థ్రిల్లర్ జోనర్లందు సైకలాజికల్ థ్రిల్లింగే వేరయా...నిజానికి సినిమాల్లో ఉన్న అన్ని జోనర్లలో థ్రిల్లర్ జోనర్ కు ఓ ప్రత్యేకమైన స్థానం ఉంది. అందులోను సైకలాజికల్ థ్రిల్లర్ మరింత ప్రత్యేకమైనది, ఎందుకంటే చూసే ప్రేక్షకుడిని ఆద్యంతం కట్టిపడేసేది ఈ సైకలాజికల్ థ్రిల్లరే. నెట్ ఫ్లిక్స్ ఓటిటి వేదికగా ఇటీవలే విడుదలైన సినిమా ది ఉమెన్ ఇన్ కేబిన్ 10(The Woman In Cabin 10 OTT Movie Review) ఈ కోవకు చెందినదే. ప్రముఖ నవలా రచయిత్రి రూత్ వేర్ రాసిన పుస్తకం ఆధారంగా తీసిన ఈ సినిమాను దర్శకులు సైమన్ స్టోన్ తెరకెక్కించారు. నెట్ ఫ్లిక్స్ వేదికగా ఈ సినిమా తెలుగు డబ్బింగ్ వెర్షన్ కూడా లభ్యమవుతోంది. ఈ సినిమా చాలా వరకు విమర్శకుల ప్రశంసలు పొందింది. ఇక ఈ సినిమా కథాంశానికొస్తే...ఇన్వేస్టిగేటివ్ జర్నలిస్ట్ అయిన లారా కు ధనవంతురాలైన అనీబల్మర్ నుండి ఓ ఆహ్వానం అందుతుంది. క్యాన్సర్ బాధితురాలిగా ఆఖరి దశలో ఉన్న అనీబల్మర్ తన యావదాస్తిని తన భర్త అయిన రిచర్డ్ పేరిట రాయడానికి, అలాగే తాను నిర్వహించే స్వచ్ఛంధ సంస్థకు ఫండ్ రైజింగ్ కోసం ప్రపంచంలో ఉన్న ధనవంతులతో పాటు లారాని కూడా ఓ షిప్ ప్రయాణానికి ఆహ్వానిస్తుంది. వీరంతా కలిసి ఓ విలాసవంతమైన షిప్ లో నార్వేకి వెళుతుంటారు. లారాకి ఆ షిప్ లో 8వ నెంబరు గదిని కేటాయిస్తారు. రెండు రోజుల ఈ ప్రయాణంలో ప్రతి క్షణం విందులు, వినోదాలతో ఆహ్లాదకరంగా ఉంటుంది. అనూహ్యంగా ఓ రోజు రాత్రి 10 వ నెంబరు గది నుండి ఓ అమ్మాయి సముద్రంలోకి పడిపోవడం లారా గమనిస్తుంది. ఇదే విషయం నిర్వాహకులకు చెబితే ఆ గదిని ఎప్పుడూ తెరవలేదని, దాంట్లో ఎవరూ లేరని లారాకు చెబుతారు. లారా వాళ్ళ మాటలు నమ్మదు, ఇంతలో లారా పై కూడా ఓ హత్యా ప్రయత్నం జరుగుతుంది. ఆ 10వ నెంబరులో ఉన్న అమ్మాయి ఎవరో, ఎందుకు పడిపోయిందో తెలుసుకోవడానికి లారా శతవిధాలా ప్రయత్నిస్తూ ఉంటుంది. ఇంతకీ ఆ గదిలో ఆమె ఉన్నట్టా లేనట్టా, అలాగే లారా పై హత్యాయత్నం చేసిందెవరు ? ఈ ప్రశ్నలన్నిటికీ సమాధానలు కావాలంటే నెట్ ఫ్లిక్స్ లో స్ట్రీమ్ అవుతున్న ది ఉమెన్ ఇన్ కేబిన్ 10 సినిమాని చూడాల్సిందే. అక్కడక్కడా కాస్త స్లో గా అనిపించినా ఈ సైకలాజికల్ థ్రిల్లర్ మస్ట్ వాచ్ ఫర్ ది వీకెండ్. ఫైండ్ అవుట్ ది ఉమెన్ ఇన్ కేబిన్ 10 దిస్ వీక్.- హరికృష్ణ ఇంటూరు

హాలీవుడ్ సైంటిఫిక్‌ హారర్‌ మూవీ ఇండియన్ అభిమానులను అలరించేందుకు వస్తోంది. డాన్ ట్రాచెన్‌బర్గ్ (Dan Trachtenberg) దర్శకత్వం వహించిన ప్రెడేటర్: బ్యాడ్‌లాండ్స్ (Predator: Badlands) ఇండియాలో రిలీజ్‌కు సిద్ధమైంది. హాలీవుడ్‌లో సత్తాచాటిన ఈ సినిమా నవంబర్ 7న మన థియేటర్లలో సందడి చేయనుంది. ఇంగ్లీష్‌తో పాటు హిందీ, తెలుగు, తమిళం భాషల్లో విడుదల కానుంది.దర్శకుడు ట్రాచెన్‌బర్గ్ ఈసారి ప్రెడేటర్ యూనివర్స్‌ను మునుపెన్నడూ లేని విధంగా తెరకెక్కించారు. కేవలం సర్వైవల్ గేమ్‌కు పరిమితం కాకుండా.. ప్రెడేటర్ హంట్ వెనుక ఉన్న లెజెండ్‌, యాట్జుజా కల్చర్‌, కోడ్‌ ఆఫ్ హానర్‌ లాంటి లోతైన కథాంశాలను డీల్ చేయడం ఫ్యాన్స్‌కు కొత్త అనుభూతిని ఇస్తోంది. అంతేకాకుండా డిమిట్రియస్ షస్టర్-కొలోమాటాంగీ, ఎల్లె ఫ్యానింగ్ జోడీ కెమిస్ట్రీ ఆడియన్స్‌ను ఆకట్టుకుంది. ఏలియన్ హంట్ ఉద్రిక్తత మధ్యలో కూడా వారి మధ్య కనిపించే మానవత్వం, ఫ్రెండ్‌షిప్‌, హ్యూమర్‌ సినిమాకు సరికొత్త ఫీల్‌ తెచ్చేలా కనిపిస్తోంది. డాన్ ట్రాచెన్‌బర్గ్ సృష్టించిన ఈ ఎమోషనల్ అడ్వెంచర్ హంట్ బాక్సాఫీస్ వద్ద ఎలాంటి సునామీ సృష్టిస్తుందో చూడాలంటే నవంబర్ 7 వరకు వేచి చూడాల్సిందే.

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో తమిళ చిత్రం ‘బాంబ్‌’ ఒకటి. ఈ చిత్రం గురించి తెలుసుకుందాం. ఆలోచన... ఓ అణువంత ఆలోచన కూడా పరమాణువంత ఫలితాన్ని ఇస్తుందనడంలో సందేహం లేదు. ఇక ఇదే ఆలోచనకు సృజనాత్మకత తోడైతే వెండితెరకు ప్రేక్షకులు పూర్తిగా కట్టుబడిపోతారు. అదే పంథాలో విడుదలైన సినిమా ‘బాంబ్‌’(Bomb Movie Review). ఈ టైటిల్‌ చూసి ఇదేదో ఫక్తు క్రైమ్‌ థ్రిల్లర్‌ అనుకునేరు! అస్సలు కానే కాదు. ఈ సినిమా ప్రేక్షకుడి అంచనాలకు ఏమాత్రం అందదు. అందుకే ఈ సినిమా ఆలోచన ఓ అద్భుతం. మణికందన్, అభిషేక్‌తోపాటు విశాల్‌ వెంకట్‌ అందించిన ఈ కథను విశాల్‌ వెంకట్‌ దర్శకత్వం వహించి దృశ్య కావ్యంగా మలిచిన విధానం అభినందనీయం. అంతలా ఈ ‘బాంబు’లో ఏముందో ఓసారి చూద్దాం. కాలకమ్మాయిపట్టి అనే ఊరు పెద్ద గాలివాన సమయంలో ఓ బండ పగలడం వల్ల కాలపట్టి, కమ్మాయిపట్టి అని రెండు గ్రామాలుగా విడిపోతుంది. బండ పగిలి ఒకటి చిన్న ముక్కగా, మరొకటి పెద్ద ముక్కగా... రెండు వేరు వేరు ప్రాంతాలలో పడడం వల్ల ఆ ఊరులోని జనాల మధ్య భేదాభ్రిపాయాలు రగిలి రెండు ఊళ్ళుగా విడిపోతారు. ఎంతో అన్యోన్యంగా ఉండే ఆ ఊరు ముక్కలవడంతో ఊరిలో పాటించే కట్టుబాట్లతో పాటు జరగబోయే పండగ పబ్బాలు కూడా కళ తప్పుతాయి. ఊరు కలిసున్నప్పటి నుండి ఉంటున్న కదిరవన్‌ అనే వ్యక్తి రెండుగా విడిపోయిన ఊరుని చూసి బాధతో ఉన్నట్టుండి చనిపోతాడు. కదిరవన్‌నే అంటిపెట్టుకుని ఉండే స్నేహితుడైన మణిముత్తు మాత్రం తను చనిపోలేదనే వాదిస్తుంటాడు. దానికి తోడు చనిపోయిన కదిరవన్‌ శరీరం నుండి అపానవాయువు వింత వింత శబ్దాలతో ఇంకా వస్తూనే ఉంటుంది. ఇంతలో కదిరవన్‌ శరీరాన్ని ఊరు మధ్యలో ఉన్న ఓ కుర్చీలో శవంగా కూర్చోపెడతారు. చనిపోయిన కదిరవన్‌ శరీరం విడిపోయిన రెండు గ్రామాలను ఎలా కలుపుతుందనేది మాత్రం ప్రైమ్‌ వీడియోలో స్ట్రీమ్‌ అవుతున్న ‘బాంబ్‌’ సినిమాలోనే చూడాలి. రాబోయే దీపావళికి చెవులు దద్దరిల్లే శబ్దాలతో ఎన్నో బాంబులు మన చెవులను అదరగొడతాయి. కానీ ఈ సినిమా బాంబు మాత్రం మీ అంచనాలకు అందకుండా ఆహ్లాదపరుస్తుంది. కాబట్టి మీ దీపావళి బాంబులతో పాటు ఈ ‘బాంబు’ను కూడా ఓసారి చూసేయండి. వర్త్‌ టు వాచ్‌ ఫర్‌ దిస్‌ దివాలి. – హరికృష్ణ ఇంటూరు

తెలుగు, తమిళ, హిందీ చిత్ర పరిశ్రమలలో సుధీర్ఘ అనుభవం ఉన్న దర్శక, నిర్మాత సత్యారెడ్డి తాజాగా ఓ భారీ బడ్జెట్ చిత్రంతో హాలీవుడ్ లోకి ప్రవేశించేందుకు సంసిద్దమవుతున్నారు. ఇందులో భాగంగా పాన్ వరల్డ్ సినిమాస్ అనే పేరుతో ఓ బ్యానర్ ను కూడా రిజస్టర్ చేశారు. హాలీవుడ్ స్థాయి లో నిర్మించే ఈ సినిమా కి అన్ని భాషల్లో ‘కింగ్ బుద్ధ ’ అనే టైటిల్ కన్ఫామ్ చేసినట్లు తెలిసింది.దాదాపు పాతికేళ్ల క్రితం ‘సర్దార్ చిన్నపరెడ్డి’ చిత్రంతో సినీ జీవితాన్ని ఆరంభించిన ఆయన ‘ప్రేమికుల రోజు’, హీరో కునాల్ తో ‘కుర్రకారు’, ‘రంగుల కళ’, ‘శంకర్ దాదా జిందాబాద్’ ఫేమ్ కరిష్మా కోటక్ తో పాటు ;పలువురు ప్రముఖ హీరో, హీరోయిన్ల తో 55 చిత్రాలకు దర్శక, నిర్మాత, హీరో గా వ్యవహారించి తనకంటూ ఒక ప్రత్యేక స్థానం సంపాదించుకున్నారు.ఓ వైపు దర్శక, నిర్మాతగా, నటుడిగా తన అభిరుచిని చాటుకుంటూనే నిర్మాతల మండలిలో కూడా కీలకంగా వ్యవహరిస్తుంటారు. 2016 లో తెలుగు ఫిలిం ఛాంబర్ ప్రొడ్యూసర్ సెక్టార్ చైర్మన్ గా కూడా ఎన్నుకోబడ్డారు.ఇదిలాఉండగా....ఆ మధ్య .వైజాగ్ స్టీల్ ప్లాంట్ ప్రవేటీకరణకు వ్యతిరేకంగా ప్రజాయుద్ధ నౌక గద్దర్ తో ‘ఉక్కు సత్యాగ్రహం’ అనే చిత్రం నిర్మించి ప్రపంచంలోని పలు భాషల్లోకి అనువదించారు.. ఈ చిత్ర నిర్మాణంలో అనేకమంది రష్యా,అమెరికా కి చెందిన హాలీవుడ్ యాక్టర్లతో పనిచేస్తున్నప్పుడు నెక్స్ట్ ప్రాజెక్ట్ హాలీవుడ్ స్థాయిలో చేయాలనీ అప్పుడే నిర్ణయించుకున్నట్టు తెలిసింది.‘ఉక్కు సత్యాగ్రహం’చిత్రకథలో వైజాగ్ స్టీల్ ప్లాంట్ నిర్మాణానికి టెక్నీకల్ సహాయం చేసిన రష్యన్లను కలిసే ముందు అప్పట్లో గద్దర్ ఆదేశాల మేరకు, ఆయన ఇచ్చిన ప్రేరణతో బుద్ధిజం పైన హాలీవుడ్‌లో ఓసినిమాను నిర్మించేందుకు సన్నాహాలు చేస్తున్నారు.. ఈ సంధర్భంగా సత్యారెడ్డి స్పందిస్తూ, ఈ తాజా చిత్రం షూటింగ్ లోకేషన్ల కోసం ఇప్పటికే అమెరికా, చైనా, టిబెట్, నేపాల్, థాయ్ లాండ్, ,సింగపూర్, మలేషియా తదితర దేశాలు పర్యటించామని చెప్పారు. ప్రస్తుతం చిత్ర నటీనటులు సాంకేతిక నిపుణుల ఎంపిక జరుగుతోందని, త్వరలో అమెరికా లో ప్రముఖుల సమక్షంలో చిత్ర పోస్టర్ లాంచ్ తో పాటు అన్ని వివరాలు ప్రకటిస్తానని తెలిపారు.

హారర్‌ సినిమాకు థియేటర్స్‌లో మంచి ఆదరణ ఉంటుంది. ప్రేక్షకులను కాస్త భయపెట్టాలే కానీ.. ఆ చిత్రాలకు బ్రహ్మరథం పడతారు. అందుకే అన్నిభాషల్లోనూ ఈ జానర్‌ సినిమాలు ఎక్కువగా వస్తుంటాయి. అయితే ఈ మధ్యకాలంలో ప్రేక్షకులను అతిగా భయపెట్టే సినిమాలు పెద్దగా రాలేదు. చాలా రోజుల తర్వాత హాలీవుడ్‌లో ఓ డిఫరెంట్‌ హారర్‌ థ్రిల్లర్‌ వచ్చింది. అదే వెపన్స్‌. . జాక్ క్రెగర్ దర్శకత్వం వహించిన ఈ హారర్ థ్రిల్లర్ మూవీలో జోష్ బ్రోలిన్, జూలియా గార్నర్, ఆస్టిన్ అబ్రామ్స్, కేరీ క్రిస్టోఫర్, టోబీ హస్ లాంటి స్టార్స్‌ నటించారు. ఆగస్ట్‌ 8న ప్రపంచ వ్యాప్తంగా రిలీజైన ఈ చిత్రం..తొలి రోజే బ్లాక్‌బస్టర్‌ హిట్‌ టాక్‌ సంపాదించుకుంది. దీంతో బాక్సాఫీస్‌ వద్ద కనీవినీ ఎరుగని కలెక్షన్స్‌ వచ్చాయి. ఇప్పటి వరకు 23.5 కోట్ల డాలర్లు అంటే దాదాపు రూ. 2 వేల కోట్ల కలెక్షన్స్‌ రాబట్టింది. ఇప్పటికీ థియేటర్లలో సక్సెస్‌ఫుల్‌గా రన్‌ అవుతున్న ఈ చిత్రం.. సడెన్‌గా ఓటీటీలోకి వచ్చి సర్‌ప్రైజ్‌ చేసింది.ఒకేసారి నాలుగు ఓటీటీల్లోకి.. ఈ మిస్టరీ హారర్‌ థ్రిల్లర్‌ సెప్టెంబర్‌ 9 నుంచి నాలుగు ఓటీటీల్లో స్ట్రీమింగ్‌ కానుంది. అమెజాన్ ప్రైమ్ వీడియోతోపాటు ఆపిల్ టీవీ ప్లస్, వుడు, గూగుల్ ప్లేలలోకి ఈ మూవీ స్ట్రీమింగ్ కు అందుబాటులోకి రానుంది. అయితే ఈ చిత్రాన్ని ఉచితంగా చూసేందుకు వీల్లేదు. ఓటీటీలో చూడాలంటే రెంట్‌ చెల్లించాల్సిందే. థియేటర్స్‌లోకి వెళ్లి చూసేంత సమయం లేని హారర్‌ ప్రియుల కోసం రెంట్‌ విధానంలో ఓటీటీల్లోకి తీసుకొచ్చారు. థియేటర్స్‌లో బాగా ఆడుతున్న ఈ సినిమాను అప్పుడే ఓటీటీలోకి తీసుకొచ్చి మేకర్స్‌ పెద్ద సాహసమే చేశారని చెప్పాలి. ఓటీటీలోనూ అదే స్థాయి కలెక్షన్స్‌ రాబటితే ఇబ్బంది లేదు..కానీ ఏమాత్రం తేడా జరిగినా..అది మేకర్స్‌ స్వయంకృత అపరాధమే అవుతుంది. వెపన్స్‌ కథేంటంటే.. ఇదొక డిఫరెంట్‌ హారర్‌ థ్రిల్లర్‌. ఒక రోజు తెల్లవారుజామున 2:17 గంటలకు ఒకే క్లాస్‌కు చెందిన ఒక్క స్టూడెంట్‌ తప్ప మిగిలిన వారంతా కనిపించకుండా పోతారు. వాళ్లు ఎలా వెళ్లారు? ఎక్కడికి వెళ్లారు? అనేది తెలుసుకోవడమే ఈ సినిమా కథ. రూ. 335 కోట్ల బడ్జెట్‌తో తెరకెక్కిన ఈ చిత్రం ఇప్పటికే రూ. 2 వేల కోట్లకు పైగా వసూళ్లను సాధించి రికార్డు సృష్టించింది.

హాలీవుడ్ అడ్వెంచర్ సినిమాలంటే ఇష్టమా? మీ కోసమే రీసెంట్ హిట్ మూవీ లేకుండా ఓటీటీలోకి వచ్చేసింది. గత నెలలో థియేటర్లలో రిలీజై దాదాపు రూ.4 వేల కోట్లకు పైగా వసూలు చేసిన ఈ చిత్రం సరికొత్త రికార్డ్స్ సృష్టించింది. ఇప్పుడు ఎలాంటి హడావుడి లేకుండా డిజిటల్‌గా అందుబాటులోకి వచ్చింది. ఇంతకీ ఏంటా చిత్రం? ఎందులో స్ట్రీమింగ్ అవుతోంది.(ఇదీ చదవండి: టాలీవుడ్ ప్రముఖ నిర్మాత ఇంట్లో విషాదం)గతంలో యానిమేషన్ రూపంలో నాలుగైదు భాగాలుగా వచ్చి ప్రేక్షకుల్ని అలరించిన చిత్రం 'హౌ టూ ట్రైన్ యువర్ డ్రాగన్'. ఇప్పుడు దీన్ని లైవ్ యాక్షన్ మూవీగా తీశారు. ఇది ఇప్పుడు మంగళవారం నుంచి వీడియో ఆన్ డిమాండ్ అంటే రెంట్ పద్ధతిలో అందుబాటులోకి వచ్చింది. ప్రస్తుతం హిందీ, ఇంగ్లీష్ భాషల్లో అమెజాన్ ప్రైమ్, ఆపిల్ ప్లస్ టీవీ ఓటీటీల్లో స్ట్రీమింగ్ అవుతోంది.'హౌ టూ ట్రైన్ యువర్ డ్రాగన్' విషయానికొస్తే.. బర్క్ అనే దీవిపై సమీపంలో ఉండే డ్రాగన్స్ ఎప్పటికప్పుడు దాడి చేస్తుంటాయి. పశువులని ఎత్తుకెళ్తుంటాయి. గ్రామస్థులు వాటిని చంపాలని చూస్తుంటారు కానీ కుదరదు. ఓ రోజు స్టాయిక్ ది వాస్ట్ అనే యోధుడి కుమారుడు హికప్ హాడక్ వల్ల అరుదైన‌ నైట్ ఫ్యూరీ జాతికి చెందిన డ్రాగ‌న్ తీవ్రంగా గాయప‌డుతుంది. దాన్ని రక్షించి, దానితోనే స్నేహం చేస్తాడు. మరి చివరకు డ్రాగన్స్ సమస్యని ఆ ఊరి ప్రజలు తీర్చారా లేదా అనేదే మిగతా స్టోరీ.(ఇదీ చదవండి: ఈ వారం ఓటీటీల్లో 15 సినిమాలు రిలీజ్)

ఓటీటీలో ఇది చూడొచ్చు అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హాలీవుడ్‌ చిత్రం హెడ్స్‌ ఆఫ్‌ స్టేట్‌ ఒకటి. ఈ చిత్రం గురించి తెలుసుకుందాం. ఏదైనా సినిమా చూసే ప్రేక్షకులకు తాము చూసే ఆ సినిమా పై కొంత అవగాహన, కొంత ఊహ ఉంటాయి. ఆ ప్రేక్షకుల అవగాహనను, ఊహను పటాపంచలు చేస్తూ ఉత్కంఠభరితంగా సినిమాని తీసుకువెళ్లగలిగితే అప్పుడు ప్రతిభగల దర్శకుడు అనిపించుకుంటారు. ఆ విషయంలో ఈ సినిమా దర్శకుడు ఓ అయిదాకులు ఎక్కువే తిన్నారని చెప్పవచ్చు. నాయిషుల్లర్‌ దర్శకత్వంలో వచ్చిన ‘హెడ్స్‌ ఆఫ్‌ స్టేట్‌’ ఓ ఊహకందని యాక్షన్‌ కామెడీ మూవీ అనొచ్చు. ప్రైమ్‌ వీడియో వేదికగా ఈ పూర్తి యాక్షన్‌ థ్రిల్లర్‌ కామెడీ స్ట్రీమ్‌ అవుతోంది. ఈ సినిమా ప్రేక్షకుడి ఊహకు పూర్తి విభిన్నంగా ఉంటుంది. కథ సింపుల్‌ అయినా ఆ స్టోరీ లైన్‌ విచిత్రంగా ఉంటుంది. అంతలా ఈ సినిమాలో ఏముందో ఓసారి చూద్దాం. ఈ సినిమా కథ ప్రకారం యూఎస్, యూకె ప్రెసిడెంట్లు బద్ధ శత్రువులు. కానీ ఓ అనుకోని మీటింగ్‌లో ఇద్దరూ కలవాల్సి వస్తుంది. అయితే అదే మీటింగ్‌ నుండి ఈ ఇద్దరినీ ఓ ప్లాన్‌ ప్రకారం ఒకే ఫ్లైట్‌లో ఓ ఐల్యాండ్‌కు పంపుతాడు విలన్‌. ఎడమొహం అంటే పెడమొహం అనుకునే అత్తాకోడళ్ళలా కొట్టుకునే ఈ ఇద్దరి మధ్య పెద్ద వాగ్వాదమే నడుస్తుంది. ఇంతలో ఆ ఫ్లైట్‌ను విలన్‌ అనుచరులు దాడి చేసి, కూల్చేస్తారు. యూఎస్, యూకె ప్రెసిడెంట్లు ప్రయాణిస్తున్న ప్రైవేట్‌ జెట్‌ ఎక్కడో మారుమూల చిట్టడివిలో కూలిపోతే ప్రపంచమంతా ఉలిక్కిపడుతుంది. దాదాపుగా అందరూ వీళ్ళిద్దరూ చనిపోయారనుకుంటారు. కానీ అక్కడి నుండి బయటపడి వీరిద్దరూ విలన్‌ని ఎలా కట్టడి చేస్తారనేది సినిమాలోనే చూడాలి. ప్రముఖ నటులు జాన్‌ సేనా, ఇడ్రిస్‌ ఎల్బా ప్రధాన పాత్రలలో నటించి తమ పాత్రలకు న్యాయం చేశారు. వీళ్ళకి తోడుగా ఏజెంట్‌ పాత్రలో మన భారతీయ బాలీవుడ్‌ నటి ప్రియాంకా చోప్రా నటించడం విశేషం. పైన చెప్పుకున్నట్టు ఈ సినిమా లైన్‌తో పాటు ప్రతి సన్నివేశం ప్రేక్షకుడి ఊహతో సంబంధం లేకుండా నడుస్తుంది. అంతేకాదు... సినిమా అంతా సరదా సరదాగా సాగిపోతుంది. మస్ట్‌ వాచ్‌ ఫర్‌ ది వీకెండ్‌. – హరికృష్ణ ఇంటూరు

ఊహించని, ఊహకందని విషయాలను మనం చూడగలిగేది వెండితెర మీదే. అసాధ్యాన్ని సుసాధ్యం చేసే సన్నివేశాలతో ప్రేక్షకులను రక్తి కట్టించే దర్శకుల ఊహ మాత్రం ఎవరి ఊహకూ అందనిది. అటువంటి ఊహతోనే అల్లుకున్న కథ ఈ క్లీనర్ సినిమా. ఈ కథ లైన్ ఎంత చిన్నది గా ఉంటుందో కథ నడిచే తీరు మాత్రం అందనంత ఎత్తులో ఉంటుంది. గంటన్నర నిడివితో ఉన్న సినిమా ఓ హై ఓల్టేజ్ యాక్షన్ థ్రిల్లర్. అంతలా ఏముందీ కథలో ఓ సారి చూద్దాం. జోయే తన తమ్ముడు మైఖేల్ తో లండన్ లో ఓ అపార్ట్ మెంట్లో ఉంటుంది. మైఖేల్ ఆటిజమ్ వ్యాధి బారిన పడ్డ స్పెషల్ ఛైల్డ్, కాని మంచి టాలెంటెడ్ కిడ్. జోయే ఆర్మీలో పని చేసిన అమ్మాయి ఇప్పుడు మాత్రం పోషణ కోసం ఆగ్నియన్ యనర్జీ సంస్థ కి సంబంధించన బిల్డింగ్ లో క్లీనర్ గా చేస్తుంటుంది. ఓ రోజు ఆ బిల్డింగ్ లో పెద్ద పార్టీ జరుగుతుంది. దాని కోసంగా వంద అంతస్తుల బిల్డింగ్ లోని పై ఫ్లోర్ అద్దాలు క్లీన్ చేయాలని జోయేకు టాస్క్ ఇస్తాడు మేనేజర్. తను ఆ పని చేస్తున్నపుడు తన తమ్ముడిని ఓ సూపర్ వైజర్ దగ్గర వదిలి పెట్టి జోయో గాల్లో వేలాడుతూ అద్దాలను క్లీన్ చేస్తుంటుంది. ఇంతలో బిల్డింగ్ లోకి కొందరు దుండగులు పెద్ద బాంబులు, తుపాకీలతో చొరబడి పార్టీలో ఉన్న విఐపీలనందరినీ తమ ఆధీనంలోకి తెచ్చుకుంటారు. జోయే అద్దాలను క్లీన్ చేస్తూనే ఇదంతా గమనిస్తూ తన తమ్ముడి గురించి బెంగపడుతుంది. జోయే గాల్లోనుండి బిల్డింగులోకి రావాలన్నా సూపర్ వైజర్ తన రోప్ ని ఆపరేట్ చేయాలి. కాని దుండగులు ఆ సూపర్ వైజర్ ని చంపేసుంటారు. మరి జోయే అక్కడి నుండి బయటపడి తనను తనతో పాటు తన తమ్ముడిని రక్షించుకోగలదా అన్నదే సినిమా. పైన చెప్పుకున్నట్టు ఈ సినిమా ఓ హై ఓల్టేజ్ యాక్షన్ థ్రిల్లర్. ముఖ్యంగా ఈ సినిమాలో జోయే చేసే స్టంట్స్ ఒళ్ళు గగుర్పొడిస్తాయి. అంతేకాదు కథలో చాలా ట్విస్టులతో నడుస్తూ ప్రేక్షకుడి మతి పోగొడుతుంది. ప్రైమ్ వీడియో ఓటిటి వేదికగా ఈ సినిమా తెలుగులోనూ లభ్యమవుతోంది. ఈ వీకెండ్ కి మంచి టైంపాస్ మూవీ. ఎంజాయ్ ది క్లీనింగ్ డన్ బై జోయే.

ఇటీవల మన తెలుగు హీరోలు గ్లోబల్‌ స్టార్లుగా మారుతున్నారు. ఇప్పటి దాకా చూస్తే హాలీవుడ్‌( Hollywood) సినిమాల్లో బాలీవుడ్‌ తారలకు వచ్చిన స్థాయిలో దక్షిణాదికి అవకాశాలు రాలేదు. అయితే ప్రభాస్, అల్లు అర్జున్, రామ్‌ చరణ్, జూ.ఎన్టీయార్‌...లు ఇప్పుడు హాలీవుడ్‌లో సైతం చర్చకు వస్తున్నారు. ఈ ధోరణి ఇలాగే కొనసాగితే... మరికొన్ని టాలీవుడ్‌ హీరోల చిత్రాలు అంతర్జాతీయ స్థాయిలో దుమ్ము రేపితే త్వరలోనే హాలీవుడ్‌ సినిమాలో తెలుగు హీరోని చూడడం ఖాయంగా కనిపిస్తోంది. ఆల్రెడీ మన జూనియర్‌ ఎన్టీయార్‌తో సినిమా తీయాలని ఉందని సూపర్‌ మ్యాన్‌ సినిమా దర్శకుడు ప్రకటించిన విషయం తెలిసిందే. ఈ నేపధ్యంలో మరోసారి దక్షిణాది హీరోలు హాలీవుడ్‌ తెరంగేట్రం టాక్‌ ఆఫ్‌ ది ఇండియన్‌ సినిమాగా మారింది. అయితే దక్షిణాది హీరోలు హాలీవుడ్‌ ని ఆకర్షించడం, అక్కడి సినిమాల్లో నటించే అవకాశం మరీ అంత అందని ద్రాక్ష ఏమీ కాదు. గతంలోనూ పలువురు దక్షిణాది హీరోలు నటించిన దాఖలాలు ఉన్నాయి. గత 2018లో దక్షిణాది స్టార్‌ ధనుష్‌ హాలీవుడ్‌ చిత్రంలో నటించాడు. ది ఎక్స్‌ట్రార్డినరీ జర్నీ ఆఫ్‌ ది ఫకీర్‌ పేరుతో రూపొందిన ఆ చిత్రంతో పాటు ఆంథోనీ, జోయ్‌ రుస్సో దర్శకత్వం వహించిన ది గ్రే మ్యాన్‌ అనే చిత్రంలోనూ నటించాడు. సోనీ ప్రొడక్షన్స్‌ ఫిల్మ్‌ స్ట్రీట్‌ ఫైటర్‌లో నటిస్తాడని వార్తలు వస్తున్నాయి.ప్రముఖ దక్షిణాది నటుడు పలు తెలుగు చిత్రాల్లో విలన్‌గా నటించిన నెపోలియన్‌... గత 2019లో హాలీవుడ్‌ అవకాశాన్ని దక్కించుకున్నాడు. ఆయన అతీంద్రీయ శక్తుల కధతో రూపొందిన థ్రిల్లర్‌ మూవీ డెవిల్స్‌ నైట్‌లో నటించాడు. అలాగే అమెరికన్‌ ఇండిపెండెంట్‌ ఫిల్మ్‌ క్రిస్మస్‌ కూపన్‌లో కూడా ఆయన చేశారు. అచ్చ తెలుగు అమ్మాయి అవంతిక వందనపు... పలు తెలుగు సినిమాల్లో చెప్పుకోదగ్గ పాత్రల్లో నటించింది. మనమంతా, ప్రేమమ్, రారండోయ్‌ వేడుక చూద్దాం వంటి సినిమాల్లో కనిపించిన అవంతిక... అమెరికాలో నివసించే హైదరాబాదీ యువతి. ఈమె కూడా మీన్‌ గాళ్స్‌ అనే హాలీవుడ్‌ మూవీలో నటించింది.తమిళ సూపర్‌ స్టార్‌ సీనియర్‌ నటడు రజనీకాంత్‌(Rajinikanth )... చాలా మందికన్నా ముందే... అప్పట్లో ఒక హాలీవుడ్‌ చిత్రంలో నటించాడు. అశోక్‌ అమృత్‌రాజ్, సునంద మురళీ మనోహర్‌లు రూపొందించిన బ్లడ్‌ స్టోన్‌ అనే సినిమాలో ఆయన ఒక క్యాబ్‌ డ్రైవర్‌ పాత్ర పోషించాడు. మన మెగాస్టార్‌ చిరంజీవి(Chiranjeevi) సైతం హాలీవుడ్‌ చిత్రంలో నటించిన విషయం చాలా మందికి తెలిసి ఉండకపోవచ్చు. ఆయన తన సమకాలీకుడైన రజనీకాంత్‌ కన్నా ఓ పదేళ్లు ఆలస్యంగా అంటే 1999లో హాలీవుడ్‌ లో రంగప్రవేశం చేశారు. థీఫ్‌ ఆఫ్‌ బాగ్థాద్‌ అనే సినిమాలో ఆయన చేశాడు. అయితే కొన్ని కారణాల వల్ల ఆ సినిమా షూటింగ్‌ అర్థంతరంగా ఆగిపోయింది.

డేవిడ్ ఆండర్సన్ దర్శకత్వంలో ఎరిక్ ఆండర్సన్ నిర్మాతగా బాల్టాజర్ ప్లాటో, డేవిడ్ ఆండర్సన్ స్క్రీన్ ప్లే వహిస్తూ ప్రేక్షకుల ముందుకు రానున్న హాలీవుడ్ డబ్బింగ్ చిత్రం ఏజెంట్ గై 001. ఈ చిత్రానికి ఆంటోన్ క్లౌడ్ జంపర్ గెస్టిన్ సంగీతాన్ని అందించగా డెన్నిస్ ఆండర్సన్ ప్రొడక్షన్ డిజైనర్ గా వ్యవహరించారు. ఆంటోన్ కార్ల్సన్ సినిమాటోగ్రాఫర్ గా పని చేశారు. బాల్టాజర్ ఫ్లోటో, ఆంటోనీ స్జోలండ్, మిల్టన్ బిజోర్నెగ్రెన్, నాట్ వెస్ట్ బ్యాక్, ఓమర్ మీర్జా కీలక పాత్రలో నటిస్తూ వస్తున్న ఈ చిత్రాన్ని తెలుగులో పి శ్రీనివాస గౌడ్ నిర్మిస్తూ సహాయ నిర్మాతగా పి హేమంత్ వ్యవహరిస్తూ దీప ఆర్ట్స్ బ్యానర్ ద్వారా జనవరి 31వ తేదీన ఎంతో ఘనంగా తెలుగు ప్రేక్షకుల ముందుకు తీసుకురానున్నారు.ఇప్పటికే తెలుగులో విడుదలైన ఈ చిత్ర ట్రైలర్ చూస్తుంటే జేమ్స్ బాండ్ చిత్రాల తరహాలో వస్తున్న మరొక అద్భుతమైన యాక్షన్ అండ్ అడ్వెంచర్లు కలిగిన చిత్రంగా ఈ సినిమా ఉండబోతున్నట్లు అర్థమవుతుంది. టీజర్ ను చూస్తే డబ్బు చుట్టూ తిరిగే ఒక పొలిటికల్ డ్రామాలా కనిపిస్తుంది. మేయర్ సీటు కోసం జరిగే ఫైట్స్ అలాగే కొన్ని అడ్వెంచర్లు ఉన్నట్లు తెలుస్తుంది. చిత్రం ఎంత నాణ్యంగా ఉండబోతుంది అనేది టీజర్ లోని నిర్మాణం విలువలు ద్వారా చాలా క్లియర్ గా అర్థమవుతున్నాయి.

వండర్‌ల్యాండ్‌కు వెళ్లడం ఎవరికైనా ఇష్టమే. వండర్‌ల్యాండ్‌కు వెళ్లే సినిమాలు పెద్ద హిట్‌ అయ్యాయి. అదే వరుసలోని సినిమా ‘ఏ బాయ్‌ కాల్డ్‌ క్రిస్మస్‌’(A Boy Called Christmas). ఇందులో నికోలస్‌ అనే 13 ఏళ్ల కుర్రాడు ఏకంగా ఫార్‌ నార్త్‌ వరకు ట్రావెల్‌ చేసి ‘ఎఫెల్మ్‌’ అనే వండర్‌ ల్యాండ్‌కి వెళ్ళి తన క్రిస్మస్‌ విష్‌ పూర్తి చేసుకుంటాడు. అదెలాగో ఇప్పుడు చెప్పుకుందాం. నికోలస్‌ అనే కుర్రవాడు వడ్రంగి కొడుకు. వాళ్లు పెద్ద అడవిలో ఉంటారు. రెండేళ్లకు ముందు నికోలస్‌ తల్లిని ఓ ఎలుగుబంటి చంపేస్తుంది. దాంతో తండ్రి కొడుకు మాత్రమే ఉంటారు. (చదవండి: 'దేవర'కు 100 రోజులు.. ఎన్ని కేంద్రాలు, ఎక్కడెక్కడ..?)ఓ రోజు రాజు ఆ రాజ్యంలోని ప్రజలందరికీ ఓ మాట చెబుతాడు. ఎవరైతే ఏదైనా అద్భుతం చేసి రాజ్యంలోని అందరికీ నవ్వు తెప్పిస్తారో వాళ్ళకి మంచి ప్రైజ్‌ ఉంటుందని అనౌన్స్‌ చేస్తాడు. ఆ విషయం విని నికోలస్‌ తండ్రి తన ఫ్రెండ్స్‌తో కలిసి ఫార్‌ నార్త్‌లో ఉన్న ఫాంటసీ ఐలాండ్‌ కి వెళ్ళి అక్కడి నుండి ఏదైనా తీసుకువద్దామని అనుకుంటాడు. (చదవండి: ఆ హీరోయిన్‌ కంటే ఆమె తల్లే ఎక్కువ ఇష్టం : ఆర్జీవీ)నికోలస్‌కు అతని పిన్ని కార్లట్టాను తోడుగా ఉంచి వెళతాడు.. కాని ఆ పిన్ని చాలా సెల్ఫిష్‌. నికోలస్‌ని ఇంటి నుంచి బయటకు వెళ్ళగొడుతుంది. అప్పుడు నికోలస్‌ తన తల్లి ప్రెజెంట్‌ చేసిన మఫ్లర్‌ను చూసుకుంటూ ఏడుస్తూ ఉంటాడు. అనుకోకుండా ఆ మఫ్లర్‌లో వండర్‌ ల్యాండ్‌ ‘ఎఫెల్మ్‌’కు వెళ్ళే మాప్‌ కుట్టి ఉంటుంది. ఎలాగైనా తన ఫాదర్‌ని కలవాలని విష్‌ చేసుకుని ఎఫెల్మ్‌కు తన జర్నీ స్టార్ట్‌ చేస్తాడు. ఈ జర్నీలో ఓ చిన్న ఎలుక కూడా ఉంటుంది. అంతే కాదు ఎలుక చక్కగా మాట్లాడుతూ భలే ఉంటుంది. వండర్‌ ల్యాండ్‌ ఎఫెల్మ్‌లో ఎన్నో మ్యాజిక్స్‌తో సూపర్‌ గా ఉంటుంది. మరి నికోలస్‌ విష్‌ పూర్తవుతుందా అంటే మీరందరూ నెట్‌ ఫ్లిక్స్‌లో స్ట్రీమ్‌ అవుతున్న ఫాంటసీ కిడ్స్‌ మూవీ ‘ఏ బాయ్‌ కాల్డ్‌ క్రిస్మస్‌’ని చూడాల్సిందే. – ఇంటూరు హరికృష్ణ

థ్రిల్లర్ జోనర్ అనేది సినిమా మొత్తం క్యారీ చేయడం దర్శకుడికి కత్తి మీద సాము లాంటిది. సినిమా ఓ లైన్ లో వెళుతున్నపుడు దాని జోనర్ ని కమర్షియల్ యాంగిల్ లో కూడా బ్యాలెన్స్ చేస్తూ క్యారీ చేయడం చాలా కష్టం. ఒకవేళ అలా పట్టు సడలకుండా క్యారీ చేస్తే మాత్రం ఆ సినిమా సూపర్ హిట్ అయినట్టే. ఆ కోవకే చెందిన సినిమా క్యారీ ఆన్. ఇదో హాలివుడ్ యాక్షన్ థ్రిల్లర్. ఈ మధ్య కాలంలో థ్రిల్లింగ్ జోనర్ లో వచ్చిన అరుదైన సినిమా అని చెప్పవచ్చు. ఈ సినిమాకి దర్శకుడు జేమ్ కలెక్ట్ సేరా. ప్రముఖ హాలివుడు నటులు టారన్, సోఫియా లీడ్ రోల్స్ లో నటించారు.ఇక ఈ సినిమా కథ విషయానికొస్తే భార్యభర్తలైన ఈథన్ కోపెక్, నోరా పార్సీ అమెరికాలోని ఎయిర్ పోర్టులలో లగేజ్ సెక్యురిటీ తనిఖీ సంస్థ అయిన టిఎస్ఎ లో పని చేస్తూ ఉంటారు. అది క్రిస్మస్ కాలం. ఎయిర్ పోర్టు పండుగ వాతావరణంలో ప్రయాణీకులతో రద్దీగా ఉంటుంది. కొపెక్ తన ప్రమోషన్ కోసం ప్రయత్నిస్తూ ఉంటాడు. అందుకని ఆ రోజు వేరే వాళ్ళు ఉండాల్సిన స్థానంలో తన పోస్ట్ వేయించుకుంటాడు. అది లగేజ్ స్క్రీన్ స్పెషలిస్ట్ డ్యూటీ. తాను రొటీన్ గా ప్రయాణీకుల లగేజ్ స్క్రీన్ చేస్తుండగా అనూహ్యంగా ఓ బ్లూటూత్ దొరుకుతుంది. ఆ బ్లూటూత్ కొపెక్ ధరించడంతో అసలు కథ మొదలవుతుంది.ఓ అనామకుడు కొపెక్ ను బ్లూటూత్ ద్వారా తాను చెప్పింది చెయ్యకుంటే అదే ఎయిర్ పోర్టులో పనిచేస్తున్న తన భార్య నోరాని చంపుతానని బెదిరిస్తాడు. ఆ అగంతకుడు ఓ బాంబుని ఫ్లైట్ లోకి తరలించే ప్రయత్నిస్తుంటాడు. ఆ బాంబు బ్యాగేజీని లగేజ్ స్క్రీన్ దగ్గర కొపెక్ అడ్డుకోకూడదని అజ్ఞాత వ్యక్తి హెచ్చరిస్తూ బ్లూటూత్ ద్వారా కొపెక్ కు సూచనలిస్తుంటాడు. అసలే పండుగ కాలం ఎయిర్ పోర్టు నిండా జనం. ఒకవేళ ఏదైనా జరగరానిది జరిగితే పెద్ద సంఖ్యలో అపార ప్రాణ నష్టం. అందుకే కొపెక్ ఓ పక్క ఆ లగేజ్ ని ఆపాలని మరో పక్క తన భార్యను కాపాడుకోవాలని చేసిన ప్రయత్నం సినిమాకే హైలైట్.ముందుగా తనకు కనపడుకుండా తనను లక్ష్యంగా చేసుకుని ఇంతటి దారుణానికి ఒడిగడుతున్న ఆ హంతకుడిని వెతకడానికి ప్రయత్నిస్తుంటాడు. కొపెక్ ఆ అగంతకుడి తో పాటు బాంబుని కనుక్కున్నాడా, అలాగే తన భార్యని కాపాడుకున్నాడా.. ఈ ప్రశ్నలకు సమాధానం నెట్ ఫ్లిక్స్ లో స్ట్రీమ్ అవుతున్న క్యారీ ఆన్ సినిమాని చూడడం. ఈ సినిమా స్క్రీన్ ప్లే పైన చెప్పుకున్నట్టు ప్రేక్షకుడిని కట్టిపడేస్తుంది. సినిమాలో పాత్రలు పరిచయం అయ్యే దాకా మామూలు రొటీన్ సినిమా అనిపించినప్పటికీ బ్లూటూత్ దొరికినప్పటినుండి కథ వేగంగా పరిగెడుతూ ప్రేక్షకుడిని కదలకుండా చేస్తుంది. తెలుగు డబ్బింగ్ వెర్షన్ నెట్ ఫ్లిక్స్ లో లభ్యమవుతుంది. వర్త్ టు వాచ్ మూవీ ఈ క్యారీ ఆన్. సో యూ ఆల్సో క్యారీ ఆన్ ఫర్ క్యారీ ఆన్.-ఇంటూరు హరికృష్ణ

పిల్లలూ మన దగ్గర అన్నీ ఉండి హయ్యర్ గ్రేడ్స్ అచీవ్ చేయలేకపోతే అది మన ప్రాబ్లం. కానీ చాలా ఇష్యూస్ ఉండి ఎవరైనా కష్టపడి హై స్టేటస్ అచీవ్ చేస్తే మాత్రం వాళ్ళని గ్రేట్ అంటారు. అలాంటి వాళ్ళు మనకు ఇన్సిపిరేషనల్. సో ఒక ఇన్సిపిరేషనల్ మరియు ఎమోషనల్ లైన్ తో చేసిన మూవీ నే ఈ అవుట్ ఆఫ్ మైండ్. ఈ మూవీ ని ఆంబర్ సీలే అనే డైరెక్టర్ తీశారు. ఈ సినిమా మెలోడీ అనే అమ్మాయికి సంబంధించినది. ఆ అమ్మాయికి సెలిబ్రల్ పాల్సీ అనే డిసీజ్ వల్ల తను మాట్లాడలేదు, నడవలేదు. కాబట్టి మూవీ మొత్తం తను వీల్ ఛైర్ లో ఉంటుంది. ఆ అమ్మాయి ఏమైనా చెప్పాలనుకుంటే మెడ్ టెక్ వాయిస్ ద్వారా ఇతరులకు కమ్యునికేట్ చేస్తుంది. కాని ఈ కమ్యునికేషన్ వల్ల మెలోడీ తాను చదివే స్కూల్ లో చాలా ఇబ్బందులు ఎదుర్కుంటుంది. స్కూల్ తరపున జరగబోయే విజ్ కిడ్స్ కాంపిటీషన్ లో పార్టిసిపేట్ చేయాలనుకుంటుంది మెలోడీ. మెలోడీ క్లాస్ టీచరైన డయాన్ తో పాటు తన తోటి స్టూడెంట్ అయిన రోజ్ కూడా మెలోడీని చాలా ఇబ్బంది పెడుతుంటారు. సో మెలోడీ విజ్ కిడ్స్ లో పార్టిసిపేట్ చేసిందా... ఒకవేళ చేస్తే ఎలా చేసింది అనే విషయాలు హాట్ స్టార్ ఓటిటి లో స్ట్రీమ్ అవుతున్న ఔట్ ఆఫ్ మై మైండ్ మూవీ చూడాల్సిందే. సినిమా మొత్తం మాటల్లేకుండా మెలోడీ పాత్రలో ఫోబ్ రే టేలర్ అనే ఆర్టిస్ట్ తన యాక్టింగ్ తో మైండ్ బ్లోయింగ్ అని అనిపించుకుంది. తను నిజ జీవితంలో కూడా ఈ సెలిబ్రల్ పాల్సీ తో సఫర్ అవుతోంది. కిడ్స్ ఒక్కసారి ఆలోచించండి మనం కదల్లేక, మాట్లాడలేక వున్న టైంలో మనం చేయాలనుకున్న పనులు ఎలా చేయగలుగుతాం బట్ ఈ మూవీలో మెలోడీ అవన్నీ చేసి చూపించింది. ఎలానో మీరు మూవీ చూసేయండి. వాచ్ దిస్ వీకెండ్ ది ఇన్సిపిరేషనల్, ఎమోషనల్ మైండ్ బ్లోయింగ్ మూవీ ఔట్ ఆఫ్ మైండ్ ఓన్లీ ఇన్ హాట్ స్టార్. - ఇంటూరు హరికృష్ణ

ప్రతి మనిషికీ ఆలోచనలుంటాయి. కాని కొంతమందికి ప్రత్యేక ఆలోచనలొస్తాయి. మరీ ముఖ్యంగా హాలివుడ్ దర్శకులకు విపరీతధోరణితో ఆలోచనలొస్తాయి. మనమెప్పుడూ ఊహించని కనీ వినీ ఎరుగని విపత్తులు ఈ హాలివుడ్ దర్శకులకు ఆలోచనల రూపంలో కనిపిస్తాయి. అవి వాళ్ళు సినిమాల రూపంలో ప్రేక్షకుల ముందుంచుతారు. ఆ నేపధ్యంలో వచ్చిన సినిమానే ఎ క్వైట్ ప్లేస్ డే వన్. ఈ సినిమా సీరిస్ లో మూడవది. ఇప్పటిదాకా ఈ సిరీస్ లో వచ్చిన మూడు సినిమాలు సూపర్ డూపర్ హిట్స్. ఇప్పుడు వచ్చిన ఎ క్వైట్ ప్లేస్ డే వన్ నెల రోజుల క్రితమే ప్రైమ్ వీడియో ఓటిటి వేదికగా పెయిడ్ ఫార్మెట్ లో విడుదలవగా ఈ వారమది అందరికీ అందుబాటులోకి వచ్చింది. దాదాపు ముప్ఫై ఏడేళ్ళ క్రితం ప్రముఖ దర్శకులు సింగీతం శ్రీనివాసరావుగారు పుష్పకవిమానం అనే ప్రత్యేకమైన సినిమా తీశారు. సినిమాలో ఒక్క డైలాగ్ లేకుండా చక్కటి కామెడీతో చూడముచ్చటగా ఉంటుందా చిత్రం. కాని దాదాపు అలాంటి కోవకే చెందిన ఇంగ్లీష్ చిత్రమైన ఎ క్వైట్ ప్లేస్ డే వన్ మాత్రం చూసేవాళ్ళకు చమటలు పట్టించడం ఖాయం. సినిమాలో కథ ప్రకారం మాటలు తక్కువున్నా ప్రేక్షకులకు దడపుట్టిస్తుందీ సినిమా. జాన్ క్రసింస్కీ ఈ సిరీస్ లో వచ్చిన చిత్రాలన్నిటికీ రచయిత. మొదటి రెండు చిత్రాలకు తాను దర్శకత్వం వహించగా తాజా చిత్రానికి మాత్రం మైఖేల్ సర్నోస్కీ దర్శకత్వం వహించారు. ఇక ఈ సినిమా కథ ప్రకారం న్యూయార్క్ లో హాస్ స్పైస్ అనే ఫెసిలిటీలో క్యాన్సర్ పేషంట్ కా వున్న సామ్ తన కుక్క పిల్లతో వాలంటీర్ రూబెన్ తో కలిసి ఓ ప్లే చూడడానికి సిటీలోకి వెళ్తుంది. సామ్ కి సంగీతం అంటే చాలా ఇష్టం. ఎప్పుడూ ఏదో ఒకటి వింటూనే వుంటుంది.అప్పుడే మాన్ హాట్టన్ నగరంపై ఏలియన్స్ దాడి జరుగుతుంది. ఈ ఏలియన్స్ ఎక్కడైనా శబ్దం వస్తే చాలు కనిపించిన మనుషులను దారుణంగా దాడి చేస్తూవుంటాయి. ఈ దశలో నగరమంతా వాటి దాడి వల్ల క్షణాల్లో నిర్మాణుష్యమైపోతుంది. అక్కడక్కడా శబ్దం చేయకుండా బ్రతికున్న వాళ్ళు ఏలియన్స్ నుండి తప్పించుకుంటూ వుంటారు. అసలే క్యాన్సర్ బారిన పడిన సామ్ తనను తాను కూడా ఈ ఏలియన్స్ దాడిని ఎలా ఎదుర్కుంటుందనే మిగతా కథ. పైన చెప్పుకున్నట్టు ఈ సినిమాలో నిశ్శబ్దం ఎంత భయంకరంగా వుంటుందో మీకు సినిమా చూశాక తెలుస్తుంది. ఇంకెందుకు ఆలస్యం వీకెండ్ చూసెయ్యండి. - ఇంటూరు హరికృష్ణ

ఏదైనా సమస్య వచ్చినపుడు పరిష్కారం కోసం చూడాలి. అంతేకాని ఆ సమస్య వల్ల కుంగిపోకూడదు. ఆదే సమస్య తో పాటు మరి కొన్ని సమస్యలు వచ్చినా మన మనో ధైర్యమే మనల్ని కాపాడుతుంది అన్న నమ్మకం ఉండాలి. ఈ దృక్పథంతో రూపొందిన సినిమాయే ది డైవ్. 2020 సంవత్సరంలో వచ్చిన నార్వే సినిమా బ్రేకింగ్ సర్ఫేస్ కి ఇది మూలం. ది డైవ్ సినిమాని మాక్సిమిలన్ అనే హాలివుడ్ దర్శకుడు దర్శకత్వం వహించి నిర్మించారు.ఈ సినిమా మొత్తం ఇద్దరు వ్యక్తుల మీదే నడుస్తుంది. ఓ రకంగా ఆ ఇద్దరే ఈ సినిమా అంతా కనపడే నటులు. కనిపించేది ఇద్దరు నటులే అయినా సినిమా చూస్తున్నంతసేపు ప్రేక్షకుడు కూర్చున్న కుర్చీ బిగపట్టిన చేతిని వదలడు. అంతటి ఉత్కంఠభరితంగా నడుస్తుంది ఈ సినిమా స్క్రీన్ ప్లే.ఈ సినిమా కథాంశం ఏమిటంటే మే, డ్రూ అక్కాచెల్లెళ్ళు. ఓ సారి ఇద్దరూ చాలా దూర ప్రాంతంలోని ఓ సముద్రపు లోయలోకి ఈతకు వెళతారు. ఇద్దరూ సముద్రంలోకి చాలా లోతుగా వెళతారు. సముద్రపు అట్టడుగు భాగంలో సరైన గాలిగాని వాతావరణంకాని ఉండదు. అలాంటిది ఆ ఇద్దరిలో ఒకరయిన మే 80అడుగుల నీళ్ళలో ఓ బండరాయి క్రింద ప్రమాదవశాత్తు ఇరుక్కుపోతుంది. ఇప్పుడు తనను కాపాడాల్సిన బాధ్యత డ్రూ మీద పడుతుంది. డైవింగ్ లో మే వాడుతున్న ఆక్సిజన్ సిలిండెర్ 20 నిమిషాల కంటే ఎక్కువ రాదు. ఒకవేళ పైకి వచ్చి ఇంకెవరినైనా సాయం అడుగుదామనుకున్నా వీళ్ళు వెళ్ళింది ఓ నిర్మానుష్య ప్రాంతానికి. ఇక మిగతా కథ మొత్తం మేని డ్రూ ఎలా కాపాడుతుంది అన్న దాని మీదే ఉత్కంఠగా నడుస్తుంది. సినిమాలో డ్రూ తన అక్క కోసం పడిన బాధ, చూపించిన తెగువ ప్రేక్షకులను మైమరిపిస్తుంది. సినిమా ఆఖర్లో చూసే ప్రతి ప్రేక్షకుడు అమ్మయ్య బ్రతికారు అని అనుకోకుండా వుండలేరు. ఓ రకంగా నేటి తల్లిదండ్రులందరూ ఈ సినిమాని తమ పిల్లల కోసం స్ఫూర్తిగా చూడాలి. ఎందుకంటే మన జీవితమనే రోడ్డు ప్రయాణంలో సమస్యలనే అడ్డంకులు వస్తే పరిష్కారంతో ముందుకు సాగిపోవాలి అంతేకాని వచ్చిన అడ్డంకి కోసం బాధ పడుతూవుంటే ఆ అడ్డంకి మన ప్రయాణానికి పూర్తిగా అడ్డమవుతుంది. వర్త్ టు వాచ్ ది డైవ్ ఫర్ ఎ ట్రూ స్పిరిట్. (ప్రముఖ ఓటీటీ అమెజాన్‌ ఫ్రైమ్‌ వీడియోలో ఈ మూవీ అందుబాటులో ఉంది)-ఇంటూరు హరికృష్ణ

సైనికుడి ప్రయాణం ప్రతి మలుపూ ప్రమాదభరితం అన్న లైన్ తో ముడిపడున్న సినిమా ల్యాండ్ ఆఫ్ బ్యాడ్. అప్పట్లో ప్రపంచ సినీ ప్రేక్షకులను ఉర్రూతలూగించిన యోధుడు గ్లాడియేటర్. ఆ గ్లాడియేటర్ పాత్రధారి రస్సెల్ క్రోవ్ నటించిన సినిమా ఈ ల్యాండ్ ఆఫ్ బ్యాడ్. ఈ సినిమాని దర్శకులు విలియమ్ యూబ్యాంక్ రూపొందించారు. ల్యాండ్ ఆఫ్ బ్యాడ్ సినిమా ప్రైమ్ వీడియో ఓటిటి వేదికగా లభ్యమవుతుంది.ఇక సినిమా కథ విషయానికొస్తే యూఎస్ డెల్టా ఫోర్స్ ఓ పెద్ద ఆపరేషన్ చేపడుతుంది. సౌత్ ఫిలిప్పీన్స్ లో తీవ్రవాదులచే బందీగా వున్న సిఐఎ సిబ్బందిని రక్షించడం ఈ ఆపరేషన్ ముఖ్య ఉద్దేశం. ఈ ఆపరేషన్ కు స్టాఫ్ సార్జెంట్ నియా బ్రాన్సన్ సారధ్యంలో ఓ టీం వెళుతుంది. ఆఖరి నిమిషంలో ఈ టీం కు కొత్తగా యంగ్ ఎయిర్ ఫోర్స్ ఆఫీసరైన కెన్నీ జాయిన్ అవుతాడు. ఈ కెన్నీయే మన సినిమాకు కథానాయకుడు. కెన్నీ పాత్రలో వర్ధమాన నటుడు లియామ్ హెమ్స్ వర్త్ నటించారు.ఇక పోతే ఈ టీం కు రీపర్ గ్రిమ్ డ్రోన్ సపోర్ట్ గా వ్యవహరిస్తాడు. ఈ రీపర్ కథలో మరో ముఖ్య పాత్రధారి. రీపర్ పాత్రలో ప్రముఖ నటుడు రస్సెల్ క్రోవ్ నటించి మెప్పించాడు. నాడు గ్లాడియేటర్ గా నేడు రీపర్ గా రస్సెల్ క్రోవ్ నటన నభూతో నభవిష్యతి. యూఎస్ డెల్టా ఫోర్స్ టీం ఫిలిప్పీన్స్ ఆపరేషన్ కోసం బయలుదేరడంతో ల్యాండ్ ఆఫ్ బ్యాడ్ కథ మొదలవుతుంది. టీం లో కెన్నీ కొత్తవాడవడం ఆ పై ఇది మొదటి ఆపరేషన్ అవడంతో టీం లోని మిగతావారు అతనిని ఆట పట్టిస్తుంటారు.జాగ్రత్తగా వ్యవహరించమని సలహాలిస్తుంటారు. ఈ ఆపరేషన్ లో భాగంగా టీంలోని మిగతా సభ్యులందరూ ఓ సమయంలో గాయపడతారు. ఆపరేషన్ కొత్త అయినా, ఎవరూ తోడు లేకున్నా కెన్నీ తనకున్న ధైర్యంతో రీపర్ సాయంతో ఆపరేషన్ ఎలా ముగించాడన్నదే ఈ సినిమా కథ. సాధారణంగా టెర్రరిస్ట్ ఎలిమినేషన్ ఆపరేషన్ అంటే గన్ ఫైట్ తప్ప ఇంకేమీ వుండదని అనుకుంటాం. కానీ సున్నితమైన సెంటిమెంటల్ లైన్ తో చక్కటి గ్రప్పింగ్ స్క్రీన్ ప్లే తో ఈ సినిమా చూసే ప్రేక్షకుడిని కట్టిపడేస్తుంది. వర్త్ టూ వాచ్ ఫర్ దిస్ వీకెండ్. - ఇంటూరు హరికృష్ణ

హాలీవుడ్‌ బ్లాక్‌బస్టర్‌ ఫిల్మ్‌ ‘ది లయన్‌ కింగ్‌ (2019)’ సినిమాకు ప్రీక్వెల్‌గా ‘ముఫాసా: ది లయన్‌ కింగ్‌’ అనే చిత్రం రూపొందిన సంగతి తెలిసిందే. బారీ జెంకిన్స్‌ ఈ సినిమాకు దర్శకత్వం వహించారు. వాల్ట్‌ డిస్నీ పిక్చర్స్‌ పతాకంపై అడెలె రోమన్‌ స్కీ, మార్క్‌ సెరియాక్‌ ఈ సినిమాను నిర్మించారు. ఈ ఏడాది డిసెంబరు 20న ‘ముఫాసా: ది లయన్‌ కింగ్‌’ సినిమా విడుదల కానుంది. ఈ సినిమా తెలుగులోనూ రిలీజ్‌ అవుతోంది. ఆల్రెడీ తెలుగు ట్రైలర్‌ను కూడా మేకర్స్‌ విడుదల చేసిన సంగతి గుర్తుండే ఉంటుంది.కాగా తాజాగా ‘ముఫాసా: ది లయన్‌ కింగ్‌’ ఇంగ్లీష్‌ ఫైనల్‌ ట్రైలర్‌ను విడుదల చేశారు చిత్రయూనిట్‌. ‘‘ఈ కథ స్కార్‌ అనే ప్రిన్స్‌కి, ఓ అనాథ అయిన ముఫాసాకి చెందినది. వీరిద్దరూ అన్నదమ్ముల్లా ఓ కొత్త సామ్రాజ్యం కోసం ఓ ప్రమాదకరమైన ప్రయాణాన్ని చేసేందుకు రెడీ అవుతున్నారు, నా పేరు ముఫాసా, లయన్‌ కింగ్‌ అనేది ఒక్కటే ఉండాలి, మనల్ని ట్రాప్‌ చేశారు.. ఇప్పుడు ఏం చేయాలి’’ అంటూ అర్థం వచ్చే ఇంగ్లీష్‌ డైలాగ్స్‌ ‘ముఫాసా: ది లయన్‌ కింగ్‌’ సినిమా ఇంగ్లీష్‌ ట్రైలర్‌లో ఉన్నాయి.ఇక ‘ముఫాసా: ది లయన్‌ కింగ్‌’ సినిమాలోని ప్రధాన పాత్రధారులు అయిన ముఫాసాకు హాలీవుడ్‌ నటుడు అరోన్‌ పియర్, టాకా (ఈ పాత్ర ఆ తర్వాత స్కార్‌గా మారుతుంది)కు కెల్విన్‌ హరిసన్‌ జూనియర్‌ వాయిస్‌ ఓవర్స్‌ ఇచ్చారు. ఇక ‘ముఫాసా: ది లయన్‌ కింగ్‌’ తెలుగు వెర్షన్‌ లో ముఫాసా పాత్రకు మహేశ్‌బాబు వాయిస్‌ ఓవర్‌ ఇచ్చారు.

