దేశవ్యాప్తంగా టీ20 లీగ్‌లకు క్రమక్రమంగా ఆదరణ పెరుగుతోంది. ఈ క్రమంలోనే ఢిల్లీ ప్రీమియర్‌ లీగ్‌ (DPL) కూడా తెరమీదకు వచ్చింది. గతేడాది ఆరంభమైన ఈ లీగ్‌ ద్వారా.. ఐపీఎల్‌-2025 నయా సంచలనాలు ప్రియాన్ష్‌ ఆర్య (Priyansh Arya), దిగ్వేశ్‌ సింగ్‌ రాఠి (Digvesh Singh Rathee) వెలుగులోకి వచ్చారు.డీపీఎల్‌ ప్రస్తుతం రెండో సీజన్‌కు సిద్ధమైంది. ఈసారి అవుటర్‌ ఢిల్లీ, న్యూ ఢిల్లీ పేరిట రెండు కొత్త జట్లు కూడా లీగ్‌లో ప్రవేశించాయి. ఈసారి మరో అదనపు ఆకర్షణ కూడా ఉంది. టీమిండియా సూపర్‌ స్టార్‌ విరాట్‌ కోహ్లి కుటుంబం నుంచి ఓ స్పిన్‌ బౌలర్‌ డీపీఎల్‌ వేలంలో తన పేరును నమోదు చేసుకున్నాడు.ఆర్యవీర్‌ కోహ్లి ఎంట్రీ?కోహ్లికి కొడుకు వరసయ్యే ఆర్యవీర్‌ కోహ్లి ఎంట్రీ ఇచ్చేందుకు సిద్ధమయ్యాడు. కోహ్లి చిన్ననాటి కోచ్‌ రాజ్‌కుమార్‌ శర్మ దగ్గర అతడు మెళకువలు నేర్చుకుంటున్నాడు అంతేకాదు.. భారత విధ్వంసకర ఓపెనర్‌ వీరేందర్‌ సెహ్వాగ్‌ ఇద్దరు కుమారులు ఆర్యవీర్‌ సెహ్వాగ్‌, వేదాంత్‌ సెహ్వాగ్‌ కూడా డీపీఎల్‌ వేలంలోకి రానున్నట్లు సమాచారం. ఇప్పటికే వీరి పేర్లు షార్ట్‌లిస్ట్‌ అయినట్లు టైమ్స్‌ ఆఫ్‌ ఇండియా పేర్కొంది.సెహ్వాగ్‌ పెద్ద కుమారుడు ఆర్యవీర్‌ ఇప్పటికే ఢిల్లీ అండర్‌ 19 జట్టుకు ఆడుతుండగా.. 15 ఏళ్ల వేదాంత్‌ ఆఫ్‌ స్పిన్నర్‌. ఇతడు అండర్‌-16 జట్టుకు ప్రాతినిథ్యం వహిస్తున్నాడు. ఈ ఇద్దరూ డీపీఎల్‌ వేలంలో ‘బి’ కేటగిరిలో ఉన్నట్లు తెలుస్తోంది. ఇదే నిజమైతే దిగ్గజాల వారసుల ఆట చూసేందుకు అభిమానులు డీపీఎల్‌పై ఓ లుక్కేయడం ఖాయం.సత్తా చాటిన ప్రియాన్ష్‌, దిగ్వేశ్‌కాగా జూలై 5న ఢిల్లీ ప్రీమియర్‌ లీగ్‌ వేలం జరుగనుంది. ఇక గతేడాది సౌత్‌ ఢిల్లీ సూపర్‌స్టార్స్‌కు ఆడిన ప్రియాన్ష్‌ ఒకే ఓవర్లో ఆరు సిక్సర్లు బాది అందరి దృష్టిని ఆకర్షించాడు. అంతేకాదు.. పది మ్యాచ్‌లలో కలిపి 608 పరుగులు చేసి లీగ్‌ టాప్‌ రన్‌ స్కోరర్‌గా నిలిచాడు.ఈ క్రమంలో రూ. 3.80 కోట్ల ధరతో ఐపీఎల్‌లో పంజాబ్‌ కింగ్స్‌లో చేరిన ప్రియాన్ష్‌ చెన్నై సూపర్‌ కింగ్స్‌ మీద 42 బంతుల్లో 103 పరుగులతో చెలరేగి చరిత్ర సృష్టించాడు. మరోవైపు.. సౌత్‌ ఢిల్లీకే ఆడిన దిగ్వేశ్‌ సింగ్‌ రాఠీ సైతం డీపీఎల్‌లో సత్తాచాటి ఐపీఎల్‌లో ప్రవేశించాడు. లక్నో సూపర్‌ జెయింట్స్‌ అతడిని రూ. 30 లక్షలకు కొనుగోలు చేయగా.. ఈ ఏడాది జట్టు తరఫున టాప్‌ వికెట్‌ టేకర్‌గా నిలిచాడు. 13 ఇన్నింగ్స్‌లో కలిపి పద్నాలుగు వికెట్లు పడగొట్టాడు.ఇక డీపీఎల్‌లో ఈసారి అవుటర్‌ ఢిల్లీ, న్యూ ఢిల్లీ పేరిట రెండు కొత్త జట్లు కూడా లీగ్‌లో ప్రవేశించాయి. గతేడాది సౌత్‌ ఢిల్లీ సూపర్‌స్టార్స్‌, ఈస్ట్‌ ఢిల్లీ రైడర్స్‌, సెంట్రల్‌ ఢిల్లీ కింగ్స్‌, నార్త్‌ ఢిల్లీ స్ట్రైకర్స్‌, వెస్ట్‌ ఢిల్లీ లయన్స్‌, పురాణీ ఢిల్లీ 6 పేరిట ఆరుజట్లు తలపడ్డాయి. ఈస్ట్‌ ఢిల్లీ రైడర్స్‌ టైటిల్‌ గెలవగా.. సౌత్‌ ఢిల్లీ సూపర్‌స్టార్స్‌ రన్నరప్‌గా నిలిచింది. ఇక తొలి సీజన్‌కు వీరేందర్‌ సెహ్వాగ్‌ బ్రాండ్‌ అంబాసిడర్‌గా ఉన్న విషయం తెలిసిందే.చదవండి: ‘షర్మిలా ఠాగూర్‌, సైఫ్‌ అలీ ఖాన్‌ను పిలవండి.. ఎవరూ వేలెత్తి చూపరు’

లీడ్స్ వేదికగా ఇంగ్లండ్‌తో జరుగుతున్న తొలి టెస్ట్‌లో టీమిండియా ఓపెనర్‌ కేఎల్‌ రాహుల్‌ బాధ్యతాయుతమైన హాఫ్‌ సెంచరీతో మెరిశాడు. 47 పరుగుల ఓవర్‌నైట్‌ స్కోర్‌తో నాలుగో రోజు ఆటను ప్రారంభించిన రాహుల్‌.. 87 బంతుల్లో హాఫ్‌ సెంచరీని పూర్తి చేశాడు. రాహుల్‌కు కెరీర్‌లో ఇది 18వ హాఫ్‌ సెంచరీ. SENA దేశాల్లో (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) ఓపెనర్‌గా అతనికిది తొమ్మిదో హాఫ్‌ సెంచరీ. ఈ హాఫ్‌ సెంచరీతో రాహుల్‌ భారత మాజీ డాషింగ్‌ ఓపెనర్‌ వీరేంద్ర సెహ్వాగ్‌, మరో మాజీ ఓపెనర్‌ మురళీ విజయ్‌ రికార్డును సమం చేశాడు. భారత ఓపెనర్లుగా సెహ్వాగ్‌, మురళీ కూడా సేనా దేశాల్లో తలో 9 హాఫ్‌ సెంచరీలు చేశారు. ఈ విభాగంలో సునీల్‌ గవాస్కర్‌ ఒక్కడే ప్రస్తుతం రాహుల్‌ కంటే ముందున్నాడు. భారత ఓపెనర్‌గా గవాస్కర్‌ సేనా దేశాల్లో 19 హాఫ్‌ సెంచరీలు చేశాడు.సేనా దేశాల్లో అత్యధిక 50 ప్లస్‌ స్కోర్లు చేసిన భారత ఓపెనర్లు:19 - సునీల్ గవాస్కర్ 57 ఇన్నింగ్స్‌లలో9* - కేఎల్ రాహుల్ 42 ఇన్నింగ్స్‌లలో9 - మురళీ విజయ్ 42 ఇన్నింగ్స్‌లలో9 - వీరేంద్ర సెహ్వాగ్ 49 ఇన్నింగ్స్‌లలోమ్యాచ్‌ విషయానికొస్తే.. ఓవర్‌నైట్‌ స్కోర్‌ 90/2 వద్ద నాలుగో రోజు ఆటను ప్రారంభించిన భారత్‌కు ఆదిలోనే పెద్ద ఎదురుదెబ్బ​ తగిలింది. తొలి ఓవర్‌ చివరి బంతికే (24.6వ ఓవర్‌) బ్రైడన్‌ కార్స్‌ బౌలింగ్‌లో శుభ్‌మన్‌ గిల్‌ (8) క్లీన్‌ బౌల్డ్‌ అయ్యాడు. ఓవర్‌నైట్‌ స్కోర్‌కు మరో రెండు పరుగులు మాత్రమే జోడించి భారత్‌ మూడో వికెట్‌ కోల్పోయింది.ఈ దశలో రిషబ్‌ పంత్‌ రాహుల్‌కు జత కలిశాడు. వీరిద్దరు మరో వికెట్‌ పడకుండా జాగ్రత్తగా ఆడుతూ ఇన్నింగ్స్‌లు కొనసాగిస్తున్నారు. లంచ్‌ విరామం సమయానికి భారత్‌ స్కోర్‌ 153/3గా ఉంది. రాహుల్‌ 72, పంత్‌ 31 పరుగులతో క్రీజ్‌లో ఉన్నారు. ప్రస్తుతానికి భారత్‌ ఆధిక్యం 159 పరుగులుగా ఉంది. భారత రెండో ఇన్నింగ్స్‌లో యశస్వి జైస్వాల్‌ (4) విఫలం కాగా.. వన్‌డౌన్‌ బ్యాటర్‌ సాయి సుదర్శన్‌ (30) ఓ మోస్తరు ఇన్నింగ్స్‌ ఆడాడు. ఇంగ్లండ్‌ బౌలర్లలో బ్రైడన్‌ కార్స్‌ 2, స్టోక్స్‌ ఓ వికెట్‌ పడగొట్టారు.అంతకుముందు భారత్‌, ఇంగ్లండ్‌ తొలి ఇన్నింగ్స్‌ల్లో నువ్వా నేనా అన్నట్లు బ్యాటింగ్‌ చేశాయి. తొలుత బ్యాటింగ్‌ చేసిన భారత్‌.. ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీలతో చెలరేగడంతో 471 పరుగులు చేసింది. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ తలో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ చెరో వికెట్‌ పడగొట్టారు.అనంతరం బ్యాటింగ్‌కు దిగిన ఇంగ్లండ్‌ టీమిండియాకు ధీటుగా బదులిచ్చింది. ఓపెనర్‌ బెన్‌ డకెట్‌ (62) అర్ధ శతకంతో రాణించగా.. ఓలీ పోప్‌ (106) శతక్కొట్టాడు. హ్యారీ బ్రూక్‌ 99 పరుగులతో తృటిలో సెంచరీ మిస్‌ అయ్యాడు. మిగతా ఆటగాళ్లలో జేమీ స్మిత్‌ 40, క్రిస్ వోక్స్‌ 38 పరుగులతో పర్వాలేదనిపించారు. ఫలితంగా ఇంగ్లండ్‌ మొదటి ఇన్నింగ్స్‌లో 465 పరుగులు చేసింది. దీంతో భారత్‌కు 6 పరుగుల స్వల్ప ఆధిక్యం లభించింది. భారత బౌలర్లలో జస్ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు.

ఐపీఎల్‌-2025 సీజ‌న్ తుది అంకానికి చేరుకుంది. రెండు నెల‌ల పాటు అభిమానులను అల‌రించిన ఈ మెగా టోర్నీ.. మంగ‌ళ‌వారంతో ముగియ‌నుంది. అహ్మ‌దాబాద్ వేదిక‌గా జ‌ర‌గ‌నున్న ఫైన‌ల్ పోరులో రాయ‌ల్ ఛాలెంజ‌ర్స్ బెంగ‌ళూరు, పంజాబ్ కింగ్స్ జ‌ట్లు త‌ల‌ప‌డ‌నున్నాయి.ఐపీఎల్‌‌‌‌‌‌‌‌‌‌‌‌‌‌‌‌లో ఆరంభం నుంచి బరిలో నిలిచినా ఒక్కసారి కూడా ఈ రెండు జ‌ట్లు టైటిల్‌ను ముద్దాడాలేక‌పోయాయి. దీంతో ఇరు జ‌ట్లు కూడా త‌మ 18 ఏళ్ల నిరీక్ష‌ణ‌కు తెర‌దించాల‌ని ప‌ట్టుద‌ల‌తో ఉన్నాయి. ఇరు జ‌ట్లు స‌మ‌వుజ్జీల‌గా ఉండ‌డంతో ఫైన‌ల్ పోరు ఉత్కంఠ భ‌రితంగా సాగ‌డం ఖాయం. ఈ క్ర‌మంలో టీమిండియా మాజీ ఓపెన‌ర్ వీరేంద్ర సెహ్వాగ్ అంచ‌నా వేశాడు. ఈ ఏడాది ఐపీఎల్ ట్రోఫీని ఆర్సీబీ సొంతం చేసుకుంటుంద‌ని సెహ్వాగ్ జోస్యం చెప్పాడు."ఫైన‌ల్ మ్యాచ్‌లో ఆర్సీబీ విజ‌యం సాధిస్తుంద‌ని నేను అనుకుంటున్నాను. అయితే సాధ‌ర‌ణంగా గ‌త కొన్ని మ్యాచ్‌ల‌గా నేను స‌పోర్ట్ చేసే జ‌ట్టు ఓడిపోతోంది. క్వాలిఫ‌య‌ర్‌-1లో ఆర్సీబీపై పంజాబ్ విజ‌యం సాధిస్తుంద‌ని అంచ‌నా వేశాను. కానీ ఆ మ్యాచ్‌లో పంజాబ్ చిత్తు అయింది.అదేవిధంగా ఎలిమినేట‌ర్‌లో ముంబైపై గుజ‌రాత్ గెలుస్తుంద‌ని చెప్పా. కానీ గుజ‌రాత్ కూడా ఓడిపోయింది. ఆ త‌ర్వాత క్వాలిఫ‌య‌ర్‌-2లో ముంబై ఇండియ‌న్స్‌కు స‌పోర్ట్ చేశా. అక్క‌డ కూడా ముంబై ప‌రాజ‌యం పాలైంది. టీమిండియా విష‌యంలో కూడా ఇదే జ‌రుగుతోంది. నేను గెలుస్తుంద‌ని చెప్పినా ప్ర‌తీసారి భార‌త్ ఓడిపోయింద‌ని" క్రిక్‌బ‌జ్ లైవ్‌షోలో సెహ్వాగ్ పేర్కొన్నాడు.తుది జట్ల వివరాలు (అంచనా) బెంగళూరు: రజత్‌ పాటీదార్‌ (కెప్టెన్‌), కోహ్లి, సాల్ట్, మయాంక్‌ అగర్వాల్, లివింగ్‌స్టోన్, జితేశ్‌ శర్మ, షెఫర్డ్, భువనేశ్వర్, కృనాల్‌ పాండ్యా, యశ్‌ దయాళ్, హాజల్‌వుడ్‌.పంజాబ్‌: శ్రేయస్‌ అయ్యర్‌ (కెపె్టన్‌), ప్రియాన్ష్ఆర్య, ప్రభ్‌సిమ్రన్, ఇన్‌గ్లిస్, నేహల్‌ వధేరా, స్టొయినిస్, శశాంక్‌ సింగ్, అజ్మతుల్లా, చహల్, జేమీసన్, అర్ష్‌దీప్‌ సింగ్‌.

ఇంగ్లండ్ ప‌ర్య‌ట‌న‌కు ముందు టీమిండియా టెస్టు జ‌ట్టు కెప్టెన్‌గా శుబ్‌మ‌న్ గిల్ ఎంపికైన సంగ‌తి తెలిసిందే. అదేవిధంగా గిల్‌కు డిప్యూటీగా వికెట్ కీప‌ర్ బ్యాట‌ర్ రిష‌బ్ పంత్ నియ‌మితుడ‌య్యాడు. రోహిత్ శ‌ర్మ టెస్టుల‌కు రిటైర్మెంట్ ప్ర‌క‌టించ‌డంతో కొత్త కెప్టెన్ ఎంపిక అనివార్య‌మైంది. పలు మీడియా రిపోర్ట్‌లు ప్రకారం.. కెప్టెన్సీ రేసులో నుంచి ఫిట్‌నెస్‌, వ‌ర్క్‌లోడ్ కార‌ణంగా పేస్ గుర్రం జస్ప్రీత్ బుమ్రా త‌ప్పుకోవ‌డంతో గిల్‌కు జ‌ట్టు ప‌గ్గాల‌ను సెల‌క్ట‌ర్లు అప్ప‌గించారు. కాగా భారత సెలక్టర్ల ముందు గిల్‌తో పాటు కేఎల్ రాహుల్‌, రిషబ్ ‍పంత్ అప్షన్స్ కూడా ఉండేవి. కానీ జ‌ట్టు దీర్ఘ‌కాల‌క ప్ర‌యోజ‌నాల‌ను దృష్టిలో పెట్టుకుని గిల్‌కు కెప్టెన్సీ బాధ్యతలు అప్పగించినట్లు బీసీసీఐ ఛీప్ సెలక్టర్ అజిత్ అగార్కర్ టీమ్ సెలక్షన్ ప్రెస్‌మీట్‌లో తెలిపాడు. అయితే 25 ఏళ్ల గిల్‌ను కెప్టెన్‌గా ఎంపిక చేయడంపై భిన్నభిప్రాయాలు వ్యక్తమవుతున్నాయి. తాజాగా ఇదే విషయంపై భారత మాజీ క్రికెటర్‌లు మనోజ్ తివారీ,వీరేంద్ర సెహ్వాగ్‌లు త‌మ మ‌న‌సులోని మాట‌ను బ‌య‌ట‌పెట్టారు. ఫిట్‌నెస్‌ సమస్యల కార‌ణంగానే బుమ్రా కాద‌ని గిల్‌కు కెప్టెన్సీ బాధ్య‌తలు అప్ప‌గించ‌రాని తివారీ అన్నాడు."భార‌త టెస్టు కెప్టెన్సీకి శుబ్‌మ‌న్ గిల్ సెకెండ్ బెస్ట్ ఆప్ష‌న్‌. సెల‌క్ట‌ర్లకు తొలి ఎంపికగా బుమ్రా ఉండేవాడు. కానీ ఫిట్‌నెస్‌ సమస్యల వల్ల తుదిజట్టులో ఆడలేని వారికి సారథ్య బాధ్యతలు ఎలా అప్పగిస్తారు. అందుకే త‌మ సెకెండ్ అప్ష‌న్ అయిన గిల్‌కు జ‌ట్టు ప‌గ్గాల‌ను క‌ట్ట‌బెట్టారు" అని క్రిక్‌బ‌జ్ లైవ్ షోలో తివారీ పేర్కొన్నాడు. అయితే తివారీ వ్యాఖ్య‌ల‌తో సెహ్వాగ్ విభేదించాడు. గిల్‌ను కాకుండా పంత్ కెప్టెన్‌గా ఎంపిక చేసి ఉంటే బాగుండేద‌ని సెహ్వాగ్ అభిప్రాయ‌ప‌డ్డాడు."కేవ‌లం ఒక్క సిరీస్ కోసం అయితే బుమ్రాను కెప్టెన్‌గా సెల‌క్ట్ చేయ‌వ‌చ్చు. అందులో ఎటువంటి స‌మ‌స్య లేదు. కానీ దీర్ఘ‌కాల‌నికి అయితే ఈ నిర్ణ‌యం స‌రైంది కాదు. భార‌త్ ఒక ఏడాది 10 టెస్టులు ఆడితే, ఆ మ్యాచ్‌ల‌న్నీ బుమ్రా ఆడగలడా అని ఆడ‌గాలి? లేదా అత‌డు ఎన్ని మ్యాచ్‌ల‌కు అందుబాటులో ఉండ‌గ‌ల‌డు అని ప్ర‌శ్నించాలి. కెప్టెన్‌ను ఎంపిక చేయ‌డంలో అది ఒక ప్రధాన అంశం.కానీ సెల‌క్ట‌ర్లు ఆ ఒత్తిడిని, వ‌ర్క్‌లోడ్‌ను బుమ్రాపై పెట్టాల‌నుకోలేదు. అందుకే అత‌డిని కెప్టెన్‌గా ఎంపిక చేయ‌లేదు. సెల‌క్ట‌ర్లు తీసుకుంది సరైన నిర్ణయం అని నేను కూడా భావిస్తున్నాను. అయితే కెప్టెన్సీకి గిల్ రెండవ బెస్ట్ ఆప్ష‌న్ అని తివారీ అన్నారు. నా దృష్టిలో టీమిండియాకు సారథిగా రిషభ్‌ పంత్‌ సెకండ్‌ బెస్ట్‌ ఆప్షన్‌. టెస్ట్‌ క్రికెట్‌కు పంత్‌ చేసినంతగా, ఇతర మరే ఇతర ఆటగాడు చేయలేదు. విరాట్ కోహ్లి త‌ర్వాత టెస్టు క్రికెట్ చూసేలా చేసిన ప్లేయ‌ర్ పంత్‌. కారు ప్ర‌మాదం నుంచి కోలుకుని వ‌చ్చిన త‌ర్వాత పంత్ అంత‌గా ప్ర‌భావం చూప‌లేక‌పోయాడు. దీన్ని నేను కూడా అంగీక‌రిస్తున్నాను. అత‌డు తిరిగి త‌న ఫామ్‌ను అందుకంటే, భవిష్యత్తులో అతన్ని కెప్టెన్‌గా చేసే నిర్ణయాన్ని సెల‌క్ట‌ర్లు తీసుకొవ‌చ్చు.అందుకే వైస్ కెప్టెన్‌గా ఎంపిక చేశారు. అయితే భార‌త టెస్టు సార‌థిగా చాలా కొద్ది మంది బౌల‌ర్ల‌రే వ్య‌వ‌హ‌రించారు.నేను క్రికెట్‌ ఆడిన కాలంలో కేవలం అనిల్‌కుంబ్లేనే ఈ ఫీట్ సాధించాడు. అదేవిధంగా అన్ని మ్యాచ్‌ల‌కు కూడా అత‌డు అందుబాటులో ఉన్నాడ‌ని" సెహ్వాగ్ విశ్లేషించాడు.చదవండి: IPL 2025: చరిత్ర సృష్టించిన శ్రేయస్ అయ్యర్‌..

ఐపీఎల్‌-2025 సీజ‌న్‌ను కోల్‌క‌తా నైట్‌రైడ‌ర్స్ ఘోర ఓట‌మితో ముగించింది. ఆదివారం ఢిల్లీ వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో 110 ప‌రుగుల తేడాతో కేకేఆర్ ప‌రాజ‌యం చ‌విచూసింది. ఈ ఏడాది సీజన్ అసాంతం దారుణ ప్ర‌ద‌ర్శ‌న కన‌బ‌రిచిన డిఫెండింగ్ ఛాంపియ‌న్‌.. వ‌రుస ఓట‌ముల‌తో ప్లేఆఫ్స్‌కు అర్హత సాధించడంలో విఫ‌ల‌మైంది.శ్రేయ‌స్ అయ్య‌ర్ స్ధానంలో కెప్టెన్సీ బాధ్య‌త‌లు చేప‌ట్టిన వెట‌ర‌న్ ఆట‌గాడు అజింక్య ర‌హానే జ‌ట్టును విజ‌యం ప‌థంలో న‌డిపించ‌డంలో విఫ‌ల‌మ‌య్యాడు. వ్య‌క్తిగ‌త ప్ర‌ద‌ర్శ‌న ప‌రంగా ప‌ర్వాలేదన్పించిన‌ప్ప‌టికి, కెప్టెన్‌గా మాత్రం ర‌హానే పూర్తిగా తేలిపోయాడు.ఈ ఏడాది సీజ‌న్‌లో 14 మ్యాచ్‌లు ఆడిన కేకేఆర్ ఐదింట మాత్ర‌మే విజ‌యం సాధించి పాయింట్ల ప‌ట్టిక‌లో ఏడో స్ధానంలో నిలిచింది. ఈ క్ర‌మంలో కేకేఆర్ మెనెజ్‌మెంట్‌పై మాజీ క్రికెట‌ర్ వీరేంద్ర సెహ్వాగ్ విమ‌ర్శ‌లు గుప్పించాడు. ర‌హానే టాప్‌-3లో బ్యాటింగ్‌కు రావ‌డాన్ని సెహ్వాగ్ త‌ప్పుబ‌ట్టాడు."కెప్టెన్ టాప్ త్రీలోనే బ్యాటింగ్ చేయాల‌ని ఎక్క‌డా రాసిలేదు. పంత్‌ను చూసి నేర్చుకోండి. అత‌డు త‌న ఫామ్‌లో లేని అని తెలిసి మిగితా ఆట‌గాళ్లను త‌న‌కంటే ముందు బ్యాటింగ్‌కు పంపుతున్నాడు. ఫామ్‌లో ఉన్న ఆట‌గాళ్లు టాప‌ర్డ‌ర్‌లో బ్యాటింగ్‌కు రావ‌డంతో ల‌క్నో భారీ స్కోర్ సాధించగలుగుతుంది.కేకేఆర్ అలాగే చేసి ఉంటే బాగుండేది. అది టీమ్ మెనెజ్‌మెంట్‌, కోచింగ్ స్టాప్ బాధ్య‌త‌. నిన్న గుజ‌రాత్‌తో మ్యాచ్‌లో కూడా సీఎస్‌కే అదే ప‌నిచేసింది. ఫామ్‌లో ఉన్న డెవాల్డ్ బ్రెవిస్‌, శివమ్ దూబేల‌ను ముందు బ్యాటింగ్‌కు పంపారు" అని క్రిక్‌బజ్ లైవ్ షో సెహ్వాగ్ పేర్కొన్నాడు.చదవండి: చెప్పింది వినరా?.. సహనం కోల్పోయిన ధోని.. పతిరణ, దూబేపై ఫైర్‌!

పాకిస్తాన్‌ తీరుపై టీమిండియా మాజీ క్రికెటరుల​ వీరేందర్‌ సెహ్వాగ్‌, శిఖర్‌ ధావన్‌ ఘాటు వ్యాఖ్యలు చేశారు. ఒప్పందం కుదిరిన కాసేపటికే దాయాది మరోసారి తమ నీచ బుద్ధిని బయటపెట్టుకుందని మండిపడ్డారు. కుక్క తోక వంకర అనే సామెత వీరికి సరిగ్గా సరిపోతుందంటూ ఆగ్రహం వ్యక్తం చేశారు.ఆపరేషర్‌ సిందూర్‌కాగా పహల్గామ్‌ ఉగ్రదాడితో జమ్మూకశ్మీర్‌లో ముష్కరులు మరోసారి కల్లోలం సృష్టించిన విషయం తెలిసిందే. ప్రశాంతమైన బైసరన్‌ లోయలో అమాయక పర్యాటకులపై కాల్పులు జరిపి ఇరవై ఆరు మందిని ఉగ్రవాదులు పొట్టనబెట్టుకున్నారు. పురుషులే లక్ష్యంగా కాల్పులకు తెగబడి ఆడబిడ్డల నుదిటి సిందూరం చెరిగిపోయేలా పాశవిక దాడికి పాల్పడ్డారు.ఇందుకు ఆపరేషర్‌ సిందూర్‌ పేరిట భారత్‌ గట్టి బదులిచ్చింది. పాకిస్తాన్‌, పాక్‌ ఆక్రమిత కశ్మీర్‌లో ఉన్న తొమ్మిది ఉగ్రవాద స్థావరాలను ధ్వంసం చేసింది. అయితే, ఉగ్రవాదులకు వ్యతిరేకంగా భారత్‌ చేపట్టిన దాడులను సహించలేకపోయిన పాకిస్తాన్‌ సైన్యం.. రంగంలోకి దిగింది.సరిహద్దుల వెంబడి కాల్పులకు తెగబడటంతో పాటు సామాన్యులు, భారత సైనిక స్థావరాలే లక్ష్యంగా దాడులు చేయగా.. భారత సైన్యం ఇందుకు దీటుగా బదులిచ్చింది. పాక్‌ పప్పులు ఉడకనీయకుండా గాల్లోనే డ్రోన్లు, క్షిపణులను పేల్చివేసింది. అంతేకాదు కరాచీ, లాహోర్‌, ఇస్లామాబాద్‌ల నుంచి తమను టార్గెట్‌ చేసిన వారికి బుద్ధి వచ్చేలా విజయవంతంగా ఎదురుదాడులు చేసింది.కాళ్ల బేరానికి వచ్చి.. ఆపై మరోసారిఈ నేపథ్యంలో కాళ్ల బేరానికి వచ్చిన పాకిస్తాన్‌ కాల్పుల విరమణ ఒప్పందానికి రావాలంటూ భారత్‌ను కోరింది. అమెరికాతో మధ్యవర్తిత్వం చేయించి.. భారత్‌ను ఒప్పించింది. ఈ క్రమంలో శాంతి సాధన లక్ష్యంగా భారత్‌ ఇందుకు అంగీకరించింది. అయితే, విరమణ ఒప్పందం జరిగిన కాసేపటికే పాక్‌ మరోసారి తన వక్రబుద్ధిని బయటపెట్టింది.కుక్క తోక ఎప్పటికీ వంకరేసరిహద్దుల వెంట దాడులకు దిగింది. జమ్మూకశ్మీర్‌, పంజాబ్‌, రాజస్తాన్‌ వంటి తదితర చోట్ల డ్రోన్లతో దాడికి దిగగా.. భారత్‌ వాటిని తిప్పికొట్టింది. ఈ నేపథ్యంలో పాకిస్తాన్‌ తీరును ఉద్దేశించి.. ‘‘కుక్క తోక ఎప్పటికీ వంకరే’’ అన్నట్లు బుద్ధులు ఎక్కడకు పోతాయి అన్న అర్థంలో వీరేందర్‌ సెహ్వాగ్‌ ట్వీట్‌ చేశాడు.నీచ స్వభావాన్ని మరోసారి చాటుకుందిఅయితే, ఇందుకు పాక్‌ నెటిజన్లు వీరూ భాయ్‌ను అసభ్యకరరీతిలో ట్రోల్‌ చేస్తుండగా.. భారతీయ నెటిజన్లు వారికి చురకలు అంటిస్తున్నారు. మరోవైపు.. శిఖర్‌ ధావన్‌ స్పందిస్తూ.. ‘‘తుచ్చమైన బుద్ధి గల దేశం.. తన తుచ్చమైన చేష్టలను మరోసారి ప్రపంచానికి చూపిస్తోంది’’ అంటూ పాక్‌ తన నీచ స్వభావాన్ని మరోసారి చాటుకుంది అన్న అర్థంలో ఘాటుగా వ్యాఖ్యానించాడు.ఇదిలా ఉంటే.. భారత్‌- పాక్‌ ఉద్రిక్తతల నేపథ్యంలో ఐపీఎల్‌-2025ని వారం పాటు వాయిదా వేస్తున్నట్లు బీసీసీఐ శుక్రవారం ప్రకటించిన విషయం తెలిసిందే. అయితే, పరిస్థితులు అనుకూలిస్తే షెడ్యూల్‌ ప్రకారమే మే 25న ఫైనల్‌ నిర్వహించేలా బోర్డు ఏర్పాట్లు చేస్తున్నట్లు సమాచారం. ఇందుకు సంబంధించి ఆదివారం జరిగే సమావేశంలో ఓ నిర్ణయానికి రానున్నట్లు తెలుస్తోంది. ఇక టీమిండియా మాజీ ఓపెనర్‌ వీరేందర్‌ సెహ్వాగ్‌ ఐపీఎల్‌ హర్యాన్వీ కామెంటేటర్‌గా ఉన్న విషయం తెలిసిందే. చదవండి: IND vs ENG: ఇంగ్లండ్‌తో టెస్టు సిరీస్‌.. స్వింగ్ కింగ్‌కు పిలుపు? భార‌త జ‌ట్టు ఇదే?

టీమిండియా కెప్టెన్ రోహిత్ శ‌ర్మ బుధ‌వారం(మే 7) టెస్టు క్రికెట్ రిటైర్మెంట్ ప్ర‌క‌టిచాడు. ఇండియ‌న్ ఎక్స్‌ప్రెస్ క‌థ‌నం ప్ర‌కారం.. ఇంగ్లండ్ ప‌ర్య‌టన‌కు ముందు రోహిత్‌ను భారత టెస్ట్ కెప్టెన్‌గా తొలగించాలని అజిత్ అగార్కర్ నేతృత్వంలోని బీసీసీఐ సెలక్షన్ కమిటీ నిర్ణ‌యం తీసుకున్న‌ట్లు స‌మాచారం.ఈ విష‌యాన్ని రోహిత్ శ‌ర్మ‌కు తెలియజేసిన‌ట్లు వినికిడి. ఈ క్ర‌మంలోనే హిట్‌మ్యాన్‌కు టెస్టు క్రికెట్‌కు విడ్కోలు ప‌లికి అంద‌రికి షాకిచ్చాడు. సెలక్షన్ కమిటీ తీసుకున్న నిర్ణ‌యంపై రోహిత్ ఆసంతృప్తిగా ఉన్నట్లు పలు రిపోర్ట్‌లు పేర్కొంటున్నాయి. ఈ నేపథ్యంలో భారత మాజీ క్రికెటర్ వీరేంద్ర సెహ్వాగ్ కీలక వ్యాఖ్యలు చేశాడు. రోహిత్ తీసుకున్న నిర్ణయంతో త‌న ఆశ్చ‌ర్య‌పోయిన‌ట్లు సెహ్వాగ్ తెలిపాడు."రోహిత్ నిర్ణయం నన్ను ఒకింత ఆశ్చర్యానికి గురిచేసింది. ఎందకంటే ఇంగ్లండ్ పర్యటనకు తను సిద్దమవుతున్నట్లు రోహిత్ శర్మ ఇటీవ‌ల‌ చాలా సందర్బాల్లో వెల్లడించాడు. అంతేకాకండా ఆస్ట్రేలియా సిరీస్‌లో ఆఖరి టెస్టు అనంతరం తన రిటైర్మెంట్‌పై రోహిత్‌ ఓ క్లారిటీ ఇచ్చాడు. తను ఎక్కడికీ వెళ్ళడం లేదని, ఇప్పటిలో రిటైర్మెంట్ ప్రకటించే ఆలోచన లేదని స్పష్టం చేశాడు.కానీ అంతలోనే ఏమి జరిగిందో ఆర్ధం కావడం లేదు. క‌చ్చితంగా సెల‌క్ట‌ర్ల‌తో చ‌ర్చించాకే రోహిత్ ఈ నిర్ణ‌యం తీసుకుని ఉంటాడు. ఇంగ్లండ్ పర్య‌ట‌న‌కు త‌న‌ను టెస్టు కెప్టెన్‌గా ఎంపిక చేయ‌మ‌ని లేదా పూర్తిగా ఆట‌గాడిగా కూడా ప‌రిగ‌ణ‌లోకి తీసుకోబోమ‌ని రోహిత్‌తో సెల‌క్ట‌ర్లు చెప్పండొచ్చు. అందుకే జ‌ట్టును ప్రక‌టించ‌క ముందే రోహిత్ టెస్టుల‌కు విడ్కోలు ప‌లికాడు. సెల‌క్ట‌ర్లు త‌మ నిర్ణ‌యాన్ని ప్ర‌క‌టించ‌క‌ముందే రోహిత్ త‌నంత‌ట తానే త‌ప్పుకొన్నాడు. కానీ రోహిత్ శర్మ లాంటి ఆటగాడిని ఎవ‌రూ వ‌దులుకోవాల‌ని అనుకోరు. మూడు ఫార్మాట్ల‌లో రోహిత్ త‌న‌దైన ముద్ర‌వేశాడు. అత‌డి రికార్డులు అద్వితీయమైనవి" అని క్రిక్‌బ‌జ్‌కు ఇచ్చిన ఇంట‌ర్వ్యూలో సెహ్వాగ్ పేర్కొన్నాడు.చ‌ద‌వండి: IND vs ENG: గిల్‌, బుమ్రా, పంత్ కాదు.. టీమిండియా కెప్టెన్‌గా అత‌డే

ఆపరేషన్‌ సిందూర్‌.. యావత్‌ భారతావని నోట ఇప్పుడిదే మాట.. పహల్గామ్‌ ఉగ్రదాడికి భారత సైన్యం సరైన రీతిలో సమాధానం ఇచ్చిందంటూ సర్వత్రా హర్షాతిరేకాలు.. ఉన్మాదంతో అమాయకపు ఆడబిడ్డల నుదిటిన సిందూరం తుడిపేసిన ముష్కరులకు అదే పేరుతో బదులిచ్చినందుకు సెల్యూట్‌ అంటూ ఆర్మీపై ప్రశంసల జల్లు..జై హింద్‌భారత క్రీడాలోకం కూడా ఆపరేషన్‌ సిందూర్‌ (Operation Sindoor) పట్ల హర్షం వ్యక్తం చేస్తోంది. టీమిండియా హెడ్‌కోచ్‌ గౌతం గంభీర్‌, మాజీ క్రికెటర్లు వీరేందర్‌ సెహ్వాగ్‌, ఆకాశ్‌ చోప్రా, సురేశ్‌ రైనా జై హింద్‌ అంటూ భారత సైన్యానికి తమ మద్దతు తెలియజేశారు.సరైన సమాధానంఇక ప్రముఖ బాక్సర్‌ గౌరవ్‌ బిధూరి (Gaurav Bidhuri) భారత ఆర్మీని ప్రశంసిస్తూనే.. విమర్శకులకు గట్టి కౌంటర్‌ ఇచ్చాడు. ‘‘మనం మన ఇళ్లల్లో ప్రశాంతంగా నిద్రపోతున్న వేళ.. మన సైన్యం ఆపరేషన్‌ సిందూర్‌ అమలు చేసింది.కానీ మనమేమో రోజూ ఇక్కడ స్టూడియ్లో కూర్చుని.. ‘మోదీ జీ యుద్ధం చేయండి! ఇంకెందుకు వాళ్లపై దాడులు చేయడం లేదు’ అంటూ అరుస్తూ ఉంటాము.ఇప్పుడు అందరికీ సరైన సమాధానం దొరికింది కదా!.. ఇంట్లో కూర్చుని ఎవరైనా ఉచిత సలహాలు ఇవ్వవచ్చు. కానీ ఇలాంటి సైనిక చర్యలు చేపట్టాలంటే కచ్చితమైన ప్రణాళిక, వ్యూహాలు, ప్రత్యర్థి స్పందించే తీరుకు ఎలా బదులివ్వాలి.. పరిణామాలను ఎలా ఎదుర్కోవాలి.. ఇలా ఎన్నో ప్లాన్‌ చేసుకోవాల్సి ఉంటుంది.మన ఆర్మీ అందుకు తగ్గ సమయం తీసుకుని సరైన సమయంలో పంజా విసిరింది. ఒక్క మిషన్‌తో 8-9 ఉగ్రవాద శిబిరాలను ధ్వంసం చేశారు’’ అని గౌరవ్‌ బిధూరి IANSతో పేర్కొన్నాడు.ఈ సాక్ష్యం సరిపోతుందా? అదే విధంగా.. పహల్గామ్‌ దాడికి పాకిస్తాన్‌ కారణం అనడానికి ఆధారాలు చూపాలన్న పాకిస్తాన్‌ మాజీ క్రికెటర్‌ షాహిద్‌ ఆఫ్రిదికి మరోసారి తనదైన శైలిలో కౌంటర్‌ ఇచ్చాడు. ‘‘కొంతమంది మాకు ఆధారాలు కావాలని డిమాండ్‌ చేశారు కదా! ఇప్పటికైనా అర్థమైందా? ఈ సాక్ష్యం సరిపోతుందా? అంతా స్పష్టంగానే ఉంది కదా! ఇంతకంటే గొప్పగా ఇంకేమైనా కావాలా?’’ అంటూ గౌరవ్‌ బిధూరి ఆఫ్రిది చురకలు అంటించాడు.అదే విధంగా.. ‘‘ఏదేమైనా ఈరోజు దేశం మొత్తం భారత సైన్యం, మన నాయకత్వం వెంట ఉంది. ఇది కేవలం ప్రతిచర్య మాత్రమే కాదు.. న్యాయం చేయడం కూడా! మనపై దాడి చేయాలనుకునేవారికి సందేశం. మీ చర్యలకు తప్పకుండా బదులిస్తామనే సంకేతం. జై హింద్‌’’ అంటూ గౌరవ్‌ బిధూరి ఉద్వేగానికి లోనయ్యాడు.కాళ్ల పారాణి ఆరకముందే చెరిగిన సిందూరంకాగా జమ్మూకశ్మీర్‌లోని పహల్గామ్‌లో గత నెల ఉగ్రవాదులు మారణహోం సృష్టించిన విషయం విదితమే.ప్రశాంత బైసరన్‌ లోయలో కల్లోలం సృష్టించి ఇరవై ఆరు మంది పర్యాటకులను కాల్చి చంపేశారు. మతం పేరు అడుగుతూ పురుషుల ప్రాణాలు తీశారు. మొదటగా నేవీ అధికారి లెఫ్టినెంట్ వినయ్ నర్వాల్ (26)ను కాల్చారు. నవ వరుడైన వినయ్‌ భార్య హిమాన్షితో కలిసి హనీమూన్‌కు రాగా.. ఉగ్రవాదుల దుశ్చర్యతో పెళ్తైన ఆరు రోజులకే ఆమె నుదిటి సిందూరం చెరిగిపోయింది.హిమాన్షితో మాదిరే మరికొంత మంది మహిళలు తమ భర్తల్ని కోల్పోగా.. ఆపరేషన్‌ సిందూర్‌ పేరిట ఉగ్రవాదులకు ఆర్మీ ఇలా సరైన విధంగా బుద్ధిచెప్పింది. తెల్లవారుజామున ఒంటి గంట తర్వాత దాదాపు ఇరవై మూడు నిమిషాల పాటు జరిగిన ఆపరేషన్‌లో పాకిస్తాన్‌, పాక్‌ ఆక్రమిత కశ్మీర్లో ఉన్న ఉగ్రవాద శిబిరాలను ధ్వంసం చేసింది. కాగా పహల్గామ్‌ ఘటనలో ఇంకొందరు తమ తండ్రి, సోదరుడు, కుమారులను కోల్పోయారు. చదవండి: Operation Sindoor: ఎవరీ కల్నల్‌ సోఫియా, వింగ్ కమాండర్ వ్యోమికా సింగ్

ఐపీఎల్‌-2025లో టీమిండియా స్టార్ వికెట్ కీప‌ర్ బ్యాట‌ర్‌, ల‌క్నో సూప‌ర్ జెయింట్స్ కెప్టెన్ రిష‌బ్ పంత్ త‌న పేల‌వ ప్ర‌ద‌ర్శ‌న కొన‌సాగిస్తున్నాడు. ఆదివారం ధ‌ర్మ‌శాల వేదిక‌గా పంజాబ్ కింగ్స్‌తో జ‌రిగిన మ్యాచ్‌లోనూ పంత్ తీవ్ర నిరాశ‌ప‌రిచాడు. కీల‌క స‌మ‌యంలో క్రీజులోకి వ‌చ్చిన పంత్ కేవలం 18 ప‌రుగులు మాత్ర‌మే చేసి ఔట‌య్యాడు.ఈ ఏడాది సీజ‌న్‌లో ఒక్క హాఫ్ సెంచ‌రీ మిన‌హా.. మిగితా ఏ మ్యాచ్‌లోనూ పంత్ చెప్పుకోద‌గ్గ ప్ర‌ద‌ర్శ‌న చేయ‌లేక‌పోయాడు. ఐపీఎల్‌-2025 వేలంలో రికార్డు ధరకు అమ్ముడైన.. త‌న ప్రైస్ ట్యాగ్‌కు ఏ మాత్రం న్యాయం చేయ‌లేక‌పోతున్నాడు. ఇప్ప‌టివ‌ర‌కు 10 మ్యాచ్‌లు ఆడిన పంత్‌.. 12.80 స‌గ‌టుతో 128 ప‌రుగులు మాత్ర‌మే చేయ‌గ‌ల్గాడు. ఈ క్ర‌మంలో రిష‌బ్ పంత్‌కు భారత మాజీ క్రికెటర్ వీరేంద్ర సెహ్వాగ్ కీల‌క సూచ‌న‌లు చేశాడు. ఈ గ‌డ్డు ప‌రిస్థితుల్లో పంత్ త‌న ఆరాధ్య క్రికెట‌ర్ ఎంఎస్ ధోనితో మాట్లాడాల‌ని సెహ్వాగ్ సూచించాడు."పంత్ ఈ స‌మ‌యంలో త‌ను ఆరాధించే క్రికెట‌ర్ల‌తో ఓ సారి మాట్లాడితే బాగుంటుంది. అత‌డికి స‌ల‌హాలు ఇచ్చేందుకు చాలా మంది క్రికెట‌ర్లు ఉన్నారు. ఎంస్ ధోని.. అత‌డి రోల్ మోడ‌ల్ ఉన్న విష‌యం అంద‌రికి తెలిసిందే. కాబ‌ట్టి ధోనికి ఓసారి కాల్ చేస్తే బెట‌ర్‌గా ఉంటుంది. ధోనితో మాట్లాడితే పంత్ కచ్చితంగా తన ఫామ్‌ను తిరిగి అందుకుంటాడు. అదేవిధంగా రిష‌బ్ పంత్ గ‌తంలో ఐపీఎల్‌లో అద్బుతంగా ఆడిన త‌న వీడియోల‌ను చూడాలి నేను భావిస్తున్నాను. ఎందుకంటే అది అత‌డి ఆత్మవిశ్వాసాన్ని ఇస్తుంది. ప్ర‌స్తుత రిషబ్ పంత్ గాయపడటానికి ముందు మనం చూసిన దానికి పూర్తి భిన్నంగా ఉన్నాడు. నా కెరీర్‌లో కూడా 2006-07 స‌మ‌యంలో ఇటువంటి ప‌రిస్థితుల‌నే ఎదుర్కొన్నాను. న‌న్ను జ‌ట్టు నుంచి ప‌క్క‌న పెట్టారు కూడా. ఆ స‌మ‌యంలో రాహుల్ ద్రవిడ్ న‌న్ను నా పాత వీడియోల‌ను చూడ‌మని స‌ల‌హా ఇచ్చాడు. గ‌తంలో ఎలా ఆడానో ఓ సారి ప‌రిశీలించుకున్నాను. దీంతో నా రిథ‌మ్‌ను తిరిగి పొందాను. పంత్ విష‌యంలో కూడా ఇదే జ‌ర‌గొచ్చు" అని క్రిక్‌బ‌జ్ లైవ్ షోలో సెహ్వాగ్ పేర్కొన్నాడు.చ‌ద‌వండి: ఏం ఆడుతున్నార్రా బాబూ! గుడ్లు ఉరిమి చూసిన రియాన్‌.. ఒక్క చూపుతోనే..

ఐపీఎల్‌-2025 (IPL 2025)లో చెన్నై సూపర్‌ కింగ్స్‌ ఆట తీరుపై టీమిండియా మాజీ క్రికెటర్‌ వీరేందర్‌ సెహ్వాగ్‌ (Virender Sehwag) వ్యంగ్యాస్త్రాలు సంధించాడు. ఘన చరిత్ర ఉన్న సీఎస్‌కే (CSK).. ఈసారి మాత్రం పాయింట్ల పట్టికలో అట్టడుగు స్థానానికే గురిపెట్టిందని పేర్కొన్నాడు. తద్వారా ఆఖరి స్థానంలో ఉండటంలో ఉండే మజాను ఆస్వాదించాలని ఉవ్విళ్లూరుతోందంటూ సెటైర్లు వేశాడు.కాగా ఐపీఎల్‌లో ఐదుసార్లు చాంపియన్‌గా నిలవడంతో పాటు అత్యధిక సార్లు ఫైనల్‌ చేరిన జట్టుగా చెన్నైకి రికార్డు ఉంది. అయితే, ధోని (MS Dhoni) సారథ్య బాధ్యతల నుంచి నిష్క్రమించిన తర్వాత పరిస్థితి మారిపోయింది. గత సీజన్‌లో కెప్టెన్‌గా వచ్చిన రుతురాజ్‌ గైక్వాడ్‌ ప్లే ఆఫ్స్‌ చేర్చలేకపోయాడు.ఇక ఈ సీజన్‌లో ఐదు మ్యాచ్‌ల తర్వాత గాయపడి రుతు జట్టుకు దూరం కాగా.. ధోని మరోసారి పగ్గాలు చేపట్టాడు. కానీ పరిస్థితిలో ఎలాంటి మార్పు రాలేదు. తాజాగా సన్‌రైజర్స్‌ హైదరాబాద్‌తో శుక్రవారం నాటి మ్యాచ్‌లోనూ చెన్నై ఓటమి పాలైంది. ఈ ఎడిషన్‌లో సీఎస్‌కేకు తొమ్మిదింట ఇది ఏడో పరాజయం. దీంతో ప్లే ఆఫ్స్‌ అవకాశాలు దాదాపుగా ముగిసిపోయాయి.తొలిసారి అట్టడుగున.. ఆ కిక్కే వేరప్పా!ఈ నేపథ్యంలో కామెంటేటర్‌ వీరేందర్‌ సెహ్వాగ్‌ స్పందిస్తూ.. ‘‘చెన్నై పదో స్థానంతో ముగిస్తుందో లేదో నాకు తెలియదు. కానీ వాళ్లు ఆ పని చేశారంటే ఎంతో బాగుంటుంది. ఎందుకంటే.. పాయింట్ల పట్టికలో అట్టడుగున ఉన్నపుడు.. ఆ అనుభూతి ఎలా ఉంటుందో వారు అనుభవించగలుగుతారు.ఎన్నో ఫైనల్స్‌ ఆడిన తర్వాత ఇలాంటి అనుభవం వారికి అవసరమే’’ అంటూ వ్యంగ్యాస్త్రాలు సంధించాడు. అదే విధంగా.. వచ్చే ఏడాది చెన్నై నలుగురు ప్లేయర్లను వదులుకుంటేనే బాగుంటుందంటూ ఇద్దరు దేశీ, ఇద్దరు విదేశీ క్రికెటర్ల పేర్లు చెప్పాడు.ఆ నలుగురిని వదిలేస్తేనే సీఎస్‌కే బాగుపడుతుంది‘‘డెవాన్‌ కాన్వే, రచిన్‌ రవీంద్ర, రవిచంద్రన్‌ అశ్విన్‌, విజయ్‌ శంకర్‌.. వచ్చే ఏడాది సీఎస్‌కేలో వీరి పేర్లు ఉండకపోవచ్చు. ఒకవేళ నేను గనుక మేనేజ్‌మెంట్‌ స్థానంలో ఉంటే.. ఆ నలుగురి స్థానాలను కొత్త ముఖాలతో భర్తీ చేస్తాను.జట్టును నిర్మించడం అంటే ఒక్క సీజన్‌కే పరిమితం కాకూడదు. కనీసం పదేళ్ల పాటు ఆ జట్టు బలంగా ఉండాలి. అప్పుడే పరిస్థితిలో మార్పు వస్తుంది’’ అని సెహ్వాగ్‌ క్రిక్‌బజ్‌ షోలో తన అభిప్రాయాలు పంచుకున్నాడు.ఐపీఎల్‌-2025: చెన్నై వర్సెస్‌ హైదరాబాద్‌👉వేదిక: చెపాక్‌ స్టేడియం, చెన్నై👉టాస్‌: హైదరాబాద్‌.. తొలుత బౌలింగ్‌👉చెన్నై స్కోరు: 154 (19.5)👉హైదరాబాద్‌ స్కోరు: 155/5 (18.4)👉ఫలితం: చెన్నైపై ఐదు వికెట్ల తేడాతో గెలిచిన హైదరాబాద్‌.చదవండి: CSK vs SRH: ‘బుర్ర పనిచేయడం లేదా’?!.. మెండిస్‌పై కావ్యా మారన్‌ ఫైర్‌! A milestone victory 👏#SRH register their first ever win at Chepauk with a strong performance against #CSK 🔝💪Scorecard ▶ https://t.co/26D3UampFQ#TATAIPL | #CSKvSRH | @SunRisers pic.twitter.com/lqeX4CiWHP— IndianPremierLeague (@IPL) April 25, 2025

గతేడాది రన్నరప్‌గా నిలిచిన సన్‌రైజర్స్‌ హైదరాబాద్‌.. ఐపీఎల్‌-2025 (IPL 2025)లో మాత్రం పేలవ ప్రదర్శన కనబరుస్తోంది. ఇప్పటి వరకు ఎనిమిది మ్యాచ్‌లు పూర్తి చేసుకున్న కమిన్స్‌ బృందం కేవలం రెండు మాత్రమే గెలిచింది. తద్వారా కేవలం నాలుగు పాయింట్లు మాత్రమే సాధించి పట్టికలో తొమ్మిదో స్థానంలో కొనసాగుతోంది.ఇక సన్‌రైజర్స్‌ శుక్రవారం నాటి మ్యాచ్‌లో చెన్నై సూపర్‌ కింగ్స్‌ (CSK vs SRH)తో తలపడనుంది. చెపాక్‌ స్టేడియం ఇందుకు వేదిక. ఈ మ్యాచ్‌ నుంచి వరుసగా విజయాలు సాధిస్తేనే కమిన్స్‌ బృందానికి ప్లే ఆఫ్‌ ఆశలు సజీవంగా ఉంటాయి. ఇదిలా ఉంటే.. గత మ్యాచ్‌లో సన్‌రైజర్స్‌ సొంత మైదానం ఉప్పల్‌లో ముంబై ఇండియన్స్‌తో తలపడిన విషయం తెలిసిందే.ఈ మ్యాచ్‌లో రైజర్స్‌ ముంబై చేతిలో ఏడు వికెట్ల తేడాతో ఓడింది. టాస్‌ ఓడి తొలుత బ్యాటింగ్‌ చేసిన రైజర్స్‌.. ఆది నుంచే తడ‘బ్యా’టుకు గురైంది. ముంబై బౌలర్ల ధాటికి టాపార్డర్‌ పెవిలియన్‌కు క్యూ కట్టింది.ఇషాన్‌ కిషన్‌ స్వీయ తప్పిదంఓపెనర్లు ట్రవిస్‌ హెడ్‌ (0), అభిషేక్‌ శర్మ (8) పూర్తిగా విఫలం కాగా.. ఇషాన్‌ కిషన్‌ స్వీయ తప్పిదంతో వికెట్‌ పారేసుకుని విమర్శలు మూటగట్టుకున్నాడు. రైజర్స్‌ ఇన్నింగ్స్‌లో మూడో ఓవర్‌ను దీపక్‌ చహర్‌ వేయగా.. బంతిని డౌన్‌ ది లెగ్‌ ఆడేందుకు ఇషాన్‌ ప్రయత్నించాడు.ఈ క్రమంలో బంతి వికెట్‌ కీపర్‌ రియాన్‌ రికెల్టన్‌ చేతిలో పడింది. అయితే, బాల్‌ ఇషాన్‌ బ్యాట్‌ లేదంటే గ్లౌవ్స్‌ను తాకిందా లేదా అన్న సందేహంతో ముంబై బౌలర్‌గానీ, వికెట్‌ కీపర్‌గానీ అప్పీలు చేయలేదు.అంపైర్‌ కూడా వెంటనే ఏ నిర్ణయానికీ రాలేదు. కానీ ఇంతలోనే తాను అవుటయ్యాయని ఫిక్స్‌ అయి ఇషాన్‌ క్రీజును వీడాడు. ఏం జరిగిందో అర్థం కాని అంపైర్‌.. అవుట్‌ ఇచ్చేందుకు వేలు పైకెత్తాలా అన్న సందిగ్దంలో ఆఖరికి అవుట్‌ ఇచ్చాడు.అయితే, రీప్లేలో మాత్రం ఇషాన్‌ కిషన్‌ నాటౌట్‌ అని తేలింది. దీంతో ఇషాన్‌ అమ్ముడుపోయాడంటూ నెటిజన్లు దుమ్మెత్తిపోశారు. ఇక ఈ ఘటనపై భారత మాజీ ఓపెనర్‌ వీరేందర్‌ సెహ్వాగ్‌ ఘాటుగా స్పందించాడు.అంపైర్‌ కూడా డబ్బులు తీసుకుంటున్నాడు‘‘చాలాసార్లు ఇలాగే మెదడు పనిచేయడం ఆగిపోతుంది. నిజంగా ఇదొక మతిలేని చర్య. కాసేపు ఆగితే ఏమయ్యేది?.. అంపైర్‌ కూడా తాను చేస్తున్న పనికి డబ్బు తీసుకుంటున్నాడు కదా!అతడు తన నిర్ణయం ప్రకటించేదాకానైనా ఎదురుచూడాలి. తన పనిని తనను చేసుకోనివ్వాలి. ఇదేం రకమైన నిజాయితీయో నాకైతే అర్థం కావడం లేదు. క్రీడాస్ఫూర్తిని పాటిస్తున్నానని అతడు ఇలా చేసి ఉండవచ్చు, కానీ అవుట్‌ కాకుండానే వెళ్లిపోవడం.. అది కూడా అంపైర్‌ను తికమకపెట్టేలా వ్యవహరించడం సరికాదు. హఠాత్తుగా అతడు అలా ఎందుకు వెళ్లిపోయాడో తెలియడం లేదు’’అంటూ సెహ్వాగ్‌ ఇషాన్‌కు చురకలు అంటించాడు.ఇక మ్యాచ్‌ విషయానికొస్తే.. రైజర్స్‌ నిర్ణీత 20 ఓవర్లలో ఎనిమిది వికెట్ల నష్టానికి 143 పరుగులు చేసింది. హెన్రిచ్‌ క్లాసెన్‌ (71), అభినవ్‌ మనోహర్‌ (43) వల్ల ఈమాత్రం పరువునిలుపుకోగలిగింది. సన్‌రైజర్స్‌ విధించిన నామమాత్రపు లక్ష్యాన్ని ముంబై 15.4 ఓవర్లలోనే ఛేదించింది.చదవండి: కోటీశ్వరుడినయ్యా.. నేను స్టార్‌ అనుకుంటే వచ్చే ఏడాది కనిపించడు! Fairplay or facepalm? 🤯 Ishan Kishan walks... but UltraEdge says 'not out!' What just happened?!Watch the LIVE action ➡ https://t.co/sDBWQG63Cl #IPLonJioStar 👉 #SRHvMI | LIVE NOW on Star Sports 1, Star Sports 1 Hindi & JioHotstar! pic.twitter.com/bQa3cVY1vG— Star Sports (@StarSportsIndia) April 23, 2025

రాజస్తాన్‌ రాయల్స్‌ యువ సంచలనం వైభవ్‌ సూర్యవంశీ (Vaibhav Suryavanshi)ని ఉద్దేశించి టీమిండియా మాజీ క్రికెటర్‌ వీరేందర్‌ సెహ్వాగ్‌ (Virender Sehwag)ఆసక్తికర వ్యాఖ్యలు చేశాడు. చిన్న వయసులోనే పేరు ప్రఖ్యాతులు పొందిన చాలా మంది ఆటగాళ్లు.. అంతే త్వరగా కనుమరుగైపోయిన దాఖలాలు ఉన్నాయన్నాడు. కాబట్టి వైభవ్‌ ఆచితూచి అడుగేస్తూ కెరీర్‌ ప్లాన్‌ చేసుకోవాలని సూచించాడు.రూ. 1.10 కోట్లకుదేశవాళీ క్రికెట్‌లో సత్తా చాటిన పద్నాలుగేళ్ల వైభవ్‌ సూర్యవంశీని ఐపీఎల్- 2025 (IPL 2025) మెగా వేలంలో పేరు నమోదు చేసుకున్నాడు. ఈ క్రమంలో ఇతర ఫ్రాంఛైజీలతో పోటీపడి మరీ రాజస్తాన్‌ రాయల్స్‌ రూ. 1.10 కోట్లకు అతడిని దక్కించుకుంది. ఇటీవల లక్నో సూపర్‌ జెయింట్స్‌తో మ్యాచ్‌ సందర్భంగా వైభవ్‌కు అరంగేట్రం చేసే అవకాశం కూడా ఇచ్చింది.తొలి బంతినే సిక్సర్‌గా మలిచాడుకెప్టెన్‌ సంజూ శాంసన్‌ గాయం కారణంగా జట్టుకు దూరం కావడంతో అతడి స్థానంలో వైభవ్‌ వచ్చాడు. టీమిండియా స్టార్‌ యశస్వి జైస్వాల్‌తో కలిపి రాజస్తాన్‌ ఓపెనర్‌గా బరిలోకి దిగాడు. లక్నోతో మ్యాచ్‌ సందర్భంగా అత్యంత పిన్నవయసులోనే ఐపీఎల్‌లో అడుగుపెట్టిన క్రికెటర్‌గా చరిత్రకెక్కిన ఈ బిహార్‌ కుర్రాడు.. ఎదుర్కొన్న తొలి బంతినే సిక్సర్‌గా మలిచాడు.అరంగేట్రంలోనే ఈ ఘనత సాధించిన అతి కొద్ది మంది క్రికెటర్ల జాబితాలో వైభవ్‌ చేరిపోయాడు. ఆ మ్యాచ్‌లో మొత్తంగా 20 బంతులు ఎదుర్కొన్న వైభవ్‌.. 34 పరుగులు సాధించాడు. ఇక తాజాగా గురువారం ఆర్సీబీతో మ్యాచ్‌లోనూ వైభవ్‌ దూకుడుగానే ఆడాడు. రెండు సిక్సర్ల సాయంతో 16 పరుగులు చేసి నిష్క్రమించాడు.కోటీశ్వరుడినయ్యా.. నేను స్టార్‌ అనుకుంటే వచ్చే ఏడాది కనిపించడుఈ పరిణామాల నేపథ్యంలో వీరేందర్‌ సెహ్వాగ్‌ క్రిక్‌బజ్‌ షోలో మాట్లాడుతూ.. ‘‘బాగా ఆడితే ప్రశంసిస్తారని.. ప్రదర్శన బాగా లేకుంటే విమర్శిస్తారని తెలిసిన ఆటగాడు గర్వం తలకెక్కించుకోకుండా ఉంటాడు. అతడి కాళ్లు భూమ్మీదే ఉంటాయి.కానీ చాలా మంది ఆటగాళ్లు.. ఒకటీ- రెండు మ్యాచ్‌ల ద్వారా ఫేమస్‌ అయిన వెంటనే దారి తప్పుతారు. తాము స్టార్‌ ప్లేయర్‌ అయిపోయామనే భ్రమలో ఆ తర్వాత కనీస ప్రదర్శన కూడా చేయలేకపోతారు.ఇక సూర్యవంశీ విషయానికొస్తే.. అతడు మరో 20 ఏళ్ల పాటు ఐపీఎల్‌ ఆడాలనే లక్ష్యంతో ఉండాలి. విరాట్‌ కోహ్లిని చూడండి.. తను 19 ఏళ్ల వయసులో ఐపీఎల్‌ ఆడటం మొదలుపెట్టాడు. ఇప్పటికి 18 సీజన్లు పూర్తి చేసుకున్నాడు.కోహ్లి మాదిరే సూర్యవంశీ ఎదిగేందుకు ప్రయత్నించాలి. అలా కాకుండా.. ఈ ఐపీఎల్‌ సీజన్‌లో సాధించిన దానితో సంతోషపడి.. నేను కోటీశ్వరుడిని.. నా అరంగేట్రమే అద్భుతం.. తొలి బంతికే సిక్స్‌ కొట్టాను.. అనే ఆలోచనలతో ఉంటే.. బహుశా వచ్చే ఏడాది మనం అతడిని చూసే అవకాశం ఉండకపోవచ్చు’’ అని పేర్కొన్నాడు.ఇదిలా ఉంటే.. చిన్నస్వామి స్టేడియంలో ఆర్సీబీతో మ్యాచ్‌లో రాజస్తాన్‌ ఆఖరి వరకు పోరాడి 11 పరుగుల తేడాతో ఓడిపోయింది. తద్వారా బెంగళూరు జట్టు ఈ సీజన్‌లో సొంత మైదానంలో తొలి విజయం సాధించగా.. రాజస్తాన్‌ తొమ్మిదింట ఏడు పరాజయాలు నమోదు చేసి పట్టికలో ఎనిమిదో స్థానంలో కొనసాగుతోంది.చదవండి: క్రెడిట్‌ మొత్తం వాళ్లకే.. జట్టులో గొప్ప నాయకులు ఉన్నారు.. కానీ: పాటిదార్‌𝐌𝐀𝐊𝐈𝐍𝐆. 𝐀. 𝐒𝐓𝐀𝐓𝐄𝐌𝐄𝐍𝐓 🫡Welcome to #TATAIPL, Vaibhav Suryavanshi 🤝Updates ▶️ https://t.co/02MS6ICvQl#RRvLSG | @rajasthanroyals pic.twitter.com/MizhfSax4q— IndianPremierLeague (@IPL) April 19, 2025

ఐపీఎల్‌-2025లో స‌న్‌రైజ‌ర్స్ హైద‌రాబాద్ దారుణ ప్ర‌ద‌ర్శ‌న క‌న‌బ‌రుస్తున్న సంగ‌తి తెలిసిందే. బుధ‌వారం ఉప్ప‌ల్ వేదిక‌గా ముంబై ఇండియ‌న్స్‌తో జ‌రిగిన మ్యాచ్‌లో 7 వికెట్ల తేడాతో ఎస్ఆర్‌హెచ్ ఓట‌మి పాలైంది. స‌న్‌రైజ‌ర్స్ ఇప్ప‌టివర‌కు ఎనిమిది మ్యాచ్‌లు ఆడి 6 ఓటుమ‌ల‌తో త‌మ ప్లే ఆఫ్ అవ‌కాశాల‌ను సంక్లిష్టం చేసుకుంది.స‌న్‌రైజ‌ర్స్ పాయింట్ల ప‌ట్టిక‌లో తొమ్మిదివ స్ధానంలో కొన‌సాగుతోంది. కాగా ఎస్ఆర్‌హెచ్‌-ముంబై ఇండియ‌న్స్ మ్యాచ్ అనంత‌రం భార‌త మాజీ క్రికెట‌ర్లు వీరేంద్ర సెహ్వాగ్,అమిత్ మిశ్రాలు క్రిక్‌బ‌జ్ లైవ్ షోలో పాల్గోన్నారు. ఈ సంద‌ర్భంగా అమిత్ మిశ్రాకు సెహ్వాగ్ కౌంట‌రిచ్చాడు.అస‌లేమి జ‌రిగిందంటే?పోస్ట్ మ్యాచ్ లైవ్ షోలో మిశ్రా, సెహ్వాగ్‌లు స‌న్‌రైజ‌ర్స్ ప్లే ఆఫ్ అవ‌కాశాలు గురించి చ‌ర్చించారు. అయితే మిశ్రా మాత్రం ఈ అంశం నుండి దృష్టి మరల్చి, చెన్నై సూపర్ కింగ్స్ (CSK) మరియు ప్లేఆఫ్‌కు చేరుకునే వారి అవకాశాల గురించి మాట్లాడాడు."సీఎస్‌కే ప్లే ఆఫ్స్‌కు చేర‌డం దాదాపు అసాధ్యం అనుకుంటున్నాను. వారు ప్రస్తుతం ఆడుతున్న క్రికెట్ బ్రాండ్ ప్రకారం.. వ‌రుస‌గా ఆరు మ్యాచ్‌లను గెలవడం కష్టం. ఒక‌వేళ గెల‌వాలంటే చెన్నై అన్ని విభాగాల్లోనూ బాగా రాణించాలి. ధోని బ్యాటింగ్‌కు వస్తే కనీసం 30 బంతులు ఆడాలి. వారి టాప్ ఆర్డ‌ర్ కూడా రాణించాలి" అని మిశ్రా పేర్కొన్నాడు. వెంటనే సెహ్వాగ్ జోక్యం చేసుకుని ప్ర‌శ్న సీఎస్‌కే గురుంచి కాదు, ఎస్ఆర్‌హెచ్ గురించి అని మిశ్రాతో అన్నాడు. దీంతో మిశ్రా వెంటనే క్షమాపణలు చెప్పాడు. అందుకు ఇదంతా ధోనికి ఉన్న పేరు వ‌ల్లే అంటూ సెహ్వాగ్ సమాధానమిచ్చాడు.చ‌ద‌వండి: అత‌డొక అద్భుతం.. రెండేళ్ల‌లో టీమిండియాకు ఆడుతాడు: శాంస‌న్‌

ఐపీఎల్‌-2025లో పంజాబ్ కింగ్స్‌, రాయ‌ల్ ఛాలెంజ‌ర్స్ బెంగ‌ళూరు స్టార్ ఆల్‌రౌండ‌ర్లు గ్లెన్ మాక్స్‌వెల్‌, లియామ్ లివింగ్‌స్టోన్ దారుణ‌మైన ప్ర‌ద‌ర్శ‌న క‌న‌బ‌రుస్తున్న సంగ‌తి తెలిసిందే. ఇప్ప‌టివ‌ర‌కు ఆడిన ఏ మ్యాచ్‌లోనూ ఈ స్టార్ క్రికెట‌ర్లు త‌మ మార్క్‌ను చూపించ‌లేక‌పోయారు.దీంతో వారిద్ద‌రిపై ఇరు జ‌ట్ల మెన్‌జెమెంట్‌లు వేటు వేశాయి. ఇప్ప‌టికే మాక్స్‌వెల్‌ను పంజాబ్ కింగ్స్ గ‌త రెండు మ్యాచ్‌ల‌కు దూరం పెట్ట‌గా.. ఆర్సీబీ కూడా లివింగ్ స్టోన్‌ను త‌మ ఆఖ‌రి మ్యాచ్‌లో బెంచ్‌కే ప‌రిమితం చేసింది. ఆదివారం ముల్లాన్‌పూర్ వేదిక‌గా పంజాబ్‌తో జ‌రిగిన మ్యాచ్‌లో లివింగ్ స్టోన్‌కు ఆర్సీబీ తుది జ‌ట్టులో చోటు ద‌క్క‌లేదు. అత‌డి స్దానంలో క‌రేబియ‌న్ ఆల్‌రౌండ‌ర్ రొమారియో షెపర్డ్ తుది జ‌ట్టులోకి వ‌చ్చాడు. ఈ క్ర‌మంలో మాక్స్‌వెల్‌, లివింగ్ స్టోన్‌పై భార‌త మాజీ క్రికెట‌ర్ వీరేంద్ర సెహ్వాగ్ విమ‌ర్శ‌ల వ‌ర్షం కురిపించాడు. వారి ఆట తీరును చూస్తుంటే ఏదో హాలిడేకి వ‌చ్చిన‌ట్లు ఉంద‌ని సెహ్వాగ్ మండిప‌డ్డాడు."మాక్స్‌వెల్‌, లివింగ్ స్టోన్‌లో తమ జట్ల కోసం పోరాడాలనే క‌సి క‌నిపించ‌డం లేదు. వారు ఏదో హాలిడే కోసం భార‌త్‌కు వ‌చ్చిన‌ట్లు అన్పిస్తోంది. ఇక్క‌డ‌కు వ‌చ్చి బాగా ఎంజాయ్ చేసి వెళ్లిపోవ‌డ‌మే వాళ్లు ల‌క్ష్యంగా పెట్టుకున్నారు. అంతే తాము ప్రాతినిథ్యం వ‌హిస్తున్న జ‌ట్టు కోసం ఏదైనా చేయాల‌నే త‌ప‌న వారిలో లేదు. గ‌తంలో చాలా మంది విదేశీ క్రికెట‌ర్ల‌తో క‌లిసి ఆడాను. వారిలో ఒక‌రిద్ద‌రూ మాత్ర‌మే జట్టు కోసం ఏదైనా చేయ‌డానికి సిద్దంగా ఉన్న‌ట్లు అప్పటిలో నాకు అన్పించింద‌ని" క్రిక్‌బ‌జ్‌కు ఇచ్చిన ఇంట‌ర్వ్యూలో సెహ్వాగ్ పేర్కొన్నాడు. కాగా మాక్స్‌వెల్ ఇప్ప‌టివ‌ర‌కు 6 మ్యాచ్‌లు ఆడి కేవ‌లం 41 ప‌రుగుల‌తో పాటు నాలుగు వికెట్లు ప‌డ‌గొట్టాడు. మ‌రోవైపు లివింగ్‌స్టోన్ 7 మ్యాచ్‌లు ఆడి 87 ప‌రుగులు చేశాడు.చ‌ద‌వండి: PBKS vs RCB: నాకెందుకు?.. ఇందుకు అతడే అర్హుడు: విరాట్‌ కోహ్లి

రాయల్‌ చాలెంజర్స్‌ బెంగళూరు (RCB) బ్యాటర్ల తీరుపై టీమిండియా మాజీ క్రికెటర్‌ వీరేందర్‌ సెహ్వాగ్‌ (Virender Sehwag) ఆగ్రహం వ్యక్తం చేశాడు. పంజాబ్‌ కింగ్స్‌తో మ్యాచ్‌లో నిర్లక్ష్యపు షాట్లతో వికెట్లు పారేసుకున్నారని.. ఒక్కరు కూడా బుద్ధిని ఉపయోగించలేకపోయారంటూ ఘాటుగా విమర్శించాడు.హోం గ్రౌండ్‌లో వరుస పరాజయాలు కాగా సొంత మైదానంలో ఇతర జట్లు ఇరగదీస్తుంటే ఆర్సీబీ మాత్రం.. హోం గ్రౌండ్‌లో వరుస పరాజయాలు నమోదు చేస్తోంది. తాజాగా చిన్నస్వామి స్టేడియంలో శుక్రవారం పంజాబ్‌ కింగ్స్‌తో జరిగిన మ్యాచ్‌లోనూ పాటిదార్‌ సేన ఓటమిపాలైంది. వర్షం ఆటంకం కలిగించిన నేపథ్యంలో ఈ పోరును 14 ఓవర్లకు కుదించారు.పెవిలియన్‌కు క్యూ ఈ క్రమంలో టాస్‌ ఓడి తొలుత బ్యాటింగ్‌కు దిగిన ఆర్సీబీకి ఆరంభంలోనే వరుసగా షాకులు తగిలాయి. పంజాబ్‌ పేసర్‌ అర్ష్‌దీప్‌ బౌలింగ్‌లో ఓపెనర్లు ఫిల్‌ సాల్ట్‌ (4), విరాట్‌ కోహ్లి (Virat Kohli- 1) వెనువెంటనే వెనుదిరిగారు. ఇక వన్‌డౌన్‌లో వచ్చిన కెప్టెన్‌ రజత్‌ పాటిదార్‌ (23) నిలదొక్కుకునే ప్రయత్నం చేయగా చహల్‌ అతడిని పెవిలియన్‌కు చేర్చాడు.2️⃣ sharp catches 🫡2️⃣ early strikes ✌Arshdeep Singh and #PBKS with a solid start ⚡Updates ▶ https://t.co/7fIn60rqKZ #TATAIPL | #RCBvPBKS | @PunjabKingsIPL pic.twitter.com/jCt2NiuYEH— IndianPremierLeague (@IPL) April 18, 2025 డేవిడ్‌ మెరుపుల వల్లమిగిలిన వాళ్లలో లియామ్‌ లివింగ్‌స్టోన్‌ (4), జితేశ్‌ శర్మ (2), కృనాల్‌ పాండ్యా (1) పూర్తిగా విఫలం కాగా.. ఆఖర్లో టిమ్‌ డేవిడ్‌ మెరుపులు మెరిపించాడు. 26 బంతుల్లో ఐదు ఫోర్లు, మూడు సిక్సర్ల సాయంతో 50 పరుగులతో అజేయంగా నిలిచాడు. ఫలితంగా ఆర్సీబీ 14 ఓవర్లలో 95 పరుగులు చేయగలిగింది.𝘽𝙊𝙊𝙈 💥Nehal Wadhera is in a hurry to finish it for #PBKS 🏃Updates ▶ https://t.co/7fIn60rqKZ #TATAIPL | #RCBvPBKS | @PunjabKingsIPL pic.twitter.com/upMlSvOJi9— IndianPremierLeague (@IPL) April 18, 2025ఇక లక్ష్య ఛేదనలో ఆరంభంలో తడబడినా నేహాల్‌ వధేరా ధనాధన్‌ ఇన్నింగ్స్‌ (19 బంతుల్లో 33 నాటౌట్‌) కారణంగా.. పంజాబ్‌ ఐదు వికెట్ల తేడాతో గెలిచింది. ఈ నేపథ్యంలో పంజాబ్‌తో మ్యాచ్‌లో ఆర్సీబీ బ్యాటర్ల తీరుపై వీరేంద్ర సెహ్వాగ్‌ విమర్శలు గుప్పించాడు.ఒక్కరికీ కామన్‌ సెన్స్‌ లేదు.. ఇంత చెత్తగా ఆడతారా?‘‘ఆర్సీబీ బ్యాటింగ్‌ మరీ తీసికట్టుగా ఉంది. జట్టులోని ప్రతి ఒక్కరు నిర్లక్ష్యపు షాట్లు ఆడారు. ఒక్కరంటే ఒక్కరు కూడా.. మంచి బంతికి అవుట్‌ కాలేదు. అంతా సాధారణ బంతులే ఆడలేక పెవిలియన్‌ చేరారు.ఆర్సీబీ బ్యాటర్లలో ఒక్కరైనా కామన్‌ సెన్స్ ఉపయోగించి ఉంటే బాగుండేది. వాళ్ల చేతిలో గనుక వికెట్లు ఉండి ఉంటే స్కోరు 14 ఓవర్లలో కనీసం 110- 120గా ఉండేది. తద్వారా విజయం కోసం పోరాడే పరిస్థితి ఉండేది. కానీ వీళ్లు మాత్రం చేతులెత్తేశారు.సొంత మైదానంలో ఆర్సీబీ గెలవలేకపోతోంది. పాటిదార్‌ ఇందుకు పరిష్కారాన్ని కనుగొనాలి. నిజానికి ఆర్సీబీ బౌలర్లు బాగానే ఆడుతున్నారు. కానీ బ్యాటర్లే చిత్రంగా ఉన్నారు. సొంత మైదానంలో అందరూ వరుసగా విఫలమవుతున్నారు’’ అని క్రిక్‌బజ్‌ షోలో సెహ్వాగ్‌ పేర్కొన్నాడు. ఇటు కోహ్లి.. అటు భువీకాగా ఈ సీజన్‌లో ఇప్పటికి ఏడు మ్యాచ్‌లు పూర్తి చేసుకున్న ఆర్సీబీ నాలుగు గెలిచి పట్టికలో నాలుగో స్థానంలో కొనసాగుతోంది. ఇక ఈ సీజన్లోనూ ఆర్సీబీ బ్యాటర్లలో విరాట్‌ కోహ్లి జట్టు తరఫున అత్యధిక పరుగులు సాధించిన ఆటగాడిగా కొనసాగుతున్నాడు. ఇప్పటి వరకు ఏడు మ్యాచ్‌లలో కలిపి అతడు 249 పరుగులు సాధించాడు. ఇక కోహ్లి ఓపెనింగ్‌ జోడీ అయిన ఫిల్‌ సాల్ట్‌ 212 పరుగులతో రెండో స్థానంలో ఉండగా.. కెప్టెన్‌ పాటిదార్‌ ఇప్పటికి 209 పరుగులు సాధించాడు. బౌలర్లలో ఆర్సీబీ తరఫున భువనేశ్వర్‌ కుమార్‌ టాప్‌లో ఉన్నాడు. ఈ సీజన్‌లో భువీ ఇప్పటి వరకు ఎనిమిది వికెట్లు తీశాడు.చదవండి: సంజూతో విభేదాలు!.. స్పందించిన రాహుల్‌ ద్రవిడ్‌

టీమిండియా మాజీ క్రికెటర్‌ వీరేందర్‌ సెహ్వాగ్‌ (Virender Sehwag) వివాదంలో చిక్కుకున్నాడు. ఐపీఎల్‌-2025 (IPL 2025) కామెంట్రీ సందర్భంగా ‘జాట్‌’ సామాజిక వర్గాన్ని ఉద్దేశించి అతడు చేసిన వ్యాఖ్యలు వివాదానికి దారితీశాయి. ఈ నేపథ్యంలో అభిమానులు సైతం వీరూ భాయ్‌పై మండిపడుతున్నారు. సెహ్వాగ్‌ నుంచి ఇలాంటి వ్యాఖ్యలు ఊహించలేదని... ఇప్పటికైనా తన తప్పిదాన్ని గుర్తించి వెంటనే క్షమాపణ చెప్పాలని సోషల్‌ మీడియా వేదికగా డిమాండ్‌ చేస్తున్నారు. కాగా మార్చి 22న మొదలైన ఐపీఎల్‌-2025 సీజన్‌లో హర్యాన్వీ కామెంటేటర్‌ల జాబితాలో సెహ్వాగ్‌కు కూడా స్థానం దక్కింది. తనదైన శైలిలో మ్యాచ్‌ ఫలితాలు, ఆటగాళ్లు, జట్ల ఆటతీరును విశ్లేషిస్తూ చణుకులు విసిరే వీరూ భాయ్‌.. ఈసారి మాత్రం కాస్త శ్రుతిమించాడు. కోల్‌కతా నైట్‌ రైడర్స్‌- లక్నో సూపర్‌ జెయింట్స్‌ మధ్య మంగళవారం నాటి మ్యాచ్‌ సందర్భంగా సెహ్వాగ్‌ అనుచిత వ్యాఖ్యలు చేశాడు.అంత గొప్పగా ఏమీ పనిచేయవు‘‘ఉత్తరప్రదేశ్‌, హర్యానా, రాజస్తాన్‌లలో నివసించే జాట్లు భిన్నంగా ఉంటారు. వారి భాష కూడా వేరుగా ఉంటుంది. అయితే, అందరూ జాట్లే. అందరి మెదళ్లు అంత గొప్పగా ఏమీ పనిచేయవు’’ అని సెహ్వాగ్‌ వ్యాఖ్యానించాడు. కాగా సెహ్వాగ్‌ కూడా జాట్‌ సామాజిక వర్గానికి చెందినవాడే అభిప్రాయాలు ఉన్నాయి. ఈ నేపథ్యంలో తన వర్గం గురించి తానే హాస్యం పండించేందుకు చేసిన ప్రయత్నం కాస్తా వికటించి.. విమర్శలు, వివాదానికి దారితీసింది.ఎవరైనా అతడికి కాస్త మర్యాద నేర్పించండిసెహ్వాగ్‌ వ్యాఖ్యలకు సంబంధించిన వీడియోలు సోషల్‌ మీడియాలో వైరల్‌ అయ్యాయి. ఈ నేపథ్యంలో.. ‘‘వయసు మీద పడుతుంటే హుందాగా వ్యవహరించాల్సింది పోయి.. మరీ ఇలా చీప్‌ జోకులు వేస్తూ దిగజారిపోవాలా? ఎవరైనా అతడికి కాస్త మర్యాద నేర్పించండి. సొంత సామాజిక వర్గం పట్ల చులకన భావం ఎందుకు?నిజానికి మీకే కాస్త బుర్ర తక్కువ. అందుకే ఇలాంటి తలతిక్క జోకులు వేస్తున్నారు. జాట్ల గురించి మాట్లాడే అర్హత మీకు లేదు’’ అని నెటిజన్లు ఫైర్‌ అవుతున్నారు. అయితే, సెహ్వాగ్‌ మాత్రం ఇంత వరకు తన వ్యాఖ్యలపై స్పందించలేదు.విధ్వంసకర ఓపెనర్‌గాకాగా టీమిండియా విధ్వంసకర ఓపెనర్‌గా పేరొందిన వీరేందర్‌ సెహ్వాగ్‌ 2015లో అంతర్జాతీయ క్రికెట్‌కు వీడ్కోలు పలికాడు. భారత్‌ తరఫున మొత్తంగా 431 ఇన్నింగ్స్‌లో కలిపి 16892 పరుగులు సాధించాడు. 2007లో టీ20 ప్రపంచకప్‌, 2011లో వన్డే వరల్డ్‌కప్‌ గెలిచిన జట్లలో వీరూ సభ్యుడు. రిటైర్మెంట్‌ తర్వాత ఐపీఎల్‌లో ఆడిన 46 ఏళ్ల ఈ ఢిల్లీ బ్యాటర్‌.. ప్రస్తుతం కామెంటేటర్‌గా కొనసాగుతున్నాడు.చదవండి: అనుకున్నది ఒకటి.. మా వాళ్లు చేసిందొకటి.. అందుకే ఓడిపోయాం: సంజూ

ప్రస్తుత ఐపీఎల్‌ సీజన్‌లో ఢిల్లీ క్యాపిటల్స్‌ జైత్రయాత్ర కొనసాగుతోంది. ఈ సీజన్‌లో ఆ జట్టు ఇప్పటివరకు ఆడిన మూడు మ్యాచ్‌ల్లో గెలిచి ఏకైక అజేయ జట్టుగా నిలిచింది. గడిచిన 16 సీజన్లలో ఢిల్లీ ఆడిన తొలి మూడు మ్యాచ్‌లు గెలవడం ఇదే తొలిసారి. 2009 సీజన్‌లో ఆ జట్టు వీరేంద్ర సెహ్వాగ్‌ నేతృత్వంలో వరుసగా తొలి మూడు మ్యాచ్‌ల్లో విజయాలు సాధించింది. తాజాగా సెహ్వాగ్‌ రికార్డును అక్షర్‌ సమం చేశాడు. ఈ సీజన్‌తోనే ఢిల్లీ కెప్టెన్‌గా బాధ్యతలు చేపట్టిన అక్షర్‌ వరుసగా మూడు మ్యాచ్‌ల్లో తన జట్టుకు తిరుగులేని విజయాలను అందించాడు. 15 ఏళ్ల తర్వాత ఢిల్లీ చెన్నై సూపర్‌ కింగ్స్‌ను వారి అడ్డాలో (చెపాక్‌ స్టేడియం) ఓడించింది. ఢిల్లీ ఫ్రాంచైజీ చరిత్రలో అక్షర్‌కు ముందు సెహ్వాగ్‌ (2008), గంభీర్‌ (2010) మాత్రమే సీఎస్‌కేను వారి సొంత మైదానంలో ఓడించారు. నిన్న (ఏప్రిల్‌ 5) మధ్యాహ్నం చెపాక్‌లో జరిగిన మ్యాచ్‌లో ఢిల్లీ సీఎస్‌కేను 25 పరుగుల తేడాతో ఓడించింది.కేఎల్‌ రాహుల్‌ బాధ్యతాయుతమైన హాఫ్‌ సెంచరీతో ఢిల్లీ విజయంలో కీలకపాత్ర పోషించాడు. ఛేదనలో సీఎస్‌కే తడబడింది. ఢిల్లీ నిర్దేశించిన 184 పరుగుల లక్ష్యాన్ని ఛేదించలేక చతికిలబడింది. ధోని జిడ్డు బ్యాటింగ్‌తో (26 బంతుల్లో 30; ఫోర్‌, సిక్స్‌) సీఎస్‌కే విజయావకాశలను దెబ్బ తీశాడు. మరో ఎండ్‌లో త్రీడి ప్లేయర్‌ విజయ్‌ శంకర్‌ (54 బంతుల్లో 69 నాటౌట్‌; 5 ఫోర్లు, సిక్స్‌) కూడా నిదానంగా ఆడి సీఎస్‌కే పరాజయానికి కారకుడయ్యాడు. ఢిల్లీ బ్యాటర్లలో జేక్‌ ఫ్రేజర్‌ డకౌట్‌ కాగా.. అభిషేక్‌ పోరెల్‌ 33, అక్షర్‌ పటేల్‌ 21, సమీర్‌ రిజ్వి 20, ట్రిస్టన్‌ స్టబ్స్‌ 24 (నాటౌట్‌), అశోతోష్‌ శర్మ 1, విప్రాజ్‌ నిగమ్‌ 1 (నాటౌట్‌) పరుగులు చేశారు.సీఎస్‌కే బౌలర్లలో ఖలీల్‌ అహ్మద్‌ పొదుపుగా బౌలింగ్‌ చేసి 2 వికెట్లు తీయగా.. రవీంద్ర జడేజా, నూర్‌ అహ్మద్‌, మతీశ పతిరణ తలో వికెట్‌ పడగొట్టారు. అనంతరం బ్యాటింగ్‌కు దిగిన సీఎస్‌కే 74 పరుగులకే సగం వికెట్లు కోల్పోయి ఓటమి బాటలో నడిచింది. ఈ దశలో విజయ్‌ శంకర్‌, ధోని గెలుపు ప్రయత్నాలు ఏమాత్రం చేయకుండా వికెట్‌ కాపాడుకునే పని పడ్డారు. ధోని ఏకంగా 18 బంతుల తర్వాత తన తొలి సిక్సర్‌ను కొట్టాడు. విజయ్‌ శంకర్‌ ప్రస్తుత ఐపీఎల్‌ సీజన్‌లోనే అతి నిదానమైన హాఫ్‌ సెంచరీ (43 బంతుల్లో) చేశాడు. చివర్లో విజయ్‌ శంకర్‌ ధాటిగా ఆడే ప్రయత్నం చేసినా అప్పటికే జరగాల్సిన నష్టం జరిగిపోయింది. ఈ మ్యాచ్‌లో చెత్తగా ఆడిన ధోనిని సొంత అభిమానులు సైతం విసుక్కున్నారు. ధోని ఇక తప్పుకోవడం మంచిదని అభిప్రాయపడుతున్నారు. ఢిల్లీ బౌలర్లలో మిచెల్‌ స్టార్క్‌ (4-0-27-1), విప్రాజ్‌ నిగమ్‌ (4-0-27-2) అద్భుతంగా బౌలింగ్‌ చేశారు. ముకేశ్‌ కుమార్‌, కుల్దీప్‌ తలో వికెట్‌ తీసి పర్వాలేదనిపించారు. సీఎస్‌కే బ్యాటర్లలో రచిన్‌ రవీంద్ర 3, డెవాన్‌ కాన్వే 13, రుతురాజ్‌ 5, శివమ్‌ దూబే 18, రవీంద్ర జడేజా 2 పరుగులు చేశారు. ఈ ఓటమితో సీఎస్‌కే ఖాతాలో హ్యాట్రిక్‌ పరాజయాలు చేరాయి. తమ తొలి మ్యాచ్‌లో ముంబై ఇండియన్స్‌పై గెలుపొందిన ఈ జట్టు ఆతర్వాత వరుసగా ఆర్సీబీ, రాజస్థాన్‌ రాయల్స్‌, ఢిల్లీ చేతుల్లో ఓడింది. మరోవైపు అక్షర్‌ నేతృత్వంలోని ఢిల్లీ వరుసగా లక్నో, సన్‌రైజర్స్‌, సీఎస్‌కేపై విజయాలు సాధించింది. ఢిల్లీ తమ తదుపరి మ్యాచ్‌లో ఆర్సీబీతో (ఏప్రిల్‌ 10) తలపడనుండగా.. సీఎస్‌కే పంజాబ్‌ కింగ్స్‌ను (ఏప్రిల్‌ 8) ఢీకొట్టనుంది.

