న్యూఢిల్లీ: బీమా రంగంలో 100 శాతం విదేశీ ప్రత్యక్ష పెట్టుబడులకు (ఎఫ్‌డీఐ) వీలు కల్పించే సవరణ బిల్లును వచ్చే వర్షకాల సమావేశాల్లో పార్లమెంట్‌ ముందుంచనున్నట్టు విశ్వసనీయ వర్గాల సమాచారం. ముసాయిదా బిల్లు సిద్ధమైందని, త్వరలోనే కేబినెట్‌ ఆమోదం తీసుకోనున్నట్టు తెలిపాయి. కేబినెట్‌ ఆమోదం అనంతరం పార్లమెంటులో బిల్లును ప్రవేశపెట్టే ప్రక్రియను ఆర్థిక వ్యవహారాల విభాగం మొదలు పెడుతుందని పేర్కొన్నాయి. పార్లమెంటు వర్షకాల సమావేశాలు సాధారణంగా జూలైలో ఆరంభం అవుతుంటాయి. ప్రస్తుతం బీమా రంగంలో 74 శాతం మేర ఎఫ్‌డీఐలకు అనుమతి ఉండగా, 100 శాతానికి పెంచే ప్రతిపాదనను 2025–26 బడ్జెట్‌లో ప్రతిపాదించడం గమనార్హం. బీమా సవరణ చట్టంలో ఎఫ్‌డీఐ పెంపుతోపాటు మూలధన నిధుల అవసరాలను తగ్గించడం, కాంపోజిట్‌ లైసెన్స్‌ తదితర ప్రతిపాదనలు చోటుచేసుకోనున్నాయి. బ్రోకర్లు సైతం ఒకటికి మించిన బీమా కంపెనీల ఉత్పత్తుల విక్రయానికి అవకాశం లభించనుంది.

న్యూఢిల్లీ: సరఫరా వ్యవస్థల్లో సర్దుబాట్లు, విదేశీ ప్రత్యక్ష పెట్టుబడులకు సంబంధించి వైవిధ్యమైన వనరులు, ఇన్వెస్టర్లలో నెలకొన్న ఆసక్తి తదితర అంశాలతో భారత్‌కు ప్రయోజనాలు చేకూరగలవని ఏప్రిల్‌ బులెటిన్‌లో రిజర్వ్‌ బ్యాంక్‌ వెల్లడించింది. సరీ్వసుల ఎగుమతులు నిలకడగా నమోదవుతుండటం, రెమిటెన్సులు మెరుగ్గా ఉండటం.. కరెంటు అకౌంటుకు కాస్త బాసటగా నిలుస్తున్నాయని వివరించింది. పాలసీపరమైన మద్దతు ఉంటే అంతర్జాతీయంగా నెలకొన్న ఒడిదుడుకులను భారత్‌ తనకు అవకాశంగా మల్చుకునేందుకు వీలవుతుందని పేర్కొంది. వాణిజ్యం, టారిఫ్‌లపరమైన ఉద్రిక్తతలు పెరగడం, ఫలితంగా ఆర్థిక మార్కెట్లలో తీవ్ర ఒడిదుడుకులు తలెత్తడం వల్ల సమీప భవిష్యత్తులో ప్రపంచ వృద్ధి బలహీనపడుతుందేమోనన్న ఆందోళన నెలకొందని ఆర్‌బీఐ వివరించింది. ఇతర దేశాల్లో డిమాండ్‌ బలహీనపడటం వల్ల భారత ఆర్థిక వృద్ధిపై ప్రతికూల ప్రభావం పడినా.. దేశీయంగా వృద్ధి చోదకాలుగా ఉంటున్న వినియోగం, పెట్టుబడులపై మాత్రం ప్రభావం పెద్దగా ఉండదని పేర్కొంది. 2025లో వర్షపాతం సాధారణంగా కన్నా మెరుగ్గా ఉంటుందనే అంచనాలతో వ్యవసాయ రంగం ఆశావహంగా కనిపిస్తోందని, దీనితో రైతుల ఆదాయాలు పెరిగి, ఆహార ధరలు అదుపులో ఉండవచ్చని రిజర్వ్‌ బ్యాంక్‌ వివరించింది. ’బ్యాంక్‌డాట్‌ఇన్‌’ డొమైన్‌కు మార్పు .. బ్యాంకులు ప్రస్తుతం తాము ఉపయోగిస్తున్న డొమైన్‌ నుంచి ’బ్యాంక్‌డాట్‌ఇన్‌’ డొమైన్‌కి మారే ప్రక్రియను ప్రారంభించాలని రిజర్వ్‌ బ్యాంక్‌ సూచించింది. ఈ ఏడాది అక్టోబర్‌ 31 నాటికి దీన్ని పూర్తి చేయాలని పేర్కొంది. డిజిటల్‌ పేమెంట్స్‌ మోసాల ఉదంతాలు పెరుగుతున్న నేపథ్యంలో భారతీయ బ్యాంకులన్నింటికీ ఈ ప్రత్యేక డొమైన్‌నే వినియోగంలోకి తేవాలని ఆర్‌బీఐ నిర్ణయించింది.

న్యూఢిల్లీ: ప్రపంచ ఆర్థిక అనిశ్చితుల ప్రభావంతో భారత్‌లో విదేశీ ప్రత్యక్ష పెట్టుబడులు (ఎఫ్‌డీఐ) తగ్గుముఖం పట్టాయి. ప్రస్తుత ఆర్థిక సంవత్సరం మూడో త్రైమాసికం (2024–25, క్యూ3)లో ఎఫ్‌డీఐలు 5.6 శాతం తగ్గి 10.6 బిలియన్‌ డాలర్లుగా నమోదయ్యాయి. క్రితం ఏడాది ఇదే క్వార్టర్‌లో దేశంలోకి 11.55 బిలియన్‌ డాలర్ల విలువైన ఎఫ్‌డీఐలు వచ్చాయి. పరిశ్రమలు, అంతర్గత వాణిజ్య ప్రోత్సాహక విభాగం (డీపీఐఐటీ) విడుదల చేసిన గణాంకాల్లో ఇతర ముఖ్యాంశాలివీ.. → 2024–25 జూలై–సెపె్టంబర్‌ త్రైమాసికంలో 13.6 బిలియన్‌ డాలర్ల ఎఫ్‌డీఐలు నమోదయ్యాయి. వార్షికంగా 43 శాతం పెరిగాయి. → ఏప్రిల్‌–డిసెంబర్‌ తొమ్మిది నెలల కాలానికి చూస్తే 27 శాతం ఎగసి, 40.67 డాలర్లను తాకాయి. 2023–24 ఇదే కాలంలో దేశంలోకి వచి్చన ఎఫ్‌డీఐల విలువ 32 బిలియన్‌ డాలర్లు. → ఈక్విటీ పెట్టుబడులు, తిరిగి ఇన్వెస్ట్‌ చేసిన లాభాలు, ఇతర మూలధన పెట్టుబడులు తొలి తొమ్మిది నెలల్లో 21.3 శాతం వృద్ధితో 62.48 బిలియన్‌ డాలర్లకు ఎగబాకాయి. అంతక్రితం ఏడాది ఇదే కాలంలో ఇవి 51.5 బిలియన్‌ డాలర్లుగా ఉన్నాయి. → భారీగా ఎఫ్‌డీఐ ఈక్విటీ పెట్టబడులు వెచి్చంచిన దేశాల్లో సింగపూర్‌ (12 బిలియన్‌ డాలర్లు), అమెరికా (3.73 బి.డాలర్లు), నెదర్లాండ్స్‌ (4 బి.డాలర్లు), యూఏఈ (4.14 బి.డాలర్లు), సైప్రస్‌ (1.8 బి.డాలర్లు) నిలిచాయి. → మారిషస్, జపాన్, యూకే, జర్మనీ నుంచి ఎఫ్‌డీఐలు క్షీణించాయి. → రంగాల వారీగా చూస్తే, సేవల రంగ కంపెనీలకు తొలి 9 నెలల్లో అత్యధికంగా 7.22 బిలియన్‌ డాలర్లు లభించాయి. → పునరుత్పాదక రంగం 3.5 బిలియన్‌ డాలర్ల విదేశీ నిధులను ఆకర్షించింది. → మహారాష్ట్ర అత్యధికంగా 16.65 బిలియన్‌ డాలర్లను చేజిక్కించుకోగా, తర్వాత స్థానాల్లో కర్నాటక (4.5 బిలియన్‌ డాలర్లు), గుజరాత్‌ (5.56 బిలియన్‌ డాలర్లు) ఉన్నాయి.

దేశంలోకి మరిన్ని విదేశీ ప్రత్యక్ష పెట్టుబడులను (FDI) ఆకట్టుకోవాలని కేంద్ర ప్రభుత్వం భావిస్తోంది. ఇందుకు అనుగుణంగా కొన్ని రంగాలలో విధానాలను సవరించాలని యోచిస్తోంది. తద్వారా మరిన్ని ఎఫ్‌డీఐలకు దారి చూపాలని చూస్తున్నట్లు ప్రభుత్వ అధికారి ఒకరు తాజాగా పేర్కొన్నారు.ఈ బాటలో వివిధ ప్రభుత్వ శాఖలు, నియంత్రణ సంస్థలు, పారిశ్రామిక సహచర సంస్థలు, అడ్వయిజరీ, న్యాయ సంస్థలు, పెన్షన్‌ ఫండ్స్, ప్రయివేట్‌ ఈక్విటీ(పీఈ) సంస్థలు, వెంచర్స్‌ క్యాపిటల్‌(వీసీ) ఫండ్స్‌ తదితరాలతో అంతర్గత వాణిజ్యం, పారిశ్రామిక ప్రోత్సాహక శాఖ(డీపీఐఐటీ) సమావేశాన్ని ఏర్పాటు చేసింది. తద్వారా దేశీయంగా మరిన్ని విదేశీ పెట్టుబడులను ఆకర్షించుకునేందుకు అభిప్రాయాలు, సూచనలకు ఆహ్వానం పలికింది.వెరసి వివిధ శాఖలు, విభాగాలతో చర్చలు పూర్తిచేసినట్లు ప్రభుత్వ అధికారి వెల్లడించారు. దీంతో విభిన్న సమస్యలపై సలహాలు, సూచనలు అందుకున్నట్లు తెలియజేశారు. అయితే ఇంతవరకూ ఏ అంశాలపైనా తుది నిర్ణయాలకు రాలేదని తెలియజేశారు. నిబంధనలు, విధానాలను సరళతరం చేయడంపై ప్రస్తుతం దృష్టి సారించినట్లు వివరించారు. కాగా.. ఏఏ రంగాలపై ప్రత్యేక దృష్టి పెట్టిందీ వెల్లడించలేదు.

న్యూఢిల్లీ: ఆర్థిక మంత్రి సీతారామన్‌ తాజా బడ్జెట్‌లో బీమా రంగానికి పూర్తిస్థాయిలో మద్దతిచ్చారు. బీమా రంగంలో 100 శాతం విదేశీ ప్రత్యక్ష పెట్టుబడుల(ఎఫ్‌డీఐలు)ను అనుమతించేందుకు ప్రతిపాదించారు. ప్రస్తుతం బీమాలో 74 శాతంవరకూ ఎఫ్‌డీఐలకు అనుమతి ఉంది. ఆధునికతరం ఫైనాన్షియల్‌ రంగ సంస్కరణలలో భాగంగా ఇందుకు తెరతీశారు. అయితే మొత్తం ప్రీమియంను దేశీయంగా ఇన్వెస్ట్‌ చేసే కంపెనీలకు మాత్రమే పెంచిన పరిమితి వర్తించనున్నట్లు సీతారామన్‌ పేర్కొన్నారు. వెరసి విదేశీ పెట్టుబడుల పరిమితులను సమీక్షించడంతోపాటు సరళతరం చేసినట్లు వెల్లడించారు. ఎఫ్‌డీఐ పరిమితి పెంపునకు వీలుగా ప్రభుత్వం బీమా చట్టం 1938, జీవిత బీమా చట్టం 1956, బీమా నియంత్రణ, అభివృద్ధి అ«దీకృత చట్టం 1999లకు సవరణలు చేయనుంది. మరిన్ని సంస్థలు ప్రవేశించడం ద్వారా బీమా విస్తృతి పెరగడంతోపాటు భారీ ఉద్యోగ అవకాశాలకు తెరలేవనుంది. కొన్ని నిబంధనలు, విధానాలను సరళతరం చేసే ముసాయిదా బిల్లు త్వరలో పార్లమెంట్‌లో ప్రవేశపెట్టనున్నట్లు వెల్లడించారు. ప్రస్తుతం 25 జీవిత బీమా, 34 సాధారణ బీమా కంపెనీలు దేశీయంగా కార్యకలాపాలు నిర్వహిస్తున్నాయి. కాగా.. ఇంతక్రితం 2021లో బీమా రంగంలో ఎఫ్‌డీఐల పరిమితిని 49 శాతం నుంచి 74 శాతానికి ప్రభుత్వం హెచ్చించింది. అంతకుముందు 2015లో 26 శాతం నుంచి 49 శాతానికి పెంచేందుకు అనుమతించింది.

న్యూఢిల్లీ: ఈ దశాబ్దం చివరినాటికి ఎలక్ట్రిక్‌ వెహికిల్స్‌ (ఈవీ) పరిశ్రమ దేశంలో ఎనిమిది రెట్లు దూసుకెళ్తుందని ప్రధాన మంత్రి నరేంద్ర మోదీ తెలిపారు. దశాబ్ద కాలంలో ఈవీల విక్రయాలు 640 రెట్లు పెరిగాయని అన్నారు. 10 ఏళ్ల క్రితం ఏటా 2,600 యూనిట్ల ఈవీలు అమ్ముడయ్యాయని, గత ఏడాది ఈ సంఖ్య 16.8 లక్షల యూనిట్లు దాటిందని వివరించారు. భారత్‌ మొబిలిటీ గ్లోబల్‌ ఎక్స్‌పో–2025ను ప్రారంభించిన సందర్భంగా శుక్రవారం ఆయన ప్రసంగించారు. ఏడాదికి 2.5 కోట్ల వాహనాల అపూర్వ అమ్మకాలను చూసిందని, కేవలం నాలుగు సంవత్సరాలలో ఈ పరిశ్రమ 36 బిలియన్‌ డాలర్ల విదేశీ ప్రత్యక్ష పెట్టుబడులను ఆకర్షించిందని వెల్లడించారు. పర్యావరణ అనుకూల సాంకేతికత, ఎలక్ట్రిక్‌ వాహనాలు, హైడ్రోజన్‌ ఇంధనం, జీవ ఇంధనాల అభివృద్ధిపై భారత్‌ దృష్టి సారిస్తోందని మోదీ అన్నారు. మేక్‌ ఇన్‌ ఇండియా చొరవతో.. మొబిలిటీ రంగంలో భవిష్యత్తును రూపొందించుకోవాలని చూస్తున్న ప్రతి పెట్టుబడిదారుడికి అత్యుత్తమ గమ్యస్థానంగా భారత్‌ నిలుస్తుందని ప్రధాని తెలిపారు. పెట్టుబడిదారులకు ప్రభుత్వం నుంచి పూర్తి మద్దతు ఉంటుందని ఈ సందర్భంగా హామీ ఇచ్చారు. బ్యాటరీ స్టోరేజ్‌ వ్యవస్థలో పెట్టుబడులకు ఇదే సరైన సమయమని చెప్పారు. మేక్‌ ఇన్‌ ఇండియా చొరవ దేశ ఆటో పరిశ్రమ వృద్ధి అవకాశాలకు ఆజ్యం పోస్తోందని, ఈ రంగం అభివృద్ధిలో భారీ పాత్ర పోషించిందని గుర్తు చేశారు. ఆర్థిక వ్యవస్థకు, పర్యావరణానికి తోడ్పడే మొబిలిటీ వ్యవస్థ కోసం ప్రభుత్వం కృషి చేస్తోందని చెప్పారు. భారతీయ ఆటో రంగం వృద్ధికి, మధ్యతరగతి కుటుంబాల కలలను నెరవేర్చడంలో రతన్‌ టాటా, ఒసాము సుజుకీ సహకారం ఎంతో ఉందని మోదీ అన్నారు.టాటా.. 32 కొత్త వాహనాలు టాటా మోటార్స్‌ ఆటో ఎక్స్‌పో వేదికగా ప్యాసింజర్, కమర్షి యల్‌ విభాగంలో 32 కొత్త వాహనాలతోపాటు వివిధ ఇంటెలిజెంట్‌ సొల్యూషన్స్‌ను ఆవిష్కరించింది. వీటిలో ఆరు ఎలక్ట్రిక్‌ వాహనాలు ఉన్నాయి. టాటా సియర్రా ఎస్‌యూవీ, హ్యారియర్‌ ఈవీతోపాటు అవిన్యా కాన్సెప్ట్‌ ఈవీ సైతం కొలువుదీరింది. అవిన్యా శ్రేణిలో తొలి మోడల్‌ 2026లో రంగ ప్రవేశం చేసే అవకాశం ఉంది.సుజుకీ ఈ–యాక్సెస్‌ 95 కిలోమీటర్లు సుజుకీ తాజాగా భారత్‌ వేదికగా అంతర్జాతీయ మార్కెట్లో యాక్సెస్‌ ఎలక్ట్రిక్‌ వర్షన్‌ను ఆవిష్కరించింది. ఒకసారి చార్జింగ్‌ చేస్తే 95 కిలోమీటర్లు ప్రయాణించడం ఈ–యాక్సెస్‌ ప్రత్యేకత. 3.07 కిలోవాట్‌ అవర్‌ ఎల్‌ఎఫ్‌పీ బ్యాటరీ ప్యాక్‌ను పొందుపరిచారు. గరిష్ట వేగం గంటకు 71 కిలోమీటర్లు. చార్జింగ్‌ పూర్తి కావడానికి 240 వాట్‌ పోర్టబుల్‌ చార్జర్‌తో 6 గంటల 42 నిముషాలు, ఫాస్ట్‌ చార్జర్‌తో 2 గంటల 12 నిమిషాలు పడుతుంది. పండుగ సీజన్‌ మార్కెట్లోకి రానుంది. కాగా, యాక్సెస్‌ 125 అప్‌గ్రేడెడ్‌ వెర్షన్‌తోపాటు జిక్సర్‌ ఎస్‌ఎఫ్‌ 250 ఫ్లెక్స్‌ ఫ్యూయల్‌ మోడళ్లను పరిచయం చేసింది.ఇక జేఎస్‌డబ్ల్యూ బ్రాండ్‌ వాహనాలు విభిన్న రంగాల్లో ఉన్న జేఎస్‌డబ్ల్యూ గ్రూప్‌ సొంత బ్రాండ్‌లో కార్స్, ట్రక్స్, బస్‌ల తయారీలోకి ప్రవేశించనున్నట్టు ప్రకటించింది. ఇందుకోసం ఒక బిలియన్‌ డాలర్ల పెట్టుబడులు చేయనున్నట్టు జేఎస్‌డబ్ల్యూ ఎంజీ మోటార్‌ ఇండియా డైరెక్టర్‌ పార్థ్‌ జిందాల్‌ వెల్లడించారు. సాంకేతిక భాగస్వామ్యం కోసం వివిధ కంపెనీలతో చర్చలు జరుపుతున్నట్టు జిందాల్‌ చెప్పారు. జేఎస్‌డబ్ల్యూ బ్రాండ్‌ తొలి వాహనం 2027–2028లో రోడ్లపైకి వస్తుందన్నారు.మారుతీ ఈ–విటారా రేంజ్‌ 500 కి.మీమారుతీ సుజుకీ ఇండియా నుంచి ఎట్టకేలకు తొలి ఎలక్ట్రిక్‌ ఎస్‌యూవీ ఈ–విటారా కొలువుదీరింది. 49, 61 కిలోవాట్‌ అవర్‌ బ్యాటరీ ఆప్షన్స్‌లో ఇది లభిస్తుంది. 61 కిలోవాట్‌ అవర్‌ బ్యాటరీ వేరియంట్‌ ఒకసారి చార్జింగ్‌ చేస్తే 500 కిలోమీటర్లకుపైగా పరుగుతీయనుందని కంపెనీ వెల్లడించింది. ఫ్లోటింగ్‌ డ్యూయల్‌ స్క్రీన్స్, లెవెల్‌–2 అడాస్, ఏడు ఎయిర్‌బ్యాగ్స్‌ పొందుపరిచారు. 300 ఎన్‌ఎం టార్క్‌ అందించే ఆల్‌ వీల్‌ డ్రైవ్‌ వర్షన్‌ సైతం ఉంది. ప్రపంచ మార్కెట్‌కు ఈ–విటారా కార్లను మారుతీ సుజుకీ వచ్చే 10 ఏళ్లపాటు ప్రత్యేకంగా సరఫరా చేయనుండడం విశేషం. ఈ–విటారా తయారీ, ప్రత్యేకంగా ఈవీ ప్రొడక్షన్‌ లైన్‌ కోసం రూ.2,100 కోట్లకుపైగా పెట్టుబడి చేసినట్టు మారుతీ సుజుకీ ఇండియా ఎండీ హిసాటీ టాకేయూచీ వెల్లడించారు. కాగా, ‘ఈ ఫర్‌ మీ’ పేరుతో పూర్థిస్థాయిలో ఈవీ వ్యవస్థ ఏర్పాటుకు మారుతీ శ్రీకారం చుట్టింది. టాప్‌–100 నగరాల్లోని డీలర్‌షిప్స్‌ వద్ద ఫాస్ట్‌ చార్జింగ్‌ స్టేషన్లు అందుబాటులోకి తెస్తారు. ప్రతి 5–10 కిలోమీటర్లకు ఒక చార్జింగ్‌ స్టేషన్‌ ఉండాలన్నది కంపెనీ లక్ష్యం. అలాగే 1,000కిపైగా నగరాల్లో ఈవీల కోసం ప్రత్యేకంగా 1,500ల పైచిలుకు సరీ్వస్‌ సెంటర్లను నెలకొల్పుతారు. కొత్తగా 1.5 లక్షల మందికి.. మేక్‌ ఇన్‌ ఇండియా కార్యక్రమానికి ఉత్పత్తి ఆధారిత ప్రోత్సాహకాల (పీఎల్‌ఐ) పథకం వెన్నుదన్నుగా నిలిచిందని, తద్వారా పరిశ్రమకు అదనంగా రూ.2.25 లక్షల కోట్ల అమ్మకాలు తోడయ్యాయని నరేంద్ర మోదీ అన్నారు. వాహన రంగంలో కొత్తగా 1.5 లక్షల మందికి ప్రత్యక్ష ఉపాధి అవకాశాలను ఈ పథకం తెచి్చపెట్టిందని వెల్లడించారు. శిలాజ ఇంధనాల దిగుమతిపై దేశ వ్యయాలను తగ్గించే వ్యవస్థను రూపొందిస్తున్నట్టు తెలిపారు. ప్రయాణ సౌలభ్యం భారత్‌కు అతిపెద్ద ప్రాధాన్యతగా ఉందని, గత బడ్జెట్‌లో మౌలిక సదుపాయాల అభివృద్ధికి రూ.11 లక్షల కోట్లకు పైగా నిధులు కేటాయించామన్నారు. భారత ఆటోమొబైల్‌ రంగం గత ఏడాది 12% వృద్ధి చెందిందని వివరించారు. భారత్‌ మొబిలిటీ గ్లోబల్‌ ఎక్స్‌పో జనవరి 22 వరకు కొనసాగనుంది. ఆటోమొబైల్, విడిభాగాలు, సాంకేతికతల్లో 100కుపైగా నూతన ఆవిష్కరణలకు ఎక్స్‌పో వేదిక కానుంది.

న్యూఢిల్లీ: దేశంలోకి వచ్చే విదేశీ ప్రత్యక్ష పెట్టుబడుల్లో గణనీయమైన పెరుగుదల ఉన్నట్టు కేంద్ర వాణిజ్య మంత్రి పీయూష్‌ గోయల్‌ ప్రకటించారు. భారత్‌ను పెట్టుబడులకు గొప్ప కేంద్రంగా మధ్య ప్రాచ్యం, జపాన్, ఐరోపా యూనియన్‌ (ఈయూ), యూఎస్‌ గుర్తిస్తున్నట్టు చెప్పారు. ఇది లక్షలాది కొత్త ఉద్యోగాలకు దారితీస్తున్నట్టు తెలిపారు. వేగవంతమైన ఆర్థిక వృద్ధి ఇందుకు మద్దతుగా నిలుస్తున్నట్టు పేర్కొన్నారు. దేశీ మార్కెట్‌ బలంగా ఉండడం, నైపుణ్య, మేధో వనరుల లభ్యత, చట్టాలకు కట్టుబడి ఉండడం, స్పష్టమైన నియంత్రణలు సానుకూల వ్యాపార వాతావరణం, వ్యాపార సులభ నిర్వహణకు వీలైన ప్రగతిశీల విధానాలు.. అంతర్జాతీయ ఇన్వెస్టర్లను ఆకర్షిస్తున్నట్టు మంత్రి గోయల్‌ చెప్పారు. ‘‘ప్రపంచంలోనే ఒకానొక పెద్ద ఫండ్‌ నిర్వహణ సంస్థ సీఈవోతో గత నెలలో యూఎస్‌లో భేటీ అయ్యాను. అదే సంస్థ భారత్‌లోనూ భారీ పెట్టుబడులు కలిగి ఉంది. గడిచిన పదేళ్ల కాలంలో భారత్‌లోని తమ పెట్టుబడులు తమ ఫండ్స్‌ చేసిన పెట్టుబడుల్లో అత్యుత్తమ పనితీరు చూపించినట్టు నాతో పంచుకున్నారు. గత 20 ఏళ్ల నుంచి భారత్‌లో ఇన్వెస్టర్లుగా ఉన్నప్పటికీ, 80 శాతం పెట్టుబడులు ఇటీవలి సంవత్సరాల్లోనే పెట్టినట్టు చెప్పారు. భారత్‌లో పెట్టుబడులు పెట్టి 20 ఏళ్ల అయిన సందర్భాన్ని పురస్కరించుకుని, భారత్‌కు వచ్చి మరో విడత పెట్టుబడుల ప్రణాళికలను ప్రకటించనున్నట్టు ప్రకటించారు’’ అని గోయల్‌ తను అనుభవాలను వెల్లడించారు. భారత స్టాక్‌ మార్కెట్‌ చక్కని పనితీరు భారీగా ఫ్‌ఐఐ పెట్టుబడులను ఆకర్షిస్తున్నట్టు చెప్పారు. ప్రతి నెలా రూ.38వేల కోట్లు.. అంతర్జాతీయంగా ఎన్నో సవాళ్లు నెలకొన్నప్పటికీ ప్రతి నెలా సగటున 4.5 బిలియన్‌ డాలర్ల (రూ.38,000 కోట్లు) ఎఫ్‌డీఐలు గడిచిన ఏడాది కాలంగా భారత్‌లోకి వస్తుండడం గమనార్హం. గతేడాది జనవరి నుంచి సెప్టెంబర్‌ మధ్య ఎఫ్‌డీఐ 42 శాతం పెరిగి 42 బిలియన్‌ డాలర్లకు చేరాయి. ప్రస్తుత ఆర్థిక సంవత్సరం మొదటి ఆరు నెలల్లో (ఏప్రిల్‌–సెపె్టంబర్‌)నూ ఎఫ్‌డీఐలు 45 శాతం పెరిగి 29.79 బిలియన్‌ డాలర్లుగా ఉన్నాయి. 2023–24 ఆర్థిక సంవత్సరంలో మొత్తం 71.28 బిలియన్‌ డాలర్ల ఎఫ్‌డీఐని భారత్‌ ఆకర్షించింది. సేవల రంగాలు, కంప్యూటర్‌ సాఫ్ట్‌వేర్, హార్డ్‌వేర్, టెలికం, ట్రేడింగ్, నిర్మాణం, ఆటోమొబైల్, కెమికల్స్, ఫార్మాస్యూటికల్స్‌ రంగాలు ఎక్కువ ఎఫ్‌డీఐలను రాబడుతున్నాయి.

హైదరాబాద్, బిజినెస్‌ బ్యూరో: భారత ఫార్మాస్యూటికల్‌ రంగంలోకి విదేశీ ప్రత్యక్ష పెట్టుబడులు (ఎఫ్‌డీఐ) వెల్లువెత్తుతున్నాయి. 2024–25 మొదటి అర్ధభాగంలో ఎఫ్‌డీఐలు నాలుగురెట్లకుపైగా దూసుకెళ్లి 520 మిలియన్‌ డాలర్లు నమోదయ్యాయి. గత ఆర్థిక సంవత్సరం ఏప్రిల్‌–సెప్టెంబర్‌లో ఎఫ్‌డీఐ ఈక్విటీ 117 మిలియన్‌ డాలర్లు మాత్రమే. 2000 ఏప్రిల్‌ నుండి 2024 సెప్టెంబర్‌ వరకు డ్రగ్స్, ఫార్మాస్యూటికల్స్‌ రంగంలోకి వచ్చిన విదేశీ నిధులు 23.05 బిలియన్‌ డాలర్లు. ఇది ఈ కాలంలో దేశంలోకి వచ్చిన మొత్తం విదేశీ ప్రత్యక్ష పెట్టుబడుల్లో 3.25 శాతానికి సమానం. గతేడాది ఇదే కాలంతో పోలిస్తే 2024 సెప్టెంబరుతో ముగిసిన రెండవ త్రైమాసికంలో విదేశీ నిధులు దాదాపు పది రెట్లు వృద్ధిని నమోదు చేశాయి. 2024 జూలై నుండి సెప్టెంబర్‌ వరకు 284 మిలియన్‌ డాలర్ల ఎఫ్‌డీఐలు వెల్లువెత్తాయి. 2023 సెప్టెంబర్‌ త్రైమాసికంలో ఇది కేవలం 27 మిలియన్‌ డాలర్లు మాత్రమే. ప్రస్తుత ఆర్థిక సంవత్సరం ఏప్రిల్‌–జూన్‌ త్రైమాసికంలో 162 శాతం వృద్ధితో ఎఫ్‌డీఐలు 236 మిలియన్‌ డాలర్లు నమోదయ్యాయి. గతేడాది ఇదే కాలంలో ఇది 90 మిలియన్‌ డాలర్లుగా ఉంది. డీవోపీకి ఆ బాధ్యతలు..వాణిజ్య, పరిశ్రమల మంత్రిత్వ శాఖ గణాంకాల ప్రకారం 2023–24 ఆర్థిక సంవత్సరంలో భారత ఫార్మాస్యూటికల్‌ రంగంలోకి 1.06 బిలియన్‌ డాలర్ల విదేశీ ప్రత్యక్ష పెట్టుబడులు వచ్చాయి. ఇది 2022–23 ఆర్థిక సంవత్సరంలో 2.06 బిలియన్‌ డాలర్లు. 2021–22లో 1.41 బిలియన్‌ డాలర్లు నమోదైంది. ఫార్మాస్యూటికల్స్‌ రంగంలో నూతనంగా స్థాపించే ప్రాజెక్టులకు విదేశీ పెట్టుబడులు ఆటోమేటిక్‌ రూట్‌లో 100 శాతం వరకు అనుమతిస్తారు. ఇప్పటికే ఉన్న ఫార్మాస్యూటికల్‌ ప్రాజెక్ట్‌లకు 74 శాతం దాటే విదేశీ పెట్టుబడులకు ప్రభుత్వ అనుమతి తప్పనిసరి. 2017 మే నెలలో ఫారిన్‌ ఇన్వెస్ట్‌మెంట్‌ ప్రమోషన్‌ బోర్డ్‌ను (ఎఫ్‌ఐపీబీ) రద్దు చేసిన తర్వాత ప్రభుత్వ ఆమోదం మార్గంలో విదేశీ పెట్టుబడుల ప్రతిపాదనలను పరిశీలించేందుకు డిపార్ట్‌మెంట్‌ ఆఫ్‌ ఫార్మాస్యూటికల్‌కు (డీవోపీ) ఆ బాధ్యతలను అప్పగించారు. అలాగే వైద్య పరికరాల రంగానికి సంబంధించిన ఎఫ్‌డీఐ ప్రతిపాదనలను సైతం ఈ డిపార్ట్‌మెంట్‌ పరిశీలిస్తుంది.

న్యూఢిల్లీ: విదేశీ ప్రత్యక్ష పెట్టుబడుల (ఎఫ్‌డీఐ) నిబంధనలను సరళీకరించడం, స్మార్ట్‌ పారిశ్రామిక టౌన్‌షిప్‌లు, టైర్‌–2, 3 పట్టణాల్లో రంగాల వారీ ప్రత్యేకమైన పారిశ్రామిక పార్క్‌ల ఏర్పాటుపై ప్రభుత్వం దృష్టి సారించిందని పరిశ్రమల ప్రోత్సాహక విభాగం (డీపీఐఐటీ) కార్యదర్శి అమర్‌దీప్‌ సింగ్‌ భాటియా తెలిపారు. దేశ పారిశ్రామికీకరణకు ఈ చర్యలు ఊతమిస్తాయన్నారు.ఫిక్కీ వార్షిక సమావేశంలో భాగంగా మాట్లాడారు. పలు శాఖల మద్దతుతో పారిశ్రామికాభివృద్ధికి అనుకూల ఎకోసిస్టమ్‌ను ఏర్పాటు చేస్తున్నట్టు చెప్పారు. జాతీయ పారిశ్రామిక నవడా కార్యక్రమం, ఉత్పత్తి అనుసంధానిత ప్రోత్సాహక పథకం (పీఎల్‌ఐ), వ్యాపార సులభతర నిర్వహణ సంస్కరణలు పారిశ్రామికాభివృద్ధికి వీలు కల్పించినట్టు భాటియా తెలిపారు. విద్యుదీకరణ పారిశ్రామికీకరణను వేగవంతం చేసిందని భారీ పరిశ్రమల శాఖ కార్యదర్శి కరమ్‌ రిజ్వి ఇదే కార్యక్రమంలో భాగంగా అన్నారు.తయారీలో పోటీతత్వం, దేశీయ వాటాను పెంచేందుకు తీసుకుంటున్న చర్యలను ప్రస్తావించారు. ప్రైవేటు పెట్టుబడులు అన్నవి దేశీయ డిమాండ్‌కు అనుగుణంగా ఉండాలని ఫిక్కీ వైస్‌ ప్రెసిడెంట్, ఆర్‌పీజీ గ్రూప్‌ చైర్మన్‌ అనంత్‌ గోయెంకా అన్నారు. రంగాల వారీ పారిశ్రామిక పార్క్‌లు ఎంతో మార్పును తీసుకురాగలవన్నారు. కాకపోతే స్థానికంగా, విదేశాల్లోని ప్రత్యేక ఆర్థిక మండళ్ల (సెజ్‌లు) నుంచి పాఠాలను పరిగణనలోకి తీసుకోవాలని, తయారీ రంగంలో పోటీతత్వాన్ని పెంచాలని సూచించారు.

న్యూఢిల్లీ: అంతరిక్ష రంగంలో విదేశీ పెట్టుబడులను మరింతగా ఆకర్షించే దిశగా కేంద్రం చర్యలు తీసుకుంటోంది. ఇందులో భాగంగా మూడు కేటగిరీల కింద ఉపగ్రహాల తయారీ, శాటిలైట్‌ లాంచ్‌ వాహనాలు తదితర విభాగాల్లోకి వంద శాతం వరకు విదేశీ ప్రత్యక్ష పెట్టుబడులను (ఎఫ్‌డీఐ) అనుమతించేలా నిబంధనలను సవరిస్తూ నోటిఫికేషన్‌ను జారీ చేసింది. దీని ప్రకారం ఉపగ్రహాల తయారీ, శాటిలైట్‌ డేటా ఉత్పత్తులు మొదలైన విభాగాల్లో  74 శాతం వరకు ఎఫ్‌డీఐలను అనుమతిస్తారు. అది దాటితే ప్రభుత్వం నుంచి అనుమతులు తీసుకోవాల్సి ఉంటుంది. మరోవైపు, లాంచ్‌ వెహికల్స్, వాటికి సంబంధించిన సిస్టమ్స్, స్పేస్‌క్రాఫ్ట్‌ల ప్రయోగం కోసం స్పేస్‌పోర్టుల ఏర్పాటు వంటి విభాగాల్లో 49 శాతం వరకు విదేశీ ప్రత్యక్ష పెట్టుబడులకు అనుమతి ఉంటుంది. ఉపగ్రహాల విడిభాగాలు, సిస్టమ్స్‌/సబ్‌–సిస్టమ్స్‌ మొదలైన వాటి తయారీలో 100 శాతం ఎఫ్‌డీఐలను అనుమతిస్తారు. ఇప్పటివరకు ఉన్న పాలసీ ప్రకారం ఉపగ్రహాల తయారీ కార్యకలాపాల్లో ఎఫ్‌డీఐలకు ప్రభుత్వ అనుమతి తప్పనిసరిగా ఉంటోంది. కొత్త సవరణలకు కేంద్ర క్యాబినెట్‌ ఈ ఏడాది తొలి నాళ్లలోనే ఆమోదముద్ర వేసింది. వీటికి సంబంధించి కేంద్ర అంతరిక్ష విభాగం ఇన్‌–స్పేస్, ఇస్రో, ఎన్‌ఎస్‌ఐఎల్‌ వంటి పరిశ్రమ వర్గాలతో సంప్రదింపులు జరిపింది. మస్క్‌ పర్యటన నేపథ్యంలో.. అమెరికన్‌ ఎలక్ట్రిక్‌ కార్ల తయారీ దిగ్గజం టెస్లా చీఫ్‌ ఎలాన్‌ మస్క్‌ వచ్చే వారం భారత్‌లో పర్యటించనున్న సందర్భంలో తాజా పరిణామం ప్రాధా న్యం సంతరించుకుంది. వేల కొద్దీ ఉపగ్రహాలతో ప్రపంచంలో ఎక్కడైనా హై–స్పీడ్‌ ఇంటర్నెట్‌ను అందించేలా ఎలాన్‌ మస్క్‌ తలపెట్టిన శాటిలైట్‌ ఇంటర్నెట్‌ ప్రాజెక్టు స్టార్‌లింక్‌కు ప్రస్తుతం అనుమతులను జారీ చేసే ప్రక్రియ తుది దశలో ఉంది. ఏప్రిల్‌ 21, 22 తేదీల్లో భారత్‌లో పర్యటించనున్న మస్క్‌ .. ప్రధాని నరేంద్ర మోదీతో పాటు పలు భారతీయ స్పేస్‌ కంపెనీలతో కూడా సమావేశం కానున్నారు.

న్యూఢిల్లీ: అంతరిక్ష రంగంలో విదేశీ ప్రత్యక్ష పెట్టుబడుల (ఎఫ్‌డీఐ) నిబంధనలను సడలించడంతో స్పేస్‌ స్టార్టప్‌లకు మరింత ఊతం లభించగలదని విశ్లేషకులు అభిప్రాయపడ్డారు. లాంచ్‌ వెహికల్స్, ఉపగ్రహాల తయారీ, అసెంబ్లింగ్‌ మొదలైన విభాగాల్లో అంకుర సంస్థలకు ప్రోత్సాహం దక్కగలదని పేర్కొన్నారు. అలాగే, భారతీయ కంపెనీలు అంతర్జాతీయ అంతరిక్ష రంగ సరఫరా వ్యవస్థల్లో మరింతగా భాగం అయ్యేందుకు కూడా ఇది తోడ్పడగలదని డెలాయిట్‌ పార్ట్‌నర్‌ శ్రీరామ్‌ అనంతశయనం, నాంగియా ఆండర్సన్‌ ఇండియా డైరెక్టర్‌ మయాంక్‌ ఆరోరా తదితరులు చెప్పారు. అంతరిక్ష రంగంలో పెట్టుబడులను ఆకర్షించే దిశగా విదేశీ పెట్టుబడులను 100 శాతం అనుమతిస్తూ ఎఫ్‌డీఐ నిబంధనలను కేంద్రం సడలించిన సంగతి తెలిసిందే. వీటి ప్రకారం ఉపగ్రహాల సబ్‌–సెక్టార్‌ను మూడు వేర్వేరు విభాగాలుగా వర్గీకరించారు. ఉపగ్రహాల తయారీ.. కార్యకలాపాలు, శాటిలైట్‌ డేటా ఉత్పత్తులు మొదలైన వాటిలో 74 శాతం వరకు పెట్టుబడులకు ఆటోమేటిక్‌ పద్ధతిలో, అంతకు మించితే ప్రభుత్వ అనుమతులు అవసరమవుతాయి. అలాగే, లాంచ్‌ వెహికల్స్, వాటికి సంబంధించిన సిస్టమ్‌లు మొదలైన వాటిలో 49 శాతం వరకు పెట్టుబడులకు ఆటోమేటిక్‌ పద్ధతిలో అనుమతి ఉంటుంది. అది దాటితే ప్రభుత్వ ఆమోదం ఉండాలి. శాటిలైట్‌ల కోసం విడిభాగాలు, సిస్టమ్స్‌ మొదలైన వాటిలోకి 100 శాతం ఎఫ్‌డీఐలకు అనుమతి ఉంటుంది. గణాంకాల ప్రకారం దేశీయంగా స్పేస్‌ విభాగంలో దాదాపు 200 పైచిలుకు స్టార్టప్‌లు ఉన్నాయి. అంతర్జాతీయ అంతరిక్ష ఎకానమీలో భారత ప్రైవేట్‌ స్పేస్‌ రంగం వాటా కేవలం రెండు శాతంగా ఉంది. 2040 నాటికి ఇది 10 శాతానికి చేరవచ్చని అంచనాలు ఉన్నాయి. 

న్యూఢిల్లీ: పేటీఎం పేమెంట్‌ సరీ్వసెస్‌ లిమిటెడ్‌ (పీపీఎస్‌ఎల్‌)లో చైనా నుంచి వచి్చన విదేశీ ప్రత్యక్ష పెట్టుబడులను (ఎఫ్‌డీఐ) అంతర్‌ మంత్రిత్వ శాఖ కమిటీ పరిశీలనలో ఉన్నట్టు తెలుస్తోంది. ‘పేమెంట్‌ అగ్రిగేటర్‌’ లైసెన్స్‌ కోసం పీపీఎస్‌ఎల్‌ 2020 నవంబర్‌లో దరఖాస్తు పెట్టుకుంది. 2022 నవంబర్‌లో ఈ దరఖాస్తును ఆర్‌బీఐ తిరస్కరించింది. ఎఫ్‌డీఐ మార్గదర్శకాల్లోని ప్రెస్‌నోట్‌ 3 నిబంధనలను పాటించడం ద్వారా తిరిగి దరఖాస్తు చేసుకోవాలని సూచించింది. ఇందుకోసం కంపెనీలో ఎఫ్‌డీఐలకి కేంద్రం అనుమతి పొందాల్సి ఉంటుందని స్పష్టం చేసింది. పేటీఎం మాతృ సంస్థ వన్‌97 కమ్యూనికేషన్స్‌ (ఓసీఎల్‌)లో చైనాకు చెందిన యాంట్‌ గ్రూప్‌కు వాటాలు ఉన్నాయి. ఆర్‌బీఐ సూచన మేరకు ఎఫ్‌డీఐ ప్రెస్‌ నోట్‌3 నిబంధనలను అనుసరించి, ఓసీఎల్‌లో చైనా ఎఫ్‌డీఐకి ఆమోదం కోసం పేటీఎం 2022 డిసెంబర్‌ 14న దరఖాస్తు చేసుకుంది. అప్పటి నుంచి ఇది కేంద్ర ప్రభుత్వం వద్ద అపరిష్కృతంగానే ఉంది. పీపీఎస్‌ఎల్‌లో చైనా పెట్టుబడులను అంతర్‌మంత్రిత్వ శాఖ కమిటీ అధ్యయనం చేస్తోందని, సంప్రదింపులు, విస్తృత పరిశీలన అనంతరం నిర్ణయం తీసుకుంటుందని ఈ వ్యవహారం తెలిసిన వర్గాలు తెలిపాయి. భారత్‌తో భూ సరిహద్దులను పంచుకునే దేశాల నుంచి వచ్చే ఎఫ్‌డీఐలకి ముందస్తు ఆమోదం తప్పనిసరి అంటూ కేంద్ర సర్కారు లోగడ నిబంధనలు తీసుకువచి్చంది. 2020లో చైనా–భారత్‌ బలగాల మధ్య గల్వాన్‌ లోయ ఘర్షణ తర్వాత ఈ కఠిన వైఖరికి మళ్లింది. యూజర్ల నుంచి పూర్తి మద్దతు: పేటీఎం మరోవైపు, పేటీఎం పేమెంట్స్‌ బ్యాంక్‌ (పీపీబీఎల్‌) వివాదం ఎలా ఉన్నా .. యూజర్ల నుంచి తమకు పూర్తి మద్దతు లభిస్తోందని పేటీఎం ఒక బ్లాగ్‌పోస్టులో తెలిపింది. వారికి ఎటువంటి ఆటంకాలు లేకుండా సరీ్వసులను కొనసాగిస్తామని ధీమా వ్యక్తం చేసింది. నిబంధనల ఉల్లంఘన ఆరోపణలతో ఫిబ్రవరి 29 నుంచి దాదాపు అన్ని సేవలు నిలిపివేయాలంటూ పీపీబీఎల్‌ను ఆర్‌బీఐ ఆదేశించిన సంగతి తెలిసిందే. దరఖాస్తు చేసుకున్నాం.. ఆన్‌లైన్‌ పేమెంట్‌ అగ్రిగేటర్‌ కోసం దరఖాస్తు చేసుకున్నట్టు పేటీఎం అధికార ప్రతినిధి స్పష్టం చేశారు. గతంలో పేటీఎంలోకి వచి్చన ఎఫ్‌డీఐకి సంబంధించి తప్పనిసరి అనుమతులు పొందాలని ఆర్‌బీఐ సూచించినట్టు తెలిపారు. ‘‘ఇది నియంత్రపరమైన ప్రక్రియ. పేమెంట్‌ అగ్రిగేటర్‌ లైసెన్స్‌ కోసం దరఖాస్తు చేసుకునే ఎవరైనా కానీ, ఎఫ్‌డీఐ ఆమోదం పొందాల్సిందే’’అని చెప్పారు. ఈ నిబంధనలను అనుసరించి అన్ని రకాల పత్రాలతో నియంత్రణ సంస్థ వద్ద దరఖాస్తు సమరి్పంచినట్టు తెలిపారు. ఇది పరిష్కారం అయ్యేంత వరకు, కొత్త వరక్తులను చేర్చుకోకుండా, అప్పటికే చేరిన వర్తకులకు పేమెంట్‌ సేవలు అందించడానికి అనుమతి ఉంటుంది. ‘‘కంపెనీలో యాజమాన్య రూపం మారిపోయింది. పేటీఎం వ్యవస్థాపకుడు (శర్మ) ఇప్పడు కంపెనీలో 24.3 శాతం వాటాతో అతిపెద్ద వాటాదారుగా ఉన్నారు. ఓసీఎల్‌లో యాంట్‌ ఫైనాన్షియల్‌ పెట్టుబడి 10 శాతంలోపునకు తగ్గిపోయింది. కనుక పీపీఎస్‌ఎల్‌లో చైనా నుంచి ఎఫ్‌డీఐ అన్నదానికి ప్రస్తుతం అర్థం లేదు’’అని పేటీఎం అధికార ప్రతినిధి స్పష్టం చేశారు.

న్యూఢిల్లీ: భూ సంబంధ సరిహద్దు దేశాల ద్వారా 2020 ఏప్రిల్‌ నుంచి 2023 సెప్టెంబర్‌ వరకూ రూ. లక్ష కోట్ల విలువైన విదేశీ ప్రత్యక్ష పెట్టుబడి ప్రతిపాదనలు నమోదయ్యాయి. వీటిలో 50 శాతానికి ప్రభుత్వం నుంచి ఆమోదముద్ర లభించింది. మిగిలిన సగం ప్రతిపాదనల్లో పెండింగ్‌ లేదా ఉపసంహరణ లేదా తిరస్కరణకు గురై ఉండవచ్చని ప్రభుత్వ అధికారి ఒకరు పేర్కొన్నారు. కోవిడ్‌–19 మహమ్మారి కారణంగా భూ సరిహద్దు దేశాల నుంచి లభించే ఎఫ్‌డీఐలకు ముందస్తు అనుమతిని తప్పనిసరి చేస్తూ కేంద్రం 2020 ఏప్రిల్‌లో పత్రికా ప్రకటన విడుదల చేసింది. తద్వారా దేశీ కంపెనీల టేకోవర్‌ అవకాశాలకు చెక్‌ పెట్టింది. చైనా, బంగ్లాదేశ్, పాకిస్తాన్, భూటాన్, నేపాల్, మయన్మార్, ఆఫ్ఘనిస్తాన్‌లతో దేశానికి భూ సంబంధ సరిహద్దులున్న సంగతి తెలిసిందే. వెరసి ఈ దేశాల నుంచి తరలివచ్చే ఎఫ్‌డీఐల ద్వారా దేశీయంగా ఏ రంగంలోనైనా పెట్టుబడులు చేపట్టేందుకు అనుమతులు తప్పనిసరిగా మారాయి. ఈ నిబంధనల తదుపరి రూ. లక్ష కోట్ల ప్రతిపాదనలురాగా.. 50 శాతం పెట్టుబడులకు ప్రభుత్వం ఆమోదముద్ర వేసింది. భారీ మెషీనరీ తయారీ, ఆటోమొబైల్, ఆటో విడిభాగాలు, కంప్యూటర్‌ సాఫ్ట్‌వేర్, హార్డ్‌వేర్, ట్రేడింగ్, ఈకామర్స్, తేలికపాటి ఇంజినీరింగ్, ఎలక్ట్రికల్‌ విభాగాలలో అత్యధిక ఎఫ్‌డీఐ ప్రతిపాదనలు నమోదయ్యాయి. సమీక్షా కాలంలో చైనా నుంచి 2.5 బిలియన్‌ డాలర్ల విలువైన ఎఫ్‌డీఐ ఈక్విటీ ప్రతిపాదనలురాగా.. నేపాల్‌ నుంచి 4.5 మిలియన్‌ డాలర్లు, మయన్మార్‌ నుంచి 9 మిలియన్‌ డాలర్లు చొప్పున లభించాయి.

న్యూఢిల్లీ: ప్రస్తుత ఆర్థిక సంవత్సరం(2023–24) తొలి ఆరు నెలలలో విదేశీ ప్రత్యక్ష పెట్టుబడులు(ఎఫ్‌డీఐలు) 24 శాతం వెనకడుగు వేశాయి. వెరసి ఏప్రిల్‌–సెప్టెంబర్‌లో 20.48 బిలియన్‌ డాలర్లకు పరిమితమయ్యాయి. కంప్యూటర్‌ హార్డ్‌వేర్, సాఫ్ట్‌వేర్, టెలికం, ఆటో, ఫార్మా రంగాలలో పెట్టుబడులు తగ్గడం ఇందుకు కారణమైనట్లు ప్రభుత్వ గణాంకాలు పేర్కొన్నాయి. గతేడాది(2022–23) తొలి అర్ధభాగంలో 26.91 బిలియన్‌ డాలర్ల విదేశీ పెట్టుబడులు లభించాయి. గతేడాది చివరి త్రైమాసికం(జనవరి–మార్చి)లోనూ ఎఫ్‌డీఐలు దాదాపు 41 శాతం క్షీణించి 9.28 బిలియన్‌ డాలర్లను తాకాయి. కాగా.. ఈ ఏడాది ఏప్రిల్, మే, జూన్, జులై, ఆగస్ట్‌లలో పెట్టుబడులు నీరసించగా.. సెప్టెంబర్‌లో మాత్రం పుంజుకుని 4.08 బిలియన్‌ డాలర్లకు చేరాయి. గతేడాది సెప్టెంబర్‌లో ఇవి 2.97 బిలియన్‌ డాలర్లు మాత్రమే. పరిశ్రమలు, అంతర్గత వాణిజ్య ప్రోత్సాహక శాఖ(డీపీఐఐటీ) విడుదల చేసిన గణాంకాలివి.  పెట్టుబడుల తీరిలా  ఈ ఏడాది తొలి ఆరు నెలల్లో ఈక్విటీ, ఆర్జనను తిరిగి ఇన్వెస్ట్‌ చేయడం, ఇతర మూలధన పెట్టుబడులు 16 శాతం తగ్గి 32.9 బిలియన్‌ డాలర్లకు పరిమితమయ్యాయి. గతేడాది ఏప్రిల్‌–సెప్టెంబర్‌లో 38.94 బిలియన్‌ డాలర్ల ఎఫ్‌డీఐలు నమోదయ్యాయి. తాజా సమీక్షా కాలంలో సింగపూర్, మారిషస్, యూఎస్, యూకే, యూఏఈ నుంచి ఈక్విటీ పెట్టుబడులు డీలా పడ్డాయి. అయితే నెదర్లాండ్స్, జపాన్, జర్మనీ నుంచి పెట్టుబడులు పుంజుకోగా.. నిర్మాణ(మౌలిక సదుపాయాలు) కార్యకలాపాలు, కన్‌స్ట్రక్షన్‌ డెవలప్‌మెంట్, మెటలర్జికల్‌ ఇండస్ట్రీలకు ఎఫ్‌డీఐలు పెరిగాయి. రాష్ట్రాలవారీగా చూస్తే తొలి 6 నెలల్లో మహారాష్ట్రకు అత్యధికంగా 7.95 బిలియన్‌ డాలర్ల పెట్టుబడులు ప్రవహించాయి. గతేడాది ఇదే కాలంలో లభించిన 8 బిలియన్‌ డాలర్లతో పోలిస్తే స్వల్పంగా తగ్గాయి. కర్ణాటకకు పెట్టుబడులు 5.32 బిలియన్‌ డాలర్ల నుంచి 2.84 బిలియన్‌ డాలర్లకు క్షీణించాయి. 

న్యూఢిల్లీ: అంతరిక్ష రంగంలోకి మరిన్ని విదేశీ పెట్టుబడులు, ప్రైవేట్‌ సంస్థలను ఆకర్షించే దిశగా కేంద్రం దృష్టి పెట్టింది. ఇందులో భాగంగా విదేశీ ప్రత్యక్ష పెట్టుబడుల (ఎఫ్‌డీఐ) నిబంధనలను మరింత సరళతరం చేయడంపై కసరత్తు చేస్తోంది. దీనికి సంబంధించి అంతర్‌–మంత్రిత్వ శాఖల స్థాయిలో చర్చలు జరుగుతున్నాయని ఒక సీనియర్‌ అధికారి తెలిపారు. అత్యంత వేగంగా ఎదుగుతున్న ఈ రంగంలో విదేశీ సంస్థలు ఇన్వెస్ట్‌ చేసేందుకు పుష్కలంగా అవకాశాలు ఉన్నాయని ఆయన చెప్పారు. ప్రస్తుతం ఉపగ్రహాల సంబంధ కార్యకలాపాల విభాగంలో 100 శాతం ఎఫ్‌డీఐలకు అనుమతి ఉన్నప్పటికీ అది ప్రభుత్వ అనుమతికి లోబడి ఉంటోంది. చంద్రయాన్‌–3 ప్రయోగం విజయవంతమైన నేపథ్యంలో జీ–20 కూటమిలోని మూడు దేశాలు .. అంతరిక్ష రంగంలో భారత్‌తో కలిసి పని చేసే అవకాశాలపై ఆసక్తి వ్యక్తం చేసిన నేపథ్యంలో తాజా అంశాలు ప్రాధాన్యం సంతరించుకున్నాయి. పరిశోధన అభివృద్ధి కార్యకలాపాల కోసం ఉపయోగించే ఉపకరణాల తయారీ మొదలుకుని స్పేస్‌ హార్డ్‌వేర్, టెక్నాలజీ సేవలు మొదలైన వాటి దాకా అనేక అంశాలు అంతరిక్ష రంగ అవసరాల్లో ఉంటాయి. వివిధ నివేదికల ప్రకారం అంతర్జాతీయంగా అంతరిక్ష రంగం పరిమాణం 546 బిలియన్‌ డాలర్లుగా ఉంది. 2040 నాటికి ఇది 1 లక్షల కోట్ల డాలర్లకు చేరనుంది. సాంకేతిక పురోగతి, వ్యయ నియంత్రణ చర్యలు మొదలైనవి ఇందుకు దోహదపడనున్నాయి.   

న్యూఢిల్లీ: ఇటీవల కెనడా, భారత్‌ మధ్య దౌత్య సంబంధ వివాదాలు తలెత్తిన నేపథ్యంలో పెట్టుబడుల రాకపై పెద్దగా ప్రభావం పడకపోవచ్చని విశ్లేషణలు వెలువడుతున్నాయి. రెండు దేశాల మధ్య వాణిజ్య సంబంధాలలో వెనువెంటనే ప్రతికూల పరిస్థితులు ఏర్పడకపోవచ్చని ఇన్వెస్టర్ల ఫోరమ్‌.. సావరిన్‌ వెల్త్‌ ఫండ్‌ ఇన్‌స్టిట్యూట్‌(ఎస్‌డబ్ల్యూఎఫ్‌ఐ) పేర్కొంది. రెండు దేశాల మధ్య రాజకీయ సంబంధాలు కొంతమేర దెబ్బతిన్నప్పటికీ విదేశీ ప్రత్యక్ష పెట్టుబడులు(ఎఫ్‌డీఐలు) వంటి అంశాలు పెద్దగా ప్రభావితం కాకపోవచ్చని అభిప్రాయపడింది. నిజానికి 2000 ఏప్రిల్‌ నుంచి 2023 మార్చి మధ్య కాలంలో కెనడా నుంచి దేశీయంగా 3.64 బిలియన్‌ డాలర్ల(సుమారు రూ. 30,212 కోట్లు) ఎఫ్‌డీఐలు ప్రవహించాయి. వెరసి ఎఫ్‌డీఐల రాకలో కెనడా 17వ ర్యాంకులో నిలిచినట్లు ఇన్వెస్ట్‌ ఇండియా పేర్కొంది. కెనడియన్‌ పెట్టుబడుల్లో సరీ్వసులు, మౌలికసదుపాయాల పెట్టుబడులు 40.63 శాతంకాగా.. దేశీయంగా 600కుపైగా కంపెనీలు కార్యకలాపాలు కలిగి ఉన్నాయి. ఇంతకంటే అధికస్థాయిలో కెనడా కంపెనీలు దేశీయంగా పెట్టుబడి అవకాశాలను పరిశీలిస్తున్నట్లు తెలుస్తోంది. జీటీఆర్‌ఐ నివేదిక ప్రకారం కెనడియన్‌ పెన్షన్‌ ఫండ్స్‌ 2022 చివరికల్లా దేశీయంగా 45 బిలియన్‌ డాలర్లకుపైగా ఇన్వెస్ట్‌ చేశాయి. తద్వారా ప్రపంచంలోనే నాలుగో అతిపెద్ద ఎఫ్‌డీఐగా కెనడా నిలిచింది. ఫండ్‌ పెట్టుబడుల్లో మౌలిక సదుపాయాలు, పునరుత్పాదక ఇంధనం, టెక్నాలజీ, ఫైనాన్షియల్‌ సర్వీసులున్నాయి. భారీ మార్కెట్‌ కావడం, పెట్టుబడులపై అత్యధిక రిటర్నులు కారణంగా కెనడా పెన్షన్‌ ఫండ్స్‌ దేశీయంగా పెట్టుబడులను కొనసాగించనున్నట్లు జీటీఆర్‌ఐ అభిప్రాయపడింది.   లక్ష కోట్లకుపైగా దేశీయంగా రియలీ్ట, ఎనర్జీ, హెల్త్‌కేర్, ఐటీ తదితర రంగాలలో కెనడియన్‌ పెన్షన్‌ ప్లాన్‌ ఇన్వెస్ట్‌మెంట్‌ బోర్డ్‌(సీపీపీఐబీ) లక్ష కోట్లకుపైగా ఇన్వెస్ట్‌ చేసింది.  సీపీపీఐబీ తాజా గణాంకాల ప్రకారం ఏడాదిక్రితంవరకూ దేశంలో 21 బిలియన్‌ డాలర్ల పెట్టుబడులు పెట్టింది. ఇది ప్రభుత్వ సంస్థ అయినప్పటికీ స్వతంత్ర బోర్డు నిర్వహణలో ఉంటుందని ఎస్‌డబ్ల్యూఎఫ్‌ఐ చైర్మన్‌ లక్ష్మీ నారాయణన్‌ పేర్కొన్నారు. ప్రధానంగా వాటాదారులకు లబ్ది చేకూర్చే లక్ష్యంతో ఇన్వెస్ట్‌ చేస్తుందని తెలియజేశారు. దేశీ స్టార్టప్‌లలో సీపీపీఐబీ పెట్టుబడులు చేపడుతోంది. డెల్హివరీలో 6 శాతం, కొటక్‌ మహీంద్రా బ్యాంక్‌లో 2.68 శాతం, జొమాటోలో 2.42 శాతం, ఇండస్‌టవర్‌లో 2.18 శాతం, పేటీఎమ్‌లో 1.76 శాతం, నైకాలో 1.47 శాతం చొప్పున వాటాలు కలిగి ఉంది. ఈ బాటలో విదేశాలలో లిస్టయిన దేశీ కంపెనీలలోనూ ఇన్వెస్ట్‌ చేసింది. యూఎస్‌ లిస్టెడ్‌ విప్రో, ఇన్ఫోసిస్, ఐసీఐసీఐ బ్యాంకులలో పెట్టుబడులు కలిగి ఉంది. మరికొన్ని ఇతర అన్‌లిస్టెడ్‌ కంపెనీలోనూ వాటాలు పొందినట్లు నారాయణన్‌ తెలియజేశారు.     రెండింటికీ మేలే భారత్, కెనడా సంబంధాలు రెండింటి లబ్ది ఆధారితమై ఉన్నట్లు స్వతంత్ర రీసెర్చర్, కన్సల్టెంట్‌ ప్రతీమ్‌ రంజన్‌ బోస్‌ పేర్కొన్నారు. దీంతో పెట్టుబడులపై వెనువెంటనే ప్రతికూల ప్రభావం పడకపోవచ్చని అంచనా వేశారు. రెండు ఆర్థిక వ్యవస్థలకూ నష్టదాయకం కావడంతో ప్రస్తుత వివాదాలు కొనసాగకపోవచ్చని అభిప్రాయపడ్డారు. దౌత్య మార్గంలో సమస్యలు సర్దుకునే అవకాశమున్నట్లు తెలియజేశారు. దశాబ్దకాలం తదుపరి ఇటీవలే రెండు దేశాల మధ్య విదేశీ వాణిజ్య ఒప్పంద చర్చలకు తెరతీసినట్లు తెలియజేశారు. అయితే రాజకీయ వివాదాలు తలెత్తడంతో తిరిగి నిలిచిపోయినట్లు తెలియజేశారు. 2022లో కెనడాకు తొమ్మిదో ర్యాంకు విదేశీ వాణిజ్య భాగస్వామిగా భారత్‌ నిలిచిన విషయాన్ని ఈ సందర్భంగా ప్రస్తావించారు. అధిక రిటర్నులు దౌత్యపరమైన ప్రస్తుత ఉద్రిక్తతలు రెండు దేశాల మధ్య పెట్టుబడులను దెబ్బతీయకపోవచ్చని ప్రభుత్వ అత్యున్నత అధికారి ఒకరు అభిప్రాయపడ్డారు.  దేశీయంగా అత్యధిక రిటర్నులు లభిస్తుండటంతో కెనడియన్‌ పెన్షన్‌ ఫండ్స్‌ మౌలిక సదుపాయాల రంగంలో భారీగా ఇన్వెస్ట్‌ చేస్తున్నట్లు తెలియజేశారు. అధిక లాభాలను పొందుతున్నందునే దేశీయంగా ఇన్వెస్ట్‌ చేస్తున్నట్లు పేర్కొన్నారు. వెరసి ప్రస్తుత పరిస్థితుల కారణంగా పెట్టుబడులు వెనక్కి మళ్లేందుకు కారణాలు కనిపించడంలేదని వ్యాఖ్యానించారు. త్వరలోనే వివాదాలు పరిష్కారంకావచ్చని ఆశిస్తున్నట్లు చెప్పారు. ఫండ్స్‌ పెట్టుబడులపై ప్రపంచంలో మరెక్కడా ఈ స్థాయి రిటర్నులు పొందలేకపోవచ్చని స్పష్టం చేశారు.

న్యూఢిల్లీ: అంతరిక్ష(స్పేస్‌) సంబంధ రంగాలకు దన్నునిస్తూ కేంద్ర ప్రభుత్వం తాజాగా విదేశీ ప్రత్యక్ష పెట్టుబడి(ఎఫ్‌డీఐ) నిబంధనలను మరింత సరళీకరించింది. తద్వారా స్పేస్‌ విభాగంలో మరిన్ని విదేశీ పెట్టుబడులకు వీలు చిక్కనుంది. తాజా సవరణలతో స్పేస్‌ సంబంధ పరిశ్రమల్లో భారీ పెట్టుబడులకు వీలున్నట్లు పరిశ్రమలు, అంతర్గత వాణిజ్య ప్రోత్సాహక శాఖ(డీపీఐఐటీ) సెక్రటరీ రాజేష్‌ కుమార్‌ సింగ్‌ పేర్కొన్నారు. ప్రధానంగా సౌదీ అరేబియా కంపెనీలు ఏవియేషన్, ఫార్మా, బల్క్‌ డ్రగ్స్, రెనెవబుల్‌ ఎనర్జీ, ఫుడ్‌ ప్రాసెసింగ్, అగ్రిటెక్‌ తదితర రంగాలలో ఇన్వెస్ట్‌ చేసేందుకు వీలుంటుందని తెలియజేశారు. అంతేకాకుండా ఏఐ, రోబోటిక్స్, సైబర్‌ సెక్యూరిటీ, ఆటోమేషన్‌ తదితర విభాగాలలో భారీస్థాయిలో సాంకేతిక సహకారాలకు తెరలేవనున్నట్లు అభిప్రాయపడ్డారు. స్పేస్‌ రంగంలో ప్రయివేట్‌ పెట్టుబడులతోపాటు.. విదేశీ పెట్టుబడులకూ అవకాశం కలి్పంచేలా నిబంధనలను మరింత సరళీకరించే యోచనలో ఉన్నట్లు వెల్లడించారు. సౌదీ అరేబియా ఇన్వెస్ట్‌మెంట్‌ సదస్సు సందర్భంగా సింగ్‌ ఇంకా పలు అంశాలను పేర్కొన్నారు. ప్రస్తుతం స్పేస్‌ రంగంలో శాటిలైట్స్‌ ఎస్టాబ్లిష్‌మెంట్‌ అండ్‌ ఆపరేషన్స్‌ విభాగంలో ప్రభుత్వ అనుమతి ద్వారా 100 శాతం ఎఫ్‌డీఐలకు వీలుంది. కాగా.. ఇప్పటికే సౌదీ కంపెనీలు సౌర, పవన విద్యుత్‌ రంగంలో పెట్టుబడులు తీసుకువచి్చనట్లు సింగ్‌ ప్రస్తావించారు. ప్రభుత్వం సౌదీ కంపెనీలతో చేతులు కలిపేందుకు చూస్తున్నట్లు తెలియజేశారు. సౌదీ మిలటరీ పరిశ్రమలు, మేకిన్‌ ఇండియా కార్యక్రమాలు కలిసి సంయుక్తంగా రక్షణ ప్రాజెక్టులను చేపట్టేందుకు అవకాశమున్నదని వివరించారు. 2022–23కల్లా రెండు దేశాల మధ్య ద్వైపాక్షిక వాణిజ్యం 52.8 బిలియన్‌ డాలర్లను తాకినట్లు వెల్లడించారు.

న్యూఢిల్లీ: రష్యాకు చెందిన మూడు సంస్థలకు భారతీయ మార్కెట్ల నియంత్రణ సంస్థ సెబీ తాజాగా విదేశీ పోర్ట్‌ఫోలియో ఇన్వెస్టర్‌ (ఎఫ్‌పీఐ) లైసెన్సును జారీ చేసింది. మాస్కో కేంద్రంగా పనిచేసే ఆల్ఫా క్యాపిటల్‌ మేనేజ్‌మెంట్‌ కంపెనీతో పాటు విసెవిలోద్‌ రోజానోవ్‌ అనే ఇన్వెస్టరు ఈ లైసెన్సులను పొందిన జాబితాలో ఉన్నారు. మూడేళ్ల పాటు 2026 వరకు ఇది వర్తిస్తుంది. ఉక్రెయిన్‌పై యుద్ధానికి దిగిన రష్యాపై ఆంక్షలు అమలవుతున్న వేళ ఈ పరిణామం ప్రాధాన్యం సంతరించుకుంది. భారత్‌లో పెట్టుబడులు పెట్టడానికి రష్యా ఇన్వెస్టర్లు ఎఫ్‌పీఐ మార్గాన్ని ఎంచుకోవడం ఇదే ప్రథమం కావచ్చని పరిశమ్ర వర్గాలు తెలిపాయి. ఇప్పటివరకూ వారు ఎక్కువగా విదేశీ ప్రత్యక్ష పెట్టుబడుల (ఎఫ్‌డీఐ) మార్గంలోనే ఇన్వెస్ట్‌ చేస్తున్నట్లు వివరించాయి. డాలరును ఆయుధంగా చేసుకుని రష్యాపై ఆంక్షలను ప్రయోగిస్తుండటమనేది కొత్త ఆర్థిక పరిస్థితులకు దారి తీస్తున్నట్లు జియోజిత్‌ ఫైనాన్షియల్‌ సర్వీసెస్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయకుమార్‌ తెలిపారు. ఈ నేపథ్యంలో రష్యా తాజా ధోరణి ప్రాధాన్యం సంతరించుకున్నట్లు పేర్కొన్నారు.

న్యూఢిల్లీ: గ్లోబల్‌ అనిశ్చితుల నేపథ్యలోనూ రానున్న కాలంలో విదేశీ ప్రత్యక్ష పెట్టుబడులు(ఎఫ్‌డీఐలు) పుంజుకోనున్నట్లు వాణిజ్యం, పరిశ్రమల శాఖ తాజాగా అంచనా వేసింది. సాధారణంగా ఆర్థిక సంవత్సరం చివరి త్రైమాసికం(జనవరి–మార్చి)లో పెట్టుబడులు, ఈక్విటీలకు నిధులు తరలి వస్తుంటాయని పరిశ్రమలు, అంతర్గత వాణిజ్య ప్రోత్సాహక శాఖ(డీపీఐఐటీ) సంయుక్త కార్యదర్శి మన్మీత్‌ కె.నందా పేర్కొన్నారు. కాగా.. ఈ ఏడాది(2022–23) తొలి అర్ధభాగం(ఏప్రిల్‌–సెప్టెంబర్‌)లో ఎఫ్‌డీఐ ఈక్విటీ నిధులు 14 శాతం క్షీణించి 26.9 బిలియన్‌ డాలర్లకు పరిమితమయ్యాయి. డీపీఐఐటీ గణాంకాల ప్రకారం ఈక్విటీ పెట్టుబడులు, రాబడులను తిరిగి ఇన్వెస్ట్‌ చేయడం, ఇతర మూలధనం కలసిన మొత్తం ఎఫ్‌డీఐలు సైతం ఈ కాలంలో 9 శాతం నీరసించి 39 బిలియన్‌ డాలర్లకు చేరాయి. గతేడాది(2021–22) తొలి అర్ధభాగంలో ఇవి 42.86 బిలియన్‌ డాలర్లుగా నమోదయ్యాయి. అంతర్జాతీయ మందగమనం కారణంగా 18 నెలలుగా విదేశీ పెట్టుబడులపై ప్రభావం పడుతున్నట్లు మన్మీత్‌ తెలియజేశారు. అయితే ఇతర దేశాలతో పోలిస్తే ఇండియా మెరుగైన ఫలితాలను సాధిస్తున్నట్లు పేర్కొన్నారు. వెరసి ఇకపై ఊపందుకునే వీలున్నట్లు అభిప్రాయపడ్డారు.