చిత్ర పరిశ్రమలో హీరోయిన్ల పరిస్థితి దారుణంగా ఉంటుంది. కెరీర్‌లో రాణించాలంటే అన్ని రకాల సినిమాలు చేయాల్సిందే. ముద్దు సన్నివేశాలు, రొమాంటిక్‌ సీన్స్‌లో నటిస్తేనే ఎక్కువ అవకాశాలు వస్తాయని కొంతమంది నమ్ముతారు. అది కొంతవరకు వాస్తవం కూడా. అయితే అలాంటి సీన్స్‌ చేస్తేనే అవకాశాలు వస్తాయనుకోవడం తప్పే. ఎలాంటి ఎక్స్‌ఫోజింగ్‌ చేయకుండా కేవలం తమ నటనతోనే ఆకట్టుకున్న హీరోయిన్లు చాలా మందే ఉన్నారు. అయితే ఏ సినిమా ఎంచుకోవాలి, ఇండస్ట్రీలో ఎలా నిలబడాలని అనేది సదరు హీరోయిన్‌ తీసుకునే నిర్ణయంపైనే ఆధారపడి ఉంటుంది. కొంతమంది పెద్ద సినిమాలో నటించే అవకాశం వచ్చినా..తమ పాత్ర నచ్చపోతే సున్నితంగా తిరస్కరిస్తారు. మరికొంత మంది పెద్ద ప్రాజెక్ట్‌ కదా అని కాంప్రమైజ్‌ అవుతారు. కానీ బాలీవుడ్‌ బ్యూటీ ఐశ్వర్య రాయ్‌ మాత్రం ముద్దు సన్నివేశాలు ఉన్నాయని రెండు భారీ హాలీవుడ్‌ సినిమాలనే వదులుకుంది. స్టార్‌ హీరోలతో నటించే అవకాశం వచ్చినా.. సున్నితంగా ఆ ప్రాజెక్టుల నుంచి తప్పుకుంది.ఇంటిమేట్‌ సీన్స్‌ ఉన్నాయని.. 2000 సంవత్సరంలో ఐశ్వర్యరాయ్‌కి బాలీవుడ్‌లో ఫుల్‌ డిమాండ్‌ ఉంది. వరుస సినిమాలు హిట్‌ కావడంతో హాలీవుడ్‌లో కూడా నటించే అవకాశం వచ్చింది. బ్రైడ్ అండ్ ప్రిజుడీస్, మిస్ట్రెస్ ఆఫ్ స్పైసెస్ లాంటి హాలీవుడ్‌ సినిమాల్లో కీలక పాత్ర పోషించి, తనదైన నటనతో ఆకట్టుకుంది. అదే సమయంలో ఆమె కెరీర్‌ని మలుపు తిప్పే రెండు భారీ హాలీవుడ్‌ సినిమా అవకాశాలు వచ్చాయట. కానీ కిస్‌ సీన్స్‌, రొమాంటిక్‌ సన్నివేశాలు ఎక్కువగా ఉన్నాయని రిజెక్ట్‌ చేసిందట. హాలీవుడ్‌ హీరో బ్రాడ్ పిట్ బ్లాక్‌ బస్టర్‌ మూవీ ‘మిస్టర్‌ అండ్‌ మిసెస్‌ స్మిత్‌’లో హీరోయిన్‌గా నటించే అవకాశం ముందుగా ఐశ్యరకే వచ్చిందట. అయితే కథలో భాగంగా ఆమె హీరోతో ఇంటిమేట్‌ సీన్స్‌తో పాటు ముద్దు సన్నివేశాల్లో కూడా నటించాలని చెప్పారట. హీరోతో కిస్‌ సీన్‌ చేయడం ఇష్టం లేక ఐశ్వర్య ఆ ప్రాజెక్ట్‌ నుంచి తప్పుకుందట. దీంతో ఆ చాన్స్‌ ఏంజలినా జోలీ కొట్టేసింది.లిప్ లాక్ సీన్‌ ఉందని మరో చిత్రం..ఐశ్వర్య మరో హాలీవుడ్‌ చిత్రాన్ని కూడా ఇలానే వదులకుందంట. హాంకాక్( Hancock) చిత్రంలో విల్‌ స్మిత్‌తో స్క్రీన్‌ షేర్‌ చేసుకున్న చాన్స్‌ ఐశ్వర్యకు వచ్చిందంట. అయితే అందులో విల్‌ స్మిత్‌తో లిప్‌లాక్‌ చేసే సీన్‌ ఉందంట. అలాంటి సన్నివేశాల్లో నటించడం ఇష్టంలేక ఐశ్వర్య ఆ ప్రాజెక్టు నుంచి తప్పుకుందట. డేట్స్‌ కూడా ఖాలీగా లేకపోవడం మరో కారణమని ఐశ్వర్య ఓ ఇంటర్వ్యూలో చెప్పింది.

ప్రేక్షకులు సినిమాని చూస్తారు. కాని అదే దర్శకుడు సినిమాని సృష్టిస్తాడు. ఇక్కడ దర్శకుడు తన సృష్టి తో పాటు ఆ సినిమాని మానసికంగా అనుభూతి పొందుతాడు. దానికి నిలువెత్తు నిదర్శనం ఈ అమెరికన్ థ్రిల్లర్ డోన్ట్ మూవ్. ఆడమ్ బ్రియో తో కలిసి రూపొందించిన ఈ సినిమా కాన్సెప్ట్ మిమ్మల్ని కన్నార్పనివ్వదు. డేవిడ్ వైట్ అందించిన కథకు వీరిరువురు ప్రాణం పోయగా, లీడ్ రోల్ లో ఐరిస్ పాత్రలో నటించిన కెల్సీ ఈ చిత్రానికి ఊపిరూదింది. సినిమా మొత్తం మనకు కెల్సీ కనిపించదు. ఐరిస్ మాత్రమే మన కళ్ళముందు కదలాడుతుంది. ఈ సినిమా లో పెద్ద కథాంశం లేదు కాని తీసుకున్న కాన్సెప్ట్ మాత్రం అదరహో అని చెప్పవచ్చు. ఐరిస్ హైకింగ్ లో తన కొడుకును పోగొట్టుకున్న బాధతో ఆత్మహత్య చేసుకోవడానికి ప్రయత్నిస్తుంది. ఇక్కడి నుండే సినిమా ప్రారంభమవుతుంది. అప్పుడే అక్కడ తనని తాను రిచర్డ్ అని పరిచయం చేసుకున్న వ్యక్తి ఐరిస్ మీద ఓ ఇంజెక్షన్ తో దాడి చేస్తాడు. ఆ ఇంజెక్షన్ వల్ల 20 నిమిషాలలో శరీరంలోని ఒక్కో అవయవం పని చేయకుండా పోతుందని రిచర్డ్ చెప్పి ఐరిస్ ని బందీగా చేసుకుని తనతో పాటు కారు లో తీసుకువెళుతుంటాడు. ఇంజెక్షన్ వల్ల ఒక్క కళ్ళు తప్ప ఎటూ కదలలేని ఐరిస్ రిచర్డ్ బారి నుండి తప్పించుకోలిగిందా లేదా అన్నది మాత్రం డోన్ట్ మూవ్ సినిమాలోనే చూడాలి. ఒక్కసారి ఆలోచించండి మన శరీరంలో ఏ కాలో, చెయ్యో ఇబ్బంది కలిగితేనే తట్టుకోలేము అలాంటిది దాదాపుగా అన్ని అవయవాలు పని చేయడం మానేసి ఓ నరరూప రాక్షసుడి చేతిలో బందీ అవడం అంటే అంతకన్నా దారుణం ఏముంటుంది. పైన చెప్పినట్టు దర్శకులు ఈ సినిమాని ఎలా సృష్టించారో అర్ధమవదు కాని వారి ఆలోచనా పటిమకు మాత్రం ప్రేక్షకులుగా మనం హాట్సాఫ్ చెప్పి తీరాలి. ఈ సినిమా మనం చూస్తున్నంతసేపు కదలలేము, వదలలేము ఎందుకంటే ఈ సినిమా పేరు డోన్ట్ మూవ్ కాబట్టి. ఎ మస్ట్ వాచ్ థ్రిల్లర్.-ఇంటూరు హరికృష్ణ

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హాలీవుడ్‌ చిత్రం ‘ట్రాఫిక్‌’ ఒకటి. ఈ చిత్రం గురించి తెలుసుకుందాం.వెకేషన్‌ అంటే ఆనందంగా... సరదాగా అందరితో గడిపే కాన్సెప్ట్‌. కానీ అదే వెకేషన్‌ ఊహకందని, ఊహించలేని నైట్‌ మేర్‌ అయితే... ఈ లైన్‌ను ఆధారంగా చేసుకునే హాలీవుడ్‌ దర్శకుడు డీన్‌ టేలర్‌ ‘ట్రాఫిక్‌’ చిత్రాన్ని రూపొందించారు. సినిమా మొత్తం గ్రిప్పింగ్‌ థ్రిల్లింగ్‌ ఎలిమెంట్స్‌తో నిండి ఉంటుంది. ఇది పెద్దల సినిమా. ΄ûలా పాట్టన్, ఒమర్‌ ఆప్స్‌ వంటి ప్రముఖ హాలీవుడ్‌ నటులు లీడ్‌ రోల్స్‌లో నటించారు.ఇక సినిమా కథ ప్రకారం... బ్రీ కాలిఫోర్నియాలోని ఓ దినపత్రికలో పని చేసే జర్నలిస్ట్‌. తాను రాసే కథనాలు సరిగ్గా పత్రికలో రావడం లేదని తపన పడుతూ ఉంటుంది. ఈ దశలో బ్రీ తన ప్రియుడు జాన్‌తో కలిసి అతని స్నేహితుడి డారెన్‌ గెస్ట్‌ హౌస్‌కి వెకేషన్‌కి వెళతారు. ఈ వెకేషన్‌ లొకేషన్‌ శాక్రిమెంటోలోని కొండ లోయల ప్రాంతంలో దూరంగా ఉంటుంది. ఈ వెకేషన్‌కి వెళ్లే సమయంలో బ్రీ, జాన్‌కు ఓ గ్యాస్‌ స్టేషన్‌లో కాలిఫోర్నియా బైకర్స్‌తో చిన్నపాటి ఘర్షణ జరుగుతుంది.ఇదే కథకు మలుపు. ఆ ఘర్షణతో బైకర్స్‌ వీళ్ళ కారును వెంబడిస్తారు. బ్రీ వాళ్ళు గెస్ట్‌ హౌస్‌కి వెళ్లిన తరువాత బైకర్స్‌ ఏం చేశారు? వాళ్లను బ్రీ ఎలా ఎదుర్కొంది? ఆ సంఘటన తర్వాత తన జర్నలిస్ట్‌ కెరీర్‌లో బ్రీ సాధించిన గొప్ప అంశమేంటి? అన్న విషయాలన్నీ లయన్స్ గేట్‌ వేదికగా స్ట్రీమ్‌ అవుతున్న ‘ట్రాఫిక్‌’లో చూడాల్సిందే. రోజు వారీ ట్రాఫిక్‌ కష్టాలతో సతమతమయ్యేవారు ఈ వీకెండ్‌ ‘ట్రాఫిక్‌’ సినిమాతో థ్రిల్లింగ్‌ వెకేషన్‌ అనుభూతి పొందుతారనేది నిజం. సో... ఎంజాయ్‌ ది ‘ట్రాఫిక్‌’. – ఇంటూరు హరికృష్ణ

హాలీవుడ్‌ యాక్షన్‌ అడ్వెంచర్‌ థ్రిల్లర్‌ కథా చిత్రం 'ప్యూరియోసా ఎ మ్యాడ్‌ మ్యాక్స్‌' చిత్రం సమ్మర్‌ స్పెషల్‌గా మే 24న ప్రపంచ వ్యాప్తంగా విడుదలైంది. సుమారు ఆరు నెలల తర్వాత ఓటీటీలో విడుదల కానుంది. 2015లో వచ్చిన మ్యాడ్‌ మ్యాక్స్‌ ప్యూరి రోడ్‌ చిత్ర ప్రాంచైజీలో భాగంగా ఐదో చిత్రంగా తెరకెక్కింది. గత చిత్రాల దర్శకుడు జార్జ్‌ మిల్లర్‌నే ఈ చిత్రాన్ని తెరకెక్కించారు. అయితే వాటికంటే భారీగా అదే సమయంలో ఒరిజినల్‌ కథతో రూపొందించారు.'ఫ్యూరియోసా: ఎ మ్యాడ్ మ్యాక్స్ సాగా' ఓటీటీ విడుదల ప్రకటన రావడంతో ఫ్యాన్స్‌ జోష్‌లో ఉన్నారు. అక్టోబర్ 23నుంచి ఈ మూవీ స్ట్రీమింగ్ కానున్నట్లు జియో సినిమా వెల్లడించింది. తెలుగుతో పాటు ఇంగ్లిష్, హిందీ,కన్నడ, తమిళం,బెంగాలీ, మరాఠీ భాషల్లో ఈ చిత్రం అందుబాటులో ఉంటుందని జియో పేర్కొంది. ఇందులో అన్యటైలర్‌ జాయ్‌ ఒక యువ మహిళా యోధుని పాత్రలో నటించారు. నటుడు క్రిస్‌ హేమ్స్‌ వర్త్‌ ప్రతి నాయకుడిగా నటించిన ఈ చిత్రాన్ని వార్నర్‌ బ్రదర్స్‌ సంస్థతో కలిసి మిల్లర్‌ ఆయన చిరకాల భాగస్వామి, ఆస్కార్‌ నామినేటెడ్‌ నిర్మాత డౌగ్‌ మిథ్చల్‌ ఆ్రస్టేలియా బేస్‌డ్‌ కెన్నడీ మిల్లర్‌ మిచ్చల్‌ పతాకంపై నిర్మించారు.

ప్రపంచవ్యాప్తంగా సినీ ప్రేక్షకులను అమితంగా ఆకట్టుకున్న హాలీవుడ్‌ చిత్రం ‘గ్లాడియేటర్‌’. రిడ్లీ స్కాట్‌ దర్శకత్వం వహించిన ఈ సినిమా 2000లో వసూళ్ల పరంగా చరిత్ర సృష్టించింది. ఈ సినిమాకి సీక్వెల్‌గా రూపొందిన ‘గ్లాడియేటర్‌ 2’కి కూడా రిడ్లీ స్కాట్‌యే దర్శకత్వం వహించారు. పాల్‌ మెస్కల్, డెంజెల్‌ వాషింగ్‌టన్, పెడ్రో పాస్కల్, కొన్నే నిల్సన్, జోసెఫ్‌ క్విన్‌ వంటివారు నటించారు. ఈ చిత్రం నవంబరు 15న ఇంగ్లిష్, హిందీ, తెలుగు, తమిళ భాషల్లో 4డీఎక్స్‌ మరియు ఐమ్యాక్స్‌ ఫార్మాట్‌లో రిలీజ్‌ కానుంది. ఇక ‘నాకు ఆ రోజు జ్ఞాపకం ఉంది.. నేను అది మరచిపోలేదు.. ఒక బానిస రాజుపై ప్రతీకారం తీర్చుకున్న క్షణం’ వంటి డైలాగ్స్‌ ‘గ్లాడియేటర్‌ 2’ ట్రైలర్‌లో ఉన్నాయి.

టైటిల్: ఇమ్మాక్యూలేట్దర్శకత్వం: మైఖేల్ మోహన్లీడ్‌ రోల్: సిడ్నీ స్వీనినిడివి: 90 నిమిషాలుఓటీటీ: అమెజాన్ ప్రైమ్‌విడుదల తేదీ: మార్చి 22, 2024ఓటీటీల్లో హారర్ చిత్రాలకు ప్రత్యేక డిమాండ్ ఉంటుంది. అందుకే టాలీవుడ్‌లోనూ ఇటీవల ఆ జోనర్‌ సినిమాలు వస్తూనే ఉన్నాయి. అయితే హాలీవుడ్‌లో అయితే ఈ చిత్రాలకు కొదువే లేదు. హాలీవుడ్ చిత్రాలు అత్యంత భయంకరంగా, ఒళ్లు గగుర్పొడిచేలా ఉంటాయి. అలాంటి వాటిలో ఈ సినిమా కచ్చితంగా ఉంటుంది.గతంలో ఇలాంటి సినిమాలు చాలానే వచ్చాయి. ఈ కథ మొత్తం నన్‌ల చుట్టు తిరుగుతుంది. నన్‌గా మారేందుకు అమెరికా నుంచి ఇటలీకి వచ్చిన ఓ యువతి కథ. ఇందులో నన్ పాత్రలో సిడ్నీ స్వీనీ నటించారు. సిసిలియో అనే యువతిగా కనిపించారు. వృద్ధ నన్స్‌కు సేవలందించేందుకు వచ్చిన యువతి జీవితం ఎలాంటి మలుపులు తిరిగిందన్నదే అసలు కథ.నన్‌ నేపథ్యంలో వచ్చిన కథలు చాలా భయంకరంగా ఉంటాయి. ఈ సినిమా కూడా అలాంటిదే. హారర్ సినిమా అంటే ఇంత భయంకరంగా ఉంటుందా అనేలా స్క్రీన్‌ ప్లే నడిపించారు. ‍అత్యంత భయానక దృశ్యాలు ప్రేక్షకులకు కాస్తా ఇబ్బంది కలిగించేలా కూడా ఉన్నాయి. నన్‌లను ట్రీట్‌ చేసే విధానం.. వారిని వేధింపులకు గురిచేయడం లాంటి అత్యంత దారుణమైన సీన్స్‌ ఆడియన్స్‌ను భయపెట్టేస్తాయి. ఒక నన్‌ జీవితం ఇంత దారుణంగా ఉంటుందో ఈ సినిమాలో ఆడియన్స్‌కు పరిచయం చేశారు. హారర్‌ చిత్రమే అయినా.. ఎక్కడా కూడా దెయ్యం అనే కాన్సెప్ట్‌ లేకుండానే తెరకెక్కించాడు. ఈ కథలో సిసిలియో యువతిదే కీ రోల్. ఈ హారర్ మూవీకి ఆమె నటనే బలం. ఎక్కువగా హారర్ సినిమాలు ఇష్టపడేవారు ఇలాంటివి ట్రై చేయొచ్చు. అయితే కొన్ని సీన్స్‌ అత్యంత భయంకరంగా ఉన్నాయి. కాకపోతే చిన్నపిల్లలు లేనప్పుడు ఈ సినిమా చూడటం ఉత్తమం. ప్రస్తుతం ఈ మూవీ అమెజాన్‌ ప్రైమ్‌లో అందుబాటులో ఉంది. తెలుగులోనూ స్ట్రీమింగ్ అవుతోంది.

టైటిల్‌: టిన్‌ & టీనాకథలోలా - అడాల్ఫొ దంపతులు పుట్టబోయే బిడ్డ కోసం వేయి కళ్లతో ఎదురుచూస్తారు. కానీ వారి కలలను నీరుగారుస్తూ పెళ్లిరోజే లోలాకు గర్భస్రావం అవుతుంది. అంతేకాదు, ఇంకెప్పుడూ తను తల్లి కాలేదని వైద్యులు నిర్ధారిస్తారు. దీంతో ఆమె డిప్రెషన్‌లోకి వెళ్లిపోతుంది. తననలా చూడలేకపోయిన భర్త దగ్గర్లో ఓ కాన్వెంట్‌ ఉందని, అందులో ఎవర్నైనా దత్తత తీసుకుందామని చెప్తాడు. మొదట లోలా అందుకు అంగీకరించదు. కానీ తర్వాత ఒప్పుకుని ఏడేళ్ల వయసున్న కవలలు టిన్‌ అండ్‌ టీనాను దత్తత తీసుకుంటారు.అప్పుడు అసలు కథ మొదలవుతుంది. పిల్లలు అందరిలా కాకుండా వింతగా ప్రవర్తిస్తుంటారు. భగవంతుడిపై ఎక్కువ విశ్వాసంతో తానేం చేసినా దేవుడిపైనే భారం వేస్తారు. అప్పుడే ఒక మిరాకిల్‌ జరుగుతుంది. లోలా మల్లీ ప్రెగ్నెంట్‌ అవుతుంది. పిల్లల వింత ప్రవర్తనతో భయపడిపోయిన ఆమె కడుపులో బిడ్డను వారి నుంచి కాపాడుకోవాలని చూస్తుంది. డెలివరీ తర్వాత కూడా క్షణక్షణం భయంగానే గడుపుతుంది. ఆమె భయానికి కారణం ఏంటి? ఆ పిల్లలు ఏం చేశారు? వారిని తిరిగి ఎందుకు కాన్వెంట్‌లో వదిలేశారు? అనేది తెలియాలంటే ఓటీటీలో మూవీ చూడాల్సిందే!విశ్లేషణలోలాకు దేవుడంటే నమ్మకం ఉండదు. కానీ తను పెంచుకుంటున్న కవలలకు అపారమైన భక్తి. బైబిల్‌లో ఉన్నవన్నీ యదాతథంగా అమలు చేయాలనుకుంటారు. ఈ క్రమంలోనే పెంపుడు కుక్కను చంపేస్తారు. స్కూలులో తమను ఆటపట్టిస్తున్న కుర్రాడిని సైతం దారుణంగా టార్చర్‌ పెట్టి చంపుతారు. వీటిని సహించని లోలా చివరకు వారిని అమాయకులుగా భావించడం వింతగా అనిపిస్తుంది. పిల్లల రాక్షస ప్రవర్తనకు ఇంకేమైనా కారణాలున్నాయా? అని అనిపించకమానదు. క్లైమాక్స్‌లో లోలా భర్తను కోల్పోవడం... ఎవరివల్లయితే తన కొడుక్కి హాని అనుకుందో ఆ కవలల్ని ఇంటికి తీసుకురావడం అందరికీ మింగుడుపడకపోవచ్చు.లోలాగా మెలీనా స్మిత్‌, టిన్‌ అండ్‌ టీనాగా కార్లోస్‌ జి మోరోలాన్‌, అనటాసియా రుస్సో నటించారు. వీరి పర్ఫామెన్స్‌ బాగుంది. కొన్ని సన్నివేశాలు చూసినప్పుడు మనకే కంగారు వచ్చేస్తుంటుంది. బిడ్డను కాపాడుకోవడానికి తల్లి పడే ఆరాటం మనల్ని కదిలించివేస్తుంది. వీకెండ్‌లో ఓసారి చూసేయొచ్చు! టిన్‌ అండ్‌ టీనా మూవీ నెట్‌ఫ్లిక్స్‌లో అందుబాటులో ఉంది.

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమింగ్‌ అవుతున్న వాటిలో హాలీవుడ్‌ చిత్రం ‘రన్‌ హైడ్‌ ఫైట్‌’ ఒకటి. ఈ చిత్రం గురించి తెలుసుకుందాం.యుద్ధమనేది అనివార్యమైతేనే ఆయుధం గురించి ఆలోచించు అన్న నానుడిని పూర్తిగా అలక్ష్యం చేసి అనవసరంగా ఆయుధాలను సమకూర్చుకోవడంలో మునిగి΄ోయింది నేటి కొంత సమాజం. కొన్ని ప్రదేశాల్లో గల్లీల్లో ఆడుకునే పిల్లల దగ్గర కూడా గ¯Œ ్స ఉంటున్నాయంటే పరిస్థితి ఎంత దిగజారిందో అర్ధం చేసుకోవచ్చు. అడదడఈ గన్‌ కల్చర్‌ గురించి వింటూనే ఉన్నాం. అగ్రరాజ్యమైన అమెరికాలో ఈ గన్‌ కల్చర్‌ విపరీతంగా ఉంది. ఆ దేశంలో మూతి మీద మీసం కూడా రాని విద్యార్థులు చేతిలో తుపాకీతో ఉంటున్నారంటే పరిస్థితి ఎలా ఉందో అర్థం చేసుకోవచ్చు. అక్కడి సంప్రదాయం ప్రకారం రక్షణ కవచంగా తుపాకీని ఎవరైనా లైసె¯Œ ్స ΄÷ంది తమ దగ్గర ఉంచుకోవచ్చు. కాని ఇదే గన్‌ కల్చర్‌ విపరీత ధోరణిగా మారితే ఎలా ఉంటుందన్న ఇతివృత్తంతో వాస్తవ ఘటనల ఆధారంగా దర్శకుడు కైల్‌ రాంకిన్‌ ‘రన్‌ హైడ్‌ ఫైట్‌’ సినిమా తీశారు. విమర్శకుల ప్రశంసలు అందుకున్న సినిమా ఇది. కొన్ని ఫిల్మ్‌ ఫెస్టివల్స్‌లో ప్రదర్శితమైంది. అంతలా ఏముంది ఈ సినిమాలో ఓసారి విశ్లేషించుకుందాం. కథాపరంగా అమెరికాలోని ఓ విశ్వవిద్యాలయంలోకి కొందరు విద్యార్థులు చొరబడతారు. వారందరూ సాయుధులై భారీ మందుగుండు సామాగ్రితో విద్యాలయంలోని తోటి విద్యార్థులను, స్టాఫ్‌ను బందీలుగా చేసుకుని విద్యాలయాన్ని తమ ఆధీనంలోకి తెచ్చుకుంటారు. విద్యార్థులలో ఒకరైన జో తనను, తనతో పాటు ఆ విద్యాలయంలోని కొందరిని ఎలా రక్షించిందనేదే ఈ ‘రన్‌ హైడ్‌ ఫైట్‌’ సినిమా. ఉత్కంఠభరితం అన్న దానికి పై మాటే ఈ సినిమా స్క్రీన్‌ప్లే. థ్రిల్లర్‌ జోనర్‌ ఇష్టపడేవారికి ఈ సినిమా కన్నులపండగ. అలాగే కొందరు తల్లిదండ్రులకు ఓ కనువిప్పు ఈ సినిమా. ఇసబెల్‌ మే ప్రధాన పాత్రలో నటించి మెప్పించింది. ప్రైమ్‌ వీడియో వేదికగా స్ట్రీమ్‌ అవుతున్న ఈ సినిమాని ఈ వీకెండ్‌ చూసెయ్యండి. – ఇంటూరు హరికృష్ణ

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హాలీవుడ్‌ చిత్రం ‘లైన్‌ ఆఫ్‌ డ్యూటీ’ ఒకటి. ఈ చిత్రం గురించి తెలుసుకుందాం.ఇప్పుడు అందరూ దాదాపు తలదించుకునే ఉంటున్నారు... ఎందుకంటే సెల్‌ఫోన్‌ చూడ్డానికి. ఆప్తుల కన్నా, కుటుంబ సభ్యుల కన్నా ఎక్కువ అయిపోయింది సెల్‌ఫోన్‌. ఈ సెల్‌ఫోన్‌ ఓ అగ్గి అయితే, సోషల్‌ మీడియా దానికి తోడవుతున్న గాలి. అగ్నికి ఆజ్యమన్నట్టు ఈ సోషల్‌ మీడియా ముఖ్యంగా నేటి యువతను పూర్తిగా వశపరుచుకుంటోంది. సోషల్‌ మీడియా చెడు అన్న అంశం ఎంత నిజమో మంచి అన్నదానికి నిదర్శనమే ఈ ‘లైన్‌ ఆఫ్‌ డ్యూటీ’ సినిమా. దర్శకులు స్టూవెన్‌ సి. మిల్లర్‌ రూపొందించిన ఈ యాక్షన్‌ థ్రిల్లర్‌లో ప్రముఖ నటుడు ఆరన్‌ యఖార్ట్‌ పోలీస్‌ ఆఫీసర్‌ పాత్రలో నటించారు. ‘లైన్‌ ఆఫ్‌ డ్యూటీ’ కథాంశానికొస్తే... ఫ్రాంక్‌ పెన్నీ ఓ నిజాయితీపరుడైన పోలీస్‌ ఆఫీసర్‌. కానీ అతని కెరీర్‌లో మాయని మచ్చ ఓ షూటవుట్‌లో అనుకోకుండా ఓ చిన్నపిల్లవాడిని తన చేతులతో కాల్చి చంపడం. దాని గురించి బాధ పడుతున్న తరుణంలోనే ఓ కిడ్నాపర్‌ తన సహోద్యోగి కుమార్తెను కిడ్నాప్‌ చేసి, పోలీసులకు సవాలు విసురుతాడు. ఈ తరుణంలో అవా బ్రూక్స్‌ అనే యంగ్‌ సోషల్‌ మీడియా రిపోర్టర్‌ ఫ్రాంక్‌ పెన్నీకి తారసపడుతుంది. సమాజంలో జరిగే వాస్తవ దారుణాలను అవా బ్రూక్స్‌ తన సోషల్‌ మీడియా ఖాతా ద్వారా లైవ్‌ స్ట్రీమింగ్‌ చేస్తుంటుంది. ఫ్రాంక్‌ పెన్నీతో కలిసి అవా బ్రూక్స్‌ సోషల్‌ మీడియా ద్వారా ఈ కిడ్నాపింగ్‌ ఆపరేషన్‌ ఎలా చేసింది? అన్నది లయన్స్‌ గేట్‌ ఓటీటీలో స్ట్రీమ్‌ అవుతున్న ‘లైన్‌ ఆఫ్‌ డ్యూటీ’లోనే చూడాలి. ఆద్యంతం యాక్షన్‌ సన్నివేశాలతో థ్రిల్లింగ్‌ స్క్రీన్‌ప్లేతో ఈ సినిమా సోషల్‌ మీడియా విలువలను నేటి యువతరానికి అర్ధమయ్యేలా చెబుతుంది. వర్త్‌ టు వాచ్‌ ది ‘లైన్‌ ఆఫ్‌ డ్యూటీ’. – ఇంటూరు హరికృష్ణ

‘మ్యాడ్‌ మ్యాక్స్, ది రెవినాంట్, ఇన్సెప్షన్‌’ వంటి సినిమాల్లో నటించిన టామ్‌ హార్డీ ప్రధాన పాత్రలో నటించిన తాజా చిత్రం ‘వెనమ్‌: ది లాస్ట్‌ డాన్స్‌’. కెల్లీ మార్సెల్‌ దర్శకత్వం వహించారు. సోనీ పిక్చర్స్‌ ఇండియా ప్రైవేట్‌ లిమిటెడ్, మార్వెల్‌ సంయుక్తంగా నిర్మించాయి. సోనీ పిక్చర్స్‌ సంస్థ ఈ చిత్రాన్ని ఇండియాలో ఇంగ్లిష్‌తో పాటు తెలుగు, తమిళ, కన్నడ భాషల్లో భారీ స్థాయిలో విడుదల చేయనుంది. 3డితో పాటు ఐమాక్స్‌ 3డి వెర్షన్‌లో అక్టోబర్‌ 25న ఈ సినిమా ప్రేక్షకుల ముందుకు రానుంది. (చదవండి: పద్దెనిమిదో శతాబ్దం నేపథ్యంలో మహేశ్‌-రాజమౌళి సినిమా)ఈ సందర్భంగా ఈ చిత్రం ఫైనల్‌ ట్రైలర్‌ రిలీజ్‌ చేశారు. ‘‘ఇది నీకు నచ్చకపోవచ్చు... నచ్చదు... నాకు కచ్చితంగా నచ్చదని గ్యారెంటీ ఇస్తున్నాను’, ‘ఆ గ్రహవాసులు మనల్ని కనిపెట్టారు’, ‘దాన్ని ఎవరు పంపించారు... ఆ సృష్టిక్తర’, ‘మీరు కలిసుంటే ఈ ప్రపంచం మనుగడ సాగించలేదు’ వంటి డైలాగులు ట్రైలర్‌లో ఉన్నాయి. ‘‘టామ్‌ హార్డీ నటనతో ΄ాటు వెనమ్‌ క్యారెక్ట్‌ చేసే యాక్షన్‌ సీన్స్‌ హైలెట్‌గా నిలుస్తాయి. ఇప్పటికే విడుదలైన ‘వెనమ్‌’ మొదటి భాగం, రెండవ భాగం ప్రపంచవ్యాప్తంగా మూవీ లవర్స్‌ని బాగా ఆకట్టుకున్నాయి. ఈ నేపథ్యంలో రాబోతున్న ‘వెనమ్‌: ది లాస్ట్‌ డాన్స్‌’ పై భారీ అంచనాలున్నాయి’’ అని చిత్రబృందం పేర్కొంది.

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హాలీవుడ్‌ చిత్రం ‘ప్రైమల్‌’ ఒకటి. ఈ చిత్రం గురించి తెలుసుకుందాం. దేవుడా... ఈ స్థితి ఎవరికీ రాకూడదు!థ్రిల్లర్‌ చిత్రాలను మనం గతంలో ఎన్నో చూశాం. అదే జోనర్‌లో ఎప్పటికప్పుడు వినూత్న పంథాను ఎంచుకుంటూ వర్ధమాన దర్శకులు వివిధ భాషలలో సినిమాలు తీయడానికి ప్రయత్నిస్తూనే వున్నారు. థ్రిల్లర్‌ అంటే సినిమా చూసే ప్రేక్షకుడిని తమ స్క్రీన్‌ప్లేతో అలరించాలి... కథను రక్తి కట్టించాలి. 2019లో విడుదలైన హాలీవుడ్‌ చిత్రం ‘ప్రైమల్‌’ ఆ కోవలోనే ఉంటుంది. ఇది ఇటీవలే ఓటీటీలో విడుదలైంది. ప్రముఖ నటుడు నికోలస్‌ కేజ్‌ నటించిన ఈ సినిమా ఓ అసలు సిసలైన థ్రిల్లర్‌ అని చెప్పాలి. నిక్‌ పావెల్‌ దర్శకత్వంలో వచ్చిన ఈ సినిమా కథ 70 శాతం నడి సముద్రంలోని ఓ ఓడలోనే జరుగుతుంది. కథాంశానికొస్తే... వాల్ష్‌ పాత్రలో నటించిన నికోలస్‌ కేజ్‌ ప్రమాద జంతువులను అడవిలో పట్టుకొని నగరంలో జంతు శాలలకు అమ్ముకునే ప్రమాద వృత్తిలో ఉంటాడు. ఈ దశలో అతి ప్రమాదకరమైన వైట్‌ జాగ్వర్‌ను పట్టుకుని జాగ్వర్‌తో పాటు విషపూరిత పాములు, కోతులు మరికొన్ని జంతువులను కూడా ఓ ఓడలో వేరే దేశానికి తరలిస్తుంటాడు. అనుకోకుండా అదే ఓడలో కరడుగట్టిన నేరస్తుడైన రిచర్డ్‌ లోఫర్‌ను కూడా అమెరికా పోలీసులు తరలించడానికి వస్తారు. ఓడ ప్రమాదకర జంతువులతో పాటు అతి ప్రమాదకరమైన నేరస్తుడుతో తన ప్రయాణాన్ని ప్రారంభిస్తుంది. సముద్ర మార్గంలో కొంత దూరం ప్రయాణించాక నేరస్తుడు తాను తప్పించుకొని ఓడలో ఉన్న జంతువులను వాటి చెరసాలనుండి విడిపిస్తాడు. వాల్ష్‌ తన జంతువులతో పాటు ఓడలో వున్న మిగతా పోలీసులను, అలాగే ఓడను ఆ నేరస్తుడి బారి నుండి ఎలా రక్షించాడన్నదే మిగతా కథ. విలన్‌ పాత్రలో కెవిన్‌ తన నటనతో సినిమాకే హైలెట్‌గా నిలిచాడు. ఓ టైమ్‌లో ప్రేక్షకుడు దేవుడా... ఈ స్థితి ఎవరికీ రాకూడదు అని కచ్చితంగా అనుకుంటాడు. స్క్రీన్‌ప్లే నిడివి తక్కువ ఉండి థ్రిల్లర్‌ జోనర్‌ ప్రేక్షకులకు సరైన ఎంటర్‌టైనర్‌ అయిన ఈ ‘ప్రైమల్‌’ సినిమా లయన్స్‌ గేట్‌ ఓటీటీలో ఉంది. మరింకేం... వాచ్‌ చేయండి. – ఇంటూరు హరికృష్ణ

ఊహకు రెక్కలొస్తే కాదేదీ కథకు అనర్హం అన్న నానుడి సరిగ్గా ఈ సినిమాకి సరిపోతుంది. మరి రచయిత అంత వైవిధ్యంతో ఆలోచించాడు. సినిమా పేరు ఐఎస్ ఎస్, అంటే ఇంటర్నేషనల్ స్పేస్ స్టేషన్ అన్నమాట. ఇది చదవగానే ఇంకేముంది అంతరిక్ష ప్రయాణంతో ముడిపడిన కథ అని అనుకుంటారు. అలా అయితే రచయిత గురించి ఊసెందుకు. అసలా రచయిత ఊహ నిజంగా జరిగితే... ఆ ఆలోచనకే ఒకింత గగుర్పాటు వస్తుంది. ఈ సినిమా రచయిత నిక్ షఫీర్. దర్శకులు గేబ్రియలా. ఇక కథ విషయానికి వద్దాం. అంతరిక్షంలోని స్పేస్ స్టేషన్ అమెరికా మరియు రష్యా దేశాలు సంయుక్తంగా నిర్వహిస్తుంటాయి. ఐఎస్ ఎస్ సినిమా ప్రారంభం కాగానే స్పేస్ స్టేషన్ లో అమెరికా వ్యోమగాములు రష్యా వ్యోమగాములకు స్వాగతం పలుకుతుంటారు. అందరూ ఆనందంగా స్పేస్ స్టేషన్ లో కలుస్తారు. ఇంతలో ఓ అమెరికా వ్యోమగామి భూమి వైపు చూసి మిగతా వారినందరినీ అలర్ట్ చేస్తుంది. భూమి మీద భయంకరమైన విస్ఫోటనాలు జరుగుతుంటాయి. వీరికి అర్ధం కాక భూమిని కాంటాక్ట్ చేయడానికి ప్రయత్నం చేస్తుంటారు. కొంత సమయం తరువాత భూమి పై అణు యుద్ధం ప్రారంభమైందని స్పేస్ స్టేషన్ తమ ఆధీనం చేసుకోవాలని వారి వారి దేశం వాళ్ళకు వర్తమానం పంపుతారు.ఉందేది అంతరిక్షలో, అదీ రెండు దేశాలకు సంబంధించి వ్యోమగాములు ఒకే స్పేస్ స్టేషన్ లో. భూమి మీద యుద్ధం. ఇదే యుద్ధం అప్పటి నుండి స్పేస్ స్టేషన్ లో కూడా ప్రారంభమవుతుంది. ఆ యుద్ధంలో కుట్రలేంటి, ఎవరి మీద ఎవరు గెలిచారు, ఆఖరికి స్పేస్ స్టేషన్ ఎవరు చేజిక్కించుకున్నారు అన్నది ఐఎస్ ఎస్ సినిమాలో చూడాల్సిందే. దర్శకుడు లాగ్ లేకుండా పాయింట్ ని మంచి స్క్రీన్ ప్లే తో థ్రిల్లింగ్ గా చిత్రీకరించారు. ఐఎస్ ఎస్ సినిమా మంచి వీకెండ్ మూవీ. ఈ సినిమా జియో సినిమా ఓటిటి ప్లాట్ ఫాం వేదికగా స్ట్రీం అవుతోంది.- ఇంటూరు హరికృష్ణ

టైటిల్: స్లీప్(కొరియన్ మూవీ)దర్శకత్వం: జాసన్ యూనిర్మాణ సంస్థ లోటే ఎంటర్‌టైన్‌మెంట్‌జోనర్: హారర్ థ్రిల్లర్‌ఓటీటీ: అమెజాన్ ప్రైమ్‌(తెలుగులోనూ అందుబాటులో ఉంది)నిడివి: 95 నిమిషాలుహారర్ సినిమా అంటే మనందరికీ గుర్తొచ్చేది దెయ్యమే. ఆ సబ్జెక్ట్‌ లేకుండా హారర్ సినిమా తీయడం చాలా అరుదు. తెలుగు చాలా హారర్ చిత్రాలు వచ్చాయి. కానీ దెయ్యం ఎక్కడా కనిపించకుండా ఆడియన్స్‌ను భయపెట్టేలా సినిమాలు చాలా తక్కువే ఉంటాయి. అలాంటి సరికొత్త కాన్సెప్ట్‌తో తెరకెక్కించిన చిత్రమే స్లీప్‌. 2023లో వచ్చిన కొరియన్‌ హారర్‌ మిస్టరీ థ్రిల్లర్‌ ఎలా ఉండో రివ్యూలో చూద్దాం.కథేంటంటే..ఈ సినిమా మొత్త ఇద్దరు దంపతుల చుట్టే తిరుగుతుంది. సౌత్‌ కొరియాలో హైయోన్-సూ (లీ సన్-క్యున్), సూ-జిన్ (జంగ్ యు-మి) కొత్తగా పెళ్లి చేసుకుని ఓ ఫ్లాట్‌లో నివసిస్తుంటారు. ఇద్దరు కూడా ఉద్యోగాలు చేస్తూ హాయిగా జీవనం సాగిస్తుంటారు. కానీ అనుకోకుండా ఓ రాత్రి జరిగిన సంఘటనతో వారి జీవితం ఊహించని మలుపులు తిరుగుతుంది. ఆ సంఘటన తర్వాత సూ జిన్‌లో భయం మొదలవుతుంది. అసలు తన భర్త ఎందుకిలా చేస్తున్నాడో భయంతో వణికిపోతుంది.ఆ తర్వాత తన భర్త హయన్‌ సూతో కలిసి వైద్యుని సంప్రదిస్తుంది సూ జిన్. ఆ తర్వాత ఆమె భర్తకు ఉన్న విచిత్రమైన, భయంకరమైన వింత సమస్య గురించి ఆమెకు అసలు నిజం తెలుస్తుంది. దీంతో భర్తను కాపాడుకునేందుకు ఆమె శతవిధాలా ప్రయత్నిస్తుంది. అసలు అతనికి ఏమైంది? భయంకరమైన డిజార్డరా? లేక దెయ్యం ఆవహించిందా?.. ‍అలాగే వీరికి పుట్టిన బాబును ఎలా రక్షించుకుంది? అనేది తెలియాలంటే స్లీప్ ఓసారి చూడాల్సిందే. ఎలా ఉందంటే..స్లీప్‌.. హారర్‌ మూవీ అయినప్పటికీ డైరెక్టర్‌ డిఫరెంట్‌ కాన్సెప్ట్‌ను సినీ ప్రియులకు పరిచయం చేశాడు. దెయ్యాన్ని చూపించకుండానే ఆడియన్స్‌ను భయపడేలా చేశాడు. ఇందులో విచిత్రమైన డిజార్డర్‌ను పరిచయం చేస్తూ.. హారర్‌తో పాటు ఆడియన్స్‌లో సస్పెన్స్ క్రియేట్ చేశాడు. అతనికి ఉన్నది డిజార్డరా? లేక నిజంగానే దెయ్యం పట్టిందా? అన్న అనుమానాన్ని ఆడియన్స్‌లో రేకెత్తించాడు. అక్కడక్కడా మధ్యలో వచ్చే కొన్ని సన్నివేశాలు సాగదీసినట్లు అనిపించినా.. క్లైమాక్స్‌లో వచ్చే ట్విస్టులు ఆడియన్స్‌ను మరింత భయపెట్టేస్తాయి. కొన్ని సీన్స్‌ అయితే ఒళ్లు గగుర్పొడ్చేలా ఉ‍న్నాయి. అలాగే చివర్లో వచ్చే డ్రిల్లింగ్‌ మిషన్‌ సీన్‌ చిన్నపిల్లలకు చూపించకపోవడం మంచిది. మొత్తంగా ఓటీటీలో సస్పెన్ష్ థ్రిల్లర్స్‌ ఎంజాయ్ చేసే ఆడియన్స్‌ స్లీప్ చూసేయొచ్చు.

యాక్షన్ సినిమా అంటే పూర్తిగా యాక్షనే కాదు కామెడీతో కూడిన యాక్షన్ చిత్రాలు ఇదివరలో మనం చాలానే చూశాం. అదే కోవలో విడుదలైన చిత్రం ఫ్రీలాన్స్ ప్రైమ్ వీడియో ఓటిటి వేదికగా స్ట్రీమ్ అవుతోంది. జాన్ సేనా వంటి సీరియస్ యాక్షన్ కథానాయకుడు నటించిన చిత్రం ఈ ఫ్రీలాన్స్. కథాపరంగా కథానాయకుడు ఒకప్పుడు ఆర్మీలో పని చేసి ఓ వ్యక్తి చేసిన తప్పిదానికి ఆర్మీ నుండి అనుకోకుండా తను సస్పెండ్ అవుతాడు.కొంతకాలం తరువాత తన స్నేహితుడి ద్వారా ప్రైవేట్ ఆర్మీలో పని చేసే అవకాశం లభిస్తుంది కథానాయకుడికి. ఆ ప్రైవేట్ ఆర్మీ మొదటి ఆపరేషన్ ఓ జర్నలిస్టుకి బాడీగార్డ్ గా వ్యవహరించడం. ఆ జర్నలిస్ట్ ఓ దేశాధిపతిని ఇంటర్వ్యూ చేయడానికి వెళ్ళే తరుణంలో కథానాయకుడిని బాడీగార్డ్ గా తీసుకువెళుతుంది. అక్కడ ఆదేశాధిపతి మీద దాడి జరుగుతుంది. తరువాత ఆ దాడిని కథానాయకుడు ఎలా ఎదుర్కున్నాడు, జర్నలిస్ట్ ను ఎలా రక్షించాడు అన్నది ఓటిటి తెర మీద చూడాల్సిందే. ఈ కథ కాన్సెప్ట్ సీరియస్ అయినా స్క్రీన్ ప్లే మాత్రం హాస్యభరితంగా ఉంటుంది. వీకెండ్ మూవీ వ్యూవర్స్ కు మస్ట్ వాచ్ మూవీ అని చెప్పవచ్చు.- ఇంటూరు హరికృష్ణ

సినిమా షూటింగ్‌లో స్టార్‌ హీరోయిన్‌ ప్రియాంక చోప్రా గాయపడ్డారు. ఆస్ట్రేలియాలో జరుగుతున్న హాలీవుడ్‌ మూవీ ది బ్లఫ్​ షూటింగ్ సమయంలో ఆమెకు స్వల్ప గాయమైంది. ఈ విషయాన్ని స్వయంగా ప్రియాంకనే సోషల్‌ మీడియా ద్వారా తెలియజేసింది. తన గొంతు మీద చిన్న స్క్రాచ్‌ అయిన ఫోటోని ఇన్‌స్టా స్టోరీలో షేర్‌ చేస్తూ..‘వృత్తి జీవితంలో ప్రమాదాలు’ అనే క్యాప్షన్‌ ఇచ్చింది. ‘స్టంట్’‌ చేస్తుండగా ఈ ప్రమాదం జరిగినట్లు తెలుస్తోంది. (చదవండి: అనుష్కకు అరుదైన వ్యాధి.. పగలబడి నవ్వేస్తారట!)‘ది బ్లఫ్’లో ప్రియాంక చోప్రా యాక్షన్‌ రోల్‌ ప్లే చేస్తోంది. ఆమెకు సంబంధించిన కొన్ని యాక్షన్స్‌ సీన్స్‌ తెరకెక్కించే క్రమంలో ఈ ప్రమాదం జరిగింది. షూటింగ్‌లో ప్రమాదాలు జరగడం ప్రియాంకకు కొత్తేమి కాదు. గతంలోనూ పలు సినిమాల షూటింగ్‌ సమయంలో ఆమె ప్రమాదానికి గురయ్యారు. ఇప్పుడు పెదవి చివర చిన్న గాయంతో పాటు మెడపై గాటు పడింది. ప్రస్తుతం ఈ ఫోటో నెట్టింట వైరల్‌ అవుతోంది. ‘జాగ్రత్త’ మేడం అంటూ అమె అభిమానులు కామెంట్‌ చేస్తున్నారు.(చదవండి: అనారోగ్యంతో మంచానపడ్డ అభిమాని.. పిల్లల బాధ్యత భుజానెత్తుకున్న మహేశ్‌)సినిమాల విషయాలకొస్తే.. ఒకప్పుడు బాలీవుడ్‌లో స్టార్‌ హీరోయిన్‌గా కొనసాగిన ప్రియాంకా చోప్రా.. 2018లో అమెరికా సింగర్‌ నిక్‌ జోనాస్‌ను పెళ్లి చేసుకొని తన మకాంను హాలీవుడ్‌కి మార్చేసింది. ప్రస్తుతం హాలీవుడ్‌లో వరుస సినిమాలు, వెబ్‌ సిరీస్‌ల్లో నటిస్తూ బిజీ అయిపోయింది. చివరగా సిటాడెల్‌ వెబ్‌ సిరీస్‌తో ప్రేక్షకులను అలరించింది.

‘ది ఫాబెల్‌మ్యాన్స్‌’ (2022) చిత్రం తర్వాత హాలీవుడ్‌ ప్రముఖ దర్శకుడు స్టీవెన్‌ స్పీల్‌బర్గ్‌ తదుపరి చిత్రం గురించి ఇంకా ఎలాంటి ప్రకటన రాలేదు. అయితే స్పీల్‌బర్గ్‌ తర్వాతి సినిమా గురించి అతి త్వరలోనే కొత్త కబురు వినిపించనుందని హాలీవుడ్‌ టాక్‌. హాలీవుడ్‌ ప్రముఖ నటి ఎమిలీ బ్లంట్‌ లీడ్‌ రోల్‌లో స్పీల్‌బర్గ్‌ ఓ సినిమాను ప్లాన్‌ చేస్తున్నారట. ఈ సినిమా గురించి ఎమిలీతో చర్చించారట కూడా. త్వరలోనే ఈ సినిమా గురించి అధికారిక ప్రకటన రానుందని టాక్‌. ఓ వాస్తవ ఘటన నేపథ్యంలో ఈ సినిమా ఉంటుందనే ప్రచారం జరుగుతోంది. ఈ సినిమాను 2026 వేసవిలో విడుదల చేసేలా ప్లాన్‌ చేస్తున్నారట స్పీల్‌బర్గ్‌.

హాలీవుడ్‌ హిట్‌ ఫ్రాంచైజీ ‘వెనమ్‌’ నుంచి వస్తున్న తాజా చిత్రం ‘వెనమ్‌: ది లాస్ట్‌ డ్యాన్స్‌’. తొలి, మలి భాగాలు ‘వెనమ్‌ (2018)’, ‘వెనమ్‌: లెట్‌ దేర్‌ బీ కార్నేజ్‌ (2021)లకు ప్రేక్షకుల నుంచి, బాక్సాఫీస్‌ వద్ద మంచి ఆదరణ లభించింది. ఈ నేపథ్యంలో ‘వెనమ్‌: ది లాస్ట్‌ డ్యాన్స్‌’పై అంచనాలు ఉన్నాయి. ‘వెనమ్, వెనమ్‌: లెట్‌ దేర్‌ బీ కార్నేజ్‌’ (2021) లలో హీరోగా నటించిన టామ్‌ హార్డీయే ‘వెనమ్‌: ది లాస్ట్‌డ్యాన్స్‌’ చిత్రంలోనూ నటించారు. ‘వెనమ్‌: ది లాస్ట్‌ డ్యాన్స్‌’కు కెల్లీ మార్సెల్‌ దర్శకత్వం వహించారు. ఈ చిత్రంలో ఎడ్డీ బ్రాక్‌ పాత్రలో టామ్‌ హార్డీ కనిపిస్తారు. ఈ సినిమా ఈ ఏడాది అక్టోబరు 25న విడుదల కానుంది. ఈ సందర్భంగా ఈ సినిమా ట్రైలర్‌ను విడుదల చేశారు మేకర్స్‌. ఇక ‘వెనమ్‌’ ఫ్రాంచైజీలో ‘వెనమ్‌: ది లాస్ట్‌ డ్యాన్స్‌’ చివరి చిత్రం అవుతుందనే టాక్‌ హాలీవుడ్‌లో వినిపిస్తోంది.