సన్‌రైజర్స్‌ హైదరాబాద్‌ (SRH) బ్యాటింగ్‌ తీరుపై టీమిండియా మాజీ క్రికెటర్‌ వీరేంద్ర సెహ్వాగ్‌ విమర్శలు గుప్పించాడు. పేరుకే జట్టులో ‘విధ్వంసకర బ్యాటర్లు’ ఉన్నారని.. కానీ వారి వల్ల ప్రేక్షకులకు ఎలాంటి వినోదం లభించడం లేదని పేర్కొన్నాడు. బౌలర్లకు అంతగా సహకరించని ఈడెన్‌ గార్డెన్స్‌ పిచ్‌పై కూడా పరుగులు చేయలేక.. చేతులెత్తేయడం వారి పేలవ ప్రదర్శనకు నిదర్శనమని పేర్కొన్నాడు.ఐపీఎల్‌-2024లో అద్భుత బ్యాటింగ్‌తో ఫైనల్‌ వరకు చేరుకున్న సన్‌రైజర్స్‌.. టైటిల్‌ పోరులో మాత్రం 113 పరుగులకే ఆలౌట్‌ అయింది. అనంతరం బౌలింగ్‌లోనూ విఫలమై.. తద్వారా రన్నరప్‌తో సరిపెట్టుకుంది. ఇక ఐపీఎల్‌-2025 (IPL 2025)ని ఘనంగా ఆరంభించినప్పటికీ హ్యాట్రిక్‌ పరాజయాలతో చతికిల పడింది.ఒక్కరూ నిలబడలేదుతాజాగా కోల్‌కతా నైట్‌ రైడర్స్‌తో గురువారం నాటి మ్యాచ్‌లో సన్‌రైజర్స్‌ బ్యాటర్లు మూకుమ్మడిగా విఫలమయ్యారు. లక్ష్య ఛేదనలో ఫోర్‌తో ఇన్నింగ్స్‌ ఆరంభించిన ఓపెనర్‌ ట్రవిస్‌ హెడ్‌ (Travis Head) మరుసటి బంతికే అవుట్‌ కాగా.. మరో ఓపెనర్‌ అభిషేక్‌ శర్మ 2, వన్‌డౌన్‌ బ్యాటర్‌ ఇషాన్‌ కిషన్‌ 2 పరుగులకే పెవిలియన్‌ చేరారు.ఆ తర్వాత నితీశ్‌ కుమార్‌ రెడ్డి (19) కాసేపు నిలదొక్కుకునే ప్రయత్నం చేసి విఫలం కాగా.. భాగస్వామ్యం నెలకొల్పుతారనుకున్న కమిందు మెండిస్‌ (27), హెన్రిచ్‌ క్లాసెన్‌ (33) కూడా నిరాశపరిచారు. మెరుపు బ్యాటింగ్‌తో అలరిస్తున్నాడనుకున్న అనికేత్‌ వర్మ (6) కూడా ఇలా వచ్చి అలా వెళ్లిపోయాడు. ఫలితంగా 16.4 ఓవర్లలో కేవలం 120 పరుగులకే సన్‌రైజర్స్‌ ఆలౌట్‌ అయింది.80 పరుగుల తేడాతో ఓటమిఅంతకు ముందు ఇదే పిచ్‌పై చక్కటి షాట్లు ఆడుతూ కేకేఆర్‌ బ్యాటర్లు 200 పరుగులు స్కోరు చేశారు. అయితే, ఈ టార్గెట్‌ను ఎస్‌ఆర్‌హెచ్‌ సులువుగానే ఛేజ్‌ చేస్తుందనుకుంటే.. 120 పరుగులకే కుప్పకూలి.. 80 పరుగుల తేడాతో ఓటమిపాలైంది. రైజర్స్‌ బ్యాటర్లలో మెజారిటీ మంది సులువైన క్యాచ్‌లు ఇచ్చి పెవిలియన్‌ చేరడం గమనార్హం.ఈ నేపథ్యంలో కేకేఆర్‌- సన్‌రైజర్స్‌ ఫలితంపై స్పందించిన వీరేంద్ర సెహ్వాగ్‌ హైదరాబాద్‌ జట్టు తీరుపై ఘాటు విమర్శలు చేశాడు. ‘‘ఒకప్పుడు పంజాబ్‌ జట్టుకు ఇలాంటి పేరుండేది. ముందు నుంచి రాణించడం ఆఖర్లో చేతులెత్తేయడం.. ఇప్పుడు సన్‌రైజర్స్‌ పరిస్థితి అలాగే కనిపిస్తోంది.కేకేఆర్‌ బౌలింగ్‌ అంత గొప్పగా ఏమీ లేదు.. కానీవాళ్లు 190 పరుగులు చేసి ఓడిపోయారు.. 160 రన్స్‌ చేసి ఓడిపోయారు. ఇప్పుడేమో 200 పరుగులు ఛేదించే క్రమంలో 120 పరుగులకే ఆలౌట్‌ అయ్యారు. నిజానికి కేకేఆర్‌ బౌలింగ్‌ అంత గొప్పగా ఏమీ లేదు. బంతి కూడా టర్న్‌ కావడం లేదు. ఇదే పిచ్‌పై వాళ్ల బ్యాటర్లు 200 పరుగులు సాధించారు.అంతేకాదు రెండో ఇన్నింగ్స్‌లో బౌలర్లకు పిచ్‌ నుంచి అంతగా సహకారం కూడా అందలేదు. వికెట్‌ కాస్త స్లోగా ఉంది. అందుకే వాళ్లు ఎక్కువగా స్లో బాల్స్‌ వేశారు. ఇలాంటి పరిస్థితుల్లో బ్యాటర్‌ క్రీజులో నిలదొక్కుకునేందుకు కాస్త ఓపికగా ఎదురుచూడాలి. పరిస్థితులకు అలవాటుపడిన తర్వాత పరుగుల వేట మొదలుపెట్టాలి.కానీ ఈరోజు వాళ్లు పూర్తిగా నిరాశపరిచారు. జట్టులో ఎంతో మంది బ్యాటర్లు ఉన్నారు. కానీ ఏం లాభం అవసరమైనపుడు ఒక్కరూ పరుగులు చేయలేకపోయారు. 120 పరుగులకే ఆలౌట్‌ అయ్యారు. జనాలు డబ్బు ఇచ్చి మరీ మీ ఆటను చూడటానికి వస్తారు.ఈసారి మ్యాచ్‌ ఈడెన్‌ గార్డెన్స్‌లో జరిగినా చాలా మంది సన్‌రైజర్స్‌ బ్యాటింగ్‌ చూసేందుకు వచ్చారనడం అతిశయోక్తి కాదు. కానీ మీరు వారందరినీ నిరాశకు గురిచేశారు’’ అని సెహ్వాగ్‌ విమర్శల వర్షం కురిపించాడు.ఐపీఎల్‌-2025: కేకేఆర్‌ వర్సెస్‌ సన్‌రైజర్స్‌👉కేకేఆర్‌ స్కోరు: 200/6 (20)👉సన్‌రైజర్స్‌ స్కోరు: 120 (16.4)👉ఫలితం: 80 పరుగుల తేడాతో సన్‌రైజర్స్‌పై కేకేఆర్‌ గెలుపు.చదవండి: రూ. 20 లక్షలు.. రూ. 20 కోట్లు.. ఏదైనా ఒకటే.. ఎక్కువ డబ్బు ఇస్తే ప్రతి మ్యాచ్‌లో స్కోరు చేయాలా?

గుజరాత్‌ టైటాన్స్‌ పేసర్‌ మహ్మద్‌ సిరాజ్‌ (Mohammed Siraj)పై భారత మాజీ క్రికెటర్‌ వీరేంద్ర సెహ్వాగ్‌ ప్రశంసలు కురిపించాడు. జాతీయ జట్టుకు దూరమైన కసి అతడి ఆటలో కనిపిస్తోందని.. త్వరలోనే అతడు టీమిండియాలో పునరాగమనం చేస్తాడని పేర్కొన్నాడు. కాగా హైదరాబాదీ పేసర్‌ చివరగా ఆస్ట్రేలియా పర్యటనలో భారత్‌ తరఫున ఆడాడు.ఆ తర్వాత స్వదేశంలో ఇంగ్లండ్‌తో టీ20, వన్డే సిరీస్‌లకు సెలక్టర్లు అతడిని ఎంపిక చేయలేదు. అనంతరం.. ఐసీసీ చాంపియన్స్‌ ట్రోఫీ-2025 (ICC Champions Trophy)జట్టులోనూ చోటివ్వలేదు. ఈ క్రమంలో తీవ్ర నిరాశకు గురైన సిరాజ్‌.. జట్టు ప్రయోజనాల దృష్ట్యానే సెలక్టర్లు, కెప్టెన్‌ రోహిత్‌ శర్మ (Rohit Sharma) తనను పక్కనపెట్టి ఉంటారని పేర్కొన్నాడు.ఆర్సీబీ వదిలేసిందిఅయితే, జాతీయ జట్టుకు దూరం కావడం వల్ల దొరికిన విశ్రాంతిని పొడగించకుండా.. ఫిట్‌నెస్‌పై దృష్టి సారిస్తానని సిరాజ్‌ చెప్పుకొచ్చాడు. ఇదిలా ఉంటే.. ఐపీఎల్‌-2025కి ముందు ఈ పేస్‌ బౌలర్‌కు ఎదురుదెబ్బ తగిలిన విషయం తెలిసిందే. ఏడేళ్ల పాటు తమతో ప్రయాణం చేసిన సిరాజ్‌ను రాయల్‌ చాలెంజర్స్‌ బెంగళూరు వదిలేసింది.టైటాన్స్‌ అక్కున చేర్చుకుందిఈ క్రమంలో గుజరాత్‌ టైటాన్స్‌ రూ. 12.25 కోట్లకు సిరాజ్‌ను కొనుగోలు చేసింది. ఇక ఐపీఎల్‌-2025లో తమ ఆరంభ మ్యాచ్‌లలో అంతంత మాత్రంగా రాణించిన సిరాజ్‌.. తన పాత జట్టు ఆర్సీబీపై మాత్రం అదరగొట్టాడు. ఆర్సీబీ సొంత మైదానం చిన్నస్వామి స్టేడియంలో బుధవారం జరిగిన మ్యాచ్‌లో కీలక వికెట్లు తీసి.. ప్రత్యర్థి జట్టు పతనాన్ని శాసించాడు.నాలుగు ఓవర్ల కోటాలో కేవలం 19 పరుగులే ఇచ్చి మూడు వికెట్లు కూల్చాడు. ఫిల్‌ సాల్ట్‌, దేవదత్‌ పడిక్కల్‌, లియామ్‌ లివింగ్‌ స్టోన్‌ల వికెట్లు తన ఖాతాలో వేసుకున్నాడు. తద్వారా.. గుజరాత్‌ను గెలిపించడంలో కీలక పాత్ర పోషించి ప్లేయర్‌ ఆఫ్‌ ది మ్యాచ్‌గా నిలిచాడు సిరాజ్‌. నేనేంటో చూపిస్తా!.. అతడిలో ఆ కసి కనిపించిందిఈ నేపథ్యంలో భారత మాజీ వీరేంద్ర సెహ్వాగ్‌ మాట్లాడుతూ.. ‘‘చాంపియన్స్‌ ట్రోఫీ జట్టుకు అతడిని ఎంపిక చేయలేదు. అతడిలో ఆ కసి కనిపించింది. యువ ఫాస్ట్‌ బౌలర్‌ నుంచి మనం ఇంతకంటే గొప్పగా ఏమి ఆశిస్తాం. అతడు తిరిగి గాడిలో పడ్డాడు.అంతేకాదు.. ‘మీరు నన్ను తీసుకోలేదు కదా!.. నేనేంటో ఇప్పుడు చూపిస్తాను’ అన్నట్లుగా చెలరేగిపోయాడు. ఇదే తరహాలో సిరాజ్‌ ముందుకు దూసుకవెళితే కచ్చితంగా భారత జట్టులో త్వరలోనే పునరాగమనం చేస్తాడు.కొత్త బంతితో చిన్నస్వామి స్టేడియంలో అద్భుతంగా రాణించాడు. తన మొదటి మూడు ఓవర్లలో కేవలం 12 లేదా 13 పరుగులు మాత్రమే ఇవ్వడం ఇందుకు నిదర్శనం. అయితే, నాలుగో ఓవర్లో మాత్రం కాస్త తడబడ్డాడు. లేదంటే.. ఇంకో వికెట్‌ అతడి ఖాతాలో చేరేదే. కొత్త బంతిని స్వింగ్‌ చేస్తూ అనుకున్న ఫలితాన్ని రాబట్టడం సానుకూలాంశం’’ అని హిందుస్తాన్‌ టైమ్స్‌తో పేర్కొన్నాడు.కాగా చాంపియన్స్‌ ట్రోఫీ జట్టు ప్రకటన సమయంలో సిరాజ్‌ గురించి ప్రశ్న ఎదురుకాగా.. ‘‘అతడు కొత్త బంతితో మెరుగ్గా రాణించలేడు. అందుకే పక్కనపెట్టాం’’ అని కెప్టెన్‌ రోహిత్‌ శర్మ పేర్కొన్న విషయం తెలిసిందే. ఈ నేపథ్యంలో సెహ్వాగ్‌ సిరాజ్‌ను ఉద్దేశించి పైవిధంగా స్పందించాడు.ఐపీఎల్‌-2025: ఆర్సీబీ వర్సెస్‌ గుజరాత్‌ టైటాన్స్‌ఆర్సీబీ స్కోరు: 169/8 (20)గుజరాత్‌ టైటాన్స్‌ స్కోరు: 170/2 (17.5)ఫలితం: ఆర్సీబీపై ఎనిమిది వికెట్ల తేడాతో గుజరాత్‌ విజయంచదవండి: అందుకే ఓడిపోయాం: కోహ్లి, సాల్ట్‌లపై పాటిదార్‌ విమర్శలు!

చెన్నై సూపర్‌ కింగ్స్‌ (CSK) స్టార్‌ మహేంద్ర సింగ్‌ ధోని (MS Dhoni) ఆట తీరుపై టీమిండియా మాజీ క్రికెటర్‌ వీరేంద్ర సెహ్వాగ్‌ వ్యంగ్యాస్త్రాలు సంధించాడు. రాయల్‌ చాలెంజర్స్‌ బెంగళూరు (RCB)తో మ్యాచ్‌లో ‘తలా’ అంత త్వరగా బ్యాటింగ్‌కు వస్తాడని ఊహించలేదన్నాడు. ఇందుకు కారణమేమిటో తనకు అర్థంకాలేదంటూ సీఎస్‌కే బ్యాటర్లపై జోకులు వేశాడు.ఐపీఎల్‌-2025లో భాగంగా సీఎస్‌కే శుక్రవారం ఆర్సీబీతో తలపడింది. సొంతమైదానం చెపాక్‌లో టాస్‌ గెలిచిన చెన్నై.. ప్రత్యర్థిని తొలుత బ్యాటింగ్‌కు ఆహ్వానించింది. ఈ క్రమంలో ఆర్సీబీ నిర్ణీత 20 ఓవర్లలో ఏడు వికెట్లు నష్టపోయి 196 పరుగులు చేసింది. అయితే, లక్ష్య ఛేదనలో చెన్నై 146 పరుగులకే పరిమితమైంది.ఓపెనర్లలో రచిన్‌ రవీంద్ర (31 బంతుల్లో 41) ఫర్వాలేదనిపించగా.. రాహుల్‌ త్రిపాఠి (5) మరోసారి విఫలమయ్యాడు. వన్‌డౌన్‌లో వచ్చిన కెప్టెన్‌ రుతురాజ్‌ గైక్వాడ్‌ మరీ ఘోరంగా డకౌట్‌ అయ్యాడు. ఆ తర్వాతి స్థానాల్లో బ్యాటింగ్‌ చేసిన దీపక్‌ హుడా 4, సామ్‌ కర్రన్‌ 8, శివం దూబే 19 పరుగులకు వెనుదిరిగారు.తొమ్మిదో స్థానంలో ధోనిఈ క్రమంలో ఏడో స్థానంలో రవీంద్ర జడేజా (19 బంతుల్లో 25) రాగా.. రవిచంద్రన్‌ అశ్విన్‌(8 బంతుల్లో 11) ఎనిమిదో స్థానంలో బ్యాటింగ్‌ చేశాడు. ఇక పవర్‌ఫుల్‌ ఫినిషర్‌గా పేర్కొంది ధోని తొమ్మిదో నంబర్‌లో బ్యాట్‌తో రంగంలోకి దిగి 16 బంతుల్లో 30 పరుగులతో అజేయంగా నిలిచాడు. A never ending story 😊Last over 🤝 MS Dhoni superhits 🔥Scorecard ▶ https://t.co/I7maHMwxDS #TATAIPL | #CSKvRCB | @ChennaiIPL pic.twitter.com/j5USqXvf7r— IndianPremierLeague (@IPL) March 28, 2025అతడి ధనాధన్‌ ఇన్నింగ్స్‌లో మూడు ఫోర్లు, రెండు సిక్సర్లు ఉన్నాయి. అయితే, జట్టు క్లిష్ట పరిస్థితుల్లో ఉన్న వేళ ఆల్‌రౌండర్ల తర్వాత ధోని బ్యాటింగ్‌కు రావడంపై తీవ్ర స్థాయిలో విమర్శలు వస్తున్నాయి.43 ఏళ్ల ధోనిని కేవలం వికెట్‌ కీపర్‌ బ్యాటర్‌గా మాత్రమే జట్టులో ఉంచితే.. సీఎస్‌కే మున్ముందు మరిన్ని చేదు అనుభవాలు చూస్తుందనే హెచ్చరికలు వస్తున్నాయి. జట్టుకు అవసరమైన వేళనైనా తలా ఇంకాస్త ముందుగా బ్యాటింగ్‌కు రావాల్సిందనే అభిప్రాయాలు వ్యక్తమవుతున్నాయి.ఈ నేపథ్యంలో భారత మాజీ క్రికెటర్లు వీరేంద్ర సెహ్వాగ్‌, మనోజ్‌ తివారి ధోనిపై క్రిక్‌బజ్‌ షోలో జోకులు వేశారు. సెహ్వాగ్‌ మాట్లాడుతూ.. ‘‘ఈసారి చాలా తొందరగానే బ్యాటింగ్‌కు వచ్చాడే!’’ అని సెటైర్‌ వేయగా.. ‘‘అవును.. నేనైతే అతడు పదో స్థానంలో వస్తాడేమో అనుకున్నా’’ అని బదులిచ్చాడు.అతడు తొందరగా బ్యాటింగ్‌కు వచ్చాడా?ఇందుకు స్పందిస్తూ.. ‘‘16 ఓవర్ల ఆట పూర్తైన తర్వాత వచ్చాడు. మామూలుగా అయితే, 19 లేదా 20వ ఓవర్లోనే అతడు బ్యాటింగ్‌కు వస్తాడు. అందుకే త్వరగా వచ్చాడని అన్నాను. మీకూ అలాగే అనిపిస్తోందా?అతడు తొందరగా బ్యాటింగ్‌కు వచ్చాడా? లేదంటే మిగతా బ్యాటర్లు త్వరత్వరగా వికెట్లు కోల్పోయి అతడిని రప్పించారా?’’ అని సెహ్వాగ్‌ వ్యంగ్యంగా కామెంట్లు చేశాడు. కాగా ధోని ఈ మ్యాచ్‌లో 30 పరుగులు చేసిన క్రమంలో.. సీఎస్‌కే తరఫున అత్యధిక పరుగులు (204 ఇన్నింగ్స్‌లో 4699) సాధించిన క్రికెటర్‌గా చరిత్రకెక్కాడు. అంతకుముందు ఈ రికార్డు సురేశ్‌ రైనా పేరిట ఉండేది. అతడు చెన్నై తరఫున 171 ఇన్నింగ్స్‌ ఆడి 4687 పరుగులు చేశాడు. ఐపీఎల్‌-2025: చెన్నై వర్సెస్‌ బెంగళూరు👉 బెంగళూరు స్కోరు: 196/7 (20)👉చెన్నై స్కోరు: 146/8 (20)👉ఫలితం: యాభై పరుగుల తేడాతో చెన్నైపై బెంగళూరు విజయం.చదవండి: ఇదేం ప్రశ్న? ఆఖర్లో ఎవరు గెలుస్తారో చూడాలి: సీఎస్‌కే కోచ్‌ ఆగ్రహం

ఇండియన్‌ ప్రీమియర్‌ లీగ్‌ (IPL) -2025 సీజన్‌ను గుజరాత్‌ టైటాన్స్‌ పరాజయంతో ప్రారంభించింది. తమ తొలి మ్యాచ్‌లో పంజాబ్‌ కింగ్స్‌తో తలపడి పదకొండు పరుగుల తేడాతో ఓటమి పాలైంది. ఫలితంగా పంజాబ్‌ కెప్టెన్‌గా శ్రేయస్‌ అయ్యర్‌ (Shreyas Iyer) తొలి విజయం అందుకోగా.. గుజరాత్‌ సారథిగా శుబ్‌మన్‌ గిల్‌ (Shubman Gill)కు మరోసారి చేదు అనుభవమే ఎదురైంది.శ్రేయస్‌ అటు బ్యాటర్‌గా.. ఇటు కెప్టెన్‌గా తనదైన ముద్ర వేయగా.. గిల్‌ మాత్రం రెండు పాత్రల్లోనూ తేలిపోయాడు. ఈ నేపథ్యంలో భారత మాజీ క్రికెటర్‌ వీరేంద్ర సెహ్వాగ్‌ గిల్‌ను ఉద్దేశించి కీలక వ్యాఖ్యలు చేశాడు. పంజాబ్‌ కింగ్స్‌తో మ్యాచ్‌లో గిల్‌ కెప్టెన్సీ తప్పిదాలే ఓటమికి పరోక్ష కారణాలంటూ విమర్శించాడు.పవర్‌ ప్లేలో బౌలర్ల మార్పులుముఖ్యంగా బౌలర్ల సేవలను వినియోగించుకోవడంలో గుజరాత్‌ సారథి విఫలమయ్యాడని వీరూ భాయ్‌ అభిప్రాయపడ్డాడు. ‘‘ఈ మ్యాచ్‌లో శుబ్‌మన్‌ గిల్‌ కెప్టెన్సీ అతడి స్థాయికి తగినట్లుగా లేదు. అసలు తను మైదానంలో చురుగ్గా ఉన్నట్లే కనిపించలేదు. సిరాజ్‌ బాగానే బౌలింగ్‌ చేస్తున్నాడులే అనుకునే సరికి.. అర్షద్‌ ఖాన్‌ను తీసుకువచ్చాడు.ఏమీ పట్టనట్టే ఉన్నావు ఎందుకు?అతడేమో పవర్‌ ప్లేలోనే ఏకంగా 21 పరుగులు ఇచ్చాడనుకుంటా! అదే పంజాబ్‌కు మొమెంటమ్‌ను ఇచ్చింది. ఒకవేళ సిరాజ్‌ గనుక కొత్త బంతితో రాణిస్తే.. అతడిని డెత్‌ ఓవర్ల వరకు వేచి ఉంచాల్సిన పనిలేదు. నిజం చెప్పాలంటే ఆఖర్లోనూ సిరాజ్‌ బౌలింగ్‌లో పంజాబ్‌ బ్యాటర్లు భారీగానే పరుగులు పిండుకున్నారు’’ అని వీరేంద్ర సెహ్వాగ్‌ క్రిక్‌బజ్‌ షోలో పేర్కొన్నాడు.కెప్టెన్‌గా పరిస్థితులకు తగ్గట్లు మార్పులు చేయాలని.. కానీ శుబ్‌మన్‌ గిల్‌ మాత్రం తనకేమీ పట్టదన్నట్లుగా ఉండిపోయాడని సెహ్వాగ్‌ ఈ సందర్భంగా విమర్శించాడు. ఓ బౌలర్‌ మెరుగ్గా రాణిస్తున్న వేళ.. అతడిని తప్పించి మరొకరిని తీసుకురావడం సరికాదని పేర్కొన్నాడు. గిల్‌ ఇకనైనా తన ప్రణాళికలు, వ్యూహాల అమలులలో పరిస్థితికి తగ్గట్లుగా నిర్ణయాలు తీసుకోవాలని.. లేదంటే మున్ముందు గుజరాత్‌కు కష్టాలు తప్పవని పేర్కొన్నాడు.సిరాజ్‌ ధారాళంగాకాగా గుజరాత్‌ టైటాన్స్‌ తమ సొంతమైదానం అహ్మదాబాద్‌ వేదికగా పంజాబ్‌ కింగ్స్‌తో మంగళవారం మ్యాచ్‌ ఆడింది. నరేంద్ర మోదీ స్టేడియంలో టాస్‌ గెలిచిన టైటాన్స్‌.. పంజాబ్‌ను తొలుత బ్యాటింగ్‌కు ఆహ్వానించింది. ఈ క్రమంలో టైటాన్స్‌ బౌలింగ్‌ ఎటాక్‌ ఆరంభించిన టీమిండియా పేసర్‌ సిరాజ్‌.. తొలి ఓవర్లో కేవలం ఎనిమిది పరుగులే ఇచ్చాడు.మరుసటి ఓవర్లో సౌతాఫ్రికా స్పీడ్‌స్టర్‌ కగిసో రబడను గిల్‌ బరిలోకి దించగా.. అతడు 8 పరుగులు మాత్రమే ఇచ్చుకున్నాడు. ఆ తర్వాత మళ్లీ సిరాజ్‌ రంగంలోకి దిగి.. 12 పరుగులు ఇచ్చాడు. ఆ తర్వాత రబడ ఓవర్లో తొలి వికెట్‌ దక్కించుకుంది టైటాన్స్‌.అయితే, వీరిద్దరిని పక్కనపెట్టిన గిల్‌.. ఐదో ఓవర్లో అర్షద్‌ ఖాన్‌ను తీసుకురాగా.. అతడు ఏకంగా 21 పరుగులు సమర్పించుకున్నాడు. ఇక మళ్లీ పదిహేనో ఓవర్‌ దాకా గిల్‌ సిరాజ్‌ చేతికి బంతినివ్వలేదు. మళ్లీ ఆఖరి ఓవర్లో సిరాజ్‌ను రంగంలోకి దించగా.. ఈసారి ఏకంగా 23 పరుగులు ఇచ్చేశాడు. మొత్తంగా నాలుగు ఓవర్ల కోటాలో 54 పరుగులు ఇచ్చి ఒక్క వికెట్‌ కూడా తీయలేకపోయాడు.శ్రేయస్‌ ధనాధన్‌ఈ నేపథ్యంలో సెహ్వాగ్‌ గిల్‌ కెప్టెన్సీ తీరుపై పైవిధంగా స్పందించాడు. ఇదిలా ఉంటే.. గుజరాత్‌ టైటాన్స్‌తో మ్యాచ్‌లో పంజాబ్‌ కింగ్స్‌ బ్యాటర్లు ఆకాశమే హద్దుగా చెలరేగారు. అరంగేట్ర ఓపెనర్‌ ప్రియాన్ష్‌ ఆర్య(23 బంతుల్లో 47) మెరుపులు మెరిపించగా.. వన్‌డౌన్‌లో వచ్చిన కెప్టెన్‌ శ్రేయస్‌ 42 బంతుల్లో 97 పరుగులతో అజేయంగా నిలిచాడు.ఇక మార్కస్‌ స్టొయినిస్‌ (15 బంతుల్లో 20) ఫర్వాలేదనిపించగా.. ఆఖర్లో శశాంక్‌ సింగ్‌ మెరుపులు(16 బంతుల్లోనే 44 నాటౌట్‌) మెరిపించాడు. దీంతో నిర్ణీత 20 ఓవర్లలో పంజాబ్‌ కేవలం ఐదు వికెట్లు నష్టపోయి 243 పరుగులు నమోదు చేసింది. లక్ష్య ఛేదనను ఘనంగా ఆరంభించిన గుజరాత్‌.. ఆఖరి వరకు పోరాడి ఓడిపోయింది.టైటాన్స్‌ బ్యాటర్లలో ఓపెనర్‌ సాయి సుదర్శన్‌ (41 బంతుల్లో 74), జోస్‌ బట్లర్‌ (33 బంతుల్లో 54) అర్ధ శతకాలతో రాణించగా.. శుబ్‌మన్‌ గిల్‌(14 బంతుల్లో 33), షెర్ఫానే రూథర్‌ఫర్డ్‌(28 బంతుల్లో 46) వేగంగా ఆడే క్రమంలో వికెట్లు కోల్పోయారు. ఈ నేపథ్యంలో 232 పరుగులకే పరిమితమైన టైటాన్స్‌కు ఓటమి తప్పలేదు.చదవండి: అస్సలు జీర్ణించుకోలేకపోయా.. అయినా భాయ్‌కు అంతా తెలుసు: సిరాజ్‌Punjab Kings hold their nerves in the end to clinch a splendid win against Gujarat Titans ❤️Scorecard ▶ https://t.co/PYWUriwSzY#TATAIPL | #GTvPBKS | @PunjabKingsIPL pic.twitter.com/0wy29ODStQ— IndianPremierLeague (@IPL) March 25, 2025

ఆస్ట్రేలియా స్టార్ ఆల్‌రౌండ‌ర్ గ్లెన్ మాక్స్‌వెల్ ముచ్చ‌ట‌గా మూడోసారి పంజాబ్ కింగ్స్‌తో జ‌తక‌ట్టాడు. ఐపీఎల్‌-2025 సీజన్‌లో పంజాబ్‌ కింగ్స్‌కు మాక్స్‌వెల్‌ ప్రాతినిథ్యం వహించనున్నాడు. గతేడాది డిసెంబర్‌లో జరిగిన మెగా వేలంలో రూ. 4.2 కోట్లకు మాక్స్‌వెల్‌ను పంజాబ్‌ సొంతం చేసుకుంది.ఇప్పటికే పంజాబ్‌ జట్టుతో చేరిన మాక్సీ నెట్స్‌లో తీవ్రంగా శ్రమిస్తున్నాడు. కాగా మాక్స్‌వెల్ తొలిసారిగా 2014 ఐపీఎల్ సీజ‌న్‌లో పంజాబ్ కింగ్స్‌కు ప్రాతినిథ్య వ‌హించాడు. 2014, 2015, 2016 సీజ‌న్ల‌లో మాక్సీ అద్బుత‌మైన ప్ర‌ద‌ర్శ‌న క‌న‌బ‌రిచాడు. దీంతో ఈ ఆసీస్ స్టార్ ఐపీఎల్‌-2017లో పంజాబ్ కింగ్స్ కెప్టెన్‌గా ఎంపిక‌య్యాడు. అయితే ఆ సీజ‌న్‌లో మాక్స్‌వెల్ సార‌థ్యంలోని పంజాబ్ కింగ్స్ గ్రూపు స్టేజికే పరిమితమైంది. అప్పటి జట్టు రైజింగ్ పూణే సూపర్ జెయింట్స్‌తో జరిగిన కీలక మ్యాచ్‌లో పూర్తిగా తేలిపోయిన పంజాబ్ టీమ్‌.. లీగ్ స్టేజిలోనే ఇంటిముఖం పట్టింది. ఆ మ్యాచ్‌లో పంజాబ్ కేవలం 73 పరుగులకే ఆలౌటై ఘోర ఓటమిని మూట కట్టుకుంది.అయితే ఆ మ్యాచ్ అనంతరం అప్పటి పంజాబ్ మెంటార్ వీరేంద్ర సెహ్వాగ్‌తో గ్లెన్ మాక్స్‌వెల్‌కు తీవ్ర వాగ్వాదం చోటు చేసుకుంది. కాగా తాజాగా మాక్స్‌వెల్.. సెహ్వాగ్‌తో జరిగిన గొడవ గురించి "గ్లెన్ మాక్స్‌వెల్: ది షోమ్యాన్" పుస్తకంలో రాసుకొచ్చాడు. సెహ్వాగ్ అందరూ ముందు తనను అవమానించాడని మాక్స్‌వెల్ చెప్పుకొచ్చాడు."మ్యాచ్ ముగిశాక జరిగిన విలేకరుల సమావేశానికి వీరేంద్ర సెహ్వాగ్ హాజరు కావాలని భావించాడు. కానీ ఓటమికి బాధ్యత వహిస్తూ స్వచ్ఛందంగా నేనే ప్రెస్‌కాన్ఫరెన్స్‌కు వెళ్లాను. ఆ తర్వాత హోటల్‌కు వెళ్లేందుకు అందరం కలిసి బస్‌లో కూర్చున్నాము. ఆ సమయంలో నన్ను మా టీమ్‌ ప్రధాన వాట్సాప్ గ్రూప్ నుండి తొలగించినట్లు గమనించాను. వెంటనే ఆయనకు మీరు ఒక అభిమానిని కోల్పోయారు అని మెసేజ్ చేశాను. నీలాంటి అభిమాని అవసరం లేదని ఆయన బదులిచ్చాడు. మేము హోటల్‌కు చేరుకునే సమయానికి ఆయన మెసెజ్‌లతో నా ఫోన్ నిండిపోయింది. నిజంగా అతడి ప్రవర్తన నాకు తీవ్ర నిరాశపరిచింది. కెప్టెన్‌గా ఆ మ్యాచ్‌లో నేను విఫలమైనందుకు నిందించాడు.అప్పటి నుంచి ఇప్పటివరకు ఒక్కసారి కూడా సెహ్వాగ్‌తో మాట్లాడలేదు" అని తన బుక్‌లో మాక్సీ పేర్కొన్నాడు. ఆ తర్వాత ఓ సారి ఐపీఎల్‌-2020లో పంజాబ్ కింగ్స్‌కు ప్రాతినిథ్యం వహించాడు. మళ్లీ ఇప్పుడు ఐదేళ్ల తర్వాత పంజాబ్ జట్టుతో మాక్స్‌వెల్ చేరాడు. ఐపీఎల్‌-18వ సీజన్ మార్చి 22 నుంచి ప్రారంభం కానుంది.

టీమిండియా మాజీ క్రికెటర్‌ వీరేంద్ర సెహ్వాగ్‌ సోదరుడు వినోద్‌ సెహ్వాగ్‌ అరెస్ట్‌ అయ్యాడు. చెక్‌ బౌన్స్‌ కేసులో చండీఘడ్‌ పోలీసులు వినోద్‌ సెహ్వాగ్‌ను అదుపులోకి తీసుకున్నారు. ఈ కేసుకు సంబంధించి అనేక మార్లు విచారణకు హాజరుకాకపోవడంతో 2023లో స్థానిక కోర్టు వినోద్‌ సెహ్వాగ్‌తో పాటు మరో ఇ‍ద్దరిని దోషులుగా ప్రకటించింది. ఈ నేపథ్యంలోనే వినోద్‌ అరెస్ట్‌ జరిగింది. అరెస్ట్‌ అనంతరం వినోద్‌ తరఫు న్యాయవాది సెషన్స్‌ కోర్టులో బెయిల్‌ పిటీషన్‌ దాఖలు చేశారు. అయితే ఈ పిటిషన్‌ను పోలీసులు వ్యతిరేకించారు. దీంతో దీనిపై విచారణ మార్చి 10కి వాయిదా పడింది. అప్పటివరకు వినోద్‌ సెహ్వాగ్‌ పోలీసుల కస్టడీలోనే ఉండనున్నాడు.అసలేం జరిగిందంటే.. క్సాల్టా ఫుడ్ అండ్ బేవరేజెస్‌ కంపెనీలో వినోద్ సెహ్వాగ్‌తో పాటు విష్ణు మిట్టల్, సుధీర్ మల్హోత్రా డైరెక్టర్లుగా ఉన్నారు. ఈ కంపెనీ 2018లో శ్రీ నైనా ప్లాస్టిక్స్ నుండి రూ. 7 కోట్ల విలువైన వస్తువులు కొనుగోలు చేసింది. చెల్లింపుగా, కంపెనీ రూ. కోటి చొప్పున ఏడు వేర్వేరు చెక్కులను జారీ చేసింది.అయితే అకౌంట్‌లో సరిపడా నిధులు లేని కారణంగా అన్ని చెక్కులు బౌన్స్ అయ్యాయి. పలు ఫాలోఅప్‌ల అనంతరం​ శ్రీ నైనా ప్లాస్టిక్స్ అధినేత కృష్ణణ్‌ మోహన్‌ ఖన్నా కోర్టును ఆశ్రయించారు. స్థానిక కోర్టు క్సాల్టా ఫుడ్ అండ్ బేవరేజెస్‌ డైరెక్టర్లైన వినోద్ సెహ్వాగ్‌, విష్ణు మిట్టల్, సుధీర్ మల్హోత్రాను నిందితులుగా ప్రకటించింది. ఈ తీర్పుపై వినోద్ సెహ్వాగ్ సెషన్స్ కోర్టును ఆశ్రయించారు.ఇదిలా ఉంటే, వీరేంద్ర సెహ్వాగ్‌కు సంబంధించి ఇటీవలికాలంలో వచ్చిన రెండో వార్త ఇది. వీరూ అతని భార్యతో విడాకులు తీసుకోనున్నాడని కొద్ది రోజుల కిందట సోషల్‌మీడియా కోడై కూసింది. ఇన్‌స్టాలో వీరూ, అతని సతీమణి ఇద్దరు అన్‌ఫాలో చేయడంతో ఈ ప్రచారం మొదలైంది. వీరూ గత కొద్ది రోజులుగా తన భార్యను విడిచి పెట్టి, తన ఇద్దరు పిల్లలతో పాటు వేరుగా ఉంటున్నట్లు తెలుస్తుంది. తరుచూ పుణ్యక్షేత్రాలు తిరిగే వీరూ ఈ మధ్యకాలంలో ఒంటరిగా ఆలయాల చుట్టూ ప్రదక్షిణలు చేస్తున్నాడు.46 ఏళ్ల వీరేంద్ర సెహ్వాగ్‌ 2013లో అంతర్జాతీయ క్రికెట్‌కు గుడ్‌బై చెప్పాడు. అప్పటినుంచి కామెంటేటర్‌గా, విశ్లేషకుడిగా క్రికెట్‌తో సంబంధం కలిగి ఉంటున్నాడు. సెహ్వాగ్‌కు ఇద్దరు కొడుకులు. ఈ ఇద్దరూ క్రికెటర్లే కావడం విశేషం. సెహ్వాగ్‌ పెద్ద కొడుకు ఇటీవలికాలంలో జూనియర్‌ క్రికెట్‌లో సత్తా చాటి వార్తల్లో నిలిచాడు. సెహ్వాగ్‌కు టీమిండియా విధ్వంసకర బ్యాటర్‌గా పేరుండేది. సెహ్వాగ్‌ భారత్‌ తరఫున టెస్ట్‌ల్లో తొలి ట్రిపుల్‌ సెంచరీ చేసిన ఆటగాడిగా చరిత్రకెక్కాడు. సెహ్వాగ్‌ తన కెరీర్‌లో రెండు ట్రిపుల్‌ సెంచరీలు చేశాడు. కేవలం బ్రాడ్‌మన్‌, గేల్‌, లారా మాత్రమే ఈ ఘనత సాధించారు.

ఐసీసీ ఛాంపియన్స్ ట్రోఫీ-2025లో సౌతాఫ్రికా ప్రయాణం ముగిసింది. ఈ మెగా టోర్నీలో భాగంగా లహోర్ వేదికగా బుధవారం న్యూజిలాండ్‌తో జరిగిన సెమీఫైనల్లో 50 పరుగుల తేడాతో ప్రోటీస్ జట్టు ఓటమి పాలైంది. ఈ మ్యాచ్‌లో సౌతాఫ్రికా ఓటమి పాలైనప్పటికి.. ఆ జట్టు స్టార్ బ్యాటర్ డేవిడ్ మిల్లర్ మాత్రం తన విరోచిత పోరాటంతో అందరి మనసులను గెలుచుకున్నాడు.363 ప‌రుగుల భారీ ల‌క్ష్యంతో బ‌రిలోకి దిగిన 50 ఓవర్లలో 9 వికెట్ల నష్టానికి 312 పరుగులు మాత్రమే చేయగలిగింది. అయితే మిల్లర్ క్రీజులోకి వచ్చినప్పటికి ప్రోటీస్ స్కోర్ 167/4 గా ఉంది. అప్ప‌టికే మ్యాచ్ స‌ఫారీల చేజారిపోయింది. ఛాంపియన్స్ ట్రోఫీ ఫైనల్‌కు చేరుకోవడానికి ద‌క్షిణాఫ్రికా 128 బంతుల్లో 196 పరుగులు చేయాల్సి ఉండేది.ఈ స‌మ‌యంలో మిల్ల‌ర్ విధ్వంసం సృష్టించాడు. అప్పటివరకు అద్బుతం‍గా బౌలింగ్ చేస్తున్న కివీస్ బౌలర్లపై ఎదురుదాడికి దిగాడు. ఓవైపు క్రమం తప్పకుండా వికెట్ కోల్పోతున్నప్పటికి మిల్లర్ మాత్రం తన విధ్వంసాన్ని ఆపలేదు. వరుస క్రమంలో బౌండరీలు బాదుతూ ఆఖరి బంతికి తన 6వ వన్డే సెంచరీ మార్క్‌ను అందుకున్నాడు.మిల్లర్ తుపాన్ ఇన్నింగ్స్ ఫలితంగా సౌతాఫ్రికా భారీ ఓటమి నుంచి తప్పించుకుంది. మిల్లర్ 67 బంతుల్లో 10 ఫోర్లు, 4 సిక్సులతో 100 పరుగులు చేసి ఆజేయంగా నిలిచాడు. ఈ క్రమంలో మిల్లర్ ప‌లు అరుదైన రికార్డుల‌ను తన పేరిట లిఖించుకున్నాడు.సెహ్వాగ్ రికార్డు బద్దలు..👉ఐసీసీ ఛాంపియన్స్ ట్రోఫీ అత్యంత వేగవంతమైన సెంచరీ చేసిన ఆటగాడిగా మిల్లర్ ‍చరిత్ర సృష్టించాడు. ఇంత‌కుముందు ఈ రికార్డు భార‌త మాజీ ఓపెన‌ర్ వీరేంద్ర సెహ్వాగ్ పేరిట ఉండేది. 2002 ఛాంపియ‌న్స్ ట్రోఫీలో సెహ్వాగ్ ఇంగ్లండ్‌పై 77 బంతుల్లో సెంచ‌రీ సాధించాడు. తాజా మ్యాచ్‌లో కేవ‌లం 67 బంతుల్లోనే శ‌త‌క్కొట్టిన మిల్ల‌ర్‌..సెహ్వాగ్ ఆల్‌టైమ్ రికార్డును బ‌ద్ద‌లు కొట్టాడు.👉అదేవిధంగా ఐసీసీ వ‌న్డే నాకౌట్ మ్యాచ్‌ల్లో రెండు సెంచ‌రీలు సాధించిన తొలి సౌతాఫ్రికా ప్లేయ‌ర్‌గా మిల్ల‌ర్ రికార్డుల‌కెక్కాడు. 2023 ప్రపంచ కప్ సెమీ-ఫైనల్‌లో కోల్‌కతా వేదిక‌గా ఆస్ట్రేలియాపై మిల్ల‌ర్ మూడు అంకెల స్కోర్‌ను సాధించాడు.👉ఐసీసీ వన్డే టోర్నమెంట్ నాకౌట్ మ్యాచ్‌లలో సెంచరీ చేసిన రెండో అతి పెద్ద వయస్కుడిగా మిల్లర్ నిలిచాడు. మిల్లర్ 35 ఏళ్ల 268 రోజుల వయస్సులో ఈ ఫీట్ సాధించాడు. ఈ అరుదైన రికార్డు సాధించిన జాబితాలో ఆస్ట్రేలియా మాజీ కెప్టెన్ రికీ పాంటింగ్‌(36 సంవత్సరాల 95 రోజులు) అగ్రస్ధానంలో ఉన్నాడు.చదవండి: Temba Bavuma: ఆ న‌లుగురు వల్లే ఈ ఓట‌మి.. ​కానీ అతడు మాత్రం అద్బుతం

ఐసీసీ ఛాంపియ‌న్స్ ట్రోఫీ-2025లో భారత్ శుభారంభం చేసిన సంగతి తెలిసిందే. గురువారం దుబాయ్ వేదిక‌గా బంగ్లాదేశ్‌తో జ‌రిగిన మ్యాచ్‌లో 6 వికెట్ల తేడాతో టీమిండియా గెలుపొందింది. అయితే భారత్ విజయం సాధించినప్పటికి ఛేజింగ్‌లో మాత్రం కాస్త తడబడిందనే చెప్పాలి.ఎందకంటే 229 పరుగుల టార్గెట్‌ను చేధించేందుకు భారత్ ఏకంగా 46.3 ఓవర్ల సమయం తీసుకుంది. లక్ష్య చేధనలో భారత్ ఆరంభం నుంచే దూకుడుగా ఆడింది. రోహిత్ శర్మ ఔటైన తర్వాత భారత ఇన్నింగ్స్‌లో స్పీడ్ తగ్గింది. 30 ఓవర్లు ముగిసే సరికి 144/4 స్కోరుతో భారత్ ఇబ్బందుల్లో పడేలా కనిపించింది.కానీ శుబ్‌మన్ గిల్‌(101), కేఎల్ రాహుల్‌(41) ఆచితూచి ఆడుతూ భారత్‌ను విజయతీరాలకు చేర్చారు. తాజాగా ఈ స్లో రన్ ఛేజింగ్‌పై భారత మాజీ ఓపెనర్ వీరేంద్ర సెహ్వాగ్ ఆసక్తికర వ్యాఖ్యలు చేశాడు. టీమిండియా ఇంకాస్త ముందుగానే టార్గెట్‌ను చేధిస్తుందని భావించానని సెహ్వాగ్ అన్నాడు."బంగ్లాదేశ్‌తో జరిగిన మ్యాచ్‌లో భారత అభిమానులు టెన్షన్ పడి ఉంటారు నేను అనుకోను. ఎందుకంటే ప్రత్యర్ధిగా ఉన్నది బంగ్లాదేశ్‌. మీరు బంగ్లాను చాలా అద్భుతమైన జట్టుగా నాతో పొగిడించు కోవాలనుకుంటున్నారా? అలా జరగాలంటే వారు ఆట తీరులో మార్పు రావాలి.బంగ్లాదేశ్‌తో ఆడేటప్పుడే నేను భయపడలేదు, ఇప్పుడు ఇంకా ఏమి భయపడతాను. టెన్షన్ పడడానికి ప్ర‌త్య‌ర్ది ఏమైనా పాకిస్తానా..? ఆస్ట్రేలియానా? ఇది చాలా ఈజీ మ్యాచ్‌. దాదాపు నాలుగు ఓవర్లు మిగిలి ఉండగానే ల‌క్ష్యాన్ని చేధించారు. గిల్ అద్బుత‌మైన ఇన్నింగ్స్ ఆడాడు.తొలుత దూకుడుగా ఆడిన గిల్‌.. ఆ త‌ర్వాత కొంచెం నెమ్మ‌దిగా ఆడాడు. రోహిత్ శర్మ, విరాట్ కోహ్లి లేదా శ్రేయాస్ అయ్యర్ ఎక్కువసేపు క్రీజులో ఉండి ఉంటే, ఈ మ్యాచ్లో 35 ఓవ‌ర్ల‌లోనే ముగిసి ఉండేద‌ని" క్రిక్‌బ‌జ్‌కు ఇచ్చిన ఇంట‌ర్వ్యూలో సెహ్వాగ్ పేర్కొన్నాడు.

క్రికెట్‌ వర్గాల్లో ఎక్కడ చూసినా చాంపియన్స్‌ ట్రోఫీ-2025(ICC Champions Trophy) గురించే చర్చ. ఈ వన్డే ఫార్మాట్‌ టోర్నమెంట్‌ కోసం అభిమానులతో పాటు మాజీ క్రికెటర్లు కూడా ఆసక్తిగా ఎదురుచూస్తున్నారు. ఈ క్రమంలో ఈ మెగా ఈవెంట్లో సెమీ ఫైనలిస్టులు, ఫైనల్స్‌ చేరే జట్లు, విజేతపై తమ అంచనాలు తెలియజేస్తూ సందడి చేస్తున్నారు.సచిన్‌ టెండ్కులర్‌కు రెండో స్థానంఈ నేపథ్యంలో భారత మాజీ విధ్వంసకర ఓపెనర్‌ వీరేంద్ర సెహ్వాగ్‌(Virender Sehwag) వన్డే క్రికెట్‌లో టాప్‌-5 ఆల్‌టైమ్‌ గ్రేట్‌ బ్యాటర్లు వీరేనంటూ తన అభిప్రాయాలు పంచుకున్నాడు. ఇందులో తన సహచర ఓపెనర్‌, దిగ్గజ ఆటగాడు సచిన్‌ టెండ్కులర్‌(Sachin Tendulkar)కు వీరూ భాయ్‌ రెండో స్థానం ఇవ్వడం విశేషం. మరి ఆ మొదటి ప్లేయర్‌ ఎవరంటారా?!..అప్పుడే తొలిసారిగా చూశానుచాంపియన్స్‌ ట్రోఫీ తాజా ఎడిషన్‌ నేపథ్యంలో క్రిక్‌బజ్‌ షోలో మాట్లాడుతూ.. ‘‘నా ఆల్‌టైమ్‌ గ్రేటెస్ట్‌ వన్డే బ్యాటర్లలో క్రిస్‌ గేల్‌ ఐదో స్థానంలో ఉంటాడు. అతడు గొప్ప బ్యాటర్‌. గొప్ప ఓపెనర్‌ కూడా! 2002-03లో టీమిండియా వెస్టిండీస్‌కు వెళ్లింది. నాటి ఆరు మ్యాచ్‌ల సిరీస్‌లో గేల్‌ మూడు శతకాలు బాదాడు.అంతర్జాతీయ స్థాయిలో ఫాస్ట్‌ బౌలర్ల బౌలింగ్‌లో బ్యాక్‌ ఫుట్‌ షాట్లతో సిక్సర్లు బాదిన క్రికెటర్‌ను నేను అప్పుడే తొలిసారిగా చూశాను’’ అని సెహ్వాగ్‌ గేల్‌పై ప్రశంసలు కురిపించాడు. ఇక నాలుగో స్థానంలో సౌతాఫ్రికా దిగ్గజం ఏబీ డివిలియర్స్‌కు చోటిచ్చిన వీరూ భాయ్‌.. ‘‘డివిలియర్స్‌ బ్యాటింగ్‌ చేసే విధాననం నాకెంతో ఇష్టం. సిక్సర్లు కొట్టడంలో అతడిదొక ప్రత్యేక శైలి’’ అని పేర్కొన్నాడు.అతడిని చూసే నేర్చుకున్నాఅదే విధంగా.. పాకిస్తాన్‌ మాజీ స్టార్‌ ఇంజమామ్‌ ఉల్‌ హక్‌ గురించి ప్రస్తావిస్తూ.. ‘‘ఆసియాలోని అత్యుత్తమ వన్డే బ్యాటర్లలో ఇంజమామ్‌ ఒకడు. అతడు నాలుగో స్థానంలో బ్యాటింగ్‌కు వచ్చేవాడు. మ్యాచ్‌ను ఎలాగోలా తన ఆధీనంలోకి తెచ్చుకునేవాడు.చివరిదాకా ఇన్నింగ్స్‌ ఎలా కొనసాగించాలో నేను అతడిని చూసే నేర్చుకున్నా. ఓవర్‌కు ఏడు లేదంటే ఎనిమిది పరుగులు రాబట్టడం అప్పట్లో చాలా కష్టంతో కూడుకున్న పని. అయితే, ఇంజమామ్‌ మాత్రం మంచినీళ్లు తాగినంత సులువుగా ఇన్నింగ్స్‌ ఆడేవాడు. ఎవరి బౌలింగ్‌లో ఎప్పుడు సిక్సర్లు కొట్టాలన్న విషయంపై అతడికి స్పష్టమైన అవగాహన ఉండేది’’ అని సెహ్వాగ్‌ కొనియాడాడు.సింహంతో కలిసి వేటకు వెళ్తున్నట్లుఇక సచిన్‌ టెండుల్కర్‌ గురించి సెహ్వాగ్‌ మాట్లాడుతూ.. ‘‘ప్రతి ఒక్కరికి అభిమాన క్రికెటర్‌.. నాకు ఆదర్శమూర్తి అయిన సచిన్‌ టెండుల్కర్‌ గురించి చెప్పాలంటే.. ఆయనతో కలిసి బ్యాటింగ్‌కు వెళ్తుంటే... అడవిలో సింహంతో కలిసి వేటకు వెళ్తున్నట్లు ఉండేది.అప్పుడు ప్రతి ఒక్కరి కళ్లు ఆ సింహంపైనే ఉండేవి. నేను సైలెంట్‌గా నా పనిచేసుకుపోయేవాడిని’’ అని అభిమానం చాటుకున్నాడు. ఇక వన్డేల్లో అత్యుత్తమ బ్యాటర్లలో విరాట్‌ కోహ్లికి అగ్రస్థానం ఇచ్చిన సెహ్వాగ్‌.. ‘‘నంబర్‌ వన్‌ విరాట్‌ కోహ్లి. సరైన సమయంలో అద్బుతమైన ఇన్నింగ్స్‌ ఆడటం అతడికి వెన్నతో పెట్టిన విద్య.అతడొక ఛేజ్‌మాస్టర్‌. ఆరంభంలో ఉన్న కోహ్లికి.. ఇప్పటి కోహ్లికి చాలా తేడా ఉంది. రోజురోజుకు అతడు మరింత పరిణతి చెందుతున్నాడు. 2011-12 తర్వాత మాత్రం సూపర్‌స్టార్‌గా ఎదిగాడు. ఫిట్‌నెస్‌, ఆటలో నిలకడ.. ఈ రెండింటిలో తనకు తానే సాటి. అద్భుతమైన ఇన్నింగ్స్‌కు అతడు పెట్టింది పేరు’’అని రన్‌మెషీన్‌పై ప్రశంసల జల్లు కురిపించాడు.వీరేంద్ర సెహ్వాగ్‌ ఆల్‌టైమ్‌ బెస్ట్‌ టాప్‌-5 క్రికెటర్లు1. విరాట్‌ కోహ్లి(ఇండియా)2. సచిన్‌ టెండుల్కర్‌(ఇండియా)3. ఇంజమామ్‌ -ఉల్‌ -హక్‌(పాకిస్తాన్‌)4. ఏబీ డివిలియర్స్‌(సౌతాఫ్రికా)5. క్రిస్‌ గేల్‌(వెస్టిండీస్‌).చదవండి: బంగ్లాదేశ్‌తో మ్యాచ్‌కు భారత తుదిజట్టు ఇదే! రోహిత్‌ కోరుకుంటేనే అతడికి ఛాన్స్‌

టీమిండియా కెప్టెన్‌ రోహిత్‌ శర్మ(Rohit Sharma) చరిత్ర సృష్టించాడు. భారత్‌ తరఫున అత్యధిక పరుగులు చేసిన రెండో ఓపెనర్‌గా రికార్డులకెక్కాడు. ఈ క్రమంలో భారత బ్యాటింగ్‌ దిగ్గజం సచిన్‌ టెండుల్కర్‌(Sachin Tendulkar)ను అధిగమించాడు. ఇంగ్లండ్‌తో రెండో వన్డే(India vs England) సందర్భంగా ఈ ఘనత సాధించాడు. అదే విధంగా.. ఈ మ్యాచ్‌లో శతక్కొట్టడం ద్వారా మరిన్ని రికార్డులను హిట్‌మ్యాన్‌ తన ఖాతాలో వేసుకున్నాడు.అద్భుత ఇన్నింగ్స్‌కాగా రోహిత్‌ శర్మ గత కొంతకాలంగా పేలవ ఫామ్‌తో విమర్శలు మూటగట్టుకుంటున్న విషయం తెలిసిందే. ముఖ్యంగా టెస్టుల్లో కెప్టెన్‌గా, బ్యాటర్‌గా దారుణంగా విఫలమైన అతడు రిటైర్‌ అయిపోవాలంటూ డిమాండ్లు వెల్లువెత్తాయి. అయితే, ఇంగ్లండ్‌తో కటక్‌ వన్డేలో తనదైన శైలిలో విధ్వంసకర బ్యాటింగ్‌తో విరుచుకుపడి.. విమర్శించినవాళ్లే ప్రశంసించేలా రోహిత్‌ అద్భుత ఇన్నింగ్స్‌ ఆడాడు.వన్డే కెరీర్‌లోనే రెండో ఫాస్టెస్ట్‌ సెంచరీబరాబతి స్టేడియంలో లక్ష్య ఛేదనలో ఆరంభం నుంచే దూకుడుగా ఆడాడు రోహిత్‌ శర్మ. ఫ్లడ్‌లైట్ల సమస్య కారణంగా కాసేపు అవాంతరాలు ఎదురైనా.. అతడి ఏకాగ్రత చెదరలేదు. ఒంటిమీదకు బాణాల్లా దూసుకువస్తున్న ఇంగ్లండ్‌ ఫాస్ట్‌బౌలర్ల బంతులను సమర్థవంతంగా ఎదుర్కొన్న రోహిత్‌ శర్మ తన వన్డే కెరీర్‌లోనే రెండో ఫాస్టెస్ట్‌ సెంచరీని నమోదు చేశాడు.డెబ్బై ఆరు బంతుల్లోనే శతకం పూర్తి చేసుకున్న రోహిత్‌ శర్మ ఇన్నింగ్స్‌లో ఏకంగా పన్నెండు ఫోర్లు, ఏడు సిక్సర్లు ఉన్నాయి. అయితే, లియామ్‌ లివింగ్‌స్టోన్‌ బౌలింగ్‌లో ఆదిల్‌ రషీద్‌కు క్యాచ్‌ ఇవ్వడంతో హిట్‌మ్యాన్‌ ధనాధన్‌ ఇన్నింగ్స్‌కు తెరపడింది.ఇక ఈ మ్యాచ్‌ సందర్భంగా రోహిత్‌ శర్మ అంతర్జాతీయ క్రికెట్‌లో టీమిండియా తరఫున అత్యధిక పరుగులు చేసిన రెండో ఓపెనర్‌గా నిలిచాడు. మూడు ఫార్మాట్లలో కలిపి ఓపెనర్‌గా రోహిత్‌ శర్మ ఇప్పటి వరకు 15404 పరుగులు చేశాడు. తద్వారా సచిన్‌ టెండుల్కర్‌ను అధిగమించాడు.కాగా ఓపెనర్‌గా సచిన్‌ టెండుల్కర్‌ 15335 పరుగులు చేశాడు. మరోవైపు.. ఈ జాబితాలో విధ్వంసకర మాజీ ఓపెనర్‌ వీరేంద్ర సెహ్వాగ్‌ 15758 పరుగులతో అగ్రస్థానంలో కొనసాగుతున్నాడు. అతడి తర్వాతి స్థానంలోకి ఇప్పుడు రోహిత్‌ దూసుకువచ్చాడు. కాగా 2007లో అరంగేట్రం చేసిన రోహిత్‌.. 2013లో ఓపెనర్‌గా ప్రమోట్‌ అయ్యాడు.ద్రవిడ్‌ను అధిగమించివన్డేల్లో అత్యధిక పరుగులు చేసిన భారత క్రికెటర్ల జాబితాలో రోహిత్‌ శర్మ (267 వన్డేల్లో 10,987 పరుగులు) నాలుగో స్థానానికి ఎగబాకాడు. ఇప్పటి వరకు నాలుగో స్థానంలో ఉన్న రాహుల్‌ ద్రవిడ్‌ (344 వన్డేల్లో 10,889 పరుగులు) ఐదో స్థానానికి చేరాడు. టాప్‌–3లో సచిన్‌ టెండూల్కర్‌ (463 వన్డేల్లో 18,246 పరుగులు), విరాట్‌ కోహ్లి (296 వన్డేల్లో 13,911 పరుగులు), సౌరవ్‌ గంగూలీ (311 వన్డేల్లో 11,363 పరుగులు) ఉన్నారు.32వ శతకంవన్డేల్లో రోహిత్‌ శర్మ సెంచరీలు 32. తద్వారా అత్యధిక సెంచరీలు చేసిన క్రికెటర్ల జాబితాలో రోహిత్‌ మూడో స్థానంలో ఉన్నాడు. టాప్‌–2లో విరాట్‌ కోహ్లి (50), సచిన్‌ టెండూల్కర్‌ (49) ఉన్నారు.ఇక ఈ మ్యాచ్‌ విషయానికొస్తే.. కటక్‌లో ఆదివారం జరిగిన రెండో వన్డేలో ఇంగ్లండ్‌ టాస్‌ గెలిచి తొలుత బ్యాటింగ్‌ చేసింది. 49.5 ఓవర్లలో 304 పరుగులకు బట్లర్‌ బృందం ఆలౌట్‌ అయింది. అనంతరం లక్ష్య ఛేదనకు దిగిన రోహిత్‌ సేన 44.3 ఓవర్లలోనే పనిపూర్తి చేసింది. ఆరు వికెట్ల నష్టానికి 308 పరుగులు చేసిన భారత్‌.. నాలుగు వికెట్ల తేడాతో గెలిచింది. తద్వారా మరో మ్యాచ్‌ మిగిలి ఉండగానే వన్డే సిరీస్‌ను 2-0తో కైవసం చేసుకుంది. భారత్‌- ఇంగ్లండ్‌ మధ్య నామమాత్రపు మూడో వన్డే అహ్మదాబాద్‌ వేదికగా బుధవారం జరుగుతుంది.చదవండి: జట్టు కోసం కొన్ని పరుగులు చేశా.. అతడొక క్లాసీ ప్లేయర్‌: రోహిత్‌ శర్మ

ఐసీసీ చాంపియన్స్‌ ట్రోఫీ-2025 నేపథ్యంలో టీమిండియా మాజీ ఓపెనర్‌ వీరేంద్ర సెహ్వాగ్‌(Virender Sehwag) ఆసక్తికర వ్యాఖ్యలు చేశాడు. ఈ వన్డే ఫార్మాట్‌ టోర్నీలో భారత జట్టు కెప్టెన్‌ రోహిత్‌ శర్మకు ఓపెనింగ్‌ జోడీగా ఓ ‘అన్‌క్యాప్డ్‌’ ప్లేయర్‌ను పంపించాలని సూచించాడు. తద్వారా శుబ్‌మన్‌ గిల్‌పై వేటు వేయాలని పరోక్షంగా సెలక్టర్లకు సలహా ఇచ్చాడు.దుబాయ్‌ వేదికగాపాకిస్తాన్‌ వేదికగా ఫిబ్రవరి 19 నుంచి చాంపియన్స్‌ ట్రోఫీ(ICC Champions Trophy) మొదలుకానుంది. అయితే, భద్రతా కారణాల దృష్ట్యా టీమిండియాను అక్కడికి పంపేందుకు భారత క్రికెట్‌ నియంత్రణ మండలి(బీసీసీఐ) నిరాకరించిన విషయం తెలిసిందే. ఈ నేపథ్యంలో తటస్థ వేదికైన దుబాయ్‌(Dubai)లో భారత జట్టు తమ మ్యాచ్‌లు ఆడనుంది.ఈ క్రమంలో ఈ మెగా ఈవెంట్‌లో టీమిండియా ఫిబ్రవరి 20న తమ తొలి మ్యాచ్‌లో బంగ్లాదేశ్‌తో తలపడనుంది. ఇదిలా ఉంటే.. చాంపియన్స్‌ ట్రోఫీకి జట్టును ప్రకటించేందుకు ఐసీసీ జనవరి 13 డెడ్‌లైన్‌ విధించగా.. బీసీసీఐ మాత్రం మినహాయింపు కోరింది. జనవరి 17 నాటికి తమ జట్టును ప్రకటిస్తామని పేర్కొన్నప్పటికీ.. ఇంత వరకు ఆ వివరాలు వెల్లడించలేదు.అతడిని సెలక్ట్‌ చేయండిఈ నేపథ్యంలో వీరేంద్ర సెహ్వాగ్‌ హిందుస్తాన్‌ టైమ్స్‌తో ఈ విషయం గురించి మాట్లాడాడు. ‘‘సెలక్టర్లకు నాదో సలహా. యశస్వి జైస్వాల్‌ను 50 ఓవర్ల ఫార్మాట్లో కూడా ఆడించండి. అంతర్జాతీయ టీ20, వన్డేల్లో అతడు బ్యాటింగ్‌ చేసే విధానం అద్బుతం. వన్డే ఫార్మాట్‌కు కూడా అతడు సరిగ్గా సరిపోతాడు. కచ్చితంగా అతడిని టీమిండియా వన్డే జట్టులోకి తీసుకోవాలి’’ అని వీరూ భాయ్‌ పేర్కొన్నాడు.పంత్‌ వద్దు: భజ్జీమరోవైపు.. టీమిండియా మాజీ ఆఫ్‌ స్పిన్నర్‌ హర్భజన్‌ సింగ్‌ కూడా చాంపియన్స్‌ ట్రోఫీ ఆడే భారత జట్టుపై తన అభిప్రాయాలు పంచుకున్నాడు. వికెట్‌ కీపర్‌ బ్యాటర్‌గా తన మొదటి ఓటు సంజూ శాంసన్‌కే వేస్తానని కుండబద్దలు కొట్టాడు. కాగా ఓపెనింగ్‌ జోడీగా సెహ్వాగ్‌ రోహిత్‌- జైస్వాల్‌ల పేర్లను సూచించగా.. భజ్జీ రిషభ్‌ పంత్‌ను కాదని సంజూ శాంసన్‌కే మొదటి ప్రాధాన్యం ఇవ్వాలని సూచించడం విశేషం.కాగా ముంబై బ్యాటర్‌ యశస్వి జైస్వాల్‌ టెస్టు, టీ20లలో టీమిండియా ఓపెనర్‌గా పాతుకుపోయాడు. అరంగేట్రంలోనే టెస్టుల్లో భారీ శతకం(171)తో మెరిసిన జైసూ ఖాతాలో రెండు డబుల్‌ సెంచరీలు కూడా ఉన్నాయి.ఇక ఇప్పటి వరకు ఓవరాల్‌గా భారత్‌ తరఫున 19 టెస్టులు, 23 టీ20 మ్యాచ్‌లు ఆడిన ఈ ఎడమచేతి వాటం బ్యాటర్‌.. ఆయా ఫార్మాట్లలో 1798, 723 పరుగులు చేశాడు. అయితే, జైస్వాల్‌కు ఇంత వరకు వన్డేల్లో ఆడే అవకాశం మాత్రం రాలేదు. రోహిత్‌ శర్మతో కలిసి శుబ్‌మన్‌ గిల్‌ యాభై ఓవర్ల ఫార్మాట్లో ఓపెనర్‌గా బరిలోకి దిగుతున్నాడు.జైసూ భేష్‌అయితే, ఇటీవలి కాలంలో గిల్‌ పెద్దగా ఆకట్టుకోలేకపోతున్నాడు. ఈ నేపథ్యంలో వీరేంద్ర సెహ్వాగ్‌ యశస్వి జైస్వాల్‌ పేరు చెప్పడం గమనార్హం. కాగా లిస్ట్‌-‘ఎ’ క్రికెట్‌లో జైసూ గణాంకాలు మెరుగ్గానే ఉన్నాయి. కేవలం 32 మ్యాచ్‌లలోనే అతడు ఐదు సెంచరీలు, ఏడు అర్ధ శతకాలు, ఓ డబుల్‌ సెంచరీ సాయంతో 1511 పరుగులు సాధించాడు. చదవండి: ILT20 2025: చరిత్రపుటల్లోకెక్కిన పోలార్డ్‌

క్రికెటర్‌ కావాలనే కలను నెరవేర్చుకునే క్రమంలో తాను చేసిన పనుల గురించి శిఖర్‌ ధావన్‌(Shikhar Dhawan) తాజాగా వెల్లడించాడు. పిచ్‌ను రోల్‌ చేయడం సహా కోచ్‌లకు ‘టీ’లు అందించడం వరకు అన్నీ తానే చేసేవాడినని తెలిపాడు. పది నిమిషాల పాటు బ్యాటింగ్‌ చేసేందుకు రోజంతా ఎండలో నిలబడేవాడినని గుర్తు చేసుకున్నాడు.కాగా ఢిల్లీకి చెందిన శిఖర్‌ ధావన్‌ ఎడమచేతి వాటం బ్యాటర్‌. అండర్‌-19 వరల్డ్‌కప్‌-2004లో సత్తా చాటడం ద్వారా వెలుగులోకి వచ్చాడు. నాటి టోర్నీలో మూడు శతకాల సాయంతో 505 పరుగులు చేసి సత్తా చాటాడు. అయినప్పటికీ టీమిండియాలోకి రావడానికి ధావన్‌ చాలా రోజుల పాటు ఎదురుచూడాల్సి వచ్చింది.ఢిల్లీ తరఫున ఓపెనర్‌గావీరేంద్ర సెహ్వాగ్‌, గౌతం గంభీర్‌లతో కలిసి ఢిల్లీ తరఫున ఓపెనర్‌గా బరిలోకి దిగిన ధావన్‌.. ఎట్టకేలకు 2010లో అంతర్జాతీయ క్రికెట్‌లో అడుగుపెట్టాడు. టీమిండియా తరఫున మొత్తంగా 167 వన్డేలు ఆడి 6793 పరుగులు చేసిన గబ్బర్‌.. 68 టీ20లలో 1759 పరుగులు సాధించాడు. ఇక టెస్టు ఫార్మాట్‌లో 34 మ్యాచ్‌లు ఆడి 2315 రన్స్‌ చేశాడు. 2022లో చివరగా భారత్‌కు ప్రాతినిథ్యం వహించిన శిఖర్‌ ధావన్‌కు.. ఆ తర్వాత అవకాశాలు కరువయ్యాయి.టీమిండియాలో చోటు కరువుశుబ్‌మన్‌ గిల్‌, ఇషాన్‌ కిషన్‌, యశస్వి జైస్వాల్‌ తదితర యువ బ్యాటర్లు ఓపెనర్లుగా టీమిండియాలో స్థానం సుస్థిరం చేసుకోవడంతో ధావన్‌కు మొండిచెయ్యి ఎదురైంది. ఈ నేపథ్యంలో గతేడాది ఆగష్టులో అతడు రిటైర్మెంట్‌ ప్రకటించాడు. తాను అన్ని ఫార్మాట్ల నుంచి తప్పుకొంటున్నట్లు తెలిపాడు. ఇండియన్‌ ప్రీమియర్‌ లీగ్‌(ఐపీఎల్‌)కు కూడా గుడ్‌బై చెప్పాడు.ఇక ప్రస్తుతం లెజెండ్స్‌ లీగ్‌, నేపాల్‌ ప్రీమియర్‌ లీగ్‌ వంటి టోర్నీలలో పాల్గొంటున్న శిఖర్‌ ధావన్‌ తాజాగా చిన్నారులతో ముచ్చటించాడు. శిఖర్‌ ధావన్‌ ఫౌండేషన్‌ కార్యక్రమంలో పాల్గొన్న సందర్భంగా ఓ పిల్లాడు.. ‘‘మీ క్రికెట్‌ ప్రయాణం ఎలా మొదలైంది’’ అని అడిగాడు.కోచ్‌లకు ‘టీ’ అందించేవాడినిఇందుకు బదులిస్తూ.. ‘‘చిన్నతనంలో క్లబ్‌ క్రికెట్‌ ఆడేవాడిని. అక్కడ దాదాపు ఏడాది పాటు సాధన చేశాను. ఆ మరుసటి ఏడాది నాకు టోర్నమెంట్లో ఆడే అవకాశం వచ్చింది. అయితే, ఖాళీగా ఉన్న ఆ ఏడాదిలో నేను ఎన్నెన్నో చిత్రమైన పనులు చేశాను.పిచ్‌ను రోల్‌ చేయడం, కోచ్‌ల కోసం టీ తీసుకురావడం.. పది నిమిషాల పాటు బ్యాటింగ్‌ చేసేందుకు గంటల పాటు ఎండలో నిల్చోవడం.. ఇలాంటివి చాలానే చేశాను’’ అని శిఖర్‌ ధావన్‌ చిన్ననాటి జ్ఞాపకాలు గుర్తు చేసుకున్నాడు.కుమారుడికి దూరంగా.. కాగా శిఖర్‌ ధావన్‌ వ్యక్తిగత జీవితం విషయానికొస్తే.. ఆయేషా ముఖర్జీ అనే ఆస్ట్రేలియా మహిళను అతడు 2012లో పెళ్లాడాడు. అప్పటికే ఆమెకు ఇద్దరు కుమార్తెలు ఉండగా.. ధావన్‌తో కలిసి జోరావర్‌కు జన్మనిచ్చింది. అయితే, ఎంతో అన్యోన్యంగా ఉండే ఆయేషా- శిఖర్‌ ధావన్‌ ‌రెండేళ్ల క్రితం విడాకులు తీసుకున్నారు. ఇక కుమారుడు జొరావర్‌ను ఆయేషా తనతో పాటు ఆస్ట్రేలియాకు తీసుకువెళ్లగా.. ధావన్‌ తన గారాలపట్టిని మిస్సవుతున్నట్లు చాలాసార్లు సోషల్‌ మీడియా పోస్టుల ద్వారా తెలిపాడు. ధావన్‌ తన తల్లిదండ్రులతో కలిసి ఢిల్లీలో ఉంటున్నట్లు సమాచారం.చదవండి: ఇలాంటి కెప్టెన్‌ను ఎప్పుడూ చూడలేదు: రోహిత్‌ శర్మపై టీమిండియా స్టార్‌ కామెంట్స్‌

ఆస్ట్రేలియా యువ ఓపెనర్‌ సామ్‌ కొన్‌స్టాస్‌(Sam Konstas)పై టీమిండియా మాజీ హెడ్‌కోచ్‌, కామెంటేటర్‌ రవిశాస్త్రి ప్రశంసలు కురిపించాడు. పందొమ్మిదేళ్ల ఈ యువ సంచలనం అద్భుత ఆట తీరుతో తనకు వీరేంద్ర సెహ్వాగ్‌(Virender Sehwag)ను గుర్తుచేశాడని పేర్కొన్నాడు. ప్రపంచంలోనే అత్యుత్తమ బౌలర్లలో ఒకడైన జస్‌ప్రీత్‌ బుమ్రా(Jasprit Bumrah) బౌలింగ్‌లోనూ చితక్కొట్టిన ఇలాంటి బ్యాటర్‌ను తాను చూడలేదంటూ కొన్‌స్టాస్‌ను రవిశాస్త్రి ఆకాశానికెత్తాడు.మెస్వీనీ స్థానంలోబోర్డర్‌- గావస్కర్‌ ట్రోఫీ(Border- Gavaskar Trophy)లో భాగంగా ఆస్ట్రేలియా సొంతగడ్డపై భారత్‌తో ఐదు టెస్టులు ఆడుతోంది. పెర్త్‌లో జరిగిన మొదటి మ్యాచ్‌ సందర్భంగా నాథన్‌ మెక్‌స్వీనీ ఆసీస్‌ తరఫున అరంగేట్రం చేయగా.. అడిలైడ్‌, బ్రిస్బేన్‌ టెస్టుల తర్వాత అతడిపై వేటు పడింది. వరుస ఇన్నింగ్స్‌లో విఫలమైన మెక్‌స్వీనీ స్థానంలో క్రికెట్‌ ఆస్ట్రేలియా సామ్‌ కొన్‌స్టాస్‌కు పిలుపునిచ్చింది.ఊహించని రీతిలో దంచికొట్టాడుఈ క్రమంలో మెల్‌బోర్న్‌లో గురువారం మొదలైన బాక్సింగ్‌ డే టెస్టు సందర్భంగా పందొమ్మిదేళ్ల ఈ కుర్రాడు అంతర్జాతీయ క్రికెట్‌లో అడుగుపెట్టాడు. ఆరంభంలో భారత బౌలర్లకు ఎదుర్కొనేందుకు కాస్త సమయం తీసుకున్న ఈ కుడిచేతి వాటం బ్యాటర్‌.. ఆ తర్వాత ఊహించని రీతిలో దంచికొట్టాడు.బుమ్రాకే చుక్కలు చూపించాడుముఖ్యంగా బుమ్రాను కొన్‌స్టాస్‌ ఎదుర్కొన్న తీరు విశ్లేషకులను సైతం ఆశ్చర్యపరిచింది. 2021 సిడ్నీ టెస్టులో చివరిసారిగా బుమ్రా బౌలింగ్‌లో ఆసీస్‌ ఆల్‌రౌండర్‌ కామెరూన్‌ గ్రీన్‌ సిక్స్‌ కొట్టగా... మూడేళ్ల తర్వాత మెల్‌బోర్న్‌ టెస్టులో మళ్లీ కొన్‌స్టాస్‌ రివర్స్‌ స్కూప్‌ ద్వారా సిక్స్‌ బాదాడు. తద్వారా తన బ్యాటింగ్‌ పవరేంటో చూపించాడు. మొత్తంగా 65 బంతులు ఎదుర్కొని ఆరు ఫోర్లు, రెండు సిక్స్‌ల సాయంతో 60 పరుగులు సాధించాడు.ఈ నేపథ్యంలో రవిశాస్త్రి సామ్‌ కొన్‌స్టాస్‌ ఆట తీరును తనదైన శైలిలో విశ్లేషించాడు. ‘‘కేవలం టెస్టులే కాదు.. వన్డే, టీ20లలోనూ బుమ్రాను ఇలా ట్రీట్‌ చేసిన బ్యాటర్‌ను చూడలేదు. విధ్వంసకర షాట్లు ఆడటంలో అతడు తన స్వాగ్‌ను చూపించాడు. క్రికెట్‌ నిబంధనలనే మార్చేసేలా అతడి ఆట ఉందనడం అతిశయోక్తి కాదు.వీరేంద్ర సెహ్వాగ్‌ గుర్తుకు వచ్చాడుఒకానొక సమయంలో కొన్‌స్టాస్‌ను కట్టడి చేసేందుకు తమ వద్ద ప్రణాళికలు లేక టీమిండియా బిక్క ముఖం వేసినట్లు కనిపించింది. ఆరంభంలో అతడు రెండు షాట్లు మిస్‌ చేసినపుడు కనిపించిన ఆనందం.. కాసేపట్లోనే ఆవిరైంది. అతడు హిట్టింగ్‌ మొదలుపెట్టగానే నాకు వీరేంద్ర సెహ్వాగ్‌ జ్ఞప్తికి వచ్చాడు.క్రీజులో కుదురుకున్నాక వీరూ ఎంతగా వినోదం పంచుతాడో.. కొన్‌స్టాస్‌ కూడా అలాగే చేశాడు. ఆసీస్‌ జట్టులో కొన్‌స్టాస్‌ గనుక తన స్థానం సుస్థిరం చేసుకుంటే భవిష్యత్తులో అతడికి తిరుగు ఉండదు’’ అని కొన్‌స్టాస్‌పై రవిశాస్త్రి ప్రశంసల జల్లు కురిపించాడు. కాగా భారత లెఫ్టార్మ్‌ స్పిన్నర్‌ రవీంద్ర జడేజా బౌలింగ్‌లో కొన్‌స్టాస్‌ లెగ్‌ బిఫోర్‌ వికెట్‌గా వెనుదిరిగిన విషయం తెలిసిందే.చదవండి: విశ్రాంతి కాదు.. నిర్దాక్షిణ్యంగా అతడిపై వేటు వేయండి.. అప్పుడైనా..: టీమిండియా దిగ్గజంWHAT ARE WE SEEING! Sam Konstas just whipped Jasprit Bumrah for six 😱#AUSvIND | #PlayOfTheDay | @nrmainsurance pic.twitter.com/ZuNdtCncLO— cricket.com.au (@cricketcomau) December 26, 2024

టీమిండియా దిగ్గజ క్రికెటర్‌ వీరేంద్ర సెహ్వాగ్‌ ఉద్వేగానికి లోనయ్యాడు. తమ పాఠశాలలో విద్యనభ్యసిస్తున్న రాహుల్‌ సోరెంగ్‌ విజయ్‌ మర్చంట్‌ ట్రోఫీ ఆడే జట్టుకు ఎంపిక కావడం గర్వంగా ఉందన్నాడు. కాగా రాహుల్‌ మరెవరో కాదు.. పుల్వామా ఘటనలో నింగికేగిన అమర వీరుడు విజయ్‌ సోరెంగ్‌ కుమారుడు.నాడు శోక సంద్రంలోకాగా కశ్మీర్‌లో 2019లో జరిగిన ఉగ్రదాడిలో నలభై మందికి పైగా భద్రతా బలగాల జవాన్లు అమరులైన విషయం తెలిసిందే. దేశం మొత్తాన్ని శోక సంద్రంలో ముంచిన ఈ ఘటన నేపథ్యంలో వీరూ భాయ్‌ నాడు తీవ్ర ఆవేదన వ్యక్తం చేశాడు. అదే సమయంలో గొప్ప మనసు కూడా చాటుకున్నాడు.అమర వీరుల పిల్లలకు హర్యానాలోని సెహ్వాగ్‌ ఇంటర్నేషనల్‌ స్కూల్‌లో ఉచితంగా విద్యనందిస్తామని వాగ్దానం చేశాడు. దేశం ​కోసం ప్రాణాలు అర్పించిన సైనికులకు తమకు చేతనైంత మేర రుణం తీర్చుకుంటామని పేర్కొన్నాడు. పిల్లలను ప్రయోజకులు చేయడంలో తమ వంతు పాత్ర పోషిస్తామని తెలిపాడు. ఆ హామీని వీరూ భాయ్‌ నిలబెట్టుకున్నాడు కూడా!సెహ్వాగ్‌ భావోద్వేగంఇప్పుడు అందుకు తగ్గ ప్రతిఫలం లభించింది. సెహ్వాగ్‌ స్కూళ్లో చదువుతూనే.. క్రికెట్‌లోనూ శిక్షణ తీసుకుంటున్న రాహుల్‌ సోరెంగ్‌.. హర్యానా అండర్‌-16 జట్టుకు ఎంపికయ్యాడు. ఈ నేపథ్యంలో హర్షం వ్యక్తం చేసిన వీరేంద్ర సెహ్వాగ్‌.. ‘‘రాహుల్‌ సోరెంగ్‌. ఈ పేరును గుర్తు పెట్టుకోండి.నా జీవితంలోని అత్యంత సంతోషకరమైన క్షణాల్లో ఇదీ ఒకటి. పుల్వామా దాడి వంటి విషాదకర ఘటన తర్వాత.. అమరుల పిల్లలకు సెహ్వాగ్‌ ఇంటర్నేషనల్‌ స్కూళ్లో ఉచిత విద్య, ఆవాసం కల్పిస్తానని మాట ఇచ్చాను.పుల్వామా అమరవీరుడు విజయ్‌ సోరెంగ్‌ గారి కుమారుడు రాహుల్‌ సోరెంగ్‌ 2019లో సెహ్వాగ్‌ ఇంటర్నేషనల్‌ స్కూల్‌లో చేరాడు. నాలుగేళ్లుగామ మాతో ప్రయాణం సాగిస్తున్న రాహుల్‌.. విజయ్‌ మర్చంట్‌ ట్రోఫీ అండర్‌-16 హర్యానా జట్టుకు ఎంపికయ్యాడు. కొన్ని విషయాలు మనసును రంజింపజేస్తాయి. మన జవాన్లకు ధన్యవాదాలు’’ అని సెహ్వాగ్‌ ఎక్స్‌ వేదికగా తన మనసులోని భావాలు పంచుకున్నాడు. చదవండి: D Gukesh: ప్రైజ్‌మనీలో టాక్స్‌ మినహాయింపు ఇవ్వండి: లేఖ రాసిన ఎంపీRemember the Name- Rahul Soreng. This is one of the happiest feelings in life. After the tragic Pulwama attack, had made an appeal to offer free education to children of our martyr’s study and stay in my @sehwagschool . I feel so privileged that Rahul Soreng , son of Pulwama… https://t.co/gKvrcyy767 pic.twitter.com/L0Qlc1hh3j— Virender Sehwag (@virendersehwag) December 18, 2024

టీమిండియా యువ ఆల్‌రౌండర్‌ నితీశ్‌ కుమార్‌ రెడ్డి భారత మాజీ డాషింగ్‌ ఓపెనర్‌ వీరేంద్ర సెహ్వాగ్‌ పేరిట ఉండిన ఓ లాంగ్‌ స్టాండింగ్‌ రికార్డును బద్దలు కొట్టాడు. ఆస్ట్రేలియాపై ఓ టెస్ట్‌ సిరీస్‌లో అ‍త్యధిక సిక్సర్లు బాదిన రికార్డు (భారత్‌ తరఫున) గతంలో సెహ్వాగ్‌ పేరిట ఉండేది. 2003 పర్యటనలో సెహ్వాగ్‌ ఆస్ట్రేలియాపై 6 సిక్సర్లు బాదాడు. ప్రస్తుతం ఆస్ట్రేలియాతో జరుగుతున్న సిరీస్‌లో నితీశ్‌ కుమార్‌ రెడ్డి సెహ్వాగ్‌ రికార్డును బద్దలు కొట్టాడు. ఈ సిరీస్‌లో నితీశ్‌ ఇప్పటికే 7 సిక్సర్లు బాదాడు. ఈ సిరీస్‌లో ఇంకా మూడు టెస్ట్‌ మ్యాచ్‌లు మిగిలి ఉన్నాయి. నితీశ్‌ ఈ సిరీస్‌లో మరిన్ని సిక్సర్లు బాదే అవకాశం ఉంది. ఆస్ట్రేలియాతో జరిగిన ఓ టెస్ట్‌ సిరీస్‌లో అత్యధిక సిక్సర్లు బాదిన భారత బ్యాటర్లు..నితీశ్‌ కుమార్‌ రెడ్డి-7 (2024)వీరేంద్ర సెహ్వాగ్‌-6 (2003)మురళీ విజయ్‌-6 (2014)సచిన్‌ టెండూల్కర్‌-5 (2007)రోహిత్‌ శర్మ-5 (2014)మయాంక్‌ అగర్వాల్‌-5 (2018)రిషబ్‌ పంత్‌-5 (2018)ఇదిలా ఉంటే, అడిలైడ్‌ వేదికగా ఆస్ట్రేలియాతో జరిగిన రెండో టెస్ట్‌లో టీమిండియా 10 వికెట్ల తేడాతో ఘోర పరాజయం ఎదుర్కొంది. ఈ మ్యాచ్‌లో తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 180 పరుగులకే ఆలౌటైంది. భారత ఇన్నింగ్స్‌లో నితీశ్‌ రెడ్డి (42) టాప్‌ స్కోరర్‌గా నిలిచాడు. ఈ ఇన్నింగ్స్‌లో మిచెల్‌ స్టార్క్‌ (6/48) టీమిండియాను దెబ్బకొట్టాడు.అనంతరం తొలి ఇన్నింగ్స్‌ ప్రారంభించిన ఆసీస్‌.. ట్రవిస్‌ హెడ్‌ (140) శతక్కొట్టడంతో 337 పరుగులు చేసి ఆలౌటైంది. భారత బౌలర్లలో సిరాజ్‌, బుమ్రా తలో నాలుగు వికెట్లు పడగొట్టారు.157 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన భారత్‌.. మరోసారి ఘోరంగా విఫలమైంది. కమిన్స్‌ (5/57) ధాటికి భారత్‌ 175 పరుగులకే కుప్పకూలింది. టీమిండియా సెకెండ్‌ ఇన్నింగ్స్‌లోనూ నితీశ్‌ కుమార్‌ రెడ్డే (42) టాప్‌ స్కోరర్‌గా నిలిచాడు.19 పరుగుల స్వల్ప లక్ష్యాన్ని ఛేదించేందుకు బరిలోకి దిగిన ఆసీస్‌ 3.2 ఓవర్లలో వికెట్‌ నష్ట పోకుండా విజయతీరాలకు చేరింది. ఈ గెలుపుతో ఐదు టెస్ట్‌ మ్యాచ్‌ల సిరీస్‌లో ఆసీస్‌ 1-1తో సమంగా నిలిచింది. పెర్త్‌ వేదికగా జరిగిన తొలి టెస్ట్‌లో భారత్‌ 295 పరుగుల భారీ తేడాతో గెలుపొందిన విషయం తెలిసిందే.