న్యూఢిల్లీ: ఔత్సాహిక వ్యాపారవేత్తలను ప్రోత్సహించేందుకు, స్టార్టప్‌ వ్యవస్థను పటిష్టం చేసేందుకు తీసుకుంటున్న చర్యలతో దేశీ అంకుర సంస్థల్లోకి కొత్త ఏడాది (2023)లో భారీగా విదేశీ పెట్టుబడులు రాగలవని ప్రభుత్వం అంచనా వేస్తోంది. పరిశ్రమలు, అంతర్గత వాణిజ్యం ప్రోత్సాహ విభాగం (డీపీఐఐటీ) కార్యదర్శి అనురాగ్‌ జైన్‌ ఈ విషయం తెలిపారు.  ప్రస్తుతం భారత్‌.. ప్రపంచంలోనే మూడో అతి పెద్ద స్టార్టప్‌ వ్యవస్థగా ఉందని, మన అంకుర సంస్థల పనితీరును బట్టి చూస్తే త్వరలోనే అంతర్జాతీయంగా అగ్ర స్థానానికి చేరుకోగలమని ఆయన ధీమా వ్యక్తం చేశారు. ‘‘గుర్తింపు పొందిన స్టార్టప్స్‌ సంఖ్య గణనీయంగా పెరుగుతోంది. స్టార్టప్స్‌ ఫండ్‌ ఆఫ్‌ ఫండ్స్‌ (ఎఫ్‌ఎఫ్‌ఎస్‌), స్టార్టప్‌ ఇండియా సీడ్‌ ఫండ్‌ పథకాలకు మంచి ఆదరణ ఉంటోంది’’ అని జైన్‌ పేర్కొన్నారు. ప్రభుత్వం సరళతరమైన విదేశీ ప్రత్యక్ష పెట్టుబడుల విధానాన్ని పాటిస్తుండటం కూడా అంకుర సంస్థల్లోకి మరిన్ని పెట్టుబడుల రావడానికి దోహదపడనుందని ఆయన చెప్పారు.  మరోవైపు, ఉత్పాదకత ఆధారిత ప్రోత్సాహక పథకాన్ని (పీఎల్‌ఐ) వినియోగించుకునేందుకు అంతర్జాతీయ సంస్థలు కూడా ఆసక్తిగా ఉన్నాయని జైన్‌ తెలిపారు. పలు గ్లోబల్‌ సంస్థలు తమ తయారీ కార్యకలాపాలను భారత్కు మార్చుకునే యోచనలో ఉన్నాయని ఆయన వివరించారు. 14 రంగాల్లో పీఎల్‌ఐ స్కీములతో రూ. 2.74 లక్షల కోట్ల పెట్టుబడులు రాగలవని అంచనా వేస్తున్నట్లు జైన్‌ చెప్పారు. ఎలక్ట్రానిక్స్‌ తయారీ, ఫార్మా, టెలికం, ఫుడ్‌ ప్రాసెసింగ్‌ మొదలైన రంగాలు పెట్టుబడులు, ఉత్పత్తి/విక్రయాలు, ఉద్యోగాల కల్పనలో కీలకంగా ఉంటున్నాయని ఆయన తెలిపారు.  పథకాల దన్ను  దేశీయంగా నవకల్పనలు, అంకుర సంస్థలు, స్టార్టప్‌ వ్యవస్థలోకి ప్రైవేట్‌ పెట్టుబడులను ప్రోత్సహించేందుకు కేంద్రం 2016 జనవరి 16న స్టార్టప్‌ ఇండియా ప్రణాళికను ఆవిష్కరించింది. గణాంకాల ప్రకారం నవంబర్‌ 30 వరకూ దీని కింద 84,000 పైగా అంకుర సంస్థలు గుర్తింపు పొందాయి. ఇక, స్టార్టప్‌లకు వివిధ దశల్లో అవసరమైన ఆర్థిక తోడ్పాటును అందించేందుకు కేంద్రం ఎఫ్‌ఎఫ్‌ఎస్, స్టార్టప్‌ ఇండియా సీడ్‌ ఫండ్‌ స్కీమ్‌ (ఎస్‌ఐఎస్‌ఎఫ్‌ఎస్‌), రుణ హామీ పథకం (సీజీఎస్‌ఎస్‌) మొదలైనవి అమలు చేస్తోంది. ఎఫ్‌ఎఫ్‌ఎస్‌ కింద 93 ప్రత్యామ్నాయ ఇన్వెస్ట్‌మెంట్‌ ఫండ్స్‌ (ఏఐఎఫ్‌లు) 773 స్టార్టప్స్‌లోకి పెట్టుబడులు పెడుతున్నాయి.  అలాగే, 2021–22లో ప్రవేశపెట్టిన ఎస్‌ఐఎస్‌ఎఫ్‌ఎస్‌ కింద 126 ఇన్‌క్యుబేటర్స్‌లోకి రూ. 455 కోట్ల పెట్టుబడులకు ఆమోదం లభించింది. నవంబర్‌ 30 వరకూ ఈ ఇన్‌క్యుబేటర్స్‌ ద్వారా ఆర్థిక తోడ్పాటు పొందేందుకు 650 స్టార్టప్స్‌ ఆమోదం పొందాయి. ఇక సీజీఎస్‌ఎస్‌ను ప్రస్తుత ఆర్థిక సంవత్సరంలోనే నోటిఫై చేయగా, పైలట్‌ ప్రాతిపదికన అమలు చేస్తున్నారు. 

న్యూఢిల్లీ: విదేశీ ప్రత్యక్ష పెట్టుబడులు (ఎఫ్‌డీఐ) ప్రస్తుత ఆర్థిక సంవత్సరం మొదటి ఆరు నెలల కాలంలో 14 శాతం తగ్గాయి. ఈ కాలంలో 26.9 బిలియన్‌ డాలర్ల (రూ.2.2 లక్షల కోట్లు) ఎఫ్‌డీఐ మన దేశంలోకి వచ్చినట్టు పారిశ్రామిక ప్రోత్సాహక, అంతర్గత వాణిజ్య విభాగం (డీపీఐఐటీ) గణాంకాల ఆధారంగా తెలుస్తోంది. అంతక్రితం ఆర్థిక సంవత్సరం మొదటి ఆరు నెలల్లో వచ్చిన విదేశీ ప్రత్యక్ష పెట్టుబడులు 31.15 బిలియన్‌ డాలర్లుగా ఉండడం గమనించాలి. ప్రస్తుత ఆర్థిక సంవత్సరం మొదటి ఆరు నెలల్లో సింగపూర్‌ నుంచి 10 బిలియన్‌ డాలర్ల ఎఫ్‌డీఐ వచ్చింది. ఆ తర్వాత మారిషస్‌ 3.32  బిలియన్‌ డాలర్లు, యూఏఈ 2.95 బిలియన్‌ డాలర్లు, యూఎస్‌ఏ 2.6 బిలియన్‌ డాలర్లు, నెదర్లాండ్స్‌ 1.76 బిలియన్‌ డాలర్లు, జపాన్‌ నుంచి 1.18 బిలియన్‌ డాలర్ల చొప్పున ఎఫ్‌డీఐ మన దేశంలోకి వచ్చింది. కంప్యూటర్‌ సాఫ్ట్‌వేర్, హార్డ్‌వేర్‌ రంగం అత్యధికంగా 6.3 బిలియన్‌ డాలర్ల ఎఫ్‌డీఐని ఆకర్షించింది. ఆ తర్వాత సేవల రంగ కంపెనీల్లోకి 4.16 బిలియన్‌ డాలర్లు రాగా, ట్రేడింగ్‌ 3.28 బిలియన్‌ డాలర్లు, కెమికల్స్‌ 1.3 బిలియన్‌ డాలర్లు, ఆటోమొబైల్‌ పరిశ్రమ 932 మిలియన్‌ డాలర్లు, నిర్మాణ రంగం 990 మిలియన్‌ డాలర్ల చొప్పున ఎఫ్‌డీఐని రాబట్టాయి.  

న్యూఢిల్లీ: దేశీయ తయారీ రంగం గత ఆర్థిక సంవత్సరంలో రూ.1,70,720 కోట్ల విదేశీ ప్రత్యక్ష పెట్టుబడులను ఆకర్శించింది. అంత క్రితం ఏడాది ఇదే కాలంతో పోలిస్తే ఇది 76 శాతం అధికమని కేంద్ర వాణిజ్య మంత్రిత్వ శాఖ ప్రకటించింది. ‘తయారీలో భారత్‌కు వెల్లువెత్తిన నిధుల్లో 27.01 శాతం వాటాతో సింగపూర్‌ తొలి స్థానంలో నిలిచింది. 17.94 శాతం వాటాతో యూఎస్‌ రెండవ స్థానాన్ని ఆక్రమించింది. వరుసలో మారిషస్, నెదర్లాండ్స్, స్విట్జర్లాండ్‌ నిలిచాయి.కోవిడ్‌ మహమ్మారి, ప్రపంచ పరిణామాలు కొనసాగుతున్నప్పటికీ 2021–22లో భారత్‌ అత్యధికంగా రూ.6.78 లక్షల కోట్ల విదేశీ ప్రత్యక్ష పెట్టుబడులను అందుకుంది’ అని వివరించింది.  చదవండి: Zomato Stock Crash Prediction: జొమాటో షేర్లలో అల్లకల్లోలం, రాకేష్‌ ఝున్‌ఝున్‌ వాలా మాట వింటే బాగుండేదే!

న్యూఢిల్లీ: మెట్రో ఏజీ విదేశీ ప్రత్యక్ష పెట్టుబడుల (ఎఫ్‌డీఐ) నిబంధనలను ఉల్లంఘిస్తూ, నిధులు మళ్లించుకునే క్రమంలో ఉందని అఖిల భారత రిటైలర్ల సమాఖ్య (సీఏఐటీ) తీవ్రో ఆరోపణలు చేసింది. మెట్రో ఏజీ భారత వ్యాపార విభాగం మెట్రో క్యాష్‌ అండ్‌ క్యారీ అనుసరిస్తున్న వ్యాపార విధానాలపై అభ్యంతరాలు లేవనెత్తింది. ఇవి తప్పుడు ఆరోపణలు అని, హాని కలిగించే ఉద్దేశ్యంతో చేస్తున్నవిగా మెట్రో ఏజీ ఖండించింది. మెట్రో ఏజీ 2003లో భారత్‌లోకి ప్రవేశించింది. దేశవ్యాప్తంగా 31 మెట్రో క్యాష్‌ అండ్‌ క్యారీ స్టోర్లను నిర్వహిస్తోంది. భారత్‌లో వ్యాపారాన్ని విక్రయించి వెళ్లిపోయే సన్నాహాల్లో ఉంది. అమెజాన్, రిలయన్స్‌ రిటైల్, సీపీ గ్రూపు తదితర సంస్థలు బిడ్‌ వేసే యోచనతో ఉన్నాయి. ఈ క్రమంలో సీఏఐటీ ఆరోపణలు, అభ్యంతరాలను వ్యక్తం చేయడం ప్రాధాన్యం సంతరించుకుంది.  ‘‘మీడియా కథనాల ప్రకారం మెట్రో జర్మనీ భారత వ్యాపారాన్ని విక్రయించి, తన పెట్టుబడులపై రూ.10,000 కోట్లకు పైగా లాభాలను పొందాలనుకుటోంది. భారత్‌లో గత సంవత్సరాల్లో భారీ లాభాలను సమకూర్చుకున్న మొత్తాన్ని దారి మళ్లించడమే ఇది. మెట్రో ఏజీ క్యాష్‌ అండ్‌ క్యారీ (హోల్‌సేల్‌) రూపంలో బీటుసీ (బిజినెస్‌ టు కస్టమర్‌/రిటైల్‌) వ్యాపారం నిర్వహిస్తోంది. ఇది ఫెమా, జీఎస్‌టీ చట్టాలను ఉల్లంఘించడమే. వ్యవస్థలను అపహాస్యం చేయడం. క్యాష్‌ అండ్‌ క్యారీ వ్యాపారం చేసే సంస్థలు కస్టమర్ల నుంచి పన్ను రిజిస్ట్రేషన్‌ ఆధారాన్ని తీసుకోవాలి. కానీ, మెట్రో క్యాష్‌ అండ్‌ క్యారీ ఇండియా బోగస్‌ పన్ను రిజిస్ట్రేషన్‌ కార్డులను తన స్టోర్లకు వచ్చే కస్టమర్లకు జారీ చేసి నిబంధనలను పాతరేసింది’’అని సీఏఐటీ ప్రకటన విడుదల చేసింది.    ఈడీ దర్యాప్తు   దీనిపై మేము ఎన్‌ఫోర్స్‌మెంట్‌ డైరెక్టరేట్‌ (ఈడీ)కి ఫిర్యాదు చేసినట్టు సీఏఐటీ ప్రకటించింది. దీనిపై ఈడీ దర్యాప్తు చేస్తున్నట్టు తెలిపింది. ఉల్లంఘనలు పెద్ద ఎత్తున ఉన్నాయని, ఈడీ త్వరలోనే తన దర్యాప్తు పూర్తి చేసి కనీసం మెట్రో ఇండియాపై రూ.12,000 కోట్ల వరకు జరిమానా విధించొచ్చని పేర్కొంది. సీఏఐటీ ఆరోపణలను మెట్రో ఏజీ ఖండించింది. సంస్థ అధికార ప్రతినిధి స్పందిస్తూ.. ‘‘గత 19 ఏళ్ల భారత కార్యకలాపాల్లో నియంత్రణపరమైన నిబంధనల అమలు, ఎఫ్‌డీఐ, భారత చట్టాలను అనుసరించడంలో మాకు నిష్కళంకమైన ట్రాక్‌ రికార్డు ఉంది. కనుక స్వార్థ ప్రయోజనాల కోణంలో చేసిన తప్పుడు, హానికారక ఆరోపణలను ఖండిస్తున్నాం’’అని పేర్కొన్నారు.

న్యూఢిల్లీ: ప్రయివేట్‌ ఈక్విటీ(పీఈ) దిగ్గజం కార్లయిల్‌ గ్రూప్‌.. ప్రయివేట్‌ రంగ సంస్థ యస్‌ బ్యాంకులో ఇన్వెస్ట్‌ చేయనున్నట్లు తెలుస్తోంది. 10 శాతం వాటా కొనుగోలుకి ఆసక్తి చూపుతున్నట్లు సంబంధిత వర్గాలు పేర్కొన్నాయి. మార్పిడికి వీలయ్యే డిబెంచర్ల మార్గంలో పెట్టుబడులు చేపట్టనున్నట్లు తెలియజేశాయి. పీఎస్‌యూ దిగ్గజం స్టేట్‌బ్యాంక్‌ 2023 మార్చివరకూ 26 శాతం వాటాను కొనసాగించనున్న నేపథ్యంలో మార్పిడికి వీలయ్యే రుణ సెక్యూరిటీల జారీపై యూఎస్‌ పీఈ దిగ్గజం కార్లయిల్‌ కన్నేసినట్లు తెలుస్తోంది.   ఎఫ్‌డీఐ మార్గంలో విదేశీ పోర్ట్‌ఫోలియో(ఎఫ్‌పీఐ) విధానంలో కాకుండా విదేశీ ప్రత్యక్ష పెట్టుబడుల(ఎఫ్‌డీఐ) మార్గంలో ఇన్వెస్ట్‌ చేసేందుకు కార్లయిల్‌ గ్రూప్‌ ప్రణాళికలు వేసినట్లు ఆంగ్ల మీడియా పేర్కొంది. అయితే విదేశీ మారక నిర్వహణ చట్టం(ఫెమా) ప్రకారం ఎఫ్‌డీఐగా అర్హత సాధించాలంటే కనీసం 10 శాతం వాటాను కొనుగోలు చేయవలసి ఉంటుంది. వచ్చే నెల(జూలై) మధ్యలో యస్‌ బ్యాంక్‌ బోర్డు సమావేశంకానుంది. ఈ సమావేశంలో నిధుల సమీకరణ అంశాన్ని బోర్డు చేపట్టనున్నట్లు అంచనా. నిబంధనల ప్రకారం ఏదైనా ఒక బ్యాంకులో 4.9 శాతానికి మించి వాటాను సొంతం చేసుకోవాలంటే రిజర్వ్‌ బ్యాంక్‌ నుంచి అనుమతి పొందవలసి ఉంటుంది. దీనికితోడు బ్యాంకులో వ్యక్తిగత వాటా విషయంలో 10 శాతం, ఫైనాన్షియల్‌ సంస్థలైతే 15 శాతంవరకూ పెట్టుబడులపై ఆర్‌బీఐ పరిమితులు విధించింది. చర్చల దశలో యస్‌ బ్యాంకులో 50–60 కోట్ల డాలర్లు(రూ. 3,750–4,500 కోట్లు) వరకూ ఇన్వెస్ట్‌ చేసేందుకు కార్లయిల్‌ ఆసక్తిగా ఉన్నట్లు గతంలోనే వార్తలు వెలువడ్డాయి. మరోపక్క బ్యాలన్స్‌షీట్‌ పటిష్టతకు పీఈ ఇన్వెస్టర్ల నుంచి 1–1.5 బిలియన్‌ డాలర్లు(రూ. 7,800–11,700 కోట్లు) సమీకరించేందుకు యస్‌ బ్యాంక్‌ చర్చలు నిర్వహిస్తున్నట్లు తెలుస్తోంది. ఈ నేపథ్యంలో కార్లయిల్‌ వాటా కొనుగోలు వార్తలకు ప్రాధాన్యత ఏర్పడింది. కాగా.. ఎస్‌బీఐ కార్డ్స్‌ అండ్‌ పేమెంట్స్‌లోగల మొత్తం వాటాను విక్రయించేందుకు కార్లయిల్‌ గ్రూప్‌ ఆసక్తిగా ఉన్నట్లు తెలుస్తోంది. 2021 డిసెంబర్‌కల్లా ఎస్‌బీఐ కార్డ్స్‌లో కార్లయిల్‌ గ్రూప్‌ సంస్థ సీఏ రోవర్‌ హోల్డింగ్స్‌ 3.09 శాతం వాటాను కలిగి ఉంది.

న్యూఢిల్లీ: ప్రభుత్వ రంగ జీవిత బీమా దిగ్గజం ఎల్‌ఐసీలో విదేశీ ప్రత్యక్ష పెట్టుబడులకు (ఎఫ్‌డీఐ) మార్గం సుగమం అయ్యేలా కేంద్రం చర్యలు తీసుకుంది. ఇందుకోసం విదేశీ మారక నిర్వహణ చట్టం (ఫెమా)లో తగు సవరణలు చేసింది. దీని ప్రకారం ఎల్‌ఐసీలో ఆటోమేటిక్‌ పద్ధతిలో 20 శాతం వరకూ ఎఫ్‌డీఐలకు వీలుంటుంది. ప్రస్తుతం ప్రభుత్వ రంగ బ్యాంకుల్లో ఎఫ్‌డీఐలకు సంబంధించి 20 శాతం పరిమితి ఉంది (కేంద్రం అనుమతులకు లోబడి). దీన్ని ఎల్‌ఐసీ, ఇతరత్రా ఆ తరహా కార్పొరేట్‌ సంస్థలకు కూడా వర్తింపచేయాలని నిర్ణయించినట్లు పరిశ్రమలు, అంతర్గత వాణిజ్య విభాగం (డీపీఐఐటీ) ఒక నోటిఫికేషన్‌లో పేర్కొంది. మెగా పబ్లిక్‌ ఇష్యూలో ఎల్‌ఐసీలో సుమారు 5 శాతం వాటా విక్రయించి దాదాపు రూ. 63,000 కోట్లు సమీకరించాలని కేంద్రం భావిస్తున్న సంగతి తెలిసిందే. దాదాపు రూ. 18,300 కోట్ల పేటీఎం ఐపీవోనే దేశీయంగా ఇప్పటివరకూ అతి పెద్ద పబ్లిక్‌ ఇష్యూగా ఉంది. కోల్‌ ఇండియా (2010లో రూ. 15,500 కోట్లు), రిలయన్స్‌ పవర్‌ (2008లో రూ. 11,700 కోట్లు) ఆ తర్వాత స్థానాల్లో ఉన్నాయి. 

న్యూఢిల్లీ: భారత్‌ 2022–23 ఆర్థిక సంవత్సరంలో 100 బిలియన్‌ డాలర్ల (రూ.7.5 లక్షల కోట్లు) విదేశీ ప్రత్యక్ష పెట్టుబడులు ఆకర్షిస్తుందని పీహెచ్‌డీ చాంబర్‌ ఆఫ్‌ కామర్స్‌ ఇండస్ట్రీ (పీహెచ్‌డీసీసీఐ) పేర్కొంది. ఇటీవలి సంవత్సరాల్లో వ్యాపార నిర్వహణ సులభం కావడంతోపాటు కేంద్ర ప్రభుత్వం చేపట్టిన ఆర్థిక సంస్కరణలు ఇందుకు మద్దతుగా నిలుస్తాయని తెలిపింది. ప్రస్తుత ఆర్థిక సంవత్సరంలో జీడీపీ 8 శాతం వృద్ధి రేటును సాధిస్తుందని ఆశాభావం వ్యక్తం చేసింది. అంతర్జాతీయంగా కమోడిటీల ధరలు, ముఖ్యంగా క్రూడ్‌ ధరల పెరుగుదలతో ద్రవ్యోల్బణం రిస్క్‌ ఉందని పేర్కొంది. ఆర్థిక వృద్ధి బలోపేతానికి, వచ్చే ఐదేళ్లలో 5 ట్రిలియన్‌ డాలర్ల ఆర్థిక వ్యవస్థగా అవతరించేందుకు పది అంచెల విధానాన్ని సూచించింది. మౌలిక రంగంలో పెట్టుబడులను వేగవంతం చేయడం, పీఎల్‌ఐ కిందకు మరిన్ని రంగాలను తీసుకురావడం, వ్యవసాయ రంగంలో ప్రభుత్వం పెట్టుబడులు పెంచడం, అధిక కమోడిటీ ధరలను పరిష్కరించడం, ముడిసరుకులకు కొరత రాకుండా చర్యలు తీసుకోవాలని కోరింది.

నాటి ప్రధాని మన్మోహన్‌ సింగ్‌ నేతృత్వంలోని పదేళ్ల యూపీఐ పాలనాకాలంతో పోల్చిచూస్తే, మోడీ పాలనా కాలంలో దేశానికి విదేశీ ప్రత్యక్ష పెట్టుబడుల (ఎఫ్‌డీఐ) ప్రవాహం 65 శాతం పెరిగి, 500.5 బిలియన్‌ డాలర్లకు చేరిందని ఆర్థిక మంత్రి నిర్మలా సీతారామన్‌ పేర్కొన్నారు పేర్కొన్నారు. మోదీ నేతృత్వంలోని ప్రభుత్వంపై ఇన్వెస్టర్ల విశ్వాసాన్ని ఈ గణాంకాలు తెలియజేస్తున్నాయని సీతారామన్‌ పేర్కొన్నారు.   ఫైనాన్స్‌ బిల్లు 2022, అప్రాప్రియేషన్‌ బిల్లు, 2022పై జరిగిన చర్చకు ఆర్థిక మంత్రి ఈ మేరకు సమాధానం ఇస్తూ, యూఎన్‌సీటీఏడీ (వాణిజ్యం, అభివృద్ధిపై ఐక్యరాజ్యసమితి వేదిక) నివేదిక ప్రకారం, ప్రపంచంలో విదేశీ ప్రత్యక్ష పెట్టుబడులను అత్యధికంగా ఆకర్షించే ఐదు దేశాల్లో భారతదేశం ఒకటిగా కొనసాగుతోందని అన్నారు.2020–21 ఆర్థిక సంవత్సరంలో దేశంలోకి ఎఫ్‌డీఐల ప్రవాహం 81.72 బిలియన్‌ డాలర్లయితే, 2019–20లో ఈ విలువ 74.9 బిలియన్‌ డాలర్లుగా ఉందని అన్నారు. మహమ్మారి సమయంలోనూ ఎఫ్‌డీఐల ప్రవాహం దేశంలోకి కొనసాగిందని ఈ గణాంకాలు స్పష్టం చేస్తున్నట్లు తెలిపారు. మరోవైపు కోవిడ్‌ మహమ్మారి ఉన్నప్పటికీ, వనరుల సమీకరణ కోసం ప్రభుత్వం పన్నుల పెంపు దిశగా ఆలోచించలేదని, ఆర్థిక పునరుద్ధరణకు నిధులు సమకూర్చడానికి ఎటువంటి పన్నును పెంచలేదని ఆమె అన్నారు. ఓఈసీడీ నివేదిక ప్రకారం, 32 దేశాలు తమ ఆర్థిక పునరుద్ధరణలకు నిధులు సమకూర్చడానికి తమ పన్ను రేట్ల పెంపువైపే మొగ్గుచూపాయని తెలిపారు. రష్యా– ఉక్రెయిన్‌ మధ్య యుద్ధం మహమ్మారి తరహాలోనే అన్ని దేశాలను ప్రభావితం చేస్తోందని సీతారామన్‌ పేర్కొన్నారు. ప్రస్తుత ఆర్థిక సంవత్సరంలో కేంద్ర పన్నుల నుండి రాష్ట్రాలకు రూ. 8.35 లక్షల కోట్లు కేటాయించామని ఆర్థికమంత్రి పేర్కొంటూ, ఇది 2021–22కి సవరించిన అంచనా రూ. 7.45 లక్షల కోట్ల కంటే అధికమని అన్నారు.

భారత్‌కు సరిహద్దు దేశాల నుంచి 2020 ఏప్రిల్‌ 18 నుంచి దాదాపు 347 విదేశీ ప్రత్యక్ష పెట్టుబడుల (ఎఫ్‌డీఐ) ప్రతిపాదనలు వచ్చినట్లు వాణిజ్యశాఖ సహాయమంత్రి సోమ్‌ ప్రకాశ్‌ లోక్‌సభలో ఇచ్చిన ఒక లిఖిత పూర్వక సమాధానంలో తెలిపారు.  వీటి విలువ రూ.75,951 కోట్లని తెలిపారు. వీటిలో 13,625 కోట్ల విలువైన 66 ప్రతిపాదనలకు ఆమోదముద్ర వేసినట్లు వెల్లడించారు. భారత్‌ ఆమోదించిన 66 ప్రతిపాదనల్లో ఆటోమొబైల్‌ (7), రసాయనాలు (5), కంప్యూటర్‌ సాఫ్ట్‌వేర్, హార్డ్‌వేర్‌ (3), ఫార్మా (4), విద్య (1), ఎలక్ట్రానిక్స్‌ (8), ఫుడ్‌ ప్రాసెసింగ్‌ (2), సమాచార, ప్రసారంతో సహా రంగాలకు చెందినవి (1), యంత్ర పరికరాలు (1), పెట్రోలియం, సహజ వాయువు (1), విద్యుత్‌ (1), సేవల రంగం (11) ఉన్నాయని మంత్రి వివరించారు. 193 ప్రతిపాదనల విషయంలో తిరస్కరించడమో, మూసివేయడమో లేక ఆయా దేశాలు ఉపసంహరించుకోవడమే జరిగిందన్నారు.  కోవిడ్‌–19 నేపథ్యంలో 2020 ఏప్రిల్‌లో భారతదేశంతో భూ సరిహద్దును పంచుకునే దేశాల నుండి విదేశీ పెట్టుబడులకు ప్రభుత్వం ముందస్తు అనుమతిని కేంద్రం తప్పనిసరి చేసింది. భారత్‌ సరిహద్దు దేశాల్లో చైనా, బంగ్లాదేశ్, పాకిస్తాన్, భూటాన్, నేపాల్, మియన్మార్, ఆఫ్ఘనిస్తాన్‌లు ఉన్నాయి. చదవండి: భారత్‌పై ఉక్రెయిన్‌ యుద్ధం ఎఫెక్ట్‌, కేంద్రమంత్రి కీలక వ్యాఖ్యలు! ఇక బాదుడేనా?

న్యూఢిల్లీ: బీమా రంగ ప్రభుత్వ దిగ్గజం ఎల్‌ఐసీలో విదేశీ ప్రత్యక్ష పెట్టుబడులకు తాజాగా పరిశ్రమలు, అంతర్గత వాణిజ్య ప్రోత్సాహక శాఖ నోటిఫికేషన్‌ విడుదల చేసింది. తద్వారా ఆటోమేటిక్‌ మార్గంలో 20 శాతం వరకూ ఎల్‌ఐసీలో ఎఫ్‌డీఐలను అనుమతిస్తూ నోటిఫై చేసింది. గత నెలలోనే కేంద్ర కేబినెట్‌ ఎల్‌ఐసీ డిజిన్వెస్ట్‌మెంట్‌కు గ్రీన్‌సిగ్నల్‌ ఇచ్చింది. డిజిన్వెస్ట్‌మెంట్‌లో భాగంగా కేంద్ర ప్రభుత్వం ఎల్‌ఐసీలో 5 శాతం వాటా విక్రయానికి సన్నాహాలు చేస్తున్న సంగతి తెలిసిందే.     చదవండి: మే 12వరకూ ఎల్‌ఐసీకి గడువు

న్యూఢిల్లీ: ఐపీవో దిశగా దూసుకెళ్తున్న బీమా రంగ దిగ్గజం లైఫ్‌ ఇన్సూరెన్స్‌ కార్పోరేషన్‌(ఎల్‌ఐసీ) విషయంలో కేంద్ర ప్రభుత్వం కీలక నిర్ణయం తీసుకుంది. ఎల్‌ఐసీలో ఆటోమేటిక్‌ రూట్‌లో 20 శాతం వరకు విదేశీ ప్రత్యక్ష పెట్టుబడు(ఎఫ్‌డీఐ)లకు కేంద్ర మంత్రివర్గం శనివారం ఆమోదం తెలిపిందని సమాచారం. ప్రధాని మోదీ అధ్యక్షతన సమావేశమైన కేంద్ర మంత్రివర్గం ఈ మేరకు నిర్ణయం తీసుకుంది. ఈ బీమా సంస్థలో వాటాను పాక్షికంగా విక్రయించడం, తాజా ఈక్విటీ మూలధనాన్ని పెంచడం ద్వారా ఐపీవోతో (ఇనీషియల్‌ పబ్లిక్‌ ఆఫరింగ్‌) స్టాక్‌ మార్కెట్లో ఎల్‌ఐసీ షేర్లను లిస్టింగ్‌ చేసేందుకు ప్రభుత్వం ఆమోదించింది. దేశంలోనే అతిపెద్ద పబ్లిక్‌ ఆఫర్‌కు వేదికగా నిలిచిన ఎల్‌ఐసీ 5 శాతం వాటాను (31.6 కోట్లకుపైగా షేర్లు) రూ.63,000 కోట్లకు విక్రయించేందుకు ఫిబ్రవరి 13న సెబీకి ముసాయిదా పత్రాలను దాఖలు చేసింది. ఐపీవో మార్చిలో ప్రారంభం కానుంది. సంస్థ ఉద్యోగులు, పాలసీదార్లకు ఫ్లోర్‌ ప్రైస్‌పై తగ్గింపు లభిస్తుంది. భారతీయ స్టాక్‌ మార్కెట్‌ చరిత్రలో ఎల్‌ఐసీ పబ్లిక్‌ ఇష్యూ అతి పెద్దదిగా నిలవనుంది. లిస్టింగ్‌ పూర్తి అయితే సంస్థ మార్కెట్‌ విలువ రిలయన్స్‌ ఇండస్ట్రీస్, టీసీఎస్‌ వంటి అగ్ర శ్రేణి కంపెనీలతో పోల్చవచ్చు.     చదవండి: చేతుల్లో డబ్బులు లేవా..? అయితే మీ ఎల్‌ఐసీ పాలసీ ప్రీమియంను ఇలా చెల్లించండి...!

న్యూఢిల్లీ: భారత్‌కు భారీ స్థాయిలో విదేశీ ప్రత్యక్ష పెట్టుబడులు (ఎఫ్‌డీఐ) వస్తున్నట్లు వాణిజ్య పరిశ్రమల శాఖ మంత్రి పీయుష్‌ గోయల్‌ పేర్కొన్నారు. ప్రస్తుత ఆర్థిక సంవత్సరం ఏప్రిల్‌ నుంచి జూలై మధ్య ఎఫ్‌డీఐలు 62 శాతం పెరిగి 27 బిలియన్‌ డాలర్లకు చేరినట్లు వెల్లడించారు. గడచిన ఏడు సంవత్సరాలుగా ఎఫ్‌డీఐల విషయంలో భారత్‌ మంచి ఫలితాలు సాధించిందని, ఇదే ధోరణి ఇక ముందూ కొనసాగుతుందన్న ధీమాను వ్యక్తం చేశారు. ప్రభుత్వ సంస్కరణలు ఇందుకు దోహదపడతాయని విశ్వసిస్తున్నట్లు పేర్కొన్నారు.  2021– బహుళజాతి సంస్థలు (ఎన్‌ఎన్‌సీ) అనే అంశంపై ఇండస్ట్రీ బాడీ సీఐఐ నిర్వహించిన జాతీయ సదస్సులో ఈ మేరకు ఆయన ప్రసంగించారు. యూఏఈ, ఆస్ట్రేలియాలతో త్వరలో ఎఫ్‌టీఏలు స్వేచ్ఛా వాణిజ్య ఒప్పందాలపై (ఎఫ్‌టీఏ)లపై గోయల్‌ మాట్లాడుతూ, యుఏఈ, ఆస్ట్రేలియా, యూకే, యూరోపియన్‌ యూనియన్‌ (ఈయూ), ఇజ్రాయెల్, జీసీసీ (గల్ఫ్‌ కోఆపరేషన్‌ కౌన్సిల్‌)) గ్రూప్‌తో సహా పలు దేశాలతో భారత్‌ చర్చలు జరుపుతోందని వెల్లడించారు. రానున్న 60 నుంచి 100 రోజుల్లో యూఏఈ, ఆస్ట్రేలియాలతో ఎఫ్‌టీఏలకు సంబంధించి కీలక అవగాహనలకు వచ్చే అవకాశం ఉందని కూడా ఆయన తెలిపారు. తయారీ రంగంలో పెట్టుబడులకు బహుళజాతి కంపెనీలు భారత్‌ను స్థావరంగా ఎంచుకోవాలని, తద్వారా అధిక వ్యాపార, వాణిజ్య ప్రయోజనాలు పొందాలని ఆయన ఈ సందర్భంగా విజ్ఞప్తి చేశారు. ఎఫ్‌టీఏ కింద, రెండు భాగస్వామ్య దేశాలు తమ మధ్య వర్తకం చేసే గరిష్ట సంఖ్యలో వస్తువులపై కస్టమ్స్‌ సుంకాలను తగ్గిస్తాయి. లేదా తొలగిస్తాయి. సేవలలో వాణిజ్యాన్ని మెరుగుపరచడానికి, పెట్టుబడులను పెంచుకోడానికి కూడా ఆయా దేశాలు  నిబంధనలను సరళీకరిస్తాయి.

న్యూఢిల్లీ: దేశ ఆర్థిక వ్యవస్థ అన్ని రంగాల్లోనూ పుంజుకుంటోందని కేంద్ర వాణిజ్య మంత్రి పీయూష్‌ గోయల్‌ చెప్పారు. వస్తు, సేవల ఎగుమతుల్లో చారిత్రక గరిష్ట స్థాయులను సాధించే దిశగా దేశం పురోగమిస్తోందని ఆయన తెలిపారు. ప్రస్తుత ఆర్థిక సంవత్సరంలో నిర్దేశించుకున్న 400 బిలియన్‌ డాలర్ల ఉత్పత్తుల ఎగుమతుల లక్ష్యాన్ని సాధించే దిశగా ముందుకు సాగుతున్నామని మంత్రి తెలిపారు. అలాగే సర్వీసుల ఎగుమతులకు సంబంధించి 150 బిలియన్‌ డాలర్ల లక్ష్యాన్ని సాధించగలమని ఆయన పేర్కొన్నారు. వెరసి ఇటు వస్తువులు, అటు ఉత్పత్తుల విషయంలో రికార్డు స్థాయి ఎగుమతులు నమోదు చేయగలమని గోయల్‌ ధీమా వ్యక్తం చేశారు. ఇండియా ఇంటర్నేషనల్‌ ట్రేడ్‌ ఫెయిర్‌ (ఐఐటీఎఫ్‌)ను ప్రారంభించిన సందర్భంగా ఆయన ఈ విషయాలు తెలిపారు.   ఈ ఆర్థిక సంవత్సరం తొలి నాలుగు నెలల్లో గతంలో ఎన్నడూ లేనంత స్థాయిలో దేశంలోకి 27 బిలియన్‌ డాలర్ల మేర విదేశీ ప్రత్యక్ష పెట్టుబడులు (ఎఫ్‌డీఐ) వచ్చాయని మంత్రి చెప్పారు. గత ఆర్థిక సంవత్సరం ఇదే వ్యవధితో పోలిస్తే 62 శాతం ఎగిశాయని వివరించారు. అంతర్జాతీయ సరఫరా వ్యవస్థలో భారత్‌ విశ్వసనీయ భాగస్వామిగా ఎదిగిందని, లాక్‌డౌన్‌ విధించిన ప్రతికూల పరిస్థితుల్లోనూ అంతర్జాతీయ వ్యవస్థకు ఎటువంటి అంతరాయాలూ ఏర్పడకుండా సేవలు అందించిందని మంత్రి చెప్పారు. దేశ ఎకానమీ వేగంగా కోలుకుంటోందనడానికి అక్టోబర్‌లో జీఎస్‌టీ వసూళ్లు రూ. 1.3 లక్షల పైగా నమోదు కావడం నిదర్శనమని ఆయన పేర్కొన్నారు. భారత్‌కి ఉన్న సానుకూల అంశాలన్నింటిని పరిగణనలోకి తీసుకుని అంతర్జాతీయ రేటింగ్స్‌ ఏజెన్సీ మూడీస్‌ ఇటీవలే భారత సార్వభౌమ రేటింగ్‌ను నెగెటివ్‌ నుంచి స్టేబుల్‌ స్థాయికి మార్చిందని మంత్రి చెప్పారు. మెరుగైన ఇన్‌ఫ్రా, వృద్ధిలో వైవిధ్యం, అభివృద్ధికి డిమాండ్‌ తదితర అంశాలు ఆర్థిక పునరుజ్జీవనానికి దోహదపడగలవని ఆయన పేర్కొన్నారు.

న్యూఢిల్లీ: టెలికం సేవల రంగంలో ఆటోమేటిక్‌ పద్ధతిలో 100 శాతం విదేశీ ప్రత్యక్ష పెట్టుబడులను (ఎఫ్‌డీఐ) అనుమతిస్తూ తీసుకున్న నిర్ణయాన్ని కేంద్ర ప్రభుత్వం నోటిఫై చేసింది. పరిశ్రమ, అంతర్గత వాణిజ్య ప్రోత్సాహక విభాగం (డీపీఐఐటీ) మంగళవారం ఈ మేరకు నోటిఫికేషన్‌ విడుదల చేసింది. 2020లో జారీ చేసిన ప్రెస్‌ నోట్‌ 3లోని నిబంధనలు దీనికి వర్తిస్తాయని పేర్కొంది. దీని ప్రకారం భారత్‌తో సరిహద్దులున్న దేశాల ఇన్వెస్టర్లు, లేదా అంతిమంగా ప్రయోజనాలు పొందే వారు సరిహద్దు దేశాలకు చెందినవారైతే మాత్రం దేశీయంగా టెలికంలో ఇన్వెస్ట్‌ చేయాలంటే తప్పనిసరిగా ప్రభుత్వ అనుమతి తీసుకోవాల్సి ఉంటుంది. ఇప్పటిదాకా టెలికం రంగంలో 49 శాతం దాకా మాత్రమే ఎఫ్‌డీఐలకు ఆటోమేటిక్‌ విధానం అమలవుతోంది. అంతకు మించితే ప్రభుత్వ అనుమతి తీసుకోవాల్సి ఉంటోంది. సంక్షోభంలో చిక్కుకున్న టెల్కోలను గట్టెక్కించేందుకు ఇటీవల ప్రకటించిన ఉపశమన చర్యల్లో భాగంగా ఎఫ్‌డీఐల పరిమితిని కూడా కేంద్రం 100 శాతానికి పెంచింది. మరోవైపు, టెల్కోలు సమరి్పంచాల్సిన పనితీరు, ఆర్థిక బ్యాంక్‌ గ్యారంటీ పరిమాణాన్ని 80 శాతం మేర తగ్గిస్తూ టెలికం శాఖ (డాట్‌) నిర్ణయం తీసుకుంది. ఈ మేరకు లైసెన్సు నిబంధనల సవరణ నోట్‌ను జారీ చేసింది. దీని ప్రకారం టెల్కోలు తాము తీసుకునే లైసెన్సు కింద అందించే ప్రతి సర్వీసుకు రూ. 44 కోట్ల పెర్ఫార్మెన్స్‌ బ్యాంక్‌ గ్యారంటీ ఇస్తే సరిపోతుంది. పాత నిబంధన ప్రకారం ఇది రూ. 220 కోట్లుగా ఉండేది. అలాగే కొత్త నిబంధన ప్రకారం ప్రతి సర్కిల్‌కు గరిష్టంగా రూ. 8.8 కోట్ల ఫైనాన్షియల్‌ బ్యాంక్‌ గ్యారంటీ ఇస్తే సరిపోతుంది. గతంలో ఇది రూ. 44 కోట్లుగా ఉండేది. కోర్టు ఆదేశాలు లేదా వివాదానికి సంబంధించి ఇచ్చిన బ్యాంక్‌ గ్యారంటీలకు ఇది వర్తించదు. తాజా సవరణతో టెల్కోలకు ఊరట లభించనుంది. గ్యారంటీల కింద బ్యాంకులో తప్పనిసరిగా ఉంచే మొత్తంలో కొంత భాగం చేతికి అందడం వల్ల నిధులపరంగా కాస్త వెసులుబాటు ఉంటుంది.

సాక్షి, న్యూఢిల్లీ: ప్రస్తుత ఆర్థిక సంవత్సరంలో తొలి నాలుగు నెలల్లో దేశంలోకి విదేశీ ప్రత్యక్ష పెట్టుబడుల (ఎఫ్‌డీఐ) రాకలో 62 శాతం వృద్ధి నమోదైనట్టు కేంద్ర వాణిజ్య, పరిశ్రమల శాఖ వెల్లడించింది. గత ఏడాది ఇదే కాలంలో 16.92 బిలియన్‌ డాలర్ల మేర ఎఫ్‌డీఐలు రాగా, ఈ ఏడాది 27.37 బిలియన్‌ డాలర్ల మేర వచ్చాయి. ఎఫ్‌డీఐ ఈక్విటీల రాక 112 శాతం పెరిగింది. గత ఏడాది ఇదే కాలానికి 9.61 బిలియన్‌ డాలర్లు రాగా, ఈ ఏడాది 20.42 బిలియన్‌ డాలర్ల మేర వచ్చాయి. ఎఫ్‌డీఐ ఈక్విటీల రాకలో ఆటోమొబైల్‌ పరిశ్రమ 23 శాతంతో అగ్రస్థానంలో నిలవగా, కంప్యూటర్‌ సాఫ్ట్‌వేర్, హార్డ్‌వేర్‌ పరిశ్రమ 18 శాతంతో ద్వితీయ స్థానంలో నిలిచింది. సేవారంగం 10 శాతంతో తృతీయ స్థానంలో నిలిచింది. ఆటోమొబైల్‌ పరిశ్రమలోకి వచ్చిన మొత్తం ఎఫ్‌డీఐ ఈక్విటీలో 87 శాతం కర్ణాటక నుంచే నమోదైంది. తొలి నాలుగు నెలల్లో మొత్తం ఎఫ్‌డీఐ ఈక్విటీల్లో కర్ణాటకకు 45 శాతం, మహారాష్ట్రకు 23 శాతం, ఢిల్లీకి 12 శాతం వచ్చాయి.  ఎఫ్‌డీఐ ఈక్విటీల రాకలో టాప్‌–10 రాష్ట్రాలు..  మహారాష్ట్ర (27 శాతం), గుజరాత్‌ (25), కర్ణాటక (20), ఢిల్లీ (11), తమిళనాడు (4), హరియాణా (3), జార్ఖండ్‌ (3), తెలంగాణ (2), పంజాబ్‌ (1), పశ్చిమ బెంగాల్‌ (1శాతం)తో తొలి పది స్థానాల్లో ఉన్నాయి. 8వ స్థానంలో నిలిచిన తెలంగాణకు తొలి మూడు నెలల్లో రూ. 4,226 కోట్ల మేర ఎఫ్‌డీఐలు వచ్చాయి.  2019 అక్టోబర్‌ నుంచి 2021 జూన్‌ మధ్య   మహారాష్ట్ర, గుజరాత్, కర్ణాటక, ఢిల్లీ, తమిళనాడు, హర్యానా, జార్ఖండ్, తెలంగాణ, పంజాబ్, పశ్చిమ బెంగాల్, యూపీ, రాజస్థాన్, ఆంధ్రప్రదేశ్, మధ్యప్రదేశ్, కేరళ ఎఫ్‌డీఐల రాకలో తొలి 15 స్థానాల్లో నిలిచాయి. ఆంధ్రప్రదేశ్‌కు ఈ కాలంలో రూ. 2,577 కోట్ల మేర విదేశీ ప్రత్యక్ష పెట్టుబడులు సమకూరాయి. తెలంగాణకు రూ. 17,709 కోట్ల మేర ఎఫ్‌డీఐలు వచ్చాయి.    చదవండి: చలో ఆఫీస్‌..! .. డెలాయిట్‌ సర్వేలో ఆసక్తికర అంశాల వెల్లడి

వాషింగ్టన్‌: భారత్‌ 5 లక్షల కోట్ల డాలర్ల ఆర్థిక వ్యవస్థగా ఎదగాలంటే విదేశీ ప్రత్యక్ష పెట్టుబడులు (ఎఫ్‌డీఐ) కీలకమని డెలాయిట్‌ సీఈవో పునీత్‌ రంజన్‌ అభిప్రాయపడ్డారు. బ్రిటన్, అమెరికా, జపాన్, సింగపూర్‌ తదితర దేశాల్లో పలువురు ఇన్వెస్టర్లు భారత్‌లో పెట్టుబడులపై ఆసక్తిగా ఉన్నారని వెల్లడించారు. తాము నిర్వహించిన సర్వేలో పాల్గొన్న 1,200 మంది వ్యాపార దిగ్గజాల్లో అయిదింట రెండొంతుల మంది.. ఇండియాలో అదనంగా పెట్టుబడులు పెట్టడం లేదా తొలిసారిగా ఇన్వెస్ట్‌ చేయడంపై ఆసక్తి కనపర్చినట్లు ఒక ఇంటర్వ్యూలో రంజన్‌ చెప్పారు. విదేశీ పెట్టుబడులకు అత్యంత ఆకర్షణీయ దేశాల్లో ఒకటిగా భారత్‌ కొనసాగుతోందని ఆయన వివరించారు. ‘కోవిడ్‌–19పరమైన ప్రతికూల పరిస్థితుల్లోనూ భారత్‌లోకి రికార్డు స్థాయిలో ఎఫ్‌డీఐలు వచ్చాయి. 5 లక్షల కోట్ల ఎకానమీగా ఎదగాలన్న భారత్‌ లక్ష్యం సాకారం కావడానికి విదేశీ పెట్టుబడులు కీలకం. అంతే కాదు ఇది సాధించతగిన లక్ష్యమే అన్నది నా అభిప్రాయం‘ అని రంజన్‌ వివరించారు.   ఆకర్షణీయమైన అంశాలు..  సుశిక్షితులైన నిపుణులు, ఆర్థిక వృద్ధి (ముఖ్యంగా దేశీయంగా) వంటి అంశాలు ఎఫ్‌డీఐలను ఆకర్షించేందుకు అనువైన అంశాలుగా ఉంటున్నాయని తమ సర్వేలో తేలినట్లు రంజన్‌ వివరించారు. ఇన్వెస్టర్లకు భారత్‌ ఎగుమతి హబ్‌గా ఉపయోగపడటంతో పాటు దేశీ మార్కెట్‌ కూడా అందుబాటులో ఉండటం ముఖ్యమని ఆయన చెప్పారు.   అయితే, భారత్‌లో వ్యాపారం చేయడమంటే సవాళ్లతో కూడుకున్న వ్యవహారమనే అభిప్రాయం ఇప్పటికీ కొనసాగుతోందన్నారు. ప్రభుత్వం ఇటీవల తీసుకున్న చర్యలు సహా పలు ప్రభుత్వ పథకాలు, ప్రోత్సాహకాలు, సంస్కరణలపై అంతగా అవగాహన లేకపోవడమే ఇందుకు కారణమని రంజన్‌ అభిప్రాయపడ్డారు. కస్టమర్ల డిజిటైజేషన్, అనుమతుల ప్రక్రియ, ఉత్పత్తికి ప్రోత్సాహకాలకు సంబంధించి ప్రభుత్వం తీసుకున్న చర్యల గురించి తమకు అంతగా తెలియదని జపాన్‌లో 16 శాతం మంది, సింగపూర్‌లో 9 శాతం మంది వ్యాపార దిగ్గజాలు చెప్పారని ఆయన వివరించారు. ‘ప్రభుత్వం చేస్తున్న అనేక మంచి పనుల గురించి ఇన్వెస్టర్లలో సరైన అవగాహన ఉండటం లేదు‘ అని రంజన్‌ చెప్పారు. భారత ప్రభుత్వ విధానాలు కచ్చితంగా విదేశీ పెట్టుబడులను ఆకర్షించేందుకు సహాయపడే విధంగానే ఉన్నాయని చెప్పారు. ఇన్‌ఫ్రాపై ప్రభుత్వం పెట్టుబడులు పెట్టడం సానుకూలాంశమని పేర్కొన్నారు.   భారత్‌లో 75వేల నియామకాలు..  వచ్చే మూడేళ్లలో భారత్‌లో 75 వేల మందిని రిక్రూట్‌ చేసుకోనున్నట్లు రంజన్‌ చెప్పారు. ఈ విషయాన్ని ప్రధాని నరేంద్ర మోదీకి కూడా తెలియజేసినట్లు ఆయన వివరించారు. ప్రస్తుతం డెలాయిట్‌కు అంతర్జాతీయంగా మొత్తం 3,45,000 మంది సిబ్బంది ఉండగా.. దేశీయంగా 65,000 మంది ఉద్యోగులు ఉన్నారు. 

న్యూఢిల్లీ: సరిహద్దులను పంచుకుంటున్న దేశాల నుంచి ప్రధానంగా మూడు శాఖలకు అధిక స్థాయిలో పెట్టుబడి ప్రతిపాదనలు వస్తున్నట్లు అధికారిక వర్గాలు పేర్కొన్నాయి. ఎలక్ట్రానిక్స్‌– ఐటీ, పరిశ్రమలు– అంతర్గత వాణిజ్యం, భారీ పరిశ్రమల్లో అత్యధికంగా విదేశీ ప్రత్యక్ష పెట్టుబడి(ఎఫ్‌డీఐ) ప్రతిపాదనలు లభిస్తున్నట్లు ప్రభుత్వ అధికారి ఒకరు పేర్కొన్నారు.   2020 ఏప్రిల్‌లో ప్రభుత్వం పొరుగు దేశాల నుంచి పెట్టుబడుల విషయంలో ముందస్తు అనుమతిని తప్పనిసరి చేసింది. కోవిడ్‌–19 మహమ్మారి నేపథ్యంలో దేశీ కంపెనీల టేకోవర్‌ అవకాశాలను అడ్డుకునే యోచనతో ప్రభుత్వం ఈ చర్యలు తీసుకుంది. జాబితాలో చైనా, బంగ్లాదేశ్, పాకిస్తాన్, భూటాన్, నేపాల్, మయన్మార్, ఆప్ఘనిస్తాన్‌ ఉన్నాయి.  ఈ దేశాలకు చెందిన వ్యక్తులు లేదా కంపెనీలు దేశీయంగా ఏ రంగంలోనైనా పెట్టుబడులు చేపట్టేందుకు ప్రభుత్వ అనుమతి తప్పనిసరిగా మారింది. పొరుగు దేశాల నుంచి లభిస్తున్న ఎఫ్‌డీఐ ప్రతిపాదనల్లో ప్రధానంగా భారీ యంత్రాలు, ఆటోమొబైల్, ఆటో విడిభాగాలు, కంప్యూటర్‌ సాఫ్ట్‌వేర్, హార్డ్‌వేర్, ట్రేడింగ్, వాణిజ్యం, ఈకామర్స్, తేలికపాటి ఇంజినీరింగ్, ఎలక్ట్రికల్‌ తయారీ రంగాలున్నట్లు ప్రభుత్వ అధికారి వివరించారు.  చదవండి: భారత్‌పై డాలర్ల వెల్లువ ! పెరిగిన విదేశీ పెట్టుబడులు 

న్యూఢిల్లీ: ఆర్థిక సమస్యలతో సతమతమవుతున్న వొడాఫోన్‌ ఐడియా వంటి టెల్కోలకు ఊపిర్లూదే దిశగా కేంద్రం చర్యలు తీసుకుంది. టెలికం రంగంలో భారీ సంస్కరణలకు తెర తీస్తూ టెల్కోలకు ఉపశమన ప్యాకేజీ ప్రకటించింది. ఆపరేటర్లు చెల్లించాల్సిన బకాయిలపై నాలుగేళ్ల దాకా మారటోరియం విధించడం, ఏజీఆర్‌ (సవరించిన స్థూల ఆదాయం) నిర్వచనాన్ని సవరించడం, స్పెక్ట్రం యూసేజీ చార్జీలు తొలగించడం, టెలికం రంగంలో ఆటోమేటిక్‌ విధానం ద్వారా 100% విదేశీ ప్రత్యక్ష పెట్టుబడులకు అనుమతించడం తదితర చర్యలు ఇందులో ఉన్నాయి. కేంద్ర కేబినెట్‌ బుధవారం ఈ ప్యాకేజీకి ఆమోదముద్ర వేసింది. వ్యవస్థాగతంగా తొమ్మిది సంస్కరణలకు ప్రభుత్వం గ్రీన్‌ సిగ్నల్‌ ఇచి్చంది. టెల్కోల ఆర్థిక పరిస్థితులు గణనీయంగా మెరుగుపడేందుకు ఈ ప్యాకేజీ తోడ్పడగలదని పరిశ్రమ వర్గాలు, విశ్లేషకులు అభిప్రాయపడ్డారు.   ఉపాధి, పోటీకి ఊతం: టెలికం మంత్రి వైష్ణవ్‌ ‘‘టెలికం పరిశ్రమలో ఆరోగ్యకరమైన పోటీని ప్రోత్సహించేందుకు, కస్టమర్లకు ప్రత్యామ్నాయాలను అందుబాటులో ఉంచేందుకు, కొత్త సంస్థలు వచ్చేలా దారి ఏర్పర్చేందుకు తొమ్మిది వ్యవస్థాగతమైన సంస్కరణలను కేబినెట్‌ ఆమోదించింది’’ అని కేబినెట్‌ సమావేశం అనంతరం కేంద్ర టెలికం శాఖ మంత్రి అశ్విని వైష్ణవ్‌ విలేకరుల సమావేశంలో తెలిపారు. 5జీ స్పెక్ట్రం వేలం వచ్చే ఏడాది ఫిబ్రవరిలో నిర్వహించే అవకాశం ఉందన్నారు.   ప్యాకేజీలో..: సవరించిన స్థూల ఆదాయం (ఏజీఆర్‌) నిర్వచన పరిధి నుంచి టెలికంయేతర ఆదాయాలను మినహాయించారు. ఇది .. ఇక నుంచి అమలవుతుంది. నిబంధనల ప్రకారం ఏజీఆర్‌లో నిర్దిష్ట శాతాన్ని టెలికం కంపెనీలు.. కేంద్రానికి చట్టబద్ధమైన సుంకాల రూపంలో కట్టాల్సి ఉంటుంది. టెలికంయేతర ఆదాయాలను కూడా ఏజీఆర్‌లో కలపడం వల్ల వొడాఫోన్‌ ఐడియా వంటి టెల్కోలు కట్టాల్సిన బాకీలు వేల కోట్ల రూపాయల మేర పేరుకుపోయాయి. దీంతో అవి దివాలా తీసే పరిస్థితికి చేరుకున్నాయి. తాజాగా టెలికంయేతర ఆదాయాలను ఏజీఆర్‌ నుంచి మినహాయించడంతో టెల్కోలకు ఊరట లభిస్తుంది.  మరోవైపు, ప్రభుత్వానికి టెల్కోలు గత బాకీలను చెల్లించేందుకు నాలుగేళ్ల దాకా మారటోరియం (వార్షిక చెల్లింపులను వాయిదా వేసుకునే వీలు) ఇవ్వడానికి ప్రభుత్వం ఓకే చెప్పింది. అయితే, ఈ వ్యవధిలో స్వల్పంగా వడ్డీ కట్టాల్సి ఉంటుంది. టెలికంలో ఆటోమేటిక్‌ మార్గంలో 100%ఎఫ్‌డీఐలకు అనుమతినిచ్చారు. ఇప్పటిదాకా ఇది 49%గానే ఉంది. దానికన్నా మించితే ప్రభుత్వ అనుమతి ద్వారా ఇన్వెస్ట్‌ చేయాల్సి ఉంటోంది. ► స్పెక్ట్రం యూజర్‌ చార్జీలను (ఎస్‌యూసీ) క్రమబదీ్ధకరించారు. ఎస్‌యూసీ బాకీలపై నెలవారీ చక్ర వడ్డీ విధానం స్థానంలో వార్షిక చక్రవడ్డీ విధానాన్ని ప్రకటించారు. అలాగే వడ్డీ రేటును కూడా తగ్గించారు. ఇకపై టెల్కోలు పదేళ్ల తర్వాత స్పెక్ట్రంను సరెండర్‌ చేయొచ్చు, అలాగే ఇతర సంస్థలతో పంచుకోవచ్చు.  సెల్ఫ్‌ అప్రూవల్‌ ప్రాతిపదికన టవర్ల ఏర్పాటు ప్రక్రియను సరళతరం చేశారు. ఎయిర్‌టెల్, వొడాఫోన్‌ ఐడియా, రిలయన్స్‌ కమ్యూనికేషన్స్‌ సంస్థలు కేంద్రానికి రూ. 92,000 కోట్లు లైసెన్సు ఫీజు, రూ. 41,000 కోట్లు స్పెక్ట్రం యూసేజీ చార్జీలు బాకీ పడ్డాయి.   ► ఇతర సుంకాలను, లైసెన్సు ఫీజుకు సంబంధించి చూపాల్సిన బ్యాంక్‌ గ్యారంటీలను తగ్గించారు. లైసెన్సు ఫీజు, స్పెక్ట్రం యూసేజీ చార్జీల (ఎస్‌యూసీ) చెల్లింపులో జాప్యానికి గాను విధించే పెనాలీ్టలను తొలగించారు. వడ్డీ రేట్లను క్రమబదీ్ధకరించారు. భవిష్యత్తులో నిర్వహించే వేలానికి బ్యాంక్‌ గ్యారంటీ అవసరం ఉండదు.   ► స్పెక్ట్రం కాలపరిమితిని 20 ఏళ్ల నుంచి 30 ఏళ్లకు పొడిగించారు. 10 సంవత్సరాల తర్వాత స్పెక్ట్రంను సరెండర్‌ చేయవచ్చు. భవిష్యత్తులో నిర్వహించే వేలంలో కొనుగోలు చేసే స్పెక్ట్రంపై ఎస్‌యూసీ ఉండదు. ► ప్రక్రియపరమైన సంస్కరణలు చూస్తే..స్పెక్ట్రం వేలం నిర్వహణకు నిర్దిష్ట క్యాలెండర్‌ రూపకల్పన, వైర్‌లెస్‌ పరికరాల కోసం క్లిష్టతరమైన లైసెన్సు ప్రక్రియ తొలగింపు, యాప్‌ ఆధారిత సెల్ఫ్‌–కేవైసీ, పేపర్‌ రూపంలో ఉండే కస్టమర్‌ అక్విజిషన్‌ ఫారమ్‌ల (సీఏఎఫ్‌) స్థానంలో డేటాను డిజిటల్‌గా భద్రపర్చడం వంటివి ఉన్నాయి. అలాగే ఈ–కేవైసీ రేటును రూ.1కి సవరించారు. ఉభయతారకంగా సంస్కరణలు.. ఈ సంస్కరణలు.. టెలికం రంగానికి, వినియోగదారులకు ఉభయతారకంగా ఉంటాయి. పరిశ్రమ అభివృద్ధికి, ఉద్యోగావకాశాలకు తోడ్పడతాయి. వాహనాలు, డ్రోన్‌ పరిశ్రమకు ప్రకటించిన పీఎల్‌ఐ స్కీముతో తయారీకి ఊతం లభిస్తుంది. – నరేంద్ర మోదీ, ప్రధాన మంత్రి డిజిటల్‌ లక్ష్య సాకారానికి దోహదం.. ఎకానమీకి తోడ్పాటు అందించడంతో పాటు డిజిటల్‌ ఇండియా లక్ష్యాల సాకారానికి తోడ్పడేలా కేంద్ర ప్రభుత్వం ప్రకటించిన సంస్కరణలు, చర్యలను స్వాగతిస్తున్నాను. సాహసోపేతమైన నిర్ణయం తీసుకున్న ప్రధాని నరేంద్ర మోదీకి ధన్యవాదాలు – ముకేశ్‌ అంబానీ, చైర్మన్, రిలయన్స్‌ ఇండస్ట్రీస్‌ ఇన్వెస్ట్‌ చేసేందుకు తోడ్పాటు.. పరిశ్రమ నిర్భయంగా పెట్టుబడులు పెట్టేందుకు, డిజిటల్‌ ఇండియా ఆకాంక్షల సాధనకు కేంద్రం ప్రకటించిన సంస్కరణలు తోడ్పడతాయి.  టెల్కోలు నిలదొక్కుకునేందుకు ఇవి దోహదపడగలవు. ప్రధాని పిలుపు మేరకు పెట్టుబడులు పెట్టేందుకు ఎయిర్‌టెల్‌ సిద్ధం. – సునీల్‌ మిట్టల్, చైర్మన్, భారతి ఎయిర్‌టెల్‌ ప్రభుత్వ నిబద్ధతకు నిదర్శనం.. పరిశ్రమ ఆరోగ్యకరంగా ఎదిగేలా చూసేందుకు కేంద్రం కృతనిశ్చయంతో ఉందనడానికి ఈ సంస్కరణలు నిదర్శనం. దీర్ఘకాలిక సమస్యలను పరిష్కరించడంలో ప్రభుత్వం నిర్ణయాత్మకంగా వ్యవహరించడాన్ని ఈ చర్యలు ప్రతిబింబిస్తున్నాయి. – కుమార మంగళం బిర్లా, చైర్మన్, ఆదిత్య బిర్లా గ్రూప్‌ ఎగుమతులకు జోష్‌... సవరించిన పీఎల్‌ఐ పథకం ఎగుమతులకు భారీ అవకాశాలను కలి్పంచనుంది. దేశీ ఆటో పరిశ్రమ ప్రపంచవ్యాప్త సప్లై చైన్‌తో మమేకమయ్యేందుకు దోహదపడుతుంది. మన కంపెనీల అవకాశాలకు తోడ్పడుతుంది. –విపిన్‌ సొం«దీ, ఎండీ, సీఈఓ, అశోక్‌ లేలాండ్‌ పరిశ్రమకు దన్ను.. తాజాగా సవరించిన పీఎల్‌ఐ పథకం ఆటో పరిశ్రమకు అవసరమైన జోష్‌నివ్వనుంది. ప్రత్యామ్నాయ ఇంధనాలు, ఎలక్ట్రిక్‌ వాహనాలు, ఆధునిక సాంకేతిక ఆవిష్కరణలకు దారి చూపనుంది. –వేణు శ్రీనివాసన్, చైర్మన్, టీవీఎస్‌ మోటార్‌ ఇవి అత్యధిక నిధులు.. ప్రభుత్వం ప్రకటించిన పీఎల్‌ఐ పథకాలలోకెల్లా తాజాగా కేటాయించిన నిధులు అత్యధికం. ఎలక్ట్రిక్, హైడ్రోజన్‌ వాహనాలు, విడిభాగాలకు ప్రోత్సాహకాల ద్వారా దేశీ ఆటో పరిశ్రమకు మద్దతివ్వడం.. ప్రభుత్వ నిబద్ధతకు నిదర్శనం.   –కెనిచి అయుకవా, ప్రెసిడెంట్, సియామ్‌

న్యూఢిల్లీ: భారత్‌ ఆర్థిక వ్యవస్థ 2026-27 ఆర్థిక సంవత్సరానికి 5 ట్రిలియన్‌ డాలర్ల(దాదాపు రూ.368 లక్షల కోట్లు) ఆర్థిక వ్యవస్థగా ఆవిర్భవించడానికి 8 ట్రిలియన్‌ డాలర్ల (దాదాపు రూ.588 లక్షల కోట్లు) తాజా గ్రీన్‌ఫీల్డ్‌ పెట్టుబడులు అవసరమని అంతర్జాతీయ ఆర్థిక సేవల దిగ్గజ సంస్థ డెలాయిట్‌ విశ్లేషించింది. గ్రీన్‌పీల్డ్‌ పెట్టుబడి అంటే.. విదేశీ ప్రత్యక్ష పెట్టుబడి(ఎఫ్‌డీఐ)లో ఒక విధానం. ఈ విధానంలో ఒక పేరెంట్‌ కంపెనీ వివిధ దేశాల్లో అనుబంధ సంస్థలను ఏర్పాటు చేసి కార్యకలాపాలు నిర్వహిస్తుంది. ఇందుకు అనుగుణంగా భారీగా పెట్టుబడులు పెడుతుంది. భారత్‌లో ఈ తరహాలో భారీ పెట్టుబడుల ఆవశ్యకతను డెలాయిట్‌ ఇచ్చిన తాజా నివేదికలో వివరించింది.  కోవిడ్‌-19 సవాళ్లలోనూ దేశానికి భారీగా విదేశీ ప్రత్యక్ష పెట్టుబడులు వచ్చాయని డెలాయిట్‌ పేర్కొంది. ఇది దేశ ఆర్థిక వ్యవస్థకు ఆశావహ పరిస్థితిని, ఆర్థిక మూలాలకు పటిష్టతను అందించిందని వివరించింది. 2020-21లో ఈక్విటీ, రీ-ఇన్వెస్టెడ్‌ ఎర్నింగ్స్, క్యాపిటల్‌సహా రికార్డు స్థాయిలో 81.72 బిలియన్‌ డాలర్ల విదేశీ ప్రత్యక్ష పెట్టుబడులు వచ్చాయి. కోవిడ్‌ ముందస్తు ఆర్థిక సంవత్సరం (2019-20)తో పోల్చితే ఇవి 10 శాతం అధికం కావడం గమనార్హం. అమెరికా, బ్రిటన్, జపాన్, సింగపూర్‌లలోని బహుళజాతి కంపెనీలకు చెందిన 1,200 మంది వ్యాపార వేత్తల అభిప్రాయాల ప్రాతిపదికన ఈ సర్వే అధ్యయనం రూపొందింది. (చదవండి: తెలంగాణలో మరో కంపెనీ భారీగా పెట్టుబడులు) విదేశీ ప్రత్యక్ష పెట్టుబడులకు భారత్‌ ఆకర్షణీయ దేశంగా ఉందని నివేదిక పేర్కొంటూ, నిపుణులైన కార్మిక శక్తి, ఎకానమీ వృద్ధి అవకాశాలు దీనికి కారణమని తెలిపింది. భారత్‌లో మరిన్ని సంస్కరణల ఆవశ్యకత అవసరమని పేర్కొన్న నివేదిక, తద్వారా దేశానికి మరింత భారీ స్థాయిలో ఎఫ్‌డీఐలను ఆకర్షించవచ్చని వివరించింది.  

న్యూఢిల్లీ: చాలా కాలం నుంచి అనేక సమస్యలు ఎదుర్కొంటున్న టెలికాం రంగానికి ఊరట కలిగించే కీలకమైన ప్రణాళికకు కేంద్ర కేబినెట్ బుధవారం ఆమోదం తెలిపింది. కేంద్ర తాజాగా తీసుకున్న ఈ నిర్ణయం వల్ల వొడాఫోన్ ఐడియా, భారతి ఎయిర్ టెల్ వంటి టెలికామ్ కంపెనీలకు భారీ ఊరట కలగనుంది. టెలికాం కంపెనీల్లో వంద శాతం విదేశీ పెట్టుబడుల(ఎఫ్‌డీఐ)కు అనుమతిస్తూ కేంద్ర కేబినెట్‌ నిర్ణయం తీసుకుంది. అలాగే, అప్పుల్లో కూరుకుపోయిన టెలికాం రంగానికి ఊరట కలిగించేలా ఏజీఆర్‌ బకాయిలపై నాలుగేళ్ల పాటు మారటోరియం విధించింది. ఈ మేరకు కేంద్ర కేబినెట్ నేడు జరిగిన సమావేశంలో నిర్ణయాలు తీసుకుంది. కేంద్ర మంత్రివర్గం తీసుకున్న నిర్ణయాలను టెలికామ్ మంత్రి అశ్వినీ వైష్ణవ్‌ మీడియాకు వెల్లడించారు. ఈ రంగంలో ఒత్తిడికి ఏజీఆర్‌ బకాయిలు ప్రధాన కారణమని అభిప్రాయపడ్డారు. అందుకే ఏజీఆర్‌ నిర్వచనాన్ని హేతుబద్ధీకరిస్తున్నట్లు తెలిపారు. ఇకపై టెలికామేతర ఆదాయాలను ఏజీఆర్‌ నుంచి మినహాయించేందుకు కేబినెట్‌ ఆమోదం తెలిపిందన్నారు. ఏజీఆర్‌ అనేది చట్టబద్ధమైన బకాయిలచెల్లింపు కొరకు పరిగణించబడే ఆదాయాలను తెలియజేస్తుంది అని అన్నారు. లైసెన్స్ ఫీజులు, స్పెక్ట్రమ్ యూజర్ ఛార్జీలు, అన్ని రకాల ఛార్జీల చెల్లింపు విషయాలపై నేడు హేతుబద్ధీకరించినట్లు పేర్కొన్నారు.(చదవండి: జెట్‌ ఎయిర్‌వేస్‌: టేకాఫ్‌కు సిద్ధం!) భవిష్యత్ వేలంలో స్పెక్ట్రం కాలవ్యవధి 20 సంవత్సరాలకు బదులుగా 30 సంవత్సరాలు చేయనున్నట్లు తెలిపారు. టెలికాంలో 100 శాతం ఎఫ్‌డీఐ(విదేశీ ప్రత్యక్ష పెట్టుబడులు) మంత్రివర్గం ఆమోదం తెలిపిందని మంత్రి తెలిపారు. అలాగే ఏజీఆర్, స్పెక్ట్రమ్ బకాయిలపై నాలుగేళ్ల మారటోరియం కూడా ఉందని ఆయన తెలిపారు. కేంద్రం తీసుకున్న ఈ నిర్ణయాల వల్ల టెలికాం రంగంలో వొడాఫోన్ ఐడియా వంటి కంపెనీలకు నగదు కొరత తీరుతుందని ఆశిస్తున్నట్లు మంత్రి చెప్పారు. టెలికాం రంగంలో ఆటగాళ్ళ మధ్య ఆరోగ్యకరమైన పోటీని నిర్వహించడం కోసం ఈ నిర్ణయం తీసుకున్నట్లు మంత్రి తెలిపారు.

న్యూఢిల్లీ: త్వరలో అమల్లోకి రాబోయే గతిశక్తి స్కీముతో మౌలిక సదుపాయాల కల్పనకు ఊతం లభించగలదని కేంద్ర రహదారి రవాణా శాఖ మంత్రి నితిన్‌ గడ్కరీ తెలిపారు. దీనితో రవాణా వ్యయాలు తగ్గి, సరఫరా వ్యవస్థలు మెరుగుపడతాయని .. భారతీయ ఉత్పత్తులు అంతర్జాతీయంగా పోటీపడేందుకు ఇది దోహదపడగలదని ఆయన పేర్కొన్నారు. అమెరికన్‌ చాంబర్‌ ఆఫ్‌ కామర్స్‌ (యామ్‌చామ్‌) 29వ వార్షిక సమావేశంలో పాల్గొన్న సందర్భంగా మంత్రి ఈ విషయాలు వివరించారు. రహదారి రంగంలో 100 శాతం విదేశీ ప్రత్యక్ష పెట్టుబడులను (ఎఫ్‌డీఐ) భారత్‌ అనుమతిస్తోందని, ఇన్వెస్ట్‌ చేసేందుకు ముందుకు రావాలని అమెరికాకు చెందిన బీమా, పెన్షన్‌ ఫండ్లను ఆహా్వనించారు.  రూ. 100 లక్షల కోట్ల గతి స్కీమును ఆగస్టు 15న స్వాతంత్య్ర దినోత్సవ ప్రసంగంలో ప్రధాని మోదీ ప్రకటించారు. దీన్ని సెపె్టంబర్‌లో అమల్లోకి తేనున్నారు. జాతీయ ఇన్‌ఫ్రా పైప్‌లైన్‌ (ఎన్‌ఐపీ) విధివిధానాల రూపకల్పనకు గతిశక్తి మాస్టర్‌ప్లాన్‌ తోడ్పడుతుందని గడ్కరీ చెప్పారు. భారత్‌ 5 లక్షల కోట్ల డాలర్ల ఎకానమీగా ఎదగడంలో మౌలిక సదుపాయాల అభివృద్ధి కీలకపాత్ర పోషిస్తుందని వివరించారు.

