mptc

మార్కాపురం జిల్లా: టీడీపీ గూండాలు ఐదు సార్లు దాడి చేసి నామినేషన్‌ పత్రాలు చించేసినా.. ఏ మాత్రం వెనక్కితగ్గకుండా నామినేషన్‌ వేసిన ప్రకాశం జిల్లా సూద­న­గుంట వైఎస్సార్‌సీపీ అభ్యర్థిని ఘన విజయం సాధించారు. మార్కాపురం జిల్లా పొదిలి మండలం సూదనగుంట ఎంపీటీసీ వైఎస్సార్‌సీపీ అభ్యర్థిని దొనపాటి శ్రావణి నామినేషన్‌ వేసేందుకు వెళ్లిన ప్రతి­సారీ పోలీసుల అండతో టీడీపీ గూండాలు చీర పట్టుకొనిలాగి, దాడి చేసి.. నామినేషన్‌ పత్రాలను లాక్కొని చించేశారు. టీడీపీ గూండాల దాడిలో శ్రావణి చేతికి గా­యమైంది. ఇంత జరుగుతున్నా పోలీసులు చూస్తూ ఉండి పోయారే తప్ప.. టీడీపీ రౌడీలపై చర్యలు తీసుకోలేదు. దీంతో మరింత రెచ్చిపోయిన టీడీపీ గూండాలు ఐదుసార్లు ఆమె నామినేషన్‌ పత్రాలను చించేశారు. అయి­నా పట్టువదలకుండా అతికష్టం మీద శ్రావణి నామినేషన్‌ దాఖలు చేశారు. ఎన్ని ఒత్తిళ్లు, బెదిరింపులు వచి్చనా నామినేషన్‌ ఉపసంహరించుకోలేదు. టీడీపీ గూండాలు ఎన్ని అక్రమాలకు పాల్పడినా చివరకు టీడీపీ అభ్యర్థిని బీరం ధనలక్ష్మి­పై వైఎస్సార్‌సీపీ అభ్యర్థిని శ్రావణి 44 ఓట్ల మెజార్టీతో విజయం సాధించారు. ఆమెను వైఎస్సార్‌సీపీ మాజీ ఎమ్మెల్యే, మార్కాపురం ఇన్‌చార్జ్‌ అన్నా రాంబాబు, నియోజకవర్గ పరిశీలకుడు కేవీ రమణారెడ్డి అభినందించారు.

‘అమ్మా నువ్వే 42 ఓట్లతో గెలిచావు.. ధ్రువీకరణ పత్రంపై సంతకం చేద్దువు రా’ అని వైఎస్సార్‌సీపీ ఎంపీటీసీ అభ్యర్థిని అధికారులు పిలిచారు. అంతలోనే పచ్చ నేతలు అడ్డుపడటంతో టీడీపీ అభ్యర్థే గెలి­చారు, నువ్వు 6 ఓట్ల తేడాతో ఓడిపోయా­వు అని చెప్పారు. శ్రీకాకుళం జిల్లా సానివాడ ఎంపీటీసీ స్థానంలో జరిగిన అన్యాయమిది. కౌంటింగ్‌లో వైఎస్సార్‌సీపీ అభ్యర్థి ఎచ్చెర్ల దివ్య శ్రీధర్‌కు ముందుగా 319 ఓట్ల మెజారిటీ లభించింది. దీంతో టీడీపీ రీకౌంటింగ్‌ కోరింది. రీకౌంటింగ్‌ తర్వాత దివ్య­కు 42 ఓట్లు మెజార్టీ వచ్చినట్లు అధికారులు ప్రకటించారు. ధ్రువపత్రంపై సంతకం చేయాలని పిలిచారు. అయితే ఈ ప్రాదేశికంలో స్థానిక ఎమ్మెల్యే గొండు శంకర్‌ ఊరు ఉండటంతో ఎలాగైనా గెలవాలని టీడీపీ అభ్యర్థి అరసవల్లి లక్ష్మీదేవి రీకౌంటింగ్‌ పెట్టించారు. దీనికి ఎన్నికల అధికారులు, ఆర్‌ఓ బొడ్డేపల్లి శైలజ సహకారం తోడవ్వడంతో అంకెలను మార్చేసి, ఆరు ఓట్ల తేడాతో దివ్య ఓడిపోయారని, లక్ష్మీదేవి గెలిచారని ఆర్‌ఓ శైలజ ప్రకటించేశారు. దీంతో దివ్య, ఆమె అనుచరులు నిశ్చేషు్టలయ్యారు. రీకౌంటింగ్‌ పెట్టాలని దివ్య కోరినప్పటికీ ఆర్‌ఓ నిరాకరించారు.అన్యాయం చేశారు..ఎమ్మెల్యే గొండు శంకర్‌ బెదిరింపులతో తన భర్త శ్రీధర్‌ను పోలీసులు హౌస్‌ అరెస్ట్‌ చేశారని, ఇక్కడ ఎన్నికల అధికారుల సాయంతో తనకు అన్యాయం చేశారని దివ్య కన్నీటి పర్యంతమయ్యారు. తనకు జరిగిన అన్యాయంపై ఫిర్యాదు చేసేందుకు కలెక్టర్‌కు ఫోన్‌ చేసినా స్పందించలేదన్నారు. అక్కడే ఉన్న ఆర్డీఓ సాయి శిరీష, జెడ్పీ సీఈఓ వెంకట్‌రామన్‌లు వారికేం సంబంధం లేదని చెబుతున్నారన్నారు. – అరసవల్లి (శ్రీకాకుళం )

అల్లూరి సీతారామరాజు జిల్లా : 21 ఏళ్లకే గొరపూడి ఎంపీటీసీగా స్వతంత్ర అభ్యర్థి లెక్కల శ్రావణి విజయం సాధించారు. గొరపూడి శివారు అప్పన్నపాలేనికి చెందిన శ్రావణి గ్రాడ్యుయేషన్‌ పూర్తి చేశారు. ఇటీవలే ఆమెకు వివాహమైంది. టీడీపీ తరపున పోటీ చేసేందుకు ప్రయత్నించినప్పటికీ ఫలితం లేకపోవడంతో స్వతంత్ర అభ్యర్థిగా బరిలోకి దిగారు. బీజేపీ అభ్యర్థి లాలం అరుణపై 290 ఓట్ల మెజారిటీతో గెలుపొందారు. ప్రజా సేవ చేయాలన్న ఆకాంక్షతో తాను రాజకీయాల్లోకి వచ్చి ఎన్నికల్లో పోటీ చేసి గెలుపొందానని శ్రావణి పేర్కొన్నారు. ఇదీ చదవండి: ఈ కన్నీటికి కారణమెవరు..?

కావలి: తన భార్య ఎంపీటీసీగా గెలిచినప్పటికీ, ఓడిపోయినట్లు ప్రకటించారంటూ వైఎస్సార్‌సీపీ ఎంపీటీసీ అభ్యర్థి భర్త భవనంపై నుంచి దూకి ఆత్మహత్యాయత్నం చేశారు. శ్రీ పొట్టి శ్రీరాములు నెల్లూరు జిల్లా ఉదయగిరి నియోజకవర్గంలోని జలదంకి మండల కేంద్రం బిట్‌–2 ఎంపీటీసీ వైఎస్సార్‌సీపీ అభ్యర్థిగా సురే పద్మావతి పోటీ చేశారు. కావలిలోని పీబీఆర్‌ విశ్వోదయ ఇంజినీరింగ్‌ కళాశాలలో శనివారం ఓట్ల లెక్కింపు జరిగింది. వైఎస్సార్‌సీపీ అభ్యర్థి పద్మావతికి 1,138 ఓట్లు వచ్చాయి. టీడీపీ నుంచి ఎంపీపీ ప్రతిపాదిత అభ్యర్థి కొలకలపూడి భవానికి 1121 ఓట్లు వచ్చాయి. దీంతో పద్మావతి 17 ఓట్ల మెజార్టీతో గెలుపొందారు. వెంటనే టీడీపీ నేతలు అధికారులపై ఒత్తిడి తేవడంతో డిక్లరేషన్‌ ఇవ్వకుండా నిలిపివేశారు. టీడీపీ అభ్యర్థి గెలుపొందినట్లు డిక్లరేషన్‌ ఇచ్చేందుకు రూ.కోటి ఇస్తామంటూ బేరానికి దిగారు. దీనికి వైఎస్సార్‌సీపీ అభ్యర్థి అంగీకరించలేదు. దీంతో ఐదు గంటలపాటు పోలీసులు, టీడీపీ నాయకులు కౌంటింగ్‌ కేంద్రంలో హంగామా సృష్టించారు. వారికి అధికారులు సహకరించారు. చివరకు రీకౌంటింగ్‌ పేరుతో ఇద్దరి ఓట్లను 1123 ఓట్లుగా సమం చేశారు. ఇద్దరి ఓట్లు సమానం అయినప్పుడు టాస్‌ వేసి విజయాన్ని ప్రకటించాలి. కానీ, టీడీపీ అభ్యర్థికి మరో ఓటు కలిపేసి, ఒక్క ఓటుతో గెలుపొందినట్లు ప్రకటించారు. ఈ అన్యాయాన్ని తట్టుకోలేకపోయిన వైఎస్సార్‌సీపీ ఎంపీటీసీ భర్త వెంకట శేషారెడ్డి కౌంటింగ్‌ కేంద్రంలోనే టీడీపీ నాయకులు, అధికారుల దాష్టీకాలపై ఆగ్రహం వ్యక్తం చేశారు. మా శవాలపై గెలుపు పత్రాలు అందుకోండంటూ రెండంతస్తుల భవనంపై నుంచి కిందకు దూకే ప్రయత్నం చేశారు. పోలీసులు ఆయన్ని పట్టుకుని సముదాయించి పంపించారు.

సాక్షి, అమరావతి / సాక్షి నెట్‌వర్క్‌: స్థానిక ఎన్నికల్లో వెన్నుపోటు పార్టీ అక్రమాలు, దౌర్జన్యాలు, బరితెగింపులు పరాకాష్టకు చేరాయి. నామినేషన్ల పర్వం మొదలు కౌంటింగ్‌ వరకు యథేచ్ఛగా పచ్చ గూండాలకు పోలీసులు యథాశక్తి సహకరించారు. కొన్ని చోట్ల పోలీసులే పచ్చ మూకలను మరిపించేలా దౌర్జన్యం చేస్తూ వైఎస్సార్‌సీపీ ఏజెంట్లను తరిమేశారు. ఈ క్రమంలో శనివారం రాష్ట్ర వ్యాప్తంగా జరిగిన జెడ్పీటీసీ, ఎంపీటీసీ ఎన్నికల కౌంటింగ్‌లో అరాచకం రాజ్యమేలింది. తప్పులను, అక్రమాలను ప్రశ్నించే అవకాశం లేకుండా వైఎస్సార్‌సీపీ శ్రేణులపై ఖాకీ కట్టడి శృతిమించింది. ఓటర్లు ఇచ్చిన తీర్పును తారుమారు చేసి ఫలితాలను తమకు అనుకూలంగా మలుచుకునేందుకు పచ్చ పార్టీకి పోలీసులే రక్షణ కవచంగా మారారు. పోలింగ్‌ రోజు గురువారం వైఎస్సార్‌సీపీ నేతలను హౌస్‌ అరెస్టులు చేయడం, అధికారిక పాసులు ఉన్న ఏజెంట్లను కౌంటింగ్‌ కేంద్రాల్లోకి వెళ్లనివ్వక పోవడం, బైండోవర్‌ కేసుల పేరుతో అడ్డుకోవడం, నిరసన తెలిపిన వారిపై తప్పుడు కేసులు నమోదు చేయడం తెలిసిందే. కౌంటింగ్‌ రోజు అయితే ఒకవైపు వైఎస్సార్‌సీపీ నేతలు, ఏజెంట్లపై కఠిన ఆంక్షలు విధిస్తూ.. మరోవైపు అధికార పార్టీ ప్రజాప్రతినిధులు, వారి కుటుంబ సభ్యులు, పీఏలు, నేతలు స్వేచ్ఛగా తిరిగేలా పోలీసులు పచ్చ జెండా ఊపారు. ఫలితంగా ప్రశ్నించే గొంతులను ముందుగానే కట్టడి చేసి.. ఓట్ల లెక్కింపులో జరిగే తేడాలపై అభ్యంతరాలు వ్యక్తం కాకుండా చేయడమే లక్ష్యంగా పోలీసులు వ్యవహరించడం పట్ల విమర్శలు వెల్లువెత్తుతున్నాయి. ఆళ్లగడ్డలో టీడీపీ గూండాలు దహనం చేసిన కార్లు నగరిలో మాజీ మంత్రి రోజాపై పోలీసుల దాష్టీకం నోటా ఓట్లతో టీడీపీ గెలుపు ప్రకాశం జిల్లా కొత్తపట్నం మండలానికి చెందిన గమళ్లపాలెం ఎంపీటీసీ స్థానం నుంచి వైఎస్సార్‌సీపీ అభ్యర్థి తాతా నాగేంద్రమ్మ 11 ఓట్లతో గెలిచింది. రెండు సార్లు రీకౌంటింగ్‌ నిర్వహించినా ఆమే విజేతగా నిలిచారు. ఈ క్రమంలో కొత్తపట్నం తహశీల్దార్‌ డీ రామానాయుడు నోటా ఓట్ల లోంచి కొన్ని ఓట్లు బయటకు తీసి టీడీపీ ఖాతాలో వేశారు. తుదకు రెండు ఓట్లతో టీడీపీ గెలిచినట్టు ప్రకటించారు. బల్లికురవ మండలం మల్లాయపాలెం, వెలమవారిపాలెంలో వైఎస్సార్‌ సీపీ గెలుపు వాకిట ఉండగా.. మంత్రి గొట్టిపాటి పీఏ, ఎస్సై నాగరాజు అక్కడే తిష్టవేసి ఫలితాలను తారుమారు చేసి టీడీపీ విజయం సాధించినట్లు ప్రకటించారు. కొత్తపట్నం మండల వైఎస్సార్‌సీపీ జెడ్పీటీసీ అభ్యర్థి లంకపోతు అంజిరెడ్డి 790 మెజార్టీతో గెలిచినా డిక్లరేషన్‌ ఫారం ఇవ్వలేదు. బాధిత అభ్యర్థి, ఏజెంట్లు గేటు బయట ధర్నాకు దిగడంతో జేసీ కల్పనా కుమారి వచ్చి విచారించి.. వైఎస్సార్‌సీపీ అభ్యర్థికి డిక్లరేషన్‌ ఫాం ఇచ్చారు. అక్రమాలకు నిలువెత్తు నిదర్శనం » కర్నూలు జిల్లా ఆలూరు నియోజకవర్గంలో ఎంపీటీసీ, జెడ్పీటీసీ ఎన్నికల ఓట్ల లెక్కింపులో పోలీసుల దౌర్జన్యకాండ పరాకాష్టకు చేరింది. వైఎస్సార్‌ సీపీ ఏజెంట్లను లోపలికి పంపకుండా నిలువరించారు. ఆలూరు ఎస్‌ఐ మన్మథ విజయ్‌ పోలీసులతో కలిసి విచక్షణారహితంగా లాఠీలతో కొట్టారు. దీంతో ఆలూరు వైఎస్సార్‌సీపీ జెడ్పీటీసీ అభ్యర్థి ఏజెంట్లు మల్లికార్జున తలకు, జక్రయ్యా అనే వైఎస్సార్‌ సీపీ ఏజెంట్‌ చేతి వేళ్లకు రక్తగాయాలయ్యాయి. ఆస్పరి మాజీ జెడ్పీటీసీ దొరబాబును లోపలికి పంపించేది లేదు.. ఎవరికి చెప్పుకుంటావో చెప్పుకో అంటూ సీఐ శ్రీనివాస్‌ నాయక్‌ వార్నింగ్‌ ఇచ్చారు. పోలీసుల తీరుపై ఆలూరు ఎమ్మెల్యే విరూపాక్షి కౌంటింగ్‌ హాలు వద్ద వైఎస్సార్‌సీపీ ఏజెంట్లతో కలిసి నిరసన చేపట్టారు. » శ్రీపొట్టి శ్రీరాములు నెల్లూరు జిల్లా చిల్లకూరు మండలం తమ్మినపట్నం వైఎస్సార్‌ కాంగ్రెస్‌ పార్టీ ఎంపీటీసీ అభ్యర్థి బొమ్మి సుజాతమ్మ ఏడు ఓట్లతో గెలిచారని తొలుత ప్రకటించారు. అయితే టీడీపీ అభ్యర్థి ఒత్తిడితో రీకౌంటింగ్‌ను నిర్వహించి ఆ పార్టీ ఒక్క ఓటుతో గెలిచిందని అధికారులు ప్రకటించారు. అనంతసాగరం వైఎస్సార్‌ కాంగ్రెస్‌ పార్టీ జెడ్పీటీసీ అభ్యర్థి అమరావతి గెలుపును అడ్డుకునేందుకు టీడీపీ నేతలు కౌంటింగ్‌ను నిలిపివేశారు. ఏఎస్‌పేట జెడ్పీటీసీ అభ్యర్థి పందిళ్లపల్లి రాజేశ్వరమ్మ కౌంటింగ్‌లో ముందంజలో ఉండగా, కౌంటింగ్‌ ప్రక్రియను కొంతసేపు నిలిపేశారు. కొన్ని బ్యాలెట్‌ పత్రాలకు ఇంకు మరకలున్నాయని, వాటిని లెక్కించరాదంటూ టీడీపీ ఏజెంట్లు అడ్డుకున్నారు.నెల్లూరు జిల్లా చిల్లకూరు మండలం తమ్మినపట్నంలో వైఎస్సార్‌సీపీ అభ్యర్థిని సుజాతమ్మపై పోలీసులజులుం గూడూరు మండలం తిప్పవరప్పాడులో 60 ఓట్లతో వైఎస్సార్‌సీపీ అభ్యర్థి విజయం సాధిస్తే పట్టబట్టి రీ కౌంటింగ్‌ చేయించారు. అయినా 12 ఓట్ల మెజార్టీ వచ్చింది. దీంతో టీడీపీ మూకలు కౌంటింగ్‌ హాల్లోకి దూరి అభ్యర్థి చేతిలోని డిక్లరేషన్‌ను చించివేసి మూడు ఓట్ల మెజార్టీతో టీడీపీ గెలిచిందని ప్రకటించుకున్నారు. వెందోడు సెగ్మెంట్‌లో వైఎస్సార్‌సీపీ అభ్యర్థి 80 ఓట్లతో విజయం సాధిస్తే మళ్లీ రీకౌంటింగ్‌ పేరుతో టీడీపీ 200 ఓట్లతో విజయం సాధించినట్లు ప్రకటించుకున్నారు. కాగా, ఆత్మకూరులోని కౌంటింగ్‌ కేంద్రం వద్ద తమకు భోజనం, టిఫిన్, కనీసం నీళ్లు కూడా ఇవ్వలేదని సిబ్బంది ఆందోళనకు దిగారు. » విశాఖ జిల్లా ఆనందపురం మండలం గంభీరం ఎంపీటీసీ వైఎస్సార్‌సీపీ అభ్యర్థి అయినాపురపు లక్ష్మణకుమార్‌ (బాబ్జీ)­కు 63 ఓట్ల ఆధిక్యం వచ్చింది. ఎమ్మెల్యే గంటా శ్రీనివాసరావు మేనల్లుడు చిక్కాల విజయబాబు జోక్యంతో మూడు సార్లు రీ కౌంటింగ్‌ నిర్వహించారు. తుదకు చెల్లని ఓట్లు కలిపి టీడీపీ అభ్యర్థి 4 ఓట్ల మెజారిటీతో గెలిచినట్లు ప్రకటించారు. » మార్కాపురం జిల్లా త్రిపురాంతకం మండలంలోని గణపవరం ఎంపీటీసీ సెగ్మెంట్‌లో వైఎస్సార్‌ కాంగ్రెస్‌ పార్టీ అభ్యర్థి భవనం కుమారి 38 ఓట్ల మెజార్టీతో గెలుపొందినట్లు ఎన్నికల అధికారి ప్రకటించారు. అయితే ఆమెకు డిక్లరేషన్‌ ఫారం ఇవ్వడంలో తీవ్రజాప్యం చేసి రీ కౌంటింగ్‌ పేరుతో టీడీపీ అభ్యర్థి 4 ఓట్ల మెజార్టీతో గెలుపొందినట్లు ప్రకటించారు. ఈ అన్యాయాన్ని ప్రశ్నించడానికి వచ్చిన ఎమ్మెల్యే తాటిపర్తి చంద్రశేఖర్‌ను మార్కాపురం డీవైఎస్పీ నిమ్మగడ్డ సత్యనారాయణ, సీఐ అల్తాఫ్‌ హుసేన్‌లు అడ్డుకున్నారు. » కాకినాడు జిల్లా ప్రత్తిపాడు మండలం ధర్మవరం ఎంపీటీసీగా వైఎస్సార్‌సీపీ అభ్యర్థి గొణగాల గోపాలస్వామి 27 ఓట్ల మెజారిటీతో గెలిచారు. అయినా మూడు గంటలపాటు డిక్లరేషన్‌ ఫాం ఇవ్వలేదు. గోపాలస్వామి.. అధికారులు, సీఐ కాళ్లావేళ్లాపడి బతిమాలడం ప్రజాస్వామ్య దుర్గతికి అద్దం పట్టింది. ఆళ్లగడ్డలో అర్ధరాత్రి మంటలు కౌంటింగ్‌ వేళ నంద్యాల జిల్లా ఆళ్లగడ్డలో ఉద్రిక్తత చోటుచేసుకుంది. వైఎస్సార్‌సీపీ మున్సిపల్‌ చైర్‌పర్సన్‌ అభ్యర్థి షరీఫాబీకి చెందిన రెండు కార్లను అర్ధరాత్రి దుండగులు తగలబెట్టారు. ఏఎన్‌ఆర్‌ మహబూబ్‌ బాషా ఇంటి ఎదుట నిలిపి ఉంచిన వాహనాలు పూర్తిగా దగ్ధమయ్యాయి. రెండు రోజుల క్రితమే షరీఫాబీ కుమారుడు సాదిక్‌పై కత్తులతో దాడి జరిగిన నేపథ్యంలో, తాజాగా వాహనాలను తగలబెట్టడం ఆందోళన కలిగిస్తోంది. వరుస ఘటనల వెనుక ఉన్నది ఎవరో తెలిసినా పోలీసులు చర్యలు తీసుకోవడం లేదని వైఎస్సార్‌సీపీ వర్గాలు ఆగ్రహం వ్యక్తం చేశాయి. శ్రీకాకుళం జిల్లా టెక్కలి మండలం లింగాలవలస ఎంపీటీసీ అభ్యర్థి దువ్వాడ హైందవి విజయం సాధించినప్పటికీ, రీ కౌంటింగ్‌ పేరుతో రభస సృష్టించారు. రీ కౌంటింగ్‌లోనూ ఆమే గెలిచింది. తీరా ధ్రువీకరణ పత్రం ఇచ్చేటప్పుడు టీడీపీ అభ్యర్థి కమలాకర్‌రావు విజయం సాధించినట్లు ప్రకటించారు. ఖాకీల ఓవర్‌ యాక్షన్‌ నంద్యాల జిల్లాలో మాజీ ఎమ్మెల్యేలు శిల్పా చక్రపాణిరెడ్డి, శిల్పా రవిచంద్ర కిశోర్‌రెడ్డిలను కౌంటింగ్‌ కేంద్రాలకు వెళ్లకుండా పోలీసులు అడ్డుకున్నారు. శ్రీశైలం నియోజకవర్గం ఆత్మకూరులో పార్టీ కార్యాలయంలో సమన్వయకర్త శిల్పా భువనేశ్వర్‌రెడ్డిని పోలీసులు నిర్బంధించారు. నందికొట్కూరులో వైఎస్సార్‌సీపీ కార్యాలయానికి వెళ్తున్న బైరెడ్డి సిద్ధార్థరెడ్డిని అడ్డుకుని అరెస్టు చేశారు. అన్నమయ్య జిల్లా పీలేరు నియోజకవర్గంలో బైండోవర్‌ పేరుతో వైఎస్సార్‌సీపీ కౌంటింగ్‌ ఏజెంట్లను అడ్డుకున్నారు. అనంతపురం జిల్లాలో మాజీ మంత్రి శైలజానాథ్, మాజీ ఎంపీ తలారి రంగయ్యలను నిర్బంధించారు. మరోవైపు కూటమి ఎమ్మెల్యే కుటుంబ సభ్యులను కౌంటింగ్‌ కేంద్రంలోకి అనుమతించారు. యర్రగొండపాలెంలో ఎమ్మెల్యే తాటిపర్తితో వాగ్వాదం చేస్తున్న డీవైఎస్పీ, సీఐ శ్రీసత్యసాయి జిల్లా ధర్మవరం, చెన్నేకొత్తపల్లి, గోరంట్ల ప్రాంతాల్లో వైఎస్సార్‌సీపీ ఏజెంట్లను పోలీసులు బలవంతంగా బయటకు పంపేశారు. ధర్మవరంలో మాజీ ఎమ్మెల్యే కేతిరెడ్డి వెంకటరామిరెడ్డిని సైతం కౌంటింగ్‌ కేంద్రంలోకి అనుమతించ లేదు. ఎన్టీఆర్‌ జిల్లా జగ్గయ్యపేటలో వైఎస్సార్‌సీపీ ఏజెంట్లను కేసుల పేరుతో కౌంటింగ్‌ హాలుకు వెళ్లకుండా అడ్డుకున్నారు. ప్రకాశం జిల్లా యర్రగొండపాలెం నియోజకవర్గంలో ఎమ్మెల్యే తాటిపర్తి చంద్రశేఖర్‌ను కౌంటింగ్‌ కేంద్రం వద్ద పోలీసులు అడ్డుకోవడంపై వివాదం రేగింది. ప్రజల తీర్పుపై నమ్మకం ఉంటే ప్రతిపక్ష నేతలను ఎందుకు నిర్బంధించాల్సి వచ్చిందని, కౌంటింగ్‌ కేంద్రాల వద్ద తమను ఎందుకు అడ్డుకుంటున్నారని వైఎస్సార్‌సీపీ నేతలు పోలీసులను నిలదీశారు. ఉమ్మడి చిత్తూరు జిల్లాలో అరాచకం తిరుపతి జిల్లా సత్యవేడు నియోజకవర్గం కేవీబీ పురం వైఎస్సార్‌సీపీ జెడ్పీటీసీ అభ్యర్థి సుజాత 1,600 ఓట్ల మెజారిటీ సాధించారు. ఓటమిని జీర్ణించుకోలేని టీడీపీ నేతలు రీకౌంటింగ్‌కు డిమాండ్‌ చేశారు. అలా ఐదు పర్యాయాలు రీ కౌంటింగ్‌ జరిపించారు. ప్రతిసారీ వైఎస్సార్‌సీపీ అభ్యర్థే ఆధిక్యం చాటుకున్నారు. తుదకు అర్ధరాత్రి దాటాక అన్యాయంగా టీడీపీ అభ్యర్థి 248 ఓట్లతో గెలిచినట్లు ప్రకటించారు. » తిరుపతి జిల్లా కేవీబీ పురం మండలంలోని ఆరు ఎంపీటీసీ స్థానాల్లో వైఎస్సార్‌సీపీ అభ్యర్థులు విజయం సాధించారు. పలుమార్లు రీకౌంటింగ్‌ చేసినా.. వైఎస్సార్‌సీపీ అభ్యర్థులే గెలుపొందినట్లు ఎన్నికల అధికారులు ప్రకటించారు. అయితే డిక్లరేషన్‌ ఫారాలు ఇవ్వకుండా టీడీపీ నేతలు అడ్డుకున్నారు. » తిరుపతి రూరల్‌ వైఎస్సార్‌సీపీ జెడ్పీటీసీ అభ్యర్థి చెవిరెడ్డి హర్షిత్‌రెడ్డి ప్రతి రౌండ్‌లో ఆధిక్యం ప్రదర్శిస్తుండడంతో స్థానిక ఎమ్మెల్యే పులివర్తి నాని భార్య సుధారెడ్డి అధికారులపై ఒత్తిడి చేసి కౌంటింగ్‌ ఆపించారు. ఇదే నియోజకవర్గం పేరూరు–2 వైఎస్సార్‌సీపీ ఎంపీటీసీ అభ్యర్థి 6 ఓట్లతో గెలుపొందారు. రీకౌంటింగ్‌లోనూ అదే 6 ఓట్లు ఆధిక్యం ఉన్నట్లు ఎన్నికల అధికారులు వెల్లడించారు. అయినా డిక్లరేషన్‌ ఇవ్వకుండా టీడీపీ నేతలు అడ్డుపడ్డారు. యర్రావారిపాళెం వైఎస్సార్‌సీపీ జెడ్పీటీసీ అభ్యర్థి 604 ఓట్ల మెజారిటీతో గెలుపొందినట్లు అధికారులు ప్రకటించారు. అయితే డిక్లరేషన్‌ ఇవ్వకుండా అడ్డుకున్నారు. రేణిగుంట వైఎస్సార్‌సీపీ జడ్పీటీసీ అభ్యర్థి మొదటి రౌండ్‌ నుంచి చివరి రౌండ్‌ వరకు ఆధిక్యత చాటుకుంటూ వచ్చారు. కానీ చివరలో బీజేపీ అభ్యర్థి గెలుపొందినట్లు ప్రకటించారు. ఈ విషయంపై తిరుపతి ఎంపీ మద్దెల గురుమూర్తి కౌంటింగ్‌ ప్రక్రియ మొత్తం సీసీ పుటేజ్‌ కావాలని కలెక్టర్‌ని కోరారు. » చిత్తూరు జిల్లా నగరి ఓట్ల లెక్కింపు కేంద్రం వద్ద జరిగిన విజయపురం మండలం ఇల్లత్తూరు ఎంపీటీసీ స్థానాన్ని 15 ఓట్ల మెజారిటీతో తొలుత వైఎస్సార్‌సీపీ అభ్యర్థి దేవి గెలిచినట్లు ఆర్‌వో జయచంద్రారెడ్డి ప్రకటించారు. టీడీపీ అభ్యర్థి రీ కౌంటింగ్‌ కోరడంతో.. చెల్లని ఓట్లను టీడీపీ అభ్యర్థి ఖాతాలో చూపించి మూడు ఓట్ల వ్యత్యాసంతో అధికార పార్టీకి చెందిన ప్రభావతి గెలిచినట్లు ప్రకటించారు. మళ్లీ వైఎస్సార్‌సీపీ అభ్యర్థి రీ–కౌంటింగ్‌ అడిగినా కూడా ఆర్‌వో ఏకపక్షంగా వ్యవహరించి.. టీడీపీ అభ్యర్థి గెలిచినట్లు ధృవీకరణపత్రం ఇచ్చేశారు. దీనిపై మాజీ మంత్రి ఆర్‌కె రోజా కౌంటింగ్‌ కేంద్రం వద్ద నిరసన వ్యక్తం చేయగా.. పోలీసులు ఆమెపై దురుసుగా ప్రవర్తించి, దౌర్జన్యానికి దిగారు. రోజాను పోలీసులు బలవంతంగా ఈడ్చి పారేసి అరెస్ట్‌ చేశారు. » కుప్పం నియోజకవర్గంలోని శాంతిపురం మండలం రాళ్లబూదుగూరులో వైఎస్సార్‌సీపీ ఎంపీటీసీ అభ్యర్థి 17 ఓట్ల తేడాతో గెలిచినట్లు ప్రకటించిన అధికారులు డిక్లరేషన్‌ ఇవ్వకుండా.. టీడీపీ అభ్యర్థికి 3 సార్లు రీ–కౌంటింగ్‌ అవకాశం ఇచ్చారు. తీరా చెల్లని ఓట్లను టీడీపీ అభ్యర్థికి చెల్లుబాటు అయ్యేలా చేసి, మూడు ఓట్లతో గెలిచినట్లు డిక్లరేషన్‌ ఇచ్చారు. అదే మండలం 121–పెద్దూరులో 120 ఓట్ల ఆధిక్యంలో ఉన్న వైఎస్సార్‌సీపీ అభ్యర్థిని బయటకు పంపించేసిన అధికారులు.. టీడీపీ అభ్యర్థి గెలిచినట్లు ప్రకటించారు. ముల్లూరు కృష్ణాపురంలో 110 ఓట్లతో వైఎస్సార్‌సీపీ అభ్యర్థి ఆధిక్యంలో ఉంటే, ఇక్కడ కూడా అభ్యర్థులను, ఏజెంట్లను బయటకు పంపించేసి.. టీడీపీ అభ్యర్థి గెలిచినట్లు ప్రకటించారు. పూతలపట్టులోని ఐరాలలో 442 ఓట్లు పోలైనట్లు లెక్కిస్తే.. టీడీపీ అభ్యర్థికి 468 ఓట్లు వచ్చాయి. అంటే 26 ఓట్లు దొంగ ఓట్లుగా తేలిపోయింది. పలమనేరులోని మొరం ఎంపీటీసీ స్థానంలో వైఎస్సార్‌సీపీ అభ్యర్థి గెలిచినట్లు ప్రకటించిన అధికారులు.. చెల్లని ఓట్లను చెల్లుబాటయ్యేలా చేసి, రీ–కౌంటింగ్‌లో టీడీపీ అభ్యర్థి గెలిచినట్లు ప్రకటించారు. తొట్టంబేడు మండలం సింగమాలకు చెందిన టీడీపీ ఏజెంట్‌.. కట్టలు కట్టిన ఓట్లను బయటకు విసిరేశాడు. ఏజెంట్‌కు పాస్‌ ఉన్నా.. లోపలికి నో ఎంట్రీపలు కౌంటింగ్‌ కేంద్రాల్లో అధికారికంగా ఏజెంట్‌ పాసులు జారీ అయినప్పటికీ నో ఎంట్రీ అంటూ పక్కా పథకం ప్రకారం వైఎస్సార్‌సీపీ ప్రతినిధులను పోలీసులు అడ్డుకున్నారు. పీలేరు నియోజకవర్గంలో ఆరు మండలాలకు చెందిన వైఎస్సార్‌సీపీ ఏజెంట్లను బైండోవర్‌ సాకుతో కౌంటింగ్‌ కేంద్రాల్లోకి అనుమతించలేదు. పాసులు ఉన్నప్పటికీ బయటే నిలిపివేసి, కొందరిని బలవంతంగా బయటకు పంపించారని వైఎస్సార్‌సీపీ నేతలు ఆగ్రహం వ్యక్తం చేశారు. జగ్గయ్యపేట నియోజకవర్గంలో కేసులు ఉన్నాయంటూ వైఎస్సార్‌సీపీ ఏజెంట్లను కౌంటింగ్‌ హాల్‌లోకి అనుమతించలేదు. హిందూపురంలో వైఎస్సార్‌సీపీ నేత వేణురెడ్డి కాలర్‌ పట్టుకొని దాడి చేస్తున్న కానిస్టేబుల్‌ నరేష్‌ హిందూపురం ఎమ్మెల్యే బాలకృష్ణ పీఏ కౌంటింగ్‌ కేంద్రంలో హల్‌చల్‌ చేసినా పట్టించుకోలేదు. మీడియాకు ప్రవేశం నిరాకరించారు. నందికొట్కూరు ఎమ్మెల్యే జయసూర్య పీఏ కౌంటింగ్‌ కేంద్రంలో అధికారులు, ఏజెంట్లతో మాట్లాడుతూ ఆదేశాలు ఇచ్చినా పోలీసులు చూసీచూడనట్టు వ్యవహరించారు. పుట్టపర్తి టీడీపీ నేత పల్లె రఘునాథరెడ్డి కౌంటింగ్‌ కేంద్రంలోనే తిష్ట వేసినా పోలీసులు పట్టించుకోలేదు. కొత్తపేటలో కూటమి ఎమ్మెల్యేను లోపలికి అనుమతించిన పోలీసులు.. వైఎస్సార్‌సీపీ నేతలను అడ్డుకున్నారు. ఎన్టీఆర్‌ జిల్లా తిరువూరు కౌంటింగ్‌ హాల్‌లో కరెంట్‌ ఆపేశారు. నందికొట్కూరు కౌంటింగ్‌ కేంద్రం వద్ద మీడియా ప్రతినిధులను ప్రధాన గేటు వద్దే నిలిపి వేశారు. ఉమ్మడి గుంటూరు జిల్లాలో పచ్చ దాష్టీకం » గుంటూరు జిల్లా మంగళగిరి నియోజకవర్గం చింతలపూడి వైఎస్సార్‌సీపీ ఎంపీటీసీ వైఎస్సార్‌సీపీ అభ్యర్థి కర్ర రమ్య 27 ఓట్ల మెజార్టీతో విజయం సాధించారు. రీ కౌంటింగ్‌లోనే ఈమే నెగ్గింది. అయినా మంత్రి లోకేశ్‌ ఒత్తిడితో ఆమెకు డిక్లరేషన్‌ ఫారమ్‌ ఇవ్వకుండా పోలీసులు నేరుగా జోక్యం చేసుకుని బెదిరించి కౌంటింగ్‌ కేంద్రంలో నుంచి బయటకు నెట్టేశారు. అనంతరం 23 ఓట్లతో టీడీపీ అభ్యర్థి గెలిచినట్లుగా ప్రకటించేశారు. మోరంపూడి వైఎస్సార్‌ సీపీ ఎంపీటీసీ అభ్యర్థి శృంగారపాటి అక్షయరాణి గెలుపు వాకిట ఉండగా.. పోలీసులు ఆమెను, ఆమె ఏజెంట్లను తీవ్రంగా బెదిరించారు. బయటకు వెళ్లకపోతే హత్యాయత్నం కేసు నమోదు చేస్తామంటూ భయ­బ్రాంతులకు గురిచేసి బయటకు నెట్టి వేశారు. ఆ తర్వాత 92 ఓట్లతో టీడీపీ అభ్యర్థి గెలిచినట్లుగా డిక్లర్‌ చేశారు. దుగ్గిరాల మండల రేవేంద్రపాడు వైఎస్సార్‌సీపీ ఎంపీటీసీ అభ్యర్థి జమ్ముగాని మంగమ్మ వంద ఓట్ల మెజార్టీతో విజయం సాధించగా, అధికార పార్టీ నేతలు, పోలీసులు అభ్యర్థితోపాటు, కౌంటింగ్‌ ఏజెంట్లను బయటకు నెట్టివేసి 71 ఓట్లతో టీడీపీ అభ్యర్థి గెలిచినట్లుగా ప్రకటించారు. » బాపట్ల నియోజకవర్గం కర్లపాలెం–1 వైఎస్సార్‌సీపీ ఎంపీటీసీ అభ్యర్థిగా అట్ల వెంకటేశ్వరమ్మ (వైఎస్సార్‌ సీపీ ఎంపీపీ అభ్యర్థి) మూడు ఓట్లతో విజయం సాధించింది. అయితే రీకౌంటింగ్‌ పేరుతో టీడీపీ అభ్యర్థి పిట్టు పావని రెడ్డి విజయం సాధించినట్లు ప్రకటించారు. పిట్టలవానిపాలెం మండలం అల్లూరు వైఎస్సార్‌ సీపీ ఎంపీటీసీ అభ్యర్థి ఉప్పు రాణి (ఎస్టీ మహిళ) ఒక్క ఓటు మెజార్టీతో విజయం సాధించింది. దీనిని జీర్ణించుకోలేని టీడీపీ నేతలు రీకౌంటింగ్‌ పేరుతో గందరగోళం సృష్టించారు. మూడు పోస్టల్‌ బ్యాలెట్‌ ఓట్లు మరిచిపోయామని, అవి కలిపి రెండు ఓట్లు తేడాతో టీడీపీ అభ్యర్థి గున్నం సముద్రాలు గెలిచినట్లు ప్రకటించారు. బాపట్ల మండలం గుడిపూడి వైఎస్సార్‌ సీపీ ఎంపీటీసీ అభ్యర్థి బోయిన వసంత నాలుగు ఓట్ల మెజార్టీతో విజయం సాధించగా మూడు సార్లు రీ కౌంటింగ్‌ పెట్టారు. తుదకు ఆమె వారి బెదిరింపులకు లొంగక పోవడంతో ఒక్క ఓటు మెజార్టీతో గెలిచినట్లు డిక్లర్‌ చేశారు. పోతురాజుపాలెం వైఎస్సార్‌సీపీ ఎంపీటీసీ అభ్యర్థి మధుప్రోలు తిరుపతిరెడ్డి విషయంలోనూ ఇదే జరిగింది. తుదకు నాలుగు ఓట్ల మెజార్టీతో గెలుపొందారు. » గుంటూరు రూరల్‌ వెంగళాయపాలెం–1 ఎంపీటీసీ వైఎస్సార్‌సీపీ అభ్యర్థి ఇందిర కళ్యాణి ఎన్నికల రోజు నుంచి అధికార పార్టీ నేతల దౌర్జన్యాలు, పోలీసుల అరాచకాలు ఎదుర్కొంటూ ముందుకు సాగింది. గురువారం రాత్రి ఎన్నికలు ముగిశాక పోలింగ్‌ బాక్సులు తరలిస్తున్న తరుణంలో మార్గం మధ్యలో బ్యాలెట్‌ బాక్సులు మార్చేందుకు యత్నిస్తున్న అధికారులను పట్టుకుని నిలదీశారు. ఈ సందర్భంగా జరిగిన గొడవలు, అక్రమ కేసులు తెలిసిందే. ఈ క్రమంలో 40 ఓట్లతో ఆమె విజయం సాధించారు. అయితే డిక్లర్‌ చేయకుండా మూడు గంటల పాటు హైడ్రామా నడిపారు. టీడీపీ మూకల బెదిరింపులకు ఆమె లొంగక పోవడంతో ఎట్టకేలకు ఆమెను విజేతగా ప్రకటించక తప్పలేదు. ఇదే రీతిలో చల్లావారిపాలెం వై ఎస్సార్‌సీపీ ఎంపీటీసీ అభ్యర్థి లక్కిరెడ్డి రేణుక ఐదు ఓట్ల మెజార్టీతో విజయం సాధించారు. అమిలినేని గ్యాంగ్‌ బీభత్సం అనంతపురం జిల్లా కుందుర్పి మండలం అపిలేపల్లిలో వైఎస్సార్‌సీపీ అభ్యర్థి చాకలి లక్ష్మి 31 ఓట్ల మెజార్టీతో గెలుపొందారు. టీడీపీ ఒత్తిడి మేరకు రీ కౌంటింగ్‌ చేపట్టారు. రీకౌంటింగ్‌లోనూ 21 ఓట్ల మెజార్టీ వచ్చింది. దీంతో ఎమ్మెల్యే అనుచరులు అభ్యర్థి, ఏజెంట్‌పై దాడికి దిగారు. అనంతరం బౌన్సర్లు లోపలికి వెళ్లి లెక్కించిన ఓట్లను మళ్లీ కలిపేశారు. శెట్టూరు మండలంలోని శెట్టూరు–1 ఎంపీటీసీ స్థానం నుంచి వైఎస్సార్‌సీపీ అభ్యర్థి పాలబండ్ల భారతి వందకు పైగా ఓట్ల మెజార్టీతో, చెర్లోపల్లి స్థానం నుంచి వీరేష్‌ 150 ఓట్ల మెజార్టీతో గెలిచారు. వీరికి డిక్లరేషన్‌ ఇవ్వకుండా అధికారులను ఎమ్మెల్యే అమిలినేని అనుచరులు అడ్డుకున్నారు. కళ్యాణదుర్గం కౌంటింగ్‌ కేంద్రం వద్ద గొడవ చేస్తున్న టీడీపీ ఎమ్మెల్యే అమిలినేని అల్లుడు ధర్మతేజ (వృత్తంలో) ఏకపక్షంగా సాగుతున్న కౌంటింగ్‌ను నిరసిస్తూ పది ఎంపీటీసీ స్థానాల అభ్యర్థులు, ఏజెంట్లు బ్యాలెట్‌ బాక్సులకు సీళ్లు కూడా తీయకుండానే ఓట్ల లెక్కింపును బహిష్కరించి కౌంటింగ్‌ కేంద్రాల నుంచి బయటకు వచ్చేశారు. కౌంటింగ్‌ కేంద్రం బయట ఆందోళనకు దిగారు. ‘సీఎం డౌన్‌ డౌన్‌.. ఎమ్మెల్యే డౌన్‌ డౌన్‌ అంటూ నినాదాలతో హోరెత్తించారు. అక్రమాలను అడ్డుకోవాల్సిన పోలీసులు మాత్రం అధికార పార్టీకి కొమ్ము కాస్తూ నిరసన తెలుపుతున్న వైఎస్సార్‌సీపీ అభ్యర్థులపైనే లాఠీచార్జ్‌ చేశారు. ఏజెంట్లను లోపలకు అనుమతించక పోవడాన్ని ప్రశ్నించిన వారిపై కళ్యాణదుర్గం పట్టణ సీఐ హరినాథ్‌ ఆగ్రహంతో ఊగిపోయారు. ‘ఈ పాస్‌లతో ఏం పీకుతారు’ అంటూ మండిపడ్డారు. కంబదూరు మండల పరిధిలో జెడ్పీటీసీ, ఎంపీటీసీ స్థానాల్లో వైఎస్సార్‌సీపీకి స్పష్టమైన మెజార్టీ వస్తుండడంతో ఎమ్మెల్యే అమిలినేని అనుచరులు మరింతగా రెచ్చిపోయారు. అమిలినేని అల్లుళ్లు ధర్మతేజ, అవినాష్‌ సూచనలతో సుమారు 50 మంది గూండాలు రాడ్లు, కర్రలు, ఇతర వస్తువులతో వైఎస్సార్‌సీపీ అభ్యర్థులు, ఏజెంట్లపై మూకుమ్మడిగా దాడి చేసి గాయపరిచి..భయానక వాతావరణం సృష్టించారు. కంబదూరు మండలం గొల్లపల్లి ఎంపీటీసీ అభ్యర్థి కౌంటింగ్‌ ఏజెంట్‌ శివను రక్తం వచ్చేలా కొట్టారు. దీంతో వైఎస్సార్‌సీపీ అభ్యర్థులు, ఏజెంట్లు ప్రాణభయంతో బయటకు పరుగెత్తుకొచ్చారు.

