nominations

నామినేషన్ల సమయంలో నియోజకవర్గ స్థాయి వైఎస్సార్‌సీపీ నేతలను పోలీసుల సాయంతో గృహ నిర్బంధం చేశారు.. ఆపై ఎక్కడికక్కడ అభ్యర్థులు నామినేషన్లు వేయకుండా పచ్చ గూండాలు అడ్డుకున్నారు.. ఏకంగా చేతుల్లోంచి నామినేషన్‌ పత్రాలు లాక్కొని చింపేశారు.. ఆర్వో చేతుల్లో ఉన్న పత్రాలు సైతం లాగేసుకున్నారు.. ఈ గండాలను దాటుకుని పోటీలో నిలిచిన అభ్యర్థులను బెదిరించారు.. పోలింగ్‌ రోజున ఏజెంట్లనూ బయటకు తోసేశారు.. ఇష్టానుసారం రిగ్గింగ్‌ చేసుకున్నారు.. ఆపై కౌంటింగ్‌ రోజున చెల్లని ఓట్లనూ కలుపుకున్నారు.. అదీ సరిపోని చోట్ల ఎంచిన ఓట్లలోంచి మళ్లీ కొన్ని ఓట్లను పక్కకుతీసి కలిపేసుకున్నారు.. ఆపై విజయం సాధించామంటూ చంకలు గుద్దుకుంటున్నారు.. ఇదీ ఓ విజయమా! అని ప్రజలు వెన్నుపోటు పార్టీ కూటమిని చీదరించుకుంటుంటే తుడిచేసుకుని వెళ్తున్నారు.. ఇన్ని అక్రమాలు, దౌర్జన్యాలు, కుట్రలు, కుతంత్రాలు, హత్యాయత్నాల మధ్య.. ప్రజాస్వామ్యం మనుగడకే ముప్పు తెచ్చిన వేళ సైతం పలుచోట్ల వైఎస్సార్‌సీపీ అభ్యర్థులు ధైర్యంగా ఎదురు నిలిచి పోరాడారు.. ఫలితంగా 76 జెడ్పీటీసీ, 1,741 ఎంపీటీసీ, ఒక మేయర్, రెండు మున్సిపాలిటీలను కైవశం చేసుకోవడం పాలకులకు కంటిమీద కునుకు లేకుండా చేసింది.సాక్షి, అమరావతి : ‘నారా’సుర రాక్షస రాజ్యంలోని దుర్మార్గాలు స్థానిక సంస్థల ఎన్నికల ద్వారా వెల్లడి కాకుండా వెన్నుపోటు పార్టీ కూటమి నేతలు ఎన్ని అడ్డంకులు సృష్టించినా ప్రజా వ్యతిరేకతను మాత్రం దాచలేకపోయారు. మున్సిపాలిటీ, పరిషత్‌ ఎన్నికల నామినేషన్లు మొదలు.. ఓట్ల లెక్కింపు వరకు ప్రతి దశలోనూ టీడీపీ మూకలు ఇదివరకెన్నడూ కనీవినీ ఎరుగని రీతిలో అన్యాయాలకు, అక్రమాలకు పాల్పడ్డాయి. ప్రజా వ్యతిరేకతను ముందే గుర్తించి బెంబేలెత్తిన చంద్రబాబు.. బరితెగించి ఎన్నికల అక్రమాలకు తెగబడ్డారు. రాష్ట్ర ఎన్నికల కమిషన్, పోలీసు యంత్రాంగం, అధికార వ్యవస్థలను యథేచ్చగా దుర్వీనియోగం చేస్తూ తమ అధికారిక ‘రిగ్గింగ్‌’కు బరితెగించారు.కూటమి డజన్‌ కుట్రలను ఎదురొడ్డీ మరీ వైఎస్సార్‌సీపీ మున్సిపల్, పరిషత్‌ ఎన్నికల్లో గణనీయంగా సీట్లలో విజయకేతనం ఎగురవేసింది. 2021లో నిర్వహించిన మున్సిపల్, పరిషత్‌ ఎన్నికల్లో అప్పటి ప్రతిపక్ష పార్టీగా టీడీపీ గెలిచిన స్థానాల కంటే.. ప్రస్తుతం 2026లో ప్రతిపక్ష వైఎస్సార్‌సీపీ రెట్టింపు స్థానాల్లో విజయం సాధించడం రాజకీయంగా ప్రాధా­­న్యం సంతరించుకుంది. ఈ ఫలితాలు రాష్ట్రంలో రానున్న రోజుల్లో విప్లవాత్మకంగా మారనున్న రాజ­కీయ పరిణామాలను సూచిస్తున్నాయి. క్షేత్ర స్థాయిలో సంస్థాగతంగా పటిష్టంగా ఉన్న వైఎస్సార్‌సీపీ 2029 సాధారణ ఎన్నికల్లో సాధించబోయే ఘన విజయా­నికి ఈ ఎన్నికలు సంకేతంగా నిలుస్తున్నాయి. ఓటమి భయంతో చంద్రబాబు అధికారిక రిగ్గింగ్‌ టీడీపీ కూటమి రెండున్నరేళ్ల పాలనపై వెల్లువెత్తుతున్న ప్రజా వ్యతిరేకతతో బెంబేలెత్తిన చంద్రబాబు స్థానిక ఎన్నికల్లో అధికారిక రిగ్గింగ్‌కు పన్నాగం పన్నారు. టీడీపీ వీర విధేయ అనిల్‌ చంద్ర పునేఠా నేతృత్వంలోని రాష్ట్ర ఎన్నికల కమిషన్‌.. డీజీపీ హరీశ్‌కుమార్‌ గుప్తా నేతృత్వంలోని పచ్చ ఖాకీలతో కూడిన పోలీసు వ్యవస్థలను అడ్డం పెట్టుకుని ఎన్నికల అక్రమాలకు బరితెగించారు. నామినేషన్లు, స్రూ్కటినీ, నామినేషన్ల ఉపసంహరణ, పోలింగ్, కౌంటింగ్, ఫలితాల ప్రకటన.. ఇలా ప్రతి దశలోనూ అక్రమాలకు పాల్పడ్డారు.ఆ రాక్షస తంత్రాన్ని బరితెగించి అమలు చేసేందుకు టీడీపీ కూటమి గూండాలు, గంజాయి బ్యాచ్‌లు, ఇతర రాష్ట్రాల నుంచి రప్పించిన అసాంఘిక శక్తులను రంగంలో దించారు. వైఎస్సార్‌సీపీ అభ్యర్థులు నామినేషన్లు వేయకుండా శ్రీకాకుళం జిల్లా నుంచి శ్రీసత్యసాయి జిల్లా వరకూ రాష్ట్రమంతటా విధ్వంసం సృష్టించారు. పలుచోట్ల వైఎస్సార్‌సీపీ అభ్యర్థులు, వారి కుటుంబ సభ్యులను అపహరించారు. వైఎస్‌ కుటుంబానికి కంచుకోటగా ఉన్న, మాజీ సీఎం వైఎస్‌ జగన్‌మోహన్‌రెడ్డి ప్రాతినిధ్యం వహిస్తున్న పులివెందులతో సహా రాష్ట్రంలో వైఎస్సార్‌సీపీ అభ్యర్థులు నామినేషన్లు వేస్తున్న ప్రాంతాల్లో అడ్డుకునేందుకు విధ్వంసం సృష్టించారు.బెదిరింపులు, దాడులను ఎదురొడ్డి వైఎస్సార్‌సీపీ అభ్యర్థులు భారీ సంఖ్యలో నామినేషన్లు దాఖలు చేయడంతో రెండో దశలో అక్రమాలకు తెరతీశారు. రాష్ట్ర వ్యాప్తంగా పలు స్థానాల్లో రిటరి్నంగ్‌ అధికారులు వైఎస్సార్‌సీపీ అభ్యర్థుల నామినేషన్లను ఏకపక్షంగా తిరస్కరించారు. నామినేషన్ల ఉపసంహరణ ప్రక్రియలోనూ అదే అక్రమాలను కొనసాగించారు. అభ్యర్థుల సంతకాలను ఫోర్జరీ చేసి, వారే స్వచ్ఛందంగా నామినేషన్లు ఉపసంహరించుకున్నట్లు ప్రకటించారు. మున్సిపల్, జెడ్పీటీసీ, ఎంపీటీసీ స్థానాల పోలింగ్‌ ప్రక్రియపై టీడీపీ కూటమి కాలకేయ ముష్కర మూకలు దండెత్తి బీభత్సం సృష్టించాయి.పోలింగ్‌ కేంద్రాలపై టీడీపీ రౌడీ మూకలు దండయాత్రకు తెగబడ్డాయి. సుప్రీంకోర్టు ఆదేశాలను సైతం ఉల్లంఘిస్తూ పోలీసులు కూటమి కుట్రలకు కొమ్ముకాశారు. వైఎస్సార్‌సీపీ అభ్యర్థులు, పోలింగ్‌ ఏజెంట్లకు రక్షణ కల్పించలేదు. పోలింగ్‌ కేంద్రాల్లో సీసీ టీవీ కెమెరాలు ఏర్పాటు చేయలేదు. బూత్‌లలో ఉన్న వైఎస్సార్‌సీపీ ఏజెంట్లను బలవంతంగా బయటకు పంపి, టీడీపీ వర్గీయులు పోలింగ్‌ కేంద్రాలను తమ ఆ«దీనంలోకి తీసుకుని రిగ్గింగ్‌కు పాల్పడ్డారు. సామాన్యులు ఓటు వేయకుండా అడ్డుకున్నారు. మరో వైపు టీడీపీ గూండాలు పోలింగ్‌ కేంద్రాలను ఆ«దీనంలోకి తీసుకుని భారీగా రిగ్గింగ్‌కు పాల్పడ్డాయి. ఓట్ల లెక్కింపులోనూ రిగ్గింగే చంద్రబాబు ముఠా ఓట్ల లెక్కింపు ప్రక్రియలోనూ మరింతగా అరాచకాలకు తెగించింది. వైఎస్సార్‌సీపీ అభ్యర్థులు ఆధిక్యంలో ఉన్న స్థానాల్లో కుట్రపూరితంగా ఆటంకాలు సృష్టించారు. రీ కౌంటింగ్‌ పేరుతో పదేపదే లెక్కింపులు జరిపించి, తొలుత ఆధిక్యంలో ఉన్న వైఎస్సార్‌సీపీ అభ్యర్థులకు బదులుగా కూటమి అభ్యర్థులు గెలిచినట్లు ప్రకటించే వరకు ఒత్తిడి తెచ్చారు.అందుకోసం అవసరం లేకపోయినా రీ కౌంటింగ్‌ పేరుతో కుతంత్రం చేశారు. చెల్లని ఓట్లుగా పక్కన పెట్టేసిన ఓట్లను తెచ్చి మరీ టీడీపీకి వేసిన ఓట్లుగా లెక్క చూపారు. దీనిపై అభ్యంతరం తెలిపిన వైఎస్సార్‌సీపీ కౌంటింగ్‌ ఏజంట్లను పోలీసులు బలవంతంగా బయటకు నెట్టేశారు. అనంతరం టీడీపీ కూటమి అభ్యర్థులు గెలిచినట్టు ఏకపక్షంగా ప్రకటించేశారు. దౌర్జన్యాలను ఎదిరించి మరీ.. మున్సిపల్‌ ఎన్నికల్లోనూ వైఎస్సార్‌సీపీ అదే రీతిలో టీడీపీ కూటమి కుట్రలను ఎదురొడ్డి నిలిచింది. మొత్తం 87 మున్సిపాలిటీలలో చైర్మన్‌ పోస్టులతోపాటు వాటిలో 3,020 వార్డులు.. 13 మున్సిపల్‌ కార్పొరేషన్లలో మేయర్‌ పోస్టులతోపాటు 922 డివిజన్లలో ఎన్నికలకు నోటిఫికేషన్‌ ఇచ్చారు. కాగా టీడీపీ కూటమి బరితెగించి అరాచకాలతో వైఎస్సార్‌సీపీ నేతలు, అభ్యర్థులపై దాడులు, దౌర్జన్యాలకు తెగబడింది. ఎన్నికలను హైజాక్‌ చేసేందుకు బీభత్సం సృష్టించింది. 17 మున్సిపాలిటీలలో చైర్మన్‌ పోస్టులతోపాటు రాష్ట్రం మొత్తం మీద 637 వార్డులను బలవంతంగా ఏకగ్రీవం చేసుకుంది.అదే రీతిలో 13 మున్సిపల్‌ కార్పొరేషన్లలో 118 డివిజన్లను ఏకపక్షంగా ఏకగ్రీవంగా ప్రకటించుకుంది. ఎన్నికలు నిర్వహించిన మున్సిపాటీలు, మున్సిపల్‌ కార్పొరేషన్లలో పోలింగ్‌ రోజున దాడులు, దౌర్జన్యాలతో బీభత్సం సృష్టించింది. అయినా సరే వైఎస్సార్‌సీపీ నందికొట్కూరు, బేతంచర్ల, నాయుడుపేట మున్సిపాలిటీలను కైవసం చేసుకుంది.అనంతపురం నగర పాలక సంస్థలో మేయర్‌ పీఠాన్ని దక్కించుకుంది. 2021 ఎన్నికల్లో అప్పటి ప్రతిపక్షంలో ఉన్న టీడీపీ రెండు మున్సిపాలిటీల్లో మాత్రమే గెలిచింది. ప్రస్తుతం ఎన్నికలు నిర్వహించిన 804 మున్సిపల్‌ కార్పొరేషన్‌ డివిజన్లలో వైఎస్సార్‌సీపీ 112 డివిజన్లలో విజయం సాధించింది. 2021లో నిర్వహించిన ఎన్నికల్లో అప్పటి ప్రతిపక్షంగా టీడీపీ 82 డివిజన్లలోనే గెలిచింది. ప్రస్తుతం వైఎస్‌స్రాŠసీపీ అంతకంటే 40 శాతం డివిజన్లలో అధికంగా విజయం సాధించడం ప్రాధాన్యం సంతరించుకుంది. రాజకీయ విప్లవానికి సంకేతం రాష్ట్రంలో రానున్న రోజుల్లో రాజకీయ విప్లవానికి మున్సిపల్, పరిషత్‌ సంస్థల ఎన్నికలు నాంది పలికాయి. 2024 ఎన్నికల్లో మోస పూరిత హామీలతో అధికారంలోకి వచ్చిన చంద్రబాబుపై ప్రజా తిరుగుబాటు మొదలైందని స్పష్టం చేశాయి. రెండున్నరేళ్ల కూటమి పాలనపై ప్రజా వ్యతిరేకత వెల్లువెత్తుతోందని తేల్చి చెప్పాయి. మరోవైపు వైఎస్సార్‌సీపీ సాగిస్తున్న ప్రజా పోరాటాలకు మద్దతుగా నిలిచాయి. 2024 ఎన్నికల ఫలితాలతో నిరాశ చెందకుండా వైఎస్సార్‌సీపీ నిర్మాణాత్మక ప్రతిపక్ష పాత్రను పోషిస్తోంది. ఎన్నికల మేనిఫెస్టోను అమలు చేయకుండా చంద్రబాబు మోసపూరిత విధానాలను ప్రజల్లోకి తీసుకెళ్లింది.కూటమి ప్రభుత్వం బరితెగించి సాగిస్తున్న అవినీతికి వ్యతిరేకంగా పోరాడుతోంది. డీఎస్సీ కుంభకోణం, భూదోపిడీ, మద్యం మాఫియా, ఇసుక దందా, గనుల లూటీ.. ఇలా కూటమి ప్రభుత్వ అవినీతిని పూర్తి ఆధారాలతో సహా నిరూపిస్తూ ప్రజా క్షేత్రంలో దూసుకుపోతోంది. ప్రజా సంక్షేమాన్ని గాలికి వదిలేసిన చంద్రబాబు అమానవీయ పాలనను ఎండగడుతోంది. ఈ పరిణామాలతో ప్రజా చైతన్యం వెల్లివిరుస్తోంది. చంద్రబాబు మోసాలపట్ల ఆగ్రహావేశాలతో ఉన్న ప్రజలు మార్పును కోరుకుంటున్నామని మున్సిపల్, పరిషత్‌ ఎన్నికల ద్వారా స్పష్టమైన సంకేతం ఇచ్చారని పరిశీలకులు వ్యాఖ్యానిస్తున్నారు. క్షేత్ర స్థాయిలో వైఎస్సార్‌సీపీ సంస్థాగతంగా బలీయంగా ఉందని ఈ ఎన్నికలు స్పష్టం చేశాయని విశ్లేషకులు ఏకాభిప్రాయం వ్యక్తం చేస్తున్నారు. రాష్ట్రంలో భవిష్యత్‌ రాజకీయ విప్లవానికి సంకేతమని వ్యాఖ్యానిస్తున్నారు. రాక్షస కుట్రలకు ఎదురొడ్డి వైఎస్సార్‌సీపీ జయకేతనం ⇒ రాష్ట్రంలో చంద్రబాబు రాక్షస రాజకీయాన్ని ఎదురొడ్డీ మరీ మున్సిపల్, పరిషత్‌ ఎన్నికల్లో వైఎస్సార్‌సీపీ గణనీయమైన స్థానాల్లో విజయ కేతనం ఎగుర వేసింది. 2021లో అప్పటి ప్రతిపక్ష పార్టీ టీడీపీ కంటే ప్రస్తుతం వైఎస్సార్‌సీపీ గణనీయమైన స్థానాల్లో విజయ ఢంకా మోగించింది. ⇒ రాష్ట్రంలో మొత్తం 659 జెడ్పీటీసీలకు ఎన్నికలకు నోటిఫికేషన్‌ ఇచ్చారు. అందులో టీడీపీ కూటమి గూండాగిరీ, పోలీసు రౌడీయిజంతో బరితెగించి 77 జెడ్పీటీసీ స్థానాలను ఏకగ్రీవం చేసుకుంది. ఎన్నికలు నిర్వహించిన మిగిలిన 582 జెడ్పీటీసీ స్థానాల్లో వైఎస్సార్‌సీపీ 76 స్థానాల్లో విజయం సాధించింది. అదే 2021లో నిర్వహించిన జెడ్పీటీసీ ఎన్నికల్లో అప్పటి ప్రతిపక్ష పారీ్టగా ఉన్న టీడీపీ కేవలం 6 జెడ్పీటీసీ స్థానాల్లో మాత్రమే గెలిచింది. అంటే అప్పటి ప్రతిపక్ష పార్టీ టీడీపీ కంటే ప్రస్తుతం ప్రతిపక్షంలో ఉన్న వైఎస్సార్‌సీపీ 12 రెట్లు అధికంగా 76 జెడ్పీటీసీ స్థానాల్లో విజయం సాధించడం విశేషం. ⇒ చంద్రబాబు రాక్షస రాజకీయాన్ని ఎదురొడ్డీ మరీ వైఎస్సార్‌సీపీ అల్లూరి సీతారామరాజు జిల్లా పరిషత్‌లో విజయదుందుభి మోగించడం రాజకీయంగా సంచలనం సృష్టిస్తోంది. 2021లో ప్రతిపక్షంలో ఉన్న టీడీపీ రాష్ట్రంలో ఒక్క జిల్లా పరిషత్‌ను కూడా గెలుచుకోలేకపోయింది. ⇒ రాష్ట్రంలో మొత్తం 9,818 ఎంపీటీసీలకు ఎన్నికల నోటిఫికేషన్‌ ఇచ్చారు. ఇందులో టీడీపీ కూటమి బరితెగించి అధికార దుర్వినియోగం, గూండాగిరీతో భయోత్పాతం సృష్టించి 2,051 ఎంపీటీసీ స్థానాలను బలవంతంగా ఏకగ్రీవం చేసుకుంది. ఇక 7,767 ఎంపీటీసీ స్థానాలకు ఎన్నికలు నిర్వహిస్తే.. వెన్నుపోటు పార్టీ కుట్రలను ఎదురించి వైఎస్సార్‌సీపీ 1,741 ఎంపీటీసీ స్థానాల్లో విజయం సాధించింది. 2021లో నిర్వహించిన ఎంపీటీసీ ఎన్నికల్లో అప్పటి ప్రతిపక్ష పార్టీ టీడీపీ కేవలం 929 స్థానాల్లోనే గెలిచింది. రాజానగరంలో జనసేన పార్టీ ఎమ్మెల్యే సతీమణిని వైఎస్సార్‌సీపీ అభ్యర్థి ఓడించడం సంచలనం సృష్టించారు. గెలిచినా రెండు గంటలు డిక్లరేషన్‌ ఇవ్వలేదు నేను ప్రకాశం జిల్లా కొత్తపట్నం జెడ్పీటీసీ స్థానానికి వైఎస్సార్‌ సీపీ అభ్యర్థిగా పోటీ చేశాను. నామినేషన్‌ వేసిన దగ్గర నుంచి కౌంటింగ్‌ వరకు టీడీపీ ఎమ్మెల్యే దామచర్ల జనార్దన్‌రావు నా మీద కక్షకట్టి మానసికంగా ఎంతో ఇబ్బంది పెట్టారు. ఎప్పటికప్పుడు మా పార్టీ కార్యకర్తల సాయంతో వారి కుట్రలను ధైర్యంగా ఎదుర్కొన్నా. కౌంటింగ్‌ ముగిశాక నాకు మెజార్టీ వచ్చిందని స్పష్టమైనా రెండు గంటల పాటు డిక్లరేషన్‌ ఫాం ఇవ్వలేదు. పైగా పోలీసుల చేత బలవంతంగా బయటకు పంపించారు. కరెంటు నిలిపి వేయించారు. అయినా వెనక్కు తగ్గకుండా కౌంటింగ్‌ కేంద్రం వద్ద గట్టిగా నిలదీస్తూ ఆందోళన చేపట్టాం. విషయాన్ని జేసీ కల్పనాకుమారికి స్పష్టంగా వివరించి ఫిర్యాదు చేశాం. తుదకు గత్యంతరం లేక 710 ఓట్ల మెజార్టీతో నేను గెలిచినట్లు ప్రకటించి డిక్లరేషన్‌ ఫాం ఇచ్చారు. – రొండా అంజిరెడ్డి, జెడ్పీటీసీ, కొత్తపట్నం, ప్రకాశం జిల్లాతిరగబడటం వల్లే విజయం కౌంటింగ్‌ హాలులో సైతం అక్రమాలకు పాల్పడ్డారు. నేను గెలిచాక కూడా ఓడిపోయినట్లు నిరూపించేందుకు పన్నాగం పన్నారు. ఖాళీ డిక్లరేషన్‌ ఫారం ఇచ్చి సంతకం పెట్టమన్నారు. ఫారం నింపుకొని వస్తేనే సంతకం పెడతానని ఎదురు తిరగడంతో తప్పనిసరి పరిస్థితుల్లో ఫారం నింపుకొని వచ్చారు. ఖాళీ డిక్లరేషన్‌పై సంతకం పెట్టి ఉంటే నన్ను కూడా ఓడిపోయిన జాబితాలో చేర్చేవారు. తిరగబడటం వల్లే తప్పనిసరి పరిస్థితుల్లో గెలిచినట్లు ప్రకటించారు. – పోతుల దీపిక, వైఎస్సార్‌సీపీ 44వార్డు కౌన్సిలర్, చిలకలూరిపేట మున్సిపాలిటీ కౌంటింగ్‌లో నరకం చూపించారు ఉమ్మడి అనంతపురం జిల్లా తాడిమర్రి మండలం దాడితోట ఎంపీటీసీ స్థానానికి నేను వైఎస్సార్‌సీపీ అభ్యర్థిగా పోటీ చేశాను. ధర్మవరంలో జరిగిన కౌంటింగ్‌కు హాజరయ్యాను. ఉదయం 11 గంటలకు అభ్యర్థినైన నన్ను లోపలకు అనుమతించలేదు. అధికారులను నిలదీస్తే చివరకు లోనికి అనుమతి ఇచ్చారు. దాడితోట పరిధిలో మూడు గ్రామాల్లో కలిపి 2,410 ఓట్లు పోలయ్యాయి. నాకు 648 మెజారిటీ వచ్చింది. అయితే దురుద్దేశంతో డిక్లరేషన్‌ ఫారం ఇవ్వకుండా ముప్పుతిప్పలు పెట్టారు. ఒక దశలో నన్ను బయటకు పంపి ఫలితాలను తారుమారు చేయాలని టీడీపీ ఏజెంట్, అధికారులు విశ్వ ప్రయత్నం చేశారు. గుండె ధైర్యంతో పోరాడాను. అక్కడి నుంచి కదిలేదిలేదని కూర్చున్నాను. చివరకు రాత్రి 7 గంటలకు నేను గెలిచినట్లు ప్రకటించారు. – గద్దె రాజే‹Ùరెడ్డి, దాడితోట ఎంపీటీసీ వైఎస్సార్‌సీపీ అభ్యర్థి, తాడిమర్రి మండలం, శ్రీసత్యసాయి జిల్లాటీడీపీ దౌర్జన్యాలను ఎదుర్కొని కార్పొరేటర్‌గా గెలిచి గుంటూరు నగర పాలక సంస్థ ఎన్నికల్లో టీడీపీ సాగించిన అక్రమాలు అన్నీ ఇన్నీ కావు. గుంటూరు పశి్చమ నియోజకవర్గంలోని 38వ డివిజన్‌లో పోలింగ్‌ ముగిసేందుకు గంట వ్యవధి ఉండగా వేణుగోపాల్‌నగర్‌లోని పోలింగ్‌ బూత్‌లోకి ప్రవేశించేందుకు టీడీపీ బ్యాచ్‌ చేసిన ప్రయత్నాలను స్థానికుల సహకారంతో సమర్థవంతంగా ఎదుర్కొన్నాం. దొంగ ఓట్లు వేసేందుకు పచ్చ మూక వేసిన పాచిక పారక పోవడంతో పోలింగ్‌ బూత్‌ ఎదుట ఉన్న స్థానికులపై దాడులకు తెగబడిన టీడీపీ ముఠా ముస్లిం మహిళలను గాయాలు తేలేలా కొట్టింది.ఏఎన్‌యూలో ఓట్ల లెక్కింపు జరుగుతున్న సమయంలో కూడా ఓటమి భయంతో బ్యాలెట్‌ పత్రాలను చించేస్తుంటే అడ్డుకున్నాం. ఎలాగైనా సరే నన్ను ఓడించాలనే లక్ష్యంతో టీడీపీ చేసిన దౌర్జన్యాలు, హింసాకాండను తట్టుకుని గట్టిగా నిలబడ్డాం. వారు ఎన్ని చేసినా 1,283 ఓట్ల మెజారీ్టతో వైఎస్సార్‌సీపీ కార్పొరేటర్‌గా విజయం సాధించాను. – షేక్‌ రోషన్, 38వ డివిజన్‌ వైఎస్సార్‌సీపీ కార్పొరేటర్, గుంటూరుకుట్రలను ఛేదించి గెలిచాను వైఎస్సార్‌సీపీ పెనుమూరు జెడ్పీటీసీ అభ్యర్థిగా నామినేషన్‌ దాఖలు చేయడానికి చిత్తూరు జిల్లా పరిషత్‌ కార్యాలయానికి నా భర్తతో కలసి వెళ్లాను. ఎన్నో అడ్డంకులు దాటుకుని లోనికి వెళ్లగానే తెలుగుదేశం పార్టీ అల్లరి మూక అధికారుల ముందే నా నామినేషన్‌ పత్రాలను చించేసింది. వారి దౌర్జన్యాన్ని ఎదుర్కొంటూ మరో సెట్‌ తీసుకెళ్లి నామినేషన్‌ వేశాను. అప్పటి నుంచి టీడీపీ నాయకులు ఎన్నో అడ్డంకులు సృష్టించారు. పోలింగ్‌ వరకు అదే దౌర్జన్యం కొనసాగింది.ఓట్ల లెక్కింపు అనంతరం నాకు 222 ఓట్ల మెజారిటీ ఉందని అధికారులు ప్రకటించారు. దీంతో కుమిలిపోయిన టీడీపీ నాయకులు, వారి అభ్యర్థిని ఎలాగైనా అడ్డదారుల్లో గెలిపించాలని అప్పటికప్పుడు కుట్రలకు తెరలేపారు. రీ కౌంటింగ్‌ చేయించారు. ఎన్నో నాటకాలు ఆడారు. అయినా ప్రజా తీర్పును తలకిందులు చేయడం వారి వల్ల కాలేదు. ఎట్టకేలకు తెల్లవారుజామున 5 గంటలకు నేను 184 ఓట్ల మెజారిటీతో గెలిచినట్టు ప్రకటించారు. – నిరీషారెడ్డి, వైఎస్సార్‌సీపీ జెడ్పీటీసీ సభ్యురాలు, పెనుమూరు, చిత్తూరు జిల్లా

ప్రజాస్వామ్యంలో ఎన్నికలు గ్రామ స్థాయి నుంచి నగరస్థాయి వరకు ప్రజలకు తమ ప్రతినిధులను ఎన్నుకునే అవకా శాన్ని కల్పించే ప్రజాస్వామ్య పండుగలు. ప్రజలు తమ పాలకులను ప్రశ్నించడానికి, తమ అభిప్రాయాలను ఓటు రూపంలో వ్యక్తం చేయడానికి ఎన్నికలు ఒకరాజ్యాంగబద్ధమైన వేదిక. కానీ ఎన్నికల్లో పోటీ చేయాలనుకునే అభ్యర్థులను అడ్డు కుంటే, నామినేషన్‌ పత్రాలను లాక్కొని చించివేస్తే, అభ్యర్థులను బెదిరిస్తే, పోలింగ్‌ ఏజెంట్లను బూతుల్లోకి అనుమతించకపోతే, ఓటర్లను ఓటు వేయకుండా నిరోధిస్తే, పోలీసులు ప్రేక్షకులుగా మిగిలిపోతే ఆ ఎన్నికలను స్వేచ్ఛాయుతమైన, నిష్పక్షపాతమైన ఎన్నికలని అంటారా? ఆంధ్రప్రదేశ్‌లో జరిగిన పట్టణ స్థానిక సంస్థల ఎన్నికలు ఈ ప్రశ్నలను మన ముందుంచుతున్నాయి.నామినేషన్‌ పత్రమే తొలి బ్యాలెట్‌?ఈ ఘటనలను సాధారణ ఎన్నికల గొడవలుగా చూడలేం. నామినేషన్‌ పత్రం కేవలం ఒక పరిపాలనా పత్రం కాదు. అది ఒక పౌరుడి ప్రజాస్వామ్య ఆకాంక్షకు తొలి వ్యక్తీకరణ. ఓటరు తన ప్రతి నిధిని ఎంచుకునే ముందు, ఒక పౌరుడు తాను అభ్యర్థిగా నిలబడే హక్కును వినియోగించుకోగలగాలి. మండల పరిషత్‌ కార్యాలయం గేటు వద్ద నామినేషన్‌ పత్రాన్ని లాక్కోవడం, రిటర్నింగ్‌ అధికారి సమక్షంలోనే చించివేయడం అంటే ఒక కాగితాన్ని నాశనం చేయడం కాదు. అది ఒక పౌరుడి రాజ్యాంగ హక్కును నిరాకరించడం. పోటీ చేసే అభ్యర్థినే లేకుండా చేసిన తరువాత ఓటరు తనకు నచ్చిన ప్రతినిధిని ఏ విధంగా ఎంచుకోగలుగుతాడు?ఏకగ్రీవ ఎన్నికలు తప్పు కాదు. పోటీ చేయడానికి ఎవరూ ముందుకు రాకపోతే ఒక అభ్యర్థి ఏకగ్రీవంగా ఎన్నిక కావచ్చు. కానీ బెదిరింపులు, దాడులు, నామినేషన్లకు అడ్డంకులు జరిగిన ప్రాంతా ల్లోనే పెద్ద సంఖ్యలో ఏకగ్రీవ ఫలితాలు వస్తే వాటి వెనుక పరిస్థితు లను పరిశీలించాల్సిన అవసరం ఉంది. స్వచ్ఛందంగా వచ్చిన ఏకగ్రీవత ప్రజాస్వామ్య ఫలితం. భయంతో వచ్చిన ఏకగ్రీవత ప్రజాస్వామ్యానికి ప్రతికూలం. ఎస్‌ఎల్‌పి(సి) నం.37476/2026లో స్వేచ్ఛాయుతమైన, నిష్ప క్షపాతమైన ఎన్నికలు రాజ్యాంగ మౌలిక స్వరూపంలో భాగమని సుప్రీంకోర్టు స్పష్టం చేసింది. నామినేషన్‌ దాఖలు చేసి ఎన్నికల్లో పాల్గొనే హక్కుకు ఆటంకం కలగకుండా చూడటం కూడా ఆ సూత్రంలో భాగమేనని గుర్తించింది. మహిళా అభ్యర్థులపై దాడులు జరిగాయని, నామినేషన్‌ పత్రాలను లాక్కొని చించివేశారని కూడా ఫిర్యాదులు వచ్చాయి. ఒక మహిళా అభ్యర్థి గడువు ముగిసే వరకు నామినేషన్‌ కేంద్రానికి చేరకుండా నిరోధిస్తే, మహిళలకురాజ్యాంగం కల్పించిన రిజర్వేషన్‌ ప్రయోజనం ఏమిటి?రాజ్యాంగంలోని ఆర్టికల్‌ 243జెడ్‌ఏ ప్రకారం పట్టణ స్థానిక సంస్థల ఎన్నికల నిర్వహణ, పర్యవేక్షణ, నియంత్రణ బాధ్యత రాష్ట్ర ఎన్నికల సంఘానిదే. కిషన్ సింగ్‌ తోమర్‌ వర్సెస్‌ అహ్మదాబాద్‌ మున్సిపల్‌ కార్పొరేషన్‌ (2006) కేసులో రాష్ట్ర ఎన్నికల సంఘాల రాజ్యాంగబద్ధమైన బాధ్యతలను సుప్రీంకోర్టు వివరించింది. స్టేట్‌ ఆఫ్‌ గోవా వర్సెస్‌ ఫౌజియా ఇంతియాజ్‌ షేక్‌ (2021) కేసులో ఎన్నికల సంఘాల స్వతంత్రత ప్రాధాన్యాన్ని పునరుద్ఘాటించింది.ఇందిరా నెహ్రూ గాంధీ వర్సెస్‌ రాజ్‌ నారాయణ్‌ (1975) కేసులో స్వేచ్ఛాయుతమైన, నిష్పక్షపాతమైన ఎన్నికలు రాజ్యాంగ మౌలిక స్వరూపంలో భాగమని సుప్రీంకోర్టు స్పష్టం చేసింది. అక్టో బర్‌ 21, 2026న ఆంధ్రప్రదేశ్‌ ఎన్నికల్లో నామినేషన్‌ దాఖలు చేసే హక్కు విషయంలో కూడా ఇదే సూత్రాన్ని మరోసారి గుర్తుచేసింది.అందరూ సమానం కాదా?ఆర్టికల్‌ 14 చట్టం ముందు సమానత్వాన్ని హామీ ఇస్తుంది. పోలీసులు పక్షపాతంగా వ్యవహరించడం ఈ హామీని దెబ్బతీస్తుంది. ఆర్టికల్‌ 21 జీవించే హక్కుతో పాటు వ్యక్తిగత స్వేచ్ఛను, గౌరవంగా జీవించే హక్కును రక్షిస్తుంది. ఆర్టికల్‌ 19(1)(ఎ)లోని భావప్రకటనా స్వేచ్ఛకు ఎన్నికల్లో అభిప్రాయాన్ని వ్యక్తం చేసే హక్కుతో సంబంధం ఉంది. పీపుల్స్‌ యూనియన్‌ ఫర్‌ సివిల్‌ లిబర్టీస్‌ వర్సెస్‌ యూనియన్‌ ఆఫ్‌ ఇండియా (2013) కేసులో ఓటు వేయడం అనేది వ్యక్తి తన అభిప్రాయాన్ని వ్యక్తం చేసే ప్రక్రియలో భాగమని సుప్రీంకోర్టు గుర్తించింది. మానవ హక్కుల పరిరక్షణ చట్టం, 1993 కూడా ఈ విషయంలో ఒక ముఖ్యమైన మార్గాన్ని అందిస్తుంది. సెక్షన్‌ 2(1)(డి) ప్రకారం జీవించే హక్కు, స్వేచ్ఛ, సమానత్వం, గౌరవం వంటి హక్కులు మానవ హక్కుల పరిధిలోకి వస్తాయి. సెక్షన్‌ 12(ఎ) ప్రకారం ప్రభుత్వ ఉద్యోగుల వల్ల జరిగిన మానవ హక్కుల ఉల్లంఘనలను లేదా వాటిని నివారించడంలో వారు చూపిన నిర్లక్ష్యాన్ని జాతీయ మానవ హక్కుల సంఘం విచారించవచ్చు. సెక్షన్‌ 17కింద ప్రభుత్వ ప్రధాన కార్యదర్శి, డీజీపీ నుంచి నివేదికలు కోర వచ్చు. సెక్షన్‌ 14 కింద తన దర్యాప్తు విభాగం ద్వారా విచారణ జరిపించవచ్చు. సెక్షన్‌ 18 కింద తగిన సిఫారసులు చేయవచ్చు.సాధారణంగా ఎన్నికల ఫలితాలను ఎన్నికల పిటిషన్‌ ద్వారా సవాలు చేయాలి. అయితే ఎన్నికల పిటిషన్, మానవ హక్కుల విచారణ రెండూ వేర్వేరు ప్రయోజనాల కోసం ఏర్పడిన మార్గాలు. ఎన్నికల పిటిషన్‌ ద్వారా ఫలితాన్ని సవాలు చేయవచ్చు. కానీ నామినేషన్‌ పత్రాలను చించివేసినప్పుడు పోలీసులు ఎందుకు చర్య తీసుకోలేదు, ఒక అభ్యర్థిని అక్రమంగా నిర్బంధించారా, ప్రభుత్వ ఉద్యోగి పక్షపాతంగా వ్యవహరించారా అనే ప్రశ్నలకు అది ప్రత్యా మ్నాయం కాదు. ఈ అంశాలను మానవ హక్కుల సంఘం పరిశీలించవచ్చు. కానీ ఎన్నికల ఫలితాన్ని రద్దు చేసే అధికారం దానికి లేదు.ఇకనైనా మారాల్సినవి!ప్రతి నామినేషన్‌ కేంద్రంలో నిరంతర వీడియో రికార్డింగ్‌ ఏర్పాటు చేయాలి. ఆ రికార్డులను నిర్దిష్ట కాలం వరకు భద్రపరచడం తప్పనిసరి చేయాలి. స్థానిక నామినేషన్‌ కార్యాలయం హింసకుకేంద్రంగా మారితే, అభ్యర్థులు కలెక్టరేట్‌లో లేదా సురక్షితమైన ఆన్‌లైన్‌ విధానంలో నామినేషన్లు దాఖలు చేసే ప్రత్యామ్నాయం కల్పించాలి. పోలీసులు రాజకీయ గుర్తింపుతో సంబంధం లేకుండా నేరాలను నమోదు చేసి దర్యాప్తు చేయాలి. పక్షపాతంగా వ్యవహరించినట్లు రుజువైన అధికారులపై క్రమశిక్షణ చర్యలు తీసుకోవాలి. బెదిరింపులకు భయపడి బాధితులు ముందుకు రాలేని పరిస్థి తుల్లో వారి తరఫున ఇతరులు కూడా మానవ హక్కుల సంఘాన్ని ఆశ్రయించవచ్చు. జాతీయ మానవ హక్కుల సంఘం ఈ ఘటన లను పరిగణనలోకి తీసుకుని ప్రభుత్వ ప్రధాన కార్యదర్శి, డీజీపీ నుంచి నివేదికలు కోరాలి. ప్రభుత్వ అధికారుల పాత్రను పరిశీలించి, ఉల్లంఘనలు రుజువైన చోట తగిన చర్యలు సిఫారసు చేయాలి.ఆంధ్రప్రదేశ్‌ ముందున్న ప్రశ్న ఏ పార్టీ ఎక్కువ గెలుచుకుందన్నది కాదు. ఆ ఫలితాన్ని నిర్ణయించే ప్రక్రియలో ప్రతి పౌరుడికి భయం లేకుండా పాల్గొనే అవకాశం కల్పించారా అన్నదే అసలు ప్రశ్న. ఓటు హక్కు అనేది పోటీ చేసే హక్కుతో ప్రారంభ మవుతుంది. పోటీ చేసే హక్కుకు పునాది మానవ గౌరవం, సమానత్వం. వీటిని కాపాడలేని ఎన్నికల ప్రక్రియ ప్రజాస్వామ్యానికి నిజమైన ప్రతిబింబం కాలేదు. - వ్యాసకర్త నల్సార్‌ న్యాయ విశ్వవిద్యాలయ పూర్వ రిజిస్ట్రార్‌- ప్రొ‘‘ మాడభూషి శ్రీధర్‌

సాక్షి, అమరావతి: తనను తాను విజనరీగా చెప్పుకునే చంద్రబాబు ఓటు వేయకముందే ఎన్నికలను ఎలా ఖూనీ చేయొచ్చో రాష్ట్రానికి చూపించారు. రక్తపాతం, రౌడీయిజం, అధికార దుర్వినియోగంతో ప్రతిపక్ష అభ్యర్థులను బరిలోకి రానివ్వకుండా అడ్డుకుని, ఇప్పుడు పోలింగ్‌ బూత్‌లపై కన్నేశారు. తాను ప్రజాస్వామ్య రక్షకుడినని కలరింగ్‌ ఇచ్చుకుంటూనే ప్రజాస్వామ్య భక్షకుడిగా మారారు.నామినేషన్‌ కేంద్రాలే రణరంగాలునామినేషన్ల పర్వంలో వైఎస్సార్‌సీపీ ముఖ్య నేతలను ముందుగానే గృహ నిర్బంధం చేశారు. బైండోవర్‌ కేసులు పెట్టారు. నామినేషన్‌ కేంద్రాల వద్ద టీడీపీ కార్యకర్తలు గుంపులుగా తిరిగేందుకు అనుమతిచ్చి, వైఎస్సార్‌సీపీ అభ్యర్థి వెంట ఇద్దరు ముగ్గురినే పంపారు. ఆ అదనుతో టీడీపీ మూకలు దాడులు చేశా­యి. నామినేషన్‌ పత్రాలు లాక్కుని చించేశాయి. మహిళా అభ్యర్థులనూ వదల్లేదు. పోలీసులు, ఆర్వో­ల కళ్లెదుటే ఎంపీలు, మాజీ మంత్రులపైనా దాడులు జరిగినా అధికారులు చూస్తూ ఉండిపోయారు.ప్రతిపక్షం పేరుతో నకిలీలుటీడీపీ సానుభూతిపరులే తాము వైఎస్సార్‌సీపీ అభ్యర్థులమంటూ నామినేషన్లు వేశారు. అసలు అభ్యర్థులను అడ్డుకుని, నకిలీలను నిలబెట్టి.. అందరికీ పోటీ అవకాశం దక్కిందన్న భ్రమ కల్పించారు. అధికారిక అభ్యర్థిని తేల్చే ఫారం–ఏ, బీలనూ అధికారులు పట్టించుకోలేదు.స్క్రూటినీలో కుట్ర.. ఫోర్జరీతో ఉపసంహరణబెదిరింపులకు లొంగని వారి నామినేషన్లను చిన్నచిన్న సాకులతో తిరస్కరించారు. సమర్పించిన ధ్రువపత్రాలు మాయం చేసి పత్రాలు లేవనే సాకుతో వేటు వేశారు. మరికొన్నిచోట్ల అభ్యర్థులకు తెలియకుండానే సంతకాలు ఫోర్జరీ చేసి ఉపసంహరణ పత్రాలు ఇచ్చారు. వాటిని అధికారులు గుడ్డిగా ఆమోదించారు.ఇప్పుడు బూత్‌ల ఆక్రమణకు స్కెచ్‌...నామినేషన్ల సమయంలో ఇన్ని అరాచకాలు చేసి ఆదివారం పోలింగ్‌ రోజు మరింత రాక్షసకాండకు స్కెచ్‌ వేశారు. బూత్‌ క్యాప్చరింగ్‌కు పక్కా ప్రణాళిక సిద్ధమైనట్లు క్షేత్రస్థాయి పరిస్థితులను చూస్తే ఇట్టే తెలిసిపోతోంది. పోలింగ్‌ కేంద్రాల్లో వైఎస్సార్‌సీపీ ఏజెంట్లు లేకుండా చేసి, బూత్‌లను గూండాల చేతుల్లో పెట్టేందుకు ఏజెంట్ల నియామక నిబంధనలనే మార్చేశారు. వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌ నియోజకవర్గంలోని పులివెందులకు ప్రొద్దుటూరు, జమ్మలమడుగు, కమలాపురం తదితర ప్రాంతాల నుంచి తెల్లవారుజామునే రౌడీమూకలను, కిరాయి గూండాలను తరలించారు. పల్నాడు జిల్లా మాచర్లలో వైఎస్సార్‌సీపీ ఏజెంట్ల ఫారాలు తీసుకోకుండా అడ్డుకుంటున్నారన్న ఆరోపణలు వచ్చాయి. ఈ నేపథ్యంలో ప్రతి బూత్‌లో సీసీ ఫుటేజీ రికార్డు చేయాలని సుప్రీంకోర్టు ఆదేశించినా రాష్ట్ర ఎన్నికల కమిషనర్‌ సమయం లేదని చేతులెత్తేయడం చంద్రబాబు అక్రమాలకు గేట్లు బార్లా తెరిచినట్టయింది.గెలుపుపై నమ్మకం ఉంటే భయమెందుకు?ప్రజల మద్దతు తమకే ఉందని చంద్రబాబుకు నమ్మకం ఉంటే..ప్రతిపక్ష అభ్యర్థులను ఎందుకు అడ్డుకుంటున్నారనే దానికి నేటికీ సమాధానం లేదు.

సాక్షి, అమరావతి: రాష్ట్రంలో స్థానిక సంస్థల వేళ రాష్ట్ర ఎన్నికల సంఘానికి సుప్రీంకోర్టు కీలక ఆదేశాలిచ్చింది. మున్సిపల్‌ ఎన్నికలతో పాటు త్వరలో జరిగే ఎంపీటీసీ, జెడ్పీటీసీ, పంచాయతీ ఎన్నికల్లో అన్ని నామినేషన్‌ కేంద్రాలు, రిటర్నింగ్‌ అధికారుల కార్యాలయా­లు, పోలింగ్‌ కేంద్రాలు, స్ట్రాంగ్‌ రూంలు, కౌంటింగ్‌ కేంద్రాల వద్ద సీసీటీవీ కెమెరాలు ఏర్పాటుచేసి తీరాలని రాష్ట్ర ఎన్నికల సంఘా­న్ని ఆదేశించింది. ఎన్నికల అక్రమాలపై అభ్య­ర్థులు ఎన్నికల పిటిషన్‌ దాఖలు చేసుకునేందుకు చట్టం నిర్దేశించిన కాలపరిమితి వరకు సీసీటీవీ ఫుటేజీని భద్రపరచాలని కూడా ఆదేశించింది. ఒకవేళ ఎన్నికల పిటిషన్‌ దాఖలైతే, ఆ వ్యాజ్యం తేలేంత వరకు ఆ సీసీటీవీ ఫుటేజీని భద్రపరచాలని తేల్చి చెప్పింది. ఎన్నికల ట్రిబ్యునల్‌ కోరినప్పుడు ఆ ఫుటేజీ ఇవ్వాలంది. ఎన్నికల పిటిషన్‌ దాఖలు చేసిన అభ్యర్థులు, అందులో ప్రతివాదులుగా ఉన్న వారు ఎవరైనా కూడా ఆ సీసీటీవీ ఫుటేజీ కోసం దరఖాస్తు చేసుకుంటే, దానిని వారికి అందుబాటులో ఉంచాలని రాష్ట్ర ఎన్నికల సంఘాన్ని సుప్రీంకోర్టు ఆదేశించింది. తాము జారీ చేసిన ఆదేశాలతో పాటు ఎన్నికల సంఘం జారీ చేసిన మార్గదర్శకాలను డీజీపీ తప్పనిసరిగా అమలు చేయాలని ఆదేశించింది. రాబోయే ఎంపీటీసీ, జెడ్పీటీసీ, పంచాయతీ ఎన్నికల్లో పోటీ చేయాలనుకునే అభ్యర్థులందరూ ఎలాంటి అడ్డంకులు లేకుండా సజావుగా నామినేషన్లు దాఖలు చేయడానికి వీలుగా నామినేషన్‌ కేంద్రాల వద్ద తగిన బందోబస్తు ఏర్పాటు చేయాలని డీజీపీని సుప్రీంకోర్టు ఆదేశించింది. మొత్తం ఎన్నికల ప్రక్రియ అంతటా శాంతి భద్రతలను కాపాడాల్సిన బాధ్యత డీజీపీదేనని స్పష్టం చేసింది. రాజకీయ పార్టీలకు, ఎన్నికల్లో పోటీ చేయాలనుకుంటున్న అభ్యర్థులకు ఉన్న భయాలు, అనుమానాలు, ఆందోళనలను తొలగించడానికి అవసరమైన అన్ని చర్యలూ తీసుకోవాలని రాష్ట్ర ఎన్నికల సంఘాన్ని ఆదేశించింది. అభ్యర్థులందరూ ఎలాంటి ఒత్తిళ్లు, భయాలు లేకుండా స్వేచ్ఛగా, న్యాయంగా ఎన్నికల్లో పోటీ చేయడానికి సమాన అవకాశాలు ఉండేలా చూడాల్సిన బాధ్యత రాష్ట్ర ఎన్నికల సంఘానిదేనని తేల్చి చెప్పింది. నామినేషన్ల గడువు పెంచాలి.. కలెక్టర్లే నామినేషన్లు స్వీకరించేలా ఏర్పాట్లు చేయాలి ‘శాంతి భద్రతల విఘాతం కారణంగా అభ్యర్థులు నామినేషన్లు వేయలేకపోతున్నారని రాజకీయ పార్టీలు లేదా అభ్యర్థులు వినతి పత్రాలు సమర్పిస్తే, వాటిని రాష్ట్ర ఎన్నికల సంఘం పరిగణనలోకి తీసుకోవాలి. ఆ వినతి పత్రాల్లో లేవనెత్తిన అంశాల్లో వాస్తవం ఉందని భావిస్తే, పరిస్థితిని చక్కదిద్దడానికి ఎన్నికల సంఘం తగిన చర్యలు చేపట్టాలి. అందులో భాగంగా నామినేషన్ల గడువును పెంచాలి. స్థానిక కేంద్రాల వద్ద భయాందోళనలు ఉంటే, అవసరమైన చోట నేరుగా జిల్లా కలెక్టర్‌ వద్దే నామినేషన్లు స్వీకరించేలా ఏర్పాట్లు చేయాలి. ఎన్నికల ఫలితాలను సవాలు చేసే పూర్తి హక్కు వారికి ఉంది ‘ఎవరైనా అభ్యర్థి ఆటంకాలు లేదా నిరోధాల కారణంగా తన నామినేషన్‌ను దాఖలు చేయలేకపోతే, ఆ అభ్యర్థి చట్టప్రకారం ఎన్నికల పిటిషన్‌ను దాఖలు చేసుకునే పూర్తి హక్కు కలిగి ఉంటారని సుప్రీంకోర్టు స్పష్టం చేసింది. ఒక అభ్యర్థి సమర్పించిన నామినేషన్‌ పత్రాన్ని... ఆ అభ్యర్థికి తెలియకుండా లేదా అతని అనుమతి లేకుండా ఉపసంహరించినా, లేదా పరిశీలన సమయంలో రిటర్నింగ్‌ అధికారి అక్రమంగా, తప్పుగా తిరస్కరించినా.. ఆ అభ్యర్థి ఆయా కారణాలను ఆసరాగా చేసుకుని ఎన్నికల పిటిషన్‌ దాఖలు చేసి ఎన్నికల ఫలితాలను సవాలు చేసే పూర్తి హక్కు కలిగి ఉంటారు.’ అని సుప్రీంకోర్టు ధర్మాసనం తేల్చి చెప్పింది. ఆధారాలతో నిరూపిస్తే.. అది అక్రమ తిరస్కరణే అవుతుంది ‘హింస లేదా అడ్డంకుల వల్ల నామినేషన్‌ దాఖలు చేయలేకపోయిన అభ్యర్థులు, అలాగే తమ వినతులను రాష్ట్ర ఎన్నికల సంఘం సానుకూలంగా పరిశీలించలేదని భావించినవారు.. ఎన్నికల ఫలితాలు వెలువడిన తర్వాత చట్టప్రకారం ఎన్నికల ట్రిబ్యునల్‌ ముందు వ్యక్తిగతంగా ఎన్నికల పిటిషన్‌ ద్వారా ఆ ఫలితాన్ని సవాల్‌ చేయవచ్చు. ఎన్నికల పిటిషన్‌ వేసిన అభ్యర్థి తాను నిర్దేశిత సమయంలో నామినేషన్‌ కేంద్రానికి వెళ్లానని, అయితే బలప్రయోగం, బెదిరింపులు లేదా ఆటంకాల వల్ల నామినేషన్‌ వేయలేకపోయానని తగిన సాక్ష్యాధారాలతో ట్రిబ్యునల్‌ ముందు నిరూపించుకోవాలి. తనను అడ్డుకున్నారని అభ్యర్థి ఆధారాలతో నిరూపిస్తే, రిటర్నింగ్‌ ఆఫీసర్‌ లేదా ఎన్నికల అధికారి నామినేషన్‌ను అక్రమంగా తిరస్కరించడంగా పరిగణించాల్సి ఉంటుందని సుప్రీంకోర్టు ఆదేశించింది. ఎన్నికల ట్రిబ్యునల్‌ ఈ ప్రాతిపదికన సదరు పిటిషన్‌ను విచారించి చట్టప్రకారం తుది నిర్ణయం తీసుకోవాలి’ అంటూ సుప్రీంకోర్టు ఆదేశాలు జారీ చేసింది. కార్పొరేషన్‌ ఎన్నికను రెండు నెలల్లో.. మునిసిపాలిటీ ఎన్నికను 15 రోజుల్లో సవాల్‌ చేయాలి ‘పంచాయతీ లేదా మున్సిపాలిటీ ఎన్నికల ఫలితాలను కేవలం ‘ఎలక్షన్‌ పిటిషన్‌’ ద్వారా మాత్రమే ప్రశ్నించడానికి, సవాల్‌ చేయడానికి అవకాశం ఉంటుంది. వేరే ఏ ఇతర ప్రత్యక్ష మార్గం లేదా పిటిషన్‌ ద్వారా ఎన్నికలను నేరుగా సవాలు చేయలేరు. మున్సిపల్‌ కార్పొరేషన్ల చట్టం, 1955లోని సెక్షన్‌ 71 ప్రకారం, ఎన్నికలను ఎలక్షన్‌ పిటిషన్‌ ద్వారా మాత్రమే సవాల్‌ చేయాలి. ఏ అభ్యర్థి అయినా లేదా ఓటరైనా ఈ పిటిషన్‌ను దాఖలు చేసుకోవచ్చు. సెక్షన్‌ 75 కింద ఏర్పాటు చేసిన ఎలక్షన్‌ ట్రిబ్యునల్‌ ముందు, గెలిచిన అభ్యర్థి ఎన్నికైన తేదీ నుంచి రెండు నెలల వ్యవధిలో సెక్షన్‌ 79లో నిర్దేశించిన విధి విధానాల ఆధారంగా ఎన్నికల పిటిషన్‌ను దాఖలు చేయాలి. మున్సిపాలిటీలు–నగర పంచాయతీల ఎన్నికల వివాదాలను కూడా ఎలక్షన్‌ పిటిషన్‌ ద్వారా తప్ప వేరే ఏ విధంగానూ ఎన్నికను ప్రశ్నించలేరు. ఎలక్షన్‌ ట్రిబ్యునల్‌ ఎదుట ఫలితాలు ప్రకటించిన తేదీ నుండి పదిహేను రోజుల్లోపు పిటిషన్‌ దాఖలు చేయాలి’ అని సుప్రీకోర్టు స్పష్టం చేసింది. ఈ మేరకు ప్రధాన న్యాయమూర్తి (సీజేఐ) జస్టిస్‌ సూర్యకాంత్, న్యాయమూర్తులు జస్టిస్‌ జోయ్‌ మాల్య బాగ్చీ, జస్టిస్‌ వి.మోహన ధర్మాసనం ఇటీవల ఉత్తర్వులు జారీ చేసింది. ఈ ఉత్తర్వుల కాపీ తాజాగా అందుబాటులోకి వచ్చింది. అదనపు నామినేషన్‌ కేంద్రాల కోసం న్యాయ పోరాటం స్థానిక ఎన్నికల్లో ప్రతిపక్ష పార్టీల అభ్యర్థులు నామినేషన్లు వేయకుండా అడ్డుకోవడమే కాకుండా, భౌతిక దాడులతో అధికార పార్టీల నేతలు విధ్వంసం సృష్టిస్తున్న నేపథ్యంలో జిల్లా కలెక్టర్‌ లేదా ఎన్నికల అధికారి లేదా ఆర్డీవో వద్ద నామినేషన్‌లు దాఖలు చేసేందుకు ఏర్పాట్లు చేసేలా ఎన్నికల సంఘాన్ని ఆదేశించాలంటూ వైఎస్సార్‌సీపీ హైకోర్టులో పిటిషన్‌ దాఖలు చేసింది. ఈ వ్యాజ్యంపై విచారణ జరిపిన సింగిల్‌ జడ్జి జస్టిస్‌ మండవ కిరణ్మయి, అదనపు నామినేషన్‌ కేంద్రాల విషయంలో వైఎస్సార్‌సీపీ అభ్యర్థనను తోసిపుచ్చుతూ ఉత్తర్వులిచ్చారు. దీనిపై వైఎస్సార్‌సీపీ ఇద్దరు న్యాయమూర్తులతో కూడిన ధర్మాసనం ముందు అప్పీల్‌ దాఖలు చేసింది. దీనిపై ధర్మాసనం విచారణ చేపట్టే నాటికి నామినేషన్ల దాఖలు గడువు ముగిసింది. దీంతో ధర్మాసనం ఈ వ్యవహారంలో జోక్యానికి నిరాకరించింది. ఆలస్యం చేయకుండా.. ఆగమేఘాలపై సుప్రీంకోర్టుకు.. హైకోర్టు ధర్మాసనం ఉత్తర్వులను సవాలు చేస్తూ వైఎస్సార్‌సీపీ అత్యవసరంగా సుప్రీంకోర్టును ఆశ్రయించింది. ఈ వ్యాజ్యంపై ఈ నెల 21న న్యాయమూర్తులు జస్టిస్‌ జోయ్‌ మాల్య బాగ్చీ, జస్టిస్‌ వి.మోహన ధర్మాసనం సుదీర్ఘ విచారణ జరిపింది. వైఎస్సార్‌సీపీ తరఫు సీనియర్‌ న్యాయవాదులు మణీందర్‌ సింగ్, నిఖిల్‌ గోయల్, న్యాయవాది మెహఫూజ్‌ నజ్కీలు వాదనలు వినిపించారు. అధికార పార్టీ నేతల విధ్వంసం, అరాచకాలు, ఆగడాలపై వైఎస్సార్‌సీపీ సుప్రీంకోర్టు ముందు అన్నీ ఆధారాలను ఉంచింది. అరాచకాలను అడ్డుకోకుంటే.. చూస్తూ ఊరుకోబోమన్న సుప్రీంకోర్టు వాటిని పరిశీలించిన సుప్రీంకోర్టు ధర్మాసనం, కండబలం చూపుతూ దౌర్జన్యం చేస్తుంటే తాము చేతులు ముడుచుకుని కూర్చోలేమని తేల్చి చెప్పింది. అధికార పార్టీ నేతలపై ఒక కేసు కూడా నమోదు చేయకపోవడాన్ని ఆక్షేపించింది. అంత హింస జరుగుతుంటే నామినేషన్ల కేంద్రాల వద్ద శాంతి భద్రతలు లేకుంటే ఎలా? ఇలాంటి పరిస్థితుల్లో నామినేషన్లు వేయడానికి ఎవరొస్తారు? సామాన్యులు నామినేషన్‌ కేంద్రాలవైపు కన్నెత్తి చూసే ధైర్యం చేయగలరా? అంటూ రాష్ట్ర ప్రభుత్వాన్ని నిలదీసింది. విపక్షంతో సహా ఎన్నికల్లో పోటీ చేసే అవకాశం అందరికీ సమానంగా ఉండాలని, అరాచకాలను అడ్డుకోకుండా నిర్లక్ష్యం వహిస్తే చూస్తూ ఊరుకోమని స్పష్టం చేసింది. నామినేషన్ల గడువు పెంపునకు ఆదేశాలు అంతేకాక ఎన్నికల్లో పోటీ చేసే అభ్యర్థులకు తక్షణ భద్రత కల్పించాలని, నామినేషన్‌ కేంద్రాల వద్ద సీసీటీవీలు కూడా ఏర్పాటు చేయాలని కూడా రాష్ట్ర ఎన్నికల సంఘాన్ని ఆదేశించింది. అధికార పార్టీ నేతల తీరు వల్ల నామినేషన్లు వేయలేని చోట్ల గడువు పెంచాలని రాష్ట్ర ఎన్నికల కమిషన్‌ను ఆదేశించింది. 48 గంటల పాటు గడువు పెంచాలని తేల్చి చెప్పింది. జిల్లా కేంద్రాల్లో కలెక్టర్లే నామినేషన్లు స్వీకరించేలా ఏర్పాట్లు చేయాలని కూడా సుప్రీంకోర్టు ఆదేశించింది. తమ ఈ ఆదేశాల అమలుకు తీసుకున్న చర్యలపై నివేదిక ఇవ్వాలని అటు డీజీపీని, ఇటు రాష్ట్ర ఎన్నికల సంఘాన్ని సుప్రీంకోర్టు ఆదేశించిన విషయం తెలిసిందే.అధికార పార్టీ అరాచకాలను సుప్రీంకోర్టు దృష్టికి తెచ్చిన వైఎస్సార్‌సీపీ వైఎస్సార్‌సీపీ వ్యాజ్యంపై సుప్రీంకోర్టు త్రిసభ్య ధర్మాసనం ఈ నెల 27న మరోసారి విచారణ జరిపింది. ఈ సందర్భంగా అధికార కూటమి నేతల ఆగడాలు, దుర్మార్గాలను వైఎస్సార్‌సీపీ సీనియర్‌ న్యాయవాదులు ధర్మాసనం దృష్టికి తీసుకొచ్చారు. స్థానిక ఎన్నికల్లో ఏకంగా 53 శాతానికి పైగా స్థానాలు ఏకగ్రీవం అయ్యాయని వివరించారు. విపక్ష అభ్యర్థులను భయాందోళనలకు గురిచేస్తూ, నామినేషన్‌ కేంద్రాల దరిదాపుల్లోకి కూడా వెళ్లనివ్వకుండా అడ్డుకున్నారని తెలిపారు. ఇందుకు పోలీసులు, ఎన్నికల అధికారులు యథేచ్ఛగా సహకరించారన్నారు. రాష్ట్రంలో దాదాపు 1,200 మంది అభ్యర్థులను నామినేషన్లు వేయకుండా అడ్డుకున్నారని వారు కోర్టుకు నివేదించారు. అందుబాటులోకి సుప్రీంకోర్టు ఆదేశాలు ఈ వాదనలను పరిగణనలోకి తీసుకున్న సుప్రీంకోర్టు.. ఎన్నికలు నిష్పక్షపాతంగా, పారదర్శకంగా నిర్వహించే దిశగా రాష్ట్ర ఎన్నికల సంఘానికి, డీజీపీకి తగిన ఆదేశాలు జారీ చేస్తామని ఈ నెల 27న మౌఖికంగా స్పష్టం చేసింది. ఇందుకు అనుగుణంగా తాజాగా ఆ ఆదేశాలను రాతపూర్వకంగా ఇచ్చింది. ఆ ఆదేశాల కాపీ శనివారం అందుబాటులోకి వచ్చింది.

సాక్షి, అమరావతి: నారా చంద్రబాబు నాయుడి పాలనలో ఆంధ్రప్రదేశ్‌లో ప్రజాస్వామ్యం అత్యంత ఆందోళనకరమైన పరిస్థితిని ఎదుర్కొంటోందని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆగ్రహం వ్యక్తం చేశారు. స్థానిక సంస్థల ఎన్నికల్లో జరుగుతున్న వరుస ఉల్లంఘనలను ఆయన గుర్తు చేశారు. స్థానిక ఎన్నికల్లో జరుగుతున్న ఉల్లంఘనలన్నీ నామినేషన్ల దశలోనే జరుగుతున్నాయన్న విషయాన్ని మరచిపోకూడదన్నారు. పోలింగ్‌ ముగిసి, ఫలితాలు ప్రకటించే సమయానికి ఇంకెంతటి పరిణామాలు చోటుచేసుకోవచ్చో ఊహించుకోవచ్చనే ఆందోళన వ్యక్తం చేశారు. స్థానిక ఎన్నికల్లో టీడీపీ పార్టీ కూటమి పాల్పడిన అక్రమాలు, అకృత్యాలకు సంబంధించి వీడియోలు, ఫొటోలు, ఆధారాలను జతచేస్తూ వైఎస్‌ జగన్‌ తన ‘ఎక్స్‌’ ఖాతాలో శనివారం పోస్టు చేశారు. అందులో ఆయన ఏమన్నారంటే.. ఇది అత్యంత ప్రమాదకరమైన సంప్రదాయానికి నాంది ఎన్నికల్లో పోలింగ్‌ కూడా ప్రారంభం కాకముందే మొత్తం ప్రక్రియను ఎలా నిర్వీర్యం చేయవచ్చో ‘విజనరీ’ అని చెప్పుకునే చంద్రబాబు నాయుడు చూపించారు. ప్రతిపక్ష అభ్యర్థులను అసలు ఎన్నికల బరిలోకేరానివ్వకుండా అడ్డుకోవడం అత్యంత ప్రమాదకరమైన సంప్రదాయానికి నాంది పలుకుతోంది. ఇలాంటి విధానాలు దేశమంతటా విస్తరిస్తే ప్రజాస్వామ్య పునాదులకే ముప్పు వాటిల్లుతుంది. ఇదంతా కేవలం నామినేషన్ల దశలోనే జరిగిందన్న విషయాన్ని మరచిపోకూడదు. ఇక పోలింగ్‌ పూర్తయి, ఫలితాలు ప్రకటించే నాటికి ఇంకెన్ని దారుణాలు చోటు చేసుకోవచ్చో ఊహించుకోవచ్చు. నామినేషన్ల ప్రక్రియ హైజాక్‌ ఏ ఎన్నికలైనా నామినేషన్లతోనే ప్రారంభమవుతాయి. నామినేషన్‌ లేకపోతే పోటీ ఉండదు. పోటీ లేకపోతే ఓటరుకు ఎవరిని ఎన్నుకోవాలనే అవకాశం ఉండదు. ఇప్పుడు మన రాష్ట్రంలో ఆ ప్రక్రియలోనే దౌర్జన్యాల పర్వం మొదలైంది. వైఎస్సార్‌సీపీకి చెందిన ముఖ్యనేతలు, సీనియర్‌ నాయకులను గృహ నిర్బంధంలో ఉంచడం, వారిపై బైండోవర్‌ చర్యలు చేపట్టడం, వైఎస్సార్‌సీపీ అభ్యర్థులకు మద్దతుగా వారెవరూ బయటకు వెళ్లకుండా నిరోధించడంతోనే అక్రమాలు మొదలయ్యాయి. మరోవైపు నామినేషన్‌ కేంద్రాల చుట్టూ పెద్దసంఖ్యలో టీడీపీ కార్యకర్తలు స్వేచ్ఛగా గుమిగూడేందుకు అనుమతించారు. వైఎస్సార్‌సీపీ అభ్యర్థులపై మాత్రం ఆంక్షలు విధించి, వారితో పాటు కేవలం ఇద్దరు లేదా ముగ్గురిని మాత్రమే వెళ్లనిచ్చారు. దీంతో అప్పటికే అక్కడ గుమిగూడిన టీడీపీ మూకల మధ్య వైఎస్సార్‌సీపీ అభ్యర్థులకు రక్షణ లేకుండా పోయింది. నామినేషన్లు దాఖలు చేసేందుకు వెళ్లిన వైఎస్సార్‌సీపీ అభ్యర్థులపై యథేచ్ఛగా దాడులు చేశారు. వారి నామినేషన్‌ పత్రాలను లాక్కుని చించివేశారు. చివరికి మహిళా అభ్యర్థులను కూడా వదిలి పెట్టలేదు. పోలీసులు, రిటర్నింగ్‌ అధికారుల సమక్షంలోనే ఏకంగా ఎంపీలు, మాజీ మంత్రులపైనా దాడులు జరిగాయి. ఈ ఘటనలన్నీ తమ కళ్లెదుటే జరుగుతున్నా పోలీసులు, రిటర్నింగ్‌ అధికారులు చూస్తూ ఉండిపోయారు. టీడీపీ గూండాలకు వారు సహకరించడంతో అవన్నీ కొనసాగాయి. ఫలితంగా వైఎస్సార్‌సీపీ అభ్యర్థులు తమ నామినేషన్లు దాఖలు చేసే అవకాశాన్ని కోల్పోయారు. వైఎస్సార్‌సీపీ పేరుతో నకిలీ నామినేషన్లు గతంలో ఎప్పుడూ చూడని మరో ఆందోళనకరమైన పరిణామం చూశాం. టీడీపీ సానుభూతిపరులు తాము వైఎస్సార్‌సీపీ తరఫున నిలబెట్టిన అభ్యర్థులమని తప్పుడు ప్రకటనలు చేస్తూ నామినేషన్లు దాఖలు చేయడం. ఒకవైపు వైఎస్సార్‌సీపీ నిజమైన అభ్యర్థులను నామినేషన్లు వేయకుండా అడ్డుకుంటూనే, మరోవైపు ఇలాంటి నకిలీ నామినేషన్ల ద్వారా ప్రతిపక్ష పార్టీ కూడా స్వేచ్ఛగా ఎన్నికల్లో పాల్గొనే అవకాశం పొందిందనే భ్రమ కల్పించారు. అన్ని పార్టీలకూ ఎన్నికల్లో పోటీ చేసేందుకు సమాన అవకాశాలు కల్పించినట్లు ప్రజలను, న్యాయ వ్యవస్థను తప్పుదోవ పట్టించడమే దీని ఉద్దేశం. పార్టీ అధికారిక అభ్యర్థులను నామినేషన్లు వేయకుండా అడ్డుకున్నప్పుడు, కేవలం వైఎస్సార్‌సీపీ పేరుతో నామినేషన్లు ఉన్నంత మాత్రాన అక్కడ నిష్పక్షపాతమైన ఎన్నిక జరుగుతుందని చెప్పలేం. పార్టీ అసలైన అధికారిక అభ్యర్థి ఎవరనేది నిర్ధారించే ఫారం–ఏ, ఫారం–బీలను కూడా పట్టించుకోలేదు. పక్షపాత స్క్రూటినీ.. బలవంతపు ఉపసంహరణలు అన్ని అడ్డంకులు ఎదుర్కొని ఎక్కడైనా వైఎస్సార్‌సీపీ అభ్యర్థులు నామినేషన్లు దాఖలు చేస్తే.. ఆ తర్వాత వారిపై విపరీతమైన ఒత్తిళ్లు కొనసాగాయి. నామినేషన్లు ఉపసంహరించుకోవాలని అభ్యర్థులను బెదిరించారు. బలవంతం చేశారు. ఆ బెదిరింపులకు లొంగని అభ్యర్థుల నామినేషన్లను స్క్రూటినీ పేరుతో చిన్నచిన్న, అర్థంలేని కారణాలు చూపిస్తూ తిరస్కరించారు. నామినేషన్‌ పత్రాలతో పాటు సమర్పించిన ధ్రువీకరణ పత్రాలు తొలగించడం లేదా వాటిని తారుమారు చేయడం జరిగింది. అనంతరం అవసరమైన పత్రాలు లేవనే కారణంతో రిటర్నింగ్‌ అధికారులు ఆ నామినేషన్లను తిరస్కరించారు. అన్ని పత్రాలను పూర్తిగా సమర్పించి, వాటికి అధికారిక రసీదు కూడా పొందిన అభ్యర్థులనే, ఆ పత్రాలు అధికారుల ఆధీనంలోకి వెళ్లిన తర్వాత ఏర్పడిన లోపాలకు బాధ్యులను చేశారు.ప్రజల మద్దతు ఉందనే నమ్మకం చంద్రబాబుకు ఉంటే.. ప్రజల మద్దతు తమకే ఉందని చంద్రబాబు నాయుడుకి నమ్మకం ఉంటే, మరి ఆయన ప్రభుత్వం వైఎస్సార్‌సీపీ అభ్యర్థులను ఎందుకు అడ్డుకుంటోంది? తమకు నచ్చిన అభ్యర్థిని ఎన్నుకునే అవకాశాన్ని ఓటర్లకు ఎందుకు నిరాకరిస్తోంది? నామినేషన్ల దాఖలు, ఆ తర్వాత ఉపసంహరణ దశలోనే ఇంతటి అరాచక పరిస్థితులు నెలకొంటే.. ఇక పోలింగ్, ఓట్ల లెక్కింపు, ఫలితాల ప్రకటన సమయంలో ఇంకేం జరుగుతుందోనన్న తీవ్రమైన ఆందోళనలు తలెత్తుతున్నాయి. ఈనెల 1వ తేదీ( ఆదివారం) నుంచే స్థానిక ఎన్నికల పోలింగ్‌ ప్రారంభం కానున్న నేపథ్యంలో అభ్యర్థులు ఎన్నికల్లో పాల్గొనేలా, పోలింగ్‌ ఏజెంట్లు తమ విధులను నిర్వర్తించేలా, ఓటర్లు ఎలాంటి భయం లేకుండా స్వేచ్ఛగా ఓటుహక్కు వినియోగించుకునేలా పటిష్టమైన, స్వతంత్ర పర్యవేక్షణ అత్యంత అవసరం. ఇన్ని దౌర్జన్యాలతో ఎన్నికల ప్రక్రియను ఇంత దారుణంగా ఎక్కడికక్కడ అడ్డుకుంటే, ప్రమాదంలో పడేది ప్రజాస్వామ్యమే అనేది వాస్తవం. ఫోర్జరీ సంతకాలు.. వేరే వ్యక్తులతో నామినేషన్ల ఉపసంహరణమరికొన్ని ఘటనల్లో అభ్యర్థులు తాము అంగీకరించకపోయినా నామినేషన్లు ఉపసంహరించుకున్నట్లు చూపించారు. అందుకు అభ్యర్థుల సంతకాలను ఫోర్జరీ చేసి ఉపసంహరణ పత్రాలను చూపారు. వాటిని అధికారులు గుడ్డిగా ఆమోదించారు. దీంతో అసలైన అభ్యర్థులకు తెలియకుండానే, వారి సమ్మతి లేకుండానే ఎన్నికల్లో పోటీ చేసే హక్కును హరించారు. అంటే బెదిరింపులు, దాడులు, స్క్రూటినీ పేరుతో ఎదురైన అడ్డంకులన్నింటినీ అధిగమించిన అభ్యర్థిని కూడా చివరకు మోసపూరిత ఉపసంహరణ ద్వారా ఎన్నికల బరి నుంచి తొలగించే పరిస్థితి ఏర్పడింది. ఈ ప్రక్రియ మొత్తంలో పోలీసులు, రిటర్నింగ్‌ అధికారులు, ఎన్నికల యంత్రాంగం కుమ్మక్కయ్యారు. అలా ప్రతిపక్ష అభ్యర్థులను ఎన్నికల బరినుంచి తప్పించేందుకు టీడీపీ చేసిన కుట్రకు అంతా సహకరించారు. వాస్తవానికి ప్రతి అభ్యర్థికి ఎన్నికల్లో పోటీచేసే హక్కు, ప్రతి ఓటరుకు తనకు నచ్చిన అభ్యర్థిని ఎన్నుకునే హక్కు పరిరక్షించాల్సిన బాధ్యత వారిపైనే ఉంది. అందుకే ప్రతి ఫిర్యాదుపైనా స్వతంత్ర దర్యాప్తు జరగాలి. నామినేషన్‌ పత్రాలు, స్క్రూటినీ రికార్డులు, ఉపసంహరణ పత్రాలు, వీడియో ఫుటేజీని భద్రపరిచి క్షుణ్ణంగా పరిశీలించాలి. తప్పు చేసిన అధికారులపై చర్యలు తీసుకోవాలి. అన్యాయంగా ఎన్నికల బరినుంచి తప్పించబడిన అభ్యర్థులకు పోటీ చేసేందుకు అవకాశం కల్పించాలి.

సాక్షి, అమరావతి/పులివెందుల రూరల్‌/విజయనగరం టౌన్‌ : వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్నారు.. వేసిన నామినేషన్లను స్క్రూటీనీలో ఇష్టానుసారం ఏకపక్షంగా తీసేశారు.. ఈ అడ్డంకులు దాటుకుని బరిలో నిలిచిన వారిని కూడా ప్రచారం చేయనీయకుండా టీడీపీ గూండాలు పచ్చ ప్రతాపం చూపించారు. రాష్ట్రంలో మున్సిపల్‌ ఎన్నికల పోరుకు శుక్రవారం ప్రచారం ముగిసింది. ఎంపీటీసీ, జెడ్పీటీసీ ఎన్నికల ప్రచారం మొదలైంది. ఈ రెండు స్థానిక సంస్థలకు సంబంధించి ఎన్నికల బరిలో నిలిచిన వైఎస్సార్‌సీపీ అభ్యర్థులకు కనీసం ఓటు అడిగే అవకాశం కూడా లేకుండా అధికార పార్టీ నేతలు దారుణంగా అడ్డుకున్నారు.వెన్నుపోటు పార్టీకి వెన్నుదన్నుగా నిలిచిన పోలీసులు అనేక సాకులు చూపి వైఎస్సార్‌సీపీ నేతలు, అభ్యర్థులను ఇబ్బందులపాలు చేస్తున్నారు. ఎన్నికల సమయంలో శాంతిభద్రతలను కాపాడాల్సిన పోలీసులు ఏకపక్షంగా వ్యవహరిస్తున్నారనేందుకు ఎన్నో ఘటనలు నిదర్శనంగా నిలిచాయి. పల్నాడు జిల్లా వినుకొండలో ప్రచార వాహనాల డ్రైవర్ల మధ్య జరిగిన గొడవకు రాజకీయ రంగు పులిమిన పోలీసులు వైఎస్సార్‌సీపీ నేతలపై కేసులు పెట్టి అరెస్టుల వరకు వెళ్లడం ఉద్రిక్తతకు దారితీసింది. వినుకొండలో టీడీపీ ఎమ్మెల్యే జీవీ ఆంజనేయులు ప్రచార రథం డ్రైవర్‌కు, వైఎస్సార్‌సీపీ అభ్యర్థి ప్రచార ఆటో డ్రైవర్‌కు మధ్య గొడవ జరిగింది. ఈ ఘటనను ఆసరాగా చేసుకుని వైఎస్సార్‌సీపీ నాయకులపై హత్యాయత్నం నేరం మోపేందుకు పోలీసులు రంగం సిద్ధం చేశారు. టీడీపీ ప్రచార వాహన డ్రైవర్‌ను హత్య చేయించేందుకు వైఎస్సార్‌సీపీ నాయకులు ప్రయత్నించారంటూ ప్రచారం చేశారు. ఈ వ్యవహారంలో వినుకొండ టౌన్‌ సీఐ ప్రభాకర్‌ వైఎస్సార్‌సీపీ నాయకులను అరెస్టు చేయడంతో పోలీస్‌స్టేషన్‌ వద్ద ఉద్రిక్త పరిస్థితులు నెలకొన్నాయి. పోలీసుల తీరును నిరసిస్తూ మహిళలు పోలీస్‌స్టేషన్‌ ఎదుట బైఠాయించి ఆందోళనకు దిగారు. డ్రైవర్ల మధ్య జరిగిన గొడవకు రాజకీయ రంగు పులిమి వైఎస్సార్‌సీపీ నాయకులపై కేసులు నమోదు చేస్తున్నారని మహిళలు మండిపడ్డారు. ఈ క్రమంలో సీఐ ప్రభాకర్‌ ఒక చేతిలో రివాల్వర్, మరో చేతిలో లాఠీ పట్టుకుని నిరసనకారులను భయభ్రాంతులకు గురిచేస్తూ బెదిరింపులకు దిగడం శోచనీయం. వినుకొండలో ముస్లిం యువకులను అరెస్టు చేసిన సీఐ ప్రభాకర్‌.. వారిని బొల్లాపల్లి పోలీస్‌ స్టేషన్‌కు తీసుకెళ్లి చిత్రహింసలు పెట్టారని వైఎస్సార్‌సీపీ నేతలు ఆరోపించారు. కాగా, తిరుపతి జిల్లా నాయుడుపేట అర్బన్‌ సీఐ వెంకటరమణ పచ్చ చొక్కాలకు దాసోహం అంటున్నారు. ఈ క్రమంలో గురువారం రాత్రి ఆయన వైఎస్సార్‌సీపీ జిల్లా ఆర్గనైజింగ్‌ సెక్రటరీ కామిరెడ్డి రాజారెడ్డి నివాసంలో 87 మద్యం బాటిళ్లను తన సిబ్బందితో పెట్టించి, అక్రమ కేసు బనాయించారు. తన ఇంట్లో ఏం జరిగిందో సీసీటీవీ ఫుటేజ్‌లో స్పష్టంగా ఉందని రాజారెడ్డి పేర్కొనడం.. వైఎస్సార్‌సీపీ శ్రేణులు అక్కడికి చేరుకోవడంతో సీఐ ఉడాయించారు. జమ్మలమడుగులో దాడులు వైఎస్సార్‌ జిల్లా జమ్మలమడుగులో తీవ్ర ఉద్రిక్త వాతావరణం నెలకొంది. వైఎస్సార్‌సీపీ నేతలను లక్ష్యంగా చేసుకుని టీడీపీ గూండాలు దాడులకు తెగబడ్డారు. ఈ ఘటనలో వైఎస్సార్‌సీపీ నేతల కార్లను ధ్వంసం చేశారు. ఈ దాడులకు నిరసనగా జమ్మలమడుగులోని పాతబస్టాండ్‌ సర్కిల్‌ వద్ద వైఎస్సార్‌సీపీ శ్రేణులు పెద్దఎత్తున ఆందోళన చేపట్టాయి. ఎమ్మెల్సీ రామసుబ్బారెడ్డి, చైర్‌పర్సన్‌ అభ్యర్థి హైమావతి తదితరులు పాల్గొని ప్రభుత్వ తీరుపై, దాడులపై తీవ్ర ఆగ్రహం వ్యక్తం చేశారు. జమ్మలమడుగులో 8వ వార్డుకు చెందిన వైఎస్సార్‌సీపీ అభ్యర్థికి ఓటెయ్యాలని ఎస్సీ కాలనీలో ప్రచారం నిర్వహిస్తుండగా కూటమి కౌన్సిలర్‌ అభ్యర్థితోపాటు పలువురు మూకుమ్మడి దాడి చేశారు. ఈ ఘటనలో 15 మంది గాయపడ్డారు. ఎన్నికల ప్రచారం నిర్వహిస్తున్న వైఎస్సార్‌సీపీ శ్రేణులను అడ్డుకుని, దాడులకు పాల్పడటంపై వైఎస్సార్‌సీపీ తీవ్రంగా తప్పుబట్టింది. అన్యాయంగా అరెస్టు చేశారు పులివెందుల పట్టణంలోని బ్రాహ్మణపల్లె రోడ్డు శేషారెడ్డి పాఠశాల సమీపంలో వైఎస్సార్‌సీపీ కార్యకర్తలు ఇబ్రహీం, మారుతిలను శుక్రవారం రాత్రి పోలీసులు అరెస్టు చేశారు. తన భర్తను పోలీసులు అన్యాయంగా అరెస్ట్‌ చేసి తీసుకెళ్లారని ఇబ్రహీం భార్య ఆయేషా, బంధువులు ఆవేదన వ్యక్తం చేశారు. వైఎస్సార్‌ కాంగ్రెస్‌ పార్టీ తరఫున ఏజెంట్లుగా కూర్చుంటున్నారని తెలుసుకుని టీడీపీ నాయకులు చిన్న గూగూడు, హోలీ బాబాలతోపాటు కెరికిరి బాషాలు పోలీసులను వారి ఇంటి వద్దకు పంపి అరెస్ట్‌ చేయించారని ఆగ్రహం వ్యక్తం చేశారు. తన భర్తను చూపించాలని ఆయేషాతోపాటు బంధువులు పోలీస్‌ స్టేషన్‌ ఎదుట ఆందోళనకు దిగారు. కార్పొరేటర్‌ అభ్యర్థిపై దాడి విజయనగరం కార్పొరేషన్‌ ఐదో డివిజన్‌లో వైఎస్సార్‌ కాంగ్రెస్‌ పార్టీ తరఫున పోటీ చేస్తున్న కోట మహంతి శ్రీనివాసరావుపై గుర్తు తెలియని దుండగులు శుక్రవారం రాత్రి దాడికి పాల్పడ్డారు. ఆయన కేకలు వేయడంతో దుండగులు పరారయ్యారు. ఎడమ చేతిపై బ్లేడులతో కోయడంతో రక్తస్రావం అయింది. ఈ ఘటనపై కార్యకర్తలు, కుటుంబ సభ్యులు టూటౌన్‌ పోలీస్‌స్టేషన్‌లో ఫిర్యాదు చేశారు. బైక్‌పై వస్తుండగా గుర్తు తెలియని వ్యక్తులు వ్యాసనారాయణ మెట్ట వద్ద దాడికి పాల్పడినట్లు ఫిర్యాదులో పేర్కొన్నారు. ‘నీ కెందుకురా పోటీ.. అవసరమా?’ అంటూ దుండగులు బ్లేడ్‌లతో దాడి చేశారని, గట్టిగా కేకలు వేయడంతో స్థానికులు రావడం చూసి బైక్‌పై పరారయ్యారని శ్రీనివాసరావు తెలిపారు. మహారాజా ప్రభుత్వాస్పత్రిలో ఆయన చికిత్స పొందుతున్నారు. హొళగుందలో టీడీపీ హైడ్రామాకర్నూలు జిల్లా హొళగుందలో ఎన్నికల రాజకీయాలు ఉద్రిక్తతకు దారితీశాయి. టీడీపీ రెబల్‌ అభ్యర్థిగా జెడ్పీటీసీ స్థానానికి పోటీ చేస్తున్న ఈడిగ గోవిందుగౌడ్‌ ఇంటి వద్ద పోలీసుల హంగామా వివాదాస్పదమైంది. గోవిందు గౌడ్‌ ఎన్నికల బరిలో ఉండటంతో ఆయన కుటుంబాన్ని లక్ష్యంగా చేసుకుని పోలీసులు బెదిరింపులకు దిగారు. తండ్రి ఎన్నికల్లో పోటీ చేస్తున్నారనే కారణంతో ఆయన కుమారుడిని అరెస్టు చేసేందుకు ఎస్‌ఐ దిలీప్‌కుమార్‌ వెళ్లడం కలకలం రేపింది. పోలీసుల తీరును నిరసిస్తూ గ్రామస్తులు వాహనాన్ని అడ్డుకున్నారు. దీంతో పోలీసులకు, గ్రామస్తులకు మధ్య వాగ్వాదం చోటుచేసుకుంది. అభ్యర్థి కుటుంబ సభ్యుల వద్దకు వెళ్లి అరెస్టు చేసేందుకు ప్రయత్నించిన పోలీసులను స్థానికులు అడ్డుకున్నారు. దీంతో పరిస్థితి ఉద్రిక్తంగా మారింది. ఆందోళనకారులపై ఎస్సై లాఠీచార్జి చేసేందుకు ప్రయత్నించారు. తమ విధులకు అడ్డుపడితే పరిణామాలు తీవ్రంగా ఉంటాయని హెచ్చరించారు.

సాక్షి, నెట్‌వర్క్‌: స్థానిక ఎన్నికల్లో తెలుగుదేశం గూండాలు, కిరాయి మూకలు, గంజాయి బ్యాచ్‌లు చేసిన దురాగతాలు అన్నీ ఇన్నీ కావు. వాళ్ల సంగతలా ఉంచితే పోలింగ్‌ కేంద్రాలలో ఉన్న కొందరు రిటర్నింగ్‌ అధికారులు (ఆర్వోలు) కూడా తెలుగుదేశం కార్యకర్తలను, కిరాయి మూకలను మించి ప్రభుభక్తిని ప్రదర్శించారు. తమ చేతిలోని నామినేషన్‌ పత్రాలను టీడీపీ గూండాలు లాక్కుని చించుతుంటే బొమ్మల్లా నిలబడిపోయారు.ప్రతిపక్ష పార్టీ అభ్యర్థులు నిబంధనల ప్రకారం ఇద్దరు, ముగ్గురు నాయకులతో కలసి పోలింగ్‌ కేంద్రాలకు వస్తే.. అప్పటికే పోలింగ్‌ కేంద్రాలలో మారణాయుధాలతో వందల మంది టీడీపీ గూండాలు ఉన్నారు. వారిని ఎలా అనుమతించారు? ఎందుకు అదుపు చేయలేదు? ఎన్నికలు జరుగుతున్నపుడు ఎన్నికల సంఘమే సుప్రీం కదా..? పై అధికారులకు వెంటనే తెలియజేసి అక్రమాలను ఎందుకు అడ్డుకోలేదు? ఇదంతా ఒక ఎత్తయితే తమను నమ్మి నామినేషన్‌ పత్రాలను ఇచ్చిన అభ్యర్థులకు కొందరు ఆర్వోలు మరింత ద్రోహం చేశారు. అధికార పార్టీకి అమ్ముడుపోయి తమ వృత్తికి కూడా ద్రోహం చేశారు. నీతి నిజాయితీలకు నీళ్లొదిలేశారు. ఏకగ్రీవం చేయడం కోసం ప్రతిపక్ష పార్టీ అభ్యర్థుల నామినేషన్‌ పత్రాలను చెల్లనీయకుండా చేశారు. చెక్‌లిస్ట్‌ ఇచ్చి అన్నీ బాగున్నాయని చెప్పి సంతకం చేసి మరీ అక్‌నాలెడ్జ్‌ స్లిప్పులు ఇచ్చి.. ఆ తర్వాత కొన్ని పత్రాలు చించేసి అవిలేవంటూ నామినేషన్లు తిరస్కరించారు. అభ్యర్థుల సంతకాలు ఫోర్జరీ చేసి విత్‌డ్రాలు చేసేశారు. అలాంటి అమ్ముడుపోయిన, దిగజారిపోయిన ఆర్వోలలో కొందరి గురించి చూద్దామా? గిద్దలూరులో ఐదుగురి నామినేషన్లు మాయం! నామినేషన్‌ పత్రాలు మాయం చేసి ప్రజాస్వామ్య హక్కులకే తూట్లు పొడిచిన ఆర్‌ఓ ఆర్‌వో: వంగా జ్యోతి ప్రాంతం: కొమరోలు మండలం, గిద్దలూరు నియోజకవర్గం, ప్రకాశం జిల్లా ఏం జరిగిందంటే: ఐదుగురు వైఎస్సార్‌సీపీ ఎంపీటీసీ అభ్యర్థుల నామినేషన్‌ పత్రాలు మాయం! పత్రాలు కనిపించడం లేదంటూ ఐదుగురి నామినేషన్లూ తిరస్కరణ. ఫలితం: ఎంపీటీసీ అభ్యర్థులు షేక్‌ తస్లీమా, కామూరి అమూల్య, సారె ఓబులమ్మ, కరిస్మా, కామూరి శ్రీనివాసరెడ్డి నామిషన్ల తిరస్కరణ. జెడ్పీటీసీ అభ్యర్థి సారె వెంకటనాయుడు ఎన్నికల ఖర్చుల డిక్లరేషన్‌ తొలగింపు.. నామినేషన్‌ తిరస్కరణ!పొందూరులో ఫేక్‌ విత్‌డ్రాలు! అభ్యర్థుల ప్రమేయం లేకుండానే ఐదు నామినేషన్ల ఉపసంహరణ.. ఐదు స్థానాలు టీడీపీకి ఏకగ్రీవం చేసిన ఆర్‌ఓ! ఆర్‌వో: సూర్యప్రకాశరావు ప్రాంతం: పొందూరు మండలం, శ్రీకాకుళం జిల్లా ఏం జరిగిందంటే: మొదట 21 ఎంపీటీసీ స్థానాల్లో వైఎస్సార్‌సీపీ అభ్యర్థుల నామినేషన్లఆమోదం. 21 మందికి బీ ఫారాలు స్వీకరించి రసీదులు జారీ. కానీ, విత్‌డ్రా రోజు రాత్రి 8 గంటలకు ఐదుగురు అభ్యర్థులు ఉపసంహరించుకున్నట్లు నమోదు. విత్‌డ్రా ప్రక్రియకు సంబంధించిన సీసీటీవీ ఫుటేజీ అడిగితే కెమెరాలే లేవంటూ సమాధానం! ఫలితం: వైఎస్సార్‌సీపీ అభ్యర్థుల ప్రమేయం లేకుండానే నామినేషన్ల ఉపసంహరణ. ఐదు స్థానాలు టీడీపీకి ఏకగ్రీవం! దర్శిలో వైఎస్సార్‌సీపీ నామినేషన్లు చించివేత! ఎన్నికల అధికారిగా కాకుండా టీడీపీ కార్యకర్తలా వ్యవహరించిన దర్శి ఆర్‌ఓ! ఆర్‌వో: ఎంఈఓ–2 రమాదేవి ప్రాంతం: దర్శి మున్సిపాలిటీ, ప్రకాశం జిల్లా ఏం జరిగిందంటే: టీడీపీ అభ్యర్థుల నామినేషన్ల స్వీకరణకు ప్రాధాన్యం. వైఎస్సార్‌సీపీ నేతల నామినేషన్ల స్వీకరణలో ఉద్దేశపూర్వక జాప్యం. సమయం వృథా చేస్తూ నామినేషన్లు దాఖలు చేయకుండా అడ్డంకులు. ఈలోపు టీడీపీ గూండాల దాడి.. వైఎస్సార్‌సీపీ నేతల నామినేషన్‌ పత్రాలు చించివేత. ఎన్నికల అధికారి ప్రేక్షకపాత్రకే పరిమితం! ఫలితం: వైఎస్సార్‌సీపీ అభ్యర్థులు నామినేషన్‌ వేసే అవకాశం కోల్పోయారు.కురిచేడులో అభ్యర్థులు రాకుండానే విత్‌డ్రాలు! అభ్యర్థుల ప్రమేయం లేకుండానే నామినేషన్ల ఉపసంహరణ.. టీడీపీకి ఏకగ్రీవాలను కట్టబెట్టిన ఆర్‌ఓ ఆర్‌వో: పురుషోత్తమరాజు ప్రాంతం: కురిచేడు మండలం, దర్శి నియోజకవర్గం, ప్రకాశం జిల్లా ఏం జరిగిందంటే: నామినేషన్ల ఉపసంహరణ సమయంలో అభ్యర్థులు హాజరుకాకుండానే విత్‌డ్రాలు నమోదు. అభ్యర్థుల ప్రమేయం లేకుండానే నామినేషన్ల ఉపసంహరణ. ఫలితం: టీడీపీ నాయకుల కనుసన్నల్లో ఏకగ్రీవాల ప్రక్రియ జరిగింది. ప్రతిపక్ష అభ్యర్థుల ఎన్నికల హక్కులకు తీవ్ర విఘాతం. తిరుపతి రూరల్‌లో పత్రాలు చించేసి.. పేజీలు మార్చేసి..! ఆస్తుల వివరాల పత్రాలు మాయం.. నామినేషన్‌ పేజీల మార్పు.. నాలుగు అభ్యర్థుల నామినేషన్ల తిరస్కరణ.. 10 ఎంపీటీసీ స్థానాలను కూటమికి ఏకగ్రీవం చేసేందుకు ఆర్‌ఓ యశ్వంత్‌ యత్నం! ఆర్‌వో: యశ్వంత్‌ ప్రాంతం: తిరుపతి రూరల్‌ మండలం ఏం జరిగిందంటే: సి.మల్లవరం ఎంపీటీసీ అభ్యర్థి మొక్కల తిమ్మారెడ్డి నామినేషన్‌లో ఆస్తుల వివరాల పత్రం చించివేసి, ఆస్తుల వివరాలు లేవంటూ తిరస్కరణ. అప్పీల్‌లోనూ అదే పత్రం లేదంటూ నామినేషన్‌ తిరస్కరణ. వైఎస్సార్‌సీపీ ఎంపీపీ అభ్యర్థి వై.నాగలక్ష్మి నామినేషన్‌ పత్రాల్లోని పేజీలు మార్చేసి, ఆస్తుల వివరాలు లేవంటూ మూడు సెట్ల నామినేషన్ల తిరస్కరణ. పూర్తి వివరాలతో నామినేషన్‌ సమర్పించినట్లు వీడియో ఆధారం ఉందని చెప్పినా పట్టించుకోని అధికారి. వైఎస్సార్‌సీపీ మద్దతుతో ఇండిపెండెంట్‌లుగా పోటీ చేసిన బి.శారద, ఎం.నారాయణమ్మ నామినేషన్లూ తిరస్కరణ. ఫలితం: ఇలా మొత్తం 10 ఎంపీటీసీ స్థానాలను కూటమికి ఏకగ్రీవం చేసేందుకు అధికార యంత్రాంగం పని చేసింది. దుగ్గిరాలలో వార్డు నంబరు తప్పుతో నామినేషన్‌ ఔట్‌! 6 కు బదులు 7 రాశారని వైఎస్సార్‌సీపీ అభ్యర్థి నామినేషన్‌ తిరస్కరణ.. కూటమి అభ్యర్థుల తప్పులకు మాత్రం సవరణలతో ఆమోదం! ఆర్‌వో: టి.నరసింహారెడ్డి ప్రాంతం: చిలువూరు–1, దుగ్గిరాల మండలం, గుంటూరు జిల్లా ఏం జరిగిందంటే: వైఎస్సార్‌సీపీ ఎంపీటీసీ అభ్యర్థి ఓటరు జాబితాలో వార్డు నంబరు 6కు బదులు 7గా నమోదు. చిన్న పొరపాటును కారణంగా చూపి నామినేషన్‌ తిరస్కరణ. అదే సమయంలో కూటమి అభ్యర్థుల నామినేషన్‌ పత్రాల్లో తప్పులను కొట్టివేసి సరిచేసుకునే అవకాశం. వారి నామినేషన్లకు మాత్రం ఆమోదముద్ర. ఫలితం: వైఎస్సార్‌సీపీ అభ్యర్థి నామినేషన్‌ తిరస్కరణ. పోటీకి దూరమైన వైఎస్సార్‌సీపీ అభ్యర్థి తనకు జరిగిన అన్యాయంపై న్యాయస్థానాన్ని ఆశ్రయించేందుకు సిద్ధం. చేబ్రోలులో ఏకపక్షంగా 19 నామినేషన్లు ఔట్‌! 19 వైఎస్సార్‌సీపీ నామినేషన్ల తిరస్కరణ.. అప్పీల్‌లో ఆర్‌ఓ నిర్ణయాలకు ఎదురుదెబ్బ.. ఆర్‌వో: కోమలి పద్మ ప్రాంతం: చేబ్రోలు మండలం, గుంటూరు జిల్లా ఏం జరిగిందంటే: 19 వైఎస్సార్‌సీపీ నామినేషన్లను చిన్నచిన్న కారణాలతో తిరస్కరించిన ఆర్‌ఓ కోమలి పద్మ. ఆమె నిర్ణయాలపై నిర్ణయాలపై తెనాలి ఆర్‌డీఓకు అప్పీల్‌. ఫలితం: ఆర్డీఓ విచారణలో నాలుగు నామినేషన్ల తిరస్కరణ.. ఆరు నామినేషన్ల ఆమోదం. తెనాలి, శేకూరులో ఓటు హక్కు ఉందనే కారణంతో ఒక అభ్యర్థి నామినేషన్‌ తిరస్కరణ. ఆర్‌ఓ నిర్ణయాల్లో కొన్ని అప్పీల్‌ స్థాయిలో మారడం అధికారుల పరిశీలనా తీరుపై ప్రశ్నలు లేవనెత్తింది. చిత్తూరులో ఫోర్జరీ విత్‌డ్రాలు.. 51 డివిజన్లు ఏకగ్రీవం! అభ్యర్థుల సంతకాల ఫోర్జరీతో ఉపసంహరణ లేఖల సృష్టి.. వాటిని ఆమోదించి ఏకగ్రీవాలు ప్రకటించిన ఆర్‌ఓ ఆర్‌వో: సోమశేఖర్‌ప్రాంతం: చిత్తూరు కార్పొరేషన్‌ ఏం జరిగిందంటే: మొత్తం 60 డివిజన్లలో ఏకంగా 51 డివిజన్లకు ఏకగ్రీవాల ప్రకటన. టీడీపీకి 47, జనసేనకు 2, బీజేపీకి 1, వైఎస్సార్‌సీపీకి 1 స్థానం కేటాయింపు. అభ్యర్థులు, ప్రతిపాదకులు ఉపసంహరించుకోకుండానే వారి సంతకాలతో ఫోర్జరీ విత్‌డ్రా లేఖల సృష్టి. అసలు సంతకాల ప్రామాణికతను నిర్ధారించకుండానే ఉపసంహరణలు ఆమోదించిన ఆర్‌ఓలు. ఫలితం: ఫోర్జరీ లేఖల ఆధారంగా 51 డివిజన్లకు ఏకగ్రీవ డిక్లరేషన్లు! నగరిలో ముందు ధ్రువీకరణ.. తర్వాత నామినేషన్‌ తిరస్కరణ! ఫారం–7 ఇచ్చి మరీ మాట మార్చిన ఆర్‌ఓ.. టీడీపీకి ఏకగ్రీవ పట్టం! ఆర్‌వో: సంజీవకుమార్‌ ప్రాంతం: నగరి మున్సిపాలిటీ, చిత్తూరు జిల్లా ఏం జరిగిందంటే: వైఎస్సార్‌సీపీ చైర్మన్‌ అభ్యర్థి బాలకృష్ణన్‌ నామినేషన్‌ పరిశీలన అనంతరం పోటీలో ఉన్నట్లు ఫారం–7 జారీ. కొద్దిసేపటికే అదే నామినేషన్‌ చెల్లదంటూ తిరస్కరణ. పోటీలో ఉన్నట్లు ధ్రువీకరించిన నామినేషన్‌ను కొద్దిసేపటికే ఎలా తిరస్కరించారు? ఫలితం: టీడీపీ అభ్యర్థి చైర్మన్‌గా ఏకగ్రీవంగా ఎన్నికైనట్లు ప్రకటన.ఆలూరులో కారణాలు చెప్పకుండానే నామినేషన్లు ఔట్‌! ముగ్గురు వైఎస్సార్‌సీపీ అభ్యర్థుల నామినేషన్లు తిరస్కరణ.. లోపాలు సరిదిద్దుకునే అవకాశం కూడా ఇవ్వని ఆర్‌ఓ ఆర్‌వో: ఆనంద్‌ రాజ్‌కుమార్‌ ప్రాంతం: ఆలూరు, కర్నూలు జిల్లా ఏం జరిగిందంటే: పెద్దహోతూరు–2 ఎంపీటీసీ అభ్యర్థి లక్ష్మి, మొలగవల్లి–2లో నరసమ్మ, ఆలూరు–3 వినోద్‌కుమార్‌ నామినేషన్లలో తప్పులున్నాయంటూ స్పష్టమైన వివరాలు ఇవ్వకుండా ఆర్‌డీఓ వద్దకు పంపించడం. చెక్‌లిస్ట్, ఫారం–5 ఇవ్వకుండానే నరసమ్మ నామినేషన్‌ తిరస్కరణ. ఆర్‌డీఓ వద్ద కూడా తిరస్కరణకు స్పష్టమైన కారణాలు వెల్లడించకపోవడం. లోపాలు సరిదిద్దుకునేందుకు కార్యాలయంలోకి వెళ్లే అవకాశం కూడా నిరాకరణ. ఫలితం: చివరకు ముగ్గురు వైఎస్సార్‌సీపీ అభ్యర్థులు ఎన్నికల బరిలో లేకుండా పోవడం!నారాయణవనంలో ఐదు ఎంపీటీసీలు టీడీపీకి ధారాదత్తం! అర్ధరాత్రి ఫోన్‌కాల్స్‌ తర్వాత విత్‌డ్రాల ప్రకటన ఆర్‌వో: విజయానంద్‌ ప్రాంతం: నారాయణవనం మండలం, తిరుపతి జిల్లా ఏం జరిగిందంటే: మండలంలోని 11 ఎంపీటీసీ స్థానాల్లో ఐదు స్థానాలకు చెందిన వైఎస్సార్‌సీపీ అభ్యర్థుల నామినేషన్ల తిరస్కరణ. డిక్లరేషన్‌ ఫారంలో సంతకం లేదంటూ నామినేషన్లు తిరస్కరించిన ఆర్‌ఓ విజయానంద్‌. సంతకాలు లేని నామినేషన్‌ పత్రాలనే స్వీకరించి రసీదులు ఎలా ఇచ్చారు? అంటే సమాధానం లేదు. టీడీపీ రెబల్, డమ్మీ అభ్యర్థుల విత్‌డ్రాల కోసం రాత్రి 7.30 వరకు వేచి ఉన్నారు. అభ్యర్థుల నుంచి నేరుగా ఉపసంహరణ పత్రాలు తీసుకోకుండానే టీడీపీ నాయకుల ఫోన్‌కాల్స్‌ కోసం నిరీక్షణ. ఫలితం: రాత్రి 7.40 గంటలకు వైఎస్సార్‌సీపీ అభ్యర్థులు నామినేషన్లు ఉపసంహరించుకున్నట్లు ప్రకటించి... ఐదు స్థానాల్లో ఏకగ్రీవాల ప్రకటన!కోటబొమ్మాళిలో టీడీపీ అభ్యర్థులకే వెసులుబాటు! వైఎస్సార్‌సీపీ అభ్యర్థి నామినేషన్‌ తిరస్కరణ.. టీడీపీ అభ్యర్థుల తప్పులకు అక్కడికక్కడే సవరణలు చేసిన ఆర్‌ఓ! ఆర్‌వో: కె.జగన్మోహన్‌రావు ప్రాంతం: కోటబొమ్మాళి మండలం, శ్రీకాకుళం జిల్లా ఏం జరిగిందంటే: దంత ఎంపీటీసీ స్థానం నుంచి వైఎస్సార్‌సీపీ అభ్యర్థి హేమసుందర్‌రాజు నామినేషన్‌ దాఖలు. పరిశీలనకు పిలిపించి చిన్నచిన్న కారణాలు చూపిస్తూ నామినేషన్‌ తిరస్కరణ. టీడీపీ అభ్యర్థుల పత్రాల్లో ఎన్ని తప్పులున్నా వెసులుబాటు. పత్రాల్లో లోపాలున్నా అక్కడికక్కడే సరిదిద్దుకునే అవకాశం. ప్రతిపక్ష అభ్యర్థికి ఒక నిబంధన.. టీడీపీ అభ్యర్థులకు మరో నిబంధన! ఫలితం: వైఎస్సార్‌సీపీ అభ్యర్థి హేమసుందర్‌రాజు పోటీకి విత్‌డ్రా పేరుతో వంచన.. ఒక నామినేషన్‌ ఉపసంహరించుకోమని చెప్పి.. మొత్తం నామినేషన్‌నే లేకుండా చేసిన ఆర్‌ఓ ఆర్‌వో: కె.జగన్మోహన్‌రావు ప్రాంతం: చిన్నసాన ఎంపీటీసీ, కోటబొమ్మాళి మండలం, టెక్కలి నియోజకవర్గం, శ్రీకాకుళం జిల్లా ఏం జరిగిందంటే: రొక్కం శ్రావణి పేరుతో వేర్వేరు ప్రతిపాదకులతో రెండు నామినేషన్లు దాఖలు. ఒక నామినేషన్‌ ఉపసంహరించుకోవాలని అధికారుల సూచన. అధికారుల సూచన మేరకు ఒక నామినేషన్‌ విత్‌డ్రా. ఫలితం: బీ.ఫారం సమర్పించేందుకు శ్రావణి వెళితే మొత్తం నామినేషన్‌ తిరస్కరణకు గురైందంటూ సమాధానం!. మార్కాపురంలో వైట్‌నర్‌ సాకు.. నామినేషన్‌ ఔట్‌! వైట్‌నర్‌ వాడొచ్చని చెప్పి.. అదే కారణంతో నామినేషన్‌ తిరస్కరించిన ఆర్‌ఓ ఆర్‌వో: డి.రవిప్రసాద్‌ ప్రాంతం: భూపతిపల్లి ఎంపీటీసీ స్థానం, మార్కాపురం మండలం ఏం జరిగిందంటే: వైఎస్సార్‌సీపీ అభ్యర్థి భవనం వెంకట రామిరెడ్డి నామినేషన్‌ దాఖలు. ఫారం నింపే సమయంలో వైట్‌నర్‌ వాడవచ్చని అధికారుల సూచన. ఫలితం: స్క్రూటినీ సమయంలో అదే వైట్‌నర్‌ను కారణంగా చూపి నామినేషన్‌ తిరస్కరణ. ముందుగా అనుమతి.. తర్వాత అదే అంశంపై అభ్యంతరం.. చివరకు అభ్యర్థి పోటీకి దూరం! వైఎస్సార్‌సీపీకి ఒక న్యాయం.. టీడీపీకి మరో న్యాయం! ఒకే తరహా జిరాక్స్‌ సర్టిఫికెట్‌.. వైఎస్సార్‌సీపీ అభ్యర్థి నామినేషన్‌ ఔట్‌.. టీడీపీ అభ్యర్థికి మాత్రం అప్పీల్‌లో ఆమోదం! ఆర్‌వో: నారాయణస్వామి ప్రాంతం: అనంతపురం రూరల్‌ మండలం ఏం జరిగిందంటే: కందుకూరు–1 వైఎస్సార్‌సీపీ అభ్యర్థి కామక్కగారి మురళి ఒరిజినల్‌ కుల ధ్రువీకరణపత్రం టీడీపీ వ్యక్తులు చించేయడంతో జిరాక్స్‌ కాపీతో నామినేషన్‌ దాఖలు. ఫలితం: స్క్రూటినీ సమయంలో ఒరిజినల్‌ పత్రం సమర్పించినా, జిరాక్స్‌ కాపీ జత చేశారనే కారణంతో నామినేషన్‌ తిరస్కరణ. ఆర్‌డీఓను ఆశ్రయించినా మురళికి న్యాయం జరగలేదు. అదే మండలం రాచాననపల్లి–1 టీడీపీ అభ్యర్థి డి.రమ్య కూడా జిరాక్స్‌ కాపీనే సమర్పించారు. ఆమె నామినేషన్‌ను తొలుత తిరస్కరించినా, అప్పీల్‌లో ఆర్‌డీఓ ఆమోదం. నామినేషన్‌ పత్రం చించేసి తిరస్కరణ! ముందు రాళ్ల దాడితో నామినేషన్‌కు అడ్డంకులు.. మరుసటి రోజు పత్రం చించేసి నామినేషన్‌ ఔట్‌.. చివరకు టీడీపీకి ఏకగ్రీవం! ఆర్‌వో: గోపాల్‌నాయక్‌ ప్రాంతం: బండారుపల్లి, ఏర్పేడు మండలం, తిరుపతి జిల్లా ఏం జరిగిందంటే: మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి టి.జనార్ధన్‌రెడ్డి నామినేషన్‌ దాఖలుకు వెళ్తుండగా ఏర్పేడు కేంద్రం వద్ద సుమారు 500 మంది టీడీపీ మూకల రాళ్ల దాడి. అభ్యర్థితోపాటు ఇద్దరు నామినీలపై దాడి.. ప్రాణభయంతో వెనుదిరగడం. ఎంపీ డాక్టర్‌ మద్దెల గురుమూర్తి చొరవతో మరుసటి రోజు నామినేషన్‌ దాఖలు. ఫలితం: పరిశీలన సమయంలో నామినేషన్‌ పత్రాల్లో ఒకటి చించేసి, దాని స్థానంలో ఖాళీ ఫారం పెట్టడం. సంతకం లేదనే కారణంతో నామినేషన్‌ తిరస్కరణ. చివరకు ఆ స్థానం టీడీపీకి ఏకగ్రీవం.ఏర్పేడులో బలవంతపు విత్‌డ్రాలు! ఎనిమిది వైఎస్సార్‌సీపీ నామినేషన్ల తిరస్కరణ.. మరో రెండింటిపై బలవంతపు విత్‌డ్రాలు.. ఆర్‌ఓ గోపాల్‌నాయక్‌ వ్యవహారం! ఆర్‌వో: గోపాల్‌నాయక్‌ ప్రాంతం: ఏర్పేడు మండలం, తిరుపతి జిల్లా ఏం జరిగిందంటే: మండలంలోని 16 ఎంపీటీసీ స్థానాలకు గాను 10 స్థానాల్లో వైఎస్సార్‌సీపీ అభ్యర్థుల నామినేషన్లు. వాటిలో ఎనిమిది నామినేషన్లను కుంటి సాకులతో తిరస్కరించిన ఆర్‌ఓ. మిగిలిన రెండు స్థానాల్లోనూ టీడీపీ నాయకుల ఒత్తిళ్లతో బలవంతపు ఉపసంహరణలు. ఫలితం: 16 స్థానాల్లో 15 స్థానాలు కూటమికి ఏకగ్రీవం. రామచంద్రాపురంలో ఏకపక్షంగా తిరస్కరణ! కనీస తనిఖీ లేదు.. వివరణకు అవకాశం లేదు.. వైఎస్సార్‌సీపీ అభ్యర్థుల నామినేషన్లకు వరుసగా తిరస్కరణలు..ఆర్‌వో: వసంత్‌ బాయ్‌ ప్రాంతం: రామచంద్రాపురం మండలం, తిరుపతి జిల్లా ఏం జరిగిందంటే: నామినేషన్ల పరిశీలనను ఏకపక్షంగా నిర్వహించిన ఆర్‌ఓ. ఫలితం: కనీస తనిఖీ, వివరణకు అవకాశం లేకుండానే వైఎస్సార్‌సీపీ అభ్యర్థుల నామినేషన్ల తిరస్కరణ.