హాలీవుడ్‌ యాక్షన్‌ అడ్వెంచర్‌ థ్రిల్లర్‌ కథా చిత్రం ప్యూరియోసా ఎ మ్యాడ్‌ మ్యాక్స్‌ చిత్రం సమ్మర్‌ స్పెషల్‌గా ఈ నెల 24వ తేదీన ప్రపంచ వ్యాప్తంగా తెరపైకి రావడానికి సిద్ధమవుతోంది. ఇది 2015లో వచ్చిన మ్యాడ్‌ మ్యాక్స్‌ ప్యూరి రోడ్‌ చిత్ర ప్రాంచైజీలో తాజా చిత్రం. గత చిత్రాల దర్శకుడు జార్జ్‌ మిల్లర్‌నే ఈ చిత్రాన్ని తెరకెక్కించారు. అయితే వాటికంటే భారీగా అదే సమయంలో ఒరిజినల్‌ కథతో రూపొందించిన చిత్రం ప్యూరియోసా ఎ మ్యాడ్‌ మ్యాక్స్‌ సాగా. ఇందులో అన్యటైలర్‌ జాయ్‌ ఒక యువ మహిళా యోధుని పాత్రలో నటించారు. నటుడు క్రిస్‌ హేమ్స్‌ వర్త్‌ ప్రతి నాయకుడిగా నటించిన ఈ చిత్రాన్ని వార్నర్‌ బ్రదర్స్‌ సంస్థతో కలిసి మిల్లర్‌ ఆయన చిరకాల భాగస్వామి, ఆస్కార్‌ నామినేటెడ్‌ నిర్మాత డౌగ్‌ మిథ్చల్‌ ఆ్రస్టేలియా బేస్‌డ్‌ కెన్నడీ మిల్లర్‌ మిచ్చల్‌ పతాకంపై నిర్మించారు. కాగా ఈ చిత్రంలో నటించిన అనుభవాన్ని నటుడు క్రిస్‌ హేమ్స్‌ వర్త్‌ మీడియాతో పంచుకున్నారు. ఇందులో ప్రతినాయకుడి పాత్రను పోషించడం మంచి అనుభవం అని పేర్కొన్నారు. నిజానికి ఇంత మంచి పాత్రలో తాను నటిస్తానని ఊహించలేదన్నారు. ఈ భారీ యాక్షన్‌ అడ్వెంచర్‌ థ్రిల్లర్‌ కథా చిత్రంలో తన పాత్ర ఆది నుంచి అంతం వరకు ఉంటుందన్నారు. ఇంకా చెప్పాలంటే ఇలాంటి పాత్రను తాను భవిష్యత్తులో నటిస్తానో లేదో అని కూడా చెప్పలేను అన్నారు. కాగా ఈ చిత్రాన్ని వార్నర్‌ బ్రదర్‌ సంస్థ ఈ నెల 24వ తేదీన ప్రపంచవ్యాప్తంగా ఆంగ్లం, హిందీ, తెలుగు, తమిళ భాషల్లో విడుదల చేయడానికి సన్నాహాలు చేస్తోంది.

హాలీవుడ్‌ అంటేనే కళ్లు చెదిరే యాక్షన్‌ సీన్లతో దుమ్మురేపుతారు. అందులోనూ మార్వెల్‌ యూనివర్స్‌ చిత్రాలపై ప్రేక్షకుల అంచనాలు ఏ ఏ రేంజ్‌లో ఉంటాయో ప్రత్యేకంగా చెప్పాల్సిన పనిలేదు. ఈ ప్రాంచైజ్‌లో సినిమా వస్తుందంటే చాలు ఫ్యాన్స్‌ సంబరపడిపోతుంటారు. ఇప్పటికే మార్వెల్స్‌ నుంచి వచ్చిన స్పైడర్‌ మ్యాన్‌, కెప్టన్‌ మార్వెల్‌,ది అవెంజర్స్‌,బ్లాక్‌ పాంథర్‌ లాంటి చిత్రాలు బాక్సాఫీసు వద్ద కాసుల వర్షం కురిపించాయి.ఈ క్రమంలో నవంబర్ 10 2023న విడుదలైన 'ది మార్వెల్స్' తెలుగు, తమిళ, హిందీ భాషల్లో అందేబాటులో ఉంది. ప్రస్తుతం ప్రముఖ ఓటీటీ డీస్నీ ప్లస్‌ హాట్‌ స్టార్‌లో స్ట్రీమింగ్ అవుతుంది. ముగ్గురు లేడి సూపర్ హీరోల కాన్సెప్టుతో వచ్చిన ఈ సినిమాను రూ.2250 కోట్లతో నిర్మించారు. 2019లో వచ్చిన కెప్టెన్ మార్వెల్ సినిమాకు సీక్వెల్‌గా 'ది మార్వెల్స్'ఈ సినిమా వచ్చింది. ఇందులో బ్రీ లార్సన్ ప్రధాన పాత్రలో లీడ్‌ చేస్తే.. ఇమాన్ వెల్లని, టియోనా పార్రిస్‌లు లేడి సూపర్ హీరోలుగా చేశారు. ప్రముఖ హాలీవుడ్‌ దర్శకురాలు నియో డకోస్టా తెరకెక్కించిన చిత్రమిది. యాక్షన్‌, అడ్వెంచర్‌ థ్రిల్లర్‌గా తెరకెక్కిన ఈ చిత్రం ఎలా ఉంది రివ్యూలో చూద్దాం.కథేంటంటే..మార్వెల్‌కు చెందిన ఈ ముగ్గురు సూపర్‌ హీరోయిన్స్‌ విశ్వ రక్షణ కోసం పోరాడుతుంటారు. క్రీ అనే గ్రహం అంతరించిపోతున్న సమయంలో ఆ గ్రహాన్ని ఎలాగైనా కాపాడుకోవాలని విలన్‌ పాత్రలో ప్రొటెక్టర్ డార్విన్‌ (జావే ఆష్టన్) పోరాడుతుంటాడు. ఇతర గ్రహాల్లో ఉన్న వనరులను తన గ్రహానికి తెచ్చుకునే పనిలే ఉంటాడు. అందుకోసం ఒక క్వాంటమ్‌‍ బ్యాండ్‌ సాయంతో ఈ పనిచేస్తుంటాడు. ఇలాంటి సమయంలో క్వాంటమ్ బ్యాండ్ నుంచి వచ్చే మాగ్నెటిక్ పవర్ వల్ల అనేక శక్తులతో కెప్టెన్ మార్వెల్ కారోల్ డార్విన్ (బ్రీ లార్సన్), కెప్టెన్ మోనికా ర్యాంబో (టియోనా పార్రిస్), కమలా ఖాన్‌ అలియాస్‌ మిస్‌ మార్వెల్‌ (ఇమాన్ వెల్లని) ఎంట్రీ ఇస్తారు. ఈ ముగ్గురిని టీం అప్‌ చేసే ‘నిక్‌ఫ్యూరి’ పాత్రలో సామ్యూల్‌ జాక్సన్‌ కనిపిస్తారు. తన శక్తులను లాక్కున్న క్రీ గ్రహం నుంచి వాటిని తిరిగి సాధించి తనపై ప్రతీకారం తీర్చుకుంటుంది మార్వెల్‌. కానీ కొన్ని కారణాల వల్ల క్రీ శక్తుల నుంచి విశ్వాన్ని కాపాడే బాధ్యతను తనపై వేసుకుంటుంది. ఇందులో కెప్టన్‌ మార్వెల్‌కి వెలుతురును స్వాధీనం చేసుకునే శక్తి ఉంటుంది. దాన్ని స్వయంగా చూసే శక్తి మోనికా రాంబోకి ఉంటుంది. వెలుతురునే ఒక వస్తువుగా మార్చే శక్తి మిస్‌ మార్వెల్‌కి ఉంటుంది. ఇలా ఒక్కొక్కరికి ఒక ప్రత్యేకత ఉంటుంది. ఈ ముగ్గురు తమ పవర్స్ ఉపయోగించిన ప్రతిసారి ఒకరి స్థానంలో మరొకరు ఉంటారు.ఈ ముగ్గురు కలిసి ‘ది మార్వెల్స్‌’గా మారడం.. ఆపై విశ్వాన్ని నాశనం చేస్తున్న ప్రొటెక్టర్ డార్విన్‌ (జావే ఆష్టన్)పై ఎలాంటి యుద్ధం చేస్తారనేది ఈ కథ. ఎలా ఉందంటేమార్వెల్ సినిమాటిక్ యూనివర్స్ నుంచి సినిమా వస్తుందంటే చాలా అంచనాలు ఉంటాయి. అందుకోసం రూ. 2250 కోట్ల బడ్జెట్‌తో ఈ సినిమాను నిర్మించారు. ముగ్గురు లేడి సూపర్ హీరోల భారీ యాక్షన్‌ సీన్స్‌ మెప్పించినప్పటికీ కథలో కాస్త ఆసక్తిని తగ్గిస్తుంది. ఇప్పటికే ఇలాంటి కథలు రావడంతో అంతగా ప్రేక్షకులు కనెక్ట్‌ కాలేదని చెప్పవచ్చు. 2022లో వచ్చిన మిసెస్ మార్వెల్ క్లైమాక్స్ సీన్‌తో ది మార్వెల్స్ స్టార్ట్ అవుతుంది. డార్బెన్‌ను పవర్ ఫుల్ విలన్‌గా మొదట్లో చూపించిన దర్శకులు.. క్లైమాక్స్ వచ్చేసరికి అంతలా మెప్పించలేకపోయారు. ఎడ్లాండా అనే కొత్త గ్రహాన్ని ది మార్వెల్స్‌లో చూపించారు. అది బాగానే ఉన్నప్పటికీ వార సంస్కృతిని చూపించిన విధానం అంతగా మెప్పించదు. ఇందులో ప్రదానంగా కెప్టెన్ మార్వెల్‌ ఫ్యాన్‌గా ఇమాన్ వెల్లని తన నటనతో దుమ్మురేపింది. సినిమా స్థాయికి తగ్గట్టుగానే గ్రాఫిక్స్, విజువల్స్ ఆకట్టుకుంటాయి. సినిమా క్లైమాక్స్‌లో వచ్చే ట్విస్ట్‌లు హైలెట్‌ అని చెప్పవచ్చు. ఈ చిత్రానికి మరో సీక్వెల్‌ ఉంటుందని కూడా హింట్‌ ఇచ్చారు. మార్వెల్స్‌ చిత్రాలను ఇష్టపడే వారందరినీ 'ది మార్వెల్స్' తప్పకుండా మెప్పిస్తుంది. హాట్‌స్టార్‌లో తెలుగులో కూడా స్ట్రీమింగ్‌ అవుతుంది.

హాలీవుడ్‌ సూపర్‌ హిట్‌ యాక్షన్‌ ఫ్రాంచైజీ ‘ఫాస్ట్‌ అండ్‌ ఫ్యూరియస్‌’కు ప్రేక్షకుల్లో మంచి క్రేజ్‌ ఉంది. ఇప్పటివరకు ఈ సినిమా ఫ్రాంచైజీ నుంచి వచ్చిన పది సినిమాలు ఘనవిజయం సాధించి, మంచి వసూళ్లను రాబట్టుకోవడం ఇందుకు ఓ నిదర్శనంగా చెప్పుకోవచ్చు. తాజాగా ‘ఫాస్ట్‌ అండ్‌ ఫ్యూరియస్‌’ ఫ్రాంచైజీ నుంచి 11వ చిత్రం రానుంది. ‘ఫాస్ట్‌ ఎక్స్‌’ (‘ఫాస్ట్‌ అండ్‌ ఫ్యూరియస్‌’ పదో చిత్రం) సినిమాకు దర్శకత్వం వహించిన లూయిస్‌ లెటర్రియర్‌ పదకొండవ సినిమానూ తెరకెక్కించనున్నారు. కాగా ఈ సినిమా గురించి ఇటీవల ఓ ఇంటర్వ్యూలో స్పందించారు లూయిస్‌. ‘‘ఫాస్ట్‌ అండ్‌ ఫ్యూరియస్‌ 11వ చిత్రం షూట్‌ను ఈ ఏడాదే ఆరంభిస్తాం. ప్రస్తుతం నేనో హారర్‌ మూవీ చేస్తున్నాను. ఈ సినిమా చిత్రీకరణ సెప్టెంబరు 15న పూర్తవుతుంది. సెప్టెంబరు 16న ‘ఫాస్ట్‌ అండ్‌ ఫ్యూరియస్‌’ 11వ సినిమా చిత్రీకరణను ప్రారంభిస్తాను. ‘ఫాస్ట్‌ అండ్‌ ఫ్యూరియస్‌’ సిరీస్‌లో తొలి భాగం 2001లో విడుదలైంది. సరిగ్గా పాతికేళ్ల తర్వాత 2026లో ఈ సిరీస్‌లోని 11వ చిత్రం విడుదల చేస్తాం. తొలి చిత్రాన్ని విడుదల చేసిన తేదీనే (జూన్‌ 18) 11వ చిత్రాన్ని కూడా విడుదల చేయాలని ఉంది. కానీ నిర్మాతలు, డిస్ట్రిబ్యూటర్స్‌ పరంగా కుదురుతుందో లేదో చూడాలి’’ అని చెప్పుకొచ్చారు లూయిస్‌. కాగా ‘ఫాస్ట్‌ అండ్‌ ఫ్యూరియస్‌’ ఫ్రాంచైజీలో ఇదే లాస్ట్‌ చిత్రం అవుతుందని హాలీవుడ్‌ టాక్‌.

టైటిల్‌: డెత్‌ విస్పరర్‌డైరెక్టర్‌: థావివాత్‌ వాంతానటీనటులు: నదెచ్‌ కుగిమియ, జూనియర్‌ కజ్భుందిట్‌, పీరకృత్‌ పచరబూన్యకైట్‌, దెడిస్‌ జెలిల్చ కపౌన్‌నిడివి: 2 గంటలుఓటీటీ: నెట్‌ఫ్లిక్స్‌హారర్‌ సినిమాలకు ప్రత్యేక అభిమానులుంటారు. కొందరు భయమనేదే లేకుండా.. కన్నార్పకుండా సినిమా చూస్తారు. మరికొందరు ఎంత భయమేసినా సరే.. నిండా దుప్పటి కప్పుకుని మరీ చూస్తుంటారు. హారర్‌ సినీప్రియులందరికోసం ప్రతియేడూ బోలెడన్ని సినిమాలు రిలీజవుతున్నాయి. అలా గతేడాది డెత్‌ విస్పరర్‌ అనే థాయ్‌ మూవీ రిలీజైంది. క్రిట్టనాన్‌ రచించిన టీ యోడ్‌ నవల ఆధారంగా ఈ సినిమా తెరకెక్కింది. ఈ మూవీ కథేంటి? ఎలా ఉందో చూద్దాం..కథేంటంటే..అది 1970.. థాయ్‌లాండ్‌ కాంచనబూరిలోని గ్రామంలో ఓ ఫ్యామిలీ సంతోషంగా జీవనం సాగిస్తుంటుంది. ఇంటి పెద్ద పొలం పని చేస్తుంటాడు. చాలా స్ట్రిక్ట్‌. భార్య ఇంటి పనికే పరిమితమవుతుంది. వీరికి ముగ్గురమ్మాయిలు, ముగ్గురబ్బాయిలు సంతానం. పిల్లలు బడికి వెళ్లేముందు, వచ్చాక తల్లికి ఇంటిపనిలో సాయపడుతుంటారు. ఇద్దరబ్బాయిలు తండ్రికి పొలంలో సాయం చేస్తారు. అందరికంటే పెద్దవాడైన యాక్‌ మిలిటరీలో పని చేస్తాడు. కానీ ఓ రోజు ఉన్నట్లుండి ఇంటికి వచ్చేస్తాడు. అప్పటికే ముగ్గురమ్మాయిలకు స్కూలుకు వెళ్లే దారిలో ఓ చెట్టు కింద దెయ్యం కనిపిస్తూ ఉంటుంది. వారు ఎక్కడికి వెళ్తే అక్కడ ఆ దెయ్యం కనిపిస్తుంది.పన్ను పీకి చేతబడిఆ దెయ్యం అందరికంటే ఆరోగ్యంగా ఉన్న యామ్‌ను ఆవహించేందుకు సెలక్ట్‌ చేసుకుంటుంది. దీంతో తను అనారోగ్యానికి లోనవుతుంది. వింతగా ప్రవర్తించడం మొదలుపెడుతుంది. ఓ రోజు చూయ్‌ అనే మంత్రగత్తె కిటికీలోంచి ఆ అమ్మాయి గదిలోకి దూరం తన పన్ను పీకి దానిపై చేతబడి చేస్తుంది. ఈ విషయం తెలిసి మిలిటరీ నుంచి వచ్చిన అన్న తనను చావబాదడానికి వెళ్తే తనే ఆత్మహత్య చేసుకుంటుంది. అక్కడినుంచి ఈ కుటుంబానికి కష్టాలు మొదలవుతాయి.క్లైమాక్స్‌లో ట్విస్ట్‌రాత్రిపూట దెయ్యం ఏదో వింతవింత(గుసగుసలాడినట్లు) శబ్దాలు చేయడం, అది విన్నవారు స్పృహ తప్పిపోవడం.. అర్ధరాత్రి యామ్‌ ఇంట్లో నుంచి బయటకు వెళ్లడం, ఆమెను వెతికి తీసుకురావడం.. ఇదే జరిగేది. దెయ్యం వారిని మానిప్యులేట్‌ చేయడానికి ట్రై చేసినా.. ప్రాణాలకు తెగించి మరీ యాక్‌ తన చెల్లిని బతికించేందుకు ప్రయత్నిస్తాడు. దెయ్యం ఎక్కడైతే కనిపించిందో ఆ చెట్టును కొట్టేసి అక్కడున్న మానవ మాంసాన్ని కాల్చేస్తారు. తర్వాత ఆస్పత్రికి వెళ్లే దారిలో దెయ్యాన్ని కూడా షూట్‌ చేస్తారు. ఇక దాని పీడ విరగడైందనుకున్న సమయంలో డైరెక్టర్‌ ట్విస్ట్‌ ఇచ్చాడు.. అదేంటో తెలియాలంటే ఓటీటీలో సినిమా చూడాల్సిందే!ఎలా ఉందంటే?డెత్‌ విస్పరర్స్‌.. ఈ మూవీలో హారర్‌కే పెద్ద పీట వేశారు. కామెడీ జోలికి వెళ్లలేదు. అయితే సినిమా అంతా ఒక ఫ్లోలో వెళ్లిపోతుంది. పెద్దగా ఎగ్జయిట్‌ అయ్యే విషయాలంటూ ఏమీ ఉండవు. నటీనటులు బాగా యాక్ట్‌ చేశారు. సౌండ్‌ ఎఫెక్ట్స్‌ మీద కాస్త ఫోకస్‌ చేయాల్సింది. క్లైమాక్స్‌ చివర్లో సీక్వెల్‌ ఉంటుందని హింటిచ్చారు. ఫైనల్‌గా చెప్పాలంటే ఈ సినిమాను ఒకసారి చూడొచ్చు. అయితే తెలుగు ఆడియో, సబ్‌టైటిల్స్‌ లేవు. ఇంగ్లీష్‌ సబ్‌టైటిల్స్‌తో సినిమా చూసేయొచ్చు.

మార్వెల్ యూనివర్స్ నుంచి వ‌చ్చిన డెడ్‌పూబ్లా సినిమాలు ఎంత పెద్ద బ్లాక్ బస్టర్ అయ్యాయో ప్రత్యేకంగా చెప్పనక్కర్లేదు. అయితే తాజాగా ఈ సిరీస్ నుంచి మ‌రో సినిమా రాబోతుంది. మార్వెల్ స్టూడియోస్ నుంచి వ‌స్తున్న తాజా చిత్రం ‘డెడ్‌పూల్ & వోల్వారిన్’. ఈ సినిమాలో ర్యాన్ రేనాల్డ్స్, హ్యూగ్ జాక్‌మాన్ ప్ర‌ధాన పాత్ర‌ల్లో న‌టిస్తుండ‌గా.. షాన్ లెవీ ద‌ర్శ‌క‌త్వం వ‌హిస్తున్నాడు. మార్వెల్ స్టూడియోస్, 21 ల్యాప్స్ ఎంట‌ర్‌టైన‌మెంట్ సంయుక్తంగా నిర్మిస్తున్నాయి. ఈ సినిమా జూలై 26న ప్రేక్ష‌కుల ముందుకు రానుంది. ఇటీవల విడుదలైన ఈ సినిమా టీజర్ కు మంచి స్పందన లభించింది. తాజాగా చిత్ర యూనిట్ ట్రైలర్ ను విడుదల చేసింది.ఫుల్ యాక్ష‌న్ అడ్వెంచర్‌గా ప్రేక్షకుల ముందుకు రాబోతున్న ఈ సినిమా ట్రైలర్ ఆసక్తికరంగా ఉంది. డెడ్‌పూల్‌గా ర్యాన్ రేనాల్డ్స్ మ‌రోసారి ఎంట‌ర్‌టైన్ చేయ‌డానికి సిద్ద‌మ‌యిన‌ట్లు తెలుస్తుంది. ఇక ఈ సినిమాలో ఎమ్మా కొరిన్, మోరెనా బక్కరిన్, రాబ్ డెలానీ, లెస్లీ ఉగ్గమ్స్, కరణ్ సోని, మాథ్యూ మక్‌ఫాడియన్ త‌దిత‌రులు ముఖ్యపాత్ర‌లు పోషిస్తున్నారు.

ప్రస్తుతం సినీ ప్రియులు ఎక్కువగా ఓటీటీల వైపే చూస్తున్నారు. ఎంచక్కా ఇంట్లోనే ఉంటూ కొత్త కొత్త సినిమాలు, వెబ్ సిరీస్‌లు చూసేస్తున్నారు. దీంతో ఓటీటీ ప్రేక్షకుల కోసం ఎప్పటికప్పుడు సినిమాలు ఓటీటీల్లో సందడి చేస్తున్నాయి. తాజాగా హాలీవుడ్ బ్లాక్‌బస్టర్‌ మూవీ డ్యూన్ పార్ట్- 2 ఓటీటీలోకి వ‌చ్చేసింది. భారీ బడ్జెట్‌తో తెరకెక్కించిన ఈ చిత్రం అమెజాన్‌ ప్రైమ్‌లో స్ట్రీమింగ్‌ అవుతోంది. అయితే కేవలం రెంటల్ విధానంలోనే మాత్రం అందుబాటులో ఉంది.  ప్రస్తుతం రెంట‌ల్ విధానంలో అమెజాన్ ప్రైమ్‌తో పాటు బుక్‌మై షో ఓటీటీలో ఈ మూవీ స్ట్రీమింగ్ అవుతోంది. దాదాపు రూ.1500 కోట్ల బడ్డెజ్‌తో తెరకెక్కించిన ఈ చిత్రం ప్రపంచవ్యాప్తంగా బాక్సాఫీస్ వద్ద దాదాపు రూ.4500 కోట్ల వసూళ్లు సాధించింది. 2024లో హాలీవుడ్‌లోనే అత్యధిక వసూళ్లు సాధించిన మూవీస్‌లో ఒక‌టిగా రికార్డ్ క్రియేట్ చేసింది. కాగా.. లెజెండరీ పిక్చర్స్, వార్నర్ బ్రదర్స్ పిక్చర్స్ బ్యానర్లపై డెనీస్ విల్లెన్యువే దర్శకత్వంలో రూపొందించారు. ఫ్రాంక్ హెర్బర్ట్ రచించిన డ్యూన్ నవల ఆధారంగా ఈ సినిమాను తెరకెక్కించారు. ఈ చిత్రంలో తిమోతీ ఛాలామెట్, జెండ్యా, రెబాకా ఫెర్గూసన్, జోష్ బ్రోలిన్, ఆస్టిన్ బట్లర్ కీలక పాత్రలు నటించారు. 2021లో విడుదలైన అమెరికన్ ఎపిక్ సైన్స్ ఫిక్షన్ సినిమా డ్యూన్‌కు సీక్వెల్‌గా  పార్ట్- 2 తీసుకొచ్చారు.  మార్చి 1వ తేదీన ప్రేక్షకుల ముందుకొచ్చిన ఈ సినిమాకు అభిమానుల నుంచి అద్భుతమైన రెస్పాన్స్ వచ్చింది. 

హాలీవుడ్‌ సినీ చరిత్రలో దర్శకుడు-నటుడు ఉడీ అలెన్‌ది ప్రముఖ స్థానం. ముఖ్యంగా రొమాంటిక్‌ జానర్‌లో ఆయన తెరకెక్కించిన ‘అన్నీహాల్‌, మాన్‌ హాట్టన్‌, మిడ్‌నైట్‌ ఇన్‌ ప్యారిస్‌, టు రోమ్‌ విత్‌ లవ్‌, ఏ రెయినీ డే ఇన్‌ న్యూయార్క్‌’ వంటివి ప్రేక్షకులను ఆకట్టుకున్నాయి. పలు రొమాంటిక్‌ చిత్రాలు తెరకెక్కించిన ఉడీ అలెన్‌ ఇటీవల ఓ ఇంటర్వ్యూలో ‘రొమాన్స్‌ ఆఫ్‌ ఫిల్మ్‌మేకింగ్‌ ఈజ్‌ గాన్‌’ అన్నారు. ఇక సినిమాల పరంగా చేయడానికి ఏమీ లేదన్నట్లుగా మాట్లాడారు 88 ఏళ్ల ఉడీ. ఆయన తెరకెక్కించిన ‘కూప్‌ ది చాన్స్‌’ గత ఏడాది ఫ్రాన్స్‌లో విడుదలైంది. దర్శకుడిగా ఉడీకి ఇది 50వ చిత్రం. ఇదే చివరి చిత్రం అన్నట్లుగా పేర్కొన్నారు. ఈ చిత్రం రిలీజ్‌ నార్త్‌ అమెరికాలో లేట్‌ అయింది. ఆ ఇంటర్వ్యూలో ఉడీ అలెన్‌ మాట్లాడుతూ..‘నేనొక సినిమా చేశాక దాని గురించి పట్టించుకోను. డిస్ట్రిబ్యూషన్‌ అనేది నా పని కాదు. ఇప్పుడు పంపిణీ అంటే ఏ మూవీ అయినా రెండు వారాలే. ఒకప్పుడు నా ‘అన్నీహాల్‌’ సినిమా న్యూయార్క్‌ థియేటర్‌లో ఏడాది ఆడింది. ఒక థియేటర్‌లో 6,7 నెలలు ఆడాక వేరేవాళ్లు తీసుకునేవారు. అక్కడ కొన్ని నెలలాడేది. కానీ ఇప్పుడు సినిమా వ్యాపారం మారిపోయింది.ఈ మార్పు ఆకర్షనీయంగా లేదు’ అన్నారు.   

బ్యాట్‌మేన్‌ విన్యాసాలను ‘బ్యాట్‌మేన్‌’లో అద్భుతంగా చూపించారు దర్శకుడు మాట్‌ రీవ్స్‌.  ఈ చిత్రం 2022లో రిలీజై  బ్లాక్‌ బస్టర్‌గా నిలిచింది. దాంతో ఈ చిత్రానికి సీక్వెల్‌ ప్రకటించినప్పటి నుంచి విడుదల కోసం బ్యాట్‌మేన్‌ అభిమానులు ఎదురు చూస్తున్నారు. జెఫ్రీ రైట్, రాబర్ట్‌ ప్యాటిన్‌సన్, ఆండీ సెర్కిస్‌ ప్రధాన పాత్రధారులుగా రూపొందుతున్న ఈ చిత్రాన్ని 2025 అక్టోబరులో రిలీజ్‌ చేయాలనుకున్నారు. ఇంకో ఏడాది ఆగాలా? అనుకున్న అభిమానులు మరింత నిరాశపడే చేదు వార్తను ఇచ్చింది ‘బ్యాట్‌మేన్‌ 2’ యూనిట్‌. వచ్చే ఏడాది ఈ చిత్రాన్ని విడుదల చేయడంలేదు. 2026 అక్టోబరు 2న విడుదల చేయనున్నట్లు మేకర్స్‌ ప్రకటించారు. ఇలా ‘బ్యాట్‌మేన్‌ 2’ చిత్రం ఏకంగా ఏడాది ఆలస్యంగా థియేటర్స్‌కు రానుంది. కాగా కథ, స్క్రీన్‌ ప్లే విషయంలో దర్శకుడు మాట్‌ రీవ్స్‌ కొత్తగా కొన్ని మార్పులు అనుకున్నారని, వీటిని సెట్స్‌లో చిత్రీకరించేందుకు టైమ్‌ పడుతుందని, అందుకే ‘బ్యాట్‌మేన్‌ 2’ చిత్రం విడుదల వాయిదా పడిందని హాలీవుడ్‌ సమాచారం.

డిస్నీ సినిమాటిక్ యూనివర్స్ నుంచి వచ్చిన సూపర్‌ హిట్‌ చిత్రాల్లో ‘వండర్‌ వుమెన్‌’ ఒకటి. 2017లో రిలీజైన ఈ హాలీవుడ్‌ మూవీతో గాల్‌ గాడోట్‌  సూపర్‌ హీరోయిన్‌గా మారిపోయింది. తనదైన నటన, యాక్షన్‌, గ్లామర్‌తో యావత్‌ సినీ ప్రపంచాన్ని ఆకట్టుకుంది. ఈ మూవీ తర్వాత గాల్ గాడోట్‌ని  వండర్ వుమెన్‌గా పిలవడం ప్రారంభించారు. తాజాగా ఈ సూపర్‌ లేడి నాలుగోసారి తల్లైయింది. బుధవారం ఓ పండంటి ఆడబిడ్డకు జన్మనిచ్చింది. ఈ విషయాన్ని సోషల్‌ మీడియా ద్వారా అభిమానులతో పంచుకుంటూ పాపకు ఓరి అని నామకరణం చేసినట్లు పేర్కొంది. ‘ ప్రెగ్నెన్సీ అంత సులభం కాదు.. కానీ నీ రాకతో మా జీవితాల్లోకి వెలుగు వచ్చింది.  నీ పేరుగు తగినట్టే నీ లైఫ్‌లో వెలుగులు చిమ్మాలి అని ఆకాంక్షించారు. ఓరి అంటే హెబ్రూ భాషలో నా క్రాంతి అని అర్ధం’ అని ఇన్‌స్టాలో రాసుకొచ్చింది గాల్‌.  కాగా, గాల్‌ గాడోట్‌ 2008లో జారోన్ వార్సానోను ప్రేమ వివాహం చేసుకుంది. ఇప్పటికే వీరిద్దరి ముగ్గురు ఆడ పిల్లలు. పేర్లు ఆల్మా(12), మాయా(6), డేనీయోలా(2). ఓరితో కలిపి మొత్తం నలుగురు సంతానం.  సినిమాల విషయానికొస్తే.. ఫాస్ట్ అండ్ ఫ్యూరియస్(2009) సినిమాతో ఇండస్ట్రీలోకి అడుగుపెట్టింది గాల్‌ గాడోట్‌. ఆ తర్వాత వండర్‌ ఉమెన్‌తో ప్రపంచ వ్యాప్తంగా పాపులారిటీని సంపాదించుకుంది.ఇప్పటికే 20పైగా సినిమాల్లో నటించింది. తాజాగా ఆమె నటించిన హార్ట్ ఆఫ్ స్టోన్ సినిమా ప్రేక్షకుల ముందుకు వచ్చింది. ఇందులో బాలీవుడ్‌ భామ అలియా భట్‌ ఓ ప్రధాన పాత్ర పోషించింది. ఇది అలియా భట్‌కి తొలి హాలీవుడ్‌ మూవీ. ప్రస్తుతం మూవీ ప్రముఖ ఓటీటీ నెట్‌ఫ్లిక్స్‌లో స్ట్రీమింగ్‌ అవుతోంది.  (గాల్‌ గాడోట్‌ ఫోటోల కోసం ఇక్కడ క్లిక్‌ చేయండి) View this post on Instagram A post shared by Gal Gadot (@gal_gadot)

మరో హాలీవుడ్‌ యాక్షన్‌ ఎంటర్‌టైనర్‌ కథా చిత్రం తమిళ ప్రేక్షకులను అలరించడానికి సిద్ధమైంది. ఫైర్‌ ట్విస్టర్‌ పేరుతో రూపొందిన హాలీవుడ్‌ చిత్రాన్ని అగ్ని అరక్కన్‌ పేరుతో రూపొందించిన చిత్రాన్ని మరుదమలై ఫిలిమ్స్‌ సంస్థ అధినేత రేస్‌కోర్స్‌ రఘునాథ్‌ తమిళంలోకి అనువదించి విడుదల చేయడానికి సన్నాహాలు చేస్తున్నారు. ఈ చిత్రానికి తమిళంలో ఈయనే సంభాషణ రాయడం విశేషం. ఈయన ఇంతకుముందు పలు తమిళ చిత్రాలను విడుదల చేశారన్నది గమనార్హం.  (ఇది చదవండి: రకుల్ భామకు బాయ్‌ఫ్రెండ్‌ స్పెషల్ విషెస్.. ఇన్‌స్టా పోస్ట్ వైరల్!) ఈ అగ్నిఅరక్కన్‌ చిత్రం గురించి నిర్మాత రేస్‌కోర్స్‌ రఘునాథ్‌ తెలుపుతూ పంచభూతాల్లో ఒకటైన అగ్ని ఎంత ప్రమాదకరమైందో చెప్పే చిత్రంగా ఇది ఉంటుందన్నారు. ఈ హాలీవుడ్‌ చిత్రాన్ని అనుమతులతో పలు చేర్పులు మార్పులు చేసి తమిళ కోసం సరికొత్తగా రూపొందించినట్లు చెప్పారు. చిత్రం ఆబాల గోపాలాన్ని అలరిస్తుందని అభిప్రాయాన్ని వ్యక్తం చేశారు. అగ్నిఅరక్కన్‌ చిత్రానికి సంబంధించిన అన్ని కార్యక్రమాలు పూర్తి అయ్యాయని, త్వరలోనే చిత్రాన్ని తెరపైకి తీసుకురావడానికి సన్నాహాలు చేస్తున్నట్లు తెలిపారు. ఈ చిత్రం తర్వాత తమ సంస్థ నుంచి వరుసగా చిత్రాలు వస్తాయని నిర్మాత తెలిపారు. (ఇది చదవండి: నిద్రలోనూ అవే కలలు వస్తున్నాయి.. అయినా తప్పకుండా చేస్తా: రాఘవ లారెన్స్)

హాలీవుడ్‌ హారర్‌ మూవీ ఇన్సిడియస్ ప్రాంచైజీ 5వ భాగంగా ఇన్సిడియస్: ది రెడ్ డోర్ రాబోతుంది. పాట్రిక్ విల్సన్ దర్శకత్వం వహించిన ఈ చిత్రం సోనీ పిక్చర్స్‌ ద్వారా జులై 6న ఇంగ్లీష్, తమిళం, తెలుగు, హిందీ భాషల్లో విడుదల కానుంది. ఇన్సిడియస్‌(2010), ఇన్సిడియస్‌ చాప్టర్‌ 2(2013)కి సీక్వెల్‌గా ఈ చిత్రం తెరకెక్కింది. ఇన్సిడియస్‌ చాప్టర్‌ 2 ముగింపు తర్వాత అంటే ఆ సంఘటనలు జరిగిన పదేళ్ల తర్వాత ఈ చిత్రం కథ ప్రారంభం కానుంది.  ది రెడ్ డోర్ స్టోరీ ఏంటంటే.. జోష్ లాంబెర్ట్ తన కొడుకు డాల్టన్‌ను ఒక ఇడిలిక్, ఐవీ-లీగ్ యూనివర్శిటీలో దింపడానికి వెళ్తాడు. ఆ యూనివర్శీటీ డాల్టన్‌కు ఓ పీడకలలా మారుతుంది. అతని చేత గతంలో అణచివేతకు గురైన రాక్షసులు అకస్మాత్తుగా వారిద్దరినీ వెంటాడేందుకు తిరిగి వస్తాయి. రాక్షసులను అంతం చేయడానికి, లాంబెర్ట్ పీడకలని ఆపడానికి జోష్, డాల్టన్ మరోసారి ఏమిచేశారు అనేదే ఈ మూవీ కథ. ఈ చిత్రంలో డాల్టన్ లాంబెర్ట్ గా టై సింప్కిన్స్, జోష్ లాంబెర్ట్ గా పాట్రిక్ విల్సన్, ఫోస్టర్ లాంబెర్ట్ గా ఆండ్రూ ఆస్టర్  నటించారు. భారీ అంచనాలతో రాబోతున్న ఈ హారర్‌ మూవీ ప్రేక్షకులను ఏ మేరకు భయపెడుతుందో చూడాలి.

ప్రపంచవ్యాప్తంగా ప్రేక్షకులు ఆసక్తిగా ఎదురు చూసే చిత్రాల్లో గ్లాడియేటర్ సిరీస్ ఒకటి. గతంలో విడుదలైన గ్లాడియేటర్-1 సినీ ప్రేక్షకులను కట్టిపడేసింది. భారీ యాక్షన్‌ సన్నివేశాలు ప్రేక్షకులను అలరించిన సంగతి తెలిసిందే.  అయితే ప్రస్తుతం ఈ మూవీ సీక్వెల్‌గా గ్లాడియేటర్-2 తెరకెక్కిస్తున్నారు. అత్యంత భారీ బడ్జెట్‌తో తెరకెక్కుతోన్న ఈ సినిమా సెట్‌లో ఊహించని విధంగా అగ్ని ప్రమాదం జరిగింది. ( ఇది చదవండి: తనతో చాలా అసభ్యంగా ప్రవర్తించాడు.. ఆదిపురుష్ హీరోయిన్) ఈ ఘటనలో పలువురికి గాయాలైనట్లు తెలుస్తోంది. అయితే ప్రమాదానికి గల పూర్తి కారణాలు ఇంకా తెలియరాలేదు.  ప్రస్తుతం ఈ సినిమా షూటింగ్‌ మొరాకోలో జరుగుతోంది. ఈ ప్రమాదం వల్ల పలువురు సిబ్బంది గాయపడినట్లు చిత్ర నిర్మాణ సంస్థ పారామౌంట్ పిక్చర్స్ ప్రతినిధి వెల్లడించారు.  ఆయన మాట్లాడుతూ..'ఈ ప్రమాదంలో ఆనుగురు సిబ్బందికి గాయాలయ్యాయి. ప్రస్తుతం అందరి ఆరోగ్యం నిలకడగానే ఉంది. ఆస్పత్రిలో చికిత్స అందిస్తున్నాం. ఇప్పటికే ఆరుగురు సిబ్బందిలో మరో నలుగురికి చికిత్స కొనసాగుతోంది. ఇంతటి భారీ అగ్నిప్రమాదం ఎప్పుడూ చూడలేదు. షూటింగ్‌ సెట్‌లో భద్రతా పరమైన అన్ని జాగ్రత్తలు తీసుకున్నాం.' అని తెలిపారు. అయితే ఈ ప్రమాదంలో నటీనటులకు ఎవరికీ ఎలాంటి గాయాలు కాలేదని ఆయన వెల్లడించారు.  కాగా.. 2000 సంవత్సరంలో వచ్చిన ‘గ్లాడియేటర్‌’కు సీక్వెల్‌గా తెరకెక్కుతోన్న ఈ చిత్రం కోసం ఎంతో మంది ఎదురుచూస్తున్నారు. సర్ రిడ్లీ స్కాట్ ఈ చిత్రానికి దర్శకత్వం వహిస్తున్నారు.  అప్పట్లో సంచలనం సృష్టించిన ఈ సినిమా కలెక్షన్ల వర్షం కురిపించడమే కాదు ఏకంగా 5 ఆస్కార్‌ అవార్డులు సొంతం చేసుకుంది. 23 ఏళ్ల తర్వాత ఈ సినిమా సీక్వెల్‌ను రూపొందిస్తున్నారు. ఈ మూవీ నవంబర్ 2024లో విడుదల కానుంది. ( ఇది చదవండి: కొత్తింట్లోకి అడుగు పెట్టిన హిమజ, ఫోటో వైరల్‌)

డిటెక్టివ్స్‌ బాడీ లాంగ్వేజ్‌ ఎలా ఉంటుంది? వారి ప్రవర్తన ఎలా ఉంటుంది? అనే విషయాలను తెలుసుకుంటున్నారట సమంత. ఎందుకంటే ‘చెన్నై స్టోరీస్‌’ అనే సినిమా కోసం. ఇంగ్లిష్, తమిళ భాషల్లో రూపొందనున్న చిత్రం ఇది. ఇంగ్లాండ్‌ నటుడు వివేక్‌ కల్రా హీరోగా నటించనున్నారు. సమంత హీరోయిన్‌. సినిమాలో ఇంగ్లాండ్‌కి చెందిన కుర్రాడిగా వివేక్, తమిళ యువతి పాత్రలో సమంత కనిపిస్తారు. తన తల్లి చనిపోయాక, పూర్వీకుల సమాచారం తెలుసుకోవడానికి, దూరమైన తండ్రిని కనుక్కోవడానికి ఇండియా వస్తాడు హీరో. తండ్రి ఆచూకీ తెలుసుకోవడానికి ఓ ప్రైవేట్‌ డిటెక్టివ్‌ని నియమించుకుంటాడు. ఆ గూఢచారి పాత్రనే సమంత చేయనున్నారు. ఇంగ్లాండ్‌కి చెందిన ఆ యువకుడు, చెన్నై పొన్ను (అమ్మాయి) మధ్య ఏర్పడే ప్రేమతో ఈ చిత్రం సాగుతుంది. ‘అరేంజ్‌మెంట్స్‌ ఆఫ్‌ లవ్‌’ నవల ఆధారంగా ఫిలిప్‌ జాన్‌ ఈ చిత్రానికి దర్శకత్వం వహించనున్నారు. త్వరలో ఈ చిత్రం షూటింగ్‌ ఆరంభం కానుంది. 

జాక్సన్ పోలాక్ అనే ఒక లేదా ఒకే ఒక గొప్ప చిత్రకారుడు అనగనగా ఉండేవాడు.  ’పొలాక్ ’ అనే పేరు  మీదే తనపై తీసిన  ఒక సినిమా ఉంది. ఆ పోలాక్ సినిమా చూశాకా ఇప్పుడు నేను వ్రాయాల్సింది పోలాక్ గురించా? ఎడ్ హరిస్ గురించా లేదా లీ క్రాన్సర్ పాత్ర ధరించిన మార్సియా గే హాడ్సన్ గురించా అని సమస్య నాది. సినిమా ప్రారంభ దృశ్యం  పొలాక్ పెయింటింగ్ షో తో మొదలవుతుంది. పెద్దమనుషులు, సూటుబూట్లవాళ్ళు,  దేవతల వంటి భూమ్మీది అందగత్తెల నడుమ ఎడ్ హారిస్ అనే గొప్ప సినిమా స్టార్  ఆబ్ స్ట్రాక్ట్ ఎక్స్ప్రెషనిస్ట్ పోలాక్  గా నిలబడి  ఉన్నాడు, మడత నలగని నల్లరంగు సూట్లో ఠీవిగా ఐవరీ బ్లాక్ రంగులా ఉన్నాడు.  తన మీది నుంచి కెమెరా పాన్ అవుతుంది.  ఆగాగు, ఉండుండు, ఇదేమిటి!!  అనుకుని సినిమా పాజ్ చేసి మళ్ళీ  ఆ సీన్ కొసం కొన్ని సెకండ్లవెనక్కి వెళ్ళి చూశా. నిజమే మడత నలగని బట్టల్లో నిమ్మ పండులా నిగనిగలాడుతున్న పోలాక్ బ్రొటన వ్రేలు, చూపుడు వేలు మధ్య భాగపు చర్మం నలుపులో ఉంది, సబ్బేసి తొమీ తోమీ కాస్త వెలిసిన నలుపులో ఉంది. ఒక పెయింటర్ అదీనూ పొలాక్ లాంటి వాడి పెయింట్ మరకలు నిండిన చేయి ఎలా ఉండాలో అలానే ఉందది. (చదవండి: ఆ సినిమా చూడు రూ.82000 గెలుచుకో.. కానీ ఓ ట్విస్ట్‌) మీరెప్పుడయినా పెయింటర్ల వైపు వారి చేతులవైపు పరీక్షగా చూశారా" పెళ్ళిల్లలో, పండుగ వేడుకల్లో కలిసినప్పుడయినా పర్లా. కొత్త బట్టలు ధరించి ధవళ సుభ్రంగా తళతల లాడిపోతున్నా సరే వారి చేతులవంక చూడండి ఆ చేతి చివరలలో కానీ , గులాబీ గోర్లపై కానీ పెయింట్ మరకలు లేకపోతే, ఇండియన్ ఇంక్ చుక్కలు మిగలకపోతే వాడేం చిత్రకారుడు. కంప్యూటర్ మానీటర్  మీదనో, వాకం పలక మీదనో బొమ్మ జారిపోయేవాడయ్ మాత్రమే ఉంటాడు కాక. మరిప్పుడు నేను వ్రాయాల్సింది పోలాక్ గురించా? ఎడ్ హరిస్ గురించా లేదా లీ క్రాన్సర్ పాత్ర ధరించిన మార్సియా గే హాడ్సన్ గురించా? ఈ ముగ్గురితో పాటు ఈ సినిమా దర్శకుడి గురించా? అని ఆ ఎడ్ హరిస్ చేతి డిటైల్ ని షూట్ చేసిన దర్శకుడి దగ్గరకి వెళ్ళి దండం పెట్టుకుందామని చూస్తే ఈ సినిమా దర్శకుడు కూడా  ఎడ్ హరిస్. ఇది దర్శకుడిగా తన తొలి సినిమా. దీన్నే తెలుగులో టూమచ్ లేదా థర్టీ టూమచ్ అనంటాను. హారీస్ ఏంచేశాడంటే పోలాక్ పాత్రలో ఒదిగి పోవటానికి, జాక్సన్ పొలాక్ జీవితం పై, అతని బొమ్మలపై ఇంతవరకు అచ్చయిన ప్రతి పుస్తకాన్ని అక్షరమక్షరం చదివాడు, పోలాక్ ఒరిజినల్ బొమ్మ వున్న ప్రతి గ్యాలరి కి వెళ్ళి బొమ్మని ఆమూలాగ్రము పట్టి పట్టి పరిశీలించాడు. ఈ చూపు ఆ తీక్షణత వృధా కాలేదు. హారిస్ ఈ సినిమాలో ప్రతి కేన్వాస్ పెయింటింగ్ సీన్ లో తన చేతి వేల్లకు చిత్రకారుడి నటన అబ్బించాడు, ఆ వేళ్ళు నిజ్జంగా పరిణితి చేందిన చిత్రకారుడి వలె పని చేశాయి. అవి పెయింట్ ట్యూబ్ ని పిండిన పద్దతి, కేన్వాస్ పై ప్లాట్ బ్రష్ తో లాగిన స్ట్రొక్స్, విదిలించిన చిక్కని నల్లని రంగు తీగల విన్యాసం చూస్తే ఎడ్ హారిస్ ఒక దర్శకుడి కన్నా, నటుడిగా కన్నా చిత్రకారుడిగా ఎక్కువ పని చూపించాడని, నిజమైన చిత్రకారులు కూడా ఇతగాడి వేళ్ల ఈజ్ ని, అడుగులు రిథంని అందుకోడం అసాద్యం. ఇంకా గుంటూరు కారం ఘాటు వంటి కేమెల్ సిగరెట్ల పెట్టెలు ఊదేయడం కూడా అలవాటు చేసుకున్నాడు, పోలాక్ బ్రాండ్ అదే మరి. సన్నగా కండలు తిరిగి సంపూర్ణ సౌష్టవంతొ ఉన్న తన శరీరానికి చెడ తినడం మప్పించి చివరి రోజుల్లో పొలాక్కు ఉన్నటువంటి పెద్ద పొట్ట, నిండయిన బుగ్గలు తెచ్చుకున్నాడు( మీకెమైనా రేజింగ్ బుల్ సినిమాలో  రాబర్ట్ డెనిరో, ది మెషినిస్ట్ లో క్రిస్టియన్ బేల్ గుర్తుకు వస్తున్నాడా? వెరీ గుడ్) ఈ సినిమాలో పొలాక్ బాగా తాగీ సైకిల్ మీద బీర్ క్యాన్లు తెచ్చే సన్నివేశం ఒకటి ఉంది ఆ సీన్లో తను కింద పడిపోవాలి, ఇక్కడా సహజంగా పడిపొవడమే నటించాడు . షాట్ బ్రహ్మాండంగా కుదిరింది. చేయి చీరుకుపోయి హారిస్ కి మిగిలింది అయిదు కుట్ల సువేనీర్ కూడా. పోలాక్ గురించి వెనుక చెప్పుకునే ఒక కథ ఉంది. తనకు నచ్చని ఆర్ట్ డీలర్ గాడికి బొమ్మ అమ్మాల్సి వస్తే ముందుగా ఆ పెయింటింగ్ మీద ఉచ్చ పోసి. ఆరబెట్టి ఆ తరువాతే పంపేవాడట. ఇది ఏ మాత్రం అబద్ధం కాకూడదని నేను సర్వాదా దేవుణ్ణి వేడుకుంటా. అలాగే ఒక విజయోత్సవ సంబరంలో ఆ పార్టీ మధ్యలో ధనము, కనకము, రియల్ ఎస్టేట్ వ్యాపారమూ, కీర్తి కిరీటము , ప్రతిష్టా సింహాసనము, కనాజియర్ వేషము, రాజకీయము, చిత్రకళా విమర్శ, సంగీతము, సాహిత్యము, ఇదీ అదీ అనేదేమిటి! ఎలైట్ గ్రూప్ అని పిలవబడే ప్రతి ఒక్క నా పుత్రుడు మరియో అతగాడు  కట్టుకున్న పెళ్లాలందరి ముందు నిటారుగా నిలబడి జిప్పు సర్రుమని క్రిందికి లాగి వారు చలి కాచుకుంటున్న పైర్ ప్లేస్ లో ఉచ్చపోసి " యు నో హూ ఈస్ ది బాస్" అన్నటూ క్వచ్చన్ మార్క్ మోహం పెడతా డు. చచ్చు రూపాయినోటు అచ్చు ముందు కేన్వాస్ బొమ్మ గొప్పతనాన్ని నిస్సహాయంగా అంగీకరించుకుంటూ ఆ జనం కూడా ఏడవలేక నవ్వుతారు, నీ ధారకు జేజేలు అన్నట్టు అబ్బుర కూడా పడతారు జేబులో అణాకాణి చిల్లర మిగులు లేని పోలాక్ పొగరు అది, తన జీవితకాలంలో ఏ ఒక్కపెయింటింగ్ని కనీసం పదివేల డాలర్లకు అమ్ముకోలేని అచ్చమైన చిత్రకారుడికి వున్న అత్యంత అధిక మిగులు అహంకారమది . మీకూ నాకూ ఉంటుందా?  బహుశా మనమూ ఆర్టిస్ట్ లమైనపుడో, అలా బ్రతకగలిగినపుడో మాత్రమే మన తల కామందు ముందు కాక, వాడు పడేసే చిల్లర నోట్ల ముందు కాకా పొలాక్ లా ఇలా తల వంచి కాన్వాస్ చూడగలిగినపుడు మాత్రమే కళాకారుడు తలెత్తుకుని ఉండగలడు. (పొలాక్‌ మూవీ డిసెంబర్‌ 15, 2000లో విడుదలైంది. ప్రస్తుతం ప్రముఖ ఓటీటీ అమెజాన్‌ ఫ్రైమ్‌లో అద్దెకు లభిస్తోంది) -అన్వర్, ఆర్టిస్ట్, సాక్షి

'కలలు కనండి. నిజం అవుతాయనడానికి నేను ఈ అవార్డును ఓ ప్రూఫ్‌గా చూపిస్తున్నాను. మహిళలకు నేను ఒక్కటే చెప్పాలనుకుంటున్నాను. ఎవరైనా మీ ప్రైమ్‌ టైమ్‌ను మీరు దాటిపోయారు అంటే నమ్మొద్దు. ఈ అవార్డుని నేను మా అమ్మకు... ప్రపంచంలో ఉన్న అమ్మలందరికీ అంకితం ఇస్తున్నాను. ఎందుకంటే వారే నిజమైన సూపర్‌హీరోస్‌. వీరే లేకపోతే ఇప్పుడు ఇక్కడ ఎవరూ ఉండి ఉండేవారు కాదు.మా అమ్మగారికి 84 ఏళ్లు. కుటుంబసభ్యులు, స్నేహితులతో కలిసి ఇప్పుడు మలేసియాలో ఆమె ఈ వేడుకను చూస్తున్నారు. నేను ఈ అవార్డును ఇంటికి తీసుకువస్తున్నాను (కుటుంబ సభ్యులను ఉద్దేశించి). అలాగే నా కెరీర్‌ హాంకాంగ్‌లో స్టార్ట్‌ అయ్యింది. అక్కడ నాకు హెల్ప్‌గా ఉన్నవారికి ధన్యవాదాలు. అలాగే నెవర్‌ గివప్‌. డానియల్‌ డ్యూయో, ఏ 24 షూటింగ్‌ స్టూడియో, ‘ఎవ్రీథింగ్‌ ఎవ్రీవేర్‌..’ నటీనటుల సహాయం లేకపోతే నేను ఇప్పుడు ఇక్కడ ఈ వేదికపై ఉండేదాన్ని కాదు'. – ఉత్తమ నటి, మిషెల్‌ యో(కాగా, ఈ చిత్రానికి గాను ఉత్తమ నటి అవార్డు దక్కించుకున్న మిషెల్‌యో ఆస్కార్‌ అందుకున్న తొలి ఆసియా మహిళగా నిలిచారు. అంతేకాదు ఇప్పుడామె వయస్సు 60ఏళ్లు. ) నాకు అవార్డు ఇచ్చిన ఆస్కార్‌ కమిటీకి, ఇలాంటి ఓ బోల్డ్‌ ఫిల్మ్‌లో నటించే అవకాశం కల్పించినవారికి ప్రత్యేక ధన్యవాదాలు. ‘ది వేల్‌’ సినిమాలో భాగమైన వారిని గుర్తు చేసుకోకుండా ఉండలేను. బెస్ట్‌ యాక్టర్‌గా నాకు అవార్డు రావడాన్ని చాలా గౌరవంగా ఫీల్‌ అవుతున్నాను. నటుడిగా నేను 30 ఏళ్లుగా ఇండస్ట్రీలో ఉన్నాను. కొన్ని సందర్భాల్లో నాకు గుర్తింపు వస్తుందా? అని ఆలోచించాను. అలా ఆలోచించినప్పుడు చాలా కష్టంగా అనిపించింది. కేవలం తిమింగలాలు మాత్రమే లోలోతుల్లో ఈదగలవు. సినిమా ఇండస్ట్రీలో నేనూ అంతే. నాకు హెల్ప్‌గా ఉన్న నా కుటుంబ సభ్యలకు ధన్యవాదాలు. – ఉత్తమ నటుడు బ్రెండెన్‌ ఫ్రాజెర్‌ (చెమర్చిన కళ్లతో...) ఈయన కూడా 54 ఏళ్ల వయసులో ఉత్తమ నటుడిగా ఆస్కార్‌ పురస్కారాన్ని అందుకున్నారు.) Michelle Yeoh accepts her #Oscar for Best Actress: "For all the little boys and girls who look like me watching tonight, this is a beacon of hope and possibilities. This is proof that dreams do come true." https://t.co/ndiKiHfmID pic.twitter.com/pQN8nHDhCx — Variety (@Variety) March 13, 2023

95వ అకాడమీ అవార్డు వేడుకల్లో ఓ హాలీవుడ్‌ చిత్రం సత్తా చాటింది. 'ఎవ్రిథింగ్‌ ఎవ్రివేర్‌ ఆల్‌ ఎట్‌ వన్స్‌'(Everything Everywhere All At Once)అనే హాలీవుడ్‌ చిత్రం ఏకంగా ఏడు ఆస్కార్లను కైవసం చేసుకుంది. 11 విభాగాల్లో నామినేట్‌ అయిన ఈ సినిమా ఏకంగా ఏడు అవార్డును సొంతం చేసుకుంది.  ఉత్తమ చిత్రం, ఉత్తమ నటి, ఉత్తమ సహాయ నటుడు, ఉత్తమ సహాయ నటి, ఉత్తమ దర్శకుడు, ఉత్తమ స్క్రీన్‌ ప్లే, ఉత్తమ ఎడిటింగ్‌ విభాగాల్లో ఈ చిత్రానికి అవార్డులు వరించాయి.  కాగా, ఈ చిత్రానికి గాను ఉత్తమ నటి అవార్డు దక్కించుకున్న మిషెల్‌యో ఆస్కార్‌ అందుకున్న తొలి ఆసియా మహిళగా నిలిచారు. ఇప్పటికే పలు అంతర్జాతీయ అవార్డులను గెలుచుకున్న ఈ సినిమా ఏడు ఆస్కార్‌లను సొంతం చేసుకొని సత్తా చాటింది. 

