుగా బాయిలర్‌ ఆపరేటర్‌గా పనిచేస్తున్నారు. ఐదు నెలలుగా జీతాలు రాకపోవటంతో కుటుంబాన్ని పస్తులుండాల్సిన పరిస్థితి ఏర్పడింది. యాజమాన్యం వెంటనే స్పందించాలని విజ్ఞప్తి చేస్తున్నాము.
 - కె భూపతి, బాయిలర్‌ ఆపరేటర్.
 అలవెన్సులు బకాయిలున్నాయి
 28 ఏళ్లుగా పనిచేస్తున్నాను. రెండేళ్ల అలవెన్సులు రావాల్సి ఉంది. కానీ యాజమాన్యం స్పందన లేదు. కుటుంబాలు రోడ్డున పడకుండా చూడాలి. 
 కేఆర్‌వీవీ సత్యనారాయణ, రిఫ్రిజిరేటర్‌ సెక్షన్.
  
 కార్మికులు భయపడుతున్నారు
 32 ఏళ్లుగా పనిచేస్తున్నాను. యాజమాన్యం తీరుతో అందరూ ఆందోళనగా ఉన్నారు. జీతాలు ఇవ్వక ఇబ్బంది పడుతున్నాం. కార్మిక శాఖ అధికారులు వెంటనే స్పందించాలి.
 - ఎంవీ రాజు, వాషింగ్‌ ఆపరేటర్


 ♦ బీర్‌ను హెల్త్‌ డ్రింక్‌ అన్న మంత్రి జవహర్‌
 ♦ మండిపడుతున్ననారీ సంఘాలు
 ♦  మెడికల్‌ షాపుల్లో కూడా బీర్‌ అమ్ముతారా?
 ♦ విద్యార్థులకు ఏం సందేశం ఇస్తున్నారు ?
 ♦ ఉద్యమించడానికి సన్నద్ధం
 సాక్షి ప్రతినిధి, ఏలూరు : ఒక పక్క మద్యాన్ని ఆదాయ వనరుగా చూడటం లేదని పదేపదే చెబుతున్న మంత్రి జవహర్‌ మరోవైపు బీరును హెల్త్‌ డ్రింక్‌గా ప్రమోట్‌ చేస్తామన్న వ్యాఖ్యలపై మహిళా లోకం మండిపడుతోంది. మెడికల్‌ షాపుల్లో కూడా బీరు అమ్ముతారా అని ప్రశ్నిస్తోంది. గౌరవప్రద ఉపాధ్యాయ వృత్తి నుంచి వచ్చిన మంత్రి బీరును హెల్త్‌డ్రింక్‌గా చెప్పడం ద్వారా విద్యార్థులకు ఏం సందేశం ఇస్తున్నారని ప్రశ్నిస్తున్నారు.
 
 ఆదాయం కోసం ఎంతకైనా దిగజారడం  ఈ ప్రభుత్వానికే చెల్లిందని మహిళలు తీవ్ర ఆగ్రహం వ్యక్తం చేస్తున్నారు. ఇప్పటికే యువత మద్యానికి బానిస అవుతుంటే ప్రభుత్వమే హెల్త్‌ డ్రింక్‌ అంటూ బీరును ప్రమోట్‌ చేయడం పట్ల సర్వత్రా ఆగ్రహం వ్యక్తం అవుతోంది. ఇప్పటికే ఇళ్ల మద్యన మద్యం దుకాణాలపై  ఉద్యమిస్తున్న వారిపై కేసులు పెట్టడాన్ని మహిళా సంఘాలు తప్పు పడుతున్నాయి. మద్యం పాలసీపై ప్రభుత్వం వెనక్కి తగ్గని పక్షంలో ఉద్యమించడానికి మహిళా సంఘాలు సన్నద్దం అవుతున్నాయి.
 
  ఇప్పటికే సుప్రీం కోర్టు నిబంధనలను తప్పించుకోవడం కోసం జాతీయ రహదారులను రాష్ట్ర రహదారులుగా మార్చడం, రాష్ట్ర రహదారులను మున్సిపల్, అర్బన్‌ రహదారులుగా మార్పులు చేయడం ఆదాయం కోసం కాకపోతే మరెందుకని వారు  నిలదీస్తున్నారు. గ్రామాల్లో ఇళ్ల మధ్యన మద్యం దుకాణాల ఏర్పాటుపై మంగళవారం కూడా ఆందోళనలు జరిగాయి.
 
 చింతలపూడి మండలంలోని భట్టువారిగూడెం, రాఘవాపురం గ్రామాల్లో జనావాసాల మధ్య మద్యం దుకాణాలను తొలగించాలని ఆందోళనలు జరిపారు. భట్టువారిగూడెంలో ఏర్పాటు చేసిన మద్యం దుకాణం వల్ల తాము తీవ్ర ఇబ్బందులు పడుతున్నామని మహిళలు ఆగ్రహం వ్యక్తం చేస్తున్నారు. మద్యం సేవించిన వారు తమ ఇళ్ళకు వచ్చి తలుపులు కొడుతున్నారని గ్లాసులు కావాలని అడుగుతున్నారని వాపోయారు. రాఘవాపురం గ్రామంలో మద్యం దుకాణాన్ని తరలించాలని గ్రామస్తులు ఆందోళనకు దిగారు. చింతలపూడి –సత్తుపల్లి ప్రధాన రహదారిపై రాస్తారోకో చేశారు.
 
 శివాలయం సమీపంలో ప్రకృతి వ్యవసాయ వనరుల కేంద్రం వద్ద మద్యం దుకాణం పెడుతున్నారని ఆరోపించారు.  మొగల్తూరు పంచాయతీ కాలువరోడ్డులో మద్యం దుకాణం ఏర్పాటు చేయడాన్ని నిరసిస్తూ ఆందోళన నిర్వహించారు. పెనుగొండ మండలం సిద్ధాంతం గోదావరి రోడ్డులో మద్యం దుకాణ ఏర్పాటు వ్యతిరేకిస్తూ మహిళలు నిరశన కొనసాగిస్తున్నారు. మంగళవారం ఉదయం మరోసారి నిరశన కార్యక్రమాలు చేపట్టారు. పుణ్యక్షేత్రానికి వెళ్లే దారిలోనూ ఇబ్బందులు ఎదురవుతాయంటూ నిరశన వ్యక్తం చేశారు. ఉదయం సిద్ధాంతంలో ర్యాలీ నిర్వహించి మద్యం దుకాణానికి వ్యతిరేకంగా నినాదాలు చేశారు. మద్యం దుకాణం ఏర్పాటు చేయకుండా పంచాయతీ తీర్మానం చేయాలంటూ సర్పంచ్‌ బిరుదగంటి రత్నరాజుకు వినతిపత్రం అందించారు.
 
 పవిత్రమైన ఉపాధ్యాయ వృత్తి నుంచి వచ్చి ఇలాగేనా మాట్లాడేది..?
 పోడూరు : ‘బీరు’ను హెల్త్‌ డ్రింక్‌గా ప్రమోట్‌ చేస్తానని రాష్ట్ర ఎక్సైజ్‌శాఖ మంత్రి కేఎస్‌.జవహార్‌ చేసిన వాఖ్యలను మహిళాలోకం తీవ్రస్థాయిలో ఖండిస్తోంది. మంత్రిస్థాయి నేత ఇటువంటి వాఖ్యలు చేయడం చూస్తోంటే ఈ ప్రభుత్వం సమాజాన్ని ఎటువైపు నడిపిచాలనుకుంటోందని మహిళలు ఆగ్రహావేశాలతో మండి పడుతున్నారు. పవిత్రమైన ఉపాధ్యాయ వృత్తి ని చేపట్టిన  మంత్రి జవహార్‌ ఇలాగేనా మాట్లాడేది...పిల్లలకు ఇలాగే పాఠాలు చెప్పారా...?అని పలువురు మహిళలు, మహిళా ప్రజాప్రతినిధులు ప్రశ్నిస్తున్నారు.
 
 సిగ్గు చేటు..,
 బీరు హెల్త్‌ డ్రింక్‌ గా ప్రమోట్‌ చేస్తానని సాక్షాత్తూ ఎక్సైజ్‌ మంత్రి పేర్కొనడం  సిగ్గుచేటు. పేద, మధ్య తరగతికి చెందిన లక్షలాది మంది మద్యానికి బానిసలు కావడంతో వారి కుటుంబాలు ఆర్ధికంగా చితికి చిన్నాభిన్నమవుతున్నాయి. ఎక్సైజ్‌శాఖ మంత్రి  చేసిన వాఖ్యలు లక్షలాదిమందిని మద్యానికి బానిసలుగా మార్చే విధంగా  ఉన్నాయి.
 – గుంటూరి వాణి పెద్దిరాజు, ఎంపీపీ, పోడూరు
 
 బాధాకరం
 రాష్ట్ర ఎక్సైజ్‌ మంత్రే ఇటువంటి వాఖ్యలు చేయడం చాలా బాధాకరం. రాష్ట్రంలో మద్యం అమ్మకాలను విపరీతంగా పెంచుకుని ఆదాయాన్ని పెంచుకోవడమే లక్ష్యంగా మంత్రి వాఖ్యలు కనబడుతున్నాయి. పవిత్రమైన ఉపాధ్యాయ వృత్తి నుంచి మంత్రి స్థాయికి వచ్చిన నాయకుడు ఇలా మాట్లాడటం ఆందోళనకరమైన విషయం. మంత్రి తన వాఖ్యలను ఉపసంహరించుకోవాలి.
 – కుడిపూడి నాగలక్ష్మి, ఎంపీటీసీ, గుమ్మలూరు
 
 
 మద్యానికి బానిసలను చేస్తున్న ప్రభుత్వం
 టీడీపీ ప్రభుత్వం రాష్ట్ర ప్రజలను మద్యానికి బానిసలుగా చేసి వారిని నిర్వీర్యం చేస్తోంది. బాధ్యతాయుతమైన పదవిలో ఉన్న ఎక్సైజ్‌ శాఖ మంత్రి కేఎస్‌ జవహర్‌ మద్యాన్ని ఆరోగ్య పానీయంగా పేర్కొనడం విడ్డూరం. పురుషులకు మద్యాన్ని అలవాటు చేసి వారి కుటుంబాలను తిరోగమనంలోకి నెట్టేందుకు ఈ ప్రభుత్వం ప్రయత్నిస్తోంది. జాతీయ, రాష్ట్ర రహదారుల పక్కన మద్యం దుకాణాలు ఉండకూడదని సుప్రీం కోర్టు తీర్పు ఇస్తే దానినుంచి తప్పించుకోవడానికి ఆ రహదార్లను ప్రాంతీయ రహదార్లుగా మార్చాలని నిర్ణయించటం మద్య నియంత్రణపై చంద్రబాబు చిత్తశుద్ధి ఏ పాటిదో తెలుపుతోంది. బీరుపై బాధ్యతారహిత వ్యాఖ్యానం చేసిన మంత్రి జవహర్‌ను పదవి నుంచి తొలగించాలి. ఇళ్లు, ప్రార్థనా మందిరాల చెంత మద్యం దుకాణాల ఏర్పాటును మహిళలు, స్థానికులు అడ్డుకుంటున్నా ప్రభుత్వం నిమ్మకు నీరెత్తినట్టు కూర్చోవడం దారుణం.
 – పిల్లంగోళ్ల శ్రీలక్ష్మి,రాష్ట్ర ప్రధాన కార్యదర్శి, వైఎస్సార్‌ కాంగ్రెస్‌ పార్టీ


 అమరావతి: ఆంధ్రపద్రేశ్‌ ఎక్సైజ్‌ మంత్రి కేఎస్‌ జవహర్‌ వ్యాఖ్యలపై తీవ్ర దుమారం రేగుతోంది. బీరును హెల్త్‌ డ్రింక్‌గా ప్రమోట్‌ చేస్తున్నామని ఆయన ప్రకటన చేసిన విషయం తెలిసిందే. కావాలంటే బీరు హెల్త్‌ డ్రింక్‌ అని నిరూపిస్తానంటూ మంత్రి సవాల్‌ చేయటంపై సర్వత్రా విమర్శలు వెల్లువెత్తుతున్నాయి. మంత్రి తీరుపై మహిళలు ఆగ్రహం వ్యక్తం చేస్తూ పలుచోట్ల నిరసనలు చేపట్టారు.
 సాక్షాత్తూ ఎక్సైజ్‌ మంత్రికి బీరు హెల్దీ డ్రింక్‌గా కనిపిస్తుందా? ఏం మాట్లాడుతున్నారో ఆయనకు అర్థం అవుతుందా అని సూటిగా ప్రశ్నిస్తున్నారు. కాగా  మద్యాన్ని ప్రధాన ఆదాయ వనరుగా చూడబోమని ఓ వైపు చెబుతూనే మరోవైపు బీరును హెల్త్‌ డ్రింక్‌గా ప్రమోట్‌ చేస్తున్నామని మంత్రి కేఎస్‌ జవహర్‌ పేర్కొనడాన్ని బట్టి చూస్తే ప్రభుత్వం ఉద్దేశ్యం ఏంటో ఇట్టే అర్ధమవుతుంది.


 సాక్షి, అమరావతి: మద్యాన్ని ప్రధాన ఆదాయ వనరుగా చూడబోమని ఓ వైపు చెబుతూనే మరోవైపు పూటుగా మద్యం తాగించేందుకు ప్రభుత్వం సన్నాహాలు చేస్తోంది. బీరును హెల్త్‌ డ్రింక్‌గా ప్రమోట్‌ చేస్తున్నామని సాక్షాత్తూ ఎక్సైజ్‌ శాఖ మంత్రి కేఎస్‌ జవహర్‌ పేర్కొనడాన్ని బట్టి చూస్తే ప్రభుత్వం ఉద్దేశ్యం ఏంటో ఇట్టే అర్ధమవుతుంది.
 
 సుప్రీంకోర్టు నిబంధనల ప్రకారం రోడ్ల వెంబడి నగరాల్లో, పట్టణాల్లో మద్యం షాపుల ఏర్పాటు వీలు కాకపోవడంతో రోడ్లను డీ నోటిఫై చేయనున్నామని, బైపాస్‌ రోడ్లను ఏర్పాటు చేస్తామని చెప్పారు. ఇందుకు సంబంధించి పూర్తి విధి విధానాలపై మంగళవారం జీవో జారీ కానుందని ఎక్సైజ్‌ మంత్రి కేఎస్‌ జవహర్‌ తెలిపారు. 
 


 ఘట్‌కేసర్‌: బంధువులతో కలసి చల్లగా బీరు తాగుదా మనుకున్న ఓ వ్యక్తికి వింత ఘటన ఎదురైంది. కొను గోలు చేసిన బీరు సీసాలో మృతి చెందిన బల్లి కనిపించ డంతో అవాక్కయ్యాడు . ఈ ఘటన మందు బాబుల్లో కలకలం రేపుతోంది.
 
 ఎల్‌బీ నగర్‌కు చెందిన విక్రమ్‌రెడ్డి గురువారం ఘట్‌కేసర్‌లోని బంధువుల ఇంటికి వచ్చా డు. స్థానికంగా ఉన్న ఎన్‌ఎఫ్‌సీ నగర్‌లోని టీఎస్‌బీసీఎల్‌ లిక్కర్‌ షాపులో ఐదు బీర్లను కొనుగోలు చేశాడు. తాపీగా తాగుదా మని బీర్లను ఒపెన్‌ చేస్తుండగా అందులోని ఒక సీసాలో మృతి చెందిన బల్లి కని పించింది. ఆందో ళనకు గురైన అతడు వాటిని పక్కన పడేశాడు. ఈ ఘటనపై వినియోగదారుల ఫోరంలో ఫిర్యాదు చేస్తానని చెప్పాడు.