టీమిండియా మాజీ ఓపెనర్‌ వీరేంద్ర సెహ్వాగ్‌ తనయుడు ఆర్యవీర్‌ సెహ్వాగ్‌ తృటిలో ట్రిపుల్‌ సెంచరీ చేసే సువర్ణావకాశాన్ని చేజార్చుకున్నాడు. బీసీసీఐ ఆథ్వర్యంలో నడిచే కూచ్‌ బెహర్‌ అండర్‌-19 క్రికెట్‌ టోర్నీలో ఢిల్లీ జట్టుకు ప్రాతినిథ్యం వహిస్తున్న ఆర్యవీర్‌ 309 బంతుల్లో 51 ఫోర్లు, 3 సిక్సర్ల సాయంతో 297 పరుగులు చేసి ఔటయ్యాడు. ఆర్యవీర్‌ మేఘాలయతో జరుగుతున్న మ్యాచ్‌లో ఈ స్కోర్‌ చేశాడు. ఆర్యవీర్‌ ఔట్‌ కాగానే ఢిల్లీ తమ ఇన్నింగ్స్‌ను డిక్లేర్‌ (623/5) చేసింది. రెండో రోజు ఆట ముగిసే సమయానికి 98 పరుగుల వద్ద ఉండిన ధన్య నక్రా ఈ రోజు సెంచరీ పూర్తి చేసుకున్నాడు. నక్రా 122 బంతుల్లో 18 ఫోర్లు, 3 సిక్సర్ల సాయంతో 130 పరుగులు చేసి ఔటయ్యాడు. ఢిల్లీ ఇన్నింగ్స్‌లో ఓపెనర్‌ అర్నవ్‌ బుగ్రా (114) కూడా సెంచరీతో చెలరేగాడు. మూడో రోజు లంచ్‌ సమయానికి మేఘాలయ రెండు వికెట్ల నష్టానికి 74 పరుగులు చేసి సెకెండ్‌ ఇన్నింగ్స్‌ను కొనసాగిస్తుంది. మంధన్‌ (32), నర్లెంగ్‌ (11) క్రీజ్‌లో ఉన్నారు. ఢిల్లీ తొలి ఇన్నింగ్స్‌ స్కోర్‌కు మేఘాలయ ఇంకా 293 పరుగులు వెనుకపడి ఉంది. అంతకుముందు మేఘాలయ తొలి ఇన్నింగ్స్‌లో 260 పరుగులకే ఆలౌటైంది.తండ్రి బాటలోనే తనయుడుఆర్యవీర్‌ సెహ్వాగ్‌ బాటలోనే నడుస్తున్నాడు. ఆర్యవీర్‌ సైతం తండ్రిలాగే వ్యక్తిగత మైలురాళ్ల కోసం ఎదురుచూడలేదు. ఏ స్కోర్‌ వద్ద ఉన్న దూకుడే మంత్రంగా ఆడాడు. అందుకే ఈ మ్యాచ్‌లో ఆర్యవీర్‌ ట్రిపుల్‌ సెంచరీని లెక్క చేయలేదు. వీరేంద్ర సెహ్వాగ్‌ తన కెరీర్‌లో చాలా సందర్భాల్లో సెంచరీలు, డబుల్‌, ట్రిపుల్‌ సెంచరీలు మిస్‌ అయ్యాడు. 2009లో సెహ్వాగ్‌ ఓ టెస్ట్‌ మ్యాచ్‌లో 293 స్కోర్‌ వద్ద ఔటయ్యాడు. సెహ్వాగ్‌ కెరీర్‌లో అప్పటికే రెండు ట్రిపుల్‌ సెంచరీలు ఉన్నాయి. ఆర్యవీర్‌ ఇప్పుడిప్పుడే క్రికెట్‌లోకి అడుగుపెడుతున్నాడు. అతని నుంచి కూడా తండ్రి లాంటి ఇన్నింగ్స్‌లే ఆశించవచ్చు. ఆర్యవీర్‌ ఈ ఏడాది అక్టోబర్‌లో వినూ మన్కడ్‌ ట్రోఫీతో ప్రొఫెషనల్‌ క్రికెట్‌లోకి అడుగుపెట్టాడు. తొలి మ్యాచ్‌లోనే ఆర్యవీర్‌ 49 పరుగులు చేసి తన జట్టు విజయంలో కీలకపాత్ర పోషించాడు.

టీమిండియా మాజీ ఓపెనర్ వీరేంద్ర సెహ్వాగ్ తనయుడు ఆర్యవీర్ సెహ్వాగ్ తన తండ్రి అడుగుజాడల్లో నడుస్తున్నాడు. తండ్రికి తగ్గ తనయుడుగా నిరూపించుకుంటున్నాడు. కూచ్ బెహార్ ట్రోఫీ-2024లో ఢిల్లీకి ప్రాతినిథ్యం వహిస్తున్న ఆర్యవీర్..మేఘాలయతో జరుగుతున్న మ్యాచ్‌లో డబుల్ సెంచరీతో చెలరేగాడు.తండ్రిలానే ప్ర‌త్య‌ర్ధి బౌల‌ర్ల‌ను ఆర్యవీర్ ఊచ‌కోత కోశాడు. త‌న‌దైన స్టైల్లో కేవ‌లం 229 బంతుల్లోనే త‌న డ‌బుల్ సెంచ‌రీ మార్క్‌ను జూనియ‌ర్ సెహ్వాగ్ అందుకున్నాడు. అత‌డి ఇన్నింగ్స్‌లో 34 ఫోర్లు, 2 సిక్స్‌లు ఉన్నాయి. ఆర్య‌వీర్ స‌రిగ్గా 200 ప‌రుగులు చేసి ఆజేయంగా నిలిచాడు. రెండో రోజు ఆట ముగిసే స‌మయానికి ల్లీ త‌మ తొలి ఇన్నింగ్స్‌లో రెండు వికెట్ల న‌ష్టానికి 468 ప‌రుగులు చేసింది. అత‌డితో పాటు ధ‌న్యా న‌క్ర‌(98) ప‌రుగుల‌తో క్రీజులో ఉన్నాడు. ఇక ఢిల్లీ ప్ర‌స్తుతం తొలి ఇన్నింగ్స్‌లో 208 ప‌రుగుల ఆధిక్యంలో కొన‌సాగుతోంది.అరంగేట్రంలోనే అదుర్స్‌..ఈ ఏడాది అక్టోబ‌ర్‌లో ఆర్యవీర్ వినూ మన్కడ్ ట్రోఫీలో ఢిల్లీ త‌రపున ప్రొఫెషనల్ క్రికెట్‌లో అడుగు పెట్టాడు. త‌న డెబ్యూ మ్యాచ్‌లోనే ఆర్య‌వీర్ అద‌రగొట్టాడు. మ‌ణిపూర్‌తో జ‌రిగిన మ్యాచ్‌లో 49 ప‌రుగులు చేసిన త‌న జ‌ట్టుకు అద్భుత‌మైన విజ‌యాన్ని ఈ ఢిల్లీ చిచ్చ‌ర‌పిడుగు అందించాడు. ఆ తర్వాత ఆర్యవీర్ సెహ్వాగ్ తన ప్రతిభను చాటుకుంటూ వస్తున్నాడు. మ‌రోవైపు ఆర్యవీర్ ఐపీఎల్‌లో ఆడితే చూడాల‌న్న త‌న‌ కోరికను సెహ్వాగ్ ఇప్పటికే వెల్ల‌డించాడు.చదవండి: IND vs AUS: టీమిండియాకు గుడ్ న్యూస్‌.. రోహిత్ శ‌ర్మ వ‌చ్చేస్తున్నాడు!

బెంగ‌ళూరు వేదిక‌గా టీమిండియాతో జ‌రుగుతున్న తొలి టెస్టులో న్యూజిలాండ్ స్టార్ టిమ్ సౌథీ అద్భుత‌మైన హాఫ్ సెంచ‌రీతో మెరిశాడు. కివీస్ మొద‌టి ఇన్నింగ్స్‌లో 402 ప‌రుగుల భారీ స్కోర్‌ను సాధించ‌డంలో సౌథీ కీల‌క పాత్ర పోషించాడు. ర‌చిన్ ర‌వీంద్రతో కలిసి ఎనిమిదో వికెట్‌కు 137 ప‌రుగుల భాగ‌స్వామ్యాన్ని నెల‌కొల్పాడు.73 బంతులు ఎదుర్కొన్న సౌథీ 5 ఫోర్లు, 4 సిక్స్‌ల‌తో 65 ప‌రుగులు చేశాడు. ఈ ఇక మ్యాచ్‌లో హాఫ్ సెంచ‌రీతో మెరిసిన సౌథీ ఓ అరుదైన రికార్డును త‌న పేరిట లిఖించుకున్నాడు. టెస్టు క్రికెట్‌లో అత్య‌ధిక సిక్స్‌లు కొట్టిన జాబితాలో సౌథీ ఆరో స్ధానానికి ఎగ‌బాకాడు. ఇప్ప‌టివ‌ర‌కు 147 టెస్టు ఇన్నింగ్స్‌ల‌లో సౌథీ 92 సిక్స్‌లు బాదాడు. ఇంత‌కుముందు ఈ రికార్డు భార‌త మాజీ ప్లేయ‌ర్‌ వీరేంద్ర సెహ్వాగ్(91) పేరిట ఉండేది. తాజా మ్యాచ్‌తో సెహ్వాగ్‌ను ఈ కివీ వెట‌ర‌న్ అధిగ‌మించాడు. ఇక అరుదైన ఫీట్ న‌మోదు చేసిన జాబితాలో బెన్ స్టోక్స్‌(131) అగ్ర‌స్ధానంలో ఉన్నాడు.చదవండి: IND vs PAK 2nd Test: ఇంగ్లండ్‌ను చిత్తు చేసిన పాకిస్తాన్‌..

టీమిండియా విధ్వంసకర ఓపెనర్‌ వీరేంద్ర సెహ్వాగ్‌ కుమారుడు ఆర్యవీర్‌ సెహ్వాగ్‌ అరంగేట్రంలోనే అదరగొట్టాడు. తన అద్భుత ప్రదర్శనతో ఢిల్లీ జట్టుకు విజయం అందించాడు. దీంతో వీరూ భాయ్‌ వారసుడిపై ప్రశంసల వర్షం కురుస్తోంది. కాగా వినూ మన్కడ్‌ ట్రోఫీ-2024 సందర్భంగా ఆర్యవీర్‌ సెహ్వాగ్‌ ఢిల్లీ తరఫున ఎంట్రీ ఇచ్చాడు.బౌలర్లు పడగొట్టారుపాండిచ్చేరి వేదికగా మణిపూర్‌తో జరిగిన వన్డే మ్యాచ్‌లో ఢిల్లీ తొలుత బౌలింగ్‌ చేసింది. ఈ క్రమంలో మణిపూర్‌ 49.1 ఓవర్లలో 168 పరుగులు చేసింది. ఢిల్లీ బౌలర్లలో లక్ష్మణ్‌(24/3), దేవాన్ష్‌ రావత్‌(44/2), అమన్‌ చౌదరి(29/2) అదరగొట్టారు. ఇక లక్ష్య ఛేదనకు దిగిన ఢిల్లీకి ఓపెనర్లు ఆర్యవీర్‌ సెహ్వాగ్‌- సార్థక్‌ రే శుభారంభం అందించారు.ఇద్దరూ కలిసి 4.5 ఓవర్లలో 33 పరుగులు చేశారు. సార్థక్‌ 17 బంతుల్లో 25 పరుగులు చేసి తొలి వికెట్‌గా నిష్క్రమించగా.. వన్‌డౌన్‌ బ్యాటర్‌ ఆదిత్య కుమార్‌ ఎనిమిది పరుగులకే అవుటయ్యాడు. ఈ క్రమంలో కెప్టెన్‌ ప్రణవ్‌ పంత్‌తో కలిసి ఆర్యవీర్‌ స్కోరు బోర్డును పరుగులు పెట్టించాడు. వీరిద్దరి ఇన్నింగ్స్‌ కారణంగా ఢిల్లీ 20 ఓవర్లలోనే వంద పరుగుల మార్కు అందుకుంది.మొత్తంగా 64 బంతులు ఎదుర్కొన్న ఆర్యవీర్‌ 49 పరుగుల వద్ద అవుటయ్యాడు. తృటిలో అర్ధ శతకం చేజార్చుకున్నాడు. అతడి ఇన్నింగ్స్‌లో నాలుగు ఫోర్లు, ఒక సిక్సర్‌ ఉన్నాయి. మరోవైపు.. ప్రణవ్‌ పంత్‌ కూడా 45 బంతుల్లో ఐదు ఫోర్లు, ఆరు సిక్సర్ల సాయంతో ఏకంగా 75 రన్స్‌ సాధించాడు. వీరిద్దరి అద్భుత బ్యాటింగ్‌ కారణంగా ఢిల్లీ ఆరు వికెట్ల తేడాతో మణిపూర్‌పై గెలుపొందింది.కాగా ఢిల్లీ అండ్‌ డిస్ట్రిక్ట్‌ క్రికెట్‌ అసోసియేషన్‌ నిర్వహించిన ట్రయల్‌ మ్యాచ్‌లో ఆర్యవీర్‌ దుమ్ములేపాడు. 136 బంతుల్లోనే ఏకంగా 183 రన్స్‌ చేశాడు. ఈ క్రమంలో వినూ మన్కడ్‌ వన్డే టోర్నీకి ఢిల్లీ సెలక్టర్లు అతడిని ఎంపిక చేశారు. అరంగేట్ర మ్యాచ్‌లోనే ఇలా సత్తా చాటి వారి నమ్మకాన్ని ఆర్యవీర్‌ నిలబెట్టాడు. ఇద్దరు కుమారులు2004లో ఆర్తీ అహ్లావత్‌ను పెళ్లాడిన వీరేంద్ర సెహ్వాగ్‌కు ఇద్దరు కుమారులు జన్మించారు. పెద్దవాడు ఆర్యవీర్‌(2007), చిన్నోడు వేదాంత్‌(2010). ఇద్దరూ క్రికెటర్లుగా అదృష్టం పరీక్షించుకుంటున్నారు. చదవండి: అంపైర్ల తీరుపై హర్మన్‌ప్రీత్‌ అసహనం.. తప్పెవరిది?

టీమిండియా యువ ఓపెనర్‌ యశస్వి జైస్వాల్‌ టెస్టుల్లో ఆకాశమే హద్దుగా దూసుకుపోతున్నాడు. సంప్రదాయ క్రికెట్‌లో ఇప్పటికే ఎన్నో అరుదైన ఘనతలు సాధించిన ఈ లెఫ్టాండర్‌.. తాజాగా బంగ్లాదేశ్‌తో రెండో టెస్టు సందర్భంగా మరో రికార్డు నమోదు చేశాడు. భారత్‌ తరఫున టెస్టుల్లో అత్యంత వేగంగా అర్ధ శతకం బాదిన క్రికెటర్ల జాబితాలో చేరాడు.ఈ క్రమంలో భారత డాషింగ్‌ ఓపెనర్‌, మాజీ క్రికెటర్‌ వీరేంద్ర సెహ్వాగ్‌ను జైస్వాల్‌ అధిగమించాడు. బంగ్లాదేశ్‌తో రెండు మ్యాచ్‌ల సిరీస్‌లో భాగంగా చెన్నై టెస్టులో 280 పరుగులతో గెలిచిన టీమిండియా.. కాన్పూర్‌ వేదికగా రెండో మ్యాచ్‌ ఆడుతోంది. గ్రీన్‌పార్క్‌ స్టేడియంలో శుక్రవారం మొదలైన ఈ మ్యాచ్‌కు తొలిరోజు నుంచే వర్షం ఆటంకం కలిగించింది. ఈ క్రమంలో రెండు, మూడో రోజు ఆట రద్దు కాగా.. సోమవారం మ్యాచ్‌ మళ్లీ మొదలైంది.ఆది నుంచే దూకుడుగాఈ నేపథ్యంలో 107/3 స్కోరుతో నాలుగో రోజు ఆట మొదలుపెట్టిన బంగ్లాదేశ్‌.. 233 పరుగులకు ఆలౌట్‌ అయింది. ఈ క్రమంలో బ్యాటింగ్‌కు దిగిన భారత జట్టు ఆది నుంచే దూకుడు ప్రదర్శించింది. ఓపెనర్‌, కెప్టెన్‌ రోహిత్‌ శర్మ కేవలం 11 బంతుల్లోనే ఒక ఫోర్‌, మూడు సిక్సర్ల సాయంతో 23 పరుగులు చేశాడు. 209కి పైగా స్ట్రైక్‌రేటుతో ఆకట్టుకున్నాడు.టెస్టుల్లో ఫాస్టెస్ట్‌ ఫిఫ్టీఇక మరో ఓపెనర్‌ యశస్వి జైస్వాల్‌ సైతం ‘బజ్‌బాల్‌’ తరహా ఇన్నింగ్స్‌తో దుమ్ములేపాడు. కేవలం 31 బంతుల్లోనే హాఫ్‌ సెంచరీ మార్కు అందుకున్నాడు. తద్వారా టీమిండియా తరఫున టెస్టుల్లో ఫాస్టెస్ట్‌ ఫిఫ్టీ సాధించిన నాలుగో బ్యాటర్‌గా నిలిచాడు. మొత్తంగా తొలి ఇన్నింగ్స్‌లో 51 బంతులు ఎదుర్కొన్న ఈ ముంబై బ్యాటర్‌.. 12 ఫోర్లు, 2 సిక్స్‌ల సాయంతో 72 పరుగులు రాబట్టాడు.టీమిండియా తరఫున టెస్టుల్లో వేగవంతమైన అర్ధ శతకం సాధించినది వీరే👉రిషభ్‌ పంత్‌- బెంగళూరులో 2022 నాటి శ్రీలంకతో మ్యాచ్‌లో 28 బంతుల్లోనే 50 రన్స్‌👉కపిల్‌ దేవ్‌- కరాచిలో 1982 నాటి మ్యాచ్‌లో పాకిస్తాన్‌తో మ్యాచ్‌లో 30 బంతుల్లోనే 50 రన్స్‌👉శార్దూల్‌ ఠాకూర్‌- ఓవల్‌లో 2021 నాటి మ్యాచ్‌లో ఇంగ్లండ్‌ మీద 31 బంతుల్లోనే 50 రన్స్‌👉యశస్వి జైస్వాల్‌- కాన్పూర్‌లో 2024 నాటి మ్యాచ్‌లో బంగ్లాదేశ్‌ మీద 31 బంతుల్లోనే 50 రన్స్‌👉వీరేంద్ర సెహ్వాగ్‌- చెన్నైలో 2008 నాటి మ్యాచ్‌లో ఇంగ్లండ్‌ మీద 32 బంతుల్లో 50 రన్స్‌.ప్రపంచ రికార్డుఇక ధనాధన​ ఇన్నింగ్స్‌తో అలరించిన రోహిత్‌ శర్మ- యశస్వి జైస్వాల్‌ జోడి టెస్టుల్లో హయ్యస్ట్‌ స్కోరింగ్‌ రేటు(14.34) పార్ట్‌నర్‌షిప్‌ సాధించిన తొలి జంటగా అరుదైన ఘనత సాధించింది. ఇద్దరూ కలిసి 23 బంతుల్లోనే 55 పరుగులు సాధించి ఈ ఫీట్‌ నమోదు చేశారు. వీరి తర్వాతి స్థానాల్లో ఇంగ్లండ్‌ జోడీ బెన్‌ స్టోక్స్‌- బెన్‌ డకెట్‌(44 బంతుల్లో 87 నాటౌట్‌), వాగ్నర్‌- ట్రెంట్‌ బౌల్ట్‌(27 బంతుల్లో 52) ఉన్నారు. చదవండి: రాహుల్‌ ద్రవిడ్‌ కుమారుడికి షాక్‌.. ఇకపై ఆ జట్టుకు ఆడలేడు! View this post on Instagram A post shared by Team India (@indiancricketteam)

దాదాపు నెల రోజుల సుదీర్ఘ విరామం త‌ర్వాత భార‌త క్రికెట్ జ‌ట్టు తిరిగి మైదానంలో అడుగుపెట్ట‌నుంది. బంగ్లాదేశ్‌తో రెండు మ్యాచ్‌ల టెస్టు సిరీస్‌కు టీమిండియా సిద్ద‌మ‌వుతోంది. ఈ సిరీస్‌లో భాగంగా ఇరు జట్ల మ‌ధ్య తొలి టెస్టు సెప్టెంబర్ 19 నుంచి చెన్నై వేదిక‌గా ఆరంభం కానుంది. ఈ మ్యాచ్ కోసం ఇప్ప‌టికే చెన్నైకు చేరుకున్న టీమిండియా నెట్స్‌లో తీవ్రంగా శ్ర‌మిస్తోంది. కొత్త బౌలింగ్ కోచ్ మోర్నీ మోర్క‌ల్ సైతం భార‌త జ‌ట్టుతో చేరాడు. బంగ్లా క్రికెట్ జ‌ట్టు కూడా సోమవారం(సెప్టెంబ‌ర్ 16)న భార‌త గ‌డ్డ‌పై అడుగుపెట్టే అవ‌కాశ‌ముంది. కాగా వరల్డ్ టెస్టు చాంపియన్ షిప్ లో ఫైనల్ కు చేరాలంటే భారత్ కు ఈ సిరీస్ చాలా కీల‌కం. అందుకు త‌గ్గ‌ట్టే భార‌త్ త‌మ వ్యూహాలు రచిస్తోంది.సెహ్వాగ్ రికార్డుపై క‌న్నేసిన హిట్‌మ్యాన్‌..బంగ్లాతో తొలి టెస్టుకు ముందు టీమిండియా కెప్టెన్ రోహిత్ శ‌ర్మ‌ను ఓ అరుదైన రికార్డు ఊరిస్తోంది. చెపాక్ టెస్టులో హిట్‌మ్యాన్ మ‌రో 7 సిక్స‌ర్లు బాదితే టెస్టుల్లో అత్య‌ధిక సిక్స‌ర్లు న‌మోదు చేసిన వీరేంద్ర సెహ్వాగ్ ఆల్ టైమ్ రికార్డును బ్రేక్ చేస్తాడు.సెహ్వాగ్ 103 టెస్టుల్లో 90 సిక్స్‌లు బాదగా.. రోహిత్ శర్మ 59 టెస్టు మ్యాచ్‌ల్లో ఇప్పటి వరకు 84 సిక్స్‌లు కొట్టాడు. ప్ర‌స్తుతం ఈ జాబితాలో రోహిత్ రెండో స్ధానంలో కొనసాగుతున్నాడు. హిట్‌మ్యాన్ త‌ర్వాతి స్ధానాల్లో 78 సిక్స్‌లతో ధోనీ, 69 సిక్స్‌లతో సచిన్, 64 సిక్స్‌లతో రవీంద్ర జడేజా వ‌రుస‌గా కొన‌సాగుతున్నారు.చదవండి: ఒకవేళ టీమిండియా మా దేశానికి రాకపోతే: పాక్‌ మాజీ క్రికెటర్‌

టెస్ట్‌ల్లో భారత్‌ తరఫున అత్యధిక సిక్సర్ల రికార్డు సాధించేందుకు టీమిండియా కెప్టెన్‌ రోహిత్‌ శర్మ కేవలం ఏడు సిక్సర్లు దూరంలో ఉన్నాడు. హిట్‌మ్యాన్‌ త్వరలో బంగ్లాదేశ్‌తో జరుగబోయే సిరీస్‌లో మరో ఏడు సిక్సర్లు బాదితే టీమిండియా తరఫున టెస్ట్‌ల్లో అత్యధిక సిక్సర్లు బాదిన ఆటగాడిగా వీరేందర్‌ సెహ్వాగ్‌ రికార్డును అధిగమిస్తాడు. వీరూ 103 టెస్ట్‌ల్లో 90 సిక్సర్లు బాదగా.. ప్రస్తుతం రోహిత్‌ ఖాతాలో 84 సిక్సర్లు (59 టెస్ట్‌ల్లో) ఉన్నాయి. టెస్ట్‌ల్లో టీమిండియా తరఫున అత్యధిక సిక్సర్లు బాదిన ఆటగాళ్ల జాబితాలో వీరూ, రోహిత్‌ తర్వాత ధోని (78), సచిన్‌ (69), రవీంద్ర జడేజా (64) టాప్‌-5లో ఉన్నారు. సుదీర్ఘ ఫార్మాట్‌లో టీమిండియా స్టార్‌ విరాట్‌ కోహ్లి కేవలం 26 సిక్సర్లు మాత్రమే కొట్టాడు. మూడు ఫార్మాట్ల విషయానికొస్తే.. రోహిత్‌ ప్రపంచంలోనే అందరి కంటే ఎక్కువ సిక్సర్లు బాదిన ఆటగాడిగా ఉన్నాడు. హిట్‌మ్యాన్‌ తన కెరీర్‌లో 483 మ్యాచ్‌లు ఆడి 620 సిక్సర్లు కొట్టాడు. ఈ జాబితాలో రోహిత్‌ తర్వాతి స్థానాల్లో క్రిస్‌ గేల్‌ (553), షాహిద్‌ అఫ్రిది (476) టాప్‌-3లో ఉన్నారు.బంగ్లాదేశ్‌తో టెస్ట్‌ సిరీస్‌ విషయానికొస్తే.. రెండు టెస్ట్‌లు, మూడు టీ20ల సిరీస్‌ల కోసం బంగ్లాదేశ్‌ జట్టు ఈ నెల 19 నుంచి భారత్‌లో పర్యటించనుంది. ఈ పర్యటనలో తొలుత రెండు మ్యాచ్‌ల టెస్ట్‌ సిరీస్‌ జరుగనుంది. తొలి టెస్ట్‌ సెప్టెంబర్‌ 19, రెండో టెస్ట్‌ సెప్టెంబర్‌ 27 నుంచి ప్రారంభమవుతాయి. టీ20 సిరీస్‌ అక్టోబర్‌ 6, 9, 12 తేదీల్లో జరుగుతుంది.

టీమిండియా హెడ్‌కోచ్‌ పదవి గురించి మాజీ క్రికెటర్‌ వీరేంద్ర సెహ్వాగ్‌ ఆసక్తికర వ్యాఖ్యలు చేశాడు. జాతీయ జట్టు శిక్షకుడిగా ఉండటం కంటే.. ఐపీఎల్‌ కోచ్‌గా ఉండటమే తనకు ఇష్టమని పేర్కొన్నాడు. భారత విధ్వంసకర ఓపెనర్‌గా గుర్తింపు పొందిన వీరూ భాయ్‌.. 2015లో అంతర్జాతీయ క్రికెట్‌కు వీడ్కోలు పలికాడు. అదే ఏడాది ఐపీఎల్‌లో పంజాబ్‌ కింగ్స్‌కు చివరిసారిగా ప్రాతినిథ్యం వహించాడు.అనంతరం అదే జట్టుకు 2016లో మెంటార్‌గా ఎంపికయ్యాడు. ఆ తర్వాత పంజాబ్‌ ఫ్రాంఛైజీ క్రికెట్‌ డైరెక్టర్‌గా బాధ్యతలు చేపట్టాడు సెహ్వాగ్‌. 2018 వరకు అదే పదవిలో కొనసాగాడు. అయితే, 2017లోనే టీమిండియా హెడ్‌కోచ్‌ రేసులో నిలిచినా.. రవిశాస్త్రికి అవకాశం దక్కగా.. సెహ్వాగ్‌కు మొండిచేయి ఎదురైంది. అప్పటి నుంచి మళ్లీ అతడు ఎన్నడూ జాతీయ జట్టు కోచ్‌గా వెళ్లాలన్న ప్రయత్నం చేయలేదు.టీమిండియాకు కాదు.. ఐపీఎల్‌ కోచ్‌గా ఉండటం బెటర్‌ఈ నేపథ్యంలో ఓ ఇంటర్వ్యూలో మాట్లాడిన వీరేంద్ర సెహ్వాగ్‌ అందుకు గల కారణం వెల్లడించాడు. ‘‘టీమిండియా కోచ్‌గా ఉండటం కంటే ఐపీఎల్‌ జట్టు కోచ్‌గా ఉండటానికే నేను మొగ్గుచూపుతాను. నిజానికి నేను గనుక భారత జట్టు కోచ్‌ని అయితే.. మళ్లీ పాతరోజుల్లాగే గడుస్తుంది. సిరీస్‌లు ఉన్నపుడు ఇంటికి ఏడెనిమిది నెలలపాటు దూరంగా ఉండాల్సి వస్తుంది.నా కుమారులూ క్రికెటర్లేఇప్పుడు నా పిల్లల వయసు 14, 16 ఏళ్లు. వాళ్లకు నా అవసరం ఉంది. వాళ్లిద్దరు క్రికెటర్లే. ఒకరు ఆఫ్‌ స్పిన్నర్‌ అయితే.. మరొకరు ఓపెనింగ్‌ బ్యాటర్‌. నా కుమారులకు దిక్సూచిలా ఉంటూ.. వారికి తగినంత సమయం కేటాయించడమే నా ముందున్న కర్తవ్యం’’ అని సెహ్వాగ్‌ అమర్‌ ఉజాలా ఇంటర్వ్యూలో చెప్పుకొచ్చాడు. ఐపీఎల్‌ కోచ్‌గా మారితే స్వల్పకాలం మాత్రమే కుటుంబానికి దూరంగా ఉండాల్సి వస్తుందని.. అందుకే తన ఓటు అటు వేశానని పేర్కొన్నాడు.చదవండి: అందుకు నువ్వే కారణమవుతావని కోహ్లితో చెప్పా.. ఆ తర్వాత: భజ్జీ

ఫామ్‌లో ఉన్న యువ క్రికెటర్లకు అవకాశం ఇస్తేనే వారి సత్తా బయటపడుతుందని టీమిండియా మాజీ చీఫ్‌ సెలక్టర్‌ సందీప్‌ పాటిల్‌ అన్నాడు. ప్రతిభను గుర్తించడం ఎంత ముఖ్యమో.. సరైన సమయంలో జట్టుకు ఎంపిక చేయడం కూడా అంతే ముఖ్యమని పేర్కొన్నాడు. అప్పుడే సెలక్టర్లు తమ పాత్రకు న్యాయం చేసిన వాళ్లవుతారని అభిప్రాయపడ్డాడు.సెహ్వాగ్‌ను కాదని ధావన్‌ను ఆడించాశిఖర్‌ ధావన్‌ అరంగేట్రం విషయంలో తన అంచనా తప్పలేదని.. తన నిర్ణయం సరైందేనని గబ్బర్‌ నిరూపించాడని సందీప్‌ పాటిల్‌ ఈ సందర్భంగా వెల్లడించాడు. సహచర నలుగురు సెలక్టర్లు వ్యతిరేకించినా.. నాడు వీరేంద్ర సెహ్వాగ్‌ను కాదని ధావన్‌ను తుదిజట్టుకు ఎంపిక చేసిన విషయాన్ని తాజాగా గుర్తు చేసుకున్నాడు. కాగా 2013లో ఆస్ట్రేలియాతో టెస్టు సిరీస్‌ సందర్భంగా డాషింగ్‌ ఓపెనర్‌ సెహ్వాగ్‌ వరుసగా తొలి రెండు మ్యాచ్‌లలో విఫలమయ్యాడు.అరంగేట్రంలోనే ప్రపంచ రికార్డుఈ క్రమంలో మూడో టెస్టులో వీరూ భాయ్‌పై వేటు వేసిన సెలక్టర్లు ధావన్‌కు టెస్టు అరంగేట్రం అవకాశం కల్పించారు. అయితే, వచ్చిన అవకాశాన్ని పూర్తిగా సద్వినియోగం చేసుకున్న ఈ ఎడమచేతి వాటం బ్యాటర్‌.. కేవలం 85 బంతుల్లోనే శతకం బాదాడు. తద్వారా టెస్టు అరంగేట్రంలో ఫాస్టెస్ట్‌ సెంచరీ నమోదు చేసిన ఆటగాడిగా చరిత్రకెక్కాడు.ఇక ఆసీస్‌తో మూడో టెస్టులో మొత్తంగా 174 బంతులు ఎదుర్కొన్న గబ్బర్‌.. 187 పరుగులతో అదరగొట్టాడు. ఆ తర్వాత టీమిండియాలో తన స్థానం సుస్థిరం చేసుకున్నాడు. ఇటీవలే అంతర్జాతీయ క్రికెట్‌కు ఈ మొహాలీ హ్యారికేన్‌ వీడ్కోలు పలికిన విషయం తెలిసిందే. ఈ నేపథ్యంలో మాజీ చీఫ్‌ సెలక్టర్‌ సందీప్‌ పాటిల్‌ టైమ్స్‌ ఆఫ్‌ ఇండియాతో మాట్లాడుతూ.. ‘‘యువ క్రికెటర్లు ఫామ్‌లో ఉన్నపుడే వారికి అవకాశాలు ఇవ్వాలి.నన్ను కాపాడాడుసరైన సమయంలో పిలుపునిస్తేనే వారి ప్రతిభ వెలుగులోకి వస్తుంది. ఆ సమయంలో శిఖర్‌ సౌతాఫ్రికా టూర్‌లో ఇండియా-ఏ తరఫున డబుల్‌ సెంచరీ, సెంచరీ బాదాడు. అప్పుడు అతడిని జాతీయ జట్టుకు ఆడించాలని నేను భావించాను. సెహ్వాగ్‌ను కాదని.. ధావన్‌ను ఆడించాలనే నా నిర్ణయాన్ని నా సహచర సెలక్టర్లు వ్యతిరేకించారు.అయితే, ఆ తర్వాత వారిని ఒప్పించగలిగాను. అలా శిఖర్‌ జట్టులోకి వచ్చి తొలి టెస్టులోనే రికార్డు సెంచరీ బాదాడు. నా నిర్ణయం సరైందని నిరూపించాడు. అయినా.. నేనేమీ క్రెడిట్‌ తీసుకోవాలనుకోలేదు. నిజానికి శిఖర్‌ శతకం చేసి ఒకరకంగా నన్ను రక్షించాడనుకోండి(నవ్వుతూ)’’ అంటూ గత జ్ఞాపకాలు నెమరు వేసుకున్నాడు. కాగా సందీప్‌ పాటిల్‌ టీమిండియా తరఫున 29 టెస్టులు, 45 వన్డేలు ఆడాడు. 2012- 2016 మధ్య బీసీసీఐ చీఫ్‌ సెలక్టర్‌గా పనిచేశాడు. చదవండి: Duleep Trophy: కళ్లన్నీ ఈ ఐదుగురు అన్‌క్యాప్డ్‌ ప్లేయర్లపైనే!

టీమిండియా మాజీ క్రికెటర్‌ దినేశ్‌ కార్తిక్ కామెంటేటర్‌గా మరింత బిజీ అయ్యాడు. ఆటకు వీడ్కోలు పలికిన తర్వాత మ్యాచ్‌ ఫలితాలు, ఆటగాళ్ల ప్రదర్శనను తనదైన శైలిలో విశ్లేషిస్తూ ప్రత్యేక గుర్తింపు దక్కించుకునే ప్రయత్నం చేస్తున్నాడు. ఇక సౌతాఫ్రికా టీ20 లీగ్‌లో ఆడనున్న తొలి భారత క్రికెటర్‌గానూ చరిత్ర సృష్టించిన డీకే తాజాగా.. తన ఆల్‌టైమ్‌ టీమిండియా ప్లేయింగ్‌ ఎలెవన్‌ను ప్రకటించాడు.ఓపెనర్లుగా వీరూ, రోహిత్‌మూడు ఫార్మాట్లలో కలిపి టీమిండియా తరఫున అత్యుత్తమంగా రాణించిన ఆటగాళ్లకు తన జట్టులో దినేశ్‌ కార్తిక్‌ చోటిచ్చాడు. అంతర్జాతీయ క్రికెట్‌లో ప్రత్యర్థి జట్ల బౌలర్లకు సింహస్వప్నంగా మారి.. విధ్వంసకర బ్యాటర్‌గా పేరొందిన వీరేంద్ర సెహ్వాగ్‌తో పాటు ప్రస్తుత కెప్టెన్‌ రోహిత్‌ శర్మను ఓపెనర్లుగా ఎంచుకున్నాడు డీకే.మిడిల్‌ ఆర్డర్‌లో సచిన్‌, విరాట్‌పరిమిత ఓవర్ల క్రికెట్‌లో 100కు పైగా స్ట్రైక్‌రేటుతో పరుగులు రాబట్టిన వీరూతో పాటు.. ఇటీవలి టీ20 ప్రపంచకప్‌-2024లో 257 పరుగులతో రెండో హయ్యస్ట్‌ రన్‌స్కోరర్‌గా నిలిచిన రోహిత్‌కు ఇన్నింగ్స్‌ ఓపెన్‌ చేసే అవకాశమిస్తానన్నాడు. ఇక వన్‌డౌన్‌ బ్యాటర్‌గా మాజీ కెప్టెన్‌, మాజీ హెడ్‌కోచ్‌ రాహుల్‌ ద్రవిడ్‌ను ఎంచుకున్న డీకే.. వంద సెంచరీల దిగ్గజ బ్యాటర్‌ సచిన్‌ టెండుల్కర్‌ను నాలుగో స్థానానికి ఎంచుకున్నాడు.ఇక ఆ తర్వాతి స్థానంలో రన్‌మెషీన్‌, 80 శతకాల వీరుడు విరాట్‌ కోహ్లికి చోటిచ్చిన దినేశ్‌ కార్తిక్‌.. ఆల్‌రౌండర్ల జాబితాలో వరల్డ్‌కప్‌ విన్నర్స్‌ యువరాజ్‌ సింగ్‌, రవీంద్ర జడేజాలను ఎంపిక చేసుకున్నాడు. అదే విధంగా బౌలింగ్‌ విభాగంలో.. సీమర్లు జస్‌ప్రీత్‌ బుమ్రా, జహీర్‌ ఖాన్‌, స్పిన్నర్లు రవిచంద్రన్‌ అశ్విన్‌, లెజెండ్‌ అనిల్‌ కుంబ్లేలకు స్థానం కల్పించాడు డీకే. పన్నెండో ఆటగాడిగా స్పిన్‌ దిగ్గజం హర్భజన్‌ సింగ్‌ను ఎంచుకున్నాడు ఈ తమిళనాడు మాజీ బ్యాటర్‌. క్రిక్‌బజ్‌ షోలో ఈ మేరకువ్యాఖ్యలు చేశాడు.వన్డే, టీ20, టెస్టు ఫార్మాట్లలో డీకే ఎంచుకున్న భారత అత్యుత్తమ జట్టువీరేంద్ర సెహ్వాగ్‌, రోహిత్‌ శర్మ, రాహుల్‌ ద్రవిడ్‌, సచిన్‌ టెండుల్కర్‌, విరాట్‌ కోహ్లి, యువరాజ్‌ సింగ్‌, రవీంద్ర జడేజా, రవిచంద్రన్‌ అశ్విన్‌, అనిల్‌ కుంబ్లే, జస్‌ప్రీత్‌ బుమ్రా, జహీర్‌ ఖన్‌.12th మ్యాన్‌: హర్భజన్‌ సింగ్‌.

ఢిల్లీ ప్రీమియ‌ర్ లీగ్‌ అరంగేట్ర సీజ‌న్‌కు ఢిల్లీ అండ్‌ డిస్ట్రిక్ట్ క్రికెట్ అసోసియేషన్ అన్ని ర‌కాల ఏర్పాట్లు చేస్తోంది. ఈ తొట్ట‌తొలి ఎడిష‌న్ ఆగ‌స్టు 17 నుంచి సెప్టెంబ‌ర్ 8 వ‌ర‌కు జ‌ర‌గ‌నుంది. ఈ లీగ్‌లోని అన్ని మ్యాచ్‌లు ఢిల్లీలోని అరుణ్ జైట్లీ స్టేడియం వేదిక‌గా జ‌ర‌గ‌నుంది. ఈ లీగ్‌లో ఫ‌స్ట్‌క్లాస్ క్రికెట‌ర్ల‌తో భార‌త స్టార్ క్రికెట‌ర్లు రిష‌బ్ పంత్‌, ఇషాంత్ శర్మ‌, న‌వ‌దీప్ సైనీ భాగం కానున్నారు.డీపీఎల్ బ్రాండ్‌ అంబాసిడర్‌గా సెహ్వాగ్..ఇక ఇది ఇలా ఉండ‌గా.. ఢిల్లీ ప్రీమియర్ లీగ్ ప్రారంభ సీజన్ బ్రాండ్ అంబాసిడర్‌గా భారత మాజీ క్రికెటర్ వీరేంద్ర సెహ్వాగ్‌ను డీడీసీఎ నియ‌మించింది. శుక్ర‌వారం ఢిల్లీలో జరిగిన గ్రాండ్ ఈవెంట్‌లో డీడీసీఎ త‌మ నిర్ణ‌యాన్ని ప్ర‌క‌టించింది. ఈ కార్య‌క్రామానికి సెహ్వాగ్ సైతం హాజ‌రయ్యాడు. కాగా ఢిల్లీ నుంచే భార‌త జ‌ట్టుకు సెహ్వాగ్ ప్రాతినిథ్యం వ‌హించాడు. ఇక ఢిల్లీలోని అత్యుత్తమ ప్రతిభావంతులైన యువ క్రికెట‌ర్ల‌ను ఒకే గొడుగు కిందకు తీసుకురావాలని డీడీసీఏ ల‌క్ష్యంగా పెట్టుకుంది. ఈ నేప‌థ్యంలో ఢిల్లీ ప్రీమియర్ లీగ్‌ను డీడీసీఎ ప్రారంభించ‌నుంది. లీగ్ ప్రారంభ ఎడిషన్‌లో ఆరు ఫ్రాంచైజీలు భాగం కానున్నాయి. సౌత్ ఢిల్లీ సూపర్ స్టార్స్, పురాణి డిల్లీ 6, సెంట్రల్ ఢిల్లీ కింగ్స్, నార్త్ ఢిల్లీ స్ట్రైకర్స్, వెస్ట్ ఢిల్లీ లయన్స్, ఈస్ట్ ఢిల్లీ రైడర్స్ జ‌ట్లు మొత్తం రూ. 49.65 కోట్ల రూపాయలకు విక్రయించబడ్డాయి.

టీమిండియా దిగ్గజ క్రికెటర్‌ సచిన్‌ టెండుల్కర్‌ 2012లో అంతర్జాతీయ క్రికెట్‌లో వందో సెంచరీ కొట్టి.. శతక శతకాల ధీరుడిగా ప్రపంచ రికార్డు సాధించాడు. సమకాలీన క్రికెటర్లు ఎవరికీ సాధ్యం కాని ఫీట్‌ నమోదు చేసి.. శిఖరాగ్రాన నిలిచాడు. వన్డేల్లో 49, టెస్టుల్లో 51 సెంచరీలు తన ఖాతాలో వేసుకున్నాడు. సచిన్‌ పేరిట ఉన్న ఈ రికార్డు బద్దలయ్యే అవకాశమే లేదని భావిస్తున్న తరుణంలో.. విరాట్‌ కోహ్లి అనే కుర్రాడు తెరమీదకు వచ్చాడు.ఇప్పటికే వన్డేల్లో 50 శతకాలు బాదిన ఈ రన్‌మెషీన్‌.. సచిన్‌ రికార్డు బ్రేక్‌ చేశాడు. టెస్టుల్లో 29, టీ20లలో ఒక సెంచరీ బాది.. ఆల్‌టైమ్‌ రికార్డుకు ఎసరుపెట్టాడు. 35 ఏళ్ల వయసులోనూ ఫిట్‌నెస్‌కు మారుపేరుగా కొనసాగుతున్న కోహ్లి వరల్డ్‌కప్‌ టోర్నీల్లోనూ సత్తా చాటుతున్నాడు. వన్డే రారాజుగా కొనసాగుతున్నాడు. అయితే, ఇలాంటి రికార్డుల వీరుడికి తన ఆల్‌టైమ్‌ గ్రేటెస్ట్‌ వన్డే వరల్డ్‌కప్‌ ప్లేయింగ్‌ ఎలెవన్‌లో చోటు లేదంటున్నాడు ఆస్ట్రేలియా మాజీ స్టార్‌ మాథ్యూ హెడెన్‌.భారత్‌ నుంచి ఇద్దరు లెజెండ్స్‌ మాత్రమే ఈ టీమ్‌లో స్థానం సంపాదించడానికి అర్హులు అన్నట్లుగా తన అభిప్రాయాన్ని వెల్లడించాడు. ఈ జట్టులో ఆస్ట్రేలియా నుంచి అత్యధికంగా నలుగురిని ఎంపిక చేసుకున్న ఈ కంగారూ బ్యాటర్‌.. పాకిస్తాన్‌ నుంచి ఇద్దరి చోటు ఇచ్చాడు. ఇదిలా ఉంటే.. విరాట్‌ కోహ్లి శ్రీలంకతో వన్డే సిరీస్‌కు సిద్ధమవుతున్నాడు. గౌతం గంభీర్‌ గైడెన్స్‌లో ప్రాక్టీస్‌ చేస్తున్నాడు.మాథ్యూ హెడెన్‌ ఎంచుకున్న గ్రేటెస్ట్‌ వన్డే వరల్డ్‌కప్‌ ఆల్‌టైమ్‌ ప్లేయింగ్‌ ఎలెవన్‌ఆడం గిల్‌క్రిస్ట్‌(ఆస్ట్రేలియా), వీరేంద్ర సెహ్వాగ్‌(ఇండియా), రిక్కీ పాంటింగ్‌(ఆస్ట్రేలియా- కెప్టెన్‌), సచిన్‌ టెండుల్కర్‌(ఇండియా), బ్రియన్‌ లారా(వెస్టిండీస్‌), జాక్వెస్‌ కలిస్‌(సౌతాఫ్రికా), వకాన్‌ యూనిస్‌(పాకిస్తాన్‌), వసీం అక్రం(పాకిస్తాన్‌), షేన్‌ వార్న్‌(ఆస్ట్రేలియా), ముత్తయ్య మురళీధరన్‌(శ్రీలంక), గ్లెన్‌ మెగ్రాత్‌(ఆస్ట్రేలియా).చదవండి: SA20 2025: సౌతాఫ్రికా కెప్టెన్‌కు షాకిచ్చిన స‌న్‌రైజ‌ర్స్‌.. జట్టు నుంచి ఔట్‌

టీ20 ప్రపంచకప్‌-2024 టోర్నీ ముగిసిన తర్వాత భారత క్రికెట్‌ జట్టు జింబాబ్వే పర్యటనకు వెళ్లనుంది. ఇరు జట్ల మధ్య ఐదు మ్యాచ్‌ల టీ20 సిరీస్‌ జరుగనుంది.జూలై 6, 7, 10, 13, 14వ తేదీల్లో హరారే వేదికగా జరుగనున్న ఈ సిరీస్‌కు టీమిండియా సీనియర్లంతా దూరంగా ఉండనున్నారు. ఈ నేపథ్యంలో భారత క్రికెట్‌ నియంత్రణ మండలి యువ ఓపెనర్‌ శుబ్‌మన్‌ గిల్‌కు సారథ్య బాధ్యతలు అప్పగించింది.రోహిత్‌ శర్మ, హార్దిక్‌ పాండ్యా, సూర్యకుమార్‌ యాదవ్‌ గైర్హాజరీ కారణంగా.. తొలిసారిగా ఈ పంజాబీ బ్యాటర్‌కు టీమిండియా కెప్టెన్‌గా వ్యవహరించే సువర్ణావకాశం లభించింది. ఈ నేపథ్యంలో భారత మాజీ ఓపెనర్‌ వీరేంద్ర సెహ్వాగ్‌ కీలక వ్యాఖ్యలు చేశాడు.రోహిత్‌ శర్మ తర్వాత అతడేరోహిత్‌ శర్మ వారసుడిగా శుబ్‌మన్‌ గిల్‌ సరైన ఎంపిక అంటూ సెలక్షన్‌ కమిటీ నిర్ణయాన్ని సమర్థించాడు. ఈ మేరకు క్రిక్‌బజ్‌ షోలో మాట్లాడుతూ.. ‘‘శుబ్‌మన్‌ గిల్‌కు ఎంతో భవిష్యత్తు ఉంది.మూడు ఫార్మాట్లలోనూ అద్భుతంగా ఆడగల సత్తా అతడికి ఉంది. గతేడాది తనకు గొప్పగా గడిచింది. అయితే, దురదృష్టవశాత్తూ టీ20 ప్రపంచకప్‌-2024 జట్టులో చోటు దక్కించుకోలేకపోయాడు.సరైన నిర్ణయంనా అభిప్రాయం ప్రకారం.. గిల్‌ను కెప్టెన్‌ చేయడం సరైన నిర్ణయం. రోహిత్‌ శర్మ వెళ్లిన తర్వాత శుబ్‌మన్‌ గిల్‌ మాత్రమే కెప్టెన్సీకి పూర్తి న్యాయం చేయగలుగుతాడు’’ అని వీరేంద్ర సెహ్వాగ్‌ గిల్‌ నైపుణ్యాలపై తనకు నమ్మకం ఉందని పేర్కొన్నాడు.అదే విధంగా.. జింబాబ్వేతో సిరీస్‌కు అభిషేక్‌ శర్మ, నితీశ్‌ కుమార్‌ రెడ్డి, తుషార్‌ దేశ్‌పాండే, రియాన్‌ పరాగ్‌ వంటి ఐపీఎల్‌ హీరోలను ఎంపిక చేయడం పట్ల సెహ్వాగ్‌ స్పందించాడు. దేశవాళీ క్రికెట్‌తో పాటు ఐపీఎల్‌ ద్వారా ఆటగాళ్లను ఎంపిక చేయడంలో తనకు తప్పేమీ కనిపించడం లేదన్నాడు.జింబాబ్వే టూర్‌కు టీమిండియాశుబ్‌మ‌న్‌ గిల్ (కెప్టెన్‌), యశస్వి జైస్వాల్, రుతురాజ్ గైక్వాడ్, అభిషేక్ శర్మ, రింకు సింగ్, సంజు శాంసన్ (వికెట్ కీప‌ర్), ధృవ్ జురెల్ (వికెట్ కీప‌ర్‌), నితీష్ రెడ్డి, రియాన్ పరాగ్, వాషింగ్టన్ సుందర్, రవి బిష్ణోయ్, అవేష్ ఖాన్, ఖలీల్ అహ్మద్, ముఖేష్ కుమార్ , తుషార్ దేశ్‌పాండే.

పాకిస్తాన్‌ చీఫ్‌ సెలక్టర్‌ వహాబ్‌ రియాజ్‌ తీరుపై టీమిండియా మాజీ ఓపెనర్‌ వీరేంద్ర సెహ్వాగ్‌ విమర్శల వర్షం కురిపించాడు. జట్టు ఎంపిక విషయంలో తనకు నచ్చినట్లుగా వ్యవహరించి.. పాక్‌ భారీ మూల్యం చెల్లించేలా చేశాడని అభిప్రాయపడ్డాడు.అధికారం చేతుల్లో ఉంది కదా అని ఇష్టారీతిన ప్రవర్తిస్తే ఇలాంటి ఫలితాలే చూడాల్సి వస్తుందని ఘాటుగా విమర్శించాడు. గతంలో పాక్‌ జట్టును విమర్శించిన రియాజ్‌.. ఇప్పుడు తన పనితనాన్ని ఎలా సమర్థించుకుంటాడోనంటూ సెహ్వాగ్‌ వ్యంగ్యాస్త్రాలు సంధించాడు.టీ20 ప్రపంచకప్‌-2024లో పాకిస్తాన్‌ కనీసం సూపర్‌-8 కూడా చేరకుండానే ఇంటిబాట పట్టిన విషయం తెలిసిందే. ఈ నేపథ్యంలో పాక్‌ జట్టుపై విమర్శలు వెల్లువెత్తుతున్నాయి. ముఖ్యంగా జట్టు ఎంపిక విషయంలో ఫేవరెటిజం,‍ బంధుప్రీతి చూపడం వల్లే కొంపమునిగిందనే అభిప్రాయాలు వ్యక్తమవుతున్నాయి.ఈ నేపథ్యంలో వీరేంద్ర సెహ్వాగ్‌ స్పందిస్తూ పాక్‌ చీఫ్‌ సెలక్టర్‌ వహాబ్‌ రియాజ్‌ తీరును తప్పుబట్టాడు. ‘‘వహాబ్‌ రియాజ్‌, మహ్మద్‌ ఆమిర్‌... ఇద్దరూ పాకిస్తాన్‌ జట్టును విమర్శించిన వాళ్లే.ఏ టీవీ చానెల్‌లో అయితే వీళ్లిద్దరూ ఈ పని చేశారో.. ఇప్పుడు అదే చానెల్‌లో వీళ్లను విమర్శిస్తున్నారు. ఆనాడు అలా మాట్లాడిన వాళ్లలో ఒకరు ఇప్పుడు చీఫ్‌ సెలక్టర్‌(రియాజ్‌).. మరొకరు తుదిజట్టులో చోటు దక్కించుకున్న ఆటగాడు(ఆమిర్‌).మహ్మద్‌ ఆమిర్‌ అప్పుడు నాతో ఉన్నాడు కాబట్టి.. అతడిని జట్టుకు ఎంపిక చేస్తాననుకోవడం సరైందేనా?! ఇప్పుడు అజిత్‌ అగార్కర్‌ టీమిండియా చీఫ్‌ సెలక్టర్‌గా ఉన్నాడు.కాబట్టి తను నా దగ్గరికి వచ్చి.. ‘వీరూ, జాక్‌(జహీర్‌ ఖాన్‌).. మీరిద్దరూ రండి. రీఎంట్రీ ఇచ్చేందుకు నేను అవకాశం కల్పిస్తా’ అంటే ఎలా ఉంటుంది. ఆమిర్‌ పట్ల రియాజ్‌ చేసింది కూడా ఇలాగే ఉంది’’ అని క్రిక్‌బజ్‌ షోలో సెహ్వాగ్‌ తీవ్ర విమర్శలు చేశాడు.కాగా 2020లో అంతర్జాతీయ క్రికెట్‌కు దూరమైన మహ్మద్‌ ఆమిర్‌ టీ20 ప్రపంచకప్‌-2024కు ముందు తన నిర్ణయాన్ని మార్చుకున్నాడు. అనూహ్య రీతిలో అతడు వరల్డ్‌కప్‌ జట్టుకు కూడా ఎంపికయ్యాడు.ఇమాద్‌ వసీం సైతం ఇలాగే ఆఖరి నిమిషంలో ప్రపంచకప్‌ జట్టులో చోటు దక్కించుకున్నాడు. ఈ నేపథ్యంలో వీరి ఎంపికకు వహాబ్‌ రియాజే కారణమని సెహ్వాగ్‌ అభిప్రాయపడ్డాడు.కాగా మహ్మద్‌ ఆమిర్‌ వరల్డ్‌కప్‌-2024లో ఏడు వికెట్లు తీయగలిగాడు. అయితే, అమెరికాతో సూపర్‌లో పద్దెనిమిది పరుగులు సమర్పించుకుని పాక్‌ ఓటమికి కారణమయ్యాడు ఈ లెఫ్టార్మ్‌ పేస్‌ బౌలర్‌.చదవండి: కోట్లకు కోట్లు తీసుకుంటారు.. భార్యల్ని తీసుకెళ్లడం బాగా అలవాటైంది!

పాకిస్తాన్‌ కెప్టెన్‌ బాబర్‌ ఆజం ఆట తీరును టీమిండియా మాజీ ఓపెనర్‌ వీరేంద్ర సెహ్వాగ్‌ తీవ్ర స్థాయిలో విమర్శించాడు. అసలు అతడికి టీ20 జట్టులో ఉండే అర్హతే లేదని అభిప్రాయపడ్డాడు.టీ20 ప్రపంచకప్‌-2024లో పాకిస్తాన్‌ సూపర్‌-8కు కూడా అర్హత సాధించకుండానే ఇంటిబాట పట్టిన విషయం తెలిసిందే. గత ప్రపంచకప్‌ టోర్నీ(2022)లో రన్నరప్‌గా నిలిచిన బాబర్‌ బృందం.. ఈసారి చెత్త ప్రదర్శనతో లీగ్‌ దశలోనే నిష్క్రమించింది.ఈ నేపథ్యంలో బాబర్‌ ఆజం కెప్టెన్సీ, బ్యాటింగ్‌పై విమర్శలు వెల్లువెత్తుతున్నాయి. వెంటనే అతడిని కెప్టెన్‌గా తొలగించాలని పాకిస్తాన్‌ మాజీ క్రికెటర్లు డిమాండ్‌ చేస్తున్నారు. ఈ క్రమంలో భారత మాజీ ఓపెనర్‌ వీరే​ంద్ర సెహ్వాగ్‌ తన అభిప్రాయాలు పంచుకున్నాడు.టాపార్డర్‌లో సిక్సర్లు బాదే ఆటగాళ్లు ఉండాలిబాబర్‌ ఆజం టీ20 ఫార్మాట్‌కు తగడని.. అతడికి జట్టులో చోటే అనవసరం అని పేర్కొన్నాడు. క్రిక్‌బజ్‌ షోలో మాట్లాడుతూ.. ‘‘టాపార్డర్‌లో సిక్సర్లు బాదే ఆటగాళ్లు ఉండాలి. బాబర్‌ ఆజం అలాంటి ప్లేయర్‌ కాదు.కేవలం స్పిన్నర్ల బౌలింగ్‌లోనే అతడు హిట్టింగ్‌ ఆడగలడు. ఫాస్ట్‌ బౌలర్ల బౌలింగ్‌లో అతడు ఇలాంటి సాహసం చేయడం నేనెప్పుడూ చూడలేదు.అతడు ఆచితూచి నెమ్మదిగా ఆడటమే మనకు కనబడుతుంది. బాబర్‌ పరుగులు సాధిస్తున్న మాట నిజమే. కానీ అతడి స్ట్రైక్‌రేటును కూడా గమనించాలి కదా!అసలు టీ20 జట్టులో ఉండే అర్హతే అతడికి లేదునాయకుడిగా ఉన్నపుడు మన ఆట వల్ల జట్టుకు ప్రయోజనం కలుగుతుందా లేదో చూసుకోవాలి. అవసరమైతే బ్యాటింగ్‌ ఆర్డర్‌లో డిమోట్‌ అయి.. తన స్థానాన్ని హిట్టింగ్‌ ఆడగల ప్లేయర్ల కోసం త్యాగం చేయగలగాలి.ఒకవేళ అతడు గనుక కెప్టెన్‌ కాకపోయి ఉంటే.. అసలు టీ20 జట్టులో ఉండే అర్హతే అతడికి లేదు. నేను కఠినంగా మాట్లాడుతున్నానని మీకు అనిపించవచ్చు.. కానీ ఇదే నిజం. ఎందుకంటే నేటి టీ20 క్రికెట్‌ ప్రమాణాలకు తగ్గట్లు అతడి ఆట లేనేలేదు’’ అని సెహ్వాగ్‌ నిక్కచ్చిగా తన అభిప్రాయం వ్యక్తం చేశాడు.కాగా టీ20 ప్రపంచకప్‌ తాజా ఎడిషన్‌లో ఆడిన నాలుగు మ్యాచ్‌లలో కలిపి బాబర్‌ ఆజం 122 పరుగులు చేశాడు. అయితే అతడి స్ట్రైక్‌రేటు మాత్రం కేవలం 101.66 కావడం గమనార్హం. ఇదిలా ఉంటే.. గ్రూప్‌-ఏ నుంచి టీమిండియాతో పాటు అమెరికా సూపర్‌-8కు చేరగా.. పాక్‌, కెనడా, ఐర్లాండ్‌ ఇంటిబాట పట్టాయి.చదవండి: T20 WC: కెప్టెన్సీకి గుడ్‌ బై?.. బాబర్‌ ఆజం ఘాటు స్పందన

బంగ్లాదేశ్‌ ఆల్‌రౌండర్‌ షకీబ్‌ అల్‌ హసన్‌ టీమిండియా మాజీ ఓపెనర్‌ వీరేంద్ర సెహ్వాగ్‌ను ఉద్దేశించి ఘాటు వ్యాఖ్యలు చేశాడు. అసలు సెహ్వాగ్‌ ఎవరో తనకు తెలియదంటూ గట్టిగా కౌంటర్‌ ఇచ్చాడు.కాగా టీ20 ప్రపంచకప్‌-2024 ఆడే బంగ్లాదేశ్‌ జట్టుకు ఎంపికైన షకీబ్‌ అల్‌ హసన్‌.. టీమిండియా కెప్టెన్‌ రోహిత్‌ శర్మతో కలిసి అరుదైన రికార్డు నెలకొల్పిన విషయం తెలిసిందే. పొట్టి ఫార్మాట్‌ వరల్డ్‌కప్‌ కప్‌ ఆరంభ ఎడిషన్‌ నుంచి ఇప్పటిదాకా కొనసాగిన ఆటగాడిగా రోహిత్‌తో పాటు అతడు నిలిచాడు.అయితే, గ్రూప్‌ దశలోని తొలి రెండు మ్యాచ్‌లలో ఈ వెటరన్‌ స్పిన్‌ బౌలింగ్‌ ఆల్‌రౌండర్‌ పెద్దగా ఆకట్టుకోలేకపోయాడు. శ్రీలంక, సౌతాఫ్రికా మ్యాచ్‌లలో వరుసగా ఎనిమిది, మూడు పరుగులు చేసిన షకీబ్‌.. ఒక్క వికెట్‌ కూడా తీయలేకపోయాడు.ముఖ్యంగా సౌతాఫ్రికాతో మ్యాచ్‌లో అతడు అవుటైన తీరు విమర్శలకు దారితీసింది. ఈ నేపథ్యంలో టీమిండియా మాజీ క్రికెటర్‌ వీరేంద్ర సెహ్వాగ్‌.. అనవసర షాట్లకు అవుట్‌ కావడం ఏమిటని, ఎప్పుడో రిటైర్‌ అవ్వాల్సిన క్రికెటర్‌ ఇంకా ఆడితే ఇలాగే ఉంటుందని విమర్శించాడు.అంతేకాకుండా నువ్వేమీ మాథ్యూ హెడ్‌న్‌, ఆడం గిల్‌క్రిస్ట్‌ కాదని.. జస్ట్‌ బంగ్లాదేశ్‌ ప్లేయర్‌వి అని వీరూ భాయ్‌ షకీబ్‌పై ఆగ్రహం వ్యక్తం చేశాడు. అయితే, తాజాగా నెదర్లాండ్స్‌తో మ్యాచ్‌లో బంగ్లాదేశ్‌ గెలుపొంది సూపర్‌-8కు చేరువైంది.ఈ విజయంలో షకీబ్‌ అల్‌ హసన్‌ కీలక పాత్ర పోషించాడు. 46 బంతుల్లో 64 పరుగులతో రాణించి ఆఖరి వరకు అజేయంగా నిలిచాడు. కీలక సమయంలో రాణించి.. జట్టును గెలిపించి ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.ఈ క్రమంలో మీడియాతో మాట్లాడుతున్న సందర్భంగా సెహ్వాగ్‌ విమర్శల గురించి ఓ జర్నలిస్టు ప్రశ్నించగా.. ‘‘సెహ్వాగ్‌? అతడెవరు?’’ అంటూ షకీబ్‌ అల్‌ హసన్‌ ఎదురు ప్రశ్నించాడు. ‘‘విమర్శకులు చేసిన వ్యాఖ్యలపై స్పందించాల్సిన అవసరం ఆటగాళ్లకు లేదు.జట్టుకు ఏ విధంగా ఉపయోగపడగలం అని మాత్రమే మనం ఆలోచించాలి. అలా ఆలోచించని వాళ్లే అనవసరపు విషయాల గురించి పట్టించుకుంటారు.బ్యాటర్‌ బ్యాటింగ్‌ గురించి.. బౌలర్‌ బౌలింగ్‌ గురించి.. ఫీల్డింగ్‌ చేసే సమయంలో క్యాచ్‌లు లేదంటే పరుగులు సేవ్‌ చేయడం గురించి మాత్రమే ఆలోచిస్తారు. అంతేగానీ ఇలాంటి వాటికి జవాబు ఇవ్వాల్సిన అవసరం ఆటగాళ్లకు ఏమాత్రం ఉండదు’’ అని షకీబ్‌ అల్‌ హసన్‌ సెహ్వాగ్‌ను ఉద్దేశించి స్ట్రాంగ్‌ కౌంటర్‌ ఇచ్చాడు. ఇందుకు సంబంధించిన వీడియో సోషల్‌ మీడియలో వైరల్‌ అవుతోంది.చదవండి: అందరికీ పది నిమిషాలు.. అతడికి ఇరవై: పాక్‌ మాజీ కెప్టెన్‌ సంచలన వ్యాఖ్యలుShakib Al Hasan, the most arrogant cricketer in the his history.Journalist: There has been lot of discussions about your performance especially criticize by Virendra Sehwag"Shakib: Who is Sehwag?pic.twitter.com/wtqlGrdeX3— Farrago Abdullah Parody (@abdullah_0mar) June 14, 2024

‘‘అనుభవమే ప్రాతిపదికగా అతడిని జట్టులోకి తీసుకుని ఉంటే మాత్రం.. అతడు అందుకు ఏమాత్రం న్యాయం చేయడం లేదు. కనీసం కొంతసేపైనా క్రీజులో నిలబడాలి కదా.షార్ట్‌ బాల్‌ను కూడా పుల్‌ షాట్‌ ఆడటానికి నువ్వేమీ మాథ్యూ హెడెన్‌వో లేదంటే ఆడం గిల్‌క్రిస్ట్‌వో కాదు. కేవలం బంగ్లాదేశ్‌ నుంచి వచ్చిన ఆటగాడివి అంతే. నీ స్థాయి, ప్రమాణాలకు తగ్గట్లు ఆడాలి.హుక్‌ లేదంటే పుల్‌ షాట్‌ ఆడే నైపుణ్యం నీకు లేనట్లయితే.. నీకు తెలిసిన షాట్లు మాత్రమే ఆడవచ్చు కదా!’’ అంటూ బంగ్లాదేశ్‌ ఆల్‌రౌండర్‌ షకీబ్‌ అల్‌ హసన్‌ ఆట తీరుపై టీమిండియా మాజీ క్రికెటర్‌ వీరేంద్ర సెహ్వాగ్‌ విమర్శలు గుప్పించాడు.టీ20 ప్రపంచకప్‌-2024లో భాగంగా సౌతాఫ్రికాతో మ్యాచ్‌లో షకీబ్‌ పూర్తిగా విఫలం కావడంతో ఈ మేరకు ఘాటు వ్యాఖ్యలు చేశాడు. కాగా గ్రూప్‌-డిలో భాగమైన బంగ్లాదేశ్‌ సోమవారం నాటి మ్యాచ్‌లో ప్రొటిస్‌ జట్టు చేతిలో ఓటమిపాలైంది.ఆఖరి బంతి వరకు ఉత్కంఠ రేపిన ఈ మ్యాచ్‌లో నాలుగు పరుగుల స్వల్ప తేడాతో గెలుపునకు దూరమైంది. న్యూయార్క్‌ వేదికగా జరిగిన ఈ మ్యాచ్‌లో సౌతాఫ్రికా తొలుత బ్యాటింగ్‌ చేసి 113 పరుగులు చేసింది.స్వల్ప లక్ష్య ఛేదనలో బంగ్లా ఆది నుంచే తడబడింది. టాపార్డర్‌ చేతులెత్తేయగా.. నాలుగో స్థానంలో వచ్చిన షకీబ్‌ అల్‌ హసన్‌ కేవలం మూడు పరుగులే చేశాడు. అనవసరపు షాట్‌కు యత్నించి అన్రిచ్‌ నోర్జే బౌలింగ్‌లో ఐడెన్‌ మార్క్రమ్‌కు క్యాచ్‌ ఇచ్చి అవుటయ్యాడు.జట్టులో సీనియర్‌ ఆటగాడైన ఈ స్పిన్‌ బౌలింగ్‌ ఆల్‌రౌండర్‌ ఇలా పూర్తిగా నిరాశపరచడంతో సెహ్వాగ్‌ పైవిధంగా స్పందించాడు. ఆస్ట్రేలియా దిగ్గజాలు మాథ్యూ హెడెన్‌, ఆడం గిల్‌క్రిస్ట్‌ల పేర్లు ప్రస్తావిస్తూ విమర్శించాడు. తెలిసిన షాట్లు మాత్రమే ఆడుతూ తెలివిగా వ్యవహరించే బాగుండి ఉండేదని క్రిక్‌బజ్‌ షోలో షకీబ్‌ను ఉద్దేశించి వ్యాఖ్యానించాడు.కాగా ఈ మ్యాచ్‌లో షకీబ్‌ అల్‌ హసన్‌ ఒక ఓవర్‌ బౌలింగ్‌ చేసి ఆరు పరుగులు ఇచ్చాడు. ఒక్క వికెట్‌ కూడా తీయలేకపోయాడు. ఇక టీమిండియా కెప్టెన్‌ రోహిత్‌ శర్మతో పాటు టీ20 ప్రపంచకప్‌ మొదటి ఎడిషన్‌(2007) నుంచి ఇప్పటిదాకా ఈ మెగా టోర్నీలో ఆడుతున్న ప్లేయర్‌ షకీబ్‌ అల్‌ హసన్‌ మాత్రమే! ఇదిలా ఉంటే.. వరల్డ్‌కప్‌-2024 గ్రూప్‌-డిలో ఉన్న బంగ్లాదేశ్‌ ఇప్పటి వరకు రెండు మ్యాచ్‌లు ఆడి.. ఒకటి మాత్రమే గెలిచింది. ప్రస్తుతం పాయింట్ల పట్టికలో రెండో స్థానంలో ఉంది. మరోవైపు.. బంగ్లాపై విజయంతో మూడో గెలుపు నమోదు చేసిన సౌతాఫ్రికా సూపర్‌-8లో అడుగుపెట్టింది.చదవండి: SA vs Ban: నరాలు తెగే ఉత్కంఠ: ఆ క్యాచ్‌ గనుక వదిలేసి ఉంటే..

