సాక్షి, రంగారెడ్డి: గంజాయి కేసులో ఎక్సైజ్‌ కానిస్టేబుల్‌ గులం సుల్తాన్‌ అహ్మద్‌ను షాద్‌ నగర్‌ పోలీసులు అరెస్ట్‌ చేశారు. షాద్ నగర్‌లో పోలీసులు తనిఖీల్లో గంజాయితో ఓ యువకుడు పట్టుబట్టాడు. అతని వద్ద నుంచి 1.5 కిలోల గంజాయిని పోలీసులు స్వాధీనం చేసుకున్నారు.తనకు గంజాయి ఎక్సైజ్‌ కానిస్టేబుల్‌ ఇచ్చినట్టు ఆ యువకుడు తెలిపాడు. ఎక్సైజ్‌ పోలీసులు సీజ్‌ చేసిన గంజాయిని ఆ యువకుడికి సుల్తాన్‌ ఇచ్చాడు. ఎక్సైజ్ కానిస్టేబుల్ సుల్తాన్ అహ్మద్, యువకుడు అంజాద్‌లను అరెస్ట్‌ చేసిన పోలీసులు.. రిమాండ్‌కు తరలించారు.

రేణిగుంట (శ్రీకాళహస్తి రూరల్‌): ఒడిశా నుంచి కేరళకు గంజాయి తరలించేందుకు ప్రయత్నించిన ఇద్దరు పశ్చిమ బెంగాల్‌ మహిళలను రేణిగుంట పోలీసులు గురువారం అరెస్టు చేశారు. రేణిగుంట లాడ్జిలో ఉన్న వారి వద్ద నుంచి 24.5 కిలోల గంజా­యిని స్వాధీనం చేసుకున్నారు. గురువారం తిరుపతి జిల్లా ఏఎస్పీ రవిమనోహరాచారి తెలిపిన వివరాల మేరకు.. పోలీసులకు వచ్చిన రహస్య సమాచారం మేరకు రైల్వేస్టేషన్‌ సమీపంలోని ఎస్‌బీఎస్‌ లాడ్జిలోని 207 గదిలో డీఎస్పీ శ్రీనివాసరావు పర్యవేక్షణలో సీఐ జయచంద్ర, ఎస్‌ఐ అరుణ్‌కుమార్‌రెడ్డి సిబ్బందితో సోదాలు నిర్వహించారు. పశ్చిమ బెంగాల్‌కు చెందిన మమోని మొండాల్‌ (31), నమితా మొండాల్‌ (37) లను అదుపులోకి తీసుకుని, రెండు సూట్‌కేస్‌లలో ఉన్న రూ.2.45 లక్షల విలువ చేసే 24.5 కిలోల గంజా­యిని స్వాదీనం చేసుకున్నారు. ఈ గంజాయిని ఒడిశా నుంచి రైల్లో కేరళ తీసుకెళుతుండగా వారి సంబం«దీకుల నుంచి సూచన రావడంతో రేణిగుంటలో దిగి లాడ్జిలో బస చేశారు.వారిద్దరినీ అరెస్టుచేసి కోర్టులో హాజరుపరిచారు. విచారణలో వారు చెప్పిన ఇద్దరు అంతర్‌ రాష్ట్ర స్మగ్లర్లను అరెస్ట్‌ చేయాల్సి ఉంది. ఈ కేసుకు సంబంధించి సీఐ జయచంద్ర, సిబ్బందిని ఎస్పీ హర్షవర్ధన్‌రాజు అభినందించినట్లు ఏఎస్పీ తెలిపారు.

సాక్షి, హైదారాబాద్‌/అబిడ్స్‌ : హోలీ సంబరాలను సొమ్ము చేసుకొనేందు కు గంజాయి విక్రేతల ముఠా కొత్త పన్నాగం పన్నింది. హోలీ వేడుకల్లో భాగంగా శుక్రవారం లోయర్‌ ధూల్‌పేట్‌లో కుల్ఫీ ఐస్‌క్రీమ్‌లు, బర్ఫీ స్వీట్లకు సిల్వర్‌ కోటెడ్‌ బాల్స్‌ను వినియోగిస్తున్నట్లు సమాచారం అందుకున్న ఎక్సైజ్‌ స్పెషల్‌ టాస్క్‌ఫోర్స్‌ పోలీసులు దాడులు చేశారు. 100 కుల్ఫీ ఐస్‌క్రీమ్‌లు, 72 బర్ఫీ స్వీట్లు, సిల్వర్‌ కోటెడ్‌ బాల్స్‌ను స్వాధీనం చేసుకున్నారు. సత్యనారాయణ సింగ్‌ అనే వ్యక్తి కుల్ఫీ ఐస్‌క్రీమ్‌ల్లో గంజాయిని కలిపి విక్రయిస్తున్నట్లు సమాచారం అందడంతో దాడులు నిర్వహించినట్లు ఎక్సైజ్‌ ఎన్‌ఫోర్స్‌మెంట్‌ టీం లీడర్‌ అంజిరెడ్డి తెలిపారు. గంజాయితో తయారైన వీటిని స్వా«దీనం చేసుకుని, సత్యనారాయణపై కేసు నమోదు చేసినట్లు ఆయన పేర్కొన్నారు.

సాక్షి, హైదరాబాద్‌: నగరంలో హోలీ ముసుగులో గంజాయి వినియోగం కలకలం సృష్టించింది. ఎస్‌టీఎఫ్‌ దాడులతో షాకింగ్‌ విషయాలు వెలుగు చూశాయి. గంజాయితో తయారు చేసిన కుల్ఫీ ఐస్ క్రీమ్‌లతో పాటు గంజాయి బాల్స్‌ను పోలీసులు స్వాధీనం చేసుకున్నారు. హోలీ అంటేనే రంగుల పండుగ. తెలంగాణ మహా రాజధాని హైదరాబాద్‌లో విభిన్న రాష్ట్రాలకు చెందిన వ్యక్తులు విభిన్న రీతుల్లో హోలీ సంబరాలు జరుపుకుంటారు.కానీ.. నగరంలో కొందరు హోలీకి భిన్నంగా లోయర్ ధూల్‌పేట్‌లోని మల్చిపురాలో కుల్ఫీ ఐస్ క్రీమ్‌లో గంజాయి, బర్ఫీ స్వీట్‌లో గంజాయి, సిల్వర్ కోటెడ్ బాల్స్‌లో గంజాయి వినియోగిస్తూ సంబరాలు జరుపుకుంటున్నారనే సమాచారం ఎక్సైజ్‌, ఎన్‌ఫోర్స్‌మెంట్‌, ఎస్టీఎఫ్ పోలీసులకు అందింది.ఎస్టీఎఫ్ టీం అంజిరెడ్డి గ్రూపులోని ఎక్సైజ్ పోలీసులు గంజాయి ముసుగులో జరుగుతున్న హోలీ వేడుకల్లో దాడులు నిర్వహించి గంజాయితో తయారైన 100 కుల్ఫీ ఐస్ క్రీమ్‌ను, 72 బర్ఫీ స్వీట్లను, సిల్వర్ కోటెడ్ బాల్స్‌ను పోలీసులు స్వాధీనం చేసుకున్నారు. నిత్యం కుల్ఫీ ఐస్ క్రీమ్ అమ్మే సత్యనారాయణ సింగ్ అనే వ్యక్తి గంజాయిని మిక్స్ చేసిన కుల్ఫీ ఐస్ క్రీమ్ అమ్మకాలు జరుపుతున్నట్లు పోలీసులు తెలిపారు. గంజాయితో తయారైన వీటిని స్వాధీనం చేసుకున్న పోలీసులు.. అమ్మకాలు నిర్వహించే సత్యనారాయణపై కేసు నమోదు చేశారు.

ఆన్‌లైన్‌లో ఫుడ్‌ ఆర్డర్‌ చేసినపుడు ఒకటికి బదులు ఒకటి రావడం, లేదంటే ఆహారంలో పురుగులు, సిగరెట్‌ పీకలు రావడం లాంటి ఘటనలు గతంలో చాలా చూశాం. తాజాగా అమెరికాలోని ఒక మహిళకు మరో వింత అనుభవం ఎదురైంది. తను ఆర్డర్‌ చేసిన ప్యాకేజీ ఓపెన్‌ చేసి, చూసి షాకయ్యింది. వెంటనే పోలీసులకు సమాచారం అందించింది. స్టోరీ ఏంటంటే..!న్యూజెర్సీలో డ్రైవర్‌గా పని చేసే ఒక మహిళ ఉబెర్‌ ఈట్స్‌నుంచి బురిటో(షావర్మా) లాంటిది ఆర్డర్‌ చేసింది. ఉబెర్ ఈట్స్ డెలివరీ అందుకొని ఓపెన్‌ చేసి, తిందామని ఏంతో ఆతృతగా ఫాయిల్‌ రేపర్‌ విప్పి ఒక్కసారిగా ఆశ్చర్యపోయింది. ఎందుకంటే అందులో బురిటోకు బదులుగా గంజాయి ప్యాక్‌ చేసి ఉంది. ఘటన వాషింగ్టన్ టౌన్‌షిప్, క్యామ్‌డెన్ కౌంటీలో చోటుచేసుకుంది. ప్రస్తుతం ఈ విషయంపై స్థానిక పోలీసులు దర్యాప్తు చేస్తున్నారు.అయితే తన డెలివరీ ప్యాకేజీలో బురిటోకు బుదులుగా ఏదో తేడా వాసన వచ్చినట్టుగా అనిపించిందని బాధితురాలు తెలిపిందని వాషింగ్టన్ టౌన్‌షిప్ పోలీస్ చీఫ్ పాట్రిక్ గుర్సిక్ ఒక ప్రకటనలో తెలిపారు. అది ఒక ఔన్స్ గంజాయి అని తేలిందని ఆయన వెల్లడించారు. డ్రగ్స్, ఆల్కహాల్ లేదా మందులను రవాణాపై నిషేధం ఉన్న నేపథ్యంలో ఉబెర్‌ ఈట్స్‌లో ప్యాకేజీ డెలివరీ ఫీచర్‌ను ఎవరైనా ఉపయోగించుకోవడానికి ప్రయత్నించి ఉంటారని అనుమానిస్తున్నారు.ఉబెర్‌ ఈట్స్‌ స్పందనదీనిపై ఉబెర్‌ ఈట్స్‌ కూడా స్పందించింది. ఈ ఘటన తీవ్రంగా కలపర్చేదేనని ఉబెర్‌ ప్రతినిధి వ్యాఖ్యానించారు. స్థానిక అధికారులను వెంటనే అప్రమత్తం చేసినందుకు ఆమెను అభినందించారు. ఇలాంటి అనుమానాస్పద డెలివరీలపై వెంటనే రిపోర్ట్‌ చేయాలని ఇతర డ్రైవర్లను కూడా కోరారు.ఇదీ చదవండి : వయసు 28, తులసి పంట రారాజు ఫిలిప్పో సక్సెస్‌ స్టోరీ, ఆదాయం ఎంతో తెలుసా?

సాక్షి, చిత్తూరు జిల్లా: సీఎం చంద్రబాబు ప్రాతినిధ్యం వహిస్తున్న కుప్పంలో గంజాయి విక్రయాలు జోరుగా సాగుతున్నాయి. గంజాయి మత్తులో తెలుగు తమ్ముళ్లు ఘర్షణ పడటంతో ఉద్రిక్తత నెలకొంది. టీడీపీ ఇరువర్గాలు ఒకరిపై మరొకరు కత్తులు, రాడ్డులతో దాడులు చేసుకున్నారు. దాడిలో కుప్పం మాజీ జడ్పీటీసీ రాజ్ కుమార్ తమ్ముడు వినయ్‌ తీవ్రంగా గాయపడ్డారు.ఈ ఘర్షణలో న్యాయవాది కుమారుడు, రాజకీయ నేతల కుమారులు ఉన్నట్లు తెలిసింది. టీడీపీ కార్యకర్త వినయ్ పరిస్థితి విషమంగా ఉన్నట్లు సమాచారం. ఈ ఘటనకు సంబంధించి మరిన్నివివరాలు పోలీసుల విచారణలో తెలియాల్సి ఉంది. ఘటన ఆలస్యంగా వెలుగులోకి వచ్చింది. సీఎం చంద్రబాబు సొంత నియోజకవర్గంలో ఇలాంటి ఘర్షణలు జరగడంతో ప్రజలు భయాందోళనకు గురవుతున్నారు.ఇదీ చదవండి: గనుల శాఖలో బదిలీల ‘వేలం’

సాక్షి, హైదరాబాద్‌: మత్తుపదార్థాలు రవాణా చేసే ముఠాలను కట్టడి చేయడంతోపాటు మత్తుపదార్థాలకు అలవాటుపడిన వారిని అందులోంచి బయటపడేసే వ్యూహంతో ముందుకు వెళితేనే మత్తు మహమ్మారిని తరిమికొట్టడం సాధ్యమవుతుందని నిపుణులు చెపుతున్నారు. మద్యం, కల్తీకల్లు, గంజాయి, ఇతర మత్తుపదార్థాలకు బానిసలైన వారిని ఆ వ్యసనం నుంచి బయటపడేసేందుకు ఏర్పాటు చేసిన డీ–అడిక్షన్‌ సెంటర్లకు రోగుల సంఖ్య ఇటీవల పెరిగినట్టు గణాంకాలు చెబుతున్నాయి. గతానికి భిన్నంగా గంజాయి, డ్రగ్స్‌ వంటి మత్తుపదార్థాల గురించి అవగాహన పెరుగుతుండటంతో డీ–అడిక్షన్‌ సెంటర్లలో చేరే రోగుల సంఖ్యా పెరుగుతోంది. దీంతో రాష్ట్రవ్యాప్తంగా డీ–అడిక్షన్‌ సెంటర్ల పనితీరును టీజీ యాంటీ నార్కోటిక్స్‌ బ్యూరో అధికారులు ఇటీవలే పరిశీలించి ఓ నివేదికను తయారు చేశారు. రాష్ట్రంలో ప్రస్తుతం 16 డీ–అడిక్షన్‌ సెంటర్లు అందుబాటులో ఉన్నాయి. వీటిలో కొన్ని కేంద్రాలు అద్భుతంగా పనిచేస్తుండగా.. ఐదు సెంటర్లు పూర్తిగా మూతపడినట్టు అధికారులు గుర్తించారు. ఇదిలా ఉండగా డీ–అడిక్షన్‌కు ప్రాధాన్యం పెరగడంతోనషాముక్త భారత్‌ అభియాన్‌లో భాగంగా రాష్ట్రవ్యాప్తంగా మొత్తం 26 ప్రభుత్వ జనరల్‌ ఆసుపత్రుల్లో డీ–అడిక్షన్‌ సెంటర్లను కొత్తగా ఏర్పాటు చేశారు. వీటిల్లో కనీసం 10 చొప్పున బెడ్లు అందుబాటులోకి తెచ్చారు. మద్యం బానిసలే ఎక్కువ.. డీ–అడిక్షన్‌ సెంటర్లలో చేరుతున్న రోగులలో ఎక్కువ మంది మద్యానికి బానిసలైన వారే ఉంటున్నారు. తర్వాత పెద్ద సంఖ్యలో గంజాయి బానిసలు ఉంటున్నారు. 2019 నుంచి ఈ ఏడాది ఆగస్టు 12 వరకు డీ–అడిక్షన్‌ సెంటర్లలో చేరిన రోగుల సంఖ్య ఆధారంగా చూస్తే.. హనుమకొండలోని డీ–అడిక్షన్‌ కేంద్రంలో 1,067 మంది మద్యానికి బానిసలైన వారుండగా, గంజాయి రోగులు 344 మంది ఉన్నారు. ఆదిలాబాద్‌ సెంటర్‌లో 781 మంది మద్యానికి బానిసలైన వారు చేరగా.. 53 మంది గంజాయి బాధితులు ఉన్నారు.ఎల్బీనగర్‌లోని సెంటర్‌లో 933 మంది మద్యానికి బానిసలైన రోగులు, 39 మంది గంజాయికి బానిసలైన రోగులున్నారు. నల్లగొండ జిల్లా చిట్యాలలో 850 మంది మద్యం బానిసలు, 30 మంది గంజాయికి బానిసలైన రోగులు ఉన్నారు. రంగారెడ్డి జిల్లా కొత్తూరులోని సెంటర్‌లో 722 మంది మద్యానికి బానిసలైన వారు.. 24 మంది గంజాయికి అలవాటుపడిన వారున్నారు. ఖమ్మం జిల్లా మధిర‡ సెంటర్‌లో 427 మంది రోగులు మద్యానికి బానిసలైన వారుండగా, 23 మంది గంజాయి నుంచి డీ–అడిక్షన్‌ కోసం చేరారు. డీ–అడిక్షన్‌ సెంటర్లు అంటే..? మద్యం, గంజాయి, డ్రగ్స్‌ తదితర మత్తు పదార్థాలకు బానిసలైన వారికి ఆ వ్యసనం నుంచి బయటపడేందుకు అవసరమైన వైద్య సహాయం, కౌన్సెలింగ్‌ అందించి వారిని తిరిగి ఆరోగ్యవంతులుగా మార్చే కేంద్రాలను డీ–అడిక్షన్‌ సెంటర్లుగా వ్యవహరిస్తారు. కేంద్ర సామాజిక న్యాయం, సాధికారత శాఖ ఆధ్వర్యంలో నేషనల్‌ యాక్షన్‌ ప్లాన్‌ ఫర్‌ డ్రగ్‌ డిమాండ్‌ రిడక్షన్‌ (ఎన్‌ఏపీడీడీఆర్‌) పథకం కింద ప్రభుత్వ ఆసుపత్రులలో డీ–అడిక్షన్‌ కేంద్రాలు ఏర్పాటు చేసి ఉచితంగా చికిత్స అందిస్తున్నారు.

పెందుర్తి: గంజాయి మత్తులో ఓ టీనేజర్‌ పెందుర్తి ప్రభుత్వ జూనియర్‌ కళాశాల వద్ద సోమవారం వీరంగం సృష్టించాడు. గతేడాది ఇదే కళాశాలలో చదువుకున్నానని..కానీ బహిష్కరించారని..ఇప్పుడు తనకు సీటివ్వకపోతే చచ్చిపోతానని బెదిరించాడు. కర్రతో రోడ్డుపై వచ్చేపోయే వాహనాలకు ఇబ్బంది కలిగించాడు. రోడ్డుపై పడుకొని తీవ్రస్థాయిలో అలజడి రేపాడు. చివరకు పోలీసులు రంగప్రవేశం చేసి అతడ్ని రిహబిలిటేషన్‌ కేంద్రానికి తరలించడంతో పరిస్థితి అదుపులోకి వచ్చింది. వివరాలివి..పెందుర్తి ప్రాంతానికి చెందిన ఓ విద్యార్థి (17) గతేడాది పెందుర్తి ప్రభుత్వ జూనియర్‌ కళాశాలలో చేరాడు. అయితే అతడి అలవాట్లు, క్రమశిక్షణారాహిత్యం కారణంగా అప్పట్లో కళాశాల నుంచి టీసీ ఇచ్చి పంపేశారు. అయితే సదరు విద్యార్థి గంజాయి మత్తులో సోమవారం కళాశాల ప్రాంగణానికి వచ్చి కర్రలతో విద్యార్థులను హడలగొట్టాడు. తనకు మళ్లీ సీటు ఇవ్వకపోతే ఆత్మహత్య చేసుకుంటానని వాహనాల మధ్యకు వెళ్లి అలజడి రేపాడు. దీనిపై సమాచారం అందుకున్న ఎస్‌ఐ అసిరితాత వెంటనే ఘటనాస్థలికి చేరుకుని సదరు టీనేజర్‌ను అదుపులోని తీసుకుని స్టేషన్‌కు తరలించారు. సీఐ రామకృష్ణ ఆధ్వర్యంలో కౌన్సెలింగ్‌ నిర్వహించిన అనంతరం ప్రభుత్వ రిహబిలిటేషన్‌ కేంద్రానికి తరించారు.

ఖాకీ వనంలో గంజాయి మొక్కలుగా పోలీసులు అవినీతి సొమ్ముకు అలవాటుపడి ఒక్కొక్కరుగా ఏసీబీ అధికారులు విసిరిన ‘వల’లో చిక్కుతున్నారు. కేవలం మూడున్నర మాసాల వ్యవధిలో నలుగురు ఖాకీలు అవినీతి నిరోధకశాఖ అధికారులకు పట్టుబడి పోలీస్‌శాఖకు మచ్చతెచ్చారు. మెదక్‌జోన్‌: జిల్లాలోని కలెక్టర్‌, ఎస్పీ కార్యాలయాల సమీపంలో ఉన్న రూరల్‌ పోలీస్‌ స్టేషన్‌లో గత మార్చి 19న అవుసులపల్లి వార్డుకు చెందిన ఓవ్యక్తి ఇసుకను గ్రామశివారులోని వాగు నుంచి అక్రమంగా తరలిస్తుండగా రూరల్‌ పోలీసులు ట్రాక్టర్‌ను సీజ్‌చేశారు. దీంతో ఆ యజమాని మైనింగ్‌ అధికారులకు జరిమానా చెల్లించి ట్రాక్టర్‌ను విడుదల చేయాల్సిందిగా కోరాడు. అందుకు రూ.25వేలు లంచం ఇస్తేనే ట్రాక్టర్‌ను వదిలిపెడతామని ఓ కానిస్టేబుల్‌ ట్రాక్టర్‌ యజమానిని డిమాండ్‌ చేశాడు. దీంతో విసుగు చెందిన ఆ యజమాని ఏసీబీ అధికారులను ఆశ్రయించాడు. దీంతో లంచం తీసుకుంటుండగా పోలీస్‌ రైటర్‌ బాసిత్‌ను ఏసీబీ అధికారులు రెడ్‌ హేండెడ్‌గా పట్టుకున్నారు. అప్పటికే స్టేషన్‌ బయట ఉన్న ఎస్‌ఐ అమర్‌ ఫోన్‌ స్విచ్చ్‌ఆఫ్‌ చేసుకుని పారిపోయారు. పది రోజులపాటు ఉన్నతాధికారులకు ఎలాంటి సమాచారం లేకుండా పరారైయ్యారు. 15రోజుల అనంతరం ఎస్‌ఐ డ్యూటీలో చేరిన విషయం తెలుసుకున్న ఏసీబీ అధికారులు మళ్లీ విచారణ జరిపారు. లంచం తీసుకున్న కేసులో ఎస్‌ఐతోపాటు మరో కానిస్టేబుల్‌ సురేందర్‌ హస్తం ఉందని నిర్ధారించి ఆ ఇద్దరు కానిస్టేబుల్స్‌తోపాటు ఎస్‌ఐ అమర్‌ను సస్పెండ్‌చేసి రిమాండ్‌కు తరలించారు.ఏసీబీ ట్రాప్‌లో నలుగురుతాజాగా హవేళిఘణాపూర్‌ ఎస్‌ఐ ఆనంద్‌గౌడ్‌తో సహా కేవలం మూడున్నర నెలల వ్యవధిలోనే ఇద్దరు ఎస్‌ఐలు, ఇద్దరు కానిస్టేబుల్స్‌ కలిసి మొత్తం నలుగురు ఏసీబీకి పట్టుబడడంతో పోలీసుల అవినీతి బాగోతంపై జిల్లాలో చర్చసాగుతోంది.ఏసీబీ వలలో హవేళి ఎస్‌ఐహవేళిఘణాపూర్‌: ఇసుకను అక్రమంగా తరలిస్తూ పట్టుబడిన ఓ టిప్పర్‌ను వదిలిపెట్టేందుకు మధ్యవర్తి ద్వారా రూ.20వేలు లంచం తీసుకుంటుండగా స్థానిక ఎస్‌ఐ ఆనంద్‌ గౌడ్‌ను ఏసీబీ అధికారులు ట్రాప్‌చేసి సోమవారం పట్టుకున్నారు. ఏసీబీ డీఎస్పీ సుదర్శన్‌ తెలిపిన వివరాల ప్రకారం.. మెదక్‌కు చెందిన పూల గంగాధర్‌ టిప్పర్‌ ఈ నెల 29న ఇసుకను తరలిస్తూ పట్టుబడింది. ఈ టిప్పర్‌ను విడిచిపెట్టడానికి ఎస్‌ఐ ఆనంద్‌ గౌడ్‌ రూ.50వేలు డిమాండ్‌ చేయగా రూ.20వేలకు ఒప్పందం కుదిరింది. ఈ కేసులో గంగాధర్‌ ఏసీబీ అధికారులను ఆశ్రయించారు. సోమవారం మధ్యవర్తి మస్తాన్‌ అనే వ్యక్తి హవేళిఘణాపూర్‌ పెట్రోల్‌ బంక్‌ వద్దకు వచ్చి డబ్బులు తీసుకొనివెళ్లి ఎస్‌ఐకు ఇవ్వగా పట్టుకొని విచారణ చేపడుతున్నట్లు తెలిపారు. కార్యక్రమంలో ఏసీబీ సిబ్బంది రమేశ్‌, వేణు పాల్గొన్నారు.

వీధి చివర బంకుల్లో మత్తు చాక్లెట్లు కాలేజీ క్యాంపస్‌లో గంజాయి పొగ పబ్‌లో మాదకద్రవ్యాలు బుద్ధిగా చదువుకోవాల్సిన టీనేజ్‌ పిల్లల్ని మత్తులోకి లాగడానికి పొంచి ఉన్న డేగలు. జాగ్రత్త... తల్లిదండ్రులూ.. జాగ్రత్త. పిల్లలు తెలిసీ తెలియక చిక్కుకుంటారు. గమనించాలి. చర్చించాలి. కాపాడుకోవాలి.స్కూల్‌ వయసు పిల్లలు డ్రగ్స్‌ బారిన పడకుండా హర్యాణ రాష్ట్రంలో పోలీసులు ఆయా స్కూళ్లకెళ్లి వారిని చైతన్యపరిచే కార్యక్రమాలు చేస్తున్నారు. ‘క్యాచ్‌ దెమ్‌ యంగ్‌’ అనేది ఈ కార్యక్రమం పేరు. అంటే చిన్న వయసులోనే పిల్లల దృష్టిని ఆకర్షించి వారిని డ్రగ్స్‌ దుష్ప్రభావాల గురించి చెప్పాలి. ఇందుకు వారు అంబాలలోని ఒక ప్రయివేటు స్కూల్‌లో ప్రయోగాత్మకంగా ఒక ప్రయత్నం చేశారు. దాని పేరు ‘చక్రవ్యూహ్‌’. వరుసగా ఉన్న ఐదు గదుల్లో రకరకాల పజిల్స్‌ ఇచ్చి ఒక గదిలో నుంచి మరో గదిలోకి కేవలం తెలివితేటల ఆధారంగా తలుపు తెరుచుకుని ప్రవేశిస్తూ అంతిమంగా బయట పడాలి. ‘ఇది ఒక అద్భుత ప్రయోగం’ అని విద్యార్థులు అంటున్నారు.చక్రవ్యూహ్‌ ప్రయోగంచక్రవ్యూహ్‌ అనేది ఒక పజిల్‌ గేమ్‌. ఆటోమేటిక్‌ తాళాలు ఉన్న గదుల్లోకి నలుగురు విద్యార్థుల బృందాన్ని పంపిస్తారు. ఆ బృందం అక్కడ తమ జీవితంలో ఎదురయ్యే రకరకాల సమస్యలను పజిల్స్‌ రూపంలో ఎదుర్కొంటుంది. అంటే పరీక్షలో ఫెయిల్‌ కావడం, మంచి ర్యాంక్‌ రాకపోవడం, నిరుద్యోగం, ఒంటరితనం, తల్లిదండ్రుల కొట్లాట... ఇలాంటి సమయంలో ఆ సమస్యలను ఎలా దాటాలో అక్కడే క్లూస్‌ ఉంటాయి. ఆ క్లూస్‌ ద్వారా ముందుకు సాగితే తర్వాతి గదిలోకి తలుపు తెరుచుకుంటుంది. ఇదంతా íసీసీ టీవీల ద్వారా అధ్యాపకులు గమనిస్తూ ఉంటారు. అయితే ఈ ప్రతి సవాలు ఎదుర్కొనే సమయంలో ఆ సమస్య నుంచి పారిపోయి డ్రగ్స్‌ను ఎంచుకునే ఆప్షన్‌ కూడా ఉంటుంది. కాని ఈ మొత్తం చక్రవ్యూహ్‌లో కలిగే అవగాహన ఏమిటంటే నిజ జీవిత సమస్యల్ని తల్లిదండ్రుల, స్నేహితుల సాయంతో దాటితే వచ్చే కిక్కు డ్రగ్స్‌ తీసుకొని జీవితాన్ని నాశనం చేసుకోవడంలో లేదని తెలియడం. ఇలాంటి చక్రవ్యూహ్‌ ప్రయోగాన్ని హర్యాణలోని స్కూళ్లల్లో విస్తృతంగా నిర్వహించాలని పోలీసులు భావిస్తున్నారు. జీవితపు చక్రవ్యూహంలో చిక్కుకుంటే బయటపడే దారి ఉంటుందిగాని డ్రగ్స్‌లో చిక్కుకుంటే దారి ఉండదు అని తెలియడం వల్ల విద్యార్థులు చిన్న వయసులోనే గట్టి సందేశం అందుకుంటారు.కుతూహలం, సాంగత్యంటీనేజీ పిల్లలు అయితే కుతూహలం కొద్దీ లేదా దుష్ట సాంగత్యంలోని ఒత్తిడి వల్ల డ్రగ్స్‌ను ట్రై చేస్తున్నారని డీ అడిక్షన్‌ థెరపిస్టులు అంటున్నారు. పిల్లలు డ్రగ్స్‌కు అలవాటు పడ్డారని తల్లిదండ్రులు గమనించే లోపు వారి ప్రవర్తన పూర్తిగా మారిపోయి ఉంటుందని హెచ్చరిస్తున్నారు. సరదా షికార్లు, స్లీప్‌ ఓవర్‌ల సమయంలో సరదా కొద్ది సీనియర్లో స్నేహితులో డ్రగ్స్‌ ఇస్తున్నారు. మొదటి ఒక రకం డ్రగ్స్‌ తీసుకున్నాక మెదడు ఇంకా ‘హై’ కావాలని కోరుకుంటుంది. దాంతో పిల్లలు ఇంకా ఎన్ని రకాల డ్రగ్స్‌ ఉన్నాయో చూద్దామని వెతుకులాట సాగిస్తారు. ఇక అంతటితో వారి చదువు, ఆరోగ్యం, ఏకాగ్రత, వ్యక్తిత్వం మొత్తం ధ్వంసమైపోతాయని డ్రగ్స్‌కు బానిసలైన టీనేజ్‌ విద్యార్థులను పరిశీలిస్తున్న డీ అడిక్షన్‌ థెరపిస్టులు తెలియచేస్తున్నారు.బయట పడేయాలిడ్రగ్స్‌కు అలవాటు అయ్యారని తెలియగానే తల్లిదండ్రులు పిల్లల్ని మందలించడానికి చూస్తారు. వెంటనే ఆ పిల్లలు ‘మీరిలా తిడితే ఇల్లు విడిచి వెళ్లిపోతాం’ అని బ్లాక్‌మెయిల్‌ చేస్తారు. వీరిని చాలా ఓర్పుతో థెరపీల ద్వారా తిరిగి మామూలు మనుషుల్ని చేయాల్సి వస్తుంది. పోలీసుల గమనింపు ప్రకారం 18 నుంచి 25 ఏళ్ల లోపు వారిని డ్రగ్‌ పెడలర్స్‌ లక్ష్యం చేసుకున్నా నేడు 14 ఏళ్ల పిల్లలతో మొదలు ప్రతి టీనేజ్‌ అమ్మాయి అబ్బాయి డ్రగ్స్‌ డేగ రెక్కల కింద ఉన్నట్టే లెక్క.నెగెటివ్‌ కుటుంబ వాతావరణంటీనేజ్‌ పిల్లలు డ్రగ్స్‌ వైపు మొగ్గు చూపడంలో ప్రధానంగా నెగెటివ్‌ కుటుంబ వాతావరణం ఒక ముఖ్యకారణమని నిపుణులు అంటున్నారు. తల్లిదండ్రులు ఘర్షణతో ఉన్నా పిల్లలతో మంచి అనుబంధం ఏర్పరుచుకోకపోయినా ఆత్మీయంగా వారితో సమయం గడపకపోయినా ‘మనం పట్టని తల్లిదండ్రుల’ కంటే ‘మనకు కిక్‌ ఇచ్చే డ్రగ్స్‌ మేలు’ అనే భావనలో భ్రష్ట సాంగత్యాలలోకి పిల్లలు వెళతారు. ఆ సంగతి తెలియనివ్వరు. చదువుతో పాటు క్రీడలు, ప్రకృతి ప్రేమ, బంధుమిత్రులు, క్రమశిక్షణ గల ఆర్థిక పరిస్థితి, భావోద్వేగాలకు అయినవారు ఉన్నారన్న భరోసా, విలువలు లేదా ఏదో ఒక ఆధ్యాత్మిక ఆలంబన... ఇవి టీనేజ్‌ పిల్లల రోజువారీ జీవనంలో ఉంటే వారు డ్రగ్స్‌ బారిన ఏ మాత్రం పడరు. తల్లిదండ్రులూ బహుపరాక్‌.ఎలా గుర్తించాలి?మీ టీనేజ్‌ పిల్లలు డ్రగ్స్‌కు అలవాటు పడ్డారని ఎలా గుర్తించాలి?1. చాలా మూడీగా తయారవుతారు 2. సరిగా భోజనం చేయరు 3. సడన్‌గా కొత్త కొత్త స్నేహితులు ప్రత్యక్షమవుతుంటారు. తరచూ ఏవో పార్టీలున్నాయని వెళుతుంటారు. 4. గతంలో కంటే ఎక్కువ డబ్బు అడుగుతారు 5. పొడి పెదిమలు 6. ఎర్రబడ్డ కళ్లు 7. వాదనలకు దిగి ఆధిపత్యం ప్రదర్శించడం 8. కుటుంబంతో కలివిడిగా లేకపోవడం 9. అర్థం పర్థం లేని నిద్రా సమయాలు.

‘‘గంజాయిని కలిగి ఉన్నా.. లేదంటే సేవించినంత పని చేసినా ఇక నుంచి జైలుకేం వెళ్లరు’’ అమెరికా అధ్యక్షుడు జో బైడెన్‌ తన ఇన్‌స్టాగ్రామ్‌ ఖాతాలో స్వయంగా చేసిన పోస్ట్‌ ఇది. ప్రజాభిప్రాయం పరిగణనలోకి తీసుకుని ఈ ఫెడరల్‌ పాలసీని ప్రతిపాదించినట్లు బైడెన్‌ ప్రభుత్వం చెబుతోంది.వాషింగ్టన్‌: అమెరికాలో మాదకద్రవ్యాల చట్టంలో మార్పులు జరిగాయి. గంజాయిని నెమ్మదిగా ఆ దేశంలో చట్టబద్ధం చేసే ప్రయత్నాల్లో మొదటి అడుగు పడినట్లయ్యింది. ఈ క్రమంలోనే గంజాయిని షెడ్యూల్‌-3 డ్రగ్‌ నుంచి షెడ్యూల్‌-1 డ్రగ్‌ కేటగిరీకి మార్చారు. అంటే ప్రమాదకరమైన మాదక ద్రవ్యాల జాబితా నుంచి తక్కువ ప్రమాదకరమైన మాదకద్రవ్యాల జాబితాలోకి మార్చబోతున్నారన్నమాట.అమెరికాలో మాదకద్రవ్యాల నిషేధిత చట్టం రూపకల్పన 1937లో జరిగింది. రేసిజం నేపథ్యంలోనే ఈ చట్టాన్ని రూపొందించడం గమనార్హం. ఆ తర్వాత మైనర్‌లు డ్రగ్స్‌ బారిన పడుతున్నారనే 1970లో కొత్త చట్టం తెచ్చారు. అదే కంట్రోల్డ్‌ సబ్‌స్టాన్సెస్‌ యాక్ట్‌. దీని ప్రకారం గంజాయిని ఇంతకాలం షెడ్యూల్‌-1 డ్రగ్‌ కింద ఉంచారు. ఈ షెడ్యూల్‌-1 డ్రగ్స్‌లో హెరాయిన్‌, ఎల్‌ఎస్డీ, ఎక్సాట్సీ వంటివి కూడా ఉన్నాయి. ఇవి చాలా ప్రమాదకరమైన డ్రగ్స్‌ అని, వీటిని సేవించినా.. కనీసం కలిగి ఉన్నట్లు రుజువైన ఇంతకాలం కఠిన శిక్షలు అమలు చేస్తూ వచ్చారు. అయితే ఇప్పుడు ఆ లిస్ట్‌లో ఉన్న గంజాయిని.. షెడ్యూల్‌3 డ్రగ్స్‌లోకి మార్చేందుకు ప్రతిపాదన చేశారు. షెడ్యూల్‌-3 డ్రగ్స్‌లో కెటామైన్‌, పెయిన్‌కిలర్స్‌లో వాడే కోడైన్‌(codeine) ఉన్నాయి. గంజాయిని ఇందులోంచి మినహాయించడంతో.. ఇక నుంచి గంజాయి బ్యాచ్‌లకు కాస్త ఊరట కలగనుంది. అలాగని అమెరికాలో గంజాయిని కలిగి ఉండడం చట్టబద్ధం అని మాత్రం కాదు. కాకుంటే.. ఇంతకు ముందు స్థాయిలో మాత్రం అరెస్టులు ఉండకపోవచ్చు.వాస్తవానికి గంజాయిని ప్రమాదకరమైన డ్రగ్స్‌ జాబితాను తొలగించే ప్రయత్నాలు బైడెన్‌ హయాంలో 2022లోనే మొదలయ్యాయి. అయితే.. గంజాయిని రీక్లాసిఫై చేసే ప్రతిపాదనను మాత్రం బైడెన్‌ ప్రభుత్వం ఈ ఏప్రిల్‌ చివరి వారంలోనే రూపొందించింది. జస్టిస్‌ డిపార్ట్‌మెంట్‌ మాత్రం ఆ ప్రాసెస్‌ను అధికారికంగా గురువారం నుంచే ప్రారంభించింది. అంటే.. ఆ ప్రతిపాదనకు ఆమోద ముద్ర పడేదాకా ఇంకొంచెం సమయం పడుతుంది. అప్పటిదాకా ఇది ప్రమాదకరమైన మాదక ద్రవ్యాల జాబితాలోనే కొనసాగనుంది.ప్రపంచంలో చాలా దేశాల్లో గంజాయి వాడకం తప్పేం కాదు. అలాగే గంజాయిని చట్ట బద్ధం చేయాలనే డిమాండ్‌ అమెరికాలో ఎప్పటి నుంచో ఉంది. ప్యూ రీసెర్చ్‌సెంటర్‌ సర్వే ప్రకారం.. 88 శాతం అమెరికన్లు గంజాయి వాడకాన్ని చట్టబద్ధం చేయాలని కోరుతున్నారు. కేవలం 11 శాతం మంది మాత్రమే వద్దని కోరారు.బైడెన్‌ తీసుకున్న ఈ నిర్ణయం.. ఈ ఏడాది నవంబర్‌లో జరగబోయే అమెరికా అధ్యక్ష ఎన్నికలను తీవ్ర ప్రభావితం చేస్తుందని, ముఖ్యంగా యువ ఓటర్లను ఆకర్షించే దిశగా ఉందని విశ్లేషకులు అభిప్రాయపడుతున్నారు.

సాక్షి, హైదరాబాద్‌: హైదరాబాద్‌ డ్రగ్స్‌ అడ్డాగా మారుతోంది. యువత భవిష్యత్తును నిర్వీర్యం చేసే మాదకద్రవ్యాల క్రయవిక్రయాలు నగరంలో జోరుగా సాగుతున్నాయి. గంజాయి ఆకులతో తయారు చేసే హష్‌ ఆయిల్‌ మొదలుకుని, కొకైన్, హెరాయిన్, బ్రౌన్‌షుగర్, ఎండీఎంఏ, ఎల్‌ఎస్డీ బ్లాట్స్‌ లాంటి ఖరీదైన సింథటిక్‌ డ్రగ్స్‌ విచ్చలవిడిగా లభిస్తున్నాయి. పాఠశాల విద్యార్థుల నుంచి కాలేజీ కుర్రాళ్ల వరకు.. ప్రైవేట్‌ ఉద్యోగుల నుంచి సాఫ్ట్‌వేర్‌ నిపుణుల వరకు.. వైద్యులు, వ్యాపారవేత్తలతో పాటు సినీ ప్రముఖులు సైతం వీటి బారిన పడ్డట్టు తెలుస్తోంది. పోలీసులు ఎన్ని చర్యలు తీసుకుంటున్నా, ఎంత నిర్బంధం విధిస్తున్నా.. వాళ్ల ఎత్తులకు పై ఎత్తులు వేస్తూ డ్రగ్‌ పెడ్లర్స్‌ డ్రగ్స్‌ సరఫరా చేస్తున్నారు. గచ్చిబౌలిలోని రాడిసన్‌ హోటల్‌లో జరిగిన పార్టీలో దాని యజమాని కుమారుడు సహా పలువురు ప్రముఖులపై కేసులు నమోదు కావడం తీవ్ర కలకలం సృష్టిస్తోంది. ఇంటర్‌నెట్‌లో డార్క్‌ వెబ్‌ ద్వారా కావాల్సిన డ్రగ్‌ను ఎంచుకోవడం.. సోషల్‌ మీడియా యాప్‌ ద్వారా సరఫరాదారుడిని సంప్రదించడం.. బిట్‌ కాయిన్స్‌ రూపంలో నగదు చెల్లించడం.. డెడ్‌ డ్రాప్‌ లేదా కొరియర్‌ ద్వారా సరుకు తెప్పించుకోవడం..ఇలా పూర్తి వ్యవస్థీకృతంగా మాదకద్రవ్యాల దందా సాగిపోతోంది. వారాంతంలో హోటళ్లు, పబ్‌లు, రిసార్టుల్లో యథేచ్ఛగా డ్రగ్‌ పార్టీలు జరిగిపోతున్నాయి.  దుమ్ము రేపుతున్న రేవ్‌ పార్టీలు  ఒక్క రాడిసన్‌ హోటలే కాదు.. రాత్రి అయిందంటే చాలు బంజారాహిల్స్, జూబ్లీహిల్స్, పంజగుట్ట, గచ్చిబౌలి, మాదాపూర్‌ తదితర ప్రాంతాల్లోని హోటళ్లు, రిసార్టులు, పబ్‌లు రేవ్‌ పార్టీలకు అడ్డాలుగా మారుతున్నాయి. ఇందుకోసం కొందరు నిర్వాహకులు ప్రత్యేకంగా యాప్‌లు నిర్వహిస్తున్నారు. పార్టీలకు హాజరు కావాలని భావించే వారంతా వాటిని డౌన్‌లోడ్‌ చేసుకుని రిజిస్టర్‌ చేసుకోవాలి. పార్టీ జరిగే ప్రాంతంలోకి ప్రవేశించే సమయంలో దానికి సంబంధించిన ఓటీపీని కూడా అక్కడి వారికి చెప్పాల్సి ఉంటుంది.   పచ్చబొట్లలో డ్రగ్‌ గుట్టు  కొందరు సొంతంగా యాప్స్, వాట్సాప్, టెలిగ్రాం గ్రూపులు నిర్వహిస్తూ మూడో కంటికి తెలియకుండా కస్టమర్లకు రేవ్‌ పార్టీలపై సమాచారం అందిస్తున్నాన్నారు. పార్టీకి హాజరయ్యే కస్టమర్‌ చేతులపై తాత్కాలిక పచ్చబొట్లు ముద్రిస్తున్నారు. ఈ టాటూ ఆధారంగానే ఏ డ్రగ్‌ సరఫరా చేయాలన్నది సప్లై చేసే వారికి తెలుస్తుంది. కుడి చేయి మణికట్టు మీద టాటూ వేస్తే అతడికి గంజాయి, హష్‌ ఆయిల్‌ సరఫరా చేయాలని అర్థం. ఎడమ చేతిపై టాటూ ఉంటే కొకైన్, ఎండీఎంఏ, ఎక్స్‌టసీ వంటి మాదకద్రవ్యాలు సరఫరా అవుతాయి. కొన్ని పబ్‌ల నిర్వాహకులు ‘స్పెషల్‌’, ‘ఆఫర్‌’, ‘స్కీమ్‌’, ‘లిమిటెడ్‌’పేరుతో ప్రత్యేక కోడ్‌ భాషను పార్టీల సందర్భంగా వాడుతున్నట్లు సమాచారం.   రేవ్‌ తీరే వేరు  అర్ధరాత్రి ప్రారంభమయ్యే రేవ్‌ పార్టీలు తెల్లవారే వరకు జరుగుతుంటాయి. వీటి నిర్వహణకు మద్యం, మాదకద్రవ్యాలు, మ్యూజిక్‌ సిస్టమ్‌తో పాటు ల్యాప్‌టాప్‌ లేదా స్క్రీన్‌ తప్పనిసరి. అడ్డూ అదుపు లేకుండా సాగే ఈ పార్టీల్లో హోరెత్తే మ్యూజిక్‌లో మత్తెక్కించే మద్యం, మగత పుట్టించే డ్రగ్స్‌తో రెచ్చిపోయి నాట్యం చేసే యువత.. ల్యాప్‌టాప్‌ లేదా స్క్రీన్‌ పై ‘పైట్రాన్స్‌’ఇమేజెస్‌గా పిలిచే ఓ రకమైన ఫొటోల్ని చూస్తుంటారు. అక్కడ సైకెడెలిక్‌గా పిలిచే ప్రత్యేక మ్యూజిక్‌ కూడా నడుస్తుంటుంది. ఇవి వారిని మరింత రెచ్చగొట్టడంతో పాటు ఉత్తేజాన్ని ఇస్తుంటాయి. ఈ రేవ్‌ పార్టీ తీరుతెన్నులు, అక్కడకు వచ్చే వారి వస్త్రధారణ ఫలితంగా టీనేజ్‌లోనే పెళ్లి కాకుండా ‘లివ్‌ ఇన్‌ రిలేషన్‌షిప్‌’లు పెరిగిపోతుండటం ఆందోళనకర అంశమని పోలీసులు వ్యాఖ్యానిస్తున్నారు. ఇక వ్యవస్థీకృతంగా కాకుండా కొద్దిమంది స్నేహితులు కలిసి చేసుకునే రేవ్‌ పార్టీలకు హోటళ్లు అడ్డాలుగా మారుతున్నాయి. దీనికోసం కనెక్టింగ్‌ రూమ్స్‌ వినియోగిస్తున్నారు.   కొత్త ట్రెండ్‌.. డ్రగ్‌ టూర్స్‌  రాజధానిలో ఇటీవల కాలంలో డ్రగ్‌ టూర్స్‌ పెరిగినట్లు పోలీసులు చెప్తున్నారు. టాస్‌్కఫోర్స్, ఎస్‌ఓటీ, హెచ్‌–న్యూ, టీఎస్‌–నాబ్‌ వంటి ప్రత్యేక వింగ్స్‌ రాజధానిలో జరుగుతున్న డ్రగ్స్‌ దందాపై నిఘా పెంచాయి. ఇది ఇక్కడ పెడ్లర్స్‌ కదలికలకు, మాదకద్రవ్యాల అందుబాటుకు కొంత సమస్యగా మారింది. మరోవైపు వీటి ఖరీదు కూడా అమాంతం పెరిగిపోయింది. దీంతో డ్రగ్స్‌ వినియోగదారులు ప్రత్యేక టూర్స్‌ ఏర్పాటు చేసుకుంటున్నట్లు సమాచారం. వీకెండ్స్‌లో సిటీకి చెందిన అనేక మంది హైక్లాస్‌ యూత్‌ గోవాతో పాటు హిమాచల్‌ప్రదేశ్‌కు వెళ్తున్నట్లు అనుమానాలు వ్యక్తమవుతున్నాయి.   పిల్లల పైనా గంజాయి పంజా  నగరంలో లభిస్తున్న మాదకద్రవ్యాల్లో గంజాయిది ప్రథమ స్థానం. ఒకప్పుడు కేవలం గంజాయి మొక్క ఆకుల్ని మాత్రమే ప్యాక్‌ చేసి సరఫరా చేసే వాళ్లు. అయితే భారీ స్థాయిలో దీన్ని సేకరించి, ప్యాక్‌ చేసి, వాహనాల్లో తరలించి విక్రయించడంలో రిస్క్‌ ఎక్కువ. దీంతో ఇటీవల కాలంలో గంజాయికి బదులుగా హష్‌ ఆయిల్‌ అక్రమ రవాణా పెరిగింది. గంజాయి ఆకుల్ని ప్రాసెస్‌ చేయడం ద్వారా దీన్ని తయారు చేస్తున్నారు. కొన్నిసార్లు క్రీమ్‌ మాదిరిగా ఉండే చరస్‌ను సరఫరా చేస్తున్నారు. లీటర్‌ ఖరీదు అత్యంత లాభదాయకంగా రూ.లక్షల్లో ఉండటంతో పాటు రవాణా, విక్రయం, వినియోగం తేలిక కావడంతో స్మగ్లర్లు వీటి వైపే మొగ్గు చూపుతున్నారు. ఈ హష్‌ ఆయిల్‌తో తయారవుతున్న చాక్లెట్లు కూడా విచ్చలవిడిగా లభిస్తున్నాయి. పాఠశాల విద్యార్థులకు సైతం ఇవి అందుబాటులోకి వస్తున్నాయంటే పరిస్థితి తీవ్రతను అర్థం చేసుకోవచ్చు.   సింథటిక్‌ డ్రగ్స్‌ కేరాఫ్‌ విదేశాలు  సింథటిక్‌ డ్రగ్స్‌ సౌతాఫ్రికా, నైజీరియా లాంటి దేశాల నుంచి వస్తున్నాయి. సముద్ర, విమాన మార్గాల్లో వచ్చి తొలుత ముంబై, గోవాలకు చేరుకుంటున్నాయి. అక్కడ ఉంటున్న డి్రస్టిబ్యూటర్లు వీటిని దేశ వ్యాప్తంగా ఉంటున్న పెడ్లర్స్‌కు సరఫరా చేస్తున్నారు. వీరి నుంచి ఈ డ్రగ్స్‌ వినియోగదారులకు చేరుతున్నాయి. ఈ దందా కోసం పెడ్లర్స్‌ వివిధ రకాలైన సోషల్‌ మీడియా యాప్స్‌ వాడుతున్నారు. తమ ఐడీలను డార్క్‌వెబ్‌లోని డ్రగ్స్‌ ఫోరమ్స్‌లో తమ వద్ద లభించే డ్రగ్స్‌ వివరాలు, వాటి రేట్లను ఉంచుతున్నారు. రేటు ఖరారైన తర్వాత బైనాన్స్‌ లేదా వజీరెక్స్‌ వంటి వాటి ద్వారా క్రిప్టో కరెన్సీగా మారిన నగదును స్వీకరిస్తూ కొరియర్‌ ద్వారా లేదా డెడ్‌ డ్రాప్‌ విధానంలో సరుకు పంపిస్తున్నారు. కొరియర్‌లో అయితే తమ అసలు చిరునామా రాయకుండా వస్తువులు, వ్రస్తాల మాదిరిగా ప్యాక్‌ చేసి లేదా కాగితాల మధ్యలో ఉంచి పంపిస్తున్నారు. ఎక్కువ సందర్భాల్లో ఎంపిక చేసిన ఓ ప్రాంతంలో డ్రగ్‌ పార్సిల్‌ ఉంచి ఆ వివరాలను మెసెంజర్‌ ద్వారా అందిస్తున్నారు. దీన్నే డెడ్‌ డ్రాప్‌ విధానం అంటారు.  

‘‘ఒడిశాకు చెందిన అనంత కుమార్‌ బారిక్‌ బాలానగర్‌లో కిరాణా షాపు నిర్వహిస్తున్నాడు. విశ్వసనీయ సమాచారం మేరకు స్పెషల్‌ ఆపరేషన్‌ టీం (ఎస్‌ఓటీ) పోలీసులు తనిఖీ చేయగా 3 ప్యాకెట్లలో 120 చాక్లెట్లు బయటపడ్డాయి. ఒడిశా నుంచి వీటిని తీసుకొచ్చి విద్యార్థులకు, కూలీలకు విక్రయిస్తున్నట్లు పోలీసుల దర్యాప్తులో తేలింది.’’ ‘‘ఇటీవల చర్లపల్లిలోని పాన్‌ డబ్బాలో ఘట్‌కేసర్‌ ఎక్సైజ్‌ పోలీసులు తనిఖీలు చేపట్టి 18 కిలోల గంజాయి చాక్లెట్లు స్వాదీనం చేసుకున్నారు. ఒడిశా నుంచి వీటిని తీసుకొచ్చి విక్రయిస్తున్నట్లు దర్యాప్తులో తేలింది.’’    సాక్షి, హైదరాబాద్: ... ఇలా పాఠశాల విద్యార్థులు, యువతను లక్ష్యంగా చేసుకుని గంజాయి విక్రయదారులు దందా కొనసాగిస్తున్నారు. ఎప్పటికప్పుడు కొత్త దారులు, కొత్త రుచులతో మత్తులో దించుతున్నారు. తొలుత ఉచితంగా అందించి వ్యసనంగా మారిన తర్వాత ఎక్కువ ధరకు విక్రయిస్తూ సొమ్ము చేసుకుంటున్నారు.  పిప్పి నుంచి చాక్లెట్లుగా..  గంజాయి నుంచి హాష్‌ ఆయిల్‌ తీసిన తర్వాత పిప్పి మిగులుతుంది. ఈ పిప్పిని వృథాగా పారేయకుండా దానికి కొన్ని రసాయనాలు, ద్రవ రూప చాక్లెట్ల మిశ్రమాన్ని కలిపి వీటిని తయారు చేస్తున్నారు. చిన్న చిన్న దుకాణాల్లో విక్రయించే ఐస్‌క్రీమ్‌లపై హాష్‌ ఆయిల్‌ చల్లి ఇవ్వడం, చాకెట్లలో మధ్యలో ఉంచి తక్కువ ధరకు విక్రయించడం చేస్తున్నారు. కొన్నిసార్లు కస్టమర్లను పెంచుకోవడానికి ఉచితంగా కూడా అందిస్తున్నారు.  ఉత్తరాది రాష్ట్రాల నుంచి సరఫరా..  ఈ గంజాయి చాక్లెట్లను గల్లీలోని చిన్న చిన్న దుకాణాలు, పాన్‌షాపులు, కిరాణా కొట్లలో విక్రయిస్తుంటారు. బీహార్, ఒడిశా, రాజస్థాన్, ఉత్తర్‌ప్రదేశ్‌ తదితర రాష్ట్రాల నుంచి నిర్మాణ రంగంలో వలస కూలీలు వీటిని అక్రమ మార్గంలో వీటిని నగరానికి తీసుకొస్తున్నారు. ఈ చాక్లెట్లు బంగారం, పసుపు రంగులో ఉంటాయి. 5 గ్రాములు బరువు ఉండే ఒక్క చాక్లెట్‌ను రూ.15–20 విక్రయిస్తున్నారు. ఇందులో 14 శాతం గంజాయితో పాటు ఇతర పదార్థాలుంటాయి.  చారి్మనార్‌ గోల్డ్‌ పేర్లతో..  చారి్మనార్‌ గోల్డ్, చారి్మనార్‌ గోల్డ్‌ మునక్కా, వంటి స్థానిక పేర్లతో ఈ గంజాయి చాక్లెట్లను బ్రాండింగ్‌ చేస్తున్నారు. ఆయుర్వేదిక్‌ ఔషధం అంటూ ప్యాకింగ్‌ చేసి విక్రయిస్తున్నారు. చూసేవాళ్లకు అవి గంజాయి చాక్లెట్లు అని ఏమాత్రం అనుమానం కలగకుండా విక్రయదారులు ఈ ఎత్తుగడ వేస్తున్నారని పోలీసులు తెలిపారు.  

సాక్షి, హైదరాబాద్‌: తనను దూరం పెడుతున్నాడనే కోపంతో మాజీ ప్రియుడిపై పగ తీర్చుకునేందుకు సినిమాను తలదన్నే రీతిలో స్కెచ్ వేసింది ప్రియురాలు. మాజీ ప్రియుడిని గంజాయి కేసులో ఇరికించింది. స్నేహితుల సాయంతో మాజీ ప్రియుడి కారులో గంజాయి పెట్టించిన యువతి.. పోలీసులకు సమాచారం ఇచ్చి అరెస్ట్‌ చేయించింది. జూబ్లీహిల్స్‌ పోలీసులు విచారణ చేయగా యువతి నిర్వాకం వెలుగులోకి వచ్చింది. దీంతో ఆ యువతితో పాటు ఏడుగురు వ్యక్తులను అరెస్ట్ చేసిన పోలీసులు.. రిమాండ్‌కు తరలించారు. ఇదీ చదవండి: ‘నాన్నా.. వేధింపులు భరించలేకపోతున్నా.. చావుతోనే నాకు విముక్తి’  

నిజామాబాద్: గంజాయి సేవించాలని ఒత్తిడి చేయగా.. అంగీకరించకపోవడంతో ఓ విద్యార్థిపై మరో ఐదుగురు విద్యార్థులు దాడి చేసిన ఘటన మాక్లూర్‌ మండలంలోని ఓ ప్రభుత్వ పాఠశాలలో చోటుచేసుకుంది. ఈ ఘటన ఆలస్యంగా వెలుగులోకి వచ్చింది. బాధిత విద్యార్థి తల్లి, పోలీసులు తెలిపిన వివరాల ప్రకారం.. పాఠశాలలో పదో తరగతి చదువుతున్న విద్యార్థుల్లో ఐదుగురు ప్రతిరోజూ మధ్యాహ్న భోజన విరామంలో స్కూల్‌కు కొద్దిదూరం వెళ్లి గంజాయి సేవిస్తున్నారు.  గత శనివారం వారి తరగతిలోని మరో విద్యార్థిని సైతం గంజాయి సేవించాలని ఒత్తిడి తెచ్చారు. కానీ, సదరు విద్యార్థి అంగీకరించకపోవడంతో అతనిపై దాడి చేశారు. ఆ విద్యార్థి తనపై తోటి విద్యార్థులు దాడి చేసినట్లు తల్లికి చెప్పాడు. దీంతో విద్యార్థుల తల్లిదండ్రులతో బాధిత విద్యార్థి తల్లి మాట్లాడగా గొడవ సద్దుమణిగింది. సోమవారం తిరిగి బాధిత విద్యార్థి  పాఠశాలకు వెళ్లగా తల్లిదండ్రులకు చెబు తావా అంటూ ఐదుగురు విద్యార్థులు పాఠశాల సమీపంలోకి తీసుకెళ్లి చితకబాదారు.  దీంతో సదరు విద్యార్థికి తీవ్రగాయాలు కాగా చికిత్స నిమిత్తం నిజామాబాద్‌లోని ఓ ప్రైవేటు ఆస్పత్రికి తరలించారు. బాధితుడి తల్లి బుధవారం మాక్లూర్‌ పోలీస్‌ స్టేషన్‌లో ఫిర్యాదు చేసింది. ఈ విషయమై ఎస్సై సుధీర్‌రావును సంప్రదించగా విచారణ చేపట్టి చర్య లు తీసుకుంటామని తెలిపారు. అవసరమైతే కేసు నమోదు చేస్తామన్నారు.

సాక్షి, రంగారెడ్డి: రంగారెడ్డి జిల్లా నార్సింగ్‌ చౌరస్తాలో గంజాయి కలకలం రేగింది. 12 కిలోల గంజాయిని నార్సింగ్‌ పోలీసులు స్వాధీనం చేసుకున్నారు. ఇంజనీరింగ్‌ కాలేజీ విద్యార్థులే లక్ష్యంగా గంజాయి దందా సాగుతోంది. చిన్న చిన్న ప్యాకెట్లలో గంజాయి అమ్ముతుండగా పోలీసులు పట్టుకున్నారు. నలుగురిపై ఎన్‌డీపీఎస్‌ యాక్ట్‌ కింద కేసు నమోదు చేశారు. చదవండి: Madhapur: డ్రగ్స్‌తో పాటు వ్యభిచారం కూడా!  

22 కిలోల గంజాయిని ఎలుకలు తినేశాయి: కోర్టుకు తెలిపిన చెన్నై పోలీసులు

చెన్నై: గంజాయి స్మగ్లింగ్ కేసులో అరెస్టైన ఇద్దరి నుండి స్వాధీనం చేసుకున్న మొత్తం 22 కిలోల గంజాయిని ఎలుకలు తినేయడంతో సాక్ష్యాధారాలు లేని కారణంగా వారిని కోర్టు నిర్దోషులుగా ప్రకటించింది. 2022లో రాజగోపాల్, నాగేశ్వర రావు అనే ఇద్దరు వ్యక్తులు మారీనా బీచ్ సమీపంలో గంజాయి రవాణా చేస్తూ పోలీసులకు పట్టుబడ్డారు. మరీనా పోలీసులు వీరి నుండి 22కిలోల గంజాయిని స్వాధీనం చేసుకుని అందులోనుంచి 50 గ్రాములను మాత్రం పరీక్షల నిమిత్తం నార్కోటిక్ విభాగానికి పంపించారు. మిగిలిన మొత్తాన్ని వారి స్వాధీనంలోని ఉంచి నిందితులిద్దరినీ రిమాండుకు తరలించారు. ఈ కేసులో మరీనా పోలీసులు ఇప్పటికే ఛార్జిషీటు కూడా దాఖలు చేయగా అప్పటి నుంచి చెన్నై హైకోర్టులోని మాదకద్రవ్య నియంత్రణ విభగంలో న్యాయవిచారణ కొనసాగుతోంది. విచారణలో భాగంగా మంగళవారం కోర్టు పోలీసులను సాక్ష్యం సేకరించిన గంజాయిని కోర్టుకు చూపించమని కోరగా ఆ మొత్తాన్ని ఎలుకలు ఖాళీ చేసేశాయని చెప్పారు.  దీంతో విచారణ సమయంలో సాక్ష్యాధారాలు కోర్టుకు సమర్పించని కారణంగా నేరారోపణలు ఎదుర్కొంటున్న ఇద్దరు నిందితులు రాజగోపాల్, నాగేశ్వర రావులను చెన్నై కోర్టు నిర్దోషులుగా ప్రకటించింది.   ఇది కూడా చదవండి: ఏసీ వార్డు కోసం రచ్చ..  కయ్యానికి దిగిన వియ్యంకులు

సాక్షి, గుంటూరు: తాడేపల్లి మైనర్ ఎస్తేర్ రాణి హత్య కేసులో నిందితుడు దయానంద రాజును అరెస్ట్‌ చేసిన పోలీసులు..  మీడియా ముందు ప్రవేశపెట్టారు. ఈ సందర్భంగా.. ఇది గంజాయి హత్య కాదని స్పష్టం చేశారు గుంటూరు జిల్లా ఇన్‌ఛార్జి ఎస్పీ వకుల్ జిందాల్. ఆపై ఏపీ హోం మంత్రి సైతం ఘటనపై దిగ్భ్రాంతి వ్యక్తం చేస్తూ.. ప్రతిపక్ష ఆరోపణలను తోసిపుచ్చారు. అంతేకాదు.. జగనన్నది భరోసా ప్రభుత్వమని స్పష్టం చేశారు.  ఎస్పీ వకుల్ జిందాల్ తెలిపిన వివరాల ప్రకారం..  నిందితుడు దయానంద రాజు.. తన ఇంటికి ఎదురుగా ఉన్న ఎస్తేర్ రాణి తో అసభ్యంగా ప్రవర్తించాడు. రాణి ఈ విషయాన్ని తల్లిదండ్రులకు చెప్పింది. దీంతో వాళ్లు అతన్ని ప్రశ్నించారు. ఆ కోపంతోనే ఎస్తేర్ రాణి పై రాజు కత్తితో దాడి చేశాడని తెలిపారామె.  కొన్ని మీడియాల్లో గంజాయి మత్తులో హత్య చేసినట్టు వార్తలు వస్తున్నాయి. అది పూర్తిగా అవాస్తవం. అప్పటికే కోపంతో ఉన్న రాజు.. మద్యం సేవించి ఆ మత్తుతోనే హత్యకు పాల్పడ్డాడు. గతంలోనూ రాజు ఒక కేసులో అరెస్టై జైలుకు వెళ్లాడు.  నిందితుడిపై రౌడీ షీట్‌ తెరుస్తామని తెలిపిన ఎస్పీ.. ఘటన జరగగానే పోలీసులు వెంటనే స్పందించారని స్పష్టం చేశారు.  మహిళల భద్రత,రక్షణకు ప్రాధాన్యత ఇచ్చే ప్రభుత్వమిది సాక్షి, అమరావతి :  రాష్ట్రంలోని మహిళల భద్రత, రక్షణకు జగనన్న ప్రభుత్వం అత్యధిక ప్రాధాన్యతనిస్తున్నట్లు రాష్ట్ర హోం మంత్రి తానేటి వనిత పేర్కొన్నారు.  నిందితులు ఎంతటివారైనా సరే తక్షణ చర్యలు తీసుకోవడం జరుగుతుందని ఆమె తెలిపారు.  మంగళవారం ఏపీ సెక్రటేరియట్‌లో ఆమె పాత్రికేయులతో మాట్లాడుతూ..  ఈ నెల 12 వ తేదీ అర్థరాత్రి  గుంటూరు జిల్లా తాడేపల్లిలో ఒక మైనర్ బాలికపై నేరచరిత్ర ఉన్న  ఓ వ్యక్తి దాడిచేసి హత్యకు పాల్పడ్డాడు. ఇది దురదృష్టకరమైన ఘటన. మద్యం మత్తులో  ఉన్న నిందితుడు.. ఈ ఘాతుకానికి పాల్పడ్డాడు. గంజాయి మత్తు ఇందుకు ఏమాత్రం  కారణం కాదు. కేవలం..  వ్యక్తిగత  గొడవలే ఈ హత్యకు  కారణమని పోలీసుల దర్యాప్తులో తేలింది. ప్రభుత్వం వెంటనే స్పందించడం వల్ల నిందితుని ఒక గంటలోపే పోలీసులు అదుపులోకి తీసుకుని రిమాండుకు తరలించారు. ఘటనపై దిగ్భ్రాంతి వ్యక్తం చేస్తూ.. బాధిత కుటుంబానికి రూ.10 లక్షల పరిహారాన్ని రాష్ట్ర ముఖ్యమంత్రి  వైఎస్ జగన్‌మోహన్ రెడ్డి ప్రకటించారు. ఈ ఘటనపై పలువురు నేతలు చేస్తున్న ఆరోపణల్లో ఎలాంటి నిజం లేదు.           మహిళల భద్రత కోసం జగనన్న సర్కార్‌ రాష్ట్ర ముఖ్యమంత్రిగా వైఎస్‌ జగన్‌ బాధ్యతలను చేపట్టినప్పటి నుండి  రాష్ట్రంలో మహిళల భద్రతకు, రక్షణకు, సాధికారతకు అధిక ప్రాధాన్యత ఇస్తు‍న్నారు. పలు వినూత్న కార్యక్రమాలను, పథకాలను అమలు చేస్తున్నారు. ఇందులో భాగంగానే దిశా చట్టాన్ని రూపొందించి కేంద్రం ఆమోదానికి పంపడం జరిగింది. ఆపదలో ఉన్న మహిళలను వెంటనే రక్షించేందుకు దిశా యాప్ తీసుకొచ్చాం.  ఇప్పటి వరకూ  కోటి 30 లక్షల మంది  ఈ  యాప్ ను తమ స్మార్టు ఫోన్లలోకి డౌన్ లోడ్ చేసుకున్నారు.  తొమ్మిది వందలకు పైగా ఈ యాప్ ద్వారా  రక్షణ పొందారు.   తప్పు ఎవరు చేసినా..ఎలాంటి వారు చేసినా.. ఎటు వంటి పక్షపాతం చూపకుండా  24 గంటల్లోపే చర్యలు తీసుకోవడం జరుగుతుంది. పోలీస్ శాఖ పనితీరుకు ఇదే నిదర్శనం.  గంజాయిపై ఉక్కుపాదం రాష్ట్రంలో గంజాయి సాగు, అక్రమ రవాణా పై జగనన్న ప్రభుత్వం  ఉక్కుపాదం మోపిందని,  రెండు లక్షల కేజీల గంజాయిని పట్టుకోవడమే కాకుండా ఏజన్సీలో గంజాయి సాగును  పూర్తిగా నియంత్రించడం జరిగిందని హోం మంత్రి వనిత వెల్లడించారు. గంజాయి సాగుపై ఆధారపడిన  గిరిజన రైతులను  ప్రత్యామ్నాయ పంటలను సాగుచేసుకునే విధంగా మళ్లించడం జరిగిందన్నారు.  రాష్ట్రంలో   నాటు సారా తయారీని కూడా పూర్తిగా  నియంత్రించడం జరిగిందని, అధిక మొత్తంలో బెల్లం వ్యాపార చేసే వారిపై ప్రభుత్వం ప్రత్యేక దృష్టి సారించిందన్నారు.  శాంతి భద్రతల పరిరక్షణ, మహిళల భద్రత..రక్షణ..సాధికారత అంశాలకు  జగనన్న ప్రభుత్వం అత్యంత ప్రాధాన్యత ఇస్తోందని ఆమె స్పష్టం చేశారు. వినూత్న కార్యక్రమాలను అమలు చేస్తున్నప్పటికీ  ప్రధాన ప్రతి పక్షం ఏదో రకంగా ఆరోపణలు చేయడమే పరిపాటి అయిందన్నారు. గత ప్రభుత్వంలో.. మహిళలకు భద్రత ఉండేది కాదని.. దోషులకు శిక్షలు పడకుండా నేతలు కొమ్ముకాసేవారని, కానీ.. ఇప్పుడున్న ప్రభుత్వంలో అలాంటి పరిస్థితులు లేవని, తప్పుచేసిన వారు ఎంతటివాళ్లైనా 24 గంటల్లోనే చర్యలు తీసుకుంటూ బాధిత కుటుంబాలకు న్యాయం అందిస్తున్నామని ఆమె తెలిపారు. తమ ప్రభుత్వం అధికారంలోకి వచ్చిన తదుపరి స్నేహపూర్వక పోలీస్ విధానాన్ని, జీరో ఎఫ్.ఐ.ఆర్. విధానాన్ని అమల్లోకి తేవడమే కాకుండా.. ఇవాళ టూరిస్టు పోలీస్ స్టేషన్లను కూడా  సీఎం జగన్‌ ప్రారంభించారని ఆమె గుర్తు చేశారు. 

సాక్షి, అనకాపల్లి/సాక్షి ప్రతినిధి, గుంటూరు: విశాఖ రేంజ్‌ పరిధిలోని ఐదు(శ్రీకాకుళం, విజయనగరం, అల్లూరి, మన్యం, అనకాపల్లి) జిల్లాల్లో స్వా­ధీనం చేసుకున్న లక్షా 93 వేల కిలోల గంజాయి, 131 కిలోల హాష్‌ ఆయిల్‌ను పోలీసులు ధ్వంసం చేశారు. అనకాపల్లి జిల్లా కోడూరు గ్రామ శివారులో శనివారం గంజాయిని డ్రగ్‌ డిస్పోజల్‌ కమిటీ చైర్మన్‌ డీఐజీ హరికృష్ణ , అనకాపల్లి ఎస్పీ గౌతమి సాలి, అల్లూరి ఎస్పీ సతీష్‌కుమార్‌లు నిప్పుపెట్టి ధ్వంసం చేశారు. దీని విలువ రూ.240 కోట్లకు పైగా ఉంటుందని పోలీసుల అంచనా. ఈ కేసుల్లో 3,500 మందిని అరెస్ట్‌ చేశారు. ఈ ఏడాది ఫిబ్రవరిలో రూ.300 కోట్ల విలువైన గంజాయిని, ఇప్పుడు రూ.240 కోట్ల విలువైన గంజాయిని ధ్వంసం చేశారు. విశాఖ రేంజ్‌ పరిధిలో ఇప్పటి వరకు ఏడు సార్లు ఇ­లా గంజాయి ధ్వంసం జరిగింది. ఆంధ్ర ఒడిశా బోర్డర్‌(ఏఓబీ) కేంద్రంగా గంజాయి వివిధ రాష్ట్రాల ప్రధాన నగరాలకు తరలివెళుతోం­ది. ఆంధ్ర–ఒడిశా సరిహద్దు ప్రాంతమైన ఏజెన్సీకి సందర్శన పేరుతో ఇతర రాష్ట్రాల నుంచి వచ్చి.. అక్కడ నుంచి డ్రై గంజాయి, లిక్విడ్‌ గంజాయి ప్యాకెట్లను వివిధ మార్గాల ద్వారా తరలిస్తున్నారు. దీనిని అరికట్టేందుకు ఏపీ ప్రభుత్వం ఆదేశాల మేరకు ‘ఆపరేషన్‌ పరివర్తన్‌’ పేరుతో గతంలో 7,552 ఎకరాల్లో, ఈ ఏడాది 650 ఎకరాల్లో గంజాయి సాగును ధ్వంసం చేశారు.   పేరేచర్ల ప్రాంతంలో ధ్వంసం: సుమారు నాలుగు కోట్ల రూపాయల విలువైన గంజాయిని గుంటూరు రేంజ్‌ పోలీసులు శనివారం దహనం చేశారు. గం­జాయి సాగు, అక్రమ రవాణాను అరికట్టే దిశగా ఆపరేషన్‌ పరివర్తన్‌ కార్యక్రమాన్ని పోలీస్‌ శాఖ నిర్వహిస్తున్న సంగతి తెలిసిందే. దీనిలో భాగంగా ఇటీవల రేంజ్‌ పరిధిలోని గుంటూరు, పల్నాడు, బాపట్ల, ప్రకాశం, నె­ల్లూ­రు జిల్లాల పరిధిలో స్వాధీనం చేసుకుని కోర్టుకు సమర్పించిన 10,340 కిలోల గంజాయిని పేరేచర్లలోని కైలాసగిరి వద్ద ఉన్న పోలీస్‌ ఫైర్‌ రేంజ్‌ వద్ద దహనం చేశారు. కార్యక్రమంలో గుంటూరు రేంజ్‌ డీఐజీ త్రివిక్ర­మవ­ర్మ, గుంటూరు ఎస్పీ ఆరిఫ్‌ హఫీజ్, బాపట్ల ఎస్పీ వకుల్‌జిందాల్, ప్రకాశం ఎస్పీ మలికాగార్గ్, పల్నాడు ఎస్పీ రవిశంకర్‌రెడ్డి తదితరులు పాల్గొన్నారు.