శ్రీ సత్యసాయి/కాకినాడ/అనంతపురం/ కృష్ణా జిల్లాలు: జడ్పీటీసీ, ఎంపీటీసీ ఫలితాల్లోనూ టీడీపీ నేతలు అక్రమాలకు పాల్పడ్డారు. మంత్రి సవిత ప్రాతినిధ్యం వహిస్తున్న పెనుకొండ నియోజకవర్గంలో టీడీపీ నేతలు జడ్పీటీసీ, ఎంపీటీసీ ఎన్నికల లెక్కింపు వేళ బరితెగించారు. గోరంట్ల మండలం బూదిలి ఎంపీటీసీ స్థానంలో వైఎస్సార్‌సీపీ అభ్యర్థి 55 ఓట్లతో గెలుపొందగా, రీ కౌంటింగ్ జరపాలని మంత్రి సవిత వర్గీయులు గొడవ చేశారు. అయినప్పటికీ పోలీసులు పట్టించుకోలేదు. పిఠాపురం రూరల్ నర్సింగపురం-జమ్ముల ఎంపీటీసీ ఎన్నికల లెక్కింపుల్లోనూ అవకతవకలు జరిగాయి. కౌంటింగ్ అధికారుల తీరుపై ఆవేదన వ్యక్తం చేశారు వైఎస్సార్‌సీపీ అభ్యర్థి రాయుడు చాందినీ దేవి. నాలుగు కౌంటింగ్ బాక్సుల్లో ఒక బాక్స్‌కు కూడా సీల్‌ సరిగ్గా లేదు. చాందినీ దేవి అనుమానం వ్యక్తం చేసినా బాక్స్ తెరిచి అధికారులు ఓట్లు లెక్కించారు. దిక్కున చోట చెప్పుకో అంటూ తన పట్ల అధికారులు దురుసుగా వ్యవహరించారని చాందినీ దేవి ఆరోపించారు.కల్యాణదుర్గంలో ఉద్రిక్తత చోటుచేసుకుంది. వైఎస్సార్‌సీపీ అభ్యర్థులు గెలిచినా అధికారులు డిక్లరేషన్ ఇవ్వలేదు. రీ కౌంటింగ్ పేరుతో ఫలితాలు తారుమారు చేస్తున్నారు టీడీపీ నేతలు. టీడీపీ ఎమ్మెల్యే అమిలినేని సురేంద్ర బాబు కుటుంబ సభ్యులు దౌర్జన్యానికి దిగారు. వారికి పోలీసులు వత్తాసు పలుకుతున్నారు. కల్యాణదుర్గం కౌంటింగ్ కేంద్రం వద్ద వైఎస్సార్‌సీపీ శ్రేణులు నిరసన తెలిపారు. శెట్టూరు, కుందుర్పి, కంబదూరు మండలాల్లో వైఎస్సార్‌సీపీ గెలిచిన ఎంపీటీసీ స్థానాల్లో డిక్లరేషన్ ఇవ్వలేదని ఆందోళన చేపట్టారు. పోలీసుల ప్రేక్షక పాత్ర పోషించారు.మాడుగుల ఎమ్మెల్యే, టీడీపీ సీనియర్ నేత బండారు సత్యనారాయణమూర్తికి ఎదురుదెబ్బ తగిలింది. ఎమ్మెల్యే స్వగ్రామం వెన్నెలపాలెంలో వైఎస్సార్‌సీపీ అభ్యర్థి పైల సత్యనారాయణ విజయం సాధించారు. సమీప కూటమి అభ్యర్థిపై 73 ఓట్ల మెజారిటీతో గెలుపొందారు.నంద్యాలలో ఉద్రిక్తత చోటుచేసుకుంది. మహానంది మండలం అబ్బిపురం ఎంపీటీసీ అభ్యర్థిగా వైఎస్సార్‌సీపీ అభ్యర్థి నూర్ బాష గెలుపొందినా కూడా ఉదయం నుంచి డిక్లరేషన్ ఫామ్ ఇవ్వకుండా ఆటంకం కలిగించటంపై శిల్పా చక్రపాణి రెడ్డి ఫైర్ అయ్యారు. కౌంటింగ్ సెంటర్ వద్దకు వెళ్లడానికి బయలు దేరిన శిల్పచక్రపాణి రెడ్డిని పోలీసులు అడ్డుకున్నారు.తిరుపతి రూరల్ మండలం జడ్పీటీసీ వైఎస్సార్‌సీపీ ఆధిక్యంలో ఉండటంతో టీడీపీ కుట్రలు చేసింది. తిరుపతి రూరల్ జడ్పీటీసీ కౌంటింగ్ గంటపాటు నిలిపివేశారు. వైఎస్సార్‌సీపీకి ఆధిక్యత వస్తుండటంతో పోలింగ్ అధికారులపై ఒత్తిళ్లు తెచ్చారు టీడీపీ నాయకులు. జిల్లా కలెక్టర్ వెంకటేశ్వర్లు ఎస్.జీ.ఎస్ ఆర్ట్స్ కాలేజీకు వచ్చి పోలింగ్ అధికారులతో మాట్లాడారు.ఇదీ చదవండి: అందుకే నా జీవిత కథను నేనే చెప్పాలనిపించింది: సోనియా గాంధీకృష్ణా జిల్లాలోనూ ఓటమి భయంతో కూటమి కుట్రలు చేసింది. గన్నవరం జడ్పీటీసీ వైఎస్సార్‌సీపీ అభ్యర్థి అనగాని రవికి ఆధిక్యం వచ్చి, 31 ఓట్ల స్పష్టమైన మెజార్టీ ఉన్నా అధికారులు తాత్సారం చేశారు. ఫలితం ప్రకటించకుండా జాప్యం చేశారు.

సాక్షి, అమరావతి: ఎంపీటీసీ, జెడ్పీటీసీ ఎన్నికల ఓట్ల లెక్కింపు శనివారం ఉదయం 8 గంటలకు మొదలు కానుంది. ఏకగ్రీవాల అనంతరం రాష్ట్రవ్యాప్తంగా 7,767 ఎంపీటీసీ స్థానాలు, 582 జెడ్పీటీసీ స్థానాలకు గురువారం, రీపోలింగ్‌ జరిగిన చోట్ల శుక్రవారాల్లో పోలింగ్‌ జరిగింది. మొత్తం 21,012 మంది అభ్యర్థులు పోటీ పడ్డారు. ఈ ఓట్ల లెక్కింపు కోసం 365 కేంద్రాల్లో సుమారు 9,062 బల్లలు ఏర్పాటు చేసినట్లు రాష్ట్ర ఎన్నికల కమిషన్‌ (ఎస్‌ఈసీ) తెలిపింది. ఓట్ల లెక్కింపులో 11,002 మంది సూపర్‌వైజర్లు, 28,692 మంది సిబ్బంది పాల్గొంటారని పేర్కొంది.తొలుత పోస్టల్‌ బ్యాలెట్లు లెక్కిస్తారని, ఆ తర్వాత బ్యాలెట్‌ పెట్టెల్లోని ఎంపీటీసీ, జెడ్పీటీసీ ఓట్లను ఏకకాలంలో లెక్కిస్తారని తెలిపింది. ఇందుకోసం కౌంటింగ్‌ కేంద్రంలోని టేబుల్స్‌లో సగం ఎంపీటీసీ ఓట్ల లెక్కింపు, మిగిలిన సగం జెడ్పీటీసీకి కేటాయించినట్లు చెప్పింది. ప్రతి బల్లకు ఒక్కో రౌండ్‌లో 1,000 బ్యాలెట్‌ పత్రాలను లెక్కిస్తారు. లెక్కింపు ప్రక్రియ పారదర్శకంగా, ప్రశాంతంగా నిర్వహించేందుకు అన్ని కేంద్రాల్లో పటిష్టమైన పోలీసు భద్రత, సీసీ టీవీ నిఘా ఏర్పాటు చేసినట్లు రాష్ట్ర ఎన్నికల కమిషనర్‌ అనిల్‌ చంద్ర పునేఠా తెలిపారు. మొత్తం 70.02 శాతం పోలింగ్‌ నమోదు ఎంపీటీసీ, జెడ్పీటీసీ ఎన్నికల్లో మొత్తంగా 70.72 శాతం పోలింగ్‌ నమోదైనట్టు రాష్ట్ర ఎన్నికల కమిషన్‌ పేర్కొంది. 2021 ఎన్నికల పోలింగ్‌ శాతం 60.91తో పోలిస్తే 9.81 శాతం ఎక్కువగా ఓటింగ్‌ జరిగినట్టు తెలిపింది. కౌంటింగ్‌కు భారీ పోలీసు బందోబస్తు: ఐజీ రాజకుమారి ఓట్ల లెక్కింపు ప్రశాంతంగా, సజావుగా సాగేందుకు భారీ పోలీసు బందోబస్తు ఏర్పాటు చేసినట్లు ఐజీ బి. రాజకుమారి చెప్పారు. మొత్తం 365 కౌంటింగ్‌ కేంద్రాల వద్ద 19,885 మంది పోలీసు సిబ్బందితో మూడు అంచెల భద్రతా వ్యవస్థను ఏర్పాటు చేస్తున్నట్లు తెలిపారు. సీసీ టీవీ కెమెరాలు, డ్రోన్‌ సర్వైలెన్స్‌తో పాటు పోలీసు సిబ్బంది ధరించే బాడీ వోర్న్‌ కెమెరాల ద్వారా నిరంతర పర్యవేక్షణ చేపట్టనున్నట్లు తెలిపారు.

సాక్షి, అమరావతి/సాక్షి నెట్‌వర్క్‌: సుప్రీంకోర్టు ఆదేశాలను సైతం లెక్క చేయక చంద్రబాబు మార్కు రాక్షస రాజకీయం రాష్ట్రంలో మరోసారి కరాళ నృత్యం చేసింది. టీడీపీ కూటమి కాలకేయులు ప్రజాస్వామ్యానికి పాతరేస్తూ వికటాట్టహాసం చేశారు. వెల్లువెత్తుతున్న తీవ్ర ప్రజా వ్యతిరేకతతో బెంబేలెత్తుతున్న చంద్రబాబు స్థానిక ఎన్నికలపై పచ్చమూకతో దండయాత్ర చేయించారు. స్థానిక ఎన్నికల ప్రక్రియ సాక్షిగా రాష్ట్రంలో ఆటవిక నీతి రాజ్యమేలింది. దాడులు, దౌర్జన్యాలతో టీడీపీ కూటమి గూండాలు బీభత్సం సృష్టించారు. ఓటర్లపై దాడులు.. వైఎస్సార్‌సీపీ అభ్యర్థులు, ఏజంట్లపై దాడులు.. కిడ్నాపులు.. ఓటర్లపై దౌర్జన్యాలు.. పోలింగ్‌ బూత్‌ల ఆక్రమణలు.. దొంగ ఓట్లు వేస్తూ యథేచ్చగా రిగ్గింగ్‌.. కూటమి ఎమ్మెల్యేలు, వారి కుటుంబ సభ్యులు, నేతలే గూండాగిరీతో బరితెగింపు... ఇలా జెడ్పీటీసీ, ఎంపీటీసీ స్థానాల కోసం గురువారం నిర్వహించిన స్థానిక ఎన్నికల పోలింగ్‌లో ఎక్కడికక్కడ దౌర్జన్యానిదే పైచేయి అయ్యింది. పట్టపగలు ప్రజాస్వామ్యాన్ని ఖూనీ చేస్తూ సాగిన ఈ అరాచక కాండకు యావత్‌ అధికార యంత్రాంగం వత్తాసు పలికింది. పచ్చ చొక్కాలు, కండువాలు ధరించలేదు తప్ప ఖాకీలు టీడీపీ కార్యకర్తలను మించి ఊడిగం చేశారు. ఎన్నికల అక్రమాలకు పహారా కాశారు. యావత్‌ అధికార యంత్రాంగం కూటమి అక్రమాలకు వత్తాసు పలికింది. వైఎస్సార్‌ కడప జిల్లా కాశినాయన మండలం వంకమర్రిలో దొంగ ఓట్లు వేస్తున్న టీడీపీ నేత పక్కాగా పచ్చ కుతంత్రం అమలుచంద్రబాబు శకుని పన్నాగాన్ని రాష్ట్ర ఎన్నికల కమిషన్, డీజీపీతోపాటు యావత్‌ పోలీసు, అధికార యంత్రాంగం నిస్సిగ్గుగా అమలు చేశాయి. అందుకోసం ముందస్తుగానే కుట్రకు సిద్ధపడ్డాయి. 7,762 ఎంపీటీసీ, 582 జెడ్పీటీసీ స్థానాల్లో టీడీపీ గూండాలు, రౌడీ మూకలు, గంజాయి బ్యాచ్‌లు, ఇతర రాష్ట్రాల నుంచి రప్పించిన అసాంఘిక శక్తులను బుధవారం సాయంత్రానికే మోహరించారు. గురువారం తెల్లవారుజాము నుంచే పచ్చ కుతంత్రాన్ని పక్కాగా అమలు చేశారు. వైఎస్సార్‌సీపీ అభ్యర్థులను అసలు పోలింగ్‌ కేంద్రాలకే వెళ్లనివ్వకుండా పోలీసులే ఆటంకాలు సృష్టించారు. తెల్లవారుజామునే వైఎస్సార్‌సీపీ పోలింగ్‌ ఏజంట్లను పోలీసులు బలవంతంగా అదుపులోకి తీసుకుని పోలీస్‌ స్టేషన్లకు తరలించారు. దాంతో రాష్ట్రంలో మెజార్టీ పోలింగ్‌ బూత్‌లలో వైఎస్సార్‌సీపీ ఏజంట్లు లేకుండానే పోలింగ్‌ మొదలైంది. శ్రీకాకుళం జిల్లా నుంచి శ్రీసత్యసాయి జిల్లా వరకు ఇదే దుస్థితి నెలకొంది. రాష్ట్ర చరిత్రలో ఇటువంటి పరిస్థితి ఇదే మొదటిసారని పరిశీలకులు వ్యాఖ్యానించారు. మరోవైపు టీడీపీ కూటమి అక్రమాలను ప్రశ్నించిన, ప్రశ్నిస్తారని భావించిన వైఎస్సార్‌సీపీ కీలక నేతలు, ఎంపీలు, ఎమ్మెల్యేలు, మాజీ ఎంపీలు, మాజీ ఎమ్మెల్యేలు, నియోజకవర్గ ఇన్‌చార్జ్‌లు, జిల్లా, మండల స్థాయి నేతలు.. అందర్నీ ముందుగానే హౌస్‌ అరెస్టు చేశారు.పోలీసుల షాడో పార్టీలతో వారిని కట్టడి చేశారు. పెద్ద సంఖ్యలో నేతలను బలవంతంగా ఈడ్చుకుపోయారు. వైఎస్సార్‌సీపీ ఓటర్లతోపాటు తటస్థ ఓటర్లు కూడా పోలింగ్‌కు రాకుండా భయభ్రాంతులకు గురి చేశారు. ఓటర్ల చేతుల్లోని స్లిప్పులను బలవంతంగా తీసుకుని చింపి వేసి వెనక్కి పంపించి వేశారు. టీడీపీ కూటమి రౌడీ మూకలు గ్రామాల్లో బరితెగించి దాడులు, దౌర్జన్యాలకు తెగబడ్డాయి. ప్రజాతీర్పునకు ప్రతీక అయిన బ్యాలెట్‌ పేపర్‌ సాక్షిగా ప్రజాస్వామ్యాన్ని కాలరాశారు. కోర్టు ఆదేశాలంటే కూడా లెక్కలేనితనంస్థానిక సంస్థల ఎన్నికల్లో అభ్యర్థులకు రక్షణ కల్పించాలని, ఎన్నికల ప్రక్రియ స్వేచ్ఛగా, నిష్పక్షపాతంగా జరిగేలా చూడాలని సుప్రీంకోర్టు స్పష్టమైన ఆదేశాలు జారీ చేసినప్పటికీ క్షేత్ర స్థాయిలో పరిస్థితులు అందుకు పూర్తి భిన్నంగా కనిపించాయి. నామినేషన్ల దశ నుంచి ప్రచారం, పోలింగ్‌ వరకు వైఎస్సార్‌సీపీ అభ్యర్థులు, నాయకులు, కార్యకర్తలు, ఓటర్లను లక్ష్యంగా చేసుకుని దాడులు, దౌర్జన్యాలు సాగాయి. ప్రజాస్వామ్య బద్ధంగా ఎన్నికలు జరగాల్సిన చోట అధికార పార్టీకి చెందిన మూకల బల ప్రదర్శన, పోలీసుల పక్షపాత వైఖరి ప్రజాస్వామ్యానికే సవాలుగా మారాయి. నామినేషన్లు దాఖలు చేయకుండా అడ్డుకోవడం, అభ్యర్థులను బెదిరించడం, వైఎస్సార్‌సీపీ నాయకులు, కార్యకర్తలను హౌస్‌ అరెస్టులు, అక్రమ అరెస్టులతో నిర్బంధించడం వంటి చర్యలతో ఎన్నికల ప్రక్రియను మొదటి నుంచే ప్రభావితం చేశారు. నామినేషన్‌ కేంద్రాల నుంచి పోలింగ్‌ వరకు పటిష్ట భద్రత, సీసీటీవీ పర్యవేక్షణ ఉండాలన్న సుప్రీంకోర్టు ఆదేశాలను సైతం పట్టించుకోలేదు. దాడులు, దౌర్జన్యాలు జరిగిన చోట్ల కేంద్ర బలగాల పర్యవేక్షణలో రీపోలింగ్‌ నిర్వహించాలని వైఎస్సార్‌సీపీ రాష్ట్ర ఎన్నికల సంఘాన్ని డిమాండ్‌ చేసింది. వైఎస్సార్‌ కడప జిల్లాలో దౌర్జన్యకాండ» వైఎస్సార్‌ కడప జిల్లా పులివెందుల నియోజకవర్గంలోని టీడీపీ శ్రేణులు బయటి నుంచి వచ్చిన అల్లరిమూకలతో వేముల, పులివెందుల, లింగాల మండలాలల్లో ఏకపక్ష పోలింగ్‌ చేయించుకున్నారు. పోలింగ్‌ ఏజెంట్లను అడ్డగించారని కడప ఎంపీ వైఎస్‌ అవినాష్‌రెడ్డి వెళ్తే, డీఎస్పీ మురళీనాయక్‌ అడ్డుకున్నారు. పోలీసుల తీరును నిరసిస్తూ దువ్వూరు మండలం పుల్లారెడ్డిపేట, సంజీవరెడ్డిపల్లె గ్రామాల ఓటర్లు ఎంపీటీసీ ఎన్నికలు బహిష్కరించారు. » పులివెందుల నియోజకవర్గంలో టీడీపీ కూటమి అరాచకం అడ్డూ అదుపూ లేకుండా సాగింది. టీడీపీ గూండాలు ఏకంగా పెట్రోల్‌ బాంబులతో బీభత్సం సృష్టించడం విభ్రాంతి కలిగించింది. పులివెందుల మండలం ఎర్రిపల్లెలో వైఎస్సార్‌సీపీ నేతలను లక్ష్యంగా చేసుకుని టీడీపీ నేతలు పెట్రోల్‌ బాంబులు వేశారు. ఈ దాడిలో సామాన్య ప్రజలు కూడా గాయపడ్డారు. పోలీసుల సాక్షిగా దాడులు, రిగ్గింగ్‌ » టెక్కలిలో టీడీపీ గూండాలు చెలరేగిపోయారు. వైఎస్సార్‌సీపీ పోలింగ్‌ బూత్‌ ఏజంట్లపై దాడి చేసి బయటకు పంపి వేశారు. అనంతరం రిగ్గింగ్‌కు పాల్పడ్డారు. టెక్కలి ఎంపీటీసీ–4లో వైఎస్సార్‌సీపీ అభ్యర్థి మామిడి జ్యోతి భర్త కృష్ణను పోలీసులు అక్రమంగా అరెస్టు చేశారు. » శ్రీకాకుళం టీడీపీ ఎమ్మెల్యే గొండు శంకర్‌ స్వయంగా రౌడీయిజం చేయడం విస్మయపరిచింది. కృష్ణప్పపేటలో ఎమ్మెల్యే కుటుంబ సభ్యులు రిగ్గింగ్‌కు పాల్పడ్డారు. దీన్ని ప్రశ్నించిన వైఎస్సార్‌సీపీ నేత బాన్న నరసింగరావుపై టీడీపీ ఎమ్మెల్యే శంకర్‌ దాడికి పాల్పడ్డారు. వైఎస్సార్‌సీపీ ఎంపీటీసీ అభ్యర్థి దుప్ప దివ్యపట్ల దురుసుగా ప్రవర్తించారు. పోలింగ్‌ బూత్‌ దాటి బయటకు రాలేవని బెదిరించారు. వైఎస్సార్‌సీపీ కార్యకర్తలపై టీడీపీ గుండాలు రాళ్లతో దాడి చేశారు. పోలాకి మండలంలో టీడీపీ తరఫున రంగంలోకి దిగిన గంజాయి బ్యాచ్‌లకు పోలీసులు దన్నుగా నిలిచారు. మబగాంలో ఇప్పిలి సాయి అనే వ్యక్తికి పోలీసులు తమ లాఠీ ఇచ్చి మరీ పోలింగ్‌ కేంద్రంలోకి పంపించడం విస్మయ పరిచింది. » పిఠాపురం నియోజకవర్గంలో కూటమి అరాచకం యథేచ్ఛగా సాగింది. క్యూలైన్లలో ఉన్న ఓటర్లనే జనసేన నేతలు బెదిరించి బెంబేలెత్తించారు. గ్లాస్‌ గుర్తుకు ఓటు వేయకపోతే అంతు చూస్తామని పిఠాపురం మండలం మంగితుర్తిలో బహిరంగంగానే బెదిరించారు. » నెల్లూరు జిల్లాలో టీడీపీ అరాచకాలకు పోలీసులు నిస్సిగ్గుగా వత్తాసు పలికారు. పోలింగ్‌ కేంద్రానికి వెళ్తున్న మాజీ ఎమ్మెల్యే మేకపాటి విక్రమ్‌ రెడ్డిని సీఐ గంగాధర్‌ అడ్డుకోవడం విస్మయ పరిచింది. విక్రమ్‌ రెడ్డి వాహనానికి తన వాహనం అడ్డుపెట్టి మరీ అడ్డుకోవడం గమనార్హం. నెల్లూరు జిల్లా ఉదయగిరి, బండగానిపల్లిలో టీడీపీ గూండాలు వైఎస్సార్‌సీపీ నేతలపై దాడులకు పాల్పడ్డారు. పోలీసులు మాత్రం వైఎస్సార్‌సీపీ నేతలు, కార్యకర్తలపై లాఠీ చార్జ్‌ చేయడం గమనార్హం. » పార్వతీపురం మన్యం జిల్లా వీరఘట్టం మండలంలోని కత్తులకవిటి పోలింగ్‌ కేంద్రం వద్ద పాలకొండ ఎమ్మెల్యే నిమ్మక జయకృష్ణ గురువారం ఓ వీధి రౌడీలా వ్యవహరించారు. పోలింగ్‌ స్టేషన్‌ 39లో ఏజెంట్లుగా ఉన్న గొల్ల రమేష్, పక్కి కిరణ్‌కుమార్, గేదెల సుదర్శనరావుపై దౌర్జన్యానికి దిగి చేయి చేసుకున్నారు. సీసీ కెమెరాలు ఆపేసి, చంపేస్తానని బెదిరించారని వైఎస్సార్‌సీపీ పోలింగ్‌ ఏజంట్లు, అభ్యర్థి రిటర్నింగ్‌ అధికారికి ఫిర్యాదు చేశారు.» మంత్రి సత్య కుమార్‌ ప్రాతినిధ్యం వహిస్తున్న ధర్మవరంలో కూటమి నేతలు బరితెగించారు. ఆయన ప్రధాన అనుచరుడు ఆదినారాయణ యాదవ్‌ ముదిగుబ్బ పోలింగ్‌ కేంద్రంలో రిగ్గింగ్‌కు పాల్పడ్డారు. » రాప్తాడు నియోజకవర్గం తగరకుంటలో టీడీపీ రిగ్గింగ్‌ను అడ్డుకునేందుకు బయలుదేరిన వైఎస్సార్‌సీపీ మాజీ ఎమ్మెల్యే తోపుదుర్తి ప్రకాశ్‌ రెడ్డిని పోలీసులు అరెస్టు చేసి అడ్డుకున్నారు. తద్వారా టీడీపీ రిగ్గింగ్‌కు పోలీసులు కొమ్ము కాశారు. » గుంటూరు జిల్లా సత్తెనపల్లి నియోజకవర్గంలో టీడీపీ రిగ్గింగ్‌ను అడ్డుకునేందుకు బయలుదేరిన వైఎస్సార్‌సీపీ నేతలను పోలీసులు అడ్డుకున్నారు. పార్టీ నియోజకవర్గ సమన్వయకర్త గజ్జల సుధీర్‌ భార్గవ్‌ రెడ్డిని హౌస్‌ అరెస్టు చేశారు. » బీఆర్‌ అంబేడ్కర్‌ కోనసీమ జిల్లా కాట్రేనికోన మండలం పల్లం, చిర్రయాణంలో పోలింగ్‌ కేంద్రాల్లో ఉన్న వైఎస్సార్‌సీపీ ఏజంట్లపై టీడీపీ గూండాలు దాడి చేసి బయటకు తరిమేశారు. అనంతరం ఏకపక్షంగా రిగ్గింగ్‌కు పాల్పడ్డారు. » కర్నూలు జిల్లాలో టీడీపీ గూండాల దాడులతో ఏకంగా పోలింగ్‌ నిలిచిపోయింది. కోసిగి మండలం ఆర్లబండలో టీడీపీ నేతలు రిగ్గింగ్‌తో తీవ్ర ఉద్రిక్త పరిస్థితి ఏర్పడి రెండున్నర గంటలపాటు పోలింగ్‌ నిలిపివేయాల్సి వచ్చింది. అనంతరం మళ్లీ పోలింగ్‌ పునఃప్రారంభించారు. » ప్రకాశం జిల్లాలో టీడీపీ గూండాలు చెలరేగిపోయారు. సంతనూతలపాడు నియోజకవర్గంలో వైఎస్సార్‌సీపీ పోలింగ్‌ ఏజంట్లను పోలింగ్‌ కేంద్రాల్లోకి వెళ్లనీయకుండా దాడులకు పాల్పడ్డారు. అయినా సరే పోలీసులు మాత్రం టీడీపీ గుండాగిరికే వత్తాసు పలికారు. దాంతో వైఎస్సార్‌సీపీ నియోజకవర్గ ఇన్‌చార్జ్, మాజీ మంత్రి మేరుగ నాగార్జున, ఇతర నేతలు అంబేడ్కర్‌ విగ్రహం వద్ద ధర్నా చేశారు. » కల్యాణదుర్గం నియోజకవర్గంలో టీడీపీ ఎమ్మెల్యే అమిలినేని సురేంద్రబాబు కుమారుడు యశ్వంత్‌ గుండాగిరితో హల్‌చల్‌ చేశారు. కొందరు రౌడీలతో కలసి వైఎస్సార్‌సీపీ నేతలు, కార్యకర్తలపై దాడికి పాల్పడ్డారు. » ఉరవకొండలో పోలీసులే స్వయంగా టీడీపీకి అనుకూలంగా రిగ్గింగ్‌ చేయడం విస్మయ పరిచింది. మరుట్లలో సీఐ రాజు దగ్గరుండీ రిగ్గింగ్‌ చేయించడాన్ని ప్రజలు ప్రశ్నించడంతో ఉద్రిక్తత ఏర్పడింది. హైకోర్టు ఉత్తర్వులను ఉల్లంఘిస్తూ పోలీసులు వైఎస్సార్‌సీపీ నేతలను అక్రమంగా అరెస్టు చేశారు. దీనిపై మాజీ ఎమ్మెల్యే వై.విశ్వేశ్వర్‌ రెడ్డి ఎస్పీ జగదీశ్‌కు ఫిర్యాదు చేశారు. » చిత్తూరు టీడీపీ ఎమ్మెల్యే గురజాల జగన్‌మోహన్‌ పీఏ కుమార స్వామి హల్‌చల్‌ చేశారు. వైఎస్సార్‌సీపీ తరపున ఏజంట్లుగా కూర్చుంటే చంపి తీరుతామని బెదిరించారు. వందల మంది రౌడీలను దించి అంతుచూస్తానన్నారు.» నెల్లూరు జిల్లా మర్రిపాడు మండలం తిక్కవరం పోలింగ్‌ బూత్‌లో ఎస్‌ఐ బలరామరెడ్డి స్వయంగా వైఎస్సార్‌ కాంగ్రెస్‌ పార్టీ ఏజెంట్‌ చొక్కా పట్టుకొని లాక్కొచ్చి బయటకు నెట్టేశారు. దీంతో అక్కడ రిగ్గింగ్‌కు నేరుగా సహకరించారు. మర్రిపాడులో ఆత్మకూరు మాజీ ఎమ్మెల్యే మేకపాటి విక్రమ్‌రెడ్డిని సీఐ గంగాధర్‌ అడ్డుకున్నారు. » తూర్పుగోదావరి జిల్లా కపిలేశ్వరపురం మండలం వల్లూరులో జనసేన, టీడీపీ నాయకులు కలిసి రిగ్గింగ్‌కు పాల్పడ్డారు. ప్రకాశం జిల్లా దర్శి, కనిగిరి, కందుకూరు, సంతనూతలపాడు, యర్రగొండపాలెం, మార్కాపురం నియోజకవర్గాల్లో టీడీపీ రౌడీలు వీరంగం సృష్టించారు. ఉదయం నుంచే పోలింగ్‌ బూత్‌లను ఆక్రమించి, నానా బీభత్సం సృష్టించారు. వీరికి పోలీసులు తోడుగా నిలిచారు. » శ్రీ సత్యసాయి జిల్లా వ్యాప్తంగా కూటమి నేతలు దౌర్జన్యాలకు దిగుతూ రిగ్గింగ్‌కు పాల్పడ్డారు. హిందూపురం ప్రాంతంలో బాలకృష్ణ అనుచరులు, పెనుకొండ ప్రాంతంలో మంత్రి సవిత అనుచరులు, రాప్తాడు ప్రాంతంలో పరిటాల సునీత అనుచరులు, ధర్మవరం ప్రాంతంలో మంత్రి సత్యకుమార్‌ వర్గీయులు దౌర్జన్యం చేసి దొంగ ఓట్లు వేసుకున్నారు. చిలమత్తూరులో టీడీపీ గూండాల అరాచకాలను వీడియో తీస్తుండగా సాక్షి విలేకరిని హిందూపురం డీఎస్పీ రవిబాబు బెదిరించాడు. » తాడిపత్రి నియోజకవర్గ టీడీపీ నేత జేసీ ప్రభాకర్‌రెడ్డి ప్రధాన అనుచరుడు పొట్టి రవి భారీ సంఖ్యలో వాహనాల్లో రౌడీలతో వెళ్లి పెద్దవడుగూరు, యాడికి మండలాల్లోని పోలింగ్‌ బూత్‌లలో రిగ్గింగ్‌ చేయించాడు. ఫ్యాన్‌ గుర్తుకు ఓటేస్తానన్నందుకు హత్యాయత్నం అనకాపల్లి జిల్లా రమణయ్యపేటకు చెందిన కూనిశెట్టి అనిల్‌ గురువారం ఉదయం రమణయ్యపేటలో పోలింగ్‌ బూత్‌కు సమీపంలో కూర్చొన్నాడు. గ్రామానికి చెందిన టీడీపీ కార్యకర్త కర్రి స్వామి వచ్చి నువ్వు ఏ పార్టీకి ఓటు వేస్తావని ప్రశ్నించాడు. తాను ఫ్యాన్‌ గుర్తుకు ఓటు వేస్తానని అనిల్‌ చెప్పాడు. వెంటనే మాంసం విక్రయించే ఓ వ్యక్తి వద్ద ఉన్న కత్తి లాక్కొని అనిల్‌ను చంపడానికి ప్రయత్నించాడు. బాధితుడు చెయ్యి అడ్డం పెట్టడంతో అతని చేతివేళ్లు తెగిపోవడంతోపాటు, తలపై గాయమయింది. విలేకరులపై దాడులుపూతలపట్టు నియోజకవర్గం తవణంపల్లె మండలం పట్నం పంచాయతీలో టీడీపీ ఎమ్మెల్యే మురళిమోహన్‌ అనుచరులు దొంగ ఓట్లు వేస్తుంటే సాక్షి విలేకరి జగన్నాధం తన మొబైల్‌ ద్వారా ఫోటోలు తీశారు. దీనిపై ఆగ్రహించిన టీడీపీ మూకలు ఆయనపై పిడిగుద్దులుతో దాడి చేశారు. ఫోన్‌ను ధ్వంసం చేశారు. వైఎస్సార్‌ జిల్లా లింగాల మండలం ఇప్పెంట పోలింగ్‌ కేంద్రం వద్ద సాక్షి విలేకరి పుల్లారెడ్డిపై టీడీపీ మూకలు దాడి చేశాయి. ఆయన సెల్‌ఫోన్‌ ధ్వంసం చేశాయి. శ్రీకాకుళం జిల్లా ఆకాశలక్కవరంలో బూత్‌లో జరుగుతున్న దౌర్జన్యాన్ని చిత్రీకరిస్తున్న విలేకరుల ఫోన్లు లాక్కుని దాడికి ప్రయత్నించారు.బ్యాలెట్‌ బాక్స్‌ ఎత్తుకెళ్లిన టీడీపీ గూండాలుమార్కాపురం జిల్లా పుల్లలచెరువు మండలంలోని గంగవరం పోలింగ్‌ బూత్‌–5లో మొత్తం ఓటర్లు 879 మంది ఉండగా, సాయంత్రం 5 గంటలకు 536 ఓట్లు పోల్‌ అయ్యాయి. బాక్స్‌కు సీల్‌ వేసే సమయంలో 30 మంది టీడీపీ గూండాలు బూత్‌లోకి చొరబడి బ్యాలెట్‌ బాక్స్‌ను ఎత్తుకెళ్లారు. సిబ్బంది దగ్గర ఉన్న సంతకం చేసిన బ్యాలెట్‌ పేపర్లు 50కి పైగా లాక్కొని.. వాటి మీదున్న గ్లాసు గుర్తుపై ఓటు వేసి.. వాటిని బ్యాలెట్‌ బ్యాక్స్‌లో వేశాక తిరిగి తెచ్చిచ్చారు. చంద్రగిరిలో ఎల్లో గ్యాంగ్‌ బీభత్సంచంద్రగిరిలోని ఓటేరు, సాయినగర్, లింగేశ్వర్‌ నగర్, తిరుచానూరు, మంగళం పరిధిలోని పోలింగ్‌ కేంద్రాల పరిధిలో తిష్టవేసి ఉన్న వందలాది మంది దొంగ ఓటర్లు ఉన్న ప్రాంతాలకు మాజీ ఎమ్మెల్యే చెవిరెడ్డి భాస్కర్‌రెడ్డి, నియోజక వర్గ సమన్వయకర్త మోహిత్‌రెడ్డి చేరుకుని గుంపులు గుంపులుగా ఉన్న యువకులు, మహిళలను ప్రశ్నించారు. వారి వివరాలు అడుగుతూ.. వీడియోలు, ఫోటోలు తీస్తుండటంతో వారు పరుగులు తీశారు.

