హాంకాంగ్ సిక్సెస్-2025 టోర్నీలో పాకిస్తాన్ ఫైన‌ల్‌కు అర్హ‌త సాధించింది. ఆదివారం మోంగ్‌కాంగ్ వేదిక‌గా ఆస్ట్రేలియాతో జ‌రిగిన తొలి సెమీఫైన‌ల్లో పాక్ సంచ‌ల‌న విజ‌యం సాధించింది. కేవ‌లం ఒకే ఒక్క ప‌రుగు తేడాతో ఆసీస్‌ను ఓడించిన పాక్‌.. కువైట్‌తో తుదిపోరుకు సిద్ద‌మైంది.ఈ సెమీఫైన‌ల్ మ్యాచ్‌లో తొలుత బ్యాటింగ్ చేసిన పాకిస్తాన్ నిర్ణీత 6 ఓవ‌ర్ల‌లో 2 వికెట్ల నష్టానికి 121 పరుగులు చేసింది. పాక్‌ బ్యాటర్లలో ఖవాజా నఫే(14 బంతుల్లో 1 ఫోర్‌, 7 సిక్స్‌లతో 50) హాఫ్‌ సెంచరీతో సత్తాచాటగా.. అబ్దుల్‌ సమద్‌(34), అబ్బాస్‌ అఫ్రిది(19) రాణించారు. ఆసీస్‌ బౌలర్లలో రాస్‌ రెండు వికెట్లు సాధించాడు.అనంతరం 122 పరుగుల లక్ష్యంతో బరిలోకి దిగిన ఆసీస్‌ నిర్ణీత 6 ఓవర్లలో 5 వికెట్ల నష్టానికి 120 పరుగులు చేసింది. కంగారుల విజయానికి చివరి ఓవర్‌లో 30 పరుగులు అవసరమవ్వగా.. క్రిస్‌ గ్రీన్‌ మెరుపులు మెరిపించాడు. అబ్దుల్‌ సమద్‌ వేసిన ఆఖరి ఓవర్‌లో తొలి బంతిని గ్రీన్‌ బౌండరీగా మలిచాడు. అయితే తొలి బంతి నోబాల్‌ కావడంతో అతడికి ఫ్రీహిట్‌ లభించింది. కానీ గ్రీన్‌ ఫ్రీహిట్‌ బంతికి కేవలం రెండు పరుగులు మాత్రమే సాధించాడు. అయితే ఆ తర్వాత గ్రీన్‌ వరుసగా రెండు సిక్సర్లు, ఓ ఫోర్‌ బాదాడు. ఆఖరి రెండు బంతుల్లో 7 పరుగులు అవసరమయ్యాయి. ఈ క్రమంలో ఐదో బంతికి గ్రీన్‌ రనౌటయ్యాడు. చివరి బంతికి ఆండ్రూ టై ఫోర్‌ కొట్టినప్పటికి జట్టును మాత్రం గెలిపించలేకపోయాడు. ఒకవేళ అతడు సిక్స్‌ బాది ఉంటే ఆసీస్‌ ఫైనల్‌కు అర్హత సాధించేది.చదవండి: IND vs SA: సౌతాఫ్రికాతో టెస్టు సిరీస్‌.. గంభీర్‌ మాస్టర్‌ మైండ్‌! 39 ఏళ్ల త‌ర్వాత‌?PAKISTAN THROUGH FINALS Pakistan beats Australia by 1 run in the semi-final of Hong Kong sixes. pic.twitter.com/cF8OiXbH12— Cricket 🏏 (@Sunny29548707) November 9, 2025

ఆస్ట్రేలియా ఆల్‌రౌండర్‌ అలనా కింగ్‌ (Alana King) సరికొత్త చరిత్ర లిఖించింది. ‍మహిళల వన్డే క్రికెట్‌లో పదో స్థానంలో బ్యాటింగ్‌కు వచ్చి అర్ధ శతకం సాధించిన తొలి ప్లేయర్‌గా ప్రపంచ రికార్డు సాధించింది. ఐసీసీ మహిళల వన్డే వరల్డ్‌కప్‌-2025 (ICC World Cup)లో భాగంగా కొలంబోలో పాకిస్తాన్‌తో బుధవారం నాటి మ్యాచ్‌ సందర్భంగా అలనా కింగ్‌ ఈ ఫీట్‌ నమోదు చేసింది.చాంపియన్లకు తిరుగు ఉంటుందా?క్లిష్ట పరిస్థితులు ఎదురైనా ఏమాత్రం బెదరకుండా ఎలా నిలవాలో... ప్రత్యర్థులు పరీక్ష పెడుతున్నా నమ్మకం కోల్పోకుండా ఎలా పోరాడాలో... ఓటమి మేఘాలు కమ్ముకున్నప్పుడు వెలుగుల బాట ఎలా వేసుకోవాలో... ఆస్ట్రేలియా క్రికెట్‌ జట్లకు బాగా తెలుసని మరోసారి నిరూపితమైంది. అంతర్జాతీయ క్రికెట్‌ మండలి (ఐసీసీ) మహిళల వన్డే ప్రపంచకప్‌లో పాకిస్తాన్‌తో పోరులో ప్రతికూల పరిస్థితులను తిప్పికొడుతూ ఆసీస్‌ ఘనవిజయం సాధించింది.మూనీ సూపర్‌ సెంచరీ.. అలనా మెరుపు అర్ధ శతకం‘ప్లేయర్‌ ఆఫ్‌ ద మ్యాచ్‌’ బెత్‌ మూనీ (Beth Mooney- 114 బంతుల్లో 109; 11 ఫోర్లు) ఆణిముత్యం అనదగ్గ సెంచరీతో కదంతొక్కడంతో... బుధవారం జరిగిన ఈ పోరులో డిఫెండింగ్‌ చాంపియన్‌ ఆస్ట్రేలియా జట్టు 107 పరుగుల తేడాతో పాకిస్తాన్‌ను చిత్తు చేసింది. ఆసీస్‌ ఆడిన మూడు మ్యాచ్‌ల్లో ఒకటి వర్షం కారణంగా రద్దుకాగా... మిగిలిన రెండిట్లో గెలిచి 5 పాయింట్లతో అగ్రస్థానానికి చేరింది. టాస్‌ ఓడి మొదట బ్యాటింగ్‌కు దిగిన ఆస్ట్రేలియా 50 ఓవర్లలో 9 వికెట్ల నష్టానికి 221 పరుగులు చేసింది.బెత్‌ మూనీ అసాధారణ ఇన్నింగ్స్‌కు టెయిలెండర్‌ అలానా కింగ్‌ (49 బంతుల్లో 51 నాటౌట్‌; 3 ఫోర్లు, 3 సిక్స్‌లు) మెరుపు హాఫ్‌సెంచరీ తోడవడంతో ఆసీస్‌ మెరుగైన స్కోరు చేయగలిగింది. ఒకదశలో 76 పరుగులకే 7 వికెట్లు కోల్పోయి పీకల్లోతు కష్టాల్లో పడ్డ ఆసీస్‌ను మూనీ ఆదుకుంది. కిమ్‌గార్త్‌ (11)తో కలిసి ఎనిమిదో వికెట్‌కు 39 పరుగులు జోడించిన మూనీ... తొమ్మిదో వికెట్‌కు అలానాతో 106 పరుగులు జోడించి కొత్త ప్రపంచ రికార్డు సృష్టించింది. 77 పరుగులతో కిమ్‌ గార్త్‌– ఆష్లే గార్డ్‌నర్‌ జోడీ పేరిట ఉన్న రికార్డును మూనీ–కింగ్‌ జంట సవరించింది.చిత్తుగా ఓడిన పాక్‌పాకిస్తాన్‌ బౌలర్లు బంతిబంతికి పరీక్ష పెడుతున్నా... ఏమాత్రం వెరవకుండా పోరాటం కొనసాగించింది. క్రీజులో కుదురుకున్నాక కింగ్‌ భారీ షాట్‌లతో సహచరిపై ఒత్తిడి తగ్గించింది. కెప్టెన్‌ అలీసా హీలీ (20), లిచ్‌ఫీల్డ్‌ (10), ఎలీస్‌ పెర్రీ (5), అనాబెల్‌ (1), యాష్లే గార్డ్‌నర్‌ (1), తహిలా మెక్‌గ్రాత్‌ (5) విఫలమయ్యారు.ఇక వన్డేల్లో ఐదో సెంచరీ పూర్తి చేసుకున్న మూనీ ఇన్నింగ్స్‌ చివరి బంతికి అవుటైంది. పాక్‌ బౌలర్లలో నష్రా సంధు 37 పరుగులిచ్చి 3 వికెట్లు పడగొట్టగా... ఫాతిమా సనా, రమీన్‌ షమీమ్‌ చెరో 2 వికెట్లు తీశారు. అనంతరం లక్ష్యఛేదనలో పాకిస్తాన్‌ 36.3 ఓవర్లలో 114 పరుగులకు ఆలౌటైంది. సిద్రా అమీన్‌ (52 బంతుల్లో 35; 5 ఫోర్లు) టాప్‌ స్కోరర్‌ కాగా... కెప్టెన్‌ ఫాతిమా సనా (11), సదాఫ్‌ (5), మునీబా అలీ (3), సిద్రా నవాజ్‌ (5), నటాలియా పర్వేజ్‌ (1), ఐమన్‌ ఫాతిమా (0) విఫలమయ్యారు. ఆ్రస్టేలియా బౌలర్లలో కిమ్‌ గార్త్‌ 3... మేగన్‌ షుట్, అనాబెల్‌ సదర్లాండ్‌ చెరో 2 వికెట్లు తీశారు.అలనా కింగ్‌ అరుదైన ఘనతపాక్‌తో మ్యాచ్‌లో 49 బంతులు ఎదుర్కొన్న స్పిన్‌ బౌలింగ్‌ ఆల్‌రౌండర్‌ అలనా కింగ్‌ మూడు ఫోర్లు, మూడు సిక్సర్ల సాయంతో 51 పరుగులతో అజేయంగా నిలిచింది. తద్వారా పదో స్థానంలో వచ్చి అత్యధిక పరుగులు చేసిన మహిళా ప్లేయర్‌గా రికార్డు సాధించింది. అంతకు ముందు ఈ రికార్డు సౌతాఫ్రికాకు చెందిన యులాండి వాన్‌ డెర్‌ మెర్వే పేరిట ఉండేది. 2000 సంవత్సరంలో భారత మహిళా జట్టుతో మ్యాచ్‌ సందర్భంగా యులాండి పదో స్థానంలో వచ్చి 42 పరుగులు చేసింది.చదవండి: టీమిండియాలో దక్కని చోటు.. మహ్మద్‌ షమీ కీలక నిర్ణయం

ఐసీసీ మహిళల వన్డే వరల్డ్‌కప్‌-2025 (ICC World Cup)లో మాజీ చాంపియన్‌ ఆస్ట్రేలియా రెండో విజయం సాధించింది. టోర్నీలో తొలుత న్యూజిలాండ్‌ వుమెన్‌ను 89 పరుగుల తేడాతో చిత్తుగా ఓడించిన ఆసీస్‌ జట్టు.. తాజాగా పాకిస్తాన్‌ (Aus W vs Pak W)పై ఘన విజయం సాధించింది.కొలంబోలోని ఆర్‌. ప్రేమదాస స్టేడియంలో బుధవారం నాటి మ్యాచ్‌లో టాస్‌ ఓడిన ఆసీస్‌.. పాక్‌ ఆహ్వానం మేరకు తొలుత బ్యాటింగ్‌ చేసింది. ఓపెనర్లు కెప్టెన్‌ అలిసా హేలీ (20), ఫోబే లిచ్‌ఫీల్డ్‌ (10).. వన్‌డౌన్‌ బ్యాటర్‌ ఎలిస్‌ పెర్రీ (5) విఫలం కావడంతో ఆసీస్‌కు ఆదిలోనే ఎదురుదెబ్బ తగిలింది.మూనీ సెంచరీ.. అలనా హాఫ్‌ సెంచరీఆ తర్వాత కూడా పాక్‌ బౌలర్లు విజృంభించడంతో ఐదో నంబర్‌ ప్లేయర్‌ అనాబెల్‌ సదర్లాండ్‌ (1) సహా ఆ తర్వాత వచ్చిన ఆష్లే గార్డ్‌నర్‌ (1), తహీలా మెగ్రాత్‌ (5), జార్జియా వారేహామ్‌ (0), కిమ్‌ గార్త్‌ (11) పెవిలియన్‌కు క్యూ కట్టారు.ఈ నేపథ్యంలో కేవలం 76 పరుగులకే ఏడు వికెట్లు కోల్పోయి పీకల్లోతు కష్టాల్లో కూరుకుపోయిన ఆసీస్‌ను బెత్‌ మూనీ (Beth Mooney), అలనా కింగ్‌ అద్భుత ఇన్నింగ్స్‌తో ఆదుకున్నారు. మూనీ 114 బంతుల్లో 109 పరుగులతో చెలరేగగా.. అలనా 49 బంతుల్లో 51 పరుగులతో ఆఖరి వరకు అజేయంగా నిలిచింది. ఫలితంగా నిర్ణీత 50 ఓవర్లలో ఆసీస్‌ తొమ్మిది వికెట్ల నష్టానికి 221 పరుగుల మెరుగైన స్కోరు సాధించింది.చెలరేగిన ఆసీస్‌ బౌలర్లుఅనంతరం లక్ష్య ఛేదనకు దిగిన పాకిస్తాన్‌కు ఆసీస్‌ బౌలర్లు చుక్కలు చూపించారు. కిమ్‌ గార్త్‌ బౌలింగ్‌లో ఓపెనర్‌ సదాఫ్‌ షమాస్‌ 5 పరుగుల వ్యక్తిగత స్కోరు వద్ద నిష్క్రమించగా.. మునీబా అలీ (3)ని మేగన్‌ షట్‌ వెనక్కి పంపింది. అయితే, వన్‌డౌన్‌లో వచ్చిన సిద్రా ఆమిన్‌ (35) కాసేపు పోరాడగా.. ఆష్లే గార్డ్‌నర్‌ ఆమెను అవుట్‌ చేసింది.ఇక నాలుగో నంబర్‌ బ్యాటర్‌ సిద్రా నవాజ్‌ (5) వికెట్‌ను కిమ్‌ గార్త్‌ తన ఖాతాలో వేసుకోగా.. నటాలియా పర్వేజ్‌ (1)ను మేగన్‌ పెవిలియన్‌కు పంపింది. ఇక కెప్టెన్‌ ఫాతిమా సనా 11 పరుగుల వ్యక్తిగత స్కోరు వద్ద సదర్లాండ్‌ బౌలింగ్‌లో బౌల్డ్‌ కాగా.. డయానా బేగ్‌ (7)ను జార్జియా వారేహామ్‌ వికెట్ల ముందు దొరకబుచ్చుకుంది.114 పరుగులకే కుప్పకూలిన పాక్‌ఈ క్రమంలో 86 పరుగులకే ఎనిమిది వికెట్లు కోల్పోయిన పాక్‌ను లక్ష్యం దిశగా నడిపించేందుకు స్పిన్నర్లు రమీన్‌ షమీమ్‌ (15), నష్రా సంధు (11) విఫలయత్నం చేశారు. అయితే, అలనా బౌలింగ్‌లో నష్రా తొమ్మిదో వికెట్‌గా.. సదర్లాండ్‌ బౌలింగ్‌లో షమీమ్‌ పదో వికెట్‌గా వెనుదిరగడంతో పాక్‌ పోరాటం ముగిసిపోయింది.ఈ క్రమంలో 36.3 ఓవర్లలో 114 పరుగులకే ఆలౌట్‌ అయిన పాక్‌.. ఆసీస్‌ చేతిలో 107 పరుగుల తేడాతో పరాజయం పాలైంది. ఇదిలా ఉంటే.. ఆసీస్‌ తమ రెండో మ్యాచ్‌లో శ్రీలంకతో ఆడాల్సి ఉండగా.. వర్షం కారణంగా టాస్‌ పడకుండానే ఆ మ్యాచ్‌ రద్దైపోయింది.చదవండి: అగార్కర్‌కు అవమానకర ముగింపు తప్పదు: మాజీ క్రికెటర్‌ సంచలన వ్యాఖ్యలు

ఆస్ట్రేలియా మహిళా క్రికెట్‌ జట్టు సరికొత్త చరిత్ర సృష్టించింది. వుమెన్‌ వన్డే క్రికెట్‌లో తొమ్మిదో వికెట్‌కు వందకు పైగా స్కోరు జతచేసిన తొలి జట్టుగా నిలిచింది. ప్రపంచంలో ఇంత వరకు ఏ మహిళా జట్టుకు సాధ్యం కాని ఘనత సాధించింది.ఐసీసీ మహిళల వన్డే వరల్డ్‌కప్‌-2025 (ICC Womens World Cup 2025)లో భాగంగా పాకిస్తాన్‌తో బుధవారం నాటి మ్యాచ్‌లో ఆసీస్‌ జట్టు ఈ ఫీట్‌ నమోదు చేసింది. ప్రపంచకప్‌ టోర్నీకి భారత్‌ ఆతిథ్యం ఇస్తుండగా.. పాక్‌ శ్రీలంక వేదికగా తమ మ్యాచ్‌లు ఆడుతోంది. ఇందులో భాగంగా ఆర్‌.ప్రేమదాస స్టేడియంలో ఆసీస్‌ (Aus W vs Pak W)తో తాజా మ్యాచ్‌లో టాస్‌ గెలిచిన పాక్‌.. తొలుత బౌలింగ్‌ చేసింది.టాపార్డర్‌ కుదేలైనా..అయితే, పాక్‌ బౌలర్ల ధాటికి ఆసీస్‌ టాపార్డర్‌ కుదేలైంది. ఓపెనర్లు కెప్టెన్‌ అలిసా హేలీ (20), ఫోబే లిచ్‌ఫీల్డ్‌ (10) నామమాత్రపు స్కోర్లకే పరిమితం కాగా.. వన్‌డౌన్‌లో వచ్చిన ఎలిస్‌ పెర్రీ 5 పరుగులకే నిష్క్రమించింది.మిగిలిన వాళ్లలో కిమ్‌ గార్త్‌ (11) తప్ప అంతా సింగిల్‌ డిజిట్‌ స్కోర్లకే పరిమితం కాగా.. నాలుగో స్థానంలో వచ్చిన బెత్‌ మూనీ, పదో స్థానంలో వచ్చిన అలనా కింగ్‌ సంచలన ఇన్నింగ్స్‌తో మెరిశారు. మూనీ సెంచరీ (114 బంతుల్లో 109)తో చెలరేగగా.. అలనా 49 బంతుల్లో 51 పరుగులతో నాటౌట్‌గా నిలిచింది.మూనీ- అలనా కలిసి తొమ్మిదో వికెట్‌కు 106 పరుగులు జోడించారు. తద్వారా మహిళల వన్డే క్రికెట్‌ చరిత్రలో తొమ్మిదో వికెట్‌కు అత్యధిక భాగస్వామ్యం నెలకొల్పిన జోడీగా ప్రపంచ రికార్డు సాధించారు.ప్రపంచంలోనే తొలి జట్టుగా..ఇక 76 పరుగులకే ఏడు వికెట్లు కోల్పోయిన వేళ.. మూనీ- అలనా రాణించడంతో ఆసీస్‌ నిర్ణీత 50 ఓవర్లలో తొమ్మిది వికెట్లు నష్టపోయి.. 222 పరుగులు స్కోరు చేయగలిగింది. కాగా మహిళల వన్డే చరిత్రలో ఏడు ఎక్కువ వికెట్లు పడిన తర్వాత అత్యధిక పరుగులు సాధించిన జట్టుగానూ ఆసీస్‌ నిలిచింది. ఏడో వికెట్‌ పడిన తర్వాత ఆసీస్‌ 145 పరుగులు సాధించి ఈ ఘనతను తన ఖాతాలో వేసుకుంది. ఆ రికార్డూ ఆసీస్‌ పేరు మీదేఐసీసీ పురుషుల వన్డే వరల్డ్‌కప్‌-2023లో భాగంగా అఫ్గనిస్తాన్‌తో మ్యాచ్‌లో ఆసీస్‌ 91 పరుగులకే ఏడు వికెట్ల నష్టపోయిన వేళ.. గ్లెన్‌ మాక్స్‌ వెల్‌, ప్యాట్‌ కమిన్స్‌ కలిసి అద్భుతం చేశారు. ఎనిమిదో వికెట్‌కు ఏకంగా 202 పరుగులు జోడించి ఈ ఘనత సాధించిన తొలి జట్టుగా ఆసీస్‌ను నిలిపారు.చదవండి: అగార్కర్‌కు అవమానకర ముగింపు తప్పదు: మాజీ క్రికెటర్‌ సంచలన వ్యాఖ్యలు

పాకిస్తాన్‌తో మ్యాచ్‌లో ఆస్ట్రేలియా బ్యాటర్‌ బెత్‌ మూనీ (Beth Mooney) అద్భుత శతకంతో చెలరేగింది. ఓవైపు వికెట్లు పడుతున్నా.. మొక్కవోని దీక్షతో వంద పరుగుల మార్కును దాటి.. జట్టుకు మెరుగైన స్కోరు అందించింది. ‘న భూతో న భవిష్యతి’ అన్నట్లుగా కష్టాల్లో ఉన్న జట్టును గట్టెక్కించి పాక్‌ సంబరాలపై నీళ్లు చల్లింది.ఐసీసీ మహిళల వన్డే వరల్డ్‌కప్‌-2025 (ICC Women's ODI World Cup)లో భాగంగా కొలంబో వేదికగా ఆసీస్‌- పాకిస్తాన్‌ (Aus W vs Pak W) జట్ల మధ్య మ్యాచ్‌కు బుధవారం షెడ్యూల్‌ ఖరారైంది. ఆర్‌.ప్రేమదాస స్టేడియంలో టాస్‌ గెలిచిన పాకిస్తాన్‌ మహిళా జట్టు తొలుత బౌలింగ్‌ ఎంచుకుంది.పాక్‌ బౌలర్ల విజృంభణకెప్టెన్‌ ఫాతిమా సనాతో పాటు సైదా ఇక్బాల్‌ ఆది నుంచే చెలరేగి ఆసీస్‌ ఓపెనింగ్‌ జంటను విడదీశారు. ఈ క్రమంలో ఓపెనర్లలో ఫొబు లిచ్‌ఫీల్డ్‌ 10, కెప్టెన్‌ అలిసా హేలీ 20 పరుగులకే పరిమితం కాగా.. వన్‌డౌన్లో వచ్చిన ఎలిస్‌ పెర్రీ (5) దారుణంగా విఫలమైంది. నష్రా సంధు బౌలింగ్‌లో స్టంపౌట్‌గా వెనుదిరిగింది.పాక్‌ బౌలర్ల ధాటికి ఐదో స్థానంలో వచ్చిన అనాబెల్‌ సదర్లాండ్‌ (1), ఆష్లే గార్డ్‌నర్‌ (1), తాహిలా మెగ్రాత్‌ (5) ఇలా వచ్చి అలా వెళ్లగా.. జార్జియా వారేహమ్‌ (0), కిమ్‌ గార్త్‌ (11) కూడా చేతులెత్తేశారు. ఇలాంటి క్లిష్ట పరిస్థితుల్లో నాలుగో నంబర్‌ బ్యాటర్‌ బెత్‌ మూనీ.. ఆల్‌రౌండర్‌ అలనా కింగ్‌తో కలిసి అద్భుత పోరాటం చేసింది.బెత్‌ మూనీ సంచలన ఇన్నింగ్స్‌ఆసీస్‌ 76 పరుగులకే ఏకంగా ఏడు వికెట్లు కోల్పోయి కష్టాల్లో కూరుకుపోయిన వేళ.. బెత్‌ మూనీ సంచలన ఇన్నింగ్స్‌తో మెరిసింది. సూపర్‌ ఫామ్‌ను కొనసాగిస్తూ 114 బంతుల్లో 11 ఫోర్ల సాయంతో 109 పరుగులు సాధించింది. అయితే, ఇన్నింగ్స్‌ ఆఖరి బంతికి ఫాతిమా సనా బౌలింగ్‌లో సదాఫ్‌ షమాస్‌కు క్యాచ్‌ ఇవ్వడంతో మూనీ అవుటైపోయింది.ఏకంగా 106 పరుగులు జోడించి.. పాక్‌ సంబరాలపై నీళ్లుమరో ఎండ్‌లో అలనా కింగ్‌ 49 బంతుల్లో మూడు ఫోర్లు, మూడు సిక్సర్ల సాయంతో 51 పరుగులతో అజేయంగా నిలిచింది. వీరిద్దరు కలిసి తొమ్మిదో వికెట్‌కు ఏకంగా 106 పరుగులు జోడించి జట్టును గట్టెక్కించారు. మూనీ, అలనా అద్భుత ప్రదర్శన కారణంగా ఆసీస్‌ నిర్ణీత 50 ఓవర్లలో తొమ్మిది వికెట్ల నష్టానికి 221 పరుగుల మెరుగైన స్కోరు సాధించింది.దీంతో ఆదిలోనే వరుస వికెట్లు తీసిన పాక్‌ జట్టుకు ఆ సంతోషం ఎక్కువసేపు నిలవలేదు. ఇక పాక్‌ బౌలర్లలో నష్రా సంధు అత్యధికంగా మూడు వికెట్లు తీయగా.. రమీన్‌ షమీమ్‌, ఫాతిమా సనా చెరో రెండు.. డయానా బేగ్‌, సదియా ఇక్బాల్‌ ఒక్కో వికెట్‌ తమ ఖాతాలో వేసుకున్నారు. ఇదిలా ఉంటే.. పాక్‌పై బ్యాట్‌తో విజృంభించిన బెత్‌ మూనీపై ప్రశంసల వర్షం కురుస్తోంది. మహిళల వన్డే క్రికెట్‌ చరిత్రలోనే ఇదొక అత్యుత్తమ ఇన్నింగ్స్‌ అంటూ అభిమానులు సోషల్‌ మీడియా వేదికగా ఆమెను కొనియాడుతున్నారు.చదవండి: అగార్కర్‌కు అవమానకర ముగింపు తప్పదు: మాజీ క్రికెటర్‌ సంచలన వ్యాఖ్యలు Alert 🚨 - You are watching one of the greatest comeback of all time as Australia 🇦🇺 were 76/7, but at the end scored 221/9 👏🏻- Beth Mooney and Alana King had a unbeaten partnership of 106 🔥 with Mooney's epic 💯 & King's 50 🥶- What's your take 🤔pic.twitter.com/nRkac6VuZy— Richard Kettleborough (@RichKettle07) October 8, 2025

టీ20ల్లో అత్యధిక పరుగులు చేసిన ఆటగాళ్ల జాబితాలో పాకిస్తాన్‌ మాజీ కెప్టెన్‌ బాబర్‌ ఆజమ్‌ రెండో స్థానానికి ఎగబాకాడు. ఆస్ట్రేలియాతో ఇవాళ (నవంబర్‌ 18) జరిగిన మూడో టీ20లో బాబర్‌ ఈ ఘనతను సాధించాడు. ఈ మ్యాచ్‌లో 28 బంతులు ఎదుర్కొని 4 ఫోర్ల సాయంతో 41 పరుగులు చేసిన బాబర్‌.. పొట్టి ఫార్మాట్‌లో అత్యధిక పరుగులు చేసిన ఆటగాళ్ల జాబితాలో విరాట్‌ కోహ్లిని అధిగమించాడు. ప్రస్తుతం బాబర్‌ కంటే ముందు రోహిత్‌ శర్మ మాత్రమే ఉన్నాడు.టీ20ల్లో అత్యధిక పరుగులు చేసిన టాప్‌-4 ఆటగాళ్లు..1. రోహిత్‌ శర్మ- 4231 పరుగులు2. బాబర్‌ ఆజమ్‌- 41923. విరాట్‌ కోహ్లి- 41884. పాల్‌ స్టిర్లింగ్‌- 3655మ్యాచ్‌ విషయానికొస్తే.. ఆస్ట్రేలియాతో జరిగిన మూడో టీ20లో పాక్‌ 7 వికెట్ల తేడాతో ఓటమిపాలైంది. ఈ మ్యాచ్‌లో తొలుత బ్యాటింగ్‌ చేసిన పాక్‌ 18.1 ఓవర్లలో 117 పరుగులకు ఆలౌటైంది. పాక్‌ ఇన్నింగ్స్‌లో బాబర్‌ ఆజమ్‌ (41) టాప్‌ స్కోరర్‌గా నిలిచాడు. ఆసీస్‌ బౌలర్లు ఆరోన్‌ హార్డీ మూడు.. ఆడమ్‌ జంపా, స్పెన్సర్‌ జాన్సన్‌ తలో రెండు.. జేవియర్‌ బార్ట్‌లెట్, నాథన్‌ ఇల్లిస్‌ చెరో వికెట్‌ పడగొట్టారు.అనంతరం 118 పరుగుల స్వల్ప లక్ష్యాన్ని ఛేదించేందుకు బరిలోకి దిగిన ఆసీస్‌.. మార్కస్‌ స్టోయినిస్‌ (27 బంతుల్లో 61 నాటౌట్‌; 5 ఫోర్లు, 5 సిక్సర్లు) చెలరేగడంతో కేవలం 11.2 ఓవర్లలోనే (3 వికెట్లు కోల్పోయి) విజయతీరాలకు చేరింది. ఆసీస్‌ ఇన్నింగ్స్‌లో జోస్‌ ఇంగ్లిస్‌ 27, జేక్‌ ఫ్రేజర్‌ 18, టిమ్‌ డేవిడ్‌ 7 (నాటౌట్‌), మాథ్యూ షార్ట్‌ 2 పరుగులు చేశారు. పాక్‌ బౌలర్లలో షాహీన్‌ అఫ్రిది, జహన్‌దాద్‌ ఖాన్‌, అబ్బాస్‌ అఫ్రిదిలకు తలో వికెట్‌ పడగొట్టారు.ఈ గెలుపుతో ఆసీస్‌ మూడు మ్యాచ్‌ల టీ20 సిరీస్‌ను 3-0 తేడాతో క్లీన్‌ స్వీప్‌ చేసింది. తొలి రెండు మ్యాచ్‌ల్లో కూడా ఆస్ట్రేలియానే గెలుపొందింది. టీ20 సిరీస్‌కు ముందు జరిగిన వన్డే సిరీస్‌ను పాక్‌ 2-1 తేడాతో కైవసం చేసుకుంది. మూడు మ్యాచ్‌ల వన్డే, టీ20 సిరీస్‌ల కోసం పాకిస్తాన్‌ ఆస్ట్రేలియాలో పర్యటించింది.

హోబ‌ర్ట్ వేదిక‌గా ఆస్ట్రేలియాతో మూడో టీ20లో త‌ల‌ప‌డేందుకు పాకిస్తాన్ సిద్ద‌మైంది. ఇప్ప‌టికే తొలి రెండు మ్యాచ్‌ల్లో ఓట‌మిపాలై సిరీస్‌ను కోల్పోయిన పాకిస్తాన్‌.. క‌నీసం ఆఖ‌రి టీ20లోనైనా గెలిచి పరువు నిల‌బెట్టుకోవాల‌ని భావిస్తోంది.అయితే ఈ చివ‌రి మ్యాచ్‌లో పాక్ జ‌ట్టు రెండు మార్పుల‌తో బ‌రిలోకి దిగ‌నుంది. ఈ మ్యాచ్‌కు రెగ్యూల‌ర్ కెప్టెన్ మ‌హ్మ‌ద్ రిజ్వాన్ దూర‌మ‌య్యాడు. అత‌డి స్ధానంలో పాక్ జ‌ట్టుకు సల్మాన్ అలీ అఘా సారథ్యం వహించనున్నాడు. రిజ్వాన్‌తో పాటు స్టార్ పేసర్ నషీం షాకు కూడా జట్టు మేనేజ్‌మెంట్ విశ్రాంతి ఇచ్చింది. వీరిద్ద‌రి స్థానాల్లో హసీబుల్లా ఖాన్, పేస‌ర్ జహందాద్ ఖాన్ తుది జ‌ట్టులోకి వ‌చ్చారు. అయితే 21 ఏళ్ల జహందాద్ ఖాన్‌కు ఇదే తొలి అంత‌ర్జాతీయ టీ20 కావ‌డం గ‌మ‌నార్హం. దేశవాళీ క్రికెట్‌లో అద్బుతంగా రాణిస్తుండండంతో జ‌హందాద్‌కు సెల‌క్ట‌ర్లు చోటు ఇచ్చారు. కాగా ఈ మ్యాచ్‌లో టాస్‌ గెలిచిన పాకిస్తాన్‌ తొలుత బ్యాటింగ్‌ ఎంచుకుంది. తుది జట్లుఆస్ట్రేలియా: మాథ్యూ షార్ట్, జేక్ ఫ్రేజర్-మెక్‌గర్క్, జోష్ ఇంగ్లిస్‌(కెప్టెన్‌/ వికెట్ కీప‌ర్‌), గ్లెన్ మాక్స్‌వెల్, మార్కస్ స్టోయినిస్, టిమ్ డేవిడ్, ఆరోన్ హార్డీ, జేవియర్ బార్ట్‌లెట్, నాథన్ ఎల్లిస్, స్పెన్సర్ జాన్సన్, ఆడమ్ జాంపాపాకిస్తాన్‌: సల్మాన్ అలీ అఘా (కెప్టెన్), సాహిబ్జాదా ఫర్హాన్, బాబర్ ఆజం, హసీబుల్లా ఖాన్ (వికెట్ కీపర్), ఉస్మాన్ ఖాన్, ముహమ్మద్ ఇర్ఫాన్ ఖాన్, మహ్మద్ అబ్బాస్, షాహీన్ అఫ్రిది, జహందాద్ ఖాన్, హరీస్ రవూఫ్, సోఫియన్‌ ముఖీమ్‌చదవండి: అత‌డొక అద్బుతం.. తొలి టెస్టులో స్పెషలిస్ట్ బ్యాటర్‌గా ఆడించండి: రవిశాస్త్రి

పాకిస్తాన్‌ ఫాస్ట్‌ బౌలర్‌ హరీస్‌ రౌఫ్‌ సరికొత్త చరిత్ర సృష్టించాడు. అంతర్జాతీయ టీ20ల్లో పాక్‌ తరఫున అత్యధిక వికెట్లు తీసిన ఆటగాడిగా షాదాబ్‌ ఖాన్‌ సరసన​ నిలిచాడు. ఆస్ట్రేలియాతో ఇవాళ (నవంబర్‌ 16) జరుగుతున్న ‌మ్యాచ్‌లో నాలుగు వికెట్లు తీసిన రౌఫ్‌ ఈ ఘనత సాధించాడు. రౌఫ్‌ తన 72 ఇన్నింగ్స్‌ల టీ20 కెరీర్‌లో 107 వికెట్లు తీయగా.. షాదాబ్‌ ఖాన్‌ 96 ఇన్నింగ్స్‌ల్లో 107 వికెట్లు పడగొట్టాడు. పాక్‌ తరఫున టీ20ల్లో అత్యధిక వికెట్లు తీసిన ఆటగాళ్ల జాబితాలో హరీస్‌ రౌఫ్‌, షాదాబ్‌ ఖాన్‌ తర్వాత షాహిద్‌ అఫ్రిది (97 వికెట్లు), షాహీన్‌ అఫ్రిది (96) ఉన్నారు. 2020లో టీ20 అరంగేట్రం చేసిన రౌఫ్‌ కేవలం నాలుగేళ్ల వ్యవధిలోనే పాక్‌ తరఫున లీడింగ్‌ వికెట్‌టేకర్‌గా అవతరించాడు.ఆసీస్‌తో మ్యాచ్‌లో నాలుగు వికెట్లు తీసిన రౌఫ్‌ మరో ఘనత కూడా సాధించాడు. ఆస్ట్రేలియా గడ్డపై అత్యుత్తమ గణాంకాలు (4-0-22-4) నమోదు చేసిన విదేశీ బౌలర్‌గా రికార్డు నెలకొల్పాడు. గతంలో ఈ రికార్డు శ్రీలంకకు చెందిన నువాన్‌ కులశేఖర పేరిట ఉండేది. కులశేఖర 2017లో నాలుగు వికెట్లు తీసి 31 పరుగులిచ్చాడు. ఈ జాబితాలో రౌఫ్‌, కులశేఖర తర్వాత కృనాల్‌ పాండ్యా (4/36), క్రిస్‌ వోక్స్‌ (3/4), టిమ్‌ సౌథీ (3/6) ఉన్నారు.మ్యాచ్‌ విషయానికొస్తే.. మూడు మ్యాచ్‌ల టీ20 సిరీస్‌లో భాగంగా పాకిస్తాన్‌తో జరుగుతున్న రెండో టీ20లో టాస్‌ గెలిచి తొలుత బ్యాటింగ్‌ ఎంచుకున్న ఆస్ట్రేలియా నిర్ణీత 20 ఓవర్లలో 9 వికెట్ల నష్టానికి 147 పరుగులు చేసింది. హరీస్‌ రౌఫ్‌ (4/22), అబ్బాస్‌ అఫ్రిది (3/17), సూఫియాన్‌ ముఖీమ్‌ (2/21) ఆసీస్‌ పతనాన్ని శాశించారు. ఆసీస్‌ ఇన్నింగ్స్‌లో మాథ్యూ షార్ట్‌ (32) టాప్‌ స్కోరర్‌గా నిలువగా.. జేక్‌ ఫ్రేజర్‌ (20), మ్యాక్స్‌వెల్‌ (21), స్టోయినిస్‌ (14), టిమ్‌ డేవిడ్‌ (18), ఆరోన్‌ హార్డీ (28) రెండంకెల స్కోర్లు చేశారు.అనంతరం నామమాత్రపు లక్ష్యాన్ని ఛేదించేందుకు బరిలోకి దిగిన పాకిస్తాన్‌ 18 ఓవర్లలో 8 వికెట్లు కోల్పోయి 124 పరుగులు చేసింది. ఈ మ్యాచ్‌లో పాక్‌ గెలవాలంటే 12 బంతుల్లో 24 పరుగులు చేయాలి. కాగా, ఈ సిరీస్‌లోని తొలి మ్యాచ్‌లో ఆస్ట్రేలియా గెలుపొందిన విషయం తెలిసిందే.

పాకిస్తాన్ స్టార్ ప్లేయ‌ర్ బాబ‌ర్ ఆజం ఓ అరుదైన ఘ‌న‌తను త‌న పేరిట లిఖించుకున్నాడు. పాకిస్తాన్ త‌ర‌పున అత్యధిక అంతర్జాతీయ టీ20 మ్యాచ్‌లు ఆడిన ప్లేయర్‌గా బాబ‌ర్ రికార్డుల‌కెక్కాడు. గురువారం బ్రిస్బేన్ వేదిక‌గా ఆస్ట్రేలియాతో జ‌రిగిన తొలి టీ20 బాబ‌ర్‌కు 124వ అంత‌ర్జాతీయ టీ20 మ్యాచ్. త‌ద్వారా ఈ అరుదైన ఫీట్‌ను బాబ‌ర్ త‌న ఖాతాలో వేసుకున్నాడు.ఇంత‌కుముందు ఈ రికార్డు పాక్ వెట‌ర‌న్ ఆల్‌రౌండ‌ర్ షోయబ్‌ మాలిక్‌(123) పేరిట ఉండేది. తాజా మ్యాచ్‌తో మాలిక్ రికార్డును ఆజం బ‌ద్ద‌లు కొట్టాడు. ఇప్పటివరకు 124 టీ20లు ఆడిన బాబర్‌.. 40.67 సగటుతో 4148 పరుగులు చేశాడు.ఇక మ్యాచ్ విష‌యానికి వ‌స్తే.. పాకిస్తాన్‌పై 29 పరుగుల తేడాతో ఆసీస్ విజ‌యం సాధించింది. వెలుతురు లేమి కారణంగా నిర్ణీత‌ సమయం కంటే మూడు గంటలు ఆలస్యంగా ప్రారంభమైన తొలి టి20ని చివరకు 7 ఓవర్లకు కుదించారు. మొద‌ట బ్యాటింగ్ చేసిన ఆస్ట్రేలియా 7 ఓవర్లలో 4 వికెట్ల నష్టానికి 93 పరుగులు చేసింది. ఆసీస్ బ్యాట‌ర్ల‌లో గ్లెన్ మాక్స్‌వెల్‌19 బంతుల్లో 43; 5 ఫోర్లు, 3 సిక్సర్లు), స్టొయినిస్‌ (7 బంతుల్లో 21 నాటౌట్‌; 2 ఫోర్లు, 1 సిక్స్‌) మెరుపు ఇన్నింగ్స్ ఆడారు. పాకిస్తాన్‌ బౌలర్లలో అబ్బాస్‌ అఫ్రిది రెండు వికెట్లు పడగొట్టాడు. అనంతరం లక్ష్యఛేదనలో పాకిస్తాన్‌ 7 ఓవర్లలో 9 వికెట్ల నష్టానికి 64 పరుగులకు పరిమితమైంది. పాక్‌ బ్యాటర్లలో అబ్బాస్‌ అఫ్రిది (20 నాటౌట్‌; 2 ఫోర్లు, 1 సిక్స్‌) టాప్‌ స్కోరర్‌గా నిలిచాడు. ఇరు జట్ల మధ్య రెండో టీ20 సిడ్నీ వేదికగా శనివారం జరగనుంది.

పాకిస్తాన్‌తో టీ20 సిరీస్‌లో ఆస్ట్రేలియా శుభారంభం చేసింది. బ్రిస్బేన్‌ వేదికగా పర్యాటక జట్టును చిత్తుగా ఓడించి 1-0తో ఆధిక్యంలోకి వెళ్లింది. గాబా స్టేడియంలో ఆసీస్‌- పాక్‌ మధ్య గురువారం తొలి టీ20 జరిగింది.వర్షం కారణంగా ఆలస్యంగా మొదలైన ఈ టీ20 మ్యాచ్‌ను ఏడు ఓవర్లకు కుదించారు. ఈ క్రమంలో టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. దీంతో బ్యాటింగ్‌కు దిగిన ఆసీస్‌కు ఆదిలోనే ఎదురుదెబ్బ తగిలింది. ఓపెనర్లు మాథ్యూ షార్ట్‌(7), జేక్‌ ఫ్రేజర్‌ మెగర్క్‌(9) సింగిల్‌ డిజిట్‌ స్కోర్లకే పెవిలియన్‌ చేరారు.ధనాధన్‌ ఇన్నింగ్స్‌తో మాక్సీ చెలరేగగాఅయితే, వన్‌డౌన్‌ బ్యాటర్‌ గ్లెన్‌ మాక్స్‌వెల్‌(19 బంతుల్లో 43) రాకతో సీన్‌ మారింది. ధనాధన్‌ ఇన్నింగ్స్‌తో మాక్సీ చెలరేగగా.. నాలుగో నంబర్‌ బ్యాటర్‌ టిమ్‌ డేవిడ్‌(10) మాత్రం విఫలమయ్యాడు. ఈ క్రమంలో మాక్సీకి తోడైన మార్కస్‌ స్టొయినిస్‌(7 బంతుల్లో 21 నాటౌట్‌) స్కోరు బోర్డును పరుగులు పెట్టించాడు.మాక్సీ, స్టొయినిస్‌ విధ్వంసకర బ్యాటింగ్‌ కారణంగా ఆస్ట్రేలియా నిర్ణీత ఏడు ఓవర్లలో నాలుగు వికెట్ల నష్టానికి 93 పరుగులు చేసింది. పాక్‌ బౌలర్లలో అబ్బాస్‌ ఆఫ్రిది రెండు వికెట్లు తీయగా.. షాహిన్‌ ఆఫ్రిది, నసీం షా ఒక్కో వికెట్‌ దక్కించుకున్నారు.ఆరంభం నుంచే పాక్‌ తడ‘బ్యాటు’అయితే, లక్ష్య ఛేదనలో ఆరంభం నుంచే పాక్‌ తడ‘బ్యాటు’కు గురైంది. ఆసీస్‌ పేసర్లు నిప్పులు చెరగడంతో 64 పరుగులకే చేతులెత్తేసింది. ఓపెనర్‌ సాహిబ్‌జాదా ఫర్హాన్‌(8)ను అవుట్‌ చేసి స్పెన్సర్‌ జాన్సన్‌ వికెట్ల వేట మొదలుపెట్టగా.. జేవియర్‌ బార్ట్‌లెట్‌ మహ్మద్‌ రిజ్వాన్‌(0)ను డకౌట్‌ చేశాడు. అనంతరం ఉస్మాన్‌ ఖాన్‌(4)ను కూడా అతడు పెవిలియన్‌కు పంపాడు.ఆ తర్వాత నాథన్‌ ఎల్లిస్‌ బాబర్‌ ఆజం(3)తో పాటు.. ఇర్ఫాన్‌ ఖాన్‌(0) వికెట్లు కూల్చాడు. ఈ క్రమంలో మరోసారి రంగంలోకి దిగిన బార్ట్‌లెట్‌ ఆఘా సల్మాన్‌(4)ను వెనక్కి పంపగా.. నాథన్‌ ఎల్లిస్‌ హసీబుల్లా ఖాన్‌(12) పనిపట్టాడు. అయితే, అబ్బాస్‌ ఆఫ్రిది(20 నాటౌట్‌)తో కలిసి టెయిలెండర్‌ షాహిన్‌ ఆఫ్రిది(6 బంతుల్లో 11) బ్యాట్‌ ఝులిపించే ప్రయత్నం చేయగా.. ఆసీస్‌ స్పిన్నర్‌ ఆడం జంపా అతడిని బౌల్డ్‌ చేశాడు. అనంతరం.. పాక్‌ ఇన్నింగ్స్‌ ఆఖరి వికెట్‌గా నసీం షాను బౌల్డ్‌ చేసి వెనక్కి పంపించాడు. 64 పరుగులకేఈ క్రమంలో పాకిస్తాన్‌ ఏడు ఓవర్లలో తొమ్మిది వికెట్ల నష్టానికి కేవలం 64 రన్స్‌ చేసింది. ఫలితంగా ఆసీస్‌ చేతిలో 29 పరుగుల తేడాతో ఓడిపోయింది. అద్భుత బ్యాటింగ్‌తో అలరించి ఆసీస్‌ను గెలిపించిన గ్లెన్‌ మాక్స్‌వెల్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఇరుజట్ల మధ్య శనివారం సిడ్నీ వేదికగా రెండో టీ20 నిర్వహించేందుకు షెడ్యూల్‌ ఖరారైంది.చదవండి: IPL 2025: సీఎస్‌కే కన్నేసిన చిన్నోడు శతక్కొట్టాడు..!'This is why people pay a lot of money to watch this guy bat' #AUSvPAK pic.twitter.com/Zwab5Pnw3j— cricket.com.au (@cricketcomau) November 14, 2024

పాకిస్తాన్‌తో తొలి టీ20లో ఆస్ట్రేలియా ఆల్‌రౌండర్‌ గ్లెన్‌ మాక్స్‌వెల్‌ ధనాధన్‌ ఇన్నింగ్స్‌తో దంచికొట్టాడు. పాక్‌ బౌలింగ్‌ను ఊచకోత కోస్తూ.. కేవలం పందొమ్మిది బంతుల్లోనే 43 పరుగులు సాధించాడు. 226కు పైగా స్ట్రైక్‌రేటు నమోదు చేసిన మాక్సీ ఇన్నింగ్స్‌లో ఐదు ఫోర్లు, మూడు సిక్సర్లు ఉన్నాయి.ఇక మాక్సీతో పాటు మరో ఆల్‌రౌండర్‌ మార్కస్‌ స్టొయినిస్‌ కూడా మెరుపు ఇన్నింగ్స్‌తో దుమ్ములేపాడు. కేవలం ఏడు బంతుల్లోనే రెండు ఫోర్లు, ఒక సిక్సర్‌ సాయంతో 21 పరుగులతో అజేయంగా నిలిచాడు. వీరిద్దరి అద్భుత ప్రదర్శన కారణంగా ఆస్ట్రేలియా నిర్ణీత ఏడు ఓవర్లలో నాలుగు వికెట్ల నష్టానికి 93 పరుగులు చేసింది.కాగా మూడు వన్డేలు, మూడు టీ20ల సిరీస్‌ ఆడేందుకు పాకిస్తాన్‌ ఆస్ట్రేలియా పర్యటనకు వెళ్లింది. ఇందులో భాగంగా వన్డే సిరీస్‌ను 2-1తో గెలిచి పాకిస్తాన్‌ చారిత్రాత్మక విజయం సాధించింది. ఈ క్రమంలో ఇరుజట్ల మధ్య బ్రిస్బేన్‌ వేదికగా టీ20 సిరీస్‌ మొదలైంది.గాబా స్టేడియంలో గురువారం నాటి ఈ మ్యాచ్‌కు వర్షం ఆటంకం కలిగించింది. దీంతో టీ20ని ఏడు ఓవర్లకు కుదించారు. ఈ క్రమంలో టాస్‌ గెలిచిన పాకిస్తాన్‌ ఆసీస్‌ను తొలుత బ్యాటింగ్‌కు ఆహ్వానించింది. అయితే, ఓపెనర్లు మాథ్యూ షార్ట్‌(7), జేక్‌ ఫ్రేజర్‌ మెగర్క్‌(9).. అదే విధంగా టిమ్‌ డేవిడ్‌(10) విఫలం కాగా.. మాక్సీ, స్టొయినిస్‌ దంచికొట్టారు.చరిత్ర పుటల్లోకి!ఇక పాక్‌తో తొలి టీ20 సందర్భంగా మాక్స్‌వెల్‌ పొట్టి ఫార్మాట్లో పది వేల పరుగులు పూర్తి చేసుకున్నాడు. తద్వారా పురుషుల క్రికెట్‌లో ఓవరాల్‌గా ఈ ఘనత సాధించిన పదహారో బ్యాటర్‌గా.. అదే విధంగా మూడో ఆసీస్‌ క్రికెటర్‌గా చరిత్రకెక్కాడు. మాక్సీ (10012) కంటే ముందు డేవిడ్‌ వార్నర్‌(12411), ఆరోన్‌ ఫించ్‌(11458) ఆస్ట్రేలియా తరఫున పదివేల పరుగుల క్లబ్‌లో చేరారు. 'This is why people pay a lot of money to watch this guy bat' #AUSvPAK pic.twitter.com/Zwab5Pnw3j— cricket.com.au (@cricketcomau) November 14, 2024

స్వదేశంలో పాకిస్తాన్‌తో జరిగిన మూడు మ్యాచ్‌ల వన్డే సిరీస్‌ సందర్భంగా ఆస్ట్రేలియా క్రికెట్‌ జట్టు ఓ చెత్త రికార్డు మూటగట్టుకుంది. ఈ సిరీస్‌లో ఆసీస్‌ తరఫున కనీసం ఒక్కరు కూడా హాఫ్‌ సెంచరీ మార్కు తాకలేకపోయారు. ఆసీస్‌ వన్డే క్రికెట్‌ చరిత్రలో ఇలా జరగడం ఇదే మొదటిసారి. ఈ సిరీస్‌ ఆసీస్‌ టాప్‌ స్కోరర్‌గా జోస్‌ ఇంగ్లిస్‌ నిలిచాడు. ఇంగ్లిస్‌ తొలి వన్డేలో 49 పరుగులు చేశాడు. ఇదే ఈ సిరీస్‌ మొత్తానికి ఆసీస్‌ తరఫున అత్యధిక వ్యక్తిగత స్కోర్‌.పాక్‌తో సిరీస్‌లో బ్యాటర్ల చెత్త ప్రదర్శన నేపథ్యంలో ఆసీస్‌ 1-2 తేడాతో సిరీస్‌ను కోల్పోయింది. 22 ఏళ్లలో సొంతగడ్డపై పాకిస్తాన్‌ చేతిలో వన్డే సిరీస్‌ కోల్పోవడం ఆసీస్‌కు ఇదే మొదటిసారి. ఇవాళ (నవంబర్‌ 10) జరిగిన నిర్ణయాత్మక మూడో వన్డేలో పాక్‌ ఆసీస్‌ను 8 వికెట్ల తేడాతో మట్టికరిపించింది. ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. 31.5 ఓవర్లలో 140 పరుగులకు ఆలౌటైంది. పాక్‌ పేసర్లు షాహీన్‌ అఫ్రిది (3/32), నసీం షా (3/54), హరీస్‌ రౌఫ్‌ (2/24), మొహమ్మద్‌ హస్నైన్‌ (1/24) ఆసీస్‌ పతనాన్ని శాశించారు.ఆసీస్‌ ఇన్నింగ్స్‌లో సీన్‌ అబాట్‌ (30) టాప్‌ స్కోరర్‌గా నిలువగా.. మాథ్యూ షార్ట్‌ (22), ఆరోన్‌ హార్డీ (12), ఆడమ్‌ జంపా (13), స్పెన్సర్‌ జాన్సన్‌ (12 నాటౌట్‌) రెండంకెల స్కోర్లు చేశారు.అనంతరం 141 పరుగుల స్వల్ప లక్ష్యాన్ని ఛేదించేందుకు బరిలోకి దిగిన పాక్‌.. 26.5 ఓవర్లలో రెండు వికెట్లు కోల్పోయి విజయతీరాలకు చేరింది. పాక్‌ ఇన్నింగ్స్‌లో సైమ్‌ అయూబ్‌ (42), అబ్దుల్లా షఫీక్‌ (37) రాణించగా.. బాబర్‌ ఆజమ్‌ (28), మొహమ్మద్‌ రిజ్వాన్‌ (30) అజేయంగా నిలిచారు. ఆసీస్‌ బౌలర్లలో లాన్స్‌ మోరిస్‌కు రెండు వికెట్లు దక్కాయి. కాగా, ఈ సిరీస్‌లో ఆసీస్‌ తొలి వన్డేలో గెలుపొందగా.. పాక్‌ వరుసగా రెండు, మూడు వన్డేల్లో గెలిచింది.ఈ సిరీస్‌లో ఆసీస్‌ బ్యాటర్ల అత్యధిక వ్యక్తిగత స్కోర్లు..జోస్‌ ఇంగ్లిస్‌- 49 (తొలి వన్డే)స్టీవ్‌ స్మిత్‌- 44 (తొలి వన్డే)స్టీవ్‌ స్మిత్‌- 35 (రెండో వన్డే)పాట్‌ కమిన్స్‌- 32 (తొలి వన్డే)సీన్‌ అబాట్‌- 30 (మూడో వన్డే)

అంతర్జాతీయ క్రికెట్‌లో పాక్‌ చాలా రోజుల తర్వాత తమ స్థాయి మేరకు రాణించింది. ఆస్ట్రేలియాతో జరిగిన మూడు మ్యాచ్‌ల వన్డే సిరీస్‌ను పాక్‌ 2-1 తేడాతో కైవసం చేసుకుంది. పాక్‌.. ఆస్ట్రేలియాను వారి సొంతగడ్డపై మట్టికరిపించడం విశేషం. 22 ఏళ్లలో ఆస్ట్రేలియాలో పాకిస్తాన్‌ను ఇది తొలి వన్డే సిరీస్‌ విజయం. ఇవాళ (నవంబర్‌ 10) జరిగిన నిర్ణయాత్మక మూడో వన్డేలో పాక్‌ ఆసీస్‌పై 8 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. 31.5 ఓవర్లలో 140 పరుగులకే కుప్పకూలింది. పాక్‌ పేసర్లు షాహీన్‌ అఫ్రిది (3/32), నసీం షా (3/54), హరీస్‌ రౌఫ్‌ (2/24), మొహమ్మద్‌ హస్నైన్‌ (1/24) ఆసీస్‌ పతనాన్ని శాశించారు. ఆసీస్‌ ఇన్నింగ్స్‌లో సీన్‌ అబాట్‌ (30) టాప్‌ స్కోరర్‌గా నిలువగా.. మాథ్యూ షార్ట్‌ (22), ఆరోన్‌ హార్డీ (12), ఆడమ్‌ జంపా (13), స్పెన్సర్‌ జాన్సన్‌ (12 నాటౌట్‌) రెండంకెల స్కోర్లు చేశారు. జేక్‌ ఫ్రేజర్‌ మెక్‌గుర్క్‌ (7), కెప్టెన్‌ జోస్‌ ఇంగ్లిస్‌ (7), కూపర్‌ కన్నోలీ (7), మార్కస్‌ స్టోయినిస్‌ (8), గ్లెన్‌ మ్యాక్స్‌వెల్‌ (0), లాన్స్‌ మోరిస్‌ (0) దారుణంగా విఫలమయ్యారు.అనంతరం 141 పరుగుల స్వల్ప లక్ష్య ఛేదనకు దిగిన పాక్‌.. 26.5 ఓవర్లలో రెండు వికెట్లు కోల్పోయి విజయతీరాలకు చేరింది. పాక్‌ ఇన్నింగ్స్‌లో సైమ్‌ అయూబ్‌ (42), అబ్దుల్లా షఫీక్‌ (37) రాణించగా.. బాబర్‌ ఆజమ్‌ (28), మొహమ్మద్‌ రిజ్వాన్‌ (30) అజేయంగా నిలిచారు. ఆసీస్‌ బౌలర్లలో లాన్స్‌ మోరిస్‌కు రెండు వికెట్లు దక్కాయి. కాగా, ఈ సిరీస్‌లో తొలి వన్డేలో ఆసీస్‌ గెలుపొందగా.. పాక్‌ వరుసగా రెండు, మూడు వన్డేల్లో జయకేతనం ఎగురవేసింది.

పెర్త్ వేదిక‌గా ఆస్ట్రేలియాతో జ‌రుగుతున్న మూడో వ‌న్డేలో పాకిస్తాన్ ఫాస్ట్ బౌల‌ర్లు నిప్పులు చేరిగారు. ఈ మ్యాచ్‌లో టాస్ ఓడి తొలుత బ్యాటింగ్‌కు దిగిన ఆస్ట్రేలియా పాక్ బౌల‌ర్ల దాటికి 31.5 ఓవ‌ర్ల‌లో 140 ప‌రుగుల‌కే కుప్ప‌కూలింది. షాహీన్ షా అఫ్రిది, న‌సీం షా త‌లా మూడు వికెట్ల‌తో కంగారుల ప‌త‌నాన్ని శాసించ‌గా, హారిస్ రౌఫ్ రెండు, హ‌స్న‌న్ ఒక వికెట్ సాధించారు. ఆసీస్ బ్యాట‌ర్ల‌లో ఆల్‌రౌండ‌ర్ సీన్ అబాట్‌(30) ప‌రుగులతో టాప్ స్కోర‌ర్‌గా నిలిచాడు. అయితే ఈ మ్యాచ్‌కు ఆసీస్ కెప్టెన్ ప్యాట్ క‌మ్మిన్స్‌తో పాటు రెగ్యూల‌ర్ ఆట‌గాళ్లు స్టీవ్ స్మిత్‌, మార్న‌స్ ల‌బుషేన్‌, మిచెల్ స్టార్క్‌, జోష్ హాజిల్ వుడ్ అందుబాటులో లేరు. వీరింద‌రూ భార‌త్‌తో జ‌ర‌గ‌నున్న టెస్టు సిరీస్‌కు ఎంపికైన నేప‌థ్యంలో ఎటువంటి గాయాల బారిన ప‌డ‌కుండా ఉండ‌డానికి ఈ ఆఖ‌రి వ‌న్డేకు దూర‌మ‌య్యారు. కాగా ఈ సిరీస్‌లో ఇరు జ‌ట్లు 1-1తో స‌మంగా ఉన్నాయి. ఈ మ్యాచ్‌లో ఎవ‌రు గెలిస్తే సిరీస్ వారి వ‌శ‌మవుతుంది.చదవండి: CK Nayudu Trophy: ఊచ‌కోత‌.. ఒకే ఇన్నింగ్స్‌లో 426 పరుగులు! 46 ఫోర్లు, 8 సిక్స్‌ల‌తో Congratulations to pakistan winning series against australia.All World class field. Most hyped team Australia in the world 😁 #PAKvsAUSpic.twitter.com/AiwacybfvT— JassPreet (@JassPreet96) November 10, 2024

అడిలైడ్‌ వేదికగా ఆస్ట్రేలియాతో జరిగిన రెండో వన్డేలో పాకిస్తాన్‌ 9 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియాలో 35 ఓవర్లలో 163 పరుగులకే ఆలౌటైంది. హరీస్‌ నిప్పులు చెరిగే బంతులలో ఆసీస్‌ బ్యాటర్ల భరతం పట్టాడు. రౌఫ్‌ 8 ఓవర్లలో 29 పరుగులిచ్చి 5 వికెట్లు పడగొట్టాడు. మరో ఎండ్‌ నుంచి ఫాహీన్‌ అఫ్రిది కూడా ఆసీస్‌ బ్యాటర్లపై అటాకింగ్‌ చేశాడు. అఫ్రిది 8 ఓవర్లలో 26 పరుగులిచ్చి 3 వికెట్లు పడగొట్టాడు. పేసర్లు నసీం షా, మొహమ్మద్‌ హస్నైన్‌ తలో వికెట్‌ దక్కించుకున్నారు. ఈ మ్యాచ్‌లో పాక్‌ వికెట్‌ కీపర్‌ మొహమ్మద్‌ రిజ్వాన్‌ ఆరు క్యాచ్‌లు పట్టాడు. ఆసీస్‌ ఇన్నింగ్స్‌లో స్టీవ్‌ స్మిత్‌ (35) టాప్‌ స్కోరర్‌గా నిలువగా.. మాథ్యూ షార్ట్‌ 19, జేక్‌ ఫ్రేజర్‌ మెక్‌గుర్క్‌ 13, జోష్‌ ఇంగ్లిస్‌ 18, లబూషేన్‌ 6, హార్డీ 14, మ్యాక్స్‌వెల్‌ 16, కమిన్స్‌ 13, స్టార్క్‌ 1, జంపా 18, హాజిల్‌వుడ్‌ 2 (నాటౌట్‌) పరుగులు చేశారు.అనంతరం 164 పరుగుల స్వల్ప లక్ష్య ఛేదనకు దిగిన పాక్‌.. 26.3 ఓవర్లలో వికెట్‌ మాత్రమే కోల్పోయి ఆడుతూపాడుతూ విజయం సాధించింది. ఓపెనర్‌ సైమ్‌ అయూబ్‌ మెరుపు హాఫ్‌ సెంచరీతో (71 బంతుల్లో 82; 5 ఫోర్లు, 6 సిక్సర్లు) అలరించగా.. మరో ఓపెనర్‌ అబ్దుల్లా షఫీక్‌ బాధ్యతాయుతమైన హాఫ్‌ సెంచరీ (69 బంతుల్లో 64 నాటౌట్‌; 4 ఫోర్లు, 3 సిక్సర్లు) సాధించాడు. బాబర్‌ ఆజమ్‌ 20 బంతుల్లో సిక్సర్‌ సాయంతో 15 పరుగులు చేసి అజేయంగా నిలిచాడు. ఆసీస్‌ బౌలర్లలో ఆడమ్‌ జంపా ఓ వికెట్‌ పడగొట్టాడు. ఈ గెలుపుతో పాక్‌ మూడు మ్యాచ్‌ల సిరీస్‌ను 1-1తో సమం చేసుకుంది. నిర్ణయాత్మకమైన మూడో వన్డే నవంబర్‌ 10న పెర్త్‌ వేదికగా జరుగనుంది.

అడిలైడ్ ఓవల్‌లో ఆస్ట్రేలియాతో జ‌రుగుతున్న రెండో వ‌న్డేలో పాకిస్తాన్ కెప్టెన్ మ‌హ్మ‌ద్ రిజ్వాన్ వికెట్ల వెన‌క అద్బుతం చేశాడు. ఈ మ్యాచ్‌లో రిజ్వాన్ ఏకంగా 6 క్యాచ్‌ల‌ను అందుకున్నాడు. త‌ద్వారా ఓ అరుదైన ఫీట్‌ను రిజ్వాన్ త‌న పేరిట లిఖించుకున్నాడు.వ‌న్డేల్లో ఒకే ఇన్నింగ్స్‌లో అత్యధిక క్యాచ్‌లు అందుకున్న పాకిస్తాన్‌ వికెట్‌కీపర్‌గా స‌ర్ఫ‌రాజ్ ఆహ్మ‌ద్ రికార్డును స‌మం చేశాడు. మార్చి 2015లో దక్షిణాఫ్రికాతో జరిగిన వ‌న్డేలో స‌ర్ఫరాజ్ కూడా ఆరు క్యాచ్‌ల‌ను అందుకున్నాడు. అయితే ఈ మ్యాచ్‌లో స‌ర్ఫ‌రాజ్ రికార్డును బ్రేక్ చేసే ఛాన్స్ రిజ్వాన్‌కు ల‌భించింది. కానీ జంపా ఇచ్చిన ఇచ్చిన ఈజీ క్యాచ్‌ను రిజ్వాన్ జార‌విడ‌చ‌డంతో ఆహ్మ‌ద్‌ను అధిగ‌మించ‌లేక‌పోయాడు. లేదంటే 7 క్యాచ్‌ల‌తో స‌ర్ఫ‌రాజ్ ఆల్‌టైమ్ రికార్డు బ్రేక్ అయివుండేది.నిప్పులు చెరిగిన ర‌వూఫ్‌కాగా ఈ మ్యాచ్‌లో పాక్ స్పీడ్‌స్టర్ హారిస్ రౌఫ్ నిప్పులు చేరిగాడు. రౌఫ్‌ 5 వికెట్ల హాల్‌తో చెల‌రేగాడు. ఆసీస్ బ్యాటర్ల‌కు వారి సొంత‌గ‌డ్డ‌పైనే రౌఫ్ చుక్క‌లు చూపించాడు. అత‌డి పేస్ బౌలింగ్ ధాటికి కంగారులు బెంబేలెత్తిపోయారు. 8 ఓవర్లు బౌలింగ్ చేసిన హారిస్ కేవ‌లం 29 ప‌రుగులు మాత్ర‌మే ఇచ్చి 5 వికెట్ల‌ను త‌న ఖాతాలో వేసుకున్నాడు. ఫ‌లితంగా తొలుత బ్యాటింగ్ చేసిన ఆస్ట్రేలియా 35 ఓవ‌ర్ల‌లో కేవ‌లం 163 ప‌రుగుల‌కే కుప్ప‌కూలింది. రౌఫ్‌తో పాటు షాహీన్ షా అఫ్రిది మూడు వికెట్ల ప‌డ‌గొట్టి ఆసీస్ ప‌త‌నాన్ని శాసించాడు. ఆసీస్ బ్యాట‌ర్ల‌లో స్టీవ్ స్మిత్‌(35) ప‌రుగుల‌తో టాప్ స్కోర‌ర్‌గా నిలిచాడు.చదవండి: IND vs SA: 'అత‌డికి ఇది డూ ఆర్ డై సిరీస్‌.. లేదంటే ఇక మ‌ర్చిపోవాల్సిందే'

ఆస్ట్రేలియాతో రెండో వన్డేలో పాకిస్తాన్‌ బౌలర్లు అదరగొట్టారు. వరుస విరామాల్లో వికెట్లు తీసి కంగారూ జట్టును కోలుకోని దెబ్బకొట్టారు. పాక్‌ ప్రధాన పేసర్‌ షాహిన్‌ ఆఫ్రిది ఆసీస్‌ ఓపెనర్ల వికెట్లు తీసి శుభారంభం అందించగా.. మరో ఫాస్ట్‌ బౌలర్‌ హ్యారిస్‌ రవూఫ్‌ ఆకాశమే హద్దుగా చెలరేగాడు.ఏకంగా ఐదు వికెట్లు కూల్చి ఆసీస్‌ బ్యాటింగ్‌ ఆర్డర్‌ పతనాన్ని శాసించాడు. షాహిన్‌, రవూఫ్‌ దెబ్బకు కమిన్స్‌ బృందం కనీసం 200 పరుగుల మార్కు కూడా అందుకోలేకపోయింది. కాగా మూడు వన్డేలు, మూడు టీ20లు ఆడేందుకు పాకిస్తాన్‌ ఆస్ట్రేలియా పర్యటనకు వెళ్లింది.ఇందులో భాగంగా మెల్‌బోర్న్‌ వేదికగా సోమవారం తొలి వన్డే జరుగగా.. ఆతిథ్య ఆసీస్‌ రెండు వికెట్ల తేడాతో గెలుపొందింది. ఈ క్రమంలో ఆసీస్‌- పాక్‌ మధ్య శుక్రవారం నాటి రెండో వన్డేకు అడిలైడ్‌ వేదికగా మారింది. టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. కెప్టెన్‌ మహ్మద్‌ రిజ్వాన్‌ నమ్మకాన్ని నిలబెడుతూ షాహిన్‌ ఆఫ్రిది ఆసీస్‌ ఓపెనర్లు మాథ్యూ షార్ట్‌(19), జేక్‌ ఫ్రేజర్‌ మెగర్క్‌(13)లను స్వల్ప స్కోరుకే పెవిలియన్‌కు పంపాడు.ఐదు కీలక వికెట్లు అతడి సొంతంవన్‌డౌన్‌లో వచ్చిన స్టీవ్‌ స్మిత్‌(35) క్రీజులో నిలదొక్కుకునే ప్రయత్నం చేయగా.. హస్నైన్‌ అతడిని అవుట్‌ చేశాడు. ఈ క్రమంలో రంగంలోకి దిగిన హ్యారిస్‌ రవూఫ్‌ జోస్‌ ఇంగ్లిస్‌(18), మార్నస్‌ లబుషేన్‌(6), ఆరోన్‌ హార్డీ(14), గ్లెన్‌ మాక్స్‌వెల్‌(16), ప్యాట్‌ కమిన్స్‌(13) రూపంలో ఐదు కీలక వికెట్లు దక్కించుకున్నాడు. The man of the moment #AUSvPAK pic.twitter.com/t0UJ3iZJLh— cricket.com.au (@cricketcomau) November 8, 2024 మరోవైపు.. టెయిలెండర్లలో మిచెల్‌ స్టార్క్‌(1)ను షాహిన్‌ అవుట్‌ చేయగా.. ఆడం జంపా (18) కాసేపు పోరాడగా నసీం షా అతడిని బౌల్డ్‌ చేసి పని పూర్తి చేశాడు.Vintage Smith 👌#AUSvPAK pic.twitter.com/PWKlbk4NgK— cricket.com.au (@cricketcomau) November 8, 2024 ఈ క్రమంలో 35 ఓవర్లకే ఆస్ట్రేలియా కథ ముగిసింది. కేవలం 163 పరుగులు చేసి ఆలౌట్‌ అయింది. ఇక ఆసీస్‌ విధించిన స్వల్ప లక్ష్యాన్ని పాకిస్తాన్‌ ఛేదిస్తుందా? లేదంటే తొలి వన్డే మాదిరి ఈసారీ మ్యాచ్‌ను చేజార్చుకుంటుందా? అనేది ఆసక్తికరంగా మారింది. ఆసీస్‌తో రెండో వన్డేలో హ్యారిస్‌ రవూఫ్‌ ఐదు వికెట్లతో సత్తా చాటగా.. షాహిన్‌ ఆఫ్రిది మూడు, నసీం షా, మహ్మద్‌ హస్నైన్‌ ఒక్కో వికెట్‌ తీశారు.చరిత్ర సృష్టించిన హ్యారిస్‌ రవూఫ్‌.. పాక్‌ తరఫున తొలి పేసర్‌గాఆసీస్‌తో రెండో వన్డేలో ఐదు వికెట్లు పడగొట్టిన పాక్‌ బౌలర్‌ హ్యారిస్‌ రవూఫ్‌ సరికొత్త చరిత్ర సృష్టించాడు. అడిలైడ్‌లో వన్డేల్లో ఐదు వికెట్ల ప్రదర్శన నమోదు చేసిన మొట్టమొదటి పాకిస్తాన్‌ పేసర్‌గా నిలిచాడు. ఈ క్రమంలో పాక్‌ దిగ్గజ ఫాస్ట్‌ బౌలర్‌ వసీం అక్రం, ఇమ్రాన్‌ ఖాన్‌ పేరిట ఉన్న రికార్డును రవూఫ్‌ బద్దలు కొట్టాడు.ఇక అడిలైడ్‌లో అంతకు ముందు స్పిన్నర్‌ సక్లెయిన్‌ ముస్తాక్‌ వన్డేల్లో ఐదు వికెట్లు ప్రదర్శన నమోదు చేశాడు. తద్వారా ఈ పాక్‌ తరఫున ఈ ఘనత నమోదు చేసిన మొదటి బౌలర్‌గా కొనసాగుతున్నాడు.అడిలైడ్‌లో అత్యుత్తమ గణాంకాలు నమోదు చేసిన పాక్‌ బౌలర్లుహ్యారిస్‌ రవూఫ్‌- 5/29*సక్లెయిన్‌ ముస్తాక్‌- 5/29ఇజాజ్‌ ఫాకిహ్‌- 4/43ఇమ్రాన్‌ ఖాన్‌-3/19షాహిన్‌ ఆఫ్రిది- 2/24.చదవండి: రిటైర్మెంట్‌ ప్రకటించిన స్టార్‌ క్రికెటర్‌..