సాక్షి, న్యూఢిల్లీ: ఆంధ్రప్రదేశ్‌ స్థానిక సంస్థల ఎన్నికల నామినేషన్ల ప్రక్రియలో చోటు చేసుకున్న దారుణ హింస.. యథేచ్ఛగా మానవ హక్కుల ఉల్లంఘనలు.. పోలీసుల పక్షపాత వైఖరి, నిర్లక్ష్యంపై అత్యవసరంగా విచారణ చేపట్టాలని కోరుతూ జాతీయ మానవ హక్కుల కమిషన్‌ (ఎన్‌హెచ్‌ఆర్‌సీ)కి శుక్రవారం ఫిర్యాదు అందింది. మునిసిపల్, ఎంపీటీసీ, జడ్పీటీసీ ఎన్నికల నామినేషన్ల సందర్భంగా అధికార పక్షం బరి తెగించి దాడులకు పాల్పడటం, విపక్ష అభ్యర్థులను అడ్డుకోవడం, నామినేషన్‌ పత్రాలను చించివేయడం తదితర ఘటనలపై తక్షణమే జోక్యం చేసుకోవాలని తెలంగాణకు చెందిన మాడభూషి శ్రీధర్‌ ఆచార్యులు, న్యాయవాది మహమ్మద్‌ సాదిక్‌ అలీ ఎన్‌హెచ్‌ఆర్‌సీ చైర్‌ పర్సన్, రిజిస్ట్రార్‌కు ఫిర్యాదు చేశారు. ఈ ఫిర్యాదును స్వీకరించిన కమిషన్‌ 25292/ఐఎన్‌/2026 డైరీ నంబర్‌ కేటాయించింది. నవంబర్‌ 1న పురపాలక సంఘాలకు, నవంబర్‌ 5న ఎంపీటీసీ, జడ్పీటీసీలకు పోలింగ్‌ జరగనున్న నేపథ్యంలో దీనిపై అత్యవసర విచారణ జరపాలని ఫిర్యాదులో అభ్యర్థించారు. స్థానిక ఎన్నికల్లో విచ్చలవిడిగా దౌర్జన్యాలు జరుగుతున్నా పోలీసులు ఏమాత్రం అడ్డుకోలేకపోయారని నివేదించారు.హింసను డీజీపీ లెక్కలే వెల్లడిస్తున్నాయి..రాష్ట్రవ్యాప్తంగా 13 జిల్లాల్లో నామినేషన్ల ప్రక్రియలో ఏకంగా 31 ఎన్నికల సంబంధిత హింసాత్మక ఘటనలు జరిగినట్లు స్వయంగా డీజీపీ నివేదించారని ఫిర్యాదులో పేర్కొన్నారు. 16 చోట్ల విపక్ష అభ్యర్థుల నామినేషన్‌ పత్రాలను లాక్కోవడం, చించివేయడం లేదా ధ్వంసం చేయడం లాంటి ఘటనలు నమోదయ్యాయి. రాయచోటిలో జరిగిన ఘర్షణల్లో 15 కార్లు ధ్వంసం కాగా నాలుగు కార్లను తగలబెట్టారు. ఇతర చోట్ల నాలుగు వాహనాలు దగ్ధం కాగా రెండు ఇళ్లపై దాడులు జరిగాయి. అల్లర్లను అదుపు చేసే క్రమంలో ఓ పోలీసు కానిస్టేబుల్‌ తలకు తీవ్ర గాయమైంది. ఇద్దరు వ్యక్తులు అత్యంత విషమ స్థితిలోకి వెళ్లారు. పోలీసులు మూడుసార్లు లాఠీచార్జి, ఒకసారి టియర్‌గ్యాస్‌ ప్రయోగించడంతో పాటు ఒకచోట గాల్లోకి కాల్పులు జరిపారు. హింసాత్మక ఘటనలకు సంబంధించి 16 కేసులు నమోదు చేసి 54 మందిని నిందితులుగా చేర్చారు. ఏకంగా రిటర్నింగ్‌ అధికారుల కార్యాలయాల్లోనే నామినేషన్‌ పత్రాలు చించివేసినా పోలీసులు అడ్డుకోకపోవడం వారి నిర్లక్ష్యానికి అద్దం పడుతోందని ఫిర్యాదుదారులు వివరించారు.మహిళా అభ్యర్థులపై దౌర్జన్యాలు...మహిళా అభ్యర్థులపై పలుచోట్ల అమానుష ఘటనలు చోటు చేసుకున్నాయి. మహిళలకు రిజర్వ్‌ అయిన పులివెందుల మున్సిపల్‌ చైర్‌పర్సన్‌ స్థానానికి పోటీ చేయాల్సిన ఓ మహిళా అభ్యర్థిని నామినేషన్‌ కేంద్రానికి వెళ్లకుండా అక్టోబర్‌ 18న పోలీసులు రోజంతా నిరోధించారు. కడప మేయర్‌ స్థానానికి పోటీ చేస్తున్న మహిళా అభ్యర్థి ఇంటిపై అక్టోబర్‌ 19 రాత్రి కొందరు గుర్తు తెలియని వ్యక్తులు కత్తులు, గాజు సీసాలతో దాడికి తెగబడ్డారు. చిలకలూరిపేటలో జడ్పీటీసీ నామినేషన్‌ ఫారం కోసం వచ్చిన వ్యక్తిని అడ్డుకునే క్రమంలో గృహ నిర్బంధంలో ఉన్న మాజీ మహిళా మంత్రిని స్థానిక సబ్‌ ఇన్‌స్పెక్టర్‌ నెట్టివేశారు. తిరుపతి జిల్లా కలువోయలో నామినేషన్లు వేయడానికి వచ్చేవారి కాళ్లు విరగ్గొట్టాలని ఓ శాసనసభ్యుడు తన అనుచరులను బహిరంగంగానే రెచ్చగొడుతున్న వీడియో బయటకు రావటాన్ని ఫిర్యాదులో ప్రస్తావించారు. బెదిరించి బలవంతపు ఏకగ్రీవాలు..పట్టణ స్థానిక సంస్థల్లో దౌర్జన్యాలు, కిడ్నాప్‌లు, బెదిరింపులు, ఫోర్జరీ సంతకాలతో ఉపసంహరణల ద్వారా భారీగా ఏకగ్రీవాలు జరిగాయని ఫిర్యాదుదారులు నివేదించారు. అధికార కూటమికి చెందిన 726 మంది అభ్యర్థులు ఏకగ్రీవంగా ఎన్నిక కాగా, ప్రధాన ప్రతిపక్షం నుంచి 19 మంది, సీపీఐ నుంచి ఒకరు, ఐదుగురు స్వతంత్రులు మాత్రమే ఏకగ్రీవంగా ఎన్నికైనట్లు తెలిపారు. రాష్ట్రవ్యాప్తంగా 21.08 శాతం వార్డులు, 12.58 శాతం డివిజన్లు, 17 చైర్‌పర్సన్‌ పోస్టులు పోటీ లేకుండానే ఖరారయ్యాయన్నారు. ఒక్క పులివెందులలోనే 40 మున్సిపల్‌ వార్డులకు గాను 20 వార్డులు, 64 ఎంపీటీసీ స్థానాలు ఏకగ్రీవం అయ్యాయని పేర్కొన్నారు. హింస, దాడులు చెలరేగిన చోటే అత్యధికంగా ఏకగ్రీవాలు నమోదు కావడంపై అనుమానాలు వ్యక్తమవుతున్నాయని, వీటిపై స్వతంత్ర దర్యాప్తు జరగాలని ఫిర్యాదుదారులు నివేదించారు.తక్షణమే విచారించండి..ఈ వ్యవహారంపై సెక్షన్‌ 12 (ఏ) కింద తక్షణమే విచారణ చేపట్టాలని ఎన్‌హెచ్‌ఆర్‌సీని ఫిర్యాదుదారులు కోరారు. ఆంధ్రప్రదేశ్‌ ప్రభుత్వ ప్రధాన కార్యదర్శి, హోంశాఖ ముఖ్య కార్యదర్శి, డీజీపీ నుంచి నివేదికలు తెప్పించుకోవాలని విజ్ఞప్తి చేశారు. పులివెందుల, మైదుకూరు, చిలకలూరిపేట, ములకలచెరువు ఘటనలపై కమిషన్‌ దర్యాప్తు బృందంతో క్షేత్రస్థాయి విచారణ జరిపించాలని కోరారు. నామినేషన్‌ కేంద్రాల్లోని సీసీటీవీ ఫుటేజీలను భద్రపరచాలని, మహిళా అభ్యర్థులకు పటిష్ట భద్రత కల్పించాలని, ఉల్లంఘనలకు పాల్పడిన అధికారులపై కఠిన చర్యలు తీసుకోవాలని, నమోదు కాని కేసుల్లో ఎఫ్‌ఐఆర్‌లు నమోదు చేయాలని ఫిర్యాదులో అభ్యర్థించారు.

సాక్షి, విజయవాడ: స్థానిక సంస్థల ఎన్నికల్లో పోటీ చేసే అభ్యర్థుల అఫిడవిట్లు ఆన్‌లైన్‌లో ఉంచుతున్నట్లు హైకోర్టుకు ఎస్‌ఈసీ నివేదించింది. ఈమేరకు ఆయా శాఖలకు ఆదేశాలు జారీ చేసినట్లు ఎస్‌ఈసీ అఫిడవిట్ దాఖలు చేసింది. స్థానిక సంస్థల ఎన్నికల్లో పోటీ చేసే అభ్యర్థుల నామినేషన్ పత్రాలు, అఫిడవిట్లను ఆన్‌లైన్‌లో ఉంచేలా ఆదేశాలు ఇవ్వాలని దాఖలైన పిటిషన్‌పై హైకోర్టు విచారణ జరిపింది.ఎస్‌ఈసీ.. హైకోర్టుకు నివేదించిన అఫిడవిట్‌లో అంశాలు..రాష్ట్ర ఎన్నికల సంఘం అధికారిక వెబ్‌సైట్‌లో ప్రత్యేక పోర్టల్ ఏర్పాటు చేయాలని ఆదేశాలు ఇచ్చామని.. పోర్టల్ ద్వారా మున్సిపల్, గ్రామీణ స్థానిక సంస్థల అభ్యర్థుల వివరాలు వీక్షించే అవకాశం ఉందని ఎస్‌ఈసీ పేర్కొంది. మేయర్లు, మున్సిపల్ చైర్‌పర్సన్లు,వార్డు సభ్యుల నామినేషన్ పత్రాలు ఆన్‌లైన్‌లో అప్‌లోడ్ చేయాలని చెప్పామన్న ఎస్‌ఈసీ.. ఎంపీటీసీ, జడ్పీటీసీ, సర్పంచ్ అభ్యర్థుల నామినేషన్ పత్రాలు, సెల్ఫ్ అఫిడవిట్లు కూడా వెబ్‌సైట్‌లో ఉంచాలని సూచించాం. పోలింగ్ తేదీకి ముందుగానే అభ్యర్థుల వివరాలు ప్రజలకు అందుబాటులో ఉంచాలని చెప్పామని తెలిపింది.భారీ స్థాయిలో ఉండే డేటా దృష్ట్యా పీఆర్‌ అండ్‌ ఆర్‌డీ, మున్సిపల్ శాఖల అధికారిక వెబ్‌సైట్ల ద్వారా సమాచారం అందించేలా ఏర్పాట్లు చేయాలని ఆదేశించాం. సంబంధిత శాఖల వెబ్‌సైట్లకు రాష్ట్ర ఎన్నికల సంఘం వెబ్‌సైట్ నుంచి లింకులు. నామినేషన్ పత్రాలు, అఫిడవిట్లను ఎప్పటికప్పుడు అప్‌డేట్ చేయాలని సూచించామని ఎస్‌ఈసీ తెలిపింది.. ఈ మేరకు పీఆర్‌ అండ్‌ ఆర్‌డీ, మున్సిపల్ శాఖల కమిషనర్లకు రాష్ట్ర ఎన్నికల సంఘం లేఖ రాసింది.ఇదీ చదవండి: కూటమి ఓటమికి రె‘బెల్స్‌’

సాక్షి, అమరావతి: స్థానిక సంస్థల ఎన్నికల్లో విపక్ష అభ్యర్థులు కనీసం నామినేషన్లు దాఖలు చేయకుండా దశ కుట్రలతో ప్రజాస్వామ్యం పీక నులిమి దండయాత్ర సాగించిన చంద్రబాబు చివరి అంకంలో కోడ్‌కు తూట్లు పొడుస్తూ మరో కుతంత్రానికి తెర తీశారు. వైఎస్సార్‌సీపీ అభ్యర్థులు నామినేషన్‌ వేయకముందే బెదిరింపులు.. నాయకులకు గృహ నిర్బంధాలు.. నామినేషన్‌ కేంద్రాల వద్ద దౌర్జన్యాలు.. పత్రాలు లాక్కోవడం, చించేయడం.. స్క్రూటినీ పేరుతో తిరస్కరణలు.. బలవంతపు ఉపసంహరణలు.. బెదిరించి ఏకగ్రీవాలతో పచ్చ ముఠాలు అరాచకంగా వ్యవహరించగా తాజాగా ఓటర్లను ప్రలోభ పెట్టే ఎత్తుగడ వేశారు. ఒకవైపు ఎన్నికల నియమావళి (కోడ్‌ ఆఫ్‌ కండక్ట్‌) అమలులో ఉన్నప్పటికీ ఓటర్లను ప్రలోభపెట్టడమే లక్ష్యంగా హడావుడిగా అన్నదాతా సుఖీభవ పెట్టుబడి సాయంతో పాటు సామాజిక పింఛన్ల పంపిణీకి సిద్ధమయ్యారు. పోలింగ్‌కు ముందు అధికార టీడీపీ నేతలు పింఛన్ల ముసుగులో ఓటర్లను ప్రలోభాలకు గురి చేస్తూ తాయిలాలు ఎర వేసేందుకు పచ్చ జెండా ఊపారు. పోలింగ్‌కు కొద్ది గంటల ముందు 1.06 కోట్ల మందికి దాదాపు రూ.5,718 కోట్లు జమ చేసేందుకు సన్నాహాలు చేశారు. అయినా సరే చంద్రబాబు అడుగులకు మడుగులొత్తుతున్న రాష్ట్ర ఎన్నికల కమిషన్‌ (ఎస్‌ఈసీ) నోరు మెదపకపోవడం విభ్రాంతి కలిగిస్తోందని రాజకీయ పరిశీలకులు, ప్రజాస్వామ్యవాదులు పేర్కొంటున్నారు. నగదు రూపంలో నేరుగా లబ్ధిదారుల ఖాతాల్లో జమ చేస్తున్నందున ఇది కచ్చితంగా ఓటర్లను ప్రభావితం చేయడం కిందకే వస్తుందని స్పష్టం చేస్తున్నారు. పోలింగ్‌ ముగిసిన తరువాత జమ చేస్తే ఇబ్బంది ఏమిటని ప్రశ్నిస్తున్నారు. తక్షణమే ఈ ప్రత్యక్ష నగదు పంపిణీ కార్యక్రమాలను నిలుపుదల చేయాలని, ఈమేరకు ఎస్‌ఈసీ చర్యలు తీసుకోవాలని సూచిస్తున్నారు. స్థానిక ఎన్నికల్లో ఓటమి భయంతోనే చంద్రబాబు సర్కార్‌ యథేచ్చగా కోడ్‌ ఉల్లంఘనలకు పాల్పడుతోందని, అడ్డగోలుగా అధికార దుర్వినియోగానికి తెగిస్తోందని తేల్చి చెబుతున్నారు. 2024 సాధారణ ఎన్నికల నోటిఫికేషన్‌కు ముందు ఇన్‌పుట్‌ సబ్సిడీ బకాయిలు జమ చేసేందుకు వైఎస్సార్‌సీపీ ప్రభుత్వం ఏర్పాట్లు చేయగా నాడు టీడీపీ నేతలు ఈసీకి ఫిర్యాదు చేసి అడ్డుకున్న విషయాన్ని గుర్తు చేస్తున్నారు.ఓటర్లను ప్రలోభాలకు గురిచేయడానికే..సామాజిక పింఛన్ల పంపిణీలోనూ ఎన్నికల నియమావళికి బాబు సర్కార్‌ తూట్లు పొడుస్తోంది. ప్రతి నెలా ఒకటో తేదీన పింఛన్లు పంపిణీ చేయడం ఆనవాయితీ. అయితే నవంబర్‌ 1వ తేదీన మున్సిపల్‌ ఎన్నికల పోలింగ్‌ జరుగుతోందంటూ ఆగమేఘాలపై ముందే పంపిణీకి చంద్రబాబు ప్రభుత్వం సన్నద్ధమైంది. రాష్ట్రంలో దాదాపు 59.70 లక్షల మందికి రూ.2,593 కోట్లు పంపిణీకి ఏర్పాట్లు చేసింది. మరికొద్ది గంటల్లో పోలింగ్‌ జరగనున్న తరుణంలో పింఛన్ల పంపిణీ కచ్చితంగా ఓటర్లను ప్రలోభానికి గురి చేయడమేనని పరిశీలకులు పేర్కొంటున్నారు. పైగా పింఛన్ల పంపిణీ ముసుగులో ఓటర్లను ప్రలోభ పెట్టేందుకు టీడీపీ కూటమి అభ్యర్థులు నగదుతో పాటు ఇతర తాయిలాలు పంపిణీ చేసే అవకాశాలున్నాయని స్పష్టం చేస్తున్నారు. పోలింగ్‌ తర్వాత రోజు పింఛన్లు పంపిణీ చేస్తే ఇబ్బందేమిటని ప్రశ్నిస్తున్నారు. ఈ నేపథ్యంలో ఎస్‌ఈసీ తక్షణమే స్పందించి ఓటర్లను ప్రభావితం చేసే నగదు పంపిణీ కార్యక్రమాలను నిలిపివేయాలని డిమాండ్‌ చేస్తున్నారు.మూడేళ్లలో రూ.20,905 కోట్లు ఎగనామం..అన్నదాతా సుఖీభవ పథకం ద్వారా కేంద్రంతో సంబంధం లేకుండానే ఏటా రూ.20 వేలు చొప్పున పెట్టుబడి సాయం అందిస్తామని సార్వత్రిక ఎన్నికల ముందు ఇచ్చిన హామీని నెరవేర్చకుండా చంద్రబాబు దారుణంగా దగా చేశారు. తొలి ఏడాది నిస్సిగ్గుగా ఎగ్గొట్టగా.. రెండో ఏడాది అరకొరగా విదిలించారు. వాస్తవానికి ఏటా నవంబర్‌లో రెండో విడత సాయం జమ చేస్తుంటారు. కానీ ఇప్పుడు స్థానిక ఎన్నికల్లో లబ్ధి పొందడమే లక్ష్యంగా మున్సిపల్‌ పోలింగ్‌కు రెండు రోజుల ముందు అన్నదాతా సుఖీభవ పంపిణీకి సిద్ధమయ్యారు.2023–24లో రైతు భరోసా కింద 53.58 లక్షల మంది లబ్ధి పొందగా, ఆ మేరకు ఒక్కొక్కరికీ రూ.20వేల చొప్పున చంద్రబాబు సర్కార్‌ రైతన్నలకు రూ.10,717 కోట్లు జమ చేయాల్సి ఉంది. కానీ 2024–25 సీజన్‌లో ఏ ఒక్కరికీ పైసా కూడా విదల్చలేదు. 2025–26లో దాదాపు ఏడు లక్షల మందికి కోత పెట్టిన కూటమి ప్రభుత్వం కేవలం 46.86 లక్షల మందికి రూ.14 వేల చొప్పున రూ.6560.18 కోట్లతో సరిపెట్టింది. 2026–27 సీజన్‌ తొలివిడతలో 46.86 లక్షల మందికి కేంద్రం పీఎం కిసాన్‌ కింద రూ.2 వేల చొప్పున రూ.782.55 కోట్లు జమ చేయగా, అన్నదాతా సుఖీభవ కింద ఒక్కొక్కరికి రూ.5 వేల చొప్పున రూ.2,342.92 కోట్లు జమ చేశారు. కాగా రెండో విడతగా 46.86 లక్షల మందికి కేంద్రం తాజాగా రూ.2 వేల చొప్పున రూ.782.55 కోట్లు జమ చేస్తుండగా, చంద్రబాబు ప్రభుత్వం రూ.5 వేల చొప్పున రూ.2342.92 కోట్లు జమ చేయనుంది. మూడేళ్లలో అన్నదాతా సుఖీభవ పథకం కింద రూ.32,151 కోట్లు ఇవ్వాల్సి ఉండగా.. చంద్రబాబు సర్కార్‌ తాజాగా జమ చేయనున్న సాయం కూడా కలిపితే రూ.11,246 కోట్లు జమ చేసినట్లవుతుంది. ఈ లెక్కన మూడేళ్లలో చంద్రబాబు అక్షరాలా రూ.20,905 కోట్లు రైతన్నలకు ఎగ్గొట్టారు! ఇక వరుసగా మూడో ఏడాది కూడా కౌలు రైతులకు మొండిచెయ్యి చూపారు. భూ యజమానులతో సమానంగా కౌలు రైతులకు కూడా రూ.20 వేల చొప్పున పెట్టుబడి సాయం అందిస్తామని ఎన్నికల్లో ఇచ్చిన హామీకి తూట్లు పొడుస్తూ వారి నోట్లో మట్టికొట్టారు.

ఈ స్థానిక ఎన్నికల్లో అభ్యర్థులు నామినేషన్‌ వేయడానికి పోలింగ్‌ కేంద్రాల వరకు వెళ్లనీయకుండా కిరాయి గూండాలను, గంజాయి ముఠాలను, పోలీసులను చంద్రబాబు అండ్‌ కో యథేచ్ఛగా వాడడాన్ని రాష్ట్రమంతా చూసింది. ఇవన్నీ దాటుకుని పోలింగ్‌ కేంద్రాలకు చేరుకుని రిటర్నింగ్‌ అధికారుల చేతిలో నామినేషన్‌ పత్రాలు పెట్టినా పోలీసుల కళ్లెదుటే టీడీపీ గూండాలు వాటిని చించి ముక్కలు చేశారు. అసలు పోలింగ్‌ కేంద్రాలలోకి అంతమంది గూండాలు ఎలా చేరుకున్నారు? కలెక్టర్లకు ఫిర్యాదు చేసి వారిని అడ్డుకోవలసిన ఆర్వోలు ఎందుకు మిన్నకుండా ఉండిపోయారు? వాటిని కూడా దాటుకుని ఎలాగోలా పత్రాలను అందించాం కదా అని కొందరు అభ్యర్థులు ఊపిరి పీల్చుకున్నా అమ్ముడుపోయిన అధికారులు చాలాచోట్ల అసలు పోటీయే లేకుండా చేశారు.అధికార పార్టీకి ఏకగ్రీవాలు అందించడానికి నీతి నిజాయితీలను వదిలేశారు. చెక్‌లిస్ట్‌ ఇచ్చి అన్నీ బాగున్నాయని చెప్పి సంతకం చేసి మరీ అక్‌నాలెడ్జ్‌ స్లిప్పులు ఇచ్చి.. ఆతర్వాత కొన్ని పత్రాలు చించేసి అవిలేవంటూ నామినేషన్లు తిరస్కరించారు. అభ్యర్థుల సంతకాలు ఫోర్జరీ చేసి విత్‌డ్రాలు చేసేశారు. ఇంత నీచనికృష్ట పనులకు దిగజారిన అధికారులను ఏమనాలి? చంద్రబాబు ఒత్తిడికి రిటర్నింగ్‌ అధికారులు తలొగ్గితే ప్రజాస్వామ్యానికి రక్షణ ఎక్కడ? నిష్పాక్షికంగా వ్యవహరించాల్సిన అధికారులు అధికార పార్టీకి కీలుబొమ్మలుగా మారితే ఇక ఎన్నికలు స్వేచ్ఛగా, న్యాయంగా ఎలా జరుగుతాయి? పోలింగ్‌ కేంద్రాలలో జరిగిన మోసాలు, అమ్ముడుపోయిన ఆర్వోల చేసిన దిగజారుడు పనుల గురించి తిరస్కరణకు గురైన అభ్యర్థులేమంటున్నారో చూద్దామా..దొంగ సంతకాలతో నామినేషన్ల ఉపసంహరణ..!‘‘మాతో ఎన్నికల్లో పోటీ పడలేక టీడీపీ నాయకులు, ఆర్వోతో కుమ్మక్కయి దొంగ సంతకాలతో మా నామినేషన్లను ఉపసంహరించినట్టు నాటకాలు ఆడారు. నామినేషన్లు వేసిన తర్వాత మేం ఆర్‌ఓ కార్యాలయానికి వెళ్లలేదు. ప్రజల్లో ప్రచారంలో ఉంటే, మా ప్రమేయం లేకుండానే ఉపసంహరణ చేసుకున్నట్టు ఎలా ప్రకటిస్తారు? కూటమి నాయకులతో చేతులు కలిపి రిటర్నింగ్‌ అధికారులు మా అభ్యర్థిత్వాలను అడ్డుకోవడం ప్రజాస్వామ్యాన్ని ఖూనీ చేయడమే. మహిళా అభ్యర్థులతో కూడా పోటీలో గెలవలేక ఫోర్జరీ సంతకాలతో అడ్డదారులు తొక్కడం సిగ్గుచేటు.మా సంతకాలు లేకుండా నామినేషన్లను ఎలా ఉపసంహరించారు? ఎవరు ఫోర్జరీ చేశారు? సీసీటీవీ ఫుటేజీ పరిశీలించి, బాధ్యులపై చర్యలు తీసుకోవాలి. నిష్పక్షపాతంగా ఎన్నికలు జరపాల్సిన అధికారులే అక్రమాలకు పాల్పడితే సామాన్యులకు న్యాయం ఎక్కడ? ఈ అన్యాయాన్ని వదిలిపెట్టేది లేదు. కోర్టును ఆశ్రయించి, బాధ్యులపై చర్యలు తీసుకునే వరకు న్యాయపోరాటం చేస్తాం!’’ – కాలెపు శ్రీదేవి, పొందూరు–3, పప్పల రాజ్యలక్ష్మీ, బాణాం, కూన శోభారాణి, కోటిపల్లి, లింగాల అరుణకుమారి, నందివాడ, ఎచ్చెర్ల పద్మావతి, రాపాక–1, వైఎస్సార్‌సీపీ ఎంపీటీసీ అభ్యర్థులు, శ్రీకాకుళం జిల్లాన్యాయస్థానాన్ని ఆశ్రయించేఅవకాశం కూడా లేకుండా చేశారు..‘‘నేను వైఎస్సార్‌సీపీ తరఫున శేకూరు–1 ఎంపీటీసీ అభ్యర్థిగా నామినేషన్‌ వేశాను. స్క్రూటినీ సమయంలో టీడీపీ నాయకులు రిటర్నింగ్‌ అధికారిపై ఒత్తిడి తీసుకొచ్చి నా నామినేషన్‌ను తిరస్కరించేలా చేశారు. తెనాలి, శేకూరు రెండు చోట్ల ఓటు హక్కు ఉందనే కారణాన్ని చూపించి నా నామినేషన్‌ను తిరస్కరించారు. దీనిపై తెనాలిలో అప్పీలు చేసినా నాకు న్యాయం జరగలేదు. న్యాయస్థానాన్ని ఆశ్రయించే అవకాశం కూడా లేకుండా ఉదయం నుంచి ఎలాంటి సమాచారం ఇవ్వకుండా, అర్ధరాత్రి దాటిన తర్వాత నా నామినేషన్‌ తిరస్కరణ నిర్ణయాన్ని ప్రకటించారు. ఈ ప్రాంతంలో వైఎస్సార్‌సీపీకి మంచి పట్టు ఉంది. ఇక్కడ గెలవలేమన్న భయంతోనే టీడీపీ నాయకులు అధికారులను అడ్డుపెట్టుకుని నా నామినేషన్‌ను తిరస్కరించే కుట్రకు పాల్పడ్డారు.’’ – మన్నెం ఉషారాణివైఎస్సార్‌సీపీ ఎంపీటీసీ అభ్యర్థిని, శేకూరు–1, చేబ్రోలు మండలం, గుంటూరు జిల్లానా పత్రాల్లో కొట్టివేతల కుట్ర!‘‘నేను వైఎస్సార్‌సీపీ తరఫున కాకర్ల ఎంపీటీసీ అభ్యర్థిగా నామినేషన్‌ వేశాను. మొదటిరోజు నామినేషన్‌ పత్రాలను రిటర్నింగ్‌ అధికారి అర్జున్‌ నాయక్‌కు ఇచ్చాను. కొన్ని పత్రాలు ఖాళీగా ఉన్నాయని, వాటిని నింపుకుని రావాలని చెప్పారు. న్యాయవాది సలహా మేరకు అన్ని పత్రాలను పూర్తిగా నింపి నామినేషన్‌ కేంద్రంలో సమర్పించాను. కొట్టివేతలు ఉన్నాయనే సాకుతో నా నామినేషన్‌ను తిరస్కరించారు. కానీ నేను ముందుగా జిరాక్స్‌ తీసుకున్న నామినేషన్‌ పత్రాల్లో ఎలాంటి కొట్టివేతలు లేవు. మరి నేను తీసుకున్న పత్రాల్లో లేని కొట్టివేతలు, అధికారులు పరిశీలించిన పత్రాల్లోకి ఎలా వచ్చాయి? ఎవరు ఆ మార్పులు చేశారు? ఎప్పుడు చేశారు? ఇది సాధారణ తప్పిదం కాదు.. నా అభ్యర్థిత్వాన్ని అడ్డుకోవడానికి జరిగిన వ్యవహారం. కూటమి నాయకులు, అధికారులు కుమ్మక్కై నా నామినేషన్‌ను తిరస్కరించేందుకు కుట్ర చేశారు. ప్రజల్లోకి వెళ్లి ఎన్నికల్లో పోటీ చేయాల్సిన నన్ను, పత్రాల్లో కొట్టివేతల పేరుతో ఎన్నికల బరి నుంచి తప్పించారు. నా నామినేషన్‌ పత్రాల్లో జరిగిన మార్పులపై సమగ్ర విచారణ జరపాలి. అసలు పత్రాలను, నేను తీసుకున్న జిరాక్స్‌ ప్రతులను పోల్చి చూసి నిజానిజాలు బయటపెట్టాలి. నా నామినేషన్‌ తిరస్కరణ వెనుక ఉన్న వాస్తవాలను ప్రజల ముందు ఉంచాలి.’’– మునపాటి నరసింహారావు, వైఎస్సార్‌సీపీ ఎంపీటీసీ అభ్యర్థి, కాకర్ల, మర్రిపూడి మండలం, ప్రకాశం జిల్లాటీడీపీ అభ్యర్థికి ఒక న్యాయం.. నాకు మరో న్యాయమా?‘‘పోలీసుల ఎదుటే టీడీపీ వాళ్లు నా ఒరిజినల్‌ కులధ్రువీకరణ పత్రాన్ని చింపేశారు. ఈ విషయాన్ని అధికారులకు చెప్పి జిరాక్స్‌ ప్రతిని సమర్పించాను. స్క్రూటినీ సమయానికి ఒరిజినల్‌ తీసుకురావాలని అధికారులు నోటిమాటగా చెప్పడంతో అలాగే తీసుకెళ్లాను. అయినా నా నామినేషన్‌ను తిరస్కరించారు. ఆర్డీఓకు అప్పీలు చేసినా న్యాయం జరగలేదు. ఇదే సమస్య ఉన్న టీడీపీ అభ్యర్థి నామినేషన్‌ను మాత్రం ఆమోదించారు. టీడీపీ అభ్యర్థికి ఒక న్యాయం.. వైఎస్సార్‌సీపీ అభ్యర్థికి మరో న్యాయమా? అందరినీ సమానంగా చూడాల్సిన అధికారులు అధికార పార్టీ అభ్యర్థికి ఒకలా, నాకు మరోలా ఎందుకు వ్యవహరించారు? నా నామినేషన్‌ విషయంలో జరిగిన అన్యాయానికి ఎవరు సమాధానం చెబుతారు? నాకు న్యాయం జరిగే వరకు వదిలిపెట్టను!’’– కామక్కగారి మురళీ, వైఎస్సార్‌సీపీ ఎంపీటీసీ అభ్యర్థి, కందుకూరు–1, అనంతపురం రూరల్‌ మండలంసంతకం మ్యాచ్‌ కాలేదనే సాకుతో..!‘‘నేను ఎంఎస్సీ మ్యాథ్స్‌ చదువుకున్నాను. ప్రొద్దుటూరు మండలం గోపవరం–1 ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేశాను. స్క్రూటినీ సమయంలో నా సంతకం మ్యాచ్‌ కావడం లేదనే కారణంతో నామినేషన్‌ తిరస్కరించారు. పీజీ చదువుకున్న నాకు నా సంతకం పెట్టడం రాదా? సంతకం సరిపోలేదనే సాకుతో నా నామినేషన్‌ను ఉద్దేశపూర్వకంగా తిరస్కరించారు. నా అభ్యర్థిత్వాన్ని అడ్డుకోవడమే లక్ష్యంగా వ్యవహరించినఅధికారుల నిర్ణయానికి ఎవరు సమాధానం చెబుతారు? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – సాకే ఉమామహేశ్వరి, వైఎస్సార్‌సీపీ ఎంపీటీసీ అభ్యర్థి, గోపవరం–1, ప్రొద్దుటూరు మండలంకారణం కూడా చెప్పలేదు !‘‘నేను, నా సోదరుడు పిట్టు కృష్ణారెడ్డి అగతవరపాడు ఎంపీటీసీ సెగ్మెంట్‌ నుంచి నామినేషన్లు వేశాం. మేం గెలుస్తామనే భయంతోనే కక్షగట్టి మా ఇద్దరి నామినేషన్లను తిరస్కరించారు. మరోవైపు, మా గ్రామంలో ఓటు ఉండి గుంటూరులో నివసిస్తున్న వ్యక్తితో టీడీపీ వాళ్లు నామినేషన్‌ వేయించారు. మా నామినేషన్లు ఎందుకు తిరస్కరించారో అధికారులు సరైన కారణం చెప్పలేదు. ఆర్డీఓ కార్యాలయానికి వెళ్తే రెండు రోజులు కాలయాపన చేసి అక్కడా తిరస్కరించారు. న్యాయస్థానాన్ని ఆశ్రయిస్తే ఎన్నికలు పూర్తయ్యాక రావాల్సిందని చెప్పి రెండో రోజే మా పిటిషన్‌ను కొట్టివేశారు.’’ – పిట్టు దుర్గారెడ్డి, అగతవరపాడు ఎంపీటీసీ అభ్యర్థి, పెదకాకాని మండలం, గుంటూరు జిల్లారాత్రికి రాత్రి పత్రాలు మాయం!‘‘నామినేషన్‌ వేయడానికి వెళ్తుంటే గూండాలు, రౌడీలు మా కారుపై పడి నామినేషన్‌ పత్రాలను లాక్కొని చించేశారు. ఎలాగోలా నామినేషన్‌ కేంద్రానికి చేరుకుని పత్రాలను అధికారులకు సమర్పించాను. అన్ని పత్రాలను పరిశీలించిన అధికారులు అన్నీ సరిగ్గానే ఉన్నాయని చెప్పి పంపించారు. మరుసటి రోజు ఫామ్‌–2 ఇవ్వలేదనే కారణంతో నా నామినేషన్‌ను తిరస్కరించారు. ముందురోజు అన్ని పత్రాలు సరిగ్గా ఉన్నాయని చెప్పిన అధికారులు, మరుసటి రోజే ఫామ్‌–2 పేరుతో నా నామినేషన్‌ ఎలా తిరస్కరించారు? రాత్రికి రాత్రే మా పత్రాలను మాయం చేసి, ఎన్నికల్లో పోటీ చేయకుండా అడ్డుకున్నారు. ఆర్డీఓ కోర్టును ఆశ్రయించినా న్యాయం జరగలేదు. జరిగిన వ్యవహారంపై విచారణ జరిపి నిజాలను బయటపెట్టాలి!’’ – అరవ లక్ష్మీ ప్రసన్న, ఎంపీటీసీ అభ్యర్థి,ముక్కావారిపల్లి, ఓబులవారిపల్లి మండలం, తిరుపతి జిల్లానామినేషన్‌ రోజు ఇచ్చిన ఎస్సీ సర్టిఫికెట్‌ మరుసటి రోజు మాయం!‘‘నా 64 ఏళ్ల జీవితంలో ఇలాంటి దౌర్జన్యాలు, హింసాకాండ ఎప్పుడూ చూడలేదు. దొంగచాటుగా నామినేషన్‌ వేయాల్సిన పరిస్థితి కల్పించారు. నేను అన్ని నామినేషన్‌ పత్రాలతో పాటుఎస్సీ కులధ్రువీకరణ పత్రాన్ని కూడా అధికారులకు సమర్పించాను. అయినా ఆ సర్టిఫికెట్‌ ఇవ్వలేదనే కారణంతో నా నామినేషన్‌ను తిరస్కరించారు. నామినేషన్‌ రోజు అధికారులకు ఇచ్చిన ఎస్సీ సర్టిఫికెట్‌ మరుసటి రోజు ఎక్కడికి పోయింది? పత్రాలు సమర్పించినా లేవని చెప్పి నా నామినేషన్‌ను ఎలా తిరస్కరిస్తారు? ఆర్డీఓకు అప్పీలు చేసినా న్యాయం జరగలేదు. రిటర్నింగ్‌ అధికారి అక్కడే ఉండి నా నామినేషన్‌ తిరస్కరణ చేయించారు. టీడీపీ నాయకులకు ఎన్నికల్లో గెలిచే ధైర్యం ఉంటే ప్రజల్లో పోటీ చేసి గెలవాలి. పత్రాలు మాయం చేయడం, నామినేషన్లు తిరస్కరించడం ఎందుకు? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – పాణ్యం జయరాం, వైఎస్సార్‌సీపీ ఎంపీటీసీ అభ్యర్థి, చిన్నంపల్లి, ఓబులవారిపల్లి మండలం, తిరుపతి జిల్లాప్రతిపాదకుడి సంతకం లేదంటూ తిరస్కరించారు!‘‘నామినేషన్‌ కేంద్రం బయట కూటమి నాయకులు ఇతర ప్రాంతాల నుంచి వందలాది మంది రౌడీలు, గూండాలను మోహరించి నా నామినేషన్‌ పత్రాలను బలవంతంగా లాక్కొని చించేశారు. ఎలాగోలా వారి నుంచి తప్పించుకుని, హడావుడిగా మరోసారి పత్రాలు సమర్పించాను. అయినా ప్రతిపాదకుడి సంతకం లేదనే కారణంతో అధికారులు నా నామినేషన్‌ను తిరస్కరించారు. కూటమి నాయకుల మనుషులు నా పత్రాలను చించేస్తే నేను ఏం చేయాలి?ఆ దాడిని పట్టించుకోకుండా, సంతకం లేదనే సాకుతో నా నామినేషన్‌ ఎలా తిరస్కరిస్తారు? వైఎస్సార్‌సీపీ అభ్యర్థిననే కారణంతోనే నాపై వివక్ష చూపించారు. దాడులకు పాల్పడిన వారిపై చర్యలు తీసుకోకుండా, బాధితురాలినైన నన్నే ఎన్నికలకు దూరం చేయడం ఏమిటి? ఎన్నికల్లో నాతో పోటీ పడాలి కానీ, నామినేషన్‌ పత్రాలు చించేసి నన్ను అడ్డుకోవడం ఏం ప్రజాస్వామ్యం? నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – ఎల్‌. స్వాతి, వైఎస్సార్‌సీపీ ఎంపీటీసీ అభ్యర్థి, బొమ్మవరం, ఓబులవారిపల్లి మండలం, తిరుపతి జిల్లాపత్రాలు చించేసి నామినేషన్‌ తిరస్కరించారు!‘‘బండారుపల్లి ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేసేందుకు వెళ్తుంటే ఏర్పేడు నామినేషన్‌ కేంద్రం వద్ద టీడీపీ గుండాలు రాళ్లతో దాడి చేశారు. ప్రాణభయంతో నామినేషన్‌ వేయకుండానే వెనుదిరగాల్సి వచ్చింది. మరుసటి రోజు ఎట్టకేలకు నామినేషన్‌ వేశాను. కానీ స్క్రూటినీ సమయంలో నా నామినేషన్‌ పత్రాల్లో ఒక పేపర్‌ను చించేసి, దాని స్థానంలో ఖాళీ ఫారం పెట్టి, సంతకం లేదనే కారణంతో నా నామినేషన్‌ను తిరస్కరించారు. నామినేషన్‌ పత్రాలను మార్చేసి, సంతకం లేదనే సాకుతో నన్ను ఎన్నికల బరి నుంచి తప్పించారు. నామినేషన్‌ కేంద్రంలోనే దాడులు.. ఆ తర్వాత పత్రాలపై అనుమానాస్పద వ్యవహారం.. చివరకు టీడీపీకి ఏకగ్రీవం! ఎన్నికల్లో పోటీ చేసే హక్కును ఇలా అడ్డుకుంటే ప్రజాస్వామ్యానికి విలువ ఎక్కడ? నా నామినేషన్‌ పత్రాలపై జరిగిన వ్యవహారంపై విచారణ జరిపి బాధ్యులపై చర్యలు తీసుకోవాలి!’’ – టి. జనార్ధన్‌ రెడ్డి,మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి, బండారుపల్లి, ఏర్పేడు మండలం, తిరుపతి జిల్లానా వివరణ వినే అవకాశం కూడా ఇవ్వలేదు‘‘నారాయణవనం మండలం పాలమంగళం నార్త్‌ ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేశాను. అన్ని వివరాలు పూర్తి చేసినా, నామినేషన్‌ ఫారం సరైన ప్రింటెడ్‌ ఫార్మాట్‌లో లేదనే సాకుతో నా నామినేషన్‌ను తిరస్కరించారు. కనీసం నా వివరణ వినే అవకాశం కూడా ఇవ్వలేదు. పేరున్న లాయర్‌ తయారు చేసిన పత్రంలో ప్రింటెడ్‌ కాలమ్‌ హెడ్డింగ్‌ అసంపూర్తిగా ఉందంటూ నన్ను వెనక్కి పంపించారు.పత్రాల్లో చిన్న లోపం ఉందనే కారణంతో నా నామినేషన్‌ను తిరస్కరించిన అధికారులు, టీడీపీ అభ్యర్థుల పత్రాలను మాత్రం పరిశీలించకుండానే ఎలా ఆమోదించారు? ఎన్నికల అధికారులు అధికార పార్టీకి తలొగ్గి పనిచేస్తే ప్రతిపక్ష అభ్యర్థులకు న్యాయం ఎక్కడ? నిబంధనలు అందరికీ ఒకేలా వర్తించాలి. నా నామినేషన్‌ తిరస్కరణపై విచారణ జరిపి నిజాలను బయటపెట్టాలి!’’ – ఉదయకుమార్, వైఎస్సార్‌సీపీ ఎంపీటీసీ అభ్యర్థి, పాలమంగళం నార్త్, నారాయణవనం మండలం, తిరుపతి జిల్లానా సంతకం వాళ్లే చేసి విత్‌డ్రా!‘‘నేను అరికెర గ్రామ ఎంపీటీసీగా వైఎస్సార్‌సీపీ తరఫున నామినేషన్‌ వేశాను. మంగళవారం బీ–ఫారం ఇవ్వడానికి ఎంపీడీఓ కార్యాలయానికి వెళ్తే, అక్కడే ఉన్న ఆలూరు ఎస్‌ఐ మన్మథ విజయ్‌ నన్ను బలవంతంగా పోలీస్‌ స్టేషన్‌కు తీసుకెళ్లాడు. నా ఇష్టంతో సంబంధం లేకుండా, నా ప్రమేయం లేకుండానే రిటర్నింగ్‌ అధికారి ఆనంద్‌ రాజ్‌కుమార్‌ పోలీసుల సమక్షంలో నా సంతకం వాళ్లే చేసి నా నామినేషన్‌ను విత్‌డ్రా చేశారు. నా సంతకంతో ఉపసంహరణ జరిగినట్లు చూపించడానికి వీళ్లకు ఎవరు అనుమతి ఇచ్చారు? నా నామినేషన్‌ ఉపసంహరణతో అరికెర ఎంపీటీసీ స్థానం టీడీపీకి ఏకగ్రీవమైంది. నా ఎన్నికల హక్కును కాలరాసిన ఈ వ్యవహారంపై విచారణ జరిపి, బాధ్యులపై చర్యలు తీసుకోవాలి!’’ – తిమ్మప్ప, వైఎస్సార్‌సీపీ ఎంపీటీసీ అభ్యర్థి, అరికెర, కర్నూలు జిల్లానామినేషన్‌ ఎందుకు తిరస్కరించారో చెప్పలేదు.. ‘‘నేను ఆలూరు ఎంపీటీసీ–3 స్థానానికి నామినేషన్‌ వేశాను. శనివారం (అక్టోబర్‌ 24) మధ్యాహ్నం నా నామినేషన్‌ను పరిశీలించిన అధికారులు, పత్రాల్లో తప్పులున్నాయని చెప్పి మరుసటి రోజు చెక్‌లిస్ట్, ఫారం–5 ఇస్తామని చెప్పారు. కానీ నా నామినేషన్‌ను ఏ కారణంతో తిరస్కరిస్తున్నారో స్పష్టంగా చెప్పలేదు. ఆదివారం (అక్టోబర్‌ 25) సాయంత్రం ఆర్డీఓ కార్యాలయంలో ఆర్వో ఆనంద్‌ రాజ్‌కుమార్‌ నాకు ఫారం–5 ఇచ్చారు. ఆదివారం సాయంత్రం ఇచ్చిన ఫారం–5పై శనివారం తేదీ ఎందుకు ఉంది? నామినేషన్‌ తిరస్కరణకు కారణాలను ముందే ఎందుకు తెలియజేయలేదు?ఈ వ్యవహారంపై విచారణ జరిపి, నామినేషన్‌ తిరస్కరణకు సంబంధించిన పూర్తి వివరాలు వెల్లడించాలి!’’ – వినోద్‌ కుమార్, వైఎస్సార్‌సీపీ ఎంపీటీసీ అభ్యర్థి, ఆలూరు–3, కర్నూలు జిల్లాటీడీపీకి ఒక న్యాయం.. మాకు మరో న్యాయమా?‘‘నేను కోటబొమ్మాళి మండలం దంత ఎంపీటీసీ ప్రాదేశికం నుంచి వైఎస్సార్‌సీపీ అభ్యర్థిగా నామినేషన్‌ వేశాను. పరిశీలన కోసం మండల పరిషత్‌ కార్యాలయానికి పిలిచి, పత్రాల్లో చిన్నచిన్న కారణాలు చూపిస్తూ నా నామినేషన్‌ను తిరస్కరించారు. కానీ టీడీపీ అభ్యర్థుల పత్రాల్లో తప్పులుంటే అక్కడికక్కడే సరిచేసుకునే అవకాశం కల్పించారు. వైఎస్సార్‌సీపీ అభ్యర్థులకు నామినేషన్‌ తిరస్కరణ.. టీడీపీ అభ్యర్థులకు తప్పులు సరిదిద్దుకునే వెసులుబాటు... ఇదేనా ఎన్నికల న్యాయం? కోటబొమ్మాళి ఆర్‌ఓ కె. జగన్మోహన్‌రావు అధికార పార్టీకి అనుకూలంగా ఏకపక్షంగా వ్యవహరించారు. చిన్నసాన, పెద్దబమ్మిడి ప్రాదేశికాల్లోనూ ఎన్నికల నిబంధనలను పక్కనపెట్టారు. అభ్యర్థుల జాబితాలను సైతం సక్రమంగా ఇవ్వలేకపోయారు. గతంలో నామినేషన్‌ పత్రాల్లో ఖాళీలు ఉంటే పరిశీలన సమయంలో సరిచేసుకునే అవకాశం ఇచ్చేవారు. ఇప్పుడు మాత్రం ప్రతిపక్ష అభ్యర్థుల విషయంలో నిబంధనలను కఠినంగా అమలు చేస్తూ, టీడీపీ అభ్యర్థులకు మినహాయింపులు ఇచ్చారు. ఎన్నికల అధికారులు అధికార పార్టీకి అనుకూలంగా కాకుండా నిష్పక్షపాతంగా పనిచేయాలి. నా నామినేషన్‌ తిరస్కరణపై విచారణ జరిపి నాకు న్యాయం చేయాలి!’’ – సంపతిరావు హేమసుందర్‌రాజు, వైఎస్సార్‌సీపీ ఎంపీటీసీ అభ్యర్థి, దంత ప్రాదేశికం, కోటబొమ్మాళి మండలం, శ్రీకాకుళం జిల్లాఅధికారుల మాట నమ్మితే పోటీ నుంచే దూరం చేశారు!‘‘నేను కోటబొమ్మాళి మండలం చిన్నసాన ప్రాదేశికం నుంచి వైఎస్సార్‌సీపీ అభ్యర్థిగా నామినేషన్‌ వేశాను. నా పేరుతో వేర్వేరు ప్రతిపాదనలతో రెండు నామినేషన్లు దాఖలయ్యాయి. వాటిలో ఏదో ఒకటి విత్‌డ్రా చేసుకోవాలని అధికారులు చెప్పడంతో ఒక నామినేషన్‌ను ఉపసంహరించుకున్నాను. కానీ బీ–ఫారం అందజేయడానికి వెళ్తే నా నామినేషన్‌ పూర్తిగా తిరస్కరించినట్లు చెప్పారు. ఒక నామినేషన్‌ విత్‌డ్రా చేసుకోమని చెప్పి, చివరకు మొత్తం నామినేషన్‌నే రద్దు చేయడం ఏమిటి?అధికారుల మాట నమ్మినందుకు నన్ను ఎన్నికల పోటీకి దూరం చేస్తారా?రిటర్నింగ్‌ అధికారి కె. జగన్మోహన్‌రావు వ్యవహారశైలితోనే నేను నామినేషన్‌ కోల్పోయాను. విత్‌డ్రా విషయంలో తప్పుదారి పట్టించి నా అభ్యర్థిత్వాన్ని దెబ్బతీశారు. ఎన్నికల అధికారులు స్పష్టమైన సమాచారం ఇవ్వకుండా అభ్యర్థులను అయోమయానికి గురిచేస్తే న్యాయం ఎక్కడ? నా నామినేషన్‌ తిరస్కరణపై విచారణ జరిపి బాధ్యులపై చర్యలు తీసుకోవాలి!’’ – రొక్కం శ్రావణి, వైఎస్సార్‌సీపీ అభ్యర్థి, చిన్నసాన ప్రాదేశికం, కోటబొమ్మాళి మండలం, శ్రీకాకుళం జిల్లా

సాక్షి, టాస్క్ ఫోర్స్‌/నెట్‌వర్క్‌: ఎన్నికలంటే ప్రజల తీర్పు.. ప్రతి అభ్యర్థికీ పోటీ చేసే హక్కు.. ఆ హక్కుకు రక్షణగా నిలవాల్సింది ఎన్నికల సంఘం, దాని అధికార యంత్రాంగం! మరి రాష్ట్రంలో స్థానిక ఎన్నికల వేళ ఏం జరిగింది? ప్రతిపక్ష అభ్యర్థుల నామినేషన్‌ పత్రాలను లాక్కుని చించేస్తుంటే రిటర్నింగ్‌ అధికారులు ఏం చేశారు? పోలీసు యంత్రాంగాన్ని అదిలించి అభ్యర్థులకు రక్షణ కల్పించాల్సిన అధికారులు ప్రేక్షకపాత్రకు ఎందుకు పరిమితమయ్యారు? ఎన్నికల ప్రక్రియను నిష్పక్షపాతంగా నిర్వహించాల్సిన బాధ్యతను పక్కనపెట్టి, అధికార పార్టీకి అనుకూలంగా వ్యవహరించడమేనా వారి విధి? చంద్రబాబు కోరుకున్న ఏకగ్రీవాల కోసం ప్రతిపక్ష అభ్యర్థుల నామినేషన్లకు అడ్డంకులు సృష్టించడం, పత్రాలు చించేయడం, స్రూ్కటినీ పేరుతో తిరస్కరణలు, బలవంతపు ఉపసంహరణలు.. ఇలా ఒక్కో దశలో ప్రజాస్వామ్య ప్రక్రియనే ప్రశ్నార్థకం చేసే పరిణామాలనేకం చోటుచేసుకున్నాయి.నామినేషన్‌ పత్రాలను కాపాడలేని అధికారులు ఎన్నికలను ఎలా కాపాడతారు? అధికార పార్టీ ఒత్తిళ్లకు తలవంచితే ప్రజాస్వామ్యానికి ఇక రక్షణ ఎక్కడ? అసలు ఎన్నికల సంఘం ఎవరి కోసం? రిటర్నింగ్‌ అధికారులు ఎవరి ఆదేశాల కోసం? ప్రజాస్వామ్యాన్ని కాపాడటానికా.. అధికార పార్టీకి మార్గం సుగమం చేయటానికా? ఈ ప్రశ్నలకు సమాధానం చెప్పాల్సిన బాధ్యత ఎన్నికల యంత్రాంగంపైనా, ప్రభుత్వంపైనా ఉంది. ఎన్నికల అధికారులు గుర్తుంచుకోవాల్సింది ఒక్కటే. వారు అధికార పార్టీకి సేవకులు కాదు.ప్రజాస్వామ్యానికి కాపలాదారులు! నామినేషన్‌ పత్రాన్ని కాపాడలేని వ్యవస్థ, ఓటు హక్కును ఎలా కాపాడుతుంది? నామినేషన్ల తొలి రోజు నుంచి ఉపసంహరణల వరకు జరిగిన అక్రమాలన్నిటికీ ఆర్వోలే ప్రత్యక్ష సాక్షులు. వారిలో కొందరి గురించి చూద్దామా... గిద్దలూరులో నామినేషన్లు మాయం..మార్కాపురం జిల్లా గిద్దలూరు నియోజకవర్గంలోని ఆరు మండలాల్లో 75 ఎంపీటీసీ స్థానాలకు వైఎస్సార్‌సీపీ అభ్యర్థులను నామినేషన్లు వేయకుండా అడ్డుకున్నారు. కొమరోలు మండలంలో ఐదుగురు అభ్యర్థులు నామినేషన్లు వేస్తే.. ఐదుగురి పత్రా­లూ మాయమయ్యాయి! పత్రాలు కనిపించడం లేదంటూ ఆర్‌ఓ వంగా జ్యోతి వారి నామినేషన్లను తిరస్కరించారు. కొమరోలు­–1 షేక్‌ తస్లీమా, కొమరోలు–2 మాజీ ఎంపీపీ కామూరి అమూల్య, చింతలపల్లి సారె ఓబులమ్మ, రెడ్డిచర్ల కరిస్మా, అల్లినగరం కామూరి శ్రీనివాసరెడ్డి నామినేషన్లకు ఇదే పరిస్థితి.మరోవైపు, జెడ్పీటీసీ అభ్యర్థి సారె వెంకటనాయుడు సమర్పించిన ఎన్నికల ఖర్చుల డిక్లరేషన్‌ను తొలగించి, ఆయన నామినేషన్‌నూ తిరస్కరించారు. నామినేషన్లు స్వీకరించిన అధికారులు వాటిని భద్రపరచలేకపోయారా? ఐదుగురి పత్రాలూ ఒకేసారి ఎలా మాయమయ్యాయి? పత్రాలను కాపాడాల్సిన ఆర్‌ఓలే అవి కనిపించడం లేదంటూ నామినేషన్లు తిరస్కరిస్తే బాధ్యత ఎవరిది?టీడీపీకి కోసం తాత్సారంప్రకాశం జిల్లా దర్శి మున్సిపాలిటీ ఆర్వోగా ఉన్న ఎంఈఓ–2 రమాదేవి పసుపు చొక్కా వేసుకున్న టీడీపీ నేతలా వ్యవహరించారు. లోపల టీడీపీకి చెందిన వారి నామినేషన్‌లు తీసుకుని వైఎస్సార్‌సీపీ వారివి తీసుకోకుండా సమయం వృథా చేశారు. ఈలోపు టీడీపీ గూండాలు అక్కడకు వచ్చి వైఎస్సార్‌ సీపీనేతలపై దాడి చేసి వారి నామినేషన్లు చించేశారు.విత్‌డ్రా పేరుతో వంచన.. చివరకు నామినేషన్‌ గల్లంతు!టెక్కలి నియోజకవర్గం కోట»ొమ్మాళి మండలం చిన్నసాన ప్రాదేశికంలో రొక్కం శ్రావణి పేరుతో వేర్వేరు ప్రతిపాదకులతో రెండు నామినేషన్లు దాఖలయ్యాయి. రెండింటిలో ఒకటి ఉపసంహరించుకోవాలని అధికారులు సూచించడంతో, ఆ మేరకు ఒక నామినేషన్‌ను విత్‌డ్రా చేసుకున్నారు. బీ ఫారం సమర్పించేందుకు వెళితే.. నామినేషన్‌ పూర్తిగా తిరస్కరించబడిందని అధికారులు చెప్పారు. ఒక నామినేషన్‌ ఉపసంహరించుకోవాలని చెప్పి.. చివరకు మొత్తం నామినేషనే లేకుండా చేశారా? అభ్యర్థికి సరైన సమాచారం ఇచ్చి, నిబంధనల ప్రకారం మార్గనిర్దేశం చేయాల్సిన అధికారులే ఇలా వ్యవహరిస్తే ఆమెకు న్యాయం చేసేది ఎవరు?పత్రం చించేసి నామినేషన్‌ తిరస్కరణ!తిరుపతి జిల్లా బండారుపల్లి మాజీ వైస్‌ ఎంపీపీ, వైఎస్సార్‌సీపీ ఎంపీటీసీ అభ్యర్థి టి. జనార్ధన్‌ రెడ్డి నామినేషన్‌ వేయడానికి వెళ్తే.. ఏర్పేడు కేంద్రం వద్ద సుమారు 500 మంది టీడీపీ మూకలు ఆయనపై, ఇద్దరు నామినీలపై రాళ్లతో దాడి చేశారు. ప్రాణభయంతో వెనుదిరిగిన ఆయన, ఎంపీ డాక్టర్‌ మద్దెల గురుమూర్తి చొరవతో మరుసటి రోజు నామినేషన్‌ వేశారు. అయితే, నామినేషన్‌ పరిశీలనలో ఆయన పత్రాల్లో ఒకదాన్ని చించేసి, దాని స్థానంలో ఖాళీ ఫారం పెట్టి, సంతకం లేదనే కారణంతో నామినేషన్‌ను తిరస్కరించారు.చివరకు ఆ స్థానాన్ని టీడీపీ ఏకగ్రీవం చేసుకుంది. మొదట నామినేషన్‌ వేయకుండా దాడులు.. తర్వాత వేసిన నామినేషన్‌ పత్రాన్ని చించేసి తిరస్కరణ! అభ్యర్థి పత్రాలను భద్రపరచాల్సిన ఆర్‌ఓల పర్యవేక్షణలోనే ఇదంతా ఎలా జరిగింది? దాడులను అడ్డుకోలేని వ్యవస్థ, నామినేషన్‌ పత్రాలను కూడా కాపాడలేకపోతే ఎన్నికల నిష్పక్షపాతానికి భరోసా ఎక్కడ?సిల్లీ రీజన్‌తో నామినేషన్‌ ఔట్‌!గుంటూరు జిల్లా దుగ్గిరా­ల మండలం చిలువూరు–1 నుంచి వైఎస్సార్‌సీపీ ఎంపీటీసీ అభ్యర్థిగా నామినేషన్‌ వేసిన అభ్యర్థి ఓటరు జాబితాలో తన వార్డు నంబరు 6కు బదులు 7గా రాశారనే కారణంతో నామినేషన్‌ తిరస్కరణకు గురైంది. అదే సమయంలో కూటమి అభ్య­ర్థులు నామినేషన్‌ పత్రాల్లో తప్పులను కొట్టివేసి సరిచేసినా వారి నామినేషన్లు ఆమోదించారు. వార్డు నంబరులో పొరపాటు­కు ఒకరి నా­మినేషన్‌ తిరస్కరణ.. ఇతరు­ల తప్పులకు మిన­హాయింపులా? నిబంధనలు అందరికీ ఒకేలా వర్తించాలా, పార్టీని బట్టి మారాలా? ఈ వ్యవహారంపై న్యాయస్థానాన్ని ఆశ్రయించేందుకు అభ్యర్థి సిద్ధమయ్యారు.పొందూరులో ఫేక్‌ విత్‌డ్రాలు..శ్రీకాకుళం జిల్లా పొందూరు మండలంలో 21 ఎంపీటీసీ స్థానాల్లో వైఎస్సార్‌సీపీ అభ్యర్థుల నామినేషన్లను ఆర్‌ఓ సూర్యప్రకాశరావు ఆమోదించారు. 21 మందికి బీ ఫారాలు తీసుకుని, రసీదులు కూడా ఇచ్చారు. కానీ విత్‌డ్రా రోజు రాత్రి 8 గంటలకు సీన్‌ మారిపోయింది! వైఎస్సార్‌సీపీ అభ్యర్థులు ఉపసంహరించుకోకపోయినా, ఐదుగురు విత్‌డ్రా చేసుకున్నట్లు చూపించి ఐదు స్థానాలను టీడీపీకి ఏకగ్రీవం చేశారు! అభ్యర్థులు తమ నామినేషన్లు ఉపసంహరించుకోలేదని ప్రశ్నించి, విత్‌డ్రాలు చేసినవారిని సీసీటీవీ ఫుటేజీలో చూపించాలని అడిగితే.. కెమెరాలే లేవని ఆర్‌ఓ సమాధానమిచ్చారు. నామినేషన్లు ఆమోదించి రసీదులు ఇచ్చిన ఆర్‌ఓ.. అభ్యర్థుల ప్ర­మే­యం లేకుండానే విత్‌డ్రాలు ఎలా నమోదు చేశారు? ఉపసంహరణ పత్రాలను ఎవరు సమర్పించారు? సీసీ కెమెరాలు లేని కేంద్రంలో ఈ ప్రక్రియకు ఆధారాలేమిటి?అభ్యర్థులు రాకుండానే విత్‌డ్రాలుప్రకాశం జిల్లా దర్శి నియోజకవర్గం కురిచేడు మండలం ఎన్నికల అధికారి పురుషోత్తమరాజు టీడీపీ కార్యకర్తలా పనిచేశారు. టీడీపీకి ఏకగ్రీవం చేయాలనే దురుద్దేశంతో నామినేషన్ల ఉపసంహరణ సందర్భంగా అభ్యర్థులు రాకుండానే ఉపసంహరణ చేసి టీడీపీ నాయకుల కనుసన్నల్లో వారికి ఏకగ్రీవం చేశారు.వైట్‌నర్‌ వాడొచ్చని చెప్పి.. అదే కారణంతో నామినేషన్‌ తిరస్కరణ!మార్కాపురం మండలం భూపతిపల్లి ఎంపీటీసీ స్థానానికి వైఎస్సార్‌సీపీ అభ్యర్థి భవనం వెంకట రామిరెడ్డి నామినేషన్‌ దాఖలు చేశారు. ఫారం నింపే సమయంలో వైట్‌నర్‌ వాడవచ్చని చెప్పిన ఎన్నికల అధికారులే, స్రూ్కటినీ సమయంలో అదే వైట్‌నర్‌ను సాకుగా చూపి నామినేషన్‌ను తిరస్కరించారు. ముందు అనుమతించి.. తర్వాత అదే కారణంతో తిరస్కరించడం! ఆర్‌ఓల ద్వంద్వ వైఖరికి ఇదే నిదర్శనం.చిత్తూరులో ఫోర్జరీ విత్‌డ్రాలు.. 51 ఏకగ్రీవాల ప్రకటన!చిత్తూరు కార్పొరేషన్‌లో మొత్తం 60 డివిజన్లు ఉంటే.. ఏకంగా 51 డివిజన్లలో ఏకగ్రీవాలంటూ ఆర్వోలు డిక్లరేషన్లు ఇచ్చేశారు. వీటిలో టీడీపీకి 47, జనసేనకు 2, బీజేపీకి 1, వైఎస్సార్‌సీపీకి 1 స్థానం దక్కినట్లు ప్రకటించారు. అసలు కుట్ర ఇక్కడే! అభ్యర్థులు, ప్రతిపాదకులు ఎవరూ నామినేషన్లు ఉపసంహరించుకోకపోయినా, వారి సంతకాలను ఫోర్జరీ చేసి విత్‌డ్రా లేఖలు సృష్టించారు.ఆ లేఖలను పరిశీలించి నిజానిజాలు నిర్ధారించాల్సిన ఆర్‌వోలు, ఉపసంహరణలు జరిగినట్లు ప్రకటించి 51 స్థానాలను ఏకగ్రీవం చేశారు. అభ్యర్థులు ఉపసంహరించుకోకుండానే ఉపసంహరణలు ఎలా జరిగినట్లు? సంతకాలు చేయకుండానే విత్‌డ్రా లేఖలు ఎలా వచ్చాయి? ఈ ప్రశ్నలకు సమాధానాలు చెప్పాల్సిన ఆర్‌వోలు, ఏకగ్రీవాల ప్రకటనలకు ఎలా ఆమోదముద్ర వేశారు?చెక్‌లిస్ట్‌ లేదు.. ఫారం–5 లేదు.. కారణాలు చెప్పకుండానే నామినేషన్లు ఔట్‌!కర్నూలు జిల్లా ఆలూరులో ఆర్వో ఆనంద్‌ రాజ్‌కుమార్‌ వ్యవహారంతో ముగ్గురు వైఎస్సార్‌సీపీ ఎంపీటీసీ అభ్యర్థులు ఎన్నికలకు దూరమయ్యారు. పెద్దహోతూరు–2 నుంచి లక్ష్మి, మొలగవల్లి–2 నుంచి నరసమ్మ, ఆలూరు–3 నుంచి వినోద్‌కుమార్‌ నామినేషన్లు దాఖలు చేశారు. నామినేషన్లలో తప్పులున్నాయంటూ పత్తికొండ ఆర్‌డీవో చిన్న ఓబులేసు వద్దకు వెళ్లాలని చెప్పిన ఆర్‌వో.. ఏ తప్పులున్నాయో స్పష్టంగా వివరించలేదు. చెక్‌లిస్ట్, ఫారం–5 ఇవ్వకుండానే నరసమ్మ నామినేషన్‌ను తిరస్కరించారు. ఆర్‌డీవో కూడా స్పష్టమైన కారణాలు వెల్లడించకుండా నామినేషన్లను తిరస్కరించడంతో ముగ్గురూ పోటీకి దూరమయ్యారు.చేబ్రోలులో ఏకపక్షంగా 19 నామినేషన్లు ఔట్‌!గుంటూరు జిల్లా చేబ్రోలు మండలంలో రిటర్నింగ్‌ అధికారి కోమలి పద్మ 19 వైఎస్సార్‌సీపీ నామినేషన్లను చిన్నచిన్న కారణాలతో తిరస్కరించారు. ఈ నిర్ణయాలపై తెనాలి ఆర్డీఓకు అప్పీల్‌ చేయగా, కొన్ని నామినేషన్ల విషయంలో నిర్ణయాలు మారాయిౄనాలుగు తిరస్కరించగా, ఆరు నామినేషన్లను ఆమోదించారు. తెనాలి, శేకూరులో ఓటు హక్కు కలిగి ఉన్నారనే కారణంతో ఒక అభ్యర్థి నామినేషన్‌ను తిరస్కరించారు.నామినేషన్ల తిరస్కరణలో ఏకపక్షంగా వ్యవహరించారన్న విమర్శలు, అప్పీల్‌ స్థాయిలో కొన్ని నిర్ణయాలు మారడం ఆర్‌ఓ నిర్ణయాలపై ప్రశ్నలు లేవనెత్తుతున్నాయి. ఒకే మండలంలో 19 నామినేషన్ల తిరస్కరణ.. అప్పీల్‌లో కొన్ని నిర్ణయాల మార్పు! నామినేషన్లను పరిశీలించాల్సిన అధికారి నిబంధనలను నిష్పక్షపాతంగా అమలు చేశారా? లేక అభ్యర్థుల పోటీ హక్కును దెబ్బతీసేలా వ్యవహరించారా? టీడీపీ అభ్యర్థులకే వెసులుబాటుశ్రీకాకుళం జిల్లా కోట»ొమ్మాళి మండలం రిటర్నింగ్‌ అధికారి కె.జగన్మోహన్‌రావు ఏక పక్షంగా టీడీపీ అభ్యర్థుల కోసం పనిచేశారు. మంత్రి అచ్చెన్నాయుడు చెప్పినట్లు చేస్తూ ఎన్నికల నిబంధనలకు తూట్లు పొడిచారు. దంత ఎంపీటీసీ ప్రాదేశికం నుంచి వైఎస్సార్‌సీపీ అభ్యరి్ధగా నామినేషన్‌ వేసిన హేమసుందర్‌రాజును పరిశీలన కోసం మండల పరిషత్‌ కార్యాలయానికి పిలిపించారు. నామినేషన్‌ పత్రాల్లో చిన్న చిన్న కారణాలు చూపించి నామినేషన్‌ను తిరస్కరించేశారు. ఎన్ని తప్పులున్నా, పత్రాలు లేకపోయినా టీడీపీ అభ్యర్థులకు మాత్రం వెసులుబాటు కలి్పంచి అక్కడికక్కడే తప్పులు సరిదిద్దేశారు. అనంతపురం రూరల్‌లో వైఎస్సార్‌సీపీకి ఒక న్యాయం.. టీడీపీకి మరో న్యాయం! కందుకూరు–1 ఎంపీటీసీ వైఎస్సార్‌సీపీ అభ్యర్థి కామక్కగారి మురళి ఒరిజినల్‌ కుల ధ్రువీకరణ పత్రాన్ని టీడీపీ వ్యక్తులు చించేయడంతో జిరాక్స్‌ కాపీతో నామినేషన్‌ వేశారు. స్రూ్కటినీ సమయానికి ఒరిజినల్‌ పత్రం తీసుకురావాలని అధికారులు చెప్పడంతో ఆయన అలాగే సమర్పించారు. అయినా జిరాక్స్‌ కాపీ జత చేశారనే కారణంతో నామినేషన్‌ తిరస్కరించారు. ఆర్‌డీఓను ఆశ్రయించినా న్యాయం జరగలేదు.అదే రూరల్‌ మండలం రాచాననపల్లి–1లో టీడీపీ అభ్యర్థి డి. రమ్య నామినేషన్‌లోనూ కుల ధ్రువీకరణ పత్రం జిరాక్స్‌ కాపీనే సమర్పించారు. ఆమె నామినేషన్‌ను తొలుత తిరస్కరించినా, అప్పీల్‌లో ఆర్‌డీఓ ఆమోదించారు. ఒకే తరహా తప్పు.. వైఎస్సార్‌సీపీ అభ్యర్థికి తిరస్కరణ, టీడీపీ అభ్యర్థికి ఆమోదం! ఇదేనా ఎన్నికల అధికారుల నిష్పక్షపాత ధోరణి? నిబంధనలు పార్టీని బట్టి మారతాయా?ముందు పోటీలో ఉన్నట్లు ధ్రువీకరణ.. తర్వాత నామినేషన్‌ తిరస్కరణ!చిత్తూరు జిల్లా నగరి మునిసిపాలిటీలో వైఎస్సార్‌సీపీ చైర్మన్‌ అభ్యర్థి బాలకృష్ణన్‌ నామినేషన్‌ పరిశీలన అనంతరం పోటీలో ఉన్నట్లు ఆర్‌ఓ ఫారం–7 ఇచ్చారు. కొద్దిసేపటికే సీన్‌ మారిపోయింది! ఆయన నామినేషన్‌ చెల్లదంటూ తిరస్కరించి, టీడీపీ అభ్యర్థి చైర్మన్‌గా ఏకగ్రీవంగా గెలిచినట్లు ప్రకటించారు. పోటీలో ఉన్నట్లు ధ్రువీకరించిన నామినేషన్‌ కొద్దిసేపటికే ఎలా చెల్లకుండాపోయింది? నిర్ణయం మార్చడానికి కారణమేంటి? ఆర్‌ఓ సంజీవకుమార్, మునిసిపల్‌ కమిషనర్‌ బాలాజీ నాయక్‌ అధికార పార్టీకి అనుకూలంగా పనిచేశారనేందుకు ఈ ఉదాహరణ సరిపోదా?పేజీ తొలగించి నామినేషన్‌కు మంగళం!ఆలూరులో స్థానిక ఎన్నికల వేళ అధికార యంత్రాంగం తీరుపై తీవ్ర ప్రశ్నలు! ఆలూరు–3, పెద్దహోతూరు–2, మొలగవల్లి–2 స్థానాల్లో అభ్యర్థుల నామినేషన్లలో తప్పులు లేకున్నా, అప్పీళ్ల పేరుతో ఉపసంహరణలకు దారితీశారు. ఆలూరు–3 నుంచి నామినేషన్‌ వేసిన వినోద్‌ పత్రాల్లో నాలుగో పేజీ తొలగించి, నామినేషన్‌ను తిరస్కరించారు. అరికెర గ్రామం నుంచి నామినేషన్‌ వేసిన తిమ్మప్ప బీ ఫారం సమర్పించేందుకు ఆలూరు ఎంపీడీఓ కార్యాలయానికి వస్తే, ఎస్‌ఐ మన్మథ విజయ్‌ బలవంతంగా తీసుకెళ్లి నామినేషన్‌ ఉపసంహరింపజేశారు. పత్రాలు తొలగించి నామినేషన్ల తిరస్కరణ.. పోలీసుల బలంతో ఉపసంహరణలు! అభ్యర్థుల పోటీ హక్కును కాపాడాల్సిన అధికారులే అడ్డంకులుగా మారితే ఎన్నికల స్వేచ్ఛకు రక్షణ ఎక్కడ?

ఎనిమిదో వారానికి సంబంధించి నామినేషన్ ప్రక్రియ పూర్తయింది. గతవారం జరిగిన టాస్క్‌ల్లో గెలిచి గ్రీన్‌లోకి వెళ్లిన గోట్స్‌కి రెండు వారాలు సేవ్ అయ్యే అవకాశం దొరికింది. దీంతో మిగిలిన వాళ్లలో వాళ్లే నామినేట్ చేసుకున్నారు. అలా ఈసారి మొత్తం ఎనిమిది మంది లిస్టులోకి వచ్చారు. ఇంతకీ బిగ్‌బాస్ 10లో 51వ రోజైన మంగళవారం(అక్టోబర్ 27) అసలేం జరిగింది? అనేది చూద్దాం.(ఇదీ చదవండి: ఈ వారం ఓటీటీల్లోకి 25 సినిమాలు.. ఆ ఐదు అస్సలు మిస్ కావొద్దు)నిన్న గ్రీన్ కేటగిరీలోని గోట్స్ నామినేషన్స్ చేశారు. ‍అయితే త్రిగుణ్.. వర్షిణిని నామినేట్ చేయడం గురించి ఇద్దరూ బాధపడ్డారు. దీని గురించి చర్చించుకున్నారు. వర్షిణి మాట్లాడుతూ ఇదేనా నువ్వు , నాకు తెలిసిన త్రిగుణ్.. నువ్వు కాదు అని చెప్పింది. అర్ధం చేసుకోవా వర్షిణి అని త్రిగుణ్ తన అసహనాన్ని వ్యక్తం చేశాడు. త్రిగుణ్ ఏడుస్తుంటే రోహిత్ ఫుల్‌గా నవ్వుకున్నాడు. మరోవైపు గోట్‌లో జరిగిన వెయిట్స్ గేమ్ గురించి అందులో ఎవరెవరు ఎలా ఆడారో నరేశ్, రాంప్రసాద్ కామెడీ స్కిట్ చేసి అందరినీ చాలా నవ్వించారు. తర్వాత నామినేషన్స్ ఎక్కడి నుంచి ఆపారో అక్కడి నుంచి మళ్లీ మొదలైంది. గ్రీన్‌లోని గోట్స్ జడ్జిలుగా ఉండగా.. తొలుత ఎల్లో లెవల్‌లో ఉన్నవాళ్లలో ముగ్గురికి నామినేషన్ వేసే అవకాశం దక్కింది. ఎవరు నామినేషన్ వేయాలి అని గ్రీన్ వాళ్ళు డిసైడ్ చేస్తారు. ఎల్లో వాళ్ళు ఇద్దర్ని నామినేట్ చేయాలి. వాళ్ళు చెప్పిన కారణాలు విని గ్రీన్ జడ్జిలు ఒకటి ఫైనల్ చేయాలి.తొలుత వచ్చిన నరేశ్.. ఝాన్సీ, వర్షిణిలని నామినేట్ చేశాడు. వర్షిణి గేమ్స్ ఆడట్లేదు. తొందరగా గివ్-అప్ ఇచ్చేస్తుందని కారణాలు చెప్పాడు. దీంతో నాకు సర్జరీ అయిందని వర్షిణి వివరణ ఇచ్చుకుంది. ఎక్కువ ఏడుస్తున్నావు, బాగా ఆడాలని అనుకోవట్లేదని చెప్పి నామినేషన్ చేశాడు. జడ్జిలు వర్షిణిని ఫైనల్ చేశారు. తర్వాత వచ్చిన శివ్.. సుధీర్, వంశీలని నామినేట్ చేశాడు. వంశీ గురించి మాట్లాడుతూ ముకేశ్ గతంలో చేసిన నామినేషన్స్ ఉదాహరణగా చెప్తుంటే ముకేశ్ వచ్చి పెద్ద గొడవ పెట్టుకున్నాడు. కట్ చేస్తే సుధీర్ నామినేషన్‌ని జడ్జిలు ఫైనల్ చేశారు. తర్వాత రాంప్రసాద్ వచ్చాడు. ఇతడు శివ్, శ్వేతలని నామినేట్ చేశాడు. వీళ్లని శివ్‌ని నామినేట్ చేస్తున్నట్లు జడ్జిలు వెల్లడించారు.(ఇదీ చదవండి: బిగ్‌బాస్ 10: డబుల్ ఎలిమినేషన్.. రెమ్యునరేషన్ ఎంతిచ్చారు?)అనంతరం రెడ్ టీమ్‌లో ఉన్నవాళ్లకు ఒకరినే నామినేట్ చేసే అవకాశం లభించింది. అందులో ఎవరో ఒకరిని గ్రీన్ జడ్జిలు ఫైనల్ చేయాలి. తొలుత రోహిత్, రామకృష్ణలని పిలిచారు. రోహిత్.. నరేశ్‌ని, రామకృష్ణ.. వర్షిణిని నామినేట్ చేశాడు. రామకృష్ణ వర్షిణిని చేసిన నామినేషన్‌ని జడ్జిలు ఓకే చేశారు. తర్వాత ఝాన్సీ, శ్వేత వచ్చారు. వరసగా శివ్, ఝాన్సీని నామినేట్ చేశారు. వీరిలో శ్వేత.. ఝాన్సీని చేసిన నామినేషన్ ఫైనల్ చేశారు.ఇలా ఈ రెండు రోజులు జరిగిన నామినేషన్స్ ప్రక్రియ పూర్తయిన తర్వాత చివరగా ఝాన్సీ, రోహిత్, రామకృష్ణ, సుధీర్, రాంప్రసాద్, వర్షిణి, శివ్ నామినేషన్స్‌లో నిలిచారు. శ్వేత, నరేశ్, వంశీ ఈ లిస్టులో లేరు. వీరిలో ఎవరో ఒకరిని గ్రీన్‌లోని గోట్స్ నామినేట్ చేయాలని బిగ్‌బాస్ చెప్పడంతో వంశీ పేరు చెప్పారు. మొత్తంగా ఈ వారం ఝాన్సీ, రోహిత్, రామకృష్ణ, సుధీర్, రాంప్రసాద్, వర్షిణి, శివ్, వంశీ నామినేట్ అయ్యారు. అలా మంగళవారం ఎపిసోడ్ ముగిసింది.(ఇదీ చదవండి: రోహిత్‌తో నువ్వు కూడా అదే ఉద్దేశంతో ఉన్నావా? షాలినికి ఇచ్చిపడేసిన శివాజీ)(ఇదీ చదవండి: ఓటీటీలోకి రాజమౌళి కొడుకు సినిమా.. అధికారిక ప్రకటన)

సాధారణంగా బిగ్‌బాస్ హౌస్‌లో నామినేషన్లు అనగానే గొడవలు, అరుచుకోవడాలు, రచ్చ.. ఇలా చాలానే ఉంటుంది. అందుకు తగ్గట్లే ఈ సీజన్‌లోనూ గతవారాల్లో అలానే జరిగింది. కానీ ఈ సోమవారం(అక్టోబర్ 26) మాత్రం అలాంటివేం లేకుండానే ఈ ప్రక్రియ సాగింది. ఇంతకీ 10వ సీజన్‌లోని 50వ రోజు అసలేం జరిగింది?ఎవరు ఎవరిని నామినేట్ చేశారు?(ఇదీ చదవండి: బిగ్‌బాస్ 10: డబుల్ ఎలిమినేషన్.. రెమ్యునరేషన్ ఎంతిచ్చారు?)ఆదివారం ఎపిసోడ్ సరదాగా సాగినప్పటికీ డబుల్ ఎలిమినేషన్ కారణంగా ఎమోషనల్‌గానూ అనిపించింది. ఫుడ్ విషయంలో ముకేశ్ – దేబ్జానీ గొడవ పడ్డారు. శివ్‌తోనూ ముకేశ్ గొడవ పడ్డాడు. షాలిని వెళ్లిపోవడంతో ఆమె బెడ్.. రోహిత్, అమన్ తీసుకోడానికి ట్రై చేశారు. ఇక ముకేశ్ మారిపోయిన విధానం గురించి దేబ్జానీ, శివ్, శ్వేత డిస్కషన్ పెట్టుకున్నారు. సోమవారం వచ్చిందంటే నామినేషన్స్ హడావుడి ఉంటుంది కదా. అలానే ఈసారి అది మొదలవడానికి ముందు గోట్ నుంచి అల్టిమేట్ గోట్ టాస్క్ ఉంటుందని బిగ్‌బాస్ చెప్పాడు. ఎల్లో, రెడ్ లెవల్‌లోని సభ్యుల భవిష్యత్.. గ్రీన్‌లో ఉన్న గోట్స్ డిసైడ్ చేస్తారని పేర్కొన్నారు. మొదటి రౌండ్‌లో ఎల్లో, రెడ్‌లోని వాళ్లని గ్రీన్ వాళ్ళు నామినేట్ చేయాలి. గ్రీన్ మెంబర్స్ రెండు వారాలు నామినేషన్స్ నుంచి సేవ్ ‍అయ్యారని ఇదివరకే చెప్పారు. గ్రీన్‌లో త్రిగుణ్, అమన్, దేబ్జానీ, నీతూ, ముకేశ్ గోట్స్‌గా ఉన్నారు.గ్రీన్‌లోని వాళ్లు ఒక్కొక్కరు మూడు నామినేషన్స్ చేసుకోవచ్చు. మొదట ఎవరు ఎంతమందిని నామినేట్ చేస్తారు అనేది డిసైడ్ అవ్వాలి. తర్వాత స్లిప్ మీద రాయాలి. తర్వాత ఎవర్ని నామినేట్ చేస్తున్నారో చెప్పి చేయాలి. గోట్స్ అంతా ఒక్కర్నే నామినేట్ చేస్తామని చెప్పినా త్రిగుణ్ మాత్రం మూడు నామినేషన్స్ చేస్తానని అన్నాడు. నీతూ మొదటగా వచ్చి ఝాన్సీని నామినేట్ చేసింది. త్రిగుణ్, రాంప్రసాద్‌ని నామినేట్ చేసి.. కెప్టెన్సీ సరిగ్గా చేయలేదని అన్నాడు. ముకేశ్, రామకృష్ణని నామినేట్ చేయగా గొడవ పెట్టుకున్నారు. రామకృష్ణ మూర్ఖుడు అని ముకేశ్ అన్నాడు. త్రిగుణ్ తన రెండో నామినేషన్‌గా రోహిత్ అని చెప్పాడు. ఆయన చేసే విషయాలు అని త్రిగుణ్ చెబుతుంటే.. రోహిత్ ఎగతాళిగా నవ్వాడు. రివర్స్‌లో త్రిగుణ్‌ని మూర్ఖుడు అని తిట్టి ఇష్టమొచ్చినట్టు మాట్లాడాడు.దేబ్జానీ.. ఝాన్సీని నామినేట్ చేసింది. అమన్, సుధీర్‌ని నామినేట్ చేశాడు. వీళ్ళిద్దరూ కాసేపు గొడవ పడ్డారు. సుధీర్ మాట్లాడుతున్నది వినకుండానే అమన్ వెళ్ళిపోయాడు. చివరగా త్రిగున్, వర్షిణిని నామినేట్ చేశాడు. వీరిద్దరి మధ్య వీళ్ల స్నేహం గురించి డిస్కషన్ నడిచింది. దీంతో వర్షిణి కూడా ఫ్రెండ్‌గా త్రిగుణ్ సపోర్ట్ చేయలేదని ఏడ్చింది. అలా ఈ ఎపిసోడ్‌లో గ్రీన్ మెంబర్స్ నామినేషన్స్ పూర్తయ్యాయి. మంగళవారం నాడు మిగిలిన సభ్యుల నామినేషన్స్ జరగనున్నాయి.(ఇదీ చదవండి: హీరోయిన్‌గా దేవయాని కూతురు)

సాక్షి, నెట్‌వర్క్‌: స్థానిక సంస్థల ఎన్నికల్లో తిరస్కరణకు గురైన నామినేషన్ల అప్పీళ్ల పరిష్కారంలోనూ పలువురు అధికారులు ‘పచ్చ’పాతంతోనే వ్యవహరిస్తున్నారు. తెలుగుదేశం పార్టీ కూటమి అభ్యర్థుల అప్పీళ్లకు ఆమోదం తెలిపి, వైఎస్సార్‌సీపీ అభ్యర్థుల అప్పీళ్లను నిర్ద్వందంగా తిరస్కరిస్తున్నారు. ప్రతి జిల్లాలోనూ ఇదే పరిస్థితి. దీంతో న్యాయం కోసం వైఎస్సార్‌సీపీ అభ్యర్థులను హైకోర్టును ఆశ్రయించడానికి నిర్ణయించారు. నెల్లూరులో ఆర్డీవో కార్యాలయానికి రాకుండానే శ్రీ పొట్టి శ్రీరాములు నెల్లూరు జిల్లాలో విపక్ష ఎంపీటీసీ అభ్యర్థుల నామినేషన్లను పలుచోట్ల రిటర్నింగ్‌ అధికారులు ఏకపక్షంగా తిరస్కరించారు. వీటిపై ఆర్డీఓ వద్ద అప్పీల్‌ చేసుకోగా, అక్కడ కూడా ఏకపక్షంగా తిరస్కరించారు. నెల్లూరు రూరల్‌ మండలం పెనుబర్తి నుంచి ఎంపీటీసీ వైఎస్సార్‌సీపీ అభ్యర్థి వాల్మీకి శ్యామల, ములుమూడి ఎంపీటీసీ స్థానానికి సీపీఎం నుంచి అట్లా అనిల్‌కుమార్, అట్లా అంజయ్య, సీపీఐ నుంచి రఫీ, రాపూరు మండలానికి చెందిన మరో ఏడుగురు అభ్యర్థులు అప్పీల్‌ చేశారు. వాల్మీకి శ్యామల నామినేషన్లలో ఎన్నికల వ్యయ ఖర్చుల డిక్లరేషన్‌పై సంతకం లేదని రిజెక్ట్‌ చేశారు. వాస్తవంగా ఆ సంతకం రిటర్నింగ్‌ అధికారి సమక్షంలోనే తీసుకోవాలి. కానీ రిటర్నింగ్‌ అధికారి ఉద్దేశపూర్వకంగా అభ్యర్థి వద్ద సంతకం తీసుకోకుండానే నామినేషన్‌ తీసుకొని స్క్రూటినీ రిజెక్ట్‌ చేశారు. అయినా అభ్యర్థి న్యాయవాదుల వాదనలు వినేందుకు ఆర్డీఓ తన కార్యాలయానికి రాకుండానే ఏకపక్షంగా వారి అప్పీళ్లను తిరస్కరించి పోలీసుల ద్వారా సమాచారం అందజేశారు. కావలి ఆర్డీఓ తన నిర్ణయాన్ని మంగళవారానికి వాయిదా వేసినట్లు సోమవారం రాత్రి పొద్దుపోయాక వెల్లడించారు. ఆత్మకూరు ఆర్డీఓ వద్దకు రెండు అప్పీళ్లు రాగా, రెండింటినీ తిరస్కరించారు. అనంతపురంలో వైఎస్సార్‌సీపీకో న్యాయం, టీడీపీకో న్యాయం అనంతపురం రెవెన్యూ డివిజన్‌ పరిధిలో సుమారు 48 అప్పీళ్లు వచ్చాయి. సోమవారం ఆర్డీఓ ప్రేమంతకుమార్‌ ఆధ్వర్యంలో అప్పీళ్లను పరిశీలించారు. అయితే, టీడీపీ అభ్యర్థి నామినేషన్‌కు మాత్రమే ఆమోదం తెలిపి, మిగిలిన వాటిన్నింటినీ తిరస్కరించారు. అనంతపురం రూరల్‌ మండలం కందుకూరు–1 ఎంపీటీసీ వైఎస్సార్‌సీపీ అభ్యర్థి కామక్కగారి మురళి నామినేషన్‌ను కుల ధ్రువీకరణ పత్రం జిరాక్స్‌ సమర్పించారనే కారణంతో తిరస్కరించారు. దీనిపై అప్పీలుకు వెళ్లినప్పటికీ ఫలితం లేకపోయింది. ఇదే కారణంపై ఆర్‌ఓ తిరస్కరించిన రాచానపల్లి–1 ఎంపీటీసీ టీడీపీ అభ్యర్థి డి.రమ్య నామినేషన్‌కు మాత్రం అప్పీల్లో ఆమోదం తెలిపారు. ఒకే కారణంతో తిరస్కరించిన నామినేషన్ల విషయంలో పార్టీని బట్టి వేర్వేరుగా తీర్పునివ్వడం విమర్శలకు తావిస్తోంది. అప్పీళ్ల ప్రక్రియ అధికార టీడీపీ నేతల కనుసన్నల్లో జరుగుతోందంటూ వైఎస్సార్‌సీపీ శింగనమల నియోజకవర్గ సమన్వయకర్త, మాజీ మంత్రి సాకే శైలజానాథ్‌ అనంతపురం ఆర్డీఓ కార్యాలయం వద్ద ధర్నాకు దిగారు. శింగనమల నియోజకవర్గ టీడీపీ నేత ఆలం వెంకట నరసా నాయుడు ఆర్డీఓ కార్యాలయంలో కూర్చొని అప్పీళ్లను ప్రభావితం చేశారని చెప్పారు. దీనిపై జిల్లా కలెక్టర్, జిల్లా ఎన్నికల అధికారి ఓ. ఆనంద్‌కు శైలజానాధ్‌ ఫోన్‌లో ఫిర్యాదు చేశారు. వైఎస్సార్‌ కడప జిల్లాలో ఆర్డరూ ఇవ్వరు! వైఎస్సార్‌ కడప జిల్లా పరిషత్‌ ఎన్నికల్లో అధికారులు తిరస్కరించిన 12 వైఎస్సార్‌సీపీ నామినేషన్లపై అభ్యర్థులు అప్పీల్‌కు వెళ్లగా... మొత్తం 12 అప్పీళ్లను కలెక్టర్‌ తిరస్కరించారు. అభ్యర్థులకు తిరస్కరణ ఆర్డర్‌ ఇంకా ఇవ్వలేదు. ఆర్డర్‌ ఇస్తే వెంటనే న్యాయస్థానాన్ని ఆశ్రయిస్తారనే ఉద్దేశంతోనే కావాలనే జాప్యం చేస్తున్నారని వైఎస్సార్‌సీపీ ఆరోపిస్తోంది. చిత్తూరు జిల్లాలో 9 అప్పీళ్లను అధికారులు తిరస్కరించారు. గుంటూరు జిల్లా పెదకాకాని మండలంలో తిరస్కరించిన వైఎస్సార్‌సీపీ ఎంపీటీసీ అభ్యర్థుల్లో 16 మంది ఆదివారం గుంటూరు ఆర్డీఓకు అప్పీల్‌ చేశారు. ఆర్డీఓ కమ్మ శ్రీనివాసరావు రెండు సెగ్మెంట్లలోని మూడింటికే ఆమోదం తెలిపి, మిగతా వాటిని తిరస్కరించారు. అలాగే, చేబ్రోలు మండలంలో అప్పీల్‌కు వచ్చిన వైఎస్సార్‌సీపీ అభ్యర్థుల 10 నామినేషన్లలో ఆరింటికి ఆమోదం తెలిపి, నాలుగింటిని తిరస్కరించారు. తిరుపతిలో జాబితాలు బయటపెట్టని అధికారులు తిరుపతి ఆర్డీవో పరిధిలోని చంద్రగిరి, రైల్వేకోడూరు, నగరి నియోజక వర్గం పరిధిలోని వడమాలపేట, పుత్తూరు మండలాలకు చెందిన పలువురు ఎంపీటీసీ అభ్యర్థులు తమ నామినేషన్ల తిరస్కరణపై అప్పీలు చేసుకున్నారు. వీటిపై తిరుపతి ఆర్డీఓ రామ్మోహన్‌ సోమవారం విచారణ చేపట్టారు. మొత్తం 137 అప్పీలుకు రాగా 29 నామినేషన్లకు మాత్రమే ఆమోదం తెలిపారు. 108 అప్పీళ్లను తిరస్కరించారు. రామచంద్రాపురం మండలంలో 5, తిరుపతి రూరల్‌ మండలంలో 10, ఎర్రావారిపాళెం మండలంలో 4 ఎంపీటీసీ స్థానాల నామినేషన్లపై దాఖలైన అప్పీళ్లను ఆర్డీవో తిరస్కరించారు. శ్రీకాళహస్తి రెవెన్యూ డివిజన్‌ పరిధిలోని సత్యవేడు, శ్రీకాళహస్తి, వెంకటగిరి నియోజక వర్గాల్లోని 11 మండలాల్లో 41 నామినేషన్లు అప్పీలుకు రాగా, వీటిలో 12 ఆమోదించగా, 29 తిరస్కరించినట్టు ఆర్డీఓ భానుప్రకాష్‌ రెడ్డి తెలిపారు. అయితే, వీటికి సంబంధించిన పూర్తి సమాచారాన్ని మాత్రం అధికారులు బయటపెట్టడంలేదు.ఆర్‌వో చెప్పింది ఓ కారణం.. ఆర్డీఓ చెప్పింది మరో కారణం..! ఉమ్మడి ప్రకాశం జిల్లాలో మార్కాపురం ఆర్డీవో పరిధిలో 14 అప్పీళ్లు రాగా వాటిలో మూడింటిని అధికారులు సోమవారం పరిష్కరించారు. కనిగిరి నియోజకవర్గం సీఎస్‌పురం మండలం ఆర్‌కే.పల్లి ఎంపీటీసీ వైఎస్సార్‌సీపీ అభ్యర్థి మూరం మొరార్జి, రేగులచెలక ఎంపీటీసీ అభ్యర్థి కుక్కా సుబ్బలక్ష్మమ్మ, నల్లమడుగుల ఎంపీటీసీ అభ్యర్థి సూరిపోగు ఆంథోనిల అప్పీల్‌ చేయగా, కనిగిరి ఆర్డీవో వాటిని తిరస్కరించినట్లు అభ్యర్థులు తెలిపారు. ఆర్‌కే.పల్లి ఎంపీటీసీ అభ్యర్థి నామినేషన్‌ పార్ట్‌–3 పేజ్‌ లేదని, ఓటర్ల జాబితాలో సీరియల్‌ నంబర్‌ సరిగా లేదని ఆర్‌ఓ తిరస్కరించగా, కొన్నిచోట్ల ఓవర్‌ రైటింగ్‌ ఉందన్న కారణంతో తిరస్కరించినట్లు ఆర్డీవో ప్రకటించారని అభ్యర్థి తెలిపారు. కాగా రేగులచెలక ఎంపీటీసీ అభ్యర్థి నామినేషన్‌ను కూడా పార్ట్‌–3 పేజ్‌ లేనందున తిరస్కరించినట్ల ఆర్‌వో రాతపూర్వకంగా తెలపగా., ఆర్డీవో కోర్టులో మాత్రం ఆస్తుల వివరాలు, బంగారు నగలు, డిపాజిట్లు, భవనాలు, లొకేషన్, సర్వే నంబర్లు మొదలైన వివరాలు సరిలేవని, ఓవర్‌రైటింగ్‌ ఉందని, అభ్యర్థి ఆథరైజ్‌డ్‌ సంతకం చేయలేదని కారణాలు చూపినట్లు అభ్యర్థి తెలిపారు. కందుకూరు నియోజకవర్గంలో 36 అప్పీళ్లపై సబ్‌ కలెక్టర్‌ దామెర హిమవంశీ విచారణ జరిపినప్పటికీ, నిర్ణయం ప్రకటించలేదు.

సాక్షి, అమరావతి: స్థానిక సంస్థల ఎన్నికల్లో అక్రమాలకు అంతే లేకుండా పోయింది. రోజుకో అరాచకం, అక్రమం వెలుగు చూస్తోంది. ప్రభుత్వ పెద్దల ఒత్తిడితో ఎన్నికల అధికారులు అభ్యర్థుల నామినేషన్లు సైతం తారుమారు చేశారు. కూటమి పార్టీల ఏకగ్రీవాల కోసం ఎన్నికల అధికారులు ప్రభుత్వ పెద్దలు చెప్పినట్టే నడుచుకున్నారు. నగరి మున్సిపాలిటీలో వైఎస్సార్‌సీపీ తరుఫున చైర్మన్‌ అభ్యర్థిగా ఈవీ బాలకృష్ణన్‌ వేసిన నామినేషన్‌ను అధికారులు తారుమారు చేశారు. నామినేషన్ల పరిశీలనలో ఆయన నామినేషన్‌ ఆమోదించినట్టు ఈ నెల 19న లేఖ కూడా ఇచ్చిన అధికారులు.. అదే రోజు పరిశీలన కార్యక్రమం ముగిశాక.. జాబితా ఫారం–4లో మాత్రం ఆయన పేరును ప్రకటించలేదు. నామినేషన్లు ముగిసిన 18వ తేదీ నాటికి ఆ మున్సిపాలిటీలో మొత్తం 19 మంది అభ్యర్థులు చైర్మన్‌ పదవికి పోటీలో ఉండగా, పరిశీలన అనంతరం కేవలం తెలుగుదేశం పార్టీ అభ్యర్థి నామినేషన్‌ మాత్రమే చెల్లుబాటు అయినట్లుగా చూపారు. అదే రోజు ఈ విషయంపై వైఎస్సార్‌సీపీ నేతలు అభ్యంతరం తెలిపినా ప్రభుత్వ పెద్దల సూచనతో అధికారులు ఏమాత్రం పట్టించుకోలేదు. మున్సిపల్‌ ఎన్నికల నామినేషన్ల ఉపసంహరణ అనంతరం రాష్ట్ర ఎన్నికల కమిషన్‌ మొత్తం 87 మున్సిపాలిటీల్లో 17 చోట్ల అధికార కూటమి పార్టీల చైర్మన్‌ అభ్యర్థులు ఏకగ్రీవంగా గెలిచినట్టు ప్రకటించింది. నగరి మున్సిపాలిటీ వైఎస్సార్‌సీపీ చైర్మన్‌ అభ్యర్థి ఈవీ బాలకృష్ణన్‌ నామినేషన్‌ను ఆమోదించినట్లు అధికారులు ఇచ్చిన లేఖ టీడీపీ 15, జనసేన, బీజేపీలు చెరొకటి చొప్పున గెలిచినట్టు ప్రకటించారు. ఎన్నికలు జరుగుతున్న 13 నగర కార్పొరేషన్లలో మొత్తం 922 వార్డుల్లో 117 వార్డులు ఏకగ్రీవమైనట్టు ప్రకటించిన రాష్ట్ర ఎన్నికల కమిషన్‌.. అందులో టీడీపీ 110 చోట్ల, బీజేపీ, జనసేనలు మూడేసి చోట్ల ఏకగ్రీవంగా గెలిచినట్టు పేర్కొంది. ఎన్నికలు జరిగే 87 మున్సిపాలిటీల్లో మొత్తం 3,020 వార్డులకు గాను 602 చోట్ల ఏకగ్రీవాలైనట్లు పేర్కొన్న రాష్ట్ర ఎన్నికల కమిషన్‌.. అందులో 512 చోట్ల టీడీపీ, 36 చోట్ల జనసేన, 27 చోట్ల బీజేపీ, 18 చోట్ల వైఎఎస్సార్‌సీపీ, తొమ్మిది చోట్ల ఇతరులు ఏకగ్రీవమైనట్టు ప్రకటించింది. చివరకు టీడీపీ అభ్యర్థి నామినేషన్‌ మాత్రమే చెల్లుబాటు అయినట్లుగా అధికారులు ఇచ్చిన ప్రకటన దేశమంతా చూసినా కళ్లు మూసుకున్న ఎస్‌ఈసీ మున్సిపల్‌ ఎన్నికల నామినేషన్ల ప్రక్రియలో అధికార పార్టీ గూండాలు భారీ సంఖ్యలో నామినేషన్ల కేంద్రాల్లో.. ఆ చుట్టు పక్కల మోహరించి, ప్రతిపక్ష పార్టీల అభ్యర్థులు నామినేష్లన్లు వేసే పరిస్థితి లేకుండా తీవ్ర హింసాత్మక ఘటనలకు పాల్పడటం తెలిసిందే. ఈ దుర్మార్గాలన్నింటిలో పోలీసులు, అధికారులు ప్రేక్షక పాత్రకే పరిమితమవ్వడమూ విదితమే. పలు చోట్ల వైఎస్సార్‌సీపీ అభ్యర్థుల నామినేషన్‌ పత్రాలు లాక్కొని చింపేసిన దృశ్యాలు పలు టీవీ చానళ్లలో ప్రసారం అయ్యాయి. అయినా ఎస్‌ఈసీ ఏమాత్రం స్పందించక పోవడం ప్రజలను ఆశ్చర్యానికి గురిచేసింది. కడప కార్పోరేషన్‌ పరిధిలోనే నామినేషన్‌ దాఖలు చేయడానికి వెళ్లిన బీజేపీ ఎస్సీ మోర్చా రాష్ట్ర అధ్యక్షుడు పనతల సురేష్‌పై సైతం టీడీపీ గూండాలు దాడి చేసి నామినేషన్లు వేయకుండా అడ్డుకున్నారు. ఇలా అడ్డంకులు అధిగమించి నామినేషన్లు దాఖలు చేసిన వారిని సైతం అధికార పార్టీ గూండాలు బెదిరించి పలువురి నామినేషన్లను ఉపసంహరింపజేశారు. ఇంకొన్ని చోట్ల వైఎస్సార్‌సీపీ అభ్యర్థుల స్థానంలో టీడీపీ నేతలే నామినేషన్లు వేసి.. తర్వాత ఉపసంహరించుకుని ఏకగ్రీవం చేసుకోవడం రాష్ట్ర ఎన్నికల చరిత్రలో సరికొత్త నీచ అంకం. 87 మున్సిపాలిటీలలో 361 నామినేషన్లు ఉపసంహరించుకోగా, అందులో చైర్మన్‌ పదవులు ఏకగ్రీవం అయిన 17 మున్సిపాలిటీల్లోనే 81 ఉండటం గమనార్హం.దౌర్జన్యం చేసి.. బెదిరించి..» పల్నాడు జిల్లా పిడుగురాళ్ల, దాచేపల్లి, గురజాల మున్సిపాలిటీల్లో చైర్మన్‌ పదవులు ఏకగ్రీవం కాగా, ఆయా చోట్ల నామినేషన్‌ దాఖలు సమయంలో వందల మంది అధికార పార్టీ గూండాలు నామినేషన్ల కేంద్రాల్లో తిష్టవేసి పేట్రేగిపోయారు. వైఎస్సార్‌సీపీ అభ్యర్థులను నామినేషన్లు వేయనీయకుండా భయభ్రాంతులకు గురి చేశారు. ఈ గూండాగిరిని పోలీసులు చోద్యం చూశారు. » వైఎస్సార్‌ కడప జిల్లాలో మాజీ ముఖ్యమంత్రి వైఎస్‌ జగన్‌మోహన్‌రెడ్డి సొంత నియోజకవర్గంలోని పులివెందులలో నామినేషన్లు వేయడానికి వెళ్లే అభ్యర్థుల కార్లపై పోలీసులే దాడులు చేయడం, కాల్పులు జరపడంతో వైఎస్సార్‌సీపీ అభ్యర్థులు 20 వార్డులకు నామినేషన్లు దాఖలు చేయలేని పరిస్థితి.» మైదుకూరు మున్సిపాలిటీలో వైఎస్సార్‌సీపీ వాళ్లను నామినేషన్లు వేయనీయకుండా అడ్డుకున్న అధికార పార్టీ గూండాలు.. వైఎస్సార్‌సీపీ అభ్యర్థులు కూడా నామినేషన్లు దాఖలు చేసినట్టు ఫేక్‌ డ్రామా ఆడారు. మైదుకూరు చైర్మన్‌ పదవికి టీడీపీ నాయకులే వైఎస్సార్‌సీపీ తరుఫున ఫేక్‌ నామినేషన్లు వేసి, తర్వాత వాటిని ఉపసంహరించుకోవడంతో అక్కడ చైర్మన్‌ పదవి ఏకగ్రీవమైంది. ఎర్రగుంట్ల మున్సిపాలిటీలో సైతం పోలీసులను అడ్డంపెట్టుకొని అధికార కూటమి పార్టీ గూండాలు వైఎస్సార్‌సీపీ అభ్యర్థులు నామినేషన్లు వేయకుండా అడ్డుకోవడంతో ఆ స్థానం ఏకగ్రీవ జాబితాలోకి వెళ్లింది. » బద్వేలు, ప్రొద్దుటూరు, రాజంపేట మున్సిపాలిటీల్లో వైఎస్సార్‌సీపీ అభ్యర్థులు చైర్మన్‌ పదవికి నామినేషన్లు దాఖలు చేసినప్పటికీ.. అధికార పార్టీ నేతల ఒత్తిళ్లతో అధికారులు అవి చెల్లుబాటు కావని ప్రకటించడంతో ఆ మూడు చోట్ల చైర్మన్‌ పదవులు ఏకగ్రీవమయ్యాయి. » నంద్యాల జిల్లా ఆత్మకూరు, ఆ«ళ్లగడ్డ మున్సిపాలిటీల్లో చైర్మన్‌ పదవులకు నామినేషన్లు దాఖలు చేసిన వారిని అధికార పార్టీ గూండాలు బెదిరించి బలవంతంగా ఉపసంహరింపజేశారు. » ప్రకాశం జిల్లా దర్శిలో జనసేనకు కేటాయించిన సీట్లలో అధికార తెలుగుదేశం ఇన్‌చార్జి తనకు అనుకూల వ్యక్తినే పోటీలో ఉంచి.. ఇతరులెవ్వరూ నామినేషన్‌ వేయకుండా రౌడీలను దించి అడ్డుకున్నాడు. కనిగిరి మున్సిపాలిటీలో వైఎస్సార్‌సీపీ అభ్యర్థి నామినేషన్‌ దాఖలు చేసినప్పటికీ, దానిని చెల్లుబాటు కాకుండా అడ్డుకున్నారు. అనంతపురం జిల్లా గుత్తిలోనూ ఇదే దౌర్జన్యంతో వైఎస్సార్‌సీపీ అభ్యర్థిని రంగంలో లేకుండా చేశారు.

