ఐసీసీ చాంపియన్స్‌ ట్రోఫీ-2025(ICC Champions Trophy) ఫైనల్లో టీమిండియా ఫేవరెట్‌గా బరిలో దిగనుంది. గ్రూప్‌ దశలో బంగ్లాదేశ్‌, పాకిస్తాన్‌, న్యూజిలాండ్‌ జట్లను చిత్తు చేసి టాపర్‌గా సెమీస్‌ చేరిన రోహిత్‌ సేన.. కీలక పోరులోనూ తన సత్తా చాటింది. వన్డే ప్రపంచకప్‌-2023 విజేత ఆస్ట్రేలియాను ఓడించి టైటిల్‌ పోరుకు అర్హత సాధించింది.ఐసీసీ టోర్నమెంట్ల ఫైనల్లో భారత జట్టుపై కివీస్‌(India vs New Zealand)దే పైచేయి అయినా.. దుబాయ్‌లో ప్రేక్షకుల మద్దతు మాత్రం రోహిత్‌ సేనకే లభించనుంది. అయితే, టీమిండియా ఎంత పటిష్టంగా ఉన్నప్పటికీ.. తమదైన రోజున న్యూజిలాండ్‌ను ఆపడం ఎవరితరం కాదు. ఈ విషయాన్ని కివీస్‌ జట్టు గుర్తించాలని పాకిస్తాన్‌ మాజీ క్రికెటర్‌ షోయబ్‌ అక్తర్‌(Shoaib Akhtar) అంటున్నాడు.అండర్‌డాగ్స్‌ అని మర్చిపోండిభారత్‌- న్యూజిలాండ్‌ ఫైనల్లో తలపడనున్న తరుణంలో కివీస్‌కు అక్తర్‌ కీలక సూచనలు చేశాడు. ‘‘మీరు టీమిండియాతో ఆడుతున్నామన్న విషయాన్ని మర్చిపోండి. మీరు అండర్‌డాగ్స్‌గా పరిగణింపబడతారనే అంశాన్నీ విస్మరించాలి. మీ జట్టు బాగా లేదని భావించవద్దు.సాంట్నర్‌కు గెలుస్తామనే నమ్మకం ఉంది. కెప్టెన్‌గా అతడు టైటిల్‌ గెలవాలని బలంగా కోరుకుంటున్నాడు. కాబట్టి కివీస్‌ ఏ దశలోనూ ఆత్మవిశ్వాసాన్ని కోల్పోవద్దు. ఇక భారత్‌తో మ్యాచ్‌ విషయంలో మీకు అతిపెద్ద సవాలు రోహిత్‌ శర్మ.అతడి దూకుడుకు కళ్లెం వేస్తేపవర్‌ ప్లేలో గనుక అతడికి అవకాశం ఇస్తే పరిస్థితి చేజారినట్టే. ఏమాత్రం దయ చూపకుండా అతడు దూకుడుగా ముందుకుపోతాడు. ముఖ్యంగా స్పిన్నర్లను ఒత్తిడిలోకి నెట్టగలడు. సాంట్నర్‌ను అటాక్‌ చేస్తాడు. కెప్టెన్‌గా తన జట్టులో ఆత్మవిశ్వాసం నింపాలంటే బ్యాటర్‌గానూ రాణించాలని అతడికి తెలుసు.70 శాతం టీమిండియాకే అవకాశంఓపెనర్‌గా తనదైన ముద్ర వేసి నిష్క్రమించాలనే కోరుకుంటాడు. కాబట్టి అతడి విషయంలో ఏమాత్రం నిర్లక్ష్యం వద్దు. ఇక ఫైనల్‌ విజేతపై అంచనా గురించి చెప్పాలంటే 70 శాతం టీమిండియాకే అవకాశం ఉంది. వాళ్ల బ్యాటర్లు పరిణతితో ఆడుతున్నారు. స్పిన్నర్ల గురించి ప్రత్యేకంగా చెప్పాల్సిన పనిలేదు. అయితే, న్యూజిలాండ్‌ తమ శాయశక్తులు ఉపయోగిస్తే మాత్రం మరోసారి టైటి​ల్‌ గెలిచే అవకాశం లేకపోలేదు’’ అని రావల్పిండి ఎక్స్‌ప్రెస్‌ షోయబ్‌ అక్తర్‌ గేమ్‌ ఆన్‌ షోలో తన అభిప్రాయాలు పంచుకున్నాడు. స్మిత్‌ను ఆదర్శంగా తీసుకోండిఇదే షోలో పాకిస్తాన్‌ మాజీ కెప్టెన్‌ షోయబ్‌ మాలిక్‌ మాట్లాడుతూ.. న్యూజిలాండ్‌ బ్యాటర్లు ఆస్ట్రేలియా సారథి స్టీవ్‌ స్మిత్‌ను ఆదర్శంగా తీసుకోవాలని సూచించాడు. ‘‘స్ట్రైక్‌ రొటేట్‌ చేసుకుంటూ చక్కటి సమన్వయంతో ముందుకు సాగటమే భారత బ్యాటర్ల గొప్ప లక్షణం. మెరుగైన భాగస్వామ్యాలు నెలకొల్పగలిగితే బౌలర్లపై ఒత్తిడి ఉండదు.ఇక సెమీస్‌లో స్మిత్‌ భారత స్పిన్నర్ల బౌలింగ్‌లో ఆడిన విధానం కివీస్‌ బ్యాటర్లకు స్ఫూర్తిదాయకం. గ్యాప్స్‌లో షాట్లు బాదుతూ హాఫ్‌ సెంచరీ(73)తో రాణించాడు. ఫైనల్లో న్యూజిలాండ్‌ బ్యాటర్లూ అదే చేయాలి’’ అని షోయబ్‌ మాలిక్‌ సూచనలు చేశాడు. కాగా 2000 చాంపియన్స్‌ ట్రోఫీ ఫైనల్లో భారత్‌పై గెలుపొంది టైటిల్‌ గెలిచిన న్యూజిలాండ్‌... వరల్డ్‌ టెస్టు చాంపియన్‌షిప్‌(2023)లోనూ టీమిండియా ను ఓడించి ట్రోఫీని ముద్దాడింది. చదవండి: కెప్టెన్సీకి రోహిత్‌ శర్మ గుడ్‌బై? ఆటగాడిగా కొనసాగింపు? బీసీసీఐ నిర్ణయం?

అఫ్గనిస్తాన్‌ క్రికెట్‌ జట్టుపై పాకిస్తాన్‌ మాజీ ఫాస్ట్‌బౌలర్‌ షోయబ్‌ అక్తర్‌(Shoaib Akhtar) ప్రశంసలు కురిపించాడు. ఇంగ్లండ్‌(Afghanistan vs England)తో మ్యాచ్‌లో హష్మతుల్లా బృందం అద్భుత ప్రదర్శనతో ఆకట్టుకుందని.. ఇదే జోరులో ఆస్ట్రేలియాను కూడా ఓడించాలని ఆకాంక్షించాడు. అఫ్గన్ ఆటగాళ్లను చూస్తుంటే ముచ్చటేస్తుందని... దేశం మొత్తాన్ని గర్వించేలా చేశారని కొనియాడాడు.ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా అఫ్గనిస్తాన్‌.. ఆస్ట్రేలియా, సౌతాఫ్రికా, ఇంగ్లండ్‌లతో కలిసి గ్రూప్‌-‘బి’లో ఉంది. ఈ ‍క్రమంలో తమ తొలి మ్యాచ్‌లో సౌతాఫ్రికా చేతిలో 107 పరుగుల తేడాతో చిత్తుగా ఓడింది అఫ్గనిస్తాన్‌. అయితే, తదుపరి మ్యాచ్‌లో మాత్రం అద్బుత విజయంతో సెమీస్‌ రేసులోకి దూసుకువచ్చింది.ఇంగ్లండ్‌ నిష్క్రమించగా..లాహోర్‌ వేదికగా బుధవారం నాటి మ్యాచ్‌లో అనూహ్య రీతిలో ఇంగ్లండ్‌పై విజయం సాధించింది. చివరి వరకు ఉత్కంఠగా సాగిన మ్యాచ్‌లో ఎనిమిది పరుగుల తేడాతో బట్లర్‌ బృందాన్ని ఓడించింది. దీంతో ఇంగ్లండ్‌ ఈ ఐసీసీ వన్డే టోర్నీ నుంచి నిష్క్రమించగా.. అఫ్గనిస్తాన్‌ తదుపరి ఆస్ట్రేలియాతో తలపడనుంది. ఈ మ్యాచ్‌ ఫలితాన్ని బట్టే గ్రూప్‌-బి నుంచి సెమీస్‌ చేరబోయే జట్లు ఖరారు కానున్నాయి.మీరేం బాధపడకండి సోదరా..!ఈ నేపథ్యంలో పాకిస్తాన్‌ మాజీ క్రికెటర్‌ షోయబ్‌ అక్తర్‌ అఫ్గనిస్తాన్‌ జట్టును ఆకాశానికెత్తాడు. ‘‘మీకు శుభాకాంక్షలు. మీ విజయం పట్లనాకెంతో సంతోషంగా ఉంది. గుల్బదిన్‌(అఫ్గనిస్తాన్‌ ఆల్‌రౌండర్‌)ను కలిసినపుడు.. ‘మీరు ఇంగ్లండ్‌ను తప్పక ఓడించాలి’ అని అతడితో అన్నాను. అప్పుడు అతడు.. ‘మీరేం బాధపడకండి సోదర.. వాళ్లను మేము అస్సలు ఉపేక్షించం.. ఓడించి తీరతాం’ అన్నాడు.ఆ తర్వాత నేను.. ‘ఆస్ట్రేలియాను కూడా మీరు ఓడించాలి’ అని కోరాను. దుబాయ్‌లో ఉన్నపుడు నేను గుల్బదిన్‌తో ఈ మాటలు చెప్పాను. ఏం చేసైనా ఇంగ్లండ్‌పై గెలుపొందాలని అతడికి బలంగా చెప్పాను. ఈరోజు అఫ్గనిస్తాన్‌ ఆ పని చేసి చూపించింది. ఆటలో ఎలా ముందుకు దూసుకువెళ్లాలో చెబుతూ గొప్ప పరిణతి కనబరిచింది.పటిష్ట జట్టును ఓడించింది. ఈరోజు మీదే. అయితే, సెమీ ఫైనల్‌ చేరాలనే లక్ష్యాన్ని ఏమాత్రం నిర్లక్ష్యం చేయవద్దు. గతంలో ఆస్ట్రేలియాతో మ్యాచ్‌లో ఏం జరిగిందో గుర్తుంది కదా. ఈసారి అది పునరావృతం కాకూడదు. ఆసీస్‌నూ వదలకండినిజానికి మీరు సౌతాఫ్రికా, ఆస్ట్రేలియా, ఇంగ్లండ్‌ వంటి జట్లతో కూడిన కఠినమైన గ్రూపులో ఉన్నారు. అయినా, సరే ఈరోజు అత్యద్భుతంగా ఆడారు. మాకు మజానిచ్చే మ్యాచ్‌ అందించినందుకు ధన్యవాదాలు’’ అని షోయబ్‌ అక్తర్‌ పేర్కొన్నాడు.కాగా వన్డే వరల్డ్‌కప్‌-2023లో ఇంగ్లండ్‌ను ఓడించిన హష్మతుల్లా షాహిది బృందం.. ఈసారి కూడా వారిపై గెలుపొందింది. అయితే, నాటి టోర్నీలో ఆస్ట్రేలియాతో మ్యాచ్‌లోనూ విజయానికి చేరువైన సమయంలో గ్లెన్‌ మాక్స్‌వెల్‌ భీకర ద్విశతకంతో అఫ్గన్‌ నుంచి మ్యాచ్‌ లాగేసుకున్నాడు. ఈ క్రమంలోనే అక్తర్‌ ఈసారి అఫ్గనిస్తాన్‌ మరింత జాగ్రత్తగా ఆడాలని సూచించాడు.చాంపియన్స్‌ ట్రోఫీ-2025: అఫ్గనిస్తాన్‌ వర్సెస్‌ ఇంగ్లండ్‌👉వేదిక: గడాఫీ స్టేడియం, లాహోర్‌👉టాస్‌: అఫ్గనిస్తాన్‌.. తొలుత బ్యాటింగ్‌👉అఫ్గనిస్తాన్‌ స్కోరు: 325/7 (50)👉ఇంగ్లండ్‌ స్కోరు: 317 (49.5)👉ఫలితం: ఇంగ్లండ్‌పై ఎనిమిది పరుగుల తేడాతో అఫ్గన్‌ గెలుపు👉ప్లేయర్‌ ఆఫ్‌ ది మ్యాచ్‌: ఇబ్రహీం జద్రాన్‌(146 బంతుల్లో 12 ఫోర్లు, 6 సిక్సర్ల సాయంతో 177 రన్స్‌).చదవండి: అతడొక అద్భుతం.. క్రెడిట్‌ తనకే.. బాధగా ఉంది: బట్లర్‌

ఐసీసీ ఛాంపియ‌న్స్ ట్రోఫీ-2025లో పాకిస్తాన్ వ‌రుస‌గా రెండో ఓట‌మి చ‌విచూసింది. దీంతో త‌మ సెమీస్ అవ‌కాశాల‌ను పాక్ జ‌ట్టు సంక్లిష్టం చేసుకుంది. తొలి మ్యాచ్‌లో న్యూజిలాండ్ చేతిలో ఓట‌మి చ‌విచూసిన పాకిస్తాన్‌.. రెండో మ్యాచ్‌లో కూడా అదే ఫలితం పున‌రావృతమైంది. దుబాయ్‌​ వేదికగా భారత్‌తో జరిగిన మ్యాచ్‌లో 6 వికెట్ల తేడాతో పాక్ పరాజయం పాలైంది. బ్యాటింగ్‌, బౌలింగ్ రెండింటిలోనూ విఫలమైన ఆతిథ్య జట్టు ఈ ఘోర ఓటమిని మూటకట్టుకుంది.దీంతో పాక్‌​ జట్టు ఇంటాబయట విమర్శలు ఎదుర్కొం‍టుంది. తాజాగా ఈ జాబితాలోకి పాకిస్తాన్ ఫాస్ట్ బౌలింగ్ దిగ్గజం షోయబ్ అక్తర్ చేరాడు. ఈ మ్యాచ్‌లో విఫలమైన పాక్ స్టార్ ప్లేయర్ బాబర్‌​ ఆజం(Babar Azam)పై విమర్శలు గుప్పించాడు. ఓపెనర్‌గా బరిలోకి దిగిన బాబర్ ఆట తీరును అక్తర్ తప్పుబట్టాడు."మనం ఎప్పుడూ బాబర్ ఆజంను విరాట్‌​ కోహ్లితో పోలుస్తాం. విరాట్‌కు బాబర్‌కు చాలా వ్యత్యాసం ఉంది. కోహ్లి.. సచిన్ టెండూల్కర్‌ను రోల్‌మోడల్‌గా తీసుకుని తన కెరీర్‌ను ప్రారంభించాడు. టెండ్కూలర్ అంతర్జాతీయ ‍క్రికెట్‌లో 100 సెంచరీలు చేశాడు. విరాట్ ఇప్పుడు అతడి వారసత్వాన్ని పొందేందుకు ప్రయత్నిస్తున్నాడు.సచిన్ సెంచరీలకు చేరువతున్నాడు. కానీ బాబర్ ఆజంకు ఎవరూ ఆదర్శం లేరు. అతడి ఆలోచిన విధానం సరిగ్గాలేదు. అనవసరమైన విషయాలపై దృష్టి పెట్టి తన రిథమ్‌ను కోల్పోయాడు. బాబ‌ర్ ఆజం ఒక మోస‌గాడు. అత‌డు కెరీర్ ఆరంభం నుంచి సెల్ఫిష్‌గా ఉన్నాడు. పాకిస్థాన్ క్రికెట్ జట్టు గురించి మాట్లాడేందుకు నాకు ఆస‌క్తి లేదు" అని అక్త‌ర్ ఓ ఛానల్‌కు ఇచ్చిన ఇంట‌ర్వ్యూలో పేర్కొన్నాడు. కాగా ఈ మ్యాచ్‌లో బాబర్‌​ ఆజం 23 పరుగులు చేసి ఔటయ్యాడు.విరాట్ కోహ్లి సూప‌ర్ సెంచ‌రీ..కాగా ఈ మ్యాచ్‌లో 242 పరుగుల టార్గెట్‌ను భారత్ కేవలం నాలుగు వికెట్లు మాత్రమే కోల్పోయి 42.3 ఓవర్లలో చేధించింది. భార‌త బ్యాట‌ర్ల‌లో విరాట్ కోహ్లి ఆజేయ సెంచ‌రీతో చెల‌రేగాడు. కోహ్లి 111 బంతుల్లో 7 ఫోర్లతో సరిగ్గా 100 పరుగులు చేసి నాటౌట్‌గా నిలిచాడు.అత‌డితో పాటు శ్రేయస్‌ అయ్యర్‌(67 బంతుల్లో 5 ఫోర్లు, ఒక సిక్సర్‌తో 56), శుబ్‌మన్‌ గిల్‌(46) పరుగులతో రాణించారు. పాక్‌ బౌలర్లలో షాహీన్‌ అఫ్రిది రెండు వికెట్లు పడగొట్టగా.. ఆర్బర్‌ ఆహ్మద్‌, కుష్దిల్‌ షా తలా రెండు వికెట్లు వికెట్‌ సాధించారు.చదవండి: పాకిస్తాన్‌ మ్యాచ్‌లో హార్దిక్‌ ధరించిన వాచీ ధర తెలిస్తే ఫ్యూజులు ఎగిరిపోవాల్సిందే..!

చాంపియన్స్‌ ట్రోఫీ-2025(ICC Champions Trophy) నేపథ్యంలో పాకిస్తాన్‌ దిగ్గజ బౌలర్‌ షోయబ్‌ అక్తర్‌(Shoaib Akhtar) ఆసక్తికర వ్యాఖ్యలు చేశాడు. ఈ ఐసీసీ టోర్నీలో ఈసారి మూడు ఆసియా దేశాలు సెమీ ఫైనల్‌ చేరతాయని అంచనా వేశాడు. అదే విధంగా.. మరోసారి 2017 నాటి ఫైనలిస్టులే టైటిల్‌ కోసం హోరాహోరీ తలపడటం ఖాయమని జోస్యం చెప్పాడు.కాగా ఫిబ్రవరి 19 నుంచి పాకిస్తాన్‌- దుబాయ్‌ వేదికలుగా చాంపియన్స్‌ ట్రోఫీ మొదలుకానుంది. అయితే, ఈ ప్రతిష్టాత్మక వన్డే టోర్నమెంట్‌లో టీమిండియా తమ మ్యాచ్‌లన్నీ దుబాయ్‌(Dubai)లోనే ఆడనుంది. రెండు గ్రూపులుఇక ఈ మెగా ఈవెంట్‌కు డిఫెండింగ్‌ చాంపియన్‌ హోదాలో పాకిస్తాన్‌ నేరుగా అర్హత సాధించగా.. వన్డే వరల్డ్‌కప్‌-2023లో సత్తా చాటిన ఆస్ట్రేలియా, భారత్‌, సౌతాఫ్రికా, న్యూజిలాండ్‌, అఫ్గనిస్తాన్‌, బంగ్లాదేశ్‌, ఇంగ్లండ్‌ తమ ప్రదర్శన ఆధారంగా బెర్తులు ఖరారు చేసుకున్నాయి.ఆసీస్‌ లేదు.. మూడు ఆసియా దేశాలుఇక ఈ ఎనిమిది జట్లను రెండు గ్రూపులుగా విభజించారు. గ్రూప్‌-‘ఎ’లో దాయాదులు భారత్‌, పాకిస్తాన్‌తో పాటు న్యూజిలాండ్‌, బంగ్లాదేశ్‌ ఉండగా.. గ్రూప్‌-‘బి’లో సౌతాఫ్రికా, ఆస్ట్రేలియా, అఫ్గనిస్తాన్‌, ఇంగ్లండ్‌ ఉన్నాయి. ఈ నేపథ్యంలో క్రికెట్‌పాకిస్తాన్‌తో మాట్లాడిన పాక్‌ మాజీ ఫాస్ట్‌బౌలర్‌ షోయబ్‌ అక్తర్‌.. సెమీస్‌ చేరే మూడు జట్లను అంచనా వేశాడు.‘‘చాంపియన్స్‌ ట్రోఫీ-2025లో పాకిస్తాన్‌, ఇండియాతో పాటు అఫ్గనిస్తాన్‌ ఈసారి టాప్-4కు చేరుతుంది’’ అని రావల్పిండి ఎక్స్‌ప్రెస్‌ షోయబ్‌ అక్తర్‌ అన్నాడు. అయితే, నాలుగో జట్టుగా వన్డే వరల్డ్‌కప్‌-2023 విజేత ఆస్ట్రేలియా ఉంటుందన్న మెజారిటీ విశ్లేషకుల అభిప్రాయాల నడుమ అక్తర్‌ మాత్రం ఆ పేరును విస్మరించి.. కేవలం మూడు పేర్లే చెప్పడం గమనార్హం.ఈసారి పాక్‌దే పైచేయిఇక ఈసారి భారత్‌- పాకిస్తాన్‌ మ్యాచ్‌లో తమ జట్టే పైచేయి సాధిస్తుందని షోయబ్‌ అక్తర్‌ ఆశాభావం వ్యక్తం చేశాడు. ‘‘ఫిబ్రవరి 23న పాకిస్తాన్‌ టీమిండియాను ఓడిస్తుందని ఆశిస్తున్నాను. ఈ రెండూ ఈసారి కూడా ఫైనల్‌ చేరతాయి’’అని జోస్యం చెప్పాడు. కాగా 2017లో ఆఖరిసారిగా చాంపియన్స్‌ ట్రోఫీని నిర్వహించగా.. నాడు టైటిల్‌ కోసం భారత్‌- పాకిస్తాన్‌ తలపడ్డాయి.అఫ్గనిస్తాన్‌ జట్టు ఫేవరెట్‌.. ఎందుకంటేఅయితే, ఆ మ్యాచ్‌లో టీమిండియాను ఓడించి పాక్‌ జట్టు ట్రోఫీని సొంతం చేసుకుంది. ఇదిలా ఉంటే.. అక్తర్‌ చెప్పినట్లు ఈసారి అఫ్గనిస్తాన్‌ జట్టు సెమీస్‌ ఫేవరెట్లలో ఒకటిగా ఉందనడంలో సందేహం లేదు. భారత్‌ వేదికగా వన్డే ప్రపంచకప్‌-2023లో తొలిసారి పాకిస్తాన్‌ను ఓడించి చరిత్ర సృష్టించిన అఫ్గన్‌.. లీగ్‌ దశలో ఆస్ట్రేలియాకు కూడా గట్టిపోటీనిచ్చింది.తృటిలో సెమీస్‌ అవకాశాలకు చేజార్చుకుని ఆరోస్థానంతో సరిపెట్టుకుంది. మరోవైపు.. టీ20 ప్రపంచకప్‌-2024లోనూ అద్భుత ప్రదర్శనతో అదరగొట్టిన అఫ్గనిస్తాన్‌.. ఏకంగా సెమీ ఫైనల్‌ చేరి ఆశ్చర్యపరిచింది. ఇక ఈ రెండు టోర్నీల్లోనూ కనీసం టాప్‌-4లో అడుగుపెట్టలేకపోయిన పాకిస్తాన్‌.. చాంపియన్స్‌ ట్రోఫీలో మాత్రం ఫేవరెట్‌గానే ఉంది. మహ్మద్‌ రిజ్వాన్‌ సారథ్యంలో ఇటీవల ఆస్ట్రేలియా, సౌతాఫ్రికా గడ్డ మీద పాకిస్తాన్‌ రికార్డు విజయాలతో వన్డే సిరీస్‌లను గెలుచుకోవడమే ఇందుకు కారణం.ఇక చాంపియన్స్‌ ట్రోఫీ-2025లో టీమిండియా ఫిబ్రవరి 20న తమ తొలి మ్యాచ్‌లో బంగ్లాదేశ్‌తో తలపడుతుంది. అనంతరం ఫిబ్రవరి 23న చిరకాల ప్రత్యర్థి పాకిస్తాన్‌ను ఢీకొడుతుంది. అనంతరం మార్చి 2న న్యూజిలాండ్‌తో మ్యాచ్‌తో లీగ్‌ దశను ముగిస్తుంది.చదవండి: సెంచరీకి చేరువలో ఉన్నాడని.. ఇలా చేస్తావా?: మండిపడ్డ గావస్కర్‌

భారత్‌- పాకిస్తాన్‌(India vs Pakistan) మ్యాచ్‌ అంటే ఇరు దేశాల అభిమానులకే కాదు.. క్రికెట్‌ ప్రపంచం మొత్తానికి ఆసక్తి. దాయాది దేశాల జట్లు నువ్వా- నేనా అన్నట్లు హోరాహోరీ తలపడుతుంటే చూడటానికి రెండు కళ్లు చాలవంటారు క్రికెట్‌ ప్రేమికులు.ఇక ఇరుదేశాల మధ్య పరిస్థితుల దృష్ట్యా కేవలం ఆసియా కప్‌(Asia Cup), ఐసీసీ మేజర్‌ టోర్నమెంట్లలో మాత్రమే భారత్‌- పాకిస్తాన్‌ ముఖాముఖి పోటీపడుతున్నాయి. ఇందులోనూ ఎక్కువ సందర్భాల్లో టీమిండియానే చిరకాల ప్రత్యర్థిపై పైచేయి సాధిస్తోంది. ఈ క్రమంలో ఐసీసీ చాంపియన్స్‌ ట్రోఫీ-2025(ICC Champions Trophy)లోనూ అదే ఫలితం పునరావృతం చేయాలని రోహిత్‌ సేన పట్టుదలగా ఉంది.స్నేహంగా మెలుగుతున్న ఆటగాళ్లు2017 చాంపియన్స్‌ ట్రోఫీ ఫైనల్లో ఎదురైన పరాభవానికి ప్రతీకారం తీర్చుకునే దిశగా అడుగులు వేస్తోంది. మరోవైపు.. డిఫెండింగ్‌ చాంపియన్‌ హోదాలో బరిలోకి దిగనున్న పాకిస్తాన్‌ కూడా వరుస విజయాలపై కన్నేసింది. అయితే, ఆటలో ప్రత్యర్థులే అయినా.. మైదానం వెలుపల మాత్రం ఇరు దేశాల ఆటగాళ్లు స్నేహభావంతోనే మెలుగుతున్నారు. నిన్నటితరం ఆటగాళ్లు హర్భజన్‌ సింగ్‌- షోయబ్‌ అక్తర్‌ చిన్నపిల్లల్లా మైదానంలోకి పరుగులు తీస్తున్న వీడియో ఒకటి తాజాగా వైరల్‌ కావడం ఇందుకు నిదర్శనం. View this post on Instagram A post shared by Shoaib Akhtar (@imshoaibakhtar) వారితో స్నేహం వద్దుఅయితే, పాకిస్తాన్‌ మాజీ కెప్టెన్‌ మొయిన్‌ ఖాన్‌ మాత్రం భారత్‌- పాక్‌ క్రికెటర్లను ఉద్దేశించి విచిత్ర వ్యాఖ్యలు చేశాడు. మైదానంలో టీమిండియా ఆటగాళ్లతో ఎక్కువగా స్నేహంగా మెలగవద్దని సూచించాడు. ప్రత్యర్థి జట్టుతో ఫ్రెండ్‌షిప్‌ చేస్తే దానిని వాళ్లు అడ్వాంటేజ్‌గా మలచుకుంటారని అభిప్రాయపడ్డాడు.నాకైతే అర్థం కావడం లేదు‘‘అసలు ఇటీవలి కాలంలో పాకిస్తాన్‌- ఇండియా మ్యాచ్‌ సమయంలో మన ఆటగాళ్లు ప్రవర్తిస్తున్న తీరు నాకు చిత్రంగా అనిపిస్తోంది. భారత బ్యాటర్లు క్రీజులోకి రాగానే మనవాళ్లు వెళ్లి.. వారి బ్యాట్‌ను పరిశీలించడం, వాళ్ల వెన్నుతట్టడం, స్నేహంగా మాట్లాడటం.. ఇదంతా ఏమిటో నాకైతే అర్థం కావడం లేదు.మాట్లాడాల్సిన అవసరమే లేదుమైదానం లోపల, వెలుపల ప్రొఫెషనల్‌గా ఉండాలి. వాళ్లతో అంత స్నేహంగా మెలగాల్సిన అవసరం లేదు. ఆటగాళ్లు అయినా.. కొన్ని హద్దులు ఉంటాయి. అసలు మైదానంలో టీమిండియా ఆటగాళ్లతో అసలు మాట్లాడాల్సిన అవసరమే లేదని మా సీనియర్లు చెప్పేవారు.ఎందుకంటే.. ప్రత్యర్థి జట్టుతో ఎక్కువ ఫ్రెండ్లీగా ఉంటే.. అది మన బలహీనతకు సంకేతంలా కనిపిస్తుంది’’ అని ఉష్నా షా పాడ్‌కాస్ట్‌లో మొయిన్‌ ఖాన్‌ చిత్రమైన వ్యాఖ్యలు చేశాడు. కాగా పాకిస్తాన్‌ వేదికగా ఫిబ్రవరి 19 నుంచి చాంపియన్స్‌ ట్రోఫీ-2025 మొదలుకానుంది.అయితే, భద్రతా కారణాల దృష్ట్యా టీమిండియా మాత్రం ఈ టోర్నీలో తమ మ్యాచ్‌లన్నీ దుబాయ్‌లో ఆడనుంది. తమ తొలి మ్యాచ్‌లో ఫిబ్రవరి 20న రోహిత్‌ సేన బంగ్లాదేశ్‌తో తలపడనుంది. అనంతరం ఫిబ్రవరి 23న పాకిస్తాన్‌ను ఢీకొట్టనుంది. అనంతరం.. లీగ్‌ దశలో చివరిగా మార్చి 2న న్యూజిలాండ్‌తో మ్యాచ్‌ ఆడుతుంది. చదవండి: T20 WC 2025: ప్రపంచకప్‌ ఫైనల్లో భారత్‌.. సెమీస్‌లో ఇంగ్లండ్‌ను మట్టికరిపించిందిలా!

జస్ప్రీత్‌ బుమ్రా.. టీమిండియాకే కాదు ప్రపంచ క్రికెట్‌లోనే అగ్రశేణి బౌలర్లలో ఒకడిగా కొనసాగుతున్నాడు. బుమ్రా గత కొంత కాలంగా మూడు ఫార్మాట్లలోనూ అద్భుతంగా రాణిస్తున్నాడు.ప్రస్తుతం ఆస్ట్రేలియా పర్యటలో ఉన్న బుమ్రా అక్కడ కూడా సత్తాచాటుతున్నాడు. బోర్డర్‌-గవాస్కర్‌ ట్రోఫీ 2024-25లో ఇప్పటివరకు రెండు టెస్టులు ఆడిన బుమ్రా.. మొత్తంగా 11 వికెట్లను తన ఖాతాలో వేసుకున్నాడు.ఈ నేపథ్యంలో జస్ప్రీత్‌ను ఉద్దేశించి షోయబ్ అక్తర్ కీలక వ్యాఖ్యలు చేశాడు. బుమ్రా ఎక్కువకాలం పాటు తన కెరీర్‌ను కొనసాగించాలంటే టెస్టు క్రికెట్‌ను వదిలేయాలని అక్తర్ సూచించాడు."బుమ్రా అద్భుతమైన ఫాస్ట్ బౌలర్. అతడికి టెస్టు క్రికెట్ కంటే వన్డేలు, టీ20లు సరిగ్గా సరిపోతాయి. ఎందుకంటే అతను లెంగ్త్‌ని అర్థం చేసుకున్నాడు. డెత్ ఓవర్లలో, పవర్‌ప్లేలో బంతితో అద్భుతంగా రాణిస్తున్నాడు. బంతిని రెండు విధాలుగా స్వింగ్ చేయగల్గే సత్తా అతడికి ఉంది. కానీ బుమ్రా తన కెరీర్‌ను ఎక్కువ కాలం కొనసాగించాలంటే టెస్టులను వదేలియాలి. టెస్టుల్లో లాంగ్ స్పెల్స్ వేయాలి. పేస్‌ బౌలర్లను ఎటాక్ చేయడానికి అన్ని సార్లు ప్రయత్నించరు. కాబట్టి ఎక్కువ పేస్‌తో బౌలింగ్ చేయాల్సి ఉంటుంది. బౌలింగ్‌లో పేస్ లేకపోతే బంతి సీమ్ లేదా రివర్స్ స్వింగ్ కాదు. మళ్లీ అప్పుడు బౌలింగ్‌ తీరుపై పలు ప్రశ్నలకు లేవనెత్తుతుంది. టెస్టు క్రికెట్‌లో బుమ్రా వికెట్లు తీయగలడు. అందులో ఎటువంటి సందేహం లేదు. న్యూజిలాండ్‌తో జరిగిన టెస్టు సిరీస్‌లో అతను పెద్దగా రాణించలేకపోయాడు. అప్పుడప్పుడు అలా జరుగుతుంటుంది. అయితే అతడు టెస్టుల్లో కొనసాగాలంటే బౌలింగ్ వేగాన్ని పెంచాలి.ఇలా చేయడం వల్ల అతను గాయపడే ప్రమాదం ఉంది. అతడి స్ధానంలో నేనే ఉంటే కేవలం వన్డేలు, టీ20లకే పరిమితమయ్యేవాడిని" అని అక్తర్ ఓ ఛానల్‌కు ఇచ్చిన ఇంటర్వ్యూలో పేర్కొన్నాడు.

ఐసీసీ ఛాంపియ‌న్స్ ట్రోఫీ-2025 జ‌రుగుతుందా? లేదా అన్న‌ది ఇంకా క్లారిటీ లేదు. ఈ మెగా ఈవెంట్‌లో పాల్గోనేందుకు పాకిస్తాన్‌కు భార‌త జ‌ట్టును పంపేందుకు బీసీసీఐ నిర‌కారించిన సంగ‌తి తెలిసిందే. భార‌త ప్ర‌భుత్వం నుంచి అనుమ‌తి ల‌భించక‌పోవ‌డంతో బీసీసీఐ ఈ నిర్ణ‌యం తీసుకుంది.ఈ మెగా టోర్నీ హైబ్రిడ్ మోడ‌ల్ నిర్వ‌హించాల‌ని భార‌త క్రికెట్ బోర్డు డిమాండ్ చేస్తోంది. అందుకు పాకిస్థాన్ క్రికెట్ బోర్డు బోర్డు మాత్రం స‌సేమేర అంటుంది. అయితే ఇటీవ‌లే జ‌రిగిన ఐసీసీ బోర్డు మీటింగ్‌లో హైబ్రిడ్ మోడ‌ల్‌కు పీసీబీ అంగీక‌రించిందని ప‌లు రిపోర్ట్‌లు పేర్కొంటున్నాయి.కానీ భార‌త క్రికెట్ బోర్డు ముందు బీసీసీఐ కొన్ని ష‌ర‌తులు పెట్టిన‌ట్లు తెలుస్తోంది. రాబోయే కాలంలో భార‌త్ వేదిక‌గా జ‌రిగే ఐసీసీ ఈవెంట్‌లను కూడా ఇదే హైబ్రిడ్ మోడ‌ల్‌లో నిర్వ‌హించాల‌ని పీసీబీ కోరిన‌ట్లు తెలుస్తోంది.అయితే పీసీబీ కాండీష‌న్స్‌ను భారత బోర్డు తిరష్క‌రించిన‌ట్లు స‌మాచారం. దీంతో క‌థ మళ్లీ మొద‌టికే వ‌చ్చింది. కాగా పాక్ మాజీ క్రికెట‌ర్లు సైతం భార‌త జ‌ట్టు త‌మ దేశానికి రావాల‌ని కోరుకుంటున్నారు. ఈ నేప‌థ్యంలో పాక్ బౌలింగ్ దిగ్గజం షోయ‌బ్ అక్త‌ర్ కీల‌క వ్యాఖ్య‌లు చేశాడు."ఇండియ‌న్ క్రికెట్ టీమ్ పాకిస్తాన్‌లో ఆడేందుకు ఎంతో ఆతృతగా ఎదురు చూస్తోంది. వారికి మా దేశంలో ఆడటమంటే చాలా ఇష్టం. ఇక్కడ ఆడటం మా జట్టు కంటే భారత జట్టుకే ఎక్కువ ఇష్టం. విరాట్ కోహ్లి సైతం పాక్‌లో ఆడాలని ఉవ్విళ్ళూరుతున్నాడు. భారత వర్సెస్ పాకిస్తాన్ మ్యాచ్ మా దేశంలో జరిగితే.. టీవీ రైట్స్, స్పాన్సర్‌షిప్‌లు ఒక్కసారిగా ఆకాశాన్ని అంటుతాయి.కానీ అలా జరుగుతుందని నేను అనుకోవడం లేదు. ఎందుకంటే పాక్‌కు పంపేందుకు భారత ప్రభుత్వం అనుమతి ఇవ్వడం లేదని" ఓ ఛానల్‌కు ఇచ్చిన ఇంటర్వ్యూలో అక్తర్ పేర్కొన్నాడు. కాగా కోహ్లి ఇప్పటివరకు భారత సీనియర్ జట్టు తరపున ఒక్కసారి కూడా పాక్ గడ్డపై ఆడలేదు. గతంలో భారత అండర్‌-19 జట్టు తరపున మాత్రం పాక్‌లో కోహ్లి ఆడాడు.చదవండి: ‘పింక్‌ బాల్‌’తో అంత ఈజీ కాదు.. నాకిదే ‘తొలి’ టెస్టు: టీమిండియా స్టార్‌ బ్యాటర్‌

చాంపియన్స్‌ ట్రోఫీ -2025 నేపథ్యంలో పాకిస్తాన్‌ దిగ్గజ పేసర్‌ షోయబ్‌ అక్తర్‌ ఆసక్తికర వ్యాఖ్యలు చేశాడు. ఆతిథ్య హక్కులను వేరే దేశంతో పంచుకునే క్రమంలో ఎక్కువ డబ్బు డిమాండ్‌ చేయడంలో తప్పులేదన్నాడు. అదే విధంగా.. టీమిండియా పాకిస్తాన్‌కు రాకపోయినా... పాక్‌ జట్టు మాత్రం భవిష్యత్తులో భారత్‌కు వెళ్లడమే ఉత్తమమని పేర్కొన్నాడు.కాగా వచ్చే ఏడాది జరుగనున్న ఐసీసీ చాంపియన్స్‌ ట్రోఫీ నిర్వహణ హక్కులను పాకిస్తాన్‌ క్రికెట్‌ బోర్డు(పీసీబీ) దక్కించుకున్న విషయం తెలిసిందే. అయితే, భద్రతా కారణాల దృష్ట్యా టీమిండియాను అక్కడికి పంపబోమని భారత క్రికెట్‌ నియంత్రణ మండలి(బీసీసీఐ) స్పష్టం చేసింది. రోహిత్‌ సేన ఆడే మ్యాచ్‌లను తటస్థ వేదికలపై నిర్వహించాలని ఐసీసీకి తెలిపింది.ఐసీసీ వార్నింగ్‌.. దిగి వచ్చిన పాక్‌అయితే, పీసీబీ మాత్రం ఇందుకు నిరాకరించింది. భారత జట్టు తమ దేశానికి రావాల్సిందేనని పట్టుబట్టింది. బీసీసీఐ సైతం వెనక్కి తగ్గలేదు. ఈ క్రమంలో పరిస్థితి చక్కదిద్దేందుకు రంగంలోకి దిగిన ఐసీసీ.. టీమిండియా మ్యాచ్‌లను పాక్‌ వెలుపల ఆడేందుకు వీలుగా హైబ్రిడ్‌ విధానాన్ని ప్రతిపాదించింది. అంతేకాదు.. రెవెన్యూపరంగానూ నష్టం కలగకుండా చూసుకుంటామని హామీ ఇచ్చినట్లు వార్తలు వచ్చాయి.అయితే, పాక్‌ మాత్రం ఇందుకు కూడా అంగీకరించకుండా పంతానికి పోయింది. ఈ క్రమంలో ఐసీసీ హెచ్చరికలకు దిగకతప్పలేదు. ఒకవేళ పీసీబీ పట్టువీడకపోతే.. వేదిక మొత్తాన్ని తరలిస్తామని హెచ్చరించింది. దీంతో దిగి వచ్చిన పాక్‌.. ఎట్టకేలకు హైబ్రిడ్‌ మోడల్‌కు అంగీకరించినా.. మూడు షరతులు విధించినట్లు సమాచారం.టీమిండియా ఇక్కడికి రాకున్నా.. పాకిస్తాన్‌ భారత్‌కు వెళ్లాలిఅందులో ప్రధానంగా.. భవిష్యత్తులో భారత్‌లో ఐసీసీ ఈవెంట్లు నిర్వహిస్తే తాము కూడా అక్కడికి వెళ్లబోమని పేర్కొన్నట్లు తెలుస్తోంది. ఈ నేపథ్యంలో మాజీ స్పీడ్‌స్టర్‌ షోయబ్‌ అక్తర్‌ స్పందిస్తూ.. ‘‘ఆతిథ్య హక్కులు పంచుకునేందుకు ఒప్పుకొంటే.. అధిక ఆదాయం అడగటం న్యాయమే. అయినా పీసీబీ కనీసం దీనికోసమైనా పట్టుబట్టడంలో తప్పులేదు.అయితే, భవిష్యత్తులో భారత్‌లో ఈవెంట్లు నిర్వహిస్తే ఆడబోము అనడం మాత్రం సరికాదు. మనం వారికి స్నేహ హస్తం అందించాలి. మన జట్టు ఇండియాకు తప్పకుండా అక్కడికి వెళ్లాలి. అంతేకాదు.. అక్కడ వారిని ఓడించాలి. ఏదేమైనా చాంపియన్స్‌ ట్రోఫీ విషయంలో హైబ్రిడ్‌ విధానం ముందుగానే ఫిక్సయినట్లు అనిపిస్తోంది’’ అని పేర్కొన్నాడు.చదవండి: రాకాసి బౌన్సర్‌ వేసిన ఆసీస్‌ బౌలర్‌.. ఇచ్చిపడేసిన జైస్వాల్‌!

చాంపియన్స్‌ ట్రోఫీ-2025.. వచ్చే ఏడాది జరుగనున్న ఈ మెగా టోర్నీ వేదిక విషయమై ఇప్పటి వరకు స్పష్టత రాలేదు. ఈ ఐసీసీ ఈవెంట్‌కు సంబంధించిన ఆతిథ్య హక్కులను దక్కించుకున్న పాకిస్తాన్‌ క్రికెట్‌ బోర్డు(పీసీబీ) తమ దేశంలోనే మ్యాచ్‌లన్నింటినీ నిర్వహించాలని పట్టుబడుతోంది. మరోవైపు.. తమ ఆటగాళ్ల భద్రత దృష్ట్యా టీమిండియాను పాకిస్తాన్‌కు పంపేది లేదని.. బీసీసీఐ అంతర్జాతీయ క్రికెట్‌ మండలికి తేల్చిచెప్పేసింది.తాము ఆడబోయే మ్యాచ్‌లను తటస్థ వేదికలపై నిర్వహించేలా హైబ్రిడ్‌ విధానం కావాలని ఐసీసీని కోరింది. అయితే, పీసీబీ మాత్రం ఇందుకు ఒప్పుకొనే ప్రసక్తే లేదని పంతానికి పోతోంది. ఈ నేపథ్యంలో ఇరుదేశాల మాజీ క్రికెటర్లు టోర్నీ నిర్వహణ అంశంపై తమ అభిప్రాయాలు పంచుకుంటున్నారు.కోహ్లికి పాకిస్తాన్‌లో ఆడాలని ఉందిఈ క్రమంలో పాక్‌ దిగ్గజ పేసర్‌ షోయబ్‌ అక్తర్‌ చేసిన వ్యాఖ్యలు సోషల్‌ మీడియాలో వైరల్‌ అవుతున్నాయి. చాంపియన్స్‌ ట్రోఫీ తమ దేశంలో నిర్వహించే అవకాశం లేదని.. ఏదేమైనా చివరిదాకా ఆశావాదంతోనే ఉంటామని పేర్కొన్నాడు. ఇక టీమిండియా స్టార్‌ క్రికెటర్‌ విరాట్‌ కోహ్లికి కూడా పాకిస్తాన్‌కు రావాలని ఉందని.. ఇక్కడ గనుక అతడు సెంచరీ చేస్తే కెరీర్‌ పరిపూర్ణం అవుతుందంటూ అక్తర్‌ వ్యాఖ్యానించాడు. ఐసీసీకి 95- 96 వరకు స్పాన్సర్‌షిప్‌ ఇండియా నుంచే‘‘చాంపియన్స్‌ ట్రోఫీ వేదిక విషయంలో మా ఆశలు ఇంకా సజీవంగానే ఉన్నాయి. త్వరలోనే ఈ సమస్యకు పరిష్కారం వస్తుందని భావిస్తున్నాం. ఐసీసీకి 95- 96 వరకు స్పాన్సర్‌షిప్‌ ఇండియా నుంచే వస్తుందనేది కాదనలేని వాస్తవం. ఇక ఇప్పుడు ఈ టోర్నీ గురించి ఇరుదేశాల ప్రభుత్వాలదే తుదినిర్ణయం.బీసీసీఐ గానీ.. పీసీబీ గానీ ఈ అంశంలో నిర్ణయం తీసుకోలేవు. విరాట్‌ కోహ్లి మొదటిసారి పాకిస్తాన్‌లో ఆడాలని కోరుకుంటున్నాడు. పాకిస్తాన్‌ కూడా అతడు మా దేశంలో ఆడితే చూడాలని ఉవ్విళ్లూరుతోంది. పాకిస్తాన్‌ గడ్డ మీద విరాట్‌ సెంచరీ చేస్తే.. ఆ ఊహే ఎంత బాగుందో కదా! అదే జరిగితే అతడి కెరీర్‌ పరిపూర్ణం అవుతుంది.నమ్మకం లేదుపెద్ద పెద్ద టోర్నీలను పాకిస్తాన్‌ విజయవంతంగా నిర్వహించలేదనే అపవాదు ఉంది. కనీసం ఈసారైనా అది తప్పని నిరూపించాలని పీసీబీ సిద్ధమవుతోంది. కానీ.. ఈ ఈవెంట్‌ పూర్తిస్థాయిలో ఇక్కడే జరుగుతుందనే నమ్మకం లేదు. అయితే, చివరి నిమిషం వరకు మేము ఆశలు కోల్పోము. నేనైతే టీమిండియా పాకిస్తాన్‌కు వస్తుందనే ఇప్పటికీ నమ్ముతున్నా’’ అని షోయబ్‌ అక్తర్‌ ఓ ఇంటర్వ్యూలో తన అభిప్రాయాలు పంచుకున్నాడు.చదవండి: గిల్‌ స్థానంలో అతడిని ఆడించండి.. ఓపెనర్‌గా కేఎల్‌ బెస్ట్‌: భారత మాజీ క్రికెటర్‌

భారత బల్లెం వీరుడు నీరజ్‌ చోప్రా తల్లి సరోజ్‌ దేవి తన మంచి మనసును చాటుకున్న సంగతి తెలిసిందే. ప్యారిస్ ఒలింపిక్స్‌-2024లో తన కొడుకు బంగారు పతకాన్ని తృటిలో చేజార్చుకునప్పటకి ఆమె మాత్రం ఏ మాత్రం దిగులు చెందలేదు.పసిడి పతకం సొంతం చేసుకున్న పాకిస్తాన్ స్టార్ అథ్లెట్‌పై సరోజ్‌ దేవి ప్రశంసల వర్షం కురిపించారు. అర్షద్‌ను కూడా తన కొడుకులాంటివాడని.. వారిద్దరు పోటీపడుతుంటే చూడముచ్చటగా ఉంటుందని ప్రేమను చాటుకున్నారు. ఈ క్రమంలో నీరజ్ తల్లి చేసిన వ్యాఖ్యలు పాకిస్థాన్ క్రికెట్ దిగ్గజం షోయబ్ అక్తర్ మనసును హత్తుకున్నాయి. సోషల్ మీడియా వేదికగా ఆమె తల్లి ప్రేమని అక్తర్ కొనియాడాడు. " ఎవరో స్వర్ణం​ పతకం సాధిస్తే.. అతడు కూడా మా కుమారుడే అని ఆమె చెప్పారు. ఇలా చెప్పడం ఒక తల్లికి మాత్రమే సాధ్యం. నిజంగా ఇదొక అద్భుతమని" ఎక్స్‌లో అక్తర్ రాసుకొచ్చాడు. కాగా ప్యారిస్‌ ఒలింపిక్స్‌లో నీరజ్‌ చోప్రా రజత పతకం సాధిం‍చాడు. జావెలిన్ త్రో ఫైనల్లో ఈటెను 89.45 మీటర్లు విసిరి రెండో స్ధానంలో నిలిచిన నీరజ్.. వరుసగా రెండో ఒలిపింక్ పతకాన్ని ముద్దాడాడు. అయితే అర్షద్ నదీమ్‌ బంగారు పతకాన్ని సొంతం చేసుకుని అందరినీ ఆశ్చర్యపరిచాడు. ఫైనల్లో ఏకంగా జావెలన్‌ రికార్డు స్ధాయిలో 92.97 మీటర్ల దూరం విసిరి గోల్డ్‌మెడల్‌ను తన ఖాతాలో వేసుకున్నాడు.

ప్ర‌స్తుత వ‌ర‌ల్డ్ క్రికెట్‌లో యార్కర్ల కింగ్ ఎవ‌రంటే అంద‌రికి ట‌క్కున గుర్తు వ‌చ్చేది టీమిండియా పేస్ గుర్రం జస్ప్రీత్ బుమ్రానే. రెప్ప‌పాటులో త‌న యార్క‌ర్ల‌తో ప్ర‌త్య‌ర్ధి బ్యాట‌ర్ల‌ను బోల్తా కొట్టించ‌డం బుమ్రా స్పెష‌ల్‌. చాలా మంది దిగ్గ‌జ క్రికెట‌ర్లు సైతం ఇప్ప‌టివ‌ర‌కు బుమ్రాలా యార్క‌ర్ల వేసే బౌల‌ర్‌ను చూడ‌లేద‌ని కితాబు ఇచ్చారు. కానీ ద‌క్షిణాఫ్రికా పేస్ గ‌న్ డేల్ స్టేయిన్ దృష్టిలో బెస్ట్ యార్కర్ల వేసే బౌలర్ బుమ్రా కాదట. తాజాగా ఐస్‌లాండ్ క్రికెట్‌ వరల్డ్ క్రికెట్ హిస్టరీలో బెస్ట్ యార్కర్ వేసిన బౌలర్ ఎవరు? అన్న ప్ర‌శ్న‌ను ఎక్స్‌లో పోస్ట్ చేసింది. అందుకు బ‌దులుగా డేల్ స్టేయిన్‌.. 1999 వ‌ర‌ల్డ్‌క‌ప్‌లో షోయ‌బ్ అక్త‌ర్ వేసిన యార్క‌ర్ త‌న బెస్ట్ అంటూ స‌మధాన‌మిచ్చాడు. అయితే స్టేయిన్ బుమ్రాను గానీ, ఆసీస్ బౌలింగ్ దిగ్గ‌జం బ్రెట్‌లీని గానీ ఎంచుకోక‌పోవడం అంద‌రిని ఆశ్చ‌ర్యానికి గురిచేసింది.ఇక స్టెయిన్‌ విషయానికి వస్తే.. తన కెరీర్‌లో 93 టెస్టులు, 125 వన్డేలు, 47 టీ20 మ్యాచులు ఆడిన ఈ సఫారీ పేస్‌గన్‌ మూడు ఫార్మాట్లలో కలిపి 699 వికెట్లు తీశాడు. దక్షిణాఫ్రికా తరపున టెస్టు క్రికెట్‌లో అత్యధిక వికెట్లు పడగొట్టిన రికార్డు ఇప్పటికి స్టెయిన్ పేరిటే ఉంది.అంతేకాకుండా 2008 నుంచి 2014 వరకు ఏకంగా 263 వారాల పాటు టెస్ట్ ర్యాంకింగ్స్ లో నెం1 బౌలర్ గా స్టెయిన్ కొనసాగాడు. 2008లో ఐసీసీ టెస్ట్ క్రికెటర్ ఆఫ్ ద ఇయర్ గా ఈ సఫారీ దిగ్గజం నిలిచాడు. అదే విధంగా 2013లో విజ్డన్ లీడింగ్ క్రికెటర్ అవార్డు అందుకున్నాడు. ఇక రిటైర్మెంట్ తర్వాత బౌలింగ్ కోచ్‌గా, కామెంటేటర్‌గా కొనసాగతున్నాడు.