 సింగపూర్‌: బీరు ఆరోగ్యానికి మంచిదా..? కాదా..? అంటే బీరు ప్రియులు మాత్రం ఆరోగ్యానికి మంచిదే అని గట్టిగా చెబుతారు. ఇప్పటివరకు ఏమోకానీ ఇకపై ఆరోగ్యానికి మంచి చేసే బీరును సింగపూర్‌కు చెందిన శాస్త్రవేత్తలు అభివృద్ధి చేశారు. తాము తయారు చేసిన బీరు తాగడం వల్ల పేగుల ఆరోగ్యం మెరుగుపడడం తోపాటు రోగనిరోధక శక్తీ పెరుగుతుందని సింగపూర్‌ నేషనల్‌ వర్సిటీకి చెందిన పరిశోధకులు వెల్లడించారు.
 
 జీవించి ఉన్న బ్యాక్టీరియా (ప్రొబయోటిక్స్‌) లాక్టోబా సిల్లస్‌ పారాకేసేయ్‌ అనే బ్యాక్టీరియా మనిషి పేగుల్లో ఉంటూ.. శరీరంలోని టాక్సిన్లు, వైరస్‌లను తొలగించ డంతోపాటు రోగనిరోధక శక్తిని పెంపొందిస్తుందని తెలిపారు. ఈ తరహా బ్యాక్టీరియాతోనే తాము బీరును తయారు చేసినట్లు వివరించారు. సాధారణంగా ఆహా రం, పానీయాల్లో జీవించి ఉన్న బ్యాక్టీరియాలు ఆరోగ్యా నికి మంచి చేస్తాయని అధ్యయనాల్లో వెల్లడైంది.


 లండన్‌: బీర్‌ ప్రియులకు శుభవార్త....  నొప్పులతో బాధపడుతుంటే  ఇష్టమైన బీర్‌ను 2 గ్లాసులు తీసుకుంటే చాలు ఎటువంటి పారాసిట్మాల్‌ అవసరం లేదని ఒక పరిశోధనలో తేలింది.
 బ్రిటన్‌కు చెందిన గ్రీన్‌విచ్‌ యూనివర్సిటీ పరిశోధకులు 404మందిపై పరిశోధనలు జరిపి ఈ విషయాన్ని కనుగొన్నారు.మెదడు రిసెప్టర్స్‌పై  బీరు  ప్రభావం చూపి నొప్పి తగ్గిస్తుందా లేదా ఆత్రుతను తగ్గించి ఇబ్బందిని తొలగిస్తుందా అన్న దానిపై వారు స్పష్టతకు రాలేకపోయారు. బీరును ఎంత ఎక్కువగా తీసుకుంటే అంత తక్కువ నొప్పి అనుభవించారని వారి పరిశోధనలో తేలింది.   నిరంతరం నొప్పితో బాధపడేవారు కొంత మొత్తంలో మద్యం తీసుకోవచ్చని నిర్ధారించారు.


 విచ్చలవిడిగా బెల్ట్‌ షాపుల నిర్వహణ
 ఏరులై పారుతోన్న మద్యం  
 
 బాల్కొండ: గ్రామాల్లో బెల్ట్‌ షాపుల నిర్వహణ జోరుగా సాగుతోంది. పల్లెల్లో మద్యం ఏరులై పారుతోంది! ఎక్సైజ్‌ అధికారులు ‘మామూలు’గా తీసుకోవడం, వీడీసీలు సైతం మద్దతు పలుకుతుండడంతో బెల్ట్‌ షాపుల దందా దర్జాగా నడుస్తోంది. ముప్కాల్, మెండోరా తదితర మండలాల పరిధిలో బెల్ట్‌షాపులు పుట్టగొడుగుల్లా వెలిశాయి. ప్రతి గ్రామంలో షాపులు ఏర్పాటు చేసి, అక్రమంగా మద్యం విక్రయిస్తున్నారు. ముప్కాల్‌ మండలంలో ముప్కాల్‌తో పాటు రెంజర్లలో,  అలాగే, మెండోరా మండలంలో మెండోరాతో పాటు దూదిగాంలో ఎన్‌హెచ్‌ 44కు సమీపంలో వైన్‌ షాపులు ఉన్నాయి. మిగతా అన్ని గ్రామాల్లో బెల్ట్‌ షాపులు వెలిశాయి. ఒక్క శ్రీరాంసాగర్‌ ప్రాజెక్ట్‌ కాలనీలోనే నాలుగు బెల్ట్‌షాపులు నిర్వహిస్తున్నారంటే ఏ స్థాయిలో ఈ అక్రమ దందా కొనసాగుతుందో ఊహించుకోవచ్చు. ఎక్సైజ్‌ అధికారులను, పోలీసులను మచ్చిక చేసుకుంటున్న నిర్వాహకులు.. గ్రామాభివృద్ధి కమిటీల సహకారంతో జోరుగా మద్యం విక్రయిస్తున్నారు. ఇందుకోసం ప్రతి నెలా వీడీసీలకు, అధికారులకు ఎంతో కొంత ముట్టచెబుతున్నారు.
 
 ఎమ్మార్పీ కంటే ఎక్కువే
 బెల్ట్‌ షాపులను నియంత్రించాల్సిన అధికారులతో పాటు వీడీసీలు సైతం కిమ్మనక పోవడంతో నిర్వాహకులు రెచ్చి పోతున్నారు. కొంత మంది బెల్ట్‌ షాపులనే వృత్తిగా మలుచుకున్నారు. ఎమ్మార్పీ కంటే ఎక్కువ ధరకు విక్రయిస్తూ మందుబాబుల జేబు లు గుల్ల చేస్తున్నారు. ఒక్కో బీరుకు రూ.10, క్వార్టర్‌పై రూ.10–15 వరకు అదనంగా వసూలు చేస్తున్నారు. ప్రతి నెలా ఆదాయం వస్తుండడంతో వీడీసీలు ఈ అక్రమ దందాను చూసీ చూడనట్లు వదిలేస్తున్నాయి. మరోవైపు, ‘బెల్ట్‌’ తీయాల్సిన ఎక్సైజ్, పోలీస్‌ అధికారులు ‘మామూలు’గానే ‘మత్తు’లో తూగుతున్నారని ఆరోపణలు వినిపిస్తున్నాయి. ఇప్పటికైనా ఉన్నతాధికారులు స్పందించి బెల్ట్‌షాపులను నియంత్రించాలని పలు గ్రామాల వాసులు కోరుతున్నారు.


 లాస్‌ఏంజిలెస్‌: త్వరలో చంద్రుడిపై బీర్‌ తయారుకానుంది. టీమ్‌ఇండస్‌ అనే సంస్థ నిర్వహించిన ‘ల్యాబ్‌ టు మూన్ ’పోటీల్లో అమెరికాలోని కాలిఫోర్నియా యూనివర్సిటీకి చెందిన ఇంజనీరింగ్‌ విద్యార్థులు విజేతలుగా నిలిచారు. ఈ సంస్థ వచ్చే డిసెంబర్‌ 28న చంద్రుడికిపైకి అంతరిక్షనౌకను పంపనుంది. ఈ నౌకలో వర్సిటీ విద్యార్థులు రూపొందించిన బీరు క్యాన్ ను పంపి అక్కడ బీరును తయారు చేయనున్నారు.
 ఈ ప్రయోగంలో మూడు విభాగాలున్న లోహపు డబ్బాలో పులియని బీరు, ఈస్ట్‌ను విడిగా ఉంచి చంద్రుడికిపైకి పంపుతారు. ఇది అక్కడికి చేరాక వాల్వ్‌ తెరుచుకొని ఈ రెండు మిశ్రమాలు కలుస్తాయి. అనంతరం పులియబెట్టిన బీరు తయారవుతుంది. అక్కడ బీర్‌ను ఎంతవరకు పులియబెట్టవచ్చో దీనిద్వారా తెలుసుకుంటారు.


 వారం రోజుల్లో రూ. 23 కోట్ల పైగా
 మద్యం విక్రయాలు గతేడాది కన్నా రూ. 2 కోట్ల 33 లక్షలు అధికం
 
 నిజామాబాద్‌ క్రైం : కొత్త సంవత్సరాన్ని పురస్కరించుకుని రికార్డు స్థాయిలో మద్యం విక్రయాలు జరిగాయి. వారం రోజుల్లో రూ. 23 కోట్ల 75లక్షలకు పైగా మద్యం అమ్మకాలు సాగాయి. కొత్త సంవత్సరం సందర్భంగా మ ద్యం వ్యాపారులు భారీ స్థాయిలో మద్యాన్ని డంప్‌ చేసుకున్నారు. గతేడాది డిసెంబర్‌ చివరి వారం రోజు ల్లో అమ్ముడైన మద్యం కంటే ఈ ఏడాది రూ. 2 కోట్ల 33 లక్షల మద్యం విక్రయాలు ఎక్కువ అయ్యాయి. ప్ర భుత్వం ఎప్పటిలాగే ఈసారి కూడా కొత్త సంవత్సరం సందర్భంగా మద్యం విక్రయాలకు గంట సమయం పొడిగించింది. నిత్యం మద్యం దుకాణాలు రాత్రి 10 గం టలకు, బార్లు రాత్రి 11 గంటల వరకు కొనసాగుతుండ గా, పొడిగించిన ప్రకారం మద్యం దుకాణాలకు 11 గంటల వరకు, బార్లు రాత్రి 12 గంటల వరకు అ నుమతించారు. దీంతో మందుబాబులు ఎగబడి మ ద్యాన్ని కొనుగోలు చేశారు. నూతన సంవత్సరం సందర్భంగా వ్యాపారులు వారం రోజుల క్రితం నుంచే మ ద్యాన్ని డంప్‌ చేసుకున్నారు. మాక్లూర్‌ మండలం మా దాపూర్‌లో గల తెలంగాణ రాష్ట్ర బేవరేజెస్‌ కార్పొరేషన్‌(ఐఎంఎఫ్‌ఎల్‌ డిపో) నుంచి ఈ నెల 24 నుంచి 31 వరకు రూ. 23 కోట్ల 75లక్షల 89వేల 346లు మద్యం విక్రయాలు జరిగాయంటే ఏ మేరకు మద్యాన్ని డంప్‌ చేసుకున్నారో అర్థమవుతోంది.
 
 విక్రయాలలో ఈసారి కూడా బీర్ల హవా కొనసాగింది. లిక్కర్‌ 40,642 కార్టు న్లు అమ్ముడు పోగా, బీర్లు 49,717 అమ్ముడుపోవడం గమనార్హం. గతేడాది 2015 డిసెంబర్‌ చివరి వారంలో ఐఎంఎల్‌ 30,570 కార్టున్లు, బీర్లు 44,732 కార్టున్లు విక్రయించారు. వీటి విలువ రూ. 21 కోట్ల 42 లక్షల 53వే ల 617లు జిల్లా రెండుగా విడిపోయినప్పటికి ఇంకా కామారెడ్డి జిల్లాకు ఐఎంఎల్‌ డిపోను ఏర్పాటు చేయలేదు. ఇప్పటికి నిజామాబాద్‌ జిల్లా మాక్లూర్‌ ఐఎంఎల్‌ డిపో నుండే మద్యం కామారెడ్డి జిల్లాకు వెళ్తోంది. 2016 డిసెంబర్‌ 24 నుంచి 31వరకు మద్యం విక్రయాలు జరిగిన తీరు..


 విస్కాన్సిన్: పాల కంటే బీరు ఆరోగ్యరం. మీరు చదివింది నిజమే. జంతు పరిరక్షణ కోసం పాటుపడుతున్న 'పెటా' ఈ ప్రకటన చేసింది. అంతేకాదు ఈ విషయం శాస్త్రీయంగా రుజువైందని కూడా వెల్లడించింది. అమెరికాలోని విస్కాన్సిన్ యూనివర్సిటీ-మాడిసన్ క్యాంపస్ కు కూటవేటు దూరంలో హిల్ డేల్ మాల్ వద్ద 'గాట్ బీర్' పేరుతో బిల్ బోర్డును పెటా ఏర్పాటు చేసింది. పాలు తాగడం కంటే బీరు సేవించడం ఆరోగ్యానికి మంచిదని అధికారికంగా నిర్ధారణయిందని అందులో పేర్కొంది. పాలతో పోలిస్తే బీరు బలవర్ధక ఆహారమని వివరించింది. రెండింటిలోనూ పోషకాలను పోల్చిచూపింది. ఎముకల పటుత్వాన్ని పెంచి ఆయుర్ధాయం పెంచుతుందని తెలిపింది.
 
 పాలు తాగడం వల్ల ఒబిసిటీ, డయాబెటీస్, కేన్సర్ వచ్చే అవకాశాలున్నాయని వెల్లడించింది. పాల ఉత్పత్తులు వాడడం వల్ల ఎముకలు గుల్లబారే ప్రమాముందని హెచ్చరించింది. 'పాలు తాగడం మానండి, బాధ్యతగా బీరు తాగండి' అని ప్రకటనలో పేర్కొంది. గతంలోనూ బీరుకు మద్దతుగా పెటా ప్రచారం చేసింది. 2000 సంవత్సరంలో బీరుకు మద్దతుగా పెటా ప్రచారం చేసింది. అయితే పెద్ద ఎత్తున వ్యతిరేకత రావడంతో అప్పట్లో పెటా వెనక్కు తగ్గింది.
 
 అయితే ఆల్కహాల్ మితంగా తీసుకోవడం ఆరోగ్యానికి మంచిదేనని పెటా కార్యవర్గ ఉపాధ్యక్షుడు ట్రేసీ రీమాన్ తెలిపారు. ఆరోగ్యం కోసం పాల ఉత్పత్తులనే వినియోగించాల్సిన అవసరం లేదన్నారు. పాల కోసం లక్షలాది ఆవులను ఇబ్బందులకు గురిచేస్తున్నారని, పాల వినియోగం తగ్గితే వాటిని హింసించడం మానుకుంటారన్న ఉద్దేశంతో బీర్ కు మద్దతుగా ప్రచారం చేస్తున్నామని వివరించారు.


 
 ఇద్దరిపై ఆరుగురి హత్యాయత్నం
 
 ఆలస్యంగా వెలుగుచూసిన ఘటన
 
 నిందితులపై చర్యలకు పోలీసుల వెనుకంజ?
 