ఇండియన్‌ స్టాక్‌ మార్కెట్‌లో బుల్‌ జోరు కొనసాగుతోంది. ఎంతలా అంటే ప్రపంచంలో మరే ఇతర ఈక్విటీ మార్కెట్‌ చూడని లాభాలను గడచిన ఏడాది కాలంలో ఇండియన్‌ స్టాక్‌ మార్కెట్‌ నమోదు చేసింది, ఈ సానుకూల వాతావరణానికి తగ్గట్టే విదేశీ ఇన్వెస్టర్లు సైతం ఇండియా వైపు చూస్తున్నారు. తమ పెట్టుబడులకు భారత్‌ అనువైన చోటుగా ఎంచుకుంటున్నారు. కేంద్ర వాణిజ్య శాఖ జారీ చేసిన వివరాలే ఇందుకు నిదర్శనంగా నిలుస్తున్నాయి. 90 శాతం పెరుగుదల కరోనా సంక్షోభం తర్వాత విదేశీ ఇన్వెస్టర్లు భారత మార్కెట్‌పైనే ఆశలు పెట్టుకున్నారు. అందుకే మిగిలిన దేశాల కంటే ఇక్కడే పెట్టుబడులు పెట్టేందుకు ఆసక్తి చూపిస్తున్నారు. దీంతో ఇండియాకు డాలర్ల వరద మొదలైంది. ఈ ఆర్థిక సంవత్సరంలో ఇప్పటికే 22.53 బిలియన్‌ డాలర్లు విదేశీ ప్రత్యక్ష పెట్టుబడిగా వచ్చాయి. గతేడాది ఇదే సమయానికి వచ్చిన విదేశీ ప్రత్యక్ష పెట్టుబడుల విలువ 11.84 బిలియన్‌​ డాలర్లుగా ఉంది. అంటే ఒక్క ఏడాది కాలంలోనే పెట్టుబడులు 90 శాతం పెరిగాయి. నగదు రూపంలోనే కేంద్ర వాణిజ్య శాఖ ఇటీవల జారీ చేసిన వివరాల ప్రకారం ఈ ఆర్థిక సంవత్సరంలో ఏప్రిల్‌ నుంచి జూన్‌ వరకు మొదటి మూడు నెలలులోనే 17.57 బిలియన్‌ డాలర్లు నిధులు నగదు రూపంలో వచ్చాయి. అంతకు ముందు ఏడాదిలో ఇదే కాలానికి వచ్చిన విదేశీ ప్రత్యక్ష పెట్టుబడుల నగదు విలువ కేవలం 6.56 బిలియన్‌ డాలర్లే. ఏడాది వ్యవధిలో నగదు రూపంలో విదేశీ ప్రత్యక్ష పెట్టుబడులు 168 శాతం పెరిగాయి. ఎక్కువగా ఈ రంగానికే విదేశీ ప్రత్యక్ష పెట్టుబుడలకు సంబంధించి నగదు రూపంలో వచ్చిన పెట్టుబడుల్లో 27 శాతం వాటాతో సింహభాగం ఆటోమొబైల్‌ ఇండస్ట్రీకే వచ్చాయి. ఆ తర్వాత ఐటీ రంగానికి 17 శాతం సర్వీస్‌ సెక్టార్లోకి 11 శాతం పెట్టుబడులు వచ్చాయి. కర్నాటకకు ప్రాధాన్యం విదేశీ ఇన్వెస్టర్లు తమ పెట్టుబడులకు కర్నాటకను సేఫ్‌ ప్లేస్‌గా ఎంచుకుంటున్నారు. ఈ ఏడాది వచ్చిన పెట్టుబడుల్లో 48  శాతం కర్నాటక రాష్ట్రానికి తరలిపోగా ఆ తర్వాత మహారాష్ట్రకి 23 శాతం, ఢిల్లీకి 11 శాతం నిధులు వచ్చాయి. ఆటోమొబైల్‌, ఐటీ పరిశ్రమలు ఇక్కడ నెలకొని ఉండటం ఆ రాష్ట్రాలకు సానుకూల అంశంగా మారింది.  రికవరీయే కారణం విదేశీ ఇన్వెస్టర్లు మన మార్కెట్‌పై ఆసక్తి చూపించడానికి ప్రధాన కారణాల్లో కోవిడ్‌ సంక్షోభం తర్వాత ఆర్థిక వ్యవస్థ త్వరగా రికవరీ మోడ్‌లోకి రావడం ప్రదానంగా నిలిచింది. దీనికి  ఎకానమీ మూలాల పటిష్టత, కార్పొరేట్‌ ఆదాయాలు బాగుండడం వంటి అంశాల దన్నుగా నిలిచాయి. ఫలితంగా రిటైల్, వ్యవస్థాగత పెట్టుబడులు మార్కెట్‌లోకి భారీగా వస్తున్నాయని  మార్కెట్‌ నిపుణులు అంటున్నారు. చదవండి : స్టాక్‌ మార్కెట్‌లో రంకెలేస్తున్న బుల్‌.. ప్రపంచంలో భారత్‌ టాప్‌

Yahoo News India: వెబ్‌ సర్వీసుల ప్రొవైడర్‌ యాహూ.. భారత్‌లో న్యూస్‌ ఆపరేషన్స్‌ను నిలిపివేసింది. 20 ఏళ్ల సేవలకు నేటితో(ఆగష్టు 26) పుల్‌స్టాప్‌ పెట్టింది. ఈ మేరకు న్యూస్‌ ఆధారిత వెబ్‌సైట్ల కార్యకలాపాలను నిలిపివేసినట్లు  అధికారికంగా ప్రకటించిన యాహూ..  మెయిల్‌ సర్వీసులు మాత్రం యథావిధిగా కొనసాగుతాయని ప్రకటించింది.  అమెరికాకు చెందిన వెబ్‌ సేవల కంపెనీ యాహూ.. ఇవాళ్టి నుంచి వార్తా సేవలను నిలిపివేసినట్లు ప్రకటించింది. గురువారం నుంచి ఎలాంటి కొత్త కంటెంట్‌ను పబ్లిష్‌ చేయకపోవడం విశేషం. అయితే ఈ షట్‌డౌన్‌తో మిగతా వ్యవహారాలపై ఎలాంటి ప్రభావం ఉండదని కంపెనీ ఒక ప్రకటనలో తెలిపింది. ‘‘ఆగష్టు 26 నుంచి యాహూ ఇండియా.. ఎలాంటి కంటెంట్‌ను పబ్లిష్‌ చేయబోదు. యాహూ అకౌంట్‌తో పాటు మెయిల్‌, సెర్చ్‌ అనుభవాలపై ఎలాంటి ప్రభావం చూపెట్టబోదు. యూజర్లు వాళ్ల అకౌంట్ల విషయంలో ఎలాంటి ఆందోళన చెందనక్కర్లేద’’ని యాహూ ఇండియా హోం పేజీలో ప్రకటించింది. క్లిక్‌ చేయండి: వాట్సాప్‌ వాయిస్‌ కాల్‌ రికార్డు.. ఇలా చేయొచ్చు ఇక ఈ ప్రకటనతో యాహూ న్యూస్‌, యాహూ క్రికెట్‌, ఫైనాన్స్‌, ఎంటర్‌టైన్‌మెంట్‌, మేకర్స్‌కు సంబంధించిన కంటెంట్‌ నిలిచిపోనుంది. ఎఫ్‌డీఐ కొత్త రూల్స్‌..  విదేశీ మీడియా కంపెనీలపై భారత నియంత్రణ చట్టాల ప్రభావం వల్లే ఈ నిర్ణయం తీసుకున్నట్లు యాహూ స్పష్టం చేసింది. డిజిటల్‌ మీడియా కంపెనీల్లో 26 శాతం వరకు మాత్రమే విదేశీ ప్రత్యక్ష పెట్టుబడులను.. అదీ కేంద్ర ప్రభుత్వం అనుమతులతోనే కొత్త చట్టాలు అనుమతించనున్నాయి. అక్టోబర్‌ నుంచి ఈ నిబంధనలు అమలులోకి రానుంది.  డిజిటల్‌ కంటెంట్‌.. ముఖ్యంగా యాహూ క్రికెట్‌పై ఈ నిర్ణయం ఎక్కువ ప్రభావం పడే అవకాశం ఉన్నందున ఈ నిర్ణయం తీసుకున్నట్లు స్పష్టం చేసింది.  గత 20 ఏళ్లుగా యాహూ సేవలు ప్రీమియం, లోకల్‌ కంటెంట్‌ అందిస్తోంది. ఒకప్పుడు ఇంటర్నెట్‌కి పర్యాయపదంగా యాహూను.. అమెరికా టెలికం దిగ్గజం వెరిజోన్‌ 2017లో కొనుగోలు చేసిన విషయం తెలిసిందే. చదవండి: ముట్టుకోకుండానే ఫోన్‌ పని చేస్తుందిక

న్యూఢిల్లీ: యాంకరేజ్‌ ఇన్‌ఫ్రాస్ట్రక్చర్‌ ఇన్వెస్ట్‌మెంట్‌ హోల్డింగ్‌ రూ.15,000 కోట్ల విదేశీ ప్రత్యక్ష  పెట్టుబడుల (ఎఫ్‌డీఐ) ప్రతిపాదనకు ప్రధాని నేతృత్వంలోని ఆర్థిక వ్యవహారాల క్యాబినెట్‌ కమిటీ (సీసీఈఏ) ఆమోదముద్ర వేసింది. మౌలిక రంగంలో పెట్టుబడులకు ఉద్దేశించి యాంకరేజ్‌ ఇన్‌ఫ్రాస్ట్రక్చర్‌ ఇన్వెస్ట్‌మెంట్‌ హోల్డింగ్‌ (కెనడా పెన్షన్‌ ఫండ్‌కు అనుబంధ విభాగం) ఈ భారీ ఎఫ్‌డీఐ ప్రతిపాదనను చేసింది. బెంగళూరు ఇంటర్నేషనల్‌ ఎయిర్‌పోర్ట్‌ లిమిటెడ్‌ వాటా యాంకరేజ్‌ ఇన్‌ఫ్రాస్ట్రక్చర్‌ ఇన్వెస్ట్‌మెంట్‌ హోల్డింగ్‌కు బదలాయింపు కూడా పెట్టుబడుల్లో భాగంగా ఉంది. ఇటీవల కేంద్రం ప్రకటించిన నేషనల్‌ మోనిటైజేషన్‌ పైప్‌లైన్‌ (ఎన్‌ఎంపీ) విధానానికి, ఉపాధి కల్పనకు తాజా ఎఫ్‌డీఐ ప్రతిపాదన భారీ మద్దతునిస్తుందని ఈ మేరకు వెలువడిన ఒక అధికారిక ప్రకటన తెలిపింది. 

న్యూఢిల్లీ: ఈ ఏడాది(2021) మే నెలలో విదేశీ ప్రత్యక్ష పెట్టుబడులు(ఎఫ్‌డీఐలు) భారీగా ఎగసినట్లు వాణిజ్యం, పరిశ్రమల మంత్రి పీయూష్‌ గోయల్‌ పేర్కొన్నారు. గతేడాది(2020) ఇదే నెలతో పోలిస్తే 203 శాతం జంప్‌చేసి 12.1 బిలియన్‌ డాలర్లు(దాదాపు రూ. 8,980 కోట్లు) లభించినట్లు తెలియజేశారు. గత ఆర్థిక సంవత్సరం(2020–21)లో సరికొత్త రికార్డ్‌ నెలకొల్పుతూ ఎఫ్‌డీఐలు 10 శాతం వృద్ధితో 81.72 బిలియన్‌ డాలర్లను తాకినట్లు   వెల్లడించారు. కాగా.. ప్రస్తుత ఆర్థిక సంవత్సరం(2021–22)లో 400 బిలియన్‌ డాలర్ల విలువైన ఎగుమతుల లక్ష్యాన్ని సాధించేందుకు కేంద్ర ప్రభుత్వం కృషి చేస్తున్నట్లు తెలియజేశారు. ఎగుమతులకు ప్రోత్సాహంపై విభిన్న పరిశ్రమల సమాఖ్యలతో సమావేశం సందర్భంగా గోయల్‌ ఈ విషయాలు వెల్లడించారు. 

న్యూఢిల్లీ:  ప్రైవేటీకరణ బాటలో కేంద్రం తన స్పీడ్‌ పెంచింది. ఈ దిశలో రెండు కీలక నిర్ణయాలు తీసుకుంది.  ప్రభుత్వ రంగంలోని ఆయిల్, గ్యాస్‌ కంపెనీల్లో 100 శాతం విదేశీ ప్రత్యక్ష పెట్టుబడులకు (ఎఫ్‌డీఐ) కేంద్రం గురువారం అనుమతినిచ్చింది. దీనితో ఆయా సంస్థల నుంచి ప్రభుత్వం తన  మెజారిటీ వాటాల విక్రయానికి (వ్యూహాత్మక విక్రయాలు) మార్గం సుగమం అయ్యింది. ఇక ప్రభుత్వ రంగంలోని బీమా కంపెనీల ప్రైవేటీకరణకు ఉద్దేశించిన జీఐబీఎన్‌ఏ (జనరల్‌ ఇన్సూరెన్స్‌ బిజినెస్‌– నేషనలైజేషన్‌ యాక్ట్‌) సవరణలకు కేంద్రం క్యాబినెట్‌ బుధవారమే ఆమోదముద్ర వేసినట్లు ఉన్నత స్థాయి వర్గాలు తెలిపాయి. ఆయిల్, గ్యాస్‌ రంగంలో  తక్షణం  పెట్టుబడుల ఉపసంహరణ వరుసలో భారత్‌ రెండవ అతిపెద్ద ఆయిల్‌ రిఫైనర్‌ భారత్‌ పెట్రోలియం కార్పొరేషన్‌ (బీపీసీఎల్‌) నిలుస్తోంది. ప్రభుత్వం బీపీసీఎల్‌ను ప్రైవేటీకరిస్తున్న సంగతి తెలిసిందే. కంపెనీలో తన పూర్తి 52.98 శాతం వాటాలను విక్రయిస్తోంది. ‘‘ఆయిల్, సహజ వాయువు రంగాలకు సంబంధించి ఎఫ్‌డీఐ విధానానికి కొత్త క్లాజ్‌ను జోడించడం జరిగింది. దీని ప్రకారం, వ్యూహాత్మక విక్రయాలకు సూత్రప్రాయ ఆమోదం పొందిన సంస్థల్లోకి 100 శాతం విదేశీ పెట్టుబడులను ఆటోమేటిక్‌ రూట్‌లో (కఠిన ఆమోదాలు అవసరం లేని) అనుమతించడం జరుగుతుంది’’ అని డీపీఐఐటీ (పారిశ్రామిక అభివృద్ధి, అంతర్గత వాణిజ్య శాఖ) ఒక నోట్‌లో పేర్కొంది.   విదేశీ కంపెనీల ఆసక్తి.. బీపీసీఎల్‌లో ప్రభుత్వ పూర్తి వాటా కొనుగోలుకు ఆసక్తిని వ్యక్తం చేసిన 3 కంపెనీల్లో రెండు విదేశీ కంపెనీలే. ప్రభుత్వం నుంచి 52.98% వాటాను కొనుగోలు చేసే సంస్థ, టేకోవర్‌ నిబంధనల ప్రకారం ఇతర వాటాదారుల నుంచి మరో 26% వాటా కొనుగోలుకు ఓపెన్‌ ఆఫర్‌ ఇవ్వవచ్చు. బీపీసీఎల్‌ కొనుగోలు రేసులో  వేదాంతాతో పాటు, అమెరికాకు చెందిన ప్రైవేట్‌ ఈక్విటీ సంస్థలు అపోలో గ్లోబల్, ఐ స్వేర్డ్‌ క్యాపిటల్స్‌ అనుబంధ విభాగం థింక్‌ గ్యాస్‌లు పోటీపడుతున్నాయి.   ఇప్పటివరకూ 49 శాతమే! 2008 మార్చిలో తీసుకున్న నిర్ణయం ప్రకారం, ప్రభుత్వ రంగ సంస్థలు ప్రమోట్‌ చేస్తున్న చమురు రిఫైనర్‌లో ఎఫ్‌డీఐ పరిమితి 26% నుంచి 49%కి పెరిగింది.  బీపీసీఎల్‌ అమ్మకం పూర్తయితే,  ఐఓసీ మాత్రమే ప్రభుత్వ ప్రత్యక్ష పర్యవేక్షణలో ఉండే ఏౖకైక చమురు రిఫైనింగ్‌ కంపెనీగా ఉంటుంది. ప్రభుత్వ బీమా కంపెనీలు కూడా! ప్రభుత్వ రంగంలోని బీమా కంపెనీల ప్రైవేటీకరణకు ఉద్దేశించిన జీఐబీఎన్‌ఏ (జనరల్‌ ఇన్సూరెన్స్‌ బిజినెస్‌– నేషనలైజేషన్‌ యాక్ట్‌) సవరణలకు కేంద్రం క్యాబినెట్‌ ఆమోదముద్ర వేసింది. ఈ బిల్లును ప్రస్తుత వర్షాకాల సమావేశాల్లోనే ప్రవేశపెట్టే అవకాశం ఉందని ఉన్నత స్థాయి వర్గాలు తెలిపాయి. రెండు ప్రభుత్వ రంగ బ్యాంకులతో పాటు, ఒక సాధారణ బీమా కంపెనీని ప్రైవేటీకరణ చేస్తామని ఆర్థికమంత్రి నిర్మలా సీతారామన్‌ తన 2021–22 బడ్జెట్‌ ప్రసంగంలో ప్రకటించిన సంగతి తెలిసిందే. ఈ బాధ్యతను నీతి ఆయోగ్‌కు అప్పగించడమూ జరిగింది.  ప్రభుత్వ రంగ కంపెనీలు, ఫైనాన్షియల్‌ సంస్థల నుంచి వాటాల విక్రయం ద్వారా రూ.1.75 లక్షల కోట్లు సమకూర్చుకోవాలన్నది బడ్జెట్‌ లక్ష్యం. ఫైనాన్షియల్‌ రంగంలో పెట్టుబడుల ఉపసంహరణలో భాగంగా ఎల్‌ఐసీ మెగా ఐపీఓకు కేంద్రం నిర్ణయం తీసుకుంది. దీనికితోడు ఐడీబీఐ బ్యాంక్‌లో తన మిగిలిన వాటా విక్రయాలకూ సిద్ధమవుతోంది. యునైటెడ్‌ ఇండియా ఇన్సూరెన్స్‌లో వాటాల విక్రయానికి నీతి ఆయోగ్‌ సూచనలు చేసినట్లు సమాచారం. చిన్న విమానాశ్రయాలు షురూ..! దేశంలో చిన్న విమానాశ్రయాల ఏర్పాటుకు ప్రోత్సాహం,  మారుమూల, దూర ప్రాంతాలకు విమాన సర్వీసుల విస్తరణకు తొలి అడుగు పడింది. ఇందుకు సంబంధించిన ఎయిర్‌పోర్ట్స్‌ ఎకనమిక్‌ రెగ్యులేటరీ అథారిటీ ఆఫ్‌ ఇండియా (సవరణ) బిల్లు, 2021కు లోక్‌సభ గురువారం ఆమోదముద్ర వేసింది. పెగాసస్, రైతుల సమస్యలపై సభ్యులు ఆందోళనలు చేస్తున్న పరిస్థితుల్లో ఎటువంటి చర్చా లేకుండా పౌర విమానయాన శాఖ మంత్రి జోతిరాదిత్య సింధియా ప్రవేశపెట్టిన  బిల్లుకు సభ ఆమోదముద్ర వేసింది. దేశంలో 128 విమానాశ్రయాలు త్వరలో ఏర్పాటవుతాయని భావిస్తున్నట్లు మంత్రి తెలిపారు.  

ఐక్యరాజ్యసమితి: కరోనా ప్రతికూల సవాళ్లలోనూ భారత్‌ 2020లో 64 బిలియన్‌ డాలర్ల విదేశీ ప్రత్యక్ష పెట్టుబడులను (ఎఫ్‌డీఐ) ఆకర్షించింది. 2019తో పోల్చితే 25 శాతం పైగా (51 బిలియన్‌ డాలర్ల నుంచి) పెరిగినట్లు వివరించింది.  ఐక్యరాజ్యసమితి (ఐరాస) నివేదిక ఈ విషయాన్ని తెలిపింది. తద్వారా అత్యధిక ఎఫ్‌డీఐలు ఆకర్షించిన ప్రపంచదేశాల్లో భారత్‌ ఐదవ స్థానంలో నిలిచినట్లు పేర్కొంది. కోవిడ్‌–19 సెకండ్‌ వేవ్‌ దేశ ఆర్థిక వ్యవస్థపై తీవ్ర ప్రతికూల ప్రభావం చూపినప్పటికీ, ఫండమెంటల్స్‌ పటిష్టంగా ఉన్నాయని విశ్లేషించింది. ఆర్థిక వ్యవస్థకు సంబంధించిన ఈ పటిష్ట ప్రధాన అంశాలు మధ్యకాలికంగా దేశాన్ని ‘‘ఆశావాదం దృక్పథం’’లో ఉంచుతున్నట్లు ఐక్యరాజ్యసమితి ట్రేడ్‌ అండ్‌ డెవలప్‌మెంట్‌ (యూఎన్‌సీటీఏడీ)   2021 వరల్డ్‌ ఇన్వెస్ట్‌మెంట్‌ నివేదిక పేర్కొంది. దేశ ఇన్ఫర్మేషన్‌ అండ్‌ కమ్యూనికేషన్‌ టెక్నాలజీ (ఐసీటీ) పరిశ్రమ భారీ ఎఫ్‌డీఐలను ఆకర్షించినట్లు వివరించింది. దేశం ఎఫ్‌డీఐల ఆకర్షణ దీర్ఘకాలిక ధోరణిగా ఉంటుందని విశ్లేషించింది. ప్రత్యేకించి ఐసీటీ పరిశ్రమలో పెట్టుబడులు గణనీయంగా పెరుగుతాయని అంచనావేసింది. భారత్‌ ఉత్పత్తి ఆధారిత ప్రోత్సాహక పథకాన్ని ప్రస్తావిస్తూ, తయారీ, ఎగుమతి ఆధారిత పెట్టుబడుల పురోగతికి ఇది ఊతం ఇస్తుందని అభిప్రాయడపింది. ఆటోమోటివ్, ఎలక్ట్రానిక్స్‌ వంటి ప్రాధాన్యతా రంగాల్లో పెట్టుబడులు పెరుగుతాయని అంచనావేసింది.    ప్రపంచవ్యాప్తంగా డౌన్‌... మహమ్మారి వల్ల ప్రపంచ వ్యాప్తంగా ఎఫ్‌డీఐలు తీవ్రంగా దెబ్బతిన్నట్లు నివేదిక వివరించింది. 2019తో పోల్చితే 2020లో ప్రపంచంలో ఎఫ్‌డీఐల విలువ 1.5 ట్రిలియన్‌ డాలర్ల నుంచి ట్రిలియన్‌ డాలర్లకు పడిపోయినట్లు ఐరాస పేర్కొంది. మహమ్మారి వల్ల ప్రపంచ వ్యాప్తంగా డిజిటల్‌ ఇన్‌ఫ్రాస్ట్రక్చర్‌ అండ్‌ సర్వీసెస్‌కు మంచి డిమాండ్‌ ఏర్పడినట్లు తెలిపింది. ఈ పరిశ్రమలో ఎఫ్‌డీఐలు 22% పెరిగి 81 బిలియన్‌ డాలర్లకు చేరడం గమనార్హం. ఇక దక్షిణాసియాలో ఎఫ్‌డీఐలు 20% వృద్ధితో 71 బిలియన్‌ డాలర్లకు చేరినట్లు వివరించింది. కాగా దక్షిణాసియా నుంచి ఎఫ్‌డీఐలు 12 శాతం పడిపోయి 12 బిలియన్‌ డాలర్లకు పరిమితమయినట్లు తెలిపింది. భారత్‌లో పెట్టుబడులు భారీగా పడిపోవడం దీనికి కారణమని తెలిపింది. అయితే 2021లో భారత్‌లో పెట్టుబడులు స్థిరీకరణ సాధిస్తాయన్న విశ్వాసాన్ని వెలిబుచ్చింది.  కాగా చైనాకు ఎఫ్‌డీఐలు 2020లో 6 శాతం పెరిగి 149 బిలియన్‌లకు చేరినట్లు నివేదిక పేర్కొంది.

న్యూఢిల్లీ: ప్రభుత్వ రంగ చమురు దిగ్గజ సంస్థ భారత్‌ పెట్రోలియం కార్పొరేషన్‌ (బీపీసీఎల్‌) ప్రైవేటీకరణ దిశకు మరో అడుగు ముందుకు పడింది. చమురు, గ్యాస్‌ ప్రభుత్వ రంగ సంస్థల్లో పూర్తిగా 100 శాతం వరకు విదేశీ పెట్టుబడులను అనుమతించే ప్రతిపాదనలను వాణిజ్య మంత్రిత్వ శాఖ ముసాయిదా నోట్‌ను రూపొందించింది. ఈ ముసాయిదాను కేంద్ర కేబినెట్‌ ఆమోదిస్తే భారత రెండో అతిపెద్ద చమురు రంగ సంస్థ బీపీసీఎల్‌ను ప్రైవేటుపరం చేయడానికి దారులు సుగమం కానుంది.  తాజా పరిణామం ప్రకారం .. అంతకుముందే బీపీసీఎల్‌ను ప్రైవేటుపరం చేసే దానిలో భాగంగా అస్సాంలోని నూమాలీగడ్‌ రిఫైనరీ నుంచి బీపీసీఎల్‌ వైదొలగిన విషయం తెలిసిందే. కాగా ప్రస్తుతం కేంద్రం తీసుకొచ్చిన ముసాయిదాతో  బీపీసీఎల్‌లోని 52.98 శాతం వాటాను పూర్తిగా ప్రైవేటుపరం కానుంది . బీపీసీఎల్‌ కంపెనీను సొంతం చేసుకొవడానికి ప్రముఖ ప్రైవేటు రంగ సంస్థ వేదాంత ఆసక్తిని చూపిస్తున్నట్లు తెలుస్తోంది. ఎఫ్‌డీలపై అభిప్రాయాలను సేకరించిన తరువాత కేంద్ర మంత్రి వర్గ అనుమతి కోరనుంది. ప్రస్తుతం, పెట్రోలియం శుద్ధిలో 49 శాతం ఎఫ్‌డిఐలకు మాత్రమే అనుమతి ఉంది. చదవండి: ‘నుమాలీగఢ్‌’కు బీపీసీఎల్‌ గుడ్‌బై!

న్యూఢిల్లీ: గత ఆర్థిక సంవత్సరం(2020–21) ఈక్విటీలలో విదేశీ ప్రత్యక్ష పెట్టుబడులు(ఎఫ్‌డీఐలు) 19 శాతం బలపడ్డాయి. దాదాపు 60 బిలియన్‌ డాలర్లకు చేరాయి. ప్రభుత్వ సంస్కరణలు, పెట్టుబడి అవకాశాలు, బిజినెస్‌లకు సరళ వాతావరణం ఇందుకు దోహదం చేసినట్లు కేంద్ర వాణిజ్య శాఖ తెలియజేసింది. ఈక్విటీ, ఆర్జనలను తిరిగి ఇన్వెస్ట్‌ చేయడం, పెట్టుబడులతో కలిపి మొత్తం ఎఫ్‌డీఐలు 10 శాతం పుంజుకున్నట్లు పేర్కొంది. వెరసి చరిత్రలోనే అత్యధికంగా 81.72 బిలియన్‌ డాలర్లను తాకినట్లు వెల్లడించింది. అంతక్రితం ఏడాది(2019–20)లో ఇవి 74.39 బిలియన్‌ డాలర్లు మాత్రమే. వీటిలో ఈక్విటీ ఎఫ్‌డీఐలు 50 బిలియన్‌ డాలర్లుగా నమోదయ్యాయి.  దేశాలవారీగా చూస్తే...  దేశీ ఎఫ్‌డీఐలలో 29 శాతం వాటాతో సింగపూర్‌ టాప్‌ ర్యాంకులో నిలవగా.. యూఎస్‌ 23 శాతం, మారిషస్‌ 9 శాతం చొప్పున వాటాను ఆక్రమించాయి. విదేశీ ప్రత్యక్షపెట్టుబడుల విషయంలో కేంద్ర తీసుకున్న విధానపరమైన సంస్కరణలు, పెట్టుబడుల అనుకూలత, సులభతర వ్యాపార నిర్వహణ తదితర అంశాలు ఇందుకు సహకరించినట్లు వాణిజ్య శాఖ వివరించింది. వెరసి ప్రపంచ ఇన్వెస్టర్లకు ప్రాధాన్య దేశంగా భారత్‌ నిలుస్తున్న విషయాన్ని ఇది స్పష్టం చేస్తున్నట్లు పేర్కొంది.   రంగాలవారీగా..: ఎఫ్‌డీఐలను అత్యధికంగా ఆకట్టుకున్న రంగాలలో సాఫ్ట్‌వేర్, హార్డ్‌వేర్‌ 44 శాతం వాటాతో అగ్రపథాన నిలవగా.. నిర్మాణం(మౌలిక సదుపాయాలు) 13 శాతం, సరీ్వసుల రంగం 8 శాతం చొప్పున జాబితాలో చేరాయి. రాష్ట్రాలవారీగా చూస్తే గుజరాత్‌కు 37 శాతం పెట్టుబడులు లభించగా.. 27 శాతం వాటాతో మహారాష్ట్ర రెండో ర్యాంకును కైవసం చేసుకుంది. ఈ బాటలో కర్ణాటక 13 శాతం ఎఫ్‌డీఐలను సాధించింది. 

హైదరాబాద్, బిజినెస్‌ బ్యూరో: విమానయాన సంస్థ ట్రూజెట్‌ ప్రయాణంలో మరో మైలురాయి. విదేశీ ప్రత్యక్ష పెట్టుబడి (ఎఫ్‌డీఐ) రూపంలో కంపెనీలోకి భారీ నిధులు వచ్చిచేరనున్నాయి. ట్రూజెట్‌ పేరుతో కార్యకలాపాలు సాగిస్తున్న టర్బో మేఘా ఎయిర్‌వేస్‌లో 49 శాతం వాటా కొనుగోలుకు యూఎస్‌కు చెందిన ఇంటరప్స్‌ ముందుకొచ్చింది. అయితే వాటా కింద ఎంత మొత్తం పెట్టుబడి చేస్తున్నదీ ఇరు కంపెనీలూ వెల్లడించలేదు. త్వరలోనే ఈ డీల్‌ పూర్తి కానుంది. టర్బో మేఘా ఎయిర్‌వేస్‌ను ప్రముఖ నిర్మాణ రంగ సంస్థ మేఘా ఇంజనీరింగ్, ఇన్‌ఫ్రాస్ట్రక్చర్స్‌ (ఎంఈఐఎల్‌) ప్రమోట్‌ చేస్తున్న సంగతి తెలిసిందే. దేశవ్యాప్తంగా కార్యకలాపాల విస్తరణకు, పౌర విమానయాన రంగంలో కొత్త అవకాశాల అన్వేషణకు ఈ నిధులను వెచ్చిస్తామని ఎంఈఐఎల్‌ గ్రూప్‌ డైరెక్టర్‌ కె.వి.ప్రదీప్, ఇంటరప్స్‌ చైర్మన్‌ పాలెపు లక్ష్మీ ప్రసాద్‌ సంయుక్తంగా తెలిపారు. దేశవ్యాప్తంగా 21 కేంద్రాలు.. హైదరాబాద్‌ కేంద్రంగా ట్రూజెట్‌ 2015 జూలైలో కార్యకలాపాలను ప్రారంభించింది. ఉడాన్‌ పథకం ఆసరాగా మెట్రోలతో ద్వితీయ, తృతీయ శ్రేణి నగరాలను అనుసంధానిస్తూ విమానయాన సేవలను అందుబాటులోకి తెచ్చింది. వీటిలో హైదరాబాద్, ముంబై, చెన్నై, బెంగళూరుతోపాటు విజయవాడ, రాజమండ్రి, కడప, తిరుపతితోసహా 21 కేంద్రాలున్నాయి. ఇప్పటి వరకు 28.2 లక్షల మంది ట్రూజెట్‌లో ప్రయాణించారు. సంస్థ ఖాతాలో ఏడు విమానాలు వచ్చి చేరాయి. ఏటీఆర్‌–72 రకం ఎయిర్‌క్రాఫ్ట్స్‌ను కంపెనీ వినియోగిస్తోంది. హైదరాబాద్‌–ఔరంగాబాద్‌ సెక్టార్‌లో ట్రూజెట్‌ మాత్రమే సర్వీసులను నడుపుతోంది. కాగా, లక్ష్మీ ప్రసాద్‌ గతంలో హైదరాబాద్‌లో చార్టర్డ్‌ అకౌంటెంట్‌గా సేవలందించారు. 1997లో యూఎస్‌లో అడుగుపెట్టారు. గతేడాది ఎయిర్‌ ఇండియా ఉద్యోగులతో కలిసి ఆ సంస్థను కొనుగోలు చేసేందుకు ప్రయత్నించారు.

న్యూఢిల్లీ: దేశీయంగా బీమా కంపెనీలకు పెట్టుబడులపరమైన తోడ్పాటు లభించేలా ఇన్సూరెన్స్‌ రంగంలో విదేశీ ప్రత్యక్ష పెట్టుబడుల (ఎఫ్‌డీఐ) పరిమితిని 74 శాతానికి పెంచే బిల్లుకు పార్లమెంటు సోమవారం ఆమోదముద్ర వేసింది. వాయిస్‌ వోట్‌ ద్వారా లోక్‌సభలో దీనికి ఆమోదం లభించింది. ఇప్పటిదాకా జీవిత బీమా, సాధారణ బీమా విభాగాల్లో ఈ పరిమితి 49 శాతంగా ఉంది. బీమా చట్టం 1938ని సవరిస్తూ ప్రతిపాదించిన ఇన్సూరెన్స్‌ (సవరణ) బిల్లు 2021కి రాజ్యసభ గతవారమే ఆమోదముద్ర వేసింది. ఇన్సూరెన్స్‌ రంగంలో ఎఫ్‌డీఐ పరిమితిని పెంచడం .. బీమా కంపెనీలు మరిన్ని నిధులు సమీకరించుకునేందుకు, ఆర్థిక సమస్యలను అధిగమించేందుకు తోడ్పడగలదని కేంద్ర ఆర్థిక మంత్రి నిర్మలా సీతారామన్‌ బిల్లుపై లోక్‌సభలో చర్చ సందర్భంగా తెలిపారు. ప్రభుత్వ రంగ బీమా కంపెనీలకు అవసరమైన నిధులను కేంద్రం సమకూరుస్తోందని, తమంతట తాము నిధులు సమీకరించుకోవాల్సిన ప్రైవేట్‌ సంస్థలకు ఎఫ్‌డీఐల పరిమితి పెంపుతో కొంత ఊతం లభించగలదని ఆమె తెలిపారు. బీమా రంగ నియంత్రణ, అభివృద్ధి సంస్థ ఐఆర్‌డీఏఐ సిఫార్సులు, సంబంధిత వర్గాలతో విస్తృతంగా సంప్రదింపులు జరిపిన మీదట పరిమితి పెంపు నిర్ణయం తీసుకున్నట్లు నిర్మలా సీతారామన్‌ వివరించారు. గతంలో బీమా రంగంలో 26 శాతంగా ఉన్న ఎఫ్‌డీఐ పరిమితిని 2015లో 49%కి పెంచగా.. తాజాగా దాన్ని 74 శాతానికి పెంచినట్లు తెలిపారు.    కంపెనీలకు కోవిడ్‌ కష్టాలు.. సాల్వెన్సీ మార్జిన్ల నిర్వహణకు (జరపాల్సిన చెల్లింపులతో పోలిస్తే అసెట్స్‌ నిష్పత్తి) సంబంధించి బీమా కంపెనీలు సమస్యలు ఎదుర్కొంటున్నాయని మంత్రి చెప్పారు. ‘బీమా సంస్థలు.. ముఖ్యంగా ప్రైవేట్‌ రంగ ఇన్సూరెన్స్‌ కంపెనీలు.. నిధుల సమీకరణపరంగా తీవ్ర ఒత్తిడి ఎదుర్కొంటున్నాయి. కోవిడ్‌–19 మహమ్మారి కష్టాలు దీనికి తోడయ్యాయి. ఈ నేపథ్యంలో కార్యకలాపాల వృద్ధికి అవసరమైన పెట్టుబడులు రాకపోతే పరిస్థితి మరింత కష్టతరంగా మారుతుంది. ఇలాంటి పరిస్థితి తలెత్తకుండా ఉండాలంటే ఎఫ్‌డీఐ పరిమితిని పెంచాల్సిన అవసరం ఉంది‘ అని ఆమె తెలిపారు. ప్రస్తుతం ఏడు ప్రభుత్వ రంగ బీమా సంస్థల్లో మూడు కంపెనీల్లో సాల్వెన్సీ మార్జిన్లు నిర్దేశించిన స్థాయికన్నా తక్కువ ఉన్నాయని మంత్రి చెప్పారు. అయితే, వాటికి కావాల్సిన అదనపు మూలధనాన్ని సమకూర్చడం ద్వారా అవి ఈ సమస్యను అధిగమించేందుకు కేంద్రం తగు సహాయం చేస్తుందని పేర్కొన్నారు.   ఏయూఎం.. 76 శాతం అప్‌.. 2015 నుంచి బీమా రంగంలోకి రూ. 26,000 కోట్ల ఎఫ్‌డీఐలు వచ్చాయని, నిర్వహణలో ఉన్న ఆస్తుల (ఏయూఎం) పరిమాణం గడిచిన అయిదేళ్లలో 76 శాతం పెరిగిందని నిర్మలా సీతారామన్‌ తెలిపారు. బీమా కంపెనీల సంఖ్య 53 నుంచి 68కి పెరిగిందని, గత అయిదేళ్లలో 6 కంపెనీలు స్టాక్‌ ఎక్సే్చంజీల్లో లిస్టయ్యాయని వివరించారు. బీమా సంస్థల్లో 74% ఎఫ్‌డీఐలనేది గరిష్ట పరిమితి మాత్రమేనని, ఆయా కంపెనీలు దీన్ని కచ్చితంగా ఆ స్థాయికి పెంచుకోవాలనేమీ లేదని మంత్రి చెప్పారు. ఈ ఏడాది ఫిబ్రవరి 1న 2021–22 కేంద్ర బడ్జెట్‌ను ప్రవేశపెట్టిన సందర్భంగా ఇన్సూరెన్స్‌ రంగంలో ఎఫ్‌డీఐని పెంచేలా సీతారామన్‌ ప్రతిపాదన చేశారు.   బిల్లులో ప్రత్యేకాంశాలు.. ► బీమా సంస్థలు.. పాలసీదారుల సొమ్మును భారత్‌లోనే ఇన్వెస్ట్‌ చేయాల్సి ఉంటుంది. విదేశాలకు తీసుకెళ్లేందుకు కుదరదు. లాభాల్లో కొంత భాగాన్ని భారత్‌లోనే అట్టే ఉంచాలి.   ► బోర్డులో మెజారిటీ డైరెక్టర్లు, మేనేజ్‌మెంట్‌లో కీలక సభ్యులు స్థానిక భారతీయులే ఉండాలి. డైరెక్టర్లలో కనీసం 50 శాతం మంది స్వతంత్ర డైరెక్టర్లు ఉండాలి.   ఇన్‌ఫ్రా కోసం నాబ్‌ఫిడ్‌ బిల్లు.. మౌలిక సదుపాయాల ప్రాజెక్టులకు నిధులు సమకూర్చేందుకు డెవలప్‌మెంట్‌ ఫైనాన్స్‌ ఇన్‌స్టిట్యూట్‌ (డీఎఫ్‌ఐ) ఏర్పాటు దిశగా ప్రభుత్వం చర్యలు వేగవంతం చేసింది. ఇందులో భాగంగా నేషనల్‌ బ్యాంక్‌ ఫర్‌ ఫైనాన్సింగ్‌ ఇన్‌ఫ్రాస్ట్రక్చర్‌ అండ్‌ డెవలప్‌మెంట్‌ (నాబ్‌ఫిడ్‌) బిల్లు 2021ని  సీతారామన్‌ పార్లమెంటులో ప్రవేశపెట్టారు. రూ. 20,000 కోట్లతో ఏర్పాటయ్యే డీఎఫ్‌ఐ రాబోయే కొన్నేళ్లలో రూ. 3 లక్షల కోట్ల దాకా నిధులు సమీకరించవచ్చు. తద్వారా నేషనల్‌ ఇన్‌ఫ్రాస్ట్రక్చర్‌ పైప్‌లైన్‌ కింద దాదాపు 7,000 ఇన్‌ఫ్రా ప్రాజెక్టులకు  నిధులను సమకూర్చేందుకు ఇది తోడ్పడనుంది. మరోవైపు, మైనింగ్‌ రంగంలో మరిన్ని సంస్కరణలకు ఉద్దేశించిన గనులు, ఖనిజాల (అభివృద్ధి, నియంత్రణ) సవరణ బిల్లు 2021ని ప్రతిపక్షాల నిరసనల మధ్య పార్లమెంటు ఆమోదించింది.

సాక్షి, న్యూఢిల్లీ: విదేశీ ప్రత్యక్ష పెట్టుబడుల (ఎఫ్‌డీఐ) ఆకర్షణలో తెలంగాణ 8వ స్థానంలో నిలిచింది. కేంద్ర పరిశ్రమలు, అంతర్గత వాణిజ్య ప్రోత్సాహక విభాగం (డీపీఐఐటీ) తాజాగా విడుదల చేసిన గణాంకాల ప్రకారం ప్రస్తుత ఆర్థిక సంవత్సరం 2020–21లో ఏప్రిల్‌ నుంచి డిసెంబర్‌ మధ్య 9 నెలల కాలానికి మొత్తం రూ. 6,466 కోట్ల విదేశీ ప్రత్యక్ష పెట్టుబడులు తెలంగాణకు వచ్చాయి. ఇవి దేశంలోని మొత్తం ఎఫ్‌డీఐల రాకలో 2 శాతం. అక్టోబర్‌ 2019 నుంచి డిసెంబర్‌ 2020 వరకు మొత్తంగా రూ.11,331.61 కోట్లు వచ్చాయి. ఇది మొత్తం ఎఫ్‌డీఐల్లో 2.4 శాతంగా ఉంది. అక్టోబర్‌ 2019 నుంచి డిసెంబర్‌ 2020 వరకు దేశవ్యాప్తంగా మొత్తం రూ.5,54,613.65 కోట్ల మేర ఎఫ్‌డీఐలు దేశంలోకి వచ్చాయి. ఇందులో 31.92 శాతంతో గుజరాత్‌ మొదటి స్థానంలో నిలిచింది. ఏకంగా రూ.1,77,052 కోట్ల మేర ఆ రాష్ట్రానికి విదేశీ ప్రత్యక్ష పెట్టుబడులు లభించాయి. రూ.1,53,351 కోట్లతో మహారాష్ట్ర రెండో స్థానంలో నిలిచింది. మొత్తం ఎఫ్‌డీఐలలో మహారాష్ట్ర వాటా 27.65 శాతంగా ఉంది. అలాగే రూ.78,159 కోట్లు ఆకర్షించి కర్ణాటక మూడో స్థానంలో, రూ. 59,830 కోట్లతో ఢిల్లీ నాలుగో స్థానంలో, రూ.19,733 కోట్లతో తమిళనాడు ఐదో స్థానంలో నిలిచాయి. రూ.1,975.74 కోట్ల ఎఫ్‌డీఐలతో ఆంధ్రప్రదేశ్‌ 12వ స్థానంలో నిలిచింది. సర్వీస్‌ సెక్టార్‌లోనే అత్యధికం.. విదేశీ ప్రత్యక్ష పెట్టుబడులు సేవా రంగంలోనే అత్యధికంగా వస్తున్నాయి. ఫైనాన్షియల్, బ్యాంకింగ్, నాన్‌–ఫైనాన్షియల్, ఔట్‌సోర్సింగ్, పరిశోధన-అభివృద్ధి, కొరియర్, టెక్నాలజీ, టెస్టింగ్‌ అండ్‌ అనాలిసిస్‌ తదితర సేవలు అందించే ఈ రంగానికి 16 శాతం ఎఫ్‌డీఐలు రాగా ఆ తరువాత కంప్యూటర్‌ సాఫ్ట్‌వేర్, హార్డ్‌వేర్‌ పరిశ్రమలోకి 13 శాతం పెట్టుబడులు వచ్చాయి. ప్రస్తుత ఆర్థిక సంవత్సరంలో ఏప్రిల్‌ నుంచి డిసెంబర్‌ వరకు సాఫ్ట్‌వేర్, హార్డ్‌వేర్‌ పరిశ్రమలోకి ఏకంగా రూ.1,81,470 కోట్ల పెట్టుబడులు వచ్చాయి. ఈ రెండు రంగాల తరువాత వరుసగా టెలి కమ్యూనికేషన్లు (7 శాతం), ట్రేడింగ్‌ (6 శాతం), భవన నిర్మాణ రంగం (5 శాతం), ఆటో పరిశ్రమ (5 శాతం), మౌలికవసతుల నిర్మాణ రంగం (5 శాతం), రసాయనాలు (4 శాతం), ఫార్మా (3 శాతం), హోటల్, టూరిజం (3 శాతం) రంగాలు నిలిచాయి.  

బీమా రంగంలో విదేశీ ప్రత్యక్ష పెట్టుబడులను (ఎఫ్‌డీఐ) 74 శాతానికి పెంచే ప్రతిపాదనను బడ్జెట్‌లో భాగంగా ఆర్థిక మంత్రి సీతారామన్‌ ప్రకటించారు. మన దేశంలో బీమా ఉత్పత్తుల విస్తరణ ప్రపంచ దేశాలతో పోలిస్తే తక్కువగా ఉండడంతో మరిన్ని విదేశీ పెట్టుబడులను ఆకర్షించే ఉద్దేశ్యంతో కేంద్రం ఈ ప్రతిపాదన తీసుకొచ్చింది. కాకపోతే ఎఫ్‌డీఐ పెంపు అనంతరం కూడా బీమా కంపెనీల బోర్డుల్లో మెజారిటీ డైరెక్టర్లు, యాజమాన్యంలో కీలకమైన వ్యక్తులు అందరూ భారతీయులే ఉండాలన్న ‘కంపెనీ నిర్మాణాన్ని’ ఆర్థిక మంత్రి నిర్మలా సీతారామన్‌ ప్రస్తావించారు. బీమా చట్టం 1938ను సవరించడం ద్వారా బీమా కంపెనీల్లో ఎఫ్‌డీఐ పరిమితిని ప్రస్తుత 49% నుంచి 74%కి పెంచాలని ప్రతిపాదిస్తున్నట్టు మంత్రి పేర్కొన్నారు. తగిన రక్షణలతో విదేశీ యాజమాన్యాన్ని, నిర్వహణను ఆహ్వానిస్తున్నట్టు ప్రకటించారు. బీమా రంగంలో ఎఫ్‌డీఐ పరిమితిని చివరిగా 2015లో అప్పటి వరకు ఉన్న 26 శాతం నుంచి 49 శాతానికి పెంచడం జరిగింది. మన దేశంలో జీవిత బీమా ఉత్పత్తుల వ్యాప్తి జీడీపీలో 3.6 శాతంగా ఉండగా, ప్రపంచ సగటు 7.13 శాతంతో పోలిస్తే తక్కువలో ఉండడం గమనార్హం. అదే సాధారణ బీమా విషయంలో ప్రపంచ సగటు 2.88 శాతం అయితే, మన దేశంలో మాత్రం వ్యాప్తి 0.94 శాతంగానే ఉంది.

న్యూఢిల్లీ: ప్రభుత్వ రంగ సంస్థల్లో భారీగా పెట్టుబడుల ఉపసంహరణకు కేంద్రం నిర్ణయించింది. 2021-22 బడ్జెట్ నేపథ్యంలో ఎయిరిండియా, షిప్పింగ్‌ కార్పొరేషన్‌ పెట్టుబడులలో ఉపసంహరణకు గ్రీన్‌ సిగ్నల్‌ ఇస్తున్నట్లు ప్రకటించింది. పవన్‌ హన్స్‌, ఎయిరిండియా ప్రైవేటీకరణకు అనుమతి ఇచ్చింది. అదే విధంగా.. ఐడీబీఐ, భారత్‌ ఎర్త్‌ మూవర్స్‌ పెట్టుబడులలో ఉపసంహరణతో పాటు ‌ఈ ఏడాదిలోనే ఎల్‌ఐసీ పబ్లిక్‌ ఇష్యూకు వెళ్లే యోచనలో ఉన్నట్లు తెలిపింది. ఇందుకు అవసరమైన చట్టసవరణలు చేయాల్సిందిగా కేంద్ర ఆర్థిక మంత్రి నిర్మలా సీతారామన్ ప్రతిపాదించారు.(చదవండి: లైవ్‌ అప్‌డేట్స్‌: దిగి రానున్న వెండి, బంగారం ధరలు)   ‘‘ఇన్సూరెన్స్‌ యాక్ట్‌-1938కు సవరణలు చేయాల్సిందిగా ప్రతిపాదిస్తున్నా. తద్వారా బీమా కంపెనీల్లో విదేశీ ప్రత్యక్ష పెట్టుబడుల(ఎఫ్‌డీఐ) పరిమితిని 49 శాతం నుంచి 74 శాతానికి పెంచేందుకు మార్గం సుగమమవుతుంది. నిబంధనలను అనుసరించి విదేశీ యాజమాన్యం పెట్టుబడులు పెట్టేందుకు అనుమతులు లభిస్తాయి’’ అని నిర్మలా సీతారామన్‌ ఈ సందర్భంగా వ్యాఖ్యానించారు.   I propose to amend the Insurance Act 1938 to increase the permissible FDI limit from 49% to 74% in insurance companies and allow foreign ownership & control with safeguards: Finance Minister Nirmala Sitharaman. #Budget2021 pic.twitter.com/c9WHDH4CQ2 — ANI (@ANI) February 1, 2021 బడ్జెట్‌ బూస్టింగ్‌ మోదీ హయాంలో ప్రవేశపెట్టిన తొమ్మిదవ బడ్జెట్‌తో స్టాక్‌మార్కెట్లు భారీగా లాభపడుతున్నాయి. సెన్సెక్స్  930 పాయింట్లకుపైగా లాభంలో కొనసాగుతోంది.‌

ముంబై: కరోనా కల్లోలం ఉన్నా, ఈ ఏడాది డీల్స్‌ జోరుగా జరిగాయి. అంతర్జాతీయంగా ఆర్థిక పరిస్థితులు అస్తవ్యస్తంగా ఉన్నా, పలు విదేశీ సంస్థలు మన కంపెనీలతో డీల్స్‌ కుదుర్చుకున్నాయని పీడబ్ల్యూసీ ఇండియా తెలిపింది. రిలయన్స్‌ కారణంగా భారీ డీల్స్‌ కుదిరాయంటున్న ఈ సంస్థ ఇంకా ఏం చెప్పిందంటే...,   ► గత ఏడాదితో పోల్చితే ఈ ఏడాది డీల్స్‌ 7 శాతం వృద్ధితో 8,000 కోట్ల డాలర్లకు పెరిగాయి. మొత్తం 1,268 లావాదేవీలు జరిగాయి.   ► దీంట్లో మూడో వంతుకు పైగా రిలయన్స్‌ ఇండస్ట్రీస్‌కు సంబంధించిన డీల్స్‌ ఉన్నాయి.   ► రిలయన్స్‌కు చెందిన టెలికం విభాగం రిలయన్స్‌ జియో 1,020 కోట్ల డాలర్లు సాధించింది. ఇక రిటైల్‌ విభాగం కూడా వేల కోట్ల ఎఫ్‌డీఐ(విదేశీ ప్రత్యక్ష పెట్టుబడులు)లను ఆకర్షించింది.   ► ఈ ఏడాది జరిగిన మొత్తం డీల్స్‌లో విలీనాలు, కొనుగోళ్ల డీల్స్‌ వాటా దాదాపు సగంగా ఉంది. ఇక ప్రైవేట్‌ ఈక్విటీ(పీఈ) లావాదేవీలు గత ఏడాది మాదిరిగానే 3,820 కోట్ల డాలర్ల             రేంజ్‌లో ఉన్నాయి.   ► ఈ ఏడాది ఆరంభంలో టెలికం రంగంలో భారీ డీల్స్‌ వచ్చాయి. ఆ తర్వాత కరోనా కల్లోలం చెలరేగడంతో పలు సంస్థల తమ ఒప్పందాలను వాయిదా వేశాయి. పలు పీఈ ఫండ్స్‌ కూడా వేచి చూసే ధోరణిని అవలంభించాయి.   ► దేశీయ డీల్స్‌ పరంగా చూస్తే, రిలయన్స్‌ రిటైల్‌–ఫ్యూచర్‌ గ్రూప్‌ ఒప్పందమే పెద్దది. ఫ్యూచర్‌ గ్రూప్‌నకు చెందిన రిటైల్, హోల్‌సేల్, లాజిస్టిక్స్, వేర్‌హౌసింగ్‌ వ్యాపారాలను రిలయన్స్‌ రిటైల్‌  330 కోట్ల డాలర్లకు కొనుగోలు చేసింది.   ► విదేశీ సంస్థల డీల్స్‌ ఈ ఏడాది 11 శాతం పెరిగాయి. రిలయన్స్‌ జియోలో 9.9 శాతం వాటా కోసం ఫేస్‌బుక్‌ సంస్థ 570 కోట్ల డాలర్లు ఇన్వెస్ట్‌ చేసింది. లాక్‌డౌన్‌ కాలంలో జరిగిన అతి పెద్ద     డీల్‌ ఇదే.   ► ఈ ఏడాది ఏప్రిల్‌–సెప్టెంబర్‌ కాలానికి 3,000 కోట్ల డాలర్ల విదేశీ ప్రత్యక్ష పెట్టుబడులు(ఎఫ్‌డీఐ)లు వచ్చాయి. గత ఏడాది ఇదే కాలంలో వచ్చిన ఎఫ్‌డీఐలతో పోల్చితే ఇది 15 శాతం అధికం.   ► రిలయన్స్‌ వల్లనే అధికంగా పీఈ డీల్స్‌ జరిగాయి. ఫేస్‌బుక్, టీపీజీ, కేకేఆర్, జనరల్‌ అట్లాంటిక్, సిల్వర్‌ లేక్‌ తదితర పీఈ ఫండ్స్, సావరిన్‌ ఫండ్స్‌ రిలయన్స్‌ జియోలో 980 కోట్ల డాలర్లు ఇన్వెస్ట్‌ చేశాయి. ఈ ఏడాది పీఈ ఫండ్స్‌ ఇన్వెస్ట్‌మెంట్స్‌లో ఇది 66 శాతానికి సమానం. రిలయన్స్‌ రిటైల్‌ వెంచర్‌లో 510 కోట్ల డాలర్ల ఇన్వెస్ట్‌మెంట్స్‌ వచ్చాయి. ఈ ఏడాది మొత్తం పీఈ ఫండ్స్‌ ఇన్వెస్ట్‌మెంట్స్‌  1,500 కోట్ల డాలర్లుగా ఉన్నాయి. ఇది రికార్డ్‌ స్థాయి.   ► ఈ ఏడాది అత్యధిక నిధులు ఆకర్షించిన రంగంగా టెలికం నిలిచింది.  ఈ రంగంలోకి మొత్తం 1,120 కోట్ల డాలర్ల పెట్టుబడులు వచ్చాయి. ఇక రిటైల్‌ రంగంలో 650 కోట్ల డాలర్లు, టెక్నాలజీ రంగంలో 600 కోట్ల డాలర్లు, ఫార్మాలో 250 కోట్ల డాలర్ల చొప్పున పెట్టుబడులు వచ్చాయి. ► వాటాలను విక్రయించి వివిధ సంస్థల నుంచి పీఈ సంస్థలు వైదొలగడం గత ఐదేళ్లలోనే అత్యంత కనిష్టానికి ఈ ఏడాది పడిపోయింది. స్టాక్‌ మార్కెట్‌  తీవ్రమైన ఒడిదుడుకుల్లో ఉండటమే దీనికి కారణం. ఈ వాటాల విక్రయం పరంగా చూస్తే, మొత్తం 420 కోట్ల డాలర్ల విలువైన 136 లావాదేవీలు జరిగాయి.  ఇది గత ఏడాది డీల్స్‌తో పోల్చితే 56 శాతం తక్కువ. (విలువ పరంగా)

న్యూఢిల్లీ: డీటీహెచ్‌ (ఇళ్లకు నేరుగా ప్రసారాలు అందించే) సేవలు దేశంలో మరింత బలపడేందుకు వీలుగా కేంద్ర ప్రభుత్వం నిర్ణయాలు తీసుకుంది. డీటీహెచ్‌ సంస్థలకు 20 ఏళ్ల కాలానికి లైసెన్స్‌ మంజూరు చేసేందుకు వీలుగా నిబంధనల సవరణకు.. అదేవిధంగా డీటీహెచ్‌ బ్రాడ్‌కాస్టింగ్‌ సేవల రంగంలోకి 100 శాతం విదేశీ ప్రత్యక్ష పెట్టుబడులకు (ఎఫ్‌డీఐ) కేంద్ర కేబినెట్‌ ఆమోదం తెలిపింది. బుధవారం కేబినెట్‌ సమావేశం అనంతరం కేంద్ర మంత్రి ప్రకాశ్‌ జవదేకర్‌ ఈ వివరాలు మీడియాకు వెల్లడించారు.   ఆరు కోట్ల ఇళ్లకు డీటీహెచ్‌ ‘‘భారత్‌లో ఆరు కోట్లకు పైగా ఇళ్లకు డీటీహెచ్‌ సేవలు అందుతున్నాయి. ఈ రంగంలో 100 శాతం ఎఫ్‌డీఐని అనుమతించాలని వాణిజ్య శాఖ లోగడ నిర్ణయించింది. అయితే, సమాచార, ప్రసార శాఖ నిబంధనల కారణంగా ఈ ప్రయోజనం డీటీహెచ్‌ రంగానికి ఇంతకాలం లభించలేదు. నూతన నిబంధనలు వాణిజ్య శాఖ నిబంధనలకు అనుగుణంగా ఉంటాయి. ఇప్పటివరకు సమాచార, ప్రసార శాఖ నిబంధనల కింద 49 శాతం ఎఫ్‌డీఐకే అనుమతి ఉంది’’ అని మంత్రి మీడియాకు వివరించారు. డీటీహెచ్‌ సంస్థలకు 20 ఏళ్ల కాలానికి లైసెన్స్‌ మంజూరు చేస్తామని, తర్వాత నుంచి ప్రతీ పదేళ్ల కాలానికి పునరుద్ధరించుకోవచ్చని వివరించారు. లైసెన్స్‌ ఫీజును ప్రస్తుతం ఏడాదికోసారి వసూలు చేస్తుండగా, ఇక మీదట త్రైమాసికానికి ఓసారి వసూలు చేస్తామన్నారు. ‘ఎఫ్‌డీఐ నిబంధనల సవరణతో ఈ రంగంలో స్థిరత్వం ఏర్పడుతుంది. ఫలితంగా నూతన పెట్టుబడులు రావడంతోపాటు, నూతన ఉపాధి అవకాశాలూ ఏర్పడతాయి’’ అని మంత్రి పేర్కొన్నారు.    8 శాతానికి తగ్గింపు   నూతన నిబంధనల కింద లైసెన్స్‌ ఫీజును స్థూల ఆదాయంలో 10 శాతం కాకుండా.. సవరించిన స్థూల ఆదాయం (జీఎస్‌టీని మినహాయించిన తర్వాత)లో 8 శాతంగా మార్పు చేయనున్నారు. దీంతో టెలికం శాఖ మాదిరే లైసెన్స్‌ ఫీజు అమలు కానుంది. ఇలా ఆదా అయిన నిధులను సేవల విస్తరణకు వెచ్చించడం ద్వారా ఈ రంగం మరింత వృద్ధిని సాధించొచ్చన్నది సమాచార, ప్రసార శాఖ అంచనా. ‘‘డీటీహెచ్‌ ఆపరేటర్లు స్వచ్ఛందంగా డీటీహెచ్‌ వేదికలను, టీవీ చానళ్ల ట్రాన్స్‌పోర్ట్‌ స్ట్రీమ్‌లను పంచుకోవచ్చు. అదే విధంగా టీవీ చానళ్ల పంపిణీదారులు సైతం తమ సబ్‌స్క్రైబర్‌ మేనేజ్‌మెంట్‌ సిస్టమ్‌ (ఎస్‌ఎమ్‌ఎస్‌), కండీషనల్‌ యాక్సెస్‌ సిస్టమ్‌ (సీఏఎస్‌) అప్లికేషన్ల కోసం ఉమ్మడి హార్డ్‌వేర్‌ను పంచుకోవడానికి అనుమతిస్తాము. సదుపాయాలు పంచుకోవడం వల్ల శాటిలైట్‌ వనరులను మరింత సమర్థవంతంగా వినియోగించుకోవచ్చు’’ అని సమాచార శాఖ ప్రకటన తెలియజేసింది. సంతోషం.. ఫీజులు కూడా తగ్గించాలి ‘‘మంత్రి ప్రకాశ్‌ జవదేకర్‌కు మా కృతజ్ఞతలు. దీర్ఘకాలంగా అపరిష్కృతంగా ఉన్న లైసెన్స్‌ పాలసీని పరిష్కరించారు. ఇది అనిశ్చితిని తొలగిస్తుంది’’ అని టాటా స్కై ఎండీ, సీఈవో హరీత్‌ నాగ్‌పాల్‌ తన అభిప్రాయాన్ని వ్యక్తం చేశారు. అయితే, కేబుల్‌ టీవీ మాదిరే ఒకే విధమైన ఫీజు వసూలు చేయాలని, అప్పుడు తాము మరింత పోటీపడగలమన్నారు. ‘‘కేబుల్‌ టీవీ మాదిరే ఒకే విధమైన ఫీజును నిర్ణయించడం ద్వారా మాకూ సమాన అవకాశం కల్పించాలి.  కేబుల్‌ టీవీ కూడా సమాచార, ప్రసార శాఖ లైసెన్స్‌ పరిధిలోనే, ట్రాయ్‌ ఆదేశాలకు అనుగుణంగా ధరలు, మార్జిన్లను పాటిస్తోంది’’ అని నాగ్‌పాల్‌ చెప్పారు. ట్రాయ్‌ గణాంకాల ప్రకారం మార్చి చివరికి డీటీహెచ్‌ పరిశ్రమకు 7.24 కోట్ల మంది చెల్లింపుల చందాదారులు ఉన్నారు.  

ముంబై: విదేశాల్లో మన కంపెనీల పెట్టుబడులు జోరుగా పెరుగుతున్నాయి. ప్రస్తుత ఆర్థిక సంవత్సరం (2020–21) ఎనిమిది నెలల కాలంలో భారత కంపెనీలు విదేశాల్లో 1,225 కోట్ల డాలర్ల మేర ఇన్వెస్ట్‌ చేశాయని కేర్‌ రేటింగ్స్‌ వెల్లడించింది. భారత కంపెనీలకు సంబంధించి విదేశీ పెట్టుబడులపై ఈ సంస్థ పేర్కొన్న కొన్ని ముఖ్యాంశాలు... ► మన కంపెనీలు విదేశాల్లో ముఖ్యంగా అమెరికా, సింగపూర్, నెదర్లాండ్స్‌ల్లోని తమ అనుబంధ సంస్థల్లో అధికంగా పెట్టుబడులు పెట్టాయి.   ► ఈ ఆర్థిక సంవత్సరం ఏప్రిల్‌–అక్టోబర్‌ కాలానికి మన కంపెనీలు అమెరికాలో 236 కోట్ల డాలర్లు ఇన్వెస్ట్‌ చేశాయి. సింగపూర్‌లో 207 కోట్ల డాలర్లు, నెదర్లాండ్స్‌లో 150 కోట్ల డాలర్లు, బ్రిటిష్‌ వర్జిన్‌ ఐల్యాండ్స్‌లో 137 కోట్ల డాలర్లు, మారిషస్‌లో 130 కోట్ల డాలర్లు చొప్పున మన కంపెనీలు పెట్టుబడులు పెట్టాయి. మన కంపెనీలు విదేశాల్లో ఇన్వెస్ట్‌ చేసిన నిధుల్లో దాదాపు 70 శాతం వాటా ఈ ఐదు దేశాలదే కావడం గమనార్హం. ► ఇక కంపెనీల పరంగా అత్యధికంగా విదేశాల్లో ఇన్వెస్ట్‌ చేసిన కంపెనీగా ఓఎన్‌జీసీ విదేశ్‌ (185 కోట్ల డాలర్లు) నిలిచింది. ఆ తర్వాతి స్థానాల్లో జేఎస్‌డబ్ల్యూ స్టీల్‌(87 కోట్ల డాలర్లు), హల్దియా పెట్రోకెమికల్స్‌(60 కోట్ల డాలర్లు), హెచ్‌సీఎల్‌ టెక్నాలజీస్‌(59 కోట్ల డాలర్లు), మహీంద్రా అండ్‌ మహీంద్రా(55 కోట్ల డాలర్లు), అదానీ ప్రాపర్టీస్‌(39 కోట్ల డాలర్లు), లుపిన్‌ (38 కోట్ల డాలర్లు), పిరమల్‌ ఎంటర్‌ప్రైజెస్‌ (31 కోట్ల డాలర్లు), క్యాడిలా హెల్త్‌కేర్‌(22 కోట్ల డాలర్లు), ఇన్ఫోసిస్‌(22 కోట్ల డాలర్లు), టాటా స్టీల్‌(20 కోట్ల డాలర్లు) నిలిచాయి.   ► గత ఆర్థిక సంవత్సరం(2019–20)లో భారత కంపెనీలు 1,300 కోట్ల డాలర్ల మేర విదేశాల్లో ఇన్వెస్ట్‌ చేశాయి. మన కంపెనీల విదేశీ ఇన్వెస్ట్‌మెంట్స్‌ 1,000 కోట్ల డాలర్లు మించడం ఇది వరుసగా రెండో ఆర్థిక సంవత్సరం.     ► 2008–09 ఆర్థిక సంవత్సరంలో మన కంపెనీలు అత్యధికంగా 1,900 కోట్ల డాలర్లు విదేశాల్లో ఇన్వెస్ట్‌ చేశాయి. 2007–08 ఆర్థిక సంవత్సరంలో కూడా 1,800 కోట్ల డాలర్లు పెట్టుబడులు పెట్టాయి.   ► ఇక ఈ ఆర్థిక సంవత్సరం ఇప్పటివరకూ మన కంపెనీలు విదేశాల్లో చేసిన ఇన్వెస్ట్‌మెంట్స్‌లో 297 కోట్ల డాలర్లు ఈక్విటీ సెగ్మెంట్లో ఉన్నాయి. 338 కోట్ల డాలర్లు తీర్చాల్సిన రుణాలు కాగా, 590 కోట్ల డాలర్లు గ్యారంటీల రూపంలో ఇచ్చాయి.   ► ప్రస్తుత ఆర్థిక సంవత్సరం ఏప్రిల్‌–ఆగస్టు కాలానికి భారత్‌లోకి మొత్తం 3,573 కోట్ల డాలర్ల ఎఫ్‌డీఐలు వచ్చాయి. ఒక ఆర్థిక సంవత్సరం తొలి ఐదు నెలల కాలంలో ఈ స్థాయి ఎఫ్‌డీఐలు రావడం ఇదే రికార్డ్‌ స్థాయి. గత ఆర్థిక సంవత్సరం ఇదే కాలానికి వచ్చిన ఎఫ్‌డీఐలు(3,160 కోట్ల డాలర్లు)తో పోల్చితే ఇది 13 శాతం అధికం. రిలయన్స్‌ ఇండస్ట్రీస్‌కు చెందిన రిటైల్, టెలికం విభాగాలు జోరుగా ఎఫ్‌డీఐలను ఆకర్షించాయి.   ► గత ఆర్థిక సంవత్సరంలో 7,600 కోట్ల డాలర్ల ఎఫ్‌డీఐలు మన దేశంలోకి వచ్చాయి. రిప్రాట్రియేషన్‌ సర్దుబాటు అనంతరం నికరంగా 5,600 కోట్ల డాలర్ల ఎఫ్‌డీఐలు వచ్చాయి. ఈ స్థాయి ఎఫ్‌డీఐలు రావడం ఇదే మొదటిసారి కావడం విశేషం.

న్యూఢిల్లీ: భారత్‌లో విదేశీ ప్రత్యక్ష పెట్టుబడులు(ఎఫ్‌డీఐ)జోరు కొనసాగుతోందని వాణిజ్యం, పరిశ్రమల శాఖ మంత్రి పీయూష్‌ గోయెల్‌ పేర్కొన్నారు. విదేశీ ఇన్వెస్టర్లను ఆకర్షించేలా తమ ప్రభుత్వ విధానాలు ఉన్నాయని వివరించారు. ఈ ఏడాది ఏప్రిల్‌–సెప్టెంబర్‌ కాలానికి ఎఫ్‌డీఐలు 13% వృద్ధితో 4,000 కోట్ల డాలర్లకు పెరిగాయని పేర్కొన్నారు. ప్రపంచవ్యాప్తంగా కరోనా కల్లోలం నెలకొన్నా, మ న దేశంలో విదేశీ ప్రత్యక్ష పెట్టుబడుల ప్రవాహం ఆ గలేదని వ్యాఖ్యానించారు. ఇక్కడ సీఐఐ నిర్వహిం చిన భాగస్వామ్య సదస్సులో ఆయన మాట్లాడారు.   పూర్తి సహకారం..  భారత్‌లో వివిధ రంగాల్లో అవకాశాలు అపారంగా ఉన్నాయని, ఇక్కడ ఇన్వెస్ట్‌ చేయాల్సిందిగా విదేశీ ఇ న్వెస్టర్లను గోయెల్‌ ఆహ్వానించారు. ఇక్కడ పెట్టుబడులు పెట్టడానికి సాదరంగా ఆహ్వానిస్తున్నామని, పూర్తి సహకారం అందిస్తామన్నారు.   మరిన్ని సంస్కరణలు...  భారత్‌ మరిన్ని ఆర్థిక సంస్కరణలు తీసుకురావాలని ఈ సమావేశంలో పాల్గొన్న ఫిన్లాండ్‌ విదేశీ వాణిజ్య మంత్రి విల్లె టపియో స్కిన్నారి వ్యాఖ్యానించారు. యూరోపియన్‌ యూనియన్, భారత్‌ల మధ్య స్వేచ్ఛా వాణిజ్య ఒప్పందం సాకారం కావడం కోసం ఒక గడువును నిర్దేశించుకోవాలని పేర్కొన్నారు. ఈ ఒప్పందం విషయమై వీలైనంత త్వరగా సంప్రదింపులు పూర్తి చేయాలని సూచించారు. ఈ ఒప్పందం విషయమై 2013 నుంచి ప్రతిష్టంభన నెలకొన్నది.   తొమ్మిది రంగాల్లో నిషేధం   అన్ని రంగాల్లో ఆటోమేటిక్‌ మార్గంలో వంద శాతం ఎఫ్‌డీఐలను అనుమతిస్తున్నామని గోయెల్‌ పేర్కొన్నారు. టెలికం, మీడియా, ఫార్మా, బీమా, రంగాల్లో విదేశీ పెట్టుబడులకు ప్రభుత్వ ఆమోదం అవసరమని వివరించారు. లాటరీ వ్యాపారం, గ్యాంబ్లింగ్, బెట్టింగ్, చిట్‌ ఫండ్స్, నిధి కంపెనీలు, రియల్‌ ఎస్టేట్‌ వ్యాపారం, పొగాకు ఉపయోగించే సిగరెట్లు, సిగార్లు తయారు చేసే వ్యాపారాలు... వీటిల్లో ఎఫ్‌డీఐలపై నిషేధం ఉందని వివరించారు. 

న్యూఢిల్లీ: సరిహద్దు ఉద్రిక్తతల నేపథ్యంలో డ్రాగన్‌ దూకుడుకు కళ్లెం వేసేందుకు భారత్‌ అన్ని రకాలుగా ప్రయత్నిస్తున్న సంగతి తెలిసిందే. ఇప్పటికే పలు చైనీస్‌ యాప్‌లను నిషేధించిన కేంద్రం తాజాగా మరో నిర్ణయం తీసుకుంది. న్యూస్ అగ్రిగేటర్లు, న్యూస్ ఏజెన్సీలు 26 శాతం విదేశీ ప్రత్యక్ష పెట్టుబడుల పరిమితి(ఎఫ్‌డీఐ)ని పాటించాల్సి ఉంటుందని కేంద్రం శుక్రవారం ప్రకటించింది. సదరు సంస్థ సీఈఓ ఒక భారతీయ పౌరుడై ఉండాలి. 60 రోజులకు పైగా పనిచేసే విదేశీ ఉద్యోగులందరికీ సెక్యూరిటీ క్లియరెన్స్ అవసరం ఉంటుందంటూ ప్రభుత్వం కొన్ని నియమాలను సూచించింది. 26 శాతం ఎఫ్‌డీఐ నియమాన్ని కఠినతరం చేయడం ద్వారా దేశంలోని డిజిటల్ మీడియాలో పెట్టుబడులు పెడుతున్న చైనా, ఇతర విదేశీ కంపెనీలపై పట్టు సాధించడానికి ప్రభుత్వానికి వీలవుతుంది. డైలీ హంట్, హలో, యుఎస్ న్యూస్, ఒపెరా న్యూస్, న్యూస్‌డాగ్ వంటివి ప్రస్తుతం దేశంలో ఉన్న కొన్ని చైనీస్, విదేశీ నియంత్రిత-డిజిటల్ మీడియా సంస్థలు. ఇవి 2016 అమెరికా అధ్యక్ష ఎన్నికలను ప్రభావితం చేశాయి. ఈ క్రమంలో భారతదేశ ప్రయోజనాలను దెబ్బ తీస్తాయనే ఉద్దేశంతో ప్రభుత్వం ఈ నియమాలను అమలు చేయాలని భావిస్తోంది. ప్రింట్ మీడియా తరహాలో, డిజిటల్ మీడియా ద్వారా వార్తలు ప్రస్తుత వ్యవహారాలను అప్‌లోడ్ చేయడానికి / ప్రసారం చేయడానికి ప్రభుత్వ మార్గంలో 26 శాతం విదేశీ ప్రత్యక్ష పెట్టుబడులను (ఎఫ్‌డిఐ) కేంద్ర క్యాబినెట్ 2019 ఆగస్టులో ఆమోదించింది. ఇప్పుడు, అలాంటి కంపెనీలు అన్ని "ఈ ఉత్తర్వులు జారీ చేసిన తేదీ నుంచి ఒక సంవత్సరంలోపు, కేంద్ర ప్రభుత్వ ఆమోదంతో వారి ఎఫ్‌డీఐని 26 శాతం స్థాయికి సమలేఖనం చేయవలసి ఉంటుంది" అని పరిశ్రమ, అంతర్గత వాణిజ్య ప్రోత్సాహక విభాగం (డీపీఐఐటీ) తెలిపింది. ఇందుకు గాను ఒక సంవత్సరం సమయం ఇవ్వబడింది. ఈ నిర్ణయం యొక్క కొన్ని అంశాలపై వివరణ కోరుతూ వాటాదారుల నుంచి పలు విన్నపాలు వచ్చాయని డీపీఐఐటీ తెలిపింది. కొంతమంది నిపుణులు, పరిశ్రమకు చెందిన వ్యక్తులు తమ రిజర్వేషన్ల స్పష్టతకు సంబంధించి పలు ప్రశ్నలు అడిగారని తెలిపింది. (చదవండి: భారత్‌ కొత్త నిబంధనలపై చైనా అసంతృప్తి) ఈ క్రమంలో డీపీఐఐటీ "తగిన సంప్రదింపుల తరువాత, ప్రభుత్వ మార్గం ద్వారా 26 శాతం ఎఫ్‌డీఐని అనుమతించే నిర్ణయం" రిజిస్టర్ చేయబడిన, భారతదేశంలో ఉన్న లేదా భారతీయ సంస్థలకు చెందిన కొన్ని "వర్గాలకు వర్తిస్తుందని" స్పష్టం చేసింది. అవి ఏవి అనగా - ప్రస్తుత వ్యవహారాలను అప్‌లోడ్ / స్ట్రీమింగ్ చేసే వెబ్‌సైట్లు, యాప్ప్‌, ఇతర ప్లాట్‌ఫామ్‌లలో వార్తలు, వార్తలను నేరుగా లేదా పరోక్షంగా డిజిటల్ మీడియా సంస్థలకు లేదా న్యూస్ అగ్రిగేటర్లకు వార్తలను సేకరించడం, రాయడం, పంపిణీ చేయడం చేసేవి; సాఫ్ట్‌వేర్ / వెబ్ యాప్స్‌, వార్తా వెబ్‌సైట్‌లు, బ్లాగులు, పాడ్‌కాస్ట్‌లు, వీడియో బ్లాగులు వంటి వివిధ వనరులను ఉపయోగించి వార్తలను సేకరించి వార్తా విషయాలను ఒకే చోట కలిపే వాటికి ఇవి వర్తిస్తాయి అని తెలిపింది.(చదవండి: ఆర్థిక రికవరీకి విదేశీ పెట్టుబడులు అవసరం) స్వావలంబన,బాధ్యతాయుతమైన డిజిటల్ న్యూస్ మీడియా పర్యావరణ వ్యవస్థను స్థాపించే లక్ష్యంతో ఈ నియమాలు తీసుకువచ్చారు. సంస్థ బోర్డులో మెజారిటీ డైరెక్టర్లు భారత పౌరులుగా ఉండటం వంటి కొన్ని షరతులకు కంపెనీ కట్టుబడి ఉండాలి; చీఫ్ ఎగ్జిక్యూటివ్ ఆఫీసర్ ఒక భారతీయుడే ఉండాలి. ఈ నిర్ణయం భారతీయ ప్రయోజనాలకు పక్షపాతం లేని నిజమైన ఎఫ్‌డీఐ పెట్టుబడులకు మార్గం సుగమం చేస్తుంది. ముఖ్యంగా పొరుగు దేశాల నుంచి వచ్చే నకిలీ వార్తలు సమాచార ముప్పు ఉన్నందున ఈ నియమాల ద్వారా భారతీయ ప్రయోజనాలకు ప్రాధాన్యత లభిస్తుంది. 

