ప్రతి నదికి ఏడాదికి ఒక్కసారి పుష్కరాలు జరుగుతాయి. బృహస్పతిలో ఆయా రాశులు ప్రవేశించడంతో ఆ నదికి పుష్కరాలు జరుగుతాయి. ఈనెల 15న గురువారం బృహస్పతి మిథున రాశిలోకి ప్రవేశించడంతో ఉదయం 5.44 గంటలకు సరస్వతినదికి పుష్కరాలు ఆరంభం అయ్యాయి. ఈ సందర్భంగా ప్రత్యేక కథనం...సరస్వతీ నది పుష్కరాలు (Saraswati River Pushkaralu) ఉత్తరాదిలో నాలుగుచోట్ల, దక్షిణాది లో తెలంగాణలోని కాళేశ్వరంలో మాత్రమే జరుగుతున్నాయి. నది పుట్టినచోటుగా గుర్తించిన ఉత్తరాఖండ్‌లోని బద్రీనాథ్, ఉత్తర్‌ప్రదేశ్‌లోని గంగా, యమున, సరస్వతి (అంతర్వాహిని)నదులుగా భావించే ప్రయాగ్‌రాజ్, గుజరాత్‌లోని సోమనాథ్, రాజస్థాన్‌లోని పుష్కర్‌ వద్ద సరస్వతీనదికి పుష్కరాలు జరుగుతున్నాయి. పుష్కర స్నానం..పుణ్యఫలం..పుష్కర స్నానం... ఎంతో పుణ్య ఫలం. నది స్నానాలు చేస్తే మానవ జీవన గమనంలో తెలిసో, తెలియకో చేసిన పాపాలు తొలగుతాయని పురాణాల్లో పేర్కొన్నారు..తర్పణలు, పిండప్రదానాలు..సాధారణంగా నదీస్నానాల్లో తర్పణం, పిండ ప్రదానం, శ్రాద్ధకర్మ పిండప్రదాన కర్మలు చేసి పితృదేవతలను తృప్తిపరిచి వారి ఆశీస్సులు అందుకోవడం శుభప్రదమని విశ్వసిస్తారు. మొదటిరోజు హిరణ్య శ్రాద్ధం తొమ్మిదోరోజు అన్నశ్రాద్ధం. పన్నెండో రోజు ఆమ శ్రాద్ధం చేయడం మంచిదని పురాణాల్లో పేర్కొన్నారు. పుష్కరకాల స్నానం..నీరు నారాయణ స్వరూపం. అందుకే ఆయన స్పర్శతో పాపాలు తొలగిపోతాయని విశ్వాసం. తీర్థ, నదీస్నానాలు ఉత్తమం. దానికన్నా పుష్కరస్నానం ఉత్తమోత్తమం. ఆ సమయంలో దేవతలంతా వుష్కరుడితో నదిలో ప్రవేశిస్తారని విశ్వాసం. పుష్కరకాలంలో స్నానమాచరిస్తే 12 సంవత్సరాల కాలం 12 నదుల్లో స్నానాలు చేసినంత పుణ్యం లభిస్తుందని పురాణాల్లో లిఖించబడింది.నదికి వాయినాలు..సుమంగళిగా జీవితాంతం ఉండాలని కోరుకుంటూ ఆడపడచులు పుష్కరాల సందర్భంగా నదీమతల్లికి వాయనాలు సమర్పిస్తారు. ఇలా చేస్తే విఘ్నాలు తొలగి శుభాలు కలుగుతాయని విశ్వాసం, చీర, రవిక, గాజులు, పసుపు, కుంకుమ, పుస్తె, మెట్టెలను పూజించి నదిలోకి జారవిడుస్తారు. ముత్తైదువులకు వాయినాలు ఇచ్చి ఆశీస్సులు అందుకుంటారు.12 రోజులు హోమాలు..మే 15 గురువారం శ్రీ దత్తా త్రేయ, శ్రీ కార్తవీర్యార్జున హోమం, 16న శుక్రవారం సంకష్ట హర గణపతి హోమం, 17న శనివారం శ్రీ హయగ్రీవ, శ్రీ స్వయంవర పార్వతి హోమం, 18న ఆదివారం శ్రీ పుత్ర కామేష్టి హోమం జరిగాయి. నేడు మేధా దక్షిణామూర్తి మహా అమృత మృత్యుంజయ హోమం, మంగళవారం కాలభైరవ హోమం, బుధవారం సుదర్శన హోమం, గురువారం శ్రీ సూక్త హోమం, శుక్ర వారం పురుష సూక్త హోమం, శనివారం నవగ్రహ, శ్రీ మత్స్య హోమం, ఆదివారం శ్రీ రుద్రహోమం, 26, సోమవారం చండి హోమాలు నిర్వహించనున్నట్లు ఈఓ పేర్కొన్నారు. 12 రోజులు హారతి..12 రోజులపాటు సరస్వతిఘాట్‌ వద్ద కాశీకి చెందిన ఏడుగురు పండితులచే తొమ్మిది నవ రత్నమాలిక హారతులను ఇస్తున్నారు. హారతి వీక్షణకు భక్తులు భారీగా తరలివస్తున్నారు. హారతి ఇవ్వడానికి ఏడు గద్దెలు ఏర్పాటు చేసి ఏడు జీవనదులు గంగా, యమున, గోదావరి, నర్మద, సింధు, సరస్వతి, కావేరి పేర్లు ఏర్పాటు చేశారు. పీఠాధిపతుల పుష్కర స్నానాలు..పుష్కరాల సందర్భంగా ప్రతిరోజూ ఒక పీఠాధిపతి పుష్కర స్నానం చేస్తున్నారు. పుష్కర ప్రారంభం మే 15న మొదటి రోజు శ్రీ గురుమద నానంద సరస్వతి పీఠం, రంగంపేట, మెదక్‌కు చెందిన మాధవానంద సరస్వతి స్వామి పాల్గొని సరస్వతి పుష్కరాలను ప్రారంభించారు. మూడవ రోజు మే 17న తుని తపోవనం పీఠాధిపతి సచ్చిదానంద సరస్వతి స్వామి, మే 18న పుష్పగిరి పీఠాధిపతి అభినవోద్దండ విద్యా శంకరభారతీ మహాస్వామి, నేడు నాసిక్‌ త్రయంబకేశ్వర్‌ మహామండలేశ్వర్‌ ఆచార్య సంవిదానంద సరస్వతి మహారాజ్, మే 23న హంపి విరుపాక్ష పీఠాధిపతి విద్యారణ్య భారతి స్వామివార్లు పుష్కర స్నానం ఆచరిస్తారు.17 అడుగుల ఏకశిల సరస్వతిమాత విగ్రహంసరస్వతి ఘాటులో 17 అడుగుల ఏకశిలా విగ్రహాన్ని తమిళనాడులోని మహాబలిపురంలో శిల్పులు ప్రత్యేకంగా రూపు దిద్దారు. ఆ విగ్రహం చుట్టూరా నాలుగు వేదమూర్తులయిన రుగ్వేదం, సామవేదం, యజుర్వేదం, అధర్వవేదం విగ్రహాలను ఏర్పాటు చేశారు. ఆ విగ్రహాన్ని సరస్వతినది పుష్కరాల సందర్భంగా 15న సీఎం రేవంత్‌రెడ్డి ఆవిష్కరించారు. – షేక్‌ వలీ హైదర్, సాక్షి, కాళేశ్వరం (భూపాలపల్లి జిల్లా)

సాక్షి, కాళేశ్వరం: తెలంగాణలోని భూపాలపల్లి జిల్లా కాళేశ్వరంలో సరస్వతీ నది పుష్కరాలు ప్రారంభమయ్యాయి. గురువారం తెల్లవారుజామున మాధవానంద సరస్వతీ స్వామి పుష్కరాలను ప్రారంభించారు. ఈ సందర్భంగా సరస్వతీ నది వద్ద మంత్రి శ్రీధర్‌బాబు ప్రత్యేక పూజలు చేశారు. త్రివేణి సంగమం వద్ద పుష్కర్ స్థానం ఆచరించి కుటుంబ సమేతంగా ప్రత్యేక అర్చనలు చేసిన మంత్రి శ్రీధర్ బాబు దంపతులు.ఇక, కాళేశ్వరాలయం నుంచి మంగళ వాయిద్యాలతో నదికి వెళ్లి గణపతి పూజతో కార్యక్రమాన్ని ప్రారంభించారు. నదిలో నీటికి పంచ కలశాలలో ఆవాహన పూజ నిర్వహిస్తారు. పుష్కరునికి చీర, సారెతో ఒడి బియ్యం, పూలు, పండ్లు సమర్పించారు. తర్వాత భక్తులందరూ పుష్కర సంకల్ప స్నానం చేస్తారు. నేటి నుంచి ఈ నెల 26 వరకు సరస్వతీ నది పుష్కరాలు కొనసాగనున్నాయి. ఇక్కడికి వచ్చే భక్తుల కోసం ప్రభుత్వం అన్ని రకాల ఏర్పాట్లు చేసింది. తెలంగాణ రాష్ట్రం ఏర్పడిన తర్వాత ఇక్కడ తొలిసారి సరస్వతీ పుష్కరాలు జరుగుతున్నాయి. రోజుకు లక్ష నుంచి లక్షన్నర మంది భక్తులు వస్తారని అంచనా వేస్తున్నారు. పుష్కరాలకు సీఎం రేవంత్‌రెడ్డి సరస్వతీ పుష్కరాల్లో కాళేశ్వరంలోని త్రివేణి సంగమం వద్ద ముఖ్యమంత్రి రేవంత్‌రెడ్డి సరస్వతీ ఘాట్‌ను ప్రారంభించనున్నారు. అనంతరం సీఎం రేవంత్‌ పుణ్యస్నానం ఆచరిస్తారు. సీఎంతోపాటు పలువురు మంత్రులు కూడా ఈ కార్యక్రమంలో పాల్గొంటారు. పుష్కరాలకోసం దేవాదాయ శాఖ విస్తృత ఏర్పాట్లు చేసింది.పుష్కరాల పవిత్రతను కాపాడాలిసరస్వతీ నది పుష్కరాల పవిత్రతను కాపాడుకోవడా నికి అందరూ చేతులు కలపాలని దేవాదాయ శాఖ మంత్రి కొండా సురేఖ అన్నారు. గురువారం నుంచి జయశంకర్‌ భూపాలపల్లి జిల్లా కాళేశ్వరంలో జరగను న్న సరస్వతీ నది పుష్కరాలను పురస్కరించుకుని కాలుష్య నియంత్రణ బోర్డు రూపొందించిన పోస్టర్‌ను బుధవారం మంత్రి ఆవిష్కరించారు.

కాళేశ్వరం/సాక్షి, హైదరాబాద్‌: జయశంకర్‌ భూపాల పల్లి జిల్లా మహదేవపూర్‌ మండలం కాళేశ్వరం త్రివేణి సంగమం వద్ద అంతర్వాహిని సరస్వతీ నదికి గురువారం నుంచి పుష్కరాలు ప్రారంభం కానున్నాయి. బుధవారం రాత్రి 10.45 గంటలకు బృహస్పతిలోకి మిథున రాశిలో ప్రవేశిస్తుండటంతో సరస్వతీ నదికి పుష్కరాలు ప్రారంభమవుతున్నట్లు పండితులు పేర్కొన్నారు. అయితే రాత్రి సమయం కావడంతో గురువారం ఉదయం 5.44 గంటలకు అంతర్వాహిని సరస్వతీ నదికి విశేష పూజలతో పండితులు పుష్క రుడికి ఆహ్వానం పలుకుతారని కాళేశ్వరం దేవస్థానం వేదపండితులు వివరించారు. కాళేశ్వరాలయంనుంచి మంగళ వాయిద్యాలతో నదికి వెళ్లి గణపతి పూజతో కార్యక్రమాన్ని ప్రారంభిస్తారు. నదిలో నీటికి పంచ కలశాలలో ఆవాహన పూజ నిర్వహిస్తారు. పుష్కరునికి చీర, సారెతో ఒడి బియ్యం, పూలు, పండ్లు సమర్పిస్తారు. తర్వాత భక్తులందరూ పుష్కర సంకల్ప స్నానం చేస్తారు. మెదక్‌ జిల్లా రంగంపేట పీఠాధిపతి మాధవానంద సరస్వతీ స్వామి, మంత్రి శ్రీధర్‌బాబు, దేవాదాయ శాఖ ప్రిన్సిపల్‌ సెక్రటరీ శైలజారామయ్యర్, కమిషనర్‌ వెంకట్‌రావు, దేవాదాయశాఖ సలహాదారు గోవిందహరి, కలెక్టర్‌ రాహుల్‌ శర్మ, ఎస్పీ కిరణ్‌ఖరే, ఉత్సవ కమిటీ సభ్యులు ఈ కార్యక్రమంలో పాల్గొంటారు. పుష్కరాలకు సీఎం రేవంత్‌రెడ్డి నేటి నుంచి ప్రారంభం కానున్న సరస్వతీ పుష్కరాల్లో కాళేశ్వరంలోని త్రివేణి సంగమం వద్ద ముఖ్యమంత్రి రేవంత్‌రెడ్డి సరస్వతీ ఘాట్‌ను ప్రారంభించనున్నారు. అనంతరం సీఎం రేవంత్‌ పుణ్యస్నానం ఆచరిస్తారు. సీఎంతోపాటు పలువురు మంత్రులు కూడా ఈ కార్యక్రమంలో పాల్గొంటారు. పుష్కరాలకోసం దేవాదాయ శాఖ విస్తృత ఏర్పాట్లు చేసింది. పుష్కరాల పవిత్రతను కాపాడాలిసరస్వతీ నది పుష్కరాల పవిత్రతను కాపాడుకోవడా నికి అందరూ చేతులు కలపాలని దేవాదాయ శాఖ మంత్రి కొండా సురేఖ అన్నారు. గురువారం నుంచి జయశంకర్‌ భూపాలపల్లి జిల్లా కాళేశ్వరంలో జరగను న్న సరస్వతీ నది పుష్కరాలను పురస్కరించుకుని కాలుష్య నియంత్రణ బోర్డు రూపొందించిన పోస్టర్‌ను బుధవారం మంత్రి ఆవిష్కరించారు.

హైదరాబాద్: సరస్వతీ నది పుష్కరాలకు సమయం ఆసన్నమైంది. రేపటి నుంచి తెలంగాణలోని కాళేశ్వరం దేవస్థానం చెంత గోదావరి–ప్రాణహిత సంగమ ప్రాంతంలో పుష్కరాలు ప్రారంభం కానున్నాయి. రేపు(గురువారం) పుష్కరాలను సీఎం రేవంత్ రెడ్డి ప్రారంభించనున్నారు. ఈ పుష్కరాలు ఈనెల 26వ తేదీ వరకూ జరుగనున్నాయి.పుష్కరాల వేళ.. సరిగ్గా పుష్కరాల వేళ, అడుగంటిన నది.. మళ్లీ ప్రవాహ స్థాయికి చేరుకుంది. దీంతో పుష్కరాల్లో భక్తుల స్నానాలకు ప్రత్యామ్నాయ ఏర్పాట్లు తప్పదన్న భయాందోళనలు దూరమయ్యాయి. గోదావరి–ప్రాణహిత నదులు సంగమించే చోట అంతర్వాహినిగా ఉందని భక్తులు విశ్వసించే సరస్వతి నదికి ఈనెల 15 నుంచి పుష్కరాలు ప్రారంభం కానున్నాయి. పుష్కరాలు నిర్వహించే కాళేశ్వరం దేవస్థానం చెంత గోదావరి–ప్రాణహిత సంగమ ప్రాంతంలో గత నెలలోనే నీళ్లు పూర్తిగా అడుగంటాయి.పుష్కరాలకు నెల ముందు నుంచి నీటి సమస్య బాగా పెరుగుతూ వచ్చింది. దీంతో పుష్కరాల నాటికి నీళ్లు మరీ తగ్గి భక్తులు పుణ్య స్నానాలు చేయలేని దుస్థితి ఏర్పడుతుందన్న ఆందోళన వ్యక్తమైంది. ఇదే విషయాన్ని దేవాదాయ శాఖ ప్రభుత్వం దృష్టికి తెచ్చింది. దీంతో మంత్రి శ్రీధర్‌ బాబు స్పందించి, నీటి పారుదల శాఖ అధికారులతో చర్చించారు. ఎల్లంపల్లి శ్రీపాదసాగర్‌ ప్రాజెక్టు నుంచి నీటిని విడుదల చేయటం తప్ప ప్రత్యామ్నాయం లేదన్న అభిప్రాయం వ్యక్తం కావటంతో, ఆమేరకు ఏర్పాట్లు చేయాల్సిందిగా అధికారులను అప్పట్లో ఆదేశించారు.ఇలాంటి పరిస్థితిలో ఏం చేయాలన్న విషయంలో ప్రభుత్వం తల పట్టుకున్న తరుణంలో అకాల వానలు ఆదుకున్నాయి. ప్రాణహిత బేసిన్‌ అయిన మధ్యప్రదేశ్, మహారాష్ట్ర, ఉమ్మడి ఆదిలాబాద్‌ ప్రాంతాల్లో ఇటీవల అకాల వర్షాలు భారీగా కురిశాయి. దీంతో ఒక్కసారిగా ప్రాణహిత నదిలో నీటి ప్రవాహం పెరిగింది. నెల రోజుల క్రితంతో పోలిస్తే ప్రస్తుతం కాళేశ్వరం దేవాలయం వద్ద నదిలో నీటి మట్టం ఏకంగా 30 సెం.మీ. మేర పెరిగింది. ప్రస్తుతం 3,500 క్యూసెక్కుల ప్రవాహం కొనసాగుతోంది. నదీ గర్భంలో గరిష్టంగా 30 అడుగుల మేర నీళ్లు ఉండటం విశేషం.

సాక్షి, హైదరాబాద్‌: గోదావరి–ప్రాణహిత నదులు సంగమించే చోట అంతర్వాహినిగా ఉందని భక్తులు విశ్వసించే సరస్వతీ నదికి వచ్చే నెలలో పుష్కరాలు ఉన్నాయి.. సరిగ్గా మండే ఎండల్లో పుష్కరాలు నిర్వహించాల్సి రావటంతో కొత్త చిక్కు ముంచుకొస్తోంది.. భక్తులు పుణ్యస్నానాలాచరించాల్సిన గోదావరి నది వేగంగా అడుగంటుతోంది. పుష్కరాలకు మరో 37 రోజులున్నందున.. అప్పటికి నీళ్లు దాదాపు ఇంకిపోనున్నాయి. నదిలో నీళ్లే లేకుంటే భక్తులు స్నానాలు ఎలా చేస్తారు? ఇప్పుడు ఇదే ప్రభుత్వాన్ని వేధిస్తున్న సమస్య సరస్వతీ పుష్కరాలను ఘనంగా నిర్వహించాలని ఇప్పటికే తెలంగాణ ప్రభుత్వం నిర్ణయించింది. కాంగ్రెస్‌ ప్రభుత్వం కొలువుదీరిన తర్వాత జరుగుతున్న తొలి పుష్కరాలు కావటంతో ప్రతిష్టాత్మకంగా తీసుకుంది. ప్రభుత్వ నిర్ణయంతో, దేవాదాయ శాఖ ముఖ్యకార్యదర్శి శైలజారామయ్యర్‌ ఆధ్వర్యంలో అన్ని విభాగాల అధికారుల బృందం ప్రయాగ్‌రాజ్‌ వెళ్లి మహాకుంభమేళా నిర్వహణ తీరును అధ్యయనం చేసి వచ్చిoది. కోట్ల మంది భక్తులు వచ్చినా ఇబ్బందులు ఎదురుకాకుండా ఏర్పాట్లు చేసిన విధానాన్ని పరిశీలించింది. వచ్చే ఏడాది, ఆపై సంవత్సరం గోదావరి, కృష్ణా పుష్కరాలు నిర్వహించాల్సి ఉంది. వచ్చే నెల 15 నుంచి 26 వరకు సరస్వతీ పుష్కరాలు ఉన్నాయి. గోదావరి, కృష్ణా పుష్కరాలకు ముందు ప్రారంభంకానున్న సరస్వతీ పుష్కరాలను ఘనంగా నిర్వహించాలన్న ఉద్దేశంతో పకడ్బందీ ఏర్పాట్లు చేయాలని ప్రభుత్వం అధికారులను ఆదేశించింది. దీంతో అధికారులు ఆ పనుల్లో నిమగ్నమయ్యారు. కానీ, పుష్కరాలకు అతి ముఖ్యమైన నదీ జలాలే లేకుంటే ఎలా అని అధికారులు తర్జనభర్జనలో మునిగిపోయారు. తాజాగా దేవాదాయశాఖ ఉన్నతాధికారులు నీటిపారుదల శాఖ అధికారులతో భేటీ అయి దీనిపై చర్చించారు. తాత్కాలిక అడ్డుకట్టతో నీటి నిల్వ ప్రస్తుతం గోదావరి దాదాపు అడుగంటింది. ప్రాణహిత నదిలో కొంత నీటి ప్రవాహం ఉంది. కాళేశ్వరం దేవాలయం సమీపంలో నదీగర్భంలో తాత్కాలిక అడ్డుకట్ట నిర్మించి నీటిని నిల్వ చేసి పుష్కర స్నానాలకు వాడాలన్న ప్రతిపాదన వచ్చిoది. కానీ, మండే ఎండల్లో నిల్వ నీటిలో బ్లూగ్రీన్‌ ఆల్గే బ్యాక్టీరియా ఏర్పడే ప్రమాదం ఉంటుందని, ఆ నీటిలో స్నానం చేస్తే చర్మ సంబంధిత సమస్యలు ఏర్పడే ప్రమాదం ఉండనున్నందున అది ఆచరణీయం కాదని భావిస్తున్నారు. ఎల్లంపల్లి నుంచి నీటి విడుదల కాళేశ్వరం దేవాలయానికి ఎగువన ఉన్న ఎల్లంపల్లి ప్రాజెక్టు నుంచి నీటిని విడుదల చేసి నదిలో స్నానాలకు నీళ్లు ఉండేలా చూడాలన్నది మరో ఆలోచన. కానీ, ఎల్లంపల్లి ప్రాజెక్టు కాళేశ్వరం దేవాలయానికి దాదాపు 80 కి.మీ. దూరంలో ఉంది. ప్రస్తుతం గోదావరిలో భారీ గుంతలున్నాయి. ఆ గుంతలు నిండితేనే ప్రవాహం ముందుకు సాగుతుంది. ఇసుక తేలిన నదిలో చాలా నీళ్లు ప్రవాహంలోనే ఇంకుతాయి. పుష్కరాల నాటికి ప్రచండ ఎండలుండనున్నందున ప్రవాహంలో నీళ్లు ఆవిరయ్యే పరిస్థితి ఉంటుంది. వీటిని తట్టుకుని నీళ్లు దేవాలయం వరకు చేరాలంటే నిత్యం 5 వేల క్యూసెక్కుల వరకు విడుదల చేయాల్సి ఉంటుందని అధికారులంటున్నారు. అది అంత సులభం కాదనే అభిప్రాయమూ ఉంది. బోర్లు వేయటం ద్వారా నదిలో శక్తివంతమైన బోర్లు తవ్వించటం ద్వారా నీటిని పైకి లాగి తాత్కాలిక కొలనులు ఏర్పాటు చేసి నీటిని నింపాలన్నది ఒక ఆలోచన. ఇక ట్యాంకర్ల ద్వారా నీటిని తీసుకొచ్చి పుష్కర ఘాట్లపై షవర్లు ఏర్పాటు చేసి జల్లు స్నానాలకు ఏర్పాట్లు చేయాలన్నది మరో ఆలోచన. త్వరలో దీనిపై తుది నిర్ణయం తీసుకోనున్నారు.

సాక్షి, హైదరాబాద్‌: సికింద్రాబాద్‌ నుంచి వారణాసి మీదుగా వెళ్లే దానాపూర్‌ ఎక్స్‌ప్రెస్‌లో వెయిటింగ్‌ లిస్టు 400ను దాటింది. మే మొదటివారం వరకు ఇదే పరిస్థితి. గత రెండు నెలల నుంచి వచ్చేనెల వరకు వెయింటింగ్‌ చూపుతున్నా ఈ మార్గంలో మరో అదనపు రైలును అధికారులు నడపటం లేదు. వారణాసి పుణ్యక్షేత్రానికి నిత్యం తెలంగాణ నుంచి దాదాపు రెండు వేలమంది భక్తులు వెళ్తుంటారు. ఈ నేపథ్యంలో భక్తులు ఎంతో ప్రత్యేకంగా భావించే గంగానదీ పుష్కరాలు ఈ నెల 22 నుంచి మే మూడో తేదీ వరకు కొనసాగనున్నాయి. పుష్కరాలు జరిగే తేదీలతోపాటు వాటికి అటూ ఇటూగా దాదాపు 2లక్షల మందికిపైగా భక్తులు కాశీ యాత్రకు వెళ్తారన్నది ఓ అంచనా. సాధారణ రోజుల్లోనే ఈ ఒక్క రైలు సరిపోక, రోడ్డు మార్గాన అంత దూరం వెళ్లలేక భక్తులు తీవ్ర అవస్థలకు గురవుతున్నారు. అలాంటిది పుష్కరాల వేళ, రద్దీ అంతకు పదిరెట్లు పెరుగుతున్నా అదనపు రైలు ఏర్పాటుపై అధికారులు దృష్టి సారించలేకపోవటం గమనార్హం.   భారీగా పెరిగిన విమాన చార్జీలు  సాధారణ రోజుల్లో కాశీకి విమాన టికెట్‌ ధర రూ.5 వేల నుంచి రూ.8 వేలుగా ఉండేది. డిమాండ్‌ ఎక్కువగా ఉన్నప్పుడు టికెట్‌ ధర పెంచుకునే డైనమిక్‌ ఫేర్‌ విధానాన్ని ఇప్పుడు విమానయాన సంస్థలు బాగా వినియోగించుకుంటున్నాయి. గంగా పుష్కరాలకు భక్తుల రద్దీ విపరీతంగా ఉంటుండటంతో ఒక్కో టికెట్‌ ధరను రెట్టింపు చేసి విక్రయిస్తున్నాయి. కీలక రోజుల్లో అది మరింత ఎక్కువగా ఉంటోంది. అంత ధరను భరించే పరిస్థితి లేనివారు దానాపూర్‌ ఎక్స్‌ప్రెస్‌ వైపే చేస్తున్నారు.   ఆ క్లోన్‌ రైలును పునరుద్ధరించాలి  కాశీ విశ్వనాథుడిని దర్శించుకునేందుకు వెళ్లే దక్షిణ భారత యాత్రికుల్లో తెలుగువారే ఎక్కువ. రైల్లో కాశీకి వెళ్లేవారికి దానాపూర్‌ ఎక్స్‌ప్రెస్‌ ఒక్కటే దిక్కు. హైదరాబాద్, ఇతర పట్టణాల్లో పనిచేస్తున్న బీహార్‌ వలస కూలీలు కూడా ఈ రైలు మీదే ఆధారపడుతుంటారు. దీంతో గతంలో ఈ రైలుకు అనుబంధంగా ఓ క్లోన్‌ రైలు నడిపేవారు. అంటే అదే మా­ర్గంలో అరగంట తేడాతో నడిచే మరో రైలు అన్న­మాట. ముందు రైలుకుఉన్న ఫ్రీ సిగ్నల్‌ క్లియ రెన్స్‌ సమయంలోనే ఈ క్లోన్‌ రైలు నడుస్తుంది. కోవి డ్‌ ఆంక్షల సమయంలో రద్దయిన ఈ రైలును తిరిగి పునరుద్ధరించలేదు. అది రద్దీ మార్గం కావటం, దా నికి తగ్గ అదనపు లైన్లు లేకపోవటం, ఉన్న అవకాశాలను ఇతర జోన్లు వినియోగించుకుంటుండటమే దీనికి కారణమని స్థానిక రైల్వే అధికారులు పేర్కొంటున్నారు. రద్దయిన మన క్లోన్‌ రైలును వేరే రాష్ట్రం ఒత్తిడి తెచ్చి వినియోగించుకుంటున్నట్టు సమాచారం. ఇప్పుడు దక్షిణ మధ్య రైల్వే జోన్‌ అధికారులతోపాటు రాష్ట్రప్రభుత్వం కూడా రైల్వే బోర్డుపై ఒత్తిడితెచ్చి ఆ క్లోన్‌ రైలును పునరుద్ధరిస్తే భక్తులకు ఉపయోగకరంగా ఉంటుందని భావిస్తున్నారు.   

కౌటాల(సిర్పూర్‌)/కోటపల్లి(చెన్నూర్‌)/కాళేశ్వరం: ప్రాణహిత నది పుష్కరాలు ముగిశాయి. చివరిరోజు ఆదివారం పుష్కర స్నానాలకు భక్తులు పోటెత్తారు. ఈనెల 13న ప్రాణహిత పుష్కరాలు ప్రారంభమైన విషయం తెలిసిందే. ఇటు కుమురంభీం జిల్లా తుమ్మిడిహెట్టి, మంచిర్యాల జిల్లాలోని అర్జునగుట్ట, వేమనపల్లితోపాటు అటు జయశంకర్‌ భూపాలపల్లి జిల్లా కాళేశ్వరంలోని త్రివేణి సంగమ పుష్కరఘాట్లలో ఈ పన్నెండు రోజుల్లో దాదాపు 20 లక్షల మంది భక్తులు పుణ్యస్నానాలాచరించారు. అలాగే కాళేశ్వరాలయాన్ని 10 లక్షల మంది భక్తులు సందర్శించారు. ఆలయానికి వివిధ పూజలు, లడ్డూ ప్రసాదాల రూపేణా రూ.70లక్షల ఆదాయం సమకూరినట్లు అంచనా. కాళేశ్వరం త్రివేణి సంగమ క్షేత్రంలో పన్నెండు రోజులు పన్నెండు హారతులిచ్చారు. ఆదివారం తుమ్మిడిహెట్టి వద్ద 108 యజ్ఞకుండాతో శివసంకల్ప మహాయజ్ఞం నిర్వహించారు. కాశీ నుంచి వచ్చిన వేదపండితులు నదికి ముగింపు హారతినిచ్చారు.  

భూపాలపల్లి/కాళేశ్వరం/కోటపల్లి/వేమనపల్లి: ప్రాణహిత పుష్కరాలకు రెండోరోజు భక్తజనం పోటెత్తారు. జయశంకర్‌ భూపాలపల్లి జిల్లా కాళేశ్వరంలోని త్రివేణి సంగమం, ఉమ్మడి ఆదిలాబాద్‌ జిల్లాలో ప్రాణహిత నదీతీరం భక్తులతో కిటకిటలాడాయి. గురువారం సెలవు రోజు కూడా కావడంతో తెలంగాణతోపాటు ఏపీ, మహారాష్ట్ర, ఛత్తీస్‌గఢ్, ఒడిశా, తమిళనాడు, కేరళ నుంచి భక్తులు తరలివచ్చారు. పుష్కర స్నానాలతోపాటు కాళేశ్వర ముక్తీశ్వరులను లక్షమంది వరకు భక్తులు దర్శించుకున్నారు. ఉమ్మడి ఆదిలాబాద్‌ జిల్లాలోని అర్జునగుట్ట, వేమనపల్లి, తుమ్మిడిహెట్టి పుష్కరఘాట్లలో రద్దీ కనిపించింది. కాగా, ప్రాణహిత పుష్కరాలకు మహారాష్ట్ర ప్రభుత్వం భారీగా నిధులు విడుదల చేసి, సౌకర్యాలు కల్పించడంతో మన రాష్ట్రం నుంచి భక్తులు మహారాష్ట్రలోని సిరొంచ, నగురం ఘాట్‌లకు వెళ్లేందుకు మొగ్గుచూపుతున్నారు. మహారాష్ట్రలోని పుష్కరఘాట్లలో 2.5 లక్షల మంది పుణ్యస్నానాలు ఆచరించారు. 

సాక్షి, మంచిర్యాల/భూపాలపల్లి /కాళేశ్వరం: ప్రాణహిత పుష్కర సంబురం మొదలైంది. దేవాదాయ మంత్రి ఇంద్రకరణ్‌రెడ్డి బుధవారం సాయంత్రం 4 గంటలకు మంచిర్యాల జిల్లా కోటపల్లి మండలం అర్జునగుట్ట వద్ద ప్రాణహిత నదికి ప్రత్యేక పూజలు చేసి పుష్కరాలకు అంకురార్పణ చేశారు. జయశంకర్‌ భూపాలపల్లి జిల్లా పరిధిలోని కాళేశ్వరంలో మంథని ఎమ్మెల్యే దుద్దిళ్ల శ్రీధర్‌బాబు, వేమనపల్లి ఘాట్‌ వద్ద బెల్లంపల్లి ఎమ్మెల్యే దుర్గం చిన్నయ్య పుష్కరాలను ప్రారంభించారు. వేల మంది భక్తులు పుణ్యస్నానాలు చేసి, వైదిక క్రతువులు నిర్వహించారు.  ఉమ్మడి ఆదిలాబాద్‌ వెంట..  మహారాష్ట్ర నుంచి మన రాష్ట్రంలోకి ప్రవేశించే ప్రాణహిత నది.. ఉమ్మడి ఆదిలాబాద్‌ జిల్లా పరిధిలో ప్రవహించి, కాళేశ్వరం వద్ద గోదావరి నదిలో కలుస్తుంది. ఈ మేరకు ప్రాణహిత నది వెంట పలుచోట్ల పుష్కరాలను నిర్వహిస్తున్నారు. రాష్ట్రంతోపాటు ఏపీ, మహారాష్ట్ర, ఒడిశా, ఛత్తీస్‌గఢ్‌ల నుంచి వేలాది మంది భక్తులు తరలివచ్చారు. ఇతర రాష్ట్రాలవారు మంగళవారం సాయంత్రానికే ప్రాణహిత తీరాలకు చేరుకుని.. తాత్కాలిక గుడారాల్లో బస చేశారు. బుధవారం మధ్యాహ్నం తర్వాత పుష్కరాలు మొదలవడంతో భక్తులు పుణ్యస్నానాలు చేసి.. పిండ ప్రదానాలు, ఇతర వైదిక క్రతువులు నిర్వహించారు. సమీపంలోని ఆలయాలను దర్శించుకున్నారు. గురువారం నుంచి భక్తుల సంఖ్య భారీగా పెరిగే అవకాశం ఉందని అధికారులు చెప్తున్నారు.  కాళేశ్వరంలో దేవాదాయశాఖ అధికారులు, వేదపండితులు కాలినడకన కలశాలు, మంగళ వాయిద్యాలతో ప్రాణహిత నదికి చేరుకున్నారు. మధ్యాహ్నం 3.54 గంటలకు పడవలో నదికి అవతలివైపు వెళ్లి ప్రత్యేక పూజలు చేశారు. నదికి పంచ కలశాలతో ఆవాహనం చేసి.. పుష్కరుడి(ప్రాణహిత)కి చీర, సారె, ఒడిబియ్యం, పూలు, పండ్లు సమర్పించారు. అనంతరం పంచ కలశాలల్లో నీటిని తీసుకొచ్చి శ్రీకాళేశ్వర ముక్తీశ్వరస్వామివారికి అభిషేకం, పూజలను నిర్వహించారు. ఇక కాళేశ్వరానికి అనుకుని అవతలివైపు ఉన్న మహారాష్ట్ర పరిధిలోని సిరొంచలో ఆ రాష్ట్ర మంత్రి ఏక్‌నాథ్‌ షిండే, ఎమ్మెల్యేలు పుష్కరాలను ప్రారంభించారు.  మంచిర్యాల జిల్లా పరిధిలోని రెండు ఘాట్లలో తొలిరోజు 10 వేల మందికిపైగా పుణ్యస్నానాలు చేసినట్టు అంచనా. ఇక్కడికి తొలిరోజున శ్రీకాకుళం, విజయనగరం, విశాఖపట్నం తదితర ప్రాంతాలకు చెందినవారు ఎక్కువగా తరలివచ్చారని అధికారులు చెప్తున్నారు. ఇక్కడ సాయంత్రం ఆరు గంటలకు నదీ హారతి ఇచ్చారు. అర్జునగుట్ట వద్ద కార్యక్రమంలో మంత్రి ఇంద్రకరణ్‌రెడ్డి కుటుంబసభ్యులతోపాటు ప్రభుత్వ విప్‌ బాల్క సుమన్, ఎమ్మెల్సీ దండె విఠల్, జెడ్పీ చైర్‌పర్సన్‌ నల్లాల భాగ్యలక్ష్మి, మాజీ ఎమ్మెల్సీ పురాణం సతీశ్‌ పాల్గొన్నారు.  రాష్ట్రం సుభిక్షంగా ఉండాలి: ఇంద్రకరణ్‌రెడ్డి  గోదావరి ఉప నదిగా మనకు ప్రాణహిత పుష్కలంగా నీరందిస్తోంది. స్వరాష్ట్రంలో తొలిసారిగా ప్రాణహిత పుష్కరాలు జరుగుతున్నాయి. ఇది సంతోషకరం. పుష్కర సమయంలో పుణ్యస్నానాలు ఆచరిస్తే పాపాలు హరిస్తాయి. రాష్ట్రం సుభిక్షంగా ఉండాలని, తెలంగాణ ప్రజలకు అన్నిరకాల మేలు జరగాలని కోరుకున్నానని మంత్రి తెలిపారు. పుష్కరాలకు వచ్చే భక్తుల కోసం అన్ని ఏర్పాట్లు చేశామని ప్రభుత్వ విప్‌ బాల్క సుమన్‌ పేర్కొన్నారు.  ‘ప్రాణహిత’ ప్రత్యేక టూర్‌ ప్యాకేజీ  సాక్షి, హైదరాబాద్‌:  ప్రాణహిత పుష్కరాల కోసం తెలంగాణ స్టేట్‌ టూరిజం డెవలప్‌మెంట్‌ కార్పొరేషన్‌ (టీఎస్‌టీడీసీ) ప్రత్యేక యాత్ర ప్యాకేజీని బుధవారం ప్రారంభించింది. హైదరాబాద్‌ నుంచి కాళేశ్వరం వరకు ఈ నెల 24దాకా అంటే 12 రోజుల పాటు ఈ ప్రత్యేక యాత్ర నడుస్తుంది. రోజూ ఉదయం 05:00 బషీర్‌బాగ్‌ సీఆర్‌వో నుంచి బస్సు బయలుదేరుతుంది, 8:30 గంటలకు అల్పాహారం ఉంటుంది. 11:00 గంటల సమయంలో కాళేశ్వరం ఆలయానికి చేరుకుంటారు. మధ్యాహ్నం 12:30 వరకు సిరోంచ పుష్కరఘాట్‌ వీక్షించేందుకు సమయమిస్తారు. తర్వాత గంటపాటు దర్శన సమయం, 1.45 గంటలకు కాళేశ్వరం హరిత హోటల్లో భోజనం ఉంటాయి. 2.45 గంటలకు తిరుగు ప్రయాణమై రాత్రి 9.00 గంటలకు హైదరాబాద్‌కు చేరుకుంటారు. ఈ యాత్ర ఏసీ బస్సు టికెట్‌ ధర పెద్దలకు రూ.2,200, పిల్లలకు రూ.1,760, నాన్‌ఎసీ బస్సు టికెట్‌ ధర పెద్దలకు రూ.2,000, పిల్లలకు రూ.1,600గా ఉంటాయని టీఎస్‌టీడీసీ ప్రకటించింది.