అనంతపురం ఎడ్యుకేషన్‌/కళ్యాణదుర్గం రూరల్‌: ఎన్నికల విధుల పేరుతో సచివాలయ ఉద్యోగులు తమ ఓటు హక్కును వినియోగించుకోలేని పరిస్థితి కల్పిస్తున్నారనే విమర్శలు వ్యక్తమవుతున్నాయి. ఎంపీటీసీ, జెడ్పీటీసీ ఎన్నికల పోలింగ్‌కు ముందు రోజు రాత్రి హడావుడిగా ‘ఎన్నికల విధుల’ ఉత్తర్వులు జారీ చేయడం ఉద్యోగుల్లో అసంతృప్తికి కారణమవుతోంది. పోలింగ్‌ జరిగే ప్రతి కేంద్రంలో క్యూలైన్‌ నిర్వహణ కోసం ఒక్కో సచివాలయ ఉద్యోగిని నియమిస్తూ అనంతపురం రూరల్‌ ఎంపీడీఓ దివాకర్‌ బుధవారం రాత్రి ఆదేశాలు జారీ చేశారు. మరుసటి రోజు ఉదయం 6 గంటలకే కేటాయించిన పోలింగ్‌ కేంద్రాలకు చేరుకుని విధులు నిర్వహించాలని సూచించారు. జిల్లా వ్యాప్తంగా ఇదే పరిస్థితి నెలకొంది. మున్సిపల్‌ కార్పొరేషన్‌ ఎన్నికల సమయంలోనూ పోలింగ్‌కు ముందు రోజు సాయంత్రం వాట్సాప్‌ గ్రూపుల్లో విధుల ఉత్తర్వులు పంపారని ఉద్యోగులు గుర్తుచేస్తున్నారు. ఇటీవల నిర్వహించిన సమ్మెలో పాల్గొన్నారనే ఉద్దేశంతోనే తమపై ఇలా కక్ష కట్టి వ్యవహరిస్తున్నారనే అనుమానాలను కొందరు ఉద్యోగులు వ్యక్తం చేస్తున్నారు. ఎన్నికల నిర్వహణలో సిబ్బంది సేవలు అవసరమే అయినప్పటికీ, విధుల కేటాయింపులో ముందస్తు సమాచారం ఇవ్వడం, ఉద్యోగులు తమ ఓటు హక్కును వినియోగించుకునేలా ప్రత్యామ్నాయ ఏర్పాట్లు చేయడం అధికారుల బాధ్యత అని ఉద్యోగులు గుర్తు చేస్తున్నారు.

‘‘ఎన్నికల విధుల్లో నిష్పాక్షితను తుంగలో తొక్కి అధికార పార్టీ అభ్యర్థులకు కొమ్ముకాసే అధికారుల ఉద్యోగాలు ఊడిపోవడం ఖాయం. ఎన్నికల నిబంధనలను బేఖాతరు చేస్తూ పక్షపాతం ప్రదర్శిస్తే ఎంతటి వారినైనా ఉపేక్షించే ప్రసక్తే లేదు. సర్వేస్‌ నుంచి తొలగించడంతోపాటు క్రిమినల్‌ చర్యలు తప్పవు. తప్పులు చేస్తే చూసీచూడనట్టు ఉండబోము. ప్రజాస్వామ్య స్ఫూర్తికి విరుద్ధంగా వ్యవహరించే సిబ్బందిపై వేటు తప్పదు’’ అని ఎన్నికల అధికారులు హెచ్చరించారు.చిత్తూరు కలెక్టరేట్‌ : స్థానిక సంస్థల ఎన్నికల రణరంగంలో నిష్పాక్షికంగా వ్యవహరించాల్సిన రిటర్నింగ్ అధికారులు (ఆర్వోలు) దారి తప్పుతు న్నారా? రాజ్యాంగబద్ధమైన కర్తవ్యాన్ని పక్కనబెట్టి అధికారి పార్టీ అభ్యర్థులకు ఏకపక్షంగా కొమ్ముకాస్తున్నారా? అంటే కొంతమంది ఆర్వోలు వ్యవహరిస్తున్న తీరు అవుననే మాట జిల్లా వ్యాప్తంగా వినిపిస్తోంది. తప్పులు చేస్తే క్షమించేది లేదని, నిబంధలను పాటించాల్సిందేనని జిల్లా ఎన్నికల అధికా రులు ఆదేశాలు జారీచేశారు. ఇటీవల చిత్తూరు నగరపాలక సంస్థ ఎన్నికల ప్రక్రియలో నిబంధనలను అతిక్రమించిన 51 మంది ఆర్వోలకు జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీ నోటీసులు జారీచేసిన విషయం విధితమే. దీంతో నిబంధనలను అతిక్రమించే ఆర్వోల గుండెల్లో రైళ్లు పరిగెడుతున్నాయి. రిపీట్‌ చేస్తే అంతే! ఇటీవల చిత్తూరు నగరపాలక సంస్థ ఎన్నికల్లో 51 మంది రిటరి్నంగ్‌ అధికారులు ఏకపక్షంగా వ్యవహరించారు. అధికార పారీ్టకి తొత్తులుగా మారి ఎన్నిక ల నిబంధనలను పూర్తిగా హరించారు. నామినేషన్ల పరిశీలన మొదలుకుని అభ్యర్థుల బలవంతపు విత్‌డ్రాల వరకు అనేక అక్రమాలకు సహకరించారనే ఫిర్యాదులతో జిల్లా ఎన్నికల అధికారి కఠినంగా స్పందించారు. నిబంధనలు పాటించని ఆ 51 మంది ఆర్వోలకు నోటీసులు జారీచేశారు. లిఖితపూర్వకంగా సమాధానం ఇవ్వాలంటూ ఆదేశించారు. ఈ క్రమంలో ఆ ఆర్వోల భవితవ్యం త్రిశంకు స్వర్గంలో పడింది. ఉద్యోగాలా? ప్రజాప్రతినిధుల మన్ననలా? తాత్కాలికంగా రాజకీయ నాయకుల మెప్పు పొందేందుకు తమ భవిష్యత్తును, సరీ్వసును ఫణంగా పెట్టొద్దని పలువురు సీనియర్‌ అధికారులు తోటి ఆర్వోలకు సూచిస్తున్నారు. ఏకపక్ష నిర్ణయాలు తీసుకుని రేపు నోటీసులు, సస్పెన్షన్లు ఎదుర్కోవడం కంటే.. చట్టం, ఎన్నికల నిబంధనలకు తూచా తప్పకుండా పాటిస్తూ నిష్పక్షపాతంగా విధులు నిర్వహించడమే తమ ఉద్యోగాలకు శ్రీరామరక్ష అని గ్రహించాల్సిన సమయం ఆసన్నమైంది. దశాబ్దాల కష్టంతో కాపాడుకున్న ప్రభుత్వ ఉద్యోగాలను ఊడగొట్టుకుంటారా? లేక చట్టం ప్రకారం నిష్పాక్షికంగా నడుచుకుని తమ పోస్టులను కాపాడుకుంటారా? అనేది ఇప్పుడు ప్రతి ఆర్వో ఆత్మపరిశీలన చేసుకోవాల్సిన అవసరం ఉంది. 51 మంది ఆర్వోలకు నోటీసులు జారీకావడంతో జిల్లా వ్యాప్తంగా కలకలం రేపింది. ఈ నేపథ్యంలో జెడ్పీటీసీ, ఎంపీటీసీ, సర్పంచ్‌ ఎన్నికల ప్రక్రియలో ఎన్నికల నిబంధనలు పాటించి ఉద్యోగాలను కాపాడుకుంటారా.. లేక అధికార పక్షం చెప్పినట్లు విని సస్పెండ్‌ అవుతారా అన్నది ఇప్పుడు ప్రతి ఆర్వో ముందున్న పెద్ద ప్రశ్న.ప్రతి ఆర్వోపైనా షాడో నిఘా కార్పొరేషన్‌ ఎన్నికల ప్రక్రియలో జరిగిన దారు ణాలను దృష్టిలో ఉంచుకుని, ప్రస్తుతం నిర్వహిస్తున్న జెడ్పీటీసీ, ఎంపీటీసీ ఎన్నికల ప్రక్రియ లో విధుల్లో ఉన్న ప్రతి ఒక్క ఆర్‌వోపైనా ఎన్నికల సంఘం ఉన్నతాధికారులు షాడో నిఘా ఏర్పాటు చేసినట్లు విశ్వసనీయ సమాచారం. అధికార పార్టీ నేతల ఒత్తిళ్లకు తలొగ్గి దొంగ సంతకాలను ప్రోత్సహించినా, పోటీలో ఉన్న అభ్యర్థులను బెదిరించి బలవంతపు విత్‌డ్రాలకు తావిచ్చినా, చెల్లుబాటు అయ్యే నామినేషన్లను సాకులు చెప్పి తిరస్కరించినా సదరు ఆర్వోల ఉద్యోగాలు పోవడం ఖాయ మని తెలుస్తోంది. నిబంధనలను అతిక్రమించే అధికారులపై బదిలీలతో సరిపెట్టకుండా తక్షణ సస్పెన్షన్‌ వేటుతో పాటు క్రిమినల్‌ కేసులు నమోదు చేయనున్నట్లు తెలిసింది. చిత్తూరు కార్పొరేషన్‌ ఆర్వోలకు జారీచేసిన ఉత్తర్వులు

సాక్షి, అమరావతి: స్థానిక సంస్థల ఎన్నికల్లో సీట్ల కేటాయింపులో కూటమి భాగస్వామి అయిన తమ పార్టీతో చంద్రబాబు ఆటలాడుకుంటున్నారని జనసేన శ్రేణులు మండిపడుతున్నాయి. తమ పార్టీకి రావాల్సిన వాటా సీట్లు ఇవ్వకుండా మున్సిపల్‌ ఎన్నికల్లో తొండాట ఆడిన చంద్రబాబు.. జెడ్పీ ఛైర్‌పర్సన్, జెడ్పీటీసీ, ఎంపీటీసీ పదవుల విషయంలోనూ అదే ఆట ఆడుతున్నారని ఆగ్రహం వ్యక్తం చేస్తున్నాయి. జనసేన పార్టీ అధినేత పవన్‌ కళ్యాణ్‌ కూడా చంద్రబాబు చెప్పినట్లే తలూపుతున్నారని అసంతృప్తి వ్యక్తం చేస్తున్నాయి. జిల్లా పరిషత్‌ ఛైర్‌పర్సన్లు, జెడ్పీటీసీలు, ఎంపీటీసీల సీట్ల కోసం టీడీపీ ముందు దేబిరింపు ఎందుకని మండిపడుతున్నాయి. మున్సిపల్‌ ఎన్నికల్లో టీడీపీ ఇచ్చిన సీట్లు తీసుకుని సర్దుకున్నట్టే, పరిషత్‌ ఎన్నికల్లోనూ తలవంచక తప్పడం లేదని రగిలిపోతున్నాయి. తమ అధినేత పెట్టిన ప్రతిపాదనపై నిలబడక పోవడం వల్లే చంద్రబాబు ఆడుకుంటున్నారని వాపోతున్నాయి. ఎంపీపీ, జెడ్పీటీసీ, ఎంపీటీసీ స్థానాల పంపకాన్ని జిల్లా స్థాయిలో సర్దుబాటు చేసుకోవాలని చంద్రబాబు చెప్పడం, పవన్‌ అందుకు అంగీకరించడం ఏమిటని మండిపడుతున్నాయి. రాష్ట్ర స్థాయిలో తేల్చాల్సిన 28 జెడ్పీ ఛైర్‌పర్సన్‌ పీఠాల పంపకంలోనూ అధినేత వంగిపోవడం ఏమాత్రం సరికాదని జనసేన పార్టీ శ్రేణులు తప్పు పడుతున్నాయి.జెడ్పీటీసీ, ఎంపీపీ, ఎంపీటీసీల్లోనూ అంతే రాష్ట్ర వ్యాప్తంగా 659 జెడ్పీటీసీ, 9,829 ఎంపీటీసీ స్థానాలకు ఎన్నికలు జరుగుతున్నాయి. వీటిలో 30 శాతం అంటే దాదాపు 200 జెడ్పీటీసీ స్థానాలు తమకు కావాలని పవన్‌ కళ్యాణ్‌ ప్రతిపాదించారు. అన్నిస్తే తమ కేడర్‌ తిరగబడుతుందని చంద్రబాబు తేల్చి చెప్పినట్లు సమాచారం. స్థానిక బలాన్ని బట్టే పంపకం ఉంటుందని, ఎక్కడికక్కడ స్థానికంగానే తేల్చుకోవాలని చెప్పడం ద్వారా జనసేన పవన్‌ కళ్యాణ్‌ ప్రతిపాదనను తిరస్కరించారు.పీఠం ఎవరిదో తెలియకుండానే కుమ్ములాట పశ్చిమ గోదావరి జెడ్పీ పీఠాన్ని జనసేనకే ఇవ్వాలని ఆ పార్టీ పట్టుబడుతోంది. జనసేన తరపున జెడ్పీ ఛైర్మన్‌ పీఠాన్ని ఆశిస్తున్న పీవీఎల్‌ నరసింహరాజు ఉండి జెడ్పీటీసీ స్థానం నుంచి నామినేషన్‌ వేశారు. కానీ, అదే ఉండి స్థానం నుంచి జెడ్పీ ఛైర్మన్‌ పీఠం ఆశిస్తున్న పొత్తూరి రామరాజును టీడీపీ పోటీకి దింపింది. ఇలా జనసేనకు పశ్చిమ గోదావరిలో చెక్‌ పెట్టే ప్రయత్నం చేస్తోంది. గణపవరంలోనూ రెండు పార్టీలు ముఖాముఖి తలపడుతున్నాయి. కాకినాడ జెడ్పీ పీఠంపైనా టీడీపీ, జనసేన మధ్య హోరాహోరీ నడుస్తోంది. ఏలూరు కార్పొరేషన్‌ జనసేనకు ఇచ్చి­నందున జెడ్పీ పీఠం తమదేనని టీడీపీ వాదిస్తోంది.మున్సిపల్‌లోనూ ఇదే తంతుమున్సిపల్‌ ఎన్నికల్లో 40.1 శాతం పదవులు కావాలని జనసేన డిమాండ్‌ చేసింది. ఆరు మేయర్‌ పీఠాలు సహా 2,091 పదవులు కోరింది. చివరికి నాలుగు కార్పొరేషన్లు, 21 మున్సిపాలిటీలతో సరిపెట్టుకుంది. ఇప్పుడు పరిషత్‌లలోనూ అదే జరుగుతోందని జన సైనికులు ఆవేదన చెందుతున్నారు. 2024లో త్యాగం చేశాం.. ఈసారి అలా కుదరదని పవన్‌ కళ్యాణ్‌ స్వయంగా ప్రకటించినా, సర్దుబాటు లొంగుబాటుగా మారడంపై కార్యకర్తలు తీవ్ర ఆందోళన వ్యక్తం చేస్తున్నారు. చర్చల పేరుతో అధినాయకత్వం కాలయాపన చేస్తుంటే, క్షేత్ర స్థాయిలో తాము బలవుతున్నామని జన సైనికులు మండిపడుతున్నారు. జనసేన నేతలపై టీడీపీ దాడుల ప్రస్తావనే లేకుండా సీట్ల చర్చలేంటని నిలదీస్తున్నారు. నెల్లూరు కార్పొరేషన్‌ ఆరో డివిజన్‌లో జనసేన అభ్యర్థిని చిత్తుగా ఓడించాలని.. ఆ పార్టీకి డిపాజిట్లు కూడా రాకూడదని మంత్రి నారాయణ టీడీపీ నేతలతో టెలీకాన్ఫరెన్స్‌లో దిశా నిర్దేశం చేసిన ఆడియో వైరల్‌గా మారింది. ఓ పక్క పొత్తు ధర్మం అంటూనే మరోపక్క ఓడించాలంటూ మంత్రులే పిలుపు ఇవ్వడం ఏమిటని జనసేన శ్రేణులు భగ్గుమంటున్నాయి. చంద్రబాబు జనసేనను చిన్నచూపు చూస్తున్నారని ఆవేదన చెందుతున్నాయి. జనసేన నాయకులు టికెట్ల కోసం టీడీపీ ఎమ్మెల్యేల ఇళ్ల చుట్టూ తిరగాల్సిన దుస్థితి వచ్చిందని ఆగ్రహం వ్యక్తం చేస్తున్నారు. టీడీపీ విదిల్చిన సీట్లతో సర్దుకుపోవడం ఇంకెన్నాళ్లని ప్రశ్నిస్తున్నారు.మూడు జెడ్పీలేనా?28 జెడ్పీ ఛైర్‌పర్సన్‌ పీఠాల్లో తొమ్మిది కావా­లని జనసేన కోరినట్లు తెలిసింది. ఉభయ గోదావరి జిల్లాలు, ఉత్తరాంధ్ర, తిరుపతి, అ న్నమయ్య జిల్లా పరిషత్‌లు కావాలని ప్రతిపాదించింది. అయితే చంద్రబాబు శిబిరం మొదట మూడు ఇస్తామని చెప్పి, బేరసారాల తర్వాత ఐదుకు వచ్చినట్లు తెలిసింది. పవన్‌ మళ్లీ గట్టిగా అడిగితే మరొకటి పెంచవచ్చని సమాచారం. మొత్తంగా ఆరు జెడ్పీ పీఠాలు మాత్రమే ఇచ్చేందుకు టీడీపీ సిద్ధమవుతున్నట్లు తెలిసింది. దాన్ని కూడా ఇంకా ఖరారు చేయలేదు. జెడ్పీ ఛైర్‌పర్సన్‌ ఎన్నిక పరోక్షంగా (జెడ్పీటీసీ సభ్యులు ఎన్నుకుంటారు) జరుగుతుంది కాబట్టి ఫలితాల తర్వాత చూద్దామని చంద్రబాబు దాటవేస్తున్నట్లు సమాచారం. కాకినాడ, అనకాపల్లి, ఉమ్మడి పశ్చిమ గోదావరి, గుంటూరు, ప్రకా­శం, చిత్తూరు జిల్లాలు ఇచ్చే అవకాశం ఉందని టీడీపీ లీకులు ఇచ్చింది. బీజేపీకి ఒక్కటి కూడా ఇచ్చే అవకాశం లేదని సమాచారం.

సాక్షి, పల్నాడు జిల్లా: జనసేన నేతలను టీడీపీ నాయకులు చావబాదారు. బెల్లంకొండ మండలం గంగిరెడ్డిపాలెం ఎంపీటీసీ స్థానానికి నామినేషన్ దాఖలు చేయడానికి వచ్చిన శ్రీనివాసరావుపై టీడీపీ నేతలు దాడి చేశారు. జనసేన అభ్యర్థిని నామినేషన్ దాఖలు చేయకుండా అడ్డుకుని దాడి చేశారు. జనసేన అభ్యర్థికి తీవ్ర గాయాలు కాగా.. ఆస్పత్రికి తరలించారు. ఆసుపత్రిలో చికిత్స పొందుతున్న జనసేన అభ్యర్థిని గుంటూరు జిల్లా జనసేన అధ్యక్షుడు గాదె వెంకటేశ్వరరావు పరామర్శించారు.గాదె వెంకటేశ్వరరావు మీడియాతో మాట్లాడుతూ.. కూటమిలో మేము ఉన్నామని చెప్పుకోవడానికి సిగ్గుపడాలో అర్థం కావట్లేదన్నారు. గంగిరెడ్డిపాలెం ఎంపీటీసీ స్థానానికి మా అభ్యర్థి నామినేషన్ వేయడానికి వెళ్తే టీడీపీ నాయకులు దాడి చేశారు. నామినేషన్ సెంటర్ వద్ద టీడీపీ నాయకులు.. జనసేన అభ్యర్థి పై దాడి చేయడం దారుణం. జనసేన అభ్యర్థి నామినేషన్ దాఖలు చేయకుండా దాడులు చేయడం హేయమైన చర్య. మహిళలు అని కూడా చూడకుండా దాడులు చేశారు.టీడీపీ నాయకులతో కొట్టించుకోవడానికి మేము ఆ పార్టీతో పొత్తు కట్టలేదు. జనసేన అభ్యర్థిపై దాడికి ఎమ్మెల్యే, జిల్లా అధ్యక్షుడు, ముఖ్యమంత్రి.. ఎవరు సమాధానం చెప్తారో చెప్పండి. జనసేన అభ్యర్థులను.. తెలుగుదేశం నాయకులు కొడుతుంటే పోలీసులు చూస్తూ ఊరుకున్నారు. టీడీపీ నేతలు.. జనసేన నాయకుల్ని చంపుతామని బెదిరించారు. ఎమ్మెల్యే భాష్యం ప్రవీణ్ వెంటనే స్పందించి దాడి చేసిన టీడీపీ నేతలతో జనసేన అభ్యర్థికి క్షమాపణ చెప్పించాలి వాళ్ల కాళ్లు పట్టించాలి. లేకపోతే ధర్నా చేస్తాం’’ అంటూ వెంకటేశ్వరరావు హెచ్చరించారు.ఇదీ చదవండి: పౌర హక్కులపై నారా గొడ్డలి వేటు

సాక్షి,విజయవాడ: ఏపీలో ఎంపీటీసీ,జెడ్పీటీసీ ఎన్నికల నోటిఫికేషన్‌ విడుదలైంది. రాష్ట్రంలో ఎంపీటీసీ, జెడ్పీటీసీ ఎన్నికలకు రాష్ట్ర ఎన్నికల ప్రధాన అధికారి అనిల్‌చంద్ర పునేఠా సోమవారం (అక్టోబర్‌19) అధికారికంగా నోటిఫికేషన్‌ విడుదల చేశారు. రాష్ట్ర వ్యాప్తంగా 659 జెడ్పీటీసీ స్థానాలకు, 9,829 ఎంపీటీసీ స్థానాలకు ఈ ఎన్నికలు జరగనున్నాయి. నామినేషన్ల స్వీకరణ: అక్టోబర్ 21 నుంచి 23 వరకునామినేషన్ల పరిశీలన: అక్టోబర్ 24న నామినేషన్ల ఉపసంహరణకు గడువు: అక్టోబర్ 27 వరకు పోలింగ్ తేదీ: నవంబర్ 3న ఎంపీటీసీ, జెడ్పీటీసీ స్థానాలకు పోలింగ్ నిర్వహణ ఓట్ల లెక్కింపు,ఫలితాల వెల్లడి: నవంబర్ 5న ఈ సందర్భంగా స్టేట్ ఎలక్షన్ కమిషనర్ అనిల్ చంద్ర పూనేఠ మీడియాతో మాట్లాడారు. జెడ్పీసీటీసీ,ఎంపీటీసీ ఎన్నికల నోటిఫికేషన్ విడుదల చేశాం. 28 జిలాల్లో 663.. ఉంటే 659 జడ్పీటీసీ స్థానాలకు ఎన్నికలు జరుగుతాయి.. ఎంపీటీసీకి రూ.4లక్షలు, జడ్పీటీసీకి రూ. 8లక్షలు ఖర్చు చేయొచ్చు. ఎంపీటీసీ 9859 ఉంటే.. 9829 స్థానాలకు ఎన్నికలు జరుగుతున్నాయి.జెడ్పీటీసీ స్థానాలకు 28 మంది, ఎంపీటీసీ స్థానాలకు 687 మంది రిటర్నింగ్ అధికారులను ఏర్పాటు చేశారు. రాష్ట్ర వ్యాప్తంగా మొత్తం 35,333 పోలింగ్ స్టేషన్లు ఉండగా, అందులో 9,186 కేంద్రాలను అత్యంత సమస్యాత్మక మైనవిగా గుర్తించారు. మున్సిపల్ కార్పొరేషన్లలో 320 నామినేషన్లు దాఖలయ్యాయి. మున్సిపాలిటీల్లో చైర్మన్ పదవులకు 87, వార్డు సభ్యుల పదవులకు 1,358 నామినేషన్లు వచ్చాయి. 8,190 వార్డు సభ్యులు, మొత్తం 24,451 నామినేషన్లు దాఖలయ్యాయి.నామినేషన్ల ప్రక్రియలో జరిగిన హింసాకాండపై మౌనంనామినేషన్ల ప్రక్రియలో జరిగిన హింసాకాండపై రాష్ట్ర ఎన్నికల సంఘం స్పందన దాటవేత ధోరణిలో సాగింది. ఎన్నికల సమయంలో చోటుచేసుకున్న అరాచకాలు, హింసపై మీడియా ప్రతినిధులు అడిగిన ప్రశ్నలకు ఎస్‌ఈసీ స్పష్టమైన సమాధానాలు ఇవ్వకుండా దాటవేశారు. కలెక్టర్ల నుంచి పూర్తి నివేదికలు వచ్చాక తగిన చర్యలు తీసుకుంటామని మాత్రమే ఎస్‌ఈసీ వెల్లడించారు.మరోవైపు, ప్రతిపక్ష నేతలు, అభ్యర్థులపై దాడులకు దిగిన అధికార పార్టీ మూకలపై, వారికి వత్తాసు పలికిన అధికారులు, పోలీసులపై ఇప్పటివరకు ఎందుకు చర్యలు తీసుకోలేదని మీడియా గట్టిగా నిలదీసింది. అయితే, ఈ ప్రశ్నలకు పూర్తి సమాధానాలు చెప్పకుండానే ఎస్‌ఈసీ ప్రెస్‌మీట్‌ను అర్ధంతరంగా ముగించారు. అనంతరం పంచాయితీ రాజ్ సెక్రటరీ కృష్ణ తేజ మాట్లాడుతూ.. 663 మండలాలు ఉంటే 659 మండలాల్లో ఎలక్షన్ జరుగుతుంది. నామినేషన్ ఎక్కడ తీసుకొంటారో వెబ్ కాస్టింగ్ పెడుతున్నాం. వెబ్ కాస్టింగ్ జిల్లా కలెక్టర్,ఎస్పీలతో పాటు స్టేట్ ఎలక్షన్ కమిషన్ వద్ద ఉంటుంది’ అని తెలిపారు.

చిత్తూరు: మా నాయకుడి పైనే ఎంపీటీసీ అభ్యర్థిగా పోటీ చేయడానికి సిద్ధపడుతున్నావంట? నీకెంత ధైర్యం? అసలు నువ్వు ప్రాణాలతో ఉంటే కదా పోటీకి దిగేది? అంటూ యాదమరి మండలంలో టీడీపీ శ్రేణులు బరితెగించారు. రాబోయే ఎన్నికల్లో వైఎస్సార్‌ సీపీ తరఫున పోటీకి ఆసక్తి చూపు తున్న ఓ కార్యకర్తపై ఆదివారం కర్రలతో విచక్షణా రహితంగా దాడిచేసి, కత్తితో బెదిరించారు. బాధితు ల కథనం మేరకు.. గొందివాళ్లవూరు గ్రామానికి చెందిన వైఎస్సార్‌సీపీ కార్యకర్త దాము ఆదివారం యాదమరిలోజరిగిన పార్టీ కార్యకర్తల సమావేశా నికి హాజరయ్యారు.తిరిగి ఇంటికి వెళ్తుండగా పచ్చాపూరు సమీపంలో మొఖాలకు రుమాళ్లు చుట్టుకుని వచ్చిన కొందరు పచ్చ రౌడీలు దాముపై విరుచుకుపడ్డారు. ‘ఏమిరా దాము.. రాబోయే ఎంపీటీసీ ఎన్నికల్లో పోటీ చేస్తున్నావంట. ఎంత ధైర్యముంటే మా అన్నకు ఎదురుగా పోటీ చేస్తావు. నా సంగతి తెలిసే ఇలా చేస్తున్నావా?’ అంటూ కర్రలతో చావబాదారు. కత్తి చూపించి.. ‘నిన్ను చంపేస్తే ఇక్కడ అడిగే వారే లేరు’ అంటూ హెచ్చరించారు. బాధితుడి ఆర్తనాదాలు విన్న స్థానికులు గట్టిగా కేకలు వేయడంతో పచ్చ మూక లు అక్కడి నుంచి పరారయ్యారు. ఈ దాడిలో దాము తీవ్రంగా గాయపడ్డారు. కుటుంబ సభ్యు లు అతన్ని 108లో చిత్తూ రు ప్రభుత్వాస్పత్రికి తరలించారు. విషయం తెలుసుకున్న మండల కన్వీనర్ ధనుంజయరెడ్డి, మాజీ ఎంపీపీ సురేష్‌ బాబు, పలువురు పార్టీ నాయకులు ఆస్పత్రికి చేరుకుని దామును పరామర్శించారు.ఆయన కుటుంబ సభ్యులకు ధైర్యం చెప్పారు. ధనుంజయరెడ్డి మాట్లాడుతూ దాముపై దాడి పిరికిపందల చర్య అని ఆగ్రహం వ్యక్తం చేశా రు. కూటమి నేతలు తమ ఓటమిని ముందే గ్రహించి, దాడులకు పాల్పడు తున్నాని దుయ్యబట్టారు. ఈ దాడి వెనుక గొందివాళ్లవూరు నుంచి ఎంపీటీసీగా పోటీ చేయడానికి ఆసక్తి చూపిస్తున్న టీడీపీలోని ఓ అక్రమ మైనింగ్‌ నేత కుమారుడి హస్తం ఉన్నట్లు బాధితుడి కుటుంబ సభ్యులు అనుమానిస్తున్నారు. సదరు నేత అండ చూసుకునే పట్రపల్లికి చెందిన ఓ ఫీల్డ్‌ అసిస్టెంట్‌ తన స్నేహితులతో కలిసి హత్యాప్రయత్నానికి ఒడి గట్టాడని ఆరోపించారు. పోలీసులు తక్షణమే విచారణ జరిపి, నిందితులపై కఠిన చర్య లు తీసుకోవాలని డిమాండ్‌ చేస్తున్నారు.

సాక్షి,విజయవాడ: ఏపీ డిప్యూటీ సీఎం పవన్‌ కల్యాణ్‌ పంచాయతీ రాజ్‌ శాఖ ఖజానా ఖాళీ అయ్యింది. జీతాలు ఇవ్వడానికి డబ్బులు లేవంటూ పంచాయతీ రాజ్‌ శాఖ హైకోర్టుకు చెప్పింది.2024 జూన్‌ నుంచి గౌరవ వేతనం చెల్లించడం లేదంటూ వైఎస్సార్‌ జిల్లా ఎంపీటీసీ, జెడ్పీటీసీలు హైకోర్టులో పిటిషన్‌ దాఖలు చేశారు. విచారణ చేపట్టిన హైకోర్టు గౌరవ వేతనం ఎందుకు చెల్లించలేదో ప్రమాణపత్రం సమర్పించాలని హైకోర్టు ఆదేశించింది. అందుకు పంచాయతీ రాజ్‌ శాఖ స్పందించింది. తమ ఖజానాలో నిధులు లేవని స్పష్టం చేసింది.

ఆదోని రూరల్‌: కర్నూలు జిల్లా ఆదోని మండలం బైచిగేరి గ్రామానికి చెందిన ఎంపీటీసీ సభ్యుడు నాగభూషణంరెడ్డి కిడ్నాప్‌ అయ్యారు. ఆయన ఆదివారం నుంచి కనిపించడం లేదు. బుధవారం ఆదోని ఎంపీపీపై అవిశ్వాస తీర్మానం ప్రవేశపెట్టనున్న నేపథ్యంలో నాగభూషణం కిడ్నాప్‌ కావడంతో తన భర్తను కూటమి నాయకులే కిడ్నాప్‌ చేశారంటూ అతడి భార్య విజయలక్ష్మి ఆదోని తాలూకా పోలీస్‌స్టేషన్‌లో మంగళవారం ఫిర్యాదు చేశారు. గ్రామానికి చెందిన కూటమి నాయకుడు శ్రీనివాస ఆచారి ఆదివారం రాత్రి 7 గంటలకు తన భర్తను కారులో తీసుకెళ్లారని, అప్పటి నుంచి ఆయన ఆచూకీ లేదని తెలిపారు. ఈ విషయమై శ్రీనివాస ఆచారిని అడిగితే ఈరోజు వస్తాడు, రేపు వస్తాడు.. అంటూ మాయమాటలు చెబుతున్నారని పేర్కొన్నారు. సోమవారం రాత్రి కుటుంబసభ్యులతో కలిసి శ్రీనివాస ఆచారి ఇంటివద్దకు వెళ్లి గట్టిగా నిలదీస్తే తమపైనే పోలీస్‌స్టేషన్‌లో ఫిర్యాదు చేస్తావా అని బెదిరించారని తెలిపారు. మంగళవారం సాయంత్రం 6 గంటల వరకు తన భర్త ఆచూకీ లేదని ఆమె ఫిర్యాదులో పేర్కొన్నారు. ప్రలోభాలు, కిడ్నాప్‌ ఆదోని ఎంపీపీ బడాయి దానమ్మపై బుధవారం అవి­శ్వాస తీర్మానం పెట్టనున్నారు. ఈ నేపథ్యంలోనే కూటమి నేతలు వైఎస్సార్‌సీపీ ఎంపీటీసీ సభ్యులపై ప్రలోభాల వల విసరటమేగాక కిడ్నాప్‌కు పాల్పడ్డారన్న ఆరోపణలున్నాయి. మండలంలో 29 ఎంపీటీసీ స్థానాలున్నాయి. వీటిలో మూడుస్థానాలకు ఎన్నికలు జరగలేదు. మిగిలిన 26 ఎంపీటీసీ స్థానాల్లో 24 వైఎస్సార్‌సీపీ గెల్చుకుంది. కపటి ఎంపీటీసీ సభ్యురాలు బడా­యి దానమ్మ ఎంపీపీగా ఎన్నికయ్యారు. సార్వత్రిక ఎన్నికల నేపథ్యంలో దానమ్మ, ఆమె భర్త పంపాపతి బీజేపీలో చేరారు. ఈ నేపథ్యంలో ఆమెపై అవిశ్వాస తీర్మానం ప్రవేశపెట్టాలని వైఎస్సార్‌సీపీ ఎంపీటీసీ సభ్యులు నిర్ణయించుకున్నారు. ఈ మేరకు ఆదోని సబ్‌కలెక్టర్‌కు మెమొరాండం ఇచ్చారు. సబ్‌కలెక్టర్‌ ఈనెల 22వ తేదీకి నోటీసు జారీచేశారు. ఎలాగైనా ఎంపీపీ పదవిని నిలబెట్టుకోవాలని దానమ్మ హైకోర్టును ఆశ్రయించినా ఫలితం లేకపోయింది. దీంతో ఎలాగైనా ఈ పదవిని నిలబెట్టుకోవాలని దానమ్మ భర్త పంపాపతి వైఎస్సార్‌సీపీ ఎంపీటీసీ సభ్యులు ముగ్గురికి డబ్బు వల విసిరి, నాగభూషణంరెడ్డిని కిడ్నాప్‌ చేసినట్లు సమాచారం. ఇదిలా ఉంటే.. కూటమి నేతలు ఎన్ని కుతంత్రాలు పన్నినా ఆఖరికి అవిశ్వాస తీర్మానం నెగ్గేంత సంఖ్యా­బలం వైఎస్సార్‌సీపీకే ఉంటుందని భావిస్తున్నారు.