సాక్షి, అమరావతి: నామినేషన్‌ వేయనీయకుండా అడ్డుకోవడం ఒక దౌర్జన్యం.. నానా అవరోధాలను దాటుకుని నామినేషన్‌ సమర్పిస్తే, ఆ పత్రాలనే మాయం చేసి తిరస్కరించడం మరో దారుణం! అన్ని డాక్యుమెంట్లను స్వీకరించి, పరిశీలించి, సంతకాలు చేసి ఇచ్చిన తర్వాత అవే పత్రాలు లేవంటూ నామినేషన్‌ను తిరస్కరిస్తే దాన్ని ఏమనాలి? ఇది ఎన్నికల ప్రక్రియనా? అధికార దుర్వినియోగమా? లేక ప్రజాస్వామ్యాన్ని అపహాస్యం చేయడమా? ఆంధ్రప్రదేశ్‌లో స్థానిక ఎన్నికలను చంద్రబాబు సర్కార్‌ ఏ స్థాయికి దిగజార్చిందో తెలుసుకోవడానికి ఇదో ప్రబల నిదర్శనం.చంద్రబాబు డైరెక్షన్‌లో ప్రతిపక్ష అభ్యర్థులు నామినేషన్లు వేయనీయకుండా అడ్డుకోవడం నుంచి, నామినేషన్లు సమర్పించిన తర్వాత పత్రాలు లేవంటూ తిరస్కరించడం వరకు సాగుతున్న పరిణామాలు ఇందుకు ఉదాహరణ. తమ వద్ద అన్ని పత్రాలు సమర్పించినట్లు ఆధారాలు ఉన్నాయని అభ్యర్థులు చెబుతున్నా, నామినేషన్లు తిరస్కరణకు గురైతే వారికి న్యాయం చేసేదెవరు? రిటర్నింగ్‌ అధికారుల నిర్ణయాలపై అప్పీళ్లు చేసినా పరిష్కారం లభించకపోతే ప్రజాస్వామ్య ప్రక్రియపై ప్రజలకు విశ్వాసం ఎలా నిలుస్తుంది? మీరే పత్రాలు తీసేసి.. తిరస్కరించడం న్యాయమా? స్థానిక ఎన్నికల్లో ప్రతిపక్ష అభ్యర్థులు నామినేషన్లు వేయనీయకుండా ఎల్లో మూకలు, గంజాయి ముఠాలు, పోలీసులు కలిసి కాలకేయుల్లా అడ్డుకున్నారు. వారందరినీ దాటుకుని ఈ అరాచకాన్ని ఎదిరించి ఎలాగోలా నామినేషన్‌ సెంటర్లకు వచ్చి రిటర్నింగ్‌ అధికారికి నామినేషన్లను అందించారు. నామినేషన్‌ పేపర్లకు సంబంధించి అన్ని డాక్యుమెంట్లు సరిగ్గా ఉన్నాయని చెక్‌చేసి ధృవీకరించి అధికారికంగా రిటర్నింగ్‌ అధికారి సంతకం చేసి మరీ ఇచ్చారు. అంటే దానర్థం ఏమిటి? నామినేషన్‌ సరిగా ఉందనే కదా? కానీ అభ్యర్థులు వెళ్లిపోయిన తర్వాత కాలకేయులు, పచ్చమూకలు మళ్లీ రంగంలోకి వచ్చాయి. వాళ్లు సూచించిన నామినేషన్లలో కొన్ని పేపర్లను తీసేశారు. కొన్ని డాక్యుమెంట్లు మాయం చేసేశారు. చివరకు అవి లేవంటూ ఆ నామినేషన్లను తిరస్కరించారు. ఇది ‘సర్‌’ కన్నా ఘోరం. ఇంతకన్నా దుర్మార్గం ఉంటుందా? ఇంతకన్నా ఘోరం ఉంటుందా? ఇది ‘సర్‌’ కన్నా దారుణం. మాటలలో వర్ణించలేని ద్రోహం. సర్‌ ప్రక్రియ వల్ల ఒక ఓటు పోతుందంటే ఎంతో ఘోరం అని మనం అంటున్నాం. అలాంటిది ఒక ఎంపీటీసీ లేదా జడ్‌పీటీసీ లేదంటే ఒక వార్డు కౌన్సిలర్‌ అయినా ఏవో దుర్మార్గమైన, దొంగ కారణాలు చెప్పి నామినేషన్‌ లేదంటే ఎంత ఘోరం? ఎన్ని వేలమందికి చేసిన అన్యాయమది? ఒక ఎంపీటీసీ నామినేషన్‌ తీసేయడమంటే మొత్తం మండలంలోని ఓటర్లందరినీ తీసేసినట్టే. ఎందుకంటే పోటీలేదంటే ఇక ప్రజాభిప్రాయానికిచోటు లేనట్లే కదా.. ఆర్డీవోల వద్దా అదే అన్యాయం తాము ఎంచుకున్న నామినేషన్లను తీసేయడానికి రిటర్నింగ్‌ అధికారులను పచ్చమూకలు పచ్చిగా వాడుకున్నాయి. నామినేషన్‌ వేసేటపుడే అన్నీ ఇచ్చామని, తాము అన్నీ ఇచ్చినట్లు ఆర్‌వోలు ఇచ్చిన లేఖలు ఇవిగో అంటూ ఆర్డీవోల వద్దకు అభ్యర్థులు అప్పీలుకు వెళితే అక్కడా ఇదే రకమైన అన్యాయం. అధికారాన్ని అడ్డుపెట్టుకుని ఆర్‌వోలను వాడుకుని ఇలా నామినేషన్లను తిరస్కరించడం అత్యంత దుర్మార్గమని ప్రజాస్వామికవాదులంతా ముక్తకంఠంతో ఖండిస్తున్నారు.ఇంత పతనం.. సమాజానికే ప్రమాదం..ఉన్నత చదువులు చదివిన అధికారులు.. ఉన్నతంగా బ్రతకాలి.. మనస్సాక్షిని, నైతిక విలువలను వదిలిపెట్టి దిగజారకూడదు. కిరాయి గూండాలు, రౌడీలు వైఎస్సార్‌సీపీ అభ్యర్థుల నామినేషన్‌ పత్రాలను బయట చించివేస్తే.. మీరు అభ్యర్థుల నామినేషన్‌ పత్రాలను అధికారికంగా మీ ఆఫీసులో చించేశారు.. మీకు వాళ్లకు తేడా ఏముంది. భవిష్యత్తులో మీ మీద మీరే నమ్మకం కోల్పోయే స్థితి వస్తుంది. ఒక ఉన్నతాధికారి ఇంత నైతికంగా పతనమై ఉద్యోగం చేయడం సమాజానికే ప్రమాదం. ఈ రోజు ఎందరో రాజకీయ భవిష్యత్తును దెబ్బకొట్టిన మీరు కూడా భవిష్యత్తులో పశ్చాత్తాపం పడే రోజు తప్పక వస్తుంది. ఈ రోజు తప్పు చేసిన మీ అందరిపై మా శక్తి మేరకు న్యాయ పోరాటం కొనసాగుతుంది. – చెవిరెడ్డి భాస్కరరెడ్డి, వైఎస్సార్‌సీపీ రాష్ట్ర ప్రధాన కార్యదర్శి

తాళ్లూరు(ప్రకాశం జిల్లా): మండలంలో ఎంపీటీసీ నామినేషన్ల ప్రక్రియ వివాదాస్పదంగా మారింది. వైఎస్సార్‌ సీపీ అభ్యర్థులను నామినేషన్లు దాఖలు చేయనీయకుండా టీడీపీకి చెందిన కొందరు అడ్డుకోవడంపై తీవ్రస్థాయిలో ఆరోపణలు వెల్లువెత్తుతున్నాయి. అంతేగాకుండా టీడీపీకి చెందిన నాయకులే వైఎస్సార్‌ సీపీ అభ్యర్థులుగా నామినేషన్లు దాఖలు చేసి దిగజారుడు రాజకీయాలకు పాల్పడినట్లు ప్రచారం జరుగుతోంది.ప్రజాస్వామ్య పద్ధతిలో ఎన్నికలు జరగాల్సి ఉండగా, అభ్యర్థులను నామినేషన్లు వేయకుండా అడ్డుకోవడం ఏమిటని పలువురు ప్రశ్నిస్తున్నారు. ఎన్నికల్లో పోటీ చేసే హక్కు ప్రతి అభ్యర్థికి ఉందని, నామినేషన్‌ వేయకుండా ఎలా అడ్డుకుంటారని మండల ప్రజలు తీవ్రంగా వ్యతిరేకిస్తున్నారు. నామినేషన్‌ ప్రక్రియలో మహిళలపై దాడి చేస్తున్నప్పటికీ పోలీసులు ప్రేక్షక పాత్ర పోషించారని, అధికారులు సైతం పట్టించుకోలేదని ఆవేదన వ్యక్తం చేస్తున్నారు. లిస్టులో ఉన్న యాడిక గోవిందరెడ్డి పేరు ఫేక్‌ నామినేషన్లు వేసిన టీడీపీ నేతలు... మండలంలోని తూర్పుగంగవరం గ్రామానికి చెందిన టీడీపీ బొల్లా శివన్నారాయణ వైఎస్సార్‌ సీపీ అభ్యర్థిగా నామినేషన్‌ వేసినట్లు ఆరోపణలు వినిపిస్తున్నాయి. అదే గ్రామానికి చెందిన యాడిక గోవిందరెడ్డి టీడీపీ తరఫున గతంలో 13వ వార్డు మెంబర్‌గా పోటీ చేసి ఓడిపోయాడు. టీడీపీ నేత అయ్యి ఉండి కూడా వైఎస్సార్‌ సీపీ ఎంపీటీసీ అభ్యర్థిగా నామినేషన్‌ వేయడంపై మండల ప్రజలు మండిపడుతున్నారు. అలాగే తురకపాలెం గ్రామానికి చెందిన టీడీపీ నేత, మాజీ సర్పంచ్‌ చంద్రగిరి గురువారెడ్డి భార్య చంద్రగిరి రాజేశ్వరి కూడా వైఎస్సార్‌ సీపీ ఎంపీటీసీ అభ్యర్థిగా నామినేషన్‌ వేసినట్లు తెలుస్తోంది. అర్హత ఉన్న వైఎస్సార్‌ సీపీ అభ్యర్థులను అడ్డుకుని టీడీపీ నేతలే వైఎస్సార్‌ సీపీ అభ్యర్థులుగా ఫేక్‌ నామినేషన్లు వేసి కుట్రలకు పాల్పడటంపై మండల ప్రజలు ఆగ్రహం వ్యక్తం చేస్తున్నారు. ఆడవాళ్లని కూడా చూడకుండా టీడీపీ నేతలు దాడికి పాల్పడ్డారు నామినేషన్ల రెండో రోజు బ్యాంకు పనిమీద తాళ్లూరు వెళ్లాం. అక్కడున్న టీడీపీ నేతలు ఎక్కడికి వెళ్లేది మీరు.. బ్యాంకు లేదు ఏమీ లేదంటూ మా సెల్‌ఫోన్లు లాక్కుని నేలకేసి కొట్టారు. భయంతో వెనక్కి వెళ్లిపోయాం. ఆ తర్వాత తురకపాలెం ఎంపీటీసీ అభ్యర్థిగా నామినేషన్‌ వేయడానికి వెళితే టీడీపీ గూండాలు అడ్డుకుని మహిళలని కూడా చూడకుండా మాపై దాడి చేశారు. భయభ్రాంతులకు గురి చేశారు. పోలీసులు చూస్తూ ఉన్నారు తప్ప వారిని ఏమీ అనలేదు. – కుమ్మిత రవణమ్మ, కుమ్మిత శివపార్వతి నామినేషన్‌ కాగితాలు లాక్కున్నారు మల్కాపురం ఎంపీటీసీ అభ్యర్థులుగా నామినేషన్‌ వేయడానికి వెళ్లాం. హైస్కూల్‌ వద్దకు వెళ్లేసరికి అక్కడ గుంపుగా ఉన్న టీడీపీ నేతలు చుట్టుముట్టి నామినేషన్‌ వేయడానికి వీల్లేదని అడ్డుకుని నామినేషన్‌ కాగితాలు లాక్కున్నారు. ఆ సమయంలో భయమేసింది. దళిత మహిళలపై దాడి చేయడానికి వచ్చిన టీడీపీ నేతలను అడ్డుకోకుండా అక్కడున్న పోలీసులు చోద్యం చూశారు. దీంతో నామినేషన్‌ వేయకుండానే వెనుదిరిగాం. – అనపర్తి మార్తమ్మ, పులి విజయ, పులి అనూష

సాక్షి, అమరావతి: స్థానిక ఎన్నికల్లో ప్రజా మద్దతుతో గెలవలేమన్న భయంతో పచ్చ ముఠాలు పోటీ లేకుండా చేసుకునేందుకు యథేచ్ఛగా అరాచ­కాలకు పాల్పడుతున్నాయి. అధికార పార్టీ నేతలు బరి తెగించి పోలీస్‌ వ్యవస్థను అడ్డగోలుగా దుర్విని­యోగం చేస్తున్నారు. విపక్షం అసలు నామినేషన్‌ వేయకుండా బెదిరించేందుకు తొలుత బైండోవర్‌ కుట్రలకు తెర తీశారు. వీటికి వెరవకుండా నామినేషన్లు వేసేందుకు ముందుకొచ్చిన వైఎస్సార్‌సీపీ అభ్యర్థులు, నాయకులపై పోలీసుల సహకారంతో టీడీపీ గూండాలు దాడులు, దౌర్జన్యాలకు తెగబడ్డారు. అనంతరం నామినేషన్ల పరిశీలన దశలో ఎన్నికల అధికారులను లొంగదీసుకుని సాకులతో వైఎస్సార్‌సీపీ అభ్యర్థుల నామినేషన్లు తిరస్కరించారు. ఈ అరాచక పర్వం ఇంతటితో ఆగలేదు.. బరిలో మిగిలిన వైఎస్సార్‌సీపీ అభ్యర్థులను సైతం పోటీలో లేకుండా చేసేందుకు బెదిరింపులు, దాడులు, దౌర్జన్యాలు, కిడ్నాప్‌లు లాంటి అకృత్యాలను అధికార పక్షం నిర్భీతిగా కొనసాగిస్తోంది. ప్రతిపక్ష అభ్యర్థులను బరిలో లేకుండా చేయడమే లక్ష్యంగా అడ్డగోలుగా వ్యవహరిస్తోంది. ప్రజాస్వామ్య ప్రక్రియను దారుణంగా అపహాస్యం పాలు చేస్తోంది. విపక్ష అభ్యర్థుల సంతకాలను పచ్చ నేతలు ఫోర్జరీ చేస్తూ ప్రజాస్వామ్యాన్ని నిట్టనిలువునా ఖూనీ చేస్తున్నారు. మరోవైపు ఖాకీలు ఈ అరాచకాలకు కొమ్ము కాస్తూ ప్రతిపక్ష అభ్యర్థులను తీవ్రంగా వేధిస్తున్నారు. వేమూరు, కనిగిరి, తొండూరు, తాడిపత్రి, వైఎస్సార్‌ జిల్లా పరిధిలో ఆదివారం చోటు చేసుకున్న ఘటనలు స్థానిక ఎన్నికల నిర్వహణలో ఎస్‌ఈసీ దారుణ వైఫల్యానికి నిదర్శనంగా నిలుస్తున్నాయి.వేమూరులో ఎంపీటీసీ అభ్యర్థి కిడ్నాప్‌..బాపట్ల జిల్లా వేమూరు మండలం బలిజేపల్లి ఎంపీటీసీ సెగ్మెంట్‌ వైఎస్సార్‌సీపీ అభ్యర్థి పొట్లూరు మరియదాసు కిడ్నాప్‌ ఘటన తీవ్ర కలకలం రేపింది. అబ్బనగూడవల్లికి చెందిన మరియదాసు ఎస్టీ రిజర్వుడ్‌ స్థానంలో వైఎస్సార్‌సీపీ తరఫున నామినేషన్‌ దాఖలు చేశారు. శనివారం నామినేషన్‌ పరిశీలనలో ఎలాంటి లోపాలు లేవని అధికారులు గుర్తించినట్లు సమాచారం. ఆదివారం తెల్లవారుజామున సుమారు నాలుగు గంటల సమయంలో కొందరు వ్యక్తులు మరియదాసును ఇంటి నుంచి కిడ్నాప్‌ చేశారు. ఆయన ఆచూకీ తెలియడం లేదని కుటుంబ సభ్యలు తెలిపారు. వైఎస్సార్‌ సీపీ వేమూరు సమన్వయకర్త వరికూటి అశోక్‌బాబు, మరియదాసు తల్లి ఘటనపై పోలీసులకు ఫిర్యాదు చేశారు. మరియదాసును కిడ్నాప్‌ చేసి ఎమ్మెల్యే నక్కా ఆనందబాబు పార్టీ కార్యాలయంలో నిర్బంధించనట్లు తమకు సమాచారం ఉందని అశోక్‌బాబు తెలిపారు. వైఎస్సార్‌సీపీ అభ్యర్థిని కిడ్నాప్‌ చేయడంపై విచారణ జరపాలని, తక్షణం మరియదాసును కుటుంబ సభ్యులకు అప్పగించాలని డిమాండ్‌ చేశారు.పెద్దారెడ్డి ఇంటి వద్ద ఉద్రిక్తత..అనంతపురం జిల్లాలో మాజీ ఎమ్మెల్యే కేతిరెడ్డి పెద్దారెడ్డి ఇంటి వద్ద జేసీ వర్గీయులు మోహరించి వీరంగం వేయడంతో తీవ్ర ఉద్రిక్తత నెలకొంది. పెద్దారెడ్డిని చంపుతామంటూ బెదిరింపులకు దిగారని, పోలీసులు ప్రేక్షకపాత్ర పోషిస్తున్నారని వైఎస్సార్‌సీపీ శ్రేణులు మండిపడ్డాయి. పెద్దారెడ్డి స్వగ్రామం సింగనమల నియోజకవర్గం తిమ్మంపల్లిలో వైఎస్సార్‌సీపీ అభ్యర్థిని నామినేషన్‌ వేయకుండా అడ్డుకుని పోలీస్‌ స్టేషన్‌లో నిర్బంధించారు. ఈ విషయం తెలుసుకుని పెద్దారెడ్డి ఆదివారం ఉదయం అక్కడికి వెళ్లారు. అయితే ఆయన లేని సమయంలో జేసీ వర్గీయులు అనంతపురంలోని పెద్దారెడ్డి ఇంటి వద్దకు చేరుకుని హల్‌చల్‌ చేశారు. తిమ్మంపల్లికి వెళ్లిన పెద్దారెడ్డిని పోలీసులు అరెస్టు చేసి అనంతపురానికి తీసుకొచ్చి గృహ నిర్భంధంలోకి తీసుకున్నారు.కనిగిరిలో నామినేషన్‌ వేస్తే కేసులా?మార్కాపురం జిల్లా కనిగిరిలో వైఎస్సార్‌సీపీ ఎంపీటీసీ అభ్యర్థులపై పోలీసులు బెదిరింపులకు దిగారు. నామినేషన్లు వేయవద్దని సీఐ ఎం.సుబ్రహ్మణ్యం, ఎస్సై జి.సందీప్‌కుమార్‌ హెచ్చరించారని మండల పార్టీ అధ్యక్షుడు, ఎంపీటీసీ అభ్యర్థి మడతల కస్తూరిరెడ్డి ఆరోపించారు. తాను, తన భార్య నామినేషన్లు వేయడానికి సిద్ధం కాగా ఎస్సై తమను పోలీస్‌స్టేషన్‌కు పిలిచి బెదిరించారని కస్తూరిరెడ్డి పేర్కొన్నారు. మాట వినకుండా పోటీ చేస్తే గంజాయి కేసులు, ఇతర అక్రమ కేసులు బనాయిస్తామని, ఎన్నికల తరువాత కూడా ఇబ్బందులు తప్పవని హెచ్చరించినట్లు చెప్పారు. అయినా తాము వెనక్కి తగ్గకుండా నామినేషన్లు వేసేందుకు వెళ్లడంతో ఆంక్షల పేరుతో దాడి చేసి తిరిగి తమపైనే కేసులు పెట్టారని కస్తూరిరెడ్డి తెలిపారు.తొండూరులో అర్హతలున్నా తిరస్కరణ?వైఎస్సార్‌ జిల్లా తొండూరు జడ్పీటీసీ స్థానానికి వైఎస్సార్‌సీపీ తరఫున నామినేషన్‌ దాఖలు చేసిన కొప్పల శివశంకర్‌రెడ్డి తన నామినేషన్‌ను అధికారులు తిరస్కరించడంపై అభ్యంతరం వ్యక్తం చేశారు. అవసరమైన పత్రాలు, ఆస్తుల వివరాలు, బ్యాంకు లావాదేవీల సమాచారాన్ని సమర్పించినప్పటికీ నామినేషన్‌ను తిరస్కరించారన్నారు. అధికార పార్టీ నేతల ఒత్తిడితో ఎన్నికల అధికారులు అడ్డగోలుగా వ్యవహరించారని మండిపడ్డారు. తొండూరు జడ్పీటీసీ స్థానాన్ని ఏకగ్రీవం చేసుకునేందుకు కుట్ర పన్నారని ఆరోపించారు. టీడీపీ అభ్యర్థికి సన్నిహితుడైన ఇనగలూరుకు చెందిన చిట్టిబోయిన గోపాల్‌ వైఎస్సార్‌సీపీ తరఫున నామినేషన్‌ వేసినట్లు చూపించారన్నారు. ఈ విషయాన్ని ఎంపీ వైఎస్‌ అవినాష్‌రెడ్డి ద్వారా కలెక్టర్‌ దృష్టికి తీసుకెళ్లామని, న్యాయం జరగకుంటే కోర్టును ఆశ్రయిస్తామని స్పష్టం చేశారు.కడప ప్రచారంలో కత్తితో దాడి.. ఇద్దరికి గాయాలువైఎస్సార్‌ జిల్లా కడప 41వ డివిజన్‌లో ఎన్నికల ప్రచారం సందర్భంగా ఓ వ్యక్తి కత్తితో దాడి చేయడంతో వైఎస్సార్‌సీపీకి చెందిన ఇద్దరికి తీవ్ర గాయాలయ్యాయి. పార్టీ రాష్ట్ర అధికార ప్రతినిధి ఆరే శ్యామల, మేయర్‌ అభ్యర్థి బండి దీప్తి ఆధ్వర్యంలో ఇంటింటి ప్రచారం నిర్వహిస్తుండగా సయ్యద్‌ బాషా అనే వ్యక్తి కత్తితో దూసుకొచ్చాడు. అతడిని అడ్డుకునేందుకు ప్రయత్నించిన మాజీ కార్పొరేటర్‌ షంషీర్, ఖాలీద్‌ హుస్సేన్‌కు తీవ్ర గాయాలయ్యాయి. క్షతగాత్రులను ప్రైవేటు ఆస్పత్రికి తరలించి చికిత్స అందిస్తున్నారు. దాడికి పాల్పడిన వ్యక్తిని వైఎస్సార్‌సీపీ కార్యకర్తలు పట్టుకుని పోలీసులకు అప్పగించారు. చికిత్స పొందుతున్న బాధితులను వైఎస్సార్‌సీపీ నేతలు రవీంద్రనాథ్‌రెడ్డి, అంజాద్‌ బాషా పరామర్శించారు. ప్రతిపక్షాలపై భౌతిక దాడులకు దిగడం ప్రజాస్వామ్యానికి గొడ్డలి పెట్టు అని పేర్కొన్నారు.జగ్గంపేటలో బలవంతంగా విత్‌డ్రా..జగ్గంపేట మండలంలో నామినేషన్‌ వేసిన తమ ఎంపీటీసీ అభ్యర్థులను కూటమి నేతలు బలవంతంగా విత్‌డ్రా చేయిస్తున్నారని వైఎస్సార్‌సీపీ జగ్గంపేట మండల అధ్యక్షుడు, జడ్పీటీసీ అభ్యర్థి రావుల గణేష్‌ రాజా ఆరోపించారు. మండలంలోని జై.కొత్తూరులో వైఎస్సార్‌ సీపీకి చెందిన నిడమర్తి వేణి, జ్యోతి మువ్వలా నామినేషన్‌లు ఉపసంహరించుకునేలా బెదిరించారన్నారు. జగ్గంపేట మండలంలో అనేక చోట్ల కూటమి నేతలు ఇబ్బందులకు గురి చేస్తున్నారని చెప్పారు.ఉరవకొండలో పయ్యావుల బెదిరింపులు..అనంతపురం జిల్లా ఉరవకొండలో వైఎస్సార్‌సీపీ ఎంపీటీసీ అభ్యర్థులను బరి నుంచి తప్పించేందుకు మంత్రి పయ్యావుల కేశవ్‌ జీఎస్టీ అధికారులను ప్రయోగించి బెదిరింపులకు దిగారు. ఉరవకొండలో రెండు ఎంపీటీసీ స్థానాలకు వైఎస్సార్‌సీపీ తరపున జకీర్, షమ్ము నామినేషన్లు వేశారు. టీడీపీ నేతలు బెదిరించినా వారు లెక్క చేయకుండా నామినేషన్‌ వేయడంతో మంత్రి పయ్యావుల కక్ష కట్టారు. ఈ నేపథ్యంలో బంగారం వ్యాపారం నిర్వహిస్తున్న అభ్యర్థుల షాపులపై జీఎస్టీ అధికారులతో దాడులు చేయించి బెదిరించి నామినేషన్లు ఉపసంహరించుకునేలా ఒత్తిడి తెచ్చారు.అభ్యర్థులతో విత్‌డ్రా సంతకాలు తీసుకున్న పోలీసులుగుంటూరు, పల్నాడు జిల్లాల్లో పోలీసుల ఆగడాలకు తెర పడలేదు. వైఎస్సార్‌సీపీ అభ్యర్థులు పోటీలో లేకుండా చేసేందుకు అడ్డగోలుగా వ్యవహరిస్తూ స్వామిభక్తిని ప్రదర్శిస్తున్నారు. సత్తెనపల్లి నియోజవకర్గంలో 41ఎంపీటీసీ, చిలకలూరిపేట నియోజకవర్గంలో 3 ఎంపీటీసీ, వినుకొండలో 5 ఎంపీటీసీ నామినేషన్లు ఉపసంహరించుకునేలా ఒత్తిడి చేస్తున్నారు. చిలకలూరిపేట వైఎస్సార్‌సీపీ జడ్పీటీసీ అభ్యర్థి జమ్మలమడక ఆదిబాబు, డమ్మీ అభ్యర్థి మైలా రాజేష్‌లను పోలీసులు బెదిరించి నామినేషన్‌ ఉపసంహరణ పత్రాలపై బలవంతంగా సంతకాలు పెట్టించారు.అధికారపక్షం ఆగడాలెన్నో..నెల్లూరు జిల్లా చిల్లకూరు మండలంలో టీడీపీ జడ్పీటీసీ అభ్యర్థి ఏకగ్రీవం కోసం వైఎస్సార్‌సీపీ అభ్యర్థులపై బెదిరింపులకు పాల్పడ్డారు. పలుచోట్ల ఎంపీటీసీ అభ్యర్థులను సైతం బెదిరించి దారికి తెచ్చుకునే యత్నాలు చేస్తున్నారు. కర్నూలు జిల్లా ఆలూరు మండలంలోని నాలుగు ఎంపీటీసీ స్థానాలకు వైఎస్సార్‌సీపీ అభ్యర్థుల నామినేషన్లను ఎన్నికల అధికారులు శనివారం తిరస్కరించడంతో అప్పీల్‌ చేశారు. అయితే అధికార పార్టీ ఒత్తిళ్లకు లొంగిపోయిన అధికారులు వాటిని తిరస్కరిస్తున్నట్టు ఆదివారం ప్రకటించడంతో ఉద్రిక్తత చోటు చేసుకుంది. నగరిలోనూ మున్సిపల్‌ మేయర్‌ అభ్యర్థి నామినేషన్‌ను తిరస్కరించడంతో మాజీ మంత్రి రోజా ఆగ్రహం వ్యక్తం చేశారు. అధికారులు అధికార పక్షానికి కొమ్ముకాస్తూ అడ్డగోలుగా వ్యవహరిస్తున్నారని, దీనిపై న్యాయపోరాటం చేస్తామని రోజా ప్రకటించారు.

న్యూఢిల్లీ: భారత టెన్నిస్‌ దిగ్గజాలు మహేశ్‌ భూపతి, సానియా మీర్జా అఖిల భారత టెన్నిస్‌ అసోసియేఏషన్‌ (ఏఐటీఏ) స్పోర్ట్స్‌ పర్సన్‌ ఆఫ్‌ అవుట్‌ స్టాండింగ్‌ మెరిట్‌ (ఎస్‌ఓఎం) ఎన్నికల బరిలోకి దిగనున్నారు. జనరల్‌ బాడీ, ఎగ్జిక్యూటివ్‌ కమిటీల్లో ప్రాతినిధ్యం కోసం ఈ ఇద్దరు నామినేషన్లు దాఖలు చేశారు. టెన్నిస్‌ పురుషుల డబుల్స్‌లో ప్రపంచ మాజీ నంబర్‌వన్‌ ఆటగాడైన మహేశ్‌ భూపతి అంతర్జాతీయ స్థాయిలో సుదీర్ఘకాలం దేశానికి ప్రాతినిధ్యం వహించాడు. ఇక మహిళల డబుల్స్‌లో వరల్డ్‌ మాజీ నంబర్‌వన్‌ అయిన సానియా మీర్జా ఆరు గ్రాండ్‌స్లామ్‌ టైటిల్స్‌ గెలుచుకుంది. మరో దిగ్గజ ఆటగాడు లియాండర్‌ పేస్‌ దరఖాస్తు చేయలేదు. దీంతో ‘ఏఐటీఏ’ అధ్యక్ష పదవికి అతడు పోటీ చేసే అవకాశం లేకుండా పోయింది. ప్రస్తుతం బెంగాల్‌ టెన్నిస్‌ సంఘం అధ్యక్షుడిగా పనిచేస్తున్న పేస్‌... రాష్ట్ర ప్రతినిధిగా పోటీ చేయడానికి అనర్హుడు కావడంతోనే నామినేషన్‌కు దూరమైనట్లు సమాచారం. నిబంధనల ప్రకారం జాతీయ సంస్థలో ఒక పదవికి పోటీ చేయడానికి... రాష్ట్ర సంఘంలో కార్యనిర్వాహక పదవిలో కనీసం ఒక పర్యాయం పూర్తి చేయాల్సి ఉంటుంది. దీంతో బెంగాల్‌ ప్రతినిధిగా ఏఐటీఏ ఎన్నికల్లో పాల్గొనే అవకాశం పేస్‌కు ఉంది కానీ... జాతీయ క్రీడా పరిపాలన (ఎన్‌ఎస్‌జీ) చట్టం ప్రకారం పోటీ చేయడానికి మాత్రం పేస్‌కు అర్హతలేదు.‘క్రీడల్లో పరివర్తన తీసుకురావడానికి ప్రతి సమాఖ్యకు అత్యున్నత స్థాయిలో దేశానికి ప్రాతినిధ్యం వహించిన ఆటగాళ్లు అవసరం. బ్యాడ్మింటన్‌కు పుల్లెల గోపీచంద్‌ చేసిన సేవ విప్లవాత్మకమైంది. అన్ని క్రీడల్లో ఇలాంటి ఉదాహరణలు ఉండాలి’ అని మహేశ్‌ భూపతి వెల్లడించాడు. సానియా మీర్జా, మహేశ్‌ భూపతితో పాటు మరో ఆరుగురు మాజీ క్రీడాకారులు కూడా నామినేషన్లు దాఖలు చేశారు. వారిలో అంకిత బాంబ్రీ, ప్రస్తుత డేవిస్‌ కప్‌ కోచ్‌ అశుతోష్‌ సింగ్, గౌరవ్‌ నటేకర్, జానకి కృష్ణమూర్తి, శాలిని ఠాకూర్‌ చావ్లా, ప్రస్తుత బిల్లీ జీన్‌ కింగ్‌ కప్‌ నాన్‌ ప్లేయింగ్‌ కెప్టెన్‌ విశాల్‌ ఉప్పల్‌ ఉన్నారు. ఇందులో మహేశ్‌ భూపతి, సానియా మీర్జా, అంకిత బాంబ్రీ, జానకి కృష్ణమూర్తి, విశాల్‌ ఉప్పల్‌ కార్యనిర్వాహక కమిటీ జాబితాలో పోటీపడుతున్నారు. ఏఐటీఏ సవరించిన నియమావళి ప్రకారం జనరల్‌ బాడీలో నలుగురు స్పోర్ట్స్‌ పర్సన్‌ ఆఫ్‌ అవుట్‌ స్టాండింగ్‌ మెరిట్‌ (ఎస్‌ఓఎం) ప్రతినిధులు ఉంటారు. ఇందులో ఇద్దురు పురుషులు, ఇద్దరు మహిళలకు అవకాశం లభిస్తుంది. ఇక 15 మంది సభ్యుల కార్యనిర్వాహక కమిటీలో ఇద్దరు స్పోర్ట్స్‌ పర్సన్‌ ఆఫ్‌ అవుట్‌స్టాండింగ్‌ మెరిట్‌ ప్రతినిధులు ఉంటారు.

సాక్షి, అమరావతి: స్థానిక సంస్థల ఎన్నికలు జరిగితే ఓటమి ఖాయమని వెన్నుపోటు పార్టీ వెన్నులో వణుకు తీవ్రమైంది. అందుకే పచ్చమూకలు అరాచకాలకు తెగబడుతున్నాయి. వైఎస్సార్‌సీపీ అభ్యర్థులే లక్ష్యంగా దాడులు, బెదిరింపులకు పాల్పడుతున్నాయి. ఎన్నికలకు ముందు నుంచే పోలీసులను ప్రయోగించి వైఎస్సార్‌సీపీ నేతలు, కార్యకర్తలపై బైండోవర్‌ కేసులు పెట్టి భయపెట్టేందుకు యత్నించిన పచ్చగూండాలు.. ఇప్పుడు ఏకంగా కిడ్నాప్‌లకూ వెనుకాడడం లేదు. రాష్ట్ర వ్యాప్తంగా శనివారం ఎంపీటీసీ, జెడ్పీటీసీ నామినేషన్ల పరిశీలన సందర్భంగా వేసిన నామినేషన్లు ఉపసంహరించుకోవాలని వైఎస్సార్‌సీపీ అభ్యర్థులను టీడీపీ నేతలు భయభ్రాంతులకు గురిచేశారు. వారు తలొగ్గకపోతే వైఎస్సార్‌సీపీ అభ్యర్థులను అనర్హులుగా తేల్చాలని ఎన్నికల అధికారులపై ఒత్తిడి పెంచారు. పలుచోట్ల వైఎస్సార్‌సీపీ అభ్యర్థులను కిడ్నాప్‌ చేయడం, చంపుతామని బెదిరించడం వంటి దాష్టీకాలకు ఒడిగట్టారు. రేపల్లె నియోజకవర్గంలో నామినేషన్లు ఉపసంహరించుకోవాలంటూ ఎల్లోగ్యాంగ్‌ బెదిరింపులకు పాల్పడింది. దాష్టీకాలకు ఇవిగో నిదర్శనాలు » అన్నమయ్య జిల్లా పుంగనూరు నియోజకవర్గం సోమల మండలం చింతలవారిపల్లిలో నామినేషన్‌ కార్యక్రమంలో పాల్గొన్నారనే సాకుతో వైఎస్సార్‌సీపీ కార్యకర్త పుష్పవతి ఇంటిపై పచ్చ గూండాలు దాడికి పాల్పడ్డారు. ఇంటితోపాటు ఫర్నిచర్‌ను ధ్వంసం చేశారు. ఘటనపై పుష్పవతి ఫిర్యా­దు చేసినా సోమల పోలీసులు పట్టించుకోలేదు. » తిరుపతి జిల్లా పుల్లంపేట మండలం దలవాయిపల్లిలో వైఎస్సార్‌సీపీ ఎంపీటీసీ అభ్యర్థి మహమ్మద్‌ వలిని పచ్చమూక కిడ్నాప్‌ చేసింది. శనివారం నామినేషన్ల పరిశీలనకు రాకపోవడంతో ఆందోళన చెందిన వలి సతీమణి, బంధువులు పోలీసులకు ఫిర్యాదు చేశారు. » శ్రీపొట్టిశ్రీరాములు నెల్లూరు జిల్లా ఏఎస్‌పేట మండలం చిరమన గ్రామానికి చెందిన వైఎస్సార్‌సీపీ ఎంపీటీసీ అభ్యర్థిని కండే సుశీల పోటీ నుంచి తప్పుకోవాలని ఆమె భర్తను కిడ్నాప్‌ చేసేందుకు టీడీపీ మూకలు ఓ ప్రైవేట్‌ వ్యక్తి ద్వారా యత్నించాయి. అది సాధ్యం కాకపోవడంతో ఏఎస్‌పేట పోలీసుల ద్వారా ఆయనను అరెస్ట్‌ చేయించాయి. చోరీ కేసు సాకుతో పోలీసులు మాధవరావును శనివారం అరెస్టు చేసి స్టేషన్‌కు తీసుకెళ్లారు. నామినేషన్‌ ఉపసంహరించుకోవాలని టీడీపీ నేతలు మాధవరావును, సుశీలను ఒత్తిడి చేస్తున్నట్టు సమాచారం.» పలమనేరు ఎమ్మెల్యే అమర్‌నాథ్‌రెడ్డి స్వగ్రామం కెలవాతి గ్రామంలో వైఎస్సార్‌సీపీ ఎంపీటీసీ అభ్యర్థి శ్రీనివాసులుపై టీడీపీ నేత సుబ్రమణ్యం దాడి చేసి గాయపరిచాడు. ఎంపీటీసీ అభ్యర్థిగా నామినేషన్‌ వేసిన శ్రీనివాసులుపై జరిగిన ఈ దాడితో గ్రామంలో ఉద్రిక్త పరిస్థితి నెలకొంది. » శ్రీకాకుళం జిల్లా కోటబొమ్మాళి మండలం నిమ్మాడలో వైఎస్సార్‌సీపీ ఎంపీటీసీ అభ్యర్థిని తోట ఆదిలక్ష్మిని టీడీపీ గూండాలు భయపెట్టి బలవంతంగా నామినేషన్‌ విత్‌డ్రా చేయించారు. తనతోపాటు తన కుమారుడిని భయపెట్టడంతో తప్పనిసరి పరిస్థితుల్లో నామినేషన్‌ విత్‌డ్రా చేసుకోవాల్సి వచ్చిందని ఆమె ఆవేదన వ్యక్తం చేశారు. ఇదిలా ఉంటే కూటమి అధికారంలోకి వచ్చిన తర్వాత ఆదిలక్ష్మి భర్తపై దాడిచేసి, ఆపై ఆయన మృతికి టీడీపీ నేతలు కారణమయ్యారు. ఇప్పుడు ఎంపీటీసీ అభ్యర్థిగా ఉన్న ఆదిలక్ష్మిని బెదిరించారు. ఈ విషయం తెలుసుకున్న వైఎస్సార్‌సీపీ టెక్కలి నియోజకవర్గ సమన్వయకర్త పేరాడ తిలక్‌ బాధితులతో ఫోన్‌లో మాట్లాడారు. మంత్రి అచ్చెన్నాయుడు సొంత గ్రామం నిమ్మాడలో మరో వ్యక్తి నామినేషన్‌ వేస్తే తట్టుకోలేకపోయారని దుయ్యబట్టారు. » ప్రకాశం జిల్లా అద్దంకి నియోజకవర్గం కలవకూరు గ్రామ వైఎస్సార్‌సీపీ ఎంపీటీసీ అభ్యర్థి సురభి జేమ్స్‌ను పచ్చ రౌడీలు శనివారం కిడ్నాప్‌ చేశారు. అతడిని కాపాడేందుకు వైఎస్సార్‌సీపీ నేతలు ఎంత యత్నించినా.. పోలీసుల ప్రోద్బలంతో టీడీపీ మూకలు జేమ్స్‌ను కిడ్నాప్‌చేసి తీసుకెళ్లాయి. తొలుత జేమ్స్‌ను కిడ్నాప్‌చేసేందుకు యత్నించడంతో వైఎస్సార్‌సీపీ అద్దంకి ఇన్‌చార్జ్‌ డాక్టర్‌ చింతలపూడి అశోక్‌ కుమార్‌ అడ్డుకున్నారు. కలవకూరులో టీడీపీ మూకల దాడిలో గాయపడిన ‘సాక్షి’ టీవీ విలేకరి ప్రసన్న ఈ క్రమంలో జేమ్స్‌ కిడ్నాప్‌ నుంచి తప్పించుకుని ఓ లాయర్‌ ఇంట్లో తలదాచుకున్నారు. శనివారం రాత్రి అక్కడకు చేరుకున్న పచ్చమూకలు జేమ్స్‌ను ఓ ఏఎస్సై ద్వారా బయటకు రప్పించి కిడ్నాప్‌ చేశాయి. ఘటన కవరేజ్‌కు వెళ్లిన సాక్షి టీవీ విలేకరి ప్రసన్నపై దాడికి పాల్పడి చావబాదాయి. ఈ ఘటనపై చింతలపూడి అశోక్‌ మాట్లాడుతూ మంత్రి కనుసన్నల్లో పోలీసుల ప్రోద్బలంతో జేమ్స్‌ కిడ్నాప్‌ జరిగిందని విమర్శించారు. ప్రకాశం జిల్లా కలవకూరులో వైఎస్సార్‌సీపీ ఎంపీటీసీ అభ్యర్థి జేమ్స్‌ను కిడ్నాప్‌ చేసేందుకు యత్నిస్తున్న టీడీపీ మూకలను అడ్డుకుంటున్న వైఎస్సార్‌సీపీ శ్రేణులు » ఎన్టీఆర్‌ జిల్లా తిరువూరు నియోజకవర్గంలోని గంపలగూడెం మండలం సోబ్బాల గ్రామంలో వైఎస్సార్‌సీపీ దళిత కార్యకర్తలపై పచ్చమూక మూకుమ్మడి దాడికి పాల్పడింది. శుక్రవారం ఎంపీటీసీ నామినేషన్‌ వేసేందుకు వెళ్తున్న దారెల్లి సందీప్, గద్దల రవీంద్రలను ఎల్లో గూండాలు మాట్లాడాలని ఇంట్లోకి పిలిచి కట్టేసి చిత్రహింసలు పెట్టి కొట్టారు. పచ్చ రౌడీల దాడిలో గాయపడి తిరువూరు ప్రభుత్వ ఆస్పత్రిలో చికిత్స పొందుతున్న సందీప్, నవీంద్రలను నియోజకవర్గ వైఎస్సార్‌సీపీ ఇన్‌చార్జి నల్లగట్ల స్వామి దాస్‌ శనివారం పరామర్శించారు. పోలీసుల తీరును తప్పుబట్టారు. దళితులు దాడి జరిగిందని పోలీసులకు ఫిర్యాదు చేస్తే వారు బాధితులనే స్టేషన్‌కు తీసుకెళ్లి థర్డ్‌ డిగ్రీ ప్రయోగించారని స్వామిదాస్‌ ఆరోపించారు. పోలీసులు ఇలా ప్రవర్తించడం దారుణమన్నారు.

సాక్షి, అమరావతి: పరీక్ష హాలు..! క్వశ్చన్‌ పేపర్‌ చేతికి వచ్చింది..! ఒక్క ప్రశ్నకూ జవాబు తెలియదు..! అయినా ఆ విద్యార్థి ఏ ప్రశ్న అడిగారో పట్టించుకోకుండా తన తోచిన, తెలిసిన విషయాలను జవాబులుగా రాసేస్తాడు. పేజీలకు పేజీలు నింపేస్తాడు. శనివారం సీఎం చంద్రబాబు పెట్టిన మీడియా సమావేశం అచ్చం ఇలాంటిదే. స్థానిక ఎన్నికల్లో ఈ స్థాయిలో హింస ఏమిటి? నామినేషన్లు ఎందుకు అడ్డుకున్నారు? మహిళా అభ్యర్థుల జుట్టు ఎందుకు పట్టి లాగారు? పులివెందులలో తుపాకులు ఎందుకు పేలాయి? సుప్రీంకోర్టు ఎందుకు జోక్యం చేసుకోవాల్సి వచ్చింది? ఇవీ ప్రశ్నలు. చంద్రబాబు మాత్రం.. 1994 ఎన్నికల చరిత్ర.. సీఐఐ సమ్మిట్లు.. రూ.22 లక్షల కోట్ల పెట్టుబడుల లెక్కలు.. రాయలసీమ ఫ్యాక్షన్‌ కథలు.. క్లెమోర్‌ మైన్లు.. చివరకు జగన్‌ తల్లి, చెల్లి, మేనకోడలి పెళ్లి.. గంటన్నర పాటు ఈ కాకమ్మ కథలన్నీ నర్మగర్భంగా వివరించారు. జగన్‌ అడిగిన ఒక్క ప్రశ్నకూ సమాధానం లేదు. సమాధానం లేనప్పుడు బురదే ఆయుధం. జగన్‌ కుటుంబం గురించి ఎల్లో మీడియాలో ఏం రాయించారో, అదే స్క్రిప్ట్‌ను అక్షరం పొల్లుపోకుండా చంద్రబాబు వల్లెవేశారు. ఒక్క ఆధారం లేదు, ఒక్క పత్రం లేదు. ఉన్నదల్లా ఇష్టం వచ్చినట్లు బురదజల్లడమే. రాష్ట్రంలో ప్రజాస్వామ్యాన్ని ఖూనీ చేస్తూ, తానే ప్రజాస్వామ్య పరిరక్షకుడినని చెప్పుకోవడం ఒక్క చంద్రబాబుకే చెల్లింది. పోలింగ్‌ కేంద్రాల వద్ద వేల మంది గూండాలను మోహరించడం.. ఫస్ట్‌టైమ్‌ స్థానిక ఎన్నికల కోసం గంజాయి బ్యాచ్‌లను దించడం చూస్తే చంద్రబాబు క్రిమినల్‌ మెంటాలిటీ ఏమిటో అర్ధమౌతుంది. ఓ వైపు నామినేషన్లను అడ్డుకుంటూ, పోలీసులను, ఎస్‌ఈసీని వాడుకుంటూ అరాచకాలతో అల్లకల్లోలం చేస్తూనే ప్రతిపక్షమే అన్నిటికీ కారణమన్నట్లు ఎదురుదాడి చేస్తున్న చంద్రబాబును చూసి దేశంలోకెల్లా సీనియర్‌ రాజకీయ నాయకుడైన శరద్‌పవార్‌ కూడా ఆశ్చర్యపోయే పరిస్థితి. కమల్‌హాసన్, అమితాబ్‌ బచ్చన్‌ వంటి సీనియర్‌ నటులు కూడా నివ్వెరపోయే పరిస్థితి. వీళ్లేకాదు రోజూ తన కింద పనిచేసే ఐఎఎస్‌లు, ఐపీఎస్‌లు కూడా చంద్రబాబు పెర్‌ఫార్మెన్స్‌ చూసి వామ్మో అని మూర్ఛపోయే పరిస్థితి. అంతెందుకు.. అడ్డంగా దొరికిపోయినా.. ఇంతటి ప్రతికూల పరిస్థితుల్లో కూడా ఇంతబాగా నటిస్తున్న నారావారిని చూసి ఈసీ పునేఠా కూడా కంగుతినే పరిస్థితి. చంద్రబాబు చెప్పిన అబద్ధాలు.. అసలు నిజాలు.. అబద్ధం: స్థానిక ఎన్నికల్లో హింస అంతా వైఎస్సార్‌సీపీదే నిజం: నామినేషన్ల సమయంలో 11 జిల్లాల్లో హింసాత్మక ఘటనలు జరిగాయి. రిటర్నింగ్‌ అధికారి కార్యాలయాలలో తెలుగుదేశం గూండాలు, కిరాయికి తెచ్చిన గూండాలు ముందే చేరిపోయి నామినేషన్లు వేయనీయకుండా దాడులు జరిపారు. పుంగనూరులో వైఎస్సార్‌సీపీ ఎంపీ మిథున్‌రెడ్డిపై హత్యాయత్నం జరిగింది. పులివెందులలో పోలీసులు ఏకే–47 తుపాకులతో గాల్లోకి కాల్పులు జరిపి, బాష్పవాయువు ప్రయోగించారు.మాచర్లలో వైఎస్సార్‌సీపీ అభ్యర్థులపై దాడి చేసి నామినేషన్‌ పత్రాలు లాక్కెళ్లారు. కడపలో రిటర్నింగ్‌ అధికారి కార్యాలయంలోనే పత్రాలు చించేశారు. తిరుపతిలో అభ్యర్థులను గేటు దాటనివ్వలేదు. నామినేషన్‌ వేయడానికి వచ్చిన మహిళా అభ్యర్థులను జుట్టు పట్టి ఈడ్చారు. అసభ్యంగా తాకి మరీ నామినేషన్‌ పత్రాలు లాక్కుని చించేశారు. వైఎస్సార్‌సీపీ అభ్యర్థులపైనా, వారికి మద్దతుగా వెళ్లిన నాయకులపైన జరిగిన దాడులకు సంబంధించి వీడియో ఫుటేజీలెన్నో ఉన్నాయి. అబద్ధం: వైఎస్సార్‌సీపీ వాళ్లు అరాచకాలు చేశారు నిజం: వైఎస్సార్‌సీపీ వాళ్లే దాడులు చేస్తుంటే, వాళ్ల నామినేషన్లు దర్జాగా పడాలి కదా. మరి వాళ్ల నామినేషన్లే ఎందుకు పడలేదు? దాడులు చేసేవాళ్లు నామినేషన్‌ వేయలేకపోవడం, దెబ్బలు తినేవాళ్లు దర్జాగా నామినేషన్లు వేయడం.. ఈ లాజిక్‌ బాబుకే అర్థం కావాలి. కళ్లెదుటే కనిపిస్తున్న నిజం సీఎంకు కనిపించడం లేదా? దాడి చేసింది తమ వాళ్లు, కానీ కథ మాత్రం రివర్స్‌. వైఎస్సార్‌సీపీ వాళ్లే గొడవలు చేశారని అబద్ధాలు. పుంగనూరులో నామినేషన్లు వేయడానికి వెళ్లిన వైఎస్సార్‌సీపీ వారిపైనే పోలీసులు కేసులు పెట్టారు. దెబ్బలు తిన్నవాళ్ల మీద కేసులు, కొట్టినవాళ్లకు రక్షణ. అబద్ధం: భారీగా నామినేషన్లు పడ్డాయి.. అడ్డుకుంటే ఇవెలా వస్తాయి?’ నిజం: 9,829 ఎంపీటీసీ స్థానాలకు 51,902 నామినేషన్లు, 659 జెడ్పీటీసీ స్థానాలకు 5,724 నామినేషన్లు పడ్డాయని సీఎం లెక్కలు చదివారు. కానీ ఎన్ని చోట్ల ప్రతిపక్ష అభ్యర్థులు నామినేషన్‌ కేంద్రం గడప కూడా తొక్కలేకపోయారో ఆ లెక్క మాత్రం దాచేశారు. వందకుపైగా మండలాల్లో ఐదు కంటే తక్కువ నామినేషన్లు పడ్డాయి. 8 మున్సిపాలిటీల్లో ప్రతిపక్ష నామినేషన్లే పడని పరిస్థితి కల్పించారు. మరో 19 మున్సిపాలిటీల్లో నామినేషన్లు వేయనివ్వలేదు. వైఎస్సార్‌సీపీ పేరుతో నకిలీ నామినేషన్లు వేయించడం ద్వారా చంద్రబాబు సరి కొత్త సంస్కృతికి తెరతీశారు. అబద్ధం: సుప్రీంకోర్టు ఏం చెప్పినా పాటిస్తాం నిజం: సుప్రీంకోర్టు చాలా స్పష్టంగా ఆదేశాలిచ్చింది. అక్టోబరు 25వరకు తుది జాబితాలు ప్రకటించ వద్దని, నామినేషన్లు వేయలేకపోయిన వారికి మళ్లీ అవకాశం ఇవ్వాలని, అవసరమైతే జిల్లా కలెక్టరేట్ల వద్ద అందుకు ఏర్పాట్లు చేయాలని నిర్దేశించింది. అభ్యర్థులు స్వేచ్ఛగా నామినేషన్లు వేసే అవకాశం కల్పించాలని, వారికి పోలీస్‌ భద్రత కల్పించాలని, ఆ దిశలో ఏం చర్యలు తీసుకున్నారో నివేదిక ఇవ్వాలని ఆదేశించింది. నామినేషన్‌ కేంద్రాల వద్ద సీసీటీవీ కవరేజీ ఏర్పాటు చేయాలని కూడా డీజీపీని ఆదేశించింది. ఎన్నికలు స్వేచ్ఛాయుత వాతావరణంలో జరిగేలా చూడాలని నిర్దేశించింది. ఇంత స్పష్టంగా సుప్రీంకోర్టు ఆదేశించినా, చంద్రబాబులో కానీ, ఎస్‌ఈసీలో కానీ, చంద్రబాబు చేతిలో తోలుబొమ్మ మాదిరి­గా మారిన డీజీపీలో కానీ, డీఐజీలు, ఎస్పీలు, కలెక్టర్లలో కానీ ఎలాంటి మార్పు రాలేదు. సుప్రీంకోర్టు ఆదేశాలు బేఖాతరు చేశారు. సుప్రీంకోర్టు ఆదేశాలంటే ఏ మాత్రం గౌరవం లేకుండా ప్రవర్తిస్తున్నారు. 19 మున్సిపాలిటీల్లో నామినేషన్లు వేయనివ్వలేదని వైఎస్సార్‌సీపీ ఆధారాలతో సహా సుప్రీంకోర్టుకు వెళ్తే, కోర్టు మొట్టికాయలు వేసినా, వీరిలో మార్పు లేదు. కేవలం 4 మున్సిపాలిటీల్లో మాత్రమే రీనామినేషన్లకు అనుమతి ఇచ్చారు. కోర్టు మొట్టికాయ వేశాక దాన్ని వక్రీకరించి మాట్లాడడం బాబు మార్కు రాజకీయం. అబద్ధం: నా చేతుల్లో ఏమీ లేదు. అంతా ఎస్‌ఈసీ చూసుకుంటుంది నిజం: అంతా ఎస్‌ఈసీ చేతుల్లో ఉంటే ఇంత అప్రజాస్వామికంగా వైఎస్సార్‌సీపీ అభ్యర్థులు, నేతలపై దాడులు, దౌర్జన్యాలు జరుగుతాయా? పోలీసు వ్యవస్థను పూర్తిగా తమ పార్టీ కోసం వాడుకుంటూ, కోర్టు ఆదేశాలను సైతం చంద్రబాబు తుంగలో తొక్కారు. ఎస్‌ఈసీ సుప్రీంకోర్టు ఆదే­శాలు కూడా పాటించడంలేదు. చంద్రబాబు ఆదేశాలు మాత్రమే పాటిస్తోంది. టీడీపీ దాడులు, పోలీ­సులు అడ్డుకోవడం వల్ల 19 మున్సిపాలిటీల్లో నామి­నేషన్లు వేయలేకపోయామని వైఎస్సార్‌సీపీ సుప్రీంకోర్టుకు వెళ్లింది. వాటితో పాటు, మరో 4 మున్సిపాలిటీల్లో స్క్రూటినీ పేరుతో వైఎస్సార్‌సీపీ నామి­నేషన్లు తిరస్కరించారు. అంటే మొత్తం 23 అర్బన్‌ లోకల్‌ బాడీస్‌లో పోటీ లేకుండా చేశారు. ఇదంతా చంద్రబాబు కనుసన్నల్లో ఎస్‌ఈసీ నడిపిస్తోంది. అబద్ధం: కోర్టుల్లో పిటిషన్లు వేసి ఎన్నికలు అడ్డుకుంటున్నారు నిజం: అన్యాయం జరిగినప్పుడు న్యాయస్థానాన్ని ఆశ్రయించడం ప్రతి పౌరుడి, ప్రతి పార్టీ రాజ్యాంగ హక్కు. జగన్‌ హయాంలో పాలనను అడ్డుకునేందుకు అడుగడుగునా కోర్టులకు వెళ్లి అబద్ధాలు, అతిశయోక్తులతో నాటకాలాడింది చంద్రబాబే. చంద్రబాబు కోర్టుకు వెళితే ప్రజాస్వామ్య పరిరక్షణ... ప్రతిపక్షం కోర్టుకు వెళితే కుట్రా? న్యాయస్థానాన్ని ఆశ్రయించడాన్ని కూడా నేరంగా చిత్రీకరించడం చంద్రబాబు నియంతృత్వ మనస్తత్వానికి నిదర్శనం. స్థానిక ఎన్నికల్లో చంద్రబాబు చేస్తున్న అక్రమాలపై వైఎస్సార్‌సీపీ నాయకులు అన్ని ఆధారాలు చూపడంతో పాటు, ఎస్‌ఈసీని కలిసి పూర్తి వివరాలతో ఫిర్యాదు చేశారు. ఆ తర్వాత సుప్రీంకోర్టును కూడా ఆశ్రయించి, అన్ని ఆధారాలు చూపడంతో, సుప్రీంకోర్టు రాష్ట్ర ప్రభుత్వానికి, ఎస్‌ఈసీకి తీవ్ర స్థాయిలో మొట్టికాయలు వేసింది. నామినేషన్‌ వేయలేకపోయిన వారికి అవకాశం ఇవ్వాలని ఆదేశించింది. అబద్ధం: 2021లో 24% ఏకగ్రీవాలు దౌర్జన్యమే నిజం: ఎంపీటీసీ, జెడ్పీటీసీ నామినేషన్లు, ఏకగ్రీవాలు జరిగింది 2020లో టీడీపీ హయాంలో నియమితులైన, చంద్రబాబుకు బంట్రోతు లాంటి ఎస్‌ఈసీ నిమ్మగడ్డ రమేష్‌కుమార్‌ ఆధ్వర్యంలోనే. బాబు మనిషి పర్యవేక్షణలో జరిగిన ప్రక్రియను ఇవాళ దౌర్జన్యం అనడం ఆయన పెట్టిన అధికారినే తప్పుబట్టడం కాదా? పైగా 2021లో ఎంపీటీసీ, జెడ్పీటీసీ ఎన్నికలను బహిష్కరిస్తున్నట్టు ప్రకటించింది టీడీపీయే. పోటీ నుంచి పారిపోయి, ఇప్పుడు ఏకగ్రీవాల లెక్కలు చెప్పడం బాబుకే చెల్లింది. అబద్ధం: జగన్‌ పెళ్లి బెంగుళూరు ప్యాలెస్‌లో జరిగింది నిజం: జగన్‌ పెళ్లి పులివెందులలో జరిగింది. అప్పటికి బెంగుళూరులో ఉన్న ఇల్లు కట్టనేలేదు. కట్టని ఇంట్లో జగన్‌ పెళ్లి జరిగిందని చంద్రబాబు ఆయన గురించి పచ్చి అబద్ధం చెప్పారు. జైలు పక్షికి కేసుల గురించి మాటలా? జగన్‌పై సీబీఐ, ఈడీ కేసులున్నాయని చంద్రబాబు గుండెలు బాదుకున్నారు. మరి స్కిల్‌ డెవలప్‌మెంట్‌ కుంభకోణంలో అరెస్టయి 52 రోజులు రాజమండ్రి సెంట్రల్‌ జైలులో ఊచలు లెక్కపెట్టింది ఎవరు? తనపై ఉన్న కేసుల విచారణ ముందుకు సాగకుండా అధికారంలోకి రాగానే అడ్డుకున్నది ఎవరు? కోర్టు విచారణలో ఉన్న వివేకా కేసుపై సీఎం కుర్చీలో కూర్చుని తీర్పులు ప్రకటించడం న్యాయవ్యవస్థను ప్రభావితం చేసే కుట్ర కాదా? కేసు కోర్టులో ఉండగా ముఖ్యమంత్రే ఒకరిని దోషిగా ప్రకటించడం ఏ రాజ్యాంగ విలువ? మామకు వెన్నుపోటు, తోడల్లుడికి మోసం, బావమరిదికి ద్రోహం.. కొడుకు కోసం ఎన్టీఆర్‌ కుటుంబానికి, ఇప్పుడు టీడీపీని వంచిస్తున్నారు. చంద్రబాబు నాలుగున్నర దశాబ్దాల విలువల చరిత్ర ఇదే. ఇంత నీచ చరిత్ర ఉన్న వ్యక్తి ఇవాళ జగన్‌కు కుటుంబ విలువలు, నైతికత గురించి పాఠాలు చెబుతుంటే తెలుగు ప్రజలు ముక్కున వేలేసుకుంటున్నారు. ఎన్నికల హింసకు జవాబు చెప్పలేక వ్యక్తిగత బురద జల్లడం ఓటమి భయానికి నిదర్శనమని రాజకీయ పరిశీలకులు స్పష్టం చేస్తున్నారు.నమ్మకద్రోహి బాబు మాటలు వింటే కంసుడే సిగ్గుపడతాడు జగన్‌ను కంస మామ అన్న చంద్రబాబు ముందు అద్దంలో తన ముఖం చూసుకోవాలి. పిల్లనిచ్చిన మామ, తెలుగుదేశం పార్టీ వ్యవస్థాపకుడు ఎన్టీ రామారావును 1995లో వెన్నుపోటు పొడిచి ఆయన కుర్చీని, ఆయన స్థాపించిన పార్టీని లాక్కున్న చరిత్ర చంద్రబాబుది. చంద్రబాబు తనను నమ్మించి గొంతు కోసిన ఆధునిక ఔరంగజేబు అని, జామాత దశమగ్రహం(అల్లుడు) అని ఎన్టీఆర్‌ కన్నీళ్లతో చెప్పిన మాటలు ఇప్పటికీ ప్రజల చెవుల్లో మారుమోగుతూనే ఉన్నాయి. పార్టీనే కాదు, కుటుంబాన్నీ ఎన్టీఆర్‌కు దూరం చేసి ఒంటరిని చేశారు. ఆ వేదనతో ఎన్టీఆర్‌ కొద్ది నెలలకే కన్నుమూశారు. మామను అంత క్షోభ పెట్టి చనిపోయేలా చేసింది చంద్రబాబే. అలాంటి వ్యక్తి ఇప్పుడు జగన్‌ కుటుంబ వ్యవహారాల్లో దూరి నీతులు మాట్లాడుతుంటే కంసుడే సిగ్గుపడతాడు.తోడల్లుడికి మోసం.. బావమరిదికి ద్రోహం ఎన్టీఆర్‌కు వెన్నుపోటు సమయంలో భుజం కాసిన తోడల్లుడు దగ్గుబాటి వెంకటేశ్వరరావును చంద్రబాబు పని అయిపోగానే కరివేపాకులా తీసి పక్కన పడేశారు. అదే సమయంలో అండగా నిలిచిన బావమరిది హరికృష్ణకు ఇచ్చిన హామీలన్నీ గాలికొదిలేశారు. చివరకు సొంత తండ్రి స్థాపించిన పార్టీ నుంచే హరికృష్ణ బయటకు వెళ్లి సొంత పార్టీ పెట్టుకోవాల్సిన దుస్థితి తెచ్చారు. చంద్రబాబు తన సొంత తమ్ముడు రామ్మూర్తినాయుడిని గొలుసులతో బంధించి హింసించారు. అవసరానికి వాడుకోవడం, అవసరం తీరగానే వెన్నుపోటు పొడవడం.. ఇదే చంద్రబాబు కుటుంబ నీతి. 2009 ఎన్నికల్లో ఎన్టీఆర్‌ మనవడు జూనియర్‌ ఎన్టీఆర్‌ను ప్రచారానికి వాడుకుని ఊరూరా తిప్పారు. కొడుకు లోకేశ్‌కు ఎక్కడ అడ్డు వస్తాడోనన్న భయంతోనే జూనియర్‌ను దూరం పెట్టారన్నది జగమెరిగిన సత్యం. మామ పార్టీని కొడుకుకు రాసిచ్చేందుకు సిద్ధమైన వ్యక్తి ఇప్పుడు ఆస్తుల పంపకాల గురించి నీతులు చెబుతున్నారు.

సాక్షి, అమరావతి: అధికార పార్టీ గూండాలు పోలీసులతో కలిసి అడుగడుగునా కల్పించిన అష్టకుట్రలు, ఆటంకాలన్నీ దాటుకొని నామినేషన్లు వేసిన వైఎస్సార్‌సీపీ అభ్యర్థులను పోటీలో లేకుండా చేసేందుకు వెన్నుపోటు పార్టీ మరో కుట్రకు పాల్పడింది. శనివారం కొనసాగిన ఎంపీటీసీ, జెడ్పీటీసీ నామినేషన్ల పరిశీలన కార్యక్రమం ఏక్షపక్షంగా కొనసాగింది. వీలైనంత మేర అధికార పార్టీకి పోటీగా ఉండే చోట ప్రతిపక్ష పార్టీ అభ్యర్థుల నామినేషన్లను ఏదో ఒక సాకుతో తిరస్కరించారు. టీడీపీకి వ్యతిరేకంగా పోటీలో ఉన్న వందల మంది అభ్యర్థుల నామినేషన్లను సహేతుక కారణం లేకుండానే చెల్లని ఖాతాలోకి నెట్టేశారు. ఎన్నికల ముందు మేనిఫెస్టోలో ఇచ్చిన హామీలను రెండున్నరేళ్ల పాలనలో అమలు చేయక పోవడంతో తీవ్ర ప్రజా వ్యతిరేకతను ఎదుర్కొంటున్న కూటమి ప్రభుత్వం.. తిమ్మినిబమ్మి చేసైనా స్థానిక ఎన్నికల్లో గెలవాలని ప్రజాస్వామ్యాన్ని ఖూనీ చేస్తూ దుర్మార్గాలకు ఒడిగట్టింది. ఈ దుర్మార్గం ప్రభుత్వ పెద్దల డైరెక్షన్‌ మేరకే సాగింది. పల్నాడు జిల్లా చేజర్ల మండలంలో కూటమి అభ్యర్థుల నామినేషన్ల పరిశీలన నిమిషాల వ్యవధిలో పూర్తి కాగా, వైఎస్సార్‌సీపీ అభ్యర్థుల నామినేషన్ల పరిశీ­లనకు ఒక్కో అభ్యర్థికి రెండు గంటలు సమయం తీసుకున్నారు.ఎన్నికల నిబంధనలు పాటించకుండా ఆర్వో బొడ్డు ప్రసాద్‌బాబు ప్రభుత్వ పెద్దల సూచన మేరకు అభ్యర్థుల నామి­నేషన్‌ పత్రాలను తిరస్కరించారని వైఎస్సార్‌సీపీ నాయ­కులు ఆగ్రహం వ్యక్తం చేశారు. నామినేషన్‌ తిరస్కరణకు గురైనట్లు అభ్యర్థులు సంతకాలు చేసి వెళ్లిపోవాలని ఆర్వో ప్రసాద్‌ బాబు, సహాయ ఆర్వో అమర్నాథ్‌ ఒత్తిడి తెచ్చారు. శనివారం సాయంత్రం ఐదు గంటలకల్లా పరిశీలన కార్యక్రమం పూర్తి కావాల్సి ఉండగా, రాత్రి 7 గంటల సమయానికి వైఎస్సార్‌సీపీకి చెందిన నాలుగు సెగ్మెంట్ల అభ్యర్థుల నామినేషన్లను ఏకపక్షంగా తిరస్కరించారు. బాధిత అభ్యర్థులు ఆర్డీవోను, జిల్లా కలెక్టర్‌ను ఫోన్లో సంప్రదించేందుకు ప్రయత్నించగా వారు స్పందించలేదు. అనంతపురం జిల్లా సింగనమల నియోజకవర్గం గార్లదిన్నె మండలంలోని పెనకచెర్ల ఎంపీటీసీ స్థానానికి వైఎస్సార్‌సీపీ తరఫున భీమన్న నామినేషన్‌ దాఖలు చేసిన సమయంలో అధికారులు ఇచ్చిన రసీదు.. పరిశీలన సమయంలో ఇచ్చిన రసీదు నెల్లూరు, తిరుపతి, మార్కాపురం జిల్లాల్లోనూ అదే తీరుమార్కాపురం జిల్లా పొదిలి మండలం ఆముదాలపల్లి ఎంపీటీసీ వైఎస్సార్‌సీపీ అభ్యర్థి పెమ్మని శ్రీను ‘వృత్తి’ పేర్కొనలేదనే కారణంతో నామినేషన్‌ను తిరస్కరించారు. నెల్లూరు జిల్లా మర్రిపాడు మండలం బూధవాడ ఎంపీటీసీ వైఎస్సార్‌సీపీ అభ్యర్థి తోక వెంకయ్య తన నామినేషన్‌లో కొన్ని చోట్ల డాష్‌ (–) పెట్టారనే కారణం చూపి తిరస్కరించారు. నెల్లూరు జిల్లా చిల్లకూరు మండలం కడివేడు ఎంపీటీసీగా షేక్‌ హుస్సేన్‌ భాష దాఖలు చేసిన దరఖాస్తులో ఒక చోట సంతకం లేదని తిరస్కరించారు. తిరుపతి జిల్లాలో దాఖలైన వైఎస్సార్‌సీపీ మొత్తం నామినేషన్లలో మూడో వంతు చంద్రగిరి నియోజకవర్గంలోనే ఉద్దేశ పూర్వకంగా తొలగించారు. ఏలూరు జిల్లా ఉంగుటూరు–1 వైఎస్సార్‌సీపీ అభ్యర్థిగా ఆలయ ట్రస్టు బోర్డు సభ్యుని పదవికి రాజీనామా చేసి పోటీ చేసిన రామేన వెంకట సాయి లక్ష్మి నామినేషన్‌ను అధికార పార్టీ నేతల ఒత్తిడితో అకారణంగా తిరస్కరించారు. అదే మండలం గోపీనాథ్‌ పట్నం వైఎస్సార్‌సీపీ ఎంపీటీసీ అభ్యర్థి పుచ్చకాయల శాంభవి నామినేషన్‌నూ తిరస్కరించారు. రేషన్‌ డీలర్‌గా రాజీనామా చేశాకే నామినేషన్‌ దాఖలు చేసినా, అదే కారణంతో తిరస్కరించడం గమనార్హం. వైఎస్సార్‌ కడప జిల్లాలో పలు చోట్ల అభ్యర్థులకు కారణం కూడా తెలపకుండా నామినేషన్లు తిరస్కరించారు. ప్రొద్దుటూరు మండలానికి సంబంధించి మొత్తం ఏడుగురు నామినేషన్లు వేస్తే, పరిశీలన సమయంలో అందరి నామినేషన్లను తిరస్కరించారు. బద్వేలు నియోజకవర్గంలో మొత్తం 12 నామినేషన్లను ఉద్దేశపూర్వకంగా తిరస్కరించారు. పొదుపు సంఘాల్లో రుణం ఉందని నామినేషన్‌ తిరస్కరణ సాధారణంగా ఎన్నికల నిబంధనల్లో రుణం ఉందనే కారణంతో నామినేషన్‌ తిరస్కరణకు అవకాశం లేకపోయినా.. అన్నమయ్య జిల్లా పెద్దమండెం మండల కేంద్రంలో వైఎస్సార్‌సీపీ ఎంపీటీసీ అభ్యర్థిగా పోటీ చేసిన పద్మజ నామినేషన్‌ను ఇదే కారణంతో తిరస్కరించారు. అదే మండలం ముసలికుంట ఎంపీటీసీ వైఎస్సార్‌సీపీ అభ్యర్థి హరినాయక్‌ తన నామినేషన్‌లో భార్య, పిల్లల పేరు నమోదు చేయలేదని తిరస్కరించారు. పంచాయతీ ఓటర్ల జాబితాలో ఉన్న సీరియల్‌ నెంబర్‌.. ఎంపీటీసీ ఓటర్ల జాబితాలో స్వల్పంగా వేరేగా ఉందనే కారణాలతో పదుల సంఖ్యలో నామినేషన్లను తిరస్కరించారు. ఇలాంటి చిన్న చిన్న కారణాలతో ఒక్క అన్నమయ్య జిల్లాలోనే వందలాది నామినేషన్లు తిరస్కరించారు. ఈ నామినేషన్లు అన్నీ వైఎస్సార్‌సీపీ వాళ్లవే కావడం గమనార్హం. ఉత్తరాంధ్ర జిల్లాల్లోనూ అదే తీరు విజయనగరం జిల్లా పూసపాటిరేగ జెడ్పీటీసీ వెఎస్సార్‌సీపీ అభ్యర్థి బొత్స చైతన్య నామినేషన్‌ను తిరస్కరించారు. విజయనగరం టౌన్‌లో తనకున్న ఓటు హక్కును స్వగ్రామానికి బదిలీ చేసుకుంటూ గతంలో దరఖాస్తు చేసుకున్నారు. ఆన్‌లైన్‌లో ట్రాన్స్‌ఫర్‌ అయినట్టు చూపిస్తున్నప్పటికీ, తమ వద్ద ఉన్న ఓటరు లిస్ట్‌లో ఆయన పేరు లేదని తిరస్కరించారు. అనకాపల్లి జిల్లా చీడికాడ మండలం కండివరం ఎంపీటీసీ వైఎస్సార్‌సీపీ అధికారిక అభ్యర్థి గంజికృష్ణతో పాటు డమ్మీ అభ్యర్థిగా బొగ్గు దేవుళ్లు నామినేషన్‌ వేశారు. వీరు తమ నామినేషన్లకు ప్రతిపాదకులుగా ఒకరినొకరు సంతకాలు చేసుకున్నారు. దీంతో వీరి నామినేషన్‌లు రిజెక్ట్‌ చేశారు. ఇదే మండలం తురువోలు ఎంపీటీసీ వైఎస్సార్‌సీపీ అభ్యర్థి ముర్రు రమాదేవి పేరు ఐడీ ఫ్రూప్‌లో మరోరకంగా ఉందని ఆమె నామినేషన్‌ను తిరస్కరించారు. పార్వతీపురం మన్యం జిల్లా చింతలబెలగాం ఎంపీటీసీ వైఎస్సార్‌సీపీ అభ్యర్థి నఖిరెడ్డి సుశీల నామినేషన్‌లో ప్రతిపాదించిన అభ్యర్థి సంతకం పెట్టాల్సిన చోట పోటీ చేసిన అభ్యర్థి సంతకం చేశారన్న సాకుతో ఆర్వో తిరస్కరించారు. శింగనమల నియోజకవర్గం గార్లదిన్నె మండలం పెనకచర్ల ఎంపీటీసీ వైఎస్సార్‌సీపీ అభ్యర్థి భీమన్న నామినేషన్‌ను అకారణంగా తిరస్కరించడంపై మాజీ మంత్రి శైలజానాథ్‌ అభ్యంతరం వ్యక్తం చేశారు. ఇలా రాష్ట్ర­­వ్యాప్తంగా అన్ని జిల్లాల్లోనూ ఈ అరాచక పర్వం కొనసాగింది.అన్యాయంగా తొలగించారుఎంతో అనుభవం ఉన్న ఓ విశ్రాంత ఉద్యోగి సహాయంతో నా నామినేషన్‌ పత్రాన్ని పూరించాను. ఎక్కడా ఎలాంటి తప్పిదం లేకుండా పలుమార్లు సరిచూసుకున్నాను. ఆపై టీడీపీ మూకను దాటుకుని వెళ్లి నామినేషన్‌ దాఖలు చేశాను. అయితే డిక్లరేషన్‌ ఫారంలో కాలమ్‌ నెంబర్‌ 2(4)లో సక్రమంగా పూరించలేదని నా నామినేషన్‌ తిరస్కరించినట్లు కారణం చెబుతున్నారు. ఇది చాలా దారుణం. ఓటమి భయంతో టీడీపీ నేతలు చేసిన కుట్ర అని తెలుస్తోంది. – మీసాల నాగలక్ష్మి, వైఎస్సార్‌సీపీ ఎంపీటీసీ అభ్యర్థి, బద్వేలు మండలం, అన్నమయ్య జిల్లాఈమె పేరు శ్రేయ. తిరుపతి జిల్లా చంద్రగిరి మండలం చిన్నరామాపురం ఎంపీటీసీ స్థానానికి వైఎస్సార్‌సీపీ తరఫున నామినేషన్‌ వేశారు. నామినేషన్‌ పత్రంలోఖర్చు వివరాలు సరిగా రాయలేదని తిరస్కరించారు. ఏ వివరాలు సరిగా రాయలేదో చెప్పాలని కోరగా, కొన్ని వివరాలు అంటూ దాట వేశారు. సీఎం చంద్రబాబు నాయుడు స్వగ్రామంనారావారిపల్లి ఈ సెగ్మెంట్‌ పరిధిలోకి వస్తుంది కాబట్టి.. వైఎస్సార్‌సీపీ అభ్యర్థి అయిన నా నామినేషన్‌నుఇలా తిరుస్కరించడం దారుణం. ఓడిపోతామన్న భయంతోనే ఇలా చేస్తున్నారని అర్థమవుతోంది. ఇలాంటి దుస్థితి ఎప్పుడు చూడలేదునేను మద్దూరు ఎంపీటిసీ అభ్యర్థిగా నామినేషన్‌ దాఖలు చేశాను. పరిశీలనలో అకారణంగా నా నామినేషన్‌ను తిరస్కరించారు. ఎందుకు తిరస్కరించారని ఆర్‌ఓ సునీల్‌ కన్నాను అడిగితే.. ‘మీ నామినేషన్‌ పత్రంలో ఒక కాలం వద్ద ‘నిల్‌’ అని రాసిన పదం సరిగా కనిపించడం లేదు. అందుకే తిరస్కరించాం’ అని చెప్పారు. ఏం మాట్లాడాలో నాకు అర్థం కాలేదు. పాలక పార్టీ నేతల ఒత్తిడితో ఇలా చేయడం దుర్మార్గం. – ఓ.రఘునాథరెడ్డి, నేలంపాడు గ్రామం, మద్దూరు, చాగలమర్రి మండలం, నంద్యాల జిల్లాఉన్నది ఒకే బైక్‌.. రెండు ఉన్నట్టు చూపలేదని.. మా ఊళ్లో వైఎస్సార్‌ కాంగ్రెస్‌ పార్టీకి మంచి పట్టు ఉంది. అందుకే టీడీపీ నాయకులు అధికారులపై ఒత్తిడి తీసుకువచ్చి కుట్రతో నా నామినేషన్‌ తిరస్కరించారు. నా భర్తకు ఒక బైక్‌ ఉంటే రెండు బైకులు ఉన్నట్లు చెప్పి.. దానిని నామినేషన్‌లో నమోదు చేయలేదనే కారణంతో రద్దు చేశారు. వాస్తవంగా నా భర్తకు ఒక బైక్‌ మాత్రమే ఉంది. అధికార పార్టీ నాయకుల కుట్ర వల్లే నా నామినేషన్‌ రద్దు చేశారు. – షేక్‌ ఖాసీంబీ, వేజండ్ల–1 వైఎస్సార్‌సీపీ ఎంపీటీసీ అభ్యర్థి, చేబ్రోలు మండలం, గుంటూరు జిల్లాఅంతా ఓకే అని చెప్పి తిరస్కరించారు నామినేషన్ల పరిశీలనకు మధ్యాహ్నం 12 గంటలకు వెళ్లాం. తహసీల్దార్‌ రవిశంకర్‌ మీ నామినేషన్‌ ఓకే అయింది అని చెప్పారు. సాయంత్రం జాబితా చూస్తే అందులో తిరస్కరణకు గురై ఉంది. కారణమేంటని వెళ్లి కనుక్కుంటే ఆస్తుల వివరాలు మ్యాచ్‌ కాలేదని చెప్పారు. ఏం మ్యాచ్‌ కాలేదని అడిగితే సరైన సమాధానం చెప్పడం లేదు. టీడీపీ అభ్యర్థిని ఏకగ్రీవం చేయడానికే కావాలని నా నామినేషన్‌ను తిరస్కరించారు. – జమ్ము లక్ష్మీరాజ్యం, వైఎస్సార్‌సీపీ ఎంపీటీసీ అభ్యర్థిని, రామాయపట్నం, ఉలవపాడు మండలం, ప్రకాశం జిల్లా

ప్రాదేశిక ఎన్నికల నామినేషన్ల పర్వం ఆఖరి రోజూ రక్తసిక్తంగా మారింది. టీడీపీ గూండాలు చెలరేగిపోయారు. వైఎస్సార్‌సీపీ అభ్యర్థులను నామినేషన్లు వేయనివ్వకుండా అడుగడుగునా అడ్డుతగిలారు. నామినేషన్‌ పత్రాలను లాక్కెళ్లి చించేశారు. వీరికి ‘పచ్చ’బొట్టేసుకున్న ఖాకీలు అండగా నిలిచారు. ప్రతిపక్ష అభ్యర్థులను ఎక్కడికక్కడ నిలువరించారు. ఇనుప కంచెలు వేసి మరీ అడ్డుకున్నారు. అభ్యర్థులు కాళ్లుమొక్కినా కరుణించలేదు. మాజీ ప్రజాప్రతినిధులపైనా పోలీసులు దురుసుగా ప్రవర్తించారు. గృహనిర్బంధాలు, నోటీసులతో బీభత్సం సృష్టించారు. ప్రజాస్వామ్యాన్ని అపహాస్యం చేశారు. వైఎస్సార్‌ జిల్లా పోరుమామిళ్లలో నామినేషన్‌ వేయకుండా వైఎస్సార్‌సీపీ అభ్యర్థులను అడ్డుకునేందుకు రోడ్డుకు అడ్డంగా నిలబడ్డ టీడీపీ వర్గీయులుపల్నాడు జిల్లా చిలకలూరిపేటలో మాజీ మంత్రి విడదల రజినిని కిందకు తోసేస్తున్న ఎస్‌ఐ, ఎస్‌ఐ దురుసు ప్రవర్తనతో కిందపడిపోయిన విడదల రజిని మార్కాపురం జిల్లా పొదిలిలో నామినేషన్‌ వేయడానికి వచ్చిన వారిని బలవంతంగా వెనక్కి పంపిస్తున్న పోలీసులువైఎస్సార్‌ కడప జిల్లా లింగాలలో వైఎస్సార్‌సీపీ ఎంపీటీసీ అభ్యర్థులను ఇనుప ముళ్లకంచె పెట్టి అడ్డుకుంటున్న పోలీసులు వైఎస్సార్‌ కడప జిల్లా పులివెందులలో వైఎస్సార్‌సీపీ ఎంపీటీసీ అభ్యర్థిని నామినేషన్‌ వేయకుండా అడ్డుకుంటున్న టీడీపీ గూండాలు మార్కాపురం జిల్లా పీసీపల్లిలో వైఎస్సార్‌సీపీ అభ్యర్థులను నామినేషన్‌ కేంద్రంలోకి వెళ్లనీయకుండా గేట్లు వేసి బారికేడ్లు పెట్టి అడ్డుకుంటున్న పోలీసులు అనంతపురం జిల్లా యల్లనూరులో వైఎస్సార్‌సీపీ శ్రేణులపై రాళ్లు రువ్వుతున్న టీడీపీ మూకలు చిత్తూరు జిల్లా పెద్దపంజాణిలో వైఎస్సార్‌సీపీ నేతపై టీడీపీ మూకల దాడి మాచర్లలో పిన్నెల్లి రామకృష్ణారెడ్డి హౌస్‌ అరెస్టు కందుకూరులో నియోజకవర్గ ఇన్‌చార్జ్‌ మధుసూదన్‌ యాదవ్‌ను గృహనిర్బంధం చేసిన పోలీసులు మార్కాపురం జిల్లా కనిగిరిలో గృహనిర్బంధంలో వైఎస్సార్‌సీపీ ఇన్‌చార్జ్‌ దద్దాల నారాయణ యాదవ్‌మార్కాపురం జిల్లా యర్రగొండపాలెంలో ఎమ్మెల్యే తాటిపర్తి చంద్రశేఖర్‌ హౌస్‌ అరెస్ట్‌తిరుపతి జిల్లా నాయుడుపేటలో మాజీ ఎమ్మెల్యే సంజీవయ్య, మార్కాపురంలో మాజీ ఎమ్మెల్యే అన్నా రాంబాబు, మాజీ ఎమ్మెల్యే కేపీ నాగార్జునరెడ్డిలకు హౌస్‌ అరెస్ట్‌ చేస్తున్నట్లు నోటీసు ఇస్తున్న పోలీసులుప్రకాశం జిల్లా లింగసముద్రంలో నామినేషన్‌లకు వెళ్లిన వైఎస్సార్‌సీపీ అభ్యర్థులపై రాళ్లతో దాడి చేస్తున్న టీడీపీ గూండాలు , మార్కాపురం జిల్లా కొనకనమిట్లలో నామినేషaన్‌ వేయించాలని ఓఎస్డీ నవజ్యోతి మిశ్రా కాళ్లు పట్టుకున్న వైఎస్సార్‌సీపీ అభ్యర్థిని బాలగురవమ్మ వైఎస్సార్‌ జిల్లా వేంపల్లెలో వైఎస్సార్‌సీపీ ఎంపీటీసీ అభ్యర్థులను అడ్డుకుంటున్న పులివెందుల డీఎస్పీ మురళీ నాయక్‌ అనంతపురం జిల్లా యల్లనూరులో టీడీపీ శ్రేణుల రాళ్ల దాడిలో గాయపడిన ఓబులేసు , శ్రీ పొట్టి శ్రీరాములు నెల్లూరు జిల్లా కావలిలో గాయపడిన వైఎస్సార్‌సీపీ కార్యకర్త

సాక్షి, అమరావతి: ఆంధ్రప్రదేశ్‌లో స్థానిక సంస్థల ఎన్నికల వేళ ప్రజాస్వామ్యం అపహాస్యమవుతోందంటూ జాతీయ స్థాయిలో పెద్దఎత్తున విమర్శలు వెల్లువెత్తుతున్నాయి. ప్రతిపక్ష వైఎస్సార్‌సీపీ అభ్యర్థులను నామినేషన్లు వేయకుండా అడ్డుకుంటున్నారని, మహిళా అభ్యర్థుల నుంచి నామినేషన్‌ పత్రాలను బలవంతంగా లాక్కుంటున్నారని, పోలీసుల సమక్షంలోనే ఈ ఘటనలు జరుగుతున్నాయంటూ సామాజిక మాధ్యమాల్లో వీడియోలు వైరల్‌ అవుతున్నాయి. ఈ పరిణామాలపై జాతీయ స్థాయిలో ప్రముఖ జర్నలిస్టులు, న్యాయవాదులు, సామాజిక కార్యకర్తలు, మహిళా సంఘాలు తీవ్రంగా స్పందిస్తున్నాయి. చంద్రబాబు నేతృత్వంలోని కూటమి ప్రభుత్వ హయాంలో ఎన్నికల స్వేచ్ఛ, అభ్యర్థుల భద్రత, పోలీసుల నిష్పాక్షికతపై వారు ఆందోళన వ్యక్తంచేస్తూ పోస్టులు షేర్‌ చేస్తున్నారు. ప్రజాస్వామ్యం ఉందా?..ఏపీలో స్థానిక సంస్థల ఎన్నికల సందర్భంగా వైఎస్సార్‌సీపీ అభ్యర్థులను నామినేషన్లు వేయకుండా అడ్డుకుంటున్నారంటూ స్వతంత్ర జర్నలిస్టు ప్రశాంత్‌ కనోజియా తన ‘ఎక్స్‌’ ఖాతాలో ఓ వీడియోను షేర్‌ చేశారు. రాష్ట్రంలో టీడీపీ, బీజేపీల ‘ఆటవిక రాజ్యం’ నడుస్తోందని విమర్శిస్తూ.. ఆంధ్రప్రదేశ్‌లో ప్రజాస్వామ్యం, భారత రాజ్యాంగం లేదనేలా పరిస్థితులు ఉన్నాయని ఆయన వ్యాఖ్యానించారు.టీడీపీ ప్రజాస్వామ్యాన్ని అపహాస్యం చేస్తోంది..సుప్రీంకోర్టు సీనియర్‌ న్యాయవాది, సామాజిక కార్యకర్త ప్రశాంత్‌ భూషణ్‌.. ఏపీలో జరుగుతున్న పరిణామాలపై తీవ్రంగా స్పందించారు. ‘‘ఆంధ్రప్రదేశ్‌లో జరుగుతున్నది అసాధారణమైనది. అధికార టీడీపీ గూండాలు ప్రతిపక్ష అభ్యర్థులను నామినేషన్‌ పత్రాలు దాఖలు చేయకుండా నిర్మొహమాటంగా అడ్డుకుంటున్నారు. ఇదంతా పోలీసులు, ఎన్నికల అధికారుల పూర్తి సమక్షంలో, వారి కుమ్మక్కుతో జరుగుతోంది. టీడీపీ ప్రజాస్వామ్యాన్ని అపహాస్యం చేస్తోంది’’.. అని తన అధికారిక ‘ఎక్స్‌’ ఖాతాలో ఆయన పేర్కొన్నారు.మహిళా అభ్యర్థులపై దౌర్జన్యాలా?..మహిళా అభ్యర్థుల నుంచి నామినేషన్‌ పత్రాలను బలవంతంగా లాక్కుంటున్నారన్న ఆరోపణలపై అఖిల భారత మహిళా కాంగ్రెస్‌ తీవ్రంగా స్పందించింది. ‘‘ఆంధ్రప్రదేశ్‌ పట్టణ స్థానిక సంస్థల ఎన్నికల్లో ప్రజాస్వామ్యంపై బహిరంగంగా దాడి జరుగుతోంది. అధికార పార్టీ గూండాలు మహిళా అభ్యర్థుల నుంచి నామినేషన్‌ పత్రాలను హింసాత్మకంగా లాక్కుంటున్నారు. ఇది సిగ్గుచేటు.. ఏమాత్రం ఆమోదయోగ్యం కాదు’’.. అంటూ ఖండించింది.ప్రతిపక్ష రాష్ట్రంలో జరిగితే ప్రత్యక్ష ప్రసారం చేసేవారు..సామాజిక మాధ్యమ వినియోగదారు నమ్ర పటేల్‌ రాష్ట్రంలో ఎన్నికల పరిస్థితులపై విమర్శలు గుప్పించారు. ‘‘ఆంధ్రప్రదేశ్‌ స్థానిక సంస్థల ఎన్నికలు భారత ప్రజాస్వామ్యానికి సిగ్గుచేటుగా మారాయి. నారా చంద్రబాబునాయుడు పాలనలో ఏపీలో పూర్తిగా చట్టం అదుపు తప్పింది. ఇదే ప్రతిపక్షాలు పాలించే రాష్ట్రంలో జరిగి ఉంటే ప్రధాన వార్తా మాధ్యమాలన్నీ ప్రత్యక్ష ప్రసారం చేసి ఉండేవి’’.. అని ఆయన వ్యాఖ్యానించారు.ఎన్నికల హింసపై జర్నలిస్టుల ఆందోళన..జర్నలిస్టులు అనుషా రవి సూద్, సందీప్‌ మనుధనే సహా పలువురు సామాజిక మాధ్యమ వినియోగదారులు ఆంధ్రప్రదేశ్‌లో స్థానిక సంస్థల ఎన్నికల సందర్భంగా హింస చోటుచేసుకుంటోందని ఆరోపించారు. ప్రతిపక్ష వైఎస్సార్‌సీపీ అభ్యర్థులను నామినేషన్లు వేయకుండా అడ్డుకుంటున్నారంటూ ఆందోళన వ్యక్తంచేశారు.ప్రజాస్వామ్యం క్షీణిస్తోంది..ఫ్రాన్సెస్కో ఫాచిని భారతదేశంలో ప్రజాస్వామ్యం ఎదుర్కొంటున్న సవాళ్లపై స్పందించారు. ‘‘దక్షిణ భారత రాష్ట్రాల్లో ఒకదానిలో ఎన్నికల ప్రక్రియల సమయంలో జరిగిన భారీ ఎన్నికల అవకతవకలను నా సహోద్యోగి, స్నేహితుడు ఇక్కడ చాలా చక్కగా వివరించారు. ఇది ఎంతమాత్రం ఆమోదయోగ్యం కాదు. ఇటువంటి బెదిరింపులను ఎదుర్కొంటున్న ఆయనకు, ప్రజలందరికీ నేను మద్దతుగా నిలుస్తున్నాను’’.. అని ఆయన పేర్కొన్నారు. ఎన్నికల సంఘం, సుప్రీంకోర్టు చూస్తున్నాయా?..సామాజిక కార్యకర్త తీస్తా సెతల్వాడ్‌ అయితే ఎన్నికల సంఘం, సుప్రీంకోర్టును ఉద్దేశించి ప్రశ్నలు సంధించారు. ‘‘ఎన్నికల సంఘం చూస్తోందా? సుప్రీంకోర్టు చూస్తోందా? అని నిలదీశారు. చిత్తూరు జిల్లా జీడీ నెల్లూరు ఘటనపై శ్వేతా సోని స్పందించారు. ‘‘గ్రేట్‌ ఏపీ పోలీస్‌!’’ అంటూ వ్యంగ్యంగా వ్యాఖ్యానించారు. ఒక గుంపు మహిళ నామినేషన్‌ పత్రాలను లాక్కుంటున్న సమయంలో పోలీసులు చూస్తూ నిలబడ్డారని విమర్శించారు.13 జిల్లాల్లో 31 ఎన్నికల ఘటనలు..చిత్తూరు జిల్లా జీడీ నెల్లూరులో అక్టోబర్‌ 22న నామినేషన్‌ దాఖలు చేయడానికి ప్రయత్నిస్తున్న మహిళ నుంచి ఒక వ్యక్తి పత్రాలను లాక్కోవడానికి ప్రయత్నించినట్లు వీడియోలో కనిపిస్తోందని ‘నేషనల్‌ హెరాల్డ్‌’ కథనం పేర్కొంది. నామినేషన్‌ పత్రాలను లాక్కోవడం, చింపివేయడం, ధ్వంసం చేయడం వంటి ఘటనలకు సంబంధించి 13 జిల్లాల్లో 31 ఎన్నికల సంబంధిత సంఘటనలు నమోదైనట్లు రాష్ట్ర పోలీసు ఉన్నతాధికారులు వెల్లడించారని తెలిపింది. ఈ ఘటనలు అభ్యర్థుల భద్రత, ఎన్నికల్లో పోటీచేసే హక్కు, పోలీసుల బాధ్యతపై ఆందోళనలను పెంచాయని పేర్కొంది.ఎన్నికల సంఘం ఏం చేస్తోంది?..నామినేషన్ల దాఖలుకు అడ్డంకులు లేకుండా చూడటం, అభ్యర్థుల భద్రతను కాపాడటం ఎన్నికల సంఘం, పోలీసు యంత్రాంగం బాధ్యత. నామినేషన్‌ పత్రాలను లాక్కోవడం, చింపివేయడం వంటి ఘటనలపై ఫిర్యాదులు వస్తే నిష్పాక్షికంగా విచారణ జరిపి బాధ్యులపై చర్యలు తీసుకోవాలి. అధికార పార్టీకి చెందిన వారిపై ఆరోపణలు వచ్చినా, ప్రతిపక్షాలు ఫిర్యాదు చేసినా చట్టం ముందు అందరూ సమానమే. రాష్ట్రంలో ఎన్నికల ప్రక్రియపై జాతీయ స్థాయిలో విమర్శలు, ఆరోపణలు వ్యక్తమవుతున్న నేపథ్యంలో అధికారులు స్పందించి వాస్తవాలను వెల్లడించాల్సిన అవసరం ఉంది. ప్రజాస్వామ్యంలో ప్రతి అభ్యర్థికి పోటీచేసే హక్కును కాపాడినప్పుడే ఎన్నికలపై ప్రజలకు విశ్వాసం నిలుస్తుందని సామాజిక మాధ్యమాల్లో నెటిజన్లు వ్యాఖ్యానిస్తున్నారు.

సాక్షి, అమరావతి: రాష్ట్రంలో వెన్నుపోటు ప్రభుత్వం, పోలీసులు కలిసి ప్రజాస్వామ్యాన్ని పట్టపగ­లు ఖూనీ చేస్తున్నారు. ఎన్నికల్లో పోటీ చేసే పౌరుల హక్కుపై నారాసురుడు గొడ్డలివేటు వేస్తూనే ఉన్నా­రు. ఎన్నికల్లో పోటీచేసే అవకాశం కల్పించాలని సు­ప్రీంకోర్టు ఆదేశాలు ఇచ్చినప్పటికీ, రాష్ట్రంలో సాగు­తున్న రాక్షసకాండను రాష్ట్ర ఎన్నికల కమిషన్‌ (ఎస్‌­ఈసీ) ఏమాత్రం అడ్డుకోలేకపోతోంది. మరో మాట­లో చెప్పాలంటే ఊరూరా దౌర్జన్యాలు, దాడులు, హ­త్యాయత్నాలు, నేతల గృహ నిర్బంధాలు యథేచ్ఛ­గా సాగుతున్నా చోద్యం చూస్తోంది. జిల్లా, మండల పరిషత్‌ ఎన్నికల్లో నామినేషన్లకు ఆఖరి రోజైన శుక్రవారం ఎంపీటీసీ, జడ్‌పీటీసీ వైఎస్సార్‌సీపీ అభ్యర్థులకు అడుగడుగునా అడ్డంకులు ఎదురయ్యా­యి. పచ్చ మూకలు నామినేషన్‌ పత్రాలను లా­క్కొ­ని చించి వేయడంతో పాటు అభ్యర్థులు, కార్యకర్త­లపై దాడులకు తెగబడ్డాయి. రెడ్‌బుక్‌కు జీ హుజూర్‌ అంటున్న పోలీసులు రౌడీలను వదిలేసి.. బాధిత వైఎస్సార్‌సీపీ నాయకులపైనే లాఠీలు ఝళిపిస్తున్నా­రు. వీరిపైనే తప్పుడు కేసులు బనాయిస్తున్నారు. ఫలితంగా పలు జిల్లాల్లో ఉద్రిక్తత నెలకొంది. నామినేషన్‌ వేయడానికి వెళ్తున్న అభ్యర్థులను అడ్డు­కోవడం నుంచి మహిళా అభ్యర్థులను భయభ్రాంతులకు గురిచేయడం వరకు వెన్నుపోటు పార్టీ శ్రేణు­లు పేట్రేగిపోతున్నాయి. మార్కాపురం జిల్లా వాగుమడుగు ఎంపీటీసీ వైఎస్సార్‌సీపీ అభ్యర్థి తిరుపతమ్మ నామినేషన్‌ పత్రాలు చించడంతో పాటు జాకెట్‌ లాగటంతో అవమానంతో బయటకు వస్తున్న దృశ్యం భద్రత మధ్య నామినేషన్‌ వేయిస్తామని చెప్పి.. సమయం మించిపోతున్న తరుణంలో పోలీసులు చేతులెత్తేసి మోసం చేశారు. నామినేషన్‌ వేస్తే చంపుతామని పలుచోట్ల టీడీపీ గూండాలు బాహాటంగా బెదిరింపులకు దిగినా పోలీసులు చేష్టలుడిగి చూస్తుండిపోవడం శోచనీ­యం. స్థానిక ఎన్నికల్లో ప్రజల తీర్పును ఎదుర్కో­లేని అధికారపక్షం నామినేషన్ల దశలోనే అడ్డంకులు సృష్టిస్తూ ప్రజాస్వామ్యాన్ని ఖూనీ చేస్తోందని రాష్ట్ర వ్యాప్తంగా ఆగ్రహం వ్యక్తమవుతోంది.వైఎస్సార్‌సీపీ నేత కుటుంబంపై విచక్షణారహితంగా దాడికర్నూలు జిల్లా వెల్దుర్తి మండలం అల్లుగుండులో వైఎస్సార్‌సీపీ నేత శ్రీరామరెడ్డిపై టీడీపీ గూండాలు హత్యాయత్నం చేశారు. ఈ దాడిలో ఆయన కాలు, చేయి విరిగింది. మల్లెపల్లె ఎంపీటీసీ స్థానానికి నామినేషన్‌ వేస్తారేమోనని ఆయన భార్య, పిల్లలను సైతం ఈడ్చి పడేసి దాడి చేశారు. అడ్డుకోబోయిన మరో ముగ్గురిపై కూడా దాడి చేశారు. శ్రీరామరెడ్డి అపస్మారక స్థితికి వెళ్లడంతో చనిపోయాడని భావించి వెళ్లిపో­యారు. ఆదోని, దిబ్బనకల్‌ వైఎస్సార్‌సీపీ ఎంపీటీసీ అభ్యర్థుల నామినేషన్‌ పత్రాలను టీడీపీ నాయకులు చించివేశారు.ఏరూరు ఎంపీటీసీ అభ్యర్థి తిమ్మాపు­రం సేనాపతిని నామినేషన్‌ కేంద్రానికి వెళ్లవద్దంటూ పోలీసులు అడ్డుకున్నారు. ఆలూరు ఎమ్మెల్యే విరూ­పాక్షిని గృహ నిర్బంధం చేశారు. హొళగుందలో వైఎ­స్సార్‌సీపీ అభ్యర్థులకు కుల, ఆదాయ ధ్రువపత్రా­లు జారీ చేస్తున్న మీ సేవా కేంద్రాన్ని మూసివేయా­లని ఎస్‌ఐ దిలీప్‌కుమార్‌ నిర్వాహకులను బెదిరించారు. కృష్ణగిరిలో వైఎస్సార్‌సీపీ శ్రేణులపై రాళ్ల దాడికి పాల్పడి 20 మందిని గాయపరిచారు. ఉమ్మడి కడప జిల్లాలో యథేచ్ఛగా దాడులుఉమ్మడి కడప జిల్లాలో పోలీస్‌ నిర్బంధం కొనసాగింది. కడప ఎంపీ వైఎస్‌ అవినాష్‌రెడ్డి ఇంటికి పులివెందుల పోలీసులు నోటీసులు జారీ చేశారు. నోటీసు­ను ఆయన ఇంటికి అంటించారు. రాజంపేటలోని మిట్ట­మీదపల్లె ఎంపీటీసీ అభ్యర్థి గొంటు మణి నా­మినేషన్‌ పత్రాలను టీడీపీకి చెందిన మేకా నరసింహులు చించివేశారు. బద్వేల్‌లోని పోరుమా­మిళ్ల నామినేషన్‌ కేంద్రం వద్ద వైఎస్సార్‌సీపీ అభ్యర్థులను అడ్డుకున్నారు. సుండుపల్లి ఎంపీటీసీ స్థానానికి నామినేషన్‌ దాఖలు చేసేందుకు వెళ్తున్న మహిళా అభ్యర్థుల నుంచి టీడీపీ నాయకుడు మహేష్‌ నాయుడు దౌర్జన్యం చేసి లాక్కున్నారు. బి.కో­డూరు మండలానికి వెళ్తున్న వైఎస్సార్‌సీపీ నేత దేవ­సాని ఆదిత్యరెడ్డిని పోలీసులు అడ్డుకున్నారు. చక్రా­యపేటలోని కల్లూరుపల్లికి చెందిన వైఎస్సార్‌సీపీ కార్యకర్త ఈశ్వర్‌నాయుడిపై పచ్చ రౌడీలు ఇనుప రాడ్లతో దాడి చేశారు. టీడీపీ నేత పుత్తా నరసింహారెడ్డి అండ్‌కో దౌర్జన్యం కొనసాగింది. చాపాడులో మహిళలపై దాడులు చేశారు. కలశపాడు మండలం ఎగువ తంబళ్లపల్లె ఎంపీటీసీ వైఎస్సార్‌సీపీ అభ్యర్థి బేబిపై రాళ్లు, కర్రలతో దాడి చేశారు. మైలవరం మండలం వద్దిరాల ఎంపీటీసీ అభ్యర్థి మహాలక్ష్మి కారును ధ్వంసం చేశారు. వీరబల్లె మండలంలో ఎంపీటీసీ స్థానానికి నామినేషన్‌ వేసేందుకు వెళ్లిన లక్ష్మిదేవి, ఆమె కుమారుడుపై పచ్చమూకలు దాడు­లకు తెగబడ్డారు. అన్నమయ్య జిల్లా పీలేరు ని­యో­జకవర్గం వాల్మీకిపురంలో నామినేషన్లు దాఖలు చేసేందుకు వెళ్తున్న వైఎస్సార్‌సీపీ అభ్యర్థులపై పో­లీసులు లాఠీచార్జి చేశారు. గాలివీడులోని గోరాన్‌­చెరువు ఎంపీటీసీ స్థానానికి నామినేషన్‌ వేయడానికి వెళ్లిన ఓబులమ్మతోపాటు ఆమెకు మద్దతుగా వచ్చి­న మహిళలపై పచ్చ రౌడీలు దాడి చేశారు. పుంగనూరు నియో­జకవర్గం సోమలలో వైఎస్సార్‌సీపీ అభ్యర్థుల వాహ­నాలపై దాడులు చేసి ధ్వంసం చేశారు. అభ్యర్థులను నామినేషన్లు దాఖలు చేయ­కుండా అడ్డుకున్నారు. రాయచోటి నియోజకవర్గం గోరాన్‌ చెరువు, అర­వీ­డు, దేవపట్ల నుంచి నామినేషన్లు వేయడానికి వస్తు­న్న వైఎస్సార్‌సీపీ అభ్యర్థులను అడ్డుకొని దాడి చేశారు. ఉమ్మడి చిత్తూరు జిల్లాలో బెదిరింపులుచిత్తూరు జిల్లా కుప్పం, శాంతిపురం, రామకుప్పం ప్రాంతాల్లో వైఎస్సార్‌సీపీ నాయకులపై పచ్చ మూ­కలు భౌతిక దాడులకు పాల్పడ్డాయి. నామినేషన్లు వేస్తే చంపేస్తామని బెదిరించారు. చంద్రగిరి నియో­జకవర్గంలోని ఎంఆర్‌పల్లి సమీపంలో వైఎస్సార్‌సీపీ విద్యార్థి విభాగం నాయకుడు చెంగల్‌రెడ్డిపై పచ్చ మూకలు దాడి చేశాయి. శ్రీకాళహస్తి, తొట్టంబేడు, రేణిగుంటలలో వైఎస్సార్‌సీపీ అభ్యర్థు­లను నామినేషన్లు దాఖలు చేయకుండా అడ్డుకు­న్నారు. భవానీ దీక్షలో ఉన్న శ్రీకాళహస్తి మాజీ ఎమ్మెల్యే బియ్యపు మధుసూదన్‌రెడ్డి కుమార్తె పవిత్రారెడ్డిపై టీడీపీకి చెందిన శ్రీకాళహస్తి దేవ­స్థానం మాజీ బోర్డు సభ్యుడు, టీడీపీ పట్టణ ప్రధాన కార్యదర్శి కాసరం రమేష్‌ దురుసుగా ప్రవర్తించారు. రైల్వే కోడూరు నియోజక­వర్గ పరిధిలో ఓబు­ల­వారిపల్లి, పెనగ­లూరు మండల పరిధిలో ము­గ్గు­రు వైఎస్సార్‌సీపీ అభ్యర్థులను నామినేషన్లు వెయ్య­నివ్వకుండా టీడీపీ మూకలు అడ్డుకుని అరాచకం సృష్టించారు. పుంగనూరు నియోజకవర్గంలోని పులి­చెర్ల, రొంపిచెర్ల మండలాల్లో టీడీపీ రౌడీల దౌర్జన్యా­లు పరాకాష్టకు చేరాయి. కుప్పం నియోజకవర్గంలోని రామకుప్పం మండలంలో శుక్రవారం 16 స్థానాలకు 16 మంది టీడీపీ వారు.. వైఎస్సార్‌సీపీ నేతల పేరుతో నామినేషన్లు వేశారు. అన్నమయ్య జిల్లా వాల్మీకిపురంలో వైఎస్సార్‌సీపీ శ్రేణులపై లాఠీచార్జ్‌ చేస్తున్న పోలీసులు అనంతపురంలో కొనసాగిన దాష్టీకాలుఉమ్మడి అనంతపురం జిల్లా వ్యాప్తంగా దౌర్జన్యాలు, దాడులు కొనసాగాయి. రాప్తాడు, తాడిపత్రి, గుంతకల్లు, ఉరవకొండ నియోజకవర్గాల్లో టీడీపీ శ్రేణు­లు పేట్రేగిపోయాయి. పెద్దవడగూరులో వైఎస్సార్‌­సీపీ అభ్యర్థులపై జేసీ ప్రభాకర్‌రెడ్డి వర్గీయులు రాళ్ల దాడి చేశారు. వాహనాలను ధ్వంసం చేశారు. మాజీ ఎమ్మెల్యే కేతిరెడ్డి పెద్దారెడ్డి స్వగ్రామం తిమ్మంపల్లి­లో పచ్చ మూకలు అడ్డంకులు సృష్టించారు. నిరస­నగా వైఎస్సార్‌సీపీ శ్రేణులు యల్లనూరు పోలీస్‌ స్టేషన్‌ వద్ద ఆందోళన చేపట్టగా పోలీసులు లాఠీచార్జి చేశారు. నామినేషన్‌ వేశారని మారణాయుధాలతో దాడి శ్రీ పొట్టి శ్రీరాములు నెల్లూరు జిల్లా బోగోలు మండలం ఏనుగులబావి పంచాయతీ కోళ్లదిన్నె గ్రామా­నికి చెందిన వైఎస్సార్‌సీపీ వర్గీయులు తమ ఎంపీ­టీసీ అభ్యర్థినిగా సుభాషిణితో నామినేషన్‌ దాఖ­లు చేయించారు. ఈ క్రమంలో వైఎస్సార్‌సీపీ నేతలు అట్ల శివరాజారెడ్డి, పులి బాలకోటయ్యలు కావలి నుంచి స్వగ్రామానికి వెళ్లేందుకు తుమ్మలపెంట సెంటర్లలో ఆటో కోసం వేచి ఉండగా.. వంటేరు ప్రసన్న, పెనుగొండయ్య, ఫణీంద్ర, మహేంద్ర, గొల్లపల్లి సుధీర్, నందకిషోర్, వినోద్, మహేంద్ర, తదితరులు ఒక్కసారిగా మారణాయుధాలతో విచక్షణారహితంగా దాడికి తెగబడ్డారు. అంతటా అదే దౌర్జన్యంమార్కాపురం, ప్రకాశం జిల్లాల్లో టీడీపీ దౌర్జన్యం కొనసాగింది. కొమరోలులో టీడీపీ శ్రేణులు రాళ్ల దాడి చేయడంతో ఘర్షణ చోటు చేసుకుంది. 16 మంది వైఎస్సార్‌సీపీ నాయకులపై హత్యాయత్నం కేసును నమోదు చేశారు. తర్లుపాడు మండలంలో టీడీపీ గూండాలు ఎంపీటీసీ స్థానాలకు ఒక్క నామి­నేషన్‌ కూడా వేయనివ్వలేదు. పీసీపల్లిలో టీడీపీ గూండాలు రెచ్చిపోయారు. వైఎస్సార్‌ సీపీ అభ్యర్థు­లమంటూ 9 దొంగ నామినేషన్లు దాఖలయ్యాయి. బేస్తవారిపేట నామినేషన్‌ కేంద్రం వద్ద టీడీపీ శ్రేణు­లు ఒక్కసారిగా దాడులకు పాల్పడ్డారు. గిద్దలూరు మండలం జయరాంపురం, కనిగిరి, సీఎస్‌పురం, ప్రకాశం జిల్లా కందుకూరులో దాడులు కొనసాగా­యి.దర్శి నియోజకవర్గంలో వైఎస్సార్‌ సీపీ అభ్యర్థి ఆవుల మోహన్‌రెడ్డిని టీడీపీ రౌడీలు కొట్టి గాయపరి­చారు. కందుకూరు, యర్రగొండపాలెం నియోజక­వర్గంలో దాడులు కొనసాగాయి. పెదకూరపాడు నియోజకవర్గం బెల్లంకొండ మండలం నాగిరెడ్డిపా­లెం ఎంపీటీసీ సెగ్మెంట్‌ నుంచి నామినేషన్‌ వేసేందుకు వెళ్లిన జనసేన నాయకుడు పగడాల శ్రీనివా­సరావుపై టీడీపీ నేతలు దాడి చేశారు. మంత్రి అచ్చె­న్నాయుడు స్వగ్రామం శ్రీకాకుళం జిల్లా నిమ్మాడలో వైఎస్సార్‌సీపీ అభ్యర్థిని బెదిరించి నామినేషన్‌ ఉపసంహరింపజేశారు. ఎన్టీఆర్‌ జిల్లా ఇబ్రహీంపట్నంలో మాజీ మంత్రి జోగి రమేష్‌ను పోలీసులు గృహ నిర్బంధం చేశారు. కొటికలపూడి ఎంపీటీసీ అభ్యర్థి పాలడుగు జ్యోత్స్న నామినేషన్‌ ర్యాలీకి వెళ్లకుండా అడ్డుకున్నారు. శ్రీకాకుళం జిల్లా కోటబొ­మ్మాళి మండలం నిమ్మాడ ఎంపీటీసీ అభ్యర్థి తోట ఆదిలక్ష్మిని టీడీపీ నేతలు తీవ్రంగా బెదిరించారు.తిరుపతి జిల్లా తొట్టంబేడులో టీడీపీ నాయకులు చించివేసిన పెద్ద కన్నలి వైఎస్సార్‌సీపీ అభ్యర్థి నామినేషన్‌ ఉమ్మడి గుంటూరు జిల్లాలో పోలీసుల నిర్బంధకాండపల్నాడు జిల్లా మాచర్లలో పోలీస్‌ నిర్బంధకాండ కొనసాగుతోంది. మాజీ ఎమ్మెల్యే, పల్నాడు జిల్లా వైఎస్సార్‌సీపీ అధ్యక్షుడు పిన్నెల్లి రామకృష్ణారెడ్డిని మూడు రోజులుగా పోలీసులు గృహ నిర్బంధం చేశారు. నామినేషన్‌ వేసేందుకు వెళ్లిన వైఎస్సార్‌­సీపీ అభ్యర్థులపై పోలీసుల సమక్షంలోనే పచ్చ మూకలు పేట్రేగిపోయి దాడులు చేశాయి. మాచర్ల, వెల్దుర్తి, రెంటచింతల, కారంపూడి, దుర్గి నామినేషన్‌ కేంద్రా­ల వద్ద అభ్యర్థులకు అడ్డంకులు సృష్టించారు. మా­చర్ల జెడ్పీటీసీ అభ్యర్థి పెద్దరాజు అన్న కుమారుడు శివలీల కృష్ణ యాదవ్‌ను నామినేషన్‌ కేంద్రం నుంచి కిడ్నాప్‌ చేశారు. ఇద్దరు మీడియా ప్రతినిధులపై దా­డి చేసి వారి ఫోన్లను లాక్కున్నారు. పెదనెమలిపూరి వైఎస్సార్‌­సీపీ ఎంపీటీసీ అభ్యర్థి తులసమ్మ నామినే­షన్‌ పత్రాలను లాక్కొని చించివేశారు. ఆమె కారు­ను ధ్వంసం చేయడంతో పా­టు మహిళా నాయకుల దుస్తులు లాగేందుకు ప్రయ­త్నించారు. వినుకొండ, ఈపూరులో పోలీసులు అర్ధ­రాత్రి వైఎస్సార్‌­సీపీ నాయకుల ఇళ్ల వద్దకు వెళ్లి బెదిరించారు. కారంపూడి ఎంపీటీసీ అభ్యర్థి మస్తాన్, పార్టీ నాయకుడు జిలానీ నామినేషన్లకు సిద్ధమవుతుండగా పోలీ­సులు అరెస్ట్‌ చేశారు. సత్తెనపల్లి నియోజకవర్గం రాజుపాలెం మండల ఎంపీడీవో ఆఫీస్‌ వద్ద నామినేషన్‌ వేయడానికి వెళ్తున్న వైఎస్సార్‌సీపీ అభ్యర్థులపై టీడీపీ గూండాలు దాడికి తెగ­బడ్డారు. పోలీసుల తీరుపై రెడ్డిగూడెం నాగారం జంక్షన్‌ వద్ద సత్తెనపల్లి నియోజకవర్గ సమన్వయ­కర్త డాక్టర్‌ గజ్జల సుధీర్‌ భార్గవరెడ్డి నిరసన చేపట్టగా టీడీపీ మూకలు రాళ్లు రువ్వాయి. రాయవరంలో వైఎస్సార్‌సీపీ నాయ­కుడు గోగుల నరసింహారెడ్డిపై టీడీపీ కార్యకర్తలు దాడి చేయడంతో ఆయన తలకు గాయమైంది. మాచర్లలో సాక్షి మీడియాకు చెందిన భజరంగ్‌ ప్రసాద్, బాలాజీ, వంశీలపై తెలుగుదేశం గూండాలు వెంటాడి దాడి చేశారు. సత్తెనపల్లి నియోజకవర్గంలోని ముప్పాళ్ల, రాజుపాలెం, నకరికల్లు మండలాల్లో టీడీపీ గూండాలు రణరంగం సృష్టించారు.మాజీ మంత్రి రజినిని తోసేసిన ఎస్‌ఐస్థానిక ఎన్నికల్లో వైఎస్సార్‌సీపీ అభ్యర్థులకు బీ ఫా­రాలు కూడా ఇచ్చేందుకు వీలులేకుండా మాజీ మంత్రి విడదల రజినిని మూడు రోజు­లుగా గృహ ని­ర్భంధంలో ఉంచిన పోలీసు­లు.. శుక్రవారం అత్యంత దుర్మార్గంగా వ్యవ­హరించారు. తనను కలవడా­నికి వచ్చిన జెడ్పీ­టీసీ అభ్యర్థి, దళిత నాయకుడు పందుల బుల్లబ్బాయిని గేటు వద్దే అడ్డుకున్న పోలీసు­లను రజిని ప్రశ్నించారు. తన నివాసంలోకి వస్తున్న తన వారిని ఎందుకు అడ్డుకుంటున్నా­రని ప్రశ్నిస్తూ, వారిని లోపలికి అనుమతించాలని కోరారు. దీంతో రజినిని చిలకలూరి­పేట రూరల్‌ ఎస్సై ప్రియాంక గట్టిగా తోసేసి కిందపడేశారు. దీంతో పక్కనే ఉన్న బండరా­యి తగిలి రజిని చేతికి గాయమైంది. యడ్ల­పాడులో వైఎస్సార్‌­సీపీ నామినేషన్లను పచ్చ మూక అడ్డుకోవడంతో ఉద్రిక్తత చోటు చేసు­కుంది. దీంతో పోలీసులు లాఠీచార్జి చేశారు. దీనిని నిరసిస్తూ వైఎస్సార్‌సీపీ శ్రేణులు జాతీయ రహదారిపై ఆందోళన చేపట్టాయి.