 కరీంనగర్‌ క్రైం : అసలే అర్ధరాత్రి..ఆపై మద్యంమత్తు.. ఆ మత్తులో ఇద్దరు యువకులపై ఆరుగురు దాడిచేశారు. అది ఓ బార్‌షాప్‌ ముందు. ఆలస్యంగా వెలుగుచూసిన ఈ సంఘటనకు సంబంధించిన వివరాలు బాధితుల కథనం ప్రకారం.. మూడు రోజుల క్రితం అర్ధరాత్రి దాటాక సుమారు ఒంటిగంట సమయంలో అశోక్‌నగర్‌నకు చెందిన సృజన్, వావిలాలపల్లికి చెందిన రాజు బస్టాండ్‌ సమీపంలోని నటరాజ్‌ బార్‌ వద్దకు వచ్చారు. అర్ధరాత్రి మద్యం విక్రయించే కౌంటర్‌ వద్దకు వెళ్లి బీర్లు కావాలని అడిగారు. అప్పటికే మద్యం సేవించిన ఆరుగురు వీరి వద్దకు వచ్చి.. ‘మాకే బీర్లు ఇవ్వనివారు మీకు ఎలా ఇస్తారు..’ అంటూ వాగ్వాదానికి దిగారు. అంతటితో ఆగకుండా విచక్షణారహితంగా దాడి చేశారు. కర్రలు, బీరుసీసాలు పగులగొట్టి దాడి చేయడంతో రాజుకు మూడుచోట్ల తీవ్ర గాయాలయ్యాయి. కాసేపటికి వాళ్లు వెళ్లిపోవడంతో క్షతగాత్రులు ఆసుపత్రిలో చేరారు. మరుసటి రోజు పోలీసులను ఆశ్రయించారు. వారి ఫిర్యాదుతో పోలీసులు సీసీ కెమెరాల పుటేజీలు పరిశీలించి దాడి జరిగినట్లు గుర్తించారు. ఫిర్యాదు చేసి రెండు రోజులు గడుస్తున్నా... నిందితులను గుర్తించడంలో పోలీసులు నిర్లక్ష్యం చేస్తున్నారని, నిందితులు పెద్ద ఎత్తున లాబీయింగ్‌ చేస్తుండడంతోనే వెనుకంజ వేస్తున్నారని బాధితులు ఆరోపిస్తున్నారు. 


 సాక్షి,సిటీబ్యూరో: నగరంలోని మందుబాబులకు ఓ ‘చల్లని’ వార్త. బీరులో కిక్కు తక్కువ అనుకునేవారు ఇకపై కోరినంత కిక్కును తలకెక్కించుకోవచ్చు. తాజా బీరును క్షణాల్లో తయారు చేసి అందించేందుకు 20 మినీ బీరు ప్లాంట్లు (మైక్రో బ్రేవరేజెస్‌) అందుబాటులోకి రానున్నాయి. ఇవి ఈ నెలాఖరులోగా ఏర్పాటు కానున్నట్టు సమాచారం. వీటిలో రెస్టారెంట్లు, స్టార్‌హోటళ్లు సైతం ఉన్నాయి. ప్రస్తుతం మద్యం దుకాణాల్లో 650 మి.లీ బీరును సీసాల్లో అందిస్తుండగా..
 ఈ మినీ ప్లాంట్లలో అర లీటరు, లీటరు జగ్గుల్లో బీరును లాగించేయొచ్చు. అప్పటికప్పుడు తాజా ముడి పదార్థాలతో తయారు చేయడం ఈ బీరు ప్రత్యేకత. దీని ధర కూడా కాస్త అధికంగానే ఉండనున్నట్టు సమాచారం. అరలీటరు బీరు రూ.150 నుంచి రూ.200 చెల్లించి మందుబాబులు జేబులు గుల్లవడం తథ్యమన్న సంకేతాలు వెలువడుతున్నాయి.
 
 ఒక్కో ప్లాంట్‌కు రూ.4 కోట్లు..!
 ఈ మినీ బీరు ప్లాంటు ఏర్పాటు చేయాలనుకునేవారికి విధిగా రెస్టారెంట్, బార్‌ లేదా హోటల్‌ ఉండాల్సిందే. ప్లాంటు ఏర్పాటుకు ప్రత్యేకంగా వెయ్యి చదరపు అడుగుల సువిశాలమైన స్థలం, పార్కింగ్‌ ఏర్పాట్లు తప్పనిసరి. ఈ ప్లాంటు ఏర్పాటుకు లైసెన్సు ఫీజును ప్రాథమికంగా రూ.3 లక్షలుగా నిర్ణయించారు. రోజువారీ ఉత్పత్తి ఆధారంగా ఎక్సైజ్‌ డ్యూటీ విధిస్తారు. కానీ ప్లాంట్లు ఏర్పాటుకు అంచనా వ్యయం రూ.2 నుంచి రూ.4 కోట్లు అవుతుందని ఆబ్కారీ శాఖ వర్గాలు పేర్కొంటున్నాయి.
 ఇక నిత్యం ఒక్కో ప్లాంటులో సుమారు 200 నుంచి 500 లీటర్ల బీరు తయారీకి అనుమతివ్వనున్నట్టు సమాచారం. ప్రస్తుతం నగరంలోని పలు హోటళ్లు, రెస్టారెంట్లు, స్టార్‌ హోటళ్ల యజమానులు 20 మందికి మినీ బీర్‌ ప్లాంట్ల ఏర్పాటుకు ఆబ్కారీశాఖ ప్రాథమిక అనుమతులిచ్చింది. ఆయా ప్లాంట్లను ఏర్పాటు చేయనున్న ప్రాంతాల్లో ఆబ్కారీశాఖ వర్గాలు తనిఖీలు చేసిన తర్వాతే లైసెన్సులను మంజూరు చేస్తారు.
 
 ఈ బీరు చాలా ఖరీదు గురూ..
 ప్రస్తుతం 650 మి.లీ లీటర్ల సీసాలో లభ్యమయ్యే లైట్‌ బీర్‌ రూ.90, హార్డ్‌బీర్‌ రూ.105 చొప్పున మద్యం దుకాణాల్లో విక్రయిస్తున్నారు. మినీ బ్రేవరేజెస్‌లో తయారయ్యే బీరుకు అర లీటరు రూ.150 నుంచి రూ.200 ధర చెల్లించక తప్పదని ఆబ్కారీ శాఖ వర్గాలు తెలిపాయి. తాజాగా తయారుచేసి అందించడం.. అదీ మనం చూస్తుండగానే క్షణాల్లో సిద్ధం చేయడం, ముడిపదార్థాల నాణ్యత కాస్త మెరుగ్గా ఉండడంతో రుచిలో ఈ బీరు మందుబాబులకు సరికొత్త కిక్‌ నిస్తుందని సెలవిస్తున్నారు. కనుక బీరుబాబులూ.. బీ(రు)రెడీ.


 సాధారణంగా బీరు తాగగానే యూరిన్కు పరిగెత్తేవారిని మనం చూస్తూనే ఉంటాం. మరి అలాంటిది యూరిన్తోనే బీర్ తయారుచేస్తే ఎలా ఉంటుంది. చాలా చండాలంగా ఉంటుంది అని మీరు అనుకోవచ్చు. కానీ బెస్ట్ టేస్ట్ అండ్ ఫ్లేవర్తో ఉండే బీర్ను యూరిన్తో తయారుచేసే టెక్నిక్ను కనుగొన్నారు పరిశోధకులు.
 
 బెల్జియంలోని ఘెంట్ యూనివర్సిటీకి చెందిన పరిశోధకులు కేవలం సోలార్ ఎనర్జీని ఉపయోగించుకొని యూరిన్ను నీరుగా మార్చే మెషిన్ను కనుగొన్నారు. ఈ విధానంలో.. పెద్ద ట్యాంక్లో యూరిన్ను స్టోర్ చేసి సోలార్ పవర్తో పనిచేసే బాయిలర్లో వేడి చేస్తారు. అనంతరం దానిని ఒక పొరగుండా పంపినప్పుడు పొటాషియం, నైట్రోజన్, పాస్పరస్ లాంటి ఖనిజాలతో పాటునీరు వేరవుతుంది. ఇటీవలే సెంట్రల్ ఘెంట్లో 10 రోజుల పాటు నిర్వహించిన మ్యూజిక్, థియెటర్ ఫెస్టివల్లో 'పీ ఫర్ సైన్స్' పేరుతో ఈ మెషిన్ను ఉంచి సుమారు వెయ్యి లీటర్ల యూరిన్ను సేకరించారు. దీంతో బెల్జియంలోనే మాంచి టేస్టున్న బీరును తయారుచేయనున్నట్లు పరిశోధకులు తెలిపారు. ఈ ప్రక్రియలో వెలువడిన ఖనిజాలను పంటలకు ఎరువులుగా కూడా వాడుకోవచ్చని డాక్టర్ డెరెసి వెల్లడించారు.


 న్యూఢిల్లీ: మతసంబంధాలను కించపరిచిందంటూ 'గాడ్ ఫాదర్' పేరుతో విక్రయాలు జరుపుతున్న బీరును దేశ రాజధానిలో నిషేధించాలని  ఢిల్లీ హైకోర్టులో ప్రజా ప్రయోజన వాజ్యం దాఖలైంది. ఈ మేరకు పిల్ వేసిన ఓ స్వచ్ఛంద సంస్థ, బీరుకు పెట్టిన పేరులో 'గాడ్' అనే పదం ఉందని, ఇది అన్ని మతాల ప్రజల భావోద్వేగాలను కించపరుస్తోందని పేర్కొంది.
 
 ఈ బీరు తయారీదారులు కావాలనే అన్ని వర్గాల ప్రజల మనోభవాలను దెబ్బతీసేలా ఆ పేరును పెట్టారని స్వచ్ఛంద సంస్థ 'జన్ చేతన మంచ్' అధ్యక్షుడు దేవిందర్ సింగ్ పిటిషన్ లో వివరించారు. ఈ కేసును ఫైల్ చేసిన లాయర్ ఏపీ సింగ్ పదాలు 'గాడ్', 'ఫాదర్'లకు మతాలలో ప్రత్యేక స్థానం ఉందని పేర్కొన్నారు. 'గాడ్ ఫాదర్' పేరును తొలగిస్తూ తయారీ దారు జాతీయ న్యూస్ పేపర్ల ద్వారా దేశ ప్రజలకు క్షమాపణ చెప్పాలని పిటిషన్ లో కోరారు. కాగా, ఈ పిటిషన్ వచ్చేవారం వాదనలు జరగనున్నాయి. 'గాడ్ ఫాదర్' బీరు ఉత్తర భారతదేశంలో బాగా ప్రాచుర్యం పొందింది.


 లండన్ : మండే ఎండలకి   చల్లని బీరు తో  చెక్ చెప్పాలనుకునే  మందుబాబులకు శుభవార్త.  మీరు తాగే బీర్ ఎంత  ఫ్రెష్ దో,    లేదా ఎంత  పాతదో కనిపెట్టేసే  స్మార్ట్ పద్ధతి  ఒకటి అందుబాటులోకి వచ్చింది.  అవును... ఇక కాలం చెల్లిన బీరు కారణంగా పార్టీ పాడవుతుందేమో నని బెంగపడొద్దంటూ  పరిశోధకులు మద్యం ప్రియులకు  ఒక గుడ్  న్యూస్ అందించారు. బీర్ తాజాదనాన్ని పట్టిచ్చే ఒక సరికొత్త యాప్ ను  మాడ్రిడ్ కంప్లుటెన్స్ విశ్వవిద్యాలయ  రసాయన శాస్త్రవేత్తలు  రూపొందించారు.  ఈ యాప్ లోని పాలీమర్ సెన్సర్ ద్వారా  బీర్ లోని తాజాదనం కొలిచేందుకు అనుమతించే ఒక పద్ధతిని అభివృద్ధి చేశారు. 
 స్మార్ట్ ఫోన్ లోని ఈ యాప్ ద్వారా  అతి సులువుగా, చవకగా బీర్ నాణ్యతను కొలిచే యాప్ ను  ఎలీనా బెంటిటో,  పెనామారియా క్రజ్ అనే పరిశోధకులు డెవలప్ చేశారు.ఇప్పటివరకూ బ్రెవరేజ్ కంపెనీలు  క్రొమటోగ్రఫీ పద్ధతుల ఆధారంగా ఫర్ ఫ్యూరల్ ( బీర్ లో కలిపే ఒక రకమైన కృత్రిమ, రంగులేని ద్రవం) ఇతర తాజాదనం సూచికలను కొలిచే వారన్నారు. కానీ వారు ఉపయోగించే ఈ పద్ధతి చాలా ఖరీదుతో కూడుకున్నదని, ఎక్కువ సమయం  కూడా తీసుకుంటుందని తెలిపారు. అయితే తమ కొత్త యాప్ లోని సెన్సర్ ద్వారా  బీర్ ఫర్ ఫ్యూరల్  శాతం, ఇతర నాణ్యతలను  చాలా ఈజీగా తెలుసుకోవచ్చని చెబుతున్నారు.  పాత బీరును పరీక్షించినపుడు, పసుపురంగు నుంచి పింక్  రంగుకు మారేలా ఈ సెన్సర్ డిస్క్ ను డిజైన్ చేశామని,  దీని ద్వారా డాటాను స్వీకరించి, తద్వారా బీర్  తాజాదనాన్ని కొలవచ్చని పేర్కొన్నారు. కాంటాక్ట్  లెన్స్ లను  తయారుచేయడానికి ఉపయోగించే పాలిమర్ నుంచి   ఈ సెన్పర్లు తయారు చేసినట్టు తెలిపారు. ఈ డేటా అప్లికేషన్ ఓపెన్ సోర్స్ లో అందుబాటులో ఉందని,  ఏ ప్రోగ్రామర్ అయినా దీన్ని తమకనుగుణంగా  సవరించుకొని  ఉపయోగించుకోవచ్చని చెప్పారు. అన్ని  ఆండ్రాయిడ్ ఫోన్లలో ఆ అప్లికేషన్ ఇపుడు అందుబాటులో ఉందని,  త్వరలో ఆపిల్ ఫోన్లకు కూడా అందుబాటులోకి తీసుకురానున్నట్టు తెలిపారు. ఎనలిటికల్  కెమిస్ట్రీ జర్నల్ ఇది ఈ పరిశోధన ప్రచురితమైంది.
  


 నిజామాబాద్ : మందు బాబులు ఈ ఏడాది తెగ తాగేశారు. 2015 ఏప్రిల్ 1 నుంచి 2016 ఏప్రిల్ వరకు వీరు తాగేసిన మందు విలువ ఎంతో తెలుసా..? అక్షరాల రూ. 667 కోట్ల 46 లక్షల 19వేల 120 రూపాయలు. మే నెల చివరి వరకు మరో రూ. 60 కోట్ల మద్యం విక్రయాలు జరుగవచ్చని ఎక్సైజ్ అధికారులు పేర్కొంటున్నారు. నిజామా బాద్ జిల్లాలోని మొత్తం 147 మద్యం దుకాణాలు, బార్‌లలో ఒక్క ఏడాదిలో ఈ స్థాయిలో మద్యం విక్రయించడం రికార్డు అని ఐఎంఎల్ డిపో అధికారులు పేర్కొంటున్నారు. మద్యం విక్రయాలు ఈ స్థాయిలో జరగడానికి గుడుంబా, కల్తీ కల్లు పై ప్రభుత్వం ఉక్కుపాదం మోపడమే కారణమనే అభిప్రాయం వ్యక్తమవుతోంది. మరో వైపు ఎండల తీవ్రత ఎక్కువగా ఉండడం వల్ల ఒక్క ఏడాదిలోనే రూ.194 కోట్ల 81 లక్షల 41వేల 90 రూపాయల విలువైన బీర్‌లు అమ్ముడుపోయాయి.
  