సాక్షి, హైదరాబాద్‌: అతని పేరు రిషి సంజయ్‌ మెహతా (22)... తల్లిదండ్రులు ఓ ఫార్మా కంపెనీ యజమానులు... చదివేది అమెరికాలోని ఫీనిక్స్‌ యూనివర్సిటీ నుంచి ఆన్‌లైన్‌ ఎంబీఏ. అయితేనేం... మాదకద్రవ్యాలకు బానిసగా మారాడు. పోలీసుల నిఘాకు చిక్కకుండా ఉండేందుకు హష్‌ ఆయిల్‌ (ఓ రకమైన గంజాయి గుజ్జు)తో చాక్లెట్లు తయారు చేసి విక్రయిస్తూ హైదరాబాద్‌ నార్కోటిక్స్‌ ఎన్‌ఫోర్స్‌మెంట్‌ వింగ్‌ (హెచ్‌–న్యూ) అధికారులకు చిక్కాడు. ఈ విషయాన్ని నగర పోలీసు కమిషనర్‌ సీవీ ఆనంద్‌ శనివారం విలేకరుల సమావేశంలో వెల్లడించారు. ఆయన తెలిపిన వివరాల ప్రకారం... రిషి సంజయ్‌ మెహతాకు కాలేజీ రోజుల నుంచే హష్‌ ఆయిల్‌ సహా ఇతర డ్రగ్స్‌ వినియోగం అలవాటైంది. ఆపై డ్రగ్‌ పెడ్లర్‌గా మారాడు. ప్రస్తుతం హష్‌ చాక్లెట్స్‌ తయారీ మొదలుపెట్టాడు. ప్రస్తుతం ఆన్‌లైన్‌ క్లాసులు నడుస్తుండటంతో ఇంటి వద్దే ఉంటూ తల్లిదండ్రులు ఫార్మా కంపెనీకి వెళ్లగానే బెడ్‌రూమ్‌లోనే వాటిని తయారు చేస్తున్నాడు. దీనికి అవసరమైన ఉపకరణాలు కూడా ఏర్పాటు చేసుకున్నాడు. విశాఖలోని చింతపల్లికి చెందిన రామారావు గంజాయి నుంచి ఈ హష్‌ ఆయిల్‌ తయారు చేస్తున్నాడు. ఇది సూరారానికి చెందిన బోనాల వినోద్, కె.శ్రీకాంత్‌ యాదవ్‌ల చేతులు మారి సి.రోహిత్‌కు చేరుతోంది. అతన్నుంచి 5 గ్రాముల బాటిల్‌ను రూ. 3 వేలకు రిషీ కొంటున్నాడు. తొలినాళ్లలో దీన్ని ఈ–సిగరెట్లు, బ్రౌనీస్‌లో (తినుబండారం) ఉంచి విక్రయించినా లాభసాటిగా లేకపోవడంతో ఇంటర్నెట్‌లో చూసి హష్‌ ఆయిల్‌ చాక్లెట్ల తయారీ మొదలెట్టాడు.  తయారీ ఇలా...  మార్కెట్‌ నుంచి ముడి చాక్లెట్‌ను 4 కేజీల చొప్పున రిషి కొనుగోలు చేసి అందులో 40 గ్రాముల హష్‌ ఆయిల్‌ కలుపుతున్నాడు. ఆపై ఆ ద్రవాన్ని పోతపోసి చాక్లెట్లుగా మారుస్తున్నాడు. ఆ సమయంలోనే ఓరియో, కిట్‌క్యాట్, క్యాట్‌బర్రీ వంటి ఫ్లేవర్లు కలుపుతున్నాడు. ఈ మిశ్రమాన్ని డీఫ్రిజ్‌లో పెట్టి చాక్లెట్‌ బార్స్‌గా మారుస్తున్నాడు. వాటిని సిల్వర్‌ ఫాయిల్‌తో కూడిన వేఫర్లలో చుట్టి ఒక్కోటి రూ. 5 వేల నుంచి రూ.10 వేలకు అమ్ముతున్నాడు. అతనికి నగరంలోనే 100 మంది కస్టమర్లు ఉన్నారు. రిషీ దందాపై సమాచారం అందుకున్న హెచ్‌–న్యూ ఇన్‌స్పెక్టర్‌ పి.రాజేశ్, ఎస్సై జీఎస్‌ డానియేల్‌లతో కూడిన బృందం అతనిపాటు వినోద్, శ్రీకాంత్, రోహిత్‌లను పట్టుకుంది. పరారీలో ఉన్న రామారావు కోసం గాలిస్తోంది. అతన్నుంచి 48 హష్‌ చాక్లెట్‌ బార్స్, 40 గ్రాముల హష్‌ ఆయిల్‌ స్వాధీనం చేసుకుంది. రిషీ నుంచి చాక్లెట్‌ బార్‌లు కొనుగోలు చేసిన వాళ్లు అందులోని 15 పీసులను విడగొట్టి ఒక్కో పీస్‌ను గరిష్టంగా రూ. 2 వేల చొప్పున రూ. 30 వేలకు అమ్ముతుండటం గమనార్హం. ఒక్కో చాక్లెట్‌ బార్‌ తినడం ద్వారా వినియోగదారులు 6 గంటల వరకు మత్తులో జోగుతున్నారు.   

సాక్షి, విశాఖపట్నం: ఆంధ్రా యూనివర్శిటీ లా విద్యార్థుల మధ్య గంజాయి చిచ్చు రేగింది. ఒక వర్గం విద్యార్థులపై మరో వర్గం విద్యార్థులు దాడి చేశారు. ఒక వర్గం విద్యార్థులు గంజాయి తయారు చేస్తున్న వీడియో వైరల్‌గా మారింది. ఇరువర్గాల విద్యార్థులపై పోలీసులు కేసు నమోదు చేశారు. చదవండి: ఎన్నెన్నో అందాలు.. వాటి వెనుక అంతులేని విషాదాలు

అనంతపురం శ్రీకంఠం సర్కిల్‌/సోమందేపల్లి: గంజాయి అమ్మేవారిపై దాడులా అంటూ ప్రతిపక్ష నేత చంద్రబాబునాయుడు ప్రభుత్వాన్ని నిలదీశారు. రాష్ట్రంలో గంజాయిని నిర్మూలించడానికి సర్కారు ఓ వైపు విస్తృతంగా దాడులు నిర్వహిస్తూ దానిని నిర్వీర్యం చేస్తున్న సమయంలో టీడీపీ అధినేత ఈ తరహా వ్యాఖ్యలు చేయడంపై సర్వత్రా విస్మయం వ్యక్తమవుతోంది. చదవండి: డిజిటల్‌ హెల్త్‌లో ఏపీ టాప్‌  ఉమ్మడి అనంతపురం జిల్లా టీడీపీ కార్యకర్తల సమావేశంతోపాటు రాప్తాడు రోడ్‌షో, శ్రీసత్యసాయి జిల్లా సోమందేపల్లిలో జరిగిన బహిరంగ సభలో శుక్రవారం ఆయన ప్రసంగించారు. రాష్ట్రంలో గంజాయికి ఎక్కువమంది బానిసలవుతున్నారని.. గుంటూరులో యువకులు గంజాయి మత్తులోనే విద్యార్థినిపై అత్యాచారానికి తెగబడ్డారని.. దాని నుంచి మీ పిల్లలను కాపాడుకోవాలంటూ చంద్రబాబు పొంతనలేని వ్యాఖ్యలు చేయడంతో టీడీపీ కార్యకర్తలు తలలు పట్టుకున్నారు. తమ అధినేత ఇలా మాట్లాడడంతో వారంతా అవాక్కయ్యారు. 40 శాతం సీట్లు యువతకే ఇక పార్టీని ఈసారి అధికారంలోకి తీసుకొచ్చేందుకు కీలక నిర్ణయాలు తీసుకుంటున్నానని.. ప్రధానంగా 40 శాతం సీట్లు యువతకు కేటాయిస్తానని.. కొత్తగా వచ్చేవారికి అవకాశమిస్తానన్నారు. తన వయసు 72 ఏళ్లయినా మీకోసం 27 ఏళ్ల కుర్రాడిలా పనిచేస్తానని చెప్పారు. ఇదిలా ఉండగా, జూనియర్‌ ఎన్టీఆర్‌ జన్మదినం సందర్భంగా సోమందేపల్లిలో టీడీపీ అభిమానులు కేక్‌కట్‌ చేసి.. ఆయన చిత్రపటాలతో హంగామా చేశారు. ‘జై జూనియర్‌ ఎన్టీఆర్‌’ అంటూ నినాదాలు చేశారు. దీంతో అక్కడున్న కొంతమంది టీడీపీ నాయకులు వారిపై అసహనం వ్యక్తంచేశారు.

సాక్షి, అనకాపల్లి: చట్టవ్యతిరేక కార్యకలాపాలకు దూరంగా.. ప్రశాంత వాతావరణంలో జిల్లా ప్రజలు నివసించేందుకు తీసుకోవాల్సిన అన్ని చర్యలపై పోలీస్‌ అధికారులు దృష్టి సారించాలని ఎస్పీ గౌతమి సాలి ఆదేశించారు. రెండు నెలల్లో జిల్లాలో ఎక్కడా గంజాయి, నాటుసారా అనేది లేకుండా మూలాల్ని నాశనం చేసేందుకు ప్రత్యేక కార్యాచరణ రూపొందించారు. ఈ క్రతువులో బాగా పనిచేసే సిబ్బందికి రివార్డులతో పాటు పని చెయ్యని వారిపై చర్యలూ ఉంటాయని ఎస్పీ స్పష్టం చేశారు. జిల్లా పోలీస్‌ కార్యాలయంలో గురువారం మధ్యాహ్నం స్పెషల్‌ ఎన్‌ఫోర్స్‌మెంట్‌ బ్యూరో (ఎస్‌ఈబీ), జిల్లా పోలీసులతో ఎస్పీ సమీక్ష సమావేశం నిర్వహించారు. ఎస్‌ఈబీ సిబ్బంది, పోలీసులు సంయుక్తంగా గంజాయి, నాటుసారాలపై ఎన్‌ఫోర్స్‌మెంట్‌ చేయాలని ఆదేశించారు. గతంలో నమోదైన కేసుల ఆధారంగా గ్రామాల్లో ముమ్మర దాడులు నిర్వహించి జిల్లా నుంచి సమూలంగా నిర్మూలించాలని నిర్ణయించారు. ఇప్పటి వరకు వివిధ నేరాలకు సంబంధించి నమోదైన కేసుల వివరాలు అడిగి తెలుసుకున్న ఎస్పీ.. అందులో గంజాయి, నాటుసారా కేసులలో ఉన్న పాత నేరస్తులపై బైండోవర్‌ చేయించాలని     ఆదేశాలు జారీ చేశారు. వారు మళ్లీ.. ఈ తరహా కేసుల్లో దొరికితే స్థానిక తహసీల్దార్‌ కోర్టులో నగదు పూచీతో జరిమానా కట్టించాలని, లేదంటే జైలు శిక్ష అనుభవిం చాల్సి ఉంటుందని స్పష్టం చేశారు. ఈ వివరాల్ని ప్రతి గ్రామంలోని ప్రజలకు తెలియజేసే ఏర్పాట్లు చేయాలన్నారు.  నల్లబెల్లం ఎక్కడిది.?  నాటుసారా తయారీలో ప్రధాన ముడిపదార్థమైన నల్లబెల్లం రవాణాపై ప్రత్యేక దృష్టి సారించాలని ఎస్పీ సూచించారు. గడిచిన రెండు వారాల్లో దాదాపు 50 వేల లీటర్లకు పైగా బెల్లం పులుపుని ధ్వంసం చేసినా.. ఇంకా పలు చోట్ల పట్టుబడుతుండటంపై ఎస్పీ ఆశ్చర్యాన్ని వ్యక్తం చేశారు. అసలు ఈ నల్లబెల్లం ఎక్కడి నుంచి వస్తోంది.? నాటుసారా తయారు చేస్తున్నవారు ఎలా కొనుగోలు చేస్తున్నారు.? అనే కోణంలో దర్యాప్తు నిర్వహించి.. సమగ్ర నివేదిక అందించాలని ఆదేశించారు. అనకాపల్లిలో ఉన్న బెల్లం వ్యాపారులతో ఎస్‌ఈబీ, స్థానిక పోలీసులు సమావేశాలు ఏర్పాటు చేసి.. నల్లబెల్లం విక్రయాలపై నిఘా పటిష్టం చెయ్యాలని ఎస్పీ సూచించారు.  అధికారులకు రివార్డులు  జిల్లా నుంచి గంజాయి, నాటుసారా సమూల నిర్మూలనకు చేస్తున్న యుద్ధంలో ప్రతి ఒక్క పోలీస్‌ అధికారి కీలక భాగస్వామిగా మారాలని ఎస్పీ గౌతమి పిలుపునిచ్చారు. ఎన్‌ఫోర్స్‌మెంట్‌లో ప్రతిభ కనబరిచిన అధికారులకు రివార్డులు ఉంటాయని ప్రకటించారు. అదే సమయంలో అంచనాలకు తగ్గట్లుగా పనిచెయ్యని సిబ్బందిపై చర్యలు కూడా తప్పవని ఎస్పీ హెచ్చరించారు. ఈ సమీక్ష సమావేశంలో జిల్లా అదనపు ఎస్పీ (అడ్మినిస్ట్రేషన్‌) కె.శ్రావణి, నర్సీపట్నం సబ్‌ డివిజన్‌ అదనపు ఎస్పీ మణికంఠ చందోలు, ఎస్‌ఈబీ అసిస్టెంట్‌ సూపరింటెండెంట్‌ రవికుమార్‌తోపాటు జిల్లా సీఐలు, ఎస్‌ఐలు, ఎస్‌ఈబీ ఎస్‌హెచ్‌వోలు పాల్గొన్నారు.  గంజాయి రవాణాపై గట్టి నిఘా  గొలుగొండ: ఏజెన్సీ నుంచి మైదాన ప్రాంతాలకు వస్తున్న గంజాయిపై దృష్టి సారించాలని, గట్టి నిఘా ఏర్పాటు చేయాలని ఎస్పీ గౌతమి సాలి ఆదేశాలు జారీ చేశారు. ఆమె గురువారం రాత్రి ఏజెన్సీకి ముఖద్వారం అయిన కృష్ణదేవిపేట పోలీస్‌ స్టేషన్‌ను పరిశీలించారు. తరువాత భీమవరం చెక్‌పోస్టును తనిఖీ చేశారు. చింతపల్లి, జీకేవీధి నుంచి గంజాయి రవాణా జరగకుండా చర్యలు తీసుకోవాలన్నారు. అనంతరం కృష్ణదేవిపేట పోలీస్‌స్టేషన్‌ను సందర్శించి, రికార్డులు పరిశీలించారు. ఆమె వెంట నర్సీపట్నం ఏఎస్పీ మణీకంఠ చందోల్, సీఐ స్వామినాయుడు, ఎస్‌ఐ సూర్యనారాయణ తదితరులు ఉన్నారు. 

సాక్షి, హైదరాబాద్‌: నగరంలోని పలు సాఫ్ట్‌వేర్‌ కంపెనీల్లో పని చేస్తున్న ఉద్యోగులు గంజాయి మత్తుకు అలవాటుపడ్డారు. కొన్ని సందర్భాల్లో రేవ్‌ పార్టీలు నిర్వహించుకుంటూ సింథటిక్‌ డ్రగ్‌ ఎండీఎంఏ వినియోగిస్తున్నారు. వీరితో పాటు ఓ వైద్యుడికీ మాదక ద్రవ్యాలు సరఫరా చేస్తున్న ముఠా గుట్టును సిటీ నార్కోటిక్స్‌ ఎన్‌ఫోర్స్‌మెంట్‌ వింగ్‌ (హెచ్‌– న్యూ) అధికారులు రట్టు చేశారు. మొత్తం 16 మందిని అరెస్టు చేశామని, పరారీలో ఉన్న ముగ్గురి కోసం గాలిస్తున్నామని నగర కొత్వాల్‌ సీవీ ఆనంద్‌ పేర్కొన్నారు. హెచ్‌–న్యూ డీసీపీ చక్రవర్తి గుమ్మితో కలిసి శనివారం తన కార్యాలయంలో ఏర్పాటు చేసిన విలేకరుల సమావేశంలో ఆయన  వివరాలు వెల్లడించారు. కోవిడ్‌ విజృంభణ తర్వాతే సాఫ్ట్‌వేర్‌ ఉద్యోగుల్లో డ్రగ్స్‌ అలవాటు పెరిగిందని ఆనంద్‌ తెలిపారు. యాప్రాల్‌కు చెందిన స్టాక్‌మార్కెట్‌ ట్రేడర్‌ జవాలా పాండే తరచు గోవా వెళ్లేవాడు.   ►డ్రగ్స్‌కు అలవాటుపడిన ఇతగాడు ఆపై విక్రయించడం మొదలెట్టాడు. ఆదిలాబాద్‌ జిల్లాకు చెందిన సోనేరావ్, లఖన్‌ గంజాయి పండిస్తున్నారు. దీన్ని అదే జిల్లా వాసులు ఉల్లాస్‌ సాబ్లే, గోటి హరిసింగ్, అమర్‌ సింగ్, సకారాం సాబ్లే ఎర్తిగ కారులో నగరానికి తరలిస్తున్నారు. వీరి నుంచి గంజాయి పాండేకు అందుతోంది. పాండే గంజాయితో పాటు అరకుకు చెందిన యశ్వంత్‌ నుంచి హష్‌ ఆయిల్, పాండుచ్చేరీలో ఉంటున్న నైజీరియన్‌ నికొలస్‌ నుంచి ఎండీఎంఏ డ్రగ్‌ ఖరీదు చేస్తున్నాడు. వీటిని ఇతగాడు ఆదిత్య రాజన్‌ (ప్రైవేట్‌ సంస్థ మేనేజర్‌), జయబాలాజీ (విద్యార్థి), నిఖిల్‌ షెనోయ్‌ (డీజే ప్లేయర్‌)లకు అమ్ముతున్నాడు.   ►నగరంలోని అనేక మంది సాఫ్ట్‌వేర్‌ ఉద్యోగులకు ఈ మాదకద్రవ్యాలు విక్రయిస్తున్నారు. ఏజెన్సీలో కేజీ రూ.10 వేలు ఉంటున్న గంజాయి సిటీలో వినియోగించే వారి దగ్గరకు వచ్చేసరికి రూ.60 వేలకు చేరుతోంది. 10 గ్రాములు 500 ఖరీదు చేస్తున్న ఎండీఎంఏను పెడ్లర్స్‌ రూ.2 వేలకు అమ్ముతున్నారు. మాదకద్రవ్యాలను పెడ్లర్లు రాత్రి వేళల్లో కార్ఖానా వద్ద ఉన్న హాకీ గ్రౌండ్స్‌లో వినియోగదారులకు అందిస్తున్నారు. సమాచారం అందుకున్న ఏసీపీ కె.నర్సింగ్‌రావు పర్యవేక్షణలో ఇన్‌స్పెక్టర్లు పి.రాజేష్, పి.రమేష్‌రెడ్డిలు తమ బృందాలతో రంగంలోకి దిగారు.  ►డ్రగ్స్‌ విక్రేతలు పాండే, నికోలస్, నిఖిల్, సోనేరావ్, అమర్, ఉల్లాస్, సకారాం, హరీష్, ఆదిత్య, జయ బాలాజీలను పట్టుకున్నారు. వీరి నుంచి డ్రగ్స్‌ ఖరీదు చేసి వినియోగిస్తున్న బంజారాహిల్స్‌ వాసి మహ్మద్‌ మడ్నే (వైద్యుడు), మాదాపూర్‌ వాసి సాయి అనిరుధ్‌ (ఐటీ కంపెనీ ఫౌండర్‌), మియాపూర్‌ వాసి కుషా మిశ్రా (ప్రముఖ సాఫ్ట్‌వేర్‌ కంపెనీలో క్వాలిటీ అనలిస్ట్‌), శేరిలింగంపల్లికి చెందిన సిద్థార్థ్‌ విజయ్‌ కుమరన్‌ (ప్రముఖ సాఫ్ట్‌వేర్‌ కంపెనీలో బిజినెస్‌ కన్సల్టెంట్‌), నిజాంపేల వాసి రోహిత్‌ కుమార్‌ (ఐటీ కంపెనీలో హెచ్‌ఆర్‌ విభాగం), గంగారం వాసి బాలాజీ భగవాన్‌ సింగ్‌లను (ఐటీ కంపెనీ కౌంటెంట్‌) అరెస్టు చేశారు. వీరి నుంచి రూ.5.4 లక్షల విలువైన డ్రగ్స్, వాహనాలు స్వాధీనం చేసుకుని పరారీలో ఉన్న నిందితుల కోసం  గాలిస్తున్నారు.   

సాక్షి, హైదరాబాద్‌: పెడ్లర్ల నుంచి స్వాధీనం చేసుకున్న గంజాయి ‘తరలింపు’లో పోలీసుల నిర్లక్ష్యం ఓ ప్రైవేట్‌ సెక్యూరిటీ గార్డుకు కలిసి వచ్చింది. ‘మిగిలిపోయిన’ గంజాయిని సొంతం చేసుకున్న అతగాడు స్థానికంగా విక్రయించాడు. ఇలా ఖరీదు చేసి వినియోగిస్తున్న వారిని పోలీసులు పట్టుకోవడంలో కథ మొత్తం బయటకు వచ్చింది. ఈ ‘గమ్మత్తు’ వ్యవహారంలో సెక్యూరిటీ గార్డుపై రెండు కేసులు నమోదు కాగా.. నిర్లక్ష్యంగా వ్యవహరించిన హయత్‌నగర్‌ పోలీసులపై చర్యలకు రంగం సిద్ధమవుతోంది.  చదవండి: HYD: ఆరేళ్ల చిన్నారిపై అఘాయిత్యాన్ని అడ్డుకున్న ఆటోడ్రైవర్‌  ఠాణాకు మరమ్మతులు జరుగుతుండడంతో..   ముఖ్యమంత్రి ఆదేశాల మేరకు కొన్నాళ్లుగా పోలీసులు గంజాయిపై జంగ్‌ చేస్తున్నారు. ఫలితంగా వరుసగా విక్రేతలు, వినియోగదారులు పట్టుబడుతున్నారు. ఇటీవల హయత్‌నగర్‌ పోలీసులు ఇలాంటి ఓ ముఠాను పట్టుకున్నారు. వీరి నుంచి స్వాధీనం చేసుకున్న 9 కేజీల గంజాయిని కోర్టు ఆదేశాలతోనే ధ్వంసం చేయాల్సి ఉంటుంది. అప్పటి వరకు కచ్చితంగా దర్యాప్తు అధికారులు ఆ సరుకును తమ అధీనంలో ఉంచుకోవాలి. సాధారణంగా పోలీసులు ఇలా స్వాధీనం చేసుకున్న గంజాయిని ఠాణాలోనే ఉంచుతారు. ఆ సమయంలో పోలీసుస్టేషన్‌కు మరమ్మతులు జరుగుతుండటంతో స్థానికంగా ఉన్న ఓ ప్రైవేట్‌ గోదాంలో భద్రపరిచారు.  చదవండి: ఎమ్మెల్సీ ఎన్నికల్లో టీఆర్‌ఎస్‌ బోణీ.. కవిత సహా ముగ్గురు ఏకగ్రీవం..! తరలింపులో నిర్లక్ష్యం..   ఠాణాకు మరమ్మతులు పూర్తయిన తర్వాత పోలీసులు ఈ గంజాయిని తీసుకురావచ్చారు. ప్యాకెట్లలో ఉన్న గంజాయిని తీసుకువచ్చిన బృందం వాటి కింద పరిచిన కార్పెట్‌ కింద పడిపోయిన దాన్ని పట్టించుకోలేదు. ఈ నిర్లక్ష్యమే సదరు గోదాం సెక్యూరిటీ గార్డుకు కలిసి వచ్చింది. గోదాం శుభ్రం చేసే నెపంతో అక్కడ పడిన గంజాయిని అతడు సొంతం చేసుకున్నాడు. దాన్ని తన వద్దే భద్రపరిచి, స్థానికంగా కొందరికి విక్రయించాడు. విడతల వారీగా జరిగిన ఈ విక్రయంపై హయత్‌నగర్‌ పోలీసులకే సమాచారం అందింది. దీంతో రంగంలోకి దిగిన అధికారులు ఖరీదు చేసిన వారిని, వారి ద్వారా సదరు సెక్యూరిటీ గార్డును పట్టుకున్నారు.  నిర్లక్ష్యం బయటకు...  కొన్నేళ్లుగా నగరంతో పాటు శివారు జిల్లాలకు గంజాయి విశాఖ ఏజెన్సీ నుంచి సరఫరా అవుతోంది. ఈ సెక్యూరిటీ గార్డుకు గంజాయి అలానే చేరిందని పోలీసులు భావించారు. విచారణ నేపథ్యంలోనే తమ నిర్లక్ష్యం బయటపడింది. తాము భద్రపరిచిన గంజాయిలో కొంత భాగం చోరీ చేయడంపై దొంగతనం కేసు, ఆ సరుకును విక్రయించడంపై మాదకద్రవ్యాల చట్టం కింద మరో కేసు నమోదు చేశారు. ప్రైవేట్‌ సెక్యూరిటీ గార్డును హయత్‌నగర్‌ పోలీసులు గుట్టుచప్పుడు కాకుండా రిమాండ్‌కు తరలించారు. ఈ ‘గమ్మత్తు’ కథ మొత్తం తెలుసుకున్న ఉన్నతాధికారులు తీవ్రంగా పరిగణించారు. సీజ్‌ చేసిన గంజాయి నిల్వ, తరలింపులో నిర్లక్ష్యంగా ఉన్న హయత్‌నగర్‌ ఇన్‌స్పెక్టర్‌ ఎం.సురేందర్‌తో పాటు మరో ఇద్దరు పోలీసులకు చార్జి మెమోలు జారీ చేసినట్లు రాచకొండ పోలీస్‌ కమిషనర్‌ మహేశ్‌ భగవత్‌ తెలిపారు. ప్రస్తుతం జరుగుతున్న అంతర్గత విచారణ ముగిసిన తర్వాత తదుపరి చర్యలు చేపట్టనున్నారని సమాచారం.   

ఇటీవల రాష్ట్రంలో గంజాయి రాజకీయం నడుస్తోంది. గంజాయిని రాష్ట్ర ప్రభుత్వానికి ఆపాదించి మచ్చతెచ్చేందుకు ప్రధాన ప్రతిపక్షం కుటిలనీతిని అవలంబిస్తోంది. దీనిని ఢిల్లీ స్థాయిలోకి తీసుకువెళ్లి ప్రభుత్వానికి చెడ్డ పేరు తెచ్చే ప్రయత్నం చేయడం రాష్ట్ర ప్రజలను అవమాన పరిచేదిగా ఉంది. దేశ, విదేశాలకు ఆంధ్రప్రదేశ్‌ గంజాయి ఎగుమతి కేంద్రంగా ఉన్నదనే అపోహ సృష్టించే ప్రయత్నం అత్యంత ప్రమాదకరం. రాజకీయంగా వైరి వర్గాలు ఆరోపణలు చేసుకోవడం సహజమే. ప్రతిపక్షాలు అధికార పక్షంపై విమర్శలు చేయడం కూడా సహజమే. కానీ గంజాయి విషయం ఒక సున్నితమైన అంశం. దీనిని ఒక రాజకీయ అస్త్రంగా మార్చుకోవాలనే ప్రయత్నం వలన దేశానికీ, ప్రపంచానికీ ఒక తప్పుడు సంకేతం ఇవ్వడమే కాక ఇక్కడి ప్రజల మనోభావాల పైన ప్రభావం చూపిస్తుంది. ఆంధ్ర ప్రజలను దోషులుగా నిలబెట్టే ప్రయత్నంగా భావించాల్సిన పరిస్థితులు ఏర్పడుతున్నాయి. గతంలో మన రాష్ట్రానికి సీఎంగా పనిచేసిన ఒక నాయకుడు ‘కేంద్రం ఒక మిథ్య’ అంటూ విమర్శించేవారు. కేంద్రం ఒక మిథ్య అంటే రాష్ట్రం ఒక మి«థ్య కాదా? ఈ తరహా విమర్శలు మంచిది కాదంటూ కేంద్ర ప్రభుత్వానికి వ్యతిరేకమైన పార్టీలతో సహా రాజకీయ విజ్ఞులు దానిపై ఘాటుగా స్పందిం చడంతో ఆయన ఆ మాటను మాట్లాడకుండా హుందాతనాన్ని కాపాడుకున్నారు. సరిగ్గా ఇప్పుడు గంజాయి విషయంలో ప్రతిపక్ష పార్టీలు, ముఖ్యంగా ప్రధాన ప్రతిపక్షం చేస్తున్న విమర్శలు ఇదే కోవకు చెందుతాయి. గంజాయిని రాష్ట్ర ప్రభుత్వమే ఎగుమతులు చేస్తున్నట్లుగా ఉన్న వారి విమర్శలు ప్రజాస్వామ్యంలో అత్యంత ప్రమాదకరం గంజాయి వంటి మత్తు పదార్థాలను ఎవరూ ప్రోత్సహించరు. ఇది అంతర్రాష్ట్ర సమస్య. ఒక రాష్ట్రం కట్టుదిట్టంగా అమలు చేసినా మరో రాష్ట్రంలోనో ఇంకో రాష్ట్రంలోనో ఎగుమతులు జరగవచ్చు. వాటిని సమూలంగా నిర్మూలించేందుకు కొంత సమయం పట్టవచ్చు. ముఖ్యంగా అటవీ ప్రాంతాలలో జరిగే ఈ తరహా విషయాలను నిర్మూలించేందుకు తప్పకుండా సమయం పడుతుంది. స్మగ్లర్లు ఆ ప్రాంతాలలో నివసించే నిరుపేదలను ఇందుకు పావులుగా వాడుకొనే పరిస్థితులలో దీనిని నిర్మూలించే ప్రక్రియలో సవాళ్లు ఎదురవుతూ ఉంటాయి. గంజాయి విషయం కూడా కొత్తగా ఏర్పడిన సమస్య కాదు. గత ప్రభుత్వ హయాంలో ఒక మంత్రి మీడియా సమావేశంలో చేసిన వ్యాఖ్యలు, వీడియో టేపులు ఇటీవల ప్రచారంలోకి వచ్చాయి. గంజాయి ఎగుమతులలో రాష్ట్రం నంబర్‌ వన్‌గా ఉన్నదంటూ అప్పటి ముఖ్యమంత్రి చంద్రబాబునాయుడు మంత్రివర్గ సమావేశంలో వ్యాఖ్యానించారు అంటూ ఆ మంత్రి వ్యాఖ్యలు చేయడం ఆ వీడియో సారాంశం. అంటే గంజాయిని అప్పటి ప్రభుత్వమే ప్రోత్సహిం చినట్లా? ఈ వ్యాఖ్యల ద్వారా గత ప్రభుత్వ హయాంలో ఈ సమస్య ఏ స్థాయిలో ఉందో ఊహించవచ్చు. ఇది రాత్రికి రాత్రి పరిష్కారం అయ్యే సమస్య కాదు. కావాలని బురద చల్లే ప్రయత్నం వల్ల రాష్ట్రానికీ, ప్రభుత్వానికీ, ప్రజలకు చెడ్డపేరు తెస్తే చరిత్ర క్షమించదు. ప్రజలు అంతకన్నా క్షమించరు. బాధ్యతగల ప్రతిపక్షం, ఆ పక్ష నాయకుడు వ్యవహరించాల్సిన తీరు ఇది కాదని రాజకీయ నిపుణులు వ్యాఖ్యానిస్తున్నారు. గంజాయి విషయంలో గత ప్రభుత్వంపై అనేక ఆరోపణలు ఉన్నాయి. ముఖ్యంగా ఆ సమయంలో ఒక పక్క గంజాయితో పాటు, మరోపక్క ఎర్రచందనం స్మగ్లింగ్‌ విషయంలో అప్పటి మంత్రులు, సాక్షాత్తు ముఖ్యమంత్రి తనయుడిపై ఆరోపణలు వచ్చాయి. ఈ పరిణామాలను ఎదుర్కొనేందుకు గంజాయి దొంగలంటూ అమాయకులైన నిరుపేదలను ఎన్‌కౌంటర్‌ చేసింది ప్రభుత్వం. ఈ విషయంలో అప్పటి తెలుగుదేశం పార్టీ పార్లమెంటరీ సమావేశంలో ఒక లోక్‌సభ సభ్యుడు నాటి ముఖ్యమంత్రి  చంద్రబాబును సూటిగా ప్రశ్నిస్తూ ‘స్మగ్లర్లను వదిలేసి అమాయకులైన నిరుపేదలను పొట్టన పెట్టుకున్నది మన ప్రభుత్వం, ఇది చాలా దారుణం’ అంటూ ప్రశ్నించగా ఆయన సమాధానం దాటవేశారంటూ వార్తలు వచ్చాయి. ఈ పరిణామాలతో అప్పటి స్మగ్లర్లతో ప్రభుత్వంలో ఉన్న నేతల సంబంధాలు బయటపడ్డాయి. దీనిని మళ్ళీ ఇప్పుడు రాష్ట్ర ప్రభుత్వానికి ఆపాదించే ప్రయత్నాన్ని విజ్ఞులు ఎవరు సమర్థించరు. ఈ తరహా విష సంస్కృతి రాజకీయాలలో తప్పుడు సంకేతాలను ఇస్తుంది. రాజ్యాంగ బద్ధంగా ఎన్నికైన ప్రభుత్వాన్ని గౌరవించాలనే కనీస విలువలు మంటగలపడం దురదృష్టకరం. నేలపూడి స్టాలిన్‌ బాబు  వ్యాసకర్త సామాజిక రాజకీయ విశ్లేషకులు మొబైల్‌: 83746 69988

సాక్షి, హైదరాబాద్‌: రాష్ట్రంలో గంజాయి వేట దూకుడుగా సాగుతోంది. గంజాయిని పూర్తిస్థాయిలో నియంత్రించేందుకు పోలీస్, ఎక్సైజ్‌ ఎన్‌ఫోర్స్‌మెంట్‌ విభాగాలు కొరడా ఝుళిపిస్తున్నాయి. రాష్ట్రవ్యాప్తంగా అన్ని పోలీస్‌స్టేషన్లు, ఎక్సైజ్‌ ఠాణా పరిధిలో ప్రత్యేక సోదాలు నిర్వహిస్తున్నాయి. భారీస్థాయిలో కేసులు నమోదు చేస్తున్నాయి. గంజాయి సాగు చేస్తున్న వారితోపాటు సరఫరా చేస్తున్న వారినీ అరెస్ట్‌చేసి కటకటాల్లోకి నెడుతున్నాయి. ఈ నెల 20న సీఎం కేసీఆర్‌ సమీక్ష తర్వాత నుంచి ఇప్పటివరకు నాలుగు క్వింటాళ్లకుపైగా గంజాయిని స్వాధీనం చేసుకున్నట్లు అధికార వర్గాలు చెప్పాయి.  ప్రత్యేక బృందాల సోదాలు  ప్రతీ జిల్లా సరిహద్దుల్లో పోలీస్, ఎక్సైజ్‌ శాఖలు తనిఖీలు ముమ్మరం చేశాయి. అంతర్రాష్ట్ర సరిహద్దుల్లోనూ నిఘా పెంచి గంజాయి స్మగ్లర్లకు అడ్డుకట్ట వేసేందుకు చర్యలు చేపడుతున్నాయి. హైదరాబాద్‌లోని అన్ని జోన్ల డీసీపీల పరిధిలో ప్రతీ రోజు 4 నుంచి 6 గంజాయి కేసులు నమోదవుతున్నాయి. ఒక్కో కేసులో 2 కేజీలకుపైగా గంజాయిని స్వాధీనం చేసుకుంటున్నాయి. ఈ వారం రోజుల్లో ఒక్క హైదరాబాద్‌ కమిషనరేట్‌ పరిధిలోనే గంజాయి, డ్రగ్స్‌కు సంబంధించి 38 కేసులు నమోదు చేసినట్టు సీపీ అంజనీకుమార్‌ తెలిపారు. క్వింటాల్‌కుపైగా గంజాయిని హైదరాబాద్‌ కమిషనరేట్‌ పరిధిలో స్వాధీనం చేసుకున్నట్టు అధికార వర్గాలు చెప్పాయి. అదేవిధంగా సైబరాబాద్, రాచకొండ కమిషరేట్లలోనూ వేట కొనసాగుతోంది. సైబరాబాద్‌లో క్రైమ్స్‌ విభా గం డీసీపీ ఆధ్వర్యంలో ప్రత్యేక బృందం ఏర్పాటుచేసి సోదాలు ముమ్మరం చేశారు. ఇప్పటివరకు 10 కేసులు నమోదు చేసి 11 కేజీల గంజా యి స్వాధీనం చేసుకుని, 17 మందిని అరెస్ట్‌ చేసినట్లు సైబరాబాద్‌ సీపీ స్టీఫెన్‌ రవీంద్ర వెల్లడించారు. అదేవిధంగా రాచకొండ కమిషనరేట్‌ పరిధిలో సీపీ మహేష్‌ భగవత్‌ నేతృత్వంలో తనిఖీలు చేసి 38 కేసులు నమోదు చేశా రు. గంజాయి సిగరెట్లు విక్రయిస్తున్న పాన్‌షాపులపైనా దృష్టి పెట్టి 13 మందిపై కేసులు పెట్టారు.  జిల్లాల్లోనూ ముమ్మరంగా...  గంజాయి కట్టడికి వరంగల్, కరీంనగర్, ఖమ్మం కమిషనరేట్ల పరిధిలో ప్రత్యేక బృందాలను రంగంలోకి దింపారు. ఏజెన్సీ ప్రాంతం నుంచి మహారాష్ట్ర, తెలంగాణకు సరఫరా చేస్తున్న అంతర్రాష్ట్ర ముఠాను వరంగల్‌ టాస్క్‌ఫోర్స్‌ పోలీసులు పట్టుకున్నారు. వీరి వద్ద నుంచి 32 కేజీల గంజాయిని స్వాధీనం చేసుకొని ఇద్దరిని అరెస్ట్‌ చేశారు. అదేవిధంగా కరీంనగర్‌లోని హుజూరాబాద్‌ ఎన్నికల సందర్భంగా తనిఖీలు నిర్వహించిన పోలీసులకు 11.6 కేజీల గంజాయి పట్టుబడటం సంచలనం రేపింది. పోలీసులంతా ఎన్నికల బందోబస్తు, నేతల ప్రచారం, భద్రత వ్యవహారాల్లో బిజీగా ఉండటంతో గంజాయి స్మగ్లర్లు ఇదే అదనుగా భావించినట్టు పోలీసులు గుర్తించారు. దీంతో సీపీ సత్యనారాయణ అన్ని పోలీస్‌స్టేషన్ల పరిధిలో విస్తృతమైన తనిఖీలు నిర్వహించాలని ఆదేశించారు. రామగుండం కమిషనరేట్‌ పరిధిలో చెన్నూర్, మంచిర్యాల, బెల్లంపల్లి, పెద్దపల్లి, మంథనిలో తనిఖీలు నిర్వహిస్తున్నారు. అలాగే, వరుసగా గంజాయి కేసుల్లో పట్టుబడుతున్న నిందితులపై పోలీసులు పీడీ యాక్ట్‌ అమలుచేస్తున్నారు. హైదరాబాద్‌ కమిషనరేట్‌ పరిధిలో 31 మందిపై, సైబరాబాద్‌లో ఆరుగురు, రాచకొండలో 8 మంది, నల్లగొండలో ఐదుగురు, ఖమ్మం, భద్రాచలం పోలీస్‌యూనిట్లలో 9 మందిపై పీడీ యాక్ట్‌ నమోదుచేశారు.   గంజాయి సాగుపై నజర్‌  కొత్తగూడెం, రామగుండం కమిషనరేట్, ఆసిఫాబాద్, రాచకొండ, సంగారెడ్డి, సైబరాబాద్, నాగర్‌కర్నూల్, సూర్యాపేట, నల్లగొండ, వికారాబాద్‌ జిల్లాల్లో గంజాయి సాగుపై ఇటు పోలీస్, అటు ఎక్సైజ్‌ శాఖ ప్రత్యేక దృష్టి పెట్టాయి. అంతర్‌పంట పేరుతో గంజాయి సాగు చేస్తున్న వారిని గుర్తించి, పంటలను ధ్వంసం చేస్తున్నారు. వికారాబాద్‌ జిల్లా పరిగి మండలంలోని జాఫర్‌పల్లిలో, రంగారెడ్డి జిల్లా అమన్‌గల్‌ పరిధిలోని కడ్తాల్‌లోనూ గంజాయి పంటను ఎక్సైజ్‌ అధికారులు «ధ్వంసం చేశారు.  

బెంగళూరు: ఎంబీఏ చదివాడు.. భక్తి పారవశ్యంలో మునిగిపోయాడు.. నెమ్మదిగా మత్తు పదార్థాలకు అలవాటు పడ్డాడు. లాక్‌డౌన్‌ కాలంలో అవి సులువుగా లభించకపోవడంతో.. తనే వాటిని తయారు చేయాలనుకున్నాడు. ఇంటినే పెరడుగా మార్చి.. హైటెక్‌ పద్దతిలో ఇంట్లోనే గంజాయి పండించడం ప్రారంభించాడు. తనలానే ఇబ్బందిపడుతున్న మత్తుబాబులకు దాన్ని సరఫరా చేస్తూ.. భారీగా ఆర్జించాడు. ఏడాది కాలం నుంచి గుట్టుగా సాగుతున్న ఈ వ్యవహారం కాస్త పోలీసులకు తెలిసిపోయింది. ప్రస్తుతం ఊచలు లెక్కపెడుతున్నాడు. ఈ హైటెక్‌ గంజాయి సాగు బెంగళూరులో చోటు చేసుకుంది. ఆ వివరాలు..  కర్ణాటకకు చెందిన జావేద్‌ అనే వ్యక్తి బెంగళూరు కళ్యాణ్‌ నగర్‌లో ఎంబీఏ పూర్తి చేశాడు. కమ్మనహళ్లి ప్రాంతంలో నివసించేవాడు. ఈ క్రమంలో అతడు ఆధ్యాత్మికంవైపు మళ్లి.. గంజాయికి అలవాటు పడ్డాడు. గత మూడు సంవత్సరాల నుంచి మత్తు పదార్థాలకు బానిసగా మారాడు. తను తీసుకోవడమే కాక స్నేహితులను కూడా డ్రగ్స్‌కు అలవాటుపడేలా చేశాడు. (చదవండి: లోడ్‌ దించుతున్నారనుకున్నాం; దీని కింద ఇంత కథ ఉందా!) లాక్‌డౌన్‌ ఎఫెక్ట్‌.. ఇలా సాగిపోతున్న సమయంలో గతేడాది బెంగళూరులో భారీ ఎత్తున మత్తుపదార్థాలు వెలుగు చూడటంతో భయపడిన జావేద్‌.. కమ్మనహళ్లి ప్రాంతం నుంచి బిదాదికి మకాం మార్చాడు. ఆ ప్రాంతంలోని ఓ విల్లాలో మకాం పెట్టాడు. దాని రెంటే ఏకంగా 35 వేల రూపాయలు. ఇలా ఉండగా లాక్‌డౌన్‌ విధించడంతో డ్రగ్స్‌ లభించడం కష్టంగా మారింది. వాటికి బానిసైన జావేద్‌.. మత్తుపదార్థాలు లభించకపోవడంతో పిచ్చివాడిగా మారాడు.  ఇంట్లోనే గంజాయి పెంపకం... ఆ పరిస్థితి నుంచి బయటపడటం కోసం తన ఇంట్లోనే గంజాయి పెంచాలని భావించాడు. ఇందుకు గాను ఎల్‌ఈడీ లైట్లను అమర్చి హైడ్రోఫోనిక్‌ మోడల్‌ని సెటప్‌ చేశాడు. అనంతరం డార్క్‌ వెబ్‌ నుంచి గింజలను ఆర్డర్‌ చేశాడు. యూరోప్‌ నుంచి వాటిని పొందాడు. ప్రారంభంలో తన ఇంట్లో ఉన్న ఫిష్‌ ట్యాంక్‌లో ఓ విత్తనాన్ని నాటాడు. అది విజయవంతంగా పెరగడంతో.. మరిన్ని గింజలను నాటాడు.  (చదవండి: వెబ్‌ సిరీస్‌ స్ఫూర్తి.. ఈ జంటది మామూలు తెలివి కాదు!) గ్రాము ధర రూ.3-4 వేలు ఇలా ఇప్పటి వరకు 130 మొక్కలను పెంచాడు. వాటి పెంపకం కోసం చాలా అధునాతనమైన పద్దతిని సెట్‌ చేశాడు. వాటిని మత్తుపదార్థంగా ఉపయోగించేలా తయారు చేశాడు. తన స్నేహితుల ద్వారా ఈ హైడ్రో గంజాయిని వినియోగదారులకు సరఫరా చేయడం ప్రారంభించాడు. ఒక్క​ గ్రాము గంజాయిని 3-4 వేల రూపాయలకు విక్రయించడం ప్రారంభించాడు.  ఎలా దొరికాడంటే..  రెండు రోజుల క్రితం క్రైం బ్రాంచ్‌ పోలీసులు డీజే హళ్లి ప్రాంతంలో మత్తుపదార్థాలను సరఫరా చేస్తున్న ఇద్దరు యువకులను అదుపులోకి తీసుకున్నారు. వారిని విచారించగా జావేద్‌ వ్యవహారం వెలుగులోకి వచ్చింది. నిందితులు చెప్పిన అడ్రెస్‌ ప్రకారం పోలీసులు జావేద్‌ విల్లాలో సోదాలు నిర్వహించారు. అక్కడ ఉన్న హైటెక్‌ ఏర్పాట్లును చూసి పోలీసులే ఆశ్చర్యపోయారు. ఈ కేసుకు సంబంధించి పోలీసులు నలుగురు డ్రగ్‌ పెడ్లర్స్‌ని.. ఇద్దరు ఇరానియన్లను అరెస్ట్‌ చేశారు.  చదవండి: 8వ తరగతి ప్రేమ.. బాలిక తిరస్కరించిందని ఆమె ఇంట్లోనే..?

స్మార్ట్‌ ఫోన్లు వినియోగిస్తున్నారా? అయితే వాటితో తస్మాత్‌ జాగ్రత్త! ఎందుకంటే ఫోన్‌లలో ఉన్న సెన్సార్లు గంజాయిని సేవించిన వారిని గుర్తిస్తాయని సైంటిస్ట్‌లు నిర్ధారించారు.    మనం వినియోగించే స్మార్ట్‌ ఫోన్‌లలో ఉన్న సెన్సార్లు అనేక రకాలైన పనులు చేస్తాయి.వాటిలో మోషన్‌ సెన్సార్స్‌, ఎన్విరాన్‌ మెంటల్‌ సెన్సార్‌, పొజీషన్‌ సెన్సార్‌, ఆంబీనెట్‌ లైట్‌ సెన్సార్‌లు ఉంటాయి. కానీ అవి ఎందుకు ఉన్నాయి?ఎలా పనిచేస్తాయనే విషయం గురించి పట్టించుకోం.కానీ ఇదే సెన్సార్‌లపై 'అమెరికన్‌ రట్జర్స్ యూనివర్సిటీ' సైంటిస్ట్‌లు 'జనరల్‌ డ్రగ్‌ అండ్‌ ఆల్కహాల్‌ డిపెండెన్సీ' పేరుతో రిసెర్చ్‌ చేశారు. రిసెర్చ్‌లో భాగంగా..వారానికి రెండు సార్లు గంజాయి సేవించిన యువకుల నుంచి సంబంధిత డేటాను సేకరించారు.ఆ డేటా సాయంతో ఫోన్‌ సెన్సార్ల ద్వారా గంజాయి సేవించిన సదరు యువకుల్ని పరీక్షించారు.ఆ టెస్ట్‌ల్లో యువకులు గంజాయి ఎప్పుడు తీసుకున్నారు? ఎంత తీసుకున్నారు. తీసుకున్న తరువాత వారి శరీరం తీరు ఎలా ఉందని గుర్తించారు.అంతేకాదు స్మార్ట్‌ ఫోన్‌ సెన్సార్ల సాయంతో యువకులు ఎంత మొత్తంలో గంజాయి తీసుకున్నారో 90శాతం పాజిటీవ్‌ రిజల్ట్‌ వచ్చిందని సైంటిస్ట్‌ టామీ చుంగ్ తెలిపారు.  చదవండి : ఛార్జర్‌ ఒక్కటే.. కొత్త ఫోన్లకు ఛార్జర్లు ఇవ్వరు!!

పట్నంబజారు (గుంటూరు జిల్లా): చెడు వ్యసనాలకు బానిసగా మారిన బాలుడు ఓ బాలికను ప్రేమించాడు. ఆ యువతి తిరస్కరించడంతో బలవన్మరణానికి పాల్పడ్డాడు. అరండల్‌పేట పోలీసుల వివరాల ప్రకారం... బొంగరాలబీడు 1వ లైనుకు చెందిన నల్లమోతు ఆంథోనిబాబు (15) వసంతరాయపురంలోని మెయిన్‌రోడ్డులో ఉన్న ఉన్నత పాఠశాలలో 8వ తరగతి చదువుతున్నాడు. ఆంథోనికి గంజాయి సేవించే అలవాటు ఉంది. ఈ క్రమంలో వరసకు మరదలయ్యే నిరుపేదల కాలనీలో నివసించే ఆమె స్నేహితురాలితో పరిచయం ఏర్పడింది. ప్రేమించమని అడగడంతో ఆ బాలిక తిరస్కరించింది. దీంతో ఆంథోనిబాబు మస్తాపానికి గురై మంగళవారం నిరుపేదల కాలనీలోని మరదలు నివాసంలో చున్నీతో ఉరివేసుకుని ఆత్మహత్యకు పాల్పడ్డాడు. మృతుడి తండ్రి రాజారత్నం ఫిర్యాదు మేరకు కేసు నమోదు చేసిన పోలీసులు దర్యాప్తు చేస్తున్నారు.

సాక్షి, హైదరాబాద్‌: గంజాయి సంబంధిత ఉత్పత్తి అయిన హష్‌ ఆయిల్‌ను విక్రయిస్తున్న ఇద్దరు యువకులకు మధ్య మండల టాస్క్‌ఫోర్స్‌ పోలీసులు చెక్‌ చెప్పారు. వీరి నుంచి 100 మిల్లీ లీటర్ల (ఎంఎల్‌) హష్‌ ఆయిల్‌ స్వాధీనం చేసుకున్నట్లు టాస్క్‌ఫోర్స్‌ ఓఎస్డీ పి.రాధాకిషన్‌రావు ఆదివారం వెల్లడించారు. పరారీలో ఉన్న మరో నిందితుడి కోసం గాలిస్తున్నామని ఆయన పేర్కొన్నారు. గుడిమల్కాపూర్‌లోని ప్రియ కాలనీకి చెందిన వడ్డల లక్ష్మీ వెంకట నర్సింహాచారి డీజే సూపర్‌వైజర్‌గా పని చేస్తున్నాడు. ఇటీవల కాలంలో తీవ్రంగా ఆర్థిక ఇబ్బందులు ఎదుర్కొంటున్నాడు. వీటిని అధిగమించడం కోసం తేలిగ్గా డబ్బు సంపాదించే మార్గాలను అన్వేషించాడు. ఈ నేపథ్యంలోనే ఇతడికి గుంటూరుకు చెందిన ప్రవీణ్‌తో పరిచయం ఏర్పడింది. విశాఖ ఏజెన్సీ ప్రాంతంలో ఉత్పత్తి అయ్యే హష్‌ ఆయిల్‌కు గంజాయి కంటే ఎక్కువ డిమాండ్‌ ఉందంటూ ఇతగాడు చెప్పాడు. తాను సరఫరా చేస్తానని, సిటీలో విక్రయించి సొమ్ము చేసుకుందామని ఆఫర్‌ ఇచ్చాడు. దీనికి చారి అంగీకరించడంతో ఇటీవల 100 ఎంఎల్‌ ఆయిల్‌ తెచ్చి ఇచ్చాడు. దీన్ని ఎలక్ట్రానిక్‌ వేయింగ్‌ మిషన్‌ సాయంతో 5 ఎంఎల్‌ చొప్పున చిన్న చిన్న ప్లాస్టిక్‌ బాక్సుల్లో ప్యాక్‌ చేస్తున్న చారి హీట్‌ గన్‌తో సీలు వేస్తున్నాడు. వీటిని తన స్నేహితుడైన ప్రైవేట్‌ ఉద్యోగి ముల్కాల భాను ప్రకాష్‌ సాయంతో విక్రయిస్తున్నాడు. ఒక్కో బాక్సును రూ.3 వేలకు (ఒక్కో మిల్లీ లీటర్‌ రూ.600 చొప్పున) అమ్ముతూ వచ్చిన లాభాలను ముగ్గురూ పంచుకుంటున్నారు. వీరి వ్యవహారంపై మధ్య మండల టాస్క్‌ఫోర్స్‌ ఇన్‌స్పెక్టర్‌ మహ్మద్‌ అబ్దుల్‌ జావేద్‌కు సమాచారం అందింది. ఆయన నేతృత్వంలో ఎస్సైలు కె.శ్రీనివాసులు, మహ్మద్‌ షానవాజ్‌ షఫీ, టి.శ్రీధర్‌ రంగంలోకి దిగి వల పన్నారు. ఆదివారం చారి, భానులను పట్టుకుని హష్‌ ఆయిల్, వేయింగ్‌ మిషన్‌ తదితరాలు స్వాధీనం చేసుకున్నారు. తదుపరి చర్యల నిమిత్తం కేసును ఆసిఫ్‌నగర్‌ పోలీసులకు అప్పగించారు. పరారీలో ఉన్న ప్రవీణ్‌ కోసం గాలిస్తున్నామని, అతడు చిక్కితే ఈ ఆయిల్‌ మూలాలపై స్పష్టత వస్తుందని పోలీసులు చెబుతున్నారు.

పాట్నా : గంజాయి కొనడానికి డబ్బులు ఇవ్వలేదన్న కోపంతో స్నేహితుడ్ని హత్య చేశాడో వ్యక్తి. ఈ సంఘటన బిహార్‌లోని పాట్నా జిల్లాలో శనివారం చోటుచేసుకుంది. పోలీసులు తెలిపిన వివరాల మేరకు.. పాట్నా జిల్లా పాలి గ్రామానికి చెందిన ప్రదీప్‌ కుమార్‌, ప్రిన్స్‌ కుమార్‌ స్నేహితులు. ప్రిన్స్‌ కుమార్‌ గంజాయికి బానిస. ప్రతి రోజు గంజాయి తీసుకునేవాడు. ఈ నేపథ్యంలో శనివారం తనకు గంజాయి కొనడానికి 50 రూపాయలు ఇవ్వాలని ప్రదీప్‌ను అడిగాడు. అయితే, ప్రదీప్‌ డబ్బులు ఇవ్వనని చెప్పాడు. దీంతో ఇద్దరికీ మాటా,మాటా పెరిగి గొడవ జరిగింది. ప్రిన్స్‌ తన దగ్గర ఉన్న కత్తితో ప్రదీప్‌ రొమ్ముపై నాలుగైదు సార్లు పొడిచి, అక్కడినుంచి పారిపోయాడు. తీవ్రగాయాలపాలైన ప్రదీప్‌ను ఓ ప్రైవేట్‌ ఆసుపత్రికి తరలించినప్పటికి లాభం లేకపోయింది. పోస్టుమార్టం అనంతరం మృతదేహాన్ని కుటుంబసభ్యులకు అప్పగించారు. మృతుడి సోదరుడు ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు ప్రారంభించారు. నిందితుడి కోసం గాలిస్తున్నారు.

హైదరాబాద్‌: సికింద్రాబాద్‌లో డ్రగ్స్‌ కలకలం సృష్టించింది. బిశ్వజిత్‌ అనే అమెజాన్‌ ఉద్యోగి  డ్రగ్స్‌ విక్రయిస్తూ పట్టుపడ్డాడు. నిందితుడి నుంచి కేజీ గంజాయి, 20 గ్రాముల హాషిప్‌ ఆయిల్‌, 5 గ్రాముల చరాస్‌ పోలీసులు సీజ్‌   చేసినట్లు సమాచారం. ఈ ముఠా గోవా నుంచి హైదరాబాద్‌కు డ్రగ్స్‌ సరఫరా చేస్తున్నట్లు తెలుస్తోంది. ఈ కేసులో ముగ్గురు నిందితులను పోలీసులు అరెస్ట్‌ చేశారు. 

జయపురం: కొరాపుట్‌ జిల్లాలో యువత గంజాయి బాట పడుతున్నారు. తక్కువ వ్యయంతో రూ.లక్షలు గడించవచ్చని పలువురు యువకులు గంజాయి మాఫియా వలలో పడుతూ భవిష్యత్తును పాడు చేసుకుంటున్నారు. తల్లిదండ్రులకు తెలియకుండా కొందరు, తల్లిదండ్రుల అనుమతితోనే మరికొందరు గంజాయి రవాణాలో మమేకం అవుతున్నారు. తాజాగా శనివారం వెలుగు చూసిన సంఘటన ఇందుకు నిదర్శనంగా కనిపిస్తోంది. దసమంతపూర్‌ గ్రామంలో అంబిక దళపతి కుమారుడు దివాకర దళపతి జూన్‌ 28న తన స్నేహితునితో టంగినిగుడ గ్రామం వెళ్లొస్తానని చెప్పాడు. దివాకర్‌ ఇంటికి తిరిగి రాకపోవటంతో అతడి స్నేహితులు, బంధువులు అన్ని ప్రాంతాలలో గాలించారు. అయినా కుమారుడి జాడ తెలియక తల్లి.. బొయిపరిగుడ పోలీస్‌స్టేషన్‌లో ఫిర్యాదు చేసింది. పోలీసులు కేసు నమోదు చేసి దర్యాప్తు ప్రారంభించారు. ఈ నేపథ్యంలో శనివారం దివాకర్‌ దళపతితో పాటు మరో ఇద్దరు యువకులను బెంగళూరు పరిదిలోని మాదబలి పోలీసులు గంజాయి కేసులో అరెస్టు చేసినట్లు బొయిపరిగుడ పోలీసులకు సమాచారం అందింది. వారి నుంచి 150 కేజీల గంజాయిని, రవాణాకు వినియోగించిన కారును స్వాదీనం చేసుకున్నట్లు మాదబలి పోలీసులు బొయిపరిగుడ పోలీసులకు తెలియజేశారు. జూన్‌ 28న కారులో గంజాయిని బెంగళూరుకు రవాణా చేస్తుండగా, తమకు చిక్కారని మధుబలి పోలీసులు బియపరిగుడ పోలీసులకు తెలిపారు. 

బనశంకరి: ఇద్దరూ ఇంజనీరింగ్‌ పట్టభద్రులు. కష్టపడితే మంచి భవిష్యత్తు. కానీ తప్పుదోవ తొక్కి కష్టాల్లో పడ్డారు. ప్రియుని ఒత్తిడితో గంజాయి అమ్ముతూ ఏపీలోని శ్రీకాకుళం జిల్లాకు చెందిన రేణుక (25) యువతి బెంగళూరు సదాశివనగర పోలీసులకు పట్టుబడింది. ఆమె ప్రియుడు సిద్ధార్థ్‌ పరారీలో ఉన్నాడు. చెన్నైలో ఓ ప్రైవేటు ఇంజనీరింగ్‌ కాలేజీలో ఇంజనీరింగ్‌ చదివిన రేణుక, కడప జిల్లావాసి సిద్ధార్థ్‌ ఇద్దరూ ఒకే బ్యాచ్‌. కాలేజీలో ప్రేమలో పడ్డారు. చదువు ముగిశాక రేణుక చెన్నైలో ప్రైవేటు కంపెనీలో ఉద్యోగంలో చేరింది. సిద్ధార్థ్‌ మాత్రం విలాసవంత జీవితంపై మోజుతో డ్రగ్స్‌ ముఠాలతో కలిశాడు. నేను కొత్త వ్యాపారాన్ని ప్రారంభించానని, ఇందులో చాలా డబ్బు వస్తుందని రేణుకకు చెప్పాడు. సరేనని ఆమె ఉద్యోగం వదిలిపెట్టి ప్రియునితో కలిసి డ్రగ్స్‌ దందాలోకి దిగింది. లాక్‌డౌన్‌లో గంజాయి విక్రయాలు   గతేడాది కరోనా లాక్‌డౌన్‌ సమయంలో రేణుకను గంజాయి విక్రయానికి బెంగళూరుకు పంపించాడు. ఆమె మారతహళ్లి సమీపంలోని పీజీ హాస్టల్‌లో ఉండేది. బిహార్‌కు చెందిన సుధాంశు అనే వ్యక్తితో కలిసి గంజాయి విక్రయాలు ప్రారంభించింది. ప్రియుడు సిద్ధార్థ్‌ పెద్దమొత్తంలో గంజాయిని తీసుకువస్తే రేణుక చిన్న చిన్న ప్యాకెట్లుగా చేసి అమ్మేది. మంగళవారం రాత్రి సదాశివనగర ప్రాంతంలో గంజాయి అమ్ముతున్నట్లు తెలిసి సీఐ ఎంఎస్‌ అనిల్‌కుమార్, ఎస్‌ఐ లక్ష్మీలు దాడి చేసి రేణుక, సుధాంశును అరెస్ట్‌ చేశారు. ఇద్దరినీ పరప్పన అగ్రహార జైలుకు తరలించారు. ప్రియుని మాటలను నమ్మి తప్పు చేశానని రేణుక విలపించింది. సిద్ధార్థ్‌ కోసం గాలిస్తున్నారు. చదవండి: బాబోయ్‌ కుళ్లిన శవం వాసన.. సెల్ఫీలకు క్యూ కట్టిన జనం

ముంబై : కేకుల్లో  ఇడిబుల్‌(తినడానికి వీలుగా ఉండే) గంజాయి పెట్టి అమ్మకాలు సాగిస్తున్న ఓ యువ జంటను నార్కోటిక్స్‌ కంట్రోల్‌ బ్యూరో అధికారులు అరెస్ట్‌ చేశారు. శనివారం ముంబై, మలద్‌లోని ఓ బేకరీపై రైడ్‌ చేసిన అధికారులు వారిని అదుపులోకి తీసుకున్నారు. వీరికి గంజాయి సప్లయ్‌ చేస్తున్న మరో వ్యక్తిని కూడా అరెస్ట్‌ చేశారు. ఈ జంట లాక్‌డౌన్‌ సమయంలో బేకరీ వ్యాపారం ప్రారంభించింది. ఇన్‌స్టాగ్రామ్‌ పేజీ ద్వారా కేకుల అమ్మకాలు సాగిస్తోంది. ఈ జంట వెబ్‌ సిరీస్‌ స్ఫూర్తితో గంజాయి కేకులు తయారు చేయటం మొదలుపెట్టింది. ఇన్‌స్టాగ్రామ్‌ ద్వారా ఆర్డర్లు తీసుకుని గంజాయి కేకులు అమ్మేవారు. ఆన్‌లైన్‌ పేమెంట్‌ ద్వారా డబ్బులు వసూలు చేసేది. అధికారులు ఈ జంట వద్దనుంచి 830 గ్రాముల ఇడిబుల్‌ గంజాయిని, 160 గ్రాముల మామూలు గంజాయిని స్వాధీనం చేసుకున్నారు. వీరికి ఇడిబుల్‌ గంజాయి సప్లయ్‌ చేస్తున్నవారి కోసం అధికారులు అన్వేషణ మొదలుపెట్టారు. నిందితుల ఇంటినుంచి కస్టమర్ల పేర్లు ఉన్న ఓ డైరీని సైతం స్వాధీనపర్చుకున్నారు. గంజాయి కేకులు కొద్దిగా ఆకుపచ్చరంగులో ఉండి.. కొద్దిగా గంజాయి వాసన కూడా వస్తుందని.. మామూలు కేకులకు, గంజాయి కేకులకు తేడా కనుక్కోవటం అంత వీజీ కాదని అధికారులు చెబుతున్నారు. చదవండి : హైదరాబాద్‌లో: కార్లను అద్దెకు తీసుకుని ఆపై అమ్మకం..

తిరుపతి క్రైం: ఉన్నత చదువులు చదివిన ఇద్దరు వ్యక్తులు గంజాయి విక్రయిస్తూ తిరుపతి పోలీసులకు పట్టుబడ్డారు. తిరుచానూరు రోడ్‌ కెనడీనగర్‌లోని ఓ ఇంట్లో శనివారం 1,350 గ్రాముల గంజాయిని ఈస్ట్‌ డీఎస్పీ మురళీకృష్ణ ఆధ్వర్యంలో సీఐ శివ ప్రసాద్‌రెడ్డి సీజ్‌ చేశారు. వారు తెలిపిన వివరాల మేరకు.. స్థానికుడు శివయ్య ఎమ్మెస్సీ చదువుకున్నాడు. అదేవిధంగా కర్నూలుకు చెందిన జయప్రకాష్‌ ఫిజియోథెరపీ మెడికల్‌ కాలేజ్‌లో చదివాడు. వీరిద్దరూ పాత పరిచయం ద్వారా తక్కువ సమయంలో ఎక్కువ డబ్బు సంపాదించేందుకు గాను.. గంజాయిని విక్రయించాలని నిర్ణయించుకున్నారు. ఈ క్రమంలో బైరాగిపట్టెడలోని మోనిషా అనే వ్యక్తి వద్ద రూ.16 వేలకు కొనుగోలు చేసి గంజాయిని ప్యాకెట్ల రూపంలో రూ.200 నుంచి రూ.300 వరకు విక్రయించేవారు. శనివారం ఉదయం కెనడీ నగర్లోని వారి నివాసంలో దాడులు నిర్వహించగా శివయ్య, జయప్రకాష్‌ ప్యాకెట్లు కడుతుండగా అరెస్ట్‌ చేశారు. మాదక ద్రవ్యాలపై దండయాత్ర   అర్బన్‌ జిల్లా ఎస్పీ వెంకటప్పల నాయుడు ఆదేశాల మేరకు శనివారం తిరుపతిలో మాదక ద్రవ్యాలపై పోలీసుల దండయాత్ర ప్రారంభించారు. గుట్కా, గంజాయి వంటి మత్తుపదార్థాల విక్రయాలపై ముమ్మర తనిఖీలు నిర్వహించారు. ఈ తనిఖీల్లో పలు ప్రాంతాల్లో పెద్ద ఎత్తున గుట్కా, గంజాయిని స్వాదీనం చేసుకున్నారు. చదవండి: 9 బృందాలు.. 36 గంటలు   అడ్డుగా ఉందని చంపేశాడు

చండీఘఢ్‌:  భర్తను కటకటాల్లోకి నెట్టాలని భావించి ఓ  భార్య చేసిన కుట్ర బెడిసికొట్టింది. తనన మోసం చేస్తున్నాడని భావించి అతడిని ఇరికించేందుకు చేసిన ప్లాన్‌ ఫెయిల్‌ అవ్వడంతో ఆమెకు ఊహించని ఎదురుదెబ్బ తగిలింది. ఈ షాకింగ్‌ ఘటన హర్యానాలో చోటుచేసుకుంది. వివారల్లోకి వెళితే.. ఫరీదాబాద్‌కు చెందిన ఓ వ్యక్తి తన భార్యతో కలిసి ఆటో డ్రైవర్‌గా పనిచేస్తూ జీవిస్తున్నాడు. అయితే గత కొంతకాలం నుంచి అతను రోజూ ఇంటికి ఆలస్యంగా వచ్చేవాడు. ఇక ఒక్కోరోజు అసలు ఇంటికే వెళ్లేవాడే కాదు. దీంతో తన భర్త ఎందుకు ఇంటికి రావడం లేదని ఆలోచించిన భార్య అతనిపై క్రమంగా అనుమానం పెంచుకుంది.  ఈ నేపథ్యంలో భర్త మరో అమ్మాయితో ఎఫైర్ పెట్టుకున్నాడని అపోహ పడింది. మరో మహిళతో సహజీవనం చేస్తున్నాడని అనుమానించి రగిలిపోయింది. ఈ విషయం పలుమార్లు భర్తతో చర్చించగా వీరి మధ్య తరుచూ గొడవలు అయ్యేవి. దీంతో విసిగి పోయిన మహిళ.. ఎలాగైనా అతనిపై ప్రతీకారం తీర్చుకోవాలని ఓ మాస్టర్‌ ప్లాన్ వేసింది. ఢిల్లీ వెళ్లి మరీ ఓ వ్యక్తి వద్ద గంజాయి మొక్కను కొనుక్కొచ్చింది. సుమారు 700 గ్రాముల గంజాయి మొక్కను తన భర్త ఆటోలో పెట్టింది. తరువాత తనకేం సంబంధం లేనట్లు గుర్తు తెలియని మహిళ మాదిరిగా పోలీసులకు ఫోన్ చేసి గంజాయి విషయం చెప్పి భర్తను బుక్ చేయాలని చూసింది. భర్తను అదుపులోకి తీసుకున్న పోలీసులు విచారణ జరపడంతో అసలు కిలాడీ భార్యేనని తెలిసి ఆమెకు షాకిచ్చారు. ఆమెను అరెస్టు చేసి కటకటాల వెనక్కి నెట్టారు. చదవండి:  వరకట్నం కేసుల నుంచి తప్పించుకుంటున్నారు: హైకోర్టు ఆవేదన యువతితో దిగిన ఫొటోతో స్టేటస్‌.. భార్య చూడటంతో!

వార్సా : పోలాండ్‌, వార్సా జూలోని ఏనుగుల ఒత్తిడిని తగ్గించటానికి ఓ వినూత్న పద్ధతిని ఎంచుకోబోతున్నారు జూ అధికారులు. వాటికి వైద్యపరమైన గంజాయిని ఇవ్వనున్నారు. జూలోని మూడు ఆఫ్రికన్‌ ఏనుగులకు ద్రవ రూపంలోని అధిక సాంద్రత కలిగిన రిలాక్సింగ్‌ కెన్నిబినాయిడ్‌ను తొండాల ద్వారా అందించనున్నారు.  ఆఫ్రికన్‌ ఏనుగులపై ఇలాంటి పరిశోధనలు చేయటం ఇదే మొదటిసారని అధికారులు చెబుతున్నారు. దీనిపై ఓ పశు వైద్యాధికారి మాట్లాడుతూ.. వైద్య పరమైన గంజాయి ఏనుగుల ఆరోగ్యంపై ఎటువంటి చెడు ప్రభావం చూపదని స్పష్టం చేశారు. ఇది ఏనుగుల ఒత్తిడిని తగ్గించటానికి ఓ సహజ సిద్ధమైన పద్దతిని వెతుక్కునే ప్రయత్నమని చెప్పారు. ( 80 ఏళ్లుగా జుట్టు కత్తిరించలేదు..!) కాగా, గత మార్చి నెలలో జూలోని ఆడ ఏనుగు ఎర్నా చనిపోవటంతో గుంపులోని ఫ్రెడ్జియా అనే మరో ఆడ ఏనుగు అప్పటినుంచి ఒత్తిడికి లోనవుతోంది. అంతేకాకుండా తోటి ఆడ ఏనుగులతో కూడా సఖ్యంగా ఉండటం లేదు. గుంపులోని పెద్ద చనిపోయినపుడు మిగిలిన ఏనుగులు ఆ బాధనుంచి బయటపడటానికి కొన్ని నెలలు, సంవత్సరాలు కూడా పట్టవచ్చని పరిశోధనల్లో తేలింది. మామూలుగా వైద్యపరమైన గంజాయిని కుక్కలు, గుర్రాలకు చికిత్స చేయటానికి ఉపయోగిస్తుంటారు.