ఐపీఎల్‌-2024లో ముంబై ఇండియన్స్ ‘స్టార్’‌ క్రికెటర్ల ఆట తీరుపై టీమిండియా మాజీ ఓపెనర్‌ వీరేంద్ర సెహ్వాగ్‌ విమర్శలు గుప్పించాడు. వచ్చే ఏడాది వేలంలో సోకాల్డ్‌ ‘స్టార్ల’ను వదిలేయాలని మేనేజ్‌మెంట్‌కు సూచించాడు.కాగా ముంబై ఇండియన్స్‌లో స్టార్‌ ఆటగాళ్లకు కొదవలేదు. టీమిండియా కెప్టెన్‌ రోహిత్‌ శర్మ సహా ఆల్‌రౌండర్‌ హార్దిక్‌ పాండ్యా, ప్రధాన పేసర్‌ జస్‌ప్రీత్‌ బుమ్రా, టీ20 వరల్డ్‌ నంబర్‌ వన్‌ స్టార్‌ సూర్యకుమార్ యాదవ్‌తో పాటు యంగ్‌ ఓపెనర్‌ ఇషాన్‌ కిషన్‌ తదితరులు ఉన్నారు.ఇక రోహిత్‌ శర్మ ఈ జట్టుకు ఐదుసార్లు ట్రోఫీ అందించినా.. ఐపీఎల్‌-2024 సీజన్‌లో కెప్టెన్‌గా అతడిని తప్పించింది యాజమాన్యం. గుజరాత్‌ టైటాన్స్‌ నుంచి ట్రేడ్‌ చేసుకున్న పాండ్యాకు పగ్గాలు అప్పగించింది.రెండు వర్గాలుగా విడిపోయిన జట్టు?ఈ నేపథ్యంలో వేదనకు గురైన రోహిత్‌ శర్మతో పాటు బుమ్రా, సూర్య తదితరులు ఒక బృందంగా.. పాండ్యా, ఇషాన్‌లతో కూడిన మరికొందరు మరో బృందంగా ఏర్పడ్డారని.. జట్టులో విభేదాలు తారస్థాయికి చేరాయనే వార్తలు వినిపిస్తున్నాయి.జట్టు ప్రదర్శనపై ఇది ప్రభావం చూపిందని.. అందుకే ఈ సీజన్‌లో ప్లే ఆఫ్స్‌ రేసు నుంచి నిష్క్రమించిన తొలి జట్టుగా ముంబై నిలిచిందనే విమర్శలు వస్తున్నాయి. ఇక ఈ ఎడిషన్‌ లీగ్‌ దశలో తమ ఆఖరి మ్యాచ్‌లో భాగంగా ముంబై శుక్రవారం లక్నో సూపర్‌ జెయింట్స్‌తో తలపడనుంది.ఈ నేపథ్యంలో వీరేంద్ర సెహ్వాగ్‌ ముంబై మేనేజ్‌మెంట్‌ను ఉద్దేశించి కీలక వ్యాఖ్యలు చేశాడు. 2025 వేలానికి ముందే రోహిత్‌ శర్మ, హార్దిక్‌ పాండ్యా, ఇషాన్‌ కిషన్‌లను వదిలేయాలని సూచించాడు.షారుఖ్‌, సల్మాన్‌, ఆమిర్‌ ఉంటే సరిపోదుఇందుకు సినిమాను ఉదాహరణగా ప్రస్తావిస్తూ ఈ మేరకు ‘‘షారుఖ్‌ ఖాన్‌, సల్మాన్‌ ఖాన్‌, ఆమిర్‌ ఖాన్‌ కలిసి ఒకే సినిమాలో నటించినా.. అది హిట్టవుతుందనే గ్యారెంటీ లేదు. సినిమాలో స్టార్లు ఉన్నంత మాత్రాన సరిపోదు.మంచి స్క్రిప్టు ఉండాలి. అందరూ బాగా నటించగలగాలి. ఇలా ఇంకెన్నో అంశాలు కలిసిరావాలి. అలాగే జట్టులో పేరున్న ఆటగాళ్లు ఉన్నంత మాత్రాన సరిపోదు.అసలు రోహిత్‌ శర్మ ఏం చేశాడు?మైదానంలో వాళ్లు సరిగ్గా ఆడితేనే అనుకున్న ఫలితాలు వస్తాయి. రోహిత్‌ శర్మ ఒక్క మ్యాచ్‌లో సెంచరీ చేశాడు. కానీ ఆ మ్యాచ్‌లో ముంబై ఓడిపోయింది. మరి మిగతా మ్యాచ్‌లలో అతడి ప్రదర్శన మాటేమిటి?ఇక ఇషాన్‌ కిషన్‌.. ఈ సీజన్‌ మొత్తంలో ఒక్కసారి కూడా కనీసం పవర్‌ ప్లే ముగిసే వరకైనా ఉన్నాడా?.. నా దృష్టిలో ముంబై ఇండియన్స్‌ కేవలం జస్‌ప్రీత్‌ బుమ్రా, సూర్యకుమార్‌ యాదవ్‌లనే నమ్ముకోవాలిక! వీళ్లిద్దరిని మాత్రమే రిటైన్‌ చేసుకోవాలివచ్చే సీజన్‌ కోసం వీళ్లిద్దరిని మాత్రమే రిటైన్‌ చేసుకుంటే బాగుంటుంది. మిగతా వాళ్లు అసలు అవసరమే లేదు’’ అని సెహ్వాగ్‌ ఘాటు వ్యాఖ్యలు చేశాడు. కాగా ఈ సీజన్‌లో ముంబై ఓపెనర్లు రోహిత్‌ శర్మ 349, ఇషాన్‌ కిషన్‌ 306 పరుగులు చేశారు. మరోవైపు గాయం కారణంగా ఆలస్యంగా ఎంట్రీ ఇచ్చిన సూర్యకుమార్‌ 345 పరుగులు సాధించాడు. ఇక బుమ్రా 20 వికెట్లు తీయగా.. ఆల్‌రౌండర్‌ హార్దిక్‌ పాండ్యా 11 వికెట్లు తీయడంతో పాటు 200 పరుగులు చేశాడు. చదవండి: Kavya Maran- SRH: కేన్‌ మామను హత్తుకున్న కావ్యా.. వీడియో వైరల్‌అతడి కంటే చెత్త కెప్టెన్‌ ఇంకొకరు లేరు.. పైగా హార్దిక్‌ను అంటారా?.. గంభీర్‌ ఫైర్‌

టీమిండియా కెప్టెన్ రోహిత్ శ‌ర్మకు గ‌త కొంత‌కాలంగా పొట్టి ఫార్మాట్లో ఏదీ క‌లిసి రావ‌డం లేదు. టీ20 ప్ర‌పంచ‌క‌ప్‌-2022 సెమీస్‌లోనే భార‌త జ‌ట్టు నిష్క్ర‌మించిన త‌ర్వాత.. సుదీర్ఘ‌కాలం అంత‌ర్జాతీయ టీ20ల‌కు దూరంగా ఉన్నాడు హిట్‌మ్యాన్‌.ప్లే ఆఫ్స్ చేర్చినాగ‌తేడాది ఐపీఎల్‌లో ముంబై ఇండియ‌న్స్ కెప్టెన్‌గా బ‌రిలోకి దిగిన రోహిత్ బ్యాట‌ర్‌గా స్థాయికి త‌గ్గ‌ట్లు రాణించ‌లేదు. ఈ ఓపెనింగ్ బ్యాట‌ర్‌ 16 మ్యాచ్‌ల‌లో క‌లిపి 332 పరుగులు మాత్ర‌మే చేశాడు. ఇక జ‌ట్టును ప్లే ఆఫ్స్ చేర్చి సార‌థిగా స‌ఫ‌ల‌మైనా.. ముంబై ఫ్రాంఛైజీ అత‌డిపై ఈసారి వేటు వేసింది.గుజ‌రాత్ టైటాన్స్ నుంచి ట్రేడ్ చేసుకున్న హార్దిక్ పాండ్యాకు కెప్టెన్సీ అప్ప‌గించింది. ఈ క్ర‌మంలో తీవ్ర మ‌నోవేద‌న‌కు గురైన రోహిత్ శ‌ర్మ వ‌చ్చే ఏడాది ఫ్రాంఛైజీని వీడేందుకు సిద్ధ‌మైన‌ట్లు వార్త‌లు వ‌స్తున్నాయి. ఫోక‌స్ చేయ‌లేక‌ఇక పాండ్యా ప్ర‌వ‌ర్త‌న‌తో విసిగిపోయిన రోహిత్ బ్యాటింగ్‌పై కూడా ఎక్కువ‌గా ఫోక‌స్ చేయ‌లేక‌పోతున్నాడ‌ని గ‌ణాంకాల‌ను బ‌ట్టి స్ప‌ష్ట‌మ‌వుతోంది. ఐపీఎల్‌-2024లో ఇప్ప‌టి దాకా 13 మ్యాచ్‌లు ఆడి 349 ప‌రుగులు చేశాడు. ఇదిలా ఉంటే.. ఐపీఎల్ త‌ర్వాత టీమిండియా జూన్ 1నుంచి మొద‌లుకానున్న ప్ర‌పంచ‌క‌ప్‌-2024కు స‌న్న‌ద్ధంకానుంది. ఇందుకోసం ఇప్ప‌టికే రోహిత్ శ‌ర్మ సార‌థ్యంలో బీసీసీఐ 15 మంది స‌భ్యుల‌తో జ‌ట్టును ప్ర‌క‌టించింది.అయితే, ఈ మెగా టోర్నీ త‌ర్వాత 37 ఏళ్ల రోహిత్ శ‌ర్మ టీ20 ఫార్మాట్‌కు వీడ్కోలు ప‌ల‌కనున్న‌ట్లు స‌మాచారం. వ‌య‌సు, ఫిట్‌నెస్ రీత్యా రెండు ఫార్మాట్లకు కూడా గుడ్‌బై చెప్ప‌నున్న‌ట్లు వార్త‌లు వినిపిస్తున్నాయి. అది నిజం కాదుఈ నేప‌థ్యంలో టీమిండియా మాజీ స్టార్ యువ‌రాజ్ సింగ్ తండ్రి యోగ్‌రాజ్ సింగ్‌ రోహిత్ శ‌ర్మ గురించి కీల‌క వ్యాఖ్య‌లు చేశాడు. "అస‌లు వ‌య‌సు గురించి ఎందుకు మాట్లాడ‌తారో అర్థం కాదు.40, 42.. 45 ఏళ్ల వ‌య‌సులోనూ ఫిట్‌నెస్‌తో ఉండి.. బాగా ఆడుతుంటే.. ఆ ఆట‌గాడి రిటైర్‌మెంట్ గురించి మాట్లాడాల్సిన అవ‌స‌రం ఏముంది? మ‌న దేశంలో చాలా మంది 40 ఏళ్ల వ‌య‌సు వ‌చ్చిందంటే.. పిల్ల‌ల పెంపకం గురించి ఆలోచిస్తూ కాలం గ‌డిపేయాల‌నే ఆలోచ‌న‌తో ఉంటారు. వ‌య‌సు అయిపోయింద‌ని.. ఆట‌కు ప‌నికిరామ‌ని అనుకుంటారు. కానీ అది నిజం కాదు. 50 ఏళ్ల వ‌య‌సులోనూ క్రికెట్ ఆడ‌గ‌ల‌డుటీమిండియా తొలిసారి వ‌ర‌ల్డ్ క‌ప్ గెలిచిన‌పుడు మొహింద‌ర్ అమ‌ర్‌నాథ్ వ‌య‌సు 38 ఏళ్లు. ఫైన‌ల్లో ప్లేయ‌ర్ ఆఫ్ ది మ్యాచ్ అత‌డే. అస‌లు ఏజ్ గురించి టీమిండియాలో చ‌ర్చ అన‌వ‌స‌రం అంటాను.రోహిత్ శ‌ర్మ‌, వీరేంద్ర సెహ్వాగ్ వంటి గొప్ప ప్లేయ‌ర్లు ఫిట్‌నెస్ గురించి పెద్ద‌గా అవ‌స‌రం లేదు. ఒక‌వేళ రోహిత్ ఆడాల‌నుకుంటే 50 ఏళ్ల వ‌య‌సులోనూ క్రికెట్ ఆడ‌గ‌ల‌డు" అని యోగ్‌రాజ్ సింగ్ అని స్పోర్ట్స్‌18తో చెప్పుకొచ్చాడు.కాగా ఫిట్‌నెస్‌కు మారుపేరైన విరాట్ కోహ్లి కెరీర్ సుదీర్ఘ‌కాలం కొన‌సాగించ‌గ‌ల‌డ‌న్న విశ్లేష‌ణ‌ల నేప‌థ్యంలో అత‌డి పేరు ఎత్త‌కుండా యోగ్‌రాజ్ కేవ‌లం రోహిత్‌, వీరూ పేర్లు చెప్ప‌డం విశేషం.చ‌ద‌వండి: T20 WC: హార్దిక్‌ను సెలక్ట్ చేయ‌డం రోహిత్‌కు ఇష్టం లేదు.. కానీ!

ఐపీఎల్‌ ఫ్రాంఛైజీ యజమానులను ఉద్దేశించి టీమిండియా మాజీ బ్యాటర్‌ వీరేంద్ర సెహ్వాగ్‌ కీలక వ్యాఖ్యలు చేశాడు. ఆటగాళ్లు, కోచ్‌లే జట్టును ముందుకు నడిపిస్తారని.. ఈ విషయంలో ఓనర్ల జోక్యం అనవసమా అంటూ ఘాటుగా విమర్శించాడు.వ్యాపారవేత్తలు కేవలం లాభనష్టాల గురించే ఆలోచిస్తారని.. అయితే, మైదానంలోనే ఆటగాళ్లను కించపరిచేలా వ్యవహరించడం సరికాదని హితవు పలికాడు. లక్నో సూపర్‌ జెయింట్స్‌ యజమాని సంజీవ్‌ గోయెంకా ఆ జట్టు కెప్టెన్‌ కేఎల్‌ రాహుల్‌ పట్ల అనుచితంగా ప్రవర్తించిన నేపథ్యంలో సెహ్వాగ్‌ ఈ మేరకు వ్యాఖ్యలు చేశాడు.కాగా ఐపీఎల్‌-2024లో సన్‌రైజర్స్‌ హైదరాబాద్‌తో మ్యాచ్‌లో కేఎల​ రాహుల్‌ కెప్టెన్‌గా, బ్యాటర్‌గా విఫలమయ్యాడు. ఫలితంగా రైజర్స్‌ చేతిలో లక్నో చిత్తుగా ఓడిపోయింది. ఈ క్రమంలో సంజీవ్‌ గోయెంకా మైదానంలోనే రాహుల్‌తో వాదనకు దిగాడు.అతడు సర్దిచెప్తున్నా వినిపించుకోకుండా ఆగ్రహం ప్రదర్శించాడు. అదే విధంగా కోచ్‌ జస్టిన్‌ లాంగర్‌ పట్ల కూడా ఇదే తరహాలో వ్యవహరించాడు గోయెంకా. ఈ విషయంపై స్పందించిన సెహ్వాగ్‌ క్రిక్‌బజ్‌ షోలో తన అభిప్రాయాలు పంచుకున్నాడు.‘‘డ్రెస్సింగ్‌ రూం లేదంటే ప్రెస్‌ మీట్‌ సమయంలోనే ఓనర్లు ఆటగాళ్లతో మాట్లాడాలి. అది కూడా వాళ్లలో స్ఫూర్తి నింపేలా వ్యవహరించాలి గానీ.. ‘‘సమస్య ఏంటి? ఏం జరుగుతోంది?’’ అంటూ మైదానంలోనే ఇలా వ్యవహరించకూడదు.కోచ్‌లు, కెప్టెన్‌ జట్టును నడిపిస్తారు. కాబట్టి ఓనర్లు ఆటగాళ్ల విషయాల్లో జోక్యం చేసుకోకపోవడమే బెటర్‌. వాళ్లంతా వ్యాపారవేత్తలు. వాళ్లకు కేవలం లాభం, నష్టం గురించి మాత్రమే తెలుసు.అయినా ఇక్కడ వారికి ఎలాంటి లాస్‌ లేదు. 400 కోట్ల రూపాయల వరకు లాభం ఆర్జిస్తున్నారు. అంటే.. ఇక్కడ వాళ్లకు నష్టమేమీ ఉండదు కదా అని అంటున్నా! లాభాలు తీసుకోవడం తప్ప జట్టులో ఏం జరిగినా పట్టించుకునే అవసరం పెద్దగా లేదనే అనుకుంటున్నా. మీరేమైనా చెప్పాలనుకుంటే ఆటగాళ్లను మోటివేట్‌ చేసేలా ఉండాలి.ఐపీఎల్‌లో చాలా ఫ్రాంఛైజీలు ఉన్నాయి. ఆటగాడు ఓ జట్టును వీడితే మరో జట్టు అతడిని తీసుకుంటుంది. కీలకమైన ఆటగాడిని కోల్పోతే మీ విజయాల శాతం సున్నా అవుతుంది. నేను పంజాబ్‌ జట్టును వీడినపుడు వాళ్లు ఐదో స్థానంలో ఉన్నారు. ఆ తర్వాత ఎప్పుడూ కనీసం ఐదో స్థానంతో ముగించలేకపోయారు’’ అని సెహ్వాగ్‌ ఘాటు వ్యాఖ్యలు చేశాడు.

ఐపీఎల్‌ ఫ్రాంఛైజీ పంజాబ్‌ కింగ్స్‌ సహ యజమాని, బాలీవుడ్‌ నటి ప్రీతి జింటా ఇటీవల సోషల్‌ మీడియాలో చురుగ్గా ఉంటున్నారు. తమ జట్టుకు సంబంధించి అభిమానులు వేస్తున్న ప్రశ్నలకు ఓపికగా సమాధానాలు ఇస్తూ వారిని ఖుషీ చేస్తున్నారు.ఈ క్రమంలో ఓ నెటిజన్‌.. ‘‘పంజాబ్‌ కింగ్స్‌లో మీకిష్టమైన ఆటగాడు ఎవరు?’’ అని ప్రశ్నించారు. ఇందుకు సమాధానంగా.. ప్రీతి జింటా వీరేంద్ర సెహ్వాగ్‌, ఆడం గిల్‌క్రిస్ట్‌ పేర్లను చెప్పారు.ఈ మేరకు.. ‘‘డేంజరస్‌ వీరూగా ఉన్నందుకు వీరేంద్ర సెహ్వాగ్‌’’ అంటూ హార్ట్‌ సింబల్‌ జత చేసిన ప్రీతి జింటా.. ఆడం గిల్‌క్రిస్ట్‌ అంటే కూడా తనకు ఎంతో ఇష్టమని తెలిపారు. నాయకుడిగా, ఆటగాడిగా అతడు ఎంతో మందికి స్ఫూర్తిదాయకమని కొనియాడారు.కాగా 2014, 2015 సీజన్లలో పంజాబ్‌ జట్టు తరఫున టీమిండియా మాజీ ఓపెనర్‌ వీరేంద్ర సెహ్వాగ్‌ దుమ్ములేపాడు. 30 మ్యాచ్‌లలో కలిపి 660 పరుగులు సాధించాడు. ఇందులో చెన్నై సూపర్‌ కింగ్స్‌తో క్వాలిఫయర్‌ మ్యాచ్‌లో అతడు 122 పరుగులు సాధించడం హైలైట్‌గా నిలిచింది.ఇక ఆస్ట్రేలియా మాజీ స్టార్‌ ఆడం గిల్‌క్రిస్ట్‌ సైతం 2011- 2103 మధ్య పంజాబ్‌కు ప్రాతినిథ్యం వహించాడు. 34 మ్యాచ్‌లలో కలిపి 849 రన్స్‌ చేశాడు. నిలకడైన ఫామ్‌తో జట్టుకు విజయాలు అందించాడు. కెప్టెన్‌గానూ రాణించాడు.గిల్‌క్రిస్ట్‌ సారథ్యంలో పంజాబ్‌ కింగ్స్‌ 2011లో పాయింట్ల పట్టికలో ఐదో స్థానంలో నిలిచింది. 2012, 2013లో ఆరో స్థానం సంపాదించింది.ఇక ఫేవరెట్‌ ప్లేయర్‌ ప్రశ్న తర్వాత.. ‘‘పంజాబ్‌ కింగ్స్‌ జట్టు కోసం మీరింకా ఆలూ పరాఠాలు చేస్తున్నారా?’’ అని ఓ నెటిజన్‌ అడిగారు. ఇందుకు బదులిస్తూ.. ‘‘లేదు.. అప్పట్లో సౌతాఫ్రికాలో ఓసారి మా జట్టు గెలిచిన తర్వాత పరాఠాలు చేసిచ్చాను. ఆ తర్వాత అలాంటివేమీ చేయలేదు’’ అని ప్రీతి జింటా పేర్కొన్నారు.ఇదిలా ఉంటే.. ఐపీఎల్‌-2024లో పంజాబ్‌ కింగ్స్‌ మరోసారి పేలవ ప్రదర్శనతో అభిమానులను నిరాశపరుస్తోంది. ఇప్పటి వరకు ఆడిన పదకొండు మ్యాచ్‌లలో కేవలం నాలుగు గెలిచి పట్టికలో ఎనిమిదో స్థానంలో ఉంది. ఈ నేపథ్యంలో తాను జట్టు ప్రదర్శన పట్ల సంతోషంగా లేనంటూ ప్రీతి జింటా ఇటీవల పేర్కొన్నారు. ఇక పంజాబ్‌ కింగ్స్‌ ఇప్పటి వరకు ఒక్కసారి కూడా ఐపీఎల్‌ టైటిల్‌ గెలవలేదన్న విషయం తెలిసిందే. కాగా టీమిండియా మాజీ స్టార్‌ యువరాజ్‌ సింగ్‌ గతంలో పంజాబ్‌ జట్టుకు ఆడాడు. అదే విధంగా.. శిఖర్‌ ధావన్‌ ప్రస్తుతం కెప్టెన్‌గా ఉన్నాడు. అయితే, గాయం కారణంగా అతడు మ్యాచ్‌లకు దూరం కాగా సామ్‌ కరన్‌ సారథిగా వ్యవహరిస్తున్నాడు.

కోల్‌కతా నైట్‌ రైడర్స్‌తో మ్యాచ్‌లో ముంబై ఇండియన్స్‌ అనుసరించిన వ్యూహాలను భారత మాజీ క్రికెటర్‌ వీరేంద్ర సెహ్వాగ్‌ తప్పుబట్టాడు. హార్దిక్‌ పాండ్యా, టిమ్‌ డేవిడ్‌ మరీ అంత చెత్త ఆటగాళ్లలా కనిపిస్తున్నారా అంటూ మేనేజ్‌మెంట్‌కు చురకలు అంటించాడు.ఐపీఎల్‌-2024లో భాగంగా వాంఖడే వేదికగా కేకేఆర్‌తో తలపడిన ముంబై ఓడిపోయిన విషయం తెలిసిందే. సొంత మైదానంలో 24 పరుగుల తేడాతో ఓటమి ఈ సీజన్‌లో ఎనిమిదో పరాజయాన్ని నమోదు చేసింది.ఛేదనలో తడ‘బ్యా’టు టాస్‌ గెలిచి తొలుత బౌలింగ్‌ చేసిన ముంబై.. కేకేఆర్‌ను 19.5 ఓవర్లలో 169 పరుగులకు ఆలౌట్‌ చేసి ఫర్వాలేదనిపించింది. కానీ లక్ష్య ఛేదనలో మాత్రం తడ‘బ్యాటు’కు గురైంది. 18.5 ఓవర్లలో 145 పరుగులకే కుప్పకూలింది.టాపార్డర్‌ మొత్తం చేతులెత్తేయగా.. మిడిలార్డర్‌లో సూర్యకుమార్‌ యాదవ్‌(35 బంతుల్లో 56) ఒక్కడే రాణించాడు. మిగిలిన వాళ్లు సింగిల్‌ డిజిట్‌ స్కోర్లకే పరిమితమయ్యారు.ఇలాంటి తరుణంలో ​కెప్టెన్‌ హార్దిక్‌ పాండ్యా(1) ఏడు, టిమ్‌ డేవిడ్(24)‌ ఎనిమిదో స్థానంలో బ్యాటింగ్‌కు వచ్చి స్వల్ప స్కోర్లకే వెనుదిరిగారు. తర్వాత టెయిలెండర్లు పెవిలియన్‌కు క్యూ కట్టడంతో ముంబై కథ ముగిసింది.మరీ అంత చెత్తగా ఆడతారా?ఈ నేపథ్యంలో వీరేంద్ర సెహ్వాగ్‌ క్రిక్‌బజ్‌ షోలో మాట్లాడుతూ.. ‘‘ముంబై ఇండియన్స్‌ హార్దిక్‌ పాండ్యా, టిమ్‌ డేవిడ్‌ను ఎందుకు దాచిపెట్టిందో తెలియదు. అలా చేయడం వల్ల మీకు ఏం ప్రయోజనం చేకూరింది?ఇంకా బంతులు మిగిలే ఉన్నాయి. జట్టు మొత్తం ఆలౌట్‌ అయింది. నిజానికి హార్దిక్‌ పాండ్యా, టిమ్‌ డేవిడ్‌లను ఇంకాస్త ముందుగా బ్యాటింగ్‌కు పంపాల్సింది.కానీ ఛేజ్‌ చేస్తున్న సమయంలో వరుసగా వికెట్లు పడుతున్నా హార్దిక్‌ పాండ్యా, టిమ్‌ డేవిడ్‌లను ఏడు, ఎనిమిదో స్థానాల్లో ఎందుకు ఆడించారో అర్థం కాలేదు.లోయర్‌ ఆర్డర్‌లో వీళ్లు ఇంకాస్త ముందుగా వస్తే మరీ అంత చెత్తగా ఆడతారని అనుకున్నారా?’’ అని ముంబై మేనేజ్‌మెంట్‌ను ప్రశ్నించాడు. గుజరాత్‌ టైటాన్స్‌తో ఉన్నపుడు పాండ్యా నాలుగో స్థానంలో నిలకడగా రాణించిన విషయాన్ని సెహ్వాగ్‌ ఈ సందర్భంగా ప్రస్తావించాడు.చదవండి: T20 WC: హార్దిక్‌ బదులు అతడిని సెలక్ట్‌ చేయాల్సింది: పాక్‌ దిగ్గజం

టీమిండియా స్టార్‌ విరాట్‌ కోహ్లిని ఉద్దేశించి మాజీ క్రికెటర్‌ వీరేంద్ర సెహ్వాగ్‌ కీలక వ్యాఖ్యలు చేశాడు. జట్టు ప్రయోజనాల కోసం ఏ స్థానంలో ఆడటానికైనా సిద్ధంగా ఉండాలని సూచించాడు. అంతటి సచిన్‌ టెండుల్కరే 2007 వరల్డ్‌కప్‌ టోర్నీలో మిడిలార్డర్‌లో బ్యాటింగ్‌ చేశాడని సెహ్వాగ్‌ ఈ సందర్భంగా పేర్కొన్నాడు.కాగా జూన్‌ 1 నుంచి అమెరికా- వెస్టిండీస్‌ వేదికగా టీ20 ప్రపంచకప్‌ టోర్నీ ఆరంభం కానుంది. ఈ నేపథ్యంలో భారత జట్టు ఓపెనింగ్‌ జోడీ గురించి మాజీ ఓపెనర్‌ వీరేంద్ర సెహ్వాగ్‌ తన అభిప్రాయాలు పంచుకున్నాడు.మూడో స్థానంలో ఆడిస్తాను‘‘నాకు గనుక అవకాశం ఉంటే.. అతడి(కోహ్లి)ని ఓపెనింగ్‌కు పంపించను. అతడిని మూడో స్థానంలో ఆడిస్తాను. రోహిత్‌ శర్మ, యశస్వి జైస్వాల్‌ ఓపెనర్లుగా నా ఆప్షన్‌. కోహ్లి వన్‌డౌన్‌లోనే రావాలి.మిడిల్‌ ఓవర్లలో ఎలా ఆడాలి అనేది అతడి తలనొప్పి. ఒకవేళ ఆరంభంలోనే వికెట్‌ పడితే కోహ్లి బ్యాటింగ్‌కు వస్తాడు. కాబట్టి పవర్‌ ప్లేలో తను ఇన్నింగ్స్‌ చక్కదిద్దగలడు.ఒకవేళ వికెట్‌ తొందరగా పడకపోతే.. ఎలా ఆడాలో కెప్టెన్‌, కోచ్‌ల సూచనలకు అనుగుణంగా అతడు ఆడాలి. జట్టులో ఒక ఆటగాడిగా అతడు తప్పక ఇది చేయాల్సిందే’’ అని క్రిక్‌బజ్‌ షోలో అతడు వ్యాఖ్యానించాడు.మిడిలార్డర్‌లో ఆడటం సచిన్‌కు అస్సలు ఇష్టం లేదుఇందుకు ఉదాహరణగా సచిన్‌ టెండుల్కర్‌ పేరును ప్రస్తావించిన సెహ్వాగ్‌.. ‘‘2007 ప్రపంచకప్‌ టోర్నీలో సచిన్‌ టెండుల్కర్‌ తన ఓపెనింగ్‌ స్థానాన్ని త్యాగం చేశాడు. నాలుగో నంబర్‌లో బ్యాటింగ్‌ చేశాడు.మిడిలార్డర్‌లో ఆడటం సచిన్‌కు అస్సలు ఇష్టం లేదు. అయినా.. జట్టు ప్రయోజనాల కోసం ఒప్పుకొన్నాడు. మీ జట్టులో ఇద్దరు మంచి ఓపెనర్లు ఉండి.. నిన్ను(కోహ్లిని ఉద్దేశించి) మూడో స్థానంలో ఆడమన్నపుడు.. కచ్చితంగా అలాగే చేయాలి.ఓపెనర్లు సెట్‌ చేసిన మూమెంటమ్‌ను ముందుకు తీసుకువెళ్లాల్సిన బాధ్యత వన్‌డౌన్‌ బ్యాటర్‌కు ఉంటుంది. నాకు తెలిసి ఈ విషయంలో విరాట్‌ కోహ్లికి ఎలాంటి అభ్యంతరం ఉండదనే అనుకుంటున్నా’’ అని సెహ్వాగ్‌ చెప్పుకొచ్చాడు.ఓపెనర్లుగా వాళ్లేకాగా ఈసారి పొట్టి ప్రపంచకప్‌ ఈవెంట్లో కోహ్లి రోహిత్‌ శర్మకు ఓపెనింగ్‌ జోడిగా దిగనున్నాడని.. ఈ క్రమంలో యశస్వి జైస్వాల్‌ లేదంటే.. శుబ్‌మన్‌ గిల్‌పై వేటు పడనుందన్న వార్తల నేపథ్యంలో వీరేంద్ర సెహ్వాగ్‌ ఈ మేరకు వ్యాఖ్యలు చేయడం గమనార్హం. కాగా జూన్‌ 5న వరల్డ్‌కప్‌లో ఐర్లాండ్‌తో టీమిండియా తమ తొలి మ్యాచ్‌ ఆడనుంది.

ఐపీఎల్‌-2024లో టీమిండియా వెటర‌న్, రాజ‌స్తాన్ రాయ‌ల్స్ స్పిన్న‌ర్ ర‌విచంద్ర‌న్ అశ్విన్ త‌న స్ధాయికి త‌గ్గ ప్ర‌ద‌ర్శ‌న చేయ‌లేక‌పోతున్నాడు. ఈ ఏడాది సీజ‌న్‌లో ఇప్ప‌టివ‌ర‌కు 8 మ్యాచ్‌లు ఆడిన అశ్విన్ కేవ‌లం రెండు వికెట్లు మాత్ర‌మే సాధించాడు. వికెట్లు విష‌యం ప‌క్కన పెడితే త‌న బౌలింగ్‌లో భారీగా ప‌రుగులు కూడా స‌మ‌ర్పించుకుంటున్నాడు.8 మ్యాచ్‌ల్లో 9.00 ఏకాన‌మీతో 278 ప‌రుగులిచ్చాడు. ఈ క్ర‌మంలో అశ్విన్‌పై భార‌త మాజీ ఓపెన‌ర్‌ వీరేంద్ర సెహ్వాగ్ విమర్శ‌ల వ‌ర్షం కురిపించాడు. త‌నే రాజ‌స్తాన్ కోచ్‌గా గానీ మెంటార్ ఉండి ఉంటే అశ్విన్‌కు ప్లేయింగ్ ఎలెవ‌న్‌లో చోటు ఇచ్చేవాడిని కాద‌ని సెహ్వాగ్ మండిప‌డ్డాడు."అశ్విన్‌ వైట్‌బాల్‌ క్రికెట్‌కు సెట్‌ కాడు. అశ్విన్‌కు మిడిల్‌ ఓవర్లలలో వికెట్లు తీసే సత్తా లేదు. గతంలో ఓసారి కేఎల్‌ రాహుల్‌ తన స్ట్రైక్‌ రేట్‌ గురించి ఎవరు ఏమనుకున్న పట్టించుకోని వ్యాఖ్యనించాడు. ఇప్పుడు అదే తరహాలో అశ్విన్‌ కూడా వికెట్లు తీయకపోతేనేం బాగానే బౌలింగ్‌ చేస్తున్నా కాదా అన్నట్లు మాట్లాడుతున్నాడు. అశ్విన్‌ ఈ ఏడాది సీజన్‌లో ఇదే ప్రదర్శన కొనసాగిస్తే.. వచ్చే ఏడాది మెగా వేలంలో కచ్చితంగా అమ్ముడుపోడు. ఏ జట్టు అయినా బౌలర్‌ను సొంతం చేసుకున్నప్పుడు అతడి నుంచి వికెట్లు ఆశిస్తోంది. అంతేతప్ప 4 ఓవర్లలో 25 నుంచి 30 పరుగులు ఇస్తే చాలు అని ఏ జట్టు అనుకోదు . రెండు లేదా మూడుసార్లు మ్యాన్ ఆఫ్ ద మ్యాచ్‌గా నిలవాలని ఏ ప్రాంఛైజీనా భావిస్తోంది. అతడి సహచరలు చాహల్, కుల్దీప్ యాదవ్ ఈ ఏడాది సీజన్‌లో అద్బుతంగా రాణిస్తున్నాడు. అశ్విన్ ఆఫ్ స్పిన్ బౌలింగ్ చేస్తే బ్యాటర్లు టార్గెట్ చేస్తారని, క్యారమ్ బాల్స్ వేయడానికి ప్రయత్నిస్తున్నాడు. అందుకే అతడికి వికెట్లు పడడం లేదు. అతడు తన ఆఫ్ స్పిన్‌ను నమ్ముకుంటే వికెట్లు పడే ఛాన్స్ ఉంది. కానీ నేను రాజస్తాన్‌ ఫ్రాంచైజీకి మెంటార్ లేదా కోచ్‌గా ఉండి ఉంటే అతడి తుది జట్టులో చోటు దక్కేది కాదని క్రిక్ బజ్‌కు ఇచ్చిన ఇంటర్వ్యూలో సెహ్వాగ్ పేర్కొన్నాడు.

లక్నో సూపర్‌ జెయింట్స్‌ ఆల్‌రౌండర్‌ మార్కస్‌ స్టొయినిస్‌ సరికొత్త చరిత్ర సృష్టించాడు. చెన్నై సూపర్‌ కింగ్స్‌తో మ్యాచ్‌లో అజేయ శతకంతో చెలరేగిన 34 ఏళ్ల ఈ ఆసీస్‌ స్టార్‌.. పదేళ్లుగా వీరేంద్ర సెహ్వాగ్‌ పేరిట ఉన్న రికార్డు బద్దలు కొట్టాడు.ఐపీఎల్‌-2024లో భాగంగా చెపాక్‌ వేదికగా చెన్నై- లక్నో మధ్య మంగళవారం జరిగిన మ్యాచ్‌లో కేఎల్‌ రాహుల్‌ సేన విజయం సాధించింది. సొంతమైదానంలోనే చెన్నైని ఆరు వికెట్ల తేడాతో ఓడించి సత్తా చాటింది. లక్నో గెలుపులో స్టొయినిస్‌దే కీలక పాత్ర.Have a look at those emotions 🥳The Lucknow Super Giants make it 2/2 this season against #CSK 👏👏Scorecard ▶️ https://t.co/MWcsF5FGoc#TATAIPL | #CSKvLSG | @LucknowIPL pic.twitter.com/khDHwXXJoF— IndianPremierLeague (@IPL) April 23, 2024సీఎస్‌కే విధించిన 211 లక్ష్యంతో బరిలోకి దిగిన లక్నో ఆరంభంలోనే ఓపెనర్లు క్వింటన్‌ డికాక్‌(0), కేఎల్‌ రాహుల్‌(16) వికెట్లు కోల్పోయి కష్టాల్లో కూరుకుపోయిన వేళ.. తానున్నానంటూ స్టొయినిస్‌ బ్యాటెత్తాడు.మూడో స్థానంలో బ్యాటింగ్‌కు వచ్చిన అతడు 26 బంతుల్లోనే అర్ధ శతకం, 56 బంతుల్లో సెంచరీ పూర్తి చేసుకున్నాడు. మొత్తంగా 63 బంతులు ఎదుర్కొని 124 పరుగులతో అజేయంగా నిలిచాడు. ఇక స్టొయినిస్‌ ఇన్నింగ్స్‌లో ఏకంగా 13 ఫోర్లు, 6 సిక్స్‌లు ఉండటం విశేషం.Maiden #TATAIPL century ✅Highest T20 chase at Chepauk ✅Double over #CSK ✅Highest individual score in an IPL chase ✅#CSKvLSG #TATAIPL #IPLonJioCinema #MarcusStoinis pic.twitter.com/imjZQcLXa7— JioCinema (@JioCinema) April 23, 2024కాగా ఐపీఎల్‌ 17 ఏళ్ల చరిత్రలో చెన్నై సూపర్‌ కింగ్స్‌పై నమోదైన వ్యక్తిగత స్కోరు స్టొయినిస్‌దే. అంతకు ముందు 2014లో వీరేంద్ర సెహ్వాగ్‌ చెన్నై మీద 122 పరుగులు సాధించాడు. నాడు పంజాబ్‌ కింగ్స్‌ తరఫున ముంబైలోని వాంఖడే వేదికగా క్వాలిఫయర్‌-2 మ్యాచ్‌లో సెహ్వాగ్‌ ఈ మేరకు పరుగులు రాబట్టాడు.అయితే, చెపాక్‌ వేదికగా మంగళవారం నాటి మ్యాచ్‌లో స్టొయినిస్‌.. సెహ్వాగ్‌ పేరిట ఉన్న ఈ అరుదైన రికార్డును బ్రేక్‌ చేశాడు. అంతేకాదు.. నికోలస్‌ పూరన్‌(34), దీపక్‌ హుడా(6 బంతుల్లో 17 నాటౌట్‌)తో కలిసి లక్నోను విజయతీరాలకు చేర్చి మరో రికార్డు కూడా సొంతం చేసుకున్నాడు. ఐపీఎల్‌ రన్‌ ఛేజింగ్‌లో అత్యధిక వ్యక్తిగత స్కోరు(124*) సాధించిన ఆటగాడిగా స్టొయినిస్‌ చరిత్రకెక్కాడు. చదవండి: CSK vs LSG: అతడు అద్భుతం.. ఓటమిని జీర్ణించుకోలేకపోతున్నాం: గైక్వాడ్‌ var request = 'https://www.sakshi.com/knowwidget/kwstr_7552012696.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఐపీఎల్‌-2024లో ముంబై ఇండియన్స్‌ పేలవ ప్రదర్శనపై టీమిండియా మాజీ క్రికెటర్‌ వీరేంద్ర సెహ్వాగ్‌ కీలక వ్యాఖ్యలు చేశాడు. క్లిష్ట పరిస్థితుల నుంచి ఎలా బయటపడాలో ఆ జట్టుకు తెలుసునని.. అయితే, సమిష్టిగా రాణిస్తేనే అది సాధ్యపడుతుందని పేర్కొన్నాడు. అదే విధంగా.. కెప్టెన్‌ హార్దిక్‌ పాండ్యా బ్యాటింగ్‌ ఆర్డర్‌లో తనను తాను ప్రమోట్‌ చేసుకుంటే మెరుగైన ఫలితాలు రాబట్టవచ్చని సూచించాడు. అతడు గనుక బ్యాట్‌ ఝులిపించగలిగితే ఆత్మవిశ్వాసం పెరిగి.. బౌలర్‌గా, కెప్టెన్‌గానూ రాణించగలడని సెహ్వాగ్‌ అభిప్రాయపడ్డాడు.కాగా ఐపీఎల్‌-2024లో రోహిత్‌ శర్మపై వేటు వేసిన ముంబై ఇండియన్స్‌.. గుజరాత్‌ టైటాన్స్‌ నుంచి వచ్చిన హార్దిక్‌ పాండ్యాకు పగ్గాలు అప్పగించిన విషయం తెలిసిందే. అయితే, ఒత్తిడిలో చిత్తవుతున్న హార్దిక్‌ సారథ్యంలో తొలి మూడు మ్యాచ్‌లలో ముంబై ఓడింది.ఆ తర్వాత గెలుపుబాట పట్టినా నిలకడ ఉండటం లేదు. రాజస్తాన్‌ రాయల్స్‌తో సోమవారం నాటి మ్యాచ్‌లోనూ పరాజయం పాలై ఎనిమిదింట ఐదో ఓటమిని నమోదు చేసింది. ఈ నేపథ్యంలో హార్దిక్‌ పాండ్యా కెప్టెన్సీ, వ్యక్తిగత ప్రదర్శనపై విమర్శలు వెల్లువెత్తుతున్నాయి.ఈ క్రమంలో వీరేంద్ర సెహ్వాగ్‌ హార్దిక్‌ పాండ్యాకు అండగా నిలిచాడు. గత రెండు- మూడు సీజన్లలో రోహిత్‌ శర్మ కూడా టైటిల్‌ సాధించలేకపోయాడని.. స్థాయికి తగ్గట్లు పరుగులు కూడా రాబట్టలేకపోయాడని పేర్కొన్నాడు. కాబట్టి హార్దిక్‌ పాండ్యా ఇవన్నీ పట్టించుకోకుండా.. ఆట మీద మాత్రమే దృష్టి పెట్టాలని సూచించాడు.‘‘తన వ్యక్తిగత ప్రదర్శన గురించి హార్దిక్‌ పెద్దగా ఆందోళన చెందడం లేదనే అనుకుంటున్నా. కానీ తనపై ఉన్న భారీ అంచనాల కారణంగా ఒత్తిడికి లోనవుతున్నాడు. ఇక జట్టుగా ముంబై ఇండియన్స్‌ విషయానికొస్తే.. గతేడాది కూడా వాళ్ల పరిస్థితి ఇంచుమించు ఇలాగే ఉంది. వాళ్లకు ఇదేం కొత్త కాదు. ఆరంభంలో తడబడ్డా నిలదొక్కుకోగలరు. గతంలో కెప్టెన్‌గా ఉన్నపుడు రోహిత్‌ శర్మ కూడా పరుగులు చేయలేదు. గత రెండు- మూడేళ్లుగా టైటిల్‌ కూడా గెలవలేదు. ఇప్పటికీ మించి పోయిందేమీ లేదు. సమిష్టిగా రాణిస్తే ముందుకు వెళ్లగలరు. అయితే, హార్దిక్‌ పాండ్యా మాత్రం ఒత్తిడికి లోనుకాకూడదు. ముఖ్యంగా కెప్టెన్సీని భారంగా భావించకూడదు. బ్యాటింగ్‌ ఆర్డర్‌లో తనను ప్రమోట్‌ చేసుకున్నా తప్పేం లేదు. కానీ లోయర్‌ ఆర్డర్లో వచ్చినా అతడు పరుగులు చేయడం లేదంటూ విమర్శించడం సరికాదు. తను కాస్త ముందుగా వస్తే బాగుంటుంది. బ్యాటింగ్‌ మెరుగుపడిందంటే కాన్ఫిడెన్స్‌ వస్తుంది. బౌలింగ్‌ కూడా చేయగలడు. కెప్టెన్‌గానూ తనను తాను నిరూపించుకోగలడు’’ అని సెహ్వాగ్‌ క్రిక్‌బజ్‌ షోలో తన అభిప్రాయాలు పంచుకున్నాడు.

వీరేంద్ర సెహ్వాగ్.. ప్రపంచ క్రికెట్‌లో పరిచయం అవసరం లేని పేరు. 14 ఏళ్ల పాటు భార‌త క్రికెట్‌కు సేవ‌లు అందించిన సెహ్వాగ్.. క్రికెట్ చ‌రిత్ర‌లో త‌న పేరును సువ‌ర్ణ అక్ష‌రాల‌తో లిఖించుకున్నాడు. త‌న కెరీర్‌లో సెహ్వాగ్ ఎన్నో అద్భుత‌ మైలురాయిల‌ను అందుకున్నాడు. ఇప్ప‌టికే టెస్ట్ క్రికెట్‌లో ఫాస్టెస్ట్‌ ట్రిపుల్ సెంచూరియాన్‌గా వీరేంద్రుడు కొన‌సాగుతున్నాడు. తన అంతర్జాతీయ కెరీర్‌లో 104 టెస్టులు, 251 వన్డేలు, 19 టీ20ల్లొ భారత్‌కు ప్రాతినిథ్యం వహించాడు. 2011 వన్డే ప్రపంచకప్‌, 2007 టీ20 ప్రపంచకప్‌ గెలిచిన భారత జట్టులో సభ్యునిగా సెహ్వాగ్‌ ఉన్నాడు. సెహ్వాగ్ ఐపీఎల్‌లో కూడా త‌న కంటూ ఒక గుర్తింపు తెచ్చుకున్నాడు. అయితే తాజాగా సెహ్వాగ్‌ ఆస్ట్రేలియా క్రికెట్ దిగ్గ‌జం ఆడమ్ గిల్‌క్రిస్ట్‌తో చిట్‌ చాట్‌లో ప‌లు ఆస‌క్తిక‌ర విష‌యాల‌ను వెల్ల‌డించాడు.గతంలో బిగ్ బాష్ లీగ్ నుంచి త‌న‌కు వ‌చ్చిన గొప్ప ఆఫర్‌ను తిరస్కరించిన‌ట్లు సెహ్వాగ్ తెలిపాడు. బిగ్ బాష్ లీగ్‌లో భారత ఆటగాళ్లు ఆడే అవ‌కాశ‌ముందా అన్న ప్ర‌శ్న సంద‌ర్భంగా సెహ్వాగ్ ఈ విష‌యాన్ని వెల్ల‌డించాడు. గిల్‌క్రిస్ట్‌, సెహ్వాగ్ మ‌ధ్య జ‌రిగిన చిట్‌చాట్‌పై ఓ లుక్కేద్దాం.ఆడ‌మ్ గిల్‌క్రిస్ట్: భ‌విష్యత్తులో భారత ఆటగాళ్లు ఐపీఎల్ కాకుండా ఇత‌ర టీ20 లీగ్‌ల్లో ఆడే ఛాన్స్ ఉందా?వీరేంద్ర సెహ్వాగ్: "లేదు , మాకు అవసరం లేదు. ఎందుకంటే మేము చాలా రిచ్‌. పేద దేశాలకు వెళ్లి ఆడ‌ము (నవ్వుతూ). నేను భారత జట్టులో చోటు కోల్పోయిన‌ప్పుడు నాకు బిగ్ బాష్ లీగ్‌లో ఆడ‌మ‌ని ఓ ఫ్రాంచైజీ నుంచి ఆఫర్ వ‌చ్చింది. ఎంత మొత్తం ఇస్తార‌ని నేను ఆడిగాను. అందుకు వారి నుంచి వ‌చ్చిన సమాధానం విని ఆశ్చ‌ర్య‌పోయాను.వారు నాకు ల‌క్ష‌ డాల‌ర్లు( భార‌త కరెన్సీలో సుమారు రూ.84 ల‌క్ష‌లు) ఇస్తామ‌ని చెప్పారు. వెంట‌నే నేను న‌వ్వుకుని అంత‌కంటే ఎక్కువ డ‌బ్బుల‌ను నా సెల‌వుల్లో ఖ‌ర్చుచేస్తాన‌ని, గ‌త రాత్రి పార్టీ బిల్లు కూడా ల‌క్ష‌ డాల‌ర్లు దాటింద‌ని వారికి చెప్పాన‌ని" సెహ్వాగ్ తెలిపాడు.

రాయల్‌ చాలెంజర్స్‌ బెంగళూరు జట్టు ఆట తీరుపై విమర్శలు వెల్లుతుతున్నాయి. సొంతమైదానంలో సన్‌రైజర్స్‌ హైదరాబాద్‌ చేతిలో చిత్తుగా ఓడిపోవడంతో సొంత జట్టు అభిమానులు సైతం అసహనం వ్యక్తం చేస్తున్నారు. ఇలాగే కొనసాగితే ఐపీఎల్‌-2024లో కనీసం ప్లే ఆఫ్స్‌ కూడా చేరే అవకాశం ఉండదని మండిపడుతున్నారు. ఇక ఇప్పటికే భారత టెన్నిస్‌ దిగ్గజం మహేశ్‌ భూపతి సైతం ఆర్సీబీని కొత్త వాళ్లకు అమ్మేయాలంటూ యాజమాన్యం తీరును విమర్శించాడు. జట్టు నిండా స్టార్లు ఉన్నా ఇలాంటి చెత్త ప్రదర్శన ఏమిటని ఘాటు వ్యాఖ్యలు చేశాడు. ఈ నేపథ్యంలో ఆర్సీబీ వైఫల్యాలను ఎత్తిచూపుతూ   టీమిండియా మాజీ ఓపెనర్‌ వీరేంద్ర సెహ్వాగ్‌ కీలక వ్యాఖ్యలు చేశాడు. అదే ఇక్కడ ప్రధాన సమస్య ‘‘జట్టులో 12- 15 మంది భారత ఆటగాళ్లు ఉన్నారు. కేవలం 10 మంది విదేశీ క్రికెటర్లు ఉన్నారు. కానీ ఆర్సీబీ కోచింగ్‌ సిబ్బందిలో దాదాపుగా అందరూ విదేశీయులే ఉన్నారు. అదే ఇక్కడ ప్రధాన సమస్య. ఇక ఆటగాళ్లలో కొంతమంది మాత్రమే అంతర్జాతీయ స్థాయిలో ఆడుతున్నారు. వీరిలో సగం మందికి ఇంగ్లిష్‌ పూర్తిగా అర్థమే కాదు.  అలాంటపుడు ఆ విదేశీ కోచ్‌లు వీరిని ఎలా మోటివేట్‌ చేయగలరు? వారితో ఎక్కువ సమయం ఎలా గడపగలరు? భాష పూర్తిగా రాని ఆటగాళ్లు తమ సమస్యలను కోచ్‌లకు ఎలా వివరించగలరు? నాకైతే ఆర్సీబీలో ఒక్క ఇండియన్‌ కోచ్‌ కూడా కనిపించడం లేదు. కనీసం ఒక్కరైనా అనుభవజ్ఞుడైన కోచ్‌ ఉంటే బాగుంటుంది కదా! ఆటగాళ్లు ఏది చర్చించాలన్నా అందుకు తగిన వాతావరణం ఉండాలి. కెప్టెన్‌గా అతడు ఉంటే ఏం మాట్లాడతారు? నాకు తెలిసి చాలా మంది ఆటగాళ్లు కెప్టెన్‌ ఫాఫ్‌ డుప్లెసిస్‌ దగ్గరికి వెళ్లడానికే సంశయిస్తారు. ఎందుకంటే అతడు ఏదైనా అడిగితే వీరు సమాధానం చెప్పలేరు కదా! ఒకవేళ కెప్టెన్‌ గనుక భారతీయుడైతే.. సదరు ఆటగాళ్లు తాము అనుకుంటున్న విషయాన్ని స్పష్టంగా అతడికి తెలియజేయగలరు.  కానీ విదేశీ ఆటగాడితో సరిగా కమ్యూనికేట్‌ చేయలేక.. ఒకదానికి బదులు ఇంకొకటి మాట్లాడితే తదుపరి మ్యాచ్‌లో తుదిజట్టులో చోటు దక్కే అవకాశం కూడా ఉండకపోవచ్చు. ఆర్సీబీ సహాయక సిబ్బందిలో కనీసం ఇద్దరు నుంచి ముగ్గురైనా భారతీయులు ఉండాలి’’ అని క్రిక్‌బజ్‌ షోలో సెహ్వాగ్‌ వ్యాఖ్యానించాడు. కాగా ఐపీఎల్‌-2024లో ఆర్సీబీ ఇప్పటి వరకు ఆడిన ఏడు మ్యాచ్‌లలో కేవలం ఒక్కటి గెలిచి ఆరు ఓడిపోయింది. దీంతో ప్లే ఆఫ్స్‌ అవకాశాలను సంక్లిష్టంగా మార్చుకుంది.  ఇక ఈ సీజన్‌లో ఆర్సీబీ హెడ్‌కోచ్‌గా ఆండీ ఫ్లవర్‌ బాధ్యతలు చేపట్టగా.. బ్యాటింగ్‌, స్పిన్‌ బౌలింగ్‌ కోచ్‌గా టీమిండియా మాజీ ఆల్‌రౌండర్‌ శ్రీధరన్‌ శ్రీరామ్‌, బౌలింగ్‌ కోచ్‌గా ఆడం గ్రిఫిత్‌(టాస్మేనియా మాజీ క్రికెటర్‌), ఫీల్డింగ్‌ కోచ్‌గా మలోలన్‌ రంగరాజన్‌ వ్యవహరిస్తున్నారు.  చదవండి: SRH: ‘బాధితులు’ కూడా అసూయ పడేలా.. కమిన్స్‌ ఏమన్నాడో తెలుసా? var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

‘‘ఇలాంటి ప్రశ్నలకు జవాబు మీకు కూడా తెలుసు కదా? అయినా ప్రతిసారీ మమ్మల్నే ఎందుకు ఇలా కఠినమైన ప్రశ్నలు అడుగుతారు? మాతో బ్యాడ్‌ కామెంట్స్‌ చెప్పించాలనే కదా మీ ప్రయత్నం. 183 పరుగులు చాలా? విరాట్‌ కోహ్లి స్లోగా ఆడాడా? ఫాఫ్‌ డుప్లెసిస్‌ ఇన్నింగ్స్‌ నెమ్మదిగా సాగిందా? లేదంటే.. ఆర్సీబీ ఇంకా కనీసం 20 పరుగులు చేయాల్సిందా? ఇలాంటి ప్రశ్నలకు మీరు కూడా సమాధానం చెప్పవచ్చు’’ అంటూ టీమిండియా మాజీ క్రికెటర్‌ వీరేంద్ర సెహ్వాగ్‌ తనకు ప్రశ్నలు సంధించిన స్పోర్ట్స్‌ ప్రజెంటర్‌ను సరదాగా ట్రోల్‌ చేశాడు. కావాలనే కఠినమైన ప్రశ్నలు వేసి తమను బ్యాడ్‌ చేసేందుకు చూస్తున్నారంటూ ఆటపట్టించాడు. కాగా సెహ్వాగ్‌ ప్రస్తుతం ఐపీఎల్‌-2024 కామెంటేటర్‌గా ఉన్న విషయం తెలిసిందే. ఈ క్రమంలో రాజస్తాన్‌ రాయల్స్‌- రాయల్‌ చాలెంజర్స్‌ బెంగళూరు మధ్య శనివారం నాటి మ్యాచ్‌ సందర్భంగా ఈ మేరకు వ్యాఖ్యలు చేశాడు. ఒక్కడే లాక్కొచ్చాడు ఇక రాజస్తాన్‌ చేతిలో ఓటమిపాలైన ఆర్సీబీ ఇన్నింగ్స్‌ గురించి ప్రస్తావిస్తూ.. ‘‘అవును.. ఈరోజు కోహ్లి శతకం బాదాడు. ఆర్సీబీ తరఫున ప్రస్తుతం అతడు ఒక్కడు మాత్రమే ఫామ్‌లో ఉన్నాడు. మిగతా వాళ్లలో ఎవరూ కూడా పరుగులు చేయడం లేదు. నిజానికి కోహ్లి ఆఖరి వరకు క్రీజులో ఉండటం మంచిదైంది. మిగతా వాళ్ల నుంచి ఎటువంటి సహకారం లేకపోయినా ఒంటరిగా లాక్కొచ్చాడు. కానీ కోహ్లి చేసిన తప్పు అదే మాక్స్‌వెల్‌, గ్రీన్‌ అసలు ప్రభావం చూపలేదు. మహిపాల్‌ లామ్రోర్‌, దినేశ్‌ కార్తిక్‌ ఏమయ్యారో అర్థం కాలేదు. వాళ్లిద్దరూ మంచి ఫామ్‌లో ఉన్నారు. ఇద్దరిలో ఒక్కరు బ్యాటింగ్‌కు వచ్చినా బాగుండేది. ఇక కోహ్లి హాఫ్‌ సెంచరీ(39 బంతుల్లో 50) తర్వాత వేగం పెంచాల్సింది. అలా చేయకుండా కోహ్లి తప్పు చేశాడు. అతడి స్ట్రైక్‌రేటు పెరిగితే ఆర్సీబీ 200 పరుగులు మార్కు చేరుకునేది ’’ అని వీరూ భాయ్‌ అభిప్రాయపడ్డాడు.  కాగా జైపూర్‌లో రాజస్తాన్‌తో జరిగిన మ్యాచ్‌లో ఆర్సీబీ ఆరు వికెట్ల తేడాతో ఓడిపోయింది. కోహ్లి అజేయ శతకం(113) వృథాగా పోగా.. ఆర్సీబీ ఈ సీజన్‌లో నాలుగో పరాజయాన్ని మూటగట్టుకుంది. రాజస్తాన్‌ రాయల్స్‌ వర్సెస్‌ ఆర్సీబీ స్కోర్లు: ►వేదిక: జైపూర్‌.. సవాయి మాన్‌సింగ్‌ స్టేడియం ►టాస్‌: రాజస్తాన్‌.. బౌలింగ్‌ ►ఆర్సీబీ స్కోరు:  183/3 (20) ►రాజస్తాన్‌ స్కోరు: 189/4 (19.1) ►ఫలితం: ఆరు వికెట్ల తేడాతో ఆర్సీబీపై రాజస్తాన్‌ విజయం ►ప్లేయర్‌ ఆఫ్‌ ది మ్యాచ్‌: జోస్‌ బట్లర్‌(రాజస్తాన్‌). చదవండి: Virat Kohli: ఇంత స్వార్థమా?.. ఐపీఎల్‌ చరిత్రలో కోహ్లి చెత్త రికార్డు var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఐపీఎల్‌-2024లో ముంబై ఇండియన్స్‌ కెప్టెన్‌గా హార్దిక్‌ పాండ్యా గడ్డు పరిస్థితులను ఎదుర్కొంటున్నాడు. గత రెండు సీజన్లలో గుజరాత్‌ టైటాన్స్‌ను ఓసారి ఛాంపియన్, మరోసారి రన్నరప్‌గా నిలిపిన హార్దిక్.. ఈసారి మాత్రం తన కెప్టెన్సీ మార్క్‌ చూపించలేకపోతున్నాడు. ఈ ఏడాది సీజన్‌లో అతడి సారథ్యంలో ముంబై ఇండియన్స్‌ వరుసగా మూడు మ్యాచ్‌ల్లో ఓటమి పాలైంది. ఈ క్రమంలో ముంబై ఇండియన్స్‌ కెప్టెన్సీ నుంచి హార్దిక్‌ పాండ్యా తప్పుకోవాలని పెద్దఎత్తున డిమాండ్లు వినిపిస్తున్నాయి. మళ్లీ రోహిత్‌ శర్మకు జట్టు పగ్గాలను అప్పగించాలని పలువురు మాజీ క్రికెటర్లు అభిప్రాయపడుతున్నారు. ఈ జాబితాలో టీమిండియా మాజీ క్రికెటర్‌ మనోజ్‌ తివారీ కూడా చేరాడు.  ఈ మెగా ఈవెంట్‌లో తమ తదుపరి మ్యాచ్‌కు ముందు హార్దిక్‌ పాండ్యా ముంబై  కెప్టెన్సీ నుంచి వైదొలగతాడని తివారీ జోస్యం చెప్పాడు. అంతేకాకుండా రోహిత్‌ శర్మనే తిరిగి మళ్లీ ముంబై సారథ్య బాధ్యతలు చేపడతాడని అతడు అభిప్రాయపడ్డాడు. కాగా ముంబై ఇండియన్స్‌ తమ తదుపరి మ్యాచ్‌లో  ఏప్రిల్‌ 7న వాంఖడే వేదికగా ఢిల్లీ క్యాపిటల్స్‌తో తలపడనుంది. ఈ విరామంలోనే ముంబై కెప్టెన్సీలో మార్పు జరుగుతుందని తివారీ చెప్పుకొచ్చాడు. "హార్దిక్‌ పాండ్యా ప్రస్తుతం తీవ్రమైన ఒత్తడిలో ఉన్నాడు. గత మూడు మ్యాచ్‌ల్లో బౌలర్లను హార్దిక్‌ సరిగ్గా ఉపయోగించలేకపోయాడు. ఆరంభంలో బౌలర్లు విఫలమవుతున్నప్పటికి మళ్లీ వారినే ఎటాక్‌లో తీసుకువచ్చి హార్దిక్‌ భారీ మూల్యం చెల్లించుకున్నాడు. ముంబై ఇండియన్స్‌లో అద్బుతమైన బౌలర్లు ఉన్నారు.  సరిగ్గా రోటాట్‌ చేయడంలో పాండ్యా విఫలమయ్యాడు. స్వింగ్ అవుతున్న పిచ్‌లపై బుమ్రాను కాదని తొలుత తను బౌలింగ్‌ చేయడం కూడా హార్దిక్‌ తప్పిదమే అని చెప్పుకోవాలి. హార్దిక్‌ కూడా బంతిని స్వింగ్‌ చేయగలడు. కానీ ముంబై తరపున ఇప్పటివరకు మూడు మ్యాచ్‌ల్లో హార్దిక్‌ బౌలర్‌గా తన మార్క్‌ను చూపించలేకపోయాడు. ముంబై తమ తదుపరి మ్యాచ్‌లో ఢిల్లీతో తలపడనుంది. ఈ విరామంలో ముంబై ఫ్రాంచైజీ నుంచి ఓ బిగ్‌ న్యూస్‌ వచ్చే ఛాన్స్‌ ఉంది. హార్దిక్‌ పాండ్యా తిరిగి ముంబై కెప్టెన్సీని రోహిత్‌ శర్మకు అప్పగించేస్తాడని నేను భావిస్తున్నాను. ఎందుకంటే గతంలో కూడా చాలా ఫ్రాంచైజీలు ఇటువంటి నిర్ణయాలు తీసుకున్నాయి. ఇప్పుడు ముంబై కెప్టెన్సీ విషయంలో కూడా అదే జరిగే అవకాశముందని" క్రిక్‌బజ్‌ షోలో తివారీ పేర్కొన్నాడు.  ఇదే షోలో పాల్గోన్న టీమిండియా మాజీ క్రికెటర్‌ వీరేంద్ర సెహ్వాగ్.. మనోజ్‌ తివారీ కామెంట్స్‌పై స్పందించాడు. "హార్దిక్‌ కెప్టెన్సీపై  మనోజ్‌ కాస్త తొందపడి ఇటువంటి వ్యాఖ్యలు చేశాడని నేను అనుకుంటున్నాను. ఎందుకంటే రోహిత్ కెప్టెన్సీలో కూడా జట్టు వరుసగా ఐదు మ్యాచ్‌లలో ఓడిపోయింది. ఆ ఏడాది సీజన్‌లో వారు ఛాంపియన్‌లుగా నిలిచారు. కాబట్టి మనం కాస్త ఓపిక పట్టాలి.  మనం మరో రెండు మ్యాచ్‌ల కోసం వేచి ఉండాలి. ఆ తర్వాతే మన అభిప్రాయాలను వెల్లడిస్తే బాగుంటుందని సెహ్వాగ్ రిప్లే ఇచ్చాడు.

ఐపీఎల్‌-2024 సీజన్‌ను ఢిల్లీ క్యాపిటల్స్‌ ఓపెనర్‌ పృథ్వీ షా ఘనంగా ఆరంభించాడు. ఈ ఏడాది సీజన్‌లో తొలి రెండు మ్యాచ్‌లకు బెంచ్‌కే పరిమితమైన పృథ్వీ షా.. ఆదివారం సీఎస్‌కేతో జరిగిన మ్యాచ్‌కు ఢిల్లీ తుది జట్టులోకి వచ్చాడు. తనకు వచ్చిన అవకాశాన్ని పృథ్వీ షా సద్వినియోగ పరుచుకున్నాడు. షా అద్బుతమైన ఇన్నింగ్స్‌తో ఢిల్లీ విజయంలో తన వంతు పాత్ర పోషించాడు. కేవలం 27 బంతుల్లోనే 4 ఫోర్లు,2 సిక్స్‌లతో అతడు 43 పరుగులు చేశాడు. డేవిడ్‌ వార్నర్‌తో కలిసి ఢిల్లీ జట్టుకు అద్బుతమైన ఆరంభాన్ని ఇచ్చాడు ఈ ముంబైకర్‌. ఈ నేపథ్యంలో పృథ్వీ షా ఉద్దేశించి మాజీ క్రికెటర్ వీరేంద్ర సెహ్వాగ్ కీలక వ్యాఖ్యలు చేశాడు. పృథ్వీ షా తనలో ఉన్న బాధనంతా తన ఇన్నింగ్స్‌ రూపంలో చూపించాడని సెహ్వాగ్ అన్నాడు. "ప్రతీ టీమ్ మేనేజ్‌మెంట్‌ తమ ఆటగాడు రిథమ్‌లో ఉన్నాడా లేదా నెట్స్‌లో ఎప్పుడూ పరిశీలిస్తుంటుంది. ఈ ఇన్నింగ్స్ పృథ్వీకి చాలా ముఖ్యమైనది.  గత సీజన్‌లో కూడా పెద్దగా జట్టులో షా కన్పించలేదు. ఈ ఏడాది సీజన్‌లో కూడా తొలి రెండు మ్యాచ్‌ల్లో అతడికి ఆడే ఛాన్స్‌ రాలేదు. ఈ విషయంలో అతడు బాధపడి ఉండవచ్చు. అందుకే తన బాధను ఆట రూపంలో చూపించాడని" క్రిక్‌బజ్‌కు ఇచ్చిన ఇంటర్వ్యూలో సెహ్వాగ్ పేర్కొన్నాడు.

టీమిండియా మాజీ క్రికెటర్‌ వీరేంద్ర సెహ్వాగ్‌ ఛలోక్తులు విసరడంలో దిట్ట అని ప్రత్యేకంగా చెప్పనక్కర్లేదు. రిటైర్మెంట్‌ తర్వాత ఈ విధ్వంసకర ఓపెనర్‌ కామెంటేటర్‌, విశ్లేషకుడిగా కొనసాగుతున్నాడు. ప్రస్తుతం అతడు ఐపీఎల్‌-2024 హర్యానా కామెంట్రీతో బిజీగా ఉన్నాడు. ఈ క్రమంలో చెన్నై సూపర్‌ కింగ్స్‌ స్టార్‌, టీమిండియా మాజీ కెప్టెన్‌ మహేంద్ర సింగ్‌ ధోనిని ఉద్దేశించి తనదైన శైలిలో వ్యాఖ్యలు చేశాడు సెహ్వాగ్‌. గుజరాత్‌ టైటాన్స్‌తో మ్యాచ్‌లో సీఎస్‌కే ఫీల్డింగ్‌ను ప్రశంసిస్తూ.. ‘‘క్యాచెస్‌ విన్‌ మ్యాచెస్‌ అంటారు కదా. అజింక్య రహానే మంచి క్యాచ్‌ అందుకున్నాడు. రచిన్‌ రవీంద్ర కూడా అద్బుతంగా క్యాచ్‌ పట్టాడు. వయసు మీద పడ్డ ధోని కూడా ఓ క్యాచ్‌ అందుకున్నాడు’’ అని క్రిక్‌బజ్‌ షోలో వ్యాఖ్యానించాడు. ఇందుకు స్పందనగా అక్కడే ఉన్న మరో మాజీ క్రికెటర్‌ రోహన్‌ గావస్కర్‌.. ‘‘రహానే విషయంలో ఆ పదం(ముసలోడు అన్న అర్థంలో) ఎందుకు వాడలేదు’’ అని ప్రశ్నించాడు.  ఇందుకు బదులిస్తూ.. ‘‘వాళ్లిద్దరి వయసు ఒకటి కాదు కదా! ధోని కంటే రహానే ఫిట్‌గా ఉన్నాడు. 35 ఏళ్ల వ్యక్తికి.. 41 ఏళ్లు పైబడిన వ్యక్తికి మధ్య కచ్చితంగా తేడా ఉంటుంది. ధోనికి వయసు మీద పడుతుందన్న విషయంలో ఎలాంటి సందేహం లేదు కదా’’ అని వీరేంద్ర సెహ్వాగ్‌ అన్నాడు. రహానే నూటికి నూరు శాతం ధోని కంటే ఎక్కువ ఫిట్‌గా ఉన్నాడు కాబట్టే అతడిని అలా అనలేదని పేర్కొన్నాడు. కాగా గుజరాత్‌ టైటాన్స్‌తో మంగళవారం జరిగిన మ్యాచ్‌లో సీఎస్‌కే 63 పరుగుల తేడాతో ఘన విజయం సాధించిన విషయం తెలిసిందే. చెన్నైలోని చెపాక్‌లో జరిగిన ఈ మ్యాచ్‌లో ధోని అద్బుత రీతిలో డైవ్‌ చేసి.. గుజరాత్‌ బ్యాటర్‌ విజయ్‌ శంకర్‌ను పెవిలియన్‌కు పంపాడు. 𝗩𝗶𝗻𝘁𝗮𝗴𝗲 𝗠𝗦𝗗 😎 An excellent diving grab behind the stumps and the home crowd erupts in joy💛 Head to @JioCinema and @StarSportsIndia to watch the match LIVE#TATAIPL | #CSKvGT pic.twitter.com/n5AlXAw9Zg — IndianPremierLeague (@IPL) March 26, 2024 పాదరసంలా కదిలి శరీరాన్ని స్ట్రెచ్‌ చేసి బంతిని ఒడిసిపట్టాడు. ఇక ఈ మ్యాచ్‌లో డేవిడ్‌ మిల్లర్‌(16 బంతుల్లో 21) ఇచ్చిన క్యాచ్‌ను అజింక్య రహానే, అజ్మతుల్లా ఇచ్చిన క్యాచ్‌ను రచిన్‌ రవీంద్ర సంచలన క్యాచ్‌లతో మెరిసి జట్టు విజయంలో కీలక పాత్ర పోషించారు.  Give your hearts to Rahane! He’ll carry it safe! 🧲💛 pic.twitter.com/95k8QD94wz — Chennai Super Kings (@ChennaiIPL) March 26, 2024 ఈ విషయంపై స్పందిస్తూ కెప్టెన్‌ రుతురాజ్‌ గైక్వాడ్‌ సైతం.. ధోని, రహానే, రచిన్‌లను కొనియాడాడు. ధోని, రహానేను చూస్తుంటే తమ జట్టులో అదనంగా ఇద్దరు కుర్రాళ్లు ఉన్నట్లు అనిపిస్తోందంటూ ప్రశంసలు కురిపించాడు. 

భారత పర్యటనను ఇంగ్లండ్‌ జట్టు ఘోర ఓటమితో ముగించింది. ధర్మశాల వేదికగా జరిగిన ఐదో టెస్టులో ఇన్నింగ్స్‌ 64 పరుగుల తేడాతో ఇంగ్లండ్‌ ఓటమి పాలైంది. బాజ్‌ బాల్‌ అంటూ వీరవీగ్రుతన్న ఇంగ్లండ్‌ జట్టు ఆఖరి టెస్టులో కనీస పోటీ ఇవ్వలేకపోయింది. భారత దెబ్బకు ఇంగ్లండ్‌ బజ్‌ బాల్‌ పగిలిపోయింది. ఐదు మ్యాచ్‌ల సిరీస్‌ను ఇంగ్లండ్‌ 1-4 తేడాతో భారత్‌కు సమర్పించుకుంది. ఈ నేపథ్యంలో ఇంగ్లండ్‌ బజ్‌ బాల్‌ విధానంపై టీమిండియా మాజీ ఓపెనర్‌ వీరేంద్ర సెహ్వాగ్‌ విమర్శల వర్షం కురిపించాడు. "భారత్‌ దెబ్బకు ఇంగ్లండ్‌ బాజ్‌ బాల్‌ బద్దలైంది. వారు ఆప్రోచ్‌ సరైనది కాదు. పిచ్చికి కూడా ఓ పద్దతి ఉంటుంది. ఇంగ్లండ్‌ తమ స్ధాయికి తగ్గట్టు ఆడలేకపోయింది. రెండో టెస్టు ఓటమి తర్వాత ఇంగ్లండ్‌ జట్టు పూర్తిగా తేలిపోయింది. కెప్టెన్‌ స్టోక్స్‌ విఫలమవడం వారి కష్టాలను మరింత రెట్టింపు చేసింది. ఇంగ్లండ్‌ ఇంకా బజ్‌బాల్‌ భ్రమలోనే ఉన్నారు. వారు ఈ విధానంతోనే విజయవంతం కావాలంటే ఒక పద్దతి, ప్రణాళిక ఉండాలని" ఎక్స్‌లో సెహ్వాగ్‌ రాసుకొచ్చాడు.  

టీమిండియా బౌలింగ్‌ విభాగం మాజీ కోచ్‌ భరత్‌ అరుణ్ ఆసక్తికర విషయం వెల్లడించాడు. రవిశాస్త్రి దృష్టిలో సునిల్‌ గావస్కర్‌ తర్వాత అంతటి గొప్ప ఓపెనర్‌ మళ్లీ మురళీ విజయ్‌ అని పేర్కొన్నాడు. తనకు కూడా మురళీనే అభిమాన క్రికెటర్‌ అని తెలిపాడు. కాగా 2008లో నాగ్‌పూర్‌లో ఆస్ట్రేలియాతో జరిగిన టెస్టు సిరీస్‌ సందర్భంగా తమిళనాడుకు చెందిన మురళీ విజయ్‌ టీమిండియా తరఫున అరంగేట్రం చేశాడు. తన తొలి మ్యాచ్‌లో వరుసగా 33, 41 పరుగులు సాధించాడు. ఓపెనర్‌గా సత్తా చాటి టెస్టు జట్టులో కీలక సభ్యుడిగా ఎదిగాడు.  కెరీర్‌లో మొత్తంగా 61 టెస్టులు, 17 వన్డేలు, 9 టీ20లు ఆడి ఆయా ఫార్మాట్లలో వరుసగా 3982, 339, 169 పరుగులు సాధించాడు మురళీ విజయ్‌. గతేడాది జనవరిలో అన్ని ఫార్మాట్ల క్రికెట్‌కు రిటైర్మెంట్‌ ప్రకటించాడు. తాజాగా మురళీ విజయ్‌ గురించి క్రికెట్‌.కామ్‌ ఇంటర్వ్యూలో భరత్‌ అరుణ్‌ మాట్లాడుతూ.. ‘‘యువకుడిగా ఉన్నప్పటి నుంచి నాకు మురళీ విజయ్‌తో పరిచయం ఉంది.కాలేజీలో తనను మొదటిసారి చూశాను. ఫస్ట్‌ డివిజన్‌ జట్టుకు అతడి పేరును రికమెండ్‌ చేశాను. అలా అతడి ప్రయాణం మొదలైంది. రవిశాస్త్రి ఎల్లప్పుడూ నాతో ఓ మాట అంటూ ఉండేవాడు. సునిల్‌ గావస్కర్‌ త​ర్వాత ఆ స్థాయిలో టెస్టుల్లో ఆకట్టుకున్న ఓపెనర్‌ మురళీ విజయ్‌ అని చెప్పేవాడు. నా ఫేవరెట్‌ క్రికెటర్‌ కూడా మురళీ విజయే’’ అని పేర్కొన్నాడు.  కాగా టీమిండియా విధ్వంసకర ఓపెనర్‌గా పేరొందిన దిగ్గజ బ్యాటర్‌  వీరేంద్ర సెహ్వాగ్‌, ప్రస్తుత కెప్టెన్‌ రోహిత్‌ శర్మలను కాదని.. గావస్కర్‌ తర్వాతి స్థానాన్ని రవిశాస్త్రి మురళీ విజయ్‌కు ఇవ్వడంపై నెటిజన్లు క్రేజీ కామెంట్లు చేస్తున్నారు. చదవండి: అప్పుడు పుజారాకు ఫోన్‌ చేశా.. రోహిత్‌, రాహుల్‌ భయ్యాకు థాంక్స్‌: అశూ భార్య

ధ్రువ్ జురెల్.. ప్రస్తుతం భారత క్రికెట్‌ వర్గాల్లో మారు మ్రోగుతున్న పేరు. రాంఛీ వేదికగా ఇంగ్లండ్‌తో జరుగుతున్న నాలుగో టెస్టులో అద్బుత ఇన్నింగ్స్‌ ఆడిన ధ్రువ్ జురెల్‌.. ఓవర్‌ నైట్‌ స్టార్‌గా మారిపోయాడు. ఈ క్రమంలో జురెల్‌పై సర్వాత్ర ప్రశంసల వర్షం కురుస్తోంది. భారత క్రికెట్‌ దిగ్గజం సునీల్‌ గవాస్కర్‌ అయితే మరో ఎంఎస్‌ ధోని దొరికాడంటూ దృవ్‌ను కొనియాడాడు. కాగా ఈ మ్యాచ్‌ తొలి ఇన్నింగ్స్‌లో ధ్రువ్‌ విరోచిత పోరాటం కనబరిచాడు. టీమిండియా 307 పరుగుల మెరుగైన స్కోర్‌ చేయడంలో జురెల్‌ ముఖ్య పాత్ర పోషించాడు. లోయార్డర్‌ బ్యాటర్‌ కుల్దీప్‌ యాదవ్‌తో కలిసి ఎనిమిదో వికెట్‌కు 76 పరుగుల భాగస్వామ్యాన్ని నెలకొల్పాడు. 149 బంతులు ఎదుర్కొన్న ధ్రువ్ రెండు సిక్స్‌లు, నాలుగు ఫోర్లతో 90 పరుగులు చేశాడు. అయితే దురదృష్టవ శాత్తూ జురెల్‌ తన తొలి అంతర్జాతీయ సెంచరీని అందుకోవడంలో విఫలమయ్యాడు. ఈ నేపథ్యంలో జురెల్‌ను భారత మాజీ ఓపెనర్‌ వీరేంద్ర సెహ్వాగ్  ప్రశంసించాడు. జురెల్‌కు అద్బుతమైన బ్యాటింగ్‌ స్కిల్స్‌ ఉన్నాయని సెహ్వాగ్ కొనియాడు.  అయితే ధ్రువ్‌ ఇన్నింగ్స్‌కు మీడియాలో సరైన గుర్తింపు లభించలేదని, తీవ్ర అన్యాయం జరిగిందని వీరూ ఆరోపించాడు. "ధ్రువ్‌ జురెల్‌ అద్భుతమైన ఇన్నింగ్స్‌ ఆడాడు. కష్టాల్లో ఉన్న జట్టును అదుకున్నాడు. కానీ మీడియాలో ధ్రువ్‌ ఇన్నింగ్స్‌కు అంత హైప్‌ దక్కలేదు. కనీసం ఆ చర్చే లేదు. ఏదేమైనప్పటికీ చాలా బాగా ఆడావు.  ధ్రువ్‌కు శుభాకాంక్షలు అంటూ ఎక్స్‌లో సెహ్వాగ్ రాసుకొచ్చాడు. కాగా సానుకూలంగా స్పందిస్తున్నారు. అవున్‌ సర్‌ మీరు చెప్పిందే నిజమే అంటూ కామెట్లు చేస్తున్నారు. ఆ తర్వాత మొదటి పోస్ట్‌కు వివరణ ఇస్తూ సెహ్వాగ్ మరో ట్వీట్‌ చేశాడు.  "ఎవరినీ కించపరచాలి లేదా అవమానించాలన్నది నా ఉద్దేశ్యం కాదు. కానీ ఆటగాళ్ల ప్రదర్శనపై సమానమైన హైప్‌ ఉండాలి. ఈ మ్యాచ్‌లో ఆకాష్‌ దీప్‌ వంటి డెబ్యూ బౌలర్‌ సంచలన ప్రదర్శన చేశాడు. కానీ అతడికి కూడా అంత ఆదరణ దక్కలేదు. ధ్రువ్‌ విషయంలో కూడా ఇదే జరిగిందంటూ ట్వీట్‌(ఎక్స్‌) చేశాడు.

India vs England, 4th Test Day 2- Yashasvi Jaiswal: వేదిక ఏదైనా.. ప్రత్యర్థి ఎవరైనా.. ఏమాత్రం బెదురు లేకుండా బ్యాట్‌ ఝులిపించడమే తనకు తెలిసిన విద్య అన్నట్లుగా ముందుకు సాగుతున్నాడు టీమిండియా నయా సంచలనం యశస్వి జైస్వాల్‌. అరంగేట్రంలోనే వెస్టిండీస్‌ గడ్డపై సెంచరీతో చెలరేగి అరుదైన రికార్డులు సాధించాడు ఈ లెఫ్టాండర్‌ బ్యాటర్‌. తాజాగా స్వదేశంలో ఇంగ్లండ్‌తో సిరీస్‌లోనూ అదే జోరును కొనసాగిస్తున్నాడు జైస్వాల్‌. తొలి మూడు టెస్టుల్లో అతడు చేసిన స్కోర్లు వరుసగా.. 80, 15, 209, 17, 10, 214(నాటౌట్‌). తాజాగా రాంచి మ్యాచ్‌ సందర్భంగానూ కూడా విలువైన అర్ధ శతకం బాదాడు. Jaiswal has cracked the code for run-making! 🙌🏻 He brings up his fiery 5️⃣0️⃣ in style to keep #TeamIndia's momentum. 🔥#INDvENG #IDFCFirstBankTestSeries #BazBowled #JioCinemaSports pic.twitter.com/nFAmYZPaX4 — JioCinema (@JioCinema) February 24, 2024 నాలుగో టెస్టు తొలి ఇన్నింగ్స్‌లో 130 పరుగులకే ఐదు వికెట్లు కోల్పోయి టీమిండియా క్లిష్ట పరిస్థితుల్లో ఉన్న వేళ ఈ ఓపెనింగ్‌ బ్యాటర్‌ పట్టుదలగా నిలబడ్డాడు. వరుసగా వికెట్లు పడుతున్నా ఏకాగ్రత కోల్పోకుండా అద్బుతమైన ఇన్నింగ్స్‌ ఆడాడు. మొత్తంగా 117 బంతులు ఎదుర్కొని 73 పరుగులు సాధించాడు. ఇందులో 8 ఫోర్లు, ఒక సిక్సర్‌ ఉంది. ఇంగ్లండ్‌ స్పిన్నర్‌ షోయబ్‌ బషీర్‌ బౌలింగ్‌లో లాంగాన్‌ మీదుగా అద్భుత రీతిలో బాదాడు ఆ సిక్స్‌ను జైస్వాల్‌. తద్వారా టీమిండియా విధ్వంసకర ఓపెనర్‌ వీరేంద్ర సెహ్వాగ్‌ పేరు మీద 16 ఏళ్లుగా చెక్కు చెదరకుండా ఉన్న రికార్డును బద్దలు కొట్టాడు. ఒక క్యాలెండర్‌ ఇయర్‌లో టెస్టుల్లో అత్యధిక సిక్సర్లు బాదిన టీమిండియా బ్యాటర్‌గా అవతరించాడు. సెహ్వాగ్‌ 14 మ్యాచ్‌లు ఆడి 27 ఇన్నింగ్స్‌లో ఈ ఫీట్‌ నమోదు చేస్తే.. జైస్వాల్‌ ఐదో మ్యాచ్‌లోనే ఈ ఘనత సాధించడం మరో విశేషం.  ఇదిలా ఉంటే.. శనివారం నాటి రెండో రోజు ఆట ముగిసే సరికి టీమిండియా ఏడు వికెట్ల నష్టానికి 219 పరుగులు చేసింది. అంతకుముందు ఇంగ్లండ్‌ 353 పరుగులకు ఆలౌట్‌ అయింది. క్యాలెండర్‌ ఇయర్‌లో టెస్టుల్లో అత్యధిక సిక్సర్లు బాదిన భారత క్రికెటర్లు ►యశస్వి జైస్వాల్‌- 23* సిక్సర్లు- 2024లో ►వీరేంద్ర సెహ్వాగ్‌- 22 సిక్సర్లు- 2008లో ►రిషభ్‌ పంత్‌- 21 సిక్సర్లు- 2022లో ►రోహిత్‌ శర్మ- 20 సిక్సర్లు- 2019లో ►మయాంక్‌ అగర్వాల్‌- 18 సిక్సర్లు- 2019లో. చదవండి: Ind Vs Eng 4th Test: ‘ఛీ.. ఛీ.. చీటింగ్‌కు కూడా వెనుకాడరు’.. ఇలా ఉన్నారేంట్రా బాబూ!