  నెల            ఐఎంఎల్ కేసులు    బీరు కేసులు    విలువ (రూ.)
  2015 ఏప్రిల్    78,867           1,80,242        47,21,15278
  మే                90,364            2,30,531        54,58,50608
  జూన్              58,760            1,73,105        38,81,84,770  
  జూలై             1,11,113           1,70,791        58,92,08,658
  ఆగస్టు            78,235             1,19,789        40,76,61,666
  సెప్టెంబర్          48,522             95,242          27,17,69,656
  అక్టోబర్           1,38,435           2,06,761       76,02,64,391
  నవంబర్          97,652             1,58,120        52,07,89,539
  డిశంబర్          1,09,775          1,75,758         60,55,09,113
  జనవరి16        92,161             1,19,121        46,22,98,680
  పిబ్రవరి            92,286             1,71,111         51,44,86,320
  మార్చు           95,432             2,20,898         57,81,99,343
  ఏప్రిల్              89,798             2,27,686         55,82,81,098


 బీరుపై రూ.15 పెంచి అమ్మకాలు
 మద్యం ప్రియుల జేబులకు చిల్లులు
 నెలకు రూ.4.82 కోట్లకు పైగా దోపిడీ
  
 చిత్తూరు: రోహిణి కార్తె రాకముందే ఎండలు రోళ్లు పగిలేలా కాస్తున్నాయి. పగటి ఉష్ణోగ్రత 42 డిగ్రీలు దాటుతోంది. ఈ తరుణంలో మందుబాబులు చల్లని కిక్కు కోసం బీర్లను ఆశ్రయిస్తున్నారు. దీన్ని ఆసరాగా తీసుకొని మద్యం వ్యాపారులు సిండికేట్ అయి రేట్లు పెంచి అందిన కాడికి దోచుకుంటున్నారు. ఎక్సైజ్ అధికారులు మామూళ్ల మత్తులో జోగుతూ పట్టించుకోవడం లేదన్న ఆరోపణలున్నాయి.
  
 కూలింగ్ పేరుతో..
 జిల్లాలో 382 మద్యం షాపులు, 26 బార్ అండ్ రెస్టారెంట్లు ఉన్నాయి. తిరుపతి, చిత్తూరు ఎక్సైజ్ డివిజన్‌లుగా విభజించారు. ఈ డివిజన్ల నుంచే ఆ పరిధిలోని దుకాణాలకు మద్యం సరఫరా చేస్తుంటారు. ఈ రెండు డివిజన్ల పరిధిలో ఏప్రిల్‌లో సుమారు 2 లక్షల 68 వేల బీరు కేసులను అమ్మారు. ఒక్కో బీరు కేసులో 12 బీర్లు ఉంటాయి. ఒక్కో బీరుపై సుమారు రూ.15 అదనంగా వసూలు చేస్తున్నారు. ఇదేమని ప్రశ్నిస్తే కూలింగ్ కోసం పెంచామని సమాధానమిస్తున్నారు. ఇలా వసూలు చేయడం వల్ల జల్లా వ్యాప్తంగా రూ.4.82 కోట్లు మద్యం బాబులపై అదనపు భారం పడుతోంది.
  
 నిబంధనలు గాలికి..
 మద్యం షాపుల దగ్గర ఇచ్చే పర్మిట్ రూములకు కేవలం మందు తాగడానికే అనుమతి ఉంటుంది. నిబంధనలకు విరుద్ధంగా ఇవి అన్ని చోట్లా దాబాలుగా మారిపోయాయి. మాంసం, ఇతర ఆహార పదార్థాలు విక్రయిస్తున్నారు. జిల్లా వ్యాప్తంగా ఉన్న మద్యం షాపుల్లో బీర్లు, మద్యంపై రూ.10 నుంచి రూ.15 అదనంగా వసూలు చేస్తూ మద్యం ప్రియుల జేబులకు చిల్లులు పెడుతున్నారు. ఈ దందా గురించి ఎక్సైజ్ పోలీసులకు తెలిసినా నెలనెలా మామూళ్లు అందుతుండటంతోపట్టించుకోవడం లేదని విమర్శలు వెల్లువెత్తుతున్నాయి.
  
 కఠిన చర్యలు..
 మద్యం అధిక ధరలకు విక్రయిస్తే చర్యలు తప్పవు. ఇప్పటికే జిల్లా వ్యాప్తంగా 18 కేసులు నమోదు చేశాం. మద్యం అధిక ధరలకు విక్రయించకుండా ఆన్‌లైన్ బిల్లింగ్ పద్ధతిని త్వరలో ప్రవేశపెడుతున్నాం.
  -  సత్యప్రసాద్, అసిస్టెంట్ కమిషనర్,
  ఎక్సైజ్ శాఖ, చిత్తూరు.
  
  


 చాలా మందికి బీర్ తాగాలా.. వద్దా.. అని సంశయం ఉంటుంది. అయితే ఈ విషయాలను ఓసారి గమనిస్తే ఏం చేయాలన్నది మీరే డిసైడ్ అయిపోతారు. మహిళలు వారానికి కనీసం రెండు బీర్లు తాగితే గుండెపోటు వచ్చే అవకాశాలు తగ్గుతాయని గతంలో ఎన్నో సర్వేలలో తేలింది. బీర్లు తాగని మహిళలతో పోలిస్తే ఈ అలవాటన్న మహిళలకు గుండెపోటు వచ్చే అవకాశాలు 30 శాతం తక్కువగా ఉంటాయని ఓ పరిశోధనలో తేలింది. వీటితోపాటు తాజాగా ఓ సర్వేలో బీర్ తాగడం వల్ల ఎలాంటి ఫలితాలున్నాయో వెల్లడైంది.
 
 బీర్ తాగడం వల్ల కలిగే ప్రయోజనాలు:
 
 రెగ్యూలర్ గా (వారంలో రెండు, మూడుసార్లు) బీర్ తాగే వాళ్లకు కిడ్నీ సమస్యలు తగ్గుతాయి. కిడ్నీలో రాళ్లు ఏర్పడటం లాంటి ఆనారోగ్యం వాటిల్లే అవకాశాలు తక్కువ. బీర్ తాగే 27 వేల మంది నుంచి సమాచారం సేకరించగా, ఈ సమస్య 40 శాతానికి పైగా తగ్గిపోతుంది.
 
 గుండె సంబంధిత రోగాలు వచ్చే అవకాశాలు తగ్గుతాయి. 2 వేల మందిపై సర్వే చేయగా గుండె సమస్యలు రావడం తగ్గినట్లు కనుగొన్నారు.
 
 గుండె సంబంధిత రోగాలతో పాటు గుండెపోటు వచ్చే అవకాశాలు తక్కువగా ఉంటాయట. బీర్ సేవించని వారితో పోల్చి చూస్తే తాగే వారిలో రక్తప్రసరణ బాగా జరిగి గుండెపోటు సమస్యలు తగ్గిపోయాయి.
 
 ఎముకలలో పటుత్వం పెంచడానికి బీర్ దోహదపడుతుంది. రోజు రెండు గ్లాసుల బీర్ తాగితే ఎముకలు కాస్త గట్టిపడతాయి.
 
 చాలా మందిని భయపెట్టే వ్యాధి షుగర్. అయితే ప్రతిరోజూ ఒకటి, రెండు గ్లాసుల బీర్ తాగితే టైప్2 డయాబెటిస్ వచ్చే అవకాశాలు 25 శాతం పైగా తగ్గుతాయని సర్వేలో తేలింది.
 
 అల్జీమర్స్ వ్యాధి రాకుండా చేస్తుంది. మంచి కొలెస్ట్రాల్ ను పెంచుతుంది. మెదడుకు రక్త ప్రసరణ బాగా జరిగేలా చేస్తుంది. దీంతో మెదడు చురుకుగా పనిచేస్తుంది.
 
 కొన్ని రకాల క్యాన్సర్ కారకాలను మన నుంచి దూరం చేస్తుంది. వారంలో రెండు, మూడుసార్లు ఒకట్రెండు సార్లు బీర్ తాగితే కొన్ని రకాల క్యాన్సర్ వ్యాధి మన ధరికి చేరదట.
 
 దృష్టి లోపాలున్న వారికి మేలు చేస్తుంది. కొన్ని రకాల దృష్టిలోపాలను సవరించడంలో బీర్ కీలకపాత్ర పోషిస్తుంది. మైటోకాండ్రియాలను కాపాడటంతో అవి కాటరాక్ట్ లో లోపాలు తలెత్తకుండా చేస్తాయి.


  వేసవిలో చల్లని కిక్కు
 ► పెరుగుతున్న బీరు కేసుల అమ్మకాలు
 ► ఆబ్కారీకి భారీగా ఆదాయం
 ఆదిలాబాద్ క్రైం : మండు వేసవిలో చల్లగా బీరుతాగేందుకు మద్యం ప్రియులు ఎగబడిపోతున్నారు. ఫలితంగా జిల్లాలో మద్యం కన్న బీర్ల అమ్మకాల జోరు పెరిగింది. వేసవి వచ్చిందంటే చాలు బీర్లు అమాంతం పొంగిపోతాయి. మిగతా నెలల్లో కంటే 20 శాతం అధికంగా అమ్ముడుపోతున్నాయి. జిల్లాలో 157 మద్యం దుకాణాలు, 22 బార్లు ఉన్నాయి. వీటి ద్వారానే కాకుండా గ్రామీణ ప్రాంతాల్లోని బెల్టుషాపుల్లో సైతం మద్యం అమ్మకాలు జరుగుతున్నాయి. సాధారణంగా వేసవిలో శరీర ఉష్ణోగ్రతను దృష్టిలో ఉంచుకొని చాలా మంది బీర్లవైపే మొగ్గుచూపుతుంటారు. దీనికితోడు వివాహాలు, శుభకార్యాలు కూడా వేసవిలోనే ఎక్కువగా ఉంటాయి, విందులు, వినోదాల పేరుతో మద్యం విక్రయాలు పెరుగుతాయి. సాయంత్రం అయ్యిందంటే మంచి వాతావరణం చూసుకొని చల్లని కిక్కు కోసం మందు ప్రియులు పరుగులు తీస్తున్నారు.
 ఈసారి కిక్కే కిక్కు..
 గతేడాది వేసవిలో మార్చి నెల నుంచి బీర్ల అమ్మకాలు పెరిగాయి. కానీ... ఈ ఏడాది ఫిబ్రవరి నుంచే బీర్ల కేసులు అధికంగా అమ్ముడుపోతున్నాయి. ఈ ఏడాది ఫిబ్రవరిలో 1,47,448 లక్షల కేసులు, మార్చిలో 1,79,633 కేసుల బీర్లను మద్యం వ్యాపారులు విక్రయించారు. ప్రస్తుతం ఈ నెలలో పది రోజుల్లోనే 54,931 వేల కేసుల బీర్లు తాగేశారు. ఏప్రిల్ మాసం పూర్తయ్యాలోగా 2 లక్షల కేసుల బీర్లు అమ్ముడుపోయే అవకాశాలు ఉన్నట్లు అధికారులు చెబుతున్నారు. 2015 ఫిబ్రవరిలో 1,07,872 కేసులు, మార్చిలో 1,60,249, ఏప్రిల్‌లో 1,47,784 లక్షలు, మేలో 1,94,516 లక్షల కేసుల బీర్లు అమ్ముడుపోయాయి. గతేడాదితో పోల్చుకుంటే ఈసారి బీర్ల అమ్మకాలు బాగా పెరిగాయి. సుమారు 20 నుంచి 30 వేల కేసులు అధికంగా విక్రయిస్తున్నారు. దీనికితోడు జిల్లాలో మద్యం, బీర్ల విక్రయాల ద్వారా ప్రతి ఏడాది సుమారు రూ.600 కోట్లకు పైగా ప్రభుత్వానికి ఆదాయం వస్తోంది. ప్రతినెలా రూ.50 కోట్లకు పైగా ఆదాయం ఉంది. మద్యం, బీర్లు సమానంగా అమ్ముడుపోతాయి. కానీ.. వేసవి కాలంలో మాత్రం బీర్ల అమ్మకాలు జోరుగా సాగుతున్నాయి. ఈ వేసవి మూడు నెలల్లో బీర్ల ఆదాయం రూ.5 నుంచి రూ.10 కోట్లు అధికంగా రానుంది. ఇక పండుగలు, పెళ్లిళ్లు, ఇతర ప్రత్యేక సందర్భాల్లో వీటి ఆదాయం మరింత పెరిగే అవకాశం ఉంది.
  
  


 రాష్ట్ర అవసరాలు తీరాకే ఇతర రాష్ట్రాలకు పంపిణీ
 ప్రతి బ్రూవరీలో నిత్యం లక్ష కార్టన్లకు తగ్గకుండా నిల్వలు
 ఎండలు మండుతున్నందున ఉత్పత్తి పెంచాలని ఆదేశం
 మంజీరా నుంచి బ్రూవరీలకు పెరిగిన నీటి సరఫరా
  
 సాక్షి, హైదరాబాద్: మంటెక్కిస్తున్న ఎండలతో తాగునీటికే కాదు, బీర్లకు కూడా కొరత వచ్చేసింది. దాంతో మద్యం ప్రియులకు అవసరమైనంత బీరును ఇక్కడే ఉత్పత్తి చేయాలని రాష్ట్ర ప్రభుత్వం నిర్ణయించింది. రాష్ట్రంలో ఉత్పత్తవుతున్న బీర్లను ఇక్కడి అవసరాలు తీరాకే వేరే రాష్ట్రాలకు పంపిణీ చేయాలని ఆదేశించింది. అవసరమైతే పని గంటలు పెంచుకునైనా రాష్ట్ర అవసరాలకు సరిపడా బీరును ఉత్పత్తి చేయాలని బ్రూవరీలను ఆదేశించింది.
 
 ప్రజల తాగునీటికి కోత పెట్టి మరీ బీర్ల ఉత్పత్తికి కోట్లాది లీటర్ల నీటిని సరఫరా చేస్తున్న దృష్ట్యా వేసవిలో ఎక్కడా బీర్ల కొరత లేకుండా చూడాల్సిన బాధ్యత బ్రూవరీ కంపెనీలదేనంటూ అధికారులు మౌఖికంగా ఆదేశాలు జారీ చేశారు. అవసరమైన జిల్లాలకు సరఫరా చేసేందుకు ప్రతి బ్రూవరీలో కనీసంగా లక్ష కార్టన్ల (12 బీరు సీసాలతో కూడిన పెట్టె) బీర్లు ఎప్పుడూ సిద్ధంగా ఉండేలా చూసుకోవాలని ఆదేశాలందాయి. బీర్ల ఉత్పత్తి, సరఫరా తీరుపై ఎక్సైజ్ కమిషనర్ ఆర్.వి.చంద్రవదన్ శనివారం అదనపు కమిషనర్, అసిస్టెంట్ కమిషనర్లతో సమావేశమై సమీక్షించారు.
  