టైటిల్‌: ది గ్రే మ్యాన్ నటీనటులు: రేయాన్‌ గాస్లింగ్, క్రిస్‌ ఎవాన్స్, ధనుష్‌, అనా డి అర్మాస్‌, జూలియా బట్టర్స్‌ కథ: మార్క్‌ గ్రీన్‌ (ది గ్రే మ్యాన్‌ నవల ఆధారంగా) సంగీతం: హెన్రీ జాక్‌మన్‌ సినిమాటోగ్రఫీ: స్టీఫెన్ ఎఫ్‌ విన్‌డన్‌ ఎడిటింగ్‌: జెఫ్‌ గ్రోత్‌, పియట్రో స్కాలియా  దర్శకత్వం: రూసో బ్రదర్స్‌ (ఆంటోని రూసో-జో రూసో) విడుదల తేది: జులై 22, 2022 (నెట్‌ఫ్లిక్స్‌) కోలీవుడ్ స్టార్‌ హీరో ధనుష్‌ కీలక పాత్రలో నటించిన లేటేస్ట్‌ హాలీవుడ్‌ మూవీ 'ది గ్రే మ్యాన్‌'.అవేంజర్స్‌ ఇన్ఫినిటీ వార్‌, అవేంజర్స్‌ ఎండ్‌ గేమ్‌ వంటి పలు మార్వెల్‌ హిట్‌ చిత్రాలకు దర్శకత్వం వహించిన రూసో బ్రదర్స్‌ (ఆంటోని రూసో-జో రూసో) ఈ సినిమాను డైరెక్ట్‌ చేశారు. హాలీవుడ్‌ పాపులర్‌ డైరెక్టర్స్ దర్శకత్వం వహించడం, సౌత్‌ స్టార్‌ ధనుష్‌ ఒక కీ రోల్‌ పోషించడంతో ఈ సినిమాపై తెలుగు ప్రేక్షకుల్లోనూ ఆసక్తి మొదలైంది. మార్క్‌ గ్రీన్‌ రాసిన పుస్తకం ఆధారంగా రూపొందిన ఈ మూవీ ఓటీటీ దిగ్గజం నెట్‌ఫ్లిక్స్‌లో జులై 22 నుంచి స్ట్రీమింగ్‌ అవుతోంది. అవిక్‌ సాన్‌గా ధనుష్‌ అలరించిన 'ది గ్రే మ్యాన్‌' ఎలా ఉందో రివ్యూలో చూద్దాం.  కథ: కోర్ట్‌ జెంట్రీ (రేయాన్‌ గాస్లింగ్‌) నేరం చేసిన జైళ్లో శిక్ష అనుభవిస్తాడు. అతన్ని అమెరికన్‌ సీఐఏ (సెంట్రల్‌ ఇంటలిజెన్స్‌ ఏజెన్సీ) ఏజెంట్‌ సిక్స్‌గా డొనాల్డ్‌ ఫిట్జ్‌రాయ్‌ (బిల్లీ బాబ్‌) తీసుకుంటాడు. కొన్ని సంవత్సరాల తర్వాత ఒక క్రిమినల్‌ను చంపమని ఏజెంట్‌ సిక్స్‌కు టార్గెట్‌ వస్తుంది. ఆ క్రిమినల్‌ను చంపేటప్పుడు అతను కూడా ఒక సీఐఏ ఏజేంట్‌ అని సిక్స్‌కు తెలుస్తోంది. తాను ఏజెంట్‌ ఫోర్‌ అని చెప్పి ‍అతని దగ్గర ఉన్న ఒక పెండ్రైవ్‌ను సిక్స్‌కు ఇస్తాడు. ఆ పెండ్రైవ్‌లో ఏముంది ? దాంతో ఏజెంట్ సిక్స్‌ ఏం చేశాడు? ఆ ప్రెండైవ్‌ను సాధించేందుకు అత్యంత క్రూరుడు లాయిడ్‌ హాన్సన్‌ (క్రిస్‌ ఇవాన్స్‌) ఏం చేశాడు? అతని నుంచి సిక్స్‌ ఎలా తప్పించుకున్నాడు ? ఇందులో అవిక్‌ సాన్‌ (ధనుష్‌) పాత్ర ఏంటీ? అనేది తెలియాలంటే 'ది గ్రే మ్యాన్‌' చూడాల్సిందే.  విశ్లేషణ: ప్రపంచవ్యాప్తంగా ఘన విజయం సాధించిన అవేంజర్స్ సిరీస్‌, పలు మార్వెల్‌ సినిమాలను డైరెక్ట్‌ చేసిన రూసో బ్రదర్స్‌ ఈ చిత్రాన్ని తెరకెక్కించారు. అద్భుతమైన గ్రాఫిక్స్‌, వండర్‌ఫుల్‌ విజువల్స్‌తో ఆ సినిమాలను రూపొందించిన రూసో బ్రదర్స్‌ ఆ జోనర్‌ నుంచి పూర్తిగా బయటకు వచ్చి రూపొందిన చిత్రమే ఇది. అయితే ఎంతో పేరు ఉన్న దర్శకద్వయం ఒక రొటీన్‌ స్టోరీకి యాక్షన్‌ అద్దారు. ఇలాంటి తరహాలో వచ్చిన జేమ్స్ బాండ్‌ సిరీస్‌, మిషన్‌ ఇంపాజిబుల్‌ సిరీస్‌లను ఇదివరకే చూసిన ప్రేక్షకులకు ఈ మూవీ అంతగా రుచించదు. సినిమాలోని వైల్డ్‌ యాక్షన్‌ సీన్స్‌ మాత్రం ఆకట్టుకునేలా ఉన్నాయి. దానికి తగినట్లుగా బ్యాక్‌గ్రౌండ్ మ్యూజిక్‌ బాగుంది. హీరో-విలన్ మధ్య వచ్చే సీన్లు అంతగా థ్రిల్లింగ్‌గా లేవు. క్లెయిర్‌ ఫిట్జ్‌రాయ్‌ (చైల్డ్‌ ఆర్టిస్ట్‌ జూలియా బట్టర్స్‌), ఏజెంట్‌ సిక్స్ మధ్య వచ్చే కామెడీ, ఎమోషనల్‌ సన్నివేశాలు బాగుంటాయి. ఇక అవిక్‌ సాన్‌, లేన్‌ వూల్ఫ్‌గా ధనుష్‌ చేసిన యాక్షన్‌ సీన్స్‌ ఆకట్టుకున్నాయి. యాక్షన్‌తో కొద్దిసేపు అలరించిన ధనుష్‌ పాత్ర అంతగా ఇంపాక్ట్ చూపించినట్లు అనిపించలేదు.  ఎవరెలా చేశారంటే? ఏజెంట్‌ సిక్స్‌గా రేయాన్ గాస్లింగ్‌ అదరగొట్టాడు. యాక్షన్‌ సీన్స్‌, ఎమోషనల్‌ సన్నివేశాల్లో ఆకట్టుకున్నాడు. అయితే క్యారెక్టర్‌లో కొత్తదనం లేకపోవడంతో అంతలా ఎఫెక్టివ్‌గా అనిపించదు. కెప్టెన్ అమెరికా రోల్‌ ఫేమ్‌ క్రిస్ ఇవాన్స్‌ సైకో విలన్‌గా బాగా నటించాడు. అక్కడక్కడా తను చూపించే అట్టిట్యూడ్‌ ఆకట్టుకుంటుంది. ఏజెంట్‌ సిక్స్‌కు హెల్ప్‌ చేసే డాని మిరండా పాత్రలో అనా డి అర్మాస్‌ నటన బాగుంది. అవిక్‌ సాన్‌, లేన్‌ వూల్ఫ్‌గా ధనుష్ యాక్టింగ్‌ బాగుంది. ధనుష్‌ ఉన్నంతసేపు వైల్డ్‌ యాక్షన్‌ ఉంటుంది. ఇక మిగతా క్యాస్టింగ్‌ కూడా పరిధి మేర బాగా నటించారు. హెన్రీ జాక్‌మెన్‌ బీజీఎం, స్టీఫెన్ ఎఫ్‌ విన్‌డన్‌ సినిమాటోగ్రఫీ, జెఫ్‌ గ్రోత్‌, పియట్రో స్కాలియా ఎడిటింగ్‌ కూడా ఓకే. ఇక ఫైనల్‌గా చెప్పాలంటే కథ పక్కనపెట్టి యాక్షన్‌ను ఇష్టపడే వారిని ఎంటర్‌టైన్‌ చేసే 'ది గ్రే మ్యాన్'.   -సంజు (సాక్షి వెబ్‌డెస్క్‌)

Dhanush The Gray Man Video Viral: వరుస సినిమాలతో ఫుల్‌ బిజీగా ఉన్నాడు కోలీవుడ్‌ స్టార్‌ హీరో ధనుష్‌.. తెలుగులోనూ అనేక అభిమానులను సొంతం చేసుకున్నాడు. తెలుగులో నేరుగా 'సార్‌' అనే సినిమాలో నటిస్తున్న విషయం తెలిసిందే. అలాగే హాలీవుడ్‌ మూవీ 'ది గ్రే మ్యాన్'లో కూడా నటిస్తున్నాడు. ఇటీవల ఈ సినిమా నుంచి విడుదలైన ధనుష్‌ ఫస్ట్‌ లుక్‌, ట్రైలర్‌కు మంచి రెస్పాన్స్‌ వచ్చింది. అయితే ఈ ట్రైలర్‌లో ధనుష్‌ కొంచెంసేపు మాత్రమే కనిపించాడు. దీంతో ధనుష్ అభిమానులు నిరాశపడ్డారు. అయితే ధనుష్‌ అభిమానుల కోసం తాజాగా ఫుల్‌ వీడియోను రిలీజ్‌ చేశారు.  ఈ వీడియోలో ధనుష్ చేసే యాక్షన్‌ సీన్‌ ఆకట్టుకునేలా ఉంది. ఈ వీడియో చూసిన ధనుష్ ఫ్యాన్స్‌ ఫుల్ ఖుషీగా ఉన్నారు. ప్రస్తుతం ఈ వీడియో నెట్టింట వైరల్‌ అవుతోంది. కాగా ఈ మూవీ తెలుగు, తమిళం, కన్నడ, హిందీ, మలయాళ భాషల్లో నెట్‌ఫ్లిక్స్‌ వేదికగా జులై 22న విడుదల కానుంది. మార్క్‌ గ్రీన్‌ రాసిన పుస్తకం ఆధారంగా రూసో బ్రదర్స్‌ (జో రూసో-ఆంటోనీ రూసో) ఈ మూవీని తెరకెక్కించారు. సినిమాకు తగిన విధంగా జో రూసో, క్రిస్టోఫర్‌ మార్కస్‌, స్టీఫెన్‌ మెక్‌ఫీల్‌ స్క్రిప్ట్‌ రాశారు. అలాగే త్వరలో ఈ సినిమాను ధనుష్‌తో సహా వీక్షించేందుకు డైరెక్టర్స్‌ రూసో బ్రదర్స్ ఇండియా రానున్నట్లు ఇటీవల ప్రకటించారు.    Avik san from the #thegrayman @Russo_Brothers https://t.co/YDw98J0O8J — Dhanush (@dhanushkraja) July 12, 2022

పలు హాలీవుడ్‌ చిత్రాలెన్నో ప్రపంచ వ్యాప్తంగా ఎంతో ఆదరణ పొందాయి. అందులో మార్వెల్‌ స్టూడియో సీక్వెల్‌ ఒకటి. ఈ సినిమా అంటే ఎంతోమంది భారత ప్రేక్షకులు చెవి కొసుకుంటారు. అలాంటి వారికి తాజాగా మేకర్స్‌ శుభవార్త అందించారు. ఈ మార్వెల్‌ స్టూడియోస్‌ నుంచి ఇటీవల థోర్‌: లవ్‌ అండ్‌ థండర్‌ సీక్వెల్‌ తెరకెక్కిన సంగతి తెలిసిందే. ఈ మూవీ జూలై 7 నుంచి భారత్‌ థియేటర్లలో సందడి చేయనుంది. అంతేకాదు అమెరికాలో ఒకరోజు కంటే ముందే ఇక్కడ రిలీజ్‌ కావడం విశేషం. ఇంగ్లీష్, హిందీ, తమిళం, తెలుగు, మలయాళం, కన్నడ భాషలలో ఈ చిత్రం విడుదల కానుంది. విడుదలైన రోజు నుంచి 4 రోజుల పాటు ఈ చిత్రాన్ని వరుసగా 96 గంటల పాటు ప్రదర్శించనున్నారు. ఈ నాలుగు రోజులు డే అండ్‌ నైట్‌లో ఎంపిక చేసిన  థియేటర్లలోనే ఈ చిత్రం ప్రదర్శించనున్నారు. జూలై 7న ఉదయం 12:15 గంటల నుంచి జూలై 10, రాత్రి 23:59 గంటల వరకు వరుసగా 96 గంటల ఈ చిత్రం కొనసాగనుంది. మరి ఇంకేందుకు ఆలస్యం థోర్‌: లవ్‌ అండ్‌ థండర్‌ను చూడాలనుకుంటే ఇప్పుడే టికెట్లను బుక్‌ చేసుకోండి. ఆస్కార్ విజేత తైకా వెయిటిటి దర్శకత్వం వహించిన ఈ చిత్రంలో మనకు ఇష్టమైన అవెంజర్ థోర్ అకా క్రిస్ హేమ్స్‌వర్త్‌ తో పాటు భారీ తారాగణం: టెస్సా థాంప్సన్, నటాలీ పోర్ట్‌మన్, క్రిస్టియన్ బేల్ అతని బిగ్ ఎమ్‌సీయు(MCU) అరంగేట్రం చేశారు. 

Doctor Strange Multiverse of Madness: మార్వెల్‌ యూనివర్స్‌ తెరెక్కించే సూపర్‌ హీరో సినిమాలకు ప్రత్యేకమైన ఫ్యాన్‌ ఫాలోయింగ్‌ ఉంది. 2016లో వచ్చిన డాక్టర్‌ స్ట్రేంజ్‌ మూవీ ప్రేక్షకులను విపరీతంగా అలరించింది. ఆరేళ్ల తర్వాత దానికి సీక్వెల్‌గా వచ్చింది డాక్టర్‌ స్ట్రేంజ్‌: ఇన్‌ ద మల్టీవర్స్‌ ఆఫ్‌ మ్యాడ్‌నెస్‌. ఈవిల్‌ డెడ్‌ డైరెక్టర్‌ సామ్‌ రైమీ రూ.1500 కోట్ల బడ్జెట్‌తో తెరకెక్కించిన ఈ మూవీ గత నెల 6న విడుదలై వేల కోట్లు రాబట్టింది. బెనడిక్ట్‌ కుంబర్‌ బ్యాచ్‌, ఎలిజబెత్‌ ఓల్సన్‌, జోచిటి గోమెజ్‌, వాండా మ్యాక్సిమాఫ్‌ ప్రధాన పాత్రల్లో నటించిన ఈ మూవీ విజువల్‌ ఎఫెక్ట్స్‌తో అదరగొట్టింది. డాక్టర్‌ స్ట్రేంజ్‌ చూసినవారికి ఈ సీక్వెల్‌ బాగా అర్థమవుతుంది. తాజాగా ఈ చిత్రం ఓటీటీలోకి రాబోతోంది. హాట్‌స్టార్‌ జూన్‌ 22 నుంచి స్ట్రీమింగ్‌ కానుంది. తెలుగు, తమిళం, మలయాళం, కన్నడ, హిందీ, ఇంగ్లీష్‌ భాషల్లో అందుబాటులోకి రానున్నట్లు హాట్‌స్టార్‌ ప్రకటించింది. మొత్తానికి మాస్టర్‌ పీస్‌ను తీసుకొస్తున్నారంటూ అభిమానులు సంతోషం వ్యక్తం చేస్తున్నారు. Marvel Studios’ Doctor Strange in the Multiverse of Madness streams from June 22 in Hindi, Tamil, Telugu, Malayalam, Kannada and English. pic.twitter.com/0655EjTUgI — Disney+ Hotstar (@DisneyPlusHS) June 2, 2022 చదవండి:Major Review: మేజర్‌ మూవీ రివ్యూ బిగ్‌బాస్‌ 6లోకి సిరి బాయ్‌ఫ్రెండ్‌ శ్రీహాన్‌ !..

టైటిల్‌: టాప్‌ గన్‌ మావెరిక్‌ (హాలీవుడ్) నటీనటులు: టామ్‌ క్రూజ్‌, మైల్స్‌ టెల్లర్‌, జెన్నిఫల్ కాన్‌లీ, వాల్‌ కిల్మర్‌, గ్లెన్‌ పావెల్‌ తదితరులు నిర్మాతలు: టామ్‌ క్రూజ్‌, జెర్రీ బ్రూక్‌హైమర్, క్రిస్టోఫర్‌ మెక్‌ క్యూరీ, డేవిడ్‌ ఎల్లిసన్, డాన్‌ గ్రాంగర్‌ దర్శకత్వం: జోసెఫ్‌ కోసిన్స్కీ సినిమాటోగ్రఫీ: క్లాడియో మిరిండా విడుదల తేది: మే 26, 2022 హాలీవుడ్‌ యాక్షన్‌ హీరో టామ్‌ క్రూజ్‌ కెరీర్‌ ప్రారంభంలో హిట్‌ సాధించిన సినిమాల్లో 'టాప్‌ గన్‌' ఒకటి. 1986లో వచ్చిన ఈ చిత్రానికి సుమారు 36 ఏళ్ల తర్వాత సీక్వెల్‌గా తెరకెక్కిన మూవీ 'టాప్‌ గన్‌: మావెరిక్‌'. ఈ సినిమా 36 ఏళ్ల తర్వాత సీక్వెల్‌గా రావడం టీజర్లు, ట్రైలర్లతో మూవీపై భారీగా అంచనాలు నెలకొన్నాయి. నిజానికి ఈ మూవీ ట్రైలర్‌ 2019లోనే విడుదలైంది. సినిమా కూడా అప్పట్లోనే రావాల్సింది. కానీ కరోనా వల్ల, పలు కారణాలతో వాయిదా పడుతూ వచ్చింది. ఇక ఈ మూవీ చివరికీ మే 27న విడుదల కావాల్సింది కానీ మే 26 నుంచే షోలు ప్రదర్శించారు. మరీ భారీ అంచనాల నడుమ విడుదలైన 'టాప్‌ గన్‌: మావెరిక్‌' ఎలా ఉందో రివ్యూలో చూద్దాం.  కథ: పీట్‌ మావెరిక్‌ మిచెల్‌ (టామ్‌ క్రూజ్‌) అమెరికా ఆర్మీలో ఫైటర్‌ పైలెట్‌గా పనిచేస్తాడు. అతనికి 36 ఏళ్ల అనుభవం ఉంటుంది. ఒక యుద్ధ విమానాన్ని టెస్ట్‌ చేసేందుకు అపరిమిత స్పీడ్‌లో వెళతాడు. అది చూసిన తన పైఅధికారులు పైలెట్‌గా విధుల నుంచి తప్పించి 'టాప్‌ గన్‌' అకాడమీలో బెస్ట్‌ పైలెట్స్‌కు శిక్షణ ఇవ్వమని పంపిస్తారు. 36 ఏళ్ల అనుభవం ఉన్న పీట్‌ మావెరిక్‌ ఎందుకు పైలెట్‌గానే ఉండిపోవాల్సి వచ్చింది ? అతన‍్ని బెస్ట్ పైలెట్స్‌కు శిక్షణ ఇవ్వమని చెప్పడానికి అసలు కారణం ఎవరు ? వారికి ఎందుకోసం శిక్షణ ఇవ్వమంటారు ? ఆ శిక్షణ క్రమంలో వారు ఎదుర్కొన్న సవాళ్లు ఏంటీ ? హీరో ఫ్రెండ్ గూస్ కొడుకు రూస్టర్‌కు పీట్‌ అంటే ఎందుకు కోపం ? అనే విషయాలు తెలియాలంటే సినిమా చూడాల్సిందే.  విశ్లేషణ: 'టాప్ గన్‌' సినిమాను గుర్తు చేస్తూ 'టాప్‌ గన్‌ మావెరిక్‌' మూవీ ప్రారంభం అవుతుంది. టాప్‌ గన్‌ మూవీ నచ్చిన వాళ్లకు ఈ మూవీ కూడా మంచి అనుభూతిని ఇస్తుంది. ఉన్నతాధికారులను ఏమాత్రం లెక్కచేయిని పాత్రగా మావెరిక్‌ను పరిచయం చేశారు. 36 ఏళ్ల తర్వాత కూడా అతనిలో ఎలాంటి మార్పు లేదన్నట్లుగా చూపించారు. ఆకాశంలో సాహోసోపేతమైన విన్యాసాలు, ఏరియల్‌ స్టంట్స్‌ సూపర్బ్‌గా అనిపిస్తాయి. యుద్ధ విమానాలతో వాళ్లు చేసే ఫీట్లు ఆసక్తికరంగా ఉంటాయి. కంబాట్‌ సీన్స్‌, ట్రైనింగ్‌ సీన్స్‌ బాగున్నాయి. సినిమాలో అడ్వెంచర్‌ షాట్స్‌, కామెడీ డైలాగ్స్‌తోపాటు ఎమోషనల్‌ ఫీల్‌ సీన్లు ఎంతో ఆకట్టుకుంటాయి.  కథలో భాగంగా పీట్‌ ఫ్రెండ్‌ గూస్‌ మరణం కారణంగా తనపై అనుమానాలు తలెత్తడం, వాటన్నింటిన దాటుకొని తిరిగి విధుల్లోకి రావడం, గూస్ కుమారుడు రూస్టర్‌తో వచ్చే సన్నివేశాలు ఉద్వేగభరితంగా బాగున్నాయి. సినిమా ప్రారంభం నుంచి గూస్‌ కొడుకు రూస్టర్‌ను పీట్‌ చూసే విధానం ఎమోషనల్‌గా ఉంటుంది. మావెరిక్‌కు అతని లవర్‌ మధ్య వచ్చే రొమాంటిక్‌ సీన్లు నవ్వు తెప్పిస్తాయి. పీట్‌ ఫ్రెండ్‌ ఐస్‌ మ్యాన్‌ (వాల్‌ కిల్మర్‌) మధ్య సంభాషణ ఎమోషనల్‌గా సాగి చివరిగా ఒక్కసారి నవ్వు తెప్పించడం భలే హాయిగా ఉంటుంది. వాల్‌ కిల్మర్‌కు రియల్‌ లైఫ్‌లో ఉన్న ఆరోగ్య సమస్యలను సినిమాలోని పాత్రకు ఆపాదించడం బాగుంది. క్లైమాక్స్‌, చివరి అరగంట ముందు మంచు కొండల్లో వచ్చే సీన్లు ఉత్కంఠభరితంగా ఆకట్టుకుంటాయి.  ఎవరెలా చేశారంటే?  హీరోగా చేసిన టామ్‌ క్రూజ్ యాక్టింగ్‌ గురించి ప్రత్యేకంగా చెప్పుకోనవసరం లేదు. యాక్షన్‌ సీన్స్‌, రియల్‌ స్టంట్స్‌కు పెట్టింది పేరు. సినిమాలో ఆయన నటన హైలెట్‌. 1986లో టాప్‌ గన్‌ మూవీ వచ్చినప్పుడు టామ్‌ వయసు 24. ఈ సీక్వెల్‌ సమయానికి 59 ఏళ్లు. అయినా ఆయనలో ఏమాత్రం జోరు తగ్గలేదు. అదే జోష్‌, అదే బాడీ లాంగ్వేజ్‌, అదే సిక్స్‌ ప్యాక్ బాడీతో యాక్షన్‌, ఫైట్స్‌, రొమాన్స్‌లో తనదైన స్పెషాల్టీ చూపించాడు. మిగతా క్యారెక్టర్లు వారి పాత్రలకు అనుగుణంగా అదరగొట్టారు. బ్యాక్‌గ్రౌండ్ మ్యూజిక్‌ బాగుంది. నిర్మాణ విలువలు, టెక్నికల్‌ వర్క్‌ సూపర్బ్‌గా ఉన్నాయి. ఫైనల్‌గా చెప్పాలంటే ఎలాంటి అంచనాలు లేకుండా చూస్తే కచ్చితంగా మంచి అనుభూతి కలుగుతుంది.   -సంజు, సాక్షి వెబ్‌డేస్క్‌

Dhanush Starrer Hollywood Movie The Gray Man Trailer Released: వరుస సినిమాలతో ఫుల్‌ బిజీగా ఉన్నాడు కోలీవుడ్‌ స్టార్‌ హీరో ధనుష్‌. ఆయన తెలుగులోనూ అనేక అభిమానులను సొంతం చేసుకున్నాడు. ఇటీవల 'మారన్'తో అలరించిన ధనుష్‌.. హాలీవుడ్‌ మూవీ 'ది గ్రే మ్యాన్' సినిమాలో నటిస్తున్న విషయం తెలిసిందే. ఇటీవల ఈ సినిమా నుంచి ధనుష్‌ ఫస్ట్‌ లుక్‌ విడుదల కాగా మంచి రెస్పాన్స్‌ వచ్చింది. తాజాగా ఈ మూవీ ట్రైలర్‌ను విడుదల చేశారు మేకర్స్‌. ఆద్యంతం యాక్షన్‌ సీన్స్‌తో ట్రైలర్‌ ఆకట్టుకుంది. ఇందులో ధనుష్‌ నెగెటివ్‌ రోల్‌లో కనిపించనున్నాడని టాక్‌.  మార్క్‌ గ్రేనీ నవల 'ది గ్రే మ్యాన్‌' ఆధారంగా ఈ మూవీని తెరకెక్కించారు. ఈ సినిమాకు రూసో బ్రదర్స్‌ (జో రూసో-ఆంటోనీ రూసో) దర్శకత్వం వహించారు. వీరు బాక్సాఫీసును షేక్‌ చేసిన ‘అవెంజర్స్‌: ఇన్ఫినిటీ వార్‌’, ‘అవెంజర్స్‌: ఎండ్‌గేమ్‌’ వంటి సినిమాలను డైరెక్ట్‌ చేశారు. ఇందులో ర్యాన్‌ గోస్లింగ్, క్రిస్‌ ఎవాన్స్, అనా డి అర్మాస్‌ ప్రధాన పాత్రల్లో నటించారు. ఈ మూవీ జూలై 15న థియేటర్లలో, జూలై 22న ఓటీటీ దిగ్గజం నెట్‌ఫ్లిక్స్‌లో విడుదల కానుంది. కాగా ధనుష్‌కు ఇది రెండో ఇంటర్నేషనల్‌ సినిమా. ఇదివరకు 'ది ఎక్స్‌ట్రార్డినరీ జర్నీ ఆఫ్ ది ఫకీర్' సినిమాతో హాలీవుడ్‌కు పరిచయం అయ్యాడు.  చదవండి: 👇 రజనీ కాంత్‌తో ఇళయరాజా భేటీ.. కారణం ? బలవంతంగా నాతో ఆ క్యారెక్టర్‌ చేయించారు: డైరెక్టర్‌

ప్రపంచ సినీ ప్రియులు ఎంతగానో ఎదురు చూస్తున్న చిత్రం 'అవతార్​ 2'. 2009లో హాలీవుడ్​ లెజండరీ డైరెక్టర్​ జేమ్స్​ కామెరాన్​ సృష్టించిన గొప్ప విజువల్​ వండర్​ 'అవతార్'​. దీనికి సీక్వెల్​గా వస్తున్న మూవీకి 'అవతార్​: ది వే ఆఫ్​ వాటర్'​గా టైటిల్​ పెట్టారు. ఈ చిత్రాన్ని ఎన్నడూ లేని విధంగా ఏకంగా 160 భాషల్లో డిసెంబర్ 16న ప్రపంచవ్యాప్తంగా విడుదల చేయనున్న విషయం తెలిసిందే. అలాగే ఈ మూవీ ట్రైలర్​ను 'డాక్టర్​ స్ట్రేంజ్:​ ఇన్​ ది మల్టీవర్స్​ ఆఫ్​ మ్యాడ్​నెస్'​ సినిమా విడదల రోజైన మే 6న థియేటర్లలో ప్రదర్శించనున్నారు.  అయితే 'అవతార్​ 2' అభిమానులకు నిరాశ కలిగించే ఓ వార్త చక్కర్లు కొడుతోంది. థియేటర్లలో ఆస్వాదించాలనుకున్న ఈ మూవీ ట్రైలర్ ఆన్​లైన్​లో లీకైందని సమాచారం. ఈ లీకేజీకి సంబంధించిన ఫుటేజ్​ లింక్​లు సోషల్​ మీడియాలో దర్శనమిచ్చాయి. అయితే ప్రస్తుతం ఫుటేజ్​కు సంబంధించిన లింక్​లు, ఫొటోలు ట్విటర్ డిలీట్​ చేయడంతో మేకర్స్​ ఊపిరి పీల్చుకున్నారు. కాగా ఈ లీక్​కు సంబంధించిన కారణాలు మాత్రం ఇంతవరకు తెలియరాలేదు. ఇది కూడా ఒక ప్రమోషన్​ స్టంట్​ అని పలువురు నెటిజన్స్​ భావిస్తున్నారు. ఇటీవల ఏప్రిల్​ 27న ఈ మూవీ గ్లింప్స్​ను 'సినిమా కాన్'​లో ప్రీమియర్​గా ప్రదర్శించారు.  చదవండి: ఇదెక్కడి మాస్‌ రిలీజ్‌ జేమ్స్‌ మావా.. అన్ని భాషల్లో 'అవతార్‌ 2' సినిమా !   #BREAKING ‘Avatar 2’ first teaser trailer has been leaked online. Exclusive stills for Avatar 2. Cinema incoming 🔥#AvatarTheWayOfWater pic.twitter.com/NVi0pglSzs — Adarsh Kumar (@AdarshWords) May 2, 2022 The trailer leaked!!!#AvatarTheWayOfWater pic.twitter.com/VhF0sQCcY8 — Mo☾nknight (@SquaredAnime) May 1, 2022 #AvatarTheWayOfWater leaked video 🥵🥵🔥🔥#Avatar2 — B U N N Y _ H A R I 🦁 (@MRBADBOY0143) May 2, 2022

Tiger Shroff Says Hollywood Is His Goal But I Have Failed In Auditions: బాలీవుడ్‌ యంగ్‌ హీరో టైగర్‌ ష్రాఫ్‌ తాజాగా నటించిన చిత్రం 'హీరోపంతి 2'. 2014లో వచ్చిన రొమాంటిక్-యాక్షన్‌ మూవీ 'హీరోపంతి'కి సీక్వెల్‌గా ఈ చిత్రం తెరకెక్కింది. అహ్మద్‌ ఖాన్‌ డైరెక్ట్‌ చేసిన ఈ సినిమాలో తారా సుతారియా హీరోయిన్‌గా యాక్ట్ చేసింది. సాజిద్‌ నడియద్‌వాలా నిర్మించగా, ఇందులో లైలా అనే ప్రతినాయకుడి పాత్రలో నవాజుద్దీన్‌ సిద్ధిఖీ తనదైన యాక్టింగ్‌ మార్క్ చూపించనున్నాడు. ఈ మూవీ ఏప్రిల్‌ 29న ప్రేక్షకుల ముందుకు రానుంది. ఈ సందర్భంగా సినిమా ప్రమోషన్స్‌లో పాల్గొంటోంది చిత్ర యూనిట్. ఈ క్రమంలో 'మీరు హాలీవుడ్‌కు వెళ్లే సమయం వచ్చిందా' అని అడిగిన ప్రశ్నకు టైగర్ ష్రాఫ్‌ ఆసక్తిర విషయాలు తెలిపాడు.  'హాలీవుడ్‌లో యాక్షన్‌ హీరోలు ఎవరు లేరు. అందులోనూ నా ఏజ్‌ గ్రూప్‌ యాక్షన్‌ హీరోలు అసలే లేరు. 90వ దశకం నుంచి మనం చూస్తున్నాం. ఇప్పటివరకు స్పైడర్ మ్యాన్ తప్ప పూర్తి తరహాలో యాక్షన్‌ చిత్రీకరించే నైపుణ్యం ఉ‍న్న వారిని చూసి చాలా కాలం అయింది. అయితే హాలీవుడ్‌ నుంచి నాకు రెండు సార్లు ఆఫర్ వచ్చింది. కానీ ఆ రెండు సార్లు ఆడిషన్‌లో ఫెయిల్‌ అయ్యాను. అయినా నేను ఇంకా ప్రయత్నిస్తూనే ఉన్నాను. కాబట్టి చూద్దాం. హాలీవుడ్‌ సినిమాల్లో నటించడమే నా లక్ష్యం.' అని చెప్పుకొచ్చాడు టైగర్‌ ష్రాఫ్‌. కాగా సైబర్ నేరాలను అరికట్టేందుకు లైలాతో బబ్లూ (టైగర్ ష్రాఫ్‌) అనే వ్యక్తి ఎలా తలపడ్డాడనేదే 'హీరోపంతి 2' కథ అని తెలుస్తోంది.  చదవండి: టైగర్‌ ష్రాఫ్‌ యాక్షన్‌ సీన్స్‌ కోసం ఖరీదైన కార్లు !.. దిశా పటాని కామెంట్‌ హిందీలో కేజీఎఫ్‌ 2 సక్సెస్‌పై అభిషేక్‌ బచ్చన్‌ షాకింగ్‌ కామెంట్స్‌..     var request = 'https://www.sakshi.com/knowwidget/kwstr_4331451957.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Dhanush The Gray Man Release Date Announced With First Look Poster: కోలీవుడ్‌ స్టార్‌ హీరో ధనుష్‌ తెలుగులోనూ అనేక అభిమానులను సొంతం చేసుకున్నాడు. ఇటీవల 'మారన్' సినిమాతో అలరించిన ధనుష్‌.. తన అభిమానులకు సూపర్‌ గుడ్‌ న్యూస్ ఇచ్చాడు. వరుస సినిమాలతో ఫుల్‌ బిజీగా ఉన్న ధనుష్‌ హాలీవుడ్‌ మూవీ 'ది గ్రే మ్యాన్' సినిమాలో నటిస్తున్న విషయం తెలిసిందే. అయితే తాజాగా ఈ సినిమా గురించి అప్‌డేట్‌ పంచుకున్నాడు. ది గ్రే మ్యాన్ మూవీలోని తన ఫస్ట్ లుక్‌ పోస్టర్‌ విడుదలైంది. ఈ విషయాన్ని సోషల్‌ మీడియా వేదికగా పంచుకుంటూ 'ది గ్రే మ్యాన్‌.. జూలై 22న నెట్‌ఫ్లిక్స్‌లో' అంటూ రాసుకొచ్చాడు. ఈ పోస్టర్‌లో కారు పైకప్పుపై నుదిటిపై రక్తంతో సీరియస్‌ లుక్‌లో ఆకట్టుకున్నాడు ధనుష్‌.  బాక్సాఫీసును షేక్‌ చేసిన ‘అవెంజర్స్‌: ఇన్ఫినిటీ వార్‌’, ‘అవెంజర్స్‌: ఎండ్‌గేమ్‌’ వంటి సినిమాలను తెరకెక్కించిన రూసో బ్రదర్స్‌ (ఆంథోనీ రూసో, జోసెఫ్‌ రూసో) ‘ది గ్రే మ్యాన్‌’కు దర్శకులు. ఇంగ్లీష్‌ యాక్టర్స్‌ ర్యాన్‌ గోస్లింగ్, క్రిస్‌ ఎవాన్స్, అనా డి అర్మాస్‌లతో కలిసి ధనుష్‌ ఈ చిత్రంలో నటించాడు. యాక్షన్‌ థ్రిల్లర్‌గా రూపుదిద్దుకున్న ఈ భారీ బడ్జెట్‌ ప్రాజెక్ట్‌లో ధనుష్‌ పాత్ర నెగటివ్‌ షేడ్స్‌తో ఉంటుందనే వార్తలు వచ్చాయి. 'ది గ్రే మ్యాన్‌' మూవీ ఈ ఏడాది ఓటీటీ ప్లాట్‌ఫామ్‌ దిగ్గజం నెట్‌ఫ్లిక్స్‌లో జూలై 22న స్ట్రీమింగ్‌ కానుంది. కాగా 'ది గ్రే మ్యాన్‌' సినిమా ధనుష్‌ రెండో హాలీవుడ్‌ మూవీ. 2018లో వచ్చిన 'ది ఎక్స్‌ట్రార్డినరీ జర్నీ ఆఫ్‌ ది ఫకీర్‌' చిత్రంతో ధనుష్‌ హాలీవుడ్‌కు ఎంట్రీ ఇచ్చాడు.  View this post on Instagram A post shared by Dhanush (@dhanushkraja) చదవండి: అల్లు అర్జున్‌, ధనుష్ హీరోలుగా భారీ మల్టీస్టారర్..! మాజీ భార్య ఐశ్యర్యపై ధనుష్‌ ట్వీట్‌, అంత మాట అనేశాడేంటి!     var request = 'https://www.sakshi.com/knowwidget/kwstr_911254541.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Keanu Reeves The Matrix Resurrections OTT Release Date Is Here: హాలీవుడ్‌ బ్లాక్‌ బ్లస్టర్‌ చిత్రం 'ది మ్యాట్రిక్స్‌'. స్కై-ఫై, యాక్షన్‌ తరహాలో వచ్చిన ఈ సినిమాకు ఇండియాలో మంచి ఫ్యాన్‌ బేస్‌ కూడా ఉంది. 1999లో వచ్చిన ఈచిత్రం భారీ విజయాన్ని సొంతం చేసుకుంది. దీని తర్వాత వచ్చిన చిత్రాలు కూడా అంతే ఆదరణ పొందాయి. ఈ మ్యాట్రిక్స్‌ ఫ్రాంచైజీలో వచ్చిన నాలుగో చిత్రం 'ది మ్యాట్రిక్స్‌: రిసరెక్షన్స్‌'. ఇందులో కీను రీవ్స్‌, క్యారీ-అన్నే మోస్‌తోపాటు గ్లోబల్‌ స్టార్‌ ప్రియాకం చోప్రా ప్రధాన పాత్రల్లో అలరించారు. ఈ సినిమా డిసెంబర్‌ 22, 2021న ప్రపంచవ్యాప్తంగా థియేటర్లలో విడుదలైంది.  తాజాగా ఈ సినిమా ఓటీటీ విడుదల తేదిని ప్రకటించారు మేకర్స్‌. ప్రముఖ ఓటీటీ సంస్థ అమెజాన్‌ ప్రైమ్‌ వీడియో వేదికగా మే 6 నుంచి భారతదేశంలో ప్రసారం కానుంది. లానా వాచోస్కీ దర్శకత్వ వహించిన ఈ మూవీ మే 6 నుంచి తెలుగు, తమిళం, కన్నడ, మలయాళం, హిందీ, ఇంగ్లీషు భాషల్లో స్ట్రీమింగ్‌ అవ్వనుంది. లానా వాచోస్కీ తన సోదరి లిల్లీ వాచోవస్కీతో కలిసి ఈ ఫ్రాంచైజీలో ఇంతకుముందు వచ్చిన 'ది మ్యాట్రిక్స్‌' (1999), 'ది మ్యాట్రిక్స్‌: రీలోడెడ్‌' (2003), 'ది మ్యాట్రిక్స్‌: రివల్యూషన్స్‌' (2003) సినిమాలను డైరెక్ట్‌ చేసిన విషయం తెలిసిందే.  చదవండి: మళ్లీ థియేటర్లలోకి హాలీవుడ్ బ్లాక్‌ బ్లస్టర్‌ 'ది మ్యాట్రిక్స్‌'.. కారణం ? choose your pill 💊#TheMatrixResurrectionOnPrime, May 12 in English, Hindi, Tamil, Telugu, Malayalam and Kannada pic.twitter.com/PGQTNRdKVs — amazon prime video IN (@PrimeVideoIN) April 21, 2022     var request = 'https://www.sakshi.com/knowwidget/kwstr_891253233.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

హాలీవుడ్‌ అడ్వెంచర్‌ థ్రిల్లర్‌ చిత్రం 'ఫెంటాస్టిక్‌ బీస్ట్స్‌: ది సీక్రెట్స్‌ ఆఫ్‌ డంబుల్‌ డోర్‌' చిత్రం ఈ నెల 8వ తేదీ సమ్మర్‌ స్పెషల్‌గా తెరపైకి రాబోతోంది. దీన్ని ఆంగ్లం, హిందీ, తమిళం, తెలుగు భాషల్లో హాలీవుడ్‌ ప్రముఖ నిర్మాణ సంస్థ వార్నర్‌ బ్రదర్స్‌ పిక్చర్స్‌ దేశవ్యాప్తంగా భారీ ఎత్తున విడుదల చేయనుంది. డేవిడ్‌ యేట్స్‌ దర్శకత్వం వహించిన ఇందులో ఆస్కార్‌ అవార్డు గ్రహీత ఎడ్డీ రెడ్‌మైన్, జూడ్‌ లా, ఎజ్రా మిల్లర్‌ తదితరులు నటించారు. చదవండి: గుడిలో సింపుల్‌గా పెళ్లి చేసుకున్న నిర్మాత

హాలీవుడ్‌ యాక్షన్‌ చిత్రం ఫాస్ట్‌ అండ్ ఫ్యూరియస్‌ సిరీస్‌లో సపోర్టింగ్‌ క్యారెక్టర్‌గా నటించిన హాలీవుడ్ బ్యూటీ గాల్‌ గాడోట్‌ సూపర్‌ హీరో 'వండర్‌ వుమెన్‌' సినిమాతో మోస్ట్ పాపులర్‌ అయింది. ఇజ్రాయెల్‌కు చెందిన ఈ భామ 2017లో వచ్చిన 'వండర్‌ వుమెన్‌'తో రాత్రికి రాత్రి స్టార్‌గా మారింది. అపారమైన విజయం సొంతం చేసుకున్న ఈ చిత్రానికి సీక్వెల్‌గా 'వండర్‌ వుమెన్‌ 1984' చిత్రం విడుదలై ఆడియెన్స్‌తో నిజంగా 'వండర్‌' వుమెన్‌ అని అనిపించుకుంది. ఇటీవల విడుదలైన 'రెడ్ నోటీస్‌', 'డెత్‌ ఆన్‌ ది నీల్‌' సినిమాల్లో తన అద్భుతమైన నటనతో ప్రేక్షకులను కట్టిపడేసింది.  చదవండి: మళ్లీ ఆ పాత్ర చేయాలని ఉందన్న పాపులర్‌ హీరోయిన్‌.. అదేంటంటే ? తాజాగా ఈ వండర్‌ వుమెన్‌ నటిస్తున్న చిత్రం హార్ట్‌ ఆఫ్‌ స్టోన్‌. ఈ సినిమాలో జామీ డోర్నన్‌తోపాటు బాలీవుడ్ ముద్దుగుమ్మ అలియా భట్‌ కూడా నటిస్తోంది. ప్రముఖ ఓటీటీ దిగ్గజ సంస్థ నెట్‌ఫ్లిక్స్‌ నిర్మిస్తున్న ఈ చిత్రానికి బ్రిటీష్ డైరెక్టర్‌ టామ్‌ హార్పర్‌ దర్శకత్వం వహిస్తున్నారు. దీనికి సంబంధించిన ఒక వీడియోను సోషల్‌ మీడియా వేదికగా షేర్‌ చేసింది గాల్‌ గాడోట్. ఈ వీడియోలో 'హార్ట్‌ ఆఫ్‌ స్టోన్‌' తెరవెనుక చిత్రాలు ఉన్నాయి. ఈ ప్రాజెక్ట్‌తో తనకు ఉన్న అనుబంధాన్ని షేర్‌ చేస్తూ 'రాచెల్‌ స్టోన్‌. మిమ్మల్ని కలవడం ఆనందంగా ఉంది. హార్ట్‌ ఆఫ్‌ స్టోన్‌' అంటూ రాసుకొచ్చింది.    View this post on Instagram A post shared by Gal Gadot (@gal_gadot)

The Ten Commandments Movie Released on December 31: ప్రపంచ సినీ చరిత్రలో ది టెన్‌ కమాండ్‌మెంట్స్‌ చిత్రానిది ప్రత్యేక స్థానం (క్లాసిక్‌ చిత్రం). 1956లో విడుదలై ఈ చిత్రం ఒక విజువ‌ల్ వండ‌ర్. సెసిల్ బి డెమిల్లే దర్శకత్వంలో తెరకెక్కిన ఈ చిత‍్రం నిడివి 220 నిమిషాలు. ఈ చిత్రం అప్పుడు ఇండియాలోని ముంబై, ఢిల్లీ, కోల్‌కతా, హైదరాబాద్‌. బెంగళూరు, చైన్నై వం​టి నగరాల్లో 50 వారాలకు పైగా ప్రదర్శితమైంది. సుమారు 65 సంవత్సరాల తర్వాత ఈ చిత్రాన్ని అదే పేరుతో రీమెక్‌ చేయనున్నారు.  ఈ  చిత్రంలో మిషన్‌ ఇంపాజిబుల్ 2, బాట్‌ ఉమెన్‌ సినిమాలతో గుర్తింపు పొందిన డౌగ్రే స్కాట్‌ ఇందులో మోసెస్‌ పాత్రలో నటించారు. ఇంకా ఇందులో ఆరోన్‌గా లినస్‌ రోచ్‌, మెనెరిత్‌గా నవీన్‌ ఆండ్రూస్‌, జిప్పోరాగా మియా మాస్ట్రో, రామ్‌ సెస్‌గా పాల్‌ రైస్‌, ఆనందర్‌గా రిచర్డ్‌ ఓబ్రెయిన్‌ యాక్ట్ చేశారు. రాబర్ట్‌ డోర్న్‌ హెల్మ్‌, జెఫ్రీ మడేజా దర్శకత్వం వహించిన ఈ సినిమాను ఇంగ్లీష్‌, తమిళం, తెలుగు భాషల్లో ప్రపంచవ్యాప్తంగా డిసెంబర్‌ 31న ప్రేక్షకుల ముందుకు రానుంది. 

Fast And Furious 10 Movie Release Date Postponed: ప్రపంచవ్యాప్తంగా హాలీవుడ్‌ యాక్షన్‌ చిత్రాల్లో 'జేమ్స్‌ బాండ్‌' సినిమాలు ముందు వరుసలో ఉంటాయి. తర‍్వాత అంతటి ప్రేక్షాధరణ పొందిన యాక్షన్‌ చిత్రం 'ఫాస్ట్‌ అండ్‌ ఫ్యూరియస్‌' ఫ్రాంచైజీ. ఇందులో రేసింగ్‌, యాక్షన్‌ సీన్లు ప్రేక్షకులను అబ్బురపరుస్తాయి. ఈ ఫ్రాంచైజీలో ఇప్పటివరకు 9 సినిమాలు వచ్చి యాక్షన్‌ ప్రేమికులను అలరించాయి. అయితే ఇప్పుడు ఈ యాక్షన్‌ చిత్రాల్లోని 10వ భాగాన్ని చూడాలంటే మరికొంత కాలం వేచి చూడాల్సిందే. ఫాస్ట్‌ అండ్‌ ఫ్యూరియస్‌ ఫ్రాంచైజీలో వస్తున్న ఈ 10వ చిత్రం విడుదలను ముందుకు నెట్టారు దర్శకనిర్మాతలు.  ప్రస్తుతం ఈ సినిమా ముందుగా ప్రకటించినట్లు ఏప్రిల్‌ 7, 2023కి బదులు మే 19, 2023న విడుదల కానుందని సమాచారం.  అయితే ఈ 'ఫాస్ట్ అండ్‌ ఫ్యూరియస్ 10' చిత్రం ఈ సంవత్సరం ఏప్రిల్‌ 2న రిలీజ్‌ కావాల్సింది. కరోనా మహమ్మారి కారణంగా 'ఎఫ్‌9' (ఫ్రాంచైజీలో 9వ చిత్రం) విడుదల ఆలస్యమైంది. అది కాస్త జూన్‌ 25, 2021న విడుదలైంది. దీంతో ఈ పదో చిత్రం విడుదలకు మరింత ఆలస్యమేర్పడింది. ఈ ఫ్రాంచైజీ చిత్రాల్లో విన్ డీజిల్‌, టైరీస్‌ గిబ్సన్‌, సంగ్‌ కాంగ్, క్రిస్‌ బ్రిడ్జెస్‌, జోర్డానా బ్రూస్టర్‌, మైఖెల్‌ రోడ్రిగ్జ్‌ నటించారు. ఈ ఫ్రాంచైజీకి డ్వేన్ జాన్సన్‌ ఇప్పటికే వీడ్కోలు పలికిన సంగతి తెలిసిందే. అయితే 'ఫాస్ట్‌ అండ్‌ ఫ్యూరియస్ 9' చిత్రంలోని జాన్‌ సెనా పాత్న జాకోబ్‌ టోరెట్టోగా డ్వేన్‌ జాన్సన్‌ మళ్లీ రీఎంట్రీ ఇస్తారని గుసగుసలు వినిపిస్తున్నాయి.  'ఫాస్ట్‌ అండ్‌ ఫ్యూరియస్‌' ఫ్రాంచైజీలో చివరి రెండో చిత్రంగా వస్తున్న ఈ సినిమాకు క్రిస్‌ మోర్గాన్‌ కథ అందించగా, జస్టిన్‌ లిన్‌ దర్శకత్వం వహించారు. ఇక ఈ సిరిస్‌లో 10, 11 చిత్రాల తర్వాత ఈ ఫ్రాంఛైజీకి ముగింపు పలకబోతున్నట్లు హీరో విన్ డీజిల్ ఓ ఇంటర్వ్యూలో తెలిపాడు.

Priyanka Chopra Shares Her First Look Poster Of Matrix Resurrections Movie: బాలీవుడ్‌, హాలీవుడ్‌లో తనదైన గుర్తింపు తెచ్చుకున్నారు గ్లోబల్‌  స్టార్‌ ప్రియాంక చోప్రా. ఆమె నటించిన తాజా హాలీవుడ్‌ చిత్రం 'ది మ‍్యాట్రిక్స్‌: రిసరెక్షన్స్‌'. దీనికి సంబంధించిన కొత్త పోస్టర్‌ను తన ఇన్‌స్టా గ్రామ్‌లో పోస్ట్‌ చేశారు. 'ది మ్యాట్రిక్స్‌' సిరీస్‌లో వస్తోన్న నాలుగో చిత్రం 'ది మ్యాట్రిక్స్‌ రిసరెక్షన్స్‌'. సినిమాలో ప్రియాంక పాత్ర ఎలా ఉండనుందో ఈ పోస్టర్‌లో చూపించారు. ఇందులో ప్రియాంక ఎరుపు రంగు ప్యాంటు, నలుపు బూట్లతో బ్లూ కలర్‌ టాప్ ధరించి ఉన్నారు. ఆమె హేయిర్‌ స్టైల్‌ కూడా డిఫరెంట్‌గా ఉంది. అలాగే బ్యాక్‌గ్రౌండ్‌లో మ్యాట్రిక్స్‌ ఫ్రాంచైజీలో ఎప్పుడూ కనపడే నెంబర్ కోడ్స్‌ ఎరుపు, నీలం రంగుతో వేవ్స్ రూపంలో ఉండటం చూడొచ్చు. ఈ పోస్టర్‌ను ప్రియాంక తన ఇన్‌స్టా గ్రామ్‌లో షేర్‌ చేస్తూ 'ఆమె ఇక్కడ ఉంది. రీ-ఎంటర్‌' అంటూ రాసుకొచ్చింది.    View this post on Instagram A post shared by Priyanka (@priyankachopra) చదవండి: ప్రియాంక మీరెక్కడున్నారు.. ఓ యూజర్‌ కామెంట్‌ ఈ హాలీవుడ్‌ చిత్రంలో ప్రియాంక ఎలా ఉండనుందో అని ఆమె అభిమానులు ఎప్పటినుంచో ఎదురుచూస్తున‍్నారు. ఇటీవల ప్రియాంక షేర్‌ చేసిన 'ది మ్యాట్రిక్స్‌ రిసరెక్షన్స్‌' థియేటర్‌ రిలీజ్ పోస్టర్‌లో కూడా తాను లేకపోవడంపై అసంతృప్తి వ్యక్తం చేశారు. 'ప్రియాంక మీరెక్కడ' అని కూడా ఓ అభిమాని కామెంట్‌ చేశాడు. సెప్టెంబర్‌లో ఈ చిత్రం మొదటి ట్రైలర్‌ను విడుదల చేశారు మేకర్స్‌. అందులో ప్రియాంక కళ్లద్దాలు ధరించి రెప్పపాటు క్షణంలో కనిపిస్తారు. మ్యాట్రిక్స్‌ ఫ్రాంచైజీలో వస్తున్న ఈ నాలుగో సినిమాను లానా వాచోస్కీ దర్శకత్వం వహించారు. ఈ చిత్రం డిసెబంర్‌ 22న థియేటర్స్‌, హెచ్‌బీవో (HBO) మ్యాక్స్‌లో విడుదల కానుంది. నవంబర్‌ 22న ప్రియాంక తన ఇన్‌స్టా గ్రామ్‌ ఫ్రొఫైల్‌లో పేరు మార్చిన సంగతి తెలిసిందే.  చదవండి: భర్త పేరు తొలగించిన ప్రియాంక... అసలేం జరిగింది?

Hollywood Film The Matrix Re Releasing On December 3: హాలీవుడ్‌ బ్లాక్‌ బ్లస్టర్‌ చిత్రం 'ది మ్యాట్రిక్స్‌'. స్కై-ఫై, యాక్షన్‌ తరహాలో వచ్చిన ఈ సినిమాకు ఇండియాలో మంచి ఫ్యాన్‌ బేస్‌ కూడా ఉంది. 1999లో వచ్చిన ఈచిత్రం భారీ విజయాన్ని సొంతం చేసుకుంది. అందులోని నియో (కీను రీవ్స్‌), ట‍్రినిటీ (క్యారీ-అన్నె మోస్‌), మార్ఫస్‌ (లారెన్స్‌ ఫిష్‌బర్న్‌) పాత్రలు ఇప్పటికీ గుర్తిండిపోతాయి. అంతలా ఆకట్టుకుంటాయి ఆ పాత్రలు. అయితే తాజాగా ఈ సినిమాకు సంబంధించిన ఓ ఆసక్తికర విషయాన్ని ప్రకటించింది వార్నర్‌ బ్రదర్స్‌ పిక్చర్స్‌. ఈ చిత్రాన్ని మళ్లీ ప్రపంచవ్యాప్తంగా డిసెంబర్ 3న రిలీజ్‌ చేయనున్నట్లు తెలిపింది నిర్మాణ సంస్థ. అయితే మ్యాట్రిక్స్‌ సిరీస్‌లోని నాలుగో చిత్రం 'ది మ్యాట్రిక్స్‌: రిసరెక్షన్స్' డిసెంబర్ 22న విడుదల కానుంది.  ఈ సిరీస్‌లో కథానాయకుడి గతానికి సంబంధించిన కథతో వస్తోంది 'ది మ్యాట్రిక్స్‌: రిసరెక్షన్స్'. మొదటి చిత్రం విడుదలకు నాలుగో సినిమా విడుదలకు మధ్య 12 ఏళ్లు గ్యాప్‌ ఉంది. అయితే నాలుగో సినిమా ప్రేక్షకులకు కనెక్ట్‌ కావడానికే ఈ ఫ్రాంచైజీలోని మొదటి చిత్రమైన 'ది మ‍్యాట్రిక్స్‌' రిలీజ్‌ చేయనున్నారో తెలియాల్సి ఉంది. మ్యాట్రిక్స్‌ చిత్రానికి లానా వాచోస్కీ, లిల్లీ వాచోస్కీ దర్శకత్వం వహించారు. అయితే ఈ సిరీస్‌ నాలుగో చిత్రానికి మాత్రం లానా వాచోస్కీ ఒక్కరే రచన, దర్శకత్వం వహించారు. 'ది మ్యాట్రిక్స్‌: రిసరెక్షన్స్' చిత్రంలో గ్లొబల్‌  స్టార్‌ ప్రియాంక చోప్రా నటిస్తున్న సంగతి తెలిసిందే.  చదవండి: ప్రియాంక మీరెక్కడున్నారు.. ఓ యూజర్‌ కామెంట్‌

బాలీవుడ్‌ నటి జాక్వెలిన్ ఫెర్నాండెజ్ హాలీవుడ్‌లోకి ఎంట్రీ ఇస్తున్న సంగతి తెలిసిందే. అంథాల‌జీ ఉమెన్స్ స్టోరీస్‌తో ఈ భామ హాలీవుడ్‌ డెబ్యూ చేస్తున్నట్లు ఈ ఏడాది ప్రకటించింది. మొత్తం ఆరు భాగాలుగా ఈ అంథాల‌జీ కథను తెరకెక్కించనున్నారు.  ప్రపంచ వ్యాప్తంగా ఆరుగురు మహిళా దర్శకులు ఈ కథలను రూపొందించనున్నారు. ప్రపంచ వ్యాప్తంగా గుర్తింపు ఉన్న నటీనటులతో ఈ సినిమా చేయనున్నారు. జాక్వెలిన్‌ కథకు సంబంధించి ఈ సినిమాలో ఆమె ఓ  ట్రాన్స్‌జెండ‌ర్ మోడ‌ల్‌తో నటించింది. గతేడాది అక్టోబర్‌లోనే దీనికి సంబంధించిన షూటింగ్‌ను పూర్తి చేసుకుంది. చాలా వరకు ముంబైలోనే షూటింగ్‌ను నిర్వహించారు. ఇక ఈ సినిమాలో జాక్వెలిన్‌ పోలీస్‌ ఆఫీసర్‌గా కనిపించనున్నట్లు సమాచారం. త్వరలోనే ఈ మూవీ రిలీజ్‌ డేట్‌ అనౌన్స్ కానుంది. ప్రస్తుతం ఈ బ్యూటీ చేతిలో చాలా సినిమాలో ఉన్నాయి. ఇప్పటికే రోహిత్ శెట్టి దర్శకత్వంలో రూపొందుతున్న సినిమాల షూటింగ్‌ను కంప్లీట్‌ చేసుకున్న జాక్వెలిన్‌ జాన్ అబ్రహం,అక్షయ్ కుమార్‌ల యాక్షన్‌ సినిమా షూటింగ్‌ను కూడా పూర్తిచేసింది. లాక్‌డౌన్‌ కారణంగా సల్మాన్‌తో చేస్తున్న కిక్‌-2 సినిమా ఆగిపోయింది. త్వరలోనే ఈ మూవీ షూటింగ్‌ ప్రారంభం కానున్నట్లు సమాచారం.  చదవండి : సీక్రెట్‌గా పెళ్లి చేసుకున్న అరియానా గ్రాండె కేంద్రంపై బాలీవుడ్‌ నటి మీరా చోప్రా విమర్శలు

బాలీవుడ్‌ నుంచి హాలీవుడ్‌కు వెళ్లి జోరుగా సినిమాలు చేస్తున్నారు ప్రియాంకా చోప్రా. లాక్‌డౌన్‌ పూర్తయిన వెంటనే హాలీవుడ్‌లో చిత్రీకరణలు ప్రారంభించారు. ఆల్రెడీ కమిట్‌ అయిన సినిమాలతో ఫుల్‌ బిజీబిజీగా ఉన్నారామె. కొన్ని నెలలుగా ‘టెక్ట్స్‌ ఫర్‌ యూ’  సినిమా షూటింగ్‌ నిమిత్తం లండన్‌లో ఉంటున్నారామె. తాజాగా ఈ సినిమా చిత్రీకరణ పూర్తి చేశారు. జిమ్‌ స్ట్రౌస్‌ దర్శకత్వం వహిస్తున్న ఈ సినిమాలో ప్రియాంకా చోప్రా భర్త నిక్‌ జోనస్‌ అతిథి పాత్రలో కనిపించనున్నారని టాక్‌.