సాక్షి ప్రతినిధి, వరంగల్‌/సాక్షి, మంచిర్యాల: ప్రాణహిత పుష్కరాలకు నదీతీరం, త్రివేణి సంగమం సంసిద్ధమైంది. నదులకు 12 ఏళ్లకోసారి నిర్వహించే పుష్కరాల్లో భాగంగా తెలంగాణ, మహారాష్ట్ర సరిహద్దుల గుండా ప్రవహించే ప్రాణహిత నదికి బుధవారం నుంచి పుష్కరాలు నిర్వహిస్తున్నారు. గోదావరి, ప్రాణహిత, అంతర్వాహిని (సరస్వతి) నదులు కలిసే త్రివేణి సంగమ స్థానం కాళేశ్వరానికి భక్తులు పోటెత్తనున్నారు. తెలంగాణ–మహారాష్ట్ర సరిహద్దులో నిర్వహించే ఈ పుష్కరాలకు రెండు రాష్ట్రాల ప్రభుత్వాలు ఘాట్లను ఏర్పాటు చేశాయి. ఈనెల 24 వరకు జరిగే ఈ పుష్కరాలకు జయశంకర్‌ భూపాలపల్లి జిల్లా కాళేశ్వరం, కుమురంభీమ్‌ ఆసిఫాబాద్‌ జిల్లా కౌటాల మండలం తుమ్మిడిహెట్టి, మంచిర్యాల జిల్లా కోటపల్లి మండలం అర్జునగుట్ట, వేమనపల్లి మండల కేంద్రం, మహారాష్ట్ర వైపు సిరోంచ, నగు రంలో ఈ ఘాట్లు ఉన్నాయి. బుధవారం దేవాదాయశాఖ మంత్రి ఇంద్రకరణ్‌రెడ్డి అర్జునగుట్ట వద్ద పుష్కరాలను ప్రారంభించనున్నారు. అన్ని పుష్కరఘాట్ల వద్ద విధుల నిర్వహణ కోసం సుమారు ఆరువేల మంది పోలీసులు, ఇతర శా ఖల సిబ్బంది పనిచేస్తున్నట్లు ఉన్నతాధికారులు తెలిపారు.  ప్రాణహిత జననం, పయనం: గోదావరి నదికి అతి పెద్ద ఉపనది ప్రాణహిత. పెన్‌గంగా, వార్దా నదిలో తెలంగాణలోని ఆసిఫాబాద్‌ జిల్లా కౌటాల మండలం తుమ్మిడిహెట్టి వద్ద ప్రాణహిత పురుడు పోసుకుంది. ఈ నది తుమ్మిడిహెట్టి నుంచి 113 కి.మీ. ప్రవహిస్తుంది. బెజ్జూర్‌ మండలం గూడెం, సోమిని, తలాయి, వేమనపల్లి మండలం రావులపల్లి, వేమనపల్లి, కలలపేట, ముల్కల్లపేట, రాచర్ల, వెంచపల్లి, కోటపల్లి మండలం జనగామ, నందరాంపల్లి, పుల్లగామ, సిర్సా, అన్నారం, అర్జునగుట్ట గ్రామాల మీదుగా పయనిస్తుంది. మహారాష్ట్ర వైపు గడ్చిరోలి జిల్లాలోని చప్రాల నుంచి ప్రారంభమై అయిరి, ఇందారం, తోగుల వెంకటాపూర్‌ మీదుగా ప్రవహిస్తూ రేగుంట, కొత్తూర్, తేకడా, గిలాస్పేట, రాయిపేట, రంగాయపల్లి, హమురాజీ, సిరోంచ మీదుగా భూపాలపల్లి జిల్లా కాళేశ్వరం (కాళేశ్వర ముక్తేశ్వరులుగా వెలిసిన పరమేశ్వరుడి పుణ్యక్షేత్రం) వద్ద గోదావరి నదిలో కలుస్తుంది.   పుష్కర ఘాట్లు ఇవే..  ►కాళేశ్వరం త్రివేణి సంగమం – జయశంకర్‌ భూపాలపల్లి జిల్లా  ►తుమ్మిడిహెట్టి– కుమురంభీం ఆసిఫాబాద్‌ జిల్లా కౌటాల మండలం   ►అర్జునగుట్ట–మంచిర్యాల జిల్లా కోటపల్లి మండలం  ►వేమనపల్లి – మంచిర్యాల జిల్లా మండల కేంద్రం  ►సిరోంచ, నగురం – మహారాష్ట్ర  ఇలా చేరుకోవచ్చు..  ►కాళేశ్వరం: హైదరాబాద్‌ నుంచి కాజీపేట, వరంగల్‌ వరకు రోడ్డు, రైలు మార్గాలు ఉన్నా యి. వరంగల్‌ నుంచి రోడ్డుమార్గన భూపా లపల్లి మీదుగా కాళేశ్వరం చేరుకోవచ్చు.  ►అర్జునగుట్ట: హైదరాబాద్, వరంగల్, ఖమ్మం నుంచి మంచిర్యాల వరకు రోడ్డు, రైలు మార్గాలు ఉన్నాయి. అక్కడి నుంచి చెన్నూరు మీదుగా అర్జునగుట్ట ఘాట్‌కు చేరుకోవచ్చు.  ►తుమ్మిడిహెట్టి: కుమురంభీం జిల్లా కౌటాల మండలం తుమ్మిడి హెట్టి ఘాట్‌కు వెళ్లాలంటే హైదరాబాద్, వరంగల్, ఖమ్మం నుంచి మంచిర్యాల మీదుగా రైళ్లు కాగజ్‌నగర్‌ వరకు అందుబాటులో ఉన్నాయి. అక్కడి నుంచి రోడ్డు మార్గాన సిర్పూర్‌ టీ మీదుగా తుమ్మిడిహెట్టికి చేరుకోవచ్చు.  ►వేమనపల్లి: నిజామాబాద్, కామారెడ్డి, జిల్లాల నుంచి జగిత్యాల మీదుగా మంచిర్యాల చేరుకుని అక్కడి నుంచి వేమనçపల్లికి వెళ్లవచ్చు. 

సాక్షి ప్రతినిధి, వరంగల్‌: ప్రాణహిత పుష్కరాలను ఈనెల 13 నుంచి 24 వరకు నిర్వహించేందుకు ఏర్పాట్లు జరుగుతున్నాయి. 2010 తర్వాత ఈసారి స్వరాష్ట్రంలో నిర్వహించే ఉత్సవాలకు పెద్ద సంఖ్యలో భక్తులు తరలిరానున్నారు. ఈ నేపథ్యంలో అధికారులు 5 రోజులుగా యుద్ధప్రాతిపదికన పనులను పూర్తి చేసే పనిలో ఉన్నారు. పుష్కరాల నిర్వహణ ప్రత్యేక అధికారి, కలెక్టర్, వివిధ శాఖల అధికారులు ఆదివారం కూడా పనులను పర్యవేక్షించారు. తెలంగాణ–మహారాష్ట్ర–ఛత్తీస్‌గఢ్‌ సరిహద్దు.. గడ్చిరోలి, జయశంకర్‌ భూపాలపల్లి, మంచిర్యాల, కుమ్రంభీం ఆసిఫాబాద్‌ జిల్లాల్లో ఈ పుష్కరాలు జరగనున్నాయి. జయశంకర్‌ భూపాలపల్లి జిల్లా కాళేశ్వరం.. మంచిర్యాల జిల్లా కోటపల్లి మండలం అర్జునగుట్ట, వేమనపల్లి.. మహారాష్ట్రలోని గడ్చిరోలి జిల్లా సిరొంచ వద్ద.. కుమ్రంభీం ఆసిఫాబాద్‌ జిల్లాలోని తుమ్మిడిహట్టి వద్ద పుష్కర ఘాట్లను ఏర్పాటు చేశారు. కాళేశ్వరంలోని త్రివేణి సంగమం వద్ద సాధారణ ప్రజల కోసం ఒకటి, వీఐపీల కోసం మరొకటి ఘాట్లు ఏర్పాటు చేస్తున్నారు. ప్రముఖ కాళేశ్వరంలో శ్రీకాళేశ్వర ముక్తీశ్వరస్వామి ఆలయం ఉన్న నేపథ్యంలో భక్తులు 70 వేల నుంచి లక్ష వరకు కాళేశ్వరం చేరుకునే అవకాశం ఉందని అధికారులు భావిస్తున్నారు. ఇదిలాఉండగా, పుష్కరాల సందర్భంగా కంచిపీఠం ఆధ్వర్యంలో కాళేశ్వరంలో నిర్వహించే పూజా కార్యక్రమాలకు తమిళనాడు ముఖ్యమంత్రి ఎం.కె.స్టాలిన్‌ కుటుంబ సభ్యులతో హాజరవుతారని నిర్వాహకులు తెలిపారు. తెలంగాణ ముఖ్యమంత్రి కేసీఆర్, గవర్నర్‌ తమిళిసై సౌందరరాజన్‌కు ఆహ్వానం పంపినట్లు వెల్లడించారు. పుష్కరాల ప్రారంభం రోజునే సీఎం కేసీఆర్‌ రావచ్చని అధికారులు పేర్కొంటున్నారు.   నిధుల విడుదలపై స్పష్టత కరువు..  2010లో ప్రాణహిత పుష్కరాలకు అన్ని శాఖల నుంచి రూ.8 కోట్ల నిధులు మంజూరు చేసి ఘనంగా నిర్వహించారు. అయితే ఈ సారి ఇప్పటివరకు రాష్ట్ర ప్రభుత్వం ఎలాంటి నిధులు మంజూరు చేయలేదు. కలెక్టర్‌ భవేష్‌ మిశ్రా కలెక్టర్‌ కోటా కింద రూ.49 లక్షలు మంజూరు చేశారు. కోటపల్లి మండలం అర్జునగుట్ట, వేమనపల్లి çఘాట్ల వద్ద తాత్కాలిక పనులు రూ.70 లక్షల అంచనాతో చేసేలా ఆ జిల్లా కలెక్టర్‌ భార తి హోళ్లికేరి అనుమతి ఇచ్చారు. ఈ నిధులతో ఇరిగేషన్, ఆర్‌డబ్ల్యూఎస్‌ శాఖలు మరుగు దొడ్లు, దుస్తులు మార్చుకునే గదులు, ఇతర పనులు చేపట్టాయి. పుష్కరాల ప్రారంభానికి రెండు రోజులే ఉండగా, నిధుల మంజూరుపై స్పష్టత లేక అధికార యంత్రాంగం అయోమయంలో ఉంది. ఇప్పటికే ఆంధ్రప్రదేశ్, మహారాష్ట్ర, ఛత్తీస్‌గఢ్‌ రాష్ట్రాల నుంచి భక్తులు వచ్చి కాళేశ్వరంలో లాడ్జిలు, హోటళ్లు, ఇళ్లు అడ్వాన్స్‌ బుకింగ్‌ చేసుకుంటున్నారు. 

సాక్షి,పాలకొండ రూరల్‌(శ్రీకాకుళం): శ్రీనగర్‌లో జరుగుతున్న సింధూ నది పుష్కరాలకు వెళ్లిన జిల్లా వాసి అక్కడ ప్రాణాలు కోల్పోయారు. వివరాల్లోకి వెళితే.. పాలకొండలోని దేవరపేటకు చెందిన వ్యాపారి బోగాది సీతయ్య,  సతీమణి ఆదిలక్ష్మి (53) ఈ నెల 17న పుష్కర స్నానాల కోసం శ్రీనగర్‌ వెళ్లారు. అక్కడ ఓ హోటల్‌లో బస  ఏర్పాట్లు చేసుకున్న వీరు శనివారం దైవ దర్శనం పూర్తి చేసుకున్నారు. తిరిగి ప్రయాణంలో భాగంగా బస చేస్తున్న హోటల్‌కు చురుకున్నారు. అదే రోజు రాత్రి కాలకృత్యాలు తీర్చుకోవడానికి మరుగుదొడ్డికి వెళ్లిన ఆదిలక్ష్మి మృతి చెందారు. ఈ విషయాన్ని సీతయ్య ఫోన్‌ ద్వారా పాలకొండలోని కుంటుంబ సభ్యులకు సమాచారం అందించారు. దీంతో పట్టణంలో విషాదఛాయలు అలముకున్నాయి. ఈమెకు ముగ్గురు పిల్లలున్నారు.

ఇంద్రకీలాద్రి(విజయవాడ పశ్చిమ)/నరసరావుపేట రూరల్‌ : పుష్కరాల సమయంలో కూల్చి వేసిన ఆలయాలన్నింటినీ తిరిగి నిర్మించాలని బీజేపీ రాష్ట్ర అధ్యక్షుడు సోము వీర్రాజు డిమాండ్‌ చేశారు. రాష్ట్రంలోని ఆలయాల సందర్శన కార్యక్రమాన్ని ఆ పార్టీ నాయకులు శనివారం ఇంద్రకీలాద్రి నుంచి ప్రారంభించారు. ఇంద్రకీలాద్రిపై కొలువై ఉన్న దుర్గమ్మను ఎమ్మెల్సీ మాధవ్‌తో కలిసి దర్శించుకున్నారు. అనంతరం  కృష్ణానది తీరంలో కూల్చివేసిన ఆలయ ప్రాంతాలను, ప్రభుత్వం ఇటీవల నిర్మాణం చేపట్టిన నాలుగు ఆలయాలను వారు పరిశీలించారు. అనంతరం గుంటూరు జిల్లా కోటప్పకొండ త్రికోటేశ్వరస్వామిని సోము వీర్రాజు దర్శించుకున్నారు. అనంతరం మీడియాతో మాట్లాడుతూ రాష్ట్రంలో అనేక ఆలయాలు నేలమట్టమై, అంతర్వేది రథం దగ్ధమై, రామతీర్థంలో శ్రీరాముడి విగ్రహం ధ్వంసమై చాలా కాలమైందన్నారు. అయినా ఈ ఘటనలకు కారణమైన వారిపై ప్రభుత్వం చర్యలు తీసుకోలేదంటూ మండిపడ్డారు. నామినేటెడ్‌ పోస్టుల భర్తీలో ప్రాధాన్యత పోస్ట్‌లు ఒక వర్గానికే దక్కాయన్నారు. ఎన్నికల్లో ఇచ్చిన హామీలను సీఎం వైఎస్‌ జగన్‌ మర్చిపోయారని, కాంట్రాక్ట్, అవుట్‌ సోర్సింగ్‌ ఉద్యోగులను పర్మినెంట్‌ చేయలేదని విమర్శించారు. తిరోగమనంలో ఉన్న రాష్ట్ర ఆర్థిక పరిస్థితిని చక్కదిద్దాలని త్రికోటేశ్వరస్వామిని కోరుకున్నట్టు సోము వీర్రాజు తెలిపారు. 

సాక్షి, కర్నూలు : తుంగభద్ర పుష్కరాలు రేపటి(నవంబర్‌ 20) నుంచి ప్రారంభం అవుతున్నాయని మంత్రి వెల్లంపల్లి శ్రీనివాస్‌ తెలిపారు. డిసెంబర్‌ 1 వరకు ఈ పుష్కరాలు కొనసాగుతాయన్నారు. గురువారం ఆయన మీడియాతో మాట్లాడుతూ.. పుష్కరాలకు ఇప్పటికే అన్ని ఏర్పాట్లు పూర్తి చేశామన్నారు. ఉదయం 6 గంటల నుంచి సాయంత్రం 6 గంటలకు వరకు మాత్రమే ఘాట్‌లోకి భక్తులను అనుమతిస్తామని చెప్పారు. తుంగభద్ర పుష్కరాల్లో భాగంగా ముఖ్యమంత్రి వైఎస్‌ జగన్‌మోహన్‌రెడ్డి శుక్రవారం కర్నూలుకు రానున్నారని వెల్లడించారు. కేంద్ర ప్రభుత్వ మార్గదర్శకాల ప్రకారం స్నానాలను నిషేదించిట్లు మంత్రి వివరించారు. దేశంలో ఏ రాష్ట్రంలోనూ నది స్నానాలకు అనుమతి లేదని మంత్రి గుర్తు చేశారు. పుష్కరాలను కూడా విపక్షాలు రాజకీయ కోణంలో చూస్తున్నాయని విమర్శించారు. పుష్కరాల పేరుతో చంద్రబాబు నాయుడు వందల కోట్ల రూపాయలను దుర్వినియోగం చేశారని ఆరోపించారు. 

సాక్షి, కర్నూలు(సెంట్రల్‌): తుంగభద్ర పుష్కరాలకు ముఖ్యమంత్రి వైఎస్‌ జగన్‌మోహన్‌రెడ్డి రానున్నారు. ఈ మేరకు మంగళవారం ఆయన పర్యటన ఖరారైంది. ఈ నెల 20న కర్నూలులోని సంకల్‌భాగ్‌ పుష్కర ఘాట్‌ను సందర్శిస్తారు. సీఎం పర్యటన నేపథ్యంలో అధికారులు ఏర్పాట్లలో నిమగ్నమయ్యారు. కోవిడ్‌ నిబంధనలకు అనుగుణంగా పర్యటన సాగేలా చర్యలు తీసుకుంటున్నారు. సీఎం సందర్శించే సంకల్‌భాగ్‌ (వీఐపీ) పుష్కర ఘాట్‌లోకి ఆయన పర్యటన సమయంలో జిల్లాకు చెందిన మంత్రులు, ప్రజాప్రతినిధులను తప్పా ఇతరులెవరినీ అనుమతించకూడదని నిర్ణయించారు. సీఎం తిరిగి వెళ్లిన తరువాతే ఇతరులను ఘాట్‌లోకి అనుమతిస్తారు. ఓర్వకల్లు ఎయిర్‌పోర్టు, ఏపీఎస్పీ బెటాలియన్‌లో ముఖ్యమంత్రిని కలిసేందుకు కొద్దిమందికి అవకాశం కల్పించనున్నారు.  సమన్వయంతో పని చేయండి  సీఎం వైఎస్‌ జగన్‌ పర్యటన విజయవంతం చేసేందుకు  అధికారులు సమన్వయంతో పనిచేయాలని కలెక్టర్‌ జి.వీరపాండియన్‌ ఆదేశించారు. మంగళవారం ఆయన సునయన ఆడిటోరియంలో ఎస్పీ డాక్టర్‌ కె.ఫక్కీరప్ప, జేసీలు ఎస్‌.రామసుందర్‌రెడ్డి, సయ్యద్‌ ఖాజా మొహిద్దీన్‌తో కలిసి తుంగభద్ర పుష్కరాలపై సమీక్షించారు. పుష్కరాలకు సీఎం వస్తున్నందున ప్రత్యేక ఏర్పాట్లు చేయాలన్నారు. పెండింగ్‌ పనులన్నీ బుధవారం సాయంత్రంలోపు పూర్తి చేయాలన్నారు. సమావేశంలో డీఆర్వో బి.పుల్లయ్య, కేఎంసీ కమిషనర్‌ డీకే బాలాజీ, సబ్‌ కలెక్టర్‌ కల్పనా కుమారి పాల్గొన్నారు.   ఏర్పాట్ల పరిశీలన  సీఎం పర్యటన ఏర్పాట్లలో భాగంగా మంగళవారం సాయంత్రం కలెక్టర్‌ వీరపాండియన్‌, జాయింట్‌ కలెక్టర్‌ రామసుందర్‌ రెడ్డి, నగరపాలక కమిషనర్‌ డీకే బాలాజీతో కలిసి నగరంలోని ఏపీఎస్పీ బెటాలియన్‌లో హెలిప్యాడ్, సంకల్‌భాగ్‌ ఘాట్‌ను పరిశీలించారు. అలాగే  బెటాలియన్‌ నుంచి కొత్తబస్టాండ్, బంగారు పేట, ఎస్టీబీసీ కళాశాల, మున్సిపల్‌ కార్పొరేషన్‌ కార్యాలయం, నరసింగరావు పేట మీదుగా సంకల్‌భాగ్‌లోని పుష్కరఘాట్‌ వరకు సీఎం వెళ్లే దారిని చూశారు. సంకల్‌భాగ్‌ పుష్కర ఘాట్‌లో ముఖ్యమంత్రి చేయనున్న పూజలకు సంబంధించిన ఏర్పాట్లు చూడాలని నగరపాలక కమిషనర్‌ను ఆదేశించారు.     పర్యటన సాగేదిలా..  ఉదయం 11 గంటలు : తాడేపల్లిలోని ఇంటి నుంచి గన్నవరం ఎయిర్‌పోర్టుకు బయలు దేరుతారు.  11.20 : గన్నవరం ఎయిర్‌పోర్టుకు చేరుకుంటారు.  11.30 : గన్నవరం ఎయిర్‌పోర్టు నుంచి  ప్రత్యేక విమానంలో ఓర్వకల్లుకు బయలుదేరుతారు.  12.30  : ఓర్వకల్లు ఎయిర్‌పోర్టుకు చేరుకుంటారు.  12.40 –12.55 : ఓర్వకల్లు విమానాశ్రయం నుంచి హెలికాప్టర్‌లో బయలుదేరి కర్నూలు ఏపీఎస్పీ బెటాలియన్‌కు చేరుకుంటారు.  మధ్యాహ్నం 1 గంట : ఏపీఎస్పీ బెటాలియన్‌ నుంచి రోడ్డుమార్గాన సంకల్‌భాగ్‌ పుష్కర ఘాట్‌కు బయలు దేరుతారు.  1.10 : సంకల్‌భాగ్‌కు చేరుకుంటారు  1.10 – 1.50 : పుష్కర ఘాట్‌లో ప్రత్యేక పూజలు నిర్వహిస్తారు.  1.50– 2.00 : సంకల్‌భాగ్‌ నుంచి బయలుదేరి బెటాలియన్‌కు చేరుకుంటారు.  2.05– 2.20 : బెటాలియన్‌ నుంచి హెలికాప్టర్‌లో బయలుదేరి ఓర్వకల్లు ఎయిర్‌పోర్టుకు చేరుకుంటారు.  2.30 : ఓర్వకల్లు నుంచి ప్రత్యేక విమానంలో విజయవాడకు బయలుదేరి వెళతారు.   

సాక్షి, అమరావతి: భక్తుల సెంటిమెంట్‌ను దృష్టిలో పెట్టుకొని కరోనా పరిస్థితుల్లోనూ తుంగభద్ర పుష్కరాలు నిర్వహించాలని రాష్ట్ర ప్రభుత్వం నిర్ణయించి, ఆ దిశగా కట్టుదిట్టంగా అన్ని ఏర్పాట్లు చేస్తోంది. అయితే వైరస్‌ వ్యాప్తికి అవకాశం లేకుండా పుణ్య స్నానాలపై నియంత్రణ చర్యలు చేపట్టనుంది. నవంబర్‌ 20 నుంచి డిసెంబర్‌ 1 వరకు తుంగభద్ర నదికి ఈ సారి పుష్కరాలు రానున్నాయి. ఇది కృష్ణా నదికి ఉప నది. కర్ణాటకలో అత్యధిక భాగం, మిగతా ఏపీలోని కర్నూలు జిల్లాలో ప్రవహిస్తూ.. తెలంగాణ రాష్ట్ర సరిహద్దుల మీదుగా కృష్ణాలో కలుస్తుంది. పుష్కరాల నేపథ్యంలో కర్నూలు జిల్లాలో నదీ పరీవాహక ప్రాంతం వెంట ఉన్న 16 ప్రముఖ ఆలయాలలో రూ.కోటి ఖర్చుతో ఆధునికీకరణ, అలంకరణ కార్యక్రమాలు చేపడుతున్నట్టు దేవదాయ శాఖ అధికారులు వెల్లడించారు. ► పుష్కరాలలో భక్తుల పుణ్య స్నానాల నిర్వహణలో నియంత్రణ చర్యలు చేపట్టాలని దేవదాయ శాఖ కార్యదర్శి గిరిజా శంకర్‌ ఇప్పటికే ఆదేశాలు జారీ చేశారు. లాక్‌డౌన్‌ అనంతరం దేశ వ్యాప్తంగా స్విమ్మింగ్‌ పూల్స్‌పై ఇప్పటికీ ఆంక్షలు అమలవుతున్న నేపథ్యంలో దేవదాయ శాఖ తుంగభద్ర పుష్కరాలపై ప్రత్యేక నిబంధనావళితో ఉత్తర్వులు జారీ చేసింది.  ► ప్రత్యేక ఘాట్ల ఏర్పాటుకు తగిన చర్యలు చేపడుతూనే వైరస్‌ వ్యాప్తికి అవకాశం లేకుండా భక్తులు పుష్కర రోజుల్లో ఇంటి వద్దనే స్నానాలు చేసి, నది వద్ద కేవలం పవిత్ర జలాలను నెత్తిన చల్లు కోవాలని (ప్రోక్షణ) విస్త్రత స్థాయిలో ప్రచారం చేపట్టాలని అధికారులు నిర్ణయించారు.  ► భక్తుల సెంటిమెంట్‌ దృష్ట్యా పితృ దేవతలకు పిండ ప్రదానం నిర్వహించడం వంటి కార్యక్రమాలను ఏకాంతంగా జరుపుకునేందుకు పూర్తి స్థాయిలో అనుమతి ఇస్తారు.  ► ఇందుకోసం 16 దేవాలయాల పరిధిలో ప్రత్యేక షెడ్లు నిర్మిస్తున్నారు. 600 మంది పురోహితులకు గుర్తింపు కార్డులు ఇస్తున్నారు.  ► వైరస్‌ లక్షణాల భక్తులు ఎవరైనా దర్శనం కోసం వచ్చినట్టు గుర్తిస్తే, ఆ భక్తుడే స్వచ్ఛందంగా తిరిగి వెనక్కు వెళ్లేలా నచ్చ జెప్పాలని దేవదాయ శాఖ కర్నూలు జిల్లా అధికారులను ఆదేశించింది. 

సాక్షి, అమరావతి: ‘తుంగే పానీ.. గంగే స్నానే’ అన్నది ఆర్యోక్తి. గంగానదిలో స్నానం చేస్తే ఎంత పుణ్యం వస్తుందో తుంగభద్ర జలాలు తాగితే అంతే పుణ్యం వస్తుందని దీనికి అర్థం! అత్యంత ప్రాశస్త్యమున్న తుంగభద్ర నదీ పుష్కరాలను ఘనంగా నిర్వహించాలని ప్రభుత్వం నిర్ణయించింది. కోవిడ్‌ నేపథ్యంలో పుష్కరాలకు వచ్చే వారిసంఖ్యను ముందే అంచనా వేసి.. ఒక్కరు కూడా ఇబ్బందులు పడకుండా ఏర్పాట్లు చేయాలని అధికారులను ఆదేశించింది. ఏర్పాట్ల కోసం రూ.199.91 కోట్లు మంజూరు చేసిన ప్రభుత్వం పనుల్ని నవంబర్‌ 16 నాటికి పూర్తిచేయాలని నిర్దేశించింది. నవంబర్‌ 20న ప్రారంభమయ్యే తుంగభద్ర పుష్కరాలు డిసెంబర్‌ 1న ముగుస్తాయి. ప్రతి 12 ఏళ్లకు ఒకసారి తుంగభద్ర నదికి పుష్కరాలు నిర్వహిస్తారు. గతంలో 2008లో తుంగభద్ర పుష్కరాలను దివంగత సీఎం వైఎస్‌ రాజశేఖరరెడ్డి ప్రభుత్వం ఘనంగా నిర్వహించింది. ఇప్పుడు ఆ మహానేత తనయుడు వైఎస్‌ జగన్‌మోహన్‌రెడ్డి ప్రభుత్వం మరింత ఘనంగా నిర్వహించాలని నిర్ణయించింది. వరద తగ్గగానే పుష్కర ఘాట్ల నిర్మాణం తుంగభద్ర నదిపై కర్నూలు జిల్లాలో కర్నూలు, ఆదోని, మంత్రాలయం, ఎమ్మిగనూరు నియోజకవర్గాల పరిధిలో 20 చోట్ల పుష్కర ఘాట్ల నిర్మాణానికి ప్రభుత్వం రూ.22.91 కోట్లు మంజూరు చేసింది. ప్రస్తుతం నదిలో వరద ప్రవాహం కొనసాగుతోంది. పదిరోజుల్లో వరద తగ్గిన వెంటనే ఘాట్ల నిర్మాణ పనులు చేపట్టేందుకు జలవనరులశాఖ అధికారులు ఏర్పాట్లు చేస్తున్నారు. పుష్కర ఘాట్లు, నదీ తీరప్రాంతంలో అత్యంత ప్రాశస్త్యమున్న పురాతన ఆలయాలకు వెళ్లే రహదారులను యుద్ధప్రాతిపదికన మరమ్మతులు చేయాలని, అవసరమైన చోట కొత్తగా నిర్మించాలని ప్రభుత్వం ఆదేశించింది. ఈ పనులకు ఆర్‌ అండ్‌ బీ శాఖ రూ.117 కోట్లు, పంచాయతీరాజ్‌శాఖ రూ.30 కోట్లు మంజూరు చేశాయి. కర్నూలు నగరంలోను, ఆదోని, మంత్రాలయం, ఎమ్మిగనూరు పట్టణాల్లోను పారిశుధ్యం, అంతర్గత రహదారులకు కొత్తరూపు ఇవ్వడానికి రూ.30 కోట్లు మంజూరయ్యాయి. నిరంతరం మంత్రుల సమీక్ష ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు పుష్కరాల ఏర్పాట్లను కర్నూలు జిల్లా ఇన్‌చార్జ్‌ మంత్రి అనిల్‌కుమార్‌యాదవ్‌, ఆర్థికమంత్రి బుగ్గన రాజేంద్రనాథ్‌, దేవదాయశాఖ మంత్రి వెలంపల్లి శ్రీనివాస్‌, కార్మికశాఖ మంత్రి జయరాం ఎప్పటికప్పుడు సమీక్షిస్తున్నారు. కర్నూలు జిల్లా కలెక్టర్‌ వీరపాండ్యన్‌ నేతృత్వంలో 21 శాఖల అధికారులతో పుష్కరాల ఏర్పాట్ల కమిటీ ఏర్పాటు చేశారు. కోవిడ్‌ నేపథ్యంలో తగిన జాగ్రత్తలు తీసుకుంటున్నారు. పుష్కర ఘాట్లతోపాటు జల్లు స్నానం చేసేందుకు షవర్లు ఏర్పాటు చేయాలని నిర్ణయించారు. ఘాట్ల సమీపంలో స్నానపుగదులు, మరుగుదొడ్లు నిర్మిస్తున్నారు. పారిశుధ్యం పనుల నిర్వహణకు అదనపు సిబ్బందిని నియమించనున్నారు.

సాక్షి, అమరావతి: తుంగభద్ర పుష్కరాలను నవంబర్‌ 20 నుంచి డిసెంబర్‌ 1 దాకా ఘనంగా నిర్వహించడానికి ఏర్పాట్లు చేయాలని అధికారులకు మంత్రులు బుగ్గన రాజేంద్రనాథ్, అనిల్‌కుమార్‌ యాదవ్, గుమ్మనూరు జయరాం దిశానిర్దేశం చేశారు. విజయవాడలో 18 శాఖల ఉన్నతాధికారులతో సమీక్ష నిర్వహించారు. కరోనా నేపథ్యంలో కేంద్ర ప్రభుత్వం జారీ చేసిన మార్గదర్శకాల మేరకు పుష్కరాలకు వచ్చే యాత్రికులకు సౌకర్యాలు కల్పించాలని సూచించారు. మంత్రులు ఏం చెప్పారంటే.. u    పాత పుష్కర ఘాట్లకు అవసరమైన ప్రాంతాల్లో మరమ్మతులు చేయాలి. కొత్తగా నిర్మించే పుష్కర ఘాట్లను నాణ్యంగా, వేగంగా పూర్తి చేయాలి. భవిష్యత్‌లో వాటిని ఉపయోగించుకునేలా ఘాట్ల నిర్మాణాన్ని చేపట్టాలి. పుష్కర ఘాట్ల పనులు నవంబర్‌ 1లోగా పూర్తి కావాలి. u    రహదారుల నిర్మాణం కోసం ఇప్పటికే రూ.117.02 కోట్లు మంజూరయ్యాయి. ఆ పనులను శరవేగంగా పూర్తి చేయాలి. u    స్నాన ఘట్టాలను పరిశుభ్రంగా ఉంచాలి. తాగునీటి సరఫరా, రవాణా సౌకర్యాలు మెరుగ్గా ఉండాలి. విద్యుత్‌ సరఫరాలో ఎలాంటి అంతరాయాలు లేకుండా చర్యలు తీసుకోవాలి.  

పుష్కరాలంటే అందరికీ ఆసక్తి ఉంటుంది. అందుకు తగినట్లుగానే గతంలో కృష్ణా, గోదావరి తదితర పుష్కరాలకు పర్యాటకులు పోటెత్తారు. ఇప్పుడు తాజాగా నవంబర్‌ 5 వ తేదీ నుంచి బ్రహ్మపుత్ర నది పుష్కరాలు ప్రారంభ మవుతున్నాయి. ఈ సమయంలో పుష్కర స్నానాల కోసం పర్యాటకులు ఆసక్తి చూపుతారు. ఈ నేపథ్యంలో నగరంలోని ఆర్‌.వి టూర్స్‌ అండ్‌ ట్రావెల్స్‌ నిర్వాహకులు ప్రత్యేక బ్రహ్మపుత్ర పుష్కరాల టూర్‌ ప్యాకేజీలు ప్రకటించారు. ఇందులో రెండు ప్యాకేజీలున్నాయి. 8 రోజుల టూర్‌ ప్యాకేజీ (రూ.14,500 ప్లస్‌ జీఎస్‌టీ)లో గౌహతి, షిల్లాంగ్‌ ప్రాంతాలకు తీసుకెళ్తారు. ఇక 11 రోజుల ప్యాకేజీ(రూ.17500 ప్లస్‌ జీఎస్‌టీ)లో గౌహతి, షిల్లాంగ్, కోల్‌కత్తా ప్రాంతాలు కవర్‌ అవుతాయి. ఇందులో భాగంగా కామఖ్య శక్తిపీఠం, శుక్లేశ్వర మందిరం, నవగ్రహ మందిరం, పికాక్‌ ఐలాండ్, డాన్‌బాస్కో మ్యూజియం, దక్షిణేశ్వర్‌ కాళీమాత మందిరం, హౌరా బ్రిడ్జి తదితర పర్యాటక ప్రాంతాలకు తీసుకెళ్తారు. వివరాలకు 8106201230, 7032666925నెంబర్లలో సంప్రదించవచ్చు. 

మాగనూర్‌ (మక్తల్‌): మహబూబ్‌నగర్‌ జిల్లా కృష్ణా మండలంలో వ్రహిహిస్తున్న భీమా నది పుష్కరాలు గురువారం ప్రారంభమయ్యా యి. ఈ నది పుష్కరాల కోసం మూడు పుష్క ర ఘాట్లు ఏర్పాటు చేశారు. గురువారం రాత్రి 7.23 గంటలకు వేద పండితుల మంత్రోచ్ఛ రణల నడుమ పుష్కరుడికి మంగళ హారతి ఇచ్చి పుష్కరాలు ప్రారంభమైనట్లుగా ప్రకటిం చారు. నేరడగం పక్షిమాద్రి విరక్త మఠం పీఠాధిపతి శ్రీ పంచమ సిద్ధలింగ మహా స్వా మి, రాష్ట్ర ప్రభుత్వ ప్రతినిధిగా దేవదాయ శాఖ కమిషనర్‌ శ్రీనివాస్‌రావు, మక్తల్‌ మాజీ ఎమ్మెల్యే చిట్టెం రాంమోహన్‌రెడ్డి తదితరులు పూజల తర్వాత నదీ స్నానం ఆచరించారు.   

మాగనూర్‌ (మక్తల్‌): మహబూబ్‌నగర్‌ జిల్లా కృష్ణా మండలంలో ప్రవహిస్తున్న భీమా నది పుష్కరాలు గురువారం నుంచి ప్రారంభం కానున్నాయి. ఈనెల 22వ తేదీ వరకు కొనసాగే పుష్కరాలకు రాష్ట్రంతో పాటు మహారాష్ట్ర, తమిళనాడు, ఆంధ్రప్రదేశ్‌ నుంచి భక్తులు హాజరుకానున్నారు. ఈ సందర్భంగా పుణ్యస్నానాల కోసం అధికార యంత్రాంగం ఏర్పాట్లు చేస్తోంది. కాగా, తెలంగాణలో కేవలం ఏడు కిలోమీటర్లు మాత్రమే భీమా నది ప్రవహిస్తోంది. ఈ పుష్కరాలను పురస్కరించుకుని తంగిడి, కుసునూర్, శుక్రలింగంపల్లి గ్రామాల్లో స్నాన ఘాట్లను ఏర్పాటు చేశారు. గురువారం సాయంత్రం 7.24 గంటలకు అధికారులు, వేద పండితులు పుష్కరుడికి ప్రత్యేక పూజలు చేయడం ద్వారా పుష్కరాలను ప్రారంభించనున్నారు.

జన్నారం : గోదావరిలో పుణ్యస్నానానికి నీటి కటకట ఏర్పడింది. జన్నారం మండల పరిధి నదీ తీరంలో మహాశివరాత్రి పర్వదినాన పుణ్యస్నానం ప్రయాసగా మారింది. పరమేశ..గంగను విడువుము అని వేడుకోవాల్సిన పరిస్థితి ఏర్పడింది. మరోవైపు పక్కనున్న కడెం ప్రాజెక్టు నుంచి సైతం నీటి బొట్టు విడుదల లేదు. దీంతో మడుగుల్లోనే పుణ్యస్నానం చేయాల్సి వస్తుంది.  జన్నారం మండలంలో కలమడుగు, ధర్మారం, బాదంపల్లి, చింతగూడ, రాంపూర్‌ గ్రామాలలో గోదావరి రేవులున్నాయి. ఇందులో కేవలం కలమడుగు గోదావరి రేవులో మాత్రమే ప్రస్తుతం నీళ్లున్నాయి. అవికూడా హస్తల మడుగులో ఎక్కువగా ఉన్నాయి. అయితే మడుగు ప్రాంతం అతి ప్రమాదకరం కాబట్టి భక్తులను పుణ్యస్నానాలకు అనుమతించడం లేదు. మిగతా గోదావరి తీర ప్రాంతాలలో నీరు లేదు. గత సంవత్సరం ఆయా రేవులలో నీరు పుష్కలంగా ఉంది. దీంతో శివరాత్రికి భక్తులకు ఎలాంటి ఇబ్బందులు కలగలేదు. కానీ ఈఏడాది స్నానాలకు ఇబ్బంది పడాల్సి వస్తుంది.  కడెం ప్రాజెక్టు ఉన్నా.. గతంలో కూడా గోదావరి నదిలో నీరు లేని సమయంలో భక్తుల సౌకర్యం కోసం కడెం ప్రాజెక్టు నుంచి నీటిని వదిలారు. దీంతో భక్తులకు ఎలాంటి ఇబ్బంది కలుగలేదు. ఈసారి కడెంలోనూ సరిపడా నీరు లేకుండపోయింది. దీంతో నీటి విడుదల కుదరదని ప్రాజెక్టు అధికారులు స్పష్టం చేశారు. కడెం పూర్తిస్థాయి సామర్థ్యం 700 అడుగులు కాగా ప్రస్తుతం 681 అడుగుల్లో నీటి నిల్వ ఉన్నట్లు అధికారులు పేర్కొంటున్నారు. ఈ నేపథ్యంలో గోదావరిలోకి చుక్కా నీరు రావడం లేదు.  జాగ్రత్త వహిస్తే మేలు.. మండలంలో కేవలం కలమడుగు గోదావరి నది రేవులో మాత్రమే నీరు ఉంది. దీంతో భక్తులు అధిక సంఖ్యలో ఇక్కడకే వచ్చే అవకాశముంది. ఇక్కడ కూడా హస్తల మడుగు(అత్తమడుగు) ప్రాంతంలో నీళ్లు ఉన్నాయి. ఇది చాలా ప్రమాదకరం. ఈ మడుగులో సుమారు 20 మంది వరకు స్నానాల కోసమని వెళ్లి మృత్యువాత పడ్డారు. ఈసారి శివరాత్రికి కూడా ఇదే ప్రాంతంలో ఎక్కువ మంది స్నానాలకు వచ్చే అవకాశం ఉంది.  అధికారులు తగు జాగ్రత్తలు తీసుకోవాల్సి న అవసరం ఎంతైనా ఉంది.  రాత్రి కడెం నీరు విడుదల.. శివరాత్రిని పురస్కరించుకుని స్నానాల కోసం గోదావరి నదీలోకి కడెం ప్రాజెక్టు నుంచి మూడువేల క్యూసెక్కుల నీటిని ఎస్‌ఈ శ్రీనివాసరెడ్డి ఆదేశాల మేరకు సోమవారం రాత్రి విడుదల చేశారు. నేటి ఉదయం 12 గంటలకు గేట్‌లు బంద్‌ చేయనున్నట్లు వెల్లడించారు. అయితే కడెం నీరు విడుదల చేసినా జన్నారం మండలం వరకూ వచ్చే అవకాశాలు లేకపోవడం గమనార్హం.   


 మఠంపల్లి : పుష్కరాల కోసం మండలంలోని మట్టపల్లి వద్ద 100 ఎకరాల్లో ఏర్పాటు చేసిన పార్కింగ్‌ స్థలంలో అధికారులు మెుక్కలు నాటే కార్యక్రమాన్ని ప్రారంభించారు. ఈ మేరకు బుధవారం వర్ధాపురం ఫారెస్ట్‌ బీట్‌ ఆఫీసర్, సైట్‌ ఇన్‌చార్జి బి.మురళి నేతృత్వంలో మొక్కలు నాటే కార్యక్రమాన్ని పర్యవేక్షించారు. చింతలమ్మగూడెం ఫారెస్ట్‌ బీట్‌ పరిధిలో ఉన్న అటవీ భూమిలో పార్కింగ్‌కు కేటాయించిన స్థలంలో ఇటీవల 20 వేల గుంతలు తవ్వారు వీటిలో వేప, గానుగ, దిరిసిన, నారవేప, నెమలినార, సీమతంగేడు వంటి 12 వేల మెుక్కలు నాటినట్లు ఫారెస్ట్‌ బీట్‌ ఆఫీసర్‌ బి.మురళి తెలిపారు.
  