 రోజుకు 20 వేల నుంచి 75 వేల పెట్టెల బీర్లు
 రాష్ట్రంలో ఏడాదికి 50 కోట్ల లీటర్ల బీర్ల ఉత్పత్తి సామర్థ్యంతో ఐదు బ్రూవరీ కంపెనీలు పనిచేస్తున్నాయి. బీర్ల తయారీ కోసం వీటికి నెలకు సుమారు 8 కోట్ల నుంచి 10 కోట్ల లీటర్ల నీటి ని హైదరాబాద్ వాటర్‌బోర్డు సరఫరా చేస్తుంది. రోజూ ఒక్కో కంపెనీ 2.4 లక్షల నుంచి 7 లక్షల దాకా బీరు సీసాలను (20 వేల నుంచి 75 వేల కార్టన్లు) ఉత్పత్తి చేస్తున్నాయి. అయినా డి మాండ్‌కు సరిపడా సరఫరా ఉండటం లేదంటూ పలు జిల్లాల నుంచి ఫిర్యాదులు వస్తున్నాయి. ముఖ్యంగా ఈసారి ఏప్రిల్‌లోనే ఎన్నడూ లేనంతటి ఎండలు మాడు పగలగొడుతుండటంతో చల్లని బీర్లకు డిమాండ్ మరింత పెరిగింది.
 
 దాంతో సరఫరా కష్టమవుతోంది. వచ్చే నెల రోజుల్లో ఎండలు మరింత పెరిగేలా ఉండటంతో సర్కారు అప్రమత్తమైంది. అందుకే ఇక్కడ ఉత్పత్తయ్యే బీర్లను ఇతర రాష్ట్రాలకు పంపిణీ చేసే విషయంలో జాగ్రత్తగా వ్యవహరించాలని అధికార యంత్రాంగాన్ని ఎక్సైజ్ శాఖ ఆదేశించింది. బడ్వైజర్, కాల్స్‌బర్గ్, హైవర్డ్స్ 5000, నాకౌట్ తదితర బ్రాండ్ బీర్లకు ఏపీతో పాటు ఇతర రాష్ట్రాల్లో ఉన్న డిమాండ్ దృష్ట్యా 40 నుంచి 60 శాతం ఎగుమతవుతున్నాయి. ఈ నేపథ్యంలో రాష్ట్ర అవసరాలు తీరాకే ఎగుమతి చేసేలా బీర్ల కంపెనీలకు ఆదేశాలు జారీ అయ్యాయి.
 
 బీర్ల కంపెనీలకు పెరిగిన నీటి కోటా
 బీర్ల తయారీకి అవసరమైన నీటిని సరఫరా చేసే సింగూరు ప్రాజెక్టు జనవరి నాటికే ఎండిపోవడంతో నీటి సరఫరాను అప్పట్లో వాటర్‌బోర్డు ఆపేసింది. బీర్ల కంపెనీల ఒత్తిళ్లు, ఖజానాకు సమకూరే ఆదాయం దృష్ట్యా మంజీరా నుంచి ఐదు బ్రూవరీలకు ప్రత్యేకంగా నీటిని సరఫరా చేస్తున్నారు. వాటికి నెలకు ఏకంగా 6 నుంచి 8 కోట్ల లీటర్లు సమకూరుస్తున్నారు.
 
  రాష్ట్రంలోని బ్రూవరీల ఉత్పాదన సామర్థ్యం, నీటి సరఫరా వివరాలు
  బీర్ల కంపెనీ                   వార్షిక ఉత్పాదన సామర్థ్యం        నెలకు నీటి సరఫరా (లీటర్లలో)
  సౌత్ ఏషియా బ్రూవరీస్          15,00,00,000                2,30,00,000
  క్రౌన్ బీర్స్ ఇండియా లి.          5,00,00,000                 2,02,61,000
  యు.బి. నిజాం బ్రూవరీస్         5,00,00,000                1,11,60,000
  యు.బి. లిమిటెడ్                  20,00,00,000                2,79,00,000
  కార్ల్స్‌బెర్గ్ ఇండియా ప్రై.లి.       6,00,00,000                  2,00,000
  


 మెడిక్షనరీ
 తరచూ బీర్ తాగే వారికి పొట్ట పెరుగుతుంది. దీన్నే వాడుక భాషలో బీర్ బెల్లీ అంటుంటారు. అయితే బీర్ తాగడంతో పాటు అత్యధికంగా క్యాలరీలు తీసుకోవడం వల్ల కూడా ఇది వస్తుంది. కుండలా పెరగడం వల్ల ఇలా పెరిగే పొట్టను పాట్ బెల్లీ అని కూడా అంటుంటారు. వైద్య పరిభాషలో దీన్ని అబ్డామినల్ ఒబేసిటీ లేదా సెంట్రల్ ఒబేసిటీ అని కూడా చెబుతారు. ఆల్కహాల్ అధికంగా తీసుకోవడం, మితిమీరి తినడం, ఒంటికి తగినంత పనిచెప్పకపోవడం... ఇలా కారణం ఏదైనా బీర్ బెల్లీ మాత్రం ప్రమాదకరమే. గుండెజబ్బులు, హైబీపీ, డయాబెటిస్... ఇలా ఎన్నో వ్యాధులకు బీర్‌బెల్లీ ఒక రిస్క్ ఫ్యాక్టర్. పొట్టదగ్గర చుట్టుకొలత మహిళల్లో 80 సెం.మీ. కంటే ఎక్కువగానూ, పురుషుల్లో 90 సెం.మీ. కంటే ఎక్కువగా ఉంటే ప్రమాదం కలిగించే పొట్ట ఉన్నట్లుగా భావించి తగిన జీవనశైలి మార్పులు చేసుకోవాలి.


 గొంతు కోసి పరారైన  యువకుడు
  
  నూతనకల్: బీరు ఉద్దెర ఇవ్వనందుకు ఓ యువకుడు బెల్టుషాపు మహిళ గొంతు కోశాడు. ఈ ఘటన నల్లగొండ జిల్లా నూతనకల్ మండలంచిన నెమిల గ్రామంలో శుక్రవారం చోటుచేసుకుంది. గ్రామానికి చెందిన ఐతరాజు మహేశ్ తన స్నేహితులతో కలసి బెల్టు షాపు నిర్వహిస్తున్న లింగాల రేణుక ఇంట్లో మద్యం సేవించాడు. మరొక బీరు ఉద్దెర ఇవ్వమని రేణుకను కోరాడు. ఇందుకు ఆమె అంగీకరించలేదు. పలుమార్లు ప్రాధేయపడినా ఉద్దెర ఇవ్వకపోవడంతో ఆగ్రహించిన మహేశ్.. చిన్నపిల్లకు పాలు ఇస్తున్న రేణుకపై  అకస్మాత్తుగా దాడిచేసి గొంతుకోసి గాయపరిచి పరారయ్యాడు.
 
 తీవ్ర రక్తస్రావం కావడంతో బాధితురాలిని వెంటనే చికిత్స నిమిత్తం సూర్యాపేటలోని ఓ ప్రైవేట్ ఆస్పత్రికి తరలించారు. ఆమె పరిస్థితి విషమంగా ఉన్నట్టు కుటుంబ సభ్యులు తెలిపారు. కాగా, నిందితుడిని పోలీసులు అదుపులోకి తీసుకున్నట్టు. సమాచారం. ఇతడు రంగారెడ్డి జిల్లా కోర్టు ప్రాంగణంలో జ్యూస్ దుకాణంలో వర్కర్‌గా పనిచేస్తూ ఇటీవల ఇంటర్ పరీక్షలు రాయడానికి తన స్వగ్రామానికి వచ్చాడు. స్నేహితులతో కలసి విచ్చలవిడిగా మద్యం సేవిస్తూ శుక్రవారం ఈ ఘాతుకానికి పాల్పడ్డాడు.


 తిక్క లెక్క
 
 చేత బీరు జగ్గుతో చిద్విలాసాన్ని చిందిస్తున్న ఈ బ్రిటిష్ పెద్దమనిషి మామూలోడు కాదు. ప్రపంచంలోనే అతిపెద్ద మదిరాంతకుడు. ఇతగాడి పేరు బ్రూస్ మాస్టర్స్. ఇంతకీ ఇతగాడు సాధించిన ఘనత ఏమనే కదా డౌటు? మధుశాలల సందర్శనలో ఇతడిని మించిన వారెవరూ ప్రపంచంలో మరెక్కడా లేరు. ఈ ఘనతే ఇతడి పేరును గిన్నిస్ బుక్‌లోకి ఎక్కించింది.
 
 ఇప్పుడితని వయసు 67 ఏళ్లు. పన్నెండేళ్ల వయసు నుంచే మదిరాలయాలకు క్రమం తప్పకుండా ప్రతిరోజూ వెళ్లేవాడు. వెళ్లిన చోటికి మరోసారి వెళ్లకుండా 2014 జనవరి నాటికి 46,495 మధుశాలలను పావనం చేశాడు. అంటే, 54 ఏళ్ల వ్యవధిలో సగటున రోజుకు రెండింటి కంటే ఎక్కువ మధుశాలలకు వెళ్లాడన్న మాట.
  


 న్యూఢిల్లీ: అంతర్జాతీయ పురుషుల దినోత్సవం సందర్భంగా గురువారం నాడు సోషల్ వెబ్‌సైట్లలో స్త్రీ, పురుషులు తమదైన శైలిలో స్పందించారు. వ్యాఖ్యలు చేశారు. వాటిలో కొన్ని హస్యోక్తులు ఉండగా, మరికొన్ని వ్యంగోక్తులు ఉన్నాయి. విమర్శలూ, ప్రతివిమర్శలూ ఉన్నాయి.
 
 ‘మరో బీర్ ప్లీజ్, భార్యామణి!....పెగ్గు ప్లీజ్, మైడియర్ వైఫ్...ఛీ, బతుకు జిమ్మడ ! అంతర్జాతీయ మహిళా దినోత్సవం (మార్చి 8)నాడు కూడా బిడ్డను చూసుకోవడానికే సరిపోతోంది. ఈ రోజు అంతే! బేబీ సిట్టింగ్ డ్యూటీ వదిలేది ఎప్పుడు?...ఈ రోజు మెన్స్ డేనే కాదు, అంతర్జాతీయ టాయిలెట్స్ డే కూడా....’ అంటూ వ్యాఖ్యలు.
 నలభీమ పాకశాస్త్రులైన గ్రేట్ చెఫ్స్‌కు శుభాభినందనలు అంటూ కొంత మంది మహిళలు వ్యాఖ్యలు చేయగా, తమ ఆయనల పట్ల ప్రేమను వ్యక్తం చేయడానికి వారికిష్టమైన రంగుల దుస్తులు ధరిస్తున్నానని మరికొందరు వ్యాఖ్యానించారు. కుటుంబ ఒత్తిళ్ల కారణంగా ఎక్కువ మంది యువకులు 45 ఏళ్ల ప్రాయంలో ఆత్మహత్యలకు పాల్పడుతున్నారని, మగవాళ్ల ఆత్మహత్యలను నివారించేందుకు సరైన చర్యలు తీసుకోవాలనిప్రభుత్వానికి విజ్ఞప్తి చేస్తూ కొంతమంది మగవాళ్లు ట్వీట్లు చేయగా, రేప్ కేసుల్లో కఠిన శిక్షలను తగ్గించాలంటూ మరికొందరు ట్వీట్లు చేశారు. స్త్రీ, పురుషుల మధ్య లింగ వివక్షతను దూరం చేయడానికి, ఆర్థిక అసమానతలను రూపుమాపేందుకు మెన్స్ డే సందర్భంగా ప్రతిన బూనాలంటూ ఫెమినిస్టులు స్పందించారు. భార్యా బాధితులంతా ఏకం కావాలంటూ మరికొందరు వ్యాఖ్యానించారు.
 
 1920 దశకం నుంచే కొన్ని దేశాల్లోని సామాజిక గ్రూపులు, సంస్థలు అనధికారికంగా అంతర్జాతీయ పురుషుల దినోత్సవాన్ని జరుపుతూ వచ్చాయి. 1992, నవంబర్ 19వ తేదీని మెన్స్ డేగా కొన్ని దేశాలు అధికారికంగా జరుపుతూ వస్తున్నాయి. 1999 నుంచి ఐక్యరాజ్య సమతిలో సభ్యత్వం కలిగిన మెజారిటీ దేశాలు మెన్స్ డేను అధికారికంగా జరుపుతున్నాయి. కొన్ని దేశాలు స్త్రీ, పురుషుల సమానత్వం నినాదంతో ఈరోజును జరుపుకొంటుండగా, మెన్స్ అండ్ బాయ్స్ సంక్షేమ దినోత్సవంగా మరికొన్ని దేశాలు  జరుపుతున్నాయి.


 యువతిపై ఇద్దరు ఆటోడ్రైవర్ల ఘాతుకం
 హైదరాబాద్: యువతికి బలవంతంగా బీరు తాగించి ఇద్దరు వ్యక్తులు అత్యాచారానికి పాల్పడ్డారు. హైదరాబాద్‌లోని గాంధీనగర్ డివిజన్ పరిధిలో ఇళ్లల్లో పాచి పనులు చేస్తూ ఓ యువతి (18) నివసిస్తోంది. శుక్రవారం రాత్రి 7.30 గంటల సమయంలో మెహిదీపట్నంలో ఉంటున్న అక్క దగ్గరకు వెళ్లడానికి ఆటోలో బయలుదేరింది. వరుసకు బావయ్యే ఉస్మాన్(36), అతని స్నేహితుడు ఫీయూస్(28) ఆటోను అనుసరించి లోయర్ ట్యాంక్‌బండ్‌లోని కట్టమైసమ్మ ఆలయం వద్ద ఆపారు. యువతి తమకు బంధువని తాము ఆటోలో తీసుకెళ్తామని చెప్పి రూ.40 ఇచ్చి ఆమె వచ్చిన ఆటోను పంపించేశారు. ఆ యువతిని వీరి ఆటోలో ఎక్కించుకొని డీబీఆర్ మిల్లు సమీపంలో నిర్జన ప్రదేశంలోకి తీసుకెళ్లారు. మార్గమధ్యలో యువతికి బలవంతంగా బీరు తాగించారు.
  
 తాగిన మైకంలో ఉన్న ఆ యువతిపై అత్యాచారానికి పాల్పడ్డారు. తరువాత గాంధీనగర్ పరిధిలోని ఎల్‌ఐసీ బ్రిడ్జి సమీపంలోని ఫుట్‌పాత్‌పై వదిలిపెట్టి పరారయ్యారు. యువతి మెహిదీపట్నం చేరకపోవడంతో ఆందోళన చెందిన కుటుం బసభ్యులు వెతకడం ప్రారంభించారు. ఇంటికి సమీపంలోనే ఫుట్‌పాత్‌పైనే అపస్మారక స్థితిలో ఉండటాన్ని గమనించిన బంధువులు పోలీసులకు ఫిర్యాదు చేశారు. ముషీరాబాద్ పోలీసులు యువతిని స్టేషన్‌కు తెచ్చి, ఆ తరువాత పరీక్షల నిమిత్తం గాంధీ ఆస్పత్రికి తరలించారు. నిందితులు ఉస్మాన్, ఫీయూస్ ఇద్దరూ ఆటో డ్రైవర్లే అని ఇన్‌స్పెక్టర్ మోహన్‌కుమార్ తెలిపారు.