నగర వ్యాప్తంగా మాదకద్రవ్యాల క్రయవిక్రయాలు, వినియోగంపై నిఘా ముమ్మరమైంది. ఓ వైపు పోలీసులు, మరో వైపు ఎక్సైజ్‌ అధికారులు ఎడాపెడా దాడులు చేస్తున్నారు. ఈ నేపథ్యంలో మత్తుకు బానిసైన యువకులు ‘సేఫ్‌ డ్రగ్స్‌’ వినియోగానికి మొగ్గుచూపుతున్నారు. వీరితో పాటు ఫుట్‌పాత్‌లపై బతికే అనాథలు సైతం వీటిని వినియోగిస్తున్నారు.  సాక్షి, సిటీబ్యూరో: మత్తు కోసం ‘సేఫ్‌ డ్రగ్స్‌’ వినియోగం అధికం అవుతున్న నేపథ్యంలో నగర పోలీసు విభాగం ఈ దందాపై కన్నేసింది. అందులో భాగంగా సెంట్రల్‌ జోన్‌ టాస్క్‌ఫోర్స్‌ పోలీసులు శుక్రవారం హిమాయత్‌నగర్‌కు చెందిన జయంత్‌ అగర్వాల్‌ను అరెస్టు చేశారు. ఇతడి నుంచి 154 బాటిళ్ల దగ్గుమందు స్వాధీనం చేసుకున్నారు.   ఆ రెండూ దొరక్కపోవడంతో...  మాదకద్రవ్యాలు.. ఇతరత్రా ఖరీదైన డ్రగ్స్‌ కొనలేని ‘మత్తు బానిసలు’ ప్రత్యామ్నాయాల వైపు మొగ్గు చూపుతున్నారు. ఈ ‘ఆల్టర్నేటివ్‌ డ్రగ్స్‌’లో నిద్రమాత్రలు, వైట్నర్, దగ్గు మందు ప్రధానమైనవిగా మారాయి. అయితే వైద్యులు రాసిన ప్రిస్క్రెప్షన్‌ లేకుండా స్లీపింగ్‌ పిల్స్‌ను ఖరీదు చేయడం కష్టసాధ్యం. వైట్నర్‌ను ఖరీదు చేయడం తేలికే అయినా వినియోగించేప్పుడు ఇతరుల దృష్టిలో పడే అవకాశాలు ఉంటాయి. దీంతో అత్యధికంగా ప్లాట్‌ఫామ్స్‌పై నివసించే అనాథలే దీన్ని ఎక్కువగా వాడుతున్నారు. మత్తుకు బానిసవుతున్న యువత, వైట్నర్‌ లభించని అనాథలు దగ్గు మందు ఎక్కువగా వినియోగిస్తున్నారు. వీరికి ఈ మందులు మెడికల్‌ దుకాణాల నుంచే లభిస్తున్నాయి.  దగ్గు కరోనా లక్షణాల్లో ఒకటైనా...  నగరంలో కరోనా కేసులు పెరుగుతున్నాయి. ఎలాంటి లక్షణాలు లేని అసిమ్టమ్యాటిక్‌ కేసులతోపాటు ఈ వైరస్‌ సోకిన వారు క్వారంటైన్‌ నిబంధనల్ని ఉల్లంఘించడం, లక్షణాలున్నా కోవిడ్‌ అని గుర్తించలేక కొన్ని మందులు వాడుతూ బయట సంచరించడం కూడా కారణాలనే వైద్యులు చెబుతున్నారు. కరోనా లక్షణాల్లో దగ్గు కూడా ఒకటి. ఈ నేపథ్యంలోనే ప్రభుత్వం గతంలోనే కీలక ఆదేశాలు జారీ చేసింది. జ్వరం, దగ్గు, గొంతు నొప్పి వంటి వాటికి మెడికల్‌ షాపుల యజమానులు నేరుగా మాత్రలు అమ్మవద్దని, అమ్మినా ఖరీదు చేసిన వారి వివరాలు వైద్య ఆరోగ్య శాఖకు తెలపాలని స్పష్టం చేసింది. అయినా కొందరు మెడికల్‌ షాపుల యజమానులు మత్తుకు బానిసైన వారికి దగ్గు మందు విక్రయించేస్తున్నారు. దారుస్సలాంలో అగర్వాల్స్‌ ఫార్మసీ నిర్వహిస్తున్న హిమాయత్‌నగర్‌కు చెందిన జయంత్‌ అగర్వాల్‌ ఈ మందుల్ని అధిక ధరలకు అమ్ముతూ సొమ్ము చేసుకుంటూ శుక్రవారం సెంట్రల్‌ జోన్‌ టాస్క్‌ఫోర్స్‌కు చిక్కాడు.  శృతిమించితే తీవ్ర పరిణామాలే...  అత్యధిక శాతం దగ్గు మందుల్ని డెక్స్‌ట్రోమెథార్ఫిన్, కోడైన్‌లతో తయారు చేస్తారు. కోడైన్‌తో కూడిన ఈ రసాయనం నియంత్రిత జాబితాలో ఉన్న మాదకద్రవ్యం. మత్తును కలిగించే దీన్ని కేవలం ఔషధాల తయారీకి మాత్రమే వినియోగిస్తుంటారు. ప్రధానంగా డెక్స్‌ట్రోమెథార్ఫిన్‌ కారణంగానే అనేక మంది దగ్గు మందులకు బానిసలు అవుతున్నారు. ఇది శృతిమించితే కిడ్నీ, కాలేయానికి సంబంధించిన వ్యాధులు వస్తాయి. గుండె కొట్టుకునే రేటు, రక్తపోటు విపరీతంగా పెరిగిపోతాయి. కొన్నిసార్లు మెదడుకు సంబంధించిన తీవ్రరుగ్మతలు చుట్టుముట్టే ప్రమాదం ఉంది. ఈ నేపథ్యంలోనే తల్లిదండ్రులు తమ వారి వ్యవహారశైలిపై కన్నేసి ఉంచాలని, అవసరం లేకుండా దగ్గు మందుల వాడకాన్ని నిరోధించాలని పోలీసులు కోరుతున్నారు. ఎలాంటి చీటీ లేకుండా వీటిని విక్రయిస్తున్న ఔషధ దుకాణాలపై నిఘా ముమ్మరం చేశామని, వాటి యజమానులపై కఠిన చర్యలు తీసుకుంటామని టాస్క్‌ఫోర్స్‌ పోలీసులు హెచ్చరిస్తున్నారు. 

కొత్తగూడెంఅర్బన్‌: పండ్ల వ్యాపారం చేసే యువకులు గంజాయి, మద్యం మత్తులో కొత్తగూడెం పట్టణంలో గురువారం బీభత్సం సృష్టించారు. అడ్డొచ్చిన వారిపై కర్రలు, కత్తులతో బెదిరింపులకు దిగారు. ఆపడానికి వచ్చిన ట్రాఫిక్‌ పోలీసులపై సైతం దాడి చేశారు. స్థానికులు, త్రీటౌన్‌ సీఐ, ట్రాఫిక్‌ పోలీసుల కథనం ప్రకారం... కూరగాయలు, పండ్ల కొనుగోలుకు చుంచుపల్లి మండలానికి చెందిన ఓ మహిళ గురువారం రైతుబజార్‌కు రాగా, పండ్ల వ్యాపారులు అసభ్యంగా మాట్లాడారు. ఆమె భర్తకు విషయం తెలియజేయడంతో, అతను వచ్చి వ్యాపారులను నిలదీశాడు. ఈ క్రమంలో వ్యాపారులు, అతనికి మధ్య గొడవ జరిగింది. మద్యం, గంజాయి మత్తులో పండ్ల వ్యాపారితోపాటు మరో ముగ్గురు యువకులు కలిసి మహిళ భర్తపై కర్రలు, కత్తులతో దాడికి యత్నించారు. దీంతో అతను పరుగులు తీస్తూ సూపర్‌బజార్‌ మీదుగా ట్రాఫిక్‌ పోలీసు స్టేషన్‌లోకి వెళ్లాడు. ఆ యువకులు కూడా స్టేషన్‌లోకి రాగా, ట్రాఫిక్‌ పోలీసులపై అడ్డుకున్నారు. దీంతో వారిపై కూడా దాడి చేశారు. ట్రాఫిక్‌ పోలీస్‌ చేతిని కొరికి గాయపరిచారు. సమాచారం అందుకున్న త్రీటౌన్‌ సీఐ ఆదినారాయణ ట్రాఫిక్‌ ఠాణాకు  చేరుకుని, నలుగురు వ్యక్తులను అదుపులోకి తీసుకున్నారు. బాధితుల ఫిర్యాదు మేరకు పోలీసులు వారిపై  కేసు నమోదు చేసి దర్యాప్తు చేపట్టారు. 

నిజామాబాద్‌, మోర్తాడ్‌(బాల్కొండ): గంజాయి దందా జోరుగా సాగుతోంది. గంజాయి గ‘మ్మత్తు’కు అలవాటు పడిన యువత చిత్తవుతోంది. ఎక్కడో హైదరాబాద్‌ లాంటి పట్టణాల్లో కనిపించే హుక్కా సంస్కృతి పల్లెలకూ పాకింది. కొంత మంది యువకులు, విద్యార్థులు బానిసలుగా మారి తమ జీవితాలను నాశనం చేసుకుంటున్నారు. హాసాకొత్తూర్, మోర్తాడ్, కమ్మర్‌పల్లి, ఏర్గట్ల, తాళ్లరాంపూర్, వడ్యాట్, రామన్నపేట్, శెట్‌పల్లి, తిమ్మాపూర్, ఉప్లూర్‌ తదితర గ్రామాలలో కొన్ని నెలల నుంచి గంజాయి విక్రయాలు ఊపందుకున్నాయి. అయినా అటు ఎక్సైజ్‌ అధికారులు కానీ, ఇటు పోలీసులు గానీ పెద్దగా పట్టించుకున్న దాఖలాల్లేవు. యువతను టార్గెట్‌గా చేసుకుని కొందరు అక్రమార్కులు గంజాయి దందాను కొనసాగిస్తున్నారు. సిగరేట్లలో తంబాకును తొలగించి గంజాయి మిశ్రమాన్ని కలిపి విక్రయిస్తున్నారు. పోచంపాడ్, కోరుట్ల తదితర ప్రాంతాల నుంచి గంజాయి మిశ్రమం గల సిగరేట్లు దిగుమతి అవుతున్నాయని తెలుస్తుంది. ఒక్కో సిగరేట్‌ను రూ.150 నుంచి రూ.200లకు విక్రయిస్తున్నారు. ఇవే కాకుండా విడిగా గంజాయిని విక్రయిస్తున్నట్లు తెలిసింది. గంజాయికి అలవాటు పడుతున్న వారిలో యువకులతో పాటు పాఠశాలల్లో చదివే విద్యార్థులు సైతంఉంటున్నారు. ఒకరిని చూసి ఒకరు అలవాటు చేసుకుంటూ జీవితాలను నాశనం చేసుకుంటున్నారు. ముఠాలు కడుతున్న యువకులు, విద్యార్థులు.. గంజాయి మత్తులో ఇతరులతో ఘర్షణలకు దిగుతున్నారు. ఇలాంటి ఘర్షణలు ఇటీవల రెండు, మూడు చోట్ల జరిగాయి. గంజాయికి బానిసలైన యువకులు దొరికితే పోలీసులు అదుపులోకి తీసుకుని కౌన్సెలింగ్‌ ఇచ్చి పంపించేస్తున్నారు. అయితే, గంజాయి ఎక్కడి నుంచి వస్తుందనేది మాత్రం వారు గుర్తించలేక పోతున్నారు. గంజాయి స్మగ్లర్లకు రాజకీయ నేతల అండదండలు ఉండటం వల్లనే దందా యథేచ్ఛగా సాగుతోందని సమాచారం.  సమాచారమివ్వాలి.. గంజాయిని విక్రయించే స్మగ్లర్ల కోసం ఆరా తీస్తున్నాం. స్మగ్లర్ల గురించి ఎవరైనా సమాచారం ఇస్తే వారి వివరాలను రహస్యంగా ఉంచుతాం. పోలీసులకు సహకరించి గంజాయి విక్రయాల వివరాలను అందించాలి.– సంపత్‌కుమార్, ఎస్‌ఐ, మోర్తాడ్‌ 

ఒడిశా, జయపురం: దేశంలోనే అతిపెద్ద రాష్ట్రం ఉత్తరప్రదేశ్‌లో నమోదైన గంజాయి కేసులో ఒడిశాకు చెందిన ఆదివాసీ నిరుపేద మహిళను నిందితురాలిగా చేసి కోర్టుకు హాజరుకావాలని ఉత్తరప్రదేశ్‌ డైరెక్టరేట్‌ ఆఫ్‌ ఇంటెలిజెన్స్‌ నోటీసులు పంపింది. అవిభక్త కొరాపుట్‌లోని నవరంగపూర్‌ జిల్లా పపడహండి సమితిలో చిన్న కుగ్రామం సన్యాసిగుడలో పశువులు మేపుకుంటూ జీవనం సాగిస్తున్న గౌరిమణి భొత్ర అనే మహిళకు నాలుగు రోజుల క్రితం ఈ నోటీసులు అందాయి. గంజాయి కేసులో నిందితురాలు లక్నోలోని కార్యాలయంలో హాజరుకావాలని నోటీసు సారాంశం. ఇంతవరకూ ఆమె తన జిల్లా కేంద్రాన్నే చూసి ఎరుగదు. ఉత్తరప్రదేశ్‌ రాష్ట్రం ఎక్కడ ఉందో తెలియని నిరక్షరాస్య, నిరుపేద మహళా పశువుల కాపరికి ఆ నోటీసు ఎందుకు వచ్చిందో? ఎవరు పంపారో తెలియక, అందులో ఏముందో అర్థం కాక ముచ్చెమటలు పట్టి అందరి వద్దకు తిరిగి చదివి వినిపించమని వేడుకుంది. ఆ గ్రామంలోనే కాదు పరిసర గ్రామాలలో ఆ నోటీసు చదవగల వారు ఎవరూ లేక పోవడంతో మంత్రిగుడలో ఒక ఉపాధ్యాయుడితో చదివించుకుంది. ధైర్యం చెప్పిన ఎస్‌పీ కుశలకర్‌ నోటీసులో విషయం తెలిశాక  తాను గంజాయి కేసులో ఎప్పుడు? ఎక్కడ? పట్టుబడ్డానంటూ తల పట్టుకుంది. మూడు నాలుగు రోజులు మానసిక వ్యధ పొందిన ఆమె చివరికి ఉపాధ్యాయుని సలహా మేరకు గురువారం నవరంగపూర్‌ వచ్చి ఎస్‌పీ కుశలకర్‌ను కలిసి నోటీసు చూపింది. నోటీసు చదివిన ఎస్‌పీ ఏమీ కాదని భరోసా ఇవ్వడంతో ఊరట చెంది ఇంటికి మళ్లింది.   

బరంపురం : ఉల్లిపాయల లోడు పేరుతో అక్రమంగా 1100 కేజీల గంజాయి రవాణా చేస్తున్న ఘటన స్థానికంగా సంచలనం సృష్టించింది. ఘటనలో ట్రక్కుని సీజ్‌ చేసి, డ్రైవర్‌తో సహా ముగ్గురిని పోలీసులు అరెస్టు చేశారు పోలీసులు. ఐఐసీ అధికారి అందించిన సమాచారం ప్రకారం... బరంపురం జిల్లా కె.నువగాం పోలీసు స్టేషన్‌ పరిధిలో తుంబా అటవీమార్గం గుండా ఉల్లిపాయల లోడ్‌ పేరు చెప్పి, అక్రమంగా గంజాయి రవాణా చేస్తున్నట్లు సమాచారం అందింది. గంజాం ఎస్పీ ఆదేశాల మేరకు కె.నువాగం పోలీసులు అటవీ మార్గంలో నిఘా పెట్టారు. ( ప్రాణం తీసిన వివాహేతర సంబంధం ) అటువైపుగా వస్తున్న ట్రక్కుపై దాడి చేసి, తనిఖీ చేయగా.. భారీగా గంజాయి నిల్వలు కనిపించాయి. ఇందులో 1100 కేజీల గంజాయి ఉన్నట్లు గుర్తించిన పోలీసులు.. ట్రక్కు సహా సీజ్‌ చేసి, డ్రైవర్, మరో ముగ్గురిని అరెస్టు చేశారు. అరెస్టయిన వారి వద్ద నుంచి ఒక తుపాకీ, 5 బుల్లెట్లు స్వాధీనం చేసుకున్నామని పోలీసులు వివరించారు. దీనిపై కేసు నమోదు చేసి, దర్యాప్తు చేస్తున్నారు. 

నగరి : మండలంలోని ఓజీకుప్పం గ్రామాన్ని ఆదివారం ఉదయం పోలీసులు చుట్టుముట్టి తనిఖీ నిర్వహించారు. కార్డన్‌ అండ్‌ సెర్చ్‌ (సమస్యాత్మక పల్లెల్ని చుట్టుముట్టి తనికీ చేయడం)లో భాగంగా ఆదివారం జిల్లా ఎస్పీ సెంథిల్‌కుమార్‌ ఆధ్వర్యంలో సీఐలు, చిత్తూరు అడిషనల్‌ ఎస్పీ కృష్ణార్జునరావు, చిత్తూరు ఎస్బీ డీఎస్పీ సుధాకర్‌రెడ్డి, చిత్తూరు ఏఆర్‌ డీఎస్పీ లక్ష్మీనారాయణ, నగరి, నగరి రూరల్, పుత్తూరు సీఐలు మద్దయ్య ఆచారి, రాజశేఖర్, వెంకట్రామిరెడ్డి, ఎస్‌ఐలతో పాటు 100 మంది పోలీసులు గ్రామాన్ని చుట్టుముట్టి తనిఖీ చేశారు. సీఐ మద్దయ్య ఆచారి తెలిపిన వివరాల మేరకు.. పోలీసులు ప్రతి ఇంటికీ వెళ్లి అనుమానిత వ్యక్తులు ఉన్నారా అని ఆరాతీశారు. ఇళ్ల వద్ద ఉన్న వాహనాల రికార్డులను తనిఖీ చేశారు. ఈ తనిఖీలో ఊహించని పలు అంశాలు వెలుగుచూశాయి. గంజాయి స్మగ్లింగ్‌ చేస్తున్న పళని(48), మునస్వామి(28), మురళి (32), సంపూర్ణమ్మ(70) పట్టుపడగా, వారి వద్ద నుంచి 12.2 కేజీల గంజాయి స్వాధీనం చేసుకున్నారు. అలాగే అక్రమంగా సారా, మద్యం బాటిళ్లు విక్రయిస్తున్న దొరై(60), మునిలక్ష్మి (56)ని అదుపులోకి తీసుకొని, వారి వద్ద నుంచి 114 సారాపాకెట్లు, 11 మద్యం బాటిళ్లు స్వాధీనం చేసుకున్నారు. రికార్డులు సక్రమంగా లేని 11 ద్విచక్రవాహనాలను గుర్తించి  స్టేషన్‌కు తరలించారు. గంజాయి నిల్వ ఉంచుకున్న వారిపై ఎన్‌ఈబీఎస్‌ చట్టం ప్రకారం కేసు నమోదు చేయగా, అక్రమ మద్యం వ్యాపారం చేస్తున్న వారిపై ఏపీ ఎక్సైజ్‌ యాక్టు కింద కేసు నమోదు చేశారు. 

సాక్షి ప్రతినిధి, చెన్నై: వారంతా పాతికేళ్లలోపు యువతీ యువకులు. ఉద్యోగాలే చేస్తున్నారో.. ఉన్నత విద్యలే అభ్యసిస్తున్నారో తెలియదు. ఆడామగా తేడా లేకుండా మద్యం మత్తులో ఊగిపోయారు. పరిసరాలను మరిచిపోయి చిందులు వేశారు. మాదకద్రవ్యాల మైకంలో మరో లోకంలో విహరించారు. పోలీసులు రంగప్రవేశం చేసి 270 మంది యువతీ, యువకులను అరెస్ట్‌ చేశారు. దిండుగల్లు జిల్లా కొడైక్కెనాల్‌లో ఇళవరసి అనే కొండ ఎంతో ప్రసిద్ధి చెందింది. పోలీసుల అదుపులో యువతీ, యువకులు దేశం నలుమూలల నుంచేగాక విదేశీ పర్యాటకులు సైతం పెద్ద సంఖ్యలో వస్తుంటారు. ఇదిలాఉండగా కొడైక్కెనాల్‌ కోండపై భాగంలో యువతీయవకులు అడపాదడపా మాదకద్రవ్యాలు, మద్యం పార్టీలు చేసుకుంటారు. కొన్ని నెలల క్రితం న్యాయస్థానం అనుమతితో పోలీసుల పర్యవేక్షణలో పూంపారై కొండపై కొందరు మద్యం పార్టీ చేసుకున్నారు. ఇదిలా ఉండగా గురువారం రాత్రి కొడైక్కెనాల్‌ పైభాగం కొండకు సమీపంలోని గుండుపట్టి గ్రామంలోని ఒక ప్రయివేటు తోటలో పెద్ద సంఖ్యలో యువత కోలాహలం సాగిస్తున్నట్లు పోలీసులకు సమాచారం అందింది. పళని తైపూస మహోత్సవంలో భద్రతా విధుల కోసం దిండుగల్లు జిల్లాకు వెళ్లి ఉండిన శివగంగై జిల్లా మానామధురై డీఎస్పీ కార్తికేయన్‌ నేతృత్వంలో పోలీసుల బృందం గుండుపట్టి గ్రామానికి చేరుకుంది. ప్రయివేటు తోటలో యువతీయువకులు మద్యం, మాదకద్రవ్యాల మత్తులో ఊగిపోవడాన్ని చూసి నివ్వెరపోయింది. వివిధ రాష్ట్రాల నుంచి వచ్చిన మొత్తం 270 మందిలో ఆరుగురు యువతులు కూడా ఉన్నారు. బ్రెజిల్‌ దేశానికి చెందిన ఒక యువకుడిని కూడా పోలీసులు గుర్తించారు. తోటలో పార్టీ చేసుకుంటున్నవారంతా 25 ఏళ్లలోపు యువతీయువకులే కావడం గమనార్హం. వాట్సాప్‌ ద్వారా సమీకరణ   మత్తుకు బానిసైన వారిని ఒక చోట చేర్చేందుకు కొందరు వ్యక్తులు వాట్సాప్‌ గ్రూప్‌ తయారు చేశారు. దాని ద్వారా యువతను సమీకరించి మెగా మాదకద్రవ్యాల పార్టీని ఏర్పాటు చేస్తున్నట్లు సమాచారం.ఆమేరకు ఆహ్వానించినట్లు పోలీసుల ప్రాథమిక విచారణలో తేలింది. పార్టీ చేసుకుంటున్న 270 మందిని పోలీసులు అరెస్ట్‌ చేసి వారి నుంచి పెద్ద ఎత్తున మద్యం బాటిళ్లు, గంజాయి తదితర మాదకద్రవ్యాలను స్వాధీనం చేసుకున్నారు. మత్తులో జోగుతూ ఏం జరుగుతోందో కూడా తెలియని స్థితిలో ఉండడంతో యువత నుంచి మరింత సమాచారం రాబట్టడం కష్టంగా ఉందని పోలీసులు తెలిపారు. ఈ పార్టీని ఎవరు ఏర్పాటు చేశారు, ఈ ప్రాంతాన్నే ఎందుకు ఎంచుకున్నారు, యువతను సమీకరించేందుకు వినియోగించిన వాట్సాప్‌ గ్రూప్‌ అడ్మిన్లు ఎవరు..? అనే కోణంలో శుక్రవారం విచారణ ప్రారంభించారు. పార్టీ జరిపేందుకు అనుమతిచ్చిన తోట యజమానిని కూడా విచారిస్తున్నారు. 270 మంది యువతను సమీకరించి ఒక మారుమూల గ్రామానికి తీసుకొచ్చి ఇలాంటి మాదకద్రవ్యాల పార్టీ జరిగిన సంఘటన పరిసరాల్లోని ప్రజలనేగాక పోలీసులను సైతం విస్మయానికి గురిచేసింది.

సాక్షి, సిటీబ్యూరో: నగరం కేంద్రంగా వ్యవస్థీకృత మాదకద్రవ్యాల దందాకు పాల్పడుతున్న ముఠా గుట్టును దక్షిణ మండల టాస్క్‌ఫోర్స్‌ పోలీసులు రట్టు చేశారు. ఇద్దరు నిందితులను అదుపులోకి తీసుకున్నామని,  మరో ముగ్గురు పరారీలో ఉన్నట్లు నగర పోలీసు కమిషనర్‌ అంజనీకుమార్‌ పేర్కొన్నారు. టాస్క్‌ఫోర్స్‌ అదనపు డీసీపీ చక్రవర్తి గుమ్మితో కలిసి శుక్రవారం తన కార్యాలయంలో ఏర్పాటు చేసిన విలేకరుల సమావేశంలో వివరాలు వెల్లడించారు. తమిళనాడుకు చెందిన ఫ్రాన్సిస్‌ జేవియర్‌ కుటుంబం పాతికేళ్ల క్రితం నగరానికి వలసవచ్చి కార్ఖానా ప్రాంతంలో స్థిరపడింది. ఇంటర్మీడియట్‌తో చదువు మానేసిన ఫ్రాన్సిస్‌ ఆపై దురలవాట్లకు బానిసగా మారాడు. మాదకద్రవ్యాలు వినియోగించడం మొదలు పెట్టిన అతడికి ఆరు నెలల క్రితం ప్రస్తుతం గోవాలో ఉంటున్న సికింద్రాబాద్‌ వాసి ఆర్‌ఎం గౌడ్‌తో పరిచయం ఏర్పడింది. తరచు సిటీకి వచ్చి వెళ్తున్న ఆర్‌ఎం గౌడ్‌ తనతో పాటు కొన్ని డ్రగ్స్‌ తీసుకువచ్చి ఫ్రాన్సిస్‌కు విక్రయించేవాడు. వీటిని ఇతడు విరివిగా వినియోగిస్తుండటంతో ఈ విషయం అందరికీ తెలిసింది. దీంతో ఇతడి స్నేహితులు, పరిచయస్తులు తమకూ డ్రగ్స్‌ కావాలని కోరేవారు. ఇలా డిమాండ్‌ పెరగడంతో అప్పటి వరకు డ్రగ్‌ వినియోగదారుడిగానే ఉన్న ఫ్రాన్సిస్‌ ఆపై పెడ్లర్‌గా మారి విక్రయించాలని నిర్ణయించుకున్నాడు. అయితే గోవాకు వెళ్లి డ్రగ్స్‌ కొనుగోలు చేసేందుకు ఇతడి వద్ద పెద్ద మొత్తంలో డబ్బు లేకపోవడంతో కొత్త దందాకు శ్రీకారం చుట్టాడు. మారేడ్‌పల్లికి చెందిన విద్యార్థి గౌతమ్‌తో కలిసి ముఠా కట్టాడు. అదిలాబాద్‌ జిల్లాకు వెళ్లి అక్కడ ఉంటున్న సత్తార్‌ అనే వ్యక్తి నుంచి కేజీ రూ.4 వేల నుంచి రూ.5 వేలకు గంజాయి ఖరీదు చేసే వాడు. దీనిని బస్సుల్లో గోవాకు తరలించి కేజీ రూ.25 వేల నుంచి రూ.30 వేలకు రిటైల్‌గా చిన్న చిన్న ప్యాకెట్లలో ఉంచి అమ్ముతుండేవాడు. అలా వచ్చిన డబ్బుతో గోవాలో ఉండే అక్బర్‌ నుంచి డ్రగ్స్‌ కొనుగోలు చేసేవాడు. అక్కడ తక్కువ ధరకు కొని నగరంలో  రిటైల్‌గా ఎక్కువ రేటుకు అమ్ముతున్నాడు. హెరాయిన్‌ గ్రాము రూ.4 వేల నుంచి రూ.5 వేలకు కొని రూ.7 వేల నుంచి రూ.9 వేలకు, ఎల్‌ఎస్‌డీ బోల్డ్‌ ఒక్కోటి రూ.వెయ్యి నుంచి రూ.1500 కొని రూ.3 వేలకు, ఎక్స్‌టసీ ట్యాబ్లెట్స్‌  ఒక్కోటి రూ.1800 నుంచి రూ.2 వేలకు కొని రూ.3,500 విక్రయించేవాడు. కొన్నాళ్ళుగా గుట్టుగా సాగిస్తున్న వీరి వ్యవహారాలపై దక్షిణ మండల టాస్క్‌ఫోర్స్‌కు సమాచారం అందింది. దీంతో ఇన్‌స్పెక్టర్‌ ఎస్‌.రాఘవేంద్ర నేతృత్వంలో ఎస్సైలు వి.నరేందర్, ఎన్‌.శ్రీశైలం, మహ్మద్‌ థక్రుద్దీన్‌ తమ బృందాలతో దాడి చేసి శుక్రవారం ఫ్రాన్సిస్, గౌతమ్‌లను అరెస్టు చేశారు. వీరి నుంచి ఐదు గ్రాముల హెరాయిన్, 28 బోల్డ్‌ల ఎల్‌ఎస్‌డీ, 32 ఎక్స్‌టసీ ట్యాబ్లెట్స్, మూడు కేజీల గంజాయి స్వాధీనం చేసుకున్నారు.  పరారీలో ఉన్న గౌడ్, అక్బర్, సత్తార్‌ కోసం గాలిస్తున్నారు. ‘న్యూ’ పార్టీలపై నిఘా: న్యూ ఇయర్‌ సెలబ్రేషన్స్‌ కోసం వీరు ఈ డ్రగ్‌ తీసుకువచ్చారు. ఈ వేడుకల నేపథ్యంలో సిటీలో డ్రగ్స్‌ క్రయవిక్రయాలు, వినియోగంపై నిఘా ఉంచాం. ఇప్పటికే ఈవెంట్లు నిర్వహించే పబ్స్, బార్‌ అండ్‌ రెస్టారెంట్స్, హోటల్స్‌ యాజమాన్యాలతో సమావేశం ఏర్పాటు చేశాం. న్యూ ఇయర్‌ పార్టీల్లో డ్రగ్స్‌ వినియోగం, మైనర్లు మద్యం తాగడం వంటివి లేకుండా చూడాలని స్పష్టం చేశాం.– అంజనీకుమార్, కొత్వాల్‌

సాక్షి, తాడేపల్లి (మంగళగిరి): తాడేపల్లి పట్టణ పరిధిలోని ఎన్టీఆర్‌ కరకట్ట మీద నివాసం ఉండే ఓ తల్లి తన కొడుకు ప్రవర్తనపై తాడేపల్లి పోలీసులకు అయిదు రోజుల క్రితం ఫిర్యాదు చేయడంతో, తాడేపల్లి పోలీసులు తీగ లాగితే డొంక కదిలింది. ఆ యువకుడిపై ప్రత్యేక నిఘా ఏర్పాటుచేసి, భారీగా గంజాయి పట్టుకున్నారు. బాధ్యులపై గురువారం కేసు నమోదుచేసి కోర్టుకు హాజరుపరిచారు. పోలీసులు తెలిపిన వివరాల ప్రకారం... ఎన్టీఆర్‌ కరకట్ట మీద నివాసం ఉండే జున్ను పద్మ చిన్న కొడుకైన జున్ను తేజ అయిదు రోజుల క్రితం తల్లిపై చెయ్యి చేసుకుని, ఆమె వద్దనున్న డబ్బులు లాక్కొని ఇంట్లో నుంచి వెళ్లిపోయాడు. వెంటనే ఆమె తాడేపల్లి పోలీసులకు ఫిర్యాదు చేయగా, పోలీసులు తేజపై ప్రత్యేక నిఘా పెట్టారు. తల్లి ద్వారా మరికొంత డబ్బులు ఇప్పించగా, తేజ గంజాయి కొనుగోలు చేసేందుకు తాడేపల్లి పట్టణ పరిధిలోని అమరారెడ్డినగర్‌లో సన్నిధి నాగ అంజయ్య ఇంటికి వెళ్లాడు. అక్కడ నాగ అంజయ్య భార్య సంధ్యారాణి తేజకు గంజాయి ఇస్తుండగా పోలీసులు రెడ్‌హాండెడ్‌గా పట్టుకున్నారు. పోలీసులు స్వాధీనం చేసుకున్న గంజాయి   వెంటనే ఇంట్లో తనిఖీలు చేయగా 3 కేజీల గంజాయి దొరికింది. అనంతరం తేజను మళ్లీ విచారించగా, విజయవాడ ప్రకాష్‌నగర్‌లో గంజాయి అమ్మే స్థలం తెలుసని చెప్పడంతో, ముందు పోలీసులు తేజాను పంపించి గంజాయి కొనుగోలు చేశారు. అక్కడ జొన్నలగడ్డ పద్మ ఇంట్లో తనిఖీ చేయగా, 3కేజీల 200 గ్రాముల గంజాయి దొరికింది. తిరిగి మళ్లీ తేజా విజయవాడలోని పైపులరోడ్డు తుపాకుల రామయ్య పార్కు వద్ద జొన్నలగడ్డ సారమ్మ ఇంటికి వెళ్లి గంజాయి కొనుగోలు చేస్తుండగా, అక్కడ దాడి చేసి 4కేజీల 700 గ్రాముల గంజాయితో పాటు, సారమ్మ ఇంట్లో గంజాయి అమ్మగా వచ్చిన రూ.1,42,800  స్వాదీనం చేసుకున్నట్లు తాడేపల్లి పోలీసులు తెలియజేశారు. తేజ ఇచ్చిన సమాచారం మేరకు గంజాయి విక్రయించే నలుగురిని, గంజాయి కొనుగోలు చేస్తున్న తేజాను, 10 కేజీల 900 గ్రాముల గంజాయిని, రూ.1,42,800 నగదును స్వాధీనం చేసుకుని, కేసు నమోదు చేసి, కోర్టుకు హాజరుపరిచినట్టు సీఐ అంకమరావు చెప్పారు. పోలీసు ఉన్నతాధికారుల ఆదేశాల మేరకు విజయవాడలో కూడా తనిఖీలు చేసినట్లు తెలిపారు. కేసులో కీలకపాత్ర పోషించిన సిబ్బందిని ఆయన అభినందించారు.

కర్ణాటక ,యశవంతపుర : గంజాయి మత్తులో ఉన్న ముగ్గురు యువకులు రూ.50 కోసం స్నేహితుడినే అంతమొందించారు.  ఈ ఘటన డీజేహళ్లి పోలీసుస్టేషన్‌ పరిధిలో జరిగింది. హతుడిని  మహమ్మద్‌ వాసీం(16)గా గుర్తించారు. బుధవారం ఉదయం 11 గంటల సమయంలో నిందితులు వాసీం వద్దకు బైక్‌పై వచ్చారు. రూ.50 ఇవ్వాలని అడిగారు. తన వద్ద డబ్బు లేదని పేర్కొనడంతో  గంజాయి మత్తులో ఉన్న నిందితులు వాగ్వాదానికి దిగి  కత్తులతో పొడిచి ఉడాయించారు. తీవ్రంగా గాయపడిన వాసీం అక్కడికక్కడే మృతి చెందాడు. బెంగళూరు తూర్ప విభాగం డీసీపీ డాక్టర్‌ శరణప్ప ఘటనా స్థలాన్ని పరిశీలించారు. హంతకుల కోసం ప్రత్యేక బృందాలను ఏర్పాటు చేసినట్లు విలేకరులకు తెలిపారు.

నెల్లూరు (క్రైమ్‌): గంజాయికి బానిసైన ఐదుగురు ఇంజనీరింగ్‌ విద్యార్థులు స్మగ్లర్లుగా అవతారమెత్తిన ఘటన శ్రీ పొట్టిశ్రీరాములు నెల్లూరు జిల్లాలో చోటు చేసుకుంది. సోమవారం నెల్లూరులోని ఉమేష్‌చంద్రా మెమోరియల్‌ కాన్ఫరెన్స్‌ హాల్‌లో కావలి డీఎస్పీ డి.ప్రసాద్‌  తెలిపిన వివరాల మేరకు..  శ్రీకాకుళానికి చెందిన ఎస్‌.పవన్‌కల్యాణ్, విశాఖపట్టణానికి చెందిన లోకనాథ్‌ అఖిల్, విజయనగరం జిల్లాకు చెందిన బి.రవితేజ, శ్రీ పొట్టి శ్రీరాములు నెల్లూరు జిల్లా జలదంకి మండలానికి చెందిన అమర్‌నాథ్‌ (కారు డ్రైవర్‌) వేలూరులోని విట్‌ కళాశాలలో ఇంజనీరింగ్‌ చదివారన్నారు. వీరంతా అక్కడ చదువుతున్న సమయంలోనే గంజాయికి బానిసలయ్యారని తెలిపారు. మత్తుకు బానిసైన వీరు గంజాయి తామే సరఫరా చేస్తే, తమ అవసరాలు తీరడంతో పాటు అధికంగా డబ్బులొస్తాయని భావించి స్మగ్లర్లుగా అవతారమెత్తారని చెప్పారు. విశాఖ ఏజెన్సీలోని తమ స్నేహితుడి ద్వారా గంజాయిని కొనుగోలు చేసి రైలు, రోడ్డు మార్గాన వేలూరుకు తరలించేవారని తెలిపారు. విశాఖ ఏజెన్సీలో కేజీ రూ.3 వేలకు కొనుగోలు చేసి వేలూరులో రూ.25 వేలకు విక్రయిస్తున్నారని, రెండేళ్లుగా ఈ అక్రమ రవాణా నిరాటంకంగా సాగుతోందని వివరించారు. సరుకు తీసుకెళుతూ..  నిందితులు పవన్‌కల్యాణ్, లోక్‌నాథ్‌ అఖిల్, రవితేజ, అమర్‌నాథ్‌ అద్దెకు కారు తీసుకుని విశాఖ ఏజెన్సీలోని అరకులో గంజాయిని కొనుగోలు చేశారు. కారులో వేలూరుకు బయలు దేరారు. కావలి వద్ద కారును ఆపి తమ స్నేహితుడైన గంజాయి విక్రేత (మహారాష్ట్ర, పూణేకు చెందిన) ప్రత్యూష్‌ సిన్హాతో మాట్లాడుతుండగా.. అనుమానం వచ్చిన పోలీసులు తనిఖీ చేయడంతో విషయం బయటకు పొక్కింది. దీంతో సోమవారం వారందరిని పోలీసులు అరెస్టు చేశారు. వారిని విచారించగా ఈ వ్యవహారంలో మరికొంతమంది హస్తం ఉందని చెప్పడంతో వారి కోసం పోలీసులు గాలిస్తున్నారు.

నిజాంసాగర్‌ (జుక్కల్‌): జుక్కల్‌ మండలం కౌలాస్‌ ఖిల్లా అటవీ ప్రాంతంలోని పాండవుల గుట్టల్లో గుట్టుగా సాగు చేస్తున్న గంజాయి గుట్టును అధికారులు రట్టు చేశారు. రూ.5 లక్షల విలువైన గంజాయి మొక్కలను ధ్వంసం చేశారు. జిల్లా ఎన్‌ఫోర్స్‌మెంట్, బిచ్కుంద ఎక్సైజ్‌ సీఐ సుధాకర్‌ ఆధ్వర్యంలో అధికారులు శనివారం మెరుపుదాడి చేశారు. పోచారం తండాకు చెందిన బార్దల్‌ నారాయణ కౌలాస్‌ అటవీ ప్రాంతంలో సాగు చేసిన 1.5 ఎకరాల్లో పత్తి పంటలో అంతర పంటగా గంజాయిని సాగు చేస్తున్నాడు. సమాచారమందుకున్న ఎక్సైజ్, ఎన్‌ఫోర్స్‌మెంట్‌ అధికారులు దాడి చేసి, 1,050 గంజాయి మొక్కలను తొలగించి వాటిని కాల్చేశారు. నిందితుడు నారాయణపై కేసు నమోదు చేశామని, గంజాయి మొక్కల విలువ రూ.5 లక్షల వరకు ఉంటుందని ఎక్సైజ్‌ సీఐ సుధాకర్‌ తెలిపారు.   

సాక్షి, హైదరాబాద్‌: విశాఖ నుంచి గంజాయిని కొనుగోలు చేసి హైదరాబాద్‌తో పాటు శివారు ప్రాంతాల్లో విక్రయిస్తున్న నలుగురు సభ్యుల అంతర్రాష్ట్ర ముఠాను రాచకొండ పోలీసులు బుధవారం అరెస్టు చేశారు. వీరి నుంచి రూ.15.2 లక్షల విలువచేసే 80 కిలోల గంజాయి, కారు, రూ.4,200ల నగదు, నాలుగు సెల్‌ఫోన్లు స్వా«దీనం చేసుకున్నారు. ఈ వివరాలను నేరేడ్‌మెట్‌లోని రాచకొండ పోలీసు కమిషనరేట్‌లో పోలీసు కమిషనర్‌ మహేష్‌ భగవత్‌ మీడియాకు తెలిపారు. సూర్యాపేట జిల్లా పెన్‌ పహాడ్‌ మండలం గుడెపు కుంట తండాకు చెందిన గుగులోతు సైదా నాయక్‌ అలియాస్‌ సైదా వృత్తి రీత్యా డ్రైవర్‌. అదే జిల్లా నూతంకల్‌ మండలం తీక్యా తండాకు చెందిన లవుడ్య అనిల్‌ కూడా డ్రైవర్‌. వీరిరువురు స్నేహితులు. ఈ ఇద్దరి ఆదాయం అంతంత మాత్రమే కావడంతో రవాణా రంగంలో ఉన్న సమయంలో విశాఖకు చెందిన గంజాయి విక్రయదారులతో ఏర్పడిన సత్సంబంధాలను ఉపయోగించి ఎక్కువగా డబ్బులు సంపాదించాలని ప్రణాళిక వేశారు. ఇందుకు వీరి స్నేహితులు సూర్యాపేట జిల్లాకే చెందిన లకావత్‌ వినోద్, లకావత్‌ హుస్సేన్‌ల సహకారం తీసుకున్నారు. ఇలా వీరు విశాఖ జిల్లా దారకొండ మండలం కొత్తూరు ఏజెన్సీ ప్రాంతం నుంచి అతి తక్కువ ధరకు గంజాయి కొనుగోలు చేసి హైదరాబాద్, నిజామాబాద్‌లోని కొందరికి అతి ఎక్కువ ధరకు విక్రయిస్తూ డబ్బులు సంపాదించడం మొదలెట్టారు.   ఐదువేల లాభానికి విక్రయిస్తూ... విశాఖపట్నం ఏజెన్సీ ప్రాంతం నుంచి గంజాయి కిలో రూ.2 వేలకు కొనుగోలు చేసి తమ కొనుగోలుదారులకు దాన్ని రూ.7 వేలకు విక్రయిస్తున్నారు. ఇలా కొత్తూరుకు చెందిన శివ నుంచి 80 కిలోల గంజాయిని కొనుగోలు చేసి కారు డిక్కీలో, సైడ్‌ డోర్‌లో, సీట్ల కింద పెట్టి హైదరాబాద్‌కు వస్తున్నారు. ఈ సమాచారం అందుకున్న ఎల్‌బీనగర్‌ ఎస్‌వోటీ, మీర్‌పేట పోలీసులు సంయుక్తంగా గాయత్రి నగర్‌లో తనిఖీలు చేపట్టి గంజాయిని స్వా«దీనం చేసుకున్నారు. ఆ వెంటనే నలుగురు నిందితులను అరెస్టు చేశారు. వారిని కోర్టు ఎదుట హాజరుపరిచి జ్యుడీíÙయల్‌ రిమాండ్‌కు తరలించారు.

కర్ణాటక, బనశంకరి: బెంగళూరు శివార్లలోని పరప్పన అగ్రహార జైలంటే ఎంతో భద్రత కలిగిన కారాగారం. కానీ జైల్లో కత్తులు, సిగరెట్లు, గంజాయి తదితరాలు సులభంగా చేరిపోతున్న వైనం మరోసారి బయటపడింది. జైల్లో బుధవారం సీసీబీ పోలీసులు చేసిన దాడుల్లో వీటితో పాటు మొబైల్‌ సిమ్‌కార్డులు దొరికాయి. పలువురు ఖైదీల వద్ద, సెల్‌లలోను, బాత్రూంలు, రహస్య ప్రాంతాల్లో ఇవి లభించాయి. పరప్పన అగ్రహార జైలు నుంచి కొందరు ఖైదీలు నగరంలో నేర కార్యకలాపాలను తమ అనుచరుల ద్వారా నిర్వహిస్తున్నట్లు పోలీసులకు సమాచారం అందింది. ఈ నేపథ్యంలో సీసీబీ జాయింట్‌ పోలీస్‌ కమిషనర్‌ సందీప్‌పాటిల్‌ నేతృత్వంలో జైలులో సోదాలు చేశారు. పలువురు ఖైదీలు దాచుకున్న 37 చాకులు,డ్రాగర్లు, గంజాయి, గంజాయి తాగే పైపు లు, మొబైల్‌సిమ్‌కార్డులను స్వాధీనం చేసుకున్నారు.  ఎలా వెళ్తున్నాయి   బెంగళూరు నగరంలో రౌడీ కార్యకలాపాల అణచివేతకు అప్పుడప్పుడు జైలులో తనిఖీలు చేస్తామని సందీప్‌పాటిల్‌ తెలిపారు. జైలులో ఉన్న బెంగళూరు రౌడీలను విచారిస్తున్నట్లు తెలిపారు. జైలులో స్వాదీనం చేసుకున్న వస్తువులు, సిమ్‌కార్డులు గురించి జైలులో ఉన్న ఉన్నతాధికారులతో సమాచారం సేకరిస్తున్నామని సందీప్‌పాటిల్‌ తెలిపారు. పరప్పన జైలులో ఎంతమంది సిబ్బందితో కాపలా పెట్టినా ఖైదీలు, రిమాండు ఖైదీలు సెల్‌ఫోన్ల ద్వారా నగరంలో నేర కలాపాలను నిర్వహిస్తున్నట్లు ఆరోపణలు వెల్లువెత్తుతున్నాయి. జైలు సిబ్బంది కుమ్మక్కు కావడంతో సులభంగా మొబైళ్లు, గంజాయి, కత్తులను కూడా లోపలికి వెళ్లిపోతున్నట్లు ఆరోపణలున్నాయి. కొందరు పేరుమోసిన ఖైదీలు జైలులో ఉంటూ మొబైల్‌ ద్వారా అండర్‌వరల్డ్‌ డాన్‌లతో సంప్రదింపులు జరుపుతున్నారు. జైల్లో ఉండి నేరాలు చేయిస్తే సాక్ష్యాధారాలు దొరకవని నేరగాళ్ల ధీమా. 

బంజారాహిల్స్‌: గంజాయికి అలవాటు పడి సెల్‌ఫోన్‌ చోరీలకు పాల్పడుతున్న ఇద్దరు యువకులను జూబ్లీహిల్స్‌ క్రైమ్‌ పోలీసులు గురువారం అరెస్ట్‌ చేసి రిమాండ్‌కు తరలించార. జూబ్లీహిల్స్‌ పోలీస్‌స్టేషన్‌లో ఏర్పాటు చేసిన విలేకరుల సమావేశంలో బంజారాహిల్స్‌ ఏసీపీ కే.ఎస్‌.రావు, ఇన్‌స్పెక్టర్‌ కె.బాలకృష్ణారెడ్డి,  వివరాలు వెల్లడించారు. శ్రీకాకులం జిల్లా, జగన్నాథపుర గ్రామానికి చెందిన పెద్దింటి యాదగిరి సెంట్రింగ్‌ వర్కర్‌గా పనిచేస్తూ మూసాపేట యాదవ బస్తీలో తన స్నేహితుడు మహ్మద్‌ జజ్బార్‌ అహ్మద్‌తో కలిసి అద్దెకు ఉంటున్నాడు. ఇద్దరు కొంతకాలంగా గంజాయికి అలవాటు పడ్డారు. గంజాయి కొనుగోలు చేసేందుకు డబ్బులు లేకపోవడంతో సెల్‌ఫోన్ల చోరీకి పాల్పడుతున్నారు. గత నెల 26న బోరబండకు చెందిన సతీష్‌ అనే డ్రైవర్, జూబ్లీహిల్స్‌ రోడ్డునెంబర్‌ 36లో నడిచి వెళుతుండగా బైక్‌పై వచ్చిన వీరు సెల్‌ఫోన్‌ లాక్కుని పరారయ్యారు. బాధితుడి ఫిర్యాదుతో రంగంలోకి దిగిన క్రైమ్‌ పోలీసులు సీసీ పుటేజీ ఆధారంగా నిందితులను పట్టుకున్నారు. 

సాక్షి.సిటీబ్యూరో:  నగరంతో పాటు శివారు ప్రాంతాల్లోను గుప్పుగుప్పు మంటు గంజాయిని పీల్చుతున్న యువత రోజు రోజుకూ పెరుగుతోంది.స్నేహితుల ప్రోద్బలంతో మొదట సిగరేట్‌తో ప్రారంభించి  మద్యం దాని తరువాత గంజాయికి అలవాటు అవుతున్న వారి సంఖ్య అంతకంతకూ పెరుగుతుంది. ఎక్సైజ్, పోలీసులకు పట్టుబడిన గంజాయి కేసులలో 85 శాతంకు పైగా కళాశాల స్థాయి యువతనే ఉండటం గమనార్హం. గంజాయి సేవిస్తు పట్టుబడిన వారికి కౌన్సిలింగ్‌ ఇప్పించడం, తల్లిదండ్రులకు తెలియజేస్తున్నప్పటికీ పరిస్థితిలో పెద్దగా మార్పు కనబడటం లేదు. ఇటీవల పోలీసులు కొంత మందిపై పీడీ యాక్ట్‌లను సైతం నమోదు చేస్తున్నారు. అయినప్పటికీ గంజాయి సేవించేటువంటి యువత పెరుగుతున్నారు. ఒకప్పుడు నగరంలో కొన్ని ప్రాంతాల్లో మాత్రమే అమ్మేవారు కానీ నేడు ఎక్కడ పడితే అక్కడ దొరుకుతుండటం వల్ల యువత సలువుగా దీనికి అలవాటు పడి బంగారు భవిష్యత్తును నాశనం చేసుకుంటున్నారు.  2017 సంవత్సరంలో 63 కేసులు నమోదు చేయగా, 2018లో 195 కేసులు నమోదు చేసి 416 మందిని అరెస్టు చేశారు. అదే విధంగా 2019 లో 130 కేసులు నమోదు చేసి 639 కిలోల గంజాయిని స్వాధీనం చేసుకున్నారు.  వ్యాపారంగా మలుచుకుంటున్న వైనం   గంజాయి సేవించే సమయంలోనే వాసన వస్తుంది కానీ తరువాత వాసన ఉండదు. దీని వల్ల గంజాయి తీసుకున్నట్లు గుర్తించడం కష్టం. దీనికి తోడు చాలా మంది యువత దీన్ని ఒక అనుభూతిగా భావించి అలవాటు అవుతున్నారు. గంజాయి మత్తుకు అలవాటు పడ్డటు వంటి కొంత మంది కళాశాలల విద్యార్ధులు, యువత దీన్ని ఒక వ్యాపారంగా కూడ మలుచుకుంటున్నట్లు ఎక్సైజ్‌ అధికారులు చెబుతున్నారు. గతంలో పట్టుబడిన చాలా కేసుల్లోను ఇది రుజువయిందని అంటున్నారు. దీనికి పెద్దగా పెట్టుబడి కూడ ఏమి లేకపోవడం, సులువుగా డబ్బులు వస్తుండటంతో దీనికి అలవాటు పడుతున్నారు. రూ. 500 నుంచి 1000 వరకు చేతిలో ఉంటే చాలు సరఫరా చేసే వారి నుంచి కొనుగోలు చేసి తమతో పాటు చదువుకునే తోటి విద్యార్ధులకు, ఫ్రెండ్స్‌ సర్కిల్‌లో పరిచయం ఉన్న వారికి అమ్ముతున్నారు.  గల్లీ గల్లీలోను లభ్యం ఒకప్పుడు నగరంలోని ధూల్‌పేటతో పాటు  కొన్ని ప్రాంతాలకే పరిమితమైన గంజాయి అమ్మకాలు నేడు నగరం అంతటా విస్తరించాయి. గల్లీ గల్లీలోని పాన్‌ షాప్‌లు, కిరాణ దుకాణాలు, టీ స్టాల్‌లు గంజాయి అమ్మకాలకు అడ్డాలుగా మారిపోయాయి.  పెద్దగా పెట్టుబడి లేకుండా సంపాదన కూడ అధికంగా ఉండటంతో గంజాయి  అమ్మకాలకు అలవాటు పడుతున్నారు.  టెక్నాలజీ వినియోగం   గంజాయికి అలవాటు పడ్డటువంటి యువత అధిక శాతం మంది టెక్నాలజీని వినియోగించుకుంటున్నారు. వారికి కావాల్సిన గంజాయిని సెల్‌ఫోన్‌ , వాట్సాప్‌ ద్వారా ఆర్డర్‌ చేస్తున్నారు. ఇలా చేయడం వల్ల పట్టుబడే అవకాశం ఉండదని భావించి ఆర్డర్‌ చేసి గంజాయిని తెప్పించుకుంటున్నారు. కొంత మంది గంజాయి సేవించేటువంటి వారు వాట్సాప్‌ గ్రూపులను ఏర్పాటు చేసుకుని దాంట్లో రిఫరెన్స్‌ ద్వారానే కొత్త వారిని చేర్చుతున్నట్లు తెలుస్తుంది. అదేవిధంగా కొత్త వారికి నేరుగా కాకుండా అప్పటికే పరిచయం ఉన్నటువంటి వారి ద్వారా మాత్రమే అమ్ముతున్నారు.  ఎక్సైజ్, పోలీస్, రెవెన్యూ, డైరక్టరేట్‌ రెవెన్యూ ఇంటలిజెన్స్‌ శాఖల మధ్య సమన్వయ లోపం కొట్టోచ్చిన్నట్లు కనబడుతుంది. దీంతో గంజాయి రవాణ, అమ్మకాలు యధేచ్చగా కొనసాగుతున్నాయి.  

మంగళగిరి టౌన్‌: గుంటూరు జిల్లా మంగళగిరి మండలం కాజ టోల్‌గేట్‌ వద్ద మంగళగిరి రూరల్‌ పోలీసులు మంగళవారం భారీగా గంజాయిని పట్టుకున్నారు. విశాఖపట్నం నుంచి చెన్నైకి కారులో గంజాయి తరలిస్తున్నారని సమాచారం అందడంతో మంగళగిరి రూరల్‌ సీఐ శేషగిరిరావు, తన సిబ్బందితో అప్రమత్తమయ్యారు. మంగళవారం తెల్లవారుజామున 2.45 గంటలకు స్టేషన్‌ నుంచి కాజ టోల్‌గేట్‌ వద్దకు వెళ్లే సమయంలో జాతీయ రహదారిపై పోలీసు వాహనం ఎదురు ఏపీ 16 ఏపీ 9599 నంబరు కారు వేగంగా వెళ్లడాన్ని గమనించారు. దీంతో పోలీసులు సినీఫక్కీలో ఆ వాహనాన్ని వెంబడించారు. వాహనం కాజ టోల్‌గేట్‌ 3వ కానా వద్ద ఆగి ఉండడంతో పోలీసు వాహనంలోని సిబ్బంది దిగి వాహనం వద్దకు వెళ్లేలోపే, స్కార్పియో వాహనంలోని ఇద్దరు వ్యక్తులు పోలీసు వాహనాన్ని గమనించి పారిపోగా పోలీసులు వారిని వెంబడించారు. ఆ సమయంలో బాగా చీకటిగా ఉండటంతో వారు తప్పించుకొని వెళ్లిపోయారు. పోలీసులు టోల్‌ప్లాజా కానా వద్ద ఆగి ఉన్న వాహనం వద్దకు చేరుకొని ట్రాఫిక్‌కు ఇబ్బంది లేకుండా ఆ వాహనాన్ని పక్కన పెట్టించారు. అనంతరం వాహనాన్ని తనిఖీ చేయగా, కారులో వెనుకవైపు భాగంలో గంజాయి ఉన్నట్లు గుర్తించారు. బ్రౌన్‌ కలర్‌ కవర్లలో గంజాయి ప్యాక్‌ చేసి ఉన్న 160 ప్యాకెట్లు కారులో లభ్యమైనట్లు పోలీసులు తెలియచేశారు. ఒక్కో ప్యాకెట్టు 2 కేజీల బరువుంటుందని, 300 కేజీలకు పైగానే ఈ గంజాయి ఉంటుందని ప్రాథమిక అంచనా వేశారు. కారులో ఏపీ 07 సీఎఫ్‌ 0445, ఏపీ 16 బీసీ 9388, టీఎన్‌ 67 ఎల్‌ 3435 నంబర్లతో ఉన్న మరో మరో మూడు నంబర్‌ ప్లేట్లను గుర్తించారు. ఎక్కడా పోలీసులకు అనుమానం రాకుండా నంబర్‌ ప్లేట్లు మార్చుకుంటూ వచ్చి ఉంటారని పోలీసులు అనుమానిస్తున్నారు. కారు వెనుక వైపు అద్దంపై లాయర్లకు సంబంధించిన స్టిక్కరు అంటించి ఉందని పోలీసులు తెలిపారు. పోలీసులు ఆ వాహనాన్ని పోలీస్‌స్టేషన్‌కు తరలించి, కేసు నమోదు చేసి, దర్యాప్తు చేపట్టారు.

సాక్షి సిటీబ్యూరో: దేశానికి రేపటి భవిష్యత్తును నిర్దేశించే యువత గంజాయి మత్తులో చిత్తవుతోంది. గంజాయి, డ్రగ్స్‌ మత్తులో ఉన్నప్పుడు అసాంఘిక కార్యక్రమాలకు పాల్పడటంతో  పాటు విచక్షణ కోల్పోయి ఏమి చేస్తున్నారో తెలియని పరిస్థితి నెలకొంది. నగరంలో గంజాయి అమ్మకాలు, రవాణాకు ధూల్‌పేట్‌ కేంద్రంగా మారింది. ఆయా ప్రాంతాల్లో పలువురు స్మగ్లర్లు యథేచ్ఛగా ఈ దందా నిర్వహిస్తున్నారు. తక్కువ ధరలో సులువుగా గంజాయి లభిస్తుండటంతో యువత అధిక శాతం మంది దీనిపై ఆసక్తి చూపుతున్నారు. వీరికి అడ్డుకట్ట వేసేందుకు ఎక్సైజ్‌ అండ్‌ ప్రోహిబిషన్‌ శాఖ అధికారులు నిఘా తీవ్రతరం చేశారు. ఇందులో భాగంగా గంజాయి స్మగ్లర్లను గుర్తించి కేసులు పెట్టి జైలుకు పంపారు. అంతేగాక కొనుగోలు చేసేందుకు వస్తున్న యువకులను కూడా అదుపులోకి తీసుకుని వారిలో మొదటి సారి పట్టుబడినవారికి తల్లిదండ్రుల సమక్షంలో కౌన్సిలింగ్‌ ఇచ్చి పంపుతున్నారు. రెండో సారి పట్టుబడితే సెక్షన్‌ 27,28 నార్కోటిక్స్‌ డ్రగ్స్‌ అండ్‌ సైకోట్రాఫిక్‌ సబ్‌స్టాన్‌సెస్‌ యాక్ట్‌ 1985 కింద కేసులు నమోదు చేసి జైలుకు పంపుతున్నారు. దీంతో పరిస్థితుల్లో కొంత మేర మార్పు వస్తున్నట్లు అధికారులు చెబుతున్నారు.  గంజాయి అడ్డాలపై నజర్‌.... ధూల్‌పేటలో గంజాయి విక్రయ కేంద్రాలు, అనుమానిత  వ్యక్తులపైన ఎక్సైజ్‌ అండ్‌ ప్రొహిబిషన్‌ అధికారులు నిరంతర నిఘా ఏర్పాటు చేశారు. ఇప్పటికే గంజాయి అమ్మడం, రవాణా చేస్తున్న వారిని పట్టుకుని పలువురిపై కేసులు నమోదు చేయగా, మరికొందరిని జైలుకు పంపారు. అయినా అక్రమ సంపాదనకు అలవాటు పడిన వీరు యువలను లక్ష్యంగా చేసుకుని ఈ దందాను నడుపుతున్నట్లు అధికారులు పేర్కొంటున్నారు. అధికారులు నిరంతర నిఘా ఏర్పాటు చేయడంతో ప్రతి రోజు 30 నుంచి 40 మంది గంజాయి కొనుగోలు చేస్తు లేదా సేవిస్తూ పట్టుబడుతున్నట్లు సమాచారం. 5 వేల మందికి కౌన్సెలింగ్‌... గడిచిన 16 నెలల్లో 5 వేల మంది ఎక్సైజ్‌ అండ్‌ ప్రోహిబిషన్‌ అధికారులకు పట్టుబడ్డారు. వారిలో 85 శాతం మంది 16 నుంచి 25 ఏళ్ల లోపు వారే కావడం గమనార్హం. 25 నుంచి 40 ఏళ్ల లోపు వారు కేవలం 15 శాతం లోపు ఉంటున్నట్లు అధి కారుల గణాంకాలు పేర్కొంటున్నాయి. వీరిలో నూ ఎక్కువ శాతం మంది ఇంజినీరింగ్‌ విద్యార్థులు, ఐటీ ఉద్యోగులు ఉన్నారు. ఇలా పట్టుబడిన వారికి తల్లిదండ్రుల సమక్షంలో కౌన్సిలింగ్‌ ఇస్తు న్నారు. రెండవ సారి పట్టుబడితే కేసులు నమోదు చేయడంతో పాటు జైలుకు పంపిస్తున్నారు. ఇలా వరుసగా పలుమార్లు పట్టుబడిన 30 మందిపైన కేసులు నమోదు చేసి జైలుకు తరలించారు. ఎస్‌ఎంఎస్‌ల ద్వారా అవగాహన... ఎక్కువ శాతం మంది యువతకు కళాశాలల్లో పరిచయం అయ్యే స్నేహితుల ద్వారానే ఒకరి నుంచి మరొరు గంజాయికి అలవాటు పడుతున్నట్లు సమాచారం. వాట్సాప్, సెల్‌ఫోన్‌ ద్వారా  గంజాయి విక్రేతలను సంప్రదించి కొనుగోలు కోసం ధూల్‌పేటకు వస్తూ ఎక్సైజ్‌   అధికారులకు చిక్కుతున్నారు. ఒక్క సారి పట్టుబడిన వారి నుంచి ఆధార్‌ కార్డు , సెల్‌ఫోన్‌ నెంబర్‌ను తీసుకున్న అధికారులు వారి ఫోన్లకు ‘గంజాయి సేవించడం ఆరోగ్యానికి మంచిది కాదని, యువత మత్తు పదార్థాలకు అలవాటు పడి భవిష్యత్తును నాశనం చేసుకోవద్దని సూచిస్తూనే ధూల్‌పేటకు గంజాయి కొనుగోలు కోసం రావద్దని ఇక్కడ నిత్యం నిఘా పెంచామని, పట్టుబడితే చట్ట ప్రకారం కేసులు  ఎదుర్కోవాల్సి వస్తుందని’ మేసేజ్‌లు పెడుతున్నారు. దీంతోపలువురు గంజాయి కొనుగోలు కోసం రావడం మానుకున్నారని ఎక్సైజ్‌ అధికారులు పేర్కొంటున్నారు.  ఓ కంట కనిపెట్టాలి తల్లిదండ్రులు తమ పనుల్లో బిజీగా ఉన్నా పిల్లలపై దృష్టి సారించాలి. పిల్లలు మత్తు పదార్థాలకు అలవాటు పడినట్లు అనుమానం వస్తే వెంటనే వారిని కౌన్సిలింగ్, రిహాబిలిటేషన్‌ సెంటర్లకు తీసుకెళ్లాలి. కళాశాలల్లోనూ యాంటీ డ్రగ్స్‌ క్యాంపెయిన్‌లను నిర్వహించాలి. అధ్యాపకులు విద్యార్థుల ప్రవర్తనను గమనించి వారిలో మార్పు కోసం కృషి చేయాలి.–నవీన్‌ నాయక్,  ధూల్‌పేట ఎక్సైజ్‌ అండ్‌ ప్రొహిబిషన్‌ ఎస్‌హెచ్‌ఓ

సాక్షి, సిటీబ్యూరో: హైదరాబాద్‌ నగరం డ్రగ్‌కల్చర్‌ విషయంలో ఇతర మెట్రోపాలిటన్‌ సిటీల సరసన చేరుతోందా..? ఔననే అనుమానాలు వ్యక్తమవుతున్నాయి. ఓపక్క పోలీసులు వీటికి అడ్డుకట్ట వేసేందుకు కృషి చేస్తున్నా... ఈ దందా మాత్రం ఆగడం లేదు. ఎక్సైజ్‌ అధికారులు సోమవారం ఏకంగా 254 గ్రాముల కొకైన్‌ స్వాధీనం చేసుకోవడమే ఇందుకు నిదర్శనం. నగరంలో  డిమాండ్‌ నేపథ్యంలో డ్రగ్‌ మాఫియా వ్యవస్థీకృతంగా దందా సాగిస్తున్నట్లు సమాచారం. నైజీరియన్లను పెడ్లర్స్‌గా మార్చుకుని వీరు వ్యవహారాలు కొనసాగిస్తున్నారు. మాదకద్రవ్యాల వినియోగంలో గంజాయి, చెరస్, కొకైన్‌ మొదటి మూడు స్థానాల్లో నిలుస్తున్నాయి.  నార్కొటిక్స్‌ వినియోగమే ఎక్కువ... చెలామణిలో ఉన్న మాదకద్రవ్యాల్లో ప్రధానంగా రెండు రకాలున్నాయి. చెట్ల నుంచి లభించే పదార్థాలతో తయారయ్యే నార్కోటిక్‌ సబ్‌స్టాన్సస్, ప్రయోగశాలల్లో తయారు చేసే సైకోట్రోపిక్‌ సబ్‌స్టాన్సస్‌. గాంజ (గంజాయి), ఓపియం (నల్లమందు), కొకైన్‌లతో పాటు గంజాయితో తయారు చేసే చెరస్, హషీష్‌ ఆయిల్, బంగ్, నల్లమందు ద్వారా ఉత్పత్తి చేసే బ్రౌన్‌ షుగర్, హెరాయిన్‌... ఇవన్నీ నార్కొటిక్స్‌ కిందకి వస్తాయి. కెటామిన్, ఎపిడ్రిన్, పెథిడిన్‌ తదితరాలు సైకోట్రోపిక్స్‌ కోవకు చెందుతాయి. రాజధానిలో నార్కోటిక్స్‌ వినియోగమే ఎక్కువగా ఉండగా వీటిలోనూ గాంజ, చెరస్, కొకైన్‌లను విచ్చలవిడిగా వాడుతున్నారు.  లోకల్, ఇంపోర్టెడ్‌... నార్కోటిక్స్‌లో గాంజకు సంబంధించిన ఉత్ప త్తులు ప్రధానంగా హిమాచల్‌ప్రదేశ్‌ నుంచి సరఫరా అవుతున్నాయి. వరంగల్, మెదక్, జహీరాబాద్‌లతో పాటు శ్రీకాకుళం, విజయనగరం, ఆదిలాబాద్‌ తదితర ప్రాంతాల నుంచి గంజాయి సరఫరా జరుగుతుంది. హిమాచల్‌ప్రదేశ్‌లో పండే గంజాయితో పాటు అక్కడ తయారయ్యే చెరస్, హషీష్‌ ఆయిల్‌కు మంచి డిమాండ్‌ ఉంది. వీటి వినియోగం ఎక్కువగా ఉన్నప్పటికీ... ఓపియం సహా దాని సంబంధిత ఉత్పత్తులైన బ్రౌన్‌షుగర్, హెరాయిన్‌ల చెలామణి తక్కువగా ఉంటోంది. కోకా చెట్టు నుంచి తీసే కొకైన్‌ కేవలం దక్షిణ అమెరికాలోనే ఎక్కువగా ఉత్పత్తి అవుతోంది.  షిప్‌మెంట్‌ ద్వారా రవాణా... కొకైన్‌ను గతంలో విమానాల ద్వారా స్మగ్లింగ్‌ చేసే వారు. అయితే ఇటీవలి కాలంలో విమానాశ్రయాల్లో నిఘా పెరగడంతో షిప్‌మెంట్స్‌ ద్వారా రప్పిస్తున్నారు. దక్షిణ అమెరికా నుంచి హాంకాంగ్‌కు అక్కడి నుంచి భారత్‌కు వచ్చి చేరుతోంది. దీనిని పలు రకాలుగా రవాణా చేస్తున్నప్పటికీ... ఇటీవల కాలంలో ‘పుస్తక రవాణా’ పెరిగిందని పోలీసులు చెబుతున్నారు. తెల్లని పొడిలా ఉండే కొకైన్‌ను బౌండ్‌ పుస్తకాల పేజీలకు పూత మాదిరి పూస్తున్నారు. అలా ఒక్కో పుస్తకంలోనూ దాదాపు 200 గ్రాముల వరకు పూత పూయవచ్చు. ఆ పుస్తకాలను పార్శిల్‌ చేసి లేదా మహిళా ట్రాన్స్‌పోర్టర్ల ద్వారా షిప్పుల్లో భారత్‌కు చేరుస్తున్నారు. ఇక్కడికి వచ్చిన తర్వాత టిష్యూ పేపర్లపై ఆ పొడిని దులిపి ప్యాక్‌ చేసి విక్రయిస్తారు.  నైజీరియన్‌ మాఫియా... ముంబై, గోవా, ఢిల్లీ, ఛండీఘడ్‌ ప్రాంతాల్లో డ్రగ్స్‌ సరఫరాకు సంబంధించి ప్రధాన డీలర్లు ఉంటున్నారు. దేశ వ్యాప్తంగా విస్తరించి ఉన్న వీరి డ్రగ్‌ నెట్‌వర్క్‌లో నైజీరియన్లు కీలక పాత్ర పోషిస్తున్నారు. వారిని  వివిధ వీసాలపై భారత్‌ రప్పిస్తున్నారు. అలా వచ్చిన వారి పాస్‌పోర్టులను డిపాజిట్‌ చేయించుకుని వివిధ నగరాల్లో ప్లేస్‌మెంట్స్‌ ఇస్తున్నారు. ఆయా ప్రాంతాల్లో రిటైల్‌ వ్యాపారం వీరికి అప్పగిస్తూ బస్సులు, రైళ్ల ద్వారా డ్రగ్‌ను అక్కడికి చేరుస్తున్నారు. విక్రయించడం ద్వారా వచ్చిన మొత్తాన్ని హోల్‌సేల్‌ పెడలర్స్‌కు పంప డం, వారిచ్చే కమీషన్‌ తీసుకోవడం వీరి పని. ఈ నైజీరియన్లు పట్టుబడినప్పటికీ తమకు ఎలాంటి ఇబ్బంది లేకుండా తమ గుర్తింపును హోల్‌సేలర్లు అత్యంత గోప్యంగా ఉంచుతున్నారు. వీకెండ్స్‌లో భారీ డిమాండ్‌... ఈ మాదకద్రవ్యాలకు వీకెండ్స్‌లో భారీ డిమాండ్‌ ఉంటోంది. శని, ఆదివారాల్లో రాత్రి 9 నుంచి తెల్లవారుజామున 3 గంటల వరకు పెడలర్స్‌ వ్యాపారం చేస్తుంటారు. ఫోన్‌కాల్స్‌పై వచ్చే ఆర్డర్స్‌ ఆధారంగా కేవలం పరిచయస్తులకు మాత్రమే వీటిని విక్రయిస్తారు.  బంజారాహిల్స్, జూబ్లీహిల్స్‌లతో పాటు పంజగుట్ట ప్రాంతాల్లోని వీఐపీలు, సినీ ప్రముఖులతో పాటు వారి పిల్లలువీటిని ఎక్కువగా వినియోగిస్తున్నట్లు అనుమానాలు ఉన్నాయి. నగరంలోని పబ్‌లతోపాటు శివార్లలోని ఫామ్‌హౌస్‌లు, రిసార్టుల్లో జరిగే రేవ్‌ పార్టీల్లో వీటి వినియోగం సర్వసాధారణమైంది. రీటైల్‌ డ్రగ్స్‌ మార్కెట్‌... గంజాయి: రూ.4 వేల నుంచి రూ.5 వేలు (కేజీ) చెరస్‌: రూ.60 వేల నుంచి రూ. లక్ష (కేజీ) హషీష్‌ ఆయిల్‌: రూ.80 వేల నుంచి రూ.1.2 లక్షలు (కేజీ) బంగ్‌: రూ.50 నుంచి రూ.70 (ఒక్కో టాబ్లెట్‌) కొకైన్‌: రూ.5 వేల నుంచి రూ.10 వేలు (గ్రాము) బ్రౌన్‌షుగర్‌: రూ.12 వేల నుంచి రూ.15 వేలు (గ్రాము) హెరాయిన్‌: రూ.11 వేల నుంచి రూ.18 వేలు (గ్రాము) మారుపేర్లు, ప్రభావాలు... హెరాయిన్‌:  బ్లాక్‌ ట్రా, చివా, నెగ్రా, హార్స్‌ మారుపేర్లు. కరగబెట్టి ఇంజెక్షన్‌ చేసుకోవడం (ఇంజెక్టింగ్‌), ముక్కుతో పీల్చడం (నోజింగ్‌), సిగరెట్‌లో నింపుకుని కాల్చడం (స్మోకింగ్‌) ద్వారా సేవిస్తారు. హెరాయిన్‌ను ఎక్కువగా వినియోగిస్తే శ్వాసకోస వ్యాధులు, చర్మ వ్యాధులతో పాటు కోమాలోకి వెళ్లి మరణం సైతం సంభవిస్తుంది. కొకైన్‌:  స్టఫ్, కోకి, ఫ్లాకీ, స్నో, కోకా, సోడా మారుపేర్లు. ముక్కుతో పీల్చడం, సిగరెట్‌లో నింపుకుని కాల్చడం, వైన్‌లో కలుపుకుని తాగడం (స్పైకింగ్‌) ద్వారా సేవిస్తారు. దీని వినియోగం పెరగడం వల్ల కేంద్ర నాడీ వ్యవస్థ దెబ్బతింటుంది. జ్ఞాపకశక్తిని కోల్పోవడంతో పాటు అల్జీమర్స్‌ వ్యాధి వచ్చే అవకాశం ఉంది. గండె సంబంధ వ్యాధులు త్వరగా వస్తాయి.   గాంజ, చెరస్‌:  ఓ మాల్‌గా ప్రాచుర్యంలో ఉంది. ఈ ఆకులను సిగరెట్‌లో నింపుకుని కాలుస్తారు. ఈ చెట్టు నుంచి కారే బంక నుంచి చెరస్‌ ఉత్పత్తి అవుతుంది. దీని నేరుగా తీసుకోవడం లేదా సిగరెట్‌ ద్వారా సేవిస్తారు. ఇవి ఊపిరితిత్తులు, మెదడు, నాడీ వ్యవస్థపై ప్రభావం చూపుతాయి.