  
  


 మహబూబ్‌నగర్‌ న్యూటౌన్‌: రాష్ట్రంలో రైతులు కష్టాల్లో ఉంటే పుష్కరాల పేరుతో వందలాది కోట్లు దుబారాగా ఖర్చుచేశారని, నిధుల వినియోగంపై సమగ్రంగా విచారణ జరిపించాలని బీజేపీ జాతీయ కార్యవర్గసభ్యుడు నాగం జనార్దన్‌రెడ్డి ప్రభుత్వాన్ని డిమాండ్‌ చేశారు. రైతులకు మూడోవిడత రుణమాఫీ నిధులు ఇప్పటివరకు అందలేదన్నారు. కేంద్ర ప్రభుత్వం రైతులకు ఇన్‌పుట్‌ సబ్సిడీని విడుదల చేసినా ఇప్పటివరకు వారి ఖాతాల్లో జమచేయలేదన్నారు. మంగళవారం స్థానిక బీజేపీ జిల్లా కార్యాలయంలో పార్టీ జిల్లా కోర్‌కమిటీ సమావేశానంతరం ఆయన విలేకరులతో మాట్లాడారు. జిల్లాలోని ప్రధాన చెరువులను నాలుగు ప్రాజెక్టుల నీళ్లద్వారా నింపాలని, రెయిన్‌ గన్స్‌ ఏర్పాటుచేసి రైతుల పంటలు ఎండిపోకుండా చర్యలు తీసుకోవాలని డిమాండ్‌చేశారు.
   తెలంగాణ విమోచన దినం సెప్టెంబర్‌ 17ను ప్రభుత్వం అధికారికంగా నిర్వహించాలని, గోల్కొండ కోటపై జాతీయ జెండాను ఎగరవేయాలని కోరారు. సీఎం కేసీఆర్‌ రాజ్యాంగ విరుద్ధమైన పనులు మానుకొని ప్రజాసమస్యలపై దృష్టిసారించాలని హితవుపలికారు. బీజేపీ ఆధ్వర్యంలో కొనసాగుతున్న తిరంగాయాత్ర సెప్టెంబర్‌ 17వరకు కొనసాగుతుందన్నారు. సెప్టెంబర్‌ 3వ తేదీన జిల్లాలోని అన్ని నియోజకవర్గాల్లో బైక్‌ర్యాలీలు నిర్వహించాలని తీర్మానించినట్లు వెల్లడించారు. జిల్లాకేంద్రంలో బహిరంగ సభ నిర్వహిస్తామని, ఈ సభకు కేంద్రమంత్రి హన్స్‌రాజ్‌ గంగారం అహైర్‌ ముఖ్యఅతిథిగా హాజరుకానున్నట్లు వెల్లడించారు.  
  
 జిల్లాల పునర్విభజన లోపభూయిష్టం
 పార్టీ రాష్ట్ర ప్రధాన కార్యదర్శి టి.ఆచారి మాట్లాడుతూ ప్రభుత్వం నిర్వహిస్తున్న జిల్లాల పునర్విభజన పూర్తిగా లోపభూయిష్టంగా ఉందని ఆరోపించారు. రాష్ట్రంలో 30 మండలాలున్న చోట మూడు జిల్లాలను ఏర్పాటుచేశారని, పాలమూరు జిల్లాలో మాత్రం 64 మండలాలు ఉండగా మూడుజిల్లాలను మాత్రమే ఏర్పాటు చేయడం సరికాదన్నారు. షాద్‌నగర్‌ నియోజకవర్గాన్ని శంషాబాద్‌లో కలపడం సరికాదన్నారు. షాద్‌నగర్‌ నియోజకవర్గాన్ని మహబూబ్‌నగర్‌లో ఉంచి నాలుగు జిల్లాలుగా విభజించాలని డిమాండ్‌ చేశారు. అదేవిధంగా కల్వకుర్తి, కొడంగల్‌ నియోజకవర్గాలను రెవెన్యూ డివిజన్‌ కేంద్రాలుగా ఏర్పాటు చేయాలన్నారు. సమావేశంలో బీజేపీ మహిళామోర్చా రాష్ట్ర అధ్యక్షురాలు పద్మజారెడ్డి, రాష్ట్ర ఉపాధ్యక్షుడు నాగురావు నామాజీ, రాష్ట్ర కార్యదర్శి శాంతికుమార్, జిల్లా అధ్యక్షుడు రతంగ్‌పాండురెడ్డి, ప్రధానకార్యదర్శి శ్రీవర్దన్‌రెడ్డి పాల్గొన్నారు.
  


 – రూ.13కోట్లతో 7ఘాట్లు
 – రూ.17కోట్లతో రహదారులు
 – 2చోట్ల మాత్రమే ఉపయోగం
  
  
  కృష్ణా పుష్కరాల్లో భాగంగా పెబ్బేరు మండలంలో మొత్తం ఏడు ఘాట్లు నిర్మించారు. ఇందులో కేవలం రెండు చోట్ల మాత్రమే యాత్రికులు అధిక సంఖ్యలో రాగలిగారు.. రూ.లక్షలు ఖర్చు పెట్టి ఆయా చోట్ల మరుగుదొడ్లు, తాగునీటి వసతి, ఇతర సదుపాయాలు కల్పించారు.. రోడ్లు నాసిరకంగా ఉండటంతో పుష్కరాలకు ముందే దెబ్బతిన్నాయి.
  
  పెబ్బేరు : మండలంలోని రంగాపూర్‌ వీఐపీ ఘాట్‌ రూ.6.15కోట్లతో, మునగమాన్‌దిన్నె రూ.మూడు కోట్లు, తిప్పాయిపల్లి రూ.1.2కోట్లు, యాపర్ల రూ.96లక్షలు, బూడిదపాడు రూ.60లక్షలు, గుమ్మడం రూ.21 లక్షలు, రాంపూర్‌ ఘాట్‌ రూ.87లక్షలు ఇలా మొత్తం రూ.13కోట్లతో పుష్కరఘాట్లు నిర్మించారు. రూ.17కోట్లతో పంచాయతీరాజ్‌ శాఖ ఆధ్వర్యంలో రోడ్లు నిర్మించారు. రూ.లక్షలు వెచ్చించి మరుగుదొడ్లు, తాగునీటి వసతి, ఇతర సదుపాయాలను అధికారులు కల్పించారు. అయితే పుష్కరాల ప్రారంభం నాటికి జూరాల వరదనీరు భారీగా రావడంతో కేవలం రంగాపూర్, రాంపూర్, మునగమాన్‌దిన్నె ఘాట్ల వద్ద మాత్రమే భక్తులకు స్నానాలు చేసేందుకు వీలయింది. రెండు రోజుల తర్వాత నుంచి రాంపూర్‌ ఘాట్‌కు నీళ్లు లేకపోవడంతో చివరి వరకు లక్షలాది మంది భక్తులు రంగాపూర్, మునగమాన్‌దిన్నె ఘాట్లకు వెళ్లి పుష్కరస్నానాలు ఆచరించారు. దీంతో బూడిదపాడు, యాపర్ల, తిప్పాయిపల్లి, గుమ్మడం, రాంపూర్‌ ఘాట్లు నిరుపయోగంగా మారాయి. రోడ్లు నాసిరకంగా ఉండటంతో పుష్కరాలకు ముందే దెబ్బతిన్నాయి. హైవే నుంచి రాంపూర్‌ ఘాట్‌కు వెళ్లే రోడ్డును పంచాయతీరాజ్‌ అధికారులు ఏకంగా అలైన్‌మెంట్‌నే మార్చేసి బీటీ  స్థానంలో సీసీ మాత్రమే నిర్మించారు. 
 అసంపూర్తిగా..
  వీఐపీలకు వసతి కల్పించేందుకుగాను పెబ్బేరు పీజేపి అతిథి గహం మరమ్మతుల కోసం ప్రభుత్వం రూ.1.5కోట్లు విడుదల చేసింది. అందులోని గదులు, ఏసీలు, రంగులు, బెడ్‌లు తదితర పనులను మాత్రమే కాంట్రాక్టర్లు హడావుడిగా చేశారు. దీని ముందు టైల్స్, గార్డెన్, మరో నాలుగు ఏసీలు, ఎస్‌ఈ, ఈఈ క్వార్టర్ల మరమ్మతు, అంతర్గత బీటీరోడ్లు తదితర పనులను చేపట్టలేదు. ఇక చేసిన పనులను అసంపూర్తిగా, మిగిలినవి పుష్కరాల నాటికీ ప్రారంభించకపోవడం అధికారుల పర్యవేక్షణ తీరుకు అద్దం పడుతోంది.  
  
  
  


  
 
   మొక్కుబడిగా పనులు
 
   అడుగడుగునా నాసిరకం
 
   నిరుపయోగంగా 32 ఘాట్లు
 
   అమరావతిలో అసంపూర్తిగా వదిలివేసిన ఘాట్‌ నిర్మాణం
 
  
 సాక్షి, అమరావతి : పవిత్రమైన పుష్కర పనుల్లోనూ అవినీతి రాజ్యమేలింది. కోట్లాది రూపాయల సొమ్ము కష్ణమ్మ ఒడిలో కలిసిపోయింది. ఎలాగోలా పూర్తయితే చాలనే తీరే నిర్మాణాల్లో కనిపించింది. పుష్కరాలు పూర్తయినా ఆ పేరుతో చేసిన అవినీతి జాడలు మాత్రం కనిపిస్తూనే ఉన్నాయి. ఇటీవల పూర్తయిన పుష్కరాల కోసం గుంటూరు జిల్లాలో 80 ఘాట్లను నిర్మించారు. ఇందుకోసం రూ.100 కోట్లకు పైగా ఖర్చు చేశారు. హడావిడిగా, నాసిరకంగా చేయడంతో పుష్కరాలు పూర్తికాకముందే అనేక ఘాట్ల వద్ద టైల్స్‌ లేచిపోయాయి. శాశ్వతంగా ఉండేలా నిర్మాణాలు చేస్తున్నామని, విజిలెన్స్, ప్రత్యేక బందాల ద్వారా పనులను తనిఖీ చేస్తున్నామని ప్రభుత్వ పెద్దలు చేసిన హడావిడి మాటలకే పరిమితమైంది.
  
 వ్యూహాత్మక జాప్యమే...
 పుష్కర పనులు ఆలస్యంగా మంజూరు చేయడం వ్యూహాత్మకంగానే జరిగింది. అధికారులు సైతం ఈ విషయాన్ని పేర్కొనడం గమనార్హం. జిల్లాలోనే ప్రధాన ఘాట్‌ అయిన అమరావతిలోనూ నిర్మాణ పనులు అడుగడుగునా నాసిరకంగానే జరిగాయి. కాంక్రీట్‌ పనులు పూర్తిగా నాసిరకంగా చేపట్టారు. చివరికి టైల్స్‌ సైతం అనేక చోట్ల సిమెంటు లేకుండా ఇసుకలోనే అతికించారు. పుష్కరాల ప్రారంభం రోజు వరకు పనులు కొనసాగించటం గమనార్హం. ఆ తర్వాత పైపై మెరుగులు మాత్రం అద్దారు. దీంతో పుష్కరాల ప్రారంభానికే టైల్స్‌ లేచిపోయిన పరిస్థితి కనిపించింది. హడావుడిగా, ఎగుడుదిగుడుగా టైల్స్‌ వేయటంతో కొన్నిచోట్ల భక్తులు తీవ్ర ఇబ్బందులు పడ్డారు. అమరావతిలో 1.3 కిలోమీటర్ల మేర ఘాట్‌ నిర్మాణం చేపట్టాల్సి ఉన్నప్పటికీ, ధరణికోట, అమరలింగేశ్వరుని ఘాట్‌ కలపకుండానే గుడి వెనుక భాగంలో కాంట్రాక్టర్‌ వదిలేశాడు. సీతానగరం ఘాట్‌లోను సిమెంటు పనులు నాసిరకంగానే జరిగాయి. 13 రోజులకే పనుల్లో డొల్లతనం బయటపడుతోంది. 
  
 ఆ ఘాట్ల నిర్మాణం.. కొల్లగొట్టేందుకే..
 జిల్లాలో గురజాల, రేపల్లె, మంగళగిరి, పెదకూరపాడు ప్రాంతాల్లో అధికార పార్టీ నేతలు అధికారులపై ఒత్తిడి తెచ్చి, అవసరం లేకున్నా కాంట్రాక్టు పనుల కోసమే అన్నట్లు ఘాట్ల నిర్మాణాలు చేపట్టారు. దీనికి అనుబంధంగా లింక్‌ రోడ్లు వేసి కోట్ల రూపాయలను కొల్లగట్టారు. జిల్లాలో బ్యారేజీ దిగువన కొల్లిపర, దుగ్గిరాల, భట్టిప్రోలు మండలాల పరిధిలో నిర్మించిన 32 ఘాట్లకు నీరు లేక భక్తులు స్నానాలు చేయలేదు. నదిలో ఇసుక గోతులు ఉన్నాయని, ప్రమాదమని తెలిసినా దేశాలమ్మ ఘాట్, మోతర్లలంక, జువ్వలపాలెం ఘాట్‌లను నిర్మించారు. పుష్కరాల సమయానికి ప్రమాదం పేరుతో వాటిలో స్నానాలు చేయకుండా నిలిపివేశారు. గుండెమడ, పాటూరు వంటి ఘాట్లలో ఒక్కరు కూడా స్నానం చేయలేదు. ఇలా అవసరం లేకున్నా ఘాట్ల నిర్మాణం పేరుతో పనులు చేసి తెలుగు తమ్ముళ్లు కోట్ల రూపాయలను కొల్లగొట్టారు. మరోపక్క అనేక ప్రాంతాల్లో ప్రజల సొమ్ముతో చేపట్టిన నిర్మాణాలకు పసుపు రంగు వేసి పూర్తిగా రాజకీయం ప్రదర్శించారు అధికార పార్టీ నేతలు. 
  
 సీఎం కుటుంబ సభ్యుల కోసమే..
 ఉండవల్లి సమీపంలో వీఐపీ ఘాట్‌ను నిర్మించినా పుష్కరాల్లో అందులోకి ఎవరినీ అనుమతించలేదు. కేవలం ముఖ్యమంత్రి కుటుంబ సభ్యులు స్నానాలు చేసేందుకు వీలుగా దాదాపు కోటి రూపాయలతో ఈ ఘాట్‌ నిర్మాణం చేపట్టడం గమనార్హం. 
  


 – గుండెపోటుతో పుష్కర విధుల్లో ఉన్న కానిస్టేబుల్‌ మృతి
 – తీవ్ర సంతాపం తెలిపిన డిప్యూటీ సీఎం, ఐజీ, డీఐజీ, కలెక్టర్, ఎస్పీ 
  – రూ. 10 లక్షలు ఎక్స్‌గ్రేషియా ప్రకటించిన రాష్ట్ర ప్రభుత్వం
 – కుటుంబంలో ఒకరికి ఉద్యోగ అవకాశం
   
 శ్రీశైలం: శ్రీశైల మహాక్షేత్రంలో కృష్ణాపుష్కరాల ముగింపు రోజు మంగళవారం విషాదం చోటు చేసుకుంది. పుష్కరాల బందోబస్తుకు శ్రీశైలం వచ్చిన కర్నూలు మూడో పట్టణ పోలీస్‌ స్టేషన్‌ కానిస్టేబుల్‌ గోపాలకృష్ణ (39) గుండెపోటుతో మృతి చెందాడు. కమ్యూనికేషన్‌ సిబ్బందికి సహకారం అందించేందుకు నియమించిన గోపాలకృష్ణ ఉదయం 6.30 గంటల సమయంలో విధుల్లో ఉండగా ఒక్కసారిగా తీవ్ర గుండెపోటుకు గురై కుప్పకూలిపోయాడు. వెంటనే అతని సన్నిహితులు దేవస్థానం ఉచిత వైద్యశాలకు తరలించారు. అక్కడి అపోలో డాక్టర్లు  కానిస్టేబుల్‌కు అత్యవసర చికిత్సలు చేసినా ప్రాణాలను కాపాడలేకపోయారు. మృతి చెందినట్లు వైద్యులు ధ్రువీకరించారు. సమాచారం తెలుసుకున్న డిప్యూటీ సీఎం కేఈ కృష్ణమూర్తి, జిల్లా కలెక్టర్‌ విజయమోహన్, ఎస్పీ రవిష్ణ హుటాహుటిన దేవస్థానం వైద్యశాలకు చేరుకుని కానిస్టేబుల్‌ మృతదేహానికి నివాళులు అర్పించారు. జరిగిన సంఘటన తెలుసుకున్న రాయలసీమ  జోన్‌ ఐజీ శ్రీధర్‌రావు కర్నూలు రేంజ్‌ డీఐజీ రమణకుమార్‌ తమ ప్రగాఢ సానుభూతిని తెలియజేశారు. 1985వ బ్యాచ్‌కు చెందిన గోపాలకృష్ణ  స్వస్థలం కర్నూలులోని కృష్ణానగర్‌. ఆయనకు భార్య రామలక్ష్మి, కుమార్తె, కుమారుడు ఉన్నారని ఎస్పీ తెలిపారు. 
  
 రాష్ట్ర ప్రభుత్వం తరుపున రూ. 10 లక్షలు ఎక్స్‌గ్రేషియా: డిప్యూటీ సీఎం
 గుండెపోటుతో మరణించిన కానిస్టేబుల్‌ కుటుంబానికి రాష్ట్రముఖ్యమంత్రి చంద్రబాబు ఆదేశాల మేరకు రాష్ట్ర ప్రభుత్వం తరుపున రూ. 10 లక్షలు ఎక్స్‌గ్రేషియాను డిప్యూటీ సీఎం కేఈ కృష్ణమూర్తి మంగళవారం ప్రకటించారు. స్థానిక దేవస్థానం వీవీఐపీ భ్రమరాంబా అతిథిగహంలో ఆయన జిల్లా కలెక్టర్, ఎస్పీలతో కలిసి విలేకరుల సమావేశాన్ని ఏర్పాటు చేశారు. ఈ సందర్భంగా ఆయన మాట్లాడుతూ అతి చిన్న వయస్సులోనే గోపాలకృష్ణ గుండెపోటుతో మరణించడం దిగ్భ్రాంతి కలిగించందని, ఆయన కుటుంబానికి తనప్రగాఢ సానుభూతిని వ్యక్తం చేస్తున్నట్లు తెలిపారు. ఆయన కుటుంబ  సభ్యులలో ఎవరికైనా ఒకరికి ఉద్యోగ అవకాశం కూడా కల్పిస్తామని, ఎక్స్‌గ్రేషియా మొత్తాన్ని బుధవారమే వారి కుటుంబ సభ్యులకు అందజేయనున్నట్లు తెలిపారు. కార్యక్రమంలో స్పెషల్‌ బ్రాంచ్‌ డీఎస్పీ బాబు ప్రసాద్, జిల్లా పోలీస్‌ అధికారుల సంఘం అధ్యక్షుడు టి. నారాయణ పాల్గొన్నారు. 
 ==================
 సంగమేశ్వరంలో కానిస్టేబుల్‌కు నివాళి
 ఆత్మకూరురూరల్‌:
 శ్రీశైలంలో పుష్కర విధులు నిర్వహిస్తూ గుండెపోటుతో మరణించిన కానిస్టేబుల్‌ గోపాలకృష్ణకు సంగమేశ్వరం ఘాట్‌లో జేసి హరికిరణ్, డీఎస్పీ వెంకటాద్రి, ఇతర పోలీసు అధికారులు నివాళులర్పించారు. 
  


 –అంబరాన్నంటిన పుష్కర ముగింపు వేడుకలు
 · శ్రీశైలంలో వైభవంగా పుష్పాభిషేకం
 · 30 మంది వేదపండితులతో శాస్త్రోక్తపూజలు
 ·12 టన్నుల పూలతో పుష్పోత్సవం
  
 శ్రీౖశైలం: కృష్ణాపుష్కరాల ముగింపు వేడుకలు మంగళవారం శ్రీశైల మహాక్షేత్రంలో అంబరాన్నంటాయి. వందల సంఖ్యలో భక్తులు పవిత్ర పాతాళగంగ వద్దకు మేళ తాళాలతో చేరుకున్నారు. ఓం నమఃశివాయ పంచాక్షరి నామజపం చేస్తూ కృష్ణవేణీ మాతను అనుగ్రహించాల్సిందిగా కోరారు. పుష్కర స్నానం చేసి కలశంలో పాతాళగంగలోని పుష్కర జలాన్ని నింపుకుని మల్లన్న ఆలయప్రాంగణం చేరుకున్నారు. మల్లన్న గర్భాలయ దక్షిణ ద్వారం నుంచి స్వామివార్ల వద్దకు చేరుకుని మూలవిరాట్‌ను అభిషేకించారు. ముపై ్ప మంది వేదపండితుల వేదమత్రోచ్చారణల మధ్య 12 టన్నుల పూలను మల్లన్న పుష్పాభిషేక మహోత్సవానికి వినియోగించారు.  
 మల్లన్న పుష్పోత్సవ.... వైభోగం!
 అభిషేక ప్రియుడు, మల్లెపూలంటే విపరీతమైన ఆపేక్ష ఉన్న శ్రీమల్లికార్జునస్వామి రంగురంగుల గులాబీలు, అనేక రకాలైన చేమంతులు, వివిధరకాలైన టన్నుల కొద్ది పూలను రాశులుగా పోసి స్వామి అమ్మవార్లకు పుష్పాభిషేకాన్ని నిర్వహించారు. అక్కమహాదేవి అలంకార మండపం పక్కనే ప్రత్యేక వేదికను ఏర్పాటు చేసి ఓ వైపు వేదపండితులు మంత్రోచ్చారణలతో ఆలయప్రాంగణంలో ప్రతిధ్వనిస్తుండగా, జగద్గురు పీఠాధిపతి చెన్నసిద్ధరామశివాచార్యా స్వామీజీ, దత్తగిరి పీఠాధిపతులు గణపతిపూజతో పుష్పాభిషేకాన్ని ప్రారంభించారు. డిప్యూటీ సీఎం కేఈ కష్ణమూర్తి, శ్రీశైలం ఎమ్మెల్యే బుడ్డా రాజశేఖరరెడ్డి,  నగరి ఎమ్మెల్యే రోజా, ఎమ్మెల్సీ శిల్పాచక్రపాణిరెడ్డి, కలెక్టర్‌ విజయమోహన్, డీఐజీ రమణకుమార్, ఎస్పీ రవికష్ణ, ఆర్డీఓ రఘుబాబు..తదితరులు స్వామివార్లకు పుష్పాభిషేకాన్ని నిర్వహించారు. అనంతరం వందలాది మంది భక్తులు వేదికపై ఉన్న శ్రీభ్రమరాంబా మల్లికార్జున స్వామివార్ల ఉత్సవమూర్తులకు పుష్పాలను సమర్పించారు. 
 బాణ సంచా వెలుగులు
  పుష్పాభిషేక మహోత్సవం ముగుస్తున్న సమయంలో  బాణ సంచా వెలుగులు ఒక్కసారిగా విరజిమ్మాయి.  దాదాపు గంటపాటు ఆకాశంలో బాణ సంచా వెలుగులు  కనువిందు చేశాయి. కృష్ణాపుష్కరాల ముగింపు వేడుకలలో మల్లన్న వైభోగాన్ని చూసిన భక్తులు ఆధ్యాత్మిక తరంగాలలో తేలియాడారు. ముగింపు వేడుకలను పూసగుచ్చినట్లుగా డాక్టర్‌ దీవి హయగ్రీవాచార్య చేసిన ప్రత్యక్ష వాఖ్యానం భక్తులను ఆకట్టుకుంది. ఇమ్మిడిశెట్టి కోటేశ్వరరావు తదితరులు ఉత్సవంలో పాల్గొన్నారు.
  


 విజయవాడ బెంజి సర్కిల్‌లో రోడ్డు ప్రమాదం
 ఇద్దరి మృతి–ముగ్గురి పరిస్థితి విషమం
 మరో ముగ్గురికి గాయాలు
 పుష్కరాల నుంచి తిరిగొస్తుండగా విషాదం
  
  కృష్ణా పుష్కరాలకు వెళ్లి తిరిగొస్తుండగా  విజయవాడ బెంజి సర్కిల్‌ వద్ద మంగళవారం జరిగిన రోడ్డు ప్రమాదంలో మండలానికి చెందిన ఇద్దరు మృతి చెందారు. మరో ముగ్గురు పరిస్థితి విషమంగా ఉండగా, ఇంకో ముగ్గురికి తీవ్ర గాయాలయ్యాయి. మృతదేహాలను మండలానికి పంపించేందుకు అధికారులు సన్నాహాలు చేస్తుండగా గాయాల పాలైన వారికి హెల్ప్‌ ఆసుపత్రిలో మెరుగైన వైద్య సేవలందిస్తున్నారు. ఈ ఘటనతో ఆయా కుటుంబ సభ్యుల్లో విషాదం నెలకొంది. వివరాల్లోకి వెళ్తే...
  
 పొందూరు : మండలంలోని తోలాపి, కింతలి గ్రామాలకుS చెందిన  పైడి వెంకటరమణ(45), సనపల హర్షవర్ధన్‌(10)లు విజయవాడలో బెంజి సర్కిల్‌ వద్ద మంగళవారం జరిగిన రోడ్డు ప్రమాదంలో మృతి చెందారు. పైడి అమ్మన్మమ్మ కుటుంబానికి చెందిన వారంతా తమ సొంత కారులో విజయవాడ కృష్ణా పుష్కరాలకు  వెళ్లారు. మంగళవారం తిరుగు ప్రయాణంలో ప్రమాదం జరిగింది. కింతలి గ్రామానికి చెందిన పైడి అమ్మన్మమ్మ పెద్ద కొడుకు పైడి వెంకటరమణ(45), చిన్న కొడుకు పైడి అప్పలస్వామి, చిన్న కోడలు పైడి శారదాదేవి, మనవళ్లు మహేష్‌ వర్మ, జ్ఞాన సూర్య, తోలాపి గ్రామానికి చెందిన సనపల భూలక్ష్మి(అమ్మన్నమ్మ కూతరు), మనవడు సనపల హర్షవర్ధన్‌(10) ఒకే కారులో పెళ్లి, పుష్కరాల కోసం ఆదివారం బయలుదేరి వెళ్లారు.  అన్నవరంలో ఓ పెళ్లికి వెళ్లి సోమవారం ఉదయమే విజయవాడ పుష్కరాలకు బయలుదేరారు. పుష్కర స్నానం చేసిన వెంటనే మంగళవారం ఏలూరులోని కుటుంబ సభ్యులు ఇంటికి వెళ్లేందుకు ప్రణాళిక వేసుకొని, భోజనం చేసేందుకు వస్తున్నామని ఉదయం 11.30 గంటలకు ఫోన్‌లో బంధువులకు సమాచారం ఇచ్చారు. కాగా 12.30 గంటల సమయంలో ప్రమాదం జరిగిందని ప్రమాదంలో గాయాల పాలైన సనపల భూలక్ష్మి భర్త సనపల మురళీధర్‌కు ఫోన్‌లో చెప్పింది.  విశ్వసనీయ సమాచారం ప్రకారం ఇద్దరు మృతి చెందారు. 
  
 విషాదం...
  ఈ ఘటనతో తోలాపి, కింతలి గ్రామాల్లోని శ్రీకాకుళంలోని పీఎన్‌ కాలనీలో విషాదం అలముకొంది. తోలాపిలో  పైడి అమ్మన్నమ్మ, వెంకటరమణ, అప్పలస్వామి, శారదాదేవి, మహేష్‌ వర్మ, జ్ఞాన సూర్యలు నివాసముంటున్నారు. మృతుడు వెంకటరమణ సివిల్‌ ఇంజినీరింగ్‌ చదవడంతో ప్రైవేటు కాంట్రాక్టు పనులు చేస్తున్నారు. వారిలో వెంకటరమణ  మృతి చెందడంతో గ్రామంలో విషాదం నెలకొంది. తోలాపిలో నివాసముంటున్న సనపల మురళీధర్, సనపల భూలక్ష్మి, హర్షవర్దన్‌లు ఇటీవలనే శ్రీకాకుళంలోని పీఎన్‌ కాలనీకి వెళ్లారు. మృతుడు హర్షవర్ధన్‌(10)  సాయి విద్యామందిర్‌లో నాలుగో తరగతి చదువుతున్నాడు. కుటుంబ సభ్యుల రోదనలు మిన్నంటాయి. 
  


 గద్వాల : పట్టణంలోని రైల్వేస్టేషన్‌ కృష్ణాపుష్కరాల ప్రయాణికులతో కిటకిటలాడింది. ఆదివారం సెలవు కావడంతో పుష్కర స్నానం చేయడానికి భక్తులు పెద్ద ఎత్తున గద్వాలకు తరలివచ్చారు. హైదరాబాద్, కర్నూలు నుంచి గద్వాలకు వచ్చే ప్యాసింజర్, ఎక్స్‌ప్రెస్, సూపర్‌ఫాస్ట్‌ రైళ్లన్నీ రద్దీగా మారాయి. దీంతో ప్రయాణికులు ఇబ్బందులు పడ్డారు. టికెట్‌ బుకింగ్‌ కౌంటర్‌ వద్ద చాలాసేపు పడిగాపులు పడాల్సి వచ్చింది. పలు రైళ్లు ఆలస్యంగా రావడంతో ప్లాట్‌ఫాంపై జనం గంటల తరబడి వేచి ఉన్నారు. రైల్వేస్టేషన్‌తో పాటు రైల్వే ప్రాంగణంలో భక్తుల రద్దీ ఎక్కువగా కనిపించింది. ఈ ఒక్కరోజే సుమారు 15వేల మంది యాత్రికులు పుష్కర స్నానాల కోసం వచ్చారు. రైల్వేస్టేషన్‌ నుంచి నదిఅగ్రహారం, బీచుపల్లి పుష్కరఘాట్లకు ప్రత్యేక బస్సులను ఏర్పాటు చేశారు. ఎలాంటి అవాంఛనీయ సంఘటనలు చేసుకోకుండా ఆర్‌పీఎఫ్‌ అధికారులు చర్యలు తీసుకున్నారు. 
  


 – దోపిడీకి గురవుతున్న పిండ ప్రదాన కత్రువు భక్తులు
 – అరకొరగా వస్తువుల అందజేత
 – పూర్తి స్థాయి సామగ్రి కోసం అదనంగా చెల్లింపు
  
  శ్రీశైలం (జూపాడుబంగ్లా): తరతరాల కుటుంబ బాంధవ్యాలకు ప్రతీకమైన పిండ ప్రదానానికి పుష్కరాల్లో ఎంతో ప్రత్యేకత ఉంది. తమను వీడి పోయిన ఆత్మీయులకు 12 సంవత్సరాలకోసారి వచ్చే పుష్కరాల్లో భక్తిశ్రద్ధలతో పిండ ప్రదానం చేస్తారు. ఈ రోజుల్లో పితదేవతలు నదుల్లో ఉంటారనే విశ్వాసం ఉంది. భక్తుల నమ్మకాన్ని కొందరు దోచుకుంటున్నారు. పుష్కరాల్లో తమ పితృదేవతలకు పిండ ప్రదానం చేసే వస్తువులు సరిగా లేకుండానే చేయాల్సి వస్తోంది. పిండప్రదాన కార్యక్రమం నిర్వహించేందుకు పసుపు, కుంకుమ, వక్కలు, బెల్లం, నెయ్యి ఐదు గ్రాములు, మూడు అగరవత్తులు, 30గ్రాముల నల్లనువ్వులు, పావుకిలో వరిపిండి, గంధం 10 గ్రాములు, కర్పూరం నాలుగు బిళ్లలు, తమలపాకులు 10, విస్తరాకులు 4, అరటిపండ్లు 12 అవసరం ఈ సామగ్రిని పొదుపులక్ష్మి మహిళలు రూ.50 విక్రయించేలా ఏర్పాట్లు చేశారు. అందులో పిండప్రదాన క్రతువుకు అవసరమైన అన్నిరకాల వస్తువులు లేకపోవటంతో భక్తులు ఆందోళన వ్యక్తం చేస్తున్నారు. కిట్లులోలేని వస్తువులు కావాలంటే అదనంగా పొదుపు మహిళలు మొత్తాన్ని వసూళ్లు చేస్తున్నట్లు భక్తులు పేర్కొంటున్నారు. డబ్బులు చెల్లించలేని భక్తులు పొదుపు మహిళలు ఇచ్చిన కిట్టులో ఉన్న వస్తువులతోనే పిండప్రదానాన్ని మమ అనిపిస్తున్నారు. పిండ ప్రదానం వస్తువులపై అవగాహన ఉన్న భక్తులు దబాయిస్తుండటంతో మిగిలిన వస్తువులను ఇస్తున్నారు. 
 రోజుకు రూ.2.25లక్షల అమ్మకాలు:
 పిండప్రదానికి అవసరమైన వస్తువులతో కూడిన కిట్లను దేవస్థానం వారు 30 మంది పొదుపు మహిళల ద్వారా విక్రయిస్తున్నారు. ఒక్కో కిట్టు రూ.50 చొప్పున రోజుకు ఒక్కో పొదుపు మహిళ కనీసం 150 కిట్లను విక్రయిస్తున్నారు. ఈలెక్కన రోజుకు రూ.2.25లక్షల అమ్మకాలు జరుగుతున్నాయి. లింగాలగట్టు దిగువ పుష్కరఘాటులో రోజుకు కనీసం 4,500 మంది భక్తులు పిండప్రదానాలు చేస్తున్నారు. పిండప్రదానం చేసే ఒక్కోభక్తుని నుంచి పూజారులు నిర్ణీత ధర రూ.300ల చొప్పున వసూళ్లు చేస్తున్నారు. దీంతో రోజుకు రూ.13.50 లక్షల మేర పిండప్రదానాల ద్వారా బ్రాహ్మణులకు ఆదాయం సమకూరుతుంది.    
  


 మాగనూర్‌ (తంగడి ఘాట్‌ సాక్షి బృందం): కృష్ణా పుష్కరాల సందర్భంగా మాగనూరు మండలం తంగడి దత్తభీమేశ్వరాలయంలో నిత్య అన్నదానం కొనసాగుతుంది. కృష్ణ, భీమా నదుల సంగమ క్షేత్రంలో పుస్పుల దత్తపీఠాధిపతి విఠల్‌బాబా దత్తభీమేశ్వరాలయాన్ని నిర్మించారు. శ్రీపాద వల్లభుడు తిరుగాడిన ఆనవాల్లు ఇక్కడవున్నాయి. ఆలయ కమిటీ అధ్యక్షుడు మారెప్ప, ప్రధాన కార్యదర్శి ప్రహ్లాద్‌రెడ్డిని పలుకరించగా నిత్యం వేలాదిమంది పుష్కర భక్తులకు అన్నదానం చేయడం ఆనందంగా ఉందని అన్నారు. 


 
 పలు పుష్కర ఘాట్లలో సినీనటుల సందడి
 
 సోమశిలలో బాలకష్ణ పుణ్యస్నానం.. పిండప్రదానం
 
 రంగాపూర్‌లో ఉపాసన, బీచుపల్లిలో అశోక్‌కుమార్‌ పుణ్యస్నానాలు
 
 ఘాట్ల వద్ద వెల్లివిరిసిన రక్షాబందన్‌
 
 పుష్కరస్నానం ఆచరించి సోదరులకు రాఖీలు కట్టిన సోదరిమణులు
 
 డీఐజీ అకున్‌ సబర్వాల్‌కు రాఖీ కట్టిన ఎస్పీ, విద్యార్థులు
 
 సాక్షి ప్రతినిధి, మహబూబ్‌నగర్‌ : కష్ణ పుష్కరాల్లో పుణ్యస్నానాలు ఆచరించడానికి ఏడో రోజూ భక్తులు పోటెత్తారు. రక్షా బంధన్‌ సెలవు దినం కావడం.. పుష్కరాల ముగింపు 5 రోజులే మిగిలి ఉండడంతో కొంత రద్దీ పెరిగింది. ఘాట్లలో జనం కిటకిటలాడారు. గురువారం జిల్లా వ్యాప్తంగా 12.50 లక్షల మంది భక్తులు పుణ్యస్నానమాచరించినట్లు అధికారులు తెలిపారు. గొందిమళ్ల, సోమశిల, బీచుపల్లి, రంగాపూర్, నది అగ్రహారం, పస్పుల, పాతాళగంగ తదితర పుష్కరఘాట్లు వరుసగా భక్తులతో పోటెత్తాయి. జూరాల ఘాట్‌లో నీళ్లు లేకపోవడంతో వరుసగా మూడోరోజు మూసివేశారు. జూరాల ప్రాజెక్టు ఎగువ ప్రాంతం నుంచి వరదనీరు తగ్గడంతో ప్రాజెక్టులోని నీటిని దిగువకు విడుదల చేయడాన్ని అధికారులు నియంత్రించారు. దీంతో పలు పుష్కరఘాట్లలో నీరు కొంత మేర తగ్గింది. అయితే పుష్కరాలు పూర్తయ్యేంత వరకు భక్తుల పుణ్యస్నానాలకు నీటి ఇబ్బంది ఉండబోదని అధికారులు చెబుతున్నారు.
  
 ఘాట్లలో రక్షాబంధన్‌
 గురువారం రక్షా బంధన్‌ కావడంతో పుష్కరఘాట్‌లో పుణ్యస్నానం చేసిన భక్తులు తమ సోదరిమణులతో రక్షా బంధనం కట్టించుకున్నారు. హైదరాబాద్‌ రేంజ్‌ డీఐజీ అకున్‌ సబర్వాల్‌కు ఎస్పీ రెమా రాజేశ్వరి రంగాపూర్‌ ఘాట్‌లో రాఖీకట్టారు. పలువురు విద్యార్థులు డీఐజీకి రక్షా బంధనం కట్టారు. దీనికి డీఐజీ స్పందిస్తూ తనకు ఈ రక్షా బంధనం ఎస్పీతో సహా ఆరుగురు సోదరిమణులను ఇచ్చిందని అన్నారు. తనకు రక్షాబంధనం కట్టిన విద్యార్థులకు తన ఫోన్‌నంబర్‌ ఇవ్వడమే కాకుండా వారి నుంచి ఫోన్‌నంబర్లు తీసుకున్నారు. హైదరాబాద్‌ వచ్చినప్పుడు తనను కలవొచ్చని ఈ నంబర్‌కు ఫోన్‌ చేయవచ్చని రాఖీ కట్టిన విద్యార్థినులకు చెప్పారు. పలువురు పోలీసులకు మహిళా పోలీసులు రాఖీలు కట్టారు. వివిధ శాఖల సిబ్బందికి కూడా రక్షాబంధన్‌ కట్టారు. 
  
 పుష్కరస్నానం ఆచరించి పిండప్రదానం చేసిన హీరో బాలకష్ణ
 మరోవైపు వివిధ పుష్కర ఘాట్‌లలో ప్రముఖ సినీ నటులు పుణ్యస్నానాలు ఆచరించారు. నందమూరి బాలకష్ణ సోమశిల పుష్కరఘాట్‌లో స్నానమాచరించి ప్రత్యేక పూజలు నిర్వహించారు. అనంతరం తన తండ్రి ఎన్‌టీ రామారావు, తల్లి బసవతారకమ్మలకు పిండ ప్రదానం చేశారు. బాలకష్ణతో పాటు ఆయన సోదరిమణులు, కుటుంబీకులు, బంధువులు పాల్గొన్నారు. తొలుత కొల్లాపూర్‌ చేరుకున్న బాలకష్ణను రాష్ట్ర మంత్రి జూపల్లి కష్ణారావు కలిశారు. కేఎల్‌ఐ అతిథి భవనంలో జూపల్లి కష్ణారావు అల్పాహార విందులో బాలకష్ణతో పాటు కుటుంబ సభ్యులు పాల్గొన్నారు. టీడీపీ నేతలకు, కార్యకర్తలకు బాలకష్ణ కొల్లాపూర్‌ వస్తున్న విషయంపై సమాచారం లేకపోవడంతో పలువురు నేతలు విషయాన్ని బాలకష్ణ దష్టికి తీసుకెళ్లారు. దీంతో స్పందించిన బాల కష్ణ అల్పాహారం కాగానే పార్టీ పరంగా ఏదైనా కార్యక్రమం పెట్టుకోమని సూచించడంతో కొల్లాపూర్‌ పట్టణంలోని ఎన్‌టీ రామారావు విగ్రహానికి పూలమాల వేసేందుకు పార్టీ నేతలు ఆహ్వానించారు. దీంతో బాలకష్ణ ఎన్‌టి రామారావు విగ్రహానికి పూలమాల వేసి నివాళులర్పించారు. మహిళలు బాలకష్ణకు రాఖీ కట్టారు. అనంతరం అలంపూర్‌లోని జోగుళాంబ దేవాలయాన్ని బాలకష్ణ కుటుంబసమేతంగా సందర్శించారు.
  
 ప్రముఖుల సందడి..
 రంగాపూర్‌ పుష్కరఘాట్‌లో ప్రముఖ సినీ నటుడు రామ్‌చరణ్‌ సతీమణి ఉపాసన పుణ్యస్నానమాచరించారు. 
 బీచుపల్లి పుష్కరఘాట్‌లో సినీ నిర్మాత అశోక్‌కుమార్‌ పుణ్యస్నానం ఆచరించి ప్రత్యేక పూజలు చేశారు. పుష్కరాలకు విచ్చేసే భక్తులకు తెలంగాణ ప్రభుత్వం చేస్తున్న ఏర్పాట్లు అద్భుతంగా ఉన్నాయని పుష్కర ఏర్పాట్లు చేయడంలో రెండు తెలుగు రాష్ట్రాలు పోటీపడుతున్నాయని ఇందు వల్ల భక్తులకు మరిన్ని మెరుగైన సేవలు కలుగుతున్నాయని అన్నారు. 
  