పాకిస్తాన్‌తో టీ20 సిరీస్‌ నేపథ్యంలో క్రికెట్‌ ఆస్ట్రేలియా తమ జట్టుకు కొత్త కెప్టెన్‌ను నియమించింది. వికెట్‌ కీపర్‌ జోష్‌ ఇంగ్లిస్‌కు తొలిసారిగా సారథ్య బాధ్యతలు అప్పగించింది. అంతేకాదు.. పాక్‌తో మూడో వన్డేకు కూడా ఇంగ్లిస్‌ కెప్టెన్‌గా వ్యవహరిస్తాడని తెలిపింది.కాగా ఆస్ట్రేలియా ప్రస్తుతం స్వదేశంలో పాకిస్తాన్‌తో వన్డే, టీ20 సిరీస్‌లు ఆడుతోంది. ఇందులో భాగంగా నవంబరు 4- నవంబరు 18 వరకు ఇరుజట్ల మధ్య మూడు వన్డేలు, మూడు టీ20ల నిర్వహణకు షెడ్యూల్‌ ఖరారైంది. ఈ క్రమంలో మెల్‌బోర్న్‌ వేదికగా జరిగిన తొలి వన్డేలో ఆస్ట్రేలియా పాకిస్తాన్‌పై రెండు వికెట్ల తేడాతో గెలుపొందింది.జోష్‌ ఇంగ్లిష్‌ తాత్కాలికంగా కెప్టెన్‌గాఇక శుక్రవారం(నవంబరు 8) అడిలైడ్‌ వేదికగా ఆసీస్‌- పాక్‌ మధ్య రెండో వన్డే జరుగనుంది. ఈ నేపథ్యంలో క్రికెట్‌ ఆస్ట్రేలియా బుధవారం కీలక ప్రకటన చేసింది. పాక్‌తో ఆఖరి వన్డేతో పాటు.. టీ20 సిరీస్‌కు జోష్‌ ఇంగ్లిష్‌ తాత్కాలికంగా కెప్టెన్‌గా వ్యవహరిస్తాడని తెలిపింది.ప్యాట్‌ కమిన్స్‌ అందుకే దూరంకాగా నవంబరు 22 నుంచి ఆస్ట్రేలియా టీమిండియాతో బోర్డర్‌- గావస్కర్‌ ట్రోఫీ ఆడనుంది. ప్రపంచ టెస్టు చాంపియన్‌షిప్‌ 2023-25 ఫైనల్‌ చేరాలంటే.. ఈ ఐదు మ్యాచ్‌ల టెస్టు సిరీస్‌ ఇరుజట్లకు అత్యంత కీలకం. ఈ నేపథ్యంలో పాక్‌తో రెండో వన్డే ముగిసిన తర్వాత కెప్టెన్‌ ప్యాట్‌ కమిన్స్‌, మిచెల్‌ స్టార్క్‌, స్టీవ్‌ స్మిత్‌, మార్నస్‌ లబుషేన్‌ తదితరులు జట్టుకు దూరం కానున్నారు.వీరంతా భారత్‌తో టెస్టు సిరీస్‌కు సన్నద్ధం కానున్నారు. ఇక వీరి గైర్హాజరీ నేపథ్యంలో పేసర్లు స్పెన్సర్‌ జాన్సన్‌, జేవియర్‌ బార్ట్‌లెట్‌, వికెట్‌ కీపర్‌ బ్యాటర్‌ జోష్‌ ఫిలిప్‌ వన్డే జట్టుతో చేరనున్నారు. ఇదిలా ఉంటే.. జోష్‌ ఇంగ్లిస్‌కు గతంలో ఆస్ట్రేలియా-‘ఎ’ జట్టుకు సారథ్యం వహించిన అనుభవం ఉంది.వన్డేల్లో 30వ సారథిగాఅయితే, సీనియర్‌ జట్టుకు కెప్టెన్‌గా ఎంపిక కావడం మాత్రమ ఇదే మొదటిసారి. ఇక తాజా నియామకంతో ఆస్ట్రేలియా జట్టుకు వన్డేల్లో 30వ, టీ20లకు పద్నాలుగో కెప్టెన్‌గా ఇంగ్లిస్‌ చరిత్రకెక్కనున్నాడు. ఇంగ్లిస్‌ తన బాధ్యతలను చక్కగా నిర్వర్తించగలడనే నమ్మకం తమకు ఉందని ఆసీస్‌ చీఫ్‌ సెలక్టర్‌ జార్జ్‌ బెయిలీ పేర్కొన్నాడు. అదే విధంగా.. జట్టులోని సీనియర్లు ఆడం జంపా, గ్లెన్‌ మాక్స్‌వెల్‌, మార్కస్‌ స్టొయినిస్‌ నుంచి ఇంగ్లిస్‌కు పూర్తి సహకారం లభిస్తుందని ఆశాభావం వ్యక్తం చేశాడు. ఇదిలా ఉంటే ఆసీస్‌ టీ20 రెగ్యులర్‌ కెప్టెన్‌ మిచెల్‌ మార్ష్‌ పాక్‌తో సిరీస్‌కు దూరంగా ఉన్న విషయం తెలిసిందే.పాకిస్తాన్‌తో వన్డేలకు ఆస్ట్రేలియా జట్టుప్యాట్ కమిన్స్ (కెప్టెన్ - మొదటి రెండు మ్యాచ్‌లకు), జోష్ ఇంగ్లిస్ (కెప్టెన్‌ - మూడవ మ్యాచ్), సీన్ అబాట్, జేవియర్ బార్ట్‌లెట్‌ (మూడవ మ్యాచ్ మాత్రమే), కూపర్ కొన్నోలీ, జేక్ ఫ్రేజర్-మెగర్క్, ఆరోన్ హార్డీ, జోష్ హాజిల్‌వుడ్‌ (రెండవ మ్యాచ్ మాత్రమే), స్పెన్సర్ జాన్సన్ (మూడవ మ్యాచ్ మాత్రమే), మార్నస్ లబుషేన్ (మొదటి రెండు మ్యాచ్‌లు మాత్రమే), గ్లెన్ మాక్స్‌వెల్‌, లాన్స్ మోరిస్, జోష్ ఫిలిప్ (మూడవ మ్యాచ్ మాత్రమే), మాథ్యూ షార్ట్, స్టీవ్ స్మిత్ (మొదటి రెండు మ్యాచ్‌లు మాత్రమే మాత్రమే), మిచెల్ స్టార్క్ (తొలి రెండు మ్యాచ్‌లు మాత్రమే), మార్కస్ స్టొయినిస్, ఆడమ్ జంపా.పాకిస్తాన్‌తో టీ20లకు ఆస్ట్రేలియా జట్టుసీన్ అబాట్, జేవియర్ బార్ట్‌లెట్‌, కూపర్ కొన్నోలీ, టిమ్ డేవిడ్, నాథన్ ఎల్లిస్, జేక్ ఫ్రేజర్-మెగర్క్, ఆరోన్ హార్డీ, జోష్ ఇంగ్లిస్ (కెప్టెన్), స్పెన్సర్ జాన్సన్, గ్లెన్ మాక్స్‌వెల్‌, మాథ్యూ షార్ట్, మార్కస్ స్టొయినిస్, ఆడమ్ జంపా.

ఆస్ట్రేలియా ప‌ర్య‌ట‌న‌ను పాకిస్తాన్ క్రికెట్ జ‌ట్టు ఓట‌మితో ఆరంభించింది. మెల్‌బోర్న్ క్రికెట్ గ్రౌండ్ వేదిక‌గా ఆసీస్‌తో జ‌రిగిన తొలి వ‌న్డేలో రెండు వికెట్ల తేడాతో పాక్ ప‌రాజ‌యం పాలైంది. పాక్ పేసర్లు అద్భుతంగా పోరాడిన‌ప్ప‌ట‌కి విజ‌యం మాత్రం వ‌రించ‌లేదు.తొలుత బ్యాటింగ్ చేసిన పాక్ జ‌ట్టు కేవ‌లం 202 ప‌రుగుల‌కే ఆలౌటైంది. ఆసీస్ పేస‌ర్ మిచెల్ స్టార్క్ మూడు వికెట్లు ప‌డ‌గొట్ట‌గా, క‌మ్మిన్స్‌, జంపా త‌లా రెండు వికెట్లు సాధించి పాక్‌ను దెబ్బ‌తీశారు. అనంత‌రం స్వ‌ల్ప ల‌క్ష్య చేధ‌న‌లో ఆసీస్ ఆదిలోనే రెండు వికెట్లు కోల్పోయింది. ఆ త‌ర్వాత స్టీవ్ స్మిత్‌(44), ఇంగ్లీష్‌(49) నిల‌క‌డ‌గా ఆడ‌టంతో ఆసీస్ సునాయ‌సంగా ల‌క్ష్యాన్ని చేధిస్తుంద‌ని అంతా భావించారు.కానీ పాక్‌ హ్యారీస్ ర‌వూఫ్ మాత్రం మూడు వికెట్లు ప‌డ‌గొట్టి ఆస్ట్రేలియాను కష్టాల్లోకి నెట్టేశాడు. ఒక్క‌సారిగా పాక్ జ‌ట్టు మ్యాచ్‌ను త‌మవైపు మ‌లుపు తిప్పుకుంది. అయితే ఆసీస్ కెప్టెన్ ప్యాట్ క‌మ్మిన్స్(32 నాటౌట్‌) ఆఖ‌రివ‌ర‌కు క్రీజులో నిలుచోని త‌మ జ‌ట్టును ఓట‌మి నుంచి గ‌ట్టెక్కించాడు. ఇక ఈ ఓట‌మిపై పాక్ కెప్టెన్ మ‌హ్మ‌ద్ రిజ్వాన్ స్పందిచాడు. త‌మ జ‌ట్టు పేస్ బౌల‌ర్ల‌పై రిజ్వాన్ ప్రశంస‌ల వ‌ర్షం కురిపించాడు."ఈ ఓట‌మి మాకు ఎటువంటి నిరాశ క‌లిగించ‌లేదు. ఎలాంటి ప‌రిస్థితిలోనైనా ఆఖ‌రి వ‌ర‌కు పోరాడాల‌ని ముందే నిర్ణయించుకున్నాం. ఈ మ్యాచ్‌లో అదే చేశాము. చివ‌ర వ‌ర‌కు పోరాడి ఓడిపోయాం. ఫలితం ఎప్పుడూ మన చేతుల్లో ఉండదు. ఈ మ్యాచ్‌లో మా జట్టు ప్రదర్శన పట్ల సంతోషంగా ఉన్నాను. మేము బ్యాటింగ్‌పై కాస్త దృష్టిపెట్టాలి. హ్యారీస్ రవూఫ్ అద్బుతంగా బౌలింగ్ చేశాడు. మా నలుగురు పేసర్లు కూడా తమ పని తాము చేశారు. తర్వాతి మ్యాచ్‌లో కూడా నలుగురు పేసర్లతోనే ఆడనున్నాం. అదేవిధంగా ఈ మ్యాచ్‌లో ఆస్ట్రేలియాకు కాస్త ఆదృష్టం కలిసొచ్చింది అని పోస్ట్‌ మ్యాచ్‌ప్రేజేంటేషన్‌లో రిజ్వాన్‌ పేర్కొన్నాడు.

ఆస్ట్రేలియాతో జరుగుతున్న పరిమిత ఓవర్ల సిరీస్‌లో పాక్‌ స్పీడ్‌స్టర్‌ షాహీన్‌ అఫ్రిది ఓ భారీ రికార్డుపై కన్నేశాడు. ఈ సిరీస్‌లో అఫ్రిది మరో 12 వికెట్లు తీస్తే.. పాకిస్తాన్‌ ఆల్‌టైమ్‌ గేటెస్ట్‌ ఫాస్ట్‌ బౌలర్‌ వకార్‌ యూనిస్‌ పేరిట ఉన్న ఓ రికార్డును బద్దలు కొడతాడు. వకార్‌ అంతర్జాతీయ క్రికెట్‌లో (మూడు ఫార్మాట్లలో) ఆస్ట్రేలియాపై 59 వికెట్లు పడగొట్టగా.. ప్రస్తుతం షాహీన్‌ ఖాతాలో 48 వికెట్లు ఉన్నాయి. ఆసీస్‌పై వకార్‌ ఓ సారి ఐదు వికెట్ల ప్రదర్శన నమోదు చేయగా.. షాహీన్‌ కూడా ఓ సారి ఆసీస్‌పై ఐదు వికెట్ల ప్రదర్శన నమోదు చేశాడు. మూడు మ్యాచ్‌ల వన్డే సిరీస్‌.. మూడు మ్యాచ్‌ల టీ20 సిరీస్‌ల కోసం ఆస్ట్రేలియాలో పర్యటిస్తున్న పాకిస్తాన్‌ ఇవాళ తొలి వన్డే ఆడింది. ఈ పర్యటనలో పాక్‌ మరో రెండు వన్డేలు, మూడు టీ20లు ఆడాల్సి ఉంది. ఈ ఐదు మ్యాచ్‌ల్లో షాహీన్‌ మరో 12 వికెట్లు పడగొట్టే అవకాశాలు లేకపోలేదు. ఈ పర్యటనలోనే షాహీన్‌ వకార్‌ యూనిస్‌ రికార్డును బద్దలు కొట్టే అవకాశం ఉంది.షాహీన్‌ ఆల్‌రౌండ్‌ షోమెల్‌బోర్న్‌ వేదికగా ఆస్ట్రేలియాతో ఇవాళ (నవంబర్‌ 4) జరిగిన తొలి వన్డేలో షాహీన్‌ అఫ్రిది ఆల్‌రౌండ్‌ షోతో అదరగొట్టాడు. ఈ మ్యాచ్‌లో షాహీన్‌ బ్యాట్‌తో, బంతితో రాణించినా పాక్‌కు ఓటమి తప్పలేదు. ఈ మ్యాచ్‌లో తొలుత బ్యాటింగ్‌ చేసిన పాక్‌.. 46.4 ఓవర్లలో 203 పరుగులకు ఆలౌటైంది.నసీం షా (39 బంతుల్లో 40; ఫోర్‌, 4 సిక్సర్లు), మొహమ్మద్‌ రిజ్వాన్‌ (71 బంతుల్లో 44; 2 ఫోర్లు, సిక్స్‌), బాబర్‌ ఆజమ్‌ (44 బంతుల్లో 37; 4 ఫోర్లు), షాహీన్‌ అఫ్రిది (19 బంతుల్లో 24; 3 ఫోర్లు, సిక్స్‌), ఇర్ఫాన్‌ ఖాన్‌ (35 బంతుల్లో 22; 2 ఫోర్లు) ఓ మోస్తరు స్కోర్లు చేసి తమ జట్టుకు గౌరవప్రదమైన స్కోర్‌ అందించారు. ఆసీస్‌ బౌలర్లలో మిచెల్‌ స్టార్క్‌ అద్భుతంగా బౌలింగ్‌ చేసి మూడు వికెట్లు పడగొట్టాడు. స్టార్క్‌ తన కోటా 10 ఓవర్లు పూర్తి చేసి 33 పరుగులు మాత్రమే ఇచ్చాడు. ఇందులో మూడు మెయిడిన్లు ఉన్నాయి. కమిన్స్‌, జంపా, అబాట్‌, లబూషేన్‌ తలో వికెట్‌ పడగొట్టారు.అనంతరం స్వల్ప లక్ష్య ఛేదనకు దిగిన ఆసీస్‌.. ఓ దశలో సునాయాసంగా గెలుపొందేలా కనిపించింది. అయితే పాక్‌ బౌలర్లు మధ్యలో పుంజుకోవడంతో ఆసీస్‌ త్వరితగతిన వికెట్లు కోల్పోయి, ఓటమి దిశగా పయనించింది. ఈ సమయంలో కమిన్స్‌ బాధ్యతాయుతమైన ఇన్నింగ్స్‌ (32 నాటౌట్‌) ఆడి తన జట్టును ఒంటిచేత్తో గెలిపించాడు. కమిన్స్‌తో పాటు స్టీవ్‌ స్మిత్‌ (44), జోష్‌ ఇంగ్లిస్‌ (49) ఓ మోస్తరు స్కోర్లు చేయడంతో ఆసీస్‌ 33.3 ఓవర్లలో ఎనిమిది కోల్పోయి లక్ష్యాన్ని చేరుకుంది. పాక్‌ బౌలర్లలో హరీస్‌ రౌఫ్‌ 3, షాహీన్‌ అఫ్రిది 2, నసీం షా, మొహమ్మద్‌ హస్నైన్‌ తలో వికెట్‌ పడగొట్టారు.

పాకిస్తాన్‌తో వన్డే సిరీస్‌ను ఆస్ట్రేలియా విజయంతో ఆరంభించింది. మెల్‌బోర్న్‌ వేదికగా సోమవారం జరిగిన తొలి మ్యాచ్‌లో రెండు వికెట్ల తేడాతో గెలిచింది. పాకిస్తాన్‌ను తక్కువ స్కోరుకే పరిమితం చేసినా.. ఆసీస్‌ గెలుపు కోసం కష్టపడాల్సి వచ్చింది.చరిత్ర సృష్టించిన ఆస్ట్రేలియాపాక్‌ విధించిన స్వల్ప లక్ష్యాన్ని(204) ఛేదించే క్రమంలో 167 పరుగులకే ఏడు వికెట్లు కోల్పోయిన దశలో ప్యాట్‌ కమిన్స్‌ కెప్టెన్ ఇన్నింగ్స్‌తో జట్టును ఆదుకున్నాడు. ఓవర్‌ ఓవర్‌కు ఉత్కంఠ రేపిన ఈ మ్యాచ్‌లో ఆఖరి వరకు అజేయంగా జట్టును విజయతీరాలకు చేర్చాడు. ఇక ఈ గెలుపుతో ఆసీస్‌ చరిత్ర సృష్టించింది.వన్డే ఫార్మాట్లో పాకిస్తాన్‌తో ఆడిన తక్కువ మ్యాచ్‌లలోనే.. ఎక్కువ విజయాలు సాధించిన జట్టుగా నిలిచింది. ఓవరాల్‌గా ఇప్పటి వరకు పాక్‌తో 109 మ్యాచ్‌లు ఆడిన కంగారూ జట్టు 71 మ్యాచ్‌లలో జయభేరి మోగించింది. ఇక ఈ జాబితాలో వెస్టిండీస్‌ రెండోస్థానంలో ఉంది. ఆసీస్‌తో సమానంగా 71సార్లు పాక్‌పై గెలుపొందినప్పటికీ.. మ్యాచ్‌ల పరంగా ఆసీస్‌ కంటే వెనుకబడింది.రిజ్వాన్‌కు కెప్టెన్‌గా తొలి మ్యాచ్‌లోనే ఓటమికాగా మూడు వన్డే, మూడు టీ20 మ్యాచ్‌ల సిరీస్‌ ఆడేందుకు పాకిస్తాన్‌ జట్టు ఆసీస్‌ పర్యటనకు వెళ్లింది. ఇందులో భాగంగా సోమవారం(నవంబరు 4) ఇరు జట్ల మధ్య తొలి వన్డే జరిగింది. పాక్‌ వన్డే, టీ20 జట్ల కెప్టెన్‌గా వికెట్‌ కీపర్‌ మహ్మద్‌ రిజ్వాన్‌కు ఇదే తొలి మ్యాచ్‌.ఇక మెల్‌బోర్న్‌లో టాస్‌ గెలిచిన ఆస్ట్రేలియా జట్టు తొలుత బౌలింగ్‌ చేసింది. మిచెల్‌ స్టార్క్‌ మూడు వికెట్లతో రాణించగా.. కమిన్స్‌ రెండు, ఆడం జంపా రెండు, లబుషేన్‌, సీన్‌ అబాట్‌ ఒక్కో వికెట్‌ తీశారు. ఈ క్రమంలో పాక్‌ 46.4 ఓవర్లలో కేవలం 203 పరుగులే చేసింది.నసీం షా బ్యాట్‌ ఝులిపించినాపాక్‌ ఇన్నింగ్స్‌లో రిజ్వాన్‌ 44 పరుగులతో టాప్‌ స్కోరర్‌గా నిలవగా.. టెయిలెండర్‌ నసీం షా 40 రన్స్‌తో రాణించాడు. ఇక లక్ష్య ఛేదనలో ఆరంభం నుంచే తడబడ్డ ఆతిథ్య ఆసీస్‌ కమిన్స్‌ ఆఖరి వరకు పట్టుదలగా నిలబడంతో 33.3 ఓవర్లలో పనిపూర్తి చేసింది. పాక్‌పై రెండు వికెట్ల తేడాతో గెలుపొందింది. స్టార్క్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఓపెనర్లు షఫీక్‌(12), సయీమ్‌ ఆయుబ్‌(1) సహా 19 బంతుల్లోనే 24 రన్స్‌ చేసిన షాహిన్‌ ఆఫ్రిదిని అవుట్‌ చేసి పాక్‌ బ్యాటింగ్‌ ఆర్డర్‌ను అతడు దెబ్బకొట్టాడు. పాకిస్తాన్‌పై వన్డేల్లో అత్యధిక విజయాలు సాధించిన జట్లుఆస్ట్రేలియా- 71 (109 మ్యాచ్‌లు)వెస్టిండీస్‌- 71 (137 మ్యాచ్‌లు)శ్రీలంక- 59 (157 మ్యాచ్‌లు)ఇంగ్లండ్‌- 57 (92 మ్యాచ్‌లు)ఇండియా- 57 (135 మ్యాచ్‌లు)ఆసీస్‌ వర్సెస్‌ పాక్‌ తొలి వన్డే - ప్లేయింగ్‌ ఎలెవన్‌ఆస్ట్రేలియామాథ్యూ షార్ట్, జేక్ ఫ్రేజర్-మెగర్క్, స్టీవ్ స్మిత్, జోష్ ఇంగ్లిస్ (వికెట్ కీపర్), మార్నస్ లబుషేన్, గ్లెన్ మాక్స్‌వెల్‌, ఆరోన్ హార్డీ, ప్యాట్ కమిన్స్ (కెప్టెన్), సీన్ అబాట్, మిచెల్ స్టార్క్, ఆడమ్ జంపా.పాకిస్తాన్‌అబ్దుల్లా షఫీక్, సయీమ్ అయూబ్, బాబర్ ఆజం, మహ్మద్ రిజ్వాన్ (కెప్టెన్, వికెట్ కీపర్), కమ్రాన్ గులాం, ఆఘా సల్మాన్, ఇర్ఫాన్ ఖాన్, షాహిన్ అఫ్రిది, నసీం షా, హారిస్ రవూఫ్, మహ్మద్ హస్నైన్.చదవండి: ICC: ఇంగ్లండ్‌, ఆస్ట్రేలియా, బంగ్లాదేశ్‌, జింబాబ్వేలకు భారత్‌ ఆతిథ్యం

మెల్‌బోర్న్ వేదిక‌గా పాకిస్తాన్‌తో జ‌రుగుతున్న తొలి వ‌న్డేలో ఆస్ట్రేలియా స్టార్ పేస‌ర్ మిచెల్ స్టార్క్ నిప్పులు చేరిగాడు. త‌న పేస్ బౌలింగ్‌తో పాక్ బ్యాట్ల‌కు స్టార్క్ చుక్కలు చూపించాడు. త‌న 10 ఓవర్ల కోటాలో 33 పరుగులిచ్చి మూడు వికెట్లు ప‌డ‌గొట్టాడు.ఇందులో మూడు మేడిన్ ఓవర్లు ఉండడం విశేషం. స్టార్క్‌తో పాటు స్పిన్న‌ర్ ఆడ‌మ్ జంపా, కెప్టెన్ ప్యాట్ క‌మ్మిన్స్ త‌లా రెండు వికెట్లు సాధించారు. దీంతో పాకిస్తాన్ 46.2 ఓవ‌ర్ల‌లో కేవ‌లం 203 ప‌రుగుల‌కే కుప్ప‌కూలింది. పాక్ బ్యాట‌ర్ల‌లో కెప్టెన్ రిజ్వాన్‌(44) ప‌రుగులతో టాప్ స్కోర‌ర్‌గా నిల‌వ‌గా, న‌సీం షా(40) ఆఖ‌రిలో కీల‌క ఇన్నింగ్స్ ఆడాడు.స్టార్క్ అరుదైన రికార్డు..ఇక ఈ మ్యాచ్‌లో 3 వికెట్ల‌తో చెలరేగిన మిచెల్ స్టార్క్ ఓ అరుదైన ఘ‌న‌త‌ను త‌న పేరిట లిఖించుకున్నాడు. స్వ‌దేశంలో వ‌న్డేల్లో 100 వికెట్ల మైలు రాయిని అందుకున్న ఆరో ఆసీస్ బౌల‌ర్‌గా స్టార్క్ రికార్డుల‌కెక్కాడు. పాక్ ఓపెన‌ర్లు ష‌ఫీక్‌, అయూబ్‌ల‌ను ఔట్ చేసి స్టార్క్ ఈ ఫీట్‌ను త‌న ఖాతాలో వేసుకున్నాడు.ఇక అరుదైన ఘ‌న‌త సాధించిన జాబితాలో స్టార్క్ కంటే ముందు బ్రెట్ లీ, గ్లెన్ మెక్‌గ్రాత్, షేన్ వార్న్,క్రెయిగ్ మెక్‌డెర్మాట్‌లు ఉన్నారు. కాగా ఐపీఎల్‌-2025 సీజ‌న్‌కు ముందు స్టార్క్‌ను కేకేఆర్ విడిచిపెట్టిన సంగ‌తి తెలిసిందే. అత‌డిని ఐపీఎల్‌-2024 మినీవేలంలో ఏకంగా 24.75 కోట్ల రూపాయలను ఖర్చు చేసి మ‌రి కొనుగోలు చేసింది.

ఆస్ట్రేలియాతో తొలి వన్డేలో పాకిస్తాన్‌ నామమాత్రపు స్కోరుకు పరిమితమైంది. కేవలం 203 పరుగులకే ఆలౌట్‌ అయింది. కంగారూ పేసర్ల విజృంభణ ముందు పాక్‌ బ్యాటర్లు చేతులెత్తేశారు. అయితే, ఆఖర్లో టెయిలెండర్లు షాహిన్‌ ఆఫ్రిది, నసీం షా దంచికొట్టడంతో పర్యాటక జట్టు రెండు వందల మార్కును దాటగలిగింది.ఆస్ట్రేలియా పర్యటనలోకాగా వరుస ఓటముల అనంతరం పాక్‌ జట్టు ఇటీవలే ఫామ్‌లోకి వచ్చింది. సొంతగడ్డపై ఇంగ్లండ్‌తో టెస్టు సిరీస్‌ను 2-1తో గెలిచి పునరుత్తేజం పొందింది. అనంతరం.. మూడు వన్డే, మూడు టీ20ల సిరీస్‌ ఆడేందుకు ఆస్ట్రేలియా పర్యటనకు వచ్చింది. ఇక ఈ టూర్‌తో మహ్మద్‌ రిజ్వాన్‌ పాక్‌ పరిమిత ఓవర్ల క్రికెట్‌ కెప్టెన్‌గా తన ప్రయాణం మొదలుపెట్టాడు.ఈ క్రమంలో ఆసీస్‌- పాక్‌ మధ్య సోమవారం నాటి తొలి వన్డేకు మెల్‌బోర్న్‌ వేదికైంది. టాస్‌ గెలిచిన ఆతిథ్య ఆస్ట్రేలియా తొలుత బౌలింగ్‌ చేసింది. సీనియర్‌ పేసర్‌ మిచెల్‌ స్టార్క్‌ పాక్‌ ఓపెనర్లు సయీమ్‌ ఆయుబ్‌(1), అబ్దుల్‌ షఫీక్‌(12)లను తక్కువ స్కోర్లకే పెవిలియన్‌కు పంపాడు.బాబర్‌, రిజ్వాన్‌ నామమాత్రంగానే..అయితే, వన్‌డౌన్‌ బ్యాటర్‌ బాబర్‌ ఆజం(37).. కెప్టెన్‌ మహ్మద్‌ రిజ్వాన్‌(44)తో కలిసి ఇన్నింగ్స్‌ చక్కదిద్దే ప్రయత్నం చేశాడు. అయితే, బాబర్‌ను అవుట్‌ చేసి ఆడం జంపా ఈ జోడీని విడదీయగా.. రిజ్వాన్‌ వికెట్‌ను మార్నస్‌ లబుషేన్‌ దక్కించుకున్నాడు.మిగతా వాళ్లలో కమ్రాన్‌ గులామ్‌(5), ఆఘా సల్మాన్‌(12) పూర్తిగా విఫలం కాగా.. ఇర్ఫాన్‌ ఖాన్‌ 22 పరుగులు చేయగలిగాడు. ఇలా స్పెషలిస్టు బ్యాటర్లంతా పెవిలియన్‌కు క్యూ కట్టిన వేళ.. పేసర్లు షాహిన్‌ ఆఫ్రిది, నసీం షా బ్యాట్‌ ఝులిపించారు.షాహిన్‌ ధనాధన్‌.. నసీం సూపర్‌గాషాహిన్‌ 19 బంతుల్లోనే 24 రన్స్‌(3 ఫోర్లు, ఒక సిక్సర్‌) చేయగా.. నసీం షా ఆడిన కాసేపు సిక్సర్లతో అలరించాడు. మొత్తంగా 39 బంతులు ఎదుర్కొని 40 పరుగులు సాధించాడు. అతడి ఇన్నింగ్స్‌లో ఒక ఫోర్‌, నాలుగు సిక్స్‌లు ఉండటం విశేషం. ఈ క్రమంలో పాకిస్తాన్‌ 46.4 ఓవర్లలో 203 పరుగుల గౌరవప్రదమైన స్కోరు చేయగలిగింది. ఇక ఆసీస్‌ బౌలర్లలో పేసర్లు స్టార్క్‌ మూడు వికెట్లు తీయగా.. కెప్టెన్‌ కమిన్స్‌ రెండు, సీన్‌ అబాట్‌ ఒక వికెట్‌ దక్కించుకున్నారు. స్పిన్నర్లు ఆడం జంపా రెండు, లబుషేన్‌ ఒక వికెట్‌ తమ ఖాతాలో వేసుకున్నారు.Starc gets the ball rolling! #AUSvPAK pic.twitter.com/CYXcVECkj1— cricket.com.au (@cricketcomau) November 4, 2024 ఇదిలా ఉంటే.. నసీం షా ఇన్నింగ్స్‌కు క్రికెట్‌ అభిమానులు ఫిదా అవుతున్నారు. ఆసీస్‌ వంటి పటిష్ట జట్టుపై ఇలాంటి షాట్లు బాదడం మామూలు విషయం కాదంటూ కొనియాడుతున్నారు. ఇక పాక్‌ జట్టు ఫ్యాన్స్‌ అయితే.. నసీం కాబోయే సూపర్‌ స్టార్‌ అంటూ ప్రశంసల వర్షం కురిపిస్తున్నారు. అంతేకాదు.. బాబర్‌ ఆజం, రిజ్వాన్‌ వంటి వాళ్లు నసీంను చూసి నేర్చుకోవాలంటూ వీరిద్దరి వైఫల్యాలను గుర్తు చేస్తున్నారు. Babar and Rizwan should learn something from Naseem Shah. #PAKvsAUS pic.twitter.com/Hd7BhgtAMa— Humza Sheikh (@Sheikhhumza49) November 4, 2024 ఆస్ట్రేలియా వర్సెస్‌ పాకిస్తాన్‌ తొలి వన్డే- మెల్‌బోర్న్‌తుదిజట్లుఆస్ట్రేలియామాథ్యూ షార్ట్, జేక్ ఫ్రేజర్-మెగర్క్, స్టీవ్ స్మిత్, జోష్ ఇంగ్లిస్ (వికెట్ కీపర్), మార్నస్ లబుషేన్, గ్లెన్ మాక్స్‌వెల్‌, ఆరోన్ హార్డీ, ప్యాట్ కమిన్స్ (కెప్టెన్), సీన్ అబాట్, మిచెల్ స్టార్క్, ఆడమ్ జంపా.పాకిస్తాన్‌అబ్దుల్లా షఫీక్, సయీమ్ అయూబ్, బాబర్ ఆజం, మహ్మద్ రిజ్వాన్ (కెప్టెన్, వికెట్ కీపర్), కమ్రాన్ గులాం, ఆఘా సల్మాన్, ఇర్ఫాన్ ఖాన్, షాహిన్ అఫ్రిది, నసీం షా, హారిస్ రవూఫ్, మహ్మద్ హస్నైన్.చదవండి: సొంతగడ్డపైనే ఘోర అవమానం.. గంభీర్‌కు బీసీసీఐ షాక్‌!.. ఇక చాలు..

దక్షిణాఫ్రికా దిగ్గజం గ్యారీ కిర్‌స్టెన్‌ కోచ్‌ పదవి నుంచి తప్పుకోవడంపై పాకిస్తాన్‌ క్రికెట్‌ బోర్డు(పీసీబీ) చీఫ్‌ మొహ్సిన్‌ నక్వీ స్పందించాడు. కిర్‌స్టెన్‌ నిబంధనలకు విరుద్ధంగా ప్రవర్తించాడని.. ఈ క్రమంలోనే అతడితో తమ బంధం ముగిసిందని పేర్కొన్నాడు. త్వరలోనే పాక్‌ పరిమిత ఓవర్ల జట్టుకు కొత్త కోచ్‌ను నియమిస్తామని తెలిపాడు.అందుకే రాజీనామా!కాగా పాకిస్తాన్‌ వన్డే, టీ20 జట్లకు హెడ్‌ కోచ్‌గా ఉన్న గ్యారీ కిర్‌స్టెన్‌ తన పదవికి రాజీనామా చేసిన విషయం తెలిసిందే. తన బాధ్యతల నుంచి తక్షణమే తప్పుకుంటున్నట్లు అతడు సోమవారం ప్రకటించాడు. రెండేళ్ల కాంట్రాక్ట్‌ వ్యవధితో ఈ ఏడాది ఏప్రిల్‌లో కిర్‌స్టెన్‌ను ప్రధాన కోచ్‌గా పీసీబీ నియమించింది. కానీ.. కనీసం ఆరు నెలలు కూడా అతడు కోచ్‌గా పని చేయలేదు. ఆస్ట్రేలియా పర్యటనకు పాక్‌ వెళ్లనున్న నేపథ్యంలో కిర్‌స్టెన్‌ తన పదవి నుంచి తప్పుకోవడం గమనార్హం. అయితే, జట్టు ఎంపిక విషయంలో తనకు ఉన్న అధికారాలను తప్పించడం పట్ల కలత చెందిన కిర్‌స్టెన్‌ రాజీనామా చేసినట్లు సమాచారం. పరిమిత ఓవర్ల జట్లకు కెప్టెన్లను ఎంపిక చేసే విషయంలో తన సూచనలను కనీసం పరిగణనలోకి తీసుకోకపోగా... తాను దేశంలోనే లేని సమయంలో జట్టును ప్రకటించడంపై పీసీబీ అధికారులతో కిర్‌స్టెన్‌ వాదనకు దిగినట్లు తెలిసింది.కాగా ఇటీవల సొంతగడ్డపై ఇంగ్లండ్‌ చేతిలో పాకిస్తాన్‌ తొలి టెస్టులో చిత్తయిన తర్వాత పీసీబీ కొత్త సెలక్షన్‌ కమిటీని నియమించిన విషయం విదితమే. ఈ విషయంలోనూ జోక్యం చేసుకోవద్దని కిర్‌స్టెన్‌కు పీసీబీ సూచించడం గమనార్హం. ఇక కిర్‌స్టెన్‌తో టెస్టు టీమ్‌ హెడ్‌ కోచ్‌గా ఉన్న జాసన్‌ గిలెస్పీ కూడా ఈ విషయంలో అసంతృప్తితో ఉన్నా... ఇంగ్లండ్‌తో తర్వాతి రెండు టెస్టుల్లో ఘన విజయం సాధించి పాక్‌ సిరీస్‌ గెలుచుకోవడంతో ఈ అంశం కాస్త వెనక్కి వెళ్లింది. ఒక్క వన్డే ఆడకుండా... ఇదిలా ఉంటే.. కిర్‌స్టెన్‌ కోచ్‌గా బాధ్యతలు తీసుకున్న తర్వాత పాకిస్తాన్‌ టీ20 ప్రపంచ కప్‌లో బరిలోకి దిగింది. గ్రూప్‌ దశలో భారత్, అమెరికా చేతుల్లో పరాజయంతో సూపర్‌–8 దశకు కూడా చేరకుండానే టోర్నీ నుంచి నిష్క్రమించింది. అయితే, 28 ఏళ్ల సుదీర్ఘ విరామం తర్వాత టీమిండియాను వన్డే వరల్డ్‌ చాంపియన్‌గా నిలిపిన రికార్డు ఉన్న కిర్‌స్టెన్‌ను ఎంపిక చేసినప్పుడు ప్రధానంగా తమ వన్డే టీమ్‌ను తీర్చిదిద్దే విషయంపైనే బాధ్యతలు అప్పగించారు.అంతేకాదు.. 2025లో పాకిస్తాన్‌ వేదికగా జరిగే చాంపియన్స్‌ ట్రోఫీలో తమ టీమ్‌ను విజేతగా నిలపాలని...అందు కోసం ఆయన ఆలోచనల ప్రకారం జట్టును మలిచే అధికారాన్ని పీసీబీ ఇచ్చింది. అయితే ఈ ఆరు నెలల వ్యవధిలో పాక్‌ ఒక్క వన్డే కూడా ఆడకపోవడం విశేషం!గిలెస్పీకి వన్డే, టీ20 కోచ్‌గా తాత్కాలిక బాధ్యతలుమరోవైపు ప్రస్తుతం టెస్టు కోచ్‌గా ఉన్న ఆసీస్‌ మాజీ పేస్‌ బౌలర్‌ గిలెస్పీకి వన్డే, టీ20 కోచ్‌గా తాత్కాలిక బాధ్యతలు అప్పగించినట్లు పీసీబీ ప్రకటించింది. ఈ నేపథ్యంలో పీసీబీ చీఫ్‌ మొహ్సిన్‌ నక్వీ మాట్లాడుతూ.. ‘‘కిర్‌స్టెన్‌ పీసీబీతో ఒప్పందాన్ని రద్దు చేసుకున్నాడు. అంతేకాదు.. బోర్డు నిబంధనల్లో కొన్నిటిని ఉల్లంఘించాడు. మాతో కాంట్రాక్టును అతడే ముగించుకున్నాడు’’ అని తెలిపాడు.ఐదుగురిని సంప్రదించాఇక జింబాబ్వే పర్యటన సందర్భంగా తమ వన్డే, టీ20 జట్లకు కొత్త కోచ్‌ వస్తాడని నక్వీ ఈ సందర్భంగా వెల్లడించాడు. ఆస్ట్రేలియా గడ్డపై పాక్‌ ఆడే మూడు వన్డేలు, మూడు టీ20 వరకు మాత్రమే తాను కోచ్‌గా పని చేస్తానని గిల్లెస్పీ చెప్పాడని పేర్కొన్నాడు. అతడికి పూర్తి స్థాయిలో బాధ్యతలు తీసుకునే ఉద్దేశం లేదని తెలిపిన నక్వీ.. కొత్త కోచ్‌ అన్వేషణలో భాగంగా ఇప్పటికే తాను ఐదుగురిని సంప్రదించానని పేర్కొన్నాడు. చదవండి: IPL 2025: అత్యంత ఖరీదైన ఆటగాడు అతడే.. పది జట్ల రిటెన్షన్‌ లిస్టు ఇదే!

పాకిస్తాన్‌ క్రికెట్‌ జట్టు కెప్టెన్‌ కావడం తనకు దక్కిన గొప్ప గౌరవమని మహ్మద్‌ రిజ్వాన్‌ హర్షం వ్యక్తం చేశాడు. దేశం తరఫున ఆడాలన్న కోరికతో పాటు సారథిగా ఎదగాలన్న కల నెరవేరినందుకు సంతోషంగా ఉందన్నాడు. ఈ అనుభూతిని మాటల్లో వర్ణించలేనంటూ ఉద్వేగానికి లోనయ్యాడు. తొలి సిరీస్‌లోనే పాక్‌ను విజేతగా నిలుపుతామాజీ కెప్టెన్ల నుంచి తాను ఎంతో నేర్చుకున్నానన్న ఈ వికెట్‌ కీపర్‌ బ్యాటర్‌... తనదైన శైలిలో జట్టుకు ముందుకు తీసుకువెళ్తానని ఈ సందర్భంగా పేర్కొన్నాడు. ఇక కెప్టెన్‌గా బాధ్యతలు చేపట్టిన తర్వాత తొలి సిరీస్‌లోనే పాక్‌ను విజేతగా నిలుపుతానంటూ రిజ్వాన్‌ ధీమా వ్యక్తం చేశాడు. ఆస్ట్రేలియా గడ్డపై ఆస్ట్రేలియాను ఓడించడమే తమ తక్షణ కర్తవ్యమని పేర్కొన్నాడు. కాగా వన్డే వరల్డ్‌కప్‌-2023లో పాకిస్తాన్‌ దారుణ వైఫల్యం తర్వాత బాబర్‌ ఆజం వన్డే, టెస్టు, టీ20 ఫార్మాట్ల కెప్టెన్సీ నుంచి తప్పుకోగా.. షాన్‌ మసూద్‌ టెస్టులు, షాహిన్‌ ఆఫ్రిది టీ20 జట్టు కెప్టెన్లుగా నియమితులయ్యారు.అయితే, వరుస వైఫల్యాల నేపథ్యంలోనూ షాన్‌ మసూద్‌ను కొనసాగించిన పాకిస్తాన్‌ క్రికెట్‌ బోర్డు(పీసీబీ).. ఆఫ్రిదిపై మాత్రం వేటువేసింది. ఈ క్రమంలో టీ20 ప్రపంచకప్‌-2024కు ముందు బాబర్‌ ఆజం తిరిగి వన్డే, టీ20 కెప్టెన్‌గా బాధ్యతలు చేపట్టాడు. అయితే, ఈసారి కూడా పాక్‌ మెగా టోర్నీలో విఫలం కావడంతో బాబర్‌ కెప్టెన్సీపై విమర్శలు రాగా.. ఇటీవలే సారథ్య బాధ్యతల నుంచి వైదొలిగాడు.ఈ క్రమంలో బాబర్‌ స్థానంలో మహ్మద్‌ రిజ్వాన్‌ను వన్డే, టీ20 కెప్టెన్‌గా నియమించినట్లు పీసీబీ ఆదివారం అధికారికంగా ప్రకటించింది. ఇక ఆస్ట్రేలియా పర్యటన సందర్భంగా రిజ్వాన్‌ కెప్టెన్‌గా తన ప్రయాణం మొదలుపెట్టనున్నాడు. ఆస్ట్రేలియాను ఆస్ట్రేలియాలో ఓడిస్తాంఈ నేపథ్యంలో రిజ్వాన్‌ తాజాగా మాట్లాడుతూ.. ‘‘గతంలో ఆస్ట్రేలియా గడ్డపై మేము ఇబ్బంది పడ్డామన్న మాట వాస్తవం. అయితే, ఈసారి మాత్రం అభిమానుల కలను నెరవేరుస్తాం. గత సిరీస్‌లో ప్రతి మ్యాచ్‌లో చివరి వరకు విజయం మాదే అన్నట్లుగా పోరాటం సాగించాం. కానీ దురదృష్టవశాత్తూ ఆఖరి నిమిషంలో ప్రతికూల ఫలితం వచ్చేది. నాడు చేసిన పొరపాట్ల నుంచి పాఠాలు నేర్చుకున్నాం. ఈసారి ఆస్ట్రేలియాను ఆస్ట్రేలియాలో ఓడిస్తాం’’ అని విశ్వాసం వ్యక్తం చేశాడు. కాగా పాకిస్తాన్‌ చివరగా 2002లో ఆసీస్‌లో ద్వైపాక్షిక వన్డే సిరీస్‌ గెలిచింది. ఇదిలా ఉంటే.. ఆస్ట్రేలియా- పాకిస్తాన్‌ మధ్య నవంబరు 4- 18 వరకు మూడు వన్డేలు, మూడు టీ20 మ్యాచ్‌లు జరుగనున్నాయి. ఇక వరుస వైఫల్యాల అనంతరం ఇటీవలే పాకిస్తాన్‌ జట్టు ఘన విజయం సాధించింది. సొంతగడ్డపై మూడు మ్యాచ్‌ల టెస్టు సిరీస్‌లో ఇంగ్లండ్‌ను ఓడించి 2-1తో గెలిచింది.చదవండి: Ind vs Aus: 17 కిలోల బరువు తగ్గి.. ఆసీస్‌ టూర్‌కు ఎంపికైన పేసర్‌

స్వదేశంలో పాకిస్తాన్‌ జరిగే మూడు మ్యాచ్‌ టీ20 సిరీస్‌ కోస​ం ఆస్ట్రేలియా జట్టును ఇవాళ (అక్టోబర్‌ 28) ప్రకటించారు. 13 మంది సభ్యుల ఈ జట్టుకు కెప్టెన్‌ను ఎంపిక చేయలేదు. త్వరలో కెప్టెన్‌ పేరును ‍ప్రకటించే అవకాశం ఉంది. గాయాల కారణంగా గత కొంతకాలంగా జట్టుకు దూరంగా ఉన్న జేవియర్‌ బార్ట్‌లెట్‌, నాథన్‌ ఇల్లిస్‌, స్పెన్సర్‌ జాన్సన్‌ ఈ సిరీస్‌కు ఎంపికయ్యారు. బోర్డర్‌ గవాస్కర్‌ ట్రోఫీ దృష్ట్యా టెస్ట్‌ జట్టు సభ్యులను పాక్‌తో సిరీస్‌ ఎంపిక చేయలేదు. రెగ్యులర్‌ కెప్టెన్‌ మిచెల్‌ మార్ష్‌ సైతం ఈ సిరీస్‌కు దూరంగా ఉన్నాడు.పాక్‌తో టీ20 సిరీస్‌కు ఆస్ట్రేలియా జట్టు..సీన్‌ అబాట్‌, జేవియర్ బార్ట్‌లెట్, కూపర్ కొన్నోలీ, టిమ్ డేవిడ్, నాథన్ ఎల్లిస్, జేక్ ఫ్రేజర్-మెక్‌గర్క్, ఆరోన్ హార్డీ, జోష్ ఇంగ్లిస్, స్పెన్సర్ జాన్సన్, గ్లెన్ మాక్స్‌వెల్, మాథ్యూ షార్ట్, మార్కస్ స్టోయినిస్, ఆడమ్ జంపాపాక్‌, ఆస్ట్రేలియా మధ్య టీ20 సిరీస్‌ షెడ్యూల్‌..తొలి టీ20- నవంబర్‌ 14 (బ్రిస్బేన్‌)రెండో టీ20-నవంబర్‌ 16 (సిడ్నీ)మూడో టీ20- నవంబర్‌ 18 (హోబర్ట్‌)కాగా, ఆస్ట్రేలియాతో టీ20 సిరీస్‌ కోసం పాకిస్తాన్‌ జట్టును నిన్ననే ప్రకటించారు. పాక్‌ జట్టుకు మహ్మద్‌ రిజ్వాన్‌ కెప్టెన్‌గా ఎంపికయ్యాడు.ఆస్ట్రేలియాతో టీ20 సిరీస్‌కు పాకిస్తాన్‌ జట్టు..అరాఫత్ మిన్హాస్, బాబర్ ఆజమ్‌, హరీస్ రవూఫ్, హసీబుల్లా, జహందాద్ ఖాన్, మహ్మద్ అబ్బాస్ అఫ్రిది, మహ్మద్ రిజ్వాన్ (వికెట్‌కీపర్‌), ముహమ్మద్ ఇర్ఫాన్ ఖాన్, నసీమ్ షా, ఒమైర్ బిన్ యూసుఫ్, సాహిబ్జాదా ఫర్హాన్, సల్మాన్ అలీ అఘా, షాహీన్‌ అఫ్రిది, సుఫ్యాన్‌ మొకిమ్, ఉస్మాన్ ఖాన్

స్వదేశంలో ఇంగ్లండ్‌తో టెస్టు సిరీస్‌ను 2-1 తేడాతో సొంతం చేసుకున్న పాకిస్తాన్ తమ తదుపరి సవాల్‌కు సిద్దమైంది. ఈ ఏడాది నవంబర్‌లో ఆస్ట్రేలియా పర్యటనకు పాక్ జట్టు వెళ్లనుంది. ఈ టూర్‌లో భాగంగా ఆతిథ్య ఆస్ట్రేలియాతో పాకిస్తాన్ మూడు వన్డేలు, మూడు టీ20ల సిరీస్‌లో తలపడనుంది. అయితే ఈ ఆసీస్ పర్యటనకు ముందు పాకిస్తాన్ వైట్ బాల్ జట్టుకు కొత్త కెప్టెన్ రానున్నాడు.స్టార్ వికెట్ కీపర్ బ్యాటర్ మహమ్మద్ రిజ్వాన్‌ను తమ జట్టు పరిమిత ఓవర్ల కెప్టెన్‌గా నియమించేందుకు పాకిస్తాన్ క్రికెట్ బోర్డు సిద్దమైనట్లు తెలుస్తోంది. జియో న్యూస్ ప్రకారం.. ఒకట్రెండు రోజుల్లో ఈ విషయంపై పీసీబీ నుంచి ఆధికారిక ప్రకటన వెలవడనుంది. ఇప్పటికే పీసీబీ ఛైర్మన్ మొహ్సిన్ నఖ్వీతో రిజ్వాన్ సమావేశమైనట్లు సదరు మీడియా సంస్థ తమ కథనాల్లో పేర్కొంది.ఈ మీటింగ్‌లోనే పాక్ వన్డే, టీ20ల్లో పాక్ జట్టు కెప్టెన్‌గా బాధ్యతలు చేపట్టేందుకు రిజ్వాన్ అంగీకరించినట్లు సమాచారం. ప్ర‌ధాన కోచ్ గ్యారీ కిర్‌స్టెన్ సూచ‌న మేర‌కు రిజ్వాన్‌ను కెప్టెన్‌గా నియ‌మించాల‌ని పీసీబీ నిర్ణ‌యించుకున్న‌ట్లు వార్త‌లు వినిపిస్తున్నాయి. అదేవిధంగా ఆల్‌రౌండర్ సల్మాన్ అలీ పాక్ వైస్ కెప్టెన్‌గా బాధ్య‌త‌లు చేప‌ట్ట‌నున్న‌ట్లు పీసీబీ వ‌ర్గాలు వెల్ల‌డించాయి.కాగా కెప్టెన్సీ ప‌రంగా రిజ్వాన్‌కు అనుభ‌వం ఉంది. జాతీయ జ‌ట్టుకు కెప్టెన్‌గా వ్య‌వ‌హ‌రించ‌న‌ప్ప‌ట‌కీ, పాకిస్తాన్ సూప‌ర్ లీగ్‌, దేశీవాళీ టోర్నీల్లో నాయ‌కత్వ పాత్ర పోషించాడు. పీఎస్ఎల్‌-2021లో అత‌డి సార‌థ్యంలోనే ముల్తాన్ సుల్తాన్ ముల్తాన్ ఛాంపియ‌న్‌గా నిలిచింది. కాగా టీ20 వ‌ర‌ల్డ్‌క‌ప్‌-2024లో ఘోర వైఫల్యం త‌ర్వాత పాక్ కెప్టెన్సీ స్టార్ ప్లేయ‌ర్ బాబర్ ఆజం త‌ప్పుకున్న సంగ‌తి తెలిసిందే. నవంబర్‌ 4న జరగనున్న తొలి వన్డేతో పాక్‌ జట్టు ఆస్ట్రేలియా పర్యటన ప్రారంభం కానుంది.చదవండి: IND vs NZ: రెండో టెస్టులో ఘోర ఓట‌మి.. గౌతం గంభీర్ కీల‌క నిర్ణ‌యం!?

ఇంగ్లండ్‌తో టెస్టు సిరీస్ అనంత‌రం పాకిస్తాన్ ఇంగ్లండ్ ప‌ర్య‌ట‌న‌కు వెళ్లనుంది. ఈ టూర్‌లో భాగంగా పాక్ జ‌ట్టు మూడు వ‌న్డేలు, మూడు టీ20ల సిరీస్‌లో ఆసీస్‌తో త‌ల‌ప‌డ‌నుంది. ఈ వైట్‌బాల్ సిరీస్‌ల కోసం పాక్ సెల‌క్ష‌న్ క‌మిటీ ఒక‌ట్రెండు రోజుల్లో త‌మ జ‌ట్టును ప్ర‌క‌టించే అవకాశముంది. నవంబ‌ర్ 4న మెల్‌బోర్న్ వేదిక‌గా జ‌ర‌గ‌నున్న తొలి వ‌న్డేతో పాక్ ప‌ర్య‌ట‌న ప్రారంభం కానుంది.ఫ‌ఖార్ జ‌మాన్‌పై వేటు?ఇక ఇది ఇలా ఉండ‌గా.. స్టార్ బ్యాట‌ర్ ఫ‌ఖర్ జ‌మాన్‌పై పాక్ సెల‌క్ష‌న్ క‌మిటీ వేటు వేసేందుకు సిద్ద‌మైన‌ట్లు తెలుస్తోంది. ఇంగ్లండ్‌తో టెస్టు సిరీస్‌ను నుంచి పాక్‌ మాజీ కెప్టెన్ బాబ‌ర్ ఆజంను అర్ధంతరంగా త‌ప్పించ‌డాన్ని జ‌మాన్ త‌ప్పుబ‌ట్టిన విష‌యం తెలిసిందే. సెల‌క్ట‌ర్ల తీరుపై ఎక్స్ వేదిక‌గా ప్ర‌శ్న‌ల వ‌ర్షం కురిపించాడు.భార‌త్‌ను చూసి నేర్చుకోవాలంటూ అత‌డు హితువు ప‌లికాడు. దీంతో అత‌డిపై పీసీబీ సీరియ‌స్ అయింది. ఇప్ప‌టికే అత‌డికి పాక్ క్రికెట్ బోర్డు షోకాజ్ నోటీసు కూడా జారీ చేసింది. అంత‌టితో ఆగ‌కుండా ఆసీస్ టూర్‌కు జ‌మాన్‌ను ఎంపిక చేయ‌కూడ‌ని పాక్ బోర్డు భావిస్తున్న‌ట్లు తెలుస్తోంది.అదేవిధంగా జ‌మాన్ ఇటీవ‌ల నిర్వ‌హించిన ఫిట్‌నెస్ ప‌రీక్ష‌లో కూడా ఫెయిల్ అయిన‌ట్లు తెలుస్తోంది. మోకాలి సమస్యలతో బాధ‌ప‌డుతున్న 34 ఏళ్ల జ‌మాన్‌.. ఎనిమిది నిమిషాల్లో రెండు కిలోమీటర్ల పరుగును పూర్తి చేయడంలో విఫలమైన‌ట్లు స‌మాచారం. ఆసీస్ టూర్‌కు జ‌మాన్ వెళ్తాడా లేదా అన్న‌ది మ‌రో రెండు రోజుల్లో తేలిపోనుంది.

స్వ‌దేశంలో పాకిస్తాన్‌తో జ‌ర‌గ‌నున్న‌ మూడు వ‌న్డేల సిరీస్‌కు 14 మంది స‌భ్యుల‌తో కూడిన త‌మ జ‌ట్టును క్రికెట్ ఆస్ట్రేలియా ప్ర‌క‌టించింది. ఈ సిరీస్‌తో కెప్టెన్ ప్యాట్ క‌మ్మిన్స్ తిరిగి వ‌న్డేల్లో రీ ఎంట్రీ ఇచ్చాడు. వ‌న్డే ప్రపంచ కప్ 2023 విజయం తర్వాత క‌మ్మిన్స్ వ‌న్డేల్లో తొలిసారి ఆడ‌నున్నాడు.పాట్ కమిన్స్‌తో పాటు వెటరన్ ఆల్ రౌండర్ మార్కస్ స్టోయినిస్ కూడా వన్డే జట్టులోకి తిరిగి వచ్చాడు. అయితే ఈ సిరీస్‌కు స్టార్ ఆల్‌రౌండ‌ర్ కామెరాన్ గ్రీన్ గాయం కార‌ణంగా దూర‌మ‌య్యాడు. మ‌రోవైపు స్టార్ క్రికెట‌ర్లు ట్రావిస్ హెడ్‌, మిచెల్ మార్ష్‌కు ఈ జ‌ట్టులో చోటు ద‌క్క‌లేదు.గ‌త కొంత కాలంగా అవిరామంగా క్రికెట్ ఆడుతున్న వీరిద్ద‌రికి సెల‌క్టర్లు విశ్రాంతి ఇచ్చారు. యువ ఆట‌గాళ్లు జాక్ ఫ్రెస‌ర్ ముక్‌గ‌ర్క్‌, కూపర్ కొన్నోలీలు పాక్ సిరీస్‌కు ఎంపిక‌య్యారు. కాగా ఈ సిరీస్ ఐసీసీ ఛాంపియ‌న్స్ ట్రోఫీ-2025 స‌న్న‌హాకాల్లో భాగంగా జ‌ర‌గ‌నుంది. నవంబ‌ర్ 4న మెల్‌బోర్న్ వేదిక‌గా జ‌ర‌గ‌నున్న తొలి వ‌న్డేతో ఈ సిరీస్ ప్రారంభం కానుంది. ఆ త‌ర్వాత రెండో వ‌న్డే న‌వంబ‌ర్ 8న ఆడిలైడ్‌లో రెండో వ‌న్డే, న‌వంబ‌ర్ 10న పెర్త్‌లో ఆఖ‌రి వ‌న్డే జ‌ర‌గ‌నుంది.ఆస్ట్రేలియా జట్టు: పాట్ కమిన్స్ (కెప్టెన్‌), సీన్ అబాట్, కూపర్ కొన్నోలీ, జేక్ ఫ్రేజర్-మెక్‌గర్క్, ఆరోన్ హార్డీ, జోష్ హేజిల్‌వుడ్, జోష్ ఇంగ్లిస్, మార్నస్ లాబుషేన్‌, గ్లెన్ మాక్స్‌వెల్, మాథ్యూ షార్ట్, స్టీవ్ స్మిత్, మిచెల్ స్టార్క్‌, మార్క‌స్ స్టోయినిష్‌, జంపా

వరల్డ్‌ ఛాంపియన్‌షిప్‌ ఆఫ్‌ లెజెండ్స్‌ టోర్నీ 2024లో భాగంగా నిన్న (జులై 3) జరిగిన రెండో మ్యాచ్‌లో ఆస్ట్రేలియా ఛాంపియన్స్‌, పాకిస్తాన్‌ ఛాంపియన్స్‌ జట్లు తలపడ్డాయి. ఈ మ్యాచ్‌లో ఆస్ట్రేలియాపై పాకిస్తాన్‌ 5 వికెట్ల తేడాతో గెలుపొందింది. తొలుత బ్యాటింగ్‌ చేసిన ఆసీస్‌.. నిర్ణీత 20 ఓవర్లలో 7 వికెట్ల నష్టానికి 189 పరుగులు చేయగా.. పాకిస్తాన్‌ 19.4 ఓవర్లలో 5 వికెట్లు కోల్పోయి లక్ష్యాన్ని ఛేదించింది.రాణించిన ఫించ్‌టాస్‌ ఓడి పాక్‌ ఆహ్వానం మేరకు తొలుత బ్యాటింగ్‌ చేసిన ఆస్ట్రేలియా.. ఓ మోస్తరు స్కోర్‌ చేసింది. ఆరోన్‌ ఫించ్‌ (40 బంతుల్లో 68; 9 ఫోర్లు, 3 సిక్సర్లు), కౌల్టర్‌ నైల్‌ (10 బంతుల్లో 25; 2 ఫోర్లు, 2 సిక్సర్లు) రాణించగా.. బెన్‌ డంక్‌ (27), ఫెర్గూసన్‌ (26 నాటౌట్‌) పర్వాలేదనిపించారు. పాక్‌ బౌలర్లలో షాహిద్‌ అఫ్రిది, షోయబ్‌ మాలిక్‌ చెరో 2 వికెట్లు పడగొట్టగా.. సోహైల్‌ తన్వీర్‌, వాహబ్‌ రియాజ్‌, సయీద్‌ అజ్మల్‌ తలో వికెట్‌ దక్కించుకున్నారు.సత్తా చాటిన మిస్బా, యూనిస్‌190 పరుగుల లక్ష్యాన్ని ఛేదించేందుకు బరిలోకి దిగిన పాకిస్తాన్‌.. కెప్టెన్‌ యూనిస్‌ ఖాన్‌ (41 బంతుల్లో 63; 4 ఫోర్లు, 2 సిక్సర్లు), మిస్బా ఉల్‌ హక్‌ (30 బంతుల్లో 46 నాటౌట్‌; 3 ఫోర్లు, 2 సిక్సర్లు) సత్తా చాటడంతో 19.4 ఓవర్లలో విజయతీరాలకు చేరింది. పాక్‌ ఇన్నింగ్స్‌లో షోయబ్‌ మక్సూద్‌ (21), షోయబ్‌ మాలిక్‌ (23) ఓ మోస్తరు స్కోర్లు చేశారు. ఆసీస్‌ బౌలర్లలో బ్రెట్‌ లీ, కౌల్టర్‌ నైల్‌ చెరో 2 వికెట్లు.. జేవియర్‌ దోహర్తి ఓ వికెట్‌ పడగొట్టారు.

When the fat levels Checked Skin fold of all of them was high: పాకిస్తాన్‌ మాజీ కెప్టెన్‌, ప్రస్తుత బ్యాటర్‌ బాబర్‌ ఆజం తీరును హెడ్‌కోచ్‌ మహ్మద్‌ హఫీజ్‌ విమర్శించాడు. మాజీ కోచ్‌ మిక్కీ ఆర్థర్‌తో కలిసి జట్టును భ్రష్టుపట్టించాడని ఆగ్రహం వ్యక్తం చేశాడు. ఆటగాళ్లు క్రమశిక్షణ లేకుండా తయారు కావడానికి బాబర్‌, మిక్కీ కారణమని హఫీజ్‌ మండిపడ్డాడు. వరల్డ్‌కప్‌లో వైఫల్యం కాగా మిక్కీ ఆర్థర్‌ మార్గదర్శనంలో బాబర్‌ ఆజం కెప్టెన్సీలో పాకిస్తాన్‌ జట్టు వన్డే వరల్డ్‌కప్‌-2023లో దారుణంగా విఫలమైన విషయం తెలిసిందే. భారత్‌ వేదికగా జరిగిన ఈ మెగా ఈవెంట్లో కనీసం సెమీస్‌ కూడా చేరుకుండానే నిష్క్రమించింది. ఈ నేపథ్యంలో బాబర్‌ ఆజం కెప్టెన్సీ నుంచి వైదొలగగా.. హెడ్‌కోచ్‌ మిక్కీ ఆర్థర్‌పై వేటు పడింది. ఈ క్రమంలో మహ్మద్‌ హఫీజ్‌ పాకిస్తాన్‌ క్రికెట్‌ బోర్డు డైరెక్టర్‌గా నియమితుడయ్యాడు. అంతేకాదు హెడ్‌కోచ్‌ బాధ్యతలనూ తానే చేపట్టాడు. ఆస్ట్రేలియా, న్యూజిలాండ్‌లో చేదు అనుభవం ఇక బాబర్‌ స్థానంలో టెస్టులకు షాన్‌ మసూద్‌, టీ20లకు షాహిన్‌ ఆఫ్రిది సారథులుగా ఎంపికయ్యారు. ఈ క్రమంలో కొత్త నాయకత్వంలో ఆస్ట్రేలియా పర్యటనలో టెస్టు సిరీస్‌లో వైట్‌వాష్‌కు గురైన పాక్‌.. న్యూజిలాండ్‌ టూర్‌లో టీ20 సిరీస్‌ను కోల్పోయింది. ఇదిలా ఉంటే.. ఆస్ట్రేలియా పర్యటనలో ఉన్న సమయంలో తనకు ఓ విచిత్రమైన విషయం తెలిసిందంటూ మహ్మద్‌ హఫీజ్‌ తాజాగా వెల్లడించాడు. బాబర్‌ ఆజం, మిక్కీ ఆర్థర్‌ కలిసి ఫిట్‌నెస్‌ విలువలు గాలికొదిలేసిన తీరు తెలిసి ఆశ్చర్యపోయానన్నాడు. ఈ మేరకు.. ‘‘ఆస్ట్రేలియాకు వెళ్లినపుడు ఫిట్‌నెస్‌ విషయంలో జాగ్రత్తగా ఉండాలని ఆటగాళ్లకు చెప్పాను. ట్రైనర్‌తో కూడా ఇదే మాట అన్నాడు. కానీ అప్పుడతడు నాకో షాకింగ్‌ న్యూస్‌ చెప్పాడు. ఆర్నెళ్ల క్రితం అప్పటి కెప్టెన్‌, డైరెక్టర్‌.. ఆటగాళ్ల ఫిట్‌నెస్‌ లెవల్స్‌ చెక్‌ చేయొద్దని చెప్పారన్నాడు. వారి శరీరాల్లో కొవ్వు పేరుకుపోయింది ఆటగాళ్లను స్వేచ్ఛగా వదిలేయాలని వాళ్లిద్దరు తనను ఆదేశించారన్నాడు. ఈ విషయం తెలిసిన తర్వాత ఆటగాళ్ల ఫిట్‌నెస్‌ లెవల్స్‌ చెక్‌ చేయిస్తే.. ఉండాల్సిన దాని కంటే ఒకటిన్నర రెట్లు ఎక్కువ కొవ్వు వారి శరీరాల్లో పేరుకుపోయినట్లు తెలిసింది. చాలా మంది అన్‌ఫిట్‌గా ఉన్నారు. కొంతమంది కనీసం 2 కిలోమీటర్ల ట్రయల్‌ రన్‌ కూడా పూర్తిచేయలేకపోయారు. ఆర్నెళ్ల క్రితం వాళ్లు తీసుకున్న నిర్ణయాన్ని నేను తారుమారు చేశాను. ఫిట్‌గా లేకుంటే ఓడిపోతూనే ఉంటారని ఆటగాళ్లను హెచ్చరించాను’’ అని మహ్మద్‌ హఫీజ్‌ ‘ఏ’ స్పోర్ట్స్‌తో వ్యాఖ్యానించాడు. కాగా ప్రస్తుతం పాక్‌ ప్రధాన ఆటగాళ్లంతా పాకిస్తాన్‌ సూపర్‌ లీగ్‌తో బిజీగా ఉన్నారు. చదవండి: Ind Vs Eng 4th Test: బుమ్రాను రిలీజ్‌ చేసిన బీసీసీఐ.. అతడికి గ్రీన్‌ సిగ్నల్‌!

అండర్‌ 19 వరల్డ్‌కప్‌-2024లో పాకిస్తాన్‌ సెమీఫైనల్లో అడుగుపెట్టింది. బెనోని వేదికగా బంగ్లాదేశ్‌తో ఆఖరి వరకు ఉత్కంఠ భరితంగా సాగిన మ్యాచ్‌లో 5 పరుగుల తేడాతో విజయం సాధించిన పాక్‌.. తమ సెమీస్‌ బెర్త్‌ను ఖారారు చేసుకుంది. 156 పరుగుల స్వల్ప లక్ష్యంతో బరిలోకి దిగిన బంగ్లా జట్టు 35.5  ఓవర్లలో 150 పరుగులకే ఆలౌటైంది. పాక్‌ విజయంలో పేసర్‌ ఉబైడ్‌ షా కీలక పాత్ర పోషించాడు. ఉబైడ్‌ షా 5 వికెట్లు పడగొట్టి పాక్‌ను సెమీస్‌కు చేర్చాడు. ఉబైడ్‌ షాతో పాటు అలీ రజా 3 వికెట్లు, జీషన్ ఒక్క వికెట్‌ సాధించాడు. బంగ్లా బ్యాటర్లలో మహ్మద్ షిహాబ్ జేమ్స్(26) పరుగులతో టాప్‌ స్కోరర్‌గా నిలిచాడు. అంతకుముందు బ్యాటింగ్‌ చేసిన పాకిస్తాన్‌ కూడా 40.4 ఓవర్లలో 155 పరుగులకే కుప్పకూలింది. ఆల్‌రౌండర్‌ అరాఫత్ మిన్హాస్(34) రాణించడంతో నామమాత్రపు స్కోరైనా పాక్‌ సాధించగల్గింది. బంగ్లా బౌలర్లలో షేక్ పావెజ్ జిబోన్, రోహనత్ డౌల్లా బోర్సన్ తలా 4 వికెట్లు పడగొట్టారు. ఇక ఈ మెగా టోర్నీ సెకెండ్‌ సెమీఫైనల్లో ఫిబ్రవరి 8న ఆస్ట్రేలియాతో పాక్‌ తలపడనుంది. అదే విధంగా తొలి సెమీఫైనల్లో దక్షిణాఫ్రికా, భారత్‌ తాడోపేడో తెల్చుకోనున్నాయి.

ఆస్ట్రేలియా వెటరన్‌ ఓపెనర్‌ డేవిడ్‌ వార్నర్ గురించి ఆ జట్టు మాజీ కోచ్‌ జాన్‌ బుకానన్‌ ఆసక్తికర వ్యాఖ్యలు చేశాడు. వార్నర్‌ మెరుగైన బ్యాటరేనని.. అయితే, అంత గొప్ప ఆటగాడేమీ కాదని అన్నాడు. ఆసీస్‌ గ్రేట్‌ అన్న జాబితాలో అతడికి చోటు దక్కే ప్రసక్తే లేదన్నాడు. కాగా ఆసీస్‌ ఓపెనర్‌గా ఎన్నో రికార్డులు సాధించిన వార్నర్‌ ఇటీవలే టెస్టు క్రికెట్‌ నుంచి రిటైరయ్యాడు. పాకిస్తాన్‌తో జరిగిన సిరీస్‌ సందర్భంగా అంతర్జాతీయ స్థాయిలో సంప్రదాయ క్రికెట్‌కు గుడ్‌ బై చెప్పాడు. వన్డేల నుంచి కూడా తప్పుకొంటున్నట్లు ప్రకటించిన అతడు ఇకపై టీ20లకు మాత్రమే పరిమితం కానున్నాడు.  ఈ నేపథ్యంలో ఫాక్స్‌ న్యూస్‌తో మాట్లాడుతున్న సందర్భంగా ఆసీస్‌ మాజీ కోచ్‌ జాన్‌ బుకానన్‌కు వార్నర్‌ను ‘గ్రేట్‌’ అనొచ్చా అనే ప్రశ్న ఎదురైంది. ఇందుకు బదులిస్తూ.. ‘‘లేదు.. నేనైతే అలా అనుకోవడం లేదు. తన కెరీర్‌ ఆసాంతం అతడు అద్భుతంగా ఆడాడు. వందకు పైగా టెస్టులు ఆడిన అనుభవం అతడికి ఉంది. 8 వేలకు పైగా పరుగులు సాధించాడు. 160కి పైగా వన్డేలు, 100 వరకు టీ20లు ఆడాడు. మూడు ఫార్మాట్లలో అతడి బ్యాటింగ్‌ సగటు కూడా బాగానే ఉంది. స్ట్రైక్‌ రేటు కూడా బాగుంది. ప్రదర్శనపరంగా అతడు మెరుగైన స్థానంలో ఉన్నాడు. అయితే, ఒక క్రీడలో దిగ్గజాల గురించి చెప్పాల్సి వచ్చినపుడు నా వరకైతే ఆసీస్‌ తరఫున డాన్‌ బ్రాడ్‌మన్‌, గ్లెన్‌ మెగ్రాత్‌, షేన్‌ వార్న్‌ వంటి వాళ్లే గుర్తుకువస్తారు. నా దృష్టిలో వాళ్లు ముగ్గురే గ్రేట్‌ ప్లేయర్లు. మిగతా వాళ్లలో చాలా మంది వీరికి చేరువగా వచ్చిన గ్రేట్‌ కేటగిరీలో చోటు సంపాదించలేరు. వార్నర్‌ కూడా అంతే’’ అని బుకానన్‌ చెప్పుకొచ్చాడు. కాగా తన కెరీర్‌లో ఆఖరి సిరీస్‌లో వార్నర్‌ శతకం బాదాడు. ఇక పాక్‌తో జరిగిన ఆ సిరీస్‌లో ఆసీస్‌ 3-0తో వైట్‌వాష్‌ చేసింది. సొంతగడ్డపై పాకిస్తాన్‌పై వరుసగా పదిహేడవ విజయం నమోదు చేసింది.