 గ్రేటర్ పరిధిలో 547కు చేరుకోనున్న బార్లు 
 మినీ బ్రూవరీలకు అనుమతులు
 అక్టోబర్ నుంచి నూతన ఎక్సైజ్ విధానం 
 గుడుంబా విక్రయాలకు చెక్
 
 సిటీబ్యూరో:విశ్వ నగరంలో స్వచ్ఛమైన మంచినీరు, ట్రాఫిక్ ఇక్కట్లు లేని రహదారుల వంటి మౌలిక వసతుల సంగతేమోగానీ మందుబాబులకు మాత్రం ఫుల్లుగా కిక్కెక్కించేందుకు సర్కారు యథాశక్తి ప్రయత్నిస్తోంది. మహా నగర పరిధిలో ప్రధాన రహదారుల పక్కన వైన్ పార్లర్లు, మినీ బీర్ ప్లాంట్ల ఏర్పాటుకు రంగం సిద్ధం చేసింది. అంతేకాదు... మాల్స్‌లో బార్లు... స్టార్, టూరిజం హోటళ్లలో ఎప్పుడంటే అప్పుడు మద్యం విక్రయాలకు గేట్లు బార్లా తెరిచింది. ఇటీవల నూతన బార్ లెసైన్సుల మంజూరుకు ప్రభుత్వం మార్గదర్శకాలు విడుదల చేసింది. హైదరాబాద్, రంగారెడ్డి జిల్లాల పరిధిలో కొత్తగా 38 బార్లు తెరచుకోనున్నాయి. ప్రస్తుతం వీటి సంఖ్య 509. కొత్తవాటితో కలిపి 547కు చేరుకోనుంది.అక్టోబర్ నుంచి అమల్లోకి రానున్న నూతన ఎక్సైజ్ పాలసీలో చౌక మద్యం అమ్మకాలకు సైతం గ్రీన్‌సిగ్నల్ ఇవ్వనుండడం గమనార్హం.
 
  24 గంటలపై త్వరలో స్పష్టత
  నగరంలో 24 గంటల పాటు బార్లను తెరిచే అంశంపై మార్గదర్శకాలు విడుదలైన తరవాతే స్పష్టత రానున్నట్లు ఎక్సైజ్ శాఖ వర్గాలు ‘సాక్షి’కి తెలిపాయి. ఇప్పటికే స్పెన్సర్స్, ఇనార్బిట్ మాల్, మెట్రో వంటి మాల్స్‌లోనూ మద్యం విక్రయాలు సాగుతున్నాయి. నూతన విధానంలో ప్రత్యేకంగా మాల్స్‌లో మద్యం విక్రయించేందుకు రంగం సిద్ధమైనట్లు వెల్లడించాయి. విదేశీ టూరిస్టులను విశేషంగా ఆకర్షించేందుకు బార్లు, స్టార్ హోటళ్లు, టూరిజం హోటళ్లలో 24 గంటలూ   వైన్, మద్యం విక్రయానికి సన్నాహాలు చేస్తున్నట్లు తెలిపాయి. అవసరం.. అవకాశాన్ని బట్టి తెల్లవారు ఝాము 3 నుంచి 6 గంటల వరకు స్వల్ప విరామం  ఇచ్చే అవకాశం ఉన్నట్లు తెలిసింది. ఐటీ, బల్క్‌డ్రగ్, ఫార్మా, బీపీఓ, కేపీఓ వంటి రంగాలతో పాటు పెట్టుబడులకు అనుకూలంగా నగరాన్ని తీర్చిదిద్దాలనేది సర్కారు యోచన. ఈ తరుణంలో విదేశీ టూరిస్టుల సంఖ్య బాగా పెరుగుతుందని.. వారిని ఆకర్షించేందుకే ఈ కొత్త విధానానికి ప్రభుత్వం శ్రీకారం చుడుతోందని ఎక్సైజ్ వర్గాలు చెబుతుండడం గమనార్హం.
 
  విక్రయ వే ళల పెంపు?
  ప్రస్తుతం మద్యం దుకాణాలను ఉదయం 10 నుంచి రాత్రి 10 గంటల వరకేతెరిచేందుకు అనుమతిస్తున్నారు. బార్లకు ఉదయం 10 నుంచి రాత్రి 11 గంటల వరకు అనుమతిస్తున్నారు. నూతన విధానంలో ఈ వేళలను మరింత పెంచేందుకు అవకాశం ఉన్నట్లు తెలిసింది. ఇప్పటికే లెసైన్సుడు మద్యం దుకాణాలకు ఆనుకొని సిట్టింగ్ రూమ్‌లకు అనుమతించిన విషయం విదితమే. మరోవైపు పేదల ఉసురు తీస్తున్న గుడుంబా స్థానంలో రూ.30కే చౌకమద్యం (చీప్‌లిక్కర్) సైతం ప్రభుత్వ లెసైన్సు పొందిన మద్యం దుకాణాల్లో విక్రయించాలని నిర్ణయించింది.
 
 గుడుంబాకు చెక్
 నగరంలోని గుడుంబా అడ్డాలపై ఉక్కుపాదం మోపాలని ఇటీవల సీఎం కేసీఆర్ ఎక్సైజ్ అధికారులను ఆదేశించిన విషయం విదితమే. గుడుంబా విక్రయాలు జరిగితే ఎక్సైజ్ అధికారులతో పాటు, స్థానిక పోలీస్ ఇన్‌స్పెక్టర్లను బాధ్యులుగా చేయాలని నిర్ణయించినట్లు తెలిసింది. సర్కారు తాజా నిర్ణయంతో ధూల్‌పేట్, పాతనగరంలోని గుడుంబా అడ్డాలపై ఎక్సైజ్, పోలీసుల దాడులు పెరిగే అవకాశాలు ఉన్నాయి.
  
  
 దారి పొడవునా...
 బీర్ ప్లాంట్లు విరివిగా నెలకొల్పేందుకు వీలుగా మైక్రోబ్రూవరీలకు అనుమతివ్వాలని ప్రభుత్వం నిర్ణయించింది. రూ.3 లక్షల రుసుముతో లెసైన్స్‌లు మంజూరు చేయాలని యోచిస్తోంది. జీహెచ్‌ఎంసీతో పాటు దానికి  ఆనుకొని ఉన్న ఐదు కిలోమీటర్ల పరిధిలో వీటికి అనుమతించనున్నారు. దీంతో బీర్ ప్లాంట్లు పుట్ట గొడుగుల్లా ఏర్పాటయ్యే
  అవకాశం ఉంది.


 
 బీర్లు, విదేశీ మద్యం ధరల పెంపునకు ప్రభుత్వం సిద్ధం
 
  బేవరేజెస్ కంపెనీల ఒత్తిళ్లకు తలొగ్గిన సర్కార్
 
  ఆదాయం పేరుతోధరల పెంపునకు గ్రీన్ సిగ్నల్
 
  రెండు రోజుల్లో ఉత్తర్వులు!
 
  బీర్లు, విదేశీ మద్యాన్ని రిటైల్ షాపులకు నిలిపివేసిన టీఎస్‌బీసీఎల్
 
 సాక్షి, హైదరాబాద్: ఎండాకాలంలో చల్లని బీరుతో సేద తీరుదామనుకునే మద్యం ప్రియులకు ప్రభుత్వం మరింత వేడి పుట్టించేందుకు సిద్ధమవుతోంది. ఆదాయం పెంచుకోవడంతోపాటు, బీర్లు ఉత్పత్తి చేసే కంపెనీలకు లాభం చేకూర్చేందుకు రంగం సిద్ధం చేసింది. బీర్ల ధరలు పెంచాలని నాలుగేళ్లుగా బేవరేజెస్ కంపెనీలు ఎక్సైజ్ శాఖపై తీవ్రంగా ఒత్తిడి తెస్తున్నాయి. ఈ నేపథ్యంలో అటు కంపెనీలకు లాభం చేకూరుస్తూనే.. ఆదాయం పెంచుకునే ఉద్దేశంతో ప్రభుత్వం ధరలు పెంచాలని నిర్ణయించింది. అదే సమయంలో విదేశీ మద్యం ధరలను భారీగా పెంచడం ద్వారా మరింత ఆదాయంపై కూడా దృష్టి సారించింది.
 
 ఈ మేరకు ప్రభుత్వం నుంచి తెలంగాణ స్టేట్ బేవరేజెస్ కార్పొరేషన్ (టీఎస్‌బీసీఎల్)కు ఆదేశాలు అందాయి. దీంతో అప్రమత్తమైన ఆ శాఖ తెలంగాణలోని 17 మద్యం డిపోలకు బీర్లు, విదేశీ మద్యం స్టాక్‌ను రిటైలర్లకు సరఫరా చేయకూడదని మెయిల్ ద్వారా ఆదేశాలు పంపినట్లు సమాచారం. ధరలు పెంచు తూ రెండు మూడ్రోజుల్లో ప్రభుత్వం జీవో జారీ చేయనున్నందున స్టాక్ విడుదల చేయవద్దని ఆదేశాలు అందినట్లు ఒక డిపో మేనేజర్ ‘సాక్షి’కి ధ్రువీకరించారు. ధరల పెంపునకు సంబంధించిన ఉత్తర్వుల కాపీ ప్రస్తుతం ఎక్సైజ్ శాఖ మంత్రి టి.పద్మారావుగౌడ్ వద్ద పెండింగ్‌లో ఉందని విశ్వసనీయ సమాచారం.
 
 కిరణ్ హయాంలో ఒత్తిళ్లు: ఉమ్మడి ఆంధ్రప్రదేశ్ ప్రభుత్వంలోనే నాటి సీఎం కిరణ్‌కుమార్‌రెడ్డి సన్నిహిత బంధువు ద్వారాబీర్ల ధరలను పెంచాలని బేవరేజెస్  కంపెనీలు ఒత్తిళ్లు తెచ్చాయి. అయితే ఇతర రాష్ట్రాల్లోని బీర్ల ధరలతో పోలిస్తే రాష్ట్రంలో రేట్లు ఎక్కువగా ఉండడం, మద్యం ద్వారా ప్రభుత్వం ఆదాయం సమకూర్చుకుంటుందన్న విమర్శలకు జడిసి ఆయన ప్రతిపాదనలను పక్కన పెట్టారు. రాష్ట్రం విడిపోయాక రెండు నెలల క్రితమే ఏపీ ప్రభుత్వం బీర్ల ధరలను పెంచడంతో కంపెనీలు తెలంగాణ ప్రభుత్వంపైఒత్తిడి తెచ్చినట్లు సమాచారం.
 
 కేంద్రం కూడా మద్యం ధరలను పెంచాలని బడ్జెట్‌లో నిర్ణయించిన నేపథ్యంలో రాష్ట్ర ప్రభుత్వం సైతం రెవెన్యూ పెంపు పేరుతో బీర్ల ధరలు పెంచేందుకు మొగ్గు చూపినట్లు సమాచారం. ఈ నేపథ్యంలో ప్రస్తుతం ప్రీమియం బీరు ఎంఆర్‌పీ ధర రూ. 85 ఉండగా, దానిని రూ. 5 పెంచి రూ. 90కి, స్ట్రాంగ్ బీర్ల ధరలను రూ. 95 నుంచి రూ. 105కి పెంచాలని నిర్ణయించినట్లు తెలిసింది. ఇక కనీసంగా రూ. 1,500 పైగా ఒక సీసా ధర ఉన్న విదేశీ మద్యం ధరలను సీసాకు బ్రాండ్‌ను బట్టి రూ. 100 పైగా పెంచాలని నిర్ణయించినట్లు తెలిసింది.
 
 గడిచిన ఆర్థిక సంవత్సరం(2014-15)లో సుమారు 260 లక్షల కేసుల బీర్లు (ఒక్కో కేసులో 12 బీర్లు) విక్రయించినట్లు సమాచారం.  ఈ లెక్కన బీర్ల ధరలు పెరగడం వల్ల సంవత్సరానికి రూ. 200 కోట్ల నుంచి రూ. 300 కోట్ల వరకు అదనపు రెవెన్యూ సమకూరుతుందని అంచనా. ఎక్కువగా బీర్ల వినియోగం జరిగే వేసవిలోనే వాటి ధరలు పెంచడంతో జూన్ నాటికే భారీ ఆదాయం సమకూర్చుకోవాలని ప్రభుత్వం యోచిస్తోంది. అలాగే విదేశీ మద్యం ధరలను సీసాకు రూ. 100కు పైగా పెంచినా భారీ మొత్తంలో ఎక్సైజ్ శాఖకు రెవెన్యూ సమకూరనుంది. రెవెన్యూ టార్గెట్లను అందుకోవడంలో ముందున్న ఎక్సైజ్ శాఖ ముగిసిన ఆర్థిక సంవత్సరానికి నిర్ణయించుకున్న లక్ష్యం రూ. 10,500 కోట్లు ఇప్పటికే చేరుకుంది.
  
  పెంపు ఇలా! (రూ. లలో)
  ప్రీమియం బీరు-    5
  స్ట్రాంగ్ బీరు -    10
  విదేశీ మద్యం-    100


 అనంతపురం క్రైం :
  జిల్లా కేంద్రంలో మద్యం వ్యాపారులు, ఎక్సైజ్ పోలీసులు సిండికేట్ అయ్యారు. వీరి మధ్య కుదిరిన ఒప్పందం వల్ల బీరు ధర ఎమ్మార్పీ కంటే రూ. 15 ఎక్కువకు అమ్ముడుపోతోంది. అంతేకాక  ప్రతి షాపులోనూ లూజు విక్రయాలు ఊపందుకున్నాయి. గతంలో ఎమ్మార్పీ కంటే క్వాటరపై రూ. 10, బీరుపై రూ.10 ఎక్కువగా తీసుకుని విక్రయించేవారు.
 
 దీపావళి పండుగ తర్వాత బీరుపై అదనంగా రూ. 5 పెంచి గరిష్ట ధర కంటే రూ. 15 ఎక్కువ వసూలు చేస్తున్నారు. అధికార పార్టీకి చెందిన కొందరు నేతలు మద్యం సిండికేట్లలో తల దూర్చడం వల్లనే పోలీసు, ఎక్సైజ్ శాఖలు చూసీచూడనట్లు వ్యవహరిస్తున్నట్లు సమాచారం. బ్రాంది, విస్కీ, ఇతర లిక్కరుపై కూడా ధర పెంచే యోచనలో ఉన్నట్లు విశ్వసనీయంగా తెలిసింది.
 
  నిబంధనలు తుంగలోకి : మద్యం దుకాణాల్లో లూజు విక్రయాలకు అనుమతి లేదు. ఐదు వేలు జనాభా కలిగిన ప్రాంతాల్లో ఏర్పాటు చేసిన ప్రతి షాపునకు ఓ ప్రత్యేక గదిని ఏర్పాటు చేసుకుని పర్మిట్ పొందవచ్చు.  షాపులో కొనుగోలు చేసిన మద్యంను ఈ గదుల్లో తాగేందుకు అనుమతిస్తారు. గ్లాసులు కాని, ఇతర తినుబండారాలు కాని విక్రయించకూడదు. ప్రభుత్వం నిర్ణయించిన ధరకే మద్యం అమ్మాలి. అలా కాకుండా వ్యవహరించేవారిపై కఠిన చర్యలు తీసుకునే అధికారాన్ని ఎక్సైజ్ అధికారులకు ప్రభుత్వం కల్పించింది.
 