  
  


 – వికలాంగునికి చేయూతనిచ్చిన కానిస్టేబుల్‌కు అవార్డు
 – రూ.5,016 రివార్డు ప్రకటించిన డీజీపీ
  
 శ్రీశైలం: కృష్ణా పుష్కరాల సందర్భంగా కర్నూలు జిల్లా శ్రీశైలంలోని లింగాలగట్టు పుష్కర ఘాట్‌లో ఓ దివ్యాంగుడిని కానిస్టేబుల్‌ తన చేతులతో ఎత్తుకొని ఒడ్డుకు చేరుస్తున్న ఫొటోను గురువారం ‘సాక్షి’ ప్రముఖంగా ప్రచురించింది. ఈ దశ్యం డీజీపీ సాంబశివరావును కదిలించింది. కానిస్టేబుల్‌ సేవలను ప్రశంసిస్తూ గురువారం ఆయన రివార్డు ప్రకటించారు. డీజీపీ ఆదేశాల మేరకు రాయలసీమ జిల్లాల ఐజీ శ్రీధర్‌రావు, డీఐజీ రమణకుమార్, ఎస్పీ ఆకెరవికష్ణ, ఆత్మకూరు డీఎస్పీ సుప్రజలు గురువారం ఉదయం స్వయంగా లింగాలగట్టు దిగువ ఘాటుకు చేరుకొని పుష్కర విధుల్లోని కానిస్టేబుల్‌ మధుకుమార్‌ను అభినందించి రూ.5,016 నగదు రివార్డును అందజేశారు. మధుకుమార్‌(పీసీ 229) కోసిగి మండల పోలీసుస్టేషన్‌లో పనిచేస్తున్నారు. గతంలో మంత్రాలయంలో విధులు నిర్వర్తిస్తున్న సమయంలోనూ ఈయన అవార్డును అందుకోవడం విశేషం.
  


 సాక్షి ప్రతినిధి, నల్లగొండ: కృష్ణా పుష్కరాల ఏడోరోజు జిల్లాలో 3.5లక్షల మంది భక్తులు పుణ్యస్నానాలు చేశారు. గురువారం రాఖీ పర్వదినం కావడం.. ఇంకా పుష్కరాలకు నాలుగురోజులే మిగిలి ఉన్నా ఆశించిన మేర భక్తులు రాలేదు. జిల్లా వ్యాప్తంగా ఏర్పాటు చేసిన 28 ఘాట్లలో కొన్ని ఘాట్లు వెలవెలబోతున్నా నాగార్జునసాగర్, వాడపల్లి, మట్టపల్లిల్లో భక్తులు పెద్ద సంఖ్యలో పుష్కర స్నానాలు చేస్తున్నారు. నాగార్జునసాగర్‌ శివాలయం, ఆంజనేయస్వామి ఘాట్‌లు కలిపి గురువారం లక్ష మందికి పైగా స్నానాలు చేసినట్టు అంచనా. వాడపల్లిలో 80వేల మంది, మట్టపల్లిలో 40వేల మంది వరకు స్నానాలు చేశారు. కనగల్‌ మండలం దర్వేశిపురం ఘాట్‌కు 30వేల మంది భక్తులు వచ్చి ఉంటారని అంచనా. దర్వేశిపురం ఘాట్‌కు రోజురోజుకు భక్తుల సంఖ్య పెరుగుతుండడంతో స్థానిక ప్రజలు, అధికారుల్లో ఉత్సాహం రెట్టింపవుతోంది. అయితే, మట్టపల్లిలో ఏడో రోజు భక్తుల సంఖ్య తగ్గింది. నేరేడుచర్ల మండలం మహంకాళిగూడెం ఘాట్‌లో కూడా భక్తులు తగ్గగా, చందంపేట మండలం కాచరాజుపల్లి ఘాట్‌కు మాత్రం 10వేల మందికి పైగా భక్తులు వచ్చారు. 
 హుజూర్‌నగర్‌ నియోజకవర్గంలో ఇలా... 
 హుజూర్‌నగర్‌ నియోజకవర్గంలోని అన్ని ఘాట్లలో భక్తుల సంఖ్య కొంత మేర తగ్గింది. పుష్కర స్నానం కోసం ఈనెల 20వ తేదీన రాష్ట్ర గవర్నర్‌ నరసింహన్‌ మట్టపల్లికి రానుండటంతో జిల్లా ఎస్పీ ప్రకాశ్‌రెడ్డి మట్టపల్లికి వచ్చి ప్రహ్లాద ఘాట్‌లో ఏర్పాట్లు పరిశీలించారు. పర్యటన ప్రశాంతంగా సాగేందుకు కావలసిన సౌకర్యాలు కల్పించాలని సంబంధిత అధికారులకు సూచించారు. అనంతరం స్థానికంగా ఆర్టీసీ బస్సు ఎక్కి ప్రయాణికుల కలుగుతున్న ఇబ్బందులను అడిగి తెలుసుకున్నారు. అదేవిధంగా మేళ్లచెరువు మండలంలోని పుష్కర ఘాట్లను ఎస్పీ పరిశీలించారు. మట్టపల్లి ప్రహ్లాదఘాట్‌లో ఇంటలిజెన్స్‌ డిఐజీ శివశంకర్‌రెడ్డి పుష్కర స్నానం ఆచరించి శ్రీలక్ష్మీనరసింహస్వామి వారిని దర్శించుకున్నారు. 
 దామరచర్ల మండలంలో ఇలా... 
 దామరచర్ల మండలంలోని ఘాట్లకు భక్తులు భారీగా తరలివచ్చారు. ఉదయం తెల్లవారు జామున భక్తులు తక్కువగా వచ్చినా రాఖీ పౌర్ణమి కావడం వల్ల తొమ్మిది గంటల తర్వాత భక్తుల తాకిడి పెరిగింది. శివాలయం ఘాట్‌తో పాటు అడవిదేవులపల్లి, అయ్యప్పఘాట్‌లకు భక్తులు భారీగా వచ్చారు. అడవిదేవులపల్లి పుష్కరఘాట్‌లో మాజీ క్రికెటర్‌ వీవీఎస్‌ లక్ష్మణ్‌ కుటుంబసభ్యులతో కలిసి స్నానాలు చేశారు. వాడపల్లిలోని శివాలయం వద్ద వీఐపీ ఘాట్‌లో నకిరేకల్‌ శాసనసభ్యులు వేముల వీరేశం కుటుంబ సభ్యులతో కలిసి పిండప్రదానం చేసి పుణ్యస్నానాలు చేశారు. అదే విధంగా ముదిమాణిక్యం పుష్కరఘాట్‌లో జాయింట్‌ కలెక్టర్‌ సత్యనారాయణ, ఇర్కిగూడెం ఘాట్‌లో జిల్లా ఎస్పీ ప్రకాశ్‌రెడ్డి, వాడపల్లిలో ఏజేసీ వెంకట్రావ్, స్థానిక ఎమ్మెల్యే బాస్కర్‌రావు సతీమణితో పాటు ఆయన బంధువులు స్నానాలు చేశారు. 
  


 జోగుళాంబను దర్శించుకున్న సినీనటుడు, ఎమ్మెల్యే బాలకృష్ణ
 మానవపాడు/అలంపూర్‌రూరల్‌ : పుష్కరాలు పుణ్యఫలితాలను ఇస్తాయని, అందుకే భక్తులు పెద్దఎత్తున పుష్కరస్నానాలు ఆచరిస్తారని సినీనటుడు, ఎమ్మెల్యే నందమూరి బాలకృష్ణ అన్నారు. గురువారం ఆయన కుటుంబ సమేతంగా అలంపూర్‌ ఆలయాలను దర్శించుకునేందుకు వచ్చారు. దీంతో ఆలయ ఈఓ గురురాజ, ఆలయ కమిటీ మాజీ చైర్మన్‌ టి. నారాయణరెడ్డి, టీడీపీ తాలూకా ఇన్‌చార్జ్‌ ఎస్‌. ఆంజనేయులు, సర్పంచ్‌ జయరాముడు ఆలయ అర్చకులతో కలసి పూర్ణకుంభ స్వాగతం పలికారు. మొదటగా బాలబ్రహ్మేశ్వరుడిని దర్శించి అనంతరం అమ్మవారికి ప్రత్యేక పూజలు చేయించారు. ఈ సందర్భంగా వారికి దేవస్థానం వారు శేషవస్త్రాలు, అమ్మవారి జ్ఞాపికలు, ప్రసాదాలను అందజేశారు.
 భక్తులతో ఆత్మీయ పలకరింపు
 అమ్మవారి, స్వామివారి దర్శనానికి క్యూలో నిలబడిన భ క్తులను ఎక్కడి నుంచి వచ్చారంటూ కరచలనం చేస్తూ ఆ ప్యాయంగా పలకరించారు. అనంతరం టీడీపీ కార్యకర్త లు విశ్వం, గోపాల్, స్వామి, రామును అభినందిస్తూ పు ష్కరాల్లో భక్తులకు సేవలందించాలని ప్రోత్సహించారు.
 అభిమానులుగా మారిన భక్తులు
 అమ్మవారి దర్శనం కోసం క్యూలో పెద్ద ఎత్తున నిల్చున్న భక్తులు ఒక్కసారి గా క్యూలో నుంచి బయటకు దూకి బాలకృష్ణను కలసిందేకు గుమిగూడారు. దీంతో ఒక్కసారిగా క్యూలైన్‌ ఖాళీ అయింది.
 బాలకృష్ణకు స్వాగతం పలికిన మంత్రి
 సోమశిల నుంచి సాక్షి బృందం : సప్తనదుల సంగమమైన సోమశిల పుష్కరఘాట్ల వద్ద పుణ్యస్నానాలు ఆచరించేందుకు వచ్చిన సినీనటుడు, ఎమ్మెల్యే నందమూరి బాలకృష్ణ గురువారం 11గంటల సమయంలో సోమశిల వీఐపీ ఘాట్‌కు చేరుకున్నారు. ఆయనకు మంత్రి జూపల్లి కృష్ణారావు సాదరంగా స్వాగతం పలికారు. పుణ్యస్నానాల సందర్భంగా సినీనటుడు బాలకృష్ణ భద్రత దృష్ట్యా గట్టి ఏర్పాట్లు చేయాలని అక్కడున్న పోలీస్‌ సిబ్బందికి సూచించారు. ఈయనతోపాటు జెడ్పీటీసీ హన్మంతునాయక్, ఎంపీపీ నిరంజన్‌రావు, పెద్దకొత్తపల్లి ఎంపీపీ వెంకటేశ్వర్‌రావు, కొల్లాపూర్‌ సింగిల్‌విండో అధ్యక్షుడు తదితరులు ఉన్నారు. 
  


 దామరచర్ల: ఇండియన్ మాజీ క్రికెటర్ వీవీఎస్ లక్ష్మణ్ గురువారం కృష్ణా పుష్కరాల్లో స్నానమాచారించారు. నల్లగొండ జిల్లా దామరచర్ల మండలం అడవిదేవులపల్లిలోని పుష్కర ఘాట్‌కు కుటుంబ సభ్యులతో కలిసి వచ్చిన ఆయన కృష్ణమ్మకు ప్రత్యేక పూజలు నిర్వహించి పుణ్య స్నానమాచారించారు.


 నాగార్జునసాగర్‌ : పుష్కరాలు ఆరోరోజుకు చేరుకున్నాయి. జిల్లాలో 28 స్నానఘాట్లు ఏర్పాటు చేయగా భక్తులు అత్యధికంగా నాగార్జునసాగర్‌కు తరలి వస్తున్నారు. ఎక్కువగా శివాలయం ఘాట్‌లోనే స్నానం చేసేందుకు మొగ్గుచూపుతున్నారు. అయితే ఇక్కడ రద్దీ పెరగడంతో పోలీసులు కొంత మేరకు భక్తులను సురికివీరాంజనేయస్వామి ఘాట్‌తోపాటు ఊట్లపల్లి గాట్‌కు పంపేందుకు ప్రయత్నిస్తున్నారు. కేవలం సాగర్‌లో ఏర్పాటు చేసిన శివాలయం, సురికిఆంజనేయస్వామి, పొట్టిచెల్మఘాట్లలో ఈ ఆరురోజుల్లో దాదాపు ఏడు లక్షల మంది భక్తులు పుష్కరస్నానాలు ఆచరించినట్టు అధికారులు తెలిపారు. కాగా బుధవారం శివాలయం ఘాట్‌ వద్ద 80వేల మంది, సురికి ఆంజనేయస్వామి ఘాట్‌లో 34వేల మందితో మెుత్తం 1.14లక్షల మంది పుణ్యస్నానాలు చేశారు.  
  


 నాగార్జునసాగర్‌ : కష్ణాపుష్కరాలు ఆరోరోజుకు చేరుకున్నాయి. జిల్లాలో 28 స్నానఘాట్లు ఏర్పాటు చేయగా భక్తులు అత్యధికంగా నాగార్జునసాగర్‌కు తరలి వస్తున్నారు. ఎక్కువగా శివాలయం ఘాట్‌లోనే స్నానం చేసేందుకు మొగ్గుచూపుతున్నారు. అయితే ఇక్కడ రద్దీ పెరగడంతో పోలీసులు కొంత మేరకు భక్తులను సురికివీరాంజనేయస్వామి ఘాట్‌తోపాటు ఊట్లపల్లి గాట్‌కు పంపేందుకు ప్రయత్నిస్తున్నారు. కేవలం సాగర్‌లో ఏర్పాటు చేసిన శివాలయం, సురికిఆంజనేయస్వామి, పొట్టిచెల్మఘాట్లలో ఈ ఆరురోజుల్లో దాదాపు ఏడు లక్షల మంది భక్తులు పుష్కరస్నానాలు ఆచరించినట్టు అధికారులు తెలిపారు. కాగా బుధవారం శివాలయం ఘాట్‌ వద్ద 80వేల మంది, సురికి ఆంజనేయస్వామి ఘాట్‌లో 34వేల మందితో మెుత్తం 1.14లక్షల మంది పుణ్యస్నానాలు చేశారు.  
  


 
 –కరెంట్‌ షాక్‌తో తమిళనాడు వాసి మృతి 
 
 – నల్లగొండ జిల్లాలో ఘటన
 
 –వివిధ శాఖల సమన్వయ లోపమే కారణం
 
 –గుండెపోటని కప్పిపుచ్చుకునేందుకు అధికారుల యత్నాలు
 
 నల్లగొండ టూటౌన్‌: నల్లగొండ జిల్లా కేంద్రం సమీపంలోని పానగల్లు ఛాయా సోమేశ్వరాలయం వద్ద ఏర్పాటు చేసిన పుష్కర ఘాట వద్ద  అపశృతి చోటుచేసుకుంది. తమిళనాడు రాష్ట్రంలోని శివగంగ జిల్లాకు చెందిన చెవుగా పేరుమళ్లు (55) శనివారం విద్యుత్‌ షాక్‌తో మరణించాడు. ఇటీవల కొంత కాలం నుంచి నల్లగొండ సమీపంలోని అద్దంకి బైపాస్‌ రోడ్డు వెంట ఉన్న లెప్రసీ కాలనీలో ఒక్కడే గదిని అద్దెకు తీసుకుని నివసిస్తున్నాడు. ఉదయం 8 గంటల ప్రాంతంలో ఛాయా సోమేశ్వరాలయం వద్దకు చేరుకొని పుష్కర స్నానం ఆచరించాడు. స్నానం చేసిన అతను దేవాలయం ప్రహరీపై పెట్టిన దుస్తులను తీసుకోవడానికి వెళ్లగా ఆలయం వద్ద డెకరేషన్‌ లైట్లకోసం పక్కనే భూమిలో ఎర్త్‌కునాటిన సీకు వైరు తగిలి అక్కడికక్కడే కుప్పకూలి పోయాడు. వెంటనే పోలీసులు అక్కడికి చేరుకొని అత్యవర వైద్య సిబ్బందికి సమాచారం ఇవ్వడంతో వారు వచ్చారు. ఫస్ట్‌ ఎయిడ్‌ చేసి అంబులెన్స్‌ ద్వారా జిల్లా కేంద్ర ప్రభుత్వ ఆస్పత్రికి తరలించారు. పరీక్షించిన వైద్యులు మతి చెందినట్టు «ధ్రువీకరించారు. కరెంట్‌ షాక్‌తోనే మరణించినట్లు మొదట పేర్కొన్న అధికారులు ఆతరువాత మాటమార్చారు. గుండె పోటుతో చనిపోయాడనే ప్రచారాన్ని తెరపైకి తీసుకురావడం గమనార్హం. మతుడినిS పోస్ట్‌ మార్టం చేయకముందే గుండె పోటు అని చెప్పడం గమనార్హం. 
 
  
 
  
 
  


 విజయవాడ: కృష్ణాజిల్లా ఇబ్రహీంపట్నం సమీపంలో జరిగిన రోడ్డు ప్రమాదంలో టెలివిజన్ నటి రోహిణి రెడ్డికి గాయాలయ్యాయి. హైదరాబాద్ నుంచి విజయవాడకు పుష్కరాల్లో పాల్గొనడానికి వెళుతుండగా ఆమె ప్రయాణిస్తున్న బెలీనో కారు లారీని ఢీ కొట్టింది. ఈ ప్రమాదంలో రోహిణిరెడ్డితో పాటు కారు డ్రైవర్ ఉషప్పగౌడ్, అసిస్టెంట్ చంటిలకు కూడా తీవ్రగాయాలయ్యాయి.
 
 విజయవాడ గొల్లపూడిలోని ఆంధ్రా ఆసుపత్రికి తరలించి చికిత్స అందిస్తున్నారు. శ్రీనివాస కళ్యాణం తదితర సీరియల్స్లో రోహిణిరెడ్డి నటించారు.


 – పోలీసుల చొరవతో గేట్లు ఎత్తివేసిన సిబ్బంది
 – 2గంటల్లో దాటిన 10వేల వాహనాలు
  
 షాద్‌నగర్‌ : పుష్కర స్నానం కోసం వెళుతున్న ప్రయాణికుల వాహనాలకు టోల్‌గేట్‌ వద్ద బ్రేకులు పడ్డాయి. సుమారు రెండుగంటల పాటు వాహనదారులు వేచి ఉండాల్సిన పరిస్థితి నెలకొంది. రెండోరోజు శనివారం పుష్కర భక్తులు పెద్దఎత్తున తమ వాహనాల్లో పుష్కరస్నానం కోసం బయల్దేరారు. ఫరూఖ్‌నగర్‌ మండలంలోని రాయికల్‌ టోల్‌ప్లాజా వద్దకు ఒక్కసారిగా పెద్ద ఎత్తున వాహనాలు వచ్చాయి. టోల్‌ రసీదులు జారీ చేస్తున్నా వాహనాల రాక ఎక్కువగా ఉండటంతో ట్రాఫిక్‌జామ్‌ ఏర్పడింది. దీంతో పట్టణ సీఐ రామకష్ణ అక్కడికి చేరుకుని అన్ని గేట్లను ఎత్తివేయించడంతో వాహనదారులు ఎలాంటి టోల్‌ రుసుము చెల్లించకుండానే వెళ్లిపోయారు. కేవలం రెండు గంటల వ్యవధిలోనే పదివేల వాహనాలు వెళ్లాయని నిర్వాహకులు తెలిపారు. అనంతరం షాద్‌నగర్‌ నుంచి జడ్చర్ల వైపు వెళ్లే దారిలో ఉన్న ఆరు, జడ్చర్ల నుంచి ౖహె దరాబాద్‌ వైపు వెళ్లే దారిలో ఉన్న రెండు టోల్‌ కౌంటర్ల ద్వారా యాత్రికులను జడ్చర్ల వైపు పంపారు.  
  
  
 రద్దీ పెరిగే అవకాశం
 వరుసగా మూడురోజుల పాటు సెలవులు ఉండటంతో పుష్కర యాత్రికులు పెద్దఎత్తున బీచ్‌పల్లి, అలంపూర్‌ తదితర ఘాట్లకు తరలే అవకాశముంది. టోల్‌ప్లాజా వద్ద భారీగా ట్రాఫిక్‌జామ్‌ అయ్యే అవకాశాలు ఉన్నాయి. దీనిని క్రమబద్ధీకరించడానికి బైపాస్‌ జాతీయ రహదారిలో ఉన్న యమ్మీ హోటల్‌ సమీపంలో నుంచి చిల్కమర్రి మీదుగా బూర్గుల ఆపై తిరిగి జాతీయ రహదారికి వాహనాలను మళ్లించాలని స్థానికులు కోరుతున్నారు.
  
  


 హైదరాబాద్: ఆంధ్ర, తెలంగాణ రాష్ట్రాల్లో కృష్ణా పుష్కరాల సందర్భంగా భక్తుల రద్దీ పెరిగింది. వరుస సెలవులు కావడంతో పుష్కరాలకు వెళ్లే వాహనాలతో రెండు రాష్ట్రాల్లో జాతీయరహదారులు కిక్కిరిసిపోయాయి. టోల్‌ప్లాజాల వద్ద కిలోమీటర్ల మేర వాహనాలు నిలిచిపోయాయి. హైదరాబాద్-కర్నూలు, హైదరాబాద్-విజయవాడ రహదారుల్లో వాహనాలు భారీ సంఖ్యలో నిలిచిపోవడంతో భక్తులు తీవ్ర ఇబ్బందులు పడుతున్నారు. భద్రత నిమిత్తం రాయ్‌కల్ టోల్‌ప్లాజా వద్ద పోలీసులు వాహనాలను తనిఖీలు చేపట్టారు.


 సాక్షి, హైదరాబాద్: పుష్కరాల పేరుతో ఆడుతున్న డ్రామాలను కట్టిపెట్టాలని సీఎం చంద్రబాబుకు వైఎస్సార్ సీపీ అధికార ప్రతినిధి కె.పార్థసారథి హితవు పలికారు. శుక్రవారం పార్టీ కేంద్ర కార్యాలయంలో ఆయన విలేకరులతో మాట్లాడారు. ప్రభుత్వ కార్యక్రమాల్ని తన ఇంటి కార్యక్రమాల్లా చేస్తూ చంద్రబాబు ప్రొటోకాల్‌ను ఉల్లంఘిస్తున్నారని మండిపడ్డారు. పుష్కరాలు ప్రారంభమయ్యాక ప్రతిపక్ష నేత వైఎస్ జగన్‌మోహన్‌రెడ్డికి ఆహ్వానం పంపడం బాబు రాజకీయ కుట్రలో భాగమేనని దుయ్యబట్టారు. ప్రజాస్వామ్యంలో ప్రతిపక్ష నేతను గౌరవించే విధానం ఇదేనా? అని ప్రశ్నించారు.
 
 ప్రొటోకాల్  ప్రకారం ఎవరిని పడితే వాళ్లను పిలవచ్చా? అని నిలదీశారు. ప్రోటోకాల్ చంద్రబాబు ఇంటి వ్యవహారంలా మారిపోయిందని ఆయన విమర్శించారు. ఇది తప్పన్నారు. ఇన్విటేషన్ ఇచ్చినా ప్రతిపక్ష నేత వైఎస్ జగన్‌మోహన్‌రెడ్డి రాలేదని చెప్పి చంద్రబాబు దీన్నికూడా రాజకీయం చేస్తారని మండిపడ్డారు.
 
 సొంత వ్యవహారమన్నట్టు ప్రవర్తించడం దారుణం..
 ఆఖరికి పుష్కరాలను కూడా చంద్రబాబు రాజకీయానికి వాడుకుంటున్నారని పార్థసారథి ఆందోళన వ్యక్తం చేశారు. ‘‘పండుగలు, పుష్కరాలు ప్రతిసారీ వస్తాయి. సంప్రదాయానికనుగుణంగా చేసుకుంటాం. చంద్రబాబు పిలిచినా, పిలవకపోయినా పుష్కరాల్లో స్నానాలు చేస్తాం. కానీ అదేదో సొంత వ్యవహారమన్నట్టు ప్రవర్తించడం దారుణం’’ అని విమర్శించారు.


 మునగమాన్‌దిన్నె ఘాట్‌ : కష్ణా పుష్కరాలకు ప్రభుత్వం రూ.860 కోట్లు కేటాయించిందని రాష్ట్ర ప్రణాళిక సంఘం ఉపాధ్యక్షుడు సింగిరెడ్డి నిరంజన్‌రెడ్డి అన్నారు. ఈ నిధులతో మహబూబ్‌నగర్, నల్లగొండ జిల్లాల్లోని పుష్కర ఘాట్లలో అన్ని వసతులు కల్పించామన్నారు. శుక్రవారం పుష్కరాల ప్రారంభోత్సవాన్ని పురస్కరించుకుని మునగమాన్‌దిన్నె ఘాట్‌ను సందర్శించారు. అనంతరం విలేకరులతో ఆయన మాట్లాడుతూ తెలంగాణ ఏర్పడిన తదుపరి ప్రజలు మొదటిసారి పుష్కరాల్లో సంతోషంగా పాల్గొంటున్నారన్నారు. సుమారు 500మంది ఉద్యోగులను ఇక్కడ నియమించి ప్రజలకు ఎలాంటి లోటులేకుండా చూస్తున్నామన్నారు. ప్రస్తుతం జిల్లావ్యాప్తంగా నాలుగు లక్షల ఎకరాల్లో వ్యవసాయ పనులు సాగుతున్నందున రైతులు ఎంతో సంతోషంగా ఉన్నారన్నారు. ఈ కార్యక్రమంలో పెబ్బేరు మార్కెట్‌ కమిటీ చైర్మన్‌ గౌని బుచ్చారెడ్డి, ఎంపీటీసీ సభ్యుడు గోవిందునాయుడు, పీఎసీఎస్‌ అధ్యక్షుడు కోదండరామిరెడ్డి, వనపర్తి కౌన్సిలర్‌ వాకిటి శ్రీధర్, టీఆర్‌ఎస్‌ నాయకుడు బీచుపల్లియాదవ్‌ తదితరులు పాల్గొన్నారు.


 మహబూబ్‌నగర్‌ న్యూటౌన్‌ : కష్ణా పుష్కరాల్లో భక్తులకు క్షేత్రస్థాయిలో సేవలు అందించేందుకుగాను ఇద్దరు ట్రైనీ ఐఏఎస్‌లను జిల్లాకు కేటాయిస్తూ ప్రభుత్వం ఉత్తర్వులు జారీ చేసింది. ఈ మేరకు 2015 బ్యాచ్‌కు చెందిన మహబూబ్‌నగర్, రంగారెడ్డి జిల్లా ట్రైనీ కలెక్టర్లు గౌతం పొట్రు, పామెల సత్పతిలను నియమించింది. శుక్రవారం విధుల్లో చేరిన వారు పుష్కరాలు ముగిసే వరకు ఆయా ఘాట్ల వద్ద సేవలు అందిస్తారు. ముఖ్యంగా మహిళలు, చిన్నపిల్లలు, వద్ధులకు ఎలాంటి ఇబ్బందులు కలగకుండా చర్యలు తీసుకుంటారు.   


 విజయవాడ: పుష్కరాల ప్రారంభ రోజైన శుక్రవారం విజయవాడలో ఏర్పాటుచేసిన ఘాట్‌ల వద్ద 4లక్షల మంది పుష్కర స్నానమాచరించినట్లు పుష్కరాల ప్రత్యేకాధికారి రాజశేఖర్ తెలిపారు.
 
 ఆయన విలేకరులతో మాట్లాడుతూ... శుక్రవారం వరలక్ష్మీ వ్రతం సందర్బంగా భక్తుల రద్దీ తక్కువగా ఉందని, రేపటి నుంచి మూడు రోజులపాటు సెలవులు ఉండడంతో భక్తల రద్దీ పెరుగుతుందనుకుంటున్నామని ఆయన తెలిపారు.


  'తల్లి కృష్ణానదీ! భవత్తటమునందె/మ్రోసెనాంధ్ర పతాక ముమ్మొదటి దెగసి/ తెలుగునావలు నీ దీవనలు గడించి/ఎత్తె తెరచాప దీవుల నెల్లనొత్తె’ అంటూ కృష్ణమ్మకూ, తెలుగు నేలకూ ఉన్న అవినాభావ అనుబంధాన్ని తెనుగులెంక తుమ్మల సీతారామమూర్తి కమనీయంగా చెప్పారు. ఆది మానవుడిని మానవుడిగా తీర్చిదిద్దడంలో... సంస్కృతినీ, సంస్కారాన్నీ అద్దడంలో.. సహజీవన సౌందర్యాన్ని గుర్తెరిగించడంలో ఎక్కడైనా నదుల పాత్ర వెలలేనిది. అందుకే నదిని అమ్మగా తలిచి కొలిచే సంప్రదాయం అనాదిగా వస్తున్నది. నేటి ఉదయం రెండు తెలుగు రాష్ట్రాల్లోనూ ఘనంగా ప్రారంభమై పన్నెండురోజులపాటు కొనసాగే పుష్కరాలు ఆ సంప్రదాయంలో భాగమే. ఆంధ్రప్రదేశ్‌లో శుక్రవారం ఉదయం 5.45కు, తెలంగాణలో ఉదయం 5.58 నిమిషాలకు ఈ పన్నెండు రోజుల సంరంభం ప్రారం భమవుతుంది.
 
 దేవతల గురువు బృహస్పతి కన్యారాశిలోకి ప్రవేశించే క్షణాలను గణించి ఈ ముహూర్తాన్ని నిర్ణయిస్తారు. పన్నెండళ్లకొక్కసారి వచ్చే ఈ పుష్కరాలకు ఆధ్యాత్మిక ప్రాధాన్యత ఎంతో ఉంటుంది. పుష్కరకాలంలో నదుల్లో త్రిమూర్తులు, ఇంద్రాది దేవతలూ, సప్తరుషులు, పితృదేవతలూ నివసిస్తారని... మూడున్నర కోట్ల తీర్థాలు అందులో కలుస్తాయని విశ్వసిస్తారు. అందుకే ఈ కాలంలో పుష్కర స్నానం, పితృ కర్మలు అనంత పుణ్యప్రదమని చెబుతారు. ఆధునికత పెరుగుతున్న కొద్దీ, రవాణా సదుపాయాలు విస్తరిస్తున్నకొద్దీ ఈ విశ్వాసాలు మరింత చిక్కనవు తున్నాయి. ఇందుకు 1921నాటి ఒక వాణిజ్య ప్రకటనే రుజువు. ఆ ఏడాది ఆగస్టు 15-సెప్టెంబర్ 7 మధ్య జరిగిన కృష్ణా పుష్కరాల సందర్భంగా మద్రాస్ అండ్ సదరన్ మరాఠా రైల్వే కంపెనీ లిమిటెడ్ పేరిట వెలువడిన ఈ ప్రకటన తమ కంపెనీవారు ‘కావలసినంత ప్రయాణికులు ఉన్న పక్షమునందు ఎన్ని తడవలైనను స్పెషలుబండ్లు పోవుటకు తగిన ఏర్పాట్లు చేసెదరు’ అని యాత్రికులకు తెలిపింది. ‘చాలినంతమంది రెండవ తరగతి ప్రయాణికులున్నప్పుడు రెండవ తరగతి పెట్టె కూడా చేర్చబడును’ అని ఆ ప్రకటన ముక్తాయించింది.
 
  దేశంలో మూడో పెద్ద నదిగా, దక్షిణాదిన గోదావరి తర్వాత రెండో స్థానాన్ని ఆక్రమించే కృష్ణానది పడమటి కనుమల్లోని మహాబలేశ్వర్ సమీపాన ఒక చిన్నధారగా ప్రారంభమవుతుందంటే ఆశ్చర్యం కలుగుతుంది. ముందుకు సాగు తున్నకొద్దీ అది అనేక ఉప నదులను సంగమించుకుంటూ, తాను ఒరుసుకు ప్రవహించే నేలతల్లిని సశ్యశ్యామలం చేసుకుంటూ సుమారు 1,240 కిలోమీటర్లు ప్రయాణించి ఆంధ్రప్రదేశ్‌లోని హంసలదీవి వద్ద బంగాళాఖాతాన్ని చేరుతుంది. ఈ సుదీర్ఘ ప్రయాణంలో మహారాష్ట్ర, కర్ణాటక, తెలంగాణ రాష్ట్రాల్లో 29 నదులు కృష్ణమ్మలో లీనమవుతాయి. ఆంధ్రప్రదేశ్‌లో 1,188 మీటర్ల వెడల్పుతో దీని విశ్వ రూపం కనబడుతుంది.
 
  ఈసారి పుష్కరాల్లో ఆంధ్రప్రదేశ్‌లో కృష్ణా, గుంటూరు, కర్నూలు జిల్లాల్లో మూడున్నర కోట్లమంది... తెలంగాణలోని మహబూబ్‌నగర్, నల్లగొండ జిల్లాల్లో మరో మూడున్నర కోట్లమంది పుణ్యస్నానాలు ఆచరిస్తారని ప్రభుత్వాలు అంచనా వేస్తున్నాయి. అందుకు తగ్గట్టుగా భారీ ఏర్పాట్లు చేశామని, రద్దీని తట్టుకు నేందుకు అవసరమైన బస్సులు, రైళ్లు సమకూర్చామని చెబుతున్నాయి. ఆంధ్ర ప్రదేశ్‌లో జరిగే పుష్కర స్నానాల్లో అధికభాగం... దాదాపు 80 శాతం విజయ వాడలోనే ఉంటాయి. ఆర్భాటపు ప్రకటనల సంగతలా ఉంచి రెండు రాష్ట్రాల్లోనూ పనులు నత్తనడకనే సాగాయని, నాసిరకంగానే ఉన్నాయని ఆరోపణలు వెల్లు వెత్తాయి. పుష్కరాల ముహూర్తం సమీపిస్తున్న సమయానికి కూడా పనులింకా కొనసాగుతూనే ఉన్నాయి.
 
 విజయవాడలో పుష్కర ఘాట్లకు చేరువలో ఉన్న ఖాళీ స్థలాలను వదిలిపెట్టి కిలోమీటర్ దూరంలో ఎక్కడో యాత్రికుల కోసం పుష్కర నగర్‌లు నిర్మించారు. కార్యక్రమాలు పూర్తి చేసుకున్నాక తలదాచుకునేందుకు భక్తులు అంత దూరం వెళ్లవలసిన అవసరమేమిటో అర్ధంకాదు. పుష్కరాల పనుల సాకుతో ప్రార్థనా మందిరాల కూల్చివేతలు, విగ్రహ విధ్వంసాలు అందరినీ నివ్వెరపరి చాయి. మిత్రపక్షంగా ఉన్నా బీజేపీది అరణ్యరోదనే అయింది. ఆ పార్టీలో బలహీనంగానైనా తమ స్వరం వినిపించడానికి ప్రయత్నించినవారిని... టీడీపీ కార్య కర్తలను వెంటేసుకెళ్లిన నేతలు పరాభవించాలని చూశారు. ఆధ్యా త్మికవేత్తలు అడగబోతే ‘మేం మీకంటే గొప్ప భక్తులం...’ అంటూ మొరటుగా జవాబిచ్చారు. ప్రధాన రహదార్లపై అక్కడక్కడ ప్రైవేటు భవనాలపై పెట్టుకున్న ప్రతిపక్షం ఫ్లెక్సీలు కూడా తొలగించి ప్రభుత్వం తన విద్వేషపూరిత మనస్తత్వాన్ని చాటుకుంది.
 
 పనుల వరకూ చూస్తే తెలంగాణలోనూ పెద్ద తేడా ఏం లేదు. జూలై 15 కల్లా పనులన్నీ పూర్తికావాలని దేవాదాయ మంత్రి ఇంద్రకరణ్‌రెడ్డి పరుగులు పెట్టిం చినా కదలిక లేదు. దీన్ని ఆగస్టు 5కు పెంచినా ఫలితం లేదు. చివరకు 8వ తేదీకి దాన్ని సాగదీసినా ఉపయోగం లేదు. పుష్కరాలు మొదలుకావడానికి ముందు రోజు కూడా అక్కడక్కడ పనులు నడుస్తూనే ఉన్నాయి. ఒకటి రెండు చోట్లయితే పుష్కరఘాట్‌ల వద్ద ఏర్పాటు చేసిన రక్షణ కడ్డీలు విరిగిపోయాయి. నిర్మించిన మట్టిరోడ్లు వర్షాలకు జాడలేకుండా పోయాయి. పుష్కరాలు ఎప్పుడు ప్రారంభమ వుతాయో చాలా ముందే తెలుస్తుంది. అయినా నెల, నెలన్నర ముందు తప్ప చేయాల్సిన పనులకు సంబంధించి స్పష్టత రాకపోవడం, నిధులు విడుదల చేయకపోవడం ఆశ్చర్యం గొలుపుతుంది. పాలనా వ్యవహారాల్లో ఆరితేరినవారే రెండు రాష్ట్రాల్లోనూ ముఖ్యమంత్రులుగా ఉన్నా... గత అనుభవాలు పుష్కలంగా ఉన్నా ఈ విషయంలో వైఫల్యం చెందడం విచిత్రం. చంద్రబాబుకైతే నిరుడు గోదావరి పుష్కరాల్లో ఎదురైన చేదు అనుభవాలు ఉండనే ఉన్నాయి. పన్నెండేళ్ల కొకసారి వచ్చే పుష్కర సంరంభం లక్షలాదిమంది భక్తులను ఒకచోట చేర్చే సందర్భం. నదీ స్నానానికి వచ్చే భక్తకోటిని తిరిగి ఇళ్లకు వెళ్లేవరకూ సురక్షితంగా చూసుకోవాల్సిన బాధ్యత పాలనా యంత్రాంగానిది. ఆ బాధ్యతనైనా సక్ర మంగా, చిత్తశుద్ధితో నిర్వర్తించాలని అందరం కోరుకుందాం.


 * లక్ష ఒత్తుల హారతిచ్చిన చంద్రబాబు
 * బోయపాటి శ్రీను బృందం లేజర్ షో
 సాక్షి, విజయవాడ: బృహస్పతి కన్యారాశిలోకి ప్రవేశించే సమయంలో కృష్ణానదికి పుష్కరాలు వస్తాయని పండితులు చెబుతారు. గురువారం రాత్రి 9.30 గంటల శుభముహూర్తంలో పవిత్ర కృష్ణానదిలో ప్రత్యేకంగా ఏర్పాటుచేసిన వేదికపై నుంచి శ్రీ దుర్గామల్లేశ్వరస్వామి దేవస్థానం అర్చకులు నవహారతులు ఇవ్వడంతో పాటు కృష్ణమ్మను పూజించి పుష్కరుడ్ని ఆహ్వానించారు. అంతకు ముందు తొమ్మిది గంటల ప్రాంతంలో ముఖ్యమంత్రి చంద్రబాబునాయుడు భార్య భువనేశ్వరితో కలసి  కృష్ణా-గోదావరి సంగమ ప్రదేశానికి వచ్చారు.
 
 అక్కడే ఏర్పాటు చేసిన నమూనా దేవాలయాల్లోని శ్రీ దుర్గమ్మవారితో పాటు ఇతర దేవతామూర్తులు దర్శించుకుని పూజించారు. అక్కడ నుంచి కృష్ణానదీ తీరంలో ప్రత్యేకంగా ఏర్పాటు చేసిన ప్రదేశానికి వచ్చి కృష్ణమ్మకు లక్షఒత్తుల హారతిని ఇచ్చారు. గోదావరి-కృష్ణా సంగమాన్ని సినీదర్శకుడు బోయపాటి శ్రీను బృందం రంగురంగుల బాణసంచాతో, విద్యుత్ దీపాలతో సందర్శకుల్ని ఆకట్టుకునేలా వివరించారు. చంద్రబాబు లక్షఒత్తుల హారతి ఇవ్వగానే ఆకాశంలో మిరమిట్లుగొలిపేలా, రంగురంగుల విద్యుత్ కాంతులతో, అనేక రకాల శబ్దాలతోబాణసంచాను కాల్చారు.
 
 కృష్ణానదిపై లేజర్ షోను ప్రదర్శించారు. ప్రత్యేకంగా ఏర్పాటు చేసిన వేదికపై సాంస్కృతిక కార్యక్రమాలు నిర్వహించారు. ఈ కార్యక్రమంలో చంద్రబాబు తనయుడు లోకేష్, మంత్రులు పి.మాణిక్యాలరావు, అచ్చెన్నాయుడు, నారాయణ, దేవినేని ఉమా, కొల్లురవీంద్ర, ఎంపీ కేశినేని శ్రీనివాస్, జెడ్పీ చైర్‌పర్సన్ గద్దె అనూరాధ పాల్గొన్నారు.
  
 మొదలైన కృష్ణా పుష్కరాలు
 సాక్షి, అమరావతి: పుష్కరుడు కృష్ణా నదిలోకి ప్రవేశించాడు. పుణ్యస్నానాలకు కృష్ణవేణి సిద్ధమైంది. కృష్ణాజిల్లా ఇబ్రహీంపట్నం సమీపంలోని కృష్ణా -గోదావరి సంగమం ప్రాంతంలో గురువారం రాత్రి కృష్ణా హారతి ఆరంభంతో పుష్కర వేడుకలకు ప్రభుత్వం నాంది పలికింది.
  