నగరంలో ‘గంజాయి మత్తు’ ఎక్కువైంది. తక్కువ ధరలకు లభిస్తున్న ఈ మత్తు పదార్థం యువతను చిత్తు చేస్తోంది. స్కూలు విద్యార్థులు సైతం దీనికి బానిసలవుతున్నారు. నగరంలో వాడుకలో ఉన్న, చిక్కుతున్న మాదకద్రవ్యాల్లో గంజాయి మొదటి స్థానంలో ఉండడం ఇందుకు నిదర్శనం. రాజధాని నగరంలో మాదకద్రవ్యాలు రాజ్యమేలుతున్నాయి. వీటిలో వివిధరకాలైన డ్రగ్స్‌కు యువతతో పాటు స్కూలు విద్యార్థులు బానిసలుగామారుతుండడం ఆందోళన కలిగిస్తోంది. తక్కువ ధరకు లభించడం, తేలిగ్గావినియోగించేందుకు వీలుగా ఉండడంతో అత్యధికులు గంజాయికిబానిసలవుతున్నారు. నగరంలో వాడుకలో ఉన్న, చిక్కుతున్న మాదకద్రవ్యాల్లో గంజాయి మొదటి స్థానంలో ఉండడం ఇందుకు నిదర్శనం. కేంద్రం అధీనంలో పనిచేసే నార్కోటిక్స్‌ కంట్రోల్‌ బ్యూరో (ఎన్‌సీబీ), డైరెక్టరేట్‌ ఆఫ్‌ రెవెన్యూఇంటెలిజెన్స్‌(డీఆర్‌ఐ) సైతం గంజాయి అక్రమ రవాణాపై ప్రత్యేక దృష్టిపెడుతున్నాయంటే నగరంలో పరిస్థితి ఏ స్థాయిలో ఉందో అర్థం చేసుకోవచ్చు. గంజాయి వాడుతున్న వారిలో అత్యధికులు విద్యార్థులు అందులోనూ మైనర్లు కావడం ఆందోళన కలిగిస్తోంది. సాక్షి, సిటీబ్యూరో :సిటీలో చేతులు మారే మాదకద్రవ్యాల్లో ప్రధానంగా రెండు రకాలున్నాయి. వృక్షాల నుంచి లభించే పదార్థాలతో తయారయ్యే నార్కోటిక్‌ సబ్‌స్టాన్సస్‌. ప్రయోగశాలల్లో తయారు చేసే సైకోట్రోపిక్‌ సబ్‌స్టాన్సస్‌. మొక్క నుంచి ఉత్పత్తయ్యే గంజాయి నార్కోటిక్స్‌ కేటగిరీలోకి వస్తుంది. దీన్ని ఉత్పత్తి, రవాణా, విక్రయం సైతం అత్యంత తేలికగా మారిపోయింది. అత్యధికులు గంజాయిని నేరుగా తీసుకుంటుండగా.. కొంత మంది మాత్రం దీని అనుబంధ ఉత్పత్తులైన చెరస్, హషీష్‌ ఆయిల్, బంగ్‌ తదితరాలను వాడుతున్నారని పోలీసులు అనుమానిస్తున్నారు. ఇటీవల సైకోట్రోపిక్‌ సరఫరా, వినియోగంపై నిఘా ముమ్మరం కావడంతో గంజాయి వినియోగం పెరిగినట్లు పోలీసులు గుర్తించారు.   సిగరెట్‌తో ప్రారంభమై బానిసలుగా..   గంజాయికి బానిసలుగా మారుతున్న వారిలో విద్యార్థులు సైతం ఎక్కువగా ఉంటున్నారు. వీరు ఈ మత్తుకు దశల వారీగా అలవాటుపడి బాసిసలుగా మారుతున్నారని పోలీసులు వివరిస్తున్నారు. హైస్కూల్, జూనియర్‌ కాలేజీ స్థాయికి వచ్చిన తర్వాత ప్రాథమికంగా సిగరెట్‌ అలవాటు చేసుకుని.. సొంతంగా ప్రేరణ పొందడం, స్నేహితులు ప్రేరేపించడం ద్వారా వీటి వైపు మొగ్గు చూపుతున్నారు. కొన్నాళ్లకు సిగరెట్‌ నుంచి హుక్కా పార్లర్‌ వైపు వీరి అడుగులు పడుతున్నాయి. అక్కడే గంజాయి అలవాటు చేసుకుంటున్నారు. ఇది ప్యాషన్‌గా ప్రారంభమై కాలానుగుణంగా బానిసలైపోతున్నారు. అనేక మార్గాల్లో సిటీకి రవాణా సిటీలోకి అనేక పాఠశాలలు, కళాశాలల సమీపంలో ఉన్న పాన్‌ డబ్బాలు, ఇతర దుకాణాలే గంజాయి విక్రయ కేంద్రాలుగా ఉంటున్నాయని పోలీసులు అనుమానిస్తున్నారు. అత్యంత రహస్యంగా, కేవలం పరిచయం ఉన్న, పాత వినియోగదారులకు మాత్రమే దీన్ని అమ్ముతున్నట్టు పోలీసుల మాట. ఒకప్పుడు వరంగల్, మెదక్, జహీరాబాద్‌ ప్రాంతాల నుంచి గంజాయి సిటీకి వచ్చేది. ఇటీవల ఇక్కడ సాగు కనుమరుగవడంతో విశాఖజిల్లా ఏజెన్సీ ప్రాంతంతో పాటు శ్రీకాకుళం, విజయనగరం, ఆదిలాబాద్‌ తదితర ప్రాంతాల నుంచి గంజాయి సరఫరా  అవుతున్నట్టు పోలీసులు చెబుతున్నారు. ప్రత్యేక వాహనాలు, ఆర్టీసీ/ప్రైవేట్‌ బస్సులతో పాటు రైళ్లల్లోనూ భారీ మొత్తంగా గంజాయి సిటీకి అక్రమ రవాణా అవుతోంది.  పర్యవేక్షణ లేక పెరిగిన వినియోగం యువత ప్రధానంగా విద్యార్థులు గంజాయితో పాటు ఇతర మాదకద్రవ్యాలను బానిసలుగా మారడానికి ప్రధాన కారణం పర్యవేక్షణ కొరవడటమే అని పోలీసులు వివరిస్తున్నారు. ఇటు ఇళ్లు, అటు పాఠశాలల్లోనూ వీరి కదలికల్ని కనిపెట్టే విధానాలు కొరవడ్డాయి. అడిగినంత పాకెట్‌ మనీ ఇస్తూ, ప్రైవసీ పేరుతో ప్రత్యేకంగా గదులు కేటాయిస్తున్న కుటుంబాలతో పాటు తల్లిదండ్రులిద్దరూ ఉద్యోగస్తులైన సందర్భాల్లోనూ పిల్లలపై పర్యవేక్షణ లేక పెడదారి పడుతున్నారు. తల్లిదండ్రులకు దూరంగా హాస్టల్స్, చిన్నపాటి గదుల్లో ఉంటున్న వారూ దీనికి అలవాటు పడుతున్నారు. తల్లిదండ్రుల తర్వాత పర్యవేక్షణ బాధ్యతలు చేపట్టాల్సిన ఉపాధ్యాయులు, స్కూలు యాజమాన్యాలు సైతం కేవలం విద్యాబోధన వరకే పరిమితం అవుతున్నాయి.   ఇదో మైనర్‌ కథ ఇంటర్మీడియట్‌ రెండో సంవత్సరం చదువుతున్న ఓ మైనర్‌ డ్రగ్‌ పెడ్లర్‌గా మారాడు. గంజాయితో మొదలెట్టి మాదకద్రవ్యమైన ఎక్స్‌టసీని తాను వినియోగించడంతో పాటు మరికొందరికి విక్రయించడం ప్రారంభించాడు. చివరకు గతనెలలో ఈస్ట్‌జోన్‌ టాస్క్‌ఫోర్స్‌ పోలీసులకు చిక్కాడు. తార్నాక నాగార్జుననగర్‌కు చెందిన ఓ మైనర్‌ పదో తరగతిలో ఉండగానే హుక్కాకు అలవాటుపడ్డాడు. శివంరోడ్‌లోని ఓ హుక్కా పార్లర్‌కు రెగ్యులర్‌ కస్టమర్‌గా మారాడు. కొన్నాళ్లకు హుక్కాతో పాటు గంజాయికీ బానిసయ్యాడు. ధూల్‌పేట ప్రాంతానికి చెందిన కిషోర్‌ అనే వ్యక్తి నుంచి గంజాయి కొనేవాడు. తల్లిదండ్రుల పర్యవేక్షణ లేకపోవడంతో తన ఇంటిపై ఉన్న గదిలోనే స్నేహితులతో కలిసి హుక్కా, గంజాయి పీల్చేవాడు. ఇతడికి మెహదీపట్నం ప్రాంతానికి చెందిన హన్నన్‌ అనే వ్యక్తితో పరిచయమైంది. ఇతడి నుంచి ఎక్స్‌టసీ, ఎల్‌ఎస్‌డీ వంటి మాదకద్రవ్యాలు కొనడం ప్రారంభించిన మైనర్‌.. తొలినాళ్లలో తానే వినియోగించేవాడు. కొన్నాళ్లకు విక్రేతగా మారి పోలీసులకు చిక్కాడు.   కస్సోల్‌లో ఖరీదైన గంజాయి స్థానికంగా లభిస్తున్న గంజాయి ధర తక్కువగా ఉంటోంది. కొకైన్, హెరాయిన్, బ్రౌన్‌షుగర్, ఎల్‌ఎస్‌డీ, ఎండీఎంఏ తదితర మాదకద్రవ్యాలు ఖరీదు చేయాలంటే గ్రాముకు లేదా డోస్‌కు రూ.2 వేల నుంచి రూ.3 వేల వరకు చెల్లించాలి. దీంతో దిగువ మధ్య తరగతి, మధ్య తరగతి యువత, విద్యార్థులు గంజాయి వైపు మొగ్గు చూపుతున్నారని తెలుస్తోంది. కేవలం రూ.500 వెచ్చిస్తే 100 గ్రాములు దొరికే అవకాశం ఉండటం, బహిరంగానైనా దీన్ని సిగరెట్లలో పెట్టుకుని కాల్చే అవకాశం ఉండటంతో ఇటువైపు మొగ్గుచూపుతున్నట్టు తెలుస్తోంది. విద్యార్థి దశలో ప్రారంభమైన ఈ అలవాటు ఎన్నేళ్లయినా కొనసాగుతోంది. ఉన్నత వర్గాలకు చెందిన వారిలోనూ గంజాయి బానిసలు ఉన్నప్పటికీ.. వారు వినియోగించేది మాత్రం హిమాచల్‌ప్రదేశ్‌లోని కస్సోల్‌ ప్రాంతంలో నుంచి దిగుమతి చేసుకుంటున్నారు. ఇది 100 గ్రాములు రూ.10 వేల నుంచి రూ.20 వేల వరకు ఉంటుందని, సిటీలో దీని వినియోగం అత్యంత తక్కువని పోలీసులు చెబుతున్నారు. నగరంలో గంజాయికి ‘ఓ మాల్‌’ అనే కోడ్‌ ఉంది. ఈ పేరుతోనే పాన్‌ డబ్బాలు, దుకాణాల ద్వారా విక్రయం జరుగుతోందని సమాచారం.   ఓసీబీ స్లిప్‌లకు మహా డిమాండ్‌ సాధారణ సిగరెట్లలో నింపుకుని గంజాయి కాల్చే వారితో పాటు ఓసీబీ స్లిప్స్‌లో పెట్టి కాల్చే వారి సంఖ్యా పెరుగుతోంది. గంజాయిని చేతిలో వేసుకుని నలిపిన తర్వాత దాన్ని ఓసీబీ స్లిప్‌లో చుట్టి సిగరెట్‌ తరహాలో కాలుస్తారు. మామూలు కాగితం మంట అంటుకుంటే వేగంగా కాలిపోతుంది. ఈ ఓసీబీ స్లిప్‌ ప్రత్యేకమైన కాగితం కావడంతో గంజాయి నింపినప్పుడు సిగరెట్‌ తరహాలో ఆరిపోకుండా వెలుగుతాయి. పాఠశాలలు, కళాశాలల సమీపంలో ఉన్న దుకాణాల్లో ‘ఓ మాల్‌’తో పాటు ఓసీబీ స్లిప్స్‌ కూడా విక్రయిస్తున్నట్టు పోలీసులు గుర్తించారు.   ‘మచ్చ’తునకలివిగో.. ♦ సాఫ్ట్‌వేర్, ఫ్యాషన్‌ డిజైనింగ్‌ రంగాల్లో పనిచేస్తున్న ఐదుగురు యువతీ యువకులు తమ ఫ్లాట్స్‌లో గంజాయి కాల్చుతూ కేపీహెచ్‌బీ పోలీసులకు చిక్కారు.   ♦ బెంగళూరులోని ఇండియన్‌ ఆయిల్‌ కార్పొరేషన్‌ బంకులో మేనేజర్‌గా పనిచేస్తున్న తార్నాక వాసిని 200 గ్రాముల గంజాయితో ఎల్బీనగర్‌ పోలీసులు పట్టుకున్నారు.   ♦ దోమలగూడ ఏవీ కాలేజీలో ఎల్‌ఎల్‌బీ చదువుతున్న విద్యార్థి గంజాయి కాలుస్తూ ఆదిభట్ల పోలీసులకు పట్టుబడ్డాడు. ఇతడి స్వస్థలం కరీంనగర్‌ జిల్లా చెందౌలి.   ♦ మమతానగర్‌ కాలనీలోని ఎన్విరాన్‌ టవర్స్‌లోని ఓ గదిలో నివసిస్తున్న ఐదుగురు విద్యార్థులు గంజాయికి అలవాటుపడి, అది సేవిస్తూ ఎల్బీనగర్‌ పోలీసులకు చిక్కారు.   ♦ ఇబ్రహీంపట్నం పోలీస్‌ స్టేషన్‌ పరిధిలోని ఖానాపూర్‌ సమీపంలో ఉన్న ఓ ఇంజినీరింగ్‌ కళాశాలకు చెందిన ఆరుగురు విద్యార్థులు గంజాయితో అరెస్టు అయ్యారు.   గంజాయిని నేరుగా అమ్మితే చిక్కే ప్రమాదం ఉందనే ఉద్దేశంలో పెడ్లర్స్‌ వివిధ రూపాల్లో సంగ్రహించి విక్రయాలు చేస్తున్నారు. ఇటీవల విశాఖపట్నం సమీపంలోని అరకు నుంచి గంజాయి అనుబంధ ఉత్పత్తి అయిన ‘హష్‌ ఆయిల్‌’ను తీసుకువచ్చి విక్రయిస్తున్నారు. అలాగే గంజాయిని చాక్లెట్ల రూపంలో మార్చి పాన్‌షాపుల ద్వారా అమ్ముతున్న ఉదంతాలూ వెలుగులోకి వచ్చాయి. ఫతేనగర్‌లోని రెండు దుకాణాలపై దాడి చేసిన ఎక్సైజ్‌ పోలీసులు 1480 గంజాయి చాక్లెట్లు స్వాధీనం చేసుకున్నారు. వీటిని పెడ్లర్లు నగరంతో పాటు శివార్లలోని విద్యార్థులు, యువత, ఐటీ ఉద్యోగులే టార్గెట్‌గా అమ్ముతున్నట్లు గుర్తించారు.   రిహాబిలిటేషన్‌ సెంటర్‌ అవసరం   చాలామంది తల్లిదండ్రులు తమ పిల్లలు గంజాయి, మాదకద్రవ్యాలకు బాసిలయ్యారని తెలిసినా పిల్లలకు ట్రీట్‌మెంట్‌ చేయించేందుకు ముందుకు కావడంలేదు. బయటకు తెలిస్తే తమ పరువు పోతుందనే ఉద్దేశంతో పాటు రిహాబిలిటేషన్‌ సెంటర్లకు వెళ్లే స్థోమత లేకపోవడమూ దీనికి కారణంగా మారుతోంది. మహిళలపై జరిగే నేరాలకు సంబంధించి పోలీసు విభాగం ‘భరోస’ సెంటర్‌ ఏర్పాటు చేసింది. అన్ని రకాలైన సహాయ సహకారాలనూ ఒకే గొడుకు కిందికి తేవడంతో పాటు గోప్యతను పాటిస్తోంది. సిటీలో పెరిగిన డ్రగ్‌ కల్చర్‌ నేపథ్యంలో మాదకద్రవ్యాలకు బాసిసలైన వారిని మార్చడంతో పాటు ఈ సంస్కృతిని కూకటివేళ్లతో పెకిలించేందుకు ‘భరోస’ తరహాలోనే డ్రగ్స్‌ బానిసల కోసమూ ప్రత్యేక కేంద్రం ఏర్పాటు చేసి ఉచిత సేవలు అందించాల్సిన అవసరం స్పష్టంగా కనిపిస్తోంది.   మత్తుకు బానిసలైన వారు మాదకద్రవ్యాల వినియోగదారులుగా మారిన కొందరు ఆ డబ్బుల కోసం వాటినే అమ్ముతున్నారు. ఇలాంటి అనేక ముఠాలను పోలీసులు పట్టుకుంటున్నారు. తాజాగా ఈ నెల 2వ తేదీన చిక్కిన గ్యాంగ్‌ ఇందుకు ఉదాహరణ. ఫిల్మ్‌నగర్‌లో ఉండే ఎలక్ట్రీషియన్‌ కె.భాస్కర్‌ ఓ షేరింగ్‌ రూమ్‌లో స్నేహితుడైన ఎం.విశాల్‌తో కలిసి ఉంటున్నాడు. మత్తుకు బాసిసలుగా మారిన వీరు గంజాయికి అలవాటుపడ్డారు. ఈ వ్యసనంతో పాటు ఇతర ఖర్చులూ పెరిగిపోవడంతో ఆర్థిక కష్టాలు మొదలయ్యాయి. వీటి నుంచి బయటపడేందుకు వారే డ్రగ్‌ పెడ్లర్స్‌గా మారారు. వీరితో పాటు మరో ఇద్దరిని పట్టుకున్న టాస్క్‌ఫోర్స్‌ పోలీసులు నాలుగు రకాల మాదకద్రవ్యాలు స్వాధీనం చేసుకున్నారు.

ఫ్రెండ్‌ పుట్టిన రోజనో.. శుభకార్యమనో.. లేక బాధకర సందర్భమో గానీ.. ‘నిషా’ అందిస్తున్న మత్తు అనే స్నేహహస్తం.. యవతను ‘ఉన్మత్తు’ ఆగాధంలోకి లాగేస్తోంది. చివరకు బతుకునే ఉప్పెనలా ముంచేస్తోంది. ఈ ఉచ్చులో పడిన వారి బతుకు అర్ధంతరంగా ముగిసిపోతోంది. ఈ విషయంలో మద్యం ప్రధాన పాత్ర పోషిçస్తుంటే.. గంజాయి, డ్రగ్స్‌ విపత్తు తక్కువేం కాకుండా ఉంది. మంచిర్యాలక్రైం  :మత్తుకాటుతో యువత చిత్తవుతోంది. సరదాగా ప్రారంభమైన ఈ వ్యసనం.. చివరకు అలవాటుగా మారి ఆరోగ్యాన్ని బలి తీసుకుంటోంది. ఏటా అనారోగ్య సమస్యలతో ఆసుపత్రుల చుట్టూ తిరుగుతున్న వారిలో 70శాతం మంది 35 ఏళ్ల లోపువారే కావడం ఆందోళన కలిగించే ఆంశం. ఈ బాధితుల్లో 80శాతం మంది మద్యం, దుమపానం వంటి వ్యసనాల కారణంగానే అనారోగ్యం బారినా పడుతున్నారని వైద్యవర్గాలు వెల్లడిస్తున్నాయి. పుట్టిన రోజు.. అమ్మాయికి ప్రపోజ్‌ చేసినరోజు.. పెళ్లిరోజు.. ఇలా ఏ చిన్న సందర్భం దొరికినా.. మందుతాగేవారు కొందరుంటే.. స్నేహితులు బలవంతం చేశారని మరికొందరు వ్యసనం బారినపడుతున్నారు. ఒక్క గ్లాస్‌తో మొదలవుతున్న ఈ వ్యసనం.. జీవితాన్ని ఆసుపత్రిపాలుచేసే వరకూ కొనసాగుతోంది. సరదాగా ప్రారంభమవుతున్న ఈ అలవాట్లు చివరికి ఎందరి జీవితాలకో శాపంగా మారుతున్నాయి. చాలామంది సరదాగా గ్లాస్‌ పట్టి చివర కు దేవదాసులై పోతున్నారు. ఒక వ్యక్తి రోజుకు 360ఎంఎల్‌ మద్యం తీసుకుంటే కొన్నాళ్ల తర్వాత మానసిక సమస్యలు వచ్చే అవకాశం ఎక్కువగా ఉందని వైద్యనిపుణులు హెచ్చరిస్తున్నారు. ఇలా ప్రతిరోజూ మద్యం సేవిస్తున్నవారిలో 35 ఏళ్ల యువకులు 60శాతం ఉండడం విచారకరం.  బాధితుల్లో దాదాపు 90 శాతం మద్యంతోపాటు ధూమపానం, గంజాయి, డ్రగ్స్, ఎక్కువగా ఉంటున్నారని ఆసుపత్రి వర్గాలు చెబుతున్నాయి. చిన్న వయసులోనే ఉద్యోగం, ఉపాధి పొందినవారు ఎక్కువ శాతం మత్తుకు బానిస అవుతున్నట్లు సర్వేలు చెబుతున్నాయి. సినిమాలు, ఇంటర్‌నెట్‌ ప్రభావం విస్తృతమయ్యాక ‘పార్టీల’ సంస్కృతి పెరిగింది. ఇటీవల లేట్‌నైట్‌ పార్టీ కల్చర్‌ యువతను  ఆకుట్టుకుంటోంది. దీంతో ప్రతి ఆనందానికి మ ద్యం గ్లాసులు గలగలలాడుతున్నాయి. నలు గురు స్నేహితులు కలిస్తే చాలు.. మందు పార్టీ ఇప్పుడు ఫ్యాషన్‌గా తయారవుతోంది. గతంలో పోల్చితే మత్తు బారిన పడుతున్న యువత సంఖ్య రోజురోజుకూ పెరుగుతోంది. రోజుమం దు తాగేవారు.. సిగరెట్‌ కాల్చేవారు ఒకేసారి మానేసినా మానసిక సమస్యలు తలెత్తుతున్నాయి. చేతులు, కాళ్లు వణకడం, పిచ్చిపిచ్చిగా ప్రవర్తించడం, ఒంటరితనంగా ఫీలవ్వడం వంటి సమస్యలు తలెత్తుతున్నాయి. ఇలాంటి వారిని గుర్తించి తక్షణమే మానసిక వైద్యనిపుణులకు చూపించాలని సూచిస్తున్నారు. ప్రాథమిక స్థాయిలోనే పగ్గాలు ముఖ్యం మత్తుకు బానిసై తీవ్ర మానసిక సమస్యలకు దారితీయకముందే అప్రమత్తం కావాలని వైద్యులు సూచిస్తున్నా రు. అతిగా మద్యం, పొగ, గంజాయి, డ్రగ్స్‌ వంటి మ త్తు పదార్థాలు తీసుకోవడం వల్ల శారీరక సమస్యలతో పాటు మానసిక సమస్యలూ తలెత్తుతాయి. ఇలాంటి వా టిని ఫ్రాథమిక స్థాయిలో గుర్తించాల్సిన అవసరం ఉం ది. కుటుంబ సభ్యులు, తల్లిదండ్రులు ఈ విషయంలో అప్రమత్తంగా వ్యవహరించాల్సిన అవసరం ఉంది. రా త్రివేళల్లో పార్టీలంటూ తరచూ పిల్లలు స్నేహితుల్లో కలి సి బయటకు వెళ్తుంటే ఆలాంటి వారిపై ఓ కన్నేసి ఉం చాల్సిందే. ముఖ్యంగా ఇంట్లో భార్యాభర్తలు ఉద్యోగులైతే పిల్లల్ని అశ్రద్ధ చేయడం కనిపిస్తోంది. దీంతో వారి లో తాము ఒంటరి అనే భావన కలిగి చివరికి చెడు వ్యసనాలకు అలవాటుపడుతారు. ఇంట్లో పెద్దలకు సమ యం లేకపోయినప్పటికీ పిల్లలతో గడిపేందుకు ప్రణా ళిక వేసుకోవాల్సిన అవసరం ఉంది. కనీసం వారంలో ఒకరోజైనా పూర్తిగా వారితో గడపాలని మానసిక వైద్య నిపుణులు సూచిస్తున్నారు. చిన్నప్పటినుంచే విలువలు నేర్పిస్తూ పిల్లలకు తల్లిదండ్రులే ఆదర్శంగా నిలువాలని సూచిస్తున్నారు. చాలామంది తల్లిదండ్రులు మందు, గుట్కా, సిగరెట్‌ వంటి మత్తు పదార్థాలు తీసుకుంటుంటారు. ఇది కూడా వారిపై ప్రభావం చూపుతోంది. యువత జోగుతోందిలా.. మంచిర్యాల జిల్లాలో ట్రాఫిక్‌ పోలీసులు నిర్వహిస్తున్న డ్రంకెన్‌డ్రైవ్‌ కేసుల్లో ప ట్టుబడుతున్న వారిలో 35ఏళ్లలోపు ఉన్నవారే అధికంగా ఉంటున్నారని పోలీస్‌వర్గాలు చెబుతున్నాయి. జిల్లా వాణిజ్య, వ్యాపారరంగంలో దినదినం అభివృద్ధి చెందుతోంది. ఇక్కడ ప్రధానంగా సింగరేణి బొగ్గు గనులు ఉన్నాయి. జిల్లాలో 7.30లక్షల జనాభా ఉండగా సుమారు 2 లక్షలకుపైగా ప్రభుత్వ, సింగరేణి, ప్రైవేటు ఉద్యోగులు ఉన్నారు. సింగరేణి ప్రాంతానికి చెందిన యువత మద్యం, డ్రగ్స్‌కు బానిసవుతున్నట్లు తెలుస్తోంది. మంచిర్యాల, శ్రీరాంపూర్, సీసీ, బెల్లంపల్లి, మందమర్రి పోలీసులు ఇటీవల మద్యంమత్తులో ఉన్న  యువకులను అ దుపులోకి తీసుకుని కౌన్సెలింగ్‌ నిర్వహించినట్లు సమాచారం. జిల్లా కేంద్రం లోని రైల్వేస్టేషన్‌ పరిసర ప్రాంతాలు, కళాశాల రోడ్, ఏసీసీక్వారీ రోడ్‌ ప్రాంతాలను యువత డ్రగ్స్, గంజాయి, మద్యం సేవించేందుకు అడ్డాలుగా చేసుకుంటున్నట్లు సమాచారం. విస్తృతమవుతున్న డ్రగ్స్‌ వినియోగం మత్తు పదార్థాల వ్యాపారులు విద్యార్థులను, యువతను టార్గెట్‌ చేస్తూ మత్తులోకి దింపుతూ వ్యాపా రం సాగిస్తున్నారు. మద్యం, గంజాయి, డ్రగ్స్‌.. ఇలా మత్తు పదార్థాలకు యువతరం బా నిసగా మారుతోంది. దినదినం అభివృద్ధి చెం దుతున్న పట్టణాల్లో విద్య, వైద్యం, విజ్ఞానరంగాల్లో గుర్తింపు పొందుతున్న విద్యా సంస్థల్లో డ్రగ్స్‌ వాడుతున్నట్లు సమాచారం. విద్యార్థులు, యువత డ్రగ్స్‌ , గంజా యి, వాడకుండా కట్టడి చేయకుంటే కఠిన చర్యలు తీసుకోవాల్సిన అవసరం ఎంతైనా ఉంది. హైదరా బాద్, మహా రాష్ట్ర, మహబూబాబాద్, విజయవాడ ప్రాంతాల నుంచి కొందరు డ్రగ్స్‌ ముఠా యువత ను టార్గెట్‌ చేస్తూ మంచిర్యాల, కాగజ్‌నగర్, నిర్మల్‌ ప్రాంతాలకు సరఫరా చేస్తున్నట్లు తెలుస్తోంది. కదలికలపై దృష్టి పెట్టాలి పిల్లల కదలికలను తల్లిదండ్రులు గమనించాల్సిన అవసరం ఉంది. ఒకసా రి వ్యసనం బారిన పడితే. వాటి నుంచి తప్పించుకునేందుకు శ్రమించాల్సి వస్తుంది. ఒత్తిడి కారణంగానో..? ఒంటరితనం భావనతో కొందరు. చెడుస్నేహాలతో మరికొందరు. ఈ ఊబిలోకి దిగుతున్నారు. ఒక్కసారి మద్యం తాగితే. మనసు దానిపట్ల ఆకర్షణ పెరిగిపోయి.. మానసిక సంఘర్షణకు లోనవుతుంటా రు. మెదడును ఉత్తేజపరిచే మద్యం.. క్రమంగా దానికి బానిసను చేస్తుంది. ఆ తర్వాత మెదడు చురుకుదనం కోల్పోతుంది. మానసిక పరిస్థితి ఆందోళనకరంగా మారుతుంది. తల్లిదండ్రులు పిల్లలపట్ల అప్రమత్తంగా వ్యవహరించాలి. – విశ్వేశ్వర్‌రావు,మానసిక వైద్యనిపుణులు, మంచిర్యాల తల్లిదండ్రులదే కీలక బాధ్యత నయాకల్చర్‌కు అవాటు పడుతున్న యువత సగం మందికిపైగా పెడదోవ పడుతున్నవారే ఉన్నారు. మద్యానికి బానిసలుగా మారడంతోపాటు గుట్కా, సిగరెట్‌ వంటివి వినియోగిస్తున్నారు. పిల్లలను సన్మార్గంలో పెట్టాల్సిన తల్లిదండ్రులు సంపాదన ధ్యేయంగా పనిచేస్తుండడంతో వారు ఈ తరహ వ్యసనాల బారిన పడుతున్నారు. టీనేజీలో ఉన్న పిల్లలతో గడిపేందుకు సమయం కేటా యించి.. వారి దృష్టి ఇతర వ్యాపకాలవైపు మరల్చకుండా కంటికి రెప్పలా కాపాడాల్సి బాధ్యత తల్లిదండ్రులపైనే ఉంది.– ఎడ్ల మహేష్, సీఐ, మంచిర్యాల

పశ్చిమగోదావరి , ఏలూరు టౌన్‌ : ఏలూరు కోటదిబ్బలోని జిల్లా జైలులోకి యథేచ్ఛగా గంజాయి వెళుతోంది. జైలులోని ఖైదీలు భోజన విరామ సమయంలో బ్యారెక్‌ల నుంచి బయటకు వచ్చే సమయంలో జైలు వెనుక భాగంలోని అంగన్‌వాడీ స్కూల్‌ నుంచి కొందరు గంజాయి, గుట్కా, బీడీలను విసరటం ఆనవాయితీగా మారింది. ఈ నేపథ్యంలోనే బుధవారం సాయంత్రం భోజన విరామ సమయంలో ఏలూరుకు చెందిన కొందరు యువకులు జైలులోకి గంజాయి, గుట్కా, బీడీలు, సిగరెట్లు విసిరారు. వెంటనే అప్రమత్తమైన జైలు సెంట్రీలు ఇద్దరు యువకులను అదుపులోకి తీసుకున్నారు. వీరిని జైలు సూపరింటెండెంట్‌ చంద్రశేఖర్‌ ఏలూరు వన్‌టౌన్‌ పోలీసులకు అప్పగించినట్లు తెలుస్తోంది. నగరంలోని ఒక ప్రాంతంలో ఇటీవల కొందరు యువకులు కత్తులతో దాడులు చేసుకునేందుకు తిరిగటంతో వారిని పోలీసులు అరెస్టు చేసి జైలుకు తరలించారు. ఈ నిందితుల వద్దకు ఈ రోజు కొందరు యువకులు ములాకత్‌కు వచ్చారనీ, భోజన విరామ సమయంలో ఇలా గంజాయి విసిరి ఉంటారని జైలు అధికారులు చెబుతున్నారు. జైలు అధికారులు, సెంట్రీలు అప్రమత్తంగా ఉండటంతోనే ఇటువంటి వాటికి చెక్‌ పెడుతున్నామని అంటున్నారు. ఇద్దరు యువకులను అప్పగించాం : బి.చంద్రశేఖర్, జైలు సూపరింటిండెంట్‌ : ఏలూరులోని జిల్లా జైలులోకి కొందరు యువకులు గంజాయి, గుట్కాలు, బీడీలు బుధవారం విసిరారు. ఈ విషయాన్ని పసిగట్టిన సెంట్రీలు వెంటనే అప్రమత్తమై ఇద్దరిని పట్టుకున్నారు. వారిద్దరినీ ఏలూరు వన్‌టౌన్‌ పోలీసులకు అప్పగించాం. ఇదే విధంగా గతంలోనూ కొందరు యువకులు గంజాయి విసురుతూ పట్టుబడగా పోలీసులకు అప్పగించామని, జైలు వద్ద విధులు నిర్వర్తించే సెంట్రీలు అప్రమత్తంగా ఉండడంతో ఇటువంటి వారిని వెంటనే నిలువరించగలుగుతున్నామన్నారు. ఇదిలా ఉండగా, పోలీసులు మాత్రం తమ వద్ద ఎవరూ లేరని, కేసులేమీ నమోదు చేయలేదని చెప్పడం గమనార్హం. టీడీపీ నేతల సెటిల్‌మెంట్‌ ? : జిల్లా జైలులోకి గంజాయి విసురుతూ పట్టుబడిన యువకులు ఇద్దరిని ఏలూరు వన్‌టౌన్‌ స్టేషన్‌లో ఉంచటంతో వెంటనే టీడీపీ నేతలు రంగంలోకి దిగినట్లు తెలుస్తోంది. వారిద్దరిపై కేసులు లేకుండా బయటకు తీసుకువెళ్ళేందుకు మంతనాలు చేస్తున్నారనే ఆరోపణలు వస్తున్నాయి. కేసు పెట్టేందుకు పోలీసు అధికారులు ప్రయత్నాలు చేస్తున్నా టీడీపీ నేతల ఒత్తిడితో ఏమి చేయాలో పాలుపోని స్థితిలో ఉన్నట్లు తెలిసింది. ప్రతీ చిన్న విషయానికి టీడీపీ నేతల జోక్యం పెరిగిపోయిందనీ, ఇలాగైతే ఉద్యోగాలు ఎలా చేయాలో తెలియటం లేదంటూ వాపోతున్నారు.

సాక్షి, హైదరాబాద్‌ : నగరంలో కొత్త రకం గంజాయి దందా వెలుగుచూసింది. గంజాయిని లిక్విడ్‌ రూపంలోకి మార్చి విక్రయిస్తున్న ఓ ముఠాను విజిలెన్స్‌ అధికారులు పట్టుకున్నారు. హైదరాబాద్ కేంద్రంగా ఈ లిక్విడ్ గంజాయి సరఫరా వ్యాపారం నడుస్తోంది. బిర్యానీ ఫుడ్‌ కలర్స్‌ బాటిల్స్‌లో, తేనె బాటిల్స్‌లో గంజాయి లిక్విడ్‌ను నింపి అమ్ముతున్నారు. వైజాగ్ నుంచి లిక్విడ్ గంజాయిని హైదరాబాదుకు తీసుకు వచ్చి, చిన్న చిన్న బాటిళ్లలో నింపి సరఫరా చేస్తున్నారు. బెంగళూరులోని విద్యార్ధులకు, సాఫ్ట్‌వేర్‌ ఇంజనీర్‌ ఉద్యోగులకు గంజాయిని విక్రయిస్తున్నారు. లిక్విడ్‌ గంజాయి విక్రయిస్తున్నారన్న పక్కా సమాచారంతో రంగంలోకి దిగిన విజిలెన్స్‌ అధికారులు ఓ సాఫ్ట్‌ వేర్‌ ఇంజనీర్‌తో పాటు మరో ఇద్దరిని అదుపులోకి తీసుకున్నారు.

సాక్షి ప్రతినిధి, విశాఖపట్నం: నగరంలో పేరు గాంచిన ఆ కళాశాలలో ఇన్నాళ్లూ బయటకు పొక్కని చీకటి కోణాలు ఒక్కొక్కటిగా వెలుగులోకి వస్తున్నాయి. సంపన్నుల పిల్లలు చదివే ఈ కళాశాలలో పాశ్చాత్య పోకడలు ఎప్పటి నుంచో ఉన్నాయి. ర్యాగింగ్, మద్యపానం సేవించడం, డ్రగ్స్, గంజాయితో ఇక్కడ విద్యార్థులు పట్టుబడినా ఆ విద్యా సంస్థ పేరు మాత్రం బయటకు రాలేదు. ఒక్క మాటలో చెప్పాలంటే ఇక్కడ జరిగిన అరాచకాలను సైతం మాఫీ చేసేశారు. ఇప్పుడు ఆ కార్పొరేట్‌ కళాశాలలో అసాంఘిక కార్యకలాపాలు పెచ్చుమీరడంతో పోలీసులు కూడా దృష్టిసారించారు. ఆదివారం సాయంత్రం పోలీసులు, ఎక్సైజ్‌ విభాగం అధికారులు  రుషికొండ సమీపంలోని కళాశాలకు చెందిన హాస్టల్‌లో తనిఖీలు చేపట్టి విద్యార్థుల నుంచి పెద్ద ఎత్తున గంజాయి స్వాధీనం చేసుకొన్నట్లు తెలుస్తోంది. ఆ కళాశాల యాజమాన్యం అధికార పార్టీ ద్దలకు అత్యంత సన్నిహితులు కావడంతో పోలీసులు, ఎక్సైజ్‌ విభాగం అధికారులు దీనిపై పెదవి విప్పడం లేదు. ఈ విషయంపై మాట్లాడేందుకు సైతం నిరాకరిస్తున్నారు. అయితే గంజాయి పట్టబడటం వాస్తవమేనని విశ్వసనీయ వర్గాల సమాచారం. ఇటీవల రుషికొండ ప్రాంతంలో రేవ్‌ పార్టీలు నగరంలో కలకలం రేపిన విషయం తెలిసిందే. ఇందులో భాగంగా జరిగిన తనిఖీల్లో విద్యార్థుల నుంచి గంజాయి పెద్ద మొత్తంలో లభించడం నగరంలో చర్చనీయాంశంగా మారింది.

మీకు తెలుసా? ‘వీడ్‌’ అంటే గంజాయి సిగరెట్‌.. డోప్‌ అంటే చాక్లెట్‌ అని..! మీకే కాదు.. నగరంలో చాలామందికి తెలియదు. కానీ మాదకద్రవ్యాలకు బానిసలై మత్తులో మునిగితేలే వారు మాత్రం ఎవరికీ అనుమానం రాకుండా ఈ కోడ్‌ భాషలతోనే కథ నడిపిస్తారు. వీటి కోసం కాఫీడే సెంటర్లు, బార్లు, పార్కులు వంటి వాటిని అడ్డాలుగా చేసుకుంటున్నారు. సిగరెట్లు, చాక్లెట్ల రూపంలో అందుబాటులో ఉంచుతున్నారు. మత్తుకు అలవాటు పడిన వారు బానిసలుగా మారి చట్టవ్యతిరేక కార్యకలాపాలకు తెగబడుతున్నారు. ఇందులో అత్యధికులు విద్యావంతులే కాక బడాబాబుల పిల్లలు ఉంటున్నారు. ఇంకా ఒకడుగు ముందుకేసీ విశాఖలో రేవ్‌ పార్టీలకు కూడా వీరే కారణమవుతున్నారు. ఇటీవల రుషికొండ బీచ్‌లో నిర్వహించిన రేవ్‌ పార్టీలో మాదక ద్రవ్యాలు, మద్యం సేవించి అదుపు తప్పిన యువత తీరు చూసి ప్రశాంత విశాఖ నివ్వెరపోయింది. సాక్షి, విశాఖపట్నం: స్మార్ట్‌ సిటీ విశాఖ మాదకద్రవ్యాల మాఫియాకు అడ్డాగా మారుతోంది. ఊహించని రీతిలో నగర శివార్లలోనే కాదు.. నడిబొడ్డున కూడా మత్తులో ముంచెత్తడానికి ఎన్నో అడ్డాలు అందుబాటులోకి వచ్చాయి. వీడ్‌లు (గంజాయి సిగరెట్లు, డోప్‌లు (మిల్క్‌ బార్‌లు మాదిరి) డ్రగ్స్‌ చాక్లెట్లను గుట్టుచప్పుడు కాకుండా విక్రయిస్తున్నారు. విశాఖలోని కొన్ని ఇంజినీరింగ్‌ కాలేజీలు, విద్యా సంస్థల్లో మాదకద్రవ్యాలకు అలవాటు పడిన విద్యార్థులు పెద్ద సంఖ్యలో ఉన్నారని, ఏటా వీరి సంఖ్య పెరుగుతోందని ఇప్పటికే అధికారులు నిర్ధారించారు. కొంతమంది ధనికులు, స్థితిమంతుల పిల్లలు వీటికి అలవాటు పడ్డాక మాదక ద్రవ్యాలు సరఫరా చేసే వారి ద్వారా తమ వద్దకే (కాలేజీలు, పార్కులు, హోటళ్ల వద్దకు) రప్పించుకుంటున్నారు. తొలుత మత్తునిచ్చే గంజాయి సేవనం మరిగాక కొన్నాళ్లకు నిషేధిత మాదకద్రవ్యాల వైపు మళ్లుతున్నారు. చాలా కాస్టిలీ గురూ..  ఎవరికీ అనుమానం రాకుండా సిగరెట్లు, చాక్లెట్ల రూపంలో వీటిని తయారు చేస్తున్నారు. మామూలు సిగరెట్లలో పొగాకును తొలగించి పొడిలా చేసిన గంజాయిని కూరుతారు. వీటినే కాఫీడేలు, బార్లు, పార్కులు, హోటళ్లు వద్ద ఎక్కువగా విక్రయిస్తుంటారు. మరోవైపు హైదరాబాద్, పాడేరు, అరకులోయ కేంద్రంగా గంజాయి చాక్లెట్లు తయారవుతున్నాయి. గంజాయి నూనె, పొడి మిశ్రమంతో సిసలైన చాక్లెట్ల మాదిరిగా వీటిని తయారు చేస్తుంటారు. వీటిని కూడా కాఫీడేలు, బార్‌ అండ్‌ రెస్టారెంట్లు, ఖరీదైన హోటళ్ల వద్ద రహస్యంగా విక్రయిస్తున్నారు. ఒక్కో సిగరెట్‌ ధర రూ.100 నుంచి 250 వరకు, చాక్లెట్‌ సైజును బట్టి రూ.500 నుంచి 1000 వరకు ఉందంటే పరిస్థితిని అర్థం చేసుకోవచ్చు.  మాదకద్రవ్యాలకు మారుపేర్లుకోడ్‌లు, డీకోడ్‌లతో విక్రయాలు.. గంటల తరబడి మత్తు.. గంజాయి సిగరెట్‌ తాగితే దాదాపు గంటకు పైగా మత్తుగా ఉంటుంది.  గంజాయి చాక్లెట్‌ ప్రభావం మరింత తీవ్రంగా  ఉంటుందంటారు. ఒక చాక్లెట్‌ను తింటే ఆరు నుంచి ఎనిమిది గంటల పాటు మత్తులో ముంచెత్తుతుంది. అందుకే వీటికి అలవాటైన స్థితిమంతుల పిల్లలు ఎంత ఖరీదైనా వెనకడగు వేయరు. ఒకసారి మాదకద్రవ్యాలకు బానిసలయ్యాక వాటి నుంచి బయట పడలేకపోతున్నారు. మానసిక ఒత్తిడి అధికమై అఘాయిత్యాలకు పాల్పడు తున్నారు. చేతిలో డబ్బుల్లేకపోతే చోరీల బాట పడుతున్నారు. చోరీలు, గొలుసు దొంగతనాల్లో పట్టుబడుతున్న వారిలో పలువురు యువకులతో పాటు ఇంజినీరింగ్‌ చదివిన, చదువుతున్న వారే ఉండడం విస్తుగొలుపుతోంది. ఆన్‌లైన్‌.. వెబ్‌సైట్‌.. ఇటీవల రుషికొండలో నిర్వహించిన రేవ్‌ పార్టీలో మాదకద్రవ్యాలను సేవించినట్టు తేలింది. అంతేకాదు వారి వద్ద ఎండీఎం, ఎల్‌ఎస్‌డీ వంటి నిషేధిత మాదకద్రవ్యాలు లభించాయి. వీటిని ఆన్‌లైన్‌ ద్వారా కొనుగోలు చేసినట్టు నిందితులు వెల్లడించారు.  ఏకంగా దీనికోసం ఒక వెబ్‌సైట్‌నే నడుపుతున్నారంటే పరిస్థితి అర్థం చేసుకోవచ్చు. ఎక్కడెక్కడ స్థావరాలు? నగరంలో కొన్ని బార్‌ అండ్‌ రెస్టారెంట్లు, కాఫీడే సెంటర్లు, సిరిపురం జంక్షన్, హెచ్‌Œ ఎస్‌బీసీ–వుడా పార్క్‌ మధ్య ప్రాంతం, ఏయూ ఇంటర్నేషనల్‌ హాస్టల్‌ పరిసరాలు, పాతపోస్టాఫీసు, రైల్వేస్టేషన్, ఎంవీపీ కాలనీ, సాగరతీరంలోని గోకుల్‌పార్క్, లాసన్స్‌బే బీచ్, తెన్నేటి పార్క్, రుషికొండ (సమీపంలోని సరుగుడు తోటలు) తదితర ప్రాంతాలు మాదక ద్రవ్యాలకు కేరాఫ్‌ అడ్రస్‌లుగా ఉన్నాయి.   అవగాహన కల్పిస్తాం.. డ్రగ్స్‌ వినియోగంతో వాటిల్లే దుష్ప్రభావాలపై యువత, విద్యార్థినీ విద్యార్థులకు అవగాహన సదస్సులు ఏర్పాటు చేస్తాం. వీటి అక్రమ రవాణా చేస్తే కఠిన చర్యలు తీసుకుంటాం. డ్రగ్స్‌ సరఫరాదార్లపై షీట్లు ఓపెన్‌ చేస్తాం.  –మహేంద్ర మత్తే, ఏసీపీ, టాస్క్‌ఫోర్స్‌. నిఘా పెడుతున్నాం.. మాదక ద్రవ్యాల సరఫరా, వినియోగంపై నిఘా పెడుతున్నాం. ఇంజినీరింగ్‌ కాలేజీలు, ఆంధ్ర విశ్వవిద్యాలయం పరిసరాలు, వన్‌టౌన్, పోర్టు ఏరియా, ఎయిర్‌పోర్టు, రుషికొండ తదితర ప్రాంతాలపై ప్రత్యేక దృష్టి సారిస్తాం. పాడేరు, అరకు ప్రాంతాల్లో గంజాయి చాక్లెట్‌ తయారవుతున్నట్టు సమాచారం ఉంది. డ్రగ్‌ ఇన్‌స్పెక్టర్‌లతో కలిసి మందుల షాపుల్లో మత్తు ఇంజక్షన్ల విక్రయాలపై తనిఖీలు నిర్వహిస్తాం. కాలేజీల్లో విద్యార్థులకు, తల్లిదండ్రులకు డ్రగ్స్‌పై అవగాహనా సదస్సులు నిర్వహిస్తాం.–శ్రీనివాసరావు, డిప్యూటీ కమిషనర్, ఎక్సైజ్‌శాఖ.

న్యూఢిల్లీ : ప్రపంచంలోనే అతిపెద్ద ఉత్సవంగా కుంభమేళాకు పేరుంది. యునెస్కో గుర్తింపు కూడా పొందింది. మత్స్య పురాణంలో సాగర మథనం కథ ప్రకారం అమృత కలశం సొంతం చేసుకోడానికి రాక్షసులు, దేవతల మధ్య 12 ఏళ్లు యుద్ధం జరిగింది. ఈ సందర్భంగా అమృత కలశం నుంచి చిందిన బిందువులు భారతదేశంలోని నాలుగు ప్రాంతాల్లో పడ్డాయట. అవి ప్రయాగ్‌రాజ్ (అలహాబాద్), హరిద్వార్, నాసిక్, ఉజ్జయిని. ఈ నదీ తీరాల్లో ప్రతి 12 ఏళ్లకు కుంభమేళా నిర్వహిస్తారు. ఆరేళ్లకోసారి అర్ధ కుంభమేళా, 144 ఏళ్లకోసారి మహా కుంభమేళా జరుగుతుంది. ఈ ఏడాది ప్రయాగ్‌రాజ్‌(అలహాబాద్)లోని త్రివేణి సంగమం వద్ద అర్ధ కుంభమేళా జరిగిన సంగతి తెలిసిందే. జనవరి 15 నుంచి ప్రారంభమైన ఈ ఉత్సవం మార్చి 4 (మహా శివరాత్రి) తో ముగుస్తుంది. ప్రపంచం నలుమూలల నుంచి దాదాపు 12 కోట్ల మంది ఈ వేడుకకు హాజరయ్యారు. అయితే కుంభమేళ అనగానే ప్రత్యేక ఆకర్షణగా నిలిచేవారు నాగసాధువులు. ఒళ్లంతా బుడిద పూసుకుని, దిగంబరంగా లేదా అర్థ నగ్నంగా తిరుగుతూ.. మరేదో లోకం నుంచి వచ్చిన వారిలా కనిపించే నాగసాధువులను కుంభమేళా ఉత్సవాన్ని పరిపూర్ణం చేయడానికి వచ్చిన ఆత్మలుగా భావిస్తారు. దేశాన్ని, హిందూ ధర్మాన్ని కాపాడే సైన్యంగా జగద్గురు ఆదిశంకరాచార్యులు ఈ నాగ సాధువులను తయారు చేశారనే ప్రతీతి. అఖరాలలో నివసించే వీరు కుంభమేళా కోసం తరలి వస్తారు. ఈ కుంభమేళా ఉత్సవాల్లో బందీప్‌ సింగ్‌ అనే వ్యక్తి నాగసాధులకు సంబంధించిన అరుదైన ఫోటోలతో పాటు ఆసక్తికర సమాచారాన్ని కూడా అందించారు. దిగంబరత్వం.. బూడిద నాగ సాధువులు శ్మశాన బూడిదను మాత్రమే ఒంటికి పట్టించుకుంటారు. ఇలా బూడిదను రాసుకోవడం అంటే అన్ని బంధాల నుంచి విముక్తి అయ్యానని తెలపడం. ఐహిక వాంఛల నుంచి విముక్తి అయ్యాము... వైరాగ్య పంథాలో పయనిస్తున్నామని ప్రకటించడం. సాధరణ మానవునికి ఉన్న వాంఛలను తాము జయించామని తెలపడం కోసం ఇలా దిగంబరంగా తిరుగుతారు. వ్యవసాయదారుడైన సురేశ్వర్‌ గిరి(60) కుటుంబంతో పాటు వృత్తిని వదిలి సన్యాస దీక్ష తీసుకుని నాగ సాధువుగా మారారు. తలకు, ఒంటికి పట్టిన బూడిదను వదిలించు కోవడం కోసం తన జటాలను విదిలిస్తుండగా తీసిన ఫోటో శ్మశాన నివాసి అయిన పరమేశ్వరుని అంశను చూపిస్తున్నట్లుగా గోచరిస్తుంది. రుద్రాక్ష ధారణ పరమేశ్వరుని మూడో కన్నుగా రుద్రాక్షను పరిగణిస్తారు. చాలామంది నాగ సాధువులు కేజీల కొద్ది రుద్రాక్షలను ధరిస్తారు. నాగబాబా శక్తి గిరి (54)  రుద్రాక్షలనే వస్త్రాలుగా ధరించాడు. సుమారు 70 కిలోల బరువున్న 1,25,000 రుద్రాక్షలను ఒంటిపై ధరించాడు. మరో నాగబాబా రాజ్‌ పూరి 21 కిలోల బరువున్న శివలింగాన్ని తల మీద ధరించాడు. చబి సంప్రదాయం ఐహిక వాంఛల్ని ముఖ్యంగా లైంగిక కోరికల్ని వదిలేసి పూర్తి బ్రహ్మచర్యంతో, దేహంలోని ప్రతి అవయవాన్ని బలోపేతం చేసుకునేందుకు కఠిన శిక్షణలు పొందుతారు నాగ సాధువులు. లైంగిక వాంఛల్ని వదిలేసుకున్నామనే దానికి నిదర్శనంగా ఈ చబి సంప్రదాయాన్ని పాటిస్తారు. దీనిలో భాగంగా మర్మాంగాలతో సాహసోపేతమైన పనులను చేస్తారు. ఈ ఫోటోలో నాగబాబా కమల్‌ పూరి ప్రదర్శిస్తున్నది చబి ఆచారాన్నే. మర్మాంగాన్ని రాడ్‌కు చుట్టి దాని మీద మరో వ్యక్తిని నిల్చోబెట్టాడు. కొందరు రాడ్‌ బదులు కత్తిని కూడా ఉపయోగిస్తారు. ఊర్ధ్వబాహు హఠ యోగ దీన్ని సాధన చేసేవారు.. ఏళ్ల పాటు ఒక చేతిని గాల్లోకి లేపే ఉంచాలి. కిందకు దించకూడదు. శరీరం మీద మెదడు పూర్తి పట్టు సాధించడం కోసం ఇలాంటి కఠిన సాధనలు చేస్తారు. ఉజ్జయినికి చెందిన నాగబాబా రాధే పూరి గత పన్నేండేళ్లుగా దీన్ని సాధన చేస్తున్నాడు. మరిజునా.. ఏకాగ్రతతో, తదేక దీక్షగా సాధనను కొనసాగించడం కోసం మరిజునాను పీలుస్తామని వెల్లడించాడు నాగబాబా రాజు పూరి. ఎరుపెక్కిన కళ్లతో యుద్ధానికి సిద్ధంగా ఉన్న సేనికునిలా.... చిల్లం నుంచి పొగ పీల్చడంతో అతని కళ్లు ఎర్రబడ్డాయి. సంప్రదాయాన్ని కాపాడే యోధులుగానే ప్రజలు తమను గుర్తించాలనుకుంటారు వీరు.

సాక్షి, సిటీబ్యూరో: గ్రేటర్‌లో గంజాయి కేసులు...గంజాయి వినియోగించే వారి సంఖ్య పెరుగుతుండడం ఆందోళన కలిగిస్తోంది. ముఖ్యంగా ఈ వ్యసనం యువత బంగారు భవిష్యత్‌ను ఛిద్రం చేస్తోంది. మాదకద్రవ్యాల వాడకం, విక్రయం కేసుల్లో్ల యువతే అత్యధికంగా ఉంటున్న తీరు సర్వత్రా కలవరపరుస్తోంది. గతేడాదిగా మహానగరం పరిధిలో గంజాయి విక్రయం, సరఫరాకు సంబంధించి ఆబ్కారీ ఎన్‌ఫోర్స్‌మెంట్‌ పోలీసులు జరిపిన తనిఖీల్లో  300 కేజీలకు పైగా గంజాయి దొరకడం గమనార్హం. ఈ ఉదంతాలకు సంబంధించి ఎక్సైజ్‌ ఎన్‌ఫోర్స్‌మెంట్‌ పోలీసులు సుమారు 200 కేసులు నమోదుచేశారు. ఆయా సంఘటనల్లో 412 మందిని అరెస్టు చేశారు. వీరిలో 20–30 మధ్య వయస్కులు సుమారు 200కు పైమాటేనని ఆబ్కారీశాఖ అధికారులు స్పష్టంచేస్తున్నారు. నగరంలోని పలు వృత్తివిద్యా కళాశాలలు, హాస్టళ్లలో అలవాటయ్యే గంజాయి వారి ప్రాణాలకు చేటుతెస్తుందని వైద్యులు స్పష్టంచేస్తున్నారు. సరదా అలవాటు ముంచేస్తోంది... నగరంలో ఉన్నత చదువులు, వృత్తివిద్యాకోర్సులు, ఉద్యోగాలు చేస్తున్న రెండు తెలుగురాష్ట్రాలకు చెందిన యువతీయువకులతోపాటు, పొరుగురాష్ట్రాలకు చెందినవారు, విదేశీయులు తొలుత సిగరెట్‌.. ఆతరవాత స్నేహితుల ప్రోద్భలంతో కొన్నిసార్లు గంజాయిని సరదాగా అలవాటు చేసుకుంటున్నారు. ఇదే వారి భవిష్యత్‌ను నాశనం చేస్తోంది. తొలుత పదిగ్రాముల గంజాయిని రూ.500 నుంచి రూ.వెయ్యి వరకు కొనుగోలుచేస్తున్నారు. ఇక అది దొరకడం కష్టతరం అయినపుడు తామే సరఫరాదారుల అవతారమెత్తి డ్రగ్స్‌మాఫియా చేతిలో సమిధలుగా మారుతున్నారు. అటవీప్రాంతాల నుంచి నగరానికి పది కేజీల గంజాయిని తరలిస్తే రూ.పదివేల వరకు గిట్టుబాటవుతుండడంతో జల్సాలకు అలవాటుపడిన యువత ఈ సరఫరాలో కీలక సూత్రధారులుగా మారుతున్నారు. తమ వ్యక్తిగత బైక్‌లు, కార్లు, రైళ్లు బస్సుల్లో గుట్టుచప్పుడు కాకుండా గంజాయిని రవాణా చేస్తున్నారు. ఎక్సైజ్‌ ఎన్‌ఫోర్స్‌మెంట్‌ పోలీసుల తనిఖీలు జరిపిన ప్రతీసారీ ఇలాంటి వారే పట్టుబడుతున్నారు. అంతకుముందు నేరచరిత్ర లేని యువత సైతం ఈ దాడుల్లో దొరుకుతున్నారని ఎన్‌ఫోర్స్‌మెంట్‌ పోలీసులు చెబుతున్నారు. తొలిసారి పట్టుబడినపుడు కౌన్సిలింగ్‌ ఇచ్చి వదిలేస్తున్నామని..తిరిగి అదేపనిగా ఇదే దందాలో కొనసాగుతున్నవారిపై ఎన్‌డీపీఎస్‌ చట్టం కింద కేసులు నమోదుచేస్తున్నట్లు తెలిపారు. అయితే డ్రగ్స్‌మాఫియా వెనక ఉన్న బడాఅక్రమార్కులు చిక్కడంలేదని పోలీసులు వాపోతున్నారు. గంజాయి సరఫరా కేసుల్లో పట్టుబడిన యువత కూడా బడా అక్రమార్కుల పేర్లు, ఆచూకీ తెలపడం లేదని చెబుతున్నారు. ఏటేటా పెరుగుతోన్న కేసులు.. గంజాయి అమ్మకం, సరఫరాకు సంబంధించి నగరంలో ఏటేటా కేసులు పెరుగుతూనే ఉన్నాయి. గ్రేటర్‌ పరిధిలో 2017లో కేవలం 63 కేసులు నమోదుకాగా...2018లో ఏకంగా 200 కేసులు నమోదవడం గమనార్హం. కళాశాలలు, వర్సిటీ క్యాంపస్‌లు, హాస్టళ్లపై సరైన నిఘా లేకపోవడంతో విద్యార్థులు గంజాయి ఉచ్చులో చిక్కుకుంటున్నారు. ఇక విద్యార్థుల ప్రవర్తన, వ్యవహార శైలిపై ఇటు కళాశాలల అధ్యాపకులు, వసతిగృహాల నిర్వాహకులతోపాటు తల్లిదండ్రులు సైతం నిఘా పెట్టాలని నిపుణులు స్పష్టంచేస్తున్నారు. ఆదిలోనే ఈ వ్యసనానికి అడ్డుకట్ట వేయాలన్నారు. తస్మాత్‌ జాగ్రత్త... గంజాయిలో ప్రమాదకరమైన ’టెట్రహైడ్రోకెన్నాబినాల్‌’ అనే రసాయణం ఉంటుంది. ఇది మొదడుపై తీవ్ర ప్రభావం చూపుతుంది. ఉన్నది లేన్నట్లు..లేనిది ఉ న్నట్లు భ్రమలు కల్పిస్తుంది. మానసిక ఆందోళనతో పాటు తీవ్రమైన ఉద్రేకతను రేకెత్తిస్తుంది. సరదాగా మొదలైన ఈ అలవాటు క్రమంగా బలహీనతకు గురి చేస్తుంది. ప్రస్తుతం నగరంలో 14 నుంచి 18 ఏళ్ల వయసు పిల్లలు ఎక్కువగా ఈ గంజాయికి అలవాటు పడుతున్నారు. తొలుత సిగరెట్‌కు అలవాటు పడి, ఆ తర్వాత గంజాయి వాడుతున్నారు. చికాకు, కోపం, టెన్షనం, భయం, ఒంటరితనానికి అలవాటు పడటం వంటి లక్షణాలు కన్పిస్తాయి. జ్ఞాపకశక్తి తగ్గి, చదువులో వెనుకబడిపోతారు. తాగి డ్రైవింగ్‌ చేయడం వల్ల ప్రమాదాల భారినపడే అవకాశం ఉంది. విచక్షణను కోల్పొయి దొంగతనాలు, దోపిడీలకే కాదు చివరకు హత్యలకు వెనుకాడరు. హోమియోపతి డి అడిక్షన్‌లో మంచి మందులు ఉన్నాయి. మూడు నుంచి ఆరు మాసాల కోర్సు వాడాల్సి ఉంటుంది. గంజాయి నుంచి విముక్తి పొందాలని భావించే వారు...మరిన్ని వివరాల కోసం 9885536313 ఫోన్‌ నెంబర్‌లో సంప్రదించవచ్చు.    – డాక్టర్‌ వై.జయరామిరెడ్డి

చిక్కడపల్లి: స్నేహితుడిని గంజాయి కేసులో ఇరికించాలని భావించిన ఓ యువకుడు పోలీసులకు అడ్డంగా దొరికిపోయిన సంఘటన చిక్కడపల్లి పోలీస్‌ స్టేషన్‌ పరిధిలో సోమవారం చోటు చేసుకుంది. చిక్కడపల్లి పోలీస్‌ స్టేషన్‌ ఇన్‌స్పెక్టర్‌ వెంకట్‌రెడ్డి కథనం మేరకు వివరాలిలా ఉన్నాయి.అశోక్‌నగర్‌ గీతారెసిడెన్సీలో ఉంటున్న కవాడిగూడ కార్పొరేటర్‌ లాస్య నందిత వద్ద నాగరాజు అనే వ్యక్తి కారు డ్రైవర్‌గా పని చేస్తున్నాడు. అంతకు ముందు ఆమె వద్ద డ్రైవర్‌గా పని చేసిన దామెదర్‌ ఎలాగైనా నాగరాజును  విధుల  నుంచి తొలగించాలని నిర్ణయించుకున్నాడు. ఈ నేపథ్యంలో తన మిత్రుడు శ్రీనివాస్‌రావుకు మద్యం తాగించి ఆదివారం నాగరాజుకు చెందిన ఇన్నోవా కారులో గంజాయి పెట్టాలని సూచించాడు. అనంతరం దామోదర్‌ చిక్కడపల్లి పోలీసులకు ఫోన్‌ చేసి దీనిపై సమాచారం అందించాడు. ఎస్‌ఐ బాల్‌రాజ్‌ సంఘటనా స్థలానికి వెళ్లి కారులో ఉన్న 70 గ్రాముల ఆరు గంజాయి ప్యాకెట్లు స్వాధీనం చేసుకున్నారు.  దీనిపై దర్యాప్తు చేపట్టిన పోలీసులు సీసీ కెమెరాలను పరిశీలించగా శ్రీనివాసరావు కారులో గంజాయి పెడుతున్నట్లు గుర్తించి అతడిని అదుపులోకి తీసుకుని విచారించారు. దామోదర్‌ సూచనమేరకే కారులో గంజాయి ప్యాకెట్లు ఉంచినట్లు తెలిపాడు. దీంతో పోలీసులు నిందితులను అదుపులోకి తీసుకున్నారు. కేసు నమోదు చేసి దర్యాప్తు చేస్తున్నారు.

సాక్షి, సిటీబ్యూరో: సూర్యాపేట జిల్లా నుంచి గంజాయిని అక్రమ రవాణా చేసి నగరంలో విక్రయిస్తున్న ముఠా గుట్టును వెస్ట్‌జోన్‌ టాస్క్‌ఫోర్స్‌ పోలీసులు రట్టు చేశారు. ముగ్గురు నిందితులను అరెస్టు చేసి 31 కేజీలు స్వాధీనం చేసుకున్నామని, పరారీలో ఉన్న సూత్రధారి కోసం గాలిస్తున్నట్లు డీసీపీ రాధాకిషన్‌రావు గురువారం తెలిపారు. మంగళ్‌హాట్‌కు చెందిన రాజు సింగ్‌ గతంలో బేగంబజార్‌లోని ఓ మెడికల్‌షాప్‌లో పని చేశాడు. ఆపై గణేష్‌ విగ్రహాల తయారీదారుడిగా మారాడు. ఈ ఆదాయంతో సంతృప్తి చెందని రాజు గంజాయి దందా మొదలు పెట్టాడు. ఈ నేపథ్యంలో గతంలో రెండుసార్లు అరెస్టై జైలుకు వెళ్లాడు. ఏడాది క్రితం బెయిల్‌పై బయటిని వచ్చిన ఇతను మళ్లీ గణేష్‌ విగ్రహాల తయారీ మొదలు పెట్టాడు. ఈ ఆదాయంతో విలాస జీవితం గడపటం సాధ్యం కాకపోవడంతో ప్రత్యామ్నాయ మార్గాలను అన్వేషించాడు. ఈ నేపథ్యంలోనే ఇతడికి సూర్యాపేట జిల్లా పెన్‌పహాడ్‌ మండలం, జల్మల్‌కుట తాండకు చెందిన లావూరి సంతోష్‌తో పరిచయం ఏర్పడింది. వివిధ మార్గాల్లో కేజీ రూ.2500 చొప్పున గంజాయి సేకరిస్తున్న అతను దానిని రూ.5 వేలకు విక్రయించేవాడు. ఈ విషయం తెలుసుకున్న రాజు తన ప్రాంతానికే చెందిన కిషన్‌సింగ్, పూల్‌ సింగ్‌లతో జట్టు కట్టాడు. ముగ్గురు కలిసి విక్రయించాలనే ఉద్దేశంతో 31 కేజీలు తీసుకురావాలని సంతోష్‌కు ఆర్డర్‌ ఇచ్చారు. అతడు గంజాయి తీసుకువచ్చి డెలివరీ చేసి వెళ్లాడు. దీనిని పంచుకునేందుకు మిగిలిన ఇద్దరినీ ఆసిఫ్‌నగర్‌కు రావాల్సిందిగా రాజు సూచించాడు. దీంతో వారు ఇద్దరూ గురువారం నిర్దేశిత ప్రదేశానికి చేరుకున్నారు. దీనిపై సమాచారం అందుకున్న వెస్ట్‌జోన్‌ టాస్క్‌ఫోర్స్‌ పోలీసులు దాడి చేసి ముగ్గురినీ పట్టుకుని గంజాయి స్వాధీనం చేసుకున్నారు. పరారీలో ఉన్న సంతోష్‌ కోసం గాలిస్తున్నారు.  గంజాయి రవాణా చేస్తున్న8 మంది అరెస్టు.. గంజాయి అక్రమ రవాణా చేస్తున్న ఎనిమిదిమంది నిందితులను అరెస్ట్‌ చేసి 8.44 కిలోల గంజాయిని స్వాధీనం చేసుకున్నట్లు ఎక్సైజ్‌ ఎన్‌ఫోర్స్‌మెంట్‌ పోలీసులు గురువారం తెలిపారు. జూబ్లీహిల్స్, అప్పర్‌ ధూళ్‌పేట్‌ ప్రాంతాల్లో ఆకస్మిక తనిఖీలు నిర్వహించినట్లు గంజాయి స్వాధీనం చేసుకున్నట్లు ఎన్‌ఫోర్స్‌మెంట్‌ విభాగం ఏఈఎస్‌ అంజిరెడ్డి గురువారం ఒక ప్రకటనలో తెలిపారు.

సాక్షి, విశాఖపట్నం: విశాఖ మన్యంలో సాగవుతున్న గంజాయి పంటను ధ్వంసం చేయడానికి ఏర్పాటైన స్పెషల్‌ టాస్క్‌ఫోర్సు బృందాలు ఈ ఏడాది ఆయా ప్రాంతాల్లోకి అడుగు పెట్టలేక పోయాయి. అక్టోబర్‌ నుంచి నాలుగు నెలల పాటు ఈ బృందాలు దాడులు నిర్వహించాల్సి ఉన్నా పట్టుమని పాతిక రోజులు కూడా చేయలేకపోయాయి. అరకు ఎమ్మెల్యే కిడారి సర్వేశ్వరరావు, మాజీ ఎమ్మెల్యే సోమలను గత సెప్టెంబర్‌లో మావోయిస్టులు హతమార్చిన నేపథ్యంలో మన్యంలో గంజాయి సాగవుతున్న మారుమూల ప్రాంతాల్లోకి టాస్క్‌ఫోర్సు బృందాలు వెళ్లేందుకు పోలీసులు అనుమతించలేదు. దీంతో ఈఏడాది కేవలం 245 ఎకరాల్లో మాత్రమే గంజాయి పంటను ధ్వంసం చేయగలిగారు. విశాఖ ఏజెన్సీలోని ఎనిమిది మండలాల్లో సుమారు 10 వేల ఎకరాల్లో గంజాయి పంట విరివిగా సాగవుతున్నట్టు అధికారికంగా గుర్తించారు. దీనిని మూడేళ్లలో పూర్తిగా నిర్మూలించాలన్నది లక్ష్యం. దేశంలోని వివిధ ప్రాంతాలకు ఎగుమతయ్యే గంజాయిలో అత్యధిక శాతం విశాఖ నుంచే జరుగుతోంది. దీనిని దృష్టిలో ఉంచుకుని ఎక్సైజ్, పోలీసు, అటవీ, రెవిన్యూ శాఖల అధికారులు, సిబ్బందితో గత ఏడాది స్పెషల్‌ టాస్క్‌ఫోర్స్‌ను ఏర్పాటు చేశారు. ఏటా జులై, ఆగస్టుల్లో గంజాయి సాగు మొదలై నవంబర్‌/డిసెంబర్‌ నాటికి కోతకు వస్తుంది. దీనిని కొన్నాళ్లు ఆరబెట్టి ఎగుమతికి వీలుగా ప్యాకింగులు చేస్తారు. దీంతో ఈ టాస్క్‌ఫోర్స్‌ బృందాలు అక్టోబర్‌ నుంచి గంజాయి సాగవుతున్న ప్రాంతాలకు వెళ్లి ఆ పంటను ధ్వంసం చేయాల్సి ఉంది. ఇలా గత ఏడాది ఇదే టాస్క్‌ఫోర్స్‌ బృందాలు 3,125 ఎకరాల్లో గంజాయిని ధ్వంసం చేశారు. కానీ ఈ ఏడాది ఆ పరిస్థితి తారుమారైంది. సెప్టెంబర్‌లో అరకు ఎమ్మెల్యే కిడారి, మాజీ ఎమ్మెల్యే సోమ హత్య తర్వాత పోలీసులు మన్యంలోని మారుమూల ప్రాంతాలకు వెళ్లలేని పరిస్థితి ఏర్పడింది. దీంతో ఆలస్యంగా నవంబర్‌ 15 నుంచి టాస్క్‌ఫోర్స్‌ టీమ్‌లు దాడులు మొదలు పెట్టాయి. ఈసారి దాడుల్లో రాష్ట్రంలోని ఎక్సైజ్‌శాఖ డిప్యూటీ కమిషనర్లు, అసిస్టెంట్‌ కమిషనర్లు, సూపరింటెండెంట్లు, అసిస్టెంట్‌ సూపరింటెండెంట్లు, ఇన్‌స్పెక్టర్లు, ఇతర సిబ్బంది  మొత్తం150 మంది పాల్గొన్నారు. వీరితో పాటు ఇతర శాఖ సిబ్బంది కూడా ఉన్నారు. వీరు జి.మాడుగుల, పాడేరు, హుకుంపేట, పెదబయలు, మండలాల్లో మాత్రమే పోలీసుల నుంచి క్లియరెన్స్‌ లభించాక వీరు దాడులు చేశారు. మిగతా మండలాల్లోకి వెళ్లే సాహసం చేయలేకపోయారు. కొన్నిచోట్ల గంజాయి సాగుదార్లు ఈ టాస్క్‌ఫోర్స్‌ బృందాలపై రాళ్లదాడికి కూడా తెగబడ్డారు. మధ్యమధ్యలో విరామం ఇస్తూ జనవరి మొదటి వారం వరకు అతికష్టమ్మీద కొనసాగించారు. ఇలా ఈ దఫా 245 ఎకరాల్లో మాత్రమే గంజాయి పంటను ధ్వంసం చేయగలిగారు. మరోవైపు మన్యంలో టాస్క్‌ఫోర్స్‌ సిబ్బంది లోపలకు వెళ్లలేని పరిస్థితిని దృష్టిలో ఉంచుకుని ఈ ఏడాది గంజాయి సాగును విస్తృతం చేసినట్టు తెలుస్తోంది. ఇలా ప్రతికూల పరిస్థితుల్లో స్పెషల్‌ టాస్క్‌ఫోర్స్‌ బృందాలు రెండో ఏడాది గంజాయి సాగును నామమాత్రంగానే ధ్వంసం చేయగలిగాయి.

గుంటూరు, చిల్లకల్లు (జగ్గయ్యపేట) : కారులో అక్రమంగా తరలిస్తున్న 100 కేజీల గంజాయిని పోలీసులు స్వాధీనం చేసుకున్న ఘటన  మండలంలోని గౌరవరం గ్రామం సమీపంలో చోటు చేసుకుంది. వివరాల్లోకి వెళ్తే.. ఏపీ 37 ఏవై 3333 కారులో అక్రమంగా గంజాయిని హైదరాబాద్‌కు తరలిస్తున్నట్లు చిల్లకల్లు పోలీసులకు సమాచారం వచ్చింది. దీంతో సీఐ జయకుమార్‌ ఆధ్వర్యంలో ఎస్‌ఐ చిరంజీవి సిబ్బందితో జీఎంఆర్‌ టోల్‌ గేట్‌ వద్ద వాహనాల తనిఖీ చేపట్టారు. ఈ క్రమంలో గంజాయి తరలిస్తున్న కారు టోల్‌ ప్లాజా సమీపంలోకి వచ్చింది. అక్కడ వాహనాలను తనిఖీ చేస్తున్న పోలీసులను గమనించి వారి కారును సమీపంలోని గౌరవరం గ్రామానికి మళ్లించారు. అది గమనించిన పోలీసులు ఆ కారును వెంబడించారు. గ్రామం సమీపంలోని యూకల్లిప్టస్‌ (జామాయిల్‌) తోట వద్ద కారును వదిలి అందులోని వారు పరారయ్యారు. దాంతో పోలీసులు ఆ కారును పరిశీలించగా అందులో 100 కేజీల గంజాయి ఉన్నట్లు గుర్తించారు. ఈ మేరకు కేసు నమోదు చేసి దర్యాప్తు చేస్తున్నారు.