సాక్షి, అమరావతి: నామినేషన్లకు అడ్డంకులు.. నాయకుల గృహనిర్బంధాలు.. పత్రాల చింపివేత.. దాడులు.. అక్రమ కేసులు.. సంతకాల ఫోర్జరీ.. ఫేక్‌ నామినేషన్లు.. బలవంతపు ఉపసంహరణలు! ఇలా స్థానిక ఎన్నికల్లో చంద్రబాబు, ఆయన గ్యాంగ్‌ ఎనిమిది రకాల కుట్రలకు పాల్పడుతున్నారంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్ర స్థాయిలో ధ్వజమెత్తారు. ప్రతిపక్ష అభ్యర్థులను పోటీకి దూరం చేసేందుకు బెదిరింపులు, దౌర్జన్యాలకు దిగుతున్నారని, మహిళా అభ్యర్థులపై దాడులు జరుగుతున్నా పోలీసులు ప్రేక్షకపాత్ర పోషిస్తున్నారని విమర్శించారు. మరోవైపు, వైఎస్సార్‌సీపీ పేరుతో నకిలీ నామినేషన్లు దాఖలు చేసి, ఎన్నికలు సజావుగా జరుగుతున్నట్లు సుప్రీంకోర్టును తప్పుదోవ పట్టించే ప్రయత్నం చేస్తున్నారని ఆరోపించారు.‘‘అష్టకుట్రలతో ప్రజాస్వామ్యాన్ని ఖూనీ చేస్తున్నారు.. రాష్ట్రాన్ని అరాచక ఆంధ్రప్రదేశ్‌గా మార్చేశారు’’ అంటూ చంద్రబాబు, పోలీసుల వ్యవహారశైలి, రాష్ట్ర ఎన్నికల సంఘం తీరుపై జగన్‌ ధ్వజమెత్తారు. మా హయాంలో స్థానిక ఎన్నికలు జరిగాయి. అప్పుడు ఒక్కటైనా ఇలా జరిగిందా? అంత సాఫీగా మేము ఎన్నికలు జరిపాము. అదే ఈరోజు అందుకు పూర్తి భిన్నంగా ఎన్నికలు. తొండి. అన్యాయం. దౌర్జన్యం. రాష్ట్రవ్యాప్తంగా ఇలాంటి పరిస్థితే నెలకొంది. ఎంపీటీసీ, జెడ్పీటీసీ నామినేషన్లలో కూడా మున్సిపల్‌ ఎన్నికల నామినేషన్ల పర్వం మాదిరిగా జరుగుతోంది. ఆ అధికారులు. ఆ పోలీసులే ఉన్నారు. మరి ఏ విధంగా నామినేషన్లు వేస్తారు?’’ అని వైఎస్‌ జగన్‌ ప్రశ్నించారు. ఇంకా ఆయనేమన్నారంటే..నామినేషన్ల పర్వంలో జరుగుతున్న దౌర్జన్యాలిలా.. (అంటూ.. అన్నీ వరసగా పేర్లు, వివరాలతో సహా వీడియోల్లో చూపారు)» పెనుకొండలో మంత్రి సవిత ముఖ్య అనుచరుడు, టీడీపీ నాయకుడు సుబ్బారెడ్డి ఆర్వో చేతిలో నుంచి నామినేషన్‌ పత్రాలు లాక్కుని చింపేశాడు. » చిత్తూరు జిల్లాలో దళిత వర్గానికి చెందిన మాజీ డిప్యూటీ సీఎం నారాయణస్వామిపై టీడీపీ గూండాల దాడి. ఆయన కారు ధ్వంసం. » ధర్మవరం మున్సిపాలిటీ. 32వ వార్డులో నామినేషన్‌ వేయడానికి వెళ్తున్న తలారి నళినిపై టీడీపీ అభ్యర్థి దాడి చేసి చీర లాగాడు. » పలమనేరు నియోజకవర్గం, వి.కోట జెడ్పీటీసీ అభ్యర్థి జీ.వీ.ప్రకాష్‌పై దాడి. నామినేషన్‌ పత్రాలు చింపివేత. » చిలకలూరిపేట. 47వ వార్డులో వైఎస్సార్‌సీపీ అభ్యర్థిపై ఆర్‌ఓ సమక్షంలోనే టీడీపీ గూండాల దాడి. » చిత్తూరులో జెడ్పీటీసీ అభ్యర్థినిపై కె.సుష్మను అసభ్యంగా తాకి, నామినేషన్‌ పత్రాలు లాక్కునే ప్రయత్నం చేసిన టీడీపీ గూండాలు. దాడుల పర్వాన్ని వివరిస్తున్న వైఎస్సార్‌సీపీ అధినేత వైఎస్‌ జగన్‌ » చిత్తూరు జెడ్పీ ఆఫీస్‌లోనే జీడీ నెల్లూరు జెడ్పీటీసీ అభ్యర్థిని నిరీషాపై దాడి చేసి, నామినేషన్‌ పత్రాలు చింపేశారు. టీడీపీ మహిళా నేత ఆ పని చేసింది. » జీడీ నెల్లూరు వైఎస్సార్‌సీపీ ఎంపీటీసీ అభ్యర్థి నామినేషన్‌ పత్రాలు టీడీపీ గూండాలు బలవంతంగా లాక్కున్నారు. » సత్యసాయి జిల్లా తాడిమర్రిలో మండల నాయకుడు చంద్రశేఖర్‌రెడ్డి ఇంటిపై దాడి చేసి పోలీసులు వారిని కొట్టారు. 9 నెలల గర్భిణీ అని కూడా చూడలేదు. » కడప జిల్లాలో ఎంపీటీసీ అభ్యర్థి భారతి నామినేషన్‌ను టీడీపీ గూండాలు చింపేశారు. » కనిగిరిలో మా ఎంపీటీసీ అభ్యర్థిని పోలు వరలక్ష్మి చేతిలో నుంచి నామినేషన్‌ పత్రాలు లాక్కుని చింపేశారు. » కడప జిల్లా చాపాడు మండలంలో ఎంపీటీసీ స్థానానికి నామినేషన్‌ వేయడానికి వచ్చిన 9 నెలల గర్భిణీ ప్రశాంతిపై దాడి చేసిన టీడీపీ మూకలు నామినేషన్‌ పత్రాలు లాక్కున్నాయి. » నర్సారావుపేటలో, పిడుగురాళ్ల జెడ్పీటీసీ అభ్యర్థి భారతి భర్త, పెద్ద లక్ష్మారెడ్డిపై దారుణంగా దాడి చేశారు. » కర్నూలు జిల్లా ఆలూరు మండలంలో ఇంట్లో ఉన్న మా పార్టీ ఎంపీటీసీ అభ్యర్థి వినోద్‌ను దుస్తులు చింపి, దారుణంగా కొట్టిన ఎస్‌ఐ విజయ్‌. » కనిగిరిలో 18వ వార్డు అభ్యర్థి సమీర నామినేషన్‌ వేయనివ్వాలంటూ పోలీసుల కాళ్ల మీద పడి వేడుకున్నా కనికరించలేదు. » దాచేపల్లిలో మా పార్టీ జెడ్పీటీసీ అభ్యర్థి పద్మావతి చీర లాగేందుకు టీడీపీ మహిళలు ప్రయత్నించారు. 10 మంది ఆ పని చేశారు. ఇదంతా నర్సారావుపేటలో జరిగింది. అయినా పోలీసులు పట్టించుకోలేదు. » పుంగనూరులో వార్డు నెం.1లో ఎస్సీ మహిళ కమలమ్మ చేతిలో నుంచి నామినేషన్‌ పత్రాలు దౌర్జన్యంగా లాక్కున్నారు. » జమ్మలమడుగు మున్సిపల్‌ ఛైర్‌పర్సన్‌గా నామినేషన్‌ వేయడానికి బయలుదేరిన ఇందిరమ్మను పోలీసులు తుపాకీ చూపించి బెదిరించారు. » కడప వైఎస్సార్‌సీపీ ఆఫీస్‌లో ఎంపీ అవినాష్‌రెడ్డిని అరెస్టు చేశారు. ఆయన ఎంపీ అన్న కనీస గౌరవం కూడా ఇవ్వలేదు. ఆయన్ను ఒక తీవ్రవాది మాదిరిగా చూశారు. అలా అక్రమంగా అరెస్టు చేశారు. » తిరుపతి జిల్లా రైల్వే కోడూరు ఎమ్మెల్యే అరవ శ్రీధర్‌ అనుచరులు అమానవీయ ప్రవర్తన. ఒక మహిళ నామినేషన్‌ వేయడానికి వెళ్తుండగా, దాడి చేసి అమానవీయ ప్రవర్తన. » తిరుపతి జిల్లా చంద్రగిరిలో అనుపల్లి ఎంపీటీసీ అభ్యర్థి ఎస్సీ మహిళ శారద సీఐ కాళ్లు పట్టుకుంది. నామినేషన్‌ వేయనివ్వాలని వేడుకుంది. »నగరి మున్సిపల్‌ చైర్‌పర్సన్‌ బాలకృష్ణ, నామినేషన్‌ తొలుత ఓకే అన్నారు. అక్నాలెడ్జ్‌మెంట్‌ కూడా ఇచ్చారు. ఆ తర్వాత తుది జాబితాలో టీడీపీ అభ్యర్థి పేరు మాత్రమే ఉంది.సుప్రీంకోర్టును ఏమార్చేందుకు ఫేక్‌ నామినేషన్లు దాఖలుచంద్రబాబు కుట్రల్లో పరాకాష్ట.. మా పార్టీ పేరుతో వారే దొంగ నామినేషన్లు దాఖలు చేస్తున్నారు. అలా సంఖ్యను పెంచి చూపి, రాష్ట్రంలో అంతా శాంతియుతంగానే జరుగుతోందని కోర్టులను మభ్య పెట్టే ప్రయత్నం చేస్తున్నారు. ఎన్నికల కమిషన్‌ డేటా చూస్తే, అది మీకు అర్ధమవుతుంది. ‘ఒక్కసారిగా వైఎస్సార్‌సీపీ నామినేషన్ల అసాధారణ పెరుగుదల’ (ఎక్స్‌పొనెన్షియల్‌ సర్జ్‌ ఇన్‌ వైఎస్సార్‌సీపీ నామినేషన్స్‌) కనిపిస్తుంది. రాష్ట్రంలో 9,829 ఎంపీటీసీ పదవులకు ఎన్నికలు జరుగుతుంటే, ఈనెల 21 నాటికి, అంటే బుధవారం నాటికి వైఎస్సార్‌సీపీ పక్షాన కేవలం 1,918 నామినేషన్లు మాత్రమే దాఖలైతే ఆ మర్నాడు, అంటే 22వ తేదీ గురువారం నాటికి వాటి సంఖ్య ఏకంగా 10,501 కి పెరిగినట్లు చూపిస్తున్నారు. ఫేక్‌ నామినేషన్ల వివరాలు వెల్లడిస్తున్న మాజీ సీఎం వైఎస్‌ జగన్‌ అంటే ఒక్కరోజులోనే వైఎస్సార్‌సీపీ నామినేషన్ల దాఖలులో 547% పెరుగుదల చూపించారు. అలాగే 659 జెడ్పీటీసీ పదవులకు ఎన్నికలు జరుగుతుంటే, ఈనెల 21 నాటికి వైఎస్సార్‌సీపీ పక్షాన దాఖలైన నామినేషన్లు కేవలం 192 మాత్రమే. ఆ మర్నాడు, అంటే 22వ తేదీ నాటికి వాటి సంఖ్య ఏకంగా 900 కి పెరిగింది. అంటే ఒక్కరోజులోనే వైఎస్సార్‌సీపీ నామినేషన్ల దాఖలులో 468% పెరుగుదల చూపించారు. ఒకవైపు ఎక్కడికక్కడ నామినేషన్లు వేయకుండా అడ్డుకుంటున్నారు. మండల కేంద్రాల్లోనూ, జిల్లా కేంద్రాల్లోనూ అదే మాదిరిగా ఉంది. కానీ ఇక్కడ ఎన్నికల కమిషన్‌ డేటా చూస్తే.. ఆ స్థాయిలో మా పార్టీ నామినేషన్లు పెరిగాయి!. అంటే వైఎస్సార్‌సీపీ పేరుతో వెన్నుపోటు పార్టీ వారే ఫేక్‌ నామినేషన్లు దాఖలు చేస్తున్నారు. (ఇవీ కొన్ని వివరాలు అంటూ ఆధారాలతో సహా పీపీటీలో చూపారు). » ఇది కొండాపురం మండలం కొండాపురంలో14, 15, 16, 17, 18 వార్డులు. అన్నీ ఫేక్‌ నామినేషన్లు. వైఎస్సార్‌సీపీ పేరుతో వెన్నుపోటు పార్టీ వారే వేశారు. » మైలవరం మండలం దొమ్మల నంద్యాల. అక్కడ సిలివేరు లక్ష్మీదేవి వైఫ్‌ ఆఫ్‌ సిలివేరు గోపాలకష్ణ పేరుతో వైఎస్సార్‌సీపీ అభ్యర్థి అంటూ నామినేషన్‌. ఆమె మా పార్టీ అభ్యర్థిని కాదు. » పులివెందుల నియోజకవర్గం, వేముల మండలంలో లోకేపల్లి మల్లికార్జునరెడ్డి, ఎస్‌.లక్ష్మీదేవి పేరుతో, వారు వైఎస్సార్‌సీపీ పక్షాన వేశారంటూ, ఫేక్‌ నామినేషన్లు దాఖలు చేశారు.కుట్రలు, కుతంత్రాలకు పితామహుడు చంద్రబాబుఈ కుట్రలకు నిజంగా పితామహుడు చంద్రబాబే. ఆయన ఇంత దారుణమైన ఎత్తుగడ ఎందుకు వేశాడంటే, స్థానిక సంస్థల ఎన్నికల­న్నీ సజావుగా సాగుతున్నాయని సుప్రీంకోర్టుకు ఒక భ్ర­మ కల్పించే కుట్రకు తెగబడ్డాడు. అందుకే ఎంపీటీసీ, జెడ్పీటీసీ ఎన్నికల నామినేషన్లలో వెన్నుపోటు పార్టీ వారే, మా వైఎస్సార్‌సీపీ తరపున ఫేక్‌ నామి­నేషన్లు వేయిస్తున్నారు. అందుకే ఒక్క రోజులోనే ఎంపీటీసీ నామినేషన్లలో 547%, జెడ్పీటీసీ నామి­నేషన్లలో 468% పెరుగుదల చూపించారు. ఇటు చూస్తే, మండల, జిల్లా కేంద్రాల్లోనూ మా వాళ్ళని అడ్డుకుంటూ నామినేషన్లను వేయనీయకుండా కుట్ర చేస్తున్నారు. అటు మా పార్టీ పేరుతో వాళ్లే ఫేక్‌ నామినేషన్లు వేస్తున్నారు. ఆ నామినేషన్లలో ఎక్కడా ఎ–ఫామ్స్, బీ–ఫామ్స్‌ ఉండవు. వారంతట వారే వైఎస్సార్‌సీపీ అని చెప్పుకోవడం, నామినేషన్‌ వేయడం, అదే ఎన్నికల కమిషన్‌ డేటాలో చేర్చడం.. అంతా కుట్రలో భాగంగా జరుగుతోంది.’’ అని జగన్‌ వివరించారు.ఇవీ అష్టకుట్రలుచంద్రబాబు, ఆయన గ్యాంగ్‌ కలిసి, ఈ స్థానిక ఎన్నికల్లో చేసిన 8 కుట్రలు ఇలా ఉన్నాయి.. కుట్ర–1నామినేషన్‌ వేయకముందే, వైఎస్సార్‌సీపీ అభ్యర్థులుగా పోటీ చేయాలనుకునే వారికి బెదిరింపులు. కుట్రలో భాగంగా, అభ్యర్థులు, వారికి సహకరించే వారిని బెదిరించడం. బైండోవర్‌ చేయడం. ముందస్తు అరెస్టులు చేయడం. కుట్ర–2నాయకుల గృహ నిర్భంధం. నామినేషన్ల ప్రక్రియ అంతా మీరు గమనించండి. ఎక్కడా అభ్యర్థులకు తోడుగా నాయకులను వెళ్లనీయడం లేదు.కుట్ర–3నామినేషన్‌ కేంద్రాలు స్వాధీనం చేసుకుని, ప్రతిపక్ష అభ్యర్థులు లోపలకు వెళ్లకుండా అడ్డుకుంటున్నారు. మా పార్టీ అభ్యర్థులు ఎలాగోలా నామినేషన్‌ కేంద్రాలకు వెళ్లే సరికే అక్కడ టీడీపీ వారు మారణాయుధాలతో ఉంటారు. అక్కడ ఉన్న పోలీసులు వారికి పూర్తిగా సహకారం అందిస్తున్నారు.కుట్ర–4పోలీసుల సమక్షంలోనే నామినేషన్‌ పత్రాలు లాక్కోవడం, కొన్ని చోట్ల ఆర్వోల చేతిలో నుంచి లాక్కుని చింపడం.కుట్ర–5ఇన్ని జరుగుతున్నా పోలీసులు అడ్డుకోకపోగా, బాధిత అభ్యర్థులను, అంటే మా పార్టీ వారినే పోలీసులు బయటకు నెట్టేస్తారు. నామినేషన్‌ వేయడానికి అభ్యర్థి కాకుండా, కేవలం ముగ్గురిని మాత్రమే అనుమతిస్తున్నారు. నామినేషన్‌ కేంద్రం గేటు, ఎక్కడో దూరంగా ఉంటుంది. అక్కణ్నుంచి వారు లోపలికి నడిచి వెళ్తుండగానే అడ్డుకోవడం. నామినేషన్‌ పత్రాలు లాక్కోవడం చేస్తున్నారు. వైఎస్సార్‌సీపీ అభ్యర్థి నాగమణి సంతకాన్ని ఫోర్జరీ చేసి టీడీపీ అభ్యర్థి విజయ ఎన్నికైనట్టు ప్రకటన కుట్ర–6దాడి చేసిన వారిని పూర్తిగా వదిలేసి, దాడులకు గురైన వారిపైనే తిరిగి కేసులు పెడుతున్నారు. అలా కేవలం మా వైఎస్సార్‌సీపీ అభ్యర్థులతో పాటు, వారితో ఉంటున్న మా పార్టీ నాయకులపైనే అక్రమ కేసులు బనాయిస్తున్నారు. అలా వారిని ఇంటికే పరిమితి చేయడం. లేదంటే జైలుకు పంపడం చేస్తున్నారు. కుట్ర–7స్క్రూటినీ పేరుతో నామినేషన్ల తిరస్కరణ. ఆ సమయంలో అభ్యర్థులను ఆఫీసులకు రానివ్వకుండా, ఇష్టానుసారం చేస్తున్నారు. కొన్ని చోట్ల వారే కొన్ని పేపర్లు చింపేయడం. కొన్ని చోట్ల అభ్యర్థుల సంతకాలు ఫోర్జరీ చేసి, విత్‌డ్రా చేసుకున్నట్లు చెప్పడం జరుగుతోంది. ఉదా: నంద్యాల మున్సిపాలిటీ. 51వ వార్డు అభ్యర్థి నాగమణి. ఆమె స్క్రూటినీకి హాజరు కాగా, ఆమె నామినేషన్‌ ఓకే చేశారు. ఆ తర్వాత ఆమె సంతకం ఫోర్జరీ చేసి, ఆమె విత్‌డ్రా చేసుకున్నట్లు ప్రకటించారు. (అంటూ ఆ వివరాలు చూపడంతో పాటు, ఆమెను స్వయంగా మీడియాకు చూపారు) » అలా నాగమణి సంతకాన్ని ఫోర్జరీ చేసి, ఆమె విత్‌డ్రా చేసుకున్నట్లు ప్రకటించి, ఆ వార్డులో టీడీపీ అభ్యర్థి ఏకగ్రీవం అయినట్లు ప్రకటించారు. » ఆ తర్వాత నగరి మున్సిపల్‌ ఛైర్మన్‌ అభ్యర్థి బాలకృష్ణ విషయంలో కూడా చేశారు. తొలుత ఆయన నామినేషన్‌ ఆమోదించినట్లు చెప్పారు. తుది జాబితాలో ఆయన అభ్యర్థిత్వాన్ని రద్దు చేశారు. కుట్ర–8అభ్యర్థులను బెదిరించి, భయపెట్టి, లోబర్చుకుని నామినేషన్‌ ఉపసంహరణకు ఒత్తిడి చేయడం. మహిళలపై నిర్దాక్షిణ్యంగా దాడులుఅత్యంత దారుణ విషయం ఏమిటంటే.. దాడులకు ఎక్కువగా గురైంది మహిళలే. ఎందుకంటే వారికి 50 శాతం రిజర్వేషన్లు. దాన్ని తీసుకొచ్చింది మనమే. నాడు మన హయాంలో మహిళలు వర్థిల్లారు. అదే ఇప్పుడు చంద్రబాబు పుణ్యమా అని వారంతా దాడికి గురవుతున్నారు. ఈ ఎన్నికలు సజావుగా జరిగితే డివిజన్లలో కార్పొరేటర్లు మొదలు, గ్రామస్థాయిలో వార్డు సభ్యుల వరకు దాదాపు 80 వేల మంది మహిళలు ఎన్నికవుతారు.అందులో కార్పొరేటర్లు, కౌన్సిలర్లు, ఎంపీటీసీ పదవుల్లో 7,216 మంది మహిళలు ఎన్నికవుతారు.మరి ఇన్ని వేల మంది మహిళలు నామినేషన్లు వేయడానికి వస్తే, వారి జుట్టు పట్టుకోవడం, చీరలు లాగేయడం, వారిని తిట్టి కొట్టి దాడులు చేస్తున్నారు. అందుకే నేను అడుగుతున్నాను. చంద్రబాబు అనేవాడు అసలు మనిషేనా? మహిళలపై దాడులు ప్రోత్సహిస్తున్న చంద్రబాబు, ఆ పని చేస్తున్న ఆయన పార్టీ గూండాలు, మరోవైపు ప్రత్యక్షంగా దీన్ని చూస్తూ ఊరుకుంటున్న పోలీసు అధికారులు, ఎస్‌ఈసీ.. చేస్తోంది ధర్మమేనా?.

జెడ్పీటీసీ ఎన్నికల నామినేషన్ల సందర్భంగా గురువారం కలెక్టర్‌ శ్రీధర్‌ ఎస్పీ నచికేత్‌ విశ్వనాథ్‌తో కలిసి కడపలోని జెడ్పీని సందర్శించారు. నామినేషన్ల స్వీకరణ తీరును, అభ్యర్థులకు కల్పించిన సౌకర్యాలను పరిశీలించారు. జిల్లా ఎన్నికల అధికారిగా.. కలెక్టర్‌ హోదాలో ఎన్నికలను పటిష్టంగా.. పారదర్శకంగా నిర్వహిస్తున్నామని చెప్పారు. క్షేత్రస్థాయిలో వాస్తవమేంటో ఓ సారి పరిశీలిద్దాం.. కలెక్టర్‌: ‘‘నామినేషన్ల స్వీకరణ ప్రశాంత వాతావరణంలో నిర్వహిస్తున్నాం’’.. వాస్తవం: జెడ్పీ కార్యాలయ పరిసరాలు పచ్చ గూండాలతో నిండిపోయాయి.. రాళ్ల దాడులతో భయానకంగా మారాయి. అంతెందుకు జెడ్పీ ఆఫీసులోపల వందలాదిమంది పుత్తా అనుచరులు తిష్ట వేశారు.కలెక్టర్‌: ‘‘ఎలాంటి అవాంఛనీయ ఘటనలు జరగకూడదు..’’ వాస్తవం: రెండు రోజులుగా పచ్చమూకల దాడులతో జెడ్పీ దద్దరిల్లుతోంది.కలెక్టర్‌: ‘‘అభ్యర్థులు నిర్భయంగా తమ ఎన్నికల హక్కులను సద్వినియోగం చేసుకోండి’’వాస్తవం: అభ్యర్థులను ఎక్కడికక్కడ నిర్బంధిస్తున్నారు. హక్కును హరించేస్తున్నారు.కలెక్టర్‌: ‘నామినేషన్ల స్వీకరణలో పటిష్ట భద్రతా చర్యలు చేపట్టాం. నిర్భయంగా నామినేషన్‌ వేయొచ్చు’వాస్తవం: కూటమి అభ్యర్థులు మినహా నామినేషన్‌ వేయాలనుకున్న ఇతర అభ్యర్థులను ఆ పరిసరాల్లోకి రాకముందే పచ్చ రౌడీలు అడ్డుకుంటున్నారు. కర్రలు.. రాళ్లతో దాడులకు దిగుతున్నారు. బహుశా భద్రతా చర్యలు ఇవేనేమో! – కడప సెవెన్‌రోడ్స్‌ఇదీ చదవండి: టీడీపీతో అంటకాగుతున్న కమిషనర్‌

సాక్షి, అమరావతి: సుప్రీం కోర్టు మధ్యంతర ఉత్తర్వులను రాష్ట్ర ఎన్నికల కమిషనర్‌ అపహాస్యం చేశారు. స్థానిక సంస్థల ఎన్నికలకు స్వేచ్ఛాయుత వాతావరణం ఎలాగూ లేదు. కనీసం పారదర్శకతను కూడా రాష్ట్ర ఎన్నికల కమిషనర్‌ (ఎస్‌ఈసీ) పట్టించుకోవడం లేదన్నది మరోసారి బట్టబయలైంది. మున్సిపల్‌ ఎన్నికల నామినేషన్ల అక్రమాలపై సుప్రీంకోర్టు ప్రాథమిక ఆధారాలుగా పేర్కొన్న వాటిని లెక్కచేయకుండా ఎస్‌ఈసీ అనిల్‌ చంద్ర పునేఠ నిర్ణయం ప్రకటించారు. అధికార టీడీపీ రాజకీయ ప్రయోజనాలను కాపాడేందుకు అత్యున్నత న్యాయస్థానమైన సుప్రీం కోర్టు ఉత్తర్వులను సైతం ఎస్‌ఈసీ పునేఠ తుంగలో తొక్కేశారు. మైదుకూరు మున్సిపల్‌ ఎన్నికలను ఎస్‌ఈసీ ముందుగానే వాయిదా వేసింది. ఆ పట్టణంలోని 32 వార్డులతో సహా కడప కార్పొరేషన్‌లో 11, తిరుపతి కార్పొరేషన్‌లో 18 డివిజన్‌లు, రాజంపేట మున్సిపాల్టీలో 11 వార్డులు కలిపి మొత్తం 72 వార్డులకే మళ్లీ నామినేషన్లు వేసేందుకు వీలు కల్పిస్తూ ఎస్‌ఈసీ ఉత్తర్వులు జారీ చేయడంపై సర్వత్రా విస్మయం వ్యక్తమవుతోంది. మున్సిపల్‌ ఎన్నికల్లో అక్రమాలకు సంబంధించి వైఎస్సార్‌సీపీ అన్ని ఆధారాలతో కోర్టు వచ్చిందని సుప్రీం కోర్టు వ్యాఖ్యానించిన తర్వాత కూడా అత్యున్నత న్యాయస్థానం అభిప్రాయాన్ని రాష్ట్ర ఎన్నికల కమిషన్‌ పరిగణనలోకే తీసుకోలేదని నిఫుణులు పేర్కొంటున్నారు.వైఎస్సార్‌సీపీ దాఖలు చేసిన పిటిషన్‌లో ‘కార్పొరేషన్, మున్సిపల్‌ ఎన్నికలలో మొత్తం 19 చోట్ల నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలు కోర్టు ముందుంచారు’ అని సుప్రీంకోర్టు వ్యాఖ్యలు చేసింది. సుప్రీంకోర్టు గుర్తించిన ఆధారాలను కూడా పరిగణనలోకి తీసుకోకుండా నిర్ణయం ప్రకటించడం రాష్ట్ర ఎన్నికల కమిషన్‌ ఏకపక్ష ధోరణిని తెలియజేస్తుందని రాజకీయ వర్గాల్లో చర్చ సాగుతోంది. వైఎస్సార్‌సీపీ, ఇతరులు ఇచ్చిన ఫిర్యాదులను, ఆధారాలను పరిశీలించండి అని కోర్టు స్పష్టమైన సూచన చేసినప్పటికీ, ఆ పిటిషనర్ల అభిప్రాయాలు కూడా తీసుకోకుండా ఎస్‌ఈసీ ఏకపక్షంగా నిర్ణయం ఎలా ప్రకటిస్తుందన్న చర్చ సాగుతోంది. వైఎస్సార్‌సీపీ చైర్మన్‌ నామినేషన్లే వేయలేకపోవడం ఆధారం కాదా?మున్సిపల్‌ ఎన్నికల నామినేషన్లలో హింసాత్మక ఘటనలు జరిగిన చోట ఛైర్‌పర్సన్‌ పదవులకు కూడా ప్రతిపక్ష వైఎస్సార్‌సీపీ అభ్యర్థుల నామినేషన్లు దాఖలు కాకపోవడం ఆధారం కాదా అని విశ్లేషకులు ప్రశ్నిస్తున్నారు. ఇంత పెద్ద ఆధారమున్నా ఎస్‌ఈసీ ఎందుకు పరిగణనలోకి తీసుకోలేదని నిలదీస్తున్నారు. నామినేషన్ల ప్రక్రియ మొదలైన పావు గంటలోనే పుంగనూరులో ఆశావహ అభ్యర్ధులను పోలింగ్‌ కేంద్రం వద్ద దింపేందుకు వచ్చిన ఎంపీ మిథున్‌ రెడ్డిపై పట్టపగలే అందరి ఎదుటే దాడి జరిగింది. అధికారులు కూడా అభ్యర్థుల నుంచి నామినేషన్లు తీసుకోలేదు. నామినేషన్లు వేయడానికి వచ్చిన వైఎస్సార్‌సీపీ అభ్యర్థులను చంద్రబాబు కూటమి గూండాలు అడ్డుకోవడమే ఒక తప్పయితే, అభ్యర్థుల నుంచి అధికారులు నామినేషన్లే తీసుకోకపోవడం మరింత తీవ్రమైన అంశం. ఇదే విషయంపై ఎంపీ మిథున్‌రెడ్డి గట్టిగా ప్రశ్నించారు. రాయచోటి మున్సిపాలిటీలో వైఎస్సార్‌సీపీ అభ్యర్థులను నామినేషన్లు వేయనివ్వకుండా టీడీపీ మూక వీరంగం చేసింది. ఇలా రాష్ట్రవ్యాప్తంగా అనేక చోట్ల నామినేషన్లు వేయడానికి వచ్చిన వైఎస్సార్‌సీపీ అభ్యర్థులను అడ్డగించడం, దాడులు చేయడం, దౌర్జన్యపూరితంగా నామినేషన్‌ పత్రాలు లాగేసుకోవడం, వాటిని చించివేయడం వంటి ఘటనలు బహిరంగంగానే జరిగాయి. ఇవన్నీ అన్ని మీడియాల్లో కథనాలుగా ప్రసారమయ్యాయి. ఇంతలా కళ్లకు కట్టినట్లు దారుణాలు కనిపిస్తున్నా, కేవలం 2 నగరపాలక సంస్థలు, 2 మున్సిపాలిటీల్లోనే.. అదీ కొన్ని వార్డుల్లోనే మళ్లీ నామినేషన్లు స్వీకరిస్తామనడంపై రాజకీయ విశ్లేషకులు మండిపడుతున్నారు. స్వేచ్ఛాయుత ఎన్నికలు నిర్వహించాలని రాష్ట్ర ఎన్నికల కమిషనర్‌ భావిస్తే, బెదిరింపుల కారణంగా నామినేషన్లు దాఖలు కాని అన్ని చోట్లా సుప్రీం సూచనలను పాటిస్తూ కొత్తగా నామినేషన్ల దాఖలుకు అవకాశమిచ్చి ఉండే వారన్న చర్చ సాగుతోంది.మైదుకూరు పైనా మాట తప్పారు!మైదుకూరు మున్సిపాలిటీ ఎన్నిక వాయిదా వేసినట్లు ఈ నెల 19న ప్రకటించిన రాష్ట్ర ఎన్నికల కమిషనర్‌.. ఆ విషయంలో మాట తప్పారన్న చర్చ సాగుతోంది. మైదుకూరు మున్సిపాలిటీకి నోటిఫికేషన్‌ మళ్లీ ఇస్తామని చెప్పారు. మొత్తం మున్సిపాలిటీకి కొత్తగా నోటిఫికేషన్‌ ఇవ్వడం అంటే.. ఛైర్‌పర్సన్‌తో పాటు ఆ మున్సిపాలిటీలోని 32 వార్డులకు కొత్తగా ఎన్నికలు నిర్వహించడమే అవుతుందని అంటున్నారు. అయితే, గురువారం రాష్ట్ర ఎన్నికల కమిషనర్‌ విడుదల చేసిన ప్రకటనలో మైదుకూరులో 32 వార్డులకు మాత్రమే కొత్తగా నామినేషన్లు స్వీకరించనున్నట్టు ప్రకటించి, ఛైర్‌పర్సన్‌ ఎన్నికను పేర్కొనకపోవడాన్ని విశ్లేషకులు తప్పుపడుతున్నారు.ఎంపీటీసీ, జెడ్పీటీసీ ఎన్నికల రోజే మున్సిపల్‌ కౌంటింగ్‌ నిర్ణయంపైనా..సాధారణంగా రాజకీయ గుర్తులతో ఒకే సమయంలో వివిధ రకాల పదవుల ఎన్నికలు జరుగుతుంటే, ఒక ఎన్నికల ఫలితం ప్రభావం మిగతా వాటిపై పడకుండా ఓట్ల లెక్కింఫు షెడ్యూల్‌ ప్రకటిస్తుంటారు. అంటే ఆ రెండు రకాల పోలింగ్‌ ముగిశాక లెక్కింపు చేపట్టడం సాధారణంగా జరిగేదే. కానీ, రాష్ట్ర ఎన్నికల కమిషనర్‌ ఇప్పుడు ఆ అంశాన్ని కూడా పట్టించుకోలేదన్న చర్చ సాగుతోంది. మున్సిపల్‌ ఎన్నికల తాజా షెడ్యూల్‌ ప్రకారం మున్సిపాలిటీల ఓట్ల లెక్కింపు వచ్చే నెల 3న చేపడతారు. కానీ, అదే రోజు ఎంపీటీసీ, జెడ్పీటీసీ ఎన్నికల పోలింగ్‌ జరుగుతుంది. దీనికి ఇప్పటికే నోటిఫికేషన్‌ కూడా ఇచ్చారు. కానీ, అదే రోజున మున్సిపల్‌ ఓట్ల లెక్కింపు జరిగితే, దాని ప్రభావం మరో ఎన్నికపై చూపే అవకాశంతో పాటు ఒకేసారి రెండు ప్రక్రియల కారణంగా అధికార, పోలీసు యంత్రాంగంపై తీవ్ర ఒత్తిడి ఉంటుందని విశ్లేషకులు అంటున్నారు. కానీ రాష్ట్ర ఎన్నికల కమిషనర్‌ ఈ అంశాన్ని కూడా పరిగణనలోకి తీసుకోకపోవడాన్ని తప్పుపడుతున్నారు. ఎస్‌ఈసీ నిర్ణయాలు ఏకపక్షంగా, ప్రజాస్వామ్య విరుద్ధంగా ఉన్నాయన్న విమర్శలు వస్తున్నాయి.

మార్కాపురం: మున్సిపల్‌ ఎన్నికల్లో కనిగిరిలో పచ్చమూకలు చెలరేగిపోయాయి. నామినేషన్ల ఘట్టం చివరి రోజున.. వైఎస్సార్‌ సీపీ మున్సిపల్‌ అభ్యర్థులకు చెందిన సుమారు 8 మంది నామినేషన్‌ పత్రాలను కూటమి గూండాలు బరిలోకి దిగి పచ్చ చొక్కా పోలీసుల సహకారంతో దాడులు చేసి పత్రాలను చేతుల్లో నుంచి లాక్కుని మరీ చించేశారు. మహిళా అభ్యర్థులను సైతం వదలకుండా దాడి చేశారు. తన చీరకూడా లాగారంటూ ఓ మహిళా అభ్యర్థి తీవ్ర ఆవేదన వ్యక్తం చేసింది. 18వ వార్డు అభ్యర్థి ఎస్‌కే సమీరాకు చెందిన నామినేషన్‌ పత్రాలు లాక్కున్నారు. నామినేషన్‌ కేంద్రంలోనే సుమారు 200 మంది బైఠాయించి టీడీపీ మహిళా నాయకులు 10 మంది చేత పత్రాలు లాగించేయడం, గట్టిగా నిలబడి, మాట్లాడితే భౌతిక దాడులు చేశారు. 18వ వార్డు అభ్యర్థి ఎస్‌కే సమీరాను, ప్రపొజల్‌కు వెళ్లిన అతని భర్త ఫరూక్‌ను కొట్టి నామినేషన్‌ కేంద్రం నుంచి లాగి బయటకు గెంటారు. ఈ తంతు అంతా పోలీసుల సమక్షంలో జరిగినా కనీసం స్పందించకుండా ప్రేక్షక పాత్ర పోషించారు. అలాగే 3వ వార్డు చెందిన అభ్యర్థి ఎం.మధు నామినేషన్‌ పత్రాలు లాక్కుని, నెట్టారు. ఈ క్రమంలో మధు చేతికి గాయమైంది. దీనిపై పోలీసులకు చెప్పినా కనీస స్పందన చూపలేదు.పదో వార్డుకు చెందిన వైఎస్సార్‌ సీపీ అభ్యర్థి పత్రాన్ని లాక్కుని స్వతంత్ర అభ్యర్థిపై దాడికి దిగారు. చివరి రోజు వైఎస్సార్‌ సీపీకి చెందిన సుమారు 8 మంది నామినేషన్‌ పత్రాలను టీడీపీ గూండాలు లాక్కుని చించేశారు. వేరొక పార్టీ చైర్మన్‌ అభ్యర్థి నామినేషన్‌ పత్రాలు పచ్చమూకలు లాక్కుని బయటకు నెట్టారు. మహిళ అని కూడా చూడకుండా దౌర్జన్యం చేశారు. ఇలా టీడీపీ గూండాలు పోలీసుల సహకారంతో రెచ్చిపోయి..దమనకాండ సాగించారు. వైఎస్సార్‌ సీపీతో పాటు ఇతరపార్టీల, స్వతంత్య్ర అభ్యర్థుల నామినేషన్ల లాగి చించేసి హల్‌చల్‌ చేశారు.ఇదీ చదవండి: ఎన్నికల కోడ్‌తో పనేంటి!

చౌడేపల్లె: ఎదుటివారి భయాన్ని పెట్టుబడిగా చేసుకుని కూటమి నేతలు రాజకీయం చేయాలని చూస్తున్నారని వైఎస్సార్‌సీపీ లోక్‌సభాపక్ష నేత, రాజంపేట ఎంపీ పెద్దిరెడ్డి మిథున్‌రెడ్డి, మాజీమంత్రి డాక్టర్‌ పెద్దిరెడ్డి రామచంద్రారెడ్డి విమర్శించారు. భయపడితే ఇక్కడ రాజకీయం చేయలేమని చెప్పారు. అన్నమయ్య జిల్లా చౌడేపల్లెలోని వైఎస్సార్‌సీపీ కార్యాలయంలో పార్టీ ముఖ్యనేతలు, కార్యకర్తలతో మంగళవారం నిర్వహించిన విస్తృతస్థాయి సమావేశంలో వారు మాట్లాడారు. స్థానిక సంస్థల ఎన్నికల వేళ పార్టీ శ్రేణులకు దిశానిర్దేశం చేశారు. ఎంపీ మిథున్‌రెడ్డి మాట్లాడుతూ క్లిష్ట పరిస్థితుల్లో పార్టీకోసం నిలబడిన ప్రతి ఒక్కరిని భవిష్యత్తులో భుజాలపై మోసుకుని కాపాడుకుంటానని భరోసానిచ్చారు. ‘మనమేమీ మర్డర్లు, మానభంగాలు చేయలేదు, భయపడకండి. కేసులు పెడతారు, అంతేగా. నేను ఉన్నాను., ఎవరికి ఏం జరిగినా పూర్తి బాధ్యత నాదే..’ అని న్యాయబద్ధంగా నామినేషన్లు వేయాలని కోరారు. ఇటీవల మున్సిపల్‌ ఎన్నికల్లో తానే స్వయంగా ముందుండి తల ఎత్తుకుని వెళ్లి నామినేషన్‌ వేశానని గుర్తుచేశారు. కార్యకర్తలంతా అదే ధైర్యంతో ముందుకెళ్లాలని పిలుపునిచ్చారు. క్షేత్రస్థాయి అరాచకాలపై ఇప్పటికే దాదాపు 20 మంది టీడీపీ ముఖ్యనేతలే తనతో ఫోన్‌లో ఆవేదన వ్యక్తం చేశారని చెప్పారు. బయటి ఊరి వాళ్లను తెచ్చి ఇక్కడ రెచ్చగొడుతున్నారని, రేపు అధికారం పోతే వారు రాష్ట్రం విడిచి పారిపోతారని ఆయన పేర్కొన్నారు. పెద్దిరెడ్డి రామచంద్రారెడ్డి మాట్లాడుతూ తాము పుంగనూరుకు ప్రాతినిధ్యం వహించినప్పటి నుంచి చౌడేపల్లె మండలం వైఎస్సార్‌సీపీకి పటిష్టమైన ఆదరణ అందించిందని చెప్పారు. గతం నుంచి ఇప్పటివరకు ఇక్కడ మనదే ఆధిపత్యమని గుర్తుచేశారు. ఈ పిల్ల రౌడీల చేష్టలకు ఎవరూ వెనకడుగు వేయాల్సిన అవసరం లేదని, మనకున్నంత కేడర్‌ బలం మరే పార్టీకి లేదని చెప్పారు. ప్రతి పంచాయతీ నుంచి కనీసం వందమందితో కలిసి ధైర్యంగా వెళ్లి నామినేషన్లు వేయాలని, అభ్యర్థులను గెలిపించుకునే పూర్తి బాధ్యత తాము తీసుకుంటామని కార్యకర్తల్లో ధైర్యం నింపారు. ఈ సమావేశంలో వైఎస్సార్‌సీపీ రాష్ట్ర కార్యదర్శులు దామోదరరాజు, రుక్మిణమ్మ, నేతలు, భారీ సంఖ్యలో కార్యకర్తలు పాల్గొన్నారు. సుప్రీంకోర్టు ఆదేశాలను అమలుచేసి అభ్యర్థులకు నామినేషన్ల స్వేచ్ఛ కల్పించాలి : ఎంపీ మిథున్‌రెడ్డి మదనపల్లె (కురబలకోట): స్థానిక సంస్థల ఎన్నికల్లో ప్రతిపక్ష అభ్యర్థులను అడ్డుకున్నచోట పటిష్ట భద్రతతో కలెక్టర్ల సమక్షంలో నామినేషన్లు స్వీకరించాలని సుప్రీంకోర్టు ఇచ్చిన ఆదేశాలు చంద్రబాబు ప్రభుత్వానికి చెంపపెట్టు అని రాజంపేట ఎంపీ పెద్దిరెడ్డి మిథున్‌రెడ్డి అన్నారు. అన్నమయ్య జిల్లా మదనపల్లెలో బుధవారం మీడియాతో మాట్లాడారు. సుప్రీంకోర్టు ఆదేశాలను వెంటనే అమలు చేసి, ప్రతి అభ్యర్థికి భయం లేకుండా నామినేషన్‌ వేసే స్వేచ్ఛ కల్పించాలని డిమాండ్‌ చేశారు. ముఖ్యమంత్రి చంద్రబాబు మాటలు విని, రాజకీయ ఒత్తిళ్లకు లొంగి చట్టవిరుద్ధమైన చర్యలకు పాల్పడి వివాదాల్లో చిక్కుకోవద్దని అధికారులకు సూచించారు. అధికారం శాశ్వతం కాదని, రాజ్యాంగాన్ని కాపాడటం అధికారుల బాధ్యత అని గుర్తుచేశారు. ఇప్పుడు కార్యకర్తలను రెచ్చగొడుతున్న పెద్ద నాయకులు అధికారం కోల్పోయాక నగరాలకే పరిమితమవుతారని, ఆ తర్వాత క్షేత్రస్థాయిలో కేసులు, ఘర్షణలు ఎదుర్కోవాల్సింది స్థానిక కార్యకర్తలేనని చెప్పారు. నాయకుల మాటలు విని భవిష్యత్తును పాడుచేసుకోవద్దని సూచించారు. సమావేశంలో తంబళ్లపల్లి ఎమ్మెల్యే పెద్దిరెడ్డి ద్వారకానాథ్‌రెడ్డి కూడా పాల్గొన్నారు.

సాక్షి, అమరావతి: అభ్యర్థులు నామినేషన్‌ దాఖలు చేసే సమయంలో తప్పనిసరిగా ‘నో అబ్జెక్షన్, నో డ్యూస్‌ సర్టిఫికెట్లు’ సమర్పించాలనే నిబంధన ఎన్నికల నియమావళిలో లేదని తాజాగా రాష్ట్ర ఎన్నికల సంఘం స్పష్టం చేసింది. ఈ సర్టిఫికెట్లు లేవన్న కారణంగా నామినేషన్లు తిరస్కరించరాదని స్పష్టంచేసింది. నామినేషన్‌ పత్రాలతో పాటు ‘కేసులకు సంబంధిత పోలీస్‌స్టేషన్‌ నుంచి నో అబ్జెక్షన్‌ సర్టిఫికెట్‌’, అలాగే ఏదైనా ప్రభుత్వ శాఖ నుంచి ‘బకాయిల్లేవని తెలిపే నో డ్యూస్‌ సర్టిఫికెట్‌’ సమర్పించలేదనే కారణంతో నామినేషన్‌ను తిరస్కరించకూడదని స్పష్టంచేసింది. ఈ మేరకు అన్ని జిల్లాల కలెక్టర్లు, మున్సిపల్‌ కమిషనర్లు, జెడ్పీ సీఈవోలు, డీపీవోలతో పాటు ఆయా ఎన్నికలాధికారులకు రాష్ట్ర ఎన్నికల కమిషనర్‌ అనిల్‌ చంద్రపునేఠ ఆదేశాలు జారీ చేశారు. ఎన్నికల నియమావళికి విరుద్ధంగా అదనపు నిబంధనలు విధించకుండా, అర్హులైన అభ్యర్థులు నిబంధనల ప్రకారం నామినేషన్లు దాఖలుకు అవసరమైన చర్యలు తీసుకోవాలని సూచించారు. కాగా, మున్సిపల్‌ ఎన్నికల నామినేషన్ల సందర్భంగా ఈ సర్టిఫికెట్ల కోసం అభ్యర్థులు తీవ్ర ఇబ్బందులు పడాల్సి వచ్చింది. కీలక ప్రక్రియ ముగిసిన తర్వాత ఇప్పుడు తాపీగా ఎన్నికల కమిషనర్‌ నుంచి ఈ ప్రకటన ఏమిటంటూ సర్వత్రా విమర్శలు వినిపిస్తున్నాయి. ఆలస్యంగా జారీ చేసిన ఈ ఆదేశాల పట్ల పలు అనుమానాలు వ్యక్తమవుతున్నాయి. మున్సిపల్‌ ఎన్నికలకు దాఖలైన మొత్తం నామినేషన్లలో వివిధ రకాల కారణాలతో దాదాపు 1,665 నామినేషన్ల తిరస్కరణకు గురికావడం గమనార్హం.

తిరుపతి రూరల్‌: తిరుపతి జిల్లా చంద్రగిరి నియోజకవర్గవ్యాప్తంగా వైఎస్సార్‌సీపీ ఎంపీటీసీ, జెడ్పీటీసీ అభ్యర్థుల నామినేషన్లను దాఖలు చేయనివ్వకుండా దాడులు చేయడాన్ని నిరసిస్తూ చంద్రగిరి వైఎస్సార్‌సీపీ సమన్వయకర్త చెవిరెడ్డి మోహిత్‌రెడ్డి ఆధ్వర్యంలో అభ్యర్థులు కలెక్టర్‌ కార్యాలయంలో బుధవారం శాంతియుత నిరసన చేపట్టారు. అనంతరం ప్రజాస్వామ్యాన్ని కాపాడాలని కలెక్టర్‌కు విన్నవించారు. తమ నామినేషన్లను దాఖలు చేయించేంత వరకు కలెక్టర్‌ కార్యాలయం నుంచి కదిలేది లేదని బైఠాయించారు. నామినేషన్‌ కేంద్రాల వద్ద టీడీపీ గూండాల చేతిలో గాయపడిన అభ్యర్థులతో కలసి 6 గంటలపాటు అక్కడే బైఠాయించిన చెవిరెడ్డి మోహిత్‌రెడ్డి, చెవిరెడ్డి హర్షిత్‌రెడ్డిలకు మద్దతు తెలిపేందుకు వైఎస్సార్‌సీపీ నేత, ప్రభుత్వ మాజీ విప్‌ చెవిరెడ్డి భాస్కర్‌రెడ్డితో పాటు ఆయన సతీమణి లక్ష్మి అక్కడకు వచ్చారు. దీంతో పోలీసులు చెవిరెడ్డి భాస్కర్‌రెడ్డి దంపతులతోపాటు చెవిరెడ్డి మోహిత్‌రెడ్డి, చెవిరెడ్డి హర్షిత్‌రెడ్డిలను అదుపులోకి తీసుకుని తిరుచానూరు పోలీస్‌ స్టేషన్‌కు తరలించించి అక్రమంగా నిర్బంధించారు. దీంతో చెవిరెడ్డితో పాటు ఆయన కుటుంబం మొత్తం ఎంపీటీసీ అభ్యర్థులతో కలసి పోలీస్‌ స్టేషన్‌లోనే నేలపై కూర్చుని నిరసన వ్యక్తం చేశారు. అక్రమ అరెస్టులకు చెవిరెడ్డి కుటుంబం భయపడదని, తప్పు చేసిన ఏ అధికారినీ వదిలిపెట్టేది లేదని చెవిరెడ్డి హెచ్చరించారు. అక్రమ నిర్బంధంలో ఉన్న చెవిరెడ్డి కుటుంబానికి సంఘీభావంగా వైఎస్సార్‌సీపీ శ్రేణులు పెద్దఎత్తున తిరుచానూరు పోలీస్‌స్టేషన్‌కు చేరుకున్నారు.

సాక్షి, అమరావతి/సాక్షి నెట్‌వర్క్‌ : రాష్ట్ర వ్యాప్తంగా మున్సిపల్‌ ఎన్నికల్లో నామినేషన్ల ఉపసంహరణ ఘట్టంలోనూ ఎల్లో గ్యాంగ్‌ అరాచకం సృష్టిస్తోంది. పచ్చమూకలు పేట్రేగిపోయి తీవ్ర బెదిరింపులకు దిగాయి. ‘నామినేషన్‌ను ఉపసంహరించుకుంటే బావుంటుంది. లేదంటే ఏమవుతుందో తెలీదు. మర్యాదగా విత్‌ డ్రా చేస్తావా.. లేదా.. లేదంటే చంపేస్తాం’ అంటూ హెచ్చరించారు. ఇందుకు పలుచోట్ల పోలీసులు సైతం వంత పాడారు. ఎన్నో ఇక్కట్ల మధ్య నామినేషన్‌ వేసిన వైఎస్సార్‌సీపీ అభ్యర్థుల నామినేషన్‌లను స్క్రూటినీలో తీసివేసేందుకు ఎత్తులు వేశారు. అయినా పోటీలో నిలబడిన వారిని ఎలాగైనా తప్పించేందుకు బుధవారం రాష్ట్రంలోని పలు చోట్ల పచ్చ రౌడీలు బరితెగించారు. పలు చోట్ల బెదిరింపులకు దిగి వైఎస్సార్‌సీపీ అభ్యర్థులతో నామినేషన్‌ ఉపసంహరణ ఫారాలపై సంతకాలు చేయించారు. మరికొన్ని చోట్ల వైఎస్సార్‌సీపీ అభ్యర్థుల సంతకాలను ఫోర్జరీ చేశారు. ఇంకొన్ని చోట్ల వైఎస్సార్‌సీపీ బీ–ఫారాలను చించేశారు. చిత్తూరు కార్పొరేషన్‌ ఎన్నికల్లో పోటీ చేస్తున్న 57 మంది వైఎస్సార్‌సీపీ అభ్యర్థుల బీ ఫారాలు ఇచ్చేందుకు వెళ్లడంతో వాటిని పచ్చ రౌడీలు లాగేసుకుని చించేశారు. ఈ విషయమై జిల్లా కలెక్టర్‌కు వైఎస్సార్‌సీపీ నేతలు ఫిర్యాదు చేయడంతో బీ–ఫారాలు మళ్లీ ఇవ్వాలని సలహా ఇచ్చారు. అడుగడుగునా అరాచకం » చిత్తూరు కార్పొరేషన్‌లో 60 డివిజన్లకు గానూ 51 చోట్ల టీడీపీ, 8 చోట్ల జనసేన పార్టీ అభ్యర్థులు ఏకగ్రీవంగా ఎన్నికైనట్లు రిటర్నింగ్‌ అధికారులు డిక్లరేషన్‌ ఇచ్చారు. పోటీలో ఉన్న ఏ ఒక్క అభ్యర్థి నామినేషన్‌ ఉపసంహరించుకోకపోయినా, వాళ్ల పేరిట దొంగ సంతకాలు పెట్టి మరీ ఫారాలు ఇవ్వడం విస్తుగొలుపుతోంది. » నంద్యాల మున్సిపాలిటీలో 51వ వార్డుకు వైఎస్సార్‌సీపీ అభ్యర్థిగా పోటీలో నిలిచిన అవ్వారి నాగమణి సంతకాన్ని ఫోర్జరీ చేసిన పచ్చగ్యాంగ్‌ తమ పార్టీ అభ్యర్థి ఏకగ్రీవం అయ్యేలా అడ్డగోలుగా వ్యవహరించారు. తిరుపతి వైఎస్సార్‌సీపీ 63వ డివిజన్‌ అభ్యర్థి జమున భర్త కేశవులును బెదిరించారు. జమున సంతకాన్ని ఫోర్జరీ చేసి నామినేషన్‌ ఉపసంహరణ చేసినట్లు చూపడంతో తీవ్ర ఉద్రిక్తత నెలకొంది. అద్దంకి మున్సిపల్‌ ఎన్నికలు, నామినేషన్ల ఉపసంహరణలో అక్రమాలు జరగడంతో తీవ్ర ఆగ్రహం వ్యక్తం చేసిన వైఎస్సార్‌సీపీ సమన్వయకర్త డాక్టర్‌ అశోక్‌కుమార్‌ చింతలపూడి ఆందోళన చేశారు. » అమలాపురం 25వ వార్డు వైఎస్సార్‌సీపీ అభ్యర్థిని పోలీసులు, టీడీపీ నాయకులు కలిసి బెదిరించి నామినేషన్‌ ఉపసంహరింపజేయడంపై వైఎస్సార్‌సీపీ నియోజకవర్గ సమన్వయకర్త పినిపే శ్రీకాంత్‌ అభ్యంతరం వ్యక్తం చేశారు. కర్నూలు జిల్లా ఆళ్లగడ్డలో నామినేషన్ల ఉపసంహరణ సందర్భంగా పచ్చ మూక చెలరేగిపోయి వైఎస్సార్‌సీపీ శ్రేణులపై రాళ్ల దాడికి పాల్పడింది. పశ్చిమగోదావరి జిల్లా ఆకివీడు నగర పంచాయతీ ఎన్నికల్లో ఎనిమిది మంది వైఎస్సార్‌సీపీ అభ్యర్థులను అధికార పార్టీ నేతలు బెదిరించి నామినేషన్లు ఉపసంహరించేలా చేశారు. » శ్రీపొట్టి శ్రీరాములు నెల్లూరు జిల్లా ఆత్మకూరు మున్సిపాలిటీలో 10, 24 వార్డుల వైఎస్సార్‌సీపీ అభ్యర్థులు కోర్సిపాటి ప్రవీణ, బడుగు శ్రీనివాసుల ఫోర్జరీ సంతకాలతో టీడీపీ గూండాలు వారి నామినేషన్లు విత్‌ డ్రా చేయించారు. ఈ విషయం తెలుసుకుని పార్టీ నాయకులతో కలిసి మున్సిపల్‌ కార్యాలయానికి చేరుకున్న వారు తమ నామినేషన్లను విత్‌డ్రా చేసుకోలేదని చెప్పారు. విత్‌ డ్రాయిల్‌ ఫారాలు ఎవరు అందజేశారో సీసీ కెమెరాల వీడియో ఫుటేజీ చూడాలని కోరినా ఎన్నికల అధికారులు పట్టించుకోలేదు. కలెక్టర్‌ను సంప్రదించాలన్నారు. » పశ్చిమగోదావరి జిల్లా ఉండిలో 8 మంది వైఎస్సార్‌సీపీ అభ్యర్థులు నామినేషన్లు ఉపసంహరించుకున్నారు. నంద్యాల జిల్లా ఆళ్లగడ్డలో వైఎస్సార్‌సీపీ కౌన్సిలర్ల అభ్యర్థులకు సంబంధించి బీ–ఫారాలను తీసుకోకుండా అధికారులు కాలయాపన చేశారు. తుదకు సాయంత్రం వెళ్లగా సమయం మించిపోయిందని చెప్పారు. వైఎస్సార్‌సీపీ మాజీ ఎమ్మెల్యే గంగుల బ్రిజేంద్రారెడ్డి అప్పుడు అక్కడికి రాగా, ఆయనపై టీడీపీ మూకలు దాడి చేశాయి. » పల్నాడు జిల్లా చిలకలూరిపేటలో మధ్యాహ్నం 3గంటలకు ముగియాల్సిన నామినేషన్ల ఉపసంహరణ ప్రక్రియ అర్ధరాత్రి వరకు కొనసాగింది. వైఎస్సార్‌సీపీకి చెందిన నలుగురు అభ్యర్థులను భయపెట్టి నామినేషన్లు ఉపసంహరింపచేశారు. 18వ వార్డు అభ్యర్ధి బండి రాణిని కిడ్నాప్‌ చేసి ఎత్తుకెళ్లారు. » ఎన్టీఆర్‌ జిల్లా జగ్గయ్యపేటలో 36 వార్డులు ఉండగా.. వైఎస్సార్‌సీపీ కౌన్సిలర్ల అభ్యర్థులను భయపెట్టి 12 మందితో విత్‌డ్రా చేయించారు. దీంతో పది మంది తెలుగుదేశం, ఇద్దరు జనసేన కౌన్సిలర్లు ఏకగ్రీవం అయ్యారు. మున్సిపల్‌ ఛైర్మన్‌ అభ్యర్థి కూడా ఉపసంహరించుకునేలా చేయడానికి తీవ్రంగా ఒత్తిడి తెచ్చారు. అయితే అమె గట్టిగా నిలబడటంతో వారి పాచికలు పారలేదు. » తిరుపతి కార్పొరేషన్‌ పరిధిలోని 66 వార్డుల్లో నామినేషన్లు దాఖలు చేయడానికి వెళ్లిన వైఎస్సార్‌సీపి కార్పొరేటర్లను టీడీపీ గూండాలు కర్రలు, రాళ్లతో దాడులకు తెగబడ్డారు. వైఎస్సార్‌సీపీ అభ్యర్థులు వారి దాడులకు ఎదురొడ్డి నిలబడి మేయర్‌ అభ్యర్థి వాసుయాదవ్‌తో పాటు 48వార్డులకు నామినేషన్లు దాఖలు చేశారు. » అమలాపురం మున్సిపల్‌ కార్యాలయంలో 25వ వార్డు వైఎస్సార్‌సీపీ అభ్యర్థి కురసాల భద్రాజీని టీడీపీ నేతలు బెదిరించి నామినేషన్‌ ఉపసంహరింపచేశారు.

సాక్షి, అమరావతి / సాక్షి నెట్‌వర్క్‌: రాష్ట్రంలో జిల్లా, మండల పరిషత్‌ ఎన్నికల నామినేషన్లలోనూ టీడీపీ మూకలు అదే దౌర్జన్యం, దాడులు, దాష్టీకాన్ని కొనసాగించాయి. మున్సిపల్‌ ఎన్నికలకు నామినేషన్లు వేయనీయకుండా అడ్డంకులు ఎదురైన చోట పోలీస్‌ భద్రత కల్పించి నామినేషన్లు వేయించేలా చూడాలని ఎస్‌ఈసీకి సుప్రీంకోర్టు ఆదేశించినా ఫలితం లేకపోయింది. రాష్ట్ర వ్యాప్తంగా 28 జిల్లా పరిషత్‌ల పరిధిలోని 659 జెడ్పీటీసీ, 659 మండల పరిషత్‌ల పరిధిలోని 9,829 ఎంపీటీసీ అభ్యర్థుల నామినేషన్ల తొలి రోజైన బుధ­వారం 76 ప్రాంతాల్లో ఎల్లో గూండాలు యథేచ్ఛగా దా­డులు, దౌర్జన్యాలకు బరితెగించారు. స్థానిక సంస్థ­ల ఎన్నికల్లో వైఎస్సార్‌సీపీ అభ్యర్థులను నామినేషన్లు వేయనీయకుండా అడ్డుకోవడమే లక్ష్యంగా వెన్నుపోటు పార్టీ అధికార దుర్వినియోగానికి పాల్పడుతోంది. పులివెందుల, పిడుగురాళ్ల, దాచేపల్లి ప్రాంతాలు, తిరుపతి, చిత్తూరు, కడప, కర్నూలు, ప్రకాశం, నెల్లూరు, కాకినాడ తిదితర జిల్లాల్లో వైఎస్సార్‌సీపీ అభ్యర్థులు, పార్టీ నేతలపై దాడులు, బెదిరింపులు, గృహ నిర్బంధాలు, నామినేషన్‌ పత్రాల దాఖలుకు ఆ­టంకాలు కొనసాగాయి. ప్రజాస్వామ్య పద్ధతిలో ఎన్నికల్లో పోటీ చేసే హక్కును కాలరాస్తూ భయానక వాతావరణం సృష్టించారు. జీడీ నెల్లూరు, చంద్రగిరి, శ్రీకాళహస్తి, చిత్తూరు జిల్లాలోని నాలుగు అసెంబ్లీ నియోజకవర్గాల్లో వైఎస్సార్‌సీపీకి చెందిన ఒక్క అభ్యర్థిని కూడా నామినేషన్‌ వేయనీయకుండా టీడీపీ గూండాలు అడ్డుకున్నారు. పలుచోట్ల నామినేషన్‌ పత్రాలను చించివేశా­రు. వెన్నుపోటు పార్టీ రౌడీల దౌర్జన్యం, పోలీసులు, అధికారుల ఉదాసీన వైఖరిని నిరసిస్తూ తిరుపతి కలెక్టరేట్‌ వద్ద మాజీ ఎమ్మెల్యే చెవిరెడ్డి భాస్కర్‌రెడ్డి, చంద్రగిరి నియోజకవర్గ వైఎస్సార్‌సీపీ ఇన్‌చార్జి చెవిరెడ్డి మోహిత్‌రెడ్డి తదితర వైఎస్సార్‌సీపీ శ్రేణులు ధర్నా చేపట్టాయి. దీంతో పోలీసులు వారిని అరెస్టు చేశారు. కాకినాడ జిల్లా తొండంగిలో ఎంపీటీసీ నామినేషన్‌ సందర్భంగా ఉద్రిక్తత నెలకొంది. నామినేషన్ల దాఖలు సందర్భంగా అభ్యర్థులతో కలిసి మాజీ మంత్రి దాడిశెట్టి రాజా రాగానే టీడీపీ మూకలు అడ్డుకోవడంతో తోపులాట జరిగింది. రాజా కారు డ్రైవర్‌ గాయపడ్డాడు. చిత్తూరులో రెచ్చిపోయిన పచ్చ గూండాలు చిత్తూరు జిల్లా ఎస్‌ఆర్‌.పురం, కార్వేటినగరం, వెదురుకుప్పం, వి.కోట, గుడుపల్లె వైఎస్సార్‌సీపీ అభ్యర్థుల నామినేషన్లను చిత్తూరు జెడ్పీ కార్యాలయం వద్ద పహారా కాసిన టీడీపీ గూండాలు చింపేశారు. గంగాధరనెల్లూరు టీడీపీ ఎమ్మెల్యే థామస్‌ నామినేషన్లు తీసుకునే చిత్తూరు జెడ్పీ కార్యాలయం వద్ద స్వయంగా కాపుకాచి, వైఎస్సార్‌సీపీ అభ్యర్థులపై దాడులు చే­యించారు. జెడ్పీటీసీ అభ్యర్థులు జగదీష్‌రెడ్డి, ప్రకాష్, దేవప్పనాయుడు, శ్రీనివాసరెడ్డి, దేవిప్రియకు రక్తగాయాలయ్యాయి. ఎంపీటీసీ అభ్యర్థులుగా నామినేషన్లు వేయడానికి ప్రయత్నించిన బంగారుపాళ్యం, వెదురుకుప్పం, వి.కోట, చిత్తూరు మండలాల్లో అభ్యర్థులపై టీడీపీ గూండాలు దాడులు చేశారు.నామినేషన్‌లు వేస్తున్న వారికి పచ్చ మూకలు అడ్డంకులు కల్పించి దాడులు చేయడాన్ని నిరసిస్తూ వైఎస్సార్‌సీపీ శ్రేణులు రోడ్డుపై బైఠాయించి నిరసన తెలిపాయి. తిరుపతి జిల్లా తొట్టంబేడులో నామినేషన్ల సందర్భంగా శ్రీకాళహస్తి మాజీ ఎమ్మెల్యే బియ్యపు మధుసూదన్‌రెడ్డి కు­మార్తె పవిత్రారెడ్డి, కుమారుడు అక్షర్‌రెడ్డికి పచ్చ మూ­కలు అడ్డంకులు కల్పించి దాడులు చేయడంతో ఉద్రి­క్తత చోటు చేసుకుంది. ఇదే అదనుగా పోలీసులు లాఠీచార్జి చేయడంతో పలువురు వైఎస్సార్‌సీపీ కార్యకర్తల­కు గాయాలయ్యాయి. శ్రీకాళహస్తి ఎమ్మెల్యే బొజ్జల సుధీర్‌రెడ్డి సతీమణి డ్రైవర్‌ ప్రభుత్వ సర్వేయర్‌పై సి­మెంట్‌ ఇటుకలతో దాడి చేశాడు. అతని తలకు తీవ్ర గాయమైంది. తిరుపతి జిల్లా పుల్లంపేట మండలంలో వైఎస్పార్‌సీపీ అభ్యర్థుల నామినేషన్‌ పత్రాలను రౌడీ­లు లాగేశారు. పార్టీ మండల కన్వీనర్‌ సయ్యద్‌ ముస్తాక్‌ను పోలీస్‌స్టేషన్‌లో అక్రమ నిర్బంధం చేశారు. శ్రీకాళహస్తి నియోజకవర్గం తొట్టంబేడు తహసీల్దార్‌ కార్యాలయం వద్ద లింగమనాయుడు పల్లె మాజీ సర్పంచ్‌ గుడ్లూరు వెంకటరమణ నాయుడు కారును టీడీపీ నేతలు కాసారం రమేష్, టీడీపీ తొట్టంబేడు మండలం అధ్యక్షుడు మునిరాజ నాయుడు కారుపై ఎక్కి కారును ధ్వంసం చేశారు. ఆయన్ను కింద పడేసి దాడి చేశారు. శ్రీకాళహస్తి పట్టణంలోని ఎంపీడీఓ కార్యాలయం లో తిరుపతి ఎంపీ డాక్టర్‌ మద్దెల గురుమూర్తి, ఎమ్మెల్సీ డాక్టర్‌ సిపాయి సుబ్రమణ్యం, శ్రీకాళహస్తి మాజీ ఎమ్మెల్యే బియ్యపు మధుసూదన్‌ రెడ్డి నామినేషన్‌ కేంద్రానికి వెళ్తుండగా టీడీపీ శ్రేణులు అడ్డుకుని వైఎస్సార్‌ సీపీ కార్యకర్తలు, నాయకులపై దాడులు చేశారు. దీంతో వారు అక్కడే బైఠాయించి నిరసన తెలిపారు. చంద్రగిరి మండలంలో కిరాతకం ఎంపీటీసీ నామినేషన్ల పర్వంలో టీడీపీ గూండాలు సీఎం చంద్రబాబు సొంత మండలం చంద్రగిరిలో అరాచకం సృష్టించారు. నామినేషన్లు వేయడానికి వెళ్లిన వైఎస్సార్‌సీపీ అభ్యర్థులపై గంజాయి బ్యాచ్‌లతో దాడులకు తెగబడ్డారు. తలలు పగలగొట్టి, కాళ్లతో తన్నుకుంటూ, వాహనాలను ధ్వంసం చేసి భయానక వాతావరణాన్ని సృష్టించారు. చంద్రగిరి ఎమ్మెల్యే నాని కుమారుడు పులివర్తి వినీల్‌ సమక్షంలో దమనకాండ జరుగుతున్నా..అక్కడే ఉన్న పోలీసులు ప్రేక్షకపాత్ర వహించారు. నామినేషన్‌ వేసేందుకు వెళ్లిన మాజీ ఎంపీటీసీ, ప్రస్తుత ఎంపీటీసీ అభ్యర్థి దెయ్యాల మాధవ రెడ్డిపై రాడ్లతో దాడి చేశారు. తొండవాడ ఎంపీపీ అభ్యర్థి మల్లం దీపికా రెడ్డికి ప్రపోజర్‌గా వెళ్లిన రాము అనే వ్యక్తి తలపై ఇనుప రాడ్లతో దాడి చేయడంతో తీవ్ర గాయాలపాలయ్యాడు. స్థానికంగా ఉండే విజయ్‌ ఆచారి అటుగా వెళ్తుండడంతో టీడీపీకి చెందిన కిరాయి గూండాలు అతనిపై దాడిచేసి విచక్షణారహితంగా కాళ్లతో కొట్టారు. తిరుపతి రూర­ల్‌ మండలం సి.మల్లవరం ఎంపీటీసీ వైఎస్సార్సీపీ అభ్యర్థి తిమ్మారెడ్డి, అతని ప్రపోజర్లు మున స్వామి రెడ్డి, లోక నాథ రెడ్డిలపై టీడీపీ నేతల మూకుమ్మడి దాడి­చేసి నామినేషన్‌ పత్రాలను చించేశారు. పాకాల మండలంలో 16 ఎంపీటీసీ స్థానాలకు వైఎస్‌ఆర్సీపీ అభ్యర్థులచే నామినేషన్‌ దాఖలు చేయకుండా టీడీపీ గూండాలు అడ్డుకున్నారు. నామినేషన్‌ కేంద్రానికి వేస్తే చంపుతా­మని అభ్యర్థులను బెదిరించారు. టీడీపీ దౌర్జ­న్యాన్ని నిరసిస్తూ తిరుపతి రూరల్‌ మండలం నుంచి 40 మంది ఎంపీటీసీ అభ్యర్థులతో చంద్రగిరి వైఎస్సార్‌­సీపీ నియోజకవర్గ సమన్వయకర్త చెవిరెడ్డి మోహిత్‌ రెడ్డి నిరసన తెలిపారు.నెల్లూరు జిల్లాలో భయోత్పాతం నెల్లూరు జిల్లా చిట్టమూరులో ఎల్లో గ్యాంగ్‌ భయో­త్పాతం సృష్టించింది. నామినేషన్‌ కేంద్రం వద్ద మోహరించిన 500 మందికి పైగా పచ్చ రౌడీలు వైఎస్సార్‌సీపీ అభ్యర్థులు నామినేషన్‌ వేయకుండా దౌర్జన్యం చేశారు. పలువురికి గాయాలయ్యాయి. వైఎస్సార్‌సీపీ నేతల కారు ధ్వంసం చేశారు. పోలీసులను ప్రయోగించి బెదిరింపులకు దిగారు. నామినేషన్‌ పూర్తిగా విరమించుకోవాలని వైఎస్సార్‌సీపీ నాయకులకు టీడీపీ నేతలు బెదిరింపులకు దిగారు. కోట తదితర చోట్ల వైఎస్సార్‌సీపీకి చెందిన వారి నామినేషన్లు వేయనీయలేదు. గూడూరులో వైఎస్సార్‌సీపీ అభ్యర్థులు నామినేషన్లు లాక్కొని చించేశారు. తిరుపతి జిల్లా సూళ్లూరుపేట ఎంపీడీవో కార్యాలయం ఎదుట నామినేషన్లు వేయకుండా అడ్డుకున్నారు. వైఎస్సార్‌సీపీ మహిళా ఎంపీటీసీ అభ్యర్థి నామినేషన్‌ వేయకుండా వేధించా­రు. వాకాడులో నామినేషన్లు వేయడానికి ప్రయత్నించిన వైఎస్సార్‌సీపీ జెడ్పిటీసీ, ఎంపీటీసీ అభ్యర్థుల నామినేషన్‌ పత్రాలు లాక్కుని కర్రలతో దాడి చేసి రక్త గాయాలు చేశారు. పోలీసులు మాత్రం బాధితులపైనే కేసులు పెట్టారు. ఆ దృశ్యాన్ని రికార్డు చేస్తున్న వారి నుంచి సెల్‌ ఫోన్లను లాక్కొని పగులగొట్టారు. టీడీపీ మూకల అరాచకంపై వైఎస్సార్‌సీపీ వెంకటగిరి ఇన్‌చా­ర్జ్‌ నేదురుమల్లి అభ్యంతరం వ్యక్తం చేశారు. ఉదయ­గిరి నియోజకవర్గం సీతారామపురంలో వైఎ­స్సార్‌సీపీ అభ్యర్థి నామినేషన్‌ వేయనీయకుండా పోలీసులే అడ్డుకున్నారు. గూడూరు, ఉదయగిరి నియోజకవర్గాల్లో టీడీపీ మూకలు ఎంపీటీసీ అభ్యర్థు­ల కార్ల అద్దాలు ధ్వంసం చేశాయి. గూడూరు, చి­ల్ల­కూ­రు, కోట, వా­కా­డు, చిట్టమూరు మండలాల్లో దాడులకు పాల్పడ్డారు. పుంగనూరులో మారని తీరు పుంగనూరులో గత శుక్రవారం నాటి ఘటనను టీడీపీ శ్రేణులు మళ్లీ పునరావృతం చేశారు. నామినేషన్ల దాఖలుకు వచ్చిన అభ్యర్థుల నుంచి పత్రాలను లాక్కున్నారు. రాళ్లతో దాడి చేయడమే గాక మహిళల పుస్తెలను లాగేశారు. ముందే సిద్ధం చేసుకున్న కర్రలు, రాళ్లతో దాడి చేసి బీభత్సం సృష్టించారు. రోడ్డుపై వెళ్తున్న మాజీ ఎంపీ, దళిత నాయకుడు రెడ్డెప్పపై దాడి చేశారు. నామినేషన్‌ వేసేందుకు వచ్చిన ఈశ్వరమ్మపై దాడి చేసి తాళిబొట్టు, చైను లాక్కున్నారు. వైఎస్సార్‌సీపీ శ్రేణులు అడ్డుకోబోగా, పోలీసులు లాఠీచార్జి చేశారు. దీనిని నిరసిస్తూ ఆ పార్టీ శ్రేణులు అక్కడే బైఠాయించి ధర్నాకు దిగాయి. చౌడేపల్లిలో టీడీపీ శ్రేణులు అడ్డుకొని వైఎస్‌ఆర్సీపీ కార్యకర్తలు సునీల్‌ శివప్రకాశ్‌ రెడ్డి, ఓబులేసుపై దాడి చేసి కొట్టారు. మదనపల్లిలో జడ్పిటిసి నామినేషన్‌ వేసేందుకు వచ్చిన వైఎస్‌ఆర్సీపీ అభ్యర్థి కిరణ్మయిపై దాడి చేశారు. అసభ్యంగా ప్రవర్తించి నామినేషన్‌ పత్రాలను లాక్కొని వెళ్లారు. మదనపల్లెలో ఎంపీ మిథున్‌ రెడ్డిని ఆయన కార్యాలయం నుంచి బయటకు వెళ్లనివ్వకుండా పోలీసులు అడ్డుపడ్డారు. పోలీసుల తీరు, నామినేషన్లను అడ్డుకుంటు­న్నందుకు నిరసనగా వాల్మీకిపురంలో మాజీ ఎమ్మెల్యే చింతల రామచంద్రారెడ్డి, పార్టీ నాయకులు, కార్యకర్త­లు రోడ్డుపై బైఠాయించి రాస్తారోకో చేశారు. పీలేరులో వైఎస్‌ఆర్సీపీ నాయకులు, కార్యకర్తలు పెద్ద సంఖ్యలో 2 గంటలకు పైగా రాస్తారోకో నిర్వహించారు. ఎమ్మె­ల్యే పెద్దిరెడ్డి ద్వారకానాథ్‌ రెడ్డి తంబళ్లపల్లి నియోజకవర్గంలో పర్యటించరాదని పోలీసులు నోటీసులిచ్చారు. పల్నాడులో అదే దౌర్జన్యం పల్నాడు జిల్లా రొంపిచర్లలో నామినేషన్లు వేసేందుకు చెరువుగట్టు సెంటర్‌ నుంచి అభ్యర్థులతో బయలుదేరి వస్తున్న మాజీ శాసనసభ్యుడు డాక్టర్‌ గోపిరెడ్డి శ్రీనివాసరెడ్డిని పోలీసులు అడ్డుకున్నారు. దీంతో ఆయన అక్కడే బైఠాయించగా పోలీసులు లాఠీలను ఝుళిపించారు. నామినేషన్‌ వేసేందుకు వెళ్లిన అభ్యర్థులను, ప్రతిపాదిత దారులను పాలకేంద్రం, పోలీసుస్టేషన్‌ మధ్యలో టీడీపీ శ్రేణులు దాడిచేసి నామినేషన్‌పత్రాలు చించేశారు. పోలిమేర నాగిరెడ్డి, పొలిమేర వెంకటరెడ్డిలు గాయపడ్డారు. రెంటచింతల, కారంపూడి, దుర్గి, వెల్దుర్తి నామినేషన్‌ కేంద్రాల వద్ద కర్రలు, రాళ్లతో పచ్చ మూకలు స్వైర విహారం చేశాయి. వైఎస్సార్‌సీపీ అభ్యర్థులను నామినేషన్లు వేయనీయకుండా అడ్డుకున్నారు. నరసరావుపేటలో ఆర్డీఓ కార్యాలయం నామినేషన్‌ కేంద్రం వద్ద జడ్పీటీసీ అభ్యర్థి భారతి, ఆమె భర్త పెద్ద లక్ష్మారెడ్డిపై ఎల్లో గూండాలు దాడి చేశారు. గాయపడిన పెద్ద లక్ష్మారెడ్డిని ఆసుపత్రికి తరలించా­రు. దాచేపల్లిలో జడ్పీటీసీ అభ్యర్థి వంగా పద్మావతిపై టీడీపీ రౌడీలు దాడి చేసి కొట్టారు. రొంపిచర్ల పోలీస్‌స్టేషన్‌ పరిధిలోని వీరాటం గ్రామానికి చెందిన వైఎ­స్సా­ర్‌సీపీ అభ్యర్థులకు చెందిన బీ ఫారాలను లాక్కోవడంతో ఘర్షణ తలెత్తింది. మాచర్లలో ఎంపీటీసీ నా­మి­నేషన్లు దాఖలు చేయడానికి వచ్చిన వైఎస్సార్‌సీపీ అభ్యర్థుల నుంచి నామినేషన్‌ పత్రాలు లాక్కున్నారు. అమరావతి జెడ్పీటీసీ వైఎస్సార్‌సీపీ అభ్యర్థి బంక దీనమ్మ, బంక విష్ణుపై దాడిచేసి నామినేషన్‌ పత్రాలను చించేశారు. మాజీ ఎమ్మెల్యే కాసు మహేష్‌రెడ్డిని పోలీసులు అదుపులోకి తీసుకున్నారు. వైఎస్సార్‌ సీపీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి బుధవారం ఉదయం నుంచే హౌస్‌ అరెస్టు చేశారు. ఉమ్మడి కర్నూలు జిల్లాలోనూ అరాచకం కర్నూలు, నంద్యాల జిల్లాల్లో టీడీపీ అరాచక పర్వం కొనసాగింది. మంత్రాలయంలో వైఎస్‌ఆర్‌సీపీ జిల్లా కార్యదర్శి విశ్వనాథ్‌రెడ్డి ఓటరు లిస్టు కోసం వెళితే నామినేషన్‌ వేసేందుకు వచ్చారని దాడి చేసి తీవ్రంగా గాయపరిచారు. బనగానిపల్లె మండలంలో 25 గ్రా­మా­లకు చెందిన 75 మంది నేతలను బైండోవర్‌తో నిర్బంధించారు. దీంతో మాజీ ఎమ్మెల్యే కాటసాని రామిరెడ్డి ధర్నాకు దిగారు. ప్యాపిలి మండల జెడ్పీటీసీ అభ్యర్థిగా బరిలో ఉన్న పోదు కృష్ణమూర్తిని ఏ కార­ణం చెప్పకుండా పోలీసు­లు అదుపులోకి తీసుకున్నా­రు. ఆళ్లగడ్డ మండలం బాబేపల్లె వైఎస్‌ఆర్‌సీపీ నాయకుడు కసెట్టి నాగేశ్వరరావుపై టీడీపీ నాయకులు దాడి చేశారు. ఉల్చాల ఎంపీటీసీ స్థానానికి నామినేషన్‌ వేసేందుకు క్లియరెన్స్‌ సర్టిఫికెట్‌ కోసం సీపీఎం అభ్యర్థులు మధుసూధన్, రాఘవేంద్రలను కేడీసీసీ బ్యాంకు చైర్మన్‌ విష్ణువర్ధన్‌రెడ్డి అనుచరులు చితకబాదారు. గోస్పాడు ఎంపీడీఓ కార్యాలయం వద్దకు 12 ఎంపీటీసీ స్థానాల అభ్యర్థులు ఒకేసారి నామినేషన్‌ వేసేందుకు వెళ్లగా ఎస్‌ఐ సుధాకరరెడ్డి అడ్డుకున్నారు. చిప్పగిరిలో ఎమ్మెల్యే విరూపాక్షిని, కర్నూలులో మాజీ ఎమ్మెల్యే హఫీజ్‌ఖాన్‌ను గృహ నిర్బంధం చేశారు. శ్రీసత్యసాయి జిల్లా తాడిమర్రి, ముదిగుబ్బ, బత్తలపల్లి మండలాల్లో ఎంపీటీసీ నామినేషన్ల ప్రక్రి­యలో కూటమి మూకలు దౌర్జన్యకాండ సాగించాయి. తాడిమర్రి మండలంలో 9ఎంపీటీసీ స్థానాలు ఉండ­గా, 8 మంది వైఎస్సార్‌సీపీ అభ్యర్థులు నామినేషన్‌ వేసేందుకు ఉదయాన్నే వచ్చారు. పోలీసులు 4 గంటల వరకు కా­లయాపన చేయించారు. తర్వాత వారు నామినేషన్‌కు వేయబోగా, టీడీపీ నేతలు రాళ్ల దాడి చేశారు. వైఎస్సార్‌సీపీ సీఈసీ సభ్యు­డు తాడిమర్రి చంద్రశేఖర్‌రెడ్డి ఇంటి తలుపులు బద్దలు కొట్టి లోపలికి వెళ్లి వీరంగం చేశారు. చంద్రశేఖ­ర్‌రెడ్డి కోడళ్ల (ఒకరు నిండుగర్భిణి, మరొకరు బాలింత)ను పక్కకు తోసే­శారు. ముదిV­ý ుబ్బ, బత్తలపల్లి మండ­లాల్లోనూ వైఎ­స్సా­ర్‌సీపీ అ­భ్యర్థులు నామినేషన్లు వే­యకుండా ఆటంకాలు సృష్టించారు. మాజీ ఎమ్మెల్యే కేతిరెడ్డి వెంకట­రా­మిరెడ్డిని ధర్మవరం పోలీసులు హౌస్‌ అరెస్టు చేశారు.మహిళ అభ్యర్థి చీర లాగి..మార్కాపురం జిల్లా పొదిలిలో నామినేషన్‌ వేస్తున్న సూదనగుంట వైఎస్సార్‌సీపీ ఎంపీటీసీ అభ్యర్థి దొనపాటి శ్రావణి చీర లాగి.. రక్తం వచ్చేలా దాడి చేసి కొట్టారు. నామినేషన్‌ పత్రాలను ఎల్లో రౌడీలు చించేశారు. జిల్లాలో పలు­చోట్ల దాడులు చేస్తున్న వారిని వదిలేసి వైఎస్సార్‌సీపీ అభ్యర్థులు, వారిని బలపరిచేందుకు వెళ్లిన వారిని పోలీసులు తరిమి కొట్టారు. కనిగిరి నియోజకవర్గం పీసీపల్లి మండలం చింతగుంపల్లి వైఎస్సార్‌సీపీ ఎంపీటీసీ అభ్యర్థి పోలు వరలక్ష్మి, పెద్ద ఎర్లపాడు ఎంపీటీసీ స్థానానికి పోలు జయరాం రెడ్డిలు నామినేషన్‌ వేసేందుకు వెళ్తుండగా టీడీపీ గూండాలు రాళ్లు, కత్తులతో దాడి చేశారు. నామినేషన్లు లాక్కొని చించేశారు. గిద్దలూరు నియోజకవర్గం బేస్తవారిపేట మండలంలో కోర్టు ఆర్డర్‌ కాపీలను ఏఆర్‌ఓకు చూపించేందుకు వెళ్తున్న బేస్తవారిపేట మాజీ ఎంపీపీ వేగినాటి ఓసూరారెడ్డి, ఎంపీపీ అభ్యర్థి షేక్‌ మున్వర్‌బాషాలను టీడీపీ నేతలు, కార్యకర్తలు అడ్డుకుని చింపేశారు. ఎంపీటీసీ అభ్యర్థి ఈశ్వరరెడ్డి నామి­నేషన్‌ పత్రాలను లాక్కున్నారు. నామినేషన్‌ వేయనీయక పోవడంతో నేకునాంబాద్‌కి చెందిన వైఎస్సార్‌సీపీ ఎంపీటీసీ అభ్యర్థి ఎస్‌ శ్రీరాములు పురుగుమందు తాగి ఆత్మహత్యాయత్నం చేశా­రు. గిద్దలూరు నియోజకవర్గం కంభం నాయక్‌­వీధి ఎంపీటీసీ అభ్యర్థి మహమ్మద్‌ రఫీ నామి­నేషన్‌ను చింపేశారు. కందులాపురం తూర్పు అభ్యర్థి పెరుమారెడ్డి నందిరెడ్డి, కందులాపురం పడమర అభ్యర్థి బొర్రా నాగభూషణం నామినేషన్‌ పేపర్లను చించేశారు. అర్థవీ­డు, రాచర్ల మండలంలో పచ్చమూకలు విలేకర్లపైనా దాడులకు తెగబడ్డాయి. ప్రకాశం జిల్లా దర్శి, కొండపి నియోజకవర్గాల్లోనూ అదే దౌర్జన్యం కొనసాగింది. అనంతలో అడుగడుగునా దౌర్జన్యం అనంతపురం జిల్లా పామిడి మండలం కొత్తపల్లి వైఎస్సార్‌సీపీ ఎంపీటీసీ అభ్యర్థి రమేష్‌ను నామినేషన్‌ వేస్తే కాళ్లు విరగ్గొడతామని పచ్చ రౌడీలు ఫోన్‌కాల్స్‌ చేసి బెదిరించారు. రాప్తాడు, ఆత్మకూరు, అనంతపురం రూరల్‌ మండలాల్లో వైఎస్సార్‌సీపీ అభ్యర్థుల నామినేషన్లకు అడ్డంకులు కల్పించిన పచ్చ రౌడీలు వైఎస్సార్‌సీపీ నేతల ఇళ్లపై దాడులకు పాల్పడ్డారు. తాడిపత్రి టీడీపీ నాయకుడు జేసీ ప్రభాకర్‌రెడ్డి ‘ప్రాదేశిక’ ఎన్నికల నామినేషన్లలోనూ అదే పంథా అనుసరిస్తున్నారు. తాడిపత్రి పట్టణంలో అధికార పార్టీకి చెందిన మట్కా, పేకాట నిర్వాహకులు, గంజా­యి విక్రయదారులు, వీధి రౌడీలను నియోజకవర్గంలోని పెద్దపప్పూరు, పెద్దవడుగూరు, యాడికి, తాడిపత్రి మండల కేంద్రాల్లో జరుగుతున్న నామినేషన్‌ కేంద్రాల వద్ద పదుల సంఖ్యలో మోహరించి.. అక్కడ వైఎస్సార్‌సీపీ వర్గీయులు జెడ్పీటీసీ, ఎంపీటీసీ స్థానాలకు నామినేషన్లు వేయకుండా అడ్డుకునే ప్రయత్నం చేశా­రు. పామిడి–6 ఎంపీటీసీ స్థానం వైఎస్సార్‌సీపీ అభ్యర్థి రమేష్‌పై టీడీపీ మూకలు కత్తులు, రాడ్లతో దాడికి పాల్పడ్డాయి. రాప్తాడు నియోజకవర్గంలో ఎ­మ్మెల్యే పరిటాల సునీత డైరెక్షన్‌లో టీడీపీ శ్రేణు­లు అరాచకాలకు ఒడిగట్టారు. మరూరు ఎంపీటీసీ స్థా­నం వైఎస్సార్‌సీపీ అభ్యర్థి పూజారి ప్రతిమ నామినేష­న్‌ పత్రాలను లాక్కుని, ప్రతిపాదకులపై దాడి చేశారు. పులివెందులలో వైఎస్సార్‌సీపీ అభ్యర్థుల వాహనాలకు నిప్పు కడపలో తీవ్ర ఉద్రికత్త నెలకొంది. జెడ్పీటీసీలకు నామినేషన్లు వేయడానికి వచ్చిన వైఎస్సార్‌సీపీ అభ్యర్థులపై భౌతికదాడులకు దిగారు. పోలీసులు వైఎస్సార్‌సీపీ కార్యాలయాన్ని ముట్టడించి, టీడీపీ గూండాలకు సహకరించారు. జెడ్పీ మెయిన్‌ గేటు వరకూ పోలీసులు అంచెలంచెలుగా బారికేడ్లు పెట్టి వైఎస్సార్‌సీపీ శ్రేణులను నిలువరించారు. ఫలితంగా వైఎస్సార్‌ కడప జిల్లాలో 39 జడ్పీటీసీలుంటే ఒక్కటంటే ఒక్క నామినేషన్‌ కూడా దాఖలు కాలేదు. పులివెందులలో భయోత్పాతం సృష్టించి లబ్ధిపొందాలనే దిశగా తెలుగుదేశం పార్టీ వ్యవహారిస్తోంది. కేసులతో సంబంధం లేనోళ్లను కూడా అరెస్టులకు పురిగొల్పుతున్నారు. బుధవారం వేకువజామున కౌన్సిలర్‌ అభ్యర్థుల ఇళ్ల వద్ద ఉన్న వాహనాలకు నిప్పు పెట్టారు. కడప ఎంపీ వైఎస్‌ అవినాష్‌రెడ్డి వివిధ మండలాలకు చెందిన జడ్పీటీసీ అభ్యర్థులతోపాటు జిల్లా అధ్యక్షుడు పోచంరెడ్డి రవీంద్రనాథరెడ్డి, కమలాపురం ఇన్‌ఛార్జి నరేన్‌రామాంజులరెడ్డితో కలిసి రాగా, నామినేషన్‌ కేంద్రంలోకి అనుమతించేందుకు పోలీసులు నిరాకరించారు. జిల్లా ఎస్పీ నచికేత్‌ విశ్వనాథ్‌కు ఫోన్‌ ద్వారా విన్నవించినా నిష్ప్రయోజనమే అయ్యింది. మద్యాహ్నం తర్వాత రమ్మని చెప్పారు. ఆ సమయంలో టీడీపీ మూకలు చెలరేగిపోయాయి. రాళ్లు, బీరు బాటిళ్లుతో దాడులు చేశారు. అయినప్పటికీ వైఎస్సార్‌సీపీ నేతలు జడ్పీ ప్రాంగణంలోకి చేరుకోగానే అక్కడ రౌడీలతో తిష్టవేసిన పుత్తా, దేవగుడి కుటుంబ వర్గాల రౌడీలు అడ్డుకున్నారు. పులివెందుల నియోజకవర్గంలో వైఎస్సార్‌సీపీ ఎంపీటీసీ అభ్యర్థులు నామినేషన్లు వేయకుండీ టీడీపీ రౌడీ మూకలు అడ్డుకున్నాయి. అన్నమయ్య జిల్లా రామాపురం మండల పరిషత్‌ కార్యాలయం ఎదుట టీడీపీ రౌడీ మూకలు, గూండాలు రెచ్చిపోయారు. సాక్షి విలేకరి నాగార్జునపై టీడీపీ మూకలు ఒక్కసారిగా దాడి చేశాయి. సెల్‌ ఫోన్‌ను పగులగొట్టారు. అక్కడే ఉన్న పోలీసులు ఏమాత్రం పట్టించుకోలేదు. రైల్వే కోడూరు నియోజకవర్గం వ్యాప్తంగా కూటమి నాయకులు దౌర్జన్యాలకు దిగారు. పులివెందులలో వైఎస్సార్‌సీపీ అభ్యర్థుల వాహనాలకు నిప్పుకడపలో తీవ్ర ఉద్రికత్త నెలకొంది. జెడ్పీటీసీలకు నామినేషన్లు వేయడానికి వచ్చిన వైఎస్సార్‌సీపీ అభ్యర్థులపై భౌతికదాడులకు దిగారు. పోలీసులు వైఎస్సార్‌సీపీ కార్యాలయాన్ని ముట్టడించి, టీడీపీ గూండాలకు సహకరించారు. జెడ్పీ మెయిన్‌ గేటు వరకూ పోలీసులు అంచెలంచెలుగా బారికేడ్లు పెట్టి వైఎస్సార్‌సీపీ శ్రేణులను నిలువరించారు. ఫలితంగా వైఎస్సార్‌ కడప జిల్లాలో 39 జడ్పీటీసీలుంటే ఒక్కటంటే ఒక్క నామినేషన్‌ కూడా దాఖలు కాలేదు. పులివెందులలో భయోత్పాతం సృష్టించి లబ్ధిపొందాలనే దిశగా తెలుగుదేశం పార్టీ వ్యవహారిస్తోంది. కేసులతో సంబంధం లేనోళ్లను కూడా అరెస్టులకు పురిగొల్పుతున్నారు. బుధవారం వేకువజామున కౌన్సిలర్‌ అభ్యర్థుల ఇళ్ల వద్ద ఉన్న వాహనాలకు నిప్పు పెట్టారు. కడప ఎంపీ వైఎస్‌ అవినాష్‌రెడ్డి వివిధ మండలాలకు చెందిన జడ్పీటీసీ అభ్యర్థులతోపాటు జిల్లా అధ్యక్షుడు పోచంరెడ్డి రవీంద్రనాథరెడ్డి, కమలాపురం ఇన్‌ఛార్జి నరేన్‌రామాంజులరెడ్డితో కలిసి రాగా, నామినేషన్‌ కేంద్రంలోకి అనుమతించేందుకు పోలీసులు నిరాకరించారు. జిల్లా ఎస్పీ నచికేత్‌ విశ్వనాథ్‌కు ఫోన్‌ ద్వారా విన్నవించినా నిష్ప్రయోజనమే అయ్యింది. మద్యాహ్నం తర్వాత రమ్మని చెప్పారు. ఆ సమయంలో టీడీపీ మూకలు చెలరేగిపోయాయి. రాళ్లు, బీరు బాటిళ్లుతో దాడులు చేశారు. అయినప్పటికీ వైఎస్సార్‌సీపీ నేతలు జడ్పీ ప్రాంగణంలోకి చేరుకోగానే అక్కడ రౌడీలతో తిష్టవేసిన పుత్తా, దేవగుడి కుటుంబ వర్గాల రౌడీలు అడ్డుకున్నారు. పులివెందుల నియోజకవర్గంలో వైఎస్సార్‌సీపీ ఎంపీటీసీ అభ్యర్థులు నామినేషన్లు వేయకుండీ టీడీపీ రౌడీ మూకలు అడ్డుకున్నాయి. అన్నమయ్య జిల్లా రామాపురం మండల పరిషత్‌ కార్యాలయం ఎదుట టీడీపీ రౌడీ మూకలు, గూండాలు రెచ్చిపోయారు. సాక్షి విలేకరి నాగార్జునపై టీడీపీ మూకలు ఒక్కసారిగా దాడి చేశాయి. సెల్‌ ఫోన్‌ను పగులగొట్టారు. అక్కడే ఉన్న పోలీసులు ఏమాత్రం పట్టించుకోలేదు. రైల్వే కోడూరు నియోజకవర్గం వ్యాప్తంగా కూటమి నాయకులు దౌర్జన్యాలకు దిగారు. ఈసీ.. ఇటు చూడు!శ్రీసత్యసాయి జిల్లా గోరంట్ల మండలం మందలపల్లి ఎంపీటీసీ స్థానం నుంచి వైఎస్సార్‌సీపీ అభ్యర్థి కృష్ణవేణి బుధవారం నామినేషన్‌ దాఖలు చేశారు.. నామినేషన్‌ పత్రాలను ఎన్నికల అధికారి ప్రకాష్‌ పరిశీలించారు.. ఆ పత్రాలు సక్రమంగా ఉన్నాయని ధృవీకరించుకుని పక్కన పెట్టుకోబో­తున్నారు.. అంతలో ఆయన చేతి నుంచి మంత్రి సవిత అనుచరుడు, టీడీపీ నేత సుబ్బారెడ్డి ఒక్క ఉదుటున లాక్కొని చింపేశాడు.. పక్కనే పోలీసులున్నా, ఇతర అధికారులు ఉన్నా జోక్యం చేసుకోని దుస్థితి.. పట్టపగలు ప్రజాస్వామ్యాన్ని ఖూనీ చేయడం అంటే ఇంత కంటే నిదర్శనం ఉండదు.. రాష్ట్రంలో టీడీపీ అరాచకానికి ఈ ఒక్క చిత్రం మచ్చుతునక.మాజీ డిప్యూటీ సీఎంపై హత్యాయత్నంసాక్షి, చిత్తూరు: వైఎస్సార్‌సీపీ నేత, మాజీ ఉప ముఖ్యమంత్రి నారాయణస్వామిపై టీడీపీ గూండాలు హత్యాయత్నానికి తెగబడ్డారు. గంగాధరనెల్లూరు నియోజకవర్గంలోని ఎస్‌ఆర్‌ పురం, కార్వేటినగరం, వెదురుకుప్పం మండలాల వైఎస్సార్‌సీపీ జెడ్పీటీసీ అభ్యర్థులతో నామినేషన్లు వేయడానికి బుధవా­రం చిత్తూరు జెడ్పీ కార్యాలయానికి నా­రా­యణస్వామి బయల్దేరారు. దారిలో మాటువేసిన గంగాధరనెల్లూరు టీడీపీ ఎమ్మెల్యే థామస్, ఆ పార్టీ నేత చిట్టిబాబు నాయుడు, వందలాది మంది టీడీపీ గూండాలు ఇనుప రాడ్లు, రాళ్లతో నారా­యణస్వామిని చంపడానికి ప్రయత్నించారు.కారు తలుపు మూసేయడంతో ఆ­యన తృటిలో ప్రాణాపాయం నుంచి త­ప్పించుకున్నారు. కారులో ఉన్న వైఎస్సార్‌సీపీ జెడ్పీటీసీ అభ్యర్థులను టీడీపీ గూండాలు చావబాదారు. ఓ దశలో పచ్చ­మూకలను నారాయణస్వామి అ­భ్యర్థిస్తూ చేతులెత్తి దండం పెడుతున్నా కనికరించలేదు. డ్రైవర్‌ చాకచక్యంతో కా­రు ముందుకు పోనివ్వడంతో తప్పించు­కున్నారు. ఇంత జరుగుతున్నా పోలీసు­లు ప్రేక్షకపాత్రకు పరిమితమయ్యారు.

స్వేచ్ఛాయుత, నిష్పాక్షిక ఎన్నికలు రాజ్యాంగ మౌలిక స్వరూపంలో భాగం.. ఎన్నికల్లో పాల్గొనే హక్కు, నామినేషన్లు వేసే హక్కు అందులో అంతర్భాగం.. సాధారణంగా ఎన్నికల విషయంలో న్యాయస్థానాలు జోక్యం చేసుకోవు.. కానీ రాజ్యాంగ బాధ్యతల నిర్వహణలో ఎన్నికల సంఘం విఫలమైతే మా జోక్యం తప్పదు..వైఎస్సార్‌సీపీ అన్నీ ఆధారాలతోనే మా వద్దకు వచ్చింది.. బల ప్రయోగం, బెదిరింపులు, శాంతిభద్రతలకు విఘాతంపై ఆధారాలిచ్చింది.. అలాంటప్పుడు మా న్యాయ సమీక్ష అధికారాన్ని పక్కన పెట్టేయలేం.. కండబలం, దౌర్జన్యం కారణంగా ఎన్నికలు కలుషితమవుతుంటే చేతులు ముడుచుకుని ఉండలేం..విస్తృతమైన హింస వల్ల శాంతి భద్రతలకు విఘాతం కలిగి, దాని కారణంగా నామినేషన్ల దాఖలులో అభ్యర్థులందరికీ సమాన అవకాశాలు లేనప్పుడు, రాష్ట్ర ఎన్నికల సంఘం తన రాజ్యాంగ బాధ్యతను నెరవేర్చనప్పుడు, కోర్టు న్యాయ సమీక్షాధికారాన్ని ఉపయోగించకుండా ఉండలేదు. ఎన్నికల్లో పోటీచేసే అభ్యర్థులందరూ ఎలాంటి ఆటంకం లేకుండా నామినేషన్‌ పత్రాలను దాఖలు చేసేలా చూడటానికి అవసరమైన అన్ని చర్యలు చేపట్టడం కూడా ఖచ్చితంగా ఆ బాధ్యతల్లో భాగమే.నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలను కోర్టు ముందుంచింది. ఎన్నికల విషయాల్లో కోర్టులు జోక్యం చేసుకోకూడదనే నెపంతో మా న్యాయ సమీక్షాధికారాన్ని పక్కన పెట్టేయలేం. ఇలాంటి సందర్భాల్లో ఎన్నికల ప్రక్రియ నిష్పాక్షికంగా, న్యాయబద్ధంగా ముగిసేలా చూడటానికి న్యాయస్థానాల జోక్యం అత్యంత ఆవశ్యకం. ప్రజాస్వామ్యాన్ని, చట్టబద్ధ పాలనను పరిరక్షించడానికి ఎన్నికల ప్రక్రియపై ప్రజల్లో నమ్మకాన్ని కలిగించడం ఎంతో కీలకం.‘ఎన్నికల చట్టాన్ని నిర్దేశించే సూత్రా­లను, వైఎస్సార్‌సీపీ సమర్పించిన ఆధారాలను, ఎలక్ట్రానిక్‌ సాక్ష్యాలను, వినతి పత్రాలను ఈ కోర్టు పరిగణనలోకి తీసుకుంటోంది. ఈ వ్యవహారంలో తగిన ఆదేశాలు జారీ చేయడానికి వైఎస్సార్‌సీపీ మా ముందు ప్రాథమిక ఆధారాలను ఉంచింది. వీటి ఆధారంగా ఈ ఆదేశాలు జారీ చేస్తున్నాం.నామినేషన్‌ కేంద్రాల వద్ద డీజీపీ తగిన పోలీస్‌ బందోబస్తు, సీసీటీవీ నిఘాను ఏర్పాటు చేయాలి. సంబంధిత కేంద్రాలకు నామినేషన్లు వేయడానికి వచ్చే అభ్యర్థులకు అవసరమైన భద్రత కల్పించేలా అన్ని చర్యలు తీసుకోవాలి. – సుప్రీంకోర్టు ధర్మాసనంసాక్షి, అమరావతి/న్యూఢిల్లీ: స్థానిక సంస్థల ఎన్ని­కల్లో అడ్డూ అదుపు లేకుండా భౌతిక దాడులతో పేట్రేగిపో­తున్న అధికార పార్టీ నేతలకు.. వారితో కు­మ్మక్కై శాంతి భద్రతలను గాలికొదిలేసిన పో­లీసు­ల­కు.. పచ్చమూకల స్వైర విహారాన్ని పట్టించుకోని రాష్ట్ర ఎన్నికల కమిషన్‌కు సుప్రీంకోర్టు మూకుమ్మడిగా గడ్డి పెట్టింది. ప్రధాన ప్రతిపక్షం వైఎస్సార్‌సీపీ అభ్యర్థులను నామినేషన్లు కూడా వేయనివ్వకుండా అడ్డుకోవడం.. పార్టీ అభ్యర్థులపై దాడులకు పాల్పడటం.. వారి ఆస్తుల విధ్వంసం లాంటి ఘటనలపై సర్వోన్నత న్యాయస్థానం తీవ్ర విస్మయం వ్యక్తం చేసింది.స్వేచ్ఛగా, ప్రశాంతంగా, ప్రజాస్వామ్యబద్ధంగా జరగాల్సిన ఎన్నికల్లో అడ్డూ అదుపు లేకుండా అధికార పార్టీ నేతలు హింసకు పాల్పడుతుండటంతో పోలీసులు కనీస స్థాయిలో కూడా స్పందించకపోవడం పట్ల తీవ్రస్థాయిలో మండిపడింది. కనీసం ఒక్క కేసు కూడా నమోదు చేయకపోవడాన్ని తీవ్రంగా గర్హించింది. ఎన్నికల ఘర్షణలపై ఇప్పటి వరకు ఒక్క ఫిర్యాదు కూడా రాలేదని పోలీసుల తరఫున ప్రభుత్వ న్యాయవాదు­లు చెప్పడంపై కూడా సుప్రీంకోర్టు తీవ్ర విస్మయం వ్యక్తం చేసింది.‘క్షేత్రస్థాయిలో అంత హింస జరు­గుతుంటే.. నామినేషన్‌ కేంద్రాల వద్ద కనీస స్థాయి­లో శాంతి భద్రతలు లేకుంటే.. ఇక నామినేషన్లు వేయడానికి ఎవరొస్తారు? ఇలాంటి పరిస్థితుల నడుమ ఎన్నికల్లో పోటీ చేయాలనుకునే సామాన్యులు నామినేషన్‌ కేంద్రాల వైపు కన్నెత్తి చూసే ధైర్యం చేయగలరా?’ అని సుప్రీంకోర్టు ధర్మాసనం పోలీసులను నిలదీసింది. ఎన్నికల్లో పోటీ చేయడానికి విపక్షాలతో సహా అందరికీ పూర్తి అవకాశం ఉండి తీరాలని తేల్చి చెప్పింది. ఈ అరాచకాలను అడ్డుకోకుండా నిర్లక్ష్యం వహిస్తే చూస్తూ ఊరుకునేది లేదని అటు పోలీసులు ఇటు రాష్ట్ర ఎన్నికల కమిషన్‌ను సుప్రీంకోర్టు గట్టిగా హెచ్చరించింది. ఎన్నికల సంఘం విఫలమైతే.. కోర్టుల జోక్యం తప్పదు ‘స్వేచ్ఛగా, నిష్పాక్షికంగా ఎన్నికలు నిర్వహించడమనేది రాజ్యాంగ మౌలిక స్వరూపంలో ఓ భాగం. ఎలాంటి అడ్డంకులు లేకుండా ఎన్నికల ప్రక్రియలో పాల్గొనడం, స్వేచ్ఛగా నామినేషన్‌ పత్రాలను దాఖలు చేయడం లాంటివి స్వేచ్ఛాయుత, నిష్పాక్షిక ఎన్నికల ప్రక్రియలో కీలక అంశం. అధికరణ 243 జెడ్‌ ఏ ప్రకారం ఎన్నికలను స్వేచ్ఛగా, నిష్పాక్షికంగా నిర్వహించడం, పర్యవేక్షించడం రాష్ట్ర ఎన్నికల కమిషన్‌కు రాజ్యాంగం అప్పగించిన బాధ్యత.ఎన్నికల్లో పోటీ చేసే అభ్యర్థులందరూ ఎలాంటి ఆటంకం లేకుండా నామినేషన్‌ పత్రాలను దాఖలు చేసేలా చూడటానికి అవసరమైన అన్ని చర్యలు చేపట్టడం కూడా కచ్చితంగా ఆ బాధ్యతల్లో భాగమే. ఎన్నికల విషయాలలో న్యాయస్థానాల ‘న్యాయ సమీక్ష’ అధికారాలు పరిమితం. అయినప్పటికీ.. విస్తృతమైన హింస వల్ల శాంతి భద్రతలకు విఘాతం కలిగి, దాని కారణంగా నామినేషన్ల దాఖలులో అభ్యర్థులందరికీ సమాన అవకాశాలు లేనప్పుడు, రాష్ట్ర ఎన్నికల సంఘం తన రాజ్యాంగ బాధ్యతను నెరవేర్చనప్పుడు, కోర్టు న్యాయ సమీక్షాధికారాన్ని ఉపయోగించకుండా ఉండలేదు’ అని సుప్రీంకోర్టు తేల్చి చెప్పింది. ఎన్నికలు కలుషితమవుతుంటే కోర్టుల జోక్యం తప్పదు ‘న్యాయస్థానాలు సాధారణంగా ఎన్నికల ప్రక్రియ­లో జోక్యం చేసుకోవు. కానీ కండబలం, దౌర్జన్యం కారణంగా ఎన్నికలు కలుషితమవుతుంటే, అలాంటి వాటిని నిరోధించడానికి కోర్టుల జోక్యం తప్ప­దు. అత్యవసరమైనప్పుడు జోక్యం చేసుకోకుండా కోర్టులు చేతులు ముడుచుకుని కూర్చోవు’ అని ధర్మాసనం విస్పష్టంగా తేల్చి చెప్పింది. వైఎస్సార్‌సీపీ సమర్పించిన ఆధారాలను పరిగణనలోకి తీసుకున్నాం ‘ఎన్నికల చట్టాన్ని నిర్దేశించే సూత్రాలను, వైఎస్సార్‌సీపీ సమర్పించిన ఆధారాలను, ఎలక్ట్రానిక్‌ సా­క్ష్యాలను, వినతి పత్రాలను ఈ కోర్టు పరిగణలోకి తీసుకుంటోంది. ఈ వ్యవహారంలో తగిన ఆదేశా­లు జారీ చేయడానికి వైఎస్సార్‌సీపీ మా ముందు ప్రాథమిక ఆధారాలను ఉంచింది. వీటి ఆధారంగా ఈ ఆదేశాలు జారీ చేస్తున్నాం’ అని సుప్రీంకోర్టు పేర్కొంది.అదనపు నామినేషన్‌ కేంద్రాల కోసం వైఎస్సార్‌సీపీ న్యాయ పోరాటం స్థానిక ఎన్నికల్లో ప్రతిపక్ష పార్టీల అభ్యర్థులు నామినేషన్లు వేయకుండా అడ్డుకోవడమే కాకుండా భౌతిక దాడులతో అధికార పార్టీ నేతలు విధ్వంసం సృష్టిస్తున్న నేపథ్యంలో జిల్లా కలెక్టర్‌ లేదా ఎన్నికల అధికారి లేదా ఆర్డీవో వద్ద నామినేషన్లు దాఖలు చేసేలా ఎన్నికల కమిషన్‌ను ఆదేశించాలంటూ వైఎస్సార్‌సీపీ హైకోర్టులో పిటిషన్‌ దాఖలు చేసింది. ఈ వ్యాజ్యంపై విచారణ జరిపిన సింగిల్‌ జడ్జి జస్టిస్‌ మండవ కిరణ్మయి.. అదనపు నామినేషన్‌ కేంద్రాల విషయంలో వైఎస్సార్‌సీపీ అభ్యర్థనను తోసిపుచ్చుతూ ఉత్తర్వులిచ్చారు. ధర్మాసనం ముందు అప్పీల్‌ హైకోర్టు సింగిల్‌ జడ్జి ఉత్తర్వులను సవాలు చేస్తూ వైఎస్సార్‌సీపీ ఇద్దరు న్యాయమూర్తులతో కూడిన హైకోర్టు ధర్మాసనం ముందు శనివారం అత్యవసరంగా హౌస్‌మోషన్‌ రూపంలో అప్పీల్‌ దాఖలు చేసిన విషయం తెలిసిందే. ఈ పిటిషన్‌ను హైకోర్టు ధర్మాసనం కొట్టివేస్తూ ఈ నెల 18న ఉత్తర్వులిచ్చింది. అత్యవసరంగా సుప్రీం తలుపుతట్టిన వైఎస్సార్‌సీపీ హైకోర్టు ధర్మాసనం ఉత్తర్వులను సవాలు చేస్తూ వైఎస్సార్‌సీపీ అత్యవసరంగా సుప్రీంకోర్టును ఆశ్రయించింది. ఈ వ్యాజ్యంపై న్యాయమూర్తులు జస్టిస్‌ జోయ్‌ మాల్య బాగ్చీ, జస్టిస్‌ వి.మోహన ధర్మాసనం బుధవారం సుదీర్ఘ విచారణ జరిపింది. వైఎస్సార్‌సీపీ తరఫున సీనియర్‌ న్యాయవాదులు మణీందర్‌ సింగ్, నిఖిల్‌ గోయల్, న్యాయవాది మెహఫూజ్‌ నజ్కీ వాదనలు వినిపించారు. అడుగడుగునా దౌర్జన్యాలు.. అడ్డంకులు స్థానిక ఎన్నికల్లో ప్రతిపక్ష అభ్యర్థులను అధికార పక్షం అడుగడుగునా అడ్డుకున్న తీరును, పోలీసుల ప్రేక్షకపాత్రను వైఎస్సార్‌సీపీ తరఫు న్యాయవాదులు సుప్రీంకోర్టు ధర్మాసనం దృష్టికి తీసుకొచ్చారు. నామినేషన్ల ఘట్టం మొదలైన రోజు నుంచి వరుసగా జరిగిన ఘటనలన్నింటినీ వివరించారు. నామినేషన్ల ప్రక్రియ ఏకపక్షంగా, హింసాత్మకంగా సాగిందని గణాంకాలతో నివేదించారు. రాష్ట్రంలోని 19 పట్టణ స్థానిక సంస్థల్లో మొత్తం 723 వార్డులకు ఎన్నికలు జరుగుతుండగా అధికార పార్టీ దౌర్జన్యం, పోలీసుల కుమ్మక్కు, రాష్ట్ర ఎన్నికల కమిషన్‌ నిస్సహాయత కారణంగా ప్రధాన ప్రతిపక్ష పార్టీ వైఎస్సార్‌సీపీ కేవలం 263 స్థానాల్లో (36.43 శాతం) మాత్రమే నామినేషన్లు వేయగలిగిందని కోర్టుకు వివరించారు. మిగిలిన సుమారు 63.57 శాతం మంది అభ్యర్థులను నామినేషన్లు వేయకుండా అధికార పార్టీ నేతలు, పోలీసులు ఉద్దేశపూర్వకంగా, భౌతికంగా అడ్డుకున్నారని, ఎన్నికల కేంద్రాల వద్ద దౌర్జన్యాలకు పాల్పడ్డారని ధర్మా­సనం దృష్టికి తీసుకొచ్చారు. సిట్టింగ్‌ ఎంపీపై హత్యాయత్నం జరిగితే.. పోలీసులు ఆయనపైనే కేసు పెట్టారు పుంగనూరు, రాయచోటి, మైదుకూరు తదితర ప్రాంతాల్లో అభ్యర్థుల నామినేషన్‌ పత్రాలను లాక్కుని చించేశారని, అడ్డుకోబోయిన వారిపై భౌతిక దాడులకు దిగారని మణీందర్‌ సింగ్‌ తదితరులు సుప్రీం ధర్మాసనానికి నివేదించారు. క్షేత్రస్థాయిలో పరిస్థితిని పర్యవేక్షించేందుకు వెళ్లిన స్థానిక సిట్టింగ్‌ ఎంపీపై ఏకంగా హత్యాయత్నం చేసి, ఆయనకు చెందిన కార్లను తగలబెట్టారని ధర్మాసనం దృష్టికి తెచ్చారు. అయితే విస్మయకరంగా పోలీసులు దాడికి పాల్పడిన వారిపై కాకుండా దెబ్బలు తిన్న బాధితులపైనే హత్యాయత్నం లాంటి అక్రమ కేసులు బనాయించారని కోర్టు దృష్టికి తెచ్చారు. అభ్యర్థులకు రక్షణపై హైకోర్టు ఆదేశాలు బేఖాతర్‌ దాడులకు పాల్పడటంపై ఆన్‌లైన్, ఆఫ్‌లైన్‌ విధానం ద్వారా ఫిర్యాదు చేసినా స్థానిక పోలీసులు, ఎన్నికల అధికారులు కనీసం పట్టించుకోలేదన్నారు. అభ్యర్థులకు తగిన రక్షణ కల్పించాలంటూ హైకోర్టు ఇచ్చిన ఆదేశాలు క్షేత్రస్థాయిలో ఏమాత్రం అమలు కాలేదని ధర్మాసనానికి నివేదించారు. దాడులు, బెదిరింపులు, పోలీసుల నిర్లక్ష్యం వల్ల భారీ ఎత్తున ఏకపక్ష ఏకగ్రీవాలు జరిగే ప్రమాదం ఉందని ఆందోళన వ్యక్తం చేశారు. క్షేత్రస్థాయిలో భద్రత పూర్తిగా లోపించినందున ప్రత్యామ్నాయంగా జిల్లా కేంద్రాల్లో కలెక్టర్ల వద్ద నామినేషన్లు వేసేలా తగిన ఏర్పాట్లు చేయడంతో పాటు లేదా నామినేషన్లు వేయలేకపోయిన వారికి మరో అవకాశం కల్పించేలా నామినేషన్ల గడువును పొడిగించేలా ఎన్నికల సంఘానికి ఆదేశాలు జారీ చేయాలని ధర్మాసనాన్ని అభ్యర్థించారు. పక్కా ఆధారాలతో వచ్చింది.. అలాంటప్పుడు మా అధికారాన్ని ఎలా పక్కన పెడతాం?‘ఎన్నికల సంఘం పర్యవేక్షణ, నియంత్రణ విషయంలో న్యాయస్థానాలు జోక్యం చేసుకోకపోవడం అనే సిద్ధాంతం ఒక అత్యవసరమైన అవసరం నుంచి∙పుట్టుకొచ్చింది. ఎన్నికల ప్రక్రియను నిర్దేశిత కాల పరిమితిలోపు పూర్తి చేయడమన్నది స్వతంత్ర రాజ్యాంగ వ్యవస్థ అయిన ఎన్నికల సంఘం పని. ఇందులో కోర్టులు జోక్యం చేసుకుంటే ఆ ప్రక్రియ సకాలంలో పూర్తి కాదు. ఎన్నికల ప్రక్రియకు సంబంధించిన అన్ని ఫిర్యాదులను లేదా అభ్యంతరాలను ఎన్నికలు పూర్తయిన తర్వాత ‘ఎన్నికల పిటిషన్‌’ ద్వారా మాత్రమే ప్రస్తావించాల్సి ఉంటుంది. అయితే రాష్ట్రంలోని ప్రధాన ప్రతిపక్ష రాజకీయ పార్టీ (వైఎస్సార్‌సీపీ) ఎన్నికల ప్రక్రియ ప్రారంభానికి ముందే హైకోర్టును ఆశ్రయించింది.నామినేషన్‌ పత్రాల దాఖలు సమయంలో బలాన్ని ప్రయోగించడం, బెదిరింపులకు గురిచేయడం లాంటి తీవ్రమైన ఆందోళనకర ఘటనలను నిరూపించే సమగ్ర ఆధారాలు, వినతిపత్రాలను కోర్టు ముందుంచింది. ఎన్నికల విషయాల్లో కోర్టులు జోక్యం చేసుకోకూడదనే నెపంతో మా న్యాయ సమీక్షాధికారాన్ని పక్కన పెట్టేయలేం. ఇలాంటి సందర్భాల్లో ఎన్నికల ప్రక్రియ నిష్పాక్షికంగా, న్యాయబద్ధంగా ముగిసేలా చూడటానికి న్యాయస్థానాల జోక్యం అత్యంత ఆవశ్యకం. ప్రజాస్వామ్యాన్ని, చట్టబద్ధ పాలనను పరిరక్షించడానికి ఎన్నికల ప్రక్రియపై ప్రజల్లో నమ్మకాన్ని కలిగించడం ఎంతో కీలకం’ అని సుప్రీంకోర్టు ధర్మాసనం స్పష్టం చేసింది.సుప్రీంకోర్టు ఇచ్చిన ఆదేశాలు ఇవీ శాంతి భద్రతల వల్ల నామినేషన్లు వేయలేని చోట్ల గడువు పెంచండి రాష్ట్ర ఎన్నికల సంఘం అభ్యర్థుల తుది జాబితా ప్రచురణను 25.10.2026 వరకు వాయిదా వేయాలి. ఈలోగా, వైఎస్సార్‌సీపీ లేదా ఇతర అభ్యర్థులు సమర్పించిన వినతిపత్రాలను, అలాగే వారిచ్చిన ఆధారాలను, ఎలక్ట్రానిక్‌ సాక్ష్యాలను రాష్ట్ర ఎన్నికల కమిషన్‌ పరిశీలించాలి. శాంతిభద్రతల సమస్య కారణంగా అభ్యర్థులు తమ నామినేషన్లను వేయలేకపోయారని భావించే పట్టణ స్థానిక సంస్థల్లో నామినేషన్ల దాఖలుకు గడువును పొడిగించేలా నిర్ణయం తీసుకోవాలి. అటువంటి నిర్ణయాన్ని ఎన్నికల కమిషన్‌ కచ్చితంగా రేపటికల్లా (గురువారం) తీసుకోవాలి. ఎక్కడైనా నామినేషన్‌ గడువును పొడిగించాలని నిర్ణయించుకుంటే.. ఆ నిర్ణయాన్ని ప్రచురించిన సమయం నుంచి కనీసం 48 గంటల సమయాన్ని ఎన్నికల నోటిఫికేషన్‌ను సవరించడం ద్వారా పొడిగించాలి. కలెక్టర్‌ వద్ద నామినేషన్లకు ఏర్పాట్లు చేయండి అవసరమైన ప్రదేశాలలో నామినేషన్లు వేయడానికి, జిల్లా కలెక్టర్‌ సమక్షంలో జిల్లా కేంద్రాలలో నా­మినేషన్లు వేసేందుకు అనువుగా రాష్ట్ర ఎన్నికల కమిషన్‌ అదనపు ఏర్పాట్లు చేయాలి. వీటితో పాటు వైఎస్సార్‌సీపీకి, ఎన్నికల్లో పోటీ చేసే అభ్యర్థులకు ఎన్నికల ప్రక్రియలో స్వేచ్ఛగా, నిష్పాక్షికంగా పాల్గొనే అవకాశం ఉందన్న నమ్మకాన్ని కలిగించాలి. వారి అనుమానాలను నివృత్తి చేసేందుకు రాష్ట్ర ఎన్నికల కమిషన్‌ అన్ని అవసరమైన చర్యలు తీసుకోవాలి. తదుపరి విచారణ తేదీ నాటికి మా ఈ ఆదేశాల అమలుకు తీసుకున్న చర్యలను వివరిస్తూ రాష్ట్ర ఎన్నికల కమిషన్‌ ఓ నివేదికను మా ముందుంచాలి. అభ్యర్థులకు అవసరమైన భద్రత కల్పించండి నామినేషన్‌ కేంద్రాల వద్ద డీజీపీ తగిన పోలీస్‌ బందోబస్తు, సీసీటీవీ నిఘాను ఏర్పాటు చేయాలి. సంబంధిత కేంద్రాలకు నామినేషన్లు వేయడానికి వచ్చే అభ్యర్థులకు అవసరమైన భద్రత కల్పించేలా అన్ని చర్యలు తీసుకోవాలి. తదుపరి విచారణ నాటికి ఈ ఆదేశాల అమలు విషయంలో నివేదిక సమర్పించాలి. ఒక్క ఫిర్యాదూ రాలేదన్న ప్రభుత్వం రాష్ట్రప్రభుత్వం తరఫున సీనియర్‌ న్యాయవాదులు ముకుల్‌ రోహత్గీ, సిద్ధార్థ్‌ లుథ్రా వాదనలు వినిపిస్తూ.. ప్రతిపక్షాలకు ఎన్నికల్లో పోటీ చేసే ఆసక్తి లేదన్నారు. ఎన్నికల ఘర్షణలపై ఇప్పటి వరకు ఒక్క ఫిర్యాదు కూడా రాలేదని చెప్పారు. రాష్ట్ర ఎన్నికల కమిషన్‌ తరఫు సీనియర్‌ న్యాయవాది పరమేశ్వరన్‌ స్పందిస్తూ.. అభ్య­ర్థు­లు సరైన ఆధారాలతో వస్తే పరిశీలిస్తామని, ఇప్పటికే అందిన ఫిర్యాదుల నేప­థ్యంలో మైదుకూరు మున్సిపాలిటీలో ఎన్నికను నిలిపివేశామని తెలిపారు. అందరి వాదనలు విన్న ధర్మాసనం అటు ఎన్నికల సంఘానికి, ఇటు పోలీ­సులకు విస్పష్టమైన ఆదేశాలు జారీ చేస్తూ తదుపరి విచారణను ఈ నెల 27కి వాయిదా వేసింది.