క్రికెట్ అభిమానుల‌ను ఉర్రుతలూగిస్తున్న టీ20 వ‌ర‌ల్డ్‌క‌ప్‌-2024 తుది అంకానికి చేరుకుంది. జూన్ 29 (శ‌నివారం) జ‌ర‌గ‌నున్న ఫైన‌ల్ మ్యాచ్‌తో ఈ మెగా టోర్నీకి ఎండ్ కార్డ్ ప‌డ‌నుంది. ఈ టైటిల్ పోరులో భార‌త్‌-ద‌క్షిణాఫ్రికా జ‌ట్లు అమీతుమీ తెల్చుకోనునన్నాయి.ఈ ఫైన‌ల్ మ్యాచ్‌లో ఎలాగైనా గెలిచి రెండో వ‌ర‌ల్డ్‌క‌ప్ టైటిల్‌ను ఖాతాలో వేసుకోవాల‌ని భారత జ‌ట్టు భావిస్తే.. ద‌క్షిణాఫ్రికా మాత్రం తొలి సారి ట్రోఫీని ముద్దాడాల‌ని ప‌ట్టుద‌ల‌తో ఉంది. ఈ నేప‌థ్యంలో సౌతాఫ్రికా జ‌ట్టుకు పాకిస్థాన్ మాజీ క్రికెటర్ షోయబ్ అక్తర్ కీల‌క సూచ‌న‌లు చేశాడు. భార‌త జ‌ట్టు నుంచి ముప్పు పొంచి ఉంద‌ని స‌ఫారీల‌ను అక్త‌ర్ హెచ్చ‌రించాడు."సెమీస్‌లో భార‌త్ అద్బుత‌మైన విజ‌యం సాధించింది. వారు ఈ విజ‌యానికి నిజంగా అర్హులు. ఫైన‌ల్‌కు చేరినందుకు టీమిండియాకు నా అభినంద‌న‌లు. గ‌త రెండు వ‌ర‌ల్డ్‌క‌ప్‌(టీ20, వ‌న్డే)ల్లో టీమిండియా ఛాంపియ‌న్స్‌గా నిలుస్తుంద‌ని భావించాను. కానీ ఆఖ‌రి మెట్టుపై భార‌త్ బోల్తా ప‌డింది. ఈ సారి కూడా భార‌త్ ఛాంపియ‌న్స్‌గా నిల‌వాల‌ని ఆశిస్తున్నాను. ఈ ఫైన‌ల్ మ్యాచ్‌లో భార‌త్ నుంచి ద‌క్షిణాఫ్రికాకు తీవ్ర‌మైన పోటీ ఎదురుకానుంది. ఒకవేళ ఈ మ్యాచ్‌లో ద‌క్షిణాఫ్రికా టాస్ గెలిస్తే తొలుత బ్యాటింగ్ ఎంచుకోవాలి. అప్పుడే ప్రోటీస్ ఎడ్జ్‌లో గెలిచే ఛాన్స్ ఉంటుంది. అయితే ద‌క్షిణాఫ్రికాకు మాత్రం గెలుపు అవ‌కాశాలు త‌క్కువ అనే చెప్పుకోవాలి. ఎందుకంటే వారు తొలిసారి ఫైన‌ల్లో త‌ల‌ప‌డ‌తున్నారు. క‌చ్చితంగా వారిపై ఒత్తిడి ఉంటుంది.అంతేకాకుండా భార‌త జ‌ట్టులో వ‌ర‌ల్డ్‌క్లాస్ స్పిన్న‌ర్లు ఉన్నారు. వారిని ఎదుర్కొని ప్రోటీస్ బ్యాట‌ర్లు ఎలా ప‌రుగులు సాధిస్తారో ఆర్ధం కావ‌డం లేదు. చివ‌రిగా ఈ ఫైన‌ల్ పోరులో భార‌త్ గెల‌వాల‌ని నేను కోరుకుంటున్నానని" త‌న యూట్యూబ్ ఛాన‌ల్‌లో అక్త‌ర్ పేర్కొన్నాడు.

టీ20 ప్రపంచకప్‌-2024లో టీమిండియా విజయపరంపర కొనసాగుతోంది. లీగ్‌, సూపర్‌-8 దశలో ఓటమన్నదే ఎరుగక రోహిత్‌ సేన సెమీ ఫైనల్‌ చేరుకుంది. కీలక మ్యాచ్‌లో ఆస్ట్రేలియాను ఓడించి సెమీస్‌ బెర్తు ఖరారు చేసుకుంది. ఈ క్రమంలో ఫైనల్‌లో అడుగుపెట్టేందుకు.. ఇంగ్లండ్‌తో అమీతుమీ తేల్చుకోనుంది.సెయింట్‌ లూసియా వేదికగా గురువారం(జూన్‌ 27) ఈ మ్యాచ్‌ జరుగనుంది. ఈ నేపథ్యంలో పాకిస్తాన్‌ మాజీ ఫాస్ట్‌బౌలర్‌ షోయబ్‌ అక్తర్‌ ఆసక్తికర వ్యాఖ్యలు చేశాడు. వన్డే వరల్డ్‌కప్‌-2023లోనే రోహిత్‌ ట్రోఫీ గెలవాల్సిందని.. ఈసారి కూడా టీమిండియాకే గెలిచే అర్హత ఉందని పేర్కొన్నాడు.‘‘ఇండియా అద్భుతంగా ఆడింది. ఇది మీ వరల్డ్‌కప్‌. ఈసారి మీరు కచ్చితంగా గెలవాలి. ఉపఖండంలోనే ప్రపంచకప్‌ ట్రోఫీ ఉండాలి.ఇటీవలే మంచి ఛాన్స్‌ మిస్‌ అయ్యారు. ఈసారి మాత్రం వందకు వంద శాతం మీకే టైటిల్‌ గెలిచే అర్హత ఉంది. నా పూర్తి మద్దతు మీకే. రోహిత్‌ వ్యూహాలు బాగున్నాయి. ట్రోఫీ గెలిచేందుకు అతడు అర్హుడు.వన్డే వరల్డ్‌కప్‌-2023లో ఆస్ట్రేలియా చేతిలో ఓడిన టీమిండియా సారి బదులు తీర్చుకుంది. డిప్రెషన్‌ నుంచి బయటపడి ప్రత్యర్థిని సరైన సమయంలో దెబ్బకొట్టింది’’ అని షోయబ్‌ అక్తర్‌ భారత క్రికెట్‌ జట్టును ఆకాశానికెత్తాడు.కాగా సూపర్‌-8లో భాగంగా ఆస్ట్రేలియాతో సోమవారం జరిగిన మ్యాచ్‌లో టీమిండియా 24 పరుగుల తేడాతో గెలిచింది. రోహిత్‌ శర్మ కెప్టెన్‌ ఇన్నింగ్స్‌(41 బంతుల్లో 92)తో జట్టుకు విజయం అందించాడు.మరోవైపు.. దాయాది పాకిస్తాన్‌ మాత్రం గ్రూప్‌ దశలోనే నిష్క్రమించింది. గ్రూప్‌-ఏలో అమెరికా, టీమిండియా చేతిలో ఓడిపోయి.. సూపర్‌-8 చేరకుండానే ఇంటిబాట పట్టింది. ఈ క్రమంలో బాబర్‌ ఆజం బృందంపై తీవ్ర స్థాయిలో విమర్శలు వస్తున్నాయి. India's perfect revenge on a big stage pic.twitter.com/bcuK19Bbzz— Shoaib Akhtar (@shoaib100mph) June 24, 2024

‘‘టీమిండియా విజయంలో క్రెడిట్‌ మొత్తం పాకిస్తాన్‌కే ఇవ్వాలి. ఓడిపోవడానికి అత్యుత్తమంగా ‌ప్రయత్నించారు. ఇంతకంటే గొప్పగా వాళ్ల గురించి చెప్పడానికి ఏమీ లేదు.పాకిస్తాన్‌ మిడిలార్డర్‌ను గమనించారా? మిమ్మల్ని ఎవరూ షాట్లు ఆడమని అడుగలేదు. కనీసం చెత్త షాట్లు ఆడకుండా ఉంటే చాలని మాత్రమే కోరుకున్నాం.కానీ మీరదే చేశారు. సులువుగా గెలవాల్సిన మ్యాచ్‌ను ప్రత్యర్థికి అప్పగించేశారు. విజయం చేరువగా వచ్చినా.. మాకొద్దే వద్దు అన్నట్లు వెనక్కి నెట్టేశారు. ఇది నిజంగా షాకింగ్‌గా.. సర్‌ప్రైజ్‌గా ఉంది’’ అని పాకిస్తాన్‌ దిగ్గజ ఫాస్ట్‌బౌలర్‌ షోయబ్‌ అక్తర్‌ బాబర్‌ ఆజం బృందంపై విరుచుకుపడ్డాడు.కాగా టీ20 ప్రపంచకప్‌-2024లో భాగంగా భారత్‌- పాకిస్తాన్‌ మధ్య ఆదివారం మ్యాచ్‌ జరిగిన విషయం తెలిసిందే. న్యూయార్క్‌ వేదికగా తలపడ్డ దాయాదుల పోరు ఆద్యంతం ఆసక్తి రేపింది.తొలుత అద్భుత బౌలింగ్‌తో టీమిండియాను 119 పరుగులకే కట్టడిచేయగలిగిన పాకిస్తాన్‌.. లక్ష్య ఛేదనలో మాత్రం చేతులెత్తేసింది. విజయానికి ఆరు పరుగుల దూరంలో నిలిచి మరోసారి టీమిండియా చేతిలో భంగపాటుకు గురైంది. నిజానికి ఏ ఒక్క బ్యాటర్‌ కాసేపు ఓపికగా నిలబడినా ఫలితం వేరేలా ఉండేదేమో!అయితే, టీమిండియా ప్రధాన పేసర్‌ జస్‌ప్రీత్‌ బుమ్రా, ఆల్‌రౌండర్‌ హార్దిక్‌ పాండ్యా ధాటికి పరుగులు రాబట్టలేక చతికిల పడ్డ పాక్‌ బ్యాటర్లు.. ఓటమిని చేజేతులా ఆహ్వానించారు. ఈ నేపథ్యంలో రావల్పిండి ఎక్స్‌ప్రెస్‌ షోయబ్‌ అక్తర్‌ ఈ మేరకు వ్యాఖ్యలు చేశాడు.కాగా టీమిండియాతో మ్యాచ్‌లో ఓపెనర్‌ మహ్మద్‌ రిజ్వాన్‌ 31 పరుగులతో పాక్‌ ఇన్నింగ్స్‌లో టాప్‌ స్కోరర్‌గా నిలిచాడు. మిగతా వాళ్లలో వరుసగా బాబర్‌ ఆజం 13, ఉస్మాన్‌ ఖాన్‌ 13, ఫఖర్‌ జమాన్‌ 13, ఇమాద్‌ వసీం 15, షాబాద్‌ ఖాన్‌ 4, ఇఫ్తికార్‌ అహ్మద్‌ 5, షాహిన్‌ ఆఫ్రిది 0*, నసీం షా 10* పరుగులు చేశారు.చదవండి: Ind vs Pak: కావాలనే బంతులు వృథా చేశాడు: పాక్‌ మాజీ కెప్టెన్‌ ఫైర్‌

టాలీవుడ్‌లో మురారి, ఇంద్ర లాంటి సూపర్‌ హిట్‌ సినిమాలతో మెప్పించిన భామ సోనాలి బింద్రే. చాలా ఏళ్ల తర్వాత మళ్లీ వెండితెరపై మెరిసింది. ఇటీవల ది బ్రోకెన్ న్యూస్ సీజన్‌-2 తో ప్రేక్షకులను పలకరించింది. ప్రస్తుతం తన వెబ్ సిరీస్‌ ప్రమోషన్లతో బిజీగా ఉంది ముద్దుగుమ్మ. ఈ సందర్భంగా సోనాలికి ఓ ఊహించని ప్రశ్న ఎదురైంది. గతంలో పాకిస్తాన్‌ క్రికెటర్‌ షోయబ్ అక్తర్‌ మీపై విపరీతంగా ప్రేమించాడని వార్తలొచ్చాయి.. అంతేకాదు పెళ్లికి ఒప్పుకోకపోతే కిడ్నాప్‌ చేస్తానని అన్నట్లు తెగ వైరలయ్యాయి.అయితే తాజా ఇంటర్వ్యూలో వీటిపై సోనాలి బింద్రే స్పందించింది. ఆ ప్రశ్న వినగానే సోనాలి ఆశ్చర్యం వ్యక్తం చేసింది. దీని గురించి మాట్లాడుతూ.. 'అతను నిజంగా చెప్పాడో లేదో నాకు తెలియదు.. అయితే ఇది ఎంతవరకు నిజమో కూడా నాకు తెలియదు.. ఇప్పటికీ ఆ ఫేక్ న్యూస్‌ ఉందని ఆమె కొట్టిపారేశారు. అయితే అతను తన అభిమాని కావడం సంతోషంగా ఉందని ఆమె అన్నారు.అయితే 2019లో సోనాలికి సంబంధించి తాను ఎప్పుడూ ఎక్కడా మాట్లాడలేదని షోయబ్ స్పష్టం చేశాడు. షోయబ్ తన సొంత యూట్యూబ్ ఛానెల్‌లో దీనిపై వీడియో పోస్ట్ చేశారు. ఇంతటితో ఈ రూమర్స్‌కు స్వస్తి చెప్పాలనుకుంటున్నట్లు తెలిపారు. నేను ఆమెను సినిమాల్లో చూశాను.. తన అందమైన నటి కూడా అని అన్నారు. అయితే ఆమె క్యాన్సర్‌తో పోరాడిన తీరు చూసి అభిమానించడం మొదలుపెట్టానని షోయబ్ వెల్లడించారు.

ICC WC 2023- PM Modi Gesture: టీమిండియాకు ప్రధాని నరేంద్ర మోదీ మద్దతుగా నిలిచిన తీరుపై పాకిస్తాన్‌ లెజెండరీ బౌలర్‌ షోయబ్‌ అక్తర్‌ ప్రశంసలు కురిపించాడు. తన చర్య ద్వారా దేశం మొత్తం జట్టుకు అండగా ఉందనే సందేశాన్ని ఇచ్చారని ప్రధానిని కొనియాడాడు. ఆటగాళ్లను తన సొంత బిడ్డల్లా ఆప్యాయంగా హత్తుకున్న విధానం ఎంతో గొప్పగా ఉందని ప్రశంసించాడు. కాగా వన్డే వరల్డ్‌కప్‌-2023 ఫైనల్లో ఆస్ట్రేలియా చేతిలో భారత జట్టు ఓటమి పాలైన విషయం తెలిసిందే. సెమీస్‌ వరకు అజేయంగా కొనసాగిన టీమిండియా అహ్మదాబాద్‌లో ఆదివారం నాటి తుదిపోరులో మాత్రం స్థాయికి తగ్గట్లు ఆడలేకపోయింది. ఫలితంగా సొంతగడ్డపై ట్రోఫీ అందుకోవాలన్న కల చెదిరిపోయింది. కళ్లలో నీళ్లు నింపుకొని ఈ నేపథ్యంలో కెప్టెన్‌ రోహిత్‌ శర్మ, స్టార్‌ ప్లేయర్లు విరాట్‌ కోహ్లి, మహ్మద్‌ షమీ, కేఎల్‌ రాహుల్‌ తదితరులు తీవ్ర భావోద్వేగానికి లోనయ్యారు. లక్ష పైచిలుకు అభిమానుల మధ్య ఎదురైన పరాభవాన్ని తట్టుకోలేక.. కళ్లలో నీళ్లు నింపుకొని మైదానాన్ని వీడారు. షమీని ఆత్మీయంగా హత్తుకుని దీంతో అభిమానులు కూడా కన్నీటి పర్యంతమయ్యారు. టీమిండియాను ప్రేమించే వాళ్లంతా హృదయం ముక్కలైందంటూ సోషల్‌ మీడియా వేదికగా ఆవేదన వ్యక్తం చేశారు. ఇలాంటి తరుణంలో ప్రధాని మోదీ భారత జట్టు డ్రెస్సింగ్‌రూంకు వెళ్లి ఆటగాళ్లను ఓదార్చారు. రోహిత్‌, కోహ్లిలను దగ్గరకు తీసుకుని.. ఆటలో గెలుపోటములు సహజమంటూ నచ్చజెప్పారు. మహ్మద్‌ షమీని ఆప్యాయంగా హత్తుకుని మరేం పర్లేదంటూ ఓదార్చారు. ఇందుకు సంబంధించిన ఫొటోలు, వీడియోలు నెట్టింట వైరల్‌ అయ్యాయి. సొంతబిడ్డల్లా అక్కున చేర్చుకున్నారు ఈ నేపథ్యంలో రావల్పిండి ఎక్స్‌ప్రెస్‌ షోయబ్‌ అక్తర్‌ జీ న్యూస్‌తో మాట్లాడుతూ.. ‘‘డ్రెస్సింగ్‌రూంకి వెళ్లి.. వాళ్లకు తానున్నానంటూ ప్రధాని ధైర్యం చెప్పారు. దేశం మొత్తం మీ వెంటే ఉందనే సందేశాన్ని ఇచ్చారు. నిజానికి భారత్‌కు అదొక ఉద్విగ్న క్షణం. అలాంటి సమయంలో ప్రధాని మోదీ ఆటగాళ్లను తన సొంతపిల్లల్లా అక్కున చేర్చుకున్నారు. వాళ్లకు నైతికంగా మద్దతునిచ్చి తలెత్తుకోవాలంటూ స్ఫూర్తి నింపారు. ఆటగాళ్ల పట్ల ఆయన ఎంతో గొప్పగా వ్యవహరించారు’’ అని ప్రశంసల వర్షం కురిపించాడు.   చదవండి: CWC 2023: అక్క చెప్పింది నిజమే!.. అంతా మన వల్లే.. ఎందుకీ విద్వేష విషం?

వన్డే ప్రపంచకప్‌-2023లో టీమిండియా తమ జైత్ర యాత్రను కొనసాగిస్తోంది. అహ్మదాబాద్‌ వేదికగా జరిగిన మ్యాచ్‌లో పాకిస్తాన్‌ను 7 వికెట్ల తేడాతో చిత్తు చేసిన భారత్‌.. ఈ మెగా టోర్నీలో వరుసగా మూడో విజయాన్ని తమ ఖాతాలో వేసుకుంది. కాగా వన్డే ప్రపంచకప్ టోర్నీలో ఇప్పటివరకు 8 సార్లు పాకిస్తాన్‌ను భారత జట్టు ఓడించింది. 1992 వన్డే ప్రపంచకప్‌ నుంచి పాకిస్తాన్‌పై భారత్‌ ఆదిపత్యం చెలాయిస్తోంది. ఇక ఈ మెగా టోర్నీలో ఇప్పటివరకు ఆడిన మూడు మ్యాచ్‌ల్లోనూ విజయం సాధించిన టీమిండియా.. పాయింట్ల పట్టికలో అగ్రస్ధానంలో కొనసాగుతోంది. ఈ నేపథ్యంలో భారత జట్టుపై పాకిస్తాన్‌ మాజీ స్పీడ్‌ స్టార్‌ షోయబ్ అక్తర్ ప్రశంసల వర్షం కురిపించాడు. 2011 వరల్డ్‌కప్‌ విజయాన్ని పునరావృతం చేసే దిశగా టీమిండియా అడుగులు వేస్తుందని అక్తర్‌ కొనియాడాడు. భారత్‌ 2011 ప్రపంచకప్‌ చరిత్రను పునరావృతం చేయబోతోందని నేను నమ్ముతున్నాను. సెమీ-ఫైనల్స్‌లో వారు విజయం సాధిస్తే.. కచ్చితంగా ఛాంపియన్స్‌గా నిలుస్తారు. ప్రస్తుత భారత జట్టు అద్భుతంగా ఆడుతోంది. ఈ టోర్నీలో మమ్మల్ని ఓడించి కోలుకోలేని దెబ్బ కొట్టారు. పాకిస్తాన్‌కు ఇది ఘోర పరాభావం. భారత జట్టు మమ్మల్ని ఓ పసికూనలా ఓడించింది. మా రోహిత్‌ శర్మ విధ్వంసకర ఇన్నింగ్స్‌ ఆడాడని తన యూట్యూబ్‌ ఛానల్‌లో అక్తర్‌ పేర్కొన్నాడు. చదవండి: Eng Vs Afg: ముజీబ్‌ను హత్తుకుని ఏడ్చేసిన బుడ్డోడు.. మ్యాచ్‌ కోసం ఏకంగా! వీడియో వైరల్‌

పాకిస్తాన్‌ మాజీ ఫాస్ట్‌బౌలర్‌ షోయబ్‌ అక్తర్‌ సోషల్‌ మీడియాలో యాక్టివ్‌ ఉంటాడన్న సంగతి ప్రత్యేకంగా చెప్పనక్కర్లేదు. ఇక టీమిండియా- పాకిస్తాన్‌ మ్యాచ్‌ ఉందంటే ఈ రావల్పిండి ఎక్స్‌ప్రెస్‌ చేసే హడావుడి అంతా ఇంతా కాదు. వన్డే వరల్డ్‌కప్‌-2023లో భాగంగా ఇప్పటికే మ్యాచ్‌కు ముందు తన పోస్టుతో నెటిజన్లకు దొరికిపోయిన అక్తర్‌.. దాయాదుల మ్యాచ్‌లో టాస్‌ సందర్భంగా తన వ్యాఖ్యలతో మరోసారి ట్రోలింగ్‌ బారిన పడ్డాడు. ఇంతకీ ఏం జరిగిందంటే... అహ్మదాబాద్‌లో నరేంద్ర మోదీ స్టేడియం వేదికగా పాక్‌తో మ్యాచ్‌లో టాస్‌ గెలిచిన టీమిండియా సారథి రోహిత్‌ శర్మ తొలుత ఫీల్డింగ్‌ ఎంచుకున్నాడు. బ్యాటింగ్‌ పిచ్‌పై ఇదే సరైన నిర్ణయమన్న విశ్లేషణల నడుమ.. షోయబ్‌ అక్తర్‌ మాత్రం భిన్నంగా స్పందించాడు. ‘‘ఈ వికెట్‌ చాలా బాగుంటుంది. రోహిత్‌ శర్మ టాస్‌ గెలిచి ఫీల్డింగ్‌ ఎంచుకోవడం నాకెందుకో సరైన నిర్ణయం అనిపించలేదు. అంతేకాదు.. వాళ్లు అదనపు స్పిన్నర్‌ను కూడా తీసుకోలేదు. పాకిస్తాన్‌ ఇక్కడ తొలుత బ్యాటింగ్‌కు దిగడం నాకైతే సంతోషంగా ఉంది. వాళ్లు కచ్చితంగా మంచి స్కోరు చేస్తారు. టీమిండియా తెలివి తక్కువ నిర్ణయం తీసుకున్నదనిపిస్తోంది. పాకిస్తాన్‌ భారీగా పరుగులు చేసేందుకు వాళ్లు అవకాశమిచ్చారు’’ అని ఎక్స్‌ ఖాతాలో వీడియో షేర్‌ చేశాడు. అయితే, అక్తర్‌ అంచనాలు తలకిందులైన విషయం తెలిసిందే. తాను టాస్‌ గెలిస్తే బౌలింగ్‌ ఎంచుకునేవాడినన్న పాక్‌ కెప్టెన్‌ బాబర్‌ ఆజం వ్యాఖ్యలకు సమర్థింపుగా.. టీమిండియా బౌలర్లు అద్భుతం చేసి.. పాక్‌ను 191 పరుగులకే కట్టడి చేశారు. జస్‌ప్రీత్‌ బుమ్రా, మహ్మద్‌ సిరాజ్‌, హార్దిక్‌ పాండ్యా, కుల్దీప్‌ యాదవ్‌, రవీంద్ర జడేజా తలా రెండు వికెట్లు తీసి పాక్‌ బ్యాటింగ్‌ ఆర్డర్‌ పతనాన్ని శాసించారు. భారత బౌలర్ల దెబ్బకు 42.5 ఓవర్లకే పాక్‌ బ్యాటర్లు తోకముడిచారు.  స్వల్ప లక్ష్యంతో బరిలోకి దిగిన టీమిండియాకు రోహిత్‌ శర్మ(86), శ్రేయస్‌ అయ్యర్‌(53- నాటౌట్‌) అద్భుత ఇన్నింగ్స్‌తో విజయం అందించారు. వరల్డ్‌కప్‌ చరిత్రలో మరోసారి హిస్టరీని రిపీట్‌ చేస్తూ పాక్‌పై భారత్‌ పైచేయి సాధించింది. ఏడు వికెట్ల తేడాతో గెలుపొంది తాజా ఎడిషన్‌లో హ్యాట్రిక్‌ గెలుపు అందుకుంది. ఈ నేపథ్యంలో.. షోయబ్‌ అక్తర్‌ను ట్రోల్‌ చేస్తూ టీమిండియా ఫ్యాన్స్‌ వ్యంగ్యాస్త్రాలు సంధిస్తున్నారు. ‘‘తెలివి తక్కువ వాళ్లు ఎవరో అర్థమైందా? అక్తర్‌?’’ అంటూ మీమ్స్‌ షేర్‌ చేస్తున్నారు. ఇక మ్యాచ్‌ ఆరంభానికి ముందు చరిత్ర పునరావృతం అంటూ చేసిన కామెంట్‌ను ప్రస్తావిస్తూ.. ‘‘థాంక్యూ నీ మాట నిజమైంది’’ అంటూ కౌంటర్లు వేస్తున్నారు. చదవండి: Ind vs Pak: మా ఓటమికి కారణం అదే.. అతడు అద్భుతం: బాబర్‌ ఆజం Ahhh. That quietness on our boundaries. I remember this from the 90's. pic.twitter.com/Sl4IBlz5Vl — Shoaib Akhtar (@shoaib100mph) October 14, 2023 View this post on Instagram A post shared by ICC (@icc)

ICC ODI WC 2023- Ind Vs Pak: haar manli: పాకిస్తాన్‌ మాజీ పేసర్‌ షోయబ్‌ అక్తర్‌ను టీమిండియా అభిమానులు సోషల్‌ మీడియాలో ఆడేసుకుంటున్నారు. ‘‘నిజాలు ఒప్పుకొంటున్నందుకు థాంక్యూ’’ అంటూ సెటైర్లు వేస్తూ మీమ్స్‌తో సందడి చేస్తున్నారు. కాగా దాయాదులు భారత్‌- పాకిస్తాన్‌ మ్యాచ్‌ అంటే ఇరు దేశాల్లోనే కాదు.. క్రికెట్‌ ప్రపంచం మొత్తానికి మహా ఇష్టం.  హోరాహోరీకి సిద్ధం! నువ్వా- నేనా అంటూ చిరకాల ప్రత్యర్థులు హోరాహోరీ తలపడితే చూడటానికి ఫ్యాన్స్‌కు రెండు కళ్లు చాలవంటే అతిశయోక్తి కాదు. అలాంటి హై వోల్టేజీ మ్యాచ్‌ ఆరంభానికి సమయం ఆసన్నమైంది. భారత గడ్డపై వన్డే ప్రపంచకప్‌ 13వ ఎడిషన్‌లో తొలిసారి భారత్‌- పాక్‌ అక్టోబరు 14న పరస్పరం ఢీకొట్టనున్నాయి.  ఈ నేపథ్యంలో రావల్పిండి ఎక్స్‌ప్రెస్‌ సోషల్‌ మీడియా ప్లాట్‌ఫామ్‌ ఎక్స్‌ వేదికగా పోస్ట్‌ పెట్టాడు. ‘‘రేపు.. చరిత్ర పునరావృతమవుతుంది’ అంటూ వికెట్‌ తీసిన సంబరంలో ఉన్న ఫొటోను షేర్‌ చేశాడు. కాగా.. ఇది సచిన్‌ టెండుల్కర్‌ను అవుట్‌ చేసినప్పటి సెలబ్రేషన్స్‌కు సంబంధించిన ఫొటోలా కనిపించింది. హిస్టరీ రిపీట్‌.. థాంక్యూ అక్తర్‌ ఈ నేపథ్యంలో అక్తర్‌.. ‘హిస్టరీ రిపీట్‌’ కామెంట్‌ను భారత జట్టు అభిమానులు హైలైట్‌ చేస్తూ పాకిస్తాన్‌ ఓటమిని నువ్వే ఖరారు చేశావు కదా అంటూ వ్యంగ్యాస్త్రాలు సంధిస్తున్నారు. ‘‘నీకు నువ్వుగా.. ఓటమిని అంగీకరించావు.. టీమిండియాను సపోర్టు చేస్తున్నందుకు ధన్యవాదాలు. మీ మాట నిజం కావాలి. ఎందుకంటే మీరన్నదే నిజం కాబట్టి’’ అంటూ అక్తర్‌ను ట్రోల్‌ చేస్తున్నారు. కాగా వన్డే ప్రపంచకప్‌ చరిత్రలో ఇప్పటి వరకు టీమిండియాను పాకిస్తాన్‌ ఒక్కసారి కూడా ఓడించలేకపోయింది. రెండేసి విజయాలతో ఈ విషయాన్ని ప్రస్తావిస్తూ.. అత్యుత్సాహం ప్రదర్శించిన అక్తర్‌కు  దిమ్మతిరిగేలా నెటిజన్లు రివర్స్‌ కౌంటర్లు ఇస్తున్నారు.  దీంతో ఈ మాజీ ఫాస్ట్‌బౌలర్‌ తన పోస్టును డిలీట్‌ చేసినట్లు తెలుస్తోంది. కాగా వన్డే వరల్డ్‌కప్‌-2023లో ఆడిన రెండు మ్యాచ్‌లలో టీమిండియా.. ఆస్ట్రేలియా, అఫ్గనిస్తాన్‌లపై గెలుపొందగా.. పాకిస్తాన్‌ .. నెదర్లాండ్స్‌, శ్రీలంకను ఓడించింది. ఇరు జట్లు రెండేసి విజయాలతో మూడో మ్యాచ్‌లో అమీతుమీ తేల్చుకోనున్నాయి.  Khud hi haar manli🤣 — Shivani (@meme_ki_diwani) October 13, 2023 Thank you for Supporting India sir 🙌🏻🇮🇳 1992 - India Win 1996 - India Win 1999 - India Win 2003 - India Win 2011 - India Win 2015 - India Win 2019 - India Win 2023 - India win (According to Shoaib Akhtar History will Repeat) 😌 https://t.co/cUiTS0aA03 — Diwakar Singh (@realdiwakar) October 13, 2023 Thank you for confirming. https://t.co/p2Wfqah7a8 — Srinivas R (@srini_r_twit) October 13, 2023 It really seems tough for you to choose your favourite one.. let me help you.. We too wish the history repeat 😜#ThandRakh https://t.co/dbPJjt1eXL pic.twitter.com/QMYCaUXhYu — RAHUL S BELAKOPPAD (@rahulsbelkoppad) October 13, 2023 చదవండి:  ‘శార్దూల్‌ ఎందుకు? సిరాజ్‌ను ఎందుకు ఆడిస్తున్నారు?.. అసలేంటి ఇదంతా?’

వన్డే ప్రపంచకప్‌-2023ను టీమిండియా విజయంతో ఆరంభించిన సంగతి తెలిసిందే. చెన్నై వేదికగా ఆస్ట్రేలియాతో జరిగిన లోస్కోరింగ్‌ థ్రిల్లర్‌లో 6 వికెట్ల తేడాతో భారత్‌ విజయం సాధించింది. 200 పరుగుల స్వల్ప లక్ష్యంతో బరిలోకి దిగిన టీమిండియా 3 పరుగులకే మూడు వికెట్లు కోల్పోయి పీకల్లోతు కష్టాలో పడింది. ఈ సమయంలో విరాట్‌ కోహ్లి(85), కేఎల్‌ రాహుల్‌(97 నాటౌట్‌) అద్భుతమైన ఇన్నింగ్స్‌లతో జట్టుకు చిరస్మరణీయ విజయాన్ని అందించారు. ఈ క్రమంలో పాకిస్తాన్‌ మాజీ షోయబ్ అక్తర్ కీలక వ్యాఖ్యలు చేశాడు. విరాట్‌ కోహ్లి కంటే రాహుల్‌ అత్యుత్తమ ఇన్నింగ్స్‌ ఆడాడని అక్తర్‌ అభిప్రాయపడ్డాడు. "కేఎల్‌ రాహల్‌ బ్యాటింగ్‌ చేసిన విధానం గురించి ఎంత చెప్పుకున్న తక్కువే. అతడు వరల్డ్‌కప్‌ టోర్నీలో కాకుండా వేరే లీగ్‌ క్రికెట్‌లో ఆడినట్లు అన్పించింది. విరాట్‌ కోహ్లి కూడా అద్భుతమైన ఇన్నింగ్స్ ఆడాడు. అందులో ఎటువంటి సందేహం లేదు. కానీ విరాట్‌కు ఈ మ్యాచ్‌లో ఆసీస్‌ ఫీల్డర్లు క్యాచ్‌ డ్రాప్‌ రూపంలో ఓ అవకాశం ఇచ్చారు. విరాట్‌ కోహ్లి క్యాచ్‌ మాత్రం టర్నింగ్‌ పాయింట్‌. కాగా రాహుల్‌ మాత్రం ఎటువంటి అవకాశం ఇవ్వకుండా తన ఇన్నింగ్స్‌ను కొనసాగించాడు. అవసరమైనప్పుడు షాట్లు ఆడుతూ రాహుల్‌  ఇన్నింగ్స్‌ను ముందుకు నడిపించాడు. రాహుల్‌  ప్రతీ మ్యాచ్‌లోనూ తన వంతు సహకారం అందిస్తూ ఉంటాడు. అతడికి ఏ స్ధానంలోనైనా బ్యాటింగ్‌ చేసే సత్తా ఉంది. అదే విధంగా వికెట్‌ కీపింగ్‌ కూడా అద్బుతంగా చేయగలడు. అందరూ కోహ్లి ఫిట్‌నెస్‌ను, వికెట్ల మధ్య అద్భుతంగా పరిగెడతాడని అందరూ ప్రశంసిస్తున్నారు. కానీ రాహుల్‌ కూడా అతడితో పాటు పరిగెత్తున్నాడు. అదే విధంగా 50 ఓవర్లపాటు వికెట్‌ కీపింగ్‌ కూడా చేస్తున్నాడు. కాబట్టి రాహుల్‌ వంటి ఆటగాడికి అందరూ సపోర్ట్‌ చేయాలని" తన యూట్యూబ్‌ ఛానల్‌లో అక్తర్‌ పేర్కొన్నాడు. చదవండి: CWC 2023 ENG vs BAN: బంగ్లాదేశ్‌కు చుక్కలు చూపించిన ఇంగ్లండ్‌.. 364 పరుగుల భారీ స్కోర్‌

Asia Cup, 2023- India vs Sri Lanka, Final: ఆసియా కప్‌-2023 ఫైనల్‌కు ముందు పాకిస్తాన్‌ మాజీ పేసర్‌ షోయబ్‌ అక్తర్‌ టీమిండియాను హెచ్చరించాడు. శ్రీలంకను తక్కువగా అంచనా వేస్తే భారీ మూల్యం చెల్లించాల్సి వస్తుందని పేర్కొన్నాడు. సొంతగడ్డపై పటిష్టంగా కనిపిస్తున్న దసున్‌ షనక బృందాన్ని ఓడించడం అంత తేలికేమీ కాదని వార్నింగ్‌ ఇచ్చాడు. బంగ్లాదేశ్‌ చేతిలో ఓటమి ఊహించారా? కొలంబో వేదికగా ఆదివారం టీమిండియా- శ్రీలంక మధ్య ఫైనల్‌ మ్యాచ్‌ నేపథ్యంలో రావల్పిండి ఎక్స్‌ప్రెస్‌ షోయబ్‌ అక్తర్‌ మాట్లాడుతూ.. ‘‘బంగ్లాదేశ్‌ చేతిలో టీమిండియా ఓడిపోతుందని ఊహించామా? కానీ అదే జరిగింది. అలాగే పాకిస్తాన్‌ శ్రీలంక చేతిలో ఓడిపోయింది. టోర్నీ నుంచి నిష్క్రమించింది. బంగ్లా చేతిలో టీమిండియా ఓటమి కంటే పాక్‌ నిష్క్రమణ మరీ ఘోరం. ఏదేమైనా.. ఇప్పటికీ భారత జట్టుకు అవకాశం ఉంది. వాళ్లు ఫైనల్‌ ఆడబోతున్నారు. టీమిండియా సత్తాకు పరీక్ష కానీ అంతకంటే ముందే బంగ్లాదేశ్‌తో మ్యాచ్‌లో పరాజయం వారికి కనువిప్పు కలిగించిందనే అనుకుంటున్నా. కఠినంగా శ్రమించి.. వ్యూహాలు పక్కాగా అమలు చేస్తేనే ఫైనల్లో అనుకున్న ఫలితం రాబట్టగలరు. శ్రీలంకను ఓడించడం అనుకున్నంత సులువు కాదు. టీమిండియా సత్తాకు పరీక్ష ఇది. శ్రీలంకను తక్కువ అంచనా వేయకండి రోహిత్‌ సేనను ఎలాగైనా ఓడించి ట్రోఫీ గెలవాలని శ్రీలంక కాచుకుని కూర్చుంది. ప్రపంచకప్‌ టోర్నీకి ముందు ఏ జట్టుకైనా ఇలాంటి విజయాలు అవసరం. ఐసీసీ ఈవెంట్‌కు ముందు ఆత్మవిశ్వాసాన్ని రెట్టింపు చేస్తాయి. ఇప్పటికైనా టీమిండియా కళ్లు తెరవాలి. బంగ్లాదేశ్‌ చేతిలో ఓటమిని మర్చిపోవద్దు’’ అని చెప్పుకొచ్చాడు.  సమిష్టిగా రాణిస్తూ విజయపరంపర కాగా స్టార్లు ప్లేయర్లు లేకుండా.. అండర్‌డాగ్స్‌గా బరిలోకి దిగిన శ్రీలంక ఒక్కో అవరోధం దాటుకుంటూ ఫైనల్‌ వరకూ చేరుకుంది. ఇక గతేడాది టీ20 ఫార్మాట్లో ఫైనల్‌లో పాకిస్తాన్‌ను ఓడించి టైటిల్‌ విజేతగా దసున్‌ షనక జట్టు నిలిచిన విషయం తెలిసిందే. సమిష్టిగా రాణించడం శ్రీలంకకు బలం. ఈ నేపథ్యంలోనే రోహిత్‌ సేనను ఉద్దేశించి అక్తర్‌ ఈ మేరకు వ్యాఖ్యలు చేయడం గమనార్హం. చదవండి: ఆర్సీబీ పేసర్‌కు లక్కీ ఛాన్స్‌! టీమిండియాలో చోటు.. బీసీసీఐ ప్రకటన  WC 2023: పాకిస్తాన్‌కు దెబ్బ మీద దెబ్బ! ఆసియా కప్‌ పోయింది.. ఇక..

Asia Cup 2023- India vs Sri Lanka: ‘‘అసలు మీరేం చేస్తున్నారో.. ఏం మాట్లాడుతున్నారో నాకు అర్థం కావడం లేదు. ఇండియా మ్యాచ్‌ ఫిక్స్‌ చేసిందంటూ నాకు మీమ్స్‌తో కూడిన మెసేజ్‌లు వచ్చిపడుతున్నాయి. పాకిస్తాన్‌ను రేసు నుంచి తప్పించేందుకు టీమిండియా ఉద్దేశపూర్వకంగానే ఓడిపోతుందనేది వాటి సారాంశం. మీరంతా బాగానే ఉన్నారు కదా? అసలు ఇలా మాట్లాడటంలో ఏమైనా అర్థం ఉందా? శ్రీలంక బౌలర్లు శక్తిని కూడదీసుకుని ప్రత్యర్థిని కట్టడి చేసేందుకు శాయశక్తులా ప్రయత్నించారు. వెల్లలలగే, అసలంక కఠినంగా శ్రమించారు. 20 ఏళ్ల పిల్లాడి పట్టుదల చూశారా? ఆ 20 ఏళ్ల పిల్లాడి తాపత్రయాన్ని మీరు చూశారా? 43 పరుగులు ఇచ్చి 5 వికెట్లు తీశాడు. ఇదంతా చూస్తూ ఉన్నా.. ఇండియా నుంచి, ఇతర దేశాల అభిమానుల నుంచి నాకు ఒకటే ఫోన్‌ కాల్స్‌. ఈరోజు ఇండియా కావాలనే ఓడిపోతుందని ఒకటే వాగడం’’ అంటూ పాకిస్తాన్‌ మాజీ ఫాస్ట్‌బౌలర్‌ షోయబ్‌ అక్తర్‌ తీవ్ర అసహనం వ్యక్తం చేశాడు. శ్రీలంక యువ స్పిన్నర్‌ దునిత్‌ వెల్లలగే పోరాటం చూసిన తర్వాత కూడా ఇలా ఎలా మాట్లాడగలిగారో అర్థం కావడం లేదంటూ సోకాల్డ్‌ ఫ్యాన్స్‌ను ఉద్దేశించి ఘాటు విమర్శలు చేశాడు. కాగా ఆసియా కప్‌-2023 సూపర్‌-4లో పాకిస్తాన్‌ను 228 పరుగులతో చిత్తు చేసిన భారత జట్టు.. మంగళవారం శ్రీలంకతో తలపడింది. తిప్పేసిన స్పిన్నర్లు ఈ మ్యాచ్‌లో గెలిస్తే నేరుగా ఫైనల్‌ చేరే అవకాశం ఉన్న నేపథ్యంలో కొలంబోలో రోహిత్‌ సేన ఎలాంటి పొరపాటు చేయలేదు. పాక్‌తో మ్యాచ్‌ ముగిసిన 15 గంటల్లోపే మళ్లీ మైదానంలో దిగిన టీమిండియా టాస్‌ గెలిచి తొలుత బ్యాటింగ్‌ ఎంచుకుంది. ఈ క్రమంలో లంక స్పిన్నర్లు వెల్లలగే, చరిత్‌ అసలంక ధాటికి 213 పరుగులు మాత్రమే చేసి ఆలౌట్‌ అయింది. స్పిన్‌కు అనుకూలిస్తున్న పిచ్‌పై వెల్లలగే బంతిని తిప్పేసి ఏకంగా ఐదు వికెట్లు కూల్చాడు.  టీమిండియా- లంక ఫలితంపై అయితే, లక్ష్య ఛేదనలో లంక 172 పరుగులకే ఆలౌట్‌ కావడంతో అతడి పోరాటం వృథాగా పోయింది. 41 పరుగుల తేడాతో గెలుపొందిన టీమిండియా నేరుగా ఫైనల్లో ఎంట్రీ ఇచ్చింది. ఇదిలా ఉంటే.. గ్రూప్‌-ఏలో భారత జట్టుతో పాటు ఉన్న పాకిస్తాన్‌కు ఫైనల్‌ అవకాశాలు సజీవంగా ఉండాలంటే.. లంకను రోహిత్‌ సేన ఓడించాల్సిందే! ఈ నేపథ్యంలోనే కొంతమంది టీమిండియా టాపార్డర్‌ విఫలం కావడం చూసి.. లంకను గెలిపించి పాక్‌ను రేసు నుంచి తప్పించేందుకు ఇలా ఆడుతున్నారంటూ ఆరోపించారు. ఇదే విషయమై తనకు కాల్స్‌ వచ్చాయని రావల్పిండి ఎక్స్‌ప్రెస్‌ షోయబ్‌ అక్తర్‌ తన యూట్యూబ్‌ చానెల్‌ వేదికగా తెలిపాడు. వాళ్లంతా కష్టపడ్డారు.. మనోళ్లకు చేతకాదు ‘‘వాళ్లు ఎందుకు అలా అంటున్నారో అర్థం కాలేదు. అసలు టీమిండియా ఎందుకు ఓడిపోవాలని అనుకుంటుంది? గెలిస్తే ఎంచక్కా ఫైనల్‌ చేరే అవకాశాన్ని ఎందుకు మిస్‌ చేసుకుంటుంది? ఎలాంటి కారణాలు లేకుండా ఇలాంటి పిచ్చిపని ఎందుకు చేయాలనుకుంటుంది?  లో స్కోరింగ్‌ మ్యాచ్‌లో టీమిండియా ఆటగాళ్లు పట్టుదలగా పోరాడారు. కుల్దీప్‌ అద్భుతం చేశాడు. జట్టును గెలిపించేందుకు జస్‌ప్రీత్‌ బుమ్రా శక్తిమేర కష్టపడ్డాడు. ఇక లంక కుర్రాడు వెల్లలగే బౌలింగ్‌, బ్యాటింగ్‌ రెండూ చేయగలడు. కానీ మన వాళ్ల సంగతి వేరు. వాళ్ల నుంచి ఇలాంటి పోరాటం ఎప్పుడూ చూడలేదు. మన ఫాస్ట్‌బౌలర్లు షాహిన్‌ ఆఫ్రిది, హ్యారిస్‌ రవూఫ్‌, నసీం షా 10 ఓవర్లు బౌలింగ్‌ చేసినా గాయపడకుండా ఉంటే చూడాలని ఉంది. మన వాళ్లు కూడా పోరాటపటిమ కనబరచాలి’’ అని అక్తర్‌ వ్యాఖ్యానించాడు. కాగా పాకిస్తాన్‌ తమ తదుపరి మ్యాచ్‌లో శ్రీలంకపై గెలిస్తేనే ఫైనల్‌ బెర్తు ఖరారవుతుంది.    చదవండి: టీమిండియాకు షాక్‌.. ఉమ్రాన్‌కు లక్కీ ఛాన్స్‌! రేసులో అతడు కూడా! 5 వికెట్లు మాత్రమే కాదు.. సిక్సర్లు, సెంచరీ హీరో కూడా! ఎవరీ దునిత్‌ వెల్లలగే? Super11 Asia Cup 2023 | Super 4 | India vs Sri Lanka | Highlightshttps://t.co/EI2KjpFup6#AsiaCup2023 — AsianCricketCouncil (@ACCMedia1) September 12, 2023

ఆసియాకప్‌-2023 సూపర్‌-4లో పాకిస్తాన్‌ బౌలర్లకు భారత ఓపెనర్లు చుక్కలు చూపించారు. లీగ్‌ మ్యాచ్‌లో పాక్‌పై విఫలమైన రోహిత్‌ శర్మ, గిల్‌.. ప్రధాన దశలో మాత్రం ఆకాశమే హద్దుగా చెలరేగిపోయారు. పాకిస్తాన్‌ స్టార్‌ పేసర్‌ షాహీన్‌ అఫ్రిదిని రోహిత్‌, గిల్‌ చెడుగుడు ఆడుకున్నారు. వీరిద్దరూ తొలి వికెట్‌కు 121 పరుగుల భాగస్వామ్యం నెలకొల్పారు. రోహిత్‌(56), గిల్‌(58) పరుగులతో టీమిండియాకు అదిరిపోయే ఆరంభాన్ని ఇచ్చారు. ఆ తర్వాత బ్యాటింగ్‌కు వచ్చిన విరాట్‌ కోహ్లి, కేఎల్‌ రాహుల్‌ జట్టు బాధ్యతను తీసుకున్నారు. సరిగ్గా ఇదే సమయంలో అందరూ ఊహించిన అతిథి వచ్చేశాడు. అదేనండి వరుణుడు. భారీ స్కోర్‌దిశగా సాగుతున్న భారత ఇన్నింగ్స్‌ జోరుకు వర్షం కళ్లెం వేసింది. భారీ వర్షం కారణంగా మ్యాచ్‌ను రిజర్వ్‌ డే అయిన సోమవారంకు అంపైర్‌లు వాయిదా వేశారు. వర్షం వల్ల ఆట నిలిచిపోయే సమయానికి 24.1 ఓవర్లలో భారత్‌ 2 వికెట్లు కోల్పోయి 147 పరుగులు సాధించింది. క్రీజులో విరాట్‌ కోహ్లి, కేఎల్‌ రాహుల్‌ ఉన్నారు. ఈ నేపథ్యంలో పాకిస్తాన్‌ మాజీ పేసర్‌ షోయబ్ అక్తర్ ఆసక్తికర వాఖ్యలు చేశాడు. ఈ మ్యాచ్‌లో పాకిస్తాన్‌ను వర్షం కాపాడిందని అక్తర్‌ అభిప్రాయపడ్డాడు. 'నేను భారత్‌-పాక్‌ మ్యాచ్‌ చూడటానికి ఇక్కడకు వచ్చాను. నాతో పాటు ఇరు దేశాల అభిమానులు మ్యాచ్‌ ప్రారంభం కోసం ఎంతో ఆతృతగా ఎదురుచూస్తున్నారు. ఈ మ్యాచ్‌లో మా జట్టును వర్షం కాపాడిందనిఅనుకోవాలి. అంతకుముందు లీగ్‌ మ్యాచ్‌లో భారత్‌ను వర్షం రక్షించింది. కానీ బ్యాటింగ్‌కు అనుకూలించే పిచ్‌పై బాబర్‌ బౌలింగ్‌ ఎంచుకోవడం నన్ను ఆశ్చర్యపరిచింది. అది తెలివైన నిర్ణయం కాదు" అని సోషల్‌ మీడియాలో ఓ వీడియోను అక్తర్‌ పోస్ట్‌ చేశాడు. చదవండి: Asia Cup 2023: రిజర్వ్‌డే రోజు కూడా వర్షం పడితే.. ఏంటి పరిస్థితి? అలా జరిగితే భారత్‌కు కష్టమే Well. I don't see this starting again. Colombo ki baarish is crazy pic.twitter.com/KiY8Mbzl77 — Shoaib Akhtar (@shoaib100mph) September 10, 2023

ఆసియాకప్ 2023 సూపర్‌-4లో చిరకాల ప్రత్యర్థులైన భారత్‌-పాక్‌ పోరుకు మరి కొన్ని గంటల్లో తెరలేవనుంది. ఈ హైవోల్టేజ్‌ మ్యాచ్‌ కొలంబో వేదికగా మధ్యహ్నం 3 గంటలకు జరగనుంది.  ఇక భారత్‌తో కీలక మ్యాచ్‌కు ముందు మాజీ స్పీడ్‌స్టర్ షోయబ్‌ అక్తర్‌ తమ బౌలర్లకు కొన్ని విలువైన సలహాలు ఇచ్చాడు. టీమిండియా స్టార్‌ బ్యాటర్‌ విరాట్‌ కోహ్లితో ఎక్కువగా చర్చల్లో పాల్గొనవద్దని రావల్పిండి ఎక్స్‌ప్రెస్‌ సూచించాడు.  తాజాగా ఓ స్పోర్ట్స్‌ ఛానల్‌కు ఇచ్చిన ఇంటర్వ్యూలో షోయబ్ మాట్లాడుతూ.. బౌలర్లు ఎక్కువగా విరాట్‌ కోహ్లితో మాట్లాడకూడదు. అతడిని ఒత్తడిలోకి నెట్టి, ఆటపై దృష్టి కోల్పోయేలా చేయాలి. అతడు తన రిథమ్‌లో వచ్చాడంటే అపడం ఎవరు తరం కాదు. మ్యాచ్‌ను ఒంటి చేత్తో గెలిపిస్తాడని చెప్పుకొచ్చాడు. కాగా ఈ టోర్నీలో కోహ్లి రెండు మ్యాచ్‌లు ఆడినప్పటికీ.. పాకిస్తాన్‌పై మాత్రమే బ్యాటింగ్‌ చేసే ఛాన్స్‌ వచ్చింది. అయితే పాక్‌పై మాత్రం కేవలం 4 పరుగులు మాత్రమే చేసి నిరాశపరిచాడు. దీంతో నేటి మ్యాచ్‌లో విరాట్‌ చెలరేగాలని అభిమానులు కోరుకుంటున్నారు. కాగా ఈ మ్యాచ్‌కు కూడా వర్షం ముప్పు పొంచి ఉంది. అయితే ఈ మ్యాచ్‌కు ఆసియా క్రికెట్‌ కౌన్సిల్‌ రిజర్వ్‌ డేను కేటాయించింది. చదవండి: Asia Cup 2023: అది నిజంగా సిగ్గుచేటు.. భారత్‌- పాక్‌ మ్యాచ్‌కు రిజర్వ్‌ డేపై టీమిండియా లెజెండ్‌ ఫైర్‌

ICC ODI WOrld Cup 2023: ‘‘అప్పట్లో ఒకడుండేవాడు.. మొత్తం ఒత్తిడి తానే భరించి జట్టును రిలాక్స్‌గా ఉంచేవాడు. అతడు మరెవరో కాదు ధోని. జట్టు మొత్తం అతడి వెనుకే ఉండేది. అందరి భారాన్ని అతడే మోసేవాడు’’ అంటూ పాకిస్తాన్‌ దిగ్గజ బౌలర్‌ షోయబ్‌ అక్తర్‌.. టీమిండియా మాజీ సారథి మహేంద్ర సింగ్‌ ధోనిని కొనియాడాడు. రోహిత్‌ శర్మ మంచి బ్యాటర్‌ అని, అయితే కెప్టెన్‌గా ఒత్తిడి అధిగమించలేకపోతున్నాడని అభిప్రాయపడ్డాడు. కాగా భారత్‌కు మూడు ఐసీసీ టైటిళ్లు అందించిన ఏకైక కెప్టెన్‌గా ధోని కొనసాగుతున్నాడు. టీ20 ప్రపంచకప్‌-2007, వన్డే వరల్డ్‌కప్‌-2011, ఐసీసీ చాంపియన్స్‌ ట్రోఫీ-2013 గెలిచిన ఘనత మిస్టర్‌ కూల్‌ సొంతం. పుష్కరకాలం తర్వాత భారత గడ్డపై.. ఇదిలా ఉంటే.. పుష్కరకాలం తర్వాత మరోసారి భారత్‌ వరల్డ్‌కప్‌ టోర్నీకి ఆతిథ్యం ఇవ్వనుంది. సొంతగడ్డపై ఐసీసీ ఈవెంట్‌ నేపథ్యంలో రోహిత్‌ సేనపై భారీ అంచనాలు నెలకొన్నాయి. కాగా విరాట్‌ కోహ్లి నుంచి టీమిండియా పగ్గాలు చేపట్టిన తర్వాత హిట్‌మ్యాన్‌ ద్వైపాక్షిక సిరీస్‌లలో అదరగొట్టాడు. కానీ ఆసియా టీ20 కప్‌, టీ20 ప్రపంచకప్‌, ప్రపంచ టెస్టు చాంపియన్‌షిప్‌ల రూపంలో ఎదురైన సవాలును మాత్రం ఎదుర్కోలేకపోయాడు. ఈ మూడు ఈవెంట్లలో జట్టును విజేతగా నిలపలేక రోహిత్‌ విఫలమయ్యాడు. ఈ నేపథ్యంలో షోయబ్‌ అక్తర్‌ ఆసక్తికర వ్యాఖ్యలు చేశాడు. రోహిత్‌ కెప్టెన్‌ కాకుంటేనే బాగుండేది ‘‘రోహిత్‌ మంచి బ్యాటర్‌. కానీ కెప్టెన్‌ అయిన తర్వాత ఆందోళనకు గురవుతున్నాడు. భయపడిపోతున్నాడు. రోహిత్‌ పట్ల నా వ్యాఖ్యలు పరుషంగా అనిపించవచ్చు... కానీ రోహిత్‌ కెప్టెన్‌గా బాధ్యతలు తీసుకోకపోయి ఉంటే ఆటగాడిగా మరింత మెరుగ్గా ఉండేవాడు. నిజానికి విరాట్‌ కోహ్లి కూడా రోహిత్‌ శర్మ అంత టాలెంటెడ్‌ కాదు. అతడు ఆడిన షాట్లు కోహ్లి కూడా ఆడలేడు. క్లాసిక్‌ బ్యాటర్‌. అలాంటి ప్లేయర్‌కు కెప్టెన్సీ ఎందుకు? ఈ ప్రశ్న నన్ను నేను చాలాసార్లు అడిగాను. ఆనాడే దాయాదుల సమరం క్లిష్ట పరిస్థితుల్లో అతడు ఒత్తిడిని జయించగలడా? అంటే లేదు అనే సమాధానమే! రోహిత్‌ కూడా ఇలా తనను తాను ప్రశ్నించుకోవాలి’’ అని రెవ్‌స్పోర్ట్స్‌తో వ్యాఖ్యానించాడు. రోహిత్‌ శర్మ కెప్టెన్‌ పదవి తీసుకోకపోయి ఉంటే బాగుండేదని అభిప్రాయపడ్డాడు. కాగా అక్టోబరు 5 నుంచి వన్డే వరల్డ్‌కప్‌ ఆరంభం కానుంది. ఈ క్రమంలో దాయాదులు భారత్‌- పాకిస్తాన్‌ మధ్య అక్టోబరు 14న అహ్మదాబాద్‌లో మ్యాచ్‌ జరుగనుంది. చదవండి: ధోని, యువరాజ్‌ తర్వాత అలాంటి వాళ్లు రాలేదు.. ఇప్పుడు ఇతడు!  కోహ్లిపై షోయబ్‌ అక్తర్‌ వ్యాఖ్యలు.. కొట్టిపారేసిన గంగూలీ! ఏమన్నాడంటే? 