సాక్షి, న్యూఢిల్లీ: భారత్‌కు రూ.50–60 లక్షల కోట్ల మేర విదేశీ ప్రత్యక్ష పెట్టుబడులు (ఎఫ్‌డీఐ) అవసరమని కేంద్ర మంత్రి నితిన్‌ గడ్కరీ అన్నారు. ఈ పెట్టుబడులను మౌలికరంగ ప్రాజెక్టుల రూపంలో, ఎంఎస్‌ఎంఈ రంగాల్లోకి తీసుకురావడం ద్వారా కరోనా కారణంగా దెబ్బతిన్న ఆర్థిక వ్యవస్థను ఉరకలెత్తించొచ్చని అభిప్రాయపడ్డారు. ‘‘ఇప్పుడున్న పరిస్థితుల్లో దేశానికి నిధులు అవసరం. అవి లేకుండా ఆర్థిక వ్యవస్థ చక్రాలు వేగాన్ని అందుకోలేవు. కనీసం రూ.50–60 లక్షల కోట్లు అయినా కావాలి. హైవేలు, విమానాశ్రయాలు, జలమార్గాలు, రైల్వేలు, లాజిస్టిక్‌ పార్క్‌లు, మెట్రో, ఎంఎస్‌ఎంఈ రంగాలు పెద్ద ఎత్తున విదేశీ పెట్టుబడులను ఆకర్షించగలవు. ఎంఎస్‌ఎంఈ, బ్యాంకింగ్‌ ఫైనాన్షియల్‌ కంపెనీల్లో ఎఫ్‌డీఐ అవసరం ఉంది. హైవేలలో విదేశీ పెట్టుబడులను తీసుకురావడానికి ప్రయత్నాలు చేస్తున్నాం. దుబాయి, అమెరికా ఇన్వెస్టర్లతో సంప్రదింపులు కూడా నడుస్తున్నాయి’’ అని తెలిపారు. ప్రపంచమంతా ఇప్పుడు సమస్యలను ఎదుర్కొంటోందంటూ.. మౌలిక సదుపాయాల కల్పనకు యుద్ధ ప్రాతిపదికన పనిచేయాల్సిన అవసరం ఉందన్నారు. ప్రభుత్వ, ప్రైవేటు భాగస్వామ్యం పెద్ద ఎత్తున నిధులను తీసుకురాగలదని, మరింత మందికి ఉపాధి కల్పించడంతోపాటు, ఆర్థిక రంగ ప్రోత్సాహంపై దీని ప్రభావం ఉంటుందని చెప్పారు. 

న్యూఢిల్లీ: ఆర్థిక రంగాన్ని కోవిడ్‌–19 ప్రభావం నుంచి గట్టెక్కించడానికి ‘స్వయం సమృద్ధి భారతం’పేరిట రూ.20 లక్షల కోట్ల ప్యాకేజీ ప్రకటించిన కేంద్ర ప్రభుత్వం.. దాన్లో భాగంగా తాము మరిన్ని సంస్కరణలకు తెరతీయబోతున్నట్లు స్పష్టంచేసింది. 4 రోజులుగా ప్యాకేజీలో అంశాల్ని వెల్లడిస్తూ వస్తున్న కేంద్ర ఆర్థిక మంత్రి నిర్మలా సీతారామన్‌... శనివారం పలు రం గాల్లో సంస్కరణలను ప్రకటించారు.  బొగ్గు గనుల తవ్వకంతో సహా, రక్షణ ఉత్పత్తుల తయారీ, అంతరిక్ష పరిశోధనలు, అణుశక్తి రంగం, విమా నాశ్రయాల నిర్వహణల్లో ప్రయివేటుకు స్వాగతం పలుకుతున్నట్లు వెల్లడించారు.  కేంద్ర పాలిత ప్రాంతా ల్లోని విద్యుత్‌ పంపిణీ సంస్థల్ని కూడా ప్రైవేటుకు అప్పగించనున్నట్లు స్పష్టంచేశారు. తాజా ప్రకటనపై వామపక్షాలు మండిపడ్డాయి. ధనికుల కోసం పనిచేస్తున్న ఈ ప్రభుత్వం కోవిడ్‌ మాటున ఆ ఎజెండాను బయటకు తీసిందంటూ సీపీఎం ప్రధాన కార్యదర్శి సీతారాం ఏచూరి మండిపడ్డారు. ప్రభుత్వ ఆస్తుల్ని పంచిపెట్టడానికి రంగం సిద్ధం చేశారన్నారు. ఇక ప్రభుత్వం వడ్డీ వ్యాపారిలా వ్యవహరిస్తోందంటూ కాంగ్రెస్‌ నేత రాహుల్‌గాంధీ ధ్వజమెత్తారు. పిల్లలు దెబ్బతిన్నపుడు తల్లిదండ్రులు ఆదుకోవాలి తప్ప వడ్డీకి అప్పులిస్తామని చెప్పకూడదన్నారు. పెట్టుబడులకు ఇక వేగంగా అనుమతి ముఖ్యమైన రంగాల్లో పెట్టుబడులకు వేగంగా అనుమతులివ్వటానికి కార్యదర్శుల సాధికార బృందం ద్వారా ఫాస్ట్‌ట్రాక్‌ ఇన్వెస్ట్‌మెంట్‌ క్లియరెన్స్‌ విధానాన్ని తీసుకొచ్చినట్లు నిర్మలా సీతా రామన్‌ గుర్తుచేశారు. ‘‘ప్రతి శాఖలో ప్రాజెక్టు డెవలప్‌మెంట్‌ సెల్‌ పెట్టాం. కొత్త ప్రాజెక్టుల రూపకల్పనతో పాటు పెట్టుబడిదారులు, కేంద్ర/రాష్ట్ర ప్రభుత్వాల మధ్య సమన్వయం పెంచడమే ఈ సెల్‌ ఉద్దేశం. కొత్త పెట్టుబడులను ఆకర్షించే విషయంలో రాష్ట్రాలకు ర్యాంకులిస్తున్నాం. ఇండస్ట్రియల్‌ ఇన్ఫర్మేషన్‌ సిస్టమ్‌ (ఐఐఎస్‌) పరిధిలోకి 3,376 పారిశ్రామిక ఎస్టేట్లు/సెజ్‌లను తీసుకొచ్చాం. అన్ని ఇండస్ట్రియల్‌ పార్కులకు 2020–21లో ర్యాంకులు ఇస్తాం’’అని వివరించారు. త్వరలో మరో 6 విమానాశ్రయాల వేలం  ప్రభుత్వ– ప్రైవేట్‌ భాగస్వామ్యం (పీపీపీ) విధానం కింద మరో 6 విమానాశ్రయాలను అతి త్వరలో వేలం వేయనున్నట్లు నిర్మలా సీతారామన్‌ తెలిపారు. బిడ్డింగ్‌ ప్రక్రియ వెంటనే ప్రారంభమవుతుందని చెప్పారు. మొత్తం 12 విమానాశ్రయాలను వేలం వేయడం ద్వారా ప్రైవేట్‌ సంస్థల నుంచి రూ.13,000 కోట్ల పెట్టుబడులు రాబట్టనున్నట్లు పేర్కొన్నారు. తాజాగా అమృత్‌సర్, వారణాసి, భువనేశ్వర్, ఇండోర్, రాయ్‌పూర్, తిరుచ్చీ ఎయిర్‌పోర్టులను వేలం వేయడానికి ఎయిర్‌పోర్టు అథారిటీ ఆఫ్‌ ఇండియా (ఏఏఐ) ఇప్పటికే అనుమతులు ఇచ్చింది. కేంద్రం గత ఏడాది లక్నో, అహ్మదాబాద్, జైపూర్, మంగళూరు, తిరువనంతపురం, గువాహటి ఎయిర్‌పోర్టులకు వేలం నిర్వహించింది. మూడో దశలో ఇంకో 6 ఎయిర్‌పోర్టులను వేలం వేస్తామని నిర్మలా సీతారామన్‌ స్పష్టం చేశారు.  ఎయిర్‌క్రాఫ్ట్‌ ఎంఆర్‌వోకు హబ్‌గా ఇండియా  ఎయిర్‌క్రాఫ్ట్‌ మెయింటనెన్స్, రిపేర్, ఓవర్‌హాల్‌కు (ఎంఆర్‌వో) భారత్‌ను కీలక గమ్య స్థానంగా మార్చేందుకు చర్యలు తీసుకోనున్నట్లు నిర్మలా సీతారామన్‌ చెప్పారు. ‘‘దీనిద్వారా పౌర విమానాలే కాదు! రక్షణ విమానాలు సైతం ప్రయోజనం పొందుతాయి. ఈ నిర్ణయం వల్ల విమానాల నిర్వహణ ఖర్చు తగ్గుతుంది. అంతిమంగా ప్రయాణిలపై చార్జీల భారం తగ్గుతుంది. ఎంఆర్‌వోకు భారత్‌ను హబ్‌గా మార్చడానికి అవసరమైన సామర్థ్యాలు, మానవ వనరులు మన దగ్గరున్నాయి’’అని చెప్పారామె. భారత గగనతలంపై తొలగనున్న ఆంక్షలు! పౌర విమానాల అవసరాలకు గాను దేశంలో మరింత గగనతలాన్ని స్వేచ్ఛగా వాడుకునేలా నిబంధనలను సడలించనున్నట్లు నిర్మలా సీతారామన్‌ తెలియజేశారు. ‘‘ప్రస్తుతం వివిధ కారణాల దృష్ట్యా దేశ గగనతలంలో 60 శాతం మాత్రమే పౌర విమానయానానికి అందుబాటులో ఉంది. దీని వల్ల ప్రయాణించాల్సిన దూరం పెరుగుతోంది. అందుకని మిగిలిన గగనతలాన్ని కూడా వాడుకునేలా నిబంధనలను సడలించనున్నాం. దీనివల్ల దూరం తగ్గి ఇంధనం, సమయం ఆదా అవుతాయి. అలా చేయటంవల్ల భారత విమానయాన రంగానికి ఏటా రూ.1,000 కోట్ల మేర లబ్ధి కలుగుతుందని అంచనా వేస్తున్నాం’’అని మంత్రి తెలియజేశారు.  అంతరిక్ష కార్యక్రమాల్లోకి ప్రైవేట్‌ సంస్థలు  భారత అంతరిక్ష ప్రయోగాలు, కార్యక్రమాల్లో ప్రైవేట్‌ సంస్థలకు కూడా భాగస్వామ్యం కల్పించాలని నిర్ణయించినట్లు నిర్మల వెల్లడించారు. శాటిలైట్ల ప్రయోగాలు, అంతరిక్ష ఆధారిత సేవల్లో ప్రైవేట్‌ భాగస్వామ్యానికి చోటు కల్పిస్తామన్నారు. ప్రైవేట్‌ సంస్థలు తమ సామర్థ్యాన్ని పెంచుకునేందుకు ఇస్రో సదుపాయాలను ఉపయోగించుకునేందుకు అనుమతి ఇస్తామన్నారు. భవిష్యత్తులో కొత్త గ్రహాల అన్వేషణ, అంతరిక్ష ప్రయాణాలు వంటి ప్రాజెక్టుల్లో ప్రైవేట్‌ రంగానికి ప్రాధాన్యం ఉంటుందన్నారు. అలాగే క్యాన్సర్, ఇతర వ్యాధుల బారిన పడిన వారికి తక్కువ ఖర్చుతో చికిత్స అందించడానికి వీలుగా మెడికల్‌ ఐసోటోపుల ఉత్పత్తికి పీపీపీ విధానంలో రీసెర్చ్‌ రియాక్టర్‌ను నెలకొల్పనున్నట్లు చెప్పారు.  ఢిల్లీ, ముంబై సహా కొన్ని ప్రాంతాల్లో డిస్కమ్‌లను ఇప్పటికే ప్రైవేటీకరించారు. కేంద్ర పాలిత ప్రాంతాల్లో విద్యుత్‌ పంపిణీ సంస్థలను ప్రయివేటు పరం చేయనున్నట్లు ప్రభుత్వ తాజా ప్రకటనతో జమ్మూ కశ్మీర్, పుదుచ్చేరి, చండీగఢ్‌ వంటి అధిక జనాభా గల ప్రాంతాలకు ఎక్కువ ప్రైవేట్‌ సంస్థలు పోటీపడే అవకాశం కనిపిస్తోంది. ఇక దాద్రా నగర్‌ హవేలీ, డామన్‌ –డియూ, అండమాన్‌ –నికోబార్, లడఖ్, లక్షదీవుల వంటి ప్రాంతాలు తక్కువ జనాభా ఉన్నవి. నిజానికి డిస్కమ్‌లు రాష్త్ర ప్రభుత్వాల పరిధిలో ఉంటాయి. కాబట్టే కేంద్రపాలిత ప్రాంతాల్లోని డిస్కమ్‌లను ప్రయివేటీకరిస్తున్నట్లు కేంద్రం ప్రకటించింది.  సోషల్‌ ఇన్‌ఫ్రా... ప్రయివేటుకు సాయం సామాజిక మౌలిక సదుపాయాల్ని అభివృద్ధి చేసే ప్రయివేటు కంపెనీలకిచ్చే వయబిలిటీ గ్యాప్‌ ఫండింగ్‌ను (వీజీఎఫ్‌) పెంచుతున్నట్లు ఆర్థిక మంత్రి ప్రకటించారు. దీనికోసం రూ.8,100 కోట్లను అందజేయనున్నట్లు తెలిపారు. ‘‘సోషల్‌ ఇన్‌ఫ్రా ప్రాజెక్టులు మనగలగటం కష్టమవుతోంది. అందుకే ఇలాంటి ప్రాజెక్టులకిచ్చే వీజీఎఫ్‌ మొత్తాన్ని ప్రాజెక్టు వ్యయంలో 30 శాతానికి పెంచుతున్నాం. ఇతర ప్రాజెక్టులకు మాత్రం ప్రస్తుతం ఇస్తున్న 20 శాతం కొనసాగుతుంది’’అని తెలియజేశారు.  ‘బొగ్గు’ మైనింగ్‌కు ఊతం.. దేశంలో బొగ్గు రంగంలో ‘ప్రైవేట్‌’ను ప్రోత్సహించనున్నట్లు మంత్రి తెలిపారు. వాణిజ్య స్థాయిలో బొగ్గు మైనింగ్‌ కార్యకలాపాలకు ఊతమిస్తామన్నారు. ‘దీంతో ఈ రంగంలో ప్రభుత్వ గుత్తాధిపత్యానికి తెరపడుతుంది. బొగ్గు మైనింగ్‌కు సంబంధించి ప్రస్తుత ఫిక్స్‌డ్‌ ధర విధానం బదులుగా ఇకపై రెవెన్యూ షేరింగ్‌ పద్ధతి అమల్లోకి వస్తుంది’ అని అన్నారు. 50 బొగ్గు బ్లాకులను బిడ్డింగ్‌ ద్వారా ప్రైవేట్‌ సంస్థలకు అప్పగిస్తామన్నారు. ‘బొగ్గు ఉ త్పత్తిలో స్వావలంబన సాధించడం, విదేశీ దిగుమతులపై ఆధారపడటాన్ని తగ్గించుకోవడం ప్ర భుత్వ లక్ష్యాలు. బొగ్గు రంగంలో ప్రభుత్వం రూ.50 వేల కోట్ల పెట్టుబడులు పెట్టనుంది’ అని చెప్పారు. ‘రక్షణ’లో ఎఫ్‌డీఐలు.. 74 శాతానికి రక్షణ రంగంలో ‘మేక్‌ ఇన్‌ ఇండియా’కు మరింత ఊపు తెచ్చేందుకు విదేశీ ప్రత్యక్ష పెట్టుబడుల(ఎఫ్‌డీఐ) పరిమి తిని పెంచనున్నట్లు నిర్మలా సీతారామన్‌ ప్రకటించారు. ‘‘రక్షణ ఉత్పత్తుల తయారీ విషయంలో ప్రస్తుతం 49% ఎఫ్‌డీఐలను అనుమతిస్తున్నాం, దీన్ని ఇకపై 74శాతానికి పెంచు తాం. అదే సమయంలో కొన్ని ఆయుధాల దిగుమతులను నిషేధించబోతున్నాం. వీటిని దేశీ సంస్థల నుంచే కొనుగోలు చేస్తాం. విదేశాల నుంచి దిగుమతి చేసుకుంటున్న కొన్ని విడిభాగాలను ఇకపై మనదేశంలోనే తయారు చేయాల్సి ఉంటుంది. ఫలితంగా రక్షణ దిగుమతుల వ్యయం తగ్గిపోతుంది’’అని ఆర్థిక మంత్రి వివరించారు. ఆర్డినెన్స్‌ ఫ్యాక్టరీ బోర్డులు మరింత చురుగ్గా పనిచేయడానికి వాటి కార్పొరేటీకరణ ఉత్తమ మార్గమని చెప్పారామె. తద్వారా అవి స్టాక్‌ మార్కెట్‌లో లిస్టయ్యే అవకాశం ఉంటుందన్నారు. కార్పొరేటీకరణ అంటే ప్రైవేటీకరణ కాదని స్పష్టంచేశారు. 

సాక్షి, న్యూఢిల్లీ:  చైనా పెట్టుబడులపై భారత ప్రభుత్వం దృష్టి సారించిన వేళ  స్టార్టప్ కంపెనీలు కష్టాల్లో పడనున్నాయి. ముఖ్యంగా దేశంలో వివిధ రంగాల్లోసేవలందిస్తున్న యూనికార్న్, పేటీఎం, జొమాటో, బిగ్ బాస్కెట్, డ్రీమ్ 11 లాంటి కంపెనీలకు పెట్టుబడులపై తీవ్ర ప్రభావం పడనుంది.  ప్రపంచంలో రెండవ అతిపెద్ద ఆర్థిక వ్యవస్థ చైనా నుంచి పెద్ద ఎత్తున పెట్టుడులపై  స్వీకరిస్తున్న  వీటికి మూలధన కొరత ఏర్పడే అవకాశం వుంది. విదేశీ ప్రత్యక్ష పెట్టుబడుల (ఎఫ్‌‌డీఐ)ను భారత ప్రభుత్వం కఠినతరం చేసింది.  ఇండియాతో సరిహద్దులు పంచుకునే చైనా సహా పొరుగుదేశాలు ప్రభుత్వ ఆమోదం పొందిన తర్వాతే పెట్టుబడులు పెట్టాలని నిర్ణయించింది.  ఇకపై ఈ పెట్టుబడులు భారత ప్రభుత్వ అనుమతికి లోబడి వుంటాయని స్పష్టం చేసింది.  భారతీయ కంపెనీల్లో అవకాశవాద పెట్టుబడులు, స్వాధీనాలను అరికట్టే ఉద్దేశంతో ఈ కొత్త నిబంధనలు అని  భారత ప్రభుత్వం శనివారం జారీచేసిన ఒక నోటిఫికేషన్  ద్వారా ప్రకటించింది  కొత్త పెట్టుడుల కోసం చైనా పెట్టుబడిదారులతో చర్చలు జరుపుతున్న కంపెనీలు కూడా ఇబ్బందులను ఎదుర్కోవలసి ఉంటుందని పలువురు పెట్టుబడిదారులు, స్టార్టప్ కంపెనీ ఫౌండర్లు అభిప్రాయ పడుతున్నారు. అయితే 33 శాతం వ్యూహాత్మక  చైనీస్ పెట్టుడులను కలిగి ఉన్నతమలాంటి వారికి ఎలాంటి ఇబ్బంది వుండదనీ యునికార్న్ వ్యవస్థాపకుడు వ్యాఖ్యానించారు.  తాజాపరిణామాలపై ఇతర స్టార్టప్ కంపెనీలు ఇంకా స్పందించలేదు.  భవిష్యత్తు పెట్టుబడులు నిలిచిపోవడం, లేదా పెట్టుబడుల సమీకరణ జాప్యం కావచ్చని తెలిపారు. మరోవైపు విదేశీ ప్రత్యక్ష పెట్టుబడుల (ఎఫ్‌డిఐ)పై  కొత్త నియమాలు డబ్ల్యుటిఒ సూత్రాలను  విరుద్ధమని స్వేచ్ఛా, న్యాయమైన వాణిజ్యానికి వ్యతిరేకంగా ఉన్నాయని  వీటిని సవరించాలని చైనా సోమవారం తెలిపింది.  చైనా కంపెనీల వ్యూహాత్మక,  ఆర్థిక పెట్టుబడులు 2019 లో 3.9 బిలియన్ డాలర్లకు చేరుకున్నాయి. ఇది 2018లో 2 బిలియన్ డాలర్లుగా వుంది.  ముఖ్యంగా  చైనా  ఇంటర్నెట్ దిగ్గజం అలీబాబా గ్రూప్, దాని అనుబంధ యాంట్ ఫైనాన్షియల్, టెన్సెంట్ హోల్డింగ్స్, ఫోసున్ ఆర్‌జెడ్ క్యాపిటల్ యునికార్న్స్‌తో సహా పెద్ద సంఖ్యలో భారతీయ స్టార్టప్‌లలో అనేక వందల మిలియన్ డాలర్ల పెట్టుబడులను కురిపించాయి. పేటిఎమ్, జోమాటో, బిగ్‌బాస్కెట్, పాలసీబజార్, ఉడాన్, ఓయో హోటల్స్,  ఓలా, డ్రీం 11 వీటిల్లో ప్రముఖంగా వున్నాయి. దీంతో అమెరికాను వెనక్కి నెట్టి మరీ వేగంగా అభివృద్ధి చెందుతున్న డిజిటల్  ఎకానమీలోకి దూసుకొచ్చింది. మరోవైపు చైనానుంచి భారత సంస్థలకు వచ్చే పెట్టుబడులన్నీ ఇకపై ప్రభుత్వ అనుమతికి లోబడి వుంటాయని కేంద్రం ఇటీవల స్పష్టం చేసింది. అలాగే  భారత స్టాక్‌‌ మార్కెట్లోకి వచ్చిన చైనా పెట్టుబడులపై మార్కెట్ రెగ్యులేటరీ సెబీ ఆరా తీస్తోంది.  విదేశీ పెట్టుబడుల వివరాలను సమర్పించాలని ముఖ్యంగా  చైనా, హాంగ్‌‌ కాంగ్‌‌ల నుంచి వచ్చిన  ఉక్కువగా దృష్టి పెట్టాలని సెబీ కేంద్రం కోరింది. దీంతోపాటు వేరే ఏవైనా కంపెనీలు తమకు చైనాలో ఉన్న సంస్థల ద్వారా ఇండియా స్టాక్‌‌ మార్కెట్లో పెట్టుబడులు పెడుతున్నాయా అనేది కూడా చూడమని సెబీని ప్రభుత్వం ఆదేశించింది. హెచ్‌‌డీఎఫ్‌‌సీలో చైనా పీపుల్స్‌‌ బ్యాంక్‌‌ ఆఫ్‌‌ చైనా(పీబీఓసీ) వాటా మార్చి క్వార్టర్‌‌‌‌లో 0.8 శాతం నుంచి 1.01 శాతం పెంచుకుంది. చైనా బ్యాంక్‌‌ ఈ వాటాను ఓపెన్‌‌ మార్కెట్‌‌ పర్చేజ్‌‌ ద్వారా కొనుగోలు చేసిన సంగతి తెలిసిందే.  

బీజింగ్‌ : విదేశీ ప్రత్యక్ష పెట్టుబడుల(ఎఫ్‌డీఐ) విషయంలో భారత్ కీలక మార్పులు చేయడంపై చైనా అసంతృప్తి వ్యక్తం చేసింది. ప్రస్తుత కోవిడ్-19 పరిస్థితిని ఆసరాగా చేసుకుని చైనా సహా పొరుగుదేశాలు 'ఆవకాశవాద టేకోవర్'లకు పాల్పడకుండా భారత్‌ కఠిన చర్యలు చేపట్టిన విషయం తెలిసిందే. ఇండియాతో సరిహద్దులు పంచుకునే చైనా సహా పొరుగుదేశాలు ప్రభుత్వ ఆమోదం పొందిన తర్వాతే పెట్టుబడులు పెట్టాలని నిర్ణయించింది. ప్రస్తుతం ఉన్న, లేదా భవిష్యత్తు ఎఫ్‌డీఐల (ప్రత్యక్షంగా లేదా పరోక్షంగా) విషయంలోనూ ఓనర్‌షిప్ బదిలీలకు కూడా ఈ నిబంధనలు వర్తిస్తాయని తెలిపింది. (కరోనా: చైనాకు భారీ బిల్లు పంపిన జర్మనీ!) అయితే ఎఫ్‌డీఐల విషయంలో భారత్‌లో కొత్తగా చోటుచేసుకున్న మార్పులు డబ్ల్యూటీఓ సూత్రాలకు తూట్లు పొడిచేలా ఉన్నాయని చైనా పేర్కొంది. పక్షపాతంలేకుండా, స్వేచ్ఛా, న్యాయమైన వాణిజ్యం వంటి డబ్ల్యూటీఓ సూత్రాలకు భారత్‌ నిర్ణయం పూర్తి వ్యతిరేఖమని సోమవారం చైనా తెలిపింది. కొత్త నియమనిబంధనలతో చైనా పెట్టుబడిదారులపై తీవ్ర ప్రభావం పడనుందని చైనా రాయబార కార్యాలయ ప్రతినిధి జి రోంగ్ ఓ ప్రకటనలో తెలిపారు. వివ‌క్ష పూరిత నూత‌న విధానాల‌ను భార‌త్ మారుస్తుంద‌న్న ఆశాభావాన్ని ఆయ‌న వ్యక్తం చేశారు. వివిధ దేశాల నుంచి వ‌చ్చే పెట్టుబ‌డుల‌ను స‌మంగా చూడాల‌ని ఆయ‌న కోరారు.(డ్రాగన్ దేశానికి ట్రంప్ హెచ్చరిక)

సాక్షి,  న్యూఢిల్లీ: టెలికాం దిగ్గజం భారతి ఎయిర్‌టెల్‌కు భారీ ఊరట లభించింది.  భారతీ ఎయిర్‌టెల్‌లో విదేశీ ప్రత్యక్ష పెట్టుబడులను పెంచుకోవడానికి టెలికాం విభాగం (డాట్‌) ఆమోదం తెలిపింది. ఇంతకుముందు అనుమతించిన 49 శాతం నుంచి 100 శాతానికి పెంచుకునేందుకు అనుమతి లభించిందని స్టాక్ ఎక్స్ఛేంజ్ ఫైలింగ్  సమాచారంలో కంపెనీ మంగళవారం తెలిపింది. జనవరి 23 తేదీలోపు  రూ. 35,586 కోట్ల బకాయిలను చెల్లించడానికి  ముందు ఈ ఆమోదం లభించడం గమనార్హం.   ఇందులో  రూ .21,682 కోట్లు లైసెన్స్ ఫీజు, మరో రూ.13,904  కోట్లు స్పెక్ట్రం బకాయిలు (టెలినార్, టాటా టెలిసర్వీస్ బకాయిలను మినహాయించి) ఉన్నాయి. నష్టాల ఊబిలో కూరుకుపోయిన భారతి టెలికాం సుమారు రూ 4,900 కోట్ల విదేశి పెట్టుబడుల కోసం ప్రభుత్వ అనుమతికోసం వేచి చూస్తోంది. నిధుల సమీకరణలో భాగంగా భారతి టెలికాం పెద్ద ఎత్తున విదేశీ పెట్టుబడులను సమీకరిస్తోంది. ఇందులో భాగంగా సింగపూర్ కు చెందిన సింగ్ టెల్ అనే కంపెనీ సహా మరికొన్ని విదేశీ సంస్థల ద్వారా సుమారు రూ 4,900 కోట్ల పెట్టుబడిని సేకరించనుంది.  కాగా  ఎఫ్‌డీఐ దరఖాస్తును కేంద్ర టెలికాం శాఖ తిరస్కరించింది.  ఈ క్రమంలో భారతీ ఎయిర్‌టెల్ తమ సంస్థలో 100 శాతం విదేశీ ప్రత్యక్ష పెట్టుబడులకు అనుమతించాల్సిందిగా ప్రభుత్వాన్ని అభ్యర్థిస్తూ  రెండోసారి దరఖాస్తు చేసుకున్న సంగతి తెలిసిందే. 

న్యూఢిల్లీ: విదేశీ ప్రత్యక్ష పెట్టుబడులను(ఎఫ్‌డీఐ) అత్యధికంగా ఆకర్షించే దేశంగా భారత్‌ నిలవాల్సి ఉందని కేంద్ర ఐటీ, సమాచార, ఎల్రక్టానిక్స్‌ మంత్రి రవి శంకర ప్రసాద్‌ పేర్కొన్నారు. ప్రపంచంలోనే అత్యధికంగా ఎఫ్‌డీఐలను ఆకర్షించడానికి ఏంచేయడానికైనా సిద్ధంగా ఉన్నామని తెలిపారు. మన దేశంలో డిజిటల్‌గా అవకాశాలు అపారంగా ఉన్నాయని తెలిపారు. యాపిల్‌ తదితర విదేశీ కంపెనీలను ఆకర్షించడానికి మార్కెట్, ఇన్వెస్టర్లకు అనుకూలంగా ఉండే విధానాలను అవలంబిస్తున్నామని వివరించారు. ఇక్కడ జరిగిన ఇన్వెస్ట్‌ డిజికామ్‌ 2019లో ఆయన ప్రసంగించారు.   పన్నులు తగ్గించాం.... కంపెనీలకు అనుకూలమైన విధానాలనే అనుసరించాలని అధికారులకు ఆదేశాలిచ్చామని ప్రసాద్‌ పేర్కొన్నారు. కంపెనీలు ఆశించిన విధానాలను, సదుపాయాలను కలి్పంచడానికి సదా సిద్ధంగా ఉన్నామని ఆయన చెప్పారు. తయారీ రంగంలో కంపెనీలు నెలకొల్పేవారికి ఇటీవల కార్పొరేట్‌ పన్నులు తగ్గించామని, ఈ తగ్గింపుతో పన్నుల విషయంలో వియత్నాం, థాయ్‌లాండ్‌ సరసన నిలిచామని వివరించారు.   అగ్రస్థానం చేరుకోవాలి..: ప్రపంచంలోనే ఐదో అతి పెద్ద ఆరి్థక వ్యవస్థగా భారత్‌ నిలిచిందని ప్రసాద్‌ పేర్కొన్నారు. అయినప్పటికీ, ఎఫ్‌డీఐలను ఆకర్షిస్తున్న తొమ్మిదో దేశంగానే ఉన్నామని, ఈ విషయంలో అగ్రస్థానానికి చేరాల్సి ఉందని వివరించారు. ఈ లక్ష్య సాధన కోసం కృషి చేయాల్సి ఉందని చెప్పారు.   6,400 కోట్ల డాలర్ల ఎఫ్‌డీఐలు   గత కొన్నేళ్లలో విదేశీ ప్రత్యక్ష పెట్టుబడుల జోరు పెరుగుతోందని ప్రసాద్‌ చెప్పారు. గత ఆర్థిక సంవత్సరంలో 6,400 కోట్ల డాలర్ల మేర ఎఫ్‌డీఐలు వచ్చాయని తెలిపారు. ప్రపంచంలోనే ఉత్తమమైన కంపెనీలను ఆకర్షించడానికి పన్నుల్లో, ఇతర నిబంధనల్లో మార్పులు, చేర్పులు చేశామని పేర్కొన్నారు. మరెంతో చేయడానికి సిద్ధంగా ఉన్నామని చెప్పారు. డేటా అనేది కీలకమైన వృద్ధి అంశాల్లో ఒకటని, డేటా ఎనలిటిక్స్‌లో అంతర్జాతీయ కేంద్రంగా భారత్‌ ఎదగాల్సి ఉందని పేర్కొన్నారు.

గోదావరిఖని(రామగుండం): సుదీర్ఘకాలం తర్వాత సింగరేణిలో సమ్మె సైరన్‌ మోగింది. సంస్థలోని గుర్తింపు, ప్రాతినిధ్య సంఘాలతోపాటు అన్ని జాతీయ సంఘాలు పిలుపు మేరకు ఒక్క రోజు సమ్మె ప్రారంభమైంది. కార్మికులు విధులకు గైర్హాజరై తమ నిరసన వ్యక్తం చేస్తున్నారు. సమ్మె కారణంగా రెండు లక్షల టన్నుల బొగ్గు ఉత్పత్తి నిలిచిపోనుంది. దీంతో సింగరేణి యాజమాన్యానికి భారీ నష్టం వాటిల్లే అవకాశం ఉంది. దీంతో సమ్మె ప్రభావం లేకుండా చేసేందుకు సింగరేణి యాజమాన్యం ప్రత్యామ్నాయ ఏర్పాట్లు చేస్తోంది. విధలకు హాజరయ్యే కార్మికులకు సకల సౌకర్యాలు కల్పిస్తామని భరోసా ఇచ్చినప్పటికీ అరకొరగానే కార్మికులు విధులకు హాజరయ్యారు.  బొగ్గు గనుల వద్ద బందోబస్తు సింగరేణి కార్మికులు ఒక్క రోజు సమ్మె ప్రకటించడంతో బొగ్గు గనుల వద్ద ఎలాంటి అవాంఛనీయ ఘటనలు జరగకుండా పోలీసులు పటిష్ట భద్రతను ఏర్పాటు చేశారు. విధులకు హాజరయ్యే కార్మికులను అడ్డుకుంటే కఠిన చర్యలు తీసుకుంటామని గోదావరిఖని ఏసీపీ ఉపేందర్‌ హెచ్చరించారు. గనుల వద్ద నిరసన వ్యక్తం చేస్తున్న కార్మికులకు పలు కార్మిక సంఘాలు, ప్రజా సంఘాలు మద్దతు తెలుపుతున్నాయి.  ఎఫ్‌డీఐలకు వ్యతిరేకంగా.. బొగ్గు పరిశ్రమల్లో వందశాతం విదేశీ ప్రత్యక్ష పెట్టుబడులకు కేంద్రం గ్రీన్‌సిగ్నల్‌ ఇవ్వడంతో కార్మిక సంఘాలన్నీ ఏకమయ్యాయి. ఈ నెల 24న సమ్మెకు పిలుపునిచ్చాయి. దీంతో మంగళవారం బొగ్గు గనుల్లో ఉత్పత్తి నిలిచిపోనుంది. గతంలో జాతీయ కార్మిక సంఘాలు సమ్మె పిలుపునిస్తే, సింగరేణిలో గుర్తింపు కార్మిక సంఘమైన తెలంగాణ బొగ్గు గని కార్మిక సంఘం (టీబీజీకేఎస్‌) వ్యతిరేకించేది. బొగ్గు పరిశ్రమలో వంద శాతం విదేశీ పెట్టుబడులను వ్యతిరేకిస్తూ సమ్మె చేయాలని నాలుగు జాతీయ కార్మిక సంఘాలు ఇటీవల నిర్ణయించాయి. సమ్మెకు గుర్తింపు సంఘంగా ఉన్న టీబీజీకేఎస్‌ కూడా సమ్మెకు మద్దతు పలకడంతో సింగరేణిలో సమ్మె సక్సెస్‌ అయ్యే అవకాశాలు ఎక్కువగా ఉన్నాయి.   స్వరాష్ట్రంలో తొలిసారి మద్దతు  తెలంగాణ రాష్ట్రం ఏర్పడిన తర్వాత తొలిసారిగా టీబీజీకేఎస్‌ సమ్మెలో పాల్గొనాలని కార్మికవర్గానికి పిలుపునిచ్చి జాతీయ సంఘాల సమ్మెకు మద్దతు పలికింది. తెలంగాణ రాష్ట్ర సాధన ఉద్యమంలో భాగంగా సింగరేణి కార్మికులు పలుమార్లు సమ్మె చేశారు. సకలజనుల సమ్మెలో సుదీర్ఘంగా 35 రోజులు పాల్గొని కార్మికులు తమ పోరాట స్ఫూర్తిని నిరూపించుకున్నారు. గతేడాది జూన్‌ నెలలో జాతీయ కార్మిక సంఘాలు మూడు రోజులపాటు సమ్మెకు పిలుపునిచ్చిన్పటికీ, టీబీజీకేఎస్‌ దానికి దూరంగా ఉండడంతో సింగరేణిలో కొంతమంది కార్మికులు విధులకు హాజరయ్యారు. ఈసారి కేంద్ర ప్రభుత్వానికి వ్యతిరేకంగా సమ్మె జరుగుతోంది. మరోవైపు విదేశీ ప్రత్యక్ష పెట్టుబడులతో కార్మికవర్గానికి జరిగే నష్టాన్ని దృష్టిలో ఉంచుకుని మద్దతునివ్వకుంటే కార్మికవర్గంలో వ్యతిరేకత వస్తుందనే ఉద్దేశంతో జాతీయ సంఘాలకు టీబీజీకేఎస్‌ మద్దతు ఇవ్వాల్సిన పరిస్థితి ఏర్పడింది.   రూ.73 కోట్ల ఉత్పత్తికి విఘాతం..  సింగరేణిలో రోజుకు రెండు లక్షల టన్నుల చొప్పున బొగ్గు ఉత్పత్తి జరుగుతుంది. మొన్నటి వరకు గతంలో ఎన్నడూలేని విధంగా వర్షాలు కురువడంతో ఉపరితల గనుల్లో బొగ్గు ఉత్పత్తికి తరుచూ విఘాతం ఏర్పడింది. సాధారణంగా వర్షాకాలం యాజమాన్యం బొగ్గు ఉత్పత్తిని కుదించుకుంటుంది. ఈ ఆర్థిక సంవత్సరం 70 మిలియన్‌ టన్నుల బొగ్గు ఉత్పత్తి చేసే దిశగా యాజమాన్యం ప్రణాళిక రూపొందించుకుంది. సింగరేణిలో ఏప్రిల్‌ నుంచి సెప్టెంబర్‌ నెలలో ఇప్పటి వరకు 292.53 లక్షల టన్నుల బొగ్గు ఉత్పత్తి జరిగింది. గత సంవత్సరంలో ఇదే కాలంతో పోలుచకుంటే 23.41 లక్షల టన్నుల బొగ్గు ఉత్పత్తి అధికంగా జరిగినప్పటికీ, మిగతా ఆరు మాసాల కాలంలో 407.47 లక్షల టన్నుల ఉత్పత్తి సాధిస్తేనే లక్ష్యాన్ని చేరుకోగలుగుతుంది.  ప్రస్తుతం వర్షాలతో ఉపరితల గనుల్లో నెలకు సగటున 49 లక్షల టన్నుల మేరకు ఉత్పత్తి జరుగుతోంది. ఈ ఆర్థిక సంవత్సరంలో మిగతా ఆరు నెలల కాలంలో నెలకు 68 లక్షల టన్నుల చొప్పున ఉత్పత్తి చేయాల్సి ఉంది. ఈ లెక్కన రోజుకు రెండున్నర లక్షల టన్నులకుపైగా బొగ్గు ఉత్పత్తి సాధిస్తేనే వార్షిక లక్ష్యం సాధ్యమవుతుంది. ప్రస్తుతం రోజుకు రెండు లక్షల టన్నుల చొప్పున లక్ష్యాన్ని నిర్దేశించుకోగా, సగటున 1.8 లక్షల ఉత్పత్తి జరుగుతోంది. సమ్మె జరిగితే రూ.50 కోట్ల మేర సింగరేణి యాజమాన్యానికి, రూ.23 కోట్లమేర సింగరేణి కార్మికులు జీతాల రూపంలో నష్టపోనున్నారు. బొగ్గు ఉత్పత్తి, కార్మికుల వేతనాలు కలిపి దాదాపు రూ.73 కోట్ల నష్టం జరుగనుంది.  సమ్మెలోకి వెళ్లనున్న 48 వేల మంది కార్మికులు సింగరేణిలో మొత్తం 48,019 మంది ఉద్యోగులు పనిచేస్తున్నారు. రామగుండం రీజియన్‌ పరిధిలోని ఆర్జీ–1, 2, 3, ఏఎల్‌పీ డివిజన్లలో సింగరేణిలోనే అత్యధికంగా 16 వేల మంది ఉద్యోగులు పనిచేస్తున్నారు. సమ్మెలో పాల్గొనాలని ఏఐటీయూసీ, ఐఎన్‌టీయూసీ, సీఐటీయూ, హెచ్‌ఎంఎస్‌లు పిలుపునిచ్చాయి. దీనికి సింగరేణి గుర్తింపు కార్మిక సంఘం టీబీజీకేఎస్‌ మద్దతునిస్తోంది. మరో జాతీయ కార్మిక సంఘమైన బీఎంఎస్‌ ఈ నెల 23 నుంచి 27 వరకు సమ్మెకు పిలుపునిచ్చింది. భాజపాకు అనుకూలంగా వ్యవహరించే బీఎంఎస్‌ సైతం కేంద్ర నిర్ణయాన్ని వ్యతిరేకిస్తుండడంతో కోలిండియాలోనూ 24న సమ్మె ప్రభావం అధికంగా ఉండే అవకాశం ఉందని కార్మిక నేతలు అంచనా వేస్తున్నారు. ఈక్రమంలో సింగరేణిలో కార్మికుల సమ్మె సక్సెస్‌ అయ్యే అవకాశాలే ఎక్కువగా ఉన్నాయి. డిమాండ్లు ఇవే... బొగ్గు పరిశ్రమలో 100 శాతం విదేశీ ప్రత్యక్ష పెట్టుబడులను (ఎఫ్‌డీఐలను) నిలిపివేయాలి.  కోల్‌ ఇండియా మొత్తం విడదీయకుండా ఒకే కంపెనీగా ఉంచాలి.  బొగ్గు పరిశ్రమలో ప్రైవేటీకరణను నిలిపివేయాలి. కాంట్రాక్టు కార్మికులను రెగ్యులరైజ్‌ చేయాలి.  నిలుపుదల చేసిన రిక్రూట్‌మెంట్లను వెంటనే చేపట్టాలి. సింగరేణిలో ఉన్న ఖాళీలను ఇంటర్నల్‌ కార్మికులతో భర్తీ చేయాలి.  లాభాల్లో భాగస్వాములైన కాంట్రాక్టు కార్మికులకు కూడా వాటా చెల్లించాలి.  కారుణ్య నియామకాలు కార్మికులందరికీ వర్తింపజేయాలి. హైకోర్టు తీర్పు ప్రకారం రెండు సంవత్సరాలలోపు సర్వీస్‌ ఉన్న కార్మికులు అన్‌ఫిట్‌ అయినా వారి పిల్లలకు ఉద్యోగాలివ్వాలి. 

సాక్షి, న్యూఢిల్లీ: ఆర్థిక వృద్ధికి  ఊతమిచ్చేలా ప్రధాన మంత్రి నరేంద్రమోదీ సర్కార్‌ విదేశీ ప్రత్యక్ష పెట్టుబడుల నిబంధలను సడలించింది.  దీంతో అమెరికా, చైనా టెక్‌ కంపెనీలకు భారీ ఊరట లభించనుంది.  ప్రధానంగా భారత వినియోగదారులకు విలాసవంతమైన ఆపిల్‌  ఫోన్లపై ఉన్న మోజు  ఎక్కువే. తాజాగా ఎఫ్‌డీఐ నిబంధనల సవరణల నేపథ్యంలో ఇకమీద ఆపిల్‌ ఉత్పత్తులు తక్కువ ధరలకే కస్టమర్లకు అందుబాటులోకి రానున్నాయి. అంతేకాదు ఆపిల్‌ లాంటి కంపెనీలు సొంత ఆన్‌లైన్‌ స్టోర్‌ ద్వారా అమ్మకాలు చేపట్టే వెసులు బాటు లభించనుంది. ఆపిల్‌  కంపెనీ, ఐ ఫోన్లు, వాచ్‌లు, మాక్‌బుక్స్‌, ఇతర ఉత్పత్తులను విక్రయించేందుకు ఇప్పటి వరకు థర్డ్‌పార్టీ సంస్థలపై ఆధారపడిన సంగతి తెలిసిందే.  కానీ, సింగిల్‌ బ్రాండ్‌ రిటైల్‌ వాణిజ్యంలో ప్రభుత్వం ఇటీవల ఎఫ్‌డీఐ నిబంధనల్ని సరళతరం చేసిన నేపథ్యంలో ఆపిల్‌ భారత మార్కెట్లోకి  దూసుకు రానుంది. విదేశీ కంపెనీలకు 30 శాతం ప్రొడక్ట్‌లను ఇక్కడే తయారు చేయాలనే షరతు విధించింది గతంలో. కానీ భారత ప్రభుత్వం తాజా నిబంధనల ప్రకారం  దీనికి కొంత సడలింపు ఇచ్చింది.  అంటే వార్షికంగా 30 శాతం అనే నిబంధనను సవరించి..ఇకపై ఐదేళ్లకు సగటున 30శాతం సమీకరించినా సరిపోతుందని తెలిపింది. అలాగే ఆన్‌లైన్‌ విక్రయాలకు కూడా అనుమతినిచ్చింది. ఇంకా, ఐదేళ్ల ఎగుమతులను పరిగణనలోకి తీసుకునే ప్రస్తుత పరిమితిని తొలగించాలని ప్రతిపాదించారు. సింగిల్-బ్రాండ్ రిటైల్‌లో ఎఫ్‌డిఐ కోసం దరఖాస్తు చేసుకున్న బ్రాండ్లు ఆన్‌లైన్ రిటైల్ సేల్స్‌ను ప్రారంభించవచ్చు. అయితే రెండేళ్లలో ఫిజికల్‌ స్టోర్‌ను తెరవాల్సి వుంటుంది. ఈ నిర్ణయంతో ఆపిల్‌లాంటి దిగ్గజ కంపెనీలు దేశంలో తమ మార్కెట్‌ను మరింత పెంచుకునేందుకు అవకాశం లభించినట్టే. ఈ క్రమంలోఅతి త్వరలోనే ఆపిల్‌ భారత్‌లో తన తొలి ఆన్‌లైన్‌ స్టోర్‌ను ప్రారంభించనుందట. దీంతోపాటు వచ్చే ఏడాది నాటికి ఆపిల్‌ ముంబైలో తన రిటైల్‌ స్టోర్‌ను కూడా ప్రారంభించే అవకాశం ఉన్నట్లుగా తెలుస్తోంది. కాగా భారతదేశంలో 140 రిటైల్ దుకాణాల ద్వారా తన ఫోన్‌లను విక్రయిస్తున్న ఆపిల్‌ ఎగుమతుల విషయంలో సుమారు 1.2శాతం  మార్కెట్ వాటాను కలిగి ఉంది

సాక్షి, ముంబై: భారత ఆర్థిక వ్యవస్థను మెరుగుపర్చడమే లక్ష్యంగా కేంద్ర ప్రభుత్వం తమ విధానాలను రూపొందిస్తోంది. ప్రపంచంలోని అన్ని దేశాలతో మంచి సఖ్యతతో మెలగాలనుకుంటోంది. చిల్లర వర్తకంలో నూతన విదేశీ ప్రత్యక్ష పెట్టుబడుల పాలసీని ప్రధాని నరేంద్ర మోదీ ప్రకటించారు. తద్వారా మీ​కు కోట్లాది వినియోగదారులనిస్తాం, మాకు ఉద్యోగాలివ్వండి అనే  ఇచ్చిపుచ్చుకునే  ధోరణిని పాటించాలనుకుంటోందని పలువురు  ఎనలిస్టులు వ్యాఖ్యానిస్తున్నారు. ఆర్ధిక మాంద్యం వ్యాపిస్తున్న తరుణంలో ప్రభుత్వం పలు కీలక నిర్ణయాలు తీసుకుంది. వీటిలో భాగంగా చిల్లర వర్తకంలో ఎఫ్‌డీఐలకు కావాల్సిన మౌలిక సదుపాయాలను ఆరు నెలల్లోనే వారికి అందించనుంది. గతంలో 30 శాతం ఇక్కడి వనరులనే ఉపయోగించాలనే నిబంధన ఉండేది, కానీ ఇప్పుడు ఆ నిబంధనను  సడిలిస్తున్నట్టు కేంద్ర ప్రభుత్వం ప్రకటించింది.  ప్రధానంగా ఈ నిబంధన  అమెరికా స్మార్ట్‌ ఫోన్‌ దిగ్గజం ఆపిల్‌కు వరంగా మారనుంది. ఖర్చులు ఎక్కువగా ఉండడంతో గతంలో ఆపిల్‌ భారత్‌ వైపు మొగ్గుచూపలేదు.అలాగే  ప్రస్తుతం భారత్‌లో రియల్‌మీ, ఒప్పో, శాంసంగ్‌ స్మార్ట్‌ఫోన్లు మెరుగైన అమ్మకాలను సాధిస్తున్నాయి. మాజీ ప్రధాని మన్మోహన్‌ సింగ్‌ సంస్కరణలను తీసుకురావడానికి ప్రయత్నించగా సంకీర్ణ ప్రభుత్వంలో అవినీతి కుంభకోణాలు, ఆరోపణల నేపథ్యంలో యూపీఏ-2 అనుకున్న ఫలితాలను సాధించలేకపోయింది. ఐకియా సంస్థ పన్నెండేళ్ల క్రితం అనుమతులు పొందినా నిబంధనల కారణంగా 2018లో మాత్రమే తమ స్టోర్లను ప్రారంభించ గలిగింది. అమెరికా, చైనా వాణిజ్య యుద్ధంలో భాగంగా చైనా వియత్నాం వైపు మొగ్గు చూపగా, అమెరికా తమ కార్యకలాపాలను భారత్‌లో నిర్వహించే విధంగా నూతన రిటైల్‌ విధానం ఉపయోగపడుతుందని ప్రభుత్వం భావిస్తోంది. యువకులు ఎక్కువగా  ఉన్న మన దేశంలో అత్యధికంగా ఉపాధి కల్పిస్తున్న మూడు రంగాలలో వస్త్ర, ఎలక్ట్రానిక్స్‌, ఆటో పరిశ్రమలు ముందున్నాయి. ప్రధానంగా మధ్యతరగతి ప్రజల లక్ష్యంగా బహుళ జాతీయ కంపెనీలు  వ్యాపార వ్యూహాలను రచిస్తున్నాయి.  చదవండి : ఎఫ్‌డీఐ 2.0 కేబినెట్‌ కీలక నిర్ణయాలు : ఎఫ్‌డీఐ నిబంధనల సడలింపు

న్యూఢిల్లీ: నీరసించిన ఆర్థిక వ్యవస్థకు ఉత్తేజాన్నిచ్చేందుకు ప్రభుత్వం విదేశీ ప్రత్యక్ష పెట్టుబడులకు (ఎఫ్‌డీఐ) మరోసారి ద్వారాలు తెరిచింది. బొగ్గు మైనింగ్, కాంట్రాక్టు తయారీ రంగాల్లోకి నూరు శాతం ఎఫ్‌డీఐలను ప్రభుత్వం అనుమతి అవసరం లేని ఆటోమేటిక్‌ మార్గంలో ఆహ్వానించింది. అలాగే, డిజిటల్‌ మీడియాలో ఇప్పటి వరకు ఎఫ్‌డీఐలకు అవకాశం లేకపోగా, ఇకపై 26 శాతం వరకు ఎఫ్‌డీఐలను స్వీకరించొచ్చు. బుధవారం ప్రధాని మోదీ ఆధ్వర్యంలో ఢిల్లీలో భేటీ అయిన కేంద్ర కేబినెట్‌ ఈ నిర్ణయాలు తీసుకుంది. అలాగే, సింగిల్‌ బ్రాండ్‌ రిటైలర్లకు స్థానిక ఉత్పత్తులను సమీకరించుకునే విషయంలో మరింత వెసులుబాటు కల్పించింది. ఐదేళ్ల కనిష్ట స్థాయికి (5.8 శాతం) జీడీపీ వృద్ధి రేటు పడిపోవడంతో గత వారం పలు వర్గాలకు పన్ను రాయితీలు, ప్రోత్సాహకాలను కేంద్ర ఆర్థిక మంత్రి నిర్మలా సీతారామన్‌ ప్రకటించగా.. వారం తిరగకముందే ఎఫ్‌డీఐలపై నిర్ణయం తీసుకోవడం ద్వారా ఆర్థిక వృద్ధి విషయంలో మరిన్ని చర్యలకూ అవకాశం ఉందని ప్రభుత్వం సంకేతాలు పంపినట్టయింది. గత 3–4 త్రైమాసికాలుగా దేశ వృద్ధి కుంటుపడిన విషయం గమనార్హం. ఈ ఏడాది మార్చితో ముగిసిన త్రైమాసికంలో నమోదైన జీడీపీ వృద్ధి 5.8 శాతం అన్నది ఐదేళ్ల కనిష్ట స్థాయి. దీంతో ప్రభుత్వరంగ బ్యాంకులకు రూ.70,000 కోట్ల తక్షణ నిధుల సాయం సహా పలు చర్యలను ప్రభుత్వం గతవారం ప్రకటించింది. మరిన్ని పెట్టుబడులు, ఉద్యోగాలు..   ‘‘ఎఫ్‌డీఐ విధానంలో మార్పులు చేయడం వల్ల భారత్‌ ఎఫ్‌డీఐలకు గమ్యస్థానంగా మరింత ఆకర్షణీయంగా మారుతుంది. తద్వారా పెట్టుబడుల రాక పెరిగి, ఉపాధి, వృద్ధికి తోడ్పడుతుంది’’ అని కేబినెట్‌ భేటీ అనంతరం కేంద్ర వాణిజ్య శాఖా మంత్రి పీయూష్‌ గోయల్‌ మీడియాతో అన్నారు. దేశంలో వ్యాపార నిర్వహణను మరింత సులభంగా మార్చేందుకు గాను ఎఫ్‌డీఐ పాలసీని మరింత సరళీకరించడమే కేబినెట్‌ నిర్ణయాల ఉద్దేశంగా పేర్కొన్నారు. కాంట్రాక్టు తయారీలో నూరు శాతం ఎఫ్‌డీఐలను ఆటోమేటిక్‌ మార్గంలో అనుమతించడం వల్ల దేశీ తయారీ వృద్ధి చెందుతుందన్నారు.   సింగిల్‌ బ్రాండ్‌ రిటైల్‌ సింగిల్‌ బ్రాండ్‌ రిటైల్‌ విభాగంలో 51 శాతానికి మించి ఎఫ్‌డీఐలను కలిగిన సంస్థ... 30 శాతం ఉత్పత్తులను స్థానిక మార్కెట్‌ నుంచే సమీకరించుకోవాలన్నది ప్రస్తుతమున్న నిబంధన. ఇటువంటి సంస్థలకు కార్యకలాపాల నిర్వహణలో గొప్ప వెసులుబాటు కల్పించేందుకు గాను, భారత్‌ నుంచి సేకరించే అన్ని రకాల ఉత్పత్తులను స్థానిక సమీకరణగానే గుర్తిస్తారు. అంటే భారత్‌లో విక్రయించేందుకు అయినా, విదేశాలకు ఎగుమతి చేసేందుకు సమీకరించినా ఈ వెసులుబాటు లభిస్తుంది. అలాగే, భౌతికంగా సింగిల్‌ బ్రాండ్‌ రిటైల్‌ దుకాణాలు ప్రారంభించడానికి ముందే ఆన్‌లైన్‌లో అమ్మకాలు మొదలు పెట్టుకునేందుకు కూడా అనుమతించింది. ‘‘ఆన్‌లైన్‌ విక్రయాలతో లాజిస్టిక్స్, డిజిటల్‌ చెల్లింపులు, కస్టమర్‌ కేర్, శిక్షణ, ఉత్పత్తులపై నైపుణ్యం విభాగాల్లో ఉద్యోగాలు వస్తాయి’’ అని మంత్రి గోయల్‌ తెలిపారు. డిజిటల్‌ న్యూస్‌ మీడియా డిజిటల్‌ మీడియాకు ఊతమిచ్చేందుకు ప్రభుత్వం మంచి ముందడుగు వేసిందనే చెప్పాలి. ప్రింట్‌ మీడియా తరహాలోనే... ఇకపై డిజిటల్‌ మీడియాలో వార్తలు, కరెంట్‌ అఫైర్స్‌ అప్‌లోడింగ్, స్ట్రీమింగ్‌ విభాగంలోకి ప్రభుత్వ అనుమతితో 26 శాతం వరకు ఎఫ్‌డీఐలు ప్రవేశించొచ్చు. ప్రింట్‌ మీడియాలో ఇప్పటికే ప్రభుత్వ అనుమతితో 26 శాతం ఎఫ్‌డీఐకి అనుమతి ఉంది. అలాగే, బ్రాడ్‌కాస్టింగ్‌ కంటెంట్‌ సేవల్లోనూ ప్రభుత్వ అనుమతితో 49 శాతం ఎఫ్‌డీఐలకు ప్రవేశం ఉంది.    బొగ్గు రంగంలోకి ఇలా... ప్రస్తుతం విద్యుత్‌ ప్రాజెక్టులు, ఐరన్, స్టీల్, సిమెంట్‌ ప్లాంట్ల సొంత వినియోగానికి ఉద్దేశించిన బొగ్గు, లిగ్నైట్‌ మైనింగ్‌లోకి ఆటోమేటిక్‌ మార్గంలో 100 శాతం ఎఫ్‌డీఐలకు అనుమతి ఉంది. ఇకపై బొగ్గు విక్రయాలు, మైనింగ్, కోల్‌ వాషరీ, క్రషింగ్, కోల్‌ హ్యాండ్లింగ్‌ తదితర బొగ్గు అనుబంధ విభాగాల్లోకీ వంద శాతం ఆటోమేటిక్‌ మార్గంలో ఎఫ్‌డీఐలను తెచ్చుకోవచ్చు. ఐదేళ్లలో 286 బిలియన్‌ డాలర్లు ఎఫ్‌డీఐ అన్నది ఆర్థిక వృద్ధికి కీలకమైన ఇంధనం వంటిది. రుణాల రూపంలో కాకుండా పెట్టుబడులుగా దేశాభివృద్ధికి విదేశీ ప్రత్యక్ష పెట్టుబడులు తోడ్పడతాయి. ఇప్పటికే చాలా రంగాల్లోకి ప్రభుత్వం నూరు శాతం ఎఫ్‌డీఐలను ఆహ్వానించడం గమనార్హం. ప్రభుత్వం తీసుకున్న నిర్ణయాల ఫలితంగా 2014–15 నుంచి 2018–19 వరకు దేశంలోకి 286 బిలియన్‌ డాలర్ల ఎఫ్‌డీఐలు వచ్చాయి. అంతకుముందు 5  ఏళ్లలో వచ్చిన 189 బిలియన్‌ డాలర్లతో పోలిస్తే మంచి వృద్ధి నమోదైంది. 2018–19లో వచ్చిన 64.37 బిలియన్‌ డాలర్ల ఎఫ్‌డీఐలు ఇప్పటి వరకు ఓ ఆర్థిక సంవత్సరంలో వచ్చిన గరిష్ట ఎఫ్‌డీఐలు కావడం గమనార్హం. యాపిల్, వన్‌ప్లస్‌లకు ప్రయోజనం దేశంలో సింగిల్‌ బ్రాండ్‌ రిటైల్‌ దుకాణాలకు సంబంధించి నిబంధనలను సరళీకరించడం వల్ల మొబైల్‌ హ్యాండ్‌సెట్‌ రిటైల్‌ మార్కెట్‌ అంతర్జాతీయ స్థాయికి ఎదుగుతుందని, యాపిల్, వన్‌ప్లస్, ఒప్పో వంటి సంస్థలు సొంత దుకాణాలు తెరిచేందుకు మార్గం సుగమం అవుతుందని ఇండియా సెల్యులర్‌ అండ్‌ ఎలక్ట్రానిక్స్‌ అసోసియేషన్‌ (ఐసీఈఏ) పేర్కొంది.   పెట్టుబడులు పెరుగుతాయ్‌: హెచ్‌అండ్‌ఎం ‘‘ హెచ్‌అండ్‌ఎం గత 30 సంవత్సరాలుగా అంతర్జాతీయ మార్కెట్‌ కోసం భారత్‌ నుంచి సమీకరిస్తోంది. అంతర్జాతీయ మార్కెట్‌ కోసం సమీకరించేవి కూడా ఇకపై 30 శాతం స్థానిక సమీకరణ కింద పరిగణించడం ఆహ్వానించతగినది. ఇది భారత్‌లో వ్యాపార నిర్వహణను సులభతరం చేస్తుంది. విదేశీ కంపెనీల నుంచి మరిన్ని పెట్టుబడులను ఆకర్షిస్తుంది’’ అని హెచ్‌అండ్‌ఎం భారత మేనేజర్‌ జానే ఎనోలా పేర్కొన్నారు.   ప్రోత్సాహకరం: ఐకియా ‘‘సింగిల్‌ బ్రాండ్‌ రిటైలర్లకు సంబంధించి స్థానిక ఉత్పత్తుల సమీకరణ నిబంధనను ప్రభుత్వం సులభతరం చేయడాన్ని ఐకియా ఇండియా ఆహ్వానిస్తోంది. సింగిల్‌ బ్రాండ్‌ రిటైలర్లకు సంబంధించి వ్యాపార నిర్వహణను సులభంగా మార్చే ప్రభుత్వ చర్యలు ప్రోత్సాహకరంగా ఉన్నాయి’’ అని ఐకియా ఇండియా పేర్కొంది.

సాక్షి, న్యూఢిల్లీ :  కేంద్రప్రభుత్వం వివిధ రంగాల్లో విదేశీ పెట్టుబడులకు గేట్లు బార్లా తెరిచింది. ఈ మేరకు బుధవారం సమావేశమైన కేంద్ర కేబినెట్‌  కీలక నిర్ణయాలను వెలువరించింది. మందగమనంలో ఆర్థిక వృద్ధిని చక్కదిద్దే ప్రయత్నాల్లో భాగంగా నాలుగు రంగాలలో విదేశీ ప్రత్యక్ష పెట్టుబడుల (ఎఫ్‌డిఐ) నిబంధనలను మరింత సరళీకృతం చేసింది. ప్రపంచవ్యాప్తంగా ఎప్‌డీఐలు కొద్దిగా మందగించాయి. అందుకే ఈ నిర్ణయాలు తీసుకున్నామని మీడియా సమావేశంలో కేంద్ర మంత్రులు ప్రకాష్‌ జవదేకర్‌,  పియూష్‌ గోయల్‌ వెల్లడించారు. ప్రధానంగా బొగ్గు తవ్వకాలు, సంబంధిత ప్రాసెసింగ్ కార్యకలాపాలు ఆటోమేటిక్ మార్గంలో 100 శాతం పెట్టుబడులకు అనుమతి వుంటుందని కేంద్రమంత్రి పియూష్ గోయల్ ప్రకటించారు. కాంట్రాక్ట్‌ మాను ఫ్యాక్చరింగ్‌ రంగంలో 100 శాతం,  డిజిటల్‌ మీడియాలో 26శాతం,  బ్రాడ్‌కాస్టింగ్‌ సర్వీసుల్లో 49 శాతం పెట్టుబడులకు కూడా కేబినెట్ ఆమోదం తెలిపిందన్నారు. అలాగే సింగిల్ బ్రాండ్ రిటైల్ లో ఎఫ్‌డీఐ కోసం స్థానిక సోర్సింగ్ నిబంధనలు (30 శాతం స్థానికంగా కొనుగోళ్లు తప్పనిసరి) సడలించినట్టు గోయల్ చెప్పారు. అలాగే ఆన్‌లైన్‌ సేల్స్‌కు అనుమతినిచ్చామన్నారు. అయితే మల్టీ ‍ బ్రాండ్‌ రీటైల్‌ లో పెట్టుబడుల గురించి కేబినెట్‌లో చర్చించలేదన్నారు. ప్రపంచంలోనే అతిపెద్ద వైద్య సదుపాయాల విస్తరణకు కేబినెట్ ఆమోదం తెలిపినట్లు జవదేకర్ తెలిపారు. రూ. 24,375 కోట్ల పెట్టుబడితో 2021-22 నాటికి 75 కొత్త మెడికల్ కాలేజీలను ఏర్పాటు చేయనున్నట్టు తెలిపారు. దేశవ్యాప్తంగా ప్రస్తుతం 529 కాలేజీల్లో 70,978  సీట్లు అందుబాటులో ఉన్నాయని, తాజా నిర్ణయంతో 15,700 ఎంబీబీఎస్ సీట్లు కొత్తగా లభించనున్నాయని కేంద్రమంత్రి జవదేకర్‌ వెల్లడించారు.  60 లక్షల మెట్రిక్ టన్నుల చక్కెర ఎగుమతులకు ప్రభుత్వం 6,268 కోట్ల సబ్సిడీని ఇవ్వనుంది. ఈ రాయితీ నేరుగా రైతు ఖాతాకు బదిలీ అవుతుందనీ,  చక్కెర సీజన్ 2019-20లో మిగులు నిల్వలను ఖాళీ చేయడానికి తమ చక్కెర ఎగుమతి విధానం సహాయపడుతుందని జవదేకర్ చెప్పారు. భారతదేశంలో 162 లక్షల టన్నుల చక్కెర నిల్వ ఉంది, అందులో 40 లక్షల టన్నులు బఫర్ స్టాక్‌గా ఉంటుందన్నారు.  దీంతోపాటు విపత్తు నిరోధక మౌలిక సదుపాయాల కోసం అంతర్జాతీయ కూటమి (సిడిఆర్‌ఐ) ఏర్పాటుకు కూడా కేబినెట్ ఆమోదం తెలిపింది. 2019 సెప్టెంబర్ 23 న న్యూయార్క్‌లో జరిగే యుఎన్ క్లైమేట్ సమ్మిట్ సందర్భంగా ప్రధానమంత్రి  నరేంద్ర మోదీ సీడీడిఆర్‌ఐని ప్రారంభించనున్నట్లు జవదేకర్ ప్రకటించారు.

సాక్షి, న్యూఢిల్లీ : ఎఫ్‌డీఐ విధానాన్ని సరళీకరించడంతో పాటు సంస్కరణల వేగంతో 2018-19 ఆర్థిక సంవత్సరంలో దేశంలోకి అత్యధికంగా రూ 4.5 లక్షల కోట్ల విదేశీ పెట్టుబడులు తరలివచ్చాయి. పరిశ్రమల ప్రోత్సాహక, అంతర్గత వాణిజ్య శాఖ (డీపీఐటీ) నివేదిక వెల్లడించిన వివరాల ప్రకారం అంతకుముందు ఆర్థిక సంవత్సరంలో భారత్‌కు వచ్చిన ఎఫ్‌డీఐ రూ 4.2 లక్షల కోట్లుగా నమోదైంది. 2018-19 ఆర్ధిక సంవత్సరంలో అత్యధిక ఎఫ్‌డీఐ భారత్‌కు తరలివచ్చిందని, గత ఐదేళ్లుగా భారత్‌ రూ 18 లక్షల కోట్ల ఎఫ్‌డీఐని ఆకర్షించిందని డీపీఐటీ 2018-19 వార్షిక నివేదికలో పేర్కొంది. కేంద్ర ప్రభుత్వం ఎఫ్‌డీఐ పాలసీని సరళీకరించడంతో పాటు సంస్కరణలను వేగవంతం చేయడం ద్వారా దేశంలోకి పెద్ద ఎత్తున ఎఫ్‌డీఐ వెల్లువెత్తుతోందని చెబుతున్నారు. మెరుగైన వృద్ధి రేటు సాధించేందుకు, వివిధ రంగాల్లో ఉత్తేజం నింపేందుకు విదేశీ ప్రత్యక్ష పెట్టుబడులు ఉపకరిస్తాయి.