ఆంధ్రప్రదేశ్‌లో మున్సిపల్‌ ఎన్నికల పర్వంలో వరసగా మూడురోజులపాటు సాగిన నామినేషన్ల ప్రహసనం గురించి బుధవారం సర్వోన్నత న్యాయస్థానం ఇచ్చిన ఆదేశాలు దేశ చరిత్రలో కనీవినీ ఎరుగనివి. ఒకసారంటూ ఎన్నికల ప్రక్రియ మొదలయ్యాకఅందులో జోక్యం చేసుకోబోమని న్యాయస్థానాలు చెప్పటమే ఇన్నాళ్లూ చూశాం. కానీఆంధ్రప్రదేశ్‌లో సీఎం చంద్రబాబు కనుసన్నల్లో పోలీసులూ, టీడీపీ గూండాలూ ఉమ్మడిగా స్వైరవిహారం చేసి సాగించిన దారుణ దమనకాండను గ్రహించాక ధర్మాసనంలోని న్యాయమూర్తులు ఈ సంప్రదాయాన్ని పక్కనబెట్టక తప్పదని నిర్ణయానికొచ్చారు. నిరుడు పంజాబ్‌లో జరిగిన స్థానిక ఎన్నికల సందర్భంగా రెండు జిల్లాల్లోని వార్డుల్లో ఇలాంటి నిర్ణయం తీసుకోవాల్సి రాగా ఇప్పుడు ఏకంగా ఏపీలోని 19 మున్సిపాలిటీల్లో నామినేషన్ల ప్రక్రియను నిలిపేయాలని, ఫిర్యాదులొచ్చిన ఇతరచోట్ల సైతం నామినేషన్ల గడువు పెంచుతూ నిర్ణయం తీసుకోవాలని ఆదేశించింది. చిత్రమేమంటే ఈ తీర్పు ప్రభావం కూటమి సర్కారుపై లేదా రాష్ట్ర ఎన్నికల సంఘం (ఎస్‌ఈసీ)పై ఏ మాత్రం లేదు. తీర్పు వెలువరిస్తున్న సమయానికీ, ఆ తర్వాతా కూడా వివిధ మున్సిపాలిటీల్లో టీడీపీ మూకల దౌర్జన్యకాండ కొనసాగుతూనే ఉంది. ఈ మూకల అరాచకాన్ని అధిగమించి ఇంతక్రితం నామినేషన్లు వేసినవారు బీ ఫాంలు అందజేయటానికొస్తే వాటినిచించేయటం, నెత్తురోడేలా కొట్టడం, కార్లను ధ్వంసం చేయటం షరా మామూలుగా చోటుచేసుకున్నాయి. తాజాగా ప్రారంభమైన జడ్‌పీటీసీ, ఎంపీటీసీ నామినేషన్ల ఘట్టంలో సైతం టీడీపీ హింసాకాండతో రాష్ట్రం అట్టడుకుతోంది. గూండాయిజం, దౌర్జన్యం వెరపులేకుండా సాగుతోంది. అభ్యర్థితోపాటు ప్రతిపాదకులు మాత్రమే వెళ్తే గొడవలుండవని హితవు పలికిన పోలీసులు... కుట్రపూరితంగా అంతకుముందే టీడీపీ మూకల్ని కార్యాలయాల్లో కూర్చోబెట్టారు. దగ్గరుండి మరీ దాడులు చేయించారు. అధికారుల చేతుల్లోంచి సైతం నామినేషన్‌ పత్రాలు లాక్కొనటం, అభ్యర్థుల్ని నెత్తురోడేలా కొట్టడం, వారు అపస్మారకంలోకి పోవటం చానెళ్ల సాక్షిగా కనబడింది.చిత్తూరు మొదలుకొని వైఎస్సార్‌ కడప, అనంతపురం, రాజంపేట, ప్రకాశం, పల్నాడు, కాకినాడ తదితర జిల్లాల్లో అనేకచోట్ల గూండాల దౌర్జన్యం యధేచ్ఛగా సాగింది. శాంతియుతంగా ఉన్న వైఎస్సార్‌ కాంగ్రెస్‌ కార్యకర్తలపైనే పోలీసులు లాఠీచార్జి చేయటం, ఆడ పోలీసులు మహిళల దుస్తులు చించటంవంటి దుశ్శాసన పర్వం స్థానిక ఎన్నికల్లోనూ కనబడింది. నంద్యాల మున్సిపాలిటీలో ఏకంగా వైఎస్సార్‌ కాంగ్రెస్‌ వార్డు అభ్యర్థి సంతకాన్ని ఫోర్జరీ చేస్తే, దాన్ని అధికారులుఆమోదించి టీడీపీ అభ్యర్థి ఏకగ్రీవంగా నెగ్గినట్టు ప్రకటించారు!లోకంలో దుర్మార్గుల స్వభావం గురించి భర్తృహరి నీతి శతకంలోని పద్యం ‘కారణము లేని కలహంబు కరుణలేమి...’ అంటూ వరసగా ఏకరువు పెడుతుంది. కారణం లేకుండా గొడవ పెట్టుకోవడంతోపాటు ఎవరిపైనా దయ, జాలి చూపకపోవడం, మంచివారిని చూసి ఓర్వలేకపోవడం, దుర్జనులతో సాన్నిహిత్యంవంటివిఅందులో ఉన్నాయి. కానీ ఆ పద్యం చెప్పని మరో లక్షణం చంద్రబాబులో ఉంది. దుర్మార్గులు అధికార పీఠాలెక్కి పరమ పవిత్ర సాధు పుంగవుల్లా సూక్తిముక్తావళి వల్లిస్తారని మాత్రం భర్తృహరి ఊహించలేకపోయాడు. దేశ రాజకీయాల్లో ఇప్పుడు బాహాటంగా గజ్జెకట్టి ఆడుతున్న అనేక దుష్ట పోకడలకు చంద్రబాబు ఆద్యుడు. విద్యార్థిగా విశ్వవిద్యాలయంలో అనుసరించిన దుర్మార్గాలను సీఎంగా ఆంధ్రప్రదేశ్‌లో అమలుచేసి చూపి, ఎన్నో రాష్ట్రాల్లో మాఫియా ముఠాలకు ఆదర్శంగా నిలిచిన జాతకం ఆయనది. బహుశా ప్రధాన ఎన్నికల కమిషనర్‌ జ్ఞానేశ్‌ కుమార్‌ది ఆయన స్కూలే కావొచ్చు! తప్పనిసరై ఎన్నికలు జరపాల్సివచ్చినప్పుడల్లా ‘ఎలాగైనా’ గెలిచి తీరాలన్న యావ తప్ప బాబులో మరొకటి కనబడదు. వృత్తి నిబద్ధతకు తూట్లు పొడవటం, వినయ విధేయస్వామ్యానికి వీరతాళ్లు వేయటం చంద్రబాబుప్రవృత్తి. అవసాన దశకు చేరుకున్న బాబులో ఈ దుర్లక్షణాలు మరింత ప్రకోపించిన వైనం కనబడుతోంది. కానీ ప్రజాస్వామ్యంలో ఏ రోగానికైనా తగిన ‘చికిత్స’ ఉంటుంది. బాబుతోపాటు ఆయన వీరవిధేయులు ఎస్‌ఈసీ పునేఠ, డీజీపీ గుప్తా కూడా దీన్నిగ్రహించటం ఉత్తమం.

బిగ్‌బాగ్ హౌస్‌లో నామినేషన్లు జరిగినా ప్రతిసారి రచ్చ రచ్చ అవుతోంది. ఈసారి అంతకు ఏం తక్కువ కాదన్నట్లు జరిగింది. చేపల మార్కెట్‌లా ఒకరిపై ఒకరు అరుచుకుని గోలగోల చేశారు. ఇంతకీ 10వ సీజన్‌లో 44 రోజైన మంగళవారం(అక్టోబర్ 20) ఎపిసోడ్‌లో అసలేం జరిగింది? ఈ వారం నామినేషన్లలో ఎవరెవరున్నారనేది చూద్దాం.(ఇదీ చదవండి: ఏకంగా ముఖ్యమంత్రికి తెగ నచ్చేసిన మమిత బైజు ప్రేమకథా సినిమా)మంగళవారం ఎపిసోడ్‌లో భాగంగా.. తొలుత షాలిని వెళ్లిపోడం గురించి వంశీ, త్రిగుణ్ మాట్లాడుకున్నారు. 'నిన్ను బయటకు పంపించేసి, షాలినిని ఇంట్లో ఉంచాలని ఒకడు (రోహిత్) అనుకున్నాడు. అది జరగలేదు. దాన్ని జీర్ణించుకోలేకపోతున్నారు. నువ్వు వెళ్లిపోతావ్. షాలిని ఉంటుందని చాలా కాన్పిడెన్స్‌గా ఉన్నారు. నువ్వు సేవ్ కాగానే వాళ్లకు ఫ్యూజ్‌లు ఔట్ అయ్యాయి' అని వంశీతో త్రిగుణ్ అన్నాడు. దీంతో వంశీ.. నాకంటే ముందు రోహిత్ వెళ్తాడు. ఈ హౌస్‌లో ఉండటానికి అతనికంటే నాకే ఎక్కువ అర్హత' అని అన్నాడు. త్రిగుణ్ దగ్గర కూర్చున్న వర్షిణి.. ‘నేను గేమ్ ఆడటం లేదని నీతూ అంటుంది. మరి ఈమె ఏం పొడిచింది’ అని రుసరుసలాడింది. రోహిత్ దగ్గరకు వెళ్లిన సుధీర్.. షాలిని వెళ్లిపోయింది కాబట్టి నీకు ఇదే రైట్ టైమ్. ఏదైనా చేయగలవు. నీకు వీక్‌నెస్ ఏం లేదు’ అని అన్నాడు. దీంతో రోహిత్.. నేనూ అదే చెప్తున్నా. నేను కోల్పోవడానికి ఇక్కడేం లేదు. ఫుల్ ఎటాకింగ్ మోడ్‌లోకి దిగుతా. నాకు షాలిని వెళ్లిపోవడం గుడ్ అని నేను అనుకోను. ఎందుకంటే.. తన నా రీచార్జ్ పాయింట్' అని అన్నాడు.తర్వాత నామినేషన్ ప్రక్రియ తిరిగి మొదలైంది. తొలుత అమన్.. శివ్‌ని నామినేట్ చేశాడు. వైల్డ్ ఫైర్‌లా వచ్చి వైల్డ్ ఫూల్ అయ్యారు. గంట ఎపిసోడ్ చూసి వచ్చేశారు. 24 గంటలు చూసి వస్తే బాగుండేదని అన్నాడు. ఆ మాటతో శివ్ గట్టిగా కౌంటర్ ఇచ్చాడు. బయట జనం గంట ఎపిసోడ్ చూసే ఓట్లేస్తారు. 24 గంటలూ చూసి కాదు. ఫూల్ నేను కాదు. మీరూ’ అని మాటలతో ఫటాఫట్ ఇచ్చేశాడు. తర్వాత వచ్చిన శ్వేత.. ఊహించని విధంగా త్రిగుణ్‌ని నామినేట్ చేసింది. ఫ్రంట్ ఫుట్‌లో ఆడతారనే అనుకున్నా కానీ ఇక్కడికి వచ్చాక అది నిజం కాదని తెలిసింది. కప్పు కొట్టాల్రా అని అన్నారు. విన్నరే కప్పు కొడతాడు. విన్నర్ అనేవాడు నమ్మక ద్రోహం చేయాలనుకోవడం కరెక్ట్ కాదు. గేమ్‌లో ఛీటింగ్ చేసి కెప్టెన్సీ కంటెండర్స్ నుంచి తీసేశారు. అందుకే నామినేట్ చేస్తున్నా అని కారణాలు చెప్పింది. దీంతో త్రిగుణ్.. ఇక్కడికి వచ్చిన వాళ్లలో ఇమేజ్ లాస్ అవుతున్నది నేనే అని నాకు తెలుసు. నేను ఇక్కడికి విలన్ అవ్వడానికో.. హీరో అవ్వడానికో రాలేదు. హౌస్‌లో ఎన్నాళ్లు ఉంటే అన్నాళ్లు ఎంటర్‌టైన్ చేయడానికే వచ్చాను.. అదే నా గేమ్ స్ట్రాటజీ' అని చెప్పుకొచ్చాడు.అనంతరం వర్షిణి.. నీతూని నామినేట్ చేసింది. ఈ కోచ్ నాపై చేసిన అలిగేషన్స్ చేసే ముందు.. వాటిని ఆమె ఫాలో అవుతున్నారా? బయట విషయాలు ఇక్కడ చెప్పొద్దని అన్నారు. కానీ మీరు చేసేది ఏంటి? రూల్స్ ఫాలో కాను అని నన్ను అన్నారు. కానీ బిగ్‌బాస్ నుంచి అనౌన్స్‌మెంట్స్ వచ్చింది మీకే కదా. రూల్స్ ఫాలో అవ్వని మీరు, రూల్స్ గురించి మాట్లాడటం బేస్‌లెస్. ముకేష్‌ని పక్కనపెట్టుకుని గేమ్ ఆడుతున్నా అని అన్నావ్. మరి నువ్వేం పీకావ్. నా గేమ్ గురించి నీకెందుకు చెప్పాలి? అసలు నువ్వెవరు? నువ్వు వైల్డ్ ఫైర్ కాదు పెద్ద ఫ్లవర్‌వి. నువ్వు రావడం రావడమే రోహిత్-షాలినిల మధ్య మంట పెట్టి.. ఆమెని విడదీసి బయటకు పంపావ్’ అని వర్షిణి.. నీతూ పరువంతా తీసేసింది.తర్వాత సుధీర్, రామకృష్ణని నామినేట్ చేశాడు. త్రిగుణ్, సుధీర్‌ని నామినేట్ చేశాడు. అనంతరం రామకృష్ణ, ఝాన్సీని కౌంటర్ నామినేట్ చేశాడు. అగ్నిపరీక్షలో బాగానే ఆడావ్.. ఇక్కడికి వచ్చి ఆడింది ఏం లేదు. సింపతీ గేమ్ ఆడుతున్నావ్.. ఊ అంటే ఏడుస్తావ్ అంతే తప్ప.. నువ్వు చేసిందేం లేదు.. ఏడ్వడం నీకు ఎమోషన్ అయితే.. కాళ్లు మొక్కడం కూడా ఎమోషనే’ అని రామకృష్ణ అన్నాడు. ముకేశ్, వంశీని నామినేట్ చేశాడు. చివరలో కెప్టెన్‌ రాంప్రసాద్‌కి బిగ్‌బాస్ కెప్టెన్ పవర్ ఇచ్చాడు. నామినేట్ కాని నరేశ్, దేబ్జానీ, అమన్, ముకేశ్‌లలో నుంచి ఒకర్ని నేరుగా నామినేట్ చేయమని చెప్పడంతో అమన్ పేరు చెప్పాడు. అలా ఈ ఏడో వారంలో దక్షి, వర్షిణి, రోహిత్, సుధీర్, త్రిగుణ్, నీతూ, రామకృష్ణ, శివ్, ఝాన్సీ, శ్వేత, వంశీ, అమన్‌ నామినేట్ అయ్యారు. దేబ్జానీ, నరేశ్, ముకేష్‌, రాంప్రసాద్‌లు తప్ప మిగిలిన 12 మంది నామినేషన్లలో ఉన్నారు. (ఇదీ చదవండి: సర్‌ప్రైజ్ చేసిన దీపిక.. రెండో కూతురికి దేవుడి పేరు)

ఢిల్లీ: ఏపీలో హింస జరిగిన 19 మున్సిపాలిటీల్లో నామినేషన్ల గడువు పెంచాలని సుప్రీంకోర్టు ఆదేశించింది. వైఎస్సార్‌సీపీ అభ్యర్థులకు భద్రత కల్పించాలని ఎస్పీలకు ఆదేశాలు జారీ చేసింది. నామినేషన్ల గడువుపై ఈ రోజే నిర్ణయం తీసుకోవాలన్న సుప్రీం.. జిల్లా కేంద్రాల్లో కలెక్టర్లు నామినేషన్లు తీసుకోవాలని రాష్ట్ర ఎన్నికల సంఘాన్ని ఆదేశించింది. ఈ నెల 25 వరకు అభ్యర్థుల తుది జాబితా ప్రకటించొద్దని సుప్రీంకోర్టు స్పష్టం చేసిందిమున్సిపల్‌ ఎన్నికల్లో అవకతవలు, హింసపై సుప్రీంకోర్టు ఇవాళ(బుధవారం) విచారణ జరిపింది.. విచారణ సందర్భంగా సుప్రీంకోర్టు తీవ్ర వ్యాఖ్యలు చేసింది. ప్రజాస్వామ్యాన్ని కాపాడాల్సిన బాధ్యత మాపై ఉంది. ఒక్క పోలీస్‌ కంప్లైంట్‌ రాలేదని ప్రభుత్వం చెబుతుందంటే.. ఎంత దారుణమైన పరిస్థితి ఉందో మాకు అర్థమవుతోంది. హింస జరుగుతుంటే, లా అండ్‌ ఆర్డర్‌ లేకపోతే.. నామినేషన్ల వేయడానికి ఎవరు వస్తారంటూ సుప్రీంకోర్టు వ్యాఖ్యానించింది.ప్రజాస్వామ్యంలో లెవల్‌ ప్లేయింగ్‌ ఫీల్డ్‌ ఉండాలని.. ప్రతిపక్షాలకు అవకాశం ఉండాలని సుప్రీంకోర్టు తేల్చి చెప్పింది. 63.5 శాతం వైఎస్సార్‌సీపీ నామినేషన్లు లేకుండా చేశారని.. ఇది చాలా తీవ్రమైన చర్య అని వైఎస్సార్‌సీపీ తరఫు లాయర్‌ తన వాదనలు వినిపించారు. వైఎస్సార్‌సీపీ నేతలను కొట్టి వారిపైనే కేసులు పెట్టారని.. ఫిర్యాదులను పోలీసులు తీసుకోవడం లేదని సుప్రీంకోర్టుకు న్యాయవాది తెలిపారు.‘‘ఎన్నికల వ్యవహారాల్లో కోర్టుల చేతులు కట్టేసి ఉన్నాయన్న వాదనతో మేం ఏకీభవించడం లేదు. అయితే రాజ్యాంగ వ్యవస్థ ప్రకారం రాష్ట్ర ఎన్నికల సంఘమే నిర్ణయం తీసుకోవాల్సి ఉంటుందన్న విషయాన్ని గుర్తుంచుకోవాలి. రాష్ట్ర ఎన్నికల సంఘం ఇప్పటివరకూ నిర్ణయం తీసుకోలేదు. నిర్ణయం తీసుకునేలా ఎన్నికల సంఘాన్ని నిలదీస్తాం. ముందు జరగాల్సిన ప్రక్రియ జరగకుండానే కోర్టు నిర్ణయం తీసుకోవడం సరికాదు. వీడియోలను పరిశీలించి హింస జరిగిందని మేమే నిర్ధారిస్తే, ఎన్నికల సంఘం తీసుకోవాల్సిన నిర్ణయాన్ని ముందుగానే మేం తీసుకున్నట్లు అవుతుంది...అక్టోబరు 25వ తేదీకి ముందు అభ్యర్థుల తుది జాబితాను ప్రకటించవద్దని ఎన్నికల సంఘాన్ని కోరతాం. నామినేషన్ల గడువు పొడిగింపుపై ఎన్నికల సంఘం ఈ రోజే నిర్ణయం తీసుకోవాలి. ఎన్నికల సంఘం తీసుకునే నిర్ణయం మీకు ప్రతికూలంగా ఉంటే, దాన్ని చట్టవిరుద్ధంగా నామినేషన్ తిరస్కరించిన అంశంగా న్యాయపరంగా ప్రశ్నించే హక్కు మీకు ఉంటుంది’’ అని సుప్రీంకోర్టు స్పష్టం చేసింది. ఉత్తర్వుల అమలు నివేదిక సుప్రీంకోర్టుకు పంపాలని ఎస్‌ఈసీని ఆదేశించిన ధర్మాసనం.. తదుపరి విచారణ ఈ నెల 27కి వాయిదా వేసింది.ఇదీ చదవండి: పులివెందులలో అర్ధరాత్రి టీడీపీ అరాచకం

ఆత్మకూరు(నెల్లూరు జిల్లా): మున్సిపల్ ఎన్నికల్లో జనసేన నామినేషన్లను తీసుకోకుండా అధికారులు కాలయాపన చేశారని ఆ పార్టీ నేత నలిశెట్టి శ్రీధర్ అన్నారు. కమిషనర్‌తో ఆయన ఫోన్‌లో వాదులాడిన వీడియో వైరలైంది. మీ ప్రవర్తన సరికాదని, మంత్రి చెబితే ఇలా ప్రవర్తిస్తున్నారా అంటూ నిలదీశారు. వివరాలిలా ఉన్నాయి. కూటమిలో తొలుత జనసేనకు రెండు, బీజేపీకి రెండు వార్డులు టీడీపీ కేటాయించింది. కాగా జనసేన ఆరు వార్డులు, బీజేపీ నాలుగు వార్డులు కోరింది. ఈ క్రమంలో పొత్తులు పొసగక జనసేన 10 వార్డులకు, బీజేపీ 4 వార్డులకు నామినేషన్ దాఖలు చేసింది.బీజేపీ మద్దతుదారుడైన జగదీశ్ 5, 6 వార్డుల్లో తన కోడలిచే నామినేషన్లు వేయించి తెలుగుదేశం అభ్యర్థులకు పోటీగా ఉండనున్నట్లు ప్రకటించారు. ఈ నేపథ్యంలో ఆదివారం మధ్యాహ్నం జనసేన నాయకుడు నలిశెట్టి శ్రీధర్ నామినేషన్లు దాఖలు చేసేందుకు పలువురిని 1.30 నుంచి 2 గంటల సమయంలో పంపించారు. అయితే కొందరివి మాత్రమే తీసుకొని, మరికొందరి నామినేషన్లు తీసుకోలేదని తెలియడంతో శ్రీధర్ ఫోన్‌లో కమిషనర్‌తో వాదులాడారు. సరైన సమయానికే అభ్యర్థులొచ్చినా ఎందుకు నామినేషన్లు తీసుకోలేదని ప్రశ్నించారు. తమకు పొత్తు కుదరకపోవడంతో కొందరివి మాత్రమే తీసుకున్నారని వాపోయారు. కాగా స్క్రూటినీలో కోడూరు జయలక్ష్మి అనే జనసేన మహిళ నామినేషన్ తిరస్కరణకు గురైంది.

సాక్షి, నెటవర్క్‌: రాష్ట్రంలో ప్రజాస్వామ్యం అన్నది మచ్చుకైనా క­నిపించడం లేదు. నామినేషన్లకు ముందు, ఆ తర్వాత యథే­చ్ఛ­గా దాడులు.. దౌర్జన్యాలు, బెదిరింపులు కొనసాగుతూనే ఉన్నా­యి. ఎ­క్కడికక్కడ టీడీపీ రౌడీ మూకలు నామినేషన్‌ పత్రా­లను చింపివేస్తున్నారు. చివరకు నామినేషన్ల పరిశీలనలోనూ అదే దౌ­ర్జ­న్యం, అదే అన్యాయం పునరావృతమైంది. 8 మునిసిపాల్టీల్లో నా­మినేషన్లకే అవకాశమివ్వకుండా దుర్మార్గంగా వ్యవహరించా­రు. మరో 11 చోట్ల వారే ఏకపక్షంగా నెగ్గేలా కుట్రలు, కుతంత్రాలకు తెరతీ­శారు. నామినేషన్లు ఉపసంహరించుకోవాలంటూ ఒత్తిళ్లు తె­స్తు­న్నా­రు.లేదంటే ఇళ్లపై దాడులు, వాహనాల ధ్వంసంతో పేట్రే­గి­పోతున్నారు. వైఎస్సార్‌సీపీ అభ్యర్థులను లక్ష్యంగా చేసుకుని ఎ­ల్లో గూండాలు దాడులకు దిగారు. కడప, అనంతపు­రం,­కుప్పం, మదన­పల్లె, నంద్యాల, ఆళ్లగడ్డ, ప్రొద్దుటూరు తది­తర ప్రాంతాల్లో పచ్చ మూకలు అడ్డు అదుపులేకుండా రెచ్చిపోయాయి. అధికారపక్షానికి చెందిన నేతల నామినేషన్లు ఓకే చేయించుకో­వ­డం, ప్రతిపక్ష నేతల నామినేషన్లు తొలగించేలా చేయడంలో ఎన్ని­కల అధికా­రు­ల­పై పచ్చ నేతలు సామ, దాన,భేద, దండో­పాయా­లను ప్రయో­గించారు.రాష్ట్ర వ్యాప్తంగా నామినేషన్ల పరి­శీల­నలో పచ్చ మూక పట్టు సాధించేందుకు చేయని ప్రయత్నాలు అంటూ లేవు. వైఎ­స్సార్‌సీపీ అభ్యర్థుల నామినేషన్‌ పరిశీలన పత్రాలను లాక్కొని చించివేయడం, అభ్యర్థులపై దాడులకు దిగడం, కిడ్నాప్‌ ఘటనలు రాష్ట్ర వ్యాప్తంగా కలకలం రేపాయి.బాబూ.. ఇది మంచి ప్రభుత్వమా?చంద్రబాబు ఆడంబరంగా ప్రకటనలు ఇచ్చుకుంటున్నట్లు ఇది ని­జంగా మంచి ప్రభుత్వమే అయితే నామినేషన్లను ఎందుకు అడ్డు­కు­న్నారు?ఎందుకు ప్రతిపక్ష పార్టీ అభ్యర్థులపై మూకుమ్మడి దాడులు చేస్తున్నారు? మహి­ళలని కూడా చూడకుండా ఎందుకు దాడులకు దిగుతున్నారు? ఎందుకంటే పో­టీ­లో ఉండి గెలుచుకునే దమ్ము, ధై­ర్యం లేకే ఈ అరాచకానికి పాల్పడుతున్నారని ఇట్టే స్పష్టమవు­తోంది. ఎన్నిక­లప్పుడు ఇచ్చిన మేనిఫెస్టోలోని సూపర్‌ సిక్స్, సూపర్‌ సెవెన్‌ సహా ఒక్క హామీ నెరవేర్చలేకే కుట్రలు, దౌర్జన్యాలు, అక్ర­మా­లకు దిగారని తెలుస్తోంది. చంద్రబాబు పాలనపై అన్ని వర్గా­ల్లోనూ తీవ్ర అసంతృప్తి రగు­లుతోంది.విద్య, వైద్యం, వ్యవసా­యం.. ఇలా అన్ని రంగాలూ నిర్వీ­ర్యయ్యాయి. వీట­న్నింటిపై ప్రజ­లకు సమాధానం చెప్పుకోలేక దౌర్జన్యాలు, ప్రజా­స్వామ్య హననా­నికి దిగారని స్పష్టమవుతోంది. వాస్తవానికి మేనిఫెస్టోలో 99 శాతం హా­మీలు నెరవేర్చిన ఘనత గత వైఎస్‌ జగన్‌కే దక్కు­తుంది. అందుకే అప్పట్లో బాబు నియమించిన ఎస్‌ఈసీ నిమ్మగడ్డ ప్రసాద్‌ ఆధ్వ­ర్యంలోనే స్థానిక ఎన్నికలు జరిపించారు. ఆయన ఇష్టాను­సా­రం అధి­కా­రుల బదిలీలు చేసినా వెరవలేదు. అయినా 100 శాతం కార్పొరేషన్లలో, 98 శాతం మున్సిపాలిటీల్లో వైఎస్సార్‌సీపీ విజ­యం సాధించింది. వైఎస్‌ జగన్‌ పారదర్శకంగా వ్యవహరించడం వల్లే తాడిపత్రిలో టీడీపీ విజయం సాధించిందని.. అప్పట్లో ‘హ్యాట్సాప్‌ టు జగన్‌..’ అని మున్సిపల్‌ చైర్మన్‌ జేసీ ప్రభాకర్‌రెడ్డి వ్యాఖ్యానించడం గమనార్హం.వైఎస్సార్‌ కడప జిల్లా ఇప్పట్లలో టీడీపీ మూకల దాడిలో గాయపడిన వైఎస్సార్‌సీపీ నేతతో కలిసి పోలీసులకు ఫిర్యాదు చేస్తున్న ఎంపీ అవినాష్‌రెడ్డి ఇప్పుడు చంద్రబాబు సర్కారు చేస్తున్నదేంటి? ప్రస్తుతం స్థానిక సంస్థల ఎన్నికల్లో నిజాయితీగా, ప్రజాస్వామ్య­యుతంగా ఎన్నికలు జరిపిస్తే కుప్పం సహా అన్ని చోట్లా ఓటమి తప్పదని చంద్రబాబు అండ్‌కో భయం. అందుకే అంతటా దౌర్జ­న్యం. ఇందుకోసం పోలీసులను అడ్డుపెట్టుకుని.. వైఎస్సార్‌సీపీ నేతలపై, అభ్యర్థులపై దౌర్జన్యాలు, దాడులకు దిగారు. రాష్ట్రంలో ఎంతటి దారుణమైన అప్రజాస్వామ్య పరిస్థితి ఉందంటే.. దాదాపు 8 మున్సిపాలిటీల్లో అసలు నామినేషన్లే పడని పరిస్థితి కల్పించారు. కౌన్సిలర్‌గా గానీ, చైర్మన్‌గా గానీ జీరో నామినేషన్లు నమోదు కాగా, మరో 11 చోట్ల సగం కంటే తక్కువగా (36 శాతం) నామి­నేషన్లకు అవకాశం ఇచ్చి, ఏకపక్షంగా విజయం సాధించేలా కుతంత్రాలు రచించారు. పలు చోట్ల వైఎస్సార్‌సీపీ అభ్యర్థులు నామినే­షన్లు వేసి అక్నాలెడ్జ్‌మెంట్‌ స్లిప్పులు తీసుకున్నప్పటికీ, అధికారుల ఎదుటే వారి నామినేషన్‌ పత్రాలను చింపేశారు. ప్రజాస్వామ్యంలో ఎన్నికల్లో పోటీ చేయడానికి నామినేషన్లు కూడా వేసే పరిస్థితి లేదంటే పాలన ఎంత దారుణంగా ఉందో అర్థం చేసుకోవచ్చు. కుప్పంలో టీడీపీ గూండాగిరిచిత్తూరు జిల్లా కుప్పంలో వైఎస్సార్‌సీపీ కౌన్సిలర్‌ అభ్యర్థులు సోమ­వారం నామినేషన్ల పరిశీలన కార్యక్రమానికి వెళ్తుండగా, టీడీపీ శ్రేణులు అడ్డుపడి చైర్మన్‌ అభ్యర్థి విజయ్‌కుమార్‌ను కిడ్నాప్‌ చేసి, వైఎస్సార్‌సీపీ నాయకులపై దాడులకు పాల్పడ్డారు. ఎమ్మెల్సీ భరత్‌ నివా­సాన్ని ముట్టడించి లోపలికి వెళ్లేందుకు యత్నించారు. అడ్డొ­చ్చిన వైఎ­స్సార్‌సీపీ శ్రేణులను చితకబాదుతూ వారి చేతుల్లో ఉన్న సర్టిఫికెట్లను చింపివేసి తరిమి కొట్టారు. ఈ దాడుల్లో వైఎ­స్సార్‌సీపీ కార్యకర్తలు జయశంకర్, జితిన్, హఫీజ్,జాఫర్‌తో పాటు మరోపది మంది గాయపడ్డారు. చైర్మన్‌ అభ్యర్థి విజయ్‌కుమార్‌ కిడ్నాప్‌ ఉదంతంపై మాజీ మంత్రి పెద్దిరెడ్డి రామచంద్రారెడ్డి జిల్లా ఎస్పీ తుషార్‌­డూడితో ఫోన్లో మాట్లాడారు. వైఎస్సార్‌సీపీ నేతల ఆగ్రహంతో ఎట్టకేలకు ఆయన్ను వదిలేశారు. కాగా, వైఎస్సార్‌సీపీ శ్రేణులపై జరుగుతున్న దాడిని చిత్రీకరించేందుకు య­త్నించిన కు­ప్పం సాక్షి విలేకరి వెంకటాచలం ఫోన్‌ను లాక్కుని ధ్వంసం చేశారు. గుమ్మనూరు ఆదేశంతో నామినేషన్‌ తిరస్కరణఅనంతపురం జిల్లా గుత్తి మునిసిపల్‌ చైర్మన్‌ వైఎస్సార్‌సీపీ అభ్యర్థి మాతంగి అంజల నామినేషన్‌ తిరస్కరణకు గురైంది. కుల ధ్రువీ­కరణ పత్రం సరిగా లేదన్న నెపంతో అధికారులు ఆమె నామినే­షన్‌ను తిరస్కరించారు. అయితే..గుంతకల్లు నియోజకవర్గ టీడీపీ ఎమ్మెల్యే గుమ్మనూరు సూచన మేరకే అధికారులు వైఎస్సార్‌సీపీ అభ్యర్థి నామినేషన్‌ను తిరస్కరించారని చెబుతున్నారు.కొప్పుల నామినేషన్‌ తిరస్కరణ పల్నాడు జిల్లా దాచేపల్లి నగర పంచాయతీ వైఎస్సార్‌సీపీ చైర్మన్‌ అభ్యర్థి రవికుమార్‌ నామినేషన్‌ను అధికారులు తిరస్కరించారు. డి­పాజిట్‌ చెల్లించని కారణంగా తిరస్కరించినట్లు రిటర్నింగ్‌ అధి­కారులు ప్రకటించారు.రవికుమార్‌ డిపాజిట్‌ చెల్లించారు. ఆ మేరకు రిసీప్ట్‌ కూడా చూపారు. రవికుమార్‌ సమర్పించిన అన్ని పత్రాలను అధికారులు పరిశీలించారు. అయినప్పటికీ డిపాజిట్‌ చెల్లించినట్లు ఆధారాలు లేవని ఆయన నామినే­షన్‌ను తిరస్కరించారు. మా­ర్కా­పురం జిల్లా గిద్దలూరులోని మున్సిపల్‌ కార్యాలయంలో బీజేపీ మున్సిపల్‌ చైర్మన్‌ అభ్యర్థి ­నారా­యణ నామి­నేషన్‌ పత్రాలను టీడీపీ ఎమ్మెల్యే ముత్తుముల అశోక్‌రెడ్డి బావ­మరిది సురేష్‌రెడ్డి, మరి కొందరు టీడీపీ నేతలు కలిసి చించిపడే­శారు.మదనపల్లెలో ఎన్నికల అధికారిపై దాడి అన్నమయ్య జిల్లా మదనపల్లె దొంతి వీధిలోని నామినేషన్‌ సెంటర్‌­లో ఎన్నికల విధులు నిర్వహిస్తున్న అదనపు ఎన్నికల అధికారి బుర్రయ్యపై టీడీపీ మూకలు దాడి చేశాయి. ఎన్నికల కేంద్రం వ­ద్ద నామినేషన్ల పరిశీలన జరుగుతున్న సమయంలో స్థానిక పదో వార్డుకు, టీడీపీ తరఫున కౌన్సిలర్‌గా నామినేషన్‌ వేసిన అభ్యర్థి సహదేవ నాయుడు వచ్చాడు. అతని వెంట రాజేష్‌ మరికొందరు నామినేషన్‌ సెంటర్‌లోకి ప్రవేశించారు. ఎన్నికల అసిస్టెంట్‌ అధి­కారి బుర్రయ్యతో వాగ్వాదానికి దిగి, ప్రత్యర్థి వర్గ అభ్యర్థి సుధాకర్‌ రెడ్డి నామినేషన్‌ తిరస్కరించాలని పట్టుబట్టారు. దీంతో ఇద్దరి మధ్య వాగి్వవాదం జరగ్గా.. వారు ఎన్నికల అధికారిపై దాడికి పాల్పడ్డారు. ఆయన చొక్కా చింపి వేశారు. ఒంగోలులో పోలీసుల బెదిరింపులు ఒంగోలులో అధికార టీడీపీ బెదిరింపుల పర్వానికి తెరదీసింది. ఇందులో భాగంగా వివిధ డివిజన్ల నుంచి పోటీ చేస్తున్న వైఎస్సార్‌ సీపీ అభ్యర్థుల ఇళ్లకు పోలీసులను పంపించి కుటుంబ సభ్యుల మీద ఒత్తిడి తెస్తున్నారు. 9వ డివిజన్‌ నుంచి పోటీ చేస్తున్న చర్చిల్‌ గిఫ్ట్‌ అనే అభ్యరి్థని విత్‌డ్రా చేసుకోవాల్సిందిగా టీడీపీ నాయకులు ఒత్తిడి తెచ్చారు. అందుకు అతడు అంగీకరించకపోవడంతో పోలీసులను రంగంలోకి దించారు. ఈ క్రమంలోనే సోమవారం ఒక సీఐ, కొందరు పోలీసులతో కలిసి చర్చిల్‌ గిఫ్ట్‌ ఇంటికి వెళ్లి అతడి తల్లి తేళ్ల సుజన్‌ కుమారిని బెదిరించారు. ఈ మేరకు చర్చిల్‌ తల్లి రోదిస్తూ మీడియాతో మాట్లాడిన వీడియో సోషల్‌ మీడియాలో వైరల్‌ అయ్యింది. ఇదే రీతిలో ఐదుగురు అభ్యర్థులను బెదిరించారు. కనిగిరిలో పచ్చమూకలతో కలిసి పోలీసుల హల్‌చల్‌మార్కాపురం జిల్లా కనిగిరిలో పోలీసుల అండతో పచ్చగూండాలు రెచ్చిపోయారు. సుమారు 500 మంది పచ్చ మూకలు రంగంలోకి దిగి నామినేషన్‌ కేంద్రం బయట, లోపల భయభ్రాంతు­లకు గురి చేశారు. ఆదివారం 8 నామినేషన్‌ పత్రాలను చించేసిన పచ్చమూక.. నామినేషన్‌ల పరిశీలనకు కూడా అభ్య­ర్థు­లను కేంద్రంలోని పోనీయకుండా అడ్డుకున్నారు. పోలీసులు చేతులెత్తేయడాన్ని ప్రశ్నించిన వైఎస్సార్‌సీపీ నేతలు, అభ్య­ర్థులపై పోలీసులు ఎదురుదాడికి దిగారు. మీడియా ప్రతిని­ధులపై కూడా టీడీపీ మూకలు దాడికి దిగాయి. పోలీసుల తీరుపై కనిగిరి నియోజకవర్గ వైఎస్సార్‌సీపీ ఇన్‌చార్జి డాక్టర్‌ దద్దాల నారాయణ యాదవ్, మున్సిపల్‌ చైర్మన్‌ అభ్యర్థి పులి శాంతి రెడ్డి, పార్టీ నేతలు నామినేషన్‌ కేంద్రం బయట బైఠాయించారు. చేతిలోని కాగితాలను లాక్కుని చించేస్తున్నా పోలీసులు ప్రేక్షక పాత్ర పోషించడం ఏమిటని నిలదీశారు. సీఐ సుబ్రహ్మణ్యం, ఎస్సై సందీప్‌ల ఏకపక్ష వైఖరిని తీవ్రంగా దుయ్యబట్టారు. చైర్మన్‌ అభ్యర్థి పులి శాంతిరెడ్డి, సిరుప వెంకట గోవర్ధన్‌రెడ్డిలు చేతులెత్తి దండం పెట్టి కన్నీటి పర్యంతమై వెనుదిరిగారు. తుదకు కనిగిరి మున్సిపల్‌ చైర్‌పర్సన్‌ వైఎస్సార్‌సీపీ అభ్యర్థి పులిశాంతిరెడ్డి నామినేషన్‌ను అధికారులు తిరస్కరించారు. ప్రొద్దుటూరులో ప్రజాస్వామ్యం ఖూనీసోమవారం నామినేషన్ల పరిశీలన ఉండటంతో 36 మంది వైఎస్సార్‌సీపీ అభ్యర్థులు, పార్టీ నేతలు మాజీ ఎమ్మె­ల్యే రాచమల్లు శివప్రసాద్‌రెడ్డితో కలిసి ప్రొద్దుటూరు­లోని మున్సిపల్‌ కార్యాలయానికి వెళ్లారు. ముందుగా చైర్మన్‌ అభ్యర్థి పోరెడ్డి నరసింహారెడ్డి, మహిళా కౌన్సిలర్‌ అభ్యర్థులు రాచమల్లు రమాదేవి, లావణ్య తదితరులు తగు పత్రాలు అధికారులకు చూపుతుండగా.. ఎమ్మెల్యే నంద్యాల వరదరాజులరెడ్డి అనుచరులు పత్రాలను లాక్కొని చించేశారు. పత్రాలు ఇవ్వడానికి నిరాకరించిన పోరెడ్డి నరసింహారెడ్డిపై దాడికి పాల్పడ్డారు. వైఎస్సార్‌సీపీకి చెందిన దళిత మహిళా కౌన్సిలర్‌ అభ్యర్థి లావణ్య మున్సిపల్‌ కార్యాలయం నుంచి రోదిస్తూ బయటికి వచ్చారు. తన వద్ద నామినేషన్‌ పత్రాలను చీర కొంగులో పెట్టుకోగా టీడీపీ గూండాలు బలవంతంగా చేతులు పె­ట్టి లాక్కున్నారని రోదించారు. తమ వారిపై దాడి చేసి పత్రాలను లాక్కున్న టీడీపీ గూండాలపై చర్యలు తీసు­కోవాలని రాచమల్లు శివప్రసాద్‌రెడ్డి పోలీసు అధికారులను నిలదీశారు. పోలీసుల సాయంతో తమ కౌన్సిలర్‌ అభ్యర్థులను కార్యాలయంలోకి తీసుకెళ్తామని ఇక్కడికి తీసుకొచి్చ, టీడీపీ మూకలతో దాడులు చేయిస్తారా అంటూ రాచమల్లు పోలీసులపై ధ్వజమెత్తారు. ఈ క్రమంలో డీఎస్పీ బాలస్వామిరెడ్డితో పాటు సీఐలు, ఎస్‌ఐలు వైఎస్సార్‌సీపీ శ్రేణులపై విచక్షణా రహితంగా లాఠీలతో విరుచుకు పడ్డారు. ఈ ఘటనలో పార్టీ కార్యకర్త రాజశేఖర్‌కు కన్ను వద్ద తీవ్ర గాయమవడంతో హుటాహుటినా హైదరాబాద్‌కు తీసుకెళ్లారు. లాఠీ చార్జి చేస్తున్న పోలీసులకు చైర్మన్‌ అభ్యర్థి పోరెడ్డి నరసింహారెడ్డి రెండు చేతులెత్తి దండం పెట్టారు. పదవి కోసం ఇంతగా హింసించడం ఎందుకు.. నన్ను కాల్చేయండి అంటూ కంట తడి పెట్టారు. పోలీసుల తీరును నిరసిస్తూ చొక్కా విప్పి నడుచుకుంటూ వెళ్లిపోయారు. కాగా, ప్రొద్దుటూరులోని వైఎంఆర్‌ కాలనీలోని పోరెడ్డి నరసింహారెడ్డి ఇంటిపై ఆదివారం అర్ధరాత్రి మొహానికి ముసుగు వేసుకుని వచి్చన వ్యక్తులు రాళ్లతో దాడి చేయగా రెండు కార్ల అద్దాలు పగిలాయి. సోమవారం నామినేషన్ల పరిశీలన సందర్భంగా ఆ దృశ్యాలు చిత్రీకరిస్తున్న మీడియా ప్రతినిధుల సెల్‌ఫోన్లను టీడీపీ నేతలు లాక్కున్నారు. తుదకు వైఎస్సార్‌సీపీ చై­ర్మన్‌ అభ్యర్థి పోరెడ్డి నరసింహారెడ్డిని పోటీ నుంచి తప్పించారు. టీడీపీ అభ్యర్థి నంద్యాల రాఘవరెడ్డి నామినేషన్‌ చెల్లుబాటు అవుతుందని అధికారులు ప్రకటించారు. చిత్తూరు జిల్లాలో ‘పచ్చ’రాజ్యం చిత్తూరులోని సత్యనారాయణ­పురం నామినేషన్‌ కేంద్రం వద్ద టీడీపీ అభ్యర్థి లక్ష్మి నామినేషన్‌ను ఆర్‌వో తిరస్కరించడాన్ని జీర్ణించుకోలేని పచ్చ మూకలు అక్క­డున్న వైఎస్సార్‌సీపీ మైనారిటీ నాయకుడు సయ్యద్‌బాషాను చితక్కొట్టారు. చిత్తూరు కొంగారెడ్డిపల్లెలో ఉన్న వైఎస్సార్‌సీపీ జిల్లా పార్టీ కార్యాలయంపైకి రాళ్లు రువ్వారు. ఇక్కడే ఉన్న నామినేషన్‌ కేంద్రంలోకి చొరబడ్డ టీడీపీ నేతలు, వైఎస్సార్‌సీపీ అభ్యర్థులు దాఖలు చేసిన నామినేషన్‌ పత్రాలతో పాటు ఇతర పత్రాలు తీసుకెళ్లిపోయారు. నామినేషన్‌ ఆమోదించినట్లు ఆర్‌వోలు ఇవ్వాల్సిన ఫారం–7ను చిత్తూరులో 30 మంది వైఎస్సార్‌సీపీ అభ్యర్థులకు ఇవ్వలేదు. నగరిలో వైఎస్సార్‌సీపీ చైర్మన్‌ అభ్యర్థి బాలకృష్ణన్‌ పదిసెట్ల నామినేషన్‌ దాఖలు చేస్తే ఆర్‌వో అన్నింటినీ ఏకపక్షంగా తిరస్కరించారు. పలమనేరు మున్సిపాలిటీలో టీడీపీ నేతలు హల్‌చల్‌ చేశారు. తన భార్య నామినేషన్‌ను తిరస్కరించడంతో వైఎస్సార్‌సీపీ మైనారిటీ నాయకుడు రహీంఖాన్‌ అక్కడే సొమ్మసిల్లి పడిపోయారు.లోకేశ్‌ ఫోన్‌తో వైఎస్సార్‌సీపీ అభ్యర్థుల నామినేషన్ల తిరస్కరణ మంత్రి నారా లోకేశ్‌ ఫోన్‌ చేయడంతో చి­త్తూరు జిల్లా నగరిలో వైఎస్సార్‌సీపీ ము­న్సిపల్‌ చైర్మన్‌ అభ్యర్థుల నామినేషన్లు తిరస్కరించారు. చైర్మన్‌ అభ్యర్థి ఇ.వి.­బాలకృష్ణ వేసిన 2 నామినేషన్లతో పాటు రమేష్‌రెడ్డి, వెంకటరత్నం నామినేషన్లను సైతం ఎన్నికల అధికారులు తొలుత ఆమోదించారు. ఇందుకు సంబంధించిన రసీదులను సా­యంత్రం వచ్చి తీసుకోవాలని తెలిపారు. సాయంత్రం వెళ్లిన వైఎస్సార్‌సీపీ అభ్యర్థుల్లో వెంకటరత్నంకు నామినేషన్‌ పేపర్‌ 2, నామినేషన్‌ పేపర్‌ 5కు చెందిన రెండు రశీదులు ఇచ్చారు. ఈ నేపథ్యంలో మంత్రి లోకేశ్‌ నుంచి మున్సిపల్‌ కార్యాలయానికి ఫోన్‌ రావడంతో కమిషనర్, ఆర్వోలు తలుపులు వేసుకుని మాట్లాడుకున్నారు. ఆపై బయటకు వచ్చిన అధికారులు నోటీసు బోర్డులో ఒక్క టీడీపీ అభ్యర్థి పేరునే ప్రకటించారు. దీంతో టీడీపీ అభ్యర్థి ఏకగ్రీవం అయినట్లు ఆ పార్టీ నేతలు సంబరాలు చేసుకున్నారు. దీనిపై మాజీ మంత్రి రోజా ఆగ్రహం వ్యక్తం చేశారు.నెల్లూరులో అధికార దుర్వీనియోగం నెల్లూరు మున్సిపల్‌ కార్పొరేషన్‌ పరిధిలో 72 డివిజన్లు ఉండగా 11 డివిజన్ల వైఎస్సార్‌సీపీ మెయిన్‌ అభ్యర్థుల నామినేషన్లు తిరస్కరించారు. 63వ డివిజన్‌ వైఎస్సార్‌సీపీ అభ్యరి్థపై కేసులున్నాయంటూ అధికారులు తిరస్కరించారు. ఇ­తనిపై ఎలాంటి కేసులు లేకపోయినప్పటికీ అధికార పార్టీ నేతల ప్రోత్భలంతోనే పోలీసులు అక్రమ కేసులు బనా­యించినట్లు తెలుస్తోంది. 10వ డివిజన్‌లో వైఎస్సార్‌సీపీ అభ్యర్థి పేరు ఓటరు లిస్ట్‌లో లేదంటూ నామినేషన్‌ను తిరస్కరించారు. 68వ డివిజన్‌లో పోటీ చేసే వైఎస్సార్‌సీపీ అభ్యర్థి గతంలో పొదుపు లీడర్‌గా ఉన్నారు. ఆమె ప్రస్తుతం లీడర్‌గా లేదని సర్టీఫికెట్‌ సమర్పించలేదన్న కారణంతో నా­మి­నేషన్‌ను తిరస్కరించారు. 36, 38, 39, 40, 41, 44, 46 వార్డుల్లో వైఎస్సార్‌సీపీ అభ్యర్థుల నామినేషన్లలో కొట్టివేతలు ఉన్నాయని, సరైన పత్రాలు సమర్పించలేదన్న కారణాలతో అధికారులు వాటిని తిరస్కరించారు. ఆత్మ­కూరు ము­న్సిపాలిటీలో వార్డు కౌన్సిలర్లకు 148 నామినేషన్లు దా­ఖ­­లు కాగా, అందులో 4 నామినేషన్లు తిరస్కరించారు. చైర్‌పర్సన్‌ స్థానానికి 10 నామినేషన్లు ఆమోదమయ్యాయి. కౌన్సిలర్ల నామినేషన్లలో వైఎస్సార్‌సీపీ నామినేషన్లు రెండు తిరస్కరించారు. బుచ్చిరెడ్డిపాళెం మున్సిపాలిటీలో కౌన్సిలర్ల స్థానాలకు 4 నామినేషన్లు తిరస్కరణకు గురయ్యాయి.ఉమ్మడి కర్నూలు జిల్లాలో అరాచకంనంద్యాల జిల్లా ఆత్మకూరులో నామినేషన్ల పరిశీలన సందర్భంగా వైఎస్సార్‌సీపీ మున్సిపల్‌ ఛైర్మన్‌ అభ్యర్థి డాక్టర్‌ ప్రియాంకబాయి కుల ధృవీకరణ పత్రాన్ని పచ్చ నేతలు అధికారుల సమక్షంలోనే చింపి వేశారు. మాజీ ఎమ్మెల్యే శిల్పా చక్రపాణిరెడ్డి ఆయన తనయుడు శిల్పా కార్తీక్‌రెడ్డిలు నామినేషన్ల పరిశీలన కేంద్రం వద్దకు వస్తుండగా డీఎస్పీ రామాంజనేయ నాయక్‌ అడ్డుకున్నారు. దీంతో ఇరువర్గాల మధ్య తోపులాట జరిగింది. డాక్టర్‌ ప్రియాంక అభ్యర్థిత్వాన్ని ఆమోదించకపోతే తీవ్ర పరిణామాలు ఉంటాయని శిల్పా చక్రపాణిరెడ్డి అధికారులకు తేల్చి చెప్పారు. ప్రియాంకబాయి కుల ధృవీకరణ పత్రం మళ్లీ అందజేయడంతో ఆమె నామినేషన్‌ను ఆమోదించారు. ఆళ్లగడ్డలో వైఎస్సార్‌సీపీకి చెందిన ఏడుగురు వార్డు అభ్యర్థులను నామినేషన్ల పరిశీలనకు రాకుండా అడ్డుకున్నారు. ఆదివారం రాత్రి కిడ్నాప్‌ చేసిన వారిని సోమవారం వదిలి పెట్టారు. డోన్‌లో టీడీపీ మున్సిపల్‌ ఛైర్మన్‌ అభ్యర్థి కోట్ల సుజాతమ్మ హల్‌చల్‌ చేశారు. ఉదయం నుంచి సాయంత్రం వరకు ఆమె నామినేషన్ల కార్యాలయంలో తిష్టవేసి వైఎస్సార్‌సీపీ అభ్యర్థులను రానివ్వకుండా అడ్డుకున్నారు.వైఎస్సార్‌సీపీ అభ్యర్థి పోస్టు ప్రసాద్‌ నామినేషన్‌ను తిరస్కరించాలని అధికారులపై తీవ్ర స్థాయిలో ఒత్తిడి తెచ్చారు. నంద్యాలలో పార్టీ నేత శీను, సీనియర్‌ న్యాయవాది ఫణీంద్రనాథ్, 38వ వార్డులో వైఎస్సార్‌సీపీ నేత చంద్రశేఖర్‌లపై పచ్చమూకలు దాడికి తెగబడ్డాయి. టీడీపీ ఎంపీ శబరి, ఆ పార్టీ నేత ఏవీ సుబ్బారెడ్డిలు వైఎస్సార్‌సీపీ నేతలపై దౌర్జన్యానికి దిగారు. మాజీ ఎమ్మెల్యే శిల్పారవిచంద్రకిశోర్‌రెడ్డి మున్సిపల్‌ కార్యాలయం వద్దకు వచ్చి ఆందోళనకు దిగారు. కాగా, పోలీసులు వైఎస్సార్‌సీపీ అభ్యర్థులకు వాట్సాప్‌ కాల్‌ చేసి బెదిరింపులకు దిగారు. నామినేషన్‌ ఉపసంహరించుకోవాలని, కేసుల్లో ఇరుక్కోవద్దంటూ హెచ్చరిస్తున్నారు.

ఆదివారం ఎపిసోడ్‌లో ఎలిమినేట్ అయిన షాలినిని సర్‌ప్రైజ్ చేసిన హోస్ట్ నాగార్జున.. ఆమెని సీక్రెట్ రూంలో పెట్టాడు. ఆమె అలా ఉండగా మరోవైపు సోమవారం రావడంతో యధావిధిగా నామినేషన్ల ప్రక్రియ మొదలైపోయింది. నీతూ vs వర్షిణి, శివ్ vs రోహిత్ రచ్చ ప్రోమోల్లో ప్రధానంగా కనిపించింది. ఇంతకీ ఈ వారం ఎవరెవరు నామినేట్ అయ్యారు?(ఇదీ చదవండి: ఈ వారం ఓటీటీల్లోకి 25 సినిమాలు.. ఆ ఐదు డోంట్ మిస్)ప్రోమోల బట్టి చూస్తే ఏడో వారం నామినేషన్లలో ఝాన్సీ, రామకృష్ణ ఒకరిపై ఒకరు విమర్శలు, ప్రతివిమర్శలు చేసుకున్నారు. శాలిని కాళ్లు పట్టుకోవడం తనకు నచ్చలేదని ఆర్కేని ఝాన్సీ నామినేట్ చేసింది. అసలు ఇది పాయింటే కాదు, కాళ్ల పట్టుకోవడంలో తప్పు లేదని ఆర్కే వాదించాడు. ఝాన్సీ కూడా సింపతీ కోసం ట్రై చేస్తుందని ఆమెలా నటించి మరీ చూపించాడు. మరోవైపు వర్షిణి టాస్క్‌లు ఆడటం లేదంటూ నీతు ఫైర్ అయింది. ముఖేశ్‌ని అడ్డుపెట్టుకొని హౌస్‌లో ఉంటోందని వర్షిణిపై నీతు సంచలన కామెంట్స్ చేసింది.మరో ప్రోమోలో రోహిత్-సుధీర్ మధ్య వాదులాట నడిచింది. అలానే శివ్-రోహిత్ మధ్య పెద్ద గొడవే జరిగింది. మరోవైపు సీక్రెట్ రూంలోకి వెళ్లిన శాలిని.. అంతా చూస్తూ ఎంజాయ్ చేస్తోంది. ఈ నామినేషన్స్ ప్రక్రియ పూర్తయిన తర్వాత షాలిని.. తిరిగి హౌస్‌లోకి వచ్చే అవకాశముంది. సోషల్ మీడియాలో వినిపిస్తున్న టాక్ ప్రకారం ఏడో వారానికిగానూ నీతు, దక్షి, రామకృష్ణ, వంశీ, అమన్, వర్షిణి, రోహిత్, త్రిగుణ్ నామినేషన్లలో ఉన్నట్లు తెలుస్తోంది.(ఇదీ చదవండి: 'జైలర్ 2' కారణంగా రచ్చ.. చిరంజీవా? రజనీకాంతా?)

విజయనగరం అర్బన్‌: మున్సిపల్‌ ఎన్నికల నామినేషన్ల ప్రక్రియలో నిబంధనల అమలుపై పోలీసుల తీరు విమర్శలకు తావిచ్చింది. నామినేషన్‌ కేంద్రానికి 100 అడుగుల పరిధిలో అభ్యర్థితో పాటు ఇద్దరి కి మాత్రమే అనుమతి ఉందని పోలీసులు మైకుల్లో పదేపదే హెచ్చరించారు. అయితే ఈ నిబంధన అమలులో పార్టీలను బట్టి భిన్నంగా వ్యవహరించారన్న ఆరోపణలు వెల్లువెత్తాయి. వైఎస్సార్‌సీపీ అభ్యర్థి విషయంలో నిబంధనలను కచ్చితంగా అమలు చేసిన పోలీసులు.. టీడీపీ అభ్యర్థి విషయంలో కూటమి నేతలు, మద్దతుదారులు పెద్ద సంఖ్య లో వచ్చినప్పుడు ఎందుకు అదే నిబంధనను అమలు చేయలేదన్న ప్రశ్నలు తలెత్తాయి. శ్రావణికి ఆంక్షలు.. భార్గవికి మినహాయింపులా? వైఎస్సార్‌సీపీ మేయర్‌ అ«భ్యర్థి కోలగట్ల శ్రావణి శుక్రవారం నామినేషన్‌ దాఖలు చేసేందుకు వచ్చినప్పుడు అభ్యర్థితో పాటు ఇద్దరు వ్యక్తులు మాత్ర మే వెళ్లాలన్న నిబంధనను పోలీసులు పాటించారు. నిబంధన ప్రకారం ముగ్గురికే అనుమతి ఇచ్చి, ఆమెతో వచ్చిన మిగిలిన వారి ప్రవేశానికి అనుమతి ఇవ్వలేదు. ఆదివారం టీడీపీ మేయర్‌ అభ్యర్థి అవనాపు భార్గవి నామినేషన్‌ దాఖలు చేసేందుకు వచ్చి న సమయంలో పరిస్థితి భిన్నంగా కనిపించింది. మంత్రి కొండపల్లి శ్రీనివాస్, ఎంపీ కలిశెట్టి అప్పలనాయుడు, ఎమ్మెల్యే పి.అదితిగజపతిరాజుతో పా టు మరో పది నుంచి 15 మంది మద్దతుదారులు నామినేషన్‌ కేంద్రం ప్రాంగణంలోకి ఎన్నికల ప్రచా రం మాదిరిగా చొరపడ్డారు. ఈ సమయంలోనూ పోలీసులు గత రోజు మాదిరిగా ఆంక్షలు అమలు చేయకపోవడం చర్చనీయాంశంగా మారింది.

సాక్షి, అమరావతి: నామినేషన్లు వేసేందుకు వెళ్లుతు­న్న తమ పార్టీ అభ్యర్థులపై అధికారపక్షం గూండా­­లు దాడులకు పాల్పడుతూ అడ్డుకుంటున్న తీరు­పై రాష్ట్ర ఎన్నికల కమిషనర్‌ (ఎస్‌ఈసీ)కి ఎన్నిసార్లు ఫిర్యాదులు చేసినా ఫలితం లేకుండా పోయిందని వైఎస్సార్‌సీపీ మండిపడింది. తొలిరోజు ఘటనపై ఫిర్యాదు చేశామని, ఎస్‌ఈసీ ఎటువంటి చర్యలు తీసుకోకపోవడంతో అధికార పార్టీ మూకలు రెండో రోజూ విధ్వంసాలకు పాల్పడ్డారని తూర్పారపట్టింది. వీటిని వివరి­స్తూ ఎస్‌ఈసీకి శనివారం మరో­మారు వినతిపత్రమిచ్చింది. వైఎస్సార్‌సీపీ ఎమ్మె­ల్సీ­లు లేళ్ల అప్పిరెడ్డి, రు­హుల్లా, మాజీ ఎమ్మెల్యే టీజేఆర్‌ సుధాకర్‌ బా­బు, పార్టీ లీగల్‌ సెల్‌ అధ్యక్షుడు మలసాని మనోహ­ర్‌ రెడ్డి ఆధ్వర్యంలో పార్టీ నేతల బృందం శనివారం మరోసారి రాష్ట్ర ఎన్నికల కమిషనర్‌ అనిల్‌చంద్ర పునేఠను కలిసి వినతిపత్రాలిచ్చారు. అనంతరం అప్పిరెడ్డి, సుధాకర్‌బాబు విలేకరులతో మాట్లాడుతూ.. తిరుపతిలో వైఎస్సార్‌సీపీ అభ్యర్థి నామినేషన్‌ ప్రతిపాదనల్ని తీసుకెళ్తున్న ఎంపీ గురుమూర్తిని పోలీసులు అడ్డుకోవడం, పేపర్లు చూపించమని అ­డ­గటం, అక్కడే ఉన్న టీడీపీ గూండాలు వీళ్ల చేతు­ల్లో నామినేషన్లు లాక్కెళ్లడం చూస్తుంటే అసలు రా­ష్ట్రంలో ప్రజాస్వామ్యం ఉందా అన్న అనుమానం కలుగుతోందన్నారు. నామినేషన్ల గడువు మరో రో­జు పొడిగించాలని కోరారు. నామినేషన్లు వేయడానికి వచ్చిన వారే దాడులు చేసినట్టు డీఐజీ కోయ ప్రవీణ్‌ ఓ పార్టీకి కొమ్ముకాసేలా ఎలా మాట్లాడతా­రని ప్రశ్నించారు. జరిగిన çఘటనలకు బాధ్యత ఆయనదేనని, తక్షణమే ఆయన్ని ఎన్నికల విధుల నుంచి తప్పించాలని డిమాండ్‌ చేశారు.

సాక్షి, అమరావతి/విజయవాడ: స్థానిక సంస్థల ఎన్నికల నామినేషన్ల ప్రక్రియలో అభ్యర్థులను అడ్డుకున్నా, నామినేషన్‌ పత్రాలను లాక్కున్నా సంబంధిత అధికారులపై కఠిన చర్యలు తప్పవని రాష్ట్ర ఎన్నికల సంఘం స్పష్టం చేసింది. నామినేషన్ల దాఖలుకు ఆటంకాలు కల్పిస్తున్నారంటూ వైఎస్సార్‌ కాంగ్రెస్‌ పార్టీ ఫిర్యాదు చేయడంతో ఈ వ్యవహారాన్ని అత్యంత తీవ్రంగా పరిగణించింది. ఎన్నికలు స్వేచ్ఛాయుతంగా, నిష్పక్షపాతంగా, ప్రశాంతంగా జరిగేలా తగిన చర్యలు తీసుకోవాలని జిల్లా కలెక్టర్లు, జిల్లా ఎన్నికల అథారిటీలు, జిల్లా ఎస్పీలను ఆదేశించింది. నామినేషన్ల కేంద్రాల వద్ద భద్రతను పటిష్ఠం చేయడంతోపాటు, సీసీ కెమెరాల నిఘా ఏర్పాటు చేసి ఫుటేజీని భద్రపరచాలని స్పష్టం చేసింది. పట్టణ స్థానిక సంస్థల ఎన్నికల షెడ్యూల్‌ ప్రకారం నామినేషన్ల ప్రక్రియ ప్రారంభమైన నేపథ్యంలో, తమ అభ్యర్థులను నామినేషన్లు దాఖలు చేయకుండా అడ్డుకుంటున్నారని, కొన్ని ప్రాంతాల్లో నామినేషన్‌ పత్రాలను లాక్కుంటున్నారని వైఎస్సార్‌ కాంగ్రెస్‌ పార్టీ రాష్ట్ర ఎన్నికల కమిషన్‌కు ఫిర్యాదు చేసింది. ఈ నేపథ్యంలో 16న జారీ చేసిన ఉత్తర్వుల్లో ఎన్నికల సంఘం పలు కీలక సూచనలు చేసింది. ఎక్కడా శాంతిభద్రతలకు విఘాతం కలగకూడదని, ఎలాంటి అవాంఛనీయ ఘటనలు చోటుచేసుకోకూడదని స్పష్టం చేసింది. పరిస్థితిని అదుపులోకి తీసుకురావడానికి అవసరమైన చోట అదనపు పోలీసు బలగాలను మోహరించాలని ఆదేశించింది.నామినేషన్ల కేంద్రాల వద్ద పటిష్ఠ భద్రతఅన్ని నామినేషన్ల దాఖలు కేంద్రాల వద్ద తగినంత భద్రత కల్పించాలని ఎన్నికల సంఘం ఆదేశించింది. నిబంధనల ప్రకారం నామినేషన్లు దాఖలు చేయాలనుకునే అభ్యర్థులందరికీ అవకాశం కల్పించాలని స్పష్టం చేసింది. నామినేషన్ల ప్రక్రియకు ఎవరైనా ఆటంకం కలిగించినా, శాంతిభద్రతల సమస్యలు తలెత్తినా ఉపేక్షించబోమని హెచ్చరించింది. ఫిర్యాదులపై తీవ్రంగా స్పందించి సంబంధిత అధికారులపై చర్యలు తీసుకుంటామని పేర్కొంది.హైకోర్టు ఆదేశాల మేరకు సీసీ కెమెరాలునామినేషన్ల ప్రక్రియలో పారదర్శకతను నిర్ధారించేందుకు ఆంధ్రప్రదేశ్‌ హైకోర్టు కూడా కీలక ఆదేశాలు ఇచ్చింది. వైఎస్సార్‌ కాంగ్రెస్‌ పార్టీ, ఆ పార్టీ రాష్ట్ర ప్రధాన కార్యదర్శి లేళ్ల అప్పిరెడ్డి దాఖలు చేసిన రిట్‌ పిటిషన్‌ను పరిష్కరిస్తూ, అభ్యర్థులు నామినేషన్లు దాఖలు చేసే కార్యాలయాల్లో, వాటి పరిసర ప్రాంతాల్లో సీసీ కెమెరాలు ఏర్పాటు చేయాలని ఆదేశించింది. స్థానిక సంస్థల ఎన్నికలు న్యాయబద్ధంగా, పారదర్శకంగా, ప్రశాంతంగా జరిగేలా తగినంత పోలీసు బందోబస్తు కల్పించాలని స్పష్టం చేసింది. హైకోర్టు ఆదేశాల మేరకు రాష్ట్ర ఎన్నికల కమిషన్‌ 16న సర్క్యులర్‌ జారీ చేసింది. అన్ని నామినేషన్‌ కేంద్రాల్లో సీసీ కెమెరాల నిఘా ఉండేలా చూడాలని, రికార్డయిన ఫుటేజీని భద్రపరచాలని ఆదేశించింది. ఎన్నికల నిర్వహణలో శాంతిభద్రతలకు సంబంధించిన సమస్యలు తలెత్తకుండా చూడాలని హైకోర్టు పేర్కొన్నట్లు ఎన్నికల సంఘం సర్క్యులర్‌లో వివరించింది.అధికారుల గుర్తింపు కార్డులు తప్పనిసరిఎన్నికల విధులకు నియమితులైన అధికారులు తమ గుర్తింపు కార్డులను స్పష్టంగా కనిపించేలా ధరించాలని హైకోర్టు ఆదేశించింది. పరిశీలకులు లేదా ఇతర అధికారులు గుర్తింపును నిర్ధారించమని కోరినప్పుడు వెంటనే గుర్తింపు కార్డులను చూపించాలని స్పష్టం చేసింది. ఎన్నికల ప్రక్రియలో జవాబుదారీతనం, పారదర్శకత ఉండేలా ఈ సూచనలు అమలు చేయాలని రాష్ట్ర ఎన్నికల సంఘం పేర్కొంది.పక్షపాత వైఖరికి క్రమశిక్షణా చర్యలువిధుల్లో నిర్లక్ష్యం వహించినా, పక్షపాత ధోరణితో వ్యవహరించినా సంబంధిత అధికారులపై క్రమశిక్షణా చర్యలు తీసుకుంటామని ఎన్నికల సంఘం హెచ్చరించింది. పరిస్థితులను బట్టి బదిలీ, ప్రత్యామ్నాయ నియామకం, సస్పెన్షన్‌ వంటి చర్యలు చేపట్టనున్నట్లు తెలిపింది. హైకోర్టు ఆదేశాలను ఎలాంటి మినహాయింపులు లేకుండా అమలు చేయాలని జిల్లా కలెక్టర్లు, జిల్లా ఎన్నికల అథారిటీలను, ఎస్పీలను ఆదేశించింది. తీసుకున్న చర్యలపై నివేదికను రాష్ట్ర ఎన్నికల కమిషన్‌కు పంపాలని స్పష్టం చేసింది.

సాక్షి, అమరావతి: ఒకవైపు నామినేషన్‌ కేంద్రాల దగ్గర ప్రతిపక్షంపై దౌర్జన్యాలకు తెగబడుతున్న అధికార టీడీపీ.. మరోవైపు సొంత ఇంట్లోనే కుమ్ములాటలతో సతమతమవుతోంది. మున్సిపల్‌ ఎన్నికల టికెట్ల పంపకం ఆ పార్టీలో చిచ్చు రేపుతోంది. ఏళ్లుగా జెండా మోసిన కార్యకర్తలు ఆగ్రహంతో రగిలిపోతుంటే, మంత్రులు, ఎంపీలు, ఎమ్మెల్యేల మధ్య ఆధిపత్య పోరు రోడ్డున పడుతోంది. సీనియర్లు మౌనవ్రతం పాటిస్తుంటే మరికొందరు రెబల్స్‌గా బరిలోకి దిగుతున్నారు. ఇంకొందరు ఏకంగా పార్టీనే వీడుతున్నారు. గడువు ముంచుకొస్తున్నా తేలని పంచాయితీ నామినేషన్ల గడువు ఆదివారం మధ్యాహ్నంతో ముగుస్తోంది. అయినా అధికార పార్టీ ఇప్పటికీ తన అభ్యర్థులను పూర్తిగా ఖరారు చేసుకోలేకపోయింది. పొత్తులో టీడీపీకి 11 కార్పొరేషన్లు దక్కితే ఇప్పటివరకూ 10 స్థానాలకు మేయర్‌ అభ్యర్థులను ప్రకటించింది. 78 మున్సిపాలిటీలకు 60 చోట్లే చైర్మన్‌ అభ్యర్థులను తేల్చింది. ఉమ్మడి అనంతపురం జిల్లాలో అయితే నామినేషన్లు మొదలైన రోజు వరకూ కూటమి ఒక్కచోట కూడా చైర్మన్‌ అభ్యర్థిని ఖరారు చేయలేకపోయింది. పార్టీలో సీనియర్లు ఒకవైపు ఇతర పార్టీల నుంచి వచ్చి చేరిన నేతలు మరోవైపు పీఠాల కోసం పట్టుబ­డుతున్నారు. ఎవరికి ఇచ్చినా మరో వర్గం భగ్గుమంటుందన్న భయం అధిష్ఠానాన్ని వెంటాడుతోంది. నెల్లూరులో ముగ్గురు నేతల మధ్య యుద్ధం నెల్లూరు మేయర్‌ అభ్యర్థి ఎంపిక టీడీపీలో ఆధిపత్య పోరుకు వేదికైంది. మంత్రి నారాయణ, ఎంపీ వేమిరెడ్డి ప్రభాకర్‌రెడ్డి ఒకవైపు, ఎమ్మెల్యే కోటంరెడ్డి శ్రీధర్‌రెడ్డి మరోవైపు తమ వారిని కూర్చోబెట్టేందుకు పంతానికి పోయారు. తెరవెనుక మంత్రాంగాలు సాగాయి. చివరకు నారాయణ, వేమిరెడ్డి ద్వయం పైచేయి సాధించగా, కోటంరెడ్డి పంతం పటాపంచలైంది. సమన్వయం కుదరక కూటమి పార్టీల అభ్యర్థులు ఎవరికి వారే నామినేషన్లు దాఖలు చేస్తున్నారు. కూటమి నుంచి ఒకే డివిజన్‌లో ఇద్దరు, ముగ్గురు బరిలో ఉండే అవకాశం కనిపిస్తోంది. వర్గపోరుతో సొంత కార్పొరేషన్‌నే వదిలేశారు అనంతపురంలో టీడీపీ పరిస్థితి మరీ విచిత్రం. ఎమ్మెల్యే దగ్గుబాటి వెంకటేశ్వరప్రసాద్, మాజీ ఎమ్మెల్యే ప్రభాకర్‌ చౌదరి వర్గాల మధ్య విభేదాలు తారస్థాయికి చేరాయి. ఈ ఇద్దరిలో ఎవరి వర్గానికి మేయర్‌ సీటు ఇచ్చినా మరో వర్గం సహకరించే పరిస్థితి లేదని అధిష్ఠానానికే ఫిర్యాదులు వెళ్లాయి. సొంత నేతలను ఏకతాటిపైకి తేలేక, చివరకు అనంతపురం కార్పొరేషన్‌ను మిత్రపక్షానికే వదిలేయాల్సి వచ్చిందన్న చర్చ పార్టీ వర్గాల్లోనే జోరుగా సాగుతోంది. తిరువూరులో ఎమ్మెల్యే తిరుగుబాటు ఎన్టీఆర్‌ జిల్లా తిరువూరును జనసేనకు కేటాయించగా అక్కడ టీడీపీ ఎమ్మెల్యే కొలికపూడి శ్రీనివాసరావు తిరుగుబాటు చేస్తున్నారు. ఆదివారం మున్సిపల్‌ ఛైర్మన్‌ పదవికి తమ అభ్యర్థితో నామినేషన్‌ వేయిస్తానని ప్రకటించారు. విజయవాడ, ఏలూరు కార్పొరేషన్లు జనసేనకు ఇవ్వడాన్ని జీర్ణించుకోలేక టీడీపీ నేతలు రగిలిపోతున్నారు. దీంతో ఎన్నికల్లో అందరూ ఏకతాటిపై నిలుస్తారన్న నమ్మకం ఆ పార్టీ పెద్దల్లోనే నానాటికీ సన్నగిల్లిపోతోంది.

సాక్షి, అమరావతి: ప్రజాక్షేత్రంలో ఓటుతో నెగ్గలే­మ­ని స్పష్టమైపోవడంతో చంద్రబాబు కూటమి ఖాకీ­ల­నే కవచంగా చేసుకుంది. నామినేషన్లు దాఖలు చే­సేందుకు వస్తున్న వైఎస్సార్‌సీపీ అభ్యర్థులు, నేత­లపై పచ్చ గూండాలు రాళ్లు, కర్రలతో విరుచుకు­పడితే.. వారికి పోలీసులే అండగా నిలుస్తున్నారు. పోలీసులే విపక్ష అభ్యర్థుల నామినేషన్‌ పత్రాలను చించేస్తున్నారు. కాల్పులకూ దిగుతున్నారు. పైపె­చ్చు.. దాడులు చేసిన వారిని వదిలేసి, నామినే­షన్లు వేయాల్సిన ప్రతిపక్ష నేతలపైనే కేసులు, అరె­స్టులు, నోటీసులు, హౌస్‌ అరెస్టులతో విరుచు­కుప­డింది. మున్సిపల్‌ ఎన్నికల్లో ప్రజల తీర్పు బ్యా­లెట్‌ బాక్సు దాకా చేరకూడదన్నదే ఈ దౌర్జన్య­కాండ వెనుక అసలు లక్ష్యమని స్పష్టమవుతోంది.హామీల మోసమే ఈ భయానికి మూలంఎన్నికల ముందు సూపర్‌ సిక్స్‌ అంటూ ఊరూ­వా­డా ఊదరగొట్టిన చంద్రబాబు అండ్‌ కో.. అధికా­రంలోకి వచ్చాక ఆ హామీలను బుట్టదాఖలు చేశా­రు. ఈ పరిస్థితుల్లో జరుగుతున్న స్థానిక సంస్థల ఎన్నికల్లో ప్రజలు చంద్రబాబుకి గట్టి బు­ద్ధి చెప్పేందుకు సిద్ధంగా ఉన్నారు. దీంతో సజా­వుగా ఎన్ని­కలు జరిగితే మున్సిపల్, జెడ్పీ సహా గ్రామ సర్పంచి పదవులు కూడా దక్కవన్న భయంతోనే ఓటు దాకా రానివ్వకుండా నామినే­ష­న్‌ దశ­లోనే ప్రతి­పక్షం గొంతు నొక్కేందుకు చంద్ర­బాబు అన్ని అడ్డ­దా­రులు తొక్కుతున్నారు. ఉద్దే­శ­పూ­ర్వకంగా అల్ల­ర్లు సృష్టించి, ఆ నెపాన్ని వైఎ­స్సార్‌సీపీ మీదకు నె­ట్టే­యడం, తద్వారా ఎన్నికల ప్రచారంలో హామీ­ల అమలు, పాలన వైఫల్యాలపై చర్చ జ­ర­గకుండా ప్రజల దృష్టిని మళ్లించడం కూడా చంద్రబాబు పన్నాగమని విశ్లేషకులు చెబుతున్నారు.అంచెలంచెలుగా కుట్రఅధికార యంత్రాంగాన్ని అడ్డుపెట్టుకుని ఎన్నికల­ను ఏకపక్షం చేసుకునేందుకు కూటమి పెద్దలు పక్కా పథకం రచించారు. దాన్ని దశలవారీగా అమ­లు చేస్తున్నట్లు స్పష్టంగా కనిపిస్తోంది. ఎన్ని­కల షెడ్యూల్‌ రాకముందే ప్రతిపక్ష నేతలపై రౌడీ­షీట్లు, ప్రివెంటివ్‌ బాండ్ల పేరుతో స్టేషన్లకు పిలిపించి సంతకాలు తీసుకున్నారు. అభ్యర్థులపై ఎక్కడె­క్కడ కేసులున్నాయో చెప్పకుండా జాప్యం చేస్తు­న్నారు. 15 రోజులుగా నామినేషన్లకు జతపరచా­ల్సిన సర్టిఫికెట్లు ఇవ్వడంలేదు. మరోపక్క వైఎస్సా­ర్‌సీపీ అభ్యర్థులకు బెదిరింపు ఫోన్లు చేస్తున్నారు. పోటీ చేస్తే చంపేస్తామని హెచ్చరిస్తున్నారు. ఇక శుక్రవారం మున్సిపల్‌ ఎన్నికల నామినేషన్లు మొ­ద­లవగానే ప్రత్యక్ష దాడులకే దిగారు. నామినేషన్‌ కేంద్రం వరకు రాకుండా వైఎస్సార్‌సీపీ అభ్యర్థు­లు, నాయకులపై దాడులు చేస్తున్నారు. నామినే­ష­న్‌ కేంద్రానికి చేరితే పత్రాలు చించేస్తున్నారు. అ­వీ దాటితే రిటర్నింగ్‌ అధికారులు నామినేషన్లు తీసు­కోవడానికే నిరాకరిస్తున్నారు. ఇప్పుడు చివరి అ­స్త్రంగా పోలీసులే రంగంలోకి దిగారు. తొ­లి­రోజు పుంగనూరు, రాయచోటిలో మొదలైన దౌర్జ­న్యం రెండో రోజు కడప, పులివెందుల, తిరుప­తి, రాజంపేట, ఆళ్లగడ్డ, పల్నాడు దాకా విస్తరించింది. ఒకే రో­జు ఇన్ని చోట్ల ఒకే తరహాలో దాడులు, దౌర్జ­న్యా­లు జరిగాయంటే ఇది యాదృచ్ఛికం కాదన్నది సు­స్పష్టం. కరకట్ట క్యాంపు ఆఫీసు నుంచి వచ్చిన ఆ­దే­శాల మేరకు సాగుతున్న వ్యవస్థీకృత దండయాత్రే అని విశ్లేషకులు చెబుతున్నారు.ఎంపీలకే రక్షణ లేని రాజ్యంతొలిరోజు నామినేషన్ల ఘట్టంలో లోక్‌సభలో వైఎ­స్సా­ర్‌సీపీ పక్షనేత మిథున్‌రెడ్డి, మాజీ ఎమ్మెల్యే గడికోట శ్రీకాంత్‌రెడ్డిపై హత్యాయత్నాలు చేసిన టీడీ­పీ మూకలు.. రెండో రోజు తిరుపతి ఎంపీ గురుమూర్తి చేతిలోంచే నామినేషన్‌ పత్రాలను లాక్కెళ్లారు. ఒక డీఎస్పీయే ఎంపీ చేతుల్లోని పత్రా­లను టీడీపీ నేతలకు అప్పగించారంటే పోలీసులు అధికార పార్టీ కోసం ఎలా పనిచేస్తున్నారో అర్థం చేసుకోవచ్చు. ఎదురొడ్డి నిలిచిన ప్రతిపక్షంఇన్ని దాడులు, బెదిరింపులు, అరెస్టుల మధ్య కూ­డా వైఎస్సార్‌సీపీ శ్రేణులు వెనక్కి తగ్గడంలేదు. టీడీపీ కాలకేయులు దాడులు, దౌ­ర్జ­న్యా­లతో రెచ్చి­పోయినా, పోలీసులు వారికి రక్షకు­లుగా మారి అడ­్డగో­లుగా వ్యవహరిస్తున్నా రాష్ట్ర­వ్యాప్తంగా ఎక్క­డా వైఎస్సార్‌సీపీ అభ్యర్థులు నా­మి­నేషన్లు వేయ­డానికి వెనుకంజ వేయడం లేదు. వైఎస్సార్‌­సీపీకి ప్రజల్లో ఉన్న మద్దతుతో ప్రాణాల­కు తెగించి పో­టీకి సిద్ధమవుతున్నారు. ఈ మద్దతే కూటమి పెద్ద­లను కలవరపెడు­తోంది. అందుకే దాడుల తీవ్ర­తను పెంచు­తున్నారు. ప్రజలను నానా రకాలుగా మో­సం చే­స్తూ, ఎన్నికల్లో పోరాడి గెలిచే సత్తా లేని ప్రభుత్వం ఖాకీల అండతో దౌర్జన్యాలకు తెగబడుతోంది. దాడి టీడీపీది.. కేసులు వైఎస్సార్‌సీపీపైనటీడీపీ గూండాలు విచ్చలవిడిగా దాడులు చేస్తుంటే.. కేసులు మాత్రం బాధితులైన వైఎ­స్సార్‌సీపీ నేతలపైనే పెడుతున్నారు. పుంగ­నూరులో దాడికి గురైన ఎంపీ మిథున్‌రెడ్డి­పైనే పోలీసులు అక్రమ కేసులు నమోదు చేశారు. కడపలో వైఎస్సార్‌సీపీ జిల్లా అధ్య­క్షుడు రవీంద్రనాథ్‌రెడ్డి, ఇన్‌ఛార్జి అంజాద్‌ బాషాను అదుపులోకి తీసుకున్నారు. కడప ఎంపీ అవినాష్‌రెడ్డికి నోటీసులు ఇచ్చారు. ప­ల్నా­డులో వైఎస్సార్‌సీపీ అభ్యర్థులంతా ఒకే­సారి నామి­నేషన్లు వేయాలని సిద్ధమ­వ­డంతో శుక్రవారం అర్ధరాత్రి మాజీ ఎమ్మెల్యే­లు పిన్నె­ల్లి రామకృష్ణా­రెడ్డి, కాసు మహేష్‌రెడ్డి­ల­ను హౌస్‌ అరెస్ట్‌ చేశారు. అభ్యర్థులందరినీ పోలీ­సులే బలవంతంగా ఎత్తు­కెళ్లి దాచే­య­డం ప్ర­జాస్వా­మ్యానికే సిగ్గుచేటని విశ్లే­షకులు వ్యా­ఖ్యాని­స్తున్నారు. పోలీసులు చట్టానికి కా­కుండా అధికార పార్టీకి కాపలా కాస్తున్నారన­డా­నికి మున్సిపల్‌ ఎన్నికల నామినేషన్ల ఘట్ట­మే నిదర్శనంగా కనిపిస్తోంది. నామినేషన్‌ కేంద్రాల దగ్గర సీసీ కెమె­రా­లు పెట్టాలని హై­కో­ర్టు ఆదేశించినా అటువంటి చర్యలేమీ లేవు.

ఆంధ్రప్రదేశ్‌లో ప్రజాస్వామ్యానికి అర్థం మారిపోయింది.. నారాసుర పాలనలో ఎన్నికల ప్రక్రియ అపహాస్యం అయ్యింది.. హత్యా యత్నాలు, దాడులు, దౌర్జన్యాలు, బెదిరింపులు, అక్రమ అరెస్టులు, గృహ నిర్బంధాల మధ్య నామినేషన్‌ వేయొద్దంటూ అడుగడుగునా బెదిరింపులు.. హెచ్చరికలు.. పోలీసులే పచ్చ మూకలను దగ్గరుండి ప్రోత్సహిస్తున్న దుస్థితి.. కాదు కూడదని ఎవరైనా లోపలికెళ్తే మూకుమ్మడి దాడులు.. నామినేషన్‌ పత్రాలు చింపివేత.. అధికారుల వద్ద నుంచి పత్రాలను లాక్కెళ్లి పోవడం.. ఆటవిక పాలన కూడా ఇంత దారుణంగా ఉండదన్నట్లు దౌర్జన్యాలు.. కర్రలు, కత్తులు, రాడ్లు, రాళ్ల దాడులతో రౌడీ మూకలు పేట్రేగిపోతుంటే ఎన్నికల కమిషన్‌ గుడ్లప్పగించి చూడటం మినహా ఏమీ చేయలేక పోతోంది. టీడీపీ రౌడీల దౌర్జన్యాలు, కుట్రలు, కుతంత్రాలు చూసి కాలకేయులు, తాలిబన్లు, దుర్యోధన, దుశ్శాసనులు సైతం సిగ్గు పడే పరిస్థితి దాపురించింది. పోలీసింగ్‌పై ఉన్న గౌరవం పాతాళానికి పడిపోయింది.సాక్షి, అమరావతి: హత్యాయత్నాలు, దాడులు, దౌర్జన్యాలు, బెదిరింపులు, అక్రమ అరెస్టులు, గృహ నిర్బంధాలతో మున్సిపల్‌ ఎన్నికల నామినేషన్ల రెండవ రోజు కూడా అరాచకపర్వం కొనసాగింది. నారా సుర డైరెక్షన్‌లో కాలకేయులను మించి చెలరేగిపోయిన ఎల్లో మూకల ఆగడాలతో రాష్ట్రంలో అనేక ప్రాంతాల్లో తీవ్ర ఉద్రిక్తత చోటు చేసుకుంది. వెన్నుపోటు పార్టీకి పోలీసులు సైతం వెన్నుదన్నుగా నిలవడంతో ప్రజాస్వామ్యం ఖూనీ అయ్యింది. జంగిల్‌రాజ్‌ పాలనలో ఎల్లో రౌడీలు కత్తులు, వేట కొడవళ్లు, రాడ్లు, కర్రలు, పెట్రోల్‌ బాటిల్స్‌తో పేట్రేగిపోవడంతో రాష్ట్రం యావత్తు నివ్వెరపోయింది. అనేక జిల్లాల్లో తాలిబన్లకు మించి రెచ్చిపోయిన పచ్చ మూక భౌతిక దాడులకు దిగింది. పల్నాడు జిల్లా గురజాల, పిడుగురాళ్లలో పోలీసులు అర్థరాత్రి వేళ వైఎస్సార్‌సీపీ నాయకుల ఇళ్లకు వెళ్లి అభ్యర్థులను ఎత్తుకుపోయారు. గురజాల ఎమ్మెల్యే యరపతినేని శ్రీనివాసరావు డైరెక్షన్‌లో నామినేషన్‌ దాఖలు చేసేందుకు వెళ్లే వైఎస్సార్‌ సీపీ అభ్యర్థు«లపై ఎలాంటి కేసులు లేనప్పటికీ గురజాల, దాచేపల్లి, పిడుగురాళ్ల సీఐలు మురళి, ఖాజావలి, వెంకట్రావులు పోలీస్‌ వ్యవస్థకే మచ్చ తెల్చేలా పసుపు చొక్కాలు వేసుకొని మరీ ఊడిగం చేస్తున్నారు.మునుపెన్నడూ లేని విధంగా వైఎస్సార్‌సీపీ మున్సిపల్‌ చైర్మన్‌న్‌అభ్యర్థులపై అక్రమ కేసులు నమోదు చేసి బెదిరింపులకు దిగుతున్నారు. అధికార పగ్గాలు చేపట్టి రెండున్నరేళ్లు దాటినా ప్రజలకు ఏం చేశామో చెప్పుకోలేక ఓట్ల కోసం వెళితే చీదరింపులు తప్పవని గ్రహించి.. పిడుగురాళ్ల, గురజాల, దాచేపల్లిలో దౌర్జన్యకాండ సృష్టించారు. వైఎస్సార్‌సీపీ అభ్యర్థుల నామినేషన్‌ నేపథ్యంలో మాజీ ఎమ్మెల్యే కాసు మహేష్‌రెడ్డిని గృహ నిర్బంధం చేశారు. గురజాల నగర పంచాయతీ చైర్మన్‌ అభ్యర్థి పోలు వీరారెడ్డితోపాటు వైఎస్సార్‌సీపీ నేతలు యనుమల మురళీధర్‌రెడ్డి, కొమ్మినేని వెంకటేశ్వర్లను టౌన్‌ సీఐ మురళి మాట్లాడాలని పిలిపించి ప్రైవేట్‌ వాహనంలో మారుమూల ప్రాంతానికి తరలించారు. పిడుగురాళ్ల సీనియర్‌ నేత, సర్పంచ్‌ చల్లా శివారెడ్డిని అర్ధరాత్రి 1.30 గంటలకు అదుపులోకి తీసుకున్నారు. నామినేషన్‌ వేసేందుకు సిద్ధమైన గుర్రం అప్పిరెడ్డి, నంద్యాల బాబు, కందుకూరు శీను, ఈర్ల శివ, మంద ఆనంద్, వేముల కిరణ్, ఓర్సు దుర్గాప్రసాద్, అల్లు పిచ్చిరెడ్డి, మంద సుధీర్, కణాల శ్రీనివాసరెడ్డిలను సైతం అదుపులోకి తీసుకున్నారు. దాచేపల్లి మున్సిపల్‌ మాజీ చైర్మన్‌ కొప్పుల సాంబయ్య ఆధ్వర్యంలో నామినేషన్లకు వెళ్తున్న అభ్యర్థులను పోలీసులు అడ్డుకున్నారు. కేంద్రం వద్ద టీడీపీ కార్యకర్తలు రాళ్లు, కర్రలతో మోహరించడంతో తీవ్ర ఉద్రిక్తత నెలకొంది. ఈ దౌర్జన్యకాండను నిరసిస్తూ వైఎస్సార్‌సీపీ నేతలు రోడ్డుపై బైఠాయించారు.పచ్చ నేతలకు దన్నుగా పోలీసులుదాచేపల్లి నగర పంచాయతీ వైఎస్సార్‌సీపీ చైర్మన్‌న్‌అభ్యర్థి కొప్పుల రవి శుక్రవారం నామినేషన్‌ వేయడానికి సిద్ధం కాగా, గురువారం రాత్రే బలవంతంగా ఎత్తుకెళ్లి అక్రమ కేసు పెట్టి జైలులో నిర్బంధించారు. ఆయన కుటుంబ సభ్యులు, వార్డు కౌన్సిలర్లుగా పోటీచేసే వైఎస్సార్‌సీపీ నేతలు శనివారం నామినేషన్‌న్‌దాఖలు చేసేందుకు వెళుతుంటే సీఐ ఖాజావలి నేతృత్వంలో అడ్డుకొని వెళ్లటానికి వీలులేదని హెచ్చరికలు చేశారు. కొంత సమయం తర్వాత రెండో విడత నామినేషన్‌ వేసేందుకు వెళ్లే మహిళల చేతుల్లో ఉన్న నామినేషన్‌ పత్రాలను పచ్చ గూండాలు లాక్కొని చింపివేశారు. అక్కడున్న పోలీసులు అడ్డుకోకుండా ప్రేక్షక పాత్ర వహించారు. దీంతో కోపోద్రిక్తులైన వైఎస్సార్‌సీపీ నేతలు, మహిళలు అక్కడే బైఠాయించి ఆందోళన చేపట్టారు. గురజాల నగర పంచాయతీ చైర్మన్‌ అభ్యర్థి పోలు వీరారెడ్డి శనివారం ఉదయం నామినేషన్‌ వేసేందుకు సిద్ధమైనట్లు తెలుసుకున్న గురజాల సీఐ మురళి శుక్రవారం రాత్రే ఆయన్ను బలవంతంగా ఎత్తుకెళ్లారు. అతనితో పాటు వైఎస్సార్‌సీపీ రాష్ట్ర కార్యదర్శి, పెదకూరపాడు నియోజకవర్గ పరిశీలకులు ఎనుముల మురళీధర్‌రెడ్డి, మాచర్ల నియోజకవర్గ పరిశీలకుడు కొమ్మినేని వెంకటేశ్వర్లును నాగార్జునసాగర్‌ పోలీసుస్టేషన్‌కు తరలించి అక్కడ అక్రమంగా నిర్బంధించారు. దీనిపై గురజాల మాజీ ఎమ్మెల్యే కాసు మహేష్‌రెడ్డి హైకోర్టులో హెబియస్‌ కార్పస్‌ రిట్‌ పిటిషన్‌ దాఖలు చేశారు. దీంతో ఏం చేయాలో పాలుపోని పోలీసులు ప్రివెంటీవ్‌ అరెస్టు అంటూ బైండోవర్‌ చేసి శనివారం రాత్రి గురజాల తహసీల్దారు ఎదుట హాజరు పరిచారు. పిడుగురాళ్ల మున్సిపల్‌ ఎన్నికల్లో సైతం వైఎస్సార్‌సీపీ నుంచి ఒక్క అభ్యర్థి కూడా నామినేష¯Œన్‌ వేయడానికి వీలు లేదని పచ్చ గూండాలు బహిరంగంగా హెచ్చరికలు చేశారు. నామినేషన్‌ వేస్తే చంపుతామని బెదిరించారు. మీడియా కూడా రావడానికి వీలు లేదని ఆంక్షలు విధించారు. ఘర్షణలకు పాల్పడాలనే ఉద్దేశ్యంతో నామినేషన్‌ కేంద్రాల సమీపంలో టీడీపీ గూండాలు రాళ్ల గుట్టలు సిద్ధం చేసుకున్నారు. కడపలో ఏకే–47తో పోలీస్‌ కాల్పులు వైఎస్సార్‌ కడప జిల్లాలో ఎల్లో మూక కత్తులు, కర్రలతో దాడులకు దిగింది. వైఎస్సార్‌సీపీ అభ్యర్థులు నామినేషన్లు వేయనీయకుండా అడ్డుకుంది. పచ్చ మూక ఆగడాలను అడ్డుకోవాల్సిన పోలీసులు వైఎస్సార్‌సీపీ నేతలను లక్ష్యంగా చేసుకుని రాళ్లు రువ్వడం, గాలిలోకి ఏకే–47తో కాల్పులు జరపడం దారుణం. వైఎస్సార్‌సీపీ ముఖ్య నేతలను గృహ నిర్బంధం చేశారు. మేయర్‌ అభ్యర్థి బండి దీప్తిరెడ్డి నివాసానికి వెళ్లి 163 సెక్షన్‌ కింద నోటీసులు ఇచ్చారు. పులివెందులలో వైఎస్సార్‌సీపీ నాయకుడి చికెన్‌ సెంటర్‌కు పచ్చమూక నిప్పు పెట్టింది. ఘటనా స్థలాన్ని ఎంపీ వైఎస్‌ అవినాష్‌రెడ్డి పరిశీలించడంతో ఆయనకు పోలీసులు 144 సెక్షన్‌ నోటీసులు జారీ చేశారు.కడపలో జిల్లా పార్టీ కార్యాలయం వద్ద మాజీ కార్పొరేటర్‌ కుమారుడు మురాద్‌పై కత్తితో దాడి చేశారు. కోటిరెడ్డి కాలేజీ వద్ద అభ్యర్థి త్యాగరాజుపై దాడి చేసి నామినేషన్‌ పత్రాలను చించివేశారు. కమలాపురం ఇన్‌చార్జి నరేన్‌రెడ్డిని అదుపులోకి తీసుకుని కడపకు తరలించారు. కడపలో వైఎస్సార్‌సీపీ అభ్యర్థి శ్యాంసన్‌పై పచ్చ మూకలు దాడి చేయడంతో ఆయన కోమాలోకి వెళ్లాడు. బద్వేలు టీడీపీ ఇన్‌చార్జి సూర్యనారాయణరెడ్డి తన అనుచరవర్గంతో దౌర్జన్యానికి పాల్పడ్డాడు. నామినేషన్‌ కౌంటర్‌లోకి ప్రవేశించి పోలీసులు, అధికారుల ఎదుటే ఇద్దరు వైఎస్సార్‌సీపీ అభ్యర్థులపై దాడి చేశాడు. దాఖలు చేసిన నామినేషన్‌ పత్రాలన్నింటినీ ఎత్తుకెళ్లిపోయాడు. 14వ వార్డు వైఎస్సార్‌సీపీ అభ్యర్థి షేక్‌మాబుచాన్‌ చేతిలోని నామినేషన్‌ పత్రాలను లాక్కున్నాడు. వైఎస్సార్‌సీపీ శ్రేణులను బూతులు తిడితూ మూడు పర్యాయాలు దాడికి పాల్పడ్డాడు. మైదుకూరులో ఎమ్మెల్యే పుట్టా సుధాకర్‌ యాదవ్‌ సాక్షిగా పచ్చ మూక దౌర్జన్యకాండకు దిగింది. నామినేషన్‌ వేసేందుకు వచ్చిన వైఎస్సార్‌సీపీ అభ్యర్థులు 17 మంది చేతుల్లోని నామినేషన్‌ పత్రాలను దౌర్జన్యంగా లాక్కొని చించివేశారు. ‘ఏయ్‌ ఎవర్రా నామినేషన్‌ వేసేది.. లాక్కోండి రా.. చించండి రా.. అంటూ మైదుకూరు ప్రభుత్వ ఆస్పత్రి అభివృద్ధి కమిటీ మాజీ సభ్యుడు పొలిమేర అమర్‌నాథ్‌రెడ్డి రెచ్చిపోయారు. వైఎస్సార్‌సీపీ జిల్లా ప్రధాన కార్యదర్శి పల్లపోతుల కిరణ్మయి తదితరుల చేతుల్లో ఉన్న నామినేషన్‌ పత్రాలను చింపేసి గాల్లోకి విసిరేశారు. 22వ వార్డుకు నామినేషన్‌ వేసేందుకు వచ్చిన వైఎస్సార్‌సీపీ అభ్యర్థి కరిడి నాగాంజలి దేవి, ఆమె భర్త రమణమూర్తిపై దౌర్జన్యానికి దిగారు. అధికారుల వద్ద ఉన్న నామినేషన్‌ పత్రాలను సైతం లాక్కొని వెళ్లారు. పులివెందులలో కాల్పులు జరుపుతున్న పోలీసులు మహిళలను తిట్టి.. గోళ్లతో రక్కి..కమలాపురం మున్సిపాలిటీ ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా పచ్చగూండాలు అడ్డుకున్నారు. శనివారం వైఎస్సార్‌సీపీ చైర్‌పర్సన్‌ అభ్యర్థి మారుజోళ్ల కవిత నామినేషన్‌ వేసేందుకు మరో నలుగురు మహిళలతో కలసి కేంద్రానికి వెళ్లారు. మద్యం మత్తులో ఉన్న పచ్చ రౌడీలు మహిళలను మధ్యలోనే ఆపేసి వారి వద్ద ఉన్న నామినేషన్‌ పత్రాలను లాక్కొని చించివేశారు. బూతులు తిడుతూ అసభ్యంగా ప్రవర్తించారు.రౌడీమూక వారిపై దాడి చేసి గోళ్లతో రక్కడంతో లక్ష్మి అనే మహిళకు గొంతు కింద రక్త గాయాలయ్యాయి. నామినేషన్‌ కేంద్రానికి వెళ్లకుండా వెనక్కి పంపించివేశారు. ఘటనను చిత్రీకరిస్తున్న సాక్షి టీవీ రిపోర్టర్‌ కరుమూరి జయచంద్రపై భౌతిక దాడికి పాల్పడ్డారు. సెల్‌ఫోన్లు లాక్కున్నారు. ఇంత జరిగితే పోలీసులు మాత్రం వైఎస్సార్‌సీపీ నేతలు రెడ్యం వెంకట సుబ్బారెడ్డి, రాజుపాళెం సుబ్బారెడ్డి, వెంకటేశ్వర్‌రెడ్డి తదితరులను అరెస్ట్‌ చేసి పోలీస్‌ స్టేషన్‌కు తరలించారు.రాయచోటిలో రెండో రోజూ కొనసాగిన దౌర్జన్యకాండరాయచోటిలో పచ్చ గూండాల హింసాకాండ శనివారం కూడా కొనసాగింది. నామినేషన్‌ కార్యక్రమానికి సిద్ధమవుతున్న మున్సిపల్‌ చైర్మన్‌ వైఎస్సార్‌సీపీ అభ్యర్థి జిన్నా మహమ్మద్‌ షరీఫ్‌పై ఎల్లో రౌడీలు దాడికి తెగబడ్డారు. రాయచోటి పట్టణం, మదనపల్లి మార్గంలోని ఓ ప్రైవేటు హోటల్‌ నుంచి నామినేషన్‌ కార్యక్రమానికి సిద్దమవుతున్న వేళ ఆ హోటల్‌ను చుట్టుముట్టారు. ప్రాంగణంలో ఉన్న జిన్నా షరీఫ్‌ కారును ధ్వంసం చేశారు. కాగా, రామాపురం, లక్కిరెడ్డిపల్లి మార్గాల ద్వారా మాజీ ఎమ్మెల్యే గడికోట శ్రీకాంత్‌రెడ్డిని రాయచోటిలోకి రానివ్వకుండా అడ్డుకునే ప్రయత్నం చేశారు. చుట్టూ ఉన్న రహదారులపై వందలాది మంది రౌడీలు కట్టెలు, రాడ్లు పట్టుకొని స్వైర విహారం చేశారు.ఎమ్మెల్యే ఆకేపాటి ఇంటి కిటికీ అద్దాలు, కుర్చీలు ధ్వంసంరాజంపేటలో వైఎస్సార్‌సీపీ నేతలపై రాళ్ల వర్షం కురిపించి మారణాయుధాలతో హత్యాయత్నాలకు తెగబడ్డారు. నామినేషన్‌ వేసి బయటకు వచ్చే సమయంలో పచ్చ గూండాలు వైఎస్సార్‌సీపీ అభ్యర్థులను అడ్డుకొని వారికి అధికారులు ఇచ్చిన రిసిప్ట్, చెక్‌లిస్ట్‌ పేపర్‌లను చించేశారు. నూనెవారిపల్లె రోడ్డులోని వైఎస్సార్‌సీపీ కార్యాలయం(ఆకేపాటి భవన్‌) నుంచి పార్టీకి చెందిన అభ్యర్థులు నామినేషన్‌ వేసేందుకు వస్తున్నారని తెలుసుకున్న రౌడీలు ఎమ్మెల్యే ఆకేపాటి అమరనాథరెడ్డి ఇంటిపైకి దాడి చేసేందుకు మూకుమ్మడిగా బయలు దేరారు. పథకం ప్రకారం ఆకేపాటి భవన్‌పై దాడికి తెగబడ్డారు. కిటికీ అద్దాలు, కుర్చీలను ధ్వంసం చేశారు. ఇంటి బయట ఉన్న ఎమ్మెల్యే అమరనాథరెడ్డి సోదరుడు ఆకేపాటి అనీల్‌కుమార్‌రెడ్డికి చెందిన కారు ధ్వంసం చేశారు. పచ్చమూక అక్కడ ఉన్న వైఎస్సార్‌సీపీ నేత గుండు మల్లికార్జునరెడ్డి, పార్టీ ఛైర్మన్‌ అభ్యర్థి రేష్మ తాత కాలేషాతో పాటు మరికొంత మందిపై మారణాయుధాలతో దాడి చేసి హత్యాయత్నానికి పాల్పడింది. దీంతో మల్లికార్జునరెడ్డి, కాలేషా, ముస్తాఫాల తలలపై బలమైన గాయాలయ్యాయి. వైఎస్సార్‌సీపీ తరఫున మున్సిపల్‌ ఛైర్మన్‌ అభ్యర్థి నడిగడ్డ రేష్మా నామినేషన్‌ వేసి బయటకు వెళుతున్నప్పుడు టీడీపీ మూకలు ఒక్కసారిగా ఆమెను చుట్టుముట్టి దాడికి యత్నించారు. దీంతో పక్కనే ఉన్న రేష్మా తండ్రి నడిగడ్డ ఇమాములు అడ్డుకునేందుకు ప్రయత్నించడంతో అతనిపై దాడి చేసి దారుణంగా కొట్టారు. రాజంపేట 9వ వార్డు అభ్యర్థి ఎస్‌ఎం నయాజ్, ఆయన సతీమణి షాజిదా వద్ద ఉన్న నామినేషన్‌ పత్రాలను పచ్చపార్టీ నేత సుహైల్‌ఖాన్‌ వర్గీయులు లాక్కెళ్లారు. దీంతో నయాజ్, ఆయన సతీమణి రోడ్డుపై బైఠాయించి నిరసన తెలిపారు.దౌర్జన్యం చేసిన వారిని వదిలి.. భూమనపై కేసుతిరుపతిలో ప్రజా ప్రతినిధులపైన సైతం దౌర్జన్యపర్వం కొనసాగింది. తిరుపతి కార్పొరేషన్‌ వైఎస్సార్‌సీపీ మేయర్‌ అభ్యర్థి వాసు యాదవ్‌ నామినేషన్‌ వేస్తున్న తరుణంలో తోడుగా వెళ్లిన ఎంపీ మద్దెల గురుమూర్తి, ఎమ్మెల్సీ సిపాయి సుబ్రహ్మణ్యంలను పచ్చ మూకలు, పోలీసులు అడ్డుకున్నారు. పోలీసుల సమక్షంలోనే ఎల్లో గ్యాంగ్‌ వైఎస్సార్‌సీపీ అభ్యర్థుల నామినేషన్‌ పత్రాలు చించివేశారు. మరోవైపు పోలీసుల విధులకు ఆటంకం కలిగించారనే నెపంతో మాజీ ఎమ్మెల్యే భూమన కరుణాకర్‌రెడ్డి, భూమన అభినయ్‌రెడ్డిలపై ఈస్ట్‌ పోలీస్‌ స్టేషన్‌లో కేసులు నమోదు చేశారు.దుస్తులు చించి.. బూతులు తిట్టి..తిరుపతిలో నామినేషన్‌ వేసేందుకు వెళ్లిన వైఎస్సార్‌సీపీ అభ్యర్థులు మవిత, పావనీలను పచ్చ గ్యాంగ్‌ అడ్డుకుని దుస్తులు చించి.. జుట్టు పట్టు­కుని కొట్డడంతో ఆ మహిళలు కన్నీరుమున్నీరుగా విలపించా­రు. 12, 15 వార్డుల నామినేషన్‌ కేంద్రాల వద్ద ఆ మహిళా అభ్యర్థులపై విచక్షణా రహితంగా దాడి చేసినా పోలీసులు చూసీ చూడనట్టే వ్యవహరించారు. 36వ వార్డు అభ్యర్థి ఇమామ్‌పై కూడా పచ్చ బ్యా­చ్‌ దాడి చేసింది. 7వ డివిజన్‌ అభ్యర్థి మల్లం రవిపై దాడి చేసిన టీడీ­పీ మూ­కలను వదిలేసి, బాధితుడినే పోలీసులు అదుపులోకి తీసుకున్నారు.దర్శిలో దాడులకు తెగబడ్డ పచ్చమూక ప్రకాశం జిల్లా దర్శిలో నామినేషన్లు వేస్తున్న వారిపై దాడులకు తెగబడి పత్రాలను లాక్కుని చించివేశారు. ఘటనను చిత్రీకరిస్తున్న సాక్షి విలేకరి కొణతం సురేష్‌పై కడియాల రమేష్, కర్ణా శ్రీను, మరో 30 మంది దాడి చేశారు. వైఎస్సార్‌సీపీ శ్రేణులే లక్ష్యంగా కత్తులతో రణరంగం సృష్టించారు. స్థానిక ఎమ్మెల్యే శివప్రసాద్‌రెడ్డిని గడియారం స్తంభం సెంటర్‌ వద్ద పోలీసులు అడ్డుకున్నారు. పోలీసులతో పాటు వెళ్తున్న వారిని కూడా పచ్చగూండాలు అడ్డుకుని దాడులకు తెగబడ్డారు. వైఎస్సార్‌సీపీ నేత వెంకటరెడ్డిపై దాడి చేస్తుండగా, కాపాడేందుకు వెళ్తున్న వైఎస్సార్‌సీపీ నేతలపై ఖాకీలు లాఠీలు ఝుళిపించారు. దర్శిలో పోలీసుల ఎదుటే నామినేషన్‌ పత్రాలు చించివేస్తున్న టీడీపీ నేతలు తాడిపత్రి రూరల్‌ సీఐ ఓవరాక్షన్‌అనంతపురం జిల్లా తాడిపత్రి రూరల్‌ సీఐ నారాయణరెడ్డి ఓవరాక్షన్‌ చేశారు. నామినేషన్‌ వేసేందుకు వచ్చిన వైఎస్సార్‌సీపీ రాష్ట్ర పబ్లిసిటీ వింగ్‌ కార్యదర్శి కేశవరెడ్డిని, పార్టీ సీనియర్‌ నేత పేరం అమర్‌నాథరెడ్డిని బలవంతంగా వెనక్కు పంపించారు. టీడీపీ నేత జేసీ ప్రభాకర్‌రెడ్డి కనుసన్నల్లో పనిచేస్తున్న సీఐ నారాయణరెడ్డి, తాడిపత్రి పోలీసులు వైఎస్సార్‌సీపీకి చెందిన నామినేషన్లు అడ్డుకునేందుకు సహకరించారు. అనంతపురంలో వైఎస్సార్‌సీపీ నేత కేశవరెడ్డిని నామినేషన్‌ వేయనీకుండా వెనక్కు పంపుతున్న పోలీసులు కర్నూలు జిల్లా నంద్యాలలో విజయ డెయిరీ చైర్మన్‌ ఎస్వీ జగన్మోహన్‌రెడ్డిని ఆళ్లగడ్డలోని బంధువు అంత్యక్రియలకు వెళ్లకుండా పోలీసులు నిర్బంధించారు. నెల్లూరు కార్పొరేషన్‌ మేయర్‌ అభ్యర్థి ఆనం విజయ్‌కుమార్‌రెడ్డి నామినేషన్‌ వేయకుండా బెదిరింపులకు పాల్ప­డ్డారు. వైఎస్సార్‌సీపీ కార్పొరేటర్‌ అభ్యర్థులపై అక్రమ కేసులు బనాయించారు.