శుక్రవారం సినీప్రియులకు ప్రియమైన రోజు. శుక్రవారమైతే కొత్త సినిమా థియేటర్స్‌లోకి వస్తుంది. అయితే కొన్ని నెలలుగా శుక్రవారం కిక్‌ మిస్‌ అయింది. కోవిడ్‌ వల్ల థియేటర్స్‌ మూసేశారు. ఈ శుక్రవారం తెలంగాణలో థియేటర్స్‌ తెరచుకున్నాయి. హాలీవుడ్‌ చిత్రం ‘టెనెట్‌’ విడుదలైంది. థియేటర్స్‌కు వచ్చిన ప్రేక్షకుల సంఖ్య ఆశాజనకంగా ఉంది అన్నాయి ట్రేడ్‌ వర్గాలు. ఆ విశేషాలు. సినిమాలో ఉన్న మజా తెలిసేది పెద్ద తెర మీదే. సినిమాను పూర్తి స్థాయిలో సెలబ్రేట్‌ చేయగలిగేది థియేటర్స్‌లోనే. సినిమాలో ఉన్న ఎనర్జీ తాలూకు రీసౌండ్‌ వినిపించేదీ థియేటర్స్‌లోనే. 50 శాతం సీటింగ్‌ కెపాసిటితో తెలంగాణాలో థియేటర్స్‌ రీ ఓపెన్‌ అయ్యాయి. ‘థియేటర్స్‌కు రండి. భద్రమైన మూవీ ఎక్స్‌పీరియన్స్‌ అందిస్తాం’ అంటూ థియేటర్స్‌ ఓపెన్‌ చేశారు. అసలు ప్రేక్షకుడు థియేటర్‌ వైపు చూస్తాడా? ఎన్ని టిక్కెట్లు తెగుతాయి? ఇలా ఎన్నో ప్రశ్నలు. కానీ థియేటర్స్‌కు వచ్చిన ఆడియన్స్‌ సంఖ్య ఆశాజనకంగా ఉంది అంటున్నారు థియేటర్స్‌ ఓనర్లు. ‘ఇంత సంఖ్యలో ప్రేక్షకులు రావడం చాలా సంతోషమైన విషయం. ఇది ఇలా కొనసాగితే థియేటర్స్‌ సిస్టమ్‌ త్వరగా కోలుకుంటుంది’ అన్నారు కొందరు ఎగ్జిబిటర్స్‌. ∙ఏయంబీ మల్టీప్లెక్స్‌లో 22 షోలు వేస్తే, అన్ని షోలకు మంచి రెస్పాన్స్‌ వచ్చిందని ప్రతినిధులు పేర్కొన్నారు. ప్రసాద్స్‌ ఐమ్యాక్స్‌లో మొత్తం 650 సీటింగ్‌ అంటే.. కోవిడ్‌ మార్గదర్శకాల నేపథ్యంలో 50 శాతం టిక్కెట్లే అమ్మాలి. అంటే 325 మంది ప్రేక్షకులకు అనుమతి ఉంటుంది. ఆ థియేటర్లో సుమారు 300 టిక్కెట్లు తెగాయని తెలిసింది. అంటే అటూ ఇటూగా స్క్రీన్‌ నిండినట్లే. ఎల్బీ నగర్‌లోని విజయలక్ష్మీ థియేటర్‌లో ఉదయం ఆటకు 117 మంది, మధ్యాహ్నం ఆటకు 63 మంది ప్రేక్షకులు కనిపించారని ఓ ఎగ్జిబిటర్‌ పేర్కొన్నారు. అలాగే సింగిల్‌ స్క్రీన్‌లో దేవి థియేటర్‌ను రీ ఓపెన్‌ చేశారు. ఒక ఆటకు 130 మంది వరకూ వచ్చారట. ‘‘ఇది (‘టెనెట్‌’) హాలీవుడ్‌ సినిమా కాబట్టి మాస్‌ ఏరియాల్లో తక్కువ ఆడియన్స్‌ కనిపించారు. అదే తెలుగు సినిమా విడుదలైతే ప్రేక్షకుల సంఖ్య ఇంకా పెరుగుతుంది అనుకుంటున్నాం. ఏది ఏమైనా అసలు ప్రేక్షకులు వస్తారా? అనే సందేహం మాత్రం తీరిపోయింది. వస్తారని తేలిపోయింది. ఇది శుభపరిణామం. పైగా నాగచైతన్య, సాయిధరమ్‌ తేజ్‌ వంటివాళ్లు థియేటర్లకు వెళ్లడం ఆనందించదగ్గ విషయం. సెలబ్రిటీలు కూడా థియేటర్లకి వెళ్లడంతో ప్రేక్షకుల్లో భయం తగ్గుతుంది. ఇక థియేటర్‌కి వచ్చిన ప్రేక్షకులు జాగ్రత్తల విషయంలో సంతృప్తి వ్యక్తం చేశారు. అయితే భార్యాభర్తలు మాత్రం ఒక సీటు గ్యాప్‌ తర్వాత కూర్చుని చూడ్డానికి ఇబ్బందిపడ్డట్లు చెప్పారు’’ అన్నారు ఏషియన్‌ సినిమాస్‌ అధినేత సునీల్‌ నారంగ్‌. స్టార్స్‌ సందడి ‘‘సినిమా ప్రేమికుడికి థియేటర్‌ను మించిన హ్యాపీ ప్లేస్‌ ఏంటి? థియేటర్స్‌కు రండి. సినిమాలను ఎంజాయ్‌ చేయండి. ఫేస్‌ మాస్క్‌ తప్పనిసరి. శానిటైజర్‌ను ఎప్పటికప్పుడు వాడండి’’ అని థియేటర్స్‌కు ప్రేక్షకులను రమ్మంటూ ఓ వీడియో పోస్ట్‌ చేశారు సాయిధరమ్‌ తేజ్‌. ‘‘9 నెలల తర్వాత ఫస్ట్‌ డే ఫస్ట్‌ షోకి వచ్చాను. థియేటర్స్‌ సార్‌... థియేటర్స్‌ అంతే!’ అని నాగ్‌ అశ్విన్‌ పేర్కొన్నారు. నాగచైతన్య, నిఖిల్, విశ్వక్‌ సేన్, మారుతి కూడా థియేటర్స్‌కు వెళ్లి సినిమాని వీక్షించినవారిలో ఉన్నారు. ధైర్యంగా అనిపించింది సినిమాకు వచ్చే ప్రేక్షకుడికి భద్రతతో పాటు ధైర్యం కూడా కలిగించాల్సిన పరిస్థితి ప్రస్తుతం ఉంది. థియేటర్‌కు వచ్చిన కొందరు ప్రేక్షకుల అనుభవాన్ని పంచుకోమంటే ఇలా అన్నారు. ‘‘శానిటైజేషన్, సీటింగ్‌లో దూరం పాటించడం, ఎక్కడికక్కడ శానిటైజర్లు ఏర్పాటు చేయడం బావుంది. ధైర్యంగా అనిపించింది’’ అన్నారు కొందరు. ‘‘సీట్‌కి సీట్‌కి గ్యాప్‌ ఇవ్వడం వల్ల ప్రేమికులకు కాస్త ఇబ్బంది అనిపించే అవకాశం ఉంది’’ అన్నారు కొందరు.

సాక్షి, న్యూఢిల్లీ : మురికి కాల్వల్లో మనం పడేసే ప్లాస్టిక్‌ బాటిళ్లు ఇతర జల మార్గాల్లో కలసి, వాటి నుంచి నదులకు, నదుల నుంచి సముద్రాలకు చేరి వాటిలొని సకల జల చరాలకు ప్రాణాంతకం అవుతున్నాయనే విషయం తెల్సిందే. అయితే ఇలా పడేసే ప్లాస్టిక్‌ బాటిళ్లు జల మార్గాల్లో ఎంత దూరం ప్రయాణిస్తాయో తెలిస్తే అంతులేని ఆశ్చర్యం కలగక మానదు. మానవాళికి పర్యావరణ పరిస్థితులపై అవగాహన కల్పించేందుకు ' నేషనల్‌ జియోగ్రాఫిక్‌ సొసైటీ' తరఫున బ్రిటన్‌లోని ఎక్సిటర్‌ యూనివర్శిటీకి చెందిన పరిశోధకులు భారత్‌లోని గంగా నదిలో, బంగాళాఖాతంలో, హిందూ మహాసముద్రంలో 500 ఎంఎల్‌ కలిగిన కొన్నిబాటిళ్లను వదిలి పెట్టారు. వారి గమనాన్ని ఎప్పటికప్పుడు తెలసుకునేందుకు వీలుగా వాటిలో శాటిలైట్‌, జీపీఎస్‌ ట్యాగ్‌లను ఏర్పాటు చేశారు. వాటిలో ఆశ్చర్యంగా గంగా నదిలో వదిలేసిన ఓ ప్లాస్టిక్‌ బాటిల్‌ మిగితా రెండు వేర్వేరు సముద్రాల్లో వదిలేసిన బాటిళ్లకన్నా ఎక్కువ దూరం ప్రయాణించింది.  ​ 94 రోజుల్లో ఆ బాటిల్‌ 1768 మైళ్లు, అంటే 2, 845 కిలోమీటర్లు ప్రయాణించింది. ‍ఈ ప్రయోగానికి స్ఫూర్తినిచ్చిందీ ' మెస్సేజ్‌ ఇన్‌ ఏ బాటిల్‌'  అనే హాలీవుడ్‌ సినిమా. 1999లో లూయీ మండోకి దర్శకత్వంలో వెలువడిన ఆ ప్రేమ కథా చిత్రం నాటి కుర్రకారును ఎంతో ఆకట్టుకుంది. అందుకేనేమో అదే చిత్రం స్సూర్తితో ఈ ప్రయోగానికికూడా  'మెస్సేజ్‌ ఇన్‌ ఏ బాటిల్‌' అని పేరు పెట్టారు.  ఇలాగే ప్రపంచ మానవాళి నిర్లక్ష్యంగా పడేసే ప్లాస్టిక్‌ వ్యర్థ పదార్థాలు ఏటా సముద్రాలకు 80 లక్షల టన్నులు చేరుకుంటోందని 'ఇంటర్నేషనల్‌ యూనియన్‌ ఫర్‌ కన్జర్వేషన్‌ ఆఫ్‌ నేషన్‌' లెక్కలు తెలియజేస్తున్నాయి. సముద్రాలకు చేరుతున్న ప్లాస్టిక్‌ వ్యర్థ పదార్థాల్లో 80 శాతం నదుల ద్వారా వస్తున్నవేనని కనుగొన్నారు. డాక్టర్‌ ఎమిలీ డంకన్‌ పరిశోధనకు నేతృత్వం వహించారు. పలు కారణాల వల్ల కొన్ని ప్లాస్టిక్‌ బాటిళ్లు మార్గమధ్యంలో ఆగిపోవచ్చనే ఉద్దేశంతో మొత్తం ప్రయోగానికి 25 బాటిళ్లను ఉపయోగించారు. వాటిలో 22 బాటిళ్లు సరాసరి దూరం 165 మైళ్లు, అంటే దాదాపు 267 కిలోమీటర్లు చేరుకున్నాయని పరిశోధకులు వివరించారు. ఆ తర్వాత వాటిలో​ 14 బాటిళ్ల ఆచూకీ చిక్క లేదని, వాటిలో కొన్ని ప్రజల చేతికి చిక్కగా మిగతావి శాటిలైట్‌ యాంటెన్నా పాడై పోవడం వల్ల వాటి గమ్యాన్ని గుర్తించలేక పోయామని పరిశోధకులు తెలిపారు. గంగా నదిలోనే ప్లాస్టిక్‌ బాటిళ్లు ఎక్కువగా చిక్కుకుపోయే అవకాశం ఉండడంతో ఆ నదిలోనే ఎక్కువ బాటిళ్లను వదిలేసినట్లు వారు చెప్పారు.

హాలీవుడ్‌ హీరో సిల్వెస్టర్‌ స్టాలోన్‌ సూపర్‌ హిట్‌ చిత్రం ‘రాంబో’ను కండలు తిరిగిన యంగ్‌ హీరో టైగర్‌ ష్రాఫ్‌తో హిందీలో రీమేక్‌ చేయాలనుకున్నారు దర్శకుడు సిద్ధార్థ్‌ ఆనంద్‌. అయితే తాజాగా ఈ చిత్రాన్ని సిద్ధార్థ్‌ ఆనంద్‌ డైరెక్ట్‌ చేయడంలేదని ప్రకటన విడుదల చేశారు. ప్రముఖ దర్శకుడు డేవిడ్‌ ధావన్‌ తనయుడు, హీరో వరుణ్‌ ధావన్‌ సోదరుడు రోహిత్‌ ధావన్‌ ‘రాంబో’ను డైరెక్ట్‌ చేయనున్నారు. ప్రస్తుతం షారుక్‌తో ఓ సినిమా చేసే ప్లాన్‌లో ఉన్నారు దర్శకుడు సిద్ధార్థ్‌ ఆనంద్‌. దీంతో ఈ సినిమా నుంచి తప్పుకోవాల్సి వచ్చిందట. కార్తీక్‌ ఆర్యన్‌తో ‘అల వైకుంఠపురములో’ చిత్రాన్ని హిందీలో రీమేక్‌ చేయనున్నారు రోహిత్‌ ధావన్‌. ఈ సినిమా తర్వాత ‘రాంబో’ని తెరకెక్కిస్తారు. ఈలోగా ‘హీరో పంతీ 2’ చిత్రాన్ని పూర్తి చేస్తారు టైగర్‌. 2021 చివర్లో ‘రాంబో’ సినిమా సెట్స్‌ మీదకు వెళ్లనుంది.

యాసిడ్‌ దాడి బాధితురాలు లక్ష్మీ అగర్వాల్‌ జీవితం ఆధారంగా చేసిన ‘చప్పాక్‌’ తర్వాత దీపికా పదుకోన్‌ ఏం చేయబోతున్నారు? అనే ఆసక్తి బాలీవుడ్‌లో ఉంది. ఫ్యాన్స్‌ ఎదురుచూపులకు సోమవారం ఫుల్‌స్టాప్‌ పెట్టారామె. తన తదుపరి చిత్రం ‘ద ఇంటర్న్‌’ అని ప్రకటించారు. 2015లో వచ్చిన హాలీవుడ్‌ మూవీ ‘ద ఇంటర్న్‌’కి ఇది హిందీ రీమేక్‌. హాలీవుడ్‌ చిత్రంలో రోబర్ట్‌ డీ నీరో, అన్నే హథవే ముఖ్య పాత్రల్లో నటించారు. హిందీలో ఈ పాత్రలను రిషీ కపూర్, దీపికా పదుకోన్‌ చేయనున్నారు. రిషీ కపూర్‌ కంపెనీలో ఇంటర్న్‌గా పని చేసే పాత్రలో దీపిక నటిస్తారట. ఈ సినిమాను హాలీవుడ్‌ ప్రఖ్యాత నిర్మాణ సంస్థ వార్నర్‌ బ్రదర్స్‌తో కలిసి దీపికా నిర్మించనుండటం విశేషం. వచ్చే ఏడాదిలో ఈ చిత్రం రిలీజ్‌ కానుంది. దర్శకుడు ఎవరనేది తెలియాలి. ‘‘నా తదుపరి చిత్రం ‘ది ఇంటర్న్‌’ రీమేక్‌ అని ప్రకటించడానికి థ్రిల్‌గా ఫీల్‌ అవుతున్నాను’’ అన్నారు దీపికా.

న్యూఢిల్లీ : 2011లో వార్నర్‌ బ్రదర్స్‌ ఆధ్వర్యంలో విడుదలైన హాలివుడ్‌ చిత్రం ‘కంటేజియన్‌’ ఇప్పుడు మళ్లీ మన కళ్ల ముందు కదలాడుతోంది. మట్‌ డామన్, కేట్‌ విన్‌స్లెట్‌ నటించిన ఆ చిత్రానికి ఇప్పటికీ ఎంతో మంది అభిమానులు ఉన్నారు. అందులో చైనాలోని ఓ గబ్బిలం నుంచి విస్తరించిన కరోనా వైరస్‌ వల్ల ప్రపంచవ్యాప్తంగా కొన్ని లక్షల మంది చనిపోతారు. దాన్ని అరికట్టేందుకు ప్రపంచంలోని రోగ నియంత్రణ, నిరోధక కేంద్రాలు తీవ్రంగా కృషి చేస్తాయి. చివరకు అందులో ‘పేషంట్‌ జీరో’గా పిలిచే ఓ చెఫ్‌కు ఈ వినూత్న వైరస్‌ సోకుతుంది. ఆ వైరస్‌తో పోరాడి బతికి బట్టకట్టడం ద్వారా పేషంట్‌ జీరో హీరో అవుతారు. ఆ పాత్రను నిర్మాతల్లో ఒకరైన మట్‌ డామన్‌ పోషించారు. అచ్చం అందులో లాగానే చైనాలోని వుహాన్‌ పట్టణం నుంచి విస్తరించిన కరోనా వైరస్‌ ఇప్పుడు ప్రపంచాన్ని భయపెడుతుంది. ఇప్పటికే ఈ వైరస్‌ వల్ల చైనాలో 26 మంది మరణించగా 800 మంది అస్వస్థులయ్యారు. అమెరికాలో ఆరుగురికి ఈ వైరస్‌ సోకింది. భారత్‌లోని కేరళకు చెందిన ఓ నర్సుకు కూడా ఈ వ్యాధి సోకినట్లు ముందుగా వార్తలు వచ్చాయి. ఆమెకు జరిపిన వైద్య పరీక్షల్లో ఆ వైరస్‌ లక్షణాలు కనిపించలేదని డాక్టర్లు ధ్రువీకరించినట్లు కూడా వార్తలు వెలువడ్డాయి. చైనాలో ఈ వైరస్‌ సోకిన వారు ఎక్కడి వారక్కడ ఉన్న ఫళంగా రోడ్ల మీద, బస్టాపుల్లో పడిపోతున్నారు. దాంతో భయకంపితులవుతున్న చైనీయులు తండోపతండాలుగా ఆస్పత్రులకు వెళుతున్నారు. వారి తాకిడిని తట్టుకోవడం వైద్యాధికారులకు తలకు మించిన భారమైంది. సినిమాలోలాగా కరోనా వైరస్‌ చైనాలోని గబ్బిలం నుంచే వెలువడి ఉంటుందని, ఆ దిశగా పరిశోధనలు జరపాలని నాటి ‘కంటేజియన్‌’ అభిమానులు చైనా వైద్యులకు సలహా ఇస్తున్నారు. ఆ సినిమాలోని పేరును చూసే ఇప్పటి వైరస్‌కు కూడా ‘కరోనా’ అని పేరు పెట్టి ఉంటారని వారు అనుమానిస్తున్నారు. ‘కంటేజియన్‌’ సినిమా అత్యంత భయానకమైనదని గత కొన్నేళ్లుగా తాను చెబుతున్నానని, ఇప్పుడదే నిజమైందని నటుడు, దర్శకుడు స్టీఫోన్‌ పోర్డ్‌ ట్వీట్‌ చేశారు. ‘నాకు కంటేజియన్‌ సినిమా గుర్తొస్తోంది. అచ్చం సినిమాలోలాగానే ఇప్పుడు చైనాలో వైరస్‌కు రోగులు చనిపోతున్నారు. చైనా గబ్బిలాల విసర్జితాలను ఎరువులుగా వాడుతుండడం వల్ల ఈ వైరస్‌ వ్యాప్తి చెందివుండొచ్చు’ అని మరొకరు ట్వీట్‌ చేశారు. గబ్బిలం జిగురు నుంచి తయారు చేస్తున్న సబ్బుల వల్ల కూడా ఈ వైరస్‌ సోకవచ్చని మరికొందరు అనుమానిస్తున్నారు. 2003లో హాంకాంగ్‌లో ‘సార్స్‌’ వైరస్‌తో అనేక మంది మరణించారు. దాన్ని స్ఫూర్తిగా తీసుకొనే 2011లో కంటేజియన్‌ చిత్రం తీసి ఉంటారని అప్పట్లో వార్తలు వచ్చాయి. అందుకనే ఆ సినిమాలో వైరస్‌ చైనా నుంచి విస్తరించిందని చూపించారు. కల్పితం అయినప్పటికీ సినిమాలో సైన్స్‌ను సైన్స్‌లా చూపించారని ఆ సినిమాకు దర్శకత్వం వహించిన ‘స్లీవెన్‌ సోడర్‌బెర్గ్‌’ను నాటి సైన్స్‌ కమ్యూనిటీ ప్రశంసించింది. చదవండి: భయంతో వణుకుతున్నారు.. అందుకే ఇలా..!

జోక్విన్ ఫీనిక్స్ హీరోగా నటించిన అమెరికన్‌ సైకలాజికల్‌ థ్రిల్లర్‌ 'జోకర్‌' మూవీ బాక్సాఫీస్‌ వద్ద కలెక‌్షన్లను స్థిరంగా కొనసాగిస్తుంది. అక్టోబర్‌ 4న ప్రపంచ వ్యాప్తంగా విడుదలైన 'జోకర్‌' సినిమాలో వయొలెన్స్‌ ఎక్కువగా ఉందని కొందరు విమర్శకులు పెదవి విరిచినా మొదటి రోజు నుంచే పాజిటివ్‌ టాక్‌ను సొంతం చేసుకున్న సంగతి తెలిసిందే. తాజాగా ఈ సినిమా ప్రపంచవ్యాప్తంగా  1 బిలియన్‌ డాలర్లు దాటిన తొలి ఆర్‌-రేటెడ్ సినిమా(హింసాత్మకంగా భావించినప్పటికీ)గా నిలిచింది. ఆర్‌- రేటడ్‌ జాబితాలో ఇంతకుముందు 2018లో వచ్చిన ర్యాన్ రేనాల్డ్స్ నటించిన కామెడి థ్రిల్లర్‌ 'డెడ్‌పూల్ ‌2' సినిమా (78.3), 'డెడ్‌పూల్‌'(75.4) మిలియన్‌ డాలర్లు వసూలు చేయగా, తాజాగా జోకర్‌ ఆ సినిమాల రికార్డును అధిగమించింది. అంతేగాక చైనాలో ఆర్‌-రేటడ్‌ సినిమాలను అక్కడి జనాలు పెద్దగా పట్టించుకోరు. కానీ జోకర్‌ సినిమాను మాత్రం చైనా ప్రేక్షకులు హిట్‌ సినిమాగా నిలిపారు. జోకర్‌గా నటించిన జోక్విన్‌ ఫీనిక్స్‌ నటనకు ప్రపంచవ్యాప్తంగా ప్రేక్షకులు ఫిదా అవుతున్నారు. 62.3 మిలియన్‌ డాలర్ల బడ్జెట్‌తో వార్నర్‌ బ్రదర్స్‌, డీసీ ఫిలిమ్స్‌ సంస్థ జోకర్‌ సినిమాను తెరకెక్కించగా టాడ్ ఫిలిప్స్ దర్శకత్వం వహించారు. డీసీ ఫిలిమ్స్‌ సంస్థ రూపొందించిన ఆక్వామెన్‌, ది డార్క్‌ నైట్‌ రైజస్‌, ది డార్క్‌ నైట్‌ సినిమాలు 1బిలియన్‌ డాలర్లకు పైగా వసూళ్లు సాధించగా, తాజాగా ఆ జాబితాలో జోకర్‌ నాలుగో స్థానాన్ని సంపాందించింది. ది డార్క్‌ నైట్‌ సినిమాలో జోకర్‌ పాత్రలో హెత్‌ లెడ్జర్‌ బ్యాట్‌మెన్‌ సిరీస్‌ సినిమాలో అత్యంత ప్రజాదరణ పొందిన ది డార్క్‌నైట్‌ సినిమాలో జోకర్‌ పాత్ర విలన్‌గా నటించిన సంగతి తెలిసిందే. ఈ సినిమాలో భయంకరమైన జోకర్‌గా నటించిన హెత్‌ లెడ్జర్‌ నటనకు ప్రేక్షకులు నీరాజనాలు పట్టారు. ముఖ్యంగా ఇంటరాగేషన్‌ సీన్‌లో జోకర్‌ పాత్రలో హెత్‌ లెడ్జర్‌ వెకిలి నవ్వులు ఎవరు అంత తొందరగా మరిచిపోలేరు. దాని నుంచి ప్రేరణగా తీసుకొని ఒక సీరియల్‌ కిల్లర్‌ గా జోకర్‌ ఎందుకు మారాడనే బ్యాక్‌డ్రాఫ్‌లో జోకర్‌ చిత్రం తెరకెక్కింది. జోకర్‌ పాత్రకు ప్రాణం పోసిన హెత్‌ లెడ్జర్‌ 2008 లో డ్రగ్స్‌కు బానిసై చనిపోవడంతో ఈ సినిమాలో జోక్విన్ ఫీనిక్స్ జోకర్‌ పాత్రను ధరించారు.

ప్రముఖ నటి రాధికా ఆప్తే, దేవ్‌ పటేల్‌ జంటగా నటించిన తాజా హాలీవుడ్‌ చిత్రం ‘ద వెడ్డింగ్‌ గెస్ట్‌’ . త్వరలో విడుదల కానున్న ఈ సినిమాలోని హాట్‌ రొమాంటిక్‌ సీన్‌ ఒకటి లీకై.. ఇంటర్నెట్‌లో దుమారం రేపుతోంది. రాధికా ఆప్తే, దేవ్‌ పటేల్‌ శృంగారంలో పాల్గొన్న ఈ సీన్‌ లీక్‌ కావడంపై నటి రాధిక ఆగ్రహం వ్యక్తం చేశారు. మన సమాజంలో సైకో మెంటాలిటీకి ఈ సీన్‌ లీకే నిదర్శనమని ఆమె మండిపడ్డారు. ఈ సీన్‌ మేల్‌ యాక్టర్‌ దేవ్‌ పటేల్‌ పేరిట స్ప్రెడ్‌ చేయకుండా.. తన ఒక్కరి పేరు మీదనే ఎందుకు వ్యాప్తి చేస్తున్నారని ఆమె ప్రశ్నించారు. ‘బాలీవుడ్‌ లైఫ్‌’  వెబ్‌సైట్‌తో ముచ్చటించిన రాధిక.. ‘ఈ సినిమాలో ఎన్నో అందమైన దృశ్యాలు ఉన్నాయి. కానీ శృంగారానికి సంబంధించిన సీన్‌ను మాత్రమే లీక్‌ చేశారు. దీనికి కారణం మన సమాజం సైకోటిక్‌ మెంటాలిటీనే’ అని అన్నారు. ‘లీకైన ఆ సీన్‌లో రాధికా ఆప్తే, దేవ్‌ పటేల్‌ ఇద్దరూ ఉన్నారు. కానీ, నా పేరు మీదనే ఆ సీన్‌లను స్ప్రెడ్‌ చేస్తున్నారు. మేల్‌ నటుడు దేవ్‌ పటేల్‌ పేరు మీద వాటిని స్ప్రెడ్‌ చేయవచ్చు కదా’ అని ఆమె ప్రశ్నించారు. సినిమాల్లో నగ్న, శృంగార సన్నివేశాల్లో నటించడంలో తనకు ఎలాంటి అభ్యంతరం లేదని గతంలో రాధికా ఆప్తే పేర్కొన్న సంగతి తెలిసిందే.  ‘బోల్డ్‌ సీన్లలో నటించే విషయంలో నాకెలాంటి భయాలు లేవు. నేను చిన్నప్పటి నుంచి ప్రపంచ సినిమాలు చూస్తూ పెరిగాను. ఎన్నో ప్రదేశాలు తిరిగాను. నా పట్ల నేను కంఫర్టబుల్‌గానే ఉన్నాను. భారత్‌లో, విదేశాల్లో నటులు వేదిక మీద నగ్నంగా నటించడం నేను చూశాను. నా శరీరాన్ని చూసి నేనెందుకు సిగ్గుపడాలి? ఒక అభినేత్రిగా నా శరీరం కూడా ఒక సాధనమే నాకు. బోల్డ్‌ సీన్లలో నటించే విషయంలో నాకు ఎలాంటి భయాలు లేవు’ అని ఐఏఎన్‌ఎస్‌ వార్తాసంస్థకు ఇచ్చిన ఇంటర్వ్యూలో రాధికా ఆప్తే పేర్కొన్నారు. 

పాస్‌పోర్ట్, నిత్యం అవసరమయే వస్తువులను జాగ్రత్తగా సూట్‌కేస్‌లో ప్యాక్‌ చేసుకుంటున్నారు హీరోయిన్‌ హ్యూమా ఖురేషి. త్వరలో ఆమె లాస్‌ ఏంజిల్స్‌కు పయనం కానున్నారు. దాదాపు రెండు నెలలు అక్కడే ఉంటారట.. ‘డ్వాన్‌ ఆఫ్‌ ది డెడ్, 300, జస్టిస్‌ లీగ్‌’ వంటి ఇంగ్లీష్‌ చిత్రాలను తెరకెక్కించిన జాక్‌ స్నైడర్‌ దర్శకత్వంలో ‘ఆర్మీ ఆఫ్‌ ది డెడ్‌’ అనే హాలీవుడ్‌ సినిమా తెరకెక్కనున్న సంగతి తెలిసిందే. ఈ చిత్రంలో డావే బౌటిస్టా, థియో రోసి, హ్యూమా ఖురేషి కీలక పాత్రలు చేయనున్నారు. కిరాయి సైనికుల నేపథ్యంలో ఈ సినిమా సాగనుంది. ఈ సినిమా చిత్రీకరణ త్వరలో లాస్‌ ఏంజిల్స్‌ను ప్రారంభం కానుంది. ఇందుకోసం అక్కడికి వెళ్లనున్నారు హ్యూమా. 

ఫ్రాన్స్‌లో గూఢచర్యం చేశారు రాధికాఆప్టే. మరి.. ఆమె సీక్రెట్‌ ఆపరేషన్‌ ఎలా సాగిందో వెండితెరపై చూడాల్సిందే. ఆస్కార్‌ నామినేటెడ్‌ డైరెక్టర్‌ లిడియా డీన్‌ పిల్చర్‌ దర్శకత్వంలో ‘లిబర్టే: ఏ కాల్‌ టు స్పై’ అనే హాలీవుడ్‌ మూవీ తెరకెక్కింది. రెండో ప్రపంచయుద్ధ సమయంలో జరిగిన వాస్తవ సంఘటనల ఆధారంగా ఈ సినిమాను తెరకెక్కించారు. సారా మేఘన్‌ థామస్, స్టానా కాటిక్, రాధికా ఆప్టే, లైనస్‌ రోచె, రోసిఫ్‌ సదర్లాండ్‌ ఈ సినిమాలో కీలక పాత్రలు చేశారు. ఈ చిత్రంలో ఇండియన్‌ ముస్లిమ్‌ స్పై ఏజెంట్‌ నూర్‌ ఇనాయత్‌ ఖాన్‌ పాత్రలో రాధికా ఆప్టే నటించారు. ఇటీవల యూకేలో జరిగిన ఓ ఫిల్మ్‌ ఫెస్టివల్‌ సందర్భంగా ఈ సినిమా టీమ్‌ కలుసుకున్నారు. ఈ సమయంలో ఈ సినిమాలోని తన లుక్‌ను రాధికా ఆప్టే షేర్‌ చేశారు. ఇక.. బాలీవుడ్‌లో ‘రాత్‌ అఖేలి హై’ అనే సినిమాలో నటిస్తున్నారామె. ఇందులో నవాజుద్దీన్‌ సిద్ధిఖీ హీరో.

హాలీవుడ్‌ సినిమాల్లో మన ఇండియన్‌ తారలు అప్పుడప్పుడు మెరుస్తూనేఉన్నారు. ఐశ్వర్యా రాయ్, ప్రియాంకా చోప్రా, దీపికా పదుకోన్‌ ఇలా హాలీవుడ్‌ సినిమాల్లో కనిపిస్తూనే వచ్చారు. ప్రియాంక అయితే ఏకంగా హాలీవుడ్‌కే మకాం మార్చేశారు. తాజాగా సీనియర్‌ నటి డింపుల్‌ కపాడియా ఓ హాలీవుడ్‌ సినిమాలో నటించడానికి అంగీకరించారు. హాలీవుడ్‌ క్రేజీ దర్శకుల్లో ఒకరైన క్రిస్టోఫర్‌ నోలన్‌ దర్శకత్వంలో తెరకెక్కబోయే చిత్రంలో డింపుల్‌ నటించనున్నారు. ఇంగ్లీష్‌ సినిమాలో నటించడం ఆమెకు ఇది మొదటిసారేం కాదు, ‘లీలా’ (2002) అనే ఆంగ్ల చిత్రంలో ఆల్రెడీ నటించారామె. యాక్షన్‌ థ్రిల్లర్‌గా తెరకెక్కే తాజా చిత్రంలో ఆస్కార్‌ విజేత డేవిడ్‌ వాషింగ్టన్‌ హీరోగా నటించనున్నారు. ఈ సినిమాకు ‘టెనిట్‌’ అనే టైటిల్‌ ఫిక్స్‌ చేశారు. సుమారు ఏడు దేశాల్లో ఈ సినిమాను షూట్‌ చేయనున్నారట. వచ్చే ఏడాది జూలై 17న రిలీజ్‌ కానున్న ఈ చిత్రాన్ని వార్నర్‌ బ్రదర్స్‌ డిస్ట్రిబ్యూట్‌ చేయనున్నారు.

వచ్చే ఏడాది క్రిస్మస్‌కు బాక్సాఫీస్‌ వద్ద పోటీ పడేందుకు రెడీ అవుతున్నారు బాలీవుడ్‌ టాప్‌ హీరోలు ఆమిర్‌ఖాన్, హృతిక్‌ రోషన్‌. గత ఏడాది డిసెంబర్‌లో ‘థగ్స్‌ ఆఫ్‌ హిందూస్తాన్‌’ చిత్రంతో ప్రేక్షకుల ముందుకు వచ్చారు ఆమిర్‌ ఖాన్‌. ఈ చిత్రం అంతగా ప్రేక్షకాదరణకు నోచుకోలేదు. దీంతో తర్వాతి సినిమాకు కాస్త టైమ్‌ తీసుకున్న ఆమిర్‌ ఖాన్‌ ఆస్కార్‌ అవార్డ్‌ సాధించిన హాలీవుడ్‌ మూవీ ‘ఫారెస్ట్‌ గంప్‌’ హిందీ రీమేక్‌ ‘లాల్‌సింగ్‌ చద్దా’లో నటించనున్నట్లు ఇటీవల తన పుట్టినరోజు నాడు వెల్లడించాడు. ‘సీక్రెట్‌ సూపర్‌స్టార్‌’ ఫేమ్‌ అద్వైత్‌ చందన్‌ ఈ సినిమాకు దర్శకత్వం వహిస్తున్నారు. ఆమిర్‌ఖాన్‌ ప్రొడక్షన్స్, వయాకామ్‌ 18 సంస్థలు నిర్మిస్తున్న ఈ సినిమాను క్రిస్మస్‌ సందర్భంగా విడుదల చేయనున్నట్లు చిత్రబృందం ప్రకటించిందని బాలీవుడ్‌ సమాచారం. ‘క్రిష్‌’ ఫ్రాంచైజీలో రానున్న ‘క్రిష్‌ 4’ సినిమాను వచ్చే ఏడాది క్రిస్మస్‌కే విడుదల చేయనున్నట్లు హృతిక్‌ రోషన్‌ తెలిపారు. సో.. ఇలా వచ్చే ఏడాది క్రిస్మస్‌కు ఇద్దరు టాప్‌ హీరోలు బాక్సాఫీస్‌ వద్ద పోటీ పడనున్నారు. మరి.. బాక్సాఫీస్‌ వద్ద ఎవరి పంట పండుతుందో, సినిమా విజయంతో ఎవరు పండగ చేసుకుంటారో చూడాలి. అయితే ఇంకా ‘క్రిష్‌ 4’ సెట్స్‌ పైకి వెళ్లలేదు. హృతిక్‌ తండ్రి రాకేష్‌ రోషన్‌ కేన్సర్‌ బారిన పడి, చికిత్స తీసుకుని ప్రస్తుతం బాగానే ఉన్నారు. త్వరలో ఈ చిత్రం షూటింగ్‌ మొదలుపెట్టాలనుకుంటున్నారు.

హాంకాంగ్‌ : అభిమానులందు అవెంజర్స్‌ అభిమానులు వేరయా అన్నట్టు ప్రవర్తించారు చైనాలో. మార్వెల్‌ సంస్థ తెరకెక్కించిన సూపర్‌ హీరో సీరిస్‌లో చివరి సినిమా అవడంతో అవెంజర్స్‌ ; ఎండ్‌గేమ్‌కు విపరీతమైన క్రేజ్‌ ఏర్పడింది. సూపర్‌ హీరో సీరిస్‌ను ఎలా ముగించారో అని సినీ ప్రియులు.. ముఖ్యంగా అవెంజర్స్‌ అభిమానులు ఉత్సాహంగా సినిమా చూసేందుకు రెడీ అవుతున్నారు. అదేసందర్భంలో ఈ సినిమా కథ గురించి ముందే చెప్పి తమ ఎగ్జయిటింగ్‌కు గండికొట్టద్దని వేడుకుంటున్నారు. మాట వినకపోతే తాట తీస్తున్నారు. సినిమా దర్శకులు రూసో బ్రదర్స్‌ సైతం ‘అవెంజర్స్‌ ; ఎండ్‌గేమ్‌ కథను ఎక్కడా రివీల్‌ చేయకండి. థియేటర్లలో గొప్ప అనుభూతి’ పొందండి అని ట్విటర్‌లో సూచించారు కూడా. అయితే, ఈ సినిమా విశేషాలు చెప్తానంటూ సినిమా థియేటర్‌ దగ్గర రచ్చ చేసిన ఓ ఆకతాయిని అభిమానులు చితకొట్టారు. ఈ ఘటన చైనాలోని కాజ్వే బేలో బుధవారం జరిగింది. మరి కష్టపడి, క్యూలైన్లలో గంటల కొద్దీ నిలబడి టికెట్లు సంపాదించుకున్న అభిమానులు తమ ఆనందాన్ని ఆవిరి చేస్తామంటే ఊరుకుంటారా ఏంటి..! చైనాతో పాటు పలు ఆసియా దేశాల్లో బుధవారం విడుదలైన అవెంజర్స్‌ ; ఎండ్‌గేమ్‌.. భారత్లో శుక్రవారం ప్రేక్షకుల ముందుకొచ్చింది. ఇక ఈ సినిమాకు ఉన్న క్రేజ్‌ చూస్తుంటే తొలి వారాంతానికి రూ.6000 కోట్లకు పైగా వసూళ్లు సాధించే అవకాశం ఉందని ట్రేడ్ పండితులు అంచనా వేస్తున్నారు. గత చిత్రాల రికార్డులన్ని చేరిపేసి 20 వేల కోట్ల వసూళ్లతో ఆల్‌టైం రికార్డ్‌ సెట్ చేయటం ఖాయం అంటున్నారు. 

సాక్షి ప్రతినిధి, చెన్నై: ఇంతకాలం భారతీయ చిత్రాలకే పరిమితమైన తమిళ పైరసీ రాకర్స్‌ హాలీవుడ్‌పైనా పంజా విసిరారు. ప్రపంచ వ్యాప్తంగా ప్రేక్షకులు ఎదురుచూస్తున్న ‘అవెంజర్స్‌ ఎండ్‌ గేమ్‌’ హాలీవుడ్‌ చిత్రాన్ని గురువారం వెబ్‌సైట్‌లో పెట్టేశారు. భారీ బడ్జెట్‌తో నిర్మితమయ్యే తమిళ చిత్రాలను అత్యంత సులువుగా పైరసీ ద్వారా విడుదల చేస్తూ తమిళ సినీ నిర్మాతలకు తమిళ రాకర్స్‌ ఇప్పటి దాకా గుబులు పుట్టించారు. తాజాగా, వేలాది కోట్ల రూపాయల బడ్జెట్‌తో రూపొంది, ఈ నెల 26న విడుదల కావాల్సిన ‘అవెంజర్స్‌ ఎండ్‌ గేమ్‌’ను సైతం తమిళ రాకర్స్‌ వదిలిపెట్టలేదు.

అమెరికన్‌ నటుడు మహర్షెల్లా అలీ ఇక ఆకాశవీధిలో విహరించనున్నారట. మార్క్‌ ముండెన్‌ దర్శకత్వంలో హాలీవుడ్‌లో ‘సావరిన్‌’ అనే ఓ సైన్స్‌ ఫిక్షన్‌ చిత్రం తెరకెక్కనుంది. ఈ సినిమాలో లీడ్‌ రోల్‌ చేయడానికి అలీ అంగీకరించారు. 21ల్యాప్స్‌ ఎంటర్‌టైన్మెంట్, ఈ వన్‌ సంస్థలు ఈ సినిమాను నిర్మించనున్నాయి. ‘‘ఈ ప్రాజెక్ట్‌ను ఎంతగానో ప్రేమిస్తున్నాం. ఇందులో లీడ్‌ యాక్టర్‌గా ప్రతిభావంతుడైన మహర్షెలా అలీ దొరికినందుకు హ్యాపీగా ఉంది’’ అని నిర్మాతల్లో ఒకరైన నిక్‌ మేయర్‌ తెలిపారు. ‘ఏ క్వైట్‌ ప్లేస్‌’ చిత్రానికి స్క్రీన్‌ ప్లే అందించిన స్కాట్‌ బేక్, బ్రియాన్‌ వుడ్స్‌ ఈ చిత్రానికి వర్క్‌ చేస్తున్నారట. ఈ సంగతి ఇలా ఉంచితే.. ‘గ్రీన్‌బుక్‌’లోని నటనకు గాను మహర్షెల్లా ఉత్తమ సహాయ నటుడు విభాగంలో ఇటీవల ఆస్కార్‌ అవార్డు అందుకున్నారు. 2016లో ‘మూన్‌లైట్‌’కి ఇదే విభాగంలో అవార్డు అందుకున్నారాయన.

హాలీవుడ్‌లో సూపర్‌ హీరో సినిమాలకు ఫుల్‌ క్రేజ్‌. సూపర్‌ మేన్‌లే కాదు ఉమెన్‌ సినిమాలను కూడా అదే స్థాయిలో ఆదరిస్తున్నారు ఆడియన్స్‌. గాల్‌ గోడాట్‌ హీరోయిన్‌గా గతేడాది రిలీజ్‌ అయిన సూపర్‌ ఉమెన్‌ ఫిల్మ్‌ ‘వండర్‌ ఉమెన్‌’ కూడా బాక్సాఫీస్‌ని భరతనాట్యం ఆడించింది. ఇప్పుడు ఈ సినిమాకు సీక్వెల్‌ ‘వండర్‌ ఉమెన్‌ 1984’ ప్లాన్‌ చేస్తున్నారు దర్శకుడు ప్యాటీæ జెనిక్స్‌. ఈ సూపర్‌ ఉమెన్‌ సినిమాలో వండర్‌ఫుల్‌ చాన్స్‌ కొట్టేశారు బాలీవుడ్‌ హీరోయిన్‌ సౌందర్యా శర్మ. ‘మీరుతియా గ్యాంగ్‌స్టర్స్, రాంచీ డైరీస్‌’ వంటి సినిమాల్లో కనిపించారు సౌందర్య. ప్రస్తుతం బాలీవుడ్‌లో బుడి బుడి అడుగులు వేస్తున్న ఈ బ్యూటీకి ఏకంగా హాలీవుడ్‌ చాన్స్‌ అంటే మాటలు కాదు. ఐశ్వర్యా రాయ్, ప్రియాంకా చోప్రా, దీపికా పదుకోన్‌ లాంటి యాక్టర్స్‌ హాలీవుడ్‌కి హాయ్‌ హాయ్‌ చెబుతుంటే ఈ లిస్ట్‌లోకి సౌందర్య కూడా చేరారు. ‘‘కల నిజమైనట్లుగా ఉంది. ఇలాంటి పాత్రలు చేయాలని ఎప్పటి నుంచో కోరుకున్నాను’’ అన్నారు సౌందర్య. ఈ సీక్వెల్‌ వచ్చే ఏడాది రిలీజ్‌ కానుంది.

ఇక్కడున్న ఫొటోలో తూకం వేయడానికి పచ్చి మిరపకాయలను తీసుకుంటూ పిచ్చి చూపులు చూస్తోన్న ఈ హీరోయిన్‌ను గుర్తుపట్టే ఉంటారు. ‘హార్ట్‌ ఎటాక్‌’ సినిమాతో కుర్రాళ్ల గుండెల్లో గాయం చేసిన అదా శర్మనే ఇలా కూరగాయలు అమ్మే అమ్మాయిగా మారారు. ఏదైనా కొత్త సినిమాలో డీ–గ్లామరస్‌ రోల్‌ చేస్తున్నారా? అంటే ఇంకా లేదు. డైరెక్టర్స్‌కు నచ్చితే చేస్తారు. కన్‌ఫ్యూజ్‌ అవ్వకండి. ఆమెకు హాలీవుడ్‌ నుంచి చాన్స్‌ వచ్చిందట. అందుకే ఇలా లుక్‌ టెస్ట్‌ చేస్తున్నారని బాలీవుడ్‌లో కథనాలు వస్తున్నాయి. ఒకవేళ ఇదే నిజమైతే అదా రొట్టె విరిగి నేతిలో పడ్డట్లే. దాదాపు పది సంవత్సరాల క్రితం వచ్చిన ‘1920’ హిందీ సినిమాతో సిల్వర్‌స్క్రీన్‌పైకి వచ్చారు అదా. ఆ తర్వాత సౌత్‌లో బిజీ హీరోయిన్‌గా మారిపోయారు. ప్రస్తుతం తమిళంలో ప్రభుదేవా హీరోగా నటిస్తున్న సినిమాలో ఓ కథానాయికగా నటిస్తున్నారు. అలాగే బాలీవుడ్‌లో కమాండో సిరీస్‌ థర్డ్‌ పార్ట్‌లో అదా హీరోయిన్‌గా సెలక్ట్‌ అయ్యారని బాలీవుడ్‌ టాక్‌. మరి..ఈ హాలీవుడ్‌ ప్రాజెక్ట్‌ కూడా ఓకే అయితే ఆమె కెరీర్‌ మరో స్టెప్‌ పైకి వెళ్తుంది. ఈ తరం ఫేమస్‌ స్టార్స్‌లో ఇప్పటివరకు ఐశ్వర్యారాయ్, ప్రియాంకా చోప్రా, దీపికా పదుకోన్, రీసెంట్‌గా రాధికా ఆప్టే, జాక్వెలిన్‌ ఫెర్నాండెజ్‌ హాలీవుడ్‌లో నటించారు. మరి.. అదా కూడా వెళ్తారా? అనేది తెలియాలంటే కాస్త టైమ్‌ పడుతుంది.

ఏదైనా కథ చెప్పాలంటే అనగనగా లేదా అప్పట్లో ఒకడుండేవాడు అని మొదలుపెడతాం. హాలీవుడ్‌ డైరెక్టర్‌ క్వెంటిన్‌ టరంటినో కూడా తన లేటెస్ట్‌ కథను ఇలానే చెప్పబోతున్నారు. బ్రాడ్‌ పిట్, ఆల్‌ పాచినో, లియోనార్డో డికాప్రియో ముఖ్య తారలుగా దర్శకుడు క్వెంటిన్‌ రూపొందించనున్న చిత్రం ‘వన్స్‌ అపాన్‌ ఎ టైమ్‌ ఇన్‌ హాలీవుడ్‌’. 1969 కాలంలో ఫేడవుట్‌ అయిపోయిన టీవీ సిరీస్‌ యాక్టర్, అతని బాడీ డబుల్‌  సర్వైవ్‌ అవ్వడానికి పడ్డ స్ట్రగుల్‌ ఏంటో ఈ సినిమాలో చూపించదలిచారట క్వెంటిన్‌. ఫేడవుట్‌ అయిన హీరోగా బ్రాడ్‌ పిట్, బాడీ డబుల్‌ క్యారెక్టర్‌లో లియొనార్డో డీ కాప్రియో నటించనున్నారు. 2019లో  ఈ చిత్రాన్ని రిలీజ్‌ చేయాలనుకుంటున్నారు. రక్తం ధారలై ప్రవహించకపోతే రుచించని క్వెంటిన్‌ ఒక ఫెయిల్డ్‌ యాక్టర్‌ జీవితాన్ని ఎలా చూపిస్తారోనని  ఆసక్తిగా ఎదురుచూస్తున్నారు ఆయన ఫ్యాన్స్‌.

హాలీవుడ్‌ యాక్షన్‌ హీరో టామ్‌ క్రూజ్‌ దాదాపు 32 ఏళ్ల తర్వాత మళ్లీ ‘టాప్‌ గన్‌’ పట్టుకున్నారు. ఆయన గన్‌ పట్టుకోకుండా ఉన్న మూవీ ఆల్మోస్ట్‌ ఇంపాజిబుల్‌. మరి.. 30 ఏళ్ల తర్వాత ప్రత్యేకంగా గన్‌ పట్టుకోవడం ఏంటీ? అని ఆలోచించకండి. అందుకనే కదా ‘టాప్‌ గన్‌’ అన్నాం. టోనీ స్కాట్‌ దర్శకత్వంలో 1986లో టామ్‌ క్రూజ్‌ హీరోగా వచ్చిన చిత్రం ‘టాప్‌ గన్‌’. ఇప్పుడీ చిత్రానికి సీక్వెల్‌ ‘టాప్‌గన్‌ 2’ను స్టార్ట్‌ చేశారు. ఈ సీక్వెల్‌కు జోసెఫ్‌ కొసిన్సి్క దర్శకత్వం వహిస్తారట. ‘టాప్‌గన్‌’లో యాక్షన్‌ సీక్వెన్స్‌ అదరగొట్టిన టామ్‌ క్రూజ్‌ ఇప్పుడు లేటెస్ట్‌ వెపన్స్‌తో ప్రేక్షకులను అలరిస్తారని ఊహించవచ్చు. ఈ సినిమాను వచ్చే ఏడాది రిలీజ్‌ చేయాలనుకుంటున్నారు. ఈ సంగతి ఇలా ఉంచితే.. టామ్‌ క్రూజ్‌ నటించిన ‘మిషన్‌ ఇంపాజిబుల్‌: ఫాలౌట్‌’ వచ్చే నెల 27న రిలీజ్‌ కానుంది.

‘ఆల్‌ ది రజనీ ఫ్యాన్స్‌...’ అంటూ ‘చెన్నై ఎక్స్‌ప్రెస్‌’ మూవీలో షారుక్‌ ఖాన్‌ లుంగీ డ్యాన్స్‌ చేసిన విషయం తెలిసిందే. ఇప్పుడీ లుంగీ డ్యాన్స్‌ హాలీవుడ్‌ సినిమాలోనూ రిపీట్‌ కానుంది. విన్‌ డీజిల్‌ ‘ట్రిపులెక్స్‌’ సినిమాలో లుంగీ డ్యాన్స్‌ పాటతో ఎండ్‌ చేయాలనుకుంటున్నారట దర్శకుడు డిజే కరుసో. ‘ట్రిపులెక్స్‌: రిటర్న్‌ ఆఫ్‌ జాండర్‌ కేజ్‌’ సినిమాలో దీపికా పదుకోన్‌ యాక్ట్‌ చేసిన సంగతి తెలిసిందే. ఈ సినిమాకు సంబంధించిన నాలుగో భాగంలో దీపికా పదుకోన్‌ భాగం కారట. అందుకే ఇండియన్‌ ఫ్యాన్స్‌ నిరాశ పడకుండా దర్శకుడు లుంగీ డ్యాన్స్‌ ప్లాన్‌ రెడీ చేశాడు. ‘‘ట్రిపులెక్స్‌ నాలుగో పార్ట్‌ను లుంగీ డ్యాన్స్‌తో ఎండ్‌ చేయాలనుకుంటున్నా. ఆ పాటను దీపికా లీడ్‌ చేస్తే ఎలా ఉంటుంది? కొత్తగా ఉంటుంది కదూ’’ అని పేర్కొన్నారు దర్శకుడు. చివర్లో దీపికా లుంగీ డ్యాన్స్‌తో అలరిస్తారన్న మాట.

‘జురాసిక్‌ వరల్డ్‌ :ఫాలెన్‌ కింగ్‌డమ్‌’ సినిమా కోసం ప్రపంచమంతటా సినిమా అభిమానులు వెయ్యి కళ్లతో ఎదురుచూస్తున్నారు. జూన్‌ 22న విడుదలవుతోందీ సినిమా. అంటే అటూ ఇటుగా ఇంకో నెలంత టైమ్‌ ఉంది. అంతవరకూ ఎదురుచూడక తప్పదు! కానీ వినండి.. సరిగ్గా వినండి.. జూన్‌ 22వరకూ ఈ హాలీవుడ్‌ సినిమాను చూడటానికి యూఎస్‌ ప్రేక్షకులు మాత్రమే ఎదురుచూడాలి. మనం.. అంటే ఇండియన్‌ సినిమా ప్రేక్షకులం రెండు వారాల ముందే జురాసిక్‌ వరల్డ్‌ను హ్యాపీగా చూసుకోవచ్చు. అంటే జూన్‌ 7నే జురాసిక్‌ వరల్డ్‌ ఇండియాలో థియేటర్ల ముందుకు వచ్చేస్తోంది. గత మూడు దశాబ్దాలుగా జురాసిక్‌ పార్క్‌ సినిమాలకు, డైనోసర్‌ జంతువుకు ఇండియాలో విపరీతమైన పాపులారిటీ ఉంది. దీన్ని మనం ఒక హాలీవుడ్‌ సినిమాగా చూడకుండా ఇండియన్‌ సినిమానే అన్నట్టుగా ఎంజాయ్‌ చేస్తూ వస్తున్నాం. ఈ నేపథ్యంలోనే ఇండియన్‌ సినిమా అభిమానుల టైమింగ్స్, సీజన్‌ను దృష్టిలో పెట్టుకొని, మనకు సమ్మర్‌ పూర్తయ్యే టైమ్‌కి జురాసిక్‌ వరల్డ్‌ను తీసుకొచ్చేస్తున్నారు. ఈ సినిమాకు ఉన్న మేజర్‌ మార్కెట్స్‌లో ఇండియా ఒకటి. అందుకే హాలీవుడ్‌కు ప్రధాన మార్కెట్‌ అయిన యూఎస్‌లో కంటే రెండు వారాల ముందే ఇక్కడ సినిమా వచ్చేస్తోంది. గతంలోనూ ఇండియన్‌ సినిమా ఫ్యాన్స్‌ కోసం హాలీవుడ్‌ సినిమాలను ఒక రెండు వారాలు ముందుగానే విడుదల చేయడం చూస్తూ వచ్చాం. ఇప్పుడు జురాసిక్‌ వరల్డ్‌ కూడా ఈ బాట పట్టడం ఇండియన్‌ ఫ్యాన్స్‌కు పెద్ద న్యూస్‌. ఈ మధ్యే హాలీవుడ్‌ సినిమాలకు తెలుగులో ఒక బాక్సాఫీస్‌ బెంచ్‌మార్క్‌ సాధించిపెట్టిన ‘అవెంజర్స్‌ : ఇన్ఫినిటీ వార్‌’ (సుమారు 220 కోట్ల రూపాయలు)ను జురాసిక్‌ వరల్డ్‌ దాటేస్తుందని ట్రేడ్‌ అంచనా వేస్తోంది. 300 కోట్ల మార్క్‌ వరకూ ఈ సినిమా వెళ్లొచ్చని కూడా అనుకుంటున్నారు. 2015లో విడుదలై రికార్డు వసూళ్లు రాబట్టిన ‘జురాసిక్‌ వరల్డ్‌’కు సీక్వెల్‌ ఈ ‘జురాసిక్‌ వరల్డ్‌ : ఫాలెన్‌ కింగ్‌డమ్‌’. యూనివర్సల్‌ పిక్చర్స్‌ విడుదల చేస్తోన్న ఈ సినిమాకు జె.ఎ. బయోనా దర్శకుడు. క్రిస్‌ ప్రాట్, బ్రిస్‌ డల్లాస్‌ ప్రధాన పాత్రల్లో నటించారు. జురాసిక్‌ పార్క్‌ ఫ్యాన్స్‌.. ఆలస్యం చేయకండి.. ముందే చూసేయండీ సినిమాను మరి.. అమెరికా కంటే ముందే..!!

‘2001ఏ స్పేస్‌ ఒడిసీ’.. స్టాన్లీ కుబ్రిక్స్‌ ప్రపంచానికి అందించిన అద్భుతం అని చెప్పవచ్చు. సినిమా రిలీజ్‌ అయి 50 సంవత్సరాలవుతున్నా ఇంకా సినిమాటిక్‌ హై ఇస్తూనే ఉంది. సైన్స్‌ ఫిక్షన్‌ ఫిల్మ్స్‌లో బెస్ట్‌ అంటూ చాలామంది డైరెక్టర్స్‌ కితాబు ఇచ్చిన ఈ సినిమా నాకు నచ్చలేదు అంటున్నారు ‘అవతార్‌’ సృష్టికర్త జేమ్స్‌ కెమరూన్‌. ‘స్పేస్‌ ఒడిసీ’ ఎందుకు నచ్చలేదో కెమరూన్‌ వివరిస్తూ ‘‘2001 ఏ స్పేస్‌ ఒడిసీ’ సినిమా అంటే ఎప్పటికీ ఎనలేని ప్రేమ. కానీ ప్రస్తుతానికి ఆ సినిమాని లైక్‌ చేయలేకపోతున్నాను. కుబ్రిక్స్‌ తీసిన ఈ మాస్టర్‌పీస్‌ నా మీద ఎనలేని ఇంపాక్ట్‌ క్రియేట్‌ చేసింది. ఆర్ట్‌ వర్క్‌ ఫామ్‌లో ఆ సినిమా మీద గౌరవం ఉంది. కానీ సినిమాలో ఎమోషనల్‌ కనెక్ట్‌ లోపించింది. ఇన్వాల్వ్‌ అవ్వలేకపోయాను. కానీ సినిమాటిక్‌ ఎక్స్‌పీరియన్స్‌ పరంగా ఈ సినిమా అంటే నాకు చాలా అభిమానం’’ అని ఆయన పేర్కొన్నారు. నచ్చింది అంటూనే నచ్చలేదూ అంటున్న కెమరూన్‌ ధోరణి కొంచెం ఇష్టం కొంచెం కష్టంలా అనిపిస్తుందంటున్నారు హాలీవుడ్‌ సినీప్రియులు.