సాక్షి టాస్క్ ఫోర్స్‌: ‘ఆమెకు చెప్పండి... లక్ష్మీదేవమ్మ టీడీపీలో చేరకపోతే ఆమె మనవడిని చంపేస్తాం...’ అని కర్నూలు జిల్లా కోడుమూరు టీడీపీ ఎమ్మెల్యే బొగ్గుల దస్తగిరి, కేడీసీసీ బ్యాంక్‌ చైర్మన్‌ డి.విష్ణువర్ధన్‌రెడ్డి కర్నూలు రూరల్‌ మండలం నూతనపల్లె వైఎస్సార్‌సీపీ మహిళా ఎంపీటీసీ లక్ష్మీదేవమ్మను హెచ్చరించారు. టీడీపీ నాయకులు, కార్యకర్తలతో కలిసి 40 కార్లలో లక్ష్మీదేవమ్మ ఇంటికి వెళ్లి పట్టపగలు పోలీసుల సమక్షంలోనే ఆమె మనవడు మహేంద్రను కిడ్నాప్‌ చేశారు.అడ్డొచ్చిన మహిళలపై విచక్షణారహితంగా టీడీపీ మూకలు దాడి చేశారు. ఈ దౌర్జన్యకాండను వీడియోలు తీసినవారి సెల్‌ఫోన్‌లు లాక్కుని ధ్వంసం చేశారు. దీంతో గ్రామంలో తీవ్ర ఉద్రిక్తత నెలకొంది. ఎప్పుడు ఏం జరుగుతుందోనని ప్రజలు తీవ్ర భయాందోళనలకు గురవుతున్నారు. ఒక ఎమ్మెల్యేనే దగ్గరుండి కిడ్నాప్‌ చేయించడం, పోలీసులు చేష్టలుడిగి చూడటం రాష్ట్రంలో అరాచక పాలనకు మరో నిదర్శనమని గ్రామస్తులు మండిపడుతున్నారు. గ్రామంపైకి దండయాత్ర టీడీపీ నాయకులు కర్నూలు రూరల్‌ ఎంపీపీ పదవిపై కన్నేశారు. తమకు బలం లేకపోయినా వైఎస్సార్‌సీపీ ఎంపీటీసీ సభ్యులను భయపెట్టి టీడీపీలో చేర్చుకోవాలని ఎమ్మెల్యే దస్తగిరి, విష్ణువర్ధన్‌రెడ్డి నిర్ణయించారు. గురువారం వైఎస్సార్‌సీపీకి చెందిన నూతనపల్లె ఎంపీటీసీ లక్ష్మీదేవమ్మ, నందనపల్లె ఎంపీటీసీ జ్యోతి, రేమట ఎంపీటీసీ సుజాత, దిన్నెదేవరపాడు–1 ఎంపీటీసీ రామనాథ్‌రెడ్డిలను అభివృద్ధి పనులపై చర్చించాలని పిలిచి వారికి టీడీపీ కండువాలు వేశారు. నూతనపల్లె ఎంపీటీసీ లక్ష్మీదేవి తాను వైఎస్సార్‌సీపీలోనే కొనసాగుతానని శుక్రవారం ప్రకటించారు.దీనిని జీరి్ణంచుకోలేని టీడీపీ ఎమ్మెల్యే దస్తగిరి, విష్ణువర్ధన్‌రెడ్డి శనివారం ఉదయం 40 వాహనాలతో నూతనపల్లెపై దండయాత్ర చేశారు. ఊరిలో అడ్డువచ్చిన వారిని కొట్టి ఎంపీటీసీ సభ్యురాలి ఇంటిపై దండెత్తారు. ఆ సమయంలో ఎంపీటీసీ లక్ష్మీదేవమ్మ, ఆమె కుమారుడు కృష్ణ ఇంట్లో లేరు. భయంతో ఆడవాళ్లు తలుపులు వేసుకుని లోపల ఉన్నారు. టీడీపీ మూకలు తలుపులు పగలగొట్టి అడ్డువచ్చిన మహిళలపై విచక్షణారహితంగా దాడి చేసి లక్ష్మీదేవమ్మ మనవడు మహేంద్ర(22)ను లాక్కెళ్లి కారులో ఎక్కించుకుని వెళ్లిపోయారు.లక్ష్మీదేవమ్మ టీడీపీలోకి రాకపోతే మహేంద్రను చంపేస్తామని కుటుంబ సభ్యులను హెచ్చరించారు. పోలీసుల సమక్షంలోనే టీడీపీ మూకలు ఇష్టానుసారంగా కొట్టడం, యువకుడిని కిడ్నాప్‌ చేయడంతో గ్రామస్తులు తీవ్ర ఆందోళనలకు గురవుతున్నారు. మరో ఎంపీటీసీ కుటుంబానికీ బెదిరింపులు గురువారం టీడీపీ నేతలు కండువా కప్పిన దిన్నెదేవరపాడు–1 ఎంపీటీసీ రామనాథ్‌రెడ్డి కూడా శుక్రవారం వైఎస్సార్‌సీపీలో చేరారు. దీంతో ఆయన కు­టుంబ సభ్యులను కూడా టీడీపీ నాయకులు బెదరించారు. రామనాథ్‌రెడ్డి టీడీపీలోకి రాకపోతే ఎంతవరకైనా వెళతామని, అంతు చూస్తామని హెచ్చరించారు. ప్రజాస్వామ్యం ఖూనీ: ఎస్వీ మోహన్‌రెడ్డి నూతనపల్లె ఎంపీటీసీ సభ్యురాలు లక్ష్మీదేవమ్మ, దిన్నెదేవరపాడు–1 ఎంపీటీసీ రామనాథ్‌రెడ్డి కుటుంబ సభ్యులను టీడీపీ నాయకులు బెదిరించడం, కిడ్నాప్‌ చేయడంపై వైఎస్సార్‌సీపీ కర్నూలు జిల్లా అధ్యక్షుడు ఎస్వీ మోహన్‌రెడ్డి ఆగ్రహం వ్యక్తంచేశారు. టీడీపీ నాయకులు బరితెగించి ప్రజాస్వామ్యాన్ని ఖూనీ చేస్తున్నారని, వారికి పోలీసులు వత్తాసు పలకడం అన్యాయమన్నారు. మహేంద్ర కిడ్నాప్‌పై వెంటనే కేసు నమోదు చేసి నిందితులపై చర్యలు తీసుకోవాలని డిమాండ్‌ చేశారు. బలం లేకపోయినా బరితెగింపుకర్నూలు రూరల్‌ మండలంలో 23 ఎంపీటీసీ స్థానాలు ఉన్నాయి. గత ఎన్నికల్లో వైఎస్సార్‌సీపీ 12, టీడీపీ 10 స్థానాల్లో విజయం సాధించాయి. ఇండిపెండెంట్‌ ఒక స్థానంలో గెలుపొందారు. వైఎస్సార్‌సీపీకి చెందిన జి.సింగవరం ఎంపీటీసీ డి.సవారన్న, పసుపల టీడీపీ ఎంపీటీసీ మురళీకృష్ణ చనిపోయారు. పంచలింగాల ఎంపీటీసీగా ఉన్న బస్తిపాటి నాగరాజు(టీడీపీ) కర్నూలు ఎంపీగా గెలిచారు. ఆర్‌.కొంతలపాడు ఎంపీటీసీ కె.గిడ్డమ్మ(టీడీపీ) సుంకేసుల సర్పంచ్‌గా గెలిచారు.దీంతో పంచలింగాల, ఆర్‌.కొంతలపాడు స్థానాలు ఖాళీగా ఉన్నాయి. ప్రస్తుతం ఇండిపెండెంట్‌ ఎంపీటీసీ బోయమద్దిలేటి(దిన్నెదేవరపాడు–2)తో కలుపుకొని వైఎస్సార్‌సీపీకి 12 మంది సభ్యుల బలం ఉంది. టీడీపీ బలం 7కు తగ్గింది. ఎంపీపీగా ఉల్చాల ఎంపీటీసీ వెంకటేశ్వరమ్మ(వైఎస్సార్‌సీపీ) కొనసాగుతున్నారు. తగిన బలం లేకపోయినా ఎంపీపీ పదవిని పొందాలని టీడీపీ నాయకులు కుట్రలు పన్నారు. వైఎస్సార్‌సీపీ ఎంపీటీసీలను బెదిరించి తమ పార్టీలో చేర్చుకునేందుకు బరితెగించారు.

సాక్షి, హైదరాబాద్‌: జమీన్‌ ఆస్మాన్‌ ఫరక్‌.. అంటే భూమికి ఆకాశానికి ఉన్నంత తేడా అనేది నానుడి. గత కొన్నేళ్లలో లోక్‌సభ, అసెంబ్లీ ఎన్నికల్లో పోటీచేసే అభ్యర్థుల ఎన్నికల వ్యయం ఊహించలేనంతగా పెరిగిపోయింది. స్థానిక సంస్థల ఎన్నికల పరిస్థితి కూడా అలాగే తయారవుతోంది. స్థాని క ఎన్నికల్లో పోటీ చేయటం అభ్యర్థులకు తలకు మించిన భారంగా మారుతోంది.వార్డు సభ్యుడు మొదలు సర్పంచ్, ఎంపీటీసీ, జెడ్పీటీసీ స్థానాలకు పోటీ చేయాలంటే భూము లు ఇతర ఆస్తులు కూడా అమ్ముకోవాల్సి వస్తోంది. ఎన్నికల సంఘం అభ్యర్థులకు విధిస్తున్న వ్యయ పరిమితికి, వాస్తవంగా చేస్తున్న ఖర్చుకు జమీన్‌ ఆస్మాన్‌ ఫరక్‌ ఉంటోంది. రాష్ట్ర ఎన్నికల కమిషన్‌ (ఎస్‌ఈసీ) జారీ చేసిన ఉత్తర్వుల ప్రకారం గ్రామ వార్డు సభ్యుడు మొదలు జెడ్పీటీసీ వరకు పోటీచేసే అభ్యర్థుల గరిష్ట ఎన్నికల ఖర్చు వివరాలు చూద్దాం..గరిష్ట వ్యయపరిమితి (2011 జనాభా లెక్కల ప్రకారం..)⇒ 5 వేల కంటే తక్కువ జనాభా ఉన్న గ్రామపంచాయతీలో వార్డు సభ్యుడిగా పోటీ చేసే అభ్యర్థి రూ.30 వేల వరకే ఖర్చు చేయాలి.⇒ 5 వేల కంటే ఎక్కువ జనాభా ఉన్న గ్రామపంచాయతీలో వార్డు సభ్యుడిగా పోటీ చేసే అభ్యర్థి గరిష్టంగా రూ.50 వేల వరకే ఖర్చు చేయాలి.⇒ 5 వేల కంటే తక్కువ జనాభా ఉన్న గ్రామపంచాయతీలో సర్పంచ్‌గా పోటీ చేసే అభ్యర్థి గరిష్టంగా రూ.1.5 లక్షల వరకే ఖర్చు చేయాలి.⇒ 5 వేల కంటే ఎక్కువ జనాభా ఉన్న గ్రామపంచాయతీలో సర్పంచ్‌గా పోటీ చేసే అభ్యర్థి గరిష్టంగా రూ.2.5 లక్షల వరకే ఖర్చు చేయాలి.⇒ ఎంపీటీసీ అభ్యర్థి గరిష్టంగా రూ.1.5 లక్షల వరకే ఖర్చు చేయాలి.⇒ జెడ్పీటీసీ అభ్యర్థి గరిష్టంగా రూ.4 లక్షల వరకే ఖర్చు చేయాలి.అభ్యర్థులు చేయాల్సినవి...⇒ ఎంపీటీసీ, జెడ్పీటీసీ స్థానాలు, సర్పంచ్, వార్డు సభ్యుడిగా పోటీచేసే వారు ఇద్దరు సాక్షులతో కూడిన తమ స్వీయ ప్రకటన (సెల్ఫ్‌ డిక్లరేషన్‌)ను నామినేషన్‌ పత్రంతో రిటర్నింగ్‌ అధికారికి సమర్పించాలి. ⇒ అభ్యర్థులపై ఒకవేళ క్రిమినల్‌ కేసులు ఉంటే స్వీకరించిన కేసులు (కాగ్జినెన్స్‌ టేకన్‌) మాత్రమే రాయాలి.⇒ శిక్ష పడిన కేసు వివరాలు రాయాలి.⇒ అభ్యర్థి లేదా భాగస్వామి, అభ్యర్థిపై ఆధారపడిన వారి చర, స్థిరాస్తులు (విదేశీ ఆస్తులతో సహా) పొందుపరచాలి.⇒ ఉమ్మడి ఆస్తిలోని వాటాను కూడా తెలపాలి.⇒ ఉమ్మడిగా కలిగి ఉన్న భూములు, భవనాలు, ఆపార్ట్‌మెంట్‌ వివరాలు వేర్వేరుగా పొందుపరచాలి.⇒ వ్యవసాయ భూమికి సంబంధిత భూమి సర్వే నంబర్, ఊరు, మండలం, జిల్లా, రాష్ట్రం, మొత్తం విస్తీర్ణం పొందుపరచాలి. వారసత్వమా కాదా అనేది కూడా తెలపాలి.⇒ బాండ్లు,షేర్లు, డిబెంచర్ల విలువ, తత్సంబంధిత కంపెనీ స్టాక్‌ ఎక్సె్చంజీ జాబితాలో ఉంటే ప్రస్తుత మార్కెట్‌ విలువ, జాబితాలో లేని కంపెనీల వివరాలు పుస్తకాలలో పేర్కొన్న ప్రకారం చూపాలి.⇒ ఆధారపడటం అంటే ఓ వ్యక్తి పూర్తిగా అభ్యర్థి ఆదాయంపైనే ఆధారపడినట్టు అర్థం.⇒ ప్రతి పెట్టుబడి, ఎంత మొత్తంలో ఆ పెట్టుబడి పెట్టారో వివరాలు తెలపాలి.⇒ చేతిలో నగదు, అభ్యర్థికి సంబంధించిన నగదు, భార్య/భర్తకు సంబంధించిన నగదు, ఆధారపడిన వారి వద్ద ఉన్న నగదు వివరాలు తెలియజేయాలి.⇒ అభ్యర్థి, భార్య/భర్త, వారిపై ఆధారపడిన వారి బ్యాంకు ఖాతాలు, వాటిలో ఉన్న మొత్తం నిల్వ, బ్యాంకు పేరు, బ్రాంచి పేరు, అకౌంట్‌ నంబర్లు, ఏదైనా ఫిక్స్‌డ్‌ డిపాజిట్లు, టర్మ్‌ డిపాజిట్లు ఉంటే వాటి వివరాలు తెలపాలి.⇒ అభ్యర్థి, భార్య/భర్త, వారిపై ఆధారపడిన వారికి ఉన్న బంగారం, వెండి ఆభరణాలు, వజ్రాలు, ఇతర ఆభరణాలు వాటి బరువు ఒక్కొక్కటిగా పేర్కొనాలి.⇒ అభ్యర్థి, భార్య/భర్తకు సంబంధించిన వృత్తి, వ్యాపార వివరాలు పొందుపరచాలి.⇒ అభ్యర్థికి సంబంధించిన విదార్హతల సర్టిఫికెట్లు, కోర్సు పూర్తి చేసిన సంవత్సరం, ఇతర వివరాలు ఇవ్వాలి.⇒ అభ్యర్థుల స్వీయ ప్రకటనను ఇద్దరు సాక్షులతో సంతకాలు చేయించి, వారి పూర్తిపేరు, చిరునామా స్పష్టంగా రాయకపోతే నామినేషన్‌ తిరస్కరణకు గురవుతుంది.

సాక్షి, హైదరాబాద్‌: రాష్ట్రంలో త్వరలో జరగనున్న స్థానిక సంస్థల ఎన్నికల్లో భాగంగా ఈ నెల 9న మండల, జిల్లా పరిషత్‌ తొలిదశ ఎన్నికలకు నోటిఫికేషన్‌ విడుదల కానుంది. ప్రకటన వెలువడిన రోజు నుంచి మూడురోజుల్లో నామినేషన్ల దాఖలు ముగియనుంది. ఇక ఉపసంహరణలు పూర్తయ్యాక పోటీలో ఉన్న ఎంపీటీసీ, జెడ్పీటీసీ అభ్యర్థుల ఎన్నికల ప్రచారానికి వారం రోజుల సమయమే కేటాయించారు. ఈ కాలంలో వారు ఓటర్లకు అవగాహన కల్పన, ఎన్నికల ప్రచారానికి, కార్యకర్తలు, ఏజెంట్లకు శిక్షణ ఇచ్చేందుకు ఉపయోగించుకోవచ్చు. అయితే పోలింగ్‌ ముగియడానికి నిర్ణయించిన సమయానికి 48 గంటల ముందు ఎలాంటి ప్రచారం నిర్వహించడానికి అవకాశం లేదని రాష్ట్ర ఎన్నికల సంఘం (ఎస్‌ఈసీ) మార్గదర్శకాల్లో స్పష్టం చేసింది. ⇒ రాత పూర్వక అనుమతి లేకుండా లౌడ్‌ స్పీకర్లు వాడొద్దు..అదీ నిర్ణీత సమయం వరకే అనుమతి ఉంటుందని పేర్కొంది. ⇒ సమావేశాలు, ర్యాలీల నిర్వహణలో ఆయా ప్రదేశాలకు అనుమతి కూడా తప్పనిసరిగా తీసుకోవాల్సి ఉంటుందని తెలిపింది. ⇒ అభ్యర్థులు ఉపయోగించే వాహనాల వివరాలు ముందుగానే కలెక్టర్లు, ఎన్నికల అధికారికి తెలియజేయాల్సిఉంటుంది. ప్రచారానికి ఉపయోగించే కరపత్రాలు, పోస్టర్లు మొదలైన వాటి ముద్రణపైనా ఆంక్షలున్నాయని, వీటి ముద్రణదారుల వివరాలు, అడ్రస్‌ వంటివి తప్పకుండా వాటిపై పేర్కొనాలని తెలిపింది. ⇒ ప్రచారం నిర్వహించేటప్పుడు నైతికతకు ప్రాధాన్యతనిస్తూ, స్నేహపూర్వక పోటీ వాతావరణాన్ని దెబ్బతీసేలా అభ్యర్థులు వ్యవహరించొద్దని సూచించింది. ⇒ ఎన్నికల సమయంలో ఎలాంటి అనైతిక కార్యకలాపాలకు తావు లేకుండా అభ్యర్థులు, ఏజెంట్లు, కార్యకర్తలు వ్యవహరించాలని పేర్కొంది. ⇒ నిబంధనలకు విరుద్ధంగా వ్యవహరిస్తే ఎన్నికల ప్రక్రియ ఆగిపోవచ్చు. ఓటర్లకు ఏ రకంగానూ లంచం ఇచ్చేందుకు, అనుచిత ప్రవర్తనతో ఓటర్లను బెదిరించడం, భయపెట్టడం, దొంగ ఓట్లను ప్రోత్సహించేలా వ్యవహరించొద్దని ఎస్‌ఈసీ స్పష్టం చేసింది. ⇒ ప్రత్యక్షంగా, పరోక్షంగా ఏదైనా వాహనంలో పోలింగ్‌ కేంద్రానికి ఓటర్లను తీసుకెళ్లేందుకు ప్రయతి్నంచొద్దు. ⇒ ఎస్‌ఈసీ విధించిన అభ్యర్థుల వ్యయ పరిమితి మాత్రం పూర్వకాలం నాటిదే కొనసాగుతోంది. జెడ్పీటీసీగా పోటీచేసే వారి వ్యయ పరిమితి రూ.4 లక్షలుగా ఉంది. విద్వేష భావాలు రెచ్చగొడితే అంతే... ఎన్నికల లబ్ధి కోసం అభ్యర్థి లేదా అతడి అనుమతితో ఏజెంట్, ఇతరులు మతం, జాతి, కులం, వర్గం లేదా భాషా ప్రాతిపదికన ప్రజల మధ్య విభేదాల సృష్టి, వ్యక్తుల మధ్య విద్వేష పూరిత భావాలు లేదా దేశంలోని వివిధ తరగతుల మధ్య విద్వేష భావాలు రెచ్చగొట్టడం వంటి వాటిని కూడా అవినీతి చర్యగానే పరిగణిస్తామని ఎస్‌ఈసీ స్పష్టం చేసింది. విద్వేషాలతో రెచ్చగొట్టిన వారు ఒకవేళ గెలిచినా సభ్యత్వం రద్దయ్యే పరిస్థితి ఎదురవుతుంది. ఎన్నికల నేరంగా పరిగణిస్తే మూడేళ్ల వరకు పొడిగించే జైలుశిక్ష, జరిమానా రెండూ విధిస్తారు. ఏదో ఒక నామినేషనే ఉంచుకోవాలి ఆయా ప్రాదేశిక నియోజకవర్గాల్లో అభ్యర్థులు ఒకటి కంటే ఎక్కువ నామినేషన్లు వేసి ఉంటే, అందులో ఏదో ఒకటి ఎంచుకొని మిగిలిన వాటిని ఉపసంహరించుకోవాల్సి ఉంటుంది. లేనిపక్షంలో అభ్యర్థులు సమర్పించిన అన్ని నామినేషన్లు తిరస్కరణకు గురై ఎక్కడి నుంచైనా పోటీకి అనర్హులుగా మిగిలిపోతారు. ఉదాహరణకు రెండు చోట్ల ఎంపీటీసీగా లేదా రెండు చోట్ల జెడ్పీటీసీగా నామినేషన్లు వేసి విత్‌ డ్రా చేసుకోకపోతే అనర్హులు అవుతారు. ఒక చోట ఎంపీటీసీగా, మరో చోట జెడ్పీటీసీగా పోటీ చేసినా, ఆ నామినేషన్లు చెల్లుబాటు అవుతాయి.

సిరిసిల్ల: స్థానిక సంస్థల ఎన్నికల నోటిఫికేషన్‌ విడుదల కావడంతో పల్లెల్లో రాజకీయ సందడి నెలకొంది. గతానికి భిన్నంగా రాష్ట్ర ఎన్నికల సంఘం స్థానిక సంస్థలకు ఒకేసారి ఎన్నికల నిర్వహణకు నోటిఫికేషన్‌ జారీ చేసింది. దీంతో ఆశావహులు ఒక్కసారిగా ఎన్నికల బరిలో నిలిచేందుకు రంగం సిద్ధం చేసుకుంటున్నారు.గతానికి భిన్నంగా..గతంలో ముందుగా ఒక్క నోటిఫికేషన్‌ జారీ అయ్యేది. అయితే ఎంపీటీసీ ఎన్నికలు, లేదా సర్పంచ్, వార్డు సభ్యుల ఎన్నికల్లో ఏదో ఒక్కటి ముందు జరిగేవి. ఇలా జరగడం మూలంగా ముందుగా వచ్చిన ఎన్నికల్లో పోటీ చేసిన అభ్యర్థులు ఆ ఎన్నికల్లో మంచి ఓట్లు సాధించి, దరి దాపుల్లోకి వచ్చి ఓడిపోయినవారు.. మరోసారి వెంటనే వచ్చే స్థానిక ఎన్నికల్లో పోటీ చేసి గెలిచే అవకాశం ఉండేది. కానీ ఈ సారి “సానుభూతి’ చాన్స్‌ లేకుండానే నేరుగా ముందుగా ఎంపీటీసీ, జెడ్పీటీసీ ఎన్నికలు, ఆ వెంటనే సర్పంచ్‌ ఎన్నికలు నిర్వహించనున్నారు. ఫలితంగా ఎన్నికల బరిలో నిలిచే అభ్యర్థులు “సానుభూతి’ని మూటగట్టుకునే చాన్స్‌ లేకుండా పోయింది. రెండు ఎన్నికల్లో పోటీ చేసి అదృష్టాన్ని పరీక్షించుకోవాలి పరిస్థితి నెలకొంది. రెండింటికీ పోటీ చేస్తే.. నెగెటివ్‌ ఫలితాలు వస్తాయని కొందరు భావిస్తున్నారు. మొదటి ఎన్నికల్లో ఓడి.. రెండో ఎన్నికల్లో గెలిచే అవకాశాలు ఈ సారి లేవు. గతంలో చాలా మంది అభ్యర్థులు సర్పంచ్‌ పదవికి ఓడిపోయి, మళ్లీ ఎంపీటీసీ ఎన్నికల్లో గెలిచారు. ముందుగా ఎంపీటీసీగా ఓడిపోయి, తర్వాత సర్పంచ్‌గా గెలిచిన ఘటనలు ఉన్నాయి. ఈ సారి ఆ అవకాశం లేకుండా పోయింది. ఏది ఏమైనా ఈ సారి స్థానిక సంస్థల ఎన్నికలు రసవత్తరంగా సాగనున్నాయి.పార్టీ నేతలకు తలపోట్లుఎంపీటీసీ, జెడ్పీటీసీ ఎన్నికలు పార్టీ పరంగా జరుగుతుండగా.. సర్పంచ్, వార్డు సభ్యుల ఎన్నికలు పార్టీ రహితంగా సాగుతాయి. ఈ నేపథ్యంలో ఒకేసారి అటు ఎంపీటీసీ, సర్పంచ్‌ అభ్యర్థులను ఆయా పార్టీ నేతలు ఎంపిక చేయాల్సి వస్తుంది. రెండు వేర్వేరుగా నోటిఫికేషన్లు వస్తే.. ఆయా పార్టీలకు కొంత సమయం దొరికి అభ్యర్థుల ఎంపిక సులభంగా ఉండేది. కానీ, ఇప్పుడు ఏకకాలంలో ఎన్నికలు రావడంతో ఒక్క ఊరిలో ఎంపీటీసీ అభ్యర్థిని, సర్పంచ్‌ అభ్యర్థిని, మండల స్థాయిలో జెడ్పీటీసీ అభ్యర్థిని, మళ్లీ గ్రామస్థాయిలో వార్డు సభ్యులను ప్యానల్‌గా నిలపాల్సిన పరిస్థితి నెలకొంది. దీంతో అన్ని పార్టీలకు ఈ జమిలి నోటిఫికేషన్‌ తలనొప్పిగా మారింది.రెండు విడతల్లో ఎంపీటీసీ, మూడు విడతల్లో సర్పంచ్‌రెండు విడతల్లో ఎంపీటీసీ, మూడు విడతల్లో సర్పంచ్‌ ఎన్నికల నిర్వహణకు అధికారులు రంగం సిద్ధం చేశారు. మొదటి విడత ఎంపీటీసీ, జెడ్పీటీసీ ఎన్నికలకు అక్టోబరు 11న నామినేషన్లు వేసేందుకు చివరి రోజు కాగా, అక్టోబరు 23న ఎన్నికలు జరగనున్నాయి. రెండో విడత ఎన్నికలకు అక్టోబరు 15న నామినేషన్లకు చివరి రోజు. 27న రెండో విడత ఎన్నికలు జరగనున్నాయి. ఎన్నికల ఫలితాలు నవంబరు 11న వెలువడుతాయి. ఎన్నికలు జరిగిన తర్వాత ఫలితాల కోసం పక్షం రోజులు నిరీక్షించాల్సిన పరిస్థితి ఎదురైంది. అదే సర్పంచ్, వార్డు సభ్యుల ఎన్నికలు అక్టోబరు 31, నవంబరు 4, 8వ తేదీల్లో మూడు విడతల్లో పూర్తి కానున్నాయి. ఎన్నికలు జరిగిన రోజు సాయంత్రమే ఫలితాలు వెలువడుతాయి. మొత్తంగా ఒకేసారి స్థానిక సంస్థల ఎన్నికలు వేగంగా పూర్తి చేసేందుకు రాష్ట్ర ఎన్నికల సంఘం మార్గదర్శకాలను జారీ చేస్తూ ఎన్నికల కోడ్‌ను అమలులోకి తెచ్చింది.

సాక్షి, చిత్తూరు: స్వయానా సీఎం చంద్రబాబు ప్రాతినిధ్యం వహిస్తున్న కుప్పంలో టీడీపీ అప్రజాస్వామికంగా వ్యవహరించింది. అడ్డదారిలో మణీంద్రం ఎంపీటీసీ స్థానాన్ని కైవసం చేసుకుంది. నామినేషన్ల పరిశీలనకు వెళ్లకుండా వైఎస్సార్‌సీపీ అభ్యర్థి హర్పితను టీడీపీ గూండాలు అడ్డుకున్నారు. దీంతో ఆమె నామినేషన్‌ను ఎన్నికల అధికారులు తిరస్కరించారు.2021లో జరిగిన ఎన్నికల్లో ఎంపీటీసీగా గెలుపొందిన శాంతకుమారి అనారోగ్యంతో మృతి చెందిన నేపథ్యంలో ఉప ఎన్నిక అవసరమైంది. గత నెల 30 నుంచి ఈనెల 1వ తేదీ వరకు నామినేషన్ల ప్రక్రియ జరిగింది. టీడీపీ అభ్యర్థులుగా అరుణ, విశాలాక్షి, వైఎస్సార్‌సీపీ అభ్యర్థిగా శాంతకుమారి తనయ హర్పిత నామినేషన్లు దాఖలు చేశారు. అయితే.. హర్పితను రెండో సెట్‌ నామినేషన్‌ వేయనీయకుండా టీడీపీ శ్రేణులు అడ్డుకున్నాయి. దీంతో ఆమె తనకు రక్షణ కల్పించాలని పోలీసులను ఆశ్రయించారు. అయితే పోలీసులు ఈ విషయాన్ని అస్సలు పట్టించుకోలేదు. ఈలోపు రామకుప్పం మండలంలో ఒక్క స్థానం గెలవని టీడీపీ, అప్రజాస్వామికంగా వైఎస్సార్‌సీపీ ఎంపీటీసీలను తమ వైపు తిప్పుకుంది. అదే సమయంలో టీడీపీ గూండాల వల్ల హర్పిత నామినేషన్ల పరిశీలనకు వెళ్లలేకపోయారు. ఫలితంగా మణీంద్రం ఎంపీటీసీ స్థానాన్ని టీడీపీ కైవసం చేసుకున్నట్లు అధికారులు ప్రకటించారు. రామకుప్పంలో ప్రజాస్వామ్యం ఖూనీ అయ్యిందనే చర్చ జోరందుకుందక్కడ.

సాక్షి, హైదరాబాద్‌: గ్రామీణ స్థానిక సంస్థల ఎన్నికల షెడ్యూల్‌ త్వరలో వెలువడనున్న నేపథ్యంలో రాష్ట్రంలో జెడ్పీపీ, జెడ్పీటీసీ, ఎంపీటీసీ, ఎంపీపీ స్థానాలను ఖరారు చేస్తూ రాష్ట్ర ప్రభుత్వం బుధవారం ఉత్తర్వులు జారీ చేసింది. ఈ ఉత్తర్వుల ప్రకారం.. రాష్ట్రంలో జిల్లా ప్రజా పరిషత్‌లు 31, జెడ్పీటీసీ స్థానాలు 566, మండల ప్రజా పరిషత్‌లు 566, ఎంపీటీసీ స్థానాలు 5,773, గ్రామపంచాయతీలు 12,778, వార్డులు 1,12,694 ఉన్నాయి. తెలంగాణ రాష్ట్రం ఏర్పాటయ్యాక 2019లో పంచాయతీ, ఎంపీటీసీ, జెడ్పీటీసీ ఎన్నికలు జరిగిన విషయం తెలిసిందే.అప్పుడు 32 జెడ్పీపీలు, ఎంపీపీ, జెడ్పీటీసీ స్థానాలు 570 చొప్పున, ఎంపీటీసీలు 5,817, గ్రామ పంచాయతీలు 12,848 ఉన్నాయి. దీనిని బట్టి చూస్తే ఇప్పుడు 1 జెడ్పీపీ, నాలుగు జెడ్పీటీసీ, నాలుగు ఎంపీపీలు, 44 ఎంపీటీసీ స్థానాలు, 70 గ్రామపంచాయతీలు తగ్గాయి. మేడ్చల్‌–మల్కాజిగిరిలోని మెజారిటీ గ్రామ పంచాయతీలు మున్సిపాలిటీల్లో విలీనం కావడంతో ఈ గ్రామీణ జిల్లా ఉనికి లేకుండా పోయింది. దీనివల్లే ఒక జెడ్పీపీ, 4 జెడ్పీటీసీల సంఖ్య తగ్గింది.మరికొన్ని జిల్లాల్లోనూ పంచాయతీలు సమీప మున్సిపాలిటీల్లో విలీనం కావడం, ఇతర కారణాలతో గ్రామ పంచాయతీల సంఖ్య తగ్గింది. సంఖ్యాపరంగా చూస్తే...నల్లగొండ జిల్లా 33 జడ్పీటీసీలు, 33 ఎంపీపీలు, 353 ఎంపీటీసీ స్థానాలతో రాష్ట్రంలోనే అగ్రస్థానంలో నిలిచింది. ఇక ములుగు జిల్లా 10 జడ్పీటీసీలు, 10 ఎంపీపీలు, 83 ఎంపీటీసీ స్థానాలతో అత్యల్ప స్థానాలున్న జిల్లాగా నిలిచింది. టాప్‌–5, లాస్ట్‌–5 జిల్లాల్లోని స్థానాలు ఇలా.. టాప్‌–5 జిల్లాలు... నల్లగొండ: 1 జడ్పీ, 33 జడ్పీటీసీలు, 33 ఎంపీపీలు, 353 ఎంపీటీసీ స్థానాలు నిజామాబాద్‌: 1 జడ్పీ, 31 జడ్పీటీసీలు, 31 ఎంపీపీలు, 307 ఎంపీటీసీ స్థానాలు ఖమ్మం: 1 జడ్పీ, 20 జడ్పీటీసీలు, 20 ఎంపీపీలు, 283 ఎంపీటీసీ స్థానాలు సంగారెడ్డి: 1 జడ్పీ, 26 జడ్పీటీసీలు, 26 ఎంపీపీలు, 271 ఎంపీటీసీ స్థానాలు సూర్యాపేట: 1 జడ్పీ, 23 జడ్పీటీసీలు, 23 ఎంపీపీలు, 235 ఎంపీటీసీ స్థానాలు లాస్ట్‌–5 జిల్లాలు... ములుగు: 1 జడ్పీ, 10 జడ్పీటీసీలు, 10 ఎంపీపీలు, 83 ఎంపీటీసీ స్థానాలు వరంగల్‌: 1 జడ్పీ, 11 జడ్పీటీసీలు, 11 ఎంపీపీలు, 130 ఎంపీటీసీ స్థానాలు రాజన్న సిరిసిల్ల: 1 జడ్పీ, 12 జడ్పీటీసీలు, 12 ఎంపీపీలు, 123 ఎంపీటీసీ స్థానాలు వనపర్తి: 1 జడ్పీ, 15 జడ్పీటీసీలు, 15 ఎంపీపీలు, 133 ఎంపీటీసీ స్థానాలు మంచిర్యాల: 1 జడ్పీ, 16 జడ్పీటీసీలు, 16 ఎంపీపీలు, 129 ఎంపీటీసీ స్థానాలు

ఆళ్లగడ్డ: నంద్యాల జిల్లా శిరివెళ్ల మండలం గుంపరమాన్‌దిన్నె ఎంపీటీసీ తులసమ్మ, ఆమె భర్త, వాటర్‌ యూజర్స్‌ అసోసియేషన్‌ చైర్మన్‌ కుందనూరు మోహన్‌రెడ్డి తమ పదవులతో పాటు టీడీపీకి రాజీనామా చేసి ఆళ్లగడ్డ ఎమ్మెల్యే భూమా అఖిలప్రియకు ఝలక్‌ ఇచ్చారు. తులసమ్మ శిరివెళ్ల ఎంపీడీఓ కార్యాలయం చేరుకుని ఎంపీడీఓ శివమల్లేశప్పకు రాజీనామా పత్రం అందజేశారు. ఆమె భర్త మోహన్‌రెడ్డి వాటర్‌ యూజర్స్‌ అసోసియేషన్‌ పదవికి రాజీనామా చేసేందుకు కేసీ కెనాల్‌ డీఈని సంప్రదించగా రాజీనామా పత్రం కలెక్టర్‌కు ఇవ్వాలని సూచించడంతో కలెక్టర్‌ను కలిసేందుకు వెళ్లారు.ఈ సందర్భంగా వారిద్దరూ మాట్లాడుతూ.. భూమా అఖిలప్రియను వెన్నంటి ఉంటూ ఆమె ఏ పార్టీలోకి మారితే.. అనుచరులతో కలిసి తాము కూడా వారి వెంట నడుస్తూ వచ్చామన్నారు. అయినా కార్యకర్తలకు సరైన న్యాయం, తగిన గుర్తింపు ఇవ్వడం లేదన్నారు. ఇలాంటి పార్టీలో ఉండటం ఇష్టంలేక పదవులతో పాటు పార్టీకి రాజీనామా చేశామన్నారు. ‘బి’ ట్యాక్స్‌ బాదుడు భరించలేకే.. అఖిలప్రియకు మోహన్‌రెడ్డి రూ.5 లక్షలు ‘బి’ ట్యాక్స్‌ చెల్లిస్తే తప్ప గుంప్రమాన్‌ దిన్నె వాటర్‌ యూజర్స్‌ అసోసియేషన్‌ చైర్మన్‌ పదవి దక్కలేదని టీడీపీ నేతలు చెబుతున్నారు. ఇటీవల అంగన్‌వాడీ పోస్ట్‌ ఖాళీ అవడంతో గ్రామానికి చెందిన ఒకరికి ఆ పోస్ట్‌ ఇవ్వాలని మోహన్‌రెడ్డి సిఫారసు చేయగా.. ఊరికే ఇచ్చే ప్రసక్తే లేదని, రూ.8 లక్షలు ‘బి’ ట్యాక్స్‌ కడితేనే ఇప్పిస్తామని చెప్పినట్టు టీడీపీలో చర్చ సాగుతోంది. అంత డబ్బు ఇవ్వలేరని చెప్పడంతో గ్రామంలో మరో వ్యక్తితో బేరం ఆడుతున్నట్టు తెలుసుకున్న మోహన్‌రెడ్డి రూ.8 లక్షలు కప్పం కట్టి అంగన్‌వాడీ పోస్ట్‌ ఇప్పించినట్టు సమాచారం. గుంప్రమాన్‌దిన్నె శివారు రాజనగరానికి సీసీ రోడ్లు వేసేందుకు మంజూరైన రూ.10 లక్షల నిధులను మోహన్‌రెడ్డికి తెలియకుండా గ్రామానికి చెందిన మరో వ్యక్తికి కమీషన్‌ కింద అమ్ముకున్నట్టు తెలుస్తోంది. మోహన్‌రెడ్డి ప్రాతినిధ్యం వహిస్తున్న కేసీ కెనాల్‌ అభివృద్ధికి మంజూరైన పనులను సైతం ‘బి’ ట్యాక్స్‌ పేరుతో ఎవరో కొత్త వ్యక్తులకు అమ్ముకోవడంపైనా అసంతృప్తితో ఉన్నట్టు సమాచారం.ఈ నేపథ్యంలో భార్యాభర్తలిద్దరూ పదవులకు, టీడీపీకి రాజీనామా చేసినట్టు తెలుస్తోంది. ఆళ్లగడ్డ నియోజకవర్గంలో ఏ పార్టీ అధికారంలో ఉంటే ఆ పార్టీలకు చెందిన మండల, గ్రామస్థాయి నాయకులు వారి పరిధిలో మంజూరయ్యే అభివృద్ధి పనులు చేపట్టడం పరిపాటి. టీడీపీ అధికారంలోకి వచ్చాక ఎప్పుడూ లేనివిధంగా పని ఎక్కడైనా, పదవి ఏదైనా ‘బి’ ట్యాక్స్‌ చెల్లించాల్సి వస్తోంది. కప్పం కడితే చాలు వారు ఏ పారీ్టకి ఎంత సేవ చేశారు అని చూసే పనిలేకుండా పనులు, పదవులు కట్టబెడుతున్నారు. చేసేదిలేక దశాబ్దాలుగా చక్రం తిప్పిన నాయకులు సైతం పదవులు, పనులకు కప్పం కట్టాల్సి వస్తోంది.కప్పం కట్టి పదవులు పొందినా.. వాటి పరిధిలో చేపట్టే అభివృద్ధి పనులను వారికి ఇవ్వకుండా 20 శాతం కమీషన్‌ తీసుకుంటూ ఇతర ప్రాంతాలకు చెందిన కాంట్రాక్టర్లకు కట్టబెట్టడంతో టీడీపీ నేతలు ఒక్కొక్కరుగా తిరగబడుతున్నారు. కొందరు తాము కమీషన్‌ ఇచ్చేది లేదని ఎదురు తిరుగుతుండగా.. మరికొందరు తాము చైర్మన్లుగా, అధ్యక్షులుగా ఉన్నా సంబంధిత పనులను తమతో మాట మాత్రమైన చెప్పకుండా ఇతరులకు కట్టబెట్టడం ఏంటని అసహనం వ్యక్తం చేస్తున్నారు.

యర్రగొండపాలెం: తామంతా వైఎస్సార్‌ కాంగ్రెస్‌ పార్టీకి చెందిన వారమేనని, ఇకపై ఈ పార్టీలోనే కొనసాగుతామని ఎంపీపీ ఎన్నికల్లో టీడీపీ అభ్యర్థికి మద్దతిచ్చిన త్రిపురాంతకం మండలం గొల్లపల్లి, కంకణాలపల్లి, దూపాడు, వెల్లంపల్లి, సంగం తండాకు చెందిన ఎంపీటీసీ సభ్యులు ఎనిబెర ఏసోబు, బోయలపల్లి చిన్న ఏసు, గార్లపాటి శార, దూదేకుల సిద్ధయ్య, రమావత్‌ మార్తాబాయి స్పష్టం చేశారు. టీడీపీ నేతల బెదిరింపులు, ప్రలోభాల వల్ల ఎంపీపీ ఎన్నికలో కూటమి అభ్యర్థికి మద్దతు ఇచ్చామని చెప్పారు. ఈ ఎన్నికలో టీడీపీ ఎన్ని కుట్రలు చేసినప్పటికీ వైఎస్సార్‌సీపీ అభ్యర్థి ఆళ్ల సుబ్బమ్మ విజయం సాధించడం తెలిసిందే. ఈ క్రమంలో ఎన్నికల సందర్భంగా ఏం జరిగిందో ఆదివారం వారు వైఎస్సార్‌సీపీ కార్యాలయం వద్ద విలేకరులకు వివరించారు. టీడీపీ అభ్యర్థి చల్లా జ్యోతి భర్త ఎల్లారెడ్డి తన ఇంటిలో ఏర్పాటు చేసిన క్యాంపులో తమను నిర్బంధించాడని తెలిపారు. టీడీపీ కండువాలు కప్పుకోవాలని బలవంతం చేశారని, అందుకు తాము అంగీకరించక పోవడంతో భోజనం చేసే సమయంలో, ఆలయాలకు తీసుకెళ్లి దేవుళ్లపై ప్రమాణం చేయించుకున్నారన్నారు. దీంతో చేసేదిలేక వారు చెప్పినట్లు జ్యోతికి మద్దతుగా చేతులు ఎత్తామని పశ్చాత్తాపపడ్డారు. ఈ సందర్భంగా ఎమ్మెల్యే తాటిపర్తి చంద్రశేఖర్‌ వారిని పార్టీలోకి ఆహ్వానిస్తూ.. టీడీపీ నియోజకవర్గ ఇన్‌చార్జ్‌ ఎరిక్షన్‌ బాబు ధన దాహంతో నీచ రాజకీయాలకు పాల్పడుతున్నారని ధ్వజమెత్తారు.