సాక్షి ప్రతినిధి, కడప: వైఎస్సార్‌ కడప జిల్లాలో పట్టపగలే ప్రజాస్వామ్యం ఖూనీ అయింది. ప్రభుత్వ దన్నుతో టీడీపీ గూండాలు రెచ్చిపోయారు. పోలీసులే పచ్చ ముసుగు వేసుకుని దాడులకు పాల్పడ్డారు. వైఎస్సార్‌సీపీ నేతల వాహనాలను పోలీసులే ధ్వంసం చేయడం విస్తుగొలిపింది. ఆపై వైఎస్సార్‌సీపీ శ్రేణులను చెల్లాచెదురు చేయాలనే లక్ష్యంతో టియర్‌ గ్యాస్‌ ప్రయోగించడంతోపాటు గాల్లోకి కాల్పులు జరిపారు. నామినేషన్‌ వేసేందుకు వస్తున్న కౌన్సిలర్‌ అభ్యర్థులను అడ్డుకున్నారు. ఎంపీ వైఎస్‌ అవినాష్‌రెడ్డి సహా నేతలెవ్వరినీ పోలీసులు లోపలికి అనుమతించలేదు. శనివారం సమయం ముగిసే వరకు నామినేషన్‌ సెంటర్‌లోకి వైఎస్సార్‌సీపీ అభ్యర్థులను పంపకుండా దౌర్జన్యంగా వ్యవహరించారు. పోలీసులే స్వ­యంగా వైఎస్సార్‌సీపీ నేతలపైకి రాళ్లు రువ్వారు. మరొక వైపు ఏకే 47తో కాల్పులకు దిగారు. నామినేషన్‌ సెంటర్‌ దగ్గర టీడీపీ గూండాలు మోహరించినా వారిని కట్టడి చేయలేదు. పైగా వైఎస్సార్‌సీపీ నేతలు, కార్యకర్తలపై మాత్రం ప్రతాపం చూపించారు. వైఎస్సార్‌సీపీ నేతలు, కార్యకర్తలపై ప్రత్యక్ష దాడులు చేసినా పోలీసులు పట్టించుకోవడం లేదు. బీఎన్‌ఎస్‌ సెక్షన్‌ 163 అమలు టీడీపీ రౌడీలకు వర్తించ లేదు. వందల సంఖ్యలో రౌడీ మూకలు తిష్ట వేసి.. నామినేషన్లు వేసేందుకు వస్తున్న వైఎస్సార్‌సీపీ అభ్యర్థులపై విరుచుకుపడ్డారు. జిల్లాలోని వేంపల్లె, చక్రాయపేట, సింహాద్రిపురం మండలాల నుంచి భారీగా తరలివచ్చిన టీడీపీ మూకలు విచ్చలవిడిగా దౌర్జన్యాలకు పాల్పడ్డారు. పోలీసుల దాష్టీకానికి నిరసనగా పులివెందులలో ఎంపీ వైఎస్‌ అవినాశ్‌రెడ్డి, వైఎస్సార్‌సీపీ నేతలు రోడ్డుపై ధర్నాకు దిగారు. పోలీసుల అండతో రెచ్చిపోయిన పచ్చ మూకలురెండవ రోజు మున్సిపల్‌ నామినేషన్ల సందర్భంగా జిల్లావ్యాప్తంగా పచ్చ మూక చెలరేగిపోయింది. కడప కోటిరెడ్డి కాలేజీ వద్ద వైఎస్సార్‌సీపీ అభ్యర్థి త్యాగరాజుపై దాడి చేసి నామినేషన్‌ పత్రాలు చించివేశారు. కమలాపురం ఎమ్మెల్యే పుత్తా కృష్ణచైతన్యరెడ్డి తిష్టవేసి.. నామినేషన్లు వేయకుండా అనుచరుల ద్వారా అడ్డగించారు. మైదుకూరు ఎమ్మెల్యే సుధాకర్‌ యాదవ్‌ నామినేషన్ల కేంద్రంలోకి వెళ్లి అప్పటికే దాఖలు చేసిన నామినేషన్‌ పేపర్లు చించేశారు. బద్వేల్‌ ఇన్‌ఛార్జి సూర్యనారాయణరెడ్డి సైతం నామినేషన్ల కేంద్రం నుంచి అప్పటికే దాఖ­లు చేసిన నామినేషన్‌ పత్రాలు ఎత్తుకెళ్లారు. యర్రగుంట్లలో ఎమ్మెల్యే ఆదినారాయణరెడ్డి సోదరుడి కుమారుడు రాజేష్‌ కర్రలు పట్టుకొని నామినేషన్లు వేయకుండా అడ్డుకున్నారు. రాజంపేట ఎమ్మెల్యే ఆకేపాటి అమర్‌నాథరెడ్డి ఇంటిపై పచ్చమూకలు దాడి చేశాయి. అక్కడ ఉన్న వైఎస్సార్‌సీపీ కార్యకర్తలను విచక్షణా రహితంగా కొట్టారు. కాపు కాసి అడ్డుకున్న పోలీసులు శనివారం ఉదయం నుంచే జిల్లా పోలీసు యంత్రాంగం వ్యూహాత్మకంగా వైఎస్సార్‌సీపీ నేతల్ని కట్టడి చేసింది. హౌస్‌ అరెస్టు చేస్తున్నట్లు నోటీసులు జారీ చేశారు. పార్టీ జిల్లా అధ్యక్షుడు పోచంరెడ్డి రవీంద్రనాథ్‌రెడ్డిని పార్టీ కార్యాలయంలో దిగ్బంధించారు. మాజీ మంత్రి ఎస్‌బీ అంజాద్‌బాషా, ఎమ్మెల్సీ రామచంద్రారెడ్డి, మాజీ మేయర్‌ సురేష్‌­బాబు, పాకా సురేష్‌లను గృహ నిర్బంధం చేశారు. వైఎస్సార్‌సీపీ నేతలెవ్వరూ నామినేషన్ల కార్యాలయాలకు వెళ్లకుండా పోలీసులు కాపు కాశారు. ఆపై టీడీపీ నేతల్ని విచ్చలవిడిగా అనుమతించి, వారి ద్వారా పోలీసులే దగ్గరుండీ అరాచకం సృష్టించారు. నామినేషన్లు వేయడానికి వస్తున్న వారిపై పచ్చ మూక దాడులకు పాల్పడుతుంటే.. పోలీసులు ఆపినట్లుగా నటించడం ఆరంభించారు. ఆ తర్వాత అయినా నామినేషన్‌కు అనుమతించారా.. అంటే అదీ లేదు. వైఎస్సార్‌సీపీ నేతలను పోలీసులే వెనక్కి పంపించేశారు. కడపలోని గాంధీనగర్‌ హైస్కూల్‌ వద్ద వైఎస్సార్‌సీపీ అభ్యర్థి శ్యాంసన్‌ నామినేషన్‌ వేసేందుకు వెళ్తుండగా టీడీపీ నేత లోమడ మోహన్‌రెడ్డి అడ్డగించారు. ఆపై టీడీపీ శ్రేణులు ఇష్టానుసారం దాడి చేయడంతో శ్యాంసన్‌ అక్కడే పడిపోయారు. అడ్డుగా నిలిచి మహిళలు ఆయన ప్రాణాలు కాపాడారు. అనంతరం శ్యాంసన్‌ కోలుకుని.. బారికేడ్లు దాటి, నామినేషన్‌ వేసేందుకు వెళ్తుండగా ఎస్‌ఐ రాజరాజేశ్వరరెడ్డి అడ్డగించారు. ఈలోపు మళ్లీ పచ్చ గూండాలు దాడికి దిగారు. ఇలా ఎక్కడికక్కడ పోలీసులే వ్యూహాత్మకంగా అడ్డుగా నిలవడం ద్వారా ప్రజాస్వామ్యాన్ని ఖూనీ చేశారు.మీడియా ప్రతినిధులపైనా దాడులునామినేషన్లు ఘట్టం సందర్భంగా వైఎస్సార్‌ కడప జిల్లాలో మీడియా ప్రతినిధులకు సైతం వేధింపులు తప్పలేదు. రాజంపేటలో సాక్షి టీవీ జర్నలిస్టు రవిని నిర్బంధించారు. బద్వేలులో టీడీపీ రౌడీలు సాక్షి విలేకరి ఫోన్‌ లాక్కున్నారు. కమలాపురంలో సాక్షి విలేకరిపై టీడీపీ రౌడీలు దౌర్జన్యం చేశారు. పులివెందులలో దాడి ఘటనలను చిత్రీకరిస్తున్న జర్నలిస్టులపై టీడీపీ గూండాలు బీరు బాటిళ్లతో దాడి చేశారు. టీవి9, 10టీవీ, 6టీవి రిపోర్టర్ల తలలు పగలగొట్టారు. టీడీపీ గూండాల దాడిలో జర్నలిస్టులకు తీవ్రగాయాలైనా, పోలీసులు చూస్తుండిపోయారు. టీడీపీ గూండాలను కనీసం నిలువరించకపోవడం గమనార్హం.ఫిర్యాదు చేసినా స్పందన కరువుజిల్లా కేంద్రం కడపలో, పులివెందులలో పచ్చమూకలు విచ్చలవిడిగా దౌర్జన్యం చేస్తుండటంపై ఎప్పటికప్పుడు ఫిర్యాదు చేస్తున్నా ఎస్పీ నచికేత్‌ విశ్వనాథ్, కలెక్టర్‌ డాక్టర్‌ శ్రీధర్‌ నుంచి ఏమాత్రం స్పందన లేదని వైఎస్సార్‌సీపీ నేతలు వాపోయారు. ఓవైపు 144 సెక్షన్‌ అమలులో ఉంది.. నామినేషన్లు నిక్షేపంగా వేసుకోవచ్చని కలెక్టర్‌ ప్రకటన జారీ చేస్తారు.. మరో వైపు క్షేత్రస్థాయిలో పోలీసులే అడ్డుగా నిలిచి నామినేషన్లు వేయకుండా అడ్డుకుంటున్నారు.. ఏమిటీ పరిస్థితి.. ఇలా ఎప్పుడూ జరగలేదు.. అని నేతలు ఆగ్రహం వ్యక్తం చేశారు.వైఎస్సార్‌సీపీ నేతమురాద్‌కు కత్తిపోటుమాజీ ఇన్‌ఛార్జి మేయర్‌ ముంతాజ్‌బేగం కుమారుడు డాక్టర్‌ మురాద్‌ తన తల్లితో నామినేషన్‌ వేయించేందుకు కాగితాలపెంట నామినేషన్‌ కేంద్రానికి వెళ్తుండగా వెనుక వైపు నుంచి వచ్చిన టీడీపీ గూండాలు కత్తితో పొడిచి పారిపోయారు. పోలీసులు చూస్తుండగానే ఈ ఘటన చోటుచేసుకుంది. నామినేషన్ల అడ్డగింతపై కడపలో అంబేద్కర్‌ విగ్రహం వద్ద మేయర్‌ అభ్యర్థి బండి దీప్తిరెడ్డి మౌన దీక్ష చేపట్టారు. ప్రజాస్వామ్యాన్ని ఖూనీ చేస్తున్నారంటూ కూటమి ప్రభుత్వంపై మండిపడ్డారు. ‘నామినేషన్‌ పత్రాలు చింపివేయడం.. అభ్యర్థులను అడ్డుకోవడం ప్రజాస్వామ్యమా? రక్షణ కల్పించాల్సిన పోలీసులే పచ్చ మూకలకు అండగా నిలుస్తారా? అధికార పార్టీకి ఒక న్యాయం.. ప్రతిపక్షానికి మరో న్యాయమా?’ అని మండిపడ్డారు. వైఎస్సార్‌సీపీ జిల్లా అధ్యక్షుడు పోచంరెడ్డి రవీంద్రనాథ్‌ రెడ్డి, మాజీ డిప్యూటీ సీఎం అంజాద్‌ బాషా, పలువురు పార్టీ నేతలు దీక్షలో పాల్లొని సంఘీభావం తెలిపారు.

సాక్షి ప్రతినిధి, కడప/పులివెందుల: ఎన్నికల్లో నామినేషన్లు వేయనివ్వకుంటే ఇక ఎన్నికలు ఎందుకు జరిపించడం ఎందుకని కడప ఎంపీ వైఎస్‌ అవి­నాష్‌ రెడ్డి ప్రభుత్వాన్ని ప్రశ్నించారు. పులివెందులలో నామినేషన్లు వేసేందుకు వెళ్లిన వైఎస్సార్‌సీపీ అభ్యర్థులు, పార్టీ శ్రేణులపై పోలీసులు లాఠీ­చార్జ్‌ చేసి.. టియర్‌ గ్యాస్‌ ప్రయోగించడం దారుణం అని మండిపడ్డారు. పోలీసుల తీరుకు నిరసనగా ఎంపీ రోడ్డుపై బైఠాయించి ఆందోళన చేపట్టా­రు. ఈ సందర్భంగా మీడియాతో మాట్లాడుతూ.. ‘కౌన్సిలర్‌ అభ్యర్థులు నామినేషన్లు వేయడానికి వెళ్తే లాఠీ దెబ్బలు, రాళ్ల దాడులు ఎదుర్కోవా­లా? ఎన్నికల సంఘం అసలు ఉన్నట్టా, లేనట్టా? ఇలాంటి పరిస్థితుల్లో ఎన్నికలు నిర్వహించడం ఎందుకు? డీఐజీ, ఎస్పీ, డీఎస్పీలను సంప్రదిస్తే మధ్యాహ్నం 1.30 గంటలకు రండి.. మీ అభ్యర్థులందరితో నామినేషన్లు వేయిస్తాం.. ఎలాంటి ఇబ్బందీ ఉండదని చెప్పారు. వాళ్లు చెప్పిన మాటను నమ్మి మా అభ్యర్థులతో వస్తే, ఈ రోజు వద్దు.. రేపు (ఆదివారం) రండి అంటున్నారు. ఈ రోజు మాకు నామినేషన్లు వేసే హక్కు ఎందుకు లేదు? పోలీసులే హామీ ఇచ్చి, మళ్లీ మాట తప్పడం ఏంటి? ఇదెక్కడి న్యాయం?’ అని నిలదీశారు.తుపాకులు గురిపెట్టడం ఏమిటి?‘మున్సిపల్‌ కార్యాలయం ఎదుట టీడీపీ కార్యకర్తలు ఉంటే పోలీసులు వారి జోలికి వెళ్లరు. మేము 100 మీటర్ల దూరంలో ఉన్నప్పటికీ.. డీఎస్పీ ఏకే–47 తుపాకీ గురిపెట్టి మా మీదకు వస్తారు. టీడీపీ శ్రేణుల వద్ద వేట కొడవళ్లు, కత్తులు, కర్రలు, ఇనుప రాడ్లు, రాళ్లు ఉన్నా పోలీసులు ఎందుకు చర్యలు తీసుకోలేదు? నామినేషన్లు వేయడానికి వచ్చిన మా అభ్యర్థుల పత్రా­లను లాక్కొని చించేశారు. రిటర్నింగ్‌ అధికారికి ఇచ్చిన తర్వాత కూడా పత్రాలను తీసుకెళ్లారు. అధికారులు, పోలీసులు తమ బాధ్యతలను నిర్వహిస్తున్నారా? లేక అధికార పార్టీకి అనుకూలంగా వ్యవహరిస్తున్నారా? ప్రజాస్వామ్యబద్ధంగా ఎన్నికలు నిర్వహించాల్సిన బాధ్యత పోలీసుల­పై లేదా? రాష్ట్రంలో ఎన్నికల కమిషన్‌ ఉన్నట్టా, లేనట్టా? ప్రజాస్వామ్యబద్ధంగా ఎన్నికలు నిర్వహిస్తే ఒక్క మున్సిపాలిటీలోనైనా, ఒక్క కౌన్సిలర్‌ స్థానంలోనైనా గెలుస్తామనే నమ్మకం కూటమి ప్రభుత్వానికి లేదనే విధంగా పరిణామాలు కనిపిస్తున్నాయి. పోలీసులను అడ్డుపెట్టుకుని ఎన్నికలను ప్రభావితం చేసే ప్రయత్నాలను ఆపాలి. ఎన్నికల కమిషన్‌ తక్షణమే జోక్యం చేసుకుని, నామినేషన్లు వేసే ప్రతి అభ్యర్థికి రక్షణ కల్పించాలి’ అని అవినాశ్‌రెడ్డి డిమాండ్‌ చేశారు.

సాక్షి, అమరావతి: మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదివారం సాయంత్రం విజయవాడలోని లోక్‌ భవన్‌లో రాష్ట్ర గవర్నర్‌ జస్టిస్‌ అబ్దుల్‌ నజీర్‌తో భేటీ కానున్నారు. స్థానిక సంస్థల ఎన్నికల నామినేషన్ల సందర్భంగా రెండు రోజులుగా రాష్ట్రంలోని పలు చోట్ల తెలుగుదేశం పార్టీ విధ్వంసకాండకు దిగడం, నామినేషన్లు వేయకుండా వైఎస్సార్‌సీపీ అభ్యర్థులను అడ్డుకోవడం, నామినేషన్‌ పత్రాల చించివేత తదితర దారుణాలను గవర్నర్‌కు వివరించనున్నారు. నేడు వైఎస్‌ జగన్‌ ప్రెస్‌మీట్‌ సాక్షి, అమరావతి: మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదివారం మీడియాతో మాట్లాడనున్నారు. స్థానిక ఎన్నికల నామినేషన్ల పర్వంలో వరుసగా రెండు రోజులు పలు చోట్ల విధ్వంసకాండ, వైఎస్సార్‌సీపీ అభ్యర్థులపై యథేచ్ఛగా దాడులు, నామినేషన్లు వేయకుండా అడ్డుకోవడం, నామినేషన్‌ పేపర్లు లాక్కుని చించేయడం.. చివరకు పార్టీ లోక్‌సభాపక్ష నేత పీవీ మిథున్‌రెడ్డిపై పుంగనూరులో హత్యాయత్నం, పులివెందులలో శనివారం పోలీసులు గాలిలోకి కాల్పులు, బాష్పవాయు ప్రయోగం.. వంటి ఘటనల నేపథ్యంలో వైఎస్‌ జగన్‌ ఆదివారం ఉదయం 11 గంటలకు పార్టీ కేంద్ర కార్యాలయంలో మీడియాతో మాట్లాడనున్నారు.

సాక్షి,అమరావతి: ఆంధ్రప్రదేశ్‌లో రాజ్యాంగం కుప్పకూలిపోయింది... ప్రజాస్వామ్యాన్ని పట్టపగలే ఖూనీ చేస్తున్నారని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్రస్థాయిలో ధ్వజమెత్తారు. తక్షణమే కేంద్ర ప్రభుత్వం జోక్యం చేసుకోవాలని, ఏపీలో రాష్ట్రపతి పాలన విధించాలని ఆయన డిమాండ్‌ చేశారు. ఈ మేరకు సామాజిక మాధ్యమం ‘ఎక్స్‌’లో ‘సేవ్‌ డెమొక్రసీ ఇన్‌ ఏపీ’ హ్యాష్‌ ట్యాగ్‌తో శనివారం పోస్టు చేశారు. స్థానిక ఎన్నికల నామినేషన్ల సందర్భంగా వరుసగా రెండో రోజూ సీఎం చంద్రబాబు శాంతిభద్రతలను పూర్తిగా నిర్వీర్యం చేశారంటూ ఆగ్రహం వ్యక్తం చేశారు. తన పార్టీ మూకలకు గూండా లైసెన్స్‌లు ఇచ్చి, వారికి అండగా పోలీసు యంత్రాంగాన్ని వాడుకుంటున్నారంటూ మండిపడ్డారు. రాజకీయ హింసావాదిగా తన చరిత్రను మరోసారి చాటుకుంటూ రాష్ట్రంలో జంగిల్‌రాజ్‌ను నడిపిస్తున్నారని సీఎం చంద్రబాబుపై తీవ్ర స్థాయిలో ధ్వజమెత్తారు. ఆ పోస్టులో వైఎస్‌ జగన్‌ ఇంకా ఏమన్నారంటే.. ప్రతిపక్ష అభ్యర్థులు నామినేషన్లు వేయలేని దుస్థితి... ‘‘ప్రతిపక్ష అభ్యర్థులు కనీసం నామినేషన్లు కూడా వేయలేని దుస్థితి సృష్టించారు. వైఎస్సార్‌సీపీ అభ్యర్థులను పోలీ­సుల సమక్షంలోనే, నామినేషన్‌ కేంద్రాల పరిధిలోనే, కత్తులు, కర్రలతో వెంటాడటం, నామినేషన్‌ కేంద్రాలను ముట్టడించడం, ఆర్వో కార్యాలయాల్లోకే చొరబడి నామినేషన్‌ పత్రాలను లాక్కుని చించేయడం, అర్ధరాత్రి అభ్యర్థులను పోలీసులు ఎత్తుకెళ్లడం.. ఇదీ చంద్రబాబు మార్కు ప్రజాస్వామ్యం. ఎన్నికలను ఏకపక్షంగా మార్చేందుకు అధికార బలంతో హింసను ప్రేరేపిస్తున్నారు. దారుణమేమిటంటే, అభ్యర్థులకు ప్రపోజర్లుగా వెళ్లిన మా పార్టీ ఎంపీలను కూడా వదల్లేదు. వారి చేతుల్లోంచి నామినేషన్‌ పత్రాలను లాక్కుని చించేశారు. ముగ్గురు ఎంపీలపై పోలీసుల సమక్షంలోనే, పోలీసుల ద్వారానే దాడులు జరిగాయి. ఎంపీలకే రక్షణ లేని రాష్ట్రంలో సామాన్యుల పరిస్థితి ఏమిటి?పులివెందులలో పోలీసుల కాల్పులు ప్రజాస్వామ్యంపై పేల్చిన తూటాలే..కడప, పులివెందుల, కమలాపురం, జమ్మలమడుగు, రాజంపేట, రాయచోటి, పుంగనూరు, తిరుపతి, దర్శి, దాచేపల్లి, గురజాల సహా రాష్ట్రవ్యాప్తంగా జరుగుతున్న ఘటనలు చంద్రబాబు పాలనలో ప్రజాస్వామ్యం ఎంత దారుణంగా దిగజారిపోయిందో కళ్లకు కట్టినట్లు కనిపిస్తోంది. పులివెందులలో పోలీసుల కాల్పులు ప్రజాస్వామ్యంపై పేల్చిన తూటాలే. దీని వెనుక ముమ్మాటికీ చంద్రబాబుగారి కుట్రే! నామినేషన్‌ వేయడానికి వచ్చిన అభ్యర్థులపై, ప్రపోజెర్స్‌ పై పోలీసులు దాడి చేసి ఎందుకు కొట్టారు! ఎందుకు కాల్పులు జరిపారు. చంద్రబాబూ.. నామినేషన్లు వేయనివ్వకుండా అడ్డుకోవడం ఎన్నికలా? ప్రతిపక్ష అభ్యర్థులను పోలీసులతో ఎత్తుకెళ్లడం ప్రజాస్వామ్యమా? ఎంపీలపైనే దాడులు చేయించడం రాజ్యాంగ పాలనా? రాష్ట్రంలో రాజ్యాంగ వ్యవస్థలను నిర్వీర్యం చేసి, ప్రజాస్వామ్య హక్కులను కాలరాస్తున్న ఈ పరిస్థితుల్లో కేంద్ర ప్రభుత్వం తక్షణమే జోక్యం చేసుకోవాలి. ఆంధ్రప్రదేశ్‌లో రాష్ట్రపతి పాలన విధించాలని డిమాండ్‌ చేస్తున్నాను. సూపర్‌ 6, సూపర్‌ 7ల మోసాలతో ప్రజలకు బాండ్లు ఇచ్చి మరీ మోసం చేసిన ఈ వెన్నుపోటు పార్టీ నుంచి ఇంతకన్నా ఏమి ఆశించగలం’’.

సాక్షి, అమరావతి : జంగిల్‌ రాజ్‌ పాలనలో స్థానిక ఎన్నికల సాక్షిగా ప్రజాస్వామ్యం ఖూనీ అయ్యింది. చంద్రబాబు, లోకేశ్‌ డైరెక్షన్‌లో పేట్రేగిపోయిన పచ్చమూకల రాక్షస క్రీడకు మున్సిపల్‌ ఎన్నికల నామినేషన్‌ తొలి రోజునే రాష్ట్రం రక్తసిక్తమైంది. ఎన్నికల్లో అక్రమంగా గెలవడానికి వైఎస్సార్‌సీపీ కీలక నేతలను టార్గెట్‌ చేసి.. అడ్డుతొలగించే కుట్రలకు పాలక పార్టీ పెద్దలు పథక రచన చేయడం ఆందోళన కలిగిస్తోంది. ఈ క్రమంలో ముందస్తు ప్రణాళికలు రచించి.. రాళ్లు, ఇనుప రాడ్లు, కర్రలు, పెట్రోల్‌ బాటిల్స్, కారంతో పచ్చ మూక భౌతిక దాడులకు దిగి బీభత్సం సృష్టించింది. అన్నమయ్య జిల్లా పుంగనూరులో ఎంపీ పెద్దిరెడ్డి మిథున్‌రెడ్డి కాన్వాయ్‌లోని కార్లను ధ్వంసం చేసి ఆయనపై దాడి చేయడం, రాయచోటిలో మాజీ ఎమ్మెల్యే గడికోట శ్రీకాంత్‌రెడ్డి ప్రెస్‌మీట్‌ నిర్వహించిన వైఎస్సార్‌సీపీ కార్యాలయాన్ని, అక్కడే ఉన్న కార్లకు నిప్పంటించి తగలబెట్టడం జంగిల్‌రాజ్‌ పాలనలో పేట్రేగిన రౌడీయిజానికి పరాకాష్టగా నిలుస్తోంది. ఇప్పటికే బైండోవర్‌ కేసుల పేరుతో పోటీ నుంచి తప్పించేందుకు పోలీసులు బెదిరింపులకు దిగినా.. ఎన్‌ఓసీ, కుల ధృవీకరణ పత్రాలు ఇవ్వకుండా అధికారులు ఇబ్బందులు పెట్టినా.. లెక్క చేయక వైఎస్సార్‌సీపీ శ్రేణులు నామినేషన్‌ వేసేందుకు తరలి రావడంతో ఖంగుతిన్న పచ్చ మూక ఎక్కడికక్కడ రెచ్చిపోయి విధ్వంసం సృష్టించింది. హామీలు నెరవేర్చలేకే దాడులు సార్వత్రిక ఎన్నికల్లో ఇచ్చిన హామీలు అమలు చేయకుండా దగా చేసిన చంద్రబాబు స్థానిక ఎన్నికల్లో ఓటు అడిగే ధైర్యం లేక అటు పోలీసులను, ఇటు పార్టీ గూండాలను వైఎస్సార్‌సీపీ అభ్యర్థులపైకి ఉసిగొల్పారు. ఎన్నికలు సజావుగా జరిగితే ఓటమి ఖాయమనే భయంతో అధికారపక్షం నేతలు ఎక్కడికక్కడ ప్రతిపక్ష పార్టీ నుంచి పోటీ లేకుండా చేసేందుకు బెదిరింపులు, దాడులు, దౌర్జన్యాలకు దిగారు. ప్రజల మధ్యకు వెళ్లి ఓట్లు అడగాల్సిన అధికార పార్టీ శ్రేణులు.. ప్రత్యర్థి అభ్యర్థులను నామినేషన్‌ కేంద్రాలకు చేరకుండా అడ్డుకున్నారు. పుంగనూరులో వైఎస్సార్‌సీపీ ఎంపీ పెద్దిరెడ్డి మిథున్‌రెడ్డి, రాయచోటిలో వైఎస్సార్‌సీపీ మాజీ ఎమ్మెల్యే గడికోట శ్రీకాంత్‌రెడ్డిలపై టీడీపీ గూండాలు కర్రలు, రాళ్లతో హత్యాయత్నం చేశారు. ధర్మవరంలో రాళ్ల దాడి చేసి పలువురు వైఎస్సార్‌సీపీ శ్రేణులను గాయాలపాల్జేశారు. టీడీపీ మూకలు నామినేషన్లను లాక్కెళ్లి చించేశారు. తిరుపతిలో మహిళా అభ్యర్థి నామినేషన్‌ పత్రాలను, నంద్యాలలో వైఎస్సార్‌సీపీ అభ్యర్థుల నామినేషన్లను లాక్కొని టీడీపీ రౌడీలు చింపివేశారు. తాడిపత్రిలో వైఎస్సార్‌సీపీ అభ్యర్థిని నామినేషన్‌ వేయడానికి వీలులేదని బెదిరించారు. దాచేపల్లిలో వైఎస్సార్‌సీపీ అభ్యర్థిని నిర్బంధించారు. పోలీసులు కళ్ల ఎదుటే రాష్ట్ర వ్యాప్తంగా పచ్చ రౌడీలు భౌతిక దాడులకు దిగడంతో పరిస్థితి ఉద్రిక్తంగా మారింది. ఓటమి భయంతో అధికార పక్షం అడ్డగోలుగా బరితెగించి భౌతిక దాడులకు దిగినా అక్కడే ఉన్న పోలీసులు ప్రేక్షక పాత్ర పోషించడం అత్యంత బాధ్యతారాహిత్యమని విమర్శల పాలైంది. ఎన్నికల్లో ప్రజల మద్దతుతో గెలవలేని అధికార పక్షం.. ప్రత్యర్థులు పోటీలోనే లేకుండా చేయాలనుకుంటోందని వైఎస్సార్‌సీపీ తీవ్రంగా ఆరోపించింది. అభ్యర్థులపై దాడులు, బెదిరింపులు, నామినేషన్‌ పత్రాల ధ్వంసం, పోలీసుల తీరుపై ఫిర్యాదులు రాష్ట్రంలో స్వేచ్ఛాయుత ఎన్నికల నిర్వహణపై ఆందోళన కలిగిస్తున్నాయి.ఆళ్లగడ్డలో అరాచకం నంద్యాల జిల్లా ఆళ్లగడ్డ మున్సిపల్‌ కార్యాలయంలోని నామినేషన్‌ కేంద్రంలో నామినేషన్లు వేసేందుకు వైఎస్సార్‌సీపీ నేతలు రావడంతో టీడీపీ నాయకులు.. ఎమ్మెల్యే అఖిలప్రియ తమ్ముడు విఖ్యాత్‌రెడ్డిని అక్కడకు పిలిపించుకున్నారు. నామినేషన్ల స్వీకరణ గడువు ముగిసే వరకు అక్కడే తన అనుచరులను వెంటబెట్టుకుని అటూ ఇటూ తిరుగుతూ హల్‌చల్‌ చేశారు. ఆళ్లగడ్డ 12వ వార్డు కౌన్సిలర్‌ స్థానానికి వైఎస్సార్‌సీపీ అభ్యర్థిగా నామినేషన్‌ దాఖలు చేసేందుకు మౌదీన తన భర్త మౌలాలితో కలిసి వచ్చారు. ఆర్‌ఓ దగ్గరకు వెళ్లగా టీడీపీ నేతల ఒత్తిడితో డబ్బులు (ధరావత్తు) రాసుకునే రిసిప్ట్‌లు తన దగ్గర లేవని.. బయట చెల్లించి రావాలని పంపించారు.బయట ఉన్న టీడీపీ నేతలు ఆమె దగ్గరకు వచ్చి నామినేషన్‌ వేయకుండా వెళ్లాలని బెదిరించారు.అయితే ఆమె భయపడక పోవడంతో పచ్చమూకలు చుట్టుముట్టి నోటికొచ్చినట్లు తిడుతూ దౌర్జన్యంగా ఆమె చేతుల్లోని నామినేషన్‌ పత్రాలను చించి ఆమె మొఖంపై విసిరేశారు. ఇదాంతా రిటర్నింగ్‌ అధికారులు, పోలీసు బలగాలు చూసినా పట్టించుకోకుండా వెకిలి నవ్వులు నవ్వారు. 18వ వార్డుకు వైఎస్సార్‌సీపీ తరఫున నామినేషన్‌ వేసేందుకు వచ్చిన అల్లాబక్షును కూడా రిటర్నింగ్‌ కార్యాలయంలో టీడీపీ నాయకులు బెదిరించారు. ఒకానొక దశలో ఆయన్ను గదిలోకి ఈడ్చుకెళ్లి చెయ్యి చేసుకునేందుకు యత్నించారు. దీంతో ఆయన నామినేషన్‌ దాఖలు చేయకుండా ఇంటికి వెళ్లిపోయారు. విషయం తెలుసుకున్న మాజీ ఎమ్మెల్సీ గంగుల ప్రభాకర్‌రెడ్డి, మాజీ ఎమ్మెల్యే గంగుల బ్రిజేంద్రారెడ్డిలు ఆర్‌ఓ కార్యాలయానికి చేరుకున్నారు. దీనిపై పోలీసులను, ఎన్నికల అధికారులను గట్టిగా నిలదీయగా వారు నీళ్లు నమిలారు. గుత్తిలో రెచ్చిపోయిన పచ్చ మూకలు అనంతపురం జిల్లా గుత్తి మునిసిపాలిటీలో టీడీపీ గూండాలు రెచ్చిపోయారు. వైఎస్సార్‌సీపీ తరఫున 22వ వార్డు (జంగాల కాలనీ) కౌన్సిలర్‌ అభ్యర్థిగా పోటీ చేయడానికి సిద్ధమైన దస్తగిరి ఇంటికి సుమారు 16 మంది టీడీపీ కార్యకర్తలు కత్తులతో వెళ్లి నామినేషన్‌ వేస్తే చంపేస్తామని బెదిరించారు. ఆ సమయంలో దస్తగిరి అక్కడ లేకపోవడంతో సోదరుడు జిలాన్‌ను కిడ్నాప్‌ చేసి తీసుకెళ్లారు. వైఎస్సార్‌సీపీ కౌన్సిలర్‌ అభ్యర్థులుగా పోటీ చేయనున్న అరవింద్, రమేష్, సులేమాన్, ఖాజా ఖాన్‌ తదితరులకు ఫోన్‌ చేసి, కొందరిని వ్యక్తిగతంగా కలిసి బెదిరించారు. గుత్తి మున్సిపల్‌ కార్యాలయం వద్ద వైఎస్సార్‌సీపీ శ్రేణులపై టీడీపీ వర్గీయులు దాడికి దిగడంతో ఉద్రిక్తతకు దారితీసింది. వైఎస్సార్‌సీపీ అధికార ప్రతినిధి నరహరిపై టీడీపీ ఎమ్మెల్యే గుమ్మనూరు జయరాం వర్గీయులు రాళ్ల దాడి చేశారు. టీడీపీ మూక దాడులను నిలువరించడంలో పోలీసులు ఘోరంగా విఫలమయ్యారు. కడపలో నామినేషన్‌ పత్రాలు చింపివేత దమ్ము, ధైర్యముంటే నామినేషన్‌ వేయమనండి.. అంటూ టీడీపీ రీజినల్‌ కో ఆర్డినేటర్‌ ఆర్‌.శ్రీనివాసులురెడ్డి బహిరంగంగానే వైఎస్సార్‌సీపీ అభ్యర్ధులను బెదిరించే ధోరణిలో మాట్లాడారు. కడప నగరంలోని స్థానిక గాంధీ నగర్‌ హైస్కూల్‌ నామినేషన్‌ కేంద్రం వద్దకు వచ్చిన ఆయన దమ్ము, ధైర్యం ఉంటే వైఎస్సార్‌సీపీ కార్పొరేటర్‌ అభ్యర్ధులను నామినేషన్‌ వేయమనండి చూద్దాం అని బెదిరించే ధోరణిలో వ్యాఖ్యానించారు. పోలీసులు, మీడియా, అధికారులు ఉన్నారు కదా నామినేషన్‌ వేయమనండి ఏదైనా ఉంటే అందరూ చూస్తారు అని బెదిరించారు. దీంతో రెచ్చిపోయిన పచ్చమూక అరాచకానికి పాల్పడ్డారు. 30వ డివిజన్‌ వైఎస్సార్‌సీపీ అభ్యర్థి విజయలక్ష్మిని నామినేషన్‌ వేయకుండా అడ్డుకున్నారు. రిటర్నింగ్‌ అధికారి(ఆర్‌ఓ)కి ఇచ్చిన నామినేషన్‌ పత్రాలు లాక్కుని టీడీపీ గూండాలు చించేశారు. 51 డివిజన్‌లో నామినేషన్‌ వేసేందుకు వచ్చిన స్వర్ణలతను అడ్డుకున్నారు. ఆమె సోదరుడు, మాజీ కార్పొరేటర్‌ బాలస్వామిరెడ్డిపై కూడా పోలీసుల సమక్షంలోనే టీడీపీ గూండాలు దాడి చేశారు. పల్నాడులో పచ్చ నేతల అరాచక పర్వం పల్నాడు జిల్లాలో పచ్చ నేతల అరాచకపర్వానికి అంతు లేకుండా పోయింది. నామినేషన్‌లు వేసేందుకు ఎవరు వస్తారో చూస్తామంటూ.. మున్సిపల్‌ కార్యాలయాల వద్ద టీడీపీ మూకలు హల్‌చల్‌ చేశాయి. గురజాల, పిడుగురాళ్ల, దాచేపల్లి మున్సిపాలిటీ ఎన్నికల నామినేషన్‌ల ప్రక్రియను అడ్డుకునేందుకు టీడీపీ అల్లరి మూకలు వివిధ గ్రామాల నుంచి పట్టణాలకు చేరుకుని వైఎస్సార్‌ కాంగ్రెస్‌ పార్టీ నేతలే టార్గెట్‌గా దౌర్జన్యాలకు దిగారు. శుక్రవారం ఉదయం నుంచే నామినేషన్‌ కేంద్రాలను తమ ఆధీనంలోకి తీసుకున్న టీడీపీ అరాచక శక్తులు ఎవ్వరినీ రానీయకుండా కర్రలు, రాడ్‌లతో స్వైర విహారం చేశాయి. కొందరు పోలీసులు పచ్చచొక్కాలు వేసుకుని ఉద్యోగాలు చేస్తున్నట్టు లా అండ్‌ ఆర్డర్‌ను గాలికొదిలేసి అధికార పార్టీ నేతల అడుగులకు మడుగులు ఒత్తుతూ పోలీసు శాఖకే మచ్చ తెచ్చేలా వ్యవహరించారు. ముఖ్యంగా పిడుగురాళ్ల సీఐ వెంకట్రావు తీరు తీవ్ర విమర్శలకు తావిస్తోంది. పట్టణంలో శుక్రవారం నామినేషన్‌ల సందర్భంగా టీడీపీ మూకలు నామినేషన్‌ కేంద్రాలను ఆక్రమించి అరాచకం సృష్టిస్తుంటే అడ్డుకోవాల్సింది పోయి, వారికి కాపు కాస్తున్న పరిస్థితి కనిపించింది. పోలీసులు వేసుకున్న టెంట్‌లలోనే అధికార పార్టీ నేతలు కూర్చుని నామినేషన్‌లు వేసేందుకు ఎవరూ రాకుండా పిడుగురాళ్ల మున్సిపల్‌ కార్యాలయానికి తాళాలు వేశారు. నో డ్యూస్‌ సర్టిఫికెట్‌ కోసం వైఎస్సార్‌సీపీకి చెందిన ఓ అభ్యర్థి అక్కడకు వెళ్లగా, టీడీపీ నేతలు, కార్యకర్తలు అడ్డుకున్నారు. ఆర్య వైశ్య నాయకుడు భవనాసి ఎల్లారావును పోలీసుస్టేషన్‌కు తీసుకెళ్లి బైండోవర్‌ చేసి తహసీల్దారు ముందు హాజరు పరిచారు. దాచేపల్లిలో అభ్యర్థి నిర్బంధం పల్నాడు జిల్లా దాచేపల్లి నగర పంచాయతీ చైర్మన్‌ అభ్యర్థి కొప్పుల రవికుమార్‌ను శుక్రవారం తెల్లవారుజామున పోలీసులు తీసుకెళ్లారని, ఆయన ఎక్కడున్నారనే సమాచారం కుటుంబ సభ్యులకు అందలేదని వైఎస్సార్‌సీపీ ఫిర్యాదు చేసింది. తమ నివాసంలో మద్యం పెట్టి తప్పుడు కేసులో ఇరికించే ప్రయత్నం చేశారని ఆయన తండ్రి ఆరోపించారు. వైఎస్సార్‌సీపీ నియోజకవర్గ ఇన్‌చార్జి, మాజీ ఎమ్మెల్యే కాసు మహేష్‌రెడ్డి, వైఎస్సార్‌సీపీ నేతలంతా దాచేపల్లి పోలీసు స్టేషన్‌కు చేరుకుని, ఆందోళన వ్యక్తం చేశారు. శుక్రవారం రాత్రి ఆయన్ను పోలీసులు కోర్టులో హాజరు పరిచారు. కాగా, గురజాల నగర పంచాయతీ పరిధిలో నడిబొడ్డున ఉన్న మున్సిపల్‌ కార్యాలయాన్ని వదిలేసి, కమ్మగడ్డలోని ఐసీడీఎస్‌ కార్యాలయంలో నామినేషన్లు తీసుకునేందుకు ఏర్పాట్లు చేశారు. నామినేషన్లు వేయడానికి ఎవరు వస్తారో చూస్తామంటూ ఇతర గ్రామాల నుంచి మోహరించిన టీడీపీ గూండాలు కర్రలు, రాడ్‌లతో హల్‌చల్‌ చేశారు. పోలీసులు మాత్రం ప్రేక్షక పాత్ర పోషించారు. హత్య చేస్తామంటూ తాడిపత్రిలో బెదిరింపులు అనంతపురం జిల్లా తాడిపత్రిలో వైఎస్సార్‌సీపీ నాయకుడు వేణుగోపాల్‌రెడ్డి ఇంటికి వెళ్లి అతని భార్యను పోటీ నుంచి తప్పుకోవాలని టీడీపీ నేత జేసీ ప్రభాకర్‌రెడ్డి అనుచరులు బెదిరించారు. ఈ ఘటనకుసంబంధించిన వీడియో సామాజిక మాధ్యమాల్లో వైరల్‌ అయ్యిందని, జేసీ అనుచరులపై చట్టపరమైన చర్యలు తీసుకోవాలని వైఎస్సార్‌సీపీ డిమాండ్‌ చేసింది. వేణుగోపాల్‌రెడ్డి కుటుంబానికి రక్షణ కల్పించాలని, బెదిరింపులపై కేసు నమోదు చేసి విచారణ జరపాలని వైఎస్సార్‌సీపీ నేతలు డిమాండ్‌ చేశారు. తిరుపతిలో పచ్చమూకల బరితెగింపు» తిరుపతి మున్సిపల్‌ కార్పొరేషన్‌ ఎన్నికల్లో వైఎస్సార్‌సీపీ అభ్యర్థులు నామినేషన్లు వేయటానికి వీల్లేకుండా పచ్చమూకలు దాడులకు తెగబడ్డారు. నామినేషన్‌ పత్రాలను లాక్కుని చించివేశారు. తిరుపతి టీడీపీ ఇన్‌చార్జ్‌ జేబీ శ్రీనివాసులు ఆధ్వర్యంలో ఆ పార్టీ కార్యకర్తలు, బయట నుంచి తెచ్చుకున్న రౌడీ మూకలను వార్డు సచివాలయాల వద్ద మోహరింపజేశారు. వైఎస్సార్‌సీపీ అభ్యర్థులు నామినేషన్లు వేయటానికి వీలే లేకుండా చేశారు. నామినేషన్లు వేసినా.. అభ్యర్థుల ఇంటికి వెళ్లి వారిని కొట్టి.. వార్డు సచివాలయానికి తీసుకొచ్చి ఆర్‌ఓ నుంచి పత్రాలు ఇప్పించి అధికారుల ఎదుటే చించివేశారు. ప్రజాస్వామ్యాన్ని చంద్రబాబు ప్రభుత్వం అపహస్యం చేసిందని వైఎస్సార్‌సీపీ నేతలు ఆగ్రహం వ్యక్తం చేశారు. » నగరంలోని కొర్లగుంట పరిధిలోని 55వ డివిజన్‌ వైఎస్సార్‌సీపీ అభ్యర్థి లక్ష్మమ్మ నామినేషన్‌ వేసేందుకు లోనికి వెళ్లేందుకు ప్రయత్నించడంతో టీడీపీ మూకలు ఆమెను అడ్డుకున్నాయి. ఆమెకు మద్దతుగా వచ్చిన వైఎస్సార్‌సీపీ అనుచరులతోపాటు అభ్యర్థిని బయటకు లాగివేసి దాడికి తెగబడ్డారు. ఆపై నామినేషన్‌ పత్రాన్ని లాక్కుని చించివేశారు. విషయం తెలుసుకుని కొర్లగుంట ప్రాంతానికి వెళ్లిన ఎంపీ గురుమూర్తి, వైఎస్సార్‌సీపీ కర్నూలు, నంద్యాల రీజనల్‌ కో ఆర్డినేటర్‌ భూమన కరుణాకరరెడ్డిపైనా పచ్చమూకలు దాడి చేసేందుకు యత్నించారు. » తిరుపతి నగరంలోని బైరాగిపట్టెడలోని రామానాయుడు ప్రభుత్వ పాఠశాలలోని కేంద్రంలో తన వాళ్లకు మద్దతుగా నామినేషన్లు వేయించేందుకు వెళ్లిన తిరుపతి జిల్లా వైఎస్సార్‌సీపీ అధ్యక్షుడు భూమన అభినయరెడ్డిపై టీడీపీ గూండాలు దాడికి పాల్పడ్డారు. అభ్యర్థి జుట్టుపట్టుకొనిలాక్కొచ్చి చేతిలో ఉన్న నామినేషన్‌ పత్రాలను చించివేసి అరాచకం సృష్టించారు. జీవకోన, ఎంఆర్‌పల్లి, ఎస్టీవీ నగర్‌లోనూ ఇదే తరహాలో టీడీపీ గూండాలు వైఎస్సార్‌సీపీ అభ్యర్థులపై దాడులకు తెగబడ్డారు. నామినేషన్‌ పత్రాలను చించివేశారు. నగరంలోని చెన్నారెడ్డి కాలనీ పరిధిలోని 31, 32, 33వ డివిజన్‌ గంజాయి బ్యాచ్‌ వైఎస్సార్‌సీపీ అభ్యర్థులను అడ్డుకుని నామినేషన్‌ వేయకుండా వీరంగం సృష్టించింది. » తిరుపతి నగరంలోని 15వ డివిజన్‌లో నామినేషన్‌ వేసేందుకు వెళ్లిన వైఎస్సార్‌సీపీ అభ్యర్థి ఈశ్వరమ్మను టీడీపీ గూండాలు నిలువరించారు. పోలీసుల ఎదుటే వైఎస్సార్‌సీపీ నాయకులపై దాడి చేశారు. అయినా పోలీసులు చోద్యం చూస్తుండిపోయారు. ఎట్టకేలకు ఈశ్వరమ్మ నామినేషన్‌ దాఖలు చేశారు. నామినేషన్‌ వేసినట్లు అధికారులు అక్‌నాలెడ్జ్‌మెంట్‌ స్లిప్పును కూడా ఆమెకు అందజేశారు. ఆ తర్వాత టీడీపీ తిరుపతి నియోజకవర్గ ఇన్‌చార్జి జేబీ శ్రీనివాస్‌ ఆర్‌ఓ వద్ద ఉన్న ఈశ్వరమ్మ నామినేషన్‌ ఫైలును తీసుకెళ్లిపోయాడు. » వైఎస్సార్‌సీపీ అభ్యర్థులు అనిల్, నల్లాని బాబు.. వార్డు సచివాలయాలకు వెళ్లి నామినేషన్‌ దాఖలు చేశారు. విషయం తెలుసుకున్న టీడీపీ గూండాలు వారి నివాసానికి వెళ్లి దౌర్జన్యానికి దిగారు. అనంతరం ఆ వార్డు సచివాలయానికి బలవంతంగా తీసుకెళ్లి ఆర్వో నుంచి నామినేషన్‌ పత్రాలు తీయించుకుని వాటిని చించివేసి తగులబెట్టారని అనిల్, నల్లాని బాబు ఆందోళన వ్యక్తం చేశారు. » తిరుపతిలో టీడీపీ గూండాల దౌర్జన్యాలు, దాడులను చిత్రీకరిస్తున్న సాక్షి మీడియా కెమెరామెన్లు ముఖేష్, మోహన్‌ నాయుడు, రిపోర్టర్‌ ప్రసాద్‌పై దాడి చేశారు. వారి వద్ద ఉన్న విలువైన కెమెరా, మొబైల్‌ ఫోన్లు లాక్కుని అరాచకం సృష్టించారు.ధర్మవరంలో రాళ్ల దాడి.. నామినేషన్‌ పత్రాలు చింపివేత సత్యసాయి జిల్లా ధర్మవరంలో నామినేషన్లు వేసేందుకు వెళ్తున్న వైఎస్సార్‌సీపీ అభ్యర్థులు, నాయకులు, కార్యకర్తలపై పచ్చ మూక పెద్ద ఎత్తున రాళ్ల దాడికి పాల్పడింది. వైఎస్సార్‌సీపీ అభ్యర్థులు సాయికుమార్, పుష్పమణిపై టీడీపీ గూండాలు దాడి చేసి వారి నామినేషన్‌ పత్రాలు లాక్కెళ్లారు. కౌన్సిలర్‌ అభ్యర్థులు మేడాపురం వెంకటేశ్, బాలంగోపాల్, సుబ్బరాయుడు, ఎర్రగుంట భాగ్యలక్ష్మి తదితరుల నామినేషన్‌ పత్రాలను బలవంతంగా లాక్కుని చించి వేశారు. మంత్రి సత్యకుమార్‌ యాదవ్‌ అనుచరుడు హరీష్‌ బాబుతో పాటు పలువురు నామినేషన్‌ కేంద్రం వద్దకు వచ్చి వైఎస్సార్‌సీపీ మద్దతు దారులపై ఇష్టారాజ్యంగా రాళ్లతో దాడి చేశారు.ఈ దాడిలో 22 మంది గాయపడ్డారు. ఇందులో ఐదుగురికి తీవ్ర గాయాలయ్యాయి. తీవ్రంగా గాయపడిన వారిలో అప్రాశ్చెర్వు ఈశ్వరయ్య, ఆదినారాయణ, బగ్గిరి బయపరెడ్డి, సుబ్బరాయుడు, గుండా ఈశ్వరయ్య ఉన్నారు. గాయపడిన వారిని వీల్‌ఛైర్లలో కూర్చోబెట్టి మాజీ ఎమ్మెల్యే కేతిరెడ్డి వెంకట్రామిరెడ్డి నిరసన ప్రదర్శన నిర్వహించారు. నామినేషన్‌ దాఖలు చేసేందుకు వెళ్తున్న వారిని అడ్డుకోవడం, దాడులకు దిగడం ద్వారా భయభ్రాంతులకు గురిచేస్తున్నారని ఆయన మండిపడ్డారు.

సాక్షి, అమరావతి: స్థానిక సంస్థల ఎన్నికల్లో నగర పాలక సంస్థలు, మున్సిపాలిటీలకు నామినేషన్ల ప్రక్రియ ప్రారంభమైన తొలి రోజునే అధికార పార్టీ మూకలు నిబంధనలను యథేచ్ఛగా ఉల్లంఘించాయి. వాటిని అమలు చేయాల్సిన అధికార యంత్రాంగం ప్రభుత్వ పెద్దలకు భయపడి చేష్టలుడిగి చూస్తుండిపోయింది. ఇక అధికార పార్టీకి సాగిలపడిన పోలీసు యంత్రాంగం పచ్చ మూకలకు యధాశక్తి సాయపడింది. రాష్ట్ర ఎన్నికల కమిషన్‌ (ఎస్‌ఈసీ) అచేతనంగా ఉండిపోయింది.అర్హత ఉండి, ఆసక్తి కలిగిన ప్రతి ఒక్కరూ ఏ ఎన్నికల్లోనైనా పోటీ చేసే స్వేచ్ఛని రాజ్యాంగం కల్పించింది. అయినా కొద్ది రోజులుగా అధికార పార్టీ నేతలు బలమైన విపక్ష నేతలు నామినేషన్లు వేయకుండా భయభ్రాంతులకు గురి చేస్తున్నారు. నామినేషన్లు ప్రారంభమైన శుక్రవారం పలు చోట్ల విపక్ష నేతలు, అభ్యర్థులపై ఏకంగా దాడులకే దిగారు. నామినేషన్ల దాఖలు సమయంలో ఎన్నికల రిటర్నింగ్‌ ఆఫీసర్‌ (ఆర్‌వో) కార్యాలయానికి వంద మీటర్ల పరిధిలో అభ్యర్థులు, వారి సహాయకులను మాత్రమే అనుమతించాలని ఆర్‌వో నిబంధనావళి ఛాప్టర్‌ –3లో స్పష్టంగా ఉంది. కానీ, పుంగనూరులో వైఎస్సార్‌సీపీ అభ్యర్థులు నామినేషన్లు వేయడానికి వచ్చిన సమయంలో వారిని అడ్డుకునేందుకు వందల మంది అధికార పార్టీ మూకలు ఆర్వో గదిని చుట్టుముట్టడం, దాడులకు దిగడం గమనార్హం. వైఎస్సార్‌సీపీ అభ్యర్థులను అధికార పార్టీ నేతలు భయభ్రాంతులకు గురి చేస్తుండటంతో లోక్‌ సభ సభ్యుడు మిథున్‌రెడ్డి స్వయంగా వారిని ఆర్‌వో కార్యాలయానికి తీసుకొస్తుంటే అధికార పార్టీ మూకలు ఆయన కార్లను వెంటాడి దాడులకు తెగబడ్డాయి. ఆయన అభ్యర్థులను కార్యాలయం సమీపంలో దించి తిరిగి వెళ్తున్న సమయంలోనూ టీడీపీ మూకలు దాడులు చేశాయి.అయినా పోలీసులు, అధికార యంత్రాంగం ఆ మూకలను అడ్డుకొనే ప్రయత్నం చేయలేదు. రాష్ట్రంలోని మరికొన్ని ప్రాంతాల్లోనూ టీడీపీ మూకలు చెలరేగిపోయి సినిమా సీన్లను తలపించే రీతిలో దాడులకు తెగబడినా రాష్ట్ర ఎన్నికల కమిషన్‌ మౌన ముద్ర వహించిందన్న విమర్శలున్నాయి. పుంగనూరు, రాయచోటి, తిరుపతి, దాచేపల్లి వంటి ప్రాంతాల్లో జరిగిన దాడులపై శుక్రవారం ఉదయమే రాష్ట్ర ఎన్నికల కమిషనర్‌కు ఫిర్యాదు చేసినా, ఆయన వాటిని తిరిగి పోలీసుల పరిశీలనకే పంపి చేతులు దులుపుకున్నారన్న విమర్శలున్నాయి.సమస్యాత్మక ప్రాంతాల్లో వీడియో చిత్రీకరణ చేయాల్సి ఉన్నా..ఎస్‌ఈసీ ఆదేశాల మేరకు సమస్యాత్మక ప్రాంతాల్లో నామినేషన్ల ప్రక్రియ మొత్తాన్ని ప్రత్యేక బృందాలతో వీడియో చిత్రీకరణ చేయాలి. ఎన్నికలు జరిగే వంద ప్రాంతాల్లో వెయ్యి స్క్వాడ్‌లను ఏర్పాటు చేసినట్లు షెడ్యూల్‌ విడుదల సమయంలో మున్సిపల్‌ శాఖ డైరెక్టర్‌ తెలిపారు. ఈ స్క్వాడ్‌లు ఎన్నికలు జరిగే పట్టణాల్లో ఎలాంటి ఘర్షణలు జరగకుండా చూడాలి. సమస్యాత్మక ప్రాంతాల్లో్ల ప్రత్యేక వీడియోగ్రాఫర్లను కూడా తీసుకొని వెళ్లి ప్రతి సంఘటనను రికార్డు చేయాలి. అయితే, పుంగనూరు ఆర్వో కార్యాలయం వద్ద, రాయచోటిలో అధికార పార్టీ గూండాలు దాడులు చేస్తూ విధ్వంసం సృష్టించిన సమయంలో ప్రత్యేక ఎన్నికల స్క్వాడ్‌లే కనిపించలేదని వైఎస్సార్‌సీపీ నేతలు ఆరోపిస్తున్నారు.జిల్లాలకే వెళ్లని ఎన్నికల పరిశీలకులు!ఎన్నికల షెడ్యూల్‌ ప్రకటించిన బుధవారం నుంచే ఎన్నికల కోడ్‌ అమలులోకి వస్తుందని ఎస్‌ఈసీ పునేఠా చెప్పారు. శుక్రవారం నుంచి నామినేషన్ల దాఖలు కూడా మొదలైంది. ఎన్నికలు స్వేచ్ఛాయుతంగా, పారదర్శకంగా నిర్వహించేలా, కోడ్‌ ఉల్లంఘనలను నియంత్రించేందుకు ప్రతి జిల్లాకు ఓ ఐఏఎస్‌ అ«ధికారిని ఎన్నికల పరిశీలకులుగా నియమించింది. ఘర్షణలు, వివాదాలపై ఈ పరిశీలకులు ఇచ్చే నివేదికల ఆధారంగానే రాష్ట్ర ఎన్నికల కమిషనర్‌ తుది నిర్ణయం తీసుకుంటారు. అయితే, ఎన్నికల పరిశీలకులుగా నియమితులైన ఐఏఎస్‌ అధికారులు నామినేషన్‌ ప్రక్రియ మొదలైనా వారికి కేటాయించిన జిల్లాలకు వెళ్లలేదని అధికార వర్గాల్లో చర్చ సాగుతోంది. కొందరు అధికారులు ఈ విధులపై ఆసక్తి చూపకపోవడంతో కొన్ని జిల్లాల పరిశీలకులను మార్చాలని రాష్ట్ర ఎన్నికల కమిషన్‌కు వినతులు వచ్చినట్టు సమాచారం. జిల్లాలకు ఎన్నికల పరిశీలకులే వెళ్లకపోవడంతో పుంగనూరు, రాయచోటి, తిరుపతి వంటి చోట్ల జరిగిన ఘర్షణలపై రాష్ట్ర ఎన్నికల కమిషన్‌ ఎవరి నివేదికల ఆధారంగా చర్యలు చేపడుతుందన్న ప్రశ్నలు ఉత్పన్నమవుతున్నాయి.

సాక్షి, అమరావతి : అధికార తెలుగుదేశం పార్టీ అల్లరిమూకల దాడులు, విధ్వంసాలను ఎదుర్కొంటూనే మున్సిపాలిటీలు, కార్పొరేషన్ల ఎన్నికల్లో వైఎస్సార్‌సీపీ అభ్యర్థులు నామినేషన్లు దాఖలు చేస్తున్నారు. టీడీపీ కూటమి ఎన్ని అడ్డంకులు సృష్టించినా, బెదిరింపులకు గురి చేసినా వైఎస్సార్‌సీపీ అభ్యర్థులు, నేతలు వెరవలేదు. అధికార టీడీపీ కూటమికంటే ఎక్కువగా వైఎస్సార్‌సీపీ నామినేషన్లే దాఖలయ్యాయి. 13 నగర కార్పోరేషన్లకు గాను పది చోట్ల, 87 మున్సిపాలిటీలకు 34 చోట్ల తొలి రోజు నామినేషన్లు దాఖలయ్యాయి. రాష్ట్ర ఎన్నికల కమిషన్‌ అధికారికంగా విడుదల చేసిన గణాంకాల ప్రకారం.. 13 నగర కార్పోరేషన్లలో 13 మేయర్‌ పదవులకు తొలిరోజు మొత్తం ఆరు నామినేషన్లు దాఖలయ్యాయి. వీటిలో వైఎస్సార్‌సీపీ తరుఫున రెండు దాఖలయ్యాయి. అన్నా వైఎస్సార్‌ పార్టీ నుంచి మూడు, ఏఏపీ ఒక నామినేషన్‌ దాఖలయ్యాయి. 87 మున్సిపల్‌ ఛైర్‌పర్సన్‌ పదవులకు 43 నామినేషన్లు దాఖలయ్యాయి. 13 చోట్ల వైఎస్సార్‌సీపీ, 15 మంది టీడీపీ తరుఫున నామినేషన్లు దాఖలు చేశారు. జనసేన తరుఫున ఐదుగురు, కాంగ్రెస్‌ నుంచి ఇద్దరు, బీఎస్పీ నుంచి ఒకరు, ఐదుగురు స్వతంత్రులు, ఇతరులు ఇద్దరు నామినేషన్లు దాఖలు చేశారు. కార్పోరేషన్లలో 922 కార్పోరేటర్‌ పదవులకు ఎన్నికలు జరుగుతుండగా.. తొలిరోజు 274 మంది నామినేషన్లు దాఖలు చేశారు. అందులో వైఎస్సార్‌సీపీ తరుఫున అత్యధికంగా 161 మంది నామినేషన్లు దాఖలు చేశారు. 87 మున్సిపాలిటీల్లో 3021 వార్డు కౌన్సిలర్‌ పదవులకు తొలి రోజు మొత్తం 367 నామినేషన్లు దాఖలయ్యాయి. అందులో అత్యధికంగా 190 నామినేషన్లు వైఎస్సార్‌సీపీవే.

పుంగనూరు: రాష్ట్రంలో రెడ్‌బుక్‌ పేరుతో చంద్రబాబు, లోకేశ్‌ అరాచకా­లకు పాల్పడుతున్నార­ని మాజీ మంత్రి, వైఎ­స్సార్‌సీపీ రీజనల్‌ కో–­ఆర్డి­నేటర్‌ డాక్టర్‌ పెద్దిరెడ్డి రామచంద్రారెడ్డి మండిపడ్డారు. శుక్రవారం ఆయన మాట్లాడుతూ.. మున్సిపల్‌ ఎన్నికల్లో నామినేషన్లు వేయనివ్వకుండా వైఎస్సార్‌సీపీ అభ్యర్థులను టీడీపీ గూండాలు అడ్డుకుంటున్నారని మండిపడ్డారు. అభ్యర్థులను నామినేషన్‌ కేంద్రానికి తీసుకెళ్లిన ఎంపీ మిథున్‌రెడ్డిపై టీడీపీ గూండాలు కర్రలు, రాళ్లు, మారణాయుధాలతో దాడులు చేసి, విధ్వంసం సృష్టించారని మండిపడ్డారు.శాంతియుతమైన పుంగనూరుకు బయట ప్రాంతాల నుంచి రౌడీలను తీసుకొచ్చి భయానక వాతావరణం సృష్టిస్తున్నారన్నారు. టీడీపీ ప్రజావిశ్వాసం కోల్పోయిందని.. దీనిని జీర్ణించుకోలేక ఆ పార్టీ నేతలు పోలీసులను అడ్డుపెట్టుకుని అరాచకాలకు పాల్ప­డుతున్నారని ధ్వజమెత్తారు. ఎన్నికల్లో చంద్రబాబుకు ప్రజలు గుణపాఠం చె­బుతారని హెచ్చరించారు. 2029 ఎన్నికల్లో వైఎస్‌ జగన్‌ మళ్లీ ముఖ్యమంత్రి కావడం ఖాయమన్నారు.

రాయచోటి అర్బన్‌ : వెన్నుపోటు పార్టీ కూటమి గూండాల దాడులకు భయపడబోమని, ప్రాణాలైనా ఇస్తా కానీ అధికార కూటమి అరాచకాలపై పోరాటం ఆపనని వైఎస్సార్‌సీపీ రాష్ట్ర ప్రధాన కార్యదర్శి గడికోట శ్రీకాంత్‌ రెడ్డి స్పష్టం చేశారు. రాయచోటి పట్టణంలోని వైఎస్సార్‌సీపీ కార్యాలయంపై టీడీపీ గూండాలు దాడి చేసి, నిప్పు పెట్టడాన్ని తీవ్రంగా ఖండించారు. ఆయన శుక్రవారం ఇక్కడ విలేకరులతో మాట్లాడుతూ.. వైఎస్సార్‌సీపీ కార్యాలయం కేవలం ఒక భవనం కాదని, ప్రజల సమస్యలు వినిపించే ప్రజాభవన్‌ అని, ప్రతి సామాన్యుడిని ఆదరించే దేవాలయమని, అలాంటి కార్యాలయానికి పచ్చమూకలు నిప్పు పెట్టడం దుర్మార్గమని మండిపడ్డారు.ఈ దాడుల్లో తన అనుచరులకు చెందిన దాదాపు 30 వాహనాలకు కూడా నిప్పుపెట్టారని, ద్విచక్ర వాహనాలను ధ్వంసం చేశారని తెలిపారు. పోలీసు వాహనాన్ని కూడా ధ్వంసం చేసి, ఆ ఘటనను తమపైకి నెట్టే ప్రయత్నం చేస్తామని చెప్పడం టీడీపీ దిగజారుడుతనానికి నిదర్శనమని చెప్పారు. అధికార పార్టీకి నిజంగా ధైర్యం, దమ్ము, రాజకీయ ప్రతిష్ట ఉంటే నిష్పక్షపాతంగా పోలింగ్‌ నిర్వహించి ప్రజాభిప్రాయాన్ని నిరూపించుకోవాలని సవాల్‌ విసిరారు. అందులో వారు విజయం సాధిస్తే తాను శాశ్వతంగా రాజకీయాలను వదిలేస్తానని ప్రకటించిన విషయాన్ని గుర్తుచేశారు.ఎన్నికల సమయంలోనే ప్రతిష్ఠ గుర్తుకువస్తుందా?ఈ ఎన్నికలు ప్రతిష్ట అంటూ మున్సిపాలిటీ పరిధిలోని 44 మంది వైఎస్సార్‌సీపీ అభ్యర్థులకు ఫోన్లు చేసి బెదిరిస్తున్న అధికార పార్టీ మంత్రి, పెద్దలు.. రాయచోటిని జిల్లా కేంద్రంగా కొనసాగించే విషయంలో, ప్రజలకు ఇచ్చిన హామీల అమలును ఎందుకు ప్రతిష్టాత్మకంగా తీసుకోలేదని ప్రశ్నించారు. ఎన్నికల సమయంలో మాత్రమే ప్రతిష్ట గుర్తుకు వస్తుందా అని నిలదీశారు. సామాన్య ప్రజలను, బలహీన వర్గాలను, మైనార్టీలను లక్ష్యంగా చేసుకుని వారి ఇళ్లపై దాడులు చేయడం, ఆస్తులను ధ్వంసం చేయడం, భయభ్రాంతులకు గురిచేయడం వంటివి పిరికిపంద చర్యలు అని, ప్రజాస్వామ్యానికి గొడ్డలి పెట్టులాంటివని మండిపడ్డారు. దమ్ముంటే తనతో నేరుగా తలపడాలని సవాల్‌ విసిరారు. రాజ్యాంగబద్ధ వ్యవస్థలను ఒకరిద్దరు వ్యక్తులు వారి స్వార్థ ప్రయోజనాల కోసం దెబ్బతీస్తుంటే చూస్తూ ఊరుకునేది లేదని హెచ్చరించారు. రాయచోటి మున్సిపాలిటీలో స్వేచ్ఛాయుతంగా , నిష్పక్షపాతంగా ఎన్నికలు నిర్వహిస్తే వైఎస్సార్‌సీపీ మెజారిటీ స్థానాలను గెలుచుకుంటుందని చెప్పారు.

సాక్షి, అమరావతి: ప్రజాస్వామ్య వ్యవస్థపై చంద్రబాబు ప్రభుత్వం క్రూరంగా చేసిన దాడిని ఈరోజు ఆంధ్రప్రదేశ్‌ ప్రజలు ప్రత్యక్షంగా చూశారని మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి పేర్కొన్నారు. రాష్ట్రంలో మున్సిపల్‌ ఎన్నికల నామినేషన్ల తొలిరోజే వైఎస్సార్‌సీపీ అభ్యర్థులపై టీడీపీ గూండాలు దాడులకు దిగడంతోపాటు హత్య చేస్తామని బెదిరిస్తూ చివరకు నామినేషన్లు కూడా వేయకుండా అడ్డుకున్నారని తీవ్ర స్థాయిలో మండిపడ్డారు. నామినేషన్లు వేయకుండా అడ్డుకోవడం.. వాహనాలకు నిప్పుపెట్టడం.. నామినేషన్‌ పత్రాలను లాక్కొని చించివేయడం లాంటి ఘటనలు జరుగుతున్నా శాంతి భద్రతలను కాపాడాల్సిన పోలీసులు ప్రేక్షకపాత్ర వహించారని ధ్వజమెత్తారు. కొన్ని చోట్ల ఈ దౌర్జన్యాల్లో భాగస్వాములుగా కూడా మారారని, తమ విధులు నిర్వర్తించని పోలీసులు చంద్రబాబు ఆదేశాలకు అనుగుణంగా వ్యవహరించారని నిప్పులు చెరిగారు. ఈ మేరకు శుక్రవారం ఎక్స్‌లో వైఎస్‌ జగన్‌ పోస్ట్‌ చేశారు. అందులో ఆయన ఇంకా ఏమన్నారంటే..ఎంపీకే రక్షణ కల్పించకపోతే...ఇక సామాన్యుల గతేమిటి?రాజంపేట ఎంపీ, లోక్‌సభలో వైఎస్సార్‌సీపీ పక్ష నేత పీవీ మిథున్‌రెడ్డిపై పుంగనూరులో జరిగిన హత్యాయత్నాన్ని తీవ్రంగా ఖండిస్తున్నా. పార్టీ అభ్యర్థులతో నామినేషన్లు వేయించేందుకు వెళ్లిన ఆయన వాహన శ్రేణిపై టీడీపీ గూండాలు రాళ్లు, కర్రలు, ఇనుపరాడ్లతో దాడి చేశారు. ఆయనకు భద్రత కల్పిస్తున్న సీఆర్‌పీఎఫ్‌ సిబ్బందిని కూడా గాయపరిచారు. వాహనాలను ధ్వంసం చేశారు. మా అభ్యర్థులను నామినేషన్లు వేయకుండా అడ్డుకున్నారు. నామినేషన్ల స్వీకరణ కేంద్రం ప్రాంగణంలోనే పోలీసుల కళ్లెదుట ఇదంతా జరిగింది. ఇంత జరిగినా తర్వాత కూడా మా అభ్యర్థులను మూడు గంటలకుపైగా వేచి ఉంచిన అధికారులు వారి నామినేషన్‌ పత్రాలను మాత్రం స్వీకరించలేదు. లోక్‌సభలో మా పార్టీ పక్ష నేతకే రక్షణ లేకపోతే సామాన్య ప్రజలకు ఎలాంటి భద్రత ఉంటుందని ఆశించగలం?రాయచోటిలో భయోత్పాతం సృష్టించారు..రాయచోటిలో మా అభ్యర్థులను నామినేషన్లు వేయవద్దంటూ బెదిరించారు. ఆ బెదిరింపులను లెక్కచేయకుండా ముందుకు వెళ్లడంతో టీడీపీ గూండాలు మాజీ ఎమ్మెల్యే శ్రీకాంత్‌రెడ్డి కార్యాలయంపై దాడి చేశారు. పార్టీ కార్యాలయానికి, వాహనాలకు నిప్పుపెట్టి మా కార్యకర్తలను గాయపరిచారు. ఈ దాడులకు పాల్పడిన వారిపై కేసులు నమోదు చేసి మా అభ్యర్థులకు రక్షణ కల్పించాల్సిన పోలీసులు అందుకు విరుద్ధంగా వ్యవహరించారు. అభ్యర్థుల ఎంపిక, నామినేషన్‌ పత్రాల తయారీ కోసం మా పార్టీ కార్యాలయంలో సమావేశమైన కార్యకర్తలను అక్కడి నుంచి వెళ్లిపోవాలని ఆదేశించారు. మా పార్టీ కార్యాలయానికి నిప్పు పెడుతున్నా పోలీసులు మౌన ప్రేక్షకులుగా మిగిలిపోయారు.పోలీసుల సమక్షంలోనే అభ్యర్థులపై దాడులుతిరుపతిలో మా పార్టీ మహిళా అభ్యర్థి నామినేషన్‌ పత్రాలను లాక్కుని చించివేశారు. మా నాయకులపై దాడులు చేశారు. ధర్మవరంలో పోలీసుల సమక్షంలోనే అభ్యర్థులపై దాడి చేసి నామినేషన్‌ పత్రాలను లాక్కున్నారు. కడపలో 30వ డివిజన్‌ అభ్యర్థిని అడ్డుకోవడమే కాకుండా రిటర్నింగ్‌ అధికారికి సమర్పించిన నామినేషన్‌ పత్రాలను కూడా లాక్కుని చించివేశారు. అయినా ఒక్క కేసు కూడా నమోదు చేయలేదు. ఎవరిపైనా చర్యలు తీసుకోలేదు. పోలీసుల ఈ సిగ్గుమాలిన నిర్వాకంతో టీడీపీ శ్రేణులు బహిరంగంగానే ఎన్నికల ప్రక్రియను అడ్డుకునేందుకు తెగబడుతున్నాయి. దాచేపల్లిలో మా నగర పంచాయతీ చైర్మన్‌ అభ్యర్థి వాహనంలో మద్యం సీసాలు పెట్టి ఆయనను నామినేషన్‌ వేయకుండా నిర్బంధించారు. ప్రభుత్వ యంత్రాంగం బాబు సొంత ఆస్తి కాదు..ప్రభుత్వ యంత్రాంగం తన పార్టీ సొంత ఆస్తి కాదన్న విషయాన్ని చంద్రబాబు గుర్తించాలి. ఇలా హింస, దౌర్జన్యాలతో ప్రజల్లో కోల్పోయిన విశ్వాసాన్ని టీడీపీ తిరిగి పొందలేదు. ఇలాంటి ప్రతి దాడి... ప్రజల పక్షాన నిలబడి వారి ప్రజాస్వామ్య హక్కులను కాపాడాలన్న మా సంకల్పాన్ని మరింత బలోపేతం చేస్తుంది.బెదిరింపులకు లొంగేది లేదు..వైఎస్సార్‌సీపీ కార్యకర్తలందరికీ నేను అండగా నిలబడతా. బెదిరింపులకు లొంగేది లేదు. ప్రజాస్వామ్య పరిరక్షణ కోసం చేస్తున్న పోరాటాన్ని వీడే ప్రసక్తే లేదు. ప్రతి ఘ­టనపైనా సమగ్ర దర్యాప్తు జరగాలి. దాడులకు పాల్పడిన ప్రతి ఒక్కరినీ బాధ్యులను చేయాలి. ఈ హింసకు సహకరించిన ప్రతి అధికారిని జవాబుదారీగా నిలబెట్టాలి.అభ్యర్థులకు రక్షణ కల్పించాలి..రాష్ట్ర ఎన్నికల సంఘం (ఎస్‌ఈసీ) తక్షణమే జోక్యం చేసుకోవాలి. దాడులు, బెదిరింపుల కారణంగా నామినేషన్లు దాఖలు చేయలేకపోయిన అభ్యర్థులందరికీ నామినేషన్లు వేసే అవకాశం కల్పించాలి. కేంద్ర బలగాలను మోహరించి ఎన్నికల్లో భద్రత కల్పించాలి. అభ్యర్థులు ఎలాంటి భయాందోళనలు లేకుండా పోటీ చేసే పరిస్థితులు ఉండాలి. ప్రజలు తమ ప్రతినిధులను స్వేచ్ఛగా ఎన్నుకునే వాతావరణం కల్పించాలి.ఆన్‌లైన్‌లో నామినేషన్లు స్వీకరించాలి..నామినేషన్ల దాఖలుకు కేంద్రీకృత విధానాన్ని లేదా పారదర్శకమైన, సురక్షితమైన ఆన్‌లైన్‌ నామినేషన్‌ విధానాన్ని అందుబాటులోకి తీసుకు రావాలి. అన్ని పోలింగ్‌ కేంద్రాల్లో సీసీటీవీ కెమెరాలు ఏర్పాటు చేసి ప్రత్యక్ష ప్రసార ఫుటేజీ అందుబాటులో ఉంచాలి. బ్యాలెట్‌ బాక్సులను ట్యాంపరింగ్‌ చేయకుండా నిరోధించేందుకు అన్ని స్ట్రాంగ్‌ రూమ్‌లలో సీసీటీవీ ప్రత్యక్ష ప్రసార పర్యవేక్షణ ఉండాలి. అన్ని ఓట్ల లెక్కింపు కేంద్రాల్లోనూ సీసీటీవీ ప్రత్యక్ష ప్రసార పర్యవేక్షణ ఏర్పాటు చేయాలి. బ్యాలెట్‌ పేపర్‌ అకౌంట్‌లోని సంతకాలను సక్రమంగా పరిశీలించడంతో పాటు ఓట్ల లెక్కింపు ప్రక్రియ మొత్తాన్ని పర్యవేక్షించాలి. స్థానిక ఎన్నికలు స్వేచ్ఛాయుతంగా, నిష్పక్షపాతంగా నిర్వహించేందుకు పారా మిలిటరీ బలగాలను రప్పించాలి.

ప్రజాస్వామ్యాన్ని ఖూనీ చేశారు.. రాజ్యాంగాన్ని కాలరాశారు.. రాజకీయ కక్షతో చంద్రబాబు రాష్ట్రాన్ని హింసాగ్నిలోకి నెట్టారు. మున్సిపల్‌ ఎన్నికల నామినేషన్ల తొలి రోజే పచ్చమూకల దాడులు, దౌర్జన్యాలు, బెదిరింపులు, విధ్వంసకాండతో రాష్ట్రం అట్టుడికింది. పుంగనూరులో సాక్షాత్తూ ఎంపీ మిథున్‌రెడ్డిపై హత్యాయత్నం.. రాయచోటిలో వైఎస్సార్‌సీపీ కార్యాలయానికి నిప్పు.. వాహనాల దగ్థం.. ధర్మవరంలో రాళ్లదాడి.. తిరుపతిలో నామినేషన్‌ పత్రాల చించివేత.. తాడిపత్రిలో బెదిరింపులు.. గుత్తిలో కిడ్నాప్‌! ఒక్కటే దుర్మార్గపు రాజకీయ లక్ష్యంగా వైఎస్సార్‌సీపీని ఎన్నికల బరి నుంచి తప్పించడం! ఎక్కడ నామినేషన్‌ వేయడానికి అడుగుపెట్టినా దాడులు.. ఎక్కడ అభ్యర్థి కనిపించినా బెదిరింపులు.. ఎక్కడ ప్రతిపక్షం గొంతెత్తినా దౌర్జన్యాలు! రాళ్లు, కొడవళ్లు, రాడ్లు, కర్రలు, పెట్రోల్‌ బాటిళ్లతో పేట్రేగిన పచ్చమూకలు.. ప్రజాస్వామ్యాన్ని పచ్చస్వామ్యంగా మార్చే కుట్రకు తెగబడ్డాయి! ప్రజల తీర్పుతో గెలవాల్సిన ఎన్నికలను గూండాల బలంతో శాసించాలనే దురహంకారం.. ప్రతిపక్ష అభ్యర్థులను భయపెట్టి నామినేషన్లకు దూరం చేయాలనే కక్ష.. పోలీసుల కళ్లముందే సాగిన దాడులు.. చంద్రబాబు పాలనలో ఎన్నికల స్వేచ్ఛపై తీవ్ర ప్రశ్నలు రేకెత్తిస్తున్నాయి. ఇది రాజకీయ పోరాటం కాదు.. ప్రతిపక్షంపై పచ్చమూకలు సాగిస్తున్న దౌర్జన్యకాండ! ఇది ఎన్నికల ప్రచారం కాదు.. ప్రజాస్వామ్య హక్కులపై సాగుతున్న దాడి! ఇది అధికార దర్పం కాదు.. గూండారాజ్‌ బరితెగింపు! తన పాలనపై నమ్మకం లేకపోవడం.. ప్రజలు ఛీత్కరిస్తారనే భయం.. వెరసి చంద్రబాబు ఈ గూండారాజ్‌కు తెరతీశారు. నారాసుర రక్తచరిత్రకు మళ్లీ నాంది పలికారు.

సాక్షి, అమరావతి: మున్సిపల్‌ ఎన్నికల నామినేషన్ల ప్రక్రియ శుక్రవారం ఉదయం 11 గంటలకు ప్రారంభం కానుంది. విజయనగరం సహా రాష్ట్రవ్యాప్తంగా 13 నగర కార్పొరేషన్లు, 77 మున్సిపాలిటీలు, 10 నగర పంచాయతీలు కలిపి మొత్తం 100చోట్ల మున్సిపల్‌ ఎన్నికలు నిర్వహించేందుకు రాష్ట్ర ఎన్నికల కమిషనర్‌ అనిల్‌చంద్ర పునేఠ బుధవారమే షెడ్యూల్‌తో పాటు ఎన్నికల నోటిఫికేషన్‌ కూడా జారీచేసిన విషయం తెలిసిందే. ఆ మేరకు 13 మేయర్‌ పదవులతో పాటు 922 కార్పొరేటర్‌ పదవులకు.. 77 మున్సిపాలిటీలు, 10 నగర పంచాయతీల్లో మొత్తం 87 చైర్మన్‌ పదవులు, 3,020 వార్డు కౌన్సిలర్‌ పదవులకు స్థానిక ఎన్నికల రిటర్నింగ్‌ అధికారులు శుక్రవారం ఉదయం వేర్వేరుగా ఎన్నికల నోటిఫికేషన్లు విడుదల చేయనున్నారు. అనంతరం 11 గంటల నుంచి నామినేషన్ల స్వీకరణ ప్రారంభమవుతుందని రాష్ట్ర ఎన్నికల కమిషన్‌ అధికారులు తెలిపారు. 18వ తేదీ సా.3 గంటల వరకు నామినేషన్ల స్వీకరణ ప్రక్రియ కొనసాగుతుంది. విజయనగరం కార్పొరేషన్‌ పోలింగ్‌ తేదీ మార్పు?ఉత్తరాంధ్ర వాసుల ఆరాధ్య దైవమైన పైడితల్లమ్మ సిరిమానోత్సవం ఈనెల 27న జరగనున్నందున విజయనగరం మున్సిపల్‌ కార్పొరేషన్‌ పోలింగ్‌ తేదీని ఈనెల 28 నుంచి 29కి మార్చాలని కోరుతూ జిల్లా కలెక్టర్‌ రామసుందర్‌రెడ్డి రాష్ట్ర ఎన్నికల కమిషన్‌కు లేఖ రాశారు. ఉత్సవం రోజున పోలీసులు, ఇతర అధికార యంత్రాంగం ఉత్సవ విధుల్లో ఉండడంవల్ల ఎన్నికల విధులపై ప్రభావం పడుతుందని ఆయన పేర్కొన్నారు. దీనిపై రాష్ట్ర ఎన్నికల కమిషన్‌ ఒకట్రెండు రోజుల్లోనే సానుకూల నిర్ణయం తీసుకునే అవకాశముందని కమిషన్‌ కార్యాలయ అధికారులు వెల్లడించారు.

సాక్షి, అమరావతి: మునిసిపల్, జెడ్పీటీసీ, ఎంపీటీసీ ఎన్నికల సందర్భంగా నామినేషన్లు వేసే పరిస్థితిలో లేని అభ్యర్థులు స్వేచ్ఛగా నామినేషన్లు దాఖలు చేసేందుకు వీలుగా ప్రతి కలెక్టర్‌ కార్యాలయం లేదా జిల్లా ఎన్ని­కల అధికారి కార్యాలయంలో తగిన ఏర్పాటు చేసేలా రాష్ట్ర ఎన్నికల సంఘాన్ని ఆదే­శిం­చాలని కోరుతూ వైఎస్సార్‌సీపీ దాఖలు చేసిన వ్యాజ్యంపై హైకోర్టు స్పందించింది.‘స్వేచ్ఛగా నామినేషన్లు దాఖలు చేసేందుకు వీలుగా తనకు కలెక్టర్‌ కార్యాలయం లేదా ఎన్నికల అధికారి కార్యాలయంలో నామినేషన్‌ వేసేందుకు వెసులుబాటునివ్వాలని ఎవరైనా అభ్యర్థి వినతి పత్రం సమర్పిస్తే, దానిపై మూడు రోజుల్లోపు తగిన చర్యలు తీసుకోవాలి’ అని హైకోర్టు గురువారం ఎన్నికల సంఘం అధికారులను ఆదేశించింది. వైఎస్సార్‌సీపీ ప్రధాన కార్యదర్శి లేళ్ల అప్పిరెడ్డి దాఖలు చేసిన పిటిషన్‌పై న్యాయమూర్తి జస్టిస్‌ మండవ కిరణ్మయి ఈ మేరకు తీర్పు వెలువరించారు.క్రిమినల్‌ కేసుల వివరాలిచ్చేలా ఆదేశాలివ్వండిహైకోర్టులో వైఎస్సార్‌సీపీ పిటిషన్‌.. నేడు విచారణసాక్షి, అమరావతి: స్థానిక ఎన్నికల్లో పోటీ చేసే అభ్యర్థులు తమపై నమోదైన కేసుల వివరాలు ఇవ్వాలని కోరితే, ఆ వివరాలను నిర్ణీత గడువులోపు అందించేలా పోలీసులను ఆదేశించాలని కోరుతూ వైఎస్సార్‌సీపీ హైకోర్టును ఆశ్రయించింది. ఒకవేళ ఎలాంటి కేసులు లేకపోతే, ఆ విషయాన్ని తెలియజేస్తూ ధ్రువీకరణ పత్రం ఇచ్చేలా కూడా ఆదేశాలు జారీ చేయాలని తమ పిటిషన్‌లో హైకోర్టును అభ్యర్థించింది.‘ఏ పోలీసు స్టేషన్‌లో కేసు నమోదైంది.. క్రై మ్‌ నంబర్‌ ఎంత వంటి వివరాలతో కూడిన ఒక అధికారిక ధ్రువీకరణ పత్రాన్ని రెండు రోజుల్లోగా లేదా నిర్ణయించిన గడువులోగా అభ్యర్థికి అందించేలా ఆదేశాలివ్వండి.’ అని వైఎస్సార్‌సీపీ తన పిటిషన్‌లో కోర్టును కోరింది. ఈ వ్యాజ్యంపై అత్యవసర విచారణ జరపాలని సీనియర్‌ న్యాయవాది పొన్నవోలు సుధాకర్‌రెడ్డి గురువారం అభ్యర్థించగా శుక్రవారం వాదనలు వింటామని జస్టిస్‌ వడ్డిబోయన సుజాత స్పష్టంచేశారు.నామినేషన్ల గడువును 6 రోజులకు పెంచాలిసాక్షి, అమరావతి: స్థానిక ఎన్నికల్లో నామినేషన్ల దాఖలుకు కేవలం మూడు రోజుల గడువును మాత్రమే ఇవ్వడాన్ని సవాలు చేస్తూ భారత చైతన్య పార్టీ అధ్యక్షుడు బోడే రామచంద్ర యాదవ్‌ హైకోర్టులో పిటిషన్‌ దాఖలు చేశారు. ఆంధ్రప్రదేశ్‌ మునిసిపాలిటీలు, మునిసిపల్‌ కార్పొరేషన్ల చట్ట నిబంధనల ప్రకారం నామినేషన్ల గడువును ఆరు రోజులకు పెంచేలా ఎన్నికల కమిషన్‌ను ఆదేశించాలని ఆయన వ్యాజ్యంలో హైకోర్టును కోరారు. ఎన్నికల సంఘం నిర్దేశించిన 3 రోజుల గడువు నామినేషన్ల దాఖలుకు ఎంత మాత్రం సరిపోదని స్పష్టంచేశారు. గత ఎన్నికల సమయంలో అనుభవాలను ఎన్నికల సంఘం పరిగణనలోకి తీసుకోలేదని వివరించారు. ఎన్నికల్లో పోటీ చేసేందుకు అవసరమైన నో డ్యూస్‌ సర్టిఫికేట్, కుల ధ్రువీకరణ పత్రాలు వంటి డాక్యుమెంట్లను అధికారులు సమర్పించేందుకు సైతం తగిన గడువు అవసరమని ఆయన తన పిటిషన్‌లో పేర్కొన్నారు.

బిగ్‌బాస్ తెలుగు సీజన్‌ 10 ఆరో వారానికి చేరుకుంది. గతవారంలో డబుల్ ఎలిమినేషన్‌ కాగా.. వైల్డ్ ఫైర్ అంటూ ఐదుగురు కొత్త కంటెస్టెంట్లను హౌస్‌లోకి తీసుకొచ్చారు. ఈ సోమవారం నుంచి నామినేషన్ల పర్వం మొదలైంది. తొలి రోజు కొందరు నామినేట్ కాగా.. రెండో రోజు నామినేషన్స్‌లో హౌస్‌ హీటెక్కిపోయింది. ఒకరిపై ఒకరు కారణాలు ఓ రేంజ్‌లో రెచ్చిపోయారు. రోహిత్‌, శివకుమార్‌కు మధ్య చిన్నపాటి యుద్ధమే నడిచింది.ఇప్పటికే నామినేషన్స్‌లో ఝాన్సీ, వంశీ, అమన్, వర్షిణి ఉన్నారు. రెండో రోజు రామ్ ప్రసాద్, షాలిని కూడా నామినేట్ ‍అయ్యారు. రామ్ ప్రసాద్‌ను ముకేశ్ నామినేట్ చేయగా.. షాలినిని దెబ్జానీ నామినేట్ చేశారు. షాలినిని వంశీ కూడా టార్గెట్‌ చేశారు. ఆమెతో చాలాసేపు వాదించారు. ఆ తర్వాత రోహిత్‌ను త్రిగుణ్ నామినేట్ చేశారు. నామినేషన్స్‌ టైమ్‌లో రోహిత్‌, త్రిగుణ్‌కు మధ్య మాటల యుద్ధం నడిచింది. రోహిత్‌ను ఉద్దేశించిన నీది రొట్ట గ్యాంగ్‌ అంటూ త్రిగుణ్ రెచ్చిపోయాడు.ఆ తర్వాత రోహిత్‌కు.. వంశీకి పెద్ద గొడవే జరిగింది. ఏకంగా కొట్టుకునే వరకు వెళ్లారు. అలా ఈ వారంలో వంశీ, అమన్, వర్షిణి, రామ్ ప్రసాద్, షాలిని, రోహిత్ నామినేషన్స్‌లో నిలిచారు. నామినేషన్స్ ప్రక్రియ ముగియగానే కంటెస్టెంట్స్‌కు టాస్క్‌లు ఇచ్చాడు బిగ్‌బాస్. దశవాతారంలో భాగంగా రోడ్ బ్లాక్‌ గేమ్‌లో ఇద్దరిద్దరు కంటెస్టెంట్స్‌ తలపడ్డారు. ఈ టాస్క్‌లో నరేశ్, రోహిత్‌కు మధ్య వాగ్వాదం జరిగింది. మధ్యలో చరణ్ టాపిక్‌ తీసుకొచ్చారు. నీ గేమ్ చాలా వీక్‌ ఉందని రోహిత్‌కు ఇచ్చిపడేశాడు నరేశ్. అలా ఈ ఎపిసోడ్ ముగిసింది.

సాక్షి, అమరావతి: స్థానిక సంస్థల ఎన్నికల్లో అభ్యర్ధులు ఆన్‌లైన్‌లో నామినేషన్లు దాఖలు చేసుకునే వెసులుబాటు కల్పించాలంటూ రాజకీయ పార్టీల నుంచి అందిన సూచనను పరిశీలిస్తామని రాష్ట్ర ఎన్నికల కమిషనర్‌ అనిల్‌ చంద్రపునేఠ తెలిపారు. స్థానిక సంస్థల ఎన్నికల నిర్వహణపై మంగళవారం ఆయన రాజకీయ పార్టీలతో సమావేశం నిర్వహించి సూచనలు స్వీకరించారు. టీడీపీ, వైఎస్సార్‌సీపీ, జనసేన, బీజేపీ, సీపీఎం, సీపీఐ, కాంగ్రెస్‌ సహా మొత్తం 19 రాజకీయ పార్టీల ప్రతినిధులు హాజరయ్యారు. అనంతరం రాష్ట్ర ఎన్నికల కమిషన్‌ కార్యదర్శి మల్లిఖార్జునతో కలసి ఎస్‌ఈసీ పునేఠ విలేకరులతో మాట్లాడారు. పోటీ చేసే ఆశావహులకు కులధ్రువీకరణ, నో డ్యూస్‌ పత్రాలు జారీలో జాప్యం జరుగుతోందని, ఎన్నికల్లో పారదర్శకత కోసం సీసీ టీవీ కవరేజీ పెద్ద ఎత్తున చేపట్టాలని, ఓటర్లను ప్రభావితం చేసే మద్యాన్ని నియంత్రించాలని, అభ్యర్థులకు పటిష్ట భద్రత కల్పించాలని రాజకీయ పార్టీల ప్రతినిధులు సూచనలు చేసినట్లు పేర్కొన్నారు. పోటీ చేసే అభ్యర్థులందరికీ కుల ధ్రువీకరణ, నో డ్యూస్‌ సర్టిఫికెట్లు చాలా కీలకమని, ఆయా సర్టిఫికెట్లు తక్షణమే జారీ చేయాలని జిల్లా యంత్రాంగానికి సూచించినట్లు రాష్ట్ర ఎన్నికల కమిషన్‌ తెలిపారు.ఆయా పార్టీల నుంచి వచ్చిన ఇతర సూచనలను రాష్ట్ర ఎన్నికల కమిషన్‌ పరిశీలిస్తుందని చెప్పారు. సాధ్యమైనవి, సాధ్యమైనంత మేర అమలు చేస్తామన్నారు. కలెక్టరేట్‌ లేదా ఆర్డీవో కార్యాలయాల్లోనూ నామినేషన్లు స్వీకరించాలన్న వినతిపై ఆయన స్పందిస్తూ.. ఎన్నికలకు సంబంధించి కొన్ని సంప్రదాయాలు ఉన్నాయని, వాటిని వెంటనే మార్పు చేయడం కుదరదన్నారు. ఎక్కడైనా ఎన్నికల రిటర్నింగ్‌ అధికారులు లేదా కలెక్టర్లనుంచి ప్రతిపాదన వస్తే పాటిస్తామన్నారు. పారా మిలటరీ బలగాల పర్యవేక్షణలో ఎన్నికలు నిర్వహించాలన్న విజ్ఞప్తులను పోలీస్‌శాఖకు పంపామని, పరిశీలించి తగిన నిర్ణయం తీసుకుంటారని తెలిపారు. రిజర్వేషన్ల గెజిట్‌ నోటిఫికేషన్, ఎన్నికల సంసిద్ధత తెలియజేస్తూ సంబంధిత శాఖలు ధ్రువీకరణ పత్రాలు రాష్ట్ర ఎన్నికల కమిషన్‌కు అందజేయగానే ఎన్నికల నోటిఫికేషన్‌ జారీకి చర్యలు చేపడతామని తెలిపారు. పండుగ రోజు ఎలాంటి ఎన్నికల కార్యక్రమాలు లేకుండా ఏర్పాట్లు చేస్తామన్నారు. ఎన్నికల నిబంధనలు మేరకు ఓటర్ల జాబితాలపై నిర్ణయాలు ఉంటాయన్నారు. సరిగ్గా నోటిఫికేషన్‌కు ముందు మీటింగ్‌లా?: సీపీఎం తక్కువ వ్యవధి ఉండే స్థానిక సంస్థల ఎన్నికలను దసరా సమయంలో చేపట్టడం సరికాదని చెప్పాం. తర్వాత ఎన్నికల షెడ్యూల్‌ విడుదల చేయాలని కోరాం. సరిగ్గా నోటిఫికేషన్‌ జారీకి ముందు రాజకీయ పార్టీలతో మీటింగ్‌లు కాకుండా ముందే ఇలాంటి సమావేశం నిర్వహిస్తే బాగుండేదని చెప్పాం. నోటిఫికేషన్‌ జారీకి అంతా సిద్దం చేశాక పార్టీలతో మీటింగ్‌లు సరికాదు. నామినేషన్లు అన్‌లైన్‌లో కూడా సమర్పించేలా అవకాశమివ్వాలని కోరాం. కుల ధృవీకరణ పత్రాల కోసం దరఖాస్తు చేసుకునే వారికి 24 గంటల్లో అందించాలి. – వై వెంకటేశ్వరరావు (సీపీఎం)వ్యయ పరిమితులపై అభ్యంతరం: జనసేన కూటమిలో భాగస్వామి పార్టీగా ఎన్నికలు స్వేచ్ఛగా జరిగేందుకు సహకరిస్తాం. అభ్యర్థి ఎన్నికల వ్యయ వ్యత్యాసాల గురించి రాష్ట్ర ఎన్నికల కమిషన్‌కు జనసేన తరఫున పిర్యాదు చేశాం. విశాఖలో మేయర్‌ వ్యయ పరిమితి రూ. 40 లక్షలుగా నిర్ణయించి కార్పొరేటర్‌ వ్యయం రూ. 20 లక్షలుగా నిర్దేశించడం సరికాదు. లౌడ్‌ స్పీకర్ల తీవ్రతను నియంత్రించాలని కోరాం. –శివశంకర్‌ (జనసేన)పులివెందుల జడ్పీటీసీ ఎన్నికలు ఓ ట్రైలర్‌: సీపీఐ కూటమి సర్కారు అధికారంలోకి వచ్చాక జరిగిన పులివెందుల జడ్పీటీసీ, విద్యా కమిటీ ఎన్నికల మాదిరిగా స్థానిక ఎన్నికలు జరగకూడదని రాష్ట్ర ఎన్నిక కమిషనర్‌ను కోరాం. అధికార పార్టీ అక్రమాలకు అవి ఒక ట్రైలర్‌గా మేం భావిస్తున్నాం. పులివెందుల జడ్పీటీసీ ఎన్నికల్లో ప్రతిపక్షాలను ప్రచారమే చేయకుండా చేశారు. విద్యా కమిటీ ఎన్నికల్లో అధికార పార్టీ సానుభూతి పరులు గెలవని చోట రద్దు చేశారు. పోలీసులే నామినేషన్లు ఉపసంహరించుకోవాలని బెదిరిస్తున్న పరిస్థితులు చూస్తున్నాం. స్థానిక సంస్థల ఎన్నికలకు సంబంధించి ముందుగా రాజకీయ పార్టీలతో సమావేశం నిర్వహించకుండా షెడ్యూల్‌ వెలువడే వేళ హడావుడిగా ముగించడం సరికాదు. గ్రామాల్లో కూడా సెప్టెంబరు వరకు ఓటు అర్హత ఉన్నవారికి అవకాశమివ్వాలని కోరాం. – జగదీష్, శంకర్‌ (సీపీఐ)అన్ని ఎన్నికలకు ఒకేసారి షెడ్యూల్‌ వద్దు: బీజేపీ పండుగ నేపథ్యంలో మున్సిపల్, మండల జిల్లా పరిషత్, గ్రామ పంచాయతీల ఎన్నికలకు ఒకేసారి షెడ్యూల్‌ కాకుండా వేర్వేరుగా ప్రకటించాలి. ఉమ్మడి జిల్లాల ప్రాతిపదికన అభ్యర్థులకు కొత్త జిల్లాల్లో పోటీ చేసే అవకాశమివ్వాలి. పండుగ నేపథ్యంలో లౌడ్‌ స్పీకర్లకు అనుమతులు తదితర అంశాల్లో రాజకీయ పార్టీలకు వెసులుబాటు కల్పించాలి. అభ్యర్ధులకు కుల ధ్రువీకరణ, నో డ్యూస్‌ సర్టిఫికెట్లు నిర్ణీత సమయంలో నేరుగా జారీ చేసేలా చర్యలు చేపట్టాలి. ఓటర్‌ స్లిప్‌లు ప్రభుత్వమే జారీ చేయాలి. – రమేష్‌ నాయుడు, శ్రీనివాసరాజు(బీజేపీ) పారా మిలటరీ బలగాలతో నిర్వహించాలి: కాంగ్రెస్‌ మొక్కుబడిగా రాష్ట్ర ఎన్నికల కమిషన్‌ మీటింగ్‌ పెట్టింది. స్థానిక ఎన్నికల కోసం ప్రభుత్వం ప్రకటించిన మున్సిపల్‌ రిజర్వేషన్లలో ఎస్సీ, ఎస్టీలకు అన్యాయం జరిగింది. కొన్ని జిల్లాల్లో ఆయా వర్గాలకు ఒక్క రిజర్వేషనూ రాలేదు. ప్రకాశం జిల్లాలో బీసీ, ఎస్సీలకు రిజర్వేషన్లు రాలేదు. పారదర్శక ఎన్నికల కోసం ఆన్‌లైన్‌లో నామినేషన్లు దాఖలుకు వీలు కల్పించాలి. స్థానిక పోలీసులతో ఎన్నికల నిర్వహణ వల్ల న్యాయం జరిగే అవకాశం ఉండదు. పారామిలటరీ బలగాలతో ఎన్నికలు జరపాలి. –మస్తాన్‌వలి (కాంగ్రెస్‌)

బిగ్‌బాస్ తెలుగు 10లో ఐదోవారం వచ్చేసింది. దీంతో ఎప్పటిలానే నామినేషన్ల హడావుడి మొదలైపోయింది. ఓ గుమ్మడికాయని దాచిపెట్టి ఇద్దరిద్దర్ని పిలవగా.. ఇది దొరికినవాళ్లు ఇద్ద‌రు, ఓడిపోయినవాళ్లు ఒకరిని నామినేట్ చేసే అవ‌కాశం దక్కింది. గతవారం ఇమ్యూనిటీ లభించడంతో సుధీర్, వంశీ.. కెప్టెన్ కావ‌డంతో వ‌ర్షిణిని నామినేట్ చేసేందుకు వీలులేదు. ఇంతకీ సోమవారం(అక్టోబర్ 05) ఎపిసోడ్‌లో అసలేం జరిగింది? ఎవరెవరు నామినేట్ అయ్యారు?(ఇదీ చదవండి: సోషల్ మీడియాకు భయపడి 'ఆదర్శ కుటుంబం' వాయిదా)కెప్టెన్ వ‌ర్షిణి మొదటగా వెళ్లి గుమ్మ‌డికాయ‌ని దాచిపెట్ట‌గా.. రాంప్ర‌సాద్, ముకేశ్ వెతికారు. రాంప్రసాద్‌కి అది దొరికింది. దీంతో అమన్‌ని నామినేట్ చేశాడు. నువ్వు నా హీరోవి, అయిన‌ప్ప‌టికి రోహిత్‌ని అలా అన‌డం న‌చ్చ‌లేదు.. గేమ్‌లో కోపం చూపించుకో, కానీ బ‌య‌టకాదని చెబుతూ త్రిగుణ్‌ని నామినేట్ చేశాడు. దీంతో త్రిగుణ్ మాట్లాడుతూ.. తాను డిఫెండ్ చేసుకోన‌ని రోహిత్‌కు సారీ చెప్పాడు. రోహిత్ మాత్రం తాను క్ష‌మించ‌న‌ని చెప్పాడు. ఈ క్ర‌మంలో త్రిగుణ్, రోహిత్‌ల మ‌ధ్య గొడవ జరిగింది.తర్వాత అవకాశం దక్కడంతో ముకేశ్.. అపూర్వ‌ని నామినేట్ చేశాడు. కెప్టెన్సీ చేసిన టైంలో ప్ర‌వ‌ర్త‌న న‌చ్చ‌లేద‌ని కారణం చెప్పాడు. ఈ క్ర‌మంలో అపూర్వ‌, ముకేశ్ మ‌ధ్య మాట‌ల యుద్ధం న‌డించింది. ట్ర‌యాంగిల్ ల‌వ్ స్టోరీ, చిన్న‌దో వైపు పెద్ద‌దో వైపు లాంటి మాట‌లు మాట్లాడ‌డం ప‌ద్ద‌తి కాద‌ని అపూర్వ చెప్పుకొచ్చింది. తర్వాత వంశీ గుమ్మ‌డికాయ దాచిపెట్ట‌గా.. అమ‌న్‌, త్రిగుణ్‌ వెతికారు. చివరకు త్రిగుణ్‌కే దొరికింది. న‌న్ను రెచ్చ‌గొట్టింది. బిగ్‌బాస్ రూల్స్ బ్రేక్ చేశారు? ఇక్క‌డ విష‌యాలు అక్క‌డ‌, అక్క‌డ విష‌యాలు ఇక్క‌డ చెప్ప‌డం న‌చ్చ‌లేద‌ని చెబుతూ అపూర్వ‌ని నామినేట్ చేశాడు. తర్వాత అమ‌న్‌ని నామినేట్ చేశాడు. అనంతరం అమన్.. ఒక‌రిని మోటివేట్ చేయ‌డానికి మ‌రొక‌రిని కించ‌ప‌రిచాడు. బ‌చ్చాగాడు అన్నాడని చెబుతూ ముకేశ్‌ని అమ‌న్ నామినేట్ చేశాడు.న‌రేశ్ గుమ్మ‌డికాయ‌ దాచ‌గా.. షాలిని, వ‌ర్షిణి వెతికారు. వ‌ర్షిణి గెలిచింది. వైల్డ్ కార్డ్‌లా వ‌చ్చి పోస్ట్‌కార్డులా ప‌నిచేస్తున్నావని కారణం చెప్పి అపూర్వ‌ని నామినేట్ చేసింది. తర్వాత రోహిత్‌ని నామినేట్ చేసింది. షాలిని.. త్రిగుణ్‌ని నామినేట్ చేసింది. మాట‌లు జారుతూ ఉంటారు. డామినేష‌న్ చేస్తారు? అని తన కారణాలు చెప్పింది. అలా సోమవారం ఎపిసోడ్ ముగిసింది. మొత్తంగా చూస్తే ఈ వారం ఇప్పటివరకు సగం నామినేష‌న్స్ జరిగాయి. మిగతా ప్రక్రియ మంగళవారం ఉండనుంది. (ఇదీ చదవండి: ఓటీటీలోకి తెలుగు రొమాంటిక్ సినిమా.. అధికారిక ప్రకటన)

బిగ్‌బాస్ తెలుగు 10వ సీజన్‌లో నాలుగో వారం సృష్టి ఎలిమినేట్ అయింది. అలా ఆదివారం ఎపిసోడ్ ముగిసింది. ఇక సోమవారం రావడంతో ఎప్పటిలానే నామినేషన్ల హడావుడి నడిచింది. ఈసారి కామనర్ అపూర్వ రెచ్చిపోయింది. ప్రోమో అంతా దాదాపుగా ఈమెనే కనిపించింది. వర్ణిణి, ముకేశ్‌లతో గొడవలు పెట్టుకుంది. ఇంతకీ ఈ వారం ఎవరెవరు నామినేట్ అయ్యారు? ప్రోమోలో ఏముంది?(ఇదీ చదవండి: బిగ్‌బాస్ 10: సృష్టి ఎలిమినేట్.. నాలుగు వారాలకు రెమ్యునరేషన్ ఎంతంటే?)ఈసారి నామినేషన్ల ప్రక్రియ కోసం 'రోడ్ టూ రీలోడ్' అనే కాన్సెప్ట్‌ని బిగ్‌బాస్ పెట్టాడు. ఇందులో భాగంగా కంటెస్టెంట్స్‌లో ఒకరు ఓ పండుని తీసుకుని ఎదురుగా ఉన్న బాక్సుల్లో ఏదో ఒకదాని దిగువన దాస్తారు. నామినేట్ చేయాలనుకున్న ఇద్దరు హౌస్‌మేట్స్.. దాన్ని వెతికి పట్టుకోవాల్సి ఉంటుంది. ఎవరికైతే అది మొదటగా దొరుకుతుందో వాళ్లకు నామినేట్ చేసే అవకాశం దక్కుతుంది.ప్రోమోలో చూపించినట్లు రాంప్రసాద్.. అమన్‌ని, ముకేశ్.. అపూర్వని, త్రిగుణ్ కూడా అపూర్వనే నామినేట్ చేశాడు. మొత్తంగా చూస్తే ఈసారి నామినేషన్ ప్రక్రియ మంచి హుషారుగా గొడవలు, కొట్లాటలతో రంజుగా ఉండబోతున్నట్లు తెలుస్తోంది. అలా ఐదోవారానికిగానూ త్రిగుణ్, అమన్, రోహిత్, శాలిని, అపూర్వ, రాంప్రసాద్, చరణ్ నామినేట్ అయినట్లు తెలుస్తోంది. అలానే ఈ వీకెండ్ వైల్డ్ కార్డ్ ఎంట్రీస్ వచ్చే అవకాశముంది. దీంతో డబుల్ ఎలిమినేషన్ షాక్ గ్యారంటీ అని మాట్లాడుకుంటున్నారు.(ఇదీ చదవండి: ఎవరూ నాకు ఏ ఆస్తి బహుమతిగా ఇవ్వలేదు.. రకుల్ ప్రీత్ సీరియస్)

సోమవారం వచ్చిందంటే చాలు బిగ్‌బాస్ హౌస్‌లో నామినేషన్ల హడావుడి ఉంటుంది. కానీ ఈ వారం రెడ్ టీమ్, బ్లూ టీమ్ అని సభ్యుల్ని విడగొట్టి.. డాగర్స్ సంపాదించుకోవడం, రథం టాస్క్ అని హౌస్‌మేట్స్ మధ్య బిగ్‌బాస్ పోటీ పెట్టాడు. మంగళవారం నామినేషన్లలో హడావుడి మొదలైంది. అయితే ఇందులో అంతా కలిసి త్రిగుణ్‌ని టార్గెట్ చేసినట్లు తెలుస్తోంది.(ఇదీ చదవండి: బిగ్‌బాస్ 10: రూ.15 లక్షలు.. పరువు.. రెండు పోయాయి!)తాజాగా రిలీజ్ చేసిన తొలి ప్రోమోలో చూస్తే అమన్.. త్రిగుణ్ పేరు చెప్పాడు. అరేయ్ తురేయ్ అని చాలా సార్లు అన్నావ్ అని అమన్ అంటే.. నువ్వు వద్దు అన్నాక ఒక్కసారి కూడా అనలేదని త్రిగుణ్ కౌంటర్ ఇచ్చాడు. అంత వీడియో వచ్చినోడివి చూసినవ్ కదా నీకు కాన్ఫిడెన్స్ లేదా? అని త్రిగుణ్‌ని ఏదో మ్యాటర్‌తో కంపేర్ చేసి అమన్ అనగానే.. నాకు లేదు, నీ అంత లేదని త్రిగుణ్ సమాధానమిచ్చాడు. నీకు లేదు అని వెరైటీగా చిందులు వేస్తూ అమన్ వెక్కిరించాడు.తర్వాత వచ్చిన త్రిగుణ్.. రోహిత్‌ని, నరేశ్.. అమన్‌ని నామినేట్ చేశారు. తమ కారణాలు చెప్పారు. ఇల్లు సరిగ్గా లేకపోతే అమన్ మొహాన్ని అనడం ఎందుకు? అతడ్ని తక్కువ చేసి మాట్లాడటం ఎందుకు అని రోహిత్ అన్నాడు. మరోవైపు ఇంట్లో పది గొడలుంటే అందులో నాలుగు అమన్‌వే ఉంటున్నాయ్ అని నరేశ్ చెప్పుకొచ్చాడు. నీ మొహం చూస్తుంటే చిరాకేస్తోంది. నిన్ను చూస్తుంటే చిరాకేస్తోంది అని అంటే అలాంటి మాటలు పడటానికి రాలేదు ఎవరిక్కడ అని అమన్ సీరియస్ అయ్యాడు. వెనకాలకు వెళ్లి లాంజ్‌లో కూర్చుని డాక్యుమెంట్లు రాసుకునే టైపు కాదు. ఫ్రంట్ ఫుట్‌లో వచ్చి బ్యాటింగ్ చేసేవాడ్ని అని త్రిగుణ్ అన్నాడు. ప్రోమో చూస్తుంటే ఫుల్ ఫైర్ కనిపించింది.అయితే రెడ్, బ్లూ తమ జట్లలోని సభ్యుల్ని కాకుండా పక్క టీమ్‌లోని నామినేట్ చేయాలని బిగ్‌బాస్ మెలిక పెట్టినట్లు ప్రోమో చూస్తుంటే అనిపించింది. అలానే ఎపిసోడ్‌లో ఇంకెన్ని గొడవలు అవుతాయోననే సందేహం కూడా కలుగుతోంది.(ఇదీ చదవండి: బిగ్‌బాస్ 10: అపూర్వ-షాలిని.. ఇలా తయారయ్యారేంటి?)