Sourav Ganguly disagreed with Shoaib Akhtar’s suggestion: టీమిండియా స్టార్‌ విరాట్‌ కోహ్లి కెరీర్‌ను ఉద్దేశించి పాకిస్తాన్‌ మాజీ పేసర్‌ షోయబ్‌ అక్తర్‌ చేసిన వ్యాఖ్యలను భారత మాజీ సారథి సౌరవ్‌ గంగూలీ కొట్టిపారేశాడు. కోహ్లి తనకు నచ్చినన్ని రోజులు నచ్చిన తీరుగా ఆడతాడని వ్యాఖ్యానించాడు. కాగా ఆగష్టు 18, 2008లో టీమిండియా తరఫున అరంగేట్రం చేసిన విరాట్‌ కోహ్లి.. అంతర్జాతీయ క్రికెట్‌లో శుక్రవారం నాటితో 15 ఏళ్లు పూర్తి చేసుకున్నాడు. వరల్డ్‌కప్‌ తర్వాత గుడ్‌బై చెబితే! ఈ సందర్భంగా రన్‌మెషీన్‌పై ప్రశంసల వర్షం కురిపించిన షోయబ్‌ అక్తర్‌.. వన్డే వరల్డ్‌కప్‌-2023 తర్వాత పరిమిత ఓవర్ల క్రికెట్‌కు కోహ్లి వీడ్కోలు పలికితే బాగుంటుందని అభిప్రాయపడ్డాడు. టీమిండియా దిగ్గజం సచిన్‌ టెండుల్కర్‌ సెంచరీ సెంచరీల రికార్డు బద్దలు కొట్టాలంటే విరాట్‌ ఇకపై పూర్తిగా టెస్టు క్రికెట్‌పైనే దృష్టి సారించాలని సూచించాడు. ఈ మేరకు.. ‘‘ప్రపంచకప్‌ టోర్నీ ముగిసిన తర్వాత కోహ్లి 50- ఓవర్ల క్రికెట్‌ ఎక్కువగా ఆడకపోతేనే మంచిది. టీ20ల విషయంలోనూ ఆలోచించాలి. కనీసం ఇంకా ఆరేళ్లపాటు కోహ్లి క్రికెట్‌ ఆడాలి. అప్పుడే సచిన్‌ టెండుల్కర్‌ రికార్డు బ్రేక్‌ చేయగలడు.  అక్తర్‌ వ్యాఖ్యలను కొట్టిపారేసిన దాదా వరల్డ్‌కప్‌ తర్వాత అతడు పూర్తిగా టెస్టు క్రికెట్‌పై దృష్టి సారించాలి’’ అని రావల్పిండి ఎక్స్‌ప్రెస్‌ షోయబ్‌ అక్తర్‌ రెవ్‌స్పోర్ట్స్‌తో వ్యాఖ్యానించాడు. అయితే, అక్తర్‌ వ్యాఖ్యలపై స్పందించాల్సిందిగా గంగూలీని కోరగా.. ‘‘ఎందుకు? విరాట్‌ కోహ్లి తనకు ఎన్నాళ్లు ఆడాలనిపిస్తే అన్నాళ్లు ఆడతాడు.  నాడు వన్డే కెప్టెన్సీ నుంచి తప్పించి  అది కూడా తనకిష్టమైన ఫార్మాట్‌లో ఆడతాడు. ఎందుకంటే ఇప్పటికీ తను మంచి ప్రదర్శనలు ఇస్తున్నాడు’’ అని బదులిచ్చాడు. కాగా టీ20 ప్రపంచకప్‌-2021 తర్వాత కోహ్లి పొట్టి ఫార్మాట్‌ కెప్టెన్సీకి గుడ్‌బై చెప్పగా.. నాడు బీసీసీఐ అధ్యక్షుడిగా ఉన్న గంగూలీ ప్రోద్బలంతోనే వన్డే కెప్టెన్సీ నుంచి అతడిని తప్పించినట్లు వార్తలు వచ్చాయి. కోహ్లిని అడిగిన తర్వాతే ఈ నిర్ణయం తీసుకున్నామని గంగూలీ చెప్పగా.. అసలు తనను ఎవరూ సంప్రదించలేదని ప్రెస్‌మీట్‌ పెట్టి మరీ కోహ్లి దాదా వ్యాఖ్యలను ఖండించాడు. ఈ క్రమంలో ఇరువురి మధ్య విభేదాలు తారస్థాయికి చేరగా.. గంగూలీ తాజా వ్యాఖ్యలు ప్రాధాన్యం సంతరించుకున్నాయి. చదవండి: ఐర్లాండ్‌తో రెండో టీ20.. కీలక ఆటగాడిపై వేటు! అతడికి ఛాన్స్‌

Virat kohli Completes 15 Years As International Cricketer: ‘‘ఆ మ్యాచ్‌ ఆసాంతం విరాట్‌ కోహ్లి గురించే చర్చ. క్రికెట్‌ దేవుళ్లు అతడు పని పూర్తి చేయాలని దీవించారు. అప్పటికి అతడు అత్యుత్తమ ఫామ్‌లో లేడు. సొంత ప్రేక్షకుల నుంచే విమర్శలు. మీడియా అయితే.. అతడి వెంట పడింది. కానీ.. దేవుడు మాత్రం.. ఇది నీకై వేచిన వేదిక.. మునుపటి వైభవం అందుకో.. మళ్లీ రారాజుగా అవతరించు అని అతడిని ఆశీర్వదించినట్లుగా అనిపించింది. ఆరోజు మ్యాచ్‌ చూసిన వాళ్లకు విషయం అర్థమయ్యే ఉంటుంది. దాదాపు లక్ష మంది నేరుగా చూస్తుండగా.. 1.3 బిలియన్ల భారతీయులు, 30 కోట్ల మంది పాకిస్తానీలు ఆ అద్భుతాన్ని వీక్షించారు. ఆ రెండు సిక్సర్లు మహాద్బుతం క్రికెట్‌ ప్రపంచమంతా కోహ్లి ఆట కోసం ఎదురుచూసిన తరుణంలో.. హ్యారిస్‌ రవూఫ్‌ బౌలింగ్‌లో ఆ రెండు సిక్సర్లు.. మహా అద్భుతం. అతడు తన రాజ్యంలోకి తిరిగి అడుగుపెట్టాడు. ఆరోజు మెల్‌బోర్న్‌ క్రికెట్‌ గ్రౌండ్‌లో ఇలా జరగాలని అతడి విధిరాతలో రాసి ఉంది’’ అంటూ పాకిస్తాన్‌ మాజీ పేసర్‌ షోయబ్‌ అక్తర్‌.. టీమిండియా స్టార్‌ విరాట్‌ కోహ్లిని ఆకాశానికెత్తాడు. కోహ్లి ఎల్లప్పుడూ కింగ్‌ కోహ్లిగానే ఉంటాడంటూ రన్‌మెషీన్‌పై ప్రశంసల జల్లు కురిపించాడు. టీ20 వరల్డ్‌కప్‌-2022లో పాకిస్తాన్‌పై పరుగుల యంత్రం అద్భుత ఇన్నింగ్స్‌ను ప్రస్తావిస్తూ తనదైన శైలిలో కొనియాడాడు. కాగా 15 ఏళ్ల క్రితం సరిగ్గా ఇదే రోజు విరాట్‌ కోహ్లి అంతర్జాతీయ క్రికెట్‌లో అడుగుపెట్టాడు. శ్రీలంకతో వన్డే సిరీస్‌లో శ్రీలంకతో వన్డే సిరీస్‌లో టీమిండియా దిగ్గజం సచిన్‌ టెండుల్కర్‌ స్థానంలో ఓపెనర్‌గా బరిలోకి దిగాడు. పద్దెనిమిదేళ్ల వయసులో అరంగేట్ర మ్యాచ్‌లో కేవలం 12 పరుగులు మాత్రమే చేసిన విఫలమైన ఈ అండర్‌-19 వరల్డ్‌కప్‌ విన్నింగ్‌ కెప్టెన్‌.. అంచెలంచెలుగా ఎదుగుతూ రికార్డుల రారాజుగా పేరొందాడు. అయితే, ఆసియా టీ20 కప్‌-2022 ముందు వరకు కెరీర్‌లో తొలిసారి అత్యంత గడ్డుకాలం ఎదుర్కొన్న కోహ్లి.. ఈ మెగా ఈవెంట్‌ సందర్భంగా సెంచరీతో మునుపటి లయను అందుకున్నాడు. అయితే, ఆస్ట్రేలియా వేదికగా టీ20 ప్రపంచకప్‌లో పాకిస్తాన్‌తో మ్యాచ్‌లో అతడి ఇన్నింగ్స్‌ వింటేజ్‌ కోహ్లిని గుర్తు చేసింది. సెంచరీల వీరుడిపై రావల్పిండి ఎక్స్‌ప్రెస్‌ ప్రశంసలు మెల్‌బోర్న్‌ మ్యాచ్‌లో 53 బంతుల్లో 82 పరుగులతో అజేయంగా నిలిచి పాక్‌పై భారత్‌ మరోసారి పైచేయి సాధించడంలో కీలక పాత్ర పోషించాడు. చిరస్మరణీయ ఇన్నింగ్స్‌తో మళ్లీ పూర్వవైభవం దిశగా అడుగులు వేశాడు. నేటి(ఆగష్టు 18)తో కోహ్లి అంతర్జాతీయ కెరీర్‌కు 15 ఏళ్లు పూర్తైన సందర్భంగా రావల్పిండి ఎక్స్‌ప్రెస్‌ షోయబ్‌ అక్తర్‌.. ఈ మేరకు తమ జట్టుపై కోహ్లి విధ్వంసకర ఇన్నింగ్స్‌ను గుర్తు చేస్తూ అతడికి శుభాభినందనలు తెలియజేశాడు. కాగా కోహ్లి ఇప్పటి వరకు అంతర్జాతీయ క్రికెట్‌లో 76 సెంచరీలు పూర్తి చేసుకున్న విషయం తెలిసిందే. చదవండి: టీమిండియా క్యాప్‌ అందుకోవడం ఈజీ అయిపోయింది.. అదే జరిగితే బుమ్రా అవుట్‌!

ఒకప్పుడు బాలీవుడ్ అంటే మెలోడీ సాంగ్స్, హిట్ సినిమాలే గుర్తొచ్చేవి. కానీ ఆ పరిస్థితి తలకిందులైంది. ఇటీవల పఠాన్ సినిమా మినహాయిస్తే వరుస ఫ్లాప్ సినిమాలే దర్శనమిస్తున్నాయి. అయితే బాలీవుడ్‌ ఇండస్ట్రీ రీమేక్‌లపై ఆధారపడిందంటూ పలువురు సినీ ప్రముఖుల నుంచి విమర్శలొచ్చాయి. దీంతో రోజు రోజుకీ హిందీ చిత్రాల పరిస్థితి మరింత దిగజారిపోతోంది. (ఇది చదవండి: పరువు తీసుకుంటున్న బాలీవుడ్.. చివరకి ఆ పాట!) దక్షిణాది చిత్రాలు పాన్ ఇండియా స్థాయిలో పోటీ పడుతుంటే.. బాలీవుడ్ మాత్రం ఇంకా రీమేక్‌లపైనే ఆధారపడుతోంది. అయితే ఈ సారి ఏకంగా ఓ పాకిస్థానీ పాటను రీమేక్ చేయడంతో బాలీవుడ్ రేంజ్ మరింత దిగజారింది. యంగ్ హీరో ఇటీవలే అల వైకుంఠపురములో చిత్రాన్ని హిందీలో 'షెహజాదా' పేరుతో రీమేక్ చేసి డిజాస్టర్ మూటగట్టుకున్నాడు.  అయితే తాజాగా ఆయన నటించిన సత్యప్రేమ్‌ కీ కథ చిత్రంలో నటిస్తున్నారు. ఈ సినిమాలో గ్లోబల్‌ స్థాయిలో ఫేమస్ అయిన పాకిస్థానీ పాట 'పసూరి'ని రీమేక్ చేశారు. గతేడాది ఎక్కువమంది యూట్యూబ్ లో వెతికిన వాటిలో ఈ సాంగ్ అగ్రస్థానంలో నిలిచింది. దీన్నే కార్తీక్ ఆర్యన్ కొత్త సినిమా 'సత్యప్రేమ్ కీ కథ' చిత్రంలో వాడేశారు.  ఇప్పటికే చిత్రబృందం ఈ సాంగ్ రిలీజ్ చేయగా నెటిజన్స్ ఆగ్రహం వ్యక్తం చేస్తున్నారు. దీనిపై పాకిస్థాన్ మాజీ క్రికెటర్, రావల్పిండి ఎక్స్‌ప్రెస్ షోయబ్ అక్తర్ సైతం స్పందించారు. ఈ మేరకు ఆయన కాస్తా ఫన్నీగా ట్వీట్ చేశారు. అసలేంటీ ఈ డిజాస్టర్ అంటూ ట్విటర్‌లో పోస్ట్ చేశారు. దీనిపై నెటిజన్స్ కూడా అదేస్థాయిలో కామెంట్స్ చేస్తున్నారు.  (ఇది చదవండి: ఇప్పుడే బ్రేక్‌ ఫాస్ట్ కూడా చేశా.. విడాకులపై గజినీ హీరోయిన్!)    కాగా.. కార్తీక్ ఆర్యన్, కియారా అద్వానీ జంటగా తెరకెక్కిస్తోన్న సత్య ప్రేమ్ కి కథ చిత్రానికి సమీర్ విద్వాన్స్ దర్శకత్వం వహిస్తున్నారు. భూల్ భూలయ్యా- 2 తర్వాత ఈ జంట మరోసారి ప్రేక్షకులను అలరించనుంది. Aye ki pasoori paayi ay. — Shoaib Akhtar (@shoaib100mph) June 27, 2023

Shoaib Akhtar's rare picture with his 'daughter': పాకిస్తాన్‌ మాజీ పేసర్‌ షోయబ్‌ అక్తర్‌ తనదైన శైలిలో కామెంట్లు చేస్తూ ఎల్లప్పుడూ వార్తల్లో నిలుస్తాడు. తన సుదీర్ఘ కెరీర్‌లో మేటి బ్యాటర్లను ముప్పుతిప్పలు పెట్టిన ఈ రావల్పిండి ఎక్స్‌ప్రెస్‌ ప్రస్తుతం సోషల్‌ మీడియా వేదికగా అభిమానులకు చేరువగా ఉంటున్నాడు. తన క్రికెట్‌ కెరీర్‌కు సంబంధించిన విషయాలతో పాటు.. వ్యక్తిగత అంశాలు కూడా పంచుకుంటున్నాడు. కూతురితో ఇలా సరదాగా ఈ క్రమంలో ఇటీవల ఓ టీనేజ్‌ అమ్మాయితో ఉన్న ఫొటోను షేర్‌ చేసిన అక్తర్‌.. ‘‘చిల్‌ మోడ్‌ విత్‌ మై డాటర్‌’’ అంటూ క్యాప్షన్‌ జతచేశాడు. ఫొటోలో ఉన్న అమ్మాయి తన కూతురని, ఆమె పేరు అలీనా షేక్‌ అని పేర్కొన్నాడు. అయితే, అక్తర్‌ ఈ మేరకు చేసిన పోస్ట్‌ అభిమానులను కన్ఫ్యూజన్‌లోకి నెట్టేసింది.  అక్తర్‌ షేర్‌ చేసిన ఫొటో​ ఇద్దరు కుమారులే ఎందుకంటే.. అంతర్జాలంలో అందుబాటులో ఉన్న వివరాల ప్రకారం.. షోయబ్‌ అక్తర్‌ 2014, జూలై 23న రుబాబ్‌ ఖాన్‌ అనే మహిళను పెళ్లాడాడు. వీరికి ఇద్దరు కుమారులు జన్మించారు. మొదటి సంతానంగా 2016, నవంబరు 7న మహ్మద్‌ మైకేల్‌ అలీ, రెండో సంతానంగా 2019 జూలై 14న మరో కుమారుడికి జన్మనిచ్చింది ఈ జంట. అయితే, అక్తర్‌కు అకస్మాత్తుగా టీనేజీలో ఉన్న కూతురు ఎలా వచ్చిందన్న అంశంపైనే నెటిజన్లు చర్చించుకుంటున్నారు. అక్తర్‌ ఈ అమ్మాయిని దత్తత తీసుకున్నాడేమోనని కొందరు.. అతడి అన్న లేదా తమ్ముడి కూతురు అయి ఉంటుందని మరికొందరు కామెంట్లు చేస్తున్నారు.  హీరోయిన్‌లా ఉంది! ఇంకొందరు మాత్రం.. ఆ అమ్మాయి ఎవరైనా సరే చాలా అందంగా ఉందని, హీరోయిన్‌లకు ఏమాత్రం తీసిపోదంటూ తమదైన శైలిలో ట్వీటుతున్నారు. కాగా తన అంతర్జాతీయ కెరీర్‌లో 46 టెస్టులు, 163 వన్డేలు, 15 టీ20లు ఆడిన అక్తర్‌.. వరుసగా 178, 247, 19 వికెట్లు పడగొట్టాడు. అత్యంత వేగం( 161.3 kmph)తో బౌలింగ్‌ చేసిన ఫాస్ట్‌బౌలర్‌గా ఇప్పటికీ రికార్డుల్లో కొనసాగుతున్నాడు. చదవండి: రోహిత్‌ వద్దే వద్దు!.. నాడు బీసీసీఐ ధోనిని ఎందుకు కెప్టెన్‌ను చేసిందంటే.. వరల్డ్ క్రికెట్‌లో రోహిత్ టైగర్.. అతడిని మించినవారు లేరు: ఆసీస్‌ లెజెండ్‌ Shoaib Akhtar uploads picture with his daughter@shoaib100mph #ShoaibAkhtar pic.twitter.com/Cf6p22BzIb — Cricket Pakistan (@cricketpakcompk) June 15, 2023

World Cup 2023- India Vs Pakistan: ‘‘ఇండియా- పాకిస్తాన్‌ ఫైనల్లో తలపడాలి అంతే! ఫైనల్‌ మ్యాచ్‌ ముంబైలోనా లేదంటే అహ్మదాబాద్‌లోనా అన్న అంశంతో నాకు సంబంధం లేదు. ఏదేమైనా ఇండియా- పాక్‌ మధ్యే టైటిల్‌ పోరు జరగాలి’’ అని పాకిస్తాన్‌ మాజీ పేసర్‌ షోయబ్‌ అక్తర్‌ అన్నాడు. 2011 ప్రపంచకప్‌ సెమీ ఫైనల్లో టీమిండియా చేతిలో ఎదురైన పరాభవానికి బదులు తీర్చుకోవాలని బాబర్‌ ఆజం బృందానికి విజ్ఞప్తి చేశాడు. కాగా 1983 వన్డే వరల్డ్‌కప్‌ ఈవెంట్‌లో కపిల్‌ దేవ్‌ సారథ్యంలో తొలిసారి టైటిల్‌ గెలిచిన భారత జట్టు.. స్వదేశంలో 2011లో జరిగిన టోర్నీలో ధోని కెప్టెన్సీలో మరోసారి ట్రోఫీని ముద్దాడింది. ఆ తర్వాత మళ్లీ వన్డే ప్రపంచకప్‌ విజేతగా నిలవలేకపోయింది.  ఇక ఈ ఏడాది సొంతగడ్డపై ఈ ఐసీసీ టోర్నీ జరుగనున్న నేపథ్యంలో రోహిత్‌ సేనకు.. ఈ అపవాదు చెరిపివేసే సువర్ణావకాశం ముంగిట నిలిచింది. మరోవైపు.. 1992లో ట్రోఫీ గెలిచిన పాకిస్తాన్‌కు ఇప్పటికీ ఆ టైటిల్‌ అందని ద్రాక్షగానే ఉంది. ఇదిలా ఉంటే.. 2011 సెమీస్‌లో పాకిస్తాన్‌ ఓడించి ఫైనల్‌ చేరిన టీమిండియా.. శ్రీలంకపై గెలుపొంది విజేతగా అవతరించిన విషయం తెలిసిందే. బీసీసీఐ, పీసీబీ ఏమీ చేయలేవు! ఈ నేపథ్యంలో షోయబ్‌ అక్తర్‌ స్పోర్ట్స్‌తక్‌తో మాట్లాడుతూ.. ఈసారి ఫైనల్లో ఇండియా- పాకిస్తాన్‌ తలపడితే చూడాలని ఉందని పేర్కొన్నాడు. ఇక ఆసియా కప్‌ నిర్వహణ వేదిక అంశం గురించి స్పందిస్తూ.. ఇరు దేశాల క్రికెట్‌ బోర్డులకు మద్దతుగా నిలిచాడు. ‘‘ఎవరెవరో ఏదేదో మాట్లాడుతున్నారు. ఇవన్నీ వట్టి మాటలు. బీసీసీఐ లేదంటే పీసీబీ ఈ విషయంలో ఏమీ చేయలేవు. అనవసరపు మాటలు వద్దు భారత ప్రభుత్వాన్ని సంప్రదించకుండా బీసీసీఐ.. పాకిస్తాన్‌ గవర్నమెంట్‌ అనుమతి లేకుండా పీసీబీ ఎలాంటి నిర్ణయం తీసుకోలేవు. కాబట్టి భారత్‌- పాక్‌ క్రికెట్‌ మ్యాచ్‌ల విషయంలో మాజీ క్రికెటర్లు ఎవరూ ప్రతికూలంగా మాట్లాడవద్దని విజ్ఞప్తి చేస్తున్నా’’ అని అక్తర్‌ పేర్కొన్నాడు. ఒకవేళ భారత ప్రభుత్వం గ్రీన్‌సిగ్నల్‌ ఇచ్చిందంటే టీమిండియా పాకిస్తాన్‌లో పర్యటించడానికి బీసీసీఐ తప్పకుండా అనుమతినిస్తుందని అభిప్రాయపడ్డాడు. ఈ విషయంలో ఇరు దేశాల మాజీ క్రికెటర్లు సంయమనం పాటించాలని అనవసరపు మాటలు మాట్లాడద్దని అక్తర్‌ విజ్ఞప్తి చేశాడు.  చదవండి: WC 2023: వరల్డ్‌కప్‌-2023 టోర్నీ ఆరంభం ఆరోజే.. ఫైనల్‌ ఎక్కడంటే! హైదరాబాద్‌లోనూ.. Virat Kohli: విరాట్‌ కోహ్లికి ఊహించని షాక్‌! అయితే ధోని మాదిరి..

OTD- Sachin Tendulkar 100 Centuries: పదకొండేళ్ల క్రితం.. సరిగ్గా ఇదే రోజు టీమిండియా దిగ్గజం సచిన్‌ టెండుల్కర్‌ అంతర్జాతీయ క్రికెట్‌లో వంద సెంచరీలు పూర్తి చేసుకున్నాడు. ఆసియా కప్‌ టోర్నీ-2012లో భాగంగా మార్చి 16న బంగ్లాదేశ్‌తో మ్యాచ్‌లో సచిన్‌ ఎవరికీ సాధ్యంకాని రీతిలో ఈ అరుదైన ఫీట్‌ నమోదు చేశాడు. 147 బంతుల్లో 12 ఫోర్లు, ఒక సిక్సర్‌ సాయంతో 114 పరుగులు సాధించాడు.  ఫలితం ఏదైనా ఈ మ్యాచ్‌ మాత్రం భారత క్రికెట్‌ చరిత్రలో ఓ మరుపురాని జ్ఞాపకంగా మిగిలిపోయింది. ఇక ఇప్పటి వరకు సచిన్‌ సాధించిన ఈ అత్యంత అరుదైన రికార్డుకు చేరువగా రాగలిగింది టీమిండియా స్టార్‌, రన్‌మెషీన్‌ విరాట్‌ కోహ్లి మాత్రమే! ఇంటర్నేషనల్‌ క్రికెట్‌లో ఇటీవలే కోహ్లి 75వ శతకం నమోదు చేశాడు. బోర్డర్‌- గావస్కర్‌ ట్రోఫీ-2023 సిరీస్‌లో భాగంగా ఆస్ట్రేలియాతో ఆఖరిదైన అహ్మదాబాద్‌ టెస్టులో తాజా సెంచరీ సాధించాడు. ఈ నేపథ్యంలో పాకిస్తాన్‌ మాజీ పేసర్‌ షోయబ్‌ అక్తర్‌ ఆసక్తికర వ్యాఖ్యలు చేశాడు. ఆకాశమే హద్దు సచిన్‌ టెండుల్కర్‌తో ఎన్నో మ్యాచ్‌లలో తలపడిన ఈ రావల్పిండి ఎక్స్‌ప్రెస్‌.. మాస్టర్‌ బ్లాస్టర్‌ రికార్డును బద్దలు కొట్టగల సత్తా కోహ్లికే ఉందని అభిప్రాయపడ్డాడు. కెప్టెన్సీ భారం దిగిపోయిన తర్వాత పరుగుల యంత్రం ఆకాశమే హద్దుగా చెలరేగుతున్నాడని అక్తర్‌ పేర్కొన్నాడు. 110 సెంచరీలు చేస్తాడు ‘‘విరాట్‌ కోహ్లి తిరిగి ఫామ్‌లోకి రావడం నాకేమీ ఆశ్చర్యం కలిగించడం లేదు. ఇప్పుడు తనపై కెప్టెన్సీ భారం లేదు. మానసికంగా ఒత్తిడి లేదు. కేవలం బ్యాటింగ్‌పైనే దృష్టి పెట్టే వీలు కలిగింది. కోహ్లి 110 సెంచరీలు చేసి సచిన్‌ టెండుల్కర్‌ పేరిట ఉన్న 100 శతకాల రికార్డును బ్రేక్‌ చేస్తాడని నాకు నమ్మకం ఉంది. పరుగుల దాహంతో ఉన్న కోహ్లికి ఈ ఫీట్‌ అసాధ్యమేమీ కాదు’’ అని షోయబ్‌ అక్తర్‌ ఏఎన్‌ఐతో వ్యాఖ్యానించాడు. కాగా సచిన్‌ టెండుల్కర్‌.. అంతర్జాతీయ వన్డేల్లో 49, టెస్టుల్లో 51 సెంచరీలు సాధించాడు. కోహ్లి ఇప్పటి వరకు వన్డేల్లో 46, టెస్టులో 28, టీ20లలో ఒక సెంచరీ పూర్తి చేసుకున్నాడు. వంద సెంచరీల మార్కుకు ఇంకా 25 శతకాల దూరంలో ఉన్నాడు. ఇక 34 ఏళ్ల కోహ్లి తదుపరి ఆస్ట్రేలియాతో వన్డే సిరీస్‌కు సమాయత్తమవుతున్నాడు. ఇదిలా ఉంటే అక్తర్‌ ప్రస్తుతం లెజెండ్స్‌ లీగ్‌ క్రికెట్‌-2023 సీజన్‌తో బిజీగా ఉన్నాడు. ఆసియా లయన్స్‌కు అతడు ప్రాతినిథ్యం వహిస్తున్నాడు. చదవండి: IPL 2023: కొత్త సీజన్‌.. కొత్త కెప్టెన్‌.. సన్‌రైజర్స్‌ కొత్త జెర్సీ అదిరిపోయిందిగా! PSL 2023: పోలార్డ్‌పైకి దూసుకెళ్లిన అఫ్రిది.. నాలుగు సిక్సర్లు కొట్టాడన్న కోపంలో..!

Shoaib Akhtar-Sachin Tendulkar: పాకిస్తాన్‌ మాజీ స్పీడ్‌స్టర్‌, రావల్పిండి ఎక్స్‌ప్రెస్‌ షోయబ్‌ అక్తర్‌.. క్రికెట్‌ దిగ్గజం, మాస్టర్‌ బ్లాస్టర్‌ సచిన్‌ టెండూల్కర్‌పై సంచలన కామెంట్స్‌ చేశాడు. సచిన్‌కు, ప్రస్తుత టీమిండియా స్టార్‌ బ్యాటర్‌, పరుగుల యంత్రం విరాట్‌ కోహ్లికి మధ్య పోలికలపై అక్తర్‌ విశ్లేషిస్తూ.. సచిన్‌ కెప్టెన్సీపై అనవసర వ్యాఖ్యలు చేశాడు. సచిన్‌ టెండూల్కర్‌ ఆల్‌టైమ్‌ గ్రేటెస్ట్‌ బ్యాటర్‌ అనడంలో ఎలాంటి సందేహం లేదంటూనే మాస్టర్‌ బ్లాస్టర్‌ కెప్టెన్సీలో లోపాలను వేలెత్తి చూపే ప్రయత్నం చేశాడు.  సచిన్‌ కెప్టెన్‌గా తనను తాను ప్రూవ్‌ చేసుకోలేకపోయాడని, అందుకు అతను స్వచ్చందంగా సారధ్య బాధ్యతల నుంచి తప్పుకున్నాడని, కెప్టెన్‌గా సచిన్‌ ఫెయిల్యూర్‌ అని ఘాటు వ్యాఖ్యలు చేశాడు. కెప్టెన్సీ భారం దించుకున్నాక సచిన్‌, మునుపటి కంటే ఎక్కువగా రెచ్చిపోయాడని, కోహ్లి సైతం సారధ్య బాధ్యతల నుంచి తప్పుకున్న తర్వాత సచిన్‌లాగే చెలరేగుతున్నాడని అన్నాడు.  కెప్టెన్సీ వదులుకున్న తర్వాత ఆటపై ఫోకస్ పెట్టేందుకు కోహ్లికి కావాల్సిన సమయం దొరికిందని.. మనసు, మెదడు ఫ్రీ అయ్యాక కోహ్లి ఇప్పుడిప్పుడే పరుగులు చేయడం మొదలెట్టాడని తెలిపాడు. కోహ్లిని పొగడటం తన ఉద్దేశం కాదని, టీ20 వరల్డ్ కప్ 2022, ఆ తర్వాత కోహ్లి గణాంకాలు చూస్తే ఎవరికైనా ఈ విషయం అర్ధమవుతుందని చెప్పుకొచ్చాడు.  ఈ తరంలో కోహ్లికి మించిన బ్యాటర్‌ లేడని ఆకాశానికెత్తిన అక్తర్‌.. కోహ్లి కూడా ఒకానొక సమయంలో సచిన్‌ లాగే జట్టు భారాన్నంతా మోశాడని కితాబునిచ్చాడు. కాగా, సుదీర్ఘ కాలం తర్వాత తిరిగి ఫామ్‌లోకి వచ్చిన కోహ్లి పరిమిత​ ఓవర్ల ఫార్మాట్‌లో రెచ్చిపోతున్నప్పటికీ.. టెస్ట్‌ల్లో మాత్రం వైఫల్యాల పరంపరను కొనసాగిస్తున్నాడు. ప్రస్తుతం జరుగుతున్న బోర్డర్ గవాస్కర్ ట్రోఫీ 2023లో ఇప్పటివరకు 3 టెస్టులు ఆడిన కోహ్లి ఒక్క హాఫ్ సెంచరీ కూడా చేయలేకపోయాడు. 

Shoaib Akhtar Comments: పాకిస్తాన్‌ మాజీ పేసర్‌ షోయబ్‌ అక్తర్‌ గురించి ప్రత్యేకంగా పరిచయం అక్కర్లేదు. ప్రపంచంలోని మేటి బౌలర్లలో ఒకడిగా పేరొందిన ఈ రావల్పిండి ఎక్స్‌ప్రెస్‌.. అత్యంత వేగవంతమైన బంతిని విసిరి చరిత్ర సృష్టించాడు. గంటకు 161 కిలోమీటర్ల వేగంతో బాల్‌ వేసిన అక్తర్‌ రికార్డు ఇప్పటికీ పదిలంగానే ఉంది. ఇక పాకిస్తాన్‌ తరఫున 1997లో అంతర్జాతీయ క్రికెట్‌లో అరంగేట్రం చేసిన అక్తర్‌ 46 టెస్టులు, 163 వన్డేలు, 15 టీ20 మ్యాచ్‌లు ఆడాడు. వరుసగా 178 వికెట్లు, 247 వికెట్లు, 19 వికెట్లు పడగొట్టాడు. జట్టులో కీలక సభ్యుడైన అతడు 2011లో క్రికెట్‌కు వీడ్కోలు పలికాడు. 2002లోనే ఛాన్స్‌.. కానీ అయితే, ఒకానొక సందర్భంలో అతడికి కూడా కెప్టెన్సీ అవకాశం వచ్చిందట. అయినప్పటికీ కొన్ని కారణాల వల్ల ఆ ఛాన్స్‌ను వదులుకున్నాడట. ఈ విషయాన్ని షోయబ్‌ అక్తర్‌ స్వయంగా వెల్లడించాడు. ‘‘2002లో నాకు కెప్టెన్సీ అవకాశం వచ్చింది. కానీ నేను సారథ్య బాధ్యతలు చేపట్టేందుకు సిద్ధంగా లేను. ఆ సమయంలో పూర్తి ఫిట్‌గా లేను. ఐదు మ్యాచ్‌లు ఉంటే.. కేవలం 3 మాత్రమే ఆడే పరిస్థితి. ఒకవేళ అప్పుడు నేను ప్రతీ మ్యాచ్‌ ఆడి ఉంటే కేవలం ఒకటిన్నర- రెండేళ్లపాటే నా కెరీర్‌ కొనసాగేది’’ అని అక్తర్‌ క్రికెట్‌ పాకి​స్తాన్‌తో వ్యాఖ్యానించాడు. బోర్డులో అనిశ్చితి ఇక నాటి మేనేజ్‌మెంట్‌ గురించి వివరిస్తూ.. ‘‘జట్టు సభ్యులకు నేను పూర్తి మద్దతుగా నిలబడ్డాను. నిజానికి అప్పుడు బోర్డులో అనిశ్చితి నెలకొంది. మిస్‌మేనేజ్‌మెంట్‌ కారణంగా సమస్యలు తలెత్తాయి’’ అని 47 ఏళ్ల అక్తర్‌ చెప్పుకొచ్చాడు. కాగా ఆటకు గుడ్‌బై చెప్పిన తర్వాత క్రికెట్‌ విశ్లేషకుడిగా మారిన అక్తర్‌.. తన యూట్యూబ్‌ చానెల్‌ వేదికగా అభిమానులకు మరింత చేరువగా ఉంటున్నాడు. చదవండి: IPL 2023: సన్‌రైజర్స్‌ హైదరాబాద్‌ కొత్త సారధి పేరు ప్రకటన Ind Vs Aus ODI Series: టీమిండియాతో వన్డే సిరీస్‌.. ఆస్ట్రేలియా జట్టు ప్రకటన.. స్టార్ల రీఎంట్రీ

పాకిస్థాన్ కెప్టెన్ బాబ‌ర్ ఆజంపై జట్టు మాజీ ఫాస్ట్ బౌల‌ర్ షోయ‌బ్ అక్తర్ సంచ‌ల‌న వ్యాఖ్యలు చేశాడు. బాబర్‌కు ఇంగ్లీష్ అంత‌గా రాదని.. అందుక‌నే త‌మ దేశంలో అత‌ను బ్రాండ్ అంబాసిడర్‌ కాలేక‌పోయాడ‌ంటూ పేర్కొన్నాడు. ఈ సందర్భంగా అక్తర్‌ మాట్లాడిన వీడియో సోషల్‌ మీడియాలో వైరల్‌గా మారింది. అక్తర్‌ మాట్లాడుతూ..''పాకిస్థాన్‌లో ఇంగ్లీష్ చ‌క్కగా మాట్లాడ‌గ‌ల క్రికెట‌ర్లు ఎవ‌రైనా ఉన్నారంటే?.. అది నేను, షాహిద్ ఆఫ్రిది, వ‌సీం అక్రమ్‌ మాత్రమే. అందుక‌నే మా ముగ్గురికే అన్ని వ్యాపార‌, వాణిజ్య ప్రక‌ట‌న‌లు వ‌స్తాయి. ఎందుకంటే.. మేము ఇంగ్లీష్‌ మీడియాతో మాట్లాడ‌డం అనే విష‌యాన్ని ఒక జాబ్‌గా భావించాం. ఇక క్రికెట్‌లో రాణించ‌డం ఒక ఎత్తు అయితే.. మీడియాతో మాట్లాడ‌డం, వాళ్ల ప్రశ్నల‌కు బ‌దులివ్వడం అనేది మరొక ఎత్తు. ప్రస్తుతం పాక్ జ‌ట్టులో ఉన్న ఎవ‌రూ పెద్దగా ఇంగ్లీష్ మాట్లాడ‌లేరు. అవార్డు ప్రజెంటేష‌న్ స‌మ‌యంలో వాళ్లకు ఎంతో ఇబ్బందిగా అనిపిస్తుంది.  బాబర్‌ ఆజం ఎప్పుడైనా ప్రెస్‌ కాన్ఫరెన్స్‌లో మాట్లాడేటప్పుడు గమనించండి. హిందీ, ఇంగ్లీష్‌ మిక్స్‌ చేసి మాట్లాడడం చూస్తుంటాం. బాబ‌ర్‌కు త‌న గురించి, త‌న ఆట గురించి కూడా ఇంగ్లీష్‌లో వ‌ర్ణించ‌డం రాదు. ఒక‌వేళ అత‌ను అన‌ర్గళంగా, చక్కగా ఆంగ్లం మాట్లాడ‌గ‌లిగితే పాకిస్థాన్‌లో నంబ‌ర్ 1 బ్రాండ్ అంబాసిడ‌ర్ అయ్యేవాడు. అయినా ఇంగ్లీష్‌ నేర్చుకోవ‌డం పెద్ద క‌ష్టమైన ప‌నా?'' అని అక్తర్‌ ప్రశ్నించాడు. ఇక పాకిస్తాన్‌ క్రికెట​లో తన ఆటతో అక్తర్‌ చెరగని ముద్ర వేశాడు. 1997లో అంతర్జాతీయ క్రికెట్‌లో అరంగేట్రం చేసిన అక్తర్‌ 2011లో ఆటకు గుడ్‌బై చెప్పాడు. వేగానికి మారుపేరైన అక్తర్‌ పాకిస్తాన్‌ తరపున 46 టెస్టుల్లో 178 వికెట్లు, 163 వన్డేల్లో  247 వికెట్లు, 15 టి20 మ్యాచ్‌ల్లో 19 వికెట్లు తీశాడు. అంత‌ర్జాతీయ క్రికెట్‌లో వేగ‌వంత‌మైన బంతి వేసిన బౌల‌ర్‌గా షోయ‌బ్ అక్తర్ రికార్డు సృష్టించాడు. 2003లో ఇంగ్లండ్‌తో జ‌రిగిన వ‌న్డే మ్యాచ్‌లో అక్తర్ గంట‌కు 161.3. కిలోమీట‌ర్ల వేగంతో బంతిని విసిరాడు. అక్తర్ త‌ర్వాత ఎంద‌రో ఫాస్ట్ బౌల‌ర్లు వ‌చ్చినప్పటికి అక్తర్‌ రికార్డు మాత్రం పదిలంగా ఉంది. Former Pakistan speedster Shoaib Akhtar says Babar Azam cannot speak and hence he is not the biggest brand in Pakistan. Modern-day cricketers in Pakistan cannot speak on media, TV or in post-match presentations. Do you agree with this statement? pic.twitter.com/xMrNwYQe1X — Farid Khan (@_FaridKhan) February 21, 2023 చదవండి: 'బజ్‌బాల్‌' ఎలా అడ్డుకోవాలి?.. ఫ్యాన్స్‌ను వేడుకున్న కివీస్‌ టాప్‌ వెబ్‌సైట్‌ 10 వికెట్ల తేడాతో విజయం.. దర్జాగా సెమీస్‌కు

పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ ప్రస్తుతం ఓటీటీ యాంకర్‌గా మారిపోయాడు. 'షోయబ్‌ అక్తర్‌ షో' పేరిట ఓటీటీ ఫ్లాట్‌ఫామ్‌.. ఉర్ఫూప్లిక్స్‌(UrfuFlix)లో కొత్త ప్రోగ్రామ్‌ను ప్రారంభించిన అక్తర్‌ తానే స్వయంగా హోస్ట్‌ చేస్తున్నాడు. తాజాగా తన షోకు నిదా యాసిర్‌ అనే మహిళా సెలబ్రిటీని అతిథిగా ఆహ్వానించాడు. నిదా యాసిర్‌ను టీజ్‌ చేద్దామని భావించిన అక్తర్‌ ఒక సింపుల్‌ ప్రశ్నను అడిగాడు. అయితే అతిథిని కన్ఫూజ్‌ చేసేందుకు కొంచెం తికమకగా అడిగాడు. '1992 వరల్డ్‌కప్‌ను పాకిస్తాన్‌ ఏ సంవత్సరంలో గెలిచింది' అంటూ అడిగాడు. నిజానికి ప్రశ్నలోనే జవాబు ఉంది. ఆ విషయాన్ని పసిగట్టని నిదా యాసిర్‌ కన్ఫూజన్‌కు గురైంది. తనతో పాటు వచ్చిన రెండో గెస్ట్‌ను సహాయం కూడా కోరింది. అయితే చివరకు '2006' అంటూ తప్పుడు సమాధానం చెప్పింది. నిదా యాసిర్‌ సమాధానం విన్న అక్తర్‌ తనలో తానే నవ్వుకుంటూ ఈసారి ప్రశ్నను మరో రూపంలో అడిగాడు. '2009 టి20 వరల్డ్‌కప్‌ను పాకిస్తాన్‌ ఏ సంవత్సరంలో గెలుచుకుంది' అంటూ ప్రశ్న వేశాడు. ఈసారి ప్రశ్న మారిందన్న కనీస అవగాహన లేకుండా '1992' అంటూ నిదా యాసిర్‌ టక్కున చెప్పేసింది. దీంతో​ అక్తర్‌తో పాటు షో చూడడానికి వచ్చిన ప్రేక్షకులు కూడా నిదా యాసిర్‌ తెలివికి నవ్వాలో.. ఏడ్వాలో అర్థం కాలేదు.దీనికి సంబంధించిన వీడియో సోషల్‌ మీడియాలో వైరల్‌గా మారింది. సోషల్‌ మీడియాలో మాత్రం ఈ అమ్మడు ట్రోల్స్‌ బారిన పడిపోయింది. ''ప్రశ్నలోనే జవాబున్నా కనుక్కోలేకపోయావు.. నీ తెలివికి జోహార్లు''.. ''అందం ఒక్కటే ఉంటే సరిపోదు.. కాస్త తెలివి కూడా ఏడిస్తే బాగుండు'' అంటూ కామెంట్స్‌ చేశారు. కాగా ఇదే ఫ్లాట్‌ఫామ్‌లో క్రికెటర్‌ షోయబ్‌ మాలిక్‌, సానియా మీర్జాలు కలిసి సంయుక్తంగా నిర్వహిస్తున్న మాలిక్‌ మీర్జా షోకు పోటీగా అక్తర్‌ తన షోను నిర్వహిస్తున్నాడు. pic.twitter.com/OXdAQTFDsH — Out Of Context Cricket (@GemsOfCricket) February 15, 2023 చదవండి: టెస్టుల్లోనూ నెంబర్‌వన్‌.. కెప్టెన్‌గా రోహిత్‌ శర్మ కొత్త చరిత్ర 

'రావల్పిండి ఎక్స్‌ప్రెస్‌' అనగానే మదిలో మెదిలే బౌలర్‌ పాకిస్తాన్‌ మాజీ ఆటగాడు షోయబ్‌ అక్తర్‌. ఇప్పుడు అదే 'రావల్పిండి ఎక్స్‌ప్రెస్‌' పేరుతో బయోపిక్‌ రూపొందించాలని ప్లాన్‌ చేసిన సంగతి తెలిసిందే. ఈ బయోపిక్‌ను ముహ్మద్‌ ఫర్హాజ్‌ ఖాసిర్‌ డైరక్టర్‌గా వ్యవహరించగా.. క్యూ ఫిలిం ప్రొడక్షన్‌ తెరకెక్కించింది. అయితే తాజాగా బయోపిక్‌ నుంచి తప్పుకుంటున్నట్లు షోబయ్‌ అక్తర్‌ శనివారం రాత్రి ట్విటర్‌ వేదికగా ప్రకటించాడు. ప్రొడక్షన్‌ హౌస్‌తో వచ్చిన విబేధాల కారణంగానే బయోపిక్‌ నుంచి తప్పుకుంటున్నట్లు పేర్కొన్నాడు. అంతేకాదు తన అనుమతి లేనిదే బయోపిక్‌ రూపొందిస్తే లీగల్‌ యాక్షన్‌ తీసుకోవడానికి సిద్ధంగా ఉన్నట్లు మేకర్స్‌ను హెచ్చరించాడు. ''రావల్పిండి ఎక్స్‌ప్రెస్‌ బయోపిక్‌ నుంచి తప్పుకోవడం చాలా బాధాకరం. కొన్ని నెలల కింద నుంచే మేకర్స్‌తో మనస్పర్థలు వచ్చాయి. ఈ కారణంగానే బయోపిక్‌ రూపొందించడాన్ని విరమించుకోవాలని నిర్ణయం తీసుకున్నా. త్వరలోనే నా మేనేజ్‌మెంట్‌, లీగల్‌ టీమ్‌ మేకర్స్‌తో జరిగిన ఒప్పందాన్ని రద్దు చేసుకోనుంది. నా అనుమతి లేకుండా మేకర్స్‌ బయోపిక్‌ను తెరకెక్కిస్తే మాత్రం​ లీగల్‌గా యాక్షన్‌ తీసుకోవడానికి సిద్ధంగా ఉన్నా'' అంటూ అక్తర్‌ ట్వీట్‌ చేశాడు. ఇక పాకిస్తాన్‌ క్రికెట​లో తన ఆటతో అక్తర్‌ చెరగని ముద్ర వేశాడు. 1997లో అంతర్జాతీయ క్రికెట్‌లో అరంగేట్రం చేసిన అక్తర్‌ 2011లో ఆటకు గుడ్‌బై చెప్పాడు. వేగానికి మారుపేరైన అక్తర్‌ పాకిస్తాన్‌ తరపున 46 టెస్టులు, 163 వన్డేలు, 15 టి20 మ్యాచ్‌లు ఆడాడు.అక్తర్‌ ఒక మ్యాచ్‌లో 161 కిమీవేగంతో విసిరిన బంతి క్రికెట్‌ చరిత్రలో అత్యంత వేగవంతమైన బంతిగా కొన్నేళ్ల పాటు నిలిచిపోయింది. Important announcement. pic.twitter.com/P7zTnTK1C0 — Shoaib Akhtar (@shoaib100mph) January 21, 2023 చదవండి: భారత క్రికెటర్‌కు చేదు అనుభవం.. నమ్మితే నట్టేట ముంచాడు