ఆస్ట్రేలియాలోని అడిలైడ్‌ ఓవల్‌ మైదానం.. తర్వాతి మ్యాచ్‌ కోసం క్యురేటర్ల బృందం పిచ్‌ తయారు చేస్తోంది. అందులో ఒక 24 ఏళ్ల కుర్రాడు అమితోత్సాహంతో అందరికంటే వేగంగా చకచకా పని పూర్తి చేస్తున్నాడు. ముఖ్యంగా పిచ్‌ చివర్లో స్టంప్స్‌ వద్ద స్పిన్‌ బంతి టర్నింగ్‌కు సంబంధించి సహచరులకు ప్రత్యేక సూచనలు ఇస్తూ వాటరింగ్‌ చేయిస్తున్నాడు. అతను కొన్నాళ్ల క్రితమే ఆ మైదానానికి బదిలీపై వచ్చాడు. అంతకు ముందు నాలుగేళ్ల పాటు కాన్‌బెర్రాలోని మనుకా ఓవల్‌ గ్రౌండ్‌లోనూ ఇదే పని చేశాడు. పిచ్‌ తయారీపై బేసిక్స్‌ నేర్చుకొని అక్కడే పూర్తి స్థాయిలో శిక్షణ కూడా పొందాడు. అయితే క్యురేటర్‌గా అనుభవం మాత్రమే కాదు ఒక ఆటగాడి తరహాలో అతనికి ఉన్న పరిజ్ఞానం, విశ్లేషణ అడిలైడ్‌లోని కోచ్‌లను ఆకర్షించింది. అనంతరం జట్లు ప్రాక్టీస్‌కు సిద్ధమైనప్పుడు నెట్‌ బౌలర్లు తక్కువ పడటంతో నువ్వు బౌలింగ్‌ చేయగలవా అని కోచ్‌ డారెన్‌ బెరీ ఈ కుర్రాడిని అడిగాడు. కచ్చితంగా అని బదులిచ్చిన అతను వెంటనే బంతితో బరిలోకి దిగిపోయాడు. అతని స్పిన్‌ బౌలింగ్‌ శైలి, టర్నింగ్‌ రాబడుతున్న తీరు కోచ్‌ను అమితాశ్చర్యానికి గురి చేశాయి. అతని వివరాలను తెలుసుకోగా.. తాను అప్పటికే చాలా చోట్ల క్రికెట్‌ ఆడానని, అయితే అవేవీ గుర్తింపు పొందిన స్థాయిలో కాదని ఆ బౌలర్‌ చెప్పాడు. దాంతో నీకు తగిన అవకాశం కల్పిస్తానన్న కోచ్‌ బెరీ మాట తప్పలేదు. అతని ప్రతిభ గురించి అందరికీ చెప్పి అడిలైడ్‌ టి20 టీమ్‌ రెడ్‌బ్యాక్స్‌లోకి ఎంపిక చేశాడు. అంతే.. ఆ తర్వాత అతను వెనుదిరిగి చూడాల్సిన అవసరం రాలేదు. తొలి అవకాశాన్ని అద్భుతంగా వాడుకొని సత్తా చాటడంతో వరుసగా మ్యాచ్‌లు దక్కాయి. ఆపై ఫార్మాట్‌ మారి ఫస్ట్‌క్లాస్‌ క్రికెట్‌ ఆడే అవకాశమూ లభించింది. దానిని అందిపుచ్చుకొని ఆ బౌలర్‌ ఉవ్వెత్తున ఎగశాడు. ఏడు నెలల వ్యవధిలోనే జాతీయ జట్టుకు ఎంపికై సంచలనం సృష్టించాడు. ఆ తర్వాత పుష్కరకాలంగా ఎన్నో ఘనతలను తన పేరిట లిఖించుకున్న ఆ బౌలర్‌ పేరే నాథన్‌ లయన్‌. క్యురేటర్‌గా మొదలై టెస్టుల్లో 500 వికెట్ల అరుదైన మైలురాయిని సాధించిన ఆటగాడిగా గుర్తింపు పొందడం వరకు ఆఫ్‌స్పిన్నర్‌ లయన్‌ సాగించిన ప్రయాణం స్ఫూర్తిదాయకం.  స్టూవర్ట్‌ మెక్‌గిల్, మైకేల్‌ బీర్, డోహర్తి, క్రేజా, మెక్‌గెయిన్, హారిట్జ్, స్టీవ్‌ స్మిత్, హాగ్, హాలండ్, వైట్, కాసన్‌.. ఒకరు కాదు, ఇద్దరు కాదు.. ఏకంగా 11 మందితో కూడిన జట్టు ఇది. ఆల్‌టైమ్‌ గ్రేట్‌ స్పిన్నర్‌ షేన్‌ వార్న్‌ రిటైర్మెంట్‌ తర్వాత ఒక స్పెషలిస్ట్‌ స్పిన్నర్‌ కోసం ఆస్ట్రేలియా క్రికెట్‌ బోర్డు అన్వేషణ సుదీర్ఘంగా సాగింది. ఆ ప్రయత్నంలో భాగంగా వారు ప్రయత్నించిన 11 మంది స్పిన్నర్ల పేర్లు ఇవి. కానీ ఇందులో ఏ ఒక్కరూ ప్రతిభపరంగా వార్న్‌ దరిదాపుల్లోకి రావడం అటుంచి.. కనీసం పోలికకు కూడా అర్హత లేని స్థాయి వారిది. అందుకే ఎన్ని అవకాశాలు కల్పించినా ప్రతిభను చూపించలేక అతి తక్కువ సమయంలోనే కనుమరుగైపోయారు. వార్న్‌ స్థాయిలో కాకపోయినా, కనీసం ఉపఖండంలో సిరీస్‌లు ఆడేందుకు వెళ్లినప్పుడు అక్కడి పరిస్థితులకు తగినట్లుగా కొంతయినా ప్రభావం చూపించేవాడు ఉంటే చాలని ఆసీస్‌ క్రికెట్‌ భావించినా.. అది కూడా సాధ్యం కాలేదు. దాంతో ఇక స్పిన్నర్ల వేటను మానేసి ఆస్ట్రేలియా జట్టు ప్రపంచవ్యాప్తంగా ఏ మైదానంలో ఆడినా తమ పేసర్ల బలాన్ని నమ్ముకుంటూ బరిలోకి దిగుతూ వచ్చింది. అలాంటి సమయంలో నాథన్‌ లయన్‌ వచ్చాడు. ఎలాంటి గందరగోళం లేకుండా సంప్రదాయ స్పిన్‌ బౌలింగ్, క్లాసికల్‌గా బంతిని ఫ్లయిట్‌ చేయడానికి ఇష్టపడే స్పిన్నర్‌గా లయన్‌ వెలుగులోకి వచ్చాడు. ఇలాంటి స్పిన్నర్లు సాధారణంగా ఉపఖండంలోనే గుర్తింపు దక్కించుకుంటారు. కానీ ఆసీస్‌కు లయన్‌ రూపంలో అలాంటి ఆటగాడు దక్కాడు. అందుకే వారు అతడిని కళ్లకు అద్దుకొని జట్టులోకి తీసుకున్నాడు. లయన్‌ కూడా తన ఎంపికకు న్యాయం చేస్తూ వారిని ఎప్పుడూ నిరాశపరచలేదు. అటు ఉపఖండం పిచ్‌లపై కూడా సత్తా చాటడంతో పాటు స్పిన్‌ను ఏమాత్రం అనుకూలించని ఆసీస్‌ మైదానాల్లోనూ ప్రత్యర్థులపై చెలరేగి తాను లేకుండా ఆసీస్‌ జట్టు టెస్టు మ్యాచ్‌ ఆడలేని స్థాయికి చేరుకున్నాడు. వార్న్‌కు సరైన వారసుడినని నిరూపించుకుంటూ 12 ఏళ్ల సుదీర్ఘ కెరీర్‌ తర్వాత ఏకంగా 500 టెస్టు వికెట్లతో ఇప్పుడు శిఖరాన నిలిచాడు లయన్‌.  అలా మొదలైంది.. 2011, సెప్టెంబర్‌ 1.. గాలేలో శ్రీలంకతో తొలి టెస్టు. లయన్‌ తొలిసారి అంతర్జాతీయ క్రికెట్‌లో బౌలింగ్‌కు దిగాడు. రౌండ్‌ ద వికెట్‌గా వచ్చి బంతిని సంధించాడు. గ్రిప్, ఫ్లయిట్, టర్న్, బౌన్స్‌.. అనూహ్యంగా వచ్చిన బంతిని ఆడలేక లంక దిగ్గజం సంగక్కర గందరగోళానికి గురయ్యాడు. బ్యాట్‌ను తాకిన బంతి స్లిప్స్‌లో కెప్టెన్‌ క్లార్క్‌ చేతుల్లో పడింది. అంతే.. అటు లయన్‌తో పాటు ఇటు ఆసీస్‌ బృందంలో సంబరాలు. టెస్టు క్రికెట్‌లో వేసిన తొలి బంతికే వికెట్‌ తీసిన అత్యంత అరుదైన జాబితాలో లయన్‌కు చోటు లభించింది. ఈ మ్యాచ్‌లో ఆరు వికెట్లతో అతనికి ఘనారంభం దొరికింది. అద్భుతంగా మొదలైన కెరీర్‌ ఆపై మరిన్ని ఘనతల దిశగా సాగింది. నాలుగేళ్లు ముగిసేసరికి ఆస్ట్రేలియా తరఫున వికెట్లపరంగా అత్యుత్తమ ఆఫ్‌స్పిన్నర్‌గా లయన్‌ గుర్తింపు తెచ్చేసుకున్నాడు.  యాషెస్‌తో మేలిమలుపు.. ఆటలో ఎంత సత్తా ఉన్నా, అద్భుతాలు చేసే నైపుణ్యం ఉన్నా ఆటగాళ్లకు తగిన అవకాశం, సరైన వేదిక ఎంతో ముఖ్యం. ఆస్ట్రేలియా, ఇంగ్లండ్‌ క్రికెటర్లకు సంబంధించి యాషెస్‌ సిరీస్‌ అలాంటిదే. ఈ చిరకాల ప్రత్యర్థుల జట్లలో ఎంతో మంది ఆటగాళ్లను యాషెస్‌ సిరీస్‌ హీరోలను చేస్తే, మరెంతో మందిని జీరోలను చేస్తుంది. వరుస అవకాశాలు దక్కించుకుంటున్న క్రమంలో 2011 యాషెస్‌ సిరీస్‌ కోసం లయన్‌కు చాన్స్‌ లభించింది. ఎంతో ఉత్సాహంతో తన టాలెంట్‌ చూపించేందుకు లయన్‌ సిద్ధం కాగా, వేర్వేరు పరిస్థితులను కారణాలుగా చూపుతూ టీమ్‌ మేనేజ్‌మెంట్‌ తొలి రెండు టెస్టుల్లో అతడిని ఎంపిక చేయకుండా పక్కన పెట్టింది. అయితే తర్వాతి మూడు టెస్టుల్లో అవకాశం సాధించి కీలక దశలో తొమ్మిది వికెట్లు పడగొట్టిన లయన్‌ రెండు టెస్టుల్లో ఇంగ్లండ్‌ను కట్టడి చేసి ఆసీస్‌ను ఓటమి బారి నుంచి తప్పించాడు. ఆ తర్వాత కొన్ని నెలలకే జరిగిన రిటర్న్‌ యాషెస్‌ సిరీస్‌తో లయన్‌ విలువేమిటో ఆసీస్‌ మేనేజ్‌మెంట్‌కు బాగా తెలిసొచ్చింది. సొంత గడ్డపై 19 వికెట్లతో సత్తా చాటిన లయన్‌ తన స్థానాన్ని మరింత సుస్థిరం చేసుకున్నాడు. ఆ వెంటనే దక్షిణాఫ్రికాకు వెళ్లి అక్కడా తన స్పిన్‌ పదును చూపించడంలో అతను సఫలమయ్యాడు. ఆ తర్వాత 2022లో గాయం కారణంగా ఒక మ్యాచ్‌ దూరమయ్యే వరకు లయన్‌ లేకుండా ఆస్ట్రేలియా ఒక్క టెస్టు మ్యాచ్‌ కూడా ఆడలేదంటే అతిశయోక్తి కాదు.   ఆసీస్‌ దిగ్గజంగా ఎదిగి.. షేన్‌వార్న్‌ తర్వాత ఆస్ట్రేలియా అత్యుత్తమ స్పిన్నర్‌గా లయన్‌కు ఎప్పుడో గుర్తింపు దక్కింది. స్పిన్నర్లకు వికెట్లే దక్కవని భావించే ఇంగ్లండ్, దక్షిణాఫ్రికా, న్యూజీలండ్‌లాంటి దేశాల్లో కూడా అతను పెద్ద సంఖ్యలో వికెట్లు పడగొట్టాడు. కానీ ఏదో అసంతృప్తి. అతడిని ప్రత్యేకంగా నిలబెట్టే మరి కొన్ని ప్రదర్శనలు కావాలి. ఒక స్పిన్నర్‌ గుర్తింపు దక్కించుకునేందుకు భారత్‌కంటే సరైన వేదిక ఏముంటుంది. భారత గడ్డపై సత్తా చాటి స్పిన్‌కు అనుకూలించే మైదానాలే అయినా భారతీయేతర స్పిన్నర్లు ఎవరూ ఇక్కడ తమదైన ముద్ర వేయలేకపోయారు. ఇక్కడా రాణిస్తే అతని కీర్తి రెట్టింపవుతుంది. లయన్‌ సరిగ్గా అదే చేసి చూపించాడు. భారత గడ్డపై ఆడిన 11 టెస్టుల్లో కేవలం 27.35 సగటుతో 56 వికెట్లు పడగొట్టి అత్యధిక వికెట్లు సాధించిన విదేశీ బౌలర్‌గా నిలిచాడు. అతని కెరీర్‌ సగటు (30.85) కంటే ఇది తక్కువ కావడం విశేషం. షేన్‌ వార్న్‌ సరసన లయన్‌ కెరీర్‌లో మూడు అత్యుత్తమ బౌలింగ్‌ ప్రదర్శనలు (8/50, 8/64, 7/94) భారత దేశంలోనే వచ్చాయి. లయన్‌ సాధించిన ఈ తొలి 8 వికెట్ల ప్రదర్శనకు బెంగళూరు వేదికైంది. సొంత గడ్డపై కంటే  విదేశాల్లోనే ఎక్కువ వికెట్లు (258) సాధించిన అరుదైన బౌలర్ల జాబితాలో లయన్‌ కూడా ఉన్నాడు. కాగా స్వదేశంలో ఇటీవల పాకిస్తాన్‌ మూడో టెస్టు(2024) సందర్భంగా 250 వికెట్ల మైలురాయి అందుకుని షేన్‌ వార్న్‌ సరసన నిలిచాడు లయన్‌.  ఆసీస్‌ ఓడిన మ్యాచ్‌లలో తీసిన వికెట్లకంటే (138) ఆ జట్టు గెలిచిన మ్యాచ్‌లలో అతను పడగొట్టిన వికెట్లు (301) అతని విలువను చూపిస్తూ దిగ్గజ స్థాయిని అందించాయి. ఆస్ట్రేలియా జట్టు అవసరాలు, కూర్పు కారణంగా లయన్‌ వన్డే కెరీర్‌ 29 మ్యాచ్‌లకే పరిమితం అయినా.. టెస్టుల్లో అతని కీర్తి శాశ్వతం. 36 ఏళ్ల వయసులోనూ అద్భుత ఫామ్‌తో చెలరేగుతున్న లయన్‌ టెస్టు క్రికెట్‌లో మున్ముందు మరిన్ని రికార్డులు నెలకొల్పడం ఖాయం.  -మొహమ్మద్‌ అబ్దుల్‌ హాది 

సిడ్నీ వేదికగా పాకిస్తాన్‌తో జరిగిన మూడో టెస్టులో 8 వికెట్ల తేడాతో ఆస్ట్రేలియా ఘన విజయం సాధించింది. 130 పరుగుల లక్ష్యంతో బరిలోకి దిగిన ఆసీస్‌.. కేవలం రెండు వికెట్లు మాత్రమే కోల్పోయి ఛేదించింది.దీంతో మూడు మ్యాచ్‌ల సిరీస్‌ను 3-0తో ఆసీస్‌ క్లీన్‌ స్వీప్‌ చేసింది.  అంతేకాకుండా వరల్డ్‌ టెస్టు ఛాంపియ‌న్ షిప్ (డ‌బ్ల్యూటీసీ) 2023-2025 పాయింట్ల ప‌ట్టిక‌లో ఆసీస్‌ అగ్ర‌స్థానానికి దూసుకెళ్లింది.  56.25 శాతం పాయింట్లతో కంగారూ జట్టు..  నాలుగో స్ధానం నుంచి టాప్‌ ప్లేస్‌కు ఎగబాకింది. డ‌బ్ల్యూటీసీ కొత్త సైకిల్‌లో ఇప్ప‌టి వ‌ర‌కు 8 టెస్టులు ఆడిన ఆస్ట్రేలియా.. ఐదింట విజయం, ఓ మ్యాచ్‌ను డ్రాగా ముగించింది. కాగా ఇప్పటివరకు టాప్‌ ప్లేస్‌లో ఉన్న భారత్‌(  54.16 శాతంతో) రెండో స్ధానానికి పడిపోయింది. దక్షిణాఫ్రికాతో రెండో టెస్టులో ఘన విజయం సాధించిన భారత జట్టు తొలి స్ధానానికి చేరుకుంది. అయితే భారత్‌  టాప్‌ ప్లేస్‌ను 24 గంటల వ్యవధిలోనే కోల్పోయింది. ఇక భారత్‌ తర్వాతి స్ధానాల్లో బాకింది. దక్షిణాఫ్రికా, న్యూజిలాండ్‌(50.0), బంగ్లాదేశ్‌(50.0) పాకిస్తాన్‌(45.83) కొనసాగుతున్నాయి. చదవండి: PAK vs AUS: కెరీర్‌లో చివరి మ్యాచ్‌.. కన్నీరు పెట్టుకున్న డేవిడ్‌ వార్నర్‌! వీడియో వైరల్‌

ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ తన 13 ఏళ్ల సుదీర్ఘ టెస్టు కెరీర్‌కు ముగింపు పలికాడు. సిడ్నీ వేదికగా పాకిస్తాన్‌తో జరిగిన మూడో టెస్టు అనంతరం టెస్టు క్రికెట్‌ నుంచి వార్నర్‌ తప్పుకున్నాడు. తన ఫేర్‌వెల్‌ సిరీస్‌ తొలి మ్యాచ్‌లో సెంచరీతో చెలరేగిన వార్నర్‌.. తన కెరీర్‌ చివరి ఇన్నింగ్స్‌లో హాఫ్ సెంచరీతో సత్తా చాటాడు. మూడో టెస్టు రెండో ఇన్నింగ్స్‌లో (75 బంతుల్లో 7 ఫోర్లతో 57) హాఫ్ సెంచరీ సాధించాడు. ఆసీస్‌ విజయానికి చేరువైన సమయంలో పాక్‌ స్పిన్నర్‌  సాజిద్ ఖాన్ బౌలింగ్‌లో డేవిడ్ వార్నర్ ఎల్బీగా వెనుదిరాడు. మైదానాన్ని వీడి వెళ్తున్న క్రమంలో పాకిస్తాన్‌ ఆటగాళ్లు వార్నర్‌ను అభినందించారు. అదే విధంగా స్టేడియంలోని ప్రేక్షకులు సైతం స్టాండింగ్‌ ఓవేషన్‌ ఇచ్చారు. ఇక మ్యాచ్‌ అనంతరం మాట్లాడిన వార్నర్‌ తీవ్ర భావోద్వేగానికి లోనయ్యాడు. వార్నర్‌ కన్నీరు పెట్టుకున్నాడు.  "విజయంతో నా కెరీర్‌ను ముగించాలనుకున్నాను. నా కల నిజమైంది. మేము 3-0తో విజయం సాధించాము. ఆస్ట్రేలియా క్రికెట్‌ జట్టు గత 2 ఏళ్ల నుంచి అద్బుతమైన క్రికెట్‌ ఆడుతోంది. ప్రపంచ టెస్ట్ ఛాంపియన్‌షిప్ విజయం, యాషెస్ సిరీస్ డ్రా,  ప్రపంచ కప్ విజయాల్లో భాగమైనందుకు గర్వపడుతున్నాను. కొంత మంది లెజెండరీ క్రికెటర్లతో కలిసి ఆస్ట్రేలియా జట్టు తరపున ఆడే అవకాశం దక్కినందుకు అదృష్టంగా భావిస్తున్నానని"వార్నర్‌ పేర్కొన్నాడు. తన టెస్టు కెరీర్‌లో 111 మ్యాచ్‌లు ఆడిన వార్నర్‌.. 44. 59 సగటుతో 8695 పరుగులు చేశాడు. అతడి ఇన్నింగ్స్‌లలో 26 సెంచరీలు, 3 డబుల్‌ సెంచరీలు, 56 అర్ధ శతకాలు ఉన్నాయి. చదవండి: Ranji Trophy: చరిత్ర సృష్టించిన రాహుల్‌.. ఫాస్టెస్ట్‌ డబుల్‌ సెంచరీ! రెండో ఆటగాడిగా David Warner got emotional and crying when he was giving his interview. An emotional moment for him🫶 pic.twitter.com/BhXAsl2PQj — CricGuru (@Cse1Das) January 6, 2024

ఆస్ట్రేలియా టెస్టు క్రికెట్‌లో ఓ శకం ముగిసింది. స్టార్‌ ఓపెనర్‌ డేవిడ్‌ వార్నర్‌ టెస్టులకు విడ్కోలు పలికాడు. పాకిస్తాన్‌తో మూడో టెస్టు అనంతరం రెడ్‌బాల్‌ క్రికెట్‌ నుంచి డేవిడ్‌ భాయ్‌ తప్పుకున్నాడు. నాలుగో రోజు ఆట సందర్భంగా వార్నర్‌ బ్యాటింగ్‌ వచ్చినప్పుడు స్టేడియం దద్దరిల్లిపోయింది. పాకిస్తాన్‌ ఆటగాళ్ల సైతం వార్నర్‌కు గార్డ్‌ ఆఫ్‌ హానర్‌ ఇచ్చారు. ఇక మూడో టెస్టులో పాకిస్తాన్‌ను 8 వికెట్ల తేడాతో ఆసీస్‌ చిత్తు చేసింది. ఈ విజయంతో వార్నర్‌కు ఆసీస్‌ ఘనమైన విడ్కోలు పలికింది. తన చివరి టెస్టు ఇన్నింగ్స్‌ను వార్నర్‌ హాఫ్‌ సెంచరీతో ముగించాడు. సెకెండ్‌ ఇన్నింగ్స్‌లో 74 బంతులు ఎదుర్కొన్న వార్నర్‌.. 7 ఫోర్లతో 57 పరుగులు చేశాడు.  కివీస్‌తో మొదలెట్టి పాక్‌తో ముగింపు.. 2011లో న్యూజిలాండ్‌పై టెస్టుల్లో అరంగేట్రం చేసిన వార్నర్‌.. 13 ఏళ్ల పాటు తన సేవలను ఆస్ట్రేలియా క్రికెట్‌కు అందించాడు. తన ఈ సుదీర్ఘ కెరీర్‌లో ఎన్నో అద్భుతమైన విజయాల్లో డేవిడ్‌ భాయ్‌ భాగమయ్యాడు.  ఓపెనర్‌గా ఎన్నో చిర్మసరణీయ విజయాలను కంగరూలకు అందించాడు. ఫార్మాట్‌ ఏదైనా వార్నర్‌ క్రీజులో ఉంటే ప్రత్యర్ధి బౌలర్లకు గుండెల్లో రైళ్లు పరిగెత్తేవి. అటువంటి విధ్వంసకర ఆటగాడు తప్పుకోవడం నిజంగా క్రికెట్‌ ఆస్ట్రేలియాకు తీరని లోటు అనే చెప్పాలి. తన టెస్టు కెరీర్‌లో 111 మ్యాచ్‌లు ఆడిన వార్నర్‌.. 44. 59 సగటుతో 8695 పరుగులు చేశాడు. అతడి ఇన్నింగ్స్‌లలో 26 సెంచరీలు, 3 డబుల్‌ సెంచరీలు, 56 అర్ధ శతకాలు ఉన్నాయి. మాయని మచ్చలా.. అయితే వార్నర్‌కు తన అద్భుత కెరీర్‌లో బాల్‌టాంపరింగ్‌ వివాదం మాత్రం ఓ మాయని మచ్చలా మిగిలిపోయింది. ఆస్ట్రేలియా జట్టు మూడు మ్యాచ్‌ల టెస్టు సిరీస్‌ ఆడేందుకు 2018 మార్చిలో ద‌క్షిణాఫ్రికా ప‌ర్య‌ట‌న‌కు వెళ్లింది. కేప్‌టౌన్‌లో టెస్టు మ్యాచ్ స‌మ‌యంలో ఆసీస్‌ ఆటగాడు కామెరూన్ బ్యాన్‌క్రాఫ్ట్ సాండ్‌పేప‌ర్‌తో బంతిని రుద్దుతూ కెమెరా కంట ప‌డ్డాడు. బాల్ ట్యాంప‌రింగ్ చేసి బంతి ఆకారాన్ని మార్చేందుకు ప్ర‌య‌త్నించిన అత‌డిపై విచార‌ణ జ‌ర‌ప‌గా.. అందులో వార్న‌ర్ హ‌స్తం ఉంద‌ని తేలింది. దాంతో వార్నర్‌పై క్రికెట్‌ ఆస్ట్రేలియా రెండేళ్ల పాటు నిషేదం విధించింది. తర్వాత అతడిపై బ్యాన్‌ ఎత్తివేసినప్పటికీ.. ఆ వివాదం ఓ పీడకలలా మిగిలిపోయింది. కాగా వార్నర్‌ టెస్టులతో పాటు వన్డేలకు రిటైర్మెంట్‌ ప్రకటించాడు. ఇకపై టీ20ల్లో మాత్రమే వార్నర్‌ ఆడనున్నాడు. చదవండి: AUS vs PAK 3rd Test: పాకిస్తాన్‌ను చిత్తు చేసిన ఆసీస్‌.. సిరీస్‌ క్లీన్‌స్వీప్‌ One final time.#AUSvPAK pic.twitter.com/gbD9Fv28h8 — cricket.com.au (@cricketcomau) January 6, 2024

సిడ్నీ వేదికగా పాకిస్తాన్‌తో జరిగిన మూడో టెస్టులో 8 వికెట్ల తేడాతో ఆస్ట్రేలియా ఘన విజయం సాధించింది. దీంతో మూడు మ్యాచ్‌ల సిరీస్‌ను 3-0 తేడాతో ఆసీస్‌ క్లీన్‌స్వీప్‌ చేసింది. 130 పరుగుల లక్ష్యంతో బరిలోకి దిగిన ఆసీస్‌.. కేవలం రెండు వికెట్లు మాత్రమే కోల్పోయి ఛేదించింది. తన టెస్టు కెరీర్‌లో చివరి మ్యాచ్‌ ఆడిన డేవిడ్‌ వార్నర్‌ అద్బుతమైన హాఫ్‌ సెంచరీతో చెలరేగాడు. సెకెండ్‌ ఇన్నింగ్స్‌లో 74 బంతులు ఎదుర్కొన్న వార్నర్‌.. 7 ఫోర్లతో 57 పరుగులు చేశాడు. అతడితో పాటు మార్నస్‌ లబుషేన్‌(62) హాఫ్‌ సెంచరీతో రాణించాడు. ఇక 68/7 ఓవర్‌నైట్‌ స్కోర్‌తో నాలుగో రోజు ఆటను ప్రారంభించిన పాకిస్తాన్‌ తమ రెండో ఇన్నింగ్స్‌లో 115 పరుగులకే కుప్పకూలింది. తొలి ఇన్నింగ్స్‌లో లభించిన 14 పరుగుల అధిక్యాన్ని కలుపుకుని ఆసీస్‌ ముందు 130 పరుగుల లక్ష్యాన్ని పాక్‌ నిలిపింది. ఆసీస్‌ బౌలర్లలో హాజిల్‌ వుడ్‌ 4 వికెట్లతో పాక్‌ను దెబ్బతీయగా..  లయోన్‌ 3 వికెట్లు, స్టార్క్‌, కమ్మిన్స్‌, హెడ్‌ తలా వికెట్‌ సాధిం‍చారు. కాగా అంతకముందు ఆసీస్‌ తమ తొలి ఇన్నింగ్స్‌లో 299 పరుగులకు ఆలౌటైంది. ఆసీస్‌ బ్యాటర్లలో లబుషేన్‌(60) పరుగులతో టాప్‌ స్కోరర్‌గా నిలిచాడు. లబుషేన్‌తో పాటు మిచెల్‌ మార్ష్‌(54), ఖావాజా(47) పరుగులతో రాణించారు. పాక్‌ బౌలర్లలో అమీర్‌ జమీల్‌ 6 వికెట్లతో సత్తాచాటాడు. కాగా పాకిస్తాన్‌ తొలి ఇన్నింగ్స్‌లో 313 పరుగులకు ఆలౌటైంది.

ప్రస్తుత ఆస్ట్రేలియా పర్యటనలో పాకిస్తాన్‌కు ఓ ఆణిముత్యం లభించింది. ఈ పర్యటనలో తొలి టెస్ట్‌తో సుదీర్ఘ ఫార్మాట్‌లోకి ఎంట్రీ ఇచ్చిన 27 ఏళ్ల పేస్‌ బౌలింగ్‌ ఆల్‌రౌండర్‌ ఆమిర్‌ జమాల్‌.. ఆసీస్‌ గడ్డపై ఆల్‌రౌండ్‌ ప్రదర్శనతో ఇరగదీస్తున్నాడు. పెర్త్‌లో జరిగిన తొలి టెస్ట్‌లో 6 వికెట్ల ప్రదర్శనతో (మొత్తంగా 7 వికెట్లు, 10 పరుగులు) చెలరేగిన జమాల్‌.. ఆ తర్వాత మెల్‌బోర్న్‌లో జరిగిన రెండో టెస్ట్‌లో 5 వికెట్లు, 33 పరుగులు చేసి ఆకట్టుకున్నాడు.  ప్రస్తుతం జరుగుతున్న మూడో టెస్ట్‌లో ఆకాశమే హద్దుగా చెలరేగిపోతున్న జమాల్‌.. తొలి ఇన్నింగ్స్‌లో తొమ్మిదో స్థానంలో బ్యాటింగ్‌కు వచ్చి మెరుపు అర్ధ సెంచరీ (97 బంతుల్లో 82; 9 ఫోర్లు, 4 సిక్సర్లు) బాదాడు. ఈ ఇన్నింగ్స్‌ ద్వారా తన జట్టుకు గౌరవప్రదమైన స్కోర్‌ అందించిన జమాల్‌.. ఆతర్వాత బౌలింగ్‌లోనూ విజృంభించి (6/69) ఆసీస్‌ బ్యాటింగ్‌ లైనప్‌ను తునాతునకలు చేశాడు. జమాల్‌ ప్రదర్శన కారణంగా పాక్‌ ఈ పర్యటనలో తొలిసారి మ్యాచ్‌ గెలిచే అవకాశం దక్కించుకుంది.  అయితే పాక్‌ సెకెండ్‌ ఇన్నింగ్స్‌ 68 పరుగులకే 7 వికెట్లు కోల్పోయి జమాల్‌ అందించిన సువర్ణావకాశాన్ని చేజార్చుకుంది. ఈ ఇన్నింగ్స్‌లో జమాల్‌ (0) ఇంకా క్రీజ్‌లోనే ఉండటంతో పాక్‌ అతనిపై భారీ అంచనాలే పెట్టుకుంది. అతనికి జతగా రిజ్వాన్‌ (6) క్రీజ్‌లో ఉన్నాడు. మూడో రోజు ఆట ముగిసే సమయానికి పాక్‌ 82 పరుగుల ఆధిక్యంలో ఉంది. చేతిలో మూడు వికెట్లు ఉన్నాయి. ఈ మ్యాచ్‌ తొలి ఇన్నింగ్స్‌లో జమాల్‌ సహా రిజ్వాన్‌ (88), అఘా సల్మాన్‌ (53) రాణించడంతో పాక్‌ 313 పరుగులు చేసింది. అనంతరం జమాల్‌ ధాటికి ఆసీస్‌ తొలి ఇన్నింగ్స్‌లో 299 పరుగులకు ఆలౌటైంది.  ఇయాన్‌ బోథమ్‌, వసీం అక్రమ్‌ సరసన చేసిన పాక్‌ సంచలన ఆల్‌రౌండర్‌ పాక్‌ సంచలన ఆల్‌రౌండర్‌ ఆమిర్‌ జమాల్‌.. దిగ్గజ ఆల్‌రౌండర్లైన ఇయాన్‌ బోథమ్‌, వసీం అక్రమ్‌ సరసన చేరాడు. ఆస్ట్రేలియా గడ్డపై మూడు మ్యాచ్‌ల టెస్ట్‌ సిరీస్‌లో 125 అంత కంటే ఎక్కువ పరుగులు చేయడంతో పాటు 15 అంతకంటే ఎక్కువ వికెట్లు తీసిన పర్యాటక జట్టు ఆటగాడిగా రికార్డుల్లోకెక్కాడు. గతంలో బోథమ్‌, వసీం అక్రమ్‌ మాత్రమే ఈ ఫీట్‌ను సాధించారు.    స్కోర్‌ వివరాలు.. పాకిస్తాన్‌ తొలి ఇన్నింగ్స్‌: 313 ఆలౌట్‌ (రిజ్వాన్‌ 88, జమాల్‌ 82, కమిన్స్‌ 5/61) ఆస్ట్రేలియా తొల ఇన్నింగ్స్‌: 299 ఆలౌట్‌ (లబూషేన్‌ 60, మిచెల్‌ మార్ష్‌ 54, జమాల్‌ 6/69) పాకిస్తాన్‌ సెకెండ్‌ ఇన్నింగ్స్‌: 68/7 (సైమ్‌ అయూబ్‌ 33, రిజ్వాన్‌ 6 నాటౌట్‌, జమాల్‌ 0 నాటౌట్‌, హాజిల్‌వుడ్‌ 4/9) మూడో రోజు ఆట ముగిసే సమయానికి 82 పరుగుల ఆధిక్యంలో పాక్‌ మూడు మ్యాచ్‌ల ఈ టెస్ట్‌ సిరీస్‌లో ఆసీస్‌ తొలి రెండు మ్యాచ్‌లను నెగ్గి ఇదివరకే సిరీస్‌ను కైవసం చేసుకుంది.

సౌతాఫ్రికాతో జరిగిన రెండో టెస్ట్‌ తొలి ఇన్నింగ్స్‌లో టీమిండియా తమ చివరి ఆరు వికెట్లు ఒకే స్కోర్‌ వద్ద (153) కోల్పోయిన ఘటన మరువక ముందే.. దాయాది పాకిస్తాన్‌ దాదాపుగా ఇలాంటి సీన్‌నే మరోసారి రిపీట్‌ చేసింది.  ఆస్ట్రేలియాతో జరుగుతున్న నామమాత్రపు మూడో టెస్ట్‌ రెండో ఇన్నింగ్స్‌లో పాక్‌ తొమ్మిది పరుగుల వ్యవధిలో ఆరు వికెట్లు కోల్పోయి, ఏ విషయంలోనైనా వారు భారత్‌నే ఫాలో అవుతారనే విషయాన్ని మరోసారి రుజువు చేశారు.   ఈ మ్యాచ్‌లో తొలుత బ్యాటింగ్‌ చేసిన పాక్‌.. లోయర్‌ ఆర్డర్‌ ఆటగాళ్ల పుణ్యమా అని తొలి ఇన్నింగ్స్‌లో 313 పరుగులు చేసింది. ఆరో నంబర్‌ ఆటగాడు మొహమ్మద్‌ రిజ్వాన్‌ (88), ఏడో నంబర్‌ ఆటగాడు అఘా సల్మాన్‌ (53), తొమ్మిదో నంబర్‌ ప్లేయర్‌ ఆమిర్‌ జమాల్‌ (82) అర్ధసెంచరీలు చేసి పాక్‌ను ఆదుకున్నారు.  అనంతరం ఆమిర్‌ జమాల్‌ అద్భుత బౌలింగ్‌ ప్రదర్శనతో (6/69) తొలి ఇన్నింగ్స్‌లో ఆసీస్‌ను 299 పరుగులకే పరిమితం చేసి, ప్రస్తుత సిరీస్‌లో పాక్‌కు తొలి గెలుపుపై ఆశలు రేకెత్తించాడు. అయితే పాక్‌ బ్యాటర్లు ఈ అవకాశాన్ని ఒడిసిపట్టుకోవడంలో దారుణంగా విఫలమయ్యారు.  సెకెండ్‌ ఇన్నింగ్స్‌లో 58 పరుగుల వద్ద రెండో వికెట్‌ కోల్పోయిన పాక్‌.. ఆతర్వాత తొమ్మిది పరుగుల వ్యవధిలో ఆరు వికెట్లు కోల్పోయి మ్యాచ్‌పై పట్టు కోల్పోయింది. మూడో రోజు ఆట ముగిసే సమయానికి ఆ జట్టు స్కోర్‌ 67/7గా ఉంది. ప్రస్తుతం ఆ జట్టు కేవలం 82 పరుగుల ఆధిక్యంలో ఉంది. చేతిలో మూడు వికెట్లు మాత్రమే ఉన్నాయి. ఈ పరిస్థితుల్లో పాక్‌ ఈ మ్యాచ్‌ను కాపాడుకోవడం చాలా కష్టం. సెకెండ్‌ ఇన్నింగ్స్‌లో హాజిల్‌వుడ్‌ అద్భుతమైన బౌలింగ్‌ ప్రదర్శనతో (5-2-9-4) పాక్‌ను కష్టాల ఊబిలోకి నెట్టాడు. ఈ సిరీస్‌లో తొలి రెండు మ్యాచ్‌లను గెలిచిన ఆసీస్‌ ఇదివరకే సిరీస్‌ను కైవసం చేసుకున్న విషయం తెలిసిందే. పాక్‌ ఈ మ్యాచ్‌ కూడా ఓడితే ఆసీస్‌ సిరీస్‌ను క్లీన్‌ స్వీప్‌ చేసినట్లవుతుంది.

సిడ్నీ వేదికగా పాకిస్తాన్‌తో జరుగుతున్న మూడో టెస్టులో ఆస్ట్రేలియా పట్టు బిగిస్తోంది. మూడో రోజు ఆటలో ఆస్ట్రేలియా పేసర్‌ జోష్‌ హాజిల్‌వుడ్‌.. పాకిస్తాన్‌కు చుక్కలు చూపించాడు.  హాజిల్‌వుడ్‌ ఒకే ఓవర్‌లో 3 వికెట్లు పడగొట్టి పాక్‌ను కోలుకోలేని దెబ్బతీశాడు 14 పరుగుల అధిక్యంతో రెండో ఇన్నింగ్స్‌ను ప్రారంభించిన పాకిస్తాన్‌.. కేవలం 68 పరుగులకే 7 వికెట్లు కోల్పోయి పీకల్లోతు కష్టాల్లో పడింది. మూడో రోజు ఆట ముగిసే సమయానికి సెకెండ్‌ ఇన్నింగ్స్‌లో 7 వికెట్ల నష్టానికి 68 పరుగులు చేసింది. క్రీజులో మహ్మద్‌ రిజ్వాన్‌(6), అమీర్‌ జమాల్‌(0) ఉన్నారు.  ఆసీస్‌ బౌలర్లలో జోష్‌ హాజిల్‌వుడ్‌ 4 వికెట్లు పడగొట్టగా.. హెడ్‌, లయోన్‌, స్టార్క్‌ తలా వికెట్‌ పడగొట్టారు. తొలి ఇన్నింగ్స్‌లో లభించిన అధిక్యంతో కలుపుకుని 82 పరుగుల ముందుంజలో పాక్‌ ఉంది. అంతకుముందు 116/2 ఓవర్‌నైట్‌ స్కోర్‌తో మూడో రోజు ఆటను ప్రారంభించిన ఆసీస్‌ తమ తొలి ఇన్నింగ్స్‌లో 299 పరుగులకు ఆలౌటైంది. ఆసీస్‌ ఇన్నింగ్స్‌లో లబుషేన్‌(60) పరుగులతో టాప్‌ స్కోరర్‌గా నిలిచాడు. లబుషేన్‌తో పాటు మిచెల్‌ మార్ష్‌(54), ఖావాజా(47) పరుగులతో రాణించారు. పాక్‌ బౌలర్లలో అమీర్‌ జమీల్‌ 6 వికెట్లతో సత్తాచాటాడు. కాగా పాకిస్తాన్‌ తొలి ఇన్నింగ్స్‌లో 313 పరుగులకు ఆలౌటైన సంగతి తెలిసిందే. చదవండి: Aus Vs Pak: జారిపడ్డ పాక్‌ ఫీల్డర్‌!.. 5 పరుగుల పెనాల్టీ లేదెందుకు? వీడియో

Australia vs Pakistan, 3rd Test- Day 3: అరంగేట్ర టెస్టుతోనే పాకిస్తాన్‌ యువ ఓపెనర్‌ సయీమ్‌ ఆయుబ్‌ పేరు నెట్టింట చర్చనీయాంశంగా మారింది. అయితే, అద్భుత బ్యాటింగ్‌తో అతడు ట్రెండింగ్‌లోకి వచ్చాడనుకుంటే పొరపాటేనండోయ్‌! మరి హాట్‌టాపిక్‌లా మారడానికి అంత ‘గొప్ప’గా ఈ యంగ్‌ క్రికెటర్‌ ఏం చేశాడు?! ఆస్ట్రేలియాతో మూడు మ్యాచ్‌ల సిరీస్‌ను 0-2తో కోల్పోయిన పాకిస్తాన్‌ నామమాత్రపు ఆఖరి టెస్టులో సయీమ్‌ ఆయుబ్‌తో అరంగేట్రం చేయించింది. సిడ్నీ వేదికగా బుధవారం మొదలైన ఈ మ్యాచ్‌లో అతడు డకౌట్‌గా వెనుదిరిగి చేదు అనుభవం మూటగట్టుకున్నాడు. అప్పుడు ఈజీ క్యాచ్‌ వదిలేశాడు అదే విధంగా.. ఫీల్డింగ్‌ తప్పిదాలతోనూ మూల్యం చెల్లించుకున్నాడు. రెండో రోజు ఆట సందర్భంగా ఆసీస్‌ ఓపెనర్‌ డేవిడ్‌ వార్నర్‌ ఇచ్చిన క్యాచ్‌ను వదిలేసి సొంతజట్టు అభిమానుల ఆగ్రహానికి గురయ్యాడు.  ఇక మూడో రోజు ఆట సందర్భంగా మరోసారి బ్యాటింగ్‌ చేసే అవకాశం రాగా. కేవలం 33 పరుగులకే పరిమితమయ్యాడు 21 ఏళ్ల ఈ లెఫ్టాండర్‌ ఓపెనర్‌. ఆసీస్‌ ప్రధాన స్పిన్నర్‌ నాథన్‌ లియాన్‌ బౌలింగ్‌లో ఎల్బీడబ్ల్యూగా వెనుదిరిగాడు.  ఇంకా నయం.. గాయపడలేదు ఈ పరిణామాల క్రమంలో సోషల్‌ మీడియాలో ట్రెండ్‌ అయిన సయీమ్‌ ఆయుబ్‌.. తాజాగా మైదానంలో మరోసారి చేదు అనుభవం ఎదుర్కొన్నాడు. సిడ్నీ అవుట్‌ఫీల్డ్‌ తడిగా ఉన్న కారణంగా ఫీల్డింగ్‌ చేసే క్రమంలో జర్రున జారి పడ్డాడు ఆయుబ్‌. అయితే, అదృష్టవశాత్తూ అతడికి ఎటువంటి గాయం కాలేదు. దీంతో పాక్‌ శిబిరం ఊపిరి పీల్చుకుంది. క్యాప్‌తో బంతిని ఆపాడు? అయినా పెనాల్టీ లేదెందుకు? శుక్రవారం నాటి మూడో రోజు ఆటలో భాగంగా జరిగిన ఈ ఘటనకు సంబంధించిన వీడియో వైరల్‌గా మారింది. ఈ నేపథ్యంలో... నెటిజన్ల మధ్య ఆసక్తికర చర్చ నడిచింది. ఫీల్డింగ్‌ చేస్తున్నపుడు.. స్టీవ్‌ స్మిత్‌ బాదిన బంతిని ఆపే క్రమంలో జారిపడ్డ ఆయుబ్‌ క్యాప్‌ బాల్‌ను బౌండరీకి వెళ్లకుండా అడ్డుపడింది.  దీంతో నిబంధనల ప్రకారం.. బ్యాటింగ్‌ చేస్తున్న జట్టు అంటే ఆస్ట్రేలియాకు పెనాల్టీ రూపంలో ఐదు పరుగులు రావాల్సిందని చాలా మంది అభిప్రాయపడ్డారు. అయితే, ఈ విషయంపై స్పందించిన క్రికెట్‌ ఆస్ట్రేలియా.. ‘‘ఎవరైతే పెనాల్టీ పరుగుల గురించి అడుగుతున్నారో వారి కోసం ఈ జవాబు: క్యాప్‌ కారణంగా బంతి బౌండరీ వెళ్లకుండా ఆగిపోయినప్పటికీ.. ఇది యాక్సిడెంటల్‌గా జరిగిన పరిణామం. ఫీల్డర్‌ ఉద్దేశపూర్వకంగా చేసింది కాదు. అందుకే బ్యాటింగ్‌ జట్టుకు పెనాల్డీ పరుగులు రాలేదు’’ అని ప్రకటన విడుదల చేసింది. ఆసీస్‌ మాజీ కోచ్‌ జస్టిన్‌ లాంగర్‌  కూడా ఇదే అభిప్రాయం వ్యక్తం చేశాడు.  చదవండి: T20 WC: అగార్కర్‌ ఒప్పించేశాడు.. కోహ్లి, రోహిత్‌ రీఎంట్రీ!? For those asking: It's not a five-run penalty for hitting the cap as the contact between ball and hat was accidental, and nor was the cap deliberately left on the field, as helmets tend to be #AUSvPAK https://t.co/BFcgfoKnnT — cricket.com.au (@cricketcomau) January 5, 2024

ఆస్ట్రేలియాతో టెస్టు సిరీస్‌లో పాకిస్తాన్‌ ఫీల్డింగ్‌ తప్పిదాలు కొనసాగుతూనే ఉన్నాయి. తొలి రెండు మ్యాచ్‌లలో సులువైన క్యాచ్‌లు వదిలేసి పాక్‌ భారీ మూల్యం చెల్లించిన విషయం తెలిసిందే. పెర్త్‌ టెస్టులో ఆసీస్‌ ఓపెనర్‌ ఉస్మాన్‌ ఖవాజా ఇచ్చిన ఈజీ క్యాచ్‌ను పాకిస్తాన్‌ ఓపెనర్‌ అబ్దుల్లా షఫీక్‌ జారవిడిచాడు.  అదే విధంగా.. మెల్‌బోర్న్‌లో జరిగిన రెండో మ్యాచ్‌లోనూ డేవిడ్‌ వార్నర్‌ క్యాచ్‌ను వదిలేశాడు. ఇలా కీలక సమయాల్లో ఇద్దరు స్టార్‌ ఆటగాళ్లను పెవిలియన్‌కు పంపే ఛాన్స్‌ మిస్‌ చేసుకున్న పాకిస్తాన్‌.. ఆయా మ్యాచ్‌లలో 360, 79 పరుగుల తేడాతో పరాజయం పాలైంది.  తద్వారా సిరీస్‌ కోల్పోవడమే గాకుండా కంగారూ గడ్డపై వరుసగా 16 టెస్టుల్లో ఓడి తమ చెత్త రికార్డును మరింత పదిలం చేసుకుంది. ఈ నేపథ్యంలో సిడ్నీలో జరుగుతున్న మూడో టెస్టులోనైనా గెలిచి పరువు కాపాడుకోవాలని పాకిస్తాన్‌ భావిస్తోంది. ఇందులో భాగంగా బుధవారం మొదలైన మ్యాచ్‌లో టాస్‌ గెలిచిన షాన్‌ మసూద్‌ బృందం తొలుత బ్యాటింగ్‌ చేసి.. 313 పరుగులకు ఆలౌట్‌ అయింది. ఈ క్రమంలో మొదటిరోజు ఆట ముగిసేసరికి ఆస్ట్రేలియా వికెట్‌ నష్టపోకుండా ఆరు పరుగులు చేసింది.  ఈ నేపథ్యంలో 6/0తో రెండో రోజు ఆట మొదలుపెట్టిన ఆసీస్‌ను ఆరంభంలోనే దెబ్బకొట్టే ఛాన్స్‌ పాకిస్తాన్‌కు వచ్చింది. గురువారం నాటి ఆటలో పద్నాలుగో ఓవర్‌ రెండో బంతికి ఆమిర్‌ జమాల్‌ బౌలింగ్‌లో వార్నర్‌ ఇచ్చిన ఈజీ క్యాచ్‌ను సయీమ్‌ ఆయుబ్‌ మిస్‌ చేశాడు.  వార్నర్‌ బంతిని గాల్లోకి లేపగా ఫస్ట్‌స్లిప్‌లో ఫీల్డింగ్‌ చేస్తున్న ఆయుబ్‌.. బాల్‌ను రెండు చేతులతో ఒడిసిపట్టినట్టే పట్టి జారవిడిచేశాడు. దీంతో పక్కనే ఉన్న బాబర్‌ ఆజం తీవ్ర అసహనానికి గురయ్యాడు. సులువైన క్యాచ్‌ వదిలేయడంతో లైఫ్‌ పొందిన వార్నర్‌ మరోసారి ప్రమాదకారిగా మారుతాడేమోనన్న భయంతో తలపట్టుకుని కూర్చున్నాడు.  ఇందుకు సంబంధించిన వీడియో నెట్టింట వైరల్‌గా మారింది. ఈ నేపథ్యంలో ​వార్నర్‌ క్యాచ్‌ మిస్‌ చేసిన పాక్‌ అరంగేట్ర బ్యాటర్‌ సయీమ్‌ ఆయుబ్‌పై సొంత జట్టు అభిమానులే ఫైర్‌ అవుతున్నారు. బ్యాటర్‌గా విఫలమయ్యావు.. ఫీల్డింగ్‌ చేయడం కూడా రాదా అంటూ ట్రోల్‌ చేస్తున్నారు. కాగా సిడ్నీ మ్యాచ్‌తో టెస్టుల్లో అరంగేట్రం చేసిన ఆయుబ్‌.. తొలి ఇన్నింగ్స్‌లో డకౌట్‌గా వెనుదిరిగాడు. ఇదిలా ఉంటే.. ఆయుబ్‌ క్యాచ్‌ చేసే సమయానికి  వార్నర్‌ 20 పరుగులతో ఆడుతున్నాడు. అయితే, 24.3వ ఓవర్‌ వద్ద ఆగా సల్మాన్‌ బౌలింగ్‌లో బాబర్‌ ఆజంకు క్యాచ్‌ ఇచ్చి వార్నర్‌(34) వెనుదిరిగాడు. చదవండి: Ind Vs SA 2nd Test: రెండో టెస్టులో విజయం భారత్‌దే.. ఎందుకంటే?: టీమిండియా దిగ్గజం It's happened again! 😲 David Warner gets a life courtesy of the debutant Saim Ayub #AUSvPAK pic.twitter.com/VAr7bBis6L — cricket.com.au (@cricketcomau) January 4, 2024

Australia vs Pakistan, 3rd Test Day 2: ఆస్ట్రేలియా- పాకిస్తాన్‌ మధ్య మూడో టెస్టుకు వర్షం అంతరాయం కలిగించింది. వాన కారణంగా రెండో రోజు కేవలం 46 ఓవర్ల ఆట మాత్రమే సాధ్యమైంది. సిడ్నీ క్రికెట్‌ గ్రౌండ్‌ వేదికగా బుధవారం మొదలైన ఈ మ్యాచ్‌లో టాస్‌ గెలిచిన పాక్‌ తొలుత బ్యాటింగ్‌ ఎంచుకుంది. ఈ క్రమంలో ఆసీస్‌ పేసర్ల దెబ్బకు టాపార్డర్‌ కుదేలైంది. ఓపెనర్లు షఫీక్‌ (0), అయూబ్‌ (0) డకౌట్‌ కాగా, కెప్టెన్‌ షాన్‌ మసూద్‌ (35; 3 ఫోర్లు), బాబర్‌ ఆజమ్‌ (26; 4 ఫోర్లు) కొద్దిగా పోరాడారు. ఒక దశలో స్కోరు 96/5కి చేరింది. ఇలాంటి క్లిష్ట పరిస్థితుల్లో జట్టును ఆదుకున్న వికెట్‌ కీపర్‌ మహ్మద్‌ రిజ్వాన్‌ (88), ఆగా సల్మాన్‌ (53) సల్మాన్‌ ఆరో వికెట్‌కు 94 పరుగులు జోడించారు.   మిగతా వాళ్లంతా నామమాత్రపు స్కోర్లకే పరిమితం కావడంతో పాక్‌ ఇక సులువుగానే తలవంచుతుందని ఆసీస్‌ భావించింది. కానీ పేస్‌ ఆల్‌రౌండర్‌‌ ఆమిర్‌ జమాల్‌ (97 బంతుల్లో 82; 9 ఫోర్లు, 4 సిక్సర్లు) బ్యాటింగ్‌లో వీరోచిత పోరాటం చేశాడు. అతడి అద్భుత ఇన్నింగ్స్‌ కారణంగా పాకిస్తాన్‌ మెరుగైన స్కోరు చేసింది. తొలి ఇన్నింగ్స్‌లో 77.1 ఓవర్లలో 313 పరుగులకు ఆలౌటైంది. ఆస్ట్రేలియా కెప్టెన్‌ ప్యాట్‌ కమిన్స్‌కు అత్యధికంగా  ఐదు వికెట్లు దక్కగా.. స్టార్క్‌ రెండు, మిచెల్‌ మార్ష్‌, నాథన్‌ లియాన్‌ ఒక్కో వికెట్‌ తీశారు. తర్వాత తొలి ఇన్నింగ్స్‌లో ఆసీస్‌ ఆట నిలిచే సమయానికి 6/0(2) స్కోరు చేసింది. ఈ క్రమంలో గురువారం రెండో రోజు ఆట మొదలుపెట్టిన ఆసీస్‌ 24.3 ఓవర్‌ వద్ద ఓపెనర్‌ డేవిడ్‌ వార్నర్‌(34) రూపంలో తొలి వికెట్‌ కోల్పోయింది.  అయితే, అతడి స్థానంలో క్రీజులోకి వచ్చిన మార్నస్‌ లబుషేన్‌.. మరో ఓపెనర్‌ ఉస్మాన్‌ ఖవాజాతో కలిసి ఇన్నింగ్స్‌ చక్కదిద్దాడు. కానీ అర్ధ శతకానికి మూడు పరుగుల దూరంలో ఉన్న ఖవాజా(47)ను ఆమిర్‌ జమాల్‌ అవుట్‌ చేయడంతో ఆస్ట్రేలియా రెండో వికెట్‌ కోల్పోయింది. స్టీవ్‌ స్మిత్‌ క్రీజులోకి వచ్చాడు. ఈ క్రమంలో 47వ ఓవర్‌ ముగిసే సరికి మొదలైన వర్షం తెరిపినివ్వలేదు. దీంతో అక్కడితో ఆటను ముగించేశారు. అప్పటికి లబుషేన్‌ 23, స్టీవ్‌ స్మిత్‌ 6 పరుగులతో క్రీజులో ఉన్నారు. పాక్‌ బౌలర్లలో ఆగా సల్మాన్‌, ఆమిర్‌ జమాల్‌కు చెరో వికెట్‌ దక్కింది. ఇదిలా ఉంటే.. పాకిస్తాన్‌తో మూడు మ్యాచ్‌ల సిరీస్‌ను ఇప్పటికే ఆస్ట్రేలియా 2-0తో కైవసం చేసుకుంది. ఇక సిడ్నీ వేదికగా ఇరు జట్ల మధ్య జరుగుతున్న నామమాత్రపు మూడో మ్యాచ్‌ డేవిడ్‌ వార్నర్‌ కెరీర్‌లో చివరి టెస్టు. చదవండి: Ind Vs SA: రెండో టెస్టులో విజయం భారత్‌దే.. ఎందుకంటే?: టీమిండియా దిగ్గజం

సిడ్నీ వేదికగా ఆసీస్‌తో జరుగుతున్న మూడో టెస్ట్‌లో టాస్‌ గెలిచి తొలుత బ్యాటింగ్‌ చేసిన పాకిస్తాన్‌ గౌరవప్రదమైన స్కోర్‌ చేసింది. ఆ జట్టు తొలి ఇన్నింగ్స్‌లో 313 పరుగులకు ఆలౌటైంది. 96 పరుగులకే సగం వికెట్లు కోల్పోయిన దశ నుంచి పాక్‌ అద్భుతంగా తేరుకుంది. లోయర్‌ ఆర్డర్‌ ఆటగాళ్లు మొహమ్మద్‌ రిజ్వాన్‌ (88), అఘా సల్మాన్‌ (53), ఆమిర్‌ జమాల్‌ (82) వీరోచితంగా పోరాడి పాక్‌ పరువు కాపాడారు. ఓపెనర్లు అబ్దుల్లా షఫీక్‌, సైమ్‌ అయూబ్‌ డకౌట్లు కాగా.. షాన్‌ మసూద్‌ (35), బాబర్‌ ఆజమ్‌ (26) కాసేపు ఆసీస్‌ బౌలర్లను నిలువరించారు. ఆతర్వాత స్వల్ప వ్యవధిలో వీరిద్దరితో పాటు సౌద్‌ షకీల్‌ (5) ఔట్‌ కావడంతో పాక్‌ కష్టాల్లో పడింది. ఈ దశలో రిజ్వాన్‌.. అఘా సల్మాన్‌, ఆమిర్‌ జమాల్‌ సహకారంతో పాక్‌కు ఫైటింగ్‌ టోటల్‌ను అందించాడు. తొమ్మిదో స్థానంలో బ్యాటింగ్‌కు దిగిన ఆమిర్‌ జమాల్‌ ఆసీస్‌ బౌలర్లపై ఎదురుదాడికి దిగి 97 బంతుల్లో 9 ఫోర్లు, 4 సిక్సర్ల సాయంతో 82 పరుగులు చేసి ఆకట్టుకున్నాడు. ఆసీస్‌ కెప్టెన్‌ పాట్‌ కమిన్స్‌ మరోసారి అద్భుతమైన బౌలింగ్‌ ప్రదర్శనతో (5/61) చెలరేగి పాక్‌ వెన్నువిరచగా.. స్టార్క్‌ (2/75), హాజిల్‌వుడ్‌ (1/65), లయోన్‌ (1/74), మార్ష్‌ (1/27) మిగతా పనిని కానిచ్చేశారు. అనంతరం తొలి ఇన్నింగ్స్‌ మొదలుపెట్టిన ఆసీస్‌ తొలి రోజు ఆట ముగిసే సమయానికి వికెట్‌ నష్టపోకుండా 6 పరుగులు చేసింది. కెరీర్‌లో చివరి టెస్ట్‌ ఆడుతున్న డేవిడ్‌ వార్నర్‌ 6, ఉస్మాన్‌ ఖ్వాజా 0 పరుగులతో క్రీజ్‌లో ఉన్నారు. కాగా, మూడు మ్యాచ్‌ల ఈ సిరీస్‌ను ఆసీస్‌ ఇదివరకే 2-0 తేడాతో కైవసం​ చేసుకుంది. 

Australia vs Pakistan, 3rd Test Day 1 Report: ఆస్ట్రేలియాతో మూడో టెస్టు తొలి రోజు పాకిస్తాన్‌ మెరుగైన ప్రదర్శన కనబరిచింది. ఆతిథ్య జట్టు పేసర్ల ధాటికి పాక్‌ టాపార్డర్‌ కుప్పకూలినా.. మహ్మద్‌ రిజ్వాన్‌, ఆగా సల్మాన్‌, ఆమెర్‌ జమాల్‌ అర్ధ శతకాలతో రాణించి ఇన్నింగ్స్‌ చక్కదిద్దారు. వీరి ముగ్గురి అద్భుత ప్రదర్శన కారణంగా పాకిస్తాన్‌ 300 పరుగుల మార్కును అందుకోగలిగింది. కాగా ఆస్ట్రేలియా పర్యటనలో భాగంగా పాక్‌ ఇప్పటికే మూడు మ్యాచ్‌ల సిరీస్‌ను 0-2తో కోల్పోయింది. ఈ క్రమంలో ఇరు జట్ల మధ్య నామమాత్రపు టెస్టు సిడ్నీ వేదికగా బుధవారం ఆరంభమైంది. టాస్‌ గెలిచిన పర్యాటక పాకిస్తాన్‌ తొలుత బ్యాటింగ్‌ ఎంచుకుంది. అయితే, ఆదిలోనే ఓపెనర్లు అబ్దుల్లా షఫీక్‌ను మిచెల్‌ స్టార్క్‌.. సయీమ్‌ ఆయుబ్‌ను జోష్‌ హాజిల్‌వుడ్‌ డకౌట్‌ చేసి పెవిలియన్‌కు పంపారు. దీంతో పరుగుల ఖాతా తెరవకుండానే పాక్‌ రెండు వికెట్లు కోల్పోగా.. వన్‌డౌన్‌లో వచ్చిన కెప్టెన్‌ షాన్‌ మసూద్‌(35).. బాబర్‌ ఆజంతో కలిసి జట్టును ఆదుకునే ప్రయత్నం చేశాడు. అయితే, ఆసీస్‌ సారథి ప్యాట్‌ కమిన్స్‌ బాబర్‌ను 26 పరుగుల వ్యక్తిగత స్కోరు వద్ద వికెట్ల ముందు దొరకబుచ్చుకుని ఈ జోడీని విడదీశాడు. ఈ క్రమంలో క్రీజులోకి వచ్చిన సౌద్‌ షకీల్‌ను కూడా కమిన్సే అవుట్‌ చేశాడు. ఈ క్రమంలో 47 పరుగులకే నాలుగు వికెట్లు కోల్పోయి పీకల్లోతు కష్టాల్లో కూరుకుపోయిన వేళ.. వికెట్‌ కీపర్‌ బ్యాటర్‌ మహ్మద్‌ రిజ్వాన్‌ 88 పరుగులతో రాణించాడు. అతడి తర్వాతి స్థానంలో బ్యాటింగ్‌ చేసిన ఆగా సల్మాన్‌ మరో ఎండ్‌ నుంచి సహకారం అందిస్తూ 53 పరుగులతో ఆకట్టుకున్నాడు. అయితే వీరిద్దరు అవుట్‌ కాగానే పాక్‌ సులువుగానే తలవంచుతుందని భావించిన కమిన్స్‌ బృందానికి ఆల్‌రౌండర్‌ ఆమెర్‌ జమాల్‌ షాకిచ్చాడు. తొమ్మిద స్థానంలో బరిలోకి దిగిన అతడు వికెట్‌ పడకుండా జాగ్రత్తగా ఆచితూచి ఆడుతూ 97 బంతుల్లో 82 పరుగులు రాబట్టాడు. అయితే, నాథన్‌ లియోన్‌ అద్బుత బంతితో అతడిని బోల్తా కొట్టించడంతో పాకిస్తాన్‌ తొలి ఇన్నింగ్స్‌కు తెరపడింది. తొలి రోజు ఆటలో భాగంగా 77.1 ఓవర్లలో 313 పరుగుల వద్ద పాక్‌ జట్టు ఆలౌట్‌ అయింది. ఆసీస్‌ బౌలర్లలో కమిన్స్‌ ఏకంగా ఐదు వికెట్లు పడగొట్టగా.. స్టార్క్‌ రెండు, హాజిల్‌వుడ్‌, నాథన్‌ లియోన్‌, మిచెల్‌ మార్ష్‌ ఒక్కో వికెట్‌ దక్కించుకున్నారు. ఈ క్రమంలో బ్యాటింగ్‌ ఆరంభించిన ఆస్ట్రేలియా బుధవారం నాటి ఆట ముగిసే సరికి వికెట్‌ నష్టపోకుండా 6 పరుగులు చేసింది. కెరీర్‌లో ఆఖరి టెస్టు ఆడుతున్న వెటరన్‌ ఓపెనర్‌ డేవిడ్‌ వార్నర్‌కు పాకిస్తాన్‌ ఆటగాళ్లు గార్డ్‌ ఆఫ్‌ హానర్‌ ఇవ్వడం మొదటి రోజు ఆటలో హైలైట్‌గా నిలిచింది. ఇక ఆసీస్‌ పాక్‌ కంటే 307 పరుగులు వెనుకబడి ఉంది. వార్నర్‌ ఆరు, ఉస్మాన్‌ ఖవాజా సున్నా పరుగులతో క్రీజులో ఉన్నారు. 

Australia vs Pakistan, 3rd Test: పాకిస్తాన్‌ క్రికెట్‌ జట్టు డైరెక్టర్‌ మహ్మద్‌ హఫీజ్‌ను ఐస్‌లాండ్‌ క్రికెట్‌ మరోసారి ట్రోల్‌ చేసింది. ఆస్ట్రేలియా జట్టు మాత్రమే కాదు.. ఆస్ట్రేలియన్‌ ఎయిర్‌లైన్స్‌ కూడా హఫీజ్‌ను ఇబ్బంది పెడుతున్నాయంటూ వ్యంగ్యాస్త్రాలు సంధించింది. కాగా పాకిస్తాన్‌ జట్టు ప్రస్తుతం ఆస్ట్రేలియా పర్యటనలో ఉన్న విషయం తెలిసిందే. మూడు మ్యాచ్‌ల టెస్టు సిరీస్ ఆడేందుకు అక్కడికి వెళ్లిన షాన్‌ మసూద్‌ బృందం.. తొలి రెండింటిలో ఓడిపోయింది. పెర్త్‌లో ఏకంగా 360 పరుగుల భారీ తేడాతో ఓడిన పాక్‌.. మెల్‌బోర్న్‌ టెస్టులో పోరాడగలిగింది. అయితే, ఈ మ్యాచ్‌లో మహ్మద్‌ రిజ్వాన్‌ అవుటైన తీరుపై పాక్‌ బృందం తీవ్ర అసంతృప్తి వ్యక్తం చేసింది. రిజ్వాన్‌ అవుటైన తీరుపై రచ్చ ఆసీస్‌ సారథి ప్యాట్‌ కమిన్స్‌ బౌలింగ్‌లో బంతి రిజ్వాన్‌ రిస్ట్‌బ్యాండ్‌ను తాకినట్లుగా కనిపించడంతో అతడు అప్పీలు చేయగా.. ఫీల్డ్‌ అంపైర్‌ నాటౌట్‌ ఇచ్చాడు. అయితే, కాన్ఫిడెంట్‌గా ఉన్న కమిన్స్‌ రివ్యూకు వెళ్లగా థర్డ్‌ అంపైర్‌ రిజ్వాన్‌ అవుటైనట్లు ప్రకటించాడు. దీంతో ఆసీస్‌ శిబిరంలో సంబరాలు మొదలుకాగా.. పాకిస్తాన్‌ కీలక సమయంలో కీలక వికెట్‌ కోల్పోయి 79 పరుగుల తేడాతో ఓటమిపాలైంది. ఈ నేపథ్యంలో మ్యాచ్‌ అనంతరం ఈ విషయంపై స్పందిస్తూ.. సాంకేతిక లోపాలు, అంపైర్ల తప్పిదాల వల్లే తాము ఓడిపోయామంటూ పాక్‌ మాజీ క్రికెటర్‌, జట్టు డైరెక్టర్‌ మహ్మద్‌ హఫీజ్‌ ఆవేదన వ్యక్తం చేశాడు. నిజానికి మెల్‌బోర్న్‌లో తాము ఆస్ట్రేలియా కంటే మెరుగైన ప్రదర్శన ఇచ్చామంటూ ప్రత్యర్థి జట్టు ఆట తీరును విమర్శించాడు. అప్పుడు ఆస్ట్రేలియా జట్టు.. ఇప్పుడు ఆసీస్‌ ఎయిర్‌లైన్స్‌ ఇందుకు సంబంధించిన వీడియో సోషల్‌ మీడియాలో వైరల్‌ కావడంతో ఐస్‌లాండ్‌ క్రికెట్‌ హఫీజ్‌పై సెటైరికల్‌ ట్వీట్‌ చేసింది. పాకిస్తాన్‌ అత్యంత ప్రతిభావంతమైన జట్టు అయినందుకే.. ఆస్ట్రేలియా గడ్డ మీద వరుసగా 16 టెస్టులు ఓడిపోయిందా అని ఎక్స్‌ వేదికగా ఎద్దేవా చేసింది. తాజాగా సిడ్నీ టెస్టు కోసం.. మహ్మద్‌ హఫీజ్‌ తాను ఎక్కాల్సిన విమానం మిస్‌ కావడంతో మరోసారి ట్రోల్‌ చేసింది. ‘‘అయ్యో అందరూ ప్రతిభావంతులే ఉన్న జట్టు అది. కానీ ఇప్పుడు ఆస్ట్రేలియా ఎయిర్‌లైన్స్‌ కూడా అతడిని వదిలేసి వెళ్లిందా?’’ అని సెటైర్‌ వేసింది. సిరీస్‌ సమర్పయామి.. ఆఖరి టెస్టులో ఆఫ్రిది లేకుండానే కాగా ఇప్పటికే 2-0తో టెస్టు సిరీస్‌ను ఆతిథ్య ఆస్ట్రేలియాకు సమర్పించుకున్న పాకిస్తాన్‌.. సిడ్నీ క్రికెట్‌ గ్రౌండ్‌ వేదికగా జరుగనున్న మూడో మ్యాచ్‌కు సన్నద్ధమవుతోంది. బుధవారం నుంచి ఆరంభం కానున్న ఈ టెస్టుకు ఎంపిక చేసిన పాక్‌ జట్టులో షాహిన్‌ ఆఫ్రిదికి చోటు దక్కలేదు. పనిభారాన్ని తగ్గించుకునే క్రమంలో అతడికి విశ్రాంతినిచ్చిన పీసీబీ.. సయీమ్‌ ఆయుబ్‌తో అరంగేట్రం చేయించేందుకు సిద్ధమైంది.  ఇక మ్యాచ్‌ కోసం మెల్‌బోర్న్‌ నుంచి సిడ్నీకి విమానంలో వెళ్లాల్సి ఉండగా.. మహ్మద్‌ హఫీజ్‌ ఎయిర్‌పోర్టుకు ఆలస్యంగా రావడంతో ఫ్లైట్‌ మిస్సయ్యాడు. చదవండి: Aus Vs Pak: నా రికార్డు బ్రేక్‌ చేసే సత్తా అతడికే ఉంది: ఆసీస్‌ దిగ్గజ బౌలర్‌ All that talent, and now even the Aussie airlines are out to get him! https://t.co/gtF1rXqOit — Iceland Cricket (@icelandcricket) January 1, 2024

తన కెరీర్‌లో చివరి టెస్ట్‌ మ్యాచ్‌కు ముందు ఆస్ట్రేలియా వెటరన్‌ ఓపెనర్‌ డేవిడ్‌ వార్నర్‌ అతి మూల్యమైన వస్తువును పోగొట్టుకున్నాడు. వార్నర్‌ తన కెరీర్‌లో మెజార్టీ శాతం ధరించిన బ్యాగీ గ్రీన్‌ (క్యాప్‌) కనిపించడం లేదని ఫిర్యాదు చేశాడు. ఆస్ట్రేలియన్‌గా తనకు బ్యాగీ గ్రీన్‌ అతి మూల్యమైన వస్తువని, ఎవరైనా దాన్ని తీసి ఉంటే తిరిగి ఇచ్చేయాలని సోషల్‌మీడియా వేదికగా విజ్ఞప్తి చేశాడు. పాకిస్తాన్‌తో మూడో టెస్ట్‌కు ముందు మెల్‌బోర్న్‌ నుంచి సిడ్నీకి ప్రయాణిస్తున్న సమయంలో తన బ్యాగీ గ్రీన్‌ మిస్‌ అయినట్లు అనుమానిస్తున్నాడు. ఈ విషయమై అతను ఎయిర్‌పోర్ట్‌ అధికారులకు కూడా ఫిర్యాదు చేశాడు. సీసీ కెమెరాల్లో వార్నర్‌ బ్యాగీ గ్రీన్‌ దొంగిలించబడినట్లు ఎలాంటి ఆధారాలు లేవని ఎయిర్‌పోర్ట్‌ అధికారులు వివరణ ఇచ్చారు. తనకు ఎంతో ప్రత్యేకమైన క్యాప్‌ కనపడకపోవడంతో వార్నర్‌ తెగ బాధపడిపోతున్నాడు. View this post on Instagram A post shared by David Warner (@davidwarner31) సోషల్‌మీడియా వేదికగా తన బాధను పంచుకున్నాడు. నా కెరీర్‌లో చివరి టెస్ట్‌ మ్యాచ్‌ ఆడే ముందు బ్యాగీ గ్రీన్‌ను మిస్‌ అయ్యాను. దయచేసి ఎవరికైనా అది దొరికి ఉంటే తిరిగి ఇచ్చేయండని విజ్ఞప్తి చేశాడు. ఇందుకు ప్రతిగా ఎదైనా ఇచ్చేందుకు కూడా తాను సిద్దమేనని అభ్యర్ధించాడు. క్యాప్‌ను తిరిగి ఇచ్చే వారిపై ఎలాంటి కంప్లైంట్‌ కూడా ఇవ్వనని హామీ ఇచ్చాడు. బ్యాగీ గ్రీన్‌ దొరికిన వారు తనను సోషల్‌మీడియా ద్వారా సంప్రదించవచ్చని లేదా క్రికెట్‌ ఆస్ట్రేలియా ప్రతినిధులతోనైనా మాట్లాడవచ్చని మెసేజ్‌ పాస్‌ చేశాడు. కాగా, వార్నర్‌ తన 111 మ్యాచ్‌ల టెస్ట్‌ కెరీర్‌లో ఎక్కువ శాతం మ్యాచ్‌లు ఇప్పుడు పోగొట్టుకున్న బ్యాగీ గ్రీన్‌తోనే ఆడాడట. ఈ క్యాప్‌ వార్నర్‌కు చాలా కలిసొచ్చిందిగా చెబుతారు. మెల్‌బోర్న్‌ నుంచి సిడ్నీకి ప్రయాణిస్తున్న సమయంలో తన రెండు బ్యాగీ గ్రీన్‌లతో కూడిన లగేజ్‌ చోరీకి గురైందని వార్నర్‌ పోలీసులకు సైతం ఫిర్యాదు చేశాడు. ఈ విషయమై పాకిస్తాన్‌ కెప్టెన్‌ షాన్‌ మసూద్‌ కూడా స్పందించడం విశేషం.  ఆస్ట్రేలియా ప్రభుత్వం ఈ విషయమై ప్రత్యేక చొరవ తీసుకుని, వార్నర్‌ పోగొట్టుకున్న బ్యాగీ గ్రీన్‌ను వెతికపెట్టాలని మసూద్‌ కోరాడు. ఇందుకోసం దేశవ్యాప్తంగా శోధన జరగాలని పిలుపునిచ్చాడు. అవసరమైతే డిటెక్టివ్‌ల సాయం కూడా తీసుకోవాలని సూచించాడు. ఆస్ట్రేలియన్‌ క్రికెట్‌కు వార్నర్‌ గొప్ప ప్రతినిధి అని, అలాంటి వ్యక్తికి చెందిన అతి మూల్యమైన వస్తువు పోతే ప్రభుత్వం స్పందించాల్సిందేనని డిమాండ్‌ చేశాడు. 