మల్కాపురం(విశాఖ పశ్చిమ): పారిశ్రామిక ప్రాతంలో గం జాయి తరలిస్తున్న వారిని మల్కాపురం పోలీసులు అదుపులోకి తీసుకున్నారు. రెండు కార్లు ద్వారా తీసుకువచ్చిన గంజాయిని ఓ ఇంటి వద్ద డంప్‌ చేస్తుండగా పోలీసులు వారిని పట్టుకున్నారు. పంచదార్ల రమణ అనే వ్యక్తి 47వ వార్డు ఎక్స్‌సర్వీస్‌మెన్‌కాలనీలో ఓ ఇంట్లో మూడు నెలల క్రి తం అద్దెకు దిగాడు. ఇతను జీకేవీధికి చెందిన ఓ యువతిని ప్రేమ వివాహం చేసుకుని ఇక్కడే జీవిస్తున్నాడు. రమణ అత్తమామలకు చింతపల్లిలో వ్యవసాయ భూమి ఉంది. ఆ సమీపాన పండిస్తున్న గంజాయిని రమణ తక్కువ ధరకు కొనుగోలు చేసి, గతంలో పరిచయం ఉన్న తమిళనాడు, మధురై ప్రాంతాలకు చెందిని ఐదుగురు (నగరంలో ఈ ఐదుగురు నివాసముంటున్నారు) సాయంతో కేజీ రూ.12వేలు చొప్పున విక్రయిస్తుం టాడని, ఈ మేరకు గురువారం అర్ధరాత్రి రెండు కార్లలో చింతపల్లి నుంచి తీసుకువచ్చిన 120 కిలోల గంజాయిని డంప్‌ చేశారు... అనుమానం వచ్చిన స్థానికులు పోలీసులకు సమాచారమందించారు. రంగంలోకి దిగిన ఎస్‌బీ పోలీసులు, మల్కాపురం పోలీ సుల సాయంతో అర్ధరాత్రి రమణ ఇంటిపై దాడి చెయ్యగా గంజాయిని గుర్తించి స్వాధీనం చేసుకున్నారు. వీటిని తరలించిన రమణతో పాటు ఐదుగురు తమిళనాడు ప్రాంత వాసులను అదుపులోకి తీసుకున్నారు. అయితే దీనిపై పోలీసులు స్పష్టమైన సమాచారాన్ని ఇవ్వలేదు.

సాక్షి,సిటీబ్యూరో:  గంజాయి విక్రయిస్తున్న ఇద్దరు సాఫ్ట్‌వేర్‌ ఇంజినీర్లను ఎక్సైజ్‌ ఎన్‌ఫోర్స్‌మెంట్‌ పోలీసులు అరెస్టు చేశారు. బోరబండ ప్రాంతంలో నిర్వహించిన తనిఖీల్లో బసవాపురం సాయిచరణ్‌(24), పసుల శ్రీకాంత్‌(23)లను అరెస్టుచేసి వారి వద్ద నంచి 1.2 కిలోల డ్రై గంజా, రెండు మొబైల్‌ఫోన్లు,ఒక బైక్‌ను స్వాధీనం చేసుకున్నారు. వీరిద్దరు సాఫ్ట్‌వేర్‌ ఇంజినీర్లుగా పనిచేస్తున్నారని పోలీసులు తెలిపారు. గంజాయికి అలవాటుపడిన వీరిద్దరు అరకు నుంచి కాకుండా గంజాయి తీసుకొచ్చి 25, 50 గ్రాముల ప్యాకెట్లలో గంజాయిని నింపి ఎస్‌.ఆర్‌.నగర్,అమీర్‌పేట్,బంజారాహిల్స్‌ తదితర ప్రాంతాల్లో పలువురికి విక్రయించినట్లు తమ ప్రాథమిక విచారణలో తేలినట్లు ఎక్సైజ్‌ పోలీసులు తెలిపారు. తదుపరి విచారణ నిమిత్తం ఈ కేసును అమీర్‌పేట్‌ పోలీసులకు అప్పజెప్పారు. నగర ఎక్సైజ్‌ విభాగం డిప్యూటీ కమీషనర్‌ సి.వివేకానందరెడ్డి ఆదేశాల మేరకు ఎన్‌ఫోర్స్‌మెంట్‌ విభాగం ఏఈఎస్‌ ఎన్‌.అంజిరెడ్డిల పర్యవేక్షణలో ఈ దాడులు నిర్వహించినట్లు తెలిపారు.

ప్రకాశం, బల్లికురవ: ఇంటి అవరణలో గంజాయి మొక్కలు పెంచుతున్నట్లు సమాచారం మేరకు మంగళవారం అద్దంకి ఎస్‌ఐ, సీఐ తిరపతయ్య మండలంలోని గుంటుపల్లి గ్రామంలో తనిఖీ నిర్వహించారు. సీఐ అందించిన వివరాల ప్రకారం గుంటుపల్లి గ్రామంలో అద్దేటి ఏడుకొండలు ఇంటి ఆవరణలో కూరగాయలు ఆకుకూరల మొక్కల్లో గంజాయి మొక్కలు పెంచుతున్నాడు. తనిఖీల్లో భాగంగా 3 గంజాయి మొక్కలను గుర్తించి ఏడుకొండలను అదుపులోకి తీసుకున్నారు. కేసు నమోదు చేసి బుధవారం అద్దంకి కోర్టుకు హజరుపరుస్తామని చెప్పారు. గంజాయి మొక్కలు పెంచటం, అమ్మటం చట్టరీత్యా నేరమని ఎంతటివారపైన అయినా కేసు నమోదు చేస్తామని సీఐ హెచ్చరించారు.

యశవంతపుర : వివాదాస్పద ఆధ్యాత్మిక గురువు నిత్యానంద కోసం పోలీసులు తీవ్రంగా గాలిస్తున్నారు. గంజాయి తీసుకోవాలని ప్రేరేపించే విధంగా వ్యాఖ్యల చేసిన నిత్యానందకు ఇటీవల సీసీబీ పోలీసులు నోటీసులు జారీ చేశారు. అయితే ఆయన స్పందించపోవడంతో గాలింపు చేపట్టారు. అరెస్ట్‌ చేస్తారనే భయంతోనే ఆయన బిడిది వీడి తమిళనాడులో తలదాచుకున్నట్లు ప్రచారం జరుగుతోంది. గంజాయిపై ఆయన వ్యాఖ్యలు సామాజిక మాధ్యమాల్లో వైరల్‌ కావడంతో అది పెద్ద దుమారంగా మారింది. ఒక ప్రత్యేక బృందం నిత్యానంద కోసం గాలింపు చేపట్టారు. 

మత్తు మనిషిని చిత్తు చేస్తుంది. ఒక్కసారి అలవాటుపడిన తర్వాత వదలనంటుంది. వేదనపెడుతుంది.బెజవాడ నగరం గంజాయి అక్రమ రవాణా కేంద్రంగామారుతున్న పరిణామాలు కలవరపెడుతున్నాయి. చాపకిందనీరులా ఎంతమంది ఈ వ్యసనానికి బానిసలవుతున్నారనే విషయం ఆందోళన కలిగిస్తోంది.గంజాయి ముఠాలు గుట్టుచప్పుడు కాకుండా విజయవాడపైఉచ్చువేసి మత్తులోకి దించుతున్నట్లు తెలుస్తోంది.పోలీసుల ఉదాసీనత.. పాలకులకు పట్టని వైనం వెరసిబెజవాడ గంజాయికి అడ్డాగా మారుతోంది. మత్తువదలకుంటే తీవ్రపరిణామాలను చవిచూడాల్సివస్తుంది. సాక్షి, అమరావతిబ్యూరో : సెప్పెంబరు 25న విశాఖపట్నం నుంచి చెన్నై వెళ్తున్న ఒక ప్రైవేటు ట్రావెల్స్‌ బస్సులో అక్రమంగా రవాణా చేస్తున్న 17.33 కిలోల గంజాయిని విజయవాడలో టాస్క్‌ఫోర్స్‌ పోలీసులు పట్టుకున్నారు. నగరంలోని రామవరప్పాడు వద్ద సెప్టెంబరు 30వ తేదీ విశాఖపట్నం నుంచి చెన్నై వెళ్తున్న ఓ కారులో అక్రమంగా రవాణా చేస్తున్న గంజాయిని డైరెక్టర్‌ రెవెన్యూ ఇంటెలిజెన్స్‌ అధికారులు పట్టుకున్నారు. 132 కిలోల గంజాయిని స్వాధీనం చేసుకున్నారు. రాజధాని ప్రాంతమైన విజయవాడ కేంద్రంగా గంజాయి రవాణా మూడు పువ్వులు ఆరు కాయలుగా సాగుతోంది. రైళ్లు, బస్సులు, ఇతర ప్రైవేటు వాహనాల ద్వారా నగరానికి తెచ్చే గంజాయి విక్రయాలు రోజురోజుకూ పెరుగుతున్నాయి. దేశంలో ఎక్కడికైనా చేరుకునేందుకు విజయవాడ నుంచి ఎప్పుడైనా రైలు సదుపాయం అందుబాటులో ఉండడం.. నగర శివారు ప్రాంతాల్లో అత్యధికంగా పేద, మధ్య తరగతి ప్రజలు నివసిస్తుండడం వల్ల గంజాయి అక్రమ రవాణాతో పాటు వినియోగం కూడా పెరుగుతోంది. అక్రమ రవాణా, విక్రయదారుల పట్ల పోలీసులు ఉదాసీనంగా వ్యవహరిస్తుండటంతోఈ విష సంస్కృతి పెరిగిపోవడానికి ప్రధాన కారణాలుగా నిలుస్తున్నాయి.    నగరానికి చేరుస్తున్నారు ఇలా..   పశ్చిమ గోదావరి జిల్లా జంగారెడ్డిగూడెం, విశాఖపట్నం జిల్లా మన్యం ప్రాంతాలతో పాటు తెలంగాణలోని ఇల్లందు ప్రాంతాల నుంచి పెద్ద మొత్తంలో గంజాయి నగరానికి వచ్చిచేరుతోంది. ఆయా ప్రాంతాలకు చెందిన కొందరు వ్యక్తులు సరుకును నగరానికి తీసుకొచ్చి దళారులకు అప్పగించి వెళ్లిపోతుంటారు. అత్యంత రహస్యంగా బలిష్టమైన ప్యాకింగ్‌ చేసి వాసన కూడా బయటకు రాకుండా మిర్చీ మధ్యలోనూ కొరియర్‌ బాక్సుల్లో దీన్ని తీసుకొస్తున్నట్లు తెలుస్తోంది. ఎక్కువ మొత్తంలో తేవాలంటే మాత్రం కార్లు, లారీలు, బస్సులు వంటి వాహనాలను వినియోగిస్తున్నారు. గంజాయిని సూట్‌ కేసుల్లో, స్టీలు సంచుల్లో, మెడికల్‌ కిట్లలో రవాణా చేస్తున్నారు. వాసన రాకుండా పౌడర్‌ చల్లడం వల్ల ఎవరికీ అనుమానం ఉండదు. నగర ప్రవేశ మార్గాల్లో ఎటువంటి తనిఖీ కేంద్రాలు లేకపోవడం.. ఉన్నా అక్కడి వారు పట్టించుకోకపోవడంతో అక్రమ రవాణా సాగిపోతోంది. ఇక్కడి నుంచి కృష్ణా జిల్లాతో పాటు దేశంలోని పలు ప్రాంతాలకు గంజాయి రవాణా యథేచ్ఛగా జరుగుతోంది.  ఆడుతూపాడుతూ అక్రమ రవాణా.. విజయవాడ గంజాయి రవాణాకు అడ్డాగా మారింది. ఇక్కడి నుంచి రూ.లక్షల్లో విలువ చేసే వందల కిలోల గంజాయి రైళ్ల ద్వారా తరలిపోతోంది. ఒడిశాలోని బరంపురంతో పాటు విశాఖపట్నం, శ్రీకాకుళం, తూర్పుగోదావారి, ఖమ్మం జిల్లాలోని మన్యం ప్రాంతాల నుంచి నిత్యం రైళ్లతో పాటు బస్సులు, కార్లలో రవాణా జరుగుతోంది. అయితే పోలీసులు పట్టుకున్న ప్రతిసారి చిన్న చేపలు మాత్రమే దొరకడం, పెద్ద చేపలు తప్పించుకోవడం పోలీసులకు సవాలుగా మారుతోంది. పట్టుబడ్డ వారంతా సామాన్యులే కావడం గమనార్హం. శ్రీకాకుళం నుంచి బాపట్ల, గుంటూరు వరకు విస్తరించిన రైల్వే పోలీసు డివిజన్‌లో గంజాయి అక్రమ రవాణాపై ఉక్కుపాదం మోపాల్సిన అవసరం ఉంది. పట్టుబడిన వారికి వెంటనే బెయిల్‌.. గంజాయి కేసుల్లో పట్టుబడ్డ వెంటనే లాయర్లను ఏర్పాటు చేసి బెయిల్‌ ఇప్పించే పనిని కూడా ముఠా సభ్యులే చూసుకుంటారు. సామాన్యులనే ఎంచుకుని రైళ్లలో ప్రయాణికులు మాదిరిగా బ్యాగులతో తరలించి ఎవరికీ అనుమానం రాకుండా ఈ వ్యాపారాన్ని సెల్‌ఫోన్లపైనే నడుపుతున్నారు. స్వాధీనం చేసుకున్న గంజాయిని రోజుల తరబడి పోలీసులు జాగ్రత్తగా ఉంచి న్యాయస్థానాల్లో హాజరుపరచాలి. ఎక్కువ సమయం వృథా అయ్యే కేసుగా గంజాయి కేసులు ఉంటాయని పోలీసులే చెబుతున్నారు. అందుకే ఈ కేసులపై అంతగా దృష్టి పెట్టలేమిని చెప్పేవారు లేకపోలేదు. గంజాయి అక్రమ రవాణా ముఠా సభ్యులు ఎక్కువగా మహిళలను ఎంచుకుంటున్నారు. పోలీసులు రైళ్లలో పరుషులను ఎక్కువగా తనిఖీ చేస్తుండడంతో మహిళల ద్వారా చేరవేస్తున్నారు. 

బసినికొండకు చెందిన ప్రభుత్వ ఉద్యోగి అనారోగ్యంతో రెండేళ్ల క్రితం మృతిచెందాడు. ప్రభుత్వం కారుణ్య నియామకం కింద తండ్రి ఉద్యోగం కొడుకుకు ఇచ్చింది. ఆ యువకుడు తనకు వచ్చే జీతంలో సగం ఇంట్లో మిగతా డబ్బంతా స్నేహితులతో కలిసి మద్యం, గంజా యి తాగుతూ జల్సాలకు ఖర్చు చేస్తున్నాడు. మత్తుకు బానిసై బంగారు భవిష్యత్తును నాశనం చేసుకుంటున్నాడు. దీంతో అతని కుటుంబం అర్ధాకలితో అలమటిస్తూ కాలం వెళ్లదీస్తోంది. శేషమహాల్‌ దగ్గర ఉంటున్న ఓ యువకుడు స్థానికంగా ఉన్న కేంద్ర ప్రభుత్వ కార్యాలయంలో ఉద్యోగం చేస్తాడు. నెలకు రూ.65 వేలం జీతం వస్తుంది. ఇతనికి అమ్మానాన్నలతో పాటు ఇద్దరు చెల్లెళ్లు ఉన్నారు. స్నేహితులతో కలిసి చెడు అలవాట్లకు బానిసయ్యాడు. సిగరెట్‌ కాల్చడంతోపాటు మద్యం సేవిస్తూ జీతాన్ని ఖర్చు చేస్తున్నాడు. ఆరోగ్యాన్ని గుల్ల చేసుకోవడంతోపాటు కుటుంబాన్ని పట్టించుకోవడం లేదు. దీంతో ఎప్పుడు ఏ చెడు వార్త వినాల్సి వస్తుందోనని ఆ కుటుంబ సభ్యులు ఆందోళన చెందుతున్నారు. చిత్తూరు, మదనపల్లె టౌన్‌ : మదనపల్లె పట్టణంతో పాటు నియోజకవర్గంలో నిబంధనలు పాటించకకుండా విచ్ఛలవిడిగా మద్యం, సిగరెట్లు, గంజాయి, గుట్కా విక్రయాలు జోరుగా సాగుతున్నాయి. దీంతో యువకులు మద్యం మత్తులో జీవితాలను చిత్తు చేసుకుంటున్నారు. మదనపల్లె నియోజకవర్గంలో ఈ ఏడాది ఇప్పటి వరకు 299 డ్రంక్‌ అండ్‌ డ్రైవ్‌ కేసులు నమోదు కాగా వాటిలో మదనపల్లెలోనే 209 కేసులు ఉండడం ఇందుకు నిదర్శనం. కొంతమంది గంజాయిని అక్రమంగా విక్రయిస్తున్నారు. కాలేజీల్లో చదువుతున్న యువకులు మూత్రశాలలు, బాత్‌ రూముల్లో రహస్యంగా గంజాయి పీల్చుతున్నారు. మద్యం, గంజాయి, డ్రగ్‌ మత్తుకు బానిసలుగా మారుతున్న వారిలో అధిక శాతం మంది ఉన్నత కుటుంబాల నుంచి వచ్చిన పిల్లలు, ఉద్యోగుల పిల్లలే ఉంటున్నారు. చెడు వ్యసనాలతో జీవితాలను నాశనం చేసుకోకుండా అవగాహన కల్పించాల్సిన అధికారులు చూసీచూడనట్టు వ్యవహరిస్తున్నారనే ఆరోపణలు వెల్లువెత్తుతున్నాయి. డ్రంక్‌ అండ్‌ డ్రైవ్‌ కేసుల్లో ఇరుక్కుంటున్నారు మదనపల్లె పట్టణంలో డ్రంక్‌ అండ్‌ డ్రైవ్‌ కేసులు ఎక్కువ అయ్యాయి. యువకులు మద్యం సేవించి వాహనాలు నడుపుతూ పోలీసులకు పట్టుబడుతున్నారు. ఒక్కొక్కరికి రూ.10 వేల నుంచి రూ.20 వేల వరకు అపరాధం విధిస్తున్నారు.– చలపతి, మాజీ వైస్‌ సర్పంచి, బసినికొండ వ్యసనాలతో జీవితం అంధకారం వ్యసనాలతోనే యువత జీవితం అంధకారమౌతోంది. చెడు సావాసం మానుకుని భవిష్యత్తును బంగారు మయం చేసుకోవాలి. మాకు తాగేవాడు దొరికినా, అమ్మేవాడు దొరికినా కేసుపెట్టి జైలుకు పంపుతాం. పోలీసులు దేన్నీ చూస్తూ ఊరుకోరు. – చిదానందరెడ్డి, డీఎస్పీ, మదనపల్లె యువత పెడతోవకు పాలకులేæ కారణం.. యువత పెడతోవ పట్టడానికి పాలకులే కారణం. వీధికో మద్యం షాపు పెట్టి విచ్ఛలవిడిగా విక్రయాలు సాగిస్తున్నారు. పోలీస్, ఎక్సైజ్‌ అధికారుల నిబంధనలను షాపులు, బార్ల యజమానులు బేఖాతర్‌ చేస్తునానరు. యువత మద్యం తాగడానికి క్యూకడున్నారు.              – డాక్టర్‌ ఖాన్, మదనపల్లె

గంజాయి దమ్ము బిగించి కొడితే మత్తులో తేలిపోతామని చాలామంది అనుకుంటారుగానీ.. ఆ మత్తు ఎన్నో రకాల ఆరోగ్య సమస్యలకూ చెక్‌ పెడుతుందని చెబుతున్నారు యూనివర్శిటీ ఆఫ్‌ న్యూ మెక్సికో శాస్త్రవేత్తలు. దుష్ప్రభావాలు కూడా చాలా తక్కువగా ఉంటాయని వీరు తాజాగా నిర్వహించిన ఒక అధ్యయనం స్పష్టం చేసింది. మొబైల్‌ అప్లికేషన్‌ ఆధారంగా వీరు ఈ అధ్యయనం నిర్వహించారు. విపరీతమైన నొప్పి, నిద్రలేమి, మూర్ఛ, మానసిక కుంగుబాటు వంటి దాదాపు 27 ఆరోగ్య సమస్యలకు సంబంధించి దాదాపు లక్ష మంది నుంచి సమాచారం సేకరించి విశ్లేషించారు.   గంజాయితో తమ లక్షణాలు దాదాపు సగానికి తగ్గిపోయాయని అధ్యయనంలో పాల్గొన్న వారు ‘రిలీఫ్‌’ ఆప్‌ ద్వారా తెలపడం విశేషం. గంజాయి మొగ్గలను నేరుగా వాడటం ద్వారా చాలామంది నిద్రలేమి సమస్యలను అధిగమించారని ఈ పరిశోధనల్లో పాల్గొన్న శాస్త్రవేత్త జాకబ్‌ మిగ్యుల్‌ విజిల్‌ తెలిపారు. అల్లోపతి వైద్యవిధానంలో ఇచ్చే మందులతో అనేక దుష్ప్రభావాలు ఉన్న నేపథ్యంలో ప్రత్యామ్నాయాల కోసం ప్రపంచవ్యాప్తంగా ప్రయత్నాలు జరుగుతున్న విషయం తెలిసిందే. ఈ నేపథ్యంలోనే గంజాయి ప్రభావశీలతపై  విస్తత స్థాయిలో సమాచారం సేకరించే లక్ష్యంతో తాము ఈ అధ్యయనం జరిపినట్లు విజిల్‌ అంటున్నారు.  

బోథ్‌ : బోథ్‌ మండలం నుంచి హైదరాబాద్‌కు అక్రమంగా గంజాయి రవాణా అవుతోంది. కొంతమంది యువకులు హైదరాబాద్‌కు వెళ్తున్నానంటూ బ్యాగుల్లో గంజాయి తీసుకెళ్తున్నారు. హైదరాబాద్‌లోని వివిధ ప్రాంతాల్లో ఉన్న పబ్బుల వద్ద విక్రయిస్తున్నారు. పబ్బులకు వచ్చే ధనికులు, యువకులు, సెలబ్రటీలకు గంజాయిని అమ్ముతున్నట్లు సమాచారం. వీకెండ్‌లలో హైదరాబాద్‌ వెళుతూ విక్రయిస్తున్నారు. మరికొందరు  హైదరాబాద్‌లో వాచ్‌మెన్‌లుగా ఉండి గంజాయి విక్రయాలు చేస్తున్నారు. వారానికి దాదాపు 20 నుంచి 30 వేల వరకు సంపాదిస్తున్నట్లు సమాచారం. దీంతో గంజాయి రవాణ వారికి వృత్తిగా మారింది. వచ్చిన డబ్బులతో జల్సా చేస్తూ తమ జీవితాలను నాశనం చేసుకుంటున్నారు.  వాచ్‌మెన్‌లుగా పనిచేస్తూ.. బోథ్‌ మండలంలో సొనాల గ్రామ చుట్టు పక్కల గ్రామాల్లోని దాదాపు 20 నుంచి 30 మంది యువకులు హైదరాబాద్‌లోని జూబ్లీహిల్స్, బంజరా హిల్స్, దిల్‌సుఖ్‌నగర్, అమీర్‌పేట్, గచ్చిబౌలి, కొండాపూర్, హైటెక్‌సీటీ తదితర ప్రాంతాల్లో  వివిధ పబ్బులల్లో, పెద్ద పెద్ద అపార్ట్‌మెంట్‌లల్లో వాచ్‌మెన్‌లుగా పనిచేస్తున్నారు. వీరంతా 18 నుంచి 30 సంవత్సరాలలోపు యువకులే..ఈ ప్రాంతాల్లో చాలా మంది ధనికులు, సెలబ్రటీస్‌లు తిరుగుతూ ఉంటారు. పబ్బుల్లో రాత్రిపూట గంజాయిలు విక్రయిస్తూ వేల కొద్ది డబ్బును సంపాదిస్తున్నారు. అపార్ట్‌మెంట్‌లల్లో ఉండే ధనికులకు ప్రతీవారం గంజాయిని సరఫరా చేస్తున్నారు. తమ వాచ్‌మెన్‌ తన గ్రామం నుంచి గంజాయి తెచ్చివ్వడంతో తక్కువ ధరలకు కొంటున్నారు.  గుట్టుచప్పుడు కాకుండా రవాణా గంజాయిని హైదరాబాద్‌కు గుట్టు చప్పుడు కాకుండా తీసుకెళ్తుతున్నారు. తాము తీసుకెళ్లే బ్యాగులో గంజాయిని ఉంచి వాసన రాకుండా దానికి సెంట్‌ కొడుతున్నారు. ఎవరికి అనుమానం రాకుండా బోథ్‌ మండల కేంద్రం నుంచి వెళ్లే ఆర్టీసీ బస్సులో ఒక వారం, మరోవారం నిర్మల్‌ నుంచి హైదరాబాద్‌కు బయలు దేరుతున్నారు. రాత్రుల్లో పబ్బుల వద్ద ఒక వ్యక్తికి విక్రయించి డబ్బులు తీసుకుని వచ్చేస్తున్నారు. మరోవైపు వాచ్‌మెన్‌లుగా , సెక్యురిటీ గార్డులుగా పనిచేస్తున్న వ్యక్తులు తమ ఇంటి వద్ద నుంచి యువకులతో గంజాయిని తెప్పించుకుని గుట్టు చప్పుడు కాకుండా విక్రయిస్తున్నారు. ఈ తతంగం గత సంవత్సర కాలంగా నడుస్తోందని తెలుస్తోంది. అయితే హైదరాబాద్‌కు సరఫరా చేసే యువకుల్లో ఎక్కువగా ఇంటర్, డిగ్రీలు చేస్తున్న విద్యార్థులు సైతం ఉన్నట్లు సమాచారం.. వీరికి గంజాయిని హైదారాబాద్‌కు తీసుకువస్తే డబ్బులు ఇస్తామంటూ వల వేస్తున్నారు. దీంతో గంజాయిని తీసుకువెళ్లి అక్కడ ఉండే వాచ్‌మెన్‌లకు సరఫరా చేస్తున్నారు.  ఈజీ మనీకి అలవాటు పడి.. చాలా మంది యువకులు గంజాయినీ సరఫరా చేస్తే డబ్బులు రావడం గమనించడంతో ఈజీగా డబ్బులు వస్తున్నాయని ఆశపడి రవాణా చేస్తున్నారు. వచ్చిన డబ్బులతో జల్సాలు చేస్తున్నారు. ఓ యువకుడు తమ ఇంటి వద్ద తన తండ్రి కూలీ పనులకు వెళుతుంటే తాను మాత్రం బైక్‌పై స్మార్ట్‌ఫోన్‌తో జల్సా చేస్తున్నాడు. అదేంటి అని ఓ వ్యక్తి అడిగితే..‘అన్న హైదరాబాద్‌కు గంజాయి ఇచ్చి వస్తే వారానికి 4 వేలు ఇస్తున్నారు.’’ అని సమాధానం చేప్పి వెళ్లిపోయాడు. దీన్ని బట్టి చూస్తే గంజాయి రవాణా ఎలా సాగుతోందో అర్థం అవుతోంది.  బోథ్‌ మండలానికి చెందిన ఓ వ్యక్తి బంజారాహిల్స్‌లోని ఓ అపార్ట్‌మెంట్‌లో  వాచ్‌మెన్‌గా పనిచేస్తున్నాడు. ఆ అపార్ట్‌మెంట్‌లో ఉండే కొంత మంది వ్యక్తులతో పరిచయం ఏర్పడింది. దీంతో ఆ వ్యక్తులకు గంజాయిని బోథ్‌ మండలం నుంచి సరఫరా చేస్తున్నాడు. ప్రతీవారం తన గ్రామం నుంచి కొంతమంది యువకులతో గంజాయిని తెప్పించుకుని సరఫరా చేస్తూ వారానికి 20 నుంచి 30 వేల వరకు సంపాదిస్తున్నట్లు సమాచారం. అక్కడే ఉన్న పబ్బులో ఓ వ్యక్తి ద్వారా గంజాయి సప్‌లై చేస్తున్నారు. అంతర పంటగా సాగు... హైదరాబాద్‌లో గంజాయికి భారీ డిమాండ్‌ ఉండటంతో బోథ్‌ మండలంలోని కొన్ని చేలల్లో గంజాయని అంతరంపంటగా సాగు చేస్తున్నారు. దీన్ని యువకులతో హైదరాబాద్‌లోని వివిధ ప్రాంతాల్లో విక్రయిస్తున్నారు. మూడు నుండి ఐదుగురు వ్యక్తులు బస్సుల్లో హైదరాబాద్‌కు తీసుకువెళుతున్నారు. గంజాయి రవాణా చేస్తున్న వారిపై క్రిమినల్‌ కేసులు గంజాయి పంటను వేసినా.. గంజాయిని హైదరాబాద్‌ వంటి ఇతర ప్రదేశాలకు రవాణా చేసినా కఠిన చర్యలు తీసుకోవడంతోపాటు, క్రిమినల్‌ కేసులు పెడతాం. యువకులు గంజాయిని రవాణా చేసి తమ జీవితాలను నాశనం చేసుకోవద్దు. ఆయా గ్రామాల్లో తనిఖీలు చేపడతాం. అవగాహన సదస్సులు ఏర్పాటు చేస్తాం. ఎవరైనా గంజాయిని తరలిస్తున్నట్లయితే పోలీసులకు సమాచారం అందించాలి.  - జయరాంనాయక్, సీఐ    

కరీమాబాద్‌ : చేతిలో చంటిపిల్లలు.. భుజాలకు హ్యాండ్‌ బ్యాగులు..కుటుంబ సభ్యులందరూ పం డుగకు రైల్లో ఊరెళ్తున్నట్లుగా ఉంటారు.. కానీ వా రు గంజాయి రవాణా చేస్తున్నారని తెలిస్తే షాక్‌ అవ్వాల్సిందే.. ఆయా వ్యాపారులు రైల్లో మహిళలు, మహిళా కూలీలను ఉపయోగిస్తున్నారు. ఇటీవల వరంగల్‌ రైల్వేస్టేషన్‌లో రెండు వేర్వేరు రైళ్లలో హర్యానా, ఒడిషాకు చెందిన రెండు ముఠాలు పో లీసులకు పట్టుబడటమే ఉదాహరణ.ఇందులో ఆ రుగురు మహిళలతోపాటు మరో ఇద్దరిని అరెస్ట్‌ చేసిన సంగతి తెలిసిందే. వారివద్ద117కిలోల ఎం డు గంజాయిని స్వాధీనం చేసుకున్నారు. ఒడిషా, విశాఖపట్టణం నుంచి రైళ్లలో చంటిపిల్లలున్న మ హిళలను, మహిళా కూలీలను ఒక్కొక్కరికి రూ. 5 వేల చెల్లిస్తూ గంజాయి రవాణాకు ఉపయోగిస్తున్నారు. ప్రధానంగా కోనార్క్,ఈస్ట్‌కోస్ట్,ఏపీ,గౌతమి ఎక్స్‌ప్రెస్‌ రైళ్లలో గంజాయి రవాణా సాగుతోంది. ఏడాది కాలంలో.. గత ఏడాది ఆగస్టు నుంచి ఇప్పటివరకు రైళ్లలో అక్రమంగా తరలిస్తున్న గంజాయిని వరంగల్‌ జీఆర్పీ పోలీసులు దశలవారీగా పట్టుకున్నారు. ఇందులో మొత్తం 620 కిలోల గంజాయిని పట్టుకోగా 11 కేసులు కూడా నమోదయ్యాయి. ఇందులో 33 మందిని అరెస్ట్‌ చేసి ఎన్‌డీపీఎస్‌ యాక్ట్‌ కింద కేసులు నమోదు చేసి రిమాండ్‌కు తరలించారు. పట్టుకున్న గంజాయి విలువ రూ.60లక్షలు ఉంటుంది. ఈ కేసుల్లో పురుషులతోపాటు మహిళలు ఉన్నారు. అరెస్టయిన మహిళలు.. ఒడిషా, విశాఖపట్నం ప్రాంతాల్లోని గంజాయి డా న్‌లు మహిళల ద్వారా గంజాయిని ఢిల్లీ, మహా రాష్ట్ర ప్రాంతాలకు వందలాది కిలోలు రవాణా చేస్తున్నారు. ముఖ్యంగా జనరల్‌ బోగీల్లో ప్రయానిస్తూ ఆంధ్రప్రదేశ్‌లోని పలు రైల్వేస్టేషన్లు దాటి వరంగల్‌కు వచ్చి ఇక్కడి నుంచి ఢిల్లీ వెళ్లే రైళ్లలో ఎక్కే క్రమంలో పోలీసులకు దొరికిపోతున్నారు. ఇప్పటివరకు మహారాష్ట్రకు చెందిన రానీ రాజ్‌నా యుడు, ఆర్తి రవిదేవర్,రేవటీనాయక్,హర్యానాకు చెందిన గీతాబౌరీ,కమలా బగిడె,పూజా బౌరీ, గం గా బౌరీ, ఒరిస్సాకు చెందిన మీరాసేతీ, పూనమ్‌ ముత్యం, పంకజ్‌ నిషల్, నిస్తా లిమా, గౌరీ పెదనూయి, దీప్తి మిషల్‌ తదితరులు అరెస్టయ్యారు. వారందరూ కూలీలే.. ఒడిశా, విశాఖపట్టణం ఏజెన్సీ ప్రాంతాల నుంచి ఎక్కువగా మహారాష్ట్ర, ఢిల్లీ ప్రాంతాలకు ఎండు గంజాయి రవాణా అవుతోంది. గంజాయి డాన్‌లు దళారులను ఏర్పాటు చేసుకుని రైళ్లలో పేద, మధ్యతరగతి కూలీ మహిళలను ఎంచుకుని వారితో సరఫరా చేస్తున్నారు. ఏజెన్సీ ప్రాంతాల్లో రూ.500 కిలోల గంజాయి కొని, వాటిని ప్యాకెట్లుగా చేసి సంచుల్లో పెట్టి దళారుల ద్వారా ఒక్కో మహిళకు ట్రిప్‌కు రూ.5వేల చొప్పున ఇస్తుండడంతో వారు ఆశపడి రవాణా చేస్తూ పోలీసులకు దొరికిపోతున్నారు. కాగా పట్టుబడిన మహిళలు తాము ఎందుకు ఈ దందాలోకి ఎందుకు వచ్చామా అంటూ కన్నీరు పెట్టుకుంటున్నారు. పోలీసులు ప్రశ్నించిన సందర్భాల్లో వారు తమకు గంజాయి అప్పగించిన వ్యక్తుల గురించి తెలియజేయడంలేదు. అయినప్పటికీ ఇటీవల వైజాగ్‌కు చెందిన సహదేవ్‌ అనే గంజాయి వ్యాపారి గురించి మాత్రం తెలుసుకోగలిగారు. గంజాయి రవాణా చేస్తే కేసులు గంజాయి రవాణా చేస్తే ఎన్‌డీపీఎస్‌ యాక్ట్‌ కింద కేసులు నమోదు చేస్తున్నాం. రైళ్లలో తనిఖీలు చేసేందుకు ప్రత్యేక సిబ్బందిని ఏర్పాటు చేశాం. ఎలాంటి అనుమానం వచ్చినా సోదా చేస్తున్నాం. ఇటీవల అక్రమ గంజాయి రవాణాలో కుటుంబ సభ్యుల్లా మహిళలు బ్యాగుల్లో గంజాయి తరలిస్తుండటం గమనించి పట్టుకున్నాం. గంజాయి తరలించి జైలు పాలు కావొద్దు. – జూపల్లి వెంకటరత్నం, సీఐ వరంగల్‌ జీఆర్పీ

సాక్షి, హైదరాబాద్‌: అక్కడా ఇక్కడా ఎందుకని.. నగరంలోని ఓ వ్యక్తి ఏకంగా ఇంటిలోనే గంజాయి సాగు చేశాడు.. పూల మొక్కల మాదిరిగా.. కుండీల్లో గంజాయి మొక్కలను పెంచాడు. ఈ విషయాన్ని తెలుసుకున్న అబ్కారీ ఎన్‌ఫోర్స్‌మెంట్‌ పోలీసులు  ఇతని గుట్టును రట్టు చేశారు.  టోలిచౌకి పారామౌంట్‌ వీర్‌ స్ట్రీట్‌లో ఉన్న నవాజ్‌ అపార్ట్‌మెంట్‌లో నివసిస్తున్న ప్రణవ్‌(24) అమెజాన్‌లో సంస్థలో ఉద్యోగం చేస్తున్నాడు. గంజాయి, ఇతర మాదక ద్రవ్యాలను నగరంలోని పలువురు వ్యాపారవేత్తలు, వీఐపీల పిల్లలకు విక్రయిస్తున్నాడు. రహస్యంగా ఉండటం కోసం ఇంట్లోనే గంజాయి సాగు చేపట్టాడు. ప్రణవ్‌ ఇంట్లో గంజాయి మొక్క ఉన్న పూల కుండీని.. కవర్‌లో ప్యాక్‌ చేసిన ఎండిన గంజాయి మొక్కను, అతని బైక్‌లో ఉన్న 75 ప్యాకెట్ల ఎల్‌ఎస్‌డీ(లిసర్జిక్‌ ఆసిడ్‌ డై ఇథలమైడ్‌), 8 గ్రాముల ఎండీఎంఏ, 180 గ్రాముల గంజాయిని పోలీసులు స్వాధీనం చేసుకున్నారు. ఇతను హైటెక్‌ పద్ధతిలో మాదకద్రవ్యాల వ్యాపారం చేస్తున్నట్లు నిర్ధారించారు. డ్రీమ్‌ మార్కెట్‌ వెబ్‌సైట్, బిట్‌కాయిన్స్‌ ద్వారా నగదు చెల్లించిన వారికి గంజాయిని కొరియర్‌ ద్వారా సరఫరా చేసినట్లు గుర్తించారు. ఇప్పటివరకు ఎంతమందికి ఇలా అమ్మాడన్న దానిపై పోలీసులు విచారణ ప్రారంభించారు. దీని కోసం అతని మొబైల్‌ను ఎన్‌ఫోర్స్‌మెంట్‌ పోలీసులు స్వాధీనం చేసుకున్నారు. ఈ మధ్యే ఎక్సైజ్‌ ఎన్‌ఫోర్స్‌మెంట్‌ టీమ్‌ (యాంటీ నార్కోటిక్‌) బృందం జరిపిన సోదాల్లో చింతల్‌బస్తీలో నివాసం ఉంటున్న ఆదిలాబాద్‌వాసి అబ్దుల్‌ హమీద్‌ వద్ద 31 గ్రాముల కొకైన్‌ పట్టుబడింది. ఈ కేసు తదుపరి విచారణను జూబ్లీహిల్స్‌ పోలీసులకు అప్పజెప్పారు. అబ్దుల్, ప్రణవ్‌ల నుంచి పలువురు మాదకద్రవ్యాలు కొనుగోలు చేసినట్లు తెలిసింది. వీరిలో బడా వ్యాపార వేత్తలు, వీఐపీల పిల్లలున్నట్లు సమాచారం. వీరందరికీ నోటీసు లు జారీ చేసి విచారణ జరపాలని ఆబ్కారీ శాఖ నిర్ణయించింది. ఎన్‌ఫోర్స్‌ విభాగం ఆధ్వర్యంలో మాదకద్రవ్యాలు సరఫరా చేస్తున్న అక్రమార్కులపై ఉక్కు పాదం మోపుతామని నగర ఎక్సైజ్‌ విభాగం డిప్యూటీ కమిషనర్‌ సి. వివేకానందరెడ్డి, ఎన్‌ఫోర్స్‌మెంట్‌ విభాగం ఏఈఎస్‌ ఎన్‌.అంజిరెడ్డి ‘సాక్షి’కి తెలిపారు.  

పెదకాకాని (పొన్నూరు) : ఎవరికీ అనుమానం రాకుండా కారులో రాష్ట్రం దాటిస్తున్న గంజాయి అక్రమ రవాణా గుట్టును గుంటూరు జిల్లా పెదకాకాని పోలీసులు రట్టు చేశారు. తూర్పు గోదావరి జిల్లా కత్తిపూడి నుంచి తమిళనాడు రాష్ట్రంలోని మధురైకు 300 కిలోల గంజాయితో బయలు దేరిన కారును నాగార్జున విశ్వవిద్యాలయం సమీపంలో స్వాధీనం చేసుకుని పోలీసు స్టేషన్‌కు తరలించారు. కారుతో పాటు గంజాయి తరలిస్తున్న ఇద్దరు వ్యక్తులను అదుపులోకి తీసుకుని అరెస్టు చేసినట్టు మంగళగిరి డీఎస్పీ రామకృష్ణ తెలిపారు. పట్టుబడిన గంజాయి విలువ రూ.12 లక్షల వరకూ ఉంటుందన్నారు. ఈ సందర్భంగా పెదకాకాని పోలీసు స్టేషన్‌లో ఏర్పాటు చేసిన విలేకరుల సమావేశంలో డీఎస్పీ రామకృష్ణ వివరాలు వెల్లడించారు. తూర్పు గోదావరి జిల్లా కత్తిపూడి బైపాస్‌ నుంచి ఓ వాహనంలో గంజాయి సరఫరా అవుతున్నట్టు పెదకాకాని సీఐ పి.శేషగిరిరావుకు సమాచారం అందింది. దీంతో ఆచార్య నాగార్జున విశ్వవిద్యాలయం సమీపంలో కాపు కాసి తనిఖీలు చేయగా ఏపీ 03 పి 0333 నంబరు గల కారులో ఒక్కోటి రెండు కిలోల బరువు కలిగిన 150 గంజాయి ప్యాకెట్లు గుర్తించారు. కారుతో పాటు యజమాని, డ్రైవర్‌గా ఉన్న కేపీ రాజా, సెంగుత్తవాన్‌ బాలును అదుపులోకి తీసుకున్నారు. కారునంబరు వాస్తవానికి టీఎన్‌ 25 యూ 8989 కాగా గంజాయితో బయలుదేరే ముందు కత్తిపూడిలో నంబరు ప్లేట్‌ మార్చి నకిలీ నంబరు ప్లేటు బిగించారు. గంజాయి తరలించేందుకు కేపీ రాజా లక్ష రూపాయలు కిరాయి మాట్లాడుకున్నట్టు విచారణలో తేలింది. ఈ గంజాయిని విశాఖపట్నం జిల్లా కేడీ పేట సమీప ప్రాంతాల్లో సేకరించి అక్రమంగా సరఫరా చేస్తున్నట్టు తెలుస్తోంది. ఈ గంజాయి తరలింపులో కీలక పాత్రధారులు మధురైకి చెందిన రాజేంద్రన్, విశాఖపట్నం జిల్లాకు చెందిన నూకయ్యనాయుడుగా గుర్తించారు. త్వరలో వారిని కూడా అదుపులోకి తీసుకుంటామని డీఎస్పీ తెలిపారు. గంజాయి తరలిస్తూ పట్టుబడిన ఇద్దరు నిందితులు సెంగుత్తవాన్‌ బాలు, కేపీ రాజాలను గురువారం అరెస్టు చేసి కోర్టుకు హాజరుపరిచామన్నారు. గంజాయి పట్టుకోవడంలో చాకచక్యంగా వ్యవహరించిన సీఐ పి.శేషగిరిరావు, ఎస్‌ఐ ఆరోగ్యరాజు, హెడ్‌ కానిస్టేబుల్‌ రాజశేఖర్, కానిస్టేబుల్‌ యానాదిలను డీఎస్పీ ప్రత్యేకంగా అభినందించారు. సమావేశంలో సీఐ పి.శేషగిరిరావు, ఎస్‌ఐలు సత్యనారాయణ, ఆరోగ్యరాజు, సిబ్బంది ఉన్నారు. 

‘దమ్‌ మారో దమ్‌...’ రాకెట్‌ రాజధానిని ఊపేస్తోంది. గం‘జాయ్‌’ మత్తులో యువత చిత్తవుతోంది. అమరావతిలో గంజాయి దందా మూడు ప్యాకెట్లు... ఆరు బస్తాలుగా శరవేగంగా విస్తరిస్తోంది. పక్కా వ్యవస్థతో కృష్ణా, గుంటూరు జిల్లాల్లో నెలకు రూ.3 కోట్ల దందా సాగుతోంది.. కానీ అధికార యంత్రాంగం మాత్రం నిర్లక్ష్యపు మత్తులో జోగుతుండటం గంజాయి దందా పంట పండిస్తోంది. సాక్షి, అమరావతిబ్యూరో: విజయవాడ, గుంటూరు నగరాలతోపాటు పలు ప్రాంతాల్లో  గంజాయి విక్రయాలు అడ్డూ అదుపూ లేకుండా సాగుతున్నాయి. అధికారవర్గాలు అనధికారికంగా వెల్లడిస్తున్న సమాచారం ప్రకారం... ఒడిశా, ఛత్తీస్‌ఘడ్‌ల నుంచి గంజాయి అక్రమ రవాణాకు విజయవాడను గేట్‌వేగా వాడుకుంటున్నారు. రోడ్డు, రైలు మార్గాల ద్వారా భారీ పరిమాణంలో హనుమాన్‌ జంక్షన్‌– విజయవాడ మధ్యలో గిడ్డంగులకు తరలిస్తున్నారు. అక్కడ నుంచి చిన్న చిన్న బస్తాల్లో ప్యాక్‌ చేసి 90 శాతం సరుకును తెలంగాణ, కర్ణాటక, తమిళనాడులకు సరఫరా చేస్తున్నారు. 10 శాతం వరకు గంజాయిని రాజధానిలోనే విక్రయిస్తున్నారు. ఏజెంట్లను ఏర్పాటు చేసుకుని   విజయవాడ, గుంటూరు శివారు ప్రాంతాలు, వృత్తి విద్యా కాలేజీలు, వన్‌టౌన్‌ ప్రాంతాల్లో విచ్చలవిడిగా విక్రయాలు సాగిస్తున్నారు. గంజాయిని చిన్నచిన్న పొట్లాలుగా చేసి విక్రయిస్తున్నారు. గంజాయి పొడిని కూర్చిన సిగరెట్ల పట్ల యువత ఎక్కువుగా ఆకర్షితులు అవుతున్నారు. నెలకు రూ.3 కోట్లు దందా.... రాజధానిలో ఒక్కో చిన్న గంజాయి  ప్యాకెట్‌ రూ.500 నుంచి రూ.2వేల చొప్పున విక్రయిస్తున్నట్లు సమాచారం. గంజాయి పొడి కూర్చిన సిగరెట్‌ ఒక్కోటి డిమాండ్‌ను బట్టి రూ.100 నుంచి రూ.300 వరకు అమ్ముతున్నారు. అధికారవర్గాల అంచనా ప్రకారం అమరావతి పరిధిలో నెలకు రూ.3 కోట్ల వరకు గంజాయి విక్రయాలు సాగుతున్నాయి. ఐక్యరాజ్యసమితి 2017లో  నివేదిక ప్రకారం మత్తు పదార్థాలకు బానిసవుతున్న యువతలో మన రాష్ట్రం రెండోస్థానంలో ఉంది. రాష్ట్రంలో  60 శాతం యువత మత్తు పదార్థాల వ్యసనపరులుగా మారుతున్నారు. అందులో మద్యంతోపాటు గంజాయి, ఇతర డ్రగ్స్‌ ఉన్నాయి.  అమరావతి పరిధిలోని కృష్ణా, గుంటూరు జిల్లాల్లో 50 శాతం  ప్రొఫెషనల్‌ కాలేజీల్లో  గంజాయి అందుబాటులోకి వచ్చిందని ఓ అధికారి తెలిపారు. యువతలో పెరుగుతున్నమానసిక రుగ్మతలు గంజాయి మత్తు రాజధానిలో యువతను చిత్తు చేస్తోంది. చదువు, కెరీర్‌ను నిర్లక్ష్యం చేస్తూ భవిష్యత్‌ను పాడుచేసుకుంటున్నారు. విజయవాడ, గుంటూరులలో రెండేళ్లుగా మానసిక వైద్యుల వద్దకు వస్తున్న రోగుల్లో యువతే ఎక్కువుగా ఉంటున్నారు. వారిలో కూడా 50 శాతం మంది గంజాయికి బానిసలుగా మారినవారే ఉండటం గమనార్హం.  గతంలో ఇంజినీరింగ్, మెడిసిన్, మేనేజ్‌మెంట్‌ కోర్సుల విద్యార్థులు కొందరు గంజాయికి అలవాటు పడేవారు. కానీ ప్రస్తుతం డిగ్రీ, ఇంటర్మీయడిట్‌ విద్యార్థులు కూడా గంజాయికి బానిసలుగా మారుతుండటం పరిస్థితి తీవ్రతను తెలియజేస్తోంది. రోజూ కనీసం 10 మంది నుంచి 15 మంది  పిల్లలను వారి తల్లిదండ్రులు  తమ వద్దకు చికిత్స కోసం తీసుకువస్తున్నారని ప్రముఖ మానసిక వైద్యుడు  డాక్టర్‌ ఇండ్ల రామసుబ్బారెడ్డి ‘సాక్షి’కి తెలిపారు. వారిలో 17 ఏళ్ల వయసు విద్యార్థులు కూడా ఉండటం మరింత ఆందోళనకరంగా ఉందన్నారు.  అధికార యంత్రాంగానికి నిర్లక్ష్యపు మత్తు యువత భవితను ఛిద్రం చేస్తున్న గంజాయి రాకెట్‌పై అధికార యంత్రాంగం ఉదాసీనంగా వ్యవహరిస్తోంది. గంజాయి, ఇతర మత్తు పదార్థాల అక్రమ రవాణాను అరికట్టేందుకు ఏకీకృత వ్యవస్థ అంటూ లేకుండాపోయింది. రాష్ట్ర ప్రభుత్వం ఇంతవరకు విజయవాడలో యాంటీ నార్కోటిక్స్‌ విభాగాన్ని ప్రత్యేకంగా ఏర్పాటు చేయకపోవడం విస్మయపరుస్తోంది. పోలీసులు కూడా సాధారణ క్రైం అంశంగానే చూస్తున్నారు తప్పా ప్రత్యేక చర్యలు చేపట్టడం లేదు. ఎక్సైజ్‌ శాఖ మద్యం దుకాణాలు, బార్ల వ్యవహారాలకే పరిమితమవుతోంది. కేంద్ర ప్రభుత్వం రెవెన్యూ ఇంటలిజెన్స్‌ విభాగాన్ని విజయవాడలో కొన్ని నెలల క్రితం ఏర్పాటు చేసింది. కానీ ఆ  విభాగానికి సిబ్బంది కొరత వేధిస్తోంది. రాష్ట్ర ప్రభుత్వంవిభాగాలు  క్షేత్రస్థాయిలో ఆశించినస్థాయిలో సహకరించడం లేదు. దాంతో అప్పుడప్పుడు దాడులు చేయడం తప్పా ...నిరంతర నిఘా కొరవడుతోంది. విజయవాడ గుండా సాగుతున్న గంజాయి అక్రమ రవాణాలో  10శాతం మాత్రమే తాము  అడ్డుకట్ట వేయగలుగుతున్నామని ఓ అధికారి చెప్పడం గమనార్హం.  కఠిన చర్యలే పరిష్కారం ‘గంజాయికి బానిసైతే తీవ్ర మానసిక రుగ్మతలకు దారితీస్తోంది. తమ పిల్లలు గంజాయికి బాగా వ్యసనపరులుగా మారిన తరువాతే తల్లిదండ్రులు గుర్తిస్తుండటంతో సమస్య జఠిలమవుతోంది. తల్లిదండ్రులు అత్యంత అప్రమత్తంగా ఉండి పిల్లల నడవడికను గమనిస్తూ ఉండాలి. ప్రారంభదశలోనే గుర్తించి సరైన వైద్యం చేయిస్తే ఫలితం ఉంటుంది. గంజాయి విక్రయాలను అరికట్టేందుకు  అధికారులు కఠిన చర్యలు తీసుకోవాలి.’      డాక్టర్‌ ఇండ్ల రామసుబ్బారెడ్డి

కుత్బుల్లాపూర్‌: గంజాయి విక్రయదారులు రూటు మార్చారు.. గంజాయి విక్రయాలపై పోలీసులు దాడులు ముమ్మరం చేసిన నేపథ్యంలో వారి కళ్లుగప్పేందుకు చాక్లెట్ల రూపంలో అమ్మకాలు చేపట్టారు.. దీనిపై సమాచారం అందడంతో టాస్క్‌ఫోర్స్‌ సీఐ సహదేవ్, సిబ్బంది మాటు వేసి విక్రయదారుడిని అరెస్ట్‌ చేశారు. వివరాల్లోకి వెళితే.. బాచుపల్లి ప్రధాన రహదారిలో పాన్‌షాప్‌ నిర్వహిస్తున్న దేవేంద్రకుమార్‌ దాస్‌ చాక్లెట్ల రూపంలో గంజాయి విక్రయిస్తున్నట్లు సమాచారం అందడంతో పోలీసులు దాడులు నిర్వహించి నిందితుడు దాస్‌ను రెడ్‌హ్యాండెడ్‌గా పట్టుకున్నారు. 400 గ్రాముల గంజాయి,  260 గంజాయి చాక్లెట్లు, సెల్‌ఫోన్, బైక్‌ను స్వాధీనం చేసుకున్నారు. నిందితుడిని తదుపరి విచారణ నిమిత్తం కుత్బుల్లాపూర్‌ ఎక్సైజ్‌ పోలీసులకు అప్పగించారు. ఈ కేసులో కీలకంగా వ్యవహరించిన టాస్క్‌ఫోర్స్‌ సీఐ సహదేవ్, సిబ్బందిని మేడ్చల్‌ జిల్లా ఎక్సైజ్‌ సూపరిండెంట్‌ గణేష్‌గౌడ్‌ అభినందించారు.

అరకులోయ: ఏవోబీ... ఇది ఇప్పుడు  మావోయిస్టులకే కాకుండా గంజాయి సాగు, స్మగర్లకు షెల్ట్టర్‌జోన్‌గా మారింది.ఏజెన్సీలోని పలు మండలాల్లో ఎక్సైజ్, పోలీసు అధికారలు దాడులు చేస్తుండడంతో  గంజాయి వ్యాపారులు ఇప్పుడు ఏవోబీపై దృష్టిసారించారు. విశాఖ ఏజెన్సీలోని గంజాయి తోటలపై ప్రభుత్వం దృష్టిసారించడంతో బడా వ్యాపారులంతా మకాం మార్చారు. మావోయిస్టులకు పట్టున్న ప్రాంతం కావడంతో ఒడిశా,  విశాఖ జిల్లాకు చెందిన పోలీసు,ఎక్సైజ్‌శాఖలు ఏవోబీలో గంజాయి తోటల జోలికి పోవడం లేదు.దీంతో గంజాయి స్మగర్లర్లు ఏవోబీలో భారీగా పెట్టుబడులు పెట్టి గంజాయి సాగు చేయిస్తున్నారు. జీకే వీధి,చింతపల్లి,జి.మాడుగుల,పెదబయలు,ముంచంగిపుట్టు మండలాల పరిధిలోని మారుమూల గ్రామాలు ఒడిశా సరిహద్దులో ఉన్నాయి.దీంతో ఒడిశా,ఆంధ్రా భూములనే తేడా లేకుండా నీటి వనరులు అందుబాటులో ఉన్నచోట గంజాయిని సాగుచేస్తున్నారు. ఒడిశాలోని కటాఫ్‌ ఏరియాలో గంజాయి  విస్తృంగా సాగవుతోంది. ఆధునిక పద్ధతుల్లో ఏవోబీలో గిరిజనులంతా అధునిక పద్ధతుల్లో  గంజాయిని సాగుచేస్తున్నారు.గంజాయి సాగుకు ఎరువులు,క్రిమిసంహరక మందుల వినియోగం కూడా గతంలో కన్న బాగా పెరిగింది.శీలావతి రకం గంజాయికి విలువ అధికంగా ఉండడంతో వ్యాపారులంతా దీనినే ప్రోత్సహిస్తున్నారు.  సుమారు 10వేల ఎకరాల విస్తీర్ణంలో గంజాయి సాగులో ఉన్నట్టు ప్రచారం జరుగుతోంది.బలిమెల, సీలేరు రిజర్వాయర్లను ఆనుకుని ఉన్న పరివాహక ప్రాంతాలలో గంజాయి సాగు అధికంగా ఉంది.మల్కన్‌గిరి కటాఫ్‌ ఏరియాలో ఎక్కడ చూసిన గంజాయి వనాలే అధికంగా దర్శనమిస్తున్నాయి. వ్యతిరేకత వస్తుందని.. ఏవోబీలో గంజాయి సాగు అధికంగా ఉందనే సమాచారం ఇరురాష్ట్రాల  పోలీసు,ఎక్సైజ్‌ అధికార యంత్రాంగం వద్ద  ఉన్నప్పటికీ దాడులు చేసేందుకు వెనుకడుగువేస్తున్నారు. మావో యిస్టు ప్రభావిత ప్రాంతాలు కావడంతో అక్కడికి వెళ్లేందుకు సాహసించడం లేదు.  ఏవోబీలో  గిరిజనుల్లో  ఇప్పుడిప్పుడే పోలీసుల పట్ల సానుకూలత ఏర్పడుతోంది.  ఈ సమయంలో దాడులు చేస్తే  గిరిజనుల నుంచి తీవ్ర వ్యతిరేకత వస్తుందన్న ఆలోచనలో పోలీసు అధికారులు ఉన్నట్టు తెలుస్తోంది. ఏవోబీలో కూంబింగ్‌ చర్యలు చేపడుతున్న సమయంలో గంజాయి తోటలు కంట పడుతున్నప్పటికీ    ఇరు రాష్ట్రాల పోలీసు పార్టీలు దాడులు చేయడం లేదు.కేవలం మావోయిస్టుల ఏరివేత లక్ష్యంతోనే కూంబింగ్‌లు జరుగుతున్నాయి.గడచిన 10 ఏళ్లలో ఏవోబీలో గంజాయి తోటలను నాశనం చేసిన దాఖలాలు లేవు.ఒడిశాలోని యంత్రాంగం కూడా గంజాయి తోటలను చూసిచూడనట్టుగానే వ్యవహరిస్తోంది.గత రెండేళ్ల నుంచి విశాఖ ఏజెన్సీలో గంజాయి సాగు నిర్మూలనకు ప్రభుత్వం చర్యలు చేపట్టింది.గత ఏడాది 288 గ్రామా ల పరిధిలో సాగైన 3200 ఎకరాలలో గంజాయి తోటలను ధ్వంసం చేసినట్టు ఎక్సైజ్‌ అధికారులు ప్రకటిస్తున్నప్పటికీ,ఈ గంజాయి దాడులు మాత్రం మావోయిస్టు ప్రభావిత గ్రామాలు,ఏవోబీలో మాత్రం జరగలేదు.ఏవోబీలో ఒక్క ఎకరం గంజాయితోటను కూడా పోలీసు,ఎక్సైజ్‌శాఖల  ఉమ్మడి దాడుల్లో ధ్వంసం చేయలేకపోయాయి. అక్కడ ప్రస్తుతం గంజాయి తోటలలో మొక్కలు ఏపుగా పెరుగుతున్నాయి.ఏవోబీలో గంజాయి తోటల సాగు ఉచ్చు నుంచి గిరిజనులను బయటకు తీసుకొచ్చే చర్యలు చేపట్టి,ఏవోబీలో మకాం వేసిన గంజాయి వ్యాపారులను కూడా నియంత్రించాలని పలువురు కోరుతున్నారు.

చిత్తూరు , శ్రీకాళహస్తి టౌన్ః ఆర్టీసీ బస్సులో అక్రమంగా తరలిస్తున్న 74 కేజీల గంజాయిని స్వాధీనం చేసుకున్నట్లు చిత్తూరు ఎక్సైజ్‌ డీసీ టి.నాగలక్ష్మి తెలిపారు. ఆదివారం శ్రీకాళహస్తిలోని ఎక్సైజ్‌ శాఖ కార్యాలయంలో జరిగిన విలేకరుల సమావేశంలో ఆమె మాట్లాడుతూ శ్రీకాళహస్తి ఎక్సైజ్‌ సీఐ లీలారాణి ఆధ్వర్యంలో పోలీసులు తెల్లవా రు జామున వాహనాలు తనీఖీ చేస్తుండగా.. బసవయ్యపాళెం చెక్‌పోస్టు వద్ద  విజయవాడ నుంచి తిరుపతి వెళ్తున్న ఆర్టీసీ బస్సులో గంజా యి ఉన్నట్లు గుర్తించారు. 6 బస్తాలలో తరలి స్తున్న గంజాయిని స్వాధీనం చేసుకున్నారు. వాటి విలువ సుమారుగా రూ.2 లక్షల 22 వేలు ఉంటుందని తెలిపారు. గంజాయితో పాటు ఇద్దరు పురుషులు, నలుగులు మహిళలను అరె స్టు చేసినట్లు తెలిపారు. వీరు చింతపూడి నుంచి బెంగళూరుకు గంజాయిని తరలిస్తున్నట్లు గు ర్తించినట్లు పేర్కొన్నారు. అక్కడ కేజీ రూ.895 వంతున కొని బెంగుళూరులో 3 వేల కు విక్రయిస్తున్నట్లు తెలిపారు. అరెస్టు అయిన వారిలో మదనపల్లెకు చెందిన చంద్ర, రవి, సాలమ్మ, పద్మావతి, భాగ్య, గౌరమ్మ ఉన్నారు.  వీరిలో చంద్రపై 2016లో గంజాయి కేసు నమోదై అరెస్టు చేసినట్లు వివరించారు. నింది తులను రిమాండ్‌కు తరలించినట్లు తెలిపారు. అధికారులు నాగముద్దయ్య, గోపాల్, శ్యాం సుందర్, నాగభూషణం, మురళీ మోహన్‌ పాల్గొన్నారు.

నిజామాబాద్‌ క్రైం(నిజామాబాద్‌ అర్బన్‌): గంజాయి రవాణా చేస్తున్న ఇద్దరిని అరెస్టు చేసినట్లు పోలీస్‌ కమిషనర్‌ కార్తికేయ వెల్లడించారు. ఇదే కేసుతో సంబంధం ఉన్న మరో వ్యక్తి ప్రస్తుతం పరారీలో ఉన్నాడని ఇతడి కోసం పోలీసులు గాలిస్తున్నారని తెలిపారు. వీరు గంజాయి ఎవరి నుంచి తెచ్చారు, ఎవరికి సప్లయ్‌ చేస్తున్నారో వారి కోసం సైతం పోలీసులు గాలింపు చర్యలు చేపట్టనున్నట్లు సీపీ తెలిపారు. ఈ సంఘటన వివరాలను శుక్రవారం ఒకటో టౌన్‌ పోలీస్‌స్టేషన్‌లో సీపీ విలేకరులతో వెల్లడించారు. డిచ్‌పల్లి మండలం దేవ్‌నగర్‌(అమృతాపూర్‌)కు చెందిన ఏ2 గువ్వల దేవయ్య అలియాస్‌ డేవిడ్‌ నెల క్రితం నిజామాబాద్‌ బస్టాండ్‌ వద్ద గంజాయి ప్రధాన సూత్రదారి హైదరాబాద్‌కు చెందిన ఏ1 సుదర్శన్‌ను కలిశాడు. సుదర్శన్‌ తాను గంజాయి వ్యాపారం చేస్తున్నట్లు తెలిపి గంజాయిని ముంబాయిలోని సిగ్నగల్లిలో ఉండే వ్యక్తికి సప్లయ్‌ చేస్తే కమిషన్‌ ఇస్తానని తెలిపాడు. దీనికి దేవయ్య ఒప్పుకున్నాడు. సుదర్శన్‌ ఓ కారులో ఐదు పెద్ద బ్యాగ్‌ల్లో 176 కిలోల గంజాయిని దేవ్‌నగర్‌కు పంపాడు. దీనిని దేవయ్య తన బామ్మర్ది రాజారత్నం ఇంట్లో నిల్వ చేశాడు. వీటి నుంచి 13 ప్యాకెట్లు 26 కిలోల గంజాయిని దేవయ్య అతడి తమ్ముడి భార్య గువ్వల శారద కలిసి గత గురువారం ఏపీ 25ఎక్స్‌ 3559 నంబరు గల ఆటోలో నిజామాబాద్‌కు తెచ్చారు. నగరంలోని రైల్వేస్టేషన్‌ ప్రాంతం నుంచి ఆరేంజ్‌ బస్సు నం.ఏఆర్‌ 02 5665లో ముంబయికి గంజాయి తీసుకెళ్లేందుకు టిక్కెట్లు తీసుకున్నారు. ఈ విషయం వన్‌టౌన్‌ ఎస్‌ఐ వెంకటేశ్వర్లకు తెలిసింది. దీంతో అప్రమత్తమైన ఎస్‌ఐ ఇద్దరు కానిస్టేబుళ్లతో ట్రావెల్స్‌కు చేరుకుని బస్సులో తనిఖీలు చేశారు. 26 కిలోలు గల 13 ప్యాకెట్ల గంజాయి లభ్యమైంది. వీటిని ముంబయికి తరలిస్తున్న దేవయ్య, శారదను అదుపులోకి తీసుకున్నట్లు సీపీ తెలిపారు. అనంతరం వీరిని విచారించగా దేవయ్య బామ్మర్ది రాజారత్నం ఇంట్లో పెద్ద ఎత్తున గంజాయి నిల్వ ఉన్నట్లు పోలీసుల విచారణలో తేలింది. దాంతో పోలీసులు అక్కడకు వెళ్లి 150 కిలోలు గల 75 ప్యాకెట్లను పోలీసులు స్వాధీనం చేసుకున్నట్లు సీపీ తెలిపారు. రాజారత్నం ఆ సమయంలో ఇంట్లో లేక పోలీసులకు చిక్కలేదు. ప్రస్తుతం అతను పరారీలో ఉన్నాడని, హైదరాబాద్‌లో తలదాచుకున్నట్లు తెలిసిందన్నారు. ప్రధాన సూత్రదారి సుదర్శన్‌ కోసం పోలీసులు గాలిస్తున్నారని, త్వరలోనే పట్టుకుంటామని సీపీ తెలిపారు. గంజాయి పట్టుకున్న ఎస్‌హెచ్‌వో నాగేశ్వర్‌రావు, ఎస్‌ఐ వెంకటేశ్వర్లు, హెచ్‌సీ గంగాధర్, కానిస్టేబుల్స్‌ ప్రసాద్‌గౌడ్, నరేష్‌ను సీపీ అభినందించారు. వీరికి త్వరలో రివార్డులు ఇస్తామని ప్రకటించారు. సమావేశంలో నిజామాబాద్‌ ఏసీపీ సుదర్శన్, ఎస్‌ఐ గౌరేందర్‌ పాల్గొన్నారు.   అనుమానితులను తనిఖీ చేస్తాం..  రైల్వేస్టేషన్, బస్టాండ్, ప్రైవేట్‌ ట్రావెల్స్‌ ద్వారా ప్రయాణం చేసే అనుమానిత ప్రయాణికులను ముమ్మరంగా తనిఖీలు చేయనున్నట్లు సీపీ కార్తికేయ తెలిపారు. ప్రయాణికులకు చెందినవి పెద్ద బ్యాగ్‌లు ఏమైన ఉంటే వాటిని తనిఖీలు చేయాలని రైల్వే, ఆర్‌టీసీ అధికారులకు లేఖ రాస్తామని సీపీ చెప్పారు. ప్రైవేట్‌ ట్రావెల్స్‌కు చెందిన వారికి కూడా తనిఖీలు చేయాలని, ఈ బస్సుల్లో చట్టవ్యతిరేక పనులు, అక్రమ తరలింపులు ఏమైన బయటపడితే ఆ బస్సులను సీజ్‌ చేస్తామని సీపీ హెచ్చరించారు.

టోక్యో: జపాన్‌లోని ఎగువసభ భవనం ఆవరణలో గంజాయి మొక్కలు కనిపించటంతో కలకలం చెలరేగింది. గురువారం ఓ సందర్శకుడు నాలుగు గంజాయి మొక్కలను గమనించి, అధికారులకు సమాచారం అందించాడు. ఈ ఘటనపై టోక్యో మెట్రోపాలిటన్‌ గవర్నమెంట్‌కు ఫిర్యాదు చేసినట్లు ఎగువసభ భవనం నిర్వహణాధికారి తెలిపారు. మాదకద్రవ్యాలపై ఉక్కుపాదం మోపుతున్న జపాన్‌ గంజాయి వాడారన్న కారణంతో గతంలో పలువురు సుమో రెజ్లర్లను, కళాకారుల్ని, విద్యార్థుల్ని అరెస్ట్‌ చేసింది.

సాక్షి, మాడుగుల : మండలంలో విశాఖ ఎన్‌ఫోర్స్‌మెంట్‌ అధికారులు బుధవారం దాడులు  నిర్వహించారు.   పాడేరు నుంచి మైదాన ప్రాంతానికి రెండు కార్లలో తరలిస్తున్న  240 కిలోల  గంజాయిని పట్టుకున్నారు.  విశాఖ ఎన్‌ఫోర్స్‌మెంట్‌ సీఐ సీహెచ్‌.వి.ప్రసాద్‌ తెలిపిన వివరాలు ఇలా ఉన్నాయి. పాడేరు నుంచి గంజాయి తరలిస్తున్నట్టు అందిన సమాచారం మేరకు తాటిపర్తి చెక్‌ పోస్టు వద్దకు వెళుతుండగా తమను గమనించిన నిందితులు కార్లు, గంజాయి మూటలను వదిలి పరారయ్యారన్నారు. గంజాయి, కార్లను స్థానిక ఎక్సైజ్‌ స్టేషన్‌కు అప్పగించామని చెప్పారు. నిందితుల కోసం గాలిస్తున్నట్టు ఆయన తెలిపారు. ఈ కార్యక్రమంలో ఎన్‌ఫోర్స్‌ మెంట్‌ ఎస్‌.ఐ నాగేశ్వరరావు సిబ్బంది పాల్గొన్నారు. గంజాయి తరలిస్తున్నముగ్గురు మహిళల అరెస్ట్‌ ఎన్‌ఏడీ జంక్షన్‌(విశాఖ పశ్చిమ) : గిరిజన ప్రాంతాల్లో గంజాయి కొనుగోలు చేసి ఢిల్లీకి తరలించేందుకు ప్రయత్నిస్తున్న ముగ్గురు మహిళలను టాస్క్‌ఫోర్స్‌ పోలీసులు బుధవారం పట్టుకున్నారు. మరో ఇద్దరు పరారయ్యారు.  సర్కిల్‌ – 4 ఎక్సైజ్‌ సీఐ రామ్మోహన్‌రెడ్డి తెలిపిన వివరాల ప్రకారం... తమిళనాడుకు చెందిన కొంతమంది ఢిల్లీలో నివసిస్తున్నారు. వీరిలో ఐదుగురు విశాఖలోని గిరిజన ప్రాంతంలో గంజాయి కొనుగోలు చేసి ఢిల్లీ తరలించేందుకు సిద్ధమయ్యారు. విషయం తెలుసుకున్న టాస్క్‌ఫోర్స్‌ ఎస్‌ఐ వినయ్‌కుమార్‌ సిబ్బందితో ఎన్‌ఏడీ కూడలిలో మాటువేసి పట్టుకున్నారు. ఆ సమయంలో ముగ్గురు చిక్కగా, ఇద్దరు తప్పించుకున్నారు. 18 కిలోల గంజాయి, ఒక బైక్‌ స్వాధీనం చేసుకున్నారు. పట్టుకున్న గంజాయి విలువ సుమారు రూ.50 వేలు ఉంటుందని చెబుతున్నారు. మహిళలతోపాటు బైక్, గంజా యిని టాస్క్‌ఫోర్స్‌ పోలీసులు సర్కిల్‌ – 4 ఎక్సైజ్‌ స్టేషన్‌లో అప్పగించారు. దీనిపై ఎక్సైజ్‌ సీఐ రామ్మోహన్‌రెడ్డి కేసు నమోదు చేశారు.

చిల్లకూరు: ప్రైవేట్‌ ట్రావెల్స్‌ బస్సులో గంజాయిని రవాణా చేస్తున్న వ్యక్తిని, విక్రేతలను పోలీసులు అరెస్ట్‌ చేశారు. చిల్లకూరు పోలీసు స్టేషన్‌లో సోమవారం గూడూరు డీఎస్పీ వీఎస్‌ రాంబాబు విలేకరుల సమావేశంలో వివరాలను వెల్లడించారు. ఇటీవల గూడూరు పరిసర ప్రాంతాల్లో గంజాయి విక్రయం పెరిగడంతో, దీనిపై దృష్టి పెట్టామన్నారు. రెండురోజుల క్రితం ఆదివారం రూరల్‌ సీఐ అక్కేశ్వరరావు, ఎస్సై శ్రీనివాసరావుకు వైజాగ్‌ నుంచి తిరుపతికి వెళుతున్న శ్రీ కృష్ణ ట్రావెల్స్‌ బస్సులో గంజాయి రవాణా జరుగుతోందని సమాచారం వచ్చిందన్నారు. ఆరోజు సాయంత్రం ఆయన సిబ్బందితో కలసి కోట క్రాస్‌రోడ్డు వద్ద బస్సును నిలిపి తనిఖీ చేయగా ఓ బ్యాగ్‌లో నాలుగు ప్యాకెట్ల (8.5 కేజీలు) గంజాయిని గుర్తించారని తెలిపారు. ఆ బ్యాగ్‌తో పాటు ప్రయాణిస్తున్న వేలుపాండ్యన్‌ ఉదయ్‌ అనే వ్యక్తిని అదుపులోకి తీసుకుని విచారించామన్నారు. కోటకు చెందిన నూరుబాషాకు గంజాయిని సరఫరా చేసి అతని ద్వారా గూడూరు, కోట ప్రాంతాల్లో విక్రయిస్తున్నట్లు చెప్పాడన్నారు. దీంతో నూర్‌బాషాతో పాటు అతని భార్య మదార్‌బీని అరెస్ట్‌ చేసినట్లు తెలిపారు. వేలుపాండ్యన్‌ ఉదయ్‌కు చెందిన ఆటోను స్వాధీనం చేసుకుని కేసు నమోదుచేసి మరింత విచారిస్తున్నామన్నారు. స్వాధీనం చేసుకున్న గంజాయి విలువ సుమారు రూ.లక్ష వరకు ఉంటుందన్నారు. నిందితులను కోర్టుకు హాజరుస్తున్నట్లు వెల్లడిం చారు. నిందితులను పట్టుకోవడంలో చొరవ చూపిన సీఐ, ఎస్సైలతో పాటు సిబ్బందిని ఆయన అభినందించారు.