న్యూఢిల్లీ: రూపాయి అప్రతిహత పురోగమనం కొనసాగుతోంది. సోమవారం వరుసగా ఆరవ ట్రేడింగ్‌ సెషన్‌లోనూ లాభాల బాటన పయనించింది. ఇంటర్‌ బ్యాంక్‌ ఫారెక్స్‌ మార్కెట్‌లో డాలర్‌ మారకంలో 57 పైసలు లాభపడింది. 68.53 వద్ద ముగిసింది.  ఆరు ట్రేడింగ్‌ సెషన్లలో రూపాయి 161 పైసలు లాభపడింది.  2018 ఆగస్టు 1వ తేదీన రూపాయి ముగింపు 68.43. అప్పటి తర్వాత రూపాయి మళ్లీ తాజా స్థాయిని చూడ్డం ఇదే తొలిసారి.  శుక్రవారం రూపాయి ముగింపు 69.10. సోమవారం ఇంటర్‌బ్యాంక్‌ ఫారెక్స్‌ ఎక్సే్చంజ్‌లో 68.92 వద్ద పటిష్టంగా రూపాయి ట్రేడింగ్‌ ప్రారంభమైంది. ఒక దశలో 68.45న కూడా చూసింది.  కారణాలను విశ్లేషిస్తే... ►ఎన్నికల అనంతరం దేశ ప్రధానిగా మళ్లీ నరేం ద్రమోదీనే పగ్గాలు చేపడతారన్న విశ్లేషణలు ►డెట్, ఈక్విటీ మార్కెట్‌లోకి విదేశీ ప్రత్యక్ష పెట్టుబడుల ప్రవాహం. ► క్రూడ్‌ ఆయిల్‌ ధరలు అంతర్జాతీయంగా స్థిరంగా ఉండడం. ►దీనితో ద్రవ్యోల్బణం కట్టడిలో ఉంటుందన్న విశ్లేషణలు. ►వృద్ధి క్రియాశీలతకు రేటు తగ్గింపు ఉంటుందన్న అంచనాలు. ►డాలర్‌ ఇండెక్స్‌ కదలికలపై అనిశ్చితి. ►అమెరికా సెంట్రల్‌ బ్యాంక్‌– రేటు (ప్రస్తుత శ్రేణి 2.25–2.50) పెంపు విషయంలో ఆచితూచి వ్యవహరిస్తుందన్న అభిప్రాయం. బుధవారం సమీక్ష సందర్భంగా రేటు పెంపు ఉండదన్న విశ్లేషణలు.  ►  మూడేళ్ల ఫారిన్‌ ఎక్సే్చంజ్‌ స్వాప్‌ ఆక్షన్‌ ద్వారా రిజర్వ్‌ బ్యాంక్‌ ఆఫ్‌ ఇండియా ఐదు బిలియన్‌ డాలర్ల లిక్విడిటీని (ద్రవ్య లభ్యత) వ్యవస్థలోకి పంప్‌ చేస్తోందన్న వార్త. 74.39 కనిష్టం నుంచి... అక్టోబర్‌ 9వ తేదీన రూపాయి చరిత్రాత్మక కనిష్ట స్థాయి 74.39 వద్ద ముగిసింది. క్రూడ్‌ ధరలు అంతర్జాతీయంగా  గరిష్ట స్థాయిల నుంచి అనూహ్యంగా 30 డాలర్ల వరకూ పడిపోతూ వచ్చిన నేపథ్యంలో...రూపాయి క్రమంగా కోలుకుని రెండున్నర నెలల క్రితం 69.43 స్థాయిని చూసింది. అయితే మళ్లీ క్రూడ్‌ ధర తాజా కనిష్ట స్థాయిల నుంచి దాదాపు 14 డాలర్లకుపైగా పెరగడంతో మళ్లీ రూపాయి జారుడుబల్లమీదకు ఎక్కింది. గత రెండు నెలలుగా 72–70 మధ్య కదలాడింది. అయితే ఎన్నికల ముందస్తు ఈక్విటీల ర్యాలీ తాజాగా రూపాయికి సానుకూలమవుతోంది. అయితే క్రూడ్‌ ధరల కత్తి ఇప్పటికీ వేలాడుతున్న విషయం పరిగణనలోకి తీసుకోవాల్సి ఉంటుందని విశ్లేషకులు పేర్కొంటున్నారు.  ఇలా అయితే కష్టమే... రూపాయి వేగవంతమైన రికవరీ, ఈ పరిస్థితుల్లో వచ్చే ఒడిదుడుకులు ఆందోళన కలిగించే అంశమే. ఒడిదుడుకుల నిరోధానికి కేంద్రం తగిన చర్యలు తీసుకోవాలి. మారకపు విలువ అనిశ్చితి దేశీయ కరెన్సీ తీవ్ర ఒడిదుడుకులకూ కారణమవుతుంది. ఇది ఎగుమతిదారులకేకాదు. దిగుమతిదారులకూ తలనొప్పులు తెచ్చిపెడుతుంది. రూపాయి మరింత పెరిగితే ఎగుమతులు పెరగాలన్న కేంద్ర విధానానికీ విఘాతం కలిగిస్తుంది. ఇప్పటికే సతమతమవుతున్న ఎగుమతుల రంగానికి ఇది ఒక పెద్ద సవాలే. ఇతర పోటీ కరెన్సీలతో భారత్‌ ఎగుమతులు తీవ్ర సవాళ్లను ఎదుర్కొంటాయి.  – గణేశ్‌ గుప్తా, ఎఫ్‌ఐఈఓ ప్రెసిడెంట్‌  ఆసియా కరెన్సీల్లోనే ఉత్తమ పనితీరు.. ఆసియా దేశాల కరెన్సీలన్నింటిలోనూ ఉత్తమ పనితీరు కనబరిచింది. వాణిజ్యలోటు సానుకూల స్థితి, విదేశీ నిధుల ప్రవాహం దీనికి కారణం. ఈ నెలల్లో ఇప్పటి వరకూ విదేశీ ఇన్వెస్టర్లు 2.4 బిలియన్‌ డాలర్లు ఈక్విటీల్లో పెట్టుబడులుగా పెట్టారు. దీనితో భారత్‌ మార్కెట్లో వారి నికర కొనుగోళ్లు 4.7 బిలియన్‌ డాలర్లకు చేరాయి. ఈ నెల్లో రూపాయి డినామినేటెడ్‌ బాండ్లలో వారి హోల్డింగ్స్‌ 833 మిలియన్‌ డాలర్లు పెరిగాయి.  – వీకే శర్మ, హెచ్‌డీఎఫ్‌సీ సెక్యూరిటీస్‌ 

న్యూఢిల్లీ: విదేశీ సింగిల్‌ బ్రాండ్‌ రిటైలర్లను ఆకర్షించే దిశగా నిబంధనలను సడలించాలని కేంద్రం యోచిస్తోంది. ఆయా సంస్థలు తప్పనిసరిగా 30 శాతం స్థానికంగా కొనుగోళ్లు జరపాల్సి ఉంటుందన్న సోర్సింగ్‌ నిబంధనకు సంబంధించి కాలావధి విషయంలో కొంత వెసులుబాటునివ్వాలని భావిస్తోంది. కేంద్ర వాణిజ్య, పరిశ్రమల శాఖ ఈ ప్రతిపాదనకు సంబంధించి ఇప్పటికే వివిధ శాఖలకు ముసాయిదా క్యాబినెట్‌ నోట్‌ను పంపింది. ప్రతిపాదనల ప్రకారం.. యాపిల్‌ వంటి అంతర్జాతీయ దిగ్గజాలు 200 మిలియన్‌ డాలర్ల మేర విదేశీ ప్రత్యక్ష పెట్టుబడులు (ఎఫ్‌డీఐ) తెచ్చిన పక్షంలో ఆఫ్‌లైన్‌ స్టోర్స్‌ ఏర్పాటుకన్నా ముందు ఆన్‌లైన్‌ స్టోర్స్‌ ఏర్పాటుకు అనుమతించే అవకాశాలు ఉన్నాయి. ఆన్‌లైన్‌ అమ్మకాలు మొదలుపెట్టిన తర్వాత రెండేళ్లలోగా ఈ సంస్థలు ఆఫ్‌లైన్‌ స్టోర్స్‌ ఏర్పాటు చేయాల్సి ఉంటుంది. ప్రస్తుత నిబంధనల ప్రకారం విదేశీ సింగిల్‌ బ్రాండ్‌ రిటైల్‌ సంస్థలు.. ఆఫ్‌లైన్‌ స్టోర్‌ ఏర్పాటు చేసిన తర్వాతే ఆన్‌లైన్‌ అమ్మకాలు జరిపేందుకు అనుమతిస్తున్నారు. మరోవైపు, పెట్టుబడి పరిమాణాన్ని బట్టి సోర్సింగ్‌ నిబంధనలను సడలించే అంశం కూడా వాణిజ్య శాఖ ప్రతిపాదనల్లో ఉంది. ప్రస్తుతం అయిదేళ్లుగా ఉన్న కాలవ్యవధిని 6–10 ఏళ్ల దాకా పొడిగించవచ్చు.    

సాక్షి, విశాఖపట్నం : కేంద్ర ప్రభుత్వ విధాలను వ్యతిరేకిస్తూ రక్షణ రంగ ఉద్యోగులు, కార్మికులు చేపట్టిన సమ్మె రెండో రోజుకు చేరింది. రక్షణ రంగ సంస్థల్లో ఎఫ్‌డీఐల అనుమతిని వ్యతిరేకించడంతోపాటు పాత పెన్షన్‌ విధానాన్ని కొనసాగించాలని వారు డిమాండ్‌ చేస్తున్నారు. దేశవ్యాప్తంగా మూడు రోజుల సమ్మెకు రక్షణ రంగ ఉద్యోగ సంఘాలకు చెందిన 3 ఫెడరేషన్లు పిలుపునిచ్చాయి.  నావల్‌ డాక్‌ యార్డ్‌లోని విజయ్‌నగర్‌ గేట్‌ వద్ద ఉద్యోగులు, కార్మికులు మీటింగ్‌ ఏర్పాటుచేసుకుని నిరసన తెలుపుతున్నారు. వైఎస్సార్‌సీపీ ట్రేడ్‌ యూనియన్‌ ఈ సమ్మెకు సంఘీభావం తెలిపింది. వైఎస్సార్‌సీపీ ట్రేడ్‌ యూనియన్‌ నేతలు కె.శ్రీనివాసరావు, విజయప్రకాష్‌, ఐఎన్‌సీఈ నేత బి.శ్రీనివాసరెడ్డి, ఎన్‌సీఆర్‌ యూనియన్‌ నేత పి.నాగేశ్వరరావు, సీఐటీయూ నేత జగ్గునాయుడు, ఆలిండియా డిఫెన్స్‌ ఎంప్లాయిస్‌ కోఆర్డినేషన్‌ కమిటీ ప్రతినిధి రెడ్డి వెంకటరావు కార్యక్రమంలో పాల్గొన్నారు.

సాక్షి, హైదరాబాద్‌: జీఎస్‌టీ, ఐబీసీ వల్ల 2030 నాటికి చైనా తరువాత అతి పెద్ద ఆర్థిక వ్యవస్థగా భారతదేశం అవతరించనున్నదని ఇన్సాల్వెన్సీ, బ్యాంక్‌రప్టసీ బోర్డ్‌ ఆఫ్‌ ఇండియా (ఐబీబీఐ) చైర్మన్‌ డాక్టర్‌ ఎం.ఎస్‌. సాహూ అన్నారు. బ్యాంకుల నుంచి రుణాలు తీసుకుని వాటిని తిరిగి చెల్లించలేని కంపెనీ లను పునరుద్ధరించేందుకు పరిష్కార నిపుణు లు (ఆర్‌పీ) ప్రయత్నించాలని, తద్వారా ఆ కంపెనీని నమ్ముకుని ఉన్న ఉద్యోగులు, కార్మికులకు న్యాయం చేసినట్లు అవుతుందని సాహూ అన్నారు.రుణ పరిష్కార ప్రణాళికల తయారీ విషయంలోనూ ముందుచూపుతో వ్యవహరించాలని, రుణదాతల కమిటీ ముందు కేవలం ఒక రుణ పరిష్కార ప్రణాళి కనే ఉంచకుండా, దీర్ఘ కాలంగా ప్రయోజనం చేకూర్చే రుణ ప్రణాళికలను సైతం ఆ కమిటీ ముందు ఉంచాలని కోరారు.స్వయంగా రుణ పరిష్కార ప్రణాళికను సమర్పించే వెసులు బాటును దివాలా ప్రక్రియ ఎదుర్కొంటున్న కంపెనీకి సైతం కల్పించాలని, తద్వారా కంపెనీ పునరుద్ధరణకు ఆస్కారం ఉంటుందని తెలిపారు. సొసైటీ ఆఫ్‌ ఇన్సాల్వెన్సీ ప్రాక్టీషనర్స్‌ ఆఫ్‌ ఇండియా (సిపీ) ఆధ్వ ర్యంలో శనివారం నగరంలో రౌండ్‌ టేబుల్‌ సమావేశం జరిగింది. ఇన్సాల్వెన్సీ బ్యాంక్‌ రప్టసీ కోడ్‌ (ఐబీసీ) అమలులో ఎదురవు తున్న ఇబ్బందులపై ఈ సమావేశం చర్చిం చింది. ఇందులో సిపీ అధ్యక్షుడు సుమంత్‌ బత్రా, సిపీ హైదరాబాద్‌ కన్వీనర్‌ వీవీఎస్‌ఎన్‌ రాజులతో పాటు పలువురు న్యాయవాదులు, కంపెనీ సెక్రటరీలు, చార్టెర్డ్‌ అకౌంటెంట్‌లు పాల్గొన్నారు. ఈ సందర్భంగా సాహు మాట్లాడుతూ, 2016లో వచ్చిన ఐబీసీ వల్ల ఫలితాలు ఆశాజనకంగా ఉన్నాయని, ఈ కోడ్‌ వల్ల విదేశీ ప్రత్యక్ష పెట్టుబడులు పెరిగాయని చెప్పారు. జీఎస్‌టీ, ఐబీసీ వల్ల 2030 నాటికి చైనా తరువాత అతి పెద్ద ఆర్థిక వ్యవస్థగా భారతదేశం అవతరించనున్నదని తెలిపారు. ఈ కోడ్‌ వల్ల దివాలా కంపెనీలకు, బ్యాంకు లకు మేలు జరుగుతుందని, దివాలా కంపెనీ ని ఇతరులు టేకోవర్‌ చేసేందుకు ఆస్కారం ఉంటుందని, అలాగే బ్యాంకులకు సైతం రుణాలు వసూలు అవుతాయని చెప్పారు. ఈ సమావేశంలో పాల్గొన్న పలువురు ఐబీసీ అమలులో ఎదురవుతున్న ఇబ్బందులపై చర్చించారు. దివాలాలో ఉన్న కంపెనీలను కొందరు బినామీలు చేజిక్కించుకుంటున్నా రని, దీనికి అడ్డుకట్టవేయాలని కోరారు. ఐబీసీలో పలు అంశాలపై స్పష్టత లోపించిం దని, వీటినీ అధిగమించినప్పుడే ఐబీసీ లక్ష్యం నెరవేరుతుందని వారు అభిప్రాయపడ్డారు. 

న్యూఢిల్లీ: విదేశీ ప్రత్యక్ష పెట్టుబడులతో (ఎఫ్‌డీఐ) కూడిన ఈ కామర్స్‌ సంస్థలకు సంబంధించిన నిబంధనలను దేశీయ ఈ కామర్స్‌ సంస్థలకూ అమలు చేయడం ద్వారా, అనైతిక వ్యాపార విధానాలకు పాల్పడకుండా నిరోధించాలని అఖిల భారత వర్తకుల సంఘం (సీఏఐటీ) డిమాండ్‌ చేసింది. ఇందుకు సంబంధించిన విధానాన్ని వెంటనే విడుదల చేయాలని కోరుతూ కేంద్ర వాణిజ్య మంత్రి సురేష్‌ ప్రభుకు లేఖ రాసింది. ఈ కామర్స్‌ రంగానికి సంబంధించిన విధానంపై వాణిజ్య శాఖ పనిచేస్తుండగా... త్వరలోనే దాన్ని విడుదల చేయనుంది. ఈ నేపథ్యంలో సీఏఐటీ లేఖ రాయడం గమనార్హం. ‘‘నూతన విధానంలో పేర్కొన్న ఎఫ్‌డీఐ నిబంధనలు దేశీయ ఈ కామర్స్‌ సంస్థలకూ వర్తింపజేయాలి. అనైతిక వ్యాపార ధోరణలను అనుసరించకుండా నిరోధించాలి. వాటిని ఇతర ఈ కామర్స్‌ సంస్థలతో సమానంగా చూడాలి’’ అని సీఏఐటీ కోరింది. ఈ రంగానికి స్వతంత్ర నియంత్రణ సంస్థను ఏర్పాటు చేయాలని కూడా డిమాండ్‌ చేసింది. కొన్ని సంఘాలు ఎఫ్‌డీఐ నిబంధనలను తప్పుబడుతున్నాయని, ఎటువంటి ఒత్తిళ్లకు లొంగవద్దని కోరింది. ఫ్లిప్‌కార్ట్, అమెజాన్‌ వంటి విదేశీ ఈ కామర్స్‌ సంస్థలు తమ ప్లాట్‌ఫామ్‌లపై, తమ వాటాలు కలిగిన కంపెనీల ఉత్పత్తులను విక్రయించకుండా, ప్రత్యేకమైన మార్కెటింగ్‌ ఒప్పందాలతో ఉత్పత్తులను మార్కెట్‌ చేయకుండా ఇటీవల కేంద్ర ప్రభుత్వం నిషేధం విధించిన విషయం విదితమే. అయితే త్వరలోనే ఈ–కామర్స్‌లోకి రావటానికి ప్రయత్నాలు చేస్తున్న రిలయన్స్‌ వంటి సంస్థలకు ఈ పరిణామం లాభించవచ్చనే అంచనాలున్నాయి. ఈ నేపథ్యంలో దేశీ సంస్థలకూ ఇవే నిబంధనలు వర్తింపజేయాలని వర్తకుల సంఘం డిమాండ్‌ చేస్తోంది.

న్యూఢిల్లీ: 2014 జూన్‌ నుంచి ఇప్పటి వరకు ప్రధానమంత్రి నరేంద్ర మోదీ విదేశీయా నానికి రూ.2,021 కోట్లు ఖర్చయినట్లు ప్రభుత్వం తెలిపింది. విదేశాంగ శాఖ సహాయ మంత్రి వీకే సింగ్‌ శుక్రవారం రాజ్యసభలో ఈ విషయం వెల్లడించారు. ఇప్పటి వరకు 48 విదేశీ పర్యటనల్లో 55 దేశాలను ప్రధాని సందర్శించారని వివరించారు. ప్రధాని పర్యటనల కారణంగా భారత్‌కు విదేశీ ప్రత్యక్ష పెట్టుబడులు(ఎఫ్‌డీఐలు) గణనీయంగా పెరిగాయని తెలిపారు. 2014–18 సంవత్సరాల మధ్య ప్రధాని మోదీ పర్యటించిన దేశాల్లో ఎఫ్‌డీఐలు అత్యధికంగా వచ్చే మొదటి పది దేశాలు కూడా ఉన్నాయన్నారు. 2014లో 30,930.5 మిలియన్‌ డాలర్లుగా ఉన్న ఎఫ్‌డీఐలు పర్యటనల ఫలితంగా 2017 నాటికి 43,478.27 మిలియన్‌ డాలర్లకు చేరాయని తెలిపారు. యూపీఏ–2 హయాంలో ప్రధాని మన్మోహన్‌ సింగ్‌ విదేశీ పర్యటనల ఖర్చు 2009–14 సంవత్సరాల మధ్య రూ.1,346 కోట్లని వీకే సింగ్‌ పేర్కొన్నారు.   

ముంబై: దేశీయ కంపెనీల విదేశీ పెట్టుబడులు ఈ ఏడాది జూలై నెలలో 36 శాతం తగ్గుముఖం పట్టాయి. ఆర్‌బీఐ గణాంకాలను పరిశీలిస్తే... భారత కంపెనీల విదేశీ పెట్టుబడులు ఈ ఏడాది జూలైలో 1.39 బిలియన్‌ డాలర్లకు పరిమితమయ్యాయి. గతేడాది ఇదే నెలలో మన కంపెనీల విదేశీ పెట్టుబడులు 2.17 బిలియన్‌ డాలర్లు. విదేశీ సబ్సిడరీలు, జాయింట్‌ వెంచర్లపై కంపెనీలు పెట్టుబడులు పెడుతుంటాయి. రుణాల రూపంలో, ఈక్విటీ, గ్యారంటీల రూపంలో ఈ మేరకు సర్దుబాటు చేస్తుంటాయి. సెరమ్‌ ఇనిస్టిట్యూట్‌ నెథర్లాండ్స్‌లోని తన సబ్సిడరీ కోసం 187.9 మిలియన్‌ డాలర్లు పెట్టుబడులు పెట్టింది. స్టెరిలైట్‌ టెక్నాలజీస్, ఇంటర్‌గ్లోబ్‌ ఎంటర్‌ప్రైజెస్, జేఎస్‌డబ్ల్యూ స్టీల్‌ సైతం ఈ జాబితాలో ఉన్నాయి. ఈ ఏడాది జూన్‌ నెలలో పెట్టుబడులు 2.07 బిలియన్‌ డాలర్లుగా ఉండడం గమనార్హం.   

న్యూఢిల్లీ: భారత్‌లోకి వచ్చే విదేశీ ప్రత్యక్ష పెట్టుబడుల (ఎఫ్‌డీఐ)కు కేంద్రంగా మారిషస్‌ మళ్లీ అగ్రస్థానంలో నిల్చింది. 2017–18లో మొత్తం ఎఫ్‌డీఐలు స్వల్పంగా 36.31 బిలియన్‌ డాలర్ల నుంచి 37.36 బిలియన్‌ డాలర్లకు పెరిగాయి. ఇందులో మారిషస్‌ నుంచి 13.41 బిలియన్‌ డాలర్ల పెట్టుబడులు వచ్చాయి. అంతక్రితం ఏడాది ఇవి 13.38 బిలియన్‌ డాలర్లు. ఇక గత ఆర్థిక సంవత్సరంలో సింగపూర్‌ నుంచి పెట్టుబడులు 6.52 బిలియన్‌ డాలర్ల నుంచి 9.27 డాలర్లకు పెరగ్గా, నెదర్లాండ్స్‌ నుంచి ఎఫ్‌డీఐలు 3.23 బిలియన్‌ డాలర్ల నుంచి 2.67 బిలియన్‌ డాలర్లకు తగ్గాయి. గతేడాది ఎఫ్‌డీఐలకు సంబంధించిన ప్రాథమిక గణాంకాల ప్రకారం తయారీ రంగంలోకి 7.06 బిలియన్‌ డాలర్లకు తగ్గిపోయాయి. అంతక్రితం ఆర్థిక సంవత్సరం ఇవి 11.97 బిలియన్‌ డాలర్లు. అయితే, కమ్యూనికేషన్స్‌ సర్వీసుల్లోకి మాత్రం పెట్టుబడులు 5.8 బిలియన్‌ డాలర్ల నుంచి 8.8 బిలియన్‌ డాలర్లకు పెరిగాయి. అటు రిటైల్, హోల్‌సేల్‌ వ్యాపారాల విభాగంలోకి విదేశీ పెట్టుబడులు కూడా 2.77 బిలియన్‌ డాలర్ల నుంచి 4.47 బిలియన్‌ డాలర్లకు ఎగియగా, ఆర్థిక సేవల రంగంలోకి ఎఫ్‌డీఐలు 3.73 బిలియన్‌ డాలర్ల నుంచి 4.07 బిలియన్‌ డాలర్లకు పెరిగాయి. కార్పొరేట్ల ఆదాయాలు, వినియోగదారుల డిమాండ్‌ మెరుగుపడుతున్న సంకేతాల నేపథ్యంలో రాబోయే త్రైమాసికాల్లో పెట్టుబడులు మరింత ఊపందుకునే అవకాశాలు ఉన్నాయని అసోచాం తెలిపింది.

సాక్షి, అమరావతి: రాష్ట్రానికి రూ.లక్షల కోట్ల పెట్టుబడులు వచ్చేస్తున్నాయంటూ ప్రభుత్వ పెద్దలు జనం చెవుల్లో పువ్వులు పెడుతున్నారు. మరోవైపు వాస్తవ పరిస్థితి మాత్రం అందుకు పూర్తి విరుద్ధంగా ఉంది. విదేశీ ప్రత్యక్ష పెట్టుబడులను(ఎఫ్‌డీఐ) ఆకర్శించడంలో ఆంధ్రప్రదేశ్‌ వెనుకంజలోనే ఉంది. గతేడాదితో పోలిస్తే ఈసారి ఎఫ్‌డీఐలు ఏకంగా 43 శాతం మేర తగ్గిపోయాయి. విదేశీ ప్రత్యక్ష పెట్టుబడులను రాబట్టుకోవడంలో పొరుగు రాష్ట్రాలు కర్ణాటక, తమిళనాడు ఊహించని విధంగా ముందుకు దూసుకెళ్తున్నాయి. ఎఫ్‌డీఐల విషయంలో ఏడాది కాలంలోనే కర్ణాటక 300 శాతం, తమిళనాడు 56 శాతం వృద్ధి సాధించడం గమనార్హం. భారత రిజర్వ్‌ బ్యాంక్‌(ఆర్‌బీఐ) తాజాగా ఈ గణాంకాలను వెల్లడించింది. 2017–18లో వివిధ రాష్ట్రాల్లో విదేశీ ప్రత్యక్ష పెట్టుబడులపై ఆర్‌బీఐ ఒక నివేదిక రూపొందించింది. దీన్ని రెండు రోజుల క్రితం పార్లమెంట్‌కు సమర్పించింది. విదేశీ పెట్టుబడులను ఆకర్శిస్తామంటూ ఆంధ్రప్రదేశ్‌ ప్రభుత్వం ఆర్థిక అభివృద్ధి బోర్డు(ఈడీబీ) పేరుతో ప్రత్యేక విభాగాన్ని ఏర్పాటు చేసింది. సులభతర వాణిజ్యంలో మొదటి ర్యాంకు సాధించామని దేశ విదేశాల్లో పెద్ద ఎత్తున ప్రచారం చేసింది. అయినప్పటికీ విదేశీ పెట్టుబడిదారులు ఆంధ్రప్రదేశ్‌పై ఆసక్తి చూపకపోవడం అధికార వర్గాలను కలవరపరుస్తోంది. సంప్రదింపులతోనే సరి భారీగా పెట్టుబడులు సాధించుకోస్తామంటూ గత నాలుగేళ్లలో ముఖ్యమంత్రి చంద్రబాబుతో సహా అధికార యంత్రాంగం పలు దేశాల్లో పర్యటించింది. 40 దేశాల నుంచి రూ.లక్షల కోట్ల విలువైన పెట్టుబడులు రాబోతున్నాయంటూ టీడీపీ ప్రభుత్వం ఊదరగొట్టింది. అయితే, సంప్రదింపులు జరిపిన విదేశీ పెట్టుబడిదారులు ఏపీలో పరిశ్రమలు స్థాపించేందుకు సుముఖత వ్యక్తం చేయలేదు. వారంతా పొరుగు రాష్ట్రాల్లో పెట్టుబడులు పెట్టారు. 2017–18లో కర్ణాటక రాష్ట్రానికి 2.13 బిలియన్‌ డాలర్ల పెట్టుబడులు అధికంగా వచ్చాయి. మొత్తం ఎఫ్‌డీఐలు 8.58 బిలియన్‌ డాలర్లకు చేరాయి. తమిళనాడులో ఎఫ్‌డీఐలు 3.47 బిలియన్‌ డాలర్లకు చేరాయి. తమిళనాడులో రాజకీయ అనిశ్చితి కొనసాగినప్పటికీ విదేశీ ప్రత్యక్ష పెట్టుబడులు పెరగడం విశేషం. ఆంధ్రప్రదేశ్‌ మాత్రం గతేడాదితో పోలిస్తే 43 శాతం ఎఫ్‌డీఐలను కోల్పోయింది. రాష్ట్రానికి గతేడాది 3.37 బిలియన్‌ డాలర్ల పెట్టుబడులు రాగా, ఈ ఏడాది 1.25 బిలియన్‌ డాలర్లకు తగ్గిపోయాయి. ‘హోదా’ లేదనే పెట్టుబడులు వెనక్కి విశాఖపట్నంలో 2015లో రాష్ట్ర ప్రభుత్వం పారిశ్రామిక భాగస్వామ్య సదస్సును భారీ ఎత్తున నిర్వహించింది. ముఖ్యమంత్రి, ప్రభుత్వ పెద్దలు, ఉన్నతాధికారులు కలిసి రూ.కోట్లు పెట్టి ప్రత్యేక విమానాల్లో విదేశీ పర్యటనలు చేశారు. విదేశీ పెట్టుబడిదారులతో సంప్రదింపులు జరిపారు. ఏపీలో పెట్టుబడులు పెట్టేందుకు తొలుత కొందరు ముందుకొచ్చారు. కానీ, క్షేత్రస్థాయిలో వాస్తవ పరిస్థితులను గమనించిన తర్వాత వెనుకడుగు వేశారు. అనుమతుల మంజూరీలో అవినీతి వల్లే వారు వెనక్కి తగ్గినట్లు తెలుస్తోంది. ప్రత్యేక హోదా రాకపోవడం వల్ల కూడా పెట్టుబడిదారులు ఏపీపై ఆసక్తి చూపడం లేదు. మెరుగైన మౌలిక వసతులు, మార్కెటింగ్‌ సదుపాయాలున్న పొరుగు రాష్ట్రాలపై దృష్టి పెట్టారు.   మా వంతు ప్రయత్నాలు చేస్తున్నాం..    ‘‘కర్ణాటక, తమిళనాడు, హైదరాబాద్‌ ప్రాంతాలు అన్ని విధాలుగా అభివృద్ధి చెందాయి. అందుకే పెట్టుబడిదారులు అటువైపు ఆకర్శితులవుతున్నారు. ఆంధ్రప్రదేశ్‌లో ఇప్పు డిప్పుడే మౌలిక వసతుల కల్పన జరుగుతోంది. పెట్టుబడిదారులు అభివృద్ధి చెందిన ప్రాంతాలకే వెళ్తారు. ఎఫ్‌డీఐలను ఆకర్శించేందుకు మా వంతు ప్రయత్నాలు చేస్తున్నాం.   – కృష్ణకిషోర్, సీఈవో, ఈడీబీ 

సాక్షి, అమరావతి: సంక్షోభాన్ని సానుకూలంగా మలుచుకుని అభివృద్ధి చెందిన సింగపూర్‌ దేశం తమకెంతో స్ఫూర్తిదాయకమని సీఎం చంద్రబాబు అన్నారు. సింగపూర్‌ పర్యటనలో ఉన్న ఆయన సోమవారం అక్కడి లీక్వాన్‌ యూనివర్సిటీలో ఏర్పాటైన సమావేశంలో మాట్లాడారు. సింగపూర్‌కు, ఆంధ్రప్రదేశ్‌కు సారూప్యం ఉందని.. విభజనతో సింగపూర్‌ బాలారిష్టాలను ఎదుర్కొని అధిగమించినట్లే ఏపీని విభజన గాయాల నుంచి క్రమంగా కోలుకునే స్థాయికి తీసుకొచ్చామన్నారు. అగ్రగామి రాష్ట్రాల్లో ఒకటిగా ఎదగాలన్న తమ లక్ష్య సాధనకు ఎల్‌కేవై ఇన్‌స్టిట్యూట్‌ సహకారం కోరుతున్నట్లు తెలిపారు. విదేశీ పెట్టుబడులను ఆకర్షించడంలో ముందు వరుసలో నిలిచామని, వ్యాపార సానుకూలతలో ప్రథమ స్థానంలో ఉన్నామని సీఎం చెప్పారు. తమ హయాంలో ఏపీలో ఆటోమొబైల్‌ రంగం అభివృద్ధి చెందుతున్నదని ఆహారశుద్ధి పరిశ్రమలైన మోండెలెజ్, పెప్సీ, ఐటీసీ, ఇతర చిన్న తరహా కంపెనీల రూపంలో భారీ పెట్టుబడులు వచ్చాయని చెప్పారు. తిరుపతి నగరాన్ని ఎలక్ట్రానిక్‌ వస్తువుల ఉత్పాదక హబ్‌గా తీర్చిదిద్దుతున్నామని, మొబైల్‌ ఫోన్ల తయారీలో అంతర్జాతీయ ఖ్యాతి పొందిన ఫ్యాక్స్‌కాన్‌కు తిరుపతి సమీపంలో భారీ ఉత్పాదక సదుపాయ ప్రాంగణం ఉందని తెలిపారు. ప్రకృతి వ్యవసాయం ద్వారా రైతాంగ శ్రేయస్సుకు, పచ్చదనం విస్తరణకు భారీస్థాయిలో కృషి చేస్తున్నామన్నారు. ఏపీ రెండో స్వగృహంగా, స్వస్థలంగా భావించి పెట్టుబడులు పెట్టాలని  సీఎం కోరారు. అనంతరం ఎల్‌కేవై స్కూల్‌ ఆఫ్‌ పబ్లిక్‌ పాలసీ, రాష్ట్ర ప్రభుత్వం మధ్య ప్రాథమిక అవగాహనా ఒప్పందం కుదరగా ప్రభుత్వ ప్రత్యేక కార్యదర్శి అనిల్‌ చంద్ర పునేఠా, ప్రొఫెసర్‌ డానీ దానిపై సంతకాలు చేశారు.  సింగపూర్‌ తరహా ఇళ్లు  సింగపూర్‌ ప్రభుత్వం ఏర్పాటుచేసిన సిటీ సొల్యూషన్స్‌ ఎగ్జిబిషన్‌ చూసిన ముఖ్యమంత్రి చంద్రబాబు, సింగపూర్‌ తరహా ఇళ్లను రాష్ట్రంలోనూ కట్టాలని.. అక్కడి జీవ వైవిధ్య అత్యుత్తమ విధానాలపై అధ్యయనం చేసి వాటిని రాష్ట్ర అవసరాలకు తగినట్టుగా అమలుచేయాలని అధికారులకు సూచించారు. కాగా, సింగపూర్‌ పర్యటనలో ఆయన ప్రపంచ నగరాల ప్లీనరీ సెషన్‌లో ‘పట్టణీకరణ నీరు, పర్యావరణం, ప్రజా రవాణా నిర్వహణ’ అనే అంశంపై మాట్లాడుతూ.. రాజధాని అమరావతిని ఐదున్నర కోట్ల మంది ప్రజల ఆకాంక్షలను ప్రతిబింబించే విధంగా నిర్మిస్తున్నామని చెప్పారు. ఇందులో అందరి భాగస్వామ్యం కోరుతున్నట్లు తెలిపారు. నదుల అనుసంధానం ద్వారా తాగునీటికే కాకుండా వ్యవసాయ, పారిశ్రామిక అవసరాలకూ తగినంత నీటిని ఇవ్వగలిగే పరిస్థితిని తీసుకొచ్చామని, కరువు ఛాయలను తరమికొట్టామని చెప్పారు.  సమస్యలను పరిష్కరించాలి: శ్రీలంక ప్రధాని సమావేశంలో పాల్గొన్న శ్రీలంక ప్రధాని విక్రమ్‌ రణిల్‌ సింఘే మాట్లాడుతూ.. నగరాలు ఇప్పుడు సంపద సృష్టించే వనరులుగా ఉన్నాయని, తద్వారా ఇవి భారీ అంతర్గత వలసలను ఆకర్షిస్తున్నాయని చెప్పారు. నగరవాసులు కాలుష్యంతో కూడిన గాలి, నీరు, వాతావరణ సమస్యలను ఎదుర్కొంటున్నారని, వీటితో పాటు నేరాలు పెరిగిపోవడం కూడా వారికి ముప్పుగా మారిందని, ఈ అడ్డంకులన్నీ పరిష్కరించాల్సిన అవసరం ఉందన్నారు. ప్రపంచ దేశాలు వాతావరణ మార్పు, అసమాన వృద్ధి, పేదరికం వంటి సంక్లిష్ట సవాళ్లను ఎదుర్కొంటున్నాయని, ఇవన్నీ ఒకదానితో మరొకటి ముడిపడి వున్నాయని సింగపూర్‌ ఉప ప్రధాని థర్మన్‌ షణ్ముగరత్నం ఆందోళన వ్యక్తం చేశారు.    సింగపూర్‌ భవనాలు పరిశీలించిన బృందం సీఎం సారథ్యంలో సింగపూర్‌లో పర్యటిస్తున్న మంత్రి నారాయణతోపాటు మరో 26 మంది భవన నిర్మాణ ప్రతినిధులు సోమవారం అక్కడ నిర్మాణంలో ఉన్న బహుళ అంతస్తుల భవనాలను సందర్శించి వాటిల్లో ఆధునిక సాంకేతికతను పరిశీలించారు. అంతేకాక, సింగపూర్లోని బిల్డింగ్‌ కన్‌స్ట్రక్షన్‌ అథారిటీ అధికారులతో సమావేశమయ్యారు.

సాక్షి, న్యూఢిల్లీ: ఈజీ బిజినెస్‌, ఇబ్బడి ముబ‍్బడిగా విదేశీ పెట్టుబడులు దేశానికి రానున్నాయని ఊదరగొట్టిన బీజేపీ సర్కార్‌కు భారీ ఎదురు దెబ్బ తగిలింది. ఇప్పటికే స్విస్‌ బాంకుల్లో భారీతీయుల డిపాజిట్లు 50శాతం పుంజుకున్నాయన్న వార్త  నరేంద్ర మోదీ సర్కారును ఇరుకున పెట్టింది. ఈ నేపథ్యంలో ఆ డిపాజిట్లన్నీ అక్రమం కాదు...పూర్తి నివేదిక అనంతరం వివరాలు వెల్లడవుతాయంటూ డ్యామేజ్‌ కంట్రోల్‌లో పడిన కేంద్రానికి తాజాగా మరో షాక్‌ తగిలింది. విదేశీ ప్రత్యక్ష పెట్టుబడులు (ఎఫ్‌డీఐ)ల వృద్ది రేటు భారీగా పడిపోయింది. 2017 సంవత్సరంలో అయిదేళ్ల కనిష్టాన్ని నమోదు చేశాయి. భారత్‌లో 2017-18లో ఎఫ్‌డీఐలు కేవలం మూడు శాతం వృద్ధితో 44.85 బిలియన్ డాలర్లుగా నమోదయ్యాయి.  మరోవైపు విదేశాల్లో  భారతీయుల పెట్టుబడులు భారీ పెరుగుదలను నమోదుచేశాయి. ఎఫ్‌డీఐ అవుట్‌ ఫ్లో 48వేలకోట్ల  రూపాయలతో పదేళ్ళ ఏళ్ల గరిష్టాన్ని తాకాయి. డిపార్ట్‌మెంట్‌ ఆఫ్ ఇండస్ట్రియల్ పాలసీ అండ్ ప్రమోషన్ (డిఐపిపి) విడుదల చేసిన తాజా గణాంకాల ప్రకారం, 2017-18లో ఎఫ్‌డీఐ పెట్టుబడుల వృద్ధిరేటు ఐదు సంవత్సరాల కనిష్ట స్థాయివద్ద 44.85 బిలియన్ డాలర్లకు చేరింది. గత ప్రభుత్వం ఆధ్వర్యంలో 2013-14ఆర్థిక సంవత్సరంలో విదేశీ పెట్టుబడులు 8 శాతం పెరిగాయి. 2012-13లో 38 శాతం ప్రతికూల వృద్ధిని నమోదు చేసినప్పటికీ ప్రస్తుత ప్రభుత్వాల కింద విదేశీ పెట్టుబడులను 8 శాతం పెంచింది. ఎన్‌డీఏ ఆధ్వర్యంలో 2014-15లో 27శాతం, తర్వాతి సంవత్సరంలో 29 శాతం ఉండగా, 2016-17లో అది కేవలం 8.67 శాతం మాత్రమే పుంజుకున్నట్టు గణాంకాల ద్వారా తెలుస్తోంది. మరోవైపు 2017-18 సంవత్సరంలో ఈక్విటీ మార్కెట్‌లో గరిష్ట స్థాయిల వద్ద రికార్డ్‌ పెట్టుబడులు సాధించింది. పెట్టుబడులు 44.8 బిలియన్‌ డాలర్ల వద్ద ఇంతకుముందెన్నడూ లేని వృద్ధిని  నమోదు చేశాయి. విదేశీ పెట్టుబడిదారులను ఆకర్షించేందుకు దేశంలో పెట్టుబడులను పునరుద్ధరించడంతో పాటు, దేశంలో వ్యాపారం చేయడం మరింత సులభంచేయాలని నిపుణులు చెబుతున్నారు. డాలరు మారకంలో 7శాతం క్షీణించి ఇప్పటికే బలహీనంగా దేశీయ కరెన్సీపై ఇంత భారం వేయనుందని హెచ్చరించారు.  గత రెండు సంవత్సరాలలో దేశీయ పెట్టుబడుల రేటులో క్షీణత కనిపించిందనీ, ఇదే కోవలో విదేశీ పెట్టుబడులు కూడా ఉన్నాయని జెఎన్‌యూ ప్రొఫెషర్‌ విశ్వజిత్‌ ధార్‌ తెలిపారు. దేశీయ ఆర్థికస్థితిని, విదేశీ ప్రత్యక్ష పెట్టబడులు ప్రతిబింబిస్తాయన్నారు. విదేశీ పెట్టుబడిదారులను ఆకర్షించేందుకు, దేశీయ పెట్టుబడులను పునరుద్ధరించడానికి ప్రభుత్వం చర్యలు తీసుకోవాలని ఆయన అన్నారు. ఎఫ్‌డీఐ పెట్టుబడుల రేటు క్షీణతకు కస్టమర్‌, రిటైల్ రంగాలలో ఎఫ్‌డీఐ తక్కువగా ఉండడానికి ప్రధానంగా విదేశీ పెట్టుబడుల విధానంలో అనిశ్చితి, సంక్లిష్టత కారణమని చెప్పవచ్చని డెలాయిట్ ఇండియా భాగస్వామి అనిల్ త్రేరెజా వ్యాఖ్యానించారు. నిబంధనలను సడలించడంలో, సందిగ్ధతలను తొలగించడంలో ప్రభుత్వం గణనీయమైన కృషిని చేపట్టినప్పటికీ, ప్రపంచ వినియోగదారుల మరియు రిటైల్ కంపెనీలు ఇప్పటికీ భారత్‌లో పెట్టుబడులవైపు నిర్ణయాలు తీసుకోవడానికి వెనుకాడవుతున్నాయని ఆయన అన్నారు. బిజినెస్ చేయడం సులభతరం చేయడానికి ర్యాంకింగ్ను పెంచడం, విదేశీ పెట్టుబడిదారులకు ప్రోత్సాహకరంగా ఉండాలన్నారు.

న్యూఢిల్లీ: గత ఆర్థిక సంవత్సరంలో భారత్‌లోకి రూ. 61.96 బిలియన్‌ డాలర్ల మేర విదేశీ ప్రత్యక్ష పెట్టుబడులు (ఎఫ్‌డీఐ) వచ్చాయి. కేంద్రం శుక్రవారం విడుదల చేసిన గణాంకాల ప్రకారం అంతక్రితం ఆర్థిక సంవత్సరంలో వచ్చిన 60 బిలియన్‌ డాలర్లతో పోలిస్తే ఇది సుమారు 3 శాతం అధికం. ఈక్విటీల్లోకి వచ్చిన నిధులు, రీ ఇన్వెస్ట్‌ చేసిన ఆదాయాలు, ఇతరత్రా పెట్టుబడులు అన్నీ ఇందులో ఉన్నాయి. వ్యాపారాలకు అనుకూల పరిస్థితులు కల్పించేందుకు ప్రభుత్వం తీసుకుంటున్న చర్యలు, సరళీకృత విధానాలు మొదలైనవి ఇందుకు దోహదపడ్డాయని కేంద్రం పేర్కొంది. అంతక్రితం నాలుగేళ్లలో వచ్చిన 152 బిలియన్‌ డాలర్లతో పోలిస్తే గడిచిన నాలుగేళ్లలో విదేశీ పెట్టుబడులు 222.75 బిలియన్‌ డాలర్లకు పెరిగాయని పారిశ్రామిక విధానం, ప్రోత్సాహక విభాగం (డీఐపీపీ) కార్యదర్శి రమేశ్‌ అభిషేక్‌ తెలిపారు. ప్రభుత్వం గత నాలుగేళ్లలో డిఫెన్స్, వైద్య పరికరాలు, నిర్మాణ రంగం, రిటైల్, పౌర విమానయానం తదితర రంగాలల్లో ఎఫ్‌డీఐ నిబంధనలను సడలించింది. మరోవైపు, యూఎన్‌సీటీఏడీ నివేదికలోని అంశాలు మాత్రం డీఐపీపీ లెక్కలకు విరుద్ధంగా ఉన్నాయి. 2016లో భారత్‌లోకి వచ్చిన 44 బిలియన్‌ డాలర్ల ఎఫ్‌డీఐలతో పోలిస్తే 2017లో ఇవి 40 బిలియన్‌ డాలర్లకు తగ్గినట్లు ఈ నివేదిక పేర్కొంది. యూఎన్‌సీటీఏడీ నివేదిక వచ్చిన మర్నాడే ప్రభుత్వం ఈ గణాంకాలు వెలువరించడం ప్రాధాన్యం సంతరించుకుంది. 

ఐక్యరాజ్యసమితి: దక్షిణాసియాలో పెట్టుబడులకు కీలక కేంద్రంగా ఎదుగుతున్నప్పటికీ.. గతేడాది భారత్‌లోకి విదేశీ పెట్టుబడుల రాక తగ్గింది. అదే సమయంలో భారత్‌ నుంచి విదేశాలకు వెళ్లే పెట్టుబడులు దాదాపు రెట్టింపయ్యాయి. యునైటెడ్‌ నేషన్స్‌ కాన్ఫరెన్స్‌ ఆన్‌ ట్రేడ్‌ అండ్‌ డెవలప్‌మెంట్‌ (యూఎన్‌సీటీఏడీ) రూపొందించిన అంతర్జాతీయ పెట్టుబడుల నివేదిక (2018) ప్రకారం .. ప్రపంచ దేశాల విదేశీ ప్రత్యక్ష పెట్టుబడులు (ఎఫ్‌డీఐ) 23 శాతం క్షీణించాయి. 2016లో 1.87 లక్షల కోట్ల డాలర్లుగా ఉండగా... ఇవి 2017లో 1.43 లక్షల కోట్ల డాలర్లకు తగ్గాయి. ఇక భారత్‌లోకి 2016లో 44 బిలియన్‌ డాలర్ల మేర పెట్టుబడులు రాగా.. అవి గతేడాది 40 బిలియన్‌ డాలర్లకు పరిమితమయ్యాయి. అయితే, అదే సమయంలో భారత్‌ నుంచి 11 బిలియన్‌ డాలర్ల మేర నిధులు తరలిపోయాయి. 2016తో పోలిస్తే ఇది రెట్టింపు. ఎఫ్‌డీఐలు తగ్గిపోవడం ప్రపంచవ్యాప్తంగా.. ముఖ్యంగా వర్ధమాన దేశాల విధానకర్తలకు ఆందోళన కలిగిస్తోందని యూఎన్‌సీటీఏడీ సెక్రటరీ–జనరల్‌ ముఖిసా కిటుయి చెప్పారు. ప్రపంచ వాణిజ్యానికి పొంచి ఉన్న రిస్కు, తత్ఫలితంగా నెలకొన్న ఆర్థిక అనిశ్చితులే ఈ ప్రతికూల ప్రభావానికి కారణమని తెలియజేశారు. ఈ ధోరణులు వర్ధమాన దేశాలను అత్యధికంగా దెబ్బతీసే అవకాశం ఉందన్నారు. వాణిజ్యపరమైన యుద్ధ భయాలు, విధానాలపరమైన అనిశ్చితి వల్ల ఈ ఏడాది ఆఖరు నాటికి అంతర్జాతీయ ఎఫ్‌డీఐల పెరుగుదల 10 శాతానికి మాత్రమే పరిమితం కావొచ్చని యూఎన్‌సీటీఏడీ అంచనా వేసింది. అయితే, గడిచిన దశాబ్ద కాలంగా ఉన్న ధోరణులను చూస్తే.. ఇది సగటు కన్నా తక్కువ స్థాయేనని పేర్కొంది.  దూకుడుగా ఓఎన్‌జీసీ విదేశీ పెట్టుబడులు.. ప్రభుత్వ రంగ చమురు ఉత్పత్తి దిగ్గజం ఓఎన్‌జీసీ ఇటీవలి కాలంలో విదేశీ ఆస్తుల్లో గణనీయంగా ఇన్వెస్ట్‌ చేస్తోంది. 2016లో రష్యన్‌ దిగ్గజం రాస్‌నెఫ్ట్‌ పీజేఎస్‌సీలో భాగమైన వాంకోర్‌నెఫ్ట్‌లో 26 శాతం వాటాలు కొనుగోలు చేసింది. 2017లో టులో ఆయిల్‌ నుంచి నమీబియాలోని ఒక ఆఫ్‌షోర్‌ క్షేత్రంలో 15 శాతం వాటా కొనుగోలు చేసింది. మొత్తంగా 2017 ఆఖరు నాటికి ఓఎన్‌జీసీకి 18 దేశాల్లో 39 ప్రాజెక్టులు ఉన్నాయి. ఇవి రోజుకు 2,85,000 బ్యారెళ్ల చమురు, తత్సమాన గ్యాస్‌ను ఉత్పత్తి చేస్తున్నాయని యూఎన్‌సీటీఏడీ పేర్కొంది.  పెరుగుతున్న సీమాంతర లావాదేవీలు.. భారత్‌లో సీమాంతర విలీనాలు, కొనుగోళ్ల లావాదేవీలు గణనీయంగా పెరిగాయని వివరించింది. ఇంధనాల ఉత్పత్తి, టెక్నాలజీ రంగాల్లో కొన్ని భారీ డీల్స్‌ ఊతంతో వీటి పరిమాణం 8 బిలియన్‌ డాలర్ల నుంచి 23 బిలియన్‌ డాలర్లకు పెరిగినట్లు పేర్కొంది. రష్యన్‌ సంస్థ రాస్‌నెఫ్ట్‌ గ్యాజ్‌కి చెందిన పెట్రోల్‌ కాంప్లెక్స్‌.. భారత్‌లో రెండో అతి పెద్ద ప్రైవేట్‌ ఆయిల్‌ కంపెనీ ఎస్సార్‌ ఆయిల్‌లో 49 శాతం వాటాలు కొనుగోలు చేసింది. ఇందుకోసం 13 బిలియన్‌ డాలర్లు వెచ్చించింది. అటు వివిధ దేశాలకు చెందిన ఇన్వెస్టర్ల గ్రూప్‌.. దేశీ ఈ–కామర్స్‌ దిగ్గజం ఫ్లిప్‌కార్ట్‌లో 1.4 బిలియన్‌ డాలర్లు పెట్టుబడి పెట్టింది. అమెరికా ఈ–కామర్స్‌ సంస్థ ఈబే, టెక్నాలజీ దిగ్గజం మైక్రోసాఫ్ట్‌ కార్పొరేషన్‌తో పాటు చైనాకి చెందిన టెన్సెంట్‌ హోల్డింగ్స్‌ ఈ గ్రూప్‌లో ఉన్నాయి.   

న్యూఢిల్లీ: విదేశీ ప్రత్యక్ష పెట్టుబడులకు (ఎఫ్‌డీఐ) అత్యంత అనుకూల దేశాల్లో ఒకటిగా భారత్‌ నిలుస్తున్నట్లు స్విట్జర్లాండ్‌ ఆర్థిక సేవల సంస్థ, యూబీఎస్‌ తాజా నివేదికలో తెలియజేసింది. కొనసాగుతున్న వ్యవస్థాగత సంస్కరణల కారణంగా భారత్‌లో ఎఫ్‌డీఐలు పెరుగుతున్నాయని పేర్కొంది. గత ఏడాది అక్టోబర్, నవంబర్‌ నెలల్లో అమెరికాలో నిర్వహించిన సర్వేలో పాల్గొన్న కంపెనీల్లో దాదాపు నాలుగో వంతు కంపెనీలు భారత్‌లో పెట్టుబడులు పెట్టడానికి ఆసక్తిని వ్యక్తం చేసినట్లు వెల్లడించింది. ఐదేళ్లలో 7,500 కోట్ల డాలర్ల మేర ఎఫ్‌డీఐలు భారత్‌లోకి వస్తాయంటున్న ఈ నివేదిక  కొన్ని ముఖ్యాంశాలు... ► భారత్‌లో ఎఫ్‌డీఐలు గత దశాబ్దకాలంతో పోల్చితే 2016–17 ఆర్థిక సంవత్సరంలో దాదాపు రెట్టింపై 4,200 కోట్ల డాలర్లకు చేరాయి.  ►గత ఏడాది డిసెంబర్‌ క్వార్టర్లో ఎఫ్‌డీఐలు మందగించినా, రానున్న క్వార్టర్లలో సాధారణ స్థాయికి వచ్చే అవకాశాలున్నాయి.  ►ఎఫ్‌డీఐ ప్రవాహాలు నిలకడగా వచ్చేలా చూడ్డంపై భారత్‌ దృష్టి పెట్టాల్సిన అవసరం ఉంది. దీనికి గాను తయారీ రంగం సత్తాను మరింతగా మెరుగుపరచాల్సి ఉంది. గ్లోబల్‌ వాల్యూ చెయిన్‌లో ఒక భాగంగా  తయారీ రంగాన్ని తీర్చిదిద్దాల్సి ఉంది.    

ముంబై: దేశీయ ఈ-రిటైల్‌ కంపెనీ ఫ్లిప్‌కార్ట్‌లో గ్లోబల్‌ రిటైల్‌ దిగ్గజం వాల్‌మార్ట్‌ భారీగా వాటాను చేజిక్కించుకోబోతుంది. దీనికి సంబంధించి చర్చలు తుది దశకు వచ్చినట్టు ఎకనామిక్‌ టైమ్స్‌ రిపోర్టు చేసింది. ఫ్లిప్‌కార్ట్‌లో సగానికి పైగా వాటాలను కొనుగోలు చేసేందుకు వాల్‌మార్ట్‌ ఎన్నోరోజులుగా పావులు కదుపుతున్న సంగతి తెలిసిందే. ఒకవేళ ఈ చర్చలు కనుక సఫలమైతే, దేశీయ ఈ-రిటైల్‌ రంగంలో వాల్‌మార్ట్‌, అమెజాన్‌తో ప్రత్యక్షంగా పోటీకి దిగనుంది.  తొలుత 20-26 శాతం వాటాను మాత్రమే కొనుగోలు చేయాలని భావించిన వాల్‌మార్ట్‌.. తదుపరి జరిగిన పరిణామాలతో ఫ్లిప్‌కార్ట్‌లో చక్రం తిప్పేందుకు అవసరమైన 51 శాతం వాటాను కొనుగోలు చేయాలని నిర్ణయించింది. ప్రస్తుతం ఫ్లిప్‌కార్ట్‌లో జపాన్‌కు చెందిన పెట్టుబడి సంస్థ సాఫ్ట్‌బ్యాంక్‌కు అత్యధిక వాటా ఉంది. అయితే సాఫ్ట్‌బ్యాంకు నుంచి ఈ వాటాలను వాల్‌మార్ట్‌  కొనుగోలు చేసి, ఫ్లిప్‌కార్ట్‌లో అతిపెద్ద షేర్‌హోల్డర్‌గా నిలవనుంది. మిగతా వాటాలను ఇతర ఇన్వెస్టర్ల నుంచి కొనుగోలు చేయనుంది.వాల్‌మార్ట్‌ కొనుగోలు చేయబోతున్న వాటాల విలువ రూ.77 వేల కోట్లుగా ఉంటుందని అంచనా. దీనికి సంబంధించి సాఫ్ట్‌బ్యాంకు, టైగర్‌ గ్లోబల్‌లతో వాల్‌మార్ట్‌ చర్చలు జరుపుతున్నట్టు తెలుస్తోంది. ఈ రెండు సంస్థలకు కలిపి ఫ్లిప్‌కార్ట్‌లో 20 శాతం వాటాలున్నాయి. అయితే ఏ కంపెనీ అధికారులు కూడా ఈ చర్చలను అధికారికంగా ధృవీకరించలేదు.  ఎంతో కాలంగా దేశీయ మార్కెట్‌లో వాల్‌మార్ట్‌ తన సత్తా చాటాలని చూస్తోంది. కానీ ఇన్ని రోజులు రిటైల్‌ రంగంలో ఎఫ్‌డీఐల అనుమతిపై ప్రభుత్వం కఠిన ఆంక్షలు విధించడంతో అది సాధ్యం కాలేదు. ప్రస్తుతం రిటైల్‌ రంగంలో ఎఫ్‌డీఐ నిబంధనలను ప్రభుత్వం సరళీకరించింది. ఫ్లిప్‌కార్ట్‌ మార్కెట్‌  విలువ 14.2 బిలియన్‌ డాలర్లుగా ఉంది. ప్రస్తుతం వాల్‌మార్ట్‌ పెట్టుబడులతో ఫ్లిప్‌కార్ట్‌ విలువ రెండింతలు కానుంది. గ్లోబల్‌ ఈ-కామర్స్‌ దిగ్గజం అమెజాన్‌తో ఫ్లిప్‌కార్ట్‌కు తీవ్ర పోటీ ఎదురవుతోంది. ప్రస్తుతం వాల్‌మార్ట్‌ పెట్టనున్న పెట్టుబడులతో, అమెజాన్‌కు  ఫ్లిప్‌కార్ట్‌ గట్టి పోటీ ఇవ్వనుంది. వాల్‌మార్ట్‌ భారత్‌లో ప్రస్తుతం 21 స్టోర్లను నిర్వహిస్తున్న సంగతి తెలిసిందే.

న్యూఢిల్లీ: ప్రైవేట్‌ బ్యాంకుల్లో వంద శాతం విదేశీ ప్రత్యక్ష పెట్టుబడులను (ఎఫ్‌డీఐ) అనుమతించే అంశాన్ని కేంద్రం పరిశీలిస్తోంది. అలాగే ప్రభుత్వ రంగ బ్యాంకుల్లో కూడా ఎఫ్‌డీఐల పరిమితిని ప్రస్తుతమున్న 20 శాతం నుంచి 49 శాతానికి పెంచాలని కూడా యోచిస్తున్నట్లు తెలుస్తోంది. ఈ ప్రతిపాదనలపై కేంద్ర ఆర్థిక శాఖ, పారిశ్రామిక విధానం, ప్రోత్సాహక విభాగం (డీఐపీపీ), ఇండియన్‌ బ్యాంక్స్‌ అసోసియేషన్‌ (ఐబీఏ) చర్చలు జరుపుతున్నట్లు సంబంధిత వర్గాలు పేర్కొన్నాయి.  ప్రస్తుతం ప్రైవేట్‌ బ్యాంకుల్లో ప్రభుత్వం నుంచి ప్రత్యేకంగా ఆమోదం తీసుకోవాల్సిన అవసరం లేకుండా 49 శాతం దాకా ఎఫ్‌డీఐలకు అనుమతి ఉంది. అంతకు మించితే 74 శాతం దాకా చేసే పెట్టుబడులకు ప్రభుత్వ అనుమతి కావాల్సి ఉంటోంది. బ్యాంకింగ్‌ రంగంలో ఎఫ్‌డీఐ పరిమితులను పెంచడం వల్ల బ్యాంకులు సర్వీసులను మెరుగుపర్చుకోవడానికి, కనీస మూలధన అవసరాల నిబంధనలను పాటించడానికి తోడ్పడగలదని పరిశ్రమవర్గాలు పేర్కొన్నాయి.   

మరికొన్ని రోజుల్లో దావోస్‌లో జరగబోయే ప్రపంచ ఆర్థిక వేదిక(డబ్ల్యూఈఎఫ్‌) సమావేశాలకు ప్రధాని నరేంద్ర మోదీ హాజరు కాబోతున్న తరుణంలో దానికి ముందస్తు చర్యగా కేంద్రంలోని ఎన్డీయే ప్రభుత్వం ఆర్థిక రంగంలో మరిన్ని సంస్కరణలకు ద్వారాలు తెరిచింది. యూపీఏ హయాంలో ప్రతిపక్షంలో ఉండి తానే గట్టిగా ప్రతిఘటించిన అనేక నిర్ణయాలు ఇందులో ఉన్నాయి. సింగిల్‌ బ్రాండ్‌ చిల్లర వ్యాపారం, నిర్మాణ రంగం, విద్యుత్‌ ఎక్స్‌చేంజీల్లో వంద శాతం విదేశీ ప్రత్యక్ష పెట్టుబడులకు(ఎఫ్‌డీఐ) వీలు కల్పించడంతోపాటు ప్రభుత్వ రంగ విమానయాన దిగ్గజం ఎయిరిండియాలో 49 శాతం వరకూ విదేశీ పెట్టుబడులు ఆస్కారమిస్తూ కేంద్ర మంత్రివర్గం బుధవారం నిర్ణయించింది. ఇప్పుడున్న నిబంధనల ప్రకారం సింగిల్‌ బ్రాండ్‌ చిల్లర వర్తకంలో 49 శాతం వరకూ నేరుగా ఎఫ్‌డీఐలకు వీలుంది. అంతకు మించితే కేంద్ర ప్రభుత్వ అనుమతి తప్పనిసరయ్యేది. అలాగే ప్రైవేటు విమానయాన రంగంలో మాత్రమే ఇప్పటివరకూ 49 శాతం ఎఫ్‌డీఐలకు అనుమతి ఉండేది. దాన్ని ఇకపై ఎయిరిండియాకు కూడా వర్తింపజేస్తారు. పెద్ద నోట్ల రద్దు, జీఎస్‌టీ అమలు లాంటి కీలక నిర్ణయాల వల్లనైతేనేమి... మొత్తంగా ప్రపంచ ఆర్ధిక వ్యవస్థ తీరుతెన్నుల వల్లనైతేనేమి మన ఆర్థిక రంగం మందకొడిగానే ఉంది. స్థూల దేశీయోత్పత్తి(జీడీపీ) నాలుగేళ్ల కనిష్ట స్థాయికి పడిపోవచ్చునని,  2017–18లో అది 6.5 శాతం మాత్రమే ఉండొచ్చునని ఈ మధ్యే కేంద్ర గణాంకాల కార్యాలయం అంచనా వేసింది. గత ఆర్థిక సంవత్సరం జీడీపీ 7.1 శాతం, అంతకుముందు ఏడాది అది 8 శాతంగా ఉన్నదని గుర్తుంచుకుంటే వర్తమాన స్థితి ఎలా ఉన్నదో అర్ధమవుతుంది. ఇది తాత్కాలిక ధోరణి మాత్రమేనని, వచ్చే ఏడాదికి ఇది 7  శాతా నికి చేరువవుతుందని హెచ్‌ఎస్‌బీసీ నివేదిక అంటోంది. పెట్టుబడుల సంగతికొస్తే 2011–12 జీడీపీలో అది 34.3 శాతంగా ఉంటే 2016–17లో 27 శాతం. ముందస్తు అంచనాల ప్రకారం 2017–18లో అది 26.4 శాతానికి పరిమితం కావొచ్చు. ముఖ్యంగా నిర్మాణ రంగం గత రెండేళ్లుగా నిరాశాజనకంగా ఉంది. 2016–17లో మన దేశానికి 6,000 కోట్ల డాలర్లకు మించి ఎఫ్‌డీఐలు వచ్చినా అవి ప్రధానంగా స్టాక్‌ల కొనుగోలు, ఆర్థికంగా దెబ్బతిన్న సంస్థల కొనుగోలుకు మాత్రమే పరిమిత మయ్యాయి. ఇలాంటి పరిస్థితుల్లో విదేశీ ప్రత్యక్ష పెట్టుబడులకు మరింత ఊతం ఇచ్చే నిర్ణయాలు తీసుకుంటే ఆర్థిక రంగానికి చురుకుదనం వస్తుందన్న భావన ప్రభుత్వానికి ఉన్నట్టుంది.   అయితే ఏదైనా అంశంపై నిర్దిష్టంగా, నికరంగా మాట్లాడటం...అలా మాట్లాడి నదానికి కట్టుబడి ఉండటం ఏ రాజకీయ పక్షానికైనా ప్రాణప్రదమైన విషయం. అలాగైతేనే ఆ పార్టీలకు ప్రజల్లో విశ్వసనీయత పెరుగుతుంది. దురదృష్టవశాత్తూ మన దేశంలో చాలా పార్టీలు ఆ విశ్వసనీయత ఎంతో ముఖ్యమైనదని గుర్తించడం లేదు. ప్రతిపక్షంలో ఉన్నప్పుడు తీవ్రంగా వ్యతిరేకించిన అంశాలను అధికారంలో కొచ్చాక తామే మరింత ఉత్సాహంతో అమలు చేస్తున్నాయి. ఇచ్చిన వాగ్దానాలను గాలికొదులుతున్నాయి. ముందస్తు అనుమతుల ప్రమేయం లేకుండా సింగిల్‌ బ్రాండ్‌ చిల్లర వర్తకం, టెలికాం, చమురు రంగాల్లో పెట్టుబడులకు అవకాశమీయా లని యూపీఏ హయాంలో అరవింద్‌ మాయారామ్‌ కమిటీ సిఫార్సు చేసినప్పుడు అప్పుడు ప్రతిపక్షంలో ఉన్న బీజేపీ సింగిల్‌ బ్రాండ్‌ చిల్లర వర్తక రంగంలో విదేశీ ప్రత్యక్ష పెట్టుబడులను గట్టిగా వ్యతిరేకించింది. వ్యవసాయ రంగం తర్వాత దేశంలో అత్యధికులకు ఉపాధి కల్పిస్తున్న ఆ రంగం జోలికొస్తే ఊరుకోబోమని చెప్పింది. ఆ సిఫార్సుల అమలు ప్రారంభించినప్పుడు పార్లమెంటులో ప్రతిఘటిం చింది. చిల్లర వర్తక రంగంపై ప్రత్యక్షంగా, పరోక్షంగా 25 కోట్లమంది ఆధార పడ్డారని గుర్తుచేసింది. బహుళ బ్రాండ్‌ల రిటైల్‌ వ్యాపారంలో సైతం 51 శాతం ఎఫ్‌డీఐలను అనుమతించడాన్ని తిరగదోడతామని చెప్పింది. దాని మాట అటుంచి సింగిల్‌ బ్రాండ్‌ చిల్లర వర్తకంలో నేరుగా వందశాతం ఎఫ్‌డీఐలకు అనుమతించా లని నిర్ణయించడమే కాదు... విదేశీ రిటైల్‌ సంస్థలు స్థానికంగా 30 శాతం వరకూ తప్పనిసరిగా కొనుగోళ్లు చేయాలన్న నిబంధనను సైతం అయిదేళ్లపాటు సడలిం చడం ఆశ్చర్యకరం. గత మూడున్నరేళ్లుగా ‘మేకిన్‌ ఇండియా’ నినాదంతో పెట్టుబ డులను ఆకర్షించడానికి ప్రయత్నిస్తున్న ప్రభుత్వం నుంచి ఈ తరహా నిర్ణయాలను ఎవరూ ఊహించరు. సంఘ్‌ పరివార్‌ సంస్థల్లో ఒకటైన స్వదేశీ జాగరణ్‌ మంచ్‌ (ఎస్‌జేఎం) కేంద్రం తాజా నిర్ణయాలను గట్టిగా వ్యతిరేకించడమేకాక, వాటిని పున స్సమీక్షించాలని డిమాండ్‌ చేయడాన్ని గమనిస్తే స్వపక్షంలోనే ఈ విషయంలో ఎంత వ్యతిరేకత ఉన్నదో అర్ధమవుతుంది.  ఎయిరిండియా సంస్థలో 49 శాతం విదేశీ ప్రత్యక్ష పెట్టుబడులకు అనుమతినీయాలని తీసుకున్న నిర్ణయం కూడా కీలకమైనది. ఆ సంస్థ రుణభారం రూ. 52,000 కోట్ల మేర ఉన్న మాట నిజమైనా ఇప్పుడిప్పుడే అది స్వల్ప స్థాయిలోనైనా నష్టాలను క్రమేపీ తగ్గించుకుంటోంది. 2016–17లో దాని నికర నష్టం అంతక్రితంతో పోలిస్తే తగ్గింది. ఈ సంస్థను ప్రైవేటీకరించే ఆలోచన మానుకుని దాని రుణాలు మాఫీ చేయాలని పార్లమెంటరీ స్థాయీ సంఘం ఈమధ్యే సిఫార్సు చేసింది. ఆ సంస్థ కోలుకోవడానికి అయిదేళ్ల వ్యవధినీయాలని కూడా సూచించింది. విమాన ఇంధనం ధర బాగా తగ్గి, విమానాల్లో ప్రయాణించేవారి సంఖ్య గణనీయంగా పెరిగిన నేపథ్యంలో ఆ సిఫార్సును పరిగణనలోకి తీసుకుని ఉంటే బాగుండేది. ఎందుకంటే ఎన్ని లోటుపాట్లున్నా ఇప్పటికీ వైమానిక రంగంలో ఎయిరిండియా వాటా 14 శాతం. తాజా నిర్ణయంతో దాని పరిస్థితి ఏమాత్రం మెరుగుపడగలదో చూడాలి. వ్యవస్థాగత లోటుపాట్లపై దృష్టి పెట్టి వాటిని సరిదిద్దుకోవడానికి బదులు ఇలా ఎడా పెడా ఎఫ్‌డీఐలకు అనుమతించడం అటు ఉపాధి అవకాశాలపై, ఇటు చిల్లర వర్తకరంగంపై తీవ్ర ప్రభావం చూపుతుంది. ముఖ్యంగా ‘మేకిన్‌ ఇండియా’ నీరుగారుతుంది. ఇది విచారకరం. 

సాక్షి, హైదరాబాద్‌: దేశవ్యాప్తంగా అనేక సమస్యలతో ప్రజలు, రైతులు సతమతమవుతున్నా పట్టించుకోని కేంద్రం విదేశీ కంపెనీలకు మాత్రం ఎర్ర తివాచీ పరుస్తోందని సీపీఐ రాష్ట్ర కార్యదర్శి చాడ వెంకటరెడ్డి విమర్శించారు. సింగిల్‌ బ్రాండ్‌ రిటైల్‌ ట్రేడింగ్, నిర్మాణ రంగంలో విదేశీ ప్రత్యక్ష పెట్టుబడుల (ఎఫ్‌డీఐ)ను 100 శాతానికి అనుమతిస్తూ కేంద్ర మంత్రివర్గం నిర్ణయం తీసుకోవడం దారుణమన్నారు. ఈ చర్యను నిరసిస్తూ సీపీఐ ఆధ్వర్యంలో గురువారం ర్యాలీ నిర్వహించి కేంద్రం దిష్టి బొమ్మను దహనం చేశారు. ఎన్నికల వాగ్దానాలను మరిచి బీజేపీ ఈ విధంగా వ్యవహరించడం ప్రజలను మోసం చేయడమేనని చాడ విమర్శించారు. బీజేపీ విధానాలు, సంఘ్‌ పరివార్‌ శక్తుల ఆగడాలను నిరసిస్తూ దేశవ్యాప్తంగా ఆందోళనలు చేపట్టాలని సీపీఐ జాతీయ సమితి నిర్ణయించిందని ఆ పార్టీ రాష్ట్ర కార్యదర్శి చాడ వెంకటరెడ్డి గురువారం చెప్పారు.