సిడ్నీ క్రికెట్ గ్రౌండ్ వేదికగా ఆస్ట్రేలియాతో ఆఖరి టెస్టులో తలపడేందుకు పాకిస్తాన్‌ సిద్దమైంది. ఇప్పటికే సిరీస్‌ను కోల్పోయిన పాకిస్తాన్‌.. కనీసం ఈ మ్యాచ్‌లోనైనా గెలిచి వైట్‌వాష్‌ నుంచి తప్పించుకోవాలని భావిస్తోంది. ఈ క్రమంలో మూడో టెస్టుకు తమ తుది జట్టును పాకిస్తాన్‌ మేనేజ్‌మెంట్‌ ప్రకటించింది. ఈ మ్యాచ్‌కు స్టార్‌ పేసర్‌ షాహీన్‌ షా అఫ్రిది దూరమయ్యాడు. గత కొంత కాలంగా నిర్విరామంగా క్రికెట్‌ ఆడుతున్న అఫ్రిదికి మేనెజ్‌మెంట్‌ విశ్రాంతి ఇచ్చింది. మరోవైపు  తొలి రెండు టెస్టుల్లో దారుణంగా విఫలమైన ఓపెనర్‌ ఇమామ్‌ ఉల్‌ హక్‌పై వేటుపడింది. అతడి స్ధానంలో యువ ఓపెనర్‌ సైమ్‌ అయూబ్‌ టెస్టుల్లో అరంగేట్రం చేయనున్నాడు. అదే విధంగా మరో యువ పేసర్‌ సాజిద్ ఖాన్‌కు తుది జట్టులో చోటు దక్కింది. ఈ మ్యాచ్‌ బుధవారం నుంచి ప్రారంభం కానుంది. ఇక ఈ టెస్టు సిరీస్‌ అనంతరం 5 టీ20ల సిరీస్‌ ఆడేందుకు న్యూజిలాండ్‌ పర్యటనకు వెళ్లనుంది.  ఈ సిరీస్‌లో పాక్‌ జట్టును అఫ్రిది ముందుండి నడిపించనున్నాడు. ఆసీస్‌తో మూడో టెస్టుకు పాక్‌ జట్టు: సైమ్ అయూబ్, అబ్దుల్లా షఫీక్, షాన్ మసూద్ (కెప్టెన్‌), బాబర్ ఆజం, సౌద్ షకీల్, మహ్మద్ రిజ్వాన్ (వికెట్‌ కీపర్‌), సల్మాన్ అలీ అఘా, సాజిద్ ఖాన్, హసన్ అలీ, మీర్ హమ్జా, అమీర్ జమాల్. చదవండి: Petra Kvitova: అభిమానులకు శుభవార్త చెప్పిన టెన్నిస్‌ స్టార్‌.. ఆటకు దూరం

గత కొన్నేళ్లుగా టెస్టుల్లో తనదైన ముద్ర వేస్తూ ముందుకు సాగుతున్నాడు ఆస్ట్రేలియా స్పిన్నర్‌ నాథన్‌ లియోన్‌. ఆసీస్‌ తరఫున టెస్టుల్లో అత్యధిక వికెట్లు తీసిన రెండో స్పిన్‌ బౌలర్‌గా చరిత్రకెక్కిన అతడు.. మరో నాలుగేళ్ల పాటు కెరీర్‌ కొనసాగించాలని భావిస్తున్నాడు. సొంతగడ్డపై పాకిస్తాన్‌తో టెస్టు సిరీస్‌ సందర్భంగా 500 వికెట్ల క్లబ్‌లో చేరిన ఈ ఆఫ్‌ స్పిన్నర్‌.. ఈ ఘనత సాధించిన ఓవరాల్‌ బౌలర్ల జాబితాలో ఎనిమిదో స్థానంలో ఉన్నాడు. అదే విధంగా ఈ మైలురాయి అందుకున్న స్పిన్నర్ల జాబితాలో నాలుగో స్థానంలో కొనసాగుతున్నాడు. ఇక సుదీర్ఘ కెరీర్‌లో ఎంతో మంది బ్యాటర్లను ఎదుర్కొన్న నాథన్‌ లియోన్‌.. ముగ్గురు మాత్రం తనకు కఠిన సవాల్‌ విసిరారని పేర్కొన్నాడు. టీమిండియా దిగ్గజం సచిన్‌ టెండుల్కర్‌ సహా రికార్డుల వీరుడు విరాట్‌ కోహ్లి, సౌతాఫ్రికా లెజెండ్‌ ఏబీ డివిలియర్స్‌ తాను ఫేస్‌ చేసిన బౌలర్లలో అత్యుత్తమ బ్యాటర్లు అని తెలిపాడు. కాగా కోహ్లి- లియోన్‌ ముఖాముఖి పోరులో రన్‌మెషీన్‌దే పైచేయి కావడం విశేషం. టెస్టుల్లో ఇప్పటి వరకు కోహ్లి లియోన్‌ బౌలింగ్‌లో కేవలం ఏడుసార్లు అవుట్‌ కాగా.. 75కు పైగా సగటుతో పరుగులు సాధించాడు. అదే విధంగా వన్డేల్లో లియోన్‌ బౌలింగ్‌లో 96కు పైగా స్ట్రైక్‌రేటుతో 100 పరుగులు సాధించిన కోహ్లి.. ఒక్కసారి కూడా అవుట్‌ కాలేదు. మరోవైపు.. టెస్టుల్లో లియోన్‌పై డివిలియర్స్‌ది కూడా పైచేయే! అతడి బౌలింగ్‌లో 171 సగటుతో 342 పరుగులు సాధించిన ఏబీడీ.. కేవలం రెండుసార్లు వికెట్‌ సమర్పించుకున్నాడు. అయితే, టెండుల్కర్‌కు మాత్రం నాథన్‌ లియోన్‌ బౌలింగ్‌లో మెరుగైన రికార్డు లేదు. టెస్టుల్లో ఈ ఆఫ్‌ స్పిన్నర్‌ బౌలింగ్‌లో కేవలం సగటు 29 కలిగి ఉన్న సచిన్‌ నాలుగుసార్లు అవుటయ్యాడు. కాగా నాథన్‌ లియోన్‌ తదుపరి పాకిస్తాన్‌తో మూడో టెస్టు సందర్భంగా మైదానంలో దిగనున్నాడు. సిడ్నీ వేదికగా బుధవారం నుంచి ఈ మ్యాచ్‌ ఆరంభం కానుంది. ఈ నేపథ్యంలో మీడియాతో మాట్లాడిన నాథన్‌ లియోన్‌.. తాను ఎదుర్కొన్న గొప్ప బ్యాటర్ల జాబితాలో ముందుగా విరాట్‌ కోహ్లి పేరు చెప్పాడు. సచిన్‌ టెండుల్కర్‌, ఏబీ డివిలియర్స్‌లను అవుట్‌ చేసేందుకు కూడా తానెంతో కష్టపడాల్సి వచ్చేదని ఈ సందర్భంగా వెల్లడించాడు.  చదవండి: Aus Vs Pak: నా రికార్డు బ్రేక్‌ చేసే సత్తా అతడికే ఉంది: ఆసీస్‌ దిగ్గజ బౌలర్‌

Australia vs Pakistan, 3rd Test: సొంతగడ్డపై పాకిస్తాన్‌తో మూడో టెస్టుకు ఆస్ట్రేలియా తుదిజట్టును ప్రకటించింది. తొలి రెండు మ్యాచ్‌లలో ఆడిన జట్టుతోనే ఆఖరి టెస్టులో బరిలోకి దిగనున్నట్లు వెల్లడించింది. ఈ విషయాన్ని ఆసీస్‌ సారథి ప్యాట్‌ కమిన్స్‌ మంగళవారం ధ్రువీకరించాడు. స్వదేశంలో పాకిస్తాన్‌పై టెస్టుల్లో రెండు దశాబ్దాలకు పైగా ఆధిక్యాన్ని నిలబెట్టుకుంటూ ఆసీస్‌ మరోసారి సిరీస్‌ గెలిచిన విషయం తెలిసిందే. పెర్త్‌ టెస్టులో పర్యాటక పాక్‌ను 360 పరుగుల తేడాతో చిత్తు చేసిన కంగారూ జట్టు.. బాక్సింగ్‌ డే టెస్టులోనూ విజయం సాధించింది. తద్వారా మరో మ్యాచ్‌ మిగిలి ఉండగానే సిరీస్‌ కైవసం చేసుకుంది. వార్నర్‌ ఫేర్‌వెల్‌ టెస్టు ఈ క్రమంలో ఇరు జట్ల మధ్య నామమాత్రపు మూడో టెస్టు జరుగనుంది. ప్రఖ్యాత సిడ్నీ క్రికెట్‌ గ్రౌండ్‌లో బుధవారం (జనవరి 3) నుంచి ఐదు రోజుల మ్యాచ్‌ మొదలు కానుంది. ఆసీస్‌ దిగ్గజ బౌలర్‌ గ్లెన్‌ మెగ్రాత్‌ సతీమణి జ్ఞాప​కార్థం పింక్‌ టెస్టుగా నిర్వహించనున్న ఈ మ్యాచ్‌ సందర్భంగా వెటరన్‌ ఓపెనర్‌ డేవిడ్‌ వార్నర్‌ తన కెరీర్లో ఆఖరి టెస్టు ఆడనున్నాడు. తన రెగ్యులర్‌ జోడీ ఉస్మాన్‌ ఖవాజాతో కలిసి ఓపెనింగ్‌ చేయనున్నాడు. మార్నస్‌ లబుషేన్‌, స్టీవ్‌ స్మిత్‌, ట్రవిస్‌ హెడ్‌ తమ స్థానాలు నిలబెట్టుకోగా.. నెట్స్‌లో శ్రమిస్తున్న ఆల్‌రౌండర్‌ కామెరాన్‌ గ్రీన్‌ మరోసారి బెంచ్‌కే పరిమితం కానున్నాడు. మరో ఆల్‌రౌండర్‌ మిచెల్‌ మార్ష్‌ సూపర్‌ ఫామ్‌లో ఉన్న కారణంగా గ్రీన్‌ను పక్కనపెట్టక తప్పలేదు.   👀 #AUSvPAK https://t.co/YcZvY1CYlM — cricket.com.au (@cricketcomau) January 1, 2024 ‘పింక్‌’ టెస్టులో గెలుపు ఎవరిది? ఇక బౌలింగ్‌ దళంలో పేస్‌ త్రయం ప్యాట్‌ కమిన్స్, మిచెల్‌ స్టార్క్‌, జోష్‌ హాజిల్‌వుడ్‌తో పాటు స్పిన్నర్‌ నాథన్‌ లియోన్‌ ఉండగా.. అలెక్స్‌ క్యారీ వికెట్‌ కీపర్‌గా కొనసాగనున్నాడు. కాగా ఆస్ట్రేలియా దిగ్గజ ఫాస్ట్‌బౌలర్‌ గ్లెన్‌ మెగ్రాత్‌ భార్య జేన్‌ మెగ్రాత్‌ రొమ్ము క్యాన్సర్‌తో మరణించింది. ఈ నేపథ్యంలో.. క్యాన్సర్‌ బాధితులకు అండగా నిలిచేందుకు వీలుగా.. సేవా కార్యక్రమాలు చేపట్టేందుకు ఆమె జ్ఞాపకార్థం మెగ్రాత్‌ ఫౌండేషన్‌ను ఏర్పాటు చేశాడు. ఇందులో భాగంగా ప్రతి ఏడాది ఆసీస్‌ ఆడే టెస్టుల్లో ఒక మ్యాచ్‌ను పింక్‌ టెస్టుగా నిర్వహిస్తూ ఫండ్‌రైజింగ్‌ చేస్తున్నారు. కాగా ఇప్పటికే సిరీస్‌ కోల్పోయిన పాకిస్తాన్‌ ఆఖరి మ్యాచ్‌లోనైనా గెలిచి పరువు దక్కించుకోవాలని భావిస్తోంది. పాకిస్తాన్‌తో మూడో టెస్టుకు ఆస్ట్రేలియా తుదిజట్టు: డేవిడ్ వార్నర్, ఉస్మాన్ ఖవాజా, మార్నస్ లబుషేన్, స్టీవ్ స్మిత్, ట్రావిస్ హెడ్, మిచెల్ మార్ష్, అలెక్స్ క్యారీ, మిచెల్ స్టార్క్, ప్యాట్ కమిన్స్ (కెప్టెన్), నాథన్ లియోన్, జోష్ హాజిల్‌వుడ్‌. చదవండి: Aus Vs Pak: నా రికార్డు బ్రేక్‌ చేసే సత్తా అతడికే ఉంది: ఆసీస్‌ దిగ్గజ బౌలర్‌

ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ తన చివరి టెస్టు మ్యాచ్‌ ఆడేందుకు సిద్దమయ్యాడు. జనవరి 3 నుంచి పాకిస్తాన్‌తో జరగనున్న మూడో టెస్టు అనంతరం సంప్రదాయక్రికెట్‌కు డేవిడ్‌ భాయ్‌ విడ్కోలు పలకనున్నాడు. టెస్టులతో పాటు వన్డేలకు వార్నర్‌ రిటైర్మెంట్‌ ప్రకటించాడు. అతడికి ఘనంగా వీడ్కోలు పలికేందుకు క్రికెట్ ఆస్ట్రేలియా అన్ని రకాల ఏర్పాట్లు చేస్తోంది. అయితే తాజాగా ఓ ఛానల్‌కు ఇచ్చిన ఇంటర్వ్యూలో వార్నర్‌కు తన టెస్టు కెరీర్‌లో ఎదు అత్యంత కఠినమైన బౌలర్ ఎవరన్న ప్రశ్న ఎదురైంది. అందుకు బదలుగా వార్నర్‌ ఏమి ఆలోచించకుండా దక్షిణాఫ్రికా లెజెండ్‌ డేల్‌ స్టేయిన్‌ పేరును చెప్పుకొచ్చాడు. 'నా టెస్టు కెరీర్‌లో నేను ఎదుర్కొన్న అత్యంత కఠినమైన బౌలర్‌ డేల్‌ స్టేయిన్‌. 2016-2017లో గబ్బా వేదికగా దక్షిణాఫ్రికాతో జరిగిన తొలి టెస్టు ఇప్పటికి నాకు గుర్తుంది. ఈ మ్యాచ్‌లో ఫస్ట్‌ సెషన్‌లో డేల్‌ స్టేయిన్‌ నిప్పలు చేరిగాడు. బౌన్సర్లతో నన్ను షాన్‌ మార్ష్‌ను భయపెట్టాడు.  45 నిమిషాల సెషన్‌ అయితే మాకు చుక్కలు చూపించింది. షాన్‌ నా దగ్గరకు వచ్చి అతడి బౌలింగ్‌ను ఎలా ఎదుర్కొవాలో నాకు అర్ధ కావడం లేదని చెప్పాడు. కనీసం పుల్‌ షాట్‌ ఆడాదామన్న కూడా అవకాశం లేదు. చాలా ఓవర్ల పాటు కనీసం బంతిని కూడా టచ్‌ చేయలేకపోయాను. ఓ బంతి ఏకంగా నా భుజానికి వచ్చి తాకింది. నొప్పితో విల్లాలాడాను. స్టేయిన్‌ ఎడమచేతి వాటం బ్యాటర్లకు అద్బుతంగా బౌలింగ్‌ చేస్తాడు. అతడు బౌలింగ్‌ చేస్తే ప్రతీ బ్యాటర్‌కు కొంచెం భయం కచ్చితంగా ఉంటుందని' వార్నర్‌ పేర్కొన్నాడు. కాగా వరల్డ్‌ క్రికెట్‌ చరిత్రలో స్పీడ్‌గన్‌ స్టేయిన్‌ తన పేరును సువర్ణఅక్షరాలతో లిఖించుకున్నాడు. దక్షిణాఫ్రికా తరపున టెస్టులలో 439 వికెట్లు, వన్డేలలో 196 వికెట్లు, టీ20లలో 64 వికెట్లు పడగొట్టాడు. చదవండి: Aus Vs Pak: నా రికార్డు బ్రేక్‌ చేసే సత్తా అతడికే ఉంది: ఆసీస్‌ దిగ్గజ బౌలర్‌

Australia vs Pakistan, 3rd Test: ఆస్ట్రేలియా ఆఫ్‌ స్పిన్నర్‌ నాథన్‌ లియోన్‌ ఆట తీరుపై బౌలింగ్‌ దిగ్గజం గ్లెన్‌ మెగ్రాత్‌ ప్రశంసలు కురిపించాడు. ఆసీస్‌ తరఫున తాను నెలకొల్పిన రికార్డును బద్దలు కొట్టగల సత్తా లియోన్‌కు ఉందన్నాడు. కాగా పాకిస్తాన్‌తో సొంతగడ్డపై టెస్టు సిరీస్‌ను 2-0తో సొంతం చేసుకున్న కంగారూ జట్టు.. నామమాత్రపు ఆఖరి మ్యాచ్‌కు సిద్ధమైంది. ఆమె జ్ఞాప​కార్థం ‘పింక్‌’ టెస్టు నిర్వహణ ఇరుజట్ల మధ్య బుధవారం (జనవరి 3) నుంచి ‘పింక్‌ టెస్టు’ ఆరంభం కానుంది. సిడ్నీ క్రికెట్‌ గ్రౌండ్‌ ఇందుకు వేదిక. కాగా బ్రెస్ట్‌ క్యాన్సర్‌తో మరణించిన గ్లెన్‌ మెగ్రాత్‌ సతీమణి జ్ఞాపకార్థం ప్రతి ఏడాది పింక్‌ టెస్టును నిర్వహించడం ఆనవాయితీగా వస్తోంది. ఇందులో భాగంగా సిడ్నీలో తాజాగా జరుగనున్న మ్యాచ్‌ 16వది. ఈ టెస్టు సందర్భంగా మెగ్రాత్‌ ఫౌండేషన్‌ విరాళాల సేకరణ చేపట్టనుంది. ఈ సందర్భంగా గ్లెన్‌ మెగ్రాత్‌ ప్రసంగిస్తూ.. నాథన్‌ లియోన్‌ బౌలింగ్‌ నైపుణ్యాలను కొనియాడాడు. ‘‘ప్రతి రికార్డును ఎవరో ఒకరు బ్రేక్‌ చేస్తారు. ఒకవేళ లియోన్‌ నన్ను దాటేస్తే అంతకంటే సంతోషం ఉండదు. అతడు అసాధారణ బౌలర్‌.  అలా అయితే అతడికి తిరుగే ఉండదు లియోన్‌కు ఆల్‌ ది బెస్ట్‌. ఒకవేళ నాతో పాటు షానో(షేన్‌ వార్న్‌) రికార్డును కూడా అధిగమిస్తే అతిడికి తిరుగే ఉండదు. లియోన్‌ బౌలింగ్‌ నైపుణ్యాలు అద్భుతం. పరిస్థితులకు తగ్గట్లుగా ఆడటం అతడికి అలవాటు’’ అని మెగ్రాత్‌ పేర్కొన్నాడు. కాగా ఆస్ట్రేలియా తరఫున అత్యధిక వికెట్లు పడగొట్టిన ఫాస్ట్‌ బౌలర్‌గా గ్లెన్‌ మెగ్రాత్‌ ఘనత సాధించాడు. నేటికీ అతడి రికార్డు చెక్కుచెదరకుండా ఉంది. ఆసీస్‌ తరఫున 124 టెస్టులు ఆడిన రైటార్మ్‌ పేసర్‌ మెగ్రాత్‌ 563 వికెట్లు తీశాడు.  500 వికెట్ల క్లబ్‌లో నాథన్‌ లియోన్‌ మరోవైపు.. ఆఫ్‌ స్పిన్నర్‌ నాథన్‌ లియోన్‌ ఇటీవలే 500 వికెట్ల క్లబ్‌లో చేరాడు. పాకిస్తాన్‌తో పెర్త్‌ టెస్టు సందర్భంగా ఈ మైలురాయిని చేరుకున్నాడు.  తాజా పింక్‌ టెస్టుకు ముందు అతడి ఖాతాలో మొత్తంగా 505 వికెట్లు ఉన్నాయి. సుమారు మరో నాలుగేళ్ల పాటు టెస్టు క్రికెట్‌ ఆడే సత్తా ఉన్న లియోన్‌ ఇంకో 59 వికెట్లు తీస్తే .. ఆసీస్‌ తరఫున అత్యధిక వికెట్లు తీసిన ఓవరాల్‌ బౌలర్ల జాబితాలో మెగ్రాత్‌ను అధిగమిస్తాడు. ఇదిలా ఉంటే.. ఆసీస్‌ దిగ్గజ దివంగత స్పిన్నర్‌ షేన్‌ వార్న్‌ టెస్టుల్లో 708 వికెట్లు తీసి ఎవరికీ అందనంత ఎత్తులో ఉన్నాడు. చదవండి: IPL 2024: హార్దిక్‌ పాండ్యా దూరం! ముంబై ఇండియన్స్‌ కెప్టెన్‌గా బుమ్రా?

పాకిస్తాన్‌ టీ20 జట్టు కెప్టెన్‌ ఎంపిక గురించి ఆ దేశ మాజీ ఆల్‌రౌండర్‌ షాహిద్‌ ఆఫ్రిది ఆసక్తికర వ్యాఖ్యలు చేశాడు. ఏదో తప్పిదారి షాహిన్‌ ఆఫ్రిది సారథి అయ్యాడని సరదాగా వ్యాఖ్యానించాడు. అతడికి బదులు మహ్మద్‌ రిజ్వాన్‌కు పగ్గాలు అప్పజెప్పి ఉంటే బాగుండేదని అభిప్రాయపడ్డాడు.  భారత్‌ వేదికగా వన్డే వరల్డ్‌కప్‌-2023 ముగిసిన తర్వాత పాకిస్తాన్‌ క్రికెట్‌ జట్టులో పలు మార్పులు చోటు చేసుకున్న విషయం తెలిసిందే. ఐసీసీ టోర్నీలో పేలవ ప్రదర్శన నేపథ్యంలో బాబర్‌ ఆజం.. మూడు ఫార్మాట్ల కెప్టెన్సీ నుంచి వైదొలిగాడు. ఈ క్రమంలో అతడి స్థానంలో షాన్‌ మసూద్‌ను కెప్టెన్‌ చేసిన పాక్‌ క్రికెట్‌ బోర్డు.. టీ20 సారథ్య బాధ్యతలను పేసర్‌ షాహిన్‌ ఆఫ్రిదికి అప్పగించింది. ఈ నేపథ్యంలో మసూద్‌ నాయకత్వంలో టెస్టు సిరీస్‌ ఆడేందుకు ఆస్ట్రేలియా వెళ్లిన పాక్‌ జట్టు.. తదుపరి షాహిన్‌ నేతృత్వంలో న్యూజిలాండ్‌ పర్యటనకు వెళ్లనుంది.  ఇటీవల ఓ కార్యక్రమంలో పాల్గొన్న షాహిద్‌ ఆఫ్రిది ఈ విషయాల గురించి ప్రస్తావిస్తూ.. ‘‘ఆటగాడిగా రిజ్వాన్‌ను నేను ఆరాధిస్తాను. కఠిన శ్రమ, ఆట పట్ల నిబద్ధత.. అతడిని అత్యుత్తమ క్రికెటర్‌గా నిలిపాయి. కేవలం ఆట మీద మాత్రమే దృష్టి సారించి ఎక్కడ ఎంత వరకు నైపుణ్యాలను వాడుకోవాలో అతడికి బాగా తెలుసు. తనొక గొప్ప యోధుడు’’ అని మహ్మద్‌ రిజ్వాన్‌ను ప్రశంసించాడు. అదే విధంగా.. ‘‘రిజ్వాన్‌ను పాక్‌ టీ20 కెప్టెన్‌గా చూడాలనుకున్నాను. కానీ తప్పిదారి షాహిన్‌ ఆఫ్రిది సారథిగా ఎంపికయ్యాడు’’ అని షాహిద్‌ ఆఫ్రిది పేర్కొన్నాడు. ఆ సమయంలో హ్యారిస్‌ రవూఫ్‌, సర్ఫరాజ్‌ అహ్మద్‌లతో పాటు అక్కడే ఉన్న షాహిన్‌ ఆఫ్రిది, మహ్మద్‌ రిజ్వాన్‌ నవ్వులు చిందించారు. ఇందుకు సంబంధించిన వీడియో నెట్టింట చక్కర్లు కొడుతోంది. కాగా షాహిద్‌ ఆఫ్రిదికి షాహిన్‌ ఆఫ్రిది సొంత అల్లుడన్న సంగతి తెలిసిందే. షాహిద్‌ కుమార్తె అన్షాను అతడు వివాహమాడాడు. ఇదిలా ఉంటే.. పాకిస్తాన్‌ ప్రస్తుతం ఆసీస్‌ పర్యటనలో ఉంది. మూడు మ్యాచ్‌ల సిరీస్‌లో భాగంగా తొలి రెండు టెస్టులు ఓడిన పాకిస్తాన్‌.. జనవరి 3 నుంచి నామమాత్రపు మూడో టెస్టు ఆడనుంది.   చదవండి: సౌతాఫ్రికా ఒక్కటే కాదు పాక్‌ కూడా అలాగే.. ఐసీసీ, బీసీసీఐ జోక్యం చేసుకోవాలి: స్టీవ్‌ వా   Shahid Afridi praised Muhammad Rizwan and said that Rizwan should have been captain of T20 but Shaheen became it by mistake.#Rizwan #PakistanCricket pic.twitter.com/TSECe93ZPM — Ahtasham Riaz 🇵🇰 (@AhtashamRiaz_) December 30, 2023

ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ సం‍చలన నిర్ణయం తీసుకున్నాడు. ఇప్పటికే తన కెరీర్‌లో చివరి టెస్టు ఆడేందుకు సిద్దమైన వార్నర్‌.. తాజాగా వన్డే క్రికెట్‌కు కూడా రిటైర్మెంట్‌ ప్రకటించాడు. సోమవారం తన నిర్ణయాన్ని డేవిడ్‌ భాయ్‌ వెల్లడించాడు. అయితే జట్టుకు తన అవసరం ఉందని క్రికెట్‌ ఆస్ట్రేలియా భావిస్తే పాకిస్తాన్‌ వేదికగా జరగనున్న ఛాంపియన్స్‌ ట్రోఫీ-2025కి ఆడేందుకు అందుబాటులో ఉంటానని తెలిపాడు.  "టెస్టులతో పాటు వన్డే క్రికెట్‌ నుంచి కూడా రిటైర్‌ అవ్వాలని నిర్ణయించుకున్నాను. భారత్‌పై వన్డే ప్రపంచకప్‌ గెలిచిన ఈ తరుణమే ఆటకు ముగింపు పలకడానికి సరైన సమయంగా భావిస్తున్నాను. ఇది నా కెరీర్‌లో సాధించిన భారీ విజయం. టెస్టు, వన్డే ఫార్మాట్‌ల నుంచి  తప్పుకోవడం వల్ల ఫ్రాంఛైజీ లీగ్‌లలో ఆడేందుకు ఎక్కువ సమయం లభిస్తోంది. నేను తీసుకున్న ఈ నిర్ణయం కొత్త ఆటగాళ్లకు అవకాశం కల్పిస్తోంది. అయితే త్వరలో ఛాంపియన్స్ ట్రోఫీ ఉందన్న విషయం నాకు తెలుసు. గత రెండేళ్లలో నేను మంచి క్రికెట్ ఆడుతున్నాను. రిటైర్మెంట్‌ ప్రకటించినప్పటికీ నేను ఫిట్‌నెస్‌గా ఉండేందుకు ప్రయత్నిస్తాను. ఛాంపియన్స్ ట్రోఫీ కోసం  జట్టుకు అవసరమైతే కచ్చితంగా నేను అందుబాటులో ఉంటానని సిడ్నీ గ్రౌండ్‌లో విలేకరుల సమావేశంలో వార్నర్‌ పేర్కొన్నాడు. కాగా వన్డే ప్రపంచకప్‌-2023ను ఆస్ట్రేలియా సొంతం చేసుకోవడంలో డేవిడ్‌ వార్నర్‌ది కీలక పాత్ర. ఈ టోర్నీలో  528 పరుగులు చేసిన డేవిడ్‌ భాయ్‌.. ఆస్ట్రేలియా తరపున అత్యధిక పరుగులు చేసిన ఆటగాడిగా నిలిచాడు. ఓవరాల్‌గా తన వన్డే కెరీర్‌లో 161 మ్యాచ్‌లు ఆడిన వార్నర్‌.. 22 సెంచరీలు, 33 హాఫ్‌ సెంచరీలతో  6932 పరుగులు చేశాడు. వన్డేల్లో ఆసీస్‌ తరపున అత్యధిక పరుగులు చేసిన ఆరో ఆటగాడిగా వార్నర్‌ కొనసాగుతున్నాడు.

ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ తన కెరీర్‌లో చివరి టెస్టు మ్యాచ్‌ ఆడేందుకు సిద్దమయ్యాడు. పాకిస్తాన్‌తో జరగనున్న మూడో టెస్టు అనంతరం టెస్టు క్రికెట్‌కు వార్నర్‌ విడ్కోలు పలకనున్నాడు. ఇప్పటికే తన నిర్ణయాన్ని వార్నర్‌ వెల్లడించిన సంగతి తెలిసిందే. . జనవరి 3 నుంచి సిడ్నీ వేదికగా జరిగే మూడో టెస్టు జరగనుంది. తన సొంత మైదానంలో అద్బుతప్రదర్శన కనబరిచి తన టెస్టు కెరీర్‌కు ముగింపు పలకాలని వార్నర్‌ భావిస్తున్నాడు. ఈ నేపథ్యంలో వార్నర్‌పై ఆసీస్‌ ప్రధాన కోచ్ ఆండ్రూ మెక్‌డొనాల్డ్ ప్రశంసల వర్షం కురిపించాడు. మూడు ఫార్మాట్లలో ఆసీస్‌కు ప్రాతినిథ్యం వహించిన అత్యుత్తమ ఆటగాళ్లలో వార్నర్‌ ఒకడని మెక్‌డొనాల్డ్ కొనియాడాడు. డేవిడ్‌ వార్నర్‌ ఒక అద్బుతమైన ఆటగాడు. అతొడక ఆల్‌ఫార్మాట్‌ ప్లేయర్‌. మూడు ఫార్మాట్లలోనూ జట్టుకు ఎన్నో అద్భుతమైన విజయాలు అందించాడు. అటువంటి ఆటగాడు ఇప్పుడు టెస్టు క్రికెట్‌ నుంచి తప్పుకోబోతున్నాడు. ఇది నిజంగా ఆస్ట్రేలియా క్రికెట్‌కు కోలుకోలేని దెబ్బ. గత కొంతకాలం నుంచి వార్నర్‌ టెస్టు క్రికెట్‌ ఫామ్‌పై చాలా మంది విమర్శలు చేస్తున్నారని నాకు తెలుసు.  కానీ ఒక జట్టుగా మేము అతడిపై నమ్మకం ఉంచాము. అందుకే పాకిస్తాన్‌తో సిరీస్‌కు ఎంపిక చేశాము. తొలి టెస్టు మ్యాచ్‌లోనే తనను తాను మరోసారి నిరూపించుకున్నాడు. ఏదైమైనప్పటికి అతడి స్థానాన్ని భర్తీ చేయడం మాకు చాలా కష్టం. టెస్టుల్లో అత్యధిక పరుగులు చేసిన ఓపెనర్‌గా వార్నర్‌ కొనసాగుతున్నాడు. మేము మూడో మ్యాచ్‌లోనూ విజయం సాధించి సిరీస్‌ను క్లీన్‌స్వీప్‌ చేసి వార్నర్‌కు అంకితమివ్వాలని భావిస్తున్నాము అని క్రికెట్‌ ఆస్ట్రేలియా.కామ్‌కు ఇచ్చిన ఇంటర్వ్యూలో మెక్‌డొనాల్డ్ పేర్కొన్నాడు. చదవండి: #Saumy Pandey: ఐపీఎల్‌ వేలంలో ఎవరూ కొనలేదు.. అక్కడ మాత్రం చెలరేగాడు! 6 వికెట్లతో

పాకిస్తాన్‌తో మూడో టెస్టుకు 13 మంది సభ్యులతో కూడిన తమ జట్టును క్రికెట్‌ ఆస్ట్రేలియా ప్రకటించింది. అయితే ఈ మ్యాచ్‌లో కోసం జట్టులో ఎటువంటి మార్పులు చేయలేదు. రెండో టెస్టుకు ఎంపిక చేసిన జట్టునే సెలక్టర్లు కొనసాగించారు. తన కెరీర్‌లో చివరి టెస్టు మ్యాచ్‌ ఆడనున్న స్టార్‌ ఓపెనర్‌ డేవిడ్‌ వార్నర్‌కు ఘనంగా విడ్కోలు పలికేందుకు క్రికెట్‌ ఆస్ట్రేలియా సిద్దమైంది. జనవరి 3 నుంచి సిడ్నీ క్రికెట్‌ గ్రౌండ్‌ వేదికగా మూడో టెస్టు ప్రారంభం కానుంది. ఈ మ్యాచ్‌ అనంతరం టెస్టు క్రికెట్‌కు వార్నర్‌ గుడ్‌బై చెప్పనున్నాడు. ఇప్పటికే తన నిర్ణయాన్ని డేవిడ్‌ భాయ్‌ వెల్లడించాడు. తన హోం గ్రౌండ్‌లో అద్భుతమైన ప్రదర్శన కనబరిచి తన టెస్టు కెరీర్‌కు ముగింపు పలకాలని వార్నర్‌ భావిస్తున్నాడు. ఇక తొలి రెండు టెస్టుల్లో విజయం సాధించిన ఆస్ట్రేలియా సిరీస్‌ను మరో మ్యాచ్‌ మిగిలూండగానే 2-0 తేడాతో సిరీస్‌ సొంతం చేసుకుంది. ఆసీస్‌ జట్టు: పాట్ కమిన్స్(కెప్టెన్‌), స్కాట్ బోలాండ్, అలెక్స్ కారీ, కామెరాన్ గ్రీన్, జోష్ హాజిల్‌వుడ్,ట్రావిస్ హెడ్, ఉస్మాన్ ఖవాజా, మార్నస్ లాబుషేన్‌,నాథన్ లియోన్,మిచెల్‌ మార్ష్,స్టీవ్ స్మిత్,మిచెల్‌ స్టార్క్,డేవిడ్ వార్నర్ చదవండి: #Saumy Pandey: ఐపీఎల్‌ వేలంలో ఎవరూ కొనలేదు.. అక్కడ మాత్రం చెలరేగాడు! 6 వికెట్లతో

పాకిస్తాన్‌ క్రికెట్‌ టీమ్‌ డైరెక్టర్‌ మహ్మద్‌ హఫీజ్‌పై ఐస్‌లాండ్‌ క్రికెట్‌ వ్యంగ్యాస్త్రాలు సంధించింది. ఆస్ట్రేలియా ఇకపై తన అదృష్టాన్ని కాలదన్నుకుని పాక్‌కు గెలిచే అవకాశం ఇస్తుందేమో అంటూ అతడిని దారుణంగా ట్రోల్‌ చేసింది. కాగా మూడు మ్యాచ్‌ల టెస్టు సిరీస్‌ కోసం ఆస్ట్రేలియా పర్యటనకు వెళ్లిన పాకిస్తాన్‌ వరుసగా రెండింట ఓడింది. దీంతో సిరీస్‌ 2-0 తేడాతో ఆతిథ్య జట్టు కైవసం అయింది. అయితే, తొలి టెస్టులో 360 పరుగుల భారీ తేడాతో ఓడిన పాక్‌.. రెండో టెస్టులో మెరుగ్గానే ఆడింది. కానీ.. కీలక సమయంలో ఫీల్డింగ్‌ తప్పిదాలు, బ్యాటింగ్‌ వైఫల్యాలతో మ్యాచ్‌ను చేజార్చుకుంది. ముఖ్యంగా రెండో ఇన్నింగ్స్‌లో నిలకడగా ఆడుతున్న వికెట్‌ కీపర్‌ బ్యాటర్‌ మహ్మద్‌ రిజ్వాన్‌ అవుట్‌ కావడంతో పాక్‌ ఆశలపై నీళ్లు చల్లినట్లయింది. ప్యాట్‌ కమిన్స్‌ విసిరిన బంతి రిజ్వాన్‌ రిస్ట్‌బ్యాండ్‌ను తాకి వికెట్‌ కీపర్‌ చేతుల్లో పడినట్లు కనిపించగా.. అప్పీలు చేశాడు. అయితే, ఫీల్డ్‌ అంపైర్‌ నాటౌట్‌ ఇవ్వడంతో.. ఆసీస్‌ రివ్యూకు వెళ్లగా థర్డ్‌ అంపైర్‌ రిజ్వాన్‌ను అవుట్‌గా ప్రకటించాడు. దీంతో రిజ్వాన్‌ ఆగ్రహం వ్యక్తం చేస్తూ మైదానం వీడాడు. ఈ నేపథ్యంలో.. ఓటమి అనంతరం మహ్మద్‌ హఫీజ్‌ స్పందిస్తూ.. తమ జట్టు గొప్పగా ఆడినా.. సాంకేతిక లోపాలు, అంపైరింగ్‌ తప్పిదాల వల్లే ఓడిపోయిందని ఆసీస్‌ ఆట తీరును విమర్శించాడు. ఈ నేపథ్యంలో ఆస్ట్రేలియా సారథి కమిన్స్‌ ఇప్పటికే అతడికి కౌంటర్‌ ఇచ్చాడు. ఆఖరి వరకు బాగా ఆడిన జట్టునే విజయం వరిస్తుందని హఫీజ్‌ వ్యాఖ్యలకు బదులిచ్చాడు. తాజాగా ఐస్‌లాండ్‌ క్రికెట్‌ సైతం.. ‘‘నిజంగా ఇదొక అద్భుతం. అత్యంత ప్రతిభావంతమైన, సుపీరియర్‌ టాలెంట్‌ ఉన్న జట్టు ఆస్ట్రేలియాతో వరుసగా 16 టెస్టులు ఎలా ఓడిపోయింది?  ఇక నుంచి ఆస్ట్రేలియా జట్టు తాము అదృష్టవంతులుగా ఉండటం ఆపేస్తే బాగుంటుంది’’ అంటూ మహ్మద్‌ హఫీజ్‌ను ట్రోల్‌ చేసింది. కాగా ఆస్ట్రేలియాలో టెస్టుల్లో పాకిస్తాన్‌ ఇప్పటి వరకు వరుసగా పదహారు ఓడిపోవడం గమనార్హం. ఆసీస్‌ గడ్డపై ఇంత వరకు ఒక్క టెస్టు సిరీస్‌ కూడా గెలవలేదు.  It's amazing. How can the more talented and superior team have lost 16 matches in a row in Australia? Surely those lucky Aussies will stop being lucky soon. https://t.co/118gmMCe2K — Iceland Cricket (@icelandcricket) December 29, 2023

పాకిస్తాన్‌ క్రికెట్‌ డైరెక్టర్‌ మహ్మద్‌ హఫీజ్‌ వ్యాఖ్యలకు ఆస్ట్రేలియా కెప్టెన్‌ ప్యాట్‌ కమిన్స్‌ కౌంటర్‌ ఇచ్చాడు. అత్యుత్తంగా ఆడిన జట్టుకే అంతిమంగా విజయం లభిస్తుందని.. తాము విమర్శలను పెద్దగా పట్టించుకోమంటూ చురకలు అంటించాడు. పాకిస్తాన్‌తో రెండో టెస్టులోనూ ఆస్ట్రేలియా ఘన విజయం సాధించిన విషయం తెలిసిందే. బాక్సింగ్‌ డే టెస్టును నాలుగు రోజుల్లోనే ముగించి.. 79 పరుగుల తేడాతో జయభేరి మోగించింది. తద్వారా మరో మ్యాచ్‌ మిగిలి ఉండగానే 2-0తో సిరీస్‌ కైవసం చేసుకుంది. అయితే, మెల్‌బోర్న్‌లో జరిగిన ఈ టెస్టులో పాక్‌ ఓటమి అనంతరం ఆ జట్టు డైరెక్టర్‌ మహ్మద్‌ హఫీజ్‌ స్పందిస్తూ.. ఆస్ట్రేలియా ఆట తీరును విమర్శించాడు. ‘‘జట్టుగా మేము కొన్ని తప్పిదాలు చేసిన మాట వాస్తవమే. కూర్చుని చర్చిస్తే వాటిని అధిగమించగలం. కానీ.. మా ఓటమికి కేవలం మా ప్రదర్శన ఒక్కటే కారణం కాదు. అంపైరింగ్‌ తప్పిదాలు, సాంకేతిక లోపాల వల్ల కూడా మేము నష్టపోయాం’’ అని పేర్కొన్నాడు. మహ్మద్‌ రిజ్వాన్‌ అవుటైన తీరును ప్రస్తావిస్తూ.. ‘‘ఒకవేళ అలా గనుక జరిగి ఉండకపోతే ఫలితం వేరేలా ఉండేది. కొన్నిసార్లు టెక్నాలజీ చేసే చమత్కారాలు మనుషులమైన మనం అర్థం చేసుకోలేం. ఒకవేళ బాల్‌ స్టంప్స్‌ను హిట్‌ చేస్తే కచ్చితంగా అది అవుటే కదా!అలాంటపుడు అంపైర్స్‌ కాల్‌తో పనేం ఉంటుంది? అయితే, కొన్నిసార్లు టెక్నాలజీ వల్ల మ్యాచ్‌లు చేజారిపోయే పరిస్థితులు కూడా వస్తాయి’’ అని మహ్మద్‌ హఫీజ్‌ పేర్కొన్నాడు. రిజ్వాన్‌ అవుట్‌ విషయంలో తప్పు జరిగిందంటూ పరోక్షంగా థర్డ్‌ అంపైర్‌ నిర్ణయాన్ని తప్పుబట్టాడు. ఈ నేపథ్యంలో విజయానంతరం మీడియాతో మాట్లాడుతున్న సందర్భంగా ఆసీస్‌ సారథి ప్యాట్‌ కమిన్స్‌కు హఫీజ్‌ వ్యాఖ్యల గురించి ప్రశ్న ఎదురైంది. ఇందుకు బదులిస్తూ.. ‘‘కూల్‌.. వాళ్లు బాగానే ఆడారు. అయితే, మేము గెలిచాం. ఇప్పుడిక మాటలు అనవసరం. నిజంగా బాగా ఆడిన జట్టే కదా అంతిమంగా విజయం సాధిస్తుంది’’ అంటూ కమిన్స్‌.. హఫీజ్‌పై వ్యంగ్యాస్త్రాలు సంధించాడు. కాగా ఈ మ్యాచ్‌లో పది వికెట్లు పడగొట్టిన కమిన్స్‌ ప్లేయర్‌ ఆఫ్‌ ది మ్యాచ్‌గా నిలిచాడు. ఇదిలా ఉంటే.. కమిన్స్‌ బౌలింగ్‌లో రిజ్వాన్‌ రిస్ట్‌బ్యాండ్‌ను తాకిన బంతిని కీపర్‌ అలెక్స్‌ క్యారీ క్యాచ్‌ అందుకోగా.. ఫీల్డ్‌ అంపైర్‌ నాటౌట్‌ ఇచ్చాడు. అయితే, కమిన్స్‌ రివ్యూకు వెళ్లడంతో థర్డ్‌ అంపైర్‌ అతడిని అవుట్‌గా ప్రకటించాడు. ఈ నిర్ణయం తమ విజయావకాశాలపై ప్రభావం చూపిందని హఫీజ్‌ వ్యాఖ్యానించగా.. కమిన్స్‌ ఇలా కౌంటర్‌ వేశాడు. చదవండి: Ind A Vs SA A: ఐదు వికెట్లు తీసిన ఆవేశ్‌.. తిలక్‌, అక్షర్‌ అర్ధ శతకాలు! టాప్‌ స్కోరర్‌ అతడే

Australia vs Pakistan, 2nd Test: ఆస్ట్రేలియాతో రెండో టెస్టులో పాకిస్తాన్‌ బ్యాటర్‌ మహ్మద్‌ రిజ్వాన్‌ అవుటైన తీరు నెట్టింట చర్చకు దారితీసింది. ఈ అంశంపై క్రికెట్‌ అభిమానులు రెండు వర్గాలుగా విడిపోయి పరస్పర విరుద్ధ కామెంట్లతో ట్రోలింగ్ చేస్తున్నారు. బాక్సింగ్‌ డే టెస్టులో పాకిస్తాన్‌ ఆసీస్‌ చేతిలో ఓటమిపాలైన విషయం తెలిసిందే. మెల్‌బోర్న్‌ వేదికగా మంగళవారం మొదలైన మ్యాచ్‌లో టాస్‌ గెలిచి తొలుత బౌలింగ్‌ ఎంచుకున్న షాన్‌ మసూద్‌ బృందం.. ఆతిథ్య ఆసీస్‌ను తొలి ఇన్నింగ్స్‌లో 318 పరుగులకు ఆలౌట్‌ చేసింది. అయితే, కంగారూ బౌలర్ల ధాటికి తాళలేక 264 పరుగులకే తమ మొదటి ఇన్నింగ్స్‌ను ముగించింది. ఈ క్రమంలో 54 పరుగుల ఆధిక్యంతో రెండో ఇన్నింగ్స్‌ మొదలుపెట్టిన ఆసీస్‌.. మరో 262 పరుగులు జతచేసి ఆలౌట్‌ అయింది. దీంతో పాక్‌ విజయ లక్ష్యం 317గా మారింది. అయితే, టార్గెట్‌ ఛేదనకై బరిలోకి దిగిన పాకిస్తాన్‌కు ఆదిలోనే షాకిచ్చార్లు ఆసీస్‌ పేసర్లు. ఓపెనర్లు.. అబ్దుల్లా షఫీక్‌ను 4 పరుగుల వద్ద స్టార్క్‌ పెవిలియన్‌కు పంపగా.. 12 పరుగులతో ఆడుతున్న ఇమామ్‌ ఉల్‌ హక్‌ను కమిన్స్‌ వికెట్ల ముందు దొరకబుచ్చుకున్నాడు. ఈ క్రమంలో వన్‌డౌన్‌లో వచ్చిన కెప్టెన్‌ షాన్‌ మసూద్‌ 60 పరుగులు చేసి అవుట్‌ కాగా.. బాబర్‌ ఆజం 41, సౌద్‌ షకీల్‌ 24 పరుగులతో పర్వాలేదనిపించారు. రిజ్వాన్‌పై ఆశలు పెట్టుకున్న పాకిస్తాన్‌ ఈ క్రమంలో వికెట్‌ కీపర్‌ మహ్మద్‌ రిజ్వాన్‌పై ఆశలు పెట్టుకున్న పాకిస్తాన్‌ను ఆసీస్‌ సారథి ప్యాట్‌ కమిన్స్‌ మరోసారి దెబ్బకొట్టాడు. పాక్‌ రెండో ఇన్నింగ్స్‌ సందర్భంగా 61వ ఓవర్‌ వేసిన కమిన్స్‌ బౌలింగ్‌లో బంతి రిజ్వాన్‌ రిస్ట్‌బ్యాండ్‌ను తాకి కీపర్‌ చేతుల్లో పడినట్లు కనిపించింది. రివ్యూకు వెళ్లిన కమిన్స్‌ దీంతో కమిన్స్‌ గట్టిగా అప్పీలు చేయగా.. ఆన్‌ ఫీల్డ్‌ అంపైర్‌ నాటౌట్‌ ఇచ్చాడు. అయితే, కమిన్స్‌ మాత్రం అంపైర్‌ నిర్ణయాన్ని చాలెంజ్‌ తీస్తూ డీఆర్‌ఎస్‌కు వెళ్లాడు. ఈ క్రమంలో థర్డ్‌ అంపైర్‌.. నిశితంగా పరిశీలించిన తర్వాత.. ఆన్‌ ఫీల్డ్‌ అంపైర్‌ నిర్ణయాన్ని తారుమారు చేసి.. రిజ్వాన్‌ను అవుట్‌గా ప్రకటించాడు.  దీంతో ఆసీస్‌ శిబిరంలో సంబరాలు మొదలుకాగా.. రిజ్వాన్‌ తనకు అన్యాయం జరిగిందన్నట్లుగా మైదానంలోనే తీవ్ర అసహనం వ్యక్తం చేస్తూ అంపైర్‌ వద్దకు దూసుకెళ్లాడు. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. రిజ్వాన్‌ అవుటా? నాటౌటా? అంటూ చర్చలు ఈ నేపథ్యంలో ఆస్ట్రేలియా ఆటగాళ్లు అంపైర్‌ను ఒత్తిడిలోకి నెట్టి తమకు అనుకూలంగా ఫలితం వచ్చేలా చేశారని.. బెనిఫిట్‌ ఆఫ్‌ డౌట్‌ కింద రిజ్వాన్‌ను నాటౌట్‌గా ప్రకటించాల్సిందని పాక్‌ ఫ్యాన్స్‌ కామెంట్లు చేస్తున్నారు. మరికొందరేమో.. బంతి బ్యాటర్‌ గ్లోవ్స్‌ను తాకి కీపర్‌ చేతుల్లో పడితే నిబంధనల ప్రకారం అవుట్‌ ఇవ్వడం సరైందేనని.. ఇక్కడ రిస్ట్‌బ్యాండ్‌ కూడా గ్లోవ్‌ను అంటి ఉందనే విషయాన్ని గమనించాలని హితవు పలుకుతున్నారు. కాగా రిజ్వాన్‌(35 పరుగులు) రూపంలో కమిన్స్‌ 250వ వికెట్‌ను తన ఖాతాలో వేసుకున్నాడు. కాగా ఈ మ్యాచ్‌లో పాకిస్తాన్‌ 79 పరుగుల తేడాతో ఓడిపోయి సిరీస్‌ను మరోసారి ఆతిథ్య ఆసీస్‌కు సమర్పించుకుంది. ఇరు జట్ల మధ్య నామమాత్రపు మూడో టెస్టు బుధవారం నుంచి మొదలుకానుంది. చదవండి: చరిత్ర సృష్టించిన విరాట్‌ కోహ్లి.. 146 ఏళ్ల క్రికెట్‌ హిస్టరీలోనే తొలి ఆటగాడిగా!  Wicket 250 for Pat Cummins! 🎉 The third umpire decided the ball flicked Mohammad Rizwan's sweatband on the way through. #MilestoneMoment | @nrmainsurance | #AUSvPAK pic.twitter.com/vTuDL5DmNB — cricket.com.au (@cricketcomau) December 29, 2023

Australia vs Pakistan, 2nd Test : పాకిస్తాన్‌తో రెండో టెస్టులోనూ ఆస్ట్రేలియా ఘన విజయం సాధించింది. ఆఖరి మ్యాచ్‌ మిగిలి ఉండగానే సిరీస్‌ను 2-0తో కైవసం చేసుకుంది. బాబర్ ఆజం స్థానంలో టెస్టు జట్టు పగ్గాలు చేపట్టిన షాన్‌ మసూద్‌ సారథ్యంలో పాకిస్తాన్‌ తొలిసారి ఆస్ట్రేలియా పర్యటనకు వెళ్లింది. ఇందులో భాగంగా ఇరు జట్ల మధ్య డిసెంబరు 14న మొదలైన తొలి టెస్టులో ఆతిథ్య ఆసీస్‌ ఏకంగా 360 పరుగుల తేడాతో పాక్‌ను చిత్తు చేసింది. ఈ క్రమంలో రెండో టెస్టులోనైనా గెలిచి నిలవాలని పాక్‌ భావించింది. బాక్సింగ్‌ డే టెస్టులో టాస్‌ గెలిచి తొలుత బౌలింగ్‌ ఎంచుకుంది. తొలి ఇన్నింగ్స్‌లో కంగారూ జట్టును 318 పరుగులకు కట్టడి చేయగలిగింది పాక్‌. కానీ బ్యాటర్ల వైఫల్యం కారణంగా 264 పరుగులకే షాన్‌ మసూద్‌ బృందం ఆలౌట్‌ కావడంతో.. ఆసీస్‌కు 54 పరుగుల ఆధిక్యం లభించింది. ఈ నేపథ్యంలో రెండో ఇన్నింగ్స్‌లో ఆస్ట్రేలియాకు పాక్‌ ఆరంభంలోనే షాకిచ్చింది. పేసర్లు షాహిన్‌ ఆఫ్రిది, మీర్‌ హంజా దెబ్బకు టాపార్డర్‌ కుప్పకూలిపోయింది. 16 పరుగులకే 4 వికెట్లు కోల్పోయిన ఆసీస్‌ ఇబ్బందుల్లో పడింది. Mitch Marsh hangs on at third man! Whatta catch! #AUSvPAK pic.twitter.com/BFC1LBXjeK — cricket.com.au (@cricketcomau) December 29, 2023 ఇలాంటి క్లిష్ట దశలో మిచెల్‌ మార్ష్‌ (96; 13 ఫోర్లు), స్టీవ్‌ స్మిత్‌ (50; 3 ఫోర్లు) అర్ధ సెంచరీలతో జట్టును ఆదుకున్నారు. వీరిద్దరు కలిసి  ఐదో వికెట్‌కు 153 పరుగులు జోడించి ఆసీస్‌ను నిలబెట్టారు. ఈ క్రమంలో.. మూడో రోజు ఆట ముగిసే సమయానికి ఆస్ట్రేలియా 62.3 ఓవర్లలో 6 వికెట్లకు 187 పరుగులు చేసింది.  ఈ నేపథ్యంలో ఓవరాల్‌గా 241 పరుగుల ఆధిక్యంతో నాలుగో రోజు ఆట మొదలుపెట్టిన ఆస్ట్రేలియా 262 పరుగుల వద్ద రెండో ఇన్నింగ్స్‌ ముగించింది. ఈ క్రమంలో లక్ష్య ఛేదనకు దిగిన పాకిస్తాన్‌ను ఆస్ట్రేలియా సారథి ప్యాట్‌ కమిన్స్‌ బెంబేలెత్తించాడు. ఐదు వికెట్లతో చెలరేగి పాక్‌ బ్యాటింగ్‌ ఆర్డర్‌ పతనాన్ని శాసించాడు. మరో పేసర్‌ మిచెల్‌ స్టార్క్‌ కూడా తనదైన శైలిలో రాణించడంతో పాకిస్తాన్‌ 237 పరుగులకే చాపచుట్టేసింది. షాన్‌ మసూద్‌ కెప్టెన్‌ ఇన్నింగ్స్‌(71 బంతుల్లో 60 పరుగులు), ఆగా సల్మాన్‌ అర్ధ శతకం(50)తో రాణించినా ఫలితం లేకుండా పోయింది. 79 పరుగుల తేడాతో ఆసీస్‌ చేతిలో ఓటమి పాలు కాగా నాలుగో రోజే ఆట ముగిసిపోయింది. ఇక పాక్‌ రెండో ఇన్నింగ్స్‌లో స్టార్క్‌ నాలుగు, జోష్‌ హాజిల్‌వుడ్‌ ఒక వికెట్‌ దక్కించుకున్నారు. ప్యాట్‌ కమిన్స్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఇక ఆస్ట్రేలియా- పాకిస్తాన్‌ మధ్య  నామమాత్రపు ఆఖరి టెస్టు బుధవారం (జనవరి 3) నుంచి ప్రారంభం కానుంది. కాగా ఆస్ట్రేలియాలో పాక్‌ ఇంత వరకు ఒక్కసారి కూడా టెస్టు సిరీస్‌ గెలవలేదన్న విషయం తెలిసిందే. 1995లో చివరగా కంగారూ గడ్డపై టెస్టు మ్యాచ్‌ గెలిచింది. తాజా పరాజయంతో 1999 పర్యటన నుంచి ఆ జట్టు వరుసగా 16 టెస్టుల్లో ఓడింది. THE AUSSIES GET IT DONE! 🔥 📺 Watch Day 4 #AUSvPAK on Fox Cricket and Kayo Sports: https://t.co/VNpf5Xojhg ✍ BLOG: https://t.co/physFvdl0W 🔢 MATCH CENTRE: https://t.co/v8I8vaM89H pic.twitter.com/D8dCwItqhb — Fox Cricket (@FoxCricket) December 29, 2023

బాక్సింగ్‌ డే టెస్టు మూడో రోజు ఆటలో పాకిస్తాన్‌ బౌలర్లు విజృంభించారు. పేసర్లు షాహిన్‌ ఆఫ్రిది, మీర్‌ హంజా కలిసి ఆస్ట్రేలియా టాపార్డర్‌ను కుప్పకూల్చారు. అయితే, మిడిలార్డర్‌లో స్టీవ్‌ స్మిత్, మిచెల్‌ మార్ష్‌ అర్ధ శతకాలతో రాణించి ఆసీస్‌ ఇన్నింగ్స్‌ను గాడిలో పెట్టారు. కానీ.. మిగతా వాళ్ల నుంచి సహకారం లభించకపోవడంతో ఆట ముగిసే సరికి 62.3 ఓవర్లలో ఆరు వికెట్ల నష్టానికి ఆస్ట్రేలియా 187 పరుగులు చేసింది. కాగా మెల్‌బోర్న్‌ వేదికగా ఆస్ట్రేలియా- పాకిస్తాన్‌ మధ్య మంగళవారం రెండో టెస్టు మొదలైంది. టాస్‌ గెలిచిన పాక్‌ తొలుత బౌలింగ్‌ ఎంచుకుంది. ఈ క్రమంలో ఆస్ట్రేలియా 318 పరుగుల వద్ద తొలి ఇన్నింగ్స్‌ను ముగించగా.. పాక్‌ తమ మొదటి ఇన్నింగ్స్‌లో 264 పరుగులకే ఆలౌట్‌ అయింది. 194/6 ఓవర్‌నైట్‌ స్కోరుతో గురువారం నాటి మూడో రోజు ఆట మొదలుపెట్టిన పాక్‌ మరో 70 పరుగులు మాత్రమే జతచేయగలిగింది. ఈ క్రమంలో 54 పరుగుల ఆధిక్యంతో బ్యాటింగ్‌కు దిగిన ఆస్ట్రేలియాను పాకిస్తాన్‌ పేసర్లు ఆదిలోనే దెబ్బ కొట్టారు. ఓపెనర్‌ ఉస్మాన్‌ ఖవాజాను డకౌట్‌ చేసిన  షాహిన్‌ ఆఫ్రిది.. మార్నస్‌ లబుషేన్‌(4) రూపంలో మరో వికెట్‌ కూల్చాడు. ఆ తర్వాత డేవిడ్‌ వార్నర్‌(6) వికెట్‌ను మీర్‌ హంజా తన ఖాతాలో వేసుకున్నాడు. అనంతరం ట్రవిస్‌ హెడ్‌ను అద్భుత రీతిలో బౌల్డ్‌ చేసి పెవిలియన్‌కు పంపాడు.  ఈ క్రమంలో స్టీవ్‌ స్మిత్‌ ఓపికగా ఆడుతూ పాక్‌ బౌలర్లకు కొరకరాని కొయ్యలా మారాడు. మిచెల్‌ మార్ష్‌తో కలిసి ఆసీస్‌ ఇన్నింగ్స్‌ను చక్కబెట్టే బాధ్యత తీసుకున్నాడు. వీరిద్దరు కలిసి 150 పరుగుల భారీ భాగస్వామ్యం నమోదు చేశారు. అయితే, హంజా బౌలింగ్‌లో మిచెల్‌ మార్ష్‌ బౌల్డ్‌ కావడంతో ఈ పార్ట్‌నర్‌షిప్‌నకు తెరపడింది. 130 బంతులు ఎదుర్కొన్న మార్ష్‌ 96 పరుగుల వ్యక్తిగత స్కోరు వద్ద ఉన్న సమయంలో అగా సల్మాన్‌కు క్యాచ్‌ ఇచ్చి వెనుదిరిగాడు. ఈ క్రమంలో స్మిత్‌కు తోడైన అలెక్స్‌ క్యారీ ఆచితూచి ఆడాడు. పరుగులు రాబట్టలేకపోయినా వీరిద్దరు వికెట్‌ పడకుండా జాగ్రత్త పడ్డారు. అయితే, మూడో రోజు ఆటలో సరిగ్గా ఆఖరి బంతికి స్మిత్‌ను షాహిన్‌ ఆఫ్రిది అవుట్‌ చేశాడు. దీంతో స్మిత్‌ రూపంలో ఆస్ట్రేలియా ఆరో వికెట్‌ కోల్పోయింది. దీంతో.. గురువారం 62.3 ఓవర్‌ వద్ద మూడో రోజు ఆట పూర్తయ్యేసరికి ఆస్ట్రేలియా ఆరు వికెట్ల నష్టానికి 187 పరుగులు చేసి.. 241 పరుగుల ఆధిక్యంలో నిలిచింది. అలెక్స్‌ క్యారీ 16 పరుగులతో క్రీజులో ఉన్నాడు. పాక్‌ బౌలర్లలో షాహిన్‌ ఆఫ్రిది, మీర్‌ హంజా మూడేసి వికెట్లు దక్కించుకున్నారు. Mitch Marsh gone for 96 - to an absolute belter at first slip from Agha Salman! #AUSvPAK pic.twitter.com/KNUP3kDr3j — cricket.com.au (@cricketcomau) December 28, 2023

మెల్‌బోర్న్‌ వేదికగా ఆస్ట్రేలియాతో జరుగుతున్న రెండో టెస్టులో పాకిస్తాన్‌ తమ పేలవ ఫీల్డింగ్‌ ప్రదర్శనను కొనసాగిస్తోంది. తొలి ఇన్నింగ్స్‌లో రెండు క్యాచ్‌లు విడిచిపెట్టిన పాక్‌ స్టార్‌ ఓపెనర్‌ అబ్దుల్లా షఫీక్.. రెండో ఇన్నింగ్స్‌లోనూ ఈజీ క్యాచ్‌ను జారవిడిచాడు. రెండో ఇన్నింగ్స్‌లో ఆసీస్‌ కేవలం 16 పరుగులకే 4 వికెట్లు కోల్పోయి కష్టాల్లోపడింది. ఈ క్రమంలో మిచెల్‌ మార్ష్‌, స్టీవ్‌ స్మిత్‌ ఆసీస్‌ ఇన్నింగ్స్‌ను చక్కదిద్దే ప్రయత్నం చేశారు. అయితే పాకిస్తాన్‌ కెప్టెన్‌ షాన్‌ మసూద్‌ మాత్రం బౌలర్లను మారుస్తూ ఆసీస్‌ను ఒత్తిడిలోకి నెట్టే ప్రయత్నం చేశాడు. ఈ క్రమంలో 15 ఓవర్‌ వేసేందుకు అమీర్‌ జమీల్‌ చేతికి బంతిని అందించాడు. ఆ ఓవర్‌లో తొలి బంతిని మార్ష్‌ డిఫెన్స్‌ ఆడే ప్రయత్నం చేశాడు. బంతి ఎడ్జ్‌ తీసుకుని సెకెండ్‌ స్లిప్‌ దిశగా వెళ్లింది. అయితే సెకెండ్‌ స్లిప్‌లో ఉన్న షఫీక్ ఈజీ క్యాచ్‌ను అందుకోవడంలో విఫలమయ్యాడు. అందుకు పాకిస్తాన్‌ భారీ మూల్యం చెల్లించుకోంది. 20 పరుగుల వ్యక్తిగత స్కోర్‌ వద్ద ఔటయ్యే ప్రమాదం నుంచి తప్పించుకున్న మార్ష్‌.. ఏకంగా 96 పరుగులు చేశాడు. దీంతో షఫీక్‌పై విమర్శల వర్షం కురుస్తోంది. ఈ మ్యాచ్‌కు కామెంటేటర్‌గా వ్యవహరిస్తున్న ఆసీస్‌ దిగ్గజం మార్క్‌ వా సైతం ఆంసతృప్తి వ్యక్తం చేశాడు. 'మొసలి దవడలా క్యాచ్‌ పడుతున్నాడు..  వెంటనే అతడిని అక్కడ నుంచి తీసియేండి' అని అన్నాడు. అదే విధంగా ఓ సోషల్‌ మీడియా యూజర్‌ 'మరి నీవు మారవా? వెళ్లి గల్లీ క్రికెట్‌ ఆడుకో పో' అంటూ ఓ పోస్ట్‌ చేశాడు. రెండో ఇన్నింగ్స్‌లో ఆస్ట్రేలియా 57 ఓవర్లు ముగిసే సరికి 5 వికెట్ల నష్టానికి 176 పరుగులు చేసింది. ప్రస్తుతం 230 పరుగుల అధిక్యంలో ఆసీస్‌ కొనసాగుతోంది. చదవండి: IND vs SA: 'అతడిని టీమిండియా మిస్సవుతోంది.. సౌతాఫ్రికాకు చుక్కలు చూపించేవాడు' Another drop by Pakistan. Mark Waugh - it's like a crocodile jaw trying to catch a ball.pic.twitter.com/RAjkkanfzp — Mufaddal Vohra (@mufaddal_vohra) December 28, 2023

సాధారణంగా క్రికెట్‌లో వర్షం, వెలుతురులేమి, సాంకేతిక కారణాల వల్ల మ్యాచ్‌ ఆగిపోవడం చూస్తూ ఉంటాం. కానీ మెల్‌బోర్న్‌ వేదికగా పాకిస్తాన్‌-ఆస్ట్రేలియా మధ్య జరుగుతున్న రెండో టెస్టులో ఊహించని ఘటనతో ఆటకు అంతరాయం ఏర్పడింది. ఈ మ్యాచ్‌కు థర్డ్‌ అంపైర్‌గా వ్యహరిస్తున్న థర్డ్ అంపైర్ రిచర్డ్ ఇల్లింగ్‌వర్త్ లిఫ్ట్‌లో ఇరుక్కుపోయాడు దీంతో దాదాపు 5 నిమిషాల పాటు మ్యాచ్‌ ఆగిపోయింది. మూడో రోజు లంచ్‌ బ్రేక్‌ తర్వాత తిరిగి ఆటను ప్రారంభించేందుకు అన్‌ఫీల్డ్‌ అంపైర్లు సిద్దమయ్యారు. ఈ క్రమంలో కెమెరామెన్‌ థర్డ్‌ అంపైర్‌ బాక్స్‌ వైపు కెమెరాను టర్న్‌ చేయగా సీటులో ఇల్లింగ్‌వర్త్ కన్పించలేదు. దీంతో ఆటను అంపైర్‌లు ప్రారంభించలేదు. వెంటనే ఈ విషయాన్ని ఫోర్త్‌ అంపైర్‌కు ఫీల్డ్‌ అంపైర్‌లు తెలియజేయగా.. అతడు ఏమైందోనని థర్డ్‌ అంపైర్‌ గదికి పరిగెత్తుకుంటూ వెళ్లాడు. ఇంతలోనే లంచ్ పూర్తి చేసిన తర్వాత ఇల్లింగ్‌వర్త్ లిఫ్ట్‌లో ఇరుక్కుపోయాడని కామెంటేటర్‌లు తెలిపారు. ఈ విషయం తెలుసుకున్న ఆసీస్‌ ఆటగాళ్లు ఒక్కసారిగా నవ్వుకున్నారు. అయితే 5 నిమిషాల తర్వాత థర్డ్‌ అంపైర్‌ తిరిగి రావడంతో మ్యాచ్‌ ప్రారంభమైంది.  ఇందుకు సంబంధించిన వీడియో సోషల్‌ మీడియాలో వైరలవుతోంది. చదవండి: IND Vs AFG T20I Series: అఫ్గానిస్తాన్‌తో టీ20 సిరీస్‌.. టీమిండియా కొత్త కెప్టెన్‌ అతడే!? రోహిత్‌ డౌటే? A wild Richard Illingworth appeared! #AUSvPAK pic.twitter.com/7Rsqci4whn — cricket.com.au (@cricketcomau) December 28, 2023

మెల్‌బోర్న్‌ వేదికగా ఆస్ట్రేలియాతో జరుగుతున్న రెండో టెస్టు తొలి ఇన్నింగ్స్‌లో పాకిస్తాన్‌ 264 పరుగులకు ఆలౌటైంది. 194/6 ఓవర్‌ నైట్‌ స్కోర్‌తో మూడో రోజు ఆట ప్రారంభించిన పాకిస్తాన్‌.. అదనంగా మరో 70 పరుగులు చేసి తొలి ఇన్నింగ్స్‌ను ముగించింది. దీంతో ఆసీస్‌కు తొలి ఇన్నింగ్స్‌లో 54 అధిక్యం లభించింది. ఇక పాక్‌ బ్యాటర్లలో షఫీక్‌(62) పరుగులతో టాప్‌ స్కోరర్‌గా నిలవగా.. మసూద్‌(54), రిజ్వాన్‌(42) పరుగులతో రాణించారు. పాక్‌ మాజీ కెప్టెన్‌ బాబర్‌ ఆజం మాత్రం మరోసారి నిరాశపరిచాడు. కేవలం ఒక్కపరుగు మాత్రమే చేసి ఔటయ్యాడు. ఆస్ట్రేలియా బౌలర్లలో కెప్టెన్‌ ప్యాట్‌ కమ్మిన్స్‌ 5 వికెట్లతో చెలరేగాడు. అతడితో పాటు స్పిన్నర్‌ నాథన్‌ లయోన్‌ 4 వికెట్లతో సత్తాచాటాడు. అంతకుముందు ఆసీస్‌ తమ మొదటి ఇన్నింగ్స్‌లో 318 పరుగులకు ఆలౌటైంది. ఆస్ట్రేలియా బ్యాటర్లలో లబుషేన్‌(63) టాప్‌ స్కోరర్‌గా నిలవగా.. ఖావాజా(42), మిచెల్‌ మార్ష్‌(41) పరుగులతో రాణించారు. పాక్‌ బౌలర్లలో అమీర్‌ జమాల్‌ మూడు వికెట్లతో చెలరేగగా.. షాహీన్‌ అఫ్రిది, మీర్‌ హంజా హసన్‌ అలీ చెరో రెండు వికెట్లు పడగొట్టారు. చదవండి: Virat Kohli: ఓసారి మా అక్క నన్ను బాగా కొట్టింది.. రూ. 50 నోటు చూడగానే చించేసి!

ఆస్ట్రేలియా పర్యటనలో వరుస వైఫల్యాలతో సతమతమవుతున్న పాకిస్తాన్‌ బ్యాటర్‌ బాబర్‌ ఆజంనకు మాజీ క్రికెటర్‌ మహ్మద్‌ యూసఫ్‌ అండగా నిలిచాడు. క్లిష్ట పరిస్థితులు ఎదురైనపుడు ఓపికగా వేచి చూడాలని సూచించాడు. కఠిన సవాళ్లు ఎదురైపుడు మరింత ధైర్యంగా ముందుకు సాగాలే తప్ప డీలా పడకూడదంటూ బాబర్‌కు మద్దతుగా నిలిచాడు. కాగా వన్డే వరల్డ్‌కప్‌-2023లో పాక్‌ విఫలమైన నేపథ్యంలో బాబర్‌ ఆజం మూడు ఫార్మాట్ల కెప్టెన్‌గా తప్పుకొన్న విషయం తెలిసిందే. ఈ క్రమంలో షాన్‌ మసూద్‌ టెస్టు జట్టు పగ్గాలు చేపట్టగా.. అతడి సారథ్యంలో తొలిసారిగా.. పాకిస్తాన్‌ ఆస్ట్రేలియా టూర్‌కు వెళ్లింది.  ఇందులో భాగంగా తొలి టెస్టులో 360 పరుగుల తేడాతో చిత్తుగా ఓడిన పాక్‌ జట్టు.. రెండో టెస్టులోనైనా పైచేయి సాధించాలని పట్టుదలగా ఉంది. మెల్‌బోర్న్‌ వేదికగా జరుగుతున్న బాక్సింగ్‌ డే టెస్టులో రెండో రోజు ఆట ముగిసే సరికి ఆరు వికెట్ల నష్టానికి 194 పరుగులు చేసింది. అంతకుముందు ఆస్ట్రేలియా 318 పరుగులకు ఆలౌట్‌ అయింది. ఇదిలా ఉంటే.. ఇప్పటి వరకు ఈ రెండు మ్యాచ్‌లలోనూ మాజీ కెప్టెన్‌ బాబర్‌ ఆజం దారుణంగా విఫలమయ్యాడు. మొదటి టెస్టులో 35 పరుగులు సాధించిన బాబర్‌.. రెండో టెస్టు తొలి ఇన్నింగ్స్‌లో ఒక్క పరుగు మాత్రమే చేశాడు. బుధవారం నాటి ఆటలో ఆసీస్‌ సారథి ప్యాట్‌ కమిన్స్‌ బౌలింగ్‌లో నమ్మశక్యం కాని రీతిలో బౌల్డ్‌ అయ్యాడు. UNBELIEVABLE! Pat Cummins gets rid of Babar Azam again - with another BEAUTY! #OhWhatAFeeling @Toyota_Aus #AUSvPAK pic.twitter.com/iXQ6M7E10l — cricket.com.au (@cricketcomau) December 27, 2023 ఈ నేపథ్యంలో బాబర్ ఆజం ఆట తీరుపై విమర్శలు వెల్లువెత్తాయి. నెట్టింట అతడిపై ట్రోల్స్‌ పెరిగాయి. ఈ నేపథ్యంలో పాకిస్తాన్‌ మాజీ బ్యాటర్‌ మహ్మద్‌ యూసఫ్‌ ఎక్స్‌ వేదికగా స్పందించాడు. ‘‘ధైర్యంగా ఉండు. పరిస్థితులు తప్పక మెరుగుపడతాయి’’ అంటూ బాబర్ ఆజంకు అండగా నిలిచాడు. ఇపుడు తుఫాను ఉన్నంత మాత్రాన.. ఎల్లకాలం వాన కురుస్తూనే ఉండదు కదా అంటూ త్వరలోనే.. తిరిగి మునుపటి ఫామ్‌ అందుకోవాలని ఆకాంక్షించాడు.    Be strong now because things will get better,it might be stormy now, but it can't rain forever. pic.twitter.com/zGjYWV1jNJ — Mohammad Yousaf (@yousaf1788) December 27, 2023

Australia vs Pakistan, 2nd Test Day 2: పాకిస్తాన్‌తో రెండో టెస్టులో ఆస్ట్రేలియా తిరిగి పుంజుకుంది. రెండో రోజు ఆట ముగిసే సరికి పర్యాటక జట్టుపై పైచేయి సాధించింది. కాగా మెల్‌బోర్న్‌ వేదికగా మంగళవారం ఆసీస్‌- పాకిస్తాన్‌ మధ్య బాక్సింగ్‌ డే టెస్టు మొదలైంది. టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. ఈ క్రమంలో.. తొలి రోజు ఆట ముగిసే సమయానికి 66 ఓవర్లలో 3 వికెట్లు కోల్పోయిన ఆస్ట్రేలియా 187 పరుగులు చేసింది. టీ విరామానికి 37 నిమిషాల ముందు వర్షం రావడంతో ఆటకు మూడు గంటలపాటు అంతరాయం ఏర్పడింది. దాంతో తొలి రోజు 66 ఓవర్లు మాత్రమే సాధ్యమయ్యాయి. ఆసీస్‌ ఓపెనర్లు డేవిడ్‌ వార్నర్‌ (38; 3 ఫోర్లు), ఉస్మాన్‌ ఖవాజా (42; 5 ఫోర్లు) తొలి వికెట్‌కు 90 పరుగులు జోడించారు. స్టీవ్‌ స్మిత్‌ (26; 2 ఫోర్లు) తక్కువ స్కోరుకే వెనుదిరిగాడు. ఆట ముగిసే సమయానికి లబుషేన్‌ (44 బ్యాటింగ్‌; 3 ఫోర్లు), ట్రావిస్‌ హెడ్‌ (9 బ్యాటింగ్‌; 1 ఫోర్‌) క్రీజులో ఉన్నారు. పాక్‌ బౌలర్లు హసన్‌ అలీ, ఆమెర్‌ జమాల్, ఆగా సల్మాన్‌ ఒక్కోవికెట్‌ తీశారు. ఈ నేపథ్యంలో రెండో రోజు ఆట మొదలుపెట్టిన కంగారూ జట్టును పాక్‌ బౌలర్లు కట్టడి చేశారు. 187/3 ఓవర్‌నైట్‌ స్కోరుతో మొదలుపెట్టిన ఆస్ట్రేలియాను 318 పరుగులకు ఆలౌట్‌ చేశారు. ఆతిథ్య ఆసీస్‌ రెండో రోజు కేవలం 131 పరుగులు మాత్రమే చేయగలిగింది. ఈ జోష్‌లో బ్యాటింగ్‌ మొదలుపెట్టిన పాకిస్తాన్‌కు ఆదిలోనే షాకిచ్చాడు ఆసీస్‌ వెటరన్‌ స్పిన్నర్‌ నాథన్‌ లియోన్‌. పది పరుగుల వ్యక్తిగత స్కోరు వద్ద ఓపెనర్‌  ఇమామ్‌ ఉల్‌ హక్‌ను అవుట్‌ చేశాడు. అయితే, మరో ఓపెనర్‌ అబ్దుల్లా షఫీక్‌ అర్ధ శతకం(62)తో మెరిశాడు. వన్‌డౌన్‌ బ్యాటర్‌, కెప్టెన్‌ షాన్‌ మసూద్‌(54)తో కలిసి మెరుగైన భాగస్వామ్యం నెలకొల్పాడు. ఈ క్రమంలో ప్యాట్‌ కమిన్స్‌ షఫీక్‌ను, లియోన్‌ మసూద్‌ను అవుట్‌ చేసి ఈ జోడీని విడగొట్టారు. ఇక ఈ మ్యాచ్‌లోనూ బాబర్‌ ఆజం పూర్తిగా విఫలమయ్యాడు. కమిన్స్‌ అద్భుత బంతితో బాబర్‌(1)ను బౌల్డ్‌ చేయగా.. సౌద్‌ షకీల్‌ను 9 పరుగుల వ్యక్తిగత స్కోరు వద్ద జోష్‌ హాజిల్‌వుడ్‌ పెవిలియన్‌కు చేర్చాడు. ఇక మరోసారి బంతితో మ్యాజిక్‌ చేసిన కమిన్స్‌.. ఆగా సల్మాన్‌(9)ను అవుట్‌ చేశాడు. దీంతో రెండో రోజు ఆట ముగిసే సరికి మళ్లీ ఆస్ట్రేలియా ఆధిక్యంలోకి వచ్చింది. మొత్తంగా 55 ఓవర్ల ఆటలో ఆరు వికెట్ల నష్టానికి పాకిస్తాన్‌ 194 పరుగులు చేసింది. మహ్మద్‌ రిజ్వాన్‌ 29, ఆమిర్‌ జమాల్‌ 2 పరుగులతో క్రీజులో ఉన్నారు. ఆస్ట్రేలియా బౌలర్లలో కమిన్స్‌కు మూడు, నాథన్‌ లియోన్‌కు రెండు, జోష్‌ హాజిల్‌వుడ్‌కు ఒక వికెట్‌ దక్కాయి. చదవండి: Virat Kohli: ఓసారి మా అక్క నన్ను బాగా కొట్టింది.. రూ. 50 నోటు చూడగానే చించేసి!