తెలుగు బిగ్‌బాస్ షోలో ఈసారి తొలిసారి నామినేషన్ల సందడి గట్టిగానే వినిపించింది. గతవారం కంటెస్టెంట్స్ మధ్య పోటీలు పెట్టి హౌస్‌మేట్స్ అయ్యే ప్రక్రియ జరిగింది. ఈ క్రమంలోనే చైత్ర, చరణ్ ఎలిమినేట్ అయ్యారు. మరో ఎలిమినేషన్ కూడా జరగొచ్చని చాలామంది అనుకున్నారు. కానీ అలాంటిదేం లేకుండానే వీకెండ్ అయిపోయింది. ఇక సోమవారం రాగానే ఎప్పటిలానే నామినేషన్ల హడావుడి మొదలైంది. ఇంతకీ 8వ రోజైన సోమవారం ఎపిసోడ్ హైలైట్స్ ఏంటి?(ఇదీ చదవండి: 'రంగస్థలం' కోసం చరణ్ అన్నని బాగా టార్చర్ చేశా: శ్రీకాంత్ ఓదెల)నామినేషన్ల ప్రక్రియలో భాగంగా బిగ్‌బాస్ పిలిచినప్పుడల్లా ఇద్దరు హౌస్‌మేట్స్.. ఏర్పాటు చేసిన దారిలో నుంచి వెళ్లి ఏదో ఒక పోల్ ఎంచుకుని దానికి చుట్టి ఉన్న తాడు మొత్తాన్ని తీసి అక్కడే ఉన్న రెండు గొడ్డళ్లలో(సిల్వర్, గోల్డ్) ఒకటి ఎంచుకోవాలి. సిల్వర్ పట్టుకుంటే ఒకర్ని నామినేట్ చేసే అర్హత ఉంటుంది. గోల్డ్ ఎంచుకుంటే ఇద్దరిని నామినేట్ చేయొచ్చు. ఓడిపోయిన వాళ్లకు ఆ రౌండ్‌లో ఒక నామినేషన్ ఓటు పడుతుంది. గొడ్డలిని అందుకున్న వాళ్లు ఆ రౌండ్‌లో ఓడిపోయిన వాళ్లతో సహా ఎవరినైనా నామినేట్ చేయొచ్చని బిగ్‌బాస్ చెప్పాడు.తొలుత వచ్చిన ఝాన్సీ, సుధీర్‌లలో గెలిచిన సుధీర్.. గోల్డెన్ గొడ్డలి పట్టుకున్నాడు. మొదట త్రిగుణ్‌ని నామినేట్ చేశాడు. తన దగ్గర ఒక మాట మాట్లాడి రోహిత్‌ దగ్గర మరొకటి చెప్పాడని.. ఒక్కొక్కరి దగ్గర ఒక్కో మాట చెబుతున్నాడని కారణం చెప్పాడు. చైత్ర విషయంలోనూ తన ఆట చూడకుండా కత్తితో పొడిచావని చెప్పి నామినేట్ చేశాడు. తర్వాత షాలిని పేరు చెప్పాడు. షాలినికి వాష్రూం క్లీనింగ్ ఇస్తే దాన్ని తీసుకోలేక బదులుగా పవర్ వాడుకోవడం నచ్చలేదని కారణం చెప్పాడు. తర్వాత కృష్ణుడు, దేబ్జానీ గేమ్ ఆడగా దేబ్జానీ గెలిచింది. ఈమె సిల్వర్ గొడ్డలి పట్టుకుని త్రిగుణ్‌కి నామినేట్ చేసింది. ఏమైనా ఉంటే నేరుగా చెప్పట్లేదు పక్కవాళ్ల దగ్గరకు వెళ్లి చెప్తున్నావ్. సుధీర్ గురించి నాకు చెప్పడం నచ్చలేదని కారణం చెప్పింది.వర్షిణి, రోహిత్‌లలో రోహిత్ గెలిచి గోల్డెన్ గొడ్డలి పట్టుకున్నాడు. తొలుత త్రిగుణ్‌ పేరు చెప్పి.. ప్రపంచం తెలిసిన నువ్వు నన్ను స్టెరాయిడ్స్ బాడీ అనడం నచ్చలేదు. అక్కడో మాట ఇక్కడో మాట నాకు గురించి చెప్పడం నాకు ఇష్టం లేదు. చాలా చెత్త మేటర్ అది. నేను సృష్టిని సుధీర్ మీదకు పంపానని అన్నారు.. ఓ ఆడపిల్ల విషయంలో మీరు అలా అనడం నాకు అస్సలు నచ్చలేదని రోహిత్ అన్నాడు. ఇలా కాసేపు వీళ్లిద్దరి మధ్య వాగ్వాదం జరిగింది. రోహిత్ తన రెండో నామినేషన్ ఝాన్సీకి వేశాడు. సేఫ్ గేమ్ ఆడటం మానేయ్ అని ఆమెతో చెప్పాడు. దీనికి బదులిచ్చిన ఝాన్సీ.. నాకు నా స్టాటజీ ఉంది. నువ్వే చాలాసార్లు వాళ్లు ఏం అనుకుంటున్నారో చెప్పు అని అడిగావ్? అని రిటర్న్ కౌంటర్ ఇచ్చింది. ఇది జరుగుతున్నప్పుడు మధ్యలోకి త్రిగుణ్ రావడంతో రోహిత్.. అతడికి గట్టిగానే ఇచ్చేశాడు.నరేశ్, షాలినిలో గెలిచిన నరేశ్.. సిల్వర్ గొడ్డలి తీసుకొని షాలినినే నామినేట్ చేశాడు. గేమ్ సీరియస్‌గా తీసుకున్నారు మీరు ఓడిపోతే తీసుకోలేరు. చైత్రని మీరు హర్ట్ చేసి తనతో గొడవపడి చివరకు తనతోనే క్షమాపణ చెప్పించారు. ఎప్పుడూ బిగ్‌బాస్ పిలిచిన వెంటనే రారు. మీకు ఇప్పుడే వార్నింగ్ కూడా వచ్చింది అని కారణాలు చెప్పాడు. షాలిని, త్రిగుణ్‌ పోటీలో త్రిగుణ్ గెలిచి గోల్డెన్ గొడ్డలి పట్టుకున్నాడు. తనని టార్గెట్ చేసిన సుధీర్‌ని నామినేట్ చేశాడు. ఏమైనా ఒప్పుకుంటా కానీ వెన్నుపోటు పొడిచావ్ అంటే తీసుకోలేను. నువ్వే వచ్చి నాది సృష్టిది హైట్ సరిపోతుంది అని నువ్వే నాతో మాట్లాడావ్ నేను ఎవరికీ ఈ విషయాలు చెప్పలేదు. తోముతున్నారు అన్న విషయంలో నేను ఎప్పుడూ తప్పుడు మీనింగ్‌తో అనలేదు. నాకు ఐదుగురు చెల్లెళ్లు ఉన్నారు అని త్రిగుణ్ తన అభిప్రాయాల్ని చెప్పాడు.చివరిగా నాతో ఫైట్ చేస్తే బాగా కనిపిస్తావ్ అని నాతో పెట్టుకున్నావ్ నాకు తెలుసు అని సుధీర్‌ని రివర్స్ ఎటాక్ చేశాడు త్రిగుణ్. త్రిగుణ్ తన రెండో నామినేషన్ రోహిత్‌కి వేశాడు. నువ్వేదీ తీసుకోవడం లేదు. పనిచేయవు పనిచేసే వాళ్లని చేయనివ్వడం లేదు అని త్రిగుణ్ తన కారణాలు చెప్పాడు. ఇదలా ఉండగానే మరోవైపు వర్షిణి, షాలిని గట్టిగా గొడవపడ్డారు. తర్వాత ముఖేశ్, అమన్ పోటీపడగా.. గెలిచిన అమన్ గోల్డ్ గొడ్డలి పట్టుకొని మొదట రాంప్రసాద్‌ని నామినేట్ చేశాడు. తర్వాత ఝాన్సీకి నామినేట్ చేసి మొదట నా గేమ్ బాగుంది అని చెప్పి అందరి దగ్గర నువ్వు కన్ఫ్యూజ్ అయ్యావ్ అనడం నచ్చలేదు అని చెప్పాడు.రాంప్రసాద్, వంశీలలో వంశీ గెలిచి గోల్డెన్ గొడ్డలి అందుకున్నాడు. వంశీ మొదటి దేబ్జానీని నామినేట్ చేశాడు . నువ్వు ఓ పదం వాడావు నాకు అది నచ్చలేదు ఆ పదం ఇప్పుడు కూడా నాకు మాట్లాడాలి అని లేదని అన్నాడు. ఈ పదం వాడకూడదు అని నాకు తెలీదు. మేం జిమ్‌లో వాడుతుంటాం. వర్షిణి ఆ పదం వాడకూడదు అని చెప్పడం వల్ల నాకు తెలిసింది అని దేబ్జానీ సమాధానమిచ్చింది. రెండో నామినేషన్ ముఖేశ్‌కి వేశాడు. ముఖేశ్ ఇంట్లో గడ్డం గీసుకోవడం తనకి ఇబ్బందిగా అనిపించిందని అన్నాడు. అలా సోమవారం ఎపిసోడ్ ముగిసింది. నరేశ్, ముఖేశ్, త్రిగుణ్, దేబ్జానీ, వర్షిణి, కృష్ణుడు, సుధీర్, ఝాన్సీ, అమన్, షాలిని, సృష్టి.. నామినేషన్స్‌లో ఉన్న కంటెస్టెంట్స్.ఎవరు ఎవర్ని నామినేట్ చేశారంటే?సుధీర్.. త్రిగుణ్, షాలినిదేబ్జానీ.. త్రిగుణ్, రోహిత్త్రిగుణ్, ఝాన్సీనరేష్.. షాలిని,త్రిగుణ్.. సుధీర్, రోహిత్అమన్.. రాం ప్రసాద్, ఝాన్సీవంశీ.. దేబ్జానీ, ముఖేష్(ఇదీ చదవండి: సడన్‌గా ఓటీటీలోకి వచ్చేసిన తెలుగు రొమాంటిక్ సినిమా 'హుషార్ పిట్టలు')

బిగ్‌బాస్ పేరు చెప్పగానే చాలామంది నామినేషన్ ప్రక్రియనే గుర్తొస్తుంది. ఎందుకంటే వారం మొత్తంలో ఏదైనా ఆసక్తికరంగా ఉంటుంది అంటే ‍అది ఇదే. గతవారమే షో మొదలైంది కాబట్టి నామినేషన్లని నిర్వహించలేదు. కంటెస్టెంట్స్.. హౌస్‌మేట్స్ కావడంలో భాగంగా పోటీ జరిగింది. ఈ క్రమంలోనే చరణ్, చైత్ర తొలివారం ఎలిమినేట్ అయ్యారు. మరొకరు కూడా వెళ్లిపోతారని రూమర్స్ వచ్చాయి గానీ అలాంటిదేం జరగకుండానే వీకెండ్ పూర్తయింది.(ఇదీ చదవండి: వినసొంపుగా 'రామాయణ' తొలి పాట.. వీడియో రిలీజ్)ఇక సోమవారం రావడంతో ఈ సీజన్‌లో తొలిసారి నామినేషన్ల హంగామా మొదలైంది. ఈసారి పెద్ద దిమ్మకు తాడు చుట్టి ఉంటుంది. తలో ఇద్దరూ ఒకకేసారి వెళ్లి ఆ తాడుని విప్పాల్సి ఉంటుంది. ఎవరైతే ముందుగా తాడుని పూర్తిగా తొలగిస్తారో వాళ్లకు నామినేషన్ చేసే అవకాశం లభిస్తుంది. ఇలా ఛాన్స్ దక్కించుకున్న సుధీర్..త్రిగుణ్‌ని నామినేట్ చేశాడు. గేమ్ ఏమేం జరగకుండా చైత్ర పేరుని నువ్వు చెప్పడం నాకు నచ్చలేదని కారణం చెప్పాడు. అలానే వాష్రూమ్ క్లీన్ చేయమని పనిఇస్తే.. అది చేయకుండా ఉన్న పవర్ వేస్ట్ చేసుకున్నావ్ అని షాలినిని నామినేట్ చేశాడు.మరోవైపు దేబ్జానీ కూడా త్రిగుణ్‌ని నామినేట్ చేసింది. రోహిత్ కూడా త్రిగుణ్‌తో పాటు ఝాన్సీని నామినేట్ చేశాడు. సేఫ్ గేమ్ ఆడుతోందని, ఏ డిస్కషన్‌లోనూ తనకు కనబడట్లేదని ఈమె పేరు చెప్పాడు. ఈ సందర్భంగా అగ్నిపరీక్ష నుంచి వచ్చిన కామనర్స్ రోహిత్-ఝాన్సీ మధ్య గట్టిగానే గొడవ జరిగింది. ఇందుకు సంబంధించిన తొలి ప్రోమోని తాజాగా రిలీజ్ చేశారు.ప్రస్తుతం హౌస్‌లో 14 మంది ఉండగా.. వీళ్లలో ఈ వారం ఏకంగా 10 మంది నామినేట్ అయినట్లు తెలుస్తోంది. షాలిని, త్రిగుణ్, ఝాన్సీ, కృష్ణుడు, రాంప్రసాద్, వర్షిణి, సుధీర్, రోహిత్, ముకేశ్, దేబ్జానీ.. ఈ లిస్టులో ఉన్నారట. సృష్టి, వంశీ, నరేశ్, అమన్.. ఈ వారం నామినేట్ కాకుండా సేఫ్ జోన్‌లో ఉన్నారని సమాచారం.(ఇదీ చదవండి: ప్రేక్షకుల చేతికే మొత్తం పవర్స్‌.. అంచనాలను పెంచేసిన బిగ్‌బాస్‌)

ప్రతిష్టాత్మక సినీ అవార్డుల వేడుకకు అంతా సిద్ధమైంది. దక్షిణాదిలో అందించే సైమా అవార్డుల పండుగ సెప్టెంబర్‌లో జరగనుంది. 2025లో రిలీజైన చిత్రాలు వివిధ కేటగిరీల్లో నామినేషన్స్‌ దక్కించుకున్నాయి. తెలుగు, తమిళ, మలయాళ, కన్నడ సినిమాలకు సంబంధించి అత్యధిక నామినేషన్స్‌ దక్కించుకున్న చిత్రాల జాబితాను సైమా అవార్డుల కమిటీ ప్రకటించింది.మిరాయ్‌కు అత్యధిక నామినేషన్స్..టాలీవుడ్ మూవీ మిరాయ్ ‍అత్యధికంగా 11 విభాగాల్లో నామినేషన్స్‌ దక్కించుకుంది. ఆ తర్వాత అనిల్‌ రావిపూడి-వెంకటేశ్‌ల బ్లాక్‌బస్టర్‌ మూవీ సంక్రాంతికి వస్తున్నాం 10 విభాగాల్లో నామినేషన్స్ సాధించింది. నాగచైతన్య నటించిన తండేల్‌, బాక్సాఫీస్ వద్ద సూపర్ హిట్‌గా నిలిచిన కోర్ట్ చిత్రాలు 9 విభాగాల్లో నామినేషన్స్‌ సొంతం చేసుకున్నాయి. కాగా.. ఈ సైమా అవార్డుల వేడుక సెప్టెంబరు 11, 12 తేదీల్లో గ్రాండ్‌గా జరగనుంది.

సాక్షి, అమరావతి: రాష్ట్రంలో 4 రాజ్యసభ స్థానాల ఎన్నికలకు సంబంధించి టీడీపీ తరఫున చింతకాయ­ల విజయ్, భాష్యం రామకృష్ణ, సానా సతీష్, జనసేన తరఫున లింగమనేని రమేష్‌ దాఖలు చేసిన నామినేషన్లను ఆమోదించినట్టు ఎన్నికల రిటర్ని­ంగ్‌ అధికారి ఆర్‌.వనితా రాణి వెల్లడించారు.

ఆస్కార్‌లో భారతీయ మహిళలు తమ ఘనతను చాటుతూనే ఉన్నారు. తాజాగా ప్రకటించిన 2026 ఆస్కార్‌ ఆవార్డులలో గీతా గంద్‌భిర్‌ ‘ఉత్తమ డాక్యుమెంటరీ ఫీచర్‌ కేటగిరీ’లో ‘ఉత్తమ డాక్యుమెంటరీ షార్ట్‌ విభాగం’లో రెండు నామినేషన్లు పొంది ఇలా రెండు నామినేషన్లు పొందిన తొలి భారతీయ సంతతి మహిళగా చరిత్ర సృష్టించారు. ఆమెకు ఆస్కార్‌ దక్కకపోయినా రెండు నామినేషన్లతో పేరు మార్మోగుతోంది.‘మనం మార్పు కోసం ప్రయత్నిస్తూనే ఉండాలి’ అంటారు గీతా గంద్‌భిర్‌. సినిమాలో కల్పన ఉంటుంది. డాక్యుమెంటరీలో వాస్తవం ఉంటుంది. వాస్తవం చూపించి వాస్తవికమార్పు తేవడమే గీతా గంద్‌భిర్‌ లక్ష్యం. అందుకే ఆమె తీసిన డాక్యుమెంటరీలు ఆస్కార్‌ చివరి మెట్టు వరకూ చేరాయి. అవార్డు గెలవకపోవచ్చు... కాని గెలిచినంత పని చేసి ప్రపంచం దృష్టిలో పడ్డాయి. అది చాలు గీతా గంద్‌భిర్‌కు. సమస్యను జనం దృష్టికి తెస్తే వాళ్లు ఆలోచిస్తారని ఆమెకు తెలుసు. ఆమెను చూసి స్ఫూర్తి పొందాల్సిన సంగతి అదే.రెండు నామినేషన్లులాస్‌ ఏంజెలెస్‌లో మార్చి15న జరిగిన 98వ ఆస్కార్‌ అవార్డు వేడుకలో భారతీయ సంతతికి చెందిన దర్శకురాలు గీతా గంద్‌భిర్‌ పేరు మారుమోగింది. ఉత్తమ డాక్యుమెంటరీ షార్ట్‌ విభాగంలో ఆమె దర్శకత్వం వహించినæ‘ది డెవిల్‌ ఈజ్‌ బిజీ’ షార్ట్‌లిస్ట్‌ అయితే ఉత్తమ డాక్యుమెంటరీ ఫీచర్‌ కేటగిరీలో గీత నిర్మించి, దర్శకత్వం వహించిన ‘ది పర్ఫెక్ట్‌ నైబర్‌’ నామినేషన్‌ కు చేరింది. ఇలా ఒక భారతీయ సంతతికి చెందిన మహిళ రెండు నామినేషన్లు సాధించడం రికార్డు.డాక్యుమెంటరీలు దేని గురించి?‘ది డెవిల్‌ ఈజ్‌ బిజీ’ డాక్యుమెంటరీకి గీత ఆ చిత్ర నిర్మాత క్రిస్టాలిన్‌ హాంప్టన్ తో కలిసి దర్శకత్వం వహించింది. ఇది అట్లాంటా లో ఉన్న మహిళా ఆరోగ్య కేంద్రంలో చీఫ్‌ ఆఫ్‌ సెక్యూరిటీగా పని చేస్తున్న ట్రేసీ జీవితంపై తీసిన డాక్యుమెంటరీ. ఉద్యోగులు, రోగులను కా పాడే క్రమంలో ఆమె దినచర్యలోని ఒక రోజును డాక్యుమెంటరీ నిశితంగా చూపిస్తుంది. ‘ది పర్‌ఫెక్ట్‌ నైబర్‌’ ఒకాల (ఫ్లోరిడా)లో జూన్‌ 2023లో జరిగిన విషాద సంఘటనను చూపిస్తుంది.రెండు కుటుంబాల మధ్య జరిగిన ఘర్షణలో సుసాన్‌ లూయిస్‌ అనే తెల్లజాతి మహిళ తన ఇంటి పక్కన ఉన్న నల్లజాతి వ్యక్తి అజికే ఓవెన్ ్సను కాల్చి చంపింది. ఈ అంశాన్నే తన డాక్యుమెంటరీకి ఎంచుకున్నారామె. ఈ చిత్రం నెట్‌ఫ్లిక్స్‌ స్ట్రీమింగ్‌ ప్లాట్‌ఫామ్‌లో విడుదలైంది. ‘అమెరికాలో అమానవీయ యాజమాన్యల ధోరణులపై పోరాడాలి. అలాగే అమెరికాలో ఉన్న గన్‌ కల్చర్‌ గురించి చాలా మాట్లాడాలి. ఆ చట్టాల్లో మార్పు రావాలి. ఇవి ఒకరోజులో జరిగేవి కావు. నా డాక్యుమెంటరీలు ఈ అంశాలనే చర్చిస్తూ ఆలోచనలు రేకెత్తిస్తాయి. మార్పుకు దోహదం చేస్తాయి’ అంటారు గీత.సహాయకురాలిగా ప్రారంభమైన కెరీర్‌స్పైక్‌ లీ, సామ్‌ పొలార్డ్‌ల చిత్రాలకు సహాయకురాలిగా గీత కెరీర్‌ను ప్రారంభించారు. ఆపై డాక్యుమెంటరీ చిత్రాల నిర్మాణంలోకి అడుగుపెట్టారు. స్పైక్‌ లీ నిర్మించిన డాక్యుమెంటరీలు ‘ఇఫ్‌ గాడ్‌ ఈజ్‌ విల్లింగ్‌’, ‘డా క్రీక్‌ డోంట్‌ రైజ్‌’లకు గీత ఎడిటర్‌గా పని చేశారు. గ్రేస్‌ లీదర్శకత్వం వహించిన ‘అండ్‌ షీ కుడ్‌ బి నెక్స్‌ట్‌’ చిత్రానికి ఆమె ఫీల్డ్‌ డైరెక్టర్‌గా ఉన్నారు. గీత తీసిన షార్ట్‌ ఫిల్మ్‌ ‘త్రూ అవర్‌ ఐస్‌: అ పార్ట్‌’ సిరీస్‌ 2022లో అత్యుత్తమ షార్ట్‌ డాక్యుమెంటరీగా ఎమ్మీ అవార్డును గెలుచుకుంది.చేజారిన పురస్కారాలు..తాజాగా జరిగిన ఆస్కార్‌ ప్రదానోత్సవ వేడుకల్లో గీతకు రెండు విభాగాల్లోనూ పురస్కారాలు దక్కలేదు. ఉత్తమ షార్ట్‌ డాక్యుమెంటరీగా ‘ఆల్‌ ది ఎంప్టీ రూమ్స్‌’ ఎంపిక కాగా, ఉత్తమ డాక్యుమెంటరీగా ‘మిస్టర్‌ నోబడీ అగెనెస్ట్‌ పుతిన్‌’ ఎంపికైంది. అయినా సరే గీతలో ఏమాత్రం నిరాశ లేదు. తన పని తాను సరిగ్గా చేశానన్న ధీమా ఆమెలో వ్యక్తమవుతోంది. ఒకేసారి రెండు నామినేషన్లు పొందిన మహిళగా ఆమె గురించి ప్రపంచానికి తెలిసింది. మరిన్ని విజయాలు ఆమె కోసం ఎదురుచూస్తున్నాయి.వలస కుటుంబం నుంచిగీతా గంద్‌భిర్‌ తండ్రి శరద్‌ 1960లలో కెమికల్‌ ఇంజనీరింగ్‌ చదవడానికి భారతదేశం నుండి అమెరికాకు వెళ్లారు. ఫలితంగా గీత బోస్టన్‌లో పెరిగారు. ఆమె తల్లి పేరు లలిత. గీత సోదరుడు అశ్విన్‌ గంద్‌భిర్‌ కూడా చిత్రనిర్మాత, ఎడిటర్‌. డాక్యుమెంటరీ రంగంలో అమెరికాలో గీతది ప్రముఖమైన పేరు. ఇప్పటికే ఐదు ఎమ్మీ అవార్డులతో పాటు అనేక అంతర్జాతీయ పురస్కారాలు గెలుచుకున్నారు.

న్యూఢిల్లీ: రాజ్యసభ ఎన్నికల నగారా మోగింది. మహారాష్ట్ర, పశ్చిమ బెంగాల్, బిహార్ సహా 10 రాష్ట్రాల్లో ఖాళీ అవుతున్న 37 రాజ్యసభ స్థానాలకు కేంద్ర ఎన్నికల సంఘం గురువారం నోటిఫికేషన్ విడుదల చేయడంతో నామినేషన్ల పర్వం ప్రారంభమైంది. నేటి నుంచి మార్చి 5వ తేదీ వరకు అభ్యర్థులు తమ నామినేషన్లను దాఖలు చేయవచ్చు.ఒకవేళ నిర్ణీత స్థానాల కంటే ఎక్కువ మంది అభ్యర్థులు బరిలో నిలిస్తే, మార్చి 16న ఉదయం 9 గంటల నుంచి సాయంత్రం 5 గంటల వరకు పోలింగ్ నిర్వహించి, అదే రోజు రాత్రి ఫలితాలను వెల్లడిస్తారు. ఏప్రిల్ నెలలో పదవీకాలం ముగియనున్న సభ్యుల స్థానాల్లో ఈ ఎన్నికలు జరుగుతుండటంతో, ఎన్డీయే కూటమి తన బలాన్ని పెంచుకునే దిశగా అడుగులు వేస్తోంది.మహారాష్ట్రలో ఏడు, తమిళనాడులో ఆరు, బీహార్, వెస్ట్ బెంగాల్లో ఐదు , ఒడిశాలో 4, అస్సాంలో 3, తెలంగాణ, ఛత్తీస్గఢ్, హర్యానాలో 2, హిమాచల్ ప్రదేశ్ లో ఒక సీటుకి ఎన్నికలు జరగనున్నాయి. కేంద్ర మంత్రులు రాందాస్ అథవాలే రామ్నాథ్ ఠాకూర్, రాజ్యసభ డిప్యూటీ చైర్మన్ హరి వంశ, ఎన్సీపీ అధినేత శరద్ పవర్ ,ఆర్ ఎల్ ఎం నేత ఉపేంద్ర కుష్వాహ, కాంగ్రెస్ ఎంపీ అభిషేక్ సింగ్వి, అన్నా డీఎంకే ఎంపీ తంబీ దురై డిఎంకే ఎంపీ తిరుచి శివల పదవీ కాలం ఏప్రిల్‌తో ముగియనుంది.కాగా వీరిలో రాందాస్ అథవాలే, అభిషేక్ సింగ్వి, శరత్ పవర్ మరోమారు బరిలో దిగే అవకాశం కనిపిస్తోంది. 37 సీట్లలో ఎన్డీఏకు 21 సీట్లు వచ్చే అవకాశం ఉందని విశ్లేషకులు అంటున్నారు. బిజెపి సీట్ల పెరుగుదలలో మహారాష్ట్ర, బీహార్ కీలక పాత్ర పోషించనున్నాయి. రాజ్యసభలో ప్రస్తుతం బిజెపికి 103 సీట్లు, మిత్రపక్షలతో కలిసి 133 సీట్ల బలం ఉంది. రాజ్యసభలో మెజారిటీ మార్క్ 122.

సాక్షి, హైదరాబాద్‌ : మున్సిపల్‌ ఎన్నికల్లో నామినేషన్ల ఘట్టం ముగియడంతో ప్రచార పర్వంపై బీఆర్‌ఎస్‌ పార్టీ పూర్తి స్థాయిలో దృష్టి కేంద్రీకరించాలని, ప్రచార ఆర్భాటం లేకుండా స్థానిక నేతలు, కార్యకర్తలను సమన్వయం చేస్తూ ఎన్నికల ప్రచారం చేయాలని నిర్ణయించింది. బీఆర్‌ఎస్‌ పదేళ్ల పాలనలో జరిగిన స్థానిక అభివృద్ధి, రెండేళ్ల కాంగ్రెస్‌ ప్రభుత్వ వైఫల్యాలను ప్రధాన ఎజెండాగా తీసుకుని ప్రజల వద్దకు వెళ్లాలని నిర్ణయించింది. ఇప్పటికే మున్సిపల్‌ ఎన్నికల్లో సమన్వయం కోసం వార్‌ రూమ్‌ ఏర్పాటు చేసిన బీఆర్‌ఎస్‌ ప్రచార పర్యవేక్షణ బాధ్యత పార్టీ సమన్వయకర్త లకు అప్పగించింది.116 మున్సిపాలిటీలు, 7 మున్సిపల్‌ కార్పోరేష న్లకు కలిపి మొత్తం 125 మంది సమన్వయకర్తలుగా నియమించింది. అవసర మైన చోట మరికొంత మందిని కూడా సమన్వయ కర్తలుగా నియమించడంపై కసరత్తు జరుగుతోంది. పార్టీ వర్కింగ్‌ ప్రెసిడెంట్‌ కేటీ రామారావు, అసెంబ్లీలో బీఆర్‌ఎస్‌ డిప్యూటీ ఫ్లోర్‌ లీడర్‌ హరీశ్‌రావులు అవసరమైన చోట కార్నర్‌ మీటింగ్‌లు, రోడ్‌ షోల్లో పాల్గొనే అవకాశముందని బీఆర్‌ఎస్‌ వర్గాలు వెల్లడించాయి. క్యాంప్‌ను వీడిన కొడంగల్‌ బీఆర్‌ఎస్‌ అభ్యర్థులునామినేషన్ల ఉపసంహరణ ఘట్టం మంగళవారం మధ్యాహ్నం మూడు గంటలకు ముగిసింది. ఈ నేపథ్యంలో పార్టీ అభ్యర్థులు బరి నుంచి తప్పుకుని కాంగ్రెస్‌ ఏకగ్రీవా లకు సహకరించకుండా ఉండేందుకు బీఆర్‌ఎస్‌ వ్యూహాత్మకంగా వ్యవహరించింది. సీఎం రేవంత్‌ రెడ్డి ప్రాతినిధ్యం వహిస్తున్న కొడంగల్‌ నియోజకవర్గంలో కోస్గి, కొడంగల్, మద్దూరు మున్సి పాలిటీల్లో ఒత్తిళ్లు తీవ్ర స్థాయిలో వచ్చినట్లు పార్టీ నేతలు తెలిపారు. దీంతో పార్టీ అభ్యర్థులను కాపాడు కునేందుకు బీఆర్‌ఎస్‌ పార్టీ మూడు మున్సిపాలిటీ ల్లోని అభ్యర్థులను రెండు రోజులుగా ఓ రహస్య ప్రదేశానికి తరలించారు. మంగళవారం మధ్యాహ్నం నామినేషన్ల ఉపసంహరణ ఘట్టం ముగిసిన తర్వాత బీఆర్‌ఎస్‌ అభ్యర్థులు క్యాంప్‌ను వీడి తమ ఇళ్లకు చేరుకుని ప్రచారాన్ని ప్రారంభించారు.ఉభయ కమ్యూనిస్టులతో స్థానిక పొత్తులుకాంగ్రెస్‌ పార్టీకి మిత్రపక్షంగా ఉన్న సీపీఐతోపాటు సీపీఎం పార్టీతోనూ బీఆర్‌ఎస్‌ పలు చోట్ల అవగా హన కుదుర్చుకుంది. మహబూబాబాద్, భువన గిరి, చౌటుప్పల్, క్యాతనపల్లి, బెల్లంపల్లితో పాటు నల్గొండ, మంచిర్యాల, కొత్తగూడెం కార్పొరేషన్ల పరిధిలో స్థానిక రాజకీయ పరిస్థితులను దృష్టిలో పెట్టుకుని ఒకటీ అరా స్థానాలను ఉభయ కమ్యూ నిస్టు పార్టీలకు బీఆర్‌ఎస్‌ కేటాయించింది. సీపీఐ ఎమ్మెల్యే ఉన్న కొత్తగూడెంలో సీపీఐ, సీపీఎం బీఆర్‌ఎస్‌తో అవగాహన కుదుర్చుకున్నాయి.ఒకటీ అరా వార్డులు ఏకగ్రీవంకాంగ్రెస్‌ నుంచి ఎదురైన బెదిరింపులు, ఒత్తిళ్లతో ఒకటీ అరా వార్డుల్లో తమ పార్టీ అభ్యర్థులు బరి నుంచి తప్పుకున్నట్లు బీఆర్‌ఎస్‌ వర్గాలు వెల్లడించాయి. రామగుండం, మహబూబ్‌నగర్‌ మున్సి పల్‌ కార్పొరేషన్ల పరిధిలోని ఒక్కో వార్డులో బీఆర్‌ ఎస్‌ అభ్యర్థులు చివరి నిమిషంలో పోటీ నుంచి తప్పుకుని కాంగ్రెస్‌ ఏకగ్రీవాలకు మార్గం సుగమం చేశారు. యాదగిరిగుట్ట, పరకాల, చౌటుప్పల్, మెదక్‌ మున్సిపాలిటీల్లో ఒక్కో వార్డులో బీఆర్‌ఎస్‌ అభ్యర్థులు తమ నామినేషన్‌ విత్‌డ్రా చేసుకోవడంతో కాంగ్రెస్‌ అభ్యర్థులు ఏకగ్రీవంగా ఎన్నిక య్యారు. యాదగిరిగుట్ట మున్సిపాలిటీ పరిధిలో ప్రభుత్వ విప్‌ బీర్ల అయిలయ్య పదో వార్డు అభ్యర్థిని బెదిరించి పోటీ నుంచి వైదొలిగేలా చేశారని బీఆర్‌ఎస్‌ ఆరోపించింది.

సాక్షి, హైదరాబాద్‌: రాష్ట్రంలోని 116 మున్సిపాలిటీలు, ఏడు మున్సిపల్‌ కార్పొరేషన్ల పరిధిలోని 2,996 వార్డులు/డివిజన్లకు భారీగా నామినేషన్లు దాఖలయ్యాయి. జనవరి 28 నుంచి 30 వరకు మూడు రోజుల పాటు జరిగిన నామినేషన్ల పర్వంలో 22,519 మంది అభ్యర్థులు 29,742 సెట్ల నామినేషన్‌ పత్రాలు సమర్పించారు. కాంగ్రెస్‌ తరపున అత్యధికంగా 10,046 సెట్లు, ప్రధాన ప్రతిపక్షం బీఆర్‌ఎస్‌ నుంచి 7,564 సెట్లను అభ్యర్థులు సమర్పించారు. బీజేపీ నుంచి 5,462 సెట్లను అభ్యర్థులు సమర్పించారు. శనివారం నామినేషన్‌ పత్రాల స్క్రూటినీ జరగ్గా, ఆదివారం అప్పీల్‌ చేసుకునే అవకాశం కల్పించారు. సోమవారం ఈ అప్పీళ్లను పరిష్కరిస్తారు. ఈ నెల 3వ తేదీన మధ్యాహ్నం మూడు గంటలకు అభ్యర్థులకు గుర్తులు కేటాయించి, వార్డుల వారీగా పోటీలో ఉన్న అభ్యర్థుల తుది జాబితాను రిటరి్నంగ్‌ అధికారులు విడుదల చేస్తారు.

సాక్షి, అమరావతి : రూ.లక్షలోపు విలువైన పనులను ఎగ్జిక్యూటివ్‌ ఇంజినీర్‌ (ఈఈ).. రూ.2 లక్షలలోపు వి­లుౖ­వె­న పనులను సూపరింటెండింగ్‌ ఇంజినీర్‌ (ఎస్‌ఈ).. రూ.3 లక్షలలోపు విలువైన పనులను ఛీఫ్‌ ఇంజినీర్‌ (సీఈ) నామినేషన్‌ పద్ధతిలో కాంట్రాక్టర్లకు అప్పగించవచ్చన్నది ప్రభుత్వ నిబంధన. అదికూడా వరదలు, కరువు వంటి పరిస్థితులు సంభవించినప్పుడు యుద్ధప్రాతిపదికన సహాయక చర్యలు చేపట్టేందుకు సంబంధించిన పనులను మాత్రమే నామినేషన్‌ పద్ధతిలో అప్పగించాలన్నది నిబంధన. ఆ పనులకు టెండర్లు పిలిస్తే తక్షణమే సహాయక చర్యలు చేపట్టడానికి వీలుండదు కాబట్టి నామినేషన్‌ పద్ధతిలో అప్పగించే వెసులుబాటు కల్పించారు. ఇటీవల కా­లు­వల మరమ్మతులు, పూడికతీత వంటి సాగునీటి సంఘా­ కు చెందిన రూ.10 లక్షల వరకూ విలువైన పనులను నామినేషన్‌ పద్ధతిలో అప్పగించేలా నిబంధనలను స­వ­రించారు. ఈ నిబంధనల్ని కచ్చితంగా అమలు చే­యాల్సిన ప్రభుత్వమే.. వాటికి నిలువునా పాతరేసింది.ఏకంగా రూ.247.12 కోట్ల పనులకూ ‘నామినేషన్‌’రూ.లక్ష కాదు.. రూ.2 లక్షలు కాదు. పోలవరం ప్రాజెక్టులో ఏకంగా రూ.247.12 కోట్ల విలువైన పనులను అస్మదీయ కాంట్రాక్టు సంస్థకు నామినేషన్‌ పద్ధతిలో కట్టబెట్టేయడానికి బుధవారం కేబినెట్‌ గ్రీన్‌ సిగ్నల్‌ ఇచ్చింది. పోలవరం ప్రధాన డ్యామ్‌ గ్యాప్‌–1, గ్యాప్‌–2లో బట్రెస్‌ డ్యామ్, ప్రధాన డ్యామ్‌ నిర్మాణానికి ఇప్పటికే తవ్విన రాయి, మట్టితోపాటు అదనంగా అవసరమయ్యే మట్టి, రాళ్లను 902 హిల్‌ నుంచి తవ్వి తీసుకునే పనులను ఆ ప్రాజెక్టు పనులు చేస్తున్న మేఘా సంస్థకే నామినేషన్‌పై కట్టబెట్టేయడం గమనార్హం. అస్మదీయులకు నామినేషన్‌ పద్ధతిలో భారీ ఎత్తున పనులు కట్టబెట్టి, ప్రభుత్వ ఖజానాను దోచిపెట్టి కమీషన్లు వసూలు చేసుకోవడం 2014–19 మధ్య అప్పటి ప్రభుత్వ ముఖ్యనేతలు రివాజుగా మార్చుకున్నారు. పోలవరం హెడ్‌వర్క్స్‌ పనుల్లో రూ.2,917 కోట్ల పనులను నవయుగ సంస్థకు నామినేషన్‌పై కట్టబెట్టడమే అందుకు పరాకాష్ట. దేశ చరిత్రలో ఇంత పెద్దఎత్తున నామినేషన్‌ పద్ధతిలో పనులు కట్టబెట్టిన దాఖలాలు ఎక్కడా లేవు. కృష్ణా పుష్కర ఏర్పాట్లలో భాగంగా ఘాట్ల నిర్మాణం దగ్గర నుంచి నీరు–చెట్టు పనుల వరకూ రూ.15 వేల కోట్లకు పైగా విలువైన పనులను నామినేషన్‌ పద్ధతిలో అప్పటి చంద్రబాబు ప్రభుత్వం అస్మదీయులకు కట్టబెట్టింది.వైఎస్సార్‌సీపీ హయాంలో మంగళం పాడేసినా..వైఎస్సార్‌సీపీ ప్రభుత్వం నామినేషన్‌ పద్ధతికి మంగళం పాడింది. 2019–24 మధ్య ఐదేళ్లలో నామినేషన్‌పై పనులు అప్పగించకుండా టెండర్ల ద్వారా పారదర్శకంగా పనులు అప్పగించింది. పోలవరం హెడ్‌ వర్క్స్‌లో చంద్రబాబు సర్కార్‌ నవయుగకు నామినేషన్‌ ప­ద్ధతిలో కట్టబెట్టిన పనులను వైఎస్సార్‌సీపీ ప్రభుత్వం రద్దు చేసి.. వాటికి రివర్స్‌ టెండరింగ్‌ నిర్వహించింది. తక్కువ ధరకు కోట్‌ చేసిన మేఘా సంస్థకు అప్పగించింది. తద్వారా ఖజానాకు రూ.680 కోట్లను ఆదా చేసింది. కేంద్ర జలసంఘం సూచనల మేరకు పోల­వరం ప్రాజెక్టులో స్పిల్‌ ఛానల్‌కు ఆర్‌సీసీ డయాఫ్రం వాల్‌ ఎండ్‌ కటాఫ్, ప్రధాన డ్యామ్‌ గ్యాప్‌–2లో వైబ్రో స్టోన్‌ కాలమ్స్‌–డీప్‌ సాయిల్‌ మిక్సింగ్, గ్యాప్‌–1లో డయాఫ్రం వాల్‌ కటాఫ్, గ్యాప్‌–3లో కాంక్రీట్‌ డ్యామ్, స్పిల్‌ వే, స్పిల్‌ ఛానల్‌కు ఇరువైపులా ఏటవాలుగా రక్షణ పనులకు 2021 మే 7న రూ.683 కోట్ల అంచనా వ్యయంతో టెండర్లు పిలిచింది. రివర్స్‌ టెండరింగ్‌ ద్వారా రూ.669.47 కోట్లకు మేఘాకు అప్పగించింది. తద్వారా ఖజానాకు రూ.13.53 కోట్లను ఆదా చేసింది. సీడబ్ల్యూసీ మార్గదర్శకాల ప్రకారం వరద ఉద్ధృతి వల్ల కోతకు గురైన ప్రాంతాన్ని యథాస్థితికి తేవడం, సమాంతరంగా కొత్త డయాఫ్రం వాల్‌ నిర్మాణం, దెబ్బతిన్న డయాఫ్రం వాల్‌కు మరమ్మతులు చేసే పనులకు 2023 ఏప్రిల్‌ 28న 1615.75 కోట్ల అంచనా వ్యయంతో టెండర్లు పిలిచింది. రివర్స్‌ టెండరింగ్‌ ద్వారా 1,599.21 కోట్లకు మేఘాకు అప్పగించింది. దీనివల్ల ఖజానాకు రూ.16.54 కోట్ల ఆదా అయ్యాయి. ఇప్పుడు ప్రధాన డ్యామ్‌ నిర్మాణానికి అదనంగా అవ­సరమైన మట్టి, రాయిని 902 హిల్‌ నుంచి సమకూ­ర్చుకునే పనులకు టెండర్లు నిర్వహించకుండా నామినేషన్‌ పద్ధతిపై బాబు సర్కార్‌ అప్పగించడం వెనుక కారణాలు ఏమిటన్నది బహిరంగ రహస్య­మేనని సాగునీటిరంగ నిపుణులు తేల్చిచె­బుతు­న్నా­రు. హంద్రీ–నీవాతో షురూచంద్రబాబు సర్కార్‌ 2024లో అధికారంలోకి వచ్చీ రాగానే హంద్రీ–నీవా సుజల స్రవంతి పథకం రెండో దశలో అంతర్భాగమైన పుంగనూరు బ్రాంచ్‌ కెనాల్‌ పనుల ద్వారా నామినేషన్‌ దందాకు తెరతీసింది. ఈ కెనాల్‌ను 79.6 కి.మీ. నుంచి 220.35 కి.మీ. వరకూ వెడల్పుచేసి, ప్రవాహ సామర్థ్యం పెంచే పనులకు రూ.1,929 కోట్ల వ్యయంతో 2021 సెప్టెంబర్‌ 4న వైఎస్సార్‌సీపీ ప్రభుత్వం సాంకేతిక అనుమతి ఇచ్చింది. ఈ పనులకు నిర్వహించిన టెండర్లలో రూ.1,217.49 కోట్లకు ఎన్‌సీసీ సంస్థ కాంట్రాక్ట్‌ దక్కించుకుని.. వాటిని పూర్తిచేయానికి 2023 ఫిబ్రవరి 1న ప్రభుత్వంతో ఒప్పందం చేసుకుంది. ఈ పనులను ఎన్‌సీసీ సంస్థ ఇప్పటివరకూ పూర్తిచేయలేదు. 25 శాతంలోపు మాత్రమే పనులు పూర్తయ్యాయని అధికార వర్గాలు ప్రభుత్వానికి నివేదిక ఇచ్చాయి. వాస్తవానికి.. ఏదైనా పని పూర్తయ్యాకే ఆ పనికి కేటాయించిన నిధుల్లో ఎంత మిగిలాయన్నది తేల్చవచ్చు. కానీ.. ఇక్కడ పనులు పూర్తికాకముందే వాటికి ప్రభుత్వం ఇచ్చిన సాంకేతిక అనుమతిలో రూ.711.51 కోట్ల మేర మిగులు ఉందని తేల్చడంపై అధికార వర్గాలు విస్మయం వ్యక్తం చేస్తున్నాయి. ఇందులో రూ.480.22 కోట్ల వ్యయంతో పుంగనూరు బ్రాంచ్‌ కెనాల్‌కు 75.075 కి.మీ. నుంచి 207.80 కి.మీ. వరకూ లైనింగ్‌ చేసే పనులను నామినేషన్‌ పద్ధతిలో ఎన్‌సీసీ సంస్థకు అప్పగిస్తూ 2024 డిసెంబర్‌ 24న ప్రభుత్వం ఉత్తర్వులు జారీ చేసింది.

ప్రతిష్టాత్మక ఆస్కార్‌ అవార్డ్ నామినేషన్స్-2026 లిస్ట్ విడుదలైంది. ఈ ఏడాది అవార్డుల కోసం పోటీ పడుతున్న చిత్రాల జాబితాను ఆస్కార్ అకాడమీ ప్రకటించింది. గతేడాది రిలీజైన సత్తా చాటిన చిత్రాలు ఆస్కార్ బరిలో నిలిచాయి. ఏయే సినిమా ఏ విభాగంలో పోటీ పడుతుందో ఈ లిస్ట్ చూసేయండి. అయితే ఈ ఏడాది ఉత్తమ చిత్రం విభాగంలో ఏకంగా పది సినిమాలు పోటీ పడుతున్నాయి. ఈ గ్రాండ్ ఈవెంట్‌ మార్చి 15న లాస్ ఎంజిల్స్ వేదికగా జరగనుంది. హాలీవుడ్ డైరెక్టర్‌ రేయాన్‌ కూగ్లర్‌ దర్శకత్వంలో రూపొందిన సిన్నర్స్‌ అత్యధికంగా 16 కేటగిరిల్లో నామినేషన్స్‌ సాధించింది. ఇప్పటివరకూ 14 నామినేషన్స్‌తో ఆల్‌ అబౌట్‌ ఈవ్‌, టైటానిక్‌, లా లా ల్యాండ్‌ పేరిట ఈ రికార్డు ఉండేది. తాజాగా సిన్నర్స్‌ ఆ రికార్డ్‌ను తిరగరాసింది. ఈ మూవీ తర్వాత వన్‌ బ్యాటిల్‌ ఆఫ్టర్‌ అనదర్‌కు ఎక్కువ నామినేషన్స్‌ దక్కించుకుంది. ఈ ఏడాది కొత్తగా క్యాస్టింగ్‌ డైరెక్టర్‌ కేటగిరీని తీసుకొచ్చారు. బెస్ట్ ఫిల్మ్ కేటగిరీ.. బగోనియాఎఫ్‌-1ఫ్రాంకిన్‌స్టన్‌హ్యామ్‌నెట్‌మార్టీ సుప్రీంవన్‌ బ్యాటిల్‌ ఆఫ్టర్‌ అనదర్‌ది సీక్రెట్‌ ఏజెంట్‌సెంటిమెంటల్‌ వాల్యూసిన్నర్స్‌ట్రైన్‌ డ్రీమ్స్‌బెస్ట్ డైరెక్టర్ కేటగిరీ... క్లోయి జావ్‌: హ్యామ్‌నెట్‌జాష్‌ షాఫ్డీ: మార్టీ సుప్రీంపాల్‌ థామస్‌ ఆండ్రూసన్‌: వన్‌ బ్యాటిల్‌ ఆఫ్టర్‌ అనదర్‌యోఆకీమ్‌ ట్రియర్‌: సెంటిమెంటల్‌ వాల్యూరేయాన్‌ కూగ్లర్‌: సిన్నర్స్‌బెస్ట్ యాక్టర్...తిమోతి చాలమేట్‌: మార్టీ సుప్రీంలియోనార్డ్‌ డికాప్రియో: వన్‌ బ్యాటిల్‌ ఆఫ్టర్‌ అనదర్‌ఈథన్‌ హాక్‌: బ్లూ మూన్‌మైఖేల్‌ బి జోర్డాన్‌: సిన్నర్స్‌వాగ్నర్‌ మౌరా: ది సీక్రెట్‌ ఏజెంట్బెస్ట్ యాక్ట్రెస్జస్సీ బక్లీ: హ్యామ్‌ నెట్‌రోజ్‌ బర్న్‌: ఇఫ్‌ ఐ హ్యాడ్‌ లెగ్స్‌ ఐ వుడ్‌ కిక్‌ యుకేట్‌ హడ్సన్‌: సాంగ్‌ సంగ్‌ బ్లూరెనాటా రైన్సావా: సెంటిమెంటల్ వాల్యూఎమ్మా స్టోన్‌: బగోనియాఉత్తమ సహాయ నటి ఎల్‌ ఫ్యానింగ్‌- సెంటిమెంటల్‌ వాల్యూ ఇంగా ఇబ్సిడాట్టర్‌ లిల్లాస్‌- సెంటిమెంటల్‌ వాల్యూ ఎమీ మాడిగన్‌- వెపన్స్‌ ఉన్మి మసాకు- సిన్నర్స్‌ టియానా టేలర్‌: వన్‌ బ్యాటిల్‌- ఆఫ్టర్‌ అనదర్‌ఉత్తమ సహాయ నటుడు బెనిసియో డెల్‌ టారో: వన్‌ బ్యాటిల్‌ ఆఫ్టర్‌ అనదర్‌ జేకబ్‌ ఎల్రోడి: ఫ్రాంకిన్‌స్టన్ డెల్రాయ్‌ లిండో: సిన్నర్స్‌ షాన్‌ పెన్‌: వన్‌ బ్యాటిల్‌ ఆఫ్టర్‌ అనదర్‌ స్టెలెన్‌ స్కార్స్‌గార్డ్‌: సెంటిమెంటల్‌ వాల్యూబెస్ట్‌ యానిమేటెడ్‌ షార్ట్‌ ఫిల్మ్‌ కేటగిరీ ది గర్ల్‌ హూ క్రైడ్‌ పెరల్స్‌ బటర్‌ఫ్లై ఫరెవర్‌ గ్రీన్‌ రిటైర్మెంట్‌ ప్లాన్‌ ది త్రీ సిస్టర్స్‌ మేకప్‌ అండ్‌ హెయిర్‌ స్టైల్‌ కేటగిరీ.. ది స్మాషింగ్‌ మెషీన్‌ ది అగ్లీ స్టెప్‌ స్టిస్టర్‌ ఫ్రాంకిన్‌స్టన్ కొకుహో సిన్నర్స్‌ బెస్ట్‌ ఒరిజినల్‌ స్కోర్‌.. బగోనియా సిన్నర్స్‌ ఫ్రాంకిన్‌స్టన్ హ్యామ్‌నెట్‌ వన్‌ బ్యాటిల్‌ ఆఫ్టర్‌ అనదర్‌ బెస్ట్‌ లైవ్‌ యాక్షన్‌ షార్ట్‌ ఫిల్మ్‌ బుచర్స్‌ స్టెయిన్‌ ది సింగర్స్‌ ఎ ఫ్రెండ్‌ ఆఫ్‌ డార్ఫీ జేన్‌ ఆస్టన్స్‌ పీరియడ్‌ డ్రామా టూ పీపుల్‌ ఎక్స్ఛేంజ్‌ సలైవాఒరిజినల్‌ సాంగ్‌డియర్‌ మి (డయాన్‌ వారెన్‌ రెలెంట్‌లెస్‌)గోల్డెన్‌: కెపాప్‌ డెమెన్‌ హంటర్‌ఐ లైక్డ్‌ టు యు: సిన్నర్స్‌స్వీట్‌ డ్రీమ్స్‌ ఆఫ్‌ జాయ్‌ (వీవా వీర్డీ)ట్రైన్‌ డ్రీమ్స్‌: ట్రైన్‌ డ్రీమ్స్‌బెస్ట్ ఇంటర్నేషనల్ ఫిల్మ్.. ది సీక్రెట్‌ ఏజెంట్‌ (బ్రెజిల్‌)ఇట్‌ వాజ్‌ ఏ జస్ట్‌ యాక్సిడెంట్ (ఫ్రాన్స్‌)సెంటిమెంటల్‌ వాల్యూ (నార్వే)సిరాట్‌ (స్పెయిన్‌)ది వాయిస్‌ ఆఫ్ హింద్‌ రజాబ్‌ (తునీషియా) బెస్ట్‌ అడాప్టెడ్‌ స్క్రీన్‌ప్లే వన్‌ బ్యాటిల్‌ ఆఫ్టర్‌ అనదర్‌ బగోనియా ఫ్రాంకిన్‌స్టన్ హ్యామ్‌నెట్‌ ట్రైన్‌ డ్రీమ్స్‌ బెస్ట్‌ ఒరిజినల్‌ స్క్రీన్‌ప్లేబ్లూమూన్‌ ఇట్‌ వాజ్‌ జస్ట్‌ యాన్‌ యాక్సిడెంట్‌ మార్టీ సుప్రీం సెంటిమెంటల్‌ వాల్యూ సిన్నర్స్‌బెస్ట్ క్యాస్టింగ్‌హ్యామ్‌నెట్‌మార్టీ సుప్రీంవన్‌ బ్యాటిల్‌ ఆఫ్టర్‌ అనదర్‌ది సీక్రెట్‌ఏజెంట్‌సిన్నర్స్‌బెస్ట్ కాస్ట్యూమ్‌ డిజైన్‌అవతార్‌: ఫైర్‌ అండ్‌ యాష్‌ఫ్రాంకిన్‌స్టన్‌హ్యామ్‌నెట్‌మార్టీసుప్రీంసిన్నర్స్‌బెస్ట్‌ డాక్యుమెంటరీ ఫీచర్‌ ఫిల్మ్‌ది ఆలబామా సొల్యూషన్స్‌కమ్స్‌ సీ మి ఇన్‌ ది గుడ్‌ లైట్‌కటింగ్‌ థ్రూ రాక్స్‌మిస్టర్‌ నో బడీ అగైనెస్ట్ పుతిన్‌ది పర్‌ఫెక్ట్‌ నైబర్‌బెస్ట్‌ డాక్యుమెంటరీ షార్ట్‌ ఫిల్మ్‌ఆల్‌ ది ఎంప్టీ రూమ్స్ఆర్డ్మ్‌ ఓన్లీ విత్‌ ఏ కెమెరా: ది లైఫ్‌ అండ్‌ డెత్‌ ఆఫ్‌ బ్రెంట్‌ రెనోడ్‌చిల్డ్రన్‌ నో మోర్‌: వర్‌ అండ్‌ ఆర్‌ గాన్‌ది డెవిల్‌ ఈజ్‌ బిజీపర్‌ఫెక్ట్‌లీ ఎ స్ట్రేంజ్‌నెస్‌బెస్ట్ యానిమేటెడ్‌ ఫీచర్‌ ఫిల్మ్‌ఆర్కోఎలియోకెపాప్‌ డెమన్‌ హంట్స్‌లిటిల్‌ ఆమలీ ఆర్‌ ది క్యారెక్టర్‌ ఆఫ్‌ రెయిన్‌జుప్టోపియా-2బెస్ట్ ప్రొడక్షన్‌ డిజైన్‌ఫ్రాంకిన్‌స్టన్‌హ్యామ్‌నెట్‌మార్టీ సుప్రీంవన్‌ బ్యాటిల్‌ ఆఫ్టర్‌ అనదర్‌సిన్నర్స్‌బెస్ట్ ఎడిటింగ్‌ఎఫ్‌1మార్టీ సుప్రీంవన్‌ బ్యాటిల్‌ ఆఫ్టర్‌ అనదర్‌సెంటిమెంటల్‌ వాల్యూసిన్నర్స్‌బెస్ట్ సౌండ్‌ఎఫ్‌1ఫ్రాంకిన్‌స్టన్‌వన్‌ బ్యాటిల్‌ ఆఫ్టర్‌ అనదర్‌సిన్నర్స్‌సిరాట్‌బెస్ట్ విజువల్‌ ఎఫెక్ట్స్‌అవతార్‌: ఫైర్‌ అండ్‌ యాష్‌ఎఫ్‌1జురాసిక్‌ వరల్డ్‌ రీబర్త్‌ది లాస్ట్‌ బస్‌సిన్నర్స్‌బెస్ట్ సినిమాటోగ్రఫీఫ్రాంకిన్‌స్టైన్‌మార్టీ సుప్రీంవన్‌ బ్యాటిల్‌ ఆఫ్టర్‌ అనదర్‌సిన్నర్స్‌ట్రైన్‌ డ్రీమ్స్‌

సాక్షి, హైదరాబాద్‌: రెండో విడతలో 4,332 గ్రామ పంచాయతీలకు ఎన్నికలు నిర్వహిస్తుండగా, 415 సర్పంచ్‌ స్థానాలు ఏకగ్రీవమయ్యాయి. పలు కారణాలతో 5 సర్పంచ్‌ స్థానాలకు నామినేషన్లు దాఖలు కాలేదు. మిగిలిన 3,911 సర్పంచ్‌ స్థానాలకు ఎన్నికలు జరగనుండగా.. 13,128 మంది అభ్యర్థులు బరిలో నిలిచారు. ఈ విడతలో 38,322 వార్డులకు నోటిఫికేషన్‌ ఇవ్వగా, 8,304 వార్డులు ఏకగ్రీవమయ్యాయి. 107 వార్డుల్లో ఎవరూ నామినేషన్లు వేయలేదు. ఇక మిగిలిన 29,903 వార్డులకు పోలింగ్‌ జరగనుండగా.. మొత్తంగా 78,158 మంది అభ్యర్థులు పోటీ పడుతున్నారు. ఏకగ్రీవాల్లో కామారెడ్డి టాప్‌ రాష్ట్రవ్యాప్తంగా ఏకగ్రీవాల్లో కామారెడ్డి జిల్లా అగ్ర స్థానంలో నిలిచింది. ఈ జిల్లాలో 197 పంచాయతీలుండగా, అత్యధికంగా 44 ఏకగ్రీవమయ్యాయి. ఆ తర్వాత నిజామాబాద్‌ జిల్లాలో 196 పంచాయతీలకు 38, నల్లగొండ జిల్లాలో 282 పంచాయతీలకు 38 గ్రామాలు ఏకగ్రీవమయ్యాయి. వార్డుల్లోనూ కామారెడ్డి జిల్లానే టాప్‌లో నిలిచింది. ఈ జిల్లాలో 1,654 వార్డులుండగా, 776 ఏకగ్రీవమయ్యాయి.నిజామాబాద్‌ జిల్లాలో 1,760 వార్డులకు 674, నల్లగొండ జిల్లాలో 2,418 వార్డులకు 553 స్థానాలు ఏకగ్రీవమయ్యాయి. కాగా, కొమురం భీం ఆసిఫాబాద్‌ జిల్లాలో అత్యల్పంగా కేవలం ఒక సర్పంచ్, మంచిర్యాల, వరంగల్‌ జిల్లాల్లో కేవలం 2 చొప్పున సర్పంచ్‌ స్థానాలు ఏకగ్రీవమయ్యాయి. \రెండో విడతలో 10 శాతం పంచాయతీలు ఏకగ్రీవం కాగా.. మిగిలిన చోట్ల హోరాహోరీ పోరు నెలకొంది. సర్పంచ్‌ స్థానానికి ముగ్గురు నుంచి నలుగురు, వార్డుకు సగటున ఇద్దరు నుంచి ముగ్గురు పోటీ పడుతున్నారు. రెండో విడత పోలింగ్‌ 14వ తేదీన జరగనుండగా, అదే రోజు విజేతలను ప్రకటిస్తారు. మూడోవిడత నామినేషన్ల లెక్క తేలగా.. నామినేషన్ల పరిశీలన ప్రక్రియ కూడా పూర్తయ్యింది. 9న ఉపసంహరణ ఉంటుంది. సండే స్పెషల్‌.. చికెన్‌ టోకెన్స్‌ లింగాలఘణపురం: జనగామ జిల్లా లింగాలఘణపురం మండల కేంద్రంలోని ఓ వార్డు అభ్యర్థి తమ ఓటర్లకు ఆదివారం స్పెషల్‌గా చికెన్‌ టోకెన్స్‌ అందజేశాడు. రెండు చికెన్‌ సెంటర్లను ఎంచుకొని శనివారం రాత్రే వారికి టోకెన్లు అందజేశాడు. దీంతో ఆ వార్డు ఓటర్లు ఉదయం చికెన్‌ సెంటర్లకు వెళ్లి అభ్యర్థి రాసి ఇచి్చన టోకెన్‌ చూపించి చికెన్‌ తెచ్చుకున్నారు.ఇదీ ఎన్నికల సండే స్పెషల్‌ చికెన్‌ అంటూ ఆరగించారు. జనాభా కన్నా ఓటర్లే ఎక్కువట గీసుకొండ: వరంగల్‌ జిల్లా గీసుకొండ మండలంలోని పలు గ్రామాల్లో వింత పరిస్థితి నెలకొంది. ఎన్నికల సందర్భంగా అధికారులు విడుదల చేసిన జనాభా, ఓటర్ల వివరాలు విస్మయాన్ని కలిగిస్తున్నాయి. సూర్యతండా గ్రామ జనాభా 498 మంది, ఓటర్లు 499 మందిగా ఉంది. అంటే అధికారుల లెక్కల ప్రకారం జనాభా కన్నా ఓటర్లే ఎక్కువ అన్నమాట. అలాగే కొనాయమాకుల గ్రామపంచాయతీ జనాభా 850, ఓటర్లు 916 మంది, గంగదేవిపల్లి జనాభా 1,080, ఓటర్లు 1,118 మంది ఉన్నట్టు అధికారులు రూపొందించిన క్లస్టర్ల వారీ జనాభా, ఓటర్ల జాబితాలో నమోదై ఉంది. గెలిపిస్తే.. ఐదేళ్లు కేబుల్‌ కనెక్షన్‌ ఉచితం నర్సాపూర్‌ రూరల్‌: సర్పంచ్‌గా గెలిపిస్తే ఐదేళ్లు కేబుల్‌ టీవీ కనెక్షన్‌ ఉచితంగా ఇస్తానని మెదక్‌ జిల్లా నర్సాపూర్‌ మండలం నత్నయ్యపల్లి సర్పంచ్‌గా పోటీ చేస్తున్న కేబుల్‌ టీవీ ఆపరేటర్‌ నీలి బిక్షపతి ఎన్నికల మేనిఫెస్టో విడుదల చేసి ప్రచారం ప్రారంభించాడు. మహిళలకు కుట్టు మెషీన్‌ల పంపిణీతో పాటు టైలరింగ్‌ శిక్షణ ఇప్పిస్తానని, ప్రతి వీధిలో సీసీ కెమెరాలు ఏర్పాటు చేయిస్తానని చెప్పాడు. ఏకగ్రీవ సర్పంచ్‌గా ఎమ్మెల్యే కౌసర్‌ భార్య వెల్దుర్తి: కార్వాన్‌ ఎమ్మెల్యే కౌసర్‌ మొహినొద్దీన్‌ సతీమణి, జీహెచ్‌ఎంసీ మాజీ కార్పొరేటర్‌ నజ్మాసుల్తానా సర్పంచ్‌గా ఏకగ్రీవంగా ఎన్నికయ్యారు. మెదక్‌ జిల్లా వెల్దుర్తి మండలం బస్వాపూర్‌ సర్పంచ్‌ పదవి జనరల్‌ మహిళకు రిజర్వు అయ్యింది. ఈ స్థానానికి నజ్మాసుల్తానాతోపాటు కాసాల ఇందిర నామినేషన్‌ వేశారు. అయితే కాసాల ఇందిర తన నామినేషన్‌ను విత్‌ డ్రా చేసుకోవడంతో నజ్మా సుల్తానా సర్పంచ్‌గా ఏకగ్రీవం కానున్నారు. ఎమ్మెల్యే పెద్ద కుమారుడు అప్సర్‌ 2019లో జరిగిన పంచాయతీ ఎన్నికల్లో బస్వాపూర్‌ నుంచి సర్పంచ్‌గా పోటీ చేసి 63 ఓట్ల తేడాతో ఓటమి చెందారు. అదే గ్రామంలోనే ఇప్పుడు తల్లి ఏకగ్రీవ సర్పంచ్‌ అయ్యారు.

సాక్షి, హైదరాబాద్‌: మూడో విడతలో 4,158 సర్పంచ్‌లు, 36,442 వార్డులకు ఎన్నికలు జరగనున్న విషయం తెలిసిందే. అయితే 11 చోట్ల సర్పంచ్‌ పదవులకు ఆయా జిల్లాల్లో 100 వార్డులకు ఒక్క నామినేషన్‌ కూడా దాఖలు కాలేదు. నాగర్‌కర్నూల్‌ జిల్లాలోని 158 సర్పంచ్‌ పదవులకు ఎన్నికలు నోటిఫై చేయగా ఆరు చోట్ల, 1,364 వార్డులకు 44 చోట్ల అభ్యర్థులెవరూ నామినేషన్‌ వేయలేదు. కొమురంభీం జిల్లాలో రెండు సర్పంచ్, 6 వార్డుల్లో నామినేషన్లు, ఖమ్మం జిల్లాలో ఒక సర్పంచ్, 9 వార్డులకు నామినేషషన్లు పడలేదు. వీటిని మినహాయించగా, 4,147 సర్పంచ్‌ పదవులకు 27,277 నామినేషన్లు, 36,342 వార్డులకు 89,603 నామినేషన్లను అభ్యర్థులు సమర్పించారు. ఈ గణాంకాలను బట్టి చూస్తే మూడోవిడతలో ఒక్కో సర్పంచ్‌ స్థానానికి ఆరున్నర మంది పోటీపడుతున్నారు. వార్డుల విషయానికొస్తే పోటీ కొంత తక్కువగా ఉన్నట్టుగా కనిపిస్తోంది. మంగళవారం నామినేషన్ల ఉపసంహరణ ముగిశాక పోటీలో ఉన్న అభ్యర్థుల జాబితాను అధికారులు గ్రామపంచాయతీల్లోని నోటీస్‌ బోర్డుల్లో ప్రదర్శిస్తారు. ఈ విడతలోనూ అత్యధికంగా నల్లగొండ జిల్లాలో 269 సర్పంచ్‌ పదవులకు ఎన్నికలు నోటిఫై చేయగా 1,962 మంది అభ్యర్థులు నామినేషన్లు వేశారు. ఇదే జిల్లాలోని 2,206 వార్డులకు 5,606 మంది నామినేషన్లు సమర్పించారు. ముగిసిన రెండో విడత నామినేషన్ల ఉపసంహరణ ఈ నెల 14న జరగనున్న రెండో విడత పంచాయతీ ఎన్నికలకు సంబంధించి 4,332 సర్పంచ్‌ పదవులకు 28,278 నామినేషన్లు, 38,342 వార్డులకు 93,595 నామినేషన్లు దాఖలయ్యాయి. అయితే శనివారం మధ్యాహ్నం 3 గంటలకు ఉప­­సంహరణల గడువు ముగిసింది. ఆ తర్వాత పోటీలో ఉన్న అభ్యర్థుల జాబి­తా­కు సంబంధించి ఇంకా పూర్తిస్పష్టత రాలేదు. ఉపసంహరణలు ముగిశాక ఈ విడతలో ఏకగ్రీవమైన సర్పంచ్‌ పదవులు, వార్డులకు సంబంధించిన సమీక్ష నిమిత్తం జిల్లా కలెక్టర్లకు రాష్ట్ర ఎన్నికల కమిషన్‌ (ఎస్‌ఈసీ) సమయం ఇచ్చింది. ఈ ఉపసంహరణలు ప్రలోభాలు, బెదిరింపులు, ఇతర ఒత్తిళ్లు లేకుండా జరిగాయా లేదా అని నిర్ధారించుకున్న తర్వాతే ఏకగ్రీవాలను ప్రకటించనున్నారు. దీంతో ఏకగ్రీవమైన సర్పంచ్, వార్డు సభ్యుల సంఖ్య, వివరాలు ఆదివారమే వెల్లడవుతాయని ‘సాక్షి’కి ఎస్‌ఈసీ అధికారులు వెల్లడించారు.

స్థానికంగా జరిగే పంచాయతీ ఎన్నికల్లో ఫ్యామిలీ స్కెచ్‌లు అనేకం ఉంటాయి. ప్లాన్‌ ఏ, ప్లాన్‌ బీ అన్నట్టుగా పక్కా ప్రణాళికతో ఎన్నికల బరిలో నిలుస్తారు. నామినేషన్లు ఎక్కడా రిజెక్ట్‌ కాకుండా పెద్ద కసరత్తే చేస్తారు. ఒకవేళ నామినేషన్‌ రిజెక్ట్‌ అవుతుందోనని భావించి తమ కుటుంబసభ్యులతో కూడా ఒకటి రెండు నామినేషన్లు వేయిస్తారు. అన్నీ పక్కాగా ఉంటే మరొకరి నామినేషన్‌ విత్‌ డ్రా చేయిస్తారు. ఒకవేళ రిజెక్ట్‌ అయితే మరొకరు పోటీలో ఉంటారు.బండి కాని...బండి దుబ్బాకటౌన్‌: సిద్దిపేట జిల్లా దౌల్తాబాద్‌ మండల కేంద్రానికి చెందిన ఓ మహిళ సర్పంచ్‌ అభ్యర్థి వినూత్నంగా ప్రచారం నిర్వహిస్తున్నారు. ఓటర్లను ఆకట్టుకునేలా ఆటోకు రెండు బండి చక్రాలను జోడించి ఎడ్ల బండి మాదిరిగా తయారు చేయించారు. ముందు రెండు ఎడ్ల బొమ్మలను, వెనకాల ఆవు దూడలను జోడించి అందరినీ ఆకట్టుకునేలా తయారు చేయించారు.ఓటరులో చైతన్యంబొమ్మలరామా­రం: యాదాద్రి భువనగిరి జిల్లా బొమ్మలరామా­రం మండలంలోని జ­లాల్‌పూర్‌ గ్రామంలో పలువురు మహిళలు.. ‘మా ఓట్లను మద్యానికి, డబ్బులకు, బహుమతులకు అమ్ముకోము. నిజాయితీగా ఓటు హక్కు వినియోగించుకుంటాం’అని పలకలపై రాసి తమ ఇంటి గేటుకు పెట్టుకున్నారు.మాజీమంత్రి తండ్రి సర్పంచ్‌గా పోటీతిరుమలగిరి: మాజీమంత్రి, సూర్యాపేట ఎమ్మెల్యే గుంటకండ్ల జగదీశ్‌రెడ్డి తండ్రి రామచంద్రారెడ్డి సూర్యాపేట జిల్లా నాగారం గ్రామ సర్పంచ్‌గా పోటీలో ఉన్నారు. 95 సంవత్సరాల వయసున్న రామచంద్రారెడ్డి బీఆర్‌ఎస్‌ మద్దతుతో బరిలో నిలిచారు. గతంలో జగదీశ్‌రెడ్డి సోదరుడు రమేశ్‌రెడ్డి భార్య మాణిమాల నాగారం మండలం డి.కొత్తపల్లి ఎంపీటీసీ సభ్యురాలిగా గెలుపొంది నాగారం వైస్‌ ఎంపీపీగా పనిచేశారు.హామీలు పూర్తి చేయకపోతే చెప్పులు మెడలో వేసుకుంటాబాండ్‌ పేపర్‌ రాసిచ్చిన సర్పంచ్‌ అభ్యర్థి మానకొండూర్‌: ‘తాను సర్పంచ్‌గా గెలిచిన తర్వాత గ్రామాభివృద్ధి కోసం వాగ్దానం చేసిన హామీలను నెరవేర్చకపోతే ప్రతీకులానికో చెప్పు నా మెడలో వేసుకొని బహిరంగంగా రాజీనామా చేసి వెళ్లిపోతా’అని కరీంనగర్‌ జిల్లా మానకొండూర్‌ మండలం చెంజర్ల సర్పంచ్‌ అభ్యర్థి గుమ్మడవెల్లి రాజేశ్వరి అభయం ఇచ్చారు. ఇందుకోసం రూ.వంద విలువైన బాండ్‌పేపర్‌పై హామీలను రాసిచ్చారు. డబ్బులు, మద్యం పంచకుండా తనలాగే మేనిఫెస్టో విడుదల చేసి కేవలం ఓట్లు అడగాలని తన ప్రత్యర్థులను వేడుకున్నారు.ఆ ముంపు గ్రామాలకు ఇవే చివరి ఎన్నికలుసాక్షి, యాదాద్రి: భువనగిరి మండలం పరిధిలో నిర్మిస్తున్న నృసింహ సాగర్‌ (బస్వాపురం) రిజర్వాయర్‌లో ముంపునకు గురవుతున్న భువన గిరి మండలంలోని బీఎన్‌ తిమ్మాపురం, యాదగిరిగుట్ట మండలంలోని లప్పా­నాయక్‌తండా, తుర్కపల్లి మండలం చౌక్లాతండా గ్రామ పంచాయ తీలకు ఇవే చివరి ఎన్నికలు కానున్నాయి. ప్రభుత్వం సకాలంలో పరిహా రం చెల్లించకపోవడంతో ప్రజలు ఆ గ్రామాలను ఇంకా ఖాళీ చేయలేదు. దీంతో అక్కడే ఎన్నికలు నిర్వహిస్తున్నారు. లప్పానాయక్‌తండా సర్పంచ్‌ పదవితో పాటు 8 వార్డులకు ఎన్నికలు జరుగుతున్నాయి. చౌక్లాతండా సర్పంచ్‌గా రాజారాంనాయక్‌తోపాటు 6 వార్డులు ఏకగ్రీవమయ్యాయి. తిమ్మాపురం సర్పంచ్‌గా ఎడ్ల వెంకట్‌రెడ్డి, 1,3, 4, 7, 9 వార్డులు ఏకగ్రీవంగా కాగా, 5 వార్డులకు ఎన్నికలు జరుగుతున్నాయి.చట్టప్రకారం ఎన్నికలు నిర్వహిస్తాంముంపు గ్రామాలకు చట్ట ప్రకా­రం పంచాయతీ ఎన్నికలను నిర్వహిస్తాం. ముంపు తర్వాత గ్రామాన్ని ఎక్కడకు మార్చా­లన్నది ప్రభుత్వం తీసుకునే నిర్ణయంపై ఆధారపడి ఉంటుంది. ప్రస్తుతం ఐదేళ్ల కాలానికి సర్పంచ్, వార్డు సభ్యు­లను ప్రజలు ఓట్ల ద్వారా ఎన్నుకుంటారు. ముంపు గ్రామాల్లో పక్కా నిర్మాణాలు కొత్తగా చేపట్టం. – విష్ణువర్ధన్‌ రెడ్డి, డీపీఓభర్త నామినేషన్‌ రిజెక్ట్‌.. భార్య అభ్యర్థిత్వానికి ఓకేస్కూల్‌ అసిస్టెంట్, అంగన్‌వాడీ టీచర్‌ ఉద్యోగాలు వదిలి... ఇబ్రహీంపట్నం రూరల్‌: రంగారెడ్డి జిల్లా ఇబ్రహీంపట్నం మండలం కప్పపహాడ్‌లో సర్పంచ్‌ పదవి ఎస్సీ జనరల్‌కు రిజర్వు అయ్యింది. దీంతో గ్రామానికి చెందిన స్కూల్‌ అసిస్టెంట్‌ బింగి రాములయ్య ఓ రాజకీయ పార్టీ మద్దతుతో సర్పంచ్‌ పదవికి నామినేషన్‌ వేశారు. మరో పది నెలల సర్వీస్‌ ఉండగానే వీఆర్‌ఎస్‌ కోసం ప్రయత్నించారు. ఇందులో భాగంగా అక్టోబర్‌ 30న తన రాజీనామా పత్రాన్ని డీఈఓ సుశీందర్‌రావుకు అందజేశారు. రాములయ్య సతీమణి బింగి గీత సైతం ఇదే గ్రామంలో అంగన్‌వాడీ టీచర్‌గా పనిచేస్తున్నారు. ఈనెల 5న తన ఉద్యోగానికి రాజీనామా చేసి ఇబ్రహీంపట్నం ఐసీడీఎస్‌ పీడీకి లేఖ అందజేశారు. అనంతరం ఆమె కూడా సర్పంచ్‌ అభ్యర్థిగా నామినేషన్‌ వేశారు. గీత రాజీనామాకు సంబంధిత శాఖ నుంచి ఎన్‌ఓసీ జారీ కాగా, ఆమె అభ్యర్థిత్వానికి మార్గం సుగమమైంది. కానీ, విద్యాశాఖ నుంచి రాములయ్యకు నో అబ్జెక్షన్‌ సర్టిఫికెట్‌ అందకపోవడంతో ఆయన నామినేషన్‌ తిరస్కరణకు గురైంది.

సాక్షి, హైదరాబాద్‌ : రెండో విడత పంచాయతీ ఎన్నికలకు భారీగా నామినేషన్లు పడ్డాయి. 4,332 సర్పంచ్‌ పదవులకు 28,278 నామినేషన్లు, 38,342 వార్డులకు 93,595 నామినేషన్ల సమర్పణతో అభ్యర్థుల నుంచి అనూహ్య స్పందన వ్యక్తమైంది. ఈ నెల 14న జరగనున్న రెండోవిడత ఎన్నికలకు నామినేషన్ల ప్రక్రియ మంగళవారంతో ముగిసింది. రాత్రి పొద్దుపోయేదాకా పలు పంచాయతీల్లో నామినేషన్లు వేసేందుకు అభ్యర్థులు పెద్దసంఖ్యలో బారులుదీరారు. వివిధ జిల్లాల్లో పడిన నామినేషన్లకు సంబంధించిన పూర్తి వివరాలు, సమాచారం బుధవారం మధ్యాహ్నం రాష్ట్ర ఎన్నికల కమిషన్‌ (ఎస్‌ఈసీ) చేరాయి. దీంతో రెండోవిడత నామినేషన్ల వివరాలను ఎస్‌ఈసీ సాయంత్రం వెల్లడించింది. నామినేషన్లలో నల్లగొండ జిల్లా టాప్‌: రెండో విడతలోనూ సర్పంచ్, వార్డులకు దాఖలైన నామినేషన్ల సంఖ్య విషయంలో నల్లగొండ జిల్లా టాప్‌ప్లేస్‌లో నిలిచింది. ఈ జిల్లాలోని 282 సర్పంచ్‌ స్థానాలకు అత్యధికంగా 2,116 నామినేషన్లు, 2,418 వార్డులకు 6,120 నామినేషన్లు పడ్డాయి. ఆ తర్వాతి స్థానంలో నిలిచిన సూర్యాపేట జిల్లాలో 181 పంచాయతీలకు 1,447 నామినేషన్లు దాఖలయ్యాయి. అంటే ఇక్కడ సగటున ఒక్కో సర్పంచ్‌ సీటుకు 8 మందికి పైగా పోటీ పడుతున్నారు. అదే నల్లగొండ జిల్లాలో సగటున 7.5గా పోటీ ఉంది. సూర్యాపేట జిల్లాలో 1,628 వార్డులకు 4,378 మంది నామినేషన్లు వేశారు. ఖమ్మం జిల్లాలో 183 సర్పంచ్‌ స్థానాలకు 1,055 నామినే షన్లు పడగా, 1,686 వార్డులకు 4,160 నామినేషన్లు అనూహ్యంగా దాఖలయ్యాయి. ఏజెన్సీలో తగ్గిన జోరు: మైదాన ప్రాంతాలతో పోలిస్తే ఏజెన్సీ ప్రాంతాల్లో సర్పంచ్, వార్డులకు పోటీ కాస్త తక్కువగానే ఉంది. ములుగు జిల్లాలోని 52 పంచాయతీలకు అత్యల్పంగా 288 నామినేషన్లు వచ్చాయి. ఆదిలాబాద్, ములుగు వంటి జిల్లాల్లో సగటున ఒక్కో సీటుకు 5 నుంచి 6 నామినేషన్లు మాత్రమే నమోదయ్యాయి. జోగుళాంబ గద్వాల, హనుమకొండ జిల్లాల్లో కూడా నామినేషన్ల సంఖ్య తక్కువగానే ఉంది. ఇంకా తేలని తొలివిడత అభ్యర్థుల లెక్క సాక్షి, హైదరాబాద్‌ : తొలి విడత జరిగే పంచాయతీ ఎన్నికల్లో బరిలో ఉన్న అభ్యర్థులు పూర్తి వివరాలు ఆయా జిల్లాల నుంచి ఇంకా రాష్ట్ర ఎన్నికల కమిషన్‌ (ఎస్‌ఈసీ)కు చేరలేదు. 31 జిల్లాల పరిధిలోని 189 మండలాల్లో 4,236 సర్పంచ్‌ స్థానాలు, 37,440 వార్డులకు 11న పోలింగ్‌ జరగనున్న విషయం తెలిసిందే. ఈ ఎన్నికలకు సంబంధించి బుధవారం మధ్యాహ్నం 3 గంటలకు నామినేషన్ల ఉపసంహరణ ముగియడంతో.. ఆ తర్వాత పోటీలో ఉన్న అభ్యర్థులకు సంబంధించిన జాబితాలను పంచాయతీలలోని నోటీస్‌ బోర్డులపై ప్రచురించారు. పలు గ్రామ పంచాయతీల్లో అభ్యర్థుల ఉపసంహరణ తర్వాత పోటీ లేకుండా ఏకగ్రీవంగా ఎన్నికైన వారిని ప్రకటించారు. అయితే ఏ జిల్లాలో ఎంత మంది సర్పంచ్‌ లు ఏకగ్రీవమయ్యారనే దానిపై సమాచారం రాత్రి వరకూ ఎస్‌ఈసీకి అందలేదు. దీంతో అధికారికంగా ఏకగ్రీవమైన సర్పంచ్‌ల వివరాలు ప్రకటించలేదు. వివరాలను నేడు ఎస్‌ఈసీ ప్రకటించే అవకాశాలున్నాయి. మొదటిదశ ఎన్నికల్లో బరిలో నిలిచిన అభ్యర్థులకు గుర్తుల కేటాయింపు ప్రక్రియ మొదలైంది.

సాక్షి, హైదరాబాద్‌: మూడో విడత పంచాయతీ ఎన్నికల్లో భాగంగా బుధవారం నుంచి నామినేషన్ల స్వీకరణ ప్రారంభం కానుంది. రాష్ట్ర వ్యాప్తంగా 182 మండలాల్లోని 4,159 పంచాయతీల్లోని సర్పంచ్‌ పదవులకు 36,452 వార్డులకు ఈ నెల 17న ఎన్నికలు జరుగుతాయి. శుక్రవారం వరకు నామినేషన్ల స్వీకరణ ఉంంటుంది. 6వ తేదీన నామినేషన్లను పరిశీలించి చెల్లుబాటయ్యే అభ్యర్థుల జాబితాను రూపొందిస్తారు. ఈ నామినేషన్ల తిరస్కరణపై 7న వినతులు స్వీకరించి, 8న వాటిని పరిష్కరిస్తారు. 9న నామినేషన్ల ఉపసంహరణ ఉంటుంది. ఈ నెల 11వ తేదీన తొలి విడత పంచాయతీ ఎన్నికలు జరగనున్న గ్రామాల్లో ఎలాంటి లోటుపాట్లు లేకుండా పకడ్బందీగా ఏర్పాట్లు చేయాలని జిల్లా కలెక్టర్లు, ఎస్పీలు, ఎన్నికల అధికారులను రాష్ట్ర ఎన్నికల కమిషనర్‌ ఐ.రాణీకుముదిని ఆదేశించారు. ఆయా జిల్లాల్లో ఎన్నికల నిర్వహణ ఏర్పాట్లు, అధికారుల సన్నద్ధతపై వివిధ జిల్లాల కలెక్టర్లు, ఇతర అధికారులతో సమీక్షించారు. మంగళవారం ఎస్‌ఈసీ కార్యాలయం నుంచి వీడియో కాన్ఫరెన్స్‌ ద్వారా అన్ని వివరాలు అడిగి తెలుసుకున్నారు. ముగిసిన రెండో విడత నామినేషన్లు రెండో విడత పంచాయతీ ఎన్నికల నామినేషన్ల దాఖలు మంగళవారంతో ముగిసింది. రాత్రి వరకు కూడా పలు జిల్లాల్లోని పంచాయతీల్లో నామినేషన్ల సమర్పణ కొనసాగినట్టుగా ఎస్‌ఈసీ వర్గాలు వెల్లడించాయి. మొత్తం మూడు రోజులకు సంబంధించిన నామినేషన్ల వివరాలను బుధవారమే వెల్లడించే అవకాశాలున్నాయి. రెండో విడతలో నోటిఫై చేసిన 4,332 సర్పంచ్‌ పదవులకు రెండు రోజులు కలిపి మొత్తం 12,479 మంది నామినేషన్లు వేశారు. వార్డు సభ్యుల విషయానికొస్తే 38,350 వార్డులకు 30,040 నామినేషన్లు పడ్డాయి. జిల్లాల వారీగా చూస్తే.. సర్పంచ్‌ నామినేషన్లలో నల్లగొండ జిల్లా అగ్రస్థానంలో నిలిచింది. ఇక్కడ అత్యధికంగా 883 నామినేషన్లు దాఖలయ్యాయి. ఆ తర్వాత స్థానాల్లో సిద్ధిపేట, సంగారెడ్డి జిల్లాలు నిలిచాయి. ఇక వార్డు సభ్యుల విషయానికి వస్తే.. రంగారెడ్డి జిల్లాలో ఆశావహులు క్యూ కట్టారు. ఇక్కడ అత్యధికంగా 2,070 నామినేషన్లు వచ్చాయి. ఏజెన్సీ ప్రాంతమైన ములుగు జిల్లాలో నామినేషన్లు తక్కువగానే పడ్డాయి.

బిగ్‌బాస్ 9 హౌస్‌లో విజయవంతంగా 12 వారాలు పూర్తయ్యాయి. ఆదివారం ఎపిసోడ్‌లో దివ్య ఎలిమినేట్ అయి బయటకెళ్లిపోవడం చాలామంది ఊహించిందే. మరకొరు కూడా ఎలిమినేట్ అవుతారేమో అనుకున్నారు కానీ అలా జరగలేదు. ఇకపోతే 13వ వారానికిగానూ సోమవారం నామినేషన్స్ ప్రక్రియ చిత్రవిచిత్రంగా జరిగింది. అటు సుమన్ శెట్టి, ఇటు తనూజ.. డీమన్‌కి చిన్నపాటి షాక్‌లు ఇచ్చారు. ఇంతకీ సోమవారం ఎపిసోడ్‌లో ఏమేం జరిగింది? నామినేషన్స్‌లో ఎవరెవరున్నారు?(ఇదీ చదవండి: సడన్‌గా ఓటీటీలోకి వచ్చిన రష్మిక హారర్ సినిమా)ప్రతి సభ్యులు ఇద్దరి సభ్యులకు చెందిన బాటిల్స్ పగలగొట్టి నామినేట్ చేయాల్సి ఉంటుందని బిగ్‌బాస్ చెప్పాడు. తొలుత ఇమ్మాన్యూయేల్.. రీతూ, పవన్ పేర్లు చెప్పాడు. భరణి వచ్చి.. తన మెడిసన్స్‌తో ప్రాంక్ చేయడం నచ్చలేదని సంజనని, గతవారం సరిగా కనిపించలేదు అని పవన్‌ని నామినేట్ చేశాడు. రీతూ.. సుమన్, సంజనాని నామినేట్ చేసింది. తనూజ అయితే పవన్ పేరు చెప్పింది. కానీ ఈ డ్రామా కాస్త విచిత్రంగా నడిచింది.తనూజ.. తొలుత ఇమ్మూని నామినేట్ చేస్తున్నట్లు చాలాసేపు మాట్లాడింది. ఇక్కడికి వచ్చిన తర్వాత ప్రతిసారి నన్ను నామినేషన్‌లోకి లాగాడు. ఏదో మాట అన్నంత మాత్రాన ఫ్రెండ్‌ని విసిరి పారేశాం అని కాదు. ఇప్పటికీ నువ్వు నా ఫ్రెండ్ వే. ఏదన్నా ఉంటే ముఖం మీద చెప్పు అని అడిగింది. దీనికి ఇమ్మూ తనవైపు నుంచి సమాధానం ఇచ్చాడు. దీంతో ఇద్దరూ తమ మధ్య దూరాన్ని తగ్గించుకునే ప్రయత్నం చేశారు. అప్పుడు సడన్‌గా డీమన్ పవన్ పేరు చెప్పి తనూజ షాకిచ్చింది. ఇప్పటివరకు నామినేషన్ పాయింట్ చెప్పి మారిస్తే జోక్‌లా అనిపించిందని పవన్ ఆశ్చర్యపోయాడు. అలానే సంజనని కూడా నామినేట్ చేసింది.(ఇదీ చదవండి: సమంతకు ఫిబ్రవరిలోనే నిశ్చితార్థం అయిపోయిందా?)సుమన్ శెట్టి చేసిన నామినేషన్స్ అయితే వేరే లెవల్ కామెడీ అని చెప్పొచ్చు. నువ్వు హౌస్‌లో గట్టి గట్టిగా అరుస్తావ్, నాకు అది డిస్ట్రబెన్స్‌గా ఉందని చెప్పి రీతూని నామినేట్ చేశాడు. దీంతో రీతూ షాకయింది. మిగిలిన వాళ్లకు కూడా ఇబ్బందయితే వాళ్లు చెప్పుండేవాళ్లు కదా అని రీతూ అడిగితే.. వాళ్లకు భయమేమో చెప్పలేదు, నాకు భయం లేదు చెప్తున్నా అని వివరణ ఇచ్చాడు. తర్వాత డీమన్ పవన్ పేరు చెబుతూ.. నీకు దెబ్బ తగిలింది కదా, నువ్వు స్ట్రాంగ్ ప్లేయర్ కూడా, మాకంటే నువ్వే స్ట్రాంగ్ గనుక ఇంటికెళ్లిపోయి రెస్ట్ తీసుకో అని కారణం చెప్పాడు. దీనికి ఏమనలో తెలీక పవన్ నవ్వుకున్నాడు.ఇక సంజన.. పవన్, రీతూని నామినేట్ చేసింది. డీమన్ పవన్.. తొలుత ఇమ్మూ పేరు చెప్పి కాస్త నవ్వించి తర్వాత సంజన, తనూజ పేర్లు చెప్పాడు. చివరగా కెప్టెన్ కల్యాణ్.. భరణిని నామినేట్ చేశాడు. అలా ఈ వారం మొత్తంగా ఆరుగురు నామినేషన్లలో నిలిచారు. వారిలో సంజన, రీతూ, భరణి, పవన్, తనూజ, సుమన్ ఉన్నారు.(ఇదీ చదవండి: ఈ వారం ఓటీటీల్లో ఏకంగా 20 సినిమాలు రిలీజ్)

సాక్షి, హైదరాబాద్‌: తొలి విడత పంచాయతీ ఎన్నికల్లో భారీ సంఖ్య లో నామినేషన్లు దాఖలయ్యాయి. శనివారం సాయంత్రం 5 గంటల్లోపు అభ్యర్థులు భారీ సంఖ్యలో క్యూలైన్‌లో ఉండటంతో అర్ధరాత్రి వరకు నామినేషన్లు స్వీకరించారు. దీంతో ఆదివారం తొలివిడత నామినేషన్ల సంఖ్య తేలింది. మొదటి విడతలో 4,236 పంచాయతీల్లో సర్పంచ్‌ స్థానాలకు 25,654 మంది, 37,440 వార్డులకు 82,276 మంది నామినేషన్లు వేశారు. ⇒ సూర్యాపేట జిల్లాలో సర్పంచ్‌ పదవుల కోసం అభ్యర్థులు పోటాపోటీగా నామినేషన్లు సమరి్పంచారు. ఇక్కడ 159 పంచాయతీలకుగాను అత్యధికంగా 1,387 నామినేషన్లు దాఖలయ్యాయి. వికారాబాద్‌ జిల్లాలో 262 పంచాయతీల్లో సర్పంచ్‌ల కోసం1,383 నామినేషన్లు వేయగా, మహబూబాబాద్‌లో 155 పంచాయతీలకుగాను 1,239, కామారెడ్డి 167 జీపీలకు 1,224, రంగారెడ్డిలో 174 జీపీలకు 1,169 నామినేషన్లు దాఖలయ్యాయి. ⇒ వార్డు సభ్యుల విషయానికి వస్తే సీన్‌ మారింది. పంచాయతీలు ఎక్కువగా ఉన్న రంగారెడ్డి జిల్లాలో వార్డు స్థానాలకు నామినేషన్లు వెల్లువలా వచ్చాయి. ఖమ్మం జిల్లాలో కూడా వార్డుల్లో గట్టి పోటీ నెలకొంది. రంగారెడ్డి జిల్లాలో 1,530 వార్డులకుగాను 4,540, వికారాబాద్‌ 2,198 వార్డులకుగాను 4,379 నామినేషన్లు, ఆ తర్వాత ఖమ్మం జిల్లాలో 1,740 వార్డులకు 4,041, కామారెడ్డిలో 1,520 వార్డులకు 3,832, సూర్యాపేటలో 1,442 వార్డులకు 3,791 నామినేషన్లు వచ్చాయి. 3న నామినేషన్లు ఉపసంహరణ.. తొలి విడత పంచాయతీ ఎన్నికల్లో భాగంగా ఆదివారం అధికారులు నామినేషన్లను పరిశీలించారు. స్రూ్కట్నీ చేసి అభ్యర్థుల జాబితా రూపొందించారు. తిరస్కరించిన నామినేషన్లపై సోమవారం సా యంత్రం వరకు అప్పీల్‌ చేసుకోవచ్చు. మంగళవారం ఈ అప్పీళ్లను పరిష్కరిస్తారు.బుధవారం మధ్యాహ్నం 3 గంటల వరకు అభ్యర్థులు తమ నామినేషన్లను ఉపసంహరించుకోవచ్చు. అదేరోజు మధ్యా హ్నం 3 గంటల తర్వాత పోటీలో ఉన్న అభ్యర్థుల జాబితాను ఎన్నికల అధికారులు ప్రకటిస్తారు. 11వ తేదీన పోలింగ్‌ జరుగుతుంది. రెండో విడత నామినేషన్లు షురూ రెండో విడత పంచాయతీ ఎన్నికలకు నామినేషన్ల స్వీకరణ ఆదివారం నుంచి మొదలైంది. అయితే అర్ధరాత్రి వరకూ దాఖలైన నామినేషన్ల సంఖ్యపై స్పష్టత రాలేదు. రెండో విడతలో 4,333 సర్పంచ్, 38,350 వార్డులకు ఎన్నికలు జరగనున్నాయి. 2వ తేదీ వరకు నామినేషన్లు స్వీకరణ ఉంటుంది. 6న నామినేషన్ల ఉపసంహరణకు అవకాశం ఇచ్చారు. 14న పోలింగ్, అదే రోజు ఫలితాల ప్రకటన ఉంటుంది.

సాక్షి, హైదరాబాద్‌: గ్రామ పంచాయతీ తొలివిడత ఎన్నికల్లో నామినేషన్ల దాఖలు చివరిరోజైన శనివా­రం భారీ స్పందన కనపడింది. గురు, శుక్రవారాల్లో అంతంత మాత్రంగానే నామినేషన్లు దాఖలు కాగా, చివరిరోజు పోటాపోటీగా నామినేషన్లు వేశారు. ఆఖరు రోజు సమర్పించిన నామినేషన్లకు సంబంధించి అన్ని జిల్లాల నుంచి శనివారం అర్ధరాత్రి వర­కు కూడా రాష్ట్ర ఎన్నికల కమిషన్‌ (ఎస్‌ఈసీ)కి పూర్తిస్థాయి సమాచారం చేరలేదు. సర్పంచ్, వార్డు సభ్యస్థానాలకు రాత్రి 8, 9 గంటల దాకా కూడా అభ్యర్థు­ల నామినేషన్ల దాఖలు సాగింది. శనివారం మంచి­రోజు కావడంతోపాటు మధ్యాహ్నం తర్వాత శుభముహూర్తం ఉండడంతో నామినేషన్ల సమర్పణకు పెద్దసంఖ్యలో అభ్యర్థులు పంచాయతీ కార్యాలయాలకు చేరుకున్నారు. శనివారం సాయంత్రం 5 గంట­ల వరకు నామినేషన్లు వేసేందుకు క్యూలో ఉన్న వారి­కి టోకెన్లు ఇచ్చి కూర్చోబెట్టినట్టు అధికారవర్గాల స­మా­చారం. అర్ధరాత్రి వరకు కూడా మొత్తం ఎన్ని నా­మినేషన్లు పడ్డాయనే దానిపై స్పష్టమైన సంఖ్య తెలియరాలేదు. చివరిరోజు సర్పంచ్‌ పదవికి 20వేలకు పైగా, వార్డు సభ్యుల పదవికి 50వేలకు పైగా నామి­నేషన్లు దాఖలైనట్లు అంచనా. దీనిపై ఆదివారం స్పష్టత వస్తుందని అధికారులు చెప్పారు. వచ్చేనెల 11న మొదటి దశలో 4,236 పంచాయతీల్లోని సర్పంచ్‌పదవులు, 37,440 వార్డు సభ్య స్థానాలకు గాను ఎన్నికలు జరగనున్న సంగతి తెలిసిందే. ఆదివారం ఈ నామినేషన్ల పరిశీలనకు జిల్లా అధికారులు ఏర్పాట్లు పూర్తి చేశారు. తిరస్కరణకు గురైన నామినేషన్లపై సోమవారం అప్పీలు చేసుకునే వీలు కల్పించారు. డిసెంబర్‌3న మధ్యాహ్నం 3 గంటల వరకు నామినేషన్ల ఉపసంహరణకు గడువు ఉంది. నేటి నుంచి రెండో విడత నామినేషన్లు డిసెంబర్‌ 14న జరగనున్న రెండో విడత పంచాయతీ ఎన్నికల కోసం ఆదివారం నుంచి మూడురోజుల పాటు నామినేషన్ల స్వీకరణకు అధికారులు ఏర్పాట్లు పూర్తిచేశారు. ఈ విడతలో 4,333 సర్పంచ్‌ పదవులకు, 38,350 వార్డుసభ్యస్థానాలకు ఎన్నికలు జరగనున్నాయి.నామినేషన్లు ఇలా..పదవి జీపీలు తొలిరోజు రెండోరోజు సర్పంచ్‌ 4,236 3,242 4,901వార్డులు 37,440 1,821 9,643

సాక్షి నెట్‌వర్క్‌: రాష్ట్రంలో గ్రామ పంచాయతీ మొదటి విడత ఎన్నికల్లో నామినేషన్‌ల పర్వం శనివారం సాయంత్రం ముగిసింది. ఎన్నికల్లోకి వెళ్తే అనవసరంగా డబ్బులు ఖర్చు చేసుకోవాల్సి వస్తుందని గ్రామ పెద్దల సహకారంతో పలుచోట్ల ప్రజలంతా ఏకమయ్యారు. రాజకీయ పార్టీ లకు అతీతంగా సర్పంచ్‌తో పాటు ఉపసర్పంచ్, వార్డులను ఏకగ్రీవం చేసుకుంటూ తీర్మానం చేసుకున్నారు. దీంతో ఆయా స్థానాల్లో ఆయా పదవులకు ఒకే నామినేషన్‌ దాఖలైంది. దాంతో అక్కడ ఎన్నికలు లేకుండానే ఏకగ్రీవం కానున్నాయి. సర్పంచ్‌ బరిలో అన్నదమ్ములు సొంత అన్నదమ్ములు సర్పంచ్‌ బరిలో నిలిచారు. మహబూబాబాద్‌ జిల్లా నెల్లికుదురు టౌన్‌ సర్పంచ్‌గా కాంగ్రెస్‌ మద్దతుతో అన్న పులి వెంకన్న, బీఆర్‌ఎస్‌ నుంచి తమ్ముడు పులి రామచంద్రు నామినేషన్‌ వేశారు. సర్పంచ్‌ పదవి ఎవరిని వరిస్తుందోనని స్థానికంగా వేచి చూస్తున్నారు. ఖాకీ నుంచి ఖద్దర్‌కు.. సర్పంచ్‌గా పోటీ చేయాలనుకున్న ఓ పోలీస్‌ అధికారి మరో ఐదు నెలలు సర్వీస్‌ ఉండగానే తన ఉద్యోగానికి స్వచ్ఛందంగా రాజీనామా చేశారు. సూర్యాపేట జిల్లా కోదాడ పట్టణ పోలీస్‌ స్టేషన్‌లో ఎస్‌ఐగా పని చేస్తున్న పులి వెంకటేశ్వర్లు స్వగ్రామం కోదాడ మండలం గుడిబండ. తాజా రిజర్వేషన్లలో ఆ గ్రామం ఎస్సీ జనరల్‌ కావడంతో వెంకటేశ్వర్లు బరిలోకి దిగాలనుకున్నారు. పోటీకి ప్రభుత్వ ఉద్యోగులు అనర్హులు కావడంతో వెంకటేశ్వర్లు వారం క్రితం ఉద్యోగానికి రాజీనామా చేశారు. శనివారం ఆయన రాజీనామాను జిల్లా ఎస్పీ ఆమోదించినట్లు తెలిసింది. సర్పంచ్‌ పదవికి సోమవారం ఆయన నామినేషన్‌ దాఖలు చేయనున్నట్లు సమాచారం. 30 ఏళ్ల నుంచి ఏకగ్రీవమే! ఖమ్మం జిల్లా కామేపల్లి మండలంలోని దివంగత మాజీ మంత్రి రాంరెడ్డి వెంకట్‌రెడ్డి స్వగ్రామమైన పాతలింగాల వాసులు గత ఆనవాయితీని కొనసాగిస్తూ సర్పంచ్‌ అభ్యరి్థని ఏకగ్రీవంగా ప్రకటించుకున్నారు. సర్పంచ్‌ను గత 30 ఏళ్ల నుంచి ఏకాభిప్రాయంతో ఎంపిక చేస్తుండడంతో ఎన్నికలు జరగడం లేదు. » జనగామ జిల్లా స్టేషన్‌ఘన్‌పూర్‌ మండలం జిట్టెగూడెంతండా గ్రామ పంచాయతీని ఏకగ్రీవం చేసుకున్నారు. సర్పంచ్‌గా బానోతు బాలు, అలాగే, ఎనిమిది వార్డు స్థానాలకు ఒక్కొక్కరే నామినేషన్లు వేశారు. రఘునాథపల్లి మండలంలోని రామన్నగూడెంలో సర్పంచ్, 8 వార్డు స్థానాల్లో ఒకటి చొప్పున నామినేషన్లు దాఖలయ్యాయి. » జగిత్యాల జిల్లా కథలాపూర్‌ మండలం రాజారాంతండా గ్రామంలో సర్పంచ్, వార్డు స్థానాలు ఏకగ్రీవం అయ్యాయి. ఇబ్రహీంపట్నం మండలం మూలరాంపూర్‌ గ్రామ సర్పంచుతో పాటు 7 వార్డులు ఏకగ్రీవం అయ్యాయి. » బొంరాస్‌పేట మండల పరిధిలో 6 గ్రామపంచాయతీల్లో సర్పంచ్, ఉపసర్పంచ్, వార్డు సభ్యులు పోటీలేకుండా ఏకగ్రీవమయ్యారు. » మహబూబాబాద్‌ జిల్లా ఇనుగుర్తి మండలం పాతతండాజీపీలో సర్పంచ్‌ స్థానానికి (ఇస్లావత్‌ నరే‹Ù), 8 వార్డు స్థానాలకు ఒకటి చొప్పున నామినేషన్‌ దాఖలైంది. » నల్లగొండ జిల్లా నార్కట్‌పల్లి మండలంలోని దాసరిగూడెం గ్రామంలో సర్పంచ్, ఉప సర్పంచ్, 8 మంది వార్డు సభ్యులను గ్రామస్తులు ఏకగ్రీవం చేశారు. » వరంగల్‌ జిల్లా రాయపర్తి మండలంలోని మొరిపిరాల గ్రామ సర్పంచ్, వార్డు సభ్యులను ఏకగ్రీవంగా ఎన్నుకున్నట్లు గ్రామస్తులు తెలిపారు. » దుద్యాల్‌ మండల పరిధిలోని సంగాయిపల్లిలో గ్రామస్తులంతా కలిసి వెంకట్‌రెడ్డిని సర్పంచ్‌గా ఎన్నుకున్నారు. » దౌల్తాబాద్‌ మండల పరిధిలోని తిమ్మాయిపల్లి గ్రామానికి చెందిన శానమ్మ సర్పంచ్‌గా ఏకగ్రీవంగా ఎన్నికైంది. » చొప్పదండి మండలంలోని దేశాయిపేటలో సర్పంచ్‌ పదవితో పాటు, ఎనిమిది వార్డుస్థానాలకు ఒక్కో నామినేషన్‌ పడింది.రోడ్డు వేస్తామని హామీ ఇస్తేనే ఓట్లు రోడ్డు వేస్తామని స్పష్టమైన హామీ ఇస్తేనే పంచాయతీ ఎన్నికల్లో ఓట్లు వేస్తాం, లేదంటే ఎన్నికలను బహిష్కరిస్తామని ఖమ్మం జిల్లా కారేపల్లి మండలం రేగులగూడెం గ్రామపంచాయతీ శివారు గ్రామాల ప్రజలు వెల్లడించారు. దీనిపరిధిలో ఐదు గ్రామాలు ఉండగా, రేగులగూడెం, అనంతారం, రామకృష్ణాపురం గ్రామా­లకు వెళ్లే మార్గంలో 2004లో బీటీ రోడ్డు నిర్మాణానికి శంకుస్థాపన చేసినా కంకర పరిచి వదిలేశారు. కంకర రోడ్డుపైనే ఆ గ్రామాలవాసులు ఆరు కిలోమీటర్ల దూరంలోని మండల కేంద్రమైన కారేపల్లికి రాకపోకలు సాగిస్తున్నారు. రహదారి మరింత దెబ్బతినడంతో తరచూ ప్రమాదాలు జరుగుతున్నాయి. ముఖ్యమంత్రి స్వగ్రామంలో... ముఖ్యమంత్రి రేవంత్‌రెడ్డి స్వగ్రామం నాగర్‌కర్నూల్‌ జిల్లా వంగూరు మండలంలోని కొండారెడ్డిపల్లి గ్రామ సర్పంచ్‌ ఎన్నిక ఏకగ్రీవమైంది. కాంగ్రెస్‌ పార్టీ మద్దతు ఇచి్చన మల్లెపాకుల వెంకటయ్యను ఏకగ్రీవంగా ఎన్నుకున్నారు. అలాగే, పదిమంది వార్డుసభ్యులను కూడా ఏకగ్రీవంగా ఎన్నుకున్నారు. పోలీస్‌ శాఖలో హోంగార్డుగా పనిచేస్తున్న వెంకటయ్య అలియాస్‌ మోహన్‌ ఇటీవల తన ఉద్యోగానికి రాజీనామా చేశారు. పొద్దున పరీక్ష.. మధ్యాహ్నం నామినేషన్‌ కరీంనగర్‌ మండలం చెర్లభూత్కూర్‌ గ్రామపంచాయతీ సర్పంచ్‌ స్థానానికి మాడిశెట్టి అఖిల్‌(21) అనే డిగ్రీ విద్యార్థి నామినేషన్‌ దాఖలు చేశాడు. కరీంనగర్‌లోని ఓ ప్రైవేట్‌ కళాశాలలో బీకామ్‌ తృతీయ సంవత్సరం చదువుతున్నాడు. శనివారం ఉదయం అకౌంట్స్‌ పరీక్షకు హాజరై మధ్యాహ్నం సర్పంచ్‌ పదవికి నామినేషన్‌ వేశాడు. వేలంలో పీఠం కైవసం నల్లగొండ జిల్లా కొండమల్లేపల్లి మండల పరిధిలోని చి­న్నఅడిశర్లపల్లి గ్రామంలో సర్పంచ్‌ పీఠాన్ని పందుల వెం­కటయ్యగౌడ్‌ రూ.51 లక్ష 30 వేలకు వేలం ద్వారా దక్కించుకున్నారు. గ్రామపెద్దలు ఈ వేలం నిర్వహించా­­రు. ఈ మొత్తాన్ని గ్రామంలోని ఆలయ నిర్మాణాని­కి, బొడ్రాయి ప్రతిష్టకు వినియోగించాలని నిర్ణయించారు. కార్మికుల చొక్కా ధరించి.. భద్రాద్రి కొత్తగూడెం జిల్లా అశ్వాపురం మండలంలోని మొండికుంట గ్రామపంచాయతీ సర్పంచ్‌ అభ్యర్థిగా మర్రి సంధ్య నామినేషన్‌ దాఖలు చేశారు. ఈమెను బీఆర్‌ఎస్‌ బలపరిచింది. అయితే, ఆమె పారిశుధ్య కార్మికుల మాదిరి ఖాకీ చొక్కా ధరించి నామినేషన్‌ సమర్పించారు.

సాక్షి, హైదరాబాద్‌: తొలివిడత గ్రామ పంచాయతీ ఎన్నికల నామినేషన్ల దాఖలు ప్రక్రియ శనివారంతో ముగియనుంది. ఆదివారం నామినేషన్ల పరిశీలనకు అధికార యంత్రాంగం ద్వారా పకడ్బందీ ఏర్పాట్లు చేసింది. ఆ రోజు సాయంత్రం 5 తర్వాత నామినేషన్ల స్క్రూటినీ పూర్తయ్యాక చెల్లుబాటయ్యే అభ్యర్థుల జాబితా రూపొందిస్తారు. తిరస్కరణ నామినేషన్లపై అప్పీలు చేసుకునే అవకాశం కల్పించారు. సర్పంచ్‌/వార్డు మెంబర్‌ అభ్యర్థి నామినేషన్‌ తిరస్కరణకు గురైన పక్షంలో సదరు అభ్యర్థి సంబంధిత రెవెన్యూ డివిజనల్‌ / సబ్‌ కలెక్టర్‌ వద్ద రిటర్నింగ్‌ అధికారి నిర్ణయంపై అప్పీలు చేసుకోవచ్చు. నామినేషన్ల పరిశీలన తేదీ మరుసటి రోజు నామినేషన్ల తిరస్కరణపై అప్పీలు దాఖలు చేసుకోవచ్చు. అప్పీలు దాఖలు చేసిన మరుసటి రోజే ఆ అప్పీలును సంబంధిత అధికారి పరిష్కరిస్తారు. అసంపూర్తి సమాచారం, అవసరమైన పత్రాలు జతచేయకపోవడం, ఆయా అంశాలకు సంబంధించిన పూర్తి వివరాలు జోడించని కారణంగా గతంలో పలువురు సర్పంచ్, వార్డు మెంబర్‌ అభ్యర్థుల నామినేషన్లు తిరస్కరణ గురైన సందర్భాలున్నాయి. ఈ నేపథ్యంలో నామినేషన్ల పరిశీలనకు ప్రాధాన్యం ఏర్పడింది. నామినేషన్ల తిరస్కరణ అవకాశాలు తగ్గించుకునేందుకు వీలుగా నామినేషన్ల పరిశీలనకు అభ్యర్థులు వివిధ డాక్యుమెంట్లు తమ వద్దే ఉంచుకుంటే శ్రేయస్కరమని అధికారులు చెబుతున్నారు. బుధవారం మధ్యాహ్నం 3 గంటల లోపు అభ్యర్థులు పోటీ నుంచి ఉపసంహరణకు అవకాశం ఉంటుంది. ఆ తర్వాత పోటీలో ఉన్న సర్పంచ్‌ /వార్డుల అభ్యర్థుల జాబితాను ప్రచురిస్తారు. ఇవి తప్పనిసరి ఉండాల్సిందే... » గ్రామ పంచాయతీ తాజా ఓటరు జాబితా లేదా అభ్యర్థి, ప్రతిపాదకుడు (ప్రపోజర్‌) పేరు ఓటరు జాబితాలో రికార్డయినట్టుగా జారీ చేసిన సర్టిఫికెట్‌ » అభ్యర్థి వయసు ధ్రువీకరణకు సంబంధించిన ఆధారం » డిపాజిట్‌ చెల్లింపునకు సంబంధించిన రశీదు » నామినేషన్‌ పత్రం సమరి్పంచినట్టుగా రిటరి్నంగ్‌ అధికారి నుంచి పొందిన రశీదు » ఎస్సీ, ఎస్టీ, బీసీ కేటగిరీలకు రిజర్వ్‌ అయిన సీట్లలో పోటీ చేసేవారు ఆయా కేటగిరీలకు చెందినవారిగా ఆధారాలు చూపాలి నామినేషన్‌ తిరస్కరణకు ముఖ్య కారణాలివే... » నిర్దేశిత ఫార్మాట్‌ ప్రకారం నామినేషన్‌ పత్రం లేకపోతే » నామినేషన్‌లో సంతకాల కోసం కేటాయించిన చోట అభ్యర్థి లేదా ప్రతిపాదకుడు లేదా ఇద్దరూ సంతకాలు చేయకపోడం» చట్ట ప్రకారం నిర్దేశిత డిపాజిట్‌ మొత్తాన్ని చెల్లించకపోతే » నామినేషన్‌ పత్రంపై అభ్యర్థి లేదా ప్రతిపాదకుడు చేసిన సంతకం సరైనది కాకపోతే » ఎస్టీ, ఎస్సీ, బీసీలకు కేటాయించిన స్థానాల్లో నామినేషన్‌ దాఖలు చేసినా, సంబంధిత రిజర్వేషన్‌కు చెందినవారు కాకపోతే లేదా మహిళల కోసం రిజర్వ్‌ చేసిన స్థానాల్లో నామినేషన్‌ దాఖలు చేస్తే.. » వార్డు మెంబర్‌ అభ్యర్థి ప్రపోజర్‌ సంబంధిత వార్డులో ఓటరుగా నమోదు కాకపోతే... » నేరచరిత్ర, ఆస్తులు, అప్పులు, విద్యార్హతలకు సంబంధించిన సమాచారాన్ని ఎస్‌ఈసీ నిర్దేశిత నమూనాలో ఇద్దరు సాక్షుల ధ్రువీకరణలతోపాటు డిక్లరేషన్‌ పత్రాన్ని అభ్యర్థి సమర్పించకపోతే నామినేషన్లను సంబంధిత అధికారులు తిరస్కరిస్తారు

సాక్షి, హైదరాబాద్‌: తొలి విడతగా ఎన్నికలు జరిగే గ్రామ పంచాయతీల్లో గురువారం నుంచి నామినేషన్ల స్వీకరణ మొద లైంది. మొత్తంగా 4,236 సర్పంచ్‌ పదవులకు 3,242 నామినేషన్లు, 37,440 వార్డులకు 1,821 మంది నామినేషన్లు దాఖలు చేశారు. శనివారం చివరిరోజు కావడంతో ఎక్కువ మంది నామి నేషన్లు వేసే ఆలోచనలో ఉన్నట్టు అధికారులు చెబుతున్నారు. సర్పంచ్‌ నామినేషన్లు ఎక్కువ... తక్కువ ఇలా» నల్లగొండ జిల్లాలో 318 సర్పంచ్‌ పదవులకు తొలిరోజు అత్యధికంగా 421 నామినేషన్లు దాఖలయ్యాయి. యాదాద్రి జిల్లాలో 153 సర్పంచ్‌ పదవులకు 209, సూర్యాపేట జిల్లాలో 159 పదవులకు 207, వరంగల్‌లో 91 పదవులకు 101, సంగారెడ్డిలో జనగామ జిల్లాలో 110 సర్పంచ్‌ పదవులకు 108 మంది నామినేషన్లు వేశారు. » కొమురం భీం ఆసిఫాబాద్‌ జిల్లాలో 114 సర్పంచ్‌ పదవులకుగాను 15 మాత్రమే నామినేషన్లు దాఖలు చేశారు. ఆదిలాబాద్‌ జిల్లాలో 166 సర్పంచ్‌ పదవులకు 32, మెదక్‌ జిల్లాలో 160 పదవులకు 55, మంచిర్యాలలో 90 పదవులకు 25, జగిత్యాలలో 122 సర్పంచ్‌ పదవులకు 48 నామినేషన్లు, భద్రాద్రి కొత్తగూడెంలో 159 పదవులకు 83, రాజన్న సిరిసిల్ల జిల్లాలో 85 పదవులకు 42, ములుగు జిల్లాలో 48 పదవులకు 22, కామారెడ్డిలో 167 సర్పంచ్‌ పదవులకు 115 మంది నామినేషన్లు దాఖలు చేశారు. వార్డులకు మందకొడిగానే.. తొలి విడతలోనూ వార్డులకు నామినేషన్లు దాఖలు చేసిన వారి సంఖ్య స్వలంగానే ఉంది. » మెదక్‌ జిల్లాలో160 పంచాయతీల్లోని 1,402 వార్డులుండగా, కేవలం 4 నామినేషన్లే దాఖలు అయ్యాయి. కొమురం భీం జిల్లాలోని 114 పంచాయతీ పరిధిలోని 944 వార్డులుండగా, ఇక్కడా నలుగురే నామినేషన్లు వేశారు. » ఆదిలాబాద్‌ జిల్లాలో 166 పంచాయతీల్లో 1,390 వార్డులు ఉండగా 15, జోగులాంబ గద్వాల జిల్లాలో 106 పంచాయతీల్లో 974 వార్డులకు 13, మంచిర్యాల జిల్లాలో 90 పంచాయతీల్లోని 816 వార్డులు ఉండగా 14 మందే నామినేషన్లు దాఖలు చేశారు. » నల్లగొండ జిల్లాలో 318 పంచాయతీల్లోని 2,870 వార్డులుండగా 212 నామినేషన్లు, రంగారెడ్డి జిల్లాలో 174 పంచాయతీల్లోని 1,530 వార్డులకు 119 మంది, సంగారెడ్డి జిల్లా 136 పంచాయతీల్లోని 1,246 వార్డులకు 149 మంది, యాదాద్రి భువనగిరి జిల్లాలో 153 పంచాయతీల్లోని 1,286 వార్డులకు 143 నామినేషన్లు దాఖలయ్యాయి.టీ–పోల్‌ యాప్‌లో ఓటర్‌ స్లిప్‌ స్థానిక ఎన్నికలకు సంబంధించి సేవలను మరింత సులభతరం చేసేందుకు టీ–పోల్‌ (Te-Poll)లో కొత్త మొబైల్‌ అప్లికేషన్‌ యాప్‌)ను ఎస్‌ఈసీ విడుదల చేసింది. ఈ యాప్‌ ఓటర్‌ స్లిప్‌ డౌన్‌లోడ్‌ చేసుకోవడానికి, తమ పోలింగ్‌ స్టేషన్‌ ఎక్కడుందో తెలుసుకోవడానికి, సులభంగా ఫిర్యాదు చేయడానికి, ఫిర్యాదుల పరిష్కార ప్రగతిని (ట్రాకింగ్‌) తెలుసుకోవడానికి ఉపయోగపడు తుందని ఎస్‌ఈసీ కార్యదర్శి మందా మకరంద్‌ తెలిపారు. మొబైల్‌లో ప్లేస్టోర్‌ నుంచి ఈ లింకు ద్వారా https:// play. google. com/ store/ apps/ details? id= com. cgg. gov.in.te & poll & telugu> టీ–పోల్‌ యాప్‌ డౌన్‌లోడ్‌ చేసుకోవాలని సూచించారు.