న్యూఢిల్లీ: విదేశీ పెట్టుబడులను మరింతగా ఆకర్షించే దిశగా బడ్జెట్‌కి ముందుగానే కేంద్రం మరిన్ని సంస్కరణలకు తెరతీసింది. విదేశీ ప్రత్యక్ష పెట్టుబడుల (ఎఫ్‌డీఐ) విధానంలో కీలక సవరణలు చేసింది. సింగిల్‌ బ్రాండ్‌ రిటైల్, నిర్మాణ రంగం, విద్యుత్‌ ఎక్సే్ఛంజీల్లో ఎఫ్‌డీఐ నిబంధనలను సడలించింది. అలాగే రుణ సంక్షోభంలో కూరుకున్న ప్రభుత్వ రంగ విమానయాన దిగ్గజం ఎయిరిండియాలో 49 శాతం దాకా విదేశీ ఎయిర్‌లైన్స్‌ ఇన్వెస్ట్‌ చేసేందుకు అనుమతించింది. అటు వైద్య పరికరాల తయారీ సంస్థలు, విదేశీ నిధులు అందుకునే కంపెనీలకు సేవలందించే ఆడిట్‌ సంస్థల్లో ఎఫ్‌డీఐ నిబంధనలను కూడా సరళతరం చేసింది. ప్రధాని నరేంద్ర మోదీ సారథ్యంలో బుధవారం సమావేశమైన కేంద్ర క్యాబినెట్‌ ఈ మేరకు నిర్ణయాలు తీసుకుంది. దీంతో సింగిల్‌ బ్రాండ్‌ రిటైల్‌ రంగంలో ఆటోమేటిక్‌ విధానంలో 100 శాతం ఎఫ్‌డీఐలకు మార్గం సుగమం అయ్యింది. ఇప్పటిదాకా సింగిల్‌ బ్రాండ్‌ రిటైల్‌లో 49 శాతం దాకా ఆటోమేటిక్‌ పద్ధతిలో అనుమతులు ఉండగా, అంతకు మించితే ప్రభుత్వ అనుమతి తీసుకోవాల్సి ఉంటోంది. ఈ నెల దావోస్‌లో జరిగే వరల్డ్‌ ఎకనమిక్‌ ఫోరంలో మోదీ పాల్లోనున్న నేపథ్యంలో ఎఫ్‌డీఐలపై తాజా నిర్ణయాలు ప్రాధాన్యం సంతరించుకున్నాయి. సోర్సింగ్‌ నిబంధనలూ సరళతరం.. ఇక ఐకియా, హెచ్‌అండ్‌ఎం వంటి దిగ్గజాలు కోరుతున్నట్లుగా.. విదేశీ రిటైల్‌ సంస్థలు స్థానికంగా 30 శాతం దాకా తప్పనిసరిగా కొనుగోళ్లు చేయాలన్న నిబంధనలో కూడా కేంద్రం కొంత వెసులుబాటు కల్పించింది. విదేశీ మార్కెట్ల కోసం భారత్‌ నుంచి కొనుగోలు చేసే వాటిని కూడా ఈ 30 శాతం సోర్సింగ్‌ నిబంధనలో చూపించుకునే వీలు ఉంటుందని పేర్కొంది. తొలి స్టోర్‌ తెరిచిన ఏడాదిలో ఏప్రిల్‌ 1 నుంచి అయిదేళ్ల పాటు ఇది వర్తిస్తుందని పారిశ్రామిక విధానం, ప్రోత్సాహక విభాగం డీఐపీపీ కార్యదర్శి రమేష్‌ అభిషేక్‌ తెలిపారు.   ‘దేశీయంగా వ్యాపారాల నిర్వహణను సులభతరం చేసే దిశగా.. విధానాన్ని సరళతరం చేసే లక్ష్యంతో ఎఫ్‌డీఐ పాలసీ సవరించడం జరిగింది. ఇది మరిన్ని ఎఫ్‌డీఐల రాకకు, తద్వారా పెట్టుబడులు, ఆదాయం, ఉపాధి కల్పన వృద్ధికి దోహదపడగలదు‘ అని ఒక ప్రకటనలో పేర్కొంది. విదేశీ పెట్టుబడుల రాకకు ఆటంకాలను తొలగించేందుకు ఈ నిర్ణయాలు ఉపయోగపడగలవని కేంద్ర వాణిజ్య, పరిశ్రమల మంత్రి సురేశ్‌ ప్రభు అభిప్రాయపడ్డారు. ఎకానమీ వేగవంతంగా అభివృద్ధి చెందేందుకు నిబంధనల సరళీకరణ తోడ్పడగలదని ఆశాభావం వ్యక్తం చేశారు. ఎన్‌డీఏ అధికారంలోకి వచ్చిన తర్వాత ఎఫ్‌డీఐ విధానాన్ని ఇంత భారీ స్థాయిలో మార్చడం ఇది రెండోసారి. గతంలో 2016 జూన్‌లోనూ ఇదే విధంగా మార్పులు చేశారు. అప్పటి నిర్ణయాలతో 2016లో మొత్తం 60.08 బిలియన్‌ డాలర్ల మేర ఎఫ్‌డీఐలు వచ్చాయని, ఇది ఆల్‌టైమ్‌ గరిష్టమని కేంద్రం వెల్లడించింది.   రియల్టీ బ్రోకింగ్‌ సేవలపై స్పష్టత నిర్మాణ రంగానికి సంబంధించి రియల్‌ ఎస్టేట్‌ బ్రోకింగ్‌ సేవలను.. రియల్‌ ఎస్టేట్‌ వ్యాపారంగా పరిగణించడం జరగదని ప్రభుత్వం స్పష్టతనిచ్చింది. ఈ నేపథ్యంలో ఆటోమేటిక్‌ పద్ధతిలో 100 శాతం ఎఫ్‌డీఐలు పొందేందుకు బ్రోకింగ్‌ సేవల సంస్థలకు అర్హత ఉంటుందని పేర్కొంది. మరోవైపు, విద్యుత్‌ ట్రేడింగ్‌ జరిగే పవర్‌ ఎక్సే్ఛంజీల్లో ఎఫ్‌డీఐలను సైతం సడలించింది. ప్రస్తుత పాలసీ ప్రకారం పవర్‌ ఎక్సే్ఛంజీల్లో ఆటోమేటిక్‌ పద్ధతిలో 49 శాతం దాకా మాత్రమే ఎఫ్‌డీఐలకు అనుమతి ఉంది. విదేశీ సంస్థాగత ఇన్వెస్టర్లు, విదేశీ పోర్ట్‌ఫోలియో ఇన్వెస్టర్ల కొనుగోళ్లు సెకండరీ మార్కెట్‌కి మాత్రమే పరిమితంగా ఉంటున్నాయి. ‘ఈ నిబంధనను తొలగించాలని, ఎఫ్‌ఐఐలు/ఎఫ్‌పీఐలు కూడా ప్రైమరీ మార్కెట్‌ ద్వారా పవర్‌ ఎక్సే్చంజీల్లో ఇన్వెస్ట్‌ చేసేందుకు అనుమతించాలని నిర్ణయించడం జరిగింది‘ అని కేంద్రం పేర్కొంది. ప్రక్రియపరమైన మార్పుల్లో భాగంగా ఆటోమేటిక్‌ రూట్‌ రంగాల్లో పాకిస్తాన్, బంగ్లాదేశ్‌ వంటి దేశాల నుంచి వచ్చే పెట్టుబడి దరఖాస్తులను పారిశ్రామిక విధానం, ప్రోత్సాహక విభాగం (డీఐపీపీ) పరిశీలించి కేంద్రం ఆమోదానికి పంపుతుంది.   భారత్‌ ర్యాంకింగ్‌ మరింత మెరుగుపడుతుంది.. ఎఫ్‌డీఐ నిబంధనల సరళీకరణతో దుస్తుల నుంచి ఎలక్ట్రానిక్స్‌ దాకా అనేక అంతర్జాతీయ బ్రాండ్స్‌ దేశీ వినియోగదారులకు అందుబాటులోకి రాగలవని కన్సల్టెన్సీ సంస్థ డెలాయిట్‌ ఇండియా పార్ట్‌నర్‌ రజత్‌ వాహి తెలిపారు. అలాగే, సులభతరంగా వ్యాపారాల నిర్వహణకు అనువైన దేశాల జాబితాలో భారత ర్యాంకింగ్‌ మరింత మెరుగుపడటానికి కూడా ఇది ఉపయోగపడగలదన్నారు. ‘దీర్ఘకాలంలో చూస్తే ఈ సంస్కరణలు ఉపాధికి ఊతమివ్వగలవు. అలాగే కొనుగోలుదారులకు మరిన్ని బ్రాండ్స్‌ అందుబాటులోకి రావడంతో పాటు ఎకానమీ వృద్ధికి కూడా ఇవి దోహదపడగలవు‘ అని రిటైలర్స్‌ అసోసియేషన్‌ ఆఫ్‌ ఇండియా సీఈవో కుమార్‌ రాజగోపాలన్‌ పేర్కొన్నారు. ‘దేశీ సంస్థలు.. విదేశీ ఇన్వెస్టర్ల నుంచి మరిన్ని నిధులు సమీకరించడానికి ఈ సంస్కరణలతో కొత్తగా దారి లభించింది. దేశ, విదేశాల్లో విస్తరణ వ్యూహాలను మరింత మెరుగ్గా అమలు చేసుకునేందుకు ఇవి ఉపయోగపడతాయి‘ అని వైల్డ్‌క్రాఫ్ట్‌ సంస్థ సహ–వ్యవస్థాపకుడు సిద్ధార్థ్‌ సూద్‌ పేర్కొన్నారు. అయితే, అఖిల భారత ట్రేడర్ల సమాఖ్య సీఏఐటీ మాత్రం సింగిల్‌ బ్రాండ్‌ రిటైల్‌లోకి ఆటోమేటిక్‌ పద్ధతిలో 100 శాతం ఎఫ్‌డీఐలను అనుమతించడాన్ని వ్యతిరేకించింది. దీంతో బహుళజాతి దిగ్గజాలు రిటైల్‌ రంగంలోకి సులువుగా ప్రవేశించడానికి వీలు దొరుకుతుందని పేర్కొంది. ఇది, చిన్న వ్యాపారాలను తీవ్రంగా దెబ్బతీస్తుందని ఒక ప్రకటనలో ఆందోళన వ్యక్తం చేసింది.  సింగిల్‌ బ్రాండ్‌ రిటైల్‌ నిబంధనల సడలింపు.. టెక్‌ దిగ్గజం యాపిల్‌తో పాటు షావోమీ, ఒప్పో వంటి చైనా హ్యాండ్‌సెట్స్‌ తయారీ సంస్థలకు భారత్‌లోనూ స్టోర్స్‌ పెట్టేందుకు లాభించగలదని కౌంటర్‌పాయింట్‌ రీసెర్చ్‌ అసోసియేట్‌ డైరెక్టర్‌ తరుణ్‌ పాఠక్‌ చెప్పారు. అయితే, ప్రీమియం ఉత్పత్తులను విక్రయించే యాపిల్‌..ఇక్కడ స్టోర్‌ పెడితే ఏ ధరకు వాటిని అందిస్తుందన్నది కీలకం కాగలదని ఆయన పేర్కొన్నారు. మరోవైపు,  ప్రాపర్టీ బ్రోకరేజి సర్వీసుల సంస్థల్లోకి 100 శాతం ఎఫ్‌డీఐలు.. దేశీ రియల్‌ ఎస్టేట్‌ మార్కెట్‌ను సంఘటితం చేసేందుకు తోడ్పడుతుందని అనరాక్‌ ప్రాపర్టీ కన్సల్టెంట్స్‌ చైర్మన్‌ అనుజ్‌ పురి తెలిపారు. తాజా పరిణామంతో ఇప్పటికే భారత్‌లో పూర్తి స్థాయి కార్యకలాపాలు ఉన్న వాటికి, భవిష్యత్‌లో జాయింట్‌ వెంచర్లు కుదుర్చుకోవాలనుకునే అంతర్జాతీయ సంస్థలకు స్పష్టత లభించినట్లయిందని పీడబ్ల్యూసీ ఇండియా లీడర్‌ (డైరెక్ట్‌ ట్యాక్స్‌ విభాగం) అభిషేక్‌ గోయెంకా పేర్కొన్నారు. మహారాజాకు ఊపిరి.. సుమారు 49 శాతం దాకా విదేశీ ఎయిర్‌లైన్స్‌ పెట్టుబడులకు అనుమతినివ్వడం ద్వారా వేల కోట్ల రుణభారంతో కుంగుతున్న ఎయిరిండియాకు ఊతమివ్వడంపై కేంద్రం దృష్టి పెట్టింది. ఆటోమేటిక్‌ పద్ధతిలో కాకుండా ఈ పెట్టుబడులకు ప్రభుత్వ ఆమోదం  కావాల్సి ఉంటుంది. అలాగే మరికొన్ని షరతులు వర్తిస్తాయని పేర్కొంది. ప్రస్తుతం విమాన సేవలు అందిస్తున్న భారతీయ కంపెనీల్లో పెయిడప్‌ క్యాపిటల్‌లో 49% దాకా విదేశీ ఎయిర్‌లైన్స్‌ పెట్టుబడులకు అనుమతి ఉన్నప్పటికీ.. ఎయిరిండియాకి మాత్రం దీన్ని వర్తింపచేయడం లేదు. ‘తాజాగా ఈ ఆంక్షను ఎత్తివేయాలని, ప్రభుత్వ అనుమతుల మార్గంలో ఎయిరిండియాలో 49% దాకా విదేశీ ఎయిర్‌లైన్స్‌ పెట్టుబడులను అనుమతించాలని నిర్ణయించడం జరిగింది‘ అని కేంద్రం తెలిపింది. అయితే, యాజమాన్యం, నిర్వహణ బాధ్యతలన్నీ కూడా భారతీయుల చేతిలోనే ఉంటాయని స్పష్టం చేసింది. తాజా పరిణామంతో ఎయిరిండియాకు ఇకపై ప్రత్యేక హోదా ఏమీ ఉండబోదని పౌర విమానయాన మంత్రి అశోక్‌ గజపతిరాజు తెలిపారు. మిగతా ఎయిర్‌లైన్స్‌ కోవలోకే ఎయిరిండియా కూడా చేరుతుందన్నారు. ఎయిరిండియాలో విదేశీ ఎయిర్‌లైన్స్‌ పెట్టుబడులను అనుమతించడంతో పాటు ఎఫ్‌డీఐ విధానాలను సడలించడాన్ని అంతర్జాతీయ విమానయాన సంస్థల సమాఖ్య ఐఏటీఏ స్వాగతించింది. గతేడాది సెప్టెంబర్‌ ఆఖరు నాటికి ఎయిరిండియా రుణభారం సుమారు రూ. 52,000 కోట్ల మేర ఉంది. దీంతో సంస్థను గట్టెక్కించేందుకు పదేళ్ల వ్యవధిలో రూ. 30,231 కోట్ల మేర సహాయ ప్యాకేజీ అందించేలా గత యూపీఏ ప్రభుత్వ ప్రతిపాదన 2012 నుంచి అమల్లోకి వచ్చింది.  అప్పులకుప్పగా మారిన ఎయిరిండియాలో వాటా విక్రయంపై కేంద్రం కసరత్తు చేస్తోంది. ఇందులో భాగంగా ఈ నెల 25న ఆసక్తి వ్యక్తీకరణను ఆహ్వానించే అవకాశాలు కూడా ఉన్నాయి. టాటా తదితర సంస్థలు కొనుగోలుకు ఆసక్తిగా ఉన్నాయి. ఎయిరిండియా వివరాలు మరిన్ని.. ♦ దేశీ మార్కెట్‌కి సంబంధించి 2005–06లో 28 శాతం ఉన్న వాటా 2016–17 నాటికి 14 శాతానికి తగ్గిపోయింది.   ♦  విదేశీ రూట్లలో 25% మార్కెట్‌ వాటా  (2016–17). ♦ సమయపాలనలో పరిశ్రమ ప్రమాణాలు 85 శాతంగా ఉండగా.. ఎయిరిండియాది 76 శాతంగా ఉంది. ♦ 107 విమానాలు, 11,912 మంది సిబ్బంది. ♦  మొత్తం రుణభారం రూ. 52,000 కోట్లు. వర్కింగ్‌ క్యాపిటల్‌ రుణం రూ. 30,000 కోట్లు కాగా విమానాల కోసం తీసుకున్న రుణాలు రూ. 20,000 కోట్లు. ♦ ఇంధన బిల్లు రూ. 5,745 కోట్లు (వ్యయాల్లో 29 శాతం) ♦ వేతనాల బిల్లు రూ.2,400 కోట్లు (మొత్తం వ్యయాల్లో 12%) వాటా కొనుగోలుకు సై: సింగపూర్‌ ఎయిర్‌లైన్స్‌ ఎయిరిండియాలో వాటా కొనుగోలుకు సిద్ధంగా ఉన్నామని సింగపూర్‌ ఎయిర్‌లైన్స్‌ తెలిపింది.  ‘విస్తార’ విమానయాన సంస్థ విస్తరణకు ప్రాధాన్యత ఇస్తామని కూడా పేర్కొంది.  అయితే ఎయిరిండియాలో 49 శాతం వరకూ వాటా కొనుగోలుకు విదేశీ విమాన సంస్థలను అనుమతించాలని కేబినెట్‌ నిర్ణయించడంతో వాటా కొనుగోలును పరిశీలిస్తామని వివరించింది.  విస్తార విమానయాన కంపెనీలో సింగపూర్‌ ఎయిర్‌లైన్స్‌కు 49 శాతం వాటా ఉంది, మిగిలిన వాటా టాటాలది. కాగా, ఎయిరిండియాలో వాటా కొనుగోలుకు సింగపూర్‌ ఎయిర్‌లైన్స్, టాటా గ్రూప్‌లు సంయుక్తంగా బిడ్‌ చేస్తారని విశ్వసనీయ వర్గాల సమాచారం.

సాక్షి, న్యూఢిల్లీ: కేంద్ర ప్రభుత్వం సంచలన నిర్ణయం తీసుకుంది. ఎఫ్‌డీఐ పాలసీ సరళీకరణకు కేంద్రక్యాబినెట్ గ్రీన్‌ సిగ్నల్‌ ఇచ్చింది.  ముఖ్యంగా సింగిల్‌ బ్రాండ్‌ రీటైల్‌, నిర్మాణ రంగంలో  విదేశీ ప్రత్యక్ష పెట్టుబడులకు ద్వారాలు బార్ల తెరుస్తూ బుధవారం కీలక నిర్ణయం తీసుకుంది.  విదేశీ పెట్టుబడిదారులకు స్నేహపూర్వక వాతావరణాన్ని కల్పించే లక్ష్యంతో  ఈ విధానాన్ని సడలించినట్టు ప్రభుత్వం ప్రకటించింది. తద్వారా ఆర్థిక వృద్ధిని పెంపొందించడం, ఉద్యోగాలను సృష్టించడం, మరిన్ని విదేశీ పెట్టుబడులను ఆకర్షించడం లక్ష్యంగా పెట్టుకున్నట్టు తెలిపింది.   విదేశీ ప్రత్యక్ష పెట్టుబడులు (ఎఫ్‌డీఐ) విధానాన్ని పునర్వ్యవస్థీకరించడం ద్వారా బుధవారం ప్రధానమంత్రి నరేంద్రమోదీ అధ్యక్షతన కేంద్ర మంత్రివర్గం పలు సవరణలకు ఆమోదం తెలిపింది.   సింగిల్ బ్రాండ్ రిటైల్ వర్తకం, నిర్మాణరంగంలో వందశాతం విదేశీ పెట్టుబడులకు కేంద్ర క్యాబినెట్ అనుమతినిచ్చింది. దీని ప్రకారం ప్రభుత్వ అనుమతి లేకుండా నేరుగా విదేశీ సంస్థలు పెట్టుబడులు పెట్టే అవకాశం కల్పించింది. దీంతోపాటు ఎయిర్ ఇండియాలో విదేశీ ఎయిర్లైన్స్  49 శాతం వరకు పెట్టుబడి పెట్టేందుకు క్యాబినెట్‌ పచ్చజెండా  ఊపింది.  తద్వారా భారీగా పెట్టుబడులు, ఆదాయం, ఉద్యోగాలు వస్తాయని కేంద్రం అంచనా వేస్తోంది. కాగా ఈ ఆర్థిక సంవత్సరం ఏప్రిల్-సెప్టెంబర్ మధ్య కాలంలో ఎఫ్‌డీఐ 17 శాతం పెరిగి 25.35 బిలియన్ డాలర్లకు చేరింది.


 జైట్లీకి బ్యాంక్‌ యూనియన్ల విజ్ఞప్తి  
 న్యూఢిల్లీ: ఎఫ్‌ఆర్‌డీఐ (ఫైనాన్షియల్‌ రిజల్యూషన్‌ అండ్‌ డిపాజిట్‌ ఇన్సూరెన్స్‌) బిల్లు, 2017ను ఉపసంహరించుకోవాలని బ్యాంక్‌ యూనియన్లు ఆర్థికశాఖ మంత్రి అరుణ్‌జైట్లీకి విజ్ఞప్తి చేశాయి.  ఆర్థిక సంస్థల మూసివేతకు సంబంధించి ప్రస్తుత చట్టాల ప్రకారమే పలు నియమ, నిబంధనలు ఉన్నాయని, ఈ అంశంపై కొత్త చట్టం ఏదీ అవసరం లేదని ఆర్థికమంత్రికి సమర్పించిన ఒక వినతిపత్రంలో యునైటెడ్‌ ఫోరమ్‌ ఆఫ్‌ బ్యాంక్‌ యూనియన్స్‌ (యూఎఫ్‌బీయూ) పేర్కొంది.
 తీవ్ర ప్రతికూల పరిస్థితులను ఎదుర్కొంటున్న ప్రభుత్వ రంగ బ్యాంకులు లేదా బీమా కంపెనీల మూసివేత నిర్ణయం తీసుకునే అధికారాన్ని ఒక అథారిటీకి అప్పగించడం ప్రధాన ఉద్దేశంగా ఎఫ్‌ఆర్‌డీఐ బిల్లును రూపొందించిన సంగతి తెలిసిందే. దీనిని గత నెల్లో ప్రభుత్వం లోక్‌సభలో ప్రవేశపెట్టింది. అధ్యయనం, సిఫారసుల నిమిత్తం లోక్‌సభ, రాజ్యసభ సభ్యులతో కూడిన 30 మంది సభ్యుల కమిటీకి దీనిని నివేదించారు. కాగా బ్యాంకింగ్‌ రుణ ఉద్దేశపూర్వక ఎగవేతలను నేరపూరిత చర్యగా ప్రకటించాలని కూడా తమ వినతిపత్రంలో యూఎఫ్‌బీయూ ఆర్థికమంత్రిని కోరింది.
 
 సామాన్యునిపై ‘సేవల’ భారం సరికాదు
 మరోవైపు పెద్ద కంపెనీల రుణ ఎగవేతల వల్ల తలెత్తే ఆదాయ నష్టాలను భర్తీ చేసుకునేందుకు ‘మరిన్ని సేవల చార్జీల’ పేరుతో సామాన్య బ్యాంకింగ్‌ కస్టమర్లపై భారం మోపడం సరికాదని ఆల్‌ ఇండియా బ్యాంక్‌ ఆఫీసర్స్‌ కాన్ఫెడరేషన్‌ (ఏఐబీఓసీ) జాయింట్‌ జనరల్‌ సెక్రటరీ రవీంద్ర గుప్తా మరో ప్రకటనలో స్పష్టం చేశారు.


 సాక్షి, ముంబై : దేశంలో రెండో అతిపెద్ద ప్రైవేట్‌ చమురు సంస్థ ఎస్సార్‌ ఆయిల్‌తో, రష్యన్‌ ప్రభుత్వ ఆధీన సంస్థ రోస్‌నెఫ్ట్‌, దాని భాగస్వామ్య సంస్థలు కుదుర్చుకున్న డీల్‌ ముగిసింది. ఎస్సార్‌ ఆయిల్‌ తన భారత ఆస్తులను పూర్తిగా రోస్‌నెఫ్ట్‌కు, దాని భాగస్వామ్య సంస్థలకు అమ్మేసింది.  ఈ డీల్‌ విలువ రూ.12.9 బిలియన్‌ డాలర్లు(రూ.82,605 కోట్లు). గతేడాది అక్టోబర్‌ 15న గోవాలో జరిగిన బ్రిక్స్‌ సదస్సు నేపథ్యంలో ఈ ఒప్పందాన్ని ప్రకటించిన సంగతి తెలిసిందే. డీల్‌ ప్రకటించిన 10 నెలల అనంతరం ఈ రెండు సంస్థలు డీల్‌ను ముగించాయి. రూ.45వేల కోట్లకు పైనున్న రుణాలపై స్పష్టత ఇవ్వాలని బ్యాంకులు కోరడంతో, ఇన్నిరోజులు ఈ లావాదేవీ కొంత ఆలస్యమైంది.  
  
 ఇప్పటి వరకు దేశంలో జరిగిన అతిపెద్ద విదేశీ ప్రత్యక్ష పెట్టుబడి ఎస్సార్‌-రోస్‌నెఫ్ట్‌ డీలే. రోస్‌నెఫ్ట్‌ ఈ డీల్‌కు కన్సోర్టియంగా నిర్వహిస్తోంది. ఈ డీల్‌లోనే గుజరాత్‌లోని వదినార్‌లో వద్దనున్న 20 మిలియన్‌ టన్ను రిఫైనరీ అమ్మకం కూడా ఉంది. 3500 పైగా పెట్రోల్‌ పంపుల అమ్మకం కూడా డీల్‌లో భాగమే. ఈ డీల్‌ ముగిసిన నేపథ్యంలో ఎస్‌బీఐ, ఐసీఐసీఐ బ్యాంకు, యాక్సిస్‌ బ్యాంకు, ఐడీబీఐ బ్యాంకు, స్టాన్‌ఛార్ట్‌ వంటి లెండర్లకు రూ.70వేల కోట్లను సంస్థ చెల్లించనుంది. దేశంలో అత్యంత రుణ భారం మోస్తున్న కంపెనీల్లో ఒకటైన ఎస్సార్‌ గ్రూప్‌నకు ఈ డీల్‌ ముగింపుతో కొంత ఊరట కలిగింది. దీంతో ఎస్సార్‌ గ్రూప్‌ రుణ భారం 60 శాతం మేర తగ్గిపోనుంది. 
  


 న్యూఢిల్లీ: కేంద్ర ఆర్థిక మంత్రి అరుణ్ జైట్లీ నేడు  (శుక్రవారం)  ఆర్థిక సర్వే 2016-17 వాల్యూం -2 ను పార్లమెంటులో  ప్రవేశపెట్టారు. భారత ఆర్ధికవ్యవస్థ లోని  వివిధ అంశాలపై  దృష్టి పెట్టిన సర్వే దేశ ఆర్ధిక పరిస్థితుల నిర్వహణ తదితర అంశాలపై నివేదించింది. 2017-18 సంవత్సరానికి  సంబంధించి ప్రభుత్వం మొదటిసారిగా,  రెండవ లేదా మిడ్‌ టెర్మ్‌ ఆర్థిక సర్వేను సమర్పించింది.
 పుంజుకుంటున్న రూపాయి విలువ, వ్యవసాయ రుణాల రద్దు, జీఎస్‌టీ అమలు తదితర సవాళ్ల కారణంగా గతంలో అంచనా వేసిన 6.75-7.5 శాతం వృద్ధిని సాధించడం చాలా కష్టమవుతుందని ఆర్థిక సర్వే వెల్లడించింది.  ముఖ్యంగా జీఎస్‌టీ నిర్మాణాత్మక సంస్కరణలు,  డీమానిటైజేషన్ తదనంతర పరిణామాలను చర్చించింది. అలాగే  ఎయిర్‌ ఇండియా ప్రైవేటీకరణ సహా,  ప‌లు రంగాల్లో సంస్క‌ర‌ణ‌లు చేప‌ట్టాల‌ని ఆ స‌ర్వే నివేదిక ప్రతిపాదించింది.  దీంతోపాటు భారతదేశ ఆర్ధికవ్యవస్థ ప్రస్తుత స్థితి,  మొత్తం వాణిజ్యం, బాహ్య రుణం,  విదేశీ ప్రత్యక్ష పెట్టుబడులు ఎఫ్‌డీఐ కింది  విదేశీ నిధుల ప్రవాహం తదితర  అంశాలపై నివేదికలో ఆర్థిక సర్వే వివరించింది.
 
 వ్య‌వ‌సాయం, ప‌రిశ్ర‌మ‌లు, మౌలిక‌స‌దుపాయాలు, విద్య‌, ఆరోగ్యంలాంటి రంగాల్లో సంస్క‌ర‌ణ‌లు అత్య‌వ‌స‌ర‌మ‌ని ఆర్థిక‌స‌ర్వే సూచించింది. వ్య‌వ‌సాయ అనుబంధ రంగాల్లో ధ‌ర‌ల నియంత్ర‌ణ కోసం మార్కెటింగ్ లాంటి  మౌలిక‌స‌దుపాయాల‌ను స్థిరీక‌రించాల‌ని నివేదిక తెలిపింది. పంట‌ల దిగుబ‌డి, రైల్వే ఆదాయాన్ని పెంచాల‌ని అభిప్రాయ‌ప‌డింది. మ‌ధ్య‌త‌ర‌హా పోర్టుల అభివృద్ధి, ఎయిర్ ఇండియా ప్రైవేటీక‌ర‌ణ అవ‌స‌ర‌మ‌ని పేర్కొన్న‌ది.   ఇండియాను  గ్లోబల్‌ ఏవియేషన్‌ హబ్‌గా మార్చాలంటే నిబంధనలను సరళీకరించాలని పేర్కొంది. 
 అయితే ప్ర‌స్తుత ప‌రిస్థితుల్లో 7.5 శాతం జీడీపీ వృద్ధి రేటును సాధించ‌డం అసాధ్య‌మ‌ని స‌ర్వే స్ప‌ష్టం చేసింది. రైతు రుణాల‌ మాఫీతో వృద్ధి రేట‌ను సాధించ‌డం కుద‌ర‌దని నివేదిక  తెలిపింది. ద్రవ్యోల్బణం 2018 మార్చినాటికి రిజర్వ్‌ బ్యాంక్‌ నిర్దేశించిన టార్గెట్‌  4 శాతం  కిందికి దిగి వస్తుందని  పేర్కొంది. మరోవైపు 2017-18 సంవ‌త్స‌రానికి పెట్టుకున్న జీడీపీ టార్గెట్ రేటును అందుకోవ‌డం పెద్ద స‌వాల్‌ అని  ప్రధాన ఆర్థిక సలహాదారు అరవింద్ సుబ్రహ్మణ్యన్  మీడియా సమావేశంలో వెల్ల‌డించారు.
 
 నెమ్మదిగా అభివృద్ధి చెందుతున్న ప్రపంచ ఆర్థిక పరిస్థితిని ప్రతిబింబిస్తూ, భారత ఎగుమతులు 2016-17 నాటికి 12.3 శాతం వద్ద సానుకూలంగా మారాయి. దిగుమతులు 1.0 శాతం పెరగడంతో 2016-17 నాటికి వాణిజ్య లోటు 112.4 బిలియన్ డాలర్లకు చేరుకుంది. 2015-16 నాటికి ఇది 130.1 బిలియన్ డాలర్లు. ప్రస్తుత ఆర్థిక లోటు 2016-17 నాటికి  జీడీపీ 0.7 శాతం వరకు పెరిగింది, 2015-16లో  1.1 శాతం నుండి వాణిజ్య లోటులో పదునైన సంకోచం ఏర్పడింది. 2013-14 నుంచి 2015-16 మధ్యకాలంలో చెల్లింపుల పరిస్థితిని నిరుపయోగం చేయాల్సిన పరిస్థితి నెలకొంది. ప్రస్తుత ఆర్థిక లోటు తగ్గడంతో 2016-17లో మరింత మెరుగుపడింది. విదేశీ మారకద్రవ్యం మరింత పెరిగిందని ఆర్థిక సర్వే పేర్కొంది.
 
 2015-16 నాటికి 55.6 బిలియన్ డాలర్ల పెట్టుబడులు  రాగా , 2016-17 లో స్థూల ఎఫ్‌డీఐ 60.2 బిలియన్ డాలర్లకు పెరిగింది. అయితే నికర పెట్టుబడులు 35.6 బిలియన్ డాలర్లకు చేరుకున్నాయి. 2015-16 నాటికి ఇది 36.0 బిలియన్ డాలర్ల నుంచి 1.1 శాతానికి పరిమితమైంది. కరెంట్ అకౌంట్ లోటును నడుపుతున్న ప్రధాన ఆర్థిక వ్యవస్థల్లో, బ్రెజిల్ తర్వాత 2017 జూలై 7 వ తేదీ నాటికి 386.4 బిలియన్ డాలర్ల నిల్వలతో భారత్ రెండవ అతిపెద్ద విదేశీ మారకద్రవ్యాన్ని కలిగి ఉందని సర్వే తేల్చింది.
 2017 మార్చి చివరినాటికి  విదేశీ రుణ సూచికలు 2017 చివరినాటికి మెరుగయ్యాయి. 2017 మార్చి చివరినాటికి భారత్ మొత్తం విదేశీ రుణాల నిల్వ 471.9 బిలియన్ డాలర్లుగా నమోదైంది. 3.1 బిలియన్ డాలర్లు (2.7 శాతం) విదేశీ మారకద్రవ్యం గత ఏడాది 74.3 శాతంతో పోలిస్తే విదేశీ మారకద్రవ్యం 78.4 శాతం విదేశీ రుణాన్ని అందించింది. అయితే, విదేశీ మారకద్రవ్యం జిడిపికి 20.2 శాతానికి పడిపోయింది. ఋణ సేవల నిష్పత్తి 8.8 శాతం నుండి 8.3 శాతానికి పడిపోయిందని ఆర్థిక సర్వే నివేదించింది.
  


 ముంబై : రిజర్వు బ్యాంకు ఆఫ్‌ ఇండియా పాలసీ ప్రకటనకు ముందుకు రూపాయి భారీగా బలపడింది. ఏకంగా రెండేళ్ల గరిష్టంలోకి ఎగిసింది. అమెరికా డాలర్‌తో పోల్చుకుంటే రూపాయి విలువ రెండేళ్ల గరిష్టంలో 63.82 వద్ద ట్రేడైంది. రూపాయి బలపడటానికి ప్రధాన కారణం.. ఫారిన్‌ ఇన్‌స్టిట్యూషనల్‌ ఇన్వెస్టర్లు(ఎఫ్‌ఐఐ)లు భారీగా నగదును దేశీయ ఈక్విటీ, డెట్‌ మార్కెట్‌లలోకి మరలించడమేనని విశ్లేషకులు చెప్పారు.  ప్రారంభంలో డాలర్‌తో రూపాయి మారకం విలువ 64.12గా నమోదైంది. అనంతరం 2015 ఆగస్టు 10 నాటి స్థాయి 63.82 వద్ద గరిష్ట స్థాయిలను నమోదుచేసింది.
  
 ప్రస్తుతం 23 పైసలు బలపడి 63.85 వద్ద ట్రేడవుతోంది. ఈ ఏడాది ప్రారంభం నుంచి రూపాయి విలువ 6.12 శాతం మేర లాభపడింది. మరోవైపు ఆర్బీఐ పాలసీ ప్రకటన నేపథ్యంలో మార్కెట్లు నష్టాల్లో ట్రేడవుతున్నాయి. సెన్సెక్స్‌ 57.38 పాయింట్ల నష్టంలో 32,517 వద్ద, నిఫ్టీ 25.50 పాయింట్ల నష్టంలో 10,089 వద్ద కొనసాగుతున్నాయి. ఈసారైనా ఆర్బీఐ రేట్ల కోతను చేపడుతుందా? లేదా? అని ఇన్వెస్టర్లు ఆసక్తిగా ఎదురుచూస్తున్నారు.   
  


 ♦ పచ్చజెండా ఊపిన డీఐపీపీ
 ♦ ఇక ఆన్‌లైన్లో ఆహారోత్పత్తుల విక్రయాలు
 ♦ ఇక్కడ తయారైనవే విక్రయించాలని షరతు
 
 న్యూఢిల్లీ: భారత్‌లో ఆహారోత్పత్తుల రిటైల్‌ అమ్మకాలకు సంబంధించి ఆన్‌లైన్‌ షాపింగ్‌ దిగ్గజం అమెజాన్‌ ప్రతిపాదించిన 500 మిలియన్‌ డాలర్ల (సుమారు రూ.3,000 కోట్లు) పెట్టుబడుల ప్రతిపాదనకు కేంద్రం ఆమోదముద్ర వేసింది. పారిశ్రామిక విధాన, ప్రోత్సాహక విభాగం (డీఐపీపీ) దీనికి పచ్చజెండా ఊపినట్లు సంబంధిత అధికారులు తెలిపారు. విదేశీ ప్రత్యక్ష పెట్టుబడులకు (ఎఫ్‌డీఐ) సంబంధించి ఇప్పటిదాకా ప్రభుత్వ అనుమతుల్ని  విదేశీ పెట్టుబడుల ప్రోత్సాహక బోర్డు (ఎఫ్‌ఐపీబీ) మంజూరు చేస్తోంది. అయితే, ఇటీవలే దీన్ని రద్దు చేయటంతో అమెజాన్‌ ప్రతిపాదనకు డీఐపీపీ ఆమోదముద్ర వేసింది. తాజా ప్రతిపాదన ప్రకారం ఆహారోత్పత్తుల వ్యాపారానికి సంబంధించి అమెజాన్‌ భారత్‌లో అనుబంధ సంస్థను ఏర్పాటు చేస్తుంది. ఆహారోత్పత్తులను నిల్వ చేసుకుని, ఆన్‌లైన్‌లో విక్రయిస్తుంది.
 
 ప్రస్తుతం ఫుడ్‌ ప్రాసెసింగ్‌ రంగంలో కేంద్రం 100 శాతం విదేశీ ప్రత్యక్ష పెట్టుబడులను (ఎఫ్‌డీఐ) అనుమతిస్తోంది. ఈ నిబంధనల ప్రకారం విదేశీ కంపెనీలు భారత్‌లో అనుబంధ సంస్థను ఏర్పాటు చేసి... దేశీయంగా తయారయ్యే ఆహారోత్పత్తులను మాత్రమే విక్రయించాలి. వీటిని స్టోర్స్‌ లేదా ఆన్‌లైన్లో విక్రయించవచ్చు. ఆహారోత్పత్తుల రిటైలింగ్‌లో పెట్టుబడులకు సంబంధించి అమెజాన్, గ్రోఫర్స్, బిగ్‌ బాస్కెట్‌ సంస్థల నుంచి సుమారు 695 మిలియన్‌ డాలర్ల విలువ చేసే ఇన్వెస్ట్‌మెంట్‌ ప్రతిపాదనలు కేంద్రానికి వచ్చాయి. అమెరికాకు చెందిన అమెజాన్‌ భారత్‌లో కీలకమైన ఈ–కామర్స్‌ సంస్థల్లో ఒకటి కాగా.. గ్రోఫర్స్, బిగ్‌ బాస్కెట్‌ సంస్థలు ఆన్‌లైన్లో నిత్యావసరాలు మొదలైనవి విక్రయిస్తున్నాయి. 2016–17 (ఏప్రిల్‌ – డిసెంబర్‌ మధ్య) భారత ఫుడ్‌ ప్రాసెసింగ్‌ విభాగంలోకి 663.23 మిలియన్‌ డాలర్ల పైగా విదేశీ ప్రత్యక్షపెట్టుబడులు వచ్చాయి.


 అమెరికా కంపెనీలకు ప్రధాని మోదీ పిలుపు
 ► జీఎస్టీతో మరింత సానుకూల మార్పుపై భరోసా
 ► సులభంగా వ్యాపారం చేసేందుకు 7వేల సంస్కరణలు
 ►  టాప్‌–20 సీఈవోలతో ప్రత్యేక భేటీలో ప్రధాని వెల్లడి  
 
 వాషింగ్టన్‌: ప్రపంచంలో పెట్టుబడులు పెట్టేందుకు అత్యంత అనుకూలమైన ప్రాంతంగా భారత్‌ వృద్ధి చెందిందని ప్రధాని నరేంద్ర మోదీ తెలిపారు. వస్తుసేవల పన్ను (జీఎస్టీ) అమల్లోకి వస్తే.. భారత్‌లో వ్యాపారానికి పరిస్థితుల్లో మరింత సానుకూల మార్పు వస్తుందన్నారు. వాషింగ్టన్‌లోని హోటల్‌ విల్లార్డ్‌ ఇంటర్‌కాంటినెంటల్‌లో అమెరికాలోని టాప్‌–20 కంపెనీల సీఈవోలతో ఆదివారం రాత్రి ప్రధాని సమావేశమయ్యారు.
 ప్రతిష్టాత్మక వస్తుసేవల పన్ను (జీఎస్టీ) అమలును అమెరికా బిజినెస్‌ స్కూళ్లలో పాఠ్యాంశంగా చేర్చవచ్చన్నారు. అమెరికన్‌ కంపెనీలు భారత్‌లో పెట్టుబడులు పెట్టాలని మోదీ కోరారు. భారత అభివృద్ధి కారణంగా భారత్‌–అమెరికా దేశాల భాగస్వామ్యం మరింత పెరుగుతుందని స్పష్టం చేశారు. దీని వల్ల అమెరికా కంపెనీలకు భారత్‌లో పెట్టుబడులు పెట్టేందుకు విస్తృతమైన అవకాశాలు కలుగుతాయని భరోసా ఇచ్చారు. ప్రపంచమంతా భారత్‌వైపు చూస్తోందని.. వ్యాపార నియమనిబంధనలను సులభతరం చేసేందుకు భారత ప్రభుత్వం 7వేల సంస్కరణలు తీసుకువచ్చిందని వెల్లడించారు.
 ‘కనీస ప్రభుత్వం, గరిష్ట పాలన’ కారణంగా ఇబ్బందులన్నీ దూరమవుతున్నట్లు ఈ రౌండ్‌టేబుల్‌ సమావేశంలో మోదీ స్పష్టం చేశారు. ఈ భేటీలో గూగుల్‌ కంపెనీ సీఈవో సుందర్‌ పిచాయ్, మైక్రోసాఫ్ట్‌ సత్య నాదెళ్ల సహా అమెజాన్, యాపిల్, మాస్టర్‌కార్డు, అడాబ్, అమెరికన్‌ టవర్‌ కార్పొరేషన్, కాటర్‌పిల్లర్, సిస్కో, డెలాయిట్, ఎమర్‌సన్, ఎర్నెస్ట్‌ అండ్‌ యంగ్, జాన్సన్‌ అండ్‌ జాన్సన్, జేపీ మోర్గాన్‌ ఛేస్‌ అండ్‌ కంపెనీ, లాక్‌హీడ్‌ మార్టిన్, మారియట్‌ ఇంటర్నేషనల్, మాండెల్స్‌ ఇంటర్నేషనల్, కార్లిల్‌ గ్రూపు, వాల్‌మార్ట్, వార్‌బర్గ్‌ పింకస్, ఐహెచ్‌ఎస్‌ మార్కిట్‌ కంపెనీల సీఈవోలు సహా.. అమెరికా–భారత్‌ బిజినెస్‌ కౌన్సిల్‌ (యూఎస్‌ఐబీసీ) అధ్యక్షుడు ముకేశ్‌ అఘి ఈ సమావేశానికి హాజరయ్యారు.
 
 మూడేళ్లలో ఎఫ్‌డీఐలు పెరిగాయ్‌!
 గత మూడేళ్లలో ఎన్డీయే ప్రభుత్వం తీసుకొచ్చిన నిబంధనల వల్ల భారీగా విదేశీ ప్రత్యక్ష పెట్టుబడులను భారత్‌ ఆకర్షించిందని మోదీ తెలిపారు. భవిష్యత్తులో తన ప్రభుత్వం తీసుకురానున్న మార్పులను కూడా సీఈవోలకు ప్రధాని వివరించారు. గంటసేపు జరిగిన ఈ భేటీలో కంపెనీల సీఈవోలు చెప్పిన డిమాండ్లను ప్రధాని సావధానంగా విన్నారు.
 భారత–అమెరికా ఆర్థిక భాగస్వామ్యాన్ని మరింత బలోపేతం చేయాల్సిన అవసరం ఉందన్నారు. కాగా, మోదీ సర్కారు తీసుకున్న నోట్లరద్దును, డిజిటలైజేషన్‌ను అమెరికన్‌ కంపెనీలు అభినందించాయి. భారత్‌లో పెట్టుబ డులకు ఉత్సాహంగా ఉన్నట్లు వెల్లడిం చాయి. ‘అంతర్జాతీయంగా పలు మార్పులు చోటుచేసుకుంటున్న సమయంలో ద్వైపాక్షిక బంధాలతో ఇరుదేశాల మధ్య కొత్త వ్యాపారావకాశాలు పుట్టుకొస్తున్నాయి’ అని యూఎస్‌ఐబీసీ వెల్లడించింది.
 
 ‘కొవ్వాడ’ అణు ఒప్పందం కుదరకపోవచ్చు!
 న్యూఢిల్లీ: మోదీ, ట్రంప్‌ చర్చల్లో 2008లో ఇరు దేశాల మధ్య కుదిరిన అణు ఒప్పం దం చర్చకు వచ్చే అవకాశముంది. అయితే , న్యూక్లియర్‌ పవర్‌ కార్పొరేషన్‌ ఆఫ్‌ ఇండియా (ఎన్‌పీసీఐఎల్‌),  వెస్టింగ్‌హౌస్‌(అమెరికా) కంపెనీలు ఆంధ్రప్రదేశ్‌లోని శ్రీకాకు ళం జిల్లా కొవ్వాడలో నిర్మించాలనుకున్న ఆరు అణు రియాక్టర్లపై ఒప్పందం కుదరకపోవచ్చని భారత అధికార వర్గాలు తెలిపాయి. వెస్టింగ్‌హౌస్‌ ఆర్థిక పరిస్థితి బాగాలేకపోవడం వంటి కారణాల వల్ల ఎన్‌పీసీఐఎల్‌ ఒప్పందానికి విముఖంగా ఉంది.
 2008 నాటి అణు ఒప్పందాన్ని 2017 జూన్‌ నాటికి పూర్తి స్థాయిలో ఖరారు చేసుకోవాలని  సంకల్పించినట్లు 2015లో మోదీ, అప్పటి అమెరికా అధ్యక్షుడు ఒబామా తెలిపారు. కాగా, వాతావరణ మార్పులు అబద్ధమని పేర్కొన్న ట్రంప్‌తో మోదీ భేటీ నేపథ్యంలో నాసా, ఇస్రో సంయుక్తంగా నిర్మించతలపెట్టిన ‘నిసార్‌’ఉపగ్రహ భవిష్యత్తు ఏమవుతుందోనని శాస్త్రవేత్తలు ఆందోళనపడుతున్నారు. భూగ్రహ చిత్రాలు తీయడానికి ఉద్దేశించిన నిసార్‌   ప్రపంచంలోనే అత్యంత ఖరీదైన ఎర్త్‌ ఇమేజ్‌ ఉపగ్రహం.


 ♦ జీఎస్‌టీకి సంసిద్ధత కూడా...
 ♦  మార్కెట్‌ అక్కడక్కడే
 ♦ షేర్ల వారీ కదలిలు ఉంటాయ్‌
 ♦ ఈ వారం మార్కెట్‌పై నిపుణుల అభిప్రాయాలు
 
 న్యూఢిల్లీ: ఈ వారం ఎలాంటి ప్రధాన సంఘనలు లేనందున రుతుపవనాల విస్తరణ, జీఎస్‌టీ అమలుకు దేశం ఎలా సిద్ధమవుతుందనేవి ఈ వారం స్టాక్‌ మార్కెట్‌కు కీలకాంశాలు కానున్నాయని నిపుణులంటున్నారు. వచ్చే నెల 1 నుంచి వస్తు, సేవల పన్ను(జీఎస్‌టీ) అమల్లోకి వస్తోన్న విషయం తెలిసిందే. వీటితో పాటు ప్రపంచ మార్కెట్ల పోకడ, విదేశీ ఇన్వెస్టర్ల పెట్టుబడుల సరళి, డాలర్‌తో రూపాయి మారకం కదలికలు, అంతర్జాతీయ మార్కెట్లో చమురు ధరలు గమనం.. ఈ అంశాలు కూడా తగిన ప్రభావం చూపుతాయని విశ్లేషకులు అంటున్నారు.
 
 పరిమిత శ్రేణిలోనే మార్కెట్‌..
 ఈ వారం మార్కెట్లో పెద్దగా ఒడిదుడుకులు చోటు చేసుకోబోవని అమ్రపాలి ఆధ్య ట్రేడింగ్‌ అండ్‌ ఇన్వెస్ట్‌మెంట్స్‌ డైరెక్టర్‌ అభ్నిశ్‌ కుమార్‌ సుధాంశు చెప్పారు. అయితే జీఎస్‌టీ అమలు తేదీ దగ్గరకు వచ్చిన నేపథ్యంలో జీఎస్‌టీకి సంబంధించిన పరిణామాలు స్టాక్‌ మార్కెట్‌ సూచీల కదలికలపై ప్రభావం చూపుతాయని ఆయన పేర్కొన్నారు. మరోవైపు దేశవ్యాప్తంగా రుతుపవనాలు ఎలా విస్తరిస్తాయోనన్న అంశం కూడా మార్కెట్‌ కదలికలకు కీలకం కానున్నదని వివరించారు. ఈ అంశాలన్నింటినీ పరిగణనలోకి తీసుకుంటే స్టాక్‌ సూచీలు పరిమిత శ్రేణిలోనే కదలాడుతాయని ఆయన విశ్లేషించారు.
 
 ఈ వారం ఎలాంటి ప్రధాన సంఘటనలు  లేనందున స్టాక్‌ మార్కెట్లో  షేర్ల వారీ కదలికలే ఉంటాయని ట్రేడ్‌ స్మార్ట్‌ ఆన్‌లైన్‌ డైరెక్టర్‌  విజయ్‌ సింఘానియా చెప్పారు. సమీప భవిష్యత్తులో కొన్ని ఇబ్బందులున్నాయని, అయితే అవి ఏవీ ప్రస్తుత మార్కెట్‌ ట్రెండ్‌ను ప్రభావితం చేసేవి కావని మార్నింగ్‌స్టార్‌ ఇండియా సీనియర్‌ ఎనలిస్ట్‌ హిమాంశు శ్రీవాత్సవ చెప్పారు. ఈక్విటీలు, రూపాయి మారకం విలువ పెరుగుతున్నాయని, ఇది విదేశీ ఇన్వెస్టర్లు లాభాల స్వీకరించడానికి మంచి అవకాశమని పేర్కొన్నారు.
 
 మూడు ఐపీఓలు..: ఇక ఈ వారంలో మూడు కంపెనీలు ఐపీఓ(ఇనీషియల్‌ పబ్లిక్‌ ఆఫర్‌) ద్వారా నిధులు సమీకరించనున్నాయి. గత శుక్రవారం మొదలైన ఎరిస్‌ లైఫ్‌ సైన్సెస్‌ ఊపీఓ ఈ మంగళవారం(ఈ నెల 20న) ముగియనున్నది. ఈ ఐపీఓ ధర శ్రేణి రూ.600–603గా ఉంది.  నేటి(సోమవారం) నుంచి సెంట్రల్‌ డిపాజిటరీ సర్వీసెస్‌(సీడీఎస్‌ఎల్‌) ఐపీఓ రానున్నది. ఈ ఐపీఓ ధర శ్రేణి రూ.145–149గా ఉంది. ఇక బుధవారం(ఈ నెల 21న) జీటీపీఎల్‌ హాత్‌వే  ఐపీఓ ప్రారంభం కానున్నది. రూ.167–170 ధర శ్రేణిలో ఉన్న ఈ ఐపీఓ ద్వారా ఈ కంపెనీ రూ.300 కోట్ల వరకూ సమీకరించాలని యోచిస్తోంది.
 
 కొనసాగుతున్న విదేశీ పెట్టుబడుల జోరు
 భారత క్యాపిటల్‌ మార్కెట్లో విదేశీ ఇన్వెస్టర్ల పెట్టుబడుల జోరు కొనసాగుతోంది. ఈ నెలలో ఇప్పటివరకూ విదేశీ పోర్ట్‌ఫోలియో ఇన్వెస్టర్లు (ఎఫ్‌పీఐ)మన క్యాపిటల్‌ మార్కెట్లో 355 కోట్ల డాలర్లు పెట్టుబడులు పెట్టారు. వీటిల్లో అధిక భాగం డెట్‌ మార్కెట్లోకి రావడం విశేషం. జీఎస్‌టీ రేట్లు ఖరారు కావడం, వర్షాలు బాగానే కురుస్తాయన్న అంచనాలు దీనికి ప్రధాన కారణాలు. డిపాజిటరీల గణాంకాల ప్రకా రం, విదేశీ ఇన్వెస్టర్లు ఈ నెల 16 వ తేదీ వరకు మన స్టాక్‌ మార్కెట్లో రూ.4,022 కోట్లు, డెట్‌ మార్కెట్లో రూ.18,821 కోట్లు వెరశి మన క్యాపిటల్‌ మార్కెట్లో రూ. 22,844 కోట్లు పెట్టుబడులు పెట్టారు.
 
 ఈ ఏడాది ఫిబ్రవరి–మే కాలానికి మన క్యాపిటల్‌ మార్కెట్లో విదేశీ ఇన్వెస్టర్ల పెట్టుబడులు రూ.1.33 లక్షల కోట్లకు చేరాయి. కాగా ఈ ఏడాది జనవరిలో ఎఫ్‌పీఐలు రూ.3,496 కోట్ల పెట్టుబడులు వెనక్కి తీసుకున్నారు. ఎన్నికలు 2019లో రానున్నాయని, ఇంకా మిగిలిన రెండేళ్లలో కేంద్రం మరిన్ని సంస్కరణలను తీసుకొస్తుందనే అంచనాలతో విదేశీ ఇన్వెస్టర్లు జోరుగా పెట్టుబడులు
 పెడుతున్నారని నిపుణులంటున్నారు.


 ♦ నిబంధనల సరళీకరణపై కేంద్రం దృష్టి
 ♦ పరిశ్రమ వర్గాలతో సమాలోచనలు
 న్యూఢిల్లీ: రక్షణ రంగంలోకి మరిన్ని విదేశీ ప్రత్యక్ష పెట్టుబడులను (ఎఫ్‌డీఐ) తీసుకురావడంపై కేంద్రం దృష్టి సారించింది. గతంలో కొంత మేర నిబంధనలు సరళీకరించినప్పటికీ ఆశించిన ఫలితం లేకపోవడంతో, నిబంధనలను మరింత సులభతరం చేయాలనుకుంటోంది. ఈ దిశగా రక్షణ శాఖ ఓ సమావేశాన్ని నిర్వహించింది. దీనిలో సీఐఐ, ఫిక్కీ తదితర పారిశ్రామిక సంఘాలు సైతం పాల్గొన్నాయి. రక్షణ రంగంలో పెట్టుబడులు పెట్టేలా విదేశీ ఇన్వెస్టర్లను ఆకర్షించేందుకు ఏం  చేస్తే బావుంటుందని అధికారులు కోరినట్టు విశ్వసనీయ వర్గాలు తెలిపాయి. ఏ దేశంలో అయినా తయారీ యూనిట్‌ను ఏర్పాటు చేసేందుకు విదేశీ ఇన్వెస్టర్లు హామీతో కూడినా ఆర్డర్లను కోరుకుంటారని పరిశ్రమ వర్గాలు ఈ సమావేశంలో ప్రభుత్వం దృష్టికి తీసుకెళ్లినట్టు సమాచారం.
 
 2016లో కేంద్రంలోని మోదీ సర్కారు రక్షణ సహా పలు రంగాల్లో ఎఫ్‌డీఐలకు సంబంధించి నిబంధనలను సరళీకరించింది. ప్రస్తుతం ఈ రంగంలో ఆటోమేటిక్‌ మార్గంలో (ఎటువంటి అనుమతులు లేకుండా) విదేశీ ఇన్వెస్టర్లు 49 శాతం వరకూ పెట్టుబడులకు పెట్టేందుకు అనుమతి ఉంది. ఆ తర్వాత ప్రభుత్వం అనుమతి మేరకు 100 శాతం వరకు పెట్టుబడులకు అవకాశం కల్పించారు. కానీ, వాస్తవంగా చూస్తే 2000 ఏప్రిల్‌ నుంచి ఈ ఏడాది మార్చి వరకు రక్షణ రంగంలోకి వచ్చిన ఎఫ్‌డీఐలు కేవలం రూ.25 కోట్లు మాత్రమే. మన దేశంలో రక్షణ ఉత్పత్తులకు ప్రభుత్వం ఒక్కటే కొనుగోలుదారుగా ఉంది.
 
 దేశం నుంచి రక్షణ రంగ ఉత్పత్తులను ఎగుమతి చేయడానికి అధిక నియంత్రణలు అడ్డుపడుతున్నాయి. అదే సమయంలో మన దేశం 70 శాతం మిలటరీ ఉత్పత్తులను వివిధ దేశాల నుంచి దిగుమతి చేసుకుంటోంది. ఈ పరిస్థితుల నేపథ్యంలో దేశంలో రక్షణ ఉత్పత్తుల తయారీని ప్రోత్సహించేందుకు కేంద్రం గత నెల్లోనే ఓ విధానాన్ని ప్రకటించింది. ప్రైవేటు కంపెనీలు విదేశీ సంస్థలతో కలసి సబ్‌మెరైన్లు, ఫైటర్‌ జెట్స్‌ వంటి వాటిని నిర్మించేందుకు అవకాశం కల్పించింది.


 ⇔ గరిష్ట స్థాయిలో విదేశీ పెట్టుబడులను ఆకర్షిస్తున్న దేశం
 ⇔ 2016లో రూ.3.99 లక్షల కోట్లు రాక
 ⇔ చైనా, అమెరికాలు తర్వాతి స్థానాల్లో  
 
 న్యూఢిల్లీ: విదేశీ పెట్టుబడిదారులకు భారత్‌ స్వర్గధామమని మరోసారి రుజువయింది. ప్రపంచంలో అత్యధికంగా విదేశీ పెట్టుబడులను (ఎఫ్‌డీఐ) ఆకర్షిస్తున్న దేశంగా భారత్‌ వరుసగా రెండో ఏడాదీ తన స్థానాన్ని నిలబెట్టుకుంది. 2016వ సంవత్సరంలో 62.3 బిలియన్‌ డాలర్ల (రూ.3.99 లక్షల కోట్లు సుమారు) ఎఫ్‌డీఐలను ఆకర్షించింది. ఫైనాన్షియల్‌ టైమ్స్‌కు చెందిన ఎఫ్‌డీఐ ఇంటెలిజెన్స్‌ విభాగం ‘ఎఫ్‌డీఐ 2017’ నివేదికను రూపొందించింది. ఈ నివేదిక ప్రకారం ఎఫ్‌డీలను రాబట్టడంలో చైనా, అమెరికాలు భారత్‌ వెనుకనే నిలిచాయి. 2016లో మొత్తం 809 ప్రాజెక్టుల్లోకి క్యాపిటల్‌ ఇన్వెస్ట్‌మెంట్‌ రూపంలో 62.3 బిలియన్‌ డాలర్ల ఎఫ్‌డీఐలు వచ్చినట్టు ఈ నివేదిక వెల్లడించింది.
 
 గ్రీన్‌ఫీల్డ్‌ క్యాపిటల్‌ ఇన్వెస్ట్‌మెంట్‌ పరంగా భారత్‌ వరుసగా రెండో ఏడాదీ ప్రపంచ నంబర్‌ 1 స్థానాన్ని నిలబెట్టుకున్నదని , చైనా అమెరికాల కంటే ముందు నిలిచిందని నివేదిక స్పష్టం చేసింది. 2016లో ప్రపంచ వ్యాప్తంగా పెట్టుబడుల సరళి మార్పునకు లోనైందని... బలమైన ఆర్థిక వృద్ధికి అవకాశం ఉన్న దేశాలకు ఎఫ్‌డీఐలు ఎక్కువ శాతం తరలి వెళ్లాయని నివేదికను రూపొందించిన ఎఫ్‌డీఐ ఇంటెలిజెన్స్‌ తెలిపింది. సంక్షోభం, అనిశ్చిత పరిస్థితులను ఎదుర్కొంటున్న దేశాల్లో ఎఫ్‌డీఐలు తగ్గుముఖం పట్టినట్టు వివరించింది.
 
 అంతర్జాతీయంగానూ మెరుగే
 2016లో ప్రపంచవ్యాప్తంగా గ్రీన్‌ఫీల్డ్‌ ఎఫ్‌డీఐ మొత్తం మీద 6 శాతం పెరిగి 776.2 బిలియన్‌ డాలర్లుగా నమోదైంది. 2011 తర్వాత ఈ స్థాయిలో ఎఫ్‌డీఐ నమోదు కావడం తిరిగి ఇదేనని ఈ నివేదిక ప్రముఖంగా పేర్కొంది. 5 శాతం అధికంగా 20 లక్షలకు పైగా ఉపాధి అవకాశాలు కూడా ఏర్పడ్డాయి. ఇక పొరుగు దేశం చైనా ఎఫ్‌డీల విషయంలో అమెరికాను వెనక్కి నెట్టి రెండో స్థానానికి చేరుకుంది. 2016లో 59 బిలియన్‌ డాలర్ల ఎఫ్‌డీఐలను ఆకర్షించినట్టు ఈ నివేదిక వెల్లడించింది.
 
 అగ్రరాజ్యం అమెరికా 48 బిలియన్‌ డాలర్ల ఎఫ్‌డీఐలతో ప్రపంచంలో మూడో స్థానంలో నిలిచింది. అంతర్జాతీయంగా చూస్తే ఎఫ్‌డీఐలను ఎక్కువగా ఆకర్షించిన రంగం రియల్‌ఎస్టేట్‌. 2016లో 157.5 బిలియన్‌ డాలర్లు ఈ రంగంలోకి వచ్చాయి. ఇది అంతకుముందు ఏడాది కంటే 58 శాతం అధికం. బొగ్గు, సహజవాయువుల రంగంలోకి వచ్చిన ఎఫ్‌డీఐలు 121 బిలియన్‌ డాలర్లు. ప్రత్యామ్నాయ, సంప్రదాయేతర ఇంధన రంగంలోకి 77 బిలియన్‌ డాలర్ల ఎఫ్‌డీఐలు వచ్చాయి.


 న్యూఢిల్లీ: విదేశీ ప్రత్యక్ష పెట్టుబడుల ప్రతిపాదనలను పరిశీలించి ఆమోదించేందుకు పాతికేళ్ల కిత్రం ఏర్పాటైన విదేశీ పెట్టుబడుల ప్రోత్సాహక సంస్థ (ఎఫ్‌ఐపిబి) రద్దుపై హర్షం వ్యక్తమవుతోంది. ప్రభు‍త్వ చర్యకారణంగా  విదేశీ పెట్టుబడులు  ఇబ్బడి ముబ‍్బడిగా రానున్నాయనే  అంచనాలు వెలువడుతున్నాయి.   ప్రభుత్వ నిర్ణయంతో దేశంలోకి విదేశీపెట్టుబడులకు మంచి బూస్ట్‌ ఇస్తుందని భారత పరిశ్రమల సమాఖ్య (సీఐఐ) అభిప్రాయపడింది.  వ్యాపారాల నిర్వహణను సులభతరం చేసే విధంగా ఫారిన్ ఇన్వెస్ట్మెంట్ ప్రమోషన్ బోర్డు (ఎఫ్‌ఐపీబీ)ని రద్దు చేయడాన్ని సీఐఐస్వాగతించింది. కేంద్ర బడ్జెట్‌లో కేంద్ర ఆర్థికమంద్రి అరుణ్ జైట్లీ ప్రకటించిన  దానికి కొనసాగిపుంగా  ఎఫ్ఐపిబి రద్దు ప్రక్రియ ద్వారా ఎఫ్‌డీల జోరు పెరుగుతుందని, తద్వారా మరిన్న ఉపాధి అవకాశాలు  రానున్నాయని  సిఐఐ డైరెక్టర్ జనరల్ చంద్రజిత్ బెనర్జీ అన్నారు.  భారత్‌ ఒక ఆచరణీయ వ్యాపార గమ్యస్థానంగా  నిలవనుందని తెలిపారు.
 
 ప్రస్తుతం, కేవలం 11 రంగాల్లో మాత్రమే ఆమోదం ఉన్న పాతికేళ్లనాటి ఎఫ్‌ఐపీబీని రద్దు చేయడం, సింగిల్‌ విండో ద్వారా ఎఫ్‌డీఐ ప్రదిపాదనలను ఆమోదించడం వ్యాపార నిర్వహణలో సంస్కరణలు, వ్యాపార సరళీకరణ,  పెట్టుబడిదారుల్లో విశాసాన్ని పెంచేందకు ప్రభుత్వం నిబద్ధతను ప్రతిబింబింస్తోందని  బెనర్జీ వ్యాఖ్యానించారు.  అలాగే మేకిన్‌ ఇండియాలో భాగంగా  రక్షణ  రంగానికి వ్యూహాత్మక భాగస్వామ్యంతో  దేశీయసంస్థల్లో టెక్నాలజీ బదిలీ మార్గాన్ని సుగమం చేసిందని పేర్కొన్నారు.
 
 కాగా బుధవారం నాడు ప్రధాని మోదీ అధ్యక్షతన జరిగిన కేబినెట్‌ సమావేశం ఎఫ్‌ఐపిబి రద్దుకు ఆమోదం తెలిపింది.  దీనిస్థానే కొత్త వ్యవస్థను త్వరలోనే ప్రకటిస్తారు.  కొత్త వ్యవస్థలో విదేశీ పెట్టుబడి ప్రతిపాదనలను సంబంధిత మంత్రిత్వ శాఖలు స్వయంగా పరిశీలించి ఆమోదిస్తాయి. ఇందుకు సంబంధించి ప్రామాణికమైన మార్గదర్శకాలను రూపొందిస్తారని ఆర్థిక మంత్రి జైట్లీ కేబినెట్‌ చెప్పారు. కీలకమైన రంగాలు ముఖ్యంగా దేశ భద్రత, సమగ్రతతో ముడివడిన రంగాలకు సంబంధించిన పెట్టుబడి ప్రతిపాదనలకు హోమ్‌ మంత్రిత్వ శాఖ అనుమతులు తీసుకోవాల్సి ఉంటుందని  తెలిపారు.
  


 న్యూడిల్లీ: ప్రింట్ మీడియా, నిర్మాణం, రిటైల్ రంగాల్లో  మరిన్ని విదేశీ  ప్రత్యక్ష పెట్టుబడులను ప్రోత్సహించే దిశగా ప్రభుత్వం ముందుకు సాగుతోంది. ఈ అంశంపై  బుధవారం ఆర్థిక మంత్రిత్వశాఖలో  వివరణాత్మక చర్చలు జరిగాయి. ఈ ప్రతిపాదనలపై తుది ఆమోదం పొందేందుకు కేంద్ర, వాణిజ్య మంత్రిత్వశాఖ త్వరలో కేంద్ర కేబినెట్‌ను సంప్రదించనుంది. ప్రస్తుతం ఎఫ్‌డీఐ నిబంధనలను మరింత సరళతరం చేసే దిశగా ప్రభుత్వం  యోచిస్తోందని   విశ్వసనీయ వర్గాల సమాచారం.   ఆర్ధిక వృద్ధికి  ఉద్యోగాలను సృష్టించేందుకు పెట్టుబడిదారుల స్నేహపూర్వక వాతావరణంలో మరిన్ని ఎఫ్డిఐలను ఆకర్షించనుందని తెలిపాయి.  2017-18 సంవత్సర ఆర్థిక బడ్జెట్లో ఆర్ధిక మంత్రి అరుణ్ జైట్లీ ప్రకటించిన మేరకు ఈ కసరత్తు చేస్తోంది. విదేశీ పెట్టుబడులు కీలకంగా భావిస్తున్న ప్రభుత్వం  ట్రిలియన్‌ డాలర్ల పెట్టుబడులపై దృష్టిపెట్టింది.
 
  సింగిల్ బ్రాండు,  బహుళ బ్రాండ్ రిటైల్ ట్రేడింగ్లో పాలసీని సులభతరం చేస్తుంది. ఒకే బ్రాండ్ రిటైల్ రంగంలో 100 శాతం ఎఫ్డిఐని కొన్ని పరిస్థితులతో ఆటోమేటిక్ రూట్ ద్వారా అనుమతించాలనే  అంశాన్ని ప్రభుత్వం పరిశీలిస్తోంది.  ప్రస్తుతం, 49 శాతం వరకు ఆటోమాటిక్ మార్గంలో అనుమతి ఉంది కానీ ఆ పరిమితి దాటితే ప్రభుత్వం  ఆమోదం అవసరం. అంతేకాదు, విదేశీ కంపెనీలకు 'మేడ్ ఇన్ ఇండియా' ఉత్పత్తులను అమ్మడం కోసం దుకాణాలు తెరిచేందుకు  అనుమతినివ్వాలని చూస్తున్నట్టు తెలుస్తోంది.
 
 ప్రస్తుతం కొన్ని నిబంధనలు,  పరిమితులతో, వార్తాపత్రికలు,  శాస్త్రీయ మ్యాగజైన్ల  ప్రచురణ  లాంటి  విదేశీ పెట్టుబడులను ప్రభుత్వం అనుమతిస్తోంది.  అలాగే  వివిధ  కండిషన్లతో  నిర్మాణ రంగ ప్రాజెక్టులలో 100శాతం ఎఫ్‌డీఐలకు అనుమతి ఉంది.  ఈ విధానాన్ని కూడా మరింత   సరళతరం చేసే ప్రతిపాదన సిద్ధం చేసింది. పూర్తికాని ప్లాట్లు,  ఇతర ప్రాజెక్టులలో కూడా  విదేశీ ప్రత్యక్ష పెట్టుబడులకు ఒక భారతీయకంపెనీ   అనుమతి ఇవ్వాలని యోచిస్తోంది.  ఇండియన్ ఇన్వస్టీ కంపెనీకి అభివృద్ధి చెందిన ప్లాట్లను విక్రయించటానికి అనుమతి ఉంది. రహదారులు, నీటి సరఫరా, వీధి దీపాలు, నీటి పారుదల ,  మురికినీరు తదితర మౌలిక సదుపాయాలు ఉన్న ప్లాట్ల  విక్రయానికి మాత్రమే అనుమతి.
 
 కాగా  విదేశీ పెట్టుబడులు దేశం చెల్లింపుల సమతుల్యతను మెరుగుపర్చడంతో పాటు,  ఇతర ప్రపంచ కరెన్సీలకు, ప్రత్యేకంగా అమెరికా డాలర్‌ వ్యతిరేకంగా రూపాయి విలువను మరింత బలోపేతం చేస్తుందనేది అంచనా. ఈ నేపథ్యంలోనే  గత ఏడాది  రక్షణ, పౌర విమానయాన, నిర్మాణం, అభివృద్ధి, ప్రైవేటు భద్రతా సంస్థలు, రియల్ ఎస్టేట్, న్యూస్ ప్రసారాలు సహా  దాదాపు 12 సెక్టార్లలో ఎఫ్‌డీఐ నిబంధనలను సడలించింది.
 
  


 రూ. 659 కోట్ల పెట్టుబడుల ప్రతిపాదనలు
 న్యూఢిల్లీ: దాదాపు రూ. 659 కోట్ల విలువ చేసే 9 విదేశీ పెట్టుబడుల ప్రతిపాదనలకు కేంద్రం ఆమోదముద్ర వేసింది. వొడాఫోన్, నెట్‌మ్యాజిక్‌ సొల్యూషన్స్‌ మొదలైన సంస్థల ప్రతిపాదనలు వీటిలో ఉన్నా యి. విదేశీ పెట్టుబడుల ప్రోత్సాహక బోర్డు (ఎఫ్‌ఐపీబీ) సిఫార్సుల మేరకు ఫిబ్రవరి 21న జరిగిన సమావేశంలో ప్రభుత్వం తొమ్మిది ప్రతిపాదనలను ఆమోదించామని, మూడు ప్రతిపాదనలను ఆర్థిక వ్యవహారాల క్యాబినెట్‌ కమిటీకి (సీసీఈఏ) పంపామని కేంద్రం ఒక ప్రకటనలో వెల్లడించింది. ఆమోదం పొందిన వాటిలో నెట్‌మ్యాజిక్‌ సొల్యూషన్స్‌కి చెందిన రూ. 534 కోట్లు, వొడాఫోన్‌ ఇండియా 55 కోట్ల ప్రతిపాదనలు ఉన్నాయి.
 అపోలో హాస్పిటల్స్‌కు సంబంధించి రూ.750 కోట్లు, స్టార్‌ టెక్నాలజీస్‌ (రూ. 900 కోట్లు) ఫ్లాగ్‌ టెలికం సింగపూర్‌  (రూ. 789 కోట్లు) ప్రతిపాదనలను సీసీఈఏకి పంపినట్లు కేంద్రం వివరించింది. మరోవైపు గ్లాండ్‌ ఫార్మా, క్రౌన్‌ సిమెంట్‌ మాన్యుఫాక్చరింగ్‌ ఇండియా, పవర్‌విజన్‌ ఎక్స్‌పోర్ట్‌ అండ్‌ ఇంపోర్ట్‌ ఇండియా తదితర ఆరు ప్రపోజల్స్‌పై నిర్ణయం వాయిదా పడింది. హిందుస్తాన్‌ ఏరోనాటిక్స్, స్పెక్ట్రంల్యాబ్స్‌ ఇండియా, పీఎంఐ ఇంజినీరింగ్‌ ఎక్స్‌పోర్ట్స్‌ ప్రతిపాదనలు ఆటోమేటిక్‌ మార్గానికి సంబంధించినవి కావడంతో ఎఫ్‌ఐపీబీ పరిశీలనకు రాలేదు.


 ⇔ భవిష్యత్‌ సంస్కరణలపై ఆందోళన
 ⇔ లాభాల స్వీకరణకు చాన్స్‌: నిపుణులు
 
 ఉత్తరప్రదేశ్‌ ముఖ్యమంత్రి పగ్గాలను అతివాదిగా ముద్రపడిన యోగి ఆదిత్యనాథ్‌కు అప్పగించడం ఈ వారం స్టాక్‌ మార్కెట్లో ప్రకంపనలు సృష్టించనున్నదని మార్కెట్‌ విశ్లేషకులు అంచనా వేస్తున్నారు. అత్యధిక జనాభా ఉన్న యూపీ రాష్ట్ర సీఎంగా యోగి ఎన్నికైన నేపథ్యంలో కేంద్ర ప్రభుత్వ భవిష్యత్‌ సంస్కరణలపై మార్కెట్‌ వర్గాలు ఆందోళన వ్యక్తం చేస్తున్నాయి.  ఈ నేపథ్యంలో విదేశీ ఇన్వెస్టర్లు భారీగా అమ్మకాలు జరపవచ్చని, లాభాల స్వీకరణ చోటు చేసుకోవచ్చని భయాలు నెలకొన్నాయి.
 
 అయితే జీఎస్‌టీ అమలుకు సంబంధించి పురోగతి స్టాక్‌ మార్కెట్‌ గమనాన్ని నిర్దేశిస్తుందని కొంతమంది నిపుణులు అభిప్రాయపడుతున్నారు. డాలర్‌తో రూపాయి మారకం, విదేశీ ఇన్వెస్టర్ల పెట్టుబడుల సరళి, అంతర్జాతీయ ఆర్థిక గణాంకాలు .. తదితర అంశాలు కూడా ఈ వారం మార్కెట్‌పై ప్రభావం చూపుతాయని నిపుణులంటున్నారు.
 
 మార్కెట్‌ ముందుకే..
 అమెరికా ఫెడరల్‌ రిజర్వ్‌ వడ్డీరేట్లను పెంచినా, గత వారం స్టాక్‌ మార్కెట్‌  పట్టించుకోలేదని అమ్రపాలి ఆధ్య ట్రేడింగ్‌ అండ్‌ ఇన్వెస్ట్‌మెంట్స్‌ డైరెక్టర్‌ అభ్నిశ్‌ కుమార్‌ సుధాంశు పేర్కొన్నారు. యూపీలో బీజేపీ భారీ విజయంతో సంస్కరణలపై ఆశలతో మార్కెట్‌ ముందుకే సాగిందని, రూపాయి కూడా బలపడిందని పేర్కొన్నారు.  మౌలిక, ఆరోగ్య సంరక్షణ, బ్యాంకింగ్‌ రంగాలకు సంబంధించిన సంస్కరణల వార్తలతో స్టాక్‌ సూచీలు మరింత జోరుగా ముందుకెళతాయని ఆయన అంచనా వేస్తున్నారు. విదేశీ ఇన్వెస్టర్లు కొనుగోళ్లు కొనసాగితే మా ర్కెట్లో సానుకూల సెంటిమెంట్‌ నెలకొంటుందన్నా రు.
 
 వ్యాల్యూయేషన్లు అధికంగా ఉన్నప్పటికీ.. విదేశీ, దేశీ ఇన్వెస్టర్లు గత వారంలో జోరుగా కొనుగోళ్లు జరిపారని జియోజిత్‌ ఫైనాన్షియల్‌ సర్వీసెస్‌ రీసెర్చ్‌  హెడ్‌ వినోద్‌ నాయర్‌ చెప్పారు. ప్రస్తుతద్రవ్యోల్బణ పరిస్థితులను బట్టి చూస్తే, సుదీర్ఘకాలం  ఆర్‌బీఐ తటస్థ విధానాన్ని అనుసరించే అవకాశం ఉందన్నారు.  వివిధ రంగాలపై జీఎస్‌టీకి సంబంధించిన రేట్లపై మార్కెట్‌ దృష్టి పెడుతుందని, దీన్నిబట్టి ఆయా రంగాల్లోని షేర్ల కదలికలు ఉంటాయని తెలిపారు.


 మార్చి 8న డి–మార్ట్‌ ఐపీఓ
 డి–మార్ట్‌ సూపర్‌ మార్కెట్‌ రిటైల్‌ చెయిన్‌ను నిర్వహిస్తున్న అవెన్యూ సూపర్‌మార్ట్స్‌ ఐపీఓ (ఇనీషియల్‌ పబ్లిక్‌ ఆఫర్‌) మార్చి 8న రానున్నది. అదే నెల 10న ముగిసే ఈ ఐపీఓ ద్వారా ఈ సంస్థ రూ.1,870 కోట్లు సమీకరించనున్నది. గత ఏడాది అక్టోబర్‌లో వచ్చిన రూ.3,000 కోట్ల పీఎన్‌బీ హౌసింగ్‌ ఫైనాన్స్‌ ఐపీఓ తర్వాత ఇదే అతి పెద్ద ఐపీఓ. ఈ ఐపీఓ ద్వారా సమీకరించిన నిధులను రుణాల చెల్లింపులకు, కొత్త స్టోర్ల ఏర్పాటుకు వినియోగించాలని అవెన్యూ సూపర్‌మార్ట్స్‌ యోచిస్తోంది. కాగా రైల్వేలకు చెందిన మూడు సంస్థలు ఐఆర్‌సీటీసీ, ఐఆర్‌ఎఫ్‌సీ, ఐఆర్‌సీఓఎన్‌లు త్వరలో ఐపీఓకు రానున్నాయి. ఈ మూడు సంస్థల్లో కొంత వాటాలను ఐపీఓ ద్వారా విక్రయించనున్నారు.
 