మెల్‌బోర్న్‌ వేదికగా పాకిస్తాన్‌తో జరుగుతున్న బ్యాక్సింగ్‌ డే టెస్టులో ఆస్ట్రేలియా పట్టు బిగిస్తోంది. తొలి ఇన్నింగ్స్‌లో 318 పరుగులకు ఆలౌటైన ఆసీస్‌.. అనంతరం బౌలింగ్‌లో కూడా అదరగొడుతుంది. ఆసీస్‌ కెప్టెన్‌ ప్యాట్‌ కమిన్స్‌ నిప్పులు చేరుగుతున్నాడు. ఇప్పటివరకు 12 ఓవర్లు వేసిన కమ్మిన్స్‌ 3 వికెట్లు పడగొట్టాడు. అతడితో పాటు లయోన్‌ రెండు, హాజిల్‌ వుడ్‌ ఒక్క వికెట్‌ సాధించారు. దీంతో పాకిస్తాన్‌ తమ మొదటి ఇన్నింగ్స్‌లో 172 పరుగులకే 6 వికెట్లు కోల్పోయి కష్టాల్లో పడింది.  బాబర్‌ ఆజంకు ఫ్యూజ్‌లు ఔట్‌.. పాకిస్తాన్‌ మాజీ కెప్టెన్‌, స్టార్‌ ఆటగాడు బాబర్‌ ఆజం మరోసారి తీవ్ర నిరాశపరిచాడు. తొలి ఇన్నింగ్స్‌లో కేవలం సింగిల్‌ డిజిట్‌ స్కోర్‌కే బాబర్‌ పెవిలియన్‌కు చేరాడు. బాబర్‌ను ఓ అద్భుతమైన బంతితో కమిన్స్‌ క్లీన్‌ బౌల్డ్‌ చేశాడు. పాక్‌ ఇన్నింగ్స్‌ 37 ఓవర్‌లో మూడో బంతిని కమిన్స్‌ అద్భుతమైన ఔట్‌స్వింగర్‌గా సంధించాడు. ఆఫ్‌సైడ్‌ పడిన బంతి అద్బుతంగా టర్న్‌ అవుతూ బాబర్‌ బ్యాట్‌, ప్యాడ్‌ మధ్య నుంచి వెళ్తూ స్టంప్స్‌ను గిరాటేసింది. ఇది చూసిన బాబర్‌ తెల్లముఖం వేశాడు. చేసేది ఏమి లేక కేవలం ఒక్క పరుగుతో మైదానాన్ని వీడాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కాగా బాబర్‌ తొలి టెస్టులో కూడా విఫలమయ్యాడు. రెండు ఇన్నింగ్స్‌లు కలిపి కేవలం 35 పరుగులు మాత్రమే చేశాడు. చదవండి: IND vs SA: 'అతడు అన్‌ఫిట్.. కెప్టెన్‌గానే కాదు ఆటగాడిగా కూడా పనికిరాడు' UNBELIEVABLE! Pat Cummins gets rid of Babar Azam again - with another BEAUTY! #OhWhatAFeeling @Toyota_Aus #AUSvPAK pic.twitter.com/iXQ6M7E10l — cricket.com.au (@cricketcomau) December 27, 2023

మెల్‌బోర్న్‌ వేదికగా పాకిస్తాన్‌తో జరుగుతున్న తొలి టెస్టులో ఆస్ట్రేలియా తొలి ఇన్నింగ్స్‌ ముగిసింది. తొలి ఇన్నింగ్స్‌లో ఆసీస్‌ 318 పరుగులకు ఆలౌటైంది. ఆసీస్‌ బ్యాటర్లలో మార్నస్‌ లాబుషేన్‌ 63 పరుగులతో టాప్‌ స్కోరర్‌గా నిలిచాడు. పాక్‌ బౌలర్లలో అమీర్‌ జమాల్‌ మూడు వికెట్లతో అదరగొట్టగా.. షాహీన్‌ అఫ్రిది, మీర్‌ హంజా హసన్‌ అలీ చెరో రెండు వికెట్లు పడగొట్టారు.  అయితే తొలి ఇన్నింగ్స్‌లో పాకిస్తాన్‌ ఏకంగా ఎక్స్‌ట్రాస్‌ రూపంలో ఏకంగా 52 అదనపు పరుగులను సమర్పించుకుంది. తద్వారా అత్యంత చెత్త రికార్డును పాకిస్తాన్‌ తమ పేరిట లిఖించుకుంది. చారిత్రత్మక మెల్‌బోర్న్‌ క్రికెట్‌ గ్రౌండ్‌లో ఒక టెస్ట్ ఇన్నింగ్స్‌లో అత్యధిక ఎక్స్‌ట్రాలు ఇచ్చిన జట్టుగా పాక్‌ రికార్డులకెక్కింది. పాకిస్తాన్‌ సమర్పించుకున్న ఎక్స్‌ట్రాస్‌లో 15 వైడ్‌లు, 20 బైలు ఉన్నాయి.  చదవండి: IND vs SA: 'అతడు అన్‌ఫిట్.. కెప్టెన్‌గానే కాదు ఆటగాడిగా కూడా పనికిరాడు'

మెల్‌బోర్న్‌ వేదికగా పాకిస్తాన్‌తో జరుగుతున్న రెండో టెస్టు(బాక్సింగ్‌ డే టెస్టు)లో ఆస్ట్రేలియా తొలి ఇన్నింగ్స్‌ ముగిసింది. టాస్‌ ఓడి మొదట బ్యాటింగ్‌ చేసిన ఆసీస్‌ తమ మొదటి ఇన్నింగ్స్‌లో 318 పరుగులకు ఆలౌటైంది. రెండో రోజు మాత్రం పాక్‌ బౌలర్లు అద్భుతమైన కమ్‌బ్యాక్‌ ఇచ్చారు. 187/3 ఓవర్‌ నైట్‌ స్కోర్‌తో రెండో రోజు ఆటను ప్రారంభించిన ఆసీస్‌.. అదనంగా 131 పరుగులు చేసి తమ తొలి ఇన్నింగ్స్‌ను ముగించింది.  ఆస్ట్రేలియా బ్యాటర్లలో లబుషేన్‌(63) టాప్‌ స్కోరర్‌గా నిలవగా.. ఖావాజా(42), మిచెల్‌ మార్ష్‌(41) పరుగులతో రాణించారు. పాక్‌ బౌలర్లలో అమీర్‌ జమాల్‌ మూడు వికెట్లతో మరోసారి అద్భుత ప్రదర్శన కనబరచగా, షాహీన్‌ అఫ్రిది, మీర్‌ హంజా హసన్‌ అలీ చెరో రెండు వికెట్లు పడగొట్టారు. కాగా తొలి టెస్టులో పాక్‌ను ఆస్ట్రేలియా చిత్తు చేసిన సంగతి తెలిసిందే. చదవండి: వినేశ్‌ ఫొగాట్‌ సంచలన నిర్ణయం.. ‘ఖేల్‌రత్న... అర్జున’ వెనక్కి

ఆస్ట్రేలియా- పాకిస్తాన్‌ మధ్య రెండో టెస్టు ఆరంభానికి ముందు ఆసక్తికర ఘటన చోటు చేసుకుంది. క్రిస్‌మస్‌ సందర్భంగా ఆసీస్‌ క్రికెటర్లకు స్వీట్‌ షాకిచ్చారు పాక్‌ ప్లేయర్లు. బాక్సింగ్‌ డే టెస్టుకు ముందు ఇండోర్‌ సెషన్‌లో ప్రాక్టీస్‌ చేస్తున్న కంగారూ ఆటగాళ్లను బహుమతులతో ముంచెత్తారు. క్రిస్‌మస్‌ సందర్భంగా వారి కుటుంబాలకు కానుకలు అందజేసిన పాకిస్తానీ క్రికెటర్లు.. చిన్నపిల్లలకు లాలీపాప్స్‌ అందించి ప్రేమగా దగ్గరకు తీసుకున్నారు. పాక్‌ ఆటగాళ్ల చర్యకు ఆసీస్‌ సారథి ప్యాట్‌ కమిన్స్‌ సహా డేవిడ్‌ వార్నర్‌, ట్రవిస్‌ హెడ్ తదితరలు సంభ్రమాశ్చర్యాలు వ్యక్తం చేస్తూ వారి ప్రయత్నాన్ని అభినందించారు. Warm wishes and heartfelt gifts for the Australian players and their families at the MCG indoor nets 🎁✨ pic.twitter.com/u43mJEpBTR — Pakistan Cricket (@TheRealPCB) December 25, 2023 ఇక ఆసీస్‌ ఓపెనర్‌ ఉస్మాన్‌ ఖవాజా కూతుళ్లు.. పాక్‌ మాజీ కెప్టెన్‌ బాబర్‌ ఆజంను ఆత్మీయంగా హత్తుకుని ధన్యవాదాలు తెలియజేయడం హైలైట్‌గా నిలిచింది. ఇందుకు సంబంధించిన అందమైన దృశ్యాలు నెటిజన్లను ఆకర్షిస్తున్నాయి. A very cute moment between Babar Azam and Usman Khawaja's daughter ♥️♥️ #AUSvPAKpic.twitter.com/GP5NhpJ95f — Farid Khan (@_FaridKhan) December 25, 2023 ఈ నేపథ్యంలో.. ‘‘మైదానంలో దిగిన తర్వాతే ప్రత్యర్థులం.. మైదానం వెలుపల మాత్రం మేమెప్పటికీ స్నేహితులమే అన్న భావనతో మెలుగుతామని ఈ క్రీడాకారులు మరోసారి నిరూపించారు’’ అంటూ క్రికెట్‌ అభిమానులు హర్షం వ్యక్తం చేస్తున్నారు.  కాగా మెల్‌బోర్న్‌ వేదికగా మంగళవారం ఆసీస్‌- పాక్‌ మధ్య రెండో టెస్టు ఆరంభమైంది. టాస్‌ గెలిచిన పర్యాటక పాకిస్తాన్‌ తొలుత బౌలింగ్‌ ఎంచుకుంది. అయితే, ఈ మ్యాచ్‌కు వర్షం ఆటంకం కలిగించడంతో కాసేపు ఆటను నిలిపివేశారు. అప్పటికి 42.4 ఓవర్లలో ఆసీస్‌ రెండు వికెట్ల నష్టానికి 114 పరుగులు చేసింది. ఇక వాన తెరిపినివ్వడంతో మళ్లీ ఆటను ఆరంభించగా.. 50 ఓవర్లలో స్కోరు 126-2గా ఉంది. చదవండి: స్టార్‌ బౌలర్లకు షాకిచ్చిన అఫ్గన్‌ బోర్డు.. రెండేళ్ల నిషేధం!

Australia vs Pakistan, 2nd Test Day 1: ఆస్ట్రేలియా- పాకిస్తాన్‌ మధ్య రెండో టెస్టు ఆరంభమైంది. మెల్‌బోర్న్‌ క్రికెట్‌ గ్రౌండ్‌ వేదికగా మంగళవారం మొదలైన ఈ మ్యాచ్‌లో టాస్‌ గెలిచిన పర్యాటక పాక్‌.. తొలుత బౌలింగ్‌ ఎంచుకుంది.  కెప్టెన్‌ షాన్‌ మసూద్‌ నమ్మకాన్ని నిలబెడుతూ పాకిస్తాన్‌ బౌలర్లు కట్టుదిట్టంగా బౌలింగ్‌ చేస్తున్నారు. తొలి టెస్టులో సెంచరీతో చెలరేగిన వెటరన్‌ ఓపెనర్‌ డేవిడ్‌ వార్నర్‌ను 38 పరుగులకే పరిమితం చేశారు. వార్నర్‌ ఇచ్చిన ఈజీ క్యాచ్‌ వదిలేశాడు నిజానికి మూడో ఓవర్‌ ఆఖరి బంతికే అతడు అవుట్‌ కావాల్సింది. కానీ అబ్దుల్లా షఫీక్‌ చేసిన పొరపాటు వల్ల వార్నర్‌కు లైఫ్‌ లభించింది. షాహిన్‌ ఆఫ్రిది బౌలింగ్‌లో వార్నర్‌ ఇచ్చిన ఈజీ క్యాచ్‌ను షఫీక్‌ జారవిడిచాడు. అప్పటికి ఈ ఓపెనింగ్‌ బ్యాటర్‌ రెండు పరుగుల వ్యక్తిగత స్కోరు వద్ద ఉన్నాడు. అయితే, షషీక్‌ పొరపాటు వల్ల బతికిపోయిన వార్నర్‌ను పాక్‌ స్పిన్నర్‌ ఆఘా సల్మాన్‌ పెవిలియన్‌కు పంపాడు. 28వ ఓవర్‌ మొదటి బంతికి సల్మాన్‌ బౌలింగ్‌లో.. ఫస్ట్‌ స్లిప్‌లో ఫీల్డింగ్‌ చేస్తున్న బాబర్‌ ఆజంకు క్యాచ్‌ ఇచ్చి వార్నర్‌ వెనుదిరిగాడు. David Warner gets a life on two! Shaheen Afridi gets the ball swinging and Abdullah Shafique puts it down at first slip #AUSvPAK pic.twitter.com/EJc4AptxJk — cricket.com.au (@cricketcomau) December 25, 2023 ఖవాజాను అవుట్‌ చేసిన హసన్‌ అలీ ఇక మరో ఓపెనర్‌ ఉస్మాన్‌ ఖవాజా(101 బంతుల్లో 42 పరుగులు)ను పేసర్‌ హసన్‌ అలీ అద్భుత బంతితో అవుట్‌ చేశాడు. 33.1 ఓవర్‌ వద్ద అఘా సల్మాన్‌ అందుకున్న క్యాచ్‌తో ఖవాజా ఇన్నింగ్స్‌కు తెరపడింది. ప్రస్తుతం మార్నస్‌ లబుషేన్‌ 14, స్టీవ్‌ స్మిత్‌ 2 పరుగులతో క్రీజులో ఉన్నారు. ఆటకు వర్షం అంతరాయం కాగా ఆసీస్‌- పాక్‌ మ్యాచ్‌కు వర్షం అంతరాయం కలిగించింది. వాన కారణంగా ఆటను నిలిపివేసే సమయానికి ఆస్ట్రేలియా 42.4 ఓవర్లలో రెండు వికెట్ల నష్టానికి 114 పరుగులు చేసింది. అప్పుడు ఖవాజా.. ఇప్పుడు వార్నర్‌ ఇదిలా ఉంటే.. పాకిస్తాన్‌తో మూడు మ్యాచ్‌ల సిరీస్‌లో భాగంగా తొలి టెస్టులో ఆతిథ్య ఆస్ట్రేలియా ఘన విజయం సాధించిన విషయం తెలిసిందే. పెర్త్‌ వేదికగా జరిగిన ఈ మ్యాచ్‌లో ప్యాట్‌ కమిన్స్‌ బృందం ఏకంగా 360 పరుగుల తేడాతో పాక్‌ను చిత్తు చేసింది.  ఇక ఈ మ్యాచ్‌లోనూ ఖవాజా ఇచ్చిన ఈజీ క్యాచ్‌ను షఫీక్‌ జారవిడిచిన విషయం తెలిసిందే. తాజాగా రెండో టెస్టులోనూ తప్పిదాన్ని పునరావృతం చేశాడు. అయితే, ఈసారి వార్నర్‌ క్యాచ్‌ను వదిలేశాడు. దీంతో అతడిపై నెట్టింట మరోసారి ట్రోల్స్‌ మొదలయ్యాయి. చదవండి: IPL 2024: పాండ్యా కోసం రూ. 100 ​కోట్లు చెల్లించిన ముంబై? బంగారు బాతు కదా!

Aus vs Pak Boxing Day Test Squads: ఆస్ట్రేలియాతో తొలి టెస్టులో విఫలమైన పాకిస్తాన్‌ వికెట్‌ కీపర్‌ బ్యాటర్‌ సర్ఫరాజ్‌ అహ్మద్‌పై వేటు పడింది. అతడి స్థానంలో స్టార్‌ ప్లేయర్‌ మహ్మద్‌ రిజ్వాన్‌ను తుదిజట్టులోకి తీసుకుంది పాక్‌ మేనేజ్‌మెంట్‌. బాబర్‌ ఆజం కెప్టెన్సీ నుంచి వైదొలిగిన తర్వాత షాన్‌ మసూద్‌ పాకిస్తాన్‌ టెస్టు సారథిగా బాధ్యతలు చేపట్టాడు. వచ్చీరాగానే ఆస్ట్రేలియా పర్యటన రూపంలో అతడికి కఠిన సవాలు ఎదురైంది. మూడు మ్యాచ్‌ల సిరీస్‌లో భాగంగా తొలి టెస్టులో కంగారూ జట్టు చేతిలో పాక్‌ ఘోర పరభవాన్ని చవిచూసింది. ఏకంగా 360 పరుగుల తేడాతో చిత్తుగా ఓడింది. పెర్త్‌ వేదికగా జరిగిన ఈ మ్యాచ్‌లో.. ముఖ్యంగా రెండో ఇన్నింగ్స్‌లో పాక్‌ ఆటగాళ్లంతా పూర్తిగా విఫలమయ్యారు. ఆసీస్‌ బౌలర్ల ధాటికి 89 పరుగులకే జట్టు ఆలౌట్‌ కావడంతో భారీ తేడాతో ఓటమి తప్పలేదు. మిగతా వాళ్లు తొలి ఇన్నింగ్స్‌లో కాస్త ఫర్వాలేదనిపించినా సర్ఫరాజ్‌ అహ్మద్‌ మాత్రం నిరాశపరిచాడు. మొత్తంగా ఏడు (3,4) పరుగులు మాత్రమే చేయగలిగాడు. ఈ నేపథ్యంలో ఆసీస్‌తో రెండో టెస్టుకు సర్ఫరాజ్‌ను తప్పించిన యాజమాన్యం అతడి స్థానాన్ని స్టార్‌ వికెట్‌ కీపర్‌ బ్యాటర్‌ మహ్మద్‌ రిజ్వాన్‌తో భర్తీ చేసేంది. ఈ విషయం గురించి కెప్టెన్‌ షాన్‌ మసూద్‌ మాట్లాడుతూ.. ‘‘సర్ఫరాజ్‌ తిరిగి పుంజుకోవడానికి కాస్త సమయం కావాలి. రిజ్వాన్‌ వంటి అత్యుత్తమ ఆటగాళ్లను ఒక్కోసారి పక్కనపెట్టాల్సి వస్తుంది. అయితే, ఇప్పుడు అతడి అవసరం జట్టుకు ఉంది’’ అని పేర్కొన్నాడు. మరోవైపు.. నొమన్‌ అలీ, ఖుర్రం షెహజాద్‌ గాయపడటంతో జట్టుకు దూరమయ్యారు. ఇదిలా ఉంటే.. ఆస్ట్రేలియా మాత్రం తొలి టెస్టు ఆడిన జట్టుతోనే రెండో మ్యాచ్‌లోనూ బరిలోకి దిగనుంది. ఎలాంటి మార్పులు లేకుండానే మెల్‌బోర్న్‌ క్రికెట్‌ గ్రౌండ్‌లో పాక్‌తో రెండో టెస్టు ఆడనున్నట్లు ఆసీస్‌ సారథి ప్యాట్‌ కమిన్స్‌ ప్రకటించాడు. ఈ జట్టులో చోటు ఆశించి భంగపడిన వెటరన్‌ పేసర్‌ స్కాట్‌ బోలాండ్‌కు తగిన సమయంలో అవకాశం ఇస్తామని ఈ సందర్భంగా కమిన్స్‌ పేర్కొన్నాడు.   ఆస్ట్రేలియా ప్లేయింగ్ ఎలెవన్: డేవిడ్ వార్నర్, ఉస్మాన్ ఖవాజా, మార్నస్ లబుషేన్, స్టీవ్ స్మిత్, ట్రావిస్ హెడ్, మిచెల్ మార్ష్, అలెక్స్ క్యారీ (వికెట్ కీపర్), మిచెల్ స్టార్క్, ప్యాట్ కమిన్స్ (కెప్టెన్), నాథన్ లియోన్‌, జోష్ హాజిల్‌వుడ్‌. పాకిస్తాన్ జట్టు: ఇమామ్ ఉల్ హక్, అబ్దుల్లా షఫీక్, షాన్ మసూద్ (కెప్టెన్), బాబర్ ఆజం, సౌద్ షకీల్, మహ్మద్ రిజ్వాన్ (వికెట్ కీపర్), సల్మాన్ అలీ ఆఘా, షాహిన్ అఫ్రిది, హసన్ అలీ, మీర్ హమ్జా, అమీర్ జమాల్, సాజిద్ ఖాన్. చదవండి: Ind vs SA: షమీ ఉన్నా.. లేకపోయినా పెద్దగా తేడా ఉండదు: సౌతాఫ్రికా కెప్టెన్‌

ఆస్ట్రేలియాతో బాక్సింగ్‌ డే టెస్టు ముందు పాకిస్తాన్‌కు బిగ్‌షాక్‌ తగిలింది. పాక్‌ యువ పేసర్‌ ఖుర్రం షాజాద్‌ గాయం కారణంగా సిరీస్‌లో మిగిలిన రెండు మ్యాచ్‌లకు దూరమయ్యాడు. పెర్త్‌ వేదికగా ఆసీస్‌తో జరిగిన తొలి టెస్టుతో అరంగేట్రం చేసిన షాజాద్‌.. మోకాలి నొప్పితో బాధపడ్డాడు. మ్యాచ్‌ అనంతరం అతడిని స్కానింగ్‌ తరలించగా గాయం తీవ్రమైనదిగా తేలింది. ఈ క్రమంలోనే అతడిని  పాకిస్తాన్‌ మేనెజ్‌మెంట్‌ తప్పించింది. కాగా తన అరంగేట్ర మ్యాచ్‌లో ఈ యువ పేసర్‌ అకట్టుకున్నాడు. మొదటి టెస్టులో 5 వికెట్లు పడగొట్టి షాజాద్‌ సత్తాచాటాడు. ఇక అతడి స్ధానంలో  సీనియర్‌ పేసర్‌ హసన్‌ అలీ తుది జట్టులోకి వచ్చే ఛాన్స్‌ ఉంది. డిసెంబర్‌ 26 నుంచి మెల్‌బోర్న్‌ వేదికగా ఇరు జట్ల మధ్య రెండో టెస్టు ప్రారంభం కానుంది. ఇప్పటికే తొలి టెస్టులో 360 పరుగుల తేడాతో పాక్‌ ఘోర పరాజయాన్ని చవిచూసింది.

Aus vs Pakistan lose WTC25 Points: ఆస్ట్రేలియా చేతిలో తొలి టెస్టులో ఘోర ఓటమి పాలైన పాకిస్తాన్‌కు మరో భారీ షాక్‌ తగిలింది. పెర్త్‌ టెస్టులో నిర్దేశిత సమయంలో ఓవర్లు పూర్తి చేయని కారణంగా అంతర్జాతీయ క్రికెట్‌ మండలి పాక్‌ జట్టుకు జరిమానా విధించింది. అంతేకాదు ప్రపంచ టెస్టు చాంపియన్‌షిప్‌ 2023-25 సీజన్‌ పాయింట్లలో రెండు పాయింట్ల మేర కోత విధించింది. భారీ ఓటమి కాగా పాకిస్తాన్‌తో టెస్టులో ఆస్ట్రేలియా 360 పరుగుల తేడాతో భారీ విజయం సాధించిన విషయం తెలిసిందే. నాలుగో రోజు ఆటలో భాగంగా ఆదివారం 450 పరుగుల లక్ష్యాన్ని ఛేదించడానికి బరిలోకి దిగింది పాకిస్తాన్‌. ఈ క్రమంలో రెండో ఇన్నింగ్స్‌లో 30.2 ఓవర్లలో 89 పరుగులకే కుప్పకూలింది.  పాక్‌ జట్టులో సౌద్‌ షకీల్‌ (24), బాబర్‌ ఆజమ్‌ (14), ఇమామ్‌ ఉల్‌ హఖ్‌ (10) మాత్రమే రెండంకెల స్కోరు దాటారు. ఆసీస్‌ బౌలర్లు మిచెల్‌ స్టార్క్‌ (3/31), హాజిల్‌వుడ్‌ (3/13), నాథన్‌ లియోన్‌ (2/14) పర్యాటక జట్టును కోలుకోలేని దెబ్బకొట్టారు. ఆసీస్‌ చేతిలో మరోసారి ఘోర పరాభవం దీంతో కంగారూల చేతిలో షాన్‌ మసూద్‌ బృందానికి ఘోర పరాభవం తప్పలేదు. అంతకుముందు ఓవర్‌నైట్‌ స్కోరు 84/2తో రెండో ఇన్నింగ్స్‌ కొనసాగించిన ఆస్ట్రేలియా 5 వికెట్లకు 233 పరుగుల వద్ద డిక్లేర్‌ చేసింది. ఇక తాజా పరాజయంతో ఆస్ట్రేలియా గడ్డపై పాకిస్తాన్‌కిది వరుసగా 15వ ఓటమి కావడం గమనార్హం. ఆస్ట్రేలియాలో చివరిసారిగా 1995లో పాకిస్తాన్‌ టెస్టు మ్యాచ్‌ గెలిచింది. అంతేకాదు.. పరుగుల తేడా పరంగా టెస్టుల్లో పాకిస్తాన్‌కిది రెండో అతిపెద్ద పరాజయం.  మూలిగే నక్కమీద తాటిపండు ఇన్ని పరాభవాల మధ్య డబ్ల్యూటీసీ పాయింట్ల పట్టికలో అగ్రస్థానాన్ని ఇప్పటికే టీమిండియాకు కోల్పోయిన పాకిస్తాన్‌కు మరో ఎదురుదెబ్బ తగిలింది. ఆసీస్‌తో తొలి టెస్టులో స్లో ఓవర్‌ రేటు మెయింటెన్‌ చేసిన కారణంగా పాక్ ఆటగాళ్ల మ్యాచ్‌ ఫీజులో పది శాతం మేర కోతపడింది. అంతేకాదు.. రెండు డబ్ల్యూటీసీ పాయింట్లు కూడా కోల్పోయింది. దీంతో టీమిండియా అగ్రపీఠాన్ని మరింత పదిలమైంది. అప్‌డేట్‌ అయిన డబ్ల్యూటీసీ పాయింట్ల పట్టిక PC: ICC ఈ విషయాన్ని ఐసీసీ సోమవారం వెల్లడించింది. దీంతో పాకిస్తాన్‌ పరిస్థితి మూలిగే నక్కమీద తాటిపండు పడ్డ చందంగా తయారైందని క్రికెట్‌ అభిమానులు కామెంట్లు చేస్తున్నారు. ఇదిలా ఉంటే.. ఆస్ట్రేలియా- పాకిస్తాన్‌ మధ్య రెండో టెస్టు డిసెంబరు 26న మొదలుకానుంది. అదే రోజు టీమిండియా సౌతాఫ్రికాతో టెస్టు సిరీస్‌ ఆరంభించనుంది.  చదవండి: Ind vs SA: ముఖం మీదే డోర్‌ వేసేశాడు! పాపం రుతురాజ్‌.. వీడియో వైరల్‌

పాకిస్తాన్‌తో బాక్సింగ్ డే టెస్టుకు 13 మంది సభ్యులతో కూడిన తమ జట్టును క్రికెట్‌ ఆస్ట్రేలియా ప్రకటించింది. పేసర్ లాన్స్ మోరిస్‌ను రెండో టెస్టుకు ముందు క్రికెట్‌ ఆస్ట్రేలియా  విడుదల చేసింది. మోరిస్‌ బిగ్‌బాష్‌ లీగ్‌లో పాల్గోనున్నాడు. ఇదొక్కటి మినహా తమ జట్టులో ఆసీస్‌  ఎటువంటి మార్పు చేయలేదు. డిసెంబర్‌ 26 నుంచి మెల్‌బోర్న్‌ వేదికగా ఇరు జట్ల మధ్య రెండో టెస్టు ప్రారంభం కానుంది. కాగా ఈ సిరీస్‌లో ఇప్పటికే ఆసీస్‌ 1-0 అధిక్యంలోకి దూసుకెళ్లింది. పెర్త్‌ వేదికగా జరిగిన తొలి టెస్టులో పాక్‌ను ఏకంగా 360 పరుగుల తేడాతో ఆస్ట్రేలియా చిత్తు చేసింది. 450 పరుగుల భారీ లక్ష్యంతో బరిలోకి దిగిన పాక్‌.. ఆసీస్‌ బౌలర్ల దాటికి 89 పరుగులకే కుప్పకూలింది. ఆస్ట్రేలియా జట్టు: పాట్ కమిన్స్ (కెప్టెన్‌), స్కాట్ బోలాండ్, అలెక్స్ కారీ, కామెరాన్ గ్రీన్, జోష్ హాజిల్‌వుడ్, ట్రావిస్ హెడ్, ఉస్మాన్ ఖవాజా, మార్నస్ లాబుషేన్‌, నాథన్ లియోన్, మిచల్‌ మార్ష్, స్టీవ్ స్మిత్, మిచల్‌ స్టార్క్, డేవిడ్ వార్నర్

పెర్త్‌: పాకిస్తాన్‌తో జరుగుతున్న తొలి టెస్టులో ఆ్రస్టేలియా తమ ఆధిక్యాన్ని మరింత పెంచుకుంది. మ్యాచ్‌ మూడో రోజు శనివారం ఆట ముగిసే సమయానికి ఆసీస్‌ తమ రెండో ఇన్నింగ్స్‌లో 2 వికెట్లు కోల్పోయి 84 పరుగులు చేసింది. డేవిడ్‌ వార్నర్‌ (0), లబుషేన్‌ (2) విఫలం కాగా...ఉస్మాన్‌ ఖాజా (34 నాటౌట్‌), స్టీవ్‌ స్మిత్‌ (43 నాటౌట్‌) ప్రస్తుతం క్రీజ్‌లో ఉన్నారు. వీరిద్దరు మూడో వికెట్‌కు ఇప్పటికే అభేద్యంగా 79 పరుగులు జత చేశారు. ప్రస్తుతం ఆ్రస్టేలియా ఓవరాల్‌ ఆధిక్యం 300 పరుగులకు చేరింది. అంతకు ముందు ఓవర్‌నైట్‌ స్కోరు 132/2తో ఆట కొనసాగించిన పాకిస్తాన్‌ తమ తొలి ఇన్నింగ్స్‌లో 271 పరుగులకు ఆలౌటైంది. దాంతో ఆసీస్‌కు 216 పరుగుల ఆధిక్యం లభించింది. ఇమామ్‌ ఉల్‌ హక్‌ (199 బంతుల్లో 62; 4 ఫోర్లు) టాప్‌ స్కోరర్‌గా నిలవగా...చివర్లో సౌద్‌ షకీల్‌ (28), ఆగా సల్మాన్‌ (28 నాటౌట్‌) చివర్లో కొన్ని పరుగులు జత చేశారు. 3 వికెట్లు తీసిన నాథన్‌ లయన్‌ తన టెస్టు వికెట్ల సంఖ్యను 499కి చేర్చుకోగా...కమిన్స్, స్టార్క్‌ చెరో 2 వికెట్లు పడగొట్టారు. అయితే ఫాలో ఆన్‌ ఇవ్వకుండా ఆసీస్‌ రెండో ఇన్నింగ్స్‌లో బ్యాటింగ్‌కు దిగింది.   

ఆస్ట్రేలియాతో తొలి టెస్టు సందర్భంగా పాకిస్తాన్‌ మాజీ కెప్టెన్‌ బాబర్‌ ఆజం విఫలమయ్యాడు. స్థాయికి తగ్గట్లు రాణించలేక చతికిలపడి విమర్శలు మూటగట్టుకుంటున్నాడు. భారత్‌ వేదికగా వన్డే ప్రపంచకప్‌-2023లో పాక్‌ ఘోర ఓటమి నేపథ్యంలో బాబర్‌ కెప్టెన్సీ నుంచి తప్పుకొన్న విషయం తెలిసిందే. మూడు ఫార్మాట్లలోనూ పాక్‌ సారథిగా వైదొలిగాడు. అతడి స్థానంలో టెస్టు కెప్టెన్‌గా షాన్‌ మసూద్‌.. టీ20 నాయకుడిగా షాహిన్‌ ఆఫ్రిది బాధ్యతలు చేపట్టారు. ఈ క్రమంలో కెప్టెన్‌ మార్పు అనంతరం పాకిస్తాన్‌ జట్టు తొలిసారిగా ఆస్ట్రేలియా పర్యటనకు వెళ్లింది. మూడు మ్యాచ్‌ల టెస్టు సిరీస్‌లో భాగంగా పెర్త్‌లో తొలి మ్యాచ్‌ ఆడుతోంది. గురువారం మొదలైన ఈ మ్యాచ్‌లో ఆస్ట్రేలియా  113.2 ఓవర్లలో 487 పరుగులకు ఆలౌటైంది. ఓవర్‌నైట్‌ స్కోరు 346/5తో ఇన్నింగ్స్‌ కొనసాగించిన ఆసీస్‌ 141 పరుగులు జోడించి మిగతా ఐదు వికెట్లు కోల్పోయింది. మిచెల్‌ మార్ష్‌ (90; 15 ఫోర్లు, 1 సిక్స్‌) సెంచరీని చేజార్చుకున్నాడు.  ఇక తొలి టెస్టు ఆడుతున్న పాక్‌ బౌలర్‌ ఆమెర్‌ జమాల్‌ 111 పరుగులిచ్చి 6 వికెట్లు పడగొట్టాడు. అనంతరం తొలి ఇన్నింగ్స్‌ ప్రారంభించిన పాకిస్తాన్‌ రెండో రోజు ఆట ముగిసే సమయానికి 2 వికెట్లు కోల్పోయి 132 పరుగులు చేసింది. అబ్దుల్లా షఫీక్‌ (42; 6 ఫోర్లు), కెప్టెన్‌ షాన్‌ మసూద్‌ (30; 5 ఫోర్లు) అవుటయ్యారు.  ఈ క్రమంలో శనివారం నాటి మూడో రోజు ఆట సందర్భంగా.. ఐదో స్థానంలో బ్యాటింగ్‌కు దిగిన బాబర్‌ ఆజం.. 54 బంతులు ఎదుర్కొని 21 పరుగులు మాత్రమే చేసి అవుటయ్యాడు. మిచెల్‌ మార్ష్‌ బౌలింగ్‌లో అలెక్స్‌ క్యారీకి క్యాచ్‌ ఇచ్చి పెవిలియన్‌ చేరాడు. ఈ నేపథ్యంలో అతడి బ్యాటింగ్‌ తీరుపై మరోసారి విమర్శలు వస్తున్నాయి. ఆసీస్‌- పాక్‌ మ్యాచ్‌కు కామెంటేటర్‌గా వ్యవహరిస్తున్న పాక్‌ దిగ్గజ పేసర్‌ వసీం అక్రం సైతం బాబర్‌ ప్రదర్శన పట్ల పెదవి విరిచాడు. ఇందుకు సంబంధించిన వీడియో నెట్టింట వైరల్‌ అవుతోంది.  View this post on Instagram A post shared by cricket.com.au (@cricketcomau) ఇదిలా ఉంటే.. మిగతా పాక్‌ బ్యాటర్లలో సౌద్‌ షకీల్‌ 28, అఘా సల్మాన్‌ 28 పరుగుల(నాటౌట్‌)తో​ పర్వాలేదనిపించారు. దీంతో 271 పరుగులకే ఆలౌట్‌ అయిన పాకిస్తాన్‌ నామమాత్రపు స్కోరుకే తొలి ఇన్నింగ్స్‌ను ముగించింది. ఇక మూడో రోజు ఆట ముగిసేసరికి ఆస్ట్రేలియా 33 ఓవర్లలో రెండు వికెట్లు కోల్పోయి 84 పరుగులు చేసింది. ఓపెనర్‌ ఉస్మాన్‌ ఖవాజా 34, స్టీవ్‌ స్మిత్‌ 43 పరుగులతో క్రీజులో ఉన్నారు. తొలి ఇన్నింగ్స్‌లో సెంచరీతో చెలరేగిన డేవిడ్‌ వార్నర్‌ ఈసారి డకౌట్‌ కాగా.. మార్నస్‌ లబుషేన్‌(2) మరోసారి నిరాశపరిచాడు.

పెర్త్‌ వేదికగా పాకిస్తాన్‌తో జరుగుతున్న తొలి టెస్ట్‌లో ఆతిథ్య ఆస్ట్రేలియా పటిష్ట స్థితిలో నిలిచింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆసీస్‌ తొలి ఇన్నింగ్స్‌లో 487 పరుగుల భారీ స్కోర్‌ చేసి ఆలౌటైంది. తొలి రోజు ఆటలో వెటరన్‌ ఓపెనర్‌ డేవిడ్‌ వార్నర్‌ భారీ శతకంతో (164) చెలరేగగా.. రెండో రోజు మిడిలార్డర్‌ బ్యాటర్‌ మిచెల్‌ మార్ష్‌ (90) 10 పరుగుల తేడాతో సెంచరీ చేజార్చుకున్నాడు. ఆసీస్‌ ఇన్నింగ్స్‌లో ఉస్మాన్‌ ఖ్వాజా (41), స్టీవ్‌ స్మిత్‌  (31), ట్రవిస్‌ హెడ్‌ (40), అలెక్స్‌ క్యారీ (34) ఓ మోస్తరు స్కోర్లు చేయగా.. లబూషేన్‌ (16), మిచెల్‌ స్టార్క్‌ (12), కమిన్స్‌ (9), నాథన్‌ లయోన్‌ (5) తక్కువ స్కోర్లకే ఔటయ్యారు. పాక్‌ బౌలర్లలో అరంగేట్రం పేసర్‌ ఆమిర్‌ జమాల్‌ ఆరు వికెట్ల ప్రదర్శనతో అరదగొట్టగా.. మరో అరంగ్రేటం బౌలర్‌ ఖుర్రమ్‌ షెహజాద్‌ 2, షాహీన్‌ అఫ్రిది, ఫహీమ్‌ అష్రాఫ్‌ తలో వికెట్‌ దక్కించుకున్నారు. అనంతరం తొలి ఇన్నింగ్స్‌ ప్రారంభించిన పాక్‌ రెండో రోజు ఆట ముగిసే సమయానికి 2 వికెట్ల నష్టానికి 132 పరుగులు చేసి ఆసీస్‌ స్కోర్‌కు ఇంకా 355 పరుగులు వెనకపడి ఉంది. పాక్‌ ఇన్నింగ్స్‌లో అబ్దుల్లా షఫీక్‌ 42, కెప్టెన్‌ షాన్‌ మసూద్‌ 30 పరుగులు చేసి ఔట్‌ కాగా.. ఇమామ్‌ ఉల్‌ హాక్‌ 38, ఖుర్రమ్‌ షెహజాద్‌ 7 పరుగులతో క్రీజ్‌లో ఉన్నారు. కాగా, మూడు మ్యాచ్‌ల టెస్ట్‌ సిరీస్‌ కోసం పాకిస్తాన్‌.. ఆస్ట్రేలియాలో పర్యటిస్తున్న విషయం తెలిసిందే. తొలి టెస్ట్‌ అనంతరం పాక్‌ డిసెంబర్‌ 26 నుంచి మెల్‌బోర్న్‌లో రెండో టెస్ట్‌ ఆడుతుంది. అనంతరం వచ్చే ఏడాది జనవరి 3 నుంచి సిడ్నీలో మూడో టెస్ట్‌ జరుగుతుంది. ఈ సిరీస్‌తో ఆసీస్‌ వెటరన్‌ ఓపెనర్‌ డేవిడ్‌ వార్నర్‌ టెస్ట్‌ క్రికెట్‌కు గుడ్‌బై చెప్పనున్నాడు.   

మూడు మ్యాచ్‌ల టెస్ట్‌ సిరీస్‌లో భాగంగా పెర్త్‌ వేదికగా పాకిస్తాన్‌తో ఇవాళ (డిసెంబర్‌ 14) మొదలైన తొలి టెస్ట్‌లో ఆతిథ్య ఆస్ట్రేలియా పైచేయి సాధించింది. టాస్‌ గెలిచి తొలుత బ్యాటింగ్‌ ఎంచుకున్న ఆసీస్‌.. డేవిడ్‌ వార్నర్‌ 26వ టెస్ట్‌ శతకంతో (211 బంతుల్లో 164; 16 ఫోర్లు, 4 సిక్సర్లు) విజృంభించడంతో తొలి రోజు ఆట ముగిసే సమయానికి 85 ఓవర్లలో 5 వికెట్ల నష్టానికి 346 పరుగులు చేసింది. వార్నర్‌ శతకానికి ఉస్మాన్‌ ఖ్వాజా (41), స్టీవ్‌ స్మిత్‌ (31), ట్రవిస్‌ హెడ్‌ (40) ఓ మోస్తరు ఇన్నింగ్స్‌లు తోడవ్వడంతో ఆసీస్‌ తొలి రోజే భారీ స్కోర్‌ చేసింది. ఆసీస్‌ ఇన్నింగ్స్‌లో లబూషేన్‌ (16) ఒ‍క్కడే కాస్త నిరాశపరిచాడు. ఆట ముగిసే సమయానికి మిచెల్‌ మార్ష్‌ (15), అలెక్స్‌ క్యారీ (14) క్రీజ్‌లో ఉన్నారు. పాక్‌ బౌలర్లలో ఆమిర్‌ జమాల్‌ 2 వికెట్లు పడగొట్టగా.. షాహీన్‌ అఫ్రిది, ఖుర్రమ్‌ షెహజాద్‌, ఫహీప్‌ అష్రాఫ్‌ తలో వికెట్‌ దక్కించుకున్నారు.  రికార్డు శతకం.. తన కెరీర్‌లో చివరి టెస్ట్‌ సిరీస్‌ ఆడుతున్నట్లు ఇదివరకే ప్రకటించిన వార్నర్‌.. తన కెరీర్‌ చరమాంకంలో రికార్డు శతకంతో మెరిశాడు. ఈ ఇన్నింగ్స్‌ ఆరంభంలో టీ20 తరహాలో చెలరేగిన వార్నీ.. ఆతర్వాత కాస్త నెమ్మిదించి డబుల్‌ సెంచరీ దిశగా సాగాడు. అయితే దురదృష్టవశాత్తు అతను ఆమిర్‌ జమాల్‌ బౌలింగ్‌లో ఇమామ్‌ ఉల్‌ హాక్‌కు క్యాచ్‌ ఇచ్చి 164 పరుగుల వద్ద ఔటయ్యాడు.  ఈ మ్యాచ్‌లో వార్నర్‌ డబుల్‌ సెంచరీ మిస్‌ అయినప్పటికీ పలు రికార్డులు తన ఖాతాలో వేసుకున్నాడు. అంతర్జాతీయ క్రికెట్‌లో అత్యధిక సెంచరీలు (49) చేసిన ఓపెనర్‌గా.. ప్రస్తుతం యాక్టివ్‌గా ఉన్న క్రికెటర్లలో విరాట్‌ కోహ్లి (80) తర్వాత అత్యధిక సెంచరీలు చేసిన ఆటగాడిగా.. ఆసీస్‌ తరఫున టెస్ట్‌ల్లో అత్యధిక పరుగులు చేసిన ఐదో ఆటగాడిగా పలు రికార్డులు తన ఖాతాలో వేసుకున్నాడు. వార్నర్‌ స్వదేశంలో పాకి​స్తాన్‌తో ఆడిన గత 14 ఇన్నింగ్స్‌ల్లో ఏకంగా ఏడు సెంచరీలు చేసి సొంతగడ్డపై పాకిస్తాన్‌ పాలిట ఎంతటి ప్రమాదకారో నిరూపించాడు. అంతర్జాతీయ క్రికెట్‌లో అత్యధిక సెంచరీలు చేసిన ఓపెనర్లు.. డేవిడ్‌ వార్నర్‌ (49) సచిన్‌ టెండూల్కర్‌ (45) క్రిస్‌ గేల్‌ (42) సనత్‌ జయసూర్య (41) మాథ్యూ హేడెన్‌ (40) రోహిత్‌ శర్మ (40) ప్రస్తుతం యాక్టివ్‌గా ఉన్న క్రికెటర్లలో అత్యధిక సెంచరీలు చేసిన ఆటగాళ్లు.. విరాట్‌ కోహ్లి (574 ఇన్నింగ్స్‌ల్లో 80 సెంచరీలు) డేవిడ్‌ వార్నర్‌ (458 ఇన్నింగ్స్‌ల్లో 49 సెంచరీలు) జో రూట్‌ (437 ఇన్నింగ్స్‌ల్లో 46) రోహిత్‌ శర్మ (482 ఇన్నింగ్స్‌ల్లో 45) స్టీవ్‌ స్మిత్‌ (374 ఇన్నింగ్స్‌ల్లో 44) కేన్‌ విలియమ్సన్‌ (410 ఇన్నింగ్స్‌ల్లో 42) బాబర్‌ ఆజమ్‌ (300 ఇన్నింగ్స్‌ల్లో 31) ఆసీస్‌ తరఫున టెస్ట్‌ల్లో అత్యధిక పరుగులు చేసిన ఆటగాళ్లు.. రికీ పాంటింగ్‌ 13378 అలెన్‌ బోర్డర్‌ 11174 స్టీవ్‌ వా 10927 స్టీవ్‌ స్మిత్‌ 9351 డేవిడ్‌ వార్నర్‌ 8651 మైఖేల్‌ క్లార్క్‌ 8643

David Warner 164- Australia's dominance over Pakistan on Day 1: పాకిస్తాన్‌తో తొలి టెస్టులో ఆస్ట్రేలియా మొదటి రోజు పటిష్ట స్థితిలో నిలిచింది. ఓపెనర్‌ డేవిడ్‌ వార్నర్‌ అద్భుత ఇన్నింగ్స్‌ కారణంగా పర్యాటక జట్టుపై పూర్తి ఆధిపత్యం సాధించింది. ఆస్ట్రేలియా- పాకిస్తాన్‌ల మధ్య మూడు మ్యాచ్‌ల సిరీస్‌లో భాగంగా మొదటి టెస్టు గురువారం ఆరంభమైంది. పెర్త్‌ వేదికగా మొదలైన ఈ మ్యాచ్‌లో టాస్‌ గెలిచిన ఆతిథ్య ఆసీస్‌ తొలుత బ్యాటింగ్‌ ఎంచుకుంది. ఈ క్రమంలో ఓపెనర్‌ డేవిడ్‌ వార్నర్‌ ఆకాశమే హద్దుగా చెలరేగాడు. ఆది నుంచే దూకుడైన బ్యాటింగ్‌తో పాక్‌ బౌలర్లకు చెమటలు పట్టించాడు. కొరకరాని కొయ్యగా మారి.. టీ20 తరహా ఇన్నింగ్స్‌తో 41 బంతుల్లోనే హాఫ్‌ సెంచరీ పూర్తి చేసుకున్న వార్నర్‌.. దానిని శతకంగా మలచడంలో సఫలమయ్యాడు. మొత్తంగా 211 బంతులు ఎదుర్కొన్న ఈ వెటరన్‌ ఓపెనర్‌ 16 ఫోర్లు, 4 సిక్సర్ల సాయంతో 164 పరుగులు సాధించాడు. మరో ఓపెనింగ్‌ బ్యాటర్‌ ఉస్మాన్‌ ఖవాజా 41 పరుగులతో పర్వాలేదనిపించాడు. అయితే, వీళ్లిద్దరు అందించిన శుభారంభాన్ని పూర్తి స్థాయిలో సద్వినియోగం చేసుకోలేకపోయారు మిగిలిన బ్యాటర్లు. వన్‌డౌన్‌ బ్యాటర్‌ మార్నస్‌ లబుషేన్‌ 16 పరుగులకే పెవిలియన్‌ చేరగా.. స్టీవ్‌ స్మిత్‌ 31 పరుగులు మాత్రమే చేయగలిగాడు. ఇక వన్డే వరల్డ్‌కప్‌-2023 హీరో ట్రవిస్‌ హెడ్‌ మాత్రం 40 పరుగులతో ఆకట్టుకున్నాడు. ఈ క్రమంలో తొలిరోజు ఆట ముగిసే సమయానికి ఆస్ట్రేలియా ఐదు వికెట్ల నష్టానికి 346 పరుగులు చేసింది. వార్నర్‌ సెంచరీ కారణంగా ఈ మేరకు స్కోరు సాధించి పటిష్ట స్థితిలో నిలిచింది. ఇదిలా ఉంటే.. తన కెరీర్‌లో చివరి టెస్టు సిరీస్‌ ఆడుతున్న వార్నర్‌ మొదటి మ్యాచ్‌ మొదటి రోజే సెంచరీ బాదడం విశేషం. అంతర్జాతీయ టెస్టుల్లో ఈ లెఫ్టాండ్‌ బ్యాటర్‌కు ఇది 26వ శతకం కాగా.. ఓవరాల్‌గా 49వది.  ఇలా అద్భుత ఇన్నింగ్స్‌తో తనను విమర్శించిన వాళ్లకు బ్యాట్‌తోనే సమాధానం చెప్పిన వార్నర్‌పై క్రికెట్‌ వర్గాలు ప్రశంసలు కురిపిస్తుండగా.. పాక్‌ ఫ్యాన్స్‌ మాత్రం.. ‘‘మేమేం పాపం చేశాం వార్నర్‌ భాయ్‌?’’ అని బాధపడుతూ ఉంటారని నెటిజన్లు కామెంట్లు చేస్తున్నారు.  ఇందుకు తగ్గట్లుగానే ఇమ్రాన్‌ సిద్ధికీ అనే ఎక్స్‌ యూజర్‌.. ‘‘పాకిస్తాన్‌ మీద వార్నర్‌కు ఇది ఆరో సెంచరీ.. మేం చేసిన తప్పేంటి భయ్యా!’’ అంటూ వార్నర్‌ సెలబ్రేషన్స్‌కు సంబంధించిన వీడియో షేర్‌ చేయడం హైలైట్‌గా నిలిచింది. మొత్తానికి ఆస్ట్రేలియా- పాకిస్తాన్‌ తొలి టెస్టు తొలి రోజు ఆట మొత్తమంతా డేవిడ్‌ వార్నర్‌ ట్రెండింగ్‌లో నిలిచాడు.  A century to silence all the doubters. David Warner came out meaning business today.@nrmainsurance #MilestoneMoment #AUSvPAK pic.twitter.com/rzDGdamLGe — cricket.com.au (@cricketcomau) December 14, 2023 Its a 6th Century for David Warner Against Pakistan Bhaii Humne Kya bigara hai ? pic.twitter.com/Gry5QkHbaN — ٰImran Siddique (@imransiddique89) December 14, 2023

ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ తన చివరి టెస్టు సిరీస్‌ను అద్భుతమైన సెంచరీతో ఆరంభించాడు. పెర్త్‌ వేదికగా పాకిస్తాన్‌తో జరుగుతున్న తొలి టెస్టు మొదటి ఇన్నింగ్స్‌లో వార్నర్‌ సెంచరీతో మెరిశాడు. 125 బంతుల్లో 14 ఫోర్లు, ఒక సిక్సర్‌తో వార్నర్‌ తన సెంచరీ మార్క్‌ను అందుకున్నాడు. కాగా వార్నర్‌కు ఇది 26వ టెస్టు సెంచరీ. ఓవరాల్‌గా ఇది డేవిడ్‌ భాయ్‌కు  49వ అంతర్జాతీయ సెంచరీ కావడం విశేషం. ఇక మ్యాచ్‌ విషయానికి వస్తే.. ఆసీస్‌ తొలి ఇన్నింగ్స్‌లో 42 ఓవర్లు ముగిసే సరికి 2 వికెట్ల నష్టానికి 192 పరుగులు చేసింది. క్రీజులో వార్నర్‌తో పాటు స్మిత్‌(17) ఉన్నాడు. కాగా ఈ సిరీస్‌ అనంతరం టెస్టు క్రికెట్‌ నుంచి వార్నర్‌ తప్పుకోనున్న సంగతి తెలిసిందే. This is David Warner. 💪 - Davey is roaring like a Lion in Test cricket. pic.twitter.com/dTpMfiwT0z — Johns. (@CricCrazyJohns) December 14, 2023

పెర్త్‌ వేదికగా పాకిస్తాన్‌-ఆస్ట్రేలియా ‍మధ్య తొలి టెస్టు ప్రారంభమైంది. టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. అయితే మొదటి టెస్టులో పాకిస్తాన్‌ స్టార్‌ ఆటగాడు మహ్మద్‌ రిజ్వాన్‌కు చోటు దక్కపోవడం అందరని ఆశ్యర్యపరిచింది. మ్యాచ్‌ ఆరంభానికి ముందే ఒక్కరోజు ముందే తుది జట్టును ప్రకటించిన క్రికెట్‌ పాకిస్తాన్‌.. రిజ్వాన్‌కు ఛాన్స్‌ ఇవ్వలేదు. అతడి స్ధానంలో మాజీ కెప్టెన్‌, వెటరన్‌ వికెట్‌ కీపర్‌ సర్ఫరాజ్ అహ్మద్‌కు జట్టు మేనెజ్‌మెంట్‌ ఛాన్స్‌ ఇచ్చింది. ఈ క్రమంలో పాక్‌ జట్టు మేనెజ్‌మెంట్‌ తీసుకున్న నిర్ణయంపై సర్వాత్ర విమర్శల వర్షం కురిస్తోంది. పాకిస్తాన్‌ క్రికెట్‌ను నెటిజన్లు దారుణంగా ట్రోలు చేస్తున్నారు. అద్భుతమైన ఫామ్‌లో ఉన్న ఆటగాడిని పక్కన పెట్టడం సరికాదని మాజీలు సైతం మేనెజ్‌మెంట్‌ను దుమ్మెత్తిపోస్తున్నారు. కాగా ఇటీవల కాలంలో పాక్‌ తరపున రిజ్వాన్ అద్భుతమైన ప్రదర్శన కనబరుస్తున్నాడు. ఫార్మాట్‌తో సంబంధం లేకుండా దుమ్మురేపుతున్నాడు. స్వదేశంలో న్యూజిలాండ్‌తో జరిగిన టెస్ట్ సిరీస్‌లో కూడా రిజ్వాన్‌ అద్భుతమైన ప్రదర్శన కనబరిచాడు. అదే విధంగా వన్డే వరల్డ్‌కప్‌లో కూడా రిజ్వాన్‌ తన ప్రదర్శనతో అకట్టుకున్నాడు. కాగా ఈ మ్యాచ్‌తో పాకిస్తాన్‌ యువ ఆటగాళ్లు ఖుర్రం షాజాద్‌, అమీర్‌ జమాల్‌ టెస్టు అరంగేట్రం చేశారు. ఆసీస్‌తో తొలి టెస్ట్‌కు పాక్‌ తుది జట్టు: ఇమామ్ ఉల్ హక్, అబ్దుల్లా షఫీక్, షాన్ మసూద్ (కెప్టెన్‌), బాబర్ ఆజమ్‌, సౌద్ షకీల్, సర్ఫరాజ్ అహ్మద్ (వికెట్‌కీపర్‌), సల్మాన్ అలీ అఘా, ఫహీమ్ అష్రాఫ్, షాహీన్ ఆఫ్రిది, అమీర్ జమాల్, ఖుర్రం షెహజాద్

Australia vs Pakistan, 1st Test: పాకిస్తాన్‌తో తొలి టెస్టులో ఆస్ట్రేలియాకు శుభారంభం లభించింది. పెర్త్‌ వేదికగా గురువారం మొదలైన మ్యాచ్‌లో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఆతిథ్య జట్టు ఆహ్వానం మేరకు ఫీల్డింగ్‌కు దిగిన పాక్‌కు.. ఓపెనర్లు డేవిడ్‌ వార్నర్‌, ఉస్మాన్‌ ఖవాజా ఆరంభం నుంచే చుక్కలు చూపించారు. ముఖ్యంగా వార్నర్‌ ఆది నుంచే దూకుడుగా ఆడుతూ.. పాకిస్తాన్‌ బౌలర్లను ఒత్తిడిలోకి నెట్టాడు. ఈ క్రమంలో 41 బంతుల్లోనే అర్ధ శతకం పూర్తి చేసుకున్నాడు. మరోవైపు.. ఖవాజా మాత్రం ఆచితూచి ఆడుతూ వికెట్‌ పడకుండా జాగ్రత్తగా ఆడుతున్నాడు. Twin boundaries in the first! Shaheen has his tail up despite an expensive first over #AUSvPAK pic.twitter.com/oixensArZG — cricket.com.au (@cricketcomau) December 14, 2023 షఫీక్‌ ఆ క్యాచ్‌ జారవిడవడంతో పాక్‌ అరంగేట్ర పేసర్‌ ఆమిర్‌ జమాల్‌ బౌలింగ్‌లో లైఫ్‌ను సద్వినియోగం చేసుకుంటూ.. వార్నర్‌తో కలిసి మెరుగైన భాగస్వామ్యం నెలకొల్పే దిశగా పయనిస్తున్నాడు. కాగా పదహారో ఓవర్‌ ఆరంభంలో ఆమిర్‌ వేసిన బంతిని పుల్‌ షాట్‌ ఆడేందుకు ప్రయత్నించాడు ఉస్మాన్‌ ఖవాజా. ఈ క్రమంలో టాప్‌ ఎడ్జ్‌ తీసుకున్న బంతి గాల్లోకి లేవగా అబ్దుల్లా షఫీక్‌ క్యాచ్‌ పట్టినట్టే పట్టి జారవిడిచాడు. దీంతో ఊపిరి పీల్చుకున్న ఖవాజా.. మరోసారి తప్పిదం పునరావృతం చేయలేదు. ఈ నేపథ్యంలో మొదటి రోజు ఆట భోజన విరామ సమయానికి ఆస్ట్రేలియా 25 ఓవర్లలో వికెట్‌ నష్టపోకుండా 117 పరుగులు చేసింది పటిష్ట స్థితిలో నిలిచింది. WTF bcci installed a chip in the ball 😤#AUSvsPAK pic.twitter.com/xoNuaUK3s9 — 𝙕𝙀𝙀𝙈𝙊™ (@Broken_ICTIAN) December 14, 2023 వార్నర్‌ టీ20 తరహా ఇన్నింగ్స్‌.. పాక్‌ బౌలర్లకు చుక్కలే లంచ్‌ బ్రేక్‌ సమయానికి డేవిడ్‌ వార్నర్‌ టీ20 తరహా ఇన్నింగ్స్‌తో 67 బంతుల్లో 11 ఫోర్లు, ఒక సిక్సర్‌ సాయంతో 72 పరుగులు సాధించగా.. ఉస్మాన్‌ ఖవాజా 84 బంతుల్లో 37 పరుగులతో క్రీజులో ఉన్నారు. మరోవైపు.. పాకిస్తాన్‌ స్టార్‌ పేసర్‌ షాహిన్‌ ఆఫ్రిది సహా ఇతర బౌలర్లు కనీసం ఒక్క వికెట్‌ అయినా పడగొట్టాలని విఫలయత్నం చేస్తున్నారు. ఈ క్రమంలో ఖవాజా ఇచ్చిన సిట్టర్‌ను డ్రాప్‌ చేసిన అబ్దుల్లా షఫీక్‌పై ఇప్పటికే ట్రోలింగ్‌ మొదలైంది. ఖవాజా క్యాచ్‌ను అతడు జారవిడిచిన వీడియో నెట్టింట వైరల్‌గా మారింది. ఇక ఆస్ట్రేలియాలో పాకిస్తాన్‌కు టెస్టుల్లో చెత్త రికార్డు ఉందన్న విషయం తెలిసిందే. 1995లో కంగారూ గడ్డపై చివరి సారిగా టెస్టు మ్యాచ్‌ నెగ్గిన పాక్‌.. ఇంతవరకు ఒక్కసారి కూడా సిరీస్‌ గెలవలేదు. చదవండి: IND vs SA: సౌతాఫ్రికాతో మూడో టీ20.. విధ్వంసకర ఓపెనర్‌పై వేటు! తిలక్‌కు బై బై? Tired of the conventional, David Warner's 12th boundary of the first session was nothing short of inventive! 😯#AUSvPAK @nrmainsurance #PlayOfTheDay pic.twitter.com/8ih9vnjhUj — cricket.com.au (@cricketcomau) December 14, 2023

పెర్త్‌: ప్రపంచకప్‌ గెలిచిన సమరోత్సాహంతో ఉన్న ఆ స్ట్రేలియా, పేలవ ప్రదర్శనతో పరిమిత ఓవర్ల లోనూ తడబడుతున్న పాకిస్తాన్‌ మధ్య టెస్టు సమరానికి రంగం సిద్ధమైంది. నేటినుంచి జరిగే తొలి టెస్టులో ఇరు జట్లు తలపడనున్నాయి. సొంతగడ్డపై తిరుగులేని జట్టయిన ఆసీస్‌ అన్ని రకాలుగా బలంగా కనిపిస్తూ నిస్సందేహంగా ఫేవరెట్‌గా కనిపిస్తోంది. మరో వైపు వరల్డ్‌ కప్‌ వైఫల్యం తర్వాత జట్టు, కెప్టెన్‌ల మార్పులతో పాక్‌ బరిలోకి దిగుతోంది. 1995లో ఆసీస్‌ గడ్డపై చివరి సారిగా టెస్టు మ్యాచ్‌ నెగ్గిన పాక్‌ ఒక్కసారి కూడా సిరీస్‌ గెలవలేదు. 1999 టూర్‌నుంచి ఆ జట్టు వరుసగా 14 టెస్టుల్లో ఓడింది. కనీసం ‘డ్రా’గా కూడా ముగించలేకపోయింది.   టెస్టుకు ముందు ఆసీస్‌ ఓపెనర్‌ ఉస్మాన్‌ ఖాజా గాజాలో పాలస్తీనాకు మద్దతు తెలుపుతున్నట్లుగా తన షూస్‌కు ‘ఆల్‌ లైవ్స్‌ ఆర్‌ ఈక్వల్‌’ అనే క్యాప్షన్‌తో ప్రాక్టీస్‌తో పాల్గొన్నాడు. అయితే ఐసీసీ నిబంధనల ప్రకారం ఇలాంటి క్రికెట్‌ మైదానంలో ప్రదర్శించరాదు. ఖాజాకు తన భావాలను ప్రదర్శించే స్వేచ్ఛ ఉందని ఆసీస్‌ బోర్డు, కెప్టెన్‌ కమిన్స్‌ అండగా నిలిచినా... అతను ఆ వ్యాఖ్యలు ఉన్న షూస్‌తో టెస్టు బరిలోకి దిగరాదని నిర్ణయించుకున్నాడు. తనది రాజకీయ ప్రకటన కాదని, మానవత్వం మాత్రమేనని ఖాజా అన్నాడు. 

Australia vs Pakistan, 1st Test: పాకిస్తాన్‌తో తొలి టెస్టుకు ఆస్ట్రేలియా తమ తుది జట్టును ప్రకటించింది. షాన్‌ మసూద్‌ బృందంతో తలపడబోయే జట్టులో వెటరన్‌ స్పిన్నర్‌ నాథన్‌ లియోన్‌కు చోటిచ్చినట్లు తెలిపింది. కాగా మూడు మ్యాచ్‌ల టెస్టు సిరీస్‌ ఆడేందుకు పాకిస్తాన్‌ ఇప్పటికే ఆస్ట్రేలియాకు చేరుకుంది. కంగారూ వంటి పటిష్ట జట్టుతో పోరుకు సన్నద్ధమయ్యే క్రమంలో ప్రైమ్‌ మినిస్టర్స్‌ ఎలెవన్‌తో నాలుగు రోజుల వార్మప్‌ మ్యాచ్‌ కూడా ఆడింది. కాన్‌బెర్రాలోని మనుకా ఓవల్‌ వేదికగా జరిగిన ఈ మ్యాచ్‌ డ్రాగా ముగిసింది. ఇదిలా ఉంటే.. గురువారం (డిసెంబరు 14) నుంచి అసలైన సిరీస్‌ ఆరంభం కానుంది. వైస్‌ కెప్టెన్‌గా వరల్డ్‌కప్‌-2023 హీరో పెర్త్‌లో జరుగనున్న ఈ మ్యాచ్‌కు సంబంధించిన తమ తుది జట్టు ఇదేనంటూ ఆస్ట్రేలియా కెప్టెన్‌ ప్యాట్‌ కమిన్స్‌ బుధవారం వివరాలు వెల్లడించాడు. వన్డే వరల్డ్‌కప్‌-2023 ఫైనల్‌ హీరో ట్రవిస్‌ హెడ్‌ ఈ మ్యాచ్‌లో తనకు డిప్యూటీగా వ్యవహరించనున్నట్లు తెలిపాడు. మర్ఫీకి బైబై.. లియోన్‌ ఇన్‌ మాజీ సారథి స్టీవ్‌ స్మిత్‌తో కలిసి హెడ్‌.. కో-వైస్‌ కెప్టెన్‌గా ఉంటాడని కమిన్స్‌ పేర్కొన్నాడు. కాగా పాకిస్తాన్‌తో మ్యాచ్‌తో నాథన్‌ లియోన్‌ రీఎంట్రీ ఇవ్వనున్నాడు. యువ స్పిన్నర్‌ టాడ్‌ మర్ఫీ స్థానాన్ని అతడు భర్తీ చేయనున్నాడు. ఇక పాక్‌తో తొలి టెస్టులో ఆస్ట్రేలియా ముగ్గురు పేసర్లు, ఒక స్పిన్నర్‌తో బరిలోకి దిగనుంది. అదే విధంగా ఆల్‌రౌండర్‌ స్లాట్‌లో కామెరాన్‌ గ్రీన్‌తో పోటీ పడ్డ మిచెల్‌ మార్ష్‌వైపే మేనేజ్‌మెంట్‌ మొగ్గు చూపడంతో అతడు ఈ మ్యాచ్‌లో భాగం కానున్నాడు. ఇదిలా ఉంటే..  స్టార్‌ బ్యాటర్‌ ట్రవిస్‌ హెడ్‌ వైస్‌ కెప్టెన్‌ అయినప్పటికీ.. ఒకవేళ కమిన్స్‌ గైర్హాజరైతే ఈ మ్యాచ్‌లో కెప్టెన్‌గా స్టీవ్‌ స్మిత్‌కే తొలి ప్రాధాన్యం ఉంటుంది. పాకిస్తాన్‌తో తొలి టెస్టుకు ఆస్ట్రేలియా తుది జట్టు ఇదే: డేవిడ్ వార్నర్, ఉస్మాన్ ఖవాజా, మార్నస్ లబుషేన్, స్టీవ్ స్మిత్, ట్రవిస్ హెడ్, మిచెల్ మార్ష్, అలెక్స్ క్యారీ, మిచెల్ స్టార్క్, ప్యాట్‌ కమిన్స్ (కెప్టెన్), నాథన్ లియాన్, జోష్ హాజిల్‌వుడ్‌. చదవండి: Ind vs SA: అందుకే ఓడిపోయాం.. మాకు ఇదొక గుణపాఠం: సూర్యకుమార్‌

ఆస్ట్రేలియాతో తొలి టెస్టుకు ముందు పాకిస్తాన్‌కు బిగ్‌ షాక్‌ తగిలింది. ఆ జట్టు స్పిన్‌ యువ సంచలనం అబ్రార్ అహ్మద్ గాయం కారణంగా పెర్త్‌ వేదికగా జరగనున్న మొదటి టెస్టుకు దూరమయ్యాడు. కాగా కాన్‌బెర్రాలో ప్రైమ్ మినిస్టర్స్‌ ఎలెవన్‌తో జరిగిన వార్మప్‌ మ్యాచ్‌లో అబ్రార్ అహ్మద్‌కు మోకాలి గాయమైంది. బంతిని ఆపే క్రమంలో అతడు గాయపడ్డాడు. నొప్పితో విల్లావిల్లాడిన అహ్మద్‌ మ్యాచ్‌ మధ్యలోనే మైదానాన్ని వీడాడు. అతడి గాయం తీవ్రం కావడంతో మొదటి టెస్టుకు దూరమయ్యాడు. ఈ విషయాన్ని పీసీబీ ఆదివారం దృవీకరించింది. ఇక అతడి స్ధానాన్ని ఆఫ్ స్పిన్నర్ సాజిద్ ఖాన్‌తో పాకిస్తాన్‌ క్రికెట్‌ భర్తీ చేసింది. సాజిద్ ఖాన్‌ ఒకట్రెండు రోజుల్లో ఆస్ట్రేలియాకు పయనం కానున్నాడు. డిసెంబర్‌ 14న పెర్త్‌ వేదికగా ఆసీస్‌-పాకిస్తాన్‌ తొలి టెస్టు ప్రారంభం కానుంది. వన్డే వరల్డ్‌కప్‌లో పేలవ ప్రదర్శన తర్వాత పాకిస్తాన్‌కు ఇదే తొలి మ్యాచ్‌. చదవండి: U19 Asia Cup 2023: చేతులెత్తేసిన బౌలర్లు.. పాకిస్తాన్‌ చేతిలో టీమిండియా ఓటమి

ఆస్ట్రేలియా పర్యటనకు వెళ్లిన పాకిస్తాన్‌ జట్టు.. కాన్‌బెర్రా వేదికగా ప్రైమ్ మినిస్టర్స్ ఎలెవన్‌తో ప్రాక్టీస్‌ మ్యాచ్‌లో తలపడతోంది. అయితే ఈ వార్మప్‌ మ్యాచ్‌లో ప్రైమ్ మినిస్టర్స్ తొలి ఇన్నింగ్స్ మూడో రోజు ఆట సందర్బంగా విచిత్రకర సంఘటన చోటు చేసుకుంది. కేవలం ఒక్క బంతికే చెత్త ఫీల్డింగ్‌ కారణంగా పాకిస్తాన్‌ జట్టు ప్రత్యర్ధికి ఏడు పరుగులు సమర్పించుకుంది. ఏమి జరిగిదంటే? ఇన్నింగ్స్‌ 24 ఓవర్ వేసిన ఆఫ్ స్పిన్నర్ అబ్రార్ అహ్మద్‌ బౌలింగ్‌లో చివరి బంతికి రెన్షా కవర్స్ దిశగా షాట్‌ ఆడాడు. అయితే పాక్‌ ఫీల్డర్‌ మీర్ హమ్జా పరిగెత్తుకుంటూ వెళ్లి డైవ్‌ చేస్తూ బంతిని అద్బుతంగా ఆపాడు. ఈ క్రమంలో ప్రైమ్ మినిస్టర్స్ బ్యాటర్లు మూడు పరుగులను పూర్తి చేశారు. అయితే నాన్‌స్ట్రైక్‌లో ఎండ్‌లో బంతి అందుకున్న బాబర్‌ ఆజం.. అవసరం లేకుండా కీపర్‌ వైపు బలంగా త్రో చేశాడు. ఈ క్రమంలో వికెట్‌ కీపర్‌తో పాటు ఫస్ట్‌స్లిప్‌లో ఉన్న ఫీల్డర్‌ కూడా బంతిని ఆపలేకపోయారు. దీంతో బంతి బౌండరీకీ వెళ్లడంతో రెన్షా ఖతాలో ఏడు పరుగులు చేరాయి. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇది చూసిన నెటిజన్లు పాకిస్తాన్‌తో అట్లుటంది మరి అని కామెంట్లు చేస్తున్నారు. కాగా ఈ పర్యటనలో భాగంగా ఆసీస్‌తో మూడు మ్యాచ్‌ల టెస్టు సిరీస్‌లో పాక్‌ తలపడనుంది. డిసెంబర్‌ 14న పెర్త్‌ వేదికగా తొలి టెస్టు ప్రారంభం కానుంది. చదవండి: LLC 2023: గంభీర్‌తో గొడవ.. శ్రీశాంత్‌కు లీగల్ నోటీసులు You don't see this every day! Matthew Renshaw brings up his half-century ... with a seven! #PMXIvPAK pic.twitter.com/0Fx1Va00ZE — cricket.com.au (@cricketcomau) December 8, 2023

స్వదేశంలో పాకిస్తాన్‌తో జరగనున్న టెస్టు సిరీస్‌ అనంతరం టెస్టు క్రికెట్‌కు ఆసీస్‌ స్టార్‌ ఓపెనర్‌ డేవిడ్‌ వార్నర్‌ రిటైర్మెంట్‌ ప్రకటించనున్నాడు. ఇదివరకే తన నిర్ణయాన్ని వార్నర్‌ వెల్లడించాడు. పెర్త్‌ వేదికగా తొలి టెస్టుకు తాజాగా ఆస్ట్రేలియా క్రికెట్‌ బోర్డు 14 మంది సభ్యులతో కూడిన తమ జట్టును ప్రకటించింది. ఈ జట్టులో వార్నర్‌కు చోటు దక్కింది. ఈ క్రమంలో వార్నర్‌ ఉద్దేశించి ఆస్ట్రేలియా మాజీ ఫాస్ట్ బౌలర్ మిచెల్ జాన్సన్ సంచలన వ్యాఖ్యలు చేశాడు. ఘనంగా విడ్కోలు పలకడానికి వార్నర్‌ అర్హడు కాదని జాన్సన్‌ అభిప్రాయపడ్డాడు. కాగా 2018లో దక్షిణాఫ్రికాతో టెస్టు సిరీస్‌ సందర్భంగా బాల్‌ టాంపరింగ్‌ వివాదంలో డేవిడ్‌ వార్నర్‌ చిక్కుకున్న సంగతి తెలిసిందే. దీంతో అతడిపై క్రికెట్‌ ఆస్ట్రేలియా ఏడాది పాటు నిషేధం విధించింది. ఇదే విషయాన్ని మరోసారి టార్గెట్‌ చేస్తూ వార్నర్‌పై జాన్సన్‌ విమర్శలు గుప్పించాడు. "డేవిడ్‌ వార్నర్‌కు వీడ్కోలు పలికేందుకు క్రికెట్‌ ఆస్ట్రేలియా సిద్దమవుతోంది. టెస్టు క్రికెట్‌లో ఓపెనర్‌గా దారుణంగా విఫలమవుతున్న అతడికి తన రిటైర్మెంట్ తేదీని తనే నామినేట్ చేసే అవకాశమెందుకు ఇచ్చారు..? ఆస్ట్రేలియన్ క్రికెట్ చరిత్రలో అతిపెద్ద కుంభకోణంలో నిలిచిన ఒక ఆటగాడిని హీరోగా విడ్కోలు పలకడానికి ఎందుకు సిద్దమవుతున్నారు అంటూ క్రికెట్‌ ఆస్ట్రేలియాపై జాన్సన్‌ ప్రశ్నల వర్షం ​కురిపించాడు. తొలి టెస్టుకు ఆస్ట్రేలియా జట్టు: పాట్ కమిన్స్ (కెప్టెన్‌), స్కాట్ బోలాండ్, అలెక్స్ కారీ, కామెరాన్ గ్రీన్, జోష్ హాజిల్‌వుడ్, ట్రావిస్ హెడ్, ఉస్మాన్ ఖవాజా, మార్నస్ లాబుషేన్‌, నాథన్ లియాన్, మిచ్ మార్ష్, లాన్స్ మోరిస్, స్టీవ్ స్మిత్, మిచెల్ స్టార్క్, డేవిడ్ వార్నర్ చదవండి: పాకిస్తాన్‌ క్రికెట్‌లో మరో కీలక పరిణామం.. సల్మాన్‌ భట్‌పై వేటు