Umran Malik- Shoaib Akhtar: ’రావల్పిండి ఎక్స్‌ప్రెస్‌ షోయబ్‌ అక్తర్‌ పేరిట ఉన్న రికార్డును తప్పక బద్దలు కొడతానని టీమిండియా యువ పేసర్‌ ఉమ్రాన్‌ మాలిక్‌ అన్నాడు. అత్యంత వేగంతో బంతిని విసిరి అక్తర్‌ను అధిగమిస్తానని ఈ కశ్మీర్‌ ఎక్స్‌ప్రెస్‌ ధీమా వ్యక్తం చేశాడు. అయితే, వ్యక్తిగత రికార్డుల కంటే జట్టు ప్రయోజనాలే తనకు మరింత ముఖ్యమని పేర్కొన్నాడు. కాగా శ్రీలంకతో స్వదేశంలో సిరీస్‌ల నేపథ్యంలో ఉమ్రాన్‌ మాలిక్‌ టీ20, వన్డే జట్లకు ఎంపికయ్యాడు. ఈ నేపథ్యంలో న్యూస్‌ 24తో మాట్లాడిన 23 ఏళ్ల ఈ ఫాస్ట్‌ బౌలర్‌కు అక్తర్‌ రికార్డు గురించి ప్రశ్న ఎదురుకాగా ఆసక్తికర వ్యాఖ్యలు చేశాడు.  నా ధ్యాస మొత్తం దానిమీదే ‘‘అదృష్టవశాత్తూ అంతా సాఫీగా జరిగి.. నా ప్రదర్శన బాగుంటే షోయబ్‌ అక్తర్‌ పేరిట ఉన్న రికార్డు బద్దలు కొడతాను. అయితే, నేను రికార్డుల గురించి మాత్రం ఆలోచించడం లేదు. నా మొదటి ప్రాధాన్యం జట్టు ప్రయోజనాలే. దేశం కోసం ఆడటమే. నిజానికి మ్యాచ్‌ జరుగుతున్న సమయంలో మనమెంత వేగంగా బంతిని విసిరామనే సంగతి తెలియదు. మ్యాచ్‌ ముగిసిన తర్వాతే ఈ విషయాలు తెలుసుకోగలుగుతాం. నా ధ్యాస.. ఎంత వేగంతో బంతిని విసురుతున్నామన్న అంశం మీద కాకుండా సరైన ఏరియాలో బంతి పడుతుందా లేదో అంచనా వేసి విసరడం మీదే ఉంటుంది’’ ఉమ్రాన్‌ మాలిక్‌ చెప్పుకొచ్చాడు. కాగా జనవరి 3 నుంచి భారత్‌- లంక జట్ల మధ్య తొలి టీ20తో సిరీస్‌ మొదలుకానుంది.  అక్తర్‌ పేరిట రికార్డు అత్యంత వేగవంతమైన బంతిని విసిరిన రికార్డు పాకిస్తాన్‌ మాజీ పేసర్‌ షోయబ్‌ అక్తర్‌ పేరిట ఉంది. 2003 ప్రపంచకప్‌ టోర్నీలో ఇంగ్లండ్‌తో మ్యాచ్‌లో అతడు గంటకు 161.3 కిలోమీటర్ల వేగంతో బౌలింగ్‌ చేశాడు. ఇక ఉమ్రాన్‌ సాధారణంగా సుమారు 150 కిమీ/గంటకు పైగా వేగంతో బంతిని విసరడగలన్న సంగతి తెలిసిందే.  చదవండి: Ind Vs SL 2023: శ్రీలంకతో టీమిండియా సిరీస్‌లు.. పూర్తి షెడ్యూల్‌, జట్లు, ఇతర వివరాలు హార్దిక్‌ పాండ్యాను కెప్టెన్‌ చేస్తారా? బీసీసీఐకి వార్నింగ్‌ ఇచ్చిన ఇర్ఫాన్‌ పఠాన్‌

మెల్‌బోర్న్‌ వేదికగా జరిగిన ఫైనల్లో పాకిస్తాన్‌ను చిత్తు చేసిన ఇంగ్లండ్‌ టీ20 ప్రపంచకప్‌-2022 విజేతగా నిలిచింది. అయితే ఫైనల్లో పాక్‌ ఓటమిని ఆ దేశ మాజీ ఆటగాళ్లతో పాటు అభిమానులు జీర్ణించుకోలేకపోతున్నారు. ఈ ఓటమి అనంతరం పాకిస్తాన్‌ దిగ్గజ పేసర్‌ ‘గుండె బద్ధలైంది’ అన్నట్టుగా ఎమోజీని ట్వీట్ చేశాడు. అయితే అక్తర్‌ ట్వీట్‌పై భారత పేసర్‌ మహ్మద్‌ షమీ వ్యంగ్యంగా స్పందించాడు. ‘సారీ బ్రదర్... దీన్నే  కర్మ ’ అంటారు అంటూ షమీ రిప్లే ఇచ్చాడు. కాగా సెమీఫైనల్లో ఇంగ్లండ్‌పై ఓటమి పాలై ఇంటిముఖం పట్టిన భారత జట్టును పాక్‌ మాజీలు హేళన చేశారు. "ఈ ఆటతీరుతో ప్రపంచకప్‌ ఫైనల్‌కు వస్తుందా.. పాక్‌తో తలపడే అర్హత  టీమిండియాకు లేదంటూ " అక్తర్‌ కూడా విమర్శలు చేశాడు. దీనికి బదులుగా షమీ ఇప్పుడు గట్టి కౌంటర్‌ ఇచ్చాడు. అదృష్టం కలిసొచ్చి సెమీస్‌కు గ్రూప్‌ స్టేజీలోనే ఇంటి దారి పడుతోంది అనుకున్న పాకిస్తాన్‌ జట్టు అదృష్టం కలిసొచ్చి సెమీస్‌లో అడుగుపెట్టింది. నెదర్లాండ్స్ చేతిలో దక్షిణాఫ్రికా ఓటమిపాలవ్వడంతో పాకిస్తాన్‌ లక్కీగా సెమీస్‌కు చేరుకుంది. అయితే సెమీఫైనల్లో న్యూజిలాండ్‌పై అనూహ్య విజయంతో పాక్‌ ఫైనల్లో అడుగుపెట్టింది. కానీ పటిష్టమైన ఇంగ్లండ్‌ ముందు పాక్‌ తలవంచింది. ఐదు వికెట్ల తేడాతో ఓటమిపాలైన పాకిస్తాన్‌ రన్నరప్‌గా నిలిచింది. Sorry brother It’s call karma 💔💔💔 https://t.co/DpaIliRYkd — Mohammad Shami (@MdShami11) November 13, 2022 చదవండి: T20 WC 2022: అప్పుడు వన్డే ప్రపంచకప్‌.. ఇప్పుడు టీ20 వరల్డ్‌కప్‌! హీరో ఒక్కడే

టీ20 ప్రపంచకప్‌ సెమీఫైనల్లో ఇంగ్లాండ్ చేతిలో టీమిండియా ఘోర ఓటమిని చవిచూసింది. 10 వికెట్ల తేడాతో చిత్తుగా ఓడింది. భారత జట్ట పేలవ ప్రదర్శనపై అభిమానులతో పాటు క్రీడా విశ్లేషకులు మండిపడుతున్నారు. ప్రపంచకప్‌ టోర్నీలో ఇలాంటి ప్రదర్శనేంటని తీవ్ర అసంతృప్తి వ్యక్తం చేస్తున్నారు. పాకిస్తాన్ మాజీ క్రికెటర్ షోయబ్ అక్తర్ కూడా ఇదే అభిప్రాయాన్ని వ్యక్తం చేశాడు. టీమిండియా ప్రదర్శన అత్యంత పేలవంగా ఉందని విమర్శలు గుప్పించాడు. భారత జట్టు ప్రదర్శన పాతాళానికి పాడిపోయిందని పేర్కొన్నాడు. ఈ మేరకు తన యూట్యూబ్ ఛానల్‌లో మాట్లాడాడు. 'మెల్‌బోర్న్‌లో జరిగే ప్రపంచకప్ ఫైనల్లో పాకిస్తాన్‌తో తలపడే అర్హత భారత్‌కు లేదు. టీమిండియా సత్తా ఏంటో ఈ మ్యాచ్‌తో తేలిపోయింది. సెమీ ఫైనల్‌కు చేరడం గొప్పేం కాదు. ప్రస్తుతం భారత క్రికెట్‌ జట్టు ప్రదర్శన పేలవంగా ఉంది. ఐసీసీ టోర్నీల్లో ఇలా ఉంటే చాలా కష్టం. టీమిండియా కెప్టెన్సీపై పునరాలోచించుకోవాలి. దారుణ పరాభవానికి జట్టు యాజమాన్యం పూర్తి బాధ్యత తీసుకోవాలి.' అని షోయబ్ అక్తర్ చెప్పుకొచ్చాడు. అడిలైడ్‌ వేదికగా జరిగిన రెండో సెమీఫైనల్‌లో టీమిండియా నిర్దేశించిన 169 పరుగుల లక్ష‍్యాన్ని ఇంగ్లాండ్ సనాయాసంగా ఛేదించింది. ఓపెనర్లు జోస్ బట్లర్, అలెక్స్ హేల్స్ అర్ధ సెంచరీలతో కదం తొక్కి 10 వికెట్ల తేడాతో తమ జట్టుకు చిరస్మరణీయ విజయాన్ని అందించి ఫైనల్ చేర్చారు. భారత బౌలర్లు ఏ మాత్రం ప్రభావం చూపలేక చేతులెత్తేశారు. మెల్‌బోర్న్ వేదికగా పాకిస్తాన్, ఇంగ్లాండ్ జట్ల మద్య ఆదివారం ఫైనల్ మ్యాచ్ జరగనుంది. అద్భుత ఫాంలో ఉన్న ఇంగ్లాండ్ జట్టు మరోసారి ప్రపంచకప్‌ను ముద్దాడాలని చూస్తుండగా.. 1992 సీన్‌ను రిపీట్ చేసి ఇంగ్లాండ్‌ను ఓడించి మరోసారి కప్పు ఎగరేసుకుపోవాలని పాకిస్తాన్ భావిస్తోంది. ఏదేమైనా ఈ మ్యాచ్ క్రికెట్ అభిమానులకు అలరించనుంది. చదవండి: ఐపీఎల్‌ బ్యాన్‌ చేస్తేనే దారిలోకి వస్తారా!

టీ20 వరల్డ్‌కప్‌-2022లో భాగంగా నిన్న  (నవంబర్‌ 9) జరిగిన తొలి సెమీఫైనల్లో పాకిస్తాన్‌.. న్యూజిలాండ్‌ను చిత్తుగా ఓడించి 13 ఏళ్ల తర్వాత ఫైనల్‌కు చేరింది. ఈ మ్యాచ్‌కు ముందు వరకు పటిష్టంగా కనిపించిన న్యూజిలాండ్‌.. నాకౌట్‌ మ్యాచ్‌లో ఒత్తిడికి గురై, స్థాయికి తగ్గ ప్రదర్శన చేయలేక, అదృష్టం కొద్దీ సెమీస్‌కు చేరిన పాకిస్తాన్‌ చేతిలో ఓటమిపాలైంది. బ్యాటింగ్‌, ఫీల్డింగ్‌, బౌలింగ్‌.. ఇలా అన్ని విభాగాల్లో పేలవ ప్రదర్శన కనబర్చిన కివీస్‌.. మెగా టోర్నీల్లో పాక్‌ చేతిలో చిత్తయ్యే సంప్రదాయాన్ని కొనసాగించింది. మరోవైపు ఇవాళ (నవంబర్‌ 10) జరిగే రెండో సెమీఫైనల్లో టీమిండియా-ఇంగ్లండ్‌ జట్లు అమీతుమీ తేల్చుకోనున్నాయి. రసవత్తరంగా సాగుతుందని భావిస్తున్న ఈ మ్యాచ్‌ ఇవాళ మధ్యాహ్నం 1:30 గంటలకు ప్రారంభంకానుంది. ఈ మ్యాచ్‌లో విజేత నవంబర్‌ 13న మెల్‌బోర్న్‌ వేదికగా జరిగే టైటిల్‌ పోరులో పాకిస్తాన్‌తో తలపడుతుంది. Dear India, good luck for tomorrow. We'll be waiting for you in Melbourne for a great game of cricket. pic.twitter.com/SdBLVYD6vm — Shoaib Akhtar (@shoaib100mph) November 9, 2022 ఈ నేపథ్యంలో టీమిండియాను ఉద్దేశిస్తూ పాక్‌ మాజీ బౌలర్‌ షోయబ్‌ అక్తర్‌ ఆసక్తికర వ్యాఖ్యలు చేశాడు. సెమీస్‌ మ్యాచ్‌ కోసం టీమిండియాకు గుడ్‌ లక్‌ చెబుతూనే.. మరో రసవత్తర సమరం కోసం మెల్‌బోర్న్‌లో వెయిట్‌ చేస్తుంటామంటూ వ్యంగ్యంగా ట్వీట్‌ చేశాడు. ఈ ట్వీట్‌ ప్రస్తుతం నెట్టింట వైరలవుతోంది. భారత అభిమానులు అక్తర్‌ ట్వీట్‌పై తగు రీతిలో స్పందిస్తున్నారు. ఏదో అదృష్టం కలిసొచ్చి సెమీస్‌కు చేరిన మీకు అంత బిల్డప్‌ అవసరమా.. కొంచెం ఓపిక పట్టు.. వస్తున్నామంటూ కౌంటరిస్తున్నారు. అప్పుడే ఏమైంది అక్తర్‌.. ఇవాళ ఇంగ్లండ్‌ను ఓడించి, ఫైనల్లో మీ తాట తీస్తామంటూ ఘాటుగా బదులిస్తున్నారు. ఇంకొందరైతే.. ఫైనల్లో న్యూజిలాండ్‌ అయితే టీమిండియాకు కాస్త ఇబ్బంది అయ్యేదేమో, మీరైతే అస్సలు టెన్షన్‌ పడాల్సి అవసరం లేదు, ఆడుతూ పాడుతూ మీ ఆట కట్టిస్తామంటూ కామెంట్లు చేస్తున్నారు.  

ICC Mens T20 World Cup 2022- India vs South Africa: ‘‘ఇండియా మా సెమీస్ అవకాశాలను గల్లంతు చేసింది. భారత్‌ పరాజయం మమ్మల్ని తీవ్రంగా బాధించింది. అయినా ఇందులో వాళ్ల తప్పేమీ లేదు. మేమే చెత్తగా ఆడి.. మా తలరాతను ఇతరులు నిర్ణయించే దుస్థితిలో ఉన్నాం’’ అని పాకిస్తాన్‌ మాజీ పేసర్‌ షోయబ్‌ అక్తర్‌ అన్నాడు. కాగా టీ20 ప్రపంచకప్‌-2022లో భాగంగా ఆదివారం సౌతాఫ్రికాతో మ్యాచ్‌లో టీమిండియా 5 వికెట్ల తేడాతో ఓటమి పాలైన విషయం తెలిసిందే. ఈ నేపథ్యంలో పాకిస్తాన్‌ సెమీస్‌ అవకాశాలు దాదాపుగా మూసుకుపోయినట్లయింది. అద్భుతాలు జరిగితే తప్ప బాబర్‌ ఆజం బృందం టోర్నీలో ముందుకు వెళ్లే పరిస్థితి లేదు. ఈ క్రమంలో షోయబ్‌ అక్తర్‌ మాట్లాడుతూ.. ఐసీసీ టోర్నీలో పాక్‌ ఆట తీరుపై విమర్శలు గుప్పించాడు.  టీమిండియా మమ్మల్ని నిరాశపరిచింది అదే సమయంలో రోహిత్‌ సేన.. దక్షిణాఫ్రికాపై విజయం సాధించి ఉంటే తమకు కాస్త మేలు చేసిన వాళ్లు​ అయ్యేవారంటూ వ్యాఖ్యానించాడు. టీమిండియా- సౌతాఫ్రికా మ్యాచ్‌ ఫలితంపై తన యూట్యూబ్‌ చానెల్‌లో స్పందించిన అక్తర్‌.. ‘‘పెర్త్‌ లాంటి పిచ్‌లపై ఆడటం కాస్త కష్టమే. ఏదేమైనా టీమిండియా మమ్మల్ని నిరాశకు గురిచేసింది. భారత బ్యాటర్లు కాస్త ఓపికగా ఆడి ఉంటే బాగుండేది. పెవిలియన్‌కు క్యూ కట్టకుండా.. కనీసం 150 పరుగులు స్కోరు చేసి ఉంటే ప్రయోజనకరంగా ఉండేది.  మమ్మల్ని కూడా ఓడిస్తారు! అయితే, దక్షిణాఫ్రికా తన అనుభవజ్ఞులైన ఆటగాళ్ల సేవలను చక్కగా ఉపయోగించుకుంది. మిల్లర్‌ నిజంగా కిల్లర్‌ ఇన్నింగ్స్‌ ఆడాడు. మార్కరమ్‌తో కలిసి తన అనుభవన్నంతా ఉపయోగించి అద్భుత ప్రదర్శన కనబరిచాడు. లుంగి ఎంగిడి అద్భుతాలు చేయగలడని మరోసారి నిరూపించాడు. నిజానికి ఈ మ్యాచ్‌లో ఇండియా గెలిస్తే మాకు ఆశలు మిగిలి ఉండేవి. కానీ అలా జరుగలేదు. ఇక సౌతాఫ్రికా ఇప్పుడు.. టీమిండియా లాగే మమ్మల్ని సైతం ఓడించేందుకు సన్నద్ధంగా ఉన్నట్లు కనిపిస్తోంది’’ అని పేర్కొన్నాడు. కాగా పాకిస్తాన్‌ తమ తదుపరి మ్యాచ్‌లో దక్షిణాఫ్రికాతో తలపడనున్న విషయం తెలిసిందే. టీ20 ప్రపంచకప్‌-2022 సూపర్‌-12: ఇండియా వర్సెస్‌ సౌతాఫ్రికా మ్యాచ్‌ స్కోర్లు: ఇండియా- 133/9 (20) దక్షిణాఫ్రికా- 137/5 (19.4)  5 వికెట్ల తేడాతో దక్షిణాఫ్రికా విజయం ప్లేయర్‌ ఆఫ్‌ ది మ్యాచ్‌: లుంగి ఎంగిడి(4 ఓవర్లలో 29 పరుగులు ఇచ్చి 4 వికెట్లు) చదవండి: T20 WC 2022: టీమిండియా మిగిలిన రెండు మ్యాచ్‌లు గెలిస్తేనే! పాక్‌ దింపుడు కల్లం ఆశలు..  T20 WC 2022: ఇదేమి బెంగళూరు వికెట్‌ కాదు.. దినేశ్‌ కార్తిక్‌పై సెహ్వాగ్‌ సెటైర్లు! ఇప్పటికైనా var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ICC Mens T20 World Cup 2022 - Shoaib Akhtar: పాకిస్తాన్‌ మాజీ పేసర్‌ షోయబ్‌ అక్తర్‌ మరోసారి టీమిండియా ఫ్యాన్స్‌ ఆగ్రహానికి గురయ్యాడు. ‘‘మీ జట్టు విషయంలో మాత్రమే నీ అంచనాలు నిజమవుతాయిలే!’’ అంటూ అతడిని ట్రోల్‌ చేస్తున్నారు భారత అభిమానులు. కాగా టీ20 ప్రపంచకప్‌-2022లో పాకిస్తాన్‌తో ఆరంభ మ్యాచ్‌లో విరాట్‌ కోహ్లి దంచికొట్టిన విషయం తెలిసిందే. 82 పరుగులతో అజేయంగా నిలిచిన కింగ్‌ జట్టును గెలిపించి ప్లేయర్‌ ఆఫ్‌ ది మ్యాచ్‌గా నిలిచాడు. ఆ మ్యాచ్‌ తర్వాత షోయబ్‌ అక్తర్‌ స్పందిస్తూ కోహ్లి అద్భుత ఇన్నింగ్స్‌ ఆడాడని ప్రశంసిస్తూనే.. ఇక టీ20లకు అతడు గుడ్‌ బై చెప్పాలంటూ సలహా ఇచ్చాడు. దీంతో కింగ్‌ ఫ్యాన్స్‌ అతడిపై ఫైర్‌ అయిన విషయం తెలిసిందే. టీమిండియాను ఉద్దేశించి ఇక ఇప్పుడు అక్తర్‌ టీమిండియాను ఉద్దేశించి చేసిన వ్యాఖ్యలు భారత అభిమానులకు అతడు టార్గెట్‌ అయ్యేలా చేశాయి. కాగా జింబాబ్వేతో మ్యాచ్‌లో పాకిస్తాన్‌ ఒక్క పరుగు తేడాతో ఓడి సెమీస్‌ చేరే అవకాశాలు సంక్లిష్టం చేసుకున్న విషయం తెలిసిందే. ఈ నేపథ్యంలో తమ కెప్టెన్‌ బాబర్‌ ఆజంను ఉద్దేశించి ఘాటు వ్యాఖ్యలు చేసిన అక్తర్‌.. టీమిండియా సెమీస్‌ అవకాశాలపై కూడా స్పందించాడు. వచ్చే వారం వాళ్లు కూడా అవుట్‌! ఈ మేరకు ఈ రావల్పిండి ఎక్స్‌ప్రెస్‌ మాట్లాడుతూ.. ‘‘పాకిస్తాన్‌ మొదటి వారంలోనే టోర్నీ నుంచి నిష్క్రమించే ప్రమాదంలో పడుతుందని నేను ముందే చెప్పాను. ఇక వచ్చే వారం ఇండియా వంతు! వాళ్లు కూడా టోర్నీ నుంచి అవుట్‌ అవుతారు. వాళ్లు సెమీస్‌ ఆడతారేమో గానీ.. తీస్‌ మార్‌ ఖాన్‌ మాత్రం కాలేరు’’ అని పేర్కొన్నాడు.  ఇప్పటికే రెండు విజయాలతో 4 పాయింట్లతో గ్రూప్‌-2 టాపర్‌గా ఉన్న రోహిత్‌ సేన సెమీస్‌ చేరడం లాంఛనమే అని చెప్పొచ్చు. అంతేకాదు కోహ్లి, సూర్య సూపర్‌ ఫామ్‌లో ఉండటం సహా భువనేశ్వర్‌ కుమార్‌, అర్ష్‌దీప్‌ మెరుగ్గా రాణిస్తున్నారు. ఇలాంటి సానుకూల అంశాల నేపథ్యంలో ఈసారి టీమిండియా ట్రోఫీ గెలిచే అవకాశాలు ఎక్కువేనన్నది విశ్లేషకుల అభిప్రాయం. ఈ నేపథ్యంలో అక్తర్‌ ఇలాంటి వ్యాఖ్యలు చేయడం గమనార్హం. దీంతో నీకంత సీన్‌ లేదంటూ ఫ్యాన్స్‌ సోషల్‌ మీడియా వేదికగా కామెంట్లు చేస్తున్నారు. చదవండి: Pak Vs Zim: పాక్‌ గడ్డ మీద పుట్టి పాక్‌నే ఓడించాడు! ‘ఈసారైనా మోసం చేయకండి’! ఈ మిస్టర్‌ బీన్‌ గోలేంటి? T20 WC 2022 Paul Van Meekeren: క్రికెట్‌ ఆడితేనే డబ్బులు.. లేదంటే పస్తులు Ind Vs Ned: నాటి వరల్డ్‌కప్‌లో తండ్రి సచిన్‌ వంటి దిగ్గజాల వికెట్లు తీసి.. నేడు కొడుకు మాత్రం.. var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); Shoaib Akhtar predicts that India will also return home after the semis since they are also not that good (or as he says 'Tees Maar Khan'). pic.twitter.com/zj5BFnjXYI — Kanav Bali🏏 (@Concussion__Sub) October 28, 2022

టీ20 ప్రపంచకప్‌లో భాగంగా గురువారం జరిగిన మ్యాచ్‌లో జింబాబ్వే చేతిలో పాకిస్తాన్‌ కంగుతిన్న సంగతి తెలిసిందే. దీంతో ఈ మెగా టోర్నీలో పాకిస్తాన్‌ వరుసగా రెండో ఓటమి చవిచూసింది. ఇక జింబాబ్వే వంటి పసికూన చేతిలో బాబర్‌ సేన ఓటమి పాలవ్వడంపై పాకిస్తాన్‌ దిగ్గజ  షోయబ్ అక్తర్ నిరాశ వ్యక్తం చేశాడు. ఈ మ్యాచ్‌లో పాక్‌ వ్యూహాలపై, బాబర్‌ ఆజం కెప్టెన్సీపై అక్తర్‌ తీవ్ర విమర్శలు చేశాడు. తన యూట్యూబ్‌ ఛానల్‌లో అక్తర్‌ మాట్లాడుతూ... " పాకిస్తాన్‌  టాప్ ఆర్డర్‌, మిడిల్ ఆర్డర్‌ అస్సలు బాగోలేదు. ఇప్పటికే ఈ విషయం నేను చాలా సార్లు చెప్పాను.  పాకిస్తాన్‌కు ఒక చెత్త కెప్టెన్‌ ఉన్నాడు. ఈ టోర్నీలో కెప్టెన్సీ నిర్వహణ ప్రధాన లోపం. ప్రపంచకప్‌ టోర్నీ నుంచి పాకిస్తాన్‌ దాదాపు నిష్క్రమించింది. ఇక ఆడింది చాలు ఇంటికి వచ్చేయండి. జింబాబ్వే వంటి చిన్న జట్టు చేతిలో ఓడిపోయారంటే మీ ఆట తీరు ఎలా ఉందో అర్థమవుతుంది. ఇప్పటికైన జట్టు మేనేజేమెంట్‌కు జ్ఞానోదయం అవుతుందో లేదో నాకు అర్ధ కావడం లేదు" అని పేర్కొన్నాడు. బాబర్ బ్యాటింగ్ ఆర్డర్‌తో పాటు పాకిస్తాన్‌ లైనప్‌లో మార్పులు గురుంచి కూడా అక్తర్‌ చర్చించాడు. "జింబాబ్వేతో మ్యాచ్‌లో మా జట్టు నలుగురు పేస్‌ బౌలర్లతో బరిలోకి దిగింది. జట్టు మేనేజేమెంట్‌కు బుర్ర లేదు. కేవలం ముగ్గురు పేసర్లు, సరైన మిడిలార్డర్‌ బ్యాటర్‌తో బరిలోకి దిగాల్సింది. ఇక బాబర్‌ ఫస్ట్‌ డౌన్‌లో బ్యాటింగ్‌కు రావాలి. పవర్‌ ప్లేలో అద్భుతమైన ఆరంభాన్ని ఇచ్చే మంచి ఓపెనర్లు అవసరం. ఫఖర్‌ జమాన్‌ను కేవలం బెంచ్‌కే పరిమితం చేశాడు. అతడికి ఆస్ట్రేలియాలో బాగా రాణించే సత్తా ఉంది. షాహీన్ షా ఆఫ్రిది ఇంకా పూర్తి ఫిట్‌నెస్‌ సాధించలేదు. అయినప్పటికీ అతడికి అవకాశం ఇస్తున్నారు. అతడు పరుగులు భారీగా సమర్పించుకుంటున్నాడు అక్తర్‌ తెలిపాడు. View this post on Instagram A post shared by ICC (@icc) చదవండి: T20 World Cup 2022: వరుస ఓటములు.. అయినా పాకిస్తాన్‌ సెమీ ఫైనల్‌కు చేరే ఛాన్స్‌?  

T20 World Cup 2022- India Vs Pakistan- Virat Kohli: టీ20 ప్రపంచకప్‌-2022 సూపర్‌-12లో భాగంగా పాకిస్తాన్‌తో మ్యాచ్‌లో చిరస్మరణీయ ఇన్నింగ్స్‌ ఆడిన విరాట్‌ కోహ్లిపై ప్రశంసల వర్షం కురుస్తూనే ఉంది. నిలకడలేమి ఫామ్‌తో విమర్శల పాలైన ఈ రన్‌మెషీన్‌ ఆసియా కప్‌-2022 టీ20 టోర్నీలో శతకంతో తిరిగి పూర్వవైభవం సాధించాడు. దీంతో ఎన్నో అంచనాల నడుమ పాక్‌తో మ్యాచ్‌లో ఒత్తిడిని అధిగమించి విలువైన ఇన్నింగ్స్‌ ఆడి తానేంటో మరోసారి నిరూపించుకున్నాడు. బ్యాట్‌తోనే విమర్శలకు సమాధానం ‘టీ20లకు కోహ్లి పనికిరాడు.. రిటైర్‌ అయితే మంచిదంటూ’ ఉచిత సలహాలు ఇచ్చిన వాళ్లకు బ్యాట్‌తోనే సమాధానమిచ్చాడు. ప్రపంచకప్‌ తర్వాత పొట్టి ఫార్మాట్‌కు గుడ్‌బై చెప్పబోతున్నాడంటూ వచ్చిన వార్తలు కింగ్‌ అభిమానులను కలవరపెట్టగా.. వారి అనుమానాలు పటాపంచలు చేస్తూ టీ20లో తన సత్తా ఏమిటో మరోసారి ఘనంగా చాటాడు.  అక్తర్‌ షాకింగ్‌ కామెంట్స్‌ ఈ క్రమంలో కోహ్లిపై సర్వత్రా ప్రశంసల వర్షం కురుస్తుండగా.. పాకిస్తాన్‌ మాజీ బౌలర్‌ షోయబ్‌ అక్తర్‌ మాత్రం భిన్నంగా స్పందించాడు. కోహ్లి ఇక టీ20 ఫార్మాట్‌ నుంచి రిటైర్‌ అయితే బాగుంటుందంటూ షాకింగ్‌ కామెంట్స్‌ చేశాడు. అందుకు గల కారణాన్ని కూడా అతడు వెల్లడించాడు. భారత్‌- పాకిస్తాన్‌ ఫలితంపై తన యూట్యూబ్‌ చానెల్‌ వేదికగా స్పందించిన ఈ రావల్పిండి ఎక్స్‌ప్రెస్‌.. ‘‘పాకిస్తాన్‌ అద్భుతంగా ఆడింది. ఆటగాళ్లూ.. మిమ్మల్ని మీరు తక్కువ చేసుకోకండి. నిజానికి ఇండియా మనకంటే అత్యద్భుతంగా ఆడింది. అందుకే వాళ్లు చరిత్రలో గుర్తుండిపోయే మ్యాచ్‌ గెలిచారు. రనౌట్లు, నో బాల్‌ వివాదం, స్టంపింగ్‌లు అన్నీ ఉన్నాయి. అయితే, టోర్నీలో ఇంకా మ్యాచ్‌లు మిగిలే ఉన్నాయి. ఇండియా- పాకిస్తాన్ తప్పక మరోసారి తలపడతాయి. పాక్‌కు మరో అవకాశం ఉంది’’ అని పేర్కొన్నాడు. కోహ్లిపై ప్రశంసలు కురిపిస్తూనే ఇక 53 బంతుల్లో 82 పరుగులతో అజేయంగా నిలిచి భారత్‌ను గెలిపించిన కోహ్లి ఇన్నింగ్స్‌ గురించి అక్తర్‌ ప్రస్తావిస్తూ.. ‘‘మనం క్లిష్ట పరిస్థితుల్లో ఉన్నపుడు ఆత్మవిశ్వాసం పెంపొందించుకోవడం ఎంతో అవసరం. ఒక్కసారి పైకి లేచామంటే మునుపటి వైభవం సాధించవచ్చు. పట్టుదలగా ఆడి మనమేంటో నిరూపించుకోవచ్చు. విరాట్‌ కోహ్లి చేస్తున్నది అదే! తన జీవితంలో అత్యంత ముఖ్యమైన ఇన్నింగ్స్‌ అతడు ఆడేశాడు. తనపై తనకున్న నమ్మకం, తన పట్టుదలే అతడి విజయానికి కారణం’’ అంటూ ప్రశంసించాడు. రిటైర్‌ అవ్వాలి.. ఎందుకంటే! ‘‘కోహ్లి అదిరిపోయే ఇన్నింగ్స్‌తో తిరిగి వచ్చాడు. అయితే, తను టీ20 ఫార్మాట్‌ నుంచి రిటైర్‌ బాగుంటుందని నేను భావిస్తున్నా. ఎందుకంటే.. తన శక్తిసామర్థ్యాలన్నింటినీ కేవలం టీ20లకే పరిమితం చేయడం సరికాదు.  పాక్‌తో ఆడిన ఇన్నింగ్స్‌ మాదిరే వన్డేల్లోనూ చెలరేగాలి. ఓ మూడు సెంచరీలు సాధించాలి’’ అంటూ అక్తర్‌ చెప్పుకొచ్చాడు. ఇక ఈ మాజీ ఫాస్ట్‌బౌలర్‌ వ్యాఖ్యలపై నెటిజన్లు మిశ్రమంగా స్పందిస్తున్నారు. ‘‘కోహ్లి ఉంటే మీ ఆటలు సాగవనే ఇలా చెబుతున్నావా? కింగ్‌ ఎప్పటికీ, ఎక్కడున్నా కింగే! ఫార్మాట్‌ ఏదైనా తను బ్యాట్‌ ఝులిపించగలడు.  సెంచరీలు తనకేమీ కొత్త కాదు... నీ చచ్చు సలహాలు అక్కర్లేదు గానీ.. పోయి పని చూసుకో’’ అంటూ కోహ్లి ఫ్యాన్స్‌ అక్తర్‌ను ట్రోల్‌ చేస్తున్నారు. కాగా పాక్‌పై 4 వికెట్ల తేడాతో గెలుపొందిన టీమిండియా వరల్డ్‌కప్‌-2022 ప్రయాణాన్ని ఘనంగా ఆరంభించింది. చదవండి: Ind Vs Pak: టీమిండియా మోసం చేసి గెలిచిందంటూ అక్కసు.. దిమ్మతిరిగే కౌంటర్‌ ఇచ్చిన దిగ్గజ అంపైర్‌ కండరాల నొప్పి?! స్టార్‌ ప్లేయర్‌కు రెస్ట్‌?! కోచ్‌ క్లారిటీ.. అన్ని మ్యాచ్‌లు ఆడతాడంటూ WC 2022: పాక్‌తో మ్యాచ్‌లో విఫలం.. అందరి దృష్టి అతడిపైనే! నెట్స్‌లో తీవ్ర సాధన! పసికూనతో అయినా var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

తెగ గొంతులు చించేసుకున్నారు. అది అనైతికం అంటూ ప్రకటనలు ఇచ్చేశారు.. అది విజయమే కాదనేశారు.. ఆ గెలుపును తక్కువ చేసే యత్నం చేశారు. వాళ్లే క్రికెట్‌ నిష్ణాతుల్లా బిల్డప్‌లు ఇచ్చేశారు. ఇదంతా ఓ ఇద్దరి మాజీ క్రికెటర్ల గురించి చెబుతున్న మాట.  క్రికెట్‌లో ఒక వెలుగు వెలిగి ఇప్పుడు క్రికెట్‌ రూల్స్‌నే పక్క దారి పట్టించి అందర్నీ కన్ఫ్యూజ్‌ చేసిన బ్రాడ్‌ హాగ్‌, షోయబ్‌ అక్తర్‌లు గురించే ఇదంతా. ఇందులో ఒకరు ఆస్ట్రేలియా మాజీ అయితే, మరొకరు పాకిస్తాన్‌ మాజీ క్రికెటర్‌.  ఏదిబడితే అది మాట్లాడితే ఇలానే ఉంటుంది.. ఎవరికైనా మనదాకా వస్తేగానీ అసలు విషయం బోధపడదని సామెత ఉంది.  ఇది సరిపోతుంది ఈ ఇద్దరి మాజీ క్రికెటర్లకు. ఇది ఏ కాలం.. మనం ఎక్కడున్నాం..అనేది ముందు తెలుసుకోవాలి. సోషల్‌ మీడియా అంతగా లేని రోజుల్లో రుజువులు లేకపోతే అది గాల్లోకి కలిసిపోయేది. కానీ ఇప్పుడు అది కుదరదు. మనం మాట్లాడేముందు జాగ్రత్తగా ఉండాలంటారు. మనం సెలబ్రెటీ హోదాలో ఉండి ఏదో మాట్లాడేస్తే గతం బయటకొస్తుంది. ఇప్పుడు అలానే బయటకు తీశారు భారత్‌ క్రికెట్‌ అభిమానులు. ఇంకే ముందు బ్రాడ్‌ హాగ్‌, అక్తర్‌లను ఆడేసుకుంటున్నారు. ఎప్పుడో 2005లో జరిగిన ‘నో బాల్‌ బైస్‌ ఉదంతాన్ని’ మరొకసారి తెరపైకి తీసుకొచ్చి బ్రాడ్‌ హాగ్‌​, అక్తర్‌లకు ప్రశ్నలు సంధిస్తున్నారు. గత ఆదివారం పాకిస్తాన్‌తో జరిగిన టీ20 వరల్డ్‌కప్‌ మ్యాచ్‌లో టీమిండియా తుది వరకూ పోరాడి పైచేయి సాధించింది. ఈ మ్యాచ్‌లో అద్ఢుతమైన విజయానికి విరాట్‌ కోహ్లినే కారణం. కడవరకూ క్రీజ్‌లో టీమిండియాను విజయ తీరాలకు చేర్చాడు. ఇక్కడ ఫ్రీ హిట్‌లో బంతి బెయిల్స్‌కు తాకినా కోహ్లి-దినేశ్‌ కార్తీక్‌లు మూడు పరుగులు చేయడాన్ని అక్తర్‌, హాగ్‌లు తప్పుబట్టారు. ఇది డెడ్‌ బాల్‌ కదా అంటూ గళం విప్పారు. ఇది అంపైర్లు ఒత్తిడిలో ఉండే అలా చేశారంటూ బిల్డప్‌ ఇచ్చే పని చేశారు.  17 ఏళ్ల క్రితం​ మ్యాచ్‌లోనే బెయిల్స్‌ పడినా.. కానీ ఎప్పుడో 17 ఏళ్ల క్రితం జరిగిన ఓ మ్యాచ్‌లో ఫ్రీ హిట్‌లో బెయిల్స్‌ పడినా బైస్‌ రూపంలో వచ్చిన పరుగులకు సమస్య రాలేదు.  2005, జనవరి 13 వ తేదీన ఆస్ట్రేలియా-ఎ, పాకిస్తాన్‌ జట్ల మధ్య అడిలైడ్‌లో మ్యాచ్‌ జరిగింది. అది ట్వంటీ 20 మ్యాచ్‌. ఆ మ్యాచ్‌లో ముందుగా ఆస్ట్రేలియా బ్యాటింగ్‌ చేసే సమయంలో జేమ్స్‌ హోప్స్‌-బ్రాడ్‌ హాడిన్‌లు ఓపెనర్లగా దిగారు. ఈ క్రమంలోనే అక్తర్‌ వేసిన ఓవర్‌లో ఒక బంతి నో బాల్‌ అయ్యింది. ఫలితంగా ఫ్రీ హిట్‌ వచ్చింది. ఆ బంతిని వికెట్ల వెనుకు వెళ్లి ఆడిన హాడిన్‌ మిడ్‌ వికెట్‌గా మీదుగా షాట్‌ ఆడాడు. దానికి రెండు పరుగులు వచ్చాయి. ఫ్రీహిట్‌గా వేసిన బంతి కూడా నో బాల్‌ కావడంతో బంతి కౌంట్‌ కాలేదు. మళ్లీ ఫ్రీ హిట్‌ వచ్చింది. ఆ బంతిని కూడా సేమ్‌ ఆలానే ఆడబోయాడు హాడిన్‌. కానీ అది బెయిల్స్‌ను గిరాటేసింది. అది ఫ్రీ హిట్‌ కావడంతో బతికిపోయిన హాడిన్‌ రెండు పరుగులు తీశాడు. మరి అప్పుడు అక్తర్‌ ఎటువంటి చప్పుడు చేయలేదు. నెక్స్ట్‌ బాల్‌ వేయడానికి నడుచుకుంటూ వెళ్లిపోయాడు.  అది మ్యాచ్ ఆరంభం కాబట్టే అక్తర్ దాన్ని పట్టించుకోలేదా..మరొకవైపు అస్ట్రిలియా కాబట్టి ఆస్ట్రేలియన్లు ఎవరు నోరు విప్పే సాహసం చేయలేదా..అప్పుడు రూల్స్ లేవా బ్రాడ్ హాగ్, అక్తర్.. ఇదిగో ఈ వీడియో చూస్తే మీకు ఒక క్లారిటీ వస్తుంది..మరి ఓ లుక్కేయండి Did you play that match @Brad_Hogg sir? pic.twitter.com/pC1eVoNjhM — Koushik Karfa (@koushikkarfa12) October 23, 2022

T20 World Cup 2022- India Vs Pakistan- Shoaib Akhtar: టీ20 ప్రపంచకప్‌..  అసలే దాయాదుల పోరు.. బంతి బంతికీ ఉత్కంఠ...  గెలవడానికి భారత్‌ చివరి ఓవర్లో 16 పరుగులు చేయాలి. క్రీజులో ‘హార్డ్‌ హిట్టర్‌’ హార్దిక్‌ పాండ్యా, కోహ్లి ఉన్నారు. హార్దిక్‌ జోరు చూస్తుంటే మూడు షాట్‌లలో మ్యాచ్‌ను ముగించేస్తాడనిపించింది. కానీ ఆదివారం నాటి ఇండియా- పాకిస్తాన్‌ మ్యాచ్‌ ఆఖరి ఓవర్లో హైడ్రామా చోటు చేసుకున్న విషయం తెలిసిందే.   19.1 నవాజ్‌ వేసిన తొలి బంతికి భారీ షాట్‌ ఆడిన పాండ్యా అవుటయ్యాడు.   19.2క్రీజులోకి వచ్చిన దినేశ్‌ కార్తీక్‌ 1 పరుగు తీసి కోహ్లికి స్ట్రయిక్‌ ఇచ్చాడు.  19.3 కోహ్లి 2 పరుగులు తీశాడు. భారత విజయ సమీకరణం 3 బంతుల్లో 13 పరుగులు.  19.4 నవాజ్‌ వేసిన ఫుల్‌టాస్‌ను కోహ్లి డీప్‌ స్క్వేర్‌లో సిక్సర్‌గా మలిచాడు. అంపైర్‌ దీనిని ‘హైట్‌ నోబాల్‌గా’ ప్రకటించాడు. దీంతో భారత్‌ ఖాతాలో 1 బంతికి 7 పరుగులు చేరాయి. భారత్‌కు ‘ఫ్రీ హిట్‌’ అవకాశం కూడా వచ్చింది. విజయ సమీకరణం 3 బంతుల్లో 6 పరుగులుగా మారింది.   19.4 ఈసారి నవాజ్‌ వైడ్‌ వేశాడు. ఫ్రీ హిట్‌ సజీవంగా నిలిచింది.   19.4 ఫ్రీ హిట్‌ బంతికి కోహ్లి బౌల్డ్‌ అయ్యాడు. ‘ఫ్రీ హిట్‌’పై కేవలం రనౌట్‌ అయితేనే అవుట్‌గా పరిగణిస్తారు. వికెట్లకు తగిలిన బంతి థర్డ్‌ మ్యాన్‌ దిశగా వెళ్లింది. కోహ్లి, కార్తీక్‌ 3 ‘బై’ పరుగులు తీశారు! చర్చకు తెరతీసిన ఆ మూడు పరుగులు ఇప్పుడు ఈ విషయంపై క్రీడా వర్గాల్లో చర్చ నడుస్తోంది. ఫ్రీ హిట్‌ బంతికి కోహ్లి బౌల్డ్‌ అయినా ఈ మూడు పరుగులు ఎలా ఇచ్చారన్న అంశం మీద ఆస్ట్రేలియా మాజీ క్రికెటర్‌ బ్రాడ్ హాగ్ ఇప్పటికే పలు ప్రశ్నలు లేవెనెత్తిన సంగతి తెలిసిందే. ఇక ఈ విషయంలో అంపైర్ల నిర్ణయంపై పాకిస్తాన్‌ మాజీ క్రికెటర్‌, రావల్పిండి ఎక్స్‌ప్రెస్‌ షోయబ్‌ అక్తర్‌ చేసిన ట్వీట్‌ వైరల్‌ అవుతోంది. ‘‘భయ్యా.. ఈరోజు రాత్రంతా బుర్ర చించుకునేలా మెదడుకు బాగానే మేత వేశారు కదా’’ అంటూ అంపైర్లను ఉద్దేశించి అతడు వ్యంగ్యంగా ట్వీట్‌ చేశాడు. అంతలా బుర్ర చించుకోకు.. ఇందుకు స్పందించిన నెటిజన్లు తమదైన శైలిలో అక్తర్‌కు కౌంటర్‌ ఇస్తున్నారు. ‘‘మరీ అంతలా బుర్ర చించుకోకు. బాగా మండుతున్నట్లుంది. బర్నాల్‌ రాసుకో. ఆ తర్వాత తీరిగ్గా ఐసీసీ రూల్స్‌ చదువు. సరేనా.. కాస్త ప్రశాంతంగా ఉండు’’ అంటూ కామెంట్లు చేస్తున్నారు. రకరకాల మీమ్స్‌తో అక్తర్‌ను ట్రోల్‌ చేస్తున్నారు.​ కాగా నో బాల్‌ నేపథ్యంలో 3 పరుగులు వచ్చిన తర్వాత  విజయ సమీకరణం 2 బంతుల్లో 2 పరుగులుగా మారింది.  ఈ క్రమంలో.. 19.5 దినేశ్‌ కార్తీక్‌ స్వీప్‌ షాట్‌ ఆడగా బంతి అతని ప్యాడ్‌కు తగిలి వెనక్కి వెళ్లింది. కార్తీక్‌ క్రీజులోకి వచ్చేలోపు పాక్‌ కీపర్‌ రిజ్వాన్‌ స్టంపౌట్‌ చేశాడు. విజయ సమీకరణం 1 బంతికి 2 పరుగులుగా మారింది.   19.5 తీవ్ర ఒత్తిడిలో ఉన్న నవాజ్‌ లెగ్‌ సైడ్‌లో బంతి వేశాడు. అంపైర్‌ దానిని వైడ్‌గా ప్రకటించాడు. దాంతో భారత విజయ సమీకరణం 1 బంతికి 1 పరుగుగా మారింది.   19.6 ఈసారి నవాజ్‌ వేసిన బంతిని అశ్విన్‌ మిడాఫ్‌లో ఫీల్డర్‌ మీదుగా షాట్‌ ఆడాడు. పరుగు తీశాడు. భారత్‌ విజయం ఖరారైంది.  టీమిండియా అభిమానుల సంబరాలు అంబరాన్నంటాయి. ప్లేయర్‌ ఆఫ్‌ ది మ్యాచ్‌ కింగ్‌ కోహ్లిపై సాహో అంటూ క్రీడాలోకం ప్రశంసల వర్షం కురిపించింది. చదవండి: ఓటమిని జీర్ణించుకోలేక టీవీ పగలగొట్టిన పాక్ అభిమాని.. సెహ్వాగ్ ట్వీట్ వైరల్‌ Virat Kohli: కోహ్లి తప్ప ఇంకెవరూ ఆ షాట్లు ఆడలేరు.. ఆ రెండు సిక్స్‌లు ప్రత్యేకం.. పాండ్యా ఫిదా.. కింగ్‌పై ప్రశంసల జల్లు Umpire bhaiyo, food for thought aaj raat k liye 😉 pic.twitter.com/vafnDG0EVd — Shoaib Akhtar (@shoaib100mph) October 23, 2022 For you and for all Pakistan 😜 pic.twitter.com/kALP0Cz2rB — sneha karmakar (@snehakarmaka) October 23, 2022 READ pic.twitter.com/igLHOU0aVH — King Kohli🇮🇳🇮🇳 (@shreyas13071992) October 23, 2022

2007లో తొలిసారి నిర్వహించిన టి20 ప్రపంచకప్‌లో అండర్‌డాగ్స్‌గా బరిలోకి దిగిన టీమిండియా విశ్వవిజేతగా నిలిచింది. ఫైనల్లో చిరకాల ప్రత్యర్థి పాకిస్తాన్‌ను మట్టికరిపించి విజేతగా అవతరించిన టీమిండియా తొలి టి20 ప్రపంచకప్‌ను ముద్దాడింది. అంతకముందు ఇదే ప్రపంచకప్‌లో టీమిండియా, పాకిస్తాన్‌లు గ్రూఫ్‌ దశలోనే తలపడ్డాయి. అయితే ఆ మ్యాచ్‌ టై కావడం.. ఆ తర్వాత బౌలౌట్‌లో విజేతను తేల్చడం అభిమానులు ఇప్పటికి గుర్తుపెట్టుకున్నారు. టీమిండియా, పాకిస్తాన్‌ల మధ్య అప్పటివరకు ఎన్నో మ్యాచ్‌లు జరిగినప్పటికి.. బౌలౌట్‌ మ్యాచ్‌కు మాత్రం చరిత్రలో ప్రత్యేక స్థానం ఉంటుంది.  విషయానికి వస్తే.. తాజాగా వచ్చే నెలలో ఆస్ట్రేలియా వేదికగా టి20 ప్రపంచకప్‌ 2022లో అక్టోబర్‌ 23న చిరకాల ప్రత్యర్థులు టీమిండియా, పాకిస్తాన్‌లు మరోసారి తలపడనున్నాయి. ఈ మ్యాచ్‌ కోసం ఇరుదేశాల అభిమానులు వెయ్యి కళ్లతో ఎదురుచూస్తున్నారు. గతేడాది జరిగిన టి20 ప్రపంచకప్‌లో పాకిస్తాన్‌ చేతిలో ఎదురైన ఓటమికి బదులు తీర్చుకోవాలని టీమిండియా భావిస్తుంటే.. పాక్‌ మాత్రం మరో విజయాన్ని నమోదు చేయాలని చూస్తోంది. ఈ ప్రతిష్టాత్మక మ్యాచ్‌కు నెలరోజుల సమయం ఉన్నప్పటికి ఆసక్తి మాత్రం తారాస్థాయిలో ఉంది.  ఈ నేపథ్యంలోనే టీమిండియా, పాకిస్తాన్‌కు చెందిన దిగ్గజ క్రికెటర్లు 2007 బౌలౌట్‌ ఫ్లాష్‌బ్యాక్‌ పేరిట వీడియోనూ రూపొందించారు. ఈ వీడియోలో బౌలౌట్‌ ద్వారా ఫలితాన్ని నిర్ణయించాలనుకున్నారు. కాగా భారత్‌ తరపున దిగ్గజాలు సునీల్‌ గావస్కర్‌, శివరామకృష్ణన్‌, వివిఎస్‌ లక్ష్మణ్‌లు పాల్గొనగా.. పాకిస్తాన్‌ నుంచి రమీజ్‌ రాజా, షోయబ్‌ అక్తర్‌, అమీర్‌ సోహైల్‌లు ఉన్నారు.  బౌలౌట్‌లో తొలి బంతిని పాకిస్తాన్‌ నుంచి రమీజ్‌ రాజా వేయగా మిస్‌ అయింది. ఇక భారత్‌ నుంచి సునీల్‌ గావస్కర్‌ వేయగా వికెట్లకు తాకడంతో భారత్‌ 1-0తో ఆధిక్యంలోకి వెళ్లింది. రెండో ప్రయత్నంలో పాకిస్తాన్‌ నుంచి అమీర్‌ సోహైల్‌  వేయగా.. ఈసారి కూడా గురి తప్పింది.. ఇక భారత్‌ నుంచి సొగసరి బ్యాటర్‌ వివిఎస్‌ లక్ష్మణ్‌ వేయగా.. గురి తప్పలేదు.. భారత్‌ 2-0తో ఆధిక్యంలోకి వెళ్లింది. ఇక ముచ్చటగా మూడోసారి పాక్‌ తరపున షోయబ్‌ అక్తర్‌ వేయగా.. బంతి చాలా దూరం నుంచి వెళ్లింది. ఇక చివరగా భారత్‌ నుంచి శివరామకృష్ణన్‌ వేయగా.. నేరుగా బంతి వికెట్లను గిరాటేసింది. అంతే భారత్‌ 3-0తో బౌలౌట్‌లో విజయం సాధించింది. ఆ తర్వాత పాక్‌ ఆటగాళ్లు.. భారత్‌ దిగ్గజాలకు అభినందనలు తెలిపారు.    2007 bowl out flashbacks 😂 pic.twitter.com/eQOy3YoaRd — Out Of Context Cricket (@GemsOfCricket) September 17, 2022 దీనికి సంబంధించిన వీడియో సోషల్‌ మీడియాలో వైరల్‌గా మారింది. ఈ వీడియో చూసిన అభిమానులు మాత్రం వినూత్నంగా స్పందించారు. ''2007లో పాకిస్తాన్‌ తొలిసారి బౌలౌట్‌లో ఓడిపోయింది. అప్పటినుంచి ఇప్పటివరకు బౌలౌట్‌లో ఓడిపోతూనే వస్తుంది''.. ''ఎన్నిసార్లు బౌలౌట్లు నిర్వహించినా విజయం టీమిండియాదే..'' అంటూ కామెంట్స్‌ చేశారు. ఇక అప్పటి బౌలౌట్‌ విషయానికి వస్తే.. 2007 టి20 ప్రపంచకప్‌లో టీమిండియా స్కాట్లాండ్‌తో తొలి మ్యాచ్‌ ఆడాల్సింది. కానీ వర్షం కారణంగా రద్దు కావడంతో తర్వాతి మ్యాచ్‌లో పాకిస్తాన్‌ను ఎదుర్కొంది.  తొలుత బ్యాటింగ్‌ చేసిన టీమిండయా  141 పరుగులు చేసింది. ఆ తర్వాత పాకిస్తాన్‌ కూడా నిర్ణీత 20 ఓవర్లలో అన్నే పరుగులు చేయడంతో మ్యాచ్‌ టైగా ముగిసింది. దీంతో అప్పటి నిబంధనల ప్రకారం బౌల్ ఔట్‌కు వెళ్లా్ల్సి వచ్చింది. అంతర్జాతీయ టీ20ల చరిత్రలో బౌలౌట్ నిర్వహించడం ఇది రెండోసారి మాత్రమే.పాకిస్థాన్ బౌలర్లు ముగ్గురూ ఒక్కసారి కూడా వికెట్లను పడగొట్టలేకపోగా.. భారత్ తరఫున వీరేంద్ర సెహ్వాగ్, హర్భజన్ సింగ్, రాబిన్ ఉతప్ప ఒక్కో బాల్ వేసి వికెట్లను పడగొట్టారు. దీంతో 3-0 తేడాతో భారత్ గెలుపొందింది. ఆ తర్వాత బౌలౌట్ స్థానంలో సూపర్ ఓవర్ తీసుకొచ్చారు. మరో విషయం ఏంటంటే.. బౌటౌట్ సమయంలో పాకిస్థాన్ వికెట్ కీపర్ కమ్రాన్ అక్మల్ మాములుగానే వికెట్ల వెనుక నిలబడగా.. ధోనీ మాత్రం తెలివిగా.. బౌలర్ల ఏకాగ్రత చెదరకుండా ఉండటం కోసం వికెట్ల వెనుక మోకాళ్ల మీద కూర్చున్నాడు. ఇది భారత్‌ విజయానికి ఎంతో ఉపయోగపడిందని చెప్పొచ్చు.

పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ పీసీబీ సెలెక్టర్లపై మండిపడ్డాడు. టి20 ప్రపంచకప్‌కు ఎంపిక చేసిన పాక్‌ జట్టు పరమ చెత్తగా ఉందని.. ఇలా అయితే ప్రతిష్టాత్మక టోర్నీలో తొలి రౌండ్‌లోనే వెనుదిరుగుతుందంటూ పేర్కొన్నాడు. టి20 ప్రపంచకప్‌కు 15 మంది సభ్యులతో కూడిన జట్టును ఈ గురువారం ప్రకటించారు. బాబర్‌ ఆజం కెప్టెన్‌ కాగా.. షాదాబ్‌ ఖాన్‌ వైస్‌కెప్టెన్‌గా ఎంపికయ్యాడు. ఫాస్ట్‌ బౌలర్‌ షాహిన్‌ అఫ్రిది తిరిగి జట్టులోకి రాగా.. చాలాకాలం తర్వాత హైదర్‌ అలీ జ్టుటలో చోటు సంపాదించాడు. అయితే ఆశ్చర్యంగా ఫఖర్‌ జమాన్‌ను రిజ్వర్‌ జాబితాలో చోటు కల్పించింది. ఇక సీనియర్‌ ఆటగాడు షోయబ్‌ మాలిక్‌కు సెలక్టర్లు మరో సారి మొండి చేయి చూపించారు. ఇక ఆసియా కప్‌  ఫైనల్‌ ఆడిన జట్టులోని ఆటగాళ్లంతా టి20 ప్రపంచకప్‌కు ఎంపికయ్యారు. కాగా జట్టు ఎంపికపై షోయబ్‌ అక్తర్‌ స్పందిస్తూ.. ''టి20 ప్రపంచకప్‌కు ప్రకటించిన పాకిస్తాన్‌ జట్టు సమతుల్యంగా లేదు. ముఖ్యంగా మిడిలార్డర్‌ చాలా వీక్‌గా కనిపిస్తోంది. ఇలాంటి మిడిలార్డర్‌ ఉంటే ప్రతిష్టాత్మక టోర్నీలో తొలి రౌండ్‌లోనే వెనుదిరగడం గ్యారంటీ. మిడిలార్డర్‌లో సమర్థుల అవసరం ఉంది.. బ్యాటింగ్‌ డెప్త్‌ పెంచాల్సిందే. ఇది సాధ్యం కాకపోతే పాకిస్తాన్‌ క్రికెట్‌ జట్టు ఒక్కో మ్యాచ్‌ గెలవడానికి కష్టపడాల్సిందే. అలా జరగకూడదని కోరుకుంటున్నా.'' అంటూ చెప్పుకొచ్చాడు. ఇక అక్తర్‌ వ్యాఖ్యలపై అభిమానులు వినూత్న రీతిలో కామెంట్స్‌ చేశారు. ''మొన్ననే కదా ఆసియాకప్‌లో ఫైనల్‌ వరకు చేరారు.. అంత మాట ఎలా అంటావు అక్తర్‌''.. ''మిడిలార్డర్‌ కాదు.. ముందు బాబర్‌ ఆజంను కెప్టెన్సీ నుంచి తీసేయాలి.. అప్పుడే టీం బాగా ఆడుతుంది.'' అంటూ పేర్కొన్నారు. ఇక టి20 ప్రపంచకప్‌లో గ్రూఫ్‌-2లో ఉన్న పాకిస్తాన్‌ తన తొలి మ్యాచ్‌ను చిరకాల ప్రత్యర్థి టీమిండియాతో అక్టోబర్‌ 23న(ఆదివారం) ఆడనుంది. ఆ తర్వాత సౌతాఫ్రికా, బంగ్లాదేశ్‌, క్వాలిఫయర్‌తో మ్యాచ్‌లు ఆడనుంది. టి20 ప్రపంచకప్‌కు పాకిస్థాన్ జట్టు: బాబర్‌ ఆజం (కెప్టెన్‌), షాదాబ్ ఖాన్ (వైస్‌ కెప్టెన్‌), ఆసిఫ్ అలీ, హైదర్ అలీ, హరీస్ రవూఫ్, ఇఫ్తీకర్ అహ్మద్, ఖుష్దిల్ షా, మహ్మద్ హస్నైన్, మహ్మద్ నవాజ్, మహ్మద్ రిజ్వాన్, మహ్మద్ వసీం, నసీమ్ షా, షాహీన్ షా ఆఫ్రిది మసూద్, ఉస్మాన్ ఖాదిర్ రిజర్వ్‌ ఆటగాళ్లు: ఫఖర్ జమాన్, మహ్మద్ హరీస్, షానవాజ్ దహానీ చదవండి: క్రికెట్‌లోకి ఎంట్రీ ఇవ్వనున్న ఉసేన్‌ బోల్ట్‌ కడసారి చూపులకు 13 గంటలు నిరీక్షించిన మాజీ కెప్టెన్‌

T20 World Cup 2022- Virat Kohli: ఆసియా కప్‌-2022 టోర్నీలో భాగంగా అఫ్గనిస్తాన్‌తో మ్యాచ్‌లో సెంచరీతో సత్తా చాటాడు టీమిండియా స్టార్‌ బ్యాటర్‌ విరాట్‌ కోహ్లి. అంతర్జాతీయ కెరీర్‌లో ఈ రన్‌మెషీన్‌కు ఇది 71వ శతకం కాగా.. పొట్టి ఫార్మాట్‌లో మొదటి సెంచరీ. ఇక ఈ మెగా టోర్నీలో టీమిండియా తరఫున టాప్‌ స్కోరర్‌(274 పరుగులు) కూడా కోహ్లినే కావడం విశేషం. ఈ నేపథ్యంలో.. ఇదే తరహాలో టీ20 వరల్డ్‌కప్‌-2022 ఈవెంట్‌లోనూ అద్భుత ఇన్నింగ్స్‌ ఆడి జట్టును గెలిపించాలని కింగ్‌ కోహ్లి అభిమానులు కోరుకుంటున్నారు. అయితే, పాకిస్తాన్‌ మాజీ క్రికెటర్లు మాత్రం కోహ్లి రిటైర్మెంట్‌ గురించి ప్రస్తావిస్తూ వ్యాఖ్యలు చేయడం ఫ్యాన్స్‌కు చిరాకు తెప్పిస్తున్నాయి. పొట్టి ఫార్మాట్‌కు గుడ్‌ బై చెబుతాడు! పాక్‌ మాజీ కెప్టెన్‌ షాహిద్‌ ఆఫ్రిది.. కోహ్లిని ఉద్దేశించి.. కెరీర్‌లో ఉన్నత స్థితిలో ఉన్నపుడే ఆటకు వీడ్కోలు పలికితే బాగుంటుందంటూ వ్యాఖ్యానించిన విషయం తెలిసిందే. తాజాగా రావల్పిండి ఎక్స్‌ప్రెస్‌ షోయబ్‌ అక్తర్‌ సైతం ఇదే తరహాలో మాట్లాడాడు. టీ20 ప్రపంచకప్‌-2022 తర్వాత కోహ్లి పొట్టి ఫార్మాట్‌కు గుడ్‌ బై చెబుతాడని అంచనా వేశాడు. ఈ మేరకు ఈ మాజీ ఫాస్ట్‌బౌలర్‌.. ‘‘టీ20 వరల్డ్‌కప్‌ టోర్నీ ముగిసిన తర్వాత  ఈ ఫార్మాట్‌కు కోహ్లి రిటైర్మెంట్‌ ప్రకటించే అవకాశం ఉంది.  నేనైతే అలాగే చేస్తాను.. ఎందుకంటే! అయితే, మిగతా ఫార్మాట్లలో మాత్రం అతడు కొనసాగుతాడు. ఒకవేళ నేను గనుక అతడి స్థానంలో ఉండి ఉంటే.. భవిష్యత్తును దృష్టిలో పెట్టుకుని సరైన నిర్ణయం తీసుకునేవాడిని. మిగిలిన రెండు ఫార్మాట్లపై మరింత ఎక్కువ దృష్టి సారించి.. కెరీర్‌ను కొనసాగించే అవకాశం దొరుకుతుంది’’ అని ఇండియా డాట్‌కామ్‌ సెషన్‌లో పేర్కొన్నాడు.  కాగా గతేడాది ప్రపంచకప్‌ ముగిసిన తర్వాత కోహ్లి టీ20 కెప్టెన్సీకి గుడ్‌ బై చెప్పిన విషయం తెలిసిందే. ఇదిలా ఉంటే.. ఆస్ట్రేలియా వేదికగా అక్టోబరు 16 నుంచి నవంబరు 13 వరకు టీ20 వరల్డ్‌కప్‌-2022 టోర్నీ జరుగనుంది. ఈ ఐసీసీ మెగా ఈవెంట్‌ కోసం ఇప్పటికే బీసీసీఐ భారత జట్టును ప్రకటించింది. ఇక ప్రపంచకప్‌ కంటే ముందు స్వదేశంలో ఆస్ట్రేలియా, దక్షిణాఫ్రికాతో రోహిత్‌ సేన వరుస సిరీస్‌లు ఆడనుంది. చదవండి: 'కర్మ ఫలితం అనుభవించాల్సిందే'‌.. ఎంతైనా పాక్‌ క్రికెటర్‌! పవర్‌ హిట్టర్‌ రీ ఎంట్రీ.. టి20 ప్రపంచకప్‌కు విండీస్‌ జట్టు

Asia Cup 2022 Virat Kohli Century: టీమిండియా స్టార్ బ్యాటర్‌ విరాట్‌ కోహ్లి, అతడి సతీమణి, నటి అనుష్క శర్మపై పాకిస్తాన్‌ మాజీ క్రికెటర్‌ షోయబ్‌ అక్తర్‌ ఆసక్తికర వ్యాఖ్యలు చేశాడు. అనుష్క ఐరన్‌ లేడీ.. కోహ్లి ఉక్కు మనిషి అంటూ తనదైన శైలిలో వ్యాఖ్యానించాడు. కాగా గతకొన్ని రోజులుగా విమర్శల పాలైన కోహ్లి.. ఆసియా కప్‌-2022 టోర్నీతో తిరిగి ఫామ్‌లోకి వచ్చిన విషయం తెలిసిందే. ముఖ్యంగా అభిమానులు వేయికళ్లతో ఎదురుచూసిన సెంచరీ ఫీట్‌ నమోదు చేశాడు. దాదాపు మూడేళ్ల తర్వాత శతకం బాదాడు. సూపర్‌-4లో భాగంగా అఫ్గనిస్తాన్‌తో మ్యాచ్‌లో కోహ్లి 61 బంతుల్లో 122 పరుగులతో అజేయంగా నిలిచి టీమిండియాను గెలిపించాడు. దీంతో రన్‌మెషీన్‌ 71వ సెంచరీ చూడాలని కళ్లు కాయలు కాసేలా ఎదురుచూసిన అభిమానుల నిరీక్షణకు తెరపడింది. ఇక తనకు టీ20 ఫార్మాట్లో ఇదే తొలి శతకం కావడం.. అది కూడా అత్యంత కఠిన పరిస్థితుల్లో శతకం బాదడంతో కోహ్లి సైతం తీవ్ర భావోద్వేగానికి లోనయ్యాడు. వాళ్లిద్దరికీ అంకితం అఫ్గన్‌తో మ్యాచ్‌లో ‘ప్లేయర్‌ ఆఫ్‌ ది మ్యాచ్‌’ అవార్డు అందుకున్న అనంతరం కోహ్లి మాట్లాడుతూ.. గడ్డు పరిస్థితుల్లో తన భార్య అనుష్క తనకు అండగా నిలిచిందని.. ఈ సెంచరీ ఆమెకు, తమ చిన్నారి కూతురు వామికాకు అంకితమిస్తున్నట్లు పేర్కొన్నాడు. ఇక కోహ్లి వ్యాఖ్యలపై స్పందించిన రావల్పిండి ఎక్స్‌ప్రెస్‌ షోయబ్‌ అక్తర్‌.. విరుష్క జోడీని ఆకాశానికెత్తాడు. హ్యాట్సాఫ్‌ అనుష్క! తన యూట్యూబ్‌ చానెల్‌ వేదికగా స్పందిస్తూ.. ‘‘మ్యాచ్‌ తర్వాత ఇంటర్వ్యూలో విరాట్‌ కోహ్లి మాట్లాడుతూ.. ఆమె నా జీవితంలో చేదు ఘటనలను దగ్గరగా చూసింది అన్నాడు. అతడు తన భార్య గురించే ఆ మాటలు చెప్పాడు. హ్యాట్సాఫ్‌ టూ అనుష్క శర్మ.. వెల్‌డన్‌! నువ్వు ఐరన్‌ లేడీవి. అతడు ఉక్కుతో తయారైన మనిషి.. అతడెవరంటే మిస్టర్‌ విరాట్‌ కోహ్లి’’ అని అక్తర్‌ అభివర్ణించాడు. అదే విధంగా కోహ్లి మరో 29 సెంచరీలు చేసి సచిన్‌ వంద సెంచరీల రికార్డును సమం చేస్తే చరిత్రలో అత్యుత్తమ బ్యాటర్‌గా నిలిచిపోతాడని పేర్కొన్నాడు. ఇందుకోసం కోహ్లి ఎంతో సంయమనం.. సానుకూల దృక్పథంతో ముందుకు సాగాలని సూచించాడు. నువ్వు మంచివాడివి.. మంచి వాళ్లకు మంచే జరుగుతుంది అంటూ కోహ్లిపై అభిమానం చాటుకున్నాడు. కాగా ఆసియా కప్‌-2022లో భారత జట్టు కనీసం ఫైనల్‌ కూడా చేరకుండానే నిష్క్రమించింది. దుబాయ్‌ వేదికగా సెప్టెంబరు 11న శ్రీలంక- పాకిస్తాన్‌ మధ్య ట్రోఫీ కోసం పోరు జరుగనుంది. చదవండి: ఫైనల్లో నసీం షా ఇబ్బంది పెడతాడనుకుంటున్నారా? లంక ఆల్‌రౌండర్‌ రిప్లై ఇదే!

ఆసియా కప్‌ సూపర్‌-4 దశలో పాక్‌ చేతిలో పరాజయం అనంతరం ఆ దేశ మాజీ పేస్‌ బౌలర్‌ షోయబ్‌ అక్తర్‌ టీమిండియా తుది జట్టు ఎంపికపై వ్యంగ్యమైన వ్యాఖ్యలు చేశాడు. తుది జట్టులో ఎవరెవరు ఉండాలో కనీసం కోచ్‌కైనా పూర్తి అవగాహణ ఉండాలని చవాక్కులు పేలాడు. తుది జట్టు ఎంపికలో ఇంత గందరగోళం ఏంటని ప్రశ్నించాడు. 11 మంది ఆటగాళ్లను ఎంపిక చేసేందుకు టీమిండియా మేనేజ్‌మెంట్‌ నానా అవస్థలు పడుతుందని, జట్టు కూర్పు విషయంలో యాజమాన్యం, కోచ్‌కు ఓ క్లారిటీ ఉండాలని బిల్డప్‌ ఇచ్చాడు. ఓ ఆటగాడు విఫలమైతే లేదా గాయపడితే ప్రత్యామ్నాయ ఆటగాడిని ముందే ఎంచుకోవాలని అనవసర సలహాలు ఇచ్చాడు. గాయం కారణంగా రవీంద్ర జడేజా, అనారోగ్యం కారణంగా ఆవేశ్‌ ఖాన్‌లు జట్టుకు దూరమైన నేపథ్యంలో వారి స్థానాల్లో సంబంధిత స్పెషలిస్ట్‌లను జట్టులోకి తీసుకోవాలి కాని.. అనవసర మార్పులు, చేర్పులు చేసి చేతులు కాల్చుకుందని అన్నాడు.  స్పెషలిస్ట్‌ వికెట్‌కీపర్‌ కమ్‌ ఫినిషర్‌ కోటాలో ఎంపిక చేసుకున్న దినేశ్‌ కార్తీక్‌ను పక్కకు పెట్టి ఎక్స్‌ట్రా స్పిన్నర్‌ను తీసుకోవడమేంటని అవగాహన లేకుండా పేలాడు. ఆల్‌రౌండర్‌ కోటాలో దీపక్‌ హుడాను తీసుకున్నప్పుడు అతనితో ఒక్క ఓవర్‌ కూడా బౌలింగ్‌ చేయించకపోవడమేంటని ప్రశ్నించారు. మొత్తంగా సూపర్‌-4 దశలో పాక్‌తో మ్యాచ్‌కు టీమిండియా ఎంపిక గందరగోళంగా ఉందని అన్నాడు. తన సొంత యూట్యూబ్‌ ఛానల్‌ వేదికగా  అక్తర్‌ ఈ మేరకు వ్యాఖ్యానించాడు. కాగా, భారత్‌-పాక్‌ల మధ్య ఆఖరి ఓవర్‌ వరకు ఉత్కంఠభరితంగా సాగిన సమరంలో.. పాక్‌ 5 వికెట్ల తేడాతో గెలుపొందిన విషయం తెలిసిందే. ఈ మ్యాచ్‌లో పాక్‌ గెలుపొందింది అనడం కంటే.. టీమిండియా పరాజయంపాలైందని అనడమే బెటరని భారత అభిమానులు అభిప్రాయపడుతున్నారు.       చదవండి: లంకతో సమరం.. పంత్‌, చహల్‌లను పక్కకు పెట్టడమే ఉత్తమం..!

ఆసియా కప్‌ 2022లో భాగంగా భారత్‌-పాక్‌ జట్ల మధ్య నిన్న (ఆగస్ట్‌ 28) జరిగిన హైఓల్టేజీ పోరుపై పాకిస్థాన్‌ మాజీ స్పీడ్‌స్టర్‌ షోయబ్‌ అక్తర్‌ సంచలన వ్యాఖ్యలు చేశాడు. ఈ మ్యాచ్‌లో భారత్‌-పాక్‌లు పోటీపడి మరీ చెత్తగా ఆడాయని, ఓడిపోయేందుకు ఇరు జట్లు సర్వశక్తులు ఒడ్డాయని, క్రికెట్‌లో ఇదో చీకటి రోజని వివాదాస్పద ఆరోపణలు చేశాడు.  ఓడిపోయే ప్రయత్నంలో భారత్ దాదాపుగా విజయం సాధించిందని, అయితే హార్ధిక్ టీమిండియా ప్రయత్నాన్ని అడ్డుకున్నాడని వ్యంగ్యాస్త్రాలు సంధించాడు. పాక్‌ ఆటగాళ్లు జిడ్డు బ్యాటింగ్‌లో తమకు సాటే లేరన్నట్లుగా ఆడారని, ఇందుకు వారిని అభినందించకుండా ఉండలేమని చతుర్లు విసిరాడు. ఇరు జట్ల కూర్పు విషయంలోనూ అక్తర్‌ నోరు పారేసుకున్నాడు. పంత్‌ను పక్కకు పెట్టడంపై భారత కెప్టెన్‌ రోహిత్‌ శర్మను విమర్శించాడు.  రోహిత్‌ అనునిత్యం ప్రయోగాలు చేస్తూ గాలివాటం విజయాలు సాధిస్తున్నాడని అన్నాడు. ఈ మ్యాచ్‌లో రెండు జట్లు అధ్వానంగా ఆడాయని మ్యాచ్ అనంతరం తన యూట్యూబ్  ఛానెల్‌లో మాట్లాడుతూ అసంతృప్తిని వ్యక్తం చేశాడు. అక్తర్‌ చేసిన ఈ వ్యాఖ్యలపై ఇరు దేశాల అభిమానులు మండిపడుతున్నారు. అక్తర్‌ క్రికెట్‌ పరిజ్ఞానం లేని వ్యక్తి అని, అతని వ్యాఖ్యలపై స్పందించడం అనవసరమని కౌంటరిస్తున్నారు. పాక్‌ ఓడిందన్న వైరాగ్యంలో అక్తర్‌ ఇలాంటి పిచ్చి స్టేట్‌మెంట్స్‌ ఇస్తున్నాడని ఇండియన్‌ ఫ్యాన్స్ ఫైరవుతున్నారు.  చదవండి: ప్రత్యర్ధినైనా కోహ్లికి అభిమానినే.. ఆటోగ్రాఫ్‌ ప్లీజ్‌..!

పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ ఎమెషనల్‌ వీడియోతో అభిమానుల ముందుకు వచ్చాడు. ఇటీవలే మోకాలి సర్జరీ కోసం అక్తర్‌ ఆస్ట్రేలియాకు వెళ్లాడు. మెల్‌బోర్న్‌లోని ఒక ఆసుపత్రిలో సర్జరీ చేయించుకున్న అక్తర్‌ కోలుకుంటున్నాడు. కాగా అక్తర్‌ గత 11 ఏళ్లుగా మోకాలి నొప్పితో బాధపడుతున్నాడు. ఒక రకంగా అక్తర్‌ క్రికెట్‌ నుంచి వైదొలగడానికి పరోక్షంగా ఇది కూడా ఒక కారణం. మొత్తానికి ఇన్నేళ్లకు మోకాలీ సర్జరీ చేయించుకున్న అక్తర్‌ కాస్త రిలీఫ్‌ అయ్యాడు.  ఈ సందర్భంగా అక్తర్‌ మాట్లాడుతూ..  ''11 ఏళ్లుగా మోకాలి నొప్పితో బాధపడుతున్నా. వాస్తవానికి క్రికెట్‌ నుంచి రిటైర్‌ అవ్వడానికి కూడా ఇదే ప్రధాన కారణం. అయితే మోకాలి నొప్పితో మరో నాలుగైదేళ్లు ఆడి ఉంటే మాత్రం  కచ్చితంగా వీల్‌చైర్‌కు పరిమితమయ్యేవాడిని. ఎలాగోలా ఇన్నేళ్లకు సర్జరీ చేయించుకున్నా. కాస్త నొప్పిగా ఉంది. మీ ప్రార్థనలు నేను తొందరగా కోలుకునేలా చేస్తాయని ఆశిస్తున్నా. ఇదే నా చివరి సర్జరీ కూడా కావాలని కోరుకుంటున్నా'' అంటూ తెలిపాడు. ప్రస్తుతం షోయబ్‌ అక్తర్‌ వీడియో సోషల్‌ మీడియాలో వైరల్‌గా మారింది. ఇక షోయబ్‌ అక్తర్‌ పాకిస్తాన్‌ తరపున  అన్ని ఫార్మాట్లు కలిపి 224 మ్యాచ్‌లాడి 444 వికెట్లు పడగొట్టాడు. Alhamdolillah, surgery went well. It will take some time to recover. Need your prayers. A special thanks to @13kamilkhan as well, he's a true friend who is looking after me here in Melbourne. pic.twitter.com/jCuXV7Qqxv — Shoaib Akhtar (@shoaib100mph) August 6, 2022 చదవండి: Kieron Pollard: చరిత్ర సృష్టించిన కీరన్‌ పొలార్డ్‌.. ఎవరికి అందనంత ఎత్తులో

పాకిస్థాన్‌ మాజీ స్పీడ్‌స్టర్‌ షోయబ్‌ అక్తర్‌ జీవిత కథ ఆధారంగా బయోపిక్‌ తెరకెక్కనుంది. ఈ విషయాన్ని అక్తరే స్వయంగా ట్విటర్‌ ద్వారా వెల్లడించాడు. ఈ చిత్రానికి ‘రావల్పిండి ఎక్స్‌ప్రెస్’ అనే పేరును ఖరారు చేస్తూ.. 'రన్నింగ్‌ అగెయిన్స్ట్‌ ది ఆడ్స్‌' అంటూ టైటిల్‌ క్యాప్షన్‌ను జోడించాడు. అందమైన ప్రయాణానికి ఇది ప్రారంభం.. ఈ సినిమా ద్వారా ఇప్పటివరకు వెళ్లని రైడ్‌కు మీరు వెళ్లనున్నారు.. పాకిస్తాన్ క్రీడాకారునికి సంబంధించి ఇది తొలి విదేశీ చిత్రం.. వివాదాస్పదంగా మీ షోయబ్‌ అక్తర్ అంటూ అక్తర్‌ తన ట్వీట్‌లో రాసుకొచ్చాడు. Beginning of this beautiful journey. Announcing the launch of my story, my life, my Biopic, "RAWALPINDI EXPRESS - Running against the odds" You're in for a ride you've never taken before. First foreign film about a Pakistani Sportsman. Controversially yours, Shoaib Akhtar pic.twitter.com/3tIgBLvTZn — Shoaib Akhtar (@shoaib100mph) July 24, 2022 బయోపిక్‌కు సంబంధించిన గ్లింప్స్‌ను అక్తర్‌ ట్విటర్‌ ద్వారా విడుదల చేస్తూ.. 2023 నవంబర్ 16న సినిమా విడుదల అవుతుందని స్ఫష్టం చేశాడు. పాక్‌ దర్శకుడు ముహమ్మద్‌ ఫరాజ్ కైజర్ ఈ బయోపిక్‌ను తెరకెక్కించనున్నాడు. ఈ బయోపిక్‌కు సంబంధించి పూర్తి వివరాలు తెలియాల్సి ఉంది. పాకిస్థాన్‌లోని రావల్పిండి ప్రాంతానికి చెందిన అక్తర్‌ తన క్రికెట్‌, క్రికెటేతర జీవితంలోని అనుభవాల ఆధారంగా ఈ సినిమాను రూపొందించనున్నట్లు తెలుస్తోంది. గతంలో భారత క్రికెటర్లు సచిన్, ధోని, మిథాలీ రాజ్‌, ప్రవీణ్ తాంబేల బయోపిక్‌లు విడుదలైన సంగతి తెలిసిందే. 1997లో అంతర్జాతీయ కెరీర్ ప్రారంభించిన అక్తర్.. 13 ఏళ్ల కెరీర్‌లో 46 టెస్ట్‌లు, 163 వన్డేలు, 15 టీ20లు ఆడి ఓవరాల్‌గా 444 వికెట్లు పడగొట్టాడు.  చదవండి: Ind Vs WI: మీ అత్యుత్తమ స్పిన్నర్‌ ఎవరో తెలియదా? అతడి విషయంలో ఎందుకిలా?

Shoaib Akhtar Comments On Rishabh Pant: టీమిండియా యువ ఆటగాడు రిషభ్‌ పంత్‌పై పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ ప్రశంసల జల్లు కురిపించాడు. ఇంగ్లండ్‌తో వన్డే సిరీస్‌ను ఒంటిచేత్తో గెలిపించిన ఘనత పంత్‌దే అని కొనియాడాడు. తన దూకుడైన ఆటతో ప్రత్యర్థి జట్టుకు చెమటలు పట్టిస్తాడని, వైవిధ్యమైన షాట్లతో అలరిస్తాడంటూ కితాబిచ్చాడు. అయితే, ఈ 24 ఏళ్ల యువ వికెట్‌ కీపర్‌ బ్యాటర్‌ ఫిట్‌నెస్‌పై దృష్టి సారించాలని, బరువు తగ్గితే బాగుంటుందని అక్తర్‌ సూచించాడు. ఇంగ్లండ్‌తో వన్డే సిరీస్‌లో భాగంగా నిర్ణయాత్మక మూడో మ్యాచ్‌లో పంత్‌ 125 పరుగులతో అజేయంగా నిలిచిన సంగతి తెలిసిందే.  పంత్‌ సెంచరీ ఇన్నింగ్స్‌కు హార్దిక్‌ పాండ్యా ఆల్‌రౌండ్‌ ప్రదర్శన తోడు కావడంతో 5 వికెట్ల తేడాతో గెలుపొందిన టీమిండియా సిరీస్‌ను 2-1తో కైవసం చేసుకుంది. ఈ నేపథ్యంలో పంత్‌ గురించి షోయబ్‌ అక్తర్‌ తన యూట్యూబ్‌ చానెల్‌ వేదికగా ఆసక్తికర వ్యాఖ్యలు చేశాడు. ‘‘రిషభ్‌ పంత్‌ దూకుడైన ఆటగాడు. ప్రత్యర్థి ఎవరైనా అతడు భయపడడు. కట్‌ షాట్‌, పుల్‌ షాట్‌, రివర్స్‌ స్వీప్‌, స్లాగ్‌ స్వీప్‌, పాడల్‌ స్వీప్‌.. ఇలా వైవిధ్యమైన షాట్లు ఆడగలడు. ఆస్ట్రేలియా గడ్డ మీద చిరస్మరణీయ టెస్టు విజయం అందించాడు. తాజాగా ఇంగ్లండ్‌తో సిరీస్‌లోనూ భారత్‌ను ఒంటిచేత్తో గెలిపించాడు’’ అని పంత్‌ను ప్రశంసించాడు. బాగుంటాడు.. మోడల్‌ అయితే! ఇక ఫిట్‌నెస్‌ గురించి మాట్లాడుతూ.. ‘‘ఉండాల్సిన దానికన్నా పంత్‌ ఎక్కువ బరువు ఉన్నాడు. ఈ విషయంపై దృష్టి పెట్టాలి. ఎందుకంటే.. ఇండియన్‌ మార్కెట్‌ చాలా పెద్దదన్న విషయం అందరికీ తెలిసిందే. నిజానికి పంత్‌ చూడటానికి బాగుంటాడు.  గట్టిగా ప్రయత్నిస్తే మోడల్‌గా రాణించగలడు. కోట్లు సంపాదించే అవకాశం ఉంటుంది. ఇండియాలో ఎవరైనా సూపర్‌స్టార్‌గా అవతరిస్తే కచ్చితంగా వారిపై కోట్ల పెట్టుబడి పెట్టేందుకు ఎంతో మంది సిద్ధంగా ఉంటారు కదా’’ అని అక్తర్‌ చెప్పుకొచ్చాడు. కాగా ఇంగ్లండ్‌ పర్యటనలో టీమిండియా వన్డే, టీ20 సిరీస్‌లను 2-1 తేడాతో కైవసం చేసుకుంది. యూకే టూర్‌ ముగించుకుని ప్రస్తుతం వెస్టిండీస్‌ పర్యటనకు వెళ్లింది. చదవండి: NZ vs IRE: తొలి ఓవర్‌లోనే హ్యాట్రిక్‌ వికెట్లు.. ప్రపంచంలోనే మొదటి ఆటగాడిగా..!

T20 World Cup 2022- India Vs Pakistan: టీ20 ప్రపంచకప్‌-2022లో టీమిండియాను ఓడించడం పాకిస్తాన్‌కు అంత సులభమేమీ కాదని రావల్పిండి ఎక్స్‌ప్రెస్‌ షోయబ్‌ అక్తర్‌ అన్నాడు. ఈసారి భారత జట్టు పక్కా ప్రణాళికతో బరిలోకి దిగుతుందని పేర్కొన్నాడు. కాబట్టి బాబర్‌ ఆజం బృందానికి గెలుపు అంత ఈజీ కాదని అభిప్రాయపడ్డాడు.  కాగా గతేడాది జరిగిన పొట్టి ఫార్మాట్‌ వరల్డ్‌కప్‌ టోర్నీలో పాకిస్తాన్‌ అనూహ్య రీతిలో టీమిండియాను ఓడించిన విషయం తెలిసిందే. ఏకంగా 10 వికెట్ల తేడాతో కోహ్లి సేనను మట్టికరిపించి ఐసీసీ టోర్నీలో భారత్‌పై తొలి గెలుపు నమోదు చేసింది. తద్వారా సరికొత్త చరిత్ర సృష్టించింది. ఇండియా వర్సెస్‌ పాకిస్తాన్‌ ఇక ఈ ఏడాది ఆస్ట్రేలియా వేదికగా టీ20 ప్రపంచకప్‌ జరుగనుంది. అక్టోబరు 16న మెగా టోర్నీ మొదలు కానుంది. ఇందులో భాగంగా భారత్‌- పాకిస్తాన్‌ జట్లు అక్టోబరు 23న మెల్‌బోర్న్‌ క్రికెట్‌ గ్రౌండ్‌లో తలపడనున్నాయి. ఈసారి అంత వీజీ కాదు! ఈ నేపథ్యంలో పాకిస్తాన్‌ మాజీ ఫాస్ట్‌బౌలర్‌ షోయబ్‌ అక్తర్‌ పాకిస్తాన్‌ క్రికెట్‌తో తన అభిప్రాయాలు పంచుకున్నాడు. ఈ మేరకు.. ‘‘ఈసారి టీమిండియా సరైన ప్రణాళికలతో బరిలోకి దిగుతుంది. ఈసారి టీ20 వరల్డ్‌కప్‌ ఈవెంట్‌లో భారత్‌ను ఓడించడం పాకిస్తాన్‌కు అంత తేలికేమీ కాదు. ఇప్పుడే విజేతను అంచనా వేయడం కష్టమే. అయితే, మెల్‌బోర్న్‌ పిచ్‌ పాతబడే కొద్ది బౌన్సీగా తయారవుతుంది. ఫాస్ట్‌ బౌలర్లకు అనూకూలిస్తుంది. కాబట్టి టాస్‌ గెలిస్తే పాకిస్తాన్‌ తొలుత బౌలింగ్‌ చేయకూడదు’’ అని సూచించాడు. మొదట బ్యాటింగ్‌ చేస్తే మెరుగైన ఫలితం పొందవచ్చని అభిప్రాయపడ్డాడు. ఇక ఇండియా- పాకిస్తాన్‌ మ్యాచ్‌కు ఉన్న క్రేజ్‌ దృష్ట్యా దాదాపు లక్షా యాభై వేల మంది ప్రేక్షకులు మెల్‌బోర్న్‌ గ్రౌండ్‌కు వచ్చే అవకాశం ఉందని అక్తర్‌ అంచనా వేశాడు.  చదవండి: Rohit Sharma- Virat Kohli: కోహ్లికి అండగా నిలిచిన రోహిత్‌ శర్మ.. అతడు చేసింది కరెక్టే! అయినా కపిల్‌ దేవ్‌... T20 World Cup 2022: జెయింట్‌ రిషబ్‌ పంత్‌.. గాడ్జిల్లాలా ఎంట్రీ.. ! Welcome to The Big Time, Rishabh Pant 🚁​ 🚁#T20WorldCup pic.twitter.com/ZUSK63ssFZ — T20 World Cup (@T20WorldCup) July 10, 2022

India vs Ireland T20 Series: ఐర్లాండ్‌తో డబ్లిన్‌ వేదికగా జరిగిన తొలి టీ20 మ్యాచ్‌లో టీమిండియా సీనియర్‌ పేసర్‌ భువనేశ్వర్‌ కుమార్‌ అద్భుతమైన బౌలింగ్‌తో ఆకట్టుకున్నాడు. మొదటి ఓవర్‌ ఐదో బంతికే ఐరిష్‌ కెప్టెన్‌ ఆండ్రూ బల్బిర్నీని అవుట్‌ చేసి భారత్‌కు శుభారంభం అందించాడు. ఈ మ్యాచ్‌లో మొత్తం మూడు ఓవర్లు బౌలింగ్‌ చేసిన ఈ వైస్‌ కెప్టెన్‌ 16 పరుగులు మాత్రమే ఇచ్చి ఒక వికెట్‌ పడగొట్టాడు. తద్వారా హార్దిక్‌ పాండ్యా సేన ఐర్లాండ్‌పై 7 వికెట్ల తేడాతో గెలుపొందడంలో భువనేశ్వర్‌ కీలక పాత్ర పోషించాడు. అయితే, ఈ మ్యాచ్‌ సందర్భంగా భువీ బౌలింగ్‌ చేస్తున్నపుడు స్పీడోమీటర్‌ రెండుసార్లు గంటకు 200కు పైగా కిలోమీటర్ల వేగంతో అతడు బంతి విసిరినట్లు చూపడం గమనార్హం.  ఐర్లాండ్‌ ఓపెనర్‌ పాల్‌ స్టిర్లింగ్‌కు భువీ వేసిన బాల్‌ 201 Km/h, అదే విధంగా బల్బిర్నీకి 208 201 Km/​h‍ వేగంతో బంతిని విసిరినట్లు చూపింది. నిజానికి అంతర్జాతీయ మ్యాచ్‌లో అత్యంత వేగంగా బంతిని విసిరిన రికార్డు పాకిస్తాన్‌ మాజీ బౌలర్‌, రావల్పిండి ఎక్స్‌ప్రెస్‌ షోయబ్‌ అక్తర్‌(161.3 km/h) పేరిట ఉంది. అయితే, భువీ నిజంగా ఈ ఫీట్‌ నమోదు చేశాడా లేదంటే సాంకేతిక తప్పిదం కారణంగా స్పీడోమీటర్‌ ఇలా చూపిందా అన్న విషయం అంతుబట్టక నెటిజన్లు తికమకపడుతున్నారు. అదే సమయంలో.. భువీని కొనియాడుతూ.. ‘‘తప్పో.. ఒప్పో.. ఇప్పుడు చెప్పండ్రా అబ్బాయిలు.. ఇంతకీ షోయబ్‌ అక్తర్‌’’ ఎవరూ అంటూ సరదాగా కామెంట్లు చేస్తున్నారు. కాగా స్పీడోమీటర్‌లో చూపింది విండ్‌స్పీడ్‌రా బాబూ అంటూ మరికొంత మంది పేర్కొంటున్నారు. ఏదేమైనా ఈ విషయం ఇప్పుడు సోషల్‌ మీడియాలో చర్చనీయాంశమైంది.  ఇండియా వర్సెస్‌ ఐర్లాండ్‌ తొలి టీ20 మ్యాచ్‌ స్కోర్లు: టాస్‌- భారత్‌- బౌలింగ్‌, వర్షం కారణంగా మ్యాచ్‌ 12 ఓవర్లకు కుదింపు ఐర్లాండ్‌ స్కోరు: 108/4 (12) టీమిండియా స్కోరు: 111/3 (9.2) విజేత: హార్దిక్‌ పాండ్యా సారథ్యంలోని భారత జట్టు.. 7 వికెట్ల తేడాతో ఘన విజయం చదవండి: IND Vs IRE- Hardik Pandya: మరీ ఇంత స్వార్థం పనికిరాదు! పాండ్యాపై నెటిజన్ల ఫైర్‌ Shoaib Akhtar, Umran Malik who??? Bhuvi just bowled the fastest ball ever.🤣🤣 Real pic, just took ss pic.twitter.com/2wDDDJQ6gK — Usama Kareem (@UsamaKarem2) June 26, 2022 201 kmph 😂😂#INDvIRE pic.twitter.com/QFNlhedAlb — Arslan Awan (@iamArslanawan) June 26, 2022

క్రికెట్‌లో చిరకాల ప్రత్యర్థులు అనగానే ముందుగా గుర్తుకు వచ్చేది టీమిండియా, పాకిస్తాన్‌లు. ఈ రెండు జట్లు ఎప్పుడు ఎక్కడ తలపడినా సరే.. ఆయా దేశాలు ప్రతిష్టాత్మకంగా తీసుకుంటాయి. ఓడిన జట్టు విమర్శల పాలైతే.. గెలిచిన జట్టుపై ప్రశంసల వర్షం కురుస్తుంది. ఇక వరల్డ్‌కప్‌ లాంటి మేజర్‌ టోర్నీలైతే ఇక చెప్పనవసరం లేదు. కప్‌ గెలవకపోయినా సరే.. చిరకాల ప్రత్యర్థిపై విజయం సాధిస్తే చాలని రెండు దేశాల అభిమానులు కోరుకుంటారు. ఇప్పటివరకు జరిగిన వన్డే వరల్డ్‌కప్‌ల్లో పాకిస్తాన్‌ టీమిండియాను ఒక్కసారి కూడా ఓడించలేకపోయింది. 2011 వన్డే వరల్డ్‌కప్‌లో కీలకమైన సెమీఫైనల్లో దాయాదులు తలపడ్డాయి. సెమీస్‌ మ్యాచ్‌ కావడంతో ఈ మ్యాచ్‌పై ఉత్కంఠ నెలకొంది. మొహలీ వేదికగా జరిగిన ఈ మ్యాచ్‌కు ఉన్న ప్రాధాన్యం దృష్ట్యా అప్పటి ఇరు దేశాల ప్రధానమంత్రులు మొహాలీకి తరలివచ్చారు. ఎంఎస్ ధోని సారథ్యంలోని టీమిండియా  టాస్ గెలిచి బ్యాటింగ్ తీసుకుంది. తొలుత బ్యాటింగ్ చేసిన ఇండియా నిర్ణీత 50 ఓవర్లలో 9 వికెట్ల నష్టానికి 260 పరుగులు చేసింది. భారత క్రికెట్ దేవుడు సచిన్ టెండూల్కర్ (85), వీరేంద్ర సెహ్వాగ్ (38), సురేశ్ రైనా (36) రాణించారు. పాక్ తరఫున వహాబ్ రియాజ్ 5 వికెట్లు తీశాడు. అయితే లక్ష్య ఛేదనలో పాక్.. 49.5 ఓవర్లలో 231 పరుగుల వద్దే ఆలౌట్ అయింది. మిస్బా ఉల్ హక్ (56), మహ్మద్ హఫీజ్ (43) లు  పాక్ ను ఆదుకున్నారు. భారత బౌలర్లు (జహీర్ ఖాన్, ఆశిష్ నెహ్రా, మునాఫ్ పటేల్, హర్భజన్ సింగ్, యువరాజ్) లు సమిష్టిగా రాణించి తలా రెండు వికెట్లు తీసి భారత్ కు విజయాన్ని అందించారు.  దీంతో ఫైనల్‌ చేరిన టీమిండియా ఆ తర్వాత శ్రీలంకను ఓడించి 28 ఏళ్ల తర్వాత విశ్వ విజేతగా అవతరించింది.మరి ఇదంతా ఇప్పుడెందుకు చెబుతున్నారనే కాదా మీ డౌటూ. అక్కడికే వస్తున్నాం. 2011 వన్డే వరల్డ్‌కప్‌ సెమీస్‌ మ్యాచ్‌పై తాజాగా పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ ఆసక్తికర వ్యాఖ్యలు చేశాడు. తాను ఆడి ఉంటే భారత్ తక్కువ స్కోరుకే ఆలౌట్ అయ్యేదని.. ప్రపంచకప్ ఫైనల్‌కు పాకిస్తాన్ వెళ్లేదంటూ పేర్కొన్నాడు. అక్తర్ మాట్లాడుతూ.. ‘మొహాలీ జ్ఞాపకాలు నన్ను తీవ్రంగా వెంటాడుతున్నాయి. 2011 వరల్డ్ కప్ సెమీస్ లో నేను ఆడి ఉండాల్సింది.  కానీ మా టీమ్ మేనేజ్‌మెంట్‌ మ్యాచ్‌కు ఫిట్ గా లేనని నన్ను పక్కనబెట్టింది. ఇది దారుణం.  నేను భారత్ ను ఓడించి పాక్  ను వాంఖెడే (పైనల్ జరిగిన స్టేడియం) కు తీసుకెళ్లాలని భావించా.  స్వదేశంలో మాతో మ్యాచ్ అంటే భారత్ పై తీవ్ర ఒత్తిడి ఉంటుంది. దేశ ప్రజలు, మీడియా అంతా మ్యాచ్ గురించే మాట్లాడుకుంటున్నారు. అసలు మమ్మల్ని పరిగణనలోకి తీసుకోలేదు. దాంతో మాపై ఒత్తిడి లేదు. ఆ మ్యాచ్ లో గనక నేను ఆడి ఉంటే సచిన్, సెహ్వాగ్ లను  ముందే ఔట్ చేసేవాడిని. దాంతో టీమిండియా బ్యాటింగ్ లైనప్ పేకమేడలా కూలిపోయేది. దాంతో మేం మ్యాచ్ ను ఈజీగా నెగ్గేవాళ్లం. ఆ మ్యాచ్ లో నన్ను డగౌట్ లో కూర్చోబెట్టి పాక్  ఓడిపోతుంటే చూడటం నేను తట్టుకోలేకపోయా. అంత కీలక మ్యాచ్ లో ఓడితే చాలా మంది ఏడుస్తారు. కానీ నేను అలా కాదు.  ఏడ్వడం కంటే నా చుట్టు పక్కల ఉన్న వస్తువులను పగలగొడతా. మేం ఓడిపోతున్నప్పుడు కూడా చాలా వస్తువులు పగలగొట్టా. నేను చాలా నిరాశకు గురయ్యా.  ఆ వేదన ఇప్పటికీ నన్ను వెంటాడుతుంది..’ అని తెలిపాడు. అక్తర్ చేసిన వ్యాఖ్యలపై టీమిండియా అభిమానులు తమదైన శైలిలో కౌంటర్‌ ఇచ్చారు. ''అంతకముందు 2003 వన్డే వరల్డ్‌కప్‌లో టీమిండియా, పాకిస్తాన్‌ మ్యాచ్‌ జరిగినప్పుడు జట్టులోనే ఉన్నావుగా. మీ జట్టు ఓడిపోయిన సంగతి మరిచిపోయావా.. నీ బౌలింగ్‌లో సచిన్‌ శివతాండవం చేసింది గుర్తులేదా.. జట్టులో ఉన్నప్పుడు పెద్దగా పీకింది ఏం లేదు.. ఇప్పుడెందుకు ఈ ముచ్చట్లు'' అని కామెంట్స్‌ చేశారు. చదవండి: Tilak Varma: ఒక్క రూపాయి కూడా ఉంచుకోలేదు.. దటీజ్‌ తిలక్‌ వర్మ ఓవైపు భారత్‌, సౌతాఫ్రికా మ్యాచ్‌.. స్టేడియంలో కొట్టుకు చచ్చిన అభిమానులు.. వీడియో వైరల్‌

T20 World Cup 2022: టీ20 ప్రపంచకప్‌-2022 నేపథ్యంలో టీమిండియా కెప్టెన్‌ రోహిత్‌ శర్మ, మాజీ సారథి విరాట్‌ కోహ్లి మరింత ఒత్తిడిలో కూరుకుపోయే అవకాశం ఉందని రావల్పిండి ఎక్స్‌ప్రెస్‌ షోయబ్‌ అక్తర్‌ అన్నాడు. ఫామ్‌లేమి కారణంగా వారు ఇబ్బంది పడుతున్నారని.. ఒకవేళ వాళ్లిద్దరికీ ఇది చివరి వరల్డ్‌కప్‌ అనుకుంటే ఒత్తిడి రెట్టింపు అవుతుందని అభిప్రాయపడ్డాడు. ఏ ఆటగాడి కెరీర్‌లోనైనా ఇలాంటి పరిస్థితులు ఎదురవడం సహజమని, సచిన్‌ టెండుల్కర్‌ సైతం చాలా కాలం పాటు సెంచరీ చేయలేక సతమైన సందర్భాన్ని ఈ పాకిస్తాన్‌ మాజీ ఫాస్ట్‌ బౌలర్‌ గుర్తు చేశాడు. కాగా గతేడాది జరిగిన టీ20 వరల్డ్‌కప్‌లో కోహ్లి సారథ్యంలోని టీమిండియా ఘోర వైఫల్యంతో విమర్శలు మూటగట్టుకున్న సంగతి తెలిసిందే. ఆ తర్వాత రోహిత్‌ శర్మ భారత జట్టు కెప్టెన్‌ అయ్యాడు. ఇద్దరిదీ ఒకే కథ! హిట్‌మ్యాన్‌ సారథ్యంలో స్వదేశంలో వరుస టీ20 సిరీస్‌లు గెలిచిన టీమిండియా ఈ ఏడాది పొట్టి ఫార్మాట్‌ ప్రపంచకప్‌నకు సిద్ధమవుతోంది. అయితే, ఐపీఎల్‌-2022లో కోహ్లి, రోహిత్‌ దారుణంగా విఫలమైన విషయం తెలిసిందే. ఆర్సీబీ బ్యాటర్‌ విరాట్‌ 341 పరుగులు చేశాడు. ఇక ముంబై ఇండియన్స్‌ కెప్టెన్‌ అయిన రోహిత్‌ శర్మ కేవలం 268 పరుగులు మాత్రమే చేసి విమర్శలపాలయ్యాడు. ఎన్నడూ లేని విధంగా ముంబై జట్టు సైతం ఘోరంగా విఫలమైంది. ఆఖరి స్థానంతో ఐపీఎల్‌-2022 సీజన్‌ను ముగించింది. సచిన్‌కే తప్పలేదు! అవును.. అందుకే! ఈ నేపథ్యంలో షోయబ్‌ అక్తర్‌, టీమిండియా మాజీ బౌలర్‌ హర్భజన్‌ సింగ్‌ మధ్య వీరిద్దరి భవిష్యత్‌ గురించి ఆసక్తికర చర్చ నడిచింది. స్పోర్ట్స్‌కీడాతో అక్తర్‌ మాట్లాడుతూ.. ‘‘విరాట్‌ కోహ్లి, రోహిత్‌ శర్మకు ఇదే రకమైన ఆట కొనసాగిస్తే.. వారికి ఇదే చివరి ఐపీఎల్‌, చివరి వరల్డ్‌కప్‌ అని అనుకుంటే.. ఫామ్‌లేమి కారణంగా మరింత ఒత్తిడిలో కూరుకుపోతారు. కెరీర్‌పై ఇది తీవ్ర ప్రభావం చూపుతుంది. ఇందుకు సచిన్‌నే ఉదాహరణగా తీసుకుంటే.. ఒకానొక సందర్భంలో అతడు సెంచరీ సాధించడానికి ఎంతగా శ్రమించాల్సి వచ్చిందో, ఎంతగా ఎదురుచూడాల్సి వచ్చిందో తెలుసు కదా’’ అని పేర్కొన్నాడు. ఇందుకు భజ్జీ బదులిస్తూ.. ‘‘అవును.. వాళ్లిద్దరికీ ఈ ఐపీఎల్‌ సీజన్‌ అంత గొప్పగా ఏమీలేదు. నిజానికి వాళ్లిద్దరికీ టీ20 వరల్డ్‌కప్‌ కీలకం. నవతరం ఆటగాళ్లు దూసుకువస్తున్నారు. ఎప్పుడు ఎవరికి అవకాశం వస్తుందో తెలియదు. కాబట్టి కోహ్లి, రోహిత్‌ కచ్చితంగా ఈ ప్రపంచకప్‌లో తమ మార్కు చూపించాలి’’ అని చెప్పుకొచ్చాడు. ఒకవేళ సరిగ్గా ఆడకపోతే తీవ్ర పరిణామాలు ఎదురయ్యే పరిస్థితి ఉందని అభిప్రాయపడ్డాడు.  చదవండి: IPL 2022: 'మేము అతడి సేవలను కోల్పోయాము.. మా జట్టులో ఉంటే బాగుండేది' IPL 2022: ఐపీఎల్‌ 2023 ముందు.. ఆ ముగ్గురికి గుడ్‌బై చెప్పనున్న ఎస్‌ఆర్‌హెచ్‌..!