ఇండియన్‌ వెటరన్‌ ప్రీమియర్‌ లీగ్‌ (IVPL) తొలి ఎడిషన్‌ గ్రేటర్ నోయిడాలోని షహీద్ విజయ్ సింగ్ పాథిక్ స్పోర్ట్స్ కాంప్లెక్స్‌ వేదికగా ఇవాల్టి (ఫిబ్రవరి 23) నుంచి ప్రారంభంకానుంది.  ఈ టోర్నీలో మొత్తం ఆరు జట్లు పాల్గొననున్నాయి. వీవీఐపీ ఉత్త‌ర్ ప్ర‌దేశ్‌, తెలంగాణ టైగ‌ర్స్‌, రాజ‌స్థాన్ లెజెండ్స్‌, రెడ్ కార్పెట్ ఢిల్లీ, ఛ‌త్తీస్‌గ‌ఢ్ వారియ‌ర్స్‌, ముంబై ఛాంపియ‌న్స్ జట్లు ఈ వెటరన్‌ లీగ్‌లో అమీతుమీ తెల్చుకోనున్నాయి. ఇవాళ జరుగనున్న తొలి మ్యాచ​్‌లో వీరేంద్ర సెహ్వాగ్‌ నేతృత్వంలోని ముంబై ఛాంపియన్స్‌.. క్రిస్‌ గేల్‌ సారథ్యంలోని తెలంగాణ టైగర్స్‌తో తలపడుతుంది.  10 రోజుల పాటు సాగే ఈ టోర్నీలో డబుల్‌ హెడర్‌ మ్యాచ్‌లు కూడా జరుగనున్నాయి. మధ్యాహ్నం మ్యాచ్‌ 2 గంటలకు, రాత్రి మ్యాచ్‌ ఏడు గంటలకు ప్రారంభమవుతాయి.  ఈ టీ20 లీగ్‌ను డీడీ స్పోర్ట్స్‌, యూరోస్పోర్ట్స్‌తో పాటు ఫ్యాన్‌కోడ్‌లో వీక్షించవచ్చు. ఈ మెగా ఈవెంట్‌లో వీరేంద్ర సెహ్వాగ్, క్రిస్‌ గేల్‌తో పాటు హెర్షల్‌ గిబ్స్‌, యూసఫ్ పఠాన్, సురేశ్ రైనా, మునాఫ్ పటేల్, రజత్ భాటియా, ప్రవీణ్ కుమార్ వంటి స్టార్‌ ఆటగాళ్లు భాగం కానున్నారు. జట్ల వివరాలు.. రాజస్థాన్ లెజెండ్స్: ప్రవీణ్ కుమార్ (కెప్టెన్‌), ఏంజెలో పెరీరా, సీక్కుగే ప్రసన్న, పర్వీందర్ అవానా, లఖ్వీందర్ లఖా, దీపక్ మోహన్ కుక్కర్, సంజయ్ బామెల్, ఇషాన్ మల్హోత్రా, తరుణ్ కుమార్, గౌరవ్ సచ్‌దేవా, రవి కుమార్ అరోరా, లక్ష్మణ్ సింగ్, ముఖేష్ శర్మ, నరేష్ గహ్లోత్, రోహిత్ ఝలానీ, డాక్టర్ సతీష్ జైన్, నరేంద్ర కుమార్ మీనా, అమన్ వోహ్రా తెలంగాణ టైగర్స్: క్రిస్ గేల్ (కెప్టెన్‌), రికార్డో పావెల్, దిల్షన్ మునవీర, సుదీప్ త్యాగి, మన్‌ప్రీత్ గోనీ, మల్లికార్జున్ జగితి, రవి కుమార్, ఉమామేశ్ జి, కొడమర్తి కమలేష్, రాఘవ అమ్మిరెడ్డి, డాక్టర్ గిరి, తోట చంద్రశేఖర్, కేసరి శ్రీకాంత్, జె జగదీష్ రెడ్డి, ఎం రాజకృష్ణ, అభిజీ కదమ్, అహ్మద్ క్వాద్రీ, సమీర్ షేక్, గోవింద రాజు వీవీఐపీ ఉత్తర ప్రదేశ్‌: సురేష్ రైనా (కెప్టెన్‌), డాన్ క్రిస్టియన్, క్రిస్ ఎంఫోఫు, రజత్ భాటియా, అనురీత్ సింగ్, పర్విందర్ సింగ్, భాను సేథ్, రోహిత్ ప్రకాష్ శ్రీవాస్తవ, మిరతుంజయ్, కెఎస్ రాణా, జోగిందర్ సింగ్, వినోద్ విల్సన్, అన్షుల్ కపూర్, పర్వీన్ తహప్పర్, రాజేందర్ బిష్త్, దామోదర్ రెడ్కర్ , ప్రదీప్ కుమార్ పింటు, చంద్ర శేఖర కె, మోను కుమార్ ముంబై ఛాంపియన్స్: వీరేంద్ర సెహ్వాగ్ (కెప్టెన్‌), ఫిల్ మస్టర్డ్, అభిషేక్ జున్‌జున్‌వాలా, పీటర్ ట్రెగో, పంకజ్ సింగ్, గౌరంగ్ అగర్వాల్, ముఖేష్ సైనీ, అమిత్ సనన్, వినయ్ యాదవ్, నిర్వాన్ అత్రి, ప్రశాంత్ ఎ తగాడే, విజయ్ సింగ్, ఇక్బాల్ అబ్దుల్లా, విశ్వజిత్‌సిన్హ్ సోలన్‌సిన్హ్ సోలన్‌వాలా, సింగ్, అజయ్ సింగ్, మొహమ్మద్ జావేద్ మన్సూరి, విక్రమ్ భాస్కర్, కపిల్ మెహతా రెడ్ కార్పెట్ ఢిల్లీ: హర్షల్ గిబ్స్ (కెప్టెన్‌), అస్గర్ ఆఫ్ఘన్, తిసారా పెరీరా, ఇమ్రాన్ తాహిర్, అభిమన్యు మిథున్, రాజీవ్ త్యాగి, జితేంద్ర కుమార్, షాజిల్ బి, కపిల్ రాణా, విక్రమ్ ధనరాజ్ బాత్రా, బాబూరావ్ యాదవ్, అషు శర్మ, యుజ్వేందర్ సింగ్, అమిత్ శర్మ, ఆశిస్ శర్మ, మన్విన్దర్ శర్మ బిస్లా, రాకేష్ టాండేల్, విక్రాంత్ యాదవ్, అమిత్ తోమర్ ఛత్తీస్‌గఢ్ వారియర్స్‌: యూసుఫ్ పఠాన్ (కెప్టెన్‌), స్టువర్ట్ బిన్నీ, మునాఫ్ పటేల్, నమన్ ఓజా, డ్వేన్ స్మిత్, అమిత్ పాల్, రోహిత్ కుమార్ ధృవ్, ధీరజ్ జి నర్వేకర్, ఆశిష్ శర్మ, మహ్మద్ కలీం ఖాన్, అనిమేష్ శర్మ, అభిషేక్ తామ్రాకర్, జతిన్ సహాయ్ సక్సేనా, సుశాంత్ శుక్లా, సుశాంత్ శుక్లా గిరి, షాదాబ్ జకాతి, హర్‌ప్రీత్ సింగ్, క్రాంతి కుమార్ వర్మ, రూపేష్ నాయక్  

విధ్వంసకర బ్యాటర్లు వీరేంద్ర సెహ్వాగ్‌, క్రిస్‌ గేల్‌, హెర్షల్‌ గిబ్స్‌, సురేశ్‌ రైనా, యూసఫ్‌ పఠాన్‌ మరోసారి విధ్వంసానికి రెడీ అంటున్నారు. ఫిబ్రవరి 23 నుంచి ప్రారంభమయ్యే వెటరన్‌ ఇండియన్‌ ప్రీమియర్‌ లీగ్‌లో వీరు మెరుపులు మెరిపించేందుకు సిద్ధమవుతున్నారు. తొలిసారి నిర్వహించబడుతున్న ఈ టోర్నీ ఫిబ్రవరి 23న ప్రారంభమై మార్చి 3న ముగుస్తుంది. తొలుత ఈ టోర్నీని డెహ్ర‌డూన్‌లోని రాజీవ్ గాంధీ అంతర్జాతీయ క్రికెట్‌ స్టేడియంలో నిర్వహించాలని అనుకున్నారు. అయితే అనివార్య కారణాల వల్ల వేదికను గ్రేటర్ నోయిడాలోని షహీద్ విజయ్ సింగ్ పాథిక్ స్పోర్ట్స్ కాంప్లెక్స్‌కు మారుస్తున్నట్లు నిర్వహకులు ప్రకటించారు.  ఈ టోర్నీలో మొత్తం ఆరు జట్లు పాల్గొననున్నాయి. వీవీఐపీ ఉత్త‌ర్ ప్ర‌దేశ్‌, తెలంగాణ టైగ‌ర్స్‌, రాజ‌స్థాన్ లెజెండ్స్‌, రెడ్ కార్పెట్ ఢిల్లీ, ఛ‌త్తీస్‌గ‌ఢ్ వారియ‌ర్స్‌, ముంబై ఛాంపియ‌న్స్ జట్లు ఈ వెటరన్‌ లీగ్‌లో అమీతుమీ తెల్చుకోనున్నాయి. ఫిబ్రవరి 23న జరుగునున్న తొలి మ్యాచ్‌లో వీరేంద్ర సెహ్వాగ్‌ నేతృత్వంలోని ముంబై ఛాంపియన్స్‌.. క్రిస్‌ గేల్‌ సారథ్యంలోని తెలంగాణ టైగర్స్‌తో తలపడుతుంది. 10 రోజుల పాటు సాగే ఈ టోర్నీలో డబుల్‌ హెడర్‌ మ్యాచ్‌లు కూడా జరుగనున్నాయి. మధ్యాహ్నం మ్యాచ్‌ 2 గంటలకు, రాత్రి మ్యాచ్‌ ఏడు గంటలకు ప్రారంభమవుతాయి.  ఈ టీ20 లీగ్‌ను డీడీ స్పోర్ట్స్‌, యూరోస్పోర్ట్స్‌తో పాటు ఫ్యాన్‌కోడ్‌లో వీక్షించవచ్చు. ఈ మెగా ఈవెంట్‌లో వీరేంద్ర సెహ్వాగ్, క్రిస్‌ గేల్‌తో పాటు హెర్షల్‌ గిబ్స్‌, యూసఫ్ పఠాన్, సురేశ్ రైనా, మునాఫ్ పటేల్, రజత్ భాటియా, ప్రవీణ్ కుమార్ వంటి స్టార్‌ ఆటగాళ్లు భాగం కానున్నారు.  

వైజాగ్‌ వేదికగా ఇంగ్లండ్‌తో జరుగుతున్న రెండో టెస్టులో టీమిండియా యువ ఆటగాళ్లు యశస్వీ జైశ్వాల్‌, శుబ్‌మన్‌ గిల్‌ అద్బుతమైన ప్రదర్శన కనబరిచారు. తొలి ఇన్నింగ్స్‌లో జైశ్వాల్‌(209) విరోచిత డబుల్‌ సెంచరీతో చెలరేగగా.. రెండో ఇన్నింగ్స్‌లో గిల్‌(104) సైతం శతకంతో మెరిశాడు. ఈ నేపథ్యంలో వీరిద్దరిపై భారత మాజీ ఓపెనర్‌ వీరేంద్ర సెహ్వాగ్ ప్రశంసల వర్షం కురిపించారు. భవిష్యత్తులో యశస్వీ, శబ్‌మన్‌ ప్రపంచ క్రికెట్‌లో ఆధిపత్యం చెలాయిస్తారని సెహ్వాగ్ జోస్యం చెప్పాడు. "అతి చిన్న వయస్సులోనే గిల్‌, జైశ్వాల్‌ అసాధారణమైన ప్రతిభను కనబరుస్తున్నారు. వారు ఆటతీరును చూస్తే నాకు చాలా సంతోషంగా ఉంది. జట్టు కష్టాల్లో ఉన్నప్పుడు ఆదుకోవడం వారి స్పెషల్‌. వీరిద్దరూ రాబోయే రోజుల్లో కచ్చితంగా వరల్డ్‌ క్రికెట్‌ను ఏలుతారు" అని ఎక్స్‌(ట్విటర్‌)లో సెహ్వాగ్ రాసుకొచ్చాడు. ఇక రెండో టెస్టు రసవత్తరంగా మారింది. ఈ మ్యాచ్‌లో భారత్‌ విజయం సాధించాలంటే ఇంకా 9 వికెట్లు పడగొట్టాలి.  399 పరుగుల భారీ లక్ష్యంతో బరిలోకి దిగిన ఇంగ్లండ్‌.. మూడో రోజు ఆట ముగిసే సరికి వికెట్‌ నష్టానికి 67 పరుగులు చేసింది. ఇంగ్లండ్‌ మరో విజయాన్ని తమఖాతాలో వేసుకోవాలంటే 332 పరుగులు చేయాల్సింది. ఒకవేళ ఇంగ్లండ్‌ ఈ లక్ష్యాన్ని ఛేదిస్తే భారత్‌ గడ్డపై సరికొత్త చరిత్ర సృష్టిస్తోంది. ఎందుకంటే భారత గడ్డపై టెస్టు క్రికెట్‌లో ఈ జట్టు కూడా ఇంత భారీ లక్ష్యాన్ని ఛేదించలేదు. భారత్‌లో ఓ జట్టు ఛేదించిన అత్యధిక లక్ష్యం 387గా ఉంది. 2008లో చెన్నైలో ఇంగ్లాండ్‌పై భారత్‌ ఈ ఛేదన చేసింది. చదవండి: NZ vs SA: రచిన్‌ రవీంద్ర విధ్వంసం.. ఏకంగా డబుల్‌ సెంచరీతో

భారత్‌-ఇంగ్లండ్‌ మధ్య ఐదు మ్యాచ్‌ల సిరీస్‌కు రంగం సిద్దమైంది. ఈ సిరీస్‌లో భాగంగా తొలి టెస్టు జనవరి 25 నుంచి హైదరాబాద్‌ వేదికగా ప్రారంభం కానుంది. ఈ మ్యాచ్‌ కోసం ఇప్పటికే ఇంగ్లండ్‌ జట్టు హైదరాబాద్‌ చేరుకోగా.. టీమిండియా సోమవారం భాగ్యనగరానికి వచ్చే ఛాన్స్‌ ఉంది. ఇక ఈ మ్యాచ్‌కు ముందు టీమిండియా కెప్టెన్‌ రోహిత్‌ శర్మను ఓ అరుదైన రికార్డు ఊరిస్తోంది. ఈ మ్యాచ్‌లో హిట్‌మ్యాన్‌ మరో 14 సిక్స్‌లు బాదితే టెస్టు క్రికెట్‌లో  అత్యధిక సిక్సర్లు బాదిన ఆటగాడిగా రికార్డులకెక్కుతాడు. ఈ క్రమంలో భారత మాజీ ఓపెనర్ వీరేంద్ర సెహ్వాగ్(91) రికార్డును రోహిత్‌ బ్రేక్‌ చేస్తాడు. ఈ జాబితాలో రోహిత్‌ ప్రస్తుతం 77 సిక్సర్లతో మూడో స్ధానంలో ఉన్నాడు. రోహిత్‌ కంటే ముందు రెండో స్ధానంలో భారత మాజీ కెప్టెన్‌ ఎంఎస్‌ ధోని(78) ఉన్నాడు. కాగా రోహిత్‌కు టెస్టుల్లో ఇంగ్లండ్‌పై మంచి రికార్డు ఉంది. ఇప్పటివరకు ఇంగ్లండ్‌తో 9 మ్యాచ్‌లు ఆడిన రోహిత్‌ 49.80 సగటుతో 747 పరుగులు చేశాడు.

Cricket Stars Fume Over Maldives Row: భారత ప్రధాని నరేంద్ర మోదీని ఉద్దేశించి అనుచిత వ్యాఖ్యలు చేసిన మాల్దీవుల మంత్రులను టీమిండియా మాజీ క్రికెటర్లు తప్పుబడుతున్నారు. భారతీయులను తక్కువ చేసేలా మాట్లాడటం తగదని హితవు పలుకుతున్నారు. గతంలో ఎన్నోసార్లు మాల్దీవుల పర్యటనకు వెళ్లామని.. కానీ ఇకపై అలాంటి పరిస్థితులు ఉండబోవని స్పష్టం చేస్తున్నారు. భారతదేశంలో ఎన్నో సుందరమైన ప్రదేశాలు ఉన్నాయని.. ఇకపై వాటిపైనే మనమంతా దృష్టి సారించాలని పిలుపునిస్తున్నారు. భారత పర్యాటక రంగాన్ని మరింత అభివృద్ధి చేసేలా తమ వంతు సహకారం అందిస్తామంటూ ఎక్స్‌ వేదికగా ప్రధాని మోదీకి మద్దతు తెలుపుతున్నారు. మోదీ ఫొటోలు వైరల్‌.. మాల్దీవుల మంత్రుల నోటి దురుసు కాగా ప్రధాని మోదీ.. కేంద్ర పాలిత ప్రాంతం లక్షద్వీప్‌లో ఇటీవల పర్యటించారు. ఇందుకు సంబంధించిన ఫొటోలను సోషల్‌ మీడియాలో లక్షద్వీప్‌ను పర్యాటక ధామంగా మార్చాలంటూ పిలుపునిచ్చారు. ఈ నేపథ్యంలో పలువురు నెటిజన్లు మాల్దీవులతో లక్షద్వీప్‌ను పోలుస్తూ ప్రధాని మోదీ ఫొటోలను నెట్టింట వైరల్‌ చేశారు. ఈ నేపథ్యంలో మాల్దీవుల మంత్రులు మోదీని కించపరిచే విధంగా తోలుబొమ్మ అంటూ అనుచిత వ్యాఖ్యలు చేశారు. అంతేకాదు.. భారత్‌లో బీచ్‌లు, హోటల్‌ గదులు శుభ్రంగా ఉండవని.. అలాంటి దేశంతో తమకు పోలికేంటని వివాదాస్పద రీతిలో కామెంట్లు చేశారు. దీంతో బాయ్‌కాట్‌ మాల్దీవ్స్‌, #ExploreIndianIslands ట్రెండ్‌ చేస్తున్నారు భారత నెటిజన్లు. మన పర్యాటకాన్ని అభివృద్ధి చేయాలి ఈ నేపథ్యంలో మాజీ ఓపెనర్లు వీరేంద్ర సెహ్వాగ్‌, ఆకాశ్‌ చోప్రా, మాజీ ఆల్‌రౌండర్‌ ఇర్ఫాన్‌ పఠాన్‌, మాజీ బ్యాటర్‌ సురేశ్‌ రైనా తదితరులు స్పందించారు. ఈ మేరకు సెహ్వాగ్‌.. ‘‘ఉడుపి, పాండిలోని పారడైజ్‌ బీచ్‌, అండమాన్‌లోని నీల్‌, హవెలాక్‌తో పాటు దేశంలో ఎన్నో అందమైన ప్రదేశాలు ఉన్నాయి. ఇంతవరకు మనం చూడని చక్కటి బీచ్‌లు కూడా చాలా ఉన్నాయి.  మన ప్రధాని పట్ల మాల్దీవుల మంత్రులు అనుచిత వ్యాఖ్యలు చేసిన తీరును అందరూ గమనించాలి. ఇకపై అవసరమైన చోట్ల మౌలిక సదుపాయాలు మరింత అభివృద్ధి చేసి మన పర్యాటకాన్ని మరింత అభివృద్ధి చేసి..  ఆర్థిక వ్యవస్థను పరిపుష్టం చేసుకోవాలి’’ అని పేర్కొన్నాడు. Whether it be the beautiful beaches of Udupi , Paradise Beach in Pondi, Neil and Havelock in Andaman, and many other beautiful beaches throughout our country, there are so many unexplored places in Bharat which have so much potential with some infrastructure support. Bharat is… pic.twitter.com/w8EheuIEUD — Virender Sehwag (@virendersehwag) January 7, 2024 ఇక ఇర్ఫాన్‌ పఠాన్‌.. ‘‘నాకు 15 ఏళ్ల వయసు ఉన్నపటి నుంచి ప్రపంచవ్యాప్తంగా ఎన్నో ప్రాంతాల్లో పర్యటించాను. ఇండియన్‌ హోటల్స్‌లో లభించిన ఆతిథ్యం మరెక్కడా లభించదు. మన దేశంలో ఉన్నన్ని పర్యాటక ప్రాంతాలు మరెక్కడా లేవు.  మనం ప్రతి దేశ సంస్కృతిని గౌరవిస్తాం. కానీ.. నా మాతృదేశం గురించి, ఇక్కడి ఆతిథ్యం గురించి ఇలాంటి ప్రతికూల వ్యాఖ్యలు వినడం ఎంతో బాధిస్తోంది’’ అని మాల్దీవుల మంత్రులకు చురకలు అంటించాడు.  Having traveled the world since I was 15, every new country I visit reinforces my belief in the exceptional service offered by Indian hotels and tourism. While respecting each country's culture, it's disheartening to hear negative remarks about my homeland's extraordinary… — Irfan Pathan (@IrfanPathan) January 7, 2024 మనం వద్దని మాల్దీవులు ఓటేసింది.. ఇక వెళ్లాలా లేదా? అదే విధంగా ఆకాశ్‌ చోప్రా స్పందిస్తూ.. ‘‘ఇండియా వద్దని మాల్దీవులు ఓటేసింది. ఇప్పుడు ఎక్కడికి వెళ్లాలో.. వెళ్లవద్దో అన్న అంశంలో భారతీయులు తెలివిగా నిర్ణయం తీసుకోవాల్సిన అవసరం ఉంది. నా కుటుంబం అయితే, ఇలాగే చేస్తుంది. జై హింద్‌’’ అని పేర్కొన్నాడు. ‘India Out’ was a part of the manifesto. Maldives voted for it. Now, it’s up to us, Indians, to choose wisely. I know that my family will. Jai Hind 🇮🇳 — Aakash Chopra (@cricketaakash) January 6, 2024 కాగా మోదీపై అనుచిత వ్యాఖ్యల కారణంగా ఇప్పటికే చాలా మంది భారత ప్రముఖులు మాల్దీవుల పర్యటనను రద్దు చేసుకున్నట్లు తెలుస్తోంది. పర్యాటకమే ఆయువుపట్టుగా ఉనికిని చాటుకుంటున్న తమకు.. తాజా పరిణామాలు భారీ నష్టం చేకూరుస్తాయని పసిగట్టిన మాల్దీవుల ప్రభుత్వం.. ఇప్పటికే సదరు మంత్రులపై వేటు వేసింది. 

India Vs South Africa 1st Test: సౌతాఫ్రికాతో టెస్టు సిరీస్‌ సందర్భంగా టీమిండియా స్టార్‌ బ్యాటర్‌ విరాట్‌ కోహ్లి అరుదైన రికార్డు ముంగిట నిలిచాడు. మాజీ ఓపెనర్‌ వీరేంద్ర సెహ్వాగ్‌ పేరిట ఉన్న రికార్డు బద్దలు కొట్టేందుకు సిద్ధమయ్యాడు. కాగా మూడు టీ20, మూడు వన్డే, రెండు మ్యాచ్‌ల టెస్టు సిరీస్‌ ఆడేందుకు భారత జట్టు ప్రొటిస్‌ దేశానికి వెళ్లింది. పరిమిత ఓవర్ల సిరీస్‌లో మరోసారి సత్తా చాటి ఇందులో భాగంగా సూర్యకుమార్‌ యాదవ్‌ సారథ్యంలో టీ20 సిరీస్‌ను 1-1తో సమం చేసిన టీమిండియా.. కేఎల్‌ రాహుల్‌ కెప్టెన్సీలో వన్డేలను 2-1 తేడాతో గెలుచుకుంది. కెప్టెన్‌ రోహిత్‌ శర్మ, విరాట్‌ కోహ్లి, జస్‌ప్రీత్‌ బుమ్రా తదితర కీలక ఆటగాళ్లు లేకుండానే సౌతాఫ్రికాతో పరిమిత ఓవర్ల సిరీస్‌ ఆడి ఈ విజయాలు సాధించింది. అయితే, వరల్డ్‌కప్‌-2023 ఫైనల్‌ ఓటమి తర్వాత విశ్రాంతి తీసుకున్న ఈ ముగ్గురు స్టార్లు టెస్టు సిరీస్‌కు మాత్రం అందుబాటులోకి వచ్చారు. కాగా సఫారీ గడ్డపై ఇంతవరకు టెస్టు సిరీస్‌ గెలిచిన ఘనత ఏ భారత జట్టుకూ లేదు. అయితే, రోహిత్‌ సేన ఆ అపవాదును చెరిపివేయాలని భావిస్తోంది. ఈ సిరీస్‌లో కోహ్లి 70 పరుగులు చేశాడంటే ఇందుకోసం ఇప్పటికే బాక్సింగ్‌ డే నాటి తొలి టెస్టుకు పూర్తి స్థాయిలో సన్నద్ధమైంది. ఇక ఈ మ్యాచ్‌ సందర్భంగా విరాట్‌ కోహ్లి అరుదైన ఫీట్‌ నమోదు చేసే అవకాశం ఉంది. కాగా సౌతాఫ్రికాతో టెస్టుల్లో కోహ్లి ఇప్పటి వరకు 14 ఇన్నింగ్స్‌ ఆడి 1236 పరుగులు సాధించాడు. ఈ రెండు మ్యాచ్‌ల సిరీస్‌లో భాగంగా అతడు..  70 రన్స్‌ చేయగలిగితే... సఫారీ జట్టుతో టెస్టుల్లో అత్యధిక పరుగులు సాధించిన రెండో భారత బ్యాటర్‌గా చరిత్ర సృష్టిస్తాడు. తద్వారా మాజీ ఓపెనర్‌ వీరేంద్ర సెహ్వాగ్‌ను అధిగమించి దిగ్గజ బ్యాటర్‌ సచిన్‌ టెండుల్కర్‌ తర్వాతి స్థానాన్ని ఆక్రమిస్తాడు. (ఒకవేళ ఈ సిరీస్‌లో పూర్తిగా విఫలమై కేవలం 15 పరుగులకే పరిమితమైతే సెహ్వాగ్‌ తర్వాతి స్థానంలో ఉన్న రాహుల్‌ ద్రవిడ్‌ను కూడా అధిగమించలేడు). సౌతాఫ్రికాతో టెస్టుల్లో అత్యధిక పరుగులు సాధించిన భారత బ్యాటర్లు 1.సచిన్‌ టెండుల్కర్‌- 24 టెస్టుల్లో 1741 రన్స్‌ 2.వీరేంద్ర సెహ్వాగ్‌- 15 టెస్టుల్లో 1306 పరుగులు 3.రాహుల్‌ ద్రవిడ్‌- 21 టెస్టుల్లో 1252 పరుగులు 4.విరాట్‌ కోహ్లి- 14 ఇన్నింగ్స్‌లో 1236 పరుగులు 5.వీవీఎస్‌ లక్ష్మణ్‌- 17 మ్యాచ్‌లలో 976 పరుగులు 6. సౌరవ్‌ గంగూలీ- 17 మ్యాచ్‌లలో 947 పరుగులు 7. అజింక్య రహానే- 13 టెస్టుల్లో 884 పరుగులు. చదవండి: స్టార్‌ బౌలర్లకు షాకిచ్చిన అఫ్గన్‌ బోర్డు.. రెండేళ్ల నిషేధం! ఐపీఎల్‌ ఫ్రాంఛైజీలకు ఎదురుదెబ్బ

టీమిండియా హెడ్‌ కోచ్‌గా రాహుల్‌ ‍ద్రవిడ్‌ రెండేళ్ల పదవీకాలం వరల్డ్‌కప్‌ 2023 ఫైనల్‌తో  ముగిసింది. దీంతో భారత జట్టు కొత్త హెడ్‌ కోచ్‌ ఎవరనే అంశంపై చర్చ మొదలైంది. మరో దఫా కొనసాగాలా లేదా అనే దానిపై ఇంకా తేల్చుకోలేదని ద్రవిడ్‌ వరల్డ్‌కప్‌ అనంతరం​ మీడియా సమావేశంలో తెలిపాడు. మరి బీసీసీఐ రవిశాస్త్రిలా ద్రవిడ్‌ను రెండో దఫా కొనసాగిస్తుందో లేదో వేచి చూడాలి. ప్రస్తుతానికి అయితే ఆసీస్‌తో టీ20 సిరీస్‌కు స్టాండ్‌ ఇన్‌ కోచ్‌గా ఎన్‌సీఏ డైరెక్టర్‌ వీవీఎస్‌ లక్ష్మణ్‌ను బీసీసీఐ ఎంపిక చేసింది.  ఒకవేళ ద్రవిడ్‌ రెండో దఫా కోచ్‌గా పని చేసేందుకు నిరాకరిస్తే  లక్ష్మణ్‌ భారత జట్టు హెడ్‌ కోచ్‌ పదవి రేసులో ముందువరుసలో ఉంటాడు. ఈ పదవి కోసం లక్ష్మణ్‌తో పాటు మరో ఇద్దరు టీమిండియా దిగ్గజాలు పోటీలో ఉండే అవకాశం ఉందని తెలుస్తుంది. ఇటీవలే ఐసీసీ హాల్‌ ఆఫ్‌ ఫేమర్‌గా ప్రకటించబడ్డ వీరేంద్ర సెహ్వాగ్‌, స్పిన్‌ దిగ్గజం అనిల్‌ కుంబ్లే లక్ష్మణ్‌తో పాటు ప్రధాన పోటీదారులుగా నిలిచే ఛాన్స్‌ ఉంది. వీరిలో కుంబ్లేకు గతంలో భారత జట్టు హెడ్‌ కోచ్‌గా పని చేసిన అనుభవం ఉంది.  ధోనిని ఒప్పించి అప్పచెబితే.. టీమిండియా హెడ్‌ కోచ్‌ పదవి ఖాళీ అయిన నేపథ్యంలో ఈ అంశంపై నెట్టింట జోరుగా చర్చలు సాగుతున్నాయి. కొందరు ద్రవిడ్‌నే కొనసాగించాలని అంటుంటే, మరికొందరు అతడిని సాగనంపాలని వాధిస్తున్నారు. ఒకవేళ హెడ్‌ కోచ్‌ పదవిలో కొనసాగేందుకు ద్రవిడ్‌ ఆసక్తి కనబర్చకపోతే లక్ష్మణ్‌, అనిల్‌ కుంబ్లే, సెహ్వాగ్‌లు రేసులో ఉంటారని ప్రచారం జరుగుతుంది. కొత్తగా కొందరు టీమిండియా మోస్ట్‌ సక్సెస్‌ఫుల్‌ కెప్టెన్‌ మహేంద్ర సింగ్‌ ధోని పేరును తెరపైకి తెస్తున్నారు. ధోనికి ఇష్టం లేకపోయినా అతన్ని ఒప్పించి మరీ భారత క్రికెట్‌ జట్టు కోచింగ్‌ బాధ్యతలు అప్పజెప్పాలని వారు పట్టుబడుతున్నారు. మరి భారత జట్టుకు కోచింగ్‌ ఇచ్చేందుకు ధోని ముందుకు వస్తాడో లేదో వేచి చూడాలి.  

ICC CWC 2023 Final- Rohit Sharma: టీమిండియా ఈసారి కచ్చితంగా ట్రోఫీ గెలుస్తుందనే అభిమానుల ఆశలు అడియాసలయ్యాయి. సొంతగడ్డపై 2011 నాటి ఫలితం పునరావృతమవుతుందనుకుంటే తీవ్ర నిరాశే మిగిలింది. తుదిపోరుకు ముందు దాకా అజేయంగా ముందుకు సాగిన రోహిత్‌ సేన అసలు మ్యాచ్‌లో తడబడి భారీ మూల్యమే చెల్లించింది. ఆఖరి మెట్టుపై ఆస్ట్రేలియా ఒత్తిడిని చిత్తు చేసి ట్రోఫీ గెలవగా.. భారత జట్టుతో పాటు అభిమానుల గుండెలు ముక్కలయ్యాయి. ఈ నేపథ్యంలో రోహిత్‌ శర్మ ఆట తీరుపై భారత మాజీ ఓపెనర్‌ వీరేంద్ర సెహ్వాగ్‌ చేసిన వ్యాఖ్యలు నెట్టింట వైరల్‌ అవుతున్నాయి. దూకుడుగా ఆడిన రోహిత్‌ అహ్మదాబాద్‌ వేదికగా ఆసీస్‌తో మ్యాచ్‌లో టాస్‌ ఓడి తొలుత బ్యాటింగ్‌కు దిగింది టీమిండియా. ఓపెనర్‌ రోహిత్‌ శర్మ ఆది నుంచే దూకుడుగా ఆడి అద్భుత ఆరంభం అందించాడు. మరో ఓపెనర్‌ శుబ్‌మన్‌ గిల్‌(4) విఫలమైనా వన్‌డౌన్‌ బ్యాటర్‌ విరాట్‌ కోహ్లి(54)తో కలిసి స్కోరు బోర్డును ముందుకు నడిపించాడు. వీరిద్దరు క్రీజులో కుదురుకుంటే మెరుగైన భాగస్వామ్యంతో భారీ స్కోరుకు పునాది పడేది. కానీ రోహిత్‌ శర్మ అనూహ్య రీతిలో అవుట్‌ కావడం కొంపముంచింది. టీమిండియా ఇన్నింగ్స్‌ పదో ఓవర్‌లో ఆసీస్‌ స్పిన్‌ ఆల్‌రౌండర్‌ గ్లెన్‌ మాక్స్‌వెల్‌ బౌలింగ్‌కు వచ్చాడు. హెడ్‌ అద్భుత క్యాచ్‌తో హిట్‌మ్యాన్‌ ఇన్నింగ్స్‌కు తెర అతడి బౌలింగ్‌లో రెండో బంతికి సిక్స్‌ కొట్టిన రోహిత్‌.. మరుసటి బంతికి ఫోర్‌ బాదాడు. కానీ మరోసారి భారీ షాట్‌కు యత్నించి మూల్యం చెల్లించాడు. మాక్సీ విసిరిన బంతిని మిడాన్‌ దిశగా రోహిత్‌ గాల్లోకి లేపగా.. కవర్‌ పాయింట్‌లో ఉన్న ట్రవిస్‌ హెడ్‌ పాదరసంలా వెనక్కి కదిలి అద్భుత రీతిలో క్యాచ్‌ అందుకున్నాడు. దీంతో మాక్సీ, ఆసీస్‌ కెప్టెన్‌ గట్టిగా అరుస్తూ సంబరాలు చేసుకోగా.. మోదీ స్టేడియంలో ఉన్న అభిమానులు ఒక్కసారిగా మూగబోయారు. అలా హాఫ్‌ సెంచరీకి చేరువైన రోహిత్‌.. తొందరపడి తప్పుడు షాట్‌ సెలక్షన్‌తో 47 పరుగుల వద్ద నిష్క్రమించాడు. మిగతా వాళ్లలో కోహ్లి 54, రాహుల్‌ 66 పరుగులతో రాణించగా.. 240 పరుగులకు ఆలౌట్‌ అయిన భారత్‌.. స్వల్ప లక్ష్యాన్ని కాపాడుకోలేక ఓటమిపాలైంది. చెత్త షాట్‌ సెలక్షన్‌ ఈ నేపథ్యంలో సెహ్వాగ్‌ క్రిక్‌బజ్‌ షోలో మాట్లాడుతూ.. ‘‘ఈ విషయంలో రోహిత్‌ నిరాశ చెందాడో లేదో కానీ మేనేజ్‌మెంట్‌ మాత్రం కచ్చితంగా డిస్సప్పాయింట్‌ అయి ఉంటుంది. వరుస బంతుల్లో సిక్‌స, ఫోర్‌ బాదిన తర్వాత కూడా ఇలాంటి షాట్లు ఎంపిక చేసుకోవద్దని శిక్షణా సిబ్బంది అతడికి చెప్పండి.  పవర్‌ ప్లే ముగస్తుంది కాబట్టి మాక్స్‌వెల్‌ బౌలింగ్‌లో వీలైనన్ని ఎక్కువ పరుగులు రాబట్టాలని రోహిత్‌ భావించి ఉంటాడు. ఏదేమైనా.. నిజంగా అది చెత్త షాట్‌ సెలక్షన్‌. ఒకవేళ రోహిత్‌ గనుక అలా చేయకపోయి ఉంటే కథ వేరుగా ఉండేది’’ అని విమర్శించాడు. చదవండి: CWC 2023 Final: మిచెల్‌ మార్ష్‌ అనుచిత ప్రవర్తన.. !  View this post on Instagram A post shared by ICC (@icc)

దుబాయ్‌: భారత మహిళల జట్టు మాజీ కెప్టెన్‌ డయానా ఎడుల్జీ, మాజీ డాషింగ్‌ ఓపెనర్‌ వీరేంద్ర సెహ్వాగ్‌లు అంతర్జాతీయ క్రికెట్‌ మండలి (ఐసీసీ) ‘హాల్‌ ఆఫ్‌ ఫేమ్‌’లో చోటు దక్కించుకున్నారు. ఈ ఇద్దరు భారత క్రికెటర్లతో పాటు శ్రీలంక దిగ్గజం అరవింద డిసిల్వాను కూడా తాజాగా ఐసీసీ ఈ విశిష్ట క్రికెటర్ల జాబితాలో చేర్చింది. భారత్‌ నుంచి ‘హాల్‌ ఆఫ్‌ ఫేమ్‌’లో ఇప్పటి వరకు తొమ్మిది మందికి చోటు లభించగా... ఎడుల్జీ ఈ జాబితాలో చోటు దక్కించుకున్న తొలి భారత మహిళా క్రికెటర్‌ కావడం విశేషం. ఆయా జట్లకు అందించిన సేవలు, నడిపించిన తీరు, గెలిపించిన ఘనతలు అన్నీ పరిగణించే ఐసీసీ ‘హాల్‌ ఆఫ్‌ ఫేమ్‌’లోకి ఎంపిక చేస్తారు.   డయానా ఎడుల్జీ: భారత్‌లో అమ్మాయిల క్రికెట్‌వైపు కన్నెత్తి చూడని రోజుల్లోనే క్రికెటరై తర్వాత సారథిగా ఎదిగింది. 1976 నుంచి 1993 వరకు భారత జట్టుకు ఆడి స్పిన్‌ ఆల్‌రౌండర్‌గా రాణించింది. 20 టెస్టులాడి 63 వికెట్లు తీసి, 404 పరుగులు చేసింది. 34 వన్డేల్లో 211 పరుగులు సాధించి 46 వికెట్లు పడగొట్టింది. సెహ్వాగ్‌: భారత టెస్టు క్రికెట్‌లో ట్రిపుల్‌ సెంచరీ చేసిన తొలి బ్యాటర్‌గా సెహ్వాగ్‌ రికార్డుల్లోకెక్కాడు. భారత్‌ 2007 టి20 ప్రపంచకప్, 2011 వన్డే ప్రపంచకప్‌ సాధించడంలో తనవంతు పాత్ర పోషించాడు. సెహ్వాగ్‌ 104 టెస్టులు ఆడి 8586 పరుగులు సాధించాడు. 23 సెంచరీలు చేశాడు. 40 వికెట్లు తీశాడు. 251 వన్డేలాడి 8273 పరుగులు, 15 సెంచరీలు సాధించాడు. 96 వికెట్లు కూడా తీశాడు. 19 టి20లు ఆడి 393 పరుగులు సాధించాడు.   అరవింద డిసిల్వా: ఆ్రస్టేలియాతో జరిగిన 1996 వన్డే ప్రపంచకప్‌ ఫైనల్లో డిసిల్వా వీరోచిత సెంచరీతో జట్టును విశ్వవిజేతగా నిలిపాడు. 308 వన్డేల్లో 9284 పరుగులు చేశాడు. 106 వికెట్లు పడగొట్టాడు. 93 టెస్టుల్లో 6361 పరుగులు సాధించాడు. 

టీమిండియా డాషింగ్‌ బ్యాటర్‌, మాజీ ఓపెనర్‌ వీరేంద్ర సెహ్వాగ్‌కు ఐసీసీ అత్యున్నత గౌరవం లభించింది. ఐసీసీ ప్రతిష్టాత్మక హాల్‌ ఆఫ్‌ ఫేమర్ల జాబితాలో వీరూకు చోటు కల్పించింది. వీరూతో పాటు భారత మాజీ మహిళా క్రికెటర్‌ డయానా ఎడుల్జీ, శ్రీలంక దిగ్గజ ఆటగాడు అరవింద డిసిల్వకు కూడా ఐసీసీ హాల్‌ ఆఫ్‌ ఫేమర్ల జాబితాలో చోటు దక్కింది. ఈ ముగ్గురిని హాల్‌ ఆఫ్‌ ద ఫేమర్ల జాబితాలోకి చేరుస్తున్నట్లు ఐసీసీ ట్విటర్‌ వేదికగా ప్రకటించింది.  🇮🇳 🇱🇰 🇮🇳 Three stars of the game have been added to the ICC Hall of Fame 🏅 Details 👇https://t.co/gLSJSU4FvI — ICC (@ICC) November 13, 2023 45 ఏళ్ల వీరేంద్ర సెహ్వాగ్‌ 1999-2013 మధ్యలో 104 టెస్ట్‌లు, 251 వన్డేలు, 19 టీ20ల్లో భారత్‌కు ప్రాతినిథ్యం వహించి 18641 పరుగులు సాధించాడు. ఇందులో 38 సెంచరీలు, 72 హాఫ్‌ సెంచరీలు ఉన్నాయి. పార్ట్‌ టైమ్‌ స్పిన్నర్‌ కూడా అయిన వీరూ తన కెరీర్‌లో 136 వికెట్లు పడగొట్టాడు.  67 ఏళ్ల డయానా 1976-1993 మధ్యలో 20 టెస్ట్‌లు, 34 వన్డేల్లో భారత్‌కు ప్రాతినిథ్యం వహించింది. మహిళల టెస్ట్‌ క్రికెట్‌లో అత్యధిక బంతులు సంధించిన రికార్డు ఇప్పటికీ డయానా పేరిటే ఉంది. లెఫ్ట్‌ ఆర్మ్‌ ఆర్థోడాక్స్‌ బౌలర్‌ అయిన డయానా తన అంతర్జాతీయ కెరీర్‌లో 109 వికెట్లు పడగొట్టింది.  58 ఏళ్ల అరవింద డిసిల్వ 1984-2003 మధ్యలో 93 టెస్ట్‌లు, 308 వన్డేల్లో శ్రీలంకకు ప్రాతినిథ్యం వహించి 15645 పరుగులు సాధించాడు. ఇందులో 31 సెంచరీలు, 86 అర్ధ సెంచరీలు ఉన్నాయి. డిసిల్వ తన కెరీర్‌లో 135 వికెట్లు కూడా పడగొట్టాడు.

ICC WC 2023: వన్డే వరల్డ్‌కప్‌-2023 సెమీస్ చేరాలంటే తప్పక గెలవాల్సిన మ్యాచ్‌లో సత్తా చాటిన న్యూజిలాండ్‌ పాకిస్తాన్‌ అవకాశాలను గల్లంతు చేసింది. లీగ్‌ దశలో ఆఖరిగా శ్రీలంకతో మ్యాచ్‌లో 23.2 ఓవర్లలోనే లక్ష్యాన్ని ఛేదించి మొత్తంగా 10 పాయింట్లు తమ ఖాతాలో జమచేసుకుంది. దీంతో పాక్‌ ఆశలు అడియాసలయ్యాయి. అయితే, కివీస్‌- లంక మ్యాచ్‌ ఫలితం తేలిన తర్వాత కూడా బాబర్‌ ఆజం బృందం సెమీస్‌ రేసులో నిలవాలని భావిస్తే వన్డే క్రికెట్‌ చరిత్రలో కనీవినీ ఎరుగని అద్భుతం జరగాల్సిందే. అద్భుతం జరగాల్సిందే పాకిస్తాన్‌ తమకు మిగిలిన మ్యాచ్‌లో ఇంగ్లండ్‌పై గెలిస్తే న్యూజిలాండ్‌ మాదిరే 10 పాయింట్లు సాధిస్తుంది. కానీ రన్‌రేటు పరంగా ఎంతో ముందున్న కివీస్‌ జట్టును దాటాలంటే..  కోల్‌కతాలో శనివారం నాటి మ్యాచ్‌లో ఇంగ్లండ్‌పై పాక్‌ ఏకంగా 287 పరుగుల తేడాతో గెలవాలి.  కర్మకాలి ఇంగ్లండ్‌ గనుక టాస్‌ గెలిచి తొలుత బ్యాటింగ్‌ ఎంచుకుంటే అక్కడే పాక్‌ కథ ముగిసిపోతుంది. ఎందుకంటే.. ఇంగ్లండ్‌ ఎంతటి లక్ష్యం విధించినా దానిని మూడు ఓవర్లలోపే పాక్‌ ఛేజ్‌ చేయాల్సి ఉంటుంది. ఇది సాధ్యమయ్యే పనైతే కాదు! కాబట్టి భారత్‌ వేదికగా జరుగుతున్న ప్రపంచకప్‌-2023 నుంచి పాక్‌ అనధికారికంగా నిష్క్రమించినట్లే! ఈ నేపథ్యంలో టీమిండియా మాజీ క్రికెటర్‌ వీరేంద్ర సెహ్వాగ్‌ పాకిస్తాన్‌ జట్టును తనదైన శైలిలో ట్రోల్‌ చేశాడు.  సురక్షితంగా వెళ్లండి.. బైబై ఈ మేరకు ఇన్‌స్టాగ్రామ్‌ వేదికగా.. ‘‘బై బై పాకిస్తాన్‌’’ అని రాసి ఉన్న అక్షరాల ఫొటోను హైలైట్‌ చేస్తూ..‘‘పాకిస్తాన్‌ జిందా‘భాగ్‌’(పారిపోండి అన్న అర్థంలో) ! మీరింతే.. ఇక్కడి దాకా రాగలరంతే! ఇక్కడి బిర్యానీ రుచి, ఆతిథ్యాన్ని పూర్తిగా ఆస్వాదించారనే అనుకుంటున్నా. విమానంలో సురక్షితంగా ఇంటికి తిరిగి వెళ్లాలని కోరుకుంటున్నా. బై బై పాకిస్తాన్‌’’ అంటూ క్యాప్షన్‌ జత చేశాడు. దాయాది జట్టును ఉద్దేశించి ఈ మాజీ ఓపెనర్‌ చేసిన పోస్టు నెట్టింట వైరల్‌గా మారింది.  కాగా వన్డే వరల్డ్‌కప్‌ ఆడేందుకు తొలుత హైదరాబాద్‌ చేరుకున్న పాకిస్తాన్‌ జట్టుకు ఘన స్వాగతం లభించిన విషయం తెలిసిందే. ఈ నేపథ్యంలో క్రికెట్‌ ప్రేమికుల అభిమానానికి ఫిదా అయిన కెప్టెన్‌ బాబర్‌ ఆజం, పేసర్‌ షాహిన్‌ ఆఫ్రిది తదితరులు కృతజ్ఞతా భావం చాటుకున్నారు. ఇక ఆ తర్వాత వెళ్లిన ప్రతిచోటా హోటల్‌ నుంచి కాకుండా పాక్‌ ఆటగాళ్లు.. బయట నుంచి బిర్యానీలు ఆర్డర్‌ చేశారన్న వార్తలు బయటకు వచ్చాయి. ఈ క్రమంలో వరుస ఓటముల నేపథ్యంలో ఆ జట్టు అభిమానులు సైతం పెద్ద ఎత్తున విమర్శలు గుప్పించారు. ఈ నేపథ్యంలో పాక్‌ సెమీస్‌ ఆశలు గల్లంతైన తరుణంలో సెహ్వాగ్‌ ఈ మేరకు పోస్టు పెట్టడం గమనార్హం. మీ స్థాయికి తగునా? అయితే, చాలా మంది నెటిజన్లు వీరేంద్ర సెహ్వాగ్‌ తీరును తప్పుబడుతున్నారు. ‘‘శత్రువుకు కూడా ప్రేమను పంచే దేశానికి మీరు.. మీ స్థాయిని మరచి ఇలాంటి వ్యాఖ్యలు చేయడం సరికాదు సర్‌. గొప్ప క్రికెటర్‌గా చరిత్రలో స్థానం సంపాదించిన మీకు ఆటను ఆటలాగే చూడాలని తెలియదా’’ అంటూ చురకలు అంటిస్తున్నారు. మరి వాళ్లు అన్నపుడు ఏం చేశారు? అయితే, వీరూ ఫ్యాన్స్‌ మాత్రం.. ‘‘భయ్యా అన్నదాంట్లో తప్పేముంది? మన జట్టును ఉద్దేశించి పాక్‌ క్రికెటర్లు చేసిన వ్యాఖ్యలు మీకు కనిపించవా?’’ అంటూ కౌంటర్లు ఇస్తున్నారు. పాక్‌ మాజీ సారథి మహ్మద్‌ హఫీజ్‌ విరాట్‌ కోహ్లిని సెల్ఫిష్‌ అంటూ చేసిన కామెంట్లు, భారత బౌలర్లకు ప్రత్యేక బంతులు ఇచ్చారన్న రజా వ్యాఖ్యలను ఈ సందర్భంగా ప్రస్తావిస్తున్నారు. ఏదేమైనా సెహ్వాగ్‌ చేసిన పోస్టు నెట్టింట ఇలా చర్చకు దారితీసింది. చదవండి: ఇలాంటి తోడు ఉంటే ఏదైనా సాధ్యమే! ప్రేమ, పెళ్లి.. రెయిన్‌బో బేబీ! View this post on Instagram A post shared by Virender Sehwag (@virendersehwag)

ICC Cricket World Cup 2023- New Zealand vs Bangladesh: బంగ్లాదేశ్‌ బ్యాటర్లు ముష్ఫికర్‌ రహీం- షకీబ్‌ అల్‌ హసన్‌ చరిత్ర సృష్టించారు. వన్డే ప్రపంచకప్‌ చరిత్రలో అరుదైన ఘనత సాధించారు. ఈ క్రమంలో టీమిండియా దిగ్గజ జోడీ వీరేంద్ర సెహ్వాగ్‌- సచిన్‌ టెండుల్కర్‌ పేరిట ఉన్న రికార్డు బద్దలు కొట్టారు. వన్డే వరల్డ్‌కప్‌-2023లో భాగంగా బంగ్లాదేశ్‌.. తమ మూడో మ్యాచ్‌లో న్యూజిలాండ్‌తో తలపడుతోంది. చెన్నైలోని చెపాక్‌(ఎంఏ చిదంబరం స్టేడియం) వేదికగా జరుగుతున్న మ్యాచ్‌లో టాస్‌ గెలిచిన కివీస్‌ తొలుత బౌలింగ్‌ ఎంచుకుని.. బంగ్లాను బ్యాటింగ్‌కు ఆహ్వానించింది. సెంచరీ భాగస్వామ్యంతో.. ఈ క్రమంలో తొలి బంతికే ట్రెంట్‌ బౌల్ట్‌ బౌలింగ్‌లో ఓపెనర్‌ లిటన్‌ దాస్‌ డకౌట్‌గా వెనుదిరగగా.. మరో ఓపెనర్‌ తాంజిద్‌ హసన్‌ 16 పరుగులు మాత్రమే చేసి నిష్క్రమించాడు. ఇక వన్‌డౌన్‌ బ్యాటర్‌ మెహిదీ హసన్‌ మిరాజ్‌ 30 పరుగులతో రాణించగా.. నాలుగో స్థానంలో వచ్చిన నజ్ముల్‌ హొసేన్‌ షాంటో(7) పూర్తిగా నిరాశపరిచాడు. ఇలా 57 పరుగులకే 4 వికెట్లు కోల్పోయి కష్టాల్లో కూరుకుపోయిన జట్టును కెప్టెన్‌ షకీబ్‌ అల్‌ హసన్‌, వికెట్‌ కీపర్‌ ముష్ఫికర్‌ రహీం ఆదుకున్నారు. అద్భుత భాగస్వామ్యంతో బంగ్లాదేశ్‌ గౌరవప్రదమైన స్కోరు చేసేందుకు బాటలు వేశారు. షకీబ్‌ 51 బంతుల్లో 40 రన్స్‌ తీయగా.. ముష్ఫికర్‌ రహీం 75 బంతులు ఎదుర్కొని 66 పరుగులు సాధించాడు.  అత్యధిక పార్ట్‌నర్‌షిప్‌ నమోదు చేసిన జోడీగా.. ఈ క్రమంలో వన్డే వరల్డ్‌కప్‌ చరిత్రలో అరుదైన భాగస్వామ్య రికార్డు నెలకొల్పారు. ఇద్దరూ కలిపి 19 ఇన్నింగ్స్‌లో 972 పరుగుల పార్ట్‌నర్‌షిప్‌ సాధించారు. తద్వారా సెహ్వాగ్‌- సచిన్‌ల రికార్డును అధిగమించారు. గతంలో వీరేంద్ర సెహ్వాగ్‌- సచిన్‌ టెండుల్కర్‌ కలిపి 20 ఇన్నింగ్స్‌లో 971 పరుగుల భాగస్వామ్యం నెలకొల్పారు. ఇక ఈ జాబితాలో 20 ఇన్నింగ్స్‌లో 1220 పరుగుల భాగస్వామ్యంతో ఆస్ట్రేలియా మాజీ స్టార్లు ఆడం గిల్‌క్రిస్ట్‌- మాథ్యూ హెడెన్‌ అగ్రస్థానంలో కొనసాగుతున్నారు. బంగ్లా, టీమిండియా జోడీలు వరుసగా రెండు, మూడు స్థానాల్లో ఉన్నాయి. మరో రికార్డు.. ఇది సమంగా.. వన్డే ప్రపంచకప్‌ చరిత్రలో అత్యధిక 50+ పార్ట్‌నర్‌షిప్స్‌ నమోదు చేసిన జోడీలు ఆడం గిల్‌క్రిస్ట్‌- మాథ్యూ హెడెన్‌- 12 వీరేంద్ర సెహ్వాగ్‌- సచిన్‌ టెండుల్కర్‌- 8 ముష్ఫికర్‌ రహీం- షకీబ్‌ అల్‌ హసన్‌- 8. కాగా కివీస్‌తో మ్యాచ్‌లో బంగ్లాదేశ్‌ నిర్ణీత 50 ఓవర్లలో 9 వికెట్ల నష్టానికి 245 పరుగులు స్కోరు చేసింది. చదవండి: ‘శార్దూల్‌ ఎందుకు? సిరాజ్‌ను ఎందుకు ఆడిస్తున్నారు?.. అసలేంటి ఇదంతా?’ View this post on Instagram A post shared by ICC (@icc) View this post on Instagram A post shared by ICC (@icc)

ICC WC 2023- Rohit Sharma: టీమిండియా కెప్టెన్‌ రోహిత్‌ శర్మను ఉద్దేశించి భారత మాజీ ఓపెనర్‌ వీరేంద్ర సెహ్వాగ్‌ ఆసక్తికర వ్యాఖ్యలు చేశాడు. వన్డే వరల్డ్‌కప్‌-2011 సమయంలో తాను సెలక్టర్‌ లేదంటే కెప్టెన్‌ అయి ఉంటే.. రోహిత్‌ను తప్పక జట్టుకు ఎంపిక చేసేవాడినని పేర్కొన్నాడు. అయితే, నాడు రోహిత్‌ శర్మ ఇలా లేడన్న వీరూ భాయ్‌.. జట్టు ప్రయోజనాలకు అనుగుణంగానే అప్పటి కెప్టెన్‌, సెలక్టర్లు నిర్ణయం తీసుకుని ఉంటారని పేర్కొన్నాడు. బహుశా అప్పుడలా జట్టులో చోటు దక్కకపోవడం వల్లే హిట్‌మ్యాన్‌కు మేలు జరిగిందని అభిప్రాయపడ్డాడు.  రోహిత్‌ను వద్దని అతడి వైపు మొగ్గు కాగా మహేంద్ర సింగ్‌ ధోని సారథ్యంలో 2011లో సొంతగడ్డ మీద టీమిండియా వన్డే ప్రపంచకప్‌ ట్రోఫీని గెలిచిన విషయం తెలిసిందే. నాటి జట్టులో భారత దిగ్గజ బ్యాటర్లు సచిన్‌ టెండుల్కర్‌, వీరేంద్ర సెహ్వాగ్‌ సహా విరాట్‌ కోహ్లి వంటి యువకులకు చోటు దక్కింది.  అయితే, రోహిత్‌ శర్మకు మాత్రం మొండిచేయి ఎదురైంది. జట్టు సమతూకం కోసం స్పిన్నర్‌ పీయూష్‌ చావ్లా వైపు మొగ్గుచూపాడు ధోని. దీంతో ఈ ముంబై బ్యాటర్‌ ఆశలకు గండిపడింది. ఈ నేపథ్యంలో నాడు స్వదేశంలో వరల్డ్‌కప్‌ ఆడలేకపోయిన రోహిత్‌ శర్మ.. పుష్కరకాలం తర్వాత సొంతగడ్డపై టీమిండియా కెప్టెన్‌ హోదాలో బరిలోకి దిగడం విశేషం. View this post on Instagram A post shared by ICC (@icc) సెంచరీతో రికార్డులు బద్దలు ఈ క్రమంలో వన్డే వరల్డ్‌కప్‌-2023లో భాగంగా అఫ్గనిస్తాన్‌తో మ్యాచ్‌లో అద్భుత ఇన్నింగ్స్‌తో సరికొత్త చరిత్ర సృష్టించాడు. వరల్డ్‌కప్‌లో ఈ టోర్నీ చరిత్రలో అత్యధిక సెంచరీలు(7) చేసిన ఆటగాడిగా నిలిచి.. సచిన్‌ టెండూల్కర్‌ (6) పేరిట ఉన్న రికార్డును బద్దలు కొట్టాడు.  అదే విధంగా.. అంతర్జాతీయ క్రికెట్‌లో (మూడు ఫార్మాట్‌లలో కలిపి) 556 సిక్సర్లు బాదిన రోహిత్‌.. క్రిస్‌గేల్‌ (553) రికార్డు అధిగమించాడు. అంతేకాదు.. ఈ మ్యాచ్‌లో 63 బంతుల్లోనే సెంచరీ చేసి.. వరల్డ్‌కప్‌లో భారత్‌ తరఫున ఫాస్టెస్ట్‌ సెంచరీ నమోదు చేశాడు. ఇక ఈ మ్యాచ్‌లో అఫ్గన్‌పై 8 వికెట్ల తేడాతో గెలుపొందిన టీమిండియా టోర్నీలో వరుసగా రెండో విజయం నమోదు చేసింది. నేనైతే రోహిత్‌ను సెలక్ట్‌ చేసేవాడిని.. కానీ ఈ మ్యాచ్‌ అనంతరం క్రిక్‌బజ్‌ షోలో సెహ్వాగ్‌ మాట్లాడుతూ.. ‘‘ఆరోజు నేను కెప్టెన్‌ లేదంటే సెలక్టర్‌ అయి ఉంటే రోహిత్‌ను తప్పకుండా జట్టుకు ఎంపిక చేసేవాడిని. అయితే, అప్పుడు రోహిత్‌ ఇప్పటిలా లేడు. ఏదేమైనా జట్టును సమతూకంగా ఉంచేందుకు నాడు కెప్టెన్‌(ధోని) ఆ నిర్ణయం తీసుకున్నాడు. అయితే, ఆరోజు జట్టులో చోటు లేకపోవడాన్ని జీర్ణించుకోలేకపోయిన రోహిత్‌.. రియలైజ్‌ అయి తనను తాను మార్చుకున్నాడు.  నిలకడైన ఆటతో ఈ స్థాయికి చేరుకున్నాడు. మరి ఈసారి వరల్డ్‌కప్‌లో వచ్చిన ఛాన్స్‌ను ఎలా మిస్‌ చేసుకుంటాడు’’ అని ప్రశంసలు కురిపించాడు. 2011లో యూసఫ్‌ పఠాన్‌ కొన్ని కీలక ఇన్నింగ్స్‌ ఆడిన కారణంగా రోహిత్‌ శర్మను కాదని అదృష్టం అతడిని వరించిందని సెహ్వాగ్‌ చెప్పుకొచ్చాడు.  చదవండి: WC: అప్పుడు స్మిత్‌.. ఇప్పుడు నవీన్‌! ‍కోహ్లి చర్య వైరల్‌.. గంభీర్‌ ప్రశంసలు View this post on Instagram A post shared by ICC (@icc)

వరల్డ్‌క్రికెట్‌లో ఆల్‌టైమ్‌ గ్రేటస్ట్‌ బ్యాటర్‌ అంటే చాలా మంది భారత క్రికెట్‌ దిగ్గజం సచిన్ టెండూల్కర్ పేరునే చెబుతారు. లేదంటే ఏ  సర్ వివియన్ రిచర్డ్స్, రికీ పాంటింగ్, కుమార సంగక్కర, ధోని వంటి వారి  పేర్లను చెప్పే అవకాశం ఉంది. ప్రస్తుత తరంలో అయితే విరాట్‌ కోహ్లి, స్టీవ్‌ స్మిత్‌, బాబర్‌ ఆజం, రోహిత్‌ శర్మలో ఎవరో ఒకరని అత్యుత్తమ ‍బ్యాటర్‌గా ఎంచుకుంటారు. కానీ శ్రీలంక లెజెండ్‌ ముత్తయ్య మురళీధరన్‌ దృష్టిలో వీరవరూ గ్రేటెస్ట్‌ ఆటగాళ్లు కాదంట. వరల్డ్ క్రికెట్‌లో లీడింగ్‌ వికెట్‌ టేకర్‌గా ఉన్న మురళీధరన్‌ తాజాగా స్టార్‌ స్పోర్ట్స్‌ షోలో పాల్గోనున్నాడు. ఈ సందర్భంగా మురళీధరన్‌కు మీ ఆల్ టైమ్ గ్రేటెస్ట్ క్రికెటర్ ఎవరన్న ప్రశ్న ఎదురైంది. అక్కడ ఉన్నవారంతా సచిన్‌ లేదా కోహ్లి పేరును చెబుతారని భావించారు. కానీ ముత్తయ్య మాత్రం అందరి ఊహలను తలకిందులు చేస్తూ టీమిండియా మాజీ ఓపెనర్‌ వీరేంద్ర సెహ్వాగ్‌ పేరును ముత్తయ్య చెప్పాడు. కాగా భారత క్రికెట్‌లో సెహ్వాగ్‌కు కూడా ప్రత్యేకమైన గుర్తింపు ఉంది. 14 ఏళ్ల పాటు టీమిండియాకు సెహ్వాగ్‌ ప్రాతినిథ్యం వహించాడు. వీరేంద్రడు తన అంతర్జాతీయ కెరీర్‌లో 104 టెస్టులు, 251 వన్డేలు, 19 టీ20 ఆడాలు ఆడాడు. 2011 వన్డే ప్రపంచకప్‌, 2007 టీ20 ప్రపంచకప్‌ గెలిచిన భారత జట్టులో సభ్యునిగా సెహ్వాగ్‌ ఉన్నాడు. చదవండి: ODI World Cup 2023: వన్డే ప్రపంచకప్‌లో ఫాస్టెస్ట్‌ సెంచరీ ఎవరిదో తెలుసా? Recalling those names etched in GOLD! 😍 Our StarCast @IrfanPathan, @wasimakramlive, @M_Raj03, @PiyushChawla255 & more name their greatest of all time ODI cricketers! Name yours 👇 pic.twitter.com/gP8UCAnNgu — Star Sports (@StarSportsIndia) October 3, 2023

ICC ODI World Cup 2023: 2011, 2015 వరల్డ్‌కప్‌ జట్లలో సభ్యుడిగా.. 2019 ప్రపంచకప్‌ టోర్నీలో కెప్టెన్‌గా.. 2023లో మరోసారి ఆటగాడిగా.. మీరు ఊహించిన పేరు కరెక్టే.. టీమిండియా స్టార్‌ విరాట్‌ కోహ్లి.. ధోని సారథ్యంలోని జట్టులో భాగమై ట్రోఫీని ముద్దాడాడు.   నాడు సచిన్‌ను భుజాలపై మోసిన కోహ్లి పన్నెండేళ్ల క్రితం భారత్‌ సొంతగడ్డ మీద తొలిసారి ప్రపంచకప్‌ గెలిచిన సంబరంలో పాలుపంచుకున్నాడు. ముంబైలోని వాంఖడే స్టేడియంలో క్రికెట్‌ దేవుడు సచిన్‌ టెండుల్కర్‌ను భుజాల మీద మోస్తూ.. దిగ్గజానికి సహచర ఆటగాడిగా తనకు దక్కిన గౌరవానికి మురిసిపోయాడు. అదే తరహాలో విరాట్‌ కోహ్లికి సైతం ఈసారి సన్మాన సత్కారం జరగాలని టీమిండియా మాజీ ఓపెనర్‌, 2011 వరల్డ్‌కప్‌ విన్నర్‌ వీరేంద్ర సెహ్వాగ్‌ ఆకాంక్షించాడు. వన్డే ప్రపంచకప్‌-2023లో ట్రోఫీ గెలిచి.. నాడు సచిన్ మాదిరే ఈసారి కోహ్లిని కూడా అలా భుజాలపై మోస్తూ మైదానమంతా తిప్పితే చూడాలని ఉందని పేర్కొన్నాడు. చీకూని అలా భుజాలపై మోస్తే ‘‘చీకూ(కోహ్లి) 2019 వరల్డ్‌కప్‌ టోర్నీలో ఒక్క సెంచరీ కూడా సాధించలేకపోయాడు. ఈసారి అతడు వీలైనన్ని ఎక్కువ శతకాలు బాదుతాడనుకుంటున్నా. ఈసారి టోర్నమెంట్లో టాప్‌ రన్‌ స్కోరర్‌గా నిలిస్తే బాగుంటుంది. ఇక ట్రోఫీ గెలిస్తే సహచర ఆటగాళ్లు కోహ్లిని భుజాలపై ఎత్తుకుని గ్రౌండ్‌ అంతా కలియదిరిగితే చూడాలనేది నా కోరిక’’ అని వీరూ భాయ్‌ క్రిక్‌బజ్‌తో మాట్లాడుతూ తన మనసులోని మాట వెల్లడించాడు.  వాళ్లిద్దరూ అర్హులే.. అప్పుడు రోహిత్‌ మిస్‌ అయ్యాడు అదే విధంగా టీమిండియా కెప్టెన్‌ రోహిత్‌ శర్మ గురించి ప్రస్తావిస్తూ.. ‘‘కోహ్లి- రోహిత్‌.. ఈ ఇద్దరు సీనియర్‌ ఆటగాళ్లు వరల్డ్‌కప్‌ గెలిచేందుకు పూర్తి అర్హులు. 2011లో ప్రపంచకప్‌ ఆడాల్సిన రోహిత్‌ కొద్దిలో మిస్‌ అయ్యాడు. ఆ తర్వాత వన్డే ఫార్మాట్లో అతడు బాద్‌షా అయిపోయాడు.  ఈసారి కెప్టెన్‌ హోదాలో ట్రోఫీ గెలిస్తే అంతకంటే సంతోషం ఉండదు. అద్భుతమైన ఆటగాడు రోహిత్‌’’ అంటూ సెహ్వాగ్‌ ప్రశంసల వర్షం కురిపించాడు. కాగా అక్టోబరు 8న ఆస్ట్రేలియాతో మ్యాచ్‌తో టీమిండియా ఐసీసీ ఈవెంట్‌ను మొదలుపెట్టనుంది. చదవండి: 1987లో జన్మించిన కెప్టెన్‌దే ఈసారి వరల్డ్‌కప్‌ ట్రోఫీ! లిస్టులో ఎవరంటే!

బిగ్‌ బి అమితాబ్‌ బచ్చన్‌ హోస్ట్‌గా వ్యవహరిస్తున్న ప్రముఖ క్విజ్‌ షో కౌన్‌ బనేగా కరోడ్‌పతిలో వరుసగా రెండో ఎపిసోడ్‌లో క్రికెట్‌కు సంబంధించిన ప్రశ్న వచ్చింది. సెప్టెంబర్‌ 19న ప్రసారమైన ఎపిసోడ్‌లో ఓ కంటెస్టెంట్‌ను భారత స్పిన్‌ దిగ్గజం అనిల్‌ కుంబ్లే 10కి 10 వికెట్లకు సంబంధించిన ప్రశ్నను ఎదుర్కొనగా.. నిన్న (సెప్టెంబర్‌ 20) ప్రసారమైన ఎపిసోడ్‌లో మరో కంటెస్టెంట్‌ వీరేంద్ర సెహ్వాగ్‌కు సంబంధించిన ప్రశ్నను ఎదుర్కొన్నాడు. 19వ తారీఖున ప్రసారమైన ఎపిసోడ్‌లో కుంబ్లేకు సంబంధించిన ప్రశ్నకు ప్రైజ్‌మనీ  12 లక్షల 50 వేల రూపాయలు కాగా.. సెప్టెంబర్‌ 20న సెహ్వాగ్‌ గురించిన ప్రశ్నకు ప్రైజ్‌మనీ 3 లక్షల 20 వేల రూపాయలుగా ఉంది.  ఇంతకీ ప్రశ్న ఏంటంటే..? వీరేంద్ర సెహ్వాగ్‌ వన్డేల్లో తాను చేసిన ఏకైక​ డబుల్‌ సెంచరీని ఏ స్టేడియంలో చేశాడు..? ఈ ప్రశ్నకు ఆప్షన్స్‌గా బారాబతి స్టేడియం, కటక్‌.. ఈడెన్‌ గార్డెన్స్‌ కోల్‌కతా.. హోల్కర్‌ స్టేడియం, ఇండోర్‌.. బ్రబోర్న్‌ స్టేడియం, ముంబైలను ఇచ్చారు. మరి ఈ ప్రశ్నకు సమాధానం మీకు తెలిస్తే కామెంట్‌ చేయండి.  గత ఎడిసోడ్‌లోని ప్రశ్న ఏంటంటే..? భారత స్పిన్‌ దిగ్గజం అనిల్‌ కుంబ్లే టెస్ట్‌ల్లో ఒకే ఇన్నింగ్స్‌లో 10కి 10 వికెట్లు (పాక్‌పై) తీసినప్పుడు బౌలర్‌ ఎండ్‌లో ఉన్న అంపైర్‌ ఎవరు..? ఈ ప్రశ్నకు ఆప్షన్స్‌గా పిలూ రిపోర్టర్‌, ఎస్‌ వెంకట్రాఘవన్‌, డేవిడ్‌ షెపర్డ్‌, ఏవీ జయప్రకాశ్‌ పేర్లు ఇచ్చారు. ఇదిలా ఉంటే, వీరేంద్ర సెహ్వాగ్‌ వన్డేల్లో తాను చేసిన ఏకైక డబుల్‌ సెంచరీ 2011లో వెస్టిండీస్‌పై చేశాడు. నాటి మ్యాచ్‌లో వీరూ 149 బంతుల్లో 25 ఫోర్లు, 7 సిక్సర్ల సాయంతో 219 పరుగులు చేశాడు. ఆ మ్యాచ్‌లో గౌతమ్‌ గంభీర్‌ (67), సురేశ్‌ రైనా (55) కూడా అర్ధసెంచరీలతో రాణించడంతో తొలుత బ్యాటింగ్‌ చేసిన భారత్‌ నిర్ణీత 50 ఓవర్లలో 5 వికెట్ల నష్టానికి 418 పరుగుల భారీ స్కోర్‌ చేసింది. అతి భారీ లక్ష్య ఛేదనకు దిగిన విండీస్‌ 49.2 ఓవర్లలో 265 పరుగులకు ఆలౌటై 153 పరుగుల తేడాతో ఓటమిపాలైంది. 

ఢిల్లీ: ప్రతీకార రాజకీయాలు చేయడం తనకు ఇష్టం ఉండదని కేంద్ర మంత్రి జ్యోతిరాదిత్య సింథియా అన్నారు. కాంగ్రెస్ సీనియర్‌ నేతలు కమల్‌నాథ్‌, దిగ్విజయ్‌ సింగ్‌లపై తనకు ఎలాంటి పగ లేదని చెప్పారు. తాను ఎప్పుడూ ముఖ్యమంత్రి పదవి రేసులో లేనని స్పష్టం చేశారు. మధ్యప్రదేశ్ అభివృద్ధిని ప్రోత్సహించడంలో కీలక పాత్ర పోషించే వ్యక్తినని ఆయన అన్నారు. 2018లో కాంగ్రెస్ ఎన్నికల్లో విజయం సాధించిన అనంతరం కమల్‌నాథ్‌ను సీఎంగా ప్రకటించడం పట్ల తనకు ఎలాంటి అభ్యంతరం లేదని సింథియా చెప్పారు. సీఎం రేసులో తాను ఎప్పుడూ లేనని స్పష్టం చేశారు. పైగా కమల్‌నాథ్ సీఎం అభ్యర్థిగా ప్రకటించడంపై తాను కూడా మద్ధతు తెలిపినట్లు గుర్తు చేశారు. కానీ ప్రభుత్వం ఏర్పడిన తర్వాత దోపిడీ పాలన జరిగిందని కాంగ్రెస్‌పై మండిపడ్డారు. అన్ని వాగ్దానాలను మరిచిపోయారని కాంగ్రెస్‌ను దుయ్యబట్టారు.  2018లో మధ్యప్రదేశ్‌లో కాంగ్రెస్ విజయం సాధించింది. కమల్‌నాథ్‌ను అధిష్ఠానం సీఎంగా నిర్ణయించింది. 2020లో జ్యోతిరాదిత్య సింథియా 20 మంది ఎమ్మెల్యేలతో పార్టీని ఫిరాయించారు. కాంగ్రెస్ నేతృత్వంలోని ప్రభుత్వం కూలిపోయింది. బీజేపీ కొత్త ప్రభుత్వాన్ని ఏర్పరిచింది.  విరాట్‌ కోహ్లీ, సెహ్వాగ్‌లా ఆడగలను.. భవిష్యత్‌పైనే తనకు దృష్టి ఉంటుందని సింథియా అన్నారు. విరాట్ కోహ్లీ, సెహ్వాగ్‌లాగా తాను ఆడగలనని అన్నారు. ఒకవేళ తాను అలా ఆడకపోయి ఉంటే.. 2020లో మధ్యప్రదేశ్‌లో ప్రభుత్వం కూలిపోయేది కాదని అన్నారు. కాంగ్రెస్‌లో సీట్ల కేటాయింపులో ఉండే అర్హత సంస్కృతిపై సింథియా మండిపడ్డారు. బీజేపీలో కష్టపడ్డవారికే ఫలితం ఉంటుందని, కాంగ్రెస్‌లో అలా కాదని అన్నారు. మధ్యప్రదేశ్‌లో బీజేపీ మరోసారి అధికారంలోకి వస్తుందని ధీమా వ్యక్తం చేశారు.   ఇదీ చదవండి: Nuh Violence: కాంగ్రెస్ ఎమ్మెల్యే అరెస్టు.. ఇంటర్నెట్ బంద్..

ఇండియా.. భారత్‌గా మారబోతుందా? సోషల్‌ మీడియాలో జరుగుతున్న ప్రచారం చూస్తుంటే త్వరలోనే అది నిజం కానున్నట్లు కనిపిస్తోంది. అయితే చాలామంది పేరు మార్పును సమర్థిస్తుంటే మరికొందరు మాత్రం తీవ్రంగా వ్యతిరేకిస్తున్నారు. పేరు మార్పును సమర్థించే లిస్ట్‌లో ప్రముఖ క్రికెటర్‌ వీరేందర్‌ సెహ్వాగ్‌ ముందు వరుసలో ఉన్నారు.  భారత్‌గా పేరు మార్చాలి 'మనకు గర్వకారణంగా అనిపించే పేరు ఒకటి ఉండాలని నేను ఎప్పటినుంచో అనుకుంటున్నాను. మనమంతా భారతీయులం. ఇండియా అనే పేరు బ్రిటీష్‌ వాళ్లు ఇచ్చారు. దాన్ని త్యజించాల్సిన సమయం వచ్చింది. మన దేశానికి భారత్‌ అనే పేరును ఖరారు చేయాలి. అలాగే వరల్డ్‌ కప్‌లో ఆడే క్రికెటర్ల షర్ట్‌లపై కూడా ఇండియాకు బదులు భారత్‌ అన్న పేరు ఉండేలా చర్యలు తీసుకోవలి' అంటూ బీసీసీఐని కోరారు. ఈ ట్వీట్‌కు కోలీవుడ్‌ హీరో విష్ణు విశాల్‌ కౌంటరిచ్చాడు. 'సర్‌.. మీకు ఇన్నేళ్లుగా ఇండియా అనే పదం గర్వంగా అనిపించలేదా?' అని ప్రశ్నించాడు. దేనికి ఉపయోగం? మరో ట్వీట్‌లో షూటింగ్‌ లొకేషన్‌లో ఉన్న ఫోటో షేర్‌ చేస్తూ.. 'అసలు ఈ పేరు మార్పు దేనికి? మన దేశ ఉన్నతికి, ఆర్థిక వ్యవస్థకు ఇది ఏమేరకు ఉపయోగపడుతుంది? ఈ మధ్యకాలంలో నేను చూసిన వింతవార్త ఇదే.. ఇండియా అంటే భారత్‌.. మన దేశాన్ని ఇండియా, భారత్‌గా.. ఇలా రెండు పేర్లతో పిల్చుకుంటూ వచ్చాం.. కానీ ఉన్నట్లుండి భారత్‌ అనే పదాన్ని ఎందుకు వదిలించుకోవాలనుకుంటున్నారు?' అని ప్రశ్నించాడు. నీ గట్స్‌కు హ్యాట్సాఫ్‌ కేరళను కేరళంగా మార్చితే లేనిది.. ఇండియాను భారత్‌గా మార్చితే మాత్రం తప్పవుతుందా? అని నిలదీస్తున్నారు కొందరు నెటిజన్లు. మరికొందరేమో.. ప్రతిపక్షం ఇండియా అనే కూటమిగా ఏర్పడింది కాబట్టే ప్రభుత్వం తట్టుకోలేక భారత్‌ అని పేరు మారుస్తోందంటున్నారు. ఏదేమైనా ఈ అంశంపై సోషల్‌ మీడియా వేదికగా గళం వినిపించావంటే నువ్వు గ్రేట్‌ అని కొనియాడుతున్నారు అభిమానులు. Thinking deep from this shoot location… Wat ?????? name change ???? But why????? How does this help our country’s progress and its economy? This is the strangest news ive come accross in recent times… India was always bharat… We always knew our country as INDIA AND… pic.twitter.com/4X6Y8XbrL6 — VISHNU VISHAL - VV (@TheVishnuVishal) September 5, 2023 Sir with due respect… The name INDIA didn instill pride in you all these years?? https://t.co/ibm68uZ7e8 — VISHNU VISHAL - VV (@TheVishnuVishal) September 5, 2023 చదవండి: అడల్ట్‌ సినిమాలు చేస్తే తప్పేంటి? టేస్టీ తేజకు షకీలా కౌంటర్‌

క్రికెటర్లుగా మారి సంపన్నలుగా ఎదిగిన ఆటగాళ్లు ఈ ప్రపంచంలో ఎంతో మంది ఉన్నారు. ముఖ్యంగా టీమిండియా క్రికెటర్లలో సచిన్‌ టెండుల్కర్‌ మొదలు.. మహేంద్ర సింగ్‌ ధోని, విరాట్‌ కోహ్లి, రోహిత్‌ శర్మ వందలాది కోట్ల రూపాయలు ఆర్జించి రిచెస్ట్‌ ప్లేయర్ల జాబితాలో స్థానం సంపాదించారు. ఆస్ట్రేలియా దిగ్గజం రిక్కీ పాంటింగ్‌ కూడా బాగానే ఆర్జించాడు. అయితే, అందరు క్రికెటర్ల పరిస్థితి ఇలాగే ఉండదు. దురదృష్టం వెక్కిరిస్తే.. ఆకలికి అలమటించాల్సిన రోజులు కూడా ఎదుర్కోవాల్సి వస్తుంది. ఒకప్పుడు ఉత్తమ బౌలర్లలో ఒకడిగా ఎదుగుతాడని భావించిన పాకిస్తాన్‌ క్రికెటర్‌ కథే ఇందుకు నిదర్శనం. జింబాబ్వేతో మ్యాచ్‌తో అరంగేట్రం 1971, మార్చి 22న పెషావర్‌లో జన్మించాడు అర్షద్‌ ఖాన్‌. క్రికెట్‌పై ఆసక్తి పెంచుకున్న అతడు.. 1993లో జింబాబ్వేతో వన్డే సందర్భంగా పాకిస్తాన్‌ తరఫున అరంగేట్రం చేశాడు. 1997లో వెస్టిండీస్‌తో మ్యాచ్‌ నేపథ్యంలో అంతర్జాతీయ టెస్టుల్లో ఎంట్రీ ఇచ్చాడు. 1993- 2006 వరకు అంతర్జాతీయ కెరీర్‌లో మొత్తంగా 9 టెస్టులు, 58 వన్డేలు ఆడిన ఈ రైట్‌ఆర్మ్‌ ఆఫ్‌ బ్రేక్‌ స్పిన్నర్‌ వరుసగా 32, 56 వికెట్లు పడగొట్టాడు. తన అంతర్జాతీయ కెరీర్‌లో ప్రత్యర్థి బ్యాటర్లకు చెమటలు పట్టించిన అర్షద్‌ ఖాన్‌.. టీమిండియాతో మ్యాచ్‌లలోనూ సత్తా చాటాడు. అర్షద్‌ ఖాన్‌(PC: PCB) సచిన్‌, సెహ్వాగ్‌ వికెట్లు తీసిన ఘనత భారత్‌లో పర్యటించిన జట్టులో భాగమైన అతడు.. టీమిండియా లెజెండరీ బ్యాటర్‌ సచిన్‌ టెండుల్కర్‌ సహా విధ్వంసకర ఓపెనర్‌ వీరేంద్ర సెహ్వాగ్‌, ఆల్‌రౌండర్‌ యువరాజ్‌ సింగ్‌, మహ్మద్‌ కైఫ్‌ తదితరులను అవుట్‌ చేశాడు. ఇక చివరిసారిగా 2005లో టీమిండియాతో అర్షద్‌ ఖాన్‌ తన ఆఖరి వన్డే ఆడాడు. ఆస్తులన్నీ అమ్మి ఆస్ట్రేలియాలో టాక్సీ డ్రైవర్‌గా అయితే, ఇండియన్‌ క్రికెట్‌ లీగ్‌ బరిలో దిగిన తర్వాత అర్షద్‌ ఖాన్‌.. కెరీర్‌ చరమాంకానికి చేరుకుంది. జాతీయ జట్టులో పునరాగమనం చేయాలన్న అతడి ఆశలు అడియాసలయ్యాయి. అప్పటికే పీకల్లోతు ఆర్థిక కష్టాల్లో కూరుకుపోయిన అర్షద్‌ ఖాన్‌.. పాకిస్తాన్‌లో ఉన్న తన ఆస్తులన్నీ అమ్మి ఆస్ట్రేలియాకి వలస వెళ్లాడు. సిడ్నీలో టాక్సీ డ్రైవర్‌గా పనిచేస్తూ కుటుంబాన్ని పోషించుకునే పనిలో పడ్డాడు. ఈ క్రమంలో 2020లో ఓ క్రికెట్‌ ఫ్యాన్‌ సిడ్నీలో అర్షద్‌ను గుర్తుపట్టడంతో అతడి ఆర్థిక స్థితి గురించి ప్రపంచానికి తెలిసింది.  పీసీబీ సాయంతో మళ్లీ క్రికెట్‌తో అనుబంధం ఈ నేపథ్యంలో పాకిస్తాన్‌ క్రికెట్‌ బోర్డు అర్షద్‌ ఖాన్‌కు సాయం చేయాలని నిర్ణయించుకుంది. తన బౌలింగ్‌ నైపుణ్యాలతో జట్టు విజయాల్లో భాగమైన అతడికి మహిళా క్రికెట్‌ జట్టు బౌలింగ్‌ కోచ్‌గా అవకాశం కల్పించింది. అలా.. మళ్లీ 52 ఏళ్ల అర్షద్‌ పాకిస్తాన్‌కు చేరుకోగలిగాడు. ఆసియా కప్‌-2023 నేపథ్యంలో సెప్టెంబరు 2న దాయాదులు భారత్‌- పాకిస్తాన్‌ తలపడనున్న తరుణంలో అర్షద్‌ ఖాన్‌ గతానికి సంబంధించిన వార్త ఆసక్తికరంగా మారింది. చదవండి: WC 2023: వరల్డ్‌కప్‌ జట్టులో సంజూకు ఛాన్స్‌! వాళ్లిద్దరికీ షాక్‌.. ఈసారి ప్రపంచకప్‌ టోర్నీలో అత్యధిక వికెట్ల వీరుడు అతడే: విండీస్‌ దిగ్గజం 

వీరేంద్ర సెహ్వాగ్‌ తర్వాత టెస్ట్‌ల్లో భారత్‌ తరఫున ట్రిపుల్‌ సెంచరీ సాధించిన కరుణ్‌ నాయర్‌.. కర్ణాటక క్రికెట్‌ అసోసియేషన్‌ ఆధ్వర్యంలో జరుగుతున్న మహారాజా టీ20 టోర్నీలో ఆకాశమే హద్దుగా చెలరేగిపోతున్నాడు. ఈ టోర్నీలో ఇప్పటికే లీడింగ్‌ రన్‌స్కోరర్‌గా కొనసాగుతున్న నాయర్‌.. గుల్భర్గా మిస్టిక్స్‌తో ఇవాళ (ఆగస్ట్‌ 28) జరుగుతున్న రెండో సెమీఫైనల్లో 40 బంతుల్లోనే శతక్కొట్టి, తన జట్టు (మైసూర్‌ వారియర్స్‌) భారీ స్కోర్‌ సాధించడంలో ప్రధానపాత్ర పోషించాడు. ఈ మ్యాచ్‌లో మొత్తంగా 42 బంతులు ఎదుర్కొన్న నాయర్‌.. 7 ఫోర్లు, 9 సిక్సర్ల సాయంతో 107 పరుగులు చేసి, అజేయంగా నిలిచాడు. నాయర్‌కు ఆర్‌ సమర్థ్‌ (50 బంతుల్లో 80; 10 ఫోర్లు, 2 సిక్సర్లు), ఎస్‌ కార్తీక్‌ (23 బంతుల్లో 41; 2 ఫోర్లు, 3 సిక్సర్లు) తోడవ్వడంతో తొలుత బ్యాటింగ్‌ చేసిన మైసూర్‌ వారియర్స్‌ నిర్ణీత 20 ఓవర్లలో 2 వికెట్ల నష్టానికి 248 పరుగుల భారీ స్కోర్‌ చేసింది. Karun Nair continues his dream run in the Maharaja T20 League 2023. pic.twitter.com/MojOUiPtim — CricTracker (@Cricketracker) August 28, 2023 నాయర్‌ విధ్వంసం ధాటికి గుల్భర్గా బౌలర్లు అభిలాష్‌ షెట్టి (4-0-63-1), విజయ్‌కుమార్‌ వైశాక్‌ (4-0-45-0), అవినాశ్‌ (3.4-0-44-1), నొరోన్హా (2-0-36-0) ధారాళంగా పరుగులు సమర్పించుకున్నారు. అనంతరం 249 పరుగుల కష్టసాధ్యమైన లక్ష్యాన్ని ఛేదించేందుకు బరిలోకి దిగిన గుల్భర్గా.. 9 ఓవర్లు ముగిసే సమయానికి 4 వికెట్ల నష్టానికి 106 పరుగులు చేసింది. గుల్భర్గా ఇన్నింగ్స్‌లో చేతన్‌ 28, ఆనీశ్‌ 23, నొరోన్హా 39 నాటౌట్‌, స్మరణ్‌ 0, అమిత్‌ వర్మ 11, హసన్‌ ఖలీద్‌ 4 నాటౌట్‌ పరుగులు చేశారు. మైసూర్‌ బౌలర్లలో జగదీశ సుచిత్‌ 2, మోనిశ్‌ రెడ్డి, గౌతమ్‌ మిశ్రా తలో వికెట్‌ పడగొట్టారు.  ఇదిలా ఉంటే, టెస్ట్‌ల్లో భారత్‌ తరఫున సెహ్వాగ్‌ 2, కరుణ్‌ నాయర్‌ ఓసారి ట్రిపుల్‌ సెంచరీలు సాధించిన విషయం తెలిసిందే. సెహ్వాగ్‌ 2004లో పాకిస్తాన్‌పై తన తొలి ట్రిపుల్‌ సెంచరీని (309) (భారత్‌ తరఫున మొట్టమొదటిది), 2008లో సౌతాఫ్రికాపై తన రెండో ట్రిపుల్‌ హండ్రెడ్‌ను (319) బాదాడు. ఆ తర్వాత 2016లో కరుణ్‌ నాయర్‌ ఇంగ్లండ్‌పై చెన్నైలో ట్రిపుల్‌ సెంచరీని (303 నాటౌట్‌) సాధించి, భారత్‌ తరఫున టెస్ట్‌ల్లో సెహ్వాగ్‌ తర్వాత ఆ ఘనత సాధించిన రెండో క్రికెటర్‌గా రికార్డుల్లోకెక్కాడు.