విజయనగరం టౌన్‌ : ఖైనీ, గుట్కాతో పాటూ గంజాయి అక్రమ రవాణా జిల్లాలో యథేచ్ఛగా సాగుతోంది. ఒడిశా నుంచి ఖైనీ, గుట్కా, గంజాయి తీసుకువచ్చి జిల్లాలోని వివిధ ప్రాంతాలకు తరలిస్తున్నారు. అక్రమ రవాణాను అరికట్టేందుకు పోలీస్‌ యంత్రాంగం  పూర్తి స్థాయిలో కృషి చేస్తున్నా ప్రతి రోజూ ఎక్కడో ఒకచోట అక్రమ రవాణా గుట్టురట్టవుతోంది. ఇటువంటి నిషేధిత వస్తువుల క్రయ, విక్రయాలు చేపట్టకూడదని ఆదేశాలు జారీ చేస్తున్నా అక్రమార్కులు పట్టించుకోవడం లేదు. రవాణాను అడ్డుకునేందుకు పోలీస్‌ యంత్రాంగం స్పెషల్‌ టాస్క్‌ఫోర్స్‌ టీమ్‌ను ఏర్పాటుచేసి  దాడులు చేపట్టింది. అయినప్పటికీ  వ్యాపారులు వాటిని ఏ మాత్రం లెక్కచేయకుండా  తమ వ్యాపారాలను  రహస్యంగా సాగిస్తున్నారు.   తరలిపోతుందిలా... ఒడిశా రాష్ట్రం నుంచి తీసుకువస్తున్న నిషేధిత ఖైనీ, గుట్కాలు జిల్లాలోని వివిధ ప్రాంతాలతో పాటు ఇతర రాష్ట్రాలకు తరలిస్తున్నారు. 2017లో జిల్లాలో 529 కేసులు నమోదవ్వగా... ఈ ఏడాది మే 21 నాటికి  57 కేసులు నమోదుచేశారు. వీటితో పాటు విజయనగరం పోలీస్‌లు  86 మందిని అదుపులోకి తీసుకుని వారి వద్ద నుంచి రూ. 17, 80, 286 విలువైన సరుకు సీజ్‌ చేశారు. అదేవిధంగా గంజాయి కూడా ఇతర ప్రాంతాల నుంచి మన జిల్లా మీదుగా తరలిపోతుంది. ఇందులో ప్రధానంగా పెదబయలు, మంగబంద, గుంటసీమ, డబ్రిగూడ, అరకు మీదుగా అనంతగిరి, ఎస్‌.కోట, ఎల్‌.కోట, కొత్తవలస మీదుగా విశాఖ తరలిపోతుంటుంది. అదేవిధంగా కొటారుబిల్లి జంక్షన్, గంట్యాడ, తదితర ప్రాంతాల మీదుగా జిల్లాలోకి గంజాయి తరలిస్తున్నారు. ఒడిశాలో కోరాపుట్‌ నుంచి బరంపురం, సాలూరు మీదుగా విజయనగరంలోకి గంజాయి వస్తోంది. వీటితో  పాటు రాయగడ మీదుగా పార్వతీపురం, సీతానగరం, బొబ్బిలి మీదుగా విజయనగరం మీదుగా విశాఖ, తదితర ప్రాంతాలకు గంజాయి తరలిస్తున్నారు.  చెక్‌ పడేనా.. ? గంజాయి, ఖైనీ, గుట్కా వంటి  నిషేధిత వస్తువుల రవాణాపై జిల్లా పోలీస్‌ యంత్రాంగం ప్రత్యేక దృష్టిసారించింది. అత్యాధునిక సాంకేతిక పరిజ్ఞానం సాయంతో ఎప్పటికప్పుడు   వివరాలు తెలుసుకుంటున్నారు. 24 గంటలూ తనిఖీలు చేపడుతున్నందున 2017లో 63 మందిని, 2018 ఇప్పటి వరకు 21 మందిని అదుపులోకి తీసుకుని వారి వద్దన నుంచి ఆరువేలకు పైగా గంజాయిని స్వాధీనం చేసుకున్నారు. ఇంత చేస్తున్నప్పటికీ అక్రమార్కులు పోలీసుల కళ్లుగప్పి రవాణా కొనసాగిస్తున్నారు. కొన్నిప్రాంతాల్లో తనిఖీలు నిర్వహించే సమయాల్లో కొంతమంది పోలీసులు కాసులకు కక్కుర్తి పడడం వల్లే ఈ పరిస్థితి ఏర్పడుతోందన్న అభిప్రాయాలు కూడా వినిపిస్తున్నాయి. ఆస్తులు సీజ్‌ చేస్తాం ఖైనీ, గుట్కా, గంజాయిలను విక్రయిస్తూ పట్టుబడితే వారి ఆస్తులు జప్తు చేస్తాం. ఒక కేసు కంటే ఎక్కువ ఉన్న వారిని గుర్తిస్తున్నాం. నాలుగు కంటే ఎక్కువ కేసులుంటే పీడీ యాక్ట్‌  కేసులు నమోదు చేస్తాం.  –జి.పాలరాజు, ఎస్పీ, విజయనగరం. 

సంగారెడ్డి క్రైం: సంగారెడ్డి పట్టణంలోని శివాజీ నగర్‌లో ఓ ఇంటిలో దాచి ఉంచిన 4.4 కిలోల ఎండు గంజాయి పట్టుకొని నిందితుడిని అదుపులోకి తీసుకున్నట్లు ఎక్సైజ్‌ టాస్క్‌ఫోర్స్‌ సీఐ  శ్రీనివాస్‌రెడ్డి ఒక ప్రకటనలో తెలిపారు. గురువారం రాత్రి 7 గంటల ప్రాంతంలో విశ్వసనీయమైన సమాచారం మేరకు సంగారెడ్డిలోని శివాజీనగర్‌కు చెందిన అమర్‌సింగ్‌ ఇంటిపై దాడి చేశామన్నారు. అతడి ఇంట్లో దాచి ఉంచిన 4.4 కిలోల ఎండు గంజాయి పట్టుకొని నిందితుడిని అదుపులోకి తీసుకున్నట్లు వెల్లడించారు. దాడిలో ఎస్‌ఐ భాస్కర్‌గౌడ్, హెడ్‌కానిస్టేబుల్‌ అలీమ్, జాకబ్, సర్దార్, రవి తదితరులు పాల్గొన్నారు.    

సాక్షి,దేవరపల్లి : విశాఖ జిల్లా పాడేరు నుంచి తమిళనాడుకు రెండు కార్లలో అక్రమంగా రవాణా అవుతున్న 228 కిలోల గంజాయిని సోమవారం ఉదయం దేవరపల్లి వద్ద పోలీసులు పట్టుకున్నారు. గంజాయి విలువ సుమారు రూ.35 లక్షలు ఉంటుందని అంచనా వేస్తున్నారు. గంజాయిని, రెండు కార్లను స్వాధీనం చేసుకుని, నలుగురు నిందితులను అరెస్ట్‌ చేశారు. కొవ్వూరు రూరల్‌ సీఐ సి. శరత్‌రాజ్‌కుమార్‌ ట్రైనీ ఎస్పీ వై.రిషాంత్‌రెడ్డి సోమవారం సాయంత్రం పోలీస్‌ స్టేషన్‌ వద్ద ఏర్పాటు చేసిన విలేకర్ల సమావేశంలో గంజాయి అక్రమ రవాణా గురించి వివరించారు. తమిళనాడులోని దిండిగల్‌ జిల్లా బట్లగుండు గ్రామానికి చెందిన ఆనందన్‌శివసామి, చల్లపాండి, సంగీతకుమార్, రంజిత్‌లు బొలొరా, షిప్టు కార్లులో విశాఖ జిల్లా పాడేరు నుంచి తమిళనాడులోని బట్లగుండు గ్రామానికి 214 గంజాయి ప్యాకెట్లును రవాణా చేస్తున్నట్టు గుర్తించామన్నారు.    

పినపాక :  ఏజెన్సీ ప్రాంతంలో ప్రశాంతంగా ఉండాల్సిన గ్రామాలు గంజాయి మత్తులో ఊగుతూ అసాంఘిక కార్యకలాపాలకు అడ్డాగా మారుతున్నాయి. జిల్లాలో రోజురోజుకు పరిశ్రమల నిర్మాణాలు పెరుగుతుండడంతో వాటి పనులు చేసేందుకు పలు రాష్ట్రాల నుంచి కూలీలు వలస వస్తున్నారు. కాగా ఆయా ప్రాంతాల్లో గంజాయికి అలవాటు పడిన కార్మికులు.. ఇక్కడ కూడా వారు పని చేసే ప్రాంతాల్లో గంజాయి వినియోగానికి మార్గాలు ఏర్పాటు చేసుకుంటున్నారు. ఈ క్రమంలో జిల్లాలో పారిశ్రామిక ప్రాంతాలుగా అభివృద్ధి చెందుతున్న మణుగూరు, పినపాక, అశ్వాపురం, బూర్గంపాడు, పాల్వంచ, కొత్తగూడెం, భద్రాచలం, టేకులపల్లి ప్రాంతాల్లో గంజాయి విక్రయాలు జోరుగా సాగుతున్నాయి. ప్రధానంగా పినపాక నియోజకవర్గంలో భద్రాద్రి పవర్‌ప్లాంట్, సీతారామ, మిషన్‌ భగీరథ ప్రాజెక్టులు నిర్మించే ప్రాంతాలతో పాటు అశ్వాపురం మండల కేంద్రం, ఐటీసీ పరిశ్రమ ఉన్న సారపాక, భద్రాచలం తదితర ఏరియాల్లో గంజాయి వాడకం పెరుగుతోంది. వారం రోజుల వ్యవధిలోనే బూర్గంపాడు మండలంలో రెండు సార్లు గంజాయి విక్రయదారులను అరెస్ట్‌ చేసి, ఇంట్లో నిల్వ చేసిన గంజాయిని పట్టుకోవడం గమనార్హం.  పారిశ్రామిక ప్రాంతాలే ప్రధాన అడ్డాలు...   జిల్లాలోని పారిశ్రామిక ప్రాంతాలే ప్రధాన అడ్డాలుగా గంజాయి వ్యవహారం సాగుతోంది. ఆయా ప్రాంతాల్లో ఏజెంట్లను నియమించుకుని గంజాయి అమ్ముతున్నట్లు విశ్వసనీయ సమాచారం. భద్రాద్రి, పాల్వంచ పవర్‌ ప్లాంట్‌ విస్తరణ పనుల్లో పాల్గొనేందుకు ఒడిశా, మహారాష్ట్ర, రాజస్థాన్, మధ్యప్రదేశ్, పశ్చిమబెంగాల్, బిహార్, ఛత్తీస్‌గఢ్‌ రాష్ట్రాల నుంచి  కార్మికులు వేల సంఖ్యలో వచ్చి మణుగూరు, పాల్వంచ ప్రాంతాల్లో నివసిస్తున్నారు. వీరికి ఆంధ్రప్రదేశ్, ఛత్తీస్‌గఢ్‌ రాష్ట్రాల నుంచి గంజాయి రవాణా అవుతున్నట్లు తెలిసింది. చింతూరు, భద్రాచలం మీదుగా పాల్వంచకు తరలిస్తుండగా, అక్కడి నుంచి భూపాలపల్లి జిల్లా ఏటూరునాగారం నుంచి పినపాక మండలానికి రవాణా చేస్తున్నట్లు సమాచారం.    బానిసవుతున్న యువకులు... గంజాయి అమ్మకాలు ఎక్కువ కావడంతో జిల్లాలోని విద్యార్థులు, యవకులు, కార్మికులు బానిసలుగా మారుతున్నారు. గ్రామాల్లోకే గంజాయి అందుబాటులోకి వస్తుండటంతో యువకులు గంజాయి పీల్చేందుకు ఆసక్తి చూపుతున్నారు. వలస కార్మికులే లక్ష్యంగా రవాణా చేస్తున్నప్పటికీ.. స్థానిక విద్యార్థులు, యువకులు కూడా ఈ మత్తుకు అలవాటుపడుతున్నారు.   అన్ని ధరల్లో ప్యాకెట్లు లభ్యం... ఆయా ప్రాంతాల్లో స్థానికంగా ఉండే కొందరిని ఎంచుకొని వారికి కొంత కమీషన్‌ ఇస్తూ  గంజాయి రవాణా, అమ్మకాలు సాగుతున్నాయి. భద్రాద్రి పవర్‌ప్లాంట్‌ నిర్మాణ ప్రాంతాల్లో గల లేబర్‌ కాలనీల్లో, పాల్వంచ పవర్‌ప్లాంట్‌ విస్తరణ పనులు చేస్తున్న కాలనీల్లో గుట్కా ప్యాకెట్లలో పెట్టి గంజాయిని హోటళ్లు, కిరాణా దుకాణాల్లోనూ విక్రయిస్తున్నారు. ఖైనీ ప్యాకెట్ల రూపంలో గంజాయిని ప్యాక్‌ చేసి అమ్ముతున్నారు. రూ.20, 30, 60, 120, 200, 300, 500 ఇలా అన్ని ధరల్లో అందుబాటులో ఉండేలా ప్యాకెట్లు తయారుచేసి విక్రయిస్తున్నారు. ఏటూరునాగారం నుంచి మణుగూరు, పినపాకకు, భద్రాచలం నుంచి  పాల్వంచ, సారపాకకు వారానికి ఒకసారి ఆటోల ద్వారా గంజాయి తరలిస్తున్నారు. కాగా ఈ అమ్మకాలు రోజువారీగా గ్రామాల్లో సాగుతున్నా సంబంధిత అధికారులు నిఘా ఏర్పాటు చేయడంలో నిర్లక్ష్యంగా వ్యవహరిస్తున్నారనే ఆరోపణలు వస్తున్నా యి. దీనిపై మణుగూరు డీఎస్పీ ఆర్‌.సాయిబాబాను వివరణ కోరేందుకు ప్రయత్నించగా అందుబాటులో లేరు. ఎక్సైజ్‌ సూపరింటెండెంట్‌ సి.నర్సింహారెడ్డిని వివరణ కోరగా  గంజాయి రవాణాపై రెండు నెలలుగా నిఘా పెట్టామని చెప్పారు. ప్రత్యేక బృందాలను ఏర్పాటు చేసి రవాణాను అరికడతామని తెలిపారు.  గ్రామీణ ప్రాంతాలపై ప్రత్యేకంగా దృష్టి సారించామని వివరించారు.

నిజామాబాద్‌ క్రైం(నిజామాబాద్‌ అర్బన్‌): పోలీసులు, ఎక్సైజ్‌ శాఖ అధికారులు గంజాయి రవాణాను అడ్డుకునేందుకు ఎన్ని చర్యలు తీసుకుంటున్నా జిల్లాలోకి వస్తూనే ఉంది. తాజాగా గంజాయి జిల్లాలో మరోసారి కలకలం సృష్టించింది. విచిత్రం ఏమంటే గంజా యి లారీ ఒకేచోట 10 రోజులుగా పార్క్‌ చేసి ఉండటం. ఈ లారీపై ఎవరికి అనుమానం రాకుం డా లారీ డ్రైవర్‌ క్యాబిన్‌లో గంజాయి దాచిపెట్టేందుకు ప్రత్యేక ఏర్పాట్లు ఉండడం ఎవరికి అనుమానం రాలేదు. చివరికి అజ్ఞాతవాసి ఒకరు పోలీసులకు పక్కా సమాచారం ఇచ్చారు. దీంతో గంజాయి గుట్టు రట్టయ్యింది. ఈ సంఘటన వివరాలను సీపీ కార్తికేయ శుక్రవారం పోలీస్‌ కమిషనరేట్‌ కార్యాలయంలో విలేకరులతో వెల్లడించారు. డిచ్‌పల్లి మండలం సుద్దులం గ్రామానికి చెందిన గజిబికర్‌ హుస్సేన్‌ బామ్మర్ది హైదరాబాద్‌ కూకట్‌పల్లికి చెందిన సుదర్శన్‌ గంజాయి స్మగ్లర్‌. విశాఖపట్నం, శ్రీకాళుళం, ఒడిశా రాష్ట్రాల సరిహద్దు ప్రాంతాల నుంచి గంజాయి తెచ్చి విశాఖపట్నం, విజయవాడ, నల్గొండ, నిజామాబాద్‌ జిల్లాల మీదుగా మహారాష్ట్రలోని ముంబయికి రవాణా చేస్తుంటాడు. ఇతడిపై పలు జిల్లాలో వివిధ పోలీస్‌స్టేషన్లలో అనేక కేసులున్నాయి. అరెస్టు అయి జైల్‌శిక్ష అనుభవించినా అతడిలో మార్పు రాలేదు. 20 రోజుల క్రితం ఏపీ 24టీ 7299 నంబరు గల లారీలో గంజాయి తరలించేందుకు లారీడ్రైవర్‌ క్యాబిన్‌ను ప్రత్యేకంగా తయారు చేయించాడు. ఇందులో రెండు కిలోల చొప్పున గల 155 ప్యాకెట్లు 310 కిలోల గంజాయి నింపి విశాఖపట్నం నుంచి నిజామాబాద్‌కు పంపాడు. దీని విలువ సుమారు రూ.16 లక్షలుంటుంది. విశాఖపట్నం నుంచి నిజామాబాద్‌ వరకు మార్గమధ్యలో అనేక చెక్‌పోస్టు తనిఖీ కేంద్రాలు ఉన్నా ఎవరికి లారీలో గంజాయి ఉందన్న అనుమానం రాలేదు. చివరికి లారీ గత నెల 31న సుద్దులంలోని హుస్సేన్‌ ఇంటికి చేరుకుంది. అక్కడే లారీని 14రోజులు నిలిపి ఉంచారు. దాంతో అనుమానం వచ్చిన గుర్తుతెలియని వ్యక్తి ఒకరు సీపీకి సమాచారమిచ్చారు. దీంతో సీపీ డిచ్‌పల్లి పోలీసులకు, టాస్క్‌ఫోర్సు పోలీసులను అప్రమత్తం చేశారు. పోలీసులు అక్కడ కు చేరుకుని లారీని స్వాధీనం చేసుకుని క్షుణ్ణంగా పరిశీలించారు. అనంతరం లారీని స్వాధీనం చేసుకున్నారు. అనుమానం రాకుండా చర్యలు.. గంజాయి అక్రమ రవాణాలో ప్రధాన సూత్రదారి సుదర్శన్‌ 15 రోజుల క్రితం లారీని ఇక్కడకు పంపి తాను మాత్రం హైదరాబాద్‌లోనే ఉండిపోయాడు. సుద్దులం మారుమూల గ్రామం కావటం, ఇక్కడి గ్రామస్తులకు అనుమానం రా కుండా ఉండేందుకు ప్రత్యేక చర్యలు తీసుకున్నాడు. అదే గ్రామానికి చెందిన హుస్సేన్‌ గంజాయి రవాణా చేసినందుకు అతడికి డబ్బులు వస్తుండటంతో బామ్మర్ధి చేసే పనికి అడ్డు చెప్పలేదు. హుస్సేన్‌ ఇంట్లో పోలీసులు తనిఖీలు చేసి 15 ప్యాకెట్ల గంజాయిని పట్టుకున్నారు. సుదర్శన్, లారీడ్రైవర్‌ ప్రస్తుతం పరారీలో ఉన్నారని, వీరిని పట్టుకునేందుకు ప్రత్యేక పోలీస్‌ బృందం హైదరాబాద్‌కు వెళ్లినట్లు సీపీ కార్తికేయ తెలిపారు. గంజాయి లారీని పట్టుకున్న డిచ్‌పల్లి సీఐ రామాంజనేయులు, ఎస్‌ఐ నవీన్‌కుమార్, టాస్క్‌ఫోర్సు సీఐ జగదీష్, చందర్‌రాథోడ్, పోలీసు సిబ్బందిని సీపీ అభినందించారు. మునావర్‌ అలీపై పీడీ యాక్ట్‌.. గంజాయి స్మగ్లర్‌ నగరంలోని ఆటోనగర్‌కు చెందిన మునావర్‌ అలీపై పీడీ యా క్టు చట్టం కింద కేసు నమోదు చేశామని సీపీ కార్తికేయ తెలిపారు. 2017, 18లో మునావర్‌ అలీ గంజాయి స్మగ్లింగ్‌ చేస్తూ పోలీసులకు పట్టుబడ్డా డు. 2018 జనవరిలో మునావర్‌ నుంచి 100 కిలోల గంజాయిను స్వాధీనం చేసుకున్నామని, అతడిపై నిజామాబాద్‌లోనే కాకుండా వివిధ జిల్లాల పోలీస్‌స్టేషన్లలో గంజాయి స్మగ్లింగ్‌ కేసులు ఉన్నాయని, దాంతో అతడిపై పీడీ యాక్టు చట్టం కింద కేసు నమోదు చేశామన్నారు. ప్రస్తుతం మునావర్‌ జైల్‌లో ఉన్నట్లు సీపీ తెలిపారు.

ఖమ్మంక్రైం: ఒడిశా రాష్ట్ర సరిహద్దులతో పాటు ఆంధ్రప్రదేశ్‌లోని విశాఖపట్నం జిల్లా అనకాపల్లి నుంచి గంజాయితో వెళ్తున్న రెండు లారీలను ఖమ్మం టాస్క్‌ఫోర్స్, పోలీసులు గురువారం పట్టుకున్న విష యం విదితమే. శుక్రవారం పోలీస్‌ కమిషనర్‌ కార్యాలయంలో ఏర్పాటు చేసిన విలేకరుల సమావేశంలో సీపీ తఫ్సీర్‌ ఇక్బాల్‌ వివరాలను వెల్లడించారు.  ఒడిశా రాష్ట్ర సరిహద్దుల నుంచి ఖమ్మం మీదుగా రాజస్థాన్‌కు అక్రమంగా గంజా యి రవాణా అవుతున్నట్లు సమాచారం అందుకున్న ఖమ్మంరూరల్, టాస్క్‌ఫోర్స్‌ పోలీసులు వరంగల్‌ క్రాస్‌రోడ్‌ వద్ద నిఘా ఏర్పాటు చేసి వాహనాలను తనిఖీ చేస్తుండగా ఒక లారీలో గంజాయిని తరలిస్తున్నట్లు గుర్తించారు. లారీని ఆపి తనిఖీ చేస్తుండగానే పైలెట్‌గా వెళ్తున్న మరో వాహనంలో ముగ్గురు నిందితులు పారిపోయారు. తనిఖీ చేసిన లారీపై భాగంలో పోలీసులు ఎక్కి చూడగా.. బస్తాలలో గంజాయిని తరలిస్తున్నట్లు బయట పడింది. లారీలో ఉన్న మహబూబాబాద్‌ జిల్లా మరిపెడ బంగ్లాకు చెందిన గుగులోతు వెంకన్న, రాజస్థాన్‌ లోని నాగోర్‌ జిల్లాకు చెందిన లారీ డ్రైవర్‌ ప్రేమ్, క్లీనర్‌ అశోక్‌లను అదుపులోకి తీసుకుని విచారణ చేయగా ఒడిశా రాష్ట్ర సరిహద్దుల నుంచి ఈ గంజాయిని రాజస్థాన్‌కు తరలిస్తున్నట్లు విచారణలో వెల్లడించారు. 460 కేజీల గంజాయిని స్వాధీనం చేసుకున్నారు. దీని విలువ రూ.46 లక్షలు ఉంటుందని సీపీ తెలిపారు. అదే విధంగా ఆంధ్రప్రదేశ్‌లోని విశాఖపట్నం జిల్లా అనకాపల్లి నుంచి బొగ్గు లారీలో అనుమానం రాకుండా భారీ ఎత్తున గం జాయిని తరలిస్తున్నట్లు ఖమ్మం టాస్క్‌ఫోర్స్‌ పోలీసులు, వీఎం బంజర పోలీసులకు సమాచారం అందడంతో వారు లారీని ఆపి సోదాలు చేశారు. ఈ లారీలో పైన, కింద బొగ్గు వేసి ఉండగా అనుమానం రాకుండా మధ్యలో గంజాయి బస్తాలను పెట్టారు. పోలీసులు 31 గంజాయి బస్తాలను బయటకు తీసి చూడగా 646 కేజీలు ఉంటాయని, వీటి విలువ రూ.64,60 లక్షలు ఉంటుందని సీపీ తెలిపారు. ఈ గంజాయిని విశాఖపట్నం జిల్లా నర్సిపట్నానికి చెందిన దేశపతి నాయుడు కర్ణాటకకు చెందిన శివాజి, విశ్వనాథ్‌లతో ఒప్పందం చేసుకున్న ప్రకారం ముంబ యి తరలిస్తున్నామని పట్టుపడిన లక్ష్మణ్‌ రాథోడ్, జాఫర్‌లు తెలిపారు. వీరు మొదట లారీని హైదరాబాద్‌ తీసుకెళ్లి అక్కడి గంజాయిని అన్‌లోడ్‌ చేసి అక్కడికి వచ్చే దేశపతినాయుడు, శివాజి, విశ్వనాథ్‌లు గంజాయిని వివిధ ప్రాంతాలకు సరఫరా చేస్తారు. వీరి వద్ద 2 సెల్‌ఫోన్‌లను స్వాధీన పరచుకున్నట్లు,  రెండు లారీలను సీజ్‌ చేసి పత్రాలను స్వాధీనం చేసుకున్నట్లు సీపీ తెలిపారు. రూరల్‌ ప్రాంతంలో పైలెట్‌ వాహనంలో పారిపోయిన ముగ్గురి కోసం పోలీసులు గాలిస్తున్నారని, అరెస్టయిన వారిపై పీడీ యాక్ట్‌ నమోదు చేస్తామని తెలిపారు.  ఇంత భారీస్థాయిలో గంజాయి పట్టుపడటానికి కారణమైన ఖమ్మం టాస్క్‌ఫోర్స్‌ ఏసీపీ రెహమాన్, రూరల్‌ ఏసీపీ నరేష్‌రెడ్డి, వైరా ఏసీపీ ప్రసన్నకుమార్, ఇతర సిబ్బందిని సీపీ ప్రత్యేకంగా అభినందించారు. ఈ విలేకరుల సమావేశంలో అడిషనల్‌ డీసీపీ సురేష్‌కుమార్‌ తదితరులు పాల్గొన్నారు.

టెక్కలి రూరల్‌/మెళియాపుట్టి: విశాఖ నుంచి ఇచ్ఛాపురం గంజాయి రవాణా చేస్తున్న ఇద్దరు యువకులను పోలీసులు సినీఫక్కీలో పట్టుకున్నారు. నర్సిపురానికి చెందిన హరీష్, నాతవరానికి చెందిన సురేష్‌ పర్లాకిమిడి వైపు నుంచి ఫోర్డు కారులో అక్రమంగా గంజాయి రవాణా చేస్తున్నారన్న సమాచారం మేరకు మెళియాపుట్టి పోలీసులు నిఘా పెట్టారు. మెళియాపుట్టి, చాపర వద్ద ఆటోలను అడ్డంగా ఉంచారు. అయితే మెళియాపుట్టి వద్ద వేగంగా వచ్చిన సదరు కారు ఒక్కసారిగా ఆగినట్టుగా ఆగి వెంటనే ముందుకు దూసుకుపోయింది. ఈ సమయంలో కారును అడ్డుకునేందుకు ఉన్న ఇద్దరు ఆటో డ్రైవర్లు క్షణంలో ప్రమాదం నుంచి తప్పించుకొన్నారు. స్థానిక ఎస్‌ఐ రాజేష్‌ బైక్‌పై కారును వెంబడించిన ఫలితం లేకపోయిది. వెంటనే ఆయన టెక్కలి పోలీసులకు సమాచారం అందించారు. సదరు నిందితులు గొప్పిలి మీదుగా మెళియాపుట్టి చేరుకొని అక్కడి నుంచి టెక్కలి వచ్చే ప్రయత్నంలో కారులో ఉన్న సుమారు 120 కిలోల గంజాయిని మెళియాపుట్టి మండలం మారడికోట గ్రామ సమీపంలోని పొదల్లో దాచిపెట్టారు. తిరిగి టెక్కలి వైపు వస్తుండగా మార్గమధ్యంలో కారు మరమ్మతుకు గురికావడంతో అక్కడే విడిచిపెట్టి ఆటోలో టెక్కలి చేరుకున్నారు. స్థానిక వైఎస్‌ఆర్‌ కూడలి వద్ద ఉన్న సమయంలో పోలీస్‌ పెట్రోలింగ్‌ వాహనాన్ని చూసి పారిపోయేందుకు ప్రయత్నంలో చెరువులోకి దూకారు. వెంటనే పోలీసులు వారిని వెంబడించి విచారించగా గంజాయి రవాణా విషయం వెలుగుచూసిందని టెక్కలి ఎస్‌ఐ బి.సురేష్‌బాబు తెలిపారు. పూర్తి వివరాల కోసం దర్యాప్తు చేస్తున్నామని చెప్పారు.

విజయవాడ : డీడీ (డేరింగ్‌ అండ్‌ డేషింగ్‌) గ్యాంగ్‌ పేరుతో ఓ ముఠాగా ఏర్పడి గంజాయి, ఇతర మత్తు పదార్థాలను సేవిస్తూ చట్ట వ్యతిరేక కార్యకలాపాలకు పాల్పడిన కేసులో ఐదుగురిని భవానీపురం పోలీసులు మంగళవారం అరెస్టు చేశారు. వారి నుంచి 650 గ్రాముల గంజాయిని స్వాధీనం చేసుకున్నారు. సూర్యారావుపేట పోలీసు స్టేషన్‌లో విలేకరుల సమావేశంలో అడిషినల్‌ డెప్యూటీ కమిషనర్‌ షేక్‌ నవాబ్‌ జాన్‌ వివరాలను వెల్లడించారు. విజయవాడ భవానీపురం ప్రియదర్శిని కాలనీకి చెందిన గుంటూరు ప్రవీణ్‌ కుమార్‌ అలియాస్‌ ప్రవీణ్‌ (27), ముత్యం నాగరాజు (21), పెద్దిశెట్టి సాయిదుర్గాప్రసాద్‌ (21), పెద్ది శివరామకృష్ణ (21), మేడిశెట్టి విజయబాబు (21) లను అరెస్టు చేశారు. నిందితులపై గతంలో  కొట్లాటలు, దొంగతనాల కేసులు ఉన్నాయి. వీరు మరో ఐదుగురు పాత నేరస్తులతో కలిసి భవానీపురం ఏరియాలో కొందరిని బెదిరించి డబ్బు దోచుకున్నారు. కొందరు యువకులకు గంజాయి, ఇతర మత్తు పదార్థాలు ఎరవేసి వారిని బ్లాక్‌ మెయిల్‌ చేసినట్లు పోలీసు దర్యాప్తులో వెల్లడైంది. అయితే వారికి భయపడి బాధితులు ఫిర్యాదు చేయటానికి ముందుకు రావటం లేదు. ఈ క్రమంలో పోలీసులు నిందితులపై నిఘా పెట్టి వారి వద్ద నుంచి గంజాయిని స్వాధీనం చేసుకుని అరెస్టు చేశారు. వీరితో పాటు మరో ఐదుగురు పాత నేరస్తులను పోలీసులు గుర్తించారు. ఈ కేసులో నిందితుడు జూపూడి వంశీ రాంబాబు, నవీన్‌ రెడ్డి, ఎండీ అలీ రాజమండ్రి సెంట్రల్‌ జైలులో వేరే కేసుల్లో రిమాండ్‌లో ఉండగా, మరో ఇద్దరు పరారీలో ఉన్నట్లు తేలింది. ఇటువంటి తరహా కేసులపై ప్రజలు నిర్భయంగా ఫిర్యాదు చేయాలని ఏడీసీపీ షేక్‌ నవాజ్‌ జాన్‌ కోరారు. విలేకరుల సమావేశంలో వెస్ట్‌ ఏసీపీ గున్నం రామకృష్ణ, భవానీపురం సీఐ వైబీ  రాజాజీ పాల్గొన్నారు.

సాక్షి, హైదరాబాద్‌: స్కూల్‌ విద్యార్థులే లక్ష్యంగా డ్రగ్స్‌ మాఫియా గంజాయి చాక్‌లెట్లు, బిస్కెట్లు మార్కెట్లోకి ప్రవేశపెట్టింది. బిహార్‌ కేంద్రంగా పనిచేస్తున్న మాఫియా ముఠా పాత బస్తీకి చెందిన నిరుద్యోగ యువత ద్వారా హైదరాబాద్‌ మార్కెట్లోకి వీటిని ప్రవేశపెట్టినట్లు తెలుస్తోంది. ప్రముఖ పాఠశాలలు, కార్పొరేట్‌ సంస్థల వద్ద పాన్‌ డబ్బాలు, టీ స్టాల్స్‌లో పెట్టి ఆయుర్వేద చాక్‌లెట్ల పేరుతో పాఠశాల విద్యార్థులకు విక్రయిస్తున్నారు. పాతబస్తీలోని ఓ కార్పొరేట్‌ తరహా పాఠశాల సమీపంలో వీటిని విక్రయిస్తుండగా ఎక్సైజ్‌ ఎన్‌ఫోర్స్‌మెంటు అసిస్టెంట్‌ కమిషనర్‌ అంజిరెడ్డి బృందం దాడి చేసి పట్టుకున్నారు. ఉన్నత పాఠశాల స్థాయి విద్యార్థులే ఎక్కువగా గంజాయి ఆధారిత చాక్‌లెట్లకు ఆకర్షితులవుతున్నట్లు తేలింది.   పాతబస్తీలో విక్రయాలు  పాతబస్తీలోని ఓ కార్పొరేట్‌ పాఠశాల సమీపంలో గంజాయి విక్రయిస్తున్నారనే పక్కా సమాచారంతో హైదరాబాద్‌ డీసీ వివేకానందరెడ్డి ఆదేశాలతో శనివారం మధ్యాహ్నం ఎక్సైజ్‌ ఎన్‌ఫోర్స్‌మెంటు అధికారులు ఓ ఇంటిపై దాడి చేసి లాల్‌ బహుదూర్‌సింగ్‌ అనే వ్యక్తిని అదుపులోకి తీసుకున్నారు. ఎక్సైజ్‌ అధికారుల రాకను ముందే పసిగట్టిన బహుదూర్‌సింగ్‌ గంజాయిని గుర్తు తెలియని ప్రాంతంలో దాచిపెట్టి, అధికారులను పక్కదారి పట్టించే ప్రయత్నం చేశారు. అయితే అనుమానితుని ఇంటికి సమీపంలో తిని పారేసిన గుట్కా పాకెట్‌ లాంటి కవర్‌ ఒకటి ఎన్‌ఫోర్స్‌మెంటు ఏఈఎస్‌ అంజిరెడ్డి దృష్టిని ఆకర్షించింది. ‘టైగర్‌ మునక్క’అనే లోగో, ‘పులి’ట్రేడ్‌ మార్కు చిత్రంతో ఉన్న కవర్‌పై ఆయుర్వేదిక్‌ మెడిసిన్‌ అని రాసి ఉంది. గతంలో ఇలాంటి గుట్కా ఏదీ మార్కెట్‌లో కనిపించకపోవటంతో అనుమానించిన అంజిరెడ్డి అనుమానితుని ఇంట్లో సోదాలు చేశారు. ఇంట్లోని రహస్య ప్రదేశంలో దాచిపెట్టిన రెండు దండలుగా ఉన్న 70 చాక్‌లెట్లు, 3 కిలోల గంజాయి పొడి, 650 గ్రాముల తడి గంజాయిని గుర్తించి స్వాధీనం చేసుకున్నారు. విద్యార్థులు కొనేందుకు వీలుగా రూ.20కే చాక్‌లెట్‌ విద్యార్థులు కొనేందుకు వీలుగా ఒక్కొక్క గంజాయి చాక్‌లెట్‌ను రూ.20 చొప్పున విక్రయిస్తున్నట్లు అధికారుల విచారణలో తేలింది. 50 గ్రాముల ప్యాకెట్‌ చొప్పున ప్యాక్‌ చేసిన ఒక్కొక్క ప్యాకెట్‌ను రూ.500 చొప్పున అమ్ముతున్నారు. వీటిని లోయర్‌ ధూల్‌పేట ప్రాంతానికి చెందిన బ్రిజ్‌రాజ్‌సింగ్‌ అనే డ్రగ్స్‌ నిందితుడు సరఫరా చేసినట్లు ఎక్సైజ్‌ అధికారులు గుర్తించారు. బిహార్‌ రాష్ట్రం నుంచి ఆయుర్వేదిక్‌ మెడిసిన్‌ రూపంలో స్మగ్లింగ్‌ చేసి స్థానికంగా ఏజెంట్ల ద్వారా విక్రయిస్తున్నట్లు అంచనాకు వచ్చారు. బ్రిజ్‌రాజ్‌సింగ్‌ పట్టుబడితే ఇంకా ఏమేమి గంజాయి ఉత్పత్తులు సరఫరా చేస్తున్నారో తెలిసే అవకాశం ఉందని, త్వరలోనే అతన్ని పట్టుకుంటామని ఎక్సైజ్‌ ఎన్‌ఫోర్స్‌మెంటు అధికారులు చెప్పారు.

పిఠాపురం:ఏజెన్సీ ప్రాంతాల నుంచి సాగే గంజాయి రవాణా రూటు మారింది. అంతగా పోలీసు నిఘా లేని తీర ప్రాంతాన్ని అడ్డాగా చేసుకుని గంజాయిని రవాణా చేస్తున్న గుట్టును పోలీసులు రట్టు చేశారు. కొత్తపల్లి మండలం యండపల్లి కేంద్రంగా గంజాయి అమ్మకాలు సాగిస్తున్నట్టు తెలుసుకున్న పోలీసులు ఆ దిశగా నిఘా పెంచారు. రెండు రోజుల క్రితం ఒక ఆటోలో గంజాయి రవాణా జరుగుతున్నట్టు సమాచారం అందడంతో స్పెషల్‌ పార్టీ పోలీసులు ఉప్పాడ పిఠాపురం రోడ్డులో తనిఖీలు నిర్వహించగా మూడు బ్యాగ్‌లలో గంజాయి తరలిస్తున్న వ్యక్తిని అదుపులోకి తీసుకున్నట్టు తెలిసింది. ఆ వ్యక్తి నుంచి సుమారు రూ.రెండు లక్షల విలువైన 38 కేజీల గంజాయిని, ఒక ఆటోను స్వాధీనం చేసుకున్న పోలీసులు ఆవ్యక్తిని విచారించగా ఆసక్తికరమైన విషయాలు వెలుగు చూసినట్టు తెలిసింది. కొత్తపల్లి మండలం యండపల్లికి చెందిన ఓ వ్యక్తి ఏజన్సీ ప్రాంతాలకు చెందిన మరి కొందరి వ్యక్తుల ద్వారా గంజాయిని తీసుకువచ్చి ఇక్కడి నుంచి వివిధ ప్రాంతాలకు తరలిస్తున్నట్టు పోలీసులు గుర్తించారు. జిల్లాలోని పలు ప్రాంతాల్లో గంజాయి తాగే వారి సంఖ్య గణనీయంగా పెరగడంతో కొందరు గుట్టుచప్పుడు కాకుండా అమ్మకాలు జరుపుతున్నట్టు తెలిసింది. ఎటువంటి అనుమానం రాకుండా విద్యార్థులు తీసుకువెళ్లే స్కూలు బ్యాగ్‌లలో ప్రత్యేకంగా చేసిన గంజాయి పొట్లాలను తరలిస్తున్నట్టు పోలీసులు గుర్తించారు. స్కూలు బ్యాగ్‌లతో పాటు మామూలుగా ప్రయాణాల్లో వాడే బ్యాగ్‌లలో గంజాయి పొట్లాలు ఉంచి వాటిపై బట్టలు ఇతర వస్తువులను పేర్చి ప్రయాణికుల మాదిరిగా ఆటోలలో గంజాయిని తరలిస్తున్నట్టు తెలిసింది. పోలీసులు అదుపులోకి తీసుకున్న వ్యక్తి రెండు స్కూలు బ్యాగ్‌లలో గంజాయిని తరలిస్తుండగా పట్టుకున్న పోలీసులు అసలు వ్యాపారులు ఎవరన్న విషయంపై ఆరా తీస్తున్నారు. పటుట్బడిన గంజాయి ఏవిలీన మండలాల ఏజన్సీ ప్రాంతం నుంచి స్కూలు బ్యాగ్‌లలో పెట్టుకుని ఆర్టీసీ బస్సుల్లో తెచ్చి ఉంటారని పోలీసులు భావిస్తున్నారు. గంజాయి రవాణాలో కీలకంగా వ్యవహరిస్తున్న యండపల్లికి చెందిన వ్యక్తి పరారీలో ఉన్నట్టు తెలుస్తోంది. ఆ వ్యక్తి కోసం గాలిస్తున్న ప్రత్యేక పోలీసు బృందం ఇంకా ఎవరెవరు ఈ వ్యాపారంలో ఉన్నారు. ఏయే ప్రాంతాల్లో విక్రయిస్తున్నారు అనే కోణంలో దర్యాప్తు చేస్తున్నారు. కీలక వ్యక్తి పట్టుబడితే అసలు విషయాలు బయటపడతాయని పోలీసు వర్గాలు చెబుతున్నారు. రైల్వే స్టేషన్లలో ఎక్కువగా అమ్మకాలు జరుగుతున్నట్టు పోలీసులు గుర్తించినట్టు తెలిసింది. పిఠాపురం, ఉప్పాడ, గొల్లప్రోలు మండలాల్లో కొన్ని గ్రామాల్లో కొందరు వ్యక్తులు గంజాయి రవాణాతో పాటు విక్రయాలు సాగిస్తున్నట్టు సమాచారం. తీర ప్రాంతంలో గుట్టుగా సాగుతున్న గంజాయి రవాణా మూలాలను తెలుసుకునేందుకు ప్రత్యేక పోలీసు బృందాన్ని ఏర్పాటు చేసినట్టు విశ్వసనీయ సమాచారం.

ప్రొద్దుటూరు క్రైం : పట్టణంలోని పలు ప్రాంతాల్లో గంజాయి విక్రయిస్తున్న ఆరుగురిని వన్‌టౌన్‌ పోలీసులు అరెస్టు చేశారు. వన్‌టౌన్‌ పోలీస్‌స్టేషన్‌లో బుధవారం అరెస్టు వివరాలను సీఐ వెంకటశివారెడ్డి వెల్లడించారు. ఆర్టీపీపీ రోడ్డులోని చౌడమ్మ గుడి వెనుక గంజాయి విక్రయిస్తున్నారని సమాచారం రావడంతో సీఐతో పాటు ఎస్‌ఐలు చిన్నపెద్దయ్య, ఖాన్‌ తమ సిబ్బందితో కలిసి దాడి చేశారు. ఈ దాడిలో వీఎన్‌పల్లి మండలం గోనుమాకులపల్లె గ్రామానికి చెందిన లంగనూరు ఓబులేసు, ప్రొద్దుటూరులోని హైదర్‌ఖాన్‌ వీధికిచెందిన ఇస్మాయిల్, ఎర్రగుంట్ల బైపాస్‌ రోడ్డుకు చెందిన మజ్జారి పెద్దయ్య, మిట్టమడి వీధిలోని శివప్రసాద్, విజయనగరం వీధికి చెందిన ముద్దల వినతం పూర్ణచంద్, పెన్నానగర్‌కు చెందిన ఆవుల వెంకటయ్యను అరెస్టు చేసి వారి వద్ద నుంచి 5.45 కేజీల గంజాయి, రూ.2,500 స్వాధీనం చేసుకున్నారు. ఓబులేసు, ఇస్మాయిల్‌ కలిసి రెండేళ్ల నుంచి గంజాయి వ్యాపారం నిర్వహిస్తున్నారని, వీరు పట్టణంలోని యువకులు, వృద్ధులకు చిన్న చిన్న ప్యాకెట్లు చేసి వీటిని విక్రయిస్తున్నట్లు సీఐ తెలిపారు. దీంతో ఇటీవల ప్రొద్దుటూరులో గంజాయి సేవించే యువకుల సంఖ్య బాగా పెరిగిందన్నారు. వారిలో నేరప్రవృత్తి పెరుగుతోందన్నారు. ఎవరైనా గంజాయి విక్రయిస్తే పోలీసులకు సమాచారం ఇవ్వాలని సీఐ తెలిపారు.

కరీంనగర్‌క్రైం: కొత్తపల్లి మండలం రేకుర్తిలో విద్యార్థులకు గంజాయి అమ్ముతున్న ఒకరిని ఆదివారం టాస్క్‌ఫోర్స్‌ పోలీసులు ఆదివారం అరెస్టు చూపారు. నగరంలోని అశోక్‌నగర్‌కు చెందిన సయ్యద్‌ చాంద్‌ పాషా విద్యార్థులకు గం జాయి విక్రయిస్తున్నాడు. బయటినుంచి తీసుకొచ్చి ప్యాకెట్లుగా చేసి రూ.200 చొప్పున అమ్ముతున్నాడు. సమాచారం అందుకున్న టాస్క్‌ఫోర్స్‌ పోలీసులు అతడిపై నిఘా ఉంచారు. అదివారం రేకుర్తి సమీపంలో అమ్మకాలు చేస్తుండగా సీఐ కిరణ్‌ ఆధ్వర్యంలో పట్టుకున్నారు. అతడి వద్ద 250 గ్రాములు గంజాయి స్వాధీనం చేసుకున్నారు. కొత్తపల్లి ఎస్సై నాగరాజు కేసు నమోదు చశారు.  

సూర్యాపేటటౌన్‌ : జిల్లా కేంద్రంలోని ఓ ప్రైవేట్‌ జూనియర్‌ కళాశాలలో బుధవారం అర్ధరాత్రి దాటాక గంజాయి దొరకడంతో ఒక్కసారిగా కలకలంరేగింది. పట్ట ణంలోని గాయత్రి జూనియర్‌ కళాశాల హాస్టల్‌లో అర్ధరాత్రి 100 కేజీల గంజాయి పట్టుబడింది. వివరాల ప్రకారం.. గాయత్రి కళాశాలకు సమీపంలో హాస్టల్‌ను బాలుర కోసం ఏర్పాటు చేశారు. అయితే రోజు మాది రిగానే కళాశాల విద్యార్థులు సాయంత్రం హాస్టల్‌కు వచ్చి స్టడీ అవర్స్‌లో 10.30 గంటల వరకు ఆరు బయటనే చదువుకున్నారు. కళాశాల వార్డెన్‌ లింగయ్య 12 కాటన్ల గంజాయిని ఓ ఆటోలో తీసుకొచ్చి కళాశాల హాస్టల్‌లోని విద్యార్థుల మంచాల కింద దాచి పెట్టాడు. గమనించిన విద్యార్థులు ఏమిటని వార్డెన్‌ను అడుగగా పరీక్ష పేపర్లని చెప్పి బయటికి వెళ్లాడు. విద్యార్థులకు అనుమానం వచ్చి కాటన్లను తెరిచి చూశారు. ఒక్కసారిగా గుప్పుమని గంజాయి వాసన రావడంతో అందులో ఒక విద్యార్థి వారికి తెలిసిన విద్యార్థి సంఘం నాయకులకు సమాచారం ఇచ్చారు. విద్యార్థి సంఘాల ధర్నా.. గంజాయి కళాశాల వసతి గృహంలో ఉందని తెలియడంతో టీజీవీపీ,  టీవైఎస్‌ విద్యార్థి సంఘం నాయకులు కళాశాల హాస్టల్‌కు వెళ్లి సుమారు 100కేజీల గంజాయి కాటన్లను బయటికి తెచ్చి ధర్నాకు దిగారు. సమాచారం తెలుసుకున్న పోలీసులు ఘటన స్థలానికి చేరుకొని 12 కాటన్ల గంజాయిని సీజ్‌ చేసి స్టేషన్‌కు తరలించారు. సుమారు 200మంది విద్యార్థులు ఉండే హాస్టల్‌లో గంజాయి లభ్యం కావడంతో ఒక్కసారిగా విద్యార్థులు ఉలిక్కిపడ్డారు. పరారీలో హాస్టల్‌ వార్డెన్‌.. గంజాయిని హాస్టల్‌లో దాచిన వార్డెన్‌ లింగయ్య ఈ విషయం బయటికి పొక్కడంతో వెంటనే అక్కడి నుంచి పరారయ్యాడు. ఘటనా స్థలానికి చేరుకున్న సీఐ శివశంకర్‌ వార్డె¯Œన్‌తో వచ్చిన వారి వివరాలను ఆరా తీశారు. గంజాయి మూలాలపై లోతుగా విచారణ చేపట్టి నిందితుడిని వెంటనే పట్టుకుంటామని సీఐ తెలిపారు. మాకు ఎలాంటి సంబంధం లేదు :   కళాశాల ప్రిన్సిపాల్‌ శ్రీనివాస్‌ తమ కళాశాల హాస్టల్‌లో గంజాయి దొరికిందని తెలియడంతో ఒక్కసారిగా అవాక్కయ్యాను. మూడు నెలల క్రితమే కళాశాల హాస్టల్‌లో వార్డెన్‌గా తేజావత్‌ లింగయ్యను పెట్టుకున్నాం. అయితే లింగయ్య గంజాయి దందా చేసినట్లు తెలిసింది. రాత్రి కళాశాలకు చేరుకునే సరికి వార్డెన్‌ లింగయ్య పరారయ్యాడు. కళాశాల యాజమాన్యానికి గంజాయికు ఎలాంటి సంబంధం లేదని తేల్చి చెప్పారు. ఇదంతా వార్డెన్‌ లింగయ్య దొరికితే బయటపడుతుంది. వార్డెన్‌పై కేసు నమోదు సూర్యాపేట క్రైం : కళాశాలలో 100 కేజీలకు పైగా గంజాయిని అక్రమంగా  నిల్వ ఉంచిన హాస్టల్‌ వార్డెన్‌ తేజావత్‌ లింగయ్యపై ప్రిన్సిపాల్‌ చామకూరి శ్రీనివాస్‌ ఫిర్యాదుమేరకు కేసు నమోదుచేసుకొని దర్యాప్తు చేస్తున్నట్లు సీఐ శివశంకర్‌తెలిపారు. కళాశాల ఫర్నిచర్‌ ధ్వంసం... అభం శుభం తెలియని విద్యార్థుల పక్కన గంజాయిపెట్టి వారి జీవితాలతో చెలగాటమాడిన కళాశాల యాజమాన్యంపై చర్యలు తీసుకొని గుర్తింపును వెంటనే రద్దు చేయాలని తెలంగాణ విద్యార్థి పరిషత్‌ ఆధ్వర్యంలో కళాశాల ఎదుట ధర్నా చేశారు. ధర్నాలో భాగంగా కళాశాలలోని అద్దాలు, కుర్చీలను పగులగొట్టి ధ్వంసం చేశారు. వెంటనే కళాశాల గుర్తింపును రద్దు చేయాలని డిమాండ్‌ చేశారు. ఫర్నిచర్‌ను« ధ్వంసం చేయడంతో వెంటనే సీఐ శివశంకర్‌ సిబ్బందితో కలిసి చేరుకొని కళాశాల ప్రాంగణాన్ని పరిశీలించారు. ఈ కార్యక్రమంలో టీజీవీపీ జిల్లా ప్రధాన కార్యదర్శి రత్నావత్‌ వంశీ, అహ్మద్‌అలీ, చాంప్లా, అశోక్, శివ, ఠాగూర్, మణి,సాయి తదితరులు పాల్గొన్నారు. 

సాక్షి ప్రతినిధి, సూర్యాపేట: యువతే లక్ష్యంగా సూర్యాపేట జిల్లాలో గంజాయి దందా సాగుతోంది. ధనార్జనే ధ్యేయంగా కొందరు అక్రమార్కులు ఈ వ్యాపారాన్ని ఎంచుకున్నారు. పోలీసుల కళ్లుగప్పి జాతీయ రహదారి వెంట గంజాయిని యథేచ్ఛగా రాష్ట్ర రాజధానికి తరలిస్తూ సొమ్ము చేసుకుంటున్నారు. తాజాగా బుధవారం రాత్రి సూర్యాపేట జిల్లా కేం ద్రంలోని కళాశాల హాస్టల్‌లో 100 కేజీలకు పైగా గంజాయి పట్టుబడడం చర్చనీయాంశ మైంది. విషయం తెలుసుకున్న విద్యార్థి సంఘాల నేతలు ఆ కళాశాల ఎదుట ధర్నాకు దిగారు. ఫర్నిచర్‌ను ధ్వంసం చేశారు. పట్టణంలోని గాయత్రి కళాశాల సమీపంలోనే ఈ కాలేజీ బాలుర హాస్టల్‌ ఉంది. రాత్రి 10.30 గంటల సమయంలో విద్యార్థులు చదువుకుంటుండగా హాస్టల్‌ వార్డెన్‌ తెజావత్‌ లింగయ్య 12 కార్టన్ల గంజాయిని ఓ ఆటోలో మరో ఇద్దరు వ్యక్తులతో కలసి తీసుకొచ్చి విద్యార్థుల మంచాల కింద దాచి పెట్టాడు. దీనిని గమనిం చిన విద్యార్థులు ఏమిటని వార్డెన్‌ను అడగ్గా పరీక్ష పేపర్లని చెప్పి బయటికి వెళ్లాడు. కొంత సేపటికి విద్యార్థులకు ఏదో కొత్తరకంగా వాసన రావడంతో అనుమానం వచ్చి కార్టన్లను తెరిచి చూశారు.  ఓ విద్యార్థి తనకు తెలిసిన విద్యార్థి సంఘం నాయకులకు సమాచారం ఇచ్చాడు. వెంటనే విద్యార్థి సంఘం నాయకులు హాస్టల్‌కు చేరుకొని ఆ కార్టన్లను తెరిచి చూస్తే గంజాయి కనిపించింది. దీంతో వెంటనే వారు బయటకు తీసుకెళ్లి ధర్నాకు దిగారు. విషయం తెలుసుకున్న పోలీసులు హాస్టల్‌ చేరుకొని సుమారు 100 కేజీల గంజాయిని స్వాధీనం చేసుకున్నారు. గంజాయి వ్యవహారం బయటకు పొక్కడంతో వార్డెన్‌ లింగయ్య అక్కడి నుంచి పరారయ్యాడు. పోలీసులు అతని కోసం గాలింపు చేపట్టారు. గురువారం పలు విద్యార్థి సంఘాల నేతలు కళాశాల ఎదుట ధర్నాకు దిగారు. ఈ సందర్భంగా కొందరు కళాశాల ఫర్నిచర్‌ను ధ్వంసం చేశారు.   ఎంత డబ్బైనా వెచ్చించి..  సూర్యాపేట జిల్లాలోని కోదాడ, సూర్యాపేట, హుజూర్‌నగర్, తుంగతుర్తి పట్టణాల్లో ప్రధానంగా కళాశాలలు ఉన్న నేపథ్యంలో వ్యాపారులు రెచ్చిపోతున్నారు. కళాశాల సమీపానికి తమ మనుషులను పంపించి విద్యార్థులను పరిచయం చేసుకుని వారిని రోజుల వ్యవధిలోనే గంజాయికి బానిసలుగా మారుస్తున్నారు. గుట్టు చప్పుడు కాకుండా విక్రయాలను సాగిస్తూ యువతను పెడదోవ పట్టిస్తున్నారు. వీరి ఉచ్చులో పడిన విద్యార్థులు, యువత ఎంత డబ్బైనా వెచ్చించి గంజాయిని కొనుగోలు చేస్తున్నారు. తల్లిదండ్రులు ఇచ్చే పాకెట్‌ మనీని విద్యార్థులు దీనికే వినియోగించేలా వ్యాపారులు ప్రేరేపిస్తున్నారు. గతంలో మారుమూల ప్రాంతాల్లో గంజాయి తాగే వ్యక్తులు ఇప్పుడు జన సంచారం ఉన్న ప్రాం తాల్లోనే నేరుగా సిగరెట్లలో పెట్టుకొని కాలుస్తున్నారు. పోలీసులు పెద్దగా దృష్టి సారించకపోవడంతో గంజాయి దందా నిరాటంకంగా కొనసాగుతోందని విమర్శలు వస్తున్నాయి. మానసికంగా ఒత్తిళ్లతో ఇబ్బంది పడుతున్న వ్యక్తులను కూడా వ్యాపారులు టార్గెట్‌ చేస్తున్నారు. డబ్బులు బాగా ఉన్న వ్యక్తులను ఈ మార్గంలోకి దించి వారిని పెట్టుబడిదారులుగా మార్చి లాభాలను చూపిస్తూ వ్యాపారాన్ని మరింతగా విస్తరిస్తున్నారు.   హైదరాబాద్‌కు తరలింపు..  హైదరాబాద్‌–విజయవాడ జాతీయ రహదారి మధ్యలో సూర్యాపేట జిల్లా కేంద్రం ఉం డడంతో గంజాయి అక్రమ రవాణాకు అడ్డాగా మారుతోంది. రాత్రికిరాత్రి విజయవాడ నుంచి బయలుదేరి సూర్యాపేట మీదుగా హైదరాబాద్‌ తరలిస్తున్నట్లు సమాచారం. విజయవాడతో పాటు ఖమ్మం, విశాఖపట్నం, గుంటూరు, మహబూబాబాద్‌ ప్రాంతాల నుంచి సూర్యాపేట మీదుగా రాజధానికి అక్రమ రవాణా సాగుతున్నట్లు తెలుస్తోంది.  రాత్రి సమయాల్లో .. కొన్ని ముఠాలు రాత్రి సమయంలో వివిధ వాహనాల అడుగు భాగాన గంజాయిని దాచి రవాణా చేస్తున్నట్టు సమాచారం. కొన్ని చోట్ల స్థానికంగా ఉన్న గంజాయి విక్రయదారులు కార్లు, ట్రాలీ ఆటోలు ఉపయోగించి ఎవరికీ అనుమానం రాకుండా తమ అడ్డాలకు చేరవేస్తున్నట్టు తెలుస్తోంది.   

ఏలూరుకు చెందిన ఎండీ ఖాన్‌ ఓ మధ్య తరగతి కుటుంబానికి చెందిన విద్యార్థి.సరదాగా తన స్నేహితులతో కలిసి కిక్‌ కోసం గంజాయి కలిపిన సిగరెట్‌ తాగాడు. మెల్ల గా దానికి బానిసగా మారాడు. ఇంట్లో తల్లి అనేకమార్లు హెచ్చరించింది. ఏడాది గడిచిపోయింది.. కానీ ఆ మత్తు నుంచి బయటకు రాలేకపోతున్నాడు. గంజాయి తాగుతూ పోలీసులకు చిక్కాడు.’ ఇలా ఎందరో యువకులు.. మత్తుమాయలో పడి బంగారు భవిష్యత్తును నాశనం చేసుకుంటున్నారు. ఆ వివరాలు ఇలా..  ఏలూరు టౌన్‌: జిల్లాకేంద్రం ఏలూరు డ్రగ్స్‌ మాఫియాకు అడ్డాగా మారింది. ఇంజినీరింగ్, డిగ్రీ కళాశాలల విద్యార్థులే లక్ష్యంగా చేసుకుంటూ జోరుగా మత్తు పదార్థాలు విక్రయిస్తున్నారు. ఏలూరులో సత్రంపాడు, వట్లూరు, బీడీ కాలనీ, చొదిమెళ్ల, అమ్మపాలెం తదితర ప్రాంతాల్లో గంజాయి, హుక్కా, ప్రమాదకర ఇతర మత్తు పదార్థాల విక్రయాలు జోరుగా సాగుతున్నాయి. ఒక్క ఏలూరులోనే 200 మందికి పైగా విద్యార్థులు గంజాయికి బానిసలుగా మారటం ఆందోళన కలిగిస్తోంది. ఇటీవల గంజాయి తాగుతూ పట్టుబడిన ఇంజినీరింగ్, డిగ్రీ విద్యార్థులు నగరంలోని అన్ని ఇంజినీరింగ్‌ కాలేజీలకు చెందినవారు కావటం పరిస్థితి తీవ్రతకు అద్దం పడుతోంది. ఈ మాఫియాలోని వ్యక్తులు ఆన్‌లైన్‌ నెట్‌వర్క్‌ను వినియోగిస్తూ జిల్లాలో విస్తృతంగా తమ వ్యాపారాన్ని సాగిస్తున్నారు. విద్యార్థులు మత్తుకు చిత్తవుతూ తమ విలువైన భవిష్యత్తును నిలువునా బుగ్గిపాలు చేసుకుంటున్నారు. డబ్బు సంపాదనే ధ్యేయంగా మాఫియా వందలాది మంది విద్యార్థులకు మత్తు పదార్థాలు అలవాటు చేస్తూ బానిసలుగా మార్చేస్తున్నారు. గంజాయి మాఫియాల్లో హనుమాన్‌ జంక్షన్‌కు చెందిన ప్రవీణ్‌ వంటి విద్యార్థులు, హైదరాబాద్‌లో ఉంటున్న ఏలూరుకు చెందిన చిరుద్యోగి రఘువర్థన్‌ వంటి వారు సైతం ఉండటం విశేషం. మొదట్లో గంజాయికి అలవాటు పడిన కొందరు విద్యార్థులు ఆ తర్వాత గంజాయి వ్యాపారాలుగా అవతారం ఎత్తి తమలాంటి విద్యార్థులను ఈ మత్తులోకి లాగుతుండడం విశేషం. ఏలూరుతో పాటు భీమవరం, తణుకు, తాడేపల్లిగూడెం, నరసాపురం, జంగారెడ్డిగూడెం కేంద్రాలుగా డ్రగ్స్‌ మాఫియా తమ కార్యకలాపాలు సాగిస్తోందని తెలుస్తోంది. భారీగా గంజాయి అక్రమ రవాణా పశ్చిమలోకి గంజాయిని సరిహద్దు జిల్లా ఖమ్మం నుంచి, అటు విశాఖపట్నం, అరకు నుంచి, ఇటు హైదరాబాద్, తెలంగాణ జిల్లాల నుంచి భారీ ఎత్తున డంప్‌ చేస్తున్నారు. నల్లజర్ల, దేవరపల్లి, జంగారెడ్డిగూడెం, చింతలపూడి, కొయ్యలగూడెం తదితర ప్రాంతాల్లో భారీస్థాయిలో గంజాయి అక్రమ రవాణా జరుగుతున్నట్టు పోలీస్‌ ఉన్నతాధికారులు సైతం ధ్రువీకరిస్తున్నారు. ఇక గంజాయి రవాణా చేసే వ్యక్తులపై కేసులు నమోదు చేసిన పోలీసు అధికారులు, విద్యార్థుల భవిష్యత్తుకు విఘాతం ఏర్పడుతుందనే కారణంగా కేసులు నమోదులో కొంత వెసులుబాటు కల్పిస్తున్నారు. విద్యార్థులకుకౌన్సెలింగ్‌ ఇస్తున్నాం మత్తు పదార్థాలకు అలవాటు పడి భవిష్యత్తును పాడుచేసుకుంటోన్న విద్యార్థులను గుర్తించి, వారికి కౌన్సెలింగ్‌ ఇచ్చేందుకు చర్యలు తీసుకుంటున్నాం. ఇంజినీరింగ్‌ కళాశాలల్లో అవగాహన సదస్సులు సైతం ఏర్పాటు చేస్తున్నాం. గంజాయి అక్రమ రవాణాపై నిఘా ఉంచాం. –కె.ఈశ్వరరావు, డీఎస్పీ, ఏలూరు

సాక్షి, హైదరాబాద్‌: ధూల్‌పేటలో గంజాయి అడ్డాలపై దాడుల పరంపర కొనసాగుతోంది. ఎన్‌ఫోర్స్‌మెంట్‌ అధికారి నంద్యాల అంజిరెడ్డి సారథ్యంలో గత 15 రోజుల్లో 20 మందిని అరెస్టు చేసి దాదాపు నాలుగు క్వింటాళ్ల ఎండు గంజాయిని స్వాధీనం చేసుకున్నారు. నలుగురిపై పీడీ చట్టాన్ని ప్రయోగించారు. విశాఖ జిల్లా గూడెంకొత్తవీధి మండలం నుంచి ఎండిన గంజాయి పలకాలను స్మగ్లింగ్‌ చేస్తున్న అచ్యుతరావు అనే వ్యక్తిని పట్టుకున్నారు. అతని వద్ద నుంచి 22.5 కిలోల గంజాయి పలకాలను, అదేప్రాంతానికి చెందిన బుజ్జిబాబు నుంచి 6 కిలోల గంజాయిని స్వాధీనం చేసుకున్నారు. వారినుంచి గంజాయి తీసుకున్న కిషోర్‌సింగ్, పవన్‌సింగ్, అరుణాభాయ్‌ అనే వ్యక్తులను అరెస్టు చేశారు. మరో కేసులో వంశీకృష్ణ అనే వ్యక్తిని అరెస్టు చేసి గంజాయి, నగదుతోపాటు యాక్టివాను స్వాధీనం చేసుకున్నారు.  

పశ్చిమగోదావరి, ఏలూరు టౌన్‌ : ఏలూరులో గంజాయి విక్రయిస్తున్న ఇద్దరు వ్యక్తులు, 10 మంది విద్యార్థులను ఏలూరు త్రీటౌన్‌ పోలీసులు అరెస్టు చేశారు. వట్లూరు పంచాయతీ రా మచంద్ర ఇంజినీరింగ్‌ కళాశాల సమీపంలోని తోటల్లో రెండు గ్రూపులుగా విద్యార్థులు గంజాయి సేవిస్తుండగా పోలీసులు అదుపులోకి తీసుకున్నారు. వీరి నుంచి 10 కిలోల గంజాయిని స్వాధీనం చేసుకున్నారు. వీరంకి నాగేశ్వరరావు నుంచి ఐ దున్నర కిలోలు, మత్తి ప్రవీణ్‌కుమార్‌ అలియాస్‌ చింటూ నుంచి నాలుగున్నర కిలోల గంజాయిని స్వాధీనం చేసుకున్నా రు. ఈమేరకు ఏలూరు డీఎస్పీ కె.ఈశ్వరరావు, త్రీటౌన్‌ సీఐ పి.శ్రీనివాసరావు బు ధవారం విలేకరుల సమావేశంలో వివరాలు వెల్లడించారు. ఏలూరు త్రీటౌన్‌ సీఐ పి.శ్రీనివాసరావుకు వచ్చిన సమాచారంతో రామచంద్ర ఇంజినీరింగ్‌ కళాశాల సమీపంలోని తోటల్లో గంజాయి సేవిస్తున్న ఇంజి నీరింగ్, డిగ్రీ కళాశాలలకు చెందిన 10 మంది విద్యార్థులతోపాటు ఇద్దరు విక్రయదారులను పోలీసులు అదుపులోకి తీసుకున్నారు. పలు కళాశాలలకు చెందిన విద్యార్థులు రోజూ గంజాయి ఎంత ఎ క్కువ తాగితే అంత స్కోరింగ్‌ సాధించినట్టుగా భావిస్తూ పోటీలు పెట్టుకోవటం ఆందోళన కలిగించే అంశంగా డీఎస్పీ చెప్పారు. విద్యార్థులు విలువైన భవిష్యత్తును నాశనం చేసుకోవద్దని, తల్లిదండ్రులు పిల్లల నడవడికపై ఆరా తీయాలన్నారు. విశాఖ జిల్లా నుంచి గంజాయిని ఏలూరుకు తరలిస్తూ విద్యార్థులే టార్గెట్‌గా విక్రయాలు చేస్తున్నారని చెప్పారు. డిగ్రీ, ఇంజినీరింగ్‌ కాలేజీ విద్యార్థులను గంజాయికి బానిసలుగా మార్చుతూ కొందరు వ్యాపారం చేస్తున్నారన్నారు. పెదవేగి మండలం అమ్మపాలెంకు చెందిన పాత నేరస్తుడు వీరంకి నాగేశ్వరరావు, మధ్యలోనే కళాశాల విద్యను ఆపేసిన హనుమాన్‌ జంక్షన్‌కు చెందిన మత్తి ప్రవీణ్‌కుమార్‌ అలియాస్‌ చింటు విశాఖ, అరకు ప్రాంతాల నుంచి గంజాయిని తీ సుకువచ్చి రూ.2 వేల నుంచి రూ.5 వేల వరకూ ఖరీదుకు విక్రయిస్తున్నారన్నారు. వీరితోపాటు విద్యార్థులు పెదవేగికి చెం దిన మాగంటి హర్షవర్దన్‌ (ఇంజినీరింగ్‌), ఏలూరుకు చెందిన రాయుడి దిలీప్‌ చక్రవర్తి (ఇంజినీరింగ్‌), కొమడవోలుకు చెం దిన పామర్తి సాయికుమార్‌ (డిగ్రీ), ఏ లూరుకు చెందిన దేశిన విజయకుమార్‌ (ఇంజినీరింగ్‌), మల్లంపల్లి చైతన్య (ఇం జినీరింగ్‌), పెదవేగికి చెందిన వీరమల్లు వర్మ (ఇంజినీరింగ్‌), ఏలూరుకు చెందిన పఠాన్‌ మొహిద్దీన్‌ (ఇంజినీరింగ్‌ ), లొట్టి దేవి ప్రశాంత్‌ (ఇంజినీరింగ్‌), పెదపాడుకు చెందిన శిక్కా సుధీర్‌కుమార్‌ (ఇం జినీరింగ్‌), ఏలూరుకు చెందిన తోట సా యిసాగర్‌ (ఇంజినీరింగ్‌) అనే విద్యార్థులను అరెస్టు చేశామని డీఎస్పీ చెప్పారు. స్కోరింగ్‌ పోటీలు నగరంలోని ఆయా ఇంజినీరింగ్, డిగ్రీ కళాశాలలకు చెందిన పలువురు విద్యార్థులు గంజాయికి బానిసలుగా మారా రు. అమ్మపాలెం, ఏలూరులోని పలు ప్రాంతాల నుంచి గంజాయిని కొనుగో లు చేస్తున్నారు. తమ స్నేహితులతో క లిసి రోజూ స్కోరింగ్‌ గేమ్‌ ఆడుతున్నా రు. రోజుకు ఎంత ఎక్కువ గంజాయి సేవిస్తే అంత స్కోరింగ్‌ చేసినట్టు గొప్పగా చెప్పుకుంటున్నారు. గతంలో రూ. 50, రూ.100కు గంజాయి విక్రయించగా డిమాండ్‌ పెరిగిపోవటంతో అమ్మకం దారులు ధర పెంచేశారు. ప్రస్తుతం రూ. 500 నుంచి గంజాయిని పొట్లాలుగా చేసి విక్రయిస్తున్నారు. పెద్ద గంజాయి ఆకును రూ.500కు విక్రయిస్తున్నట్టు పోలీస్‌ అధికారులు చెబుతున్నారు. 

ఏజెన్సీలో అమాయక గిరిజనులు విష సంస్కృతికి అలవాటుపడుతున్నారా...అంటే! అవుననే సమాధానం వస్తోంది. గంజాయి మత్తులో తమకు తెలియని పోకడలకు అలవాటుపడుతున్నట్టు పెద్దలు ఆందోళన చెందుతున్నారు. బెట్టింగ్, పేకాట, మద్యానికి ఏజెన్సీ యువత బానిసలై చిల్లర దొంగతనాలకు పాల్పడుతున్నారా? అంటే అవుననే సమాధానం చెప్పాలి. కురుపాం: ప్రశాంతమైన ఏజెన్సీలో యువత పెడమార్గాన పయనిస్తూ కొద్ది నెలలుగా అసాంఘిక కార్యకలాపాలకు పాల్పడుతున్నట్టు ఆందోళన వ్యక్తమవుతోంది. కురుపాం పరిసర గ్రామాల్లో గిరిజన యువత గంజాయి, పేకాట, మద్యం మత్తులో తూగుతున్నట్టు ఏజెన్సీ ప్రాంత పెద్దలు ఆందోళన చెందుతున్నారు. వీరికి ఒడిశా ప్రాంతం నుంచి గంజాయిని కొందరు సరఫరా చేస్తున్నట్టు సమాచారం. ఈ మత్తుకు యువత ఎక్కువగానే అలవాటుపడ్డట్టు తెలుస్తుంది. స్థానిక కళాశాలకు చెందిన కొందరు విద్యార్థులు సైతం గంజాయికి అలవాటు పడినట్టు గుసగుసలు విన్పిస్తున్నాయి. క్రికెట్‌ బెట్టింగ్, పేకాట వైపు కూడా వీరి చూపు మరలుతున్నట్టు పలువురు పేర్కొంటున్నారు. ఈ చెడు వ్యసనాల నేపథ్యంలోనే చిల్లర దొంగతనాలకు సైతం అలవాటు పడుతున్నట్టు విమర్శలు ఉన్నాయి. వరుస దొంగతనాలతో బేజారు... ఇటీవల నాలుగు నెలల కిందట అఫీషియల్‌ కాలనీలో ఓ గృహిణి చేతిగాజులు మెరుగుపెడతామని చెప్పి గాజులతో ఓ వ్యక్తి ఉడాయించాడు. మూడు నెలల కిందట శివ్వన్నపేటకు చెందిన ఓ వృద్ధురాలు పూలను ఏరేందుకు వెళ్లగా ఆమె చెవిలో బంగారు దుదుద్లను ఓ యువకుడు తెంపేసి పారిపోయాడు. తాజాగా మూడు రోజుల కిందట కేజీబీవీలో ఉద్యోగం చేస్తున్న మరో మహిళ విధులకు ఒంటరిగా వెళ్తుండగా కురుపాం ఆస్పత్రి సమీపంలో ఆమె కంట్లో కారం చల్లి పుస్తెలతాడును లాక్కొని పారిపోయాడు. ఇలా వరుస సంఘటనలు చోటు చేసుకుంటుండడంతో స్థానికులు ఆందోళన చెందుతున్నారు. గతంలో ఇటువంటి సంఘటనలు తామెరుగమని యువతే చెడుమార్గం పట్టి ఇలా చేస్తున్నారన్న అనుమానాలను స్థానికులు వ్యక్తం చేస్తున్నారు.  స్థానికంగా జరుగుతున్న వరుస సంఘటనల నేపథ్యంలో పోలీసులు చొరవ తీసుకొని వీటికి అడ్డుకట్ట వేయాలని స్థానికులు కోరుతున్నారు. లేకుంటే ప్రమాదమేనని పేర్కొంటున్నారు. 