డకోటా జాన్సన్‌. ‘ఫిఫ్టీ షేడ్స్‌ ఆఫ్‌ గ్రే’ ఫిల్మ్‌ సిరీస్‌ పేరు చెప్పగానే ఈ స్టార్‌ పేరే ముందు వినిపిస్తుంది. హాలీవుడ్‌లో సంచలనం సృష్టించిన ఫిఫ్టీ షేడ్స్‌ ఫిల్మ్‌ సిరీస్‌లో వచ్చిన మూడు సినిమాల్లో మెయిన్‌ లీడ్‌గా నటించిన డకోటా జాన్సన్, ఇప్పుడు హాలీవుడ్‌లో టాప్‌ హీరోయిన్లలో ఒకరు. ఎరోటిక్‌ రొమాంటిక్‌ డ్రామా జానర్‌లో ‘ఫిఫ్టీ షేడ్స్‌’ ఒక బ్లాక్‌బస్టర్‌ అటెంప్ట్‌. తాజాగా ఈ సినిమాలకు పనిచేయడాన్ని గుర్తు చేసుకుంటూ జాన్సన్‌ తన బాధలు చెప్పుకుంది. ‘అబద్ధం చెప్పట్లేదు. ఈ సినిమా ఒక రకంగా నన్ను చావగొట్టింది.’ అందామె. సైకలాజికల్‌ ఎలిమెంట్స్‌తో రొమాన్స్‌కు పెద్దపీట వేసిన ఈ అడల్ట్‌ డ్రామాలో ఒక్కో సీన్‌లో జాన్సన్‌ పాత్ర ఒక్కో రకమైన ఎమోషన్‌తో నడుస్తుంది. ఇవన్నీ ఆమెను మెంటల్‌గా విపరీతంగా డిస్టర్బ్‌ చేశాయట.ఇదే విషయాన్ని చెప్పుకొని పై మాటలు అంది డకోటా జాన్సన్‌. ఫిఫ్టీ షేడ్స్‌ సిరీస్‌ పూర్తయ్యాక అందులో నుంచి బయటపడ్డానికి థెరపీకి వెళ్లాల్సి వచ్చిందట. ఇప్పుడు ఆ థెరపీ పూర్తయ్యాక అంతా సెట్‌ అయ్యిందని చెప్పుకొచ్చింది. ‘నాకు నచ్చిన పాత్రలు చేద్దామంటే అవకాశాలు రావట్లేదు. అందుకే నేనే ఆ అవకాశాలను సృష్టించుకోబోతున్నా..’ అంటూ కొత్త ప్రొడక్షన్‌ హౌస్‌ మొదలుపెడుతున్నట్లు చెప్పుకుంది డకోటా జాన్సన్‌. ఫిఫ్టీ షేడ్స్‌ పాపం ఎంతపేరు తెచ్చిందో, అన్నే కష్టాలు కూడా తెచ్చిపెట్టింది ఈ హాట్‌ భామకు!!   

‘‘ఈ భూమ్మీద జీవించిన అతి భయంకరమైన జంతువు ఇది’. ఆ జంతువును బంధించి పెట్టారు. ఒక పెద్ద గదంత పెద్దగా ఉంది ఆ జంతువు. హీరో అందులో ఉన్నాడు. అతని భార్యా పక్కనే ఉంది. ఆ జంతువు వాళ్లను చూసింది. గట్టిగా అరిచింది. పట్టుకునేందుకు గాండ్రిస్తూ తిరిగింది. అంతే తిరుగులేని యాక్షన్‌ అడ్వెంచర్‌కు మూలం దొరికేసింది. ఆ తర్వాత ఏం జరిగింది? అంతకుముందు ఏం జరిగింది? ‘జురాసిక్‌ వరల్డ్‌ : ఫాలెన్‌ కింగ్‌డమ్‌’ సినిమా చూసి తెలుసుకోవాల్సిందే! ఆ జంతువు పేరు డైనోసర్‌. దశాబ్దాలుగా అడ్వెంచర్‌ సినిమాలను ఇష్టపడుతూ వస్తున్న వారికి డైనోసర్‌ గురించి, జురాసిక్‌ పార్క్‌ గురించీ ప్రత్యేకించి చెప్పక్కర్లేదు. జురాసిక్‌ పార్క్‌కు రీబూట్‌లాగా జురాసిక్‌ వరల్డ్‌ సిరీస్‌ ప్రస్తుతం నడుస్తోంది. ఇందులో కొత్త సినిమా ‘జురాసిక్‌ వరల్డ్‌ : ఫాలెన్‌ కింగ్‌డమ్‌’. జూన్‌ 7న ఈ సినిమా విడుదలకు సిద్ధమవుతోంది. ఇప్పటికే రెండు, మూడు ట్రైలర్లతో ఆసక్తి పెంచిన ఈ సినిమా, తాజాగా ఫైనల్‌ ట్రైలర్‌తో అంచనాలను తారాస్థాయికి చేర్చింది. సినిమా ఎలా ఎలా ఉండబోతోందో ఈ ట్రైలర్‌ స్పష్టంగా తెలియజేస్తోంది. దర్శకుడు జె.ఎ.బయోనా, జురాసిక్‌ పార్క్‌ అభిమానులను దృష్టిలో పెట్టుకొని, వాళ్లను ఆకర్షించే సన్నివేశాలతో సినిమాను తెరకెక్కించినట్లు ట్రైలర్‌ స్పష్టం చేస్తోంది. భారీ విజువల్‌ ఎఫెక్ట్స్‌ కోరుకునే వారికి ఈ సినిమా పండగే అని తెలుస్తోంది. పిల్లలు, అడ్వెంచర్స్‌ ఇష్టపడే పెద్దలూ జురాసిక్‌ వరల్డ్‌ కోసం, ఈ ట్రైలర్‌ విడుదలయ్యాక ఇంకా పిచ్చిగా ఎదురుచూస్తున్నారు. మరి ఈ డేంజరస్‌ డైనోసర్‌ మనల్ని ఎలా భయపెడుతుందో, ఆకట్టుకుంటుందో చూడాలి!!

యంసీయు (మార్వెల్‌ సినిమాటిక్‌ యూనివర్స్‌)లో చాలా తక్కువ టైమ్‌లోనే ఎక్కువ క్రేజ్‌ తెచ్చుకున్న సూపర్‌ విలన్‌ థానోస్‌. ఇదివరకు ‘గార్డియన్స్‌ ఆఫ్‌ గ్యాలక్సీ, అవెంజర్స్‌ ఏజ్‌ ఆఫ్‌ ఆల్ట్రన్స్‌’ సినిమాల్లో కనిపించారు. అది కూడా పూర్తి స్థాయి పాత్రలో కాదు... కేవలం లిమిటెడ్‌ రోల్‌లో కనిపించారు.  కానీ, ‘అవెంజర్స్‌ ఇన్ఫినిటీ వార్‌’లో పూర్తి స్థాయి విలన్‌గా కనిపించనున్నారు థానోస్‌. అవెంజర్స్‌ అందరూ కలిసి ఈ విలన్‌ ఆకృత్యాలను అడ్డుకొని అతని మీద ఎలా గెలిచారన్నది ఈ సినిమా కథ. థానోస్‌ క్యారెక్టర్‌ గురించి కెప్టెన్‌ అమెరికా క్యారెక్టర్‌ ప్లే చేసిన క్రిస్‌ ఈవన్‌ మాట్లాడుతూ – ‘‘అవెంజర్స్‌ ఎదుర్కోబోయే అతి పెద్ద సూపర్‌విలన్‌ థానోస్‌. అవెంజర్స్‌ ఫ్యాన్స్‌కు, థానోస్‌ ఫ్యాన్స్‌కు ఈ సినిమా సూపర్‌ ఎంటర్‌టైనింగ్‌గా ఉండబోతోంది. ఆ క్యారెక్టర్‌తో తలపడటాన్ని మేమెంతో ఎంజాయ్‌ చేశాం. అందరు సూపర్‌ హీరోస్‌ కలిసి ఒకే సినిమాలో కనబడటం మార్వెల్స్‌లో బెస్ట్‌ థింగ్‌’’ అని పేర్కొన్నారు. ‘అవెంజర్స్‌–ఇన్ఫినిటీ వార్‌’ సినిమా ఈ నెల 27న రిలీజ్‌ కానుంది. ఈ సినిమా తెలుగు వెర్షన్‌లో థానోస్‌ క్యారెక్టర్‌కు హీరో రానా దగ్గుబాటి డబ్బింగ్‌ చెప్పడం విశేషం.

ఏం చేయాలన్నా ఒకటికి రెండు సార్లు చెక్‌ చేసుకుంటున్నారు రాధికా ఆప్టే. పరిసర ప్రాంతాలను  క్లియర్‌గా అబ్జర్వ్‌ చేస్తున్నారు. ఎందుకిలా? అంటే.. ఓ సినిమా కోసం. అందులో ఆమె గూఢచారి అవతారం ఎత్తనున్నారు. ఒక యుద్ధ రహస్యాలను సేకరించే పని చేయనున్నారు. ప్రస్తుతం అందుకు రంగం సిద్ధం చేసుకుంటున్నారామె. హాలీవుడ్‌లో పలు చిత్రాలకు నిర్మాతగా వ్యవహరించిన లిడియా డీన్‌ పిల్చెర్‌ దర్శకత్వంలో రెండో ప్రపంచ యుద్ధం నేపథ్యంలో ఓ సినిమా రూపొందనుంది. ఈ సినిమాలో ఉమెన్‌ క్యారెక్టర్స్‌ స్ట్రాంగ్‌గా ఉంటాయట. ఇందులో స్టానా కాటిక్, సారా మేగాన్‌ థామస్‌లతో పాటు రాధికా ఆప్టే నటించనున్నారు. లైనస్‌ రోచే, రోసిఫ్‌ కీలక పాత్రల్లో కనిపించనున్నారు. రెండో ప్రపంచ యుద్ధం జరుగుతున్నప్పుడు ఒక బ్రిటిష్‌ ఆఫీసర్‌ ఇద్దరు అమ్మాయిలను స్పైలుగా ఫ్రాన్స్‌ పంపిస్తాడు. ఆ తర్వాత ఈ ఇద్దరు అమ్మాయిలు వార్‌ సీక్రెట్స్‌ను ఎలా సేకరించారు? ఈ మిషన్‌లో వారు ఎదుర్కొన్న ఒడిదుడుకులు ఏంటి? అన్నదే సినిమా కథనంగా ఉంటుందట. వైర్‌లెస్‌ ఆపరేటర్‌ను యూజ్‌  చేయడంలో మంచి ప్రతిభ ఉండి, ఇండియన్‌ యాక్సెంట్‌ ఉన్న నూర్‌ ఇనయాత్‌ ఖాన్‌ పాత్రలో రాధికా ఆప్టే కనిపించనున్నారు. హిందీ, తమిళ, తెలుగులోనూ నటించిన రాధికాకు ఇప్పుడు హాలీవుడ్‌ నుంచి కబురొచ్చిందన్నమాట. ప్రియాంకా చోప్రా, దీపికా పదుకోన్‌ హాలీవుడ్‌ చిత్రాలు చేస్తున్నారు. ఇప్పుడు రాధికా ఆప్టే. ముందు ముందు ఇంకెంతమందో?

సాక్షి, స్పోర్ట్స్‌ : హాలీవుడ్‌ ‘బ్లాక్‌ పాంథర్‌’  మూవీలో టీమిండియా ఆల్‌రౌండర్‌ హార్దిక్‌ పాండ్యా అదరగొట్టడం ఏంటని అనుకుంటున్నారా? పాండ్యా దక్షిణాఫ్రికా పర్యటనలో ఉన్నాడు కదా! ఈ సినిమాలో అతనేందుకుంటాడనే సందేహం కలుగుతోందా? అవును పాండ్యా ఈ సినిమాలో ఏం నటించలేదు. టీ20 సిరీస్‌లో ఈ ఆల్‌రౌండర్‌ బిజీగా ఉన్నాడు. కానీ నెటిజన్లు ఈ సినిమాలో పాండ్యా నటించినట్లు సృష్టించారు. బ్లాక్‌ పాంథర్‌లో విలన్‌ పాత్ర పోషించిన మైఖేల్‌ బి జోర్డాడన్‌తో పాండ్యాను పోలుస్తూ సోషల్‌మీడియాలో పోస్ట్‌ చేస్తున్నారు. దీంతో ఈ పోస్టులిప్పుడు ట్రెండ్‌ అయ్యాయి. మైఖేల్‌ బి జోర్డాన్‌ హెయిర్‌ స్టైల్‌ పాండ్యా హెయిర్‌ స్టైల్‌ పోలిక ఉండటంతో అతని పేలవ ప్రదర్శనను దృష్టిలో ఉంచుకొని నెటిజన్లు వ్యంగ్యాస్త్రాలు సంధించారు. 'పాండ్యా నువ్వు అదుర్స్' అని ఒకరు ట్వీట్ చేస్తే.. "హాలీవుడ్ మూవీలను నేను పెద్దగా చూడను.. కానీ బ్లాక్ పాంథర్‌లో హార్దిక్ నటన మాత్రం అద్భుతం" అంటూ మరొకరు ట్వీట్ చేశారు. హెయిర్ స్టైల్, హావభావాలు, లుక్స్ సినిమాకు అచ్చుగుద్దినట్టు సరిపోయాయి అని ఇంకొదరు ట్రోల్‌ చేస్తున్నారు. ఇక పాండ్యా దక్షిణాఫ్రికా పర్యటనలో పేలవ ప్రదర్శనతో  అభిమానులు ఆగ్రహానికి గురవుతున్న విషయం తెలిసిందే. తొలి టెస్టు 93 పరుగులు మినహా అంతకు మించి పాండ్యా బ్యాట్‌కు పనిచెప్పలేదు. ఇటు బౌలింగ్‌లోను అంతగా రాణించడం లేదు. దీంతో మాజీ క్రికెటర్లు, సోషల్‌ మీడియా నుంచి పెద్ద ఎత్తున్న విమర్శలు ఎదుర్కొంటున్నాడు. Hardik Pandya Was Lit In Black Panther🔥 pic.twitter.com/6FgJCiGygr — Preeyesh Babaria🇮🇳 (@Preeyesh07) 19 February 2018

బ్లాక్‌పాంథర్‌.. బ్లాక్‌పాంథర్‌.. బ్లాక్‌పాంథర్‌.. హాలీవుడ్‌ సినిమా అభిమానులు వారం రోజులుగా ఈ సినిమా జపం చేస్తున్నారు. బాక్సాఫీస్‌ వద్ద ఈ సినిమా వసూళ్ల వర్షం కురిపించడం, మార్వెల్‌ సినిమాటిక్‌ యూనివర్స్‌లో 18వ సినిమా కావడం, కెప్టెన్‌ అమెరికాలో సూపర్‌ అనిపించుకున్న బ్లాక్‌పాంథర్‌ క్యారెక్టర్‌ ఫుల్‌ లెంగ్త్‌ సినిమాగా రావడం, భారీ బడ్జెట్, భారీ రిలీజ్, సూపర్‌ రివ్యూలు.. ఇవన్నీ ఒక ఎత్తు. ఇవి మామూలుగా అన్ని సూపర్‌ హీరో సినిమాలకు, అన్ని పెద్ద స్టూడియోలు తీసే సినిమాలకూ ఉండే హంగామానే! బ్లాక్‌పాంథర్‌కు వీటన్నింటికీ మించి ఒక ప్రత్యేకత ఉంది. హాలీవుడ్‌లో ఒక రివల్యూషన్‌ ఇది. మెయిన్‌ లీడ్‌ చాద్విక్‌ బోస్మన్‌ సహా దాదాపు యాక్టర్స్‌ అంతా నల్లజాతివాళ్లు కావడమే ఆ ప్రత్యేకత. దర్శకుడు ర్యాన్‌ కూగ్లర్‌ కూడా నల్లజాతీయుడే! ఒక నల్లజాతీయుడు సూపర్‌ హీరో క్యారెక్టర్‌గా సినిమా రావడం ఇదే మొదటిసారి. హాలీవుడ్‌ బాక్సాఫీస్‌ వద్ద మొత్తం నల్లజాతీయులే ఉన్నా, కేవలం ఆడవాళ్లే ఉన్నా ఆ సినిమాలు పెద్దగా ఆడవన్న ఒక సెంటిమెంట్‌ ఉంది. ఇలాంటి సెంటిమెంట్‌లన్నీ బ్రేక్‌ చేస్తూ ఫిబ్రవరి 16న విడుదలైన ఈ సినిమా బాక్సాఫీస్‌ను షేక్‌ చేస్తోంది. ఫస్ట్‌ వీకెండ్‌ ముగిసేసరికి అటూ ఇటుగా 200 మిలియన్‌ డాలర్లు (సుమారు 1300 కోట్ల రూపాయలు) వసూలు చేస్తుందని ట్రేడ్‌ అంచనా వేస్తోంది. ఇండియాలో బ్లాక్‌పాంథర్‌ వసూళ్లు అదిరిపోయేలా ఉన్నాయి. లాంగ్‌ రన్‌లో సూపర్‌ హీరో సినిమా జానర్లో బ్లాక్‌పాంథర్‌ కొత్త రికార్డులే  నెలకొల్పనుంది.

హీరోలంటే కేవలం నటనకే పరిమితం కాదని మంచు మనోజ్‌ ప్రతీసారి నిరూపిస్తున్నారు. మోహన్‌బాబు వారసుడిగా ఎంట్రీ ఇచ్చినప్పటికీ తనకంటూ ప్రత్యేకమైన స్టైల్‌ని ఏర్పాటు చేసుకున్నారు మనోజ్‌. న టుడిగా, గాయకుడిగా, పాటల రచయితగా, స్టంట్‌ మాస్టర్‌గా.. ఇలా ప్రతీ సినిమాకు తనలో ఏదో ఒక కొత్త కోణాన్ని అభిమానులకు చూపిస్తున్నారు మనోజ్‌. ‘నేను మీకు తెలుసా’ సినిమాలో స్వయంగా స్టంట్స్‌ కంపోజ్‌ చేసుకోవడంతో పాటు ‘కన్ను తెరిస్తే జననమేలే’ పాటను కూడా రాసిన విషయం గుర్తుండే ఉంటుంది. ‘బిందాస్, కరెంట్‌ తీగ, వేదం, మిస్టర్‌ నూకయ్య’ వంటి చిత్రాల్లో తన పాత్రకు తానే స్వయంగా స్టంట్స్‌ కంపోజ్‌ చేసుకున్నారు. ‘పోటుగాడు’ సినిమాలో ‘ప్యార్‌ మే పడిపోయాను...’ అని సరదాగా గొంతు కూడా సవరించారు. ఇప్పుడు ఒక అడుగు ముందుకు వేసి మ్యూజిక్‌ డైరెక్టర్‌గా మరో కొత్త అవతారం ఎత్తారు మనోజ్‌. ఈ చిత్రం ద్వారా హాలీవుడ్‌కి హలో చెబుతున్నారు. ఆస్కార్‌ విన్నింగ్‌ యాక్టర్స్‌ బ్రీ లార్సన్‌ లీడ్‌ యాక్టర్‌గా నటించిన హాలీవుడ్‌ మూవీ ‘బాస్మతీ బ్లూస్‌’కి సంగీత దర్శకుడిగా మారారు మనోజ్‌. తన స్నేహితుడు, సంగీత దర్శకుడైన అచ్చుతో కలిసి ఈ సినిమాకు మ్యూజిక్‌ కంపోజ్‌ చేశారు. ఇందులో లక్ష్మీ మంచు ఓ కీలక పాత్ర పోషించారు.

మార్వెల్‌ కామిక్స్‌ తవ్వుతూ పోతే ఎక్కడ తేలతామో ఎవ్వరికీ తెలీదు. అంతటి చరిత్ర ఉంది మార్వెల్‌ కామిక్స్‌కు. ఇందులో స్టాన్లీ సృష్టించిన బ్లాక్‌పాంథర్‌ పాత్ర 1966లో మొదటిసారి కామిక్స్‌లో ప్రచురితమైంది. ఆ తర్వాత అప్పట్నుంచి ఎన్ని సూపర్‌హీరో క్యారెక్టర్స్‌ సినిమాకెక్కినా, బ్లాక్‌పాంథర్‌ మాత్రం 2016 వరకూ తెరమీదకు రాలేదు. 2016లో ‘కెప్టెన్‌ అమెరికా : సివిల్‌ వార్‌’లో కనిపించే వరకూ బ్లాక్‌పాంథర్‌ పుస్తకాలకే పరిమితమైంది. ఇక ‘కెప్టెన్‌ అమెరికా’తో సూపర్‌ అనిపించుకున్న ఈ సూపర్‌ హీరో ఇప్పుడు తాజాగా మళ్లీ మెప్పించేందుకు సిద్ధమైంది. అదీ ఫుల్‌ లెంగ్త్‌ సూపర్‌ హీరో ఫిల్మ్‌ రూపంలో! ‘బ్లాక్‌పాంథర్‌’ పేరుతోనే తెరకెక్కిన ఈ కొత్త సూపర్‌ హీరో సినిమా ఫిబ్రవరి 16న భారీ ఎత్తున విడుదలకు సిద్ధమైంది. ఫస్ట్‌ వీకెండ్‌కే ఈ సినిమా 120 మిలియన్‌ డాలర్లు (సుమారు 760 కోట్ల రూపాయలు) వసూలు చేస్తుందని ట్రేడ్‌ అంచనా వేస్తోంది. ర్యాన్‌ కూగ్లర్‌ దర్శకత్వంలో తెరకెక్కిన ఈ సినిమాలో చద్విక్‌ బోస్‌మన్‌ బ్లాక్‌పాంథర్‌ సూపర్‌ హీరోగా కనిపించనున్నాడు. 2016వరకూ బ్లాక్‌పాంథర్‌ స్క్రీన్‌ మీదకు ఎందుకు రాలేకపోయింది? అని ఎవరైనా అడిగితే, మార్వెల్‌ స్టూడియోస్‌ వంద సాకులు చెప్తోందట. ఏదైతేనేం ఇప్పటికైనా వచ్చిందని సూపర్‌హీరో ఫ్యాన్స్‌ మాత్రం ఆల్‌ హ్యాపీ!!

సాక్షి, సినిమా : సౌత్‌ ఇండియన్‌ స్టార్‌ ధనుష్‌ నటించిన హాలీవుడ్‌ చిత్రం టీజర్‌ వచ్చేసింది. ‘ద ఎక్స్టార్డనరీ జర్నీ ఆఫ్ ద ఫకీర్’ చిత్రంలో ధనుష్‌ లీడ్‌ రోల్‌లో కనిపించబోతున్న విషయం తెలిసిందే. చిత్ర అనుభవాలను దర్శకుడు వివరిస్తుండగా.. ఓ బైట్‌ను విడుదల చేశారు. దీనిని ధనుష్‌ తన ఫేస్‌ బుక్‌ ఖాతాలో పోస్టు చేశారు.    అజాతశత్రు లావాష్‌ పటేల్‌ పాత్రలో ధనుష్‌ ఇందులో కనిపించబోతున్నాడు. ముంబైకి చెందిన ఈ కుర్రాడికి లోకజ్ఞానం తెలీదు. ఉన్న ఊరును, కన్నతల్లిని విడిచి ఉండలేని పటేల్‌ కొన్ని పరిస్థితుల రిత్యా ప్రపంచ యాత్రకు బయలుదేరుతాడు. ఈ క్రమంలో అతను ఎదుర్కునే పరిస్థితులు.. సాహసాలు, మధ్యలో ప్రేమ కథ ఇలా సాగుతోంది సినిమా. ఎమోషనల్‌ అండ్‌ కామెడీ డ్రామాగా ఈ చిత్రం తెరకెక్కించినట్లు దర్శకుడు కెన్‌ స్కాట్‌ వివరించాడు. ధనుష్‌ లాంటి నటుడితో పని చేయటం నిజంగా మంచి అనుభూతినిచ్చిందని ఆయన తెలిపారు. ధ‌నుష్ సరసన బెరనైస్‌ బెజో, అలెగ్జాండ్రా దడారియోలతో నటించారు. రొమైన్ ప్యూర్తొలా రాసిన 'ద ఎక్స్‌ట్రార్డిన‌రీ జ‌ర్నీ ఆఫ్ ద‌ ఫ‌కీర్ హూ గాట్ ట్రాప్‌డ్ ఇన్ యాన్ ఐకియా వార్డ్‌రోబ్‌' పుస్త‌కం ఆధారంగా కెనడియన్‌ స్క్రిప్ట్‌ రైటర్‌ కమ్‌ డైరెక‍్టర్‌ కెన్‌ స్కాట్‌ తెరకెక్కించారు. ఈ చిత్రం ఇండియా, ఫ్రాన్స్, ఇటలీ, లిబియాలో షూటింగ్ జరుపుకుంది. వివిధ దేశాల‌కు చెందిన టెక్నీషియ‌న్స్ ప‌నిచేసిన‌ట్టు ద‌ర్శ‌కులు తెలిపారు. మే 30న చిత్రం ప్రేక్షకుల ముందుకు రానుంది. ఇంగ్లీష్‌తోపాటు ఫ్రెంచ్‌లోనూ ఈ చిత్రం విడుదల కానుంది. ధనుష్‌ ఎవరో తెలీదు... డైరెక్టర్‌ ఈ సందర్బంగా ఈ చిత్ర డైరెక్టర్ కెన్‌ స్కాట్‌ ధనుష్‌​ గురించి ఆసక్తికర విషయాలు వెల్లడించారు. ధనుష్‌ అంటే తనకు ముందు ఎవరో తెలీదని ఆయన చెప్పారు. ‘ఈ సినిమాలో హీరో కోసం తాను ఎన్నో ఇండియన్ సినిమాలు చూశాను. అప్పుడే ధనుష్ ని చూశానని.. ధనుష్ అయితే తాను అనుకున్న పాత్రకి సరిగ్గా సరిపోతాడనిపించింది. ధనుష్‌ ఓ మంచి నటుడే కాదు. మేధావి కూడా.. ఏ విషయాన్ని అయినా క్షుణ్ణంగా పరిశీలించి దానిపై ఓ అభిప్రాయానికి వస్తాడు. సినిమాకు అతనే బలమని నా ఉద్దేశం. ద ఎక్స్ టార్డనరీ జర్నీ ఆఫ్ ద ఫకీర్‌లో ప్రేమ, సాహసం, అద్భుతాలు కలగలిపి ఉంటాయి అని తెలిపారు. 

అదొక సూపర్‌హిట్‌ ఫిల్మ్‌ ఫ్రాంచైజ్‌. సూపర్‌హిట్‌ అనేకంటే అందరూ మాట్లాడుకునే, చర్చ పెట్టే, గొడవ పెట్టే ఫిల్మ్‌ ఫ్రాంచైజ్‌. రెండు సినిమాలొచ్చాయి ఇప్పటికి ఈ ఫ్రాంచైజ్‌లో! ఈ రెండు సినిమాలనూ ఇటు ఇగ్నోర్‌ చెయ్యలేరు.. అటు పూర్తిగా యాక్సెప్ట్‌ చెయ్యనూలేరు. ఎరోటిక్‌ జానర్‌ సినిమాలను ఇష్టపడేవారికైతే పండగే. యాక్షన్, డ్రామా, థ్రిల్లింగ్‌ ఎలిమెంట్స్‌ ఏ రేంజ్‌లో ఉంటాయో, రొమాన్స్‌ అదే రేంజ్‌లో ఉంటుంది. ‘ఫిఫ్టీ షేడ్స్‌’ ఫిల్మ్‌ ఫ్రాంచైజ్‌ గురించి చెప్పుకుంటున్నాం మనం. ఫిఫ్టీ షేడ్స్‌ ఆఫ్‌ గ్రే (2015), ఫిఫ్టీ షేడ్స్‌ డార్కర్‌ (2017) రెండు సినిమాలే బాక్సాఫీస్‌ వద్ద దాదాపు బిలియన్‌ డాలర్‌ వసూళ్లు (సుమారు 6,500 కోట్ల రూపాయలు) రాబట్టాయి. తాజాగా ఇప్పుడు ఈ ఫ్రాంచైజ్‌లో మూడో సినిమా ‘ఫిఫ్టీ షేడ్స్‌ ఫ్రీడ్‌’ విడుదలవుతోంది. గత రెండు సినిమాల్లానే ఇది కూడా వాలెంటైన్స్‌ డే కానుకగా విడుదల కానుంది. కాకపోతే వాలెంటైన్స్‌ డేకి ఐదు రోజులు ముందుగానే.. అంటే ఫిబ్రవరి 9నే! ‘ఫిఫ్టీ షేడ్స్‌’ సిరీస్‌లో ఇది చివరి సినిమా అని ముందే అనౌన్స్‌ చేశారు కాబట్టి అభిమానులకు ఒక రకంగా ఇది స్పెషల్‌ సినిమా. అందుకు తగ్గట్టే ఇప్పట్నుంచే అడ్వాన్స్‌ బుకింగ్స్‌ కూడా మొదలైపోతున్నాయి. ఓపెనింగ్‌ వీకెండ్‌కే 40 మిలియన్‌ డాలర్లు (సుమారు 255కోట్ల రూపాయలు) వసూలు చేస్తుందని ట్రేడ్‌ అంచనా వేస్తోంది. ఈసారి యాక్షన్‌కు పెద్దపీటే వేశారట. ట్రైలర్‌ చూస్తే అభిమానులు ఈ సినిమా నుంచి కోరుకునే అంశాలకు కొదవే లేదని స్పష్టమైపోతోంది. డకోతా జాన్సన్, జేమీ డోర్నన్‌ ప్రధాన పాత్రల్లో నటించిన ఈ సినిమాకు జేమ్స్‌ ఫోలే దర్శకుడు. మరి 2015, 2017లో వాలెంటైన్స్‌ డే సెలెబ్రేషన్స్‌ను రెట్టింపు చేసిన ‘ఫిఫ్టీ షేడ్స్‌’ ఈసారి కూడా మెప్పిస్తుందా? చూడాలి!!

కెవిన్‌ స్పేసీ.. హాలీవుడ్‌ సినిమా అభిమానికి పరిచయం అక్కర్లేని పేరు. అవార్డులు, రివార్డులు, గొప్ప సినిమాల్లో నటించిన పేరు, గొప్ప నటుడన్న ప్రశంసలు, ప్రపంచవ్యాప్తంగా ఉన్న అభిమానులు, దర్శకులు తమ సినిమాలో ఆయన ఉంటే దానికి ఒక స్థాయి వస్తుందనుకునేలా తెచ్చుకున్న గౌరవం.. ఒక్కసారే ఇవన్నీ ఆయనకు దూరమయ్యే పరిస్థితి వస్తుందంటే విచిత్రంగా కనిపిస్తుంది కానీ, చిత్రంగా అదే నిజం!! హాలీవుడ్‌లో కొన్ని నెలలుగా బయటపడుతోన్న సెక్స్‌ స్కాండల్స్‌లో కెవిన్‌ స్పేసీ పేరు కూడా ఉంది. అక్టోబర్‌ 30న నటి ఆంతోని రాప్‌ ఒక ఇంటర్వ్యూలో గతంలో కెవిన్‌ తనపై లైంగిక దాడికి పాల్పడ్డ విషయాన్ని చెప్పింది. ఆ రోజు నుంచే హాలీవుడ్‌ కెవిన్‌ను దూరం పెట్టడం మొదలుపెట్టింది. నెట్‌ఫ్లిక్స్‌లో ఆయన ప్రధాన పాత్రలో నటిస్తోన్న టీవీ సిరీస్‌ ‘హౌస్‌ ఆఫ్‌ కార్డ్స్‌’ను మధ్యలోనే ఆపేశారు. ఈ ఏడాది ఆయనకు ఇవ్వాల్సిన ఎమ్మీ అవార్డునూ ఈ ఉదంతంతో వెనక్కు తీసేసుకున్నారు. ఇక వీటన్నింటికంటే మించి, రిడ్లీ స్కాట్‌ తన ‘ఆల్‌ ది మనీ ఇన్‌ ద వరల్డ్‌’ సినిమాలో కెవిన్‌ నటించిన సన్నివేశాలన్నీ తీసేసి, క్రిస్టఫర్‌ ప్లమ్మర్‌ను అదే పాత్రకు తీసుకోవడం గురించి చెప్పుకోవాలి. క్రిస్మస్‌ కానుకగా సోమవారం విడుదల కానున్న ఈ సినిమాలో కెవిన్‌ స్పేసీ ఉన్నాడన్న పేరుతోనే మొదట ప్రచారం జరిగినా, చివరి నెలలో కెవిన్‌ సన్నివేశాలన్నీ తీసేసి, ప్లమ్మర్‌తో రీషూట్‌ చేశారు. ప్రీమియర్‌ షో నుంచే ఈ సినిమాకు మంచి టాక్‌ వస్తోంది. విశేషమేంటంటే ప్లమ్మర్‌కు సూపర్‌ రెస్పాన్స్‌ రావడం! కెవిన్‌ మిస్‌ చేసుకున్న పేరే కదూ!! ఒక ప్రముఖ నటుడు, అదీ అవార్డ్‌ విన్నింగ్‌ నటుడు, ఇలా ఒక సినిమాలో నటించడం, ఆ సన్నివేశాలు అద్భుతంగా వచ్చినా అవి తీసేసి వేరొక నటుడిని తీస్కోవడం.. పెద్ద అవమానమే! ఆ అవమానానికి కారణం స్వయంగా కెవినే! ఎంతటి నటుడైనా సెక్సువల్‌ హెరాస్‌మెంట్‌కు పాల్పడితే పట్టే గతి ఇదని కెవిన్‌ ఉదంతమే చెప్పేస్తోంది!!

హాలీవుడ్‌లో ‘స్టార్‌వార్స్‌’కు ఉన్న క్రేజ్‌ మరే ఇతర సిరీస్‌కు లేదన్నది ఒప్పుకోవాల్సిన సత్యం. మెయిన్‌ స్ట్రీమ్‌ కమర్షియల్‌ మూవీస్‌లో బాక్సాఫీస్‌ వద్ద ‘స్టార్‌ వార్స్‌’ సినిమాలు కొన్నేళ్లుగా సృష్టిస్తూ వచ్చిన అద్భుతాలు అన్నీ ఇన్నీ కావు. ఇక ఈ ఏడాది ‘స్టార్‌ వార్స్‌’ సీక్వెల్‌ ట్రయాలజీలో రెండో సినిమా అయిన ‘స్టార్‌ వార్స్‌ : ది లాస్ట్‌ జేడి’ వచ్చింది. భారీ అంచనాల మధ్య డిసెంబర్‌ 15న విడుదలైన ఈ సినిమా అనుకున్నంతగా బాక్సాఫీస్‌ వద్ద నిలబడడం లేదు. నిజానికి ఈ ఏడాది బిగ్గెస్ట్‌ గ్రాసర్స్‌లో టాప్‌లో ఈ సినిమా నిలుస్తుందనుకున్నా అంత సీన్‌ అయితే కనపడడంలేదు. ఇక క్రిస్మస్‌ వారానికి కూడా లెక్కలేనన్ని సినిమాలు వచ్చేయడంతో ‘స్టార్‌వార్స్‌’ కథ ఈసారికి ముగిసినట్టే అని చెప్పుకోవచ్చు. ఇప్పటివరకూ ఈ సినిమా 650 మిలియన్‌ డాలర్లు (4,161 కోట్ల రూపాయలు) వసూలు చేసింది. ఇది హాలీవుడ్‌ బాక్సాఫీస్‌ వద్ద మంచి నంబరే కానీ, ‘స్టార్‌వార్స్‌’ రేంజ్‌ కాదన్నది ట్రేడ్‌ వర్గాల అభిప్రాయం. ఈ ఏడాది చివర్లో వచ్చినా టాప్‌లో నిలబడుతుందనుకున్న సినిమా మొత్తానికి అంతంత మాత్రమే అనిపించుకుంది.

‘స్పైడర్‌’ సినిమాలోని ‘బూమ్‌ బూమ్‌’ పాట గుర్తుందిగా? ‘గుర్తుంది సరే! హాలీవుడ్‌ సినిమా న్యూస్‌లోకి మహేశ్‌ ఎందుకొస్తాడు?’ అనేగా మీ డౌట్‌! అక్కడే ఉంది అసలు విషయం. ‘బూమ్‌ బూమ్‌...’ పాటలో ‘మార్వెల్‌ కామిక్సే వీణ్ని చూసినాక  రాశారేమో!’ అనే లైన్‌ గుర్తుందిగా? మార్వెల్‌ కామిక్స్‌ అంత పాపులర్‌ మరి! ఆ కామిక్స్‌ నుంచి పుట్టుకొచ్చిన సినిమాలూ అంతే!  సూపర్‌ హీరోలంతా ఓ దగ్గర చేరి చేసే హంగామా నుంచి పుట్టిన ‘అవెంజర్స్‌’కు మార్వెల్‌ కామిక్స్‌లో, సినిమాల్లో ఓ సెపరేట్‌ క్రేజ్‌ ఉంది. అవెంజర్స్‌ సిరీస్‌లో ‘ది అవెంజర్స్‌’ (2012) ‘ది అవెంజర్స్‌ – ఏజ్‌ ఆఫ్‌ అల్ట్రాన్‌’ (2015) సినిమాలకు సీక్వెల్‌గా 2018లో ‘అవెంజర్స్‌ – ఇన్ఫినిటీ వార్‌’ అనే సినిమా వస్తోంది. ట్రైలర్‌తో ఔట్‌ అండ్‌ ఔట్‌ యాక్షన్‌ సినిమా అన్న విషయం తెలుస్తూనే ఉంది. ఇటీవల విడుదలైన ఈ ట్రైలర్‌ ‘అవెంజర్స్‌’ అభిమానులను విపరీతంగా ఆకట్టుకుంటోంది. మే 4, 2018న సినిమా విడుదలవుతోంది. అంటే.. మనకు సరిగ్గా సమ్మర్‌ టైమ్‌. విశేషం ఏంటంటే ఈ చిత్రాన్ని మనమే ముందు చూడబోతున్నాం. ఎందుకంటే ఏప్రిల్‌ 27న ఇండియాలో ఈ సినిమా విడుదల కానుంది. ఆంథోని, జాయ్‌ రుస్సో దర్శకత్వంలో తెరకెక్కుతోన్న ఈ సినిమాను మార్వెల్‌ స్టూడియోస్‌ నిర్మిస్తోంది. రాబర్ట్‌ డొనీ, జాష్‌ బొర్లిన్, మార్క్‌ రఫాలో తదితర స్టార్‌ హీరోలు ఈ సినిమాలో నటిస్తున్నారు.

ప్రేక్షకులు తాళమేశారు... తమకు తెలియకుండానే ‘ఇన్‌సిడియస్‌’ సిన్మాలొచ్చినప్పుడు భయపడుతూ, సిన్మా బాగుందంటూ తాళమేశారు! ‘ఇన్‌సిడియస్‌’ అంటే ‘తెలియకుండానే ఆవహించిన’ అని అర్థం! ఆ పేరుతో వచ్చిన మూడు సిన్మాలు హర్రర్‌ లవర్స్‌కు టెర్రర్‌ చూపించాయి. సిన్మా చూస్తున్నంత సేపూ ప్రేక్షకులకు తెలియకుండానే వాళ్లలో భయం ఆవహించేసింది. ఇప్పుడీ ఫ్రాంచైజీలో చివరిది, నాలుగోది ‘ఇన్‌సిడియస్‌: ద లాస్ట్‌ కీ’ రెడీ! వచ్చే ఏడాది జనవరి 5న విడుదల కానుంది. ట్రైలర్‌లో మ్యాగ్జిమమ్‌ కథేంటో చెప్పేశారు. లిన్‌ షయే (ఎలైజ్‌ రైనీర్‌) అనే ముసలామె చిన్నప్పుడు నివసించిన ఇంట్లో పారానార్మల్‌ ఫినామినా (అతీత శక్తులు/దెయ్యాలు) గురించి ఎలా ఇన్వెస్టిగేట్‌ చేసిందనేది కథ. ఈ క్రమంలో ఆమెకు చిన్నప్పటి ఘటనలు గుర్తొస్తాయి. ఒంటరిగా చీకట్లో చూస్తే భయపెట్టేలా ఉందీ సిన్మా ట్రైలర్‌! కానీ, హర్రర్‌ సిన్మా ప్రేమికుల్లో చిన్న బాధ. లాస్ట్‌ కీతో ‘ఇన్‌సిడియస్‌’కి తాళమేస్తారా? ఇక, ఈ భయానికి తలుపులు వేసేస్తారా? అని!!

ఈగ సినిమాతో తెలుగు ప్రేక్షకులకు పరిచయం అయిన సుధీప్‌, కన్నడనాట స్టార్‌ హీరోగా దూసుకుపోతున్నాడు. హీరోగా నటిస్తూనే ఇతర భాషల్లో కీలక పాత్రలో నటిస్తూ ఆకట్టుకుంటున్నాడు. తాజాగా ఈ విలక్షణ నటుడ‍్ని మరో అద్భుత అవకాశం వరించింది. ఓ హాలీవుడ్‌ సినిమాలో సుధీప్‌ కీలక పాత్రలో నటించనున్నాడు. ఆస్ట్రేలియన్‌ దర్శకుడు ఎడ్డీ ఆర్య దర్శకత్వంలో తెరకెక్కుతున్న రైసెన్‌ అనే ఆంగ్ల చిత్రంలో సుధీప్‌ నటిస్తున్నాడు. సైన్స్‌ఫిక్షన్‌ థ్రిల్లర్‌ గా తెరకెక్కనున్న ఈ సినిమా ఫస్ట్‌ లుక్‌ పోస్టర్‌ రిలీజ్‌ అయ్యింది. ఈ పోస్టర్‌లోనే సుధీప్‌ కనిపించటంతో హాలీవుడ్‌ సినిమాలో తమ అభిమాన నటుడిది కీలక పాత్ర అని ఫ్యాన్స్‌ సంబరపడిపోతున్నారు. ఈ సినిమాలో సుధీప్‌ న్యూయార్క్‌ లో స్థిరపడిన ఆర్మీ ఆఫీసర్‌గా నటిస్తున్నాడు. ఈ సినిమాలో అమెరికన్‌ స్టార్‌ హీరోయిన్‌ నికోలే స్కాల్మో హీరోయిన్‌ గా నటిస్తోంది. సాండల్‌వుడ్‌లో స్టార్‌ హీరోగా మంచి ఫాలోయింగ్‌ ఉన్న సుధీప్‌ ఈగ సినిమాతో టాలీవుడ్‌, బాలీవుడ్‌ ప్రేక్షకులకు కూడా చేరువయ్యాడు. ప్రస్తుతం శివరాజ్‌ కుమార్‌ తో కలిసి విలన్‌ అనే సినిమాలో నటిస్తున్న సుధీప్‌, త్వరలో సెట్స్‌ మీదకు వెళ్లనున్న మెగాస్టార్‌ చిరంజీవి సైరా నరసింహారెడ్డి లోనూ కీలకపాత్రలో నటించనున్నాడు.


 తమిళసినిమా: నటుడు శింబుది సపరేట్‌ భాణీ. సంచలనాలకు కేంద్ర బిందువుగా పేర్కొనే శింబు మరో రికార్డును సృష్టించడానికి రెడీ అవుతున్నారు. అభిమానులు శింబుకు పోటీగా భావించే నటుడు ధనుష్‌ ఇప్పటికే హాలీవుడ్‌ చిత్రంలో నటిస్తున్నారు. తాజాగా శింబు కూడా అదే మార్గంలో పయనించడానికి సిద్ధం అయ్యారు. వ్యత్యాసం ఏమిటంటే ధనుష్‌ హీరోగా హాలీవుడ్‌లో తెరంగేట్రం చేస్తుంటే, శింబు దర్శకుడిగా పరిచయం కానున్నారు. రెండు నెలల్లో తన చిత్రాన్ని విడుదల చేస్తానని శింబు ఆ మధ్య వెల్లడించారు. అందులో పాటలు ఉండవు, ఇంటర్వెల్‌ ఉండదు అని చెప్పారు గానీ అది హాలీవుడ్‌ చిత్రం అని తెలపకుండా సస్పెన్స్‌ మెయిన్‌టెయిన్‌ చేశారు.
 
 ఆయన చెప్పినట్లుగా అయితే ఈ చిత్రం ఇప్పటికే సెట్‌పైకి వెళ్లాల్సింది. కొందరు ప్రముఖ సాంకేతిక వర్గం ఇతర చిత్రాలతో బిజీగా ఉండటం వల్ల హాలీవుడ్‌ చిత్ర ప్రారంభం ఆలస్యం అయ్యిందని శింబు తాజాగా తన ట్విట్టర్‌లో పేర్కొన్నారు. ఈ చిత్రానికి మాటలను అందిస్తున్న దర్శకుడు గౌతమ్‌మీనన్‌ తన ధ్రువనక్షత్రం చిత్ర షూటింగ్‌తోనూ, కెమెరామెన్‌ సంతోష్‌శివన్‌ స్పైడర్‌ చిత్రంతోనూ బిజీగా ఉండటం వల్ల తన హాలీవుడ్‌ చిత్రం సెట్‌పైకి వెళ్లడానికి కాస్త ఆలస్యం జరిగిందని చెప్పారు. ప్రస్తు తం వాళ్లు ఫ్రీ అవుతుండటంతో అక్టోబరులో హాలీవుడ్‌ చిత్రం ప్రారంభం కానుందని తెలిపారు. డిసెంబరు చివర్లోగా చిత్రాన్ని పూర్తి చేయనున్నామని చెప్పారు. ఈ చిత్రానికి ఆంటోనీ ఎడిటింగ్, యువన్‌ శంకర్‌రా జా నేపథ్యం సంగీతం అందించనున్నారని తెలిపారు.

బాహుబలి సినిమాతో అంతర్జాతీయ స్థాయి గుర్తింపు తెచ్చుకున్న టాలీవుడ్ టాల్ యాక్టర్ రానా.. ఈ భల్లాలదేవుడు హీరోగా ఓ హాలీవుడ్ సినిమా ప్రారంభం కానుంది. ఈ విషయాన్ని చాలా కాలం కిందటే రానా స్వయంగా ప్రకటించారు. లీడ‌ర్ సినిమాతో వెండితెరకు ప‌రిచ‌య‌మైన రానా టాలీవుడ్ , కోలీవుడ్, బాలీవుడ్ సినిమాలతో ఆకట్టుకుంటున్నారు. ముఖ్యంగా బాహుబలి సినిమా జాతీయ స్థాయిలో మార్కెట్ సాధించటంలో రానా పాత్ర కీలకం. ఈ విషయాన్ని రాజమౌళి కూడా పలు సందర్భాల్లో ప్రస్థావించారు.  హీరోయిజాన్ని పక్కన పెట్టి డిఫరెంట్ రోల్స్లో న‌టిస్తున్న రానా లండ‌న్ డిజిట‌ల్ మూవీ మ‌రియు టీవి స్టూడియోస్ తో క‌లిసి లండ‌న్ బేస్డ్ మూవీ చేయ‌నున్నాడు. ఎల్ డీ ఎమ్ తో క‌లిసి అంతర్జాతీయ స్థాయిలో ఈ సినిమాను రూపొందిస్తున్నారు. ఈ చిత్రంలో రానా శాస్త్రవేత్తగా నటించనున్నారట. ఇప్పటికే నావీ నేపథ్యంలో ఘాజీ సినిమాలో నటించిన రానా మరోసారి అదే తరహా సినిమాతో ఆకట్టుకోకున్నారు. 1888 నవంబర్ లో దాదాపు 700 మంది ప్రయాణికులతో సహా కనిపించకుండా పోయిన విజిల్ అనే భారీ నౌక నేపథ్యంలో ఈ సినిమాను తెరకెక్కిస్తున్నారు. రానా ఆ నౌకను కనుగొనేందుకు సహకరించే శాస్త్రవేత్తగా కనిపించనున్నాడు. ద్వానిల్ మెహతా దర్శకత్వంలో తెరకెక్కుతున్న ఈ సినిమాకు విజిల్ : మిస్టరీ ఆఫ్ ది ఫాంటమ్ షిప్ అనే టైటిల్ ను ఫిక్స్ చేశారు. ఈ సినిమా చిత్రీకరణ 2018లో ప్రారంభం కానుంది.


 బాహుబలి సినిమాతో అంతర్జాతీయ స్థాయి గుర్తింపు తెచ్చుకున్న టాలీవుడ్ టాల్ యాక్టర్ రానా.. మరో ఘనతను అందుకోబోతున్నాడు. త్వరలో రానా హీరోగా ఓ హాలీవుడ్ సినిమా ప్రారంభం కానుంది. ఈ విషయాన్ని రానా తన ట్విట్టర్ ద్వారా ధృవీకరించాడు. లీడ‌ర్ సినిమాతో వెండితెరకు ప‌రిచ‌య‌మైన రానా టాలీవుడ్ , కోలీవుడ్, బాలీవుడ్ సినిమాలతో ఆకట్టుకున్నాడు.
 
 ముఖ్యంగా బాహుబలి సినిమా జాతీయ స్థాయిలో మార్కెట్ సాధించటంలో రానా పాత్ర కీలకం. ఈ విషయాన్ని రాజమౌళి కూడా పలు సందర్భాల్లో ప్రస్థావించాడు.  హీరోయిజాన్ని పక్కన పెట్టి డిఫరెంట్ రోల్స్లో న‌టిస్తున్న రానా లండ‌న్ డిజిట‌ల్ మూవీ మ‌రియు టీవి స్టూడియోస్ తో క‌లిసి లండ‌న్ బేస్డ్ మూవీ చేయ‌నున్నాడు. ఎల్ డీ ఎమ్ తో క‌లిసి ఫిలిం మేకింగ్లో బెట‌ర్ టెక్నాలజీ తీసుకురాబోతున్నట్టు తెలిపాడు. త్వర‌లోనే ప్రారంభం కానున్న ఈసినిమాలో రానా సరసన హాలీవుడ్ హీరోయిన్ నటించనుంది.
  
 
 Happy to be associated with LDM !! Looking fwd to making some great cinema and brining in better technology in filmmaking!! https://t.co/8WHaF6ZKFl
 — Rana Daggubati (@RanaDaggubati) 29 July 2017


 సౌందర్య సాధనాలు, శీతల పానీయాలు, పాదరక్షలు.. ఇలా ప్రియాంక చోప్రా బ్రాండ్‌ అంబాసిడర్‌గా వ్యవహరిస్తున్న ఉత్పత్తులు చాలానే ఉన్నాయి. ఇప్పుడామె యోగాకి బ్రాండ్‌ అంబాసిడర్‌. ‘బమ్‌ చిక్‌ బమ్‌ బమ్‌ చేయి బాగా... ఒంటికి యోగా మంచిదేగా’ అంటూ రమ్యకృష్ణ యోగాసనాలతో ఆకట్టుకున్నట్లుగానే ప్రియాంక యోగా విలువ చెప్పి, అందరితో చేయించాలను కుంటున్నారేమో అనుకుంటున్నారా? అదేం కాదు.
 
   ‘ఈజ్‌ నాట్‌ ఇట్‌ రొమాంటిక్‌’ అనే హాలీవుడ్‌ సినిమాలో ఆమె యోగా బ్రాండ్‌ అంబాసిడర్‌గా చేయనున్నారు. అమెరికన్‌ సిరీస్‌ ‘క్వాంటికో’తో చిన్ని తెరకు పరిచయమై, ‘బేవాచ్‌’ సినిమాతో హాలీవుడ్‌ బిగ్‌ స్క్రీన్‌పై ప్రత్యక్షమయ్యారామె. ఆ తర్వాత ఆమె నటించిన రెండో హాలీవుడ్‌ మూవీ ‘ఎ కిడ్‌ లైక్‌ జాక్‌’ వచ్చే ఏడాదిలో రిలీజ్‌ కానుంది. ఇప్పుడు ముచ్చటగా ఒప్పుకున్న మూడో సినిమా ‘ఈజ్‌ నాట్‌ ఇట్‌ రొమాంటిక్‌’ షూటింగ్‌ త్వరలో ఆరంభం కానుంది. అమెరికన్‌ దర్శకుడు టాడ్‌ స్ట్రౌస్‌ షెల్సన్‌ దర్శకత్వం వహించనున్న ఈ సినిమాను 2019 ప్రేమికుల రోజున విడుదల చేయాలని ప్లాన్‌ చేస్తున్నారట.


 న్యూఢిల్లీ: భారత్‌తో సహా ప్రపంచవ్యాప్తంగా శుక్రవారం విడుదలైన ‘వండర్‌ విమెన్‌’ అనే హాలీవుడ్‌ చిత్రం లెబనాన్‌లో మాత్రం విడుదల కాలేదు. భారత్‌లో ఇంగ్లీషు, హిందీ భాషల్లో విడుదలైన ఈ సినిమాపై ప్రపంచవ్యాప్తంగా భారీ అంచనాలు ఉన్నాయి. ఈ నేపథ్యంలో లెబనాన్‌ ఆర్థిక, వాణిజ్య శాఖ ఈ సినిమా విడుదలను తమ దేశంలో అడ్డుకోవడం వార్నర్‌ బ్రదర్స్‌ నిర్మాతలను నిరాశ పరిచింది.
 
 ఈ సినిమాలో సూపర్‌ హీరోగా నటించిన హీరోయిన్‌ గాల్‌ గాడెట్‌ ఇజ్రాయెల్‌ దేశస్థురాలవడమే కాకుండా ఇజ్రాయెల్‌ సైన్యంలో కూడా పనిచేయడమే ‘వండర్‌ విమెన్‌’ సినిమాను నిషేధించడానికి కారణం. లెబనాన్, ఇజ్రాయెల్‌ దేశాల మధ్య కొన్ని దశాబ్దాలుగా యుద్ధాలు కొనసాగుతున్న విషయం తెల్సిందే. 2006లో జరిగిన యుద్ధంలో రక్తపాతం ఎక్కువగా జరిగింది. ఇద్దరు తమ సైనికులను సరిహద్దు కాల్పుల్లో చంపేశారని, మరో ముగ్గురు సైనికులను కిడ్నాప్‌ చేశారనే ఆరోపణలతో 2006లో లెబనాన్‌పైకి ఇజ్రాయెల్‌ పదాతి దళాలతోపాటు వైమానిక దాడులు జరిపాయి. ఈ యుద్ధంలో దాదాపు 1000 మంది లెబనీయులు మరణించారు.
 
 ఆ యుద్ధం నుంచి ఇజ్రాయెల్‌ను లెబనాన్‌ శత్రుదేశంగా పరిగణిస్తూ వస్తోంది. వాండర్‌ విమెన్‌ సినిమాను అనుమతించాలని ఇరు దేశాల మధ్య సత్సంబంధాలను కోరుకుంటున్న స్వచ్ఛంద సంస్థలు ప్రభుత్వానికి విజ్ఞప్తి చేశాయి. పూర్తి ఫాంటసీ చిత్రమైన వాండర్‌ విమెన్‌ను అద్భుతమైన గ్రాఫిక్స్‌తో రక్తికట్టించడంతో ప్రపంచవ్యాప్తంగా అంచనాలు పెరిగాయి. సమ్మర్‌ సంప్‌ కారణంగా ద్వేన్‌ జాన్సన్‌ నటించిన బేవాచ్, పైరేట్స్‌ ఆఫ్‌ ది కరేబియన్‌ సీక్వెల్, ఏలియన్‌:కోవనెంట్, కింగ్‌ ఆర్థర్‌ లాంటి హాలివుడ్‌ చిత్రాలు బాక్సాఫీసు వద్ద ఆశించిన మేరకు రాణించక పోవడంతో ఈ సినిమాపైనే నిర్మాతలు ఎక్కువగా ఆశలు పెట్టుకున్నారు.
 
 మంచి, న్యాయం, సమానత్వం, సాహసం, యుద్ధం, శాంతి అంశాలను ప్రతిబింబిస్తూ సాగే ఈ సినిమా ఆధ్యంతం ఆసక్తి దాయకంగా ఉందని జాతీయ మీడియా ప్రశంసించడంతోపాటు ఐదు స్టార్లకుగాను నాలుగు స్టార్ల రేటింగ్‌ను ఇచ్చారు. ‘వీర నారి వర్సెస్‌ మొదటి ప్రపంచ యుద్ధం’ చందంగా సినిమా ఉందని కితాబిచ్చారు. 3 డీ వర్షన్‌లో కూడా విడుదలైన ఈ సినిమాకు పాటీ జెన్‌కిన్స్‌ దర్శకత్వం వహించారు. ఓ మహిళ దర్శకత్వం వహించడం వల్ల కూడా ఈ సినిమాకు న్యాయం జరిగిందని విమర్శకులు అభిప్రాయపడ్డారు.


 నటుడు ధనుష్‌ హాలీవుడ్‌ చిత్రంలో నటించనున్నారన్న ప్రచారం చాలా కాలంగా జరుగుతున్న విషయం తెలిసిందే. అది ఇటీవల ప్రారంభమైంది. ధనుష్‌ ప్రస్తుతం ఎన్నైనోక్కి పాయుం తోట్టా, వడచెన్నై, వేలై ఇల్లా పట్టాదారి 2 చిత్రాల్లో నటిస్తున్నారు. వీటిలో వేలై ఇల్లా పట్టాదారి–2 చిత్ర షూటింగ్‌ పూర్తి అయ్యింది. నిర్మాణాంతర కార్యక్రమాలు జరుపుకుంటోంది. ధనుష్‌ తాజాగా హాలీవుడ్‌ చిత్రానికి మూడు నెలలు కాల్‌షీట్స్‌ కేటాయిం చారు.
 
  బాగా పాపులర్‌ అయిన ఫ్రెంచ్‌ నవల ఆధారంగా కెనడాకు చెందిన కెన్‌ స్కాట్‌ దర్శకత్వం వహిస్తున్న ఈ చిత్రానికి ది ఎక్స్‌ట్రార్డనరీ జర్నీ ఆష్‌ ఫకీర్‌ అనే పేరును నిర్ణయించారు. ఇటీవలే బెల్జియంలో షూటింగ్‌ ప్రారంభమైన ఈ చిత్రం ఏకధాటిగా చిత్రీకరణను జరుపుకోనుందట. ఈ చిత్రాన్ని పూర్తి చేసిన తరువాత ధనుష్‌ నిర్మాణంలో ఉన్న వడచెన్న, ఎన్నై నోక్కి పాయుం తోట్టా చిత్రాలపై దృష్టిసారించనున్నారట. వీటితో పాటు దర్శకుడు కార్తీక్‌సుబ్బరాజ్‌ దర్శకత్వంలో ఒక చిత్రం చేయనున్నారని సమాచారం.