 పిండ ప్రదానం పూజ ధర రూ. 300
 కృష్ణా పుష్కరాల సందర్భంగా పిండ ప్రదానం పూజకు రాష్ట్ర ప్రభుత్వం రూ. 300 ధరను నిర్ణయించింది. పిండ ప్రదానంతో పాటు పుష్కర స్నాన ఘాట్ల వద్ద జరిగే వివి ద రకాల పూజలకు రాష్ట్ర ప్రభుత్వం ధరలను నిర్ణయించింది. ఘాట్ల వద్ద పూజల నిర్వహణకు  దేవాదాయ శాఖ ప్రత్యేకంగా పాస్‌లు జారీ చేయడంతోపాటు భక్తుల నుంచి ప్రభుత్వం నిర్ణయించిన ధరలకే పూజా కార్యక్రమాలు నిర్వహించాలని ఆదేశాలు జారీ చేసింది. పూజను బట్టి మహా సంకల్పం, సరిగంగ స్నానం, ప్రాయశ్చితం, గౌరీ పూజ, గంగ పూజ- రూ.150 చొప్పున ధర నిర్ణయించారు. స్వయంపాకం/పోతారు- మూ సివాయనం పూజకు రూ. 200 ధరగా నిర్ణయించారు. పూజా సామగ్రి కిట్లను ఘాట్ల వద్దే చౌక ధరలకు విక్రయించేందుకు ప్రత్యేకంగా డ్వాక్రా బజార్లను ఏర్పాటు చేశారు.


 సాక్షి, హైదరాబాద్: పుష్కరాల్లో బందోబస్తు చర్యలు పుష్కలం. పోలీసులు పటిష్టమైన భద్రతాచర్యలు చేపట్టారు. నిఘాను కట్టుదిట్టం చేశారు. ఈ నెల 12(శుక్రవారం) నుంచి జరిగే  కృష్ణా పుష్కరాలకు తరలి వచ్చే భక్తులకు ఇబ్బందులు తలెత్తకుండా భద్రతాపరంగా అన్ని ఏర్పాట్లు పూర్తి చేసినట్లు డీజీపీ అనురాగ్‌శర్మ తెలిపారు. ఈ మేరకు గురువారం ఆయన ఒక ప్రకటన విడుదల చేశారు. కృష్ణా నదీ పరీవాహక ప్రాంతంలోని మహబూబ్‌నగర్, నల్లగొండ జిల్లాలో దాదాపు 13,474 మంది పోలీసులతో బందోబస్తు నిర్వహిస్తున్నట్లు పేర్కొన్నారు. రద్దీ ఎక్కువగా ఉండే ఘాట్ల వద్ద 8 మంది సీనియర్ ఐపీఎస్ అధికారులను నియమించారు. మహబూబ్‌నగర్ జిల్లాలో మేజర్, మైనర్, లోకల్ ఘాట్లు 57 వరకు ఉన్నాయి. వీటి వద్ద భద్రత కోసం 6,754 మంది పోలీసులను కేటాయించారు.
 
 మహబూబ్‌నగర్ జిల్లాలోని బాగా రద్దీ ఉండే అవకాశమున్నా బీచుపల్లి ఘాట్‌కు శాంతిభద్రతల అదనపు డీజీ అంజనీకుమార్, హైదరాబాద్ రేంజ్ డీఐజీ అకున్ సబర్వాల్‌ను ఇన్‌చార్జిలుగా నియమించినట్లు తెలిపారు. అలంపూర్ పుష్కర ఘాట్‌కు ఐజీ కె.శ్రీనివాస్‌రెడ్డి, ఈగలపెంట వద్దనున్న ఘాట్‌కు సెక్యూరిటీ వింగ్ జాయింట్ సీపీ మహేందర్ కుమార్ రాథోడ్, కృష్ణా గ్రామం వద్దనున్న ఘాట్‌కు సీఐడీ ఎస్పీ ఎం.శ్రీనివాసులుకు భద్రతా పర్యవేక్షణ బాధ్యతలు అప్పగించినట్లు వెల్లడించారు. నల్లగొండ జిల్లాలోని 28 పుష్కరఘాట్ల భద్రత కోసం 6,720 మంది పోలీసులను ఏర్పాటు చేసినట్లు ఆయన వివరించారు. జిల్లాలో రద్దీగా ఉండే వాడపల్లి ఘాట్‌కు నార్త్‌జోన్ ఐజీ వై నాగిరెడ్డి, సాగర్ ఘాట్‌కు డీఐజీ ఎంకే సింగ్, మఠంపల్లి ఘాట్‌కు గ్రేహౌండ్స్ ఎస్పీ తరుణ్‌జోషిని కేటాయించినట్లు తెలిపారు.
  
 ట్రాఫిక్ నియంత్రణకు పటిష్ట చర్యలు
 పుష్కర భక్తులకు ట్రాఫిక్ పరంగా ఇబ్బందులు తలెత్తకుండా చర్యలు తీసుకున్నట్లు డీజీపీ అనురాగ్‌శర్మ పేర్కొన్నారు. ట్రాఫిక్‌ను అంచనా వేసి అదుపు చేసేందుకు రెండు ఇంటిగ్రేటెడ్ కంట్రోల్ రూమ్‌లు ఏర్పాటు చేశామని చెప్పారు. నల్లగొండ జిల్లాలో 55, మహబూబ్‌నగర్ జిల్లాలో 33 ట్రాఫిక్ పాయింట్లు ఏర్పాటు చేశామన్నారు. రహదారి వెంబడి ఎక్కడికక్కడ ఎల్‌ఈడీ డిస్‌ప్లే బోర్డులను నెలకొల్పిన్లు తెలిపారు. మహిళలపై వేధింపులు జరగకుండా చూసేందుకు 27 ‘షీ’ టీమ్‌లను, సంఘవిద్రోహ చర్యలు చోటు చేసుకోకుండా ఉండేందుకు 80 చెక్ టీమ్‌లను నియమించామని పేర్కొన్నారు. అన్ని పుష్కరఘాట్ల వద్ద దాదాపు 555 సీసీ కెమెరాలతో ఎల్లవేళలా గస్తీ నిర్వహిస్తామని వివరించారు. రెండు జిల్లాల ఎస్పీలు భక్తుల సౌకర్యార్థం కోసం మొబైల్ యాప్‌లను ఏర్పాటు చేశారన్నారు.


 సాక్షి, సిటీబ్యూరో: ఈ వారంలో వరుసగా సెలవులు కలిసిసొచ్చాయి. ఆగస్టు 12న కృష్ణా పుష్కరాలు ప్రారంభం కానుండగా, 13వ తేదీన రెండో శనివారం, 14న ఆదివారం, 15న స్వాతంత్య్ర దినోత్సవం. వరుసగా మూడురోజులు సెలవులు వచ్చాయి. 18వ తేదీ శ్రావణపూర్ణిమ రక్షాబంధన్‌ ఐచ్ఛిక సెలవుదినం కాగా, 21వ తేదీ ఆదివారం. మధ్యలో 16,17,19,20 తేదీలు మాత్రమే పనిదినాలు. దీంతో ఆయా రోజుల్లో పుష్కరాలకు భక్తులు రద్దీ పెరిగే సూచనలున్నాయి.
 
  


 భద్రాచలం : ఈ నెల 12 నుంచి 23 వరకు జరుగనున్న పుష్కరాలకు కృష్ణ నది ఉన్న అన్ని ప్రాంతాలకు ప్రత్యేక బస్సులు నడుపబడునని భద్రాచలం డిపో మేనేజర్‌ ఎన్‌. నర్సింహ ఒక ప్రకటనలో తెలిపారు. విజయవాడ కృష్ణా పుష్కరాలకు వెళ్లే ప్రయాణికుల కొరకు ఉదయం 3 గంటల నుంచి రాత్రి 11 గంటల వరకు ప్రతి 20 నిమిషాలకు ఒక బస్సు ఉంటుందన్నారు. విజయవాడ కృష్ణా పుష్కరాలకు వెళ్లే బస్సులు ఇబ్రహీంపట్నం వరకు వెళ్తాయని, అక్కడ నుంచి 4పి, 4బి, 4ఎస్‌ నంబర్ల గల ఉచిత బస్సులు కృష్ణా పుష్కర ఘాట్ల వద్దకు ఉచితంగా భక్తులను చేర్చుతాయన్నారు. ప్రయాణికులు ఈ బస్సు సౌకర్యాలను సద్వినియోగం చేసుకోవాలన్నారు. మరిన్ని వివరాలకు 9959225987 నంబరును సంప్రదించాలన్నారు. 


 భద్రాచలం : ఈ నెల 12 నుంచి 23 వరకు జరుగనున్న పుష్కరాలకు కృష్ణ నది ఉన్న అన్ని ప్రాంతాలకు ప్రత్యేక బస్సులు నడుపబడునని భద్రాచలం డిపో మేనేజర్‌ ఎన్‌. నర్సింహ ఒక ప్రకటనలో తెలిపారు. విజయవాడ కృష్ణా పుష్కరాలకు వెళ్లే ప్రయాణికుల కొరకు ఉదయం 3 గంటల నుంచి రాత్రి 11 గంటల వరకు ప్రతి 20 నిమిషాలకు ఒక బస్సు ఉంటుందన్నారు. విజయవాడ కృష్ణా పుష్కరాలకు వెళ్లే బస్సులు ఇబ్రహీంపట్నం వరకు వెళ్తాయని, అక్కడ నుంచి 4పి, 4బి, 4ఎస్‌ నంబర్ల గల ఉచిత బస్సులు కృష్ణా పుష్కర ఘాట్ల వద్దకు ఉచితంగా భక్తులను చేర్చుతాయన్నారు. ప్రయాణికులు ఈ బస్సు సౌకర్యాలను సద్వినియోగం చేసుకోవాలన్నారు. మరిన్ని వివరాలకు 9959225987 నంబరును సంప్రదించాలన్నారు. 


 షాద్‌నగర్‌రూరల్‌:  ప్రతి పన్నెండు సంవత్సరాలకు ఒకసారి వచ్చే పుష్కరాల సమయంలో గహంలో ఎలాంటి కార్యక్రమాలు చేయాలి? ఎయే కార్యక్రమాలు చేయకూడదనే సందేహాలు ఉండటం సహజం. కష్ణా పుష్కరాలు రేపటి నుంచి ప్రారంభంకానున్న సందర్భంగా ప్రజలకు ఉన్న అపోహలౖపై పూర్తి సమాచారాన్ని ఇవ్వడానికి  షాద్‌నగర్‌ బ్రాహ్మణ సేవా సమాఖ్య ముందుకు వచ్చింది.  పుష్కర  సమయంలో ఎలాంటి పనులు చే యాలి? ఎలాంటి పనులు చేయకూడదనే విషయాన్ని బ్రాహ్మణసేవా సమాఖ్య పట్టణ ప్రధాన కార్యదర్శి చిలుకూరి రామసత్యనారాయణ శర్మ బుధవారం వివరంగా తెలిపారు. పుష్కరకాలం అనేది ఎంతో పవిత్రమైనదని ఈ సమయంలో దాన ధర్మాలు, పిండ ప్రధానాలు, వ్రతాలు , నోములు వంటి కార్యక్రమాలు యధావిధిగా చేసుకోవచ్చని తెలిపారు. వ్రతాలకు పుష్కర కాలం చాలా మంచిదని ఆయన తెలిపారు. ఇదిలా ఉంటే  పుష్కర నదీ పరివాహక ప్రాంతం చుట్టూ 45 కిలోమీటర్ల దూరంలో ఉన్న ప్రజలు పుష్కరాల సమయంలో వివాహాలు, గహప్రవేశాలు. భూమిపూజలు  చేయరాదన్నారు.


 కావలిఅర్బన్‌ : ఈనెల 12వ తేదీ నుంచి ప్రారంభమయ్యే కష్ణా పుష్కరాలకు కావలి నుంచి విపత్తుల నిర్వహణ బందం తరలివెళ్లింది. స్థానిక రెడ్‌క్రాస్‌ ఆధ్వర్యంలో అంబులెన్స్‌తో పాటు 5 మంది సభ్యులతో కూడిన బందం బుధవారం స్థానిక ఆర్డీఓ కార్యాలయం నుంచి బయలుదేరింది. ఈ వాహనాన్ని ఆర్డీఓ లక్ష్మీనరసింహం జెండా ఊపి ప్రారంభించారు. ఈ సందర్భంగా రెడ్‌క్రాస్‌ అధ్యక్షుడు,  ఆర్డీఓ మాట్లాడుతూ ఈ బందం సభ్యులు ప్రాథమిక చికిత్స, విపత్తుల నిర్వహణలో శిక్షణ పొందినవారని తెలిపారు. వీరు రెడ్‌క్రాస్‌ ఆధ్వర్యంలో సేవలు అందిస్తున్నారన్నారు. బందంలో బీద లక్ష్మీనంద, మొగళ్లపల్లి సాయిగుప్త, డి.నబికేత్, కాకుమాని ప్రీతమ్‌శెట్టి, డాకారపు పుశ్యమిత్రలున్నారు. ఈ కార్యక్రమంలో రెడ్‌క్రాస్‌ కార్యదర్శి డి.రవిప్రకాష్, సెంట్రల్‌ బ్యాంకు డైరెక్టర్‌ డి.సుధీర్‌నాయుడు పాల్గొన్నారు. 
  
  


 మహబూబ్‌నగర్‌ క్రైం: తెలంగాణ రాష్ట్రం ఏర్పాటు తర్వాత రాబోతున్న కృష్ణా పుష్కరాలలో ఎలాంటి ఇబ్బందికరమైన సంఘటనలకు తావివ్వకుండా జిల్లా అబ్కారీ  శాఖ ప్రత్యేక దృష్టి పెట్టింది. దీనిలో భాగంగానే జిల్లాలో అతి ప్రధానమైన ఘాట్లలలో ఎక్సైజ్‌ సిబ్బంది నిఘా ఉంచనున్నారు. జిల్లాలో బీచుపల్లి, రంగాపూర్, గొందిమళ్ల, సోమశిల, కృష్ణ, పసుపుల, అలంపూర్‌ ఇతర ప్రధాన ఘాట్లలలో ఈ శాఖ నుంచి ప్రత్యేక సిబ్బందిని కేటాయించారు. ఇప్పటికే ప్రధాన ఘాట్ల వద్ద ఇద్దరు ఎస్‌ఐలతో పాటు ముగ్గురు మగ, ఇద్దరు ఆడ కానిస్టేబుల్స్‌కు విధులు కేటాయించారు.
    జిల్లాలో పుష్కర ఘాట్ల వద్ద మద్యం, కల్లు, సారా అమ్మకాలు పూర్తిగా అరికట్టాడానికి అధికారులు భావిస్తున్నారు. దీంతో పాటు పుష్కర ఘాట్‌లకు దాదాపు 500నుంచి 600మీటర్ల సమీపంలో ఉండే మద్యం దుకాణాలు పుష్కర రోజుల సమయంలో పూర్తిగా మూసి వేయడానికి ప్రణాళిక చేస్తున్నారు. దాంతో పాటు ఘాట్ల దగ్గర, జాతీయ రహదారిపై ఎలాంటి మద్యం అమ్మకాలు లేకుండా చేయడానికి ఆ శాఖ చర్యలు తీసుకుంటుంది. ముఖ్యంగా పుష్కర ఘాట్లకు వచ్చే భక్తులు ఎవరు కూడా మద్యం, కల్లు, సారా సేవించకుండా ఉండటానికి ఆ శాఖ నుంచి అవగాహన కార్యక్రమాలు చేయాలని చూస్తున్నారు.
  


 దేవరపల్లి : కృష్ణా  పుష్కరాలు ప్రారంభం సందర్భంగా ఈ నెల 11 నుంచి కొవ్వూరు–గుండుగొలను రోడ్డులో భారీ వాహనాలు, లారీల రాకపోకలను క్రమబద్ధీకరిస్తున్నట్టు కొవ్వూరు రూరల్‌ సీఐ ఎం.సుబ్బారావు తెలిపారు. పుష్కరాల సందర్భంగా దేవరపల్లి మూడు రోడ్లు జంక్షన్‌లో కంట్రోల్‌ రూమ్‌ ఏర్పాటు చేసినట్టు ఆయన తెలిపారు. ఈనెల 11 నుంచి విశాఖపట్నం వైపు నుంచి చెన్నై, హైదరాబాద్‌ వెళ్లే వాహనాలను దేవరపల్లిలో గోపాలపురం, కొయ్యలగూడెం. జంగారెడ్డిగూడెం, అశ్వారావుపేట మీదుగా మళ్లిస్తున్నట్టు ఆయన తెలిపారు. కార్లు, బస్సులు, మోటారు సైకిళ్లను మాత్రమే విజయవాడకు అనుమతించడం జరుగుతుంన్నారు. ఈనెల 25 వరకు ట్రాఫిక్‌ మళ్లించడం జరుగుతుందని, కంట్రోల్‌ రూమ్‌ కూడా పనిచేస్తుందని ఆయన తెలిపారు. ట్రాఫిక్‌ మల్లింపునకు సిబ్బందిని నియమించినట్టు ఆయన తెలిపారు. పుష్కరయాత్రికులకు అసౌకర్యం కలగకుండా వాహనదారులు
  
  
  
  
  


 ఆత్మకూర్‌ : కష్ణాపుష్కరాల సందర్భంగా మండల పరిధిలోని జూరాల పుష్కరఘాట్‌ వద్ద మత్స్యశాఖ ఆధ్వర్యంలో గజ ఈతగాళ్లకు అవగాహన కల్పించారు. ఈ సందర్భంగా ఆ శాఖ ఏడీ ఖాజా మాట్లాడుతూ ప్రభుత్వం పుష్కరాలను ఎంతో ప్రతిష్టాత్మకంగా నిర్వహిస్తుందని ఒక్క భక్తుడికి కూడా ఎలాంటి ప్రాణనష్టం జరగకుండా చూడాల్సిన బాధ్యత గజ ఈతగాళ్లదే అన్నారు. ప్రతిఒక్కరూ అప్రమత్తంగా ఉండాలని, పుష్కరస్నానం ఆచరించే భక్తులకు భరోసా ఇవ్వాలన్నారు. ఈ సందర్భంగా తమకు పుట్టీలు ఏర్పాటు చేయాలని మత్స్యకారులు కోరగా ఆ పుట్టీలను వారే సమకూర్చుకోవాలన్నారు. ప్రతి మత్స్యకారుడికి రోజుకు రూ.350 గౌరవ వేతనం అందజేస్తామన్నారు. జూరాల పుష్కరఘాట్‌ వద్ద 12మంది గజ ఈతగాళ్లను నియమిస్తున్నామని, అదేవిధంగా జిల్లాలోని అన్ని ఘాట్ల వద్ద 12మంది గజ ఈతగాళ్లను నియమించినట్లు తెలిపారు. కార్యక్రమంలో మత్స్యకారులు, ఆయా శాఖల అధికారులు పాల్గొన్నారు. 
  
  
  


 –పుష్కరఘాట్లకు జలకళ
 –నిండుకుండలా జూరాల జలాశయం 
 –నారాయణపూర్‌ నుంచి భారీగా వరద
 –జిల్లాలో ప్రధాన జలాశయాలకు జలకళ
 –14గేట్ల ద్వారా శ్రీశైలం రిజర్వాయర్‌కు నీటివిడుదల
 ఎగువ ప్రాంతాల్లో కురుస్తున్న భారీ వర్షాలకు కృష్ణమ్మ బిరబిరా పరుగులు తీస్తోంది. ఆల్మటి, నారాయణపూర్,  జూరాలను దాటి శ్రీశైలం వైపునకు ఉరకలేస్తోంది. నిన్నమొన్నటి వరకు బోసిపోయిన పుష్కరఘాట్లు జలకళను   సంతరించుకున్నాయి.
 సాక్షి ప్రతినిధి, మహబూబ్‌నగర్‌ : వరుణుడు కరుణ కురిపించాడు.. తెలంగాణ రాష్ట్రం ఏర్పడిన తరువాత ప్రప్రథమంగా ప్రతిష్టాత్మంగా నిర్వహిస్తున్న కృష్ణా పుష్కరాలకు కొత్త శోభ తీసుకొచ్చాడు.. జిల్లాలో ఈనెల 12 నుంచి ప్రారంభంకానున్న కృష్ణా పుష్కరాలకు వారంరోజుల ముందే జిల్లాకు పుష్కరశోభ సంతరించుకుంది. పుష్కరాలకు వచ్చే భక్తులకు ఎలాంటి ఇబ్బందులు తలెత్తకుండా అధికారులు అన్ని ఏర్పాట్లు చేస్తున్నప్పటికీ ఘాట్లకు చాలినన్ని నీళ్లురాకపోతే స్నానాలకు ఇబ్బంది   కలుగుతుందేమోనని భావించారు. అయితే మహారాష్ట్ర, కర్ణాటక ప్రాంతాల్లో  భారీవర్షాలు కురుస్తుండడంతో వరదనీరు పరవళ్లు తొక్కుతోంది. ఎగువన ఉన్న ప్రధాన ప్రాజెక్టుల నుంచి నీటిని దిగువకు విడుదల చేస్తుండటంతో జిల్లాలోని జూరాల ప్రాజెక్టుతో పాటు దాని అనుబంధ జలాశయాలు నీటితో కళకళలాడుతున్నాయి. ఇక పుష్కరస్నానాలకు ఎంతమంది భక్తులు వచ్చినా ఇబ్బంది ఉండదని అధికారులు చెబుతున్నారు. ప్రస్తుతం జూరాల జలాశయంలో 8.377టీఎంసీల నీరు నిల్వ ఉంది. 14గేట్ల  ద్వార 2.63 లక్షల క్కూసెక్కుల నీటిని కిందికి వదులుతున్నారు. 
  
 దిగువకు వరద ఉధృతి
 జూరాలకు ఎగువన ఉన్న నారాయణపూర్‌ ప్రాజెక్టు నుంచి దాదాపు లక్షన్నర క్యూసెక్కుల నీటిని గురువారం జూరాలకు విడుదల చేశారు. శుక్రవారం నారాయణపూర్‌ ఎగువ ప్రాంతంలో భారీ వరదలు వస్తుండడంతో జూరాలకు మరో లక్ష క్యూసెక్కుల నీటి వదిలిపెట్టారు. దీనికి అనుగుణంగానే నీటిపారుదల శాఖ అధికారులు జూరాల ప్రాజెక్టు సామర్థ్యానికి మించి నీరు నిల్వ ఉండకుండా శ్రీశైలం జలాశయానికి విడుదల చేస్తున్నారు. దీంతో జిల్లాలోని 52పుష్కరఘాట్లలో కొన్ని మినహా అన్నికూడా పూర్తిస్థాయి నీటిమట్టంతో భక్తులు పుష్కరస్నానాలు ఆచరించేందుకు సిద్ధమవుతున్నాయి. ఇదిలాఉండగా, సీఎం కేసీఆర్‌ పుష్కరాలను ప్రారంభించి పుణ్యస్నానం ఆచరించే అలంపూర్‌ మండలం గొందిమళ్ల వీఐపీ పుష్కరఘాట్‌లో నీళ్లు ఇంకా పూర్తిస్థాయికి చేరుకోలేదు. శ్రీశైలం బ్యాక్‌వాటర్‌ నుంచి ఈ ప్రాంతానికి నీళ్లు మళ్లాల్సి ఉండడంతో ఈనెల 10వ తేదీ వరకు గొందిమళ్ల ఘాట్‌కు నీళ్లొచ్చే అవకాశం ఉందని భావిస్తున్నారు.
  
 పుష్కరఘాట్లకు జలకళ
 ఇప్పటికే మక్తల్, గద్వాల, వనపర్తి నియోజకరవర్గాల్లోని అన్ని ఘాట్లు, బీచుపల్లి ప్రధాన పుష్కరఘాట్‌లోకి పూర్తిస్థాయికి నీళ్లు చేరుతున్నాయి. మరో ఒకటి రెండు రోజుల్లో మరికొన్ని ఘాట్లకు కృష్ణమ్మ వరద రానుందని అధికారులు చెబుతున్నారు. ఇక జిల్లాలో మరో వీఐపీ ఘాట్‌ సోమశిలకు శ్రీశైలం బ్యాక్‌వాటర్‌ నుంచి నీళ్లు రావాల్సి ఉంది. సామర్థ్యానికి అనుగుణంగా జలాశయం నిండకపోవడంతో ఈ ప్రాంతానికి నీళ్లు రావడానికి మరికొంత సమయం పట్టే అవకాశం ఉంది. కృష్ణా పుష్కరాలకు జిల్లాలో రూ.250కోట్లతో అన్ని ఏర్పాట్లుచేసిన అధికారులు పుష్కర స్నానానికి నీటికొరత తీర్చడం ఎలాగని కొంత ఆందోళనకు గురయ్యారు. కృష్ణానదికి పుష్కలంగా నీళ్లు రావడంతో సంతోషం వ్యక్తంచేస్తున్నారు. 
  
  


 పాతాళగంగ (మన్ననూర్‌) : కృష్ణా పుష్కరాల్లో ప్రతిఒక్కరూ బాధ్యతాయుతంగా విధులు నిర్వర్తించాలని పుష్కరాల నిర్వహణ ప్రత్యేక అధికారులు మధుసూదన్‌నాయక్, డాక్టర్‌ వెంకటయ్య ఆదేశించారు. శుక్రవారం పాతాళగంగ వద్ద ఉన్న ఆంజనేయస్వామి ఆలయ ప్రాంగణంలో సిబ్బందితో వారు మాట్లాడారు. 12రోజులపాటు నిర్వహించే పుష్కరాల్లో క్షేత్రస్థాయిలోనే ఉండాలన్నారు. పారిశుద్ధ్యంపై ప్రత్యేక శ్రద్ధ తీసుకోవాలన్నారు. కృష్ణవేణి, వనమయూరి, మన్ననూర్‌లోని వనమాలికలో వీఐపీల కోసం ప్రత్యేక వసతి ఏర్పాటు చేశామన్నారు. మీడియా పాయింట్‌ వద్ద రెయిన్‌ ప్రూఫ్‌ టెంట్లు ఏర్పాటు చేయాలన్నారు. ఈ కార్యక్రమంలో సర్పంచ్‌ సోని, ఉపసర్పంచ్‌ ప్రసాద్, నాగర్‌కర్నూల్‌ డీఎస్పీ ప్రవీణ్‌కుమార్, అచ్చంపేట ఆర్టీసీ డీఎం నారాయణ, తహసీల్దార్‌ కృష్ణయ్య, ఎంపీడీఓ రఘునందన్, సీఐ శ్రీనివాస్, ఆర్‌ఐ కృష్ణాజీ తదితరులు పాల్గొన్నారు.  
  
  
  


 – 7సహాయక కేంద్రాలు 
 – ఎస్పీ రెమా రాజేశ్వరి
 మహబూబ్‌నగర్‌ క్రైం : కృష్ణా పుష్కరాలు పోలీస్‌ నిఘాలో కొనసాగుతాయని, ప్రతి ఘాట్‌ వద్ద భారీ బందోబస్తు ఏర్పాటు చేస్తామని ఎస్పీ రెమా రాజేశ్వరి శుక్రవారం ఒక ప్రకటనలో తెలిపారు. పోలీస్‌ అధికారులు తీసుకుంటున్న భద్రత చర్యలకు అందరూ సహకరించాలని కోరారు. ముఖ్యంగా పుష్కరాలకు వాహనాల్లో వచ్చే భక్తులకు షాద్‌నగర్‌ సమీపంలోని రాయికల్‌ టోల్‌గేట్‌ దగ్గర ఉచిత పార్కింగ్‌కోసం గుర్తింపు పాస్‌లు అందజేస్తామన్నారు. ఈ పాస్‌ ఉన్న వాహనాలకు జిల్లాలోని వివిధ ఘాట్‌లలో ఉచిత పార్కింగ్‌తోపాటు పుష్కరాల సమాచారం లభిస్తుందన్నారు. అలాగే భక్తులకు అవసరమైన సమాచారం అందించేందుకుగాను తిమ్మాపూర్, రాయికల్, జడ్చర్ల, భూత్పూర్, అడ్డాకుల, కడుకుంట్ల, పెబ్బేర్‌లో పోలీస్‌ శాఖ తరఫున సహాయక కేంద్రాలు ఏర్పాటు చేస్తామన్నారు.  పుష్కర ఘాట్‌లకు దారులు చూపే యాప్‌ను ఆవిష్కరించామన్నారు. ప్రస్తుతం పోలీస్‌ శాఖ వినూత్నంగా చేపడుతున్న సాంకేతిక పరిజ్ఞానం ప్రతి ఒక్కరూ ఉపయోగించుకోవాలన్నారు. 
  
 జోగుళాంబ ఘాట్‌ సందర్శన
 అలంపూర్‌: మండలంలోని గొందిమల్లలో నిర్మిస్తున్న జోగుళాంబ ఘాట్‌ను ఎస్పీ రెమా రాజేశ్వరి శుక్రవారం సందర్శించారు. ముఖ్యమంత్రి కేసీఆర్‌ కృష్ణా పుష్కరాలకు రానుండటంతో భద్రత, పుష్కర ఘాట్‌లో నీటి స్థాయిని ఆమె పరిశీలించారు. సీఎం ఇక్కడే బస చేయనుండటంతో అందుకు తగ్గ ఏర్పాట్ల కోసం అలంపూర్‌ పట్టణంలోని టూరిజం హోటల్, సమీపంలోని పాఠశాలను పరిశీలించారు. ఈ కార్యక్రమంలో డీఎస్పీ బాలకోటి, సీఐ వెంకటేశ్వర్లు, ఎస్‌ఐ పర్వతాలు పాల్గొన్నారు. 
  
  


  
 
   డీఈవో శ్రీనివాసులురెడ్డి వెల్లడి 
 
  గుంటూరు ఎడ్యుకేషన్‌ : కృష్ణా పుష్కరాలు జరిగే రోజుల్లో జిల్లాలోని 150 ప్రభుత్వ పాఠశాలలకు సెలవులు ప్రకటిస్తున్నట్లు జిల్లా విద్యాశాఖాధికారి కేవీ శ్రీనివాసులురెడ్డి చెప్పారు. పుష్కర నగర్, ఘాట్లకు సమీపంలో ఉన్న ప్రభుత్వ, ఎయిడెడ్‌ పాఠశాలలను గుర్తించి ప్రభుత్వానికి నివేదిక పంపామని తెలిపారు. శుక్రవారం ఆయన విలేకర్లతో మాట్లాడుతూ ఈ నెల 12న ప్రారంభం కానున్న పుష్కరాల విధుల్లో నిమగ్నమైన రెవెన్యూ, పోలీస్, ఆర్టీసీ ఉద్యోగులు, సిబ్బంది బస చేసేందుకు ఈ పాఠశాలలను కేటాయించనున్నట్లు చెప్పారు. పుష్కరాలు జరిగే 12 రోజులూ ఆయా పాఠశాలలు ప్రభుత్వ ఆధీనంలో ఉంటాయన్నారు. సిబ్బంది అవసరాల నిమిత్తం 12వ తేదీకి ముందే వాటిని స్వాధీనం చేసుకునే అవకాశముందని చెప్పారు. పుష్కరాల సందర్భంగా పని దినాలు నష్టపోయిన పాఠశాలలను ఆదివారాలు, ఇతర సెలవు దినాల్లో నిర్వహించేందుకు చర్యలు తీసుకుంటామని తెలిపారు. జిల్లాలోని అన్ని పాఠశాలలకు ఈ నెల 12న, తిరిగి 24న సెలవులుగా పరిగణించే విషయమై జిల్లా కలెక్టర్‌ ఆదేశాల మేరకు సెలవులు ప్రకటిస్తామని చెప్పారు. పుష్కరాలు జరిగే రోజుల్లో ఉన్నత పాఠశాలల్లోని విద్యార్థులకు ప్రభుత్వం నిర్దేశించిన మార్గదర్శకాల ప్రకారం వక్తృత్వ, వ్యాసరచన పోటీలు నిర్వహించాలని ఎంఈవోలను ఆదేశించారు. 
  


 
    డీఈవో శ్రీనివాసులురెడ్డి వెల్లడి 
 
  గుంటూరు ఎడ్యుకేషన్‌ : కృష్ణా పుష్కరాలు జరిగే రోజుల్లో జిల్లాలోని 150 ప్రభుత్వ పాఠశాలలకు సెలవులు ప్రకటిస్తున్నట్లు జిల్లా విద్యాశాఖాధికారి కేవీ శ్రీనివాసులురెడ్డి చెప్పారు. పుష్కర నగర్, ఘాట్లకు సమీపంలో ఉన్న ప్రభుత్వ, ఎయిడెడ్‌ పాఠశాలలను గుర్తించి ప్రభుత్వానికి నివేదిక పంపామని తెలిపారు. శుక్రవారం ఆయన విలేకర్లతో మాట్లాడుతూ ఈ నెల 12న ప్రారంభం కానున్న పుష్కరాల విధుల్లో నిమగ్నమైన రెవెన్యూ, పోలీస్, ఆర్టీసీ ఉద్యోగులు, సిబ్బంది బస చేసేందుకు ఈ పాఠశాలలను కేటాయించనున్నట్లు చెప్పారు. పుష్కరాలు జరిగే 12 రోజులూ ఆయా పాఠశాలలు ప్రభుత్వ ఆధీనంలో ఉంటాయన్నారు. సిబ్బంది అవసరాల నిమిత్తం 12వ తేదీకి ముందే వాటిని స్వాధీనం చేసుకునే అవకాశముందని చెప్పారు. పుష్కరాల సందర్భంగా పని దినాలు నష్టపోయిన పాఠశాలలను ఆదివారాలు, ఇతర సెలవు దినాల్లో నిర్వహించేందుకు చర్యలు తీసుకుంటామని తెలిపారు. జిల్లాలోని అన్ని పాఠశాలలకు ఈ నెల 12న, తిరిగి 24న సెలవులుగా పరిగణించే విషయమై జిల్లా కలెక్టర్‌ ఆదేశాల మేరకు సెలవులు ప్రకటిస్తామని చెప్పారు. పుష్కరాలు జరిగే రోజుల్లో ఉన్నత పాఠశాలల్లోని విద్యార్థులకు ప్రభుత్వం నిర్దేశించిన మార్గదర్శకాల ప్రకారం వక్తృత్వ, వ్యాసరచన పోటీలు నిర్వహించాలని ఎంఈవోలను ఆదేశించారు. 
  


 
     ఎస్పీ విజయకుమార్‌ వెల్లడి
 
  అవనిగడ్డ: పుష్కరాలను పురస్కరించుకుని జిల్లాలోని అన్ని రద్దీ ప్రాంతాల్లో సీసీ కెమెరాలతో నిఘా పెంచనున్నట్లు ఎస్పీ జీ విజయకుమార్‌ తెలిపారు. స్థానిక డీఎస్పీ కార్యాలయ ఆవరణలో నిర్మించిన పోలీస్‌ కంట్రోల్‌ రూమ్‌ను శుక్రవారం ఆయన పరిశీలించారు. ఆయన మాట్లాడుతూ ఒంగోలు–విశాఖపట్నం మధ్య వెళ్లే వాహనాలు దివిసీమ మీదుగా దారి మళ్లించేందుకు చర్యలు తీసుకుంటున్నట్టు చెప్పారు. భారీ వాహనాలను ఒంగోలు, అద్దంకి, మిర్యాలగూడ, నార్కెట్‌పల్లి, సూర్యాపేట, సత్తుపల్లి, ఖమ్మం, రాజమండ్రి మీదుగా విశాఖ, ఇతర వాహనాలను ఒంగోలు, చీరాల, బాపట్ల, రేపల్లె, పులిగడ్డ, మోపిదేవి, చల్లపల్లి మీదుగా పామర్రు వైపు ఒక మార్గం, మచిలీపట్నం నుంచి పెడన వైపు మరో మార్గాన మళ్లించనున్నట్లు తెలిపారు. దీనికి సంబంధించి గ్రామాల సూచీ బోర్డులు ఏర్పాటు చేస్తున్నామన్నారు. ప్రతి నాలుగు కిలోమీటర్లకు ప్రత్యేక హెల్ప్‌ డెస్క్‌లు ఉంటాయని తెలిపారు. కోడూరు మండలం సాగర ‡సంగమం పాయింట్‌ వద్ద నది కోత ఎక్కువగా ఉన్నందున స్నానాలకు అనుమతి లేదన్నారు. ఇక్కడ జల్లు స్నానాలకు చర్యలు తీసుకుంటున్నామని చెప్పారు. భారీ కేడ్లు, ఐరన్‌ మెస్‌లను ఏర్పాటు చేస్తున్నట్టు తెలిపారు. సాగర సంగమం, హంసలదీవి, మోపిదేవి ఆలయాల వద్ద సీసీ కెమెరాలు ఉంటాయన్నారు. ఆయన వెంట డీఎస్పీ ఖాదర్‌బాషా ఉన్నారు.  
  


 -కష్ణా పుష్కరాల కోసం 
 434ప్రత్యేక బస్సులు
 - ప్రతి ఘాట్‌ వద్ద
    ‘మై హెల్ప్‌ యూ డెస్క్‌’ ఏర్పాటు
 - ప్రతి రైల్వేస్టేçÙన్‌ నుంచి
     ప్రత్యేక బస్సులు
 - ఆర్టీసీ ఆర్‌ఎం వినోద్‌కుమార్‌
 మహబూబ్‌నగర్‌ క్రైం: జిల్లాలో ఈనెల 12నుంచి 23వ తేదీ వరకు జరిగే కష్ణ పుష్కరాలకు జిల్లా ఆర్టీసీ నుంచి ప్రత్యేక బస్సులు నడుపుతున్నట్లు ఆర్‌ఎం వినోద్‌కుమార్‌ పేర్కొన్నారు. జిల్లాకేంద్రంలోని ఆర్టీసీ బస్టాండ్‌లో గురువారం నిర్వహించిన విలేకరుల సమావేశంలో ఆయన మాట్లాడుతూ పుష్కరాలకు సంబంధించిన బస్సుల వివరాలను ఆయన వెల్లడించారు. జిల్లాలో జరిగే కష్ణ పుష్కరాలకు దాదాపు 2కోట్ల మంది భక్తులు రావచ్చని అంచనా వేశామని, ఇందులో 60శాతం భక్తులు బస్సులను ఆశ్రయించే అవకాశం ఉందని తెలిపారు. ఈ నేపథ్యంలో జిల్లాలో ఉన్న ప్రధాన బస్టాండ్ల నుంచి ప్రతి 40నిమిషాలకు ఒక బస్సు అందుబాటులో ఉండే విధంగా చర్యలు చేపట్టినట్లు వెల్లడించారు. పుష్కరస్నానం కోసం వివిధ ప్రాంతాల నుంచి రైలుమార్గంలో వచ్చేభక్తుల కోసం జిల్లాలో ఉన్న పలు రైల్వేస్టేçÙన్ల నుంచి ఆర్టీసీ ప్రత్యేక బస్సులు నడుపుతుందని స్పష్టం చేశారు. దీంట్లో ప్రధానంగా మహబూబ్‌నగర్, గద్వాల, అలంపూర్, శ్రీరాంనగర్, మదనాపురం తదితర ప్రాంతాల నుంచి నడుపుతున్నట్లు వెల్లడించారు.
  
 పార్కింగ్‌ స్థలాల నుంచి బస్సులు 
 పుష్కరాల కోసం ప్రత్యేకంగా జిల్లా రీజియన్‌ నుంచి 294బస్సులు, ఇతర రీజియన్‌ల నుంచి 140బస్సులను నడుపుతున్నట్లు తెలిపారు. భక్తుల రద్దీని దష్టిలో పెట్టుకుని పుష్కరాల సమయంలో మరిన్ని అదనపు బస్సులు నడపడానికి ఆర్టీసీ సిద్ధంగా ఉందని చెప్పారు. రంగాపూ ర్, అచ్చంపేట, కష్ణఘాట్ల వద్ద ఆర్టీసీ బస్సుల పార్కింగ్‌ స్థలానికి, స్నానఘట్టాలకు మధ్య దూరం ఎక్కువ ఉన్న నేపథ్యంలో పార్కింగ్‌ స్థలం నుంచి ఘాట్‌ వరకు షెటిల్‌ సర్వీస్‌లను ఏర్పాటు చేసినట్లు తెలిపారు. ప్రతి ఘాట్‌లో ప్రత్యేక బస్సుల వివరాలతో పాటు ఆర్టీసీ నుంచి ‘మై హెల్ప్‌ యు డెస్క్‌’ను ఏర్పాటు చేస్తున్నట్లు తెలిపారు. కొత్తకోట, బీచుపల్లి, రంగాపూర్, ఆత్మకూర్‌లో రిలీఫ్‌ వ్యాన్స్‌ ఏర్పాటు చేశామని, అలాగే పెబ్బేర్‌లో  బేస్‌ క్యాంపులు ఏర్పాటు చేసినట్లు తెలిపారు. ప్రధానంగా జడ్చర్ల, పెబ్బే రు జాతీయ రహదారిపై రెండు మొబైల్‌ వాహనాలను ఏర్పాటు చేస్తామని, వీటి ద్వారా భక్తులకు బస్సుల సమాచారం ఎప్పటికప్పుడు చేరవేస్తామని చెప్పారు. పుష్కరాల కోసం ఆర్టీసీ నుంచి మంచి సర్వీస్‌ అందించడం కోసం ఇద్దరు ఆర్‌ఎంలు, ఆరుగురు డివిజన్‌స్థాయి అధికారులు, 12మంది డిపో మేనేజర్‌స్థాయి అధికారులతో పాటు 102మంది అదనపు సిబ్బందిని నియమించి నట్లు చెప్పారు. అలాగే ఆర్టీసీ హోంగార్డులు, ఆర్టీసీ కానిస్టేబుళ్లు ఇందులో పాల్గొంటారని తెలిపారు. ఉత్తర తెలంగాణతో పాటు హైదరాబాద్‌లోని ఎంజీబీఎస్‌ నుంచి రంగాపూర్‌ ఘాట్‌కు 50ప్రత్యేక బస్సులు నడుపుతున్నట్లు వెల్లడించారు. కార్యక్రమంలో సీటీఎం రాజేంద్ర ప్రసాద్, సీఎంఈ మహేశ్‌కుమార్, డిపో మేనేజర్‌ భాస్కర్, సత్తయ్య, రామయ్య, రాజగోపాల్‌రావు, రాజీవ్‌కుమార్, తదితరులు పాల్గొన్నారు.
  