ఒంగోలు క్రైం: క్రికెట్‌ బెట్టింగ్‌ల ప్రధాన సూత్రధారిది ఒంగోలుగా అద్దంకి పోలీసులు గుర్తించారు. క్రికెట్‌ బెట్టింగ్‌ కేసులో అతడు ఒంగోలులో ఓ సారి అరెస్టయ్యాడు. ఈ నెల 7న క్రికెట్‌ బెట్టింగ్‌లకు పాల్పడుతున్న దాదాపు 15 మందిని అద్దంకి పోలీసులు అరెస్టు చేసిన సంగతి తెలిసిందే. అందులో ప్రధాన  క్రికెట్‌ బుకీగా తూము వెంకట్రావుగా గుర్తించారు. వెంకట్రావు బండ్లమిట్టకు చెందిన వ్యక్తి. ప్రస్తుతం ముంగమూరు రోడ్డులో నివాసం ఉంటున్నాడు.  అద్దంకి పోలీసులు నమోదు చేసిన కేసులో ఇతడిని ఎనిమిదో నిందితుడిగా చేర్చడం గమనార్హం. ఇతడు స్థానిక అధికార పార్టీ నాయకులతో సన్నిహితంగా మెలుగుతున్నాడు. క్రికెట్‌ బెట్టింగులపై దర్శి డీఎస్పీ నాగేశ్వరరావు ప్రత్యేక దృష్టి సారించి అద్దంకి పోలీసులను అప్రమత్తం చేశారు. జిల్లాతో పాటు రాష్ట్ర వ్యాప్తంగా క్రికెట్‌ బెట్టింగ్‌లకు పాల్పడుతున్న ముఠా వ్యవహారం వెలుగులోకి వచ్చింది. క్రికెట్‌ బెట్టింగ్‌లతో పాటు గంజాయి వ్యాపారం కూడా వెలుగు చూసింది. ఏజెన్సీ ప్రాంతాలైన నర్సీపట్నం, చింతపల్లి ఏరియాల నుంచి గంజాయి తెప్పించి ఎన్‌డీపీఎస్‌ చట్టాన్ని అతిక్రమించినట్టు కూడా అద్దంకి పోలీసులు కేసు నమోదు చేశారు. అద్దంకి కొత్తపేటకు చెందిన బంగారు వ్యాపారి నన్నాబత్తిన విశ్వరూపాచారి క్రికెట్‌ బెట్టింగ్‌లకు పాల్పడుతున్నట్లు పోలీసులకు సమాచారం అందటంతో అతడి ఇంటిపై పోలీసులు దాడి చేశారు. సెల్‌ఫోన్లు ఉపయోగించి ‘క్రికెట్‌ మజా’ అన్న యాప్‌ ద్వారా బెట్టింగ్‌లకు పాల్పడుతున్నట్లు గుర్తించారు. అంతేకాకుండా గంజాయిని కూడా స్వాధీనం చేసుకున్నారు. ఈ కేసులో మొత్తం మీద 15 మందిని అరెసుఏ్ట చేశారు. ప్రధాన బుకీలైన తూము వెంకట్రావు, చిలకలూరిపేటకు చెందిన రామకృష్ణ అలియాస్‌ ఆర్కేలను అరెస్టు చేయాల్సి ఉంది. వెంకట్రావు తన అనుచరులతో ఏజెన్సీ ప్రాంతం నుంచి గంజాయి తెప్పించేవాడని నన్నాబత్తిన విశ్వరూపాచారి పోలీసులకు రెవెన్యూ అధికారుల సమక్షంలో వాంగ్మూలం ఇచ్చాడు. సుమారు 25 ఏళ్లుగా క్రికెట్‌ బెట్టింగ్‌లకు పాల్పడుతున్న తూము వెంకట్రావు కోట్లాది రూపాయలు ఆర్జించాడని కూడా ప్రచారం జరుగుతోంది.

హనుమాన్‌జంక్షన్‌ రూరల్‌(గన్నవరం):ఇంజినీరింగ్‌ విద్యార్థులు, యువతను టార్గెట్‌ చేసుకుని గంజాయి విక్రయాలు సాగిస్తున్న ఇద్దరు వ్యక్తులను పోలీసులు మంగళవారం అరెస్ట్‌ చేశారు. పోలీస్‌స్టేషన్‌లో సీఐ వై.వి.వి.ఎల్‌.నాయుడు, ఎస్సై వి.సతీష్‌ కేసు వివరాలను విలేకరులకు వెల్లడించారు. నూజివీడు మండలం రాట్నాలగూడెంకు చెందిన జి.మనోజ్‌కుమార్, ఉంగుటూరు మండలం తేలప్రోలుకు చెందిన నక్కా చిన్న వెంకటేశ్వరరావు కొంతకాలంగా గుట్టుచప్పుడు కాకుండా గంజాయి విక్రయాలు సాగిస్తున్నట్లు తెలిపారు. రెండు రోజుల కిందట అనుమానాస్పదంగా సంచరిస్తున్న మనోజ్‌కుమార్‌ను అదుపులోకి తీసుకుని విచారించామని చెప్పారు. ఆయన వద్ద ఆరు గంజాయి ప్యాకెట్లు లభించాయని పేర్కొన్నారు. తదుపరి విచారణలో నక్కా చిన్న వెంకటేశ్వరరావు నుంచి నిషేధిత గంజాయి కొనుగోలు చేసినట్లు వెల్లడించటంతో అతనిని కూడా అరెస్ట్‌ చేశామని వెల్లడించారు. వీరిద్దరి నుంచి ఒక కేజీ 300 గ్రాముల గంజాయిని స్వాధీనం చేసుకున్నట్లు వివరించారు. ప్రధానంగా హనుమాన్‌జంక్షన్, గన్నవరం, నూజివీడు, ఏలూరు ప్రాంతాల్లో ఇంజినీరింగ్‌ విద్యార్థులకు ఐదు గ్రాముల గంజాయి కలిగిన ఒక్కో ప్యాకెట్‌ను రూ.100 చొప్పున విక్రయిస్తున్నట్లు  చెప్పారు. యువత అధికంగా గంజాయికి అలవాటు పడుతున్నారని, సిగిరెట్లలో గంజాయి నింపుకుని సేవిస్తున్నారన్నారు. ఈ కేసుపై మరింత దర్యాప్తు ముమ్మరంగా సాగుతుందని, గంజాయి సరఫరాకు అడ్డుకట్ట వేసేందుకు స్పెషల్‌ టీంను ఏర్పాటు చేసినట్లు పేర్కొన్నారు. కేసుతో సంబంధం ఉన్న హనుమాన్‌జంక్షన్‌కు చెందిన కొందరు పెద్ద మనుషుల కుమారులను పోలీసులు తప్పించారని వస్తున్న ఆరోపణలపై విలేకరులు ప్రశ్నించగా, సీఐ దీన్ని పూర్తిగా అవాస్తవమని కొట్టిపారేశారు. కేసు విచారణ పూర్తి కాలేదని, ఇంకా లోతైన విచారణ సాగుతుందని తెలిపారు.

గంజాయి ముఠాను కదిరి పోలీసులు ఎట్టకేలకు అరెస్ట్‌ చేశారు. పార్థసారిథి కాలనీలో ప్రస్తుతం కాపురముంటున్న మంజునాథ్, విశాఖపట్నం జిల్లా సంకడ గ్రామానికి చెందిన కసరాజు నూకాలమ్మ, లోసుల ఈశ్వరమ్మ, గంటె మాణిక్యంలు అరెస్ట్‌ అయిన వారిలో ఉన్నారు. విశాఖ జిల్లాకు చెందిన మరో కీలక నిందితుడు లక్ష్మయ్య పరారీలో ఉన్నారు. ఇందుకు సంబందించిన వివరాలను కదిరి సీఐ గోరంట్ల మాధవ్‌ తన కార్యాలయంలో మీడియాకు వెల్లడించారు. కదిరి:యువత గంజాయి మత్తుకు అలవాటు పడి, తమ జీవితాన్ని నా«శనం చేసుకుంటోంది. గంజాయి అక్రమ రవాణాలతో పాటు అమ్మకాలపై ఇటీవల ‘సాక్షి’ పత్రిక ‘దమ్మారో..ధమ్‌..’ అనే శీర్షికన ప్రచురితమైన కథనానికి ఎస్పీ అశోక్‌కుమార్‌ స్పందించారు. ఎస్పీ ఆదేశాల మేరకు డీఎస్పీ శ్రీలక్ష్మి, సీఐ గోరంట్ల మాధవ్, ఎస్‌ఐ హేమంత్‌లు గంజాయిపై ప్రత్యేక నిఘా పెట్టారు. ప్రయాణికుల రూపంలో విశాఖపట్నం జిల్లా సంకడ గ్రామానికి చెందిన వారు అక్కడి నుంచి గంజాయి తీసుకొచ్చి కదిరి పట్టణంలోని పార్థసారథి కాలనీలో ఉన్న మంజునాథ్‌కు అందజేసేవారు. ఇతను పట్టణంలోని పలు ప్రాంతాల్లో అమ్మడంతో పాటు కొన్ని కళాశాలల వద్ద కూడా యువతను గంజాయికి బానిస చేశాడు. ఇలా కొంత కాలంగా ఈ వ్యాపారం నడుస్తోంది. శుక్రవారం పార్థసారథి కాలనీ సమీపంలోని కంప చెట్ల వద్ద విశాఖకు చెందిన ఆ ముగ్గురు మహిళలు తమ వెంట తెచ్చిన గంజాయిని మంజునాథ్‌కు స్వాధీనం చేస్తున్నట్లు డీఎస్పీకి సమాచారం రావడంతో వెంటనే సీఐ, ఎస్‌ఐలు తమ సిబ్బందితో హుటాహుటిన అక్కడికి చేరుకుని ఆ నలుగురినీ అరెస్ట్‌ చేశారు. వారి నుంచి 1.5 కిలోల గంజాయితో పాటు రూ.1500 నగదు స్వాధీనం చేసుకున్నారు. ఈ గంజాయి అక్రమ రవాణా, అమ్మకాల వెనుక విశాఖపట్నం జిల్లా సంకడ గ్రామం దొరకొండకు చెందిన కీలక నిందితుడు లక్ష్మయ్య పరారీలో ఉన్నాడు. అతడిని కూడా త్వరలోనే అరెస్ట్‌ చేస్తామని సీఐ గోరంట్ల మాధవ్‌ తెలిపారు. గంజాయి అక్రమంగా తరలించినా, క్రయ, విక్రయాలు జరిపినా కఠిన చర్యలు తప్పవని హెచ్చరించారు. ముఖ్యంగా గంజాయికి యువత దూరంగా ఉండాలని సూచించారు.

ముత్తారం(మంథని): పెద్దపల్లి జిల్లా ముత్తా రం మండలం ఓడేడ్‌లో గంజాయి కోసం పోలీసులు సోమవారం ఇంటింటా సోదాలు నిర్వహించారు. ఎస్‌ఐ చుంచు రమేశ్‌ ఆధ్వర్యంలో పోలీసు బలగాలు గంజాయి కోసం గ్రామంలోని అన్ని ఇళ్లను తనిఖీ చేశారు. గ్రామానికి చెందిన సపుల నాగరాజు ఇంటిలో సుమారు 675 గ్రాముల గంజాయి పట్టుకున్నారు. తహసీల్దార్‌ ఇందారపు పుష్పలత పంచానామా నిర్వహించారు. నిందితుడిపై కేసు నమోదు చేసినట్లు ఎస్‌ఐ వివరించారు. కాగా, రాజకీయ కుట్రల్లో నాగరాజును బలిపశువును చేస్తున్నారని అతని భార్య శిరీష, అమ్మమ్మ బొందవ్వ ఆరోపించారు. నాగరాజును ఇప్పటికే పోలీసులు అదుపులోకి తీసుకుని విచారిస్తున్న నేపథ్యంతో తమ ఇంట్లో గంజాయిని ఎలా నిల్వ చేసుకుంటామని ప్రశ్నించారు. రాజకీయ రంగు పులుముకున్న గంజాయి కుట్ర కేసులో నాగరాజును బలిపశువును చేయడం కోసమే పోలీసులు వెంట తెచ్చిన గంజాయిని ఇంట్లో పెట్టి దొరికినట్లు సృష్టిస్తున్నారని ఆవేదన వ్యక్తం చేశారు. ఎస్‌ఐ రమేశ్‌ విలేకరులతో మాట్లాడుతూ ఓడేడ్‌లో గంజాయి నిల్వ ఉందని అందిన పక్కా సమాచారం మేరకు సోదాలు నిర్వహించగా నాగరాజు ఇంట్లో గంజాయి దొరికిందని వెల్లడించారు.   కుట్ర కేసులో నిందితుడు  రాష్ట్రవ్యాప్తంగా కలకలం సృష్టించిన గంజాయి కుట్ర కేసులో సపుల నాగరాజు పేరు కూడా ఉంది. టీఆర్‌ఎస్‌ మండల పార్టీ అధ్యక్షుడు పోతుపెద్ది కిషన్‌రెడ్డి ఇంట్లో గంజాయి పెట్టేందుకు మాజీ సర్పంచ్‌ ఓగులవేన సుదర్శన్, అదే గ్రామానికి చెందిన ఇల్లెందుల భార్గవ్‌తో కలిసి కుట్ర పన్నగా, అందుకు మాజీ మంత్రి శ్రీధర్‌భాబు సహకరించారని ఆరోపణలపై చిక్కడపల్లి ఠాణాలో కేసు నమోదు అయిన విషయం తెలిసిందే. అయితే, కిషన్‌రెడ్డి ఫిర్యాదు మేరకు పోలీసులు శనివారం వేకువ జామున సుదర్శన్, భార్గవ్‌లను అదుపులోకి తీసుకున్నారు. గంజాయి కుట్ర కేసులో ప్రమేయం ఉన్నట్లు భావిస్తున్న సపుల నాగరాజును ఆదివారం తెల్లవారు జామున అదుపులోకి తీసుకుని కంప్యూటర్, పది కిలోల గంజాయిని స్వాధీనం చేసుకున్నట్లు జోరుగా ప్రచారం అయింది. అయితే, సోమవారం నాగరాజును మరోసారి గ్రామానికి తీసుకువచ్చిన పోలీసులు ఇంట్లో సోదాలు నిర్వహించి 675 గ్రాముల గంజాయి దొరికినట్లు ప్రకటించడం చర్చనీయాంశంగా మారింది.   శ్రీధర్‌బాబు కేసులో ఇద్దరు అరెస్ట్‌  హైదరాబాద్‌: మాజీ మంత్రి దుద్దిళ్ల శ్రీధర్‌బాబుపై నమోదైన గంజాయి కుట్ర కేసులో నిందితులుగా ఉన్న ఇద్దరు వ్యక్తులను హైదరాబాద్‌లోని చిక్కడపల్లి పోలీసులు సోమవారం అరెస్ట్‌ చేశారు. నిందితులు ఓడేడ్‌ మాజీ సర్పంచ్‌ సుదర్శన్‌తోపాటు 14 ఏళ్ల బాలుడిని అరెస్ట్‌ చేసి రిమాండ్‌కు తరలించినట్లు పోలీసులు తెలిపారు. 

పట్నంబజారు(గుంటూరు): చారిత్రక ప్రాధాన్యం కలిగిన పల్నాడు ప్రాంతం.. సీఎం చంద్రబాబు నివాసం ఉంటున్న జిల్లా.. రాష్ట్ర రాజధాని ప్రాంతంలో.. గురజాలను గంజాయి మయంగా మార్చేస్తున్నారని వైఎస్సార్‌ కాంగ్రెస్‌ పార్టీ గురజాల నియోజకవర్గ సమన్వయకర్త కాసు మహేష్‌రెడ్డి ఆగ్రహం వ్యక్తం చేశారు. పేకాట, గనులు, మద్యం అమ్మకాలు, కాంట్రాక్టర్ల నుంచి పర్సంటేజీల వరకు ఎమ్మెల్యే యరపతినేని శ్రీనివాసరావుకు సంబంధం లేదా అని సూటిగా ప్రశ్నించారు. హైదరాబాద్‌లో తెలంగాణ ప్రభుత్వం తీసివేసిన జీవీఆర్‌ క్లబ్‌ నిర్వాహకులు.. రాష్ట్రంలోని అన్ని ప్రధాన పట్టణాలను వదిలేసి మారుమూల గ్రామంలో క్లబ్‌ పెట్టేందుకు ఎమ్మెల్యే యరపతినేని సహకరించారనేది వాస్తవం కాదా అని నిలదీశారు. అరండల్‌పేటలోని పార్టీ జిల్లా కార్యాలయంలో మంగళవారం ఆయన విలేకర్ల సమావేశంలో మాట్లాడారు. రూ.కోటి విలువ చేసే గంజాయిని క్యాపిటల్‌ కల్చరల్‌ క్లబ్‌కు తీసుకెళ్తున్నట్లు ఆ వాహన డ్రైవర్‌ పోలీసుల వద్ద ఒప్పుకొన్న విషయం విదితమేనన్నారు. ఎమ్మెల్యే అండదండలు ఉండటంతోనే ఆగడాలు అధికమైపోతున్నాయని ధ్వజమెత్తారు. బెల్టుషాపులతో యువత, విద్యార్థులు పెడదోవ పడుతున్నారని, కొత్తగా గంజాయితో వారి జీవితాలను నాశనం చేసే చర్యలపై తీవ్రంగా ప్రతిఘటిస్తామని స్పష్టం చేశారు. ఎస్‌ఐ, సీఐ, డీఎస్పీలను ఆయనకు కావాల్సిన వారికి పోస్టింగ్‌లు ఇప్పించిన యరపతినేని, ఇదేమని ప్రశ్నించిన వారిపై అక్రమ కేసులు పెట్టిస్తున్నారని మండిపడ్డారు. గంజాయి అంశానికి సంబంధించి తక్షణమే జిల్లా ఉన్నతాధికారులు విచారణ చేపట్టాలని డిమాండ్‌ చేశారు. ప్రజాసంఘాలు, కమ్యూనిస్టు పార్టీలను కలుపుకొని పేకాటకు వ్యతిరేకంగా పోరాడేందుకు సిద్ధంగా ఉన్నామని హెచ్చరించారు. మాజీ ఎమ్మెల్సీ టీజీవీ కృష్ణారెడ్డి మాట్లాడుతూ జిల్లాను పేకాట ఖిల్లాగా మారుస్తున్నారని దుయ్యబట్టారు. పిడుగురాళ్ల సీఐ హనుమంతరావు అధికార పార్టీ పక్షాన ఉద్యోగం చేస్తున్నారన్నారు. ఘర్షణ జరిగితే దెబ్బలు తగిలినా... ప్రతిపక్షంపై కేసులు నమోదు చేయటం సీఐకి పరిపాటిగా మారిందన్నారు. వైఎస్సార్‌ సీపీ అనుబంధ విభాగాల జిల్లా అధ్యక్షులు కొత్తా చిన్నపరెడ్డి, బండారు సాయిబాబు, కోవూరి సునీల్‌కుమార్‌ యాదవ్‌ తదితరులు పాల్గొన్నారు.

మహబూబ్‌నగర్‌, అచ్చంపేట: నల్లమల అటవీప్రాంతం గంజాయి సాగుకు అడ్డాగా మారుతోంది. ఇక్కడ సారవంతమైన భూములు ఉండటంతో అక్రమార్కులు అంతరపంటగా, మామిడి, ఇతర తోటల్లో గంజాయి సాగుచేస్తూ అక్రమ వ్యాపారానికి ద్వారాలు తెరిచారు. రూ.కోట్ల విలువైన గంజాయిని ఇక్కడినుంచి ఇతర రాష్ట్రాలకు తరలిస్తున్నారు. ఈ విషయం గురించి పక్కా సమాచారం సేకరించిన ఎక్సైజ్‌శాఖ మంగళవారం అచ్చంపేట మండలం రంగాపూర్‌ గ్రామశివారులో కంది, పత్తి పంటల్లో అంతర్‌పంటగా 3ఎకరాల విస్తీర్ణంలో సాగు చేసిన సుమారు 5,050 గంజాయి మొక్కలను గుర్తించి ధ్వంసం చేశారు. దాని విలువ సుమారుగా రూ.50లక్షలుగా ఉంటుందని అంచనా వేస్తున్నారు. అలాగే కేజీ ఎండిన గంజాయిని కూడా స్వాధీనం చేసుకున్నారు. బొల్గాట్‌పల్లి శివారులోని సర్వేనంబరు 33/ఆ/2లో రంగాపూర్‌ గ్రామానికి చెందిన రామావత్‌ శ్రీను అలియాస్‌ చిన్న కుచెందిన పొలంలో గంజాయి సాగుచేసినట్లు సమాచారం అందిందని, పోలీసుశాఖ సహకారంతో దాడులు చేసి ఒకరిని అ రెస్ట్‌చేసినట్టు మహబూబ్‌నగర్‌ ఎన్‌ఫోర్స్‌మెంట్‌ ఎక్సైజ్‌ సీఐ మహబూబ్‌అలీ తెలిపారు. దాడుల్లో సిబ్బంది గణపతిరెడ్డి, అచ్చంపేట సీఐ శ్రావణ్‌కుమార్, ఎస్‌ఐ నిజామొద్దీన్, దామోదర్, స్వామి, చిన్న, సూర్యానారాయణ, బాబు, లక్ష్మినర్సింహారెడ్డి, సంతోష్, అనిత పాల్గొన్నారు.

తూర్పుగోదావరి, తుని రూరల్‌(తుని): అక్రమంగా గంజాయి రవాణా చేస్తున్న కారు మోటార్‌ సైకిల్‌ను ఢీకొని ప్రమాదానికి గురై పట్టుబడింది. సోమవారం గిరిజన ప్రాంతం నుంచి హైదరాబాద్‌కు వంద ప్యాకెట్లలో సిద్ధం చేసిన రెండు వందల కిలోల గంజాయిని తరలిస్తున్నారు. ఈ క్రమంలో తేటగుంట నుంచి టి.తిమ్మాపురం వెళ్లేందుకు 16వ నంబర్‌ జాతీయ రహదారిని దాటుతూ గంజాయి తరలిస్తున్న కారు తుని నుంచి ఏవీ నగరం వెళుతున్న మోటార్‌ సైకిల్‌ను ఢీకొంది. దీంతో బైక్‌పై ప్రయాణిస్తున్న ఇద్దరు తీవ్రంగా గాయపడడంతో కారులో ఉన్న నలుగురు తప్పించుకునేందుకు పరుగులు తీశారు. హైవే జంక్షన్‌లో ఉన్న స్థానికులు కొంతమంది నిందితులను వెంబడించారు. ముగ్గురు తప్పించుకుపోగా విశాఖపట్నానికి చెందిన నిందితుడు చింతకాయల రవి పట్టుబడ్డాడు. అతడిని రూరల్‌ పోలీసులకు అప్పగించారు. గాయపడిన ఇద్దరిని 108 అంబులెన్సులో తుని ఏరియా ఆస్పత్రికి తరలించారు. గాయపడిన వారిని బి.కిషోర్‌ (ఏవీ నగరం), బి.కాశీబాబు(పారుపాక) గుర్తించారు. అక్రమంగా గంజాయి తరలింపులో కారులో నలుగురు, ముందు ఎస్కార్టుగా బైక్‌పై మరో ఇద్దరు వెళుతున్నట్టు తెలిసింది. కారులో ప్రయాణిస్తున్న ఒకరు పట్టుబడగా,మరో ముగ్గురు, బైక్‌పై ప్రయాణిస్తున్న ఇద్దరు పరారయ్యారు. విషయం తెలియడంతో రూరల్‌ సీఐ జి.చెన్నకేశవరావు సంఘటన స్థలానికి చేరుకుని కారుతో సహా గంజాయిని స్వాధీనం చేసుకున్నారు. కేసు నమోదు చేసి దర్వాప్తు చేస్తున్నట్టు సీఐ తెలిపారు. నిందితులు పాత ముద్దాయిలని, వారిని పట్టుకుని కోర్టులో హాజరుపరుస్తామన్నారు.

విజయనగరం టౌన్‌:  ఇటీవల గంట్యాడ పోలీసులకు గంజాయి రవా ణాలో పట్టుబడ్డ వారంతా కొత్తవారేనని, వారి నుంచి రూ.15లక్షల విలువైన 21 బ్యాగులతో 792.865కిలోల గంజాయి స్వాధీనం చేసుకున్నామని ఎస్పీ జి.పాలరాజు చెప్పారు. ఈ ఘటనకు సంబంధించిన వివరాలను జిల్లా పోలీసు కార్యాలయం కాన్ఫరెన్స్‌ హాల్‌లో శనివారం ఏర్పాటు చేసిన విలేకరుల సమావేశంలో ఎస్పీ వెల్లడించారు.  గంట్యాడ పోలీసులకు అందిన కీలకమైన సమాచారంతో రంగంలోకి దిగిన గంట్యాడ ఎస్‌ఐ నారాయణరావు సిబ్బందితో కలసి ఈ నెల 5న కొటారుబిల్లి జంక్షన్‌ వద్ద వాహనాలు తనిఖీ చేస్తుండగా బొడ్డవర వైపు నుంచి నాలుగు వాహనాలు వచ్చినట్టు చెప్పారు. పోలీసులను చూసి వాహనాలు వేరే దారిలో వెళ్లేందుకు ప్రయత్నించగా అనుమానం వచ్చి అదుపులోకి తీసుకుని తహసీల్దార్‌ సమక్షంలో తనిఖీలు చేసినట్టు తెలిపారు. నాలుగు వాహనాల నుంచి మొత్తంగా 792.865 కిలోల గంజాయి లభ్యమైనట్టు చెప్పారు. దీంతో నిందితులను అరెస్టు చేసినట్టు తెలిపారు. అరెస్టు చేసింది వీరినే... నాలుగు వాహనాల్లో   గంజాయిని అక్రమంగా తరలిస్తుండగా పట్టుబడ్డ వారిలో అంతా కొత్తవారేనని ఎస్పీ పాలరాజు చెప్పారు. ఇప్పటి వరకు వీరిపై ఎటువంటి కేసులు లేవని స్పష్టం చేశారు. అరెస్టు చేసిన వారిలో...  వైద్రం శర్మ (రాజస్తాన్‌) ఎ1గా,  ఆజాద్‌(ఉత్తరప్రదేశ్‌) ఎ2గా,  వీరేంద్రసింగ్‌ (హర్యానా) ఎ3గా,  సత్యమెహర్‌  (ఒడిశా) ఎ4గా, శాంతన్‌కార్‌ శాస్త్రి (ఒడిశా) ఎ5గా, ఈశ్వర్‌ బదనాయక్‌ (కోరాపుట్‌ జిల్లా, ఒడిశా) ఎ6గా,  పొడుగు బాలాజీ(కోరాపుట్‌) ఎ7గా,  ప్రదీప్‌కుమార్‌ కాముడు (కోరాపుట్‌) ఎ8గా,  సుదర్శన్‌ ప్రాణిగ్రాహీ(కోరాపుట్‌) ఎ9గా ఉన్నారు.  వీరితో పాటూ  ఎ10గా నిరికి త్రినాథ్,  ఎ11గా సేసా దినేష్‌లు (కోరాపుట్‌ జిల్లా) ఎ12గా, రాఘవ లియాస్‌ సుబేష్‌సింగ్‌ (హర్యానా) పరారీలో ఉన్నట్టు ఎస్పీ తెలిపారు. ఒడిశా నుంచి ఢిల్లీకి... ఒడిశా నుంచి ఢిల్లీకి గంజాయిని తరలించే క్రమంలో  గంట్యాడ పోలీసులు చాకచక్యంతో వ్యవహరించి  నిందితులను అదుపులోకి తీసుకున్నారు.  రవాణాదారులంతా రాజస్తాన్, హర్యానా, ఉత్తరప్రదేశ్‌లకు చెందిన వారే. కోరాపుట్‌కి చెందిన (ఎ10, 11) నిర్కిల్‌ త్రినాథ్,  శేషా దినేష్‌లు ప్రధాన నిందితులైన వైద్రంశర్మ, అజాద్, వీరేంద్రసింగ్, రాఘవ(ఎ1, 2, 3, 12)ల నుంచి రూ.5.5 లక్షలు తీసుకుని  గంజాయిని లమటాపూర్‌ బ్లాక్‌ కోరాపుట్‌ జిల్లా నుంచి సరఫరా చేసినట్లు గుర్తించారు.    వైద్రంశర్మ, రాఘవ (ఎ1, 12)లు ప్రధాన కొనుగోలుదారులు,   అజాద్, వీరేందర్‌తో (ఎ2, 3)లతో కలిసి ఢిల్లీ నుంచి విశాఖ వరకూ విమానంలో వచ్చి, టాటా ఐచ్చర్‌  వాహనాన్ని అద్దెకు తీసుకున్నట్టు ఎస్పీ చెప్పారు. వీరంతా ఆ వాహనంలో కోరాపుట్‌ వెళ్లి  నిర్కిల్‌ త్రినాథ్, శేషా దినేష్‌లను కలిసి గంజాయిని స్థానికుల నుంచి సేకరించి, వాహనంలోకి లోడ్‌ చేశారని, ఒడిశా నుంచి ఇచ్ఛాపురం వరకూ వెళ్లేందుకు రక్షణగా మనుషులను సమకూర్చుకున్నట్టు తెలిపారు. వీరు ప్రయాణించేందుకు మరో మూడు వాహనాలను అద్దెకు తీసుకున్నారని, వీరంతా బొడ్డవర వైపు నుంచి వస్తూ గంట్యాడ మండలం కొటారుబిల్లి  వద్ద పోలీసులకు పట్టుబడినట్టు చెప్పారు. పోలీసులకు రివార్డులు కేసులో కీలక సమాచారం సేకరించి, ముద్దాయిలను, గంజాయి వాహనాలను స్వాధీన పరుచుకోవడంలో క్రియాశీలక పాత్ర పోషించిన గంట్యాడ ఎస్‌ఐ పి.నారాయణరావు, హెచ్‌సీలు టివి.రమణ, రామకృష్ణ, కానిస్టేబుళ్లు సత్తిబాబు, శ్రీనివాసరావు,  పి.రమణ, కె.శ్రీనివాసరావు, ఎమ్‌.ఈశ్వరరావులకు  ఎస్పీ అభినందించి, క్యాష్‌ రివార్డులను అందజేశారు. ఆయన వెంట జిల్లా అదనపు ఎస్పీ అట్టాడ వెంకటరమణ,  డీఎస్పీ ఎవి.రమణ, రూరస్‌ సీఐ దాసరి లక్ష్మణరావు పాల్గొన్నారు.

సాక్షి, విశాఖపట్నం : జిల్లా ఎక్సైజ్‌ శాఖలో కంచే చేను మేస్తోంది. గంజాయి అక్రమ సాగు, రవాణాను నియంత్రించాల్సిన వారే అందులో మునిగి తేలుతున్నారు. దొరికిన వారే దొంగలు అన్నట్టు  జిల్లాలో కొంతమంది ఎక్సైజ్‌ అధికారులు గంజాయి అక్రమార్కులతో పోటీ పడుతున్నారు. గంజాయి స్మగ్లర్లు తమపై ఎవరైనా అధి కారులు దాడులు చేస్తారేమోనని భయపడుతుంటారు. అందువల్ల రవాణాలో ఎన్నో జాగ్రత్తలు తీసుకుంటారు.  కానీ దాడులు చేయాల్సిన వారే వారితో కుమ్మక్కై పోవడంతో రాష్ట్రంలో మరెక్కడా లేని విధంగా జిల్లాలో గంజాయి సాగు, రవాణా యథేచ్ఛగా సాగిపోతున్నాయి.  జిల్లాలో కొన్నాళ్లుగా పట్టుబడుతున్న గంజాయిని ఎక్సైజ్‌ శాఖ య«థాతథంగా చూపడం  లేదన్న ఆరోపణలున్నాయి. బహిరంగంగా పట్టుబడ్డ గంజాయిని మాత్రమే రికార్డుల్లోకి ఎక్కిస్తున్నారన్న విమర్శలున్నాయి. మారుమూల ప్రాంతా ల్లో దొరికిన గంజాయిని లోపాయికారీగా నొక్కేస్తున్నారని చెబుతున్నారు. ఇందులో పట్టుబడ్డ నిందితులను బెదిరించి వారి నుంచి డబ్బు వసూలు చేయడమే కాదు.. స్వాధీనం చేసుకున్న గంజాయిని కూడా తమకు అనువైన చోటికి జీపులు, వ్యాన్లు, లారీల్లో తరలిస్తున్నారు. అదే గంజాయిని స్మగ్లర్లకు రహస్యంగా విక్రయిస్తున్నారు. ఇలా జిల్లాలోని ఎక్సైజ్‌ శాఖలో కింది స్థాయి నుంచి పైస్థాయి వరకు కొంతమంది ఉద్యోగులు వ్యాపకంగా పెట్టుకున్నారు. సాక్షాత్తూ దాడులు చేసే సిబ్బందే గంజాయిని తరలిస్తుంటే ఎవరు అడ్డుకుంటారు? దీంతో స్మగ్లర్లు నిర్భీతిగా గంజాయి రవాణాలో వేళ్లూనుకుపోతున్నారు. అక్రమాదాయంపైనే మక్కువ గంజాయి అక్రమ రవాణా ద్వారా వచ్చే ఆదా యం రుచి మరిగిన వారు దానిని వదులుకోలేకపోతున్నారు. జిల్లాలో గంజాయి రవాణాలో పాలుపంచుకునే వారెవరో ఉన్నతాధికారులకు తెలిసినా వారు వివిధ కారణాల వల్ల ఉదాసీనంగా వ్యవహరిస్తున్నారు. దీంతో స్మగ్లర్లతోపాటు ఎక్సైజ్‌ శాఖ సిబ్బంది కూడా భారీగా అక్రమార్జన చేస్తున్నారు. అక్రమ సంపాదనతో తమ జోలికి ఎవరూ రాకుండా జాగ్రత్తపడుతున్నారు. ఎక్సైజ్‌శాఖలో గంజాయితో లింకులున్న వారిని ఇప్పటిదాకా పోలీసు అధికారులే పట్టుకుంటున్నారు. ఎక్సైజ్‌ శాఖ దాడుల్లో ఇన్నాళ్లూ స్మగ్లర్లు, కూలీలే పట్టుపడుతున్నారు తప్ప సొంత శాఖ ఉద్యోగులు దొరక్క పోవడం గమనార్హం. ముఖ్యంగా అనకాపల్లి ఎక్సైజ్‌ సూపరింటెండెంట్‌ పరిధిలోకి వచ్చే ఏజెన్సీ ప్రాంతంలో గంజాయి అక్రమ రవాణా విస్తృతంగా జరుగుతోంది. దీనిని అరికట్టాల్సింది పోయి ఆ పరిధిలోని కొంతమంది సిబ్బంది, అధికారులపైనే ఆరోపణలు గుప్పుమంటున్నాయి. ఈ పరిధిలోని పాడేరు మొబైల్‌ సీఐ పెదకాపు శ్రీనివాస్‌ ఇప్పటికే పోలీసులకు చిక్కి సస్పెండయ్యారు. ఆరు నెలలుగా ఆయన పత్తా లేకుండా పోయారు. తాజాగా అనకాపల్లి ఎక్సైజ్‌ టాస్క్‌ఫోర్సు కానిస్టేబుల్‌ నాయుడు గంజాయి విక్రయాల్లో చిక్కుకున్నారు. ఈ నేపథ్యంలో అనకాపల్లి కేంద్రంగా ప్రత్యేక టాస్క్‌ఫోర్స్‌ టీమ్‌ను ఏర్పాటు చేశారు. ఈ బృందంలో ఎక్సైజ్, పోలీసు, రెవెన్యూ, అటవీ, వ్యవసాయ, ఉద్యానవన శాఖ ఉద్యోగులు ఉంటారు. వీరు ప్రత్యేక దృష్టి సారించి అక్రమ గంజాయి సాగు, రవాణాలను అరికట్టేందుకు పాటుపడతారు. విశ్వసనీయ సమాచారం ప్రకారం గంజాయి అక్రమ రవాణాలో సంబంధాలున్న ఎక్సైజ్‌ సిబ్బంది, అధికారుల జాబితాను ఇప్పటికే ఉన్నతాధికారులు  సిద్ధం చేసినట్టు సమాచారం. త్వరలోనే వారిపై వేటు వేసే అవకాశం ఉందని తెలుస్తోంది. ఇందులో భాగంగానే ఎక్సైజ్‌ ఎన్‌ఫోర్స్‌మెంట్‌ డైరెక్టర్‌ వెంకటేశ్వరరావు విశాఖలో మకాం వేసినట్టు చెబుతున్నారు.


 ►  రిమాండ్‌లోనే మగ్గిపోతున్న గంజాయి నిందితులు
 ►  వారితోనే నిండిపోయిన కేంద్ర కారాగారం
 ►  నిందితులందరూ కూలీలు.. ఇతర రాష్ట్రాలవారే..
 ►  బెయిల్‌ కావాలంటే లక్షల్లో పూచీకత్తు ఇవ్వాలి
      
 అది సాధ్యం కాక.. కేసులు పరిష్కారం కాక.. నెలలు, ఏళ్ల తరబడి జైలులోనే..గంజాయి ఘాటుతో కేంద్ర కారాగారం ఉక్కిరి బిక్కిరి అవుతోంది. ఊపిరి సలుపుకోలేకపోతోంది.. అంటే దీనర్థం అక్కడ గంజాయి పండిస్తున్నారని కాదు సుమా!.. గంజాయి కేసుల్లో రిమాండ్‌ పొందిన నిందితులందరినీ విశాఖ కేంద్ర కారాగారానికి తరలిస్తున్నారు.ఫలితంగా కారాగారం కిటకిటలాడిపోతోంది. ఇప్పటికే సామర్థ్యానికి మించి ఖైదీలున్న ఈ జైలులో.. గంజాయి నిందితుల సంఖ్య 550కి పైగా ఉంది..ఆరు నెలలు.. ఏడాది.. అంతకుముందు నుంచీ రిమాండ్‌లోనే మగ్గిపోతున్నవారూ వీరిలో ఉన్నారు.
 
 ఇతరత్రా కేసుల్లో రిమాండ్‌ పడిన నిందితులు పూచీకత్తు చెల్లించి రోజుల వ్యవధిలోనే వెళ్లిపోతుంటే.. గంజాయి కేసుల నిందితులు మాత్రం నెలలు సంవత్సరాల తరబడి రిమాండ్‌లోనే మగ్గిపోతున్నారు.. కారణమేంటంటే.. ఈ కేసుల్లో బెయిల్‌ పొందాలంటే లక్షల రూపాయల పూచీకత్తు ఇవ్వాల్సి ఉంటుంది.. ఈ కేసుల్లో పట్టుబడిన వారిలో దాదాపు అందరూ కూలీస్థాయి వారే కావడం.. పైగా చాలామంది ఇతర రాష్ట్రాలకు చెందిన వారు కావడంతో ష్యూరిటీలు ఇవ్వలేకపోతున్నారు..మరోవైపు ఈ కేసుల పరిష్కారంలో జరుగుతున్న తీవ్ర జాప్యం.. వీరిని జైలులోనే మగ్గబెట్టేస్తోంది.
 
 ఆరిలోవ (విశాఖ తూర్పు): గంజాయి కేసుల నిందితులతో విశాఖ కేంద్ర కారాగారం నిండిపోతోంది. ఈ కేసుల్లో రిమాండ్‌ పడి ఇక్కడికి రావడమే తప్ప.. బెయిల్‌పై బయటకు వెళ్లే పరిస్థితి లేకపోవడంతో రోజురోజుకూ వీరి సంఖ్య పెరుగుతోంది. ఇక్కడ ఏడాదికి పైగా బెయిల్‌ రాక రిమాండ్‌లో ఉన్నవారు కొందరైతే, ఆరు నెలలగా మగ్గుతున్నవారు ఇంకొందరున్నారు. గత నెల రోజుల్లోనే రిమాండ్‌పై జైలుకు వచ్చిన వారు 50 మంది వరకు ఉన్నారు. ప్రస్తుతం జైలులో ఉన్న ఖైదీలు రిమాండులో ఉన్న నిందితుల్లో గంజాయి కేసులకు సంబంధించిన వారే 550 మంది వరకు ఉన్నారని జైలు అధికారులు చెబుతున్నారు.
 
 ఇతర రాష్ట్రాలవారే అధికం
 గంజాయి కేసుల్లో పట్టుబడుతున్న వారిలో మన రాష్ట్రంతోపాటు బీహార్, మహరాష్ట్ర, తమిళనాడు, ఒడిశా రాష్ట్రాలకు చెందిన వారు ఉన్నారు. గంజాయి రావాణా చేస్తూ విశాఖ జిల్లా పరిధిలో పట్టుబడినవారిలో సుమారు 70 శాతం మంది ఇతర రాష్ట్రాల వారే కావడం విశేషం. విశాఖ జిల్లాలోని పాడేరు, అరుకు, ముంచుంగిపుట్టు, సీలేరు తదితర ప్రాంతాలకు చెందిన వారు 30 శాతం వరకు ఉన్నారు. కాగా జైల్లో మగ్గుతున్నవారంతా కూలీలే. గంజాయి స్మగ్లర్లందరూ బయట ప్రపంచంలో దర్జాగా తిరుగుతుంటే.. వీరు మాత్రం జైలులో మగ్గిపోతున్నారు.
 
 కుటుంబాలకు దూరమవుతున్నారు. ఏజెన్సీలో సాగువుతున్న గంజాయిని స్మగ్లర్లు కొనుగోలు చేసి.. ఇతర ప్రాంతాలకు తరలించడానికి గిరిజనలు, ఇతర కూలీలను వాడుకుంటుంటారు. వారికి డబ్బులు ఇచ్చి బస్సులు, రైళ్లు, ఇతర వాహనాల్లో తరలిస్తుంటారు. రవాణా సమయంలో పోలీసులు పలువురిని పట్టుకొని కేసులు నమోదు చేసి రిమాండ్‌కు తరలిస్తున్నారు.ఈ క్రమంలోనే ఇతర రాష్ట్రాల నుంచి ఎగుమతి కోసం గంజాయిని తీసుకొచ్చినవారు కూడా విశాఖ పరిధిలో పోలీసులకు పట్టుబడి జైలుపాలవుతున్నారు. వారంతా ఎప్పుడు బయట ప్రపంచంలోకి చేరుతామా అంటూ ఎదురు చూస్తున్నారు.
 
 ష్యూరిటీలు కట్టలేక.. వాయిదాలకు రాలేక..
 గంజాయి కేసుల్లో నిందితులకు బెయిల్‌ లభించడం చాలా కష్టం. అందుకోసం లక్షల్లో పూచీకత్తు చెల్లించాల్సి ఉంటుంది. ఒక నిందితుడికి ఇద్దరు వ్యక్తులు కేసు స్థాయిని బట్టి కనీసం రూ.లక్ష చొప్పున పూచీకత్తు ఇవ్వాల్సి ఉంటుంది. అదే ఇతర కేసుల్లో రిమాండ్‌లో ఉన్న వారు కేసు తీవ్రతను బట్టి రూ.5 వేలు నుంచి రూ. 30 వేల వరకు పూచీకత్తు ఇస్తే బెయిల్‌ వచ్చేస్తుంది. గంజాయి నిందితుల్లో అధికశాతం చిన్నస్థాయి కూలీలే కావడంతో అంత మొత్తంలో ష్యూరిటీ తెచ్చుకోలేకపోతున్నారు.
 
 దీనికితోడు నిందితుల్లో అధిక శాతం ఇతర రాష్ట్రాలకు చెందినవారే ఉన్న నేపథ్యంలో.. ఒకవేళ కష్టపడి బెయిల్‌ పొందిన కేసు ప్రతి వాయిదాకు అంత దూరం నుంచి విశాఖకు రావడం కష్టం. విచారణకు రాలేకపోతే ష్యూరిటీ ఇచ్చినవారితో పాటు నిందితుల తరఫు న్యాయవాదులకు కోర్టుపరంగా ఇబ్బందులు తప్పవు. ఈ కారణాలతో బెయిల్‌ పొందే అవకాశం లేక.. ఉన్నా కావాలనే తీసుకోకుండా.. నెలలు, సంవత్సరాల తరబడి రిమాండ్‌లోనే ఉండిపోతున్నారు.
 
 సామర్థ్యానికి మించి..
 విశాఖ కేంద్ర కారాగారం 914 మంది ఖైదీలు ఉండేందుకే సరిపోతుంది. కానీ ప్రస్తుతం ఇక్కడ 1330 మంది ఉన్నారు. వీరిలో 550 మందికి పైగా గంజాయి కేసుల్లో రిమాండ్‌ పడిన వారే ఉన్నారు. దీర్ఘకాల శిక్షలు పడిన ఖైదీలు సుమారు 400 మంది ఉన్నారు. మిగిలిన వారు ఇతరత్రా కేసుల్లో రిమాండ్‌లో ఉన్నవారు. సాధారణంగా రిమాండ్‌లో ఉన్న ఇతర నిందితులు వారం రోజుల్లోనే బెయిల్‌పై వెళ్లిపోతుంటారు. గంజాయి కేసుల్లో మాత్రం తిరిగి వెళ్లే అవకాశం లేక.. వారితోనే జైలు నిండిపోతోంది.
 
 జైలు సామర్థ్యం..                            914
 ప్రస్తుత ఖైదీల సంఖ్య...                  1330
 గంజాయి నిందితులు..                    550
 శిక్షలు పడిన ఖైదీలు..                    400
 ఇతర కేసుల్లో రిమాండ్‌ ఖైదీలు .   . 380.


 ధన్‌బాద్‌: జార‍్ఖండ్‌లో భారీగా పట్టుబడ్డ గంజాయి స్కాంలో పోలీసులపై విమర్శలు వినిపిస్తున్నాయి. గంజాయి పెద్ద మొత్తంలో మాయం కావటం పలు అనుమానాలకు తావిస్తోంది. సుమారు 45 కేజీల గంజాయిని ఎలుకలు తినేశాయంటూ పోలీసులు చెబుతుండటం చర్చనీయాంశంగా మారింది. 
  
 గతేడాది మే నెలలో బిహార్‌ నుంచి పశ్చిమ బెంగాల్‌ కు పెద్ద మొత్తంలో గంజాయి స్మగ్లింగ్‌ను పోలీసులు అడ్డుకున్నారు. తన హోండా సిటీ కారులో 145 కేజీల గంజాయిని తీసుకెళ్తున్న శివాజీ కుమార్ అనే వ్యక్తిని ధన్‌బాద్‌ జీటీ రోడ్‌ హైవే వద్ద  పోలీసులు అరెస్ట్ చేశారు. సీజ్‌ చేసిన గంజాయిని బర్వద్దా పోలీస్‌ స్టేషన్‌లోని స్టోర్‌ రూంలో నిల్వ చేశారు. కేసుకు సంబంధించి జూలై 11, 2016న ఛార్జీషీట్‌ కూడా దాఖలు చేశారు. ఇక స్వాధీనం చేసుకున్న గంజాయిని కోర్టులో ప్రవేశపెట్టగా, 45 కేజీలు మాయం అవ్వటం జడ్జి గమనించారు. మిగిలిన గంజాయి ఏమైందని ఆయన ప్రశ్నించగా, బర్‌వద్దా స్టేషన్‌ అధికారి  దినేశ్ కుమార్‌ ఎలుకలు తినేశాయంటూ ఓ నివేదిక సమర్పించాడు. దీంతో ఆశ్చర్యం వ్యక్తం చేసిన న్యాయమూర్తి ఘటన పై సమగ్ర నివేదిక సమర్పించాలంటూ పోలీస్‌ శాఖను ఆదేశించారు.
  
 గతంలో బిహార్‌ మద్యపాన నిషేధ సమయంలో 9,00,000 లీటర్ల మద్యం ఎలుకల పాలైందని అధికారులు వెల్లడించిన విషయం తెలిసిందే. ఈ యేడాది నాగ్‌పూర్‌లో కూడా సరిగ్గా ఇలాగే 25 కేజీల గంజాయి మాయం కాగా, అప్పుడు కూడా ఎలుకల మీదకు నేరం నెట్టేశారు పోలీసులు.


 - ఓఆర్‌ఆర్‌పై 300 కేజీల గంజాయి పట్టివేత 
 - విశాఖ జిల్లా నర్సీపట్నం నుంచి  రవాణా 
 - ఐదుగురి అరెస్ట్‌.. పరారీలో మరో ముగ్గురు 
  
 హైదరాబాద్‌: పైన మొక్కజొన్న సంచులు.. కింద గంజాయి బ్యాగ్‌లు.. మాదకద్రవ్యాల రవాణా కోసం స్మగ్లర్లు ఎన్నుకున్న మార్గమిది. బుధవారం ఔటర్‌ రింగ్‌ రోడ్డుపై బొలేరో వాహనంలో తరలిస్తున్న 300 కిలోల గంజాయిని పోలీసులు స్వాధీనం చేసుకున్నారు. ఐదుగురిని అరెస్ట్‌ చేశారు. బుధవారం శంషాబాద్‌ డీసీసీ పీవీ పద్మజ విలేకరులకు వివరాలు వెల్లడించారు. వారం రోజులుగా ఔటర్‌పై ఆర్‌జీఐఏ పోలీసులతో పాటు ఎస్‌ఓటీ, సీసీఎస్‌ పోలీసులు తనిఖీలు చేస్తున్నారు. మంగళవారం రాత్రి 10 గంటల సమయంలో అనుమానాస్పదంగా వెళుతున్న బొలేరో వాహనాన్ని ఆపి తనిఖీ చేశారు. వాహనం లోడులో పై భాగం మొత్తం మొక్కజొన్న సంచులతో నింపి.. కింది భాగంలో 11 బ్యాగుల్లో తరలిస్తున్న 300 కేజీల గంజాయి గుట్టు రట్టయ్యింది.
 
 విశాఖ జిల్లా చింతపల్లి తొటమామిడి గ్రామానికి చెందిన లక్ష్మణ్‌రావు, సంగారెడ్డి జిల్లా నారాయణ్‌ఖేడ్‌ గ్రామానికి చెందిన పరుశురాంతో గంజాయిని స్మగ్లింగ్‌ చేసే విషయంలో ఒప్పందం కుదుర్చుకున్నాడు. విశాఖ జిల్లా నర్సీపట్నం నుంచి బొలేరో వాహనంలో మూడు క్వింటాళ్ల గంజాయిని బ్యాగుల్లో సర్దుకుని, దానిపై భారీగా మొక్కజొన్న సంచులను వేసుకుని విశాఖ జిల్లా కోడుగుమ్మడి గ్రామానికి చెందిన తంబెల్లి చందర్‌రావు(24), తుని మండలానికి చెందిన జొక్కన్న శ్రీను బయలుదేరారు. సంగారెడ్డి జిల్లాకు చెందిన మోహన్‌(20), సీహెచ్‌ వెంకట్‌(29) ఇండికా కారులో పరుశురాం సూచనల మేరకు సూర్యాపేట నుంచి బొలేరో వాహనానికి పైలట్‌గా వస్తూ పోలీసు తనిఖీల గురించి బొలేరోలో ఉన్న వారికి సమాచారం అందిస్తున్నారు.
 
 శంషాబాద్‌ కొత్వాల్‌గూడ పరిధిలోకి వచ్చిన వీరి వాహనాలను పోలీసులు తనిఖీ చేయడంతో గంజాయి రవాణా గుట్టు రట్టయింది. రూ.30 లక్షల విలువ చేసే 300 కేజీల గంజాయితో పాటు రెండు వాహనాలు, రూ.4,250 నగదు, ఆరు సెల్‌ఫోన్లు స్వాధీనం చేసుకున్నారు. చందర్‌రావు, శ్రీను, మోహన్, వెంకట్‌తోపాటు విశాఖ వాసి బొంతల నాగులను అరెస్ట్‌ చేసి రిమాండ్‌కు తరలించారు. లక్ష్మణ్‌రావు, పరుశురాంతో పాటు విశాఖ వాసి తంబెల్ల సురేశ్‌ పరారీలో ఉన్నారు.


 ►కదిరిలో గమ్మత్తు దందా
 ►విద్యాసంస్థల వద్ద గంజాయి విక్రయాలు
 ►మైకంలో తేలిపోతున్న యువత
 ►చింతపల్లి నుంచి కదిరికి సరఫరా
 ►మత్తులో జోగుతున్న నిఘా
 
 యువత మత్తులో చిత్తవుతోంది. చదువు సంధ్యలను పక్కన పెట్టేసి దమ్ముమీద దమ్ము కొడుతోంది. కన్నవారి కలలను కాలరాస్తూ మైకంలో తేలిపోతోంది. మత్తుకు బానిసగా మారి కన్నవారికి నరకం చూపుతోంది. కదిరి కేంద్రంగా సాగుతున్న ఈ గమ్మత్తు దందాకు వేలాది మంది బలైపోతున్నా...కఠినంగా వ్యవహరించాల్సిన ఖాకీ కళ్లు మూసుకుంది.
 
 కదిరిలో గంజాయి అమ్మకాలు జోరుగా సాగుతున్నాయి. దీనివెనుక పట్టణానికి చెందిన ఓ ముఠా ఉంది. కదిరికి చెందిన వ్యక్తే ఆ ముఠా నాయకుడు కూడా. ఈయనకు పట్టణానికి చెందిన మరో నలుగురు వ్యక్తులు సహకరిస్తున్నారు. వీరు  యువతను లక్ష్యంగా చేసుకుని ఈ దందా సాగిస్తున్నారు. మాయమాటలతో అమాయక యువకులను ఈ మత్తులోకి దింపి ‘క్యాష్‌’ చేసుకుంటున్నారు. ముఖ్యంగా పట్టణంలోని కొన్ని ప్రైవేటు విద్యాసంస్థల వద్దే ఈ వ్యాపారాలు జోరుగా సాగుతున్నాయి. ఒక్కో ప్యాకెట్‌(3గ్రాములు) రూ.100 చొప్పున చిన్న చిన్న పాకెట్ల రూపంలో అమ్ముతున్నారు. విద్యార్థులు సిగరెట్లలోని పొగాకును కొంత తొలగించి, అందులో గంజాయిని కలుపుకొని దమ్ములాగిస్తున్నారు. యువకులకు అలవాటు చేసేందుకు మొదట్లో మూడు, నాలుగు రోజులు ఉచితంగానే గంజాయి పంపిణీ చేస్తున్నట్లు సమాచారం. వలీసాబ్‌రోడ్, మశానంపేట, రైల్వేస్టేషన్‌ రోడ్, రాయచోటి రోడ్, దేవళంవీధి ఇంకా పలుచోట్ల గంజాయి దందా సాగుతోంది.
 
 కదిరికి చేరుతున్నదిలా...
 పట్టణానికి చెందిన గంజాయి ముఠా నాయకుడు మున్సిపల్‌ పరిధిలోని పార్థసారథి కాలనీ, నిజాంవలీ కాలనీ, వీవర్స్‌ కాలనీకి చెందిన కొందరు మహిళలను గంజాయి రవాణా కోసం నియమించాడు. వారు వారానికోసారి వారు ఆర్టీసీ బస్సులో విశాఖపట్నం వెళ్తారు. అప్పటికే చింతపల్లి నుంచి తీసుకువచ్చి బ్యాగుల్లో నింపిన గంజాయిని 7 కిలోల చొప్పున ఒక్కక్కరూ తీసుకువస్తారు. ఇందుకు గాను వీరికి రూ. 3 వేల వరకు ఇస్తున్నారు.
 
 ఆర్టీసీ బస్సుల్లోనే...
 కదిరి చెందిన మహిళలందరూ ప్రయాణికుల్లాగానే తమ బ్యాగుల్లో గంజాయిని భద్రపరచుకొని ఒక్కోసారి నేరుగా బస్‌లో కదిరికి చేరుకుంటారు. లేదంటే తలుపుల మండలం కుర్లిరెడ్డివారిపల్లి వద్ద బస్సు దిగి అక్కడి నుండి ఆటోల్లో వస్తారు. ఏదైనా అనుమానం వస్తే పులివెందులలోనే బస్సు దిగి అక్కడి నుండి మరో బస్సులో కదిరికి చేరుకుంటారు. ఈ గంజాయి దందా...రవాణా గురించి ఊరూవాడా తెలిసినా నిఘా వ్యవస్థ మాత్రం నిద్ర మత్తు నటిస్తోంది.
 
 
 నాడీవ్యవస్థ పనితీరు మందగిస్తుంది
 గంజాయి, హెరాయిన్, ఫోర్ట్‌విన్‌ ఇంజెక్షన్‌లు, కొకైన్‌ వంటి మాదక ద్రవ్యాలను తీసుకుంటే నాడీ వ్యవస్థ పనితీరు మందగిస్తుంది. కండరాలు, నరాల బలహీనత, జ్ఞాపకశక్తి దెబ్బతింటుంది, అసహనం, కుంగుబాటు, బరువుతగ్గిపోవడం వంటి రుగ్మతల బారిన పడతారు. ఇలాంటి కేసులు ఈ మధ్య కదిరి యువతలో ఎక్కువగా చూస్తున్నాం.
 –డా.మదన్‌కుమార్, వైద్యనిపుణులు, కదిరి
 
 తల్లిదండ్రులదే బాధ్యత
 గంజాయి వంటి మత్తుకు పిల్లలు అలవాటు పడకుండా చూసుకోవాల్సిన బాధ్యత తల్లిదండ్రులదే. పిల్లలు అడిగినంత డబ్బు ఇవ్వడం తప్పుకానప్పటికీ.. వారు ఎలా ఖర్చు చేస్తున్నారో తెలుసుకుంటూ ఉండాలి. అంతేకాకుండా వారి ప్రవర్తనపై ఓ దృష్టి పెట్టాల్సిన అవసరం ఉంది. అవసరమైతే కళాశాలకు వెళ్లి పిల్లల చదువు, వారి స్నేహితుల వివరాలు ఆరా తీయాలి. తల్లిదండ్రులు పిల్లలతో రోజూ కాసేపు సరదాగా మాట్లాడేందుకు కొంత సమయం కేటాయించాలి. వారి ఇష్టమైన వ్యాపకాల్లో ప్రోత్సహించాలి.
  – దశరథనాయక్, న్యాయవాది, కదిరి
 
 నిఘా పెడతాం..
 జిల్లాలో గంజాయితో పాటు ఇంకా ఇతర మాదకద్రవ్యాల అమ్మకాలపై ప్రత్యేక దృష్టి సారిస్తాం. దీని వెనుక దాగి ఉన్న అసలు వ్యక్తులు వారు ఎంతటివారైనా వదిలి పెట్టం. యువత వాటి బారిన పడకుండా కళాశాలల్లో అవగాహనా సదస్సులు ఏర్పాటు చేస్తాం. అవసరమైతే ఇందుకోసం ప్రత్యేక టీంలను నియమిస్తాం.
 –జీవీజీ అశోక్‌కుమార్, జిల్లా ఎస్పీ


 న్యూఢిల్లీ : డ్రగ్‌ మాఫియా రెచ్చిపోతోంది. మత్తుమందుల అక్రమ రవాణా, సరఫరా దేశం నలుచెరుగులా విస్తరించింది. తాజాగా ఎయిర్‌ ఇండియా విమానంలో మత్తు పదార్ధాలను దాచిన ఎయిర్‌లైన్‌ ఉద్యోగిని కస్టమ్స్‌ అధికారులు అరెస్ట్‌ చేశారు. చెన్నయ్‌ నుంచి వెళుతున్న ఎయిర్‌ ఇండియా విమానంలో భోజన పదార్థాలను తీసుకువెళ్లే కార్ట్‌లో రెండు కిలోల మరిజోనా అనే మత్తు మందును అధికారులు సీజ్‌ చేశారు. నార్కోటిక్స్‌ను స్మగ్లింగ్‌ చేసేందుకు ప్రయత్నించిన ఎయిర్‌లైన్‌ ఉద్యోగిని అరెస్ట్‌ చేసినట్లు కస్టమ్స్‌ అధికారులు  వెల్లడించారు. జులై 19న జరిగిన ఈ ఉదంతంపై పూర్తిస్థాయి దర్యాప్తు అనంతరం క్యాబిన్‌ సిబ్బంది ఒకరిని అరెస్ట్‌ చేశామని అధికారులు తెలిపారు.
 
  


 ► రహస్యంగా గంజాయి సిగరెట్ల అమ్మకాలు
 ►బానిసలవుతున్న యువకులు, విద్యార్థులు
 ► నిర్దేశించిన ప్రదేశాల్లో సరుకుతో సిద్ధంగా ఏజెంట్లు
 ► ఒక్కో సిగరెట్‌ రూ.50 నుంచి రూ.100దాకా
 ► మద్యం దుకాణాల మార్పిడితో ఊపందుకున్న అమ్మకాలు
 
 మత్తు పదార్థాలకు బానిసలవుతున్న వారిసంఖ్య రోజురోజుకూ పెరుగుతోంది. అందులో ఎక్కువగా యువత ఉంటున్నారు. ఇన్నాళ్లు రహస్య ప్రదేశాల్లో మాత్రమే గంజాయి అమ్మేవారు. ప్రస్తుతం మద్యం దుకాణాల వద్ద గంజాయి అమ్మకాలు ఊపందుకున్నాయి.
 
 పలమనేరు: గంజాయి మత్తులో భావిభారత పౌరుల జీవితాలు చిత్తవుతున్నాయి. మద్యం కంటే నాలుగింతలు మైకం కలిగించే గంజాయి సిగరెట్ల అమ్మకాలు జిల్లాలో జోరుగా సాగుతున్నాయి. యువతే టార్గెట్‌గా అమ్మకాలు సాగుతున్నాయి. జిల్లాలోని తిరుపతి, చిత్తూరు, మదనపల్లి, పలమనేరు, కుప్పం, పుంగనూరు తదితర పటణాల్లో అమ్మకాలు జరుగుతున్నాయి. వైజాగ్‌ నుంచి కొందరు ఏజెంట్ల ద్వారా జిల్లాకు గంజాయి చేరుతున్నట్టు ఇప్పటి కే పోలీసులు గుర్తించారు.
 
 గతంలో పలమనేరు, చిత్తూరులో గంజాయితో పట్టుబడిన నిందితులు సైతం తమకు సరుకు విశాఖ నుంచి అందినట్టు తెలిపిన విషయం విదితమే. అక్కడికి చెందిన ప్రధాన ముఠా సరుకును కర్ణాటకకు చెందిన ఓ గ్యాంగ్‌కు సరఫరా చేస్తున్నట్టు తెలుస్తోంది. వారి నుంచి జిల్లాలోని ఏజెంట్లకు చేరుతోంది.
 
 నిర్దేశించిన చోట్లే అమ్మకాలు..
 గంజాయి సిగరెట్‌ ప్యాక్‌లను పొందిన ప్రధాన ఏజెంట్లు వాటిని నమ్మకమైన వారి ద్వారా అమ్మకాలు సాగిస్తున్నారు. జిల్లాలోని తిరుపతి రైల్వేస్టేషన్, యూనివర్సిటీ ప్రాంతం, రేణిగుంట, బైపాస్‌ రోడ్డు, చిత్తూరులోని మెసానికల్‌ గ్రౌండ్‌ ప్రాంతం, పీవీకేఎన్‌ కళాశాల మైదానం, తిరుత్తణి రోడ్డులోని ఆవాస ప్రాంతాలు, సంతపేట, కాజూరు, ముత్తురేవుల, మదనపల్లిలోని ఆర్టీసీ బస్టాండు, సబ్‌ కలెక్టర్‌ కార్యాలయం పక్కన, బీటీ కళాశాల మైదానం, అంగళ్లు, కుప్పం పట్టణంలోని పలు అవాస ప్రాంతాలు, పలమనేరులోని లక్ష్మీ థియేటర్, ఎద్దులచెరువు కట్ట సమీపంలోని పట్టుపరిశ్రమ కార్యాలయం, గోరీతోట, మధు కళాశాల వెనుక వైపు, గంటావూరు, గడ్డూరు కాలనీ తదితర చోట్ల రహస్యంగా అమ్మకాలు సాగిస్తున్నారు. ఈ ఏజెంట్లు సైతం అలవాటుపడిన వారికి తప్ప కొత్తవారికి వీటిని విక్రయించడం లేదు.
 
 అనువైన ప్రాంతాలను ఎంచుకున్నారిలా..
 సుప్రీం కోర్టు ఆదేశాలతో జాతీయ రహదారులకు ఆనుకుని ఉన్న పలు మద్యం దుకాణాలు పట్టణాలకు దూరంగా మార్చుకున్నారు. కొందరు తోపులు, కోళ్లఫారాలు, తాత్కాలిక షెడ్లలో వీటిని ఏర్పాటు చేశారు. ఈ ప్రాంతాలు నిర్మానుష్యంగా ఉండడంతో మందు బాబులకు అనుకూలంగా మారాయి. ఇదే అదునుగా గంజాయి సిగరెట్లు అమ్మేవాళ్లు ఇలాంటి ప్రదేశాల్లో అమ్మకాలు సాగిస్తున్నట్లు తెలిసింది.
 
 రోడ్డున పడుతున్న జీవితాలు
 ఒక్కసారి ఈ మత్తుకి అలవాటుపడితే మానుకోవడం చాలా కష్టం. పలమనేరుకు చెందిన ఓ యువకుడు విపరీతంగా గంజాయి సిగరెట్లను తాగి తీవ్రమైన అనారోగ్యంతో బెంగళూరులో లక్షలు వెచ్చించి ప్రాణాపాయం నుంచి బయటపట్టాడు. ఇలాంటి వారు మరెందరో జిల్లాలో ఉన్నా విషయాలు వెలుగుచూడడం లేదు. ముఖ్యంగా రోజువారి కూలీలు, డ్రైవర్లు, హమాలీలు వీటికి బానిసలుగా మారినట్టు సమాచారం. కష్టపడి సంపాదించిన డబ్బును ఇందుకోసం వెచ్చిస్తున్నారు. ముఖ్యంగా యువత, బెట్టింగ్‌ రాయుళ్లు, కళాశాల విద్యార్థులు వీటికి బానిసలు కావడం గమనార్హం. డబ్బులు లేని సందర్భాల్లో తమ వద్దనున్న సెల్‌ఫోన్లు, ఉంగరాలను సైతం తాకట్టుపెట్టి సిగరెట్లు కొనే యూత్‌ ఉన్నారట. దీనిపై సంబంధిత శాఖలు, ఎక్సైజ్‌ అండ్‌ ఎన్‌ఫోర్స్‌మెంట్‌ స్క్వాడ్‌ నిఘా ఉంచి ముఠా ఆట కట్టించాల్సిన అవరసరం ఎంతైనా ఉంది.
 
 ఎలా తయారు చేస్తున్నారంటే..
 జిల్లాలోని కొన్ని పట్టణాల్లో బీడీ చుట్టే కార్మికులు ఎక్కువగా ఉన్నారు. ఇలాంటి చోట్ల ఎంపిక చేసుకున్న వారితో మామూలు సిగరెట్లను ఇచ్చి వాటిలో పొగాకుతో పాటు 60:40శాతం గంజాయి పొడిని కలిపి ప్యాక్‌ చేస్తున్నట్టు తెలిసింది. అలా తయారైన సిగరెట్‌ ప్యాక్‌లకు ఓ గుర్తును వేసి సాధారణ సిగరెట్లలాగే ఏజెంట్లకు చేరవేస్తున్నారు.
 
 కింగ్‌ సిగరెట్‌ అయితే వంద..
 బర్కిలీ, సిజర్‌ సిగరెట్లలో నింపిన గంజాయి అయి తే రూ.50, కింగ్‌ సిగరెట్‌ అయితే రూ.వందదాకా అమ్ముతున్నట్టు తెలిసింది. మద్యం క్వార్టర్‌ బాటిల్‌ కొనాలంటే రూ.120 పెట్టాలి. అది కొద్దిసేపే మత్తు ఉండడంతో కొందరు మద్యంలో మత్తు మాత్రలు కలిపి సేవిస్తున్నారు. గంజాయి సిగరెట్‌ తాగితే నాలుగు గంటలకు పైగా మత్తులో జోగాల్సిందే.
 
  


 న్యూఢిల్లీ: మత్తు పదార్థంగా భావించే గంజాయి వినియోగాన్ని వైద్య అవసరాల కోసం చట్టబద్ధం చేయాలని కేంద్ర మహిళా, శిశు సంక్షేమ మంత్రి మేనకాగాంధీ సూచించారు. మాదక ద్రవ్యాల సమస్యను ఎదుర్కొనేందుకు అమెరికాలో ఇలాంటి పద్ధతులనే అవలంభిస్తున్న సంగతిని ప్రస్తావించారు.
 
 నేషనల్‌ డ్రగ్‌ డిమాండ్‌ రిడక్షన్‌ విధానంపై కేబినెట్‌ నోట్‌ను అధ్యయనం చేస్తున్న మంత్రుల బృందం నిర్వహించిన సమావేశంలో ఆమె ఈ సూచన చేశారు. అమెరికాలో మాదిరిగానే భారత్‌లోనూ గంజాయి వినియోగాన్ని చట్టబద్ధం చేసే అవకాశాలను పరిశీలించాలని అన్నారు.


 మాడుగుల: విశాఖపట్నం జిల్లాలోని మాడుగుల మండలం, గరికిబంద చెక్‌పోస్ట్ వద్ద ఎక్సైజ్ అండ్ ప్రొబిషిన్  అధికారులు  వాహానాలు తనిఖీలు నిర్వహించారు. వాన్‌లో అక్రమంగా తరలిస్తున్న 526 కేజీల గంజాయి స్వాధీనం చేసుకున్నారు. ఈ ఘటనకు సంబంధించి తమిళనాడుకు చెందిన ఇద్దరు వ్యక్తులను అరెస్టు చేశారు. ఒకరు పరారయ్యారు.  పోలీసులు వ్యాన్‌, బైక్‌ సీజ్‌ చేసి కేసు నమోదు చేసి దర్యాప్తు చేస్తున్నారు.


 మోంటెవీడియో: సంచలనంగా మారిన హైదరాబాద్‌ డ్రగ్స్‌ రాకెట్‌ కేసు దర్యాప్తులో రోజుకో కొత్తకోణం వెలుగులోకి వస్తోంది. సోషల్‌ మీడియాలోనైతే దీనిపైన విపరీతమైన చర్చనడుస్తోంది. ఈ క్రమంలోనే కొందరు ఔత్సాహికులు.. అత్యంత ప్రమాదకరంకాని డ్రగ్స్‌ అమ్మకాలను చట్టబద్ధం చేయాలని డిమాండ్‌ చేస్తున్నారు. అయితే అందుకు మన చట్టాలు ఎట్టిపరిస్థితుల్లోనూ అంగీకరించవు. పైగా నూటికి 99 శాతం మంది ప్రజలు మాదకద్రవ్యాలకు వ్యతిరేకులే! మనమేకాదు, ప్రపంచంలోని మెజారిటీ దేశాలన్నీ డ్రగ్స్‌ను నిషేధిత పదార్థాలుగానే పేర్కొంటాయి. కాగా, దక్షిణ అమెరికాలోని ఉరుగ్వేలో ఇటీవల అమలులోకి వచ్చిన చట్టం చర్చనీయాంశమైంది.
 
 అక్కడి ప్రభుత్వం స్థానిక మెడికల్‌ స్టోర్లలో చట్టబద్ధంగా మత్తుపదార్థమైన గంజాయి అమ్మకాలను గతవారం ప్రారంభించింది. ప్రపంచంలోనే డ్రగ్స్‌ను చట్టబద్ధం చేసిన తొలి దేశంగా ఉరుగ్వే రికార్డులకెక్కింది. ఇందుకోసం గడిచిన నాలుగేళ్లలో భారీ తతంగం నడిచింది. మొదట, 2013లో గంజాయి అమ్మకాలను చట్టబద్ధం చేస్తూ ఉరుగ్వే జనరల్‌ అసెంబ్లీ బిల్లును ఆమోదించింది. అటుపై అధికారులు.. గంజాయి సాగుకు టెండర్లు పిలిచారు. అదే సమయంలో సుమారు 7వేల మంది వినియోగదారుల వివరాలను సేకరించి ఆన్‌లైన్‌లో పొందుపర్చారు. గంజాయి అమ్మేలా అన్ని మెడికల్‌ స్టోర్ల యజమానులతో చర్చలు జరిపారు. కానీ 16 దుకాణాలు మాత్రమే గంజాయి అమ్మేందుకు అంగీకరించాయి. చట్టం చేసిన నాలుగేళ్ల తర్వాత ఎట్టకేలకు గతవారం నుంచి అమ్మకాలు ప్రారంభమయ్యాయి.
 
 ఒక్కో ప్యాకెట్‌లో 5 గ్రాములు..
 18 ఏళ్లు నిండిన పౌరులు ఎవరైనా తమ పేరును రిజిస్టర్‌ చేసుకుని స్వేచ్ఛగా గంజాయి కొని, ఆస్వాదించొచ్చు. ప్రస్తుతం మెడికల్‌ షాపుల్లో ఒక్కోటి 5 గ్రాముల బరువుండే ఆల్ఫా, బీటా రకాల గంజాయిని అందుబాటులో ఉంచారు. ప్యాకెట్‌ ధరను 6.6 డాలర్లుగా నిర్ధారించారు. అమ్మకాల ద్వారా వచ్చే సొమ్ములో పెట్టుబడి పోను అదనపు లాభాన్ని ఫార్మసీలు, ప్రభుత్వానికి దక్కుతాయి. తద్వారా పోగయ్యే నిధులను.. దేశంలో మాదకద్రవ్యాల అక్రమ రవాణా అరికట్టేందుకు వినియోగిస్తామని ప్రభుత్వాధికారులు చెబుతున్నారు.


 
 - ఏడుగురిని అదుపులోకి తీసుకున్న పోలీసులు
 
 - ‘సాక్షి’ కథనాలతో వేగంగా కదిలిన యంత్రాంగం
  
 
 నిర్మల్‌ రూరల్‌: గంజాయిపై ‘సాక్షి’దినపత్రికలో వచ్చిన కథనాలతో నిర్మల్‌ జిల్లా పోలీసులు వేగంగా స్పందించారు. బుధవారం నాలుగు ప్రాంతాల్లో దాడులు నిర్వహించి, 34కిలోల గంజాయిని స్వాధీనం చేసుకున్నారు. మొత్తం ఏడుగురిని అదుపులోకి తీసుకున్నారు. ఈ వివరాలను జిల్లా ఎస్పీ విష్ణు ఎస్‌ వారియర్‌ వెల్లడించారు. జిల్లాకేంద్రంలో గంజాయి విక్రయాలు జరుగుతున్నాయన్న సమాచారం మేరకు కొన్నిరోజులుగా నిఘా పెట్టినట్లు చెప్పారు.
 
 ఈ క్రమంలో బుధవారం జిల్లా కేంద్రంలోని వైఎస్‌ఆర్‌ కాలనీలో ఇద్దరిని అదుపులోకి తీసుకుని విచారించామన్నారు. వారు ఇచ్చిన వివరాలతో దిలావర్‌పూర్‌ మండలం గుండంపల్లిలో ఇద్దరిని, నిర్మల్‌లో ఒకరిని, ఆదిలాబాద్‌ జిల్లా నేరేడిగొండ మండలం కొరిటికల్‌(బి)లో ఒకరిని, ధార్మిక్‌నగర్‌లో ఒకరిని అదుపులోకి తీసుకున్నామని చెప్పారు. వీరి వద్ద నుంచి మొత్తం 34కిలోల గంజాయిని సాగు చేసుకున్నామన్నారు. కాగా, నిర్మల్‌ జిల్లాలో గంజాయి సాగు, విక్రయాలు జోరుగా జరుగుతున్న విషయాన్ని ‘సాక్షి’ముందే చెప్పింది. ఈనెల 18న జిల్లా టాబ్లాయిడ్‌లో ‘మత్తు’గ గంజాయి సాగు!.. శీర్షికన కథనాన్ని ప్రచురించింది. అలాగే బుధవారం సాక్షి మెయిన్‌లో ‘గంజాయి ‘సాగు’తోంది!.. శీర్షిక నెట్‌వర్క్‌ కథనాలను ప్రచురించింది. ఈనేపథ్యంలో పోలీస్‌శాఖ వేగంగా స్పందించింది.
  