 ‘‘అమెరికా వెళ్లడం నాకెంత మాత్రం ఇష్టం లేదు. ఇండియాలో హ్యాపీగా ఉన్నాను’’ అన్నారు ఆమిర్‌ఖాన్‌. అమెరికాపై ఆయనకు కోపం ఏమీ లేదు. మరి, ఎందుకు వెళ్లనంటున్నారు అనుకుంటున్నారా? ఆమిర్‌ చెబుతున్నది హాలీవుడ్‌ సినిమాల్లో నటించడానికి అమెరికా వెళ్లడం గురించి! దీపికా పదుకొనే, ప్రియాంకా చోప్రా, దిశా పాట్నీ తదితర బాలీవుడ్‌ తారలంతా ఇప్పుడు హాలీవుడ్‌ ఫ్లైట్‌ ఎక్కుతున్నారు. మీరు హాలీవుడ్‌ సినిమా చేసే ఛాన్సుందా? అనడిగితే.. ‘‘భారతీయ ప్రేక్షకులతో పాతికేళ్ల అనుబంధం నాది. మన ప్రేక్షకులకి ఎక్కువ విలువిస్తా. అమెరికా వెళ్లి హాలీవుడ్‌ సినిమాలు చేయడం తప్పేమీ కాదు. కానీ, హాలీవుడ్‌పై నాకు ఆసక్తి లేదు. అక్కణ్ణుంచి మంచి కథలు వస్తే ఆలోచిస్తా. కళాకారులకి ఎల్లలు లేవు. జపాన్‌ నుంచి ఎవరైనా మంచి కథతో వస్తే, జపనీస్‌ సినిమాలో నటించడానికి నేను రెడీ’’ అన్నారు.


 లాస్‌ ఏంజిలెస్‌: హాలీవుడ్‌ స్టార్‌ హీరోయిన్‌, దర్శకురాలు ఏంజెలినా జోలీ ఓ సినిమా ఆఫర్‌ను వదులుకుంది. తన మాజీ భర్త బ్రాడ్‌ పిట్‌ ఈ సినిమాలో నటిస్తుండటంతో, అతనితో కలసి పనిచేసేందుకు ఇష్టంలేక ఆమె ఈ ప్రాజెక్టు నుంచి వైదొలిగింది. బ్రాడ్‌పిట్ నుంచి ఎంజెలినా జోలీ విడాకులు కోరిన విషయం తెలిసిందే. తమ మధ్య అభిప్రాయ భేదాలు ఉన్నందున విడాకులు తీసుకుంటున్నానని కోర్టులో విడాకుల పిటిషన్ దాఖలు చేసింది.
 
 2005 నుంచి పిట్‌, జోలీ దాదాపు పదేళ్లు అన్యోన్యంగా గడిపారు. వీరిద్దరూ కలసి గతంలో సినిమాలు చేశారు. జోలీ దర్శకత్వంలో పిట్‌ రెండు సినిమాల్లో నటించాడు. పిట్‌ హీరోగా జోలీ దర్శకత్వంలో మరో సినిమా చేయాల్సివుంది. ఈ ప్రాజెక్టు చేసేందుకు జోలీ తొలుత ఆసక్తి చూపింది. అయితే ఇటీవల పిట్‌తో విడిపోవడంతో ఈ ప్రాజెక్టు చేసేందుకు నిరాకరించింది. పిట్‌తో వ్యక్తిగతంగా కానీ, వృత్తిపరంగా కానీ ఎలాంటి సంబంధాలూ కొనసాగించరాదని జోలీ నిర్ణయం తీసుకుంది.


 లాస్ వేగాస్ ను నేలమట్టం చేశారు. బుర్జు ఖలీఫాను కూల్చి కుప్పలు చేశారు. లండన్, సింగపూర్ ఇలా ప్రపంచంలోని ప్రముఖ నగరాలను వేటిని వదిలిపెట్టకుండా శిథిలాలుగా మార్చారు. ఒక్క భారత్ మాత్రం అసలు టచ్ చేయకుండా వదిలేశారు. ట్వంటీయత్ సెంచరీ ఫాక్స్ సంస్థ తెరకెక్కించిన తాజా హాలీవుడ్ సినిమా 'ఇండింపెండెన్స్ డే రీసర్జెన్స్' లో ప్రపంచమంతా ధ్వంసమైనట్టు చూపించినప్పటికీ భారత్ లోని ఎలాంటి కట్టడాలు కూలిపోయినట్టు చూపించలేదు. అందుకు కారణం భారతీయుల సున్నితత్వమేనట.
 
 గ్రహాంతరవాసుల దాడిలో దేశదేశాల్లోని కట్టడాలు కూలి నేలమట్టం అయినట్టు చూపించినప్పటికీ, భారత్ లో మాత్రం ఈ విధ్వంసం జరిగినట్టు ఎందుకు చూపించలేదన్న దానిపై చిత్రయూనిట్ తాజాగా వివరణ ఇచ్చింది. 'భారతీయులు మరీ సున్నితంగా ఉంటారు. మత సంస్థలు, పలు సంస్థల కార్యకర్తల సున్నితమైన మనోభావాలను దృష్టిలోపెట్టుకొని భారత్ లో ఈ సినిమా షూటింగ్ చేపట్టవద్దని, ఈ సినిమాలో భారత్ కు సంబంధించిన ప్రముఖ కట్టడాలు కూలిపోయే దృశ్యాలు చూపించవద్దని చిత్ర యూనిట్ ను ఆదేశించారు' అని చిత్ర వర్గాల తెలిపాయి.
 
 గతంలో 'పిక్సెల్' హాలీవుడ్ సినిమాలో తాజ్ మహాల్ ధ్వంసమైనట్టు చూపించగా.. ఆ దృశ్యాన్ని కేంద్ర సెన్సార్ బోర్డు సినిమా నుంచి తొలగింపజేసింది. 'ఇండింపెండెన్స్ డే రీసర్జెన్స్' సినిమాలో కూడా ఇలాంటి సన్నివేశాలు చూపిస్తే సెన్సార్ చిక్కులు, భారత్ నుంచి అభ్యంతరాలు వస్తాయనే ఉద్దేశంతో చిత్రయూనిట్ అందుకు సిద్ధపడలేదని తెలుస్తోంది.


 హాలీవుడ్ సినిమా / గాన్ గర్ల్
 
 ఆ రోజు వాళ్ల పెళ్లిరోజు. పెళ్లయి అయిదేళ్లయింది. సెలబ్రేట్ చేసుకోవలసిన తరుణంలో భార్య హఠాత్తుగా మాయమైంది. ఫోరెన్సిక్ నిపుణులకి భార్య అమీ రక్తపు మరకలు దొరికాయి. భర్త నిక్, ఆమెని చంపేసి మాయమైనట్లు ఆధారాలు సృష్టించాడని పోలీసులు భావించారు. నిక్ తనకేమీ తెలియదంటాడు. ఇంతకీ ఏం జరిగింది?
   
 ఏమై ఉంటుందో ఈ కథని రాసిన గిలియన్ ఫ్లిన్‌కి తెలుసు. ఫ్లిన్ వృత్తి రీత్యా జర్నలిస్ట్. మనిషి మనసుని మించిన థ్రిల్లర్ మరొకటి ఉండదని ఫ్లిన్ ప్రగాఢ నమ్మకం. క్రూరమైన స్త్రీ పాత్రలు సృష్టించడంలో ఆమె స్పెషలిస్ట్. ఆమె రాసిన ఫస్ట్ డ్రాఫ్ట్ తర్వాత దర్శకుడు డేవిడ్ ఫించర్‌కి మరో రచయిత అవసరం లేదన్పించింది. బెన్ ఎఫ్లెక్, రోజ్‌మండ్ పైక్ హీరో హీరోయిన్లుగా షూటింగ్ ప్రారంభించాడు. సరిగ్గా ఏడాది తర్వాత 2014 సెప్టెంబర్‌లో విడుదలయింది. విమర్శకులు, ప్రేక్షకుల ప్రశంసలు అందుకోవడమే కాకుండా 61 మిలియన్ల డాలర్ల బడ్జెట్‌తో రూపొందిన ఈ సినిమా 370 మిలియన్ల డాలర్లు వసూలు చేసింది! ఇంతకీ మాయమైంది కేవలం ఓ స్త్రీ కాదు. మానవ సంబంధాలు. వెదుకులాట జరగాల్సింది - ప్రేమానురాగాల కోసం. అందుకే ‘గాన్ గర్ల్’ ఓ మంచి సైకలాజికల్ థ్రిల్లర్‌గా నిలిచిపోయింది.
   
 కథేమిటంటే...
 నిక్, అమీ భార్యాభర్తలు. వాళ్ల వివాహ వార్షికోత్సవం రోజున అమీ కనబడకుండా పోయింది.  ఓ కామిక్ క్యారెక్టర్ అమీని దృష్టిలో ఉంచుకుని, ఆమె తల్లిదండ్రులు సృష్టించి ఉంటారు. ఆ పాత్ర జనంలో బాగా పాపులర్. అందుకే అమీ అదృశ్యం మీడియాకి హాట్ న్యూస్ అయింది. పోలీస్ డిటెక్టివ్‌లు, ఫోరెన్సిక్ నిపుణులు రంగప్రవేశం చేశారు.
 
 ఆ ఇంట్లో అమీ రక్తపు మరకలని కడిగి, శుభ్రం చేసినట్లుగా ఫోరెన్సిక్ వాళ్లకి ఆధారాలు దొరికాయి. నిక్ తన భార్య అమీని హత్య చేశాడనే అనుమానం పోలీసులతో పాటు, ప్రజల్లో కూడా పెరిగింది. ఈ కేసు పరిశోధనలో భాగంగా- నిక్, అమీల గతాన్ని తవ్వి చూస్తే, వారిద్దరూ పేరుకి భార్యాభర్తలయినా - అనుబంధం అంతంత మాత్రమే. రిసెషన్‌లో ఉద్యోగాలు పోగొట్టుకుని, న్యూయార్క్ నుంచి నిక్ స్వగ్రామం మిస్సోరికి చేరుకున్నారు. రకరకాల ఆర్థిక ఇబ్బందులు. భార్యాభర్తల మధ్య గొడవలు. నిక్ చిరాగ్గా, నిరాశా నిస్పృహలతో కాలం గడుపుతుండేవాడు. మాయం కావడానికి ముందు అమీ గర్భవతి అని ఓ మెడికల్ రిపోర్ట్ దొరికింది. ఆ విషయం తనకి తెలియదంటాడు నిక్.
  
 అమీ ఓ గన్ కొనే ప్రయత్నం చేసింది. ఆమె రాసుకున్న డైరీలో తన భర్త తనని చంపుతాడనే భయం వ్యక్తం చేసింది. ఈ ఆధారాలతో నిక్ ఆమెని చంపేశాడనే అభియోగం బలపడసాగింది. నిజానికి అమీ బతికే ఉంది. భర్త తనని నిర్లక్ష్యం చేయడం, తన డబ్బుతో వ్యాపారం చేయాలనుకోవడం, మరో స్త్రీతో అక్రమ సంబంధం... ఇలాంటివి అమీని బాధపెట్టాయి. భర్తమీద ఒక రకమైన కసి, కోపం ఏర్పడ్డాయి. గర్భవతి అయిన పక్కింటావిడ యూరిన్ సేకరించి, అది తన శాంపిల్‌గా క్రియేట్ చేసింది. తనని తాను గాయపర్చుకుని ఇల్లంతా రక్తపు మరకలు పడేలా చేసింది. డైరీలో కావాలనే నిక్ మీద అనుమానం వచ్చేట్లు రాసింది. పోలీసులు కచ్చితంగా నిక్‌ని అరెస్ట్ చేసి, ఉరిశిక్ష వేస్తారని, ఆ తర్వాత తను ఆత్మహత్య చేసుకోవాలని అమీ ప్లాన్. ఈ కేసు నుంచి బయటపడటానికి నిక్ టానర్ బోల్ట్ అనే లాయర్‌ని ఆశ్రయించాడు. భార్యలని చంపిన భర్తల తరఫున కేసులు వాదించడంలో ఆ లాయర్ దిట్ట. అమీ తన మాజీ బాయ్‌ఫ్రెండ్ దేశీ కోలింగ్స్ లేక్‌హౌస్‌లో రహస్యంగా తలదాచుకుంది.
  
 ఓ టీవీ ఛానల్‌కిచ్చిన ఇంటర్వ్యూలో నిక్ తన తప్పులని ఒప్పుకుంటూ, తనో మంచి భర్త కానని, అమీ తిరిగి తనకి లభిస్తుందనే ఆశని వ్యక్తం చేస్తాడు. నిక్ మాటలు అమీని కదిలించాయి. కాని మాయమైన తను తిరిగి ఎలా బయటి ప్రపంచంలోకి రావాలి? మళ్లీ మాస్టర్ ప్లాన్ చేసింది అమీ. తనని తాను గాయపర్చుకుంది. దేశిని రెచ్చగొట్టి, సెక్స్‌లో పాల్గొంది. ఆ సమయంలో దేశి గొంతు కోసి, చంపేసింది. ఆ గాయాలతో, రక్తపు మరకలతో ఇంటికి తిరిగొచ్చి దేశీ కోలింగ్స్ తనని కిడ్నాప్ చేశాడని, రేప్ చేశాడని పోలీసుల ముందు చెప్పింది. నిక్ నిర్దోషిగా విడుదలయ్యాడు.
  
 జరిగిన వాస్తవాలను భర్తతో చెప్పింది అమీ. ఇదే విషయాన్ని నిక్ పోలీస్ డిటెక్టివ్ బోనీ, లాయర్ బోల్ట్, తన సోదరి మార్గరెట్‌కి చెబుతాడు. కాని సాక్ష్యాధారాలు లేకపోవడంతో అమీని నేరస్తురాలిగా నిరూపించలేకపోతారు. టీవీ ఇంటర్వ్యూలో నిక్ వ్యక్తం చేసిన ప్రేమకి తను చలించిపోయానని, నిక్ లేకుండా బతకలేనని అమీ చెబుతుంది. ఓ ఫెర్టిలిటీ క్లినిక్‌లో స్టోర్ చేసిన నిక్ వీర్యం ద్వారా తను కృత్రిమ గర్భధారణ చేశానని, నిక్ బిడ్డ తన కడుపులో పెరుగుతుందని అమీ చెబుతుంది. భార్యని వదల్లేని పరిస్థితుల్లో ఆమెతో కలిసి కాపురం చేస్తుంటాడునిక్. హ్యాపీ కపుల్‌గా జనం దృష్టిలో పేరు తెచ్చుకుంటారు.
  - తోట ప్రసాద్
  
 సున్నిత మనస్కురాలైన స్త్రీ దుర్మార్గంగా మారే పరిస్థితులు ఎందుకొస్తాయి అనేది ఫ్లిన్ రచనల సెల్లింగ్ పాయింట్. 2012లో తను రాసిన పాపులర్ నవలే ‘గాన్ గర్ల్’. రెండు మిలియన్ల కాపీలు అమ్ముడయింది. థ్రిల్లర్ నవలల్లో నెంబర్‌వన్‌గా నిలిచింది. అయితే నవలగా మార్కెట్‌లోకి రావడానికి ముందే 2011లో ఈ సినిమా ఎగ్జిక్యూటివ్ నిర్మాత వెస్లీ డిక్సన్ - ఆ నవల రాతప్రతిని చదివింది. విశేషంగా నచ్చేసింది. వెంటనే సినిమా తీద్దామని రచయిత్రి ఫ్లిన్‌తో సంప్రదింపులు ప్రారంభించింది. నవల విడుదల అయిన తర్వాత ‘ట్వంటీయత్ సెంచరీ ఫాక్స్’ నవల హక్కులు కొనుగోలు చేసింది. అయితే రచయిత్రి ఫ్లిన్ స్క్రీన్‌ప్లే కూడా తనే రాయాలని కండిషన్ పెట్టింది.


 హాలీవుడ్ సినిమాలతోనే కెరీర్ ప్రారంభి తరువాత టాలీవుడ్లో సెటిల్ అయిన స్టార్ వారసురాలు మంచు లక్ష్మి. మోహన్ బాబు నట వారసురాలిగా టాలీవుడ్ ఎంట్రీ ఇచ్చిన లక్ష్మి నటిగా, నిర్మాతగా, వ్యాఖ్యాతగా పలు రంగాల్లో సత్తా చాటుతోంది. అయితే భారత్కు తిరిగి వచ్చాక హాలీవుడ్ ఇండస్ట్రీకి దూరంగా ఉంటున్న ఈ భామ లాంగ్ గ్యాప్ తరువాత మరోసారి హాలీవుడ్ సినిమాలో నటించింది.
 
 గతంలో లాస్ వెగాస్, ఈఆర్, డెస్పరేట్ హౌస్ వైఫ్ లాంటి టీవీ సీరియల్స్తో పాటు పలు హాలీవుడ్ చిత్రాల్లో నటించిన మంచు లక్ష్మి, తాజాగా బాస్మతి బ్లూస్ చిత్రంలో నటించింది. ఇప్పటికే తన షూటింగ్ పార్ట్తో పాటు డబ్బింగ్ను కూడా పూర్తిచేసింది లక్ష్మి. ఆస్కార్ విజేత బ్రీ లారెన్స్, డోనాల్డ్ సతర్లాండ్లు ప్రధాన పాత్రల్లో నటిస్తున్న ఈ సినిమా ఎక్కువ భాగం భారత్లోనే షూటింగ్ జరుపుకోవటం విశేషం.
 
 ఈ సినిమా ఓ సైంటిస్ట్ కథ. తాను సృష్టించిన ఓ వరి వంగడాన్ని మార్కెట్ చేసుకోవడానికి ఇండియాకు వచ్చిన సైంటిస్ట్ ఇక్కడ ఎలాంటి ఇబ్బందులు ఎదుర్కొన్నాడనే కాన్పెప్ట్తో ఈ సినిమాను తెరకెక్కిస్తున్నారు. ప్రస్తుతం పోస్ట్ ప్రొడక్షన్ పనుల్లో బిజీగా ఉన్న బాస్మతి బ్లూస్ సినిమాను త్వరలో రిలీజ్ చేయడానికి ప్లాన్ చేస్తున్నారు.


 హాలీవుడ్ సినిమా / ఆగస్ట్ రష్ (2007)
 నువ్వు ఎప్పుడైనా విన్నావా సంగీతాన్ని? వాయిద్యాల నుంచో కంఠస్వరాల నుంచో కాకుండా ప్రకృతి నుంచి వినబడుతున్న పాటని - చెవులతో కాకుండా మనసుతో వినే ప్రయత్నాన్ని ఎప్పుడన్నా చేశావా? గాలి నుంచి, వెలుతురు నుంచి, ఇంద్రధనుస్సు నుంచి, పచ్చని చేల మీదుగా ఓ పాట ఎప్పుడూ వినబడుతూ ఉంటుంది. పాట ఓ జ్ఞాపకం. పెదవుల చివర్లు రుచి చూసే కన్నీటి ఉప్పదనం - కళ్లని చందమామల్లా వెలిగించే గొప్ప సంతోషం.
 అమ్మ పాడిన జోలపాట కావచ్చు; నాన్న నేర్పిన పద్యమో, సినిమా పాటో కావచ్చు. జీవితానికి అంతకుమించిన కీర్తనలేం కావాలి? ఒక్కోసారి పాట.. తప్పిపోయిన జీవితాలకు పెనవేసుకునే పేగుబంధం కావచ్చు. ఆ పాట విన్నవాడు, అనుభవించినవాడు ఓ పదేళ్ల పసివాడు ‘ఆగస్ట్ రష్’.ఆ కుర్రాడు దుమ్ముపట్టిన గిటార్ తీగెలను చేతివేళ్లతో మీటుతుంటే రేగే దుమ్ముని పక్కన పెట్టండి - తీగెలు పసిపిల్లల్లా కేరింతలు కొడుతుంటాయి. సంగీతం తరంగాలుగా ఎగిరెగిరి పడుతుంటుంది.
   ఆ కుర్రాడి అసలు పేరు ఇవాన్ టేలర్. ఊహ తెలిసేటప్పటికి ఓ అనాథ శరణాలయంలో పెరుగుతున్నాడు. అక్కడా ఎంతో కాలం ఉండలేదు. అసలు తనెవరు? అనాథ ఎందుకు అయ్యాడు? ఏ గురువు నేర్పకుండానే సంగీతం శ్వాసగా, శాశ్వత నేస్తంగా ఎలా కాగలిగింది? ఈ ప్రశ్నలకు జవాబులు వెదకడం ప్రారంభించాడు. తన పాటే తనని తల్లిదండ్రుల దగ్గరికి చేరుస్తుందని బలంగా నమ్మాడు. మరోవైపు అతని తల్లి లైలా పుట్టిన వెంటనే దూరమైన కొడుకు కోసం వెదుకుతోంది. ఆమె కోసం ఆమె ప్రియుడు, ఇవాన్ తండ్రి లూయీస్ అన్వేషిస్తున్నాడు. ఈ థీమ్‌తో సంగీత భరితంగా  ప్రేమకోసం సాగిన ఓ అన్వేషణే ‘ఆగస్ట్ రష్’ చిత్రం.
   క్రిస్టీన్ షెర్డీన్ ఐర్లాండ్‌కి చెందిన యువతి. చిన్నప్పటి నుంచి సినిమాలంటే విపరీతమైన పిచ్చి. సున్నితమైన భావోద్వేగాలతో సినిమా రూపొందించాలనే ఆమె ఆలోచనకి నిక్ కాసిల్, జేమ్స్ విహర్డ్, పాల్ క్యాస్ట్రో అందించిన స్క్రిప్ట్ బలంగా నిలిచింది.
   లైలా ఓ గాయని. లూయీస్ కానెల్లీ ఐరిష్ రాక్ బ్యాండ్‌లో పేరున్న సంగీత కళాకారుడు. ఇద్దరూ అనుకోకుండా వారి సంగీత కచేరీల తర్వాత కలుసుకున్నారు. సరదాగా కొంతసేపు గడిపారు. ఎవడో రోడ్డుమీది గాయకుడు ఆలపించిన పాట వింటూ, రొమాన్స్‌లో మునిగి తేలారు. తండ్రి అదుపాజ్ఞల్లో ఉండే లైలా ఆ మరుసటి ఉదయమే తన దారిన తాను వెళ్లిపోయింది. కొంతకాలానికే తను గర్భవతి అని తెలుసుకుంది. ప్రమాదవశాత్తూ, తొమ్మిది నెలల కన్నా ముందుగానే ప్రసవించింది. ఆమె తండ్రి  ఆ పసికందుని అనాథగా వదిలేశాడు. ఆ కుర్రాడికి అనాథ శరణాలయం ఇవాన్ టేలర్ అని పేరు పెట్టింది.
 వాడికి చిన్నప్పటినుంచి సంగీతమంటే పిచ్చి. ప్రతి శబ్దంలోనూ ఏదో రాగం వింటుంటాడు. తోటి అనాథలు - ఆ అనాథ శరణాలయం నుంచి వెళ్లిపోతే - ఇవాన్ తన తల్లిదండ్రుల్ని వెదుక్కోవచ్చనే సలహా ఇచ్చారు. ఇవాన్ ఆ మాట నమ్మి న్యూయార్క్ నడిరోడ్ల మీదికొచ్చాడు. ఎప్పటికైనా తన పాటే తన తల్లిదండ్రుల దగ్గరికి చేరుస్తుందని ఇవాన్ నమ్మకం. అలాంటి పరిస్థితుల్లో వాలెస్ అనే ఓ వీధి పాటగాడు పరిచయమయ్యాడు. అనాథలైన పిల్లలందర్నీ చేరదీసి, వారికి కాస్తో కూస్తో సంగీతం నేర్పించి, వాళ్లచేత రోడ్లమీద పాటలు పాడించి, ఆ వచ్చే డబ్బు తను సొంతం చేసుకుంటుంటాడు వాలెస్. ఇవాన్ బాల మేథావి అని గ్రహించి, ఆ కుర్రాడి పేరు ‘ఆగస్ట్ రష్’గా మారుస్తాడు వాలెస్.
  లైలాకి ఆమె తండ్రి చనిపోతూ ఆమెకో కొడుకు ఉన్నాడనే నిజం చెప్పి, కన్నుమూస్తాడు. లైలా కొడుకుని వెదుక్కుంటూ న్యూయార్క్ చేరుకుంటుంది. మరోవైపు లూయీస్ కూడా లైలాని వెదుక్కొంటూ తిరుగుతుంటాడు.
 ‘ఆగస్ట్ రష్’ పాత్రలో ఫ్రెడీ హైమార్ అద్భుతంగా నటించగా, రాబిన్ విలియమ్స్ మాక్సెల్ వాలెస్ అనే దుష్ట పాత్రకి జీవం పోశాడు. ‘ఆగస్ట్ రష్’ తల్లిదండ్రులుగా కెరీ రస్సెల్, జొనాథన్ నటించారు.
 ♦ ఈ సినిమాకి సంగీతం ప్రాణం. అందుకే చిత్ర సంగీత దర్శకుల్లో ఒకరైన మార్క్ మాన్సినా ఏడాదిన్నర పాటు ఈ సినిమా కంపోజింగ్‌కి సమయం వెచ్చించాడు.
 ♦ ఇదే కథని ‘బ్రాడ్‌వే’లో సంగీత నృత్య రూపకంగా ప్రదర్శించే ఏర్పాట్లు చేస్తున్నారు.
 ♦ 25 మిలియన్ డాలర్ల వ్యయంతో రూపొందిన ఈ సినిమా 65 మిలియన్ డాలర్లు వసూలు చేసింది.
 ♦ తెలుగులో ఆ మధ్యకాలంలో ఓ స్టార్ హీరో కుమారుడితో ఈ ‘ఆగస్ట్ రష్’ ఆధారంగా సినిమా రూపొందించే ప్రయత్నం చేశారు. కాని కార్యరూపం దాల్చలేదు.
 ఇవాన్ ప్రతిభతో విపరీతంగా డబ్బు సంపాదించవచ్చని వాలెస్ ఆశపడతాడు. అందుకే ఇవాన్ ఫొటోతో ‘కనబడుట లేదు’ అని వేసి పోస్టర్లన్నింటినీ చింపేస్తాడు. ఒక దశలో వాలెస్ పోలీసులకి దొరికిపోతాడు.
 ♦  సెంట్రల్ పార్క్‌లో జరుగుతున్న సంగీత కార్యక్రమంలో తను పాలుపంచుకోవాలనుకుంటాడు ఇవాన్.
 ♦  అదే పార్క్‌లో లైలా కూడా సంగీత కచేరీకి హాజరవుతుంది. లైలా పోస్టర్ చూసి ఆ కార్యక్రమానికి లూయీస్ కూడా వస్తాడు. ఎలాగైనా ఆ కార్యక్రమంలో పాట పాడాలనుకునే ఆగస్ట్ రష్‌కి అడ్డం తగులుతాడు వాలెస్.
 ♦  ఆ అడ్డంకులు తొలగించుకుని -పాట పాడతాడు ఆగస్ట్ రష్. ఆ పాట లూయీస్, లైలాలకి అతను తమ బిడ్డే అని గుర్తుచేసింది. ముగ్గురూ కలుసుకున్నారు. కథ సుఖాంతం.  - తోట ప్రసాద్


 హాలీవుడ్ సినిమా / కోమా
 విజయవాడ ఊర్వశి థియేటర్‌లోనో, మేనక థియేటర్‌లోనో గుర్తులేదు. ఓ కొత్త సినిమా పోస్టర్... తీగలకి వేలాడుతున్న శరీరాలు చూడటానికే చాలా భయానకంగా! 1978లో విడుదలైన ఆ సినిమా పేరు ‘కోమా’. సినిమా చూసి, థ్రిల్లవ్వడం తప్పితే, ఆ సినిమా గురించి పెద్ద వివరాలు తెలియలేదు. ఆ తర్వాత ఎప్పుడో హైదరాబాద్ అబిడ్స్‌లో ఫుట్‌పాత్ మీద దొరికిన ఆ నవల కవర్‌పేజీ అదే. రకరకాల తాళ్లతో బందీ అయి, గాలిలో తేలుతున్న ఓ శరీరం... 1977లో రాబిన్ కుక్ రాసిన నవల ‘కోమా’ అది.
 
 ఎక్కడో చదివాను - రెండో ప్రపంచ యుద్ధం తర్వాత నియంత ముస్సోలినిని చంపేసి, మాంసం కొట్లో మేకని వేలాడదీసినట్లు ముస్సోలిని శవాన్ని వేలాడదీశారని. అంత దారుణానికి ఒడిగట్టారంటే - చంపినవాళ్లు దుర్మార్గులైనా అయ్యుండాలి, అలా వేలాడదీయబడ్డవాడు కిరాతకుడు అయినా అయి ఉండాలి. మరి ‘కోమా’ సినిమాలో అలా వేలాడుతున్నవాళ్లెవరు? దుర్మార్గులా? అమాయకులా?
    
 రాబిన్ కుక్ ఓ సర్జన్. అమెరికన్ నేవీలో సబ్ మెరైన్‌లో డాక్టర్‌గా పనిచేశాడు. ఆ అనుభవంతో 1972లో ఓ నవల రాశాడు. ఫ్లాప్. ఓ కొత్త రచయితని ప్రపంచం వెంటనే గుర్తించాలంటే ఏం చేయాలి? మిస్టరీ థ్రిల్లర్ నవల రాయాలి. (హాలీవుడ్ రచయితల నుంచి ఇప్పటి కొత్తతరం తెలుగు దర్శకులు ఫాలో అవుతున్న ఫార్ములా ఇదే!) వెంటనే రాబిన్ కుక్ ఓ మెడికల్ థ్రిల్లర్ నవల రాశాడు. అదే ‘కోమా’. అప్పటికే ‘జాస్’ నవల (స్పీల్‌బర్గ్ సినిమా ఈ నవల ఆధారంగానే తీశాడు) ఓ సెన్సేషన్. ఆ ప్రభావం రాబిన్ కుక్ మీద ఉంది.
  
 దయ్యాలు, గ్రహాంతరవాసులు, షార్క్ చేపలు... ఇవి మనుషులని భయపెడుతున్న సినిమా ముడిసరుకులు. సినిమాల్లో తప్పితే, ఏ వ్యక్తి ఈ సమస్యలని ప్రత్యక్షంగా ఎదుర్కోడు. కాని కోటీశ్వరుడి నుంచి పేదవాడి వరకూ - అందర్నీ భయపెట్టగలిగేది ఏదన్నా ఉంటే అది హాస్పిటల్. అంతే రాబిన్ కుక్ వైద్య రంగం నేపథ్యంలో తనకంటూ ఓ ఒరవడి సృష్టించుకుని నవలలు రాయడం ప్రారంభించాడు. ‘కోమా’ నవల మొదట్లో ఏ పబ్లిషర్ ప్రచురణకి తీసుకోలేదు. చివరికి ఓ ప్రచురణ సంస్థ (లిటిల్ బ్రౌన్) పదివేల డాలర్లు అడ్వాన్స్‌గా ఇచ్చి, నవల ప్రచురించింది.
  
 నవలా ప్రపంచంలో ఓ సంచలనం ప్రారంభమైంది. రాబిన్ కుక్ ఓ ట్రెండ్ సెట్టర్ అయ్యాడు. ‘న్యూయార్క్ టైమ్స్’ దినపత్రిక 100 బెస్ట్ పాపులర్ నవలల్లో ‘కోమా’ని ఒకటిగా ఎన్నుకుంది. (రాబిన్ కుక్ ‘ఫీవర్’ నవల ఆధారంగానే మన పాపులర్ రచయిత యండమూరి వీరేంద్రనాథ్ ‘ప్రార్థన’ నవల రాసినట్లు పేర్కొన్నారు.)
 
 మైఖేల్ క్రీటన్ అనే మరో రచయిత ఉన్నాడు. అతనికి మెడికల్, సైన్స్ ఫిక్షన్ కథలంటే ప్రాణం. ‘జురాసిక్ పార్క్’, ‘లాస్ట్ వరల్డ్’ అంటూ స్పీల్‌బెర్గ్ తీసిన సినిమాలు మైఖేల్ క్రీటన్ నవలల ఆధారంగా తీసినవే. ఇక ‘కోమా’ విషయానికొస్తే - అప్పటికే రెండు సినిమాలు తీసినా మైఖేల్‌కి తగినంత గుర్తింపు రాలేదు. ‘కోమా’ నవల విశేషంగా ఆకట్టుకుంది మైఖేల్ క్రీటన్‌ని. ఆ తరహా సబ్జెక్ట్‌లంటే అతనికి ఇష్టమే. రాబిన్ కుక్, మైఖేల్ క్రీటన్ అభిరుచులు ఒకటే - 1978 నాటికి ఇద్దరి వయసు ఒకటే - పైగా ఇద్దరూ మంచి మిత్రులు. ఈ సినిమాని మంచి థ్రిల్లర్‌గా రూపొందించాలని మైఖేల్ ముందుగానే నిర్ణయించాడు (కౌబోయ్ ధోరణిలో అంటే - ఒక వృత్తిలో ఉండే మంచి, చెడూ చెప్పాలని మైఖేల్ భావించాడు)
  
 నవల ఓ స్త్రీ ప్రధాన పాత్రగా నడుస్తుంటుంది కాని సినిమాగా వచ్చేటప్పటికి స్టూడియో అధినేతలు స్త్రీ బదులు పురుష పాత్రగా మారుద్దామనుకున్నారు. మైఖేల్ క్రీటన్ అడ్డంపడిపోయాడు. ఓ స్త్రీ అడ్డంకుల్ని ఎదుర్కొంటూ విజయం సాధిస్తే వచ్చే థ్రిల్ - పురుష పాత్రతో రాదనేది మైఖేల్ వాదన. చివరికి నిర్మాతలు మైఖేల్ ముందు తలదించక తప్పలేదు.
  
 ఇక కథ విషయానికొస్తే -
 డాక్టర్ సుసాన్ వీలర్ బోస్టన్ మెమోరియల్ హాస్పిటల్‌లో పనిచేస్తుంటుంది. సుసాన్ బెస్ట్ ఫ్రెండ్ అదే హాస్పిటల్‌లో చేరి, ఓ చిన్న ఆపరేషన్ చేయించుకోవడం జరుగుతుంది. అయితే ఆపరేషన్ వికటించి, ఫ్రెండ్ కోమాలోకి జారుకోవడం సుసాన్ మనసుని కలిచి వేస్తుంది.
  
 అదే ధ్యాసలో ఉన్న సుసాన్‌కి అనుకోకుండా కొన్ని ఆశ్చర్యకరమైన విషయాలు ఎదురవుతాయి. గత కొన్నేళ్లుగా ఆ హాస్పిటల్‌లో చేరిన ఆరోగ్యవంతులు - చిన్న చిన్న కారణాలకే కోమా బారినపడ్డారు. ఆ పేషెంట్స్ అందరూ ఆపరేషన్ థియేటర్ ఎయిట్ (8)లో ఆపరేషన్ చేయించుకున్నవాళ్లే. ఆ తర్వాత వాళ్లందరినీ ఓ మారుమూలన ఉండే జెఫర్‌సన్ ఇన్‌స్టిట్యూట్‌కి తరలించారు.
  
 ఈ రెండు విషయాలు సుసాన్‌లో అనుమానాన్ని రేకెత్తించాయి. ఆ పేషెంట్స్ అందరూ ఎందుకు కోమాలోకి వెళ్లిపోతున్నారు? ఏమైపోతున్నారు? సుసాన్ రహస్యంగా తన పరిశోధన కొనసాగిస్తుంది. ఓ దశలో తన బాయ్‌ఫ్రెండ్ డాక్టర్ మార్క్ బెల్లోస్‌ని కూడా నమ్మలేని పరిస్థితి. నిజానికి ఆ పేషెంట్స్‌కి ఆక్సిజన్ పైప్ లైన్ నుంచి కార్బన్ డయాక్సైడ్ పంపిస్తారు. దానితో బ్రెయిన్ డెడ్ అవుతున్నారు.
  
 వాళ్లందరిని డెత్ బెడ్ మీద నుంచి, వాళ్ల అవయవాలు (గుండె, లివర్, కిడ్నీ, ఊపిరితిత్తులు లాంటివి) మార్కెట్లో అమ్ముకుంటుంది బోస్టన్ మెమోరియల్ హాస్పిటల్. ఈ దారుణం వెనక ఉన్నది హాస్పిటల్ చీఫ్ సర్జన్ డాక్టర్ జార్జి హేరిస్.
  సుసాన్‌కి నిజం తెలిసిపోయిందని గ్రహించిన డాక్టర్ జార్జి, సుసాన్ కూడా ఇదే గతి పట్టించడానికి ప్లాన్ చేశాడు. సుసాన్‌కి అపెండిసైటిస్ ఆపరేషన్ చేయబోతుండగా, ఆమెకి ఆక్సిజన్ పైప్‌లైన్ నుంచి కార్బన్ డయాక్సైడ్ పంపించే కుట్ర పన్నాడు. చివరి నిమిషంలో ఈ ప్రమాదం తెలుసుకున్న సుసాన్ బాయ్‌ఫ్రెండ్ డాక్టర్ మార్క్ ఆ పైప్‌లైన్ కట్ చేసి, ప్రియురాలిని కాపాడుకుంటాడు. డాక్టర్ జార్జి హేరిస్‌ని పోలీసులు అరెస్ట్ చేస్తారు.
  - తోట ప్రసాద్
  
 * 4 మిలియన్ల డాలర్ల వ్యయంతో రూపొందిన ఈ సినిమా 50 మిలియన్ డాలర్లు వసూలు చేసింది.
 * ఆ మధ్య తమిళంలో వచ్చిన ‘బ్రదర్స్’, ఈ మధ్య తెలుగులో వచ్చిన ‘రాజుగారి గది’ని మెడికల్ థ్రిల్లర్స్‌గా చెప్పుకోవచ్చు.


 హాలీవుడ్ సినిమా / ఫైనల్ డెస్టినేషన్
  
 హారర్ సినిమాలు చూస్తే చాలామందికి నిద్ర పట్టకపోవచ్చు. పద్నాలుగేళ్ల జెఫ్రీ రెడిక్‌కి ‘ఎ నైట్‌మేర్ ఆన్ ఈలమ్ స్ట్రీట్’ సినిమా చూశాక నిద్రపట్టలేదు. వెంటనే ఆ సినిమాకి ప్రీక్వెల్‌గా పది పేజీల్లో కథ రాసి న్యూ లైన్ సినిమా నిర్మాణ సంస్థకి పంపించాడు. పసిపిల్లాడి సినిమా కథ స్టూడియో వాళ్లకి నచ్చలేదు కాని ఆ కుర్రాడి ఉత్సాహం, ఆసక్తి నచ్చింది. జెఫ్రీ రెడిక్‌కి - స్టూడియో అధినేత రాబర్ట్ షాయ్‌కి స్నేహం ప్రారంభమైంది. ఉత్తరాల్లో, ఫోనుల్లో కథల గురించి చర్చలు, విశ్లేషణలు కొనసాగాయి.
 
 జెఫ్రీ ఒకసారి విమానంలో ప్రయాణిస్తుండగా ఓ కథ చదివాడు. ఫ్లైట్‌లో ప్రయాణించబోతున్న తన కూతురికి ఓ తల్లి ఫోన్ చేసి, ‘ఆ విమానం ఎక్కొద్దు. అది కూలిపోతుందని నాకేదో పీడకల వచ్చింది’ అని చెబుతుంది. కూతురు ఆ ఫ్లైట్ బదులు వేరే ఫ్లైట్ ఎక్కుతుంది. ఆ వేరే ఫ్లైట్ కూలిపోతుంది. ‘చావుని వాయిదా వేయగలరు - కాని తప్పించుకోలేరు’ అనే ఆలోచన జెఫ్రీకి మెరుపులా మెరిసింది. అదే ‘ఫైనల్ డెస్టినేషన్’.
 
 అప్పట్లో ‘ఎక్స్-ఫైల్స్’ అనేది ఓ పాపులర్ టీవీ సీరియల్. దానికోసం ఈ కథని రాశాడు జెఫ్రీ. ఆ సీరియల్‌కి దర్శక రచయిత జేమ్స్‌వాంగ్. తన మిత్రుడు గ్లెన్ మోర్గాన్‌తో కలిసి ‘ఎక్స్-ఫైల్స్’ని మరింత పాపులర్ చేశాడు. న్యూ లైన్ సినిమా ‘ఫైనల్ డెస్టినేషన్’ స్క్రిప్ట్‌ని జేమ్స్‌వాంగ్ దృష్టికి తీసుకెళ్లింది. ‘మృత్యువను మించిన భయంకరమైన శత్రువు మరొకరు లేరు. ఎవరూ జయించలేరు’ అనే ఆలోచన జేమ్స్‌వాంగ్‌ని ఉర్రూతలూగించింది. జెఫ్రీ కథని - జేమ్స్‌వాంగ్ తన సహ రచయిత గ్లెన్ మోర్గాన్‌తో కలిసి తిరగ రాశాడు. ‘ఫైనల్ డెస్టినేషన్’ ప్రభంజనం ప్రారంభమైంది.
    
 హైస్కూల్లో చదువుకుంటున్న అలెక్స్ బ్రౌనింగ్ తన క్లాస్‌మేట్స్‌తో కలిసి, ప్యారిస్ ట్రిప్ ప్లాన్ చేశాడు. ఫ్లైట్ నంబర్ 180. టేకాఫ్ తీసుకునే సమయంలో అలెక్స్‌కి జరగబోయే దారుణం ఓ కలగా స్ఫురించింది. లెక్స్ భయపడినట్లుగానే ఫ్లైట్ నంబర్ 180 మధ్యలోనే కూలిపోయింది. మొత్తం ప్రయాణికుల్లో నుంచి బయటపడింది అలెక్స్, అతడి ఫ్రెండ్సే. అలెక్స్‌కి జరగబోయే ప్రమాదం ముందే ఎలా తెలుసు? విమాన ప్రమాదానికి, అతనికి సంబంధం ఉందా అని ఎఫ్‌బీఐ విచారణ ప్రారంభమైంది. ఈ ప్రమాదం జరిగిన 39 రోజుల తర్వాత  మృతులకి నివాళి ఘటిస్తూ, ఈ కుర్రాళ్లందరూ కలుసుకున్నారు. అదే రోజు రాత్రి అలెక్స్ ఫ్రెండ్ టాడ్ బాత్‌టబ్‌లో ఊపిరాడక చనిపోయాడు. అందరూ ఆత్మహత్య అనుకున్నారు. టాడ్ అంత్యక్రియల్లో పాల్గొన్నప్పుడు కలిసిన విలియమ్ అనే వ్యక్తి వాళ్లందరూ తప్పు చేశారని, మరణ శాసనాన్ని ఎదిరించే ప్రయత్నం చేశారని, మృత్యువు ఆగ్రహానికి వాళ్లందరూ గురయ్యారని చెప్పాడు. ఎవరు ఎలా చావాలో, ఆ వరుస ప్రకారమే చనిపోతారని విలియమ్ చెప్పాడు.
 
 అలెక్స్ టెన్షన్ ప్రారంభమైంది. గతంలో లాగే తనకి ప్రమాదం జరిగే ముందు సూచనలు కనబడతాయని, వాటి ఆధారంగా తప్పించుకోవచ్చని చెప్పాడు. అలెక్స్ మాటలు నమ్మని కార్టర్, అతని గాళ్ ఫ్రెండ్ టెర్రీ అలెక్స్‌తో తీవ్రంగా వాదించారు. అనుకోకుండా ఓ బస్సు వచ్చి గుద్దేయడంతో టెర్రీ చనిపోయింది. ఆ తర్వాతి వంతు తమ టీచర్ ల్యూటన్ అని తెలుసుకున్న అలెక్స్, ఆమెని హెచ్చరించడానికి ఇంటికెళ్లాడు. అలెక్స్ మాటలు నమ్మని ల్యూటన్ అతడ్ని ఎఫ్‌బీఐ ఏజెంట్లకి అప్పగించింది. అయితే పొరబాటున ఓ కత్తి దిగబడటంతో ల్యూటన్ చనిపోయింది. ఆమె ఇల్లు అగ్ని ప్రమాదానికి గురయ్యింది.
 
  ఇప్పుడు అలెక్స్ చెబుతుంది నిజమని కార్టర్ కూడా నమ్మాడు. టీచర్ తర్వాత చనిపోబోతుంది తనేనని కార్టర్ తెలుసుకున్నాడు. ఆ భయం, ఆ ఒత్తిడి భరించలేని కార్టర్ తనంతట తానే చనిపోవాలనుకుని, రైలు పట్టాల మీద తన కారు పార్క్ చేశాడు. చివరి నిమిషంలో మనసు మార్చుకున్నాడు. బయటపడదామని చూస్తే సీటు బెల్టు బిగుసుకుంది. అలెక్స్ అతి కష్టం మీద కార్టర్‌ని కాపాడాడు. కాని ట్రైన్ కార్టర్ కారుని తుక్కుతుక్కు చేసింది. ఆ కారులోని ఓ భాగం వచ్చి బిల్లీకి తగలడంతో చావు బిల్లీని వరించింది.
 
  ఆ తర్వాత అలెక్స్, క్లియర్ కొద్దిలో చావు నుంచి తప్పించుకుంటారు. ఆరు నెలల తర్వాత అలెక్స్, క్లియర్, కార్టర్ ప్యారిస్ బయల్దేరారు. చావు భయం తప్పినట్లే అని అందరూ సంతోషపడుతుంటే - తను మాత్రం ఇంకా లిస్ట్‌లోనే ఉన్నానని అలెక్స్ అన్నాడు. అతనికి రకరకాల సూచనలు కనబడుతున్నాయి. ఓ బస్సు వచ్చి, నియాన్ సైన్‌ని కొట్టింది. ఆ సైన్ అలెక్స్ వైపు తిరిగింది. అలెక్స్‌కి చావు తప్పదు అనే క్షణంలో అలెక్స్‌ని కార్టర్ కాపాడాడు. ఇక చావు నుంచి తప్పించుకున్నట్లే అని అలెక్స్ సంతోషపడుతుంటే - ఆ సైన్ కార్టర్ వైపు తిరగడంతో ‘ఫైనల్ డెస్టినేషన్’ మొదటి భాగం పూర్తవుతుంది.
 ఓ టీనేజ్ హారర్ థ్రిల్లర్‌గా   రూపొందిన (2000) ఈ సినిమాకి 4 సీక్వెల్స్ వచ్చాయి. అన్నీ సూపర్‌హిట్ కావడం విశేషం.  23 మిలియన్ల బడ్జెట్‌తో రూపొందిన ఈ సినిమా 112 మిలియన్ల పైగా వసూలు చేసింది.
 
  
 - తోట ప్రసాద్
  


 ‘స్లమ్‌డాగ్ మిలియనీర్’ చిత్రంతో ఒక్కసారిగా ఇంటర్నేషనల్  స్టార్ అయిపోయిన ఫ్రీదా పింటో ఇప్పుడు హాలీవుడ్ సినిమాలతో బిజీ బిజీగా ఉన్నారు. ఇప్పటివరకూ నటిగా మాత్రమే కొనసాగిన ఈ బ్యూటీ నిర్మాతగా మారడానికి సిద్ధమవుతున్నారు. ప్రముఖ హాలీవుడ్ తారలు జూలియట్ బినోచె, క్వీన్ లతీఫా, కేథరినా హార్డ్‌విక్, ఝాంగ్ జియీలతో కలిసి ఏర్పడిన ‘వియ్ డూ ఇట్ టు గేదర్’ అనే  స్వచ్ఛంద సంస్థలో ఫ్రీదా కూడా ఓ భాగమయ్యారు. వీరందరితో కలిసి డాక్యుమెంటరీలు తీయడానికి ప్లాన్ చేస్తున్నారామె. మహిళా సాధికారతను ప్రతిబింబించే డాక్యుమెంటరీలను, లఘు చిత్రాలను తీయనున్నారు. ‘‘ఇప్పటికి నా దగ్గర మూడు కథలున్నాయి. వాటిల్లో మహిళలే ప్రధాన పాత్రదారులు. రెండు సినిమాలను త్వరలో సెట్స్‌కు తీసుకువెళ్లనున్నా’’ అని ఫ్రీదా పింటో చెప్పారు.


 హాలీవుడ్ సినిమా / ఫ్లైట్ ప్లాన్
  
 థ్రిల్ల్లర్ సినిమాలను రక్తి కట్టించడం చాలా కష్టం. అందులోనూ విమానం లాంటి లిమిటెడ్ లొకేషన్‌లో ఇంకా కష్టం. దానికి డ్రామా, సెంటిమెంట్ జోడించగలిగితే అద్భుతమనే చెప్పాలి.  ఓ స్త్రీ తన భర్త, ఆరేళ్ల పాపతో బెర్లిన్‌లో హాయిగా జీవిస్తోంది. ఆమె ఎయిర్‌క్రాఫ్ట్ ఇంజనీర్ కూడా. అనుకోకుండా ఆమె భర్త బిల్డింగ్ మీద నుంచి కిందపడి చనిపోయాడు. భర్త అంత్యక్రియలు న్యూయార్క్‌లోనే జరిపించడానికి భర్త శవపేటికతో విమానంలో బయల్దేరింది కెయిలీ (జోడీ ఫాస్టర్), కూడా ఆరేళ్ల పాప జూలియా. పాప విమానాన్ని ఓ అద్భుతంగా చూస్తోంది. ఆ విమానం ఇంజన్ల రూపకల్పనలో తల్లి కెయిలీ పాత్ర ఉంది. కిటికీ అద్దం నుంచి ఆకాశాన్ని చూస్తూ అద్దంపై తన చిన్నారి వేలితో హృదయం బొమ్మ వేసింది జూలియా. కెయిలీ విషాదాన్ని దిగమింగుతూ, చిన్న కునుకు తీసి లేచేటప్పటికి పక్కన జూలియా లేదు. ఫ్లైట్ టాయ్‌లెట్స్ అన్నీ వెదికింది - కెయిలీ. తన ఆరేళ్ల పాప కనిపించడం లేదని గగ్గోలు పెట్టింది. విమానంలో ఎవరూ ఆ పాపని చూడలేదన్నారు. ఇటు బెర్లిన్, అటు న్యూయార్క్ ఎయిర్‌పోర్ట్‌లో కూడా ప్రయాణికుల జాబితాలో జూలియా పేరు లేదు. కెయిలీ దగ్గర బోర్డింగ్ పాస్ మాయమైంది.
 
 37 వేల అడుగుల ఎత్తున ఎగురుతున్న ఆ విమానంలో పాప ఉన్నట్లుండి ఎలా మాయమైంది. కెయిలీ రోదనా-వేదనా ఎవరూ పట్టించుకోవడం లేదు. ఆమె మానసికస్థితి సరిగా లేదని భావించారు తోటి ప్రయాణికులంతా. భర్త చనిపోవడంతో పిచ్చిదై అలా మాట్లాడుతుందన్నారు. ఎయిర్‌మార్షల్ జెన్ కార్సన్ ఆమెకి సంకెళ్లు వేసి, పక్కనే ఉండి గమనించసాగాడు. ఫ్లైట్ కెప్టెన్ మార్కస్ రిచ్ మొదట పాప మాయమైందని నమ్మినా, తర్వాత బెర్లిన్ నుంచి వచ్చిన ఓ వైర్‌తో కెయిలీ చెబుతున్నది అబద్ధమనుకుంటాడు. జూలియా తన తండ్రితో కలిసి, రూఫ్ పైనుంచి కిందపడి, తీవ్ర గాయాలతో హాస్పిటల్‌లో చనిపోయిందనేది బెర్లిన్ నుంచి వచ్చిన సమాచారం.
  కెయిలీ ఇదంతా అసత్యమని ఎమోషనల్‌గా రియాక్టయింది. ఫ్లైట్‌లో ఉన్న ఓ సైకో థెరపిస్ట్ కెయిలీని ఓదార్చే ప్రయత్నం చేసింది. అప్పుడు కెయిలీకి తన సీటు పక్కనే కిటికీ అద్దం మీద జూలియా గీసిన హార్ట్ బొమ్మ కనపడింది. అంటే జూలియా తనతో ఫ్లైట్ ఎక్కడం నిజం. మాయం కావడం నిజం. బెర్లిన్‌లో చనిపోకపోవడమూ నిజమే. ఆ విమానంలోనే ఎక్కడో ప్రాణాలతోనో, ప్రాణాల్లేకుండానో జూలియా ఉండే ఉంటుంది.
 
 బెర్లిన్ నుంచి బయల్దేరిన ఆ విమానం న్యూయార్క్ చేరుకునేలోగా తన బిడ్డని వెదకాలి. ఆ తల్లి విమానంలో వెదుకులాట ప్రారంభించింది. వాష్‌రూమ్‌లోకి వెళ్లి, తను ఎయిర్‌క్రాఫ్ట్ ఇంజనీర్ కాబట్టి - పై కంపార్ట్‌మెంట్‌లోకి ఎక్కి - ఎలక్ట్రానిక్ వ్యవస్థని చిన్నాభిన్నం చేసింది. విమానంలో కలకలం - మరోవైపు కెయిలీ తన భర్త శవపేటికని చూసి, మరింత భావోద్వేగానికి గురయింది. కార్సన్ ఆమెని పట్టుకుని, ఫ్లైట్ ల్యాండ్ కాగానే ఆమెని అరెస్ట్ చేయడం గ్యారెంటీ అని చెప్పాడు.  ఆమె భర్త శవపేటికలో దాచిన ఎక్స్‌ప్లోజివ్స్‌ను బయటికి తీశాడు ఎయిర్ మార్షల్ కార్సన్. కెప్టెన్ దగ్గరికి వెళ్లి కెయిలీ ఓ హైజాకర్ అని, 50 మిలియన్ల డాలర్లు తను చెప్పిన బ్యాంక్ ఎకౌంట్‌లోకి ట్రాన్స్‌ఫర్ చేయకపోతే విమానాన్ని పేల్చేస్తానని బెదిరిస్తున్నట్లు చెప్పాడు. నిజానికి ఎయిర్ మార్షల్ కార్సన్, ఫ్లైట్ అటెండెంట్ స్ట్టెఫనీ, బెర్లిన్‌లోని మార్చురీ డెరైక్టర్ ముగ్గురూ కలిపి పన్నిన కుట్ర ఇది. కెయిలీ భర్త డేవిడ్‌ని చంపింది వాళ్లే. పాప జూలియాని అడ్డం పెట్టుకుని - ఈ హైజాక్ డ్రామా రక్తి కట్టించడానికి జూలియాని కిడ్నాప్ చేశారు. మత్తుమందిచ్చి, ఆ ఫ్లైట్‌లోనే ఓ చోట దాచిపెట్టారు. 50 మిలియన్ల డాలర్లు చేతికి అందగానే జూలియాని చంపేసి, ఫ్లైట్ పేల్చేసి, అది కెయిలీ చేసిందని సాక్ష్యాలు సృష్టించబోతున్నట్లు కార్సన్ ప్లాన్ చేశాడు.  ఈ హైజాకింగ్ డిమాండ్‌తో, ఆ ఫ్లైట్‌ని అత్యవసర పరిస్థితుల్లో కెనడాలో ల్యాండ్ చేశారు. కెప్టెన్ మాట్లాడిన మాటలతో తనని హైజాకర్‌గా చిత్రించారని కెయిలీ అర్థం చేసుకుంది.
 
 కెయిలీ ఇదే మంచి అవకాశంగా భావించింది. తనే హైజాకర్ అన్నట్లుగా ప్రవర్తిస్తూ, కార్సన్‌ని, మిగిలిన క్రూని ఫ్లైట్‌లోనే ఉండమంది. కాదని ఎదురు తిరిగితే కార్సన్ ఆడిన నాటకం బయటపడుతుంది. ఫ్లైట్ డోర్ మూతపడగానే - కెయిలీ అగ్నిమాపక యంత్రంతో కార్సన్ తలమీద కొట్టింది. సంకెళ్లు వేసి బంధించింది. అతని జేబులోని డిటొనేటర్‌ను స్వాధీనం చేసుకుంది. స్ట్టెఫనీని చితక్కొట్టింది. బిన్‌లో చివరికి స్పృహ తప్పి ఉన్న తన పాప జూలియాని దక్కించుకోగలిగింది కెయిలీ. అప్పుడు ప్రయాణికులంతా కెయిలీ మాటలని నమ్మారు. తప్పిపోయిన పాప కోసం ఓ తల్లి పడ్డ వేదన, వెదుకులాట వందలాది ప్రయాణికులను కాపాడింది.
  - తోట ప్రసాద్
  
 2005లో ఇంగ్లిష్, జర్మన్ భాషల్లో ఈ చిత్రం బడ్జెట్ 50 మిలియన్ డాలర్లు. వసూలు చేసింది 225 మిలియన్ల డాలర్లు. పీటర్ ఎ డేరింగ్ అనే బ్రిటిష్ రచయిత, బిల్లి రే అనే అమెరికన్ రచయిత కలిసి రాసిన ఈ స్క్రిప్టుకి జర్మన్ దర్శకుడైన రాబర్ట్ స్వీబెంట్క్ దర్శకత్వం వహించాడు. అను‘క్షణం’ ఉత్కంఠ కలిగించిన ఈ తాజా తెలుగు చిత్రం కూడా ఇటువంటి కథాంశంతో రూపొందించినదే.
  