Virat Kohli: టీమిండియా మాజీ కెప్టెన్‌ విరాట్‌ కోహ్లి ఆట తీరుపై విమర్శలు చేయడం సరికాదని పాకిస్తాన్‌ మాజీ పేసర్‌ షోయబ్‌ అక్తర్‌ అన్నాడు. కోహ్లి ఫామ్‌లేమి గురించి విమర్శించే వారు.. ఒక్కసారి అతడు సాధించిన విజయాలను గుర్తు చేసుకోవాలన్నాడు. ఓ క్రికెటర్‌గా, అత్యుత్తమ ఆటగాడిగా గౌరవం పొందేందుకు కోహ్లి అర్హుడని పేర్కొన్నాడు. కాగా గతేడాది నుంచి ఫామ్‌లేమితో ఈ ‘రన్‌మెషీన్‌’ ఇబ్బంది పడుతున్న సంగతి తెలిసిందే. ఈ క్రమంలో టీ20 ప్రపంచకప్‌-2021 టోర్నీ ఆరంభానికి ముందే టీమిండియా పొట్టి ఫార్మాట్‌ కెప్టెన్సీకి గుడ్‌ బై చెబుతానన్న కోహ్లి.. మెగా టోర్నీలో ఘోర పరాభవంతో సారథ్య బాధ్యతలకు ముగింపు పలికాడు. ఆ తర్వాత అనూహ్య రీతిలో వన్డే కెప్టెన్సీ నుంచి ఉద్వాసనకు గురయ్యాడు. ఇక ఐపీఎల్‌లో రాయల్‌ చాలెంజర్స్‌ బెంగళూరు జట్టుకు సుదీర్ఘకాలంగా సారథిగా వ్యవహరించిన కోహ్లి.. గతేడాది ఆ బాధ్యతల నుంచి కూడా వైదొలిగాడు. ఇక కెప్టెన్సీ భారం లేకపోవడంతో ఈ సీజన్‌లోనైనా బ్యాట్‌ ఝులిపిస్తాడనుకుంటే.. పూర్తిగా నిరాశపరిచాడు. ఐపీఎల్‌-2022లో పదహారు మ్యాచ్‌లలో కలిపి కోహ్లి సాధించిన పరుగులు 341. సగటు 22.73. కేవలం రెండు అర్ధ శతకాలు. దీంతో అతడిపై విమర్శలు వెల్లువెత్తాయి. ఇయాన్‌ బిషప్‌, వీరేంద్ర సెహ్వాగ్‌, డేనియల్‌ వెటోరీ వంటి మాజీ ఆటగాళ్లు కోహ్లి ఫామ్‌పై విమర్శలు చేశారు. ఈ నేపథ్యంలో షోయబ్‌ అక్తర్‌ కోహ్లికి అండగా నిలిచాడు. ఈ మేరకు స్పోర్ట్స్‌కీడాతో మాట్లాడుతూ.. ‘‘కొంతమంది స్టేట్‌మెంట్లు ఇచ్చే ముందు కాస్త ముందూ వెనుకా ఆలోచించాలి. చిన్న పిల్లలు కూడా ఈ విషయాలు గమనిస్తూ ఉంటారు. కాబట్టి కోహ్లి గురించి, అతడి ఆట గురించి కాస్త మంచి మాటలు చెప్పండి. గౌరవం పొందేందుకు అతడు అన్ని విధాలా అర్హుడు. ఆల్‌టైమ్‌ గ్రేటెస్ట్‌ ప్లేయర్‌. అతడు అంతర్జాతీయ క్రికెట్‌లో 110 సెంచరీలు చేయాలని నేను కోరుకుంటున్నా. 45 ఏళ్లు వచ్చే వరకు కోహ్లి క్రికెట్‌ ఆడుతూనే ఉండాలి’’ అంటూ విమర్శకులకు కౌంటర్‌ ఇచ్చాడు. అదే విధంగా.. ‘‘110 సెంచరీలకు చేరువయ్యే క్రమంలో కఠిన పరిస్థితులు ఎదుర్కొంటున్నపుడు కొంతమంది నిన్ను తారస్థాయిలో విమర్శిస్తారు. నీకు వ్యతిరేకంగా ట్వీట్లు చేస్తారు. నువ్వు దీపావళి గురించి ట్వీట్‌ చేసినా అందులో తప్పులు వెతుకుతారు. నీ భార్య, బిడ్డ గురించి కామెంట్లు చేస్తారు. నువ్వు వరల్డ్‌కప్‌లో ఓడిపోతే దారుణంగా విమర్శలు చేస్తారు. ఇలాంటివి అన్నీ పట్టించుకోవాల్సిన అవసరం లేదు. నీదైన శైలిలో ముందుకు సాగు. విరాట్‌ కోహ్లి అంటే ఏంటో వాళ్లకు ఒక్కసారి చూపించు’’ అని అక్తర్‌ కోహ్లికి మద్దతుగా నిలిచాడు. చదవండి: Rafael Nadal: జొకోవిచ్‌కు షాకిచ్చిన నాదల్‌.. వరల్డ్‌ నంబర్‌ 1 ఘోర పరాజయం

IPL 2022 Final GT Vs RR- Winner Prediction: ఆస్ట్రేలియా క్రికెట​ దిగ్గజం, దివంగత షేన్‌ వార్న్‌ కోసమైనా రాజస్తాన్‌ రాయల్స్‌ ఈసారి ఐపీఎల్‌ టైటిల్‌ గెలవాలని పాకిస్తాన్‌ మాజీ బౌలర్‌ షోయబ్‌ అక్తర్‌ అన్నాడు. వార్న్‌కు నివాళిగా ట్రోఫీ సాధించి చిరస్మరణీయ విజయం సొంతం చేసుకోవాలని ఆశించాడు. అయితే అదే సమయంలో.. గుజరాత్‌ టైటాన్స్‌కే విజయావకాశాలు ఎక్కువగా ఉన్నాయని, ఆ జట్టే విజేతగా నిలుస్తుందని అంచనా వేశాడు. కాగా క్యాష్‌ రిచ్‌ లీగ్‌ మొదటి సీజన్‌ ఐపీఎల్‌-2008లో రాజస్తాన్‌ రాయల్స్‌కు సారథ్యం వహించిన షేన్‌ వార్న్‌.. అరంగేట్రంలోనే జట్టుకు టైటిల్‌ అందించాడు. చరిత్ర సృష్టించాడు. అయితే, ఆ తర్వాత రాజస్తాన్‌ మళ్లీ ఫైనల్‌ చేరుకోవడానికి పద్నాలుగేళ్లు పట్టింది.  మరోవైపు ఐపీఎల్‌-2022తో మెగా టోర్నీలో అడుగుపెట్టిన గుజరాత్‌ టైటాన్స్‌ వరుస విజయాలతో ఈ ఎడిషన్‌లో ఫైనల్‌కు చేరిన తొలి జట్టుగా నిలిచింది. ఈ రెండు జట్ల మధ్య ఆదివారం(మే 29) ఫైనల్‌ మ్యాచ్‌ జరుగనుంది. ఈ నేపథ్యంలో షోయబ్‌ అక్తర్‌ ఆసక్తికర వ్యాఖ్యలు చేశాడు. మనసేమో రాజస్తాన్‌ గెలవాలని కోరుకుంటే.. ఓ ఆటగాడిగా కొత్త జట్టు గుజరాత్‌ ట్రోఫీ గెలిస్తే బాగుంటుందని పేర్కొన్నాడు. ఈ మేరకు.. ‘‘రాజస్తాన్‌ 14 ఏళ్ల తర్వాత మరోసారి ఫైనల్‌ చేరింది. ఎన్నో సవాళ్లు అధిగమించి వాళ్లు ఇక్కడిదాకా చేరుకున్నారు. షేన్‌ వార్న్‌ జ్ఞాపకార్థం వాళ్లు గుజరాత్‌ను ఓడించి టైటిల్‌ గెలవాలి. వార్న్‌ కోసమైనా రాజస్తాన్‌ గెలవాలని మనసు కోరుకుంటోంది. అయితే, ముందు నుంచి చెప్పినట్లుగా కొత్త టీమ్‌ గుజరాత్‌ టోర్నీ ఆసాంతం అదరగొట్టింది. కాబట్టి గెలుపొందేందుకు గుజరాత్‌కు అన్ని అర్హతలు ఉన్నాయి’’ అని స్పోర్ట్స్‌కీడాతో అక్తర్‌ చెప్పుకొచ్చాడు. మొత్తానికి హార్దిక్‌ పాండ్యా బృందానికే తన ఓటు వేశాడు ఈ రావల్పిండి ఎక్స్‌ప్రెస్‌.  చదవండి 👇 IPL 2022 Prize Money: ఐపీఎల్‌ విజేత, ఆరెంజ్‌ క్యాప్‌, పర్పుల్‌ క్యాప్‌ విన్నర్లకు ప్రైజ్‌మనీ ఎంతంటే! IPL 2022 Final: ఎవరు గెలిచినా చరిత్రే.. టాస్‌ ఓడితే మాత్రం అంతే సంగతులు! అయితే..   var request = 'https://www.sakshi.com/knowwidget/kwstr_4141448520.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); The sweet memories of this #SeasonOfFirsts will keep coming back long after the final tomorrow 💙 Let's see which is that one memory most special to our Titans! 🤩@Amul_Coop#AavaDe #PaidPartnership pic.twitter.com/MR81OsPiUl — Gujarat Titans (@gujarat_titans) May 28, 2022 Jaipur, you were amazing yesterday. 🥹💗#RoyalsFamily | #HallaBol | #RRvRCB pic.twitter.com/9vRP63Usa3 — Rajasthan Royals (@rajasthanroyals) May 28, 2022 Is #SundayMotivation a thing yet? 🙏 pic.twitter.com/l7zVpHfIfE — Rajasthan Royals (@rajasthanroyals) May 29, 2022

టీమిండియా మాజీ ఆటగాడు వీరేంద్ర సెహ్వాగ్‌ పాక్ మాజీ క్రికెటర్‌ షోయబ్‌ అక్తర్‌పై కీలక వ్యాఖ్యలు చేశాడు. అక్తర్‌ బౌలింగ్‌ను చక్కర్‌ అంటూ ఒక టీవీ ఇంటర్య్వూలో పేర్కొన్నాడు. సెహ్వాగ్‌ మాట్లాడుతూ.. '' అక్తర్‌ తన ఎల్బోను కదలిస్తూ బౌలింగ్‌ చేసేవాడు. ఈ తరహా బౌలింగ్‌ను క్రికెట్‌ భాషలో చక్కర్‌ అని సంబోధిస్తారు. అందుకే అక్తర్‌ బౌలింగ్‌ను ఐసీసీ కొంతకాలం బ్యాన్‌ చేసింది. ఇక ఆస్ట్రేలియా మాజీ బౌలర్‌ బ్రెట్‌ లీ బౌలింగ్‌ యాంగిల్‌ కాస్త డౌన్‌లో వస్తుంది.. అందువల్ల అతని బౌలింగ్‌ పెద్ద కష్టంగా అనిపించదు. అయితే షోయబ్‌ బౌలింగ్‌లో మాత్రం బంతి ఎక్కడి నుంచి వస్తుందో తెలిసేది కాదు. అందుకే అక్తర్‌ బౌలింగ్‌ను ఎదుర్కోవడం కాస్త కష్టంగా అనిపించేది. న్యూజిలాండ్‌ ఫాస్ట్‌ బౌలర్‌ షేన్‌ బాండ్‌ కూడా నేను ఎదుర్కొన్న కఠినమైన బౌలర్లలో ఒకడు. అతని స్వింగ్‌ బౌలింగ్‌ ఎక్కువగా ఆఫ్‌స్టంప్‌ అవతల పడుతూ బ్యాట్స్‌మెన్లను ఇబ్బంది పెట్టేవి. ఇక బ్రెట్‌ లీ బౌలింగ్‌లో ఆడడం పెద్దగా భయం లేనప్పటికి.. అక్తర్‌ను మాత్రం మనం నమ్మలేం. అతను సంధించే బీమర్‌.. యార్కర్‌ ఎక్కడ నా కాలుకు తగులుతుందోనని భయపడేవాడిని. కానీ బ్యాటింగ్‌ మాత్రం ఎప్పుడు కంఫర్ట్‌గానే ఉండేది.'' అంటూ వెల్లడించాడు. ఇక అక్తర్‌ బౌలింగ్‌ను సెహ్వాగ్‌ సహా.. మాజీ క్రికెటర్లు సచిన్‌, గంగూలీ, ద్రవిడ్‌, లక్ష్మణ్‌లు బాగా ఎంజాయ్‌ చేసేవారు. ముఖ్యంగా సెహ్వాగ్‌ పాకిస్తాన్‌పై 90 సగటుతో ఒక సెంచరీ, రెండు డబుల్‌ సెంచరీలు, ఒక ట్రిపుల్‌ సెంచరీ అందుకోవడం విశేషం.  చదవండి: Andrew Symonds: కన్నీరు తెప్పిస్తున్న ఆండ్రూ సైమండ్స్‌ సోదరి లేఖ

ఐపీఎల్‌-2022లో సన్‌రైజర్స్‌ హైదరాబాద్‌ యువ పేసర్‌ ఉమ్రాన్‌ మాలిక్‌ తన పేస్‌ బౌలింగ్‌తో ప్రత్యర్ది బ్యాటర్లకు ముప్పుతిప్పలు పెడుతున్నాడు. ఈ ఏడాది సీజన్‌లో ప్రతీ మ్యాచ్‌లో గంటకు 150 కి.మీ పైగా స్పీడ్‌తో మాలిక్‌ బౌలింగ్‌ చేస్తున్నాడు. అంతేకాకుండా ఈ సీజన్‌లో  ఫాస్టెస్ట్‌  డెలివరీ (157 కెఎమ్‌పిహెచ్‌) వేసిన రికార్డు కూడా మాలిక్‌ పేరిటే ఉంది. తాజాగా ఓ స్పోర్ట్స్‌ ఛానల్‌కు ఇచ్చిన ఇంటర్వ్యూలో పాకిస్తాన్‌ మాజీ పేసర్‌ షోయబ్ అక్తర్ ఆసక్తికర వాఖ్యలు చేశాడు. అంతర్జాతీయ క్రికెట్‌లో తన వేసిన ఫాస్టెస్ట్‌  డెలివరీ రికార్డును మాలిక్ బద్దలు కొడితే చూడాలన్న తన కోరికను అక్తర్ వ్యక్తం చేశాడు. కాగా ప్రపంచ క్రికెట్‌లో అత్యంత వేగవంతమైన  డెలివరీ వేసిన రికార్డు అక్తర్ పేరున ఉంది. 2003 ప్రపంచకప్‌లో అక్తర్ గంటకు 161.3 కి.మీ వేగంతో వేశాడు." మాలిక్‌ చాలా కాలం పాటు క్రికెట్‌ ఆడాలని నేను కోరుకుంటున్నాను. నేను అంతర్జాతీయ క్రికెట్‌లో వేగవంతమైన డెలివరీ చేసి 20 సంవత్సరాలైంది, కానీ ఎవరూ నా రికార్డును బద్దలు కొట్టలేకపోయారు. అయితే నా రికార్డును ఎవరైనా బద్దలు కొడితే చూడాలని ఉంది. ఒక వేళ ఉమ్రాన్‌ నా రికార్డును బ్రేక్‌ చేస్తే సంతోషిస్తాను. కానీ అతను ప్రక్రియలో గాయపడకుండా చూసుకోవాలి. అతడు ఎటువంటి గాయాల బారిన పడకుండా తన కెరీర్‌ను కొనసాగించాలని నేను కోరుకుంటున్నాను. అదే విధంగా అంతర్జాతీయ మ్యాచ్‌లలో అతడిని నేను చూడాలనుకుంటున్నాను. ప్రస్తుతం ప్రపంచ క్రికెట్‌లో గంటకు 150 కిలోమీటర్ల వేగంతో బౌలింగ్‌ చేసే బౌలర్లు చాలా తక్కువ మంది ఉన్నారు. ఉమ్రాన్‌ మాత్రం ఆ వేగంతో నిలకడగా బౌలింగ్ చేయడం చూశాం" అని అక్తర్ పేర్కొన్నాడు. చదవండి: IPL 2022 RR Vs CSK: రాజస్థాన్ అభిమానులకు గుడ్‌ న్యూస్‌.. విధ్వంసకర ఆటగాడు వచ్చేశాడు

IPL 2022 SRH Vs RCB: సన్‌రైజర్స్‌ హైదరాబాద్‌ కెప్టెన్‌ కేన్‌ విలియమ్సన్‌ ఇకనైనా బ్యాటింగ్‌లో దూకుడు ప్రదర్శించాలని పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ సూచించాడు. బ్యాటింగ్‌ ఆర్డర్‌లో కేన్‌ తన స్థానాన్ని మార్చుకోవాల్సిన అవసరం లేదని, అయితే ఓపెనర్‌గా తనకున్న అవకాశాన్ని సద్వినియోగం చేసుకోవాలని పేర్కొన్నాడు. కాగా ఐపీఎల్‌-2022 ఆరంభంలో వరుస పరాజయాలు చవిచూసిన సన్‌రైజర్స్‌.. ఆ తర్వాత విజయాల బాట పట్టింది.  కానీ చెన్నై సూపర్‌కింగ్స్‌, గుజరాత్‌ టైటాన్స్‌, ఢిల్లీ క్యాపిటల్స్‌ చేతిలో ఓటమితో వరుస పరాజయాలు నమోదు చేసింది. దీంతో ఆడిన 10 మ్యాచ్‌లలో ఐదు విజయాలతో పాయింట్ల పట్టికలో ఆరోస్థానంలో ఉంది. ఈ క్రమంలో టాప్‌-4లో ఉన్న ఆర్సీబీతో హైదరాబాద్‌ ఆదివారం(మే 8) తలపడనుంది. ప్లే ఆఫ్‌ రేసులో ముందుండాలంటే కేన్‌ సేనకు ఈ మ్యాచ్‌లో గెలుపు తప్పనసరి. ఇదిలా ఉంటే... కెప్టెన్‌గా కేన్‌ విలియమ్సన్‌ రాణిస్తున్నప్పటికీ బ్యాటర్‌గా మాత్రం పెద్దగా ఆకట్టుకోలేకపోతున్నాడు. ఈ సీజన్‌లో 10 ఇన్నింగ్స్‌లలో కలిపి అతడు చేసినవి 199 పరుగులు(ఒక హాఫ్‌ సెంచరీ). స్ట్రైక్‌రేటు 96.13. ఈ నేపథ్యంలో రావల్పిండి ఎక్స్‌ప్రెస్‌ షోయబ్‌ అక్తర్‌ కేన్‌ ఆట తీరుపై కీలక వ్యాఖ్యలు చేశాడు. షోయబ్‌ అక్తర్‌(ఫైల్‌ ఫొటో) ఈ మేరకు.. ‘‘కేన్‌ ఇక విలియమ్సన్‌ నుంచి విలన్‌గా మారాలి. బ్యాటింగ్‌లో దూకుడు ప్రదర్శించాలి. పరుగులు రాబట్టాలి. లేదంటే అతడి జట్టు కష్టాల్లో ‍కూరుకుపోతుంది. నిజానికి టీ20 ఫార్మాట్‌లో ఓపెనర్లకు భారీ స్కోరు చేసేందుకు అవకాశం ఉంటుంది. కానీ కేన్‌ దానిని సద్వినియోగం చేసుకోవడం లేదనిపిస్తోంది’’ అని స్పోర్ట్స్‌కీడాతో అక్తర్‌ తన అభిప్రాయం పంచుకున్నాడు. ఇక సన్‌రైజర్స్‌ బ్యాటర్‌ నికోలస్‌ పూరన్‌ అద్భుతంగా రాణిస్తున్నాడన్న అక్తర్‌.. పేసర్లు నటరాజన్‌, భువనేశ్వర్‌ కుమార్‌ తన నైపుణ్యాలను చక్కగా వినియోగించుకుంటూ జట్టుకు ఉపయోగపడతారనrి ప్రశంసించాడు. కాగా ముంబైలోని వాంఖడే వేదికగా సన్‌రైజర్స్‌, ఆర్సీబీ తలపడబోతున్నాయి. ఇందుకు ఇరు జట్లు సన్నద్ధమవుతున్నాయి. చదవండి👉🏾Shimron Hetmyer: కీలక సమయంలో స్వదేశానికి రాజస్తాన్‌ రాయల్స్‌ స్టార్‌ ఆటగాడు? When the going gets tough, the tough get going. 💪@tyagiktk | #OrangeArmy #ReadyToRise #TATAIPL pic.twitter.com/gRloHrBby6 — SunRisers Hyderabad (@SunRisers) May 7, 2022 var request = 'https://www.sakshi.com/knowwidget/kwstr_4031445617.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

Mohammad Sami: క్రికెట్‌ చరిత్రలో వేగవంతమైన బంతి ఎవరు వేశారన్న అంశంపై మాట్లాడుతూ పాక్‌ మాజీ పేసర్‌ మహ్మద్‌ సమీ ఆసక్తికర వ్యాఖ్యలు చేశాడు. ఫాస్టెస్ట్‌ డెలివరీ రికార్డు అందరూ అనుకుంటున్నట్లుగా షోయబ్‌ అక్తర్‌ది కాదు.. తాను రెండు సందర్భాల్లో అంతకుమించిన వేగంతో బంతులు విసిరాను, అయితే అప్పట్లో మిషన్లు (స్పీడ్ గన్) పని చేయక ఆ క్రెడిట్‌ తనకు దక్కలేదని వాపోయాడు. పాకిస్థాన్‌లోని ఓ టీవీ ఛానల్‌కు ఇచ్చిన ఇంటర్వ్యూలో సమీ మాట్లాడుతూ..  ఓ అంతర్జాతీయ మ్యాచ్‌లో తాను రెండు బంతుల్ని 160 కిమీ వేగానికిపైగా సంధించానని, అందులో ఒకటి 162 కిమీ, మరొకటి 164 కిమీ వేగంతో దూసుకెళ్లాయని, కానీ.. అప్పుడు స్పీడ్‌గన్‌ పనిచేయకపోవడంతో తాను సాధించిన ఘనత ప్రపంచానికి తెలియలేదని అన్నాడు. పాక్‌ తరఫున 36 టెస్టులు, 87 వన్డేలు, 13 టీ20లు ఆడిన సమీ 2003లో జింబాబ్వే జరిగిన ఓ మ్యాచ్‌లో  156.4 కిమీ స్పీడ్‌తో బౌలింగ్ చేశాడు. అదే అతడి అత్యుత్తమ బౌలింగ్ స్పీడ్ గా రికార్డై ఉంది.  క్రికెట్‌ చరిత్రలో ఫాస్టెస్ట్‌ డెలివరీ రికార్డు 20 ఏళ్లుగా పాకిస్థాన్‌ స్పీడ్‌స్టర్‌ షోయబ్‌ అక్తర్‌ పేరిటే కొనసాగుతూ ఉంది. 2002లో న్యూజిలాండ్‌తో జరిగిన మ్యాచ్‌లో అక్తర్‌ 161.3 కిమీ వేగంతో బంతిని సంధించాడు. అదే నేటికీ వేగవంతమైన బంతిగా చలామణి అవుతూ ఉంది. కాగా, సమీ భారత్‌తో జరిగిన ఓ మ్యాచ్‌లో 162.3 కిమీ వేగంతో బౌలింగ్ చేసినట్లున్న వీడియో ఒకటి ప్రస్తుతం నెట్టింట వైరల్‌గా మారింది.  @shoaib100mph Dear Shoaib Akhter you are not the worlds fastest bowler but Mohammed Sami is 😅 check out this delivery and speed recording. @BrettLee_58 @ICC @SGanguly99 @IrfanPathan @virendersehwag @TheRealPCB pic.twitter.com/ibREseICvr — Farhan Khan ©™️ (@ThHollywoodKhan) November 2, 2020 ఇదిలా ఉంటే, ఐపీఎల్ 2022 సీజన్‌లో సన్‌రైజర్స్‌ హైదరాబాద్‌ యువ పేసర్‌ ఉమ్రాన్‌ మాలిక్‌ క్రమం తప్పకుండా 150 కిమీపైగా వేగంతో బంతులు సంధిస్తూ స్పీడ్‌ సెన్సేషన్‌గా మారాడు. ఈ కశ్మీరి కుర్రాడు మ్యాచ్‌ మ్యాచ్‌కు వేగాన్ని పెంచుకుంటూ పోవడంతో పాటు వికెట్లు కూడా సాధిస్తూ శభాష్ అనిపించుకుంటున్నాడు. ఉమ్రాన్‌ ఇదే ఫామ్‌ను కొనసాగిస్తే ప్రస్తుత ఐపీఎల్‌  సీజన్‌లోనే అక్తర్ రికార్డు బద్ధలు కావడం ఖాయమని దిగ్గజాలు  అభిప్రాయపడుతున్నారు.  చదవండి: 140 కి.మీ స్పీడుతో యార్కర్‌..దెబ్బకు బ్యాటర్‌కు ఫ్యూజ్‌లు ఔట్‌!

ఐపీఎల్‌-2022లో విరాట్ కోహ్లి పేల‌వ ప్ర‌ద‌ర్శ‌న కొన‌సాగిస్తున్న సంగ‌తి తెలిసిందే. ఈ క్ర‌మంలో విరాట్ కోహ్లిపై పాకిస్తాన్ మాజీ పేస‌ర్ షోయ‌బ్ అక్త‌ర్ ఆస‌క్తిక‌ర వాఖ్య‌లు చేశాడు. కోహ్లి త‌నతో త‌ల‌ప‌డి ఉంటే కేరిర్‌లో ఇన్ని పరుగులు సాధించి ఉండేవాడిని కాదని  అక్తర్ తెలిపాడు. ఐపీఎల్‌లో స్టార్ ఆట‌గాళ్లు రాణించ‌క‌పోతే ఆ జ‌ట్టు వారిని ప‌క్క‌న పెట్టాలి అని  రావల్పిండి ఎక్స్‌ప్రెస్ పేర్కొన్నాడు. కాగా కోహ్లి , అక్త‌ర్‌ 2010 ఆసియా క‌ప్‌లో త‌ల‌ప‌డ్డారు. అయితే ఈ మ్యాచ్‌లో కోహ్లికు ఆడే అవ‌కాశం రాలేదు. కాగా గ‌తంలో కోహ్లి కూడా  అక్తర్‌తో తలపడాలన్న త‌న కోరిక‌ను వ్య‌క్తం చేసిన సంగ‌తి తెలిసిందే. ప్ర‌పంచంలోనే అత్యంత వేగ‌వంత‌మైన బౌలర్‌తో పోటీపడడాన్ని తాను ఆస్వాదిస్తాని కోహ్లి తెలిపాడు. "విరాట్ కోహ్లి ఒక అద్భుత‌మైన ఆట‌గాడు. అయితే స్టార్ ఆట‌గాళ్లు నుంచి భారీ ఇన్నింగ్స్‌ను మాత్ర‌మే ఆశిస్తాము. నేను కోహ్లికు త‌న కేరిర్‌లో బౌలింగ్ చేసి వుంటే అత‌డు ఇన్నింగ్ పరుగులు సాధించేవాడు కాదు. అత‌డు అత్య‌త్తుమ ఆట‌గాడు ఆన‌డంలో ఎటువంటి సందేహం లేదు. కానీ ప్ర‌స్తుతం కోహ్లి ప‌రుగులు సాధించాడానికి చాలా క‌ష్ట‌ప‌డుతున్నాడు. కోహ్లి నుంచి ఎప్పుడూ నేను భారీ ఇన్నింగ్స్‌ను మాత్ర‌మే ఆశిస్తాను" అని అక్త‌ర్ పేర్కొన్నాడు. ఇక త‌న అంత‌ర్జాతీయ‌ కెరీర్‌లో 458 మ్యాచ్‌లు ఆడిన కోహ్లి.. 23, 650 ప‌రుగులు సాధించాడు.

పాకిస్తాన్‌ మాజీ ఆటగాడు షోయబ్‌ అక్తర్‌ ఆర్‌సీబీ స్టార్‌ బ్యాట్స్‌మన్‌ కోహ్లికి తన ఆటతీరును మార్చుకోవాలంటూ సలహా ఇచ్చాడు. ఐపీఎల్‌ 2022లో కోహ్లి తొలి రెండు మ్యాచ్‌ల్లో 40 ప్లస్‌ స్కోర్లు చేశాడు. ఆ తర్వాత వరుసగా ఆడిన నాలుగు మ్యాచ్‌ల్లో తక్కువ రన్స్‌కే వెనుదిరిగాడు. ఇందులో రెండు రనౌట్లు తన స్వయంకృతపరాథమే. సీఎస్‌కేతో మ్యాచ్‌లో థర్డ్‌ అంపైర్‌ తప్పిదంతో కోహ్లి ఎల్బీగా వెనుదిరగాల్సి వచ్చింది. ఈ నేపథ్యంలోనే కోహ్లి ఆటతీరుపై అక్తర్‌ ఆసక్తికర వ్యాఖ్యలు చేశాడు.  ''బాగా ఆడకపోతే కోహ్లి అయినా సరే టైమ్‌ వస్తే జట్టు నుంచి పక్కకు తప్పుకోవాల్సిందే. ఇప్పుడున్న పరిస్థితుల్లో స్టార్‌ హోదా పనికిరాదు. ఎందుకంటే ఆ జట్టులో యువ ఆటగాళ్లు ఎందరో ఉన్నారు. కోహ్లి రాణించని రోజున అతన్ని డ్రాప్‌ చేసే అవకాశాలు ఉంటాయి. కోహ్లి బుర్రలో నాకు తెలిసి ఒక 10వేల ఆలోచనలు తిరుగుతున్నట్లుగా అనిపిస్తోంది. అతను మంచి వ్యక్తి.. అంతకుమించి గొప్ప క్రికెటర్‌. కానీ ఈ మధ్యన అతని ఫోకస్ సరిగా ఉండడం లేదు. కోహ్లి ఇప్పుడు ఫోకస్‌ కోల్పోకూడదు. ఇప్పటికే బాగా ఆడడం లేదని కోహ్లివైపు క్రికెట్‌ ఫ్యాన్స్‌  వేలెత్తి చూపిస్తున్నారు. దీన్నిబట్టి చూస్తే అతను ప్రమాదంలో ఉన్నట్లే. అందుకే ఒక విషయం చెబుతున్నా.. కోహ్లి అన్ని విషయాలు పక్కనబెట్టి ఒక సాధారణ ప్లేయర్‌గా ఫీలవ్వు.. బ్యాట్‌తో పరుగులు చేసి చూపించు. నువ్వు ఫామ్‌లోకి వస్తే ఆపడం ఎవరి తరం కాదు'' అంటూ అక్తర్‌ పేర్కొన్నాడు.   చదవండి: ఐపీఎల్‌ 2022 సీజన్‌ కోహ్లికి కలిసిరావడం లేదా!

పాకిస్తాన్‌ మాజీ ఆటగాడు షోయబ్‌ అక్తర్‌ ‍సొంతజట్టు ఆటతీరుపై మరోసారి విమర్శలు సంధించాడు. మ్యాచ్‌పై పట్టు సాధించే అవకాశం వచ్చినప్పటికి దానిని ఉపయోగించుకోలేకపోవడం మనకు మాత్రమే చెల్లిందంటూ తెలిపాడు. విషయంలోకి వెళితే.. ఆస్ట్రేలియాతో జరుగుతున్న రెండో వన్డేలో పాకిస్తాన్‌ ఆరంభాన్ని ఘనంగానే ఆరంభించింది. షాహిన్‌ అఫ్రిది తొలి ఓవర్‌లోనే ఆసీస్‌ కెప్టెన్‌ ఆరోన్‌ ఫించ్‌ను ఎల్బీగా పెవిలియన్‌ చేర్చాడు. కాగా ఫించ్‌కు అఫ్రిది బౌలింగ్‌లో ఇది వరుసగా రెండో గోల్డెన్‌ డక్‌ కావడం విశేషం. ఈ గొప్ప ఆరంభాన్ని పాక్‌ బౌలర్లు వినియోగించుకోలేకపోయారు. ఆసీస్‌ ఓపెనర్‌ ట్రెవిస్‌ హెడ్‌, వన్‌డౌన్‌లో వచ్చిన బెన్‌ మెక్‌డెర్మొట్‌లు పాక్‌ బౌలర్లను చెడుగుడు ఆడుకున్నారు. వారికి ఏ మాత్రం అవకాశమివ్వని హెడ్‌, మెక్‌డెర్మొట్‌లు బౌండరీల వర్షం కురిపించారు. ఈ దశలోనే హెడ్‌ 89 పరుగులు చేసి ఔటవ్వగా.. మెక్‌ డెర్మోట్‌ 104 పరుగులు చేసి ఔటయ్యాడు. వీరిద్దరి తర్వాత లబుషేన్‌ కూడా 59 పరుగులు చేయడంతో ఆసీస్‌ మరోసారి భారీ స్కోరు దిశగా పరుగులు తీసింది.  ఈ నేపథ్యంలోనే అక్తర్‌ మరోసారి బాబర్‌ ఆజం నేతృత్వంలోని పాక్‌ జట్టును విమర్శించాడు.''ఆట ఎలా ఆడాలో ఆస్ట్రేలియాను చూసి నేర్చుకోండి. ఆ జట్టు ఆరంభంలోనే ఫించ్‌ వికెట్‌ కోల్పోయింది. ఆ తర్వాత ట్రెవిస్‌ హెడ్‌, మెక్‌ డెర్మొట్‌లు ఇన్నింగ్స్‌ నడిపించిన తీరు అద్బుతం. ఈ రోజుల్లో ఒక వన్డే మ్యాచ్‌ ఎలా ఆడాలో వీరిని చూసి నేర్చుకోండి. అవకాశం వచ్చినా ఉపయోగించుకోకపోవడం మనకు అలవాటైపోయింది.. అదే మన దరిద్రం''అంటూ చెప్పుకొచ్చాడు. కాగా ఇంతకముందు కూడా అక్తర్‌ మూడో టెస్టు సందర్భంగా పాకిస్తాన్‌ ఆడిన తీరును తనదైన శైలిలో ఎండగట్టాడు. చదవండి: AUS vs PAK: పాపం గెలవాలన్న కసి అనుకుంటా.. అందుకే గోల్డెన్‌ డక్‌ Australia giving us a proper reminder again that this is how ODIs are supposed to be played these days :) — Shoaib Akhtar (@shoaib100mph) March 31, 2022

పాకిస్థాన్ మాజీ పేసర్ షోయబ్ అక్తర్.. దిగ్గజ ఆసీస్‌ ప్లేయర్‌ రికీ పాంటింగ్‌ను ఉద్దేశిస్తూ ఆసక్తికర వ్యాఖ్యలు చేశాడు. 1999లో పెర్త్‌లో జరిగిన టెస్ట్ మ్యాచ్‌ను గుర్తు చేసుకుంటూ కీలక వ్యాఖ్యలు చేశాడు. నాటి ఆసీస్‌ పర్యటనలో పాక్‌ అప్పటికే 0–2తో వెనుకబడి ఉందని, మూడో టెస్ట్‌లో ఎలాగైనా గెలవాలనే కసితో ప్రత్యర్ధులపై బౌన్సర్లతో విరుచుకుపడాలని డిసైడయ్యానని పేర్కొన్నాడు. ప్లాన్‌లో భాగంగా పాంటింగ్‌ను టార్గెట్‌ చేశానని, అయితే ఆ సమయంలో పాంటింగ్ కాకుండా ఏ ఇతర ఆటగాడు క్రీజ్‌లో ఉన్నా బంతితో తల పగులగొట్టేవాడినేనని ఓ ప్రముఖ వార్తా సంస్థకు ఇచ్చిన ఇంటర్వ్యూలో నాటి సంగతులను గుర్తు చేసుకున్నాడు.  ఇదే సందర్భంగా అక్తర్‌ మాట్లాడుతూ.. 2005 ఆసీస్‌ పర్యటనలో జస్టిన్ లాంగర్‌తో గొడవ జరిగిందని, అలాగే మాథ్యూ హేడెన్‌తో చిన్నపాటి ఘర్షణ కొట్టుకునేంతవరకు వెళ్లిందని గుర్తు చేసుకున్నాడు. ఆస్ట్రేలియా క్రికెటర్లలాగే తాను కూడా దూకుడుగా ఉండే వాడినని.. ఆ యాటిట్యూడ్‌ ఆసీస్‌ ఆటగాళ్లకు కూడా బాగా నచ్చేదని చెప్పుకొచ్చాడు. అప్పట్లోలా ప్రస్తుత ఆస్ట్రేలియా ఆటగాళ్లలో దూకుడు లేదని, అంతా సున్నితంగా ఉన్నారని, నేటి తరం ఆసీస్‌ ఆటగాళ్లలో ఆ వైఖరి ఎందుకు కొరవడిందో అర్ధం కావడం లేదని అన్నాడు. బ్రిస్బేన్‌లోని జెఫ్ థామ్సన్ ఇల్లు తనకు రెండో ఇల్లు లాంటిదని ఈ సందర్భంగా ప్రస్తావించాడు. చదవండి: వరల్డ్‌కప్‌కు ముందే భారత్‌- పాక్‌ మ్యాచ్‌.. ఎప్పుడంటే..?

టీమిండియా మాజీ బ్యాట్స్‌మన్‌ వీరేంద్ర సెహ్వాగ్‌, పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ల గురించి ప్రత్యేకంగా చెప్పనవసరం లేదు. ఒకరు డాషింగ్‌ ఓపెనర్‌గా పేరు పొందితే.. మరొకరు రావల్పిండి ఎక్స్‌ప్రెస్‌గా పేరు సాధించాడు. ఈ ఇద్దరు మైదానంలో ప్రత్యర్థులుగా తలపడిన సందర్భాలు చాలానే ఉన్నాయి. వీరిద్దరి ఆటను అభిమానులు బాగానే ఎంజాయ్‌ చేసేవారు. ఆన్‌ఫీల్డ్‌లో ప్రత్యర్థులైనప్పటికీ.. ఆఫ్‌ఫీల్డ్‌లో మాత్రం మంచి స్నేహితులుగా మెలిగారు. బయట ఈ ఇద్దరు ఎక్కడ కలిసినా ఒకరిపై ఒకరు జోకులు వేసుకుంటూ సరదాగా గడిపేవారు. ఒకసారి సెహ్వాగ్‌ బట్టతలపై అక్తర్‌ కామెంట్‌ చేశాడు. మరో సందర్భంలో ఒకపార్టీ సందర్బంగా అక్తర్‌ సూట్‌, టై కట్టుకొని వెళ్లాడు. కాగా ఇది చూసిన సెహ్వాగ్‌.. అచ్చం వెయిటర్‌లా కనిపిస్తున్నావు అని కామెంట్‌ చేశాడు. ఇలాంటి సరదా సందర్బాలు చాలానే ఉన్నాయి. He should learn from @virendersehwag about giving reply. I'm sure @shoaib100mph will also agree pic.twitter.com/qOTUgSKCon — Guruprasad Shenoy 🇮🇳 (@guruji_prasad) January 23, 2022 తాజాగా అక్తర్‌ యూట్యూబ్‌ వేదికగా జరిగిన ఒక స్టాండప్‌ కమెడియన్‌ షోలో పాల్గొన్నాడు. తన్మయ్‌ భట్‌, అక్తర్‌ల మధ్య సంభాషణ హైలెట్‌గా నిలిచింది. ఆద్యంతం నవ్వులు విరిసిన ఈ షోలో షోయబ్‌ ఆఖరున ఒక మాట అన్నాడు. ''నాకు ఒక కోరిక మిగిలిపోయింది.. ఏదో ఒకరోజు నా ప్రియ మిత్రుడు సెహ్వాగ్‌ చెంపను గట్టిగానే చెళ్లుమనిపిస్తా'' అంటూ నవ్వుతూ పేర్కొన్నాడు. కాగా దీనిపై సెహ్వాగ్‌ దగ్గర నుంచి ఇప్పటివరకు ఎలాంటి రియాక్షన్‌ లేదు. సెహ్వాగ్‌ స్పందిస్తాడో లేదో చూడాలి. టీమిండియా తరపున 2001లో అంతర్జాతీయ క్రికెట్లో అరంగేట్రం చేసిన సెహ్వాగ్‌ 251 వన్డేల్లో 8273 పరుగులు, 104 టెస్టుల్లో 8586 పరుగులు, 19 టి20ల్లో 394 పరుగులు చేశాడు. తన దూకుడైన ఆటతీరుతో డాషింగ్‌ ఓపెనర్‌గా ముద్రపడిన సెహ్వాగ్‌ 2013లో అంతర్జాతీయ క్రికెట్‌కు గుడ్‌బై చెప్పాడు. ఇక 2007టి 20, 2011 వన్డే వరల్డ్‌కప్‌ సాధించిన టీమిండియా జట్టులో సెహ్వాగ్‌ సభ్యుడిగా ఉన్నాడు. ఇక పాకిస్తాన్‌ తరపున ఫాస్ట్‌ బౌలర్‌గా గుర్తింపు పొందిన షోయబ్‌ అక్తర్‌ 163 వన్డేల్లో 247 వికెట్లు, 46 టెస్టుల్లో 178 వికెట్లు, 15 టి20ల్లో 19 వికెట్లు తీశాడు.  చదవండి: IPL 2022: కప్‌ గెలుస్తారో లేదో తెలీదు.. మా మనసులు దోచుకున్నారు PAK vs AUS: 24 ఏళ్ల క్రితం రాళ్లు రువ్వారు.. కట్‌చేస్తే Ranji Trophy 2022: ధోని హోం టీమ్‌ ప్రపంచ రికార్డ్.. ఏకంగా 1008 పరుగుల ఆధిక్యం

Shoaib Akhtar Highlights X Factor Lacked By Indian Pacers: టీమిండియా పేసర్లను ఉద్ధేశించి పాక్‌ మాజీ ఫాస్ట్‌ బౌలర్‌ షోయబ్‌ అక్తర్‌ వివాదాస్పద వ్యాఖ్యలు చేశాడు. ఫాస్ట్‌ బౌలింగ్‌లో పాక్‌ పేసర్ల ఆధిపత్యం గురించి ఆసీస్‌ మాజీ స్పీడ్‌స్టర్‌ బ్రెట్‌ లీతో మాట్లాడుతూ భారతీయుల ఆహారపు అలవాట్లను కించపరిచేలా​ వ్యాఖ్యానించాడు. ఇటీవలి కాలంలో భారత పేస్‌ దళం బాగా పుంజుకున్నప్పటికీ.. కొన్ని విషయాల్లో పాక్‌ పేసర్లతో పోలిస్తే బాగా వెనకపడి ఉందని అన్నాడు.  భారత పేసర్లు తమ ఆహారపు అలవాట్ల కారణంగా బలహీనంగా కనిపిస్తారని, ఇదే వారికి పాక్‌ పేసర్లకు తేడా అని పేలాడు. పాక్‌ పేసర్ల ముఖాల్లో కనిపించే కసి, యాటిట్యూడ్‌ భారత పేస్‌ బౌలర్ల ముఖాల్లో కనిపించవని, ఈ వ్యత్యాసం క్రికెట్‌ తొలినాళ్ల నుంచే ఉందని, అందుకు కారణం మా తిండి, వాతావరణం అని తెలిపాడు.  పాక్‌ బౌలర్లు బౌలింగ్ వేసే సమయంలో ఇతర విషయాల గురించి ఆలోచించరని.. వికెట్ తీయడమే వారి ప్రధాన లక్ష్యమని పేర్కొన్నాడు. ఈ యాటిట్యూడే వేగంగా బంతులు వేసేందుకు కావాల్సిన ఎనర్జీని ఇస్తుందని వివరించాడు. దీనికి తోడు మేము ఎక్కువగా మాంసాహారం తింటామని, అందుకే దృడంగా ఉంటామని, ఫాస్ట్ బౌలింగ్ విషయానికి వస్తే సింహాల్లా పరుగెడతామని కామెంట్స్‌ చేశాడు. ప్రస్తుతం తరం పాక్ పేసర్లలో షాహీన్ ఆఫ్రిదీ, హసన్ ఆలీల్లో ఈ లక్షణాలు స్పష్టంగా కనిపిస్తాయని ఈ సందర్భంగా ఉదహరించాడు.  ఇదిలా ఉంటే, ప్రస్తుత ప్రపంచ క్రికెట్‌లో టీమిండియా పేస్‌ యూనిట్‌కు మించిన ఫాస్ట్‌ బౌలింగ్ దళం ఏ జట్టుకు లేదనడం అతిశయోక్తి కాదు. జస్ప్రీత్‌ బుమ్రా, మహ్మద్ షమీ, ఉమేశ్ యాదవ్, ఇషాంత్ శర్మ, శార్దూల్ ఠాకూర్, నవ్‌దీప్‌ సైనీ, టి నటరాజన్‌ వంటి పేసర్లతో భారత పేస్‌ విభాగం కలకలలాడుతోంది. ఈ విషయంలో ఇంగ్లండ్, ఆస్ట్రేలియా, దక్షిణాఫ్రికా, వెస్టిండీస్‌, న్యూజిలాండ్‌ జట్ల పేసర్ల కంటే భారత పేస్‌ దళం దృడంగా కనిపిస్తుంది.  చదవండి: ధోని నా భార్య కాదు.. బీసీసీఐలో నాకు గాడ్‌ ఫాదర్‌లు ఎవ్వరూ లేరు..!

భారత క్రికెట్‌ దిగ్గజం సచిన్‌ టెండూల్కర్‌ క్రికెట్‌ చరిత్రలో లెక్కలేనన్ని రికార్డులు సొంతం చేసుకున్నాడు. అన్ని ఫార్మాట్లు కలిపి అంతర్జాతీయ క్రికెట్‌లో 34,357 పరుగులు సాధించాడు. వన్డే,టెస్టులు కలిపి 100 సెంచరీలు తన ఖాతాలో వేసుకున్న మాస్టర్‌ బ్లాస్టర్‌ ఎవరికి అందనంత ఎత్తులో నిలిచాడు. ఇప్పుడున్న పరిస్థితుల్లో సచిన్‌ రికార్డును బ్రేక్‌ చేయడం కష్టతరమే. ఈ నేపథ్యంలో పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ సచిన్‌పై ఆసక్తికర వ్యాఖ్యలు చేశాడు. టీమిండియా మాజీ కోచ్‌ రవిశాస్త్రితో జరిగిన యూట్యూబ్‌ ఇంటర్య్వులో అక్తర్‌ మాట్లాడాడు. చదవండి: చరిత్ర సృష్టించనున్న టీమిండియా.. రోహిత్‌కు అరుదైన గౌరవం ''క్రికెట్‌లో ఇప్పుడున్న రూల్స్‌ అన్ని బ్యాట్స్‌మెన్‌కు అనుకూలంగా ఉన్నాయి. రెండు కొత్త బంతుల నిబంధన.. మ్యాచ్‌లో ఇన్నింగ్స్‌కు మూడు రివ్యూలు.. ఇలా ఏవి చూసుకున్నా బ్యాటర్స్‌కే అనుకూలంగా ఉంది. ఒకవేళ సచిన్‌ ఆడుతున్న సమయంలో ఇలాంటి రూల్స్‌ ఉండుంటే కచ్చితంగా లక్ష పరుగుల పైనే కొట్టేవాడు. కానీ సచిన్‌కు ఆ అవకాశం లేకుండా పోయింది. అందుకే సచిన్‌ను.. ''నేను పూర్‌ సచిన్‌'' అని పేర్కొంటున్నా. సచిన్‌ ఆడుతున్న సమయంలో దిగ్గజ బౌలర్లు వసీమ్‌ అక్రమ్‌, వకార్‌ యూనిస్‌, షేన్‌ వార్న్‌, బ్రెట్‌ లీ, మెక్‌గ్రాత్‌ సహా నాలాంటి బౌలర్లతో పాటు తర్వాతి జనరేషన్‌ బౌలర్లను కూడా ఎదుర్కొన్నాడు. అందుకే అతన్ని కఠినమైన బ్యాట్స్‌మన్‌గానూ అభివర్ణిస్తా'' అంటూ పేర్కొన్నాడు. అక్తర్‌ సమాధానం విన్న రవిశాస్త్రి తన  సలహాను కూడా వెల్లడించాడు. ఇప్పుడున్న రూల్స్‌ను బ్యాలెన్స్‌ చేయాలంటే.. ఓవర్‌కు రెండు చొప్పున బౌన్సర్లు వేసేందుకు అనుమతి ఉంది. దాని లిమిట్‌ను పెంచితే బాగుంటుంది అని అభిప్రాయపడ్డాడు. చదవండి: WI vs ENG: అనవసరంగా 20 పరుగులు.. సొంత జట్టుపై పొలార్డ్‌ అసహనం

లెజెండ్స్‌ లీగ్‌ క్రికెట్‌ 2022 ఆఖరి అంకానికి చేరింది. శనివారం రాత్రి వరల్డ్‌ జెయింట్స్‌, ఆసియా లయన్స్‌ మధ్య ఫైనల్‌ మ్యాచ్‌ జరగనుంది. ఇరుజట్లు సూపర్‌స్టార్‌ ఆటగాళ్లతో నిండిఉండడంతో రెండు ఫెవరెట్‌గానే కనిపిస్తున్నాయి. అయితే మ్యాచ్‌ మొదలవడానికి ముందు రెండు జట్లలోని ఇద్దరు ఐకానిక్‌ ప్లేయర్స్‌ ఒకరిపై ఒకరు కత్తులు దూసుకున్నారు. వారిలో ఒకరు ఆసియా లయన్స్‌ తరపున ఆడుతున్న షోయబ్‌ అక్తర్‌.. రెండో ఆటగాడు వరల్డ్‌ జెయింట్స్‌ ప్లేయర్‌ బ్రెట్‌ లీ. విషయంలోకి వెళితే.. ఫైనల్‌ గెలిచిన తర్వాత అందించే ట్రోఫీని వీడియోలో షేర్‌ చేస్తూ.. అక్తర్‌ను టాగ్‌ చేస్తూ... నేను రెడీగా ఉన్నా..  బ్లాక్‌బాస్టర్‌ పోరుకు నువ్వు రెడీయే నా అక్తర్‌ అంటూ పేర్కొన్నాడు. దీనికి బదులుగా రావల్పిండి ఎక్స్‌ప్రెస్‌ వినూత్న రీతిలో స్పందించాడు. పుట్టుకతోనే నేను రెడీగా ఉన్నా అంటూ లీకి దిమ్మతిరిగే సమాధానమిచ్చాడు. ప్రస్తుతం దీనికి సంబంధించిన వీడియో సోషల్‌ మీడియాలో వైరల్‌గా మారింది. Only a few hours away from the final #legendsleaguecricket 🏆 I hope your ready @shoaib100mph 🏏👑 pic.twitter.com/IktKuMtfSZ — Brett Lee (@BrettLee_58) January 29, 2022

పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ మరోసారి వార్తల్లో నిలిచాడు. తనను ఇంటర్య్వూ చేయడానికి వచ్చిన యాంకర్‌కు అక్తర్‌ వార్నింగ్‌ ఇచ్చాడు. పిచ్చి ప్రశ్నలతో  సమయం వృధా చేసింది.. వెంటనే ఆమెను స్విమ్మింగ్‌ఫూల్‌లో పడేయండంటూ పేర్కొన్నాడు. అయితే ఇది నిజమైన వార్నింగ్‌ అనుకుంటే మీరు పొరబడ్డట్టే. విషయంలోకి వెళితే.. ఇండియన్‌ టెలివిజన్‌ యాంకర్‌ షఫాలీ బగ్గా షోయబ్‌ అక్తర్‌ను ఫన్నీ ఇంటర్య్వూ చేసింది.   చదవండి: కప్పలా నోరు తెరిచాడు.. ఏమైంది గిల్లీ! ఈ సందర్భంగా ఆమె.. అక్తర్‌ను తన ఫన్నీ ప్రశ్నలతో నవ్విస్తానని చాలెంజ్‌ చేసింది. షఫాలీ బగ్గా అడిగిన ఒక్క ప్రశ్నకు కూడా అక్తర్‌ నవ్వలేదు. అయితే చివరి ప్రశ్నకు మాత్రం అక్తర్‌ నవ్వేశాడు. దీంతో యాంకర్‌ బగ్గా మీరు ఓడిపోయారని ఒప్పుకోండి.. అని అడిగింది. దీనికి అక్తర్‌ నవ్వుతూ.. ''ప్రొడ్యూసర్‌! ఆమె ప్రశ్నలయిపోయాయిగా.. స్విమ్మింగ్‌ఫూల్‌లో పడేయండి'' అంటూ పేర్కొన్నాడు. దీనికి సంబంధించిన వీడియోనూ షఫాలీ బగ్గా తన ఇన్‌స్టాగ్రామ్‌లో షేర్‌ చేసింది. ప్రస్తుతం ఈ వీడియో సోషల్‌ మీడియాలో వైరల్‌గా మారింది. చదవండి: Mohammad Rizwan: రిజ్వాన్ కెప్టెన్ ఇన్నింగ్స్‌... ముల్తాన్ సుల్తాన్ ఘ‌న విజయం View this post on Instagram A post shared by Shefali Bagga (@shefalibaggaofficial)