  
 
 కలెక్టర్‌ కాంతీలాల్‌ దండే 
 
  
 సాక్షి, అమరావతి : కృష్ణా పుష్కరాలను చరిత్రలో నిలిచిపోయేలా చేసేందుకు అన్ని ఏర్పాట్లు చేస్తున్నట్లు వ్యవసాయ శాఖ మంత్రి ప్రత్తిపాటి పుల్లారావు పేర్కొన్నారు. పుష్కరాలకు సంబంధించి గుంటూరు జిల్లాలోని స్వచ్ఛంద సంస్థలు, ఎన్జీవోలు, వ్యాపార సంఘాలు, అధికారులతో గురువారం రాత్రి జెడ్పీ సమావేశ మందిరంలో ఓపెన్‌ ఫోరం నిర్వహించారు. ఈ సందర్భంగా ఆయన మాట్లాడుతూ కృష్ణా, గుంటూరు జిల్లాల్లో నాలుగు కోట్ల మంది భక్తులు పుష్కర స్నానాలు చేసేందుకు వీలుగా రూ.1600 కోట్లతో అన్ని ఏర్పాట్లు చేసినట్లు వివరించారు.
 పవర్‌ పాయింట్‌ ప్రజెంటేషన్‌ ద్వారా..
 జిల్లాలో ఘాట్‌ల నిర్మాణాలు, పుష్కర నగర్‌లు, పుష్కర భక్తులకు సంబంధించి ఏర్పాట్లను జిల్లా కలెక్టర్‌ కాంతిలాల్‌ దండే పవర్‌పాయింట్‌ ప్రజెంటేషన్‌ ద్వారా తెలియజేశారు. ఆయన మాట్లాడుతూ  ప్రస్తుతం 3.856 కిలోమీటర్ల మేర 80 ఘాట్‌లను ఏర్పాటు చేస్తున్నట్లు తెలిపారు. 25 ప్రధాన ఘాట్‌లలో 29 పిండి ప్రదాన షెడ్‌లను ఏర్పాటు చేస్తున్నట్లు వెల్లడించారు. 14 పుష్కరనగర్‌లను ఏర్పాటు చేస్తున్నామన్నారు. పుష్కర నగర్‌లో రోజుకు 15 వేల మందికి భోజన ఏర్పాటు చేస్తున్నట్లు చెప్పారు.
 వైద్య సేవలు 
 పుష్కరాలకు జిల్లాలో ఆరు చోట్ల పది పడకల ఆసుపత్రులను ఏర్పాటు చేస్తున్నట్లు తెలిపారు. సత్తెనపల్లి, మాచర్ల, గురజాల, అమరావతి, రేపల్లె, గుంటూరులలో వీటిని తాత్కాలికంగా ఏర్పాటు చేసినట్లు పేర్కొన్నారు. ఆర్టీసీ 905 బస్సులు, 112 ప్రత్యేక రైళ్లను ఏర్పాటు చేస్తున్నట్లు చెప్పారు. పుష్కరాలు జరిగే 12 రోజులపాటు గుంటూరు కార్పొరేషన్‌తో పాటు, పుష్కరాలు జరిగే మున్సిపాలిటీల్లో సైతం ప్రైవేటు పోస్టర్లు అనుమతించవద్దని కమిషనర్‌లను ఆదేశించారు. పుష్కరాల నిర్వహణపై పలు సూచనలు, సలహాలు ఇచ్చారు. సమావేశంలో ఛాంబర్‌ ఆఫ్‌ కామర్స్‌ అధ్యక్షుడు అతుకూరు ఆంజనేయులు, ఇన్‌చార్జి జాయింట్‌ కలెక్టర్‌ ముంగా వెంకటేశ్వరరావు, కమిషనర్‌ నాగలక్ష్మి, అర్బన్‌ ఎస్పీ సర్వశ్రేష్ఠ త్రిపాఠి, రూరల్‌ ఎస్పీ నారాయణనాయక్, డీఆర్వో నాగబాబు, జెడ్పీ సీఈఓ వెంకటసుబ్బయ్య పాల్గొన్నారు. 
  


 మట్టపల్లి (మఠంపల్లి): మండలంలోని మట్టపల్లి వద్ద జరిగే పుష్కరాలకు భారీ బందోబస్తు ఏర్పాటు చేయనున్నట్లు సూర్యాపేట డీఎస్పీ సునీతా మోహన్‌ తెలిపారు. గురువారం ఆమె మట్టపల్లిలో శ్రీలక్ష్మీనరసింహస్వామి దేవాలయానికి నూతనంగా నిర్మించిన మట్టి రోడ్డును, చెన్నైకి చెందిన ముక్కూరు స్వామి ఆశ్రమాన్ని, గోశాలను పరిశీలించారు. ఈ సందర్భంగా ఆమె మాట్లాడుతూ పుష్కరాల పనులు పూర్తి అవుతున్నందున పోలీస్, అగ్ని మాపక కేంద్రాల ఏర్పాటుకు పరిశీలన చేస్తున్నామన్నారు. దేవస్థానం సమీపంలోకి కేవలం వీఐపీ, వీవీఐపీల వాహనాలు మాత్రమే అనుమతిస్తామన్నారు. మిగిలిన వాహనాలన్నీ ఎన్‌సీఎల్‌ సమీపంలో ప్రధాన రహదారి పక్కన ఏర్పాటు చేసిన పార్కింగ్‌ స్థలంలోనే నిలిపివేస్తామన్నారు. ఆమె వెంట సీఐ నర్సింహారెడ్డి, ఎస్‌ఐ రామకృష్ణారెడ్డి ఉన్నారు.
  
  


 –పుష్కర స్నానంతో సకల పాపాలు మటుమాయం
 –మహాపుణ్య ఫలం..
 –ఇప్పటి వరకు మూడు పుష్కరాలు చూశా
 –2004లో పుష్కరాలకు భక్తులు పోటెత్తారు
 –‘సాక్షి’తో శివాలయం ప్రధాన అర్చకుడు జూనోతుల సుధాకరశాస్త్రి
  
 కోట్లాది ప్రజలు భక్తితో వేచి చూస్తున్న కృష్ణా పుష్కరాలకు సమయం ఆసన్నమైనది. మహిమాన్వితమైన కృష్ణా నదిలో పుష్కర స్నానం ఆచరిస్తే మహా పుణ్యఫలం దక్కుతుంది. దీర్ఘకాలిక రోగాలు మటుమాయమవుతాయి. కోటి జన్మల్లో చేసిన పాపాలన్నీ తొలగిపోతాయి. నదీతీరంలో తపుస్సు, కురుక్షేత్రంలో దానం, కాశి క్షేత్రంలో మరణం పొందినంత ఫలితం ఉంటుంది’ అంటున్నారు నాగార్జునసాగర్‌ కృష్ణా నదితీరంలోని శివాలయం ప్రధాన అర్చకుడు జూనొతుల సుధాకరశాస్త్రి. మరో పది రోజుల్లో కృష్ణా పుష్కరాలు ప్రారంభం అవుతున్నాయి. ఈ నేపథ్యంలో తన పుష్కర అనుభవాలను ‘సాక్షి’తో పంచుకున్నారు. ఆయన మాటల్లోనే..  
                                                                                                                                                                        –నాగార్జునసాగర్‌
 పుష్కరమంత్రం : 
   ‘పిప్పలాదా త్సముత్పనే– కృత్త్యేలోకే భయంకరే 
                       మృత్తికాంతే మయాదత్త మహారార్ద ప్రకల్పయ 
                      అస్యాం మహానద్యాం సమస్త పాపాక్షయార్దం కన్యాగతే
                      దేవగురౌ సార్ధ త్రికోటి తీర్థ సహిత,తీర్థ రాజ సమాగ మాఖ్య
         మహాపర్వణి పుణ్యకాలే కృష్ణానదీ స్నానమహం కరిష్యే!
  అని మూడుసార్లు తూర్పుగా తిరిగి మూడుమునకలు వేయాలి
 (అంటే నదీ స్నానమును ఎల్లప్పుడూ గోచి పెట్టుకోని చేయాలి. మలమూత్ర విసర్జనములు నీటిలో  చేయరాదు. ఉమ్మి వేయకూడదు)
 1980లో వేళ్లమీద లెక్కపెట్టే భక్తులు
 సాగర్‌లోని కృష్ణా నది తీరంలో శివాలయ నిర్మాణం జరిగినప్పటి నుంచి ప్రధాన అర్చకులుగా పని చేస్తున్నాను. ఇప్పటి వరకు మూడు పుష్కరాలు చూశాను. 1980 పుష్కరాల సమయంలో వేళ్లమీద లెక్కపెట్టే స్థాయిలో భక్తులు వచ్చారు. 1992లో సౌకర్యాలు సరిగా లేకున్నా భక్తులు భారీగానే వచ్చారు. కృష్ణలో స్నానాలు చేసి స్వర్గస్తులైన వంశ కుటుంబ సభ్యులకు పిండప్రధానాలు చేసి ముక్తి పొందారు. 2004లో వైఎస్‌ రాజశేఖర్‌రెడ్డి ముఖ్యమంత్రి ఉన్నప్పుడు సాగర్‌లో నాలుగు పుష్కరఘాట్లు నిర్మాణం చేయించారు. భక్తులకు ఇబ్బందులు తలెత్తకుండా అన్ని వసతులు కల్పించారు. దీంతో పుష్కరస్నానంపై ప్రజలకు అవగాహన వచ్చింది. సాగర్‌కు  లక్షల సంఖ్యలో భకుల్తు పోటెత్తారు. మెుదట ఘాట్లలో నీరు లేనప్పటికీ పుష్కరాలు పూర్తయ్యేలోపు నదిలోకి నీటి విడుదల జరిగింది.
  దేవతలతో పాటు భక్తుల పుణ్యస్నానం
 ఆగస్టు 12వ తేదీ సూర్యోదయం మొదలుతో పుష్కరం ప్రారంభం అవుతుంది. అదే నెల 23న సూర్యాస్తమయం వరకు భక్తులు పుష్కర స్నానం ఆచరించవచ్చు. గురువు(బృహస్పతి) కన్యారాశిలో ప్రవేశించినప్పుడు పుష్కర సమయం ప్రారంభమవుతుంది. పుష్కర సమయం ప్రారంభంలో ముక్కోటి దేవతలు నదిలో స్నానాలు ఆచరిస్తారు. పుష్కరాలు జరిగే 12 రోజులు ఒక్కో రోజుకు ఒక్కో ప్రత్యేకత ఉంటుంది. ఈ రోజుల్లో ముక్కోటి దేవతామూర్తులు స్నానమాచరించే సమయంలో భక్తులు సైతం పుష్కర స్నానాలు చేయడం ద్వారా ఎంతో పుణ్యం లభిస్తుంది. 
  చేయాల్సిన దానాలు 
 నదిలో స్నానాలు ఆచరించిన అనంతరం భక్తులు పుష్కరాలు జరిగే 12రోజుల పాటు దానధర్మాలు చేస్తే పుణ్యఫలం దక్కుతుంది.  
 1వ రోజు : బంగారం, వెండి, ధాన్యం, భూమి అన్నదానం చేయాలి
 2వ రోజు :  ఆవు, రత్నాలు, ఉప్పు
 3వరోజు :  పండ్లు, కూరలు, బెల్లం, వెండితో చేసిన గుర్రం బొమ్మ
 4వ రోజు : నెయ్యి, నూనె, తేనే, పాలు, చెక్కెర
 5వ రోజు : ధాన్యం, పండ్లు, గేదెలు, నాగలి
 6వ రోజు : మంచి గంధపు చెక్క, కర్పూరం, కస్తూరి, ఔషధాలు
 7వ రోజు : ఇల్లు, వాహనం, కూర్చునే ఆసనం
 8వ రోజు : పూలు, అల్లం, గంధపు చెక్క
 9వ రోజు : కన్నాదానం, పిండప్రదానం
 10వ రోజు : హరిహరపూజ, లక్ష్మీపూజ, గౌరిపూజ, నదిపూజ
 11వ రోజు : వాహనం, పుస్తకాలు, తాంబూలం
 12వ రోజు : నువ్వులు, మేకలను పేదవారికి దానం చేస్తే పుణ్యం కలుగుతుంది.
  


  చింతపల్లి :  కృష్ణా పుష్కరాలకు వచ్చే భక్తుల వాహనాలను నిలిపేందుకు మండల పరిధిలోని వింజమూరు సమీపంలో ఏర్పాటు చేస్తున్న పార్కింగ్‌ స్థలాన్ని మంగళవారం ఆర్డీఓ గంగాధర్, డీఎస్పీ చంద్రమోహన్‌ పరిశీలించారు.  ఈ సందర్భంగా వారు మాట్లాడుతూ..  నాగార్జునసాగర్, అజ్మాపురం, పెద్దమునిగల్, కాచరాజుపల్లి పుష్కర ఘాట్ల వద్ద భక్తుల రద్దీ ఎక్కువైతే హైదరాబాద్‌ వైపు నుంచి వచ్చే వాహనాలను వింజమూరు వద్ద నిలిపివేసేందుకు సుమారు 70 ఎకరాల స్థలంలో పార్కింగ్‌ ఏర్పాటు చేసినట్లు తెలిపారు.  పార్కింగ్‌ వద్ద భక్తుల కోసం మూత్రశాలలు, మరుగుదొడ్లు, రోడ్డు, విద్యుత్,తాగునీటి వసతి కల్పించనున్నట్లు పేర్కొన్నారు. పుష్కరాలను విజయవంతం చేయడానికి ప్రజలందరూ సహకరించాలని వారు కోరారు. ఈ కార్యక్రమంలో పీఆర్‌ ఏఈ జీవన్‌సింగ్, డిప్యూటీ తహసీల్దార్‌ చంద్రశేఖర్‌రెడ్డి, ఆర్‌ఐ మల్లారెడ్డి, వీఆర్వోలు మల్లయ్య, నిరంజన్‌ తదితరులు పాల్గొన్నారు. 
  


 
 భరత భూమి వేద భూమి, కర్మ భూమి. ఇక్కడ జనం సృష్టికర్తపై విశ్వాసముంచుతారు. పాపపుణాలను పరిగణలోకి తీసుకుంటారు. ప్రతీ పన్నెండేళ్లకొకసారి వచ్చే పుష్కరాలలో స్నానమాచరించి పునీతులవుతారు. పుష్కరాలు పూర్తి అయిన ఏడాదికి అంత్య పుష్కరాలు వస్తాయి. పుష్కరాలలో భక్తులు పవిత్ర గోదావరిలో మునిగి, పితృదేవతలకు పిండప్రదానం చేస్తారు. 
 
    వారి ఆత్మల శాంతి కోసం ప్రత్యేక పూజలు, హోమాలు నిర్వహిస్తారు. వేద పండితులు గోదారమ్మకు మంగళహారతులు ఇస్తారు. రైతు పొలంలో జీవమై నిలచే జలం... సామాన్యుడి దాహం తీర్చే ‘అమృతం’ వరం జలం... పురాణాల్లో, ఇతిహాసాల్లో నదులను దేవతలుగా కీర్తించారు. దేశవ్యాప్తంగా గోదావరి, కృష్ణా నదులకు పుష్కరాలు నిర్వహిస్తారు.
 
         ఈ పుష్కరాల్లో కోట్లాది భక్త జనం భక్తిప్రపత్తులతో పాల్గొంటారు. చెన్నూర్‌లో గోదావరి అంత్య పుష్కరాలు ఆదివారం ప్రారంభమయ్యాయి. కాశీ అంతటి ప్రాశస్త్యం గల పంచకోశ ఉత్తర వాహిని గోదావరి నదిలో భక్తులు భక్తి భావంతో స్నానమాచరించారు.  రాష్ట్రంలోని వివిధ జిల్లాల నుంచి భక్తులు ఇక్కడికి తరలి వచ్చారు.
 
      నియోజకవర్గంలోని మండలాలైన కోటపల్లి, జైపూర్, మందమర్రి పట్టణాల నుంచి భక్తులు వచ్చారు. ఉదయం 5 గంటల నుంచే నదీతీరానికి చేరుకొని పూజలు చేశారు. పుష్కరఘాట్‌ వద్ద అధికారులు ఏర్పాట్లను చేశారు. తొలి రోజు వేలాది భక్తులు పుణ్య స్నానాలు చేశారు. పూజారులు భక్తులచే వారి పూర్వీకులకు పిండప్రదానం చేయించారు. మొదటి రోజు పలువురు ప్రజాప్రతినిధులు సైతం పుష్కర స్నానం ఆచరించారు. – చెన్నూర్‌
 
  
 
  
 
  
 
  


 
   నేటి నుంచి 12 రోజుల పాటు అంత్య పుష్కరాలు
 
  శోభాయమానంగా భద్రాద్రి  ఘాట్‌
 
  
 భద్రాచలం : గోదావరి అంత్య పుష్కరాలకు సర్వం సిద్ధమైంది. ఆదివారం నుంచి పన్నెండు రోజుల పాటు  పుష్కరాలను వైభవోపేతంగా నిర్వహించేందుకు అధికారులు ఏర్పాట్లు చేశారు. భద్రాచలం, పర్ణశాల ఘాట్లలో భక్తులు పుష్కర స్నానాలు ఆచరించేందుకు ఎటువంటి ఇబ్బందులు లేకుండా తీర్చిదిద్దారు. ఆదివారం ఉదయం 6గం.లనుంచి 7.30గం.ల వరకూ గోదావరి తీరాన శాస్త్రోక్తంగా అంత్య పుష్కరాల ప్రారంభ వేడుక నిర్వహించేందుకు దేవస్థానం అధికారులు అన్నీ సిద్ధం చేశారు. ఉదయం స్వామి వారి ప్రచార మూర్తులను, చక్ర పెరుమాళ్లు, శ్రీపాదుకలతో గోదావరి తీరానికి ఊరేగింపుగా వెళ్లి, స్వామి వారికి పూజలు నిర్వహించిన తర్వాత సామూహిక పుష్కర స్నానం చేస్తారు. ఆదివారం నుంచి ఆగస్టు 11 వరకు రామాలయంలో ప్రత్యేక పూజలు నిర్వహించనున్నారు. ప్రతీ రోజూ స్వామి వారికి సహస్ర నామార్చన, క్షేత్రమహాత్యం, ప్రవచనం, నిత్య కల్యాణోత్సవం, ప్రభుత్వ సేవ నిర్వహించనున్నారు. పూజాది కార్యక్రమాల్లో భక్తులు కూడా పాల్గొని స్వామి వారికి సేవలు చేసుకోవచ్చని దేవస్థానం అధికారులు తెలిపారు.  భద్రాద్రి వచ్చే భక్తులకు ఎటువంటి అసౌకర్యం కలగకుండా చూస్తామని ఈఓ రమేష్‌బాబు తెలిపారు. పుష్కర స్నానం ఆనంతరం భక్తులు శ్రీసీతారామచంద్రస్వామి వారిని దర్శించుకునేందుకు వీలుగా ఆలయంలో తగిన ఏర్పాట్లు చేశారు. స్వామి వారి దర్శనం సకాలంలో అయ్యేలా చూడటంతో పాటు, భక్తులకు ఇబ్బందులు లేకుండా ప్రత్యేకంగా క్యూలైన్‌ ఏర్పాటు చేశారు. గోదావరి తీరంలో పుష్కర స్నానాలు ఆచరించే సమయంలో ఎటువంటి ప్రమాదాలు జరగకుండా తగిన చర్యలు తీసుకున్నారు. గోదావరి నదీ వైపు ఇనుప కంచెను ఏర్పాటు చేయడంతో పాటు, అత్యవసర సమయంలో భక్తులను సురక్షితంగా బయటకు తీసుకొచ్చేందుకు గజ ఈతగాళ్లను కూడా సిద్ధంగా ఉంచారు. 
 
 శోభాయమానంగా పుష్కర ఘాట్‌ 
 
  అంత్య పుష్కరాలతో గోదావరి స్నానఘట్టాల రేవు శోభాయమానంగా కనిపిస్తోంది. గోదావరి తీరంలో ఉన్న ఆలయాలకు రంగులు వేసి, విద్యుత్‌ దీపాలు అమర్చారు. అదే విధంగా గోదావరి తీరాన్ని సుందరంగా తీర్చిదిద్దారు. గత ఏడాది ఆది పుష్కరాల సమయంలో గోదావరి నదిలో ఆశించిన స్థాయిలో నీరు లేదు. కానీ ప్రస్తుతం  భద్రాచలం వద్ద శనివారం సాయంత్రం 22.5 అడుగుల నీటి మట్టంతో గోదావరి నిండుగా ప్రవహిస్తుంది. దీంతో భక్తులు ఎటువంటి ఇబ్బందులు పుణ్యస్నానాలు  చేయవచ్చు. ఇటీవల వరదలకు ఘాట్లపై పేరుకుపోయిన బురదను పంచాయతీ అధికారులు ఫైర్‌ ఇంజిన్‌ సహకారంతో  యుద్ధ ప్రాతిపదికన తొలగించి శుభ్రం చేశారు. ఈ పన్నెండు రోజుల పాటు భద్రాద్రి దేవస్థానం ఆధ్వర్యంలో ప్రత్యేక పూజలు  నిర్వహించేలా ఏర్పాట్లు చేశారు. దీనిలో భాగంగా ప్రతీ రోజు సాయంత్రం 6 నుంచి 6.15 గంటల వరకూ గోదావరికి నదీ హారతులు ఇస్తారు. దీని కోసం నది ఒడ్డున ప్రత్యేక ఏర్పాట్లు చేశారు. 
 
 పుష్కరాలకు తరలిస్తున్న భక్తులు 
 
 అంత్య పుష్కరాల సమయంలో గోదావరిలో పుణ్యస్నానాలు ఆచరించేందుకు భక్తులు భద్రాచలం తర లివస్తున్నారు. పుష్కరాల ప్రారంభోత్సవానికి రాష్ట్ర స్త్రీ శిశు సంక్షేమ శాఖా మంత్రి తుమ్మల నాగేశ్వరరావుతో పాటు, హైకోర్టు జడ్జిలు, ఇతర ఉన్నతాధికారులు హాజరవుతారని దేవస్థానం అధికారులకు సమాచారం అందింది. దీంతో భక్తులతో పాటు,  వీఐపీలకు ఎటువంటి అసౌకర్యం కలగకుండా అధికారులు తగిన జాగ్రత్తలు తీసుకుంటున్నారు. భక్తుల రద్దీని దృష్టిలో పెట్టుకొని భద్రాచలం పట్టణంలో ట్రాఫిక్‌ ఆంక్షలు విధిస్తామని సీఐ శ్రీనివాసులు తెలిపారు. 
  
 భద్రాచలం పుష్కర ఘాట్‌ 


 గోదావరి పుష్కరాల్లో స్నానమాచరించిన రాజరాజేశ్వరి
 94 ఏళ్ల వయసులో స్వయంగా దైనందిన కార్యకలాపాలు
 అంత్య పుష్కర జలాల్లోనూ ఓలలాడతానంటున్న ముదివగ్గు
  
 ఎనిమిదో ఏటే పెళ్ళయింది..
 పశ్చిమ గోదావరి జిల్లా పరిమెళ్ల గ్రామంలో 1922 ఏప్రిల్‌ 8వ తేదీన జన్మించాను. తండ్రి కొలిచన అగ్నిహోత్రుడు, తలి ్లప్రకాశమ్మ. నాలుగో తరగతి వరకుచదువుకున్నాను. ఎనిమిదవ ఏటే 1930లో పెళ్ళి అయింది. భర్త దుర్భా వెంకటకృష్ణారావు. అప్పుడు ఆయన 9వ తరగతి చదువుతూండేవారు. తరువాత ఆయన సి.పి.డబ్లు్య.లో ఇంజినీరుగా ఉద్యోగపర్వంలోకి అడుగుపెట్టారు. ఆయనతో పాటు దేశమంతా తిరిగాను. తమిళ, కన్నడభాషలు నేర్చుకున్నాను. మాకు ఏడుగురు సంతాన.. అయిదుగురు అబ్బాయిలు,ఇద్దరు అమ్మాయిలు. ఆఖరి అబ్బాయికి తప్ప అందరికి షష్టిపూర్తి వేడుకలు జరిగాయి. అందరూ కేంద్రప్రభుత్వ సంస్థల్లో పని చేశారు. మా వారు 1967లో కాలం చేశారు.
  
 రాజమహేంద్రవరం కల్చరల్‌:
 ‘ఇప్పటికి ఎనిమిది పుష్కరాలు చూశాను. పవిత్ర గోదావరిలో స్నానాలు చేశాను. ఈ అంత్యపుష్కరాలకు కూడా గోదావరీ జలాలలో స్నానమాచరిస్తాను’ ఆత్మ విశ్వాసంతో అన్నారు 94 సంవత్సరాల దుర్భా రాజరాజేశ్వరి. శతాబ్ది ప్రాయానికి దరిదాపుల్లో ఉన్నా.. నేటికీ తన దైనందిన కార్యక్రమాలను స్వయంగా నిర్వహించుకునే ఆ గోదావరి జిల్లాల ఆడపడుచు తన తొమ్మిదిన్నర దశాబ్దాల జీవనయానంలో వచ్చిన పుష్కరాలు, నేటి తరానికి అచ్చెరువు కలిగించే తన జీవనసరళిని, కుటుంబ వివరాలను సోమవారం స్థానిక ఏవీ అప్పారావు రోడ్డులోని తన గృహంలో ‘సాక్షి’కి ఇలా వివరించారు..
 ఒకప్పుడింత హడావిడి లేదు..
 నాకు పదేళ్లప్పుడు 1932లో గోదావరి పుష్కరాలు వచ్చాయి. తర్వాత 1944, 1956, 1967, 1979, 1991, 2003, 2015 సంవత్సరాల్లో గోదావరి పుష్కరాలు చూశాను. ఒకప్పుడు ఇంతమంది జనం, హడావిడి ఉండేవి కావు. 1944 పుష్కరాల్లో విమానాల్లో ప్రజలను గిరికీలు కొట్టించేవారు. పెద్దవాళ్ళకు అయిదు రూపాయలు, పిల్లలకు మూడు రూపాయలు టిక్కెట్టు నిర్ణయించారు. విమానం చూడటం అదే మొదటిసారి. 
 నిఘంటువులో డాక్టర్లు లేరు..
 డాక్టర్లు, వైద్యాలు నా నిఘంటువులో లేవు. జలుబు చేస్తే మిరియాల రసం, జీర్ణశక్తి బాగా లేకపోతే కాస ్తపంచదార కలుపుకొని వాము తీసుకుంటాను. పైత్యంగా ఉందనిపిస్తే అల్లంముక్క నోట్లో ఉంచుకుని నములుతాను. ఇవి నా దగ్గర ఎప్పుడూ ఉంచుకుంటాను.
 సాంప్రదాయాలకు దూరమైతే అనర్థాలు చేరువ
 మన సాంప్రదాయాలకుదూరం అయితే, అన్ని అన ర్థాలూ మన వెంటే ఉంటాయని నమ్ముతాను. ప్రతిరోజూ విష్ణుసహస్రనామాలు చదవుతాను. భాగవతం, ఆనందరామాయణం చదువుకున్నాను. గోదావరీ తీరంలో నివసించడం, ఇన్ని పుష్కరాల్లో తీర్థస్నానాలు చేయడం నా సుకృతంగా భావిస్తున్నాను.
 అన్నీ తినడమే ఆరోగ్యరహస్యం ..
 అన్నీ తినడమే నా ఆరోగ్యరహస్యం. నా విషయంలో– అన్నంలో కూర కలుపుకొంటాను అనడం కన్నా..కూరలో అన్నం కలుపుకొంటాను అనడం కరెక్టు. అన్నం తక్కువ, కూరలు ఎక్కువగా తీసుకుంటాను. చిన్నప్పటి నుంచీ నెయ్యి, పెరుగు బాగా అలవాటు. మామిడిపళ్ళ సీజనులో ప్రతిరోజూ వాటిని తీసుకుంటాను. మిగతా సమయాల్లో ఆయా సీజన్లలో లభ్యమయ్యే పళ్ళు తప్పని సరి. కార్తికమాసంలో ప్రతిరోజు నక్షత్రదర్శనం అయ్యేవరకు ఉపవాసం చేస్తాను. రాత్రి ఒక్కపూటే ఆహారం తీసుకుంటాను. ప్రతి ఏకాదశికి ఉపవాసం తప్పనిసరిగా చేస్తాను.
  


 ♦ సాంకేతిక ఆధారిత పోలీసింగ్‌తో ప్రజలకు సేవలు
 ♦ ‘సాక్షి’ ప్రత్యేక ఇంటర్వ్యూలో
 ♦ ఇన్‌చార్జి డీజీపీ సాంబశివరావు
 ♦ పుష్కరాల నిర్వహణ, పోలీస్ స్టేషన్ల
 ♦ ఆధునీకరణ ప్రస్తుత లక్ష్యాలు
 
 హైదరాబాద్: పోలీసుల్ని వృత్తి నిపుణులుగా తీర్చిదిద్దేందుకు అనువైన వాతావరణం కల్పించి, సాంకేతికత సాయంతో ప్రజలకు సేవ చేసేలా యంత్రాంగాన్ని నడిపిస్తానని ఇన్‌చార్జి డీజీపీగా నియమితులైన నండూరి సాంబశివరావు వెల్లడించారు. సాంకేతికత ఆధార పోలీసింగ్‌తో ప్రజలకు మరింత చేరువవుతామని స్పష్టం చేశారు. ఆర్టీసీ ఎండీగా ఏడాదిన్నర పాటు బాధ్యతలు నిర్వర్తించి శనివారం ఇన్‌చార్జి డీజీపీగా బాధ్యతలు స్వీకరించనున్న ఎన్.సాంబశివరావు శుక్రవారం ‘సాక్షి’కి ఇంటర్వ్యూ ఇచ్చారు. వివరాలు ఆయన మాటల్లోనే..
 
 సైబర్ నేరాల పెరుగుదల ఆందోళన కలిగించే అంశం
  రాష్ట్రంలో హత్యల శాతం తగ్గి సైబర్ నేరాల సంఖ్య పెరిగింది. ఏటా 42 శాతం సైబర్ నేరాలు నమోదవుతున్నాయి. సులువుగా డబ్బు సంపాదించేందుకు నేరస్తులు ఉపయోగించే సాంకేతికతకు ధీటుగా పోలీసులు తమ వృత్తి నైపుణ్యాలను మెరుగుపరుకోవాల్సి ఉంది. బస్టాండ్ల ద్వారా రోజూ 50 లక్షల మందికి సేవలందించే బాధ్యతలు నిర్వర్తించిన నాపై ఇప్పుడు రోజుకు 2 వేల మంది వచ్చే పోలీస్ స్టేషన్లను ఆధునీకరించి మెరుగైన సేవ చేయాల్సిన బాధ్యత ఉంది.
 
 4 నెలల్లో డీజీపీ కార్యాలయం
  మరో 4 నెలల్లో గుంటూరు, విజయవాడల్లో ఎక్కడో ఓ చోట ఆర్టీసీ హౌజ్ ను మించిన భవనాన్ని, డీజీపీ కార్యాలయానికి స్థలం సమకూరుస్తాం. అలాగే ప్రజా ప్రతినిధులు చేసే సిఫార్సులు న్యాయబద్దంగా ఉంటే పరిగణనలోకి తీసుకుంటాం. 32 ఏళ్ల నా సర్వీసులో ఆర్టీసీలో పనిచేయడం ఎంతో సంతృప్తినిచ్చింది. కార్మికులకు 43 శాతం ఫిట్‌మెంట్‌తో సంస్థపై రూ.660 కోట్ల అదనపు భారం పడింది. ఆర్టీసీ నష్టాలను కొంత మేర తగ్గించగలిగాం. క్షేత్ర స్థాయి పర్యటనలకు వెళ్లలేకపోవడం, మెకానికల్ ఆపరేషన్స్ చూడలేకపోవడం అసంతృప్తి మిగిల్చింది.


 పుష్కరాలకు ప్రత్యేక టీషర్టు, టోపీల విక్రయం
 
 విజయవాడ(గుణదల): నగరంలో పుష్కరాల సందడి మొదలైంది. వాణిజ్య రాజధానిగా పేరుగాంచిన విజయవాడ పుష్కరాల్లోనూ తమ ప్రత్యేకతను చాటుకుంటోంది. ఇక్కడ వ్యాపారులు వినూత్న ఆలోచనలతో ముందుకెళుతున్నారు. నగరంలోని గాంధీనగర్కు చెందిన ఓ వస్త్ర దుకాణ వ్యాపారి, వన్టౌన్కు చెందిన ఓ మార్వాడి వస్త్ర వ్యాపారి పుష్కరాలపై ప్రత్యేకంగా టీ షర్టులు, టోపీలను రూపొందించి విక్రయిస్తున్నారు. ఒక్కో టీ షర్టు సైజు, క్వాలిటీని బట్టి రూ.100 నుంచి 300 వరకు ఉంది.
 
 వీరికి ఆధ్యాత్మిక, స్వచ్ఛంద సంస్థల నుంచి పెద్ద మొత్తంలో ఆర్డర్లు వస్తున్నాయి. గత పుష్కరాలకూ సుమారు 6 వేల టీషర్టులు, వెయ్యి టోపీల వరకు విక్రయించామని వ్యాపారస్తులు తెలిపారు. స్టోర్స్వేర్ క్లాత్తో రూపొందించే ఇవి కాలర్ లేకుండా తయారు చేస్తున్నారు. వ్యాపారులు సామాజిక మాధ్యమాల ద్వారా ‘కృష్ణా పుష్కరాలు-2016’ డిజైన్ చేసి ఆన్లైన్లోనూ విక్రయాలు నిర్వహిస్తున్నారు.


 అక్షర తూణీరం
 హైవే మీద మద్యం దుకాణాలను అనుమతించడం చాలా అన్యాయం. నడిరోడ్డు మీద మద్యాన్ని అందు బాటులోకి తెచ్చి ఎలాంటి సంకేతాలిస్తున్నారు?
  
 అసలే కృష్ణాతీరం నవ్యాంధ్ర క్యాపిటల్ నిర్మాణ పనుల్లో హడావుడిగా ఉంటే, ఆపైన పుష్కరా లొచ్చిపడ్డాయి. ఎటువంటి పరిస్థితుల్లోనూ ఈ నెలాఖరుకి పూర్తి కాకపోతే పుష్కరాలకి మర్యాద దక్కదని మహానేత ఆదేశాలిచ్చారు. వేస్తున్నవి రోడ్లంటే రోడ్లుకాదు. తారుని నీళ్లకంటే పల్చగా చేసి, దాన్ని మంత్రోదకంలా చిలకరించి కొత్త రోడ్లని చాలా వేగంగా సిద్ధం చేస్తున్నారు. తారు నీళ్లు కల్లాపి జల్లుతున్నారని ఒక పల్లెటూరి ఇల్లాలు చమత్కరించింది.
 
 ఈ పుష్కర పనులు అస్మదీయులకు లాభసాటి పండగ. ఈ పుణ్య పర్వం సందర్భంగా - పుష్కరాల రోడ్లు, పుష్కరాల ఘాట్లు, పుష్కరాల గట్లు, పుష్కరాల దీపాలు ఇంకా చిత్ర విచిత్రమైన పనులకు టెండర్లు పడ తాయి. పాత తరం హడా వుడి పనులు అలాగే ఉంటాయి. ఇలాంటి వాటిపై వ్యాఖ్యానించేదేమీ లేదు.
 
 కాబోతున్న విశ్వనగరం మనది. మూడొంతులు అయిపోయిందనే ఏలిన వారి నమ్మకం. గట్టిగా నాలుగు చినుకులు పడితే చాలు అన్నీ వీధి గండాలే. ‘‘హమ్మయ్య! ఇవ్వాల్టికి అందరూ ప్రాణాలతో, కాళ్లూ, చేతులతో ఇంటికి చేరారు. దేవుడా! ధన్యవాదాలు’’ అని ఇల్లాండ్రు ప్రతినిత్యం దణ్ణం పెట్టుకుంటున్నారు. ఇది ఎక్కువచేసి చెప్పింది కాదు. పైగా మాట్లాడితే న్యూయార్క్ నగరంతో వంతు పెట్టడంవల్ల నగరవాసులకి మరింత దుఃఖం పెల్లుబుకుతోంది.
 
 నేను చరిత్ర పుస్తకంలో చదువుకున్న మొదటి నినాదం ‘‘స్వాతంత్య్రం నా జన్మహక్కు!’’. నేను స్వయంగా విన్నది ‘‘గరీబీ హఠావో!’’. ‘‘ఈ దేశం వెలిగిపోతోంది చూడండి’’ అంటూ ఫీల్‌గుడ్ తత్వాన్ని మంత్రించారు. రెండేళ్ల క్రితం సింహగర్జనలా ‘‘మేకినిండియా’’ వినిపించింది. మొద ట్నించీ గుర్తు చేసుకుంటే ఇది పదహారో జాతీయ నినాదం.
 
 కొత్త నోళ్లలో కొన్ని పాత నినాదాలు పదే పదే వినిపిస్తూ ఉంటాయి. పేదరికాన్ని, అవినీతిని పారదోలతాం. ఈ మధ్య పారదర్శక పాలన సాగిస్తామనే స్లోగన్ వినిపిస్తోంది. అంటే అద్దాల గదుల్లోంచి పాలన సాగించడమా? అమరావతి కోసం భూమి పోగొట్టుకున్న ఓ బక్క రైతు, ‘‘ఈ ప్రజల కోసం ప్రజల చేత... ఇదంతా పెద్ద అబద్ధం స్వామీ’’ అని అరిచాడు. నేను వివరాల్లోకి పోలేదు. ప్రస్తుతం కొత్త క్యాపిటల్‌లో బాగా చిక్కపడుతున్న రాజకీయ, సామాజిక, ఆర్థిక కాలుష్యాలపై చర్యకిది సమ యం కాదు. సందర్భమూ కాదు.
 
 హైవే మీద మద్యం దుకాణాలను అనుమతించి, ప్రోత్సహించడం చాలా అన్యాయం. ఇప్పటికే హైవే ప్రమాదాలు భయంకరంగా జరుగు తున్నాయి. నడిరోడ్డు మీద మద్యాన్ని అందుబాటులోకి తెచ్చి ఎలాంటి సంకేతాలిస్తున్నారు? ఏమి సందేశమిస్తున్నారు?
 
 మునుపు బ్రిటీష్ హయాంలో రైల్వే స్టేషన్లలో లిక్కర్ షాపులుండేవి. ఇప్పుడు మనం మాత్రం ఎందుకు కూడదు? హైవేల మీద పెట్రోల్ బంకులలో టై అప్ పెట్టుకుంటే అందరికీ ఉభయతారకంగా ఉంటుంది. అటు ఆ ట్యాంక్‌ని, ఇటు ఈ ట్యాంక్‌ని ఒకేచోట నింపుకుని గాలిలో తేలుతూ పోతారు. అప్పుడు హైవే టోల్ గేట్లు కూడా పెంచవచ్చు.
 
  శ్రీరమణ, (వ్యాసకర్త ప్రముఖ కథకుడు)


 పెడన: కృష్ణా పుష్కరాల సందర్భంగా కృష్ణా, గుంటూరు జిల్లాల్లో కొత్తగా 170 ఘాట్లు నిర్మిస్తామని దేవాదాయశాఖ మంత్రి పి.మాణిక్యాలరావు చెప్పారు. గురువారం ఆయన కృష్ణాజిల్లా పెడనలోని బీజేపీ కార్యాలయంలో ఏర్పాటుచేసిన విలేకరుల సమావేశంలో మాట్లాడారు. గోదావరి పుష్కరాల అనుభవంతో కృష్ణా పుష్కరాలను సమర్థవంతంగా నిర్వహించేందుకు పటిష్ట ఏర్పాట్లు చేస్తున్నట్లు తెలిపారు. గోదావరి పుష్కరాల్లో జరిగిన అపశ్రుతి పునరావృతం కాకుండా అత్యంత ఆధునిక సాంకేతిక పరిజ్ఞానంతో పుష్కరాలను నిర్వహించేందుకు కార్యాచరణ సిద్ధం చేసినట్లు మంత్రి వెల్లడించారు.
 హైదరాబాద్ సెంట్రల్ యూనివర్సిటీ విద్యార్థి రోహిత్ ఆత్మహత్య చేసుకోవడం దురదృష్టకరమని మంత్రి వ్యాఖ్యానించారు. అతడి మృతికి కేంద్ర మంత్రులు బండారు దత్తాత్రేయ, స్మృతిఇరానీలను బాధ్యుల్ని చేయడం సరికాదని అభిప్రాయపడ్డారు. రోహిత్ ఆత్మహత్యను రాజకీయం చేసి విద్యార్థుల్ని రెచ్చగొట్టడం మంచిపద్ధతి కాదన్నారు. ఈ సమావేశంలో బీజేపీ కృష్ణా జిల్లా అధ్యక్షుడు రామినేని వెంకటకృష్ణ, ప్రధాన కార్యదర్శి చిరువోలు బుచ్చిరాజు, ఉపాధ్యక్షులు కట్టా జోతీశ్వరరావు తదితరులు పాల్గొన్నారు.