సాక్షి, శ్రీ సత్యసాయి: కూటమి ప్రభుత్వంలో టీడీపీ నేతలు రెచ్చిపోతున్నారు. అధికారంలో ఉన్నారనే అహంతో వైఎస్సార్‌సీపీ నేతలను టార్గెట్‌ చేసి దాడులు చేస్తున్నారు. తాజాగా సత్యసాయి జిల్లాలో టీడీపీ ఎమ్మెల్యే పరిటాల సునీత వర్గీయుల హల్‌చల్‌ చేశారు. ఈ క్రమంలో టీడీపీ నేతల దారుణాలపై మాజీ ఎమ్మెల్యే తోపుదుర్తి ప్రకాష్‌ రెడ్డి ఆగ్రహం వ్యక్తం చేశారు.వివరాల ప్రకారం.. సత్యసాయి జిల్లాలోని రామగిరిలో టీడీపీ ఎమ్మెల్యే పరిటాల సునీత వర్గీయుల తాజాగా దాడులకు తెగబడ్డారు. వైఎస్సార్‌సీపీ ఎంపీటీసీలకు విప్ జారీ చేసేందుకు వెళ్లిన లాయర్ కురుబ నాగిరెడ్డి, వైఎస్సార్‌సీపీ నేతలు రామాంజనేయులు, హరిలపై దాడి చేశారు. ఈ క్రమంలోనే పరిటాల వర్గీయులు.. వాహనం ధ్వంసం చేశారు. ఇంత జరుగుతున్నా.. అక్కడే ఉన్న పోలీసులు ప్రేక్షక పాత్ర పోషించారు తప్ప.. వారిని అడ్డుకునే ప్రయత్నం చేయలేదు. ఇక, రామగిరి మండలంలో మొత్తం 10 ఎంపీటీసీ స్థానాలు ఉండగా.. వైఎస్సార్‌సీపీ-8, టీడీపీ-1 ఒక్క స్థానంలో విజయం సాధించగా.. ఒక్క స్థానం ఖాళీగా ఉంది. ఈ నేపథ్యంలో దాడులు, దౌర్జన్యంతో ఎంపీపీ పదవి కైవసం చేసుకోవాలని టీడీపీ కుట్రలు పన్నుతోంది. ఇందులో భాగంగానే టీడీపీ నేతలు వైఎస్సార్‌సీపీ నేతలను టార్గెట్‌ చేస్తూ దాడులకు తెగబడుతున్నారు.

సాక్షి, హైదరాబాద్‌: రాష్ట్రంలో స్థానిక సంస్థల ఎన్నికల దిశగా వడివడిగా అడుగులు పడుతున్నాయి. రాజకీయ పార్టీల గుర్తులపై జరిగే మండల పరిషత్‌ (ఎంపీటీసీ), జిల్లా పరిషత్‌ (జెడ్పీటీసీ) ఎన్నికలను తొలుత నిర్వహించాలని.. అనంతరం పార్టీల గుర్తులు లేకుండా జరిగే గ్రామపంచాయతీ ఎన్నికలు నిర్వహించాలనే ఆలోచనతో రాష్ట్ర ప్రభుత్వం ఉన్నట్టుగా తెలిసింది. మరోవైపు ఈ రెండింటినీ కొన్నిరోజుల అంతరంతో జరపాలనే ప్రతిపాదనతోపాటు.. వీలైతే సమాంతరంగా ఒకేసారి నిర్వహించాలనే ఆలోచన కూడా ఉ న్నట్టు ప్రచారం జరుగుతోంది. దీనిపై స్పష్టత రాకున్నా.. తొలుత పరిషత్‌లకు, తర్వాత పంచాయతీలకు ఎన్నికలు నిర్వహించే అవకాశమే ఎక్కువని అధికార వర్గాలు చెబుతున్నాయి. మంగళవారం ఉదయం జరిగే రాష్ట్ర కేబినెట్‌ భేటీ, తర్వాత నిర్వహించే శాసనసభ ప్రత్యేక సమావేశంలో స్థానిక ఎన్నికలకు సంబంధించి స్పష్టత వస్తుందని వివరిస్తున్నాయి. రిజర్వేషన్ల పెంపుపై తీర్మానం చేసి.. సమగ్ర కుటుంబ సర్వే, స్థానిక సంస్థల్లో బీసీ రిజర్వేషన్ల పెంపు (ప్రస్తుతమున్న 28 శాతం నుంచి 42 శాతానికి), ఎస్సీ వర్గీకరణ నివేదిక తదితర అంశాలపై మంగళవారం కేబినెట్‌లో భేటీలో చర్చించి, నిర్ణయాలు తీసుకోనున్నారు. అనంతరం బీసీ రిజర్వేషన్ల పెంపు, ఎస్సీ వర్గీకరణకు సంబంధించి ప్రభుత్వం తీసుకున్న నిర్ణయాలపై అసెంబ్లీ ప్రత్యేక సమావేశంలో చర్చించి తీర్మానం చేస్తారు. అయితే సుప్రీంకోర్టు తీర్పు ప్రకారం చూస్తే.. ఎస్సీ, ఎస్టీ, బీసీ రిజర్వేషన్లు కలుపుకొని 50శాతానికి మించకూడదు. కానీ రాష్ట్రంలోని ప్రత్యేక పరిస్థితులు, కులగణన, బీసీ డెడికేటెడ్‌ కమిషన్‌ నివేదికల ఆధారంగా బీసీల రిజర్వేషన్లను 42 శాతానికి పెంచుతూ అసెంబ్లీలో తీర్మానం చేసి, ఆమోదం కోసం పార్లమెంటుకు పంపే అవకాశం ఉంది. అందులోనూ న్యాయపరమైన చిక్కులు ఎదురుకాకుండా పంచాయతీలు, మండలాలు, జిల్లాల్లో స్థానికంగా ఎస్సీ, ఎస్టీ, బీసీల జనాభాకు తగ్గట్టుగా రిజర్వేషన్లు కల్పించే అవకాశం కూడా ఉందనే ప్రచారం జరుగుతోంది. ఈ నెల 15లోగా షెడ్యూల్‌! స్థానిక సంస్థల ఎన్నికలకు ఈ నెల 15వ తేదీలోగా షెడ్యూల్‌ విడుదల కానున్నట్టు అధికార వర్గాలు చెబుతున్నాయి. రెండు వారాల్లో మండల, జిల్లా పరిషత్‌ ఎన్నికలు.. తర్వాత వారం గడువిచ్చి గ్రామ పంచాయతీ ఎన్నికలు పూర్తిచేయవచ్చని అంటున్నాయి. వచ్చే నెల మొదట్లో ఇంటర్‌ పరీక్షలు, 21 నుంచి టెన్త్‌ పరీక్షలు ఉన్నందున.. టెన్త్‌ పరీక్షలు మొదలయ్యేలోగా స్థానిక ఎన్నికల ప్రక్రియ ముగించాలనే ఆలోచనతో ప్రభుత్వం ఉన్నట్టు సమాచారం. రాజకీయ పార్టీల గుర్తులపై ఎంపీటీసీ, జెడ్పీటీసీ ఎన్నికలు జరుగుతాయి కాబట్టి, వాటిని ఒక విడతలో ముగించాలని భావిస్తున్నట్టు తెలిసింది. గ్రామ పంచాయతీ ఎన్నికలు పార్టీ రహితంగా, అభ్యర్థులంతా స్వతంత్రులుగానే పోటీ చేసే విధానంలో జరుగుతాయి కాబట్టి.. వాటిని విడిగా నిర్వహించనున్నట్టు సమాచారం. పంచాయతీ ఎన్నికలను గతంలో మాదిరిగా మూడు విడతల్లో నిర్వహించి.. ఏ విడతకు ఆ విడతలో పోలింగ్‌ ముగిశాక సాయంత్రమే ఫలితాలను ప్రకటించే అవకాశం ఉంది. 2018లో నిర్వహించిన విధంగానే ఈసారి కూడా బ్యాలెట్‌ పేపర్లతోనే స్థానిక సంస్థల ఎన్నికలు నిర్వహించనున్నారు. తొలుత పార్టీ గుర్తులపై జరిగే ఎంపీటీసీ, జెడ్పీటీసీ ఎన్నికలు నిర్వహిస్తే రాజకీయంగా ప్రయోజనకరంగా ఉంటుందని కాంగ్రెస్‌ ఎమ్మెల్యేలు, పార్టీ నేతలు పేర్కొన్న నేపథ్యంలో.. దీనివైపు మొగ్గుచూపుతున్నట్టు తెలిసింది. ఎంపీటీసీ స్థానాల పునర్విభజనపై సమీక్ష రాష్ట్రంలో మండల పరిషత్‌ ప్రాదేశిక నియోజకవర్గ (ఎంపీటీసీ) స్థానాల పునర్విభజనకు సంబంధించి పంచాయతీరాజ్, గ్రామీణాభివృద్ధి శాఖ (పీఆర్‌ ఆర్‌డీ) అధికారులు చర్యలు చేపట్టారు. ఒక్కో మండలంలో కనీసం ఐదు ఎంపీటీసీ స్థానాలు ఉండేలా చూడటం, రాష్ట్రవ్యాప్తంగా కొన్ని గ్రామాలను సమీపంలోని మున్సిపాలిటీల్లో విలీనం చేసిన నేపథ్యంలో మార్పులు చేర్పులు, కొత్తగా ఏర్పడిన 34 మండలాల్లో ఎంపీటీసీ సీట్ల పునర్వ్యవస్థీకరణ తదితర అంశాలపై సోమవారం కసరత్తు పూర్తి చేశారు. జిల్లాల వారీగా పునర్విభజన (కార్వింగ్‌) చేసిన ఎంపీటీసీ స్థానాల వివరాలతో మండల పరిషత్‌ కార్యాలయాల్లో తుది జాబితాలను ప్రచురించారు. ఎన్నికల సంఘం కసరత్తు ముమ్మరం ఎంపీటీసీ, జెడ్పీటీసీ ఎన్నికలకు సన్నద్ధమవుతున్న తీరుపై అన్ని జిల్లాల స్థానిక సంస్థల అదనపు కలెక్టర్లు (ఏసీఎల్‌బీ), ఇతర అధికారులతో రాష్ట్ర ఎన్నికల సంఘం కార్యదర్శి అశోక్‌కుమార్‌ టెలీకాన్ఫరెన్స్, గూగుల్‌ మీట్‌లు నిర్వహించారు. ఎన్నికల నిర్వహణకు సంబంధించి గ్రామ పంచాయతీల్లో వార్డుల వారీగా ఓటర్ల జాబితాలు సిద్ధం చేయడం, గ్రామ పంచాయతీల మ్యాపింగ్, ఎంపీటీసీ స్థానాలు, ఎంపీటీసీ, జెడ్పీటీసీ ఓటర్ల లెక్కలు, పోలింగ్‌ స్టేషన్ల గుర్తింపు, ఎన్నికలు జరిపేందుకు అందుబాటులో ఉన్న సిబ్బంది, బ్యాలెట్‌ బాక్స్‌లు, ఇతర రవాణా ఏర్పాట్లు, రిటర్నింగ్‌ అధికారుల (ఆర్వోల) నియామకం, ఆర్వోలు, సిబ్బందికి శిక్షణ, బ్యాలెట్‌ పేపర్ల ముద్రణ తదితర అంశాలపై సమీక్షించారు.

జరుగుమల్లి: ఆపదలో ఉన్నవారిని ఆదుకునే క్రమంలో రాజకీయాలకు, కులమతాలకు అతీతంగా వైఎస్సార్‌సీపీ ప్రభుత్వం వ్యవహరిస్తుందని మరోమారు రుజువయింది. ప్రకాశం జిల్లా జరుగుమల్లి మండలం ఎడ్లూరపాడు గ్రామంలో తెలుగుదేశం పార్టీ ఎంపీటీసీ బత్తిన మోహనరావు (53) బ్లాక్‌ ఫంగస్‌ వ్యాధికి గురై అనేక ఆస్పత్రులకు తిరిగి దాదాపు రూ. 30 లక్షల వరకు ఖర్చుచేశారు. అయినా ఫలితం లేక గతేడాది నవంబర్‌లో మరణించారు. ధుఃఖంలో ఉన్న మోహనరావు కుటుంబానికి స్థానిక వైఎస్సార్‌సీపీ నాయకులు పార్టీలకు అతీతంగా అండగా నిలిచారు. స్థానిక నాయకులు చుండి శ్రీనివాసరావు, చుండూరి సురేష్‌ ఈ విషయాన్ని మంత్రి డాక్టర్‌ ఆదిమూలపు సురేష్‌ దృష్టికి తీసుకెళ్లారు. దీంతో ఆయన సీఎం రిలీఫ్‌ ఫండ్‌ నుంచి రూ. 8 లక్షలు మంజూరు చేయించారు. ఈ నెల 19న మోహనరావు కుటుంబ సభ్యులకు చెక్కును అందజేశారు.   మానవత్వంతో ఆదుకున్నారు   మా పెదనాన్న గత ఎంపీటీసీ ఎన్నికల్లో టీడీపీ అభ్యర్థిగా పోటీ చేసి గెలుపొందారు. అనారోగ్యానికి గురవడంతో పలు ఆస్పత్రులకు తిప్పి మా శక్తికి మించి రూ.30 లక్షల వరకు ఖర్చు చేశాం. అయినా ఆయన మాకు దక్కలేదు. ఆ సమయంలో స్థానిక నాయకులు, మంత్రి సురేష్‌ పార్టీలు చూడకుండా మానవత్వంతో మాకు సీఎం రిలీఫ్‌ ఫండ్‌ నుంచి రూ.8 లక్షలు మంజూరు చేయించి ఇచ్చారు.  – బత్తిన శరత్‌బాబు, మృతుని తమ్ముని కుమారుడు

తిరుపతి రూరల్‌: తిరుపతి జిల్లా చంద్రగిరి మండలం ఎ. రంగంపేట వైఎస్సార్‌సీపీ ఎంపీటీసీ సభ్యుడు బోస్‌చంద్రారెడ్డిపై శనివారం రాత్రి కొందరు దుండగులు హత్యాయత్నానికి ప్రయత్నించారు. ఎంపీటీసీ సభ్యుడిని కత్తితో పొడిచేందుకు యత్నించడంతోపాటు అతని కారును కాల్చివేసేందుకు వేసిన పథకం విఫలమైంది. ఈ ఘటనలో కత్తితో సహా ఓ సినీహీరో వద్ద బౌన్సర్‌గా పనిచేసిన వ్యక్తి పట్టుబడ్డాడు. ఓ ప్రైవేటు యూనివర్సిటీ మాజీ పీఆర్వో సతీష్, ఓ సినీ హీరో అభిమాన సంఘం అధ్యక్షుడు సునీల్‌చక్రవర్తి సూచనల మేరకే ఈ ఘటనకు పాల్పడినట్లు పట్టుబడిన వ్యక్తి మీడియాతో చెప్పడం విశేషం. బాధితుడు బోస్‌చంద్రా­రెడ్డి తెలిపిన వివరాలు.. సతీష్, సునీల్‌చక్రవర్తి గతంలో బోస్‌చంద్రారెడ్డి, రంగంపేట ఉప సర్పంచ్‌ మౌనిష్రెడ్డితో గొడవపడ్డారు. ఓ భూమి, షాపు విషయంలోనూ ఎంపీటీసీ, ఉప సర్పంచ్‌తో సతీష్, సునీల్‌చక్రవర్తిలు ఘర్షణకు దిగారు. ఈ నేపథ్యంలో బోస్‌చంద్రారెడ్డిపై కక్ష పెంచుకున్న సతీష్, సునీల్‌చక్రవర్తిలు ఓ సినీహీరో వద్ద బౌన్సర్‌గా పనిచేసిన హేమంత్‌తో ఒప్పందం చేసుకున్నారు. దీంతో శనివారం రాత్రి హేమంత్‌ మరో ఐదుగురు కలిసి రాడ్‌లు, కత్తులు, పెట్రోల్‌ బాటిల్స్‌తో మారుతీనగర్‌లోని బోస్‌చంద్రారెడ్డి ఇంటికి వెళ్లారు. కత్తితో దాడి చేసేందుకు ప్రయత్నించి.. జన సంచారం ఉండటంతో ఆఖరి నిమిషంలో పరారయ్యారు. అనంతరం మళ్లీ రాత్రి 11 గంటలకు ఇలానే దాడి చేసేందుకు విఫలయత్నం చేశారు. ఆదివారం వేకువజామున 3 గంటలకు మళ్లీ కత్తులు, రాడ్‌లు, పెట్రోల్‌తో దాడికి రావడంతో వారిపై బోస్‌చంద్రారెడ్డి అనుచరులు తిరగబడ్డారు. హేమంత్‌ కత్తితో సహా పట్టుబడగా.. మిగిలినవారు పారిపోయారు. అతన్ని పట్టుకుని విచారించిన బోస్‌చంద్రారెడ్డి వర్గీయులు, రంగంపేట­లోనూ మరో బ్యాచ్‌ ఉన్నారని చెప్పడంతో కారులో అతన్ని ఎక్కించు­కుని రంగంపేటకు వచ్చారు. అప్పటికే వారు కూడా పారిపోయారు. ఈ హత్యాయత్నానికి సతీష్‌ కీలకసూత్రధారి అని, అతనే బోస్‌చంద్రారెడ్డి, మౌనిష్‌­రెడ్డిలపై దాడి చేయమన్నారని, దీనిలో సునీల్‌చక్రవర్తి పాత్ర కూడా ఉందని హేమంత్‌ మీడియాకు తెలిపాడు. హత్యచేయడం లక్ష్యం కాదని, కారును కాలి్చవేసి భయపెట్టాలని యత్నించినట్టు చెప్పాడు. నిందితులకు సతీష్‌ ఫోన్‌పే ద్వారా నగదు పంపించడం, అర్ధరాత్రిళ్లు కూడా సునీల్‌చక్రవర్తి ఫోన్లో మాట్లాడుతుండటంతో బాధితులు నిజనిర్ధారణకు వచ్చారు. హేమ­ంత్‌ను చంద్రగిరి పోలీసులకు అప్పగించారు. ఘటన జరిగిన ప్రదేశం తిరుపతి యూనివర్సిటీ పోలీస్‌స్టేషన్‌ పరిధిలో ఉండటంతో బోస్‌చంద్రారెడ్డి అక్కడే ఫిర్యాదు చేసినట్టు సమాచారం. కాగా, కొన్ని మీడియాల్లో సినీనటులు మోహన్‌బాబు, విష్ణువర్ధన్‌బాబుపై అసత్య ప్రచా­రం చేయడాన్ని బోస్‌చంద్రారెడ్డి, మౌనిష్రెడ్డిలు ఖండించారు. చంద్రగిరిలో విలేకరుల సమావేశం పెట్టి జరిగిన ఘటనలతో వారికి ఎలాంటి సంబంధం లేదని, అసత్యప్రచారాలు మాను­కోవాలని స్పష్టం చేశారు. నిందితులను కఠినంగా శిక్షించాలని కోరుతూ బోస్‌చంద్రారెడ్డి, మౌనిష్‌రెడ్డితోపాటు గ్రామస్తులు ధర్నా చేశారు.

పెద్దపల్లిరూరల్‌: పెద్దపల్లి అసెంబ్లీ పరిధిలో బీజేపీ మండలాల అధ్యక్షులను ఏకపక్షంగా నియమించే అధికారం జిల్లా అధ్యక్షుడికి ఎవరిచ్చారని పెద్దపల్లి మండల అధ్యక్షుడు పర్శ సమ్మయ్య, ఓదెల అధ్యక్షుడు శనిగరపు రమేశ్‌ ప్రశ్నించారు. జిల్లాకేంద్రంలో గురువారం విలేకరులతో మాట్లాడారు. నామినేటెడ్‌ పోస్టుగా జిల్లా అధ్యక్షుడినని ప్రకటించుకుని.. మాజీ ఎమ్మెల్యే గుజ్జుల రామకృష్ణారెడ్డి ప్రాతినిధ్యం వహించిన నియోజకవర్గంలో పార్టీని భ్రష్టు పట్టించేలా రాష్ట్ర కార్యవర్గంలోని ఓ నాయకుడి సూచనల మేరకు వ్యవహరిస్తున్నారని ఆరోపించారు. 30 ఏళ్లుగా పార్టీకి సేవలందిస్తున్న తమను తొలగించే హక్కు ఆయనకు ఎక్కడిదని మండల అధ్యక్షులు మామిడాల రమేశ్‌, రాజు నిలదీశారు. జిల్లా అధ్యక్షుడినని చెప్పుకుంటున్న రాజేందర్‌ కార్పొరేటర్‌ పదవికి పోటీచేసి డిపాజిట్‌ దక్కించుకోలేదని, ఆయనను పార్టీ నుంచి సస్పెండ్‌ చేయాలన్నారు. కాంగ్రెస్‌ టికెట్‌పై ఎంపీటీసీగా ఎన్నికై న వ్యక్తికి బీజేపీలో సభ్యత్వం లేకున్నా పదవి ఎలా కట్టబెడతారని ప్రశ్నించారు. పార్టీ కోసం అంకితభావంతో పనిచేస్తున్న వారిని ఇబ్బంది పెడితే తీవ్ర పరిణా మాలుంటాయని హెచ్చరించారు. నాయకులు కర్రె సంజీవరెడ్డి, పిన్నింటి రాజు, శ్రీనివాసరావు, సదానందం, జనార్ధన్‌రెడ్డి తదితరులున్నారు.

పల్లె సంప్రదాయాన్ని కళ్లకు కట్టినట్లు తెరపై ఆవిష్కరించిన చిత్రం 'బలగం'. చిన్న సినిమా అయినా ఊహించని విజయాన్ని అందుకుంది. ప్రియదర్శి, కావ్య కల్యాణ్ రామ్ ప్రధాన పాత్రల్లో నటించిన ఈ చిత్రాన్ని కమెడియన్ వేణు యెల్దండి దర్శకత్వంలో తెరకెక్కించారు. ప్రస్తుతం గ్రామాల్లో ఎక్కడ చూసినా  బలగం మూవీ పేరే వినిపిస్తోంది. ఈ సినిమాలో క్లైమాక్స్ అందరి హృదయాలకు హత్తుకునేలా ఉంది. అంతటి గొప్ప సినిమాను అందించిన దర్శకుడు వేణుపై కొందరు అధికారులకు ఫిర్యాదు చేశారు. ఒకవైపు వేణుపై ప్రశంసలు కురిపిస్తుంటే.. వారు మాత్రం ఆయనపై చట్టపరమైన చర్యలు తీసుకోవాలంటూ డిమాండ్ చేస్తున్నారు.  (ఇది చదవండి: బలగం మొగిలయ్యకు తీవ్ర అస్వస్థత) బలగం సినిమాలో కొన్ని సన్నివేశాలు తమ మనోభావాలు దెబ్బతీసేలా ఉన్నాయని జగిత్యాల జిల్లా ఇబ్రహీంపట్నం మండల ఎంపీటీసీలు ఆరోపిస్తున్నారు. ప్రజాప్రతినిధులైన మమ్మల్ని కించపరిచే విధంగా తీసిన సన్నివేశాలు చాలా బాధించాయని తహసీల్దార్ మహేశ్వరను కలిసి వినతిపత్రం అందజేశారు. బలగం సినిమాలో ఎంపీటీసీలను కించపరిచేలా ఉన్న సీన్లను తొలగించి దర్శకుడు వేణుపై చట్టపరమైన చర్యలు తీసుకోవాలని ఎంపీటీసీలు డిమాండ్ చేస్తున్నారు.   

సాక్షి, కరీంనగర్‌:  రాజువారింట్లో వివాహనికి రాజ్యమంతా కదిలి వెళ్తుంది. మరి వెళ్లే ప్రజలంతా ఖాళీ చేతులతో వెళ్తారా? ఎవరి స్థోమతకు తగినట్లుగా వారు కానుకలు తీసుకెళ్తారు. జిల్లాలో ఓ నియోజకవర్గంలో కీలక ప్రజాప్రతినిధి ఇంట్లో త్వరలో మోగనున్న పెళ్లి భాజాలు.. నేతల జేబులు ఖాళీ చేస్తున్నాయి. ఈ విషయం ఆ నోటా.. ఈ నోటా.. ఇప్పుడు రాష్ట్రమంతటా మోరుమోగిపోతోంది. నెట్టింట్లో వైరల్‌గా మారింది. అసలు విషయం ఏంటంటే.. ఓ ప్రజాప్రతినిధి ఇంట్లో త్వరలో పెళ్లి జరగాల్సి ఉంది. అసలే పెద్ద ప్రజాప్రతినిధి. అందులోనూ ఆయన ఇంట్లో శుభకార్యం. ఆయన అనుచరులు ఉత్తినే ఉంటారా? అంతా కలిసి భారీ బహుమతి తీసుకెళ్లి చదివించాలని నిర్ణయించారు. వెంటనే వాట్సాప్‌ గ్రూపుల్లో చాటింపు వేశారు. సర్పంచులు ఇంత, ఎంపీటీసీలు ఇంత అంటూ రేటు ఫిక్స్‌ చేశారు. వారిలో ఆ నేతకు వీరాభిమాని అయిన ఓ గ్రామస్థాయి నేత ఈ వ్యవహారాన్ని మొత్తం అన్నీ తానై చూసుకుంటున్నారు. కొందరు నగదు రూపంలో చెల్లింపులు చేస్తుండగా.. మరికొందరు తమకు తోచిన కానుకలు సమర్పించుకుంటున్నారు. రామడుగు మండలంలోని ఒక గ్రామ మాజీ సర్పంచికి ఆ శుభకార్యానికి కావాల్సిన కోడిగుడ్లు సరఫరా చేయాలని ఆదేశాలు వెళ్లినట్టు తెలిసింది. కొడిమ్యాల మండలానికి చెందిన ఒక నాయకునికి చికెన్, చొప్పదండి కేంద్రానికి చెందిన నాయకునికి మటన్‌ పంపించాల్సి ఉంటుందని సదరు అనుచరుడు హంగామా చేస్తున్నట్లు సమాచారం. చదవండి: మర్రి శశిధర్‌రెడ్డి ఘాటు వ్యాఖ్యలు.. స్పందించిన మాణిక్యం ఠాగూర్‌ ఈ వ్యవహారంపై ఓ గ్రామ సర్పంచిని ‘సాక్షి’ వివరణ కోరింది. స్పందించిన సదరు సర్పంచి.. ‘మేమంతా కానుకలను ఇష్టపూర్వకంగానే ఇస్తున్నాం. ఇందులో ఎవరి బలవంతం లేదు’ అని స్పష్టం చేశాడు. ఇదే నేత సరిగ్గా ఏడాది కింద.. పోలీసు పోస్టింగు విషయంలో తీవ్ర విమర్శలు ఎదుర్కొనడం గమనార్హం. ఏడాదిలో మూడోది..! కరీంనగర్‌ జిల్లాలో నేతల ఇళ్లల్లో పెళ్లిళ్లు జరిగిన సమయంలో ఇలాంటి కానుకల కోసం చందాలు సేకరించడం ఏడాదిలో ఇది మూడో ఘటన. ఆగస్టులో ఓ పార్టీ నేత ఇంట్లో వివాహం జరిగినప్పుడు పలు మహిళా సంఘాల నుంచి రాష్ట్రవ్యాప్తంగా చందాలు సేకరించారు. అప్పట్లో ఈ వివాదం రాష్ట్రవ్యాప్తంగా తీవ్ర దుమారం రేపింది. ఈ ఏడాదిలో కలెక్టరేట్‌లోని ఓ ఉన్నతాధికారి ఇంట్లో పెళ్లి కోసం కూడా దాదాపు రూ.50 లక్షల వరకు వసూలు చేశారని ఉద్యోగులు గగ్గోలు పెట్టిన విషయం తెలిసిందే. జిల్లాలో ఏడాదికాలంలో పెళ్లికానుకల చందాల వసూలులో ఇది మూడోది. ఈ షాదీ ముబారక్‌ కానుకల వ్యవహారం ఇటు అధికారుల్లో, నేతల్లో ఒక సంప్రదాయంగా మారుస్తున్నారన్న విమర్శలు వెల్లువెత్తుతున్నాయి.   చదవండి: కేసీఆర్‌ చేసింది పెద్ద రిస్కే.. ఇది ఆషామాషీ విషయం కాదు

లావేరు: తండ్రి చనిపోయి కుటుంబంలో విషాదం నెలకొన్న సమయంలో ఓ ఎంపీటీసీ సభ్యుడు ప్రమాణ స్వీకారం చేయాల్సి వచ్చింది. తండ్రి లేడన్న బాధను పంటి బిగువన భరిస్తూ.. నీళ్లు నిండిన కళ్లతోనే ప్రమాణ స్వీకారం చేశారు. శ్రీకాకుళం జిల్లా లావేరు మండలం తామాడలో రౌతు నారాయణరావు ఎంపీటీసీగా గెలుపొందారు. శుక్రవారం ఆయన ప్రమాణ స్వీకారం చేయాల్సి ఉంది. కానీ అదే రోజు ఆయన తండ్రి పాపినాయుడు అనారోగ్యంతో మరణించారు. దీంతో తండ్రి అంత్యక్రియలు పూర్తి చేసి మండల పరిషత్‌ కార్యాలయానికి వచ్చి ప్రమాణ స్వీకారం చేశారు. చదవండి: తెలంగాణ పర్వతారోహకుడికి సీఎం జగన్‌ భారీ ఆర్థిక సహాయం 

తాడేపల్లి రూరల్‌: గుంటూరు జిల్లా దుగ్గిరాల మండలంలో టీడీపీ నీచ రాజకీయాలకు దిగింది. వైఎస్సార్‌సీపీ తరఫున గెలిచిన  ఇద్దరు బీసీ మహిళలను, కొంతమంది ఎంపీటీసీలను తమవైపు తిప్పుకునేందుకు సొమ్ములు ఆశ చూపి భంగపడిన నారా లోకేశ్‌ బృందం.. చివరకుబెదిరింపులకు దిగుతోంది. నారా లోకేశ్‌ అసెంబ్లీ ఎన్నికల్లో మంగళగిరిలో ఘోర పరాజయం పొందిన నాటినుంచీ మంగళగిరి నియోజకవర్గంలో అభివృద్ధి పనులు జరగకుండా కోర్టులను ఆశ్రయిస్తూ పైశాచిక ఆనందాన్ని పొందుతున్న విషయం విదితమే. దుగ్గిరాల మండల పరిధిలో జరిగిన ఎంపీటీసీ ఎన్నికల్లో టీడీపీకి మెజారిటీ స్థానాలు దక్కినప్పటికీ.. గెలిచిన వారిలో బీసీ మహిళ లేకపోవడంతో శుక్రవారం జరిగిన ఎంపీపీ ఎన్నికలకు టీడీపీ ఎంపీటీసీలంతా గైర్హాజరయ్యారు. ఎలాగైనా ఎంపీపీ పదవిని దక్కించుకోవాలన్న ఉద్దేశంతో గెలిచిన టీడీపీ అభ్యర్ధులందరినీ విజయవాడలోని నోవా టెల్‌ హోటల్‌లో ఏర్పాటు చేసిన క్యాంప్‌నకు తరలించారు. ఆ తరువాత అక్కడి నుంచి వారిని సికింద్రాబాద్‌ తరలించారు. ఎంపీటీసీలకు బెదిరింపులు వైఎస్సార్‌సీపీ నుంచి గెలిచిన ఇద్దరు బీసీ మహిళలను, మరికొందరు ఎంపీటీసీలను టీడీపీ వైపు తిప్పుకునేందుకు విశ్వప్రయత్నాలు చేస్తూ బేరసారాలు కొనసాగిస్తున్నారు. ఇద్దరు బీసీ మహిళలకు రూ.50 లక్షలకు పైగా ఇస్తామంటూ టీడీపీ నేతలు ఆశ చూపినప్పటికీ వారు సున్నితంగా తిరస్కరించారు. నాయకుల బేరసారాలు ఫలించకపోవడంతో లోకేశ్‌ బృందం రంగంలోకి దిగింది. బీసీ మహిళా ఎంపీటీసీలకు, ఇతర సభ్యులకు వారి కుల పెద్దలతో ఫోన్లు చేయించి బేరసారాలు చేస్తున్నారు. మరోవైపు వారి బంధువులను ఇళ్లకు పంపించి బెదిరించే కార్యక్రమాలు చేపట్టారు. ఇంకోపక్క ‘భవిష్యత్‌లో మనకు ఇలాంటి అవకాశం రాదు. ఇప్పుడే డబ్బులు సంపాదించుకోవాలి, రేపు పదవి ఉంటుందో ఉండదో. పదవి లేకపోతే ఎవరూ మనవంక చూడరు. లోకేశ్‌ బాబుకు మద్దతు పలకండి. నాలుగేళ్ల తరువాత జగన్‌ ఉండడు. జగన్‌ లేకపోతే వైఎస్సార్‌ సీపీ ఉండదు’ అంటూ బెదిరింపులకు పాల్పడుతున్నారు. అధికార పార్టీలో ఉన్నప్పటికీ మేమిచ్చిన డబ్బులు తీసుకుంటే మీరు ఎంపీపీ అయిన తరువాత అభివృద్ధి పనులు ఏం చేసినా సంతకానికి ఒక రేటు ఉంటుందంటూ ఆశ చూపిస్తున్నారు. వారి ప్రలోభాలకు లొంగని వైఎస్సార్‌సీపీ ఎంపీటీసీలు తాము ఎట్టి పరిస్థితుల్లో పార్టీని వీడేది లేదని తెగేసి చెబుతున్నారు. శుక్రవారం వైఎస్సార్‌సీపీ ఎంపీటీసీ సభ్యుడి కుటుంబ సభ్యులతో టీడీపీ నేతలు మాట్లాడిన ఆడియో లీక్‌ అయ్యింది. సోషల్‌ మీడియాలో హల్‌చల్‌ చేస్తోంది. అవినీతి సంపదతో నీతిబాహ్యమైన పద్ధతులతో దుగ్గిరాల ఎంపీపీ పదవిని దక్కించుకునేందుకు చంద్రబాబు, ఆయన కొడుకు లోకేశ్‌ చేస్తున్న ప్రయత్నాలను ప్రజలు ఛీదరించుకుంటున్నారు.

మార్టూరు: అదృష్టం ఎవరిని ఎప్పుడు వెతుక్కుంటూ వస్తుందో ఎవరూ చెప్పలేరు. అందుకు ఉదాహరణ గ్రామ వలంటీర్‌గా ప్రస్థానం ప్రారంభించి మార్టూరు మండల అధ్యక్షురాలిగా అధికార పీఠం ఎక్కనున్న భూక్యా శాంతాబాయి. ప్రకాశం జిల్లా మార్టూరు మండలంలోని నాగరాజుపల్లి తండాకు చెందిన శాంతాబాయి బీకాం, బీఈడీ పూర్తి చేసింది. మార్టూరు తండాకు చెందిన ఇంజనీరింగ్‌ పట్టభద్రుడు బాణావత్‌ బాబు నాయక్‌తో వివాహమైంది. మార్టూరులో గ్రామ వలంటీర్‌గా పనిచేస్తున్నది. అయితే మార్టూరు ఎంపీపీ పదవి ఎస్టీ మహిళకు రిజర్వు కావడంతో స్థానిక జనార్ధన కాలనీ ప్రాదేశికం నుంచి ఎంపీటీసీగా బరిలోకి దిగింది. టీడీపీకి చెందిన తన ప్రత్యర్థిపై 1,184 ఓట్ల భారీ మెజార్టీతో గెలిచింది. మండలంలోని 21 మంది ఎంపీటీసీలలో ఎస్టీ కేటగిరీ కింద మరెవ్వరూ అభ్యర్థులు లేకపోవడంతో ఎంపీపీగా శాంతాబాయి ఎన్నిక లాంఛనమే. మండలంలోని ఎంపీటీసీలందరిలోకి ఆమె పిన్న వయసు్కరాలు కావడం విశేషం.   నిస్వార్థంగా ప్రజా సేవ చేస్తా..  గత ఆగస్టులో ఆడబిడ్డకు జన్మనిచచ్చిన నేను నెల తిరక్కుండానే ఎంపీపీ కాబోతున్నందుకు చాలా సంతోషంగా ఉంది. సీఎం జగన్‌ పురుషులతో సమానంగా మహిళలకు అన్ని రంగాల్లో అవకాశాలు కల్పించడం నచ్చి రాజకీయాల్లో వచ్చా. మండల ప్రజలందరి అభివృద్ధి కోసం పాటు పడతా.   – శాంతాబాయి 

కుప్పం: కుప్పం రాజకీయ చరిత్రలో 40 ఏళ్ల చంద్రబాబు ఏకఛత్రాధిపత్యానికి 23 ఏళ్ల అశ్వని బ్రేక్‌ వేశారు. కుప్పం మండలం మల్లానూరుకు చెందిన అశ్వని వైఎస్సార్‌సీపీ ఎంపీటీసీ అభ్యర్థిగా 1,073 ఓట్ల మెజార్టీతో విజయం సాధించారు. ఆమె పోటీ చేసిన మల్లానూరు–2 సెగ్మెంట్‌లో టీడీపీ అభ్యర్థికి కేవలం 70 ఓట్లే వచ్చాయి. 4 దశాబ్దాలుగా కుప్పం ఎంపీపీగా చంద్రబాబు మద్దతుదారులే చక్రం తిప్పగా, ఈ సారి ఎంపీపీ అభ్యర్థి రేసులో నిలిచి.. బాబు కోటను బద్ధలు కొట్టారు. పీజీ చదివిన అశ్వని మొదటి నుంచీ వైఎస్సార్‌ కుటుంబానికి అభిమాని. ఎన్నికల ప్రచారంలో ఇక్కడికి వచ్చిన వైఎస్‌ జగన్‌కు రాఖీ కట్టి తన అభిమానాన్ని చాటుకున్నారు.

కర్లపాలెం(బాపట్ల): పాపం.. ఆమె మరణించి గెలిచింది. ఎన్నికలు పూర్తయిన కొద్ది రోజులకే మృతిచెందిన ఆమె.. ఆదివారం జరిగిన ఓట్ల లెక్కింపులో ఎంపీటీసీగా విజయం సాధించింది. ఆమె బతికున్నట్టయితే ఎంపీపీగా ఎన్నికై ఉండేది కూడా. గుంటూరు జిల్లా బాపట్ల నియోజకవర్గం కర్లపాలెం–1 సెగ్మెంట్‌ నుంచి ఎంపీటీసీ ఎన్నికల్లో పోటీ చేసిన ఝాన్సీలక్ష్మి ఎన్నికల అనంతరం అనారోగ్యంతో మరణించారు. వైఎస్సార్‌సీపీ కర్లపాలెం మండల అధ్యక్షుడు దొంతిబోయిన సీతారామిరెడ్డి సతీమణి అయిన ఆమెను కర్లపాలెం ఎంపీపీ అభ్యర్థిగా పార్టీ అధిష్టానం ప్రకటించింది కూడా. సమీప టీడీపీ అభ్యర్థి పిట్ల వేణుగోపాల్‌రెడ్డిపై 134 ఓట్ల ఆధిక్యంతో విజయం సాధించారు. ఆమె గెలిచిందని తెలియగానే.. ఆమెను తలుచుకుని కుటుంబ సభ్యులు కన్నీటి పర్యంతమయ్యారు. ఇదిలా ఉండగా ఆమె భర్త సీతారామిరెడ్డిని పార్టీ నాయకులు ఊరేగింపుగా ఇంటి వరకూ తీసుకురావడంతో కుటుంబ సభ్యులు, కార్యకర్తలు ఒక్కసారిగా భావోద్వేగానికి లోనయ్యారు. అనంతరం ఝాన్సీలక్ష్మి చిత్ర పటానికి పూలమాలలు వేసి నివాళులర్పించారు.  చదవండి: Jupudi Prabhakar Rao: టీడీపీకి గుండు సున్నానే..