వన్డే ప్రపంచకప్‌-2023లో తీవ్ర నిరాశపరిచిన పాకిస్తాన్‌ జట్టు.. ఇప్పుడు ఆస్ట్రేలియా పర్యటనకు సిద్దమవుతోంది. ఆసీస్‌ టూర్‌లో భాగంగా ఆతిథ్య జట్టుతో మూడు మ్యాచ్‌ల టెస్టు సిరీస్‌ ఆడనుంది. ఈ సిరీస్‌ కోసం ఇప్పటికే పాకిస్తాన్‌ క్రికెట్‌ బోర్డు 15 మంది సభ్యులతో కూడిన జట్టును కూడా ప్రకటించింది. బాబర్‌ ఆజం కెప్టెన్సీ నుంచి తప్పుకోవడంతో తమ టెస్టు కొత్త కెప్టెన్‌గా షాన్‌ మసూద్‌ను పీసీబీ ఎంపిక చేసింది. ఆసీస్‌ సిరీస్‌తో పాకిస్తాన్‌ కెప్టెన్‌గా షాన్‌ మసూద్‌ ప్రయాణం ప్రారంభం కానుంది.  డిసెంబర్‌ 14న పెర్త్‌ వేదికగా జరగనున్న తొలి టెస్టుతో ఈ రెడ్‌బాల్‌ సిరీస్‌ ప్రారంభం కానుంది. కాగా ఈ కీలక సిరీస్‌ కోసం పాకిస్తాన్‌ జట్టు ఇప్పటినుంచే తమ ప్రాక్టీస్‌ను మొదలు పెట్టేసింది. లాహోర్‌లోని  హై పెర్ఫార్మెన్స్ సెంటర్‌లో పాక్‌ జట్టు తీవ్రంగా శ్రమిస్తోంది. రిజ్వాన్‌ను బ్యాట్‌తో కొట్టబోయిన బాబర్‌.. పాకిస్తాన్‌ ప్రాక్టీస్‌ క్యాంప్‌లో ఓ సరదా సంఘటన చోటు చేసుకుంది. పాకిస్తాన్‌ వికెట్‌ కీపర్‌ బ్యాటర్‌ మ​హ్మద్‌ రిజ్వాన్‌ను మాజీ కెప్టెన్‌ బాబర్‌ ఆజం సరదగా బ్యాట్‌తో కొట్టబోయాడు. ఇంట్రాస్క్వాడ్‌ ప్రాక్టీస్‌ మ్యాచ్‌లో ఓవర్‌ పూర్తి అయిందని బాబర్‌ క్రీజును వదిలి ముందుకు వెళ్లిపోయాడు. ఈ క్రమంలో వికెట్ల వెనుక ఉన్న రిజ్వాన్‌ స్టంప్స్‌ను పడగొట్టి రనౌట్‌కు అప్పీల్‌ చేశాడు. ఇది చూసిన బాబర్‌ సరదగా తన బ్యాట్‌తో రిజ్వాన్‌ను కొట్టడానికి వెళ్లాడు. ఈ క్రమంలో రిజ్వాన్‌ నవ్వుతూ ముందుకు పరిగెత్తాడు. బాబర్‌ కూడా తన వెనుక పరిగెత్తుకుంటూ వెళ్లాడు. దీంతో ఒక్కసారిగా మిగితా ఆటగాళ్లూ నవ్వుకున్నారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.   Babar 😭😭 pic.twitter.com/OnLIv1t4A7 — Hassan (@HassanAbbasian) November 25, 2023

వన్డే ప్రపంచకప్‌-2023లో పేలవ ప్రదర్శన కారణంగా పాకిస్తాన్‌ కెప్టెన్సీ నుంచి బాబర్‌ ఆజం తప్పుకున్న సంగతి తెలిసిందే. ఇప్పటికే పాకిస్తాన్‌ క్రికెట్‌ బోర్డు తమ టెస్టు జట్టు కొత్త కెప్టెన్‌గా వెటరన్‌ షాన్‌ మసూద్‌ను ఎంపిక చేయగా.. టీ20 కెప్టెన్‌గా షాహీన్‌ షా అఫ్రిదిని నియమించింది. ఇంకా తమ వన్డే సారథిని మాత్రం పీసీబీ ఎంపిక చేయలేదు. ఇక వన్డే ప్రపంచకప్‌-2023 అనంతరం పాకిస్తాన్‌ తొలి ద్వైపాక్షిక సిరీస్‌కు సిద్దమవుతోంది. షాన్‌ మసూద్‌ సారథ్యంలోని పాక్‌ జట్టు మూడు మ్యాచ్‌ల టెస్టుల సిరీస్‌ కోసం ఆస్ట్రేలియా పర్యటనకు వెళ్లనుంది. డిసెంబర్‌ 14న పెర్త్‌ వేదికగా జరగనున్న తొలి టెస్టుతో ఈ రెడ్‌బాల్‌ సిరీస్‌ ప్రారంభం కానుంది. ఈ సిరీస్‌ కోసం పాకిస్తాన్‌ జట్టు ఇప్పటినుంచే తమ ప్రాక్టీస్‌ను మొదలు పెట్టేసింది. ఈ నేపథ్యంలో పాకిస్తాన్‌ జట్టును ఉద్దేశించి ఆస్ట్రేలియా లెజెండ్‌ ఇయాన్‌ చాపెల్‌ కీలక వ్యాఖ్యలు చేశాడు. కెప్టెన్‌లను మార్చడం పాకిస్తాన్‌కు ఇదేమి కొత్తకాదని చాపెల్‌ విమర్శించాడు.  "పాపం బాబర్‌. అతడు అద్భుతమైన ఆటగాడు. పాకిస్తాన్‌ కెప్టెన్సీ నుంచి బాబర్‌ తనంతట తను తప్పుకోలేదు. అతడి కంటే బెటర్‌ కెప్టెన్‌ పాకిస్తాన్‌ క్రికెట్‌ బోర్డుకు దొరికి ఉంటాడు. అందుకే అతడిని తప్పించారు. కెప్టెన్లను తరుచుగా మార్చడం పాకిస్తాన్‌కు అలవాటే అని ఓ స్పోర్ట్స్‌ వెబ్‌సైట్‌కు ఇచ్చిన ఇంటర్వ్యూలో చాపెల్‌ పేర్కొన్నాడు. అదే విధంగా ఆసీస్‌తో టెస్టు సిరీస్‌ గురించి మాట్లాడుతూ.. పాకిస్తాన్‌కు జట్టుకు ఆస్ట్రేలియాలో మంచి రికార్డు లేదు. పాకిస్తాన్‌ అత్యుత్తమ జట్టు అయినప్పటికీ ఆస్ట్రేలియా పిచ్‌లపై ఇప్పటివరకు బ్యాటింగ్‌, బౌలింగ్‌లో మెరుగైన ప్రదర్శన కనబరిచలేకపోయారు. ఆస్ట్రేలియా వంటి బౌన్సీ పిచ్‌లపై ఆడటానికి చాలా కష్టపడతారు. పాకిస్తాన్‌ జట్టు కంటే ఆస్ట్రేలియా అన్ని విధాల బలంగా ఉంది. వార్నర్‌, హెడ్‌ వంటి బ్యాటింగ్‌ ఎటాక్‌.. స్టార్క్‌, కమ్మిన్స్‌, హాజిల్‌ వుడ్‌ వంటి వరల్డ్‌క్లాస్‌ పేసర్లు ఉన్నారని  చాపెల్‌ చెప్పుకొచ్చాడు. చదవండి:రోహిత్‌ అలా.. కోహ్లి ఇలా.. ఎవరు మాత్రం టెంప్ట్‌ కాకుండా ఉంటారు?: ఆశిష్‌ నెహ్రా

వన్డే ప్రపంచకప్‌-2023లో లీగ్‌ దశలోనే ఇంటిముఖం పట్టిన పాకిస్తాన్‌.. ఆస్ట్రేలియా పర్యటనకు సిద్దమవుతోంది. ఈ టూర్‌లో భాగంగా ఆతిథ్య ఆసీస్‌తో మూడు మ్యాచ్‌ల టెస్టు సిరీస్‌లో​ పాకిస్తాన్‌ తలపడనుంది. ఈ క్రమంలో 18 మంది సభ్యులతో కూడిన తమ జట్టును పాకిస్తాన్‌ క్రికెట్‌ బోర్డు సోమవారం ప్రకటించింది. ఈ జట్టుకు వెటరన్‌ బ్యాటర్‌ షాన్‌ మసూద్‌ సారథ్యం వహించనున్నాడు. ఈ సిరీస్‌తో పాకిస్తాన్‌ టెస్టు కెప్టెన్‌గా మసూద్‌ ప్రయాణం ప్రారంభం కానుంది. బాబర్‌ ఆజం కెప్టెన్సీ బాధ్యతల నుంచి తప్పుకోవడంతో పాక్‌ టెస్టు సారధిగా మసూద్‌ ఎంపికయ్యాడు. ఇక దేశీవాళీ క్రికెట్‌లో అద్భుతంగా రాణిస్తున్న యువ ఓపెనర్‌ సైమ్ అయూబ్‌కు తొలిసారి పాక్‌ టెస్టు జట్టులో చోటు దక్కింది. అయూబ్‌తో పాటు యువ బౌలర్‌ ఖుర్రం షాజాద్‌కు పాక్‌ సెలక్టర్లు పిలుపునిచ్చారు. కాగా డిసెంబర్‌ 14న పెర్త్‌ వేదికగా జరగనున్న తొలి టెస్టుతో ఈ సిరీస్‌ ప్రారంభం కానుంది. ఆసీస్‌తో టెస్టులకు పాక్‌ జట్టు: షాన్ మసూద్ (కెప్టెన్‌), సయీమ్ అయూబ్, అమీర్ జమాల్, అబ్దుల్లా షఫీక్, బాబర్ ఆజం, మహ్మద్ రిజ్వాన్ (వికెట్‌ కీపర్‌), ఇమామ్-ఉల్-హక్, సర్ఫరాజ్ అహ్మద్ (వికెట్‌ కీప), షాహీన్ షా ఆఫ్రిది, మహ్మద్ వసీం జూనియర్, మీర్ హమ్జా, ఖుర్రం షాజాద్ హసన్ అలీ, ఫహీమ్ అష్రఫ్, నోమన్ అలీ, అబ్రార్ అహ్మద్, సల్మాన్ అలీ అఘా, సౌద్ షకీల్ చదవండి: CWC 2023: నిన్నటి రోజు మనది కాకుండా పోయింది.. మోదీకి ధన్యవాదాలు: షమీ భావోద్వేగం The 18-member squad for Australia series has been revealed Saim Ayub & Khurram Shahzad have been called up for the three-match series #PAKvAUS #TestSeries pic.twitter.com/9rhZujQOg1 — Cricket Pakistan (@cricketpakcompk) November 20, 2023

‘‘ఒక్క క్యాచ్‌ జారవిడిచినందుకు మరీ ఇంత ఘోరంగా శిక్షించడం నేనిదే తొలిసారి చూస్తున్నా. చాలా మంది చాలా సార్లు క్యాచ్‌లు డ్రాప్‌ చేస్తారు. కానీ.. అలా ఫీల్డర్‌ తప్పిదం కారణంగా దొరికిన లైఫ్‌ ద్వారా 150- 160 పరుగులు స్కోరు చేయడమంటే మాటలు కాదు. పాకిస్తాన్‌కు ఇదొక మేలుకొలుపు లాంటిది. క్యాచ్‌లు మిస్‌ చేసినంత కాలం ఇలాంటి పనిష్మెంట్లు పునరావృతమవుతూనే ఉంటాయి. ఒక్కసారి లయ తప్పితే తిరిగి కోలుకోవడం కష్టం’’ అని పాకిస్తాన్‌ మాజీ క్రికెటర్‌ రమీజ్‌ రాజా బాబర్‌ ఆజం బృందానికి చురకలు అంటించాడు. నెలరోజుల క్రితం వరకు వరల్డ్‌క్లాస్‌ బౌలింగ్‌ దళం కలిగి ఉన్న జట్టుగా నీరజనాలు అందుకున్న టీమ్‌ ఏకంగా 365 పరుగులు ఇవ్వడం ఏమిటని ప్రశ్నించాడు. ఇప్పటికైనా లోపాలు సరిదిద్దుకోకపోతే ఇంతకంటే భారీ మూల్యమే చెల్లించాల్సి వస్తుందని హెచ్చరించాడు. వన్డే వరల్డ్‌కప్‌-2023లో భాగంగా ఆస్ట్రేలియా చేతిలో పాకిస్తాన్‌ చిత్తైన విషయం తెలిసిందే. ఓపెనర్లు డేవిడ్‌ వార్నర్‌(163), మిచెల్‌ మార్ష్‌(121)ల అద్భుత ప్రదర్శనతో ఆసీస్‌ భారీ స్కోరు చేసి గెలుపొందగా.. పాక్‌కు పరాభవం తప్పలేదు. నిజానికి ఈ మ్యాచ్‌లో ఆసీస్‌ ఇన్నింగ్స్‌ ఐదో ఓవర్లోనే వార్నర్‌ను అవుట్‌ చేసే సువర్ణావకాశాన్ని పాక్‌ చేజార్చుకుంది. షాహిన్‌ ఆఫ్రిది బౌలింగ్‌లో వార్నర్‌ ఇచ్చిన సింపుల్‌ క్యాచ్‌ను ఉసామా మిర్‌ వదిలేయడంతో మ్యాచ్‌ మలుపు తిరిగింది. ఆ తర్వాత మరోసారి ఇదే తరహాలో లైఫ్‌ పొందిన వార్నర్‌ ఏకంగా 163 పరుగులు స్కోరు చేశాడు. ఈ నేపథ్యంలో ఆసీస్‌ చేతిలో పాకిస్తాన్‌ ఓటమిపై స్పందించిన పాకిస్తాన్‌ క్రికెట్‌ బోర్డు మాజీ చైర్మన్‌ రమీజ్‌ రాజా.. ఫీల్డింగ్‌ తప్పిదాలే కొంపముంచాయని ఆగ్రహం వ్యక్తం చేశాడు. ఒక తప్పునకు వార్నర్‌ ఇంతలా పనిష్‌ చేస్తాడని ఇకనైనా లోపాలు సరిచేసుకోవాలని హితవు పలికాడు. ఇక తదుపరి మ్యాచ్‌లో పాక్‌ అఫ్గన్‌తో తలపడనున్న నేపథ్యంలో.. ‘‘చెన్నైలో అఫ్గనిస్తాన్‌తో మ్యాచ్‌ అంత ఈజీ కాదు. పాకిస్తాన్‌ బ్యాటర్లు స్పిన్‌ సమర్థవంతంగా ఎదుర్కోలేరు. ఏం జరుగుతుందో చూడాలి’’ అని మాజీ బ్యాటర్‌ రమీజ్‌ రాజా నిట్టూర్చాడు. చదవండి: WC 2023: సన్‌రైజర్స్‌కు ఆడినపుడు చాలా నేర్చుకున్నా: వార్నర్‌ View this post on Instagram A post shared by ICC (@icc)

ICC ODI WC 2023- Aus Vs Pak- David Warner Comments: పరిమిత ఓవర్ల క్రికెట్‌లో భారత గడ్డపై తన అద్భుత ఇన్నింగ్స్‌ వెనుక గల కారణాన్ని ఆస్ట్రేలియా వెటరన్‌ ఓపెనర్‌ డేవిడ్‌ వార్నర్‌ వెల్లడించాడు. ఇండియన్‌ ప్రీమియర్‌ లీగ్ ఆడటం ద్వారా ఉపఖండ పిచ్‌లపై తనకు అవగాహన పెరిగిందని తెలిపాడు. సన్‌రైజర్స్‌ హైదరాబాద్‌ జట్టుకు సుదీర్ఘకాలం ఆడిన అనుభవం తన కెరీర్‌ పొడగింపునకు ఎంతగానో ఉపయోగపడిందని వార్నర్‌ హర్షం వ్యక్తం చేశాడు. వన్డే వరల్డ్‌కప్‌-2023లో భాగంగా పాకిస్తాన్‌తో శుక్రవారం నాటి మ్యాచ్‌లో డేవిడ్‌ వార్నర్‌ అద్భుత శతకంతో మెరిసిన విషయం తెలిసిందే. 14 ఫోర్లు, 9 సిక్సర్లు బెంగళూరులో మొత్తంగా 124 బంతులు ఎదుర్కొన్న వార్నర్‌ భాయ్‌.. 14 ఫోర్లు, 9 సిక్సర్ల సాయంతో 163 పరుగులు సాధించాడు. ఒకదశలో డబుల్‌ సెంచరీ చేస్తాడేమో అన్నంతగా ఆకాశమే హద్దుగా చెలరేగాడు. అయితే, పాక్‌ పేసర్‌ హ్యారిస్‌ రవూఫ్‌ బౌలింగ్‌లో షాబాద్‌ ఖాన్‌కు క్యాచ్‌ ఇచ్చి పెవిలియన్‌ చేరాడు. భారీ స్కోరుతో జట్టుకు విజయం అందించి ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఈ నేపథ్యంలో ఐసీసీ డిజిటల్‌తో మాట్లాడిన డేవిడ్‌ వార్నర్‌ తన ఇన్నింగ్స్‌ పట్ల హర్షం వ్యక్తం చేశాడు. భారత పిచ్‌లపై తన సక్సెస్‌కు గల కారణాలు వెల్లడిస్తూ.. అప్పుడే చాలా నేర్చుకున్నా ‘‘ఐపీఎల్‌లో ఆడటం ద్వారా గత కొన్నేళ్లుగా నా ఆటలో ముఖ్యంగా టీ20 క్రికెట్‌లో చాలా మార్పులు వచ్చాయి. సన్‌రైజర్స్‌కు ఆడుతున్నపుడు ఎన్నో విషయాలు నేర్చుకున్నా. ఇలాంటి పిచ్‌లపై ఆడేటపుడు కాస్త సమయం తీసుకున్నా సరే.. ఒక్కసారి క్రీజులో నిలదొక్కుకుంటే భారీ స్కోర్లు సాధించవచ్చు. ఈరోజు ఈ మాటలు నాకు నిజం అనిపించాయి. 35 ఓవర్ల వరకు సెటిల్డ్‌గా ఉండి.. ఆ తర్వాత స్పీడు పెంచాను. నా ప్రణాళికలను పక్కాగా అమలు చేశాను’’ అని వార్నర్‌ పేర్కొన్నాడు. కాగా పాకిస్తాన్‌ మీద డేవిడ్‌ వార్నర్‌కు బెంగళూరు శతకం వరుసగా నాలుగోది కావడం విశేషం. సన్‌రైజర్స్‌ నుంచి అవమానకరరీతిలో ఐపీఎల్‌లో సుదీర్ఘకాలం పాటు సన్‌రైజర్స్‌కు ఆడిన వార్నర్‌ 2016లో జట్టును విజేతగా నిలిపాడు. కానీ, మేనేజ్‌మెంట్‌తో తలెత్తిన విభేదాల నేపథ్యంలో అతడిని అవమానకరరీతిలో తప్పించింది యాజమాన్యం.  అయితే, హైదరాబాద్‌ అభిమానులకు అప్పటికే వార్నర్‌ భాయ్‌గా దగ్గరైన ఈ ఆసీస్‌ ఓపెనర్‌.. ఇప్పటికీ తెలుగు హీరోల పాటలకు రీల్స్‌ చేస్తూ అలరిస్తూనే ఉన్నాడు. తాజాగా పాక్‌పై సెంచరీ చేసిన తర్వాత తగ్గేదేలే అంటూ పుష్ప స్టైల్లో సెలబ్రేట్‌ చేసుకోవడం విశేషం. కాగా గత సీజన్‌లో వార్నర్‌ ఢిల్లీ క్యాపిటల్స్‌ కెప్టెన్‌గా వ్యవహరించిన విషయం తెలిసిందే.  View this post on Instagram A post shared by ICC (@icc) View this post on Instagram A post shared by ICC (@icc)

ICC ODI WC 2023: పాకిస్తాన్‌ పేసర్‌ హ్యారిస్‌ రవూఫ్‌ ఆట తీరుపై టీమిండియా మాజీ క్రికెటర్‌ ఆకాశ్‌ చోప్రా కీలక వ్యాఖ్యలు చేశాడు. భారీ అంచనాలతో వన్డే వరల్డ్‌కప్‌-2023 బరిలోకి దిగిన అతడు స్థాయికి తగ్గ ప్రదర్శన చేయలేకపోతున్నాడని విమర్శించాడు. రవూఫ్‌ బౌలింగ్‌ అంటే చాలు బ్యాటర్లు పండుగ చేసుకుంటున్నారని పేర్కొన్నాడు. ఆస్ట్రేలియాతో మ్యాచ్‌లో మరీ చెత్తగా బౌలింగ్‌ చేశాడంటూ ఘాటు వ్యాఖ్యలు చేశాడు. కాగా ప్రపంచకప్‌-2023 టోర్నీలో భాగంగా పాకిస్తాన్‌- ఆస్ట్రేలియా మధ్య శుక్రవారం మ్యాచ్‌ జరిగింది. బెంగళూరులోని చిన్నస్వామి స్టేడియంలో జరిగిన ఈ మ్యాచ్‌లో ఆసీస్‌ ఓపెనర్లు డేవిడ్‌ వార్నర్‌(163), మిచెల్‌ మార్ష్‌(121) విధ్వంసకర ఇన్నింగ్స్‌ ముందు పాక్‌ బౌలర్ల పప్పులు ఉడకలేదు. వీరిద్దరు ఆకాశమే హద్దుగా చెలరేగి పరుగుల వరద పారించారు.  ఇక ఈ మ్యాచ్‌లో పాక్‌ ఫాస్ట్‌బౌలర్‌ హ్యారిస్‌ రవూఫ్‌ 8 ఓవర్ల బౌలింగ్‌లో ఏకంగా 83 పరుగులు సమర్పించుకున్నాడు. మూడు కీలక వికెట్లు తీసినప్పటికీ వార్నర్‌- మార్ష్‌ ద్వయం కారణంగా అప్పటికే ఆసీస్‌ భారీ స్కోరు దిశగా పయనించింది. నిర్ణీత 50 ఓవర్లలో 9 వికెట్ల నష్టానికి 367 పరుగులు చేసింది. వికెట్లు తీసి ఏం లాభం? ఈ క్రమంలో లక్ష్య ఛేదనలో పాక్‌ 305 పరుగులకే కుప్పకూలడంతో 62 పరుగుల తేడాతో ఆసీస్‌ ఘన విజయం సాధించింది. ఈ నేపథ్యంలో టీమిండియా మాజీ ఓపెనర్‌, కామెంటేటర్‌ ఆకాశ్‌ చోప్రా మాట్లాడుతూ.. ‘‘షాహిన్‌ ఆఫ్రిది 5 వికెట్లు తీయడంతో పాకిస్తాన్‌ తిరిగి పుంజుకోగలిగింది. హ్యారిస్‌ రవూఫ్‌ కూడా ఆఖర్లో వికెట్లు తీశాడు. బ్యాటర్లు అతడి వెంట పడి తరుముతున్నారు కానీ ఏం లాభం! ధారాళంగా పరుగులు ఇచ్చాడు. ట్యాప్‌ విరిగి నీళ్లు పారినట్లుగా ఆసీస్‌ బ్యాటర్లు అతడి బౌలింగ్‌లో పరుగుల వరద పారించారు. రవూఫ్‌ బౌలింగ్‌లో చితక్కొట్టారు. ఇప్పటికే ఈ టోర్నీలో చాలా మంది బ్యాటరుల​ రవూఫ్‌ బౌలింగ్‌ను ఓ ఆటాడుకున్నారు. టెర్రర్‌ బౌలర్‌గా టోర్నమెంట్లో అడుగుపెట్టిర రవూఫ్‌ ఆ స్థాయికి తగ్గట్లు ప్రభావం చూపలేకపోతున్నాడు. బ్యాటర్లు అతడి వెంట పరిగెడుతూ పరుగులు సాధిస్తున్నట్లుగా అనిపిస్తోంది’’ అంటూ హ్యారిస్‌ రవూఫ్‌ బౌలింగ్‌ను విమర్శించాడు. అయితే, తనదైన రోజు అతడు కచ్చితంగా ప్రభావం చూపుతాడని ఆకాశ్‌ చోప్రా పేర్కొనడం కొసమెరుపు. చదవండి: కోహ్లి సెంచరీ చేసిన తీరును తప్పుబట్టిన పుజారా! త్యాగం చేయాల్సింది..  View this post on Instagram A post shared by ICC (@icc)

ICC ODI WC 2023: ఆస్ట్రేలియా స్టార్‌ పేసర్‌ మిచెల్‌ స్టార్క్‌ అరుదైన ఘనత సాధించాడు. వరల్డ్‌కప్‌ టోర్నీలో పాకిస్తాన్‌ లెజెండరీ పేస్‌ బౌలర్‌ వసీం అక్రం పేరిట ఉన్న రికార్డును సమం చేశాడు. కాగా వన్డే ప్రపంచకప్‌-2023లో భాగంగా ఆసీస్‌ శుక్రవారం పాకిస్తాన్‌తో తలపడింది. బెంగళూరులోని చిన్నస్వామి స్టేడియంలో జరిగిన ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన పాకిస్తాన్‌కు.. కంగారూ ఓపెనర్లు చుక్కలు చూపించారు. డేవిడ్‌ వార్నర్‌- మిచెల్‌ మార్ష్‌ కలిసి మొదటి వికెట్‌కు రికార్డు స్థాయిలో 259 పరుగుల భాగస్వామ్యం నమోదు చేశారు. ఈ క్రమంలో నిర్ణీత 50 ఓవర్లలో 9 వికెట్ల నష్టానికి ఆసీస్‌ 367 పరుగులు చేసింది. ఇక లక్ష్య ఛేదనలో పాక్‌ 305 పరుగులకే పరిమితం కావడంతో ఆస్ట్రేలియా 62 పరుగుల తేడాతో ఘన విజయం సాధించింది.  ఆసీస్‌ స్పిన్నర్‌ ఆడం జంపా.. పాకిస్తాన్‌ కెప్టెన్‌ బాబర్‌ ఆజం(18), మహ్మద్‌ రిజ్వాన్‌(46), ఇఫ్తికార్‌ అహ్మద్‌(26) రూపంలో కీలక వికెట్లు తీయడంతో పాటు మహ్మద్‌ నవాజ్‌(14) వికెట్‌ కూడా తన ఖాతాలో వేసుకున్నాడు. పాక్‌ను తక్కువ స్కోరుకే కట్టడి చేయడంలో కీలక పాత్ర పోషించాడు. అయితే, స్టార్క్‌ మాత్రం ఈ మ్యాచ్‌లో పెద్దగా ప్రభావం చూపలేకపోయాడు. 8 ఓవర్ల బౌలింగ్‌లో ఏక​ంగా 65 పరుగులు సమర్పించుకుని.. ఒక (హసన్‌ అలీ(8)) వికెట్‌ తీయగలిగాడు. అయినప్పటికీ ఓ అరుదైన రికార్డు సాధించాడు. వరల్డ్‌కప్‌ చరిత్రలో అత్యధిక వికెట్లు తీసిన బౌలర్ల జాబితాలో వసీం అక్రంతో కలిసి సంయుక్తంగా నాలుగో స్థానంలో నిలిచాడు. అదే విధంగా ఈ ఘనత సాధించిన రెండో ఆసీస్‌ బౌలర్‌గా చరిత్రకెక్కాడు. వరల్డ్‌కప్‌ చరిత్రలో అత్యధిక వికెట్లు తీసిన టాప్‌ బౌలర్లు ►గ్లెన్‌ మెగ్రాత్‌(ఆస్ట్రేలియా)- 39 మ్యాచ్‌లలో 71 వికెట్లు ►ముత్తయ్య మురళీధరన్‌(శ్రీలంక)- 40 మ్యాచ్‌లలో 68 వికెట్లు ►లసిత్‌ మలింగ(శ్రీలంక)- 29 మ్యాచ్‌లలో 56 వికెట్లు ►మిచెల్‌ స్టార్క్‌(ఆస్ట్రేలియా)- 22 మ్యాచ్‌లలో 55 వికెట్లు ►వసీం అక్రం(పాకిస్తాన్‌)- 38 మ్యాచ్‌లలో 55 వికెట్లు. ►►వసీం అక్రం కంటే వేగంగా స్టార్క్‌ 55 వికెట్లు తీయడం గమనార్హం. చదవండి: WC 2023: అందుకే ఓడిపోయాం.. ప్రధాన కారణం అదే.. అతడి వల్లే.: బాబర్‌ ఆజం View this post on Instagram A post shared by ICC (@icc)

ICC ODI WC 2023- Aus Vs Pak- Babar Azam Comments On Loss: ‘‘మా స్థాయికి తగ్గట్లు బౌలింగ్‌ చేయలేకపోయాం. ఇక వార్నర్‌ లాంటి బ్యాటర్‌ ఇచ్చిన క్యాచ్‌ జారవిడిస్తే.. అతడు వదిలిపెడతాడా? కచ్చితంగా మనం మూల్యం చెల్లించుకునేలా చేస్తాడు. నిజానికి ఈ గ్రౌండ్‌లో భారీ స్కోర్లు సాధారణమే. మా లక్ష్యం కూడా మరీ ఛేదించలేనిదైతే కాదు. ఏదేమైనా మా ఫాస్ట్‌బౌలర్లు, స్పిన్నర్లు ఆఖరి ఓవర్లలో మెరుగైన ప్రదర్శనతో తిరిగి పుంజుకునేలా చేశారు. మేము టార్గెట్‌ ఛేజ్‌ చేయగలమనే సందేశాన్ని ఇచ్చారు. View this post on Instagram A post shared by ICC (@icc) గతంలో ఇలాంటివి మాకు అనుభవమే. కానీ ఈరోజు అలా జరుగలేదు. మిడిల్‌ ఓవర్లలో భారీ భాగస్వామ్యాలు నెలకొల్పలేకపోయాం’’ అని పాకిస్తాన్‌ కెప్టెన్‌ బాబర్‌ ఆజం విచారం వ్యక్తం చేశాడు.  పాకిస్తాన్‌ను చిత్తు చేసిన ఆసీస్‌ వన్డే వరల్డ్‌కప్‌-2023లో భాగంగా ఆస్ట్రేలియా చేతిలో ఓటమి నేపథ్యంలో ఈ మేరకు వ్యాఖ్యలు చేశాడు. కాగా బెంగళూరులోని చిన్నస్వామి స్టేడియంలో శుక్రవారం జరిగిన మ్యాచ్‌లో కంగారూ జట్టు.. పాక్‌ను 62 పరుగుల తేడాతో చిత్తు చేసిన విషయం తెలిసిందే. వార్నర్‌, మార్ష్‌ విధ్వంసకర ఇన్నింగ్స్‌ టాస్‌ గెలిచి తొలుత బౌలింగ్‌ ఎంచుకున్న బాబర్‌ ఆజం బృందం.. ఆసీస్‌ ఓపెనర్లు డేవిడ్‌ వార్నర్‌(163), మిచెల్‌ మార్ష్‌(121)లను ఏ దశలోనూ కట్టడి చేయలేకపోయింది. వారిద్దరిని అవుట్‌ చేసినప్పటికీ అప్పటికే స్కోరు బోర్డుపై భారీ స్కోరుకు పునాది పడింది. ఆరంభంలో వార్నర్‌ ఇచ్చిన క్యాచ్‌లను రెండుసార్లు మిస్‌ చేయడంతో పాక్‌ భారీ మూల్యమే చెల్లించాల్సి వచ్చింది. ఈ క్రమంలో తిరిగి పుంజుకున్న పాక్‌ బౌలర్లు ఆసీస్‌ మిడిలార్డర్‌, లోయర్‌ ఆర్డర్‌ను దాదాపు సింగిల్‌ డిజిట్‌ స్కోర్లకే పరిమితం చేసినా.. పెద్దగా ఫలితం లేకుండా పోయింది. View this post on Instagram A post shared by ICC (@icc) ఓపెనింగ్‌ జోడీ శుభారంభం.. కానీ నిర్ణీత 50 ఓవర్లలో ఆస్ట్రేలియా 9 వికెట్ల నష్టానికి 367 పరుగులు చేసింది. పాక్‌ పేసర్‌ షాహిన్‌ ఆఫ్రిదికి అత్యధికంగా 5 వికెట్లు దక్కాయి. ఈ క్రమంలో భారీ లక్ష్యంతో బరిలోకి దిగిన పాక్‌కు ఓపెనర్లు అబ్దుల్లా షఫీక్‌(64), ఇమామ్‌ ఉల్‌ హక్‌(70) శుభారంభాలు అందించినా.. కెప్టెన్‌ బాబర్‌ ఆజం 18 పరుగులకే పెవిలియన్‌ చేరడం ప్రభావం చూపింది. మిగతా వాళ్లలో మహ్మద్‌ రిజ్వాన్‌ 46, సౌద్‌ షకీల్‌ 30, ఇఫ్తికర్‌ అహ్మద్‌ 26 పరుగులతో ఫర్వాలేదనిపించగా.. ఆసీస్‌ బౌలర్ల ధాటికి లోయర్‌ ఆర్డర్‌ కుప్పకూలిపోయింది. ముఖ్యంగా స్పిన్నర్‌ ఆడం జంపా ఆది నుంచే ఒత్తిడి పెంచుతూ కీలక వికెట్లు తీశాడు. ఫలితంగా 45.3 ఓవర్లలో 305 పరుగులకే పాక్ ఆలౌట్‌ అయింది. ఓటమికి ప్రధాన కారణం అదే ఈ నేపథ్యంలో పరాజయంపై స్పందించిన పాకిస్తాన్‌ సారథి బాబర్‌ ఆజం.. ‘‘ఆసీస్‌ ఇన్నింగ్స్‌లో తొలి 10 ఓవర్లలో మా బౌలర్లు మరింత మెరుగ్గా రాణించాల్సింది. అదే విధంగా.. మిడిల్‌ ఓవర్లలో మా బ్యాటర్లు ఇంకాస్త బెటర్‌గా ఆడితే బాగుండేది’’ అంటూ ఓటమికి గల కారణాలు విశ్లేషించాడు. కాగా ఈ మ్యాచ్‌లో అద్భుత శతకంతో మెరిసిన డేవిడ్‌ వార్నర్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. చదవండి: టీమిండియాకు షాక్‌! బీసీసీఐ కీలక ప్రకటన.. పాండ్యా అవుట్‌.. ఇక  View this post on Instagram A post shared by ICC (@icc)

వన్డే ప్రపంచకప్‌-2023లో ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ తొలి సెంచరీ నమోదు చేశాడు. ఈ మెగా టోర్నీలో భాగంగా బెంగళూరు వేదికగా పాకిస్తాన్‌తో జరుగుతున్న మ్యాచ్‌లో వార్నర్‌ విధ్వంసకర సెంచరీతో చెలరేగాడు. కేవలం 85 వార్నర్‌ తన సెంచరీ మార్క్‌ను అందుకున్నాడు. డేవిడ్‌ భాయ్‌ పాకిస్తాన్‌ బౌలర్లకు మాత్రం చుక్కలు చూపించాడు. ఓవరాల్‌గా ఈ మ్యాచ్‌లో 124 బంతులు ఎదుర్కొన్న వార్నర్‌ 14 ఫోర్లు, 9 సిక్స్‌లతో 163 పరుగులు చేశాడు. మిచెల్‌ మార్ష్‌తో తొలి వికెట్‌కు ఏకంగా 259 పరుగుల భారీ బాగస్వామ్యం నెలకొల్పాడు. పుష్ప సెలబ్రేషన్.. ఈ మ్యాచ్‌లో సెంచరీ చేసిన తర్వాత వార్నర్‌ పుష్ప సెలబ్రేషన్‌ జరుపుకున్నాడు. తగ్గేదేలే అన్నట్లు పుష్ప మేనరిజం చూపించాడు. దీంతో చిన్నస్వామి స్టేడియం మొత్తం ఒక్కసారిగా దద్దరిల్లిపోయింది.  ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. కాగా గతంలో కూడా చాలా సార్లు పుష్ఫలో అల్లు అర్జున్ తరహా డ్యాన్సులు, డైలాగ్‌లతో వార్నర్‌ అభిమానులను అలరించాడు. చదవండి: India vs New Zealand: న్యూజిలాండ్‌తో మ్యాచ్‌.. హార్దిక్‌ దూరం! జట్టులోకి విధ్వంసకర ఆటగాడు Warner 🤝 Pushpa celebration. - The craze for Allu Arjun....!!!!pic.twitter.com/YmKGFQBPfc — Johns. (@CricCrazyJohns) October 20, 2023

వన్డే ప్రపంచకప్‌-2023లో భాగంగా బెంగళూరు వేదికగా పాకిస్తాన్‌తో జరుగుతున్న మ్యాచ్‌లో ఆస్ట్రేలియా  అదరగొట్టింది. ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన ఆసీస్‌.. నిర్ణీత 50 ఓవర్లలో 9 వికెట్ల నష్టానికి 367 పరుగుల స్కోర్‌ సాధించింది. ఆసీస్‌ బ్యాటర్లలో ఓపెనర్లు డేవిడ్‌ వార్నర్‌, మిచెల్‌ మార్ష్‌ విధ్వంసకర శతకాలతో చెలరేగారు.  వీరిద్దరూ తొలి వికెట్‌కు ఏకంగా 259 పరుగుల భారీ బాగస్వామ్యం నెలకొల్పారు. వార్నర్‌ 124 బంతుల్లో  14 ఫోర్లు, 9 సిక్స్‌లతో 163 పరుగులు చేయగా. మార్ష్‌ 108 బంతుల్లో 10 ఫోర్లు, 9 సిక్స్‌లతో 121 పరుగులు సాధించాడు. అయితే ఓ దశలో 400 మార్క్‌ సులభంగా దాటేలా కన్పించిన ఆసీస్‌.. మిడిలార్డర్‌ విఫలమకావడంతో 365 పరుగులకే పరిమితమైంది.  పాక్‌ బౌలర్లలో షాహీన్‌ షా అఫ్రిది ఐదు వికెట్లు పడగొట్టగా.. హ్యారీస్‌ రవూఫ్‌ మూడు, ఉస్మా మీర్‌ ఒక్క వికెట్‌ సాధించారు. చదవండి: WC 2023 PAK vs AUS: పాకిస్తాన్‌పై సూపర్‌ సెంచరీ.. చరిత్ర సృష్టించిన డేవిడ్‌ వార్నర్‌

వన్డే ప్రపంచకప్‌-2023లో భాగంగా పాకిస్తాన్‌లో మ్యాచ్‌లో ఆస్ట్రేలియా ఓపెనర్‌ మిచెల్‌ మార్ష్‌ విధ్వంసం సృష్టించాడు. ఈ మ్యాచ్‌లో మార్ష్‌ అద్భుతమైన సెంచరీతో చెలరేగాడు. పాకిస్తాన్‌ బౌలర్లను మార్ష్‌ ఊచకోత కోశాడు. ఓవరాల్‌గా ఈ మ్యాచ్‌లో 108 బంతులు ఎదుర్కొన్న మార్ష్‌ 10 ఫోర్లు, 4 సిక్స్‌లతో 121 పరుగులు చేశాడు. కాగా మార్ష్‌ తన పుట్టిన రోజునే సెంచరీని సాధించడం విశేషం. ఆక్టోబర్‌ 20న మార్ష్‌ 32 వ వసంతంలోకి అడుగుపెట్టాడు. ఇక బర్త్‌డే రోజున సెంచరీతో చెలరేగిన మార్ష్‌ ఓ అరుదైన ఘనతను తన పేరిట లిఖించుకున్నాడు. వన్డే ప్రపంచకప్‌లో బర్త్‌డే రోజున సెంచరీ నమోదు చేసిన రెండో ఆటగాడిగా మార్ష్‌ రికార్డులకెక్కాడు. ఈ అరుదైన ఫీట్‌ సాధించిన జాబితాలో తొలి స్ధానంలో కివీస్‌ దిగ్గజం రాస్‌ టేలర్‌ ఉన్నాడు. 2011 వన్డే ప్రపంచకప్‌లో పాకిస్తాన్‌పై టేలర్‌ తన జన్మదినం నాడు సెంచరీ చేశాడు. ఓవరాల్‌గా అంతర్జాతీయ వన్డేల్లో ఈ ఫీట్‌ సాధించిన లిస్ట్‌లో మార్ష్‌ ఆరో స్ధానంలో నిలిచాడు. చదవండి: WC 2023 PAK vs AUS: పాకిస్తాన్‌పై సూపర్‌ సెంచరీ.. చరిత్ర సృష్టించిన డేవిడ్‌ వార్నర్‌ View this post on Instagram A post shared by ICC (@icc)

వన్డే ప్రపంచకప్‌-2023లో భాగంగా బెంగళూరు వేదికగా పాకిస్తాన్‌తో జరుగుతున్న మ్యాచ్‌లో ఆస్ట్రేలియా ఓపెనర్‌ డేవిడ్‌ వార్నర్‌ అద్భుతమైన సెంచరీతో చెలరేగాడు. ఈ మ్యాచ్‌లో 85 బంతుల్లోనే 7 ఫోర్లు, 4 సిక్స్‌ల సాయంతో సెంచరీ మార్క్‌ను అందుకున్నాడు. పాకిస్తాన్‌ బౌలర్లకు వార్నర్‌ చుక్కలు చూపించాడు. ముఖ్యంగా పాక్‌ స్టార్‌ పేసర్‌ హ్యారీస్‌ రవూఫ్‌కు అయితే డేవిడ్‌ భాయ్‌ ఓ ఆట ఆడకున్నాడు. వార్నర్‌తో పాటు మరో ఓపెనర్‌ మిచెల్‌ మార్ష్‌ కూడా సెంచరీతో మెరిశాడు. వీరిద్దరి దెబ్బకు రవూఫ్‌ కేవలం 4 ఓవర్లు మాత్రమే వేసి ఏకంగా 59 పరుగులు సమర్పించుకున్నాడు. వార్నర్ 129 పరుగులతో బ్యాటింగ్‌ చేస్తుండగా.. మిచెల్‌ మార్ష్‌(121) పరుగులు చేసి ఔటయ్యాడు. విరాట్‌ కోహ్లి రికార్డు సమం..  కాగా పాకిస్తాన్‌పై ఇది వార్నర్‌కు నాలుగో సెంచరీ. తద్వారా ఓ అరుదైన ఘనతను వార్నర్‌ తన పేరిట లిఖించుకున్నాడు. ఒకే జట్టుపై వరుసగా వన్డేల్లో అత్యధిక సెంచరీలు చేసిన విరాట్‌ కోహ్లి రికార్డును వార్నర్‌ సమం చేశాడు. ఇప్పటివరకు  కోహ్లి వెస్టిండీస్‌పై 4 సార్లు వన్డేల్లో సెంచరీ సాధించాడు. అయితే కోహ్లి ఈ ఘనతను కేవలం ఒకే ఏడాదిలో అందుకున్నాడు. 2017-18 కాలంలో ఈ ఫీట్‌ను అందుకున్నాడు. వార్నర్‌ మాత్రం 2017-2023 కాలంలో ఈ రికార్డును నమోదు చేశాడు. చదవండి: IND vs BAN: బంగ్లాతో మ్యాచ్‌కు అతడిని ఎందుకు ఆడించారు? భారత జట్టు మేనెజ్‌మెంట్‌పై గవాస్కర్‌ ఫైర్‌ View this post on Instagram A post shared by ICC (@icc)

ICC ODI WC 2023- Warner- Marsh 100s Against Pakistan: వన్డే వరల్డ్‌కప్‌-2023లో పాకిస్తాన్‌తో మ్యాచ్‌లో ఆస్ట్రేలియా ఓపెనర్లు మిచెల్‌ మార్ష్‌, డేవిడ్‌ వార్నర్‌ ఆకాశమే హద్దుగా చెలరేగారు. పాక్‌ బౌలర్లకు చుక్కలు చూపిస్తూ ఇద్దరూ శతక్కొట్టారు. ప్రపంచకప్‌ టోర్నీలో భాగంగా బెంగళూరులోని చిన్నస్వామి స్టేడియంలో ఆసీస్‌తో మ్యాచ్‌లో టాస్‌ గెలిచిన పాక్‌ తొలుత బౌలింగ్‌ ఎంచుకుంది. ఫోర్లు, సిక్సర్ల వర్షం ఈ క్రమంలో క్రీజులోకి వచ్చిన కంగారూ జట్టు ఓపెనర్లు మార్ష్‌, వార్నర్‌ మొదటి ఓవర్‌ నుంచే దూకుడుగా ఆడారు. చక్కటి సమన్వయంతో సింగిల్స్‌ తీస్తూనే అవకాశం వచ్చినప్పుడల్లా ఫోర్లు, సిక్సర్ల వర్షం కురిపించారు. పాకిస్తాన్‌ ఫీల్డర్ల తప్పిదాలను క్యాష్‌ చేసుకుంటూ.. స్కోరు బోర్డును పరుగులు పెట్టించారు. ఈ క్రమంలో 21వ ఓవర్‌ రెండో బంతికే 150 పరుగులు భాగస్వామ్యం నమోదు చేసిన మార్ష్‌, వార్నర్‌.. 31వ ఓవర్లో ఇద్దరూ శతకాలు సాధించారు. పాక్‌ స్పిన్నర్‌ మహ్మద్‌ నవాజ్‌ బౌలింగ్‌లో నాలుగో బంతికి వార్నర్‌ 100 పరుగుల మార్కు అందుకోగా.. ఆ మరుసటి బంతికే మార్ష్‌ ఫోర్‌ బాది శతకం పూర్తి చేసుకున్నాడు. View this post on Instagram A post shared by ICC (@icc) పాకిస్తాన్‌పై వరుసగా నాలుగోది.. బర్త్‌డే బాయ్‌కు మొదటి వరల్డ్‌కప్‌ సెంచరీ ఇక వెటరన్‌ ఓపెనర్‌ వార్నర్‌కు ఇది పాకిస్తాన్‌పై వరుసగా నాలుగో సెంచరీ కాగా.. మిచెల్‌ మార్ష్‌ పుట్టినరోజును ఇలా హండ్రెడ్‌తో సెలబ్రేట్‌ చేసుకున్నాడు. ఈ క్రమంలో వీరిద్దరు వన్డే వరల్డ్‌కప్‌లో సరికొత్త చరిత్ర సృష్టించారు. View this post on Instagram A post shared by ICC (@icc)  ఆస్ట్రేలియా తరఫున ప్రపంచకప్‌ ఈవెంట్లో తొలిసారి సెంచరీలు నమోదు చేసిన ఓపెనింగ్‌ జోడీగా మార్ష్‌, వార్నర్‌ నిలిచారు. ఓవరాల్‌గా ఈ ఘనత సాధించిన నాలుగో జంటగా రికార్డులకెక్కారు. అంతకు ముందు ఈ ఫీట్‌ నమోదు చేసిన ఓపెనింగ్‌ జోడీలు..  ►2011- ఉపుల్‌ తరంగ- తిలకరత్నె దిల్షాన్‌(శ్రీలంక)- జింబాబ్వే మీద- పల్లెకెలో ►2011 క్వార్టర్‌ ఫైనల్‌- ఉపుల్‌ తరంగ- తిలకరత్నె దిల్షాన్‌(శ్రీలంక)- ఇంగ్లండ్‌ మీద- కొలంబోలో ►2019- రోహిత్‌ శర్మ- కేఎల్‌ రాహుల్‌(ఇండియా)- శ్రీలంక మీద- లీడ్స్‌లో ►తాజాగా.. 2023- డేవిడ్‌ వార్నర్‌- మిచెల్‌ మార్ష్‌- పాకిస్తాన్‌ మీద- బెంగళూరులో. View this post on Instagram A post shared by ICC (@icc) ►కాగా పాకిస్తాన్‌ మీద వరల్డ్‌కప్‌లో ఇలా ఓ జట్టు ఓపెనర్లు ఇద్దరూ సెంచరీ చేయడం ఇదే తొలిసారి. దీంతో మార్ష్‌, వార్నర్‌ కారణంగా పాక్‌ ఖాతాలో చెత్త రికార్డు నమోదైంది.  చదవండి: WC 2023: టీమిండియాకు షాక్‌! బీసీసీఐ కీలక ప్రకటన.. వైస్‌ కెప్టెన్‌ అవుట్‌.. ఇక

వన్డే ప్రపంచకప్‌-2023లో భాగంగా బెంగళూరు వేదికగా పాకిస్తాన్‌- ఆస్ట్రేలియా జట్లు తలపడుతున్నాయి. ఈ మ్యాచ్‌లో టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. ఆస్ట్రేలియా ఎటువంటి మార్పులు లేకుండా బరిలోకి దిగగా.. పాకిస్తన్‌ మాత్రం తమ తుది జట్టులో ఒకే ఒక మార్పు చేసింది. ఏకంగా తమ వైస్‌ కెప్టెన్‌పై వేటు వేసిన పాక్‌ జట్టు మేనెజ్‌మెంట్‌.. యువ స్పిన్నర్‌ ఉస్మా మీర్‌కు ప్లేయింగ్‌ ఎలెవన్‌లో చోటిచ్చింది. పాకిస్తాన్‌ చెత్త రివ్యూ.. కాగా ఈ మ్యాచ్‌లో పాకిస్తాన్‌ తీసుకున్న ఓ రివ్యూ తీవ్ర చర్చనీయాంశమైంది. షాహీన్‌ అఫ్రిది అత్యుత్సహం వల్ల పాకిస్తాన్‌ మొదటిలోనే ఒక రివ్యూను కోల్పోయింది. ఆస్ట్రేలియా ఇన్నింగ్స్‌ను ఆరంభించేందుకు ఓపెనర్లు మిచెల్‌ మార్ష్‌, డేవిడ్‌ వార్నర్‌ క్రీజులోకి వచ్చారు. పాకిస్తాన్‌ బౌలింగ్‌ ఎటాక్‌ను మొదలు పెట్టేందుకు బాబర్‌ ఆజం షాహీన్‌ అఫ్రిది చేతికి బంతి ఇచ్చాడు. తొలి ఓవర్‌లో అఫ్రిది వేసిన మొదటి బంతిని డేవిడ్‌ వార్నర్‌ డిఫెన్స్‌ ఆడేందుకు ప్రయత్నించాడు. అయితే బంతి బ్యాట్‌కు తాకి ప్యాడ్‌కు తగిలింది. కానీ షాహీన్‌ అఫ్రిది మాత్రం ఎల్బీకి గట్టిగా అప్పీల్‌ చేశాడు. అంపైర్‌ మాత్రం నాటౌట్‌ అంటూ తల ఊపాడు. అయితే పాక్‌ కెప్టెన్‌ బాబర్‌ ఆజం మాత్రం షాహీన్‌ మీద నమ్మకంతో ఆఖరి సెకెండ్‌లో రివ్యూకు వెళ్లాడు. అయితే రిప్లేలో మాత్రం బంతి క్లియర్‌గా బ్యాట్‌కు తాకినట్లు కన్పించింది. దీంతో థర్డ్‌ అంపైర్‌ కూడా నాటౌట్‌గా ప్రకటించాడు. దీంతో పాకిస్తాన్‌ ఆటగాళ్ల ముఖాలు వాడిపోయాయి. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఈ క్రమంలో కొంచెం​ కూడా తెలివి లేకుండా చెత్త రివ్యూ తీసుకున్న బాబర్‌ను నెటిజన్లు దారుణంగా ట్రోలు చేస్తున్నారు. చదవండి: BCCI-Hardik Pandya Ruled Out: టీమిండియాకు షాక్‌! బీసీసీఐ కీలక ప్రకటన.. పాండ్యా అవుట్‌.. ఇక pic.twitter.com/msqWzeDHGV — Sitaraman (@Sitaraman112971) October 20, 2023

వన్డే ప్రపంచకప్‌ 2023లో భాగంగా బెంగళూరులోని చిన్నస్వామి స్టేడియం వేదికగా ఇవాళ (అక్టోబర్‌ 20) పాకిస్తాన్‌, ఆస్ట్రేలియా జట్లు తలపడనున్నాయి. ఈ మ్యాచ్‌లో టాస్‌ గెలిచిన పాక్‌ తొలుత ఫీల్డింగ్‌ ఎంచుకుంది. పాక్‌ జట్టులో ఓ మార్పు చేసింది. షాదాబ్‌ ఖాన్‌ స్థానంలో ఉసామా మిర్‌ తుది జట్టులోకి వచ్చాడు. ఆసీస్ గత మ్యాచ్‌లో ఆడిన జట్టుతోనే బరిలోకి దిగనుంది.  తుది జట్లు.. ఆస్ట్రేలియా: మిచెల్ మార్ష్, డేవిడ్ వార్నర్, స్టీవెన్ స్మిత్, మార్నస్ లాబుషేన్‌, జోష్ ఇంగ్లిస్(వికెట్‌కీపర్‌), గ్లెన్ మాక్స్‌వెల్, మార్కస్ స్టోయినిస్, మిచెల్ స్టార్క్, పాట్ కమిన్స్(కెప్టెన్‌), ఆడమ్ జంపా, జోష్ హాజిల్‌వుడ్ పాకిస్తాన్‌: అబ్దుల్లా షఫీక్, ఇమామ్-ఉల్-హక్, బాబర్ ఆజం(కెప్టెన్‌), మహ్మద్ రిజ్వాన్(వికెట్‌కీపర్‌), సౌద్ షకీల్, ఇఫ్తీకర్ అహ్మద్, ఉసామా మిర్‌, మహ్మద్ నవాజ్, హసన్ అలీ, షాహీన్ అఫ్రిది, హరీస్ రవూఫ్

వన్డే ప్రపంచకప్‌ 2023లో ఇవాళ (అక్టోబర్‌ 20) అత్యంత కీలక సమరం జరుగనుంది. బెంగళూరులోని చిన్నస్వామి స్టేడియం వేదికగా పాకిస్తాన్‌, ఆస్ట్రేలియా జట్లు తలపడనున్నాయి. ఈ మ్యాచ్‌ మధ్యాహ్నం 2 గంటల నుంచి ప్రారంభమవుతుంది. గెలుపే లక్ష్యంగా ఇరు జట్లు ఈ మ్యాచ్‌ బరిలోకి దిగనున్నాయి. ఇరు జట్లకు ఈ మ్యాచ్‌లో గెలుపు కీలకం కావడంతో ఈ మ్యాచ్‌కు ప్రాధాన్యత సంతరించకుంది.  పాక్‌తో పోలిస్తే ఆసీస్‌కే అత్యంత కీలకం ప్రస్తుత వరల్డ్‌కప్‌లో ఇరు జట్లు ఇప్పటివరకు చెరి 3 మ్యాచ్‌లు ఆడగా.. పాక్‌ రెండింటిలో, ఆస్ట్రేలియా ఓ మ్యాచ్‌లో గెలుపొందాయి. ఆడిన 3 మ్యాచ్‌ల్లో రెండింట ఓడిన ఆసీస్‌కు ఈ మ్యాచ్‌ అత్యంత కీలకం కానుంది. పాక్‌తో పోలిస్తే ఆసీస్‌కు ఈ మ్యాచ్‌లో విజయం చాలా అవసరం. సెమీస్‌ రేసులో నిలవాలంటే ఆసీస్‌ ఈ మ్యాచ్‌లో తప్పనిసరిగా గెలవాలి.  సెమీస్‌ రేసులో న్యూజిలాండ్‌, భారత్‌ ముందంజ.. సెమీస్‌ రేసులో న్యూజిలాండ్‌, భారత్‌లు ముందంజలో ఉండగా.. సౌతాఫ్రికా, పాకిస్తాన్‌లు ఆతర్వాతి స్థానాల్లో ఉన్నాయి. ఆసీస్‌ టాప్‌-4లోకి చేరి సెమీస్‌ రేసులో నిలవాలంటే ఈ మ్యాచ్‌లో తప్పనిసరిగా పాక్‌ను ఓడించాలి.  ఆరో స్థానంలో ఆసీస్‌.. నాలుగో ప్లేస్‌లో పాక్‌ భారత్‌, దక్షిణాఫ్రికా చేతుల్లో ఓడి శ్రీలంకపై కంటితుడుపు విజయాన్ని సాధించిన ఆసీస్‌.. ప్రస్తుతం పాయింట్ల పట్టికలో ఇంగ్లండ్‌ తర్వాత ఆరో స్థానంలో ఉండగా.. నెదర్లాండ్స్‌, శ్రీలంకలను ఓడించి, భారత్‌ చేతిలో ఓడిన పాక్‌ నాలుగో స్థానంలో కొనసాగుతుంది. ఈ మ్యాచ్‌లో గెలుపోటములు పాయింట్ల పట్టికలో స్థానాలను తారుమారు చేయడంతో పాటు సెమీస్‌ బెర్తులపై ఓ అవగాహణ తీసుకువస్తాయి. పాక్‌కు ముందుంది ముసళ్ల పండగ.. ఇప్పటివరకు నెదర్లాండ్స్‌, శ్రీలంక లాంటి చిన్న జట్లను ఓడించిన పాక్‌.. తదుపరి మ్యాచ్‌ల్లో (ఆసీస్‌తో మ్యాచ్‌ కాక) సౌతాఫ్రికా, న్యూజిలాండ్‌, ఇంగ్లండ్‌ లాంటి పటిష్టమైన జట్లతో పాటు చిన్న జట్లైన ఆఫ్ఘనిస్తాన్‌, బంగ్లాదేశ్‌లను ఢీకొట్టాల్సి ఉంది.  ఆసీస్‌ విషయానికొస్తే.. భారత్‌, సౌతాఫ్రికా లాంటి పటిష్టమైన జట్ల చేతుల్లో ఓడి, శ్రీలంకపై విజయం సాధించిన ఆసీస్‌.. తదుపరి మ్యాచ్‌ల్లో (పాక్‌తో మ్యాచ్‌ కాకుండా) చిన్న జట్లైన నెదర్లాండ్స్‌, ఆఫ్ఘనిస్తాన్‌, బంగ్లాదేశ్‌తో పాటు న్యూజిలాండ్‌, ఇంగ్లండ్‌ లాంటి పటిష్టమైన జట్లతో తలపడాల్సి ఉంది.  ఎవరిది పై చేయి..? వన్డే ప్రపంచకప్‌లో ఇరు జట్ల మధ్య ఇప్పటివరకు మొత్తం 10 మ్యాచ్‌లు జరగ్గా ఆరింట ఆస్ట్రేలియా, నాలుగు మ్యాచ్‌ల్లో పాకిస్తాన్‌ గెలుపొందాయి. ఇరు జట్ల మధ్య చివరి వరల్డ్‌కప్‌లో (2019) జరిగిన మ్యాచ్‌లో ఆసీస్‌ విజయం సాధించింది.  తుది జట్లు (అంచనా).. ఆస్ట్రేలియా: మిచెల్ మార్ష్, డేవిడ్ వార్నర్, స్టీవెన్ స్మిత్, మార్నస్ లాబుషేన్‌, జోష్ ఇంగ్లిస్(వికెట్‌కీపర్‌), గ్లెన్ మాక్స్‌వెల్, మార్కస్ స్టోయినిస్, మిచెల్ స్టార్క్, పాట్ కమిన్స్(కెప్టెన్‌), ఆడమ్ జంపా, జోష్ హాజిల్‌వుడ్ పాకిస్తాన్‌: అబ్దుల్లా షఫీక్, ఇమామ్-ఉల్-హక్, బాబర్ ఆజం(కెప్టెన్‌), మహ్మద్ రిజ్వాన్(వికెట్‌కీపర్‌), సౌద్ షకీల్, ఇఫ్తీకర్ అహ్మద్, షాదాబ్ ఖాన్, మహ్మద్ నవాజ్, హసన్ అలీ, షాహీన్ అఫ్రిది, హరీస్ రవూఫ్

వన్డే ప్రపంచకప్‌-2023లో టీమిండియా చేతిలో ఘోర ఓటమిపాలైన పాకిస్తాన్‌.. మరో కీలక పోరుకు సిద్దమవుతోంది. ఈ మెగా టోర్నీలో భాగంగా అక్టోబర్‌ 20న బెంగళూరు వేదికగా ఆస్ట్రేలియాతో పాక్‌ తలపడనుంది. ఈ మ్యాచ్‌ కోసం ఇప్పటికే బెంగళూరుకు పాక్‌ జట్టు చేరుకుంది. అయితే ఆదివారం బెంగళూరుకు చేరుకున్న పాక్‌ జట్టు ఇప్పటివరకు ప్రాక్టీస్‌ సెషన్స్‌లో మాత్రం పాల్గోనలేదు.  ఎందుకంటే పాక్‌ జట్టులో నలుగురు, ఐదుగురు ఆటగాళ్లు వైరల్‌ ఫీవర్‌తో బాధపడుతున్నారు. వారిలో  షాహీన్ అఫ్రిది, అబ్దుల్లా షఫీక్, జమాన్ ఖాన్, ఉసామా మీర్ వంటి స్టార్‌ ఆటగాళ్లు ఉన్నారు. ముందు జాగ్రత్తగా వీరికి వైద్య సిబ్బంది కోవిడ్‌ పరీక్షలు నిర్వహించగా.. నెగిటివ్‌గా తేలింది. అయితే ఆసీస్‌తో మ్యాచ్‌ సమయానికి వీరు కోలుకుంటారని ఫ్యాన్స్‌ ఆశిస్తున్నారు. కాగా షెడ్యూల్‌ ప్రకారం పాకిస్తాన్‌ జట్టు చిన్నస్వామి స్టేడియంలో తమ తొలి ప్రాక్టీస్‌ పాల్గొనవలసింది. కానీ ఆటగాళ్లు అనారోగ్యంతో బాధపడుతున్నందన ప్రాక్టీస్‌ సెషన్స్‌ను సపోర్ట్‌ స్టాప్‌ నిర్వహించలేదు. ప్రస్తుతం పాయింట్ల పట్టికలో పాకిస్తాన్‌ నాలుగో స్ధానంలో కొనసాగుతోంది. చదవండి: OTD: లారా రికార్డు బద్దలు కొట్టిన సచిన్‌.. టెస్టు క్రికెట్‌ చరిత్రలోనే..! వీడియో చూశారా

వన్డే వరల్డ్‌కప్‌-2023 టోర్నీ ఆరంభానికి ముందు పాకిస్తాన్‌తో జరిగిన వామప్‌ మ్యాచ్‌ను ఆస్ట్రేలియా జట్టు అన్ని విధాలగా ఉపయోగించుకుంది. హైదరాబాద్‌లోని రాజీవ్‌గాంధీ స్టేడియం వేదికగా జరిగిన ఈ మ్యాచ్‌లో 14 పరుగుల తేడాతో ఆసీస్‌ విజయం సాధించింది. టాస్‌ గెలిచి ముందుగా బ్యాటింగ్‌కు దిగిన ఆ్రస్టేలియా 50 ఓవర్లలో 7 వికెట్ల నష్టానికి 351 పరుగులు చేసింది. ఆసీస్‌ బ్యాటర్లలో మ్యాక్స్‌వెల్‌ (71 బంతుల్లో 77; 4 ఫోర్లు, 6 సిక్స్‌లు), కామెరాన్‌ గ్రీన్‌ (40 బంతుల్లో 50 నాటౌట్‌; 4 ఫోర్లు, 1 సిక్స్‌), ఇన్‌గ్లిస్‌ (48), వార్నర్‌ (48), లబుషేన్‌ (40), మిచెల్‌ మార్ష్‌ (31) అదరగొట్టారు. డేవిడ్‌ వార్నర్‌, స్మిత్‌ బౌలింగ్‌ కాగా బౌలింగ్‌లో మాత్రం ఆసీస్‌ కెప్టెన్‌ ఎవరూ ఊహించని ప్రయోగాలు చేశాడు. ఆ జట్టు స్టార్‌ బ్యాటర్లు డేవిడ్‌ వార్నర్‌, మార్నస్‌ లబుషేన్‌, స్టీవ్‌ స్మిత్‌తో కమ్మిన్స్‌ బౌలింగ్‌ వేయించాడు. వీరు ముగ్గురు కలిపి 14.4 ఓవర్లు వేసి ఏకంగా 159 పరుగులిచ్చారు. వార్నర్‌ అయితే కేవలం 2 ఓవర్లలోనే 41 పరుగులిచ్చాడు. వార్నర్‌ వైడ్‌లైన్‌తో సంబంధం లేకుండా బౌలింగ్‌ చేశాడు. అంతేకాకుండా ఓ బంతి అయితే ఏకంగా వికెట్‌ కీపర్‌ క్యారీ పైకే వార్నర్‌ విసిరాడు. వార్నర్‌ బౌలింగ్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇక ఈ మెగా టోర్నీలో ఆస్ట్రేలియా తమ తొలి మ్యాచ్‌లో ఆక్టోబర్‌ 8న చెన్నై వేదికగా టీమిండియాతో తలపడనుంది. చదవండి: ODI World Cup 2023: వన్డే ప్రపంచకప్‌లో ఫాస్టెస్ట్‌ సెంచరీ ఎవరిదో తెలుసా? View this post on Instagram A post shared by ICC (@icc) View this post on Instagram A post shared by ICC (@icc)

సాక్షి, హైదరాబాద్‌: వరల్డ్‌ కప్‌లో తొలి రెండు మ్యాచ్‌లు ఆడాల్సిన వేదికపై పాకిస్తాన్‌ తమ రెండు ‘వామప్‌’ మ్యాచ్‌లనూ కోల్పోయింది. ఉప్పల్‌లోని రాజీవ్‌గాంధీ స్టేడియంలో గత శుక్రవారం కివీస్‌ చేతిలో ఓడిన పాక్‌ మంగళవారం ఆసీస్‌ చేతిలోనూ పరాజయం పాలైంది. ఈ మ్యాచ్‌లో ఆ్రస్టేలియా 14 పరుగుల తేడాతో పాకిస్తాన్‌ను ఓడించింది. అయితే ఫలితంతో సంబంధం లేకుండా ఇరు జట్లకూ మంచి బ్యాటింగ్‌ ప్రాక్టీస్‌ లభించింది. తొలి ‘వామప్‌’లాగే ఈసారీ భారీ స్కోర్లు నమోదయ్యాయి. టాస్‌ గెలిచి ముందుగా బ్యాటింగ్‌కు దిగిన ఆ్రస్టేలియా 50 ఓవర్లలో 7 వికెట్ల నష్టానికి 351 పరుగులు చేసింది. మ్యాక్స్‌వెల్‌ (71 బంతుల్లో 77; 4 ఫోర్లు, 6 సిక్స్‌లు), కామెరాన్‌ గ్రీన్‌ (40 బంతుల్లో 50 నాటౌట్‌; 4 ఫోర్లు, 1 సిక్స్‌), ఇన్‌గ్లిస్‌ (48), వార్నర్‌ (48), లబుషేన్‌ (40), మిచెల్‌ మార్ష్‌ (31) జట్టు భారీ స్కోరులో తలా ఓ చేయి వేశారు. అనంతరం పాకిస్తాన్‌ 47.4 ఓవర్లలో 337 పరుగులకు ఆలౌటైంది. బాబర్‌ ఆజమ్‌ (59 బంతుల్లో 90 రిటైర్డ్‌ అవుట్‌; 11 ఫోర్లు, 2 సిక్స్‌లు), ఇఫ్తికార్‌ అహ్మద్‌ (85 బంతుల్లో 83; 6 ఫోర్లు, 4 సిక్స్‌లు), మొహమ్మద్‌ నవాజ్‌ (42 బంతుల్లో 50; 6 ఫోర్లు, 1 సిక్స్‌) అర్ధసెంచరీలు చేశారు. పాక్‌ ఇన్నింగ్స్‌ చాలా చాలా ముందుగా ముగిసేదే కానీ ఆసీస్‌ పార్ట్‌టైమ్‌ బౌలర్లకు కూడా ‘వామప్‌’ అవకాశం కల్పించింది. లబుషేన్, స్మిత్, వార్నర్‌ కలిపి 14.4 ఓవర్లు వేసి ఏకంగా 159 పరుగులిచ్చారు. పాక్‌ తమ తొలి మ్యాచ్‌ను హైదరాబాద్‌లోనే శుక్రవారం నెదర్లాండ్స్‌తో, ఆ్రస్టేలియా తమ తొలి మ్యాచ్‌ను ఆదివారం భారత్‌తో చెన్నైలో ఆడుతుంది. చదవండి: Sanju Samson: ‘టీమిండియా’తో సంజూ శాంసన్‌.. కొంచెం బాధగా ఉంది... కానీ పర్లేదు!  

ICC Cricket World Cup Warm-up Matches 2023- Pakistan vs Australia: పాకిస్తాన్‌ క్రికెట్‌ జట్టుపై టీమిండియా వెటరన్‌ ఓపెనర్‌ శిఖర్‌ ధావన్‌ వ్యంగ్యాస్త్రాలు సంధించాడు. పాకిస్తాన్‌- ఫీల్డింగ్‌.. ఈ జంట ప్రేమకథ ఎప్పటికీ ముగిసిపోదంటూ సెటైర్లు వేశాడు. వన్డే వరల్డ్‌కప్‌-2023 నేపథ్యంలో బాబర్‌ ఆజం బృందం ఇప్పటికే భారత్‌కు చేరుకున్న విషయం తెలిసిందే. ఈ క్రమంలో హైదరాబాద్‌లో సన్నాహక మ్యాచ్‌లు ఆడుతోంది. ఇందులో భాగంగా న్యూజిలాండ్‌తో తొలి వార్మప్‌ మ్యాచ్‌లో 5 వికెట్ల తేడాతో ఓడిన పాక్‌.. మంగళవారం(అక్టోబరు 3) ఆస్ట్రేలియాతో తలపడుతోంది. ఉప్పల్‌లోని రాజీవ్‌ గాంధీ ఇంటర్నేషనల్‌ స్టేడియంలో జరుగుతున్న ఈ మ్యాచ్‌లో టాస్‌ గెలిచిన ఆసీస్‌ తొలుత బ్యాటింగ్‌ ఎంచుకుంది. ఆల్‌రౌండర్‌ గ్లెన్‌ మాక్స్‌వెల్‌ (77), కామెరాన్‌ గ్రీన్‌(50- నాటౌట్‌) హాఫ్‌ సెంచరీలతో చెలరేగడం సహా మిగతా బ్యాటర్లలో అలెక్స్‌ క్యారీ మినహా మిగతా వాళ్లంతా రాణించారు. మిస్‌ఫీల్డింగ్‌.. వీడియో వైరల్‌ ఈ క్రమంలో నిర్ణీత 50 ఓవర్లలో 7 వికెట్ల నష్టానికి 351 పరుగుల భారీ స్కోరు చేసింది కంగారూ జట్టు. పాక్‌ బౌలర్ల, ఫీల్డర్ల తప్పిదాలను క్యాష్‌ చేసుకుని పటిష్ట స్థితిలో నిలిచింది. ఈ క్రమంలో ఆసీస్‌తో మ్యాచ్‌లో పాక్‌ ఫీల్డర్లు మహ్మద్‌ వాసిం జూనియర్‌, మహ్మద్‌ నవాజ్‌ సమన్వయలోపంతో ఎక్స్‌ట్రా పరుగులు ఇవ్వడం ఆ జట్టు అభిమానులకు చిరాకు తెప్పించింది. పాకిస్తాన్‌- ఫీల్డింగ్‌.. నెవర్‌ ఎండింగ్‌ లవ్‌స్టోరీ ఇందుకు సంబంధించిన వీడియోను హైలైట్‌ చేస్తూ.. ‘‘పాకిస్తాన్‌- ఫీల్డింగ్‌.. నెవర్‌ ఎండింగ్‌ లవ్‌స్టోరీ’’ అంటూ ధావన్‌ ఎక్స్‌ ఖాతాలో పోస్ట్‌ పెట్టాడు. గబ్బర్‌ కామెంట్‌ నెట్టింట వైరల్‌గా మారింది. లైకులు, షేర్లతో దూసుకుపోతోంది. కాగా పాక్‌ టీమ్‌కు ఇలాంటివి కొత్తేం కాదు. మిస్‌ఫీల్డింగ్‌ కారణంగా ఆ జట్టు భారీ మూల్యం చెల్లించిన సందర్భాలెన్నో ఉన్నాయి. ఇదిలా ఉంటే.. వన్డే వరల్డ్‌కప్‌-2023 భారత జట్టులో శిఖర్‌ ధావన్‌కు చోటు దక్కలేదన్న విషయం తెలిసిందే. శుబ్‌మన్‌ గిల్‌, ఇషాన్‌ కిషన్‌ వంటి యువకులతో పోటీలో ఈ వెటరన్‌ ఓపెనర్‌ వెనుబడిపోయాడు. ఇక అక్టోబరు 5 నుంచి భారత్‌ వేదికగా ఈ మెగా టోర్నీ ఆరంభం కానుండగా.. టీమిండియా అక్టోబరు 8న తమ తొలి మ్యాచ్‌ ఆడనుంది. ఆస్ట్రేలియాతో చెన్నైలో పోటీ పడనుంది. ఇక అక్టోబరు 14న చిరకాల ప్రత్యర్థి పాకిస్తాన్‌ను ఢీకొట్టనుంది. చదవండి: 1987లో జన్మించిన కెప్టెన్‌దే ఈసారి వరల్డ్‌కప్‌ ట్రోఫీ! లిస్టులో ఎవరంటే! Pakistan & fielding never ending love story 🥰😄😄 #PakistanFielding #PakCricket pic.twitter.com/AJzT90hgNM — Shikhar Dhawan (@SDhawan25) October 3, 2023

వరల్డ్‌కప్‌కు ముందు ఆడిన రెండు వార్మప్‌ మ్యాచ్‌ల్లో పాకిస్తాన్‌ బౌలర్లను ప్రత్యర్ధి బ్యాటర్లు చీల్చిచెండాడారు. ప్రపంచ శ్రేణి బౌలర్లమని విర్రవీగే పాక్‌ బౌలింగ్‌ను ఈ రెండు మ్యాచ్‌ల్లో ప్రత్యర్దులు తుత్తినియలు చేశారు. తొలి వార్మప్‌ మ్యాచ్‌లో కివీస్‌ బ్యాటర్లు పాక్‌ బౌలర్లను ఓ రేంజ్‌లో ఆటాడుకుని నిర్ణీత 50 ఓవర్లలో 5 వికెట్ల నష్టానికి 346 పరుగులు చేయగా.. ఇవాళ జరుగుతున్న రెండో వార్మప్‌ మ్యాచ్‌లో ఆస్ట్రేలియా బ్యాటర్లు పాక్‌ బౌలర్లపై ఎదురుదాడికి దిగి, నిర్ణీత ఓవర్లలో 7 వికెట్లు కోల్పోయి 351 పరుగులు పిండుకున్నారు. ఆసీస్‌ బ్యాటర్లు ప్రధానంగా పాక్‌ పేస్‌ గన్‌ హరీస్ రౌఫ్‌ను టార్గెట్‌ చేసి 9 ఓవర్లలో ఏకంగా 97 పరుగులు రాబట్టారు. ఆసీస్‌ బ్యాటర్ల ధాటికి రౌఫ్‌తో పాటు మొహమ్మద్‌ వసీం జూనియర్‌ (8-0-63-1), షాదాబ్‌ ఖాన్‌ (10-0-69-1) బలయ్యారు. పాక్‌ బౌలర్లలో షాహీన్‌ అఫ్రిది (6-1-25-0), హసన్‌ అలీ (6-0-23-0), మొహమ్మద్‌ నవాజ్‌ (6-0-34-1) పర్వాలేదనిపించగా..  ఉసామా మిర్‌ 2 వికెట్లు తీసినప్పటికీ పరుగులు సమర్పించుకన్నాడు.  ఇరగదీసిన ఆసీస్‌ బ్యాటర్లు.. ఈ మ్యాచ్‌లో ఆసీస్‌ బ్యాటర్లంతా మెరుపు ఇన్నింగ్స్‌లతో ఇరగదీశారు. ఆరంభంలో డేవిడ్‌ వార్నర్‌ (33 బంతుల్లో 48; 4 ఫోర్లు, 3 సిక్సర్లు), మిచెల్‌ మార్ష్‌ (48 బంతుల్లో 31; 2 ఫోర్లు, 2 సిక్సర్లు), లబూషేన్‌ (31 బంతుల్లో 40; 5 ఫోర్లు) ఓ మోస్తరు స్కోర్లతో పర్వాలేదనిపించగా.. ఆఖర్లో మ్యాక్స్‌వెల్‌ (71 బంతుల్లో 77; 5 ఫోర్లు, 6 సిక్సర్లు), కెమరూన్‌ గ్రీన్‌ (40 బంతుల్లో 50 నాటౌట్‌; 4 ఫోర్లు, సిక్స్‌), జోష్‌ ఇంగ్లిస్‌ (30 బంతుల్లో 48; 8 ఫోర్లు, సిక్స్‌) పూనకం వచ్చినట్లు ఊగిపోయారు. ఫలితంగా ఆసీస్‌ భారీ స్కోర్‌ చేసింది. 