 రాజమండ్రి: గోదావరి పుష్కరాల 12 రోజులూ కోట్లమంది స్నానమాచరించి, ఆ పుణ్యఫలం దక్కిందన్న తృప్తితో తిరిగి వెళ్లారు. పుష్కరాలు ముగిసి అయిదు రోజులైనా రాజమండ్రిలోని ఘాట్ల వద్ద ఇప్పటికీ అనేకులు నదిలో మునిగి తేలుతూనే ఉన్నారు. వారి లక్ష్యం పుణ్యఫలం మాత్రం కాదు..స్నానాల సందర్భంగా భక్తులు గోదారమ్మకు సమర్పించిన నాణేలు, వెండి, బంగారు ప్రతిమల వేట. అందుకోసం అయిస్కాంతాలు, చేటలు, ఇతర సాధనాలతో  రేవుల్లో దేవుతూనే ఉన్నారు.
 
 మరికొందరు బడుగు జీవులు మాత్రం పుష్కర రద్దీలో భక్తలు విడిచిన వేలాది చెప్పుల్లో తమకు సరిపోయే 'జోడు' కోసం వెతుక్కుంటున్నారు. వీఐపీ ఘాట్, గౌతమి ఘాట్ల వద్ద భక్తులు విడిచి వెళ్లిన చెప్పులను పారిశుద్ధ్య సిబ్బంది ...ఇస్కాన్ ప్రాంతంలో గుట్టగా వేశారు. పట్టువదలని విక్రమార్కుడిలా ఆ గుట్టను గాలించిన ఓ బాలుడు చివరకి అనుకున్నది సాధించాడు. కొందరికి ఎంతసేపు వెతికినా నిరాశే మిగులుతోంది.
 
 
 


 ♦ {పధాన ఆలయాలకు రూ కోట్ల రాబడి
 ♦ అన్నవరం ఆదాయం రూ.6.5 కోట్లు
 ♦ సత్యదేవుని ఆదాయం  రూ.3 కోట్లు
  
  సాక్షి, రాజమండ్రి : పుష్కరాల సందర్భంగా జిల్లాలోని దేవాలయాలకు భారీగా ఆదాయం సమకూరింది. పుష్కర స్నానాలు ఆచరించిన అనంతరం భక్తులు దేవాలయాలకు పోటెత్తారు. ఫలితంగా సాధారణ రోజుల్లో కంటే రెట్టింపు ఆదాయం వచ్చింది.  అన్నవరం సత్యనారాయణస్వామి అయినవిల్లి సిద్ధివినాయక, అంతర్వేది లక్ష్మీ నరసింహస్వామి, అప్పనపల్లి బాలబాలాజీస్వామి, ద్రాక్షారామం భీమేశ్వరుడు, కోటిపల్లి సోమేశ్వరుడు, సామర్లకోట కుమారారామ భీమేశ్వరుడు, రాజమండ్రి ఇస్కాన్ టెంపుల్, అయ్యప్పస్వామి ఆలయాలతోపాటు గోదావరి తీరంలోని వందలాది ఆలయాలకు దర్శనం, ప్రసాదాల విక్రయం, విరాళాల ద్వారా భారీమొత్తంలో ఆదాయం లభించింది.  పుష్కరాల 12 రోజుల్లో అన్నవరం సత్యదేవుడికి అత్యధిక ఆదాయం సమకూరింది.
 
 11 లక్షలకుపైగా భక్తులు స్వామిని దర్శించుకోగా రూ 6.5 కోట్ల ఆదాయం లభించినట్లు ఆలయ అధికారులు తెలిపారు. అంతర్వేది లక్ష్మీ నరసింహస్వామి దేవస్థాన్నాన్ని 30 లక్షల మంది భక్తులు దర్శించుకోగా.. దర్శనం టికెట్ల ద్వారా రూ.30 లక్షలు,  లడ్డూల విక్రయం ద్వారా  రూ.30 లక్షలు, హుండీల ద్వారా సుమారు రూ.2 కోట్ల ఆదాయం వచ్చినట్లు తెలిసింది. అప్పనపల్లి బాలబాలాజీ దేవస్థానానికి రూ. 60 లక్షల రాబడి వచ్చింది. అయినమిల్లి సిద్ధివినాయక స్వామి దేవస్థానాన్ని రూ.2.7 లక్షల మంది భక్తులు దర్శించుకోగా దాదాపు రూ.50 లక్షల ఆదాయం సమకూరినట్లు ఆలయ నిర్వాహకులు చెప్పారు. ఇవికాకుండా ఉభయ గోదావరి జిల్లాలలో ముఖ్యంగా గోదావరి పరీవాహక ప్రాంతంలోని వందలాది ఆలయాలను భక్తులు దర్శించుకోవడంతో ఆలయాలకు రూ.50 కోట్లకుపైగా ఆదాయం లభించినట్లు అంచనావేస్తున్నారు.


 ‘మొదటి’ (తొక్కిసలాట), ‘తొమ్మిది’ (అగ్నిప్రమాదం) దెబ్బల ఎఫెక్ట్‌తో దినదినగండంగా గడిపిన ప్రభుత్వం, అధికార యంత్రాంగం పుష్కరాలు పూర్తికావడంతో ఊపిరిపీల్చుకున్నాయి. కొందరు అధికారులకు మాత్రం దీనికి భిన్నంగా గుండెల్లో రైళ్ళు పరిగెత్తడం మొదలైంది. ‘వేటు(టా)’డేవాళ్ళు కాసుకుని కూర్చోవడమే దీనికి కారణం. గోదావరి పుష్కరాల ప్రారంభం రోజున రాజమండ్రి పుష్కర ఘాట్‌లో చోటు చేసుకున్న తొక్కిసలాటలో 27 మంది చనిపోయిన విషయం విదితమే. దీనికి సంబంధించి సాక్షాత్తు ముఖ్యమంత్రి పైనే ఆరోపణలు వస్తుండటంతో నష్ట నివారణ చర్యలకు ప్రభుత్వం ఉపక్రమిస్తోంది.
 
 ఇందులో భాగంగా ఈ ఉదంతానికి సంబంధించి ప్రాథమికంగా ముగ్గురు పోలీసు ఉన్నతాధికారులతో పాటు ‘ఆయన అక్కడే ఉన్నారంటూ’ నోరు జారిన మరో అధికారి పైనా వేటుకు రంగం సిద్ధమైంది. తొక్కిసలాట ఘటనకు బాధ్యులపై పుష్కరాల అనంతరం చర్యలు తీసుకుంటామని, ఉన్నతస్థాయి విచారణ చేపడతామని ప్రభుత్వం ప్రకటించింది. దీంతో ‘ఆ నలుగురి’లో అప్పుడే పుష్కరాలు అయిపోయాయా! అనే భావన నెలకొంది.
 
 ఇక దుర్ఘటనపై విచారణ కూడా ప్రారంభమైతే అందించాల్సిన నివేదికలు తదితరాల తయారీ, సమర్పణ భయం ఇతర ప్రభుత్వ యంత్రాంగాల్లో నెలకొంది. పోలీసు దర్యాప్తు, విచారణలు ఎన్ని మలుపులు తిరిగి ఎవరెవరి మెడకు ఎలా చుట్టుకుంటాయో అర్థంకాని పరిస్థితి అందరిలో గుబులు ప్రారంభమైంది.


 వెల్దుర్తి : పుష్కరాల కోసం వెళ్లిన యువకుడు శవమై ఇంటికి చేరిన సంఘటన చెర్లపల్లిలో చోటు చేసుకుంది. మృతుడి కుటుంబీకులు తెలిపిన వివరాల ప్రకారం.. వెల్దుర్తి పంచాయతీ పరిధిలోని చెర్లపల్లి గ్రామానికి చెందిన కర్రోళ్ల లక్ష్మి, బుచ్చయ్య దంపతుల ఇద్దరు కుమారులు. వీరిలో రెండోవాడు కర్రోళ్ల ప్రవీణ్(21) ఆటో నడుపుతూ తల్లిదండ్రులను పోషించుకుంటున్నాడు. ఈ క్రమంలో గ్రామానికి చెందిన కొంత మంది పుష్కరాల కోసం బాసర వెళ్తూ శుక్రవారం సాయంత్రం ప్రవీణ్ ఆటోను కిరాయి మాట్లాడుకుని మాసాయిపేట రైల్వే స్టేషన్‌కు వెళ్ళారు. ప్రవీణ్ సైతం ఆటోను స్టేషన్ వద్ద నిలిపి వారితో పాటు వెళ్లాడు.
 
 శనివారం ఉదయం గోదావరి ఘాట్ వద్ద స్నానం చేయడానికి నదిలోకి దిగిన ప్రవీణ్‌కు మూర్చ రావడంతో నదిలో మునిగి మృతి చెందాడు. దీంతో స్థానిక ఎమ్మెల్యే మదన్‌రెడ్డి సహకారంతో పోస్టుమార్టం నిర్వహించి శవాన్ని గ్రామానికి తీసుకువచ్చారు. అదే సమయంలో గ్రామానికి చేరుకున్న ఎమ్మెల్యే మృతుడి కుటుంబాన్ని పరామర్శించారు. ప్రభుత్వ పరంగా అండగా ఉంటామని హామీ ఇచ్చారు. అంత్యక్రియల కోసం రూ.5వేలు అందజేశారు. ఎమ్మెల్యే వెంట సర్పంచ్ మోహన్‌రెడ్డి, ఎంపీటీసీ అశోక్‌గౌడ్, నాయకులు భూపాల్‌రెడ్డి,వేణుగోపాల్‌రెడ్డి,  ప్రతాప్‌రెడ్డి, క్రిష్ణాగౌడ్, అశోక్‌రెడ్డి ఉన్నారు.


 మంగంపేట (వరంగల్ జిల్లా) : వరంగల్ జిల్లాలోని మంగంపేట రామన్నగూడెం పుష్కరఘాట్‌లో చివరిరోజు 5లక్షల మంది భక్తులు పుష్కరస్నానం చేశారు. మంగంపేట, రామన్నగూడెం, మళ్లకట్ట పుష్కరఘాట్లలో భక్తులు శనివారం తెల్లవారుజాము నుంచే పుష్కరస్నానం ఆచరించారు.
 
 కాగా జిల్లాలోని మూడు పుష్కరఘాట్లలో 12 రోజుల్లో 25లక్షల మంది పుష్కరాల్లో పాల్గొన్నారు. ట్రాఫిక్ ఇబ్బందులు తలెత్తకుండా అధికారులు పకడ్బందీ ఏర్పాట్లు చేశారు. ఉపముఖ్యమంత్రి కడియం శ్రీహరి, డిప్యూటీ స్పీకర్ పద్మాదేవేందర్ రెడ్డి, ఎంపీ కవిత పుష్కరఘాట్లను సందర్శించారు.
  


 కోవెలసెంటర్ (నరసాపురం) : పుష్కరాలు ప్రారంభం రోజున రాజమండ్రిలో జరిగిన తొక్కిసలాటకు ముఖ్యమంత్రి చంద్రబాబు బాధ్యత వహించాలని వైఎస్సార్ సీపీ కేంద్ర కమిటీ సభ్యుడు వంక రవీంద్రనాథ్ డిమాండ్ చేశారు.ప్రతిష్టాత్మకంగా నిర్వహిస్తున్నామని ప్రభుత్వం చెప్పుకుంటున్న గోదావరి పుష్కరాలు కేవలం తెలుగుదేశం పార్టీ పుష్కరాలుగా మారిపోయాయని ఆయన విమర్శించారు. నరసాపురం అమరేశ్వరస్వామి ఘాట్‌లో పుష్కరస్నానం ఆచరించిన ఆయన మాజీ ఎమ్మెల్యే, వైఎస్సార్ సీపీ నేత ముదునూరి ప్రసాదరాజు నివాసంలో విలేకరులతో మాట్లాడారు. కొవ్వూరు, సిద్ధాంతం, యలమంచిలి తదితర ప్రాంతాల్లో గోదావరి కలుషితం అవుతుండటంతో పుణ్యస్నానాలు ఆచరించే భక్తులు తీవ్ర ఇబ్బందులు పడుతున్నారని ఆవేదన వ్యక్తం చేశారు. పుష్కరాల పనుల్లో భాగంగా చేపట్టిన అభివృద్ధి పనుల్లో పెద్ద ఎత్తున అవినీతి జరిగిందని విమర్శించారు. నాయకులు దొంగ  గోపాలకృష్ణ, పాలంకి ప్రసాద్, దొండపాటి శామ్యూల్, గుబ్బల మోహనరావు, బర్రి శంకరం పాల్గొన్నారు.
  


 ♦ పుష్కరాలకు వెళ్లివస్తూ బోల్తా పడిన ఆర్టీసీ బస్సు
 ♦ 42 మందికి గాయాలు.. ముగ్గురి పరిస్థితి విషమం
 ♦ రక్తసిక్తమైన ప్రమాదస్థలి.. మిన్నంటిన క్షతగాత్రుల ఆర్తనాదాలు
  
  రామాయంపేట : పుష్కర స్నానాన్ని పూర్తిచేసుకుని సంతోషంగా ఇంటికి బయలుదేరిన వారిని అంతలోనే ఆవిరైంది. పుష్కర అనుభూతులను తోటి ప్రయాణికులతో పంచుకుంటూ సాగుతున్న ప్రయాణం విషాదం మిగిల్చింది. వివరాలు ఇలా ఉన్నాయి.. పుష్కరాల్లో పాల్గొనేం దుకు బాసర వెళ్లిన హైదరాబాద్, రంగారెడ్డి, మెదక్ జిల్లాలకు చెందిన భక్తులు శుక్రవారం తిరుగు ప్రయాణంలో ఆదిలాబాద్ డిపోకు చెందిన పుష్కరాల ప్రత్యేక బస్సులో ఎక్కారు.  బస్సు రామాయంపేట ఎల్లమ్మ గుడివద్దకు చేరుకోగా బస్సు వెనుక టైరు పగి లిపోవడంతో అదుపు తప్పి బోల్తాపడింది.
 
 విషయం తెలుసుకున్న పోలీసులు, జాతీయ రహదారి సిబ్బంది వెంటనే సహాయక చర్యలు చేపట్టారు. బస్సులో చిక్కుకుపోయిన వారిని బయటకి తీసి వారిని చికిత్స నిమిత్తం స్థానిక ప్రభుత్వ ఆసుపత్రికి తరలించారు. ప్రమాద సమయంలో 48 మంది ఉండగా బస్ డ్రైవర్ కండక్టర్‌తో పాటు 42మంది గాయపడ్డారు. బ్రస్సులో నుంచి బయటపడిన వారు రక్తమోడుతున్న గాయాలతో తమవారి కోసం గాలిం చడం, చిన్నపిల్లలను హత్తుకోవ డం కంటతడి పెట్టించింది.
 
 బాధితుల ఆర్తనాదాలు, విరిగిన కాళ్లు, చేతులు, రక్తసిక్తమైన పరిసరాలతో గం దరగోళంగా తయారైంది. కాగా 42 మందిలో త్రీవంగా గాయపడిన 16 మందిని మెరుగైన చికిత్స కోసం హైదరాబాద్ తరలించారు. వీరి లో భవాని, గణేశ్‌తో పాటు మనోహర్ అనే బాలుడి పరిస్థితి విషమంగా ఉన్నట్లు సమాచారం. గాయపడిన వారిలో మెదక్ జిల్లా హ త్నూరకు చెందిన నరేందర్, నగేశ్, దేవయ్య, మనోహర్, సాగర్, రాజు, చేగుంట మండలం మక్కరాజ్‌పేటకు చెందిన కొండల్‌రెడ్డి, వర్గల్ మండలం అనంతసాగర్‌కు చెందిన సుధాకర్  తదితరులు ఉన్నారు.
 
  అధికార యంత్రాంగాన్ని అప్రమత్తం చేసిన డిప్యూటీ స్పీకర్..
  ప్రమాద విషయం తెలియగానే డిప్యూటీ స్పీకర్ పద్మాదేవెందర్‌రెడ్డి అధికార యంత్రాగాన్ని అప్రమత్తం చేశారు. అదనపు ఎస్పీ రవీందర్‌రెడ్డి, తూప్రాన్ డీఎస్పీ వెంకటేశ్వర్లు, మెదక్ ఆర్డీఓ మెంచు నగేశ్  ఆస్పత్రికి వెళ్లి రో గుల పరిస్థితిని సమీక్షించారు. వైద్య సేవలను పరిశీలించారు. అలాగే ఇదే సమయంలో హైదరాబాద్ వెళ్తున్న ఆదిలాబాద్ జిల్లా బోధ్ ఎమ్మెల్యే రాధోడ్ బాబూరావు సంఘటనా స్థలంలో ఆగి వివరాలు తెలుసుకున్నారు.
  
  పోలీసుల తీరు ప్రశంసనీయం
   రామాయంపేటవద్ద జాతీయ రహదారిపై శుక్రవారం జరిగిన రోడ్డు ప్రమాదంలో గాయపడ్డ వారిని ఆసుపత్రికి తరలించడంతో పాటు వారికి సపర్యలు చేసే విషయమై పోలీసులు ప్రజల ప్రశంసలు అందుకున్నారు. ప్రమాదం జరిగిన వెంటనే స్థానిక సీఐ నందీశ్వర్‌రెడ్డి, ఎస్‌ఐ నాగార్జునగౌడ్ తమ సిబ్బందితో హుటాహుటిన సంఘటనా స్థలికి చేరుకుని బస్సులో చిక్కుకున్న ప్రయాణికులను బయటకు తీశారు. వారిని ఆస్పత్రికి తరలించేందుకు వాహనాలను సమకూర్చడంతో పాటు స్వయంగా స్ట్రెచర్‌పై తీసుకెళ్లి వాహనాల్లో ఎక్కించారు.


 మోర్తాడ్ (నిజామాబాద్) : సముద్ర జలాలనే గోదావరి నది జలాలుగా భావించి తాము ఉన్న చోటనే పుష్కర స్నానాలను ఆచరించారు కువైట్‌లోని శ్రీకృష్ణ చైతన్య సమితి సభ్యులు. కువైట్‌లోని వివిధ కంపెనీలలో పని చేస్తున్న తెలంగాణలోని నిజామాబాద్, కరీంనగర్, ఆదిలాబాద్, ఆంధ్రప్రదేశ్‌లోని వివిధ జిల్లాలకు చెందిన పలువురు తెలుగువారు శ్రీకృష్ణ చైతన్య సమితిని ఏర్పాటు చేశారు.
 
 కువైట్‌లో పని ఒత్తిడి కారణంగా స్వగ్రామాలకు వచ్చి గోదావరి నదిలో పుష్కర స్నానాలు ఆచరించే వీలు లేకపోవడంతో సోమవారం సముద్రంలోనే పుష్కర స్నానాలను ఆచరించారు. అనంతరం గంగమ్మ తల్లిని ప్రార్థిస్తూ ప్రత్యేక పూజలను నిర్వహించారు. సముద్ర జలాలనే గోదావరి జలాలుగా భావించి పుణ్యస్నానాలు ఆచరించామని నిజామాబాద్ జిల్లాకు చెందిన ఆనందం గంగేశ్వర్ 'సాక్షి'కి ఫోన్‌లో తెలిపారు.


 రాజమండ్రి: ఏడో రోజు పుష్కరాలు అంగరంగ వైభవంగా ప్రారంభమయ్యాయి. సోమ, మంగళవారాలు కూడా పాఠశాలలకు ప్రభుత్వం సెలవులు ప్రకటించడంతో పుణ్య స్నానాలకు భక్తులు పోటెత్తుతున్నారు. ఉభయ గోదావరి జిల్లాల్లోని పుష్కర ఘాట్ల వద్ద భక్తులు బారులు తీరారు. పుష్కరాలకు వచ్చే భక్తులు ట్రాఫిక్ కారణంగా తీవ్ర ఇక్కట్లు ఎదుర్కొంటున్నారు. వీరికి సౌకర్యాలు కల్పించే ఉద్దేశంతో టీటీడీ రోజు లక్ష ఆహార పొట్లాలు అందించాని నిర్ణయించింది. కాగా, రాజమండ్రి, సామర్లకొట నుంచి పుష్కరాల సందర్భంగా ప్రత్యేక రైళ్లు నడవనున్నాయి.
 
  


 ఖమ్మం(భద్రాచలం): భద్రాచలంలో పుష్కర స్నానాలకు భక్తులు పొటెత్తారు. సోమవారం తెల్లవారు జామునుంచి ఘాట్‌ల వద్ద భక్తులు బారులు తీరారు. భద్రాచలం, మోతే, పర్ణశాల వద్ద భక్తులు కిటకిట లాడుతున్నారు. రాష్ట్రంలోని వివిధ ప్రాంతాల నుంచి పెద్ద ఎత్తున భక్తులు రావడంతో అధికారులు ట్రాఫిక్‌ను ఎక్కడికక్కడ మళ్లిస్తున్నారు. కాగా, నేడు గవర్నర్ నరసింహన్ భద్రాచలంలో పుణ్య స్నానాలు ఆచరించినున్నారు.


 నెల్లూరు: ఆగి ఉన్న ప్రైవేట్ ట్రావెల్స్ బస్సును వేగంగా వచ్చిన లారీ ఢీ కొట్టింది. ఈ ఘటనలో ముగ్గురు వ్యక్తులు అక్కడికక్కడే మృతి చెందారు. ఈ సంఘటన సోమవారం నెల్లూరు జిల్లా బోగోలు మండలం కడనూతల గ్రామం సమీపంలో జరిగింది.
 వివరాలు.. జిల్లాలోని గూడూరు మండలం వెందోడు గ్రామస్తులు గోదావరి పుష్కరాల కోసం రాజమండ్రి బయలుదేరారు. కాగా, మార్గ మధ్యలో బస్సు ఆగి ఉన్న సమయంలో లారీ వచ్చిన ఢీ కొట్టింది. ఈ ప్రమాదంలో ముగ్గురు అక్కడికక్కడే మృతి చెందగా, మరో 20 మంది గాయపడ్డారు. గాయపడిన వారిని మెరుగైన వైద్యం కోసం ఆస్పత్రికి తరలించారు.
  


 గుంటూరు రూరల్: వేగంగా వెళ్తున్న టాటా ఏస్ ఆటో అదుపుతప్పి రోడ్డుపై ఆగి ఉన్న లారీని ఢీ కొట్టింది. ఈ ఘటనలో ముగ్గురు మృతి చెందగా, మరో 8మంది గాయపడ్డారు. ఈ సంఘటన సోమవారం తెల్లవారుజామున గుంటూరు రూరల్ మండలం చౌడవరం గ్రామం సమీపంలో జరిగింది. కాగా, గోదావరి పుష్కరాలకు వెళ్లి తిరిగి వస్తుండగా ఈ సంఘటన జరిగినట్లు సమాచారం. గాయపడిన వారిని మెరుగైన వైద్యం కోసం స్థానిక ఆస్పత్రికి తరలించారు. మృతులు, గాయపడిన వారు ప్రకాశం జిల్లా కనిగిరికి చెందిన వారిగా సమాచారం.
  


 రాజమండ్రి : ఉభయ గోదావరి జిల్లాల్లో ఆదివారం తెల్లవారుజాము నుంచి చిన్నపాటి జల్లులతో కూడిన వర్షం పడుతుంది. చల్లటి గాలుల మధ్య పుష్కరాలకు వచ్చిన భక్తులు స్నానమాచరిస్తున్నారు. చెదురు మదురు జల్లులు పడటంతో భక్తులు తడిసి ముద్దయ్యారు.
  


 ఏలూరు(ప.గో): గోదావరి పుష్కరాల్లో భక్తులకు ఏవైనా సమస్యలు, ఇబ్బందులు వస్తే ఆయా శాఖలకు సంబంధించి అధికారులను సంప్రదించవచ్చు. అలాగే భక్తుల సౌకర్యార్థం ఆర్టీసీ ఎంక్వైరీ, రైల్వే ఎంక్వైరీ అంబులెన్స్ తదితర ఫోన్ నంబర్లు ఇవి.
 
  కొవ్వూరు..
 
  ఆర్డీవో : 08813/231488, 233944, 94910 41425
  డీఎస్పీ: 231326, 94407 96620
  తహసిల్దార్: 231515
  మున్సిపల్ కమిషనర్: 231551, 98499 05819
  టౌన్ పోలీస్ స్టేషన్: 231100, 94407 96622
  రూరల్ పోలీస్ స్టేషన్: 231633, 94407 96621
  ఫైర్‌స్టేషన్: 231101, 99637 26417
  అంబులెన్స్ సర్వీస్: 231450
  ఏరియా ఆసుపత్రి : 96663 76056
  ప్రభుత్వాసుపత్రి: 235273
  ఆర్టీసీ ఎంక్వైరీ: 231514. డీఎం : 231539
  రైల్వేస్టేషన్ : 231131, 98488 92244
 
  నరసాపురం
  ఆర్డీవో : 08814/274401, 274577,
  94910 41423
  డీఎస్పీ : 94407 96615
  మున్సిపల్ కమిషనర్ : 98499 05816
  టౌన్ పోలీస్‌స్టేషన్ : 275333, 94407 96617
  రూరల్ పోలీస్‌స్టేషన్ : 274944, 94407 96618
  ఫైర్‌స్టేషన్ : 275399, 99486 79013
  ప్రభుత్వాసుపత్రి: 99496 23985
  ఆర్టీసీ ఎంక్వైరీ : 275555, డీఎం : 99592 25486 రైల్వేస్టేషన్ ఎంక్వైరీ: 1317, 97072 73166


 రాజమండ్రి: పుష్కరాల పునుల్లో అవినీతి తారాస్థాయికి చేరందని వైఎస్ఆర్ సీపీ నేతలు విమర్శించారు. శనివారం ఆచంట, పాలకొల్లు నియోజకవర్గాల్లో పుష్కరాల పనులను నేతలు మేకా శేషబాబు, వంకా రవీంద్రనాథ్, ముదునూరి ప్రసాదరాజు లు పరిశీలించారు. సొంత పార్టీ నేతలు, కాంట్రాక్టర్ల జేబులు నింపడానికే చంద్రబాబు ప్రాధాన్యత ఇస్తున్నారని మండిపడ్డారు. కాగా ఎమ్మార్వో పై దాడికి దిగిన ఎమ్మెల్యే చింతమనేనిని అరెస్టు చేయకుండా సీఎం చంద్రబాబు సెటిల్ మెంట్ కు పూనుకోవడం దారుణమన్నారు. ప్రభుత్వ ఉద్యోగులపై దాడులను వైఎస్ఆర్ సీపీ తీవ్రంగా ఖండిస్తోందన్నారు.


 సాక్షి ప్రతినిధి, ఏలూరు :పుష్కరాలు చరిత్రలో నిలిచిపోయే విధంగా ప్రతిష్టాత్మక ఏర్పాట్లు చేస్తున్నామని రాష్ట్ర గనులు, స్త్రీ, శిశు సంక్షేమ శాఖ మంత్రి పీతల సుజాత చెప్పారు. ఎక్కడా ఎటువంటి అవాంతరాలు ఎదురుకాకుండా పకడ్బందీ ఏర్పాట్లు చేస్తున్నామన్నారు. మంగళవారం ‘సాక్షి’ ప్రతినిధితో మాట్లాడుతూ పక్కా ప్రణాళికతో జిల్లా అధికారులు ఏర్పాట్లు చేస్తున్నారన్నారు. ఇప్పటికీ ఎక్కడా ఘాట్ల పనులు పూర్తి కాలేదని, మరో ఆరు రోజుల్లో ఏ మేరకు పూర్తవుతాయన్న ప్రశ్నకు స్పందిస్తూ.. ‘అన్ని పనులూ పూర్తవుతాయి. ఇందులో ఎటువంటి అనుమానం లేదు. వివిధ శాఖలు చేపట్టిన 80 శాతం పనులు పూర్తయ్యాయి. మిగిలింది ప్యాచ్‌వర్క్‌లు, రంగులేసే పనులే. అవన్నీ పుష్కరాలకు రెండురోజుల ముందే కచ్చితంగా పూర్తవుతాయి’ అన్నారు.
  
  4 వేల వాహనాల పార్కింగ్‌కు ఏర్పాట్లు
  కొవ్వూరులో నాలుగువేల వాహనాల పార్కింగ్‌కు ఏర్పాట్లు చేస్తున్నామని మంత్రి  సుజాత చెప్పారు. జిల్లాలోని 8 డిపోలకు చెందిన 618 బస్సులతోపాటు గుంటూరు, విజయవాడ నుంచి 120 బస్సులను, మరో 15 నూతన మెట్రో లైనర్ బస్సులను రప్పిస్తున్నామని తెలిపారు. జిల్లాలో ఇరిగేషన్, రోడ్లు భవనాల శాఖ, పంచాయితీరాజ్, దేవాదాయ శాఖ పనులతోపాటు కొవ్వూరు, నరసాపురం, పాలకొల్లు, నిడదవోలు మునిసిపాలిటీల్లో 1,147 అభివృద్ధి పనులను రూ.523.93 కోట్లతో చేపట్టామని తెలిపారు. కొవ్వూరులో గతంలో 65 మీటర్లు ఉన్న స్నానఘట్టాన్ని రూ.6 కోట్లు వెచ్చించి 192 మీటర్లు పొడువున విస్తరించామన్నారు.  కొవ్వూరు పట్టణానికి రూ.4.48 కోట్ల వ్యయంతో మరో బైపాస్ రోడ్డు ఏర్పడిందన్నారు.
  
  వృద్ధులు, చిన్నారులకు ప్రత్యేక ఏర్పాట్లు
  పుష్కరాలకు విచ్చేసే కోట్లాదిమంది భక్తుల్లో ఏ ఒక్కరికీ అసౌకర్యం కలగకూడదనే లక్ష్యంతో ఏర్పాట్లు చేశామని మంత్రి చెప్పారు. ముఖ్యంగా వృద్ధులు, చిన్నారులకు ఎటువంటి ఇబ్బందులు ఎదురుకాకుండా ఘాట్ల వద్ద ప్రత్యేక ఏర్పాట్లు చేస్తున్నామన్నారు.
  


 ప్రత్యేక అధికారి ధనుంజయరెడ్డి
 
 రాజమండ్రి సిటీ: పుష్కర ఏర్పాట్లపై ఫిర్యాదు చేసేందుకు ఈ నెల 10 నుంచి టోల్ ఫ్రీ నంబర్ 12890 అందుబాటులోకి రానున్నదని పుష్కరాల ప్రత్యేక అధికారి కె.ధనుంజయరెడ్డి తెలిపారు. ఈ నంబరు 24 గంటలూ అందుబాటులో ఉంటుందన్నారు. దీనికి వచ్చే ఫిర్యాదులను ఘాట్ ఇన్‌చార్జిలకు అందించి అవసరమైన చర్యలు చేపడతామన్నారు. పుష్కర యాత్రికులకు చేపట్టిన ఏర్పాట్లు, సౌకర్యాలపై ప్రత్యేకంగా మొబైల్ అప్లికేషన్ తయారు చేయనున్నామన్నారు.
 
 ఈ యాప్‌ను డౌన్‌లోడ్ చేసుకుంటే పుష్కరాల పార్కింగ్ స్థలాలు, బస్ స్టేషన్, బుకింగ్ కౌంటర్, రిజర్వేషన్లు, పురోహితులు, పర్యాటక ప్రాంతాలు, ఆసుపత్రులు తదితర సమాచారం తెలుసుకోవచ్చన్నారు. నగరంలోని 20 ప్రాంతాల్లో స్మార్ట్ కియోస్క్‌లు ఏర్పాటు చేస్తామని తెలిపారు.
 
 నిత్యావసర వస్తువుల రవాణాకు రాత్రి 9 నుంచి ఒంటిగంట వరకూ సడలింపు ఇస్తామన్నారు. ఇతర రాష్ట్రాల నుంచి ఉల్లిపాయలు, బంగాళాదుంపలు రప్పిస్తున్నామని తెలిపారు. నగరంలో 20 మొబైల్ రైతుబజార్లు ఏర్పాటు చేయనున్నట్లు ధనుంజయరెడ్డి తెలిపారు.


 (లక్కింశెట్టి శ్రీనివాసరావు, సాక్షి ప్రతినిధి) :  గోదావరి పుష్కరాలకు ముహూర్తం ముంచుకొస్తోంది. పుష్కరాల్లో పుణ్య స్నానాల కోసం లక్షలాదిగా భక్తులు దేశం నలుచెరగుల నుంచి తరలివస్తారని అంచనా. పనులలో వేగం పెంచుతానంటూ సీఎం చంద్రబాబు వారం విడిచి వారం రాజమండ్రికి వచ్చిపోతున్నారు. అయినా పలు శాఖల్లో చురుకుదనం లోపించింది. ఒక అడుగు ముందుకు రెండడుగులు వెనక్కు అన్న చందంగా పనులు జరుగుతున్నాయి. ముఖ్యమంత్రి ఈ వారం మరోసారి రాజమండ్రిలో పర్యటించారు. ఈసారి ఆయన సమీక్షలు, చర్చలే కాకుండా  ఘాట్లను సందర్శించి అధికారులను ఉరుకులు పరుగులు పెట్టించారు. ‘పుష్కరాలు అత్యంత ఘనంగా నిర్వహించాలి. ఖర్చు ఎంతైనా ఫర్వాలే’దంటూనే అనవసర ఖర్చు మాత్రం వద్దంటూ ముక్తాయింపునిచ్చారు.
  
  
  అటువంటప్పుడు పుష్కరాలకు ఎన్ని కోట్లయినా ఖర్చుచేస్తామని సీఎం గొప్పలకు పోవడమెందుకన్న విమర్శ వినిపిస్తోంది. నెలాఖరుకు పనులు పూర్తికావాలని ఆయన ఆదేశించారు. అసలు 50 శాతం కూడా పూర్తికాని పనులు నెలాఖరు నాటికి మాత్రం పూర్తవుతాయూ అంటే సందేహాస్పదమేనని హుకుం జారీ చేసిన సీఎంకు కూడా తెలియంది కాదుకదా అని అధికారులు గుసగుసలాడుకుంటున్నారు.
  
  భక్తులకు సదుపాయూలపై అలక్ష్యం వలదు..
  పుష్కరాలకు వచ్చే లక్షలాది మంది సామాన్య భక్తులకు సౌకర్యాల విషయంలో ప్రభుత్వం అలక్ష్యంపై జిల్లా వైఎస్సార్ సీపీ నాయకులు పార్టీ జిల్లా అధ్యక్షుడు జ్యోతుల నెహ్రూ ఆధ్వర్యంలో ముఖ్యమంత్రి చంద్రబాబును కలిసి వినతిపత్రం ఇచ్చారు. పుష్కర పనుల్లో అవినీతి, అక్రమాలు, గడువు ముగుస్తున్నా పనులు పూర్తిగాని తీరు సీఎం దృష్టికి వెళ్లలేదంటే నమ్మలేం. అవకతవకలు, నాణ్యతా లోపాలు, అనవసర పనులపై విచారణ జరిపించాలని వైఎస్సార్ సీపీ ఎమ్మెల్యేలు, ఇతర నేతలు కోరారు. ఇప్పటికే అనేక పర్యాయాలు వచ్చి వెళ్లిన సీఎం తగిన నిధులు సకాలంలో విడుదల చేయకపోవడంతోనే కాంట్రాక్టర్‌లు పనులను వేగవంతం చేయలేకపోయూరన్నది ఓ వాస్తవం.
  
  సర్కారు వైఫల్యంపై కదం తొక్కిన వైఎస్సార్ సీపీ
  చంద్రబాబు సర్కార్ వైఫల్యాలపై జిల్లా వైఎస్సార్ సీపీ ఈ వారం కదనశంఖం పూరించింది. ఆ పార్టీ శ్రేణులు పెద్ద ఎత్తున తరలివచ్చి కలెక్టరేట్ వద్ద జరిగిన ధర్నాలో అగ్రభాగాన నిలిచారు. బాబు సర్కారు అవలంబిస్తున్న రైతు వ్యతిరేక విధానాలపై ధ్వజమెత్తారు. ‘విజన్ 2020-చంద్రబాబు 420’ అని నినదిస్తూ, ‘పాత సామాన్లు కొంటాం... ఎమ్మెల్యేలను కొంటాం’ అంటూ చంద్రబాబు నైజాన్ని చాటుతూ సాగిన  ధర్నా సర్కారు తీరును ప్రజల్లోకి తీసుకువెళ్లగలిగింది. విజయవంతమైన ఈ ధర్నాతో వైఎస్సార్ సీపీ శ్రేణుల్లో నూతనోత్తేజాన్ని నింపింది.
  
  జూన్‌లోనే పోటెత్తిన వరద
  ఈ వారంలోనే గోదావరికి వరద పోటెత్తింది. సాధారణంగా జూలై ద్వితీయార్థం లేదా ఆగస్టు నుంచి వచ్చే వరదలు ఈ సారి వర్షాకాలం ప్రారంభంలోనే ముంచెత్తాయి. అసలే అంతంతమాత్రంగా జరుగుతున్న పుష్కర పనులకు ఈ వరదల పుణ్యమా అని ఆటంకం ఏర్పడింది. వరదలతో పుష్కర పనుల్లో డొల్లతనం కూడా బయటపడింది. ధవళేశ్వరం బ్యారేజీ నుంచి 8 లక్షలకు పైగా క్యూసెక్కుల నీటిని సముద్రంలో వదలడంతో పలు లంకలు నీటమునిగాయి. తక్కువ స్థాయి వరదలకే లంక గ్రామాలు మునగడం జిల్లా అధికార యంత్రాంగాన్ని హెచ్చరించినట్టయింది. అరుదుగా జూన్‌లోనే వచ్చిన వరదల ఉధృతిని సమీక్షించుకుని రానున్న రోజుల్లో వచ్చే వరదలను ఎదుర్కొనేందుకు సమన్వయం సన్నద్ధం కావలసిన అవసరాన్ని ఎత్తిచూపింది.
  


 రాజమండ్రి: పుష్కర పనుల నాణ్యాతా, ప్రమాణాలపై విచారణ చేపట్టాలని డిమాండ్ చేస్తూ.. సోమవారం రాజమండ్రి మున్సిపల్ కార్యాలయం ఎదుట సీపీఎం ఆధ్వర్యంలో ధర్నా నిర్వహించారు. ఈ సందర్భంగా పార్టీ నాయకులు మాట్లాడుతూ.. పుష్కర పనులపై తక్షణమే అఖిలపక్ష సమావేశం నిర్వహించాలని డిమాండ్ చేశారు. దీంతో అక్కడ ఉద్రిక్తత చోటు చేసుకుంది.


 ధవళేశ్వరం/ఆత్రేయపురం : పుష్కరాలు రానున్న నేపథ్యంలో.. పుట్టిళ్లలాంటి కొండకోనల నుంచి గోదారమ్మకు పసుపు‘కుంకుమ’లతో సారె అందినట్టుంది. ఆ కుంకుమను ఒళ్లంతా పూసుకున్నట్టు అప్పుడే నది కొత్తనీటితో ఎరుపెక్కింది.  ఇటీవల ఎన్నడూ లేనట్టు.. జూన్‌లోనే గోదావరి ప్రవాహం ఉధృతమైంది. సాధారణంగా జూలై నెల నుంచి గోదావరికి వరదలు వస్తాయి. 1992 తర్వాత ఈ ఏడాదే జూన్‌లో గోదావరికి వరదలు వచ్చాయని ఇరిగేషన్ అధికారులు అంటున్నారు. పరీవాహక ప్రాంతాల్లో కురుస్తున్న వర్షాలతో ఉపనదుల నుంచి, వాగువంకల నుంచి గోదావరికి వచ్చే చేరే నీరు పెరుగుతోంది. శబరి పరవళ్లు తొక్కుతూ వచ్చి గోదావరిలో కలుస్తోంది.
  
  ధవళేశ్వరం కాటన్ బ్యారేజ్ నుంచి శనివారం సాయంత్రం 2,47,410 క్యూసెక్కుల మిగులు జలాలను సముద్రంలోకి విడుదల చేశారు. బ్యారేజ్‌లోని మొత్తం 175 గేట్లకు 137 గేట్లను రెండు మీటర్ల మేర పైకి లేపారు. ఎగువన భద్రాచలంలో క్రమేపీ నీటి మట్టం పెరుగుతోంది. అక్కడ శుక్రవారం 14.10 అడుగులున్న నీటి మట్టం శనివారం సాయంత్రానికి 24.7 అడుగులకు చేరింది. ఆదివారం నాటికి ధవళేశ్వరం వద్ద మిగులు జలాలు నాలుగు లక్షల క్యూసెక్కులకు చేరే అవకాశం ఉందని ఇరిగేషన్ అధికారులు అంచనా వేస్తున్నారు. జిల్లాలో కూడా విస్తారంగా వర్షాలు పడుతుండటంలో తూర్పు డెల్టాకు పూర్తిగా నీటి సరఫరాను నిలిపివేశారు.
  