 ‘భారత్‌క్యూఆర్‌ కోడ్‌’ ఆవిష్కరణ
 క్యాష్‌లెస్‌ ఎకానమీ లక్ష్యంగా కేంద్ర ప్రభుత్వం తాజాగా ప్రపంచపు తొలి ఇంటర్‌పోర్టబుల్‌ పేమెంట్‌ యాక్సప్టెన్సీ సొల్యూషన్‌ ’భారత్‌క్యూఆర్‌ కోడ్‌’ను ఆవిష్కరించింది. దీంతో రిటైల్‌ ఎలక్ట్రానిక్‌ పేమెంట్స్‌ మరింత సులభతరం కానున్నాయి.  ’భారత్‌క్యూఆర్‌ కోడ్‌’ విధానంలో వ్యాపారుల ఐడీ, ఫోన్‌ నంబర్‌ వంటివి అవసరం లేకుండానే లావాదేవీలు నిర్వహించవచ్చు. వ్యాపారులు కేవలం ఒక క్యూఆర్‌ కోడ్‌ను మాత్రమే కలిగి ఉంటారు. కస్టమర్లు ఆ కోడ్‌ను స్కాన్‌ చేసి అమౌంట్‌ను ఎంటర్‌ చేసి పేమెంట్‌ చేసేయొచ్చు. ఇక్కడ డబ్బులు డైరెక్ట్‌గా మర్చంట్‌ బ్యాంక్‌ ఖాతాకు చేరిపోతాయి. స్వైపింగ్‌ మెఫీన్లతో పనిలేదు.  
 
 యాహూ–వెరిజోన్‌ డీల్‌ విలువ తగ్గింపు
 వరుసగా రెండు సార్లు డేటా హ్యాకింగ్‌ ఉదంతాల నేపథ్యంలో టెక్నాలజీ దిగ్గజం యాహూ తమ ఇంటర్నెట్‌ వ్యాపార విభాగం విక్రయ విలువను 350 మిలియన్‌ డాలర్ల మేర తగ్గించింది. యాహూ ఇంటర్నెట్‌ వ్యాపారాన్ని వెరిజోన్‌ కొనుగోలు చేయనున్న సంగతి తెలిసిందే. తాజా మార్పుల ప్రకారం డీల్‌ విలువ 4.48 బిలియన్‌ డాలర్లకు తగ్గుతుంది. అలాగే హ్యాకింగ్‌పై సెక్యూరిటీస్‌ అండ్‌ ఎక్సే్చంజ్‌ కమిషన్‌ విచారణకు, షేర్‌హోల్డర్లు వేసిన దావాల వ్యయాల భారాన్ని యాహూనే భరిస్తుంది. అయితే, ప్రభుత్వపరంగా ఎదురయ్యే ఇతరత్రా వితరణలకయ్యే వ్యయాలను ఇరు సంస్థలు భరిస్తాయి.
 
 15 ఎఫ్‌డీఐ ప్రతిపాదనలకు పచ్చజెండా
 ప్రభుత్వం 15 విదేశీ ప్రత్యక్ష పెట్టుబడుల (ఎఫ్‌డీఐ) ప్రతిపాదనలకు ఆమోదం తెలిపింది. వీటి విలువ రూ.12,000 కోట్లు. ఆమోదం పొందిన వాటిల్లో డాక్టర్‌ రెడ్డీస్, అపోలో హాస్పిటల్స్, హిందుస్తాన్‌ ఏరోనాటిక్స్, వొడాఫోన్, తదితర సంస్థల ఎఫ్‌డీఐ ప్రతిపాదనలు ఉన్నాయి. ఆర్థిక వ్యవహారాల కార్యదర్శి శక్తికాంత దాస్‌ అధ్యక్షతన గల ఫారిన్‌ ఇన్వెస్ట్‌మెంట్‌ ప్రమోషన్‌ బోర్డ్‌ (ఎఫ్‌ఐపీబీ) మొత్తం 24 ప్రతిపాదనలను పరిశీలించింది. వీటిల్లో మూడింటిని తిరస్కరించిందని, ఆరింటిపై నిర్ణయాలను వాయిదా వేసిందని సంబంధిత వర్గాలు పేర్కొన్నాయి. వాయిదా పడిన వాటిల్లో రూ.8,000 కోట్ల విలువైన గ్లాండ్‌ ఫార్మా ప్రతిపాదన కూడా ఉంది. ఇక ఆమోదం పొందిన వాటిల్లో రూ.9,000 కోట్ల ట్విన్‌స్టార్‌ టెక్నాలజీస్‌ ప్రతిపాదన, రూ.750 కోట్ల విలువైన అపోలో హాస్పిటల్స్‌ ప్రతిపాదనలు ఉన్నాయి.
 
 భీమ్‌ యాప్‌ డౌన్‌లోడ్స్‌@1.7 కోట్లు
 దేశీ డిజిటల్‌ పేమెంట్స్‌ యాప్‌ భారత్‌ ఇంటర్‌ఫేస్‌ ఫర్‌ మనీ (భీమ్‌) డౌన్‌లోడ్స్‌ 1.7 కోట్లకు చేరాయని నీతిఆయోగ్‌ సీఈవో అమితాబ్‌ కాంత్‌ తెలిపారు. క్యాష్‌లెస్‌ ట్రాన్సాక్షన్లు లక్ష్యంగా కేంద్ర ప్రభుత్వం ఇటీవలనే (డిసెంబర్‌ 30న) ఈ యాప్‌ను ఆవిష్కరించింది. నవంబర్‌–జనవరి మధ్యకాలంలో యూఎస్‌ఎస్‌డీ ప్లాట్‌ఫామ్‌లోని లావాదేవీలు 45% పెరిగాయని పేర్కొన్నారు. నోట్ల రద్దుకు ముందు దేశంలో 8 లక్షల పీవోఎస్‌ మెషీన్లు ఉంటే.. ఇప్పుడు వీటి సంఖ్య 28 లక్షలకు పెరిగిందని తెలిపారు.  
 
 ఏప్రిల్‌ 1 నుంచి డేటాకు చార్జీలు: జియో
 ప్రమోషనల్‌ ఆఫర్ల కింద ఇప్పటిదాకా ఉచితంగా లభిస్తున్న రిలయన్స్‌ జియో డేటా సర్వీసులకు ఏప్రిల్‌ 1 నుంచి చార్జీలు అమల్లోకి రానున్నాయి. అయితే ప్రస్తుత యూజర్లు మాత్రం వన్‌ టైమ్‌ జాయినింగ్‌ ఫీజు కింద రూ. 99 కడితే నెలకు రూ. 303 టారిఫ్‌తో ప్రస్తుత ప్రయోజనాలను మరో 12 నెలల పాటు పొందవచ్చు. రిలయన్స్‌ జియో చైర్మన్‌ ముకేశ్‌ అంబానీ ఈ విషయాలు వెల్లడించారు. జియో సర్వీసులు ప్రారంభించిన తర్వాత 170 రోజుల్లోనే 10 కోట్ల మంది యూజర్ల మైలురాయిని అధిగమించిందని చెప్పారు.
 
 27 నుంచి ఏడో విడత బంగారు బాండ్లు
 గోల్డ్‌ బాండ్ల ఏడో విడత జారీకి కేంద్రం ముహూర్తం నిర్ణయించింది. వీటికోసం ఔత్సాహికులు ఈ నెల 27 నుంచి మార్చి 3 వరకు దరఖాస్తు చేసుకోవచ్చు. ఇందులో భాగంగా ఒక్కరు 500 గ్రాముల బంగారం విలువకు సరిపడా సెక్యూరిటీలను కొనుగోలు చేసేందుకు అవకాశం ఉంటుంది.  
 
 మెడికల్‌ టూరిజంతో ఫార్మా పరుగు
 దేశీ ఫార్మాస్యూటికల్స్‌ మార్కెట్‌ 2020 నాటికి 15.92 శాతం చొప్పున వార్షిక వృద్ధి రేటుతో 55 బిలియన్‌ డాలర్లకు చేరుతుందని అసోచామ్‌ అంచనా వేసింది. ఈ వృద్ధికి మెడికల్‌ టూరిజం బాగా దోహదపడుతుందని తెలియజేసింది. అసోచామ్‌ తాజాగా ఇండియన్‌ ఇన్‌స్టిట్యూట్‌ ఆఫ్‌ టూరిజం అండ్‌ ట్రావెల్‌ మేనేజ్‌మెంట్‌ (ఐఐటీటీఎం)తో కలిసి ఒక నివేదికను విడుదల చేసింది. దీని ప్రకారం.. 2005లో 6 బిలియన్‌ డాలర్లుగా ఉన్న దేశీ ఫార్మా మార్కెట్‌ 2016 నాటికి 17.46 శాతం వార్షిక వృద్ధి రేటుతో 36.7 బిలియన్‌ డాలర్లకు పెరిగింది. ఇది 2020 నాటికి 55 బిలియన్‌ డాలర్లకు చేరనుంది.
 
 జీఎస్‌టీపై మొబైల్‌ యాప్‌
 త్వరలో అమల్లోకి రానున్న వస్తు, సేవల పన్నుల (జీఎస్‌టీ) విధానానికి సంబంధించి కేంద్ర ఆర్థిక శాఖ ప్రత్యేకంగా మొబైల్‌ యాప్‌ ఆవిష్కరించింది. జీఎస్‌టీలో కొంగొత్త మార్పులు, చేర్పులకు సంబంధించిన అప్‌డేట్‌ సమాచారాన్ని పన్ను చెల్లింపుదారులు ఎప్పటికప్పుడు తెలుసుకునేందుకు ఇది ఉపయోగపడగలదని కేంద్ర ఆర్థిక శాఖ సహాయ మంత్రి సంతోష్‌ గాంగ్వార్‌ తెలిపారు. ప్రస్తుతం ఆండ్రాయిడ్‌ డివైజ్‌లకు ఇది అందుబాటులో ఉంటుందని, తర్వాత ఐఓఎస్‌ వెర్షన్‌ కూడా ప్రవేశపెడతామని ఆయన వివరించారు. జీఎస్‌టీ విధానానికి మారేందుకు మార్గదర్శకాలు, తదితర వివరాలు ఈ యాప్‌లో ఉంటాయి.
 
 డీల్స్‌..
 ⇒ మరో రెండు ఆర్థిక సంస్థల మధ్య విలీనం జరుగుతుందన్న అంచనాలు మార్కెట్లో మొదలయ్యాయి. ప్రైవేటు రంగ ఇండస్‌ఇండ్‌ బ్యాంక్‌లో నాన్‌–బ్యాంకింగ్‌ ఫైనాన్షియల్‌ కంపెనీ (ఎన్‌బీఎఫ్‌సీ) భారత్‌ ఫైనాన్షియల్‌ ఇన్‌క్లూ జన్‌ (గతంలో ఎస్‌కేఎస్‌ మైక్రోఫైనాన్స్‌) విలీనమయ్యేందుకు చర్చలు జరుగుతున్నట్లు వార్తలు వెలువడుతున్నాయి.
 ⇒ టెలికం సంస్థ రిలయన్స్‌ జియో తాజాగా ట్యాక్సీ సేవల సంస్థ ఉబెర్‌తో చేతులు కలిపింది. జియో యూజర్లు ఇకపై జియోమనీ యాప్‌ ద్వారా ఉబెర్‌ ట్యాక్సీలను బుక్‌ చేసుకునేందుకు, చెల్లింపులు జరిపేందుకు ఈ ఒప్పందం తోడ్పడనుంది.
 ⇒ భారత్‌ ఎలక్ట్రానిక్స్‌ లిమిటెడ్‌ (బీఈఎల్‌)లో 5 శాతం వాటా విక్రయం ద్వారా ప్రభుత్వం రూ.1,600 కోట్లు సమీకరించింది.
 ⇒ దేశీ టెలికం అగ్రగామి భారతీ ఎయిర్‌టెల్‌.. టెలినార్‌ ఇండియాను చేజిక్కించుకుంది. దేశంలో టెలినార్‌కు ఉన్న ఏడు సర్కిళ్లలో కార్యకలాపాలను కొనుగోలు చేసేందుకు టెలినార్‌ సౌత్‌ ఏషియా ఇన్వెస్ట్‌మెంట్స్‌ తో ఒప్పందం ఖరారు చేసుకుంది. డీల్‌ ప్రకారం ఎయిర్‌టెల్‌ టెలినార్‌కు నగదు రూపంలో ఎలాంటి చెల్లింపులూ చేయదు. అయితే, ఆ కంపెనీ భవిష్యత్తులో స్పెక్ట్రం లైసెన్స్‌ కోసం చెల్లించాల్సిన ఫీజులు, మొబైల్‌ టవర్ల అద్దెలు అన్నీ కలుపుకొని రూ.1,600 కోట్లను ఎయిర్‌టెల్‌ భరిస్తుంది.
 ⇒ కేజీ–బేసిన్‌లోని గ్యాస్‌ బ్లాక్‌లో జీఎస్‌పీసీకి ఉన్న మొత్తం 80 శాతం వాటాలను కొనుగోలు చేసే ప్రతిపాదనకు ప్రభుత్వ రంగ దిగ్గజం ఓఎన్‌జీసీ బోర్డు ఆమోదముద్ర వేసింది. ఈ డీల్‌ విలువ 1.2 బిలియన్‌ డాలర్లు (సుమారు రూ. 8,000 కోట్లు).


 న్యూఢిల్లీ: ప్రభుత్వం 15 విదేశీ ప్రత్యక్ష పెట్టుబడుల(ఎఫ్‌డీఐ) ప్రతిపాదనలకు ఆమోదం తెలిపింది. వీటి విలువ రూ.12,000 కోట్లు.  ఆమోదం పొందిన వాటిల్లో డాక్టర్‌ రెడ్డీస్, అపోలో హాస్పిటల్స్, హిందుస్తాన్‌ ఏరోనాటిక్స్, వొడాఫోన్, తదితర సంస్థల ఎఫ్‌డీఐ ప్రతిపాదనలు  ఉన్నాయి.


 న్యూఢిల్లీ : పెద్ద నోట్ల రద్దు, మందగించిన వృద్ధి విదేశీ పెట్టుబడులకు దెబ్బకొట్టలేదు. ఈ ఏడాది భారీ ఎత్తున్న ఎఫ్డీఐ దేశంలోకి వస్తూ రికార్డు స్థాయిలు సృష్టిస్తున్నాయి.  ఆర్థికసంవత్సరం చివరి మార్చి వరకు విదేశీ పెట్టుబడులు ఇంకా భారీగా పెరుగుతాయని అంచనాలు వెలువడుతున్నాయి. ఏప్రిల్-డిసెంబర్ కాలంలో భారత్ లో ఎఫ్‌డీఐలు 22 శాతం పైకి ఎగిసి 35.8 బిలియన్ డాలర్లకు(సుమారు రూ.2,41,454 కోట్లకు) చేరుకున్నాయని తెలిసింది.
  
 మరో నెలలో ఆర్థిక సంవత్సరం ముగియబోతుంది. ఈ నేపథ్యంలో ఆర్థికసంవత్సరం చివరి వరకి 40 బిలియన్ డాలర్ల(రూ.2,68,283) ఎఫ్‌డీఐలు వచ్చే అవకాశముందని ప్రభుత్వం అంచనావేస్తోంది. 18 శాతం ఎఫ్‌డీఐలతో సర్వీసు రంగం టాప్లో ఉండగా.. టెలికాం, నిర్మాణ అభివృద్ధి, కంప్యూటర్ హార్డ్ వేర్, ఆటోమొబైల్స్ రంగంలోకి ఎ‍క్కువగా ఎఫ్డీఐలు వచ్చాయి. అనిశ్చిత పరిస్థితుల నేపథ్యంలో అంతర్జాతీయంగా మాత్రం గతేడాది విదేశీ ప్రత్యక్షపెట్టుబడులు 13 శాతం పడిపోయాయి. 


 ఎఫ్‌డీఐ విధానం మరింత సరళతరం
 న్యూఢిల్లీ: సింహభాగం విదేశీ ప్రత్యక్ష పెట్టుబడులు ఆటోమేటిక్‌ మార్గంలోనే వస్తున్న నేపథ్యంలో వ్యాపారాల నిర్వహణను సులభతరం చేసే విధంగా విదేశీ పెట్టుబడుల ప్రోత్సాహక బోర్డు (ఎఫ్‌ఐపీబీ)ని రద్దు చేస్తున్నట్లు కేంద్ర ఆర్థిక మంత్రి అరుణ్‌ జైట్లీ తెలిపారు. ఇకపై ప్రభుత్వ అనుమతి అవసరమైన విదేశీ పెట్టుబడుల ప్రతిపాదనలపై .. సంబంధిత మంత్రిత్వ శాఖలే తగు నిర్ణయాలు తీసుకుంటాయని వివరించారు. ప్రస్తుతం దాదాపు 90 శాతం ఎఫ్‌డీఐలు ఆటోమేటిక్‌ మార్గంలోనే వస్తుండగా.. కేవలం పది శాతం ప్రతిపాదనలే ఎఫ్‌ఐపీబీ వద్దకు వెడుతున్నాయని జైట్లీ చెప్పారు. అందుకే ఎఫ్‌ఐపీబీని విడతలవారీగా రద్దు చేసే సమయం వచ్చినందున ఈ నిర్ణయం తీసుకున్నట్లు ఆయన వివరించారు.
 ఇందుకు సంబంధించిన మార్గదర్శ ప్రణాళికలను రాబోయే నెలల్లో ప్రకటించగలమన్నారు. మరోవైపు, ఎఫ్‌డీఐ విధానాన్ని మరింత సరళతరం చేసే అంశం కూడా పరిశీలనలో ఉందని, త్వరలో ఇందుకు సంబంధించిన నిర్ణయాలు ప్రకటించే అవకాశం ఉందని జైట్లీ చెప్పారు. తాజా పరిణామాలతో విలీనాలు, కొనుగోళ్ల డీల్స్‌ వ్యవధి తగ్గే అవకాశం ఉందని భావిస్తున్నారు. భారత్‌లో ఇన్వెస్ట్‌మెంట్‌కు ఆసక్తిగా ఉన్న సింగిల్‌ బ్రాండ్, మల్టీ బ్రాండ్‌ రిటైల్‌ ట్రేడింగ్‌ కంపెనీలకు ఇది ఉపయోగకరంగా ఉండగలదని ఈవై ఇండియా సంస్థ పేర్కొంది. 1990లలో ఆర్థిక సంస్కరణలు చేపట్టిన తొలినాళ్లలో ప్రధాని కార్యాలయం (పీఎంవో) కింద ఎఫ్‌ఐపీబీ ఏర్పాటైంది.
 ఆ తర్వాత 1996లో దీన్ని పారిశ్రామిక విధానం, ప్రోత్సాహక విభాగం (డీఐపీపీ)కి బదలాయించారు. 2003లో ఆర్థిక వ్యవహారాల విభాగం కింద చేర్చారు. ఆటోమేటిక్‌ పద్ధతిలోకి రాని రంగాల్లో విదేశీ పెట్టుబడుల కోసం ఎఫ్‌ఐపీబీ ఆమోదముద్ర అవసరమవుతుంది. ఈ ఆర్థిక సంవత్సరం ఏప్రిల్‌–సెప్టెంబర్‌ మధ్య ఎఫ్‌డీఐలు 30 శాతం పెరిగి 21.62 బిలియన్‌ డాలర్లకు చేరాయి.


 విదేశీ ఇన్వెస్టర్ల విక్రయాలకు చెక్‌
 l    పెద్ద నోట్ల రద్దు, ట్రంప్‌ గెలుపు తర్వాత కనిష్టస్థాయి నుంచి 6 శాతం ర్యాలీ
 l    మ్యూచువల్‌ ఫండ్స్‌లోకి రిటైల్‌ ఇన్వెస్టర్ల పెట్టుబడుల జోరు  
 
 ప్రధాని నరేంద్ర మోదీ నోట్ల రద్దు దెబ్బకు భారత ఆర్థిక వ్యవస్థ కుదేలై, ఇప్పట్లో కోలుకోవడం కష్టమనే అంచనాలతో విదేశీ ఇన్వెస్టర్లు స్టాక్‌ మార్కెట్లో తమ పెట్టుబడులను వెనక్కి తీసుకుంటున్నారు. విదేశీ పెట్టుబడులు వెనక్కి పోతే, మన మార్కెట్‌ నష్టపోవడం సాధారణమైన విషయం. కానీ గత కొన్ని రోజులుగా దీనికి భిన్నమైన పరిస్థితులు నెలకొన్నాయి. విదేశీ ఇన్వెస్టర్లు ఈక్విటీలను ఏడాపెడా అమ్మేస్తున్నా మన స్టాక్‌మార్కెట్‌ నష్టపోవడం లేదు. స్వల్పంగానైనా లాభాల్లోనే నడుస్తోంది. దీనికి కారణాలేంటి, మార్కెట్‌ విశ్లేషకులు ఏమంటున్నారంటే..,
 
 ప్రధాని నరేంద్ర మోదీ నోట్ల రద్దు దెబ్బకు కుదేలైన భారత క్యాపిటల్‌  మార్కెట్‌ ఇప్పుడిప్పుడే కోలుకుంటోంది. పెద్ద కరెన్సీ నోట్ల రద్దు కారణంగా వినియోగం తగ్గి కంపెనీల ఆర్థిక ఫలితాలపై తీవ్రమైన ప్రభావమే ఉండగలదన్న అంచనాలున్నాయి. అమెరికా అధ్యక్షుడిగా డొనాల్ట్‌ ట్రంప్‌ అనూహ్యంగా గెలవడం, అమెరికా ఫెడరల్‌ రిజర్వ్‌ వడ్డీరేట్లను పెంచుతుందన్న అంచనాలు కూడా తోడవడంతో గత ఏడాది నవంబర్‌ నుంచి విదేశీ ఇన్వెస్టర్లు మన స్టాక్‌ మార్కెట్‌ నుంచి రూ.30వేల కోట్లకు పైగా పెట్టుబడులు వెనక్కి తీసుకున్నారు.
 విదేశీ పెట్టుబడులు వెళ్లిపోతే మన మార్కెట్‌ పడిపోవాలి. కానీ దీనికి భిన్నంగా జరుగుతోంది. పెద్ద నోట్ల రద్దు కారణంగా వృద్ది కుంటుపడుతుందనే కారణంతో నవంబర్‌ 21న సెన్సెక్స్‌ 6 నెలల కనిష్టానికి పడిపోయింది. అప్పటి నుంచి చూస్తే  బీఎస్‌ఈ సెన్సెక్స్‌ 6% వరకూ లాభపడింది. విదేశీ ఇన్వెస్టర్లు విక్రయాలు జరుపుతున్నా, దేశీ ఇన్వెస్టర్ల కొనుగోళ్ల జోరు పెరగడమే మార్కెట్‌ పటిష్టతకు కారణమని బ్రోకింగ్‌ సంస్థలు అంటున్నాయి.
 
 జోరుగా మ్యూచువల్‌ ఫండ్‌ పెట్టుబడులు..
 రిటైల్‌ ఇన్వెస్టర్ల పెట్టుబడులు పెరుగుతుండటంతో గత ఏడేళ్లలో ఎన్నడూ లేనంతగా గత ఏడాది మ్యూచువల్‌ ఫండ్స్‌ అధిక వృద్ధిని సాధించాయి. నెలకు సగటున రూ.4,000 కోట్లు మ్యూచువల్‌ ఫండ్స్‌లోకి సిస్టమాటిక్‌ ఇన్వెస్ట్‌మెంట్‌  ప్లాన్‌(సిప్‌) ఇన్వెస్ట్‌ల ద్వారా వస్తున్నాయి. 2015లో  ఈ ఇన్వెస్ట్‌మెంట్స్‌ రూ.1,800–2,000రేంజ్‌లోనే ఉన్నాయి. 
 సిస్టమాటిక్‌ ట్రాన్స్‌ఫర్‌ప్లాన్‌ ద్వారా మరో రూ.1,000 కోట్లు వస్తున్నాయని అంచనా. నవంబర్‌ తర్వాత విదేశీ ఇన్వెస్టర్లు రూ.30వేల కోట్లకు పైగా పెట్టుబడులను వెనక్కి తీసుకుంటే, రిటైల్‌ ఇన్వెస్టర్లు నవంబర్‌–డిసెంబర్‌ నెలల్లో ఈక్విటీ ఆధారిత మ్యూచువల్‌ ఫండ్స్‌లో రూ.34 వేల కోట్లు ఇన్వెస్ట్‌ చేశారని అంచనా. ఈ నిధులతో మ్యూచువల్‌ ఫండ్‌ కంపెనీలు రూ.27 వేల కోట్ల విలువైన షేర్లను కొనుగోలు చేశాయి
 
 పెట్టుబడికి ఇదే మార్గం..: రియల్టీ కుదేలవడం, పుత్తడి ధరల్లో అనిశ్చితి తదితర కారణాల వల్ల వేరే పెట్టుబడి మార్గాల్లేక దేశీయ స్టాక్‌ మార్కెట్లో పెట్టుబడులు పెరుగుతున్నాయని కొందరు నిపుణులంటున్నారు. కంపెనీల భవిష్యత్‌ పరిస్థితులు ఆశాజనకంగా ఉండడం, రాబడులు అధికంగా వస్తుండడం కూడా ఇన్వెస్టర్లను స్టాక్‌ మార్కెట్‌ వైపు ఆకర్షిస్తున్నాయి. గత మూడేళ్ల రాబడులను పరిగణనలోకి తీసుకుంటే బంగారం, రియల్టీల కంటే కూడా మెరుగ్గా సెన్సెక్స్‌31 శాతం వృద్ది సాధించింది.
 ప్రభుత్వం తీసుకుంటున్న కఠిన చర్యల వల్ల పుత్తడి, రియల్టీల్లో నల్లధనం చలామణి తగ్గుతుందన్న అంచనాలు ఉన్నాయి. ఈ రెండు రకాల అసెట్స్‌లో నష్టభయం అధికంగా ఉండడం వల్ల కూడా ఇన్వెస్టర్లు ఈక్విటీల వైపు మొగ్గుచూపుతున్నారు. ప్రభుత్వం తెస్తున్న సంస్కరణలు స్టాక్‌మార్కెట్‌ జోరును పెంచుతాయని, రాబడులు బాగా వస్తాయనే అంచనాలు కూడా ఇన్వెస్టర్లను స్టాక్‌మార్కెట్‌ వైపు ఊరిస్తున్నాయి. రానున్న బడ్జెట్లో పన్ను ఆదా పెరిగే అవకాశాలున్నాయని, దీంతో ఈక్విటీల్లోకి మరింతగా పెట్టుబడులు పెరుగుతాయని నిపుణులు అంచనా వేస్తున్నారు.
 
 డెరివేటివ్స్‌లో విదేశీ జోరు..
 దేశీయ స్టాక్స్‌లో విదేశీ ఇన్వెస్టర్లు అమ్మకాలు కొనసాగిస్తున్నారని, అయితే డెరివేటివ్స్‌ సెగ్మెంట్లో కొనుగోళ్లు జరుపుతున్నారని, సమీప భవిష్యత్తులో మార్కెట్‌ జోరు ఉంటుందనడానికి ఇది సంకేతమని మార్కెట్‌  విశ్లేషకుల అభిప్రాయం. నవంబర్‌ 8 నుంచి చూస్తే విదేశీ ఇన్వెస్టర్లు రూ.12,725 కోట్ల విలువైన ఇండెక్స్‌ ఫ్యూచర్లను కొనుగోలు చేశారు.
  


 న్యూఢిల్లీ: ప్రభుత్వం ఆరు విదేశీ ప్రత్యక్ష పెట్టుబడులు(ఎఫ్‌డీఐ) ప్రతిపాదనలకు పచ్చజెండా ఊపింది. వీటిల్లో సనోఫి సింథ్‌ల్యాబొ ఇండియా, స్టార్‌ డెన్‌ మీడియా సర్వీసెస్, ఐడియా సెల్యులర్‌ ఇన్‌ఫ్రాస్ట్రక్చర్‌ సర్వీసెస్‌ తదితర సంస్థల ప్రతిపాదనలు ఉన్నాయి. వీటిల్లో నెదర్లాండ్స్‌కు చెందిన రెసిఫ్రామ్‌ పార్టిసిపేషన్‌ బీవీ ఎఫ్‌డీఐ ప్రతిపాదనే(రూ.950 కోట్లు) పెద్దది. ఆర్థిక వ్యవహారాల కార్యదర్శి శక్తికాంత దాస్‌  అధ్యక్షతన గల ఫారిన్‌ ఇన్వెస్ట్‌మెంట్‌  ప్రమోషన్‌ బోర్డ్‌(ఎఫ్‌ఐపీబీ) పలు ఎఫ్‌డీఐ ప్రతిపాదనలపై చర్చించింది. మూడు ఎఫ్‌డీఐ ప్రతిపాదనలను తిరస్కరించగా, మరో ఆరు ప్రతిపాదనలపై నిర్ణయాన్ని వాయిదా వేసింది.
 ఆమోదం పొందిన వాటిల్లో రూ.157 కోట్ల బోహిన్‌గిర్‌ ఇంగెలిహిమ్‌  ఇండియా, రూ.80 కోట్ల మెనరిని ఇండియా ప్రైవేట్‌ లిమిటెడ్‌ ప్రతిపాదనలు ఉన్నాయి. వాయిదా పడిన ప్రతిపాదనల్లో క్రెస్ట్‌ ప్రెమీడియా సొల్యూషన్స్, యు బ్రాడ్‌బాండ్‌  ఇండియా, సైంటిఫిక్‌ పబ్లిషింగ సర్వీసెస్‌ ప్రతిపాదనలు ఉన్నాయి. కాగా ప్రస్తుత ఆర్థిక సంవత్సరం ఏప్రిల్‌–అక్టోబర్‌  కాలానికి విదేశీ ప్రత్యక్ష పెట్టుబడులు(ఎఫ్‌డీఐ) 27 శాతం వృద్ధితో 2,187 కోట్ల డాలర్లకు పెరిగాయి. 2014–15 ఆర్థిక సంవత్సరంలో 3,094 కోట్లు, గత ఆర్థిక సంవత్సరంలో 4,000 కోట్ల డాలర్ల ఎఫ్‌డీఐలు వచ్చాయి.


 ఎఫ్‌డీఐ నిబంధనలు మరింత సరళీకృతం
 • ప్రపంచానికే భారత్‌ ఓ ఆశాకిరణం
 • వైబ్రెంట్‌ గుజరాత్‌ సదస్సులో ప్రధాని మోదీ ఉద్ఘాటన
 
 గాంధీనగర్‌: భారత దేశంలో ఆర్థిక సంస్కరణలను కొనసాగించటంలో చిత్తశుద్ధితో పనిచేస్తున్నట్లు ప్రధాని మోదీ తెలిపారు. గాంధీనగర్‌లో ద్వైవార్షిక వైబ్రెంట్‌ గుజరాత్‌ సదస్సులో వివిధ దేశాల రాజకీయ ప్రముఖులు, వ్యాపారవేత్తలు, సీఈవోలనుద్దేశించి మోదీ మాట్లాడారు. ‘వ్యాపారానికి అనువైన వాతావరణం ఏర్పాటుచేయటం, పెట్టుబడులను ఆకర్షించటం మా ప్రధాన బాధ్యత’ అని అన్నారు. అధికారంలోకి వచ్చిన రెండున్నరేళ్లలో ప్రభుత్వం నిర్విరామ కృషి, జీడీపీ, ద్రవ్యోల్బణం, ద్రవ్యలోటు వంటి స్థూల ఆర్థిక సూచికల్లో స్థిరమైన వృద్ధితోపాటు విదేశీ ప్రత్యక్ష పెట్టుబడుల కారణంగా భారత్‌ ఇప్పటికే వ్యాపారానుకూల దేశంగా ముద్ర వేసుకుందన్నారు.
 
 రాజకీయ, వ్యాపార ప్రముఖులతో భేటీ
 సదస్సుకు ముందు ప్రధాని మోదీ పలు దేశాల అధినేతలు, వ్యాపార ప్రముఖులతో ప్రత్యేకంగా సమావేశమయ్యారు. రువాండా అధ్యక్షుడు పాల్‌ కగామే, సెర్బియా ప్రధాని అలెగ్జాండర్‌ తదితర రాజకీయ ప్రముఖులతోపాటు ప్రముఖ అంతర్జాతీయ కంపెనీల సీఈవోలు, వ్యాపార వేత్తలతోనూ భేటీ అయ్యారు. రువాండా, భారత్‌ సంబంధాలతోపాటు ఫోరెన్సిక్‌ సైన్స్‌లో సహకారం, అంతర్జాతీయ సౌరశక్తి కూటమి లో చేరేందుకు రువాండా అంగీకారం అంశాలపై ఒప్పందపత్రాలపై సంతకాలు చేసుకున్నారు. జపాన్‌ కంపెనీల ప్రతినిధులతో కలిసి వచ్చిన ఆ దేశ ఆర్థిక మంత్రి సీకో హిరిషోగి మోదీని కలిశారు. డెన్మార్‌ మంత్రి లార్స్‌ క్రిస్టియన్, ఇజ్రాయిల్, స్వీడన్, యూఏఈ మంత్రులతోనూ ప్రధాని భేటీ అయి ద్వైపాక్షిక సంబంధాలపై చర్చించినట్లు ప్రధాన మంత్రి కార్యాలయం ట్విటర్లో పేర్కొంది.
 
 డెన్మార్క్‌ మంత్రితో సమావేశం సందర్భంగా ‘పురూలియా ఆయుధ డీలర్‌ కిమ్‌ డేవీపై రాజద్రోహం కేసు వేయటంపై డెన్మార్క్‌ సహకారం ఉంటుందని మోదీ ఆశాభావం వ్యక్తం చేశారు’ అని పీఎంవో ట్విటర్లో పేర్కొంది. వివిధ అంతర్జాతీయ కంపెనీల సీఈవోలతో ఏర్పాటుచేసిన రౌండ్‌ టేబుల్‌ కాన్ఫరెన్స్‌లో సిస్కో సిస్టమ్స్‌ చైర్మన్‌ జాన్‌ థామస్, ఫ్రెంచ్‌ విద్యుత్‌ కంపెనీ ఈడీఎఫ్‌ సీఈవోతో పాలు పలువురు ప్రముఖుల పాల్గొన్నారు.
 
 ప్రపంచాభివృద్ధికి ఇంజన్‌ భారతే..
 ‘ఆర్థిక మాంద్యం కారణంగా ప్రపంచ ఆర్థిక వ్యవస్థ ఒడిదుడుకులకు లోనైనా భారత్‌ తట్టుకుని నిలబడగలిగింది. అందుకే ప్రపంచంలో ఓ ఆకర్షణీయమైన దేశంగా భారత్‌ పేరు సంపాదించుకుంది. ప్రపంచాభివృద్ధికి మమ్మల్ని ఓ ఇంజన్‌లాగా (ముందుండి నడిపే వాడిలా) చూస్తున్నారు’ అని మోదీ తెలిపారు. వ్యాపారానుకూల దేశంగా భారత్‌ను నడిపించే దిశలో.. లైసెన్సింగ్‌ విధానాన్ని, నిబంధనలను సరళీకృతం చేసేందుకు కృతనిశ్చయంతో ఉన్నామన్నారు.
 ‘మా సుపరిపాలన వాగ్దానం ప్రకారం మేం వివిధ రంగాల్లో వందల రకాల కార్యాచరణను అమలుచేస్తున్నాం. రోజు రోజుకూ మా విధానాలను, పద్ధతులను హేతుబద్ధీకరించుకుంటున్నాం. వివిధ రంగాల్లో వేర్వేరు పద్ధతుల్లో విదేశీ ప్రత్యక్ష పెట్టుబడుల విధానాన్నీ సరళీకరించాం’ అని మోదీ వెల్లడించారు. మే 2014 నుంచి దేశంలో 130 బిలియన్‌ డాలర్ల (దాదాపు రూ. 8.87 లక్షల కోట్లు) విదేశీ పెట్టుబడులు వచ్చాయని.. మేకిన్‌ ఇండియాపై విదేశీ కంపెనీలకున్న నమ్మకానికి ఇదో నిదర్శనమన్నారు. ఆసియా–పసిఫిక్‌ ప్రాంతంలో ఎక్కువ ఎఫ్‌డీఐలు అందుకుంటున్న దేశం కూడా భారతేనని స్పష్టం చేశారు.


 న్యూఢిల్లీ: భారత విమానయాన సంస్థల్లో విదేశీ ఎయిర్‌లైన్స్‌యేతర సంస్థలకు 100% యాజ మాన్య హక్కులు ఇచ్చే నిబంధనపై వివిధ విమానయాన సంస్థలు అభ్యంతరం వ్యక్తం చేశాయి. ఇది భద్రతాపరమైన సమస్యలు సృష్టించవచ్చని విమానయాన సంస్థలు స్పైస్‌జెట్, ఇండిగో ఆందోళన వ్యక్తం చేశాయి.  వాణిజ్య, పరిశ్రమల శాఖ మంత్రి నిర్మలా సీతారామన్‌తో ఇటీవల జరిగిన సమావేశంలో స్పైస్‌జెట్‌ సీఎండీ అజయ్‌ సింగ్, ఇండిగో ప్రెసిడెంట్‌ ఆదిత్య ఘోష్‌ ఈ మేరకు తమ అభిప్రాయాలు తెలియజేశారు. ఏవియేషన్‌ చాలా కీలకమైన రంగం కావడంతో ఈ విధమైన ఎఫ్‌డీఐ నిబంధనల సడలింపు వల్ల భద్రతపరమైన సమస్యలు తలెత్తవచ్చని వారు చెప్పినట్లు సంబంధిత వర్గాలు తెలిపాయి.


 ఎంïసీపీఐ(యూ) కేంద్ర కమిటీ సభ్యుడు వల్లెపు ఉపేందర్‌రెడ్డి  
 
 నర్సంపేట :  చాయ్‌వాలాగా చెప్పుకొని గద్దెనెక్కిన ప్రధానమంత్రి నరేంద్రమోదీ కోట్ల రూపాయలు ఖర్చుపెట్టి సూటు, బూటు ఎలా ధరిస్తున్నాడని ఎంసీపీఐ(యూ) కేంద్ర కమిటీ సభ్యుడు వల్లెపు ఉపేందర్‌రెడ్డి అన్నారు. పట్టణంలోని ఓంకార్‌ భవన్‌లో ఆదివారం వరంగల్‌ రూరల్‌ జిల్లా జనరల్‌ బాడీసమావేశం నాగెల్లి కొంరయ్య అధ్యక్షతన జరిగింది. ఈ సందర్భంగా ఆయన మాట్లాడుతూ గతంలో ప్రభుత్వాలకు భిన్నంగా మోదీ పాలన లేదని, మోదీ సామ్రాజ్యవాద దేశాలకు పెట్టుబడిదారులకు నమ్మకమైన పెద్ద ఏజెంట్‌గా పని  పనిచేస్తున్నారన్నారు.  అందులో భాగమే అన్ని రంగాల్లో విదేశీ ప్రత్యక్ష పెట్టుబడులకు ఎఫ్‌డీఐ నూటికి నూ రు శాతం అనుమతించడమన్నారు.
 
 రాష్ట్రం లో అధికారంలోకి వచ్చిన టీఆర్‌ఎస్‌ ప్రభుత్వం గడిచిన రెండు సంవత్సరాల ఏడు నెలల కాలంలో కొత్తగా నిరుద్యోగుల ఆత్మహత్యలు పెరిగాయన్నారు. సమావేశంలో రూరల్‌ జిల్లా కార్యదర్శి గాదగోని రవి, గోనె కుమారస్వామి, నాగెల్లి కొంరయ్య, కొత్త కొండ రాజమౌళి, బాపురావు, రవి, హంసారెడ్డి, బుచ్చన్న, మల్లికార్జున్, సుల్తాన్, సారయ్య, లక్ష్మినారాయణ, మాషుక్, సదానందం, మొగిళిచర్ల సందీప్, కొంరయ్య, సాంబయ్య, యాదగిరి, జగన్‌  తదితరులు పాల్గొన్నారు.   
  


 న్యూఢిల్లీ: దేశంలోకి వచ్చే– దేశం నుంచి వెళ్లే విదేశీ మారకద్రవ్యం ( ఎఫ్‌ఐఐ, ఎఫ్‌డీఐ, ఈసీబీ మినహా) మధ్య నికర వ్యత్యాసం కరెంట్‌ అకౌంట్‌లోటు (క్యాడ్‌) ప్రస్తుత ఆర్థిక సంవత్సరం అంచనాలను జపాన్‌ బ్రోకరేజ్‌ సంస్థ–నొమురా పెంచింది. దీనిప్రకారం స్థూల దేశీయోత్పత్తి (జీడీపీ)లో ఇంతక్రితం 0.4 శాతం అంచనా 1.4 శాతానికి ఎగసింది.  కాగా అక్టోబర్‌–డిసెంబర్‌ త్రైమాసికంలో అంచనాలను భారీగా 0.9 శాతం నుంచి 2.5 శాతానికిపెంచింది.
 కరెంట్‌ అకౌంట్‌ పరిమాణాన్ని ఆ నిర్దిష్ట కాలానికి (ఏడాది లేదా త్రైమాసికం) సంబంధించి జీడీపీతో పోల్చి చెబుతారు.  నవంబర్‌లో ఎగుమతులు–దిగుమతుల మధ్య వ్యత్యాసం వాణిజ్యలోటు రెండేళ్ల గరిష్టస్థాయి 13 బిలియన్‌ డాలర్లకు పెరిగిన నేపథ్యంలో నొమురా తాజా అంచనాలు వెలువడ్డాయి. పెద్ద నోట్ల రద్దు నేపథ్యంలో జీడీపీ వృద్ధిరేటు పడిపోయే అవకాశాలు ఉండడం తాజాగా క్యాడ్‌ రేటు పెంచడానికి కారణంగా  సంబంధిత వర్గాలు వివరించాయి. దీనికితోడు మరికొంత కాలం దేశ ఎగుమతులు బలహీనంగానే ఉండే అవకాశం ఉందని నొమురా తన తాజా నివేదికలో పేర్కొంది.


 ఎస్‌బీఐ రిసెర్చ్‌: రూపాయిపై స్వల్పకాలికంగా ప్రభావం చూపినా... దీర్ఘకాలంలో ఫెడ్‌ రేటు పెంపు ఎఫెక్ట్‌ మామూలుగానే ఉంటుంది. ఇక దేశంలో పన్నుల తగ్గింపు ద్వారా వినియోగ డిమాండ్‌ను పెంపొందించాల్సిన అవసరం ఉంది. పెద్ద నోట్ల రద్దు నేపథ్యంలో ఈ  చర్యలు అవసరం.
 
 ఇక్రా: రూపాయి కోణంలో చూస్తే... భారత్‌కు ఉన్న పటిష్ట విదేశీ మారకద్రవ్య నిల్వలు (365 బిలియన్‌ డాలర్లు) దేశానికి లాభించే అంశం. డాలర్‌ మారకంలో రూపాయి విలువ ప్రస్తుత ఆర్థిక సంవత్సరం 67–71 శ్రేణిలో ఉండవచ్చు.
 
 సీఐఐ: ఇదిలావుండగా, పెద్ద నోట్ల ప్రభావం ఆర్థిక వ్యవస్థపై తక్షణం అధిక ప్రభావం చూపుతుందని సీఐఐ పేర్కొంది. ప్రస్తుత, వచ్చే త్రైమాసికాల్లో ఈ ప్రభావం తీవ్రంగా కనిపిస్తుందని సీఐఐ విశ్లేషించింది.


 పెట్టుబడులు తరలిపోవచ్చని మూడీస్‌ హెచ్చరిక
 అమెరికా ఎకానమీ స్థిరపడుతుండటాన్ని ప్రతిబింబిస్తూ ఫెడరల్‌ రిజర్వ్‌ వడ్డీ రేట్లు పెంచడం.. వర్ధమాన దేశాలకూ ప్రయోజనకరమే అయినప్పటికీ.. ఆయా దేశాల నుంచి పెట్టుబడులు తరలిపోయే అవకాశాలుఉన్నాయని మూడీస్‌ ఇన్వెస్టర్స్‌ సర్వీస్‌ పేర్కొంది. అమెరికా ఆర్థిక వ్యవస్థ కోలుకునే క్రమంలో అక్కడ దిగుమతులకు డిమాండ్‌ పెరగడం వల్ల వర్ధమాన దేశాల ఎగుమతిదారులకు ప్రయోజనం చేకూరగలదని తెలిపింది.అదే సమయంలో ఫెడ్‌ ద్రవ్య విధానాన్ని కఠినతరం చేయడం వల్ల విదేశీ పెట్టుబడులు పెద్ద ఎత్తున తరలిపోవచ్చునని.. 
 ఇది వాటిపై ఆధారపడిన సంస్థలకు ప్రతికూలం కాగలదని వివరించింది. అలాగే రాజకీయంగా,విధానాలపరంగా అనిశ్చితికి దారితీయొచ్చని మూడీస్‌ పేర్కొంది. ఫెడ్‌ క్రమానుగతంగా మరో రెండు మూడు సార్లు వడ్డీ రేట్లను పెంచవచ్చని అభిప్రాయపడింది. మొత్తం మీద 2017 ఆఖరు నాటికి వడ్డీ రేట్లు 1.25– 1.5శాతం స్థాయికి చేరొచ్చని తెలిపింది. ఈ ప్రభావాలు అమెరికా కన్నా మిగతా వర్ధమాన దేశాల ఆర్థిక వ్యవస్థలపైనే ఎక్కువగా కనిపించవచ్చని వివరించింది.


 న్యూఢిల్లీ: పొగాకు రంగంలో విదేశీ ప్రత్యక్ష పెట్టుబడులపై పూర్తి నిషేధానికి మంత్రిత్వ శాఖ  సన్నద్ధమవుతోంది. పరిశ్రమలు, వాణిజ్య  శాఖామంత్రి నిర్మలా సీతారామన్  వేగంగా పావులు కదుపుతున్నారు.  దీనికి సంబంధించిన ప్రతిపాదననుక్యాబినెట్ ఆమోదం కోసం పంపించారు.   పొగాకు రంగంలో విదేశీ ప్రత్యక్ష పెట్టుబడులు నిషేధ ప్రతిపాదనను కేబినెట్ పరిశీలనకు  పంపినట్టు కేంద్రమంత్రి తెలిపారు.  ఈ రంగలో ఎఫ్ డీఐ లను ప్రభుత్వం ప్రోత్సహించాలని కోరుకోవడంలేదని పీటీఐకిచెప్పారు.
 
  పొగాకు ఉత్పత్తుల నియంత్రణలో ప్రపంచ ఆరోగ్య సంస్థ  నిబంధనలకు తమ ప్రభుత్వం కట్టుబడి ఉన్నట్టు ఆమె చెప్పారు.  సిగరెట్లు, తదితర పొగాకు  ఉత్పతులను ప్రోత్సహించదలుచుకోలేదన్నారు.  ఈ నిర్ణయం పాక్షికంగా  రైతులపై ప్రభావం చూపించనున్నప్పటికీ, ప్రత్యామ్నాయ పంటలపై దృష్టిపెట్టనున్నట్టు చెప్పారు.  మరోవైపు  ఎఫ్ డీఐల  నిషేధంపై కేంద్రమంత్రి  స్పష్టత ఇవ్వడంతో  మార్కెట్ లో  పొగాకు సంబంధిత షేర్లు నష్టాలనెదుర్కొంటున్నాయి. ముఖ్యంగా ఐటీసీ,  గోల్డెన్ టుబాకో తదితర షేర్లలో అమ్మకాలు వెల్లువెత్తాయి.
  


 త్వరలో కేంద్ర కేబినెట్ ముందుకు ప్రతిపాదన
  న్యూఢిల్లీ: పొగాకు రంగంలో విదేశీ ప్రత్యక్ష పెట్టుబడులను (ఎఫ్‌డీఐ) పూర్తిగా నిషేధించాలన్న ప్రతిపాదనపై కేంద్ర కేబినెట్ త్వరలోనే ఓ నిర్ణయం తీసుకోనుంది. సిగరెట్ ప్యాకెట్లపై ఆరోగ్యానికి హానికరం అనే హెచ్చరికలను పెద్ద పరిమాణంలో పేర్కొనాలంటూ లోగడ కేంద్ర సర్కారు నిబంధనలను కఠినతరం చేసిన విషయం తెలిసిందే. తదుపరి చర్యల్లో భాగంగా ఈ రంగంలో ఎఫ్‌డీఐ రాకను నిషేధించే అంశాన్ని కేంద్రం పరిశీలించనుంది. ఇందుకు సంబంధించిన కేబినెట్ నోట్‌ను కేంద్ర వాణిజ్య శాఖ కేబినెట్ పరిశీలన కోసం పంపినట్టు అధికార వర్గాలు తెలిపారుు. ఈ నోట్‌కు అన్ని మంత్రిత్వ శాఖల అభిప్రాయాలు, కేంద్ర ఆరోగ్య, ఆర్థిక శాఖల అభిప్రాయాలను సైతం జతచేసినట్టు వెల్లడించారుు.
 
 ప్రస్తుతం పొగాకు రంగంలో ఫ్రాంచైజీ లెసైన్సింగ్, ట్రేడ్‌మార్క్, బ్రాండ్ నేమ్, కాంట్రాక్టుల నిర్వహణ తదితర సాంకేతిక సహకార అంశాల్లో ఎఫ్‌డీఐలకు అనుమతి ఉంది. అదే సమయంలో సిగార్లు, సిగరెట్లు, టుబాకో, టుబాకో ప్రత్యామ్నాయాల తయారీలో ఎఫ్‌డీఐపై నిషేధం అమలవుతోంది. తాజాగా కేంద్ర వాణిజ్య శాఖ తన ప్రతిపాదనలో ఈ విభాగాల్లోనూ ఎఫ్‌డీఐల నిషేధానికి ప్రతిపాదించింది.
 దేశీయ తయారీదారులకు ప్రతికూలమే
 ఒకవేళ పొగాకు రంగంలో ఎఫ్‌డీఐల సంపూర్ణ నిషేధానికి కేంద్రం నిర్ణయం తీసుకుంటే అది దేశీయ సిగరెట్ తయారీదారులకు ప్రతికూలంగా మారుతుందని విశ్లేషకులు అంటున్నారు. పరోక్షంగా ఈ రంగంలోకి వచ్చే నిధుల ప్రవాహానికి కూడా బ్రేక్ పడుతుందంటున్నారు. అంతేకాదు, పొగాకు నియంత్రణకు కట్టుబడి ఉన్న దేశంగా భారత్‌ను నిలబెడుతుంది. కాగా, ఈ ప్రతిపాదనపై సిగరెట్ల తయారీ సంస్థ గాడ్‌ఫ్రే ఫిలిప్స్ ఇప్పటికే తీవ్ర ఆందోళన వ్యక్తం చేసింది.


 ముంబై: పొగాకు రంగంలో విదేశీ ప్రత్యక్ష పెట్టుబడులను పూర్తిగా  నిషేధించేందుకు కేంద్రం యోచిస్తోందన్నవార్తలతో   టుబాకో షేర్లలో  ఒక్కసారిగా పొగ' మొదలైంది.  ఎఫ్డీఐలను నిషేధించే ప్రతిపాదనకు కేంద్ర కేబినెట్ త్వరలో ఆమోద ముద్ర వేయనుందని సమాచారం. పొగాకు ఉత్పత్తులదారులకు భారీ షాక్ తగిలింది.  ఎఫ్‌డీఐలను పూర్తి నిషేధించే అవకాశాలు ఉన్నాయన్న వార్తలతో మార్కెట్లో  మదుపర్లు తీవ్ర ఆందోళనకు గురయ్యారు.దీంతో తీవ్ర అమ్మకాల ఒత్తిడి నెలకొంది.  ఫ్రాంచైజీ లైసెన్సింగ్ రద్దు,  ట్రేడ్మార్క్, బ్రాండ్ నేం ఇతర రూపాల్లో మొత్త పెట్టుబడులను  ని షేధించనుంది. అలాగే పరోక్ష పెట్టుబడుల అవకాశాలను పూర్తిగా నిరోధించనుంది. వాణిజ్య పరిశ్రమ మంత్రిత్వ శాఖ ఈ ప్రతిపాదనలను   క్యాబినెట్ కోసం పంపినట్టు సంబంధిత అధికారులు పీటీఐకి తెలిపారు.  ఈ ప్రతిపాదన క్యాబినెట్ ఆమోదం పొందితే దేశీయ సిగరెట్ తయారీదారులు ఒక ఎదురుదెబ్బ కావచ్చువిశ్లేషకులు భావిస్తున్నారు.
 విదేశీ ప్రత్యక్ష పెట్టుబడులను నిషేధించనున్నారన్న వార్తలతో.. గాడ్‌ఫ్రే ఫిలిప్ లోయర్ సర్క్యూట్ ను నమోదు చేసింది.దాదాపు  20శాతం శాతం పడిపోయింది. గోల్డెన్ టుబాకో షేర్ ధర 2,శాతం. ఐటీసీ 3.58 శాతం కొఠారి ప్రొడక్ట్ 0.82 శాతం నష్టపోగా  వీఎస్‌టీ ఇండస్ట్రీస్ షేర్ ధర మాత్రం 3 శాతం పైగా (3.94) లాభపడటం విశేషం.  
 
 
  


  న్యూఢిల్లీ: కేంద్ర ప్రభుత్వం తాజాగా రూ.100 కోట్ల విలువైన ఏడు ఎఫ్‌డీఐ ప్రతిపాదనలకు పచ్చజెండా ఊపింది. నాలుగింటిని తిరస్కరించింది. కాగా వచ్చిన ప్రతిపాదనల సంఖ్య 19గా ఉంది. కేంద్రం ఆమోదం తెలిపిన వాటిల్లో ఆక్స్‌ఫర్డ్ యూనివర్సిటీ ప్రెస్, డాక్టర్ రెడ్డీస్ లేబొరేటరీస్ వంటి ప్రతిపాదనలు ప్రధానమైనవి. కే వలం ఈ రెండు ఎఫ్‌డీఐ ప్రతిపాదనల విలువ రూ.90 కోట్లుగా ఉంది. ఇక ఆమోదం పొందిన మిగతా వాటిల్లో బీజేఎం గ్రూప్ ఇండియా, క్రెస్ట్ ప్రెమిడియా సొల్యూషన్స్, ఫ్యాన్స్ ఆసియా, ఫ్లాగ్ టెలికం సింగపూర్, బర్రాకుడా కమౌఫ్లగె వంటివి ఉన్నాయి. ఆర్థిక వ్యవహారాల కార్యదర్శి శక్తికాంత దాస్ నేతృత్వంలోని ఫారిన్ ఇన్వెస్ట్‌మెంట్ ప్రమోషన్ బోర్డు (ఎఫ్‌ఐపీబీ) ఈ ప్రతిపాదనలకు ఆమోదముద్ర వేసింది.


 యాక్సిస్ బ్యాంక్‌లో అధిక పెట్టుబడులు
 న్యూఢిల్లీ: విదేశీ ఇన్వెస్టర్లు ఈ ఏడాది జూలై-సెప్టెంబర్ క్వార్టర్‌లో రూ.34,000 కోట్ల విలువైన సెన్సెక్స్ కంపెనీల షేర్లను కొనుగోలు చేశారు. ఈ ఆర్థిక సంవత్సరం రెండో క్వార్టర్లో విదేశీ ఇన్వెస్టర్లు 17 సెన్సెక్స్ కంపెనీల్లో తమ వాటాను పెంచుకున్నారు. అయితే ఇదే కాలంలో 12 సెన్సెక్స్ కంపెనీల్లో తమ వాటాను తగ్గించుకున్నారు. ఈ 12 కంపెనీల్లో వీరు 6,180 కోట్ల షేర్లను విక్రయించారు. నికరంగా ఈ క్వార్టర్లో విదేశీ ఇన్వెస్టర్ల సెన్సెక్స్ కంపెనీల పెట్టుబడులు రూ.27,700 కోట్లుగా ఉన్నాయి. ఒక కంపెనీ గణాంకాలు లభ్యం కాలేదు. ఈ క్వార్టర్‌లో విదేశీ ఇన్వెస్టర్ల సెన్సెక్స్ కంపెనీల పెట్టుబడులకు సంబంధించి కొన్ని ముఖ్యాంశాలు...
 ⇔ సెన్సెక్స్ కంపెనీల్లో అధికంగా విదేశీ ఇన్వెస్టర్ల పెట్టుబడులు యాక్సిస్ బ్యాంక్‌లోకి వచ్చాయి. ఏప్రిల్-జూన్ క్వార్టర్‌లో 45.81 శాతంగా ఉన్న ఈ కంపెనీలో విదేశీ ఇన్వెస్టర్ల పెట్టుబడులు జూలై-సెప్టెంబర్ క్వార్టర్లో 4.94 శాతం పెరిగి 50.75 శాతానికి చేరాయి.
 ⇔ రిలయన్స్ ఇండస్ట్రీస్‌లో వీరి పెట్టుబడులు 8.24 శాతం నుంచి 12.86 శాతానికి వృద్ధి చెందాయి.
 ⇔ అదానీ పోర్ట్స్ అండ్ స్పెషల్ ఎకనామిక్ జోన్, హీ రో మోటొకార్ప్, టాటా మోటార్స్, డాక్టర్ రెడ్డీస్ ల్యాబ్స్ కంపెనీల్లో వీరి పెట్టుబడులు పెరిగాయి.
 ⇔ ఐసీఐసీఐ బ్యాంక్, సన్ ఫార్మా, ఇన్ఫోసిస్, గెయిల్ ఇండియా తదితర కంపెనీల్లో వీరి పెట్టుబడులు తగ్గాయి.


 • నిబంధనలను సడలించిన ఆర్‌బీఐ
 • ఎఫ్‌వీసీఐలకు అడ్డంకుల తొలగింపు
 • మరిన్ని ఆర్థిక సేవల్లో 100% ఎఫ్‌డీఐలకూ వీలు
  ముంబై: ప్రభుత్వం, విధాన నిర్ణేతలు అత్యధిక ప్రాధాన్యత ఇస్తున్న స్టార్టప్స్‌లోకి మరింతగా విదేశీ ప్రత్యక్ష పెట్టుబడులను (ఎఫ్‌డీఐ) ఆకర్షించడం లక్ష్యంగా నిబంధనలను రిజర్వ్ బ్యాంక్ ఆఫ్ ఇండియా (ఆర్‌బీఐ) గురువారం సడలించింది.   దేశంలోకి విదేశీ ప్రత్యక్ష పెట్టుబడులను (ఎఫ్‌డీఐ) మరింతగా ఆకర్షించడం, అలాగే విదేశీ వాణిజ్య రుణాల (ఈసీబీ) విధానాలను సరళతరం లక్ష్యంగాసైతం  నిర్ణయాలు తీసుకుంది. ఈ మేరకు వేర్వేరు నోటిఫికేషన్లను విడుదల చేసింది. దీనిప్రకారం..
 స్టార్టప్స్‌కు ఎఫ్‌వీసీఐల బాసట..
 ఇకపై ఫారిన్ వెంచర్ క్యాపిటల్ ఇన్వెస్టర్లు (ఎఫ్‌వీసీఐ) ఆర్‌బీఐ ముందస్తు అనుమతి లేకుండా భారత్ స్టార్టప్స్‌లో పెట్టుబడులు పెట్టే వీలుంది. సెబీ వద్ద రిజిస్టరయిన ఎఫ్‌వీసీఐలు బయోటెక్నాలజీ, నానో-టెక్నాలజీ, డెయిరీ, పౌల్ట్రీ, బయో ఫ్యూయెల్స్  ఉత్పత్తి, హోటల్స్ కమ్ కన్వెన్షన్ సెంటర్లు,  హార్డ్‌వేర్, సాఫ్ట్‌వేర్ డెవలప్‌మెంట్, విత్తన పరిశోధనా-అభివృద్ధి  వంటి అన్‌లిస్టెడ్ కంపెనీల్లో ఆర్‌బీఐ అనుమతి లేకుండా ఎఫ్‌వీసీఐలు పెట్టుబడులు పెట్టే వీలుంది.
 ఆయా రంగాలకు సంబంధించి ఒక ఇండియన్ స్టార్టప్స్ జారీ చేసిన ఈక్విటీ లేదా ఈక్విటీ ఆధారిత ఇన్‌స్ట్రమెంట్ లేదా డెట్ ఇన్‌స్ట్‌మ్రెంట్‌లో ఎఫ్‌వీసీఐలు పెట్టుబడులు పెట్టవచ్చు. లావాదేవీల నిర్వహణకు ఎఫ్‌వీసీఐలు ఫారిన్ కరెన్సీ అకౌంట్ లేదా రూపీ అకౌంట్ ప్రారంభించవచ్చు. ఎఫ్‌వీసీఐ కలిగిఉన్న ఎటువంటి సెక్యూరిటీ లేదా ఇన్‌స్ట్రమెంట్‌నైనా దేశ, విదేశాల్లో వ్యక్తులకు బదలాయించడానికి సైతం ఎటువంటి ఇబ్బందీ ఉండబోదు.
 మరిన్ని ఆర్థిక సేవల్లో 100 శాతం ఎఫ్‌డీఐలు
 రెగ్యులేటర్ల ఆమోదాలకు లోబడి మరిన్ని ఫైనాన్షియల్ సేవల్లోకి 100 శాతం విదేశీ ప్రత్యక్ష పెట్టుబడులకు అనుమతినిస్తూ (ఎఫ్‌డీఐ) ఆర్‌బీఐ గురువారం ఒక నోటిఫికేషన్‌ను జారీ చేసింది. ఈ సంస్కరణల అంశాలను ఆర్థికమంత్రి అరుణ్‌జైట్లీ 2016-17 బడ్జెట్‌లో వివరించారు. మర్చెంట్ బ్యాంకింగ్, అండర్ రైటింగ్, పోర్టిఫోలియో మేనేజ్‌మెంట్ సేవలు, ఫైనాన్షియల్ కన్సల్టెన్సీ అండ్ స్టాక్ బ్రోకింగ్‌సహా 18 నాన్‌బ్యాంకింగ్ ఫైనాన్షియల్ సంస్థల (ఎన్‌బీఎఫ్‌సీ) కార్యకలాపాల్లో ఆటోమేటిక్ రూట్‌లో 100 శాతం ఎఫ్‌డీఐలకు ప్రస్తుతం అనుమతి ఉంది. ఎన్‌బీఎఫ్‌సీలు నిర్వహించే ‘ఇతర ఫైనాన్షియల్ సేవల్లో’ 100 శాతం ఎఫ్‌డీఐలకు అనుమతి ఇస్తున్నట్లు నోటిఫికేషన్ తెలిపింది. ఇది దేశంలోకి మరింత మొత్తంలో ఎఫ్‌డీఐలను ఆకర్షించడానికి దోహదపడే అంశం.
 ఈసీబీల విషయంలో బ్యాంకులకు అధికారాలు...
 ఇకపై ఏ రుణ గ్రహీత అయినా ఈసీబీ కాలవ్యవధి (టెన్యూర్) సమయంలో రుణ రీపేమెంట్ షెడ్యూల్ మార్పును కోరితే, దానిని బ్యాంకులు నేరుగా ఆమోదించే అవకాశం ఏర్పడుతుంది. అలాగే రుణాన్ని ఈక్విటీల్లోకి మార్చడానికి అధికారాలనూ బ్యాంకులకు బదిలీ చేసింది. కొన్ని ప్రమాణాలకు లోబడి బ్యాంకులు ఆయా నిర్ణయాలు తీసుకోవాల్సి ఉంటుంది. విదేశీ బ్రాంచీలు లేక అనుబంధ సంస్థలు భారత్ బ్యాంకింగ్ వ్యవస్థ నుంచి రుణ సదుపాయం పొందిన ఈసీబీ రుణ గ్రహీత విషయంలో చెల్లించని ఈసీబీ రీపేమెంట్ షెడ్యూల్ మార్పు, లేదా ఈక్విటీల్లోకి బదలాయింపు వంటి అంశాల విషయంలో నిర్దిష్ట, పారదర్శక ప్రమాణాలను పాటించాలని తాజా నోటిఫికేషన్‌లో రిజర్వ్ బ్యాంక్ బ్యాంకులకు స్పష్టం చేసింది.
 మరికొన్ని విశేషాలు చూస్తే...
 ⇔ అంతర్జాతీయ అంశాలపై సమీక్ష: గవర్నర్ ఉర్జిత్ పటేల్ నేతృత్వంలో గురువారం జరిగిన ఆర్‌బీఐ సెంట్రల్ బోర్డ్  సమావేశం- దేశీయ, అంతర్జాతీయ అంశాలపై సమీక్ష నిర్వహించింది. కేంద్రం ఆర్థికశాఖ ఉన్నతాధికారులూ సమావేశంలో పాల్గొన్నారు.
 ⇔ ట్రేడ్ లావాదేవీలపై ఆంక్షలు: రూపీ డ్రాయింగ్ ఎరేంజ్‌మెంట్స్ కింద ట్రేడ్ లావాదేవీలకు సంబంధించి లావాదేవీకి రూ.15 లక్షలు దాటరాదు. ప్రభుత్వం-ఆర్‌బీఐ చర్చల అనంతరం ఈ నిర్ణయం తీసుకోవడం జరిగింది.
 ⇔ క్రెడిట్ అగ్రికోల్‌పై జరిమానా: సేవల విషయంలో నియమ నిబంధనలను ఉల్లంఘించినందుకుగాను క్రెడిట్ అగ్రికోల్ కార్పొరేట్ అండ్ ఇన్వెస్ట్‌మెంట్ బ్యాంక్ (ఇండియా)పై రూ.కోటి జరిమానాను విధించినట్లు ఆర్‌బీఐ తెలిపింది.


 ♦ 90 శాతం ఎఫ్‌డీఐలకు ద్వారాలు తెరిచిన దేశం మనదే
 ♦ ప్రభుత్వ చర్యల వల్లే భారత్ స్థానం మెరుగు
 ♦ ఆర్థిక మంత్రి ఆరుణ్ జైట్లీ...
 ముంబై: అంతర్జాతీయ ఆర్థిక మందగమనం వల్ల ఎదురయ్యే ప్రతికూల ప్రభావాలను దేశీయంగా చేపట్టే సంస్కరణలు తేలిక పరుస్తాయని కేంద్ర ఆర్థిక మంత్రి అరుణ్ జైట్లీ అన్నారు. ఆర్థిక రంగానికి, పెట్టుబడులకు ఊతమిచ్చే విధానపరమైన చర్యలు కొనసాగుతాయని చెప్పారు. గోవాలో ఈ నెల 15, 16వ తేదీల్లో బ్రిక్స్ (బ్రెజిల్, రష్యా, భారత్, చైనా, దక్షిణాఫ్రికా) దేశాల సదస్సు జరగనుండగా... దానికి ముందు గురువారం ముంబైలో బ్రిక్స్ పెట్టుబడుల సదస్సు ఏర్పాటు చేశారు. ఈ సదస్సుకు జైట్లీ హాజరై మాట్లాడారు.
 ‘90 శాతం రంగాల్లోకి ఆటోమేటిక్ మార్గంలో విదేశీ ప్రత్యక్ష పెట్టుబడుల(ఎఫ్‌డీఐ)కు ప్రభుత్వం అవకాశం కల్పించింది. ప్రపంచంలో అత్యధికంగా ఎఫ్‌డీఐకి ద్వారాలు తెరిచిన దేశం మనదే. 90 శాతం ఎఫ్‌డీఐ ఆటోమేటిక్ మార్గంలో వస్తోంది. విదేశీ పెట్టుబడుల ప్రోత్సాహక బోర్డు వద్ద  పెండింగ్‌లో ఉన్న ఎఫ్‌డీఐ కేసు ఒక్కటీ లేదు. మోదీ అధికారం చేపట్టిన తర్వాత దేశంలో వ్యాపార నిర్వహణచాలా వరకు సులభంగా మారింది’ అని జైట్లీ వివరించారు.
  ప్రభుత్వ చర్యల ఫలితమే...
 వ్యాపార సులభతర నిర్వహణ, అంతర్జాతీయంగా పోటీతత్వ సూచీల్లో భారత్ స్థానం గత కొన్నేళ్లలో గణనీయంగా మెరుగుపడిందని జైట్లీ అన్నారు. ప్రభుత్వం చేపట్టిన విధానపరమైన చర్యల వల్లే ఇది సాధ్యమైందని చెప్పారు. విధానపరమైన సంస్కరణలు, నిర్ణయాలు ఏవైనా గానీ ఆర్థిక కార్యకలాపాలను వేగవంతం చేయడంతోపాటు దేశాన్ని పెట్టుబడులకు అనుకూలంగా మార్చేందుకేనన్నారు. పెట్టుబడులకు అనుకూలంగా మలచుకునే విషయంలో రాష్ట్రాల మధ్య పోటీని జైట్లీ ప్రశంసించారు.
  బ్రిక్స్ దేశాల మధ్య మరింత సహకారం
 బ్రిక్స్ దేశాల మధ్య సహకారం గతంలో కంటే మెరుగైందని జైట్లీ చెప్పారు. మరిన్ని రంగాల్లో సహకార విస్తరణకు వీలుగా బ్రిక్స్ దేశాల మధ్య క్రమం తప్పకుండా సమావేశాలు జరగాలని సూచించారు. బ్రిక్స్ దేశాలు చాలా సవాళ్లను ఎదుర్కొంటున్నాయన్నారు. ప్రపంచ జనాభాలో 40 శాతం ఈ ఐదు దేశాల్లోనే ఉందని, ప్రపంచ జీడీపీలో గణనీయమైన భాగం ఈ దేశాలదేనన్నారు. ఎఫ్‌డీఐలు సైతం ఈ దేశాల మధ్య గణనీయంగా ఉన్నాయని పేర్కొన్నారు.


 వెలుగులో వడ్డీరేట్ల ప్రభావిత షేర్లు
 న్యూఢిల్లీ:  ఆర్‌బీఐ పాలసీ, తయారీ, సేవల రంగానికి సంబంధించిన గణాంకాలు, భారత్-పాక్ సరిహద్దుల్లో ఉద్రిక్తతలు ఈ వారం మార్కెట్ గమనాన్ని నిర్దేశిస్తాయని నిపుణులంటున్నారు. మంగళవారం(ఈ నెల 4న) జరిగే ద్రవ్య విధాన సమావేశంలో రేట్ల కోత ఉండొచ్చనే అంచనాలు నెలకొన్నాయి. వడ్డీరేట్ల ప్రభావిత షేర్లు వెలుగులో ఉంటాయని ట్రేడ్ స్మార్ట్ ఆన్‌లైన్ డెరైక్టర్ విజయ్ సింఘానియా చెప్పారు. సెప్టెంబర్ నెల వాహన విక్రయ వివరాలు వెల్లడైనందున వాహన షేర్లపై ఇన్వెస్టర్ల దృష్టి ఉంటుందని వివరించారు. స్వల్పకాలంలో మార్కెట్ కదలికలకు ఆర్‌బీఐ పాలసీ దిశా నిర్దేశం చేస్తుందని శామ్‌కో సెక్యూరిటీస్ సీఈఓ జిమీతీ మోది చెప్పారు.
  
 సోమవారం(ఈ నెల 3న)వెలువడే తయారీ రంగ పర్ఛేజింగ్ మేనేజర్ ఇండెక్స్(పీఎంఐ), బుధవారం(ఈ నెల 5న)వెలువడే సేవల రంగ పీఎంఐ గణాంకాలు, విదేశీ ఇన్వెస్టర్ల పెట్టుబడుల సరళి కూడా ట్రేడింగ్‌పై ప్రభావం చూపుతాయి.   డాయిష్ బ్యాంక్ షేర్ ధర, అంతర్జాతీయ మార్కెట్లో ముడి చమురు ధరల గమనం మార్కెట్ కదలికలపై ప్రభావం చూపుతుందని జైఫిన్ అడ్వైజర్స్ చీఫ్ దేవేంద్ర నేవ్‌గి చెప్పారు. భారత్-పాక్ మధ్య ఉద్రిక్తతల కారణంగా మార్కెట్లో ఒడిదుడుకులు చోటు చేసుకోవచ్చని వివరించారు. ఇక అంతర్జాతీయ అంశాల పరంగా చూస్తే, అమెరికాలో వ్యవసాయేతర ఉద్యోగ గణాంకాలు శుక్రవారం(ఈ నెల 7న) వస్తాయి.
  
 విదేశీ పెట్టుబడులు.. 11 నెలల గరిష్టం: విదేశీ ఇన్వెస్టర్లు గత నెలలో రూ.20,233 కోట్లు మన క్యాపిటల్ మార్కెట్లో పెట్టుబడులు పెట్టారు. గత 11 నెలల్లో ఇదే గరిష్ట స్థాయి. డిపాజిటరీల గణాంకాల ప్రకారం విదేశీ ఇన్వెస్టర్లు స్టాక్ మార్కెట్లో రూ.10,443 కోట్లు, డెట్ మార్కెట్లో రూ.9,789 కోట్లు చొప్పున ఇన్వెస్ట్ చేశారు.  కార్పొరేట్ బాండ్లలో నేరుగా పెట్టుబడుల పెట్టడానికి విదేశీ ఇన్వెస్టర్లను సెబీ అనుమతించడంతో విదేశీ పెట్టుబడుల జోరు కొనసాగుతుందని నిపుణులంటున్నారు.
 