ICC ODI WOrld Cup 2023: పాకిస్తాన్‌ క్రికెట్‌ బోర్డు తీరుపై ఆ దేశ మాజీ క్రికెటర్‌ కమ్రాన్‌ అక్మల్‌ మండిపడ్డాడు. అర్థంపర్ధంలేని అభ్యర్థనలతో పరువు తీయొద్దంటూ ఘాటు వ్యాఖ్యలు చేశాడు. దయచేసి.. ఆటగాళ్ల ఆత్మవిశ్వాసం దెబ్బతినే పనులు చేయకండని బోర్డు సభ్యులకు విజ్ఞప్తి చేశాడు. కాగా భారత్‌ వేదికగా వన్డే ప్రపంచకప్‌-2023 జరుగనున్న విషయం తెలిసిందే. ఇందుకు సంబంధించిన షెడ్యూల్‌ను అంతర్జాతీయ క్రికెట్‌ మండలి మంగళవారం విడుదల చేసింది. ఈ క్రమంలో పాకిస్తాన్‌.. హైదరాబాద్‌, అహ్మదాబాద్‌లలో ఒక్కో మ్యాచ్‌, బెంగళూరు, చెన్నై, కోల్‌కతాలో రెండేసి మ్యాచ్‌లు ఆడాల్సి ఉంది.  మారుస్తారా ప్లీజ్‌! అయితే, షెడ్యూల్‌లో భాగంగా అఫ్గనిస్తాన్‌తో చెన్నైలో, ఆస్ట్రేలియాతో బెంగళూరులో ఆడాల్సిన మ్యాచ్‌లను మార్చాల్సిందిగా పీసీబీ ఐసీసీని కోరినట్లు సమాచారం. పిచ్‌ల స్వభావం రిత్యా అఫ్గన్‌తో మ్యాచ్‌ బెంగళూరులో, ఆసీస్‌తో మ్యాచ్‌ చెన్నైలో ఆడేలా వేదికలు మార్చాలని కోరినట్లు తెలుస్తోంది. ఈ విషయంపై స్పందించిన మాజీ వికెట్‌ కీపర్‌ బ్యాటర్‌ కమ్రాన్‌ అక్మల్‌ పీసీబీ తీరును ఎండగట్టాడు. పాక్‌ టీవీతో మాట్లాడుతూ ‘‘వాతావరణ పరిస్థితులు, వేదికలు జట్ల విజయావకాశాలను ప్రభావితం చేయలేవు. ముఖ్యంగా అంతర్జాతీయ క్రికెట్‌లో వీటి గురించి ప్రస్తావన అనవసరం.  చెత్త రిక్వెస్టులు వద్దు భారత్‌.. ఆస్ట్రేలియా, సౌతాఫ్రికా, న్యూజిలాండ్‌ వంటి జట్లను ఓడిస్తూ పోతోంది. అది వాళ్ల సత్తా. మనమేమో ఆసీస్‌తో అక్కడే ఆడతాం.. అఫ్గనిస్తాన్‌తో ఇక్కడే ఆడతామంటూ కుంటిసాకులు వెదుక్కోవడం ఎందుకు? మన దృష్టి మొత్తం కేవలం ఆట మీద మాత్రమే ఉండాలి. బోర్డు సభ్యులకు ఇదే నా విజ్ఞప్తి. దయచేసి ఇలాంటి చెత్త ప్రమాణాలతో కూడిన అభ్యర్థనలు చేయకండి. అంతర్జాతీయ క్రికెట్‌ విస్తృతి మరింత పెరిగింది. ఆటగాళ్లు తమ విజయాల గురించి సగర్వంగా చాటిచెప్పుకొంటున్నారు. ఇలాంటి పరిస్థితుల్లో బోర్డు మాత్రం మేము ఇక్కడైతేనే ఆడి గెలవగలం అంటూ ఆటగాళ్ల ఆత్మవిశ్వాసం దెబ్బతినేలా మాట్లాడటం సరికాదు. ఇలాంటి వాటికి బోర్డు సభ్యులు ఎంత దూరంగా ఉంటే అంత మంచిది. దేశ క్రికెట్‌ స్థాయిని పెంచాలే గానీ తగ్గించేలా వ్యవహరించకూడదు’’ అని అక్మల్‌ పీసీబీని తూర్పారబట్టాడు. వరల్డ్‌కప్‌-2023లో పాకిస్తాన్‌ జట్టు మ్యాచ్‌ల షెడ్యూల్‌, వివరాలు: ►అక్టోబర్ 12: హైదరాబాద్‌లోని రాజీవ్ గాంధీ స్టేడియంలో పాకిస్థాన్ vs క్వాలిఫయర్ 2 ►అక్టోబర్ 15: అహ్మదాబాద్‌లోని నరేంద్ర మోదీ స్టేడియంలో పాకిస్థాన్ వర్సెస్ భారత్ ►అక్టోబర్ 20: బెంగళూరులోని చిన్నస్వామి స్టేడియంలో పాకిస్థాన్ vs ఆస్ట్రేలియా ►అక్టోబర్ 23: చెన్నైలోని చిదంబరం స్టేడియంలో పాకిస్థాన్ vs ఆఫ్ఘనిస్తాన్ ►అక్టోబర్ 27: చెన్నైలోని చిదంబరం స్టేడియంలో పాకిస్థాన్ vs దక్షిణాఫ్రికా ►అక్టోబర్ 31: కోల్‌కతాలోని ఈడెన్ గార్డెన్స్‌లో పాకిస్థాన్ vs బంగ్లాదేశ్ ►నవంబర్ 4: బెంగళూరులోని చిన్నస్వామి స్టేడియంలో పాకిస్థాన్ vs న్యూజిలాండ్ ►నవంబర్ 12: కోల్‌కతాలోని ఈడెన్ గార్డెన్స్‌లో పాకిస్థాన్ vs ఇంగ్లాండ్. చదవండి: భార్యతో టీమిండియా స్టార్‌ హార్దిక్‌ పాండ్యా.. ఫొటోలు వైరల్‌! మరీ.. మాకు భుజాల నొప్పులు.. ధోనికి మెకాలి సమస్య.. అసలే సచిన్‌ బరువు! అందుకే..

ICC T20 World Cup 2021 Semi Final PAK Vs AUS: టీ20 ప్రపంచకప్‌-2021 టోర్నీలో అదరగొట్టిన పాకిస్తాన్‌ స్టార్‌ ఓపెనర్‌ మహ్మద్‌ రిజ్వాన్‌ గురించి పాకిస్తాన్‌ క్రికెట్‌ బోర్డు డాక్టర్‌ నజీబుల్లా సుమ్రొ సంచలన విషయాలు వెల్లడించాడు. వరల్డ్‌కప్‌ టోర్నీ సమయంలో అనారోగ్యం బారిన పడ్డ ఈ కుడిచేతి వాటం బ్యాటర్ కోలుకునేందుకు నిషేధిత పదార్థాలు ఇచ్చినట్లు పేర్కొన్నాడు. కాగా యూఏఈ వేదికగా సాగిన ఐసీసీ పొట్టి ఫార్మాట్‌ ఈవెంట్‌లో పాకిస్తాన్‌ అజేయ రికార్డును కొనసాగిస్తూ సెమీస్‌లో అడుగుపెట్టిన విషయం తెలిసిందే. అయితే, ఆస్ట్రేలియాతో సెమీ ఫైనల్‌కు ముందు రిజ్వాన్‌  తీవ్ర చెస్ట్‌ ఇన్ఫెక్షన్‌తో ఆస్పత్రిలో చేరిన విషయం గుర్తుండే ఉంటుంది. ఐసీయూలో చికిత్స పొందిన అతడు అనూహ్యంగా ఆసీస్‌తో మ్యాచ్‌కు అందుబాటులోకి రావడమే కాదు.. 52 బంతుల్లోనే 67 పరుగులు సాధించాడు. PC: Shoaib Akhtar Instagram అయితే, ఆసీస్‌ బ్యాటర్లు చెలగేరడంతో పాక్‌పై 5 వికెట్ల తేడాతో గెలుపొందిన కంగారూలు.. ఆపై ఫైనల్‌ చేరి.. అక్కడ న్యూజిలాండ్‌ను ఓడించి తొలిసారి ట్రోఫీ గెలిచారు. ఇదిలా ఉంటే.. అనారోగ్యాన్ని సైతం లెక్కచేయక మైదానంలో దిగాడంటూ అప్పట్లో రిజ్వాన్‌పై ప్రశంసలు కురిశాయి. రావల్పిండి ఎక్స్‌ప్రెస్‌ షోయబ్‌ అక్తర్‌ అయితే రి​జ్వాన్‌కు ఆట పట్ల ఉన్న అంకితభావం, దేశం కోసం ఆడాలన్న తపన చూసి గర్వపడుతున్నానంటూ పేర్కొన్నాడు. మిగతా పాక్‌ క్రికెటర్లు సైతం అతడిని ప్రశంసించారు. అయితే, ఈ ఘటన గురించి రిజ్వాన్‌కు చికిత్స అందించిన డాక్టర్‌ నజీబుల్లా తాజాగా చేసిన వ్యాఖ్యలు సంచలనం రేపుతున్నాయి. ఈ మేరకు.. ‘‘నువ్వు అసలు శ్వాస తీసుకునే పరిస్థితుల్లో కూడా లేవు. నువ్వు కోలుకోవాలంటే నీకు ఇంజెక్ట్‌ చేయాల్సిన మెడిసన్‌ గురించి ఐసీసీ నుంచి అనుమతి తీసుకోవాల్సి ఉంటుంది. నిజానికి ఆ మెడిసిన్‌ అథ్లెట్లు వాడటం నిషేధం. కానీ మాకు వేరే ఆప్షన్‌ లేదు. అందుకు కచ్చితంగా ఐసీసీ పర్మిషన్‌ తీసుకోవాలి’’ అని రిజ్వాన్‌తో ఇంటర్వ్యూలో నజీబుల్లా వ్యాఖ్యానించాడు. కాగా నజీబుల్లా వ్యాఖ్యలు క్రీడా వర్గాల్లో చర్చకు దారితీశాయి.  చదవండి👉🏾MS Dhoni: మేము ప్లే ఆఫ్స్‌కు వెళ్తే బాగుంటుంది.. ఒకవేళ అలా జరుగకపోతే: ధోని చదవండి👉🏾IPL 2022: ధోని.. బ్యాట్‌ కొరకడం వెనుక అసలు కథ ఇదే! var request = 'https://www.sakshi.com/knowwidget/kwstr_1981407197.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

క్రికెట్‌లో కొన్ని సందర్బాలు అరుదుగా జరుగుతుంటాయి. ఇరుజట్ల మధ్య ఒక సిరీస్‌ లేదా ఏదైనా మేజర్‌ టోర్నీ జరిగినప్పుడు.. సదరు మ్యాచ్‌ల్లో ఒక బ్యాట్స్‌మన్‌ పదేపదే ఒకే బౌలర్‌ చేతిలో ఔటవ్వడం అరుదుగా చూస్తుంటాం. తాజాగా ఆ జాబితాలో ఆరోన్‌ ఫించ్‌- షాహిన్‌ అఫ్రిది చేరిపోయారు. వన్డే సిరీస్‌లో అఫ్రిది.. ఫించ్‌ను రెండుసార్లు ఔట్‌ చేశాడు. తాజాగా ఆ రికార్డును మరోసారి నిలబెట్టుకున్నాడు. మంగళవారం జరిగిన ఏకైక టి20 మ్యాచ్‌లో 55 పరుగులతో కీలక ఇన్నింగ్స్‌ ఆడిన ఆసీస్‌ కెప్టెన్‌ చివరకు అఫ్రిది చేతిలోనే వెనుదిరిగాడు. దీంతో ఈ సిరీస్‌లో ముచ్చటగా  మూడోసారి ఫించ్‌ అఫ్రిదికే దొరికిపోయాడు. అయితే గతేడాది నవంబర్‌లో జరిగిన టి20 ప్రపంచకప్‌ సెమీఫైనల్లో ఫించ్‌ను తొలిసారి అఫ్రిది గోల్డెన్‌ డక్‌ చేశాడు. ఏడాది వ్యవధిలోనే ఫించ్‌ నాలుగుసార్లు అఫ్రిది చేతిలో ఔటయ్యాడంటే వీరిది ఫెవరెట్‌ జోడి అని ప్రత్యేకంగా చెప్పనవసరం లేదు. అందుకే అభిమానులు కూడా ఫించ్‌ను ట్రోల్‌ చేస్తూ కామెంట్‌ చేశారు. ''ఏంటి ఫించ్‌.. అఫ్రిది అంటే అంత ఇష్టమా నీకు.. ప్రతీసారి అతని బౌలింగ్‌లోనే ఔటవుతున్నావు.. మీ బంధం దృడమైనది.. ఎవరు విడదీయలేరు'' అంటూ కామెంట్స్‌ చేశారు. ఇక ఫించ్‌తో పాటు సీన్‌ అబాట్‌ను గోల్డెన్‌ డక్‌గా అఫ్రిది ఒకే ఓవర్లో వెనక్కి పంపాడు. ఆ తర్వాత అతను చేసిన సెలబ్రేషన్‌ కూడా సోషల్‌ మీడియాలో వైరల్‌గా మారింది. పాకిస్తాన్‌తో జరిగిన ఏకైక టి20 మ్యాచ్‌నలో ఆస్ట్రేలియా విజయం సాధించింది. తొలుత బ్యాటింగ్‌ చేసిన పాకిస్తాన్‌ నిర్ణీత 20 ఓవర్లలో 8 వికెట్ల నష్టానికి 162 పరుగులు చేసింది. కెప్టెన్‌ బాబర్‌ ఆజం(66) రాణించగా.. కుష్‌దిల్‌ 24, రిజ్వాన్‌ 23 పరుగులు చేశారు. అనంతరం బ్యాటింగ్‌ చేసిన ఆస్ట్రేలియా 19.1 ఓవర్లలో 7 వికెట్లు కోల్పోయి లక్ష్యాన్ని అందుకుంది. ఫించ్‌ 55 పరుగులతో రాణించగా.. చివర్లో బెన్‌ మెక్‌డెర్మోట్‌ 22 పరుగులు నాటౌట్‌ జట్టును గెలిపించాడు. చదవండి: ICC Rankings: దూసుకుపోతున్న పాక్‌ ప్లేయర్లు.. మూడో స్థానానికి ఎగబాకిన టీమిండియా పేసర్‌ Shikar Dhawan: 'లవ్‌ ప్రపోజ్‌ చేస్తే రిజెక్ట్‌ చేసింది.. కోహినూర్‌ డైమండ్‌ను మిస్సయ్యావు!' Shaheen gets Finch, again! #BoysReadyHain l #PAKvAUS pic.twitter.com/6KDBKqEeCq — Pakistan Cricket (@TheRealPCB) April 5, 2022

PAK Vs AUS Only T20-  Australia Beat Pakistan By 3 Wickets: పాకిస్తాన్‌తో జరిగిన టీ20 మ్యాచ్‌లో ఆస్ట్రేలియా ఘన విజయం సాధించింది. ఆఖరి వరకు ఉత్కంఠ రేపిన మ్యాచ్‌లో ఆతిథ్య జట్టును 3 వికెట్ల తేడాతో ఓడించింది. ఆరోన్‌ ఫించ్‌ అద్భుత అర్థ శతకంతో కెప్టెన్‌ ఇన్నింగ్స్‌ ఆడి జట్టుకు విజయం అందించాడు. కాగా మూడు టెస్టులు, మూడు వన్డేలు, ఒక టీ20 ఆడే నిమిత్తం ఆస్ట్రేలియా పాకిస్తాన్ పర్యటనకు వెళ్లిన విషయం తెలిసిందే. టెస్టు సిరీస్‌ను ఆస్ట్రేలియా సొంతం చేసుకోగా.. వన్డే సిరీస్‌ను పాకిస్తాన్‌ కైవసం చేసుకుంది. ఇక మంగళవారం జరిగిన ఏకైక టీ20 మ్యాచ్‌లో ఆసీస్‌ గెలుపొందింది. లాహోర్‌ వేదికగా మంగళవారం రాత్రి జరిగిన మ్యాచ్‌లో టాస్‌ గెలిచిన ఆస్ట్రేలియా ముందుగా బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఓపెనర్లు రిజ్వాన్‌(23), బాబర్‌ ఆజం(66) అదిరిపోయే ఆరంభం అందించారు. అయితే, మిగతా బ్యాటర్లలో ఖుష్‌దిల్‌(24) మినహా మిగతా వాళ్లెవరూ 20 పరుగులు కూడా చేయలేకపోయారు. దీంతో పాక్‌ నిర్ణీత 20 ఓవర్లలో 8 వికెట్ల నష్టానికి 162 పరుగులు సాధించింది. ఆసీస్‌ బౌలర్‌ నాథన్‌ ఎలిస్‌ 4 ఓవర్లలో కేవలం 28 పరుగులు మాత్రమే ఇచ్చి 4 కీలక వికెట్లు పడగొట్టాడు. ఇక లక్ష్య ఛేదనకు దిగిన ఆస్ట్రేలియా ఇన్నింగ్స్‌కు ట్రవిస్‌ హెడ్‌(26), కెప్టెన్‌ ఆరోన్‌ ఫించ్‌(55) గట్టి పునాది వేశారు. వన్‌డౌన్‌లో వచ్చిన జోష్‌ ఇంగ్లిస్‌(24), మార్కస్‌ స్టొయినిస్‌(23) తమ వంతు పాత్ర పోషించారు. ఇక వరుస విరామాల్లో వికెట్లు పడటంతో మ్యాచ్‌ ఆఖరి ఓవర్‌ వరకు కొనసాగింది.  ఈ క్రమంలో బెన్‌ మెక్‌డెర్మాట్‌(19 బంతుల్లో 22 పరుగులు నాటౌట్‌) పట్టుదలగా నిలబడటంతో 19.1 ఓవర్లలో ఆసీస్‌ లక్ష్యాన్ని ఛేదించింది. హాఫ్‌ సెంచరీతో రాణించిన ఆసీస్‌ కెప్టెన్‌ ఆరోన్‌ ఫించ్‌కు ప్లేయర్‌ ఆఫ్‌ ది మ్యాచ్‌ అవార్డు లభించింది.  పాకిస్తాన్‌ వర్సెస్‌ ఆస్ట్రేలియా ఏకైక టీ20 మ్యాచ్‌ స్కోర్లు: పాకిస్తాన్‌- 162/8 (20) ఆస్ట్రేలియా- 163/7 (19.1) The guests won the game tonight and our hearts forever 🙌🏼 #BoysReadyHain l #PAKvAUS pic.twitter.com/rEOVPRcOOY — Pakistan Cricket (@TheRealPCB) April 5, 2022 చదవండి: IPL 2022: శభాష్‌ షహబాజ్‌... సూపర్‌ కార్తీక్‌! ఆర్సీబీ సంచలన విజయం

ఆస్ట్రేలియాతో జరుగుతున్న మూడో వన్డేలో పాకిస్తాన్‌ పూర్తి ఆధిపత్యం ప్రదర్శిస్తోంది. రెండో వన్డేలో భారీ లక్ష్యాన్ని అవలీలగా చేధించిన పాక్ ఈ మ్యాచ్‌లో ఫుల్‌ జోష్‌లో కనిపిస్తుంది. 67 పరుగులకే 5 కీలక వికెట్లు కోల్పోయిన ఆస్ట్రేలియా పాక్‌ బౌలర్లతో పోరాడుతుంది. ఈ నేపథ్యంలో పాకిస్తాన్‌ స్టార్‌ బౌలర్‌ షాహిన్‌ అఫ్రిది మరోసారి తొలి బంతికే వికెట్‌తో మెరిశాడు. రెండో వన్డేలో ఆసీస్‌ కెప్టెన్‌ ఆరోన్‌ ఫించ్‌ను గోల్డెన్‌ డక్‌ చేసిన అఫ్రిది.. ఈసారి ట్రెవిస్‌ హెడ్‌ను గోల్డెన్‌ డక్‌ చేశాడు. టాస్‌ ఓడి బ్యాటింగ్‌కు దిగిన ఆస్ట్రేలియాకు తొలి ఓవర్‌ తొలి బంతికే షాహిన్‌ అఫ్రిది షాక్‌ ఇచ్చాడు. అఫ్రిది బౌలింగ్‌లో తొలి బంతికే ట్రెవిస్‌ హెడ్‌ క్లీన్‌బౌల్డ్‌ అయ్యాడు. దీంతో సున్నా పరుగుకే తొలి వికెట్‌ కోల్పోయింది. ఆ తర్వాత హారిస్‌ రౌఫ్‌ వేసిన రెండో ఓవర్‌ మూడో బంతికి ఫించ్‌ కూడా డకౌట్‌ కావడంతో ఆసీస్‌ ఖాతా తెరవకుండానే రెండో వికెట్‌ కోల్పోయింది. అయితే అఫ్రిది గోల్డెన్‌ డక్‌ చేశాడంటే.. పాకిస్తాన్‌ వన్డే మ్యాచ్‌ గెలుస్తుందని పలువురు అభిమానులు జోస్యం చెబుతున్నారు.  చదవండి: AUS vs PAK: పాపం గెలవాలన్న కసి అనుకుంటా.. అందుకే గోల్డెన్‌ డక్‌ Doing what he does best- @iShaheenAfridi strikes on the very first delivery! #BoysReadyHain l #PAKvAUS pic.twitter.com/HwZKoW8rAO — Pakistan Cricket (@TheRealPCB) April 2, 2022   

ఆస్ట్రేలియాతో జరిగిన రెండో వన్డేలో పాకిస్తాన్‌ అద్భుత విజయాన్ని సాధించిన సంగతి తెలిసిందే. పాక్‌ కెప్టెన్‌ బాబార్‌ ఆజం, ఓపెనర్‌ ఇమాముల్‌ హక్‌ వీరోచిత శతకాలతో తమ వన్డే క్రికెట్‌ చరిత్రలోనే అ‍త్యధిక స్కోరును చేధించింది. మూడు వన్డేల సిరీస్‌ను పాక్‌  1-1తో సమం చేసింది. ఈ నేపథ్యంలోనే పాక్‌ కెప్టెన్‌ బాబర్‌ ఆజం వన్డేల్లో ఒక అరుదైన ఫీట్‌ సాధించాడు. 83 బంతుల్లో 114 పరుగులు చేసిన బాబర్‌ వన్డేల్లో 15వ సెంచరీ అందుకున్నాడు. 83 ఇన్నింగ్స్‌ల్లోనే బాబర్‌ 15 సెంచరీలు సాధించాడు. తద్వారా అత్యంత తక్కువ ఇన్నింగ్స్‌ల్లో ఈ ఫీట్‌ సాధించిన బాబర్‌ ఆజం దక్షిణాఫ్రికా క్రికెటర్‌ హషీమ్‌ ఆమ్లా రికార్డును బద్దలు కొట్టాడు. అంతకముందు ఆమ్లా 86 ఇన్నింగ్స్‌ ద్వారా 15వ సెంచరీ సాధించాడు. టీమిండియా మెషిన్‌ గన్‌ విరాట్‌ కోహ్లికి 15వ వన్డే సెంచరీ సాధించడానికి 106 ఇన్నింగ్స్‌లు అవసరం అయ్యాయి. ఆ తర్వాతి స్థానాల్లో డేవిడ్‌ వార్నర్‌(108 ఇన్నింగ్స్‌లు), శిఖర్‌ ధావన్‌(108 ఇన్నింగ్స్‌లు) ఉన్నారు.  ఇక మ్యాచ్‌ విషయానికి వస్తే.. ఆస్ట్రేలియాతో జరిగిన రెండో వన్డేలో పాక్‌ 6 వికెట్ల తేడాతో ఘన విజయం సాధించింది. ముందుగా ఆసీస్‌ 50 ఓవర్లలో 8 వికెట్ల నష్టానికి 348 పరుగుల భారీ స్కోరు సాధించింది. బెన్‌ మెక్‌డెర్మట్‌ (108 బంతుల్లో 104; 10 ఫోర్లు, 4 సిక్స్‌లు) సెంచరీ సాధించగా...ట్రవిస్‌ హెడ్‌ (70 బంతుల్లో 89; 6 ఫోర్లు, 5 సిక్స్‌లు), మార్నస్‌ లబ్‌షేన్‌ (49 బంతుల్లో 59; 5 ఫోర్లు) కీలక ఇన్నింగ్స్‌లు ఆడారు. షాహిన్‌ అఫ్రిది 4 వికెట్లు పడగొట్టాడు.  అనంతరం పాక్‌ 49 ఓవర్లలో 4 వికెట్లకు 352 పరుగులు చేసి విజయాన్నందుకుంది. కెప్టెన్‌ బాబర్‌ ఆజమ్‌ (83 బంతుల్లో 114; 11 ఫోర్లు, 1 సిక్స్‌), ఇమామ్‌ ఉల్‌ హఖ్‌ (97 బంతుల్లో 106; 6 ఫోర్లు, 3 సిక్స్‌లు) శతకాలతో చెలరేగగా, ఫఖర్‌ జమాన్‌ (64 బంతుల్లో 67; 7 ఫోర్లు, 2 సిక్స్‌లు) అర్ధ సెంచరీ చేశాడు. తాజా ఫలితంతో సిరీస్‌ 1–1తో సమం కాగా, చివరి వన్డే శనివారం జరుగుతుంది.     చదవండి: మంచివో.. చెడ్డవో; ఏవైనా సీఎస్‌కేకే సాధ్యం.. Pak Vs Aus 2nd ODI: ఆసీస్‌పై సంచలన విజయం.. బాబర్‌ ఆజం బృందం సరికొత్త రికార్డు!

Pakistan Vs Australia ODI Series 2022- లాహోర్‌: పాకిస్తాన్‌ జట్టు తమ వన్డే చరిత్రలో అతి పెద్ద లక్ష్యాన్ని ఛేదించింది. గురువారం ఆస్ట్రేలియాతో జరిగిన రెండో వన్డేలో పాక్‌ 6 వికెట్ల తేడాతో ఘన విజయం సాధించింది. ముందుగా ఆసీస్‌ 50 ఓవర్లలో 8 వికెట్ల నష్టానికి 348 పరుగుల భారీ స్కోరు సాధించింది. బెన్‌ మెక్‌డెర్మట్‌ (108 బంతుల్లో 104; 10 ఫోర్లు, 4 సిక్స్‌లు) సెంచరీ సాధించగా...ట్రవిస్‌ హెడ్‌ (70 బంతుల్లో 89; 6 ఫోర్లు, 5 సిక్స్‌లు), మార్నస్‌ లబ్‌షేన్‌ (49 బంతుల్లో 59; 5 ఫోర్లు) కీలక ఇన్నింగ్స్‌లు ఆడారు. షాహిన్‌ అఫ్రిది 4 వికెట్లు పడగొట్టాడు. అనంతరం పాక్‌ 49 ఓవర్లలో 4 వికెట్లకు 352 పరుగులు చేసి విజయాన్నందుకుంది. కెప్టెన్‌ బాబర్‌ ఆజమ్‌ (83 బంతుల్లో 114; 11 ఫోర్లు, 1 సిక్స్‌), ఇమామ్‌ ఉల్‌ హఖ్‌ (97 బంతుల్లో 106; 6 ఫోర్లు, 3 సిక్స్‌లు) శతకాలతో చెలరేగగా, ఫఖర్‌ జమాన్‌ (64 బంతుల్లో 67; 7 ఫోర్లు, 2 సిక్స్‌లు) అర్ధ సెంచరీ చేశాడు. తాజా ఫలితంతో సిరీస్‌ 1–1తో సమం కాగా, చివరి వన్డే శనివారం జరుగుతుంది.     చదవండి: IPL 2022: కేఎల్‌ రాహుల్‌ ఎంత పని జరిగే.. వీడియో వైరల్‌ Pakistan pulled off a record chase and gave fans plenty of moments to celebrate while they were at it! #BoysReadyHain l #PAKvAUS pic.twitter.com/9zoCbKFWw6 — Pakistan Cricket (@TheRealPCB) March 31, 2022

పాకిస్తాన్‌తో రెండో వన్డేలో ఆస్ట్రేలియా చెలరేగి ఆడింది.  ఆసీస్‌ బ్యాటర్లు చెలరేగడంతో నిర్ణీత 50 ఓవర్లలో 8 వికెట్ల నష్టానికి 348 పరుగుల భారీ స్కోర్‌ సాధించింది. ఆసీస్‌ బ్యాటర్‌ బెన్ మెక్‌డెర్మోట్ అద్భుతమైన సెంచరీతో మెరిశాడు. మెక్‌డెర్మోట్ 108 బంతుల్లో 104 పరుగులు సాధించాడు. అతడి ఇన్నింగ్స్‌లో 10 ఫోర్లు, 4 సిక్స్‌లు ఉన్నాయి. కాగా వన్డేల్లో అతడికి ఇది తొలి సెంచరీ కావడం విశేషం. ఇక అతడితో పాటు ట్రావిస్ హెడ్ మరోసారి బ్యాట్‌ ఝుళిపించాడు. 70 బంతుల్లో 89 పరుగులు సాధించి అద్భుతమైన ఆరంభాన్ని ఇచ్చాడు. కాగా టాస్‌ ఓడి బ్యాటింగ్‌కు దిగిన ఆస్ట్రేలియా ఆదిలోనే కెప్టెన్‌ పింఛ్‌ వికెట్‌ కోల్పోయింది. షాహిన్‌ షా ఆఫ్రిది బౌలింగ్‌లో ఫిం‍చ్‌ ఖాతా తెరవకుండానే పెవిలియన్‌కు చేరాడు. అనంతరం మెక్‌డెర్మోట్, హెడ్‌ ఆస్ట్రేలియాను అదుకున్నారు. వీరిద్దరూ రెండో వికెట్‌కు 162 పరుగుల భాగస్వామ్యాన్ని నెలకొల్పారు. ఆస్ట్రేలియా బ్యాటర్లలో మెక్‌డెర్మోట్(108),హెడ్‌(89), లబుషేన్‌(59), స్టోయినిష్‌(49) పరుగులతో రాణించారు. ఇక పాకిస్తాన్‌ బౌలర్లలో షాహిన్‌ షా ఆఫ్రిది నాలుగు వికెట్ల పడగొట్టగా, మహ్మద్‌ వసీం రెండు, జహీద్‌ మహ్మద్‌, కుషీదల్‌ షా చెరో వికెట్‌ సాధించారు. చదవండి: Ruturaj Gaikwad: ఎల్బీ నుంచి తప్పించుకున్నా.. రనౌట్‌కు బలయ్యాడు

పాకిస్తాన్‌ మాజీ ఆటగాడు షోయబ్‌ అక్తర్‌ ‍సొంతజట్టు ఆటతీరుపై మరోసారి విమర్శలు సంధించాడు. మ్యాచ్‌పై పట్టు సాధించే అవకాశం వచ్చినప్పటికి దానిని ఉపయోగించుకోలేకపోవడం మనకు మాత్రమే చెల్లిందంటూ తెలిపాడు. విషయంలోకి వెళితే.. ఆస్ట్రేలియాతో జరుగుతున్న రెండో వన్డేలో పాకిస్తాన్‌ ఆరంభాన్ని ఘనంగానే ఆరంభించింది. షాహిన్‌ అఫ్రిది తొలి ఓవర్‌లోనే ఆసీస్‌ కెప్టెన్‌ ఆరోన్‌ ఫించ్‌ను ఎల్బీగా పెవిలియన్‌ చేర్చాడు. కాగా ఫించ్‌కు అఫ్రిది బౌలింగ్‌లో ఇది వరుసగా రెండో గోల్డెన్‌ డక్‌ కావడం విశేషం. ఈ గొప్ప ఆరంభాన్ని పాక్‌ బౌలర్లు వినియోగించుకోలేకపోయారు. ఆసీస్‌ ఓపెనర్‌ ట్రెవిస్‌ హెడ్‌, వన్‌డౌన్‌లో వచ్చిన బెన్‌ మెక్‌డెర్మొట్‌లు పాక్‌ బౌలర్లను చెడుగుడు ఆడుకున్నారు. వారికి ఏ మాత్రం అవకాశమివ్వని హెడ్‌, మెక్‌డెర్మొట్‌లు బౌండరీల వర్షం కురిపించారు. ఈ దశలోనే హెడ్‌ 89 పరుగులు చేసి ఔటవ్వగా.. మెక్‌ డెర్మోట్‌ 104 పరుగులు చేసి ఔటయ్యాడు. వీరిద్దరి తర్వాత లబుషేన్‌ కూడా 59 పరుగులు చేయడంతో ఆసీస్‌ మరోసారి భారీ స్కోరు దిశగా పరుగులు తీసింది.  ఈ నేపథ్యంలోనే అక్తర్‌ మరోసారి బాబర్‌ ఆజం నేతృత్వంలోని పాక్‌ జట్టును విమర్శించాడు.''ఆట ఎలా ఆడాలో ఆస్ట్రేలియాను చూసి నేర్చుకోండి. ఆ జట్టు ఆరంభంలోనే ఫించ్‌ వికెట్‌ కోల్పోయింది. ఆ తర్వాత ట్రెవిస్‌ హెడ్‌, మెక్‌ డెర్మొట్‌లు ఇన్నింగ్స్‌ నడిపించిన తీరు అద్బుతం. ఈ రోజుల్లో ఒక వన్డే మ్యాచ్‌ ఎలా ఆడాలో వీరిని చూసి నేర్చుకోండి. అవకాశం వచ్చినా ఉపయోగించుకోకపోవడం మనకు అలవాటైపోయింది.. అదే మన దరిద్రం''అంటూ చెప్పుకొచ్చాడు. కాగా ఇంతకముందు కూడా అక్తర్‌ మూడో టెస్టు సందర్భంగా పాకిస్తాన్‌ ఆడిన తీరును తనదైన శైలిలో ఎండగట్టాడు. చదవండి: AUS vs PAK: పాపం గెలవాలన్న కసి అనుకుంటా.. అందుకే గోల్డెన్‌ డక్‌ Australia giving us a proper reminder again that this is how ODIs are supposed to be played these days :) — Shoaib Akhtar (@shoaib100mph) March 31, 2022

ఆస్ట్రేలియాతో జరిగిన తొలి వన్డేలో పాకిస్తాన్‌ పరాజయం మూటగట్టుకున్న సంగతి తెలిసిందే. అయితే రెండో వన్డేలో ఎలాగైనా విజయం సాధించి 1-1తో సిరీస్‌ను సమం చేయాలని పాక్‌ బలంగా అనుకుంటుంది. ఆ కసిని పాకిస్తాన్‌ బౌలర్‌ షాహిన్‌ అఫ్రిది తన బౌలింగ్‌లో చూపించాడు. తొలి ఓవర్‌ రెండో బంతికే ఆసీస్‌ కెప్టెన్‌ ఆరోన్‌ ఫించ్‌ను గోల్డెన్‌ డక్‌గా పెవిలియన్‌ చేర్చాడు. బులెట్‌ వేగంతో దూసుకొచ్చిన బంతి పించ్‌ కాళ్లను తాకుతూ వెళ్లింది. దీంతో షాహిన్‌ అప్పీల్‌కు వెళ్లగా.. అంపైర్‌ వెంటనే ఔట్‌ ఇచ్చేశాడు. కనీసం ఫించ్‌కు రివ్యూకు వెళ్లే అవకాశం కూడా లేదంటే బంతి ఎంత కచ్చితంగా పడిందో దీన్నిబట్టే అర్థం చేసుకోవచ్చు. అయితే ఇదే షాహిన్‌ అఫ్రిది తొలి వన్డేకు దూరమయ్యాడు. ఎలాగైనా తన జట్టును గెలిపించాలన్న కసితో బౌలింగ్‌ వేసిన అఫ్రిది ఫలితం అందుకున్నాడు. పనిలో పనిగా ఫించ్‌పై తన రికార్డును నిలబెట్టుకున్నాడు. అదేంటంటే గతేడాది టి20 ప్రపంచకప్‌ సెమీఫైనల్లో ఇదే ఫించ్‌ను షాహిన్‌ గోల్డెన్‌డక్‌గా పెవిలియన్‌ చేర్చాడు. తాజాగా ఫించ్‌ను షాహిన్‌ మరోసారి గోల్డెన్‌డక్‌ చేశాడు.దీనికి సంబంధించిన వీడియోను పీసీబీ ట్విటర్‌లో షేర్‌ చేయడంతో వైరల్‌గా మారింది. అయితే ఫించ్‌ వికెట్‌ కోల్పోయిన ఆసీసీ మళ్లీ పాకిస్తాన్‌కు ఆ అవకాశం ఇవ్వలేదు. పాక్‌ బౌలర్లను ఉతికారేస్తూ తొలి వన్డే తరహాలో మరోసారి భారీ స్కోరు దిశగా పయనిస్తోంది. ఈ దశలో మరో సెంచరీకి దగ్గరైన తరుణంలో ట్రెవిస్‌ హెడ్‌ 89 పరుగుల వద్ద జహీద్‌ మహమూద్‌ బౌలింగ్‌లో అఫ్రిదికి క్యాచ్‌ ఇచ్చి వెనుదిరిగాడు. ప్రస్తుతం ఆస్ట్రేలియా 31 ఓవర్లలో 2 వికెట్ల నష్టానికి 217 పరుగులు చేసింది. బెన్‌ మెక్‌డెర్మొట్‌ 93, మార్నస్‌ లబుషేన్‌ 31 పరుగులతో ఆడుతున్నారు. చదవండి: IPL 2022: అరె ఇషాంత్‌ భయ్యా.. ఇదేం కర్మ! IPL 2022: ప్చ్‌.. వేలంలో పాల్గొనలేకపోయా.. మ్యాచ్‌లు చూస్తుంటే చిరాగ్గా ఉంది Shaheen hit's the bullseye 🎯#BoysReadyHain l #PAKvAUS pic.twitter.com/NcwtN06Ht2 — Pakistan Cricket (@TheRealPCB) March 31, 2022

Pakistan Vs Australia ODI Series 2022- లాహోర్‌: పాకిస్తాన్‌తో మంగళవారం జరిగిన తొలి వన్డేలో ఆస్ట్రేలియా జట్టు 88 పరుగుల తేడాతో గెలిచి మూడు మ్యాచ్‌ల సిరీస్‌లో 1–0తో ఆధిక్యంలోకి వెళ్లింది. తొలుత బ్యాటింగ్‌ చేసిన ఆస్ట్రేలియా 50 ఓవర్లలో 7 వికెట్లకు 313 పరుగులు సాధించింది. On a roll. Wasim falls to Zampa. #BoysReadyHain l #PAKvAUS pic.twitter.com/Pe0mCY3vAR — Pakistan Cricket (@TheRealPCB) March 29, 2022 ట్రావిస్‌ హెడ్‌ (72 బంతుల్లో 101; 12 ఫోర్లు, 3 సిక్స్‌లు) మెరుపు శతకం... బెన్‌ మెక్‌డెర్మట్‌ (55; 4 ఫోర్లు) అర్ధ సెంచరీ చేశారు. అనంతరం పాకిస్తాన్‌ 45.2 ఓవర్లలో 225 పరుగులకు ఆలౌటై ఓడిపోయింది. ఇమామ్‌ ఉల్‌ హఖ్‌ (103; 6 ఫోర్లు, 3 సిక్స్‌లు), బాబర్‌ ఆజమ్‌ (57; 6 ఫోర్లు) మినహా మిగతావారు విఫలమయ్యారు.  The visitors continue their winning streak in Lahore.#BoysReadyHain l #PAKvAUS pic.twitter.com/0JkSX2tL4O — Pakistan Cricket (@TheRealPCB) March 29, 2022

పాకిస్తాన్‌, ఆస్ట్రేలియా మధ్య తొలి వన్డే మ్యాచ్‌లో ఒక ఆసక్తికర ఘటన చోటుచేసుకుంది. పాక్‌ వికెట్‌కీపర్‌ మహ్మద్‌ రిజ్వాన్‌ పట్టిన ఒక క్యాచ్‌ సోషల్‌ మీడియాలో వైరల్‌గా మారింది. విషయంలోకి వెళితే.. ఆస్ట్రేలియా ‍బ్యాటింగ్‌ సమయంలో ఇన్నింగ్స్‌ 15వ ఓవర్‌ నాలుగో బంతికి ఫించ్‌ ఔటయ్యాడు. పాక్‌ బౌలర్‌ జహీద్‌ మహమూద్‌కు అదే తొలి వికెట్‌ కావడం విశేషం. అయితే కొద్దిలో ఈ అవకాశం సదరు బౌలర్‌కు మిస్‌ అయ్యేదే. ఎందుకంటే ఫించ్‌ ఆడిన బంతిని కీపర్‌ రిజ్వాన్‌ అందుకున్నప్పటికి గ్లౌజ్‌ నుంచి జారిపోయేలా కనిపించింది. ఇక్కడే తెలివి ప్రదర్శించిన కీపర్‌ మహ్మద్‌ రిజ్వాన్‌ డైవ్‌ చేస్తూ బంతి పట్టు జారకుండా పట్టుకున్నాడు. అలా జహీద్‌ ఖాతాలో తొలి వికెట్‌ పడింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక తొలుత బ్యాటింగ్‌ చేస్తున్న ఆస్ట్రేలియా 38 ఓవర్లు ముగిసేసరికి 4 వికెట్ల నష్టానికి 224 పరుగులు చేసింది. మార్కస్‌ స్టోయినిస్‌ 3, అలెక్స్‌ క్యారీ క్రీజులో ఉన్నారు. అంతకముందు ఓపెనర్‌ ట్రెవిస్‌ హెడ్‌ 101 పరుగులతో రాణించగా.. బెన్‌ మెక్‌డెర్మోట్‌ 55 పరుగులు చేసి వన్డేల్లో తొలి హాఫ్‌ సెంచరీ మార్క్‌ను సాధించాడు. మరో 12 ఓవర్లు మిగిలి ఉండడంతో ఆస్ట్రేలియా భారీ స్కోరుపై కన్నేసింది. చదవండి: Kraigg Brathwaite: అత్యధిక టెస్టు వికెట్లతో విండీస్‌ కెప్టెన్‌ కొత్త రికార్డు?! IPL 2022: "రాహుల్‌ చేసిన అతి పెద్ద తప్పు అదే.. అందుకే లక్నో ఓడిపోయింది" View this post on Instagram A post shared by Pakistan Cricket (@therealpcb)

పాకిస్తాన్‌తో తొలి వన్డే ముందు ఆస్ట్రేలియాకు మరో ఎదురు దెబ్బ తగిలింది. ఇప్పటికే గాయం కారణంగా స్టీవ్‌ స్మిత్‌, మిచెల్‌ మార్ష్‌, కేన్ రిచర్డ్సన్ పాకిస్తాన్‌తో సిరీస్‌కు దూరం కాగా.. తాజాగా ఆ జట్టు వికెట్ కీపర్-బ్యాటర్ జోష్ ఇంగ్లిస్ కూడా వన్డే సిరీస్‌కు దూరమయ్యాడు.  కరోనా బారిన పడడంతో పాక్‌తో సిరీస్‌ నుంచి ఇంగ్లిస్ తప్పుకున్నాడు. క్రికెట్‌ పాకిస్తాన్‌ నివేదికల ప్రకారం.. సోమవారం నిర్వహించిన కరోనా పరీక్షలలో జోష్ ఇంగ్లిస్‌కు పాజిటివ్‌గా నిర్ధారణైంది. అతడు ఐదు రోజులు పాటు ఐషోలేషిన్‌లో ఉండనున్నాడు. ఐదు రోజుల తర్వాత ఇంగ్లిస్ మరోసారి పరీక్ష చేయించుకోవలసి ఉంటుందని , నెగిటివ్‌గా తేలితే తిరిగి జట్టులో చేరనున్నాడని నివేదిక పేర్కొంది. ఇక మార్చి 29న లాహోర్‌ వేదికగా పాక్‌- ఆస్ట్రేలియా తొలి వన్డే జరగనుంది. పాకిస్తాన్‌తో  ఆస్ట్రేలియా  మూడు వన్డేలు, ఒక టీ20 ఆడనుంది.  ఆస్ట్రేలియా వన్డే/టీ20 జట్టు: ఆరోన్ ఫించ్ (కెప్టెన్), సీన్ అబాట్, అష్టన్ అగర్, జాసన్ బెహ్రెన్‌డార్ఫ్, అలెక్స్ కారీ, బెన్ ద్వార్షుయిస్, నాథన్ ఎల్లిస్, కామెరాన్ గ్రీన్, ట్రావిస్ హెడ్, జోష్ ఇంగ్లిస్, మార్నస్ లాబుషాగ్నే,  బెన్ మెక్‌డెర్మోట్,  మిచెల్ స్వెప్సన్, ఆడమ్ జంపా చదవండి: IPL 2022: 145 కి.మీ.ల స్పీడ్‌తో యార్కర్‌.. పాపం విజయ్‌ శంకర్‌.. వీడియో వైరల్‌!

పాకిస్తాన్‌పై టెస్టు సిరీస్‌ గెలిచి జోరు మీద ఉన్న ఆస్ట్రేలియాకు భారీ షాక్‌ తగిలిం‍ది. ఆ జట్టు స్టార్‌ బ్యాటర్‌ స్టీవ్ స్మిత్ పాకిస్తాన్‌తో జరగబోయే పరిమిత ఓవర్ల సిరీస్‌కు దూరమయ్యాడు. గతంలో గాయపడిన  స్టీవ్ స్మిత్.. తన మోచేయికి శస్త్ర చికిత్స చేయుంచుకోబోతున్నాడు. దీంతో పాక్‌తో వన్డే, టీ20 సిరీస్‌లకు దూరం కానున్నాడు. ఇక అతడి స్థానంలో స్పిన్నర్ మిచెల్ స్వెప్సన్‌ను క్రికెట్‌ ఆస్ట్రేలియా ఎంపిక చేసింది. కాగా ఆస్ట్రేలియా టెస్టు సిరీస్‌ను కైవసం చేసుకోవడంలో స్టీవ్‌ స్మిత్‌ కీలక పాత్ర పోషించాడు. అదే విధంగా టెస్టు క్రికెట్‌లో అత్యంత వేగంగా 8000  పరుగులు చేసిన ఆటగాడిగా కూడా స్మిత్ రికార్డు సృష్టించాడు. మరోవైపు గాయం కారణంగా ఆ జట్టు పేసర్‌ కేన్ రిచర్డ్‌సన్ కూడా పాక్‌ సిరీస్‌ నుంచి తప్పుకున్న సంగతి తెలిసిందే. ఇక మార్చి 29న లాహోర్‌ వేదికగా పాక్‌- ఆస్ట్రేలియా తొలి వన్డే జరగనుంది. ఆస్ట్రేలియా వన్డే/టీ20 జట్టు: ఆరోన్ ఫించ్ (కెప్టెన్), సీన్ అబాట్, అష్టన్ అగర్, జాసన్ బెహ్రెన్‌డార్ఫ్, అలెక్స్ కారీ, బెన్ ద్వార్షుయిస్, నాథన్ ఎల్లిస్, కామెరాన్ గ్రీన్, ట్రావిస్ హెడ్, జోష్ ఇంగ్లిస్, మార్నస్ లాబుషాగ్నే, మిచెల్ మార్ష్, బెన్ మెక్‌డెర్మోట్, బెన్ మెక్‌డెర్మోట్ , మిచెల్ స్వెప్సన్, ఆడమ్ జంపా

పాకిస్తాన్‌తో జరిగిన మూడో టెస్టులో ఆస్ట్రేలియా 115 పరుగుల తేడాతో ఘనవిజయం సాధించిన సంగతి తెలిసిందే. 351 పరుగుల లక్ష్యాన్ని ఛేదించే క్రమంలో పాక్‌ 235 పరుగులకే ఆలౌటైంది.   తద్వారా మూడు టెస్టుల సిరీస్‌ను 1-0 తేడాతో కైవసం చేసుకుంది. 24 ఏళ్ల తర్వాత పాక్‌ గడ్డపై అడుగుపెట్టి సిరీస్‌ విజయం సాధించిన ఆసీస్‌పై ప్రశంసలు వస్తున్న వేళ.. పాకిస్తాన్‌ జట్టుపై సొంత అభిమానులే గరం అయ్యారు. వాస్తవానికి ఆఖరిరోజు పాకిస్తాన్‌ ఆటను దూకుడుగానే ఆరంభించింది. మొదటి సెషన్‌లో చూపెట్టిన జోరు చూసి ఈజీగా విక్టరీ సాధిస్తుందని అంతా భావించారు. కానీ లంచ్‌ విరామం తర్వాత పరిస్థితి మారిపోయింది. ఆసీస్‌ బౌలర్లకు పట్టు చిక్కడంతో పాకిస్తాన్‌ వరుస విరామాల్లో వికెట్లు కోల్పోయింది. అలా టీ విరామ సమయానికి పాక్‌ ఐదు వికెట్లు నష్టపోయింది. బాబర్‌ ఆజం,సాజిద్‌ ఖాన్‌లు క్రీజులో ఉండడంతో పాక్‌కు మ్యాచ్‌ను డ్రా చేసుకునే అవకాశం వచ్చింది. టీ విరామం మొదలైన తర్వాత ఆఖరి వరకు డ్రా దిశగా సాగింది. కానీ చివరి గంటలో ఆట మొత్తం మారిపోయింది. 55 పరుగులు చేసిన బాబర్‌ ఆజం ఔట్‌ కాగానే పరిస్థితి మళ్లీ మొదటికి వచ్చింది. బాబర్ ఔట్‌ అయిన కాసేపటికే మిగిలిన బ్యాటర్స్‌ చేతులెత్తేశారు. అలా కేవలం 22 పరుగుల వ్యవధిలో మిగతా ఐదు వికెట్లు చేజార్చుకొని ఓటమిని మూటగట్టుకుంది. తొలి ఇన్నింగ్స్‌లోనూ అచ్చం ఇలాగే జరిగింది. 248 పరుగులుకు నాలుగు వికెట్లతో పటిష్టంగా కనిపించిన పాక్‌ 20 పరుగులు వ్యవధిలో మిగతా ఆరు వికెట్లు కోల్పోయింది. తొలి ఇన్నింగ్స్‌లో కమిన్స్‌ మెరిస్తే.. రెండో ఇన్నింగ్స్‌ను స్పిన్నర్‌ నాథన్‌ లియోన్‌ శాసించాడు. పాక్‌ ఆటతీరుపై మండిపడిన అభిమానులు కామెంట్స్‌తో రెచ్చిపోయారు. '' ఒక గంటసేపు ఓపికపట్టలేకపోయారు.. ఇంకెదుకయ్యా మీరు క్రికెట్‌ ఆడి.. నిలకడలేమి ఆటతీరుకు మారుపేరు.. దానిని మరోసారి చూపించారు.. మనకే ఎందుకిలా జరుగుతుంది.. ఒకసారి అద్బుతంగా ఆడుతారు.. ఇంకోసారి పరమ చెత్తగా ఆడుతారు.. ఏదైనా మీకే సాధ్యం'' అంటూ పేర్కొన్నారు.   ఈ మ్యాచ్‌లో 8 వికెట్లతో (తొలి ఇన్నింగ్స్‌లో 5 వికెట్లు) చెలరేగిన కమిన్స్‌.. ప్లేయర్‌ ఆఫ్‌ ది మ్యాచ్‌గా ఎంపికవగా, సిరీస్‌ ఆసాంతం అద్భుతంగా రాణించిన ఉస్మాన్ ఖవాజా ప్లేయర్ ఆఫ్ ది సిరీస్ అవార్డు దక్కించుకున్నాడు. ఇక ఇరు జట్ల మధ్య తొలి వన్డే లాహోర్‌ వేదికగానే మార్చి 29న జరగనుంది. చదవండి: Pat Cummins: ఆసీస్‌ కెప్టెన్‌గా కమిన్స్‌ అరుదైన ఫీట్‌.. PAK VS AUS 3rd Test: తిప్పేసిన లియోన్‌.. పాక్‌ గడ్డపై చరిత్ర సృష్టించిన ఆసీస్‌ If Pakistan manages to reach 351 that will be absolutely amazing Good luck for that! but it's a very difficult to execute that right now And Lyon looks like a trouble for The Batters, Great pace variation🤔 What do you think?#PAKvAUS — Saeed Ajmal (@REALsaeedajmal) March 25, 2022 Not easy, even for Pakistan batters, to deal with reverse swing at that pace. Aus well on their way to a win…#PAKvsAUS #reverse #reverseswing — Mpumelelo Mbangwa (@mmbangwa) March 25, 2022

పాకిస్తాన్‌ గడ్డపై 24 ఏళ్ల తర్వాత అడుగుపెట్టిన ఆస్ట్రేలియా ఎట్టకేలకు శుభారంభం చేసింది. తొలి రెండు టెస్టులు ఫేలవ డ్రాగా ముగియడం విమర్శలకు దారి తీసింది. కనీసం మూడో టెస్టులోనైనా ఫలితం వస్తుందా అనుకున్న సమయంలో ఆసీస్‌ ఆ ఫీట్‌ను ఎట్టకేలకు సాధించింది. లాహోర్‌ వేదికగా జరిగిన మూడో టెస్టులో ఆస్ట్రేలియా పాక్‌పై 115 పరుగుల తేడాతో ఘన విజయాన్ని అందుకొని మూడు టెస్టుల సిరీస్‌ను 1-0 తేడాతో కైవసం చేసుకుంది. ఈ విజయంతో ఆస్ట్రేలియా టెస్టు కెప్టెన్‌ పాట్‌ కమిన్స్‌ అరుదైన ఫీట్‌ను సాధించాడు. పాకిస్తాన్‌ గడ్డపై టెస్టు సిరీస్‌ గెలిచిన మూడో కెప్టెన్‌గా కమిన్స్‌ నిలిచాడు. ఇంతకముందు 1959/60లో రిచీ బెనార్డ్‌ ఆధ్వర్యంలో తొలిసారి 2-0 తేడాతో కైవసం చేసుకుంది. ఆ తర్వాత 1998/99లో మార్క్‌ టేలర్‌ నేతృత్వంలో మూడు టెస్టుల సిరీస్‌ను 1-0తో కైవసం చేసుకుంది. అప్పటినుంచి 24 ఏళ్ల పాటు ఆసీస్‌ మళ్లీ పాక్‌లో అడుగుపెట్టలేదు. తాజాగా కమిన్స్‌ నాయకత్వంలో ఆస్ట్రేలియా మరోసారి టెస్టు సిరీస్‌ను గెలిచి సత్తా చాటింది. అంతేకాదు 2011 తర్వాత ఆసియా గడ్డపై ఆస్ట్రేలియా ఒక సిరీస్‌ గెలవడం మళ్లీ ఇదే కావడం విశేషం. ఆఖరిసారి 2011లో లంకపై 1-0తో సిరీస్‌ గెలిచింది. ఆ సమయంలో మైకెల్‌ క్లార్క్‌ కెప్టెన్‌గా ఉన్నాడు. తాజాగా కమిన్స్‌ 11 ఏళ్ల తర్వాత ఆసియా గడ్డపై సిరీస్‌ విక్టరీ సాధించి అరుదైన ఫీట్‌ అందుకున్నాడు. ఇక మ్యాచ్‌ విషయానికి వస్తే.. 351 పరుగుల లక్ష్యాన్ని ఛేదించే క్రమంలో పాక్‌ 235 పరుగులకే ఆలౌటైంది.  73/0 ఓవర్‌నైట్‌ స్కోర్‌తో  ఆఖరి రోజు ఆటను ప్రారంభించిన పాక్‌.. ఓ దశలో చారిత్రక విజయం దిశగా సాగింది. అయితే ఆసీస్‌ బౌలర్లు నాథన్‌ లియోన్‌ (5/83), పాట్‌ కమిన్స్‌ (3/23) పాక్ విజయావకాశాలను దారుణంగా దెబ్బతీశారు. పాక్‌ ఇన్నింగ్స్‌లో బాబర్ ఆజమ్ (55), ఇమామ్ ఉల్ హక్ (70) అర్ధసెంచరీలతో పర్వాలేదనిపించగా, మిగతా వారంతా దారుణంగా నిరుత్సాహపరిచారు. పాక్‌ జట్టు కేవలం 22 పరుగుల వ్యవధిలో తన చివరి ఐదు వికెట్లు కోల్పోవడం విశేషం. ఈ మ్యాచ్‌లో 8 వికెట్లతో (తొలి ఇన్నింగ్స్‌లో 5 వికెట్లు) చెలరేగిన కమిన్స్‌.. ప్లేయర్‌ ఆఫ్‌ ది మ్యాచ్‌గా ఎంపికవగా, సిరీస్‌ ఆసాంతం అద్భుతంగా రాణించిన ఉస్మాన్ ఖవాజా ప్లేయర్ ఆఫ్ ది సిరీస్ అవార్డు దక్కించుకున్నాడు. ఇక ఇరు జట్ల మధ్య తొలి వన్డే లాహోర్‌ వేదికగానే మార్చి 29న జరగనుంది. చదవండి: PAK VS AUS 3rd Test: తిప్పేసిన లియోన్‌.. పాక్‌ గడ్డపై చరిత్ర సృష్టించిన ఆసీస్‌ ENG vs WI: చరిత్రలో రెండోసారి మాత్రమే.. 145 ఏళ్ల రికార్డు బద్దలు

3 టెస్ట్‌ల సిరీస్‌లో భాగంగా లాహోర్‌ వేదికగా ఆస్ట్రేలియాతో జరిగిన నిర్ణయాత్మక మూడో టెస్ట్‌లో పాకిస్థాన్‌ బొక్క బోర్లా పడింది. 351 పరుగుల లక్ష్యాన్ని ఛేదించే క్రమంలో పాక్‌ 235 పరుగులకే ఆలౌటైంది. ఫలితంగా ఆఖరి టెస్ట్‌లో115 పరుగుల తేడాతో ఓటమిపాలై, 0-1 తేడాతో సిరీస్‌ను చేజార్చుకుంది. ఈ విజయంతో ఆస్ట్రేలియా పాక్‌ గడ్డపై దాదాపు రెండున్నర దశాబ్దాల (24 ఏళ్లు) చరిత్రను తిరగరాసింది. 1998/99లో మార్క్‌ టేలర్‌ నేతృత్వంలోని ఆసీస్‌ జట్టు చివరిసారిగా పాక్‌ గడ్డపై సిరీస్‌ విజయం (1-0) సాధించింది. ఈ పర్యటనలోని తొలి రెండు టెస్ట్‌లు డ్రాగా ముగిసిన సంగతి తెలిసిందే.  కాగా, 351 పరుగుల లక్ష్య ఛేదనలో ఆఖరి రోజు ఆటను 73/0 ఓవర్‌నైట్‌ స్కోర్‌తో ప్రారంభించిన పాక్‌.. ఓ దశలో చారిత్రక విజయం దిశగా సాగింది. అయితే ఆసీస్‌ బౌలర్లు నాథన్‌ లియోన్‌ (5/83), పాట్‌ కమిన్స్‌ (3/23) పాక్ విజయావకాశాలను దారుణంగా దెబ్బతీశారు. పాక్‌ ఇన్నింగ్స్‌లో బాబర్ ఆజమ్ (55), ఇమామ్ ఉల్ హక్ (70) అర్ధసెంచరీలతో పర్వాలేదనిపించగా, మిగతా వారంతా దారుణంగా నిరుత్సాహపరిచారు. ఈ మ్యాచ్‌లో 8 వికెట్లతో (తొలి ఇన్నింగ్స్‌లో 5 వికెట్లు) చెలరేగిన కమిన్స్‌.. ప్లేయర్‌ ఆఫ్‌ ది మ్యాచ్‌గా ఎంపికవగా, సిరీస్‌ ఆసాంతం అద్భుతంగా రాణించిన ఉస్మాన్ ఖవాజా ప్లేయర్ ఆఫ్ ది సిరీస్ అవార్డు దక్కించుకున్నాడు.  స్కోరు బోర్డు :   ఆస్ట్రేలియా తొలి ఇన్నింగ్స్‌ 391 ఆలౌట్‌ (ఉస్మాన్‌ ఖ్వాజా 91, స్టీవ్‌ స్మిత్‌ 59, గ్రీన్‌ 79, అలెక్స్‌ క్యారీ 67, షాహీన్‌ అఫ్రిది 4/79, నసీమ్‌ షా (4/58)) పాకిస్థాన్‌ తొలి ఇన్నింగ్స్‌ 268 ఆలౌట్‌ (షఫీక్‌ 81, అజహర్‌ అలీ 78, బాబర్‌ ఆజమ్‌ 67, పాట్‌ కమిన్స్‌ 5/56, స్టార్క్‌ (4/33)) ఆస్ట్రేలియా సెకెండ్‌ ఇన్నింగ్స్‌ 227/3 డిక్లేర్డ్ (ఉస్మాన్‌ ఖ్వాజా 104 నాటౌట్‌, వార్నర్‌ 51)  పాకిస్థాన్ సెకెండ్‌ ఇన్నింగ్స్‌  235 ఆలౌట్‌ (ఇమామ్‌ ఉల్‌ హాక్‌ 70, బాబర్‌ ఆజమ్‌ 55, నాథన్‌ లియోన్‌ (5/83), కమిన్స్‌ (3/23))  చదవండి: చరిత్రలో రెండోసారి మాత్రమే.. 145 ఏళ్ల రికార్డు బద్దలు

పాకిస్తాన్‌, ఆస్ట్రేలియా మధ్య జరుగుతున్న మూడోటెస్టు ఆసక్తికరంగా మారింది. 351 పరుగులు లక్ష్యంతో బరిలోకి దిగిన పాకిస్తాన్‌ మొదట్లో దాటిగా ఆడినప్పటికి వరుస విరామాల్లో వికెట్లు కోల్పోవడంతో కాస్త నెమ్మదిగా ఆడుతోంది. టీ విరామ సమయానికి 5 వికెట్ల నష్టానికి 208 పరుగులు చేసింది. మరి ఆస్ట్రేలియా గెలవాలంటే మరో 5 వికెట్లు అవసరం ఉంది. పిచ్‌ బౌలింగ్‌కు అనుకూలిస్తుండడంతో చివరి సెషన్‌ ఆటకు కీలకం. మరి పాకిస్తాన్‌ మ్యాచ్‌ను డ్రా చేసుకుంటుందో లేదో చూడాలి. ఈ విషయం పక్కనబెడితే.. పాకిస్తాన్‌ బ్యాటర్‌ అజహర్‌ అలీ ఔటైన తీరు వైరల్‌గా మారింది. కనిపించి కనిపించకుండా.. కనబడిన చిన్న స్పైక్‌ అతని ఔట్‌కు కారణమైంది. పాపం తాను ఔటయ్యానని నమ్మలేక అజహర్‌ చాలాసేపు షాక్‌లో ఉండిపోయాడు.  ఇన్నింగ్స్‌ 46వ ఓవర్‌ను నాథన్‌ లియాన్‌ వేశాడు. ఓవర్‌ రెండో బంతిని అజహర్‌ అలీ డిఫెన్స్‌ ఆడాడు. అయితే బంతి స్లిప్‌లో ఉన్న స్మిత్‌ చేతిలో పడింది. ఆస్ట్రేలియా ఆటగాళ్లు అంపైర్‌కు అప్పీల్‌ చేయగా.. అతని నుంచి ఎలాంటి రియాక్షన్‌ లేదు. దీంతో స్మిత్‌ కాన్ఫిడెంట్‌గా ఉండడంతో కమిన్స్‌ డీఆర్‌ఎస్‌కె వెళ్లాడు. అల్ట్రాఎడ్జ్‌లో మొదట ఎక్కడ బంతి బ్యాట్‌కు తగిలినట్లు కనిపించలేదు. కానీ సూక్ష్మంగా పరిశీలిస్తే బంతి బ్యాట్‌ ఎడ్జ్‌కు తగిలినట్లు చిన్న స్పైక్‌ కనిపించింది. దీంతో థర్డ్‌ అంపైర్‌ ఔట్‌ ఇచ్చాడు. అంతే క్రీజులో ఉ‍న్న అజహర్‌ లేదు.. నేను ఔట్‌ కాదు అంటూ తల అడ్డంగా ఊపాడు. కానీ థర్డ్‌అంపైర్‌ కూడా ఔట్‌ ఇవ్వడంతో చేసేదేం లేక నిరాశగా పెవిలియన్‌ చేరాడు. వెళ్తూ వెళ్తూ.. చేతులు పైకెత్తి ఏంటో ఇది అనుకుంటూ వెళ్లడం కెమెరాలకు చిక్కింది. దీనికి సంబంధించిన వీడియోను పీసీబీ తన ఇన్‌స్టాగ్రామ్‌లో షేర్‌ చేసింది.  చదవండి: ENG vs WI: చరిత్రలో రెండోసారి మాత్రమే.. 145 ఏళ్ల రికార్డు బద్దలు PAK VS AUS 3rd Test: తిప్పేసిన లియోన్‌.. పాక్‌ గడ్డపై చరిత్ర సృష్టించిన ఆసీస్‌ Mood ... pic.twitter.com/NXbUioRrbO — Taimoor Zaman (@taimoorze) March 25, 2022 View this post on Instagram A post shared by Pakistan Cricket (@therealpcb)

లాహోర్‌: ఆస్ట్రేలియా, పాకిస్తాన్‌ టెస్టు సిరీస్‌ ఉత్కంఠభరిత ముగింపునకు చేరింది. మూడో టెస్టులో 351 పరుగుల విజయలక్ష్యంతో రెండో ఇన్నింగ్స్‌ బరిలోకి దిగిన పాక్‌ నాలుగో రోజు ఆట ముగిసే సమయానికి వికెట్‌ నష్టపోకుండా 73 పరుగులు చేసింది. ఇమామ్‌ ఉల్‌ హఖ్‌ (42 బ్యాటింగ్‌), అబ్దుల్లా షఫీఖ్‌ (27 బ్యాటింగ్‌) ప్రస్తుతం క్రీజ్‌లో ఉన్నారు. నేడు చివరి రోజు ఆ జట్టు చేతిలో 10 వికెట్లతో మరో 278 పరుగులు చేయాల్సి ఉంది. అంతకు ముందు ఆస్ట్రేలియా తమ రెండో ఇన్నింగ్స్‌ను 3 వికెట్లకు 227 పరుగుల వద్ద డిక్లేర్‌ చేసింది. ఉస్మాన్‌ ఖాజా (178 బంతుల్లో 104 నాటౌట్‌; 8 ఫోర్లు) సిరీస్‌లో రెండో సెంచరీ సాధించగా, డేవిడ్‌ వార్నర్‌ (51) అర్ధ సెంచరీ చేశాడు. ఈ ఇన్నింగ్స్‌తో టెస్టుల్లో 8 వేల పరుగులు పూర్తి చేసుకున్న స్టీవ్‌ స్మిత్‌ అందరికంటే వేగంగా (151 ఇన్నింగ్స్‌లు) ఈ ఘనత సాధించిన ఆటగాడిగా నిలిచాడు. చదవండి: IPL 2022: ఐపీఎల్‌ 2022కు ఉగ్రదాడి ముప్పు..?!     