   సెంట్రల్ డెల్టాకు 150, పశ్చిమ డెల్టాకు 200 క్యూసెక్కులు విడుదల చేశారు. శనివారం సాయంత్రం కాటన్ బ్యారేజ్ వద్ద నీటి మట్టం 7.80 అడుగులకు  చేరింది. గోదావరి ఉధృతంగా ప్రవహిస్తుండటంతో ఇరిగేషన్ యంత్రాంగం అప్రమత్తమైంది. ఫ్లడ్ కన్జర్వేటర్ పి.వి.తిరుపతిరావు ఎప్పటికప్పుడు పరిస్థితిని సమీక్షిస్తున్నారు. ఎగువ ప్రాంతాలకు సంబంధించి కాళేశ్వరంలో 3.35 మీటర్లు, కూనవరంలో 10.15 మీటర్లు, పేరూరులో 6.35 మీటర్లు, దుమ్ముగూడెంలో 7.26 మీటర్లు, కుంటలో 12.28 మీటర్లు, కొయిదాలో 13.12 మీటర్లు,పోలవరంలో 8.37 మీటర్లు, రాజమండ్రి రైల్వే బ్రిడ్జ్ వద్ద 13.70 మీటర్ల వద్ద నీటి మట్టాలు నమోదయ్యూయి.
  
  ఘాట్ల పనులకు ఆటంకం
  కాగా బ్యారేజ్ దిగువన గౌతమి, వశిష్ట పాయల వెంబడి పలు గ్రామాల్లో జరుగుతున్న పుష్కరఘాట్ల నిర్మాణానికి.. ప్రవాహ ఉధృతి ఆటంకంగా మారింది. పనులు ఆలస్యంగా చేపట్టడం, దానికి తోడు కాంట్రాక్టర్లు నిర్లక్ష్యంగా వ్యవహరించడంతో ఎక్కడి పనులు అక్కడే అసంపూర్తిగా ఉన్నాయి. ఈ నేపథ్యంలో గోదావరి పుష్కరాలకు పుణ్యస్నానాలు ఆచరించేందుకు వచ్చే లక్షలాది భక్తులు ఇబ్బందులు ఎదుర్కొనే అవకాశం ఉంది.
  


 రాజమండ్రి : వరదల వేళ వడి పెరిగే గోదావరి ప్రవాహంలాగే.. ఆ నదికి 12 ఏళ్లకోసారి జరిగే మహాపర్వం దూసుకువస్తోంది. పుష్కరాలు మరో నెలన్నరలో ప్రారంభం కానున్నారుు. ఇవి ‘మహా పుష్కరాలని, కుంభమేళా స్థారుులో నిర్వహిస్తామని’ ఆర్భాటంగా చెపుతున్న ప్రభుత్వం.. ఆచరణలో అందుకు తగ్గట్టు వ్యవహరించడం లేదు. పుష్కరాలకు ప్రధాన కేంద్రమైన రాజమండ్రితో పాటు జిల్లాలోని మరికొన్ని ముఖ్య ప్రాంతాల్లో నత్తనడకన సాగుతున్న పుష్కర పనులే ఇందుకు సాక్ష్యం. పుష్కర పనుల్లో  పెద్ద ఎత్తున అవినీతి జరుగుతుందనే ఆరోపణలూ వినిపిస్తున్నాయి.
  
  బాగున్న రోడ ్ల మీదే రోడ్లు వేయడం, అవసరం లేనిచోట్ల డ్రైన్లు నిర్మించడం ఇందుకు ఉదాహరణలు. ఈ నేపథ్యంలో.. నంది నాటకోత్సవ బహుమతీ ప్రదానానికి శనివారం రాజమండ్రి రానున్న ముఖ్యమంత్రి చంద్రబాబు నాయుడు పనులను పరుగులు తీరుుంచేలా చూడాలని, పనుల్లో అవకతవకలపై చర్యలు తీసుకోవాలని జిల్లావాసులు, ఆధ్యాత్మికపరులు కోరుతున్నారు.
  
  ఇదీ పనుల తీరు, ఇవీ అవకతవకలు
  =    ఉభయ గోదావరి జిల్లాల మధ్య ఉన్న రోడ్డు కం రైలు వంతెన మరమ్మతులు ఏప్రిల్ 1న ఆరంభమయ్యాయి. నిర్ణీత షెడ్యూలు ప్రకారం మే 15 నాటికి పూర్తి కావాల్సి ఉన్నా ఇంత వరకు పూర్తి కాలేదు.
  =    రోడ్డు కం రైలు వంతెన పనులు పూర్తి కానందున ధవళేశ్వరం బ్యారేజ్‌పై రోడ్డు పనులు ఇంకా మొదలు కాలేదు.
  =    రెండు జిల్లాలను కలిపే నాలుగో వంతెన గత ఏప్రిల్ 15 నాటికి పూర్తి కావాల్సి ఉన్నా ఇప్పటి వరకూ పూర్తి కాలేదు. ఈ నెలాఖరుకు పూర్తి చేస్తామని అధికారులు చెబుతున్నా నమ్మకం కలగడం లేదు.
  =    రాజమండ్రి - మధురపూడి ఎయిర్‌పోర్టు రోడ్డు విస్తరణ పనులు మందకొడిగా సాగుతున్నాయి. రోడ్డుకు అనుబంధంగా చేపట్టిన డ్రైన్ నిర్మాణ పనులు, పైపైనే సాగుతున్న డివైడర్ పనులపై పలు ఆరోపణలు వస్తున్నా అధికారులు పట్టించుకోవడం లేదు.
  =    రాజమండ్రి - ధవళేశ్వరం రోడ్డు విస్తరణ పనులు కూడా నత్తను తలపిస్తున్నాయి.
  =    రాజమండ్రిలో రైల్వేస్టేషన్, తాడితోట వంటి ప్రాంతాలు భారీ వర్షాలకు నీట మునుగుతుంటాయి. ఇలాంటి చోట డ్రైన్ల విస్తరణ చేయకపోగా  మార్కెట్‌యార్డు, శానిటోరియం వద్ద బాగున్న డ్రైన్లను పాడు చేసి కొత్త డ్రైన్లు నిర్మిస్తున్నారు. దీనికి పాత డ్రైన్లను కూల్చగా వచ్చిన ఐరన్‌నూ వినియోగిస్తున్నారు.
  =    రాజమండ్రిలో మే ఒకటిన ముఖ్యమంత్రి అట్టహాసంగా శంకుస్థాపన చేసిన  కన్వెన్షన్ సెంటర్ నిర్మాణ పనులు ఇప్పటికీ ఆరంభం కాలేదు. పుష్కరాలకు పూర్తవడం దాదాపు అసాధ్యం.
  =    రాజమండ్రి నగర సుందరీకరణ పనులు సైతం ఇంకా మొదలు కాలేదు. ముఖ్యమంత్రి చెబుతున్న స్థాయిలో సుందరీకరణ పనులు జరుగుతాయనే నమ్మకం నగరవాసులకు కలగడం లేదు.
  =    పుష్కరఘాట్, వీఐపీ ఘాట్‌లతోపాటు జిల్లాలోని కోటిపల్లి, కుండలేశ్వరం, ముక్తేశ్వరం, సోంపల్లి ఘాట్‌ల విస్తరణ పనులు ఇంకా పూర్తి కాలేదు.
  =    ఈ ఘాట్‌లకు వెళ్లేందుకు ఆభివృద్ధి చేయాల్సిన ఏటిగట్టు రోడ్ల పనులూ ఇంకా మొదలు కాకపోవడం గమనార్హం.


 నిజామాబాద్ నాగారం: పుష్కరాలు పన్నెండేళ్లకు ఒకసారి వస్తాయి. ఈ ఏడాది జూలైలో పుష్కరాలను నిర్వహించనున్నారు. 12 రోజుల పాటు జరిగే ఈ పుష్కరాలకు రాష్ట్రం మొత్తం పండుగలా ఉంటుంది. ఇప్పటికే పుష్కరఘాట్ల వద్ద పనులు చకచకా నడుస్తున్నాయి. అయితే విద్యుత్ కనెక్షన్ల ఏర్పాటు పనులు మాత్రం ముందుకు కదలడం లేదు. అటు ప్రభుత్వంతో పాటు ఇటు కలెక్టర్ సైతం పుష్కరఘాట్లలో విద్యుత్ సరఫరాకు సంబంధిత పనులు ప్రారంభించాలని ఎన్‌పీడీసీఎల్ జిల్లా ఎస్‌ఈకి ఆదేశాలు జారీ చేశారు...
 
 అయితే నిధులు మంజూరు చేయకుండా పెద్ద మొత్తంలో పనులు చేసేదేట్లా అని సదరు అధికారు లు తలలు పట్టుకుంటున్నారు. మొత్తం 14 ఘాట్లకు గాను రూ.1.16 కోట్ల వ్యయమవుతుందని అధికారులు ప్రణాళికలు రూపొందించారు. ఇంత భారం ఎలా భరించాలని అధికారులు ప్రశ్నిస్తున్నారు.  
  
 నిధులు లేక ప్రారంభం కాని పనులు
 నిజామాబాద్ జిల్లాలో 18 పుష్కరఘాట్లు ఏర్పాటు చేశారు. ఇందులో 4 ఘాట్లను పోచంపాడ్‌కు సంబంధించిన ఇరిగేషన్ అధికారులు చేపట్టారు. మిగతా 14 ఘాట్లలో విద్యుత్ ఏర్పాట్లను ఎన్‌పీడీఎల్(ట్రాన్స్‌కో)కు అప్పజెప్పింది. ఈ 14 ఘాట్లలో పనులు ప్రారంభించాలంటే దానికి సరిపడ నిధులు కావాలి. ప్రతి ఘాట్ వద్ద విద్యుత్ స్థంభాలు, ట్రాన్స్‌ఫార్మర్లు, వైర్లు, విద్యుత్ దీపాలు ఇలా అన్నింటినీ ఏర్పాటు చేయాలి.
 
 ఘాట్‌వద్ద అదనంగా జనరేటర్ సౌకర్యం కూడా కల్పించాలి. 24 గంటలు కచ్చితంగా విద్యుత్ సరఫరా ఉండాల్సిందే. అయితే ఇందుకు అవసరమైన నిధులు మాత్రం ప్రభుత్వం మంజూరు చేయలేదు. 4 ఘాట్లలో కందకూర్తి-2, తడపకల్-2, దోంచంద-1, గుమ్మీర్యాల్-1, సావెల్-1, తుంగిని-1, కోస్లీ-1, బినోల-1, ఉమ్మెడ-1, తాడ్‌బిలోలీ-2 ఉన్నాయి. భక్తులు అందరు అధిక సంఖ్యలో పుష్కరాల సమయంలో గోదావరినదిలో స్నానాలు చే సి ప్రత్యేక పూజలు నిర్వహిస్తున్నారు. ఈ పుష్కరాల సమయంలో గోదావరిలో స్నానం చేస్తే సకల పాపాలు పోతాయని అంటారు.
 
 అందుకే 12 ఏళ్లకు ఒకసారి వచ్చే పుష్కరాలకు ఎంతో ప్రాముఖ్యం ఉంటుంది. అయితే ఘాట్లలో విద్యుత్ సరఫరా కల్పించేందుకు ప్రభుత్వం, జిల్లా యంత్రాంగం నిధులు మంజూరు చేయకపోవడంతో పనుల విషయాన్ని విద్యుత్ శాఖాధికారులు పక్కకు పడేశారు. చిన్న చిన్న పనులు ఉంటే మాత్రం చేస్తామని, పెద్ద మొత్తంలో పనులు చేయాలంటే కచ్చితంగా నిధులు కావాల్సిందేనని పట్టుబడ్డారు. స్టోర్‌లో నుంచి ఏ ఒక్క మెటిరీయల్ బయటకు తీయాలన్నా దానికి సరిపడ బిల్లులు చెల్లించి, కార్పొరేట్ అధికారుల అనుమతి తప్పనిసరిగా ఉంటుంది. కానీ ప్రభుత్వం, జిల్లా కలెక్టర్ ఆదేశాలు ఏ విధంగా పాటించాలో అర్థం కావడం లేదని తలలు పట్టుకుంటున్నారు. పుష్కరఘాట్ల వద్ద మిగతా అన్ని పనులు చకచకా కొనసాగుతున్నా విద్యుత్‌సరఫరా విషయంలో మాత్రం ఇంతవరకు కొలిక్కిరాలేదు.  
  
 కార్పొరేట్ కార్యాలయం అనుమతి రావాలి
 ఒక వేళ ప్రభుత్వం నిధులు ఇవ్వకున్నా.. వరంగల్ కార్పొరేట్ కార్యాలయం నుంచి అనుమతి వస్తే తప్పకుండా పనులు ప్రారంభిస్తారు. అరుునా ఇంత వరకు నిధులు విషయంలో ఎటూ తేలడం లేదు. ఆదేశాలు ఇచ్చినా పనులు మాత్రం జరగడం లేదు. ఈ నేపథ్యంలో కలెక్టర్ స్వయంగా కలుగజేసుకుని ఉన్నత స్థాయి అధికారులతో మాట్లాడితే తప్ప  విద్యుత్ సమస్య ఓ కొలిక్కి వచ్చే అవకాశం లేదు.


 హైదరాబాద్: ఎమ్మెల్సీ ఎన్నికల్లో ప్రణాళిక లోపం వల్ల హైదరాబాద్ లో ఓటమిని ఎదుర్కొన్నామని రోడ్లు, భవనాల శాఖ మంత్రి తుమ్మల నాగేశ్వరరావు తెలిపారు. ఆయన సోమవారమిక్కడ మాట్లాడుతూ టీఆర్ఎస్ కు ముందు నుంచి హైదరాబాద్, రంగారెడ్డి లలో బలహీనతలు ఉన్నాయన్నారు. నాలుగేళ్లలో తెలంగాణ రోడ్లను గుజరాత్ కంటే మెరుగ్గా అభివృద్ధి చేస్తామన్నారు. త్వరలో జరిగే గోదావరి పుష్కరాలకు పూర్తి స్థాయి ఏర్పాట్లు చేస్తున్నామని తెలిపారు. బాసర నుంచి భద్రాచలం వరకు రోడ్లు, వసతిగృహాలు, భక్తుల ఏర్పాట్లపై దృష్టి పెట్టామన్నారు. విభజన చట్టంలోని అన్ని అంశాలు, హామీలను నెరవేర్చాలని ప్రధాని మోదీని , కేంద్రాన్ని డిమాండ్ చేస్తున్నామని తుమ్మల తెలిపారు.


  2010 ప్రాణహిత పుష్కరాలు: రూ.1.6 కోట్ల వ్యయంతో ఏర్పాట్లు. ఒక్కోటి రూ.3 లక్షల వ్యయంతో స్నానాల గదుల నిర్మాణం.
  2013 సరస్వతి పుష్కరాలు: ప్రాణహిత పుష్కరాల సందర్భంగా నిర్మించిన స్నానాల గదులు ఆనవాళ్లు కూడా లేకపోవడంతో మళ్లీ రూ.కోటి వ్యయంతో కొత్తగా పనులు.
  2015 గోదావరి పుష్కరాలు: సరస్వతి పుష్కరాల సందర్భంగా నిర్మించిన గదులన్నీ మళ్లీ మాయమయ్యాయి. కొత్తగా పనుల కోసం తిరిగి ఏర్పాట్లు.
 
 ఇదీ కరీంనగర్ జిల్లా కాళేశ్వరం త్రివేణీ సంగ మం వద్ద పరిస్థితి. ముందస్తు ప్రణాళిక లేకుండా సమయం మించిన తరువాత హడావుడి ఏర్పాట్లతో సరిపుచ్చితే పరిస్థితి ఏమిటో తెలిపే ఉదాహరణలు ఇవీ. జూలైలో గోదావరి పుష్కరాలను కుంభమేళా తరహాలో నిర్వహిస్తామని పదేపదే చెబుతున్న ప్రభుత్వం గత అనుభవాలను గుర్తించినట్టుగా లేదు. సమయం ముంచుకొస్తున్నా ఇప్పటికీ ప్రణాళిక లేకుండా వ్యవహరిస్తోంది. వర్షాలు అధికంగా కురిసే సమయంలో గోదావరి పుష్కరాలు జరుగుతాయి. అంటే అందుకు పక్షంరోజులు ముందు గా ఏర్పాట్లన్నీ పూర్తి కావాలి.  కానీ, ప్రభుత్వం ఇప్పటివరకు కనీసం టెండర్లు కూడా పూర్తి చేయలేదు. పుష్కర ఘాట్లు, స్నాన ఘట్టాల నిర్మాణం, రోడ్ల అభివృద్ధి, దేవాలయాల వద్ద అభివృద్ధి పనులు ఇలా ఏ ఒక్కటీ ప్రారంభం కాలేదు. దీంతో సకాలంలో పనులు పూర్తవుతాయా అని ఆందోళన వ్యక్తమవుతోంది. 
 గత అనుభవాలను దృష్టిలో పెట్టుకుని మే రెండోవారం నాటికే ఏర్పాట్లు పూర్తిచేయాలని   ప్రధాన దేవాలయాల పాలకవర్గాల సభ్యులు, నిర్వాహకులు ప్రభుత్వం దృష్టికి తీసుకువచ్చినా సాధారణ ప్రకటనలతోనే సరిపుచ్చారు. దీంతో వారు తమ ఆందోళనను మంత్రి దృష్టికి తీసుకెళ్లాల్సి వచ్చింది. రెండు రోజుల క్రితం హడావుడిగా సమీక్ష నిర్వహించిన మంత్రి ఇంద్రకరణ్‌రెడ్డి.. మే చివరి నాటికి పనులన్నీ పూర్తి చేయాలని అధికారులను ఆదేశించారు. అయితే, నిధులు కేటాయిం చకుండా పనులు ఎలా చేసేదంటూ వారు ఆవేదన వ్యక్తం చేసినట్టు సమాచారం. తెలంగాణ వ్యాప్తంగా 66 పుష్కరఘాట్లను నిర్మించాలని ప్రభుత్వం నిర్ణయించగా, మరిన్ని కావాలని అధికారులు తేల్చారు. కానీ, ఇప్పటి వరకు ప్రభుత్వం నుంచి  అనుమతి రాలేదు  అనుమతి ఇచ్చిన వాటికీ ఇంకా నిధులే విడుదల చేయలేదు.


 కొత్తగూడెం: గోదావరి పుష్కరాలకు ప్రయూణికుల సౌకర్యార్థం ప్రత్యేకరైళ్లు నడపనున్నట్లు రైల్వే జీఎం శ్రీవాత్సవ తెలి పారు శుక్రవారం ఖమ్మం జిల్లా కొత్తగూడెంలోని భద్రాచలం రోడ్ రైల్వేస్టేషన్‌కు వచ్చి తనిఖీలు నిర్వహించి మాట్లాడారు. భద్రాచలం రోడ్ రైల్వేస్టేషన్‌కు ఆర్టీసీ బస్సులు వచ్చివెళ్లే విధం గా ఏర్పాట్లు చేస్తున్నామన్నారు. పుష్కరాలకు ప్రయూణికుల రద్దీ ఎక్కువగా ఉండే అవకాశం ఉన్న దృష్ట్యా మరుగుదొడ్లు ఏర్పాటు చేస్తామన్నారు.
 రైళ్ల రాకపోకలు ఎక్కువగా అవకాశం ఉన్న నేపథ్యంలో మూడో ప్లాట్‌ఫామ్‌నూ ఏర్పాటు చేస్తున్నామన్నారు. రైల్వేస్టేషన్‌లో ప్రత్యేక కౌంటర్లు ఏర్పాటు చేసి రైళ్లు, బస్సుల వివరాలు తెలియజేస్తామన్నారు. తొలుత రైల్వేస్టేషన్‌లో జీఆర్‌పీఎఫ్ పోలీస్‌స్టేషన్, సోలార్‌పవర్‌ప్లాంట్, కమ్యూనిటీహాల్‌ను ప్రారంభించారు. రైల్వేఆస్పత్రిలో వైద్యసేవల గురించి ఆరా తీశారు. ఎమ్మెల్యే, పార్లమెంట్ కార్యదర్శి జలగం వెంకట్రావ్ రైల్వేజీఎంను కలిశారు


 పోలవరం :పోలవరం మండలం పట్టిసీమ శైవ క్షేత్రాన్ని ప్రకృతి ప్రసాదించిన వరంగా భక్తులు భావిస్తారు. పరమ పావనిగా ప్రసిద్ధికెక్కిన గోదావరి నది మధ్య ఈ పురాతన క్షేత్రం సహజసిద్ధంగా వెలసింది. ఆధ్యాత్మికతతోపాటు ఆహ్లాదాన్ని పంచే ఈ క్షేత్రంలో శ్రీ భద్రకాళీ సమేత వీరేశ్వరస్వామిని పవిత్ర గోదావరి నదిలో పుణ్యస్నానమాచరించిన అనంతరం దర్శించుకుంటే సకల పాపాలు తొలగిపోతాయనేది భక్తుల విశ్వాసం. మహాశివరాత్రి రోజున ఘనంగా ఉత్సవాలు నిర్వహించడం, రాష్ట్రం నలుమూలల నుంచి లక్షలాది మంది భక్తులు తరలి రావడం ఇక్కడి విశిష్టత. గోదావరి పుష్కరాల సమయంలోనూ భక్తులు ఈ క్షేత్రానికి భారీగా తరలివస్తారు. పుష్కరాలు సమీపిస్తున్న తరుణంలో ఈ క్షేత్రంలో వివిధ పనులు చేపట్టేందుకు ప్రభుత్వం రూ.42 లక్షలు మంజూరు చేసింది. మెట్లకు మరమ్మతులు, ధ్వజస్తంభాల ఏర్పాటు, ప్రాకార మండపం మరమ్మతులకు ఈ నిధులను వెచ్చించాల్సి ఉంది. పనులు చేపట్టేందుకు రెండుసార్లు టెండర్లు పిలిచినా కాంట్రాక్టర్లు ముందుకు రాలేదు. దీంతో మూడోసారి టెండర్లు పిలిచారు. దీనికీ ఈ నెల 12వ తేదీతో గడువు ముగుస్తోంది. శివక్షేత్రం గోదావరి నది మధ్యన ఉండటంతో రవాణా ఇబ్బందుల దృష్ట్యా పనులు చేపట్టేందుకు కాంట్రాక్టర్లు ముందుకు రావటం లేదని అధికారులు చెబుతున్నారు.
  
  ఆస్తులెన్ని ఉన్నా.. అభివృద్ధి సున్నా
  పురాతన కాలంనాటి ఈ క్షేత్రం తగిన స్థాయిలో అభివృద్ధికి నోచుకోలేదు. ఈ క్షేత్రానికి 191 ఎకరాల భూమి ఉంది. ఇందులో 65 ఎకరాలను ధూప, దీప, నైవేద్యాల కోసం అర్చకులకు ఇచ్చారు. మిగిలిన 126 ఎకరాల భూమిపై ఏడాదికి రూ.6 లక్షలు మాత్రమే ఆదాయం వస్తోందని ఆలయ మేనేజర్ నాళం సూర్యచంద్రరావు తెలిపారు. దీంతోపాటు మహాశివరాత్రి సందర్భంగా వచ్చే ఆదాయంతోనే ఆలయ నిర్వహణ చేస్తున్నామన్నారు. ఇదిలావుండగా అర్చకులకు ఈ క్షేత్రంపై నివాసాలు కూడా లేవు. భక్తులకు సరిపడా మరుగుదొడ్లు సైతం లేవు. రెండేళ్ల క్రితం ఇదే క్షేత్రంలో గల శ్రీ భావన్నారాయణస్వామి ఆలయ ధ్వజ స్తంభం కూలిపోగా, 10 నెలల క్రితం శ్రీ భద్రకాళీ సమేత వీరేశ్వరస్వామి ఆలయ ధ్వజ స్తంభం నేలకొరిగింది. వీటిని నేటికీ పునరుద్ధరించలేదు. గత ఏడాది అప్పటి జిల్లా కలెక్టర్ సిద్ధార్థజైన్ ఈ ఆలయాన్ని దర్శించి క్షేత్రంలో సీసీ రోడ్డు నిర్మాణం కోసం రూ.5 లక్షలు మంజూరు చేశారు. ఈ పనులు ఇప్పటికీ పూర్తి కాలేదు. కాంక్రీట్ వేసి వదిలేశారు. అయినా అధికారులు పట్టించుకోలేదు.
  
  క్షేత్ర విశిష్టత ఇదీ
  పంచ శివక్షేత్రాల్లో పట్టిసీమ క్షేత్రం ఒకటి. దీనిని పట్టిసాచలం, దేవకోటాద్రి, కీలాద్రి అని కూడా పిలుస్తారు. ఈ క్షేత్రంలో వీరభద్రుడు లింగాకారం ధరించి స్వయంభువుడై వెలిశాడని పురాణ ప్రతీతి. దీనికి నిదర్శనంగా లింగాకారం చుట్టు బాహువులు, హస్తం గుర్తులు నేటికీ దర్శనమిస్తున్నాయి. ఈ క్షేత్రంలో భూనీలా సమేతుడైన మహావిష్ణువు శ్రీభావన్నారాయణస్వామి రూపంలో క్షేత్ర పాలకునిగా ఉన్నారు. హరిహరాదులు ఈ క్షేత్రంలో ఉండటంతో ప్రముఖ క్షేత్రంగా భాసిల్లుతోంది. స్కంధపురాణంలో పేర్కొన్న ప్రకారం శ్రీకనకదుర్గ, మహిషాసురమర్ధని అమ్మవార్లు గ్రామ దేవతలు. సీతారామస్వామి, ఆంజనేయస్వామి, సుబ్రహ్మణ్యస్వామి, కుమారస్వామి, అనిస్త్రీ, పునిస్త్రీలు ఇదే క్షేత్రంలో కొలువై ఉన్నారు.
  


 నిడదవోలు/ఏలూరు/ : కొవ్వూరు/చాగల్లు :పుష్కరాలు, ఎమ్మెల్సీ ఎన్నికలపై ప్రత్యేక దృష్టి సారించాలని ఉభయగోదావరి జిల్లాలకు చెందిన ఎంపీ లు, ఎమ్మెల్యేలను ముఖ్యమంత్రి ఎన్.చంద్రబాబు నాయుడు ఆదేశిం చారు. నిడదవోలులోని ప్రభుత్వ జూనియర్ కళాశాలలో సోమవారం ఉదయం వారితో భేటీ అయ్యారు. అధికారులను, విలేకరులను లోనికి అనుమతించలేదు. అందిన సమాచారం ప్రకా రం.. గతంలో జరిగిన ఉపాధ్యాయ ఎమ్మెల్సీ ఎన్నికలపై తొలుత ముఖ్యమంత్రి ఆరా తీశారు. రానున్న ఎన్నికల్లో టీడీపీ అభ్యర్థిని గెలిపించాలని ఆదేశించినట్టు సమాచారం. ఎమ్మెల్సీ ఎన్నికల సమన్వయకర్తగా హోంశాఖ మంత్రి నిమ్మకాయల చినరాజప్పను నియమిం చినట్టు తెలిసింది.
 
 నిడదవోలులో పాదయాత్ర, ప్రభుత్వ జూనియర్ కళాశాల ప్రాంగణంలో ఆది వారం రాత్రి నిర్వహించిన బహిరంగ సభ అనంత రం ముఖ్యమంత్రి ఇక్కడే బస చేశారు. సోమవారం ఉదయం 10.35 గంటలకు ప్రజాప్రతినిధులతో ఆంతరంగిక సమావేశం నిర్వహించారు. పుష్కరాలపై గంటకు పైగా సమీక్షించినట్టు భోగట్టా. ఉద యం 11.45 గంగలకు చాగల్లు మండలం బ్రాహ్మణగూడెం వెళ్లారు. సమీక్ష సమావేశంలో ఎంపీ మాగం టి మురళీమోహన్, రాజ్యసభ సభ్యులు తోట సీతారామలక్ష్మి, దేవాదాయ శాఖమంత్రి పైడికొండల మాణిక్యాలరావు, ఎమ్మెల్యే బూరుగుపల్లి శేషారావు, ప్రభుత్వ విప్ చింతమనేని ప్రభాకర్, ఎమ్మెల్యేలు పితాని సత్యనారాయణ, కేఎస్ జవహర్, గన్ని వీరాం జనేయులు, జి.బుచ్చియ్యచౌదరి, ఎమ్మెల్సీలు కలి దిండి రవివర్మ, చైతన్యరాజు, అంగర రామ్మెహన్, మునిసిపల్ చైర్మన్ బొబ్బా కృష్ణమూర్తి  పాల్గొన్నారు.
 
 చప్పగా సాగిన రెండో రోజు పర్యటన
 ముఖ్యమంత్రి సోమవారం నిర్వహించిన పర్యటన చప్పగా సాగింది. తొలిరోజు పర్యటనలో నిడదవోలు నియోజకవర్గంలో హామీలు గుప్పించిన సీఎం రెండో రోజు ఎటువంటి హామీలు ఇవ్వలేదు. ముఖ్యమంత్రి తమ గ్రామాల అభివృద్ధికి నిధులిస్తారని, వరాలు కురిపిస్తారని ఆశపడిన స్థానిక  ప్రజాప్రతినిధులు, నాయకులకు నిరాశే మిగిలింది. రెండోరోజు పర్యటన  కేవలం ప్రారంభోత్సవాలకే పరిమితమైంది.
 
 మురుగుదొడ్లు లేనోళ్లు మనుషులే కాదు
 మరుగుదొడ్లు లేనివాళ్లు మనుషులే కాదని.. వాటిని కట్టుకోకపోతే మనుషులకు, జంతువులకు తేడా లేదని ముఖ్యమంత్రి చంద్రబాబునాయుడు వ్యా ఖ్యానించారు. సోమవారం మధ్యాహ్నం నిడదవోలు నుంచి కారులో బ్రాహ్మణగూడెం చేరుకున్న ఆయన పంచాయతీ కార్యాలయం సమీపంలో గారపాటి రామారావు అందించిన రూ.10 లక్షలతో ఏర్పాటు చేసిన వాటర్ ప్లాంట్‌ను ప్రారంభించారు. అనంతరం మొయిన్ రోడ్డులో ప్రజలను ఉద్దేశించి మాట్లాడారు. గ్రామంలో ఇంకా 30 మందికి మరుగుదొడ్లు లేవని, నూరు శాతం మరుగుదొడ్లు నిర్మించుకోవాలని సీఎం సూచించారు. పల్లెల్ని స్మార్ట్ విలేజ్‌గా మార్చడానికి ఎన్‌ఆర్‌ఐలు, ధనవంతులు కొంతమేర నిధులు వెచ్చించాలని కోరారు. వ్యవసాయాన్ని లాభసాటిగా మార్చేందుకు సాగులో ఆధునిక పద్ధతులు తీసుకొస్తామన్నారు. గ్రామానికి చెందిన దాపర్తి సత్యనారాయణ మనుమడు విహాన్‌బాలు రూ.25 వేలను రాజధాని నిర్మాణం కోసం అందజేశారు.
 
 ఎస్.ముప్పవరంలో స్ధానికులు కొందరు ముఖ్యమంత్రి కాన్వాయ్‌కి అడ్డువెళ్లి ఊర చెరువు కొందరు వ్యక్తుల చేతుల్లో ఉందని, దాన్ని పంచాయతీకి  అప్పగించి ఆదాయ వనరుగా మార్చాలని కోరారు. గ్రామానికి చెందిన సత్యసాయి సమితి ప్రతినిధి గారపాటి కృష్ణమూర్తి చెరువు అభివృద్ధికి రూ.5 లక్షలు ఇస్తానని ప్రకటించారు. అనంతరం చాగల్లు చేరుకున్న చంద్రబాబు ప్రధాన కూడలి వద్ద ఏర్పాటు చేసిన ఎన్టీఆర్ విగ్రహాన్ని ఆవిష్కరించారు. గ్రామంలో నాలుగు వాటర్ ప్లాంట్ల ఏర్పాటుకు సహకరించిన నాదెండ్ల శ్రీరామ్‌చౌదరిని అభినందించారు. రాజధాని నిర్మాణానికి వేములపల్లి హ ర్షిణి తాను సొమ్ము దాచుకున్న డిబ్బీని చంద్రబాబుకి అందజేసింది.
 
 అనంతరం ఊనగట్లలో ఎన్టీఆర్ విగ్రహాన్ని సీఎం ఆవిష్కరించారు. అక్కడి నుంచి హెలికాప్టర్‌లో విజయవాడ వెళ్లారు. ఎమ్మెల్యేలు ముప్పిడి వెంకటేశ్వరరావు, నిమ్మల రామానాయుడు, బండారు మాధవ నాయుడు, ఆరిమిల్లి రాధాకృష్ణ, మొడియం శ్రీనివాస్, వేటుకూరి శివ,  కలెక్టర్ కె.భాస్కర్, పారిశ్రామికవేత్త పెండ్యాల అచ్చిబాబు, జొన్నలగడ్డ సుబ్బరాయచౌదరి, చాగల్లు జెడ్పీటీసీ సభ్యుడు అల్లూరి విక్రమాదిత్య, ఆళ్ల హరిబాబు, గారపాటి కాశీవిశ్వనాథం, సూరపనేని చిన్ని, ఎంపీపీ కోడూరి రమామణి, గారపాటి శ్రీదేవి, దుద్దుపూడి రాజారమేష్, నందిగం శ్రీను పాల్గొన్నారు.
  


 హైదరాబాద్: వచ్చే ఏడాది జరగనున్న గోదావరి పుష్కరాలను కుంభమేళ తరహాలో నిర్వహిస్తామని తెలంగాణ మంత్రులు ఏ. ఇంద్రకరణ్ రెడ్డి, తుమ్మల నాగేశ్వరరావులు వెల్లడించారు. మంగళవారం హైదరాబాద్లో విలేకర్ల సమావేశంలో వారు మాట్లాడారు. గోదావరి పుష్కరాల కోసం రూ. 500 కోట్లు కేటాయిస్తున్నట్లు తెలిపారు. పుష్కర పనులు, ఏర్పాట్ల కోసం తర్వలో టెండర్ల ప్రక్రియను ప్రారంభించనున్నట్లు వారు వివరించారు.


  మహారాష్ట్రలో పుట్టిన చోటు నుంచి మహాసముద్రంలో కలిసే తావు వరకూ గోదారమ్మ ఎలాంటి కుల, మత, వర్గ, వర్ణ వివక్ష కనబరచదన్నది..ఆ తల్లి జీవనది అన్నంత నిశ్చిత సత్యం. అయినా.. ఎందుకో ఆ తల్లి సాచిన అనేక బాహువుల నడుమ ఒదిగిన బిడ్డలా ఉండే కోనసీమను చూస్తే మాత్రం మరోమాట అనుకోబుద్ధేస్తుంది. ఆ గడ్డపై ఆయమ్మకు ఒకింత ఆపేక్ష ఎక్కువేననిపిస్తోంది. అలాంటి సీమలో పుష్కర సన్నాహాల జాడ ఇంకా లేదు. ఓవైపు ఆ మహాపర్వం చేరువవుతున్నా.. ప్రభుత్వ యంత్రాంగంలో మాత్రం చలనం రావడం లేదు.
  
  అమలాపురం :పుష్కరాల సమయంలో జిల్లాలో రాజమండ్రి తర్వాత కోనసీమకే  భక్తుల తాకిడి అధికంగా ఉంటుంది. సీమలో గత పుష్కరాల సమయంలో నిర్మించిన ఘాట్లు ఇప్పుడు శిథిలావస్థకు చేరాయి. రాజమండ్రిలోని ఘాట్లు, ఇతర మౌలిక సదుపాయాల అభివృద్ధికి అవసరమైన నిధులకే కోత  పెడుతున్న ప్రభుత్వం.. కోనసీమలో పుష్కర సన్నాహాలకు పుష్కలంగా నిధులు ఇస్తుందనే నమ్మకం లేకుండా పోయింది.
  
  సప్తగోదావరి స్నానం.. సకల పాపహరణం
  నదీపాయల మధ్య పచ్చదనం తొణికిసలాడే కోనసీమ గడ్డపై అడుగడుగునా ఓ గుడి ఉంది. ఆ గుడులన్నింటికీ పురాణేతిహాసాల ప్రశస్తీ ఉంది. త్రేతాయుగంలో శ్రీరాముడు వనవాసం చేసినప్పుడు స్వయంగా ప్రతిష్టించారని చెప్పుకునే ఆలయాలే కాదు.. రుషులు, మహా పురుషులు నిర్మించిన దేవాలయాలు కూడా అధిక సంఖ్యలో ఉన్నాయి. సువర్ణానికి సుగంధం తోడైనట్టు.. ఇటు ప్రకృతి సోయగాలు, అటు ఆధ్యాత్మిక పరిమళాలతో అలరారే కోనసీమను అటు సందర్శకులనూ, ఇటు భక్తులనూ సూదంటురాయిలా ఆకర్షిస్తూంటుంది. పుష్కరాల సమయంలో సప్తగోదావరి పాయల్లో స్నానం చేయడం వల్ల సకల పాపాలు పోతాయని ప్రతీతి. ఈ పాయల వెంబడి ఉండే ప్రముఖ స్నానఘట్టాలకే కాదు.. చిన్నచిన్న ఘట్టాలకు సైతం చరిత్ర ఉంది.
  
  అయినవిల్లి మండలం ముక్తేశ్వరం, ఐ.పోలవరం మండలం మురమళ్ల, కాట్రేనికోన మండలం కుండలేశ్వరం, రాజోలు మండలం సోంపల్లి, మామిడికుదురు మండలం అప్పనపల్లి, పి.గన్నవరం మండలం పి.గన్నవరం, ఎల్.గన్నవరం, ఆత్రేయపురం మండలం వాడపాలెం, కొత్తపేట మండలం సూర్యగుండాల వద్ద గోదావరి స్నానమాచరిస్తే మహాపుణ్యమని భక్తులు భావిస్తారు. ఇటువంటి ప్రధాన ఘట్టాలే కాదు.. మలికిపురం మండలం దిండి, టేకిశెట్టిపాలెం, సఖినేటిపల్లి గీతామందిరం ఇలా గోదావరి పొడవునా ప్రముఖ పుష్కర స్నానఘట్టాలున్నాయి. అంబాజీపేట శివారు అప్పర్ కౌశిక వద్ద రామఘట్టం, అమలాపురం మండలం చిందాడమడుగు వంటి చోట్ల కూడా పెద్ద సంఖ్యలో భక్తులు స్నానాలు చేస్తుంటారు. ప్రధాన స్నానఘట్టాల వద్ద పుష్కరాల సమయంలో సుమారు 25 లక్షల మందికి పైగా స్నానమాచరిస్తారని అంచనా. మిగిలిన రేవులకు కూడా పది లక్షలకు పైబడి భక్తులు వస్తుంటారు.
  
  పక్కా ప్రణాళిక అవసరం
  గత పుష్కరాల సమయంలో నిర్మించిన స్నానఘట్టాలు శిథిలావస్థకు చేరాయి. వాటి స్థానంలో కొత్త వాటిని నిర్మించాల్సి ఉంది. ఈసారి పుష్కరాలకు గతంలో కన్నా అధిక సంఖ్యలో భక్తులు వచ్చే అవకాశమున్నందున పాత వాటికన్నా పెద్ద ఘాట్లను నిర్మించడంతో పాటు మౌలిక సదుపాయాలు కల్పించాల్సి ఉంది. ఘాట్లను చేరుకునేందుకు అనువుగా రహదారుల అభివృద్ధి, నిర్మాణం, విద్యుత్ సౌకర్యం, మరుగుదొడ్ల సదుపాయాల కల్పనకు పక్కా ప్రణాళిక సిద్ధం చేయాల్సి ఉంది. ఇందుకు భారీఎత్తున నిధులు అవసరం. ఇప్పటి వరకు పుష్కర ఘాట్ల నిర్మాణాలకు మాత్రమే ప్రభుత్వం ప్రతిపాదనలు అడగ్గా, ఇరిగేషన్, పంచాయతీరాజ్ అధికారులు ఇందుకనుగుణంగా అంచనాలు పంపించారు.
  
  గతంలో ఘాట్ల నిర్మాణాలను ఇరిగేషన్ శాఖ చేపట్టగా, ఈసారి అవసరమైతే పంచాయతీరాజ్ శాఖ సైతం చేపట్టే అవకాశముంది. ఇంతవరకు బాగానే ఉన్నా మహా కుంభమేళా తరహాలో పుష్కరాలను నిర్వస్తామంటూ ఆర్భాటపు ప్రకటనలు చేసిన ప్రభుత్వం నిధుల కేటాయింపు వచ్చేసరికి అంత ఔదార్యం కనబరచడం లేదు. భక్తుల తాకిడి అధికంగా ఉండే రాజమండ్రిలో అవసరమైన పుష్కర పనులకు కావలసిన నిధులకే కోత పెడుతున్న ప్రభుత్వం కోనసీమలో చేపట్టే ఘాట్ల నిర్మాణానికి పూర్తిస్థాయిలో నిధులు ఇస్తుందనే నమ్మకం అధికార యంత్రాంగానికే లేదు. స్థానిక ప్రజాప్రతినిధులు కూడా వీటిపై ఇంకా దృష్టి పెట్టలేదు. అధికారులు అంచనాలు రూపొందించి చేతులు దులుపుకోగా, ప్రజాప్రతినిధులు పట్టనట్టు వ్యవహరిస్తుండడంతో కోనసీమలో పుష్కర మహాపర్వానికి మునుపటి కళ కష్టమని స్థానికులు ఆవేదన వ్యక్తం చేస్తున్నారు.