 హాలీవుడ్ సినిమా / క్యాచ్ మీ ఇఫ్ యూ కెన్
  
 ఫ్రాంక్ అబాంగేల్ పరిస్థితులు తయారు చేసిన నేరస్థుడు. అతనికి విమానం నడపటం రాదు. అయినా ఇంటర్నేషనల్ పైలట్‌గా చాలా సౌకర్యాలు అనుభవించాడు. ఇంజక్షన్ చేయడం కూడా రాదు. అయినా డాక్టర్‌గా చలామణీ అయ్యాడు. నేరస్తుడిగా బోన్‌లో ఉండాల్సినవాడు లాయర్ అని చెప్పుకున్నాడు. కొన్ని వేల మిలియన్ల డాలర్ల చెక్కులు ఫోర్జరీ చేశాడు. ఇంతా చేసి, ఇన్ని తెలివైన మోసాలు చేసిన ఫ్రాంక్ ముదురు వయసువాడు కాదు. జస్ట్ 19 ఏళ్ల టీనేజర్. తన పదహారవ ఏట తల్లిదండ్రులు విడిపోయినప్పుడు ఫ్రాంక్‌కి దిక్కుతోచలేదు.
  
 నష్టాల్లో పడ్డ తండ్రి, మరో ప్రేమ వ్యవహారంలో ఉన్న తల్లిని కలపాలంటే డబ్బులు కావాలన్పించింది. బాగా డబ్బు ఉంటే వాళ్లిద్దరూ కలుస్తారని ఆశపడ్డాడు. ఇక అతను చేసిన మోసాలకు అంతే లేదు. ఆ మోసాల గురించి చెప్పాలంటే ఓ పుస్తకం అవుతుంది. అందుకేనేమో 1980లో ఓ రచయితతో కలిసి ‘క్యాచ్ మీ ఇఫ్ యూ కెన్’ అని తన ఆత్మకథ రాసుకున్నాడు. 1997లో స్టీవెన్ స్పీల్‌బర్గ్ డ్రీమ్‌వర్క్ సంస్థ ఈ స్క్రిప్ట్‌ని కొనుగోలు చేసింది. స్పీల్‌బర్గ్‌ని ఈ సినిమా డెరైక్ట్ చేశారు.
 
 హీరో ఫ్రాంక్ తల్లిదండ్రులు ఎలా విడిపోయారో, అలాగే ఈ సినిమాలోని ఎఫ్‌బీఐ ఆఫీసర్ కార్ల్ హేన్రెట్ (టామ్‌హాంక్స్) కూడా భార్య నుంచి విడాకులు తీసుకుంటాడు. స్పీల్‌బర్గ్ తల్లిదండ్రులు కూడా అతని టీనేజ్‌లోనే విడాకులు తీసుకున్నారు. ‘‘ఇలాంటి విచ్ఛిన్న కుటుంబాల వల్ల కలిగే పరిణామాలు కాస్త సున్నితంగా, వినోదభరితంగా చెప్పాలనుకున్నా’’ అని ఈ సినిమా గురించి ఓ సందర్భంలో పేర్కొన్నాడు స్పీల్‌బర్గ్. ఇది 1963 నేపథ్యంలో జరిగే కథ.
 
 పదహారేళ్ల ఫ్రాంక్ అబాంగేల్ తన తల్లిదండ్రులతో కలిసి ఉంటాడు. ఆర్థిక సమస్యల్లో చిక్కుకున్న తండ్రి, తన భర్త స్నేహితుడితోనే అక్రమ సంబంధం పెట్టుకున్న తల్లి ఇద్దరూ విడాకులు తీసుకున్నారు. ఫ్రాంక్ రోడ్డుమీద పడ్డాడు. డబ్బుల్లేని పరిస్థితుల్లో మోసాలకు శ్రీకారం చుట్టాడు. పాన్ అమెరికన్ ఫ్లైట్ సర్వీసెస్ జీతాల చెక్కులు ఫోర్జరీ చేసి, మూడు మిలియన్ల డాలర్లు కొట్టేశాడు. ఫ్రాంక్‌ని పట్టుకోవడానికి ఓ ఎఫ్‌బీఐ ఆఫీసర్ కార్ల్ హేన్రెట్ రంగంలోకి దూకితే, అతణ్ని కూడా తను సీక్రెట్ ఏజెంట్ అని చెప్పి బురిడీ కొట్టించాడు. కార్ల్ మోసపోయానని గ్రహించి, ఫ్రాంక్‌ని పట్టుకునే ప్రయత్నాలు ముమ్మరం చేస్తాడు. ఫ్రాంక్ చెప్పిన మారు పేరు ‘బారీ అలెన్’ని బట్టి అతనో టీనేజర్ అని గ్రహిస్తాడు.
 
  ఫ్రాంక్ లాయర్‌గా, డాక్టర్‌గా మరికొన్ని మోసాలు చేస్తాడు. బ్రెండా అనే అమ్మాయి ప్రేమలో పడతాడు.  ఎంగేజ్‌మెంట్ జరగబోతుండగా కార్ల్ అక్కడికొస్తాడు. ఫ్రాంక్ పారిపోవలసి వస్తుంది. రెండు రోజుల తర్వాత తనని కలిస్తే ఇద్దరమూ పారిపోదామని బ్రెండ్‌కి చెబుతాడు ఫ్రాంక్. అయితే పోలీసులు పట్టుకునే ప్రయత్నం చేస్తే, యూరప్ పారిపోతాడు ఫ్రాంక్.
 
 కార్ల్, ఫ్రాంక్‌ని అరెస్ట్ చేయడానికి యూరప్ వెళ్తాడు. ఈ దశలో ఫ్రాంక్ గతం తెలుసుకుంటాడు. అరెస్ట్ చేసి, జైల్లో ఉంచుతాడు. బ్యాంక్ మోసాల నేరస్తులని పట్టుకోవడానికి ఎఫ్‌బీఐ తరఫున సహకరించమని ఫ్రాంక్‌ని కోరుతాడు కార్ల్. మొదట చేసినా - ఈ వృత్తిలో థ్రిల్ లేదని భావించిన ఫ్రాంక్, జైలు నుంచి పారిపోయి, దొంగ పెలైట్‌గా మోసాలు ప్రారంభిద్దామనుకుంటాడు. అయితే ఫ్రాంక్‌ని కలిసి, నేరంలో ఎప్పుడూ రిస్క్ ఉంటుందని, ఎఫ్‌బీఐకి సహకారం అందించడం గౌరవప్రదమైన వృత్తి అని చెప్పి ఒప్పిస్తాడు. ఫ్రాంక్‌గా లియొనార్డో డికాప్రియో, కార్ల్‌గా టామ్ హాంక్స్ నటించారు.
  - తోట ప్రసాద్
  
 ఈ సినిమాని 147 లొకేషన్లలో కేవలం 52 రోజుల్లో చిత్రీకరించారు. 52 మిలియన్ల డాలర్ల బడ్జెట్‌తో రూపొందిన ఈ చిత్రం 352 మిలియన్ల డాలర్లు వసూలు చేసింది.ఈ సినిమా అసలు కథానాయకుడు ఫ్రాంక్ అబింగేల్ క్లైమాక్స్‌లో లియొనార్డోని అరెస్ట్ చేసే ఫ్రెంచ్ ఆఫీసర్‌గా నటించాడు.ఒరిజినల్ ఫ్రాంక్ ప్రస్తుతం సెక్యూరిటీ సర్వీసెస్ నిర్వహిస్తూ, వైట్ కాలర్ క్రిమినల్స్‌ని పట్టుకునేందుకు ఎఫ్‌బీఐకి సహకరిస్తున్నాడు.


 ఆ సీన్ - ఈ సీన్
 తను రూపొందించే సినిమాల వెనుక ఉన్న అసలు సినిమాల గురించి, తను కాపీ కొట్టిన విధానం గురించి చాలా ఉత్సాహవంతంగా వివరిస్తాడు దర్శకుడు రామ్‌గోపాల్ వర్మ. ఫలానా సినిమాలోని ఫలానా సీన్‌లో ఫలానా ఫ్రేమ్‌ను ఫలానా హాలీవుడ్ సినిమా నుంచో, ఇంకో విదేశీ సినిమా నుంచినో కాపీ కొట్టాను అని ఆయన సగర్వంగా చెబుతూ ఉంటారు. కేవలం వర్మ దర్శకత్వంలో వచ్చిన సినిమాల్లోనే కాదు...
 
 ఆయన ప్రొడక్షన్‌లో వచ్చిన సినిమాల్లో కూడా కావాల్సినంత కాపీ కళ ఉంటుంది. అలా ఆర్జీవీ కంపెనీలో తొలితొలిగా ఉత్పత్తి అయిన సినిమా ‘మనీ’. శివనాగేశ్వరరావు దర్శకత్వంలో జేడీ చక్రవర్తి, చిన్నా, జయసుధ, రేణుకా సహానీ తదితరులు ముఖ్యపాత్రల్లో నటించిన ఈ సినిమాకి ‘రూత్‌లెస్ పీపుల్’ సినిమా ఆధారం. 1986లో వచ్చిన ఈ హాలీవుడ్ సినిమా మాదిరిలోనే 1992లో ‘మనీ’ సినిమాని రూపొందించారు. అతి తేలిగ్గా డబ్బు సంపాదించడం కోసం రకరకాల ప్రయత్నాలు చేసే నిరుద్యోగ యువకులు జేడీ, చిన్నా...
 
 తమ పొరుగింటిలో ఉండే ధనికురాలు జయసుధను కిడ్నాప్ చేసి డబ్బు డిమాండ్ చేసేందుకు వ్యూహం పన్నుతారు. ఎలాగో ఆమెను అపహరిస్తారు. తీరా డబ్బు కోసం ఆమె భర్త సుబ్బారావు (పరేష్ రావల్) కు ఫోన్ చేస్తే, ఆమెను చంపేస్తే డబ్బులిస్తాను అంటూ బేరం పెడతాడు. తర్వాత వాళ్లు ఏం చేశారనేది మిగతా కథ.
  
 అయితే ఒరిజినల్ వెర్షన్‌లో హీరోలు ఇద్దరు కాదు... ఒక్కడే. నిరుద్యోగం కామన్ ప్రాబ్లెమ్. తను గతంలో పనిచేసిన కంపెనీ యజమానురాలిని కిడ్నాప్ చేసి డబ్బు సంపాదించుకోవాలనుకుంటాడు. ఈ పనిలో అతడికి భార్య సహాయంగా నిలుస్తుంది. కిడ్నాప్ తతంగం పూర్తైఓనర్ భర్తకు ఫోన్ చేస్తే.. అతడేమో వీరికి ట్విస్ట్ ఇస్తాడు.
  
 మనీ సినిమాలో పరేష్ రావల్ పోషించిన సుబ్బారావు పాత్ర తీరు అంతా హాలీవుడ్ సినిమాలో పాత్ర తీరులో కనిపించేదే. భార్య కిడ్నాప్ కావడం అతడికి సంబరంగా మారుతుంది. ఈ ఆనందంలో ఎంత తాగుతున్నాడో తెలీనంతగా తాగేస్తూ డ్యాన్సులు కూడా చేసేస్తూ ఉంటాడు. అయితే కిడ్నాప్ కేసు గురించి విచారణ జరపడానికి వచ్చిన పోలీసుల ముందు మాత్రం వినయం నటిస్తూ ఉంటాడు.
 
 వారి ముందుకు వచ్చేటప్పుడు కళ్లకు సబ్బు పట్టించుకుని ఏడుస్తున్నట్టుగా నటించడం, ఇతర వినయాలు అన్నీ హాలీవుడ్ వెర్షన్‌లో ఈ పాత్రను పోషించిన నటుడు ఎంత అద్భుతంగా చూపించాడో... పరేష్ రావల్ కూడా అంతే స్థాయిలో జీవించేశారు.
  క్లయిమాక్స్‌లో సుబ్బారావు అసలు స్వరూపం మేడమ్‌కు వివరిస్తారు కిడ్నాపర్లు. మొదట్లో ఆమె నమ్మదు.
 
 తర్వాత అర్థమయ్యేలా చేస్తారు. మరోవైపు ఈ కిడ్నాపింగ్ ముఠాను వెంటాడే పోలీసులు, వారిని తప్పించుకోవడానికి వీళ్లు పడే పాట్లు... ఈ ఎపిసోడ్లు అన్నీ రెండు సినిమాల్లోనూ కామన్. ఈ రెండు సినిమాల మధ్య మరిన్ని పోలికలు ఏమిటంటే... రెండూ కామెడీ ఎంటర్‌టైనర్లు. సూపర్ హిట్లు. మూల కథను హాలీవుడ్ నుంచి తీసుకున్న ఆర్జీవీ కంపెనీ దాన్ని తెలుగులో తీర్చిదిద్దిన విధానం మాత్రం అమోఘంగా ఉంటుంది.
 
 కథ ఎంత కాపీ అయినా కథనంలో మాత్రం ‘మనీ’ సినిమా ఒక ట్రెండ్ సెట్టర్ అయ్యింది. క్లైమాక్స్ ఎపిసోడ్‌ను, హాలీవుడ్ వెర్షన్‌తో ఏమాత్రం సంబంధం లేని‘ఖాన్ దాదా’ పాత్రను సూపర్‌‌బగా చూపించారు ‘మనీ’ మేకర్లు. ఆ పాత్రలో బ్రహ్మానందం సృష్టించిన సంచలనం అంతా ఇంతా కాదు. తర్వాత ఈ సినిమాకు ‘మనీ మనీ’ రూపంలో సీక్వెల్ కూడా వచ్చింది. అంటే హాలీవుడ్ వాళ్లు ఆగిపోయిన చోట నుంచి ఆర్జీవీ కంపెనీ మొదలు పెట్టిందన్నమాట!
 - బి.జీవన్‌రెడ్డి


   ఈజిప్టు నాగరికత నేపథ్యంలో వచ్చిన అద్భుత జానపద దృశ్య కావ్యం 'ద మమ్మీ'రిటర్న్. 1999లో ప్రపంచవ్యాప్తంగా విడుదలైన మమ్మీ సినిమాకు సీక్వెల్ ఇది. ఇది కూడా బాక్సాఫీసును షేక్ చేసింది. కేవలం 98 మిలియన్ల బడ్జెట్‌తో తెరకెక్కించిన ఈ సినిమా 480 మిలియన్ అమెరికన్ డాలర్లను వసూలు చేసింది. స్టీఫెన్‌సోమర్స్ దర్శకత్వం వహించిన ఈ సినిమా హాలీవుడ్ అందించిన అద్భుత జానపద చిత్రాల్లో ఒకటిగా నిలిచిపోయింది.
  ప్రధాన పాత్రలు:
  రిచర్డ్ ఓ నీల్ (బ్రాండన్ ఫ్రేజర్), ఎవ్లీన్ (రేచల్ వీజ్), జొనాథన్ హనా (జాన్ హనా) హిమోతే (ఆర్నాల్ ఓస్లో) అంకు సు నమూన్ (పత్రిసియా) స్కార్పియన్ కింగ్ (డ్వాన్ జాన్సన్) అలెక్స్ ( రిచర్డ్ కుమారుడు), హఫీజ్  (అలన్ ఆర్మ్‌స్ట్రాంగ్ )
  నేపథ్యం!
  క్రీస్తుపూర్వం 5వేల ఏళ్ల క్రితం మొదలవుతుంది. స్కార్పియన్ కింగ్ ప్రపంచాన్ని జయించడానికి తన సైన్యంతో బయల్దేరుతాడు. థెబిస్‌పై దండయాత్ర చేసినపుడు అమ్ షీర్ ఎడారిలో వారు ఓడిపోతారు. ఎండవేడికి స్కార్పియన్‌కింగ్ సైన్యం ఒక్కొక్కరుగా మరణిస్తారు. స్కార్పియన్ కింగ్ ఒక్కడే మిగులుతాడు. అతని ప్రార్థనతో అనుబిస్ తన సైన్యాన్ని స్కార్పియన్ కింగ్‌కు అండగా పంపిస్తాడు. దీంతో స్కార్పియన్ కింగ్ ఈజిప్టును జయిస్తాడు. ఇంతలో స్కార్పియన్ కింగ్ ఆత్మను అతనికిచ్చిన సైన్యాన్ని అనుబిస్ తిరిగి తీసేసుకుంటాడు. అక్కడ స్కార్పియన్ కింగ్, అతని సైన్యం శాశ్వతంగా నిద్రపోతుంటారు.
  కథేంటంటే!
  1933లో కథ తిరిగి మొదలవుతుంది. రిచర్డ్, ఎవ్లీన్ వారి కుమారుడు అలెక్స్‌తో కలిసి ఓ పిరమిడ్‌ను తవ్వుతారు. అక్కడ వారికి బుక్ ఆఫ్ డెడ్ లభిస్తుంది. అందులో ఓ ముంజేతి కంకణం ఉంటుంది. అది స్కార్పియన్ కింగ్‌ది. మరోవైపు లండన్ మ్యూజియం పర్యవేక్షకుడు హఫీజ్ కొందరు వ్యక్తుల సాయంతో దుష్టశక్తి అయిన అంకు సు నమూన్ (పత్రిసియా)కు ప్రాణం పోస్తాడు.  హిమోతే (ఆర్నాల్ ఓస్లో)కు సైతం ప్రాణం పోసేందుకు ప్రయత్నిస్తుంటాడు. తద్వారా స్కార్పియన్ కింగ్‌ను అతని సైన్యం సాయంతో ప్రపంచాన్ని తన గుప్పిట్లో పెట్టుకోవాలన్నది హఫీజ్ పన్నాగం. ఎలాగోలా ఇద్దరికీ ప్రాణం పోస్తాడు. కానీ, అలెక్స్ సాయం లేకుండా అమ్‌షీర్ ఎడారిలో ‘స్కార్పియన్ కింగ్’ నిద్రపోతున్న స్థలం గుర్తించలేమని అర్థమవుతుంది. ఈలోగా అలెక్స్‌కు దొరికిన స్కార్పియన్ కింగ్ ముంజేతి కంకణం అతడి చేతికి అతుక్కుపోతుంది. అది ఊడాలంటే ఏడురోజుల్లోగా స్కార్పియన్ కింగ్ సమాధి వద్దకు వెళ్లాలి. లేదంటే మరణిస్తారని తెలుసుకుంటాడు. ఈలోగా హఫీజ్ తన మనుషులతోపాటు వచ్చి బుక్ ఆఫ్ డెడ్‌తోపాటు అలెక్స్‌ను ఎత్తుకెళతాడు.
  ఒళ్లు గగుర్పొడిచే పోరాటాలు:
  తన కుమారుడిని కాపాడుకునేందుకు భార్య ఎవ్లీన్, బావమరిది జొనాథన్‌తో కలిసి బయల్దేరుతాడు ఓ నీల్. ఈ ప్రయాణంలో తాను పూర్వం ఈజిప్టు రాజు అయిన పారో సేతి-1 కుమార్తెనని ఎవ్లీన్ తెలుసుకుంటుంది. తన తండ్రిని చంపిన సవతి తల్లి అంకు సు నమూన్, ఆమె ప్రియుడు హిమోతేపై పగ తీర్చుకోవాలనుకుంటుంది. ఈ క్రమంలో హఫీజ్ సైన్యంతో బస్సులు, రైళ్లు, ఆకాశంలో పారాచ్యూట్‌లో జరిగే పోరాటాలు ‘న భూతో.. న భవిష్యతి’ అన్న విధంగా ఉంటాయి. అలెక్స్ తానెక్కడున్నది తన తల్లిదండ్రులకు గుర్తుల ద్వారా తెలియజేస్తుంటాడు. వాటి ఆధారంగా ఓనీల్ వారిని అనుసరిస్తాడు. ఈలోగా స్కార్పియన్ కింగ్ సమాధి ఉన్న ఒయాసిస్ వద్దకు చేరుకుంటారు. హఫీజ్ సైన్యంతో పోరాడి తన కుమారుడిని కాపాడుకుంటాడు. అప్పటికే వారం గడుస్తుంది. సూర్యోదయం కాకముందే స్కార్పియన్ కింగ్ ఉన్న పిరమిడ్‌కు చేరుకుంటారు. అలా తన కుమారుడు అలెక్స్ ప్రాణాలు కాపాడుకుంటాడు ఓనీల్. కానీ ఈలోగా వచ్చిన అంకుసునమూన్ ఎవ్లీన్‌ను చంపి హిమోతేతో కలిసి పిరమిడ్‌లోకి చేరుతుంది. ఓనీల్ హిమోతేతో తలపడతాడు. అంకుసున మూన్ వద్ద ఉన్న బుక్ ఆఫ్ డెడ్‌ను అలెక్స్ తీసుకుని చదువుతాడు. దీంతో తన తల్లిని తిరిగి బతికించుకుంటాడు. స్కార్పియన్ కింగ్ సైన్యం అదృశ్యమవుతుంది. మరోవైపు హిమోతే పూజలతో నిద్రలేచిన స్కార్పియన్ కింగ్‌ను ఓనీల్ చంపుతాడు. ఇంతలో సమాధి కూలడం మొదలవుతుంది. హిమోతే, ఓనీల్ అగ్నిగుండం అంచున వేలాడుతుంటారు. అంకు సున మూన్ ప్రాణాలు కాపాడుకునేందుకు పారిపోతుంది. కానీ ఎవ్లీన్ ప్రాణాలకు తెగించి వచ్చి ఓనీల్‌ను కాపాడుకుంటుంది. మరోసారి భంగపాటుకు గురైన హిమోతే నిరాశతో ప్రాణాలు వదిలేస్తాడు.


 ఆ సీన్ - ఈ సీన్
 ‘సృజనాత్మక ప్రపంచంలో ఏదీ కొత్త కాదు. చెప్పడంలోనే కొత్తదనం ఉంటుంది...’ అనుకోవాలి. ఎందుకంటే కమల్‌హాసన్ వంటి సృజనకారుడి సినిమాను చూసినప్పుడు వాటిల్లో ఏవో హాలీవుడ్ సినిమాల ఛాయలు కనిపిస్తే ఇలాంటి వేదాంతమే వస్తుంది మరి. అయితే కాపీలో కూడా కమల్ పనితనం కనిపిస్తుంది. స్ఫూర్తి పొందిన సీన్లే అయినా... కథలో కొత్తదనం ఉంటుంది. అందుకు నిదర్శనం ‘సత్యమే శివం’.
  
 ‘కుటుంబంతో కలసి థ్యాంక్స్‌గివింగ్‌డే ను సెలబ్రేట్ చేసుకోవడానికి న్యూయార్క్ నుంచి షికాగో బయలుదేరతాడు నీల్‌పేజ్. విమానం ఎక్కి గాల్లో విహరిస్తూ మహా అంటే గంటన్నరలో ఇంటికి చేరతాను అనే భావనతో న్యూయార్క్ ఎయిర్‌పోర్ట్‌లోకి అడుగుపెట్టిన అతడికి అన్నీ దుశ్శకునాలే!  వాతావరణం బాగోలేక విమానాలన్నీ రద్దయిపోయాయి. అక్కడితో మొదలు..అతడిని ఈ ప్రయాణంలో బ్యాడ్‌లక్ వెంటాడుతుంది. విమానం క్యాన్సిల్ కావడంతో ఒక చెత్త హోటల్‌లో స్టే చేయాల్సి వస్తుంది.
 
 అదే తన స్థాయికి తక్కువ అనుకొంటే.. ఒకే రూమ్‌లో తనతో పాటు డెల్ ఒకడు. చూడటానికి అసహ్యంగా ఉంటాడు..అలాంటి వాడితో రూమ్‌ను షేర్ చేసుకోవడానికే నీల్‌కు చిరాకు. అసలు దిగువస్థాయి మనుషులు అంటేనే అతడికి అసహ్యం. అందుకే మరుసటి రోజు ఉదయం విమానాన్ని నమ్ముకోకుండా ట్రైన్ కోసమని.. డెల్‌కు తెలీకుండానే తెల్లవారుజామునే తుర్రుమంటాడు. అయితే వెంటాడుతున్న బ్యాడ్‌లక్ నీల్ డబ్బును కూడా పోగొడుతుంది.
 
 ఇలాంటి సమయంలో ట్రైన్ కోసమే వచ్చిన డెల్ ఆదుకొంటాడు. దీంతో ఎక్కడో మనసులో దాగిఉన్న మానవత్వం డెల్‌పై కృతజ్ఞతాభావాన్ని మేల్కొలుపుతుంది. అతడంటే కొంత ఆదరణ లభిస్తుంది. అయితే ఆ అభిమానం కేవలం డెల్ మీద మాత్రమే. మిగతా ప్రపంచంలో డర్టీ పీపుల్‌పై కాదు!’ అక్కడ నుంచి వారి ప్రయాణం మొదలు. కథ వారితో పాటు సాగుతుంది.
  ఈ కథాంశంలో నీల్‌పేజ్‌ను అన్బు గానూ, డెల్ పేరును నల్లశివం గానూ మార్చుకొంటే పై కథతో వచ్చిన తమిళ సినిమా ‘అన్బేశివం’ అవుతుంది.
 
 యథాతథంగా చదువుకొంటే ‘ప్లేన్స్, ట్రైన్స్ అండ్ ఆటోమొబైల్స్’ సినిమా అవుతుంది. మొదట వచ్చింది మాత్రం హాలీవుడ్ సినిమానే. 1987లో జాన్‌హ్యూస్, స్టీవ్ మార్టిన్‌లు ప్రధానపాత్రల్లో వచ్చిన సినిమా ‘ప్లేన్స్, ట్రైన్స్ అండ్ ఆటోమొబైల్స్’.  జాన్‌హ్యూస్ దీనికి రచయిత కమ్ దర్శకుడ కూడా. సినిమా నుంచి చాలా సీన్లను స్ఫూర్తిగా తీసుకొని కమల్ సృజించిన సినిమా ‘అన్బేశివం’. అన్బుగా మాధవన్ కనిపిస్తే.. శివం పాత్రలో కమల్ కనిపిస్తారు.
  
 ఇది 2003లో విడుదలైంది. ఈ సినిమాకు దర్శకుడు సుందర్.సి అయినా..స్క్రిప్ట్‌ను రచించిన కమల్‌హాసనే సినిమా అణువణువునా కనిపిస్తాడు.ఒరిజినల్ సినిమాలో హీరోలిద్దరి ప్రయాణం న్యూయార్క్ నుంచి షికాగో అయితే.. కమల్ ఈ ప్రయాణాన్ని భువనేశ్వర్ నుంచి చెన్నైకి మార్చాడు. ఎదురయ్యే అవాంతరాలు మాత్రం హాలీవుడ్ నుంచి తెచ్చుకొన్నవే. హాలీవుడ్ సినిమాలో థ్యాంక్స్‌గివింగ్ డే సెలబ్రేషన్స్‌ను తమిళ వెర్షన్‌కు వచ్చే సరికి కుర్రహీరో పెళ్లి సంబరాలుగా మార్చారు.
  
 స్ఫూర్తి పొందడం, లేదా కాపీ కొట్టడం.. మాతృక అయితే హాలీవుడ్‌సినిమా. దానికి నకలు ఈ తమిళ సినిమా...కానీ కాపీ కొట్టిన కమల్‌కు వందకువంద మార్కులు పడతాయి. ఎందుకంటే.. అనుకరణ కూడా అంత సులభం కాదు. ‘అన్బేశివం’ సినిమాని కేవలం అనుకరణగానే చూడలేం. రెండు ప్రధాన పాత్రల వ్యక్తిగత నేపథ్యాన్ని కమల్‌మార్చారు. అక్కడ నుంచి కమల్ పని మొదలైంది.
  
 కమ్యూనిజం, అఫీయిజం(నాస్తికవాదం), ఆల్ట్రూయిజం(నిస్వార్థవాదం)ల గురించిన చర్చతో అంతిమంగా హ్యూమనిజం ఔన్నత్యాన్ని చాటే సినిమా ఇది. అన్బేశివం అంటే ‘ప్రేమే దైవం’. ఈ సినిమాను తెలుగులో ‘సత్యమే శివం’గా డబ్‌చేశారు. హాలీవుడ్ సృజనకారుడిని కమల్ ఫాలో అయ్యింది నిజమే కానీ.. ఈ రెండు సినిమాలనూ ఒకదాని తర్వాత మరోటి చూస్తే.. కమల్‌హాసనే ఈ సినిమాను బాగా తీశాడని స్పష్టం అవుతుంది. ఎందుకంటే.. హాలీవుడ్ సృజనకారుడు ఆగిన చోట నుంచీ కమల్ మొదలు పెట్టాడు.
  - బి.జీవన్‌రెడ్డి


 సాధారణంగా హాలీవుడ్ చిత్రాల్లో తారల నగ్నంగా నటించడం పరిపాటే. అయితే, తాను ఒక ఆంగ్ల చిత్రంలో నగ్నంగా నటిస్తున్నట్టు దక్షిణాది నటి రాధికా ఆప్టే తెలపడం విశేషం. ధోని చిత్రం ద్వారా ప్రకాష్‌రాజ్‌కు జంటగా కోలీవుడ్‌కు పరిచమైన ఈ భామ ఆ తర్వాత ఆలిన్ ఆల్ అళగు రాజ, వెట్రి సెల్వన్ తదితర చిత్రాల్లో నటించింది.
  
 ఆ మధ్య బాలకృష్ణ సరసన తెలుగులో లెజెండ్‌చిత్రంలో హీరోయిన్‌గా నటించారు. అదే విధంగా మలయాళం, హిందీ, మరాఠీ, బెంగాళి పలు భాషల్లో నటిస్తున్న రాధికా ఆప్టే తాజాగా ఒక హాలీవుడ్ చిత్రంలో కూడా నటిస్తున్నారట. దీని గురించి ఆమె తెలుపుతూ, తాను నటిస్తున్న హాలీవుడ్ చిత్రం గురించి ప్రస్తుతానికి వివరాలు సస్పెన్స్ అన్నారు.
  
 అయితే, ఈ చిత్రంలో కథ డిమాండ్ మేరకు నగ్నంగా నటించానని చెప్పారు. అయితే, ఈ చిత్రం ఇండియాలో విడుదల అయితే, ఆ సన్నివేశాలు తొలగించేలా జాగ్రత్తలు తీసుకుంటానన్నారు. కాగా, ఈ బ్యూటీ ఇటీవల బాత్రూం సన్నివేశాలు ఇంటర్నెట్‌లో హల్ చల్ చేశాయి. అయితే, ఆ సన్నివేశాల్లో ఉన్నది తాను కాదని, అవన్నీ మార్ఫింగ్ అని పేర్కొనడం గమనార్హం.


 అందుకే... అంత బాగుంది!
  2001: ఎ స్పేస్ ఒడిస్సీ (1968)
  
  తారాగణం: కిర్ డులియా, గ్యారీ లాక్‌వుడ్ ; నిర్మాత-దర్శకుడు: స్టాన్లీ కుబ్రిక్, ఛాయాగ్రహణం: జెఫ్రీ అన్‌స్వోత్,
  విడుదల: 2 ఏప్రిల్ 1968 (వాషింగ్టన్ డీసీ), 3 ఏప్రిల్ 1968 (యూఎస్) 15 మే 1968 (యూకె) ;
  సినిమా నిడివి: 142 నిమిషాలు ; నిర్మాణ వ్యయం: సుమారు 75 కోట్లు ; వసూళ్లు: 850 కోట్ల రూపాయలకు పైగా...
  
  మీరు నన్ను నిద్రలో లేపి ‘మీ ఆల్‌టైమ్ ఫేవరెట్ హాలీవుడ్ మూవీ’ ఏదని అడిగితే రెండో ఆలోచన లేకుండా ‘2001: ఎ స్పేస్ ఒడిస్సీ’ అని చెబుతాను. ఇన్నేళ్లలో ఎన్నో  హాలీవుడ్ సినిమాలు చూసినా, నా మస్తిష్కంలో ఆ సినిమా వేసిన ముద్ర ఎప్పటికీ చెరిగిపోదు. ఆ చిత్రం గురించి ఆపకుండా అరగంట మాట్లాడగలను. ప్రతి ఫ్రేమూ, ప్రతి టెక్నిక్కూ, ఆర్టిస్టులు, టెక్నీషియన్లూ... ఇలా ప్రతి విషయం గుర్తుంది. ఈ సినిమా అంటే నాకెంత ఇష్టమంటే... నా ఇ-మెయిల్ ఐడీ కూడా ఈ పేరుతోనే ఉంటుంది.
  
  సైన్స్‌ఫిక్షన్ చిత్రమైన ఈ సినిమా ప్రధానంగా మానవులకూ, మానవ పరిణామక్రమాన్ని ప్రభావితం చేస్తున్న నల్లటి మోనోలిత్‌లకూ మధ్య నడుస్తుంది. చంద్రుడి మీద కనుగొన్న అలాంటి ఒక మోనోలిత్ నుంచి వస్తున్న ఒక సిగ్నల్‌ను అన్వేషిస్తూ గురు గ్రహానికి సాగే అంతరిక్ష యాత్ర ప్రధానాంశం. సినిమా ప్రధానంగా నాలుగు భిన్నమైన ఘట్టాలుగా నడుస్తుంది. డైలాగ్స్ అతి తక్కువగా ఉండే ఈ చిత్రంలో ఇతివృత్తపరంగా - మానవ పరిణామ క్రమం, సాంకేతిక పరిజ్ఞానం, ఆర్టిఫిషియల్ ఇంటెలిజెన్స్, గ్రహాంతర జీవితం లాంటివి కనిపిస్తాయి.
  
  విజయవాడలో నేను డిగ్రీ ఫస్టియర్ చదువుతున్నప్పుడు ఈ సినిమా రిలీజైంది. లయోలా కాలేజీలో కామర్స్ లెక్చరర్‌గా పనిచేసే ఎం.సి.ఆర్. దాస్‌గారు నన్ను ఈ సినిమాకు తీసుకెళ్లారు. బోధి వృక్షం దగ్గర జ్ఞానోదయం జరిగినట్టుగా, మా ఇద్దరికీ ఈ సినిమా హాల్‌లో జ్ఞానోదయమైంది. ఒక వారం రోజుల పాటు మేమిద్దరం ఆ సినిమా గురించి రాత్రింబవళ్లూ చర్చించుకున్నాం. కనబడిన ప్రతివాళ్లకూ ‘ఈ సినిమా తప్పక చూడండి’ అంటూ చాటింపు వేశాం. వాళ్లు చూసొచ్చి ‘‘ఇదో సినిమానా? మీ వల్ల డబ్బులు వృథా’’ అని తిట్టినంత పనిచేశారు. కానీ కొంతమంది మాత్రం ‘‘ఈ సినిమా చూడకపోయుంటే... మేం చాలా మిస్సయిపోయుండేవాళ్లం’’ అని అభినందించారు.
  
   అలాంటి పరిస్థితే ఆ సినిమా దర్శకుడు ‘స్టాన్లీ కుబ్రిక్’కి కూడా ఎదురైందట. అమెరికా, బ్రిటన్‌ల నుంచి సినిమా చూసిన కొంతమంది టిక్కెట్ ముక్కలు పంపించి, ‘‘నువ్వేం తీశావో మాకేం అర్థం కాలేదు. కనీసం నీకైనా అర్థమయ్యిందో లేదో! మా డబ్బులు మాకు ఇచ్చేయ్’’ అన్నారట. మరో పక్క చాలామంది శాస్త్రవేత్తలు ఈ సినిమా చూసి స్టాన్లీ కుబ్రిక్‌ను తెగ పొగిడేశారట. వైజాగ్‌లో బాపు గారి మేనల్లుడు రంగాతో కలిసి ‘జగదాంబ 70 ఎంఎం’ థియేటర్‌లో మరోసారి ఈ సినిమా చూశా. ఎప్పుడు చూసినా నాకదే ఫీలింగ్... అద్భుతమైన సినిమా. మేమిద్దరం కూడా ఆ సినిమా గురించి ఎన్ని గంటలు మాట్లాడుకున్నామో!
  
  అప్పటికీ ఇప్పటికీ సైన్స్ ఫిక్షన్ సినిమాలకు ఇదే మాతృక అని చెప్పాలి. దీనికన్నా ముందు ‘ఫస్ట్ మెన్ ఇన్ ద మూన్’ (1964) వచ్చింది. హెచ్.జి. వెల్స్ రాసిన నవల ఆధారంగా తీశారు దాన్ని. అయితే టెక్నికల్‌గా దీనంత గొప్పగా ఉండదు. ఆర్థర్ సి. క్లార్క్ రాసిన ‘ది సెంటినెల్’ అనే చిన్న కథ ఆధారంగా ఈ ‘2001: ఎ స్పేస్ ఒడిస్సీ’ తీశారు. స్క్రీన్‌ప్లే రచనలో కుబ్రిక్‌కి క్లార్క్ సహకరించారు. సినిమా విడుదలయ్యాక క్లార్క్ ‘2001: ఎ స్పేస్ ఒడిస్సీ’ పేరున నవల విడుదల చేశారు. ఒడిస్సీ అంటే అనేక సాహసాలతో కూడుకున్న అనంతమైన ప్రయాణమని అర్థం. మన భూగ్రహం నుంచి వేరే గ్రహానికి ప్రయాణం చేయడమే ఈ సినిమా.
  
   దీని మెయిన్ కాన్సెప్ట్ ఏంటంటే - జిజ్ఞాస. ఎక్కడ ఏం ఉందో తెలుసుకోవాలన్న మానవుని తపనే మనిషిని ఒక గోళం నుంచి ఇంకో గోళంలోకి తీసుకు వెళ్తోంది. అసలు ఈ సినిమా ఆలోచనే ఒక అద్భుతం. దాన్ని సాంకేతిక హంగులతో తెరకెక్కించడం మరో అద్భుతం. ఆ రోజుల్లో... అంటే 1968 ప్రాంతంలో టెక్నాలజీ ఇప్పు డున్నంతగా లేదు. అయినా దర్శకుడు తన మనసులో అనుకున్నది తన మెదడు సాయంతో తెరకెక్కించగలిగాడు.అసలు టెక్నాలజీని పక్కన పెడితే, ఇందులో చాలా ఫిలాసఫీ ఉంది. మొదటి 42 షాట్స్ స్టాటిస్టిక్స్‌లా ఉంటాయి. మనిషి కోతిగా ఉన్నప్పుడని ఓపెనింగ్ ఎపిసోడ్‌లోనే దర్శకుడు ‘థ్రస్ట్ ఫర్ నాలెడ్జ్’ అని చెబుతాడు. ఒక నల్లటి నాపరాయి ఉంటుంది. దాన్ని సినిమాలో మోనోలిత్ అంటారు. అది కనిపిస్తూ ఉంటుంది. కోతి వెళ్లేటప్పుడు ఫేస్‌లో అన్నీ దాన్ని చూస్తూ ఉంటాయి.
  
  ఈ సినిమాలో మరో గొప్ప అంశం ‘ఎడిటింగ్’. ‘మ్యాచ్‌కట్’ పద్ధతిని బాగా అనుసరించారు. ఫిల్మ్ స్కూల్స్‌లో ఎడిటింగ్ గురించి చెప్పేటప్పుడు, మ్యాచ్‌కట్ గురించి ప్రస్తావిస్తూ ఈ సినిమాను తప్పకుండా  ఉదహరిస్తుంటారు. ‘మ్యాచ్ కట్’ అంటే ఒక షాట్ నుంచి సింబలైజ్ చేస్తూ మరో షాట్‌కు కట్ చేయడం.ఫస్ట్ ఎపిసోడ్‌లో ఉన్న ఒక ఏప్ అక్కడున్న ఒక థై బోన్‌లాంటిది తీసుకుని ఇంకొక ఏప్‌ను కొట్టిన ప్పుడు, అది చచ్చిపోతే దాని చేతికి ఒక ఆయుధం దొరికిందనే ఆలోచన వస్తుంది. అది చాలా అద్భుతంగా చిత్రీకరించారు. ఆ బోన్‌ను అలా ఆకాశంలో స్లో మోషన్‌లో వేస్తే ఆ బోన్ అలా పైకి వెళుతూ ఉంటుంది! దాన్ని కన్వర్ట్ చేసి అదే షేప్‌లో ఉన్న ఒక స్పేస్‌షిప్ ఎక్కడికో ట్రావెల్ చేస్తుంది.
  
  ఇది ప్రపంచంలోనే ‘బెస్ట్ మ్యాచ్ కట్’ ఎగ్జాంపుల్. అలాగే,  స్పేస్‌షిప్‌లో సర్క్యులర్ మాడ్యుల్ ఉంటుంది. అందులో మనుషులు తలక్రిందులుగా నడుస్తూ ఉంటారు. ఇలా ఎన్నో అద్భుతమైన ట్రిక్స్ ఉన్నాయి ఈ సినిమాలో!నాకు మరీ ఇష్టమైన ఎపిసోడ్.. సినిమా ఎండింగ్‌లో ఇద్దరు ఆస్ట్రోనాట్స్‌ని ఈ మిషన్‌లో ఎక్కడికో పంపిస్తారు. అక్కడ ఆరు నెలలో, ఒక సంవత్సరమో ఉండాలి. వీళ్లు ఎంతసేపూ భార్య, బంధువులతోనేనా ఉండేది అని విసిగిపోతారు. ఒక విసుగుతో స్పేస్‌లోకి వెళ్లిపోవాలను కుంటారు. సిస్టమ్‌ను నాశనం చేయాలని చూస్తారు. క్లోజ్డ్ క్యాప్యూల్‌లో సౌండ్ కూడా లీక్ కాకుండా క్లోజ్ చేస్తారు. కంప్యూటర్ కూడా చాలా అడ్వాన్స్‌డ్. హాల్ కంప్యూటర్. ఆర్టిఫీషియల్ ఇంటిలిజెన్స్ గురించి అప్పుడే చెప్తాడు. నోవెల్ చెప్పింది అట్లానే చూపించాడు.
  
   అద్దాలు క్లోజ్ చేసేసి సౌండ్ కూడా జీరో లెవల్ చేసి ఇద్దరూ ఫేస్ టు ఫేస్ మాట్లాడుకుంటారు. క్యాప్యూల్ సైడ్‌లో ఐసియు విండో (రౌండ్ మిర్రర్)లోంచి సెలైంట్‌గా ఉండే వాళ్ల లిప్ మూమెంట్స్‌ను టైట్‌గా క్యాచ్ చేసి దాన్ని డీకోడ్ చేసి వీళ్లిద్దరూ సిస్టమ్‌నే డిస్ట్రబ్ చేయాలనుకుంటున్నారన్న విషయాన్ని గ్రహిస్తుంది. వాళ్లు బయటకు వచ్చే టైమ్‌కి దాన్ని కట్ చేసేస్తుంది. కట్ చేయగానే ఓ వ్యోమగామి పడిపోతాడు. విశ్వంలో కొట్టుకుపోతున్న మనిషి మస్తిష్కం ఎలా ఉంటుంది? దీన్నే జూపిటర్ గేట్ సీక్వెన్స్ అంటారు. అక్కడ ఒక డెరైక్టర్‌గా, ఒక ఇమాజినేటివ్ పర్సన్‌గా కుబ్రిక్ ఏదో విజువల్ ఎక్స్‌పెక్ట్ చేశాడు. దానికోసం ఎంతో పరిశోధన చేశాడు.. ఎందరినో కలిశాడు. ఎన్నో చూశాడు. కానీ ఏదీ నచ్చలేదు. తన ఆలోచనలకు దగ్గరగా ఏదీ తగల్లేదు. చివరకు డగ్లస్ టంబ్లర్‌ను సంప్రదించాడు. ఆయన గ్రేట్ ఆప్టికల్ సైంటిస్ట్. డగ్లస్ కొంత టైమ్ అడిగాడు. కొంత టైమ్ అంటే సుమారు ఏడాది అన్నమాట.
  
   అంత టైమ్ తీసుకున్నా, దర్శకుడు కుబ్రిక్ మనసులో ఏది అనుకున్నాడో అది చేసి చూపించాడు. జూపిటర్ గేట్‌లో మనిషి కొట్టుకుపోతూ ఉంటే, ఆ ప్రయాణం ఎలా ఉంటుందో అద్భుతంగా చేసి చూపించాడు. డగ్లస్ టంబ్లర్ పనితనం చూసి డంగైపోయాడు స్టీవెన్ స్పీల్‌బర్గ్. 1977లో తాను తీసిన ‘క్లోజ్ ఎన్‌కౌంటర్స్ ఆఫ్ ది మేన్ వైండ్’కి ఆయన డగ్లస్‌తో వర్క్ చేయించుకున్నాడు. సినిమా చివర్లో తల్లి గర్భంలోని యాంబ్రియోలో ఉన్న చిన్న పిండం అలా పైకి చూస్తూ ఉంటుంది.
  
   ఎదురుగా బ్లాక్, బ్లాక్‌గా వెళుతుంది మోనోలిత్. వెళుతున్నప్పుడు మ్యూజిక్ ఎంత బావుంటుందో!
  వ్యక్తిగతంగా నాకు దర్శకుడు స్టాన్లీ కుబ్రిక్ అంటే ఆరాధన. ఒక రకంగా ఆయనకు ఏకలవ్య శిష్యుణ్ణి. నేను చెన్నైలో సినిమాటోగ్రాఫర్ వీఎస్సార్ స్వామి గారి దగ్గర కెమేరా అసిస్టెంట్‌గా పని చేస్తున్నప్పుడు, కుబ్రిక్ తీసిన ‘బారీ లిండన్’ చూశా. దానికి జాన్ ఆల్కాట్ సినిమాటోగ్రాఫర్. ఇందులో ఫొటోగ్రఫీకి ఆస్కార్ అవార్డు కూడా వచ్చింది. మామూలుగా క్యాండిల్ లైట్ షాట్స్ ఎలా తీస్తారంటే - కొవ్వొత్తి లోపల డొల్లగా ఉంచి లోపల ఎలక్ట్రిక్ లైట్స్ పెడతారు. కానీ ఈ సినిమా మాత్రం ఒరిజినల్ క్యాండిల్ వెలుగులోనే షాట్స్ తీశారు.
  
  ‘2001: ఎ స్పేస్ ఒడిస్సీ’ చిత్రం నాటికి హైస్పీడ్ లెన్స్‌లు, కెమేరాలు లేవు. అయినా గొప్ప షాట్స్ తీశారు. అంతరిక్షంలో వాడటానికి డెవలప్ చేసిన లైట్‌ని తీసుకొచ్చి, మూవీ కెమేరాకు అరేంజ్ చేసి కొన్ని షాట్స్ తీశారు. అందుకే చాలామంది టెక్నీషియన్లకు కుబ్రిక్ అంటే అభిమానం. స్టిల్ ఫొటోగ్రాఫర్ స్థాయి నుంచి గ్రేట్ ఫిలిం మేకర్‌గా ఎదిగినవాడాయన. ‘2001: ఎ స్పేస్ ఒడిస్సీ’కి ముందు ఆయన 10 సినిమాలు తీశాడు. ఈ సినిమా చూశాక ఆయన గురించి తెలుసుకోవడం మొదలుపెట్టా. ఆయన సినిమాలన్నీ కాలాని కన్నా ముందుండే ఆలోచనలతో ఉంటాయి. ‘స్పార్టకస్’ (1960) ఆయన తీసిందే. మైకేల్ డగ్లస్ తండ్రి పిర్క్ డగ్లస్ అందులో హీరో. దీన్నే తర్వాత ‘గ్లాడియేటర్’గా తీశారు.
  
   మామూలుగా ఎవరైనా ‘ఐస్ వైడ్ క్లోజ్’ అంటారు. ఆయనేమో ‘ఐస్ వైడ్ షట్’ అంటూ 1999లో సినిమా తీశాడు. అదే ఆయన చివరి మూవీ.నేనిప్పుడు వైజాగ్‌లో ఫిల్మ్ అకాడమీ రన్ చేస్తున్నా. అక్కడి స్టూడెంట్స్‌కి కచ్చితంగా ఈ ‘2001: ఎ స్పేస్ ఒడిస్సీ’ సినిమా చూడమనే చెబుతున్నా. మా తరం వాళ్లు, ఈ తరం వాళ్లే కాదు... నెక్ట్స్ జనరేషన్ వాళ్లూ ఈ సినిమా చూడాలి.ఈ సినిమాలో హైలైట్స్ ఏంటని అడిగితే చెప్పడం కష్టం. ఎందుకంటే - ఈ సినిమా అణువణువూ అద్భుతమే. స్టోరీ, మేకింగ్, టెక్నాలజీ, ముఖ్యంగా ‘ఫిలాసఫీ’. ఇలా అన్నీ అద్భుతమే. అయితే.. ఇది మామూలు వాళ్లకు అందకపోవచ్చు. అర్థం కాకపోవచ్చు. బుర్రకు పదును పెట్టాలనుకునేవారందరికీ నచ్చి తీరుతుంది. కానీ కొంచెం ఓపిగ్గా చూడాలి. ఈమధ్య వచ్చిన ‘అవతార్’, ‘ఇంటర్‌స్టెల్లార్’... వీటన్నిటికీ తాత ఇది.
  
  వండర్‌ఫుల్ మూవీ... గ్రేట్ మూవీ... ఎక్స్‌ట్రార్డినరీ మూవీ... ఆలోచింపజేసే మూవీ... ఇలా ఈ సినిమాకు ఎన్ని విశేషణాలు తగిలించినా తక్కువే. సినిమా చూస్తే... మీరు కూడా నాతో ఏకీభవిస్తారు! విడుదలైనప్పుడు ఈ చిత్రానికి అటు ప్రేక్షకులు, ఇటు విమర్శకుల నుంచి మిశ్రమ స్పందన వచ్చింది. కాలక్రమంలో ఆణిముత్యంగా పేరు తెచ్చుకొని, బాక్సాఫీస్ హిట్టయింది. 1968లో ఉత్తర అమెరికాలో అత్యధిక వసూళ్ళు సాధించిన సినిమాగా నిలిచింది. నాలుగు ఆస్కార్ అవార్డులకు నామినేటైన ఈ సినిమా ‘విజువల్ ఎఫెక్ట్స్’ విభాగంలో ఆస్కార్ గెలుచుకుంది. సినీ చరిత్రలోనే అత్యంత ప్రభావశీలమైన, అతి గొప్ప చిత్రాల్లో ఇది ఒకటని ఇవాళ ప్రపంచమంతా దీన్ని గుర్తిస్తోంది.
  
  సినీ దర్శకుడు కాకముందు స్టాన్లీ కుబ్రిక్ ఫ్రీలాన్స్ ఫొటోగ్రాఫర్. ‘లుక్’ అనే పత్రికకు ఫొటోలిచ్చేవారు. ఆ తర్వాత స్నేహితుల ప్రోత్సాహంతో కొన్ని డాక్యుమెంటరీ మూవీస్ తీశారు. అలాగే, ఓ టీవీ షోకి సెకండ్ యూనిట్ డెరైక్టర్‌గా కూడా చేశారు. 1953లో ‘ఫియర్ అండ్ డిజైర్ ’ చిత్రంతో వెండితెర దర్శకునిగా మారారు. స్టాన్లీ సినిమాలన్నీ కాలాని కన్నా ముందుండే ఆలోచనలతో ఉంటాయి. పలు వివాదాస్పద అంశాలతో కూడా ఆయన సినిమాలు తీసి,  భేష్ అనిపించుకున్నారు. స్టాన్లీ తీసిన చివరి చిత్రం ‘ఐస్ వైడ్ షట్’ 1999 జూలైలో  విడుదలైంది. ఆ చిత్రం విడుదల కాకముందే మార్చిలో ఆయన కన్నుమూశారు.
  
  సంభాషణ:
  పులగం చిన్నారాయణ
  


 హాలీవుడ్ మూవీ ‘ట్రాన్స్‌ఫార్మర్స్ 4: ఏజ్ ఆఫ్ ఎక్స్‌టింక్షన్’ గ్లోబల్ బాక్సాఫీస్‌ను షేక్ చేసింది. గత ఏడాది విడుదలైన వాటిల్లో అత్యధికంగా వసూళ్లు చేసిన సినిమాగా చరిత్ర సృష్టించింది. 100 హయ్యస్ట్ గ్రాసింగ్ ఇంటర్నేషనల్ ఫిల్మ్స్‌లో టాప్ స్థానం దక్కించుకుంది. మొత్తం 845.3 మిలియన్ డాలర్లను వసూలు చేసి సంచలనం రేపింది.
 
 84 దేశాల్లో రిలీజ్ అయిన ఏంజలినా జోలీ ‘మేలెఫిసెంట్’ 516.8 మిలియన్ డార్లతో రెండో స్థానంలో నిలిచింది. ‘ఎక్స్‌మ్యాన్: డేస్ ఆఫ్ ఫ్యూచర్ పాస్ట్’ 514.2 మిలియన్ డాలర్లు వసూలు చేసి తరువాతి స్థానం దక్కించుకుంది. డిస్నీ ‘ఫ్రోజన్, అమేజింగ్ స్పైడర్‌మ్యాన్ 2’ సినిమాలు నాలుగు, ఐదు ప్లేసులకు పరిమితమయ్యాయి.


 ఇంటర్నెట్ మూవీ డేటా బేస్(ఐఎమ్‌డీబీ)ని ప్రతి రోజూ విశ్వవ్యాప్తంగా 1.6 కోట్లమంది సందర్శిస్తారు. రివ్యూలు, ఫోటో గ్యాలరీలు, డౌన్‌లోడ్ లింకులతో సహా దాదాపు ఇరవై లక్షల సినిమాలకు సంబంధించిన సమాచారం ఉంటుంది ఇందులో! ఇలాంటి నేపథ్యమున్న సైట్‌లో గత పదిహేను సంవత్సరాలుగా ఒకే చిత్రం ‘ద బెస్ట్’ గా నిలుస్తోంది! వేలాది చిత్రాల మధ్య అది టాపర్‌గా నిలుస్తోంది.
 
 హాలీవుడ్ సినిమాలకు సంబంధించి అత్యంత విశ్వసనీయమైన సమాచార వాహినిగా ఉన్న ఈ సైట్‌లో ఆ సినిమా ఆధిపత్యాన్ని అందుకునే చిత్రాలు రావడం లేదు.నెటిజన్లే ఓటర్లుగా ఐఎండీబీ ఎంపిక చేసిన అత్యుత్తమ 250 హాలీవుడ్ సినిమాల్లో తొలిస్థానంలో నిలుస్తున్న ఆ చిత్రమే ‘ద షాషాంక్ రెడెంషన్’. 1994 లో విడుదలైన ఈ సినిమా 1998 నుంచి ఇప్పటి వరకూ టాప్ రేటింగ్‌తో తొలిస్థానంలో నిలిచి, కొనసాగుతోంది.  
  
 1990ల ప్రారంభంలో కేవలం ఒక డాలర్ చెల్లించి తను రాసిన కథలను, నవలలను సినిమాగా తీసుకోవచ్చుననే బ్రహ్మాండమైన ఆఫర్‌ను ఇచ్చాడు అమెరికన్ రచయిత స్టీఫెన్ కింగ్. ఆయనేమీ అప్పటికింకా ఔత్సాహిక యువ రచయిత కాదు, ఆయన రాసిన అనేక కథాంశాలు అప్పటికే సినిమాలుగా రూపొంది కోట్లాది డాలర్ల కలెక్షన్లను సాధించాయి!  అప్పటికే రెండు దశాబ్దాలుగా రచయితగా ప్రస్థానం సాగించిన కింగ్ నుంచి వచ్చిన ఆశ్చర్యకరమైన ప్రకటన అది.
 
 ఆ ప్రకటన చాలా మంది హాలీవుడ్ నిర్మాతలకు, దర్శకులకు బంపర్ ఆఫర్ అయ్యింది. అంత వరకూ కింగ్ నవలలను మూస పద్ధతిలో అనేక మంది దర్శక నిర్మాతలు తెరకెక్కిస్తూ వస్తున్న నేపథ్యంలో... తన అక్షరాలను తెరపై సృజించదగిన వారి కోసం కింగ్ ఈ ప్రయత్నం చేశాడనుకోవాలి.  
 
 అద్భుతమైన సినిమాకు తగిన ముడిసరుకు ఉంటుంది కింగ్ రచనల్లో.  జీవితానికి పాజిటివ్ కోట్ వేసి పాత్రచిత్రణ చేస్తారు కింగ్. చాలా వరకూ హారర్ నవలలే రాసిన  స్టీఫెన్‌కింగ్ భిన్నమైన షార్ట్ స్టోరీల్లో ఒకటి ‘రీటా హేవర్త్ అండ్ షాషాంక్ రెడెంషన్’. కింగ్ అభిమాని అయిన దర్శకుడు ఫ్రాంక్  డరబోంట్ ఆ ఒక్క డాలర్ ఆఫర్ కింద ఈ షార్ట్‌స్టోరీని ఎంచుకొని సినిమాగా రూపొందించాడు.
  రెండు దశాబ్దాల పాటు జైలు జీవితం గడిపిన ఒక వ్యక్తి కథే ఈ సినిమా. భార్య హత్య గురించి చేయని నేరానికి హీరో ‘రెండు జీవితాల ఖైదు’ అనుభవించాలని శిక్ష విధిస్తుంది కోర్టు.
 
 అతడిని ‘షాషాంక్’ అనే జైలుకు తరలిస్తారు. అక్కడి పరిస్థితుల మధ్య జైలును సంస్కరించడానికి, అక్కడ జరుగుతున్న అక్రమాలను ప్రభుత్వం దృష్టికి తీసుకురావడానికి అతడు చేసే ప్రయత్నాల కథే మిగతా సినిమా. హీరో పాత్రద్వారా ఎక్కడా నిరుత్సాహం, నిస్తేజం ఆవరించకుండా పరిస్థితులకు తగ్గట్టుగా జీవితాన్ని మలుచుకోవడాన్ని పాఠంగా చూపిస్తారు.
 
 ‘ఫియర్ కెన్ హోల్డ్ యూ ప్రిజనర్, హోప్ కెన్ సెట్ యూ ఫ్రీ’  అనే ట్యాగ్‌లైన్ ఈ చిత్రం జీవితానికి అద్దే పాజిటివ్ నెస్‌ను ప్రతిబింబిస్తుంది. ఆశావాహ దృక్పథం గురించి అద్భుత స్థాయిలో ఆవిష్కరించిన ఈ సినిమా గాడ్‌ఫాదర్, గాడ్‌ఫాదర్-2 తదితర చిత్రాలన్నింటినీ దాటుకుని ఐఎండీబీలో ఫస్ట్‌ప్లేస్‌కు చేరుకుంది. సినిమా రూపంలో కూడా ప్రపంచం ఆశావాహ దృక్పథాన్నే ఆదరిస్తుందనేదానికి నిరూపణే ‘ద షాషాంక్ రిడెంషన్’
  - జీవన్