Virender Sehwag Picks WC 2023 Top Run-Getter: ‘‘వరల్డ్‌కప్‌ అంటే చాలు అతడిలో కొత్త ఉత్సాహం పుట్టుకొస్తుంది. అద్బుతమైన ప్రదర్శనలతో చెలరేగుతాడు. ఈసారి కూడా అదరగొడుతాడు. ఈసారి కేవలం ఆటగాడిగా మాత్రమే కాదు.. కెప్టెన్‌గానూ బరిలోకి దిగుతున్నాడు.  కాబట్టి ఇంకాస్త జాగ్రత్తగా ఉంటాడు. కచ్చితంగా తనదైన ముద్ర వేస్తాడు. టన్నుల కొద్దీ పరుగులు సాధిస్తాడు’’ అని టీమిండియా విధ్వంసకర ఓపెనర్‌ వీరేంద్ర సెహ్వాగ్‌ అన్నాడు. కాగా అక్టోబరు 5 నుంచి భారత్‌ వేదికగా వన్డే వరల్డ్‌కప్‌-2023 నిర్వహణకు షెడ్యూల్‌ విడుదలైన విషయం తెలిసిందే. వరల్డ్‌కప్‌ పోటీలో పది జట్లు! ఆతిథ్య టీమిండియాతో పాటు శ్రీలంక, పాకిస్తాన్‌, బంగ్లాదేశ్‌, అఫ్గనిస్తాన్‌, ఆస్ట్రేలియా, ఇంగ్లండ్‌, సౌతాఫ్రికా, న్యూజిలాండ్‌, నెదర్లాండ్స్‌ ఈ ఐసీసీ ఈవెంట్‌లో తలపడనున్నాయి. పది వేదికల్లో నిర్వహించే ప్రపంచకప్‌ టైటిల్‌ కోసం పోటీపడనున్నాయి. ఈ నేపథ్యంలో ఇప్పటికే సెమీస్‌ చేరే జట్లు, విజేతపై పలువురు మాజీ క్రికెటర్లు తమ అభిప్రాయాలు పంచుకుంటున్నారు. ఈ క్రమంలో వీరేంద్ర సెహ్వాగ్‌ టాప్‌ స్కోరర్‌ గురించి ఆసక్తికర వ్యాఖ్యలు చేశాడు. టీమిండియా కెప్టెన్‌ రోహిత్‌ శర్మ వరల్డ్‌కప్‌-2023లో అత్యధిక పరుగులు సాధిస్తాడని అంచనా వేశాడు. అందుకే రోహిత్‌ శర్మ పేరు చెప్పాను హిట్‌మ్యాన్‌ను ఉద్దేశించి పైవిధంగా స్పందించిన వీరూ భాయ్‌.. ‘‘ఇండియా పిచ్‌లపై ఓపెనర్లు మంచి స్కోర్లు సాధిస్తారనుకుంటున్నా. ఎవరో ఒకరిని ఎంపిక చేసుకోవాలంటే నేనైతే రోహిత్‌ శర్మ పేరు చెబుతా. ఇంకో ఇద్దరు ముగ్గురు పేర్లున్నా.. నేను ఇండియన్‌ కాబట్టే ఇండియన్‌ పేరే చెప్తాను.. అది మరెవరో కాదు రోహిత్‌ శర్మనే!’’ అని పేర్కొన్నాడు. కోహ్లి ఫ్యాన్స్‌ హర్ట్‌! ఇందుకు సంబంధించిన వీడియోను ఐసీసీ ఇన్‌స్టాగ్రామ్‌లో షేర్‌ చేయగా వైరల్‌గా మారింది. అయితే సెహ్వాగ్‌ వ్యాఖ్యలపై రోహిత్‌ ఫ్యాన్స్‌ హర్షం వ్యక్తం చేస్తుండగా.. విరాట్‌ కోహ్లి ఫ్యాన్స్‌ మాత్రం హర్ట్‌ అవుతున్నారు. మీరు కింగ్‌ పేరు కావాలనే మర్చిపోయినట్లున్నారు అని వీరూను ఉద్దేశించి కామెంట్లు పెడుతున్నారు. కాగా ప్రపంచకప్‌ టోర్నీలో రోహిత్‌ సేన అక్టోబరు 8న ఆస్ట్రేలియాతో తమ తొలి మ్యాచ్‌ ఆడనుంది. చదవండి: గంగూలీ కీలక వ్యాఖ్యలు.. కోహ్లినే కరెక్ట్‌ అన్న ఏబీడీ! ఇష్టం ఉన్నా లేకపోయినా.. WC: కోహ్లి, బాబర్‌ కాదు.. ఈసారి అతడే టాప్‌ స్కోరర్‌: సౌతాఫ్రికా లెజెండ్‌ Asia Cup: కోహ్లి కాదు.. యో- యో టెస్టులో అతడే టాప్‌! స్కోరెంతంటే? View this post on Instagram A post shared by ICC (@icc)

After Virender Sehwag Only Other Indian To Score Triple Century: అంతర్జాతీయ టెస్టు మ్యాచ్‌లో ఒక ఇన్నింగ్స్‌లో శతక్కొట్టిన బ్యాటర్లు కోకొల్లలు. అదే ట్రిపుల్‌ సెంచరీ సాధించిన వాళ్లు మాత్రం అరుదు. ఆ జాబితాలో ఉన్న వాళ్లెవరనగానే ఠక్కున గుర్తొచ్చే పేరు వీరేంద్ర సెహ్వాగ్‌. ఈ టీమిండియా విధ్వంసకర ఓపెనర్‌  2004లో తొలిసారి ఈ ఫీట్‌ అందుకున్నాడు. అది కూడా మన చిరకాల ప్రత్యర్థి పాకిస్తాన్‌ గడ్డపై 309 పరుగులు సాధించి ముల్తాన్‌ కింగ్‌గా నీరజనాలు అందుకున్నాడు. 2008లో స్వదేశంలో సౌతాఫ్రికాతో మ్యాచ్‌లో చెన్నైలో 319 పరుగులతో మెరిశాడు.  ట్రిపుల్‌ సెంచరీతో అదరగొట్టి మరి వీరూతో పాటుగా ఈ త్రిశతక లిస్టులో ఉన్న మరో భారత క్రికెటర్‌ గురించి తెలుసా? దేశవాళీ క్రికెట్‌లో కర్ణాటకకు ప్రాతినిథ్యం వహించే రాజస్తాన్‌ బ్యాటర్‌ కరుణ్‌ నాయర్‌. 2013-14 సీజన్‌లో రంజీ ట్రోఫీలో అదరగొట్టిన ఈ రైట్‌ హ్యాండ్‌ బ్యాటర్‌ ఫైనల్లో ట్రిపుల్‌ సెంచరీతో చెలరేగాడు. 328 పరుగులతో రాణించి కర్ణాటకు టైటిల్‌ అందించడంలో కీలక పాత్ర పోషించాడు. ఆ తర్వాతి రంజీ సీజన్‌లో రెండు శతకాలు బాదడంతో పాటుగా మరో రెండు హాఫ్‌ సెంచరీలు నమోదు చేశాడు. ఇలా దేశవాళీ క్రికెట్‌లో సత్తా చాటిన కరుణ్‌ నాయర్‌ 2016లో టీమిండియా తరఫున అరంగేట్రం చేశాడు. 4 పరుగుల వద్ద రనౌట్‌.. తర్వాత ఎల్బీగా.. జింబాబ్వేతో వన్డే మ్యాచ్‌తో అంతర్జాతీయ క్రికెట్‌లో అడుగుపెట్టిన అతడు.. అదే ఏడాది స్వదేశంలో ఇంగ్లండ్‌తో సిరీస్‌తో టెస్టుల్లో ఎంట్రీ ఇచ్చాడు. మొహాలీలో మూడో టెస్టు సందర్భంగా తన తొలి మ్యాచ్‌ ఆడిన కరుణ్‌ నాయర్‌.. 4 పరుగుల వ్యక్తిగత స్కోరు వద్ద రనౌట్‌ అయి పూర్తిగా నిరాశపరిచాడు. బ్యాట్‌ ఝులిపించి.. ట్రిపుల్‌ సెంచరీ బాది తదుపరి ముంబై మ్యాచ్‌లోనూ 13 పరుగులకే ఎల్బీడబ్ల్యూగా వెనుదిరిగాడు. వరుస వైఫల్యాల నేపథ్యంలో తీవ్ర విమర్శలు మూటగట్టుకున్న కరుణ్‌.. ఐదో టెస్టులో మాత్రం బ్యాట్‌ ఝులిపించాడు. తొలి ఇన్నింగ్స్‌లో 381 బంతులు ఎదుర్కొని 303 పరుగులతో అజేయంగా నిలిచాడు. అంతర్జాతీయ కెరీర్‌లో కనీసం హాఫ్‌ సెంచరీ కూడా చేయకుండానే ఏకంగా త్రిశతకం బాది సరికొత్త చరిత్ర సృష్టించాడు. ఈ మ్యాచ్‌లో ఇంగ్లండ్‌పై టీమిండియా ఇన్నింగ్స్‌ 75 పరుగుల భారీ తేడాతో గెలవగా.. కరుణ్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.  సెహ్వాగ్‌ తర్వాత రెండో భారత క్రికెటర్‌గా.. అలా ప్రపంచంలో నంబర్‌ 1 ఇక ఈ మ్యాచ్‌ సందర్భంగా.. ట్రిపుల్‌ సెంచరీతో మెరిసి ప్రపంచంలో ఈ ఘనత సాధించి మూడో క్రికెటర్‌గా కరుణ్‌ నాయర్‌ రికార్డులకెక్కాడు. వీరేంద్ర సెహ్వాగ్‌ తర్వాత ఈ ఘనత సాధించిన రెండో భారత బ్యాటర్‌గా నిలిచాడు.   ఏడాదిలోనే ముగిసిన కెరీర్‌ అదే విధంగా.. తక్కువ మ్యాచ్‌లు ఆడి టెస్టుల్లో త్రిశతకం నమోదు చేసిన ఏకైక బ్యాటర్‌గా అరుదైన ఘనత సొంతం చేసుకున్నాడు. అయితే, ఆ తర్వాత మెరుగ్గా రాణించలేకపోయిన కరుణ్‌ నాయర్‌ కెరీర్‌ మరుసటి ఏడాదే ముగిసింది. 2017 మార్చిలో ఆస్ట్రేలియాతో టెస్టులో చివరిసారిగా టీమిండియాకు ప్రాతినిథ్యం వహించాడు. తన కెరీర్‌లో మొత్తంగా టీమిండియా తరఫున 6 టెస్టులు, రెండు వన్డేలు ఆడిన కరుణ్‌ నాయర్‌ వరుసగా ఆయా ఫార్మాట్లలో మొత్తంగా 374, 39 పరుగులు చేయగలిగాడు. ఇక 2013 నుంచే ఐపీఎల్‌ ఆడుతున్న కరుణ్‌ ఆర్సీబీతో తన ప్రయాణం మొదలుపెట్టాడు. ఇప్పుడు ఎక్కడ? డానియల్‌ వెటోరీ, విరాట్‌ కోహ్లి సారథ్యంలో బెంగళూరు జట్టుకు ఆడిన అతడు.. తర్వాత కోల్‌కతా నైట్‌రైడర్స్‌, రాజస్తాన్‌ రాయల్స్‌ జట్లకు కూడా ప్రాతినిథ్య వహించాడు. ఇక 2023 సీజన్‌లో లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌ గాయపడిన నేపథ్యంలో.. అతడి స్థానాన్ని 31 ఏళ్ల కరుణ్‌ నాయర్‌తో భర్తీ చేసింది మేనేజ్‌మెంట్‌. ఇక కరుణ్‌ సనయ తంకరివాలాను వివాహమాడగా.. వారికి కుమారుడు జన్మించాడు. చదవండి: ఓటమి బాధలో ఉన్న టీమిండియాకు షాక్‌.. విండీస్‌కు కూడా..!  ఏదో క్లబ్‌గేమ్‌ ఆడుతున్నట్లు.. రాష్ట్రస్థాయి మ్యాచ్‌ అన్నట్లు! తిలక్‌ అలా.. 

టీమిండియా మాజీ డాషింగ్‌ బ్యాటర్‌ వీరేంద్ర సెహ్వాగ్‌ సంచలన ఆరోపణలు చేశాడు. 2002 నాట్‌వెస్ట్‌ ట్రోఫీ సందర్భంగా నాటి భారత హెడ్‌ కోచ్‌ జాన్‌ రైట్‌ తనను కాలర్‌ పట్టుకుని, చైర్‌ పైకి తోసేశాడని బాంబు పేల్చాడు. శ్రీలంకతో మ్యాచ్‌లో తొందరగా ఔటవ్వడంతో రైట్‌ తన పట్ల అమానవీయంగా వ్యవహరించాడని గుర్తు చేసుకున్నాడు. ఆ సందర్భంలో తనకు పట్టలేని కోపం వచ్చిందని.. ఓ తెల్లోడు మనంపై పెత్తనం చేయడమేంటని జట్టు సభ్యులందరినీ ప్రశ్నించానని.. నాటి టీమ్‌ మేనేజర్‌ జోక్యంతో తన కోపం చల్లారిందని ఇటీవల జరిగిన ఓ బుక్‌ లాంచింగ్‌ ప్రోగ్రాం సందర్భంగా చెప్పుకొచ్చాడు. ఈ విషయం బయటికి పొక్క కూడదని నాటి భారత బృందం సభ్యులు సచిన్‌కు మాట ఇచ్చారని, అందుకే ఎవరికీ తెలియ లేదని అన్నాడు. ఇలాంటి ఘటనే ఇప్పుడున్న పరిస్థితుల్లో జరిగితే పెద్ద రాద్దాంతం అవుతుందని, ఓ విదేశీ కోచ్‌ అలా చేస్తే బీసీసీఐ కఠిన చర్యలు తీసుకుంటుందని తెలిపాడు. కాగా, నాటి నాట్‌వెస్ట్ ట్రోఫీ ఫైనల్లో భారత్‌.. ఇంగ్లండ్‌ను ఓడించి టైటిల్‌ గెలిచింది. ఫైనల్లో మహ్మద్‌ కైఫ్‌ (87), యువరాజ్‌ సింగ్‌ (69) వీరోచితంగా పోరాడి టీమిండియాను గెలిపించారు. కైఫ్‌ విన్నింగ్‌ షాట్‌ కొట్టాక నాటి భారత కెప్టెన్‌ సౌరవ్‌ గంగూలీ చొక్కా విప్పి చేసుకున్న సెలబ్రేషన్స్‌ ఎప్పటికీ భారత అభిమానులు కళ్ల ముందే మెదులుతూ ఉంటుంది.

ఐపీఎల్‌లో గత కొన్ని సీజన్లగా సన్‌రైజర్స్‌ హైదరాబాద్‌ హెడ్‌కోచ్‌లు మారుతున్నప్పటికీ.. జట్టు ఆటతీరు మాత్రం మారడంలేదు. ఈ క్రమంలో ఐపీఎల్‌-2024 సీజన్‌కు ముందు తమ జట్టును మరోసారి ప్రక్షాళన చేయాలని సన్‌రైజర్స్‌ భావిస్తున్నట్లు తెలుస్తోంది.  ఇందులో భాగంగా హెడ్ కోచ్ బ్రియాన్ లారాపై వేటు వేయనున్నట్లు సమాచారం. అతడి నేతృత్వంలో ఎస్‌ఆర్‌హెచ్‌ జట్టు ఈ ఏడాది సీజన్‌లో తీవ్ర నిరాశ పరిచింది. ఐపీఎల్‌ 2023లో 14 మ్యాచ్‌లు ఆడిన ఆరెంజ్‌ ఆర్మీ.. కేవలం నాలుగింట మాత్రమే విజయం సాధించి పాయింట్ల పట్టికలో ఆఖరి స్ధానంలో నిలిచింది. కొత్త కెప్టెన్‌, కొత్త హెడ్‌కోచ్‌తో బరిలోకి దిగిన సన్‌రైజర్స్‌ తమ స్ధాయికి తగ్గట్టు రాణించలేకపోయింది. ఈ క్రమంలో లారాను తప్పించాలని ఎస్‌ఆర్‌హెచ్‌ నిర్ణయం తీసుకున్నట్లు తెలుస్తోంది. మరోవైపు విండీస్‌ క్రికెట్‌ జట్టును చక్కదిద్దే బాధ్యతను కూడా లారా తీసుకోవడంతో.. అతడు కూడా ఐపీఎల్‌ వైపు అంత మొగ్గు చూపకపోతునున్నట్లు వార్తలు వినిపిస్తున్నాయి. విండీస్ హెడ్ కోచ్ ఆండీ కోలీతో పాటు బ్రియాన్ లారా కూడా టీమ్‌కి సలహాదారుగా వ్యవహరిస్తున్నాడు. ఎస్‌ఆర్‌హెచ్‌ హెడ్‌కోచ్‌గా వీరేంద్ర సెహ్వాగ్ ప్రస్తుత పరిస్ధితులను బట్టి చూస్తే కచ్చితంగా వచ్చే ఏడాది సీజన్‌లో సన్‌రైజర్స్‌కి కొత్త హెడ్‌కోచ్‌ వచ్చే అవకాశం ఉంది. అయితే తమ జట్టు హెడ్‌కోచ్‌ పదవి కోసం టీమిండియా మాజీ ఓపెనర్‌ను  వీరేంద్ర సెహ్వాగ్‌ను సన్‌రైజర్స్‌ యాజమాన్యం సంప్రదించినట్లు తెలుస్తోంది. అతడి సమాధానం కోసం ఎస్‌ఆర్‌హెచ్‌ ఎదురుచూస్తున్నట్లు సమాచారం. గతంలో సెహ్వాగ్ పంజాబ్‌ కింగ్స్‌కు మెంటార్‌గా నాలుగు సీజన్ల పాటు పనిచేశాడు. అదే విధంగా ఈ క్యాష్‌ రిచ్‌ లీగ్‌లో అడిన అనుభవం కూడా సెహ్వాగ్ ఉంది. ఈ క్రమంలోనే అతడిని తమ జట్టు కోచింగ్‌ పగ్గాలు అప్పజెప్పాలని ఎస్‌ఆర్‌హెచ్‌ భావిస్తోంది. కానీ అభిమానులు మాత్రం  డెక్కన్ ఛార్జర్స్ హైదరాబాద్‌కి 2009లో టైటిల్ అందించిన ఆడమ్ గిల్‌క్రిస్ట్‌ని హెడ్ కోచ్‌గా నియమిస్తే బాగుంటుందని అభిప్రాయపడుతున్నారు. చదవండి: Ind Vs WI 2nd Test: ధోని భయ్యా లేడు కదా.. ఇలాగే ఉంటది! ఇప్పటికైనా బుద్ధి తెచ్చుకోండి! వాళ్లకు కూడా..

India Vs Pakistan ODI Series 2005: టీమిండియా మాజీ ఓపెనర్‌ వీరేంద్ర సెహ్వాగ్‌ బ్యాటింగ్‌ గురించి ప్రత్యేకంగా చెప్పాల్సిన పనిలేదు. ప్రత్యర్థి జట్ల బౌలర్లకు చుక్కలు  చూపించి ఎన్నో అరుదైన రికార్డులు తన ఖాతాలో వేసుకున్నాడీ విధ్వంసక ఆటగాడు. టీమిండియా తరఫున టెస్టుల్లో ట్రిపుల్‌ సెంచరీ, వన్డేల్లో ద్విశతకం సాధించిన బ్యాటర్‌గా సచిన్‌ టెండుల్కర్‌కు కూడా సాధ్యం కాని ఘనత సాధించాడు. వీరూ భాయ్‌ క్రీజులో ఉన్నాడంటే బౌలర్‌ వెన్నులో వణుకు పుట్టాల్సిందే! సెహ్వాగ్‌ను అవుట్‌ చేయడమే ఈజీ అలాంటి సెహ్వాగ్‌ను అవుట్‌ చేయడమే తనకు అత్యంత సులువుగా ఉండేదంటూ పాకిస్తాన్‌ మాజీ పేసర్‌ రానా నవీద్‌ ఉల్‌ హసన్‌ సంచలన వ్యాఖ్యలు చేశాడు. తను పాక్‌ జట్టుకు ఆడే రోజుల్లో టీమిండియా మిగతా బ్యాటర్లందరికంటే ఈ ముల్తాన్‌ కింగ్‌నే ఈజీగా పెవిలియన్‌కు పంపవచ్చని భావించేవాడినని తెలిపాడు. వీరూతో పోలిస్తే రాహుల్‌ ద్రవిడ్‌ను ఎదుర్కోవడం కష్టంగా ఉండేదని పేర్కొన్నాడు. 2005 నాటి వన్డే సిరీస్‌ సంగతుల గురించి తాజాగా ప్రస్తావించిన నవీద్‌ ఉల్‌ హసన్‌.. ‘తొలి రెండు మ్యాచ్‌లలో సెహ్వాగ్‌ అద్భుతంగా ఆడాడు. అప్పటికి మేము ఆరు మ్యాచ్‌ల సిరీస్‌లో 0-2తో వెనుకబడి ఉన్నాం. ఒక మ్యాచ్‌లో అయితే సెహ్వాగ్‌ ఏకంగా సెంచరీ కొట్టాడు. రెండో మ్యాచ్‌లో 70కి పైగా స్కోర్‌ చేశాడు.  నీకసలు ఆడటమే సరిగ్గా రాదు.. పాక్‌లో ఉండి ఉంటేనా! అప్పుడు నేను ఇంజీ భాయ్‌ దగ్గరకు వెళ్లి బంతిని నాకివ్వమని అడిగాను. స్లో బౌన్సర్‌తో సెహ్వాగ్‌ను బోల్తా కొట్టించాను. అంతకంటే ముందు అతడిని నేను స్లెడ్జ్‌ చేశాను. సెహ్వాగ్‌ దగ్గరికి వెళ్లి.. ‘‘నీకు అసలు ఎలా ఆడాలో తెలియదు. నువ్వు ఒకవేళ పాకిస్తాన్‌లో గనుక ఉండి ఉంటే.. ఇంత ఈజీగా అంతర్జాతీయ క్రికెట్‌లో అడుగుపెట్టేవాడివి కాదు’’ అని అన్నాను. అందుకు బదులుగా తను కూడా నన్ను ఏవో మాటలు అన్నాడు. ఆ వెంటనే నేను ఇంజీ భాయ్‌ దగ్గరికి వెళ్లి.. ‘‘తదుపరి బంతికి అతడు అవుట్‌ అవుతాడు చూడు అని చెప్పాను. నిజానికి తను అప్పుడు ఆశ్చర్యపోయాడు. అయితే, నా వ్యూహాన్ని అమలు చేస్తూ.. స్లో బాల్‌ను వేశాను. వెంటనే అవుటయ్యాడు అప్పటికే కోపంగా ఉన్న సెహ్వాగ్‌ భారీ షాట్‌కు యత్నించి అవుటయ్యాడు. ఆ మ్యాచ్‌లో ఇలా అత్యంత ముఖ్యమైన వికెట్‌ను పడగొట్టడం ద్వారా మ్యాచ్‌ గెలవడంలో నేను కీలక పాత్ర పోషించాను. ఫాస్ట్‌బౌలర్ల దగ్గర ఇలాంటి కొన్ని ట్రిక్స్‌ ఉంటాయి. నిజానికి నా దృష్టిలో సెహ్వాగ్‌ను అవుట్‌ చేయడం సులువే. కానీ రాహుల్‌ ద్రవిడ్‌కు బౌలింగ్‌ చేయడం మాత్రం అత్యంత కష్టమైనది’’ అని చెప్పుకొచ్చాడు. ఈ మేరకు నాదిర్‌ అలీ పాడ్‌కాస్ట్‌లో మాట్లాడుతూ.. నవీద్‌ ఉల్‌ హసన్‌.. సెహ్వాగ్‌ను ఉద్దేశించి వ్యాఖ్యలు చేశాడు. సెహ్వాగ్‌ వికెట్‌ అతడి ఖాతాలో కాగా 2005లో పాకిస్తాన్‌ ఆరు మ్యాచ్‌ల వన్డే సిరీస్‌ ఆడేందుకు భారత పర్యటనకు వచ్చింది. ఈ సిరీస్‌లో తొలి రెండు మ్యాచ్‌లలో టీమిండియా గెలుపొందగా.. ఆఖరి నాలుగు వన్డేలు గెలిచి పాక్‌ ట్రోఫీ సొంతం చేసుకుంది. ఈ సిరీస్‌లో నవీద్‌ ఉల్‌ హసన్‌ ఏకంగా నాలుగుసార్లు సెహ్వాగ్‌ను అవుట్‌ చేయడం గమనార్హం. ఇక నవీద్‌ పాక్‌ తరఫున 74 వన్డేలు ఆడి 110 వికెట్లు పడగొట్టాడు. తొమ్మిది టెస్టులు, నాలుగు టీ20లు ఆడి వరుసగా 18, 5 వికెట్లు తీశాడు. కాగా సెహ్వాగ్‌పై నవీద్‌ వ్యాఖ్యల నేపథ్యంలో టీమిండియా ఫ్యాన్స్‌ ఫైర్‌ అవుతున్నారు. వీరూ గురించి మాట్లాడే సీన్‌ నీకు లేదంటూ ఆగ్రహం వ్యక్తం చేస్తున్నారు. చదవండి: IND VS WI 2nd Test: రాహుల్‌ ద్రవిడ్‌కు విశ్రాంతి

West Indies vs India, 1st Test: వెస్టిండీస్‌తో తొలి టెస్టులో ఓపెనర్లు సెంచరీలతో చెలరేగడం టీమిండియాకు కలిసివచ్చింది. దీంతో డొమినికా వేదికగా విండ్సర్‌ పార్క్‌లో జరుగుతున్న మ్యాచ్‌లో రోహిత్‌ సేన పట్టు బిగించింది. కాగా విండీస్‌తో టెస్టు సందర్భంగా అరంగేట్రం చేసిన ముంబై బ్యాటర్‌ యశస్వి వ్యక్తిగతంగా పలు రికార్డులు సాధించిన విషయం తెలిసిందే. కెప్టెన్‌ రోహిత్‌ శర్మకు జోడీగా ఓపెనర్‌గా వచ్చిన యశస్వి రెండో రోజు ఆట ముగిసే సరికి 143 పరుగులతో క్రీజులో ఉన్నాడు. ఇప్పటి వరకు మొత్తంగా 350 బంతులు ఎదుర్కొన్న అతడు 14 ఫోర్ల సాయంతో ఈ మేరకు స్కోరు చేశాడు. మరోవైపు.. రోహిత్‌ 221 బంతుల్లో 10 ఫోర్లు, 2 సిక్సర్ల సాయంతో 103 పరుగులు సాధించాడు. 17 ఏళ్ల రికార్డు బద్దలు కొట్టిన కొత్త జోడీ ఈ క్రమంలో వీరిద్దరు సెహ్వాగ్‌- జాఫర్‌ పేరిట ఉన్న 17 ఏళ్ల రికార్డును బద్దలు కొట్టారు. కాగా డొమినికా టెస్టులో ఓపెనర్లు రోహిత్‌- యశస్వి 229 పరుగుల భాగస్వామ్యం నమోదు చేశారు. వెస్టిండీస్‌పై టెస్టుల్లో భారత ఓపెనింగ్‌ జోడీకి ఇదే అత్యధిక పార్ట్‌నర్‌షిప్‌ కావడం విశేషం. గతంలో 2006లో గ్రాస్‌ ఐస్లెట్‌ టెస్టు సందర్భంగా నాటి ఓపెనర్లు వీరేంద్ర సెహ్వాగ్‌- వసీం జాఫర్‌ 159 పరుగులు భాగస్వామ్యం నమోదు చేయగా.. రోహిత్‌- యశస్వి జోడీ ఇప్పుడు వాళ్లను అధిగమించింది. ఇక ఈ జాబితాలో సునిల్‌ గావస్కర్‌- చేతన్‌ చౌహాన్‌ 153, సునిల్‌ గావస్కర్‌- అన్షుమన్‌ గైక్వాడ్‌ 136 పరుగుల భాగస్వామ్యంతో ఈ జోడీల తర్వాతి స్థానాలు ఆక్రమించారు. కాగా రెండో రోజు ఆట ముగిసే సరికి విండీస్‌ మీద 162 పరుగుల ఆధిక్యంతో ఉంది. చదవండి: Ind Vs WI: ఏరికోరి వచ్చావు! ఏమైందిపుడు? అప్పుడు కూడా ఇలాగే! మార్చుకో.. విండీస్‌ ఆటగాడిపై జైశ్వాల్‌ దూషణల పర్వం; కోహ్లి సీరియస్‌  यशस्वी भवः 💯 . .#INDvWIonFanCode #WIvIND pic.twitter.com/59Uq9ik1If — FanCode (@FanCode) July 13, 2023

ICC ODI World Cup 2023: జట్ల విజయాల్లో కోచ్‌ల పాత్రపై టీమిండియా డాషింగ్‌ ఓపెనర్‌ వీరేంద్ర సెహ్వాగ్‌ కీలక వ్యాఖ్యలు చేశాడు. కోచ్‌లు పేరుప్రఖ్యాతులు పొందాలన్నా, విమర్శలపాలైనా.. అంతా ఆటగాళ్ల చేతుల్లోనే ఉంటుందని వ్యాఖ్యానించాడు. తాము 2011లో ప్రపంచకప్‌ గెలిచి గ్యారీ కిర్‌స్టన్‌కు కోచ్‌గా పేరు సంపాదించిపెట్టామని పేర్కొన్నాడు. వన్డే వరల్డ్‌కప్‌-2023 షెడ్యూల్‌ విడుదల సందర్భంగా మంగళవారం ముంబైలో నిర్వహించిన కార్యక్రమంలో సెహ్వాగ్‌ పాల్గొన్నాడు. ఈ క్రమంలో పలు అంశాలపై మాట్లాడిన వీరూ భాయ్‌.. టీమిండియా హెడ్‌కోచ్‌ రాహుల్‌ ద్రవిడ్‌పై విమర్శలకు పరోక్షంగా కౌంటర్‌ ఇచ్చాడు. బాగా ఆడితే పూలు.. లేదంటే రాళ్లు ‘‘ఒక్కసారి ఆటగాళ్లు మైదానంలోకి దిగిన తర్వాత కోచ్‌ భవిష్యత్తు వారి ఆటతీరుపైనే ఆధారపడి ఉంటుంది. ఒకవేళ సదరు ప్లేయర్‌ బాగా ఆడితే కోచ్‌కు ప్రశంసలు దక్కుతాయి. లేదంటే విమర్శలు తప్పవు.  భారత జట్టు ప్రపంచ టెస్టు చాంపియన్‌షిప్‌ ఫైనల్‌ చేరింది. కానీ ఆ విషయం గురించి ఎవరూ మాట్లాడరు. అయితే, ఫైనల్లో ఓడిన విషయం గురించి మాత్రం పదే పదే చర్చిస్తారు. ప్రతిఒక్కరు విమర్శలు గుప్పిస్తారు. మా వల్లే కిర్‌స్టన్‌కు పేరు.. మరి ద్రవిడ్‌ నిజానికి రాహుల్‌ ద్రవిడ్‌ మంచి కోచ్‌. కానీ కోచ్‌లు ఎంత గొప్పగా ఉన్నా చివరికి ఆటగాళ్ల ప్రదర్శన మీదే అంతా ఆధారపడి ఉంటుంది. 2011 వరల్డ్‌కప్‌ గెలిచి మేము గ్యారీ కిర్‌స్టన్‌కు మంచి పేరు తీసుకువచ్చాం. ఆ తర్వాత అతడు ఎన్నో జట్లకు కోచింగ్‌ ఇచ్చాడు. కానీ ఐపీఎల్‌ మినహా ఎక్కడా టైటిల్‌ గెలవలేదు. ఇప్పుడు ఆశిష్‌ నెహ్రా కిర్‌స్టన్‌ కంటే ఎక్కువే కష్టపడుతున్నాడు. టీవీల్లో మ్యాచ్‌లు చూసే వాళ్లందరికీ ఈ విషయం తెలుసు.  అలా అయితే ట్రోఫీ ఎత్తడం ఖాయం ఇంతకీ నేను చెప్పొచ్చేదేమిటంటే.. టీమిండియా కోచింగ్‌ సిబ్బంది ఆటగాళ్ల నైపుణ్యాలపై మరింత దృష్టిసారించి వాళ్ల నుంచి 100 శాతం అవుట్‌పుట్‌ రాబట్టేలా చూసుకోవాలి. అదే జరిగితే టీమిండియా కెప్టెన్‌ వరల్డ్‌కప్‌ ట్రోఫీని ఎత్తడం ఖాయంగా చూస్తారు’’ అని సెహ్వాగ్‌ చెప్పుకొచ్చాడు. కాగా 2011లో గ్యారీ కిర్‌స్టన్‌ టీమిండియా కోచ్‌గా ఉన్న విషయం తెలిసిందే. ఇదిలా ఉంటే.. అక్టోబరు 5- నవంబరు 19 వరకు వన్డే వరల్డ్‌కప్‌ నిర్వహణకు షెడ్యూల్‌ ఖరారైంది. చదవండి: 18 నెలలు జట్టుకు దూరం.. వచ్చి ఒక్క మ్యాచ్‌ ఆడగానే! జడ్డూ..: గంగూలీ వన్డే వరల్డ్‌కప్‌లో సెమీ ఫైనలిస్టులు ఆ జట్లే.. ఆ రెండు మాత్రం పక్కా: సెహ్వాగ్‌

ఐసీసీ వన్డే వరల్డ్‌కప్‌-2023 రూపంలో క్రికెట్‌ ప్రేమికులకు మరో పండుగ రాబోతోంది. భారత్‌ వేదికగా అక్టోబరు 5న ఈ మెగా ఈవెంట్‌ మొదలుకానుంది. ఈ క్రమంలో వంద రోజుల ముందుగానే(మంగళవారం) అంతర్జాతీయ క్రికెట్‌ మండలి షెడ్యూల్‌ను ప్రకటించింది.  దీంతో క్రికెట్‌ అభిమానులు ఎప్పుడెపుడు ఈ ఈవెంట్‌ మొదలవుతుందా అని వేయికళ్లతో ఎదురుచూస్తున్నారు. ఇక మరికొంత మంది సెమీస్‌ చేరే జట్లు, విజేతగా నిలిచే జట్టుపై అంచనా వేస్తూ సోషల్‌ మీడియాలో సందడి చేస్తున్నారు. టాప్‌-4లో ఉండే జట్లు ఇవే కేవలం ఫ్యాన్స్‌ మాత్రమే కాదు.. క్రికెట్‌ దిగ్గజాలు, మాజీ ఆటగాళ్లు కూడా ఈ జాబితాలో ఉన్నారు. ఇక టీమిండియా మాజీ ఓపెనర్‌ వీరేంద్ర సెహ్వాగ్‌ సైతం వన్డే ప్రపంచకప్‌-2023లో టాప్‌-4లో నిలవలగల సత్తా ఉన్న జట్లను ఎంచుకున్నాడు.  ఐసీసీ ఈవెంట్‌ సందర్భంగా వీరూ మాట్లాడుతూ.. ‘‘నేను నాలుగు జట్లను ఎంచుకోవాలంటే.. నా మదిలో మెదిలే పేర్లు ఆస్ట్రేలియా, ఇంగ్లండ్‌, ఇండియా, పాకిస్తాన్‌. ఈసారి సెమీ ఫైనలిస్టులు ఈ జట్లే. ఆస్ట్రేలియా, ఇంగ్లండ్‌ అయితే కచ్చితంగా టాప్‌-4లో ఉంటాయి. ఆ రెండు టీమ్‌లు పక్కా ఎందుకంటే వాళ్లు సంప్రదాయ షాట్లు ఆడరు.. రొటీన్‌కి భిన్నంగా ఉంటారు. అద్భుతమైన ఆట తీరుకు ఈ జట్లు పెట్టింది పేరు. అంతేకాదు మిగతా జట్లతో పోలిస్తే ఉపఖండంలో ఇంగ్లండ్‌, ఆస్ట్రేలియా మెరుగ్గా రాణించగలవు’’ అని అభిప్రాయపడ్డాడు. ఇక శ్రీలంక దిగ్గజ స్పిన్నర్‌ ముత్తయ్య మురళీధరన్‌ మాట్లాడుతూ.. ఈ టోర్నీలో టీమిండియా- ఇంగ్లండ్‌ మ్యాచ్‌ కోసం ఆసక్తిగా ఎదురుచూస్తున్నట్లు తెలిపాడు. సొంతగడ్డపై ఆడనుండటం భారత్‌కు కలిసి వచ్చే అంశమే అయినా.. ఇంగ్లండ్‌ కూడా గట్టిపోటీనిస్తుందని భావిస్తున్నట్లు పేర్కొన్నాడు. కాగా అక్టోబరు 5 నుంచి నవంబరు 19 వరకు ఐసీసీ క్రికెట్‌ వన్డే వరల్డ్‌కప్‌ జరుగనుంది. ఇక భారత్‌లో జరుగునున్న ఈ మెగా టోర్నీకి ఆతిథ్య టీమిండియా సహా ఆస్ట్రేలియా, ఇంగ్లండ్‌, పాకిస్తాన్‌, అఫ్గనిస్తాన్‌, సౌతాఫ్రికా, న్యూజిలాండ్‌, బంగ్లాదేశ్‌ నేరుగా అర్హత సాధించాయి. మిగిలిన రెండు స్థానాల కోసం వెస్టిండీస్‌, శ్రీలంక వంటి ఒకప్పటి మేటి జట్లతో పాటు పసికూనలు క్వాలిఫైయర్స్‌లో పోటీపడుతున్నాయి. చదవండి: CWC Qualifiers 2023: హ్యాట్రిక్‌ సెంచరీ.. జట్టును వరల్డ్‌కప్‌కు చేర్చడమే ధ్యేయంగా!

Sehwag's epic take on Kohli lifting Sachin Tendulkar on shoulders: ఐసీసీ వన్డే ప్రపంచకప్‌-2011లో ధోని సేన అద్భుతం చేసింది. దిగ్గజ ఓపెనర్లు సచిన్‌ టెండుల్కర్‌, వీరేంద్ర సెహ్వాగ్‌ సహా గౌతం గంభీర్‌, విరాట్‌ కోహ్లి, యువరాజ్‌ సింగ్, సురేశ్‌ రైనా, హర్భజన్‌ సింగ్‌, జహీర్‌ ఖాన్‌, మునాఫ్‌ పటేల్‌, శ్రీశాంత్‌లతో కూడిన భారత జట్టు ఫైనల్లో శ్రీలంకను ఓడించి విశ్వవిజేతగా అవతరించింది. తద్వారా టీమిండియా రెండోసారి వన్డే వరల్డ్‌కప్‌ ట్రోఫీని ముద్దాడింది. ఆ విన్నింగ్‌ సిక్సర్‌ ముంబైలోని వాంఖడేలో జరిగిన ఈ మ్యాచ్‌లో భారత కెప్టెన్‌ మహేంద్ర సింగ్‌ ధోని విన్నింగ్‌ సిక్సర్‌ను ఎవరూ అంతతేలికగా మర్చిపోరు. అదే విధంగా చాంపియన్‌గా నిలిచిన అనంతరం సచిన్‌ టెండుల్కర్‌ను భుజాల మీద ఊరేగిస్తూ ఘనంగా సత్కరించుకున్న తీరు కూడా సగటు అభిమాని గుండెల్లో చిరస్థాయిగా నిలిచిపోతుంది. కోహ్లి భుజాలపై సచిన్‌ మాస్టర్‌ బ్లాస్టర్‌ సచిన్‌ చేతిలో జాతీయ జెండా రెపరెపలాడిస్తుండగా.. నాటి కుర్ర బ్యాటర్‌ విరాట్‌ కోహ్లి అతడిని భుజాల మీద మోశాడు. సురేశ్‌ రైనా, హర్భజన్‌ సింగ్‌, యూసఫ్‌ పఠాన్‌ తదితరులు అతడికి సాయం అందించారు. మరుపురాని ఈ దృశ్యాలు నెమరువేసుకున్నడప్పుల్లా అభిమానుల గుండెలు ఆనందంతో ఉప్పొంగుతాయనడంలో సందేహం లేదు. ఇక ఇప్పుడు.. దాదాపు పన్నెండేళ్ల తర్వాత మరోసారి వన్డే వరల్డ్‌కప్‌ నిర్వహణ హక్కులను భారత్‌ దక్కించుకుంది. ఈ నేపథ్యంలో మంగళవారం ఈ టోర్నీకి సంబంధించిన షెడ్యూల్‌ విడుదలైంది. ఈ కార్యక్రమంలో పాల్గొన్న టీమిండియా డాషింగ్‌ ఓపెనర్‌ వీరేంద్ర సెహ్వాగ్‌.. సచిన్‌ను భుజాలపై ఊరేగించిన ఘటన గురించి ఆసక్తికర విషయం పంచుకున్నాడు. సచిన్‌ను మోయడం మావల్ల కాదు బాబోయ్‌! ‘‘సచిన్‌ను మోయడం మావల్ల కాదని చేతులెత్తేశాం. ఎందుకంటే సచిన్‌ చాలా బరువుగా ఉంటాడు కదా! అసలే అప్పటికే మేం ముసలోళ్లం. మాకు భుజం నొప్పులు.. ధోనికేమో మోకాలి సమస్యలు.. మిగతా వాళ్లకు మరేవో ఇబ్బందులు..  అందుకే కోహ్లి అలా అందుకే భారమంతా యువ ఆటగాళ్లపైనే వేశాం. మీరు వెళ్లి సచిన్‌ టెండుల్కర్‌ను ఎత్తుకోండి అని చెప్పాం. అందుకే విరాట్‌ కోహ్లి ఆ పని చేశాడు’’ అని వీరూ భాయ్‌ సరదాగా చెప్పుకొచ్చాడు.  కాగా అక్టోబరు 5- నవంబరు 19 వరకు జరుగనున్న వన్డే వరల్డ్‌కప్‌-2023 రోహిత్‌ సేనకు ప్రతిష్టాత్మకంగా మారింది. సొంతగడ్డపై మెగా టోర్నీ నేపథ్యంలో ఐసీసీ ట్రోఫీ గెలిచి పదేళ్ల నిరీక్షణకు తెరదించాలని అభిమానులు కోరుకుంటున్నారు. ఈసారి ఏం జరుగుతుందో?! ఇక 1983లో తొలిసారి ఐసీసీ టైటిల్‌ గెలిచిన భారత్‌.. 2007లో టీ20 వరల్డ్‌కప్‌, 2011లో వన్డే వరల్డ్‌కప్‌, 2013లో ఐసీసీ చాంపియన్స్‌ ట్రోఫీ గెలిచిన విషయం తెలిసిందే. ఇదిలా ఉంటే.. 2019లో తొలిసారి ప్రవేశపెట్టిన ఐసీసీ వరల్డ్‌ టెస్టు చాంపియన్‌షిప్‌ ఫైనల్‌కు రెండుసార్లు చేరుకున్నప్పటికీ తుదిపోరులో చేతులెత్తేసింది. చదవండి: WC 2023: ఈసారి హోరాహోరీ తప్పదు.. ట్రోఫీ ఆ జట్టుదే: టీమిండియా మాజీ కెప్టెన్‌ పిచ్‌ మీదకు దూసుకొచ్చే యత్నం.. ఎత్తిపడేసిన బెయిర్‌ స్టో

Check CSK captain’s diet plan, workout routine: పుష్కర కాలం తర్వాత భారత్‌ మరోసారి వన్డే ప్రపంచకప్‌ ఈవెంట్‌కు ఆతిథ్యం ఇవ్వనుంది. 2011లో సొంతగడ్డపై ఐసీసీ ట్రోఫీ గెలిచిన టీమిండియా ఈసారి కూడా అదే ఫీట్‌ పునరావృతం చేయాలని పట్టుదలగా ఉంది. ఇక అంతర్జాతీయ క్రికెట్‌ మండలి విడుదల చేసిన షెడ్యూల్‌ ప్రకారం వన్డే వరల్డ్‌కప్‌ ఈవెంట్‌ అక్టోబరు 5 నుంచి నవంబరు 19 వరకు జరుగనుంది. ధోని మేనియా ఈ నేపథ్యంలో టీమిండియా అభిమానుల్లో నూతనోత్సాహం నిండింది. ముఖ్యంగా ధోని మేనియాతో ఫ్యాన్స్‌ ఊగిపోతున్నారు. 2011 నాటి సంగతులు గుర్తు చేసుకుంటూ రోహిత్‌ సేన కూడా ట్రోఫీని ముద్దాడితే చూడాలని ఉందంటూ సోషల్‌ మీడియా వేదికగా తమ ఆకాంక్షను వెలిబుచ్చుతున్నారు. జట్టు గెలుస్తుందని కిచిడీ మాత్రమే తినేవాడు ఈ క్రమంలో టీమిండియా మాజీ ఓపెనర్‌, 2011 వరల్డ్‌కప్‌ విజేత వీరేంద్ర సెహ్వాగ్‌ చేసిన వ్యాఖ్యలు నెట్టింట వైరల్‌గా మారాయి. గౌరవ్‌ కపూర్‌ షోలో మాట్లాడుతూ.. ‘‘మేమెక్కడికి వెళ్లినా.. చాలా మంది.. ప్రపంచకప్‌ టోర్నీకి ఆతిథ్యం ఇచ్చే జట్టు గెలిచిన దాఖలాలు లేవని నిరుత్సాహపరిచేవారు. ప్రతిఒక్కరికి ఏదో ఒక మూఢనమ్మకం ఉంటుంది కదా! అలాగే.. మహేంద్ర సింగ్‌ ధోని.. 2011 టోర్నమెంట్‌ ఆసాంతం కిచిడీ మాత్రమే తిన్నాడు. ఒకవేళ తాను రన్స్‌ స్కోరు చేయకపోయినా.. జట్టైనా గెలుస్తుందని నమ్మేవాడు’’ అని సెహ్వాగ్‌ సరదాగా వ్యాఖ్యానించాడు. కాగా ముంబైలోని వాంఖడే వేదికగా 2011 వరల్డ్‌కప్‌ ఫైనల్లో టీమిండియా- శ్రీలంక తలపడ్డాయి. విన్నింగ్‌ సిక్సర్‌తో ఈ మ్యాచ్‌లో ధోని సిక్సర్‌ బాది జట్టును విజయతీరాలకు చేర్చాడు. విన్నింగ్‌ షాట్‌తో ఈ మిస్టర్‌ కూల్‌ కెప్టెన్‌ భారత్‌కు రెండో ప్రపంచకప్‌ అందించాడు. లంకను ఆరు వికెట్ల తేడాతో ఓడించిన టీమిండియా 1983 తర్వాత మరోసారి ఐసీసీ వన్డే వరల్డ్‌కప్‌ ట్రోఫీని గెలిచింది. ధోని డైట్‌, జిమ్‌ వర్కౌట్‌ ఎలా ఉంటుందంటే! టీమిండియా మాజీ సారథి ధోని ఎక్కువగా కూరగాయలు, ప్రొటిన్‌ ఎక్కువగా లభించే ఆహార పదార్థాలు తింటాడట. అతడి రోజూవారీ డైట్‌లో పాలు, పండ్లు, బాదం ఉండాల్సిందేనట. ఇక లంచ్‌లో ఇంట్లో చేసిన పప్పన్నం అంటే ఇష్టంగా తింటాడట. అలాగే అప్పుడప్పుడు చపాతీలు కూడా లాగించేస్తాడట. డిన్నర్‌లో మాత్రం ఫ్రూట్‌ సలాడ్‌కు ఎక్కువ ప్రాధాన్యం ఇస్తాడని తెలుస్తోంది. అదే విధంగా ప్రొటిన్‌ షేక్స్‌, తాజా పండ్లరసాలు తీసుకుంటాడని అతడి సన్నిహితులు చెబుతూ ఉంటారు. ఇక ఆహార నియమాలు పాటించడంతో పాటు జిమ్‌లో వర్కౌట్లు చేస్తూ ధోని 41 ఏళ్ల వయసులో ఫిట్‌నెస్‌తో ఉన్నాడు. మెషీన్‌ చెస్ట్‌ ప్రెస్‌, డంబెల్‌ చెస్ట్‌ ప్రెస్‌, సింగిల్‌ లెగ్‌ డెడ్‌లిఫ్ట్‌, ప్రోన్‌ డంబెల్‌ రోయింగ్‌ తదితర వర్కౌట్లు ధోని జిమ్‌ రొటిన్‌లో భాగం. రోహిత్‌ భయ్యా వడాపవ్‌ మానేసి! ఇక ధోని డైట్‌ గురించి సెహ్వాగ్‌ తాజా వ్యాఖ్యల నేపథ్యంలో నెటిజన్లు టీమిండియా ప్రస్తుత సారథి రోహిత్‌ శర్మ పేరును లాగుతున్నారు. ధోని కిచిడీ తిని గెలిచాడట.. నువ్వు కూడా వడావపావ్‌ మానేసి కిచిడీ తిను భయ్యా.. కనీసం ఈసారైనా టైటిల్‌ గెలుస్తాం అని సరదాగా ట్రోల్‌ చేస్తున్నారు. కాగా ముంబై ఫేమస్‌ వడాపావ్‌ అంటే రోహిత్‌కు మహాప్రీతి అన్న విషంయ తెలిసిందే. చదవండి: సత్తా చాటిన సికందర్‌ రజా, నికోలస్‌ పూరన్‌ 2011 నుంచి ఆతిథ్య జట్టుదే.. ఈ లెక్కన వరల్డ్‌కప్‌ మనదేనా! ధోని జీవితంలో తీరని విషాదం..! మిస్టర్‌ కూల్‌ నాలో ఆ అమ్మాయిని చూస్తాడనుకున్నా..

ఐసీసీ వన్డే వరల్డ్‌కప్‌ 2023 జరగడానికి ఇవాళ్టికి సరిగ్గా వంద రోజులు మిగిలిఉంది. అంటే మూడునెలలకు పైగా సమయం ఉన్నా మెగా టోర్నీ అందునా నాలుగేళ్లకోసారి జరిగే సమరం కాబట్టి అంచనాలు భారీగా ఉంటాయి. పైగా ఈసారి వన్డే వరల్డ్‌కప్‌కు క్రికెట్‌ను ప్రాణం కన్నా ఎక్కువగా ప్రేమించే మన దేశం ఆతిథ్యం ఇస్తుండడం వాటిని మరింత పెంచేసింది. దీనికి తోడు ఇవాళ(జూన్‌ 27న) వన్డే వరల్డ్‌కప్‌ పూర్తి షెడ్యూల్‌ను ఐసీసీ విడుదల చేయడం అభిమానుల సంతోషాన్ని మరింత రెట్టింపు చేసింది.   ఈ నేపథ్యంలో టీమిండియా మాజీ డాషింగ్‌ ఆల్‌రౌండర్‌ వీరేంద్ర సెహ్వాగ్‌ ఆసక్తికర వ్యాఖ్యలు చేశాడు. 2011 వన్డే వరల్డ్‌కప్‌ను గెలిచి సచిన్‌ పాజీకి అంకితమిచ్చాం.. ఇప్పుడు 2023 వన్డే వరల్డ్‌కప్‌ కోహ్లి కోసం గెలవాలి. సచిన్‌ తర్వాత టీమిండియా క్రికెట్‌లో అనితరసాధ్య రికార్డులు సాధించిన కోహ్లికి బహుశా ఇదే చివరి ప్రపంచకప్‌ అయ్యే అవకాశం ఉంది. అతని కోసం టీమిండియా ఈసారి కప్పు కొట్టబోతుంది అంటూ తెలిపాడు. స్టార్‌స్పోర్ట్స్‌కు ఇచ్చిన ఇంటర్య్వూలో సెహ్వాగ్‌ మాట్లాడుతూ.. ''2011 వన్డే వరల్డ్‌కప్‌ మేము సచిన్‌ గెలుపు కోసం ఆడాం. వరల్డ్‌కప్‌ కొట్టి సచిన్ పాజీకి ఒక గ్రేట్‌ ముగింపునిచ్చాం. ఇప్పుడు కోహ్లి పరిస్థితి కూడా సచిన్‌నే తలపిస్తోంది. ఈసారి కోహ్లి కోసమైనా వరల్డ్‌కప్‌ కొట్టాలని ప్రతీ అభిమాని ఆశిస్తున్నాడు. ఇక కోహ్లి తన బ్యాటింగ్‌లో వందశాతం ఇచ్చేందుకు శాయాశక్తులా ప్రయత్నిస్తాడు. ఇక కోహ్లి కూడా ఈ వరల్డ్‌కప్‌ను గొప్పగా మలుచుకోవాలని చూస్తున్నాడు. లక్షలాది మంది అభిమానుల మధ్య అహ్మదాబాద్‌ వేదికగా టీమిండియా ఫైనల్‌ ఆడితే చూడాలని ఉంది. ఈసారి స్వంతగడ్డపై జరగడం టీమిండియాకు సానుకూలాంశం. ఇక కోహ్లికి టీమిండియా తమ మ్యాచ్‌లను ఏ మైదానంలో ఆడుతుందో వాటి పిచ్‌లపై కోహ్లికి పూర్తి అవగాహన వచ్చేసింది. ఈ నేపథ్యంలో కోహ్లి ఈసారి వరల్డ్‌కప్‌లో పరుగుల జడివాన సృష్టించడం ఖాయంగా కనిపిస్తోంది.'' అంటూ చెప్పుకొచ్చాడు. ఇక పుష్కరకాలం కిందట ధోని సారధ్యంలో స్వంతగడ్డపై జరిగిన వరల్డ్‌కప్‌ను టీమిండియా ఎగరేసుకుపోయింది. అప్పుడు సచిన్‌ టెండూల్కర్‌, వీరేంద్ర సెహ్వాగ్‌, యువరాజ్‌ సింగ్ సహా విరాట్‌ కోహ్లి లాంటి స్టార్‌ క్రికెటర్లు ఉన్నారు. అయితే అప్పుడు టీమిండియా కప్‌ కొట్టడంలో ధోని, యువరాజ్‌, గంభీర్‌లు ముఖ్యపాత్ర పోషిస్తే..సచిన్‌, సెహ్వాగ్‌లు పెద్దన్న పాత్ర పోషించారు. అప్పటికి కెరీర్‌లో అన్ని రికార్డులు తన పేరిట లిఖించుకున్న క్రికెట్‌ దిగ్గజం సచిన్‌ టెండూల్కర్‌కు వన్డే వరల్డ్‌కప్‌ లేదన్న వెలితి ఉండేది. యువరాజ్‌ సింగ్‌ వరల్డ్‌కప్‌ ఆరంభానికి ముందు ఈసారి ప్రపంచకప్‌ గెలిచి సచిన్‌కు బహుమతిగా అందిస్తాం అని శపథం చేశాడు. ఆ టోర్నీలో ఆల్‌రౌండ్‌ ప్రతిభతో ఆకట్టుకున్న యువరాజ్‌ సింగ్‌ వన్డే వరల్డ్‌కప్‌ గెలవడంలో కీలకపాత్ర పోషించాడు. దీంతో పాటు సచిన్‌కు ఇచ్చిన మాటను నిలబెట్టుకున్నాడు. వాంఖడే వేదికగా జరిగిన ఆనాటి ఫైనల్లో టీమిండియా గెలవగానే జట్టు సభ్యులు స్టేడియం మొత్తం కలియదిరిగారు. క్రికెట్‌ గాడ్‌ సచిన్‌ను కోహ్లి, యూసఫ్‌ పఠాన్‌లు తమ భుజాలపై ఎత్తుకొని స్టేడియం మొత్తం తిప్పుతుంటే.. సచిన్‌ చేతిలో జెండా పట్టుకొని సంతోషాన్ని వ్యక్తం చేస్తూ కంటతడి పెట్టడం అప్పటి అభిమానులు ఇంకా మరిచిపోలేదు.  Virender Sehwag said, "everyone needs to win this World Cup for Virat Kohli. The kind of great player he is, a great human being also, he always helps other players". pic.twitter.com/tgxMpZFxK7 — Mufaddal Vohra (@mufaddal_vohra) June 27, 2023 చదవండి: పుండు మీద కారం చల్లేలా.. పీసీబీకి హైకోర్టు షాక్‌ World Cup: హైదరాబాద్‌లో జరుగబోయే మ్యాచ్‌లు ఇవే.. పాకిస్తాన్‌వే రెండు మ్యాచ్‌లు

కొత్త చీఫ్‌ సెలెక్టర్‌ పదవి కోసం బీసీసీఐ దరఖాస్తులను ఆహ్వానించింది. ఫిబ్రవరిలో చేతన్‌ శర్మ సెలెక్టర్‌ పదవి నుంచి తప్పుకున్న తర్వాత నాలుగు నెలలుగా ఆ పదవి ఖాళీగానే ఉంది. తాజాగా చీఫ్‌ సెలెక్టర్‌ పదవి కోసం  దరఖాస్తులను ఆహ్వానిస్తూ అందుకు సంబంధించిన అప్లికేషన్‌ను బీసీసీఐ తన అధికారిక వెబ్‌సైట్‌తో పాటు సోషల్‌ మీడియా అకౌంట్స్‌లోనూ ఉంచింది. అప్లికేషన్‌లో జాబ్‌ రోల్‌తో పాటు అందుకు కావాల్సిన అర్హతలను అందుబాటులో ఉంచింది. చీఫ్‌ సెలెక్టర్‌ పదవికి ఎంపికైన వ్యక్తి టెస్టులు, వన్డేలు, టి20లకు జాతీయ టీమ్‌ను ఎంపిక చేయాల్సిన బాధ్యత ఉంటుంది. కాగా దరఖాస్తుకు చివరి తేదీ జూన్‌ 30 అని బీసీసీఐ పేర్కొంది. బీసీసీఐ చీఫ్‌ సెలెక్టర్‌ చేయాల్సిన పనులు, బాధ్యతలు.. 1. న్యాయమైన, పారదర్శక పద్ధతిలో సాధ్యమైనంత ఉత్తమమైన జట్టును ఎంచుకునే ప్రయత్నం చేయాలి. 2. సీనియర్ జాతీయ జట్టు కోసం ఒక బలమైన బెంచ్ బలాన్ని సిద్ధం చేసుకోవాలి 3. అవసరమైన సమయంలో బృంద సమావేశాలకు హాజరు కావాల్సి ఉంటుంది. 4. దేశీయ, అంతర్జాతీయ మ్యాచ్‌లను చూడటానికి ఎల్లప్పుడు సిద్ధంగా ఉండాలి 5. బీసీసీఐ అపెక్స్ కౌన్సిల్‌కు సంబంధిత జట్టు ప్రదర్శనల మూల్యాంకన నివేదికలను సిద్ధం చేయడంతో పాటు త్రైమాసిక రిపోర్టులు అందించాల్సి ఉంటుంది. 6. జట్టు ఎంపికపై బీసీసీఐ సూచనలను మీడియా సమావేశంలో వెల్లడించేందుకు సిద్దంగా ఉండాలి 7.ప్రతి ఫార్మాట్‌లో జట్టుకు కెప్టెన్‌ని నియమించండి. 8. బీసీసీఐ నియమాలు,నియంత్రణలకు ఎల్లప్పుడు కట్టుబడి ఉండాలి. ► ఇక టీమిండియా తరపున ఏడు టెస్టులు లేదా కనీసం 30 ఫస్ట్‌క్లాస్‌ మ్యాచ్‌లు.. లేదా 10 వన్డేలు లేదా 20 టి20ల్లో ప్రాతినిధ్యం వహించి ఉండాలి. ఇక అంతర్జాతీయ క్రికెట్‌కు రిటైర్మెంట్‌ ప్రకటించి కనీసం ఐదేళ్లు దాటి ఉండాలి. ముందు వరుసలో వీరేంద్ర సెహ్వాగ్‌.. ఇక బీసీసీఐ చీఫ్‌ సెలెక్టర్‌ పదవికి టీమిండియా మాజీ డాషింగ్‌ క్రికెటర్‌ వీరేంద్ర సెహ్వాగ్‌ ముందు వరుసలో ఉన్నాడు. బీసీసీఐకి చెందిన ఒక అధికారి సెహ్వాగ్‌ వద్దకు వెళ్లి ప్రతిపాదన చేసినట్లు వార్తలు వచ్చాయి. కానీ సెహ్వాగ్‌ ఆ వార్తలను ఖండించాడు. తాను బీసీసీఐ సెలెక్టర్‌ పదవిపై ఆశపడడం లేదు.. కానీ అవకాశం వస్తే ఆలోచిస్తా. అయితే రెమ్యునరేషన్‌ విషయంలో కాస్త గందరగోళం ఉందని తేలింది. అయితే తాజాగా సెలెక్టర్‌ పదవి కోసం దరఖాస్తులకు ఆహ్వనాలు ఇవ్వడంతో సెహ్వాగ్‌ ఎంపిక దాదాపు ఖరారైనట్లేనని కొంతమంది అభిప్రాయపడుతున్నారు. చేతన్‌ శర్మ స్థానంలో ప్రస్తుతం శివ్‌సుందర్‌ దాస్‌ తాత్కాలిక సెలెక్టర్‌గా కొనసాగుతున్నాడు. చదవండి: భార్య ఆట చూద్దామని వస్తే నిరాశే మిగిలింది

BCCI- Team India- Chief Selector: టీమిండియా ఆటగాళ్లపై వివాదాస్పద వ్యాఖ్యల నేపథ్యంలో చీఫ్‌ సెలక్టర్‌ పదవి నుంచి చేతన్‌ శర్మకు బీసీసీఐ ఉద్వాసన పలికిన విషయం తెలిసిందే. భారత క్రికెటర్లు పూర్తిస్థాయి ఫిట్‌నెస్‌ సాధించనప్పటికీ ఇంజక్షన్లు వేసుకుని బరిలోకి దిగుతారంటూ సంచలన వ్యాఖ్యలతో క్రికెట్‌ వర్గాల్లో దుమారం రేపాడు. ఈ మేరకు ఓ చానెల్‌ నిర్వహించిన స్టింగ్‌ ఆపరేషన్‌ బహిర్గతం కావడంతో చేతన్‌ శర్మ తన పదవికి రాజీనామా చేయాల్సి వచ్చింది. ఈ నేపథ్యంలో సెలక్షన్‌ కమిటీలోని శివ్‌ సుందర్‌ దాస్‌ తాత్కాలిక చైర్మన్‌గా వ్యవహరిస్తుండగా.. శరత్‌, సుబ్రతో బెనర్జీ, సలీల్‌ అంకోలా అతడికి డిప్యూటీలుగా సేవలు అందిస్తున్నారు. దీంతో కొత్త చీఫ్‌ సెలక్టర్‌గా ఎవరిని నియమిస్తారన్న అంశంపై ఆసక్తి నెలకొంది. ఈ క్రమంలో బీసీసీఐ అధికారి ఒకరు చేసిన వ్యాఖ్యలు నెట్టింట వైరల్‌గా మారాయి. భారత క్రికెట్‌లో స్టార్లుగా వెలుగొందిన వీరేంద్ర సెహ్వాగ్‌, హర్భజన్‌ సింగ్‌ వంటి ఆటగాళ్లు చీఫ్‌ సెలక్టర్‌ పదవి పట్ల ఎందుకు విముఖత వ్యక్తం చేస్తున్నారో సదరు అధికారి వివరించారు. నిజానికి ఐదేళ్ల కాలం కలిగిన టీమిండియా చీఫ్‌ సెలక్టర్‌ పదవిలో ఉన్న వ్యక్తి ఏడాదికి రూ. కోటి జీతంగా పొందనున్నట్లు తెలుస్తోంది. సెలక్షన్‌ కమిటీలోని మిగతా నలుగురు సభ్యులకు 90 లక్షల ప్యాకేజీ ఉంటుందని సమాచారం. అయితే, తమకున్ను క్రేజ్‌ దృష్ట్యా సెహ్వాగ్‌, భజ్జీ వంటి స్టార్లు ఎండార్స్‌మెంట్లు, కామెంట్రీ రూపంలో ఇంతకంటే ఎక్కువే సంపాదించే అవకాశం ఉంటుంది. కాబట్టి బిగ్‌స్టార్లు ఈ పదవిపై ఆసక్తి చూపడం లేదని చెప్పవచ్చు. ‘‘కమిటీ ఆఫ్‌ అడ్మినిస్ట్రేటర్స్‌(CoA) నియామక సమయంలో వీరూను హెడ్‌కోచ్‌ జాబ్‌కి అప్లై చేయమనే ప్రతిపాదనలు వెళ్లాయి. కానీ అతడు పట్టించుకోలేదు. అప్పుడు అనిల్‌ కుంబ్లేకు అవకాశం వచ్చింది. ఆర్థికంగానూ పదవులు మనకు దోహదం చేస్తేనే ఎవరైనా ఇలాంటి వాటికి మొగ్గుచూపుతారు. తర్వాత సెహ్వాగ్‌ నార్త్‌ జోన్‌ నుంచి సెలక్టర్‌గా వచ్చే ఛాన్స్ ఉండింది. కానీ అదీ జరుగలేదు’’ అని సదరు అధికారి పేర్కొన్నారు. 4-5 కోట్లు ఇవ్వడం సమస్యేమీ కాదు ‘‘చీఫ్‌ సెలక్టర్‌కు 4-5 కోట్ల రూపాయలు చెల్లించడం పెద్ద సమస్యేమీ కాదు. కేవలం జీతం తక్కువ అన్న కారణంగా కాకుండా.. తాము అనుకున్న స్థాయిలో ముందుకు వెళ్లలేమనే కారణంగానే ప్రసిద్ధ ఆటగాళ్లు సెలక్షన్‌ కమిటీలో చేరేందుకు ఆసక్తి చూపడం లేదు’’ అని తెలిపారు. అంతేగాక.. అన్ని సవాళ్లను అధిగమించి సరైన జట్టును ఎంపిక చేయడం కూడా కత్తిమీద సాములాంటిదే అని వ్యాఖ్యానించారు.  చదవండి: వెస్టిండీస్‌తో టీ20 సిరీస్‌.. భారత జట్టులోకి ఎవరూ ఊహించని ఆటగాడు! ఆడపడుచు అడ్డుపడినా! జడ్డూ భార్య రివాబా బ్యాగ్రౌండ్‌ తెలుసా? వందల కోట్లు!  ODI WC 2023: టీమిండియా ఫ్యాన్స్‌కు గుడ్‌ న్యూస్‌.. మరోసారి భారత జట్టులోకి ధోని! 

England vs Australia, 1st Test: ప్రతిష్టాత్మక యాషెస్‌ సిరీస్‌లో శుభారంభం చేసిన ఆస్ట్రేలియా జట్టుపై టీమిండియా మాజీ బ్యాటర్‌ వీరేంద్ర సెహ్వాగ్‌ ప్రశంసలు కురిపించాడు. ఇటీవలి కాలంలో ఇలాంటి ఉత్కంఠభరిత టెస్టు మ్యాచ్‌ చూడనేలేదంటూ సంతోషం వ్యక్తం చేశాడు. ఆసీస్‌ సారథిని ‘న్యూ మిస్టర్‌ కూల్‌’గా అభివర్ణించిన వీరూ భాయ్‌.. ఓపెనర్‌ ఉస్మాన్‌ ఖావాజా అద్భుతం అంటూ ఆకాశానికెత్తాడు. తొలి రోజే ఇన్నింగ్స్‌ డిక్లేర్‌ ఇంగ్లండ్‌- ఆస్ట్రేలియా మధ్య 5 టెస్టుల సిరీస్‌లో భాగంగా జూన్‌ 16-20 వరకు మొదటి టెస్టు జరిగింది. బజ్‌బాల్‌ విధానం పేరిట సంప్రదాయ క్రికెట్‌లోనూ దూకుడు ప్రదర్శిస్తున్న ఇంగ్లండ్‌.. మొదటి రోజే 393/8 వద్ద తొలి ఇన్నింగ్స్‌ డిక్లేర్‌ చేసింది. ఈ క్రమంలో బ్యాటింగ్‌ దిగిన ఆసీస్‌.. ఉస్మాన్‌ ఖవాజా అద్భుత సెంచరీ(141)కి తోడు.. ట్రవిస్‌ హెడ్‌ అర్ధ శతకం(50)తో రాణించడంతో 386 పరుగులకు ఆలౌట్‌ అయి మొదటి ఇన్నింగ్స్‌ ముగించింది. అద్భుతం చేసిన కమిన్స్‌, నాథన్‌ ఇదిలా ఉంటే.. ఆసీస్‌ స్టార్‌ పేసర్‌ ప్యాట్‌ కమిన్స్‌, వెటరన్‌ స్పిన్నర్‌ నాథన్‌ లియోన్‌ నాలుగేసి వికెట్లతో చెలరేగడంతో ఇంగ్లండ్‌ రెండో ఇన్నింగ్స్‌లో 273 పరుగులకు ఆలౌట్‌ అయింది. ఈ క్రమంలో ఉస్మాన్‌ ఖవాజా (65) మరోసారి బ్యాట్‌ ఝులిపించగా.. ప్యాట్‌ కమిన్స్‌, నాథన్‌ లియోన్‌ మెరుపు ఇన్నింగ్స్‌ ఆడారు. కమిన్స్‌ 73 బంతుల్లో 44 పరుగులతో.. నాథన్‌ 28 బంతుల్లో 16 పరుగులతో అజేయంగా నిలిచి ఓటమి నుంచి ఆసీస్‌ను గట్టెక్కించి గెలుపుబాట పట్టించారు. దీంతో అనూహ్య రీతిలో సొంతగడ్డపై తొలి టెస్టులోనే ఇంగ్లండ్‌కు ఓటమి తప్పలేదు.  వాటే టెస్ట్‌ మ్యాచ్‌! ఈ నేపథ్యంలో రెండు వికెట్ల తేడాతో గెలుపొంది 1-0తో ముందంజ వేసిన ఆస్ట్రేలియా, జట్టును గెలిపించిన టెయిలెండర్లపై ప్రశంసలు కురుస్తున్నాయి. భారత మాజీ ఓపెనర్‌ వీరేంద్ర సెహ్వాగ్‌ సైతం ఆసీస్‌ను కొనియాడుతూ చేసిన ట్వీట్‌ అభిమానులను ఆకర్షిస్తోంది. ‘‘వాటే టెస్ట్‌ మ్యాచ్‌! ఇటీవలి కాలంలో నేను చూసిన అత్యంత గొప్ప మ్యాచ్‌ ఇదే. నిజంగా టెస్ట్‌ క్రికెట్‌ బెస్ట్‌ క్రికెట్‌. మొదటి రోజే ఇన్నింగ్స్‌ డిక్లేర్‌ చేసి ఇంగ్లండ్‌ సాహసోపేతమైన నిర్ణయం తీసుకుంది. ముఖ్యంగా వాతావరణం అలా ఉన్న సమయంలో ఇన్నింగ్స్‌ డిక్లేర్‌ చేయడం అంటే మాటలు కాదు! ఏదేమైనా ఖవాజా రెండు ఇన్నింగ్స్‌లో అదరగొట్టాడు. ఇక ప్యాట్‌ కమిన్స్‌ టెస్టు క్రికెట్‌లో మరో మిస్టర్‌ కూల్‌గా అవతరించాడు.  తీవ్రమైన ఒత్తిడిలో కూరుకుపోయిన సమయంలో కమిన్స్‌, లియోన్‌ నమోదు చేసిన భాగస్వామ్యం సుదీర్ఘ కాలం పాటు అభిమానుల గుండెల్లో నిలిచిపోతుంది’’ అని సెహ్వాగ్‌ కమిన్స్‌ను ప్రశంసించాడు. కాగా సాధారణంగా టీమిండియా లెజెండరీ కెప్టెన్‌ మహేంద్ర సింగ్‌ ధోనిని మిస్టర్‌ కూల్‌గా అభిమానులు పిలుచుకుంటారన్న విషయం తెలిసిందే. చదవండి: శుబ్‌మన్‌ గిల్‌ సంచలన నిర్ణయం! వచ్చే సీజన్‌లో సన్‌రైజర్స్‌ కెప్టెన్‌గా! వెస్టిండీస్‌తో టీ20 సిరీస్‌.. శుబ్‌మన్‌ గిల్‌కు నో ఛాన్స్‌! రుత్‌రాజ్‌ రీ ఎంట్రీ బంగ్లాదేశ్‌ చిత్తు.. ఆసియాకప్‌ విజేతగా భారత్‌.. What a Test Match. One of the best I have seen in recent times. Testcricket is Best Cricket. Was a gutsy decision by England to declare just before close on Day 1, especially considering the weather. But Khawaja was outstanding in both innings and @patcummins30 is the new Mr.… pic.twitter.com/9QqC2hjyzr — Virender Sehwag (@virendersehwag) June 20, 2023 A final day thriller to kick off the series 🏏 🏴󠁧󠁢󠁥󠁮󠁧󠁿 #ENGvAUS 🇦🇺 #Ashes pic.twitter.com/EuAk2CUeWC — England Cricket (@englandcricket) June 21, 2023

టెస్టు క్రికెట్‌లో ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ అరుదైన ఘనత సాధించాడు. టెస్టులో అత్యధిక పరుగులు చేసిన ఐదో ఓపెనర్‌గా వార్నర్‌ నిలిచాడు. ఎడ్జ్‌బాస్టన్‌ వేదికగా ఇంగ్లండ్‌తో జరుగుతున్న తొలి టెస్టు రెండో ఇన్నింగ్స్‌లో 36 పరుగులు చేసిన వార్నర్‌.. ఈ రికార్డు తన పేరిట లిఖించుకున్నాడు. ఇప్పటివరకు 105 టెస్టులు ఆడిన వార్నర్‌ ఓపెనర్‌గా 8,208 పరుగులు సాధించాడు. ఈ క్రమంలో టీమిండియా మాజీ ఓపెనర్‌ వీరేంద్ర సెహ్వాగ్‌ను వార్నర్‌ అధిగమించాడు. ఇప్పటివరకు ఈ ఘనత సాధించిన జాబితాలో సెహ్వాగ్‌(8,207) ఐదో స్ధానంలో ఉండగా.. తాజా మ్యాచ్‌తో ఆ స్ధానాన్ని డేవిడ్‌ భాయ్‌ కైవసం చేసుకున్నాడు. ఇ‍క ఓవరాల్‌గా ఈ  అరుదైన ఘనత సాధించిన జాబితాలో ఇంగ్లండ్‌ మాజీ కెప్టెన్‌ అలస్టర్ కుక్(11, 845) తొలి స్ధానంలో ఉండగా.. ఆ తర్వాతి స్ధానాల్లో వరుసగా భారత క్రికెట్‌ దిగ్గజం సునీల్‌ గవాస్కర్‌(9,607), గ్రేమ్‌ స్మిత్‌(9,030), మథ్యూ హేడన్‌(8,625) పరుగులతో ఉన్నారు.  గెలుపెవరిది? ఇక యాషెస్‌ తొలి టెస్టు తొలి టెస్టు రసకందాయంలో పడింది. ఆట ఆఖరిరోజు విజయానికి ఇంగ్లండ్‌కు ఏడు వికెట్లు అవసరం కాగా.. ఆసీస్‌ మరో 174 పరుగులు చేయాల్సి ఉంది.281 పరుగుల టార్గెట్‌తో బరిలోకి దిగిన ఆస్ట్రేలియా నాలుగో రోజు ఆట ముగిసే సమయానికి మూడు వికెట్ల నష్టానికి 107 పరుగులు చేసింది. ఓపెనర్‌ ఉస్మాన్‌ ఖవాజా 34, నైట్‌ వాచ్‌మన్‌ స్కాట్‌ బొలాండ్‌ 13 పరుగులతో ఆడుతున్నారు.  చదవండి: #Ashes2023: ఇదేమి యార్కర్‌రా బాబు.. దెబ్బకు బ్యాటర్‌ మైండ్‌ బ్లాంక్‌! వీడియో వైరల్‌

ఓవల్‌ వేదికగా ఆస్ట్రేలియాతో జరిగిన డబ్ల్యూటీసీ ఫైనల్లో 209 పరుగుల తేడాతో టీమిండియా ఓటమి పాలైన సంగతి తెలిసిందే. ఈ మ్యాచ్‌లో బ్యాటింగ్‌, బౌలింగ్‌లో పేలవ ప్రదర్శన కరబరిచిన భారత జట్టు ఘోర పరాభావాన్ని మూట కట్టుకుంది. టీమిండియా కనీస పోటీ కూడా ఇవ్వకుండా టైటిల్‌ను ఆస్ట్రేలియాకు అప్పగించేసింది. ఇక ఈ కీలక మ్యాచ్‌కు రవిచంద్రన్‌ అశ్విన్‌ పక్కన పెట్టిన భారత జట్టు మెనెజ్‌మెంట్‌పై మొదటి రోజు నుంచే విమర్శల  వర్షం కురుస్తున్న సంగతి తెలిసిందే. తాజాగా మరోసారి ఇదే విషయాన్ని టీమిండియా ఓపెనర్‌ వీరేంద్ర సెహ్వాగ్ ప్రస్తవించాడు. ఈ మ్యాచ్‌లో టీమిండియా తప్పిదాలను సెహ్వాగ్ ఎత్తి చూపాడు. "డబ్ల్యూటీసీ విజేతగా నిలిచినందుకు ఆస్ట్రేలియాకు అభినందనలు. వారు చాంపియన్స్‌గా నిలవడానికి అర్హులు. అయితే ఆసీస్‌ జట్టులో ఎడమచేతి బ్యాటర్లు ఎక్కువగా ఉన్నారు. కాబట్టి అశ్విన్‌ జట్టులో ఉండాల్సింది. అతడు లెఫ్ట్‌హ్యండర్స్‌కు కట్టుదిట్టంగా బౌలింగ్‌ చేయగలడు. ఎప్పుడైతే అశ్విన్‌ను పక్కన పెట్టి జట్టు మెనెజ్‌మెంట్‌ పెద్ద తప్పుచేసింది. అది వాళ్ల ఓటమికి ఒక కారణం. అదేవిధంగా భారత టాపర్డర్‌ కూడా చాలా నిరాశపరిచింది. వారు కాస్త మెరుగ్గా బ్యాటింగ్‌ చేయాల్సింది. ఛాంపియన్‌షిప్‌లను గెలుచుకోవాలంటే ఇటువంటి ఆటతీరు పనికిరాదు. ఇంకా బెటర్‌ మైండ్‌ సెట్‌తో ముందుకు పోవాలని" ట్విటర్‌లో సెహ్వాగ్ పేర్కొన్నాడు. చదవండి: World Cup 2023: ఫ్యాన్స్‌కు బ్యాడ్‌ న్యూస్‌.. ఉప్పల్‌లో నో వరల్డ్‌కప్‌ మ్యాచ్‌! పాక్‌- భారత్‌ మ్యాచ్‌ అక్కడే Congratulations to Australia on winning the #WTCFinal. They are the deserved winners. India lost it in their minds when they decided to exclude Ashwin against a left-handed heavy attack. Plus the top order needed to bat better. Need to have better mindset and approach to win… — Virender Sehwag (@virendersehwag) June 11, 2023

లండన్‌ వేదికగా ఆస్ట్రేలియాతో జరుగుతున్న డబ్ల్యూటీసీ ఫైనల్లో టీమిండియా ఓపెనర్‌ శుబ్‌మన్‌ గిల్‌ ఔటైన తీరు వివాదాస్పదమైన సంగతి తెలిసిందే. తప్పుడు నిర్ణయాన్ని ప్రకటించాడని థర్డ్ అంపైర్ రిచర్డ్ కెటిల్‌బరోను నెటిజన్లు దారుణంగా ట్రోలు చేస్తున్నారు. ఇక ఇదే విషయంపై టీమిండియా మాజీ ఓపెనర్‌ వీరేంద్ర సెహ్వాగ్ కూడా స్పందించాడు. థర్డ్ అంపైర్ నిర్ణయాన్ని సెహ్వాగ్ తప్పుబట్టాడు. కళ్లకు గంతలు కట్టుకొని అంపైరింగ్ చేశాడని సెహ్వాగ్ విరుచుకుపడ్డాడు. ఈ క్రమంలో కళ్లకు గంతలు కట్టుకున్న ఫొటోతో సెహ్వాగ్ ఫన్నీ మీమ్ సోషల్‌మీడియాలో షేర్‌ చేశాడు. "శుబ్‌మన్‌ గిల్‌ ఔట్‌ విషయంలో థర్డ్ అంపైర్ కళ్లకు గంతలు కట్టుకొని నిర్ణయం తీసుకున్నాడు. సరైన ఆధారాలు లేకపోతే బెనిఫిట్‌ ఆఫ్‌ డౌట్‌ కింద నాటౌటగా ప్రకటించాలి. గిల్‌ది క్లియర్‌గా నాటౌట్‌" అని ట్విటర్‌లో సెహ్వాగ్ పేర్కొన్నాడు.   అసలేం జరిగిందంటే..? టీమిండియా రెండో ఇన్నింగ్స్ 8వ వేసిన స్కాట్‌ బోలాండ్‌లో బౌలింగ్‌లో తొలి బంతిని గిల్‌ ఎదుర్కొన్నాడు.  బోలాండ్ ఆఫ్ స్టంప్ దిశగా వేయగా.. గిల్ డిఫెన్స్ చేసే ప్రయత్నం చేశాడు.  కానీ బ్యాట్ ఎడ్జ్ తీసుకున్న బంతి గల్లీ స్లిప్ ఫీల్డర్ వైపు దూసుకెళ్లింది. గల్లీలో ఉన్న కామెరూన్ గ్రీన్‍ అద్భుతంగా డైవ్‌ చేస్తూ క్యాచ్‌ను అందుకున్నాడు. అయితే క్యాచ్ పట్టే క్రమంలో బంతి నేలకు తాకినట్లు అనిపించింది.. దీంతో ఫీల్డ్ అంపైర్స్.. థర్డ్ అంపైర్‌కు రెఫర్ చేశారు. పలు కోణాల్లో రిప్లేలను పరిశీలించిన థర్డ్ అంపైర్‌కు క్యాచ్ ఔట్ విషయంలో క్లారిటీ లభించలేదు. ఆఖరికి గ్రీన్ చేతి వేళ్లు బంతి కింద ఉన్నాయని చెబుతూ థర్డ్ అంపైర్‌ ఔటిచ్చాడు. చదవండి: WTC FINAL: రోహిత్‌ శర్మ అరుదైన రికార్డు.. మూడో భారత ఓపెనర్‌గా Third umpire while making that decision of Shubman Gill. Inconclusive evidence. When in doubt, it’s Not Out #WTC23Final pic.twitter.com/t567cvGjub — Virender Sehwag (@virendersehwag) June 10, 2023

ప్రముఖ క్రికెట్‌ ప్రేజేంటర్‌ గౌరవ్ కపూర్ హోస్ట్ చేస్తున్న బ్రేక్ ఫాస్ట్ విత్ ఛాంపియన్స్‌ షోలో తాజాగా టీమిండియా మాజీ ఓపెనర్‌ వీరేంద్ర సెహ్వాగ్ సందడి చేశాడు. ఈ షోలో పాల్గొన్న సెహ్వాగ్‌కు ఓ ఆసక్తికర ప్రశ్న ఎదురైంది. ఆసియాలో అత్యుత్తమ మిడిలార్డర్‌ బ్యాటర్‌ ఎవరని గౌరవ్ కపూర్ ప్రశ్నించాడు. అందుకు బదులుగా అతడు భారత దిగ్గజ ఆటగాళ్లు సచిన్‌ టెండూల్కర్‌, రాహుల్‌ ద్రవిడ్‌ పేర్లు కాకుండా.. పాకిస్తాన్‌ మాజీ కెప్టెన్ ఇంజమామ్-ఉల్-హక్‌ను ఎంపిక చేసి అందరనీ ఆశ్చర్యపరిచాడు. కాగా 2000లలో సచిన్ టెండూల్కర్‌, రికీ పాంటింగ్‌ వంటి దిగ్గజాలతో పోటీపడిన ఆటగాళ్లలో ఇంజమామ్ వుల్ హక్ ఒకడు. ఓవరాల్‌గా తన అంతర్జాతీయ కెరీర్‌లో 498 మ్యాచ్‌లు ఆడిన ఇంజమామ్.. 20,569 పరుగులు సాధించాడు. టెస్టుల్లో 25 సెంచరీలు, వన్డేల్లో 10 సెంచరీలు సాధించాడు. అయితే వన్డేల్లో మాత్రం 83 హాఫ్‌ సెంచరీలు ఇంజమామ్ చేశాడు. "అందరూ సచిన్ టెండూల్కర్ గురించి మాట్లాడుతారు. కానీ  ఇంజమామ్-ఉల్-హక్ ఆసియాలో అతిపెద్ద మిడిల్ ఆర్డర్ బ్యాట్స్‌మెన్. అయితే సచిన్‌ పాజీ అందరి కంటే ముందున్నాడు. అతడికి ఎవ్వరితో పోటీ లేదు. కానీ ఆసియాలో మాత్రం అత్యుత్తమ మిడిల్ ఆర్డర్ బ్యాట్స్‌మెన్ విషయానికి వస్తే.. ఇంజమామ్‌ను మించిన వారు లేరు. 2003-04 కాలంలో ఇంజమామ్ ఓవర్‌కి 8 పరుగులు చేసేవాడు. అతను తన బ్యాటింగ్ పార్టనర్‌కి భయపడొద్దు అని ధైర్యం చేప్పేవాడు. ఓ మ్యాచ్‌లో ఆఖరి 10 ఓవర్లలో 80 పరుగులు అవసరం. ఇటువంటి సమయంలో ఏ ఆటగాడైనా ఒత్తడికి గురవుతాడు. కానీ ఇంజమామ్ మాత్రం చాలా కూల్‌గా ఉంటాడు. అదే విధంగా 2005లో ఓ మ్యాచ్‌లో డానిష్‌ కనేరియా రౌండ్‌ది వికెట్‌ బౌలింగ్‌ చేసి కాస్త ఇబ్బంది పెట్టాడు.  భారీ షాట్లు ఆడకుండా నన్ను ఆపేందుకు కనేరియా ప్రయత్నించాడు. నేను ఒకట్రెండు ఓవర్లు ఢిపెన్స్‌ ఆడాను. ఆ తర్వాత ఇంజమామ్ వైపు తిరిగి... ‘‘ఇంజీ భాయ్... నా కాళ్లు నొప్పి పెడుతున్నాయ్. ఎంత సేపు డిఫెన్స్‌ ఆడాలని’’ అని అన్నాను. దానికి అతడు ‘‘నన్నేం చేయమంటావ్’’ అన్నాడు. అందుకు బదులగా "సర్కిల్ లోపలకి లాంగ్ ఆన్ ఫీల్డర్‌ని తీసుకురా, నేను సిక్స్‌ కొడతా అని ఇంజీతో చెప్పా.                             దానికి ఇంజమామ్ నవ్వాడు. ‘‘సరే నేను సిక్సర్ కొట్టపోతే ఆ ఫీల్డర్‌ని మళ్లీ వెనక్కిపంపించు’’ అని చెప్పాను. అందుకు అతడు అంగీకరించి ఫీల్డర్‌ని సర్కిల్ లోపలకి పిలిచాడు. కనేరియా గూగ్లీ వేయగా.. నేను చెప్పినట్లగానే బంతిని స్టాండ్స్‌కు పంపించాను. ఫీల్డింగ్‌ మార్చినందుకు కనేరియాకు ఒక్క సారిగా కోపం వచ్చింది. వెంటనే కెప్టెన్‌ దగ్గరికి వెళ్లి ‘ఇంజీ భాయ్, మీరు ఫీల్డర్‌ను ఎందుకు పైకి తీసుకువచ్చారు? అని ప్రశ్నించాడు. అందుకు బదులుగా నువ్వు సైలెంట్‌గా వెళ్లి బౌలింగ్ చెయి, లేదంటే బయటకు వెళ్లిపోతావు అని ఇంజీ భాయ్ అన్నాడు" అంటూ  చెప్పుకొచ్చాడు వీరేంద్ర సెహ్వాగ్ చెప్పుకొచ్చాడు.  