ద్వారకా తిరుమల: అతి చిన్న వయసులోనే ఎంపీటీసీ సభ్యురాలిగా గెలుపొందిన ఆ యువతిని పలువురు అభినందిస్తున్నారు. పశ్చిమగోదావరి జిల్లా ద్వారకా తిరుమల మండలం సత్తెన్నగూడేనికి చెందిన 21 ఏళ్ల మానుకొండ షహీల డిగ్రీ పూర్తి చేసింది. ఇటీవలే ఆమెకు వివాహమైంది. మండలంలోని పంగిడిగూడెం–1 ఎంపీటీసీ స్థానానికి వైఎస్సార్‌సీపీ తరఫున బరిలో నిలిచి.. 557 ఓట్లకు పైగా మెజారిటీతో గెలుపొందింది.  ఆమెను ఎమ్మెల్యే తలారి వెంకట్రావు తదితరులు అభినందించారు. మానుకొండ షహీల

సాక్షి, విజయవాడ: పరిషత్‌ ఎన్నికల్లో మాజీ మంత్రి దేవినేని ఉమాకు ఘోర పరాభవం ఎదురైంది. దేవినేని ఉమ నియోజకవర్గం మైలవరంలో వైఎస్సార్‌సీపీ హవా ప్రదర్శించింది. గొల్లపూడిలో 10 ఎంపీటీసీలకు 10 వైఎస్సార్‌సీపీ కైవసం చేసుకుంది. రాష్ట్రంలో పరిషత్‌ ఎన్నికల్లో వైఎస్సార్‌సీపీ ప్రభంజనం సృష్టిస్తోంది. ఇప్పటివరకు 14 జడ్పీటీసీ స్థానాలు వైఎస్సార్‌సీపీ కైవసం చేసుకుంది.

సాక్షి, చిత్తూరు: ఎన్నికలు ఎప్పుడు జరిగినా వైఎస్సార్‌సీపీదే విజయం అని రాష్ట్ర పంచాయతీ రాజ్‌ శాఖ మంత్రి పెద్దిరెడ్డి రామచంద్రారెడ్డి అన్నారు. శనివారం ఆయన మీడియాతో మాట్లాడుతూ, రాష్ట్రంలో అందరికీ సంక్షేమ పథకాలు అందుతున్నాయన్నారు. ముఖ్యమంత్రి వైఎస్‌ జగన్‌మోహన్‌రెడ్డికి వస్తున్న ఆదరణను చంద్రబాబు ఓర్వలేకపోతున్నారన్నారు. ‘చంద్రబాబు ఎన్ని అబద్ధాలు చెప్పినా ప్రజలు నమ్మరు. ఆయన ఇకనైనా తప్పుడు ఆరోపణలు మానుకోవాలని’ పెద్దిరెడ్డి హితవు పలికారు. చదవండి: ‘మందు ఉంటే మత్తు మాటలు అయ్యన్నకు అలవాటు’ గూండాలు, రౌడీలతో చంద్రబాబు దాడి చేయించారు: జోగి రమేష్‌

సాక్షి, అమరావతి: ఎంపీటీసీ, జెడ్పీటీసీ ఎన్నికలపై హైకోర్టు గురువారం తీర్పు వెలువరించనుంది. ఉదయం 10.30 గంటలకు ప్రధాన న్యాయమూర్తి (సీజే) జస్టిస్‌ అరూప్‌కుమార్‌ గోస్వామి, న్యాయమూర్తి జస్టిస్‌ జె.ఉమాదేవిలతో కూడిన ధర్మాసనం తీర్పు ఇవ్వనుంది. ఎంపీటీసీ, జెడ్పీటీసీ ఎన్నికలు  గతంలో ఏ దశలో అయితే నిలిచిపోయాయో అక్కడి నుంచి తిరిగి నిర్వహించేందుకు వీలుగా మళ్లీ తాజా నోటిఫికేషన్‌ జారీచేయాలని ఆదేశిస్తూ సింగిల్‌ జడ్జి ఇటీవల తీర్పు ఇచ్చారు. (చదవండి: సీఎం జగన్‌ లేఖపై తక్షణం స్పందించిన విదేశాంగ శాఖ)  ఈ తీర్పును రద్దుచేయాలని కోరుతూ రాష్ట్ర ఎన్నికల కమిషనర్‌ దాఖలు చేసిన అప్పీలుపై ఆగస్టు 5న విచారణ జరిపిన హైకోర్టు ధర్మాసనం తీర్పును వాయిదా వేసింది. తిరిగి ఎన్నికలు నిర్వహించేందుకు వీలుగా తాజా నోటిఫికేషన్‌ ఇవ్వాలన్న సింగిల్‌ జడ్జి ఉత్తర్వులను ధర్మాసనం సమర్థిస్తుందా? లేక పూర్తయిన ఎన్నికలకు సంబంధించి ఓట్ల లెక్కింపు చేయాలని ఆదేశిస్తుందా? అన్న దానిపై సర్వత్రా ఉత్కంఠ నెలకొంది.(చదవండి: జేసీ బ్రదర్స్‌కు టీడీపీ ఝలక్‌)

రామగిరి (నల్లగొండ): తిప్పర్తి మండలం అనిశెట్టి దుప్పలపల్లి గ్రామంలో విషాదఛాయలు అలుముకున్నాయి. హైదరాబాద్‌ శివారులో మంగళవారం రాత్రి జరిగిన ఘోర రోడ్డుప్రమాదంలో తానెదార్‌పల్లి ఎంపీటీసీ దంపతులు దొంతం కవిత, వేణుగోపాల్‌రెడ్డి దుర్మరణం చెందారు. వీరి మృతదేహాలను అంత్యక్రియల నిమిత్తం బుధవారం దుప్పలపల్లికి తీసుకువచ్చారు. దీంతో ఆ గ్రామంలో కుటుంబ సభ్యులు, గ్రామస్తుల రోదనలు మిన్నంటాయి. లారీని ఢీకొని దొంతం కవిత, వేణుగోపాల్‌రెడ్డి హైదరాబాద్‌లోని వనస్థలిపురంలో నివాసం ఉంటున్నారు. వీరికి నల్ల గొండలో సొంత ఇల్లు కూడా ఉంది. రెండు రోజుల క్రితం సొంత పనుల నిమిత్తం వీరిద్దరూ నల్లగొండకు వచ్చారు. పనులు ముగించుకుని మంగళవారం రాత్రి 9.30 గంటలకు స్కార్పియో వాహనంలో హైదరాబాద్‌కు బయలుదేరారు. ఈ క్రమంలో సుమారు రాత్రి 11.45 గంటల ప్రాంతంతో ఔటర్‌ రింగ్‌రోడ్డు దాటాక పెద్దఅంబర్‌పేట సమీపంలో ఓ టిప్పర్‌ లారీ వర్షం పడుతున్న కారణంగా ఒక్కసారిగా బ్రేక్‌ వేయడంతో వెనుక నుంచి వస్తున్న వీరి స్కార్పియో వాహనం లారీని ఢీకొట్టింది. దీంతో స్కార్పియో వాహనంలో ఉన్న దొంతం కవిత, వేణుగోపాల్‌రెడ్డికి తీవ్ర గాయాలు కావడంతో అక్కడికక్కడే మృతిచెందారు. ఉస్మానియా ఆస్పత్రిలో పోస్టుమార్టం చేసిన అనంతరం మృతదేహాలను పోలీసులు అంత్యక్రియల నిమిత్తం సొంత గ్రామమైన దుప్పలపల్లికి తీసుకువచ్చారు. వివాహం జరిగి పదిరోజులు గడవకముందే.. ఎంపీటీసీ దంపతులకు కూతురు ప్రీతిరెడ్డి, కుమారుడు అజయ్‌కుమార్‌రెడ్డి ఇద్దరు సంతానం. కాగా.. ఆగస్టు 22వ తేదీన కుమార్తె ప్రీతిరెడ్డి వివాహం నల్లగొండలోని ఓ ఫంక్షన్‌ హాల్‌లో అంగరంగ వైభవంగా జరిగింది. కుమార్తె వివాహం అయి పదిరోజులు గడవకముందే తల్లిదండ్రులు ఇద్దరూ అకాల మరణం చెందారు. సెప్టెంబర్‌ 10, 11 కుమార్తె, అల్లుడిని తీసుకుని తిరుపతి వెళ్లాల్సి ఉంది. ఇంతలోనే జరిగిన రోడ్డు ప్రమాదంలో తల్లిదండ్రులు దుర్మరణం పాలయ్యారు. కాగా.. మంగళవారం తిరుపతిలో రూం కోసం ఎమ్మెల్యే కంచర్ల భూపాల్‌రెడ్డి నుంచి లెటర్‌ కూడా తీసుకుని హైదరాబాద్‌కు బయలుదేరారు. గ్రామస్తులతో విడదీయరాని అనుబంధం వేణుగోపాల్‌రెడ్డిది రాజకీయ కుటుంబం. ఆయన తండ్రి శ్రీనివాస్‌రెడ్డి మాజీ సర్పంచ్‌. వీరికి దుప్పలపల్లిలో వ్యవసాయ భూమి కూడా ఉంది. ప్రస్తుతం వేణుగోపాల్‌రెడ్డి రియల్‌ ఎస్టేట్‌తో పాటు బిల్డర్‌గా పని చేస్తున్నాడు. గ్రామస్తులతో వీరికి వీడదీయరాని అనుబంధం ఉంది. ఎంపీటీసీ దంపతుల మరణంతో దుప్పలపల్లిలో విషాదం నెలకొంది. ప్రజాప్రతినిధుల నివాళి అంత్యక్రియల్లో భువనగిరి ఎంపీ కోమటిరెడ్డి వెంకట్‌రెడ్డి పాల్గొని తానే స్వయంగా పాడె మోశారు. దొంతం కవిత, వేణుగోపాల్‌రెడ్డి మృతదేహాలకు పలువురు ప్రజాప్రతినిధులు నివాళులర్పించారు. నల్లగొండ ఎమ్మెల్యే కంచర్ల భూపాల్‌రెడ్డి హైదరాబాద్‌లోని ఉస్మానియా ఆస్పత్రిలో మృతదేహాలను సందర్శించి కుటుంబ సభ్యులను ఓదార్చారు. అనిశెట్టి దుప్పలపల్లిలో శాసనమండలి మాజీ చైర్మన్‌ గుత్తా సుఖేందర్‌రెడ్డి, టీఆర్‌ఎస్‌ రాష్ట్ర నాయకుడు కంచర్ల కృష్ణారెడ్డి, కాంగ్రెస్‌ రాష్ట్ర నాయకుడు దుబ్బాక నరసింహారెడ్డి, టీఆర్‌ఎస్‌ పార్టీ మండల అధ్యక్షుడు పల్‌రెడ్డి రవీందర్‌రెడ్డి, ఎంపీపీ విజయలక్ష్మి, వైస్‌ ఎంపీపీ ఏనుగు వెంకట్‌రెడ్డి, మున్సిపల్‌ చైర్మన్‌ మందడి సైదిరెడ్డి, వైస్‌ చైర్మన్‌ అబ్బగోని రమేష్, డీసీసీబీ డైరెక్టర్‌ పాశం సంపత్‌రెడ్డి, లోడంగి గోవర్ధన్, వనపర్తి నాగేశ్వరరావు, కాంగ్రెస్‌ జిల్లా అధికార ప్రతినిధి పాశం నరేష్‌రెడ్డిలు నివాళులర్పించారు.

సాక్షి, హయత్‌నగర్‌/రామగిరి(నల్లగొండ): రంగారెడ్డి జిల్లా హయత్‌నగర్‌ పోలీస్‌స్టేషన్‌ పరిధిలో మంగళవారం రాత్రి జరిగిన రోడ్డు ప్రమాదంలో ఓ ఎంపీటీసీ సభ్యురాలితోపాటు ఆమె భర్త మృతిచెందారు. పోలీసుల కథ నం ప్రకారం నల్లగొండ జిల్లా అనిశెట్టి దుప్పలపల్లి చెంది న దొంతం కవిత (40) తిప్పర్తి మండలంలోని థానేదార్‌పల్లి ఎంపీటీసీగా పనిచేస్తున్నారు. ఆమె భర్త వేణుగోపాల్‌రెడ్డి(52) బిల్డర్‌. హైదరాబాద్‌లో మన్సూరాబాద్‌లోని సహారా ఎస్టేట్‌ సమీపంలో వీరు ఉంటున్నారు. కూతురు వివాహంకోసం ఇటీవల నల్లగొండ విద్యానగర్‌లో ఉన్న తమ మరో ఇంటికి వెళ్లారు. అక్కడ పెళ్లి కార్యక్రమాలు పూర్తయ్యాక మంగళవారం తిరిగి హైదరాబాద్‌లోని నివాసానికి వచ్చేందుకు రాత్రి 8.30 గంటలకు స్కార్పియో వాహనంలో బయలుదేరారు. రాత్రి 10.40 గంటల సమయంలో పెద్ద అంబర్‌పేట్‌లోని ఔటర్‌ రింగురోడ్డు దాటగానే మలుపు వద్ద ముందుగా వెళుతున్న టిప్పర్‌ డ్రైవర్‌ సడెన్‌ బ్రేకు వేశాడు. దీంతో వెనుక నుంచి వేగంగా వస్తున్న ఈ దంపతుల వాహనం టిప్పర్‌ను ఢీ కొట్టింది. ఈ ప్రమాదంలో కవిత, ఆమె భర్త వేణుగోపాల్‌రెడ్డి అక్కడికక్కడే మృతి చెందారు. చదవండి: పబ్‌లో చిన్నారి డాన్స్‌ వైరల్‌.. పోలీసులు సీరియస్‌  పాడె మోస్తున్న ఎంపీ కోమటిరెడ్డి వెంకట్‌రెడ్డి  టిప్పర్‌ కింద ఇరుక్కుపోయిన వాహనం..  టిప్పర్‌ను స్కార్పియో వాహనం వెనుకనుంచి వేగంగా ఢీ కొట్టడంతో టిప్పర్‌ కింద ఇరుక్కుని స్కార్పియో ముందుభాగం నుజ్జునుజ్జు అయింది. కారులో ఉన్న వారిని బయటకు తీసేందుకు పోలీసులు చాలాసేపు శ్రమించాల్సి వచ్చిందని, అప్పటికే వారు మృతి చెందారని స్థానికులు తెలిపారు. కూతురి వివాహం.. అంతలోనే విషాదం  కవిత, వేణుగోపాల్‌రెడ్డి దంపతులకు ఓ కొడుకు, కూతురు ఉన్నారు. కొడుకు అమెరికాలో సాఫ్ట్‌వేర్‌ ఇంజనీరుగా పనిచేస్తుండగా ఎంబీబీఎస్‌ చదివిన కూతురుకు ఆగస్టు 20న వివాహం జరిపించారు. పెళ్లి కార్యక్రమాలు పూర్తి చేసుకుని తిరిగి హైదరాబాద్‌ వస్తుండగా ఈ ప్రమాదం జరిగింది. భార్యాభర్తలు ఒకేసారి మృతి చెందడం అందరిని కలచి వేసింది. బుధవారం మృతుల అంత్యక్రియలు వారి స్వగ్రామం తిప్పర్తి మండలం అనిశెట్టి దుప్పలపల్లిలో జరిగాయి. అంతిమయాత్రలో భువనగిరి ఎంపీ కోమటిరెడ్డి వెంకట్‌రెడ్డి పాల్గొని పాడె మోశారు. శాసనమండలి మాజీ చైర్మన్‌ గుత్తా సుఖేందర్‌రెడ్డి తదితరులు మృతులకు నివాళులర్పించారు.

సాక్షి, అమరావతి : ఎంపీటీసీ, జెడ్పీటీసీ ఎన్నికల కౌంటింగ్‌ జరపాలని హైకోర్టులో పిటిషన్లు దాఖలయ్యాయి. ఎన్నికల్లో పోటీ చేసిన అభ్యర్థులు పిటిషన్లు దాఖలు చేశారు. కేసు విచారణలో తమను కూడా ఇంప్లీడ్ చేయాలని కోరారు. కోర్టు దీనిపై తదుపరి విచారణ ఈనెల 27కి వాయిదా వేసింది.

సాక్షి, అమరావతి: టీడీపీకి ఎలాగూ ప్రజలు ఓటేయరని తెలిసే ఎంపీటీసీ, జెడ్పీటీసీ ఎన్నికలను బహిష్కరిస్తామని ఆ పార్టీ అంటోందని రాష్ట్ర సమాచార, రవాణా శాఖల మంత్రి పేర్ని వెంకటరామయ్య(నాని) ఎద్దేవా చేశారు. ఇప్పటికే ప్రజలు టీడీపీని బహిష్కరించారని ఆయన అన్నారు. ఇప్పటికే టీడీపీకి చెందినవారు నామినేషన్లు వేశారని, ఒకవేళ ఎన్నికలను ఆ పార్టీ బహిష్కరించినా బ్యాలెట్లో టీడీపీ గుర్తు ఉంటుందని చెప్పారు. నిన్నటి వరకు నిమ్మగడ్డను అడ్డంపెట్టుకుని ఆట ఆడారని, ఇప్పుడు ఒక మంచి ఆఫీసర్‌ ఎస్‌ఈసీగా వచ్చేసరికి ఎన్నికలు వద్దంటున్నారని ఆయన ధ్వజమెత్తారు. పేర్ని నాని గురువారం విజయవాడలో విలేకరులతో మాట్లాడారు. నారా వారి పుత్రరత్నం లోకేశ్‌ ఎల్‌ బోర్డ్‌ పెట్టుకుని రాజకీయాలు చేస్తున్నారని, ఇంకో 30 ఏళ్లయినా ఎల్‌ బోర్డ్‌ అలానే ఉంటుందని ఎద్దేవా చేశారు. ప్రత్యేక హోదాపై లోకేశ్‌ మాట్లాడుతుండడాన్ని ఆయన తప్పుపట్టారు. తిరుపతి లోక్‌సభ ఉప ఎన్నికలో వైఎస్సార్‌సీపీ అభ్యర్థి గురుమూర్తి భారీ మెజార్టీతో గెలిచి పార్లమెంట్‌లో అడుగుపెట్టనున్నారని నాని చెప్పారు. సీఎం వైఎస్‌ జగన్‌ తన 20 నెలల పాలనలోనే మేనిఫెస్టోలోని అంశాల్లో 90 శాతానికిపైగా అమలు చేశారన్నారు. వైఎస్సార్‌సీపీ అభ్యర్థి గెలుపు దేశం మొత్తం తిరుపతి వైపు చూసేలా ఉంటుందని ఆయన పేర్కొన్నారు.  

సాక్షి, విజయనగరం: దేవదాయ శాఖకు చెందిన స్థలంలో టీడీపీకి చెందిన మాజీ ఎంపీటీసీ శాశ్వత కట్టడాలు నిర్మిస్తున్న విషయమై సాక్ష్యాధారాలు సేకరించేందుకు వెళ్లిన ఆ శాఖ ఉద్యోగులపై దౌర్జన్యానికి పాల్పడినట్లు పోలీసులకు ఫిర్యాదు అందింది. దేవదాయశాఖ అధికారులు, సిబ్బంది ని మెయిన్‌రోడ్‌పై నిలబెట్టి ఆ మాజీ ఎంపీటీసీ, ఆమె కు టుంబ సభ్యులు తీవ్రంగా విరుచుకుపడ్డారు. సాక్ష్యాలను వీడియో చిత్రీకరిస్తున్న దేవదాయశాఖ ఉద్యోగిని దగ్గర్లోని ఓ దుకాణంలోకి లాక్కెళ్లి పిడిగుద్దులు కురిపించి, ఆయన వేసుకున్న దుస్తులు చించేసి... ఆయన మొబైల్‌ఫోన్‌ను లా క్కుని బయటకు తోసేశారు. హతాశులైన దేవదాయశాఖ అధికారులు పోలీస్‌స్టేషన్‌కు వెళ్లి తమపై జరిగిన దౌర్జన్యంపై  ఫిర్యాదు చేశారు. అసలు కథ ఇదీ.. చీపురుపల్లి మెయిన్‌రోడ్‌లో శ్రీ ఉమానీలకంఠేశ్వరస్వామి దేవస్థానానికి సర్వే నంబర్‌ 45/1లో 1.42 ఎకరాల స్థలం ఉంది. ఆ స్థలంలో మెయిన్‌రోడ్‌ను ఆనుకుని 10/15 అడుగుల వెడల్పున తెలుగుదేశం పార్టీకి చెందిన మాజీ ఎంపీటీసీ సభ్యురాలు ఆరతి సాహు, ఆమె భర్త రామచంద్రసాహు ఆక్రమణకు పాల్పడినట్లు దేవదాయశాఖ అధికారులు చెబుతున్నారు. ఎలాంటి అనుమతులు లేకపోయినప్పటికీ ఆ స్థలం ఆక్రమించుకుని చాలా కాలంగా అందులో ఉన్న దుకా ణం అద్దెకు ఇచ్చుకుని ప్రతీ నెలా వేలాది రూపాయల ఆదాయం పొందుతున్నారని అంటున్నారు. ఆ స్థలంపై కోర్టు తమకు అనుకూలంగా ఉత్తర్వులు ఇచ్చిందని మాజీ ఎంపీటీసీ వాదిస్తున్నారు. నాలుగు రోజుల క్రితం ఆ స్థలంలో శాశ్వత కట్టడాలు ప్రారంభించడంతో గుర్తించిన దేవదాయశాఖ ఈఓ కిశోర్‌కుమార్‌ సాక్ష్యాలు సేకరించేందుకు సిబ్బందితో కలిసి వెళ్లారు. ఆ సమయంలో అక్కడే ఉన్న ఆరతి సాహుతో పాటు కుటుంబ సభ్యులు అధికారులను అడ్డుకున్నారని, అక్కడ జరుగుతున్న సంఘటన మొత్తాన్ని వీడియోలో చిత్రీకరిస్తున్న అప్పలరాజు అనే ఉద్యోగిని చితక్కొట్టి, మొబైల్‌ ఫోన్‌ లాక్కున్నారని పోలీసులకు ఈవో ఫిర్యాదు చేశారు. కానీ తాము ఎలాంటి దౌర్జన్యానికీ పాల్పడలేదని, మహిళనైన తనను ఉద్యోగి అసభ్యంగా ఫొటోలు, వీడియోలు చిత్రీకరించడంతోనే అడ్డుకున్నామని ఆరతి వాదిస్తున్నారు.  ఫిర్యాదు చేశాం  మెయిన్‌రోడ్‌లో గల శ్రీ ఉమానీలకంఠేశ్వరస్వామి దేవస్థానానికి సర్వేనంబర్‌ 45/1లో గల స్థలంలో రామచంద్రసాహు కుటుంబ సభ్యులు చేసిన ఆక్రమణలపై ఆధారాలు సేకరించేందుకు వెళ్లాం. అక్కడ జరుగుతున్న పనులను సాక్ష్యంగా చూపేందుకు వీడియో చిత్రీకరిస్తున్న మా ఉద్యోగి అప్పలరాజుపై దౌర్జన్యం చేసి అతనిని నిర్బంధించారు. బట్టలు చిరిగేలా కొట్టి ఆయన వద్ద ఉన్న మొబైల్‌ ఫోన్‌ లాక్కున్నారు. దీనిపై పోలీస్‌స్టేషన్‌లో ఫిర్యాదు చేశాం. – బీహెచ్‌.వి.ఎస్‌.ఎన్‌.కిశోర్‌కుమార్,ఈఓ, దేవదాయశాఖ ఫిర్యాదు అందింది మెయిన్‌రోడ్‌లో జరిగిన ఘటనపై దేవదాయశాఖ అధికారులు ఫిర్యాదు చేశా రు. పరిశీలించిన అనంతరం, ప్రాధమిక విచారణ జరిపి ఎఫ్‌ఐఆర్‌ నమోదు చేస్తాం.  – సీహెచ్‌.రాజులునాయుడు, సర్కిల్‌ ఇన్‌స్పెక్టర్, చీపురుపల్లి. కోర్టు ఉత్తర్వులు ఉన్నాయి ఆ స్థలంపై మాకు అనుకూలంగా కోర్టు ఉత్తర్వులు ఉన్నాయి. అవన్నీ పోలీసులకు చూపించాం. దేవదాయశాఖ అధికారులు, సిబ్బందిపై మేము ఎలాంటి దౌర్జన్యం చేయలేదు. ఆ ఉద్యోగి వర్షంలో ఉన్న నన్ను అసభ్యకరంగా వీడియోలు, ఫొటోలు చిత్రీకరిస్తుంటే అడ్డుకుని, వాటిని డిలీట్‌ చేయాలని కోరాం. ఫోన్‌ కూడా తిరిగి ఇచ్చేశాం.  – ఆరతి సాహు, మాజీ ఎంపీటీసీ, చీపురుపల్లి

పరిగి: టీడీపీ ఎంపీటీసీ అభ్యర్థి పేకాట ఆడుతూ పోలీసులకు పట్టుబడ్డాడు. పరిగి ఎస్‌ఐ శ్రీనివాసులు నేతృత్వంలో ఆదివారం మండల వ్యాప్తంగా విస్తృత దాడులు నిర్వహించి, ఎనిమిది మంది పేకాటరాయుళ్లను అరెస్ట్‌ చేశారు. కొడిగెనహళ్లి శివారులోని పెట్రోల్‌ బంక్‌ సమీపంలో పేకాట ఆడుతున్నట్లు సమాచారం రావడంతో పోలీసులు దాడులు నిర్వహించారు. కొడిగెనహళ్లికి చెందిన రామాంజినేయులు, జయరాం, బాబాఫకృద్దీన్‌లను అరెస్టు చేసి, వారి వద్ద రూ.1450 నగదు స్వాధీనం చేసుకున్నారు. పట్టుబడిన వారిలో టీడీపీ ఎంపీటీసీ–1 అభ్యర్థి ఎల్‌.రామాంజినేయులు ఉన్నారు. శాసనకోటలో మరో ఐదుగురు అరెస్ట్‌ శాసనకోట గ్రామ శివారులోని పేకాట స్థావరంపై దాడులు నిర్వహించామని ఎస్‌ఐ తెలిపారు. కృష్ణమూర్తి, నరసింహప్ప, సంజీవప్ప, నరసింహప్ప, నారాయణప్ప అనే ఐదుగురు పేకాటరాయుళ్లను అరెస్టు చేసి, వారి వద్ద రూ.1370 నగదు స్వాధీనం చేసుకున్నామని చెప్పారు.

పార్వతీపురం: దేశ, రాష్ట్ర అభివృద్ధిలో స్థానిక పాలన కీలకం. గ్రామ, మండల, జిల్లా స్థాయిలో నిధులు చక్కగా సది్వనియోగం అయితే... ప్రత్యామ్నాయంగా రాష్ట్రం, దేశం అభివృద్ధిచెందుతుంది. రాజ్యాంగం అమల్లోకి వచ్చిన నాటి నుంచి స్థానిక ఎన్నికలకు ప్రాధాన్యం ఏర్పడింది. గ్రామ స్వరాజ్యమే దేశ అభివృద్ధి సూచిక అన్న నినాదం అందరికీ తెలిసిందే. గ్రామ స్వరాజ్యం వర్థిల్లాలంటే స్థానిక సంస్థలు బలోపేతం కావల్సిందేనని అందరూ అంగీకరించాల్సిన విషయం. స్థానిక సంస్థల ఏర్పాటుతోనే కేంద్ర ప్రభుత్వం నుంచి ఆర్థికసంఘం నిధులు విడుదలై గ్రామాల అభివృద్ధికి దోహదపడుతున్నాయి. ఇటీవల 14వ ఆర్థిక సంఘం నిధులు దాదాపు రూ. 5వేల కోట్లవరకు వెనక్కి పోయే ప్రమాదం ఏర్పడింది. దీనికి గత 18నెలలుగా స్థానిక సంస్థలకు ఎన్నికలు జరగకపోవడమే కారణం. నిధులు సద్వినియోగం కోసం రాష్ట్ర ప్రభుత్వం స్థానిక సంస్థల ఎన్నికలకు శ్రీకారం చుట్టింది. అయితే, ఎంపీటీసీ, జెడ్పీటీసీలుగా బరిలో నిలిచేవారిలో కొందరికి విధులు, అధికారాలపై పూర్తిస్థాయి అవగాహన లేకపోవడం సహజమే. ఓటర్లు కూడా తాము ఎన్నుకున్న నాయకుడు నెరవేర్చాల్సిన బాధ్యత, ప్రాధాన్యాలు తెలుసుకోవాలి. ఎంపీటీసీలు ఏంచేయాలి... విధులు, అధికారాలు.. జెడ్పీటీసీలు పరిస్థితి తదితర అంశాలను తెలుసుకుందాం.   జెడ్పీటీసీల ఆవశ్యకత ఇలా...  జిల్లా పరిషత్‌ నిర్వహణలో జెడ్పీటీసీ సభ్యుల పాత్ర కీలకం. జిల్లా స్థాయిలో పంచాయతీరాజ్‌ చట్టం పక్కాగా అమలై కేంద్ర, రాష్ట్ర ప్రభుత్వాల నుంచి నిధులు సమకూరి గ్రామాల్లో మౌలిక సదుపాయాలు, అభివృద్ధి కార్యక్రమాలు కొనసాగాలంటే జిల్లా పరిషత్‌ వ్యవస్థ పటిష్టంగా ఉండాల్సిందే. జిల్లా పరిషత్‌ నిర్వహణలో జెడ్పీటీసీ సభ్యుల పాత్ర కీలకం. ఏ తీర్మాణాలు ఆమోదించాలన్నా మెజార్టీ సభ్యులు తప్పనిసరి. ఆమోదించే కార్యక్రమాలు సక్రమంగా నిర్వíర్తించే బాధ్యత సభ్యులపై ఉంటుంది. ప్రజల  సంక్షేమాన్ని దృష్టిలో ఉంచుకొని వీరు ముందుకెళ్లాలి. మండల పరిధిలో జిల్లా ప్రాదేశిక సభ్యులను  ఆయా మండల ప్రజలు నేరుగా ఓటుహక్కుతో ఎన్నుకుంటారు. జిల్లా స్థాయిలోని ఎన్నికకాబడిన జెడ్పీటీసీలు జిల్లా పరిషత్‌ చైర్మన్‌ను ఎంపిక చేస్తారు. జెడ్పీటీసీలు మండలంలోని ప్రజల్ని సమన్వయపరచి అభివృద్ధి, పాలనలో  భాగస్వామ్యులవుతారు. జిల్లాపరిషత్‌ నిర్వహణలో లోపాలు, అలసత్వం, నిధుల దుర్వినియోగంపై జెడ్పీ చైర్మన్, సీఈఓల దృష్టికి తీసుకెళ్లవచ్చు. 15 రోజులు  ముందుగా నోటీసులు ఇచ్చి జెడ్పీ పరిపాలనపై సమావేశాల్లో ప్రశ్నించే అవకాశం ఉంటుంది. సీఈఓ ప్రతీ మూడు నెలలకు ఒకమారు సర్వసభ్య సమావేశం ఏర్పాటు చేసి ఆర్థిక నివేదికపై చర్చిస్తారు. అన్ని ప్రభుత్వ, జెడ్పీ అధికారిక ఉత్సవాలకు, కార్యక్రమాలకు జెడ్పీటీసీలను తప్పనిసరిగా అహ్వానించాలి. నియోజకవర్గ ఆర్థిక సలహా కమిటీలో సభ్యులుగా కొనసాగుతారు. జెడ్పీ పాఠశాలల స్థితిగతుల మెరుగుకు సంబంధిత అధికారులకు సూచనలు, సలహాలు అందించవచ్చు. నియోజకవర్గ నీటి వినియోగ పరిరక్షణ కమిటీలో సభ్యులుగా కొనసాగుతారు. జిల్లాలో  34 జెడ్పీటీసీ స్థానాలకు ఎన్నిక జరగనుంది. ఎంపీటీసీల అధికారాలు.. విధులు ఎంపీటీసీలు మండల పరిషత్‌లో ఓటు హక్కును వినియోగించుకుని మండలాధ్యక్షుడిని ఎన్నుకుంటారు. ఎంపీటీసీలకు సంబంధిత ప్రాదేశిక సెగ్మెంట్‌ పరిధిలోని ఓటర్లు తమ ఓటు ద్వారా ఎంపిక చేస్తారు. ఎంపీపీ పదవి పరోక్ష ఎన్నిక ద్వారా ఎంపీటీసీలు అధ్యక్షుడ్ని, ఉపాధ్యాక్షుడిని ఎన్నుకునే విధానం ప్రస్తుతం అమల్లో ఉంది. దీంతో మండలాభివృద్ధిలో ఎంపీటీసీలే కీలకం అవుతారు. కొత్తగా ఎంపికైన ఎంపీటీసీలు తొలిమూడు సమావేశాలలోపు ప్రమాణ స్వీకారం చేయాలి. లేనిపక్షంలో వారి సభ్యత్వం రద్దు అవుతుంది. దీంతో పాటు వరుస మూడు సమావేశాలకు గైర్హాజరైన సభ్యత్వం పోతుంది. ఆయా పరిధి  గ్రామ పంచాయతీలలో ఎంపీటీసీ శాశ్వత అహ్వానితుడవుతారు. పాలకవర్గంలో మాత్రం ఓటు వేసే హక్కు ఉండదు. పంచాయతీ అభివృద్ధిపై సూచనలు, సలహాల మేరకు పరిమితమవుతాడే తప్ప నిర్ణయాధికారం మాత్రం ఉండదు. వారి పరిధిలో అభివృద్ధి కార్యక్రమాలు, పాఠశాలల విద్యాప్రమాణాల మెరుగుకు ప్రభుత్వం నుంచి విడుదలైన నిధుల దురి్వనియోగం అయితే ప్రశ్నించే అధికారం ఉంటుంది.   

విజయనగరం,పూసపాటిరేగ: మండలంలోని వెంపడాం పంచాయతీ తాళ్లపేట గ్రామానికి చెందిన ఒకే కుటుంబానికి చెందిన నలుగురు సభ్యులు ఎంపీటీసీ స్థానానికి మూడు నామినేషన్లు వేశారు. జెడ్పీటీసీ స్థానానికి నామినేషన్‌ వేసేందుకు ఏర్పాట్లు పూర్తిచేశారు. తాళ్లపేట గ్రామానికి చెందిన కంది రామునాయుడు పతివాడ ఎంపీటీసీ స్థానానికి, ఆయన కుమారుడు కంది నాగేశ్వరరావు వెంపడాం ఎంపీటీసీ స్థానానికి, నాగేశ్వరరావు భార్య కంది లక్ష్మి పసుపాం ఎంపీటీసీ స్థానానికి బీజేపీ తరఫున నామినేషన్లు దాఖలు చేశారు. అదే కుటుంబానికి చెందిన కంది సరస్వతి బీజేపీ తరఫున పూసపాటిరేగ మండల జెడ్పీటీసీగా బుధవారం నామినేషన్‌ దాఖలు చేసేందుకు ఏర్పాట్లు పూర్తిచేశారు. ఒకే కుటుంబం నుంచి నలుగురు ఎన్నికల్లో పోటీచేయడానికి సిద్ధం కావడం చర్చనీయాంశంగా మారింది.

సాక్షి, అమరావతి: రాష్ట్రంలో 12 నగర పాలక సంస్థలతోపాటు 75 మున్సిపాలిటీలు, నగర పంచాయతీలలో ఎన్నికలు నిర్వహించేందుకు రాష్ట్ర ఎన్నికల కమిషన్‌ సోమవారం నోటిఫికేషన్‌ విడుదల చేసింది. రాష్ట్రంలో 15 నగర పాలక సంస్థలకు ఎన్నికలు జరగాల్సి ఉండగా మూడు చోట్ల కోర్టు కేసులతో వాయిదా పడ్డాయి. కాకినాడ స్థానానికి 2017లోనే ఎన్నిక జరిగినందున ఇప్పుడు నిర్వహించడం లేదు. ఇక 104 మున్సిపల్, నగర పంచాయతీలకుగానూ 75 చోట్ల ఎన్నికలు జరగనున్నాయి. కోర్టు కేసులు, కొన్ని గ్రామ పంచాయతీలు మున్సిపాలిటీలో విలీనం కావడం తదితర కారణాలతో 29 చోట్ల ఎన్నికలు వాయిదా వేసినట్లు రాష్ట్ర ఎన్నికల కమిషనర్‌ రమేష్‌కుమార్‌ మీడియాకు తెలిపారు. పామిడి నగర పంచాయతీ డౌన్‌గ్రేడ్‌కు ప్రభుత్వం యోచిస్తున్న నేపథ్యంలో ఎన్నిక జరపడం లేదన్నారు. వాయిదా వేసిన చోట ఎన్నికలు త్వరలోనే  నిర్వహిస్తామన్నారు. ఎంపీటీసీ, జెడ్పీటీసీ ఎన్నికల ప్రభావం మున్సిపల్‌ ఎన్నికలపై ఏమాత్రం ఉండదన్నారు. ఎంపీటీసీ, జెడ్పీటీసీ ఎన్నికల కౌంటింగ్‌ను మున్సిపల్‌ ఎన్నికల పోలింగ్‌ తర్వాతే చేపడతామన్నారు. పంచాయతీ ఎన్నికలు పార్టీ రహితంగా జరిగేవి కావడంతో ఎంపీటీసీ, జెడ్పీటీసీ, మున్సిపల్‌ ఎన్నికల ఫలితాల ప్రభావం వాటిపై ఉండదని పేర్కొన్నారు. - సాంకేతిక కారణాలతో ఎన్నికలు వాయిదా పడ్డ చోట కొద్ది వారాల వ్యవధిలోనే నిర్వహిస్తాం. - రాజధాని గ్రామాలను అమరావతి మున్సిపల్‌ కార్పొరేషన్‌గా చేయాలని ప్రతిపాదన ఉంది. అక్కడ ఎన్నికలు నిర్వహించేందుకు కొద్ది వారాలకు మించి సమయం పట్టదు.  ఎన్నికల డిపాజిట్‌ నిబంధనలివీ - మున్సిపల్‌ కార్పొరేషన్లలో కార్పొరేటర్‌గా పోటీ చేసే అభ్యర్థులు ఎస్సీ, ఎస్టీ, బీసీలైతే రూ. 2,500, ఇతరులు రూ.5,000 చొప్పున డిపాజిట్‌ చెల్లించాలి.  - మున్సిపాలిటీ, నగర పంచాయతీల్లో కౌన్సిలరుగా పోటీ చేసే అభ్యర్థులు ఎస్సీ, ఎస్టీ, బీసీలైతే రూ.1,500, ఇతరులు రూ.3,000 చొప్పున డిపాజిట్‌ చెల్లించాలి. - మున్సిపల్‌ కార్పొరేషన్‌లో కార్పొరేటర్‌గా పోటీ చేసే వారి గరిష్ట ఎన్నికల వ్యయ పరిమితి రూ.2 లక్షలు. మున్సిపాలిటీల్లో కౌన్సిలర్లకు రూ.1.50 లక్షలు, నగర పంచాయతీల్లో  కౌన్సిలర్లకు రూ.లక్ష ఎన్నికల గరిష్ట వ్యయ పరిమితిగా నిర్థారించారు. 