 నిబంధనలు అతిక్రమిస్తే ఏకంగా మద్యం షాపునకు ఉన్న అనుమతిని రద్దు చేసే అధికారం ఎక్సైజ్ అధికారులకు ఉంది. మద్యం కొనుగోలు చేసిన వారు తప్పక రసీదును పొందాల్సి ఉంటుంది. అలా ఇవ్వని వారిపై జరిమానా విధించే అధికారం తూనికలు కొలతల శాఖతో పాటు ఎక్సైజ్ అధికారులకు ఉంది. అయితే ఈ నిబంధనలు అన్ని తుంగలో తొక్కారు. ఇష్టారాజ్యంగా వ్యవహరిస్తూ లూజు విక్రయాలు సాగిస్తున్నారు. నియంత్రించాల్సిన అధికారులు సైతం మాముళ్ల మత్తులో జోగుతున్నారన్న విమర్శలు వినిపిస్తున్నాయి.


 
     వివాహిత ఘాతుకం
 
     బీరులో విషం కలిపి....
 
   కారుతో ఢీకొట్టి ప్రియుడిని చంపేసిన వైనం
 
    గతనెల 31న రామనగర వద్ద హత్య
 
   నిందితురాలిని అరెస్ట్ చేసిన పోలీసులు
 
 బెంగళూరు : ప్రేమ ముసుగులో ప్రియుడి ని మోసగిస్తూ చివరి వరకు తనకు పెళ్లి కాలేదని మభ్య పెడుతూ అతనితో తిరుగుతూ జల్సాలు చేస్తూ చివరికి అతడినే సినిమా ఫక్కిలో దారుణంగా హత్య చేసిన వివాహితను పోలీసులు అరెస్టు చేశారు. ఇక్కడి సదాశివనగరలో నివాసం ఉంటున్న నఫీజా (40)ను అరెస్టు చేశామని ఆదివారం పోలీసులు చెప్పారు.
 
 గతనెల 31న విజయనగరకు చెందిన హేమంత్ కుమార్ (47) దారుణ హత్యకు గురైన విషయం తెల్సిందే. వివరాలు...  నఫీజా, ఉదయ్ కుమార్‌లకు పదేళ్ల క్రితం వివాహం జరిగింది. నఫీజా కాల్ సెంటర్ ఉద్యోగి. అక్కడే హేమంత్ కుమార్ అనే వ్యక్తి నఫీజాకు పరిచయమయ్యాడు. ఇద్దరూ ప్రేమించుకున్నారు. విలాసాల కోసం నఫీజా హేమంత్‌తో భారీగా ఖర్చు చేయించేది.
 
 ఇదే సమయంలో తాను వివాహితనని ఎక్కడ కూడా బయటపెట్టలేదు. హేమంత్ కుమార్ పెళ్లి చేసుకుందామని ఒత్తిడి తెచ్చాడు. అదిగో ఇదిగో అంటూ నఫీజా కాలం వెళ్లదీస్తూ వచ్చింది. దీంతో విసిగిపోయిన హేమంత్ నిలదీయడంతో తనకు అంతకు ముందే పెళ్లి అయిందని చెప్పడంతో అతను నిర్ఘంతపోయాడు. అప్పటి నుంచి నఫీజాపై పగ పెంచుకున్నాడు.
  
 కొన్ని సందర్భాల్లో నఫీజాను హెచ్చరించాడు. దీంతో భయపడిపోయిన నఫీజా హేమంత్‌ను హతమార్చాలని పథకం వేసింది. తన వివాహేతర సంబంధాన్ని ఇంటిలో భర్తకు తెలియకుండా జాగ్రత్తలు తీసుకుంది. ఇదిలా ఉంటే ఒకరోజు హేమంత్‌ను కలిసి ఎక్కడైన విహార యాత్రకు వెళ్దామని కోరింది. ప్రియురాలు కోరడంతో జులై 31న ఇద్దరు కారులో మైసూరు బయలుదేరారు. మధ్యాహ్నం రామనగర ప్రాంతంలో రెస్టారెంట్ వద్ద హేమంత్ కారు నిలిపి బీరు తెచ్చుకున్నాడు. ఇదే సమయంలో మూత్ర విసర్జన కోసం బయటకు వెళ్లిన సమయంలో అంతకు ముందే తెచ్చుకున్న విషం బీరులో కలిపింది.
  
 రాత్రి 11 గంటల సమయయంలో నాగరహోలె చేరుకున్న తరువాత హేమంత్ బీరు తాగాడు. కొద్దిసేపు అనంతరం కారు దిగి మూత్ర విసర్జకు వెళ్లిన సమయంలో నఫీజా కారు స్టార్ట్ చేసి హేమంత్‌ను ఢీకొట్టింది. కిందపడిన అతనిపై పలుమార్లు ముందుకు వెనక్కు వచ్చిన ఆనవాళ్లు పోలీసులు గుర్తించారు. అక్కడి నుంచి బెంగళూరు చేరుకుంది. స్థానిక పోలీసులు సంఘటన స్థలాన్ని పరిశీలించి మృతుడి వివరాలు సేకరించారు. సంఘటన స్థలంలో నఫీజా మొబైల్‌తో పాటు కొన్ని విజిటింగ్ కార్డులు కనిపించాయి. కేసు దర్యాప్తు చేసిన పోలీసులు నఫీజాను అరెస్ట్ చేశారు.  
  


 బీరు.... నీరు, తేనీరు తరువాత మనిషి నోరు తడుపుకోవడానికి ఎక్కువగా వాడే ద్రవపదార్థం. బీసీ కాలం నుంచి బీరు జీవులు మనుగడలోనే ఉన్నారు. మత్తెక్కించే బీరు గురించి కొన్ని గమ్మత్తై నిజాలు...
  
  1814లో లండన్‌లో బీరు ఒలికిందట. ఒకటో, రెండో చుక్కలు కాదు... 3,88,000 గ్యాలన్లు! ఒక్కసారిగా లండన్‌లోని ఓ బారీ వాట్ (బీరుని నింపి వుంచే ట్యాంక్) పగలడంతో నిజంగానే బీరు ఏరులై పారింది.
      
  అకీలా అనే నక్షత్ర కూటమిలో ఒక భారీ మేఘం ఉంది. విచిత్రం ఏంటంటే, ఆ మేఘం మిథైల్ ఆల్కహాల్ (బీరులో ఉండే ముఖ్యమైన రసాయనం) తో నిండి ఉంది. దానితో 400 ట్రిలియన్ ట్రిలియన్ పైంట్స్ బీరుని తయారుచేయొచ్చు.
      
  బీరులో ఫ్యాట్ పర్సంటేజ్ జీరో.
      
 జపాన్ వాళ్లు అంతరిక్షంలో బార్లీని పండించి, ఆ గింజలతో బీరుని తయారుచేశారట! దానికి ‘స్పేస్ బార్లీ’ అని పేరు పెట్టి, లాటరీ ద్వారా విక్రయించారు. వచ్చిన ఆదాయాన్ని చారిటీ కోసం వినియోగించారు.
      
  మధ్యయుగంలో మంచినీళ్ల కన్నా బీరునే ఎక్కువ తాగేవారట. అందుకు కారణం అప్పటి మంచినీటిలో క్రిములు ఎక్కువగా ఉండడమే! బీరులోని ఆల్కహాల్ ఆ క్రిములని నశింపజేయడంతో ఆ నీరు శుద్ధి అయ్యేదట!
      
  చంద్రమండలం నుండి సేకరించబడిన శకలాలను పొడి చేసి ‘సెలెస్ట్ - జువెల్ - ఏల్’ అనే బీరుని ‘డాగ్‌ఫిష్ హెడ్’ అనే అమెరికన్ బీర్ కంపెనీ తయారుచేసింది! చేస్తోంది కూడా!
    
  సెనోసిల్లిసెఫోబియా (CENOSILLICEPHOBIA)ఖాళీ బీర్ గ్లాసుని చూస్తే కలిగే ఫోబియా.
      
  ఆటమిక్ మోడల్‌తో నోబెల్ ప్రైజ్ సంపాదించిన నీల్స్‌బోర్‌కి అందిన బహుమానం ఒక స్థానిక బీర్ కంపెనీ నుండి అతని ఇంటికి బీర్ పైప్‌లైన్! అతనింట్లో కుళాయి విప్పితే బీరు వస్తుందన్నమాట!
      
  ప్రపంచ వింతల్లో ఒకటైన గీజా పిరమిడ్ల నిర్మాణంలో సహాయం చేసిన కూలీలకు జీతం ఏంటో తెలుసా! నాలుగు లీటర్ల బీరు! స్వేదానికి మద్యం పథకం!
      
  మ్యాథ్యూ హాగ్ బాడీ... ఒక పెద్ద బీర్ ఫ్యాక్టరీ! అతని శరీరం అచ్చంగా బీరుని తయారుచేస్తుంది. ఆటో ఫెర్మంటేషన్ సిండ్రోమే దానికి కారణం. అతని పేగులలో ‘ఈస్ట్’ బ్యాక్టీరియా చిక్కుకుపోయి ఉండడంతో అతను బార్లీ, బ్రెడ్ లాంటివి తింటే, అవి ఈస్ట్‌తో కలిసి బీరులా మారుతుందట! దాని వల్ల 24 గంటలూ హ్యాంగోవర్‌లోనే ఉంటున్నాడట పాపం!
  


 ఓ బీరేయాలా.. ఈ చెట్టు దగ్గరకు వెళ్లండి. మీ పనైపోతుంది. అదెలా అని అడిగితే.. ఈ చెట్టే ఓ బారు అని చెబుతాం.  నిజం.. ఈ చెట్లో ఓ పబ్ ఉంది. దక్షిణాఫ్రికాలోని లింపోపోలో ఈ పబ్ ట్రీ ఉంది. ఈ బెయోబాబ్ చెట్టు చుట్టు కొలత 150 అడుగులు. దీని లోపల భాగం కొంచెం తొలిచి.. 1933లో చిన్నపాటి బారును ఏర్పాటు చేశారు. ఓ సాధారణ బారులో ఎన్ని సదుపాయాలు ఉంటాయో ఇందులోనూ ఉంటాయి. 15-20 మంది ఆరామ్‌గా కూర్చుని మందేయొచ్చు. ఈ చెట్టుకు మరో ప్రత్యేకత కూడా ఉంది. ఇది ప్రపంచంలోనే అత్యంత పురాతనమైన వృక్షాల్లో ఒకటి. దీని వయసు 6 వేల ఏళ్లట!
 
  


 
 వీడి పేరు చెంగ్ చెంగ్.. వీడో తాగుబోతు!! ఫొటో చూశారుగా.. ఇంకా డౌటా.. వయసు రెండేళ్లే అయినా.. వాళ్ల నాన్న కన్నా వేగంగా బీరు లేదా వైన్ తాగేస్తాడట. పాలు కనిపిస్తే యాక్ అంటూ మొహం తిప్పేసుకునే చెంగ్‌చెంగ్.. మందు కనిపిస్తే మాత్రం ముందు నాకే అంటాడు. ప్రస్తుతం చైనాలోని అన్హుయ్ ప్రావిన్స్‌లో వీడి గురించే చర్చ. ప్రపంచంలోనే అత్యంత పిన్న తాగుబోతుగా భావిస్తున్న చెంగ్‌చెంగ్‌ను ఎలా దారిలో పెట్టాలన్న దానిపైనే అధికారులు చర్చిస్తున్నారు. అలాగని వీడిని అనడానికి లేదు లెండి.. ముందు వీడి నాన్నను అనాలి.
 
 ఎందుకంటే.. చెంగ్‌కు పది నెలల వయసున్నప్పుడు ఓ రోజు తెగ ఏడుస్తుంటే.. వాళ్ల నాన్న వైన్ చుక్క నాలికకు నాకించాడంట. అప్పట్నుంచి అది అలవాటై.. చివరికి గ్రహపాటుగా మారింది. ఏడాది వయసొచ్చేసరికి బీరు అలవాటైంది. ఇప్పుడైతే.. ఓ బాటిల్ బీరును ఈజీగా తాగేస్తాడు. వీడి కళ్లు ఎప్పుడు మందు బాటిల్ మీదే ఉంటాయట. ఇంట్లో వాళ్లు పార్టీ అంటూ బాటిల్ బయటకు తీస్తే.. మరి నాకో అంటూ మందు కోసం మారాం చేస్తాడు. ఒక్కోసారి ఎంత గొడవ చేస్తాడంటే.. తప్పనిసరి పరిస్థితుల్లో కొంచెం వైన్ ఇవ్వాల్సి వస్తోందని తల్లిదండ్రులు చెబుతున్నారు.
 
 చెంగ్ చెంగ్ విషయం మీడియాలో రావడంతో ఒక్కసారిగా గగ్గోలు రేగింది. వెంటనే ఈ అలవాటు మానిపించకపోతే.. ఆరోగ్యం పూర్తిగా దెబ్బతింటుందని వైద్యులు ఆందోళన వ్యక్తం చేస్తుంటే.. తల్లిదండ్రుల వల్లే వీడిలా చెడిపోయాడని.. చెంగ్‌ను ప్రభుత్వ సంరక్షణ నిలయానికి పంపించాలని సామాజిక సంస్థల ప్రతినిధులు డిమాండ్ చేస్తున్నారు. అటు వీడి తల్లిదండ్రులు చేతులు కాలాక ఆకులు పట్టుకున్న చందంగా.. చెంగ్‌కు మందుకు బదులు జ్యూస్ వంటివి అలవాటు చేయించడానికి ఇప్పుడు ప్రయత్నిస్తున్నారు. ఎందుకంటే.. తమపై ప్రభుత్వం చట్టపరమైన చర్యలు తీసుకుంటుందేమోనని వీరు భయపడుతున్నారు.  
  
  


  న్యూఢిల్లీ: ఢిల్లీలోని బార్ అండ్ రెస్టారెంట్స్, షాపింగ్ మాల్స్, ఫైవ్ స్టార్ హోటళ్లలో బీర్ తయారు చేసే సూక్ష్మ కేంద్రాలకు అనుమతించే యోచనలో ఉంది ఢిల్లీ ప్రభుత్వం. దీనిద్వారా ఆదాయ పెంపునకు కసరత్తులు చేస్తోంది. గుర్గావ్, ముంబై, పుణేల్లో ఇలాంటి బీర్ తయారీ కేంద్రాలు ఇప్పటికే ఉన్నాయి. వీటి తరహాలోనే ఢిల్లీలో ఏర్పాటు చేసేందుకు ఎక్సైజ్ శాఖ సన్నాహాలు చేస్తోంది.
  
  ఢిల్లీ ప్రభుత్వం రెండేళ్ల కిందట ఆమోదించిన ఈ ప్రతిపాదనను ఆర్థిక శాఖకు పంపినట్లు సీనియర్ అధికారి ఒకరు తెలిపారు. ఆ ప్రతిపాదనను పునరుద్ధరించడానికి ప్రయత్నిస్తున్నామని చెప్పారు. గుర్గావ్‌లో ఇలాంటి యూనిట్స్ నిర్వహిస్తున్న ఢిల్లీలోని హోటళ్లు, పబ్‌లనుంచి వివరాలు సేకరించామని అధికారులు వెల్లడించారు. ఒక్క మైక్రో బీర్ ప్లాంట్ ఏర్పాటుకు 4వేల చదరపు అడుగుల స్థలం అవసరం కాగా.. ఇందుకుగాను 10 కోట్ల రూపాయల ఖర్చు అవుతుంది. గతంలో ఢిల్లీ మంత్రివర్గ ఆమోదం తరువాత ఈ ఫైల్‌ను కేంద్ర ప్రభుత్వ పట్టణ అభివృద్ధి మంత్రిత్వ శాఖకు పంపారు. ఆ సమయంలో కేంద్రం ఢిల్లీ విమానాశ్రయంలో మాత్రమే బీర్ తయారీ యూనిట్ ఏర్పాటుకు అనుమతించింది కేంద్రం.
  