టీమిండియా మాజీ కెప్టెన్ విరాట్ కోహ్లిపై పాకిస్తాన్ మాజీ బౌల‌ర్ షోయబ్ అక్తర్ అస‌క్తిక‌ర వాఖ్యలు చేశాడు. కోహ్లి స్థానంలో తాను ఉండి ఉంటే అనుష్క శర్మతో వివాహం చేసుకునేవాడిని కాదని అక్తర్ పేర్కొన్నాడు. వివాహం ఆటగాడి జీవితంలో మరింత బాధ్యతను పెంచుతుంది. విరాట్ కెప్టెన్‌గా ఉండాల‌ని ఎప్పుడూ నేను కోరుకోలేదు అని అత‌డు తెలిపాడు. "విరాట్ దాదాపు 7 సంవత్సరాలు కెప్టెన్‌గా ఉన్నాడు. నేను ఎప్పుడూ అత‌డు కెప్టెన్‌గా ఉండాల‌ని అనుకోలేదు. అత‌డు బ్యాటింగ్‌పై దృష్టి సారించి, 100 నుంచి 120 పరుగులు సాధించాల‌ని కోరుకున్నాను. కెప్టెన్సీ అదనపు బాధ్యతలు ఆటగాడి వ్య‌క్తిగ‌త ప్ర‌ద‌ర్శ‌న‌పై ప్రభావం చూపుతాయి. నేను అతని స్థానంలో ఉంటే, నేను అంత త్వ‌ర‌గా పెళ్లి చేసుకో పోయేవాడ‌ని. పెళ్లి చేసుకోవడం తప్పని అనడం లేదు, ఎప్పటికీ పెళ్లి చేసుకోకూడదని కూడా చెప్పడం లేదు. కోహ్లి 120 సెంచరీలు చేసిన తర్వాత పెళ్లి చేసుకుంటే బాగున్ను. విరాట్ కోహ్లి అంటే అభిమానులకు పిచ్చి. మ‌రో 20 ఏళ్లు పాటు విరాట్ క్రికెట్‌లో కొన‌సాగాలి" అని అక్తర్ పేర్కొన్నాడు. చ‌ద‌వండి: Ind Vs SA - Deepak Chahar: గెలిచే అవకాశం ఇచ్చాడు కానీ! కన్నీళ్లు పెట్టుకున్న దీపక్‌ చహర్‌.. వైరల్‌

Shoaib Akhtar On Virat Kohli: టీమిండియా కెప్టెన్సీ వివాదంపై పాక్‌ మాజీ బౌలర్‌, రావల్పిండి ఎక్స్‌ప్రెస్‌ షోయబ్‌ అక్తర్‌ సంచలన వ్యాఖ్యలు చేశాడు. ఏడేళ్లు టీమిండియాను విజయవంతంగా నడిపించిన కోహ్లిని బలవంత పెట్టి మరీ సారధ్య బాధ్యతల నుంచి తప్పుకునేలా చేశారని వివాదాస్పద వ్యాఖ్యలు చేశాడు. లెజెండ్స్‌ లీగ్‌లో ఆడుతున్న అక్తర్‌.. ఓ ప్రముఖ వార్తా సంస్థతో మాట్లాడుతూ.. అసలు కోహ్లికి కెప్టెన్సీ నుంచి తప్పుకోవాలన్న ఆలోచనే లేదని, కొందరు బలవంత పెట్టి మరీ అతన్ని తప్పుకునేలా చేశారని సంచలన ఆరోపణలు చేశాడు.   ఏది ఏమైనప్పటికీ.. కోహ్లి ప్రస్తుతం టీమిండియాలో సాధారణ ఆటగాడిగా కొనసాగాల్సిందేనని, అతను బ్యాటింగ్‌ ఫామ్‌ తిరిగి అందుకోవాలని, లేకపోతే మున్ముందు మరిన్ని కష్టాలు ఎదుర్కొవాల్సి వస్తుందని హెచ్చరించాడు. కోహ్లి ప్రస్తుత తరంలో గొప్ప బ్యాటర్‌ అనడంలో ఎటువంటి సందేహం లేదని, అయినప్పటికీ జట్టులో కొనసాగాలంటే కచ్చితంగా రాణించాల్సిందేనని చెప్పుకొచ్చాడు. ఈ సందర్భంగా టీమిండియా తదుపరి టెస్ట్‌ కెప్టెన్‌ ఎవరనే అంశంపై మాట్లాడుతూ.. బుమ్రాకు సారధ్య బాధ్యతలు అప్పచెబితే బాగుంటుందని అభిప్రాయపడ్డాడు.  ఇదిలా ఉంటే, టీ20 వరల్డ్ కప్ 2021 అనంతరం పొట్టి ఫార్మాట్‌ సారధ్య బాధ్యతల నుంచి తప్పుకుంటున్నట్లు ప్రకటించిన కోహ్లికి.. దక్షిణాఫ్రికా పర్యటనకు బయల్దేరే ముందు బీసీసీఐ ఊహించని షాకిచ్చింది. పరిమిత ఓవర్ల ఫార్మాట్‌లో ఇద్దరు కెప్టెన్లు ఉండకూడదనే కారణంగా అతని వన్డే కెప్టెన్సీని లాక్కుంది. తాజాగా దక్షిణాఫ్రికా చేతిలో టెస్ట్‌ సిరీస్‌ ఓటమి అనంతరం అతను టెస్ట్‌ సారధ్య బాధ్యతల నుంచి కూడా తప్పుకోవడంతో జట్టులో సాధారణ ఆటగాడిగా కొనసాగుతున్నాడు.  చదవండి: జాతీయ గీతాలాపన సందర్భంగా కోహ్లి అనుచిత ప్రవర్తన.. ఫైరవుతున్న ఫ్యాన్స్

టి20 ప్రపంచకప్‌ 2022లో లీగ్‌ దశలో చిరకాల ప్రత్యర్థులు భారత్‌, పాకిస్తాన్‌ల మధ్య మ్యాచ్‌ జరగనున్న సంగతి తెలిసిందే. ఒకే గ్రూఫ్‌లో ఉన్న కారణంగా టీమిండియా, పాకిస్తాన్‌ అక్టోబర్‌ 23న మెల్‌బోర్న్‌ వేదికగా తలపడనున్నాయి. ఈ మ్యాచ్‌ జరగడానికి దాదాపు తొమ్మిది నెలల సమయం ఉన్నప్పటికి పాకిస్తాన్‌ ఆటగాళ్లు ఇప్పటినుంచే కత్తులు దూస్తున్నారు. తాజాగా షోయబ్‌ అక్తర్‌ ఘాటు వ్యాఖ్యలు చేశాడు. చదవండి: "ఈ సారి కూడా విజ‌యం పాకిస్తాన్‌దే.. కోహ్లి, రోహిత్ త‌ప్ప‌..." ''ఈసారి కూడా విజయం మాదే. టి20 ప్రపంచకప్‌లో మెల్‌బోర్న్‌ వేదికగా జరగనున్న మ్యాచ్‌లో టీమిండియాపై పాకిస్తాన్‌ మరోసారి పై చేయి సాధిస్తుంది. టి20 క్రికెట్‌లో పాకిస్తాన్‌ ఎప్పుడు భారత్‌ కంటే బెటర్‌గానే కనిపిస్తుంది. ఇరు జట్ల మధ్య ఎప్పుడు మ్యాచ్‌ జరిగినా..  భారత్‌ మీడియా పనిగట్టుకొని టీమిండియాపై అనవసర ఒత్తిడి పెంచుతున్నారు. ఇది మాకు సానుకూలంగా మారుతుంది.. టీమిండియా అందుకే ఓడిపోతుంది'' అంటూ కామెంట్‌ చేశాడు. అయితే అక్తర్‌ వ్యాఖ్యలపై టీమిండియా ఫ్యాన్స్‌ ఆగ్రహం వ్యక్తం చేశారు. ''అంత సీన్‌ లేదు.. ఈసారి టీమిండియాదే పై చేయి అవుతుంది... మ్యాచ్‌కు ఇంకా తొమ్మిది నెలల సమయం ఉంది.. ఇప్పుడే అంత తొందరెందుకు అక్తర్‌.. దానికి  చాలా సమయం ఉంది''.. అంటూ కామెంట్స్‌ చేశారు. కాగా టీ20 ప్ర‌పంచక‌ప్-2021 లీగ్ ద‌శ‌లో పాక్ చేతిలో టీమిండియా ఘోర ప‌రాజ‌యాన్ని చ‌విచూసిన సంగ‌తి తెలిసిందే. టీ20 ప్ర‌పంచ‌క‌ప్‌-2022 అక్టోబర్ 16నుంచి న‌వంబ‌ర్ 13 వ‌ర‌కు జ‌ర‌గ‌నుంది. న‌వంబ‌ర్ 9న తొలి సెమీఫైన‌ల్, న‌వంబ‌ర్ 10న రెండో సెమీఫైన‌ల్ జ‌ర‌గ‌నున్నాయి. ఇక ఫైన‌ల్  మెల్‌బోర్న్ వేదిక‌గా న‌వంబ‌ర్‌ 13న జ‌ర‌గ‌నుంది. మొత్తం 8 జ‌ట్లును రెండు గ్రూపులుగా ఐసీసీ విభిజించింది. గ్రూప్‌-1లో ఆస్ట్రేలియా, ఆఫ్గానిస్తాన్‌, ఇంగ్లండ్‌, న్యూజిలాండ్ జ‌ట్లు ఉండ‌గా, గ్రూప్‌-2లో టీమిండియా,పాకిస్తాన్,ద‌క్షిణాఫ్రికా, బంగ్లాదేశ్ జ‌ట్లు ఉన్నాయి. చదవండి: SA vs IND: చివరి వన్డేలో గెలిచి భారత్ పరువు నిలుపుకునేనా?

పాకిస్తాన్‌ మాజీ పేసర్‌ షోయబ్‌ అక్తర్‌ ప్రపంచంలోనే అత్యుత్తమ ప్లేయింగ్ ఎలెవన్‌ను ప్రకటించాడు. తన జట్టులో నలుగురు భారత ఆటగాళ్లకు అవకాశం ఇచ్చాడు. కాగా తన జట్టులో ఓపెనర్లుగా గాడ్‌ ఆఫ్‌ క్రికెట్‌ సచిన్ టెండూల్కర్‌, వెస్టిండీస్ దిగ్గజ ఆటగాడు గోర్డాన్ గ్రీనిడ్జ్‌ని ఎంచుకున్నాడు. పాక్‌ మాజీ కెప్టెన్‌ ఇంజమామ్-ఉల్-హక్‌, సయీద్ అన్వర్‌కి వరుసగా మూడు, నాలుగు స్థానాల్లో చోటు కల్పించాడు. ఐదో స్ధానంలో భారత మాజీ కెప్టెన్‌ ధోనికి అవకాశం ఇచ్చాడు. ఆరో స్ధానంలో ఆస్ట్రేలియా మాజీ వికెట్‌ కీపర్‌ ఆడం గిల్‌క్రిస్ట్‌కి చోటు దక్కింది. ఇక ఆల్‌రౌండర్ల కోటాలో కపిల్‌దేవ్‌, యువరాజ్‌ సింగ్‌ను అక్తర్‌ ఎంపిక చేశాడు. తన జట్టులో ఏకైక స్పిన్నర్‌గా షేన్‌ వార్న్‌ను ఎంచుకున్నాడు. ఇక ఫాస్ట్‌ బౌలర్ల కోటాలో ఇక బౌలర్ల కోటాలో వసీం అక్రమ్, వకార్ యూనిస్‌కు చోటు దక్కింది. కాగా అక్తర్‌ ప్రకటించిన జట్టులో భారత స్టార్‌ ఆటగాళ్లు రోహిత్‌ శర్మ, విరాట్‌ కోహ్లికి చోటు దక్కలేదు. షోయబ్ అక్తర్ ఆల్ టైమ్ బెస్ట్ ప్లేయింగ్ ఎలెవన్‌: సచిన్ టెండూల్కర్, గోర్డాన్ గ్రీనిడ్జ్, ఇంజమామ్-ఉల్-హక్, సయీద్ అన్వర్, మహేంద్ర సింగ్ ధోనీ, ఆడమ్ గిల్‌క్రిస్ట్, యువరాజ్ సింగ్, షేన్ వార్న్ (కెప్టెన్), వసీం అక్రమ్, కపిల్ దేవ్, వకార్ యూనిస్ చదవండి: IND Vs SA: భారత్‌తో ఓటమి.. దక్షిణాఫ్రికా స్టార్‌ క్రికెటర్‌ సంచలన నిర్ణయం!

Shoaib Akhtars mothers demise: పాకిస్తాన్‌ మాజీ పేసర్‌ షోయబ్‌ అక్తర్‌ కుటుంబంలో తీవ్ర విషాదం చోటు చేసుకుంది. అక్తర్‌ తల్లి అనారోగ్యంతో ఆదివారం మరణించింది. ఈ విషయాన్ని అతడు ట్విటర్‌ వేదికగా తెలిపాడు. పాకిస్తాన్‌ మీడియా కథనాలు ప్రకారం.. షోయబ్‌ తల్లి ఆరోగ్యం క్షీణిచడంతో ఆసుపత్రికి తరలించగా.. చికిత్స పొందూతూ మృతి చెందింది. ఆమె అంత్యక్రియలు ఇస్లామాబాద్‌లో జరగనున్నాయి. కాగా అక్తర్‌ తల్లి మృతికి టీమిండియా మాజీ స్పిన్నర్‌ హర్భజన్ సింగ్, షోయబ్ మాలిక్‌తో పాటు పలువురు క్రికెటర్లు సంతాపం తెలిపారు. "ఈ క్లిష్ట సమయంలో మీకు అల్లా అండగా ఉండాలని కోరుకుంటున్నాను. ఆమె ఆత్మకు శాంతి చేకూరాలని  భగవంతుని ప్రార్ధిస్తున్నాను. ఆమె కుటంబ సభ్యులకు ప్రగాఢ సానుభూతి తెలియజేస్తున్నాను" అని హర్భజన్ సింగ్ ట్విటర్‌లో పేర్కొన్నాడు. చదవండి: Vijay Hazare Trophy Final: అర్ధ సెంచరీతో మెరిసిన దినేష్‌ కార్తీక్‌..

Shoaib Akhtar On Hardik Pandya Injury: వెన్నెముక గాయం కారణంగా టీమిండియా స్టార్‌ ఆల్‌రౌండర్ హార్ధిక్‌ పాండ్యా కెరీర్ ప్రమాదంలో పడిన సంగతి తెలిసిందే. గాయానికి ముందు ఓ వెలుగు వెలిగిన ఈ ముంబై ఇండియన్స్‌ ఆటగాడు.. శస్త్ర చికిత్స అనంతరం తిరిగి జట్టులోకి వచ్చినప్పటికీ మునుపటి ఫామ్‌ను అందుకోలేకపోతున్నాడు.  ఇటీవలి కాలంలో అతని ఫామ్‌ మరీ దారుణంగా ఉండటంతో జట్టులో స్థానాన్ని సైతం కోల్పోయాడు. ఈ నేపథ్యంలో పాండ్యా గాయంపై పాక్‌ మాజీ బౌలర్‌ షోయబ్ అక్తర్ ఆసక్తికర వ్యాఖ్యలు చేశాడు. ఆకాశ్‌ చోప్రా ఛానల్‌తో మాట్లాడుతూ.. హార్ధిక్‌ గాయాన్ని ముందు ఊహించానంటూ వ్యాఖ్యానించాడు. తాను హెచ్చరించిన గంటన్నరలోపే హార్ధిక్ గాయపడ్డాడని తెలిపాడు.  2018 ఆసియా కప్ సందర్భంగా హార్ధిక్ పాండ్యా, జస్ప్రీత్ బుమ్రాలను కలిశానని, ఆ సమయంలో వాళ్లు మరీ బక్కపలచగా ఉన్నారని, వాళ్లకి  వెన్నెముకలు ఉన్నాయా లేవా అన్నట్లు ఉండేవారని అన్నాడు. అప్పుడే తాను పాండ్యా గాయపడతావని హెచ్చరించానని, తాను చెప్పిన గంటన్నరలోపే పాక్‌తో మ్యాచ్‌ సందర్భంగా అతడు గాయపడ్డాడని చెప్పుకొచ్చాడు. కాగా, గాయం కారణంగా ఫామ్‌ కోల్పోయిన హార్ధిక్‌ టెస్టులకు గుడ్బై చెప్పి, పరిమిత ఓవర్ల ఫార్మాట్‌కు మాత్రమే పరిమతమయ్యే యోచనలో ఉన్నట్టు తెలుస్తోంది.  చదవండి: విజయ్‌ హజారే ట్రోఫీలో తెలుగు కుర్రాడి విధ్వంసం..

Shoaib Akhtar On Australia Way of Celebration Little Disgusting Netizens Troll Him: టి20 ప్రపంచకప్‌-2021 విజేతగా నిలిచిన ఆరోన్‌ ఫించ్‌ బృందం సంబరాలు చేసుకున్న తీరుపై పాకిస్తాన్‌ మాజీ బౌలర్‌ షోయబ్‌ అక్తర్‌ తీవ్ర వ్యాఖ్యలు చేశాడు. అసహ్యకరంగా సెలబ్రేషన్స్‌ చేసుకోవడం అవసరమా అంటూ సెటైర్లు వేశాడు. కాగా పొట్టి ఫార్మాట్‌ ప్రపంచకప్‌ టోర్నమెంట్‌లో ఆరుసార్లు నిరాశకు గురైన ఆస్ట్రేలియా ఎట్టకేలకు ఈ ఏడాది చాంపియన్‌గా నిలిచి తమ కలను నెరవేర్చుకున్న సంగతి తెలిసిందే. దీంతో కంగారూ జట్టు పట్టపగ్గాల్లేని ఆనందడోలికల్లో మునిగితేలింది. ఇన్నాళ్లూ అందని ద్రాక్షగా ఉన్న పొట్టి కప్‌ చేతులకందడంతో ఆటగాళ్లు తెగ సంబరాలు చేసుకున్నారు. ఆదివారం రాత్రి స్టేడియంలోని డ్రెస్సింగ్‌ రూమ్‌కు చేరగానే క్రికెటర్లు టిన్‌లలోని బీరును కాలి బూట్లలో పోసుకొని గుటకేశారు. ఆల్‌రౌండర్‌ స్టొయినిస్‌ కాలికి ఉన్న బూట్‌ విడిచి దాన్ని కడిగాకా బీరు పోసుకొని తాగాడు. కెప్టెన్‌ ఫించ్‌ అదేపని చేశాడు. తర్వాత వేడ్‌ సహా కొందరు సహచరులు ఇలా బూట్లలో బీరు తాగారు.  ఇందుకు సంబంధించిన వీడియో వైరల్‌ కాగా.. తన ట్విటర్‌ అ‍కౌంట్‌లో షేర్‌ చేసిన షోయబ్‌ అక్తర్‌.. ‘‘అసలు మీరేం చేశారు? వీళ్లు సెలబ్రేషన్స్‌ చేసుకున్న తీరు కాస్త అసహ్యంగా ఉంది కదా’’ అని కామెంట్‌ చేశాడు. ఈ క్రమంలో పాక్‌ ఫ్యాన్స్‌.. ‘‘కొంచెం కాదు.. చాలా జుగుప్సాకరంగా ఉంది’’ అంటూ అక్తర్‌కు మద్దతు పలుకుతున్నారు. మరికొంత మంది నెటిజన్లు మాత్రం.. ‘‘ఇది వారి సంప్రదాయంలో భాగం. ముందు ఆ విషయం తెలుసుకోండి. తెలియకపోతే ఊరుకోండి. అయినా, సెమీస్‌లో మిమ్మల్ని ఓడించినందుకేనా ఈ అక్కసు’’ అని అక్తర్‌కు చురకలు అంటిస్తున్నారు. కాగా రెండో సెమీ ఫైనల్‌లో ఆస్ట్రేలియా పాకిస్తాన్‌ను చిత్తు చేసి ఫైనల్‌కు వెళ్లిన సంగతి తెలిసిందే. దీంతో సూపర్‌ 12 రౌండ్‌లో ఐదింటికి ఐదు గెలిచి కప్‌ కొట్టాలన్న ఆశతో ఉన్న బాబర్‌ ఆజమ్‌ బృందానికి షాక్‌ తగిలింది. తుది పోరుకు అర్హత సాధించిన ఆసీస్‌.. న్యూజిలాండ్‌ను ఓడించి కొత్త చాంపియన్‌గా అవతరించింది. షూయీ సంప్రదాయం ఇలా బూట్లలో డ్రింక్స్‌ పోసుకుని తాగటం మనకు జుగుప్సాకరంగా ఉన్నా ఆస్ట్రేలియాలో ఇలాంటి సంబరాలు సాధారణమే! అన్నట్లు దీనికో పేరు కూడా ఉంది.  షూలో పోసుకు తాగడాన్ని ‘షూయి’ అంటారు. విశ్వవిజేతగా నిలవడంతో కంగారూ క్రికెటర్లు అలా షూయి వేడుక చేసుకున్నారు. ఆస్ట్రేలియాకు చెందిన ఫార్ములావన్‌ డ్రైవర్‌ రికియార్డో 2016లో జర్మన్‌ గ్రాండ్‌ప్రిలో పోడియం ఫినిష్‌ చేయగానే తొలిసారి షాంపేన్‌ బూట్లో పోసుకొని తాగాడు.  చదవండి: Hardik Pandya: హార్దిక్‌ పాండ్యాకు భారీ షాక్‌.. 5 కోట్ల విలువైన వాచీలు సీజ్‌! A little disgusting way of celebrating no?? pic.twitter.com/H96vMlabC8 — Shoaib Akhtar (@shoaib100mph) November 15, 2021

Shoaib Akhtar Comments On Man Of The tournament Award T20 World Cup 2021: అందని ద్రాక్షగా ఊరిస్తున్న టీ20 ప్రపంచకప్‌ను ఆస్ట్రేలియా ఎట్టకేలకు కైవసం చేసుకుంది. టీ20 ప్రపంచకప్‌-2021లో (నవంబర్‌ 14)న న్యూజిలాండ్‌తో జరిగిన ఫైనల్లో చారిత్రాత్మక విజయం సాధించిన.. ఆస్ట్రేలియా తొలి సారి టైటిల్‌ను ముద్దాడింది. అయితే ఈ విజయంలో ఆజట్టు స్టార్‌ ఓపెనర్‌ డేవిడ్‌ వార్నర్ కీలక పాత్ర పోషించాడు. ఒక్క ఫైనల్లోనే కాకుండా.. వార్నర్‌ టోర్నీ అంతటా అద్బుతంగా రాణించాడు. ఈ క్రమంలో ప్లేయర్ ఆఫ్ ది టోర్నమెంట్‌గా డేవిడ్‌ వార్నర్‌ను ఐసీసీ ఎంపిక చేసింది. అయితే డేవిడ్‌ వార్నర్‌ను ప్లేయర్ ఆఫ్ ది టోర్నమెంట్‌గా ఎంపిక చేయడంపై పాక్‌ మాజీ పేసర్‌ షోయబ్ అక్తర్ ఆసంతృప్తి వ్యక్తం చేశాడు. ట్విట్టర్ వేదికగా స్పందించిన అక్తర్‌.. "ఇది అసలు సరైన నిర్ణయం కాదు. ప్లేయర్ ఆఫ్ ది టోర్నీ బాబర్ ఆజమ్ కు ఇస్తారాని ఎదురు చూశాను. ఇదైతే కచ్చితంగా అన్యాయమే "అంటూ ట్వీట్ చేశాడు.  ఎందుకంటే.. ఈ టోర్నీలో పాకిస్తాన్‌ కెప్టెన్‌ బాబర్‌ ఆజాం కూడా అద్బుతంగా రాణించాడు. ఈ ప్రపంచకప్‌లో ఆరు మ్యాచ్‌లలో 303 పరుగులు చేసిన బాబర్‌ ఆజాం.. అత్యధిక పరుగులు సాధించిన ఆటగాడిగా ఉన్నాడు. మరోవైపు వార్నర్.. ఏడు ఇన్నింగ్స్‌లలో 289 పరుగులు మాత్రమే చేశాడు. దీంతో అత్యధిక పరుగులు చేసిన బాబర్‌కు అవార్డు ఇవ్వకుండా వార్నర్‌కు ఎలా ఇచ్చారాని ఐసీసీపై అక్తర్‌ మండి పడ్డాడు. చదవండి: T20 World Cup 2021: టీమిండియా ఆటగాళ్లకు ఐసీసీ షాక్‌! ఒక్కరంటే ఒక్కరికీ కూడా నో ఛాన్స్‌ Was really looking forward to see @babarazam258 becoming Man of the Tournament. Unfair decision for sure. — Shoaib Akhtar (@shoaib100mph) November 14, 2021

Shoaib Akhtar Praises Mohammad Rizwan For Playing T20 Semis With Severe Chest Infection: పాకిస్తాన్‌ స్టార్‌ ఓపెనర్‌ మహ్మద్‌ రిజ్వాన్‌పై ఆ దేశ మాజీ క్రికెటర్‌ షోయబ్‌ అక్తర్‌ ప్రశంసల వర్షం కురిపించాడు. తీవ్రమైన ఛాతి నొప్పితో బాధపడుతున్నా.. దేశం కోసం ఆడటం గొప్ప విషయం అన్నాడు. రెండు రోజులుగా ఐసీయూలో ఉన్న వ్యక్తి.. మైదానంలోకి వచ్చి అద్భుత ప్రదర్శన కనబరిచిన తీరు అతడిపై గౌరవాన్ని మరింత పెంచిందని పేర్కొన్నాడు. కాగా టీ20 ప్రపంచకప్‌-2021లో భాగంగా ఆస్ట్రేలియాతో రెండో సెమీ ఫైనల్‌కు ముందు మహ్మద్‌ రిజ్వాన్‌, షోయబ్‌ మాలిక్‌ అందుబాటులో ఉండే విషయంపై సందిగ్దత నెలకొన్న సంగతి తెలిసిందే.  ఈ క్రమంలో అనారోగ్య కారణాల దృష్ట్యా వారు జట్టుకు దూరం కానున్నారనే వార్తలు గుప్పుమన్నాయి. రిజ్వాన్‌ ఫ్లూ కారణంగా బాధ పడుతున్నాడన్న విషయం బయటకు వచ్చింది. ఈ క్రమంలో పాకిస్తాన్‌ జట్టు వైద్యుడు నజీబ్‌ సొమ్రూ... ‘‘నవంబరు 9న మహ్మద్‌ రిజ్వాన్‌ తీవ్రమైన చెస్ట్‌ ఇన్‌ఫెక్షన్‌తో ఆస్పత్రిలో చేరాడు. ఐసీయూలో ఉంచి చికిత్స అందించిన తర్వాత కోలుకున్నాడు’’ అని తెలిపాడు. ఇక దుబాయ్‌ వేదికగా ఆసీస్‌తో మ్యాచ్‌లో రిజ్వాన్‌ అందుబాటులోకి రావడమే కాదు.. 67 పరుగులతో రాణించి పాకిస్తాన్‌ మంచి స్కోరు(176) సాధించడంలో కీలక పాత్ర పోషించాడు. ఈ నేపథ్యంలో రిజ్వాన్‌ ఆరోగ్య పరిస్థితి మెరుగ్గానే ఉందని అనుకున్నారంతా! కానీ.. షోయబ్‌ అక్తర్‌ షేర్‌ చేసిన ఓ ఫొటో మాత్రం 29 ఏళ్ల రిజ్వాన్‌ మ్యాచ్‌కు రెండు రోజుల ముందు ఆస్పత్రి బెడ్‌పై ఎంతటి దీన స్థితిలో ఉన్నాడోనన్న విషయాన్ని కళ్లకు కట్టింది.  ‘‘ఈరోజు ఈ వ్యక్తి దేశం కోసం ఆడటమే కాదు.. అత్యుత్తమంగా రాణించాడంటే మనం ఊహించగలమా! గత రెండు రోజులుగా ఆస్పత్రిలోనే ఉన్నాడు! రిజ్వాన్‌ పట్ల గౌరవభావం అంతకంతకూ పెరుగుతూనే ఉంది’’ అని అక్తర్‌ తన పోస్టులో రాసుకొచ్చాడు. ఈ క్రమంలో పాకిస్తాన్‌ జట్టు అభిమానులు రిజ్వాన్‌ అంకితభావంపై ప్రశంసల జల్లు కురిపిస్తున్నారు. నిజమైన హీరో అంటూ కొనియాడుతున్నారు. మరికొందరు మాత్రం ఈ ఫొటో నిజమేనా అని సందేహం వ్యక్తం చేస్తున్నాకు. ఇక సెమీస్‌లో ఆస్ట్రేలియా పాకిస్తాన్‌పై విజయం సాధించి ఫైనల్‌కు దూసుకువెళ్లిన సంగతి తెలిసిందే. చదవండి: Pakistan Defeat Reasons: ఆ క్యాచ్‌ వదిలేయడం మా కొంప ముంచింది.. ఒక్క చిన్న తప్పు.. భారీ మూల్యం View this post on Instagram A post shared by Shoaib Akhtar (@imshoaibakhtar) Mohammad Rizwan spent 2 nights in ICU 😳😳pic.twitter.com/6kaNl0Bmrn — Thakur (@hassam_sajjad) November 11, 2021

T20 WC: Shoaib Akhtar Slams Morgan Captaincy And Comments On Final: ఇంగ్లండ్‌పై ఘన విజయంతో న్యూజిలాండ్‌ తొలిసారిగా టీ20 ప్రపంచకప్‌ టోర్నీ ఫైనల్‌కు చేరుకుంది. 5 వికెట్ల తేడాతో మోర్గాన్‌ సేనను మట్టికరిపించి సగర్వంగా తుదిమెట్టుపై అడుగుపెట్టింది. డారిల్‌ మిచెల్‌ చివరి వరకు అజేయంగా నిలవగా... జేమ్స్‌ నీషమ్‌ తన అద్భుతమైన ఇన్నింగ్స్‌తో ఇంగ్లండ్‌కు చేదు అనుభవాన్ని మిగిల్చాడు. ఫలితంగా ఏమాత్రం అంచనాలు లేకుండా ప్రపంచకప్‌-2021 బరిలో దిగిన కివీస్‌.. అందరినీ ఆశ్చపరుస్తూ అద్భుత పోరాట పటిమతో తుది పోరులో నిలిచింది. ఈ నేపథ్యంలో పాకిస్తాన్‌ మాజీ బౌలర్‌ షోయబ్‌ అక్తర్‌ సోషల్‌ మీడియా వేదికగా ఆసక్తికర వ్యాఖ్యలు చేశాడు. ఫైనల్‌ మ్యాచ్‌లో న్యూజిలాండ్‌- పాకిస్తాన్‌ తలపడితే చూడాలని ఉందన్నాడు. ఈ మేరకు ఇంగ్లండ్‌- కివీస్‌ మ్యాచ్‌, ఫైనల్‌ గురించి తన యూట్యూబ్‌ చానెల్‌ అభిప్రాయం పంచుకున్నాడు. ‘‘ఇంగ్లండ్‌ బ్యాటింగ్‌ ఆర్డర్‌ అస్సలు బాగాలేదు. లివింగ్‌స్టోన్‌, మోర్గాన్‌ కాస్త ముందే క్రీజులోకి రావాల్సింది. 12 లేదంటే 13వ ఓవర్‌లో వాళ్లు వచ్చి ఉంటే.. స్కోరు 170-175కు చేరుకునేది. కానీ అలా జరుగలేదు. మోర్గాన్‌ వ్యూహం నాకు అస్సలు నచ్చలేదు. ఇక కివీస్‌ లక్ష్య ఛేదనలో భాగంగా 17వ ఓవర్‌ను ఆదిల్‌ రషీద్‌తో వేయిస్తే బాగుండేది’’ అని అక్తర్‌ అభిప్రాయపడ్డాడు. ఈ మ్యాచ్‌లో మోర్గాన్‌ చేసిన తప్పు ఇదేనన్నట్లు పరోక్ష వ్యాఖ్యలు చేశాడు. ఇక మోర్గాన్‌, విలియమ్సన్‌.. ఇరువురి కెప్టెన్సీ ఏమంత బాగాలేదన్న అక్తర్‌... ఇరుజట్ల బ్యాటర్లు గొప్పగా ఏమీ ఆడలేదన్నాడు. ముఖ్యంగా కివీస్‌ కెప్టెన్‌ విలియమ్సన్‌(5 పరుగులు) ఈ మ్యాచ్‌తో గుణపాఠం నేర్చుకుని ఉంటాడు.. ఏదేమైనా ఒక్కసారి కుదురుకుంటే మిడిలార్డర్‌లో అతడు ఉండటం ప్రమాదకరమే’’ అని చెప్పుకొచ్చాడు. ఇక కివీస్‌తో పాకిస్తాన్‌ ఫైనల్‌లో తలపడాలని కోరుకుంటున్నానన్న అక్తర్‌... సెమీస్‌లో ఆసీస్‌తో పోరు మరీ నల్లేరు మీద నడకేమీ కాదని అభిప్రాయపడ్డాడు. ‘‘ఫైనల్‌లో న్యూజిలాండ్‌- పాకిస్తాన్‌ ఆడితే చూడాలని ఉంది. నిజానికి మాతో ఆడటం మానసికంగా వారిపై ఒత్తిడి పెంచుతుంది. అయితే, ఇంకో ముఖ్య విషయమం ఏమిటంటే.. పాకిస్తాన్‌ మొదటిసారిగా... ఆసీస్‌తో రసవత్తర పోరులో తలపడనుంది. మేం ఫైనలిస్టులం కావాలంటే.. ముందు అగ్నిపరీక్ష ఎదుర్కోక తప్పదు’’ అని అక్తర్‌ పేర్కొన్నాడు. కాగా నవంబరు 11న ఆస్ట్రేలియాతో పాకిస్తాన్‌ సెమీస్‌లో తలపడనుంది. స్కోర్లు: ఇంగ్లండ్‌- 166/4 (20) న్యూజిలాండ్‌- 167/5 (19). చదవండి: Pak Vs Aus: ఆసీస్‌తో సెమీస్‌కు ముందు పాకిస్తాన్‌కు భారీ షాకులు.. వాళ్లు లేకుండా ఫైనల్‌ చేరడం కష్టమే?!

Shoaib Akhtar Gets 100 Million Defamation Notice By PTV: పాకిస్థాన్‌ దిగ్గజ ఫాస్ట్‌ బౌలర్‌, రావల్పిండి ఎక్స్‌ప్రెస్‌ షోయబ్‌ అక్తర్‌కు అదే దేశానికి చెందిన ప్రముఖ క్రీడా ఛానల్‌ పీటీవీ(పాకిస్తాన్‌ టెలివిజన్‌ కార్పొరేషన్‌) దిమ్మతిరిగిపోయే షాకిచ్చింది. అక్తర్‌పై రూ. 10 కోట్ల పరువు నష్టం దావా వేసింది. ముందస్తు సమాచారం లేకుండా ఛానల్‌ నుంచి వైదొలిగాడని, నిబంధనలకు విరుద్ధంగా టీ20 ప్రపంచకప్‌-2021 వేదిక అయిన దుబాయ్‌ విడిచి వెళ్లిపోయాడని, తద్వారా తమ సంస్థకు భారీ మొత్తంలో నష్టం వాటిల్లిందంటూ పీటీవీ.. అక్తర్‌కు నోటీసులు జారీ చేసింది. అక్తర్‌.. భారత క్రికెటర్‌ హర్భజన్‌ సింగ్‌తో కలిసి ఓ ఇండియన్‌ టీవీ షోలో పాల్గొనడం వల్ల తమకు నష్టం కలిగిందని పీటీవీ నోటీసుల్లో పేర్కొంది.  ఇందుకుగాను అక్తర్‌ తన మూడు నెలల జీతం(రూ. 33, 33, 000)తో పాటు నష్టపరిహారంగా రూ. 10 కోట్లు చెల్లించాలంటూ దావా వేసింది. ఇలా జరగని పక్షంలో అక్తర్‌పై చట్టపరమైన చర్యలు తీసుకుంటామని హెచ్చరించింది. కాగా, టీ20 ప్రపంచకప్‌-2021లో భాగంగా పాకిస్థాన్‌, న్యూజిలాండ్‌ జట్ల మధ్య అక్టోబర్‌ 26న జరిగిన మ్యాచ్‌ అనంతరం నిర్వహించిన పీటీవీ లైవ్‌ షోలో అక్తర్‌కు ఘోర అవమానం జరిగింది. ఆ లైవ్‌ షోలో ప్రముఖ పాకస్థానీ వ్యాఖ్యాత, హోస్ట్‌ డాక్టర్‌ నౌమాన్‌ నియాజ్‌ అక్తర్‌ను లైవ్‌ లోనుంచి వెళ్లిపోవాలని ఆదేశించాడు. ఊహించని ఈ పరిణామంతో షాక్‌కు గురైన అక్తర్‌.. మైక్‌ను విసిరేసి షో నుంచి వాకౌట్‌ చేశాడు. అనంతరం ఆ టీవీ ఛానల్‌తో తనకున్న ఒప్పందాన్ని సైతం రద్దు చేసుకున్నాడు. చదవండి: T20 WC 2021: అక్తర్‌కు ఘోర అవమానం.. లైవ్‌లో పరువు తీసిన హోస్ట్‌

ఇస్లామాబాద్‌: పాకిస్తాన్ టెలివిజన్ కార్పొరేషన్ (పీటీఈ)  తమ దేశ మాజీ పేసర్ షోయబ్ అక్తర్‌కు 10 కోట్ల రూపాయల పరువు నష్టం నోటీసు ఇచ్చింది. పీటీఈ నుంచి అక్తర్‌ ఎలాంటి ముందస్తు సమాచారం లేకుండా వైదొగలడమే కాక ఒప్పంద నిబంధనలకు విరుధంగా టీ20 ప్రపంచకప్‌ ప్రసార నిమిత్తం దుబాయ్‌ వెళ్లిపోయాడంటూ పీటీవీ నోటీస్‌లో ఆరోపించింది. అంతేకాదు మూడు నెలల వ్రాతపూర్వక నోటీసు లేదా చెల్లింపుల ద్వారా అతని ఒప్పందాన్ని రద్దు చేసుకునే హక్కు ఇరుపక్షాలకు ఉంటుంది. (చదవండి: ట్యాక్సీల్లో వాళ్లను తప్ప ఇంకెవ్వరని ఎక్కించుకుని తీసుకురావద్దు!) కానీ అక్తర్‌ ఎలాంటి సమాచారం ఇవ్వకుండా రాజీనామా చేయడంతో తమ సంస్థకు భారీ నష్టాలు చవిచూసినట్లు నోటిస్‌లో పేర్కొంది. పైగా అక్తర్‌ భారత క్రికెటర్ హర్భజన్ సింగ్‌తో కలిసి ఒక భారతీయ టీవీ షోలో కనిపించడం కూడా తమ సంస్థకి కోలుకోలేని నష్టం వాటిల్లిందని తెలిపింది. ఈ మేరకు పీటీవీ మూడు నెలల జీతానికి సమానమైన రూ. 33,33,000 మొత్తంతో పాటు నష్టపరిహారంగా 10 కోట్ల రూపాయలు చెల్లించాలని పీటీవీ నోటిస్‌లో అక్తర్‌ను కోరింది. ఈ మేరకు అక్తర్‌ చెల్లించనట్లయితే పీటీసీ చట్టపరమైన చర్యలను తీసుకుంటామని హెచ్చరించింది. (చదవండి: అక్కడ అలా కొట్టుకోవడమే ఆచారమటా!!)

Shoaib Akthar Feels Questions Raised If New Zeland Lost Match Vs AFG.. టి20 ప్రపంచకప్‌లో భాగంగా అఫ్గానిస్తాన్‌తో జరగనున్న మ్యాచ్‌లో న్యూజిలాండ్‌ ఓడిపోతే తదనంతర పరిణామాలు తీవ్రంగా ఉండే అవకాశముందని పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ అభిప్రాయపడ్డాడు. తన యూట్యూబ్‌ చానెల్‌లో అక్తర్‌ మాట్లాడుతూ.. ''అఫ్గాన్‌తో పోరులో కివీస్‌ గెలిస్తే ఏ సమస్య ఉండదని.. ఓడిపోతే మాత్రం పాక్‌ అభిమానులు ఊరుకోరని.. సోషల్‌ మీడియాలో ట్రోల్స్‌ చేయడమే పనిగా పెట్టుకుంటారు. టి20 ప్రపంచకప్‌కు ముందు భద్రతా కారణాల రిత్యా న్యూజిలాండ్‌ పాకిస్తాన్‌తో  సిరీస్‌ను రద్దు చేసుకున్న సంగతి  పాక్‌ అభిమానులు మరిచిపోలేదు. పాక్‌, కివీస్‌ చేతిలో దారుణ పరాజయాలు చవిచూసిన టీమిండియా.. అఫ్గానిస్తాన్‌, స్కాట్లాండ్‌పై ఘన విజయాలు సాధించి ఒక్కసారిగా రేసులోకి వచ్చింది. చదవండి: T20 WC: అదొక్కటే దారి.. అలా అయితే భారత్‌ సెమీస్‌ ఇప్పుడు టీమిండియా సెమీస్‌ వెళ్లాలంటే అఫ్గాన్‌ చేతిలో కివీస్‌ ఓడిపోవడం ఒక్కటే మార్గం. ఒకవేళ అలా జరిగితే మాత్రం టీమిండియా సెమీస్‌కు వెళ్లాలని న్యూజిలాండ్‌ కావాలనే ఓడిపోయిదంటూ పాక్‌ క్రికెట్‌ ఫ్యాన్స్‌ ట్రోల్స్‌ చేయడం ఖాయం. అలా జరగకూడదంటే అఫ్గాన్‌పై కివీస్‌ విజయం సాధిస్తే సరిపోతుంది.'' అంటూ చెప్పుకొచ్చాడు. అయితే ఇదే అక్తర్‌ టీమిండియా, పాకిస్తాన్‌లు ఫైనల్లో తలపడితే చూడాలని ఉందంటూ రెండురోజులు క్రితం చేసిన ప్రకటన మరోసారి ప్రాధాన్యం సంతరించుకుంది. ఇక సూపర్‌ 12 దశ ముగుస్తున్న కొద్ది సెమీస్‌ రేసు ఉత్కంఠంగా మారిపోతూ వస్తోంది. ఇప్పటికే గ్రూఫ్‌ -1 నుంచి ఇంగ్లండ్‌ సెమీస్‌కు అర్హత సాధించగా.. రెండో స్థానం ​కోసం ఆస్ట్రేలియా, దక్షిణాఫ్రికాలు పోటీ పడుతున్నాయి. ఇక గ్రూఫ్‌-2 నుంచి పాకిస్తాన్‌ సెమీస్‌కు క్వాలిఫై కాగా.. రెండో స్థానం కోసం న్యూజిలాండ్‌, టీమిండియా, అఫ్గానిస్తాన్‌ల మధ్య తీవ్రమైన పోటీ నెలకొంది. నవంబర్‌ 7న అఫ్గానిస్తాన్‌, న్యూజిలాండ్‌ మ్యాచ్‌తో టీమిండియా భవితవ్యం తేలనుంది. చదవండి: Ravindra Jadeja: ఇంకేం చేస్తాం.. బ్యాగులు సర్దేసి ఇంటికి వెళ్తాం.. ఇచ్చిపడేశావ్‌ కదా భయ్యా! View this post on Instagram A post shared by Shoaib Akhtar (@imshoaibakhtar) World Cup becomes very interesting. It seems like India is heading closer to the miracle which looked impossible. New Zealand will be under a lot of pressure against Afghanistan. It will be a virtual quarter final for them. Full video: https://t.co/OTfprrwjZi pic.twitter.com/syzyk5BSVD — Shoaib Akhtar (@shoaib100mph) November 5, 2021

Shoaib Akhtar suspects internal turmoil in Team India ‘‘భారత జట్టులో నాకెందుకు రెండు క్యాంపులు కనిపిస్తున్నాయి? ఒకటి కోహ్లికి అనుకూలం.. మరొకటి కోహ్లికి వ్యతిరేకం. నాతో పాటు చాలా మందికి ఈ విషయం స్పష్టంగా అర్థమవుతోందని అనుకుంటున్నా. జట్టు రెండు గ్రూపులుగా విడిపోయినట్లుగా కనిపిస్తోంది.  అయితే, ఇలా ఎందుకు జరుగుతుందో నాకు మాత్రం అర్థం కావడం లేదు. బహుశా... కోహ్లికి కెప్టెన్‌గా ఇదే ఆఖరి టీ20 ప్రపంచకప్‌ కాబట్టి.. ఇలా జరుగుతోందేమో! ఈ టోర్నీలో తను తప్పుడు నిర్ణయాలు తీసుకుని ఉండవచ్చు. ఇదైతే కాదనలేని వాస్తవం. అయితే, కోహ్లి గొప్ప క్రికెటర్‌. తనను కచ్చితంగా మనందరం గౌరవించి తీరాల్సిందే’’అని పాకిస్తాన్‌ మాజీ క్రికెటర్‌ షోయబ్‌ అక్తర్‌ అన్నాడు. టీ20 వరల్డ్‌కప్‌-2021 టోర్నీలో టీమిండియా వరుస పరాజయాల నేపథ్యంలో స్పోర్ట్స్‌కీడాతో మాట్లాడిన రావల్పిండి ఎక్స్‌ప్రెస్‌ అక్తర్‌.. కోహ్లి సేన ఆట తీరును తప్పుబట్టాడు. న్యూజిలాండ్‌తో ఆడిన తీరు చూసిన తర్వాత వారిపై విమర్శలు రావడం సహజమేనన్నాడు. ‘‘టాస్‌ ఓడిన తర్వాత వాళ్ల ముఖాలు వాడిపోయాయి. అలాంటి ఆటిట్యూడ్‌ చాలా ప్రమాదకరం.  టాస్‌ ఓడినంత మాత్రాన మ్యాచ్‌ ఓడినట్లేనని ఎట్లా అనుకుంటారు. గేమ్‌ ప్లాన్‌ లేకుండానే బరిలోకి దిగారా? భారత జట్టులో విభేదాలు ఉన్నట్లు కనిపిస్తోంది’’ అని అక్తర్‌ చెప్పుకొచ్చాడు. కాగా పాకిస్తాన్‌తో 10 వికెట్ల తేడాతో, న్యూజిలాండ్‌ చేతిలో 8 వికెట్ల తేడాతో ఓడిన టీమిండియా నవంబరు 3న అఫ్గనిస్తాన్‌తో తమ తదుపరి మ్యాచ్‌ ఆడనుంది. చదవండి: KL Rahul: కోహ్లి, రోహిత్‌ శర్మకు విశ్రాంతి.. కెప్టెన్‌గా కేఎల్‌ రాహుల్‌!