సాక్షి, అమరావతి : అంతర్జాతీయ మహిళా దినోత్సవానికి రెండు రోజుల ముందే రాష్ట్ర ప్రభుత్వం మహిళలకు భారీ కానుకను అందజేసింది. రాష్ట్రంలో మొత్తం 13 జిల్లా పరిషత్‌లు ఉండగా, అందులో సగానికంటే పైగా అంటే.. ఏడు జెడ్పీ చైర్మన్‌ పదవులను మహిళలకు రిజర్వు చేసింది. దీంతో శ్రీకాకుళం, విశాఖపట్నం, కృష్ణా, గుంటూరు, ప్రకాశం, నెల్లూరు, అనంతపురం జిల్లాల్లో మహిళలే జడ్పీ చైర్‌పర్సన్లుగా రాబోతున్నారు. ఈ మేరకు జెడ్పీ చైర్మన్‌ పదవుల రిజర్వేషన్ల వివరాలతో పంచాయతీరాజ్‌ శాఖ కమిషనర్‌ గిరిజా శంకర్‌ శుక్రవారం గెజిట్‌ నోటిఫికేషన్‌ జారీచేశారు. అలాగే, రాష్ట్రంలోని జిల్లాల వారీగా ఎంపీపీ, జెడ్పీటీసీ, ఎంపీటీసీ పదవుల రిజర్వేషన్లను కూడా శుక్రవారం ఉదయానికే ఆయా జిల్లాల కలెక్టర్లు ఖరారు చేశారు. ఈ జాబితాలను పంచాయతీరాజ్‌ శాఖ అధికారులు శుక్రవారం మధ్యాహ్నం రాష్ట్ర ఎన్నికల కమిషన్‌కు అందజేశారు.  ఎంపీపీ, జెడ్పీటీసీల్లో మహిళలకే పెద్దపీట ఇదిలా ఉండగా, ఎంపీపీ, జెడ్పీటీసీ పదవుల రిజర్వేషన్లలోనూ సగానికి పైగా పదవులు మహిళలకే రిజర్వు అయ్యాయి. 660 మండల పరిషత్‌ అధ్యక్ష (ఎంపీపీ) పదవులు ఉండగా.. అందులో 334 పదవులు, 660 జెడ్పీటీసీ స్థానాల్లో 335 మహిళలకు రిజర్వు అయ్యాయి. అలాగే, రాష్ట్ర వ్యాప్తంగా 9,639 ఎంపీటీసీ స్థానాలకు రిజర్వేషన్లు ఖరారు చేశారు. వీటిలో 4,769 ఎంపీటీసీ స్థానాలు కూడా మహిళలకే రిజర్వు అయ్యాయి. కాగా, ఎంపీపీ, జెడ్పీటీసీ పదవుల రిజర్వేషన్లలో జిల్లాను యూనిట్‌గా తీసుకుని ఎస్సీ, ఎస్టీ, బీసీ ఓటర్ల జనాభా ఆధారంగా ఆయా వర్గాలకు రిజర్వేషన్లు ఖరారు చేశారు. అలాగే, మండలాన్ని యూనిట్‌గా తీసుకుని ఎంపీటీసీ పదవుల రిజర్వేషన్లను ఖరారు చేశారు. 

మందమర్రి రూరల్‌(చెన్నూర్‌): మంచిర్యాల జిల్లా మందమర్రి మండలంలోని మామిడిగట్టు సమీపంలో అటవీ ప్రాంతానికి షికారుకు వెళ్లి విద్యుత్‌ తీగలకు తగిలి వ్యక్తి మృతి చెందిన ఘటన ఆదివారం రాత్రి చోటు చేసుకుంది. షికారుకు వెళ్లిన వ్యక్తులు చెప్పిన వివరాల ప్రకారం ఆదివారం రాత్రి సండ్రోనిపల్లికి చెందిన బైర్నేని ప్రశాంత్, సారంగపల్లి నివాసి, చిర్రకుంట ఎంపీటీసీ ఎండీ ఆసిఫ్, తుర్కపల్లికి చెందిన ఎండీ అఫ్రోజ్, మామిడిగట్టుకు చెందిన సయ్యద్‌ షరీఫ్‌ షికారుకు వెళ్లారు. సోమవారం తెల్లవారుజామున తిరిగి వస్తున్న క్రమంలో అడవిజంతువుల కోసం అమర్చిన జే వైర్‌ ముందుగా వస్తున్న ఆసిఫ్‌ కాలుకు తగలడంతో ఒక్కసారిగా పైకిఎగిరి కిందపడి మృతి చెందాడు. వెంటనే పోలీసులకు సమాచారం అందించారు. మృతునికి భార్య, ఇద్దరు కుమారులు ఉన్నారు. ఇద్దరిపై కేసు నమోదు అడవి జంతువుల షికారుకోసం విద్యుత్‌ తీగలు అమర్చి ఆసిఫ్‌ మృతికి కారణమైన మామిడిగట్టుకు చెందిన గజ్జె దుర్గయ్య, నాంపెల్లి రాజంలపై సయ్యద్‌ షరీఫ్‌ ఇచ్చిన ఫిర్యాదు మేరకు కేసు నమోదు చేసినట్లు రామకృష్ణాపూర్‌ ఎస్సై రవిప్రసాద్‌ తెలిపారు. మృతదేహాన్ని పోస్టుమార్టం నిమిత్తం మంచిర్యాల ప్రభుత్వ ఆసుపత్రికి తరలించారు. నిద్రమత్తులో అధికారులు  అటవీ ప్రాంతంలో అడవిజంతువుల షికారు జరుగుతున్నా అధికారులు నిద్రమత్తు వీడడం లేదని పలువురు ఆరోపిస్తున్నారు. షికారుకు వెళ్లామని బహిరంగంగానే చెబుతున్నా వారిని కనీసం అదుపులోకి తీసుకోలేదంటే వారి విధి నిర్వహణ అర్ధమవుతోందని పలువురు విమర్శిస్తున్నారు. అటవీశాఖ అధికారులు అడవిని, వన్యప్రాణులను రక్షించాలని ఎన్నో ఆంక్షలు విధిస్తూ కఠిన చట్టాలు చేసినా ఇలాంటి వ్యవహారం జరుగుతుందంటే అధికారుల చేయి లేనిదే జరగడం లేదని, అధికారులు సక్రమంగా విధులు నిర్వహించి ఉంటే ఎంపీటీసీ మృతి చెందేవాడు కాదని మండల ప్రజలు పేర్కొంటున్నారు.

సాక్షి, అమరావతి : రాష్ట్రంలో మున్సిపల్‌ ఎన్నికలకు రంగం సిద్ధమవుతోంది. ఎంపీటీసీ, జెడ్పీటీసీ,  పంచాయతీ ఎన్నికలు పూర్తికాగానే అదే ఊపులో మున్సిపల్‌ ఎన్నికలు నిర్వహించాలని ప్రభుత్వం భావిస్తోంది. ఫిబ్రవరి చివరి వారంలోగానీ మార్చి మొదటి వారంలోగానీ మున్సిపల్‌ ఎన్నికలు నిర్వహించేందుకు సన్నాహాలను వేగవంతం చేసింది. ప్రస్తుతం రాష్ట్రంలో 110 పట్టణ స్థానిక సంస్థలు ఉన్నాయి. వాటిలో 14 కార్పొరేషన్లు, 5 సెలక్షన్‌ గ్రేడ్‌ మున్సిపాలిటీలు, 7 స్పెషల్‌ గ్రేడ్‌ మున్సిపాలిటీలు, 12 మొదటి గ్రేడ్‌ మున్సిపాలిటీలు, 26 రెండో గ్రేడ్‌ మున్సిపాలిటీలు, 22 మూడో గ్రేడ్‌ మున్సిపాలిటీలు, 24 నగర పంచాయతీలు ఉన్నాయి. వీటిలో కాకినాడ కార్పొరేషన్‌కు 2017లో ఎన్నికలు నిర్వహించారు. మరోవైపు.. కొత్తగా 10 మున్సిపాలిటీలు ఏర్పాటుచేయాలని ప్రభుత్వం తాజాగా నిర్ణయించింది. వీటిపై వారం రోజుల్లో అధికారికంగా ఉత్తర్వులు వెలువడే అవకాశముంది. ఊపందుకున్న వార్డుల పునర్విభజన 2011 జనాభా లెక్కల ఆధారంగా మున్సిపాలిటీలలో వార్డుల పునర్విభజన ప్రక్రియ ఊపందుకుంది. ఇప్పటికే దాదాపు 90 పట్టణ స్థానిక సంస్థల్లో వార్డుల సంఖ్యను పెంచారు. మిగిలిన మున్సిపాలిటీలలోనూ ఈ ప్రక్రియను వారం రోజుల్లో పూర్తిచేయాలని అధికారులు భావిస్తున్నారు. ఎన్నికల నిర్వహణకు వీలుగా వార్డుల పునర్విభజన, రిజర్వేషన్లు నిర్ణయించే దిశగా పురపాలక శాఖ కార్యాచరణను వేగవంతం చేసింది. కార్పొరేటర్లు, మేయర్లు, కౌన్సిలర్లు, మున్సిపల్‌ చైర్‌పర్సన్ల రిజర్వేషన్లను ఖరారు చేయడం, వార్డుల పునర్విభజనపై ప్రభుత్వానికి ఉన్న అధికారాలను రాష్ట్ర మున్సిపల్‌ కమిషనర్‌– డైరెక్టర్, జిల్లా కలెక్టర్లకు దఖలుపరుస్తూ పురపాలక శాఖ ఆదివారం ఉత్తర్వులు జారీచేసింది. వార్డుల పునర్విభజన ప్రక్రియకు సంబంధించిన ప్రతిపాదనలను మూడ్రోజుల్లో పూర్తిచేయాలని పురపాలక కమిషనర్‌– డైరెక్టర్‌ మున్సిపల్‌ కమిషనర్లను ఆదేశించారు. మున్సిపాలిటీల నుంచి ప్రతిపాదనలు వచ్చిన వెంటనే పరిశీలించి ఆమోదించాలని భావిస్తున్నారు. అలాగే, కార్పొరేషన్‌ మేయర్లు, మున్సిపల్‌ చైర్‌పర్సన్లకు రాష్ట్రాన్ని యూనిట్‌గా తీసుకుని రిజర్వేషన్లు నిర్ధారించనున్నారు. వీటితోపాటు కార్పొరేటర్లు, కౌన్సిలర్ల రిజర్వేషన్ల ప్రక్రియను ఫిబ్రవరి మొదటి వారానికి పూర్తిచేయాలని భావిస్తున్నారు. ఫిబ్రవరి 10కల్లా తుది ఓటర్ల జాబితా మున్సిపల్‌ ఎన్నికల కోసం ఓటర్ల జాబితాలను రూపొందించే ప్రక్రియను కూడా వేగవంతం చేశారు. ఇప్పటికే ఉన్న ఓటర్ల జాబితాల్లో మార్పులు చేర్పులకు అవకాశం కల్పిస్తారు. అభ్యంతరాలు, వినతులను పరిశీలించిన మీదట మొత్తం ప్రక్రియను ఫిబ్రవరి 10 నాటికి పూర్తిచేసి తుది ఓటర్ల జాబితాలను సిద్ధంచేయాలని మున్సిపల్‌ కమిషనర్లను పురపాలక శాఖ ఆదేశించింది.  పరోక్ష పద్ధతిలోనే మేయర్లు, మున్సిపల్‌ చైర్‌పర్సన్ల ఎన్నికలు గతంలో నిర్వహించిన విధంగానే మున్సిపల్‌ కార్పొరేషన్ల మేయర్లు, మున్సిపల్‌ చైర్‌పర్సన్లకు పరోక్ష పద్ధతిలో ఎన్నికలు నిర్వహిస్తారు. ఈ మొత్తం మున్సిపల్‌ ఎన్నికల ప్రక్రియను మార్చి మొదటి వారానికల్లా ముగించాలని పురపాలక శాఖ భావిస్తోంది. అంటే.. ఫిబ్రవరి చివరి వారంలోగానీ మార్చి మొదటి వారంలోగానీ పోలింగ్‌ నిర్వహించే అవకాశాలున్నాయి. కార్పొరేటర్లు/కౌన్సిలర్ల ఎన్నికలు ముగిసిన అనంతరం మున్సిపల్‌ కార్పొరేషన్ల మేయర్లు, మున్సిపల్‌ చైర్‌పర్సన్ల ఎన్నికలను నిర్వహిస్తారు. అందుకు వీలుగా ఎన్నికల సన్నాహాలను త్వరితగతిన పూర్తిచేయాలని ఆయా మున్సిపల్‌ కమిషనర్లను పురపాలక శాఖ కమిషనర్‌–డైరెక్టర్‌ విజయ్‌కుమార్‌ ఆదేశించారు.  

సాక్షి, అమరావతి: వైఎస్సార్‌సీపీ ప్రభుత్వం స్థానిక సంస్థల్లో మహిళలకు పెద్దపీట వేసింది. మొత్తం పదవుల్లో సగానికి పైగా మహిళలకే రిజర్వు చేసింది. ఎంపీటీసీ, జెడ్పీటీసీ, మండల పరిషత్‌ అధ్యక్ష, జెడ్పీ చైర్మన్‌ పదవులతో పాటు గ్రామ సర్పంచ్, వార్డు సభ్యుల పదవుల్లోనూ సగం స్థానాలను మహిళలకు కేటాయించింది. ఆయా పదవుల రిజర్వేషన్ల వివరాలను ప్రభుత్వం మంగళవారమే రాష్ట్ర ఎన్నికల సంఘానికి అందజేసిన విషయం తెలిసిందే. మొత్తం 1,55,629 పదవులకు సంబంధించిన రిజర్వేషన్ల వివరాలను రాష్ట్ర ఎన్నికల సంఘానికి అందజేయగా.. అందులో 79,485 పదవులను మహిళలకు రిజర్వు చేశారు. రాష్ట్రంలో మొత్తం 12,951 గ్రామ పంచాయతీ సర్పంచ్‌ పదవుల్లో 6,472,  మొత్తం 1,31,116 వార్డు సభ్యుల పదవుల్లో 67,106 పదవులను మహిళలకు కేటాయించారు. మొత్తం 10,229 ఎంపీటీసీ పదవుల్లో 5,240 పదవులు, 660 మండల పరిషత్‌ అధ్యక్ష పదవుల్లో 330 పదవులు, మొత్తం 660 జెడ్పీటీసీ పదవుల్లో 331 పదవులు, 13 జిల్లా పరిషత్‌ చైర్మన్‌ పదవులకు గాను 6 పదవులను మహిళలకే రిజర్వు చేయడం గమనార్హం.   ఎస్సీలు, జనరల్‌కు పెరిగిన అవకాశాలు  2018 ఆగస్టులో సర్పంచ్‌ల పదవీ కాలం ముగిసినప్పటికీ అప్పటి తెలుగుదేశం పార్టీ ప్రభుత్వం ఎస్సీ, ఎస్టీ, బీసీల రిజర్వేషన్లను తేల్చలేక పంచాయతీరాజ్‌ ఎన్నికలను వాయిదా వేస్తూ వచ్చింది. వైఎస్సార్‌సీపీ ప్రభుత్వం వ్యూహాత్మకంగా వ్యవహరిస్తూ ఎవరికీ నష్టం జరగకుండా రిజర్వేషన్లు ఖరారు చేసింది. 2006లో జరిగిన పంచాయతీరాజ్‌ ఎన్నికల్లో ఎస్సీలకు 18.30 శాతం, 2013 ఎన్నికల్లో 18.88 శాతం చొప్పున రిజర్వేషన్లు కల్పించగా, ఈసారి ఆ కేటగిరీకి 19.08 శాతం రిజర్వేషన్లు కల్పించారు. జనరల్‌ కేటగిరీకి 2006లో 39.45 శాతం, 2013లో 37.97 శాతం పదవులు రిజర్వు కాగా, ఈసారి ఏకంగా 40.15 శాతం పదవులను రిజర్వు చేశారు. 2006, 2013 ఎన్నికల మాదిరిగానే ఈసారి కూడా బీసీలకు 34 శాతం చొప్పున రిజర్వేషన్లు కల్పించారు. రాష్ట్ర విభజన నేపథ్యంలో ఉమ్మడి రాష్ట్రం కంటే ప్రస్తుత ఆంధ్రప్రదేశ్‌లో ఎస్టీ జనాభా తక్కువగా ఉంది. ఎస్టీలకు రాజ్యాంగ నిబంధనల ప్రకారం 6.77 శాతం రిజర్వేషన్లు కల్పించారు.  2020 ఎన్నికల్లో మొత్తం పదవుల్లో ఎవరికెన్ని..  

సాక్షి, అమరావతి : ఎంపీటీసీ, జడ్పీటీసీలతో పాటు పంచాయతీ ఎన్నికలకు సంబంధించిన రిజర్వేషన్లు బుధవారం అర్ధరాత్రికల్లా ఖరారు కానున్నాయి. పంచాయతీ ఎన్నికలలో ఎస్సీలకు 19.08 శాతం, ఎస్టీలకు 6.77 శాతం, బీసీలకు 34 శాతం చొప్పున మొత్తం 59.85 శాతం స్థానాలను ఆయా సామాజికవర్గాలకు రిజర్వ్‌ చేస్తూ వారం రోజుల క్రితం రాష్ట్ర మంత్రిమండలి ఆమోదం తెలిపిన విషయం తెలిసిందే. ఇందులో భాగంగా.. జిల్లా, మండలాల వారీగా సర్పంచి, ఎంపీటీసీ, జడ్పీటీసీ పదవులతో పాటు ఎంపీపీ పదవులను ఎవరెవరికి కేటాయించాలన్న దానిపై జిల్లాలో సోమవారం నుంచే కసరత్తు మొదలైంది. రాజకీయ పార్టీ గుర్తులతో సంబంధం లేకుండా జరిగే సర్పంచి ఎన్నికల కన్నా ముందు పార్టీ గుర్తు ప్రతిపాదికన జరిగే ఎంపీటీసీ, జడ్పీటీసీ ఎన్నికల నిర్వహణకు రాష్ట్ర ప్రభుత్వంతో పాటు రాష్ట్ర ఎన్నికల సంఘం కూడా ఆసక్తిగా ఉండడంతో పంచాయతీరాజ్‌ శాఖాధికారులు రిజర్వేషన్లు ఖరారు చేసే ప్రక్రియను చేపట్టారు. రిజర్వుడ్‌ స్థానాలను ఏ ప్రతిపాదికన ఎంపిక చేయాలన్న దానిపై ఇప్పటికే పంచాయతీరాజ్‌ కమిషనర్‌ అన్ని జిల్లాల కలెక్టర్లకు, జిల్లా పంచాయతీ అధికారులు, జడ్పీ సీఈఓలకు స్పష్టమైన ఆదేశాలు జారీచేశారు. దీంతో జిల్లాల్లో కలెక్టరు కార్యాలయ సిబ్బందితోపాటు పంచాయతీరాజ్‌ శాఖ అధికారులందరూ రెండు రోజులుగా రిజర్వేషన్ల ప్రక్రియను ఖరారుచేసే పనిలో నిమగ్నమై ఉన్నారు. జిల్లాల వారీగా బుధవారంకల్లా ఈ ప్రక్రియ పూర్తవుతుందని అధికారులంటున్నారు.  3న హైకోర్టుకు అందజేత   ఇదిలా ఉంటే.. రిజర్వేషన్ల వివరాలను జనవరి 3న రాష్ట్ర ప్రభుత్వం హైకోర్టుకు అందజేయనుంది. అన్ని జిల్లాల్లోనూ రిజర్వేషన్ల ఖరారు ప్రక్రియ బుధవారం పూర్తికాగానే గురువారం పంచాయతీరాజ్‌ కమిషనర్‌ కార్యాలయ అధికారులు వాటిని క్షుణ్ణంగా పరిశీలించి శుక్రవారం హైకోర్టుకు సమర్పిస్తారు.  ఎన్నికలకు ముందే కొత్త పంచాయతీలు   కాగా, గ్రామ పంచాయతీ ఎన్నికలకు ముందే పెద్దఎత్తున కొత్త పంచాయతీల ఏర్పాటుకు రాష్ట్ర ప్రభుత్వం ఆమోదం తెలిపింది. అలాగే, కొన్ని పంచాయతీలను విలీనం కూడా చేసింది. వీటికి సంబంధించి పంచాయతీరాజ్‌ శాఖ ముఖ్య కార్యదర్శి గోపాలకృష్ణ ద్వివేది మంగళవారం ఒక్కరోజే 66 వేర్వేరు ఉత్తర్వులను జారీచేశారు.   

ఈసారి మనూరి ప్రెసిడెంట్‌గా వెంకట్రావు పోటీ చేస్తానంటున్నాడట..! ఎంపీటీసీకి పోటీ చేయడానికి ప్రతాప్‌రెడ్డి రెడీ అవుతున్నాడు. వీలైతే మండల ప్రెసిడెంట్‌ కావాలని ప్రయత్నిస్తున్నాడు..!! సాక్షి, అమరావతి: త్వరలో గ్రామ పంచాయతీ, ఎంపీటీసీ, జడ్పీటీసీ, ఎంపీపీ, జడ్పీ చైర్మన్‌ ఎన్నికలు వరుసగా జరగనున్న నేపథ్యంలో ఇప్పుడు ఏ ఊరిలో చూసినా ఇలాంటి చర్చలే జోరుగా సాగుతున్నాయి. మార్చి నెలాఖరులోగా స్థానిక సంస్థల ఎన్నికలు పూర్తి చేయాలని హైకోర్టు ఆదేశాలు జారీ చేసిన నేపథ్యంలో ఈ ప్రక్రియ వేగం అందుకుంది. స్థానిక సంస్థల ద్వారా గ్రామీణ ప్రాంతాల్లోనే లక్షన్నరకు పైగా పదవులకు పోటీ జరగనుంది. దాదాపు ఆరున్నర ఏళ్ల తరువాత పంచాయతీ ఎన్నికలు జరుగుతుండడంతో గ్రామాల్లో కోలాహలం నెలకొంది. తెరపైకి కొత్త తరం! రాజకీయాల ద్వారా సామాజిక సేవ చేయాలని ఎన్నికల్లో పోటీకి యువతరం అసక్తి చూపుతోంది. యువ సీఎం వైఎస్‌ జగన్‌ ఎస్సీ, ఎస్టీ, బీసీలతోపాటు మహిళలకు కూడా సమాన అవకాశాలు దక్కాలన్న ఉద్దేశంతో పార్టీ, ప్రభుత్వపరంగా ప్రోత్సాహంఅందిస్తుండటం యువత ముందుకు రావటానికి కారణమని విశ్లేషిస్తున్నారు. కొత్తవి ఏర్పాటు, విలీనంపై నిషేధం ఎత్తివేత గ్రామ పంచాయతీలను విడదీసి కొత్తవి ఏర్పాటు చేయడం, ప్రస్తుతం పంచాయితీలుగా ఉన్న వాటిని రెండు మూడు కలిపి ఒకటిగా విలీనం చేయడంపై ఉమ్మడి రాష్ట్రంగా ఉన్నప్పటి నుంచి నిషేధం అమలులో ఉంది. పలుచోట్ల నుంచి అందుతున్న విజ్ఞప్తుల మేరకు నాలుగు రోజుల క్రితం నిషేధాన్ని రాష్ట్ర ప్రభుత్వం ఎత్తివేసింది. డిసెంబరు 20 నాటికి జిల్లాల నుంచి అందే వినతుల మేరకు కొత్త పంచాయతీల ఏర్పాటు, విలీనం ప్రక్రియను చేపట్టి ఆ తర్వాత తిరిగి నిషేధిస్తూ ఉత్తర్వులు జారీ అయ్యే అవకాశం ఉందని అధికారులు చెబుతున్నారు.  డిసెంబర్‌ చివరి వరకే గడువు 2020 జనవరి నుంచి దేశవ్యాప్తంగా జనగణన మొదలు కానున్న నేపథ్యంలో గ్రామ, మండల, జిల్లా, పట్టణ ప్రాంతాల సరిహద్దుల్లో మార్పులు చేర్పులు చేయదలిస్తే డిసెంబరు నెలాఖరుకే పూర్తి చేయాలని సూచిస్తూ కేంద్రం ఇప్పటికే అన్ని రాష్ట్రాలకు లేఖలు రాసింది.  జనవరి నుంచి ఆయా ప్రాంతాలలో మార్పులు చేర్పులకు తావు ఉండదని అధికారులు చెబుతున్నారు.  కమిషనర్‌ కార్యాలయంలో ప్రత్యేక సెల్‌  గ్రామ పంచాయతీలతోపాటు ఎంపీటీసీ, జడ్పీటీసీ ఎన్నికల హడావుడి మొదలైన నేపధ్యంలో పంచాయితీరాజ్‌ కమిషనర్‌ కార్యాలయంలో ప్రత్యేక సెల్‌ ఏర్పాటు చేశారు. స్థానిక సంస్థల ఎన్నికల కోసం పని చేసేందుకు  సిబ్బందిని తాత్కాలికంగా డిప్యుటేషన్, ఔట్‌సోర్సింగ్‌ విధానంలో నియమించుకునేందుకు అనుమతి కోరుతూ కమిషనర్‌ కార్యాలయం ప్రభుత్వానికి లేఖ రాసింది. సిద్ధంగా ఉన్నాం.. రాష్ట్ర ఎన్నికల సంఘం, ప్రభుత్వం స్థానిక సంస్థల ఎన్నికల నిర్వహణకు ప్రకటన చేసిన వెంటనే అందుకు అనుగుణంగా చర్యలు చేపట్టేందుకు పంచాయితీరాజ్‌ శాఖ సిద్ధంగా ఉంది. గ్రామ పంచాయతీ, ఎంపీటీసీ, జడ్పీటీసీ ఎన్నికలు ఎప్పుడు జరిగినా పూర్తి పారదర్శకంగా, ప్రశాంతంగా పూర్తి చేస్తాం.     – గిరిజాశంకర్‌ (పంచాయితీరాజ్‌ శాఖ కమిషనర్‌) పరిశీలనలో ఉన్న ప్రతిపాదనలు - ప్రస్తుతం గ్రామ పంచాయతీలుగా ఉన్న 249 గ్రామాలను పట్టణాలుగా మార్పు చేసేందుకు ప్రభుత్వానికి ప్రతిపాదనలు అందినట్టు అధికారులు చెబుతున్నారు.  - 78 పంచాయతీలను కొత్తగా 36 నగర పంచాయితీలుగా మార్చే ప్రతిపాదన ఇప్పటికే ప్రభుత్వ పరిశీలనలో ఉంది.  - వివిధ పట్టణాలు, నగర పాలక సంస్థలకు చుట్టుపక్కల ఉండే మరో 97 గ్రామాలను సమీప పట్టణాల్లో విలీనం చేయాలని ప్రతిపాదించారు. ఇవికాకుండా కలెక్టర్ల వద్ద మరో 74 ప్రతిపాదనలు పెండింగ్‌లో ఉన్నాయి. - రెండు మూడు గ్రామాలు కలిపి ఒక పంచాయతీగా ఉన్న చోట్ల వాటిని వేరు చేసి కొత్తవి ఏర్పాటు చేయాలంటూ మరో 60 దాకా ప్రతిపాదనలు అందాయి.

సాక్షి, ఆదిలాబాద్‌ : గళ్లపెట్టే నిండా డబ్బులున్నా.. ఖర్చు పెట్టలేని పరిస్థితి ఉమ్మడి జిల్లా పరిషత్‌ది. స్థానిక సంస్థల ప్రజాప్రతినిధుల గౌరవ వేతనాలు విడుదల చేసి మూడు నెలలైనా ఇంత వరకు మాజీ సభ్యుల చేతికందలేదు. ఉమ్మడి జిల్లాలోని ప్రజాప్రతినిధుల గౌరవ వేతనాలు జూన్‌లో విడుదల చేసిన ప్రభుత్వం.. తాజాగా మరో విడత కూడా విడుదల చేసి జెడ్పీ ఖాతాలో జమ చేసింది. కాని ఆ డబ్బులను సభ్యులకు పంచే అధికారం మాత్రం ఇంతవరకు ఎవరికీ ఇవ్వలేదు. తాజా మాజీ జెడ్పీ చైర్‌పర్సన్‌తోపాటు జెడ్పీటీసీలు, ఎంపీటీసీలు, ఎంపీపీలు గత కొన్ని నెలలుగా వేతనాల కోసం ఆశగా ఎదురుచూస్తున్నారు. వచ్చిన వేతనాలు పంపిణీ చేసేందుకు సర్కారు అధికారులకు అధికారం ఇవ్వకపోవడంపై ఆందోళన వ్యక్తం చేస్తున్నారు. ఇదిలా ఉండగా, ప్రభుత్వం గత మూడు నెలల క్రితం తాజా మాజీ జెడ్పీ సభ్యులకు గౌరవ వేతనాలు విడుదల చేసింది. కాని స్థానిక సంస్థల ఎన్నికలు ముగినప్పటి నుంచి ఇప్పటి వరకు ఆ డబ్బులను డ్రా చేసే చెక్‌పవర్‌ ఏ అధికారికి ఇవ్వకపోవడంతో వేతన నిధులు పెండింగ్‌లో ఉన్నాయి. దీంతో మాజీ సభ్యులకు గౌరవ వేతనాలు ఎప్పుడిస్తారని ప్రతిరోజూ ఎవరో ఒకరు పరిషత్‌ అధికారులకు ఫోన్‌ చేసి అడిగి తెలుసుకోవాల్సిన పరిస్థితి నెలకొంది.  చెక్‌పవర్‌ లేక నిలిచిన చెల్లింపులు  జెడ్పీ మాజీ సభ్యుల గౌరవ వేతనాల చెల్లింపు చెక్‌పవర్‌ లేకపోవడంతో నిలిచిపోయాయి. సభ్యులకు చెల్లించాల్సిన రూ.4.64 కోట్ల గౌరవ వేతనాలు ఉమ్మడి జెడ్పీ ఖాతాలో అందుబాటులో ఉన్నాయి. ప్రభుత్వం నుంచి విడుదలైన ఈ నిధులు మాజీ సభ్యులకు పంచాల్సి ఉండగా, గత మూడు నెలల నుంచి పెండింగ్‌లో ఉన్నాయి. ఒక్కో జెడ్పీటీసీ, ఎంపీపీ సభ్యుడికి నెలకు రూ.10వేలు, ఒక్కో ఎంపీటీసీ సభ్యుడికి నెలకు రూ.5 వేల చొప్పున అందరికీ 11 నెలలకు సంబంధించిన గౌరవ వేతనాలు రావాల్సి ఉంది. ఈ లెక్కన ఒక్కో జెడ్పీటీసీ, ఎంపీపీకి రూ.1.10 లక్షలు, ఒక్కో ఎంపీటీసీ సభ్యుడికి రూ.55 వేలు ప్రభుత్వం చెల్లించాల్సి ఉంది. ఉమ్మడి జిల్లావ్యాప్తంగా 52 మంది జెడ్పీటీసీలు, 52మంది ఎంపీపీలు, 636 మంది ఎంపీటీసీలు ఉన్నారు. ఉమ్మడి జిల్లాలో ఉన్న మొత్తం 740 మంది మాజీ ప్రజాప్రతినిధులకు సంబంధించి న గౌరవ వేతనాల కింద పాత జెడ్పీకి రూ.4.64 కోట్లు అందాయి. వీటితోపాటు జిల్లా పరిషత్‌ మాజీ చైర్‌పర్సన్‌కు చెల్లించాల్సిన 11 నెలల వేతనం కూడా వచ్చినట్లు సమాచారం. వీటిని ఆయా మాజీ సభ్యులకు పంచాల్సి ఉండగా పరిషత్‌లో అధికారికి చెక్‌పవర్‌ లేకపోవడంతో యంత్రాంగం ఏమి చేయలేని పరిస్థితి. కాని జెడ్పీ ఖాతా నుంచి డబ్బులు తీసేందుకు డ్రా యింగ్‌ పవర్‌ లేకపోవడంతో ప్రభుత్వం నుంచి వచ్చిన డబ్బులు ఇప్పటికీ అలాగే ఉన్నాయి.  ‘మాజీ’లపై కనికరమేది.?  2014లో తొలిసారి అధికారంలోకి వచ్చిన ప్రభుత్వం 2016లో జెడ్పీసభ్యుల గౌరవ వేతనాలు పెంచింది. అంతకు ముందు ఉమ్మడి రాష్ట్రంలో తక్కువ వేతనాలు అందుకున్న çసభ్యులు.. తెలంగాణ రాష్ట్రం ఏర్పడిన రెండేళ్లకే రెట్టింపు గౌరవాన్ని పొందారు. పెంచిన వేతనాలను సమయానుకూలంగా అందజేయకపోవడంతో అప్పట్లో సభ్యులు ఇబ్బందులు పడ్డారు. నెలనెలా కాకుండా ఏడాది, ఏడాదిన్నరకోసారి వేతనాలు విడుదల చేస్తూ వచ్చింది. తాము అధికారంలో ఉన్నామనే దీమాతో ప్రభుత్వం ఎప్పుడిచ్చిన వేతనాలు తీసుకున్నామని, ఇప్పుడు మాజీలుగా మారిన ప్రభుత్వం కనికరం చూపడం లేదని కొందరు సభ్యులు పేర్కొంటున్నారు. ఇప్పటికైనా వేతనాలు విడుదల చేసేందుకు అధికారులకు చెక్‌పవర్‌ ఇవ్వాలని కోరుతున్నారు. 

సాక్షి, సిద్దిపేట: ‘మన గ్రామాలను మనమే బాగు చేసుకోవాలి. అందుకు గ్రామస్తుల మధ్య ఐక్యత అవసరం’ అని మాజీ మంత్రి, ఎమ్మెల్యే హరీశ్‌రావు అన్నారు. సోమవారం సిద్దిపేటలో సర్పంచ్, ఎంపీటీసీ, జెడ్పీటీసీలతో హరీశ్‌ సమీక్ష నిర్వహించారు. ఒక గ్రామంలో ఒకే వినాయకుడిని పెట్టాలన్న హరీశ్‌ పిలుపు మేరకు సిద్దిపేట నియోజకవర్గంలోని 34 గ్రామాలు ఏకగ్రీవ తీర్మానం చేశాయి. ఆయా గ్రామాల నేతలు తీర్మాన పత్రాలను హరీశ్‌కు అందజేశారు. ఈ సందర్భంగా ఆయా గ్రామాల ప్రజలను హరీశ్‌ అభినందించారు. ఒక గ్రామంలో ఒకే వినాయకుడిని పెట్టడం మూలంగా పర్యావరణ పరిరక్షణకు దోహదం చేసిన వారవుతారన్నారు. ప్రభు త్వం నుంచి వచ్చే నిధులే కాకుండా గ్రామ యువత, మహిళా సంఘాలతోపాటు అందరూ కలసి శ్రమదానం చేసి గ్రామాలు శుభ్రంగా ఉంచుకోవాలన్నారు. మానసిక ప్రశాంతతకు గ్రామాల్లో యోగ వంటి కార్యక్రమాలు నిర్వహించాలని చెప్పారు. అభివృద్ధిలో మహిళల భాగస్వామ్యం పెంచాలని.. ప్రతీ గ్రామంలో మహిళా గ్రామ సభలు నిర్వహించాలన్నారు.  

పై చిత్రంలోని సన్నివేశం అంకుశం సినిమాలో అన్యాయాలు చేస్తున్న రౌడీని కొట్టుకుంటూ పోలీసులు తీసుకెళ్తున్న సీన్‌ మాదిరిగా ఉంది కదూ.. అయితే, విషయం అది కాదు.. బాధితుల తరపున న్యాయం కోసం నిలబడిన ఓ ప్రజాప్రతినిధిని నడిరోడ్డు మీద కొట్టుకుంటూ తీసుకెళ్తున్న పోలీసులను మీరు చూస్తున్నారు. మహబూబాబాద్‌ జిల్లా తొర్రూరు రెవెన్యూ డివిజన్‌లో ఈ ఘటన చోటు చేసుకుంది. న్యాయం అడిగిన వారిపై ఇలా ప్రవర్తిస్తే, పోలీసు స్టేషన్‌కు వెళ్లే బాధితులతో పోలీసులు ఎలా ఫ్రెండ్లీగా వ్యవహరిస్తారో వారే చెప్పాలి.  సాక్షి, మహబూబాబాద్‌ : బాధితులు ఎవరైనా పోలీసుస్టేషన్‌కు వస్తే వారికి తగిన మర్యాద ఇచ్చి, వారు ఎందుకు వచ్చారో వివరాలు తెలుసుకుని సాయం చేయాలని బాస్‌లు పదేపదే పలు సందర్భాల్లో చెబుతున్నారు. కానీ క్షేత్రస్థాయిలో మాత్రం దీనికి పూర్తి విరుద్ధంగా పోలీసులు వ్యవహరిస్తున్నారు. ఫ్రెండ్లీ పోలీసింగ్‌ ద్వారా ప్రజలకు చేరువై, వారికి తగిన సాయం అందించాలని ఉన్నతాధికారులు చెబుతున్నా.. కింది స్థాయి సిబ్బంది మాత్రం పట్టించుకున్న దాఖలాలు కనిపించడం లేదు.   మంత్రి ఇలాఖాలో..  ఈనెల 5వ తేదీన తొర్రూరు పెద్ద చెరువు కట్టపై ట్రాక్టర్‌ బోల్తా పడి శ్రీను మృతి చెందాడు. ఈ ఘటనలో ఆయన కుటుంబానికి న్యాయం చేయాలని వారి బంధువులు, గ్రామస్తులు తొర్రూరు మండల కేంద్రంలోని బస్టాండ్‌ వద్ద ధర్నా చేపట్టారు. ఈ మేరకు మద్దతుగా అమ్మాపురానికి చెందిన ఎంపీటీసీ ముద్దం విక్రంరెడ్డి అక్కడికి చేరుకునే సరికే ట్రాఫిక్‌జామ్‌ అయింది. అయితే, ప్రజలకు ఇబ్బంది కలుగుతున్నందున అక్కడి నుంచి వెళ్లిపోవాలని పోలీసులు సూచించగా.. న్యాయం చేస్తేనే వెళ్తామని బాధితులు అన్నారు. దీంతో పోలీసులకే ఎదురు చెబుతావా అంటూ.. అక్కడ ఉన్న ఎంపీటీసీ విక్రంరెడ్డిని కొట్టుకుంటూ పోలీసుస్టేషన్‌కు తీసుకెళ్లారు. ఈ విషయమై మీడియాలో వైరల్‌ కావడంతో ఇదేం ఫ్రెండ్లీ పోలీసింగ్‌ అని సా«ధారణ ప్రజలు ముక్కున వేలు వేసుకుంటున్నారు. కాగా, తొర్రూరు మండలం మంత్రి ఎర్రబెల్లి దయాకర్‌రావు ప్రాతినిధ్యం వహిస్తున్న పాలకుర్తి నియోజకవర్గ పరిధిలోకి వస్తుండగా.. దెబ్బలు తిన్న ఎంపీటీసీ విక్రంరెడ్డి కాంగ్రెస్‌ తరఫున పోటీ చేసి గెలిచారు.  తొర్రూరు సీఐ, ఎస్సైను సస్పెండ్‌ చేయాలి: ఎంపీటీసీ  ఒక ప్రజాప్రతినిధి అని కూడా చూడకుండా తనపై ఇష్టం వచ్చినట్లు దాడిచేసి కొట్టిన తొర్రూరు సీఐ చేరాలు, సెకండ్‌ ఎస్సై కరీముల్లాను సస్పెండ్‌ చేయాలని తొర్రూరు మండలం అమ్మాపురం ఎంపీటీసీ సభ్యుడు ముద్దం విక్రంరెడ్డి కోరారు. ఈ మేరకు మంగళవారం ఆయన జిల్లా ఎస్పీ నంద్యాల కోటిరెడ్డికి వినతి పత్రం అందజేశారు. ఒక ఎంపీటీసీ సభ్యుడిని అని కూడా చూడకుండా తొర్రూరు సీఐ చేరాలు, సెకండ్‌ ఎస్సై కరీముల్లా కింద పడేసి బూటుకాళ్లతో తన్నుకుంటూ తీసుకెళ్లారన్నారు. విచారణ చేపడుతున్నాం తొర్రూరులో జరిగిన సంఘటన పై విచారణ కమిటీ నియమించాం. రెండు రోజుల్లో కమిటీ నివేదిక అందగానే ఉన్నతాధికారులకు పంపిస్తాం. ఆ తర్వాత తగు చర్యలు తీసుకుంటాం. -నంద్యాల కోటిరెడ్డి, ఎస్పీ మహబూబాబాద్‌

సాక్షి, మహబూబ్ నగర్ : మహబూబ్‌నగర్ జిల్లా దేవరకద్ర మండలం డోకుర్ గ్రామంలో బీజేపీ కార్యకర్త ప్రేమ్ కుమార్ దారుణ హత్యకు గురయ్యాడు. ఎంపీటీసీ, జెడ్పీటీసీ ఓట్ల లెక్కింపు తరువాత, గెలిచిన బీజేపీ ఎంపీటీసీ అభ్యర్థి మంగళవారం గ్రామంలో విజయోత్సవ ర్యాలీ చేశారు. ఈ సందర్భంగా టీఆర్ఎస్, బీజేపీ కార్యకర్తల మధ్య ఘర్షణ చోటుచేసుకుంది. టీఆర్ఎస్ కార్యకర్తలు చేసిన దాడిలో బీజేపీ కార్యకర్త ప్రేమ్ కుమార్ తీవ్రంగా గాయపడగా వెంటనే ఆస్పత్రికి తరలించారు. కానీ చికిత్స పొందుతు ప్రేమ్ కుమార్ మృతి చెందాడు. ఈ ఘటనపై బాధితుడి కుటుంబం పోలీసులకు ఫిర్యాదు చేసింది. ఈ ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. 