 
 నిజామాబాద్‌లో 17 కిలోలు... ముగ్గురు అరెస్టు, పరారీలో ఇద్దరు
 
 నిజామాబాద్‌ క్రైం: నిజామాబాద్‌ జిల్లా కేంద్రంలోని ఆటోనగర్‌లో బుధవారం 17 కిలోల గంజాయిను ఎక్సైజ్‌ అధికారులు పట్టుకున్నారు. గంజాయి రవాణా చేస్తున్న ముగ్గురిని అరెస్టు చేయగా, మరో ఇద్దరి పరారీలో ఉన్నారు. బుధవారం ఎక్సైజ్‌శాఖ డిప్యూటీ కమిషనర్‌ డేవిడ్‌ రవికాంత్‌ విలేకరులకు వివరాలు వెల్లడించారు. మంగళవారం నిజామాబాద్‌ మండలం గాంధీనగర్‌కు చెందిన దువ్వాడ మహేశ్, ఆటోనగర్‌కు చెందిన ఫరిదాబేగం అలియాస్‌ ఫరాలు గంజాయితో ఆటోనగర్‌కు వచ్చినట్లు ఎక్సైజ్‌ పోలీసులకు సమాచారం అందింది. దీంతో తనిఖీలు నిర్వహించి మహేష్, ఫరాల వద్దనుంచి నాలుగు కిలోల గంజాయిను స్వాధీనం చేసుకున్నారు.
 
 వారి సమాచారం మేరకు అఖిలా బీ ఇంటిపై దాడులు చేసి 13 కిలోల గంజాయిను స్వాధీనం చేసుకున్నారు. గంజాయి రవాణాలో సయ్యద్‌ బషీర్‌ అల్లుడు సయ్యద్‌ కరీంకు సంబంధం ఉండటంతో ఆయనను అదుపులోకి తీసుకుని అరెస్టు చేసినట్లు డీసీ తెలిపారు. ఎక్సైజ్‌ పోలీసులు తమ ఇంటిపై దాడులు చేస్తున్న విషయాన్ని తెలుసుకున్న భార్యభర్తలు అంతకు ముందే పారిపోయారు. వీరికి కోసం గాలిస్తున్నట్లు డీసీ తెలిపారు. 
 
  


 సరిహద్దు జిల్లాల్లోని మారుమూల ప్రాంతాల్లో గుప్పుగుప్పు
  
 సాక్షి నెట్‌వర్క్‌: డ్రగ్స్‌.. కొద్దిరోజులుగా రాష్ట్రాన్ని కుదిపేస్తోంది! ఎల్‌ఎస్‌డీ, కొకైన్, ఎండీఎంఏ.. పేర్లు ఏవైతేనేం రాష్ట్ర రాజధానిలో పబ్‌ల నుంచి స్కూళ్ల దాకా చాపకింద నీరులా విస్తరించిన ఈ మహమ్మారి అందరినీ విస్తుబోయేలా చేసింది. మరి జిల్లాల్లో ఏం జరుగుతోంది? ఖరీదైన డ్రగ్స్‌ వాసన ఎక్కడా కనిపించడం లేదుగానీ అనేక జిల్లాల్లో గంజాయి మాత్రం గుప్పుగుప్పుమంటోంది! ఏజెన్సీ ప్రాంతాల్లో యథేచ్ఛగా సాగవుతోంది. ముఖ్యంగా గోదారి తీరం వెంట ఉన్న జిల్లాల్లో జోరుగా ఉంది. ఈ జిల్లాలు ఛత్తీస్‌గఢ్, మహారాష్ట్రతో సరిహద్దు కలిగి ఉండటంతో ఆ రాష్ట్రాలకు చెందిన మాఫియా... తన ఏజెంట్ల ద్వారా తెలంగాణలో గంజాయి సాగును ప్రోత్సహిస్తోంది.
 
 కొందరు రైతులను ప్రలోభాలకు గురి చేసి గంజాయి పంట తీస్తోంది. తమకు అనుకూలమైన గ్రామాలు, రైతులను ఎంపిక చేసుకొని విత్తనాలు సరఫరా చేయడం నుంచి పంటను కొనుగోలు చేయడం వరకు అన్ని పనులను ఏజెంట్లు చూసుకుంటున్నారు. గత పదేళ్లుగా ఉమ్మడి ఆదిలాబాద్, వరంగల్, కరీంనగర్, ఖమ్మం జిల్లాల్లో ఈ మాఫియా గంజాయి సాగును వ్యవస్థీకృతం చేసింది. ఇక్కడ్నుంచి గంజాయిని వివిధ మార్గాల ద్వారా హైదరాబాద్, ఇతర రాష్ట్రాలకు తరలిస్తున్నారు. పలు జిల్లాల్లోని మారుమూల, ఏజెన్సీ ప్రాంతాల్లో ‘సాక్షి’క్షేత్రస్థాయిలో పరిశీలించగా అనేక విస్మయకర అంశాలు వెలుగులోకి వచ్చాయి. పోలీసు, రైల్వే, ఎక్సైజ్‌శాఖల్లోని కొందరు అధికారులు మామూళ్ల మత్తులో జోగుతుండటంతో గంజాయి దందా నిరాటంకంగా సాగుతోంది.
  
 సాగు చేస్తున్నారిలా..
 గంజాయిపై నిషేధం ఉండటంతో ఏజెంట్లు అడవులకు సమీపంలోని గ్రామాల్లో సాగు చేయిస్తున్నారు. అటవీ సమీపంలోని పొలాలు, చేన్లకు నీటి సౌకర్యం తక్కువ. నేలలు కూడా అంత సారవంతమైనవి కాకపోవడంతో రైతులు ప్రధాన పంటలు వేయడం లేదు. అలాంటి వారు తొందరగా మాఫియా ఉచ్చులో చిక్కుకుంటున్నారు. గంజాయి బయటకు కనిపించకుండా ఉండేందుకు ముందుగా పొలంలో పత్తి, కంది, మిర్చి వంటి పంట వేస్తున్నారు. పత్తి, కంది విత్తనాలు మొలకెత్తి కనీసం అడుగు ఎత్తు పెరిగే వరకు వేచి చూసి ఆ తర్వాత అంతర్‌ పంటగా గంజాయి సాగును మొదలు పెడుతున్నారు. బయటకు పత్తి, కంది పంట తరహాలో కనిపించినా లోపల గంజాయి మొక్కలు ఉంటాయి. పత్తి కంటే గంజాయి మొక్క ఎక్కువ ఎత్తు పెరుగుతుంది. దీంతో గంజాయి మొక్క ఎదిగే క్రమంలో మధ్యలకు చీల్చుతారు. దీంతో మొక్క ఎదుగుదల పైకి కాకుండా నేలకు సమాంతరంగా ఉంటుంది.
 
 సెప్టెంబర్‌లో విత్తనాలు చల్లితే జనవరికల్లా గంజాయి పంట చేతికి వస్తోంది. గంజాయి ఆకుల్ని కోసిన తర్వాత ఇళ్లలో ఎండబెట్టి సంచులు, బస్తాల్లో నింపుతున్నారు. వీటిని ట్రావెల్‌ బ్యాగులు, మిర్చి బస్తాల్లో నింపి రాష్ట్ర సరిహద్దులు దాటిస్తున్నారు. కేజీ గంజాయి ఆకులకు ఏజెంట్లు రూ.3 వేల దాకా రైతులకు ముట్టచెబుతున్నారు. ఎకరం విస్తీర్ణంలో గంజాయిని సాగుచేస్తే నికరంగా క్వింటాలు వరకు పంట చేతికొస్తోంది. కొన్నిచోట్ల గిరిజనుల భూముల్లో స్మగ్లర్లు కౌలుకు ఎకరానికి రూ.20 వేలు చెల్లించి పంటను వేయిస్తున్నారు.
  
 ఇదీ ‘మత్తు’రూటు..
 తెలంగాణ నుంచి పొరుగు రాష్ట్రాలకు వెళ్తున్న గంజాయిని అక్కడి స్మగ్లర్లు ప్రాసెసింగ్‌ చేసి తిరిగి మన రాష్ట్రానికే తెచ్చి విక్రయిస్తున్నారు. ఛత్తీస్‌గఢ్‌కు చెందిన స్మగ్లర్లు భద్రాచలం మీదుగా విజయవాడకు తరలిస్తున్నారు. మహారాష్ట్రకు చెందిన వ్యాపారులు బల్లార్షా–కాజీపేట–సికింద్రాబాద్‌ మార్గంలో తెస్తున్నారు. కామారెడ్డి, నిజామాబాద్‌ కేంద్రాలుగా గంజాయి దందా య«థేచ్ఛగా సాగుతోంది. విశాఖ మన్యం జిల్లాలతోపాటు వివిధ ప్రాంతాల నుంచి తెచ్చిన గంజాయిని ఇక్కడ పెద్ద మొత్తంలో డంప్‌ చేసి, మహారాష్ట్రలోని పుణె, ముంబై వంటి నగరాలకు రైలు, రోడ్డు మార్గాల ద్వారా రవాణా చేస్తున్నారు. విశాఖ ప్రాంతం నుంచి నిజామాబాద్‌ వరకు రైళ్ల రాకపోకలు అనువుగా ఉండటంతోపాటు కేవలం 20 నిమిషాల్లో రైలు, రోడ్డు మార్గాల ద్వారా మహారాష్ట్రలోకి వెళ్లేందుకు వీలుంంది. దీంతో నిజామాబాద్, కామారెడ్డి ప్రాంతాలను స్మగ్లర్లు డంప్‌లుగా మార్చుకున్నారు.
  
 ఎక్కడెక్కడ సాగవుతోంది..?
 ► జయశంకర్‌ జిల్లా రేగొండ మండలంలో రేపాక, గాంధీనగర్, కనిపర్తి, జూలపల్లి, భాగిర్ధిపేటలో..
 ► భూపాలపల్లి మండలంలో ఆజాంనగర్‌ అటవీ ప్రాంతాలు, మహదేవపూర్‌ మండల కేంద్రం నుంచి–ముకునూరు వరకున్న గ్రామాలు, మొగుళ్లపల్లి మండలంలో ఇస్పీపేట గ్రామం, చిట్యాల మండలంలో కొన్ని గ్రామాల్లో..
 ► వరంగల్‌ రూరల్‌ జిల్లా పరిధిలో పరకాల మండలం వెల్లంపల్లి, పోచారం, నాగారం, కంఠాత్మకూరు గ్రామాల్లో.. 
 ► ఆదిలాబాద్‌ జిల్లాలోని సరిహద్దు ప్రాంతాలైన తానూరు, కుభీర్, కుంటాల, సారంగపూర్‌ మండలాలతోపాటు తలమడుగు మండలం నందిగామ, బజార్‌హత్నూర్‌ మండలం భూతాయి, గాదిగూడ, నార్నూర్, ఉట్నూర్, ఇంద్రవెల్లి ప్రాంతాల్లో..
 ► కామారెడ్డి, నిజామాబాద్‌ జిల్లాల్లోని కొన్ని మారుమూల మండలాల్లో..
  
 ఎలా రవాణా చేస్తున్నారంటే..?
 ► కొన్నిచోట్ల కుటుంబ సభ్యులతో కలిసి తీర్థయాత్రలకు వెళుతున్నట్లుగా కొందరు మహిళలను వాహనాల్లో ఎక్కించుకుని గంజాయి బ్యాగులను తరలిస్తున్నారు.
 ► మరికొన్నిచోట్ల రైళ్లలో ఒడ్డూ, పొడవులో ఆర్మీ/పోలీసులుగా కనిపించేవారిని ఎంపిక చేసుకుంటున్నారు. ప్యాక్‌ చేసిన గంజాయి పొట్లాలను ట్రంక్‌ పెట్టెల్లో పెట్టుకుని ప్రయాణికుల తరహాలో వీళ్లు రైళ్లు ఎక్కుతారు. ప్రవేశ ద్వారం వద్ద ఉండే టాయిలెట్ల సమీపంలో ఈ ట్రంకు పెట్టెలు ఉంచుతారు.గమ్యస్థానం రాగానే మాల్‌తో దిగిపోతారు.
 ► రైల్లో గంజాయి రవాణా అవుతున్నట్లు ఆయా శాఖల అధికారులకు తప్పుడు సమాచారం ఇచ్చి రోడ్డు మార్గం ద్వారా తీసుకెళ్తున్నారు.
 ► రైల్వేస్టేషన్‌లో వ్యాపార సముదాయాన్ని బినామీ పేర్లతో కాంట్రాక్టుకు తీసుకుని గంజాయి రవాణాకు అనుకూలంగా మార్చుకుంటున్నారు.
  
 తులం చొప్పున విక్రయం
 నిర్మల్‌ పట్టణంతోపాటు ఖానాపూర్, భైంసా పరిధిలోని పలు గ్రామాల్లో, హోటళ్లలో విక్రయిస్తున్నారు. విక్రేతలు ఎవరికి పడితే వారికి కాకుండా.. తెలిసిన కొనుగోలుదారులు, నమ్మకస్తులకే విక్రయిస్తున్నారు. పెద్దమొత్తంలో కాకుండా తులం చొప్పున ప్యాకెట్లలో ప్యాక్‌చేసి
 రూ.100–150 వరకు అమ్ముతున్నారు.
  
 గంజాయి చాక్లెట్లు..
 నిజామాబాద్‌లో విక్రయిస్తున్న చాక్లెట్లు, పిప్పర్‌మెంట్లు గ‘మ్మత్తు’లో ముంచెత్తుతున్నాయి. ఆ చాక్లెట్‌గానీ, పిప్పర్‌మెంట్‌గానీ నోట్లో వేసుకుంటే మూడు నాలుగు గంటల పాటు మత్తులో తేలిపోవచ్చు. యువత, హమాలీలు, కూలీలు, చిన్నాచితక వ్యాపారాలు చేసుకునే వారే కాకుండా కొందరు విద్యార్థులు సైతం ఈ గంజాయి చాక్లెట్ల మత్తు ఊబిలో చిక్కుకుపోయారు. గంజాయి ఆకు, పువ్వును మిక్సర్‌లో వేసి మెత్తటి పేస్ట్‌గా తయారు చేస్తున్నారు. ఈ పేస్టును పది గ్రాములు, 20 గ్రాముల్లో చిన్న గోలీలుగా మార్చి.. వాటి చుట్టూ తియ్యటి పదార్థాన్ని చుట్టి పిప్పర్‌మెంట్లు తయారు చేసి అమ్ముతున్నారు. ఒక్కో పిప్పర్‌మెంట్‌ రూ.50 నుండి రూ.200 చొప్పున విక్రయిస్తున్నారు. గుట్టుగా సాగుతున్న  ఈ దందాను ఇటీవలే పోలీసులు ఛేదించారు. 
  
 బంతి తోట మధ్య.. నాలుగెకరాల్లో..
 అది ఉమ్మడి కరీంనగర్‌ జిల్లాలో తెలంగాణ–మహారాష్ట్ర సరిహద్దులోని ఓ మారుమూల అటవీ గ్రామం. ఒకప్పుడు పోలీసు–నక్సల్స్‌ ఉద్రిక్తతలతో టెన్షన్‌తో ఉండేది. ఈ గ్రామానికి దూరంగా మరో కుగ్రామం. ఆ ఊరి నుంచి బైక్‌పై 45 నిమిషాలు వెళ్తే ఓ గుట్ట. అక్కడ్నుంచి నడుచుకుంటూ కాస్త దూరం వెళ్తే నాలుగెకరాల్లో బంతి తోట. కాస్త పరిశీలనగా చూస్తే.. ఒక వరుస బంతి చెట్లు.. మరో వరుసలో గంజాయి మొక్కలు. ‘సాక్షి’పరిశీలనలో కనిపించిన దృశ్యమిది. ఇక్కడ పంట చూసుకునేందుకు పని మనుషులు, విక్రయించేందుకు ఏజెంట్లు ఎప్పుడూ సిద్ధంగా ఉంటారు. అనుమానం రాకుండా ‘సాక్షి’ప్రతినిధి అక్కడికి వెళ్లి బేరమాడగా.. ఏజెంట్‌ ఎన్ని కేజీలు కావాలని అడిగాడు. వారానికి సుమారు 2 కేజీలు కావాలని అడగ్గా కేజీ రూ.2 వేలు ఉంటుందని చెప్పారు. తమకు పోలీసులు, ఎక్సైజ్‌ సిబ్బంది కూడా తెలుసునని వారు చెప్పడం గమనార్హం.
  
 షాక్‌కు గురయ్యా : కాజల్‌
 గంజాయి కేసులో తన మేనేజర్‌ రోనీని అరెస్ట్‌ చేయడంపై హీరోయిన్‌ కాజల్‌ అగర్వాల్‌ స్పందించారు. ఈ వ్యవహారంతో తాను షాక్‌ అయ్యానని, ఇలాంటి వ్యక్తికి సమాజంలో మద్దతు ఉండదని అన్నారు. ఇలాంటి వారికి తాను ఎట్టి పరిస్థితుల్లో మద్దతివ్వనని మంగళవారం ట్వీటర్‌లో పేర్కొన్నారు. తన కోసం పనిచేసే వారి పట్ల అభిమానంగా ఉంటానని, కానీ వారి వ్యక్తిగత జీవితాన్ని నియంత్రించలేనని అన్నారు. తన కెరీర్, వ్యక్తిగత విషయాలన్నీ తల్లిదండ్రులే చూసుకుంటున్నారని తెలిపారు. 
 


 - సంగారెడ్డి జిల్లాకు చెందిన ముగ్గురి అరెస్టు
 - 8 కేజీల గంజాయి, మూడు సెల్‌ఫోన్లు స్వాధీనం
  
 సాక్షి, హైదరాబాద్‌: అప్పుల్లో కూరుకుపోయిన ముగ్గురు రైతులు గంజాయి విక్రేతల అవతారం ఎత్తారు! ఓ ఆటో డ్రైవర్‌ అందించిన గంజాయిని కమీషన్‌ కోసం అమ్మేందుకు హైదరాబాద్‌కు వచ్చి పోలీసులకు దొరికారు. వీరి నుంచి 8 కేజీల గంజాయి, మూడు సెల్‌ఫోన్లు స్వాధీ నం చేసుకున్నట్లు డీసీపీ బి.లింబా రెడ్డి సోమవారం వెల్లడించారు. సంగారెడ్డి జిల్లాలోని యనక్‌పల్లి, కృష్ణనాయక్‌ తండా ప్రాంతాలకు చెందిన మారుతి రాథోడ్, కర్రా నెహ్రూ, అజ్మీర సవాయ్‌ సింగ్‌లు రైతులు. తీవ్ర ఆర్థిక ఇబ్బందుల్లో ఉన్న వీరికి పటాన్‌చెరులోని గౌతమ్‌నగర్‌ కాలనీకి చెందిన ఆటోడ్రైవర్‌ మోతీరామ్‌తో పరిచయం ఏర్పడింది.
 
 అతడి సూచనల మేరకు గంజాయిని పటాన్‌చెరు నుంచి తెచ్చి నగరంలో విక్రయించేందుకు అంగీకరించారు. ఆదివారం సాయంత్రం 8 కేజీల గంజాయితో హైదరాబాద్‌ వచ్చిన ఈ ముగ్గురు.. గోల్కొండ సమీపంలోని రామ్‌దేవ్‌గూడ వద్ద సంచరిస్తుండగా సెంట్రల్‌ జోన్‌ టాస్క్‌ఫోర్స్‌ ఇన్‌స్పెక్టర్‌ ఎస్‌.శ్రీనివాస్‌రావు నేతృత్వంలోని బృందం అరెస్ట్‌ చేసింది. పరారీలో ఉన్న మోతీరామ్‌ చిక్కితేనే ఈ గంజాయి ఎక్కడ్నుంచి వచ్చిందనేది తెలుస్తుందని పోలీసులు చెప్పారు.
  
 గంజాయి అమ్ముతున్న మహిళ అరెస్టు 
 బాలానగర్‌ ప్రాంతంలో గంజాయి అమ్ముతున్న ఓ మహిళను ఎక్సైజ్‌ పోలీసులు అరెస్ట్‌ చేశారు. ఫతేనగర్‌ డివిజన్‌లోని పిట్టల బస్తీకి చెందిన కళ (32) ఇంటి వద్ద గంజాయి అమ్ముతోందన్న సమాచారం అందడంతో ఆమె ఇంటిపై దాడి చేసి 400 గ్రాముల గంజాయి స్వాధీనం చేసుకున్నారు. కళను రిమాండ్‌కు తరలించారు.


 200 కిలోల గంజాయి, రెండు కార్లు స్వాధీనం
  
 హైదరాబాద్‌: గంజాయి రవాణా చేస్తున్న ఐదుగురు యువకులను నార్సింగి పోలీసులు, మాదాపూర్‌ ఎస్‌ఓటీ పోలీసులు అరెస్ట్‌ చేసి రిమాండ్‌కు తరలించారు. ప్రధాన నిందితులైన సినీ నిర్మాత వి.రమేశ్‌తోపాటు మరొక నిందితుడు శేఖర్‌ పరారీలో ఉన్నట్లు డీసీపీ విశ్వప్రసాద్‌ తెలిపారు. ఈ ఘటనలో రూ.37 లక్షల విలువ చేసే 200 కిలోల గంజాయి, రెండు కార్లు, సెల్‌ఫోన్లు స్వాధీనం చేసుకున్నట్లు డీసీపీ శనివారం తెలిపారు. నల్లగొండ జిల్లాకు చెందిన రామకృష్ణ(23), రవి(27), వెంకన్న(42) క్యాబ్‌ డ్రైవర్లుగా పనిచేశారు. ఆదాయం లేకపోవడంతో వాహనాలను అమ్మేసి స్వగ్రామాలకు వెళ్లిపోయారు. పనికోసం వెంకన్న మామ దుర్గయ్యను సంప్రదించారు. దుర్గయ్య కొత్తగూడెం ప్రాంతానికి చెందిన వి.రమేశ్‌ను పరిచయం చేయగా.. ఆయన ద్వారా వైజాగ్‌కు చెందిన శేఖర్‌ పరిచయమయ్యాడు.
 
 ఈ ముగ్గురూ శేఖర్‌ను కలసి గంజాయిని ముంబైకి తరలించేందుకు ఒప్పుకున్నారు. వీరికి ఈసారి నిర్మాత రమేశ్‌ కూడా జతకలిశాడు. ఈ ముగ్గురితోపాటు డ్రైవర్లు నరేశ్‌(25), మధు(24)ను కూడా తీసుకుని కార్లలో ముంబైకి బయలుదేరారు. సమాచారం అందుకున్న నగర టాస్క్‌ఫోర్స్, ఎస్‌ఓటీ, నార్సింగి పోలీసులు పుప్పాలగూడ ఓఆర్‌ఆర్‌ వద్ద వర్ణా కారును ఆపి సోదా చేశారు. వెనుక వర్ణాకారు రాకపోవడంతో నిస్సాన్‌ కారులోని వ్యక్తులు ఫోన్‌ చేయడంతో పోలీసులు కారు మరమ్మతుకు గురైందని చెప్పి వారిని రప్పించారు. దీంతో రెండు కార్లు, 200 కిలోల గంజాయితోపాటు ఐదుగురిని పోలీసులు అరెస్ట్‌ చేసి రిమాండ్‌కు తరలించారు.  


 ⇔జిల్లా అంతటా విస్తరిస్తున్న  గంజాయి విక్రయాలు
 ⇔ఒడిశా సరిహద్దు జిల్లాల నుంచి రవాణా..?
 ⇔పట్టనట్లు వ్యవహరిస్తున్న పోలీస్, ఎక్సైజ్‌ అధికారులు
 ⇔తూతూ మంత్రంగా కేసుల నమోదు
 
 ఒంగోలు క్రైం: జిల్లాలో గంజాయి విక్రయాలు జోరుగా సాగుతున్నాయి. మద్యం షాపుల జోరు, బెల్ట్‌ షాపుల హుషారుతో ఉన్న ఎక్సైజ్‌ అధికారులు గంజాయి విక్రయాలు జిల్లా నలుమూలలా విస్తరించినా నిమ్మకు నీరెత్తినట్లు వ్యవహరిస్తున్నారు. దీంతో ఒంగోలు నగరంతోపాటు మున్సిపాలిటీలు, ప్రధాన మండల కేంద్రాల్లోనూ గంజాయి జోరుగా లభ్యమవుతోంది. అయినా అటు పోలీసులుకాని ఇటు ఎక్సైజ్‌ అధికారులుకాని సరఫరా అవుతున్న మూలాలపై దృష్టి సారించటంలేదు.
 
 రైల్వే రూట్‌లో...
 రైల్వే లైన్లు ఉన్న చీరాల–గూడూరు లైన్‌లోనూ, వినుకొండ–మార్కాపురం లైన్‌లోనూ విచ్చలవిడిగా విక్రయాలు సాగుతున్నాయి. ఎప్పుడో ఒకసారి ఉన్నతాధికారులు గంజాయి విక్రయాలపై కఠినంగా అడిగినప్పుడు మాత్రం నామమాత్రంగా కేసులు నమోదు చేసి చేతులు దులుపుకుంటున్నారు. రైల్వే లైన్లలోని రైల్వే స్టేషన్లు ఉండే గ్రామాలు, పట్టణాలతో పాటు జాతీయ రహదారి వెంట ఉన్న పట్టణాలు, మండల కేంద్రాల్లోనూ గంజాయి విక్రయాలు సాగుతున్నాయి. ఒడిశా సరిహద్దు జిల్లాల నుంచి వేర్వేరు ప్రాంతాలకు రవాణా అవుతున్నట్టు సమాచారం. ఈ విషయం పోలీసులకు తెలిసినా చేతులు తడుపుకొని తెలిసీ తెలియనట్లు వ్యవహరిస్తున్నారన్న విమర్శలున్నాయి.    
 
 నగరం నడిబొడ్డున గంజాయి స్వాధీనం..
 గత ఏడాది ఒంగోలు నగరంలోని సీవీఎన్‌ రీడింగ్‌ రూములో పేకాట అనుమతి తెచ్చుకొని నిబంధనలకు విరుద్దంగా కోతముక్క ఆడిస్తున్నారన్న సమాచారం తెలుసుకున్న పోలీసులు అప్పట్లో దాడులు నిర్వహించారు. ఆ దాడుల్లో సీవీఎన్‌ రీడింగ్‌ రూములోనే కేజీకి పైగా గంజాయిని కూడా స్వాధీనం చేసుకున్నారు. అప్పట్లో ఆ ఘటన రాష్ట్ర వ్యాప్తంగా పెను సంచలనం రేపింది. జిల్లా కేంద్రం ఉన్న క్లబ్‌లోనే గంజాయి దొరికిందంటే ఇక చాటుమాటుగా ఏస్థాయిలో గంజాయి విక్రయాలు జోరందుకుంటున్నాయో అర్ధం చేసుకోవచ్చు.
 
 నాలుగేళ్లలో 32 కేసుల నమోదు..
 గత నాలుగేళ్లలో ఎక్సైజ్‌ అధికారులు 32 గంజాయి కేసులు నమోదు చేశారు. 285 కేజీల ఎండిపోయిన గంజాయిని స్వాధీనం చేసుకున్నారు. 33 మందిపై కేసులు నమోదు చేసి అరెస్ట్‌ చేశారు. 2013–14లో గిద్దలూరు ప్రాంతంలో సాగుచేసిన గంజాయి తోటపై దాడి చేసిన ఎక్సైజ్‌ పోలీసులు 2,108 మొక్కలను ధ్వంసం చేశారు. పొలం యజమానిని అరెస్ట్‌ చేశారు. జిల్లా వ్యాప్తంగా పోలీసులు 2015లో నాలుగు గంజాయి కేసులు నమోదు చేసి ఆరుగురిని అరెస్ట్‌ చేశారు. 37 కేజీల ఎండిపోయిన గంజాయిని స్వాధీనం చేసుకున్నారు. 2016లో ఏడు గంజాయి కేసులు నమోదు చేశారు. 30 మందిని అరెస్ట్‌ చేశారు. అదేవిధంగా 700 గ్రాముల నల్లమందు స్వాధీనం చేసుకొని దానిని సరఫరా చేస్తున్న ఇరువురిని అరెస్ట్‌ చేసి, రెండు కేసులు నమోదు చేశారు.


 - ఈ ఏడాదే వీఎం హోంలో కొత్త కమిషనరేట్‌ పనులు 
 - సాంకేతిక పరిజ్ఞానాన్ని అందిపుచ్చుకుంటాం
 - వాట్సాప్‌ ఫిర్యాదుల నంబర్‌ 9490617111
 - ‘మీట్‌ ది ప్రెస్‌’లో రాచకొండ కమిషనర్‌ మహేశ్‌ భగవత్‌
  
 సాక్షి, హైదరాబాద్‌: నగరంలోని రాచకొండ పోలీసు కమిషనరేట్‌ దేశంలోనే అతి పెద్ద పోలీసు కమిషనరేట్‌ అని..ఈ కమిషనరేట్‌కు ఈ ఏడాదిలోనే నూతన కార్యాలయాన్ని ఏర్పాటు చేస్తామని అమెరికా ప్రభుత్వ రియల్‌హీరో అవార్డు గ్రహీత, రాచకొండ పోలీస్‌ కమిషనర్‌ మహేశ్‌ మురళీధర్‌ భగవత్‌ అన్నారు. నూతన కార్యాలయం ఏర్పాటుకు సరూర్‌నగర్‌ విక్టోరియా మెమోరియల్‌ (వీఎం) హోంలో పది ఎకరాల భూమి లీజు ఇవ్వడానికి ప్రభుత్వం ఇప్పటికే జీవోను విడుదల చేసిందన్నారు. హైదరాబాద్‌ ప్రెస్‌క్లబ్‌ శనివారం నిర్వహించిన ‘మీట్‌ ది ప్రెస్‌’లో ఆయన మాట్లాడుతూ వ్యవస్థీకృత నేరాల మూలాలను గుర్తించి కూకటివేళ్లతో పెకలిస్తున్నట్లు తెలిపారు.
 
 నూతన సాంకేతిక పరిజ్ఞానాన్ని అందిపుచ్చుకుంటూ ప్రజలకు 24/7 అందుబాటులో ఉంటామన్నారు. నేర నివారణ, పరిశోధనకు పెద్దపీట వేస్తూ, మహిళలు, పిల్లల రక్షణ, గౌరవం కోసం అత్యంత ప్రాధాన్యం ఇస్తామన్నారు. యాదాద్రి దేవాలయానికి తిరుమల తరహాలో ఐదంచెల భద్రత వ్యవస్థను ఏర్పాటు చేస్తున్నట్లు తెలిపారు. 
  
 మహిళల భద్రతకు పెద్దపీట
 మహిళల భద్రత కోసం భువనగిరిలో మహిళా పోలీస్‌ స్టేషన్‌ను ఏర్పాటు చేస్తున్నట్లు తెలిపారు. విద్యార్థినులకు భరోసా కల్పించేందుకు ఇటీవల ‘షీ ఫర్‌ హర్‌’కార్యక్రమాన్ని ప్రారంభించి వారిచే వాట్సాప్‌ గ్రూప్‌ క్రియేట్‌ చేయించామన్నారు. ఆన్‌లైన్‌ సెక్స్‌ రాకెట్‌ నిర్మూలనకు ప్రత్యేక చర్యలు తీసుకుంటున్నామన్నారు. 
  
 తల్లిదండ్రుల్లో ఆందోళన వద్దు
 గంజాయి రవాణాను అడ్డుకునేందుకు ప్రత్యేక చర్యలు తీసుకున్నట్లు తెలిపారు. ఏడాదిలో 4,500 కిలోల గంజాయి స్వాధీనం చేసుకున్నామన్నారు. డ్రగ్స్‌ కేసుల్లో మీడియా సంయమనం పాటించాలన్నారు. కల్తీ విత్తనాలు, కల్తీ ఆహార పదార్ధాల కేసులో నిందితులపై చర్యలు తీసుకున్నట్లు తెలిపారు. ప్రజలు తమ చుట్టూ జరిగే నేరాలు, అక్రమ దందాలు, నిబంధనల ఉల్లంఘనలపై రాచకొండ వాట్సాప్‌ నంబర్‌ 94906 17111కు సమాచారం అందించాలన్నారు.
  
 అభ్యర్థులను తయారు చేయడంలోనే సంతృప్తి
 తనకు రియల్‌ హీరో అవార్డు కన్నా సివిల్స్‌కు అభ్యర్థులను తయారు చేయడంలోనే ‘రియల్‌’సంతృప్తి ఉందన్నారు. తెలంగాణ, ఆంధ్రప్రదేశ్, మహరాష్ట్రలో తన వద్ద శిక్షణ తీసుకున్నవారిలో 84 మంది సివిల్స్‌కు ఎంపికకావడం ఓ టీచర్‌కు ఉండే ఆనందం దక్కిందన్నారు. అనంతరం మహేశ్‌ భగవత్‌ను ప్రెస్‌క్లబ్‌ అధ్యక్షుడు రాజమౌళి చారి, ప్రధాన కార్యదర్శి శ్రీగిరి విజయ్‌కుమార్‌ రెడ్డి ఘనంగా సత్కరించారు. కార్యక్రమంలో ప్రెస్‌క్లబ్‌ ఉపాధ్యక్షుడు జనార్దన్, సంయుక్త కార్యదర్శి దగ్గు రఘు, కోశాధికారి శ్రీనివాసరెడ్డి, ఈసీ సభ్యులు అనుమల్ల గంగాధర్, నరేందర్, అనిల్, హరిప్రసాద్, యశోద పాల్గొన్నారు. 


 ఎమ్మిగనూరు రూరల్ : పట్టణ సమీపంలో తుంగభద్ర దిగువ కాల్వ వద్ద మంగళవారం సాయంత్రం 4 కేజీల గంజాయిని స్వాధీనం చేసుకున్నట్లు పట్టణ ఎస్‌ఐ హరిప్రసాద్‌ తెలిపారు. నందవరం మండల హలహర్వికి చెందిన మట్కాబీటర్‌ ఉప్పరి రామాంజనేయులు, పట్టణానికి చెందిన చాకలి గోపాల్‌ కొన్ని రోజులుగా ఆదోని నుంచి గంజాయి తీసుకువచ్చి ఎమ్మిగనూరు పరిసర ప్రాంతాల్లో విక్రయిస్తున్నట్లు తెలిపారు. అందులో బాగంగానే మంగళవారం ఆదోని నుంచి గంజాయిని తీసుకువస్తున్నట్లు సమాచారం రావడంతో  పోలీసులు తనిఖీలు చేశారున్నారు. చాకలి గోపాల్‌ పారిపోవడంతో ఉప్పరి రామాంజనేయులను అరెస్ట్‌ చేసినట్లు తెలిపారు. అతని వద్ద నుంచి 4 కేజీల గంజాయిని స్వాధీనం చేసుకున్నట్లు చెప్పారు. తహశీల్దార్‌ వెంకటేశ్వర్లు సమక్షంలో గంజాయికి పంచనామా నిర్వహించామన్నారు. 
  


 ♦ నగరంలో గంజాయి సిగరెట్లు
 ♦ పాన్‌షాపులే విక్రయ కేంద్రాలు
 ♦ రాత్రి 9 గంటల తర్వాత అమ్మకాలు
 ♦ షీలావతి సిగరెట్‌కు డిమాండ్‌
 
 వరంగల్‌ నగరంలో గంజాయి విక్రయాలు, వినియోగం జోరుగా సాగుతోంది. ప్రధాన సెంటర్లలో విచ్చలవిడిగా గంజాయి లభిస్తోంది. ఆంధ్రప్రదేశ్‌ నుంచి రైలు మార్గం ద్వారా నగరానికి చేరుకుంటున్న గంజాయి.. ఆ తర్వాత సిగరెట్‌గా మారి మత్తెక్కిస్తోంది.
 
 సాక్షి, వరంగల్‌: నగరంలోని ప్రధాన జంక్షన్లలో, ప్రముఖ విద్యా సంస్థల పరిసరాల్లో ఉన్న పాన్‌షాçపుల్లో గంజాయి విక్రయాలు ఎక్కువగా సాగుతున్నాయి. ఇతర ప్రాంతాల నుంచి కిలోల లెక్కన కొనుగోలు చేసిన గంజాయి పాన్‌షాపులకు చేరుతోంది. ఇక్కడ వీరు తమ కస్టమర్లకు గంజాయిని విక్రయిస్తూ సొమ్ము చేసుకుంటున్నారు. గంజాయికి అలవాటు పడిన కస్టమర్లు నిత్యం ఈ పాన్‌షాపులను సందర్శిస్తున్నారు. రద్దీ ఎక్కువగా ఉండే సమయంలో కాకుండా రాత్రి 9 దాటిన తర్వాత  పాన్‌షాపుల్లో గంజాయి అమ్మకాలు మొదలవుతున్నాయి. కస్టమర్ల అభిరుచి, కొనుగోలు శక్తిని బట్టి గంజాయిని రెడీమేడ్‌ సిగరెట్లు, లేదా రా మెటీరియల్‌గా అందిస్తున్నారు.
 
 ‘షీలావతి’కి డిమాండ్‌..
 జాతీయ, అంతర్జాతీయ బ్రాండ్లకు సంబంధించిన సిగరెట్లు అమ్మకాలు జరుగుతున్నాయి. వీటిలో మగవారి అందాన్ని సూచించే అర్థంతో వచ్చే సిగరేట్లు గంజాయి అమ్మకాలకు అనువుగా ఉన్నాయి. మిగిలిన బ్రాండ్లకు సంబంధించిన సిగరేట్లలో గంజాయిని మిళితం చేయడం కష్టం. కానీ అందాన్ని సూచించే సిగరెట్‌లో గంజాయిని మిక్స్‌ చేయడం తేలిక. దీంతో ఈ సిగరేట్‌లో ఉన్న పొగాకు సగానికి పైగా తొలగించి దాని స్థానంలో గంజాయిని కలుపుతున్నారు. ఈ సిగరేట్‌కు కోడ్‌ భాషలో షీలావతిగా పేర్కొంటారు. ఒక్క షీలావతి సిగరేట్‌ ధర రూ.150 నుంచి రూ.200 వరకు ఉంది. రెడీమేడ్‌గా సిగరెట్‌ కావాలనుకునే వారు షీలావతిని కొనుగోలు చేస్తారు. మరికొందరు టోకుగా గంజాయి, ఫిల్టర్లు, సిగరెట్‌ను చుట్టే రిజ్లా కాగితాన్ని కొనుక్కుని తమకు ఇష్టం వచ్చినట్లు సిగరెట్లు తయారు చేసుకుంటున్నారు. ప్రారంభంలో కేవలం గంజాయి విక్రయించినా సొంత తయారీ గంజాయి సిగరేట్లకు డిమాండ్‌ ఎక్కువగా ఉండటంతో సిగరేట్‌ తయారీకి ఉపయోగించే రిజ్లా కాగితం, ఫిల్టర్లను ప్రత్యేకంగా తెప్పించి అమ్మకాలు చేస్తున్నారు. ఈ విధానంలో ధర తక్కువగా ఉండటంతో పాటు ఎవరి కంట పడకుండా గుట్టుగా తాగే అవకాశం ఉంది.
 
 రైలు ద్వారా రవాణా..
 హైదరాబాద్, విజయవాడల నుంచి నగరానికి గంజాయి వస్తోంది. గంజాయిని సరఫరా చేసే వ్యక్తులు ప్రత్యేక పద్ధతిని అనుసరిస్తున్నారు. ఎవరికీ అనుమానం రాకుండా మిలిటరీ ట్రంకు పెట్టెను పోలి ఉండే పెట్టెలను, బ్యాగులను ఉపయోగిస్తున్నారు. వీటిని రైలుబోగీలో తలుపులు, టాయిలెట్‌లకు సమీపంలో ఈ బ్యాగు/పెట్టెలను ఉంచుతున్నారు. వీటిని సరఫరా చేసే వ్యక్తులు మిలిటరీ కటింగ్‌ చేయించుకుని ఉంటున్నారు. దీంతో చూసేవారికి ఆర్మీలో పని చేసే వ్యక్తులుగా కనిపిస్తున్నారు. కాజీపేట, వరంగల్‌ స్టేషన్లు రాగానే గంజాయితో కూడిన బ్యాగులతో రైలు దిగి బయటకు వెళ్లిపోతున్నారు. వేషధారణ, నడవడిక విషయంలో జాగ్రత్తలు తీసుకోవడంతో ఎవరికీ అనుమానం రావడం లేదు.


 - వాట్సాప్‌ గ్రూపుల్లో డ్రగ్స్‌కు కెల్విన్‌ కోడ్‌ భాష
 - 1,276 మందికి మాదకద్రవ్యాల సరఫరా
 - వాట్సాప్‌ గ్రూపులు ఏర్పాటు చేసి డ్రగ్స్‌ దందా
 - నగరంలోని ప్రముఖ మహిళా కాలేజీ విద్యార్థులకు డ్రగ్స్‌
 - రెండు ఇంటర్నేషనల్‌ స్కూళ్లు, పలు ఇంజనీరింగ్‌ కాలేజీల స్టూడెంట్స్‌కూ సరఫరా
 - డ్రగ్స్‌ కోసం కెల్విన్‌కు వారంలోనే 19 సార్లు ఫోన్‌ చేసిన నిర్మాత
 - మరో నలుగురి అరెస్ట్‌.. వారిలో ముగ్గురు విద్యార్థులు, ఓ సాఫ్ట్‌వేర్‌ ఇంజనీర్‌
 
 
 సాక్షి, హైదరాబాద్‌: రెండు వాట్సాప్‌ గ్రూప్‌లు.. వాటి పేర్లు టాటూ.. బ్లాసమ్‌! టాటూ అంటే ఎల్‌ఎస్‌డీ. బ్లాసమ్‌ అంటే ఎండీఎంఏ డ్రగ్‌. ఈ గ్రూపుల ద్వారా ఒక్కరిద్దరు కాదు.. ఏకంగా 1,276 మందికి మాదకద్రవ్యాల సరఫరా! స్కూళ్లు, కాలేజీలు, సాఫ్ట్‌వేర్‌ కంపెనీలు, ఎంఎన్‌సీ కార్పొరేట్లు, చివరికి ఓ ప్రముఖ మహిళా కాలేజీలో చదివే యువతులు.. అందరూ కస్టమర్లే!!
 
 రాజధాని నగరంలో కెల్విన్‌ డ్రగ్‌ సామ్రాజ్యం ఇది. మూడు ఫోన్ల ద్వారా పన్నెండు సిమ్‌కార్డులను ఎప్పటికప్పుడు మారుస్తూ కెల్విన్‌ డ్రగ్స్‌ దందాను విస్తరించినట్టు తేలింది. వాట్సాప్‌ గ్రూప్‌ లిస్ట్‌లో ఉన్న వివరాలను కూపీలాగే పనిలో ఎక్సైజ్‌ ఎన్‌ఫోర్స్‌మెంట్‌ అధికారులున్నారు. ఈ కేసులో అరెస్టయిన ముగ్గురిలో కెల్విన్‌దే ప్రధాన పాత్ర అని ఎక్సైజ్‌ పోలీసులు ధ్రువీకరించుకున్నారు. అతడు వాడిన మూడు ఫోన్లను సీజ్‌ చేసిన అధికారులు వాటి కాల్‌డేటా, వాట్సాప్‌ లిస్ట్‌ను చూసి బిత్తరపోయారు. 
  
 
 ఆ కాలేజీలో 18 మంది అమ్మాయిలు
 
 హైదరాబాద్‌లోని ఓ ప్రముఖ మహిళా కాలేజీ కెల్విన్‌ డ్రగ్‌ వాట్సాప్‌ గ్రూపులో ఉండటం సంచలనం కల్గిస్తోంది. ఈ కాలేజీకి చెందిన 18 మంది విద్యార్థినులు కెల్విన్‌ ఏర్పాటు చేసిన రెండు వాట్సాప్‌ గ్రూపుల్లో ఉన్నారని దర్యాప్తు అధికారి ఒకరు తెలిపారు. అత్యంత పేరు ప్రతిష్టలు కలిగిన ఈ కాలేజీకి చెందిన విద్యార్థినులు డ్రగ్స్‌కు అలవాటుపడటం ఆందోళన కలిగిస్తోందన్నారు. ఇప్పటికే ఈ కాలేజీ యాజమాన్యానికి నోటీసులిచ్చామని చెప్పారు. ఈ కాలేజీకి దగ్గర్లోని ఓ బేకరీని అడ్డాగా చేసుకొని విద్యార్థినులు ఎల్‌ఎస్‌డీ స్ట్రిప్పులు స్వీకరిస్తున్నట్టు దర్యాప్తులో బయటపడిందన్నారు.
 
 వీరు డ్రగ్స్‌ కోసం కెల్విన్‌కు ఆర్డర్‌ చేసిన ప్రతీసారి ఈ బేకరీలో పనిచేసే ఓ వ్యక్తికి అబ్దుల్‌ వహీబ్‌ కవర్‌ ఇచ్చి వెళ్లిపోయేవాడని తెలిపారు. విద్యార్థినులు మధ్యాహ్న సమయంలో బేకరీకి వచ్చి కవర్‌ తీసుకొని వెళ్లిపోయినట్టు గుర్తించామన్నారు. అలాగే కూకట్‌పల్లిలోని ప్రముఖ పాఠశాల, రెండు కీలక నగరాల పేరుతో ఉన్న ఇంటర్నేషనల్‌ స్కూళ్లు, నగర శివారులో ఉన్న ఓ ప్రముఖ వ్యక్తి ఇంజనీరింగ్‌ కాలేజీ, సినిమా షూటింగ్‌లకు కేరాఫ్‌ అడ్రస్‌గా మారిన పాత రంగారెడ్డిలోని ప్రముఖ కాలేజీలకు చెందిన విద్యార్థులు కెల్విన్‌ నుంచి డ్రగ్స్‌ కొనుగోలు చేసినట్టు ఎక్సైజ్‌ అధికారులు ధ్రువీకరించారు. ఇప్పటికే 25 కాలేజీలకు నోటీసులిచ్చి కౌన్సెలింగ్‌ నిర్వహించామని, మరో 25 కాలేజీలకు నోటీసులు జారీ చేస్తున్నామని తెలిపారు. విద్యార్థులను కాలేజీ యాజమాన్యంతోపాటు, తల్లిదండ్రులు ఓ కంట కనిపెడుతూ ఉండాలని ఎక్సైజ్‌ ఎన్‌ఫోర్స్‌మెంట్‌ అధికారులు నోటీసుల్లో పేర్కొన్నారు.
 
 చిక్కకుండా..దొరక్కుండా!
 సాక్షి, హైదరాబాద్‌: రాజధాని నగరంలో డ్రగ్స్‌ దందా నడుపుతున్న ముఠాలు నానాటికీ తెలివి మీరుతున్నాయి. విద్యాధికులు, కంప్యూటర్‌ పరిజ్ఞానం ఉన్న వాళ్లే పెడ్లర్స్‌ (సరఫరాదారులు)గా మారుతుండ టంతో నిఘాకు చిక్కని, పోలీసులు అందుకోలేని పంథాలో తమ ‘పనులు’ పూర్తి చేసుకుంటున్నారు. సాధారణంగా ఓ ప్రాంతంలో ఉన్న డ్రగ్‌ పెడ్లర్‌ వేరేచోట ఉన్న కస్టమర్‌కు సమాచారం చేరవేయాలంటే ఈ–మెయిల్‌ వాడుతాడు. అయితే ఒకవేళా ఆ పెడ్లర్‌ పట్టుబడితే అతడి.. మెయిల్‌ బాక్స్‌ను విశ్లేషించడం ద్వారా పోలీసులు మొత్తం నెట్‌వర్క్‌ను తెలుసుకో వచ్చు. దీన్ని గ్రహించిన పెడ్లర్స్‌ కొత్త టెక్నిక్‌ ఫాలో అవుతున్నారు. ఒక్క మెయిల్‌ కూడా పంపకుండా సమాచారాన్ని మాత్రం మార్పిడి చేసుకుంటున్నారు. అదెలాగంటే... పెడ్లర్‌కు చెందిన ఈ–మెయిల్‌ ఐడీలు, దాని పాస్‌వర్డ్స్‌ అతడికి డ్రగ్‌ సరఫరా చేసే వారితో పాటు కస్టమర్స్‌కు తెలిసే ఉంటుంది.
 
 తాను చేరవే యాలనుకునే సమాచారం, విషయాన్ని మెయిల్‌ బాక్స్‌లో కంపోజ్‌ చేసే పెడ్లర్స్‌ దాన్ని ‘సెండ్‌’ చేయకుం డా కేవలం ‘డ్రాఫ్ట్స్‌’ బాక్సులో సేవ్‌ చేసేవాడు. నిర్దేశిత సమయంలో ఇతర ప్రాంతాల్లో ఉన్న అతడి నెట్‌వర్క్‌ మొత్తం అదే మెయిల్‌ బాక్స్‌ను ఓపెన్‌ చేసుకుని ‘డ్రాఫ్ట్స్‌’లో సేవ్‌ చేసి ఉన్న సమాచా రాన్ని తెలుసుకునేవారు. తర్వాత ఆ సమాచారాన్ని డిలీట్‌ చేసేవారు.  మరికొం దరు పెడ్లర్స్‌ డిస్పోజబుల్‌ ఈ–మెయిల్‌ అడ్రస్‌ (డీఈఏ) అనే టెక్నిక్‌ వినియోగిస్తున్నారని పోలీసులు అనుమానిస్తున్నారు. దీనికి ఎక్స్‌పైరీ డేట్‌ ఉండటం, ఆ సమయం మించిన తర్వాత ఈ–మెయిల్‌తో పాటు దాని సమాచారం నమూనాలు చిరవకు సర్వర్‌లోనూ లభించకపోవడం ఈ–మెయిల్‌ ఐడీల ప్రత్యేకత అని వివరిస్తున్నారు.
  
 
 సోషల్‌ మీడియా.. డార్క్‌ వెబ్‌!
 డ్రగ్స్‌ ముఠాలు సోషల్‌ మీడియాతోపాటు డార్క్‌వెబ్‌/నెట్‌ను కూడా వినియోగిస్తు న్నట్టు పోలీసులు చెబుతున్నారు. వాట్సాప్, ఫేస్‌బుక్‌ మెసెంజర్, టెలిగ్రాం వంటి సోషల్‌ మీడియా సైట్లతోపాటు డార్క్‌నెట్‌ను వాడు తున్నట్టు పేర్కొం టున్నారు. ఈ డార్క్‌నెట్‌ను ఇంటర్నెట్‌లో అథోజగత్తుగా చెబుతున్నారు. వీటిని సాధారణ సెర్చ్‌ ఇంజన్లు, సాఫ్ట్‌వేర్స్‌తో చూడలేరు.
  
 ముందు ఫ్రీగా.. తర్వాత డబ్బుకు..
 ఇంటర్నేషనల్‌ స్కూళ్లు, ప్రముఖ కాలేజీల్లో విద్యార్థులు, ఎంఎన్‌సీ కంపెనీల ఉద్యోగులకు ముందుగా కెల్విన్‌ ఉచితంగా డ్రగ్స్‌ సరఫరా చేశాడని అధికారులు గుర్తించారు. వారం, పది రోజులు డ్రగ్స్‌కు అలవాటు చేసి, తర్వాత అవి లేకుండా ఉండలేని స్థితికి తీసుకువచ్చి అప్పట్నుంచి డబ్బులకు విక్రయించేవారు. ఇలా డ్రగ్స్‌కు బానిసలుగా మార్చి వారి నుంచి కెల్విన్‌ భారీగా డబ్బులు దండుకున్నట్టు తెలిసింది. 9, 10 వ తరగతి చదువుతున్న విద్యార్థులను టార్గెట్‌గా ఎంచుకొని వారికి డ్రగ్స్‌ ముఠా మత్తు అలవాటు చేసేదని, 19 ఎంఎన్‌సీ కంపెనీల్లోని పలువురు ఉద్యోగులను కూడా ట్రాప్‌ చేసిందని అధికారులు తెలిపారు.
  
 సిల్లీగా గంజాయి ఏంటి?
 2013లోనే నార్త్‌జోన్‌ టాస్క్‌ఫోర్స్‌ పోలీసులు కెల్విన్‌ను గంజాయి అక్రమ రవాణా కేసులో అరెస్ట్‌ చేశారు. రెండు నెలల పాటు జైలులో ఉన్న అతడు బెయిల్‌పై బయటకు వచ్చాడు. మ్యూజీషియన్‌ కావడంతో స్టార్‌ హోటళ్లలో పలు ప్రోగ్రామ్‌లు కూడా చేశాడు. ఈ క్రమంలో గోవా నుంచి ఓ ఆఫర్‌ వచ్చింది. 2014 సంవత్సరంలో గోవాలోనూ ప్రోగ్రామ్‌ చేసేందుకు వెళ్లిన కెల్విన్‌కు అక్కడ ఓ వ్యక్తి పరిచయమయ్యాడు. అతడి ద్వారా డ్రగ్స్‌ లింకును అందిపుచ్చుకున్న కెల్విన్‌... షికాగో పెడ్‌లర్లను పట్టుకున్నాడు. అప్పట్నుంచి సిల్లీగా గంజాయి ఎందుకు సరఫరా చేయాలనుకున్న కెల్విన్‌.. ఎల్‌ఎస్‌డీ, ఎండీఎంఏ తదితర డ్రగ్స్‌ను సరఫరా చేయడం మొదలుపెట్టినట్టు ఎక్సైజ్‌ ఎన్‌ఫోర్స్‌మెంట్‌ అధికారులు తెలిపారు.
  
 వారంలో 19 సార్లు ఫోన్‌ కాల్‌
 ఇక ఈ డ్రగ్స్‌ కేసులో తెరపైకి వచ్చిన ప్రముఖ నిర్మాత, దర్శకుడు.. కెల్విన్‌తో ఎప్పటికప్పుడు టచ్‌లో ఉన్నాడని, ఇందుకు కాల్‌ డేటా ఆధారాలున్నట్టు ఎక్సైజ్‌ ఎన్‌ఫోర్స్‌మెంట్‌లోని కీలక అధికారి ఒకరు పేర్కొన్నారు. గోవాలో ఉండి కూడా తనకు డ్రగ్స్‌ కావాలంటూ సదరు నిర్మాత కెల్విన్‌ను ఆశ్రయించాడని ఆయన తెలిపారు. కేవలం వారం రోజుల్లో 19 సార్లు కెల్విన్‌కు ఫోన్‌ చేశాడని, లక్షల విలువైన ఎల్‌ఎస్‌డీ స్ట్రిప్స్‌ను కొనుగోలు చేసినట్టు దర్యాప్తులో బయటపడింది. ఇందుకు గోవాలో ఉన్న కెల్విన్‌ స్నేహితుడు బ్యాంక్‌ అకౌంట్లోకి ఆ నిర్మాత రూ.3.5 లక్షల నగదును ఆన్‌లైన్‌ ద్వారా బదిలీ చేసినట్టు గుర్తించినట్లు అధికారులు తెలిపారు.
  
 ఆ నిర్మాతను ఇప్పుడు ప్రశ్నించం
 డ్రగ్‌ కేసులో ఆరోపణలెదుర్కొంటున్న ప్రముఖ నిర్మాత, దర్శకుడిని ఎప్పుడు ప్రశ్నిస్తారని మీడియా అడిగిన ప్రశ్నకు ఎక్సైజ్‌ ఎన్‌ఫోర్స్‌మెంట్‌ డైరెక్టర్‌ అకున్‌ సబర్వాల్‌ సమాధానం దాటేశారు. దానికింకా చాలా సమయం పడుతుందని, నాలుగు రోజల తర్వాత పూర్తి వివరాలు వెలుగులోకి తెచ్చే ప్రయత్నం చేస్తున్నామని తెలిపారు. ఎక్సైజ్‌ ఎన్‌ఫోర్స్‌మెంట్‌లో డ్రగ్‌ కేసు దర్యాప్తునకు సరైన టెక్నికల్‌ ఎక్విప్‌మెంట్, సిబ్బంది లేరని, దీంతో అంతరాయాలు ఏర్పడుతున్నాయని ఆ విభాగం అధికారులు చెబుతున్నారు. తమ విభాగంలో సరిగ్గా 40 మంది కూడా లేరని, ఇంత పెద్ద కేసును ఛేదించేందుకు ఇంకా సమయం పడుతుందని పేర్కొన్నారు.
  
 పోలీస్‌ శాఖకు సమాచారమే లేదు
 ఎక్సైజ్‌ ఎన్‌ఫోర్స్‌మెంట్‌ వెలుగులోకి తెచ్చిన ఈ డ్రగ్‌ రాకెట్‌లో అనేక స్కూళ్లు, కాలేజీలు, సాఫ్ట్‌వేర్‌ కంపెనీలు, సినీ పెద్దలు.. ఇలా అనేక రంగాలకు చెందిన వారుండటం ఇప్పుడు పోలీస్‌ శాఖను ఇరకాటంలో పడేసింది. కేసును పట్టుకున్నది ఎక్సైజ్‌ ఎన్‌ఫోర్స్‌మెంట్‌ విభాగమే అయినా.. ఈ రంగాలపై నిత్యం నిఘా పెట్టాల్సింది పోలీస్‌ శాఖనే. దీంతో ఆరోపణలెదుర్కొంటున్న స్కూళ్లు, కాలేజీల జాబితాను నగర పోలీస్‌తో పాటుసైబరాబాద్, రాచకొండ కమిషనరేట్లకు అందించాల్సి ఉంటుంది. ఈ కాలేజీలు, పాఠశాలల్లోని విద్యార్థులపై నిఘా వేసి ఉంచాలని సూచించాల్సిన అవసరం ఉంది. కానీ ఎక్సైజ్‌ విభాగం ఏకపక్షంగా వ్యవహరిస్తోందని పోలీస్‌ ఉన్నతాధికారులు అభిప్రాయపడుతున్నారు. ఇలాంటి డ్రగ్‌ రక్కసిని ఎక్సైజ్‌ విభాగం నియంత్రించడం సా«ధ్యం కాదని, అందుకు తాము కూడా తోడ్పాటు అందిస్తామని వారు అంటున్నారు.
  
 నిర్మాతే పెడ్‌లర్‌గా మారి..
 కెల్విన్‌ ద్వారా గోవాలో డ్రగ్స్‌ స్వీకరించిన నిర్మాత.. పలువురు సినీ సెలబ్రిటీలకు కూడా డ్రగ్స్‌ సరఫరా చేసి ఉంటాడని ఎక్సైజ్‌ పోలీసులు అనుమానిస్తున్నారు. ఆ నిర్మాత కాల్‌డేటాను విశ్లేషించాలని భావిస్తున్నారు. కెల్విన్‌ విచారణలో కూడా పలు ఆసక్తికర అంశాలు వెలుగులోకి వచ్చినట్టు తెలుస్తోంది. పెద్దగా సినిమాలు లేకుండా ఉన్న పలువురు సెలబ్రిæటీలకు సదరు నిర్మాత డ్రగ్స్‌ రవాణా చేసినట్టు కెల్విన్‌ చెప్పినట్లు సమాచారం. వాట్సాప్‌ ద్వారా ఒకట్రెండు సార్లు వారి పేర్లను కెల్విన్‌కు నిర్మాత షేర్‌ చేశాడని దర్యాప్తు వర్గాల ద్వారా తెలిసింది. సంబంధిత సెలబ్రిటీల కార్ల నంబర్లు, ఎక్కడ వెయిట్‌ చేయాలో వాటి లోకేషన్‌ తదితర వివరాలను నిర్మాత.. కెల్విన్‌కు షేర్‌ చేసినట్టు దర్యాప్తులో వెల్లడైంది. మాదాపూర్‌లోని ప్రముఖ మాల్‌కు ఎదురుగా ఉన్న ఖాళీ ప్రాంతంలో ఉండాలని, హోండా యాక్టివాపై రెడ్‌ కలర్‌ టీషర్ట్‌ వేసుకొని వచ్చే అబ్దుల్‌ వహీబ్‌ అనే వ్యక్తి ప్యాకెట్‌ ఇస్తాడని కెల్విన్‌ చెప్పినట్టు వాట్సాప్‌ సందేశాల్లో వెల్లడైనట్టు అధికారులు తెలిపారు. కాలేజీ విద్యార్థుల బైక్‌లు, సాఫ్ట్‌వేర్‌ ఇంజనీర్ల కార్ల నంబర్ల ద్వారా కస్టమర్లను గుర్తించి డ్రగ్స్‌ విక్రయాలు జరిపినట్టు కెల్విన్‌ తన విచారణలో బయటపెట్టాడు.
  
 మరో నలుగురి అరెస్ట్‌.. డ్రగ్స్‌ స్వాధీనం
 డ్రగ్‌ కేసు దర్యాప్తులో భాగంగా కెల్విన్‌ అండ్‌ గ్యాంగ్‌ వెల్లడించిన అంశాల ఆధారంగా ఎక్సైజ్‌ ఎన్‌ఫోర్స్‌మెంట్‌ అధికారులు మంగళవారం మరో నలుగురిని అరెస్ట్‌ చేశారు. వీరి నుంచి ఎల్‌ఎస్‌డీ డ్రాప్స్‌ ఉన్న 2 బాటిళ్లను స్వాధీనం చేసుకున్నారు.  అరెస్టయిన వారిలో అమన్‌ నాయుడు(25), రవి కిరణ్‌(34), నిఖిల్‌షెట్టి(23), కుందన్‌సింగ్‌(23) ఉన్నారు. వీరిలో రవి కిరణ్‌ ఓ గేమింగ్‌ సాఫ్ట్‌వేర్‌ కంపెనీలో ఇంజనీర్‌. మిగతా ముగ్గురు అమన్‌ నాయుడు, నిఖిల్‌షెట్టి, కుందన్‌లు ఇంజనీరింగ్‌ విద్యార్థులని ఎక్సైజ్‌ అధికారులు తెలిపారు. వీరు గోవా నుంచి ఈ డ్రగ్‌ తెప్పించారని, వీరికి కెల్విన్‌కు సంబంధాలున్నట్టు వాట్సాప్‌ గ్రూపుల ద్వారా బయటపడినట్లు తెలిపారు. ఈ కేసులో మరో ముగ్గురు కీలక నిందితులున్నారని, వారిని పట్టుకుంటే షికాగో, గోవాల నుంచి వస్తున్న ఎల్‌ఎస్‌డీ డ్రగ్‌కు పూర్తి అడ్డుకట్ట వేయొచ్చని భావిస్తున్నారు. 
  
 కేసులు పెట్టం.. సహకరించండి
 ఇప్పటివరకు డ్రగ్స్‌ తీసుకున్న విద్యార్థులు, వారి తల్లిదండ్రులు విచారణకు సహకరించాలని ఎక్సైజ్‌ ఎన్‌ఫోర్స్‌మెంట్‌ డైరెక్టర్‌ అకున్‌ సబర్వాల్‌ తెలిపారు. డ్రగ్స్‌ సరఫరా చేసే వారే తమ టార్గెట్‌ అని, వారి వివరాలు చెప్పిన విద్యార్థుల వివరాలను గోప్యంగా పెడతామని, వారికి ఎలాంటి ఇబ్బంది లేకుండా చూసుకుంటామని చెప్పారు.
  
 కేసు దర్యాప్తు అతి రహస్యం
 - బడాబాబులు, వారి పిల్లలు ఉండటమే కారణం!
 సాక్షి, హైదరాబాద్‌: మాదకద్రవ్యాల క్రయవిక్రయాలు ఎంత రహస్యంగా జరుగుతున్నాయో.. ఎక్సైజ్‌ ఎన్‌ఫోర్స్‌మెంట్‌ అధికారులు పట్టుకున్న డ్రగ్స్‌ కేసు దర్యాప్తు అంతకంటే ఎక్కువ గోప్యంగా సాగుతోంది. మొదట్లోనే కొన్ని లీకులు ఇచ్చిన అధికారులు ఆ తర్వాత పూర్తి గోప్యతను పాటిస్తున్నారు. ఇందులో పలువురు సెలబ్రిటీలు, వీఐపీల పేర్లున్నాయని, కార్పొరేట్‌ సంస్థల ఉద్యోగులు, స్కూళ్ళు, కాలేజీల విద్యార్థులు సైతం డ్రగ్స్‌కు బానిసలుగా మారినట్లు గుర్తించామని అధికారులు తెలిపారు. అయితే ఆ విద్యా సంస్థలు ఏవి అన్న అంశంపై అధికారులు నోరుమెదపటం లేదు. అరెస్టు చేసిన నిందితులపై కేసులు నమోదు చేయించారు. దీనికి సంబంధించిన ఎఫ్‌ఐఆర్‌లను కూడా అధికారులు అత్యంత గోప్యంగా ఉంచారు. ఆయా ఠాణాల ఇన్‌స్పెక్టర్లను సంప్రదిస్తే.. ఎఫ్‌ఐఆర్‌లు తమ వద్ద లేవని, దర్యాప్తు కోసం సిట్‌ ఏర్పాటు చేసిన నేపథ్యంలో వారి వద్దనే ఉన్నాయని చెబుతున్నారు. బడాబాబులు, వారి పిల్లలతో ముడిపడి ఉన్న వ్యవహారం కావడం వల్లే ఈ గోప్యత పాటిస్తున్నట్టు తెలుస్తోంది. 
  
 వరంగల్‌లోనూ గంజాయి మాఫియా
 కాజీపేట అర్బన్‌: విద్యార్థులకు గంజాయి విక్రయిస్తున్న ముఠా వరంగల్‌ నగరంలో వెలుగుచూసింది. నగరంలోని షెట్టి సత్యనారాయణరెడ్డి పద్మాక్షి కాలనీలో పాన్‌షాప్‌ నిర్వహిస్తున్నాడు. నిత్యం ధూమపాన ప్రియులకు విదేశీ సిగరెట్లను అమ్ముతుంటాడు. దీనికి మరో అడుగు ముందుకేసి గంజాయి విక్రయాలను కూడా కొనసాగిస్తున్నాడు. నగరంలో కళాశాలల విద్యార్థుల కు గంజాయి సరఫరా చేస్తున్నాడనే పక్కా సమాచారం మేరకు పోలీసులు నిఘా పెట్టారు. సత్యనారాయణరెడ్డి మంగళవారం వరంగల్‌ రైల్వేస్టేషన్‌లో గంజాయిని దిగుమతి చేసుకుని పద్మాక్షికాలనీకి బయలుదేరాడు. వెంటనే పోలీసులు అతడిని అదుపులోకి తీసుకుని కిలో 400 గ్రాముల గంజాయిని స్వాధీనం చేసుకున్నారు. నిందితుడిని విచారించగా. నగరంలో పలు ప్రతిష్టాత్మకమైన కళాశాల విద్యార్థులకు గంజాయి విక్రయిస్తున్నట్లు వెల్లడించాడని సుబేదారి సీఐ శ్రీనివాస్‌ తెలిపారు.


 ఇబ్రహీంపట్నం రూరల్‌: అక్రమంగా గంజాయి తరలిస్తున్న ముఠాను రంగారెడ్డి జిల్లా ఆదిభట్ల పోలీసులు బుధవారం పట్టుకున్నారు. ఛత్తీస్‌గఢ్‌ రాష్ట్రం నుంచి హైదరాబాద్‌కు గంజాయి తరలిస్తూ వారు ఔటర్‌ రింగ్‌రోడ్డుపై పోలీసులకు చిక్కారు. రెండు బొలేరా వాహనాల్లో పెద్ద మొత్తంలో గంజాయి తరలిస్తుండగా అనుమానం వచ్చిన ఔటర్‌ పోలీసులు ఆపి వాహనాలు తనిఖీ చేస్తుండగా వ్యవహారం బయటపడినట్లు తెలిసింది. విశ్వసనీయ వర్గాల సమాచారం మేరకు ఛత్తీస్‌గఢ్‌ రాష్ట్రం నుంచి ఖమ్మం మీదుగా హైదరాబాద్‌కు అక్రమంగా గంజాయి తరలిస్తున్నారు.
 
 బొంగ్లూర్‌ ఔటర్‌ రింగ్‌రోడ్డు ఎక్కి ఎటు వెళ్లాలో తెలియకపోవడంతో కొంగరకలాన్‌ సమీపంలోని కల్వకోలు లక్ష్మీదేవమ్మ ఫంక్షన్‌ హాల్‌ సమీపంలో రెండు వాహనాలను ఆపారు. ఔటర్‌ రింగ్‌రోడ్డు పోలీసులు ఎస్‌ఐ శ్రీనివాస్‌ బృందం వారిని ఆరా తీస్తుండగా అనుమానం వచ్చింది. వెంటనే వాహనాలు తనికీ చేస్తుండగా ఒక వాహనం తప్పించుకుపోవడాన్ని గమనించి రావిర్యాల్‌ సమీపంలో పట్టుకున్నారు. వాహనాలు పరిశీలించగా అందులో గంజాయి తరలిస్తున్నట్లు వెల్లడైంది. ఒక్కో బాక్స్‌లో నాలుగు కేజీల వరకు గంజాయి ఉన్నట్లు తెలిసింది. 25 బాక్సుల్లో మొత్తం 100 కేజీలు ఉండొచ్చని, దాని విలువ కోటి రూపాయలు ఉంటుందని అంచనా వేస్తున్నారు.
 
 పోలీసులు గంజాయితో పాటు రెండు వాహనాలను స్వాధీనం చేసుకున్నారు. గంజాయి తరలిస్తున్న ఏడుగురు వ్యక్తులను ఆదిభట్ల పోలీసులకు అప్పగించినట్లు తెలిసింది. ఇబ్రహీంపట్నం ఏసీపీ మల్లారెడ్డి ,ఆదిభట్ల సీఐ గోవింద్‌రెడ్డి గంజాయి తరలిస్తున్న వ్యక్తులను విచారిస్తున్నట్లు సమాచారం. ఛత్తీస్‌గఢ్‌ రాష్ట్రం నుంచి నగరంలోని ఘట్‌కేసర్‌ ప్రాంతానికి గంజాయి తరలిస్తుం డగా రోడ్డు తెలియక ఈ ముఠా ఆదిభట్ల వైపు వచ్చినట్లు అనుమానిస్తున్నారు.


 నెక్కొండ(నర్సంపేట): వరంగల్‌రూరల్‌ జిల్లా నెక్కొండ మండలం పెద్దకొర్పోలుకి చెందిన ఆర్మీ జవాన్‌ బండారి రాజు గత  9 నెలల క్రితం ఇంటి నుంచి వెళ్ళిపోగా తన తం డ్రి బండారి వెంకన్న మరణ వార్తను సాక్షి దినపత్రికలో చూసి గురువారం ఇంటికి తిరిగి వచ్చాడు.  తొమ్మిది నెలల క్రితం తన భార్య రవళి, అత్త కలసి తనపై హన్మకొండలోని మహిళా పోలీస్‌స్టేషన్‌లో అక్రమంగా గంజాయి కేసు పెట్టారు. మనస్తాపం చెందిన రాజు ఆర్మీ ఉద్యోగాన్ని సైతం వదిలేసి ముంబైకి వెళ్లిపోయాడు.
 
 దీంతో అప్పటి నుంచి రాజుకు సం బంధించిన సమాచారమూ లేకపోవడంతో వెంకన్న దిగులు తో ఈ నెల 8న మృతి చెందాడు. రాజు తండ్రి సుమారు 5 నెలలపాటు రాజు కోసం స్థానిక పోలీస్‌స్టేషన్‌లో ఫిర్యాదు చేయగా పోలీసులు పలుచోట్ల విచారించినా ఎలాంటి సమాచారమూ లభించలేదు. కాగా, వెంకన్న మృతి చెందినప్పుడు తలకొరివి పెట్టాల్సిన కుమారుడు రాజు ఆచూకీ లేకపోవడంతో కుమార్తె లలిత తలకొరివి పెట్టింది.
 
  ఈ సమాచారంతో ఈ నెల 9న ‘సాక్షి’మెయిన్‌లో ‘తొమ్మిది నెలలుగా ఆచూకీ లేని ఆర్మీ జవాన్‌’శీర్షికతో వార్త ప్రచురితమైంది. ఈ వార్త క్లిప్పింగ్‌ను రాజు మిత్రులు వాట్సాప్‌లో పెట్టారు. రెండు రోజల క్రితం గమనించిన రాజు గురువారం తెల్లవారుజామున 4 గంటలకు గ్రామానికి చేరుకున్నాడు. వచ్చిన వెంటనే శ్మశాన వాటికకు వెళ్లి తన తండ్రి కాష్టం వద్ద విలపించాడు. తీవ్ర ఆవేదనతో ఉన్న రాజు  కుటుంబసభ్యులతో తప్ప ఎవ్వరితో మాట్లాడలేకపోతున్నాడు. తండ్రి మరణ వార్తను ‘సాక్షి’లో చూసి వచ్చానంటూ చెప్పాడు. రాజును ఇంటికి చేర్చిన ‘సాక్షి’కి అతని కుటుంబసభ్యులు కృతజ్ఞతలు తెలిపారు.


 బాలానగర్‌:‌ హైదరాబాద్‌లోని బాలానగర్‌ ఎక్సైజ్‌ ప్రొహిబిషన్‌ ఆధ్వర్యంలో ఫతేనగర్‌ పిట్టల బస్తీ బస్‌స్టాప్‌లో గంజాయి అమ్ముతున్న స్వరూప (32) అనే మహిళను పోలీసులు అరెస్టు చేశారు. ఆమె కొద్ది కాలంగా గంజాయిని అమ్ముతున్నట్లుగా విశ్వసనీయ సమాచారం అందటంతో పోలీసులు మాటు వేసి ఆమెను అదుపులోకి తీసుకున్నారు. అనంతరం సోదాలు చేయగా ఆమె నుంచి 2 కిలోల గంజాయి స్వాధీనం చేసుకున్నారు. ఆ మహిళను రిమాండ్‌కు తరలించారు. కార్యక్రమంలో ఎక్సైజ్‌ ఇన్‌స్పెక్టర్‌ ఇంద్రసేనారెడ్డి, సిబ్బంది పాల్గొన్నారు.