పాకిస్తాన్‌ గడ్డపై ఆస్ట్రేలియా రికార్డుల హోరు సృష్టిస్తోంది. తొలి రెండు మ్యాచ్‌ల్లో ఫలితం రాకపోవడంతో మూడో టెస్టులోనైనా గెలవాలనే పట్టుదలతో ఆసీస్‌ ఆడుతోంది. అందుకు తగ్గట్టుగానే పాక్‌ తొలి ఇన్నింగ్స్‌లో బౌలర్లు విజృంభించగా.. రెండో ఇన్నింగ్స్‌లో ఆసీస్‌ బ్యాటర్స్‌ పండగ చేసుకుంటున్నారు. లాహోర్‌ వేదికగా జరుగుతున్న మూడో టెస్టులో ఆసీస్ ఓపెనర్‌ ఉస్మాన్‌ ఖవాజా మరో సెంచరీతో మెరిశాడు. ఇప్పటికే కరాచీ వేదికగా జరిగిన రెండో టెస్టులో 160 పరుగులతో రాణించిన ఖవాజా .. తాజాగా టెస్టు కెరీర్‌లో 12వ సెంచరీ సాధించాడు. నుమాన్‌ అలీ బౌలింగ్‌లో రెండు పరుగులు తీయడం ద్వారా ఖవాజా శతకం మార్కును అందుకున్నాడు. యాషెస్‌ సిరీస్‌ ద్వారా టెస్టుల్లో రీ ఎంట్రీ ఇచ్చిన ఖవాజాకు ఇది నాలుగో సెంచరీ కావడం విశేషం. ఇక ఆస్ట్రేలియా సీనియర్‌ సీనియర్‌ బ్యాట్స్‌మన్‌ స్టీవ్‌ స్మిత్‌ టెస్టుల్లో 8వేల పరుగుల మైలురాయిని అందుకున్నాడు. వార్నర్‌ ఔటైన అనంతరం క్రీజులోకి వచ్చిన స్మిత్‌ 12 పరుగుల వ్యక్తిగత స్కోరు వద్ద ఈ ఫీట్‌ను సాధించాడు. కాగా 8వేల పరుగులు చేరడానికి స్మిత్‌ 85 టెస్టుల్లో 151 ఇన్నింగ్స్‌లు అవసరమయ్యాయి. తద్వారా టెస్టుల్లో 8వేల పరుగుల మార్క్‌ను అత్యంత వేగంగా అందుకున్న తొలి ఆటగాడిగా స్టీవ్‌స్మిత్‌ ప్రపంచరికార్డు సాధించాడు. ఇంతకముందు శ్రీలంక దిగ్గజం కుమార సంగక్కర 152 ఇన్నింగ్స్‌ల్లో ఎనిమిది వేల పరుగుల మార్క్‌ను చేరుకున్నాడు. 12 ఏళ్ల క్రితం టీమిండియాతో మ్యాచ్‌లో సంగా ఈ ఫీట్‌ను సాధించాడు. సంగక్కర తర్వాతి స్థానంలో భారత్‌ బ్యాటింగ్‌ దిగ్గజం సచిన్‌ టెండూల్కర్‌(154 ఇన్నింగ్స్‌లు), విండీస్‌ దిగ్గజం గ్యారీ సోబర్స్‌(157 ఇన్నింగ్స్‌లు), టీమిండియా ప్రస్తుత హెడ్‌కోచ్‌ రాహుల్‌ ద్రవిడ్‌(158 ఇన్నింగ్స్‌లతో) వరుసగా ఉన్నారు. ఇక మ్యాచ్‌ విషయానికి వస్తే నాలుగో రోజు బ్యాటింగ్‌ కొనసాగించిన ఆస్ట్రేలియా రెండో ఇన్నింగ్స్‌ను 227 పరుగుల వద్ద డిక్లేర్‌ చేసింది. ఖవాజా 104 నాటౌట్‌, డేవిడ్‌ వార్నర్‌ 51 పరుగులు చేశారు. తొలి ఇన్నింగ్స్‌ ఆధిక్యం కలుపుకొని ఆసీస్‌ పాకిస్తాన్‌ ముందు 351 పరుగుల భారీ లక్ష్యాన్ని ఉంచింది. ఇప్పటికైతే పాకిస్తాన్‌ 10 ఓవర్లలో వికెట్‌ నష్టపోకుండా 23 పరుగులు చేసింది. అబ్దుల్లా షఫీక్‌ , ఇమాముల్‌ హక్‌ 12 పరుగులతో క్రీజులో ఉన్నారు. ఆటకు మరోరోజు మిగిలి ఉండడంతో ఫలితం వచ్చే అవకాశముంది. చదవండి: PAK vs AUS: నిన్న కత్తులు దూశారు.. ఇవాళ చేతులు కలిపారు; శుభం కార్డు పడినట్లే! Manchester United: 23 ఏళ్లకే రిటైర్మెంట్‌.. ఎవరా ఆటగాడు? A new world record for Steve Smith! The fastest player ever to 8,000 Test runs #PAKvAUS pic.twitter.com/xmC7iSM7uN — cricket.com.au (@cricketcomau) March 24, 2022

పాకిస్తాన్‌, ఆస్ట్రేలియా మధ్య జరుగుతున్న మూడో టెస్టులో డేవిడ్‌ వార్నర్‌, షాహిన్‌ అఫ్రిది వ్యవహారం సోషల్‌ మీడియాలో ఎంత వైరల్‌ అయిందో ప్రత్యేకంగా చెప్పనవసరం లేదు. మూడోరోజు ఆటలో ఆఖరి ఓవర్‌ సందర్భంగా వార్నర్‌, అఫ్రిది 'నువ్వా-నేనా' అన్నట్లు ఒకరి కళ్లలోకి ఒకరు సీరియస్‌గా చూసుకున్నారు. ఇదంతా కేవలం సరదాతో చేశారు. కానీ దీనికి సంబంధించిన ఫోటోపై సోషల్‌ మీడియాలో విపరీతమైన మీమ్స్‌, ట్రోల్స్‌ వచ్చాయి. తాజాగా నాలుగోరోజు ఆటలో వార్నర్‌ షాహిన్‌ అఫ్రిది బౌలింగ్‌లోనే ఔటయ్యాడు. అఫ్రిది వేసిన ఒక అద్భుత బంతికి వార్నర్‌ క్లీన్‌బౌల్డ్‌ అవ్వాల్సి వచ్చింది. అలా వార్నర్‌పై అఫ్రిది పైచేయి సాధించాడు. అయితే పెవిలియన్‌ వెళ్తున్న వార్నర్‌కు అఫ్రిది షేక్‌ హ్యాండ్‌ ఇచ్చి అభినందించాడు. వీరిద్దరి మధ్య జరిగిన ఆ సన్నివేశానికి మిగతా ఆటగాళ్లు అలా చూస్తుండిపోయారు. ఇక అభిమానులు కూడా ఈ ఫోటోపై స్పందించారు. నిన్నేమో కత్తులు దూసుకున్నారు... ఇవాళ చేతులు కలిపారు. మొత్తానికి శుభం కార్డు పడింది అంటూ కామెంట్‌ చేశారు. ఇక మ్యాచ్‌ విషయానికి వస్తే.. నాలుగో రోజు బ్యాటింగ్‌ కొనసాగించిన ఆస్ట్రేలియా రెండో ఇన్నింగ్స్‌లో దూకుడైన ఆటతీరు కనబరుస్తుంది. పాక్‌ బౌలర్లకు ఓపెనర్లు డేవిడ్‌ వార్నర్‌, ఉస్మాన్‌ ఖవాజాలు ఏ మాత్రం అవకాశం ఇవ్వలేదు. తొలి వికెట్‌కు 96 పరుగులు జోడించిన అనంతరం 51 పరుగులు చేసిన వార్నర్‌ అఫ్రిది బౌలింగ్‌లో ఔటయ్యాడు. ప్రస్తుతం ఆసీస్‌ 294 పరుగులు ఆధిక్యంలో ఉంది. ఇక మరో సెషన్‌ మాత్రమే మిగిలి ఉండడంతో రోజంతా ఆడి పాక్‌ ముందు భారీ స్కోరు పెట్టాలని ఆసీస్‌ నిర్ణయించుకుంది. చదవండి: PAK vs AUS: 'నువ్వా- నేనా' అంటూ కత్తులు దూసుకున్న వార్నర్‌, అఫ్రిది PAK vs AUS: 20 పరుగుల వ్యవధిలో ఆలౌట్‌.. పేరును సార్థకం చేసుకున్న పాక్‌ జట్టు Shaheen Afridi hitting the stumps >>>>>>> (via @TheRealPCB)pic.twitter.com/NHVNhKxK6d — ESPNcricinfo (@ESPNcricinfo) March 24, 2022

Shaheen Afridi Vs David Warner: పాకిస్తాన్‌, ఆస్ట్రేలియా మధ్య మూడో టెస్టులో మూడోరోజు ఆటలో ఒక ఆసక్తికర ఘటన చోటుచేసుకుంది. ఆస్ట్రేలియా రెండో ఇన్నింగ్స్‌ సమయంలో వార్నర్‌, పాక్‌ బౌలర్‌ షాహిన్‌ అఫ్రిది నువ్వా-నేనా అన్నట్లుగా ఒకరిపై ఒకరు కత్తులు దూసుకున్నారు. అదేంటి ఇద్దరు గొడవపడ్డారా అనే సందేహం వద్దు. విషయంలోకి వెళితే.. అఫ్రిది వేసిన ఒక ఓవర్‌ చివరి బంతిని వార్నర్‌ డిఫెన్స్‌ ఆడాడు. నాన్‌స్ట్రైక్‌ ఎండ్‌లో ఉన్న ఖవాజా పరుగు తీయడానికి ముందుకు రాగా వార్నర్‌ 'నో రన్‌' అంటూ గట్టిగా అరిచాడు. ఇంతలో బంతి అందుకునేందుకు వచ్చిన అఫ్రిది అటు వైపు వెళ్లకుండా వార్నర్‌ మీదకు దూసుకొచ్చాడు. అతన్ని కొట్టేందుకు వెళుతున్నాడా అన్నట్లుగా దూసుకెళ్లాడు. తానేమైనా తక్కువ తిన్నానా అన్నట్లుగా వార్నర్‌ కూడా అఫ్రిదికి ఎదురెళ్లాడు. ఇద్దరు క్లోజ్‌గా వచ్చి ఒకరి కళ్లలో ఒకరు సీరియస్‌గా చూసుకున్నారు. ఆ తర్వాత ఇద్దరి మొహాల్లో నవ్వులు విరపూశాయి. ఇది చూసిన మిగతా క్రికెటర్లు కూడా వీరి చర్యకు నవ్వుకున్నారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే.. మూడోరోజు ఆట ముగిసే సమయానికి ఆస్ట్రేలియా రెండో ఇన్నింగ్స్‌లో వికెట్‌ నష్టపోకుండా 11 పరుగులు చేసింది. వార్నర్‌ 4, ఖవాజా 7 పరుగులతో క్రీజులో ఉన్నారు. ప్రస్తుతం ఆస్ట్రేలియా 134 పరుగుల ఆధిక్యంలో ఉంది. అంతకముందు పాకిస్తాన్‌ తొలి ఇన్నింగ్స్‌లో 268 పరుగులకు ఆలౌట్‌ అయింది. కేవలం 20 పరుగుల వ్యవధిలో పాకిస్తాన్‌ చివరి ఆరు వికెట్లు కోల్పోవడంతో ఆసీస్‌ జట్టుకు 123 పరుగుల తొలి ఇన్నింగ్స్‌ ఆధిక్యం లభించింది. రావల్పిండి, కరాచీలో కాకుండా లాహోర్ పిచ్ కాస్త బౌలర్లకు కూడా సహకరిస్తుండటంతో ఈ టెస్టులో ఫలితం తేలే అవకాశం ఉంది. ఈ టెస్టులో నాలుగో రోజు ఆట అత్యంత కీలకం. ఆసీస్ ఎన్ని పరుగులు చేసి పాక్ కు లక్ష్యాన్ని నిర్దేశించనుందనేదానిమీద ఆ జట్టు విజయావకాశాలు ముడిపడి ఉన్నాయి. చదవండి: ICC Suspend SA Cricketer: సౌతాఫ్రికా క్రికెటర్‌ను సస్పెండ్‌ చేసిన ఐసీసీ PAK vs AUS: 20 పరుగుల వ్యవధిలో ఆలౌట్‌.. పేరును సార్థకం చేసుకున్న పాక్‌ జట్టు Some fun banter between Warner vs Shaheen!!!!pic.twitter.com/EuQHjljMSp — Johns. (@CricCrazyJohns) March 23, 2022

పాకిస్తాన్‌ జట్టు అంటేనే నిలకడలేమి ఆటకు మారుపేరు. ఎప్పుడు ఎలా ఆడుతుందో ఎవరికి అర్థం కాదు. బాగా ఆడుతున్నారు అని మెచ్చుకునే సమయంలోనే తమదైన చెత్త ఆటతీరుతో విమర్శలు కొనితెచ్చుకుంటారు. కచ్చితంగా గెలుస్తుంది అనుకున్న మ్యాచ్‌లు ఓడిపోవడం.. ఓడిపోతుంది అన్న మ్యాచ్‌ల్లో అద్బుతాలు చేసి గెలవడం వారికి మాత్రమే సాధ్యమైంది. ఎన్నో ఏళ్లుగా ఇది చూస్తూనే వచ్చాం. తాజాగా అలాంటి సీన్‌ మరోసారి రిపీట్ అయింది. లాహోర్‌ వేదికగా ఆస్ట్రేలియాతో జరుగుతున్న మూడో టెస్టులో పాకిస్తాన్‌ కేవలం 20 పరుగుల వ్యవధిలో ఏకంగా 6 వికెట్లు కోల్పోయింది. 248 పరుగులకు 4 వికెట్లు మాత్రమే కోల్పోయి పటిష్టంగా కనిపించింది. బాబర్‌ అజమ్‌ క్రీజులో ఉండడంతో మరోసారి మంచి ప్రదర్శన చేస్తుందేమోనని మనం భావించేలోపే పాక్‌ ఇన్నింగ్స్‌ పేక మేడను తలపించింది. 20 పరుగుల వ్యవధిలో మిగతా ఆరు వికెట్లు కోల్పోయి 268 పరుగులకే ఆలౌటైంది. ఫలితంగా  ఆసీస్ కు 123 పరుగుల  తొలి ఇన్నింగ్స్ ఆధిక్యం దక్కింది.  ఆసీస్ సారథి పాట్ కమిన్స్ ఐదు వికెట్లు తీయగా... మిచెల్ స్టార్క్ కు నాలుగు వికెట్లు దక్కాయి. అంతకముందు మూడో రోజు ఓవర్ నైట్ స్కోరు 90-1 పరుగుల వద్ద బ్యాటింగ్ ప్రారంభించిన పాకిస్థాన్..  షఫీక్ (228 బంతుల్లో 81), అజర్ అలీ (208 బంతుల్లో 78) లు రెండో వికెట్ కు 150 పరుగుల భాగస్వామ్యం జోడించారు. సెంచరీల వైపునకు దూసుకెళ్తున్న ఈ జంటను ఆసీస్ స్పిన్నర్ లియన్  విడదీశాడు. లియాన్ బౌలింగ్ లో షఫీక్.. కీపర్ అలెక్స్ కేరీకి  క్యాచ్ ఇచ్చి వెనుదిరిగాడు. కొద్ది సేపటి తర్వాత అజర్ అలీ కూడా కమిన్స్ బౌలింగ్ లో అతడికే క్యాచ్ ఇచ్చి ఔటయ్యాడు. ఆ సమయంలో కెప్టెన్ బాబర్ ఆజమ్ మరోసారి కీలక ఇన్నింగ్స్ ఆడాడు. 131 బంతులాడి 67 పరుగులు చేశాడు.  అయితే అతడికి చేయూతనిచ్చేవారే కరువయ్యారు. పాక్ ఇన్నింగ్స్ 106.3 ఓవర్లో ఫవాద్ ఆలం (13) ను స్టార్క్ ఎల్బీడబ్ల్యూ గా  ఔట్ చేశాడు. అప్పుడు మొదలైంది వికెట్ల పతనం. ఆలం నిష్క్రమించే సమయానికి పాక్ స్కోరు 106 ఓవర్లలో 248-4. ఆ వెంటనే నాలుగు ఓవర్ల తర్వాత కీపర్ మహ్మద్ రిజ్వాన్ (1) ను కూడా స్టార్క్  ఔట్ చేశాడు. 113 ఓవర్లో సాజిద్ ఖాన్ (6)నను కమిన్స్ బౌల్డ్ చేశాడు. ఆ మరుసటి ఓవర్లో నౌమన్ అలీ (0)తో పాటు హసన్ అలీ (0) లను కమిన్స్ డకౌట్ గా ఐట్ చేశాడు.  ఇక 116వ ఓవర్లో బాబర్ ఆజమ్ ను స్టార్క్ ఎల్బీడబ్ల్యూ గా పెవిలియన్ కు చేర్చాడు. నసీమ్ షా (0) ను స్టార్క్ బౌల్డ్ చేయడంతో పాక్ ఇన్నింగ్స్ కు తెరపడింది.  అంతకముందు ఆస్ట్రేలియా తొలి ఇన్నింగ్స్‌లో 391 పరుగులకు ఆలౌట్‌ అయింది. తొలి ఇన్నింగ్స్ లో దక్కిన ఆధిక్యంతో ఆస్ట్రేలియా తిరిగి రెండో ఇన్నింగ్స్ ప్రారంభించింది.  ఆట ముగిసే సమయానికి ఆ జట్టు 3 ఓవర్లలో వికెట్లేమీ నష్టపోకుండా 11 పరుగులు చేసింది. ఉస్మాన్ ఖవాజా (7 నాటౌట్), డేవిడ్ వార్నర్ (4 నాటౌట్) క్రీజులో ఉన్నారు.  ప్రస్తుతం ఆస్ట్రేలియా 134 పరుగుల ఆధిక్యంలో ఉంది.  రావల్పిండి, కరాచీలో కాకుండా లాహోర్ పిచ్ కాస్త బౌలర్లకు కూడా సహకరిస్తుండటంతో ఈ టెస్టులో ఫలితం తేలే అవకాశం ఉంది. ఈ టెస్టులో నాలుగో రోజు ఆట అత్యంత కీలకం. ఆసీస్ ఎన్ని పరుగులు చేసి పాక్ కు లక్ష్యాన్ని నిర్దేశించనుందనేదానిమీద ఆ జట్టు విజయావకాశాలు ముడిపడి ఉన్నాయి. చదవండి: IPL 2022: సిగ్గుచేటు.. బయటోడికి, మనోడికి తేడా తెలియడం లేదా? Babar Azam: నిబంధనను పాతరేసిన పాక్‌ కెప్టెన్‌.. యాక్షన్‌ తీసుకోవాల్సిందే! A brilliant final session for Australia 🙌 They picked up seven Pakistan wickets and managed to bat out the tricky period before stumps! Watch #PAKvAUS on https://t.co/CPDKNxoJ9v with a Third Test Pass for only $1.99 USD 📺#WTC23 | https://t.co/oYsGsrxCjo pic.twitter.com/MRcQs4ls4F — ICC (@ICC) March 23, 2022

పాకిస్తాన్‌ కెప్టెన్‌ బాబర్‌ ఆజం ఐసీసీ నిబంధన అతిక్రమించాడు. ఆస్ట్రేలియాతో జరుగుతున్న మూడో టెస్టులో రెండో రోజు ఆటలో బాబర్‌ ఆజం బంతికి లాలాజలం రుద్దాడు. క్రికెట్‌లో బంతి షైన్‌ కోసం ఆటగాళ్లు సలైవా ఉపయోగించకూడదని కోవిడ్‌-19 సీరియస్‌గా ఉన్న సమయంలో ఐసీసీ పేర్కొంది. బాబర్ ఆజం మాత్రం  నిబంధనను గాలికి వదిలేసి బంతికి లాలాజలం రుద్దుతూ కెమెరాలకు అడ్డంగా దొరికిపోయాడు. ఇది చూసిన క్రికెట్‌ ఫ్యాన్స్‌ బాబర్‌పై తీవ్ర ఆగ్రహం వ్యక్తం చేశారు. పాక్‌ కెప్టెన్‌ చేసింది ముమ్మాటికి తప్పేనని.. బంతికి లాలాజలం రుద్దకూడదని తెలిసినా.. అది పట్టించుకోకుండా తన పని చేసుకుపోయాడు. దీనిపై ఐసీసీ అపెక్స్‌ కౌన్సిల్‌ సీరియస్‌ యాక్షన్‌ తీసుకోవాల్సిందనని అభిమానులు పేర్కొన్నారు. ఇటీవలే బంతికి సలైవాను రుద్దడాన్ని బ్యాన్‌ చేస్తూ ఎంసీసీ(మెరిల్‌బోర్న్‌ క్రికెట్‌ అసొసియేషన్‌) నిర్ణయం తీసుకుంది. వాస్తవానికి కోవిడ్‌-19ను దృష్టిలో ఉంచుకొని అంతకముందే ఐసీసీ బంతికి లాలాజలం రుద్దడాన్ని తాత్కాలికంగా నిషేధించింది. దీనికి సంబంధించిన గైడ్‌లైన్స్‌ను కూడా ఐసీసీ అప్పట్లో విడుదల చేసింది. ఐసీసీ మార్గదర్శకాల ప్రకారం బంతికి ఉమ్మి రుద్దడం తప్పుగా పరిగణించింది. ఆ తర్వాత మెరిల్‌బోర్న్‌ క్రికెట్‌ అసోసియేషన్‌ సలైవా విషయంలో​కొత్త సవరణ తీసుకొచ్చింది. బంతి షైన్‌ కోసం బౌలర్‌ లేదా ఆటగాళ్లు లాలాజలం రుద్దడం నిషేధమని... అలా చేస్తే బంతి షేప్‌ మార్చినట్లే అవుతుందని పేర్కొంది. అందుకే సలైవాను బ్యాన్‌ చేస్తున్నట్లు తెలిపింది.  వచ్చే అక్టోబర్‌ నుంచి ఈ రూల్‌ అమల్లోకి రానుందని ఎంసీసీ పేర్కొంది. ఇక మ్యాచ్‌ విషయానికి వస్తే.. మూడోరోజు బ్యాటింగ్‌ చేస్తున్న పాకిస్తాన్‌ ప్రస్తుతం తొలి ఇన్నింగ్స్‌లో 3 వికెట్ల నష్టానికి 235 పరుగులు చేసింది. బాబర్‌ ఆజం 45, పవాద్‌ ఆలమ్‌ 10 పరుగులతో క్రీజులో ఉన్నారు. అంతకముందు ఆస్ట్రేలియా తొలి ఇన్నింగ్స్‌లో 391 పరుగులకు ఆలౌట్‌ అయింది. చదవండి: PAK vs AUS: బాబర్ ఆజం.. కేవలం రికార్డుల కోసమే టెస్టు సిరీస్‌​ ఆడుతున్నావా? IPL 2022: ఐపీఎల్‌ అభిమానులకు గుడ్‌న్యూస్‌

Pak Vs Aus 3rd Test Day 2- లాహోర్‌: పాకిస్తాన్‌తో జరుగుతున్న మూడో టెస్టులో ఆస్ట్రేలియా జట్టు తొలి ఇన్నింగ్స్‌లో 133.3 ఓవర్లలో 391 పరుగుల వద్ద ఆలౌటైంది. ఓవర్‌నైట్‌ స్కోరు 232/5తో ఆట రెండో రోజు తొలి ఇన్నింగ్స్‌ కొనసాగించిన ఆస్ట్రేలియా 159 పరుగులు జోడించి మిగతా ఐదు వికెట్లు కోల్పోయింది. గ్రీన్‌ (79; 9 ఫోర్లు), క్యారీ (67; 7 ఫోర్లు) ఆరో వికెట్‌కు 135 పరుగులు జత చేశారు. పాక్‌ బౌలర్లలో షాహీన్‌ అఫ్రిది (4/79), నసీమ్‌ షా (4/58) రాణించారు. అనంతరం తొలి ఇన్నింగ్స్‌ ప్రారంభించిన పాకిస్తాన్‌ ఆట ముగిసే సమయానికి ఒక వికెట్‌ నష్టానికి 90 పరుగులు చేసింది. షఫీఖ్‌ (45 బ్యాటింగ్‌), అజహర్‌ అలీ (30 బ్యాటింగ్‌) క్రీజులో ఉన్నారు. చదవండి: క్రికెట్‌ చరిత్రలో అత్యంత చెత్త నిర్ణయానికి 30 ఏళ్లు..     After a spectacular bowling stint by the Shahs, we close Day 2 trailing by 301 runs.#BoysReadyHain l #PAKvAUS pic.twitter.com/NEVQKidyZM — Pakistan Cricket (@TheRealPCB) March 22, 2022

పాకిస్తాన్‌ కెప్టెన్‌ బాబర్ ఆజం ఆస్ట్రేలియాతో జరిగిన రెండో టెస్టులో నాలుగో ఇన్నింగ్స్‌లో 196 పరుగుల మారథాన్‌ ఇన్నింగ్స్‌ ఆడిన సంగతి తెలిసిందే. దాదాపు 603 నిమిషాల పాటు క్రీజులో గడిపిన బాబర్‌ పాకిస్తాన్‌ను ఓటమి నుంచి రక్షించాడు. ఈ టెస్టు మ్యాచ్‌ జరిగి వారం కావొస్తున్నప్పటికీ.. బాబర్‌ ఆజం ఇన్నింగ్స్‌ టెస్టు క్రికెట్‌లో కొన్ని రికార్డులను బద్దలు కొట్టాడు. టెస్టు క్రికెట్‌లో ఒక మ్యాచ్‌ నాలుగో ఇన్నింగ్స్‌లో అత్యధిక పరుగులు సాధించిన జాబితాలో బాబర్‌ ఆజం ఏడో స్థానంలో నిలిచాడు. అయితే పాకిస్తాన్‌ తరపున మాత్రం టెస్టు మ్యాచ్‌ నాలుగో ఇన్నింగ్స్‌లో అత్యధిక పరుగులు చేసిన తొలి బ్యాటర్‌గా బాబర్‌ ఆజం నిలిచాడు. అంతకముందు యూనిస్‌ ఖాన్‌ 2015లో శ్రీలంకపై (171 పరుగులు నాటౌట్‌) మెరిశాడు.  బాబర్‌ ఆజం 196 పరుగులు చేయగా.. అంతకముందు వెస్టిండీస్‌ క్రికెటర్‌ జార్జ్‌ హెడ్లీ(ఇంగ్లండ్‌పై 1929లో 223 పరుగులు సాధించి తొలి స్థానంలో  ఉన్నాడు. ఆ తర్వాత సునీల్‌ గావస్కర్‌(1979లో ఇంగ్లండ్‌పై 221 పరుగులు), రెండో స్థానంలో ఉన్నాడు.  కాగా తన జట్టును కాపాడుకోవడం కోసం మారథాన్‌ ఇన్నింగ్స్‌ ఆడిన బాబర్‌ ఆజంపై ప్రశంసలు కురిశాయి. అదే సమయంలో అతనిపై విమర్శలు కూడా వచ్చాయి. తొలి టెస్టులో నాసిరకం పిచ్‌లు తయారు చేయడంతో.. మ్యాచ్‌ ఫేలవ డ్రాగా ముగిసింది. తాజాగా రెండో టెస్టులోనూ బ్యాటింగ్‌కే పిచ్‌ ఎక్కువగా అనుకూలించింది. అయితే పాకిస్తాన్‌ తొలి ఇన్నింగ్స్‌లో  తక్కువ పరుగులకే కుప్పకూలినప్పటికి.. రెండో ఇన్నింగ్స్‌లో బాబర్‌ ఆజం రికార్డు ఇన్నింగ్స్‌తో జట్టును ఓటమి నుంచి కాపాడుకున్నాడు. ''కేవలం రికార్డులు సాధించడం కోసమే ఆస్ట్రేలియాతో టెస్టు సిరీస్‌ ఆడుతున్నావా'' అంటూ క్రికెట్‌ ఫ్యాన్స్‌ ట్రోల్‌ చేశారు.  చదవండి: PAK vs AUS: ఆస్ట్రేలియన్‌ క్రికెటర్‌ అరుదైన ఫీట్‌.. దిగ్గజ ఆటగాళ్ల రికార్డు బద్దలు IPL 2022 Opening Ceremony: అభిమానులకు బీసీసీఐ బ్యాడ్‌న్యూస్‌.. వరుసగా నాలుగో ఏడాది

ఆస్ట్రేలియా సీనియర్‌ బ్యాటర్‌ స్టీవ్‌స్మిత్‌ ఒక అరుదైన ఫీట్‌ సాధించాడు. పాకిస్తాన్‌తో జరుగుతున్న మూడో టెస్టులో తొలి ఇన్నింగ్స్‌లో స్మిత్‌ 59 పరుగులు చేసి ఔటయ్యాడు. తద్వారా స్మిత్‌ ఒక రికార్డును తన పేరిట లిఖించుకున్నాడు. టెస్టుల్లో 150వ ఇన్నింగ్స్‌ దగ్గర అత్యధిక పరుగులు(7993 పరుగులు) సాధించిన తొలి బ్యాటర్‌గా స్మిత్‌ నిలిచాడు. ఈ నేపథ్యంలోనే శ్రీలంక మాజీ కెప్టెన్‌ కుమార సంగక్కరను(7913 పరుగులు) స్మిత్‌ అధిగమించాడు. కాగా స్మిత్‌, సంగక్కర తర్వాత వరుసగా టీమిండియా త్రయం సచిన్‌ టెండూల్కర్‌(7,869 పరుగులు), వీరేంద్ర సెహ్వాగ్‌(7,694 పరుగులు), రాహుల్‌ ద్రవిడ్‌(7,680 పరుగులు) ఉన్నారు.   ఇక మ్యాచ్‌ విషయానికి వస్తే.. ఆస్ట్రేలియా తొలి ఇన్నింగ్స్‌లో 391 పరుగులకు ఆలౌట్‌ అయింది. ఉస్మాన్‌ ఖవాజా 91, అలెక్స్‌ క్యారీ 67, కామెరాన్‌ గ్రీన్‌ 79, స్మి్‌త్‌ 59 పరుగులు చేశారు. పాకిస్తాన్‌ బౌలర్లలో షాహిన్‌ అఫ్రిది, నసీమ్‌ షా చెరో 4 వికెట్లు తీశారు. అనంతరం తొలి ఇన్నింగ్స్‌ ఆరంభించిన పాకిస్తాన్‌ వికెట్‌ నష్టానికి 89 పరుగులు చేసింది.  చదవండి: IPL 2022: అభిమానులకు బీసీసీఐ బ్యాడ్‌న్యూస్‌.. వరుసగా నాలుగో ఏడాది

పాకిస్తాన్‌తో వన్డే సిరీస్‌కు ఆస్ట్రేలియాకు భారీ షాక్‌ తగిలింది. ఆ జట్టు పేసర్‌ కేన్ రిచర్డ్‌సన్ మోకాలి గాయం కారణంగా పాకిస్తాన్‌తో పరిమిత ఓవర్ల సిరీస్‌కు దూరం కానున్నాడు. అతడి స్ధానంలో న్యూ సౌత్ వేల్స్ పేసర్‌ బెన్ ద్వార్షుయిస్‌ను క్రికెట్‌ ఆస్ట్రేలియా ఎంపిక చేసింది. కాగా పాకిస్తాన్‌ పర్యనటకు ముందు మెల్‌బోర్న్‌లో ఆస్ట్రేలియా జట్టు ప్రాక్టీస్ చేస్తుంది. ఈ క్రమంలోనే అతడు గాయపడినట్లు తెలుస్తోంది. ఇక రిచర్డ్‌సన్ స్ధానంలో జట్టులోకి వచ్చిన ద్వార్షుయిస్‌కు అంతగా అంతర్జాతీయ క్రికెట్‌ అనుభవం లేదు. 2017లో జరగిన  ట్రై-సిరీస్ ఆస్ట్రేలియా టీ20 జట్టులో ద్వార్షుయిస్‌ సభ్యుడుగా ఉన్నాడు. బిగ్ బాష్ లీగ్‌లో సిడ్నీ సిక్సర్స్‌కు ప్రాతినిధ్యం వహిస్తున్నాడు. ఇక పాకిస్తాన్‌తో టెస్టు సిరీస్‌ అనంతరం వన్డే సిరీస్‌ ప్రారంభం కానుంది. మార్చి 29న లాహోర్‌ వేదికగా పాక్‌- ఆస్ట్రేలియా తొలి వన్డే జరగనుంది.అదే విధంగా పాకిస్తాన్‌- ఆస్ట్రేలియా మధ్య జరిగిన తొలి రెండు టెస్టులు డ్రా ముగిశాయి. ఇక సిరీస్‌లో అఖరి టెస్టు లాహోర్‌ వేదికగా జరుగుతోంది. మరో వైపు  పాకిస్తాన్‌తో పరిమిత ఓవర్ల సిరీస్‌ కోసం న్యూజిలాండ్ మాజీ కెప్టెన్ డేనియల్ వెట్టోరిను స్పిన్ కన్సల్టెంట్‌గా క్రికెట్ ఆస్ట్రేలియా నియమించింది. చదవండి: IPL 2022: 'అతడు అద్భుతమైన ఆటగాడు.. భారత ప్రపంచకప్‌ జట్టులో చోటు ఖాయం'

పాకిస్తాన్‌ పర్యటనలో ఉన్న ఆస్ట్రేలియా జట్టు స్పిన్ కన్సల్టెంట్‌గా న్యూజిలాండ్ మాజీ కెప్టెన్ డేనియల్ వెట్టోరి ఎంపికయ్యాడు. ఈ విషయాన్ని క్రికెట్ ఆస్ట్రేలియా సోమవారం ధృవీకరించింది. పాకిస్తాన్‌ తో టెస్టు సిరీస్‌ అనంతరం ఆస్ట్రేలియా లాహోర్‌లో మూడు వన్డేలు, ఒక టీ20 మ్యాచ్‌ ఆడనున్నాడు. ఈ వైట్‌బాల్‌ సిరీస్‌లో ఆస్ట్రేలియా జట్టుకు స్పిన్ సలహాదారుగా వెట్టోరి వ్యవహరించనున్నాడు. కాగా వెట్టోరి 2019 నుంచి 2021 వరకు బంగ్లాదేశ్‌ స్పిన్‌ బౌలింగ్‌ కోచ్‌గా పని చేశాడు. అదే విధంగా గతంలో ఐపీఎల్‌లో రాయల్‌ ఛాలెంజర్స్‌ బెంగళూరు జట్టుకు కోచ్‌గా బాధ్యతలు నిర్వహించాడు. ఇక వెట్టోరి తన అంతర్జాతీయ కెరీర్‌లో 705 వికెట్లు సాధించాడు. వాటిలో 365 టెస్టు, 305 వన్డే, 38 టీ20 వికెట్లు ఉన్నాయి. ఇక పాకిస్తాన్‌- ఆస్ట్రేలియా మధ్య జరిగిన తొలి రెండు టెస్టులు డ్రా ముగిశాయి. ఇక సిరీస్‌లో అఖరి టెస్టు లాహోర్‌ వేదికగా జరుగుతోంది. మార్చి 29న లాహోర్‌ వేదికగా పాక్‌- ఆస్ట్రేలియా తొలి వన్డే జరగనుంది. చదవండి: IPL 2022: చెన్నై అభిమానులకు గుడ్‌ న్యూస్‌.. స్టార్‌ ఓపెనర్‌ వచ్చేశాడు!

పాకిస్థాన్ మాజీ పేసర్ షోయబ్ అక్తర్.. దిగ్గజ ఆసీస్‌ ప్లేయర్‌ రికీ పాంటింగ్‌ను ఉద్దేశిస్తూ ఆసక్తికర వ్యాఖ్యలు చేశాడు. 1999లో పెర్త్‌లో జరిగిన టెస్ట్ మ్యాచ్‌ను గుర్తు చేసుకుంటూ కీలక వ్యాఖ్యలు చేశాడు. నాటి ఆసీస్‌ పర్యటనలో పాక్‌ అప్పటికే 0–2తో వెనుకబడి ఉందని, మూడో టెస్ట్‌లో ఎలాగైనా గెలవాలనే కసితో ప్రత్యర్ధులపై బౌన్సర్లతో విరుచుకుపడాలని డిసైడయ్యానని పేర్కొన్నాడు. ప్లాన్‌లో భాగంగా పాంటింగ్‌ను టార్గెట్‌ చేశానని, అయితే ఆ సమయంలో పాంటింగ్ కాకుండా ఏ ఇతర ఆటగాడు క్రీజ్‌లో ఉన్నా బంతితో తల పగులగొట్టేవాడినేనని ఓ ప్రముఖ వార్తా సంస్థకు ఇచ్చిన ఇంటర్వ్యూలో నాటి సంగతులను గుర్తు చేసుకున్నాడు.  ఇదే సందర్భంగా అక్తర్‌ మాట్లాడుతూ.. 2005 ఆసీస్‌ పర్యటనలో జస్టిన్ లాంగర్‌తో గొడవ జరిగిందని, అలాగే మాథ్యూ హేడెన్‌తో చిన్నపాటి ఘర్షణ కొట్టుకునేంతవరకు వెళ్లిందని గుర్తు చేసుకున్నాడు. ఆస్ట్రేలియా క్రికెటర్లలాగే తాను కూడా దూకుడుగా ఉండే వాడినని.. ఆ యాటిట్యూడ్‌ ఆసీస్‌ ఆటగాళ్లకు కూడా బాగా నచ్చేదని చెప్పుకొచ్చాడు. అప్పట్లోలా ప్రస్తుత ఆస్ట్రేలియా ఆటగాళ్లలో దూకుడు లేదని, అంతా సున్నితంగా ఉన్నారని, నేటి తరం ఆసీస్‌ ఆటగాళ్లలో ఆ వైఖరి ఎందుకు కొరవడిందో అర్ధం కావడం లేదని అన్నాడు. బ్రిస్బేన్‌లోని జెఫ్ థామ్సన్ ఇల్లు తనకు రెండో ఇల్లు లాంటిదని ఈ సందర్భంగా ప్రస్తావించాడు. చదవండి: వరల్డ్‌కప్‌కు ముందే భారత్‌- పాక్‌ మ్యాచ్‌.. ఎప్పుడంటే..?

ఆస్ట్రేలియా జట్టు ఏ ముహుర్తానా పాక్‌ గడ్డపై అడుగుపెట్టిందో కానీ.. అన్ని విచిత్ర పరిస్థితులే ఎదురవుతున్నాయి. 24 ఏళ్ల అనంతరం పాకిస్తాన్‌లో మూడు టెస్టులు, మూడు వన్డేలు, ఒక టి20 ఆడేందుకు ఆస్ట్రేలియా వచ్చింది. వచ్చీ రాగానే పెషావర్‌లో బాంబుల మోత.. తమను స్వాగతం పలికామా అన్నట్లుగా ఆస్ట్రేలియా జట్టును ఉలిక్కిపడేలా చేసింది. మసీదును లక్ష్యంగా చేసుకొని ఉగ్రవాదులు జరిపిన ఈ దాడిలో సుమారు 50 మంది మృతి చెందినట్లు తెలుస్తోంది. అప్పటికే పక్కనే ఉన్న రావల్పిండి సిటీలో పాకిస్తాన్‌, ఆస్ట్రేలియా మధ్య తొలి టెస్టు మ్యాచ్‌ మొదలైంది. సిరీస్‌ రద్దయ్యే అవకాశాలు ఉన్నట్లు అనుమానాలు వచ్చినప్పటికి.. పీసీబీ ఆసీస్‌ ఆటగాళ్ల భద్రత మాదేనని పేర్కొంది. అలా మొదటి టెస్టు పూర్తి కాగానే.. దేశంలో రాజకీయ సంక్షోభ దుమారం రేగింది. అధికారంలో ఉన్న ఇమ్రాన్‌ఖాన్ ప్రభుత్వం ఒక్కసారిగా సంక్షోభంలో పడింది. ఇమ్రాన్‌ఖాన్‌కు వ్యతిరేకంగా తమ పార్టీలు ఎంపీలు, మంత్రులు రాజీనామాలు చేస్తున్నారు. ప్రతిపక్షాలు తీసుకొచ్చిన అవిశ్వాస తీర్మానం కారణంగా ప్రధాని ఇమ్రాన్ ఖాన్ ప్రభుత్వం ఇరకాటంలో పడింది. తాజాగా రాజకీయ సంక్షభం సెగ పాకిస్తాన్‌- ఆస్ట్రేలియా సిరీస్‌ను తాకింది. మూడు వన్డేల సిరీస్‌తో పాటు ఏకైక టి20 మ్యాచ్‌ మార్చి 29, 31, ఏప్రిల్‌ 2, 4 తేదీలలో రావల్పిండి వేదికగా జరగాల్సి ఉంది. అయితే రాజకీయ సంక్షోభం కారణంగా పాక్‌ రాజధాని ఇస్లామాబాద్‌తో పాటు పక్కనే ఉన్న రావల్పిండిలో అల్లర్లు తలెత్తే ప్రమాదం ఉంది. అందుకే ముందు జాగ్రత్త చర్యగా రావల్పిండి నుంచి లాహోర్‌కు మ్యాచ్‌ వేదికలను మారుస్తున్నట్లు దేశ విదేశాంగ మంత్రి షేక్‌ రషీద్‌ ఒక ప్రకటనలో వెల్లడించారు. లాహోర్‌ వేదికగా అవే తేదీల్లో మూడు వన్డేలు, ఒక టి20 మ్యాచ్‌ జరగనుందని ఆయన స్పష్టం చేశారు. కాగా ఇప్పటికే మూడో టెస్టు కోసం ఇరుజట్లు లాహోర్‌లోని గడాఫీ వేదికగా ఆడనున్నాయి. ఇక సిరీస్‌లో మిగిలిన మ్యాచ్‌లు కూడా అక్కడే ఆడనున్నట్లు పీసీబీ తెలిపింది. ఈ విషయాన్ని ఇప్పటికే క్రికెట్‌ ఆస్ట్రేలియాకు తెలిపామని.. వారు తమ క్రికెటర్ల క్షేమ సమాచారాలు మాత్రమే అడిగారని.. సిరీస్‌ ముగిశాక జాగ్రత్తగా పంపించాలని కోరారని షేక్‌ రషీద్‌ తెలిపారు. చదవండి: 'ఇప్పుడు కాదు రోహిత్‌.. ఆస్ట్రేలియాపై గెలిచి చూపించు' Glenn Maxwell Marriage: గర్ల్‌ఫ్రెండ్‌ను పెళ్లాడిన ఆసీస్‌ విధ్వంసకర ఆటగాడు

ఆస్ట్రేలియా జట్టు పాకిస్తాన్‌ గడ్డపై 24 సంవత్సరాల తర్వాత పర్యటిస్తున్న సంగతి తెలిసిందే. 1998లో చివరిసారిగా పర్యటించిన ఆసీస్‌ మళ్లీ ఇన్నేళ్ల తర్వాత పాక్‌ గడ్డపై మూడు టెస్టులు, మూడు వన్డేలు, మూడు టి20లు ఆడేందుకు వచ్చింది. ఇప్పటికే రెండు టెస్టులు పూర్తవ్వగా.. సోమవారం నుంచి చివరి టెస్టు జరగనుంది. ఇక విషయంలోకి వెళితే.. పాకిస్తాన్‌ ఆటగాళ్లలాగే అక్కడి క్రికెట్‌ ఫ్యాన్స్‌ అనిశ్చితికి మారుపేరు. ఆటగాళ్ల వైఖరి నచ్చలేదో సొంత దేశ క్రికెట్‌ర్‌ అని చూడకుండా దుమ్మెత్తిపోస్తారు. అంతేకాదు వారి ప్రవర్తన ఎప్పుడు ఎలా ఉంటుందో అర్థం కాని పరిస్థితి. తాజాగా ఒక ఆస్ట్రేలియన్‌ అభిమానితో సెల్ఫీ కోసం పాక్‌ అభిమానులు ఎగబడుతున్నారు. అతనే ఆస్ట్రేలియాకు చెందిన క్రికెట్‌ వీరాభిమాని లూక్‌ గిల్లియన్‌. ఇదే ఆస్ట్రేలియన్‌ అభిమానిపై 24 ఏళ్ల క్రితం పాక్‌కు చెందిన కొందరు ఆకతాయిలు రాళ్లు రువ్వారు.. మా దేశం నుంచి వెళ్లిపో అంటూ అరిచారు. ఇప్పుడు మాత్రం నాతో ఫోటోలు దిగేందుకు ఇష్టపడుతున్నారని గిల్లియన్‌ పేర్కొన్నాడు. ''1998లో ఆస్ట్రేలియా పాక్‌ పర్యటనకు వచ్చినప్పుడు ఒక అభిమానిగా అక్కడికి వెళ్లాను. అప్పటి పరిస్థితులు దారుణంగా ఉండేవి. బయటికి వెళ్లాలంటేనే భయపడేవాళ్లం. అయినా ధైర్యం తెచ్చుకొని బయటికి వెళ్లాను. అప్పటికే రోడ్లపై గుంపులుగా తిరుగుతూ అడ్డు వచ్చిన వాళ్లపై రాళ్లు రువ్వుతున్నారు. అలా నాపై కూడా రాళ్ల వర్షం కురిపించారు. ఇక లాభం లేదనుకొని వెంటనే ఆస్ట్రేలియాకు వెళ్లిపోయాను. ఆ తర్వాత మళ్లీ పాకిస్తాన్‌కు వెళ్లలేదు. అయితే 24 ఏళ్ల తర్వాత మళ్లీ మా జట్టు పాక్‌ పర్యటనకు వెళుతుందని తెలుసుకున్నా. ఇప్పుడు వెళ్తే చంపేస్తారేమో అని మొదట వద్దనుకున్నా. కానీ ఆటపై నాకున్న అభిమానం పాక్‌ గడ్డపై అడుగుపెట్టేలా చేసింది. కానీ ఇప్పుడు అక్కడి పరిస్థితులు మునుపటిలా లేవు. రావల్పిండిలో దిగగానే నాకు పాక్‌ అభిమానుల నుంచి మంచి స్వాగతం లభించింది. ఎవరైతే నాపై రాళ్లు రువ్వారో వాళ్లే నాతో ఫోటోలు దిగుతూ క్షమాపణ కోరారు. అలా ఐదు రోజుల పాటు నాతో 500 మంది ఫోటోలు దిగేవారు.. ఇది నాకు చాలా సంతోషంగా అనిపించేది. అంతేకాదు వారితో కలిసి కప్పు టీలు ఎన్నిసార్లు తాగానో గుర్తులేదు. ఇక లెక్కలేనన్ని కేక్‌లు.. పెప్సీ బాటిళ్లు, ఫ్రీ హెయిర్‌కట్‌, ఫ్రీ లాం‍డ్రీ వెరసి వారి అభిమానానికి  ఫిదా అయిపోయా'' అంటూ చెప్పుకొచ్చాడు. చదవండి: Ravichanran Ashwin: ‘‘రెండో ఆలోచన వద్దు.. రనౌట్‌ చేసేయండి’ ’  PAK vs AUS: 23 ఏళ్ల క్రితం టీమిండియా బ్యాటర్‌‌.. ఇప్పుడు పాకిస్తాన్‌ బ్యాటర్‌; సీన్‌ రిపీట్‌

Asif Afridi: ఆసీస్‌తో మూడు వన్డేలు, ఏకైక టీ20 కోసం 20 మంది సభ్యుల పాకిస్థాన్‌ జట్టును పీసీబీ (పాకిస్థాన్‌ క్రికెట్‌ బోర్డు) ఇవాళ (మార్చి 17) ప్రకటించింది. ఈ జట్టులో అన్‌ క్యాప్డ్‌ అటగాళ్లు ఆసిఫ్‌ అఫ్రిది, మహ్మద్‌ హరీస్‌లు తొలిసారి చోటు దక్కించుకున్నారు. లెఫ్ట్‌ ఆర్మ్‌ స్పిన్నర్‌ అయిన ఆసిఫ్‌ అఫ్రిది (35), వికెట్‌కీపర్‌ బ్యాటర్‌ అయిన హరీస్‌ (20) ఇటీవల ముగిసిన పీఎస్‌ఎల్‌లో(పాకిస్థాన్‌ సూపర్‌ లీగ్‌) అద్భుతంగా రాణించి, సెలెక్టర్ల దృష్టిలో పడ్డారు. పీఎస్‌ఎల్‌లో అఫ్రిది 5 మ్యాచ్‌ల్లో 8 వికెట్లతో సత్తా చాటగా, హరీస్‌ 186కి పైగా స్ట్రయిక్‌ రేట్‌తో చెలరేగిపోయాడు.  కాగా, ఈ నెల 29 నుంచి ఏప్రిల్‌ 5 వరకు జరిగే ఈ పరిమిత ఓవర్ల సిరీస్‌లకు పాక్‌ కెప్టెన్‌గా బాబర్‌ ఆజమ్‌ కొనసాగనుండగా, ఆసిఫ్‌ అలీ, ఫఖర్‌ జమాన్‌, మహ్మద్‌ రిజ్వాన్‌, షాహీన్‌ అఫ్రిదిలు కీలక ఆటగాళ్లుగా వ్యవహరించనున్నారు. మరోవైపు పాక్‌లో నెలకొన్న రాజకీయ అనిశ్చితి నేపథ్యంలో ఈ పరిమిత ఓవర్ల సిరీస్‌లపై నీలినీడలు కమ్ముకున్నాయి. ప్రస్తుతం ఇరు జట్ల మధ్య జరుగుతున్న 3 మ్యాచ్‌ల టెస్ట్‌ సిరీస్‌లో తొలి రెండు టెస్ట్‌లు డ్రాగా ముగిసిన సంగతి తెలిసిందే.   పాక్‌ వన్డే జట్టు: బాబర్‌ ఆజమ్‌ (కెప్టెన్‌), షాదాబ్‌ ఖాన్‌, అబ్దుల్లా షఫీక్‌, అసిఫ్‌ అఫ్రిది, ఆసిఫ్‌ అలీ, ఫకర్‌ జమాన్‌, హైదర్‌ అలీ, హరీస్‌ రౌఫ్‌, హసన్‌ అలీ, ఇఫ్తికార్‌ అహ్మద్‌, ఇమామ్‌ ఉల్‌ హాక్‌, కుష్దిల్‌ షా, మహ్మద్‌ హరీస్‌, మహ్మద్‌ నవాజ్‌, మహ్మద్‌ రిజ్వాన్‌, మహ్మద్‌ వసీం జూనియర్‌, సౌద్‌ షకీల్‌, షాహీన్‌ అఫ్రిది, షానవాజ్‌ దహాని, ఉస్మాన్‌ ఖాదిర్‌ టీ20 జట్టు: బాబర్‌ ఆజమ్‌ (కెప్టెన్‌), షాదాబ్‌ ఖాన్‌, అసిఫ్‌ అఫ్రిది, ఆసిఫ్‌ అలీ, ఫకర్‌ జమాన్‌, హైదర్‌ అలీ, హరీస్‌ రౌఫ్‌, హసన్‌ అలీ, ఇఫ్తికార్‌ అహ్మద్‌, కుష్దిల్‌ షా, మహ్మద్‌ హరీస్‌, మహ్మద్‌ నవాజ్‌, మహ్మద్‌ రిజ్వాన్‌, మహ్మద్‌ వసీం జూనియర్‌, షాహీన్‌ అఫ్రిది, షానవాజ్‌ దహాని, ఉస్మాన్‌ ఖాదిర్‌ చదవండి: ఇమ్రాన్‌ ఖాన్‌కు పదవీ గండం.. పాక్‌-ఆసీస్‌ సిరీస్‌పై నీలినీడలు..!  

Political Tensions In Pakistan: పాకిస్థాన్‌లో మారుతున్న రాజకీయ సమీకరణలు ఆసీస్-పాక్ మధ్య జరుగుతున్న క్రికెట్‌ సిరీస్‌పై ప్రభావం చూపేలా ఉన్నాయి. దాయాది దేశంలో ప్రతిపక్షాలన్నీ ఏకమై ఆ దేశ ప్రధాని ఇమ్రాన్ ఖాన్‌కు వ్యతిరేకంగా అవిశ్వాస తీర్మానాన్ని ప్రవేశపెట్టాయి. ఈ క్రమంలో ఇమ్రాన్‌ ఈ నెలాఖర్లోగా (మార్చి 28 నుంచి 30 మధ్యలో) తన బలాన్ని నిరూపించుకోవాల్సి ఉంది. ప్రస్తుత పరిస్థితులను బట్టి చూస్తే ఇమ్రాన్‌కు పదవీ గండం తప్పేలా లేదని తెలుస్తోంది. పాక్‌లో నెలకొన్న ఈ రాజకీయ అనిశ్చితి నేపథ్యంలో ఆసీస్‌-పాక్‌ సిరీస్‌ కొనసాగడం అనుమానంగా మారింది.  ఇరు జట్ల మధ్య మార్చ్ 29 నుంచి పరిమిత ఓవర్ల సిరీస్‌ ప్రారంభంకావల్సి ఉండగా, అదే సమయంలో ఇమ్రాన్‌ ఖాన్‌కు మద్దతుగా ఇస్లామాబాద్‌లో భారీ ర్యాలీలు జరగనున్నాయి. ఈ ర్యాలీలు జరిగే ప్రదేశం క్రికెటర్లు బస చేసే హోటల్‌కు అతి సమీపంలో ఉండటంతో తదుపరి సిరీస్‌ సాధ్యాసాధ్యాలపై అనుమానాలు నెలకొన్నాయి. ఈ నేపథ్యంలో పరిమిత ఓవర్ల సిరీస్‌ వేదికల మార్పు అంశాన్ని పీసీబీ పరిశీలిస్తుంది. షెడ్యూల్‌ ప్రకారం మూడు వన్డేలు, ఏకైక టీ20 మ్యాచ్‌ రావల్పిండి వేదికగా జరగాల్సి ఉంది. ప్రస్తుత పరిస్థితుల నేపథ్యంలో వేదికను లహోర్‌కు మార్చే ఆలోచనలో పీసీబీ ఉన్నట్టు తెలుస్తోంది.  కాగా, 24 సంవత్సరాల సుదీర్ఘ విరామం తర్వాత ఆస్ట్రేలియా.. పాకిస్థాన్‌లో పర్యటిస్తోంది. ఈ పర్యటనలో పాక్‌తో మూడు టెస్టులు, మూడు వన్డేలు, ఓ టీ20 ఆడాల్సి ఉంది. ఇప్పటి వరకు జరిగిన రెండు టెస్టు మ్యాచ్‌లు డ్రా కాగా,  ఈ నెల 21 నుంచి మూడో టెస్టు ప్రారంభం కానుంది. అనంతరం ఈనెల 29 నుంచి ఏప్రిల్‌ 5 వరకు పరిమిత ఓవర్ల సిరీస్‌ జరగనుంది.  చదవండి: ఆమ్‌ ఆద్మీ పార్టీ కీలక నిర్ణయం.. హర్భజన్‌ సింగ్‌కు బంపర్‌ ఆఫర్‌

పాకిస్తాన్‌, ఆస్ట్రేలియా మధ్య జరిగిన రెండో టెస్టు డ్రాగా ముగిసిన సంగతి తెలిసిందే. పాకిస్తాన్‌ ఓటమి ఖాయమనుకున్న దశలో కెప్టెన్‌ బాబర్‌ అజమ్‌ అసాధారణ పోరాటానికి తోడు.. మహ్మద్‌ రిజ్వాన్‌ మెరుపు సెంచరీ.. ఓపెనర్‌ అబ్దుల్లా షఫీక్‌ 96 పరుగులతో రాణించడంతో మ్యాచ్‌ను డ్రా చేసుకుంది. ఈ టెస్టు ఫలితంపై అన్ని వైపుల నుంచి ప్రశంసలు వస్తున్న వేళ.. వార్నర్‌ చేసిన ఒక పని సోషల్‌మీడియాలో వైరల్‌గా మారింది. విషయంలోకి వెళితే.. బౌలర్‌కు సుగమమైన ల్యాండింగ్‌ కోసం ఆసీస్‌ కెప్టెన్‌ పాట్‌ కమిన్స్‌ సుత్తితో మట్టిని తొలిగించిన సంగతి తెలిసిందే. కాసేపు గ్రౌండ్‌మెన్‌ అవతారం ఎత్తిన కమిన్స్‌ పనిని క్రికెట్‌ ఫ్యాన్స్‌ సరదాగా ట్రోల్‌ చేశారు. తాజాగా వార్నర్‌ కూడా ఐదో రోజు ఆటలో పాకిస్తాన్‌ స్కోరు 4 వికెట్ల నష్టానికి 380 పరుగుల వద్ద ఉన్నప్పుడు సుత్తిని తీసుకొచ్చాడు. పిచ్‌పై ఉన్న ఫుట్‌మార్క్స్‌ను తొలగించే పనిలో మట్టిని సరిచేశాడు. ఇదంతా అక్కడి కెమెరాల్లో రికార్డయింది. దీనికి సంబంధించిన వీడియోనూ పీసీబీ తన ట్విటర్‌లో షేర్‌ చేసింది. ఇది చూసిన పాక్‌ అభిమానులు..'' ఏంటి వార్నర్‌ మ్యాచ్‌ ఫిక్సింగ్‌ చేస్తున్నావా'' అంటూ ఫన్నీ కామెంట్‌ చేశారు. అయితే వార్నర్‌ వీడియోపై అతని భార్య కాండీస్‌ స్పందించింది. '' ఇలాంటి పనిని మన ఇంటి పరిసరాల్లో  కాస్త ఎక్కువగా చేస్తావని ఆశిస్తున్నా'' అంటూ ఫన్నీగా ట్వీట్‌ చేశారు. ఇక తొలి రెండు టెస్టులు డ్రాగా ముగియడంతో కీలకమైన మూడో టెస్టు లాహోర్‌ వేదికగా సోమవారం(మార్చి 21 నుంచి) జరగనుంది. మరి ఈ మ్యాచ్‌లోనైనా ఫలితం వస్తుందా లేక మళ్లీ డ్రా ఫలితమే కనిపిస్తుందా అనేది చూడాలి. చదవండి: AUS vs PAK: 'మా గుండె ఆగినంత పనైంది'.. అప్పుడు తిట్టినోళ్లే ఇవాళ పొగుడుతున్నారు PAK vs AUS: 23 ఏళ్ల క్రితం టీమిండియా బ్యాటర్‌‌.. ఇప్పుడు పాకిస్తాన్‌ బ్యాటర్‌; సీన్‌ రిపీట్‌ I wish @davidwarner31 would do this a little bit more around the house!! 🤣🤣 https://t.co/hFhdFGqPTA — Candice Warner (@CandiceWarner31) March 17, 2022 The Thor hammer made another cameo today. #BoysReadyHain l #PAKvAUS pic.twitter.com/6LpKTUo554 — Pakistan Cricket (@TheRealPCB) March 16, 2022

కరాచీ వేదికగా ఆస్ట్రేలియా, పాకిస్తాన్‌ మధ్య జరిగిన రెండో టెస్టులో ఒక ఆసక్తికర ఘటన చోటు చేసుకుంది. సరిగ్గా 23 ఏళ్ల క్రితం 1999లో అడిలైడ్‌ టెస్టులో మెక్‌గ్రాత్‌ బౌలింగ్‌లో టీమిండియా బ్యాటింగ్‌ దిగ్గజం సచిన్‌ టెండూల్కర్‌ డకౌట్‌ అయ్యాడు. మెక్‌గ్రాత్‌ వేసిన షార్ట్‌పిచ్‌ బంతి వేయడంతో సచిన్‌ కాస్త కిందకు వంగి షాట్‌ ఆడుదామని భావించాడు. అయితే బంతి అనూహ్యంగా బౌన్స్‌ కాకుండా అదే లెంగ్త్‌లో వెళ్లి సచిన్‌ తొడలను తాకుతూ భుజాల పైనుంచి బంతి వెళ్లింది. దీంతో మెక్‌గ్రాత్‌ అప్పీల్‌ చేయగా.. అప్పటి అంపైర్‌ డారెల్‌ హార్పర్‌ సందేహం లేకుండా ఔట్‌ ఇచ్చాడు. అంపైర్‌ నిర్ణయంతో షాక్‌ అయినప్పటికి సచిన్‌ ఏం చేయలేకపోయాడు. ఎందుకంటే ఆ తర్వాత సచిన్‌ ఎల్బీ అయినట్లు బిగ్‌స్ర్కీన్‌పై క్లియర్‌గా కనిపించింది. కాగా సచిన్‌ ఎల్బీ క్రికెట్‌ చరిత్రలో ఫేమస్‌ ఎల్బీగా మిగిలిపోయింది.  తాజాగా పాక్‌-ఆసీస్‌ రెండో టెస్టులో మరోసారి సేమ్‌ సీన్‌ రిపీట్‌ అయింది. ఈసారి బౌలర్‌ కామెరాన్ గ్రీన్ కాగా.. బ్యాట్స్‌మన్‌ అజహర్‌ అలీ. అప్పటికే 54 బంతులు ఎదుర్కొన్న అజర్‌ అలీ ఆరు పరుగులు మాత్రమే చేసి క్రీజులో ఇబ్బంది పడుతున్నాడు. ఇది బలంగా భావించిన కామెరాన్‌ గ్రీన్‌ తాను వేసిన 23వ ఓవర్లో మెక్‌గ్రాత్‌ను గుర్తుచేస్తూ.. షార్ట్‌లెంగ్త్‌ డెలివరీ వేశాడు. అయితే అజహర్‌ అలీ బంతిని సరిగా అంచనా వేయలేక కిందకు వంగాడు. బంతి నేరుగా తొడపై బాగం తాకుతూ వెళ్లింది. గ్రీన్‌ అప్పీల్‌ చేయగానే అంపైర్‌ ఔట్‌ ఇచ్చాడు. ఇది చూసి షాక్‌ అయిన అజహర్‌ అలీ.. నాన్‌స్ట్రైక్‌ ఎండ్‌లో ఉన్న అబ్దుల్లా షఫీక్‌ చెబ్తున్నా వినకుండా రివ్యూకు వెళ్లాడు. అజహర్‌ను దురదృష్టం వెంటాడింది. బంతి తొడ బాగాన్ని తాకడానికి ముందు చేతి గ్లోవ్స్‌ను తాకినట్లు రిప్లేలో తేలింది. దీంతో అతను ఎల్బీగా ఔటైనట్లు థర్డ్‌ అంపైర్‌ సిగ్నల్‌ ఇచ్చాడు. ఇది చూసిన క్రికెట్‌ ఫ్యాన్స్‌ సోషల్‌ మీడియాలో ట్రోల్‌ చేయడం మొదలుపెట్టారు.​  ''23 ఏళ్ల క్రితం సచిన్‌.. ఇప్పుడు అజహర్‌ అలీ''.. ''అప్పుడు మెక్‌గ్రాత్‌.. ఇప్పుడు కామెరాన్‌ గ్రీన్‌ బౌలర్స్‌.. మిగతాదంతా సేమ్‌ టూ సేమ్‌''..''ఎక్కడ చూసిన ఈ ఆస్ట్రేలియన్‌ బౌలర్స్‌ కామన్‌గా ఉంటారు.'' అంటూ కామెంట్స్‌ చేశారు.​ఇక 506 పరుగుల లక్ష్యాన్ని ఛేదించే క్రమంలో చివరి రోజు మ్యాచ్‌ ముగిసే సమయానికి పాక్‌ తమ రెండో ఇన్నింగ్స్‌లో 171.4 ఓవర్లలో 7 వికెట్ల నష్టానికి 443 పరుగులు సాధించింది.  బాబర్, రిజ్వాన్‌ల 115 పరుగుల ఐదో వికెట్‌  భాగస్వామ్యం తర్వాత ఈ జోడీని విడదీయడంలో ఆసీస్‌ సఫలమైంది. తర్వాతి బంతికే ఫహీమ్‌ (0)ను, కొద్ది సేపటికే సాజిద్‌ (9)ను అవుట్‌ చేసి ఆసీస్‌ పట్టు బిగించింది. అయితే మిగిలిన 8 ఓవర్లలో 3 వికెట్లు పడగొట్టడంలో విఫలమైన కంగారూలు తీవ్రంగా నిరాశ చెందారు. ఇరు జట్ల మధ్య సోమవారం నుంచి లాహోర్‌లో మూడో టెస్టు జరుగుతుంది.     చదవండి: AUS vs PAK: 'మా గుండె ఆగినంత పనైంది'.. అప్పుడు తిట్టినోళ్లే ఇవాళ పొగుడుతున్నారు MS Dhoni: నెంబర్‌-7 మిస్టరీ వెనుక మనం ఊహించని ట్విస్ట్‌ Green gets Azhar after lunch. #BoysReadyHain l #PAKvAUS pic.twitter.com/M161IxLr6s — Pakistan Cricket (@TheRealPCB) March 15, 2022

టెస్టు క్రికెట్‌లో ఉండే మజా ఏంటో పాకిస్తాన్‌, ఆస్ట్రేలియా మధ్య జరిగిన టెస్టు మ్యాచ్‌ ద్వారా మరోసారి నిరూపితమైంది. పాకిస్తాన్‌ ఓటమి నుంచి తప్పించుకోవడం కష్టమేనన్న తరుణంలో ఆ జట్టు కెప్టెన్‌ బాబర్‌ అజమ్‌(196 పరుగులు) చూపించిన తెగువ.. వికెట్‌కీపర్‌ మహ్మద్‌ రిజ్వాన్‌ సెంచరీ, ఓపెనర్‌ అబ్దుల్లా షఫీక్‌ 96 పరుగులు.. వెరసి టెస్టు క్రికెట్‌లో ఉన్న మజాను చూపించారు. ఆఖరివరకు ఉత్కంఠగా సాగినప్పటికి పాకిస్తాన్‌ అద్బుత ఆటతీరుతో మ్యాచ్‌ను డ్రాగా ముగించింది. దీంతో క్రికెట్‌ అభిమానులు పాకిస్తాన్‌ ఆటను మెచ్చుకోకుండా ఉండలేకపోతున్నారు. ట్విటర్‌ వేదికగా పాకిస్తాన్‌, ఆస్ట్రేలియా మధ్య జరిగిన టెస్టు మ్యాచ్‌ చరిత్రలో నిలిచిపోతుందంటూ అభివర్ణించారు. ''మ్యాచ్‌ చివర్లో మా గుండె ఆగినంత పనైంది.. వాటే టెస్టు మ్యాచ్‌'' అంటూ ఒక అభిమాని పేర్కొన్నాడు. ''టెస్టు మ్యాచ్‌లో ఉండే మజా మరోసారి రుచి చూశాము.. పాకిస్తాన్‌ బ్యాటర్స్‌ తెగువ చూపించారు''.. ''నిజమైన టెస్టు క్రికెట్‌ అంటే ఇదే.. టెస్టు క్రికెట్‌లో ఉండే బ్యూటీ ఏ విధంగా ఉంటుందో మరోసారి చూశాం'' అంటూ కామెంట్స్‌ చేశారు. అయితే సరిగ్గా వారం క్రితం ఇదే పాకిస్తాన్‌, ఆస్ట్రేలియా మధ్య రావల్పిండి వేదికగా తొలి టెస్టు జరిగింది. ఆ మ్యాచ్‌ ఫేలవ డ్రాగా ముగిసిన సంగతి తెలిసిందే. నాసిరకం పిచ్‌ తయారు చేశారంటూ.. బౌలర్లకు సహకరించని పిచ్‌లు తయారు చేయడం ఏంటని.. పనికిమాలిన పిచ్‌లు తయారు చేయడం ఆపేయండి అంటూ పీసీబీని దుమ్మెత్తిపోశారు. అప్పుడు తిట్టిన నోళ్లే ఇప్పుడు పొగుతున్నారు. తొలి టెస్టు నుంచి పాఠాలు నేర్చుకున్న పీసీబీ రెండో టెస్టుకు మంచి పిచ్‌ను తయారు చేసి ప్రశంసలు పొందడం విశేషం. ఇక 408 పరుగుల భారీ తొలి ఇన్నింగ్స్‌ ఆధిక్యం తర్వాత ఆస్ట్రేలియా సునాయాసంగా గెలుస్తుందనుకున్న మ్యాచ్‌ను వీరిద్దరు తమ అద్భుత బ్యాటింగ్‌తో రక్షించారు. 506 పరుగుల లక్ష్యాన్ని ఛేదించే క్రమంలో చివరి రోజు మ్యాచ్‌ ముగిసే సమయానికి పాక్‌ తమ రెండో ఇన్నింగ్స్‌లో 171.4 ఓవర్లలో 7 వికెట్ల నష్టానికి 443 పరుగులు సాధించింది.  బాబర్, రిజ్వాన్‌ల 115 పరుగుల ఐదో వికెట్‌  భాగస్వామ్యం తర్వాత ఈ జోడీని విడదీయడంలో ఆసీస్‌ సఫలమైంది. తర్వాతి బంతికే ఫహీమ్‌ (0)ను, కొద్ది సేపటికే సాజిద్‌ (9)ను అవుట్‌ చేసి ఆసీస్‌ పట్టు బిగించింది. అయితే మిగిలిన 8 ఓవర్లలో 3 వికెట్లు పడగొట్టడంలో విఫలమైన కంగారూలు తీవ్రంగా నిరాశ చెందారు. ఇరు జట్ల మధ్య సోమవారం నుంచి లాహోర్‌లో మూడో టెస్టు జరుగుతుంది.     చదవండి: Ranveer Singh: ఫుట్‌బాల్‌ మైదానంలో బాలీవుడ్‌ స్టార్‌ వింత ప్రవర్తన Babar Azam: పాక్‌ వీరోచిత పోరాటం.. డబుల్‌ మిస్‌ అయినా కోహ్లిని అధిగమించిన బాబర్‌ ఆజమ్‌ What a test match Almost heart attack 😂#PAKvsAUS #PakVsAustraila #PAKvAUS — CricketLover 🏏 (@Cricketlover03) March 16, 2022 This is why test cricket is the purest and most important form of the sport. It must be prioritised. What a match. #PAKvAUS — Zoheb (@zoahms) March 16, 2022 Another king Rizwan!! A great Century. Both kings of team Pakistan @babarazam258 and @iMRizwanPak And dont forget future star Abdullah Shafique. They fought for a comeback. Pakistan saved it!! What a Match this was. Long live test Cricket❤️#PAKvAUS #TestCricket — Hassaan Malik 🇵🇰🇵🇸 (@ImHassaanMalik) March 16, 2022

PAK VS AUS 2nd Test: కరాచీ వేదికగా ఆస్ట్రేలియాతో జరిగిన రెండో టెస్ట్‌లో ఆతిధ్య పాకిస్థాన్‌ అద్భుతమైన పోరాట పటిమను కనబర్చింది. 506 పరుగుల భారీ లక్ష్య ఛేదనలో రికార్డు స్థాయిలో పరుగులు (443/7) చేసి మ్యాచ్‌ను డ్రా చేసుకుంది. ఓపెనర్‌ అబ్దుల్లా షఫీక్ (305 బంతుల్లో 96; 6 ఫోర్లు, సిక్స్‌), కెప్టెన్‌ బాబర్‌ ఆజమ్‌ (425 బంతుల్లో 196; 21 ఫోర్లు, సిక్స్‌), వికెట్ కీపర్ మహ్మద్ రిజ్వాన్ (177 బంతుల్లో 104 నాటౌట్; 11 ఫోర్లు, సిక్సర్) వీరోచితంగా పోరాడి ప్రత్యర్ధి చేతుల్లో నుంచి విజయాన్ని లాగేసుకున్నారు. ఓ దశలో (బాబర్‌, రిజ్వాన్‌ క్రీజ్‌లో ఉండగా) పాక్‌ చారిత్రక విజయం సాధిస్తుందని అంతా ఊహించారు. అయితే, బాబర్‌ ఔట్‌ కావడంతో పాక్‌ డిఫెన్స్‌లో పడి మ్యాచ్‌ చేజారకుండా కాపాడుకోగలిగింది. పాక్‌ సారథి కళాత్మక ఇన్నింగ్స్ ఆడగా, రిజ్వాన్‌ చివరి దాకా క్రీజ్‌లో నిలిచి ఆసీస్‌ విజయానికి అడ్డుగోడలా నిలిచాడు. కాగా, ఈ మ్యాచ్‌లో 4 పరుగుల తేడాతో డబుల్‌ సెంచరీ చేసే అవకాశాన్ని కోల్పోయిన పాక్‌ కెప్టెన్‌.. ఓ అద్భుతమైన రికార్డును తన ఖాతాలో వేసుకున్నాడు. నాలుగో ఇన్నింగ్స్‌లో అత్యధిక పరుగులు చేసిన కెప్టెన్‌గా రికార్డుల్లోకెక్కాడు. ఈ క్రమంలో ఆసీస్‌ మాజీ కెప్టెన్లు డాన్‌ బ్రాడ్‌మన్‌ (173*), రికీ పాంటింగ్‌ (156), టీమిండియా మాజీ కెప్టెన్‌ విరాట్‌ కోహ్లి (141)లను అధిగమించాడు. ఇదిలా ఉంటే, ఆసీస్‌, పాక్‌ల మధ్య 3 మ్యాచ్‌ల టెస్ట్‌ సిరీస్‌లో రావల్పిండి వేదికగా జరిగిన తొలి టెస్ట్‌ డ్రాగా ముగిసిన సంగతి తెలిసిందే. తాజాగా కరాచీలో జరిగిన రెండో టెస్ట్‌లోనూ అదే ఫలితం రిపీటైంది. ఈ నేపథ్యంలో ఈనెల 21 నుంచి 25 వరకు లాహోర్ వేదికగా జరిగే మూడో టెస్ట్‌ ఇరు జట్లకు కీలకం కానుంది.  రెండో టెస్ట్‌ స్కోరు బోర్డు :   ఆస్ట్రేలియా తొలి ఇన్నింగ్స్ : 556/9 డిక్లేర్, రెండో ఇన్నింగ్స్ : 97/2 డిక్లేర్‌ పాకిస్థాన్ తొలి ఇన్నింగ్స్ : 148 ఆలౌట్, రెండో ఇన్నింగ్స్ : 443/7    చదవండి: IPL 2022: రాజస్థాన్ రాయల్స్ నూతన కెప్టెన్‌గా యుజ్వేంద్ర చహల్..!  

పాకిస్తాన్‌, ఆస్ట్రేలియా మధ్య జరుగుతున్న రెండో టెస్టులో ఒక ఆసక్తికర ఘటన చోటుచేసుకుంది. ఆస్ట్రేలియా కెప్టెన్‌ పాట్‌ కమిన్స్‌ సుత్తితో క్రీజులోకి వచ్చి పిచ్‌ను మరమత్తు చేయడం సోషల్‌ మీడియాలో వైరల్‌గా మారింది. పాకిస్తాన్‌ ఇన్నింగ్స్‌ 53వ ఓవర్లో ఇది చోటుచేసుకుంది. విషయంలోకి వెళితే.. కామెరాన్‌ గ్రీన్‌ బౌలింగ్‌ చేయడానికి సిద్దమయ్యాడు. అయితే బంతి విసిరే సమయంలో ల్యాండింగ్‌ ఏరియా కాస్త గట్టిగా ఉండడంతో గ్రీన్‌కు ఇబ్బందిగా మారింది. దీంతో సుత్తి పట్టుకొచ్చిన కెప్టెన్‌ కమిన్స్‌ గ్రౌండ్‌మన్‌ అవతారం ఎత్తి.. సుత్తితో మట్టిని కొట్టాడు. కాస్త బలాన్ని ఉపయోగించి బౌలర్‌కు ల్యాండింగ్‌ సుగమమయ్యేలా మట్టిని తొలగించాడు. ఇదంతా అక్కడి కెమెరాల్లో రికార్డయింది. ఇది చూసిన పాకిస్తాన్‌ క్రికెట్‌ బోర్డు(పీసీబీ) కమిన్స్‌ను ''నయా థోర్‌'' అంటూ కామెంట్‌ చేసింది. ఇది చూసిన పాక్‌ అభిమానులు కమిన్స్‌ను ఎగతాళి చేశారు. '' థోర్‌ కంటే నువ్వే బాగున్నావు.. మార్వెల్‌ సినిమాలో నటిస్తావా''.. ''కెప్టెన్‌ కమ్‌ థోర్‌ కమ్‌ కమిన్స్‌'' అంటూ కామెంట్స్‌ చేశారు.  ఇక మ్యాచ్‌ విషయానికి వస్తే పాకిస్తాన్‌ రెండో ఇన్నింగ్స్‌లో ధీటుగా బదులిస్తోంది. 506 పరుగులు భారీ లక్ష్యంతో బరిలోకి దిగిన పాకిస్తాన్‌ ప్రస్తుతం 106 ఓవర్లలో 2 వికెట్ల నష్టానికి 243 పరుగులు చేసింది. బాబర్‌ అజమ్‌ 129, అబ్దుల్లా షఫీక్‌ 92 పరుగులతో క్రీజులో ఉన్నారు. పాక్‌ విజయానికి 263 పరుగులు అవసరం కాగా.. విజయానికి ఆసీస్‌ 8 వికెట్ల దూరంలో ఉంది. చదవండి: 46 ఏళ్ల వయసులో సెంచరీ.. ముద్దుల్లో ముంచిన ఫేమస్‌ హీరోయిన్‌ IPL 2022: ఐపీఎల్‌లో తెలుగోళ్లు... తొలి సారిగా అంపైర్‌! So @patcummins30 is Thor ? 😲#BoysReadyHain l #PAKvAUS pic.twitter.com/kAn8oqtVWn — Pakistan Cricket (@TheRealPCB) March 15, 2022

Pak Vs Aus 2nd Test- కరాచీ: ఆస్ట్రేలియాతో రెండో టెస్టులో పాకిస్తాన్‌ విజయలక్ష్యం 506 పరుగులు...రెండు రోజులు కలిపి కనీసం 172 ఓవర్ల ఆట మిగిలి ఉంది...తొలి ఇన్నింగ్స్‌లో ఆ జట్టు ఆటతీరును చూస్తే మంగళవారమే ఆసీస్‌ విజయం ఖాయమనిపించింది. కానీ పాక్‌ ఇంకా పోరాడుతోంది. మ్యాచ్‌ నాలుగో రోజు ఆట ముగిసే సమయానికి పాక్‌ తమ రెండో ఇన్నింగ్స్‌లో 2 వికెట్ల నష్టానికి 192 పరుగులు చేసింది. కెప్టెన్‌ బాబర్‌ ఆజమ్‌ (197 బంతుల్లో 102 బ్యాటింగ్‌; 12 ఫోర్లు) కీలక దశలో చక్కటి సెంచరీ సాధించగా, అబ్దుల్లా షఫీఖ్‌ (226 బంతుల్లో 71 బ్యాటింగ్‌; 4 ఫోర్లు, 1 సిక్స్‌) అండగా నిలిచాడు. వీరిద్దరు మూడో వికెట్‌కు అభేద్యంగా 171 పరుగులు జోడించారు. బుధవారం మ్యాచ్‌కు చివరి రోజు కాగా...పాక్‌ మిగిలిన 314 పరుగులు సాధించి లక్ష్యాన్ని అందుకుంటుందా లేక ఆసీస్‌ బౌలర్లు ప్రత్యర్థిని పడగొడతారా చూడాలి. గెలుపు సాధ్యం కాదనుకుంటే పాక్‌ చివరి 8 వికెట్లు కాపాడుకుంటూ ‘డ్రా’ కోసం ప్రయత్నించే అవకాశం కూడా ఉంది. అంతకు ముందు ఓవర్‌నైట్‌ స్కోరు 81/1తో ఆట కొనసాగించిన ఆస్ట్రేలియా, మరో 16 పరుగుల తర్వాత మార్నస్‌ లబుషేన్‌ (44) అవుట్‌ కాగానే 2 వికెట్లకు 97 పరుగుల వద్ద రెండో ఇన్నింగ్స్‌ను డిక్లేర్‌ చేసింది. ఉస్మాన్‌ ఖాజా (44 నాటౌట్‌) అజేయంగా నిలిచాడు. కాగా సెంచరీ అనంతరం కష్టాల్లో ఉన్న జట్టును ఉద్దేశించి మై హూనా(నేనున్నా కదా) అన్నట్లుగా బాబర్‌ సెలబ్రేట్‌ చేసుకున్నాడు. ఇక బాబర్‌ ఆజమ్‌ ఇన్నింగ్స్‌పై టీమిండియా స్టార్‌ స్పిన్నర్‌ రవిచంద్రన్‌ అశ్విన్‌ ట్విటర్‌ వేదికగా స్పందించాడు. నువ్వు అందించబోయే రేపటి అద్భుత ఫినిషింగ్‌ కోసం ఎదురుచూస్తున్నా అంటూ ప్రశంసించడం విశేషం. The crowd cheers, the lion roars. @babarazam258 owns the day. #BoysReadyHain l #PAKvAUS pic.twitter.com/ndM0RNWPTG — Pakistan Cricket (@TheRealPCB) March 15, 2022 Babar Azam 👏👏, going to be an exciting finish tomorrow. #PAKvAUS — Ashwin 🇮🇳 (@ashwinravi99) March 15, 2022