 జీఎస్‌టీ అమలులో పురోగతి, కంపెనీలు ఆర్థిక ఫలితాలు బాగా ఉండడం, గత నెలలో అమెరికా ఫెడరల్ రిజర్వ్ రేట్లను పెంచకపోవడం,  కరెంట్ అకౌంట్ లోటు తగ్గడం వంటి కారణాల వల్ల విదేశీ పెట్టుబడుల ప్రవాహం కొనసాగుతోందని వారంటున్నారు. కాగా ఈ ఏడాదిలో ఇప్పటివరకూ విదేశీ ఇన్వెస్టర్లు స్టాక్ మార్కెట్లో రూ.51,293 కోట్లు, డెట్ మార్కెట్లో రూ.2,441 కోట్లు పెట్టుబడులు పెట్టారు.


 న్యూఢిల్లీ: విదేశీ ప్రత్యక్ష పెట్టుబడు(ఎఫ్‌డీఐ)ల కు  సంబంధించి 11 ప్రతిపాదనలకు ప్రభుత్వం ఆమోదం తెలిపింది. వీటి విలువ రూ.2,325 కోట్లు. షేర్‌ఖాన్ లిమిటెడ్ వంద శాతం వాటాను బీఎన్‌పీ పారిబాకు విక్రయించే ఎఫ్‌డీఐ ప్రతిపాదనకు ప్రభుత్వం పచ్చజెండా ఊపింది.  ఈ ఎఫ్‌డీఐ విలువల రూ.2,060 కోట్లు. ఐడియా సెల్యులర్ ఇన్‌ఫ్రాస్ట్రక్చర్ సర్వీసెస్ ప్రతిపాదనపై నిర్ణయాన్ని వాయిదా వేసింది. రూ.253కోట్ల పెర్రిగో ఇండియా, పెపె జీన్స్, ఐబీఎమ్ తదితర ఎఫ్‌డీఐ ప్రతిపాదనలకు ఆమోదం లభించింది.
 ఆర్థిక వ్యవహారాల కార్యదర్శి శక్తికాంత దాస్ అధ్యక్షతన గల విదేశీ పెట్టుబడుల ప్రోత్సాహక బోర్డ్(ఫారిన్ ఇన్వెస్ట్‌మెంట్ ప్రమోషన్ బోర్డ్-ఎఫ్‌ఐపీబీ) మొత్తం 18 ఎఫ్‌డీఐ ప్రతిపాదలను పరిశీలించింది. నాలుగు ప్రతిపాదనలను తిరస్కరించింది. మరింత సమాచారం కావాలంటూ ఐడియా, ఫ్లాగ్ టెలికం ప్రతిపాదనలపై నిర్ణయాన్ని వాయిదా వేసింది. రూ.95 కోట్ల విలువైన మోర్గాన్ స్టాన్లీ ఎఫ్‌డీఐ ప్రతిపాదనను ఆటోమేటిక్ రూట్‌లో ఆమోదించింది. 2013-14 ఆర్థిక సంవత్సరంలో 3,600 కోట్ల ఎఫ్‌డీఐలు, గత  ఆర్థిక సంవత్సరంలో 5,546 కోట్ల డాలర్ల ఎఫ్‌డీఐలు వచ్చాయి.


  
 
  ఏఓఐ ఎస్‌సీజెడ్‌ జాతీయ కార్యదర్శి నరసింహారావు 
 
 నెల్లూరు(అర్బన్‌) : ప్రభుత్వ రంగంలో నడుస్తున్న ఎల్‌ఐసీలోకి విదేశీ పెట్టుబడులను అనుమతించబోమని ఏజెంట్స్‌ ఆఫ్‌ ఆర్గనైజేషన్‌ (ఏఓఐ) సౌత్‌ సెంట్రల్‌ జోన్‌ జాతీయ కార్యదర్శి నరసింహారావు పేర్కొన్నారు. స్థానిక మినీబైపాస్‌రోడ్డులోని శ్రీహరి భవన్‌లో నెల్లూరు డివిజన్‌(నెల్లూరు, చిత్తూరు, ప్రకాశం) ఏఓఐ ఈసీ మెంబర్ల సమావేశాన్ని శుక్రవారం నిర్వహించారు. ముఖ్యఅతిథిగా హాజరైన నరసింహారావు మాట్లాడారు. ఎల్‌ఐసీ సేకరించిన నిధులను ప్రభుత్వ సంక్షేమ పథకాలకు అతి తక్కువ వడ్డీకి ఇస్తుందన్నారు. దేశంలోని లక్షలాది మంది ఏజెంట్ల ఉపాధి భద్రతకు ఏఓఐ కృషి చేస్తుందన్నారు.  సంఘం రాష్ట్ర కోశాధికారి అప్పల నాయుడు మాట్లాడుతూ పార్లమెంట్‌లో ఎల్‌ఐసీ ఏఓఐ తరుపున ఏజెంట్ల సంక్షేమం కోసం ఎంపీ సంపత్‌ ప్రైవేటు బిల్లు పెట్టారని గుర్తు చేశారు. ఈ కార్యక్రమంలో రాష్ట్ర నాయకులు రాధాకృష్ణ, బాలచందర్, డివిజనల్‌ కార్యదర్శి ఎం నరసింహారావు, దేవరకొండ శ్రీనివాసులు తదితరులు పాల్గొన్నారు. 
  


 * మాతృ సంస్థ నుంచి రూ. 47,700 కోట్ల నిధులు
 * భారత్‌లోకి అతిపెద్ద ఎఫ్‌డీఐగా రికార్డు
 ముంబై: రిలయన్స్ జియో ప్రవేశంతో టెలికం మార్కెట్లో పోటీపెరిగిన నేపథ్యంలో వొడాఫోన్ ఇండియాకు బ్రిటన్ మాతృసంస్థ వొడాఫోన్ నుంచి భారీ పెట్టుబడులు వచ్చాయి. తాజా మూలధనం రూపంలో రూ. 47,700 కోట్ల నిధులు అందినట్లు గురువారం వొడాఫోన్ ఇండియా ఎండీ సునీల్ సూద్ చెప్పారు. పబ్లిక్ ఇష్యూ ద్వారా భారీగా నిధులు సమీకరించాలన్న ప్రణాళికను ఇంతకుమునుపు కంపెనీ ప్రకటించింది. అయితే తక్షణ అవసరాల కోసం మాతృసంస్థ హుటాహుటిన ఈ పెట్టుబడులు పంపించింది.
 
 భారత్‌లోకి వచ్చిన అతిపెద్ద విదేశీ ప్రత్యక్ష పెట్టుబడి (ఎఫ్‌డీఐ) ఇదేనని సూద్ చెప్పారు. రుణాన్ని తీర్చడానికి, వచ్చేవారం నుంచి ప్రారంభంకానున్న స్పెక్ట్రం వేలంలో బిడ్ చేసేందుకు ఈ నిధులు ఉపయోగిస్తామన్నారు. కంపెనీకి ప్రస్తుతం రూ. 25,000 కోట్ల రుణ భారం వుంది.


 * విదేశీ పెట్టుబడులు, ఉపాధి అవకాశాలే లక్ష్యం
 * హైకోర్టుకు నివేదించిన అడ్వొకేట్ జనరల్ దమ్మాలపాటి
 సాక్షి, హైదరాబాద్: ‘‘రాజధాని ప్రాంత అభివృద్ధి ప్రాజెక్టును రియల్ ఎస్టేట్ ప్రాజెక్టుగా భావించిన సింగిల్ జడ్జి మొత్తం ప్రక్రియను నిలిపేస్తూ మధ్యంతర ఉత్తర్వులిచ్చారు. వాస్తవానికి మేం చేపడుతున్నది రియల్ ఎస్టేట్ ప్రాజెక్టు ఎంతమాత్రం కాదు. అభివృద్ధి, నిర్మాణాలతోపాటు విదేశీ పెట్టుబడుల్ని ఆకర్షించి, ఉపాధి అవకాశాల కల్పనకోసం ఉద్దేశించింది’’ అని అడ్వొకేట్ జనరల్(ఏజీ) దమ్మాలపాటి శ్రీనివాస్ ఉమ్మడి హైకోర్టుకు నివేదించారు.
 
 స్విస్ చాలెంజ్ పద్ధతిన రాజధాని ప్రాంత అభివృద్ధికి సంబంధించి ప్రభుత్వం చేపట్టిన బిడ్డింగ్ ప్రక్రియను నిలిపేస్తూ సింగిల్ జడ్జి జస్టిస్ రామచంద్రరావు ఈనెల 12న మధ్యంతర ఉత్తర్వులు జారీచేయడం తెలిసిందే. ఈ ఉత్తర్వుల అమలును నిలిపేయాలంటూ రాష్ట్రప్రభుత్వం, సీఆర్‌డీఏలు సంయుక్తంగా అప్పీలు దాఖలు చేశాయి. దీనిపై తాత్కాలిక ప్రధాన న్యాయమూర్తి(ఏసీజే) జస్టిస్ రమేశ్ రంగనాథన్, న్యాయమూర్తి జస్టిస్ ఉప్మాక దుర్గాప్రసాదరావులతో కూడిన ధర్మాసనం గురువారం విచారణ చేపట్టింది. ప్రభుత్వం తరఫున ఏజీ దమ్మాలపాటి శ్రీనివాస్ వాదనలు వినిపించారు. విచారణ శుక్రవారానికి వాయిదా పడింది.


 బక్రీద్ సందర్భంగా మంగళవారం సెలవు
 * ట్రేడింగ్ నాలుగు రోజులే
 * ఐఐపీ, ద్రవ్యోల్బణం గణాంకాల ప్రభావం
 న్యూఢిల్లీ: ఈ వారంలో వెలువడే పారిశ్రామికోత్పత్తి, ద్రవ్యోల్బణం గణాంకాలు స్టాక్ మార్కెట్‌పై ప్రభావం చూపుతాయని మార్కెట్ విశ్లేషకులంటున్నారు.  ఈ గణాంకాలతో పాటు రుతుపవనాల గమనం, అంతర్జాతీయంగా స్టాక్ మార్కెట్ల పోకడ, విదేశీ ఇన్వెస్టర్ల పెట్టుబడులు, డాలర్‌తో రూపాయి మారకం కదలికలు, అంతర్జాతీయ మార్కెట్లో ముడి చమురు ధరల్లో హెచ్చుతగ్గులు తదితర అంశాలు కూడా మార్కెట్ గమనాన్ని నిర్దేశిస్తాయని ట్రేడ్ స్మార్ట్ ఆన్‌లైన్ డెరైక్టర్ విజయ్ సింఘానియా పేర్కొన్నారు. కాగా బక్రీద్ సందర్భంగా ఈ నెల 13న(మంగళవారం) సెలవు కారణంగా స్టాక్ మార్కెట్ ట్రేడింగ్ నాలుగు రోజులకే పరిమితం కానున్నది.
  
 లాభాల స్వీకరణ
 ఇటీవల స్టాక్ సూచీలు బాగా పెరిగాయని, అందుకని పై స్థాయిల్లో లాభాల స్వీకరణ చోటు చేసుకోవచ్చని  సింఘానియా అంచనా వేస్తున్నారు. స్టాక్ మార్కెట్ గరిష్ట స్థాయిలో ఉన్నప్పుడు కొంత స్తబ్ధత లేదా క్షీణత సాధారణమేనన్నారు. రానున్న సెషన్లలో పై స్థాయిల్లో లాభాల స్వీకరణ తప్పదని, మార్కెట్లో ఒడిదుడుకులు చోటు చేసుకుంటాయని ట్రేడ్‌బుల్స్ చీఫ్ ఆపరేటింగ్ ఆఫీసర్ ధ్రువ్ దేశాయ్ పేర్కొన్నారు. పటిష్టమైన ఫండమెంటల్స్ కారణంగా వాహన, ఫార్మా షేర్లు పెరగవచ్చనేది ఆయన అంచనా.
  
 నేడు టాటా స్టీల్ ఫలితాలు
 సోమవారం టాటా స్టీల్ క్యూ1 ఫలితాలు వెలువడనున్నాయి. ఇక మంగళవారం కోల్ ఇండియా క్యూ1 ఫలితాలను ప్రకటిస్తుంది. ఈ కంపెనీలతో పాటు రిలయన్స్ కమ్యూనికేషన్స్, నాల్కో, రిలయన్స్ పవర్, రిలయన్స్ ఇన్‌ఫ్రా, సీఈఎస్‌సీ, ఎన్‌బీసీసీ, ఎంఎంటీసీ, రోల్టా, యూనిటెక్ కంపెనీలు కూడా ఈ వారంలోనే క్యూ1 ఫలితాలను వెల్లడించనున్నాయి.
 
 ఇక అంతర్జాతీయ అంశాల విషయానికొస్తే, బ్యాంక్ ఆఫ్ ఇంగ్లాండ్ తన ద్రవ్య విధానాన్ని ఈ గురువారం(ఈ నెల 15న) వెల్లడించనున్నది. అదే రోజు ఆగస్టు నెలకు సంబంధించిన అమెరికా పారిశ్రామికోత్పత్తి గణాంకాలు, రిటైల్ అమ్మకాల గణాంకాలు వెలువడుతాయి. భారత క్యాపిటల్ మార్కెట్లో(స్టాక్స్,బాండ్‌లలో) ఈ నెలలో ఇప్పటివరకూ విదేశీ ఇన్వెస్టర్లు వంద కోట్ల డాలర్ల (రూ.6,800 కోట్లు)వరకూ  పెట్టుబడులు పెట్టారు.
  
 ఈ వారం ఈవెంట్స్...
 12 సోమవారం
 రిటైల్ ద్రవ్యోల్బణం(ఆగస్టు) గణాంకాలు
 జూలై పారిశ్రామికోత్పత్తి గణాంకాలు
 టాటా స్టీల్ క్యూ1 ఫలితాలు
  1
 3 మంగళవారం
 బక్రీద్.. మార్కెట్‌కు సెలవు
 కోల్ ఇండియా క్యూ1 ఫలితాలు
 14 బుధవారం
 టోకు ధరల ద్రవ్యోల్బణ గణాంకాలు
 15 గురువారం
 బ్యాంక్ ఆఫ్ ఇంగ్లాండ్ పాలసీ
  అమెరికా ఐఐపీ, రిటైల్ అమ్మకాల గణాంకాలు


 న్యూఢిల్లీ:  దేశీయ చిల్లర వర్తకులు విదేశీ కంపెనీలతో పోటీ పడేలా, రైతులు స్వయం సమృద్ధి సాధించేంత వరకు బహుళ బ్రాండ్‌ల చిల్లర వర్తకంలోకి విదేశీ ప్రత్యక్ష పెట్టుబడులు (ఎఫ్‌డీఐ) అనుమతించడం సాధ్యం కాదని కేంద్ర వాణిజ్య శాఖ మంత్రి నిర్మలా సీతారామన్ స్పష్టం చేశారు. ప్రస్తుత పరిస్థితుల్లో దేశీయ వాల్‌మార్ట్‌లను ఏర్పాటు చేయాల్సి ఉందన్నారు. బుధవారం ఢిల్లీలో జరిగిన ది ఎకనమిస్ట్ ఇండియా సదస్సు 2016లో ఈ మేరకు ఆమె మాట్లాడారు.
 ఈ సందర్భంగా చిల్లర వర్తకంలోకి ఎఫ్‌డీఐలను ఎందుకు అనుమతించకూడదు? అన్న ప్రశ్నకు నిర్మలా సీతారామన్ బదులిచ్చారు. ‘దేశంలో చివరి వరకు అనుసంధానత లేదు, మౌలిక వసతులు సరిగా లేవు. రైతులు, చిన్న వర్తకులకు ఆర్థిక సేవలు ఇంకా పూర్తి స్థాయిలో అందడం లేదు. ఈ అంతరాలను పూడ్చాల్సి ఉంది. ప్రస్తుత ప్రభుత్వం దీనిపైనే దృష్టి పెట్టింది’ అని ఆమె వివరించారు. ఇప్పటికైతే విదేశీ ప్లేయర్లతో పోటీ పడే స్థాయిలో మనం లేమన్నారు. కాగా, ఎఫ్‌డీఐ పాలసీ ప్రకారం విదేశీ కంపెనీలు దేశీయ కంపెనీల్లో 51% వాటా తీసుకునేందుకు అనుమతి ఉంది.
 ఉచిత ఒప్పందాల పునఃపరిశీలన
 స్వేచ్ఛా వాణిజ్య ఒప్పందాల(ఎఫ్‌టీఏ)ను సమీక్షించనున్నట్టు నిర్మలాసీతామన్ చెప్పారు. గతంలో చేసుకున్న ఎఫ్‌టీఏల వల్ల ఆశించిన మేర ప్రయోజనాలు సిద్ధించలేదని వివిధ రంగాలకు చెందిన ప్రతినిధులు తమ దృష్టికి తీసుకొచ్చినట్టు పేర్కొన్నారు. వీటిపై తగినంత అవగాహన లేకపోవడం ఓ కారణమన్నారు. ఈ ఒప్పందాలను అనుకూలంగా మలుచుకుని దేశీయ ఎగుమతిదారులు లబ్ధి పొందలేకపోయినట్టు చెప్పారు. ఈ నేపథ్యంలో ఆసియా దేశాలతో జరగాల్సిన స్థాయిలో ఎగుమతులు లేవన్నారు. కనుక ఎఫ్‌టీఏలను సమీక్షిస్తామని చెప్పారు. పది దేశాల ఆసియాన్, జపాన్, కొరియా, సింగపూర్ తదితర దేశాల్లో మన దేశానికి ఉచిత వాణిజ్య ఒప్పందాలు ఉన్నాయి.


 వరుసగా ఆరో నెలలోనూ పెరిగిన మార్కెట్
 ముంబై: విదేశీ పెట్టుబడుల ప్రవాహం కొనసాగడంతో బుధవారం బీఎస్‌ఈ సెన్సెక్స్ మరో 109 పాయింట్లు ర్యాలీ జరిపి 28,452 పాయింట్ల వద్ద ముగిసింది. ఇదే బాటలో నిఫ్టీ 42 పాయింట్ల పెరుగుదలతో 8,786 పాయింట్ల వద్ద క్లోజయ్యింది. ఈ రెండు సూచీలు వరుసగా ఆరో నెలలోనూ పెరగడం విశేషం. ఆగస్టు నెలలో సెన్సెక్స్ 401 పాయింట్లు, నిఫ్టీ 148 పాయింట్ల చొప్పున ర్యాలీ జరిపాయి. కీలకమైన జీడీపీ డేటా వెలువడనున్న నేపథ్యంలో కూడా భారీ పెట్టుబడులు వెల్లువెత్తడంతో బుధవారం మార్కెట్ అప్‌ట్రెండ్ కొనసాగిందని విశ్లేషకులు తెలిపారు.
  
 వెలుగులో ఆటో షేర్లు: ఆగస్టు నెలకు అమ్మకాల డేటా గురువారం వెల్లడికానున్న సందర్భంగా ఆటోమొబైల్ షేర్లు వెలుగులో నిలిచాయి. హీరో మోటో కార్ప్ 2.13 శాతం, టాటా మోటార్స్ 1.73 శాతం చొప్పున ఎగిసాయి. బ్యాంకింగ్ షేర్లు సైతం మార్కెట్‌కు ఊతమిచ్చాయి. హెచ్‌డీఎఫ్‌సీ బ్యాంక్ 1 శాతంపైగా పెరిగి రికార్డు గరిష్టస్థాయి రూ. 1,291 వద్ద ముగి సింది. ఐసీఐసీఐ బ్యాంక్, యాక్సిస్ బ్యాంక్, ఎస్‌బీఐలు స్వల్పంగా ర్యాలీ జరిపాయి.
  
 ఫెడ్ రేట్లు పెంచినా.. మా సెన్సెక్స్ లక్ష్యం 28,800: సిటి గ్రూప్
 అమెరికా కేంద్ర బ్యాంక్ ఫెడరల్ రిజర్వ్ వడ్డీ రేట్లు పెంచినా, ఈ సంవత్సరాంతానికి తమ సెన్సెక్స్ లక్ష్యమైన 28,800 స్థాయిని కొనసాగిస్తున్నట్లు సిటిగ్రూప్ ప్రకటించింది. ఫెడ్ వడ్డీ రేట్లు డిసెంబర్‌లో పెరగవచ్చని, అయితే భారత్ ఫండమెంటల్స్ మార్కెట్‌ను ముందుకు నడిపిస్తాయని విశ్లేషించింది.
  
 20 శాతం పెరిగిన నిర్మాణ రంగ స్టాక్స్
 నిర్మాణ రంగానికి చెందిన కంపెనీల స్టాక్స్ ధరలు బుధవారం 20 శాతం వరకూ పెరిగాయి. పరిశ్రమలోని మొండిబకాయిలు, ద్రవ్య లభ్యతకు సంబంధించిన పలు అంశాలకు కేంద్ర క్యాబినెట్ ఆమోదం తెలపడం వల్ల స్టాక్ ధరలు ఎగశాయి. బీఎస్‌ఈలో హిందుస్తాన్ కన్‌స్ట్రక్షన్ షేరు 19.83 శాతం, గామన్ ఇండియా షేరు 16.55 శాతం, పుంజ్ లాయిడ్ షేరు 12 శాతం, యూనిటీ ఇన్‌ఫ్రాప్రాజెక్ట్స్ షేరు 11.14 శాతం, గామన్ ఇన్‌ఫ్రాస్ట్రక్చర్ షేరు 6.3 శాతం, కేఎన్‌ఆర్ కన్‌స్ట్రక్షన్స్ షేరు 2.86 శాతం ఎగశాయి.


 తాజా నిబంధనలకు క్యాబినెట్ ఆమోదం
 * సమస్యల పరిష్కారం, ద్రవ్య లభ్యత మెరుగు ధ్యేయం
 న్యూఢిల్లీ: రియల్టీ, నిర్మాణ రంగాలకు మరింత ఊపును ఇవ్వడానికి కేంద్ర క్యాబినెట్ బుధవారం కీలక నిర్ణయం తీసుకుంది. ఈ దిశలో తాజా నిబంధనలకు ఆమోదముద్ర వేసింది. నిర్మాణ రంగం విషయంలో వివాదాల సత్వర పరిష్కారం, నిలిచి పోయిన ప్రాజెక్టుల పునఃప్రారంభం, ఆర్థిక సహకారం లక్ష్యాలుగా తాజా నియమ నిబంధనలకు క్యాబినెట్ ఆమోదముద్ర వేసింది. ప్రదానమంత్రి నరేంద్రమోదీ నేతృత్వంలో జరిగిన  క్యాబినెట్ సమావేశం తరువాత ఆర్థికమంత్రి అరుణ్‌జైట్లీ విలేకరులతో మాట్లాడుతూ, స్థూల దేశీయోత్పత్తి (జీడీపీ)లో 8 శాతం వాటా కలిగి, దాదాపు నాలుగు కోట్ల మందికి ఉపాధి అవకాశాలను కల్పిస్తున్న నిర్మాణ రంగం పునరుత్తేజానికి తాజా చొరవ దోహదపడుతుందని అన్నారు.
 
 నిర్మాణ రంగం పలు సవాళ్లను ఎదుర్కొంటోందని, వీటి పరిష్కారానికి ప్రభుత్వం అత్యధిక ప్రాధాన్యత ఇస్తుందని అన్నారు. ఒత్తిడిలో ఉన్న నిర్మాణ రంగం విషయంలో అనుసరించడానికి ఒక విధానాన్ని ఆర్థికమంత్రిత్వశాఖ, ఆర్‌బీఐ కలిసి రూపొందిస్తాయనీ జైట్లీ తెలిపారు.  రియల్టీ, నిర్మాణ రంగాలకు ఎటువంటి లిక్విడిటీ (ద్రవ్య లభ్యత) కొరతా రానీయరాదన్నది కేంద్రం విధానమని ఆయన ఈ సందర్భంగా స్పష్టం చేశారు.
  
 ప్రాజెక్టుల పూర్తికి సహకారం...
 క్యాబినెట్ నిర్ణయాల్లో ముఖ్యాంశాలు చూస్తే... ప్రస్తుత ప్రాజెక్టుల పూర్తికిగాను మౌలిక కంపెనీలకు 75 శాతం నిధుల కేటాయింపు కీలకమైనది. పౌర సంస్థ- ప్రాజెక్టు కంపెనీ మధ్య సమస్యకు సంబంధించి ఆర్టిట్రేషన్ పక్రియ  పెండింగులో  ఉంటే.. సంబంధిత కంపెనీకి ఎటువంటి ఆర్థిక సమస్యా లేకుండా బ్యాంక్ గ్యారెంటీపై కాంట్రాక్టర్‌కు ప్రభుత్వ నుంచి 75 శాతం నిధుల మంజూరు తాజా విధాన లక్ష్యం.  రుణాలను సకాలంలో చెల్లించడం, ప్రాజెక్టుకు అవసరమైన నిధుల వినియోగం వంటి అంశాలను ఈ 75 శాతం నిధులను వినియోగించుకునే వీలుంటుంది.
 
 ఇక  కంపెనీలు- పౌర విభాగాల మధ్య వివాదాల పరిష్కార ప్రక్రియను కొత్త ఆర్బిట్రేషన్ చట్టం కిందకు తీసుకురావడం మరొకటి. దీనివల్ల వివాదాల సత్వర పరిష్కారానికి మార్గం సుగమం అవుతుంది. మూడవది  వినియోగానికి సిద్ధంగా ఉన్న ప్రాజెక్టుల నిర్వహణ బాధ్యతల అప్పగింతకు సంబంధించి నియమ నిబంధనల ముసాయిదా సర్క్యులేషన్. అందుకు అనుగుణంగా చర్యలు. నిర్మాణ రంగానికి సంబంధించి బ్యాంకింగ్ రుణం ప్రస్తుతం దాదాపు రూ.3 లక్షల కోట్లుగా ఉంది.  ఇందులో దాదాపు 45 శాతం (రూ.1.35 లక్షల కోట్లు) ఒత్తిడిలో ఉన్న రుణాలు కావడం గమనార్హం.  ఇక దాదాపు రూ.70,000 కోట్ల విలువైన  ప్రాజెక్టులు ఆర్బిట్రేషన్ వివాదంలో చిక్కుకున్నాయి. ప్రస్తుతం సగటు వివాద పరిష్కార సమయం ఏడేళ్లకన్నా ఎక్కువగా ఉంది.
  
 ఎఫ్‌డీఐ... ఇటీవలి నిర్ణయాలకు ఆమోదం
 విదేశీ ప్రత్యక్ష పెట్టుబడులకు (ఎఫ్‌డీఐ) సంబంధించి జూన్ 20వ తేదీన ప్రభుత్వం తీసుకున్న కీలక నిర్ణయాలకు క్యాబినెట్ ఆమోదముద్ర (ఎక్స్‌పోస్ట్ ఫ్యాక్టో) వేసింది. రక్షణలో 100 శాతం ఎఫ్‌డీఐలుసహా, ఇతర రంగాల్లో ఎఫ్‌డీఐ విధానాన్నీ కేంద్రం ఇటీవల సరళీకరించిన సంగతి తెలిసిందే. ఆటోమేటిక్ రూట్‌లో ఒక కంపెనీ ఈక్విటీలో 49 శాతం ఎఫ్‌డీఐ నిర్ణయం ఇటీవల తీసుకున్న కీలక నిర్ణయాల్లో ఒకటి. ఎయిర్‌పోర్ట్ ప్రాజెక్టులకు సంబంధించీ ఆటోమేటిక్ రూట్‌లో 100% పెట్టుబడులకు ఇటీవల నిర్ణయం తీసుకుంది.
  
 మరికొన్ని అంశాలు...
 * ఆసియా ప్రాంతానికి రూ.500 కోట్ల ప్రాజెక్ట్ డెవలప్‌మెంట్ ఫండ్ ఏర్పాటుకు ఆమోదం.  
 * ప్రభుత్వ ప్రైవేటు భాగస్వామ్యం (పీపీపీ)పై బెర్త్‌ల అభివృద్ధికి గోవాలోని మొర్ముగావ్ నౌకాశ్రయంలో రూ.1,145 కోట్ల ప్రాజెక్టుకు ఆమోదముద్ర.
 * సెంట్రల్ ఇన్‌ల్యాండ్ వాటర్ ట్రాన్స్‌పోర్ట్ కార్పొరేషన్ లిమిటెడ్ రద్దుకు ఓకే. సంస్థలో 2015లోనే స్వచ్ఛంధ పదవీ విరమణ పథకాన్ని అమలు చేశారు. ప్రస్తుతం కేవలం ఐదుగురు ఉద్యోగులు పనిచేస్తున్నారు. పునరుద్ధరణకు వీలుకాని పరిస్థితుల ప్రాతిపదికన క్యాబినెట్ తాజా నిర్ణయం తీసుకుంది.
  
 విదేశీ ఇన్వెస్టర్లకు ‘రెసిడెన్సీ’ హోదా
 దేశంలో విదేశీ పెట్టుబడులకు మరింత ఊపును ఇవ్వడానికి ‘సింగపూర్  అనుసరిస్తున్న విధానాన్నే’ దేశం అనుసరించనుంది.  విదేశీ పెట్టుబడిదారులకు  20 సంవత్సరాల రెసిడెన్సీ హోదా అవకాశాన్ని కల్పిస్తూ... వీసా నిబంధనల్లో మార్పునకు క్యాబినెట్ ఓకే చెప్పింది. దీనిప్రకారం,  18 నెలల్లో దేశానికి రూ.10 కోట్లు తెచ్చే విదేశీయులకు 10 ఏళ్లు రెసిడెన్సీ హోదా ఇస్తారు. అంటే దేశంలో నివాస హోదా లభిస్తుందన్నమాట. మూడేళ్లలో రూ.25 కోట్ల పెట్టుబడులు పెట్టినవారికీ ఇది వర్తిస్తుంది.  దీన్ని మరో పదేళ్లు పొడిగించే వీలుంది. అయితే ఈ స్కీమ్ పాకిస్తాన్, చైనా పౌరులకు వర్తించదు.


 న్యూఢిల్లీ: అంతర్ మంత్రిత్వశాఖల విదేశీ పెట్టుబడుల అభివృద్ధి బోర్డ్ (ఎఫ్‌ఐపీబీ) ఆరు విదేశీ ప్రత్యక్ష పెట్టుబడులకు (ఎఫ్‌డీఐ) మంగళవారం ఆమోదముద్ర వేసింది. ప్రతిపాదనల విలువ దాదాపు రూ.105 కోట్లు.  మొత్తం 13 ప్రతిపాదనలను పరిశీలించి ఆరింటిని ఖరారు చేసినట్లు ఆర్థిక మంత్రిత్వశాఖ విడుదల చేసిన ఒక ప్రకటన తెలిపింది. ఆర్థిక వ్యవహారాల కార్యదర్శి శక్తికాంతదాస్ నేతృత్వంలో ఈ సమావేశం జరిగింది. నేడు ఆమోదం పొందిన పెట్టుబడుల్లో రూ.88 కోట్ల సెవా శాంటి యానిమేలీ ప్రధానమైనది. పలు రంగాలకు సంబంధించి ఎఫ్‌డీఐలను భారత్ ఆటోమేటిక్ రూట్‌లోనే ఆమోదిస్తోంది. 


 జమ్మలమడుగు:  బ్యాంకింగ్, ఇన్సూరెన్సు, రక్షణ,పౌరవిమానయాన రంగాల్లో  దేశప్రయోజనాలకు భిన్నంగా కేంద్రప్రభుత్వం ఎఫ్‌ఐడి పరిమితి పెంచే ప్రయత్నం చేస్తోందని సీఐటీయూ జిల్లా ప్రధాన కార్యదర్శి రామమోహన్‌ ఆదివారం ఒక ప్రకటనలో పేర్కొన్నారు. గత రెండేళ్లనుంచి నిత్యావసర వస్తువుల ధరలు అదుపు చేయడంలో కేంద్ర, రాష్ట్ర ప్రభుత్వాలు పూర్తిగా విఫలమయ్యాయన్నారు.  కాంట్రాక్టు కార్మికులకు కనీస వేతనం రూ. 18వేలు ఇవ్వాలన్నారు.భవన నిర్మాణ కార్మిక సంక్షేమ నిధి నుంచి మళ్లించిన రూ.600కోట్లు తిరిగి జమచేసి  అసంఘటిత రంగ కార్మికులకందరికీ సమగ్ర చట్టం చేయాలని డిమాండ్‌ చేశారు.  ఎఫ్‌డీఐల పరిమితి పెంచే ప్రయత్నానికి నిరసనగా సెప్టెబర్‌ 2 న దేశ వ్యాప్తంగా సమ్మె చేయనున్నట్లు చెప్పారు.


 జమ్మలమడుగు:  బ్యాంకింగ్, ఇన్సూరెన్సు, రక్షణ,పౌరవిమానయాన రంగాల్లో  దేశప్రయోజనాలకు భిన్నంగా కేంద్రప్రభుత్వం ఎఫ్‌ఐడి పరిమితి పెంచే ప్రయత్నం చేస్తోందని సీఐటీయూ జిల్లా ప్రధాన కార్యదర్శి రామమోహన్‌ ఆదివారం ఒక ప్రకటనలో పేర్కొన్నారు. గత రెండేళ్లనుంచి నిత్యావసర వస్తువుల ధరలు అదుపు చేయడంలో కేంద్ర, రాష్ట్ర ప్రభుత్వాలు పూర్తిగా విఫలమయ్యాయన్నారు.  కాంట్రాక్టు కార్మికులకు కనీస వేతనం రూ. 18వేలు ఇవ్వాలన్నారు.భవన నిర్మాణ కార్మిక సంక్షేమ నిధి నుంచి మళ్లించిన రూ.600కోట్లు తిరిగి జమచేసి  అసంఘటిత రంగ కార్మికులకందరికీ సమగ్ర చట్టం చేయాలని డిమాండ్‌ చేశారు.  ఎఫ్‌డీఐల పరిమితి పెంచే ప్రయత్నానికి నిరసనగా సెప్టెబర్‌ 2 న దేశ వ్యాప్తంగా సమ్మె చేయనున్నట్లు చెప్పారు.


 న్యూఢిల్లీ: కేంద్ర ప్రభుత్వం మరిన్ని విదేశీ ఇన్వెస్ట్‌మెం ట్లను ఆకర్షించడం కోసం దేశీ స్టాక్, కమోడిటీ మార్కెట్లలో వాటి పెట్టుబడుల పరిమితిని 15 శాతం వరకు పెంచింది. ఇదివరకు ఈ పరిమితి 5 శాతంగా ఉండేది. ప్రధాని మోదీ అధ్యక్షతన జరిగిన కేబినెట్ సమావేశంలో ఈ మేరకు నిర్ణయం తీసుకున్నారు. అలాగే విదేశీ పోర్ట్‌ఫోలియో ఇన్వెస్టర్లు స్టాక్ మార్కెట్‌లో ప్రాథమిక కేటాయింపుల ద్వారా షేర్లను పొందటానికి కూడా కేబినెట్ ఆమోదం తెలిపింది. తాజా చర్యలతో అంతర్జాతీయ విధానాలను, సాంకేతికతను మన స్టాక్ ఎక్స్ఛేంజీలలో ప్రవేశపెట్టడం వల్ల వీటి సామర్థ్యం మరింత పెరగనున్నది.


 విదేశీ పోర్ట్‌ఫోలియో ఇన్వెస్టర్ల(ఎఫ్‌పీఐ) జోరు కొనసాగుతోంది. ఈ నెలలో విదేశీ ఇన్వెస్టర్లు ఇప్పటిదాకా భారత క్యాపిటల్ మార్కెట్లో రూ. 15,003 కోట్లు (220 కోట్ల డాలర్ల) పెట్టుబడులు పెట్టారు. డిపాజిటరీల గణాంకాల ప్రకారం, విదేశీ ఇన్వెస్టర్లు ఈ నెల 22 వరకూ స్టాక్ మార్కెట్లో రూ.8,086 కోట్లు, డెట్ మార్కెట్లో రూ.6,917 కోట్లు చొప్పున పెట్టుబడులు పెట్టారు. జీఎస్‌టీ బిల్లు రాజ్యసభలో ఆమోదం పొందగలదని, కంపెనీల క్యూ1 ఫలితాలు బాగా ఉంటాయనే అంచనాలతో విదేశీ ఇన్వెస్టర్లు  ఈ స్థాయిలో పెట్టుబడులు పెడుతున్నారని నిపుణులంటున్నారు. ఇంతకు ముందటి రెండు నెలల్లో(మే-జూన్)లలో విదేశీ ఇన్వెస్టర్లు మన క్యాపిటల్ మార్కెట్ నుంచి రూ.4,373 కోట్ల పెట్టుబడులు ఉపసంహరించుకున్నారు.


 న్యూఢిల్లీ : వార్తాపత్రికలు, పీరియాడికల్స్ రంగంలో విదేశీ ప్రత్యక్ష పెట్టుబడుల(ఎఫ్‌డీఐ) పరిమితిని 26శాతం నుంచి 49శాతానికి పెంచకూడదని కేంద్రప్రభుత్వం నిర్ణయం తీసుకుంది. వార్తలు, కరెంట్ అఫైర్స్ ప్రచురించే వార్తాపత్రికలు, పీరియాడికల్స్ లో ప్రస్తుతమున్న 26 శాతం వరకు ఎఫ్‌డీఐల పరిమితిని అలాగే ఉంచాలని నిర్ణయించింది.
 పత్రికా రంగంలోకి ఎఫ్‌డీఐలు రావాలంటే ప్రభుత్వం నుంచి ముందస్తు అనుమతి తీసుకోవాల్సి ఉంటోంది. ప్రింట్ మీడియా రంగంలో ఎఫ్‌డీఐల పరిమితిని పెంచే ప్రతిపాదన చాలా కాలం నుంచి పెండింగ్ లో ఉంది. ఆర్థికవ్యవహారాల విభాగం(డీఈఏ) ఈ ప్రతిపాదనను సమీక్షించాలని డిపార్ట్ మెంట్ ఆఫ్ ఇండస్ట్రియల్ పాలసీ అండ్ ప్రమోషన్ ను(డీఐపీపీ) తాజాగా మరోసారి కోరింది.  
 
 
 డీఈఏ ప్రతిపాదనను పరిగణలోకి తీసుకుని సమీక్షించిన డీఐపీపీ, పత్రికరంగంలో ఎఫ్‌డీఐ క్యాప్ ను పెంచేందుకు విముఖత వ్యక్తంచేసినట్టు అధికార వర్గాలు పేర్కొన్నాయి. గత నవంబర్ నుంచి పత్రికారంగంలో ఎఫ్‌డీఐ క్యాప్ ను సడలించే ప్రతిపాదనపై చర్చ జరుగుతోంది. ఇటీవల ఎనిమిది రంగాల్లో విదేశీ ప్రత్యక్ష పెట్టుబడులకు బార్ల తలుపులు తెరిచిన కేంద్రప్రభుత్వం పత్రికా రంగంలో మాత్రం ఈ పరిమితులను పెంచలేదు.
 సివిల్ ఏవియేషన్, డిఫెన్స్, ప్రైవేట్ సెక్యురిటీ ఏజెన్సీలు, ఫార్మాస్యూటికల్స్, ఫుడ్ ప్రాసెసింగ్ ఇండస్ట్రిలో ప్రభుత్వం ఎఫ్‌డీఐ నిబంధనలను సడలించింది. విదేశీ ఫండ్స్ ను ఎక్కువగా ఆకట్టుకోవడానికి ప్రభుత్వం ఇటీవల ఈ నిబంధనలను సడలించినట్టు పేర్కొంది. 2015-16 ఆర్థిక సంవత్సరంలో దేశంలోకి ప్రవేశించిన ఎఫ్ డీఐలు 29శాతం పెరిగి, 40 బిలియన్ డాలర్లుగా నమోదయ్యాయి.


 
 ‘ఇఫ్టూ’ నేత వెంకటేశ్వర్‌రావు
 
 కాశిబుగ్గ : దేశప్రధాని నరేంద్రమోడీ స్వదేశీ నినాదం ముసుగులో విదేశీ ప్రత్యక్ష పెట్టుబడులను ఆహ్వానిస్తూ ఆయా దేశాల సేవకు అంకితమయ్యారని ఐఎఫ్‌టీయూ ఆల్‌ ఇండియా అధ్యక్షుడు సాదినేని వెంకటేశ్వర్‌రావు విమర్శించారు. వరంగల్‌ 14వ డివిజన్‌లోని ఐఎఫ్‌టీ యూ కార్యాలయంలో ఆదివారం ముఖ్య కార్యకర్తల సమావేశం జరిగింది. తెలంగాణ రాష్ట్ర అధ్యక్షుడు ఆరెళ్లి కృష్ణ అధ్యక్షతన జరిగిన ఈ సమావేశంలో వెంకటేశ్వర్లు మాట్లాడుతూ దేశంలోని ప్రధాన ఆదాయ వనరుల నిర్వహణ కో సం విదేశీ పెట్టుబడులను ఆహ్వానిం చడం ద్వారా ఇక్కడి సంపదను వారికి దారాధత్తం చేస్తున్నారని ఆరోపించారు. విదేశీ ప్రత్యక్ష పెట్టుబడులకు వ్యతిరేకం గా సెప్టెంబర్‌లో చేపట్టనున్న దేశవ్యాప్త సార్వత్రిక  సమ్మెను జయప్రదం చేయాలని ఆయన పిలుపు నిచ్చారు. అలాగే, వచ్చే 9వ తేదీన అన్ని జిల్లా కేంద్రాల్లో కేంద్రప్రభుత్వం అవలంబిస్తున్న ప్రజా వ్యతిరేక విధానాలపై దీక్షలు చేపట్టాలని తీర్మానించారు. సమావేశంలో ఐ.కృష్ణ, అనురాధ, నరేందర్, రాసుద్దీన్, శంకర్, విశ్వనాథం, అవినాష్, విష్ణు, దయాకర్, నున్నా అప్పారావు, బయ్యన్న, నర్సిం గం, శ్రీను పాల్గొన్నారు.


 కాకినాడ సిటీ:   ప్రధానమంత్రి నరేంద్రమోదీ, ముఖ్యమంత్రి చంద్రబాబు ఇరువురూ విదేశీ పెట్టుబడులకు దాసోహమయ్యారని సీపీఎం జిల్లా కార్యదర్శి దువ్వ శేషుబాబ్జి విమర్శించారు. శుక్రవారం కలెక్టరేట్ వద్ద సీపీఎం కేంద్ర కమిటీ పిలుపు మేరకు ధరలు తగ్గించాలని, నిరుద్యోగ యువతకు ఉపాధి కల్పించాలని ప్రచారజాతాను ప్రారంభించారు. ఎన్నికల హామీలను నీటిమూటలుగా మార్చేశారని ఎద్దేవా చేశారు. 100 రోజుల్లో ధరలు తగ్గిస్తామని మరో వంద రోజుల్లో విదేశాల్లో మూలుగుతున్న నల్లధనాన్ని రప్పించి ప్రతి ఒక్కరి బ్యాంక్ అకౌంట్‌లో రూ.15లక్షలు జమ చేస్తామని గొప్పలు చెప్పి ఆచరణలో నల్లధనం తెల్లగా మారిపోయేందుకు అవకాశం కల్పించారన్నారు.
 
 24 నెలల్లో 22 సార్లు పెట్రోల్, డీజిల్ ధరలు పెరిగాయన్నారు.  బాబు వస్తే జాబు అనే మాటను ముఖ్యమంత్రి మరచి విదేశీ కంపెనీలకు అవకాశాలు ఇస్తున్నారన్నారు. నిత్యావసర వస్తువుల ధరలు ఎన్నడూ లేని విధంగా పెరిగిపోయాయని ఆందోళన వ్యక్తం చేశారు. సీపీఎం నగర కార్యదర్శి పలివెల వీరబాబు, నాయకులు ఎంవీ రమణ, దుర్గాప్రసాద్, సూరిబాబు తదితరులు పాల్గొన్నారు.


 హైదరాబాద్: ఆంధ్రప్రదేశ్ లో విదేశీ పెట్టుబడులపై సీఎం చంద్రబాబు అసత్య ప్రచారం చేస్తున్నారని వైఎస్సార్ సీపీ నాయకుడు కె. పార్థసారధి విమర్శించారు. రెండేళ్లలో ఎన్ని వేల కోట్లు పెట్టుబడులు తీసుకొచ్చారని ఆయన ప్రశ్నించారు. వైఎస్సార్ సీపీ కేంద్ర కార్యాలయంలో శుక్రవారం మధ్యాహ్నం ఆయన విలేకరులతో మాట్లాడారు.
 
 ప్రధాని నరేంద్ర మోదీతో పోటీ పడుతూ విదేశీ పర్యటనలు చేస్తున్న చంద్రబాబు సాధించింది ఏమీ లేదన్నారు. మీరు అధికారంలోకి వచ్చాక ఎంవోయూల ద్వారా ఎన్ని వేల కోట్ల పెట్టుబడులు వచ్చాయో శ్వేతపత్రం విడుదల చేయగలరా అని సవాల్ విసిరారు. చంద్రబాబు చేసే ప్రతి పనిలో అవినీతి కంపు కొడుతోందని దుయ్యబట్టారు. ఇంత అవినీతి జరుగుతుంటే విదేశీ పెట్టుబడలు ఎలా వస్తాయని అన్నారు. ఏపీని కాపాడడానికి కేంద్రం జోక్యం చేసుకోవాలని కోరారు.
 
 సైద్ధాంతికంగా, రాజకీయంగా ఎదుర్కొనే దమ్ము లేకనే తమ పార్టీపై టీడీపీ నాయకులు బురద చల్లుతున్నారని పార్థసారధి ఆరోపించారు. ప్రజా సమస్యలను గాలికొదిలేసి వైఎస్ జగన్ పై వ్యక్తిగత దూషణలకు దిగుతున్నారని ధ్వజమెత్తారు. స్విస్ చాలెంజ్ పేరుతో దోపిడీకి తెర తీశారని మండిపడ్డారు. రాజధాని అక్రమాలపై సీబీఐ దర్యాప్తు జరపాలని డిమాండ్ చేశారు.


 ♦ ఎఫ్‌డీఐ నిబంధనల సరళీకరణపై మూడీస్
 ♦ ఉత్పాదకత, వృద్ధి జోరు పెరుగుతాయ్
 న్యూఢిల్లీ:  వివిధ రంగాల్లో విదేశీ ప్రత్యక్ష పెట్టుబడుల(ఎఫ్‌డీఐ) నిబంధనలను కేంద్ర ప్రభుత్వం సరళీకరించడం సార్వభౌమ రేటింగ్‌కు సానుకూల చర్య అని అంతర్జాతీయ రేటింగ్ సంస్థ మూడీస్ తెలిపింది. ఎఫ్‌డీఐ నిబంధనలు సరళీకరించడం సంస్కరణల జోరును కొనసాగించడాన్ని సూచిస్తోందని మూడీస్ ఇన్వెస్టర్స్ సర్వీస్  సంస్థ తన తాజా నివేదికలో పేర్కొంది. గత వారం ప్రభుత్వం పౌర విమానయానం, రిటైల్, ప్రైవేట్ సెక్యూరిటీ సర్వీస్... తదితర 9 రంగాల్లో ఎఫ్‌డీఐ నిబంధనలను సరళీకరిస్తూ నిర్ణయం తీసుకున్న విషయం తెలిసిందే. ఎఫ్‌డీఐ నిబంధనలను ప్రస్తుత ప్రభుత్వం సరళీకరించడం ఇది రెండోసారి. ఎఫ్‌డీఐల సరళీకరణ ఉత్పాదకత జోరును పెంచుతుందని,  రానున్న 3-5 ఏళ్లలో ఆర్థిక వృద్ధికి తోడ్పాటునందిస్తుందంటున్న  ఈ నివేదిక ఇంకా ఏం చెప్పిందంటే..,
 ⇒ విదేశీ సంస్థాగత ఇన్వెస్టర్ల పెట్టుబడులు మందగించిన తరుణంలో భారత్ విదేశీ రుణ అవసరాలను తీర్చడానికి ఈ ఎఫ్‌డీఐలు తోడ్పడుతాయి. అధిక ఎఫ్‌డీఐలు భారత్ విదేశీ ఆర్థిక అవసరాలను కొంత మేర తగ్గిస్తాయి.
 ⇒ అయితే ఒక్క అధిక ఎఫ్‌డీఐల వల్లనే అధిక వృద్ధి, ఉత్పాదకత సాధ్యం కాదు. 
 ⇒ భారత్ మొత్తం ఫిక్స్‌డ్ అసెట్ ఇన్వెస్ట్‌మెంట్స్‌లో ఎఫ్‌డీఐల ప్రస్తుత వాటా 10 శాతం కంటే తక్కువగానే ఉంది. దేశీయ ప్రైవేట్ ఇన్వెస్ట్‌మెంట్‌కు ఇది ప్రత్యామ్నాయం కాదు.
 ⇒ గత ఆర్థిక సంవత్సరంలో మొత్తం భారత్ పెట్టుబడుల్లో వృద్ధి 3.9 శాతం మాత్రమే.
 ⇒ గత ఆర్థిక సంవత్సరంలో విదేశీ ప్రత్యక్ష పెట్టుబడులు రికార్డ్ స్థాయిలో, 3,600 కోట్ల డాలర్లు వచ్చాయి. అంతక్రితం మూడేళ్లలో సగటున 2,420 కోట్ల డాలర్ల ఎఫ్‌డీఐలే వచ్చాయి.


 బ్రెగ్జిట్ కల్లోలం
 యూరోపియన్ యూనియన్ నుంచి వైదొలగాలంటూ తాజా రిఫరెండంలో బ్రిటన్ ప్రజలు నిర్ణయించడంతో శుక్రవారం ప్రపంచవ్యాప్తంగా స్టాక్ మార్కెట్ సూచీలు పతనమయ్యాయి. పౌండు, యూరోలతో సహా వర్ధమాన కరెన్సీలు దశాబ్దాల కనిష్ట స్థాయికి పడిపోయాయి. సంక్షోభ సమయాల్లో సురక్షిత సాధనంగా పరిగణించే బంగారం రివ్వున ఎగిసింది.
    
 ఎఫ్‌డీఐలకు మరోసారి రెడ్‌కార్పెట్
 మోదీ సర్కారు మరోమారు విదేశీ ప్రత్యక్ష పెట్టుబడుల (ఎఫ్‌డీఐ) కు రెడ్ కార్పెట్ స్వాగతం పలికింది. రక్షణ, పౌర విమానయాన, ఫార్మా, సింగిల్ బ్రాండ్ రిటైల్ రంగాల్లో ఆటోమేటిక్ మార్గంలో మరిన్ని విదేశీ పెట్టుబడులకు అవకాశం కల్పిస్తూ ఎఫ్‌డీఐ నిబంధనలను సరళీకరించింది. ఆహార ఉత్పత్తుల ట్రేడింగ్, శాటిలైట్ ద్వారా నేరుగా ఇంటికే టీవీ ప్రసారాలు అందించే సంస్థల్లో (డీటీహెచ్), కేబుల్ టీవీ ప్రసారాలు, ప్రై వేటు సెక్యూరిటీ ఏజెన్సీలు, జంతు, మత్స్య పరిశ్రమల వృద్ధి దిశగా నూరు శాతం ఎఫ్‌డీఐలకు అవకాశం కల్పిస్తూ నిర్ణయం తీసుకుంది.  
    
 ఆదాయ పన్ను చెల్లించకుంటే జైలుకే
 ఉద్దేశపూర్వకంగా ఆదాయపన్ను చెల్లించకుండా తప్పించుకుంటున్న వారికి అరదండాలు విధించే దిశగా తమకున్న ప్రత్యేక అధికారాలను ఉపయోగించుకునేందుకు ఆ శాఖ అస్త్రాలను సిద్ధం చేసిం ది. ఉద్దేశపూర్వక పన్ను ఎగవేతదారులకు రుణాలు లభించకుం డా, ఆస్తుల క్రయ, విక్రయాలకు అవకాశం లేకుండా చేయనుంది. ఇందుకోసం పాన్ నంబర్‌ను బ్లాక్ చేయడం సహా వారికి వంట గ్యాస్ సబ్సీడీని రద్దు చేయనున్నది.
     
 సాఫ్ట్‌బ్యాంక్‌కు అరోరా గుడ్  బై
 సాఫ్ట్‌బ్యాంక్ కీలక పదవుల నుంచి నికేశ్ అరోరా వైదొలిగారు. ఈయన సాఫ్ట్‌బ్యాంక్ ప్రెసిడెంట్, సీవోవో, రిప్రజెంటెటివ్ ైడె రెక్టర్ పదవులకు రాజీనామా చేశారు. ఇది జూన్ 22 నుంచి అమల్లోకి వచ్చింది. అయితే ఈయన సాఫ్ట్‌బ్యాంక్ అడ్వైజర్‌గా కొత్తగా ఏడాదిపాటు సేవలు అందించనున్నారు. ఇక నికేశ్ అరోరా స్థానాన్ని కెన్ మియాచి భర్తీ చేయనున్నారు.
    
 రిటైల్ స్టోర్ల ఏర్పాటుకు యాపిల్‌కు ఊరట
 విశిష్టమైన ఉత్పత్తులను విక్రయించే యాపిల్ వంటి కంపెనీలకు ఊరటనిచ్చే నిర్ణయాన్ని ప్రభుత్వం ప్రకటించింది. సింగిల్ బ్రాండ్ రిటైల్ స్టోర్ల ఏర్పాటుకు సంబంధించి విడిభాగాలను దేశీయంగానే సమీకరించాలన్న తప్పనిసరి నిబంధన విషయంలో కొంత వెసులుబాటును ప్రభుత్వం ఇచ్చింది. 30 శాతం విడిభాగాలను దేశీయంగానే సమీకరించాలన్న తప్పనిసరి నిబంధనలో మూడేళ్ల వెసులుబాటును కల్పిస్తున్నట్లు డీఐపీపీ కార్యదర్శి రమేశ్ అభిషేక్ చెప్పారు.
     
 నిధుల సమీకరణ దిశగా జేఎస్‌పీఎల్
 నవీన్ జిందాల్ నేతృత్వంలోని జిందాల్ స్టీల్ అండ్ పవర్(జేఎస్‌పీఎల్) కంపెనీ, ఎన్‌సీడీలు, ఇతర సెక్యూరిటీల ద్వారా రూ.10,000కోట్ల నిధులు సమీకరించనున్నది. నాన్ కన్వర్టబుల్ డిబెంచర్ల(ఎన్‌సీడీ) జారీ ద్వారా రూ.5,000 కోట్లు, ఇతర సెక్యూరిటీల ద్వారా రూ.5,000 కోట్లు నిధులు సమీకరించే ప్రతిపాదనకు కంపెనీ బోర్డ్ ఆమోదం తెలిపిందని జేఎస్‌పీఎల్ వెల్లడించింది.
    
 మెగా స్పెక్ట్రం వేలానికి గ్రీన్‌సిగ్నల్
 దేశీ టెలికం రంగంలో మెగా స్పెక్ట్రం వేలానికి లైన్ క్లియర్ అయింది. మొత్తం ఏడు రకాల బ్యాండ్‌విడ్త్‌లలో స్పెక్ట్రంను విక్రయించే ప్రతిపాదనకు ఆర్థిక వ్యవహారాల కేబినెట్ కమిటీ ఆమోద ముద్ర వేసింది. ఈ వేలం ద్వారా ప్రభుత్వ ఖజానాకు దాదాపు రూ.5.66 లక్షల కోట్లు జమవుతాయని అంచనా. ప్రధానంగా హైస్పీడ్ 4జీ డేటా, వాయిస్ సేవలను టెల్కోలు విస్తరించేందుకు ఈ స్పెక్ట్రంతో వీలవుతుంది.
    
 సన్ ఫార్మా షేర్ల బై బ్యాక్
 సన్‌ఫార్మా కంపెనీ రూ.675 కోట్ల విలువైన షేర్లను బై బ్యాక్ చేయనున్నది. ఇటీవల జరిగిన కంపెనీ బోర్డ్ మీటింగ్‌లో బై బ్యాక్ ప్రతిపాదనకు ఆమోదం లభించింది. మిగులు నిధులను ఈక్విటీ వాటాదారులకు అందించేందుకు ఈ నిర్ణయం తీసుకున్నామని సన్ ఫార్మా వెల్లడించింది. ఒక్కో షేర్‌కు రూ.900 చొప్పున 75 లక్షల ఈక్విటీ షేర్లను బై బ్యాక్ చేయనున్నామని పేర్కొంది. ఈ బై బ్యాక్‌కు రికార్డ్ తేదీని వచ్చే నెల 15గా నిర్ణయించింది.
    
 టాటా సన్స్‌కు భారీ జరిమానా
 జపాన్‌కు చెందిన ఎన్‌టీటీ డొకొమో కు 117 కోట్ల డాలర్లు నష్టపరిహారంగా చె ల్లించాలని భారత్‌కు చెందిన టాటా సన్స్ ను లండన్ కోర్ట్ ఆఫ్ ఇంటర్నేషనల్ ఆర్బిట్రేషన్ ఆదేశాలు జారీ చేసింది. భారత్‌లో  జాయింట్ వెంచర్ విషయమై మోసానికి పాల్పడినందుకు టాటా సన్స్ ఈ పరిహారం చెల్లించాలని లండన్ ఇంటర్నేషనల్  ఆర్బిట్రేషన్ కోర్ట్  ఆదేశాలు జారీ చేసిందని ఎన్‌టీటీ డొకొమో తెలిపింది.
  
 టయోటా డీజిల్ ఇంజిన్ ప్లాంటు రెడీ
 జపాన్ దిగ్గజ వాహన తయారీ కంపెనీ ‘టయోటా’ తాజాగా రూ.1,100 కోట్ల వ్యయంతో బెంగళూరులో నిర్మించిన డీజిల్ ఇంజిన్ తయారీ ప్లాంటును గురువారం లాంఛనంగా ప్రారంభించింది. కంపెనీ ఇందులో శక్తివంతమైన గ్లోబల్ డీజిల్ (జీడీ) ఇంజిన్లను తయారు చేయనున్నది. దేశంలో కంపెనీకి ఇది తొలి జీడీ ఇంజిన్ ప్లాంట్. ఇక్కడ 1జీడీ-ఎఫ్‌టీవీ 2.8 లీటర్, 2జీడీ-ఎఫ్‌టీవీ 2.4 లీటర్ ఇంజిన్లను రూపొందిస్తామని కంపెనీ పేర్కొంది.  
  
 రాస్‌నెఫ్ట్ వాటాపై దేశీ చమురు సంస్థల కన్ను
 రష్యా చమురు దిగ్గజం రాస్‌నెఫ్ట్‌లో వాటా కొనుగోలు కోసం భారత చమురు సంస్థలు కసరత్తు చేస్తున్నాయి. రష్యా ప్రభుత్వ రంగ సంస్థ, రాస్‌నెఫ్ట్ ఓజేఎస్‌సీలో  19.5 శాతం వాటాను రష్యా విక్రయించనున్నదని భారత పెట్రోలియమ్ మంత్రి ధర్మేంద్ర ప్రధాన్ చెప్పారు. 1,100 కోట్ల డాలర్ల విలువైన ఈ వాటాను భారత, చైనా కంపెనీలకు విక్రయించడానికి రష్యా ప్రాధాన్యత ఇస్తోందని పేర్కొన్నారు.
  
 డీల్స్..
 * చైనాలోని హైనాన్ ప్రావిన్స్‌లో అత్యాధునిక హెల్త్‌కేర్ కేంద్రాన్ని ఏర్పాటు చేసే దిశగా హైనాన్ ఎకొలాజికల్ స్మార్ట్ సిటీ గ్రూప్ (హెచ్‌ఈఎస్‌సీజీ)తో అపోలో హాస్పిటల్స్ అవగాహన ఒప్పందం కుదుర్చుకుంది.
 * భారత సాఫ్ట్‌వేర్ దిగ్గజం టీసీఎస్, సెర్నోవ ఫైనాన్షియల్ కంపెనీలు వ్యూహాత్మక భాగస్వామ్యం కుదుర్చుకున్నాయి. తర్వాతి తరం క్లౌడ్ ఆధారిత డెరివేటివ్ పోస్ట్ ట్రేడ్ ప్రాసెసింగ్ సర్వీస్‌ను అందించడం కోసం ఈ సంస్థలు  ఈ ఒప్పందం కుదుర్చుకున్నాయి.
 * స్టార్ యూనియన్ దైచీ లైఫ్ ఇన్సూరెన్స్ కంపెనీ(ఎస్‌యూడీ)లో 18 శాతం వాటాను జపాన్‌కు చెందిన దైచీ లైఫ్ ఇన్సూరెన్స్ కంపెనీ(డీఐఎల్‌ఐసీ)కు రూ.540 కోట్లకు విక్రయించామని బ్యాంక్ ఆఫ్ ఇండియా తెలిపింది. ఈ వాటా విక్రయం   కారణంగా ఈ జేవీలో దైచీ వాటా  26 శాతం నుంచి 44 శాతానికి పెరగ్గా, బ్యాంక్ ఆఫ్ ఇండియా వాటా 48 శాతం నుంచి 30 శాతానికి తగ్గింది. మరో ప్రభుత్వ రంగ బ్యాంక్ యూనియన్ బ్యాంక్‌కు మిగిలిన 26 శాతం వాటా ఉంది.
 * మైక్రో బ్లాగింగ్ వెబ్‌సైట్ ట్విట్టర్, లండన్‌కు చెందిన మెషీన్ లెర్నింగ్ స్టార్టప్ ‘మ్యాజిక్ పోని’ను కొనుగోలు చేసింది. డీల్ విలువ 15 కోట్ల డాలర్లు ఉంటుందని అంచనా.
 * టెక్ మహీంద్రా కొనుగోళ్ల జోరు కొనసాగుతోంది. ఈ కంపెనీ తాజాగా  ఇంగ్లండ్‌కు చెందిన బయో ఏజెన్సీ కంపెనీని 4.5 కోట్ల పౌండ్లకు కొనుగోలు చేసింది.
 * ఇన్ఫోసిస్ వ్యవస్థాపకుల్లో ఒకరైన నందన్ నీలేకని బెంగళూరు కేంద్రంగా పనిచేస్తోన్న ఐ కేర్  చెయిన్, ‘దృష్టి’లో పెట్టుబడులు పెట్టారు.


 నల్లగొండ టౌన్ : దేశంలోకి వస్తున్న విదేశీ పెట్టుబడులను ప్రతి ఒక్కరూ వ్యతిరేకించాలని సీఐటీయూ జాతీయ కార్యదర్శి ఆర్.సుధాభాస్కర్ కోరారు. మంగళవారం స్థానిక దొడ్డి కొమరయ్య భవన్‌లో జజరిగిన సీఐటీయూ జిల్లా కమిటీ సమావేశంలో ఆయన మాట్లాడారు.  దేశాన్ని విదేశీ పెట్టుబడిదారులకు అప్పనంగా దారాదత్తం చేసేందుకు ఎన్‌డీఏ ప్రభుత్వం ప్రయత్నిస్తుందని ఆరోపించారు.
  
   కేంద్ర ప్రభుత్వ విధానాలతో  కార్మికులు, ఉద్యోగులు, వ్యాపారస్తులు ఉపాధి కోల్పోయే ప్రమాదం ఏర్పడిందన్నారు,   పౌర విమానయానం, రక్ష ణ,  ఔషధ రంగాల్లోకి విదేశీ పెట్టుబడులను తీసుకురావ డం దారుణమన్నారు. ప్రధాని మోదీ అవలంభిస్తున్న ప్రజా, కార్మిక వ్యతిరేక విధానాలకు నిరసనగా సెప్టెంబర్ 2న దేశవ్యాప్త సమ్మెకు సిద్ధంకావాలని ఆయన పిలుపునిచ్చారు.
  
  సీఐటీయూ జిల్లా ప్రధాన కార్యదర్శి తుమ్మల వీరారెడ్డి మాట్లాడుతూ అంసఘటితరంగ కార్మికులు కనీస వేతనాలకు నోచుకోక, ఉద్యోగ భద్రత లేక బిక్కుబిక్కుమంటూ కాలం గడుపుతున్నారని ఆవేదన వ్యక్తం చేశారు. ఈ కార్యక్రమంలో తిరందాసు గోపి, మందడి సులోచన, చిన్నపాక ల క్ష్మీనారాయణ, కోమటిరెడ్డి చంద్రారెడ్డి, కీసరి నర్సింహ్మ,రోషపతి, డబ్బికార్ మల్లేష్, రాధాక్రిష్ణ, పాండు, నారబోయిన శ్రీను, దోనూరి నర్సిరెడ్డి, వెం కటయ్య,  యాదగిరిరావు, సత్తయ్య వరలక్ష్మి, నర్సింహ తదితరులు పాల్గొన్నారు.
  


 న్యూఢిల్లీ: దేశంలో విదేశీ ప్రత్యక్ష పెట్టుబడులు (ఎఫ్‌డీఐ) ఈ ఏడాది 60 బిలియన్ డాలర్లకు చేరవచ్చని యునెటైడ్ నేషన్స్ ఆర్థికవేత్త నగేశ్ కుమార్ అంచనా వేశారు. యునెటైడ్ నేషన్స్ ఎకనమిక్ అండ్ సోషియల్ కమిషన్ ఫర్ ఆసియా అండ్ పసిఫిక్ (యూఎన్‌ఈఎస్‌సీఏపీ) సంస్థ ద క్షిణాసియా కార్యాలయం హెడ్‌గా ఉన్న ఈయన యునెటైడ్ నేషన్స్ కాన్ఫరెన్స్ ఆన్ ట్రేడ్ అండ్ డెవలప్‌మెంట్ (యూఎన్‌సీటీఏడీ) నివేదిక విడుదల సందర్భంగా మాట్లాడారు.
 సంస్కరణలకు అనువుగా ప్రభుత్వం అనుసరిస్తున్న విధాన చర్యలు, పాలసీల ఏర్పాటు వంటి తదితర చర్యలు ఎఫ్‌డీఐల పెరుగుదలకు దోహదపడనున్నాయని పేర్కొన్నారు. ‘గతేడాది దేశంలో ఎఫ్‌డీఐలు 28 శాతం వృద్ధితో 44.20 బిలియన్ డాలర్లకి ఎగశాయి. ప్రస్తుత ఏడాది ఎఫ్‌డీఐలు 60 బిలియన్ డాలర్ల మార్క్‌ను అధిగమించవచ్చు’ అని అభిప్రాయపడ్డారు. గతేడాది భారత్ ఎఫ్‌డీఐల ఆక ర్షణలో ఆసియా ప్రాంతలో నాలుగో స్థానంలో, ప్రపంచంలో పదవ స్థానంలో నిలిచిందని తెలిపారు.


 ♦ 54 పాయింట్లు తగ్గిన సెన్సెక్స్
 ♦ బ్రెగ్జిట్‌కు ముందు జాగ్రత్త
 ♦ బ్యాంకింగ్ షేర్లలో అమ్మకాలు
 ముంబై: రెండు రోజుల ర్యాలీకి మంగళవారం బ్రేక్‌పడింది. బ్రిటన్ రిఫరెండం మరో రెండు రోజుల్లో జరగనున్న నేపథ్యంలో ఇన్వెస్టర్లు లాభాలు స్వీకరించడంతో బీఎస్‌ఈ సెన్సెక్స్ 54 పాయింట్లు క్షీణించి 26,813 పాయింట్ల వద్ద ముగిసింది. బ్రెగ్జిట్ భయాలు తగ్గడం, కేంద్రం ఎఫ్‌డీఐ నిబంధనల్ని సరళీకరించడం వంటి అంశాలతో గత రెండు ట్రేడింగ్ సెషన్లలో సెన్సెక్స్ 342 పాయింట్లు ర్యాలీ జరిపింది. ఇక తాజాగా ఎన్‌ఎస్‌ఈ నిఫ్టీ 19 పాయింట్ల క్షీణతతో 8,220 పాయింట్ల వద్ద క్లోజయ్యింది.
   డాలరుతో రూపాయి మారకపు విలువ మరో 20 పైసలు తగ్గడం కూడా స్టాక్ మార్కెట్ సెంటిమెంట్‌పై ప్రభావం చూపిందని విశ్లేషకులు చెప్పారు. బ్రిటన్ రిఫరెండం దగ్గరపడటంతో ఇన్వెస్టర్లు రిస్క్‌ను తగ్గించుకుంటున్నారని, దాంతో మార్కెట్ బలహీనంగా ముగిసిందని బీఎన్‌పీ పారిబాస్ ఫండ్ మేనేజర్ శ్రేయాష్ దేవల్కర్ చెప్పారు. ఇతర ప్రపంచ మార్కెట్లలో కూడా ట్రేడింగ్ మందకొడిగా సాగింది.
  సెన్సెక్స్-30లో 21 షేర్లు డౌన్...
 సెన్సెక్స్-30 షేర్లలో 21 షేర్లు తగ్గుదలతో ముగిసాయి. ఆదాని పోర్ట్స్, ఎన్‌టీపీసీ, యాక్సిస్ బ్యాంక్, ఆసియన్ పెయింట్స్ షేర్లు 1-2 శాతం మధ్య క్షీణించాయి. ఎస్‌బీఐ, హెచ్‌యూఎల్, సిప్లా, లుపిన్, గెయిల్‌లు 0.5-1 శాతం మధ్య తగ్గాయి. పెరిగిన షేర్లలో అన్నింటికంటే ఎక్కువగా 1.68 శాతం ఓఎన్‌జీసీ ఎగిసింది. మహీంద్రా, టాటా మోటార్స్, విప్రో, హెచ్‌డీఎఫ్‌సీలు అరశాతం వరకూ పెరిగాయి.


 న్యూఢిల్లీ: దేశంలో సింగిల్ బ్రాండ్ రిటైల్ స్టోర్ల ఏర్పాటుకు సంబంధించి అమెరికా టెక్నాలజీ దిగ్గజం ‘యాపిల్’కు మార్గం సుగమం అయ్యింది. ఎఫ్‌డీఐ పాలసీలో మార్పుల నేపథ్యంలో దేశంలో రిటైల్ స్టోర్ల ఏర్పాటుకు యాపిల్ కొత్తగా మళ్లీ దరఖాస్తు చేసుకోవలసి ఉందని అధికారి ఒకరు తెలిపారు.
 కాగా స్టోర్ల ఏర్పాటు కోసం యాపిల్ కంపెనీ లోకల్ సోర్సింగ్ నిబంధనల నుంచి మినహాయింపు కోరుకుంటోన్న విషయం తెలిసిందే. సింగిల్ రిటైల్ బ్రాండ్ ఎఫ్‌డీఐ పాలసీలోని తాజా మార్పుల ప్రకారం.. కటింగ్ ఎడ్జ్ టెక్నాలజీ ఉపకరణాలను తయారుచేసే కంపెనీలు లోకల్ సోర్సింగ్ నిబంధనల నుంచి తొలి మూడేళ్ల పాటు మినహాయింపు పొందే అవకాశముందన్నారు. ఇక కటింగ్ ఎడ్జ్ టెక్నాలజీ సంబంధిత సమస్యల పరిష్కారానికి ప్రయత్నాలు జరుగుతున్నాయని తెలిపారు.


 వాషింగ్టన్: అగ్రరాజ్యం అమెరికా అధ్యక్షుడిగా రెండుసార్లు సేవలందించిన బరాక్ ఒబామా వచ్చే జనవరి 20 నాటికి ఖాళీగా మారబోతున్నారు. అధ్యక్ష పదవి నుంచి దిగిపోయాక 55 ఏళ్ల వయస్సులో ఎలాంటి పని చేయాలన్న దానిపై ఇప్పటికీ తనకు క్లారిటీ లేదని ఒబామా చెప్పారు.  కొత్త ఉద్యోగం వెతుక్కోవడానికి తాను కూడా అందరిలాగా 'లింకెడ్ ఇన్' వెబ్ సైట్ లో చేరాల్సి వస్తుందేమోనంటూ ఆయన జోకులు వేశారు.
 
 'సెలెక్ట్ యూఎస్ ఫారెన్ ఇన్వెస్ట్ మెంట్' సదస్సులో సోమవారం ప్రసంగించిన ఒబామా వ్యాపారం చేయడానికి అమెరికా గొప్ప ప్రదేశమని ప్రశంసించారు. ఈ సందర్భంగా తన భవిష్యత్ గురించి ప్రస్తావించిన ఒబామా ' మరో ఏడు నెలల్లో నేను ఉద్యోగ విపణిలోకి అడుగుపెడతాను. అక్కడికి వెళ్లడం నాకు ఆనందంగానే ఉంది. నేను కూడా లింకెడ్ ఇన్ లో ఖాతా తెరుస్తాను. ఎలాంటి (ఉద్యోగాలు) వస్తాయో చూడాలి' అంటూ చమత్కరించారు. ఉద్యోగ అవకాశాలను కల్పించే ప్రొఫెషనల్ నెట్ వర్కింగ్ వెబ్ సైట్ అయినా లింకెడ్ ను మైక్రోసాఫ్ట్  ఇటీవల 26.2 బిలియన్ డాలర్లకు కొనుగోలు చేసిన సంగతి తెలిసిందే. ఉద్యోగం కోసం లింకెడిన్ లో చేరే విషయమై ఇంతకుమునుపు కూడా ఒబామా  ఓసారి పేర్కొన్న సంగతి తెలిసిందే.
 
 హోనులులులో బాస్కిన్ రాబిన్స్ ఐస్ క్రీమ్ దుకాణంలో టీనేజర్ గా తాను చేసిన తొలి ఉద్యోగం నాటి జ్ఞాపకాలను ఒబామా గుర్తుచేసుకున్నారు. వేసవిలో తాను చేసిన ఆ తొలి ఉద్యోగం అంత గొప్పదేమీ కాకపోయినా.. అది తనకు విలువైన పాఠాలను నేర్పిందని, బాధ్యత, కటోరశ్రమతోపాటు స్నేహితులు, కుటుంబం, చదువును సమన్వయం చేసుకుంటూ ముందుకు సాగాల్సిన ఆవశ్యకతను ఆ ఉద్యోగం నేర్పిందని ఒబామా నెమరువేసుకున్నారు. ,