నవాబుపేట/మొయినాబాద్‌ రూరల్‌: చేవెళ్ల ఎమ్మెల్యే కాలె యాదయ్య కుటుంబానికి అదృష్టం బాగానే కలిసి వచ్చింది. ఆయన భార్య, కుమారుడు జెడ్పీటీసీలుగా, కోడలు ఎంపీటీసీగా విజయం సాధించారు. నవాబుపేట మండలం చించల్‌పేట గ్రామానికి చెందిన యాదయ్య పేద కుటుంబం నుంచి రాజకీయాల్లోకి వచ్చారు. పీఏసీఎస్‌ డైరెక్టర్‌గా అడుగుపెట్టిన ఆయనకు అవకాశాలు కలిసి వచ్చాయి. సొసైటీ డైరెక్టర్‌ నుంచి సింగిల్‌ విండో చైర్మన్‌గా, అనంతరం ఎంపీపీ, జెడ్పీటీసీగా పనిచేశారు. ఆ తర్వాత వైఎస్సార్‌ హయాంలో టీటీడీ బోర్డు మెంబర్‌గా వ్యవహరించారు. గత ఎన్నికల్లో టీఆర్‌ఎస్‌ తరఫున పోటీ చేసి చేవెళ్ల నుంచి గెలుపొందారు. యాదయ్య ప్రాదేశిక ఎన్నికల బరిలో తన భార్య కాలె జయమ్మ నవాబుపేట జెడ్పీటీసీగా విజయం సాధించారు. మొయినాబాద్‌ జెడ్పీటీసీగా కొడుకు శ్రీకాంత్‌ గెలిచారు. ఆయన రెండో కోడలు దుర్గాభవాని నవాబుపేట మండలం చించల్‌పేట ఎంపీటీసీగా విజయాన్ని కైవసం చేసుకున్నారు. నవాబుపేట ఎంపీపీ బరిలో దుర్గాభవాని ఉందని విశ్వసనీయ సమాచారం. 

సాక్షి, కామారెడ్డి: కామారెడ్డి జిల్లా దోమకొండ మండలంలో విచిత్ర పరిస్థితి నెలకొంది. ఇక్కడ తొమ్మిది ఎంపీటీసీ స్థానాలు ఉన్నాయి. కాంగ్రెస్‌ ఐదింటిలో విజయం సాధించగా.. టీఆర్‌ఎస్‌ నాలుగు స్థానాలకే పరిమితమైంది. అయితే అత్యధిక స్థానాలను గెలిచిన ఆనందం కాంగ్రెస్‌ పార్టీకి లేకుండాపోయింది. దోమకొండ ఎంపీపీ స్థానం బీసీ మహిళకు రిజర్వ్‌ అయ్యింది. కాంగ్రెస్‌ పార్టీ నుంచి పోటీ చేసిన ఇద్దరు బీసీ మహిళలూ ఓటమి పాలయ్యారు. దీంతో ఆ పార్టీకి ఎంపీపీ అభ్యర్థి లేకుండా పోయారు. ఎంపీపీ పీఠం కైవసం చేసుకునే సంఖ్యాబలం ఉన్నా.. ఎంపీపీ పదవి కోసం బీసీ మహిళ లేకపోవడంతో ఆ పదవిని వదులుకునే పరిస్థితి వచ్చింది.   అన్నాసాగర్‌లో ఒకే ఒక్కటి  ఎల్లారెడ్డి మండలంలోని అన్నాసాగర్‌ ఎంపీటీసీ స్థానానికి స్వతంత్ర అభ్యర్థిగా పోటీ చేసిన హన్మన్నగారి శ్రీనివాస్‌రెడ్డికి ఒకే ఒక్క ఓటు దక్కింది. ఆయనకు కూలర్‌ గుర్తు కేటాయించారు. అయితే మంగళవారం నిర్వహించిన ఓట్ల లెక్కింపులో శ్రీనివాస్‌రెడ్డికి ఒకే ఒక్క ఓటు వచ్చింది. మరో స్వతంత్ర అభ్యర్థి జంగింటి ఉమాదేవి 1,005 ఓట్లు దక్కించుకుని విజయం సాధించారు. 661 ఓట్లతో టీఆర్‌ఎస్‌ అభ్యర్థి గోలి వసంతం రెండో స్థానంలో నిలిచారు. కాంగ్రెస్‌ అభ్యర్థి చిలుక నర్సింలుకు 263 ఓట్లు, బీజేపీ అభ్యర్థి లక్ష్మారెడ్డికి 32 ఓట్లు పోలయ్యాయి. 

సాక్షి, హైదరాబాద్‌: జెడ్పీటీసీ, ఎంపీటీసీ ఎన్నికల ఫలితాల వెల్లడితో పాటు జిల్లా పరిషత్‌ చైర్‌పర్సన్, వైస్‌ చైర్‌పర్సన్‌.. మండల పరిషత్‌ అధ్యక్షుడు, ఉపాధ్యక్ష పదవులకు పరోక్ష ఎన్నికలను త్వరగా నిర్వహించేందుకు మార్గం సుగమమైంది. ఎంపీటీసీ, జెడ్పీటీసీ ఓట్ల లెక్కింపు ప్రక్రియను వీలైనంత త్వరగా చేపట్టేందుకు వీలుగా ప్రభుత్వం నిర్ణయం తీసుకుంది. పంచాయతీరాజ్‌ చట్టంలో ఈ మేరకు సవరణలు చేస్తూ రాష్ట్ర ప్రభుత్వం సోమవారం ఆర్డినెన్స్‌ జారీ చేసింది. దీంతో వారంలో రోజుల్లోనే ఎంపీటీసీ, జెడ్పీటీసీ ఎన్నికల ఓట్ల లెక్కింపు పూర్తి కానుంది. వెంటనే జెడ్పీపీ, ఎంపీపీ ఎన్నికలు సైతం పూర్తి కానున్నాయి. జూన్‌ 10లోపే ఫలితాల వెల్లడి, పరోక్ష ఎన్నికల ప్రక్రియను పూర్తి చేసేలా రాష్ట్ర ఎన్నికల సంఘం ప్రతిపాదనలు సిద్ధం చేస్తోంది. ఒకట్రెండు రోజుల్లోనే ఈ విషయంలో అధికారిక తేదీలు ప్రకటించనుంది. రాష్ట్రంలో జెడ్పీటీసీ, ఎంపీటీసీ ఎన్నికలు ఈ నెల 14తో ముగిశాయి. ఓట్ల లెక్కింపు ప్రక్రియను ఈనెల 27న నిర్వహించాలని ఎన్నికల సంఘం ముందుగా నిర్ణయించింది.   ఆర్డినెన్స్‌లో పలు మార్పులు..  ఎన్నికల సంఘం ప్రతిపాదనల మేరకు పంచాయతీరాజ్‌ చట్టంలో సవరణలు చేస్తూ ప్రభుత్వం ఆర్డినెన్స్‌ జారీ చేసింది. పంచాయతీరాజ్‌ చట్టంలో ఎంపీటీసీ, జెడ్పీటీసీల ‘మొదటి సమావేశం’ అనే పదానికి బదులుగా ఎంపీటీసీ, జెడ్పీటీసీల ‘ప్రత్యేక సమావేశం’అనే మార్పు చేసింది. పంచాయతీరాజ్‌ చట్టంలో పేర్కొన్న మొదటి సమావేశం అంటే.. ఎంపీటీసీ, జెడ్పీటీసీలుగా గెలిచిన వారు మొదటిసారి సమావేశమై ఎంపీపీ, జెడ్పీపీ అధ్యక్ష, ఉపాధ్యక్షులను, కో–ఆప్టెడ్‌ సభ్యులను ఎన్నుకోవాలి. వెంటనే కొత్తగా ఎన్ని కైన వారి పదవీకాలం మొదలవుతుంది. ప్రస్తుత పాలకవర్గాల పదవీ కాలం జూలై 4 వరకు ఉన్నందున ఆ తర్వాతే మొదటి సమావేశం నిర్వహించాల్సి ఉంటుంది. మొదటి సమావేశం అనే పదాన్ని ‘ప్రత్యేక సమావేశం’ అని చట్టంలో సవరణ చేయడంతో జూలై 4 వరకు వేచి చూడకుండా ఆలోపే ఎంపీటీసీ, జెడ్పీటీసీ ఫలితాలను వెల్లడించవచ్చు. ఎంపీపీ, జెడ్పీపీ ఎన్నికలను వెంటనే చేపట్టొచ్చు. చట్టంలో సవరణ ప్రకారం ఎంపీటీసీ, జెడ్పీటీసీ ఎన్నికల ఓట్ల లెక్కింపు కోసం జూలై 3 వరకు ఆగాల్సిన అవసరం ఉండదు. ప్రస్తుత పాలకవర్గాల పదవీకాలం ముగిశాకే కొత్తగా ఎన్నికైన జిల్లా పరిషత్, మండల పరిషత్‌ పాలకవర్గాలు బాధ్యతలు చేప ట్టాల్సి ఉంటుంది. రాష్ట్రంలోని ప్రస్తుత ఉమ్మడి జిల్లా ల్లోని 8 జెడ్పీపీల పాలకవర్గాల పదవీకాలం జూలై 4 తో ముగుస్తోంది. ఉమ్మడి ఖమ్మం జెడ్పీ పాలకవర్గం పదవీకాలం ఆగస్టు 6 వరకు ఉంది. ఉమ్మడి ఖమ్మం జిల్లా పరిషత్‌ పరిధిలో ప్రస్తుతం ఖమ్మం, కొత్తగూ డెం జెడ్పీలు ఏర్పాటవుతున్నాయి. ఈ జెడ్పీపీల పదవీకాలం ఆగస్టు 7 నుంచి మొదలుకానుంది. జూలై 3న లెక్కింపు...  జిల్లాపరిషత్, మండల పరిషత్‌ ప్రస్తుత పాలకవర్గాల పదవీకాలం జూలై 4న ముగియనుంది. ప్రస్తుత పాలకవర్గాల పదవీకాలం ముగిసిన తర్వాతే జెడ్పీపీ, ఎంపీపీ పదవులకు పరోక్ష ఎన్నికలు జరపాల్సి ఉంటుంది. జెడ్పీటీసీ, ఎంపీటీసీ ఎన్నికల ఫలితాలకు జెడ్పీపీ, ఎంపీపీ ఎన్నికలకు మధ్య ఎక్కువ రోజులు ఉండటం వల్ల పరోక్ష ఎన్నికల్లో అభ్యర్థులు ఓటర్లను ప్రలోభాలకు గురి చేస్తారని, ఓట్ల లెక్కింపును వాయిదా వేయాలని పలు రాజకీయ పార్టీలు ఎన్నికల సంఘాన్ని కోరాయి. అనంతరం జెడ్పీటీసీ, ఎంపీటీసీ ఎన్నికల ఓట్ల లెక్కింపును జూలై 3న చేపట్టాలని పంచాయతీరాజ్‌ శాఖ ముఖ్య కార్యదర్శి ఎన్నికల సంఘానికి ప్రతిపాదించారు. అయితే పాఠశాలలు, విద్యా సంస్థలలో బ్యాలెట్‌ బాక్సులను భద్రపరిచారు. జూన్‌ మొదటివారం నుంచి విద్యా సంస్థలు ప్రారంభం కానున్నాయి. దీంతో ఓట్ల లెక్కింపును వేగంగా పూర్తి చేయాలని రాష్ట్ర ఎన్నికల సంఘం భావించింది. ఎంపీటీసీ, జెడ్పీటీసీ ఓట్ల లెక్కింపును, పరోక్ష ఎన్నికలను త్వరగా పూర్తి చేసేలా ఎన్నికల సంఘం తాజాగా ప్రభుత్వానికి ప్రతిపాదననలు పంపింది.  

సాక్షి, హైదరాబాద్‌: జెడ్పీ చైర్‌పర్సన్లు, వైస్‌ చైర్‌పర్సన్లు, ఎంపీపీ అధ్యక్షులు, ఉపాధ్యక్షులు, మున్సిపల్‌ కార్పొరేషన్‌ మేయర్లు, డిప్యూటీ మేయర్లు, మున్సిపల్‌ చైర్‌పర్సన్లు, వైస్‌ చైర్‌పర్సన్‌ పదవులకు నిర్వహించే ఎన్నికలకు రాజకీయ పార్టీలు, అభ్యర్థులు ఎన్నికైన ప్రజాప్రతినిధులతో పరోక్ష, ప్రత్యక్ష పద్ధతుల్లో ఎలాంటి క్యాంప్‌లు నిర్వహించొద్దని రాష్ట్ర ఎన్నికల కమిషన్‌ (ఎస్‌ఈసీ) ఆదేశించింది. ఈ పదవులకు పరోక్ష పద్ధతుల్లో ఎన్నికల నిర్వహణకు 48 గంటల ముందు ఎలాంటి ప్రచారం నిర్వహించొద్దని, స్థానిక సంస్థల పదవులకు ఎన్నికలు పూర్తయ్యే వరకు ఈ ప్రచారంపై నిషేధం అమల్లో ఉంటుందని స్పష్టం చేసింది. ఈ మేరకు ఎస్‌ఈసీ కార్యదర్శి అశోక్‌కుమార్‌ ఆదేశాలు జారీ చేశారు. గతంలో ఈ పదవులకు జరిగిన ఎన్నికల్లో వివిధ రాజకీయ పార్టీలు.. డబ్బు, అంగబలమున్న అభ్యర్థులు ఇళ్లు, రిసార్ట్‌లలో క్యాంప్‌లు నిర్వహించి గెలిచిన ప్రజాప్రతినిధులను సుదీర్ఘకాలం పాటు ఎక్కడో ఉంచడం తమ దృష్టికి వచ్చినట్లు పేర్కొంది. అధికారంలో ఉన్న పార్టీకి అదనపు అవకాశాలుండటంతో ప్రభుత్వ యంత్రాంగా న్ని ఉపయోగించి ఏదోక రూపంలో ప్రభావితం చేసేందుకు ఎక్కువ అవకాశాలున్నాయని పేర్కొంది. ఇలాంటి పద్ధతుల కారణంగా కొత్తగా ఎన్నికైన సభ్యులు ప్రలోభాలకు లొంగి, విప్‌లను ధిక్కరించి ఓటేసే పరిస్థితులు ఉన్నట్లు పేర్కొంది. ప్రలోభాల నివారణకు..  జెడ్పీ చైర్‌పర్సన్లు, ఎంపీపీ అధ్యక్షులు, మేయర్లు, మున్సిపల్‌ చైర్మన్లను పరోక్ష పద్ధతుల్లో ఎన్నుకునేటప్పుడు స్థానిక ప్రజాప్రతినిధులను వివిధ రూపాల్లో ప్రలోభాలకు గురిచేయకుండా ఎన్నికల ప్రవర్తనా నియమావళిలో ప్రత్యేక సెక్షన్‌ను ఎస్‌ఈసీ చేర్చింది. పరిషత్‌ (జెడ్పీపీ, ఎంపీపీ పదవులకు), పట్టణ స్థానిక సంస్థల్లో (యూఎల్‌బీ)ని పదవులకు పరోక్ష పద్ధతుల్లో నిర్వహించే ఎన్నికలకు సంబంధించి మోడల్‌ కోడ్‌ ఆఫ్‌ కండక్ట్‌ను ఈ మేరకు సవరించింది. ఎన్నికల కోడ్‌ను ఉల్లంఘించే వారిపై ఆయా నిబంధనలకు అనుగుణంగా చర్యలు తీసుకునే అంశాన్ని చేరుస్తూ తాజాగా నిర్ణయం తీసుకుంది. ఈ ఎన్నికల కోడ్‌ స్థానిక ఫలితాల వెల్లడి నుంచి మొదలై పరోక్ష పద్ధతుల్లో జెడ్పీపీ, ఎంపీపీ, మున్సిపాలిటీల్లో ఆయా పదవులకు ఎన్నికలు ముగిసే వరకు అమల్లో ఉం టుందని స్పష్టం చేసింది. జెడ్పీ చైర్‌పర్సన్లు, వైస్‌చైర్మన్లు, ఎంపీపీ అధ్యక్షులు, ఉపాధ్యక్షులు, మున్సిపల్‌ చైర్‌పర్సన్, వైస్‌చైర్‌పర్సన్, మున్సిపల్‌ కార్పొరేషన్‌ మేయర్, డిప్యూటీ మేయర్‌ పదవులు (ప్రత్యక్ష లేదా పరోక్ష పద్ధతుల్లో) కోరుకునే ఏ రాజకీయపార్టీకి చెందినవారైనా ప్రజాప్రాతినిథ్య చట్టంలో పొందుపరిచిన లంచం ఇతరత్రా రూపాల్లోని ప్రలోభాలకు పాల్పడొద్దని పేర్కొంది. పార్టీలు ఇచ్చిన విప్‌ను ధిక్కరించి ప్రజాప్రతినిధులు ఓటేసేలా ఒత్తిళ్లు తేవొద్దని తెలిపింది. విప్‌ను ధిక్కరిస్తే పదవి కానీ ప్రోత్సాహకం కానీ ఇస్తామన్న ప్రలోభాలకు పాల్పడొద్దని హెచ్చరించింది. అధికార పార్టీ లేదా ప్రభుత్వ ప్రతినిధులు తమ అధికార హోదా లేదా పదవులను ఉపయోగించి కాంట్రాక్ట్‌ల కల్పన, పెండింగ్‌ బిల్లుల చెల్లింపులు, లైసెన్సులు, సర్టిఫికెట్లు అందజేయడం, పెండింగ్‌కేసుల ఎత్తివేత వంటి వాటికి పాల్పడొద్దని స్పష్టంచేసింది.  

సాక్షి, హైదరాబాద్‌: రాష్ట్రంలో రెండు ఎంపీటీసీ స్థానా ల్లో రీపోలింగ్‌ జరగనుంది. సోమవారం జరిగిన మొదటి విడత పరిషత్‌ ఎన్నికల్లో భాగంగా అభ్యర్థుల బ్యాలెట్‌ పత్రాలు కలసిపోవడంతో ఈ స్థానాల విష యంలో రాష్ట్ర ఎన్నికల కమిషన్‌ ఈ నిర్ణయం తీసు కుంది. రంగారెడ్డి జిల్లాలోని మొయినాబాద్‌ మండ లం అజీజ్‌నగర్‌ ఎంపీటీసీ, సిద్దిపేట జిల్లా మిర్‌దొడ్డి మండలం అల్వాల్‌ ఎంపీటీసీ స్థానాలకు ఈ నెల 14 న మూడో విడత ఎన్నికల్లో భాగంగా రీపోలింగ్‌ నిర్వహించాలని రాష్ట్ర ఎన్నికల కమిషనర్‌ వి.నాగిరెడ్డి ఆదేశించారు. యాదాద్రి భువనగిరి జిల్లాలో ఒక ఎంపీటీసీ స్థానంలో బ్యాలెట్‌పత్రాలు కలసిపోయినా, దీన్ని సకాలంలో గుర్తించడంతో సోమవారమే సరిచేసి ఎన్నికలు నిర్వహించారు. రంగారెడ్డి, సిద్దిపేట జిల్లాల్లోని ఈ రెండు ఎంపీటీసీ స్థానాల్లో ఓటర్లకు తప్పుడు బ్యాలెట్‌ పేపర్లను పంపిణీ చేసిన నేపథ్యంలో మళ్లీ ఎన్నికల నిర్వహణకు నోటి ఫికేషన్‌ జారీచేయాలని అధికారులను ఎస్‌ఈసీ ఆదేశించింది. ఈ స్థానాల్లోని ఓటర్లకు ఈ నెల 14న నిర్వహించే రీపోలింగ్‌ సందర్భంగా ఎడమ చేతి నాలుగో వేలిపై సిరాచుక్క వేయాలని సూచించింది. కాగా, పరిషత్‌ ఎన్నికల్లో భాగంగా తనిఖీల సందర్భంగా ఇప్పటివరకు రూ.1.6 కోట్ల విలువైన నగదు, మద్యం, ఇతర వస్తువులను స్వాధీనం చేసుకున్నారు. మంగళవారం ఒక్కరోజే రూ.3.95 లక్షల నగదు, రూ.1.6 లక్షల విలువైన వస్తువులు స్వాధీనం చేసుకున్నారు. ఇప్పటివరకు 86 ఫిర్యాదులందాయి. మొత్తం 190 ఎఫ్‌ఐఆర్‌లు నమోదు చేసి వాటిపై చర్యలు చేపట్టినట్లు ఎస్‌ఈసీకి పోలీస్‌ శాఖ తెలిపింది.

సాక్షి, హైదరాబాద్‌: తుది విడత పరిషత్‌ ఎన్నికల్లో భాగంగా ఎంపీటీసీ స్థానాలకు 439, జెడ్పీటీసీ సీట్లకు 79 నామినేషన్లు దాఖలయ్యాయి. వచ్చే నెల 14న జరగనున్న తుదిదశ ఎన్నికలకు గురువారంతో నామినేషన్ల సమర్పణ ముగియనుంది. నామినేషన్ల దాఖలు తొలిరోజు (మంగళవారం) జెడ్పీటీసీలకు.. టీఆర్‌ఎస్‌ 24, కాంగ్రెస్‌ 16, బీజేపీ 12, సీపీఐ 7, సీపీఎం 4, ఇండిపెండెంట్‌ 14 మంది నామినేషన్లు దాఖలు చేశారు. ఎంపీటీసీలకు టీఆర్‌ఎస్‌ 158, కాంగ్రెస్‌ 135, బీజేపీ 52, సీపీఐ 12, సీపీఎం 5, టీడీపీ 4, గుర్తింపు పొందిన, ఎస్‌ఈసీ వద్ద రిజిష్టరైన పార్టీలు 3, ఇండిపెండెంట్‌ 70 మంది నామినేషన్లు వేశారు. ఈ మూడో విడతలో భాగంగా 1,738 ఎంపీటీసీలకు, 161 జెడ్పీటీసీలకు ఎన్నికలు జరగనున్నాయి. గురువారం సాయంత్రం 5 గంటలకు నామినేషన్ల సమర్పణ ముగిశాక, శుక్రవారం సాయంత్రం 5 వరకు పరిశీలన, ఆ తర్వాత చెల్లుబాటయ్యే నామినేషన్లను ప్రకటిస్తారు. ఈ నెల 6, 10ల్లో జరిగే మొదటి, రెండు విడతల ఎన్నికలతో కలిపి, 3 విడతల్లో పడిన ఓట్లను మే 27న ఉదయం 8 తర్వాత లెక్కించి, అది ముగియగానే ఫలితాలను ప్రకటించనున్నారు. జెడ్పీటీసీ, ఎంపీటీసీ ఎన్నికల్లో భాగంగా బుధవారం ఒక్కరోజే నల్లగొండ జిల్లాలో రూ.64 లక్షల నగదును అధికారులు స్వాధీనం చేసుకున్నా రు. వివిధ జిల్లాల్లో రూ.73,661 విలువైన మద్యాన్ని జప్తు చేశారు. ఇప్పటివరకు మొత్తం కలిపి రూ.76.40 లక్షల నగదు, రూ.17.50 లక్షల విలువైన ఇతర వస్తువులు స్వాధీనం చేసుకున్నట్టు రాష్ట్ర ఎన్నికల కమిషన్‌కు సమర్పించిన నివేదిక ఆధారంగా తెలుస్తోంది. ఎంపీటీసీ, జెడ్పీటీసీ అభ్యర్థులు సమర్పించే వ్యయ ఖాతాలను కనీసం 3 సార్లు వ్యయ పరిశీలకులు తనిఖీ చేయాలన్న గత ఆదేశాలను కనీసం ఒక్కసారి పరిశీలించేలా ఎస్‌ఈసీ బుధవారం సవరించింది.

సాక్షి, హైదరాబాద్‌: రెండో విడత పరిషత్‌ ఎన్నికల్లో భాగంగా మొత్తం 14,670 నామినేషన్లు దాఖల య్యాయి. ఈ విడతలో ఎన్నికలు జరగనున్న 180 జెడ్పీటీసీ స్థానాలకు 2,008 నామినేషన్లు, 1,913 ఎంపీటీసీ సీట్లలో 12,552 నామినేషన్లు సమర్పించారు. తిరస్కరణకు గురైన నామినేషన్లకు సంబం ధించి మంగళవారం జెడ్పీటీసీ అభ్యర్థులపై కలెక్టర్లు, ఎంపీటీసీ అభ్యర్థులపై ఆర్డీఓలు, సబ్‌ కలెక్టర్లు అప్పీళ్లను స్వీకరించిన నేపథ్యంలో బుధవారం  సాయం త్రం 5 గంటలలోగా వాటిని పరిష్కరిస్తారు. మే 2న మధ్యాహ్నం 3 గంటల వరకు నామినేషన్ల ఉపసంహరణకు అవకాశం ఇచ్చి, సాయంత్రం 3 గంటల తర్వా త పోటీచేసే అభ్యర్థుల తుది జాబితా విడుదల చేస్తారు.ఈనెల 10న జెడ్పీటీసీ, ఎంపీటీసీ ఎన్నికలు జరుగుతాయి.  పార్టీల వారీగా నామినేషన్లు...  ఈ విడతలో 180 జెడ్పీటీసీ స్థానాల్లో: టీఆర్‌ఎస్‌ నుంచి 525, కాంగ్రెస్‌ నుంచి 482, బీజేపీ నుంచి 231, టీడీపీ నుంచి 82, సీపీఎం నుంచి 33, సీపీఐ నుంచి 27, ఎంఐఎం నుంచి 3, గుర్తింపు పొందిన ఇతర పార్టీల నుంచి 61, ఇండిపెండెంట్లు 213 మంది అభ్యర్థులు నామినేషన్లు సమర్పించారు.  ఎంపీటీసీ స్థానాల్లో: టీఆర్‌ఎస్‌ నుంచి 4,214, కాంగ్రెస్‌ నుంచి 3,175, బీజేపీ నుంచి 1,289, టీడీపీ నుంచి 266, సీపీఎం నుంచి 171, సీపీఐ నుంచి 114, ఎంఐఎం నుంచి 6, వైసీపీ నుంచి 1, గుర్తింపు పొందిన ఇతర పార్టీల నుంచి 137, ఇండిపెండెంట్లు 1,533 మంది నామినేషన్లు వేశారు.

సాక్షి, హైదరాబాద్‌: జిల్లా ప్రజా పరిషత్‌ చైర్‌పర్సన్లు మొదలుకొని ఎంపీటీసీ సభ్యుల వరకు అధికారాలతోపాటు విధులు, బాధ్యతలను కొత్త పంచాయతీరాజ్‌ చట్టంలో ప్రభుత్వం నిర్దేశించింది. కొత్త సభ్యులు విధులు సక్రమంగా నిర్వహించేలా చట్టంలో ఆయా అంశాలను పొందుపర్చారు. పాలకవర్గాలు ప్రజలకు జవాబుదారీగా వ్యవహరించేలా కట్టుదిట్టమైన నిబంధనలను విధించారు. మూడు విడతల్లో జరగనున్న పరిషత్‌ ఎన్నికల నేపథ్యంలో కొత్తగా ఎన్నికయ్యే జిల్లా, మండల పరిషత్‌ సభ్యులకు కొత్త చట్టం ప్రకారం వివిధ నిబంధనలు అమల్లోకి రానుండడంతో వాటికి ప్రాధాన్యం ఏర్పడింది. మండలాధ్యక్షుల బాధ్యతలు... కొత్తచట్టంలో ఎంపీపీ అధ్యక్షులపై మరిన్ని బాధ్యతలను పెట్టారు. నిర్లక్ష్యం చేసేవారిపై చర్యలతో పాటు కొన్ని పరిమితులు కూడా విధించింది. మండల ప్రజా పరిషత్‌ తీర్మానాలను అమలు చేసేలా ఎంపీడీవోలపై పరిపాలనాపరమైన నియంత్రణాధికారాన్ని ఉపయోగించే అవకాశం ఎంపీపీలకు కల్పించారు. సర్వసభ్య సమావేశాలకు అధ్యక్షత వహించడం, ప్రజా పరిషత్‌ రికార్డుల పర్యవేక్షణపై పూర్తి హక్కులు కల్పించారు. వరదలు, అగ్ని ప్రమాదాలు, భూకంపాలు, అంటు వ్యాధులు ప్రబలడం, తాగునీటి సరఫరా నిలిచిపోవడం వంటి అత్యవసర పరిస్థితుల్లో అధ్యక్షులు సొంతంగా నిర్ణయాలు తీసుకోవడం, సంబంధిత అధికారులు, ఎంపీడీవోలతో చర్చించి, ప్రజల సేవ, భద్రత నిమిత్తం అత్యవసర పనుల నిర్వహణకుగాను ఎంపీపీలకు అధికారాలిచ్చారు. అత్యవసర పనులు నిర్వహించాక, వాటిని సర్వసభ్య సమావేశాల్లో మండల పరిషత్‌కు తప్పనిసరిగా సమర్పించాలి. అయితే, ప్రభుత్వ నిబంధనలు, ఉత్తర్వులను ఉల్లంఘించే నిర్మాణపు పనులు, ఇతర పనుల కోసం అధికారులపై ఒత్తిడి తేవడం, ఆదేశాలిచ్చే విషయంలో ఎంపీపీలపై ఆంక్షలు విధించారు.  15 రోజులు రాకుంటే...  జడ్పీ చైర్‌పర్సన్లు, ఎంపీపీ అధ్యక్షులు వరసగా 15 రోజులపాటు జడ్పీ, మండల కార్యాలయానికి రాకపోతే వారిని విధుల్లోంచి తప్పించే నిబంధన విధించారు. ఆ విధంగా విధులకు హాజరుకాని జడ్పీ చైర్‌పర్సన్‌ స్థానంలో వైస్‌చైర్మన్లకు బాధ్యతలు అప్పగించాల్సి ఉంటుంది. ఎంపీపీ అధ్యక్షులు, ఉపాధ్యక్షులు 15 రోజులు వరుసగా ఆఫీసులకు రాకపోతే సంబంధిత ఎంపీడీవోలు ఆ బాధ్యతలను నిర్వహించాల్సి ఉంటుంది. ఎంపీపీల పరిధిలో జరిగే పనుల్లో నిర్లక్ష్యం, ఆస్తుల నష్టం వంటి అంశాలపై సంబంధిత అధికారులకు తెలియజేయాల్సిన బాధ్యత ఎంపీపీ అధ్యక్షులు, ఎంపీటీసీ సభ్యులపైనే ఉంటుంది. ఈ విషయంలో వారు ప్రత్యక్షంగా చర్యలు తీసుకునే అధికారం లేదు. మండల పరిషత్‌కు వచ్చిన నిధులన్నీ పరిషత్‌ నిధిగా ఏర్పాటు చేసి, అందరి ఆమోదంతో వినియోగించాలి. వచ్చిన నిధులను ప్రభుత్వ ఖజానాలోనే జమ చేయాలి. ఉద్యోగ భద్రత పథకం, ఇతర వేతనాలు, ఉపాధి నిధులను జాతీయ బ్యాంకులు, సహకార బ్యాంకులు, పోస్ట్‌ ఆఫీసుల్లో జమ చేసేలా కొత్త పీఆర్‌ చట్టం నిబంధనల్లో పొందుపరిచారు. పెరిగిన ఎంపీటీసీల భాగస్వామ్యం... గ్రామ పంచాయతీల్లో ఎంపీటీసీల భాగస్వామ్యం పెరగనుంది. ప్రతి ఐదేళ్లకు గ్రామ పంచాయతీ దీర్ఘకాలిక అభివృద్ధి ప్రణాళిక, వార్షిక ప్రణాళికను ఎంపీటీసీ సభ్యులు ఆమోదించాలి. తమ నియోజకవర్గం పరిధిలోని ప్రజల్లో స్వయం సహాయçస్ఫూర్తిని, చొరవను పెంపొందించడం, జీవన ప్రమాణాలు పెంచడంలో పరిషత్‌ సభ్యులు కీలకపాత్ర పోషించాల్సి ఉంటుంది. గ్రామ పంచాయతీల పన్నువిధానాల్లో మార్పులు తీసుకువచ్చే అధికారం పరిషత్‌ సభ్యులకు కల్పించారు. మండలం, జిల్లా, ఇతర విధానాల ద్వారా గ్రామ పంచాయతీలకు అందే నిధులతోపాటు నేరుగా గ్రామపంచాయతీ పన్నులను వసూలు చేసే బాధ్యతలను పరిషత్‌ సభ్యులకు అప్పగిస్తారు. భూమి సెస్సు, స్థానిక సెస్సులను గరిష్ట పరిమితికి లోబడి, సర్‌చార్జ్‌ రూపంలో పన్నులను విధించే అధికారం పరిషత్‌ సభ్యులకు ఉంటుంది. జాతీయ గ్రామీణ ఉపాధి హామీ పథకంలో పంచాయతీ కార్మిక బడ్జెట్‌ ప్రణాళికలను ఆమోదించడం, పనుల పర్యవేక్షణ ఇకపై ఎంపీటీసీ సభ్యులు నిర్వహించవచ్చు. వయోజన విద్య కార్యక్రమాల పర్యవేక్షణ, ఖాదీ, గ్రామీణ పరిశ్రమల కమిషన్‌ కార్యకలాపాల అమలు, స్వయం సహాయక బృందాలతో స్వయం ఉపాధి, జీవనోపాధి పథకాలు, బ్యాంకులతో అనుసంధానం వంటి వాటిని పరిషత్‌ సభ్యులే నిర్వహించాల్సి ఉంటుంది. గ్రామాల్లో రక్షిత మంచినీటి పథకాన్ని నిర్వహించే అధికారం పరిషత్‌ సభ్యులకు కల్పించారు. ఇందు కోసం ఏదైనా సంస్థతో నిర్వహణ ఒప్పందం, నిర్మాణ పనుల అమలు, నిర్వహణ వీరి ప్రత్యేకమైన బాధ్యత. ప్రభుత్వ వైద్యశాలలు, శిశు సంక్షేమ కేంద్రాల నిర్వహణ అధికారం ఎంపీటీసీలకే కల్పించారు.  

సాక్షి, హైదరాబాద్‌: రాష్ట్రంలో పరిషత్‌ ఎన్నికల ప్రచారానికి వేళైంది. అసెంబ్లీ, లోక్‌సభ ఎన్నికల తర్వాత జిల్లా, మండల స్థాయిల్లో ఎన్నికల ప్రచారంతో వేడి పుట్టించేందుకు రాజకీయ పార్టీలు సిద్ధమయ్యాయి. రాజకీయ పార్టీల ఎన్నికల చిహ్నాలతో, ఆ పార్టీలు అధికారికంగా పోటీకి నిలిపే అభ్యర్థులతో ప్రచారానికి రంగం సిద్ధమైంది. వచ్చే నెల 6న తొలి విడత ఎన్నికల నేపథ్యంలో, ఆ విడతలో బరిలో నిలిచే తుది అభ్యర్థుల జాబితాను ఆదివారం సాయంత్రం 5 గంటల తర్వాత ప్రకటించనున్నారు. అలాగే గుర్తులు కూడా కేటాయిస్తారు. తొలి విడత ప్రచారం మే 4వ తేదీ సాయంత్రం 5 గంటల వరకు కొనసాగనుంది. తొలి విడత ప్రచారం నేపథ్యంలో ఎస్‌ఈసీ మార్గదర్శకాలను విడుదల చేసింది. కాగా జిల్లా ఎన్నికల అధికారులు, జనరల్‌ అబ్జర్వర్ల విచారణ తర్వాతే జెడ్పీటీసీ, ఎంపీటీసీ ఏకగ్రీవాలపై ప్రకటన చేయాలని స్పష్టం చేసింది.   నిబంధనలు ఉల్లంఘిస్తే...  అభ్యర్థులను బెదిరించినా, ఎత్తుకెళ్లినా... ఓటర్లను ప్రలోభాలకు గురి చేస్తూ దొరికినా ఏడాది జైలు శిక్షతో పాటు జరిమానా విధించే అవకాశాలున్నట్లు ఎస్‌ఈసీ స్పష్టం చేసింది. ఈ అక్రమ పద్ధతుల్లో గెలిచిన వారిని పదవి నుంచి తొలగించడంతోపాటు ఆరేళ్లు ఎలాంటి పదవులకు పోటీ చేయకుండా అనర్హత వేటు వేస్తామని హెచ్చరించింది. ఎన్నికల ప్రచారంలో దేవాలయాలు, మసీదులు, చర్చిలు, ఇతర ప్రార్థనా స్థలాలను ఎన్నికల ప్రచార, చర్చా వేదికలుగా ఉపయోగించడం, ఇతరులను రెచ్చగొట్టేలా మాట్లాడితే చర్యలు తీసుకునే అధికారాన్ని స్థానిక అధికారులకు కల్పించారు. అభ్యర్థుల తుది జాబితాను తెలుగు అక్షరమాల క్రమంలో రిటర్నింగ్‌ అధికారులు ప్రకటిస్తారు. పోటీ చేస్తున్న అభ్యర్థుల జాబితాలో తెలుగు అక్షరమాల ప్రకారం మొదటి వ్యక్తికి ఎన్నికల కమిషన్‌ ప్రకటించిన గుర్తుల్లో మొదటి గుర్తును, రెండో అభ్యర్థికి రెండో గుర్తును కేటాయిస్తారు. ఒకవేళ బరిలో నిలిచే అభ్యర్థుల్లో ఇద్దరి పేర్లు ఒకేలా ఉంటే నామినేషన్‌ సంఖ్య ఆధారంగా గుర్తులను కేటాయించేందుకు నిర్ణయం తీసుకున్నారు.   వేలం వేస్తే వేటే...  ఏకగ్రీవాల కోసం వేలం వేసి ఓటర్లను కొనుగోలు చేయడం, ప్రలోభాలకు గురిచేయడం, అభివృద్ధి సాధన కోసం అంటూ ఆయా పోస్టులను వేలం వేస్తే జైలు, జరిమానా, అనర్హత వేటు వేసే అధికారం ఎస్‌ఈసీకి ఉంది. ఏకగ్రీవాలను వెంటనే ప్రకటించకుండా విచారణ చేయాలని నిర్ణయించిన విషయాన్ని ఎస్‌ఈసీ పేర్కొంది. గతంలో ఏకగ్రీవాలను రిటర్నింగ్‌ అధికారులే ప్రకటించేవారు. కానీ ఈ సారి ఏకగ్రీవమైనట్లుగా దరఖాస్తు చేసుకోవాలని, దాన్ని జిల్లా కలెక్టర్‌ లేదా ఎన్నికల అధికారి లేదా జనరల్‌ పరిశీలకులు విచారణ చేసి, ఆ తర్వాత జిల్లా కలెక్టరే ప్రకటిస్తారంది. విచారణలో అనైతిక వ్యవహారాలు, డబ్బు ప్రభావం వంటివి బయటకు వస్తే... రద్దు చేసే అధికారం కలెక్టర్‌కు కల్పించారు.