టీమిండియా, ఆస్ట్రేలియా మధ్య ఓవల్‌ వేదికగా జరగనున్న డబ్ల్యూటీసీ ఫైనల్‌కు ఒక్కరోజు మాత్రమే మిగిలి ఉంది. 2021లో జరిగిన తొలి డబ్ల్యూటీసీ ఫైనల్లో న్యూజిలాండ్‌ చేతిలో పరాజయం పాలైన టీమిండియా రన్నరప్‌గా నిలిచింది. మరి ఈ ఏడాదైనా టీమిండియా డబ్ల్యూటీసీ విజేతగా నిలుస్తుందా లేదా అనేది చూడాలి. ఇక టెస్టు క్రికెట్‌లో సాధారణంగా సిక్సర్ల సంఖ్య తక్కువగా ఉంటుంది. ఎక్కువగా బౌండరీలతోనే బ్యాటర్లు సెంచరీలు, డబుల్‌ సెంచరీలు కొట్టడం చూస్తుంటాం. ఇన్నింగ్స్‌ మధ్యలోనూ సిక్సర్ల సంఖ్య తక్కువగానే ఉంటుంది. అయితే డబ్ల్యూటీసీ ఫైనల్‌ నేపథ్యంలో టీమిండియా తరపున అ‍త్యధిక సిక్సర్లు కొట్టింది ఎవరనేది పరిశీలిద్దాం.  టెస్టు క్రికెట్‌లో టీమిండియా తరఫున అత్యధిక సిక్సర్ల రికార్డు వీరేంద్ర సెహ్వాగ్ పేరిట ఉంది. మొత్తం 180 టెస్టుల్లో 91 సిక్సర్లు కొట్టి సెహ్వాగ్‌ రికార్డు సృష్టించాడు. రెండో స్థానంలో ఎంఎస్‌ ధోని ఉన్నాడు. ధోని 144 టెస్టు ఇన్నింగ్స్‌ల్లో మొత్తం 78 సిక్సర్లు బాదాడు. 329 టెస్టు ఇన్నింగ్స్‌ల్లో 69 సిక్సర్లు బాదిన సచిన్ టెండూల్కర్ ఈ జాబితాలో మూడో స్థానంలో ఉన్నాడు. 83 ఇన్నింగ్స్‌ల్లో 69 సిక్సర్లు బాదిన రోహిత్ శర్మ 4వ స్థానంలో ఉన్నాడు. 184 టెస్టు ఇన్నింగ్స్‌ల్లో 61 సిక్సర్లు బాదిన టీమిండియా మాజీ కెప్టెన్ కపిల్ దేవ్ ఈ జాబితాలో 5వ స్థానంలో నిలిచాడు. ఈ మ్యాచ్‌లో రోహిత్ శర్మ మరొక్క సిక్సర్ బాదితే సచిన్ టెండూల్కర్ రికార్డును అధిగమించే అవకాశం ఉంటుంది. టీమిండియా: రోహిత్ శర్మ(కెప్టెన్), శుభ్‌మన్ గిల్, చతేశ్వర్ పుజారా, విరాట్ కోహ్లి, అజింక్యా రహానే, కేఎల్ రాహుల్, కేఎస్ భరత్(వికెట్ కీపర్), రవిచంద్రన్ అశ్విన్, రవీంద్ర జడేజా, అక్షర్ పటేల్, శార్దూల్ ఠాకూర్, మహ్మద్ షమీరాజ్, మహ్మద్ షమీరాజ్ , ఉమేష్ యాదవ్, జయదేవ్ ఉనద్కత్. ఆస్ట్రేలియా: పాట్ కమిన్స్ (కెప్టెన్), స్కాట్ బోలాండ్, అలెక్స్ కారీ (వికెట్ కీపర్), కామెరాన్ గ్రీన్, మార్కస్ హారిస్, ట్రెవిస్ హెడ్, జోష్ ఇంగ్లిస్ (వికెట్ కీపర్), ఉస్మాన్ ఖవాజా, మార్నస్ లాబుషిన్, నాథన్ లియోన్, టాడ్ మర్ఫీ, మైఖేల్ నెజర్ , స్టీవ్ స్మిత్ (వైస్ కెప్టెన్) , మిచెల్ స్టార్క్, డేవిడ్ వార్నర్. చదవండి: WTC Final: రోహిత్‌ను ఊరిస్తున్న అరుదైన రికార్డు!

టీమిండియా మాజీ డాషింగ్‌ ఓపెనర్‌ వీరేంద్ర సెహ్వాగ్‌ మరోసారి తన గొప్ప మనసు చాటుకున్నాడు. మైదానంలో బౌలర్ల పాలిట సింహస్వప్నమైన వీరూ.. దయాగుణం చాటే విషయంలో తోటి క్రీడాకారులకు ఆదర్శంగా నిలిచాడు. గతంలో చాలా సందర్భాల్లో ఆపదలో ఉన్నవారికి తానున్నానంటూ భరోసా ఇచ్చిన ఈ నజఫ్‌ఘడ్‌ నవాబ్‌.. తాజాగా కోరమండల్‌ ఎక్స్‌ప్రెస్‌ రైలు ప్రమాద బాధిత కుటుంబాలకు అండగా నిలబడాలని నిర్ణయించుకున్నాడు. ఈ దుర్ఘటనలో ప్రాణాలు కోల్పోయిన వారి పిల్లలకు సెహ్వాగ్‌ ఇంటర్నేషనల్‌ స్కూల్‌లో ఉచిత విద్యతో పాటు ఫ్రీ బోర్డింగ్ సదుపాయాలు కల్పిస్తానని సోషల్ మీడియా వేదికగా ప్రకటించాడు. సెహ్వాగ్‌ తీసుకున్న ఈ నిర్ణయంపై యావత్‌ నెటిజన్లు హర్షం వ్యక్తం చేస్తున్నారు. వీరూపై ప్రశంసల వర్షం కురిపిస్తున్నారు. వందలు, వేల కోట్లు సంపాదిస్తే రాజు కాలేడు.. కష్టకాలంలో ఉన్న ప్రజలను ఆదుకున్నప్పుడే నిజమైన రాజు అవుతాడంటూ కామెంట్స్‌ చేస్తున్నారు. మైదానంలో బౌలర్ల పట్ల కఠినంగా ఉండే సెహ్వాగ్‌.. నిజ జీవితంలో ఇంతా దయాగుణం కలిగి ఉండటాన్ని చూసి జనాలు ఇతన్ని మనసున్న మహారాజు అంటూ కీర్తిస్తున్నారు. సెహ్వాగ్‌ను చూసైనా తోటి క్రీడాకారులు రైలు ప్రమాద బాధితులకు తోచిన సాయం చేయాలని సూచిస్తున్నారు. కాగా, సెహ్వాగ్‌ కరోనా సమయంలో కూడా ఇబ్బందుల్లో ఉన్న చాలా మందికి సాయం చేశాడు. ప్రతి శీతాకాలంలో ఈ మనసున్న క్రికెటర్‌ ఢిల్లీ వీధుల్లో చలికి వణికిపోయే వారికి దుప్పట్లు, స్వెటర్లు అందిస్తుంటాడు. ఓ వింటర్‌ అతను తన స్వెటర్‌ను సైతం​ వేలం వేసి, దాంతో వచ్చిన డబ్బును పేదల కోసం వినియోగించాడు. అంతే కాదు, ప్రమాదాలు, విపత్తుల సమయంలో కూడా సెహ్వాగ్‌ తక్షణమే స్పందిస్తుంటాడు. వీరూ భాయ్‌.. బయటి ప్రపంచానికి తెలియకుండా చాలా గుప్త దానాలు చేశాడని అతనికి తెలిసిన వారంటుంటారు. కేవలం సంపాదన మాత్రమే తెలిసిన నేటి తరం క్రీడాకారుల్లో సెహ్వాగ్‌ ఓ ఆణిముత్యమని వేనోళ్లు కీర్తిస్తున్నాయి. ఇదిలా ఉంటే, 44 ఏళ్ల సెహ్వాగ్‌ 1999లో అంతర్జాతీయ క్రికెట్‌లోకి అరంగేట్రం చేసి 2013లో రిటైరయ్యాడు. ఈ మధ్యలో అతను 104 టెస్ట్‌లు, 251 వన్డేలు, 19 టీ20లు ఆడాడు. ఇందులో మొత్తంగా 17253 పరుగులు చేశాడు. టెస్ట్‌ల్లో 23 సెంచరీలు, వన్డేల్లో 15 సెంచరీలు సెహ్వాగ్‌ ఖాతాలో ఉన్నాయి. సెహ్వాగ్‌ పేరిట టెస్ట్‌ల్లో 3 డబుల్‌ సెంచరీలు, 2 ట్రిపుల్‌ సెంచరీలు ఉన్నాయి. తన టైమ్‌లో వీరూ అరివీర భయంకరులైన బౌలర్లకు ముచ్చెమటలు పట్టించాడు. -మిడుతూరి జాన్‌ పాల్‌, సాక్షి వెబ్‌ డెస్క్‌ చదవండి: IPL 2024: ఐపీఎల్‌ చరిత్రలోనే అత్యంత ఖరీదైన ఆటగాడిపై వేటు..?

IPL 2023- Tilak Varma: ఐపీఎల్‌-2022 సీజన్‌తో క్యాష్‌ రిచ్‌ లీగ్‌లో అడుగుపెట్టాడు తెలుగు తేజం తిలక్‌ వర్మ. ముంబై ఇండియన్స్‌ తరఫున అరంగేట్రం చేసిన అతడు తొలి సీజన్‌లోనే అదరగొట్టాడు. 14 మ్యాచ్‌లు ఆడి 397 పరుగులతో ముంబై తరఫున రెండో టాప్‌ స్కోరర్‌గా నిలిచాడు. దీంతో ఈ హైదరాబాదీ బ్యాటర్‌పై అంచనాలు పెరిగిపోయాయి. ఫిట్‌నెస్‌ సమస్యల కారణంగా అందుకు తగ్గట్లుగానే ఐపీఎల్‌-2023 ఆరంభంలో ఆకట్టుకున్న తిలక్‌ వర్మ.. గాయం కారణంగా కొన్ని మ్యాచ్‌లకు దూరం కావాల్సి వచ్చింది. ఫిట్‌నెస్‌ సమస్యల కారణంగా తిలక్‌ అందుబాటులో లేకపోవడం జట్టుపై ప్రభావం చూపింది.  కీలక మ్యాచ్‌లో దుమ్ములేపాడు అయితే, కీలక మ్యాచ్‌ క్వాలిఫయర్‌-2 నేపథ్యంలో జట్టులోకి తిరిగి వచ్చిన తిలక్‌ వర్మ అద్భుత ప్రదర్శనతో ఆకట్టుకున్నాడు. కీలక మ్యాచ్‌లో 234 పరుగుల భారీ లక్ష్యంతో బరిలోకి దిగిన ముంబై ఇండియన్స్‌ తడబడిన వేళ తిలక్‌ తుపాన్ ఇన్నింగ్స్‌ ఆడాడు. ఐదో స్థానంలో బ్యాటింగ్‌కు వచ్చిన అతడు.. 14 బంతుల్లో 5 ఫోర్లు, 3 సిక్సర్ల సాయంతో 43 పరుగులు సాధించాడు. కానీ అప్పటికే కానీ రషీద్‌ ఖాన్‌ బౌలింగ్‌లో తిలక్‌ వెనుదిరగడంతో ముంబై కథ ముగిసిపోయింది. 171 పరుగులకే ఆలౌట్‌ అయిన రోహిత్‌ సేన టోర్నీ నుంచి నిష్క్రమించింది. ఇదిలా ఉంటే.. ఐపీఎల్‌-2023లో మొత్తంగా 11 మ్యాచ్‌లు ఆడిన తిలక్‌ 343 పరుగులు సాధించాడు. అతడి అత్యధిక స్కోరు 84 నాటౌట్‌. ఈ నేపథ్యంలో టీమిండియా మాజీ ఓపెనర్‌ వీరేంద్ర సెహ్వాగ్‌.. హైదరాబాదీ క్రికెటర్‌ తిలక్‌ వర్మను ఉద్దేశించి కీలక వ్యాఖ్యలు చేశాడు. ఈ యువ బ్యాటర్‌ ఫిట్‌నెస్‌పై దృష్టిసారించాల్సి ఉందంటూ పలు సూచనలు, సలహాలు ఇచ్చాడు. ఈ మేరకు క్రిక్‌బజ్‌ షోలో మాట్లాడుతూ.. ‘‘తిలక్‌ వర్మ ప్రధానంగా రెండు అంశాలపై దృష్టి పెట్టాలి. సూర్యను చూసి నేర్చుకోవాలి  తన నైపుణ్యాలకు మరింత పదునుపెట్టాలి. అదే విధంగా మైండ్‌సెట్‌లోనూ మార్పు రావాలి. ముఖ్యంగా ఫిట్‌నెస్‌పై శ్రద్ధ వహించాలి. ఈ విషయంలో సూర్యకుమార్‌​ యాదవ్‌ను చూసి నేర్చుకోవాల్సింది చాలా ఉంది.  తను కాస్త విరామం దొరికినా వైవిధ్యమైన షాట్లు ప్రాక్టీసు చేస్తూ నైపుణ్యాలు మెరుగుపరచుకుంటూ ఉంటాడు. నాకు దాదా ఇచ్చిన సలహా తిలక్‌ వర్మ తన బలహీనతలపై కూడా దృష్టి సారించి వాటిని అధిగమించేలా నిరంతరం శ్రమించాలి. నేను 1999లో తొలిసారి టీమిండియాకు ఆడినపుడు షోయబ్‌ అక్తర్‌ నన్ను అవుట్‌ చేశాడు. నేను నా బ్యాట్‌తో బంతిని టచ్‌ చేసే లోపే.. బాల్‌ నా ప్యాడ్లను తాకింది. అప్పుడు దాదా (సౌరవ్‌ గంగూలీ) నాకో సలహా ఇచ్చాడు. తిలక్‌ కూడా నాలాగే ఫాస్ట్‌బౌలింగ్‌ను ఎలా ఎదుర్కోవాలో వీలైనంత ఎక్కువగా ప్రాక్టీస్‌ చెయ్‌. అప్పుడే నువ్వు మైదానంలో మరింత ఆత్మవిశ్వాసంతో ఆడగలవు. అప్పట్లో నేను మిడిలార్డర్‌లో ఆడేవాడిని. ఎక్కువగా స్పిన్‌ బౌలర్లను ఎదుర్కొనే వాడిని. తర్వాత ఫాస్ట్‌బౌలర్ల బౌలింగ్‌లో ఎలా ఆడాలో పూర్తిగా అవగాహన వచ్చింది. నాలాగే తిలక​ వర్మ కూడా తన బలహీనతలు ఏమిటో తెలుసుకుని.. వాటిని సరిదిద్దుకుని ముందుకు సాగాలి’’ అని సెహ్వాగ్‌ చెప్పుకొచ్చాడు. తిలక్‌ వర్మకు మంచి భవిష్యత్తు ఉందని.. అయితే, చిన్న చిన్న లోపాలు సరిచేసుకోవడంపై దృష్టి పెట్టాల్సిన ఆవశ్యకత కూడా ఉందని వీరూ భాయ్‌.. తిలక్‌కు స్వీట్‌ వార్నింగ్‌ ఇచ్చాడు.  చదవండి: WTC Final: రుతురాజ్‌ అవుట్‌.. యశస్వి జైశ్వాల్‌కు బంపరాఫర్‌! ద్రవిడ్‌ విజ్తప్తి మేరకు.. వరల్డ్‌కప్‌ షెడ్యూల్‌ విడుదలకు ముహూర్తం ఫిక్స్‌.. జై షా కీలక ప్రకటన var request = 'https://www.sakshi.com/knowwidget/kwstr_4031445617.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఐపీఎల్‌-2023 ముగింపు దశకు చేరుకుంది. ఆదివారం అహ్మదాబాద్‌ వేదికగా జరగనున్న తుదిపోరులో  చెన్నై సూపర్ కింగ్స్‌, గుజరాత్‌ టైటాన్స్‌ అమీతుమి తెల్చుకోనున్నాయి. ఈ ఫైనల్‌ మ్యాచ్‌తో ఈ ఏడాది సీజన్‌కు ఎండ్‌కార్డ్‌ పడనుంది. ముఖ్యంగా ఈ ఏడాది సీజన్‌లో భారత యువ ఆటగాళ్లు జైశ్వాల్‌, శుబ్‌మన్‌ గిల్‌, రింకూ సింగ్‌ వంటి యువ ఆటగాళ్లు దుమ్మురేపారు. వీరితోపాటు టీమిండియా స్టార్‌ ఆటగాడు విరాట్‌ కోహ్లి కూడా అద్భుతమైన ప్రదర్శన చేశాడు. ఇక విదేశీ ఆటగాళ్ల విషయానికి వస్తే.. ఫాప్‌ డుప్లెసిస్‌, హెన్రిచ్‌ క్లాసెన్‌ కూడా అదరగొట్టారు. కాగా ఈ ఏడాది క్యాష్‌రిచ్‌ లీగ్‌లో తనను బాగా అకట్టుకున్న ఐదుగురు బ్యాటర్లను భారత మాజీ ఓపెనర్‌ వీరేంద్ర సెహ్వాగ్ ఎంపికచేశాడు. ఈ జాబితాలో విరాట్‌ కోహ్లి, శుబ్‌మన్‌ గిల్‌కు చోటు దక్కకపోవడం గమానార్హం.  "ఐపీఎల్‌-2023లో నన్ను బాగా అకట్టుకున్న ఐదుగురు పాండవులను ఎంచుకున్నాను. ఈ సీజన్‌లో బాగా ఆడినా ఐదుగురు బ్యాటర్లే నా పంచ పాండవులు. ఈ జాబితాలో నేను చాలా మంది ఓపెనర్లను ఎంపిక చేయలేదు. ఎందుకంటే ఓపెనర్లకు పరుగులు చేసేందుకు చాలా అవకాశాలు ఉంటాయి. ఈ సీజన్‌లో నన్ను బాగా ఇంప్రెస్ చేసిన వారిలో మొదటి వ్యక్తి రింకూ సింగ్‌. అందుకు కారణం మీరు నాకు అడగాల్సిన అవసరం లేదు. ఎందుకంటే ఒక బ్యాటర్ వరుసగా ఐదు సిక్సర్లు కొట్టి జట్టును గెలిపించడం ఐపీఎల్‌ చరిత్రలో ఇదే తొలిసారి. అది కేవలం రింకూకు మాత్రమే సాధ్యపడింది. రింకూ  తర్వాత శివమ్‌ దుబే నన్ను బాగా ఇంప్రెస్ చేశాడు. అతడు ఈ ఏడాది సీజన్‌లో భిన్నంగా ఆడాడు. 160 పైగా స్ట్రైక్‌ రేటుతో 33 సిక్స్‌లు బాదాడు. చెన్నైకు అతడు విలువైన ఆస్తి. నా మూడో పాండవుడు యశస్వీ జైశ్వాల్‌. జైశ్వాల్‌  గురించి ఎంత చెప్పుకున్నా తక్కువే. అతడు కచ్చితంగా భారత జట్టు తరపున ఆడుతాడు. నాలుగో వ్యక్తి సూర్యకుమార్ యాదవ్. సూర్య ఈ ఏడాది సీజన్‌కు ముందు పెద్దగా ఫామ్‌ లేడు. అంతర్జాతీయ క్రికెట్‌లో వరసుగా డకౌట్లయ్యాడు. ఐపీఎల్‌ ప్రారంభంలో కూడా పెద్దగా రాణించలేకపోయాడు.  కానీ ఇప్పుడు మాత్రం అదరగొడుతున్నాడు. అందుకే సూర్యను ఎంపిక చేశా. ఇక ఐదో వ్యక్తిని టాస్‌ వేసి సెలక్ట్ చేసుకున్నా.  ఎందుకంటే మిడిలార్డర్‌లో చాలా మంది అద్భుతంగా రాణించారు. అయితే నేను మాత్రం  హెన్రిచ్ క్లాసెన్‌ను సెలక్ట్‌ చేశాను. అతడు మిడిల్ ఆర్డర్‌లో ఇన్నింగ్స్‌లు అద్భుతం" అని క్రిక్‌బజ్‌కు ఇచ్చిన ఇంటర్వ్యూలో సెహ్వాగ్‌ పేర్కొన్నాడు. చదవండి: ఐపీఎల్‌-2023 ఛాంపియన్స్‌కు ప్రైజ్ మనీ ఎన్ని కోట్లంటే?

ఐపీఎల్‌-2023లో గుజరాత్‌ టైటాన్స్‌ తరపున ఆడుతున్న శ్రీలంక కెప్టెన్‌ దసున్‌ షనక తీవ్రంగా నిరాశపరుస్తున్నాడు. గాయం కారణంగా ఈ ఏడాది సీజన్‌ నుంచి తప్పుకున్న న్యూజిలాండ్‌ కెప్టెన్‌, గుజరాత్‌ స్టార్‌ బ్యాటర్‌ కేన్‌ విలియమ్సన్‌ స్థానంలో షనక ఈ క్యాష్‌రిచ్‌ లీగ్‌లోకి ఎంట్రీ ఇచ్చాడు. అయితే తనకు వచ్చిన అవకాశాన్ని అందిపుచ్చుకోవడంలో విఫలమమ్యాడు. ఇప్పటివరకు మూడు మ్యాచ్‌లు ఆడిన షనక కేవలం 26 పరుగులు మాత్రమే చేశాడు. సీఎస్‌కేతో జరిగిన క్వాలిఫియర్‌-1లో కీలక సమయంలో బ్యాటింగ్‌కు వచ్చిన షనక కేవలం 17 పరుగులు మాత్రమే చేసి పెవిలియన్‌కు చేరాడు. దీంతో శుక్రవారం ముంబై ఇండియన్స్‌తో జరిగే క్వాలిఫియర్‌-2లో దసన్‌కు చోటు దక్కే ఛాన్స్‌ కనిపించడం లేదు. ఈ నేపథ్యంలో భారత మాజీ ఓపెనర్‌ వీరేంద్ర సెహ్వాగ్ సైతం షనక ప్రదర్శన పట్ల ఆసంతృప్తి వ్యక్తం చేశాడు. "అహ్మదాబాద్‌లో గుజరాత్‌ను ఓడించడం అంత సులభం కాదు. వాంఖడేలో జరిగిన మ్యాచ్‌లో ముంబై చేతిలో గుజరాత్‌ ఓడిపోయింది. కాబట్టి అందుకు ప్రతీకారం తీర్చుకోవాలి హార్దిక్‌ అండ్‌ కో భావిస్తుంది. ముంబై బాగా కష్టపడాలి. అదే విధంగా  ఈ మ్యాచ్‌లో ముంబై తమ జట్టులో పెద్దగా మార్పులు చేయకపోవచ్చు. హృతిక్ షోకీన్ స్థానంలో కుమార్ కార్తికేయను తీసుకురావచ్చు. ఇక గుజరాత్‌ విషయానికి వస్తే.. వారు బౌలింగ్‌ పరంగా పటిష్టంగానే ఉన్నారు. కానీ బ్యాటింగ్‌లో కాస్త నిలకడ లోపించింది. ముఖ్యంగా దాసున్ షనక తీవ్ర నిరాశపరిచాడు. అతడి స్థానంలో ఓడియన్ స్మిత్ లేదా అల్జారీ జోసెఫ్‌ను తీసుకుంటే బాగుంటుంది. లేదా మనోహర్‌కు అవకాశం ఇచ్చిన పర్వాలేదు. అతడు కూడా భారీ సిక్స్‌లు కొట్టగలడు. షనకపై చాలా ఆశలు పెట్టుకున్నాను. అతడు నా అంచనాలకు కనీసం ఒక్క శాతం కూడా చేరుకోలేకపోయాడు అని క్రిక్‌బజ్‌కు ఇచ్చిన ఇంటర్వ్యూలో సెహ్వాగ్ చెప్పుకొచ్చాడు. చదవండి: T20 WC 2023: టీ20 ప్రపంచకప్‌ జట్టులో కోహ్లి ఉండాలా వద్దా? గవాస్కర్‌ సమాధానమిదే

IPL 2023- SRH- Umran Malik: ఐపీఎల్‌-2023లో సన్‌రైజర్స్‌ హైదరాబాద్‌ యువ పేసర్‌ ఉమ్రాన్‌ మాలిక్‌ ప్రదర్శనపై టీమిండియా మాజీ ఓపెనర్‌ వీరేంద్ర సెహ్వాగ్‌ పెదవి విరిచాడు. గత సీజన్‌లో చేసిన తప్పులనే ఈసారి కూడా పునరావృతం చేశాడని విమర్శించాడు. డేల్‌ స్టెయిన్‌ వంటి అనుభవజ్ఞుడైన బౌలర్‌ మార్గదర్శనం చేసేందుకు అందుబాటులో ఉన్నప్పటికీ ఉమ్రాన్‌ ఏం నేర్చుకున్నాడో అర్థం కావడం లేదని వాపోయాడు. అంచనాలు అందుకోలేక కాగా నెట్‌ బౌలర్‌గా సన్‌రైజర్స్‌లో ఎంట్రీ ఇచ్చిన కశ్మీర్‌ ఎక్స్‌ప్రెస్‌ ఉమ్రాన్‌ మాలిక్‌.. అద్భుత ప్రదర్శనతో జట్టులో ప్రధాన బౌలర్లలో ఒకడిగా ఎదిగాడు. గత సీజన్‌లో 22 వికెట్లు తీసిన అతడు.. భారత జట్టులోనూ చోటు సంపాదించాడు. అయితే, ఐపీఎల్‌ పదహారో ఎడిషన్‌ మాత్రం ఉమ్రాన్‌కు అస్సలు కలిసి రాలేదు. కెప్టెన్‌కే తెలియదట అంచనాలకు అనుగుణంగా రాణించలేక చతికిలపడ్డ ఉమ్రాన్‌.. తుది జట్టులో చోటు కూడా కోల్పోయాడు. సీజన్‌ మొత్తంలో 8 మ్యాచ్‌లలో ఆడే అవకాశం దక్కించుకున్న ఉమ్రాన్‌ ఏకంగా 217 పరుగులు సమర్పించుకుని(ఎకానమీ 10.85) కేవలం ఐదు వికెట్లు తీశాడు. ఇక పలు కీలక మ్యాచ్‌లలో ఉమ్రాన్‌ను తప్పించడంపై తనకు కూడా అవగాహన లేదంటూ రైజర్స్‌ కెప్టెన్‌ ఎయిడెన్‌ మార్కరమ్‌ వ్యాఖ్యానించడం సందేహాలకు తావిచ్చింది. మళ్లీ మళ్లీ అవే తప్పులు ఈ నేపథ్యంలో వీరేంద్ర సెహ్వాగ్‌ క్రిక్‌బజ్‌ షోలో మాట్లాడుతూ కీలక వ్యాఖ్యలు చేశాడు. ‘‘ఉమ్రాన్‌ మాలిక్‌ బౌలింగ్‌లో కచ్చితత్వం లేకుండా పోయింది. సరైన లైన్‌ అండ్‌ లెంగ్త్‌తో బౌల్‌ చేయలేకపోతున్నాడు. ఇప్పటికీ తను యువకుడే.  బౌలర్‌గా పూర్తి స్థాయి అనుభవం లేదు. డేల్‌ స్టెయిన్‌తో కలిసి పని చేశాడు. అయినా, అతడి ఆట తీరులో మార్పు రాలేదు. స్టెయిన్‌ దగ్గర అతడు చాలా నేర్చుకోవచ్చు. కానీ అలా ఏమీ కనిపించడం లేదు. లైన్‌ అండ్‌ లెంగ్త్‌ విషయంలో గత సీజన్‌లో మాదిరే ఈసారి కూడా కొన్ని తప్పులు చేశాడు’’ అని సెహ్వాగ్‌ పేర్కొన్నాడు. ఇక​ ఉమ్రాన్‌కు ఛాన్స్‌లు తక్కువగా ఇవ్వడంపై స్పందిస్తూ.. ‘‘ఈసారి ఉమ్రాన్‌కు ఎక్కువ మ్యాచ్‌లు ఆడే అవకాశం రాలేదు. ఏకంగా కెప్టెన్‌కే తన సెలక్షన్‌ గురించి అవగాహన లేదంటే జట్టులో ఏం జరుగుతుందో అర్థం చేసుకోవచ్చు. ఇలాంటి విషయాలు కచ్చితంగా ఆటగాడి ఆత్మవిశ్వాసాన్ని దెబ్బతీస్తాయి. ఏదేమైనా ఉమ్రాన్‌ తిరిగి ఫామ్‌లోకి రావాలంటే లోపాలు సరిదిద్దుకోవాల్సి ఉంది’’ అని సెహ్వాగ్‌ చెప్పుకొచ్చాడు. ఇక ఈసారి కూడా సన్‌రైజర్స్‌ దారుణ ప్రదర్శన కారణంగా పాయింట్ల పట్టికలో అట్టడుగున నిలిచి అభిమానుల ఆగ్రహానికి గురవుతున్న విషయం తెలిసిందే.  చదవండి: IPL 2023 CSK Vs GT : ‘ఫైనల్‌’కు ముందెవరు? IPL 2023: పోటీకి సై అంటున్న నాలుగు జట్లు! ప్లే ఆఫ్స్‌ షెడ్యూల్‌, వివరాలు ఇవే var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

IPL 2023: సీనియర్ల నుంచి సలహాలు, సూచనలు తీసుకోవడానికి జూనియర్లే ఒక అడుగు ముందుకు వేస్తే బాగుంటుందని టీమిండియా మాజీ ఓపెనర్‌ వీరేంద్ర సెహ్వాగ్‌ అన్నాడు. ఆటలో మెలకువలు తెలుసుకోవాలనే ఆసక్తి ఉండాలని.. తన కెరీర్‌ తొలినాళ్లలో దిగ్గజం సునిల్‌ గావస్కర్‌తో మాట్లాడేందుకు విశ్వప్రయత్నం చేశానని పేర్కొన్నాడు. దూసుకుపోతున్న గిల్‌ కానీ.. టీమిండియా యువ ఓపెనర్లు పృథ్వీ షా, శుబ్‌మన్‌ గిల్‌కు మాత్రం ఇలాంటి లక్షణాలు లేవని చురకలు అంటించాడు. కాగా ఐపీఎల్‌-2023లో గుజరాత్‌ టైటాన్స్‌ ఓపెనర్‌ గిల్‌ అద్భుత ప్రదర్శనతో దూసుకుపోతున్నాడు. గత మ్యాచ్‌లో సన్‌రైజర్స్‌పై సెంచరీ చేసిన ఈ యువ ఆటగాడు ఇప్పటి వరకు ఆడిన 13 మ్యాచ్‌లలో కలిపి 576 పరుగులు చేశాడు.  షా ఇప్పుడిలా ఇదిలా ఉంటే.. భారత్‌కు అండర్‌-19 వరల్డ్‌కప్‌ అందించిన గిల్‌ సమకాలీకుడు పృథ్వీ షా పరిస్థితి మాత్రం ఇందుకు భిన్నంగా ఉంది. ఐపీఎల్‌లో ఢిల్లీ క్యాపిటల్స్‌కు ప్రాతినిథ్యం వహిస్తున్న ఈ ముంబై బ్యాటర్‌ ఆరంభంలో పూర్తిగా విఫలమయ్యాడు. దీంతో జట్టులో చోటు కోల్పోయాడు. ఈ క్రమంలో పంజాబ్‌ కింగ్స్‌తో బుధవారం నాటి మ్యాచ్‌లో తిరిగి తుది జట్టులో స్థానం సంపాదించిన అతడు.. తొలిసారి బ్యాట్‌ ఝులిపించాడు. వార్నర్‌కు జోడీగా ఓపెనింగ్‌ చేసిన అతడు 38 బంతుల్లో 7 ఫోర్లు, ఒక సిక్సర్‌ సాయంతో 54 పరుగులు రాబట్టాడు. ఈ సీజన్‌లో ఇప్పటి వరకు 101 పరుగులు(7 ఇన్నింగ్స్‌) చేసిన అతడికి ఇదే అత్యధిక స్కోరు. నాతో యాడ్‌ షూట్‌ చేసినపుడు ఈ నేపథ్యంలో క్రిక్‌బజ్‌ షోలో వీరేంద్ర సెహ్వాగ్‌ చేసిన వ్యాఖ్యలు ప్రాధాన్యం సంతరించుకున్నాయి. ‘‘పృథ్వీ షా నాతో కలిసి ఓ యాడ్‌లో నటించాడు. శుబ్‌మన్‌ గిల్‌ కూడా అక్కడే ఉన్నాడు. మేమంతా దాదాపు ఆరు గంటల పాటు అక్కడే ఉన్నాం. వారిద్దరిలో ఒక్కరు కూడా నా దగ్గరకు వచ్చి క్రికెట్‌ గురించి మాట్లాడలేదు. నేనైతే టీమిండియాకు ఆడుతున్న కొత్తలో సన్నీ భాయ్‌(గావస్కర్‌)తో మాట్లాడటానికి చేయని ప్రయత్నం లేదు. ఓ రోజు జాన్‌రైట్‌ దగ్గరకు వెళ్లి.. ‘‘నేను కొత్త ప్లేయర్‌ని.. సన్నీ భాయ్‌ నాతో మాట్లాడతారో లేదో తెలియదు. కానీ నేను మాత్రం ఎలాగైనా ఆయనను కలవాలని అనుకుంటున్నానని చెప్పాను. గావస్కర్‌ నన్ను కలవాలనుకోడు.. నేనే వెళ్లాలి! కాబట్టి ఎలాగైనా మీటింగ్‌ ఏర్పాటు చేయమని కోరాను. ఓ రోజు రైట్‌ డిన్నర్‌ ఏర్పాటు చేశాడు. 2003-04లో నా ఓపెనింగ్‌ పార్ట్‌నర్‌ ఆకాశ్‌ చోప్రా. తను కూడా నాతో కలిసి సన్నీ భాయ్‌ దగ్గరకు వచ్చాడు. మేమిద్దరం కలిసి  డిన్నర్‌ చేస్తూ బ్యాటింగ్‌ ఎలా చేయాలన్న అంశం గురించి ఆయనతో చర్చించాం. మనకు ఏదేని విషయం పట్ల ఆసక్తి ఉండాలి. అందుకోసం మనమే రంగంలోకి దిగాలి. సునిల్‌ గావస్కర్‌ వచ్చి సెహ్వాగ్‌ లేదంటే చోప్రాతో మాట్లాడాలని అనుకోరు. మనమే ఆయన దగ్గరకు వెళ్లాలి’’ అని సెహ్వాగ్‌ చెప్పుకొచ్చాడు. సీనియర్లు అందుబాటులో ఉన్నపుడు వారితో చర్చిస్తే ఆటలో మెలకువలు తెలుసుకునే వీలుంటుందని.. అలాకాక సీనియర్లే తమకు దగ్గరకు వస్తారని ఆశించడం సరికాదని పరోక్షంగా షా, గిల్‌లకు చురకలు అంటించాడు.  వీరూ భాయ్‌ వ్యాఖ్యలు ప్రస్తుతం నెట్టింట చర్చనీయాంశంగా మారాయి. ‘‘షా, గిల్‌ల ప్రవర్తనతో ముల్తాన్‌ సుల్తాన్‌కు బాగా కోపం వచ్చినట్లుంది. అయినా భాయ్‌ చెప్పిందే కరెక్టే కదా! సీనియర్లు జూనియర్ల దగ్గరికి రారు. జూనియర్లే వెళ్లాలి. ఇప్పటికైనా అర్థమైందా షా, గిల్‌?’’ అంటూ తమదైన శైలిలో కామెంట్లు చేస్తున్నారు. చదవండి: ఈజీ క్యాచ్‌ డ్రాప్‌.. కోపంతో ఊగిపోయిన కు‍ల్దీప్‌ యాదవ్! వీడియో వైరల్‌ 

ఐపీఎల్‌-2023లో భాగంగా శనివారం అరుణ్‌జైట్లీ స్టేడియం వేదికగా ఢిల్లీ క్యాపిటల్స్‌తో జరిగిన మ్యాచ్‌లో 31 పరుగుల తేడాతో పంజాబ్‌ కింగ్స్‌ ఘన విజయం సాధించింది. ఈ ఘన విజయంతో పంజాబ్‌ తమ  ప్లేఆఫ్ ఆశలను సజీవంగా ఉంచుకుంది. ఇప్పటివరకు ఈ ఏడాది సీజన్‌లో 12 మ్యాచ్‌లు ఆడిన పంజాబ్‌ కింగ్స్‌.. ఆరింట విజయం సాధించి పాయింట్ల పట్టికలో ఆరో స్థానంలో నిలిచింది. ఇక ఈ పంజాబ్‌ విజమంలో ఆ జట్టు ఓపెనర్‌  ప్రభ్‌సిమ్రాన్ సింగ్ కీలక పాత్ర పోషించాడు. శిఖర్‌ ధావన్‌, లైమ్‌ లివింగ్‌ స్టోన్‌ వంటి ఆటగాళ్లు విఫలమైన చోట.. ప్రభ్‌సిమ్రాన్ సింగ్ అద్భుతమైన సెంచరీతో చెలరేగాడు.  ప్రభ్‌సిమ్రాన్ కేవలం 65 బంతుల్లోనే 10ఫోర్లు, 6 సిక్స్‌లతో 103 పరుగులు చేశాడు. పంజాబ్‌ 161  గౌరవప్రదమైన స్కోరు చేయడంలో ప్రభ్‌సిమ్రాన్ ముఖ్య పాత్ర పోషించాడు. ఇక మ్యాన్‌ ఆఫ్‌ది మ్యాచ్‌గా నిలిచిన  ప్రభ్‌సిమ్రాన్‌పై భారత మాజీ ఓపెనర్‌ వీరేంద్ర సెహ్వాగ్ ప్రశంసల వర్షం కురిపించాడు. అదే విధంగా పంజాబ్‌ ఆల్‌రౌండర్‌ సామ్‌ కర్రాన్‌ తన స్థాయికి తగ్గ ప్రదర్శన చేయడంలో విఫలమవతున్నాడని సెహ్వాగ్ విమర్శించాడు.                               కాగా ఐపీఎల్‌లో వేలంలో శామ్ కర్రాన్‌ను పంజాబ్‌ కింగ్స్‌ రూ.18. 5 కోట్ల భారీ ధరకు కొనుగొలు చేసిన సంగతి తెలిసిందే. ఇప్పటివరకు ఈ ఏడాది సీజన్‌లో 12 మ్యాచ్‌లు ఆడిన శామ్ కర్రాన్‌ 216 పరుగులతో పాటు కేవలం 7 వికెట్లు మాత్రమే పడగొట్టాడు.ఈ నేపథ్యంలో క్రిక్‌బజ్‌తో సెహ్వాగ్ మాట్లాడుతూ.. "ప్రభ్‌సిమ్రన్‌ జట్టులోకి వచ్చినప్పటి నుంచి పంజాబ్‌ కింగ్స్‌ అద్భుతంగా రాణిస్తోంది. అతడు ఇదే ఫామ్‌ను కొనసాగిస్తే.. పంజాబ్‌కు చాలా బెనిఫిట్‌ కలుగుతుంది. ప్రభ్‌సిమ్రన్‌ తన అరంగేట్ర సీజన్‌లో భారీ మొత్తం (రూ. 4.8 కోట్లు) దక్కించుకున్నాడు. కానీ ఇప్పుడు అతడు కేవలం రూ. 60 లక్షలకు మాత్రమే ఆడుతున్నాడు. అయితే ఈ మ్యాచ్‌లో ప్రభ్‌సిమ్రన్‌ తన టాలెంట్‌ ఎంటో చూపించాడు. అతడికి సెంచరీలు కొట్టగలిగే సత్తా ఉంది అని నిరూపించాడు. ఇటువంటి యువ ఆటగాడు అద్భుతమైన ఇన్నింగ్స్‌లతో జట్టును గెలిపిస్తుంటే అంతకు మించి ఏమి కావాలి. సామ్‌ కర్రాన్‌ను 18.5 కోట్లు పెట్టి పంజాబ్‌ కొనుగొలు చేసింది. ఏం లాభం. ఒక్క మ్యాచ్‌లో కూడా సరైన ప్రదర్శన చేయలేకపోతున్నాడు" అని పేర్కొన్నాడు. చదవండి: IPL 2023: నికోలస్ పూరన్ అరుదైన ఘనత.. ఐపీఎల్ చరిత్రలోనే రెండో ఆటగాడిగా 𝙋𝙧𝙖𝙗𝙝 𝙧𝙖𝙖𝙠𝙝𝙖 🔥 Maiden #TATAIPL 💯 for @prabhsimran01 🦁 to give @PunjabKingsIPL an edge in this crucial match!#EveryGameMatters #DCvPBKS #TATAIPL #IPL2023 #IPLonJioCinema pic.twitter.com/hicf7UINCM — JioCinema (@JioCinema) May 13, 2023  

ఐపీఎల్‌-2023లో టీమిండియా కెప్టెన్‌, ముంబై ఇండియన్స్‌ సారధి రోహిత్‌ శర్మ తన పేలవ ఫామ్‌ను కొనసాగిస్తున్నాడు. ఇప్పటి వరకు 10 మ్యాచ్‌లు ఆడిన అతడు 126.89 స్ట్రైక్ రేట్‌తో కేవలం 184 పరుగులు మాత్రమే చేశాడు. అంతేకాకుండా గత రెండు మ్యాచ్‌‍ల్లో హిట్‌మ్యాన్‌ డకౌట్‌గా వెనుదిరిగాడు. ఐపీఎల్‌ చరిత్రలో అత్యధిక డకౌట్‌లు అయిన ఆటగాడిగా రోహిత్‌ చెత్త రికార్డు నెలకొల్పాడు. ఈ క్యాష్‌ రిచ్‌ లీగ్‌లో రోహిత్‌ 16 సార్లు డకౌటయ్యాడు. ఈ నేపథ్యంలో రోహిత్‌ ఫామ్‌ను ఉద్దేశించి భారత మాజీ ఓపెనర్ వీరేంద్ర సెహ్వాగ్ కీలక వాఖ్యలు చేశాడు. రోహిత్‌ బ్యాటింగ్‌ టెక్నిక్‌లో ఎటువంటి సమస్య లేదని, అతడు మానసిక ఒత్తిడితో బాధపడుతున్నాడని సెహ్వాగ్ అభిప్రాయపడ్డాడు. "రోహిత్‌ శర్మ మానసిక ఒత్తిడికి లోనవుతున్నాడు. రోహిత్‌ తన ఆత్మవిశ్వాసాన్ని కోల్పోయాడు. అతడిలో కాస్త  గందరగోళం నెలకొంది. బౌలర్లను సమర్ధవంతంగా ఎదుర్కొలేకపోతున్నాడు. అతడి బ్యాటింగ్ టెక్నిక్‌తో ఎటువంటి సమస్య లేదు. అయితే హిట్‌మ్యాన్‌కు ఒక్క ఇన్నింగ్స్‌ చాలు, ఫామ్‌లోకి వస్తే ఆపడం ఎవరూ తరం కాదు అని స్టార్‌ స్పోర్ట్స్‌ క్రికెట్‌ లైవ్‌లో సెహ్వాగ్ పేర్కొన్నాడు. చదవండి: IPL 2023: ముంబై ఇండియన్స్‌కు బిగ్‌ షాక్‌.. స్టార్‌ బౌలర్‌ దూరం! జోర్డాన్‌ ఎం‍ట్రీ

ఐపీఎల్‌-2023లో భాగంగా ఆదివారం గుజరాత్‌ టైటాన్స్‌తో జరిగిన మ్యాచ్‌లో లక్నో సూపర్‌ జెయింట్స్‌ ఘోర ఓటమి చవిచూసిన సంగతి తెలిసిందే. ఈ మ్యాచ్‌లో 56 పరుగుల తేడాతో లక్నో పరాజయం పాలైంది. 228 పరుగల భారీ లక్క్ష్య ఛేదనలో లక్నోకు ఓపెనర్లు డికాక్‌, కైల్‌ మైర్స్‌ అదిరిపోయే ఆరంభం ఇచ్చారు. అయినప్పటికీ మిడిలార్డర్‌లో బ్యాటర్లు రాణించకపోవడంతో నిర్ణీత 20 ఓవర్లలో 171 పరుగులకే లక్నో పరిమితమైంది. ఇక లక్నో ఓటమిపై టీమిండియా మాజీ ఓపెనర్‌ వీరేంద్ర సెహ్వాగ్ కీలక వాఖ్యలు చేశాడు. లక్నో తీసుకున్న అనాలోచిత నిర్ణయం కారణంగానే పరాజయం పాలైంది అని సెహ్వాగ్ అభిప్రాయపడ్డాడు. దీపక్ హుడాకు బదులుగా మూడో స్థానంలో  ఇన్-ఫామ్ బ్యాటర్‌ను పంపి ఉండాల్సిందని సెహ్వాగ్ తెలిపాడు. "10 ఓవర్లకు లక్నో కేవలం ఒక వికెట్‌ మాత్రమే నష్టపోయి 102 పరుగులతో పటిష్టంగా కన్పించారు. ఇటువంటి స్థితిలో ఉన్న లక్నో ఇంత భారీ తేడాతో ఓడిపోతుందని అస్సలు ఊహించలేదు. మొదటి వికెట్ తర్వాత ఫామ్‌లో ఉన్న బ్యాటర్ రావల్సింది. పూరన్, మార్కస్ స్టోయినిస్, కెప్టెన్‌ కృనాల్ పాండ్యా వచ్చినా బాగుండేది. అదే విధంగా వారి ఆఖరి మ్యాచ్‌లో చెన్నైపై అద్భుత ఇన్నింగ్స్‌ ఆడిన ఆయుష్ బదోని అయినా పంపాల్సింది. కానీ లక్నో మాత్రం వీరివ్వరూ కాకుండా దీపక్‌ హుడాను బ్యాటింగ్‌కు వచ్చాడు. అస్సలు హుడాను ఎందుకు పంపారో ఆర్ధం కావడం లేదు. అదే వాళ్ల కొంపముంచింది" అని క్రిక్‌బజ్‌తో సెహ్వాగ్ పేర్కొన్నాడు. చదవండి: WTC FInal 2023: రుత్‌రాజ్‌ గైక్వాడ్‌కు బంపరాఫర్‌.. డబ్ల్యూటీసీ ఫైనల్‌ జట్టులో!

ఐపీఎల్‌-2023లో రాజస్తాన్‌ రాయల్స్‌తో జరిగిన మ్యాచ్‌లో 3 వికెట్ల తేడాతో గుజరాత్‌ టైటాన్స్‌ ఓటమి పాలైన సంగతి తెలిసిందే. ఈ క్రమంలో గుజరాత్‌ కెప్టెన్‌ హార్దిక్‌ పాండ్యాపై టీమిండియా మాజీ ఓపెనర్‌ సెహ్వాగ్‌ ఆసక్తికర వాఖ్యలు చేశాడు. కట్టుదిట్టంగా బౌలింగ్‌ చేసిన మొహిత్‌ శర్మకు మరో ఓవర్‌ ఇవ్వకపోవడమే గుజరాత్‌ ఓటమికి కారణమని సెహ్వాగ్‌ అభిప్రాయపడ్డాడు. కాగా ఈ మ్యాచ్‌లో మొహిత్‌ శర్మ రెండు ఓవర్లు వేసి కేవలం 7 పరుగులు మాత్రమే ఇచ్చాడు. అయినప్పటికీ హార్దిక్‌.. మొహిత్‌ పూర్తి ఓవర్ల కోటాను పూర్తి చేయలేదు. అహ్మదాబాద్‌ వికెట్‌పై పేసర్లతో పోలిస్తే స్పిన్నర్లను ఎదుర్కొవడం కష్టమని గుజరాత్‌ భావించింది. అందుకే హార్దిక్‌ మోహిత్ శర్మకు మరో ఓవర్‌ ఇవ్వలేదు అనుకుంటా. రషీద్‌, నూర్‌ అహ్మద్‌ వికెట్లు తీస్తారని గుజరాత్‌ ఆశించింది. కానీ గుజరాత్‌ ప్లాన్‌ బెడిసి కొట్టింది. కనీసం ఆఖరి ఓవర్‌ అయినా మొహిత్‌ శర్మ ఇవ్వాల్సింది. తన మొదటి రెండు ఓవర్లలో కేవలం ఏడు పరుగులు మాత్రమే ఇచ్చిన బౌలర్‌కు మరో ఓవర్‌ ఇవ్వకపోవడం ఆశ్చర్యం కలిగించింది" అని క్రిక్‌బజ్‌కు ఇచ్చిన ఇంటర్వ్యూలో సెహ్వాగ్‌ పేర్కొన్నాడు. చదవండి: IPL 2023 GT Vs RR: షమీపై సీరియస్‌ అయిన హార్దిక్‌.. సీనియర్లకు ఇచ్చే విలువ ఇదేనా? వీడియో​వైరల్‌

IPL 2023 RCB Vs DC- Sehwag Slams Ricky Ponting: ‘‘ఒక జట్టు గెలిస్తే క్రెడిట్‌ కోచ్‌కి ఇస్తారు. మరి ఓడిపోయినప్పుడు జవాబుదారీగా ఉండాల్సింది కూడా వాళ్లే కదా! గతంలో అన్నట్లుగా ఇప్పుడు అదే మాట చెప్తున్నా.. రిక్కీ పాంటింగ్‌ కోచ్‌గా అద్భుతంగా తన బాధ్యతలు నిర్వర్తిస్తున్నాడు.  ఢిల్లీ క్యాపిటల్స్‌ను ఫైనల్‌కు తీసుకువెళ్లాడు. గత కొన్నేళ్లుగా వాళ్లు ప్రతి సీజన్‌లో దాదాపు ప్లే ఆఫ్స్‌ చేరుకుంటున్నారు. వీటన్నింటికీ క్రెడిట్‌ తీసుకుంటున్న రిక్కీ పాంటింగ్‌.. ఓటములకు కూడా బాధ్యత వహించాలి.  ఇదేమైనా టీమిండియా అనుకున్నావా ఇదేమీ టీమిండియా కాదు.. గెలిచినప్పుడు క్రెడిట్‌ మాదే అని చెప్పుకొంటూ.. ఓడినపుడు మాత్రం ఇంకెవరినో నిందిస్తూ బాధ్యులను చేయడానికి! నిజానికి ఐపీఎల్‌లో కోచ్‌ పాత్ర సున్నా. ఆటగాళ్లకు తమపై తాము విశ్వాసం కోల్పోకుండా ప్రతి మేనేజ్‌మెంట్‌ అన్ని రకాలుగా అండగా నిలవాలి. అయితే, జట్టు మెరుగైన ప్రదర్శన చేసినపుడు మాత్రమే కోచ్‌కు విలువ వస్తుంది. ప్రస్తుత సీజన్‌లో ఢిల్లీ ప్రదర్శన అత్యంత దారుణంగా ఉంది. ఇప్పటికైనా లోపాలు తెలుసుకుని.. వాటిని సరిచేసుకుంటేనే ముందుకు సాగే అవకాశం ఉంటుంది’’ అని టీమిండియా మాజీ ఓపెనర్‌ వీరేంద్ర సెహ్వాగ్‌ అన్నాడు. పాంటింగ్‌ అసలేం చేస్తున్నాడు? ఢిల్లీ కోచ్‌ రిక్కీ పాంటింగ్‌ అసలు ఏం చేస్తున్నాడో అర్థం కావడం లేదంటూ విమర్శలు గుప్పించాడు. గెలిచినపుడు క్రెడిట్‌ తీసుకోవడం కాదని.. వరుస ఓటములకు బాధ్యత వహించాలంటూ ఘాటు వ్యాఖ్యలు చేశాడు. ఐపీఎల్‌-2023లో ఆర్సీబీతో శనివారం నాటి మ్యాచ్‌లో ఓటమితో ఢిల్లీ క్యాపిటల్స్‌ పరాజయాల సంఖ్య ఐదుకు చేరింది. తాజా ఎడిషన్లో ఇంతవరకు ఒక్క గెలుపు కూడా నమోదు చేయని జట్టుగా వార్నర్‌ బృందం అపఖ్యాతిని మూటగట్టుకుంది. ఆడిన ఐదింటిలో ఐదు ఓడి పాయింట్ల పట్టికలో ఆఖరి స్థానంలో నిలిచింది. లోపాలు సవరించుకోవాలి ఈ నేపథ్యంలో ఆర్సీబీతో మ్యాచ్‌లో ఢిల్లీ ఓటమి అనంతరం క్రిక్‌బజ్‌ షోలో మాట్లాడుతూ వీరూ భాయ్‌ తన అభిప్రాయాలు పంచుకున్నాడు. వరుస పరాజయాలకు కోచ్‌ రిక్కీ పాంటింగ్‌ను బాధ్యుడిని చేయాలని పేర్కొన్నాడు. ఇప్పటికైనా లోపం ఎక్కడుందో గమనించి.. పొరపాట్లు సరిచేసుకోవాలని సూచించాడు. లేదంటే చెత్త రికార్డులతో ఇంటిబాట పట్టక తప్పదని హెచ్చరించాడు.  చదవండి: గంగూలీ స్థాయి పెరిగింది.. కోహ్లి అలా... రవిశాస్త్రి ఇలా! అధికారం ఉండదంటూ.. సెంచరీతో చెలరేగిన బాబర్‌.. ఎవరికీ అందనంత ఎత్తులో! Back to winning ways 🙌@RCBTweets register a 23-run win at home and clinch their second win of the season 👏👏 Scorecard ▶️ https://t.co/xb3InbFbrg #TATAIPL | #RCBvDC pic.twitter.com/5lE5gWQm8H — IndianPremierLeague (@IPL) April 15, 2023 var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

వీరేంద్ర సెహ్వాగ్.. భారత క్రికెట్‌ చరిత్రలో తన పేరును సువర్ణ అక్షరాలతో లిఖించుకున్నాడు. ఒక యువ క్రికెటర్‌గా మాస్టర్‌ బ్లాస్టర్‌ సచిన్‌ టెండూల్కర్‌ను ఆదర్శంగా తీసుకుని  భారత జట్టులో అడుగుపెట్టిన సెహ్వాగ్.. తన ఆరాధ్య దైవంతోనే ఓపెనింగ్‌ స్థానాన్ని పంచుకున్నాడు. మాస్టర్‌ బ్లాస్టర్‌తో కలిసి భారత జట్టుకు ఎన్నో అద్భుతమైన విజయాలను వీరేంద్రుడు అందించాడు. సొంత గడ్డపై 2011 వన్డే ప్రపంచకప్‌ను టీమిండియా సొంతం చేసుకోవడంలో వీరిద్దరూ కీలక పాత్ర పోషించారు. కాగా వీరూ, సచిన్‌ ఫీల్డ్‌లోనే కాకుండా బయట కూడా మంచి స్నేహితులు. ఈ విషయం చాలా సందర్భాల్లో రుజువైంది. అయితే 2011 వన్డే ప్రపంచకప్‌ సందర్భంగా సచిన్‌తో జరిగిన ఓ ఫన్నీ సంఘటనను సెహ్వాగ్ స్టార్‌స్పోర్ట్‌ వేదికగా అభిమానులతో పంచుకున్నాడు. కాగా సెహ్వాగ్‌కు బ్యాటింగ్ చేసేటప్పుడు పాటలు పాడే అలవాటు ఉందని మనందరికీ తెలుసు. అతడు తన రిథమ్‌ను పొందడానికి బ్యాటింగ్‌ చేసేటప్పుడు పాటలు పాడుతూ ఉంటాడు. అయితే  2011 వన్డే ప్రపంచకప్‌లో తన అలవాటు సచిన్‌కు చిరాకు తెప్పించిందని సెహ్వాగ్‌ తెలిపాడు. అంతేకాకుండా మాస్టర్‌ బ్యాట్‌తో తనను సరదగా కొట్టాడని సెహ్వాగ్‌ చెప్పాడు. "మేము 2011 ప్రపంచకప్‌లో దక్షిణాఫ్రికాతో ఆడుతున్నాం. నేను బ్యాటింగ్ చేస్తూ పాటలు పాడుతున్నాను. ఈ సమయంలో సచిన్‌ కూడా మంచి టచ్‌లో బ్యాటింగ్‌ చేస్తున్నాడు. మాస్టర్‌కు  ఓవర్ల మధ్య మాట్లాడే అలవాటు ఉంది, కానీ నేను అస్సలు మాట్లాడను. నేను ఏకాగ్రత పొందేందుకు పాటలు పాడుతుంటాను. అలా తొలి మూడు ఓవర్ల పాటు జరిగింది. నాలుగో ఓవర్‌ తర్వాత సచిన్‌ వెనుక నుండి వచ్చి నన్ను బ్యాట్‌తో కొట్టాడు. సచిన్‌ నా దగ్గరకు వచ్చి నీవు అలా కిషోర్‌ కుమార్‌లా పాటలు పాడుతూ ఉంటే నేను పిచ్చివాడిని అవుతాను అంటూ అన్నాడు" అంటూ సెహ్వాగ్‌ స్టార్‌స్పోర్ట్స్‌కు ఇచ్చిన ఇంటర్వ్యూలో పేర్కొన్నాడు. కాగా దక్షిణాఫ్రికాతో జరిగిన మ్యాచ్‌లో వీరిద్దరూ తొలి వికెట్‌కు 142 పరుగుల భారీ భాగస్వామ్యం నెలకొల్పారు. సెహ్వాగ్‌(73) పరుగులు చేయగా.. సచిన్‌(111) సెంచరీతో చెలరేగాడు. అయితే ఈ మ్యాచ్‌లో భారత్‌ అనూహ్యంగా ప్రోటీస్‌ జట్టు చేతిలో ఓటమిపాలైంది. చదవండి: IPL 2023: ఓటమి బాధలో ఉన్న చెన్నైకి బిగ్‌ షాక్‌! ధోనికి గాయం..

ఐపీఎల్‌ 16వ సీజన్‌లో ఢిల్లీ క్యాపిటల్స్‌ హ్యాట్రిక్‌ ఓటములను నమోదు చేసిన సంగతి తెలిసిందే. శనివారం రాజస్తాన్‌ రాయల్స్‌తో జరిగిన మ్యాచ్‌లో 57 పరుగుల తేడాతో పరాజయం పాలైంది. అయితే కెప్టెన్‌ డేవిడ్‌ వార్నర్‌ 65 పరుగులతో టాప్‌ స్కోరర్‌గా నిలిచినప్పటికి అతను స్లోగా ఆడడమే జట్టు ఓటమికి కారణమని కొందరు మాజీలు విమర్శలు వ్యక్తం చేశారు.ఈ విషయంలో భారత మాజీ ఆటగాడు వీరేంద్ర సెహ్వాగ్ ఓ అడుగు ముందుకు వెళ్లి మరి షాకింగ్ కామెంట్స్ చేశాడు. ఈ విధంగా ఆడేటట్లయితే ఐపీఎల్‌కు రావాల్సిన అవసరం లేదని విమర్శించాడు.  "నేను చెప్పే మాటలు ఇప్పుడు వార్నర్‌ను హర్ట్ చేయవచ్చు. డేవిడ్ నువ్వు వింటున్నావుకుంటున్నా. దయచేసి బాగా ఆడు. 25 బంతుల్లో 50 పరుగులు ఎలా చేయాలో రాజస్థాన్ ఓపెనర్ యశస్వి జైస్వాల్‌ను చూసి నేర్చుకో. అతడు 25 బంతుల్లోనే అర్ధశతకం చేశాడు. ఒకవేళ నీకు సాధ్యం కాకపోతే ఐపీఎల్‌కు వచ్చి నువ్వు ఆడాల్సిన అవసరం లేదు. డేవిడ్ నువ్వు 55-60 పరుగులు చేసే బదులు 30 పరుగులలోపు ఔటైనా జట్టుకు పెద్దగా ఉండదు. బహుశా ఇంకా మెరుగ్గా ఆడి ఉండేది. త్వరగా ఔటవ్వడం వల్ల రోవ్‌మన్ పోవెల్, ఇషాన్ పోరెల్ లాంటి ఆటగాళ్లు అవకాశముండేది. వారు వచ్చే సమయానికి బంతులు మిగిలి లేవు. ఆ ప్లేయర్లు జట్టులో పెద్ద హిట్టర్లు." అని సెహ్వాగ్ ఆగ్రహం వ్యక్తం చేశాడు. ఇక మ్యాచ్‌లో 200 పరుగుల భారీ లక్ష్య ఛేదనలో దిల్లీ జట్టు 20 ఓవర్లలో 9 వికెట్ల నష్టానికి కేవలం 142 పరుగులే చేయగలిగింది. ఫలితంగా రాజస్థాన్ 57 పరుగుల తేడాతో ఘనవిజయం సాధించింది. దిల్లీ బ్యాటర్లలో కెప్టెన్ డేవిడ్ వార్నర్(65) అర్ధ శతకంతో ఆకట్టుకున్నప్పటికీ తన జట్టుకు విజయాన్ని అందించలేకపోయాడు. రాజస్థాన్ బౌలర్లలో యజువేంద్ర చాహల్, ట్రెంట్ బౌల్ట్ చెరో 3 వికెట్లతో ఆకట్టుకోగా.. అశ్విన్ 2 వికెట్లతో రాణించాడు. చదవండి: ధోని విలువైన పాఠాలు.. తర్వాతి మ్యాచ్‌ నుంచి బాదుడేనా!

IPL 2023 KKR Vs RCB: రాయల్‌ చాలెంజర్స్‌ బెంగళూరు బ్యాటర్ల ఆట తీరుపై టీమిండియా మాజీ ఓపెనర్‌ వీరేంద్ర సెహ్వాగ్‌ విమర్శలు గుప్పించాడు. ప్రతిసారీ విరాట్‌ కోహ్లి, డుప్లెసిస్‌పై ఆధారపడటం సరికాదంటూ చురకలు అంటించాడు. మిగతా వాళ్లు కూడా కాస్త బ్యాట్‌ ఝులిపించాలంటూ హితబోధ చేశాడు. ముఖ్యంగా గ్లెన్‌ మాక్స్‌వెల్‌, దినేశ్‌ కార్తిక్‌ తమ వంతు పాత్ర పోషించాలని వీరూ భాయ్‌ సూచించాడు. ఐపీఎల్‌-2023లో కోల్‌కతా నైట్‌ రైడర్స్‌తో మ్యాచ్‌లో ఆర్సీబీ 81 పరుగుల భారీ తేడాతో ఓటమిని మూటగట్టుకుంది. టాస్‌ ఓడి తొలుత బ్యాటింగ్‌ దిగిన కేకేఆర్‌ శార్దూల్‌ ఠాకూర్‌, రింకూ సింగ్‌ మెరుపు ఇన్నింగ్స్‌తో సొంత మైదానంలో 204 పరుగులు స్కోరు చేసింది. అంతా చేతులెత్తేశారు లక్ష్య ఛేదనకు దిగిన ఆర్సీబీకి శుభారంభం అందించిన ఓపెనర్లు విరాట్‌ కోహ్లి (21), ఫాఫ్‌ డుప్లెసిస్‌ (23) త్వరగానే పెవిలియన్‌ చేరడంతో కష్టాలు మొదలయ్యాయి. వన్‌డౌన్‌లో వచ్చిన మైకేల్‌ బ్రేస్‌వెల్‌ 19 పరుగులు చేయగా.. గ్లెన్‌ మాక్స్‌వెల్‌(5) పూర్తిగా నిరాశపరిచాడు. సింగిల్‌ డిజిట్‌ స్కోర్లు ఆ తర్వాతి స్థానాల్లో బ్యాటింగ్‌ చేసిన హర్షల్‌ పటేల్‌(0), షాబాజ్‌ అహ్మద్‌ (1), దినేశ్‌ కార్తిక్‌ (9), అనూజ్‌ రావత్‌ (1) సింగిల్‌ డిజిట్‌ స్కోర్లకే పరిమితం అయ్యారు. తొమ్మిదో స్థానంలో వచ్చిన పేస్‌ ఆల్‌రౌండర్‌ 20 పరుగులతో అజేయంగా నిలవగా.. ఆకాశ్‌ దీప్‌ 17 పరుగులు చేయగలిగాడు. ఈ క్రమంలో 123 పరుగులకే ఆలౌట్‌ అయిన ఆర్సీబీ పదహారో ఎడిషన్‌లో తొలి పరాజయం నమోదు చేసింది.  డీకే, మాక్సీ ఏం చేస్తున్నారు? ఈ నేపథ్యంలో క్రిక్‌బజ్‌ షోలో మాట్లాడిన వీరేంద్ర సెహ్వాగ్‌.. ‘‘ప్రతిసారి ఇద్దరు ఆటగాళ్ల మీద ఆధారపడటం సరికాదు. విరాట్‌ కోహ్లి, ఫాఫ్‌ డుప్లెసిస్‌ రాణిస్తే మాత్రమే ఆర్సీబీ గెలుస్తుందనిపిస్తోంది. ఇలా జరుగకూడదు కదా! గ్లెన్‌ మాక్స్‌వెల్‌, దినేశ్‌ కార్తిక్‌ కూడా పరుగులు సాధించాలి. ఇంపాక్ట్‌ ప్లేయర్‌గా వచ్చిన అనూజ్‌ రావత్‌ కూడా బాధ్యతగా వ్యవహరించాలి. ఆర్సీబీ ఇప్పటికైనా అతడి కంటే బెటర్‌ ఆప్షన్‌ ఉంటే చూసుకోవాలి’’ అని అభిప్రాయపడ్డాడు. ఏదేమైనా మంచే జరిగింది ‘‘ఏదేమైనా టాపార్డర్‌ విఫలమైతే, బ్యాటింగ్‌ ఆర్డర్‌ కుదేలైతే ఆ జట్టు పరిస్థితి ఎలా ఉంటుందో ఇప్పటికే జట్లన్నింటికీ అవగతమే. గతంలో ఎన్నోసార్లు ఆయా జట్లు ఇలాంటి చేదు అనుభవాలు ఎదుర్కొన్నాయి. ఈసారి ఆర్సీబీకి రెండో మ్యాచ్‌లోనే ఇలా జరగడం మంచిదైంది. ఒకవేళ 8-9 మ్యాచ్‌ల తర్వాత ఇలా జరిగి ఉంటే కష్టమైపోయేది. ఆదిలోనే లోపాలు సరిదిద్దుకుంటే మిగతా మ్యాచ్‌లలో మరింత మెరుగ్గా రాణించే అవకాశాలు ఉంటాయి’’ అని సెహ్వాగ్‌ చెప్పుకొచ్చాడు. చదవండి: కోహ్లి వచ్చాడు.. కోపంగా బ్యాట్‌ విసిరేశాడు.. పక్కనే కూర్చున్న నాతో.. నీరజ్‌చోప్రా తమ్ముడిలా ఉన్నాడు.. 'ఇంపాక్ట్‌'ను భలే వాడింది పో! ఎందుకు వస్తున్నాడో తెలియదు.. చెత్త బ్యాటింగ్‌! ప్రతీసారి ఇంతే A memorable first victory of #TATAIPL 2023 at home.@KKRiders secure a clinical 81-run win over #RCB ⚡️⚡️ Scorecard - https://t.co/J6wVwbsfV2#TATAIPL | #KKRvRCB pic.twitter.com/0u57nKO57G — IndianPremierLeague (@IPL) April 6, 2023

2018లో టీమిండియా తరఫున అరంగేట్రం చేసిన సమయంలో.. ‘‘వీరేంద్ర సెహ్వాగ్‌, బ్రియన్‌ లారా, సచిన్‌ టెండుల్కర్‌’’ వంటి స్టార్‌ బ్యాటర్ల సరసన చేరే సత్తా కలిగిన వాడు ఈ యంగ్‌స్టర్‌... జాతీయ జట్టుకు ఆడిన తొలి టెస్టులోనే సెంచరీ(134) సాధించిన సమయంలో ముంబై బ్యాటర్‌ పృథ్వీ షాను ఉద్దేశించి టీమిండియా దిగ్గజం రవిశాస్త్రి చేసిన వ్యాఖ్యలు ఇవి. కానీ ప్రస్తుతం ఈ ‘స్టార్‌ బ్యాటర్‌’ దేశవాళీ క్రికెట్‌లో రాణిస్తున్నా టీమిండియాలో మాత్రం అవకాశాలు దక్కించుకోలేకపోతున్నాడు. అదే సమయంలో పృథ్వీ సారథ్యంలో అండర్‌-19 వరల్డ్‌కప్‌ ఆడిన మరో యువ ఓపెనర్‌ శుబ్‌మన్‌ గిల్‌ మాత్రం భారత జట్టులో కీలక సభ్యుడిగా ఎదుగుతున్నాడు. మూడు ఫార్మాట్లలోనూ సెంచరీలతో చెలరేగుతూ టీమిండియా ఓపెనర్‌గా తన స్థానాన్ని సుస్థిరం చేసే పనిలో ఉన్నాడు. అదే విధంగా ఫ్రాంఛైజీ క్రికెట్‌లోనూ అదరగొడుతున్నాడు. అరంగేట్ర సీజన్‌లోనే అదరగొట్టిన గుజరాత్‌ టైటాన్స్‌లో గిల్‌ సభ్యుడు.  తమ జట్టును టైటిల్‌ విజేతగా నిలపడంలో కీలక పాత్ర పోషించిన ఈ పంజాబీ బ్యాటర్‌ ఐపీఎల్‌-2023లో చెన్నై సూపర్‌ కింగ్స్‌తో ఆరంభ మ్యాచ్‌లోనూ దంచికొట్టాడు. అద్భుతమైన అర్ధ శతకం(63)తో ఐపీఎల్‌ పదహారో సీజన్‌ ఆరంభించాడు. ఒక్కసారి వాళ్లను చూడు కానీ పృథ్వీ షా పరిస్థితి ఇందుకు పూర్తి భిన్నంగా ఉంది. లక్నో సూపర్‌ జెయింట్స్‌తో తమ తొలి మ్యాచ్‌లో కేవలం 12 పరుగులకే పెవిలియన్‌ చేరిన ఈ ఢిల్లీ క్యాపిటల్స్‌ ఓపెనర్‌.. రెండో మ్యాచ్‌లోనూ ఉసూరుమనిపించాడు. గుజరాత్‌ టైటాన్స్‌తో మ్యాచ్‌లో ఏడు పరుగులు మాత్రమే చేసి అవుటయ్యాడు. అది కూడా చెత్త షాట్‌ సెలక్షన్‌తో! ఈ నేపథ్యంలో టీమిండియా మాజీ ఓపెనర్‌ వీరేంద్ర సెహ్వాగ్‌.. పృథ్వీ షా ఆట తీరుపై విమర్శలు గుప్పించాడు. తన తోటి ఆటగాళ్లు గిల్‌, రుతురాజ్‌ గైక్వాడ్‌ పరుగుల వరద పారిస్తూ దూసుకుపోతుంటే షా మాత్రం ఇంకా వెనుకబడే ఉన్నాడని, షాట్ల ఎంపిక విషయంలో తప్పులు చేస్తున్నాడంటూ చురకలు అంటించాడు. గుణపాఠాలు నేర్చుకోవడం లేదు ఈ మేరకు క్రిక్‌బజ్‌ షోలో మాట్లాడుతూ.. ‘‘ఇలాంటి చెత్త షాట్లతో ఇప్పటికే చాలా సార్లు వికెట్‌ సమర్పించుకున్నాడు. కానీ తప్పుల నుంచి గుణపాఠాలు మాత్రం నేర్చుకోలేకపోతున్నాడు. అదే శుబ్‌మన్‌ గిల్‌ను చూడండి.. షా కెప్టెన్సీలో అండర్‌-19 క్రికెట్‌ ఆడిన వాడే కదా.. తను మాత్రం ప్రస్తుతం టీమిండియా తరఫున టెస్టులు, వన్డేలు, టీ20లలో కీలక ప్లేయర్‌గా ఎదిగాడు.  అంతేకాదు ఐపీఎల్‌లోనూ సత్తా చాటుతున్నాడు. మరోవైపు రుతురాజ్‌ గైక్వాడ్‌ ఐపీఎల్‌లో 600కు పైగా పరుగులు చేసి ఆరెంజ్‌ ​క్యాప్‌ గెలిచాడు. శుబ్‌మన్‌ గిల్‌ కూడా మెరుగైన ఇన్నింగ్స్‌ ఆడుతున్నాడు. కానీ షా ఐపీఎల్‌లో నిలకడైన ప్రదర్శన కనబరచలేకపోతున్నాడు’’ అని సెహ్వాగ్‌.. పృథ్వీ షా ఆట తీరును విమర్శించాడు. కాగా గుజరాత్‌తో మంగళవారం నాటి మ్యాచ్‌లో పృథ్వీ.. మహ్మద్‌ షమీ ట్రాప్‌లో చిక్కి అల్జారీ జోసెఫ్‌నకు క్యాచ్‌ ఇచ్చి పెవిలియన్‌ చేరాడు. చదవండి: DC Vs GT: రానున్న రెండేళ్లలో ఫ్రాంఛైజ్‌ క్రికెట్‌తో పాటు టీమిండియాలో కూడా! ఐపీఎల్‌తో పాటు డబ్ల్యూటీసీ ఫైనల్‌కు దూరం! వరల్డ్‌కప్‌ టోర్నీకి కూడా

IPL 2023- CSK- Ruturaj Gaikwad: ‘‘అతడు కేవలం ఫిఫ్టీలు కొట్టడమే కాదు.. వాటిని సెంచరీలుగా మలచడంలోనూ సఫలమయ్యే సత్తా కలిగిన వాడు. అందుకే మిగతా వారితో పోలిస్తే మరింత ప్రత్యేకంగా కనిపిస్తాడు. గత రెండు సీజన్లలో సీఎస్‌కే తరఫున పరుగుల వరద పారించాడు. శతకం కూడా బాదాడు. కానీ ఎందుకో టీమిండియాలో అతడి పెద్దగా అవకాశాలు లభించలేదు. జట్టులో సుస్థిరమైన చోటు కోసం ఇంకా ఎదురుచూడాల్సి వస్తోంది. ఒకవేళ ఈ సీజన్‌లో బాగా ఆడితే అయినా మరోసారి భారత జట్టులో తన పేరు చూస్తామేమో!’’ అని టీమిండియా మాజీ ఓపెనర్‌ వీరేంద్ర సెహ్వాగ్‌ అన్నాడు. ధోనికి సరైన వారసుడు చెన్నై సూపర్‌ కింగ్స్‌ ఓపెనర్‌ రుతురాజ్‌ గైక్వాడ్‌ను ఉద్దేశించి ఈ వ్యాఖ్యలు చేసిన వీరూ భాయ్‌.. అతడికి టీమిండియాలో మరిన్ని అవకాశాలు ఇవ్వాల్సిందని అభిప్రాయపడ్డాడు. అదే విధంగా.. సీఎస్‌కే సారథిగా మహేంద్ర సింగ్‌ ధోనికి అతడే సరైన వారసుడు అనిపిస్తున్నాడంటూ.. రుతు నైపుణ్యాలను కొనియాడాడు.  కాగా 2021 ఐపీఎల్‌ సీజన్లో రుతురాజ్‌ చెన్నై తరఫున 16 ఇన్నింగ్స్‌లో 635 పరుగులు సాధించాడు. ఆ సీజన్‌లో రుతు అత్యధిక స్కోరు 101 నాటౌట్‌. ఆరెంజ్‌ క్యాప్‌ హోల్డర్‌ కూడా! 2022లో మాత్రం 14 ఇన్నింగ్స్‌లో 368 పరుగులు చేసిన ఈ ముంబై కెప్టెన్‌.. తాజా సీజన్‌ను ఘనంగా ఆరంభించాడు. అదిరే ఆరంభం గుజరాత్‌ టైటాన్స్‌తో ఐపీఎల్‌-2023 ఆరంభ మ్యాచ్‌లో 92 పరుగులతో చెలరేగాడు. ఇప్పటి వరకు అత్యధిక పరుగుల వీరుల జాబితాలో ముందంజలో ఉన్నాడు. ఇక ఐపీఎల్‌తో పాటు దేశవాళీ క్రికెట్‌లో దంచికొట్టే రుతురాజ్‌ 2021లో శ్రీలంకతో టీ20 మ్యాచ్‌తో అంతర్జాతీయ క్రికెట్‌లో అడుగుపెట్టాడు. ఆ మరుసటి ఏడాది సౌతాఫ్రికాతో స్వదేశంలో సిరీస్‌ సందర్భంగా వన్డేల్లోనూ అరంగేట్రం చేశాడు. ఎందుకు అవకాశాలు ఇవ్వడం లేదో! దేశవాళీ క్రికెట్‌లో ముంబై సారథిగా వ్యవహరిస్తున్న ఈ యువ ఓపెనర్‌.. ఇప్పటి వరకు అంతర్జాతీయ కెరీర్‌లో 9 టీ20లు(135 పరుగులు), ఒక వన్డే(19 పరుగులు)  మాత్రమే ఆడాడు. శుబ్‌మన్‌ గిల్‌, ఇషాన్‌ కిషన్‌ల రూపంలో పోటీ ఎదుర్కొంటున్న 26 ఏళ్ల రుతుకు టీమిండియాలో ఎక్కువగా అవకాశాలు రావడం లేదు. ఒకవేళ జట్టుకు ఎంపికైనా తుదిజట్టులో స్థానం సంపాదించలేకపోతున్నాడు. ఈ నేపథ్యంలో వీరేంద్ర సెహ్వాగ్‌ క్రిక్‌బజ్‌తో మాట్లాడుతూ ఈ మేరకు వ్యాఖ్యలు చేయడం గమనార్హం. చదవండి: IPL 2023- Bhuvneshwar Kumar: నువ్వసలు పనికిరావు.. పైగా ఇలా మాట్లాడతావా? చెత్తగా ఆడిందే గాక.. మార్కరమ్ విధ్వంసకర ఇన్నింగ్స్‌.. సౌతాఫ్రికాకు ప్రపంచకప్‌ బెర్తు ఖరారు! ఒక్కడివే 175 కొట్టావు.. కానీ ఇక్కడ అంతా కలిసి..