  హోటళ్లు, షాపింగ్ మాల్స్‌లో సైతం ఈ  బీర్ తయారీ సూక్ష్మ యూనిట్ల ఏర్పాటుకు అనుమతివ్వాలని తాజాగా వ్యాపారవేత్తలనుంచి డిమాండ్ వస్తోంది. దీంతో ఎక్సైజ్ అధికారులు తమ ప్రతిపాదనను ఆమోదించాలని ప్రభుత్వాన్ని కోరుతున్నారు. అనుమతి కోరుతూ కేంద్ర ప్రభుత్వానికి మరో లేఖరాయాల్సి ఉంటుందని ఆర్థిక శాఖ అధికారి ఒకరు తెలిపారు. ఇతర దేశాలతో పోలిస్తే... బీర్ వినియోగం మన దేశంలో చాలా తక్కువగా ఉందని హోటళ్ల వ్యాపారులు, విశ్రాంతి పరిశ్రమ నిపుణులు చెబుతున్నారు.
 
  ఈ సూక్ష్మ యూనిట్ల వల్ల వినియోగదారులకు ఇష్టమైన ఫ్లేవర్‌లో బీర్‌ను వారి ముందే తయారు చే సి అందించడానికి అవకాశం ఉంటుంది. దీనివల్ల విశ్వసనీయత పెరిగి బీర్ వినియోగం పెరుగుతుందని గుర్గావ్ లోని ఓ పబ్ యజమాని చెబుతున్నాడు. గుర్గావ్, ఢిల్లీ సరిహద్దుల్లోని హర్యానా పట్టణ ప్రాంతాల్లో బహుళజాతి కంపెనీలు, సంపన్నులు నివసించే ప్రాంతాల్లో ఇప్పటికే ఎనిమిది బీర్ తయారీ సూక్ష్మ కేంద్రాలున్నాయని, వాటిలో వ్యాపారం బ్రహ్మాండంగా నడుస్తోందని ఆయన చెప్పారు.
  


 మెల్ బోర్న్:ప్రపంచంలో ప్రతీ ఒక్కరూ వాతావరణ కాలుష్యం బారిన పడుతూనే ఉంటారు. వాతావరణంలో చోటు చేసుకునే మార్పుల కారణంగా ప్రతీ ఏడాది వేలాది మంది ప్రాణాలు కోల్పోవడమే  కాకుండా , రోగాల బారిన పడే వారు కూడా లెక్కకు మించే ఉంటున్నారు. గ్లోబల్ వార్మింగ్ తో అల్లాడిపోతున్నజనాభాను చల్లబరిచేందుకు శాస్త్రవేత్తలు కొత్త ద్రవపదార్ధాన్ని మన ముందుకు తీసుకువస్తున్నారు. పచ్చ రంగులో ఉండే ఈ ద్రావకానికి బీర్ లో ఉపయోగించే బార్లి గింజలనే ప్రధానంగా వినియోగించినట్లు క్వీన్స్ లాండ్ యూనివర్శిటీ శాస్త్రవేత్త  పీటర్ గోస్ తెలిపారు.
  
 కాలుష్యం బారిన పడి వేడిని తట్టుకోలేని సమయంలో ఇది ఉపయోగకరంగా ఉంటుందన్నారు. దీని ద్వారా అధికమొత్తంలో కాలుష్యానికి గురైన వ్యక్తికి ఉపశమనం చేకూరుతుందని పరిశోధకులు తెలిపారు. దీని ధర సాధారణ బీర్ ల కంటే అధిక మొత్తంలొ ఉంటుందన్నారు. దీని ధర 5 యూఎస్ డాలర్లు మొదలుకొని 20 డాలర్ల వరకూ ఉండవచ్చన్నారు. కాగా,  అసలు ధర ఎంత ఉంటుందనే దానిపై మాత్రం స్పష్టత ఇవ్వలేదు.
  


 సాక్షి, సంగారెడ్డి: మునిసిపల్, ప్రాదేశిక, సార్వత్రిక ఎన్నికలు ఒకేసారి రావడంతో ఓటర్లపై మూడు వైపుల నుంచి ప్రలోభాలు చుట్టు ముట్టాయి. మునిసిపల్, ప్రాదేశిక ఎన్నికల ఫలితాల ప్రభావం సాధారణ ఎన్నికలపై ఉంటుందని అన్ని పార్టీల నేతలు ఆందోళన చెందుతున్నారు. ఈ నెల 30న మునిసిపల్ ఎన్నికలు, ఏప్రిల్ 6న ప్రాదేశిక ఎన్నికలు జరగనున్నాయి. పోలింగ్‌కు సమయం ముంచుకొస్తుండడంతో ప్రధాన పార్టీల తరఫున శాసనసభ, లోక్‌సభ టికెట్లు ఆశిస్తున్న కొందరు నేతలు రంగంలోకి దిగారు. పంపిణీ కార్యక్రమాలను పర్యవేక్షిస్తున్నారు.
 
  నిఘా కళ్లు గప్పి..
  ఎన్నికల ప్రక్రియ ప్రారంభైన వెంటనే జిల్లా వ్యాప్తంగా 26 చెక్‌పోస్టులు ఏర్పా టు చేసి వాహనాల తనఖీ కోసం భారీ సంఖ్యలో బలగాలను నియమించారు. సరైన పత్రాలు లేకుండా తరలిస్తున్న రూ.1.56 కోట్ల నగదును ఈ తనిఖీల్లో పట్టుకున్నారు. పట్టుబడిన నగదులో సింహభాగం ఎన్నికలతో సంబంధం లేదని తెలుస్తోంది. రాజకీయ నేతలు పోలీసులకు చిక్కకుండా రహస్య మార్గాల్లో నగదును ఓటర్లకు చేరవేస్తుండడమే దీనికి కారణం.
 
  బీజేపీ మెదక్ లోక్‌సభ నియోజకవర్గ ఇన్‌చార్జి చాగండ్ల నరేంద్రనాథ్ మెడకు ఉచ్చు బిగుసుకుంటోంది. ఓటర్లను ప్రభావితం చేసే విధంగా ప్రలోభాలకు గురిచేశారనే ఆరోపణలపై ఆయనకు జిల్లా ఎన్నికల అధికారి, కలెక్టర్ స్మితా సబర్వాల్ సోమవారం తాఖీదులు జారీ చేశారు. రామాయంపేట మండలం ఝాన్సీలింగాపూర్ గ్రామంలో ఓ వ్యక్తి ఇంటిపై దాడి చేసిన అధికారులు భారీ ఎత్తున గృహోపకరణ వస్తువులు, క్రీడా సామగ్రిని స్వాధీనం చేసుకున్నారు. ఈ వ్యవహారంపై 48 గంటల్లో వివరణ ఇవ్వాలని  కలెక్టర్ బీజేపీ నేత నరేంద్రనాథ్‌కు నోటీసులు జారీ చేశారు.  
 
  హైదరాబాదీ బిర్యానీతో ..
  సంగారెడ్డి మునిసిపాలిటీ పరిధిలో అధికార పార్టీ తరఫున పోటీ చేస్తున్న కొందరు మాజీ కౌన్సిలర్లు రోజూ లక్షల్లో ఖర్చు చేస్తున్నారు. వీరిలో కొందరు అభ్యర్థులైతే హైదరాబాద్‌లోని ప్రముఖ హోటళ్ల నుంచి ‘చికెన్ బిర్యానీ ఫ్యామిలీ ప్యాక్’ పొట్లాలను తెప్పించి చీకటి పడ్డాగా ఇంటింటికి చేరవేస్తున్నారు. హైదరాబాదీ బిర్యానీ రుచిచూపించి ఓటర్లను మచ్చిక చేసుకునేందుకు పడరాని పాట్లు పడుతున్నారు. ఈ తంతు బహిరంగంగానే జరుగుతున్నా ఎన్నికల అధికారులు, స్థానిక పోలీసులు చూసిచూడనట్టు వ్యవహరిస్తున్నారన్న విమర్శలు వ్యక్తమవుతున్నాయి.


 సాక్షి, ముంబై:  ఇటీవలే పెరోల్ వివాదంతో ఇబ్బందులుపడ్డ బాలీవుడ్ నటుడు సంజయ్‌దత్‌కు మరో సమస్య ఎదురయింది. 1993లో ముంబైలో  వరుస పేలుళ్ల కేసులో ఇతడు శిక్ష అనుభవిస్తున్న సంగతి తెలిసిందే. అయితే ఈ బాలీవుడ్ నటుడికి యెరవాడ జైల్లో రాచమర్యాదలు జరుగుతున్నట్టు బీజేపీ ఆరోపించింది. జైలు శిక్షపడిన అనంతరం సంజయ్ దత్‌ను ముంబై నుంచి పుణే యెరవాడ జైలుకు తరలించిన విషయం విదితమే.
 
 అందరు ఖైదీల మాదిరిగానే సంజయ్ దత్ ను కూడా జైలు అధికారులు చూడాల్సి ఉంటుంది. అయితే ఆయనకు జైళ్లో ఏకంగా మద్యం (బీర్, రమ్) అందిస్తున్నట్టు ప్రతిపక్ష నాయకుడు వినోద్ తావ్డే ఆరోపించారు. కొందరు పోలీసులు అధికారులు, సిబ్బంది ఇలాంటి వారికి సహకరిస్తుంటారని చెప్పారు. తావ్డే తాజాగా చేసిన ఈ ఆరోపణలు దుమారం లేపాయి. విధానసభలో ఈ అంశంపై సోమవారం గొడవ జరిగే అవకాశాలున్నాయి. బీజేపీ ఈ అంశంపై ప్రభుత్వాన్ని నిలదీసేందుకు సిద్ధమవుతోంది.
 
  జైళ్లల్లో శిక్షను అనుభవిస్తున్న సంపన్న వ్యక్తులకు జైలు సిబ్బంది సహకరిస్తున్నట్టు గతంలోనూ ఆరోపణలు వచ్చాయి.  దత్ వంటివాళ్లతోపాటు శక్తిమిల్లు వద్ద అత్యాచారానికి పాల్పడిన నిందితులకు కూడా రాచమర్యాదలు అందుతున్నాయని తావ్డే ఆరోపించారు. దత్‌కు ఇటీవలే 30 రోజుల పెరోల్ లభించడంపై తీవ్ర వివాదం తలెత్తింది. ఈ ఏడాదిలో ఇప్పటికే ఇతడికి రెండుసార్లు పెరోల్ వచ్చింది. భార్య మాన్యత దత్ అనారోగ్యం కారణంగా పెరోల్‌కు దరఖాస్తు చేసుకున్నట్టు దత్ తెలిపారు. అయితే ఆమె ఓ సినిమా కార్యక్రమంలో కన్పించడంతో ఒక్కసారిగా ఈ విషయంపై తీవ్ర నిరసనలు వెల్లువెత్తాయి. పెరోల్‌ను తక్షణం రద్దు చేయాలని కోరుతూ ఆర్పీఐ యెరవాడ జైలు ఎదుట ఆందోళనకు దిగింది.
 
  కొన్ని సామాజిక సంఘాలు కూడా ప్రభుత్వ ధోరణిపై మండిపడ్డాయి. వేలాది మంది ఖైదీలు బెయిల్ రాక జైళ్లలో మగ్గిపోతున్నారని, దత్ వంటి నేరగాళ్లకు మాత్రం నెలకోసారి పెరోల్ ఇస్తున్నారంటూ విరుచుకుపడ్డాయి.  దీంతో సర్కారు ఇతడికి పెరోల్ రద్దు చేసింది. సంజయ్‌దత్‌కు జైళ్లో ఏకంగా మద్యం అందుతున్నట్టు ఆరోపణలు వస్తుండడంతో మరోసారి ఇతడు వార్తల్లో నిలిచాడు.
  పాటిల్ సమాధానంపైనే అందరి దృష్టి...
  అసెంబ్లీలో వినోద్ తావ్డే ఆరోపణలకు హోంశాఖ మంత్రి ఆర్.ఆర్.పాటిల్ ఎలాంటి సమధానమిస్తారనే విషయంపై అందరి దృష్టీ కేంద్రీకృరితమయింది. అసెంబ్లీలో సోమవారం ఈ విషయంపై ఆయన ఒక ప్రకటన చేసే అవకాశముంది. దత్‌కు పెరోల్ మంజూరుపైనా ఆర్.ఆర్. పాటిల్ విచారణకు ఆదేశించారు.


  వాషింగ్టన్(పిటిఐ): అమెరికాకు చెందిన 11 ఏళ్ల బాలుడు అంతరిక్ష పరిశోధకులకు మంచి కిక్కిచ్చాడు. కిక్కేందని అనుకుంటున్నారా? అంతరిక్ష పరిశోధకులు  అంతరిక్షంలోనే  తాగే బీరు తయారుచేసే విధానాన్ని కనుగొన్నాడు. వారు అంతరిక్షంలో బీరు లేదని బాధపడవలసిన అవసరంలేదు.
 
 11 ఏళ్ల ఈ విద్యార్థి స్పేస్ స్టేషన్‌లోనే బీర్ తయారు చేసుకునే విధానాన్ని కనుగొనడమేకాకుండా అంతర్జాతీయ అంతరిక్ష పరిశోధనా కేంద్రం(ఐఎస్ఎస్)ను సందర్శించే అవకాశం కూడా దక్కించుకున్నాడు. కొలరాడోలోని స్టెమ్ పాఠశాలలో ఆరో గ్రేడ్ చదువుతున్న మైకేల్ బోడ్జియానొస్కి తన క్లాసు పరిశోధనల్లో భాగంగా 15 సెంటీ మీటర్ల ట్యూబులో చిన్న సారా బట్టీని రూపొందించాడు. దానిలో బీరు తయారు చేయడానికి కావాల్సిన బార్లీ మాల్ట్, ఈస్ట్ లాంటి పదార్థాలను విడివిడిగా ఉంచే ఏర్పాటు చేశాడు. అవన్నీ కలిసేలా ఆస్ట్రోనాట్స్ ఒక్క సారి ట్యూబ్‌ను షేక్ చేస్తే కొంత సేపటికి బీర్ రెడీ అవుతుంది. దీనిని నానో రాక్స్ అనే సంస్థ త్వరలోనే అంతర్జాతీయ స్పేస్ స్టేషన్‌కు అందించబోతోందని స్పేస్.కామ్ తెలిపింది.
 
 కాగా, తన ప్రయోగం గొప్ప సక్సెస్ అయినందుకు బోడ్జియానొస్కి ఉబ్బితబ్బిబ్బవుతున్నాడు. క్లాసులో ఫస్ట్ మార్క్ సాధించాలని ప్రయోగం మొదలుపెట్టాను తప్ప స్పేస్‌లోని వాళ్ల కోసం కాదని చెబుతున్నాడు. అంతరిక్షంలో నీటిని శుభ్రం చేయడం కన్నా ఈ విధానంలో బీర్‌ను తయారు చేయడం సులువని చెప్పాడు. అత్యవసర సమయంలో నీళ్లకు ప్రత్యామ్నాయంగా కూడా ఇది ఉపయోగపడుతుందని నిపుణులు పేర్కొంటున్నారు.