సాక్షి, హైదరాబాద్‌: పంచాయతీ ఎన్నికల సందడంతా పల్లెసీమలకు చేరింది. గురువారం పంచాయతీల వారీగా రిటర్నింగ్‌ అధికారుల ద్వారా ఎలక్షన్‌ నోటీస్‌ విడుదలచేసి నోటీస్‌ బోర్డుపై అతికించడంతో నామినేషన్ల ప్రక్రియ మొదలుకానుంది. గురువారం నుంచి మూడురోజుల పాటు తొలి విడత ఎన్నికలకు (సర్పంచ్, వార్డు సభ్యుల స్థానాలకు) ఉదయం 10.30 నుంచి సాయంత్రం 5 గంటల దాకా నామినేషన్లు స్వీకరించనున్నారు. డిసెంబర్‌ 11న తొలిదశలో 189 మండలాల్లో 4,236 సర్పంచ్, 37,440 వార్డుసభ్యుల స్థానాలకు ఎన్నికలు జరగనున్నాయి. మొత్తం మూడుదశల్లో (డిసెంబర్‌ 11, 14, 17 తేదీల్లో) ఈ ఎన్నికలు జరగనున్నాయి. నామినేషన్ల దాఖలు ముగిశాక.. 30న వాటిని పరిశీలించి, అదేరోజు సాయంత్రం చెల్లుబాటయ్యే నామినేషన్ల జాబితాను వెల్లడిస్తారు. వాటిపై ఏమైనా అభ్యంతరాలుంటే డిసెంబర్‌ 1న అప్పీలు చేసుకుంటే, 2న వాటిని పరిష్కరిస్తారు. 3న మధ్యాహ్నం 3 గంటల్లోగా ఉపసంహరణలు ముగిశాక, ఆ తర్వాత పోటీలో ఉన్న అభ్యర్థుల జాబితాను ఎన్నికల అధికారులు ప్రకటిస్తారు. తొలి విడత నామినేషన్ల స్వీకరణకు జిల్లా ఎన్నికల అధికారులు ఏర్పాట్లు పూర్తి చేశారు. క్లస్టర్‌ కేంద్రాల్లో.. ప్రతి గ్రామంలో కాకుండా మూడు, నాలుగు గ్రామాలను కలిపి ఒక క్లస్టర్‌గా ఏర్పాటు చేశారు. సర్పంచ్, వార్డు సభ్యు ల స్థానాలకు పోటీ చేసే అభ్యర్థులు ఆయా క్లస్టర్‌ కేంద్రాల్లోనే నామినేషన్లను దాఖలు చేయాల్సి ఉంటుంది. ఎన్నికల ప్రక్రియను పారదర్శకంగా నిర్వహించేందుకు రిటర్నింగ్‌ ఆఫీసర్లు (ఆర్వోలు), అసిస్టెంట్‌ రిటర్నింగ్‌ ఆఫీసర్లుగా (ఏఆర్వోలు) గెజిటెడ్‌ హోదా కలిగిన అధికారులనే నియమించారు. ప్రభు త్వ పాఠశాల ప్రధానోపాధ్యాయులు, సూపరింటెండెంట్‌ స్థాయి అధికారులు సర్పంచ్, వార్డు సభ్యులుగా పోటీచేసే అభ్యర్థుల నుంచి నామినేషన్లు స్వీకరిస్తారు. నామినేషన్‌పత్రంతోపాటే డిపాజిట్‌ చెల్లించాల్సి ఉంటుంది. సర్పంచ్‌ పదవికి పోటీచేసే ఎస్సీ, ఎస్టీ, బీసీ అభ్యర్థులు రూ.వెయ్యి, ఇతరులు రూ.2 వేలు డిపాజిట్‌చేయాలి. వార్డు సభ్యుడి పదవికి ఎస్సీ, ఎస్టీ, బీసీ అభ్యర్థుల నామినేషన్‌ రుసుం కింద రూ.250, ఇతరులు రూ.500 చెల్లించాలి.అభ్యర్థులు డిపాజిట్‌ను నగదురూపంలో ఆర్వోకు చెల్లిస్తే రసీదు ఇస్తారు. ఆ రసీదును నామినేషన్‌పత్రానికి జోడించాలి. అభ్యర్థులు తప్పనిసరిగా పంచాయతీలో ఓటర్ల జాబితాలో ఓటరుగా నమోదై ఉండాలి. నామినేషన్ల స్వీకరణ మొదలు కానుండడంతో గ్రామాల్లో పోటీకి ఆశావహులు సన్నాహాలు చేసుకుంటున్నారు. అర్హతలివీ... » నామినేషన్ల పరిశీలన తేదీ నాటికి అభ్యర్థి 21 ఏళ్ల వయసు పూర్తి చేసుకుని ఉండాలి. » » ఎస్టీలకు రిజర్వ్‌ చేసిన స్థానాల్లో అభ్యర్థులు తెలంగాణకు సంబంధించిన షెడ్యూల్డ్‌ తెగలుగా ప్రకటించిన ఏదేని ఒక కులం, తెగకు (కమ్యూనిటీకి) చెందిన వారై ఉండాలి. » ఎస్సీలు, బీసీలకు రిజర్వ్‌ చేసిన స్థానాల్లో పోటీ చేసే అభ్యర్థులు రాష్ట్రానికి సంబంధించిన షెడ్యూల్డ్‌ కులాలు లేదా వెనుకబడిన తరగతులుగా ప్రకటించిన సామాజిక వర్గానికి చెందినవారై ఉండాలి. అనర్హతలు... » క్రిమినల్‌ కేసుల్లో శిక్ష పడితే పోటీకి అనర్హులు. శిక్ష ముగిసిన తేదీ నుంచి ఐదేళ్లపాటు ఈ అనర్హత వర్తిస్తుంది. » పౌరహక్కుల పరిరక్షణ చట్టం–1955 ప్రకారం శిక్ష పడినవారు అనర్హులు. » తెలంగాణ పంచాయతీరాజ్‌ చట్టం–2018లోని 22, 23, 24 సెక్షన్ల ప్రకారం అనర్హులై ఉండకూడదు. » మతిస్థిమితం లేనివారు, చెవిటి లేదా మూగవారు పోటీకి అనర్హులు. » దివాళా తీసిన లేదా దివాళా నుంచి వెలుపలికి రాని వ్యక్తిగా కోర్టు నిర్ణయించిన వారు లేదా అందుకు దరఖాస్తు చేసుకున్న వారు. » ఏదైనా పారితోíÙకం పొందుతూ గ్రామ పంచాయతీ తరఫున లేదా దానికి వ్యతిరేకంగా లీగల్‌ ప్రాక్టీషనర్‌గా పనిచేస్తున్న వారు. » నేర శిక్షాస్మృతి–1973 ప్రకారం మేజిస్ట్రేట్ గా ఆ గ్రామంలోని ఏదైనా ప్రాంతంపై అధికార పరిధి కలిగి ఉన్నవారు. » ప్రస్తుత లేదా గత ఆర్థిక సంవత్సరంలో గ్రామపంచాయతీకి బకాయి పడి, ఆ బకా>యి చెల్లించాలని బిల్లు/నోటీస్‌ ద్వారా తెలియజేసినా నిర్ణీత గడువులోగా బకాయిలు చెల్లించని వారు. » గ్రామ సహాయకునిగా (వీఆర్‌ఓ)గా, కేంద్ర, రాష్ట్ర ప్రభుత్వ అధికారి లేదా ఉద్యోగిగా కాని లేదా స్థానిక సంస్థల్లో, ప్రభుత్వం నుంచి ఆర్థిక సహాయం పొందుతున్న ఏదైనా సంస్థలో ఉద్యోగిగా ఉన్నవారు. » పార్లమెంట్‌ లేదా అసెంబ్లీ ద్వారా చట్టబద్ధత పొందిన ఏదైనా సంస్థలో ఆఫీస్‌ బేరర్‌గా ఉండకూడదు. » అవినీతి చర్యలకు పాల్పడినందుకు కేంద్రం లేదా ఏదైనా రాష్ట్ర ప్రభుత్వ సర్వీసు నుంచి తొలగించిన తేదీ నుంచి ఐదేళ్ల వరకు పోటీకి అనర్హులు. » గతంలో జరిగిన గ్రామీణ స్థానిక సంస్థల ఎన్నికల్లో పోటీచేసి ఎన్నికల ఖర్చు వివరాలను సమర్పించనందుకు లేదా సరైన పద్దతిలో సమర్పించనందుకు ఎన్నికల సంఘం ద్వారా అనర్హులుగా ప్రకటించినవారు పోటీకి అనర్హులు.బ్యాంక్‌ ఖాతా తెరవాల్సిందే... ఎన్నికల వ్యయ పర్యవేక్షణకు వీలుగా ఎన్నికల్లో చేసే ఖర్చు నిమిత్తం ప్రతీ అభ్యర్థి ప్రత్యేకంగా ఏదో ఒక జాతీయ బ్యాంక్‌లో ఖాతా తెరవాలి. నామినేషన్‌ దాఖలు సమయంలో సంబంధిత రిటర్నింగ్‌ అధికారికి లిఖితపూర్వకంగా అభ్యర్థి బ్యాంక్‌ ఖాతా వివరాలు తప్పకుండా తెలియజేయాలి. ఆ ఖాతానుంచే అభ్యర్థి తన మొత్తం ఎన్నికల వ్యయాన్ని ఖర్చుచేయాలి. గతానికి భిన్నంగా ఈసారి పోటీలో ఉన్న అభ్యర్థులు తమ రోజువారీ ఖర్చు వివరాలను మండల పరిషత్‌ అభివృద్ధి అధికారుల (ఎంపీడీఓ)కు సమర్పించాలి.

సాక్షి, బంజారాహిల్స్‌: జూబ్లీహిల్స్‌ ఉపఎన్నికలో నామినేషన్ల దాఖలుకు చివరి రోజైన మంగళవారం నామినేషన్లు వెల్లువెత్తాయి. భారీ సంఖ్యలో నామినేషన్లు వేయడానికి అభ్యర్థులు వచ్చారు. దీంతో, బంజారాహిల్స్‌ రోడ్డు నంబర్‌–2లోని షేక్‌పేట మండల కార్యాలయంలోని జూబ్లీహిల్స్‌ ఉపఎన్నిక రిటర్నింగ్‌ అధికారి కార్యాలయం కిటకిటలాడింది. ఆఖరి రోజు నాటికి మొత్తం 321 నామినేషన్లను అధికారులు స్వీకరించారు. బుధవారం తెల్లవారుజాము మూడు గంటల వరకు నామినేషన్ల ప్రక్రియ కొనసాగింది.నామినేషన్ల చివరిరోజు నామినేషన్‌ వేయడానికి అభ్యర్థులు భారీగా తరలివచ్చారు. మంగళవారం గంటల నుంచే అభ్యర్థులు క్యూ కట్టారు. ఉదయం 11 గంటలకు నామినేషన్ల ప్రక్రియ ప్రారంభమవగా అభ్యర్థులు భారీగా ఉండటంతో అధికారులు వారికి టోకెన్లు జారీ చేశారు. తొలి 6 రోజుల్లో కేవలం 94 మంది అభ్యర్థులు మాత్రమే నామినేషన్లు దాఖలు చేయగా, చివరి రోజు 117 మంది అభ్యర్థులు 194 నామినేషన్లను దాఖలు చేశారు. నామినేషన్ల గడువు పూర్తి నాటికి మొత్తం 211 మంది అభ్యర్థులు బరిలో ఉన్నారు.ఒక్కో అభ్యర్థి నామినేషన్‌ సమర్పించేందుకు 15 నిమిషాలు పట్టింది. ఈ నేపథ్యంలో కేంద్ర ఎన్నికల సంఘం నియమించిన అధికారులతోపాటు హైదరాబాద్‌ జిల్లా ఎన్నికల అధికారి ఆర్‌వీ కర్ణన్, జీహెచ్‌ఎంసీ అదనపు కమిషనర్‌ హేమంత్‌ కేశవ పాటిల్, రిటర్నింగ్‌ అధికారి సాయిరాం తదితరులు అభ్యర్థుల సంఖ్యను దృష్టిలో పెట్టుకొని ఈసీని బుధవారం వరకు గడువు కోరారు. దీంతో ఈసీ అనుమతి మేరకు టోకెన్లు ఎంత మందికి జారీ చేస్తే వారందరి నుంచి నామినేషన్‌ పత్రాలు తీసుకోవాలని.. బుధవారం ఈ ప్రక్రియ కొనసాగించవచ్చని ఈసీ నుంచి ఆదేశాలు జారీ కావడంతో ఆర్వో కేంద్రం అధికారులు ఊపిరి పీల్చుకున్నారు. ఈ ఉప ఎన్నికకు మొత్తంగా 321 నామినేషన్లు దాఖలయ్యాయి. ఇక నామినేషన్లను అధికారులు ఈరోజు పరిశీలించనున్నారు. ఉపసంహరణకు తుది గడువు 24. నవంబర్‌ 11న పోలింగ్‌ జరగనుండగా.. ఓట్ల లెక్కింపు నవంబర్‌ 14న చేపట్టనున్నారు.ట్రిపుల్‌ ఆర్‌ బాధితులు... ప్రతిపాదిత రీజనల్‌ రింగ్‌రోడ్డు (ఆర్‌ఆర్‌ఆర్‌) వల్ల భూము­లు కోల్పోతున్న నిర్వాసితుల్లో 11 మంది రైతులు సైతం మంగళవారం నామినేషన్లు వేశారు. ఆర్‌ఆర్‌ఆర్‌ వల్ల రోడ్డున పడుతున్నామని మొరపెట్టుకున్నా ప్రభుత్వం వినిపించుకోనందున తమ బాధలు చెప్పుకోవడానికే నామినేషన్లు వేసినట్లు బాధిత రైతులు పేర్కొన్నారు. అలాగే 10 మంది ఫార్మాసిటీ భూ నిర్వాసిత రైతులు సైతం నామినేషన్లు దాఖలు చేశారు. వారితోపాటు సుమారు 200 మంది భూ నిర్వాసితులు నామినేషన్‌ కేంద్రం వద్దకు చేరుకొని తమకు న్యాయం చేయాలంటూ డిమాండ్‌ చేశారు.అధికారంలోకి రాగానే ఫార్మాసిటీని రద్దు చేసి టీజీఐఐసీ పేరిట మార్చిన పట్టా భూములను తిరిగి రైతుల పేరిట నమోదు చేస్తామని అసెంబ్లీ ఎన్నికలకు ముందు హామీ ఇచ్చిన కాంగ్రెస్‌ పార్టీ.. అధికారంలోకి వచ్చాక ఆ హామీని నిలబెట్టుకోలేదని మండిపడ్డారు. కాంగ్రెస్‌కు బుద్ధి చెప్పేందుకే నామినేషన్లు వేశామని అభ్యర్థులు తెలిపారు. మరోవైపు.. రిటైరైనా ప్రభుత్వం నుంచి ఇంతవరకు రిటైర్మెంట్‌ బెనిఫిట్స్‌ అందలేదంటూ పలువురు రిటైర్డ్‌ ఎంప్లాయిస్‌ వెల్ఫేర్‌ అసోసియేషన్‌ సభ్యులు కూడా నామినేషన్లు దాఖలు చేశారు. అలాగే ఎస్సీ వర్గీకరణను వ్యతిరేకిస్తూ 50 మంది మాల మహానాడు నేతలు సైతం నామినేషన్లు వేశారు. దీంతో స్వతంత్ర అభ్యర్థులుగా నామినేషన్లు వేసిన వారి సంఖ్య భారీగా నమోదైంది.

బంజారాహిల్స్‌: జూబ్లీహిల్స్‌ ఉపఎన్నికలో నామినేషన్ల దాఖలుకు చివరి రోజైన మంగళవారం నామినేషన్లు వెల్లువెత్తాయి. భారీ సంఖ్యలో నామినేషన్లు వేయడానికి వచ్చిన అభ్యర్థులతో బంజారాహిల్స్‌ రోడ్డు నంబర్‌–2లోని షేక్‌పేట మండల కార్యాలయంలోని జూబ్లీహిల్స్‌ ఉపఎన్నిక రిటర్నింగ్‌ అధికారి కార్యాలయం కిటకిటలాడింది. ఉదయం 8 గంటల నుంచే అభ్యర్థులు క్యూ కట్టారు. ఉదయం 11 గంటలకు నామినేషన్ల ప్రక్రియ ప్రారంభమవగా అభ్యర్థులు భారీగా ఉండటంతో అధికారులు వారికి టోకెన్లు జారీ చేశారు. ఇలా మొత్తం 189 నామినేషన్లకు అధికారులు టోకెన్లు అందించారు. ఈ టోకెన్ల ప్రకారం అభ్యర్థులను లోపలకు పిలిచారు. ఒక్కో అభ్యర్థి నామినేషన్‌ సమర్పించేందుకు 15 నిమిషాలు పట్టగా రాత్రి 12 గంటల వరకు 160 నామినేషన్ల పత్రాలను మాత్రమే రిటర్నింగ్‌ అధికారి తీసుకోగలిగారు. ఈ నేపథ్యంలో కేంద్ర ఎన్నికల సంఘం నియమించిన అధికారులతోపాటు హైదరాబాద్‌ జిల్లా ఎన్నికల అధికారి ఆర్‌వీ కర్ణన్, జీహెచ్‌ఎంసీ అదనపు కమిషనర్‌ హేమంత్‌ కేశవ పాటిల్, రిటర్నింగ్‌ అధికారి సాయిరాం తదితరులు అభ్యర్థుల సంఖ్యను దృష్టిలో పెట్టుకొని ఈసీని బు«§ధవారం వరకు గడువు కోరారు. దీంతో ఈసీ అనుమతి మేరకు టోకెన్లు ఎంత మందికి జారీ చేస్తే వారందరి నుంచి నామినేషన్‌ పత్రాలు తీసుకోవాలని.. బుధవారం ఈ ప్రక్రియ కొనసాగించవచ్చని ఈసీ నుంచి ఆదేశాలు జారీ కావడంతో ఆర్వో కేంద్రం అధికారులు ఊపిరి పీల్చుకున్నారు. ఈ ఉప ఎన్నికకు మొత్తంగా 316 నామినేషన్లు దాఖలయ్యాయి. ట్రిపుల్‌ ఆర్‌ బాధితులు... ప్రతిపాదిత రీజనల్‌ రింగ్‌రోడ్డు (ఆర్‌ఆర్‌ఆర్‌) వల్ల భూము­లు కోల్పోతున్న నిర్వాసితుల్లో 11 మంది రైతులు సైతం మంగళవారం నామినేషన్లు వేశారు. ఆర్‌ఆర్‌ఆర్‌ వల్ల రోడ్డున పడుతున్నామని మొరపెట్టుకున్నా ప్రభుత్వం వినిపించుకోనందున తమ బాధలు చెప్పుకోవడానికే నామినేషన్లు వేసినట్లు బాధిత రైతులు పేర్కొన్నారు. అలాగే 10 మంది ఫార్మాసిటీ భూ నిర్వాసిత రైతులు సైతం నామినేషన్లు దాఖలు చేశారు. వారితోపాటు సుమారు 200 మంది భూ నిర్వాసితులు నామినేషన్‌ కేంద్రం వద్దకు చేరుకొని తమకు న్యాయం చేయాలంటూ డిమాండ్‌ చేశారు. అధికారంలోకి రాగానే ఫార్మాసిటీని రద్దు చేసి టీజీఐఐసీ పేరిట మార్చిన పట్టా భూములను తిరిగి రైతుల పేరిట నమోదు చేస్తామని అసెంబ్లీ ఎన్నికలకు ముందు హామీ ఇచ్చిన కాంగ్రెస్‌ పార్టీ.. అధికారంలోకి వచ్చాక ఆ హామీని నిలబెట్టుకోలేదని మండిపడ్డారు. కాంగ్రెస్‌కు బుద్ధి చెప్పేందుకే నామినేషన్లు వేశామని అభ్యర్థులు తెలిపారు. మరోవైపు రిటైరైనా ప్రభుత్వం నుంచి ఇంతవరకు రిటైర్మెంట్‌ బెనిఫిట్స్‌ అందలేదంటూ పలువురు రిటైర్డ్‌ ఎంప్లాయిస్‌ వెల్ఫేర్‌ అసోసియేషన్‌ సభ్యులు కూడా నామినేషన్లు దాఖలు చేశారు. అలాగే ఎస్సీ వర్గీకరణను వ్యతిరేకిస్తూ 50 మంది మాల మహానాడు నేతలు సైతం నామినేషన్లు వేశారు. దీంతో స్వతంత్ర అభ్యర్థులుగా నామినేషన్లు వేసిన వారి సంఖ్య భారీగా నమోదైంది.

పట్నా: బీహార్‌కు ఎన్నికల పండుగొచ్చింది. ప్రస్తుతం నామినేషన్ల ప్రక్రియ కొనసాగుతోంది. ఈ నేపధ్యంలో చిత్రవిచిత్రాలు మీడియా కంటపడుతున్నాయి. నామినేషన్లకు వస్తున్న అభ్యర్థులు అందరినీ అకట్టకునేందుకు ప్రయత్నిస్తున్నారు. కొందరు గేదెపై ఊరేగుతూ నామినేషన్‌ వేసేందుకు వస్తుండగా, మరికొందరు చేతులకు సంకెళ్లు వేసుకుని, మద్దతుదారులను వెంటేసుకుని వస్తున్నారు. गोपालगंज के बरौली में हथकड़ी में बंद धर्मेंद्र कुमार 'क्रांतिकारी' पुलिस की सुरक्षा में नामांकन करने पहुंचे. हथकड़ी हाथ में थी, आंखों में आंसू थे, और जुबान पर गाना था. लोगों की भीड़ जमा हो गई, कोई वीडियो बना रहा था, कोई लाइव चला रहा था.नेताजी बोले, “मैं साजिश का शिकार हूं, जनता… pic.twitter.com/kW5ZXwomWF— NDTV India (@ndtvindia) October 19, 2025లాలూ యాదవ్ పెద్ద కుమారుడు తేజ్ ప్రతాప్ యాదవ్‌కు చెందిన జనశక్తి జనతాదళ్ పార్టీ అభ్యర్థి ధర్మేంద్ర కుమార్ శుక్రవారం బరౌలి అసెంబ్లీ నియోజకవర్గం నుంచి పోటీచేసేందుకు నామినేషన్ దాఖలు చేయడానికి వచ్చారు. ఈ సందర్బంగా అతని చేతులకు సంకెళ్లు ఉన్నాయి. ఈయన కలెక్టరేట్ వద్దకు చేరుకోగానే విలేకరులు, జనం ఆయన చుట్టూ గుమిగూడారు. ఈ సందర్బంగా ధర్మేంద్ర కుమార్ మాట్లాడుతూ ‘నేను కుట్రకు బలైపోయాను. అయితే ఇప్పుడు ప్రజల నుండి న్యాయం కోరుకుంటాను’ అని అన్నారు. ఇతనికి సంబంధించిన వీడియోలు సోషల్‌ మీడియాలో వైరల్‌గా మారుతున్నాయి. तेज प्रताप यादव के प्रत्याशी अरुण यादव भैंस पर चढ़कर नामांकन करने पहुंचे#BiharElection2025 pic.twitter.com/X86XD0BRjo— NDTV India (@ndtvindia) October 18, 2025ఇదేవిధంగా అర్వాల్ అసెంబ్లీ నియోజకవర్గం నుండి పోటీకి దిగిన అరుణ్ యాదవ్ తన నామినేషన్‌ దాఖలు చేసేందుకు గేదెపై స్వారీ చేస్తూ జిల్లా కలెక్టరేట్‌కు వచ్చారు. ఇది అక్కడున్నవారిని అమితంగా ఆకట్టుకుంది. లాలూ యాదవ్ ఫొటోను పట్టుకుని.. ‘రాజకీయాల్లో తన ఏకైక రోల్ మోడల్ లాలూ అని, అతని ఆశీర్వాదంతో నామినేషన్ దాఖలు చేయడానికి వచ్చాను" అని అరుణ్ యాదవ్ మీడియాకు తెలిపారు. తేజ్ ప్రతాప్ యాదవ్ పార్టీకి చెందిన అభ్యర్థులు విచిత్ర తీరుతెన్నులతో నామినేషన్లు దాఖలు చేసేందుకు కలెక్టరేట్‌లకు తరలిరావడం విశేషంగా మారింది.

హైదరాబాద్‌: జూబ్లీహిల్స్‌ నియోజకవర్గంలో నామినేషన్ల ప్రక్రియ ప్రారంభమైంది. ఆయా అభ్యర్థులు నమ్మే స్వాములు, పంచాంగ కర్తలు వారి జాతకం, నక్షత్రం ప్రకారం ఏ రోజు, ఏ సమయంలో వేస్తే అదృష్టం వరిస్తుందో తెలుసుకొని నామినేషన్లు వేయడానికి సిద్ధమవుతున్నారు. దీంతో ఆయా స్వామీజీలు, పంచాంగకర్తలు, జ్యోతిషులు బిజీబిజీగా మారి వారికి తగు సలహాలు, సూచనలు, ఏదైనా సమస్య ఉండే దానికి చేయాల్సిన పరిహారాలు కూడా చెబుతున్నారు. కొందరు నేతలు మా అభ్యర్థే గెలవాలని పూజలు, హోమాలు చేయడానికి సిద్ధమవుతున్నారు. దాదాపు వందల దాకా నామినేషన్లు పడే అవకాశాలున్నాయని అధికారులు అంచనా వేస్తున్నారు. తొలి రెండు రోజుల్లోనే 20 మంది అభ్యర్థులు నామినేషన్లు వేయడం విశేషం. అయితే.. 16, 17, 18 తేదీల్లో దశమి, ఏకాదశి, ద్వాదశి మంచి రోజులు కావడంతో ఆయా పార్టీలు, స్వతంత్ర అభ్యర్థులు అధికంగా నామినేషన్లు వేసే అవకాశం ఉంది. కాంగ్రెస్‌ అభ్యర్థి నవీన్‌ యాదవ్‌ ఈ నెల 17న నామినేషన్‌ వేయనున్నట్లు పార్టీ వర్గాలు చెబుతున్నాయి. బీఆర్‌ఎస్‌ బుధవారం కొందరు నేతలతో కలిసి నామమాత్రపు నామినేషన్‌ వేసి, 18వ తేదీలోపు పార్టీ క్రియాశీల నేతలతో కలిసి నామినేషన్‌ వేసేందుకు సిద్ధమవుతున్నట్లు సమాచారం.

ఆదివారం ఎపిసోడ్‌తో ఆరుగురు వైల్డ్ కార్డ్ కంటెస్టెంట్స్ హౌస్‌లోకి ఎంట్రీ ఇచ్చారు. వీళ్లలో మాధురి, రమ్య మోక్ష, ఆయేషా, నిఖిల్ నాయర్, గౌరవ్ గుప్తా, శ్రీనివాస సాయి ఉన్నారు. వస్తూవస్తూనే వీళ్లకు పవర్స్ ఇచ్చిన బిగ్‌బాస్.. ఈ వారం నామినేషన్‌లోనూ అదిరిపోయే ఛాన్స్ ఇచ్చాడు. దీంతో ఈసారి గట్టిగానే వాదోపవాదనలు జరిగాయి. అందుకు సంబంధించిన ప్రోమో రిలీజ్ చేశారు. ఇంతకీ ఆరోవారం ఎవరెవరు నామినేట్ అయ్యారు?(ఇదీ చదవండి: ప్రియుడిని పరిచయం చేసిన 'జగద్ధాత్రి' సీరియల్ నటి)వైల్డ్ కార్డ్ కంటెస్టెంట్స్‌ని ఈ వారం నామినేట్ చేసే అవకాశం లేదు. అయితే 'ఫైర్ బాల్' అనేది ఏర్పాటు చేసిన పైపు నుంచి పడుతుంది. బజర్ మోగే సమయానికి అది ఎవరి చేతిలో అయితే ఉంటుందో వాళ్లు.. ఇప్పటికే హౌసులో ఉన్నవాళ్లలో ఒకరికి ఇవ్వొచ్చు. అలా బాల్ అందుకున్న కంటెస్టెంట్.. పాతవాళ్లలో ఒకరిని నామినేట్ చేయాల్సి ఉంటుంది. అలా తనూజ.. సుమన్ శెట్టి, రాము.. పవన్‌ని నామినేట్ చేసినట్లు ప్రోమోలో చూపించారు.అయితే 'ఫైర్ బాల్' పోటీలో పికెల్స్ పాప రమ్య గట్టిగానే పోరాడింది. అలానే నిఖిల్ కూడా బాల్ అందుకున్నాడు. అలా ఈసారి భరణి, తనూజ, పవన్, దివ్య, రాము, సుమన్ శెట్టి నామినేట్ అయినట్లు తెలుస్తోంది. వీళ్లలో సుమన్ శెట్టి గతవారం డేంజర్ జోన్‌లో ఉన్నాడు. చివరవరకు వచ్చినప్పటికీ శ్రీజ ఎలిమినేట్ కావడంతో సేవ్ అయిపోయాడు. ఈసారైనా గేమ్స్ ఆడి సేఫ్ జోన్‌లోకి వస్తాడా? లేదంటే బయటకొచ్చేస్తాడా అనేది చూడాలి. లేదంటే మాత్రం దివ్యపై వేటు పడిన ఆశ్చర్యపోనక్కర్లేదు.ఈ వారం నామినేట్ అయినోళ్లుభరణిపవన్దివ్యరాముసుమన్తనూజ(ఇదీ చదవండి: ఎందుకు అరుస్తున్నావ్‌? ఫస్ట్‌రోజే ఏడ్చేసిన దువ్వాడ మాధురి!)

సాక్షి, హైదరాబాద్‌: తెలంగాణలో స్థానిక సంస్థల ఎన్నికల నోటిఫికేషన్‌ ఇవాళ రిలీజ్‌ అయ్యింది. మొదటి విడతలో 292 జడ్పీటీసీ, 2,964 ఎంపీటీసీ స్థానాలకు ఎన్నికలు జరుగుతాయని అందులో పేర్కొంది. ఆ వెంటనే.. జడ్పీటీసీ, ఎంపీటీసీ ఎన్నికల నామినేషన్‌లు స్వీకరణ ప్రారంభం అయ్యింది. ఈ తరుణంలో.. నామినేషన్లు వేయాలనుకునేవాళ్లకు రాష్ట్ర ఎన్నికల సంఘం(SEC) కీలక సూచనలు చేసింది.జడ్పీటీసీ నామినేషన్లను జిల్లా పరిషత్‌ కార్యాలయంలో, ఎంపీటీసీ నామినేషన్లను స్థానిక మండల పరిషత్ కార్యాలయంలోని సమర్పించాలి. జడ్పీటీసీ నామినేషన్‌ వేయాలనుకున్న జనరల్‌ కేటగిరీ అభర్థి.. రూ.5 వేలు, అదే రిజర్వేషన్‌ అభ్యర్థి అయితే రూ.2,500 డిపాజిట్‌ చేయాలి. ఎంపీటీసీ నామినేషన్‌ వేసే జనరల్‌ అభ్యర్థి రూ.2,500, రిజర్వేషన్‌ అభ్యర్థి రూ.1,250 డిపాజిట్‌ చేయాలి.ఎన్నికల నియమావలికి అనుగుణంగా నామినేషన్ సందర్బంగా దాఖలు చేసే వ్యక్తితో కలిపి ఐదుగురికి మించి కార్యాలయంలోకి రాకూడదు. ఈ నెల 11వ తేదీ సాయంత్రం 5గం. వరకే నామినేషన్లు స్వీకరిస్తారు. ఆ తర్వాత అనుమతించరు.అభ్యర్థులు పూర్తి డాక్యుమెంటేషన్, ఫోటోలు, డిపాజిట్ రసీదుతో నామినేషన్ వేయాలి. 12న నామినేషన్ల పరిశీలన ఉంటుంది. ఎన్నికల నియమావళిని పాటించని అభ్యర్థుల నామినేషన్లు తిరస్కరించబడే అవకాశం ఉంది. 15వ తేదీ మధ్యాహ్నాం 3గం.లోపు నామినేషన్లను ఉపసంహరించుకోవచ్చు. అలాగే.. ప్రచార నిబంధనలు, ఆచరణ నియమావళి త్వరలో విడుదల అవుతుంది.ఇదీ చదవండి: తెలంగాణ ఈ ఎమ్మెల్యేలకు వింత పరిస్థితి!

బిగ్‌బాస్ 9వ సీజన్ ఐదోవారంలోకి అడుగుపెట్టేసింది. గతవారం మాస్క్ మ్యాన్ హరీశ్ ఎలిమినేట్ అయిపోయాడు. చెప్పాలంటే తొలివారం అనుహ్యంగా శ్రష్ఠి వర్మ బయటకు రాగా.. తర్వాత నుంచి వరసగా మనీష్, ప్రియ, హరీశ్ ఇలా అందరూ కామనర్స్ ఎలిమినేట్ అవుతు వచ్చారు. దీంతో ఈసారి కూడా వీళ్లలో నుంచే ఒకరు బయటకొస్తారా లేదంటే సెలబ్రిటీల నుంచి వస్తారా అనేది సస్పెన్స్‌గా మారింది. అందుకు తగ్గట్లే ఈసారి నామినేషన్స్ ప్రక్రియ కాస్త డిఫరెంట్‌గా జరిగింది.కెప్టెన్ అయిన రాము తప్పించి మిగిలిన అందరూ అంటే భరణి, సుమన్ శెట్టి, ఫ్లోరా, సంజన, ఇమ్మాన్యుయేల్, రీతూ చౌదరి, పవన్, కల్యాణ్, శ్రీజ, తనూజ, నికిత నామినేట్ అయినట్లు ప్రకటించిన బిగ్‌బాస్.. చిన్నపాటి షాకిచ్చాడు. అయితే లిస్ట్ నుంచి బయటకొచ్చేందుకు ఇమ్యూనిటీ పొందాల్సి ఉంటుందని చెప్పాడు. అలా తొలుత బెడ్ గేమ్ పెట్టాడు. బెడ్‌పై అందరూ ఉంటారు. వీళ్లలో ఒక్కొక్కరిని కిందరు తోసేయాల్సి ఉంటుంది. అలా చివరకు మిగిలిన వాళ్లతో మరో గేమ్ ఆడించారు.(ఇదీ చదవండి: క్లీంకార ముఖాన్ని దాచిపెట్టడానికి కారణమదే: ఉపాసన)నీరు, నిప్పు, గాలి అంటూ మరో ఇమ్యూనిటీ టాస్క్ ఆడించారు. ఈ పోటీలో ఇమ్మాన్యుయేల్, కల్యాణ్, భరణి, తనూజ పాల్గొన్నట్లు ప్రోమో రిలీజ్ చేశారు. అయితే ఇలా గేమ్స్ ఆడించగా చివరగా ఇమ్మాన్యుయేల్ విజేతగా నిలిచినట్లు తెలుస్తోంది. దీంతో కెప్టెన్ రాము, ఇమ్ము తప్పితే మిగిలిన వాళ్లంతా ఈసారి నామినేషన్లలో ఉన్నట్లు తెలుస్తోంది. అయితే ఈసారి డబుల్ ఎలిమినేషన్ ఉండే అవకాశాలు గట్టిగానే ఉన్నట్లు కనిపిస్తుంది.ఎందుకంటే ఈ వీకెండ్.. పలువురు వైల్డ్ కార్డ్ ఎంట్రీలుగా రాబోతున్నారని సమాచారం. వీళ్లలో అలేఖ్య చిట్టి పికెల్స్ ఫేమ్ రమ్య, సీరియల్ నటి సుహాసిని తదితరుల పేర్లు అయితే వినిపిస్తున్నాయి. అయితే రెండు మూడు రోజుల్లో ఫైనల్ ఎంట్రీస్ ఎవరనేది ఓ క్లారిటీ వస్తుంది. (ఇదీ చదవండి: 'కాంతార 1'లో రిషభ్ శెట్టి భార్య కూడా నటించింది.. గుర్తుపట్టారా?)

బిగ్‌బాస్ 9 మూడు వారాలు పూర్తయింది. ఆదివారం ఎపిసోడ్‌లో కామనర్ ప్రియ ఎలిమినేట్ అయింది. దీంతో ఈసారి ఎవరు నామినేషన్స్‌లోకి వస్తారా? అని అనిపించింది. కానీ బిగ్‌బాస్ మాత్రం సోమవారం ఈ ప్రక్రియ పెట్టకుండా ఇమ్యూనిటీ కోసం గేమ్స్ ఆడిపించాడు. ఇందులో తనూజ, సుమన్ శెట్టి గెలిచి.. నామినేషన్స్ నుంచి సేవ్ అయిపోయారు. కెప్టెన్ పవన్ ఎలానూ ఈ ప్రక్రియలో ఉండడు. మరి ఈ ముగ్గురు కాకుండా ఎవరెవరు నామినేషన్స్ లిస్టులో ఉన్నారు?నామినేషన్ ప్రక్రియని ఈసారి కాస్త డిఫరెంట్‌గా ప్లాన్ చేశారు. ముగ్గురు చొప్పున మూడు జట్లగా విడగొట్టి వాళ్లతో గేమ్ ఆడిపించారు. ముగ్గురికి కలిపి ఓ ఎలస్టిక్ తాడు ఉంటుంది. దీని సహాయంతో హౌస్‌లో ఉన్న ఓ వస్తువుని చేతులతో తాకకుండా కింద పడకుండా తీసుకొచ్చి బయట లాన్‌లో పెట్టాల్సి ఉంటుంది. గెలిచిన టీమ్ నుంచి ఒకరు వచ్చి ఓడిపోయిన జట్లలో ఒకరిని నామినేట్ చేయాల్సి ఉంటుందని బిగ్‌బాస్ చెప్పాడు.(ఇదీ చదవండి: అల్లు అర్జున్ కోసం జపనీస్ కొరియోగ్రాఫర్.. ఇంతకీ ఎవరితడు?)అలా రెండుసార్లు ఎల్లో టీమ్ గెలిచింది. దీంతో ఈ జట్టులోని సుమన్ శెట్టి, రీతూని నామినేట్ చేశాడు. రాము.. సంజనని నామినేట్ చేశాడు. మొత్తంగా చూస్తే ఈ వారం ఆరుగురు నామినేట్ అయ్యారు. రీతూ, సంజన, హరీశ్, ఫ్లోరా, శ్రీజ, దివ్య ఉన్నారు. వీళ్లలో దివ్య గతవారం వైల్డ్ కార్డ్ ఎంట్రీగా హౌసులోకి వచ్చింది. శ్రీజ కూడా గతవారం నామినేట్ అయింది కానీ కెప్టెన్ పవన్ సేవ్ చేయడంతో బయటపడింది. ఈసారి మాత్రం నామినేషన్స్ నుంచి తప్పించుకోలేకపోయింది.అయితే నామినేషన్స్ లిస్ట్ చూస్తే ఈసారి శ్రీజ బయటకొచ్చేయడం గ్యారంటీ ఏమో అనిపిస్తుంది. ఎందుకంటే దివ్య కాకుండా మిగిలిన నలుగురు ఇప్పటికే నామినేషన్స్‌లోకి వచ్చి సేవ్ అయ్యారు. కాబట్టి వాళ్లకు ఓటు బ్యాంక్ బాగానే ఉంది. అలానే గతవారం వచ్చిన దివ్యపై ఆడియెన్స్‌లో కాస్త పాజిటివిటీ ఉండొచ్చు. అయినా సరే ఈమె కూడా శ్రీజతో పాటు డేంజర్ జోన్‌లో ఉండొచ్చు. మరి ఈ వీకెండ్ ఏం జరుగుతుందో? ఎవరు ఔట్ అవుతారో చూడాలి?ఈ వారం నామినేట్ అయినోళ్లుదివ్యఫ్లోరాహరీశ్రీతూసంజనశ్రీజ(ఇదీ చదవండి: ఆహా ఓహో అన్నా...చివరకి 'ఓజీ'కి లేదుగా సాహో రేంజీ...)

బిగ్‌బాస్ హౌసులో రెండో వారం వచ్చేసింది. సెలబ్రిటీలతో పాటు ఎంట్రీ ఇచ్చిన కామనర్స్.. తొలివారం బాగానే లాక్కొచ్చారు కానీ ఇ‍ప్పుడు తెగ ఇబ్బంది పడిపోతున్నారు. వాళ్లలో వాళ్లే గొడవలు పెట్టేసుకుంటున్నారు. ఈసారి నామినేషన్స్ జరగ్గా.. ఇందులోనూ చాలావరకు సామాన్యులే ఉన్నారు. ఇంతకీ ఈసారి లిస్టులో ఎవరెవరు ఉన్నారు? మాస్క్ మ్యాన్ హరీశ్.. నిరహారదీక్ష సంగతేంటి?తొలి వీకెండ్‌లో మాస్క్ మ్యాన్ హరీశ్ నిజస్వరూపాన్ని నాగార్జున బయటపెట్టడంతో మనోడు బాగానే హర్ట్ అయిపోయినట్లు ఉన్నాడు. ఏం తినను, తాగను అంటూ నిరహారదీక్ష చేస్తున్నాడు. తాజాగా రిలీజ్ చేసిన ప్రోమోలో ఈ విషయం బయటపడింది. రెండో రోజుల నుంచి ఏం తినట్లేదు కాస్త తినండి అని చెప్పి ప్లేటులో ఫుడ్ పెట్టుకుని శ్రీజ రాగా.. మొహమాటం లేకుండా హరీశ్ వద్దనేశాడు. ఇంకొన్నిరోజుల వరకు తినను, కనీసం నీరు కూడా తాగను, మీలాంటోళ్ల మధ్యలో ఉండదల్చుకోలేదు అని అన్నాడు. ఇంట్లో నుంచి వెళ్లిపోయే వరకు నేను ఏం తినను, తాగను అని క్లారిటీగా చెప్పేశాడు.(ఇదీ చదవండి: 'బిగ్‌బాస్'లో లెస్బియన్ జోడీ.. అవమానించిన మరో లేడీ కంటెస్టెంట్)మరోవైపు శ్రీజ-మనీష్ వాదులాడుకున్నారు. నీ పనే అరవడం కదా అని శ్రీజతోనే మనీష్ అనేసరికి ఈమె హర్ట్ అయిపోయింది. పాయింట్ అవుట్ చేసేస్తున్నారని మూలకు వెళ్లి ఏడవడం నీ పని అని మనీష్‌కి ఇచ్చిపడేసింది. భరణి తన గురించి సంజన దగ్గర చాడీలు చెబుతున్నాడని హరీశ్.. రాము రాథోడ్‌తో చెబుతూ కనిపించాడు.సెల్ఫీష్ రూత్‌లెస్ ఇడియట్స్ అని తమ కామనర్స్‌నే మనీష్ తిట్టాడు. కన్నీళ్లు పెట్టుకున్నాడు. కామనర్స్ అనేదానికి వీళ్లు ఓ గలీజ్ మార్క్, వరస్ట్ కామనర్స్ అంటూ ఇమ్మాన్యుయేల్‌తో చెబుతూ తెగ బాధపడిపోయాడు.ఇకపోతే ఈ వారం నామినేషన్స్ విషయానికొస్తే.. ఒక్కొక్కరు ఇద్దరిద్దరి పేర్లు చెప్పాలని బిగ్‌బాస్ ఆదేశించాడు. నామినేషన్ ప్రక్రియ బాగానే జరిగింది. అయితే దాదాపు ఎనిమిది మంది మాస్క్ మ్యాన్ హరీశ్‌ పేరు చెప్పారు. తర్వాత ఎక్కువమంది భరణి పేరు చెప్పారు. వీళ్లిద్దరితో పాటు మనీష్, ప్రియ, పవన్, ఫ్లోరా సైనీ కూడా లిస్టులో ఉన్నట్లు తెలుస్తోంది. అంటే ఈసారి సామాన్యుల నుంచి నలుగురు, సెలబ్రిటీల నుంచి ఇద్దరు నామినేట్ అయినట్లు టాక్. మరి ఈసారి ఎవరి వికెట్ పడుతుందనేది చూడాలి?(ఇదీ చదవండి: Bigg Boss: 'శ్రష్టి వర్మ' ఎలిమినేట్‌.. ఎంత సంపాదించింది..?)

బిగ్‌బాస్ షో లాంచ్ అయి రెండు రోజులు అయింది. ఇంకా నామినేషన్స్ మొదలు కాలేదేంటా అని అనుకుంటుండగానే ఆ ప్రోమో రిలీజైంది. నిన్నటివరకు అంతా ఒక్కటి అనుకున్నోళ్లు కాస్త ఇప్పుడు వేరు అయిపోయారు. ఒక్కొక్కరు కారణాలు చెబుతూ తోటి కంటెస్టెంట్స్‌ని నామినేట్ చేశారు. ఈ వారం లిస్టులో ఎవరెవరు ఉన్నారు? అనేది ఇప్పుడు చూద్దాం.అగ్నిపరీక్షలో గెలిచి వచ్చిన సామాన్యులు ప్రస్తుతం హౌసులో ఓనర్స్‌గా చెలామణి అవుతున్నారు. సెలబ్రిటీలు టెనెంట్స్‌గా ఉన్నారు. ప్రతిసారిలా ఈసారి ఒక్కొక్కరు ఇద్దరిద్దరు చొప్పున చేయడం లాంటివి ఈసారి లేవు. బిగ్‌బాస్ చెప్పిన ప్రతిసారి సామాన్యులంతా కలిసి ఒకరిని నామినేట్ చేయాలని చెప్పారు. అలానే సెలబ్రిటీలు కూడా తమలో ఒకరిని నామినేట్ చేయాల్సి ఉంటుందని బిగ్‌బాస్ క్లారిటీ ఇచ్చాడు. దీంతో తొలుత హౌసులో అందరికీ ఎదురు సమాధానం చెబుతున్న సంజనని నామినేట్ చేశారు.(ఇదీ చదవండి: రూ.30 వేల కోట్లు కొట్టేసే ప్లాన్.. సవతి తల్లిపై హీరోయిన్ పిల్లలు ఆరోపణ)అలానే తాజాగా రిలీజ్ చేసిన ప్రోమోలో రాము రాథోడ్.. శ్రష్ఠి వర్మని, భరణి.. సంజనని, హరీశ్.. సుమన్ శెట్టిని ఇలా మొత్తంగా సెలబ్రిటీలంతా నామినేషన్లలో నిలిచారు. అయితే లిస్టులో ఒక్కరిని సేవ్ చేసే అవకాశం ఇవ్వడంతో భరణి సేవ్ అయ్యారు. ఈయన ప్లేసులో సామాన్యుల నుంచి డీమన్ పవన్.. నామినేషన్లలో నిలిచాడు.ఈసారి నామినేషన్లలో రీతూ చౌదరి, సుమన్ శెట్టి, ఫ్లోరా సైనీ, సంజన గల్రానీ, శ్రష్ఠి వర్మ, రాము రాథోడ్, తనూజ, ఇమ్మాన్యుయేల్, డీమన్ పవన్ ఉన్నారు. మరి వీళ్లలో తొలివారం ఎవరు బయటకెళ్లిపోతారనేది చూడాలి?(ఇదీ చదవండి: జైల్లో ఉండలేకపోతున్నా.. ఇంత విషం ఇవ్వండి: హీరో దర్శన్)

దక్షిణాది సినీ అవార్డుల పండుగ సైమా(సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌) ఈ ఏడాది సెప్టెంబర్‌లో జరగనుంది. ఇప్పటికే వేదికతో పాటు తేదీలను నిర్వాహకులు ప్రకటించారు. తాజాగా ఈ అవార్డులకు ఎంపికైన నామినేషన్స్ జాబితాను వెల్లడించారు. బాక్సాఫీస్ వద్ద సూపర్‌హిట్‌గా నిలిచిన దక్షిణాది సినిమాలు ఈ అవార్డుల కోసం పోటీపడుతున్నాయి. తెలుగుతో పాటు తమిళ, మలయాళం, కన్నడ భాషల్లో ఎంపికైన చిత్రాల జాబితాను తాజాగా సైమా అవార్డుల కమిటీ ప్రకటించింది.తెలుగు సినిమాల విషయానికొస్తే అత్యధికంగా పుష్ప-2 చిత్రం నామినేషన్స్ దక్కించుకుంది. ఏకంగా 11 విభాగాల్లో ఎంపికైంది. ఆ తర్వాత ప్రభాస్‌ హీరోగా నటించిన కల్కి మూవీ పది నామినేషన్స్‌తో రెండో ప్లేస్‌లో నిలిచింది. అంతేకాకుండా తేజ సజ్జా-ప్రశాంత్‌ వర్మ చిత్రం హను మాన్‌ కూడా 10 విభాగాల్లో నామినేషన్స్‌ సొంతం చేసుకుంది. కాగా... గతేడాదిలో రిలీజైన ఈ సినిమాలు బాక్సాఫీస్ వద్ద బ్లాక్‌బస్టర్‌గా నిలిచాయి.ఇక కోలీవుడ్ విషయానికొస్తే శివ కార్తికేయన్‌- సాయిపల్లవి జంటగా వచ్చిన అమరన్‌ 13 నామినేషన్స్ దక్కించుకుంది. లబ్బర్‌ పందు 8, వాజై 7 విభాగాల్లో నిలిచాయి. ఇక శాండల్‌వుడ్‌లో భీమా, కృష్ణ ప్రణయ సఖి చిత్రాలు తొమ్మిది విభాగాల్లో నామినేషన్స్ సాధించాయి. ఇబ్బని తబ్బిడ ఇలియాలి - 7 విభాగాల్లో నామినేషన్స్‌ దక్కించుకుంది. అలాగే మలయాళం పృథ్వీరాజ్ సుకుమారన్ హీరోగా వచ్చిన ది గోట్‌ లైఫ్(ఆడుజీవితం) అత్యధికంగా 10 విభాగాలకు ఎంపికైంది. ఆ తర్వాత ఏఆర్‌ఎమ్‌ 9, ఆవేశం 8 నామినేషన్స్ దక్కించుకున్నాయి. ఈ 13వ సైమా అవార్డుల వేడుక దుబాయ్‌ వేదికగా సెప్టెంబర్ 5,6 తేదీల్లో జరగనుంది.The Stage Is Set. The Stars Are Ready.Presenting the Top Nominated Films at SIIMA 2025 🌍🏆From powerful performances to cinematic brilliance, these films captured hearts and headlines across languages. And now… they lead the race for the most coveted awards in South Indian… pic.twitter.com/Vx2dLOOGLO— SIIMA (@siima) July 23, 2025

టాలీవుడ్ మూవీ కల్కి 2898 ఏడీ చిత్రం సత్తా చాటింది. ప్రతిష్టాత్మక ఇండియన్‌ ఫిల్మ్‌ ఫెస్టివల్‌ ఆఫ్‌ మెల్‌బోర్న్‌ నామినేషన్స్‌లో చోటు దక్కించుకుంది. తెలుగు సినీ పరిశ్రమ నుంచి ప్రభాస్-నాగ్ అశ్విన్‌ కాంబోలో వచ్చిన కల్కి ఉత్తమ చిత్రం విభాగంలో పోటీలో నిలిచింది. ఈ విభాగంలో హోమ్‌బౌండ్, ఎల్‌2 ఎంపురాన్, మహారాజ్, స్త్రీ-2, సూపర్‌బాయ్స్‌ ఆఫ్ మాలేగావ్‌ సినిమాలతో పోటీ పడనుంది.అంతేకాకుండా ఉత్తమ నటుడు‌ విభాగంలో మోహన్‌లాల్‌ (ఎల్‌2 ఎంపురాన్‌), అభిషేక్‌ బచ్చన్‌ (ఐ వాంట్‌ టు టాక్‌), ఆదర్శ్‌ గౌరవ్‌ (సూపర్‌బాయ్స్‌ ఆఫ్‌ మాలేగావ్‌), ఇషాన్‌ ఖట్టర్‌ (హోమ్‌బౌండ్‌), విశాల్‌ జెత్వా (హోమ్‌బౌండ్‌), జునైద్‌ ఖాన్‌ (మహారాజ్‌) పోటీలో నిలిచారు. ఉత్తమ నటి విభాగంలో అంజలీ శివరామన్‌ (బ్యాడ్‌గర్ల్‌), భనితా దాస్‌ (విలేజ్‌ రాక్‌స్టార్స్‌ 2), కరీనా కపూర్‌ (ది బకింగహామ్‌ మర్డర్స్‌), శ్రద్దా కపూర్‌ (స్త్రీ -2), తిలోత్తమ షోమ్‌ (షాడోబాక్స్‌) పోటీ పడుతున్నారు.వీటితో పాటు బెస్ట్ వెబ్ సిరీస్, బెస్ట్‌ ఫీమేల్ యాక్టర్‌(వెబ్ సిిరీస్), బెస్ట్‌ మేల్ యాక్టర్‌(వెబ్ సిరీస్‌) జాబితాను కూడా ప్రకటించారు. ఈ ప్రతిష్టాత్మక అవార్డులను ఆగస్టు 14న ప్రకటించనున్నారు. ఈ వేడుకను ఆస్ట్రేలియాలోని మెల్‌బోర్న్‌ వేదికగా ఆగస్టు 14 నుంచి 24 వ తేదీ వరకు నిర్వహించనున్నారు.

సాక్షి, హైదరాబాద్‌: ఎమ్మెల్యేల కోటా ఎమ్మెల్సీ ఎన్నికలు ఏకగ్రీవం కానున్నాయి. షెడ్యూల్‌ ప్రకారం సోమవారం నామినేషన్ల గడువు ముగిసే సమయానికి ఐదు స్థానాలకు గాను ప్రధాన రాజకీయ పార్టీల నుంచి ఐదు నామినేషన్లు మాత్రమే దాఖలయ్యాయి. కాంగ్రెస్‌ నుంచి అద్దంకి దయాకర్, విజయశాంతి, శంకర్‌ నాయక్, సీపీఐ నుంచి నెల్లికంటి సత్యం, బీఆర్‌ఎస్‌ నుంచి దాసోజు శ్రవణ్‌లు నామినేషన్లు దాఖలు చేశారు. సభలో ఉన్న బలాబలాలను బట్టి మూడు అధికార కాంగ్రెస్‌కు, ఒకటి బీఆర్‌ఎస్‌కు దక్కడం ఖాయం కాగా, మిగిలిన ఐదో స్థానంలో గెలిచేందుకు ఈ అవకాశం లేదు.ఈ నేపథ్యంలో ఒకవేళ బీఆర్‌ఎస్‌ రెండో అభ్యరి్థని నిలబెడితే ఎన్నిక నిర్వహించాల్సి వచ్చేది. కానీ ఆ పార్టీ నుంచి కేవలం ఒక్క అభ్యర్థి మాత్రమే నామినేషన్‌ దాఖలు చేశారు. దీంతో ఎన్నిక నిర్వహించాల్సిన అవసరం లేకుండా పోయింది. ఈనెల 12న నామినేషన్ల పరిశీలన, 13న ఉపసంహరణ ప్రక్రియలు జరగనున్నాయి. నిబంధనల ప్రకారం ఉపసంహరణల ప్రక్రియ ముగిసేసరికి ఉన్న నామినేషన్లను పరిగణనలోకి తీసుకుంటారు.ఉపసంహరణల సమయం ముగియగానే ఐదు స్థానాలకు ఐదు నామినేషన్లు మాత్రమే మిగిలితే అందరు అభ్యర్థులు ఏక్రగీవం­గా ఎన్నికైనట్టు రిటర్నింగ్‌ అధికారి అధికారికంగా ప్రకటిస్తారు. మొత్తం మీ­ద పోలింగ్‌ నిర్వహించాల్సిన పరిస్థితులు లేకపోవడంతో నామినేషన్లు దాఖలు చేసిన అభ్యర్థులు ఊపిరి పీల్చుకున్నారు. ఇలావుండగా..మరో ప్రధాన పార్టీ ఎంఐఎం కాంగ్రెస్‌ అభ్యర్థుల నామినేషన్‌ కార్యక్రమంలో పాల్గొంది.

సాక్షి, అమరావతి: ఎమ్మెల్యేల కోటాలోని నాలుగు ఎమ్మెల్సీ స్థానాలకు కూటమి అభ్యర్థులు సోమవారం నామినేషన్లు వేశారు. ఐదు ఎమ్మెల్సీ స్థానాల్లో ఒక దానికి ఇంతకుముందే జనసేన అభ్యర్థిగా నాగబాబు నామినేషన్‌ వేసిన విషయం తెలిసిందే. నామినేషన్ల దాఖలుకు సోమవారం ఆఖరి రోజు కావడంతో మిగిలిన నాలుగు స్థానాలకు టీడీపీ తరఫున ముగ్గురు, బీజేపీ తరఫున ఒకరు నామినేషన్లు వేశారు. తొలుత టీడీపీకి చెందిన బీద రవిచంద్ర, బీటీ నాయుడు, కావలి గ్రీష్మ నామినేషన్లు దాఖలు చేయగా, ఆ తర్వాత బీజేపీకి చెందిన సోము వీర్రాజు నామినేషన్‌ వేశారు. టీడీపీ అభ్యర్థుల వెంట మంత్రులు లోకేశ్, అచ్చెన్నాయుడు, కందుల దుర్గేష్, ఎమ్మెల్యే పి.విష్ణుకుమార్‌రాజు తదితరులు వచ్చారు. బీజెపీ అభ్యర్థి వీర్రాజు వెంట మంత్రులు సత్యకుమార్, టీడీపీ అధ్యక్షుడు పల్లా శ్రీనివాసరావు తదితరులు ఉన్నారు. వీరంతా నామినేషన్‌ పత్రాలను రిటర్నింగ్‌ అధికారి, శాసన మండలి ఉప కార్యదర్శి వనితారాణికి సమర్పించారు. సహాయ రిటర్నింగ్‌ అధికారులుగా ఉన్న అసెంబ్లీ సహాయ కార్యదర్శులు ఆర్‌.శ్రీనివాసరావు, ఈశ్వరరావు ఆ పత్రాలను పరిశీలించారు. నామినేషన్‌ అనంతరం బీజేపీ అభ్యర్థి సోము వీర్రాజు పార్టీ రాష్ట్ర అధ్యక్షురాలు, ఎంపీ పురందేశ్వరి, మంత్రి సత్యకుమార్‌ తదితరులతో కలిసి సీఎం చంద్రబాబును సచివాలయంలో మర్యాదపూర్వకంగా కలిశారు. కాగా బీజేపీ ఎమ్మెల్సీ అభ్యర్థిగా పార్టీ జాతీయ కార్యవర్గ సభ్యులు సోము వీర్రాజు పేరును ఆ పార్టీ జాతీయ నాయకత్వం సోమవారం ఉదయం ప్రకటించింది. సోము వీర్రాజు 2015–21 మధ్య బీజేపీ తరఫున ఎమ్మెల్సీగా కొనసాగారు. 2020–23 మధ్య బీజేపీ రాష్ట్ర అధ్యక్షుడిగా కూడా పనిచేశారు. ఎమ్మెల్సీగా తనను ఎంపిక చేసినందుకు జాతీయ అధ్యక్షులు జేపీ నడ్డాకు సోము వీర్రాజు ధన్యవాదాలు తెలిపారు. చంద్రబాబు ఆధ్వర్యంలో కలిసి పనిచేస్తామని చెప్పారు. ఏకగ్రీవమే.. ఎమ్మెల్యే కోటాలో ఐదు స్థానాలకు ఐదుగురు అభ్యర్థులు మాత్రమే పోటీలో ఉండటంతో ఏకగ్రీవ ఎన్నిక లాంఛనమే కానుంది. టీడీపీ నుంచి ముగ్గురు అభ్యర్థులు జనసేన నుంచి ఒకరు, బీజేపీ నుంచి ఒకరు నామినేషన్‌ దాఖలు చేసినట్టు రాష్ట్ర ఎన్నికల ప్రధాన అధికారి వివేక్‌ యాదవ్‌ ఒక ప్రకటనలో తెలిపారు. 11న నామినేషన్ల పరిశీలన తర్వాత 13 వరకు నామినేషన్‌ ఉపసంహరణకు గడువు ఉంది. నామినేషన్‌ ఉపసంహరణ తేదీ తర్వాత ఐదుగురు అభ్యర్థులు ఏకగ్రీవంగా గెలిచినట్టు అధికారికంగా ప్రకటిస్తారు.

సాక్షి, అమరావతి: రూ.లక్ష లోపు అంచనా ఉన్న పనులను ఈఈ.. రూ.2 లక్షల్లోపు పనులను ఎస్‌ఈ.. రూ.3 లక్షల్లోపు పనులను సీఈ నామినేషన్‌ పద్ధతిలో కాంట్రాక్టర్లకు అప్పగించవచ్చన్నది ప్రభు­త్వ నిబంధన. అదీ వరదలు, కరువు వంటి ఉత్పాతాలు ఏర్పడినప్పుడు యుద్ధప్రాతిపదికన సహాయక చర్యలు చేపట్టేందుకు సంబంధించిన పనులను మాత్రమే నామినేషన్‌ పద్ధతిలో అప్పగించాలన్నది నిబంధన. ఆ పనులకు టెండర్లు పిలిస్తే తక్షణమే సహాయక చర్య­లు చేపట్టడానికి వీలుండదు కాబట్టి నామినేషన్‌ పద్ధతిలో అప్పగించే వెసులుబాటు కల్పించారు. కానీ, ఈ నిబంధనను నిక్కచ్చిగా అమలుచేయాల్సిన ప్రభుత్వమే దాన్ని నిలువునా పాతరేసింది. రూ.లక్ష కాదు, రూ.2 లక్షలు కాదు.. ఏకంగా రూ.480.22 కోట్ల విలువైన పుంగనూరు బ్రాంచ్‌ కెనాల్‌ లైనింగ్‌ పనులను ఎన్‌సీసీ సంస్థకు ప్రభుత్వం కట్టబెట్టింది. ఇవి యు­ద్ధ­ప్రాతిపదికన పూర్తిచేయా­ల్సినవి కావు. అయినా, నిబంధనలు ఉల్లంఘించి వాటిని ఎన్‌సీసీ సంస్థకు అప్పగించడం వెనుక భారీఎత్తున కమీషన్లు చేతులు మారాయనే ఆరోపణలు సర్వత్రా వ్యక్తమవుతున్నాయి. ఈ అక్రమాలను కప్పెట్టుకోవడానికి కేబినెట్‌తో ఆమోదముద్ర వేయించడం గమనార్హం. అక్రమాల దందా పునరావృతంఅస్మదీయులకు నామినేషన్‌ పద్ధతిలో కట్టబెట్టి.. ప్రభుత్వ ఖజానాను దోచిపెట్టి కమీషన్లు వసూలుచేసుకోవడం 2014–19 మధ్య ముఖ్యనేతలు రివాజుగా మార్చుకున్నారు. పోలవరం హెడ్‌వర్క్స్‌ పనుల్లో రూ.2,917 కోట్ల పనులను నవయుగ సంస్థకు నామినేషన్‌పై కట్టబెట్టడమే అందుకు పరాకాష్ట. దేశ చరిత్రలో ఇంత పెద్దఎత్తున నామినేషన్‌ పద్ధతిలో పనులు కట్టబెట్టిన దాఖలాలు ఎక్కడాలేవు. కృష్ణా పుష్కర ఏర్పాట్లలో భాగంగా ఘాట్ల నిర్మాణం దగ్గర నుంచి నీరు–చెట్టు పనుల వరకూ రూ.15 వేల కోట్లకు పైగా విలువైన పనులను నామినేషన్‌ పద్ధతిలో అప్పటి చంద్రబాబు ప్రభుత్వం అస్మదీయులకు కట్టబెట్టింది. ఇప్పుడూ అదే రీతిలో నామినేషన్‌ దందాకు తెరతీసింది. 2019–24 మధ్య వైఎస్సార్‌సీపీ ప్రభుత్వం ఏ ఒక్క పనిని కూడా నామినేషన్‌పై కట్టబెట్టకపోవడం గమనార్హం. పూర్తికాక ముందే నిధులు మిగులా?.. చంద్రబాబు నేతృత్వంలోని కూటమి ప్రభుత్వం 2014–19 తరహాలోనే మళ్లీ నామినేషన్‌ దందాకు తెరతీసింది. హంద్రీ–నీవా సుజల స్రవంతి పథకం రెండో దశలో అంతర్భాగమైన పుంగనూరు బ్రాంచ్‌ కెనాల్‌ పనులను ఇందుకు వేదికగా చేసుకుంది. నిజానికి.. ఈ కెనాల్‌ను 79.6 కిమీ నుంచి 220.35 కిమీ వరకూ వెడల్పుచేసి, ప్రవాహ సామర్థ్యం పెంచే పనులకు రూ.1,929 కోట్ల వ్యయంతో 2021, సెపె్టంబరు 4న వైఎస్సార్‌సీపీ ప్రభుత్వం సాంకేతిక అనుమతిచ్చింది. ఈ పనులకు నిర్వహించిన టెండర్లలో రూ.1,217.49 కోట్లకు ఎన్‌సీసీ సంస్థ దక్కించుకుని.. వాటిని పూర్తిచేయానికి 2023, ఫిబ్రవరి 1న ప్రభుత్వంతో ఒప్పందం చేసుకుంది. ఈ పనులను ఎన్‌సీసీ సంస్థ ఇప్పటివరకూ పూర్తిచేయలేదు. 25 శాతంలోపు మాత్రమే పూర్తయ్యాయని అధికారవర్గాలు ప్రభుత్వానికి నివేదిక ఇచ్చాయి. వాస్తవానికి.. ఏదైనా పని పూర్తయ్యాకే ఆ పనికి కేటాయించిన నిధుల్లో మిగిలాయాన్నది తేల్చవచ్చు.కానీ.. ఇక్కడ పూర్తికాక ముందే వాటికి ప్రభుత్వం ఇచ్చిన సాంకేతిక అనుమతిలో రూ.711.51 కోట్ల మేర మిగులు ఉందంటూ తేల్చడంపై అధికారవర్గాలు విస్మయం వ్యక్తంచేస్తున్నాయి. ఇందులో రూ.480.22 కోట్ల వ్యయంతో పుంగనూరు బ్రాంచ్‌ కెనాల్‌కు 75.075 కిమీ నుంచి 207.80 కిమీ వరకూ లైనింగ్‌ చేసే పనులను నామినేషన్‌ పద్ధతిలో ఎన్‌సీసీ సంస్థకు కట్టబెట్టాలని ముఖ్యనేత ఆదేశించారు. దాంతో ఆ పనులను ఎన్‌సీసీకి అప్పగిస్తూ జలవనరుల శాఖ అధికారులు ఉత్తర్వులు జారీచేశారు.

ఇంటర్నేషనల్ ఇండియన్ ఫిల్మ్ అకాడమీ అవార్డ్స్ -2025 (IIFA) నామినేషన్స్‌లో బాలీవుడ్ చిత్రాలు సత్తా చాటాయి. తాజాగా ప్రకటించిన ఐఐఎఫ్‌ఏ నామినేషన్స్‌లో అమిర్ ఖాన్, కిరణ్ రావు తెరకెక్కించిన లపతా లేడీస్ అత్యధిక విభాగాల్లో నామినేషన్స్ దక్కించుకుంది. ఏకంగా తొమ్మిది విభాగాల్లో లపతా లేడీస్ ఎంపికైంది. ఆ తర్వాత భూల్ భూలయ్యా-2, స్త్రీ-2 చిత్రాలు వరుసగా ఏడు, ఆరు విభాగాల్లో పోటీలో నిలిచాయి.ఈ ఏడాది ప్రతిష్టాత్మక ఇంటర్నేషనల్ ఇండియన్ ఫిల్మ్ అకాడమీ అవార్డ్స్ వేడుక మార్చిలో జరగనుంది. రాజస్థాన్‌లోని జైపూర్‌లో మార్చి 8, 9 తేదీల్లో ఈవెంట్ నిర్వహించనున్నారు. ఉత్తమ చిత్రం విభాగంలో లాపతా లేడీస్, భూల్ భూలయ్యా- 3, స్త్రీ- 2, కిల్, ఆర్టికల్ 370, షైతాన్ నామినేషన్స్‌లో చోటు దక్కించుకున్నాయి. ఉత్తమ దర్శకుడి కేటగిరీలో కిరణ్ రావు, నిఖిల్ నగేష్ భట్, అమర్ కౌశిక్, సిద్ధార్థ్ ఆనంద్, అనీస్ బజ్మీ, ఆదిత్య సుహాస్ ఝంబాలే నిలిచారు. ఉత్తమ నటి కేటగిరీలో నితాన్షి గోయెల్, అలియా భట్, యామీ గౌతమ్, కత్రినా కైఫ్, శ్రద్ధా కపూర్‌లు పోటీ పడుతుండగా.. ఉత్తమ నటులుగా స్పర్ష్ శ్రీవాస్తవ, రాజ్‌కుమార్ రావు, కార్తీక్ ఆర్యన్, అభిషేక్, బచ్చన్, అజయ్ దేవగన్‌లు నామినేషన్స్ దక్కించుకున్నారు.సపోర్టింగ్ రోల్ విభాగంలో ఛాయా కదమ్, విద్యాబాలన్, జాంకీ బోడివాలా, జ్యోతిక, ప్రియమణి నిలవగా.. రవి కిషన్, అభిషేక్ బెనర్జీ, ఫర్దీన్ ఖాన్, రాజ్‌పాల్ యాదవ్, మనోజ్ పహ్వా మేల్ విభాగంలో పోటీ పడుతున్నారు. బెస్ట్ విలన్ కేటగిరీలో రాఘవ్ జుయల్, ఆర్ మాధవన్, గజరాజ్ రావ్, వివేక్ గోంబర్, అర్జున్ కపూర్ నామినీలుగా నిలిచారు.

ఈ ఏడాది జరగనున్న 97వ ఆస్కార్‌ నామినేషన్స్‌లో బాలీవుడ్ హీరోయిన్ ప్రియాంక చోప్రా చిత్రం స్థానం దక్కించుకుంది. బెస్ట్ లైవ్ యాక్షన్ షార్ట్ ఫిల్మ్ కేటగిరీలో నామినేషన్స్‌లో నిలిచింది. తాజాగా ప్రకటించిన ఆస్కార్ నామినేషన్స్‌ లిస్ట్‌లో అనూజ చిత్రం పోటీ పడుతోంది. గార్మెంట్ ఫ్యాక్టరీలో పనిచేసే తొమ్మిదేళ్ల బాలిక జీవితంగా ఆధారంగా ఈ మూవీని గునీత్ మోంగా, ప్రియాంక చోప్రా నిర్మాతలుగా తెరకెక్కించారు. దీంతో బాలీవుడ్ హీరోయిన్ ప్రియాంక ఫ్యాన్స్ సంతోషం వ్యక్తం చేస్తున్నారు. బెస్ట్ లైవ్ యాక్షన్ షార్ట్ ఫిల్మ్ కేటగిరీలో డోవ్‌ కోట్, ది లాస్ట్ రేంజర్, ది లియోన్, ది మ్యాన్ వు కుడ్‍నాట్ రిమేన్ సైలెంట్ చిత్రాలతో పోటీపడనుంది. ఈ కేటగిరీలో దాదాపు 180 సినిమాలు పోటీ పడగా..ఈ ఐదు చిత్రాలు నిలిచాయి. కాగా.. ప్రియాంక చోప్రా నిర్మాతగా తెరకెక్కించిన అనూజ షార్ట్‌ ఫిల్మ్ త్వరలోనే నెట్‌ఫ్లిక్స్‌లో విడుదల కానుంది. కంగువా, ది గోట్ లైఫ్ చిత్రాలకు నిరాశ.. Short on time, big on talent, here are this year's nominees for Live Action Short Film. #Oscars pic.twitter.com/Wx0TZIpUen— The Academy (@TheAcademy) January 23, 2025

మన తెలుగు పుష్పా– 2 రికార్డు బద్దలు కొడుతోంటే అదే సమయంలో మన భారతీయ మహిళా డైరెక్టర్‌ 80 ఏళ్ల చరిత్ర గల గోల్డెన్ గ్లోబ్‌ అవార్డ్స్‌లో రెండు నామినేషన్స్ సాధించి రికార్డు స్థాపించింది. బెస్ట్‌ డైరెక్టర్‌ (మోషన్ పిక్చర్‌) బెస్ట్‌ మోషన్ పిక్చర్‌ (నాన్ ఇంగ్లిష్‌) కేటగిరీల్లో ఆమె దర్శకత్వం సినిమా ‘ఆల్‌ వియ్‌ ఇమాజిన్ యాజ్‌ లైట్‌’ నామినేషన్ పొందింది. ఇంతకు ముందు ఇలాంటి ఘనత సాధించిన మన దేశపు మహిళ మరొకరు లే రు.‘సినిమా తీయాలంటే అందరికీ ఫిల్మ్‌ స్కూల్‌ అక్కర్లేదు. కాని నాకు ఉపయోగపడింది’ అంటారు పాయల్‌ కపాడియా. ముంబైలో, ఆంధ్రప్రదేశ్‌లోని రిషి వ్యాలీలో బాల్యం, కౌమారం గడిచిన పాయల్‌ పూణె ఫిల్మ్‌ ఇన్‌స్టిట్యూట్‌లో డైరెక్షన్‌ కోర్సు చదివి ఇప్పుడు ప్రపంచవ్యాప్తంగా గుర్తింపు పొందిన దర్శకురాలు అయారు. 2014 నుంచి సినిమాలు తీస్తున్నా 2021లో తీసిన డాక్యుమెంటరీ ‘ఏ నైట్‌ ఆఫ్‌ నోయింగ్‌ నథింగ్‌’తో ఆమె ప్రతిభ లోకానికి పరిచయం కాసాగింది.ఎవరికీ లేని ఘనతఆస్కార్‌ అకాడెమీ అవార్డ్స్‌తో సమానమైన ప్రతిష్టాత్మక గోల్డెన్‌ గ్లోబ్‌ అవార్డుల కోసం పోటీ పడే భారతీయ సినిమాలు చాలా తక్కువ. 1994 లో చివరిసారిగా ఒక భారతీయ సినిమా నామినేషన్‌ పొందింది. ఆ తర్వాత ఇన్నాళ్లకు అదీ ఒక మహిళా దర్శకురాలిగా పాయల్‌ కపాడియా తాను తీసిన ‘ఆల్‌ వియ్‌ ఇమాజిన్‌ యాజ్‌ లైట్‌’తో 2024 గోల్డెన్‌ గ్లోబ్‌ అవార్డ్స్‌లో ‘బెస్ట్‌ డైరెక్టర్‌’, ‘బెస్ట్‌ ఫారిన్‌ లాంగ్వేజ్‌ ఫిల్మ్‌’ విభాగం కింద రెండు నామినేషన్స్‌ పొందారు. ఇప్పటికే కాన్స్‌ ఫిల్మ్‌ ఫెస్టివల్‌ 2024లో రెండవ ప్రతిష్టాత్మకమైన బెస్ట్‌ డైరెక్టర్‌ అవార్డును (గ్రాండ్‌ ప్రి) పొందిన డింపుల్‌ కపాడియా గోల్డెన్‌ గ్లోబ్‌ అవార్డు కూడా సాధిస్తే ఆమె పేరు చరిత్రలో చిరస్థాయిగా నిలబడిపోతుంది.సినిమాలు చూస్తూ...పాయల్‌ కపాడియా బాల్యంలో రిషి వ్యాలీలోనే సినిమాల మీద ఆసక్తి పెంచుకున్నారు. ‘మా అమ్మా నాన్నలు నాకు చిన్నప్పుడు ప్రగతికాముక సినిమాలు చూపించేవారు. రష్యన్, ఫ్రెంచ్‌ సినిమాలు... ఆనంద్‌ పట్వర్థన్‌ తీసిన డాక్యుమెంటరీలు చూస్తూ పెరిగాను. ఆ తర్వాత పూణెలో డైరెక్షన్‌ కోర్సులో చేరాక వేరు వేరు ప్రాంతాల, నేపథ్యాల నుంచి వచ్చిన బ్యాచ్‌మేట్స్‌ సినిమాల గురించి ఎన్నో చర్చలు సాగించేవారు. రోజూ స్క్రిప్ట్‌లు వినడమే సరిపోయేది.అదంతా చిన్న ఎక్స్‌పోజర్‌ కాదు. అలాగే ఇష్టం ఉన్నా లేకపోయినా ప్రాక్టికల్స్‌ ఉండేవి. అవి చేసే ముందు కష్టంగా ఉన్నా చేశాక ఏదో తెలుసుకున్నాం అనే సంతృప్తి ఉండేది. ఉదాహరణకు అందరూ తప్పనిసరిగా 4 నిమిషాల లాంగ్‌షాట్‌ తీయాలి మా ప్రాక్టికల్‌ ఫిల్మ్స్‌లో. ఎవరు ఎలా తీస్తారనేది ఒక అనుభవం. మా ్ర΄పొఫెసర్లు కూడా ఎంతో బాగా పాఠాలు చెప్పారు. అవన్నీ నేను దర్శకురాలు కావడానికి సాయం చేశాయి’ అంటారామె.ముగ్గురు స్త్రీలు, ఒక నగరంమూడు నాలుగేళ్లుగా రాసుకున్న స్క్రిప్ట్‌ ‘ఆల్‌ వియ్‌ ఇమాజిన్‌ యాజ్‌ లైట్‌’ను తీయడానికి కావలసిన బడ్జెట్‌ కోసం ఫ్రాన్స్, ఇటలీ, లగ్జంబర్గ్, ఇండియా, నెదర్లాండ్స్‌లోని ్ర΄పొడక్షన్‌ సంస్థలను ఆశ్రయించి వారి సహ భాగస్వామ్యంతో పూర్తి చేశారు పాయల్‌. కేరళ నుంచి ముంబైకి భుక్తి కోసం వచ్చిన ఇద్దరు నర్సుల కథ ఇది. వీరు పనిచేసే ఆస్పత్రిలోనే వంటమనిషిగా చేస్తున్న మహారాష్ట్ర మహిళ వీరితో కలుస్తుంది.ఆ నర్సుల్లో ఒకామె భర్త ఆమెను విడిచిపెట్టి జర్మనీ వెళ్లిపోయి ఉంటాడు. మరో నర్సు అవివాహితగా ఉంటూనే ఒక యువకునితో రిలేషన్‌లో ఉంటుంది. ఇక వంటామె ఇరవై ఏళ్లుగా తాను ఏ చాల్‌ (చిన్న కొట్టం)లో అయితే నివసిస్తోందో ఆ చాల్‌ను బిల్డర్‌ కూల్చడానికి వస్తే దానిని సొంతం అని చెప్పుకోవడానికి ఏ పత్రమూ లేక కలిగే నిస్పృహ... ఈ ముగ్గురి జీవితం ఎక్కడకు చేరుతుంది... ఏ వెలుతురికీ ప్రస్థానం అని చూపేదే కథ.లోతైన కథనంపాయల్‌ కపాడియా ఈ కథలో ఎన్నో ΄పొరలు ఉంచి కథకు బహుముఖ పార్శా్వలు ఇవ్వడమే ప్రపంచ విమర్శకులను ఆకర్షించి అవార్డుల పంట పండేలా చేస్తోంది. ఈ కథలో మూడు పాత్రలతో పాటు ముంబై నగరం కూడా ఒక పాత్రగా ఉండటం విశేషం. ఒక నగరం పెరిగే కొద్దీ పేదవాళ్లను దూరంగా నెట్టేస్తూ ఉంటుందని ఈ సినిమా చూపుతుంది. ఒకప్పటి మామూలు ఏరియా ఖరీదైన భవంతులతో నిండిపోతే అప్పటివరకూ అక్కడ ఉన్నవారు ఎక్కడకు వెళ్లి వుంటారు? ఎవరూ ఆలోచించరు.‘ఈ నగరం కలల నగరం అని కొందరు అనుకుంటారు. ఇది భ్రాంతుల నగరం. కలా నిజమా... తెలుసుకునే లోపే జీవితం గడిచిపోతుంది’ అనే డైలాగ్‌ ఇందులో ఉంది. ‘నువ్వు జీవితాన్ని తప్పించుకోలేవు’ అనే డైలాగ్‌ కూడా ఉంది. తప్పించుకోలేని జీవితంలో తగిన ఆనందాలు వెతుక్కోవడం ఎలాగో ప్రతి జీవికీ తెలుస్తుంది. ఈ కథలోని ముగ్గురు స్త్రీలు ఆ ఆనందాలను వెతుక్కుని వెలుతురు పొందుతారు. జనవరి 5న గోల్డెన్‌ గ్లోబ్‌ అవార్డుల ఈవెంట్‌ ఉంది. చూద్దాం మన అదృష్టం.

ఆల్ వి ఇమాజిన్ యాజ్ లైట్ మరో ఘనతను సొంతం చేసుకుంది. ఇప్పటికే పలు అవార్డులు దక్కించుకున్న ఈ చిత్రం ప్రతిష్టాత్మక గోల్డెన్ గ్లోబ్ అవార్డ్స్ నామినేషన్స్‌కు ఎంపికైంది. తాజాగా ఈ ఏడాది అందించే 82వ గోల్డెన్ గ్లోబ్స్ అవార్డ్స్‌లో ఏకంగా రెండు విభాగాల్లో చోటు దక్కించుకుంది. ఉత్తమ దర్శకుడు (మోషన్ పిక్చర్), బెస్ట్ నాన్-ఇంగ్లీష్ లాంగ్వేజ్ మోషన్ పిక్చర్‌ విభాగాల్లో నామినేషన్స్‌ సాధించింది.ఈ చిత్రానికి పాయల్ కపాడియా దర్శకత్వం వహించారు. గతనెల నవంబర్ 22న థియేటర్లలో విడుదలైన ఆల్ వి ఇమాజిన్ యాజ్ లైట్ చిత్రానికి అద్భుతమైన రెస్పాన్స్ వచ్చింది. అంతేకాకుడా అంతర్జాతీయంగా విమర్శకుల ప్రశంసలు అందుకుంది. ఈ చిత్రం ప్రతిష్టాత్మక కేన్స్ ఫిల్మ్ ఫెస్టివల్- 2024లో గ్రాండ్ ప్రిక్స్ గెలుచుకున్న మొదటి భారతీయ చిత్రంగా నిలిచింది.అంతేకాకుండా ఆసియా పసిఫిక్ స్క్రీన్ అవార్డ్స్‌లో జ్యూరీ గ్రాండ్ ప్రైజ్, గోథమ్ అవార్డ్స్‌లో బెస్ట్ ఇంటర్నేషనల్ ఫీచర్, న్యూ యార్క్ ఫిల్మ్ క్రిటిక్స్ సర్కిల్‌లో బెస్ట్ ఇంటర్నేషనల్ ఫిల్మ్ అవార్డ్‌ను కూడా అందుకుంది. వచ్చే ఏడాది జనవరి 6న గోల్డెన్ గ్లోబ్ అవార్డ్స్‌ అందజేయనున్నారు. తాజాాగ 82వ గోల్డెన్‌ గ్లోబ్స్‌ అవార్డ్స్‌ నామినేషన్‌ జాబితాను జ్యూరీ ప్రకటించింది. భారత్ నుంచి కేవలం ఈ మూవీ మాత్రమే రెండు విభాగాల్లో నామినేట్‌ అయింది.Congratulations to the 82nd #GoldenGlobes nominees for Best Non-English Language Motion Picture:✨ ALL WE IMAGINE AS LIGHT | USA / FRANCE / INDIA✨ EMILIA PÉREZ | FRANCE✨ THE GIRL WITH THE NEEDLE | POLAND / SWEDEN / DENMARK✨ I’M STILL HERE | BRAZIL✨ THE SEED OF THE… pic.twitter.com/xzfsib2iov— Golden Globes (@goldenglobes) December 9, 2024Congratulations to the 82nd #GoldenGlobes nominees for Best Director Motion Picture:✨ JACQUES AUDIARD | EMILIA PÉREZ✨ SEAN BAKER | ANORA✨ EDWARD BERGER | CONCLAVE✨ BRADY CORBET | THE BRUTALIST✨ CORALIE FARGEAT | THE SUBSTANCE✨ PAYAL KAPADIA | ALL WE IMAGINE AS LIGHT pic.twitter.com/gTtCCMUCTp— Golden Globes (@goldenglobes) December 9, 2024

సాక్షి, అమరావతి: పీఏసీ (పబ్లిక్‌ అకౌంట్స్‌ కమిటీ) చైర్మన్‌ పదవిని ప్రతిపక్షానికి రాకుండా చేసి శాసనసభ వ్యవహారాల్లో అనాదిగా కొనసాగుతున్న ప్రజాస్వామ్య సంప్రదాయానికి ముఖ్యమంత్రి చంద్రబాబు తిలోదకాలు ఇస్తున్నారు. పారదర్శకత ఉండాలంటే ప్రజా పద్దుల కమిటీ చైర్మన్‌గా ప్రతిపక్షానికి చెందిన సభ్యుడు ఉండటం ఎప్పటి నుంచో వస్తున్న సంప్రదాయం. ప్రతిపక్ష వైఎస్సార్‌సీపీకి ఇవ్వాల్సిన పదవిని కూడా తమ కూటమికే దక్కేలా అన్ని స్థానాలకు తమ సభ్యులతో నామినేషన్లు వేయించి ఎన్నిక జరిగేలా చేశారు. దీంతో శాసనసభ చరిత్రలో తొలిసారి పీఏసీ కమిటీకి ఎన్నిక అనివార్యమైంది. ఈ కమిటీలో 12 మంది సభ్యులకు అవకాశం ఉండగా.. 9 ఎమ్మెల్యేల తరఫున, మూడు ఎమ్మెల్సీల తరఫున ఎన్నికవ్వాల్సి ఉంది. ఎమ్మెల్సీల తరఫున ఉన్న మూడు స్థానాలకు కేవలం మూడు నామినేషన్లు రావడంతో అవి ఏకగ్రీవమయ్యాయి. ఎమ్మెల్యేల తరఫున ఉన్న 9 స్థానాలకు 10 నామినేషన్లు దాఖలవడంతో ఎన్నిక తప్పనిసరైంది. 9 స్థానాలకు కూటమి తరఫున 9 నామినేషన్లు, వైఎస్సార్‌సీపీ తరఫున ఒక నామినేషన్‌ (పెద్దిరెడ్డి రామచంద్రారెడ్డి) దాఖలవడంతో శుక్రవారం ఎన్నిక నిర్వహించనున్నారు.ఆనవాయితీకి చెల్లుచీటీపీఏసీ చైర్మన్‌ పదవిని ప్రతిపక్షానికి కేటాయించడం ఆనవాయితీ. ఏ పార్టీ అధికారంలో ఉన్నా ఈ పద­విని ప్రతిపక్ష పార్టీకి వదిలిపెట్టాలనే సంప్రదాయం పార్లమెంటు నుంచి దాదాపు అన్ని రాష్ట్రాల శాసన­సభల్లోనూ కొనసాగుతోంది. అప్పుడే ప్రజల తరఫున ప్రభుత్వాన్ని ప్రశ్నించే అవకాశం ప్రతిప­క్షానికి వస్తుందని ఈ సంప్రదాయాన్ని తెచ్చారు. ప్రతిప­క్షానికి పీఏసీ కేటాయించాలనేది ప్రజాస్వా­మిక స్ఫూర్తి. కానీ.. రాష్ట్రంలో ఇప్పుడు ప్రతిపక్షం అనే దాన్నే గుర్తించకుండా, పీఏసీ కూడా వారికి ఇవ్వకుండా అసెంబ్లీలో ప్రజల గొంతు ఏమాత్రం వినపడకూడదనే ఉద్దేశంతో దాన్ని కూడా తామే చేజిక్కించుకునేందుకు సిద్ధమయ్యారు. అధికారంలో ఉన్నవాళ్లే పీఏసీ తీసుకుంటే ఇక ప్రజల తరఫున మాట్లాడేవాళ్లే ఉండరనే దుర్బుద్ధితోనే దాన్ని కూడా తమ చేతుల్లో పెట్టుకుంటున్నారని స్పష్టమవుతోంది. పీఏసీ అనే దానిలోనే పబ్లిక్‌ అనే పదం ఉంది. అంటే ప్రజలకు సంబంధించిన పదవి అని అర్థం. ప్రతి అంశం పారదర్శకంగా జరగాలనే ఉద్దేశంతో ఈ ఏర్పాటు జరిగింది. నామినేషన్‌ దాఖలులో హైడ్రామా మరోవైపు పీఏసీ సభ్యత్వాలకు వైఎస్సార్‌సీపీ సభ్యులు నామినేషన్లు వేసే సమయంలోనూ హైడ్రామా నెలకొంది. మధ్యాహ్నం ఒంటిగంటలోపు నామినేషన్లు దాఖలు చేయాల్సివుండగా అసెంబ్లీ సెక్రటరీ జనరల్‌ ఆ సమయంలో అందుబాటులో లేకుండాపోయారు. పీఏసీ సహా ఇతర రెండు కమిటీల సభ్యత్వాలకు నామినేషన్లు వేసేందుకు వైఎస్సార్‌సీపీ ఎమ్మెల్యేలు 11 గంటలకు సెక్రటరీ జనరల్‌ చాంబర్‌కి వెళ్లారు. కానీ.. ఆ సమయంలో ఆయన కావాలని అసెంబ్లీలోనే ఉండిపోయినట్టు తెలుస్తోంది. సాధారణంగా ఎన్నికల ప్రక్రియ జరుగుతున్నప్పుడు ఎన్నికల అధికారి (సెక్రటరీ జనరల్‌) తన చాంబర్‌లో అందుబాటులో ఉండాలి. లేకపోతే ప్రత్యామ్నాయంగా మరొకరిని నియమించాలి. కానీ.. సమయం దాటిపోయే వరకూ నామినేషన్లు తీసుకోకుండా ఉండేందుకే ఆయన దురుద్దేశంతో అసెంబ్లీలో ఉండిపో­యినట్టు సమాచారం. గంటన్నరపాటు ఎదురు­చూసినా ఆయన రాకపోవడంతో శాసన­మండలిలో ప్రతిపక్ష నేతగా ఉన్న బొత్స సత్యనా­రాయణ జోక్యం చేసుకున్నారు. సెక్రటరీ జనరల్‌ దురుద్దేశపూర్వకంగా చాంబర్‌లోకి రావడంలేదనే విషయం తెలుసుకుని ఆయన కూడా చాంబర్‌ వద్దకెళ్లారు. అక్కడి సిబ్బందిని ప్రశ్నించడంతో నీళ్లు నమిలారు. ఎన్నికలకు నోటిఫికేషన్‌ ఇచ్చి నామి­నేషన్లు తీసుకోకుండా ఉండటం ఏమిటని ఆగ్రహం వ్యక్తం చేశారు. ఎదురుగా ఉన్న మరో చాంబర్‌లో వ్యవసాయ శాఖ మంత్రి అచ్చెన్నాయుడు ఉండటంతో ఆయన్ను కూడా ఇదేం పద్ధతి అని ప్రశ్నించారు. దీంతో అచ్చెన్నాయుడు వెంటనే అసెంబ్లీలోకి వెళ్లి సెక్రటరీ జనరల్‌ ప్రసన్నకుమార్‌ను బయటకు పంపారు. నామినేషన్లు దాఖలు చేయడానికి కొద్ది నిమి­షాలు ఉందనగా.. సెక్రటరీ జనరల్‌ హడా­వుడిగా వైఎస్సార్‌సీపీ ఎమ్మెల్యేల నుంచి నామి­నేషన్లు స్వీకరించారు. బొత్స సత్యనారాయణ సభలోనే ఉంటే నామి­నేషను దాఖలుకు అవకాశం ఇవ్వకుండా చేసేవారనే అభిప్రాయం వ్యక్తమవుతోంది. వైఎస్సార్‌సీపీ హయాంలో ఇలా చేసి ఉంటే.. 2019లో టీడీపీకి 23మంది ఎమ్మెల్యేలు మాత్రమే ఉన్నా వైఎస్సార్‌సీపీ ప్రభుత్వం పీఏసీ చైర్మన్‌ పదవి టీడీపీకి కేటాయించింది. ఉన్న 23 మందిలో ఐదుగురు పక్కకు వెళ్లిన తరుణంలోనూ ప్రజాస్వామిక సంప్రదాయాలను కొనసాగించేందుకు ప్రస్తుత ఆర్థిక మంత్రి పయ్యావుల కేశవ్‌కి అప్పట్లో ఈ పదవి ఇచ్చారు. అప్పట్లో వైఎస్సార్‌సీపీకి ఉన్న 151 మంది ఎమ్మెల్యేల బలంతో టీడీపీకి పీఏసీ ఇవ్వకూడదని అనుకుంటే ఎన్నిక జరిపే అవకాశం ఉన్నా అలా చేయలేదు. ప్రజాస్వామిక సూత్రాలకు, సంప్రదాయాలకు గౌరవం ఇచ్చి పీఏసీ చైర్మన్‌ పదవిని అప్పట్లో టీడీపీకి కేటాయించారు. అందుకు విరుద్ధంగా ఇప్పుడు ప్రతిపక్ష పార్టీకి పీఏసీ పదవి దక్కకుండా చేసేందుకు ఎమ్మెల్యేల తరఫున ఉన్న 9 మంది పీఏసీ సభ్యత్వాలకు (టీడీపీ తరఫున 7, జనసేన 1, బీజేపీ 1) కూటమి తరఫున నామినేషన్లు వేయించారు. సంప్రదాయంగా తమకు అవ­కాశం ఇవ్వాలనే ఉద్దేశంతో వైఎస్సార్‌సీపీ తరఫున మాజీ మంత్రి పెద్దిరెడ్డి రామచంద్రారెడ్డి నామినేషన్‌ దాఖలు చేయడంతో 9 మంది సభ్యులకు 10 నామినేషన్లు వచ్చా­యి. దీంతో పీఏసీకి ఎన్నిక జరగనుంది. అసెంబ్లీ సంప్రదాయాలకు గండిపడింది.

బిగ్‌బాస్ 8లో పదోవారం కూడా అయిపోయింది. హరితేజ ఎలిమినేట్ అయి వెళ్లిపోయింది. ఎప్పటిలానే సోమవారం వచ్చేసింది. దీంతో నామినేషన్స్ హంగామా మొదలైంది. హౌస్ట్ నాగార్జున ఇప్పటికే కన్నడ బ్యాచ్‌ చేసిన తప్పుల్ని చూసిచూడనట్లు వదిలేస్తున్నాడు. హౌస్‌లో మాత్రం అలా సాగదు కదా! తేజ, గౌతమ్ వాళ్లకు ఇచ్చిపడేశారు. ఈ ప్రోమోని ఇప్పుడు రిలీజ్ చేశారు.11వ వారానికి సంబంధించిన నామినేషన్ వేసేందుకు ఈసారి హౌస్‌మేట్స్ పెయింటింగ్స్‌ని స్మాష్ చేయాల్సి ఉంటుందని బిగ్‌బాస్ చెప్పాడు. దీంతో ప్రేరణ.. గౌతమ్ ఫొటోని స్మాష్ చేసింది. దీంతో ఇద్దరి మధ్య వాదన నడిచింది. నిఖిల్ వంత వచ్చేసరికి.. గతవారం తేజ చేసిన తప్పుని ఎత్తి చూపుతూ నామినేట్ చేశాడు. బయటకొచ్చిన తర్వాత తేజ వదల్లేదు. నేను చేసింది తప్పు సరే, యష్మీ చేసింది తప్పు కాదా అని ప్రశ్నించాడు. దానికి నేను సమాధానం చెప్పను అని నిఖిల్ మాట దాటవేశాడు.(ఇదీ చదవండి: ఈ వారం ఓటీటీల్లోకి 22 సినిమాలు.. అవి ఏంటంటే?)అలా నిఖిల్-తేజ మధ్య చాలాసేపు గొడవ జరిగింది. ఇదంతా చూస్తుంటే హోస్ట్ నాగార్జున.. వీకెండ్ వచ్చి మిగతా వాళ్లు చేసిన తప్పుల్ని చెబుతున్నాడు. అదేదో పెద్ద పాపం అన్నట్లు రచ్చ చేస్తున్నాడు. సోమవారం వచ్చేసరికి దాన్నే కన్నడ బ్యాచ్.. నామినేషన్స్ కోసం ఉపయోగిస్తున్నారు. ఈ వారం కూడా అదే జరిగేలా ఉంది. అలా ఈ వారం దాదాపు ఆరుగురు నామినేట్ అయినట్లు తెలుస్తోంది.నామినేట్ అయినవాళ్లలో పృథ్వీ, యష్మీ, విష్ణుప్రియ, గౌతమ్, టేస్టీ తేజ, అవినాష్ ఉన్నట్లు సమాచారం. లిస్ట్ చూస్తుంటే నిఖిల్, ప్రేరణ లేరు కాబట్టి వాళ్ల ఫ్యాన్స్.. కన్నడ బ్యాచ్‌లో భాగమైన పృథ్వీ, యష్మీకి సపోర్ట్ చేస్తారు. మిగతా వాళ్లలో ఎవరి ఫ్యాన్ బేస్ వాళ్లకు ఉంది. కానీ ఈసారి ఎందుకు విష్ణుప్రియ మీద దెబ్బపడుద్దా అనే సందేహం వస్తోంది. చూడాలి మరి ఈ వారం ఎవరు బలైపోతారో?(ఇదీ చదవండి: నన్ను అలా పిలవొద్దు.. కమల్ హాసన్ రిక్వెస్ట్)

సాక్షి ముంబై: మహారాష్ట్రలో నవంబర్‌ 20వ తేదీన జరగబోయే అసెంబ్లీ ఎన్నికలకు నామినేషన్ల దాఖలు పర్వం ముగిసింది. మొత్తం 288 స్థానాల కోసం 7,995 మంది అభ్యర్థులు ఎన్నికల బరిలోకి దిగినట్టు ఎన్నికల అధికారులు తెలిపారు. నామినేషన్లకు ఆఖరు రోజైన అక్టోబర్‌ 29న దాదాపు 4,996 మంది నామినేషన్లు దాఖలు చేయడం విశేషం.దీంతో ఎన్నికల బరిలో ఎవరెవరు ఉండనున్నారనేది దాదాపు స్పష్టమైందని చెప్పవచ్చు. కాగా మహాయుతితోపాటు మహావికాస్‌ అఘాడిలపై పలువురు నాయకులు తిరుగుబాటు చేసి స్వతంత్ర అభ్యర్థులుగా నామినేషన్లు దాఖలు చేశారు. తిరుగుబాటు చేసిన అభ్యర్థుల్లో గోపాల్‌ శెట్టి (బోరివలి), రాజు పారవే (ఉమరేడ్‌), స్వీకృతి శర్మ (తూర్పు అంధేరి), నానా కాటే (చించ్‌వడ్‌) తదితరులున్నారు. నామినేషన్ల ఉపసంహరణకు నవంబరు నాలుగో తేదీ వరకు గడువు ఉండటంతో రెబల్స్‌ను బుజ్జగించేందుకు పార్టీలు ప్రయత్నిస్తున్నాయి. అత్యధికంగా బీజేపీ అభ్యర్థులు... ప్రధాన కూటములైన బీజేపీ, శివసేన (శిందే), ఎన్సీపీ (ఏపీ)ల కలయికతో ఏర్పడిన మహాయుతి, కాంగ్రెస్, శివసేన (యూబీటీ), ఎన్సీపీ (ఎస్పీ)ల కలయికతో ఏర్పడిన మహావికాస్‌ అఘాడీ కూటముల అభ్యర్థులు, ఇతర పార్టీలు, స్వతంత్ర అభ్యర్థులు నామినేషన్లు దాఖలు చేశారు. వీరిలో అత్యధికంగా బీజేపీ తరఫున 148 మంది అభ్యర్థులు నామినేషన్లు దాఖలు చేయగా ఆ తర్వాత కాంగ్రెస్‌ తరఫున 103 మంది అభ్యర్థులు తమ నామినేషన్లు దాఖలు చేశారు. 2019 అసెంబ్లీ ఎన్నికల్లో బీజేపీ 164 స్థానాల్లో, కాంగ్రెస్‌ 147 స్థానాల్లో పోటీ చేశాయి. కానీ ఈసారి రాజకీయ సమీకరణాలు మారడంతో ప్రధాన కూటముల్లో సీట్ల పంపకాలు ఆలస్యమయ్యాయి. ఇక మిగిలిన పార్టీలైన శివసేన (యూబీటీ) 89, శివసేన (శిందే) 80, ఎన్సీపీ (ఎస్పీ) 87, ఎన్సీపీ (ఏపీ) 53 స్థానాల్లో పోటీ చేస్తున్నాయి.ఇదీ చదవండి: ‘మహిం’లో ఎమ్మెన్నెస్‌కే మద్దతు

తెలుగులో బిగ్‌బాస్‌ ప్రస్తుతం ఎనిమిదో వారం నడుస్తోంది. గతవారం మణికంఠ హౌస్‌ నుంచి ఎలిమినేట్ అయిపోయాడు. ఇక సోమవారం మొదలవగానే నామినేషన్స్ గొడవ స్టార్ట్‌ అవుతుంది. ఈ ప్రక్రియ హౌస్‌లో ఓ చిన్నపాటి యుద్ధ వాతావరణాన్ని తలపిస్తోంది. ఇక ఇవాళ నామినేషన్స్ ప్రక్రియ ఓ రేంజ్‌లో జరిగినట్లు తాజా ప్రోమో చూస్తేనే తెలుస్తోంది. ఆ వివారాలేంటో చూసేద్దాం.ఇకపోతే మంగళవారం ఎపిసోడ్‌లో నామినేషన్స్ ప్రక్రియ మరింత హాట్‌హాట్‌గా సాగింది. విష్ణు ప్రియ, యష్మి గౌడ మధ్య మాటల యుద్ధం నడిచింది. ఏడు వారాలైనా నీ సొంత గేమ్ ఎక్కడ కనిపించట్లేదు.. కొన్ని మాటలు కూడా చాలా హార్ష్‌గా ఉంటాయని విష్ణుప్రియను యష్మి నామినేట్ చేసింది. వీరి మధ్యలో అనుకోకుండా ప్రేరణ ఎంట్రీ ఇచ్చింది. దీంతో విష్ణుప్రియతో గొడవ తారాస్థాయికి చేరింది. నా పేరు తీయకుండా మాట్లాడాలని ప్రేరణ ‍అనడంతో..అలా అయితే హౌస్ నుంచి వెళ్లిపో అంటూ విష్ణుప్రియ వాదించింది. దీంతో నువ్వు ఎవరూ చెప్పడానికి.. నా గురించి మాట్లాడకు అంటూ ప్రేరణ గట్టిగా వార్నింగ్ ఇచ్చింది.ఆ తర్వాత మెహబూబ్‌ను నిఖిల్, యష్మి పలు కారణాలు చెప్పి నామినేట్ చేశారు. ఆ తర్వాత పృథ్వీని ముక్కు అవినాశ్ నామినేట్ చేశాడు. బిగ్‌బాస్‌ రావడానికి మనీ తీసుకుంటావ్.. కానీ బిగ్‌బాస్‌ ఇస్తే తీసుకోవు అంటూ అవినాశ్ ప్రశ్నించాడు. ఆ తర్వాత మ్యాటర్ కాస్తా పృథ్వీ గడ్డం మీదకు వెళ్లింది. యాభై వేలు ఇచ్చినా నా గడ్డం తీయను బ్రో అంటూ పృథ్వీ గట్టిగానే అరిచేశాడు. మీరేందుకు యాభై వేలకు ఓకే చెప్పారంటూ అవినాశ్‌ను పృథ్వీ అడిగాడు. అది నా ఇష్టమని అవినాశ్ అనడంతో.. ఇది నా ఇష్టం అంటూ పృథ్వీ వాదించడంతో ప్రోమో ముగిసింది. హౌస్‌లో మరెంత హాట్‌హాట్‌గా సాగిందో తెలియాలంటే ఇవాల్టి ఫుల్ ఎపిసోడ్ చూసేయండి. కాగా.. ఈ వారం నిఖిల్‌, ప్రేరణ, పృథ్వీ, విష్ణుప్రియ, మెహబూబ్‌, నయని పావని, హరితేజ నామినేషన్స్‌లో ఉన్నట్లు తెలుస్తోంది.

ఆదివారం ఎపిసోడ్‪‌లో సోనియా ఎలిమినేట్ అయిపోయింది. అలా బిగ్‌బాస్ షో ఐదోవారంలోకి అడుగుపెట్టేసింది. సోమవారం వచ్చింది కాబట్టి ఎప్పటిలానే నామినేషన్స్ హడావుడి మొదలైంది. ఈసారి ఫొటోని మంటల్లో వేసే కాన్సెప్ట్‌తో నామినేషన్స్ సాగింది. ఎప్పటిలానే మణికంఠ టార్గెట్ అయ్యాడు. సీత అయితే మణిని ఓ రేంజులో రెచ్చగొట్టి వదిలేసింది.(ఇదీ చదవండి: Bigg Boss8: సోనియాని ఎలిమినేట్ చేసి మంచి పనిచేశారా?)ప్రోమో ప్రకారం మణికంఠ.. సరిగా ఆడట్లేదని నైనికని నామినేట్ చేశాడు. అలానే యష్మిని మళ్లీ టార్గెట్ చేశారు. నైనిక-నబీల్ ఒకరినొకరు నామినేట్ చేసుకున్నారు. సీత-మణికంఠ మధ్య అయితే చిన్నపాటి యుద్ధమే జరిగింది. గత వారాల్లో జరిగిన పాయింట్స్ తెచ్చేసరికి మణి సైలెంట్ అయిపోయాడు. ఓ సందర్భంగా అతడిలా సీత ఇమిటేట్ చేసినట్లు అనిపించింది. దీంతో మణికంఠకి మెంటలెక్కిపోయింది.బాడీ లాంగ్వేజ్ మార్చుకో అని సీతతో మణికంఠ చెప్పగా.. ఇది నా బాడీ లాంగ్వేజ్, నేను ఎలా అయినా చేసుకుంటా అన్నట్లు సీత అంతే ధీటుగా సమాధానమిచ్చింది. ఇలా హోరాహోరీగానే సాగినట్లు కనిపిస్తుంది. ఇప్పటికే నామినేషన్స్ షూటింగ్ పూర్తవగా ఎవరెవరు లిస్టులో ఉన్నారనేది బయటకొచ్చింది. ఈ వారం విష్ణుప్రియ, నైనిక, ఆదిత్య, నబీల్, మణికంఠ, నిఖిల్.. నామినేషన్స్‪‌లో ఉన్నారు. అలానే ఈసారి మిడ్ వీక్ ఎలిమినేషన్ ఉంటుందని నాగార్జున చెప్పకనే చెప్పాడు.(ఇదీ చదవండి: బిగ్‌బాస్ 8లో మిడ్ వీక్ ఎలిమినేషన్.. ఈసారి ఎవరిపై వేటు?)

కోల్‌కతా: పశ్చిమ బెంగాల్‌లో ఒక సిట్టింగ్‌ ఎంపీ సహా ఇద్దరు తృణమూల్ కాంగ్రెస్ అభ్యర్థుల నామినేషన్లను రద్దు చేయాల్సిందేనని భారతీయ జనతా పార్టీ డిమాండ్ చేస్తోంది. వారి నామినేషన్లు పత్రాల్లో తీవ్రమైన లోపాలు ఉన్నాయని ఆ రాష్ట్ర బీజేపీ ఎన్నికల కమిషన్‌ని ఆశ్రయించింది.బీజేపీ పశ్చిమ బెంగాల్‌ ప్రధాన కార్యదర్శి జగన్నాథ్ ఛటోపాధ్యాయ మీడియా ప్రతినిధులతో మాట్లాడుతూ కోల్‌కతా-దక్షిణ్‌ నుంచి తృణమూల్ కాంగ్రెస్ అభ్యర్థి, సిట్టింగ్ ఎంపీ మాలా రాయ్ ఎంపీగానే కాకుండా కోల్‌కతా మున్సిపల్ కార్పొరేషన్ చైర్‌పర్సన్‌గా కూడా ఉన్నారని పేర్కొన్నారు. లాభదాయకమైనదిగా పరిగణించే ఆ పదవికి రాజీనామా చేయకుండానే ఆమె ఈసారి నామినేషన్‌ దాఖలు చేశారని చటోపాధ్యాయ చెప్పారు.మరో తృణమూల్ కాంగ్రెస్ అభ్యర్థి, ఉత్తర 24 పరగణాల జిల్లాలోని బసిర్హత్ లోక్‌సభ నుంచి పోటీ చేస్తున్న హాజీ నూరుల్ ఇస్లాం నామినేషన్‌ను కూడా రద్దు చేయాలని బీజేపీ డిమాండ్‌ చేస్తోంది. నూరుల్ ఇస్లాం ఇదే నియోజకవర్గం నుంచి తృణమూల్ కాంగ్రెస్ ఎంపీగా 2009 నుంచి 2014 వరకు పనిచేశారు.నామినేషన్ దాఖలు చేసేవారెవరైనా ఇంతకు ముందు ఏదైనా ప్రభుత్వ, శాసనసభ లేదా పార్లమెంటరీ హోదాలో ఉన్నట్లయితే తమ నామినేషన్‌తో పాటు గత 10 సంవత్సరాలకు ప్రభుత్వం నుంచి నో డ్యూ సర్టిఫికెట్‌ను సమర్పించాల్సి ఉంటుందని, కానీ నూరుల్ ఇస్లాం ఆ నో డ్యూ సర్టిఫికెట్‌ను సమర్పించలేదని బీజేపీ పశ్చిమ బెంగాల్‌ ప్రధాన కార్యదర్శి జగన్నాథ్ ఛటోపాధ్యాయ అభ్యంతరం వ్యక్తం చేశారు.బీర్భూమ్ లోక్‌సభ నియోజకవర్గానికి తమ మొదటి అభ్యర్థి, మాజీ ఐపీఎస్‌ అధికారి దేబాసిష్ ధర్‌ నామినేషన్‌ను ఇదే కారణంతో రద్దు చేశారని ఛటోపాధ్యాయ గుర్తు చేశారు. దీంతో తాము అభ్యర్థిని మార్చవలసి వచ్చిందన్నారు. రాయ్, ఇస్లాం నామినేషన్లలో ఈ లోపాలను ఎత్తిచూపుతూ ఇప్పటికే ఈసీని ఆశ్రయించామని, ఈ విషయంలో సుప్రీంకోర్టు సహా ఎంత వరకూ అయినా వెళ్తామని చటోపాధ్యాయ స్పష్టం చేశారు. దీనిపై తృణమూల్ కాంగ్రెస్ అభ్యర్థుల నుంచి ఎటువంటి స్పందన లేదు.

శ్రీనగర్: లోక్‌సభ 2024 ఎన్నికలు ఇప్పటికి రెండు దశల్లో పూర్తయింది. ఈనెల 7న మూడో దశలో ఎన్నికలు జరగనున్నాయి. నాలుగు, ఐదో దశల్లో ఆంధ్రప్రదేశ్, తెలంగాణలలో మాత్రమే కాకుండా.. జమ్మూ కాశ్మీర్ ప్రాంతాల్లో కూడా ఓటింగ్ జరగనుంది. ఈ తరుణంలో నేషనల్ కాన్ఫరెన్స్ వైస్ ప్రెసిడెంట్ 'ఒమర్ అబ్దుల్లా' జమ్మూ కాశ్మీలోని బారాముల్లా లోక్‌సభ నియోజకవర్గానికి గురువారం నామినేషన్ దాఖలు చేశారు.నేషనల్ కాన్ఫరెన్స్ ట్రెజరర్ షమ్మీ ఒబెరాయ్, జమ్మూ & కాశ్మీర్ ప్రదేశ్ కాంగ్రెస్ కమిటీ సీనియర్ వైస్ ప్రెసిడెంట్ జీఎన్ మోంగాతో పాటు ఒమర్ అబ్దుల్లా నామినేషన్ పత్రాలను దాఖలు చేశారు. ఈయన పీపుల్స్ కాన్ఫరెన్స్ అధ్యక్షుడు సజాద్ లోన్‌తో పోటీపడనున్నట్లు తెలుస్తోంది. పీడీపీ ఈ స్థానం నుంచి రాజ్యసభ మాజీ ఎంపీ మీర్ ఫయాజ్‌ను బరిలోకి దింపింది.నామినేషన్ వేయడానికి మే 3 చివరి తేదీ. కాగా మే 20న పోలింగ్ జరగనుంది. బారాముల్లాలో విలేకరులతో మాట్లాడుతూ.. పీపుల్స్ కాన్ఫరెన్స్ అధ్యక్షుడు ఆర్టికల్ 370ని పునరుద్ధరించడానికి కట్టుబడి ఉంటే.. తాను తన అభ్యర్థిత్వాన్ని ఉపసంహరించుకుంటానని చెప్పారు.నేషనల్ కాన్ఫరెన్స్ ఉపాధ్యక్షుడైన ఒమర్‌ అబ్దుల్లా 2009 తర్వాత తొలిసారి లోక్‌సభ ఎన్నికల్లో పోటీ చేస్తున్నారు. జమ్ముకశ్మీర్‌కు తిరిగి రాష్ట్ర హోదా దక్కే వరకు అసెంబ్లీ ఎన్నికల్లో పోటీ చేయబోనని ఆర్టికల్ 370 రద్దు తర్వాత ఆయన ప్రమాణం చేశారు. దీంతో సుమారు 20 సంవత్సరాల తరువాత మళ్ళీ లోక్‌సభ ఎన్నికల బరిలో అడుగుపెట్టారు.

సాక్షి, హైదరాబాద్‌: లోక్‌సభ అభ్యర్థులు దాఖలు చేసిన నామినేషన్ల పరిశీలన ప్రక్రియ శుక్రవారం రాత్రి ముగిసింది. రాష్ట్రంలోని 17 లోక్‌సభ స్థానాల పరిధిలో మొత్తం 893 మంది నామినేషన్లు దాఖలు చేయగా, 271 మంది అభ్యర్థుల నామినేషన్లను పరిశీలన అనంతరం అధికారులు తిరస్కరించారు. 622 మంది అభ్యర్థుల నామినేషన్లను ఆమోదించారు. నామినేషన్ల ఉపసంహరణ గడువు 29తో ముగియనుంది. తిరస్కరణకు కారణాలెన్నో: నామినేషన్‌ పత్రా ల్లోని అన్ని కాలమ్స్‌ పూరించాల్సి ఉండగా, కొందరు అభ్యర్థులు కొన్ని కాలమ్స్‌ను భర్తీ చేయకుండా వదిలివేయడం, పత్రాలపై కొన్నిచోట్లలో సంతకాలు చేయకపోవడం వంటి కారణాలతో చాలా మంది అభ్యర్థుల నామినేషన్లను తిరస్కరించారు. లోక్‌సభ నియోజకవర్గ పరిధిలోని కనీసం 10 మంది ఓటర్లు స్వతంత్ర అభ్యర్థులను ప్రతిపాదిస్తూ నామినేషన్‌ పత్రాలపై సంతకాలు చేయాల్సి ఉంటుంది. కొందరు స్వతంత్ర అభ్యర్థులకు 10 మంది ఓటర్లు కూడా ప్రతిపాదించకపోవడంతో వారి నామినేషన్లను సైతం జిల్లా ఎన్నికల అధికారులు తిరస్కరించారు. మాజీ ఎంపీ మందా జగన్నాథంకు షాక్‌ నాగర్‌కర్నూల్‌: నాగర్‌కర్నూల్‌ ఎంపీ స్థానానికి బీఎస్పీ తరఫున మాజీ ఎంపీ మందా జగన్నాథం వేసిన నామినేషన్‌ తిరస్కరణకు గురైంది. ఇటీవల అధినేత్రి మాయావతి సమక్షంలో బీఎస్పీలో చేరిన ఆయన ఆ పార్టీ తరఫున పోటీ చేసేందుకు సిద్ధమయ్యారు. అయితే బీఎస్పీకి సంబంధించి బీఫాం అందజేయకపోవడంతో నామినేషన్‌ తిర్కరణకు గురై¯ంది. నామినేషన్‌ పత్రాల్లో నో అబ్జెక్షన్‌పత్రం అందజేయకపోవడం, గడువులోగా సమర్పించాల్సి ఉన్నా సమరి్పంచకపోవడంతో నామినేషన్‌ను అధికారులు తిరస్కరించారు. అయితే బీఎస్పీ తరఫున మరో అభ్యర్థి యోసేఫ్‌ నామినేషన్‌ దాఖలు చేయడంతో పార్టీ బీఫాంను అతనికి అందజేసింది.

సాక్షి, హైదరాబాద్‌: తెలంగాణలో నేటితో నామినేషన్ట ఘట్టం ముగియనుంది. ఈ నేపథ్యంలో బీజేపీ నుంచి నలుగురు అభ్యర్థులు నేడు నామినేషన్‌ దాఖలు చేయనున్నారు. మరోవైపు.. పెద్దపల్లి బీజేపీ అభ్యర్థి విషయంలో ఇంకా ట్విస్ట్‌ కొనసాగుతోంది. బీజేపీ హైకమాండ్‌ ప్రకటించిన అభ్యర్థికి ఇంకా బీఫామ్‌ ఇవ్వకపోవడంతో ఉత్కంఠ నెలకొంది. కాగా, నేడు నిజామాబాద్‌, కరీంనగర్‌, నాగర​్‌ కర్నూల్‌, పెద్దపల్లి స్థానాలకు బీజేపీ అభ్యర్థులు నామినేషన్లు దాఖలు చేయనున్నారు. నిజామాబాద్‌ పార్లమెంట్‌ స్థానానికి ధర్మపురి అరవింద్‌ నామినేషన్‌ వేయనున్నారు. ఈ సందర్భంగా ఉత్తరాఖండ్‌ సీఎం పుష్కర్‌ సింగ్‌ దామి, రాజ్యసభ ఎంపీ లక్ష్మణ్‌ పాల్గొననున్నారు. ఇక, కరీంనగర్‌ పార్లమెంట్‌ స్థానానికి బండి సంజయ్‌ నామినేషన్‌ దాఖలు చేయనున్నారు. మరోవైపు.. నాగర్ కర్నూల్ పార్లమెంట్‌కు పోతుగంటి భరత్ నామినేషన్‌ వేయనున్నారు. ఈ రెండు కార్యక్రమాలకు గుజరాత్‌ సీఎం భూపేంద్రభాయ్‌ పటేల్‌, తెలంగాణ బీజేపీ చీఫ్‌ కిషన్‌ రెడ్డి హాజరుకానున్నారు. ఇదిలా ఉండగా.. బీజేపీ పెద్దపల్లి అభ్యర్థి విషయంలో సస్పెన్స్‌ నెలకొంది. అయితే ఇప్పటికే బీజేపీ గోమా శ్రీనివాస్‌ను తమ పార్టీ అభ్యర్ధిగా ప్రకటించింది. కానీ ఇప్పటి వరకు ఆయనకు బీఫాం ఇవ్వలేదు. మరోవైపు.. పెద్దపల్లి సిట్టింగ్‌ ఎంపీ బోర్లకుంట వెంకటేష్‌ నేత తాజాగా కిషన్‌రెడ్డితో భేటీ కావడం ప్రాధాన్యతను సంతరించుకుంది. ఈ సందర్భంగా పెద్దపల్లి టికెట్ ఇస్తే పార్టీలో చేరతానని కిషన్ రెడ్డికి చెప్పినట్లు సమాచారం. అయితే పార్టీ హైకమాండ్‌తో మాట్లాడి చెప్తానని కిషన్ రెడ్డి అన్నట్లు ప్రచారం జరుగుతోంది. ఇక, 2019 ఎన్నికల్లో బీఆర్‌ఎస్‌ నుంచి ఎంపీగా గెలిచిన వెంకటేష్‌.. ఇటీవలే కాంగ్రెస్‌లో చేరారు. అయితే, కాంగ్రెస్‌ ఆయనకు కాకుండా గడ్డం వివేక్‌ కొడుకు వంశీకి టికెట్‌ ప్రకటించడంతో పార్టీ కార్యక్రమాలకు దూరంగా ఉంటూ వస్తున్నారు. తాజాగా పార్టీ మారేందుకు ప్లాన్‌ చేస్తున్నట్టు తెలుస్తోంది.