Shoaib Akhtar Insulted On Live Television Show: టీ20 ప్రపంచకప్‌-2021లో భాగంగా పాకిస్థాన్‌, న్యూజిలాండ్‌ జట్ల మధ్య అక్టోబర్‌ 26న జరిగిన మ్యాచ్‌ అనంతరం నిర్వహించిన ఓ లైవ్‌ షోలో పాక్‌ మాజీ పేసర్‌, రావల్పిండి ఎక్స్‌ప్రెస్‌ షోయబ్‌ అక్తర్‌కు ఘోర అవమానం జరిగింది. పీటీవీ నిర్వహించిన ఆ లైవ్‌ షోలో ప్రముఖ పాకస్థానీ వ్యాఖ్యాత, హోస్ట్‌ డాక్టర్‌ నౌమాన్‌ నియాజ్‌ అక్తర్‌ను లైవ్‌ లోనుంచి వెళ్లిపోవాలని ఆదేశించాడు. మ్యాచ్‌ విశ్లేషణలో భాగంగా అక్తర్‌ పాక్‌ బౌలర్లు హరీస్‌ రౌఫ్‌, షాహిన్‌ అఫ్రిదిలపై ప్రశంసలు కురిపిస్తుండగా, నౌమన్ అభ్యంతరం చెప్పాడు.  Dr Nauman Niaz and Shoaib Akhtar had a harsh exchange of words during live PTV transmission. pic.twitter.com/nE0OhhtjIm — Kamran Malik (@Kamran_KIMS) October 26, 2021 అడిగిన ప్రశ్నలకు సమాధానం చెప్పకుండా ఇతర విషయాల గురించి మాట్లాడొద్దని వారించాడు. ఇందుకు నొచ్చుకున్న అక్తర్‌.. ‘మీరు చాలా దురుసుగా మాట్లాడుతున్నారు. ఇది కరెక్ట్‌ కాదని బదులిచ్చాడు. దీంతో సహనం కోల్పోయిన నౌమన్‌.. 'అతి తెలివిగా మాట్లాడితే సహించేది లేదు.. షో నుంచి వెళ్లిపోండి’ అంటూ లైవ్‌లో ఫైర్‌ అయ్యాడు. ఊహించని ఈ పరిణామంతో షాక్‌కు గురైన అక్తర్‌.. మైక్‌ను విసిరేసి షో నుంచి వాకౌట్‌ చేశాడు. అనంతరం ఆ టీవీ ఛానల్‌తో తనకున్న ఒప్పందాన్ని సైతం రద్దు చేసుకున్నాడు. ఈ కార్యక్రమంలో అక్తర్‌తో పాటు వివ్‌ రిచర్డ్స్‌, డేవిడ్‌ గోవర్‌, రషీద్‌ లతీఫ్‌, ఉమర్‌ గుల్‌, ఆకిబ్‌ జావిద్‌, పాక్‌ మహిళల క్రికెట్‌ జట్టు కెప్టెన్‌ సనా మీర్‌ పాల్గొన్నారు. ప్రస్తుతం ఈ ఘటనకు సంబంధించిన వీడియో నెట్టింట చక్కర్లు కొడుతుంది.   Multiple clips are circulating on social media so I thought I shud clarify.dr noman was abnoxious and rude wen he asked me to leave the show,it was embarrassing specially wen u have legends like sir Vivian Richards and David gower sitting on the set with some of my contemporaries — Shoaib Akhtar (@shoaib100mph) October 26, 2021 కాగా, సదరు విషయంపై అక్తర్‌ తాజాగా ట్విట్టర్‌ వేదికగా స్పందించాడు. టీవీల్లో మిలియన్ల మంది చూస్తుండగా నౌమన్‌ తనతో దురుసుగా ప్రవర్తించాడని, ఇది తనను ఎంతో బాధించిందని పేర్కొన్నాడు. ఇదంతా జరిగినప్పటికీ.. నౌమన్‌ తనను క్షమాపణలు కోరతాడని ఆశించానని, కానీ అందుకు అతను సుముఖంగా లేకపోవడం విచారకరమని అన్నాడు. ఇదిలా ఉంటే, టీ20 ప్రపంచకప్‌లో భాగంగా న్యూజిలాండ్‌తో జరిగిన మ్యాచ్‌లో పాక్‌ 5 వికెట్ల తేడాతో ఘన విజయం సాధించింది. పాక్‌ బౌలర్‌ హరీస్‌ రౌఫ్‌ నాలుగు వికెట్లతో చెలరేగి కివీస్‌ పతనాన్ని శాశించాడు. అంతకుముందు టీమిండియాతో జరిగిన మ్యాచ్‌లో సైతం పాక్‌ విజయం సాధించిన సంగతి తెలిసిందే.  చదవండి: 'ఆటగాళ్లను గౌరవించండి..' షమీకి మద్దతుగా నిలిచిన పాక్ ఓపెనర్

Shoaib Akhtar Comments On New Zealand Loss Against Pakistan: రావల్పిండి ఎక్స్‌ప్రెస్‌ షోయబ్‌ అక్తర్‌ న్యూజిలాండ్‌ జట్టుపై వ్యంగ్యాస్త్రాలు సంధించాడు. మైదానంలో కూడా భద్రతా కారణాల దృష్ట్యా ఇబ్బంది పడతారేమోనన్న కారణంగానే తొందరగా పెవిలియన్‌కు పంపామన్నట్లుగా సెటైర్లు వేశాడు. ఏదేమైనా శుభాకాంక్షలు అంటూ కేన్‌ విలియమ్సన్‌ సేనను టీజ్‌ చేశాడు. టీ20 వరల్డ్‌కప్‌-2021 టోర్నీలో భాగంగా అక్టోబరు 26 నాటి మ్యాచ్‌లో పాకిస్తాన్‌.. న్యూజిలాండ్‌ను 5 వికెట్ల తేడాతో చిత్తు చేసిన విషయం తెలిసిందే. తద్వారా గ్రూపు-2లోని టీమిండియా, న్యూజిలాండ్‌ వంటి ప్రధాన జట్లను ఓడించి సెమీస్‌ చేరే మార్గాన్ని సులువు చేసుకుంది. ఈ నేపథ్యంలో పాకిస్తాన్‌ మాజీ బౌలర్‌ షోయబ్‌ అక్తర్‌ తన యూట్యూబ్‌ చానెల్‌ వేదికగా స్పందించాడు. కివీస్‌పై పాక్‌ విజయాన్ని హర్షించిన అతడు... భద్రతా కారణాలు చూపి తమ దేశ పర్యటనను రద్దు చేసుకున్న న్యూజిలాండ్‌పై ప్రతీకారం తీర్చుకున్నట్లయిందని పరోక్షంగా వ్యాఖ్యానించాడు. ఈ మేరకు... ‘‘న్యూజిలాండ్‌ జట్టుకు శుభాభినందనలు. వాళ్లు పాకిస్తాన్‌కు రాలేదు.  యూఏఈలో సురక్షితంగా ఉన్నారా? అయ్యో... మీకోసం మైదానంలోకి భద్రతా సిబ్బందిని పంపడమే మర్చిపోయాం. నాకు తెలిసి మీరు మైదానంలో అంత సేఫ్‌గా ఉన్నట్లు భావించలేదు అనుకుంటా’’ అని సెటైర్లు వేశాడు. ఇక తమ దేశం గురించి చెబుతూ.. ‘‘పాకిస్తాన్‌, భారత్‌... ప్రపంచంలో ఉన్న నా అభిమానులందరికీ ఒక విజ్ఞప్తి.. దయచేసి మీరంతా న్యూజిలాండ్‌ క్రికెట్‌ బోర్డుకు ఓ ఇ- మెయల్‌ పంపండి.  పాకిస్తాన్‌ సురక్షితమైన దేశమే.. కానీ పాకిస్తాన్‌ క్రికెట్‌ జట్టుతో ఆట మాత్రం.. ఇతర జట్లకు అంత శ్రేయస్కరం కాదు’’ అంటూ షోయబ్‌ అక్తర్‌ బాబర్‌ ఆజం బృందాన్ని ఆకాశానికెత్తేశాడు. అదే విధంగా... టీమిండియా ఫైనల్‌కు చేరాలని ఆకాంక్షించిన అక్తర్‌... భారత్‌- పాక్‌ మధ్య తుదిపోరు మరింత ఆసక్తికరంగా సాగుతుందని చెప్పుకొచ్చాడు. న్యూజిలాండ్‌ను ఓడించి కోహ్లి సేనను సేవ్‌ చేశామని.. నవంబరు 14 వరకు మీకోసం ఎదురుచూస్తామని పేర్కొన్నాడు. చదవండి: Shoaib Malik: సెలక్టర్ల నిర్ణయం సరైందేనని నిరూపించాడు: జహీర్‌ ఖాన్‌

Shoaib Akhtar Funny Winning Advice to Pakistan: రావల్పిండి ఎక్స్‌ప్రెస్‌, పాకిస్తాన్‌ మాజీ బౌలర్‌ షోయబ్‌ అక్తర్‌ సోషల్‌ మీడియాలో యాక్టివ్‌ ఉంటాడని ప్రత్యేకంగా చెప్పనక్కర్లేదు. సమకాలీన క్రీడా విశేషాలపై తన అభిప్రాయాలు పంచుకుంటూ అభిమానులకు చేరువగా ఉంటాడు. తన యూట్యూబ్‌ చానెల్‌లో వీడియోలు షేర్‌ చేయడం సహా ఇతర చానెళ్లకు ఇంటర్వ్యూలు ఇస్తూ బిజీగా గడుపుతాడు. ఇక టీ20 వరల్డ్‌కప్‌-2021లో భాగంగా నేడు(అక్టోబరు 24)న చిరకాల ప్రత్యర్థులు ఇండియా- పాకిస్తాన్‌ తమ తొలి మ్యాచ్‌తో ట్రోఫీ కోసం వేట ప్రారంభించనున్న సంగతి తెలిసిందే. అయితే, ఇప్పటి వరకు ఈ టోర్నీలో టీమిండియానే పాక్‌పై ఆధిక్యంలో ఉంది. ఆడిన 5 మ్యాచ్‌లలోనూ దాయాదిని మట్టికరిపించి సత్తా చాటింది. ఈ నేపథ్యంలో షోయబ్‌ అక్తర్‌ పాకిస్తాన్‌ జట్టుకు అదిరిపోయే ఓ ఫన్నీ ఐడియా ఇచ్చాడు. స్పోర్ట్స్‌కీడాతో మాట్లాడుతూ.. బాబర్‌ ఆజం జట్టు... మ్యాచ్‌కు ముందు టీమిండియా ఆటగాళ్లకు నిద్రమాత్రలు ఇవ్వాలంటూ సరదాగా వ్యాఖ్యానించాడు. అప్పుడే పాక్‌ గెలిచే అవకాశం ఉందని పేర్కొన్నాడు. అంతేకాదు... టీమిండియా కెప్టెన్‌ విరాట్‌ కోహ్లిని ఇన్‌స్టాగ్రామ్‌ ఉపయోగించడం ఆపేయాలని విజ్ఞప్తి చేసిన అక్తర్‌... మెంటార్‌ ఎంఎస్‌ ధోని బ్యాటింగ్‌కు రావొద్దంటూ ఆసక్తికర వ్యాఖ్యలు చేశాడు. ఈ మేరకు.. ‘‘టీమిండియాకు స్లీపింగ్‌ పిల్స్‌ ఇవ్వండి. విరాట్‌ కోహ్లి... నువ్వు ఇన్‌స్టాగ్రామ్‌ వాడటం మానేయాలి. ఇక ఎంఎస్‌ ధోని బ్యాటింగ్‌కు రాకూడదు. ఎందుకంటే.. ఇప్పటికీ అత్యుత్తమ ఫామ్‌లో ఉన్న బ్యాటర్‌ అతడు’’ అంటూ సరాదాగా సంభాషించాడు.  ఇక పాకిస్తాన్‌ జట్టు గురించి మాట్లాడుతూ.. నెమ్మదిగా ఆరంభించినా.. 5 ఓవర్ల తర్వాత దూకుడు పెంచాలని బ్యాటర్లకు సూచించాడు. ఇక మంచి స్కోరు నమోదు చేసినట్లయితే... వరుస విరామాల్లో వికెట్లు పడగొడుతూ ప్రత్యర్థిని దెబ్బకొట్టాలని సూచించాడు. స్పోర్ట్స్‌కీడా షేర్‌ చేసిన ఈ వీడియోలో షోయబ్‌ అక్తర్‌తో పాటు టీమిండియా వెటరన్‌ ప్లేయర్‌ హర్భజన్‌ సింగ్‌ను కూడా మనం చూడవచ్చు! చదవండి: T20 World Cup 2021 Ind vs Pak: ఆ ముగ్గురి పేరు మీదే ఎ​క్కువ బెట్టింగ్‌లు! View this post on Instagram A post shared by Sportskeeda Cricket (@sportskeedacricket)

Shoaib Akthar Praise Virat Kohli.. పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ టీమిండియా కెప్టెన్‌ విరాట్‌ కోహ్లిని ప్రశంసల్లో ముంచెత్తాడు. పాకిస్తాన్‌ క్రికెట్‌ అభిమానులు టీమిండియాలోని కొంతమంది ఆటగాళ్లను అమితంగా ఇష్టపడతారని పేర్కొన్నాడు. ముఖ్యంగా కోహ్లి, రోహిత్‌ శర్మ, రిషబ్‌ పంత్‌లాంటి ఆటగాళ్లకు విపరీతమైన అభిమానం ఉంటుందని తెలిపాడు. ''కోహ్లిని టీమిండియా జట్టులో ఇంజమామ్‌ ఉల్‌ హక్‌గా అభివర్ణిస్తారని.. అతను పరుగులు చేయడంలో  మెషిన్‌ గన్‌ అనే పేరును సార్థకం చేసుకున్నాడు. ఇక పాకిస్తాన్‌- టీమిండియా పోరు గురించి ఏం మాట్లాడదలచుకోలేదు. నా దృష్టిలో ఎవరు ఫెవరెట్‌ అనేది చెప్పడం కష్టమే. మ్యాచ్‌ జరిగిన రోజే ఎవరికి అనుకూలంగా ఉంటే వారినే విజయం వరిస్తుంది. ఐసీసీ మేజర్‌ టోర్నీల్లో పాకిస్తాన్‌పై టీమిండియాదే స్పష్టమైన ఆధిక్యం. కానీ ఈసారి ఆ రికార్డు తిరగరాసే చాన్స్‌ ఉంది. టీమిండియా-పాకిస్తాన్‌ మ్యాచ్‌లో ఏం జరగాలని ఉంటే అదే జరుగుతుంది.  ఇండియాలోనూ నాకు చాలా మంది ఫ్యాన్స్‌ ఉన్నారు. పాక్‌ ఫెవరెట్‌ అంటే భారత అభిమానులు బాధపడతారు.. టీమిండియా ఫెవరెట్‌ అంటే పాక్‌ అభిమానులు గోల చేస్తారు. అందుకే సెంటిమెంట్స్‌ జోలికి వెళ్లదలచుకోలేను.'' అని అభిప్రాయపడ్డాడు. చదవండి: T20 WC 2021: తృటిలో తప్పించుకున్న పపువా; టి 20 ప్రపంచకప్‌ చరిత్రలో అత్యల్ప స్కోర్లు 

T20 World Cup 2021: Harbhajan Singh About Conversation with Shoaib Akhtar: క్యాష్‌ రిచ్‌ లీగ్‌ ఐపీఎల్‌-2021 ముగియగానే మరో క్రికెట్‌ పండుగ ఆరంభం కానుంది. అక్టోబరు 17 నుంచి టీ20 వరల్డ్‌కప్‌ టోర్నీ మొదలుకాబోతోంది. క్రికెట్‌ ప్రపంచం దృష్టిని ఆకర్షించే దాయాదుల మధ్య ఆసక్తికర పోరు అక్టోబరు 24న జరుగబోతోంది.  సుదీర్ఘ విరామం తర్వాత టీమిండియా- పాకిస్తాన్‌ దుబాయ్‌ ఇంటర్నేషనల్‌ క్రికెట్‌ స్టేడియంలో తలపడనున్నాయి. ఈ క్రమంలో భారత జట్టు వెటరన్‌ ఆటగాడు హర్భజన్‌ సింగ్‌... పాకిస్తాన్‌ మాజీ ప్లేయర్‌ షోయబ్‌ అక్తర్‌ మధ్య జరిగిన ఆసక్తికర సంభాషణ గురించి వెల్లడించాడు. ఈ మేరకు స్టార్‌ స్పోర్ట్స్‌తో భజ్జీ మాట్లాడుతూ... ‘‘షోయబ్‌ అక్తర్‌కు ఒకటే మాట చెప్పాను... మీరు మాకు మార్గం సుగమం చేస్తారు... మీరు ఆడతారు... కానీ ఓడిపోతారు... మీకు నిరాశ తప్పదు. మా జట్టు ఎంతో పటిష్టంగా ఉంది. మా వాళ్లు మిమ్మల్ని కచ్చితంగా ఓడిస్తారని అక్తర్‌కు చెప్పాను’’ అని పేర్కొన్నాడు. కాగా వరల్డ్‌ కప్‌ ఈవెంట్లలో ముఖాముఖి పోరులో పాకిస్తాన్‌పై ప్రతీసారి టీమిండియాదే పైచేయి. 7 వన్డేలు, 5 టీ20 మ్యాచ్‌లలో భారత జట్టు పాక్‌పై జయభేరి మోగించింది. ఇక చివరిసారిగా 2019 ప్రపంచకప్‌ సందర్భంగా గ్రూప్‌ స్టేజ్‌లో భారత్‌తో తలపడ్డ పాకిస్తాన్‌... 89 పరుగుల తేడాతో ఘోర పరాభవాన్ని మూటగట్టుకున్న విషయం తెలిసిందే.  భారత టీ 20 ప్రపంచకప్‌ జట్టు: విరాట్ కోహ్లి (కెప్టెన్), రోహిత్ శర్మ (వైస్‌ కెప్టెన్‌),  కేఎల్‌ రాహుల్, సూర్యకుమార్ యాదవ్, రిషబ్ పంత్ (వికెట్‌ కీపర్‌), ఇషాన్ కిషన్ (వికెట్‌ కీపర్‌), హార్దిక్ పాండ్యా, రవీంద్ర జడేజా, రాహుల్ చాహర్, రవిచంద్రన్ అశ్విన్, శార్దూల్‌ ఠాకూర్‌, వరుణ్ చక్రవర్తి, జస్ప్రీత్ బుమ్రా, భువనేశ్వర్ కుమార్, మొహమ్మద్ షమీ. రిజర్వ్‌ ఆటగాళ్లు: శ్రేయాస్‌ అయ్యర్‌, దీపక్‌ చహర్‌, అక్షర్‌ పటేల్‌ టి20 ప్రపంచకప్‌: పాకిస్తాన్‌ 15మందితో కూడిన జట్టు బాబర్ అజమ్ (కెప్టెన్), షాదాబ్ ఖాన్ (వైస్ కెప్టెన్), ఆసిఫ్ అలీ, ఫఖర్ జమాన్, హైదర్ అలీ, హారిస్ రౌఫ్, హసన్ అలీ, ఇమాద్ వసీం, మహ్మద్ హఫీజ్, మహ్మద్ నవాజ్, మహ్మద్ రిజ్వాన్, మొహమ్మద్ వసీం జూనియర్, సర్ఫరాజ్ అహ్మద్, షహీన్ షా అఫ్రిది, షోయబ్‌ మాలిక్‌ రిజర్వ్‌ ఆటగాళ్లు- కుష్‌దిల్‌ షా, షానవాజ్ దహాని, ఉస్మాన్ ఖాదిర్ చదవండి: IPL 2021 Final: ‘కెప్టెన్‌’ డ్రాప్‌ అయినా ఆశ్చర్యపడనక్కర్లేదు!

Shahid Afridi on Pakistan’s T20 World Cup selection: వచ్చే నెలలో జరుగనున్న టీ20 ప్రపంచకప్‌నకు ఎంపిక చేసిన తమ జట్టు పట్ల పాకిస్తాన్‌ మాజీ ఆల్‌రౌండర్‌ షాహిద్‌ ఆఫ్రిది అసంతృప్తి వ్యక్తం చేశాడు. కనీసం రెండు, మూడు మార్పులైనా చేయాలని, అప్పుడే అనుకున్న ఫలితాలు రాబట్టగలమని పేర్కొన్నాడు. యూఏఈ, ఒమన్‌ వేదికగా అక్టోబరు 17 నుంచి ఐసీసీ టీ20 వరల్డ్‌కప్‌ టోర్నీ ప్రారంభం కానున్న విషయం తెలిసిందే. ఈ క్రమంలో... 15 మందితో కూడిన జట్టును పాకిస్తాన్‌ క్రికెట్‌ బోర్డు(పీసీబీ) ప్రకటించింది. కెప్టెన్‌ బాబర్‌ అజమ్‌ నేతృత్వంలో ఐదుగురు స్పెషలిస్ట్‌ బ్యాట్స్‌మన్‌, ఇద్దరు వికెట్‌ కీపర్స్‌, నలుగురు ఆల్‌రౌండర్స్‌, నలుగురు ఫాస్ట్‌ బౌలర్స్‌తో మెగా ఈవెంట్‌లో బరిలో దిగనున్నట్లు తెలిపింది. అయితే, ఈ నిర్ణయం పట్ల పాక్‌ మాజీ బౌలర్‌ షోయబ్‌ అక్తర్‌... అసహనం వ్యక్తం చేసిన సంగతి తెలిసిందే. ఫఖర్‌ జమాన్‌, ఉస్మాన్‌ ఖాదీర్, షాహనవాజ్‌ దహానిలను రిజర్వ్‌ ఆటగాళ్లుగా ప్రకటించడం పట్ల అతడు అభ్యంతరం వ్యక్తం చేశాడు. అనుభవం ఉన్న ఆటగాళ్లను అవకాశం ఇస్తే బాగుంటందని సూచించాడు. ఇక అక్టోబరు 10 వరకు జట్లలో మార్పులు చేసుకునే అవకాశం ఉన్న నేపథ్యంలో షాహిద్‌ ఆఫ్రిది సైతం.. క్రికెట్‌ పాకిస్తాన్‌తో మాట్లాడుతూ పలు సూచనలు చేశాడు.  జట్టు ఎంపిక సరిగ్గా లేదు.. ‘‘కొంతమందిని ఎందుకు ఎంపిక చేశారో.. మరికొంత మందిని ఎందుకు పక్కన పెట్టారో అర్థం కావడం లేదు. టీ20 వరల్డ్‌కప్‌ ఆరంభానికి ముందే జట్టులో కొన్ని మార్పులు చేస్తారనే వార్తలు వినిపిస్తున్నాయి. నా వ్యక్తిగత అభిప్రాయం ప్రకారం.. ఇటీవల ప్రకటించిన జట్టు సరిగ్గా లేదు. కచ్చితంగా రెండు, మూడు మార్పులు చేయాలి. సెలక్షన్‌ కమిటీ అభిప్రాయంతో నేను ఏకీభవించడం లేదు. అయితే, వరల్డ్‌కప్‌లో మన జట్టుకు నేను తప్పకుండా మద్దతుగా నిలుస్తాను’’ అని చెప్పుకొచ్చాడు. అయితే, ఆ మార్పులు ఏమిటో మాత్రం వెల్లడించలేదు. ఇక మేజర్‌ టోర్నీకి ముందు కొత్త కోచ్‌ల నియామకం గురించి షాహిది చెబుతూ.. ‘‘టీ20 వరల్డ్‌కప్‌నకు ముందు కొత్తగా కోచింగ్‌ సిబ్బంది(హెడెన్‌, ఫిలాండర్‌) నియామకం పెద్దగా ప్రభావం చూపుతుందని నేను అనుకోను. టోర్నీ ముగిసిన తర్వాత ఈ నియామకం జరిపితే బాగుండేది’’ అని అభిప్రాయపడ్డాడు. పాత కోచ్‌లు మిస్బా-ఉల్‌- హక్‌, వకార్‌ యూనిస్‌ తమంతట తాముగా తప్పుకోవాలనే నిర్ణయం తీసుకుంటే మాత్రం అది పాకిస్తాన్‌ క్రికెట్‌కు నష్టం చేకూర్చే అవకాశం ఉందని పేర్కొన్నాడు. కొత్త కోచ్‌లు కుదురుకోవడానికి సమయం పడుతుందని, ఐసీసీ టోర్నీ సమయంలో ఇలాంటి మార్పులు ప్రభావం చూపుతాయని చెప్పుకొచ్చాడు. కాగా మిస్బా, వకార్‌ యూనిస్‌ స్థానంలో ఆసీస్ మాజీ దిగ్గజ ఆటగాడు మాథ్యూ హెడెన్‌ను హెడ్ కోచ్‌గా, సౌతాఫ్రికా మాజీ క్రికెటర్ వర్నన్‌ ఫిలాండర్‌ను బౌలింగ్‌ కోచ్‌గా పీసీబీ ఎంపిక చేసిన సంగతి తెలిసిందే. చదవండి: Shoaib Akhtar: ‘ముందు టీమిండియా.. ఆ తర్వాత న్యూజిలాండ్‌.. వదిలిపెట్టొద్దు’

Shoaib Akhtar About T20 World Cup: పాకిస్తాన్‌ క్రికెట్‌ గడ్డు పరిస్థితులు ఎదుర్కొంటోంది. పద్దెనిమిదేళ్ల సుదీర్ఘ విరామం తర్వాత ఆ దేశంలో పర్యటించడానికి అంగీకరించిన న్యూజిలాండ్‌ చివరి నిమిషంలో టూర్‌ రద్దు చేసుకోవడంతో పెద్ద షాక్‌ తగిలిన సంగతి తెలిసిందే. ఆటగాళ్ల భద్రత దృష్ట్యా తాము ఈ నిర్ణయం తీసుకున్నట్లు కివీస్‌ బోర్డు వెల్లడించింది. ఇక ఇంగ్లండ్‌ సైతం ఇదే బాటలో నడిచింది. ఇంగ్లండ్‌ మహిళల, పురుషుల జట్లు అక్టోబరులో పాకిస్తాన్‌లో పర్యటించాల్సి ఉందని, అయితే తాము ఇందుకు సుముఖంగా లేమని ఇంగ్లండ్‌ క్రికెట్‌ బోర్డు ప్రకటన విడుదల చేసింది.  ముందుగా నిర్ణయించినట్లుగా పాక్‌తో వన్డే, టీ20 సిరీస్‌లు ఆడలేమని స్పష్టం చేసింది. ఈ నేపథ్యంలో పాకిస్తాన్‌ మాజీ ఆటగాళ్లు విదేశీ బోర్డుల తీరుపై భగ్గుమంటున్నారు. ముఖ్యంగా రావల్పిండి ఎక్స్‌ప్రెస్‌ షోయబ్‌ అక్తర్‌.. దీనతంటికీ కివీస్‌ కారణమంటూ అగ్గిమీద గుగ్గిలం అవుతున్నాడు. ఇప్పటికే పలుమార్లు న్యూజిలాండ్‌ తీరును విమర్శించిన ఈ మాజీ బౌలర్‌.. ఇంగ్లండ్‌ ప్రకటనతో తాజాగా మరోసారి కివీస్‌పై ఆగ్రహం వ్యక్తం చేశాడు. ఈ మేరకు.. తన యూట్యూబ్‌ చానెల్‌ వేదికగా అక్తర్‌ మాట్లాడుతూ... ‘‘ఇప్పుడు ఇంగ్లండ్‌ కూడా మనల్ని తిరస్కరించింది. మరేం.. ఫర్వాలేదు గయ్స్‌... టీ20 వరల్డ్‌కప్‌లో కలుసుకుందాం. ముఖ్యంగా బ్లాక్‌క్యాప్స్‌(న్యూజిలాండ్‌)ను బాగా గుర్తుపెట్టుకుంటాం. పంజా విసరాల్సిన సమయం వచ్చింది. వాళ్లను అస్సలు వదిలిపెట్టకూడదు బాబర్‌ ఆజం’’ అని వ్యాఖ్యానించాడు. తమను ఇంతగా అవమానించిన జట్లపై వరల్డ్‌కప్‌ ఈవెంట్‌లో పైచేయి సాధించి ప్రతీకారం తీర్చుకోవాలని పాకిస్తాన్‌ కెప్టెన్‌ బాబర్‌ ఆజమ్‌కు సూచించాడు.  ‘‘టీమిండియాతో మన మ్యాచ్‌లు మొదలవుతాయి. ఆ తర్వాత మనం ఆడబోతున్న అతి ముఖ్యమైన గేమ్‌ న్యూజిలాండ్‌తోనే కదా. అక్టోబరు 26న ఈ మ్యాచ్‌ జరుగుతుంది. అక్కడే మన ప్రతాపం చూపించాలి. అయితే, అంతకంటే ముందు పాకిస్తాన్‌ క్రికెట్‌ బోర్డు ఆటగాళ్ల ఎంపిక విషయంలో కొన్ని మార్పులు చేయాల్సి ఉంది. తుదిజట్టు ఎంత బలంగా ఉంటే మనకు అంత మంచిది. వరల్డ్‌కప్‌పై దృష్టి సారించాలి. ఇలాంటి కష్ట సమయంలో గెలుపు మనకు ఎంతో అవసరం’’ అని పీసీబీ, ఆటగాళ్లకు అక్తర్‌ పలు సూచనలు చేశాడు.  So England also refuses. Its ok guys, see you all at the T20 World Cup. Specially @BLACKCAPS. Ab painja laganay ka time aa gaya hai. Chorna nahi hai ab @babarazam . Full video: https://t.co/zUwpaHDvzb pic.twitter.com/PxMb1Bt5bb — Shoaib Akhtar (@shoaib100mph) September 20, 2021

Shoaib Akhtar On Pak Vs Nz In T20 World Cup: పరిమిత ఓవర్ల సిరీస్‌ ప్రారంభమవడానికి కొద్ది నిమిషాల ముందు న్యూజిలాండ్‌ క్రికెట్‌ జట్టు పాకిస్తాన్‌ పర్యటన రద్దు చేసుకోవడాన్ని పాక్‌ మాజీ ఆటగాళ్లు తీవ్రంగా తప్పుబడుతున్నారు. తమ దేశంలో భద్రతకు వచ్చిన ముప్పేమీ లేదని, హామీ ఇచ్చి కూడా సిరీస్‌ రద్దు చేసుకోవడం దారుణమని మండిపడుతున్నారు. రావల్పిండి ఎక్స్‌ప్రెస్‌ షోయబ్‌ అక్తర్‌ సైతం.. న్యూజిలాండ్‌ పాక్‌ క్రికెట్‌ను చంపేసిందంటూ తీవ్ర స్థాయిలో విరుచుకుపడిన సంగతి తెలిసిందే. తాజాగా మరోసారి కివీస్‌పై ఆగ్రహం వ్యక్తం చేశాడు అక్తర్‌. వచ్చే నెలలో ఆరంభం కానున్న టీ20 వరల్డ్‌కప్‌ నేపథ్యంలో దెబ్బకు దెబ్బ తీయాలంటూ తమ జట్టుకు సూచించాడు. ఈ మేరకు.. ‘‘తేదీ గుర్తుపెట్టుకోండి గయ్స్‌. అక్కడే మన బలమేమిటో రుచి చూపించాలి’’ అని ట్వీట్‌ చేశాడు. ఈ సందర్భంగా టీ20 ప్రపంచకప్‌లో పాకిస్తాన్‌- న్యూజిలాండ్‌ అక్టోబరు 26న జరిగే మ్యాచ్‌ విషయాన్ని గుర్తు చేశాడు. కాగా భద్రతా కారణాల రీత్యా టూర్‌ రద్దు చేసుకున్నట్లు కివీస్‌ ప్రకటించిన సంగతి తెలిసిందే. దీంతో సెప్టెంబరు 17న ఆరంభం కావాల్సిన వన్డే సిరీస్‌ ఆకస్మికంగా ఆగిపోయింది. ఈ విషయంపై స్పందించిన పాకిస్తాన్‌ కెప్టెన్‌ బాబర్‌ ఆజం.. ‘‘ఈ ప్రకటన మమ్మల్ని తీవ్ర నిరాశకు గురిచేసింది. ఈ సిరీస్‌తో పాకిస్తాన్‌ క్రికెట్‌ అభిమానుల ముఖాల్లో చిరునవ్వులు పూస్తాయని భావించాం. మా దేశ భద్రతా సంస్థల మీద పూర్తి నమ్మకం ఉంది’’ అని కివీస్‌ తీరును విమర్శించాడు. కాగా 18 ఏళ్ల క్రితం న్యూజిలాండ్‌ ఆఖరిసారిగా పాక్‌లో పర్యటించింది. చదవండి: మ్యాచ్‌కు ముందు పరిస్థితి ఒక్కసారిగా మారిపోయింది.. భయంతో వణికిపోయాం Remember the date guys. This is where you respond to them with full strength. pic.twitter.com/ZSDgsfUu7j — Shoaib Akhtar (@shoaib100mph) September 18, 2021

Pakistan Interior Minister Says International Conspiracy.. పాకిస్తాన్‌లో సరైన భద్రత లేదంటూ న్యూజిలాండ్‌ జట్టు చివరి నిమిషంలో సిరీస్‌ను రద్దు చేసుకోవడం ఆశ్చర్యం కలిగించింది. మరికొద్ది నిమిషాల్లో తొలి మ్యాచ్‌ మొదలవుతుందనగా కివీస్‌ మేనేజ్‌మెంట్‌ నిర్ణయం తీసుకోవడం సగటు అభిమానిని షాక్‌కు గురిచేసింది.  ఈ ఊహించని హఠాత్పరిణామానికి పీసీబీ కూడా ఉలిక్కిపడింది. చాలా సంవత్సరాల తర్వత ఒక విదేశీ జట్టు మా గడ్డపై అడుగుపెట్టిందన్న ఆనందం పీసీబీకి మిగల్లేదు. ఒక్కసారిగా అయోమయంలో పడింది... ఉన్నపళంగా ఈ నిర్ణయానికి గల కారణం ఏంటో చెప్పాలంది. లోపాలుంటే సరిదిద్దుకుంటామంది. భద్రత ఏర్పాట్లను మరింత పటిష్టపరుస్తామంది. కానీ అప్పటికే జరగాల్సిన నష్టం జరిగిపోయింది. చదవండి: పాకిస్తాన్‌లో భద్రత లేదంటూ... కివీస్‌ పర్యటన రద్దు! పాకిస్తాన్‌ విదేశాంగ మంత్రి షేక్‌ రషీద్‌ అహ్మద్‌ కూడా కివీస్‌ సిరీస్‌ రద్దుపై ఆగ్రహం వ్యక్తం చేశారు. ఇస్లామాబాద్‌లో నిర్వహించిన ప్రెస్‌ కాన్ఫరెన్స్‌లో ఆయన మాట్లాడారు. '' మాపై కావాలనే కుట్రలు పన్నుతున్నారు. కొన్ని అతీత శక్తులు మా దేశంలో క్రికెట్‌ జరగకుండా అడ్డుపడుతున్నాయి. అఫ్గానిస్తాన్‌లో చోటుచేసుకున్న పరిణామాల అనంతరం మా దేశంపై పనిగట్టుకొని బురద జల్లుతున్నారు. ఉన్న పళంతగా కివీస్‌ సిరీస్‌ రద్దు చేసుకోవడం ఆశ్చర్యం కలిగించింది. వాళ్లు భద్రతా కారణాల రిత్యా అనే సాకు చూపుతున్నారు.. కానీ భద్రత విషయంలో పీసీబీ అన్ని రకాల ఏర్పాట్లు చేసింది. కివీస్‌ బోర్డుకు ఎటువంటి నష్టం కలగకుండా ఆటగాళ్లను జాగ్రత్తగా చూసుకుంటానని హామీ ఇచ్చింది. అయినప్పటికీ భద్రత అనే అంశాన్ని లేవనెత్తి మమ్మల్ని కించపరిచారు.'' అంటూ చెప్పుకొచ్చాడు. NZ just killed Pakistan cricket 😡😡 — Shoaib Akhtar (@shoaib100mph) September 17, 2021 Following points for New Zealand to remember: ° 9 Pakistanis were killed in the Christchurch attack. ° Pakistan stood strong with New Zealand. ° Pakistan toured New Zealand in the worst of Covid circumstances regardless of the crude treatment by NZ authorities on that tour. — Shoaib Akhtar (@shoaib100mph) September 17, 2021 కాగా న్యూజిలాండ్‌ జట్టు సిరీస్‌ను అర్థంతరంగా రద్దు చేసుకోవడంపై పలువురు మాజీ క్రికెటర్లు అసహనం వ్యక్తం చేశారు. కాగా పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ కివీస్‌ సిరీస్‌ రద్దు చేసుకోవడంపై ట్విటర్‌లో ఘాటుగా స్పందించాడు. ''న్యూజిలాండ్‌ జట్టు పాకిస్తాన్‌ క్రికెట్‌ను చంపేసింది.అర్థంతరంగా సిరీస్‌ రద్దు చేసుకున్న కివీస్‌ ముందు నేను కొన్ని ప్రశ్నలు ఉంచుతున్నా. క్రైస్ట్‌చర్చిలో జరిగిన పేలుడులో 9 మంది పాకిస్తానీలు చనిపోయారు. మరి అప్పుడు మీకు భద్రత గుర్తుకురాలేదా..? అంతేగాక ఈ విషయంలో అప్పట్లో పాకిస్తాన్‌ న్యూజిలాండ్‌కు మద్దతుగా నిలిచింది. కరోనా సంక్షోభం జోరుగా ఉన్న సమయంలో మేం మీ దేశంలో పర్యటించాం. అప్పడు మా ఆటగాళ్లకు మీ అధికారులు ఇచ్చిన భద్రత గురించి ఎంత తక్కువ మాట్లాడితే అంత మంచిది..'' అని ఆగ్రహం వ్యక్తం చేశాడు. కాగా కివీస్‌ పాక్‌ పర్యటనలో మూడు వన్డేలు, ఐదు టి20ల సిరీస్‌ ఆడాల్సింది. చదవండి: ENG TOUR OF PAK IN DOUBT: గంటల వ్యవధిలో పాక్‌ క్రికెట్‌కు మరో షాక్‌.. ?

Shoaib Akhtar And Shahid Afridi Slams New Zealand Cricket Board: పరిమిత ఓవర్ల సిరీస్‌ కోసం 18 సంవత్సరాల తర్వాత పాకిస్థాన్‌లో అడుగుపెట్టిన న్యూజిలాండ్ క్రికెట్‌ జట్టు తొలి వన్డేకు కొద్ది నిమిషాల ముందు భద్రతా కారణాల రీత్యా సిరీస్‌ మొత్తాన్ని రద్దు చేసుకుంటున్నట్లు ప్రకటించి సంచలనం సృష్టించింది. న్యూజిలాండ్ సెక్యూరిటీ విభాగం సూచన మేరకు ఈ నిర్ణయం తీసుకున్నట్లు ఆ దేశ క్రికెట్‌ బోర్డు ప్రకటించింది. భద్రతాధికారుల నుంచి అందిన ఆదేశాలతో కివీస్ క్రికెటర్లు హోటల్ రూముల నుంచి బయటకు రాలేదు. ప్రస్తుతం వారు స్వదేశానికి తిరుగుటపా కట్టేందుకు ఏర్పాట్లు చేసుకుంటున్నారు. భద్రత విషయమై పాక్‌ ప్రధాని ఇమ్రాన్‌ ఖానే స్వయంగా న్యూజిలాండ్‌ క్రికెటర్లకు భరోసా ఇచ్చినప్పటకీ వారు ససేమిరా అన్నట్లు తెలుస్తోంది. ఈ నేపథ్యంలో న్యూజిలాండ్‌ జట్టుపై పాక్‌ మాజీ క్రికెటర్లు షాహిద్ అఫ్రిది, షోయబ్ అక్తర్ తీవ్రస్థాయిలో ధ్వజమెత్తారు.  NZ just killed Pakistan cricket 😡😡 — Shoaib Akhtar (@shoaib100mph) September 17, 2021 సెక్యూరిటీ హెచ్చరిక లేదు.. ఏదీ లేదు.. అదంతా వట్టి డ్రామా.. హామీ ఇచ్చినా సిరీస్‌ను రద్దు చేసుకోవడం దారుణమని షాహిద్‌ అఫ్రిది మండిపడగా, ఆ దేశ మాజీ ఫాస్ట్‌ బౌలర్‌ షోయబ్ అక్తర్ కూడా తీవ్రస్థాయిలో విరుచుకుపడ్డాడు. "పాక్ క్రికెట్‌ను న్యూజిలాండ్ చంపేసింది" అంటూ కోపంగా ఉన్న ఎమోజీలతో ట్వీట్ చేశాడు. కాగా, సిరీస్ రద్దవ్వడంపై న్యూజిలాండ్‌ క్రికెట్‌ బోర్డు ఓ ప్రకటన విడుదల చేసింది. "సిరీస్‌ రద్దు పాక్‌ క్రికెట్ బోర్డుపై తీవ్ర ప్రభావం చూపిస్తుందని తెలుసు. పీసీబీ అద్భుతంగా ఆతిథ్యం ఇచ్చింది. కానీ ఆటగాళ్ల భద్రతే మాకు ముఖ్యం. అందుకే ఈ నిర్ణయం తీసుకున్నాం" అని ఆ జట్టు చీఫ్ ఎగ్జిక్యూటివ్ డేవిడ్ వైట్​ తెలిపారు. ఇదిలా ఉంటే, పాక్‌ పర్యటనలో భాగంగా న్యూజిలాండ్ జట్టు 3 వన్డేలు, 5 టీ20ల సిరీస్‌లు ఆడాల్సి ఉండింది. షెడ్యూల్ ప్రకారం సెప్టెంబర్ 17 నుంచి అక్టోబర్ 3 వరకు ఈ పర్యటన జరగాల్సి ఉంది. ఇందులో భాగంగా నేడు రావల్పిండి వేదికగా తొలి వన్డే జరగాల్సింది. On a HOAX threat you have called-off the tour despite all assurances!! @BLACKCAPS do you understand the IMPACT of your decision? — Shahid Afridi (@SAfridiOfficial) September 17, 2021 చదవండి: కోహ్లి వారసుడిగా రోహిత్‌తో పోలిస్తే అతనైతేనే బెటర్‌.. ఎందుకంటే..?

Shoaib Akhtar Unhappy with Pakistan T20 World Cup squad: రానున్న టీ20 వరల్డ్‌ కప్‌నకు ఎంపిక చేసిన పాకిస్తాన్‌ జట్టు పట్ల ఆ దేశ మాజీ క్రికెటర్‌ షోయబ్‌ అక్తర్‌ తీవ్ర అసంతృప్తి వ్యక్తం చేశాడు. మహ్మద్‌ వసీం చీఫ్‌ సెలక్టర్‌ కాదని, అతడొక తోలుబొమ్మ అని ఘాటు వ్యాఖ్యలు చేశాడు. టోర్నీ ఆరంభానికి ముందు కచ్చితంగా జట్టులో మార్పులు, చేర్పులు ఉంటాయని అభిప్రాయపడ్డాడు. అలా అయితేనే సత్ఫలితాలు ఉంటాయని పేర్కొన్నాడు. కాగా ఒమన్‌, యూఏఈ వేదికగా అక్టోబరు 17 నుంచి మెగా క్రికెట్‌ ఈవెంట్‌ ప్రారంభం కానున్న సంగతి తెలిసిందే. ఈ క్రమంలో ఇప్పటికే పలు దేశాలు టీ20 ప్రపంచకప్‌ ఆడబోయే జట్లను ప్రకటించాయి. పాకిస్తాన్‌ సైతం ఈ వారం ఆరంభంలో 15 మందితో కూడిన జట్టును అనౌన్స్‌ చేసింది. బాబర్‌ అజమ్‌ కెప్టెన్‌ సారథ్యంలోని ఐదుగురు స్పెషలిస్ట్‌ బ్యాట్స్‌మన్‌, ఇద్దరు వికెట్‌ కీపర్స్‌, నలుగురు ఆల్‌రౌండర్స్‌, నలుగురు ఫాస్ట్‌ బౌలర్స్‌తో బరిలో దిగననున్నట్లు పేర్కొంది. ఈ నిర్ణయం పట్ల పాక్‌ మాజీ క్రికెటర్లు, విశ్లేషకులు పెదవి విరుస్తున్నారు. ముఖ్యంగా దేశవాళీ, పరిమిత ఓవర్ల క్రికెట్‌లో మెరుగ్గా రాణిస్తున్న ఫఖర్‌ జమాన్‌, ఉస్మాన్‌ ఖాదీర్, షాహనవాజ్‌ దహానిలను రిజర్వ్‌ ఆటగాళ్లుగా ప్రకటించడం పట్ల అభ్యంతరం వ్యక్తం చేస్తున్నారు. అయితే, అత్యవసర పరిస్థితుల నేపథ్యంలో అక్టోబరు 10 వరకు జట్లలో మార్పులు చేసుకునే అవకాశం ఉండటంతో.. జట్టు కూర్పుపై రావల్పిండి ఎక్స్‌ప్రెస్‌ షోయబ్‌ అక్తర్‌ పలు సూచనలు చేశాడు. అనుభవం ఉన్న ఆటగాళ్లకు అవకాశం ఇవ్వాలని సూచించాడు. ఇందులో భాగంగా... ‘‘పాకిస్తాన్‌ టీ20 వరల్డ్‌కప్‌ జట్టులో బాబర్‌ ఆజం, మహ్మద్‌ హఫీజ్‌, మహ్మద్‌ రిజ్వాన్‌, షోయబ్‌ మాలిక్‌, ఇమాద్‌వసీం, షాబాద్‌ ఖాన్‌, షాహీన్‌ ఆఫ్రిది, హసన్‌ అలీ, షహనావాజ్‌ దహాని, ఫహీం అష్రఫ్‌, మహ్మద్‌ అమీర్‌, ఫఖర్‌ జమాన్‌, హుసేన్‌ తలత్‌ ఉండాలి’’ అని పేర్కొన్నాడు. అప్పుడే అనుకున్న ఫలితాలు వచ్చే అవకాశం ఉంటుందని అభిప్రాయపడ్డాడు. బాబర్‌ సంతృప్తిగానే ఉన్నాడు: వసీం ఖాన్‌ ఇదిలా ఉండగా.. పాకిస్తాన్‌ క్రికెట్‌ బోర్డు ప్రకటించిన టీ20 జట్టు పట్ల కెప్టెన్‌ బాబర్‌ ఆజం అసంతృప్తిగా ఉన్నాడని కొన్ని రోజులుగా వార్తలు వినిపిస్తున్నాయి. ఈ విషయంపై స్పందించిన పీసీబీ సీఈవో వసీం ఖాన్‌.. ఈ వార్తలను కొట్టిపడేశాడు. పీసీబీ నిర్ణయం పట్ల బాబర్‌కు ఎలాంటి ఆక్షేపణ లేదని, అతడు ఎంతో సంతోషంగా ఉన్నట్లు వెల్లడించాడు. జట్టు ఎంపిక సమయంలో అతడి సూచనలు, సలహాలు తీసుకున్నామని, ఈ విషయం పట్ల తను ఎంతో సంతోషంగా, సంతృప్తికరంగా ఉన్నట్లు స్పష్టం చేశాడు. చదవండి: T20 World Cup 2021: తొలిసారి మెగా ఈవెంట్‌కు నమీబియా.. జట్టు ఇదే! Asif and Khushdil return for ICC Men's T20 World Cup 2021 More details ➡️ https://t.co/vStLml8yKw#PAKvNZ | #PAKvENG | #T20WorldCup pic.twitter.com/9samGbJgDJ — PCB Media (@TheRealPCBMedia) September 6, 2021

ఇస్లామాబాద్‌: రావల్పిండి ఎక్స్‌ప్రెస్‌గా ప్రసిద్ధి చెందిన పాక్‌ మాజీ ఫాస్ట్ బౌలర్‌ షోయబ్‌ అక్తర్‌.. తాజాగా ఓ స్పోర్ట్స్‌ ఛానెల్‌కు ఇచ్చిన ఇంటర్వ్యూలో తన క్రీడా జీవితానికి సంబంధించిన ఓ ఆసక్తికర విషయాన్ని వెల్లడించాడు. తాను స్టార్‌ క్రికెటర్‌గా ఎదగడానికి ఇద్దరు ఆంటీలు(పిన్ని వరుస అయ్యేవారు) కారణమని పేర్కొన్నాడు. ప్రతి రోజు వారు తనని రెచ్చగొట్టేవారని, వారి మాటలతో మరింత కసిగా ప్రాక్టీస్ చేసేవాడినని చెప్పుకొచ్చాడు. వారు రోజు తనని ఎక్కడికి వెళ్తున్నావని అడిగేవారని, నేను స్టార్ అవుదామని వెళ్తున్నా అని చెప్పేవాడినని గతాన్ని గుర్తు చేసుకున్నాడు.  అయితే, వారి మాటల్లో ఉద్దేశం నాకు నిధానంగా బోధ పడిందని అక్తర్‌ భావోద్వేగానికి లోనయ్యాడు. నేను స్టార్ ప్లేయర్ కావాలనే వారు నన్ను అలా రెచ్చగొట్టేవారని తెలిసిందని అన్నాడు. ఆ ఇద్దరు మహిళలే కాకుండా చుట్టు పక్కన వాళ్లు కూడా తనను ఎగతాళి చేసేవారని, నీకు క్రికెటర్ అయ్యేంత సీన్ లేదని రెచ్చగొట్టేవారని, వారి మాటలు తనలో మరింత కసిని రగిల్చాయని గుర్తు చేసుకున్నాడు. అయితే, నన్ను రెచ్చగొట్టినవారంతా నేను ఉన్నత స్థాయికి చేరాలనే అలా ప్రవర్తించేవారని తనకు తరువాత తెలిసిందని చెప్పుకొచ్చాడు.  ఇదంతా తన కెరీర్ ఆరంభంలో జరిగిన కథ అని అక్తర్‌ ఈ సందర్భంగా పేర్కొన్నాడు. కాగా, అక్తర్‌ ఇటీవల బాలీవుడ్‌ స్టార్ హీరోలు సల్మాన్‌ ఖాన్‌, షారుక్‌ ఖాన్‌ తనని సొంత తమ్ముడిలా చూసుకొనేవారని సంచలన వ్యాఖ్యలు చేసిన విషయం తెలిసిందే. పాకిస్తాన్ తరఫున 46 టెస్ట్‌లు, 163 వన్డేలు, 15 టీ20లు ఆడిన అక్తర్‌.. మొత్తంగా 444 వికెట్లు పడగొట్టాడు. క్రికెట్‌ ఆడే రోజుల్లో భారత్‌ పట్ల తీవ్ర వ్యతిరేకత ప్రదర్శించిన అక్తర్‌.. రిటైర్మెంట్‌ ప్రకటించాక భారత్‌ పట్ల సానుకూల వ్యాఖ్యలు చేస్తున్న సంగతి తెలిసిందే.  చదవండి: ఈ క్రికెట్‌ బంతి చాలా స్మార్ట్‌ గురూ​.. సీపీఎల్‌-2021లో వినియోగం

ఇస్లామాబాద్: ఇటీవలి కాలంలో దిగ్గజ ఆటగాళ్లు తమ తమ ఫేవరేట్ జట్లను ప్రకటిస్తున్న విషయం తెలిసిందే. ప్రపంచ వ్యాప్తంగా ఉన్న అత్యుత్తమ క్రికెటర్లను ఎంపిక చేసుకునే దిగ్గజాలు తన డ్రీమ్ జట్టును ప్రకటిస్తున్నారు. ఈ క్రమంలోనే పాక్‌ మాజీ స్పీడ్‌స్టర్‌ షోయబ్‌ అక్తర్‌ కూడా.. తన ఆల్‌టైం ఫేవరెట్‌ వన్డే జ‌ట్టును ప్రకటించాడు. ఈ జట్టులో ఏకంగా నలుగురు భారత క్రికెటర్లకు(సచిన్‌, ధోనీ, యువరాజ్‌, కపిల్‌ దేవ్‌) స్థానం కల్పించిన రావల్పిండి ఎక్స్‌ప్రెస్.. పరుగుల యంత్రాలుగా ప్రసిద్ధి చెందిన టీమిండియా, పాక్‌ కెప్టెన్లైన కోహ్లీ, బాబర్‌ ఆజమ్‌కు స్థానం కల్పించకపోవడం చర్చనీయాంశంగా మారింది. అక్తర్ తన జట్టులో ఓపెనర్లుగా టీమిండియా దిగ్గజం సచిన్ టెండూల్కర్, వెస్టిండీస్ మాజీ ఆటగాడు గ్రీనిడ్జ్‌లను ఎంపిక చేశాడు. కీలక వన్ డౌన్‌లో పాక్ మాజీ కెప్టెన్ ఇంజమాన్ ఉల్ హక్‌కు అవకాశం ఇవ్వగా.. 4వ స్థానంలో పాకిస్తాన్ మాజీ ఓపెనర్ సయీద్ అన్వర్‌ని ఎంచుకున్నాడు. 5వ స్థానంలో టీమిండియా మాజీ కెప్టెన్ ధోనీని తీసుకున్నాడు. వికెట్ కీపర్‌ కోటాలో మాహీకి అవకాశం దక్కినా.. సారథిగా మాత్రం అక్తర్ అతడిని ఎంచుకోలేదు. 6వ స్థానంలో ఆసీస్ లెజెండ్ ఆడమ్ గిల్‌క్రిస్ట్, 7వ స్థానంలో టీమిండియా మాజీ ఆల్‌రౌండర్ యువరాజ్ సింగ్‌లకు స్థానం కల్పించాడు. 8వ స్థానంలో పాక్‌ లెజెండరీ ఆల్‌రౌండర్ వసీం అక్రమ్‌ను ఎంచుకున్న అక్తర్.. 9వ స్థానంలో వకార్ యూనిస్, 10వ స్థానంలో టీమిండియా మాజీ కెప్టెన్ కపిల్ దేవ్‌‌లకు అవకాశం ఇచ్చాడు. 11వ స్థానంలో దిగ్గజ స్పిన్నర్ షేన్ వార్న్‌ను ఎంచుకున్న అతను.. కెప్టెన్‌గా కూడా అతనికే అవకాశం ఇచ్చాడు. అయితే ఈ జట్టులోని ఆటగాళ్ల కూర్పులో అక్తర్‌ వైవిధ్యాన్ని ప్రదర్శించాడు. వారు రెగ్యులర్‌గా ఆడిన స్థానాల్లో కాకుండా వేరే స్థానాల్లో అవకాశం కల్పించి అందరిని ఆశ్చర్యపరిచాడు. మరోవైపు ఇంగ్లండ్, న్యూజిలాండ్, దక్షిణాఫ్రికా లాంటి అగ్రశ్రేణి జట్లకు చెందిన ఒక్కరిని కూడా అక్తర్‌ తన జట్టులోకి తీసుకోకపోవడం విశేషం. అక్తర్‌ డ్రీమ్‌ టీమ్‌: గార్డన్ గ్రీనిడ్జ్, సచిన్​ టెండూల్కర్​, ఇంజమామ్​-ఉల్​-హక్​, సయీద్​ అన్వర్​, ఎంఎస్​ ధోనీ (కీపర్), ఆడమ్​ గిల్​క్రిస్ట్​, యువరాజ్​ సింగ్​, వసీమ్ అక్రమ్​, వకార్​ యూనిస్​, కపిల్​ దేవ్​, షేన్​ వార్న్​ (కెప్టెన్​)

న్యూఢిల్లీ: టీమిండియా మాజీ డాషింగ్ ఓపెనర్‌ వీరేంద్ర సెహ్వాగ్‌కు దాయాది పాక్‌తో ముల్తాన్ వేదికగా జరిగిన టెస్ట్ మ్యాచ్‌ ఎంత ప్రత్యేకమైందో వివరించి చెప్పాల్సిన పని లేదు. నాటి మ్యాచ్‌లో సెహ్వాగ్ (375 బంతుల్లో 309; 39 ఫోర్లు, 6 సిక్సర్లు) ట్రిపుల్ సెంచరీతో చెలరేగాడు. అయితే ఆ మ్యాచ్‌లో పాక్ ప్రధాన పేసర్ షోయబ్ అక్తర్ సెహ్వాగ్‌ను పదేపదే విసిగించాడు. వారి మధ్య జరిగిన నాటి సంభాషణను మాజీ క్రికెటర్, ప్రముఖ వ్యాఖ్యాత సంజయ్ మంజ్రేకర్ తాజాగా పంచుకున్నాడు. ఓ ప్రముఖ స్పోర్ట్స్ వెబ్‌సైట్‌కు ఇచ్చిన ఇంటర్వ్యూలో ఆయన మాట్లాడుతూ..   ఆ టెస్ట్‌లో సెహ్వాగ్ డబుల్ సెంచరీ పూర్తి చేసుకున్న తర్వాత అక్తర్ అతనిపైకి షార్ట్ పిచ్ బంతులతో దాడి చేశాడు. పదే పదే బౌన్సర్లు సంధించాడు. ఇక సెహ్వాగ్ ప్రతి షార్ట్ బాల్‌ను డకింగ్( బంతిని వదిలేసి కిందికి వంగడం) చేశాడు. సెహ్వాగ్ తెలివైన వ్యూహానికి చిర్రెత్తుకుపోయిన అక్తర్ అతని దగ్గరకు వెళ్లి.. ఒక్క పుల్ షాట్ ఆడే ప్రయత్నమైనా చేయొచ్చుగా అని కోరాడు. దానికి సెహ్వాగ్.. అరే అక్తర్.. నువ్వు బౌలింగ్ చేస్తున్నావా లేక అడుక్కుంటున్నావా అని దిమ్మతిరిగే బదులిచ్చాడని నాటి మ్యాచ్‌ విశేషాలను మంజ్రేకర్‌ గుర్తు చేసుకున్నాడు. ప్రస్తుతం ఈ కామెంట్స్ నెట్టింట వైరల్‌గా మారాయి. కాగా, సెహ్వాగ్ మెరుపు ఇన్నింగ్స్‌తో ముల్తాన్ టెస్ట్‌లో భారత్‌ రెండే రోజుల్లోనే 650 పరుగులు చేసింది. మిగతా రెండు రోజుల్లో పాక్‌ను రెండు సార్లు ఆలౌట్‌ చేసి ఇన్నింగ్స్‌ 52 పరుగుల తేడాతో విజయం సాధించింది. అయితే, ఈ మ్యాచ్‌ అత్యంత దుమారానికి కూడా కారణమైంది. సచిన్‌ టెండూల్కర్‌ (194 ) డబుల్‌ సెంచరీకి దగ్గర్లో ఉండగా అప్పటి కెప్టెన్‌ రాహుల్‌ ద్రవిడ్‌ మ్యాచ్‌ను డిక్లేర్‌ చేశాడు. ఇది పెద్ద వివాదం అయ్యింది. సచిన్‌ తన కన్న ముందు 5 డబుల్‌ సెంచరీలు చేస్తాడన్న అక్కసుతోనే ద్రవిడ్‌ మ్యాచ్‌ను డిక్లర్‌ చేశాడని ఆరోపణలు వచ్చాయి. కానీ మ్యాచ్‌ గెలవడం కోసమే అలా చేశానని, సచిన్‌కు ముందే చెప్పానని ద్రవిడ్‌ వివరణ ఇచ్చాడు. ఇదే విషయాన్ని సచిన్‌ తన బయోగ్రఫీ 'ప్లేయింగ్‌ ఇట్‌ మై వే' లో ప్రస్తావించాడు.   

ఇస్లామాబాద్‌: తన కెరీర్‌లో అద్భుతమైన బంతులు సంధించి ఎంతో మంది బ్యాట్స్‌మెన్‌కు నిద్రలేని రాత్రులు మిగిల్చాడు ‘రావల్పిండి ఎక్స్‌ప్రెస్‌’, పాక్‌ మాజీ బౌలర