లెజెండ్స్‌ క్రికెట్‌ ట్రోఫీ-2023లో భాగంగా పట్నా వారియర్స్‌తో ఇవాళ (మార్చి 27) జరిగిన మ్యాచ్‌లో చండీఘడ్‌ ఛాంప్స్‌ 91 పరుగుల భారీ తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఛాంప్స్‌.. పునీత్‌ కుమార్‌ (26 బంతుల్లో 78 నాటౌట్‌; ఫోర్‌, 10 సిక్సర్లు), భాను సేథ్‌ (21 బంతుల్లో 43; 6 సిక్సర్లు), గౌరవ్‌ తోమర్‌ (43 బంతుల్లో 86; 7 ఫోర్లు, 6 సిక్సర్లు) సిక్సర్ల సునామీ సృష్టించడంతో నిర్ణీత 20 ఓవర్లలో 4 వికెట్లు కోల్పోయి 229 పరుగుల భారీ స్కోర్‌ చేసింది. అనంతరం బరిలోకి దిగిన పట్నా వారియర్స్‌.. ఛాంప్స్‌ బౌలర్ల ధాటికి 18.5 ఓవర్లలో 138 పరుగులకే ఆలౌటై, ఘోర పరాజయాన్ని మూటగట్టుకుంది. ఛాంప్స్‌ బౌలర్లు పర్వీన్‌ థాపర్‌ 3, గౌరవ్‌ తోమర్‌, రమన్‌ దత్తా, తిలకరత్నే దిల్షన్‌ తలో 2 వికెట్లు, ముకేశ్‌ సైనీ ఓ వికెట్‌ పడగొట్టారు. వారియర్స్‌ ఇన్నింగ్స్‌ 9వ నంబర్‌ ఆటగాడు ప్రవీణ్‌ గుప్తా (21) టాప్‌ స్కోరర్‌గా నిలిచాడు.  ఇదిలా ఉంటే, మొత్తం 6 జట్టు పాల్గొంటున్న లెజెండ్స్‌ క్రికెట్‌  ట్రోఫీ-2023లో చండీఘడ్‌ ఛాంప్స్‌ వరుస విజయాలతో దూసుకుపోతుంది. ఈ జట్టు ఇప్పటివరకు ఆడిన 3 మ్యాచ్‌ల్లో విజయం సాధించి పాయింట్ల పట్టికలో అగ్రస్థానంలో నిలిచింది. ఛాంప్స్‌ తర్వాత ఇండోర్‌ నైట్స్‌ (4 మ్యాచ్‌ల్లో 3 విజయాలతో 6 పాయింట్లు) రెండులో, వైజాగ్‌ టైటాన్స్‌ (3 మ్యాచ్‌ల్లో 2 విజయాలతో 4 పాయింట్లు), గౌహతి అవెంజర్స్‌ (3 మ్యాచ్‌ల్లో ఓ విజయంతో 2 పాయింట్లు), పట్నా వారియర్స్‌ (3 మ్యాచ్‌ల్లో ఓ విజయంతో 2 పాయింట్లు), నాగ్‌పూర్‌ నింజాస్‌ (4 మ్యాచ్‌ల్లో 4 పరాజయాలు) వరుసగా 3 నుంచి 6 స్థానాల్లో ఉన్నాయి.  కాగా, ఈ టోర్నీలో దేశీయ ఆటగాళ్లతో పాటు పలువురు దేశ, విదేశీ స్టార్లు కూడా పాల్గొంటున్నారు. రాస్‌ టేలర్‌, తిలకరత్నే దిల్షాన్‌, ఇర్ఫాన్‌ పఠాన్‌, మాంటీ పనేసర్‌, ఉపుల్‌ తరంగ, సనత్‌ జయసూర్య, సురేశ్‌ రైనా, హర్భజన్‌ సింగ్‌, వీరేంద్ర సెహ్వాగ్‌ తదితర ఇంటర్నేషనల్‌ స్టార్లు వివిధ టీమ్‌లకు ప్రాతినిధ్యం వహిస్తున్నారు.   

క్రికెటర్ల ఫిట్‌నెస్‌ ప్రమాణాలను పరీక్షించే యో-యో టెస్ట్‌పై టీమిండియా మాజీ డాషింగ్‌ ఓపెనర్‌ వీరేంద్ర సెహ్వాగ్‌ సంచలన వ్యాఖ్యలు చేశాడు. యో-యో ఫిట్‌నెస్‌ టెస్ట్‌తో పాటు బోన్‌ స్కాన్‌ టెస్ట్‌ 'డెక్సా'ను బీసీసీఐ ఈ ఏడాది జనవరి నుంచి తిరిగి అమల్లోకి తెచ్చిన నేపథ్యంలో వీరూ స్పందించాడు. టీమిండియాకు ఎంపిక కావాలంటే తప్పనిసరిగా యో-యో ఫిట్‌నెస్‌ టెస్ట్‌ క్లియర్‌ చేయాలన్న బీసీసీఐ షరతుపై తీవ్రస్థాయిలో మండిపడ్డాడు. జట్టు ఎంపిక విషయంలో బీసీసీఐ అవలంభిస్తున్న ఫిట్‌నెస్‌ ప్రమాణాల వల్ల కెరీర్‌లు నాశనమవుతాయే కానీ ఫలితం​ శూన్యమని తెలిపాడు. యో-యో టెస్ట్‌ను బీసీసీఐ కనీస అర్హతగా పేర్కొనడాన్ని ఖండించిన ఆయన.. తమ జమానాలో యో-యో టెస్ట్‌ను తప్పనిసరి చేసుంటే చాలామంది దిగ్గజ ఆటగాళ్లు ఫెయిల్‌ అయ్యేవారని, వారికి జట్టులో స్థానం కూడా దక్కేది కాదని అన్నాడు. తాము క్రికెట్‌ ఆడే రోజుల్లో బీసీసీఐ స్కిల్ డెవలప్‌మెంట్‌పై దృష్టి సారించేదని, ఇప్పుడు పరిస్థితి ఇంకోలా మారిపోయిందని తెలిపాడు. క్రికెటర్లు మంచి రన్నర్‌లు కావాలనుకుంటే క్రికెట్‌ ఆడించాల్సిన పనిలేదని, వారితో మారథాన్‌లు ప్రాక్టీస్‌ చేయిస్తే సరిపోతుందని వ్యంగ్యంగా సూచించాడు. ఆటగాళ్లు ఏ విభాగంలో అయినా రాణించాలంటే స్కిల్‌ డెవలప్‌ చేసుకుంటే సరిపోతుందని.. వెయిట్‌ లిఫ్టింగ్‌, రన్నింగ్‌, సిక్స్‌ ప్యాక్‌ బాడీలపై అధికంగా ఫోకస్‌ పెడితే గాయాల బారిన పడి కెరీర్‌లు అర్ధంతరంగా ముగుస్తాయే తప్ప సాధించేది ఏదీ ఉండదని అన్నాడు. జిమ్‌లో సాధన, అధిక బరువులు మోయడం వల్ల కెరీర్‌ స్పాన్‌ పెరుగుతుందని అనుకుంటే పొరబడ్డట్టేనని, ఇలా చేయడం వల్ల గాయాలు తీవ్రతరమైతాయే తప్ప ఎలాంటి ఫలితం ఉండదని చెప్పుకొచ్చాడు. 

2016లో భారత ప్రధాన కోచ్‌గా బాధ్యతలు చేపట్టిన అనిల్‌ కుంబ్లే.. 2017 ఛాంపియన్స్ ట్రోఫీ ఫైనల్‌ అనంతరం ఆ బాధ్యతల నుంచి తప్పుకున్నాడు. అతడి స్థానంలో అప్పటివరకు టీమిండియా క్రికెట్‌ డైరక్టర్‌గా ఉన్న రవిశాస్త్రి హెడ్‌ కోచ్‌గా బాధ్యతలు చేపట్టాడు. ఛాంపియన్స్ ట్రోఫీ ఫైనల్‌-2017లో పాకిస్తాన్‌ చేతిలో టీమిండియా ఓటమిపాల్వడంతో కుంబ్లే ఆ నిర్ణయం తీసుకున్నట్లు అప్పటిలో వార్తలు వినిపించాయి. మరోవైపు బీసీసీఐ కూడా కావాలనే అతడి కాంట్రక్ట్‌ను పొడిగించలేదని పలువురు మాజీ క్రికెటర్లు అభిప్రాయపడ్డారు. ఇక ఈ ఏడాది కాలంలో అనిల్‌ కుంబ్లే, అప్పటి భారత కెప్టెన్‌ విరాట్‌ కోహ్లి మధ్య చాలా విబేధాలు చోటుచేసుకున్నాయి. ఇద్దరి మధ్య మనస్పర్ధల కారణంగా ఒకరినొకరు వ్యక్తిగతంగా దూషించుకునేదాకా వెళ్లారు. ఇక తాజాగా ఇదే విషయంపై టీమిండియా మాజీ ఓపెనర్‌ వీరేంద్ర సెహ్వాగ్ సంచలన వ్యాఖ్యలు చేశాడు. కుంబ్లే భారత హెడ్‌ కోచ్‌ పదవి నుంచి తప్పుకున్నాక,  తనని ఆ బాధ్యతలు చేపట్టమని బీసీసీఐ కోరింది అని సెహ్వాగ్ తెలిపాడు.  "2017లో అప్పటి బీసీసీఐ సెక్రటరీ అమితాబ్ చౌదరీ, విరాట్‌ కోహ్లి నన్ను కలిశారు. కోహ్లి, కుంబ్లేల మధ్య ఎంత ప్రయత్నించినా సఖ్యత కుదరడం లేదని అమితాబ్ నాతో చెప్పాడు. 2017  ఛాంపియన్స్ ట్రోఫీ తర్వాత కుంబ్లే కాంట్రాక్ట్ గడువు ముగియనుందని,  అనంతరం భారత హెడ్‌కోచ్‌గా బాధ్యతలు తీసుకోవాల్సిందిగా కోరాడు. ఛాంపియన్స్ ట్రోఫీ ముగిసిన వెంటనే హెడ్‌ కోచ్‌ స్థాయిలో వెస్టిండీస్‌ పర్యటనకు వెళ్లవచ్చు అని చెప్పాడు. కోహ్లి కూడా అదే విషయం నన్ను అడిగాడు. అయితే నేను అందుకు ఒప్పుకోలేదు. ఎందుకంటే నా జీవితంలో నేను సాధించిన దానితో సంతోషంగా ఉన్నాను. నజాఫ్‌గఢ్‌లోని చిన్న రైతు కుటుంబం నుంచి వచ్చిన నాకు భారత్‌ తరపున ఆడే అవకాశం వచ్చింది. ఎంతో మంది అభిమానులను, వారి ప్రేమను పొందాను. అది నా జీవితానికి చాలు. ఒక వేళ నేను కెప్టెన్‌గా ఉన్న ఇదే గౌరవం పొందే వాడిని" అని న్యూస్‌ 18కు ఇచ్చిన ఇంటర్వ్యూలో సెహ్వాగ్ పేర్కొన్నాడు. చదవండి: Asia cup 2023: భారత్‌- పాకిస్తాన్‌ మధ్య క్రికెట్‌ మ్యాచ్‌లు జరగాలి.. మోడీ సార్‌నే అడుగుతా?

భారత క్రికెట్‌ చరిత్రలో మాజీ ఓపెనర్‌ వీరేంద్ర సెహ్వాగ్‌కు ఒక ప్రత్యేకమైన స్థానం ఉంది. సెహ్వాగ్‌ రిటైర్మెంట్ తర్వాత.. అతడి లాంటి డేరింగ్‌ అండ్‌ డాషింగ్‌ ఓపెనర్‌ను టీమిండియా తాయారు చేసుకోలేకపోయింది. భారత్‌కు రెండు వరల్డ్ కప్‌లు అందించిన జట్టులో వీరేంద్రుడు సభ్యునిగా ఉన్నాడు. ఇక ఇది ఇలా ఉండగా.. కొంత మంది టీమిండియా యువ ఓపెనర్‌ పృథ్వీ షాను సెహ్వాగ్ తో పోలుస్తుంటారు. పృథ్వీ షా బ్యాటింగ్‌ సెహ్వాగ్‌ మాదిరిగానే ఉంటుంది అని అభిప్రాయపడుతుంటారు. ఇక తాజాగా ఇదే విషయంపై సెహ్వాగ్ ఆసక్తికర వ్యాఖ్యలు చేశాడు.  ప్రస్తుతం టీమిండియాలో ఉన్న బ్యాటర్లలో తనలా ఆడేవాళ్లు ఎవరూ లేరని వీరూ సృష్టం చేశాడు. "ప్రస్తుత భారత జట్టులో నాలా బ్యాటింగ్‌ చేసే ఆటగాడు లేడు. అయితే కొంచెం నా బ్యాటింగ్ స్టైల్‌ మాదిరిగానే పృథ్వీ షా, రిషబ్ పంత్ ఆటతీరు కూడా ఉంటుంది. టెస్టు క్రికెట్ లో రిషభ్ పంత్  బ్యాటింగ్, దూకుడు  నా  ఆటను పోలి ఉంటుంది. కానీ అతడు టెస్టుల్లో  90-100 స్కోర్లతోనే సంతృప్తి చెందుతున్నాడు. నేను మాత్రం 200, 250, 300 పైగా పరుగులు సాధించాను. పంత్‌ నాలాగే భారీ స్కోర్‌లు సాధిస్తే అభిమానులను మరింత అలరించగలడు" అని న్యూస్‌18కు ఇచ్చిన ఇంటర్వ్యూలో సెహ్వాగ్ పేర్కొన్నాడు. కాగా టెస్ట్ క్రికెట్ లో రెండు ట్రిపుల్ సెంచరీలు చేసిన ఏకైక భారత ఆటగాడు కూడా వీరేంద్రడే కావడం గమానార్హం. చదవండి: Major League Cricket: అమెరికా టీ20 లీగ్‌లో నలుగురు భారత సంతతి ఆటగాళ్లు!

ఆసియాకప్‌, టీ20 ప్రపంచకప్‌-2022లో ఘోర పరాభావం తర్వాత భారత జట్టు హెడ్‌ కోచ్‌ పదవి నుంచి రాహుల్‌ ద్రవిడ్‌ తప్పించాలన్న డిమాండ్లు వినిపించిన సంగతి తెలిసిందే. ముఖ్యంగా టీ20లకు హెడ్‌కోచ్‌గా భారత మాజీ పేసర్‌ ఆశిష్ నెహ్రాను నియమించాలంటూ పలువురు మాజీ క్రికెటర్‌లు సూచించారు. ఎందుకంటే గతేడాది ఐపీఎల్‌ సీజన్‌లో గుజరాత్‌ టైటాన్స్‌కు హెడ్‌ కోచ్‌గా వ్యవహరించిన నెహ్రా.. తమ జట్టుకు అరంగేట్ర సీజన్‌లోనే టైటిల్‌ను అందించాడు. తన వ్యూహాలతో జట్టును విజయ పథంలో నడిపించాడు. ఇక ఇది ఇలా ఉండగా.. ఈ ఏడాది నవంబర్‌తో హెడ్ కోచ్‌గా ద్రవిడ్ రెండేళ్ల ప‌ద‌వీ కాలం ముగియ‌నుంది. వన్డే ప్రపంచకప్‌-2023 ముగిసిన అనంతరం ద్రవిడ్‌ స్థానంలో కొత్త కోచ్‌ను బీసీసీఐ నియమించే అవకాశం ఉంది. ఇక ఇదే విషయంపై టీమిండియా మాజీ స్పిన్నర్‌ హర్భజన్ సింగ్‌ తన అభిప్రాయాలను వెల్లడించాడు. టీ20లకు కోచ్‌గా ద్రవిడ్‌ సెట్‌ కాడని, పొట్టి ఫార్మాట్‌ను అర్ధం చేసుకునే మైండ్‌సెట్‌ ఉన్న వారు కోచ్‌గా రావాలని భజ్జీ అభిప్రాయపడ్డాడు. టీ20ల్లో భారత్‌ హెడ్‌ కోచ్‌గా వీరేంద్ర సెహ్వాగ్ లేదా ఆశిష్ నెహ్రాలో ఎవరినైనా నియమించాలని హర్భజన్ సూచించాడు.  "భారత జట్టుకు ఇద్దరు కెప్టెన్‌లు ఉన్నప్పుడు, ఇద్దరు కోచ్‌లు ఉంటే తప్పు ఏమి ఉంది. ఎవరి ప్రణాళికలు వారివి. ఊదాహరణకు ఇంగ్లండ్‌ జట్టును చూస్తే మనకు అర్ధమవుతుం‍ది. బ్రెండన్ మెకల్లమ్‌ తన ఆలోచనలతో టెస్టు క్రికెట్‌ స్వరూపాన్నే మార్చేశాడు. కాబట్టి అదే దూకుడు మైండ్‌ కలిగిన వీరేంద్ర సెహ్వాగ్ లేదా  ఆశిష్ నెహ్రాను భారత టీ20 జట్టుకు హెడ్‌ కోచ్‌గా నియమించిండి. ఐపీఎల్‌లో గుజరాత్‌ టైటాన్స్‌ హెడ్‌కోచ్‌గా ఆశిష్‌ ఏ విధంగా రాణించాడో మనం చూశం. హార్దిక్ పాండ్యాతో కలిసి తమ జట్టుకు తొలి టైటిల్‌ను అందించాడు. నా వరకు అయితే టీ20 ఫార్మాట్‌ను అర్ధం చేసుకునేవారిని కోచ్‌గా నియమిస్తే బాగుంటుంది. ద్రవిడ్‌ను టెస్టులు, వన్డేల్లో కోచ్‌గా కొనసాగించాలి. ద్రవిడ్‌ మైండ్‌ సెట్‌ వన్డే, టెస్టు ఫార్మాట్‌లకు సెట్‌ అవుతుంది" అని ఇండియన్ ఎక్స్‌ప్రెస్‌కు ఇచ్చిన ఇంటర్వ్యూలో హర్భజన్ సింగ్‌ పే‍ర్కొన్నాడు. 2024 టీ20 ప్రపంచకప్‌ జరగనున్న నేపథ్యంలో బీసీసీఐ ఇప్పటి నుంచే మంచి జట్టుని తయారు చేయడంపై దృష్టిసారించింది. సీనియర్లు రోహిత్‌ శర్మ, విరాట్ కోహ్లిలను టీ20లకు ఎంపిక చేయకుండా.. హార్దిక్ పాండ్యా కు నాయకత్వ బాధ్యతలు అప్పగిస్తోంది. చదవండి: NZ Vs Eng: జాక్‌ లీచ్‌ మాయాజాలం.. దెబ్బకు బౌల్డ్‌.. బిత్తరపోయిన బ్యాటర్‌! వీడియో వైరల్‌

India vs New Zealand, 3rd ODI-ఇండోర్‌: ఇప్పటికే న్యూజిలాండ్‌తో వన్డే సిరీస్‌ వశమైంది. నంబర్‌వన్‌ స్థానం దక్కింది. ఇప్పుడు టీమిండియా క్లీన్‌స్వీప్‌తో టాప్‌ ర్యాంక్‌ను పదిలప రుచుకునే పనిలో పడింది. మొదటి మ్యాచ్‌లో బ్యాట్‌తో, రెండో మ్యాచ్‌లో బౌలింగ్‌తో పర్యాటక జట్టును దెబ్బమీద దెబ్బ వేసిన భారత్‌ మంగళవారం నాటి చివరిదైన మూడో వన్డేలో ఆల్‌రౌండ్‌ ప్రదర్శనతో అదరగొట్టాలని పట్టుదలతో ఉంది. పరువు నిలబెట్టుకోవాలంటే మరోవైపు కివీస్‌ను ఫలితాలే కాదు... బ్యాటింగ్‌ ఆర్డర్‌ కూడా పరేషాన్‌ చేస్తోంది. గత రెండు మ్యాచ్‌ల్లో టాప్‌–5 బ్యాటర్స్‌లో ఏ ఒక్కరు కూడా అర్ధసెంచరీ అయినా చేయలేకపోయారు. ఇది జట్టు మేనేజ్‌మెంట్‌ను కల వరపెడుతోంది. పరువు నిలబెట్టుకోవాలంటే ఇప్పుడు బ్యాటింగ్‌ గేర్‌ మార్చుకోవాల్సిందే. లేదంటే సిరీస్‌ చేజార్చుకున్న న్యూజిలాండ్‌ ఆఖరి పోరు లోనూ ఓడితే ఈ ఏడాది వన్డే ప్రపంచకప్‌ వేదికపై ఆత్మవిశ్వాసం సన్నగిల్లుతుంది. కోహ్లి స్కోరే బాకీ! ఈ ఏడాది వరుసగా ఐదు వన్డేలు (లంకపై 3) గెలిచిన టీమిండియా వరల్డ్‌కప్‌ సన్నాహానికి ఘనమైన ఆరంభమే ఇచ్చింది. కాబట్టి భారత జట్టు ఏ బెంగా, ఒత్తిడి లేకుండా యథేచ్చగా చెలరేగడం ఖాయం. ఇక ఈ సిరీస్‌లో ఏమైనా మిగిలింది... చూడాల్సింది ఉందంటే అది కోహ్లి క్లాసిక్సే! శ్రీలంకపై తన శైలి శతకాలతో పాత కోహ్లిని తలపించిన అతను ఈ సిరీస్‌లో 8, 11 పరుగులే చేశాడు. అతని ఫామ్‌పై జట్టు మేనేజ్‌మెంట్‌లో ఏ ఒక్కరికీ అనుమానమే లేదు. కానీ తన మార్క్‌ బ్యాటింగ్‌ జోరు చూడాలని జట్టే కాదు... యావత్‌ భారత అభిమానులు బలంగా కోరుకుంటున్నారు. పిచ్, వాతావరణం ఫ్లాట్‌ పిచ్‌ ఇది. పైగా గ్రౌండ్‌ చిన్నది కావడంతో ప్రేక్షకులకు పరుగుల విందు గ్యారంటీ. టాస్‌ నెగ్గిన జట్టు బౌలింగ్‌ ఎంచుకుంటుంది. వాన లేదు. మంచు ప్రభావం బౌలర్లపై పడుతుంది. తుది జట్లు (అంచనా) భారత్‌: రోహిత్‌ శర్మ (కెప్టెన్‌), శుబ్‌మన్‌ గిల్, విరాట్‌ కోహ్లి, ఇషాన్ కిషన్‌, సూర్యకుమార్ యాదవ్‌, హార్దిక్‌ పాండ్యా, వాషింగ్టన్‌ సుందర్, మహ్మద్‌ సిరాజ్, శార్దుల్ ఠాకూర్‌, కుల్దీప్ యాదవ్‌, షమీ/ఉమ్రాన్‌. న్యూజిలాండ్‌: లాథమ్‌ (కెప్టెన్‌), అలెన్, కాన్వే, నికోల్స్‌/చాప్‌మన్, మిచెల్, ఫిలిప్స్, బ్రేస్‌వెల్, సాన్‌ట్నర్, షిప్లే/డఫీ, టిక్నెర్, ఫెర్గూసన్‌. ఇండోర్‌లో ఇలా.. అప్పుడు సెహ్వాగ్‌.. ఇప్పుడు? ఇండోర్‌లోని హోల్కర్‌ స్టేడియం వేదికగా ఇప్పటి వరకు భారత్‌ ఐదు వన్డేలు ఆడగా... ఐదింటిలోనూ విజయం సాధించింది. 2011లో వెస్టిండీస్‌తో ఇక్కడే జరిగిన వన్డేలో వీరేంద్ర సెహ్వాగ్‌ (219) డబుల్‌ సెంచరీతో అదరగొట్టాడు. కాగా ఇటీవల ఇషాన్‌ కిషన్‌, శుబ్‌మన్‌ గిల్‌ వంటి యువ బ్యాటర్లు వన్డేల్లో డబుల్‌ సెంచరీలతో చెలరేగిన వేళ.. ఇండోర్‌లో ఈసారి సెహ్వాగ్‌ మాదిరి కోహ్లి బ్యాట్‌ ఝులిపించి ఈ మైదానంలో ద్విశతకం బాదాలని అభిమానులు ఆశపడుతున్నారు. 11వసారి ఇక ఈ మైదానంలో భారత్, న్యూజిలాండ్‌ జట్ల మధ్య తొలిసారి వన్డే జరగనుంది. నేడు జరిగే వన్డేలో న్యూజిలాండ్‌పై భారత్‌ గెలిస్తే స్వదేశంలో 11వసారి ద్వైపాక్షిక సిరీస్‌ క్లీన్‌స్వీప్‌ అవుతుంది. మహాకాళేశ్వరుడి సేవలో... ఇండోర్‌లోని సుప్రసిద్ధ శైవక్షేత్రం ఉజ్జయినిలోని శ్రీ మహాకాళే శ్వరుడిని భారత క్రికెటర్లు, అంపైర్లు, మ్యాచ్‌ అధికారులు దర్శించుకున్నారు. సోమవారం ఉదయం భస్మా హారతి సేవలో ఆటగాళ్లంతా తరించారు. వాషింగ్టన్‌ సుందర్, కుల్దీప్‌ యాదవ్, సూర్యకుమార్‌ యాదవ్‌లు జలాభిషేకం చేశారు. కారు ప్రమాదంలో తీవ్ర గాయాలపాలై జట్టుకు దూరమైన సహచ రుడు రిషభ్‌ పంత్‌ త్వరగా కోలుకోవాలని ప్రార్థించినట్లు ఆటగాళ్లు తెలిపారు. స్వామి వారి దర్శనానంతరం ఉజ్జయిని లోక్‌సభ ఎంపీ అనిల్‌ ఫిరోజియా క్రికెటర్లను సత్కరించారు. చదవండి: క్రికెట్‌ చరిత్రలో ఒకే ఒక్కడు 'కింగ్‌ కోహ్లి'.. ఎవరికీ సాధ్యం కాని ఘనత సొంతం BBL 2022-23: స్టీవ్‌ స్మిత్‌కు ఏమైంది, అస్సలు ఆగట్లేదు.. మరోసారి విధ్వంసం

ఒకప్పుడు డబుల్‌ సెంచరీలు కొట్టాలంటే అది టెస్టుల్లో మాత్రమే సాధ్యమయ్యేది. ఐదు రోజుల పాటు జరిగే మ్యాచ్‌లు కాబట్టి బ్యాటింగ్‌కు ఎక్కువ ఆస్కారం ఉంటుంది కాబట్టి బ్యాటర్లు డబుల్‌ సెంచరీలతో చెలరేగడం సహజం. కానీ పరిమిత ఓవర్ల క్రికెట్‌లో అది సాధ్యం కాకపోయేది. ఒక్కరోజులో ముగిసిపోయే వన్డే మ్యాచ్‌లో సెంచరీలను చాలా గొప్పగా చూసేవారు. అయితే సనత్‌ జయసూర్య, షాహిద్‌ అఫ్రిది, వీరేంద్ర సెహ్వాగ్‌ లాంటి హిట్టర్లు వచ్చాకా వన్డే ఆటతీరు పూర్తిగా మారిపోయింది. వన్డే క్రికెట్‌లో దూకుడు అనే పదానికి నిర్వచనం చెప్పారు ఈ క్రికెటర్లు -సాక్షి, వెబ్‌డెస్క్‌ గొప్ప కెప్టెన్‌గా పేరు తెచ్చుకున్న ధోని.. 2004లో శ్రీలంకపై ఆడిన 183 పరుగుల సుడిగాలి ఇన్నింగ్స్‌ కావొచ్చు.. 2000లో న్యూజిలాండ్‌పై భాగ్యనగరంలో(హైదరాబాద్‌ ఎల్బీ స్డేడియంలో) సచిన్‌ ఆడిన 186 పరుగుల ఇన్నింగ్స్‌ కావొచ్చు.. గంగూలీ 183 పరుగులు కావొచ్చు.. ఇలా అప్పట్లో 180, 190 పరుగుల ఇన్నింగ్స్‌ను గొప్పగా భావించేవారు. డబుల్‌ సెంచరీలు చేయనప్పటికి వాటికి సమాన ప్రాధాన్యత దక్కింది. అయితే 13 ఏళ్ల క్రితం(2009లో సౌతాఫ్రికాపై వన్డే మ్యాచ్‌లో) క్రికెట్‌ దేవుడు మాస్టర్‌ బ్లాస్టర్‌ సచిన్‌ టెండూల్కర్‌ వన్డే క్రికెట్‌లో తొలి డబుల్‌ సెంచరీ సాధించాడు. అప్పటికే లెక్కలేనన్ని రికార్డులు సొంతం చేసుకున్న మాస్టర్‌ ఈ ఫీట్‌ అందుకోవడంతో ప్రపంచవ్యాప్తంగా పేరు మార్మోగిపోయింది. అలా వన్డేల్లో డబుల్‌ సెంచరీ అనే పదానికి సచిన్‌ పురుడు పోస్తే.. ఆ తర్వాత టీమిండియా మాజీ విధ్వంసకర ఆటగాడు వీరేంద్ర సెహ్వాగ్‌ తానేం తక్కువ తిన్నానా అన్నట్లు 2011లో వెస్టిండీస్‌తో వన్డే మ్యాచ్‌లో పూనకం వచ్చినట్లు చెలరేగిన సెహ్వాగ్‌ 41 ఫోర్లు, ఏడు సిక్సర్లతో  219 పరుగులు సాధించాడు. వన్డే క్రికెట్‌లో ఇది రెండో డబుల్‌ సెంచరీ కావడం విశేషం. ఈ లెక్కన చూసుకుంటే వన్డే క్రికెట్‌లో డబుల్‌ సెంచరీలకు పునాది వేసింది టీమిండియా ఓపెనర్లే అని చెప్పొచ్చు. ఆ తర్వాత టి20 క్రికెట్‌, ఐపీఎల్‌ లాంటి లీగ్‌ క్రికెట్‌లు ఎక్కువ కావడంతో ఆటగాళ్ల బ్యాటింగ్‌లో వేగం పెరిగింది. అలా వన్డేల్లోనూ బ్యాటర్లు టి20 తరహా స్టైల్లో బ్యాటింగ్‌ చేయడంతో ఆ తర్వాత చాలా డబుల్‌ సెంచరీలు వచ్చాయి. అందులో ప్రస్తుతం టీమిండియా కెప్టెన్‌ రోహిత్‌ శర్మ మూడు డబుల్‌ సెంచరీలతో ఎవరికి సాధ్యం కాని రికార్డు అందుకున్నాడు. అటుపై గేల్‌, మార్టిన్‌ గప్టిల్‌, ఫఖర్‌ జమాన్‌లు ఉన్నారు. ఇంకో విశేషం ఏంటంటే.. వన్డే క్రికెట్‌లో ఇప్పటివరకు 10 డబుల్‌ సెంచరీలు నమోదైతే అందులో టీమిండియా నుంచే ఏడు డబుల్‌ సెంచరీలు ఉండడం విశేషం. ఇందులో రోహిత్‌ శర్మవి మూడు కాగా.. సచిన్‌,సెహ్వాగ్‌, శుబ్‌మన్‌ గిల్‌, ఇషాన్‌ కిషన్‌లు ఒక్కో డబుల్‌ సెంచరీ మార్క్‌ను అందుకున్నారు. పైన చెప్పుకున్న ఏడుగురు ఆటగాళ్లు అందరూ ఓపెనర్లుగా వచ్చి డబుల్‌ సెంచరీలు బాదారు. అయితే మిడిలార్డర్‌లో వచ్చి డబుల్‌ సెంచరీ కొట్టడం అసాధ్యమైనప్పటికి మిస్టర్‌ 360గా పేరు తెచ్చుకున్న సూర్య లాంటి ఆటగాళ్లకు ఈ డబుల్‌ ఫీట్‌ చేసే చాన్స్‌ ఉంది. ఇది జరిగితే మాత్రం విశేషమే అని చెప్పుకోవచ్చు. ఏది ఏమైనా మారుతున్న కాలంలో ఆటకు వేగం తోడయ్యింది. టి20లకు బాగా అలవాటు పడి వన్డే క్రికెట్‌లో తుఫాన్‌ ఇన్నింగ్స్‌లతో బ్యాటర్లు అలరించడం మొదలెట్టారు. ఇప్పటికైతే వన్డేల్లో డబుల్‌ సెంచరీలు కొట్టడం గ్రేట్‌గా పరిగణిస్తున్నారు. ఆధునిక క్రికెట్‌లో టి20 క్రికెట్‌ ఎక్కువగా ఆడుతున్న ఈతరం క్రికెటర్లు దూకుడైన ఆటతీరు కనబరుస్తున్నారు. కొన్నిసార్లు ఇది చేటు చేసినా మంచి పరిణామమే. మరి రాబోయే కాలంలో డబుల్‌ సెంచరీలను మించి త్రిబుల్‌ సెంచరీలు కొట్టినా ఆశ్చర్యపోనవసరం లేదు.  చదవండి: డబుల్‌ సెంచరీతో రికార్డుల మోత మోగించిన శుభ్‌మన్‌ గిల్‌ హ్యాట్రిక్‌ సిక్సర్లతో డబుల్‌ సెంచరీ పూర్తి చేసిన గిల్‌.. టీమిండియా భారీ స్కోర్‌  అసలు హార్దిక్‌ పాండ్యాది ఔటేనా!

Virender Sehwag- Murali Vijay: విధ్వంసకర బ్యాటింగ్‌తో భారత క్రికెట్‌లో తనకంటూ ప్రత్యేకస్థానం సంపాదించుకున్న వీరేంద్ర సెహ్వాగ్‌ గురించి టీమిండియా మాజీ ఓపెనర్‌ మురళీ విజయ్‌ ఆసక్తికర వ్యాఖ్యలు చేశాడు. వీరూ భాయ్‌లాగే తనకు కూడా మేనేజ్‌మెంట్‌ మద్దతు లభించి ఉంటే తన కెరీర్‌ వేరే విధంగా ఉండేదని పేర్కొన్నాడు. సెహ్వాగ్‌కు తన క్రీడా జీవితంలో అనుకున్నవన్నీ దక్కాయని, తన విషయంలో మాత్రం అలా జరుగలేదని వాపోయాడు. కాగా 2008లో ఆస్ట్రేలియాతో టెస్టుతో అంతర్జాతీయ క్రికెట్‌లో అరంగేట్రం చేశాడు చెన్నై బ్యాటర్‌ మురళీ విజయ్‌. సెహ్వాగ్‌తో కలిసి పలు సందర్భాల్లో ఓపెనింగ్‌ బ్యాటర్‌గా బరిలోకి దిగాడు. 2018లో ఆసీస్‌తో పెర్త్‌లో ఆఖరిసారిగా ఇంటర్నేషనల్‌ మ్యాచ్‌ ఆడాడు. ప్రస్తుతం విదేశీ లీగ్‌లలో అవకాశాల కోసం ఎదురుచూస్తున్న 38 ఏళ్ల ఈ రైట్‌హ్యాండ్‌ బ్యాటర్‌.. స్పోర్ట్స్ స్టార్‌ షోలో పాల్గొన్నాడు. అలాంటి ఫ్రీడం దొరికి ఉంటే ఈ సందర్భంగా డబ్లూవీ రామన్‌తో ముచ్చటిస్తూ.. ‘‘నిజం చెప్పాలంటే.. తన కెరీర్‌లో వీరేంద్ర సెహ్వాగ్‌కు దక్కినంత స్వేచ్ఛ నాకు లభించలేదనే చెప్పాలి. తనకు యాజమాన్యం నుంచి అన్ని విధాలా మద్దతు దొరికింది. తన మాట చెల్లేది. నాకు​ కూడా అలాంటి ఫ్రీడం దొరికి ఉంటే.. నా మాట వినిపించుకునే వాళ్లు ఉండి ఉంటే బాగుండేది. అంతర్జాతీయ క్రికెట్‌లో రాణించాలంటే మేనేజ్‌మెంట్‌ మద్దతు తప్పనిసరి. వరుస అవకాశాలు వస్తేనే ప్రయోగాలు చేసే వీలు ఉంటుంది’’ అని మురళీ విజయ్‌ పేర్కొన్నాడు. ఏదేమైనా తనలా ఎవరూ ఆడలేరు! వీరూ భాయ్‌తో కలిసి ఆడటం గురించి చెబుతూ..‘‘సెహ్వాగ్‌ మరో ఎండ్‌లో ఉన్నాడంటే బ్యాటింగ్‌ చేయడం కాస్త కష్టమే. తనలా మరెవరూ బ్యాటింగ్‌ చేయలేరు అనిపిస్తుంది. భారత క్రికెట్‌కు ఆయన ఎనలేని సేవ చేశారు.  అలాంటి అద్భుత ఆటగాడితో కలిసి ఆడటం, ఆయన ఇన్నింగ్స్‌ ప్రత్యక్షంగా వీక్షించడం నాకు దక్కిన గౌరవంగా భావిస్తున్నా. బంతి వచ్చిందంటే అదును చూసి బాదడమే ఆయన పని. తన సక్సెస్‌ మంత్ర ఇదే! గంటకు 145- 150 కిలో మీటర్లవేగంతో బంతిని విసిరే బౌలర్లను కూడా ఉతికి ఆరేయడం తనకే చెల్లింది. నిజంగా తన ఆట తీరు అసాధారణం’’ అని ప్రశంసలు కురిపించాడు.  చదవండి: IND vs NZ: మా సంజూ ఎక్కడ? గుండెల్లో ఉన్నాడు.. శభాష్‌ సూర్య! వీడియో వైరల్‌ IND vs NZ: న్యూజిలాండ్‌తో వన్డే సిరీస్‌.. సెహ్వాగ్ రికార్డుపై కన్నేసిన కోహ్లి

శ్రీలంకతో వన్డే సిరీస్‌లో అదరగొట్టిన టీమిండియా స్టార్‌ ఆటగాడు విరాట్‌ కోహ్లి..ఇప్పుడు అదే జోరును న్యూజిలాండ్‌పై కొనసాగించడానికి సిద్దమవుతున్నాడు. స్వదేశంలో న్యూజిలాండ్‌తో భారత్‌ మూడు వన్డేలు, మూడు టీ20ల సిరీస్‌లో తలపడనుంది. జనవరి 18న హైదరాబాద్‌ వేదికగా ఇరు జట్లు మధ్య తొలి వన్డే జరగనుంది. అయితే  కోహ్లి  కేవలం వన్డే జట్టులో మాత్రమే భాగంగా ఉన్నాడు. ఇక న్యూజిలాండ్‌తో వన్డే సిరీస్‌లో కింగ్‌ కోహ్లి అరుదైన రికార్డుపై కన్నేశాడు. ఈ సిరీస్‌లో విరాట్‌ మరో రెండు సెంచరీలు సాధిస్తే.. కివీస్‌పై వన్డేల్లో అత్యధిక సెంచరీలు సాధించిన రికీ పాంటింగ్‌, వీరేంద్ర సెహ్వాగ్ రికార్డును రికార్డును బ్రేక్‌ చేస్తాడు. కివీస్‌పై పాంటింగ్‌, సెహ్వాగ్  వన్డేల్లో 6 సెంచరీలు సాధించారు.  ఇక కోహ్లి ఇప్పటివరకు న్యూజిలాండ్‌పై ఐదు సెంచరీలు సాధించి సనత్‌ జయసూర్య, సచిన్‌ టెండూల్కర్‌తో కలిసి సంయుక్తంగా ఉన్నాడు. చదవండి: IND vs NZ: హైదరాబాద్‌లో వన్డే సందడి.. పూర్తిగా అమ్ముడుపోయిన టికెట్లు

Rishabh Pant- Car Accident- Pray For Speedy Recovery: టీమిండియా యువ బ్యాటర్‌ రిషభ్‌ పంత్‌ త్వరగా కోలుకోవాలని దిగ్గజ ఆటగాడు వీవీఎస్‌ లక్ష్మణ్‌ ప్రార్థించాడు. పంత్‌కు ప్రాణాపాయం తప్పిందన్న లక్ష్మణ్‌ త్వరగా కోలుకో చాంపియన్‌ అంటూ 25 ఏళ్ల ఈ వికెట్‌ కీపర్‌ను ఉద్దేశించి ట్వీట్‌ చేశాడు. కాగా శుక్రవారం ఉదయం రిషభ్‌ పంత్‌ ప్రయాణిస్తున్న కారు రోడ్డు ప్రమాదానికి గురైన విషయం తెలిసిందే.  ఉత్తరాఖండ్‌కి నుంచి ఢిల్లీ నుంచి వస్తున్న సమయంలో రూర్కీ సమీపంలో ఈ ఘటన చేసుకుంది. డివైడర్‌ను ఢీకొట్టిన కారు పూర్తిగా కాలిపోయింది. అయితే, పంత్‌ ముందే కారు నుంచి దూకేయడంతో ప్రాణాలతో బయటపడగలిగాడు. కానీ, ఈ క్రమంలో అతడికి తీవ్ర గాయాలయ్యాయి. దీంతో హుటాహుటిన ఆస్పత్రికి తరలించారు. ఈ నేపథ్యంలో పంత్‌ ఆరోగ్య పరిస్థితిపై అభిమానులు ఆందోళన చెందుతున్నారు. త్వరగా కోలుకోవాలంటూ పెద్ద ఎత్తున ట్వీట్లు చేస్తుండటంతో #RishabhPant ట్రెండ్‌ అవుతోంది. లక్ష్మణ్‌ ట్వీట్‌ ద్వారా.. ఈ క్రమంలో జాతీయ క్రికెట్‌ అకాడమీ హెడ్‌ వీవీఎస్‌ లక్ష్మణ్‌ ఈ మేరకు బిగ్‌ అప్‌డేట్‌ అందించాడు. ‘‘పంత్‌ కోసం ప్రార్థిస్తున్నా. దేవుడి దయ వల్ల అతడు ప్రమాదం నుంచి బయటపడ్డాడు’’ అని లక్ష్మణ్‌ ట్విటర్‌లో పేర్కొన్నాడు. Praying for Rishabh Pant. Thankfully he is out of danger. Wishing @RishabhPant17 a very speedy recovery. Get well soon Champ. — VVS Laxman (@VVSLaxman281) December 30, 2022 స్పందించిన క్రీడా వర్గాలు రిషభ్‌ పంత్‌ కారు ప్రమాదం గురించి తెలుసుకున్న క్రికెట్‌ వర్గాల ప్రముఖులు అతడు త్వరగా కోలుకోవాలని ప్రార్థిస్తున్నారు. ‘‘వీలైనంత త్వరగా కోలుకో డియర్‌ పంత్‌’’ అని టీమిండియా మాజీ ఓపెనర్‌ వీరేంద్ర సెహ్వాగ్‌ ట్వీట్‌ చేశాడు. Wishing dear @RishabhPant17 a super speedy recovery. Bahut hi Jald swasth ho jaao. — Virender Sehwag (@virendersehwag) December 30, 2022 ఉదయమే తన గురించి ఆలోచించా ఇక.. ‘‘ఈరోజు ఉదయమే రిషభ్‌ పంత్‌ గురించి ఆలోచనలు చుట్టుముట్టాయి. ఇంతలోనే ఇలా.. తను బాగుండాలి. త్వరగా కోలుకోవాలి’’ అని క్రికెట్‌ కామెంటేటర్‌ హర్షా భోగ్లే ట్వీట్‌ చేశాడు. ఇక ఇంగ్లండ్‌ ప్లేయర్‌ సామ్‌ బిల్లింగ్స్‌ సైతం.. రిషభ్‌ పంత్‌ ఆరోగ్య పరిస్థితిపై ఆరా తీశాడు.  కాగా పంత్‌ ఆరోగ్యం ప్రస్తుతం నిలకడగానే ఉన్నట్లు సమాచారం. Thinking about Rishabh Pant this morning and desperately hoping he is fine and recovers soon. — Harsha Bhogle (@bhogleharsha) December 30, 2022 ఉత్తరాఖండ్‌ సీఎం ఆదేశాలు రిషభ్‌ పంత్‌ కారు ప్రమాద ఘటనపై ఉత్తరాఖండ్‌ ముఖ్యమంత్రి పుష్కర్‌ సింగ్‌ ధామి విచారం వ్యక్తం చేశారు. దురదృష్టవశాత్తూ పంత్‌ ప్రమాదానికి గురయ్యాడన్న ఆయన.. వైద్య సహాయం అందించి, ఎప్పటికప్పుడు పరిస్థితి పర్యవేక్షించాలని అధికారులను ఆదేశించారు. పంత్‌ త్వరగా కోలుకోవాలని ప్రార్థించారు. కాగా ఈ ఏడాది పంత్‌ను తమ రాష్ట్ర అంబాసిడర్‌గా నియమిస్తూ పుష్కర్‌ సింగ్‌ ప్రభుత్వం నిర్ణయం తీసుకున్న విషయం తెలిసిందే. (ఫొటో గ్యాలరీ కోసం ఇక్కడ క్లిక్ చేయండి) చదవండి: Rest in Power- ‘King’ Pele: అల్విదా కింగ్‌.. పీలే రాకముందు అసలు ఫుట్‌బాల్‌ అంటే కేవలం.. Rashid Khan: వద్దనుకున్నోడే మళ్లీ దిక్కయ్యాడు.. టి20 కెప్టెన్‌గా

వన్డే ప్రంపచకప్‌-2023 సన్నాహాకాలను మొదలపెట్టిన టీమిండియాకు ఆదిలోనే గట్టి ఎదురుదెబ్బ తగిలింది. బంగ్లాదేశ్‌తో రెండో వన్డేలో ఓటమిపాలైన భారత జట్టు.. మరో మ్యాచ్‌ మిగిలూండగానే సిరీస్‌ను అప్పగించేసింది. ఢాకా వేదికగా జరిగిన ఈ మ్యాచ్‌లో భారత కెప్టెన్‌ రోహిత్‌ శర్మ విరోచిత పోరాటం చేసినప్పటికీ జట్టును గెలిపించలేకపోయాడు. ఈ మ్యాచ్‌లో 69 పరుగులకే 6 వికెట్లు పడగొట్టిన భారత బౌలర్లు.. లోయార్డర్‌ను ఔట్‌ చేయడంలో విఫలమయ్యారు. అనంతరం బ్యాటింగ్‌లో భారత టాప్‌ ఆర్డర్‌ బ్యాటర్లు చేతులెత్తేశారు. ఇక ఈ మ్యాచ్‌లో ఓటమిపాలై సిరీస్‌ కోల్పోయిన భారత జట్టుపై టీమిండియా మాజీ ఓపెనర్‌ వీరేంద్ర సెహ్వాగ్‌ సెటైరికల్ ట్వీట్‌ చేశాడు. "మన ఆట క్రిప్టో కరెన్సీ కంటే వేగంగా పతనమవుతుంది. జట్టును ప్రక్షాళన చేయాల్సిన సమయం అసన్నమైంది" అంటూ సెహ్వాగ్‌ ట్విటర్‌లో పేర్కొన్నాడు. ఇక ఇరు జట్ల మధ్య నామమాత్రపు మూడో వన్డే ఛటోగ్రామ్‌ వేదికగా శనివారం జరగనుంది. ఈ మ్యాచ్‌కు భారత కెప్టెన్‌ రోహిత్‌ శర్మతో పాటు పేసర్లు దీపక్‌ చాహర్‌, కుల్దీప్‌ సేన్‌ గాయం కారణంగా దూరమయ్యారు. Cryptos se bhi tez gir rahi hai apni performance yaar. Need to shake up - wake up. — Virender Sehwag (@virendersehwag) December 7, 2022 చదవండి: Team India Schedule: స్వదేశంలో టీమిండియా వరుస సిరీస్‌లు.. షెడ్యూల్‌ విడుదల

టీమిండియా మాజీ విధ్వంసకర ఓపెనర్‌ వీరేంద్ర సెహ్వాగ్ తనయడు ఆర్యవీర్ దేశీవాళీ క్రికెట్‌లోకి ఎంట్రీ ఇచ్చేందుకు సిద్దమయ్యాడు. ప్రస్తుతం జరుగుతున్న విజయ్ మర్చంట్ ట్రోఫీ కోసం ఢిల్లీ అండర్‌-16 జట్టుకు ఆర్యవీర్ ఎంపికయ్యాడు. ఢిల్లీ తమ తదుపరి మ్యాచ్‌లో బిహార్‌తో తలపడుతోంది. ఈ మ్యాచ్‌ కోసం ప్రకటించిన 15 మంది సభ్యుల ఢిల్లీ జట్టులో ఆర్యవీర్‌కు చోటు దక్కింది. కాగా ఢిల్లీ ప్రాబ్‌బుల్స్‌లో ఆర్యవీర్ ఉన్నప్పటికీ.. హైదరాబాద్‌తో జరిగిన తొలి మ్యాచ్‌కు అతడికి చోటు దక్కలేదు. ఇక ఈ జట్టుకు  అర్నవ్ బుగ్గా సారథ్యం వహిస్తున్నాడు. ఇక ఇదే విషయంపై  ఢిల్లీ క్రికెట్ అసోసియేషన్ జూనియర్ సెలక్షన్ కమిటీ చైర్‌పర్సన్ ఆకాష్ మల్హోత్రా స్పందించారు. "ఆర్యవీర్‌ అద్భుతమైన బ్యాటర్‌. అతడి ఫుట్‌వర్క్‌ కూడా చాలా బాగుంది. బంతిని కూడా బాగా మిడిల్‌ చేస్తున్నాడు. అతడి ఆటతీరు మమ్మల్ని ఆకట్టుకుంది. అందుకే ఆర్యను ఎంపిక చేశాం" అని ఆకాష్ మల్హోత్రా పేర్కొన్నాడు. ఇక జట్టు ఎంపికైన తర్వాత ఆర్యవీర్‌ తల్లి ఆర్తి సెహ్వాగ్ అతడి బ్యాటింగ్‌ ప్రాక్టీస్‌కు సంబంధించిన వీడియోను సోషల్‌ మీడియాలో రిపోస్ట్‌ చేసింది. Delhi Men's under 16 Team for the match against Bihar in the Vijay Merchant Trophy. Delhi won the toss and elected to bat first. pic.twitter.com/KcwMwSS4yw — DDCA (@delhi_cricket) December 6, 2022 అంతకుముందు ఆర్యవీర్‌ కూడా నెట్‌ ప్రాక్టీస్‌కు సంబంధించిన వీడియోను ఇన్స్టాగ్రామ్‌ లో షేర్‌ చేశాడు. కాగా ఢిల్లీ నుంచి ఎంతో మంది స్టార్‌ క్రికెటర్లగా ఎదిగారు. విరాట్‌ కోహ్లి, గౌతం గంభీర్‌, సెహ్వాగ్, మదన్‌లాల్‌ వంటి క్రికెటర్లు ఢిల్లీకి చెందిన వారే. View this post on Instagram A post shared by Aaryavir Sehwag (@aaryavirsehwag) View this post on Instagram A post shared by Aaryavir Sehwag (@aaryavirsehwag)

Vijay Hazare Trophy 2022 - Maharashtra vs Uttar Prades: దేశవాళీ వన్డే టోర్నీ విజయ్‌ హజారే ట్రోఫీ-2022లో భాగంగా ఉత్తరప్రదేశ్‌తో మ్యాచ్‌లో మహారాష్ట్ర కెప్టెన్‌ రుతురాజ్‌ గైక్వాడ్‌ అదరగొట్టిన విషయం తెలిసిందే. ఒకే ఓవర్లో ఏడు సిక్స్‌లు బాది చరిత్ర సృష్టించిన ఈ ఓపెనింగ్‌ బ్యాటర్‌.. పలు రికార్డులు తన ఖాతాలో వేసుకున్నాడు. రెండో క్వార్టర్‌ ఫైనల్లో భాగంగా యూపీతో మ్యాచ్‌లో రుతురాజ్‌ ద్విశతకం సాధించాడు. మొత్తంగా 159 బంతులు ఎదుర్కొన్న అతడు 10 ఫోర్లు, 16 సిక్స్‌లతో 220 పరుగులు చేసి ఆఖరి వరకు అజేయంగా నిలిచాడు. తద్వారా జట్టు విజయంలో కీలక పాత్ర పోషించి సెమీస్‌కు చేర్చిన రుతు.. ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. దిగ్గజాలతో పాటుగా ఈ నేపథ్యంలో.. ద్విశతక వీరుడు రుతురాజ్‌ గైక్వాడ్‌ లిస్ట్‌-ఏ క్రికెట్‌లో సచిన్‌ టెండుల్కర్‌ వంటి దిగ్గజాల సరసన చేరాడు. వన్డే ఫార్మాట్‌లో డబుల్‌ సాధించిన పదో భారత క్రికెటర్‌గా నిలిచాడు. అంతకుముందు సచిన్‌ టెండుల్కర్‌, వీరేంద్ర సెహ్వాగ్‌, యశస్వి జైశ్వాల్‌, సంజూ శాంసన్‌, శిఖర్‌ ధావన్‌, సమర్థ్‌ వ్యాస్‌, కరణ్‌ కౌశల్‌, పృథ్వీ షా ఈ ఘనత సాధించగా.. టీమిండియా ప్రస్తుత కెప్టెన్‌ రోహిత్‌ శర్మ ఏకంగా మూడు సార్లు ఈ ఫీట్‌ నమోదు చేశాడు. సిక్సర్ల వీరుడిగా.. రోహిత్‌ సరసన లిస్ట్‌- ఏ క్రికెట్‌ ఇన్నింగ్స్‌లో అత్యధిక సిక్సర్లు బాదిన ఆటగాళ్ల జాబితాలోకి రుతురాజ్‌ గైక్వాడ్‌ చేరాడు. రోహిత్‌ శర్మ తర్వాత ఈ ఘనత సాధించిన రెండో టీమిండియా ప్లేయర్‌గా నిలిచాడు. లిస్ట్‌- ఏ ఇన్నింగ్స్‌లో అత్యధిక సిక్స్‌లు కొట్టింది వీరే! ►డి'ఆర్సీ షార్ట్ (2018)- ఆస్ట్రేలియా - 23 ►గెర్రీ స్నిమాన్ (2007)- నమీబియా - 17 ►ఇయాన్ మోర్గాన్ (2019)- ఇంగ్లండ్‌- 17 ►రోహిత్ శర్మ (2013) -ఇండియా- 16 ►ఏబీ డివిలియర్స్ (2015) సౌతాఫ్రికా - 16 ►క్రిస్ గేల్ (2015)- వెస్టిండీస్‌ - 16 ►సౌమ్య సర్కార్ (2019)- బంగ్లాదేశ్‌ - 16 ►జస్కరన్ మల్హోత్రా (2021)- అమెరికా - 16 ►రుతురాజ్ గైక్వాడ్ (2022) -ఇండియా- 16 చదవండి: ​6 Sixes In An Over: ఒకే ఓవర్లో 6 సిక్స్‌లు కొట్టింది వీళ్లే! ఇక రుతు 7 సిక్సర్లు బాదితే.. అతడు ఏకంగా 8!   6⃣,6⃣,6⃣,6⃣,6⃣nb,6⃣,6⃣ Ruturaj Gaikwad smashes 4⃣3⃣ runs in one over! 🔥🔥 Follow the match ▶️ https://t.co/cIJsS7QVxK…#MAHvUP | #VijayHazareTrophy | #QF2 | @mastercardindia pic.twitter.com/j0CvsWZeES — BCCI Domestic (@BCCIdomestic) November 28, 2022

ఈ శతాబ్దం ఆరంభం భారత క్రికెట్‌కు స్వర్ణయుగం లాంటిది. సౌరవ్‌ గంగూలీ నేతృత్వంలో సీనియర్లు సచిన్‌ టెండూల్కర్‌, రాహుల్‌ ద్రవిడ్‌, వీరేంద్ర సెహ్వాగ్‌, వీవీఎస్‌ లక్ష్మణ్‌, అనిల్‌ కుంబ్లే, జహీర్‌ ఖాన్‌ తదితరులతో జట్టు కళకళలాడేది. గంగూలీ హయాంలో ఆట కొత్త పుంతలు తొక్కి అగ్రశ్రేణి జట్లన్నింటి​కీ చుక్కలు చూపించేది. నాటి భారత జట్టు విజయాల వెనుక ఎవరో ఒక్కరు మాత్రమే ఉండేవారు కాదు. జట్టు మొత్తం సమిష్టిగా రాణించేది. ముఖ్యంగా సీనియర్లంతా తమకు సాధ్యమైనంతవరకు డ్యుయల్‌ రోల్‌ పోషించేవారు. బ్యాటర్లైతే బ్యాటింగ్‌తో పాటు అవసరమైనప్పుడు బౌలింగ్‌ కూడా చేసి రాణించేవారు. బౌలర్లు కూడా చాలా సందర్భాల్లో మ్యాచ్‌ విన్నింగ్‌ ఇన్నింగ్స్‌లు ఆడి జట్టును గెలిపించారు. నేటి టీమిండియా కోచ్‌ రాహుల్‌ ద్రవిడ్‌ అయితే రోజంతా బ్యాటింగ్‌ చేసి తిరిగి వికెట్‌కీపింగ్‌ చేసేవాడు. సచిన్‌, గంగూలీ, సెహ్వాగ్‌ లాంటి స్పెషలిస్ట్‌ బ్యాటర్లు వన్డేల్లో పదలు సంఖ్యలో ఓవర్లు వేసి జట్టును గెలిపించిన సందర్భాలు కోకొల్లలు. టెస్ట్‌ల్లో అయితే ఈ ముగ్గురు 30, 40 ఓవర్లు వేసిన సందర్భాలు చాలా ఉన్నాయి. బౌలర్ల విషయానికొస్తే.. కుంబ్లే, హర్భజన్‌ లాంటి స్పెషలిస్ట్‌ బౌలర్లు టెస్ట్‌ల్లో శతకాలు బాది మేము సైతం అంటూ జట్టుకు భరోసా ఇచ్చేవారు. అప్పుడప్పుడే వన్డే జట్టులోకి వచ్చిన యువరాజ్‌ సింగ్‌ బ్యాట్‌తో మెరుపులు మెరిపించడంతో పాటు నాణ్యమైన స్పిన్నర్‌గానూ సేవలిందించాడు. అజిత్‌ అగార్కర్‌, హర్భజన్‌ సింగ్‌లు చాలా సందర్భాల్లో బ్యాట్‌ను ఝులిపించి మెరుపు ఇన్నింగ్స్‌లు ఆడేవారు. ఇలా జట్టులో దాదాపు ప్రతి ఒక్కరు ద్విపాత్రాభినయం (ఆల్‌రౌండర్‌) చేయడంతో నాడు టీమిండియా ఎన్నో అపురూపు విజయాలు సాధించింది. ఇక, ప్రస్తుత టీమిండియా విషయానికొస్తే నాటి పరిస్థితికి పూర్తి భిన్నంగా ఉంది. జట్టులో నాణ్యమైన ఆల్‌రౌండర్ల కొరత ఉంది. అడపాదపడా స్పిన్‌ బౌలింగ్‌ ఆల్‌రౌండర్లు దొరుకుతున్నారు కానీ,​ 130 కోట్ల మంది భారతీయుల్లో నాణ్యమైన ఫాస్ట్‌ బౌలింగ్‌ ఆల్‌రౌండర్‌ మాత్రం దొరకట్లేదు. హార్ధిక్‌ పాండ్యా రూపంలో ఏదో ఒక ఫాస్ట్‌ బౌలింగ్‌ ఆల్‌రౌండర్‌ దొరికాడని అనుకునే లోపే అతను గాయాల బారిన పడతాడు. స్పిన్‌ ఆల్‌రౌండర్లుగా చెప్పుకునే వారైతే టీ20ల్లో పట్టుమని 4 ఓవర్లు కూడా వేయలేకపోతున్నారు. సిక్స్‌ ప్యాక్‌ బాడీలతో, యోయో టెస్ట్‌ల్లో (ఫిట్‌నెస్‌) ఇరగదీసే వీరు 20 ఓవర్ల పాటు మైదానంలో నిలబడలేకపోతున్నారు. గతంలో (టెస్ట్‌ల్లో) బౌలర్లు వందల ఓవర్లు, బ్యాటర్లు రోజుల తరబడి క్రీజ్‌లో ఉండేవారు. నేటితో పోలిస్తే వారి దేహదారుడ్యం కూడా అంతంతమాత్రంగానే ఉండేది. అయినా వారు బ్యాటింగ్‌, బౌలింగ్‌ చేస్తూ జట్టుకు సేవలందించేవాళ్లు. నిన్న (నవంబర్‌ 20) న్యూజిలాండ్‌తో జరిగిన రెండో టీ20లో స్సిన్‌ బౌలింగ్‌ ఆల్‌రౌండర్‌ అయిన దీపక్‌ హుడా బౌలింగ్‌లో 4 వికెట్లు తీసి సత్తా చాటడంతో భారత క్రికెట్‌ అభిమానులు ఈ శతాబ్దం ఆరంభంలోని టీమిండియాను గుర్తు చేసుకుంటున్నారు. సచిన్‌, గంగూలీ, సెహ్వాగ్‌లు బ్యాటింగ్‌తో పాటు బౌలింగ్‌లోనే రాణించేవారని పాత విషయాలను నెమరు వేసుకుంటున్నారు. ప్రస్తుత టీమిండియా స్టార్లు రోహిత్‌ శర్మ, విరాట్‌ కోహ్లిలు కూడా వారిలానే ఆల్‌రౌండర్‌ పాత్ర పోషించాలని కోరుకుంటున్నారు. ఆటలో చోటు చేసుకుంటున్న మార్పుల నేపథ్యంలో కేవలం బ్యాటింగ్‌ మాత్రమే చేస్తామంటే కుదరదని రోహిత్‌, కోహ్లిలకు వార్నింగ్‌ ఇస్తున్నారు. అప్పట్లోలా ఇప్పుడు పదుల సంఖ్యలో ఓవర్లు వేయాల్సిన అవసరం కూడా లేదని, టీ20ల్లో మహా అయితే 2 నుంచి 3 ఓవర్లు, వన్డేల్లో అయితే 4 నుంచి 6 ఓవర్లు వేయగలిగితే చాలని అంటున్నారు. ఇప్పటికైనా టీమిండియాలోని సీనియర్లు మేల్కొని ఆల్‌రౌండర్లుగా మారకపోతే ఎంతటి ఆటగాడినైనా జట్టు నుంచి తప్పించాలని డిమాండ్‌ చేస్తున్నారు. బౌలర్లు కూడా తాము బౌలింగ్‌ మాత్రమే చేస్తామంటే కుదరదని, కనీసం 40, 50 పరుగులు చేసేలా సిద్ధపడాలని హెచ్చరిస్తున్నారు.     సచిన్‌, గంగూలీ, సెహ్వాగ్‌ల గణాంఆకలు..  సౌరవ్‌ గంగూలీ 113 టెస్ట్‌ల్లో 42.2 సగటున 16 సెంచరీలు 35 హాఫ్‌ సెంచరీల సాయంతో 7212 పరుగులు 32 వికెట్లు   311 వన్డేల్లో 41 సగటున 22 సెంచరీలు 72 హాఫ్‌ సెంచరీల సాయంతో 11363 పరుగులు 100 వికెట్లు సచిన్‌ టెండూల్కర్‌ 200 టెస్ట్‌ల్లో 53.8 సగటున 51 సెంచరీలు 68 హాఫ్‌ సెంచరీల సాయంతో 15921 పరుగులు 46 వికెట్లు 463 వన్డేల్లో 44.8 సగటున 49 సెంచరీలు 96 హాఫ్‌ సెంచరీల సాయంతో 18426 పరుగులు 154 వికెట్లు వీరేంద్ర సెహ్వాగ్‌ 104 టెస్ట్‌ల్లో 49.3 సగటున 23 సెంచరీలు 32 హాఫ్‌ సెంచరీల సాయంతో 8586 పరుగులు 40 వికెట్లు 251 వన్డేల్లో 35 సగటున 15 సెంచరీలు 38 హాఫ్‌ సెంచరీల సాయంతో 8273 పరుగులు 96 వికెట్లు  

టీ20 ప్రపంచకప్‌-2022 సెమీస్‌లో ఇంటిముఖం పట్టిన టీమిండియా.. ఇప్పడు న్యూజిలాండ్‌తో టీ20 సిరీస్‌కు సిద్దమైంది. ఈ సిరీస్‌కు సీనియర్‌ ఆటగాళ్లు విరాట్‌ కోహ్లి, రోహిత్‌ శర్మ, కెఎల్‌ రాహుల్‌కు సెలక్టర్లు విశ్రాంతి ఇచ్చారు. ఈ సిరీస్‌లో భారత జట్టుకు ఆల్‌రౌండర్‌ హార్దిక్‌ పాండ్యా సారథ్యం వహించనున్నాడు.  అదే విధంగా యువ ఆటగాడు శుబ్‌మాన్‌ గిల్‌కు తొలి సారి భారత టీ20 జట్టులో చోటు దక్కింది. అయితే  జట్టులో స్థానం కోసం ఎంతో ఆతృతగా ఎదురు చూస్తున్న యువ ఓ‍పెనర్‌ పృథ్వీ షాకు సెలక్టర్లు మరోసారి మొండి చేయి చూపించారు. ఈ క్రమంలో దేశవాళీ క్రికెట్‌లో అద్భుతంగా రాణిస్తున్నప్పటికీ పృథ్వీ షాను సెలక్టర్లు పట్టించుకుపోవడాన్ని భారత మాజీ ఆటగాడు వీరేంద్ర సెహ్వాగ్ తప్పుబట్టాడు. పృథ్వీ షా చివరిసారిగా టీ20ల్లో టీమిండియా తరపున 2021లో ఆడాడు. అయితే ప్రస్తుత భారత జట్టుకు పృథ్వీ షా ఎంతో ఉంది అని సెహ్వాగ్ అభిప్రాయపడ్డాడు. హిందూస్తాన్‌ టైమ్స్‌తో సెహ్వాగ్ మాట్లాడుతూ.. "ప్రస్తుత భారత జట్టులో పృథ్వీ షాను నేను చూడాలని అనుకుంటున్నాను. షాని న్యూజిలాండ్‌ సిరీస్‌కు ఎంపికచేయాల్సింది. అతడు చాలా కాలం నుంచి జట్టుకు దూరంగా ఉన్నాడు. పృథ్వీ షా విధ్వంసకర ఆటగాడు. అతడికి పవర్‌ ప్లేలో పరుగులు రాబట్టే సత్తా ఉంది. టీ20 క్రికెట్‌లో పృథ్వీ షా లాంటి ఆటగాడు అవసరం. కనీసం అతడిని రిజర్వ్ ఆటగాడిగానైనా పరిగణలోకి తీసుకోవాలి. త్వరలో వన్డే ప్రపంచకప్‌ భారత్‌ వేదికగా జరగనుంది. ఈ మెగా ఈవెంట్‌లోనైనా పృథ్వీ షాకి అవకాశం ఇవ్వండి" అని అతడు పేర్కొన్నాడు. చదవండి: Shaheen Afridi: నీకసలు సిగ్గుందా? నా ఎదురుగా నువ్వు ఉంటేనా: వసీం అక్రమ్‌

టి20 ప్రపంచకప్‌లో సెమీస్‌ ఓటమి తర్వాత టీమిండియాపై విమర్శల వర్షం కురిసిన సంగతి తెలిసిందే. పోరాడి ఓడిపోయుంటే ఇన్ని విమర్శలు వచ్చేవి కాదేమో.. కానీ పేలవమైన ఆటతీరుతో ఇంగ్లండ్‌ చేతిలో 10 వికెట్ల తేడాతో దారుణ పరాజయం చవిచూడడమే ఇందుకు కారణం. తాజాగా టీమిండియా మాజీ క్రికెటర్‌ వీరేంద్ర సెహ్వాగ్‌ తన మనసులోని మాటను బయటపెట్టాడు. వచ్చే టి20 ప్రపంచకప్‌లో కొన్ని మొహాలను తాను చూడదలచుకోలేనని.. వారి స్థానాల్లో కుర్రాళ్లకు అవకాశమిస్తే బాగుంటుందని పేర్కొన్నాడు. ''కచ్చితంగా భారత జట్టులో మార్పులు ఉండాలని కోరుకుంటున్నా. వచ్చే ప్రపంచకప్‌లో నాకు కొన్ని మొహాలను చూడాలని లేదు. 2007 టి20 ప్రపంచకప్‌కు ముందు టీమిండియాది ఇదే పరిస్థితి. అప్పటికి జట్టులో సీనియర్లుగా ఉన్న కొంతమంది ఆ ప్రపంచకప్‌లో ఆడలేదు. దీంతో వారి స్థానాల్లో యువ ఆటగాళ్లకు అవకాశాలు వచ్చాయి. జట్టు నిండా కుర్రాళ్లు.. ధోని నాయకత్వం.. వెరసి ఎలాంటి అంచనాలు లేకుండా తొలి ప్రపంచకప్‌ను అందుకున్నాం. ఇప్పుడు కూడా టీమిండియా ఇదే స్థితిలో ఉంది. అందుకే వచ్చే 2024 టి20 ప్రపంచకప్‌ నాటికి వీలైనంత ఎక్కువగా యువ ఆటగాళ్లకు అవకాశం ఇవ్వాలి. అది ఇప్పటి నుంచి మొదలుపెడితేనే బాగుంటుదనేది నా అభిప్రాయం. ఇక డిసెంబర్‌లో బాధ్యతలు చేపట్టనున్న కొత్త సెలక్షన్‌ కమిటీకి జట్టు ఎంపిక ఒక సవాల్‌గా మారనుంది. భవిష్యత్తు గురించి ఇప్పుడే ఆలోచిస్తే రెండేళ్లలో మనం అనుకున్న దానికంటే బలమైన జట్టును తయారు చేయొచ్చు. అయితే సెలక్షన్‌ కమిటీ సాహసోపేతమైన నిర్ణయాలు తీసుకుంటుందా లేదా అనేది ఆసక్తికరంగా మారింది.'' అంటూ చెప్పుకొచ్చాడు.  చదవండి: వరల్డ్‌కప్‌ గెలవడం కంటే, టీమిండియాను ఓడించడమే ముఖ్యం: పాక్‌ వైస్‌ కెప్టెన్‌

టీ20 ప్రపంచకప్‌-2022లో భాగంగా దక్షిణాఫ్రికాతో జరిగిన మ్యాచ్‌లో 5 వికెట్ల తేడాతో టీమిండియా పరజాయం పాలైంది. 134 పరుగుల స్వల్ప లక్ష్యాన్ని దక్షిణాఫ్రికా కేవలం 5 వికెట్లు మాత్రమే కోల్పోయి చేధించింది. ప్రోటీస్‌ బ్యాటర్‌ డేవిడ్‌ మిల్లర్‌(59) అఖరి వరకు క్రీజులో నిలిచి జట్టును గెలిపించాడు. ఇక భారత్‌ బ్యాటర్లలో సూర్య కుమార్‌ యాదవ్‌(68) మినహా మిగితా అందరూ దారుణంగా విఫలమయ్యారు. కాగా జట్టులో ఫినిషర్‌గా చోటు దక్కించుకున్న దినేష్‌ కార్తీక్‌ ఈ మెగా టోర్నీలో తన స్థాయికి తగ్గట్టు రాణించలేకపోతున్నాడు. పాకిస్తాన్‌తో జరిగిన మ్యాచ్‌లో కీలక సమయంలో క్రీజులోకి వచ్చిన కార్తీక్‌ కేవలం ఒక్క పరుగు మాత్రమే చేసి పెవిలియన్‌కు చేరాడు. అదే విధంగా దక్షిణాఫ్రికాతో మ్యాచ్‌లో కూడా 15 బంతులు ఆడిన డికే కేవలం 6 పరుగులు మాత్రమే చేసి నిరాశపరిచాడు. ఈ క్రమంలో పంత్‌ను కాదని కార్తీక్‌కు తుది జట్టులో చోటువ్వడంపై మరోసారి చర్చ మొదలైంది. తాజాగా ఇదే విషయంపై భారత క్రికెట్‌ దిగ్గజం వీరేంద్ర సెహ్వాగ్ ఆసక్తికర వాఖ్యలు చేశాడు. కార్తీక్‌ కంటే రిషబ్ పంత్‌కే ఆస్ట్రేలియాలో ఆడిన అనుభవం ఎక్కువగా ఉంది అని సెహ్వాగ్ అభిప్రాయపడ్డాడు. "కార్తీక్‌ స్థానంలో పంత్‌ను జట్టులోకి తీసుకోవాలని తొలి మ్యాచ్‌ నుంచే నేను చెబుతున్నాను. రిషబ్‌ ఆస్ట్రేలియాలో వన్డే, టెస్టు మ్యాచ్‌లు ఆడాడు. కాబట్టి ఆస్ట్రేలియా వంటి బౌన్సీ పిచ్‌లలో ఎలా రాణించాలో పంత్‌కు బాగా తెలుసు. దినేష్ కార్తీక్ ఆస్ట్రేలియా పిచ్‌లపై ఆడి చాలా కాలమైంది. అతడికి ఇటువంటి బౌన్సీ పిచ్‌లపై ఆడిన అనుభవం అస్సలు లేదు. ఇదేమి బెంగళూరు వికెట్‌ కాదు, నేరుగా బంతి బ్యాట్‌పైకి రావడానికి. దక్షిణాఫ్రికాతో మ్యాచ్‌లో నైనా కనీసం హుడా స్థానంలోనైనా పంత్‌ను తీసుకోవాల్సింది. గతంలో పంత్‌ గబ్బాలో ఆడిన ఇన్నింగ్స్‌ ఇప్పటికీ ప్రతీ ఒక్క గుర్తుంది. ఇప్పటికైనా మేనేజ్‌మెంట్‌ పంత్‌ను జట్టులోకి తీసుకోవాలి" అని క్రిక్‌బజ్‌తో సెహ్వాగ్ పేర్కొన్నాడు. కాగా దక్షిణాఫ్రికాతో జరిగిన మ్యాచ్‌లో దినేష్‌ కార్తీక్‌ గాయపడ్డాడు. ఈ క్రమంలో బంగ్లాదేశ్‌తో జరిగే భారత్‌ తదుపరి మ్యాచ్‌కు కార్తీక్‌ అందుబాటుపై సందిగ్ధం నెలకొంది. var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); చదవండి: T20 World Cup 2022: ఎంత పనిచేశావు కోహ్లి.. ఆ ఒక్క క్యాచ్‌ పట్టి ఉంటే! వీడియో వైరల్‌

టీ20 ప్రపంచకప్‌-2022 తొలి రౌండ్‌(క్వాలిఫియర్స్‌) తుది దశకు చేరుకుంది. ఇప్పటికే గ్రూప్‌-ఎ నుంచి శ్రీలంక, నెదర్లాండ్స్‌ జట్లు సూపర్‌-12 అర్హత సాధించగా.. గ్రూప్‌-బి భవితవ్యం శుక్రవారం తేలిపోనుంది. ఇక శనివారం(ఆక్టోబర్‌-22) నుంచి  సూపర్‌-12 సమరం ప్రారంభం కానుంది. సూపర్‌-12లో భాగంగా తొలి మ్యాచ్‌లో ఆస్ట్రేలియా, న్యూజిలాండ్‌ జట్లు సిడ్నీ వేదికగా తలపడనున్నాయి అనంతరం ఆదివారం(ఆక్టోబర్‌ 23)న మెల్‌బోర్న్‌ వేదికగా పాకిస్తాన్‌, భారత్‌ జట్లు అమీతుమీ తెల్చుకోనున్నాయి. కాగా గతేడాది టీ20 ప్రపంచకప్‌లో పాకిస్తాన్‌ చేతిలో భారత్‌ 10 వికెట్ల తేడాతో ఓటమిపాలైంది. ఈ మ్యాచ్‌లో ఎలాగైనా గెలిచి గతేడాది ఓటమికి బదులు తీర్చుకోవాలని రోహిత్‌ సేన భావిస్తోంది. ఇక భారత్‌-పాకిస్తాన్‌ హై వోల్టేజ్‌ మ్యాచ్‌కు ముందు టీమిండియా దిగ్గజం వీరేంద్ర సెహ్వాగ్ ఆసక్తికర వాఖ్యలు చేశాడు. టీ20 ప్రపంచకప్‌-2022లో టాప్‌ రన్‌ స్కోరర్‌గా పాకిస్తాన్‌ కెప్టెన్‌ బాబర్‌ ఆజం నిలుస్తాడని సెహ్వాగ్ అభిప్రాయపడ్డాడు. కాగా బాబర్‌ ఆజం ప్రస్తుతం అద్భుతమైన ఫామ్‌లో ఉన్నాడు. ఇటీవల జరిగిన పాకిస్తాన్‌-న్యూజిలాండ్‌-బంగ్లాదేశ్‌ ట్రై సిరీస్‌లో బాబర్‌ అదరగొట్టాడు. క్రిక్‌బజ్‌తో సెహ్వాగ్ మాట్లాడుతూ.. "పాకిస్తాన్‌ కెప్టెన్‌ బాబర్‌ ఆజం అద్భుతమైన బ్యాటింగ్‌ స్కిల్స్‌ను కలిగి ఉన్నాడు. అతడు ప్రపంచ అత్యుత్తమ క్రికెటర్లలో ఒకడు. విరాట్‌ కోహ్లి బ్యాటింగ్‌ చూస్తుంటే మనం ఎంత కూల్‌గా ఉంటామో.. బాబర్‌ బ్యాటింగ్‌ను చూసిన కూడా అదే భావన కలుగుతుంది. ఇక ఈ ఏడాది టీ20 ప్రపంచకప్‌లో అత్యధిక పరుగులు చేసిన ఆటగాడిగా బాబర్‌ నిలిచే అవకాశం ఉంది" అని పేర్కొన్నాడు. var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); చదవండి: T20 WC 2022: 'అతడు ఒంటి చేత్తో భారత్‌కు టీ20 ప్రపంచకప్‌ను అందిస్తాడు'

Legends League Cricket 2022- Gujarat Giants vs Bhilwara Kings: లెజెండ్స్‌ లీగ్‌ క్రికెట్‌-2022 టోర్నీలో భాగంగా గుజరాత్‌ జెయింట్స్‌తో మ్యాచ్‌లో భిల్వారా కింగ్స్‌ ఘన విజయం సాధించింది. వీరేంద్ర సెహ్వాగ్‌ సేనపై ఇర్ఫాన్‌ పఠాన్‌ బృందం ఏకంగా 57 పరుగుల తేడాతో గెలుపొందింది. తద్వారా పఠాన్‌ సారథ్యంలోని భిల్వారా కింగ్స్‌ జట్టు రెండో విజయాన్ని నమోదు చేసింది. పాయింట్ల పట్టికలో రెండో స్థానానికి చేరుకుంది. దంచికొట్టిన కింగ్స్‌ బ్యాటర్లు! ఒడిశాలోని కటక్‌లోని బారాబతి స్టేడియం వేదికగా ఇరు జట్ల మధ్య మంగళవారం మ్యాచ్‌ జరిగింది. టాస్‌ గెలిచిన గుజరాత్‌ జెయింట్స్‌ తొలుత బౌలింగ్‌ ఎంచుకుంది. అయితే, జెయింట్స్‌ బౌలర్లు భిల్వారా కింగ్స్‌ బ్యాటర్లను ఏమాత్రం కట్టడి చేయలేకపోయారు. కింగ్స్‌ ఓపెనర్లు మోర్నీ వాన్‌ విక్‌ అర్ధ శతకం(28 బంతుల్లోనే 50 పరుగులు) సాధించగా.. విలియం పోర్టర్‌ఫీల్డ్‌ 33 బంతుల్లో 64 పరుగులతో చెలరేగాడు. ఇక వన్‌డౌన్‌ బ్యాటర్‌, కెప్టెన్‌ ఇర్ఫాన్‌ పఠాన్‌ 34 పరుగులతో రాణించగా.. జేసల్‌ కారియా 29 బంతుల్లోనే 43 పరుగులు రాబట్టాడు. ఆఖర్లో యూసఫ్‌ పఠాన్‌ మెరుపులు (5 బంతుల్లో రెండు సిక్సర్ల సాయంతో 14 పరుగులు) మెరిపించగా.. రాజేశ్‌ బిష్ణోయి రెండు బంతుల్లో రెండు సిక్సర్లు కొట్టి 12 పరుగులు సాధించాడు. ఇలా బ్యాటర్లంతా రెచ్చిపోవడంతో భిల్వారా కింగ్స్‌ నిర్ణీత 20 ఓవర్లలో 4 వికెట్ల నష్టానికి 222 పరుగులు స్కోరు చేసింది. చేతులెత్తేసిన జెయింట్స్‌ బ్యాటర్లు! గేల్‌, సెహ్వాగ్‌ కూడా విఫలం భారీ లక్ష్యంతో బరిలోకి దిగిన గుజరాత్‌ జెయింట్స్‌ ఆదిలోనే ఓపెనర్ల వికెట్లు కోల్పోయింది. కెవిన్‌ ఒ బ్రెయిన్‌ 2, క్రిస్‌ గేల్‌ 15 పరుగులకే నిష్క్రమించారు. కెప్టెన్‌ సెహ్వాగ్‌ 20 బంతుల్లో 27 పరుగులు చేశాడు. ఇక కింగ్స్‌ బౌలర్ల ధాటికి మిగతా బ్యాటర్లంతా చేతులెత్తేయగా.. తొమ్మిదో స్థానంలో బ్యాటింగ్‌కు వచ్చిన యశ్‌పాల్‌ 29 బంతుల్లో 57 పరుగులు చేశాడు. ఆఖర్లో రియాద్‌, కేపీ అప్పన్న కాసేపు పోరాడినా.. అప్పటికే పరిస్థితి చేజారడంతో 165 పరుగులకే సెహ్వాగ్‌ సేన కథ ముగిసింది. 57 పరుగుల తేడాతో భిల్వారా కింగ్స్‌ జయకేతనం ఎగురవేసింది. ఇక కింగ్స్‌ బౌలర్లలో శ్రీశాంత్‌కు అత్యధికంగా మూడు వికెట్లు దక్కాయి. జేసల్‌ కారియా, ఫిడెల్‌ ఎడ్‌వర్డ్స్‌ రెండేసి వికెట్లు పడగొట్టగా.. టినో బెస్ట్‌ ఒకటి, దినేశ్‌ ఒకటి, మాంటీ పనేసర్‌ ఒక వికెట్‌ తమ ఖాతాలో వేసుకున్నారు. కింగ్స్‌ భారీ స్కోరు చేయడంలో కీలక పాత్ర పోషించిన విలియం పోర్టర్‌ఫీల్డ్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. చదవండి: Ind Vs SA 1st T20: దక్షిణాఫ్రికాతో టీ20 సిరీస్‌.. సొంతగడ్డపై ఒక్కసారి కూడా ట్రోఫీ గెలవని భారత్‌! వరణుడు కరుణిస్తేనే! Irfan Pathan: 'ధోని వల్లే కెరీర్‌ నాశనమైంది'.. ఇర్ఫాన్‌ పఠాన్‌ అదిరిపోయే రిప్లై

లెజెండ్స్‌ లీగ్‌ క్రికెట్‌ 2022 ఆసక్తికరంగా సాగుతుంది. సోమవారం గుజరాత్‌ జెయింట్స్‌, మణిపాల్‌ టైగర్స్‌ మధ్య మ్యాచ్‌ జరిగింది. ఆద్యంతం ఉత్కంఠభరితంగా సాగిన మ్యాచ్‌లో గుజరాత్‌ జెయింట్స్‌ రెండు వికెట్ల తేడాతో విజయం అందుకుంది. తొలుత బ్యాటింగ్‌ చేసిన మణిపాల్‌ టైగర్స్‌ నిర్ణీత 20 ఓవర్లలో 8 వికెట్ల నష్టానికి 120 పరుగులు చేసింది. రవికాంత్‌ శుక్లా 32 పరుగులతో టాప్‌ స్కోరర్‌గా నిలవగా.. మహ్మద్‌ కైఫ్‌ 24 పరుగులు చేశాడు. గుజరాత్‌ జెయింట్స్‌ బౌలర్లలో దిల్షాన్‌, దిండా రెండు వికెట్లు తీయగా.. ఎమ్రిత్‌, పెరీరా చెరొక వికెట్‌ తీశారు.  అనంతరం బ్యాటింగ్‌ చేసిన గుజరాత్‌ జెయిం‍ట్స్‌ 17.2 ఓవర్లలో 8 వికెట్లు కోల్పోయి లక్ష్యాన్ని అందుకుంది. పార్థివ్‌ పటేల్‌ 34 పరుగులతో టాప్‌ స్కోరర్‌ కాగా.. తిసారా పెరీరా 22, కెవిన్‌ ఒబ్రెయిన్‌ 23 పరుగులు చేశారు. లక్ష్యం తక్కువగా ఉన్నప్పటికి గుజరాత్‌ జెయింట్స్‌ వరుస విరామాల్లో వికెట్లు కోల్పోవడంతో చివర్లో ఉత్కంఠ నెలకింది. కానీ పెరీరా 4 ఫోర్లు బాది జట్టుపై ఒత్తిడి తగ్గించాడు. మణిపాల్‌ టైగర్స్‌ బౌలర్లలో క్రిస్‌ మోఫూ, పర్వీందర్‌ ఆవానా, హర్భజన్‌ సింగ్‌, ముత్తయ్య మురళీధరన్‌ తలా రెండు వికెట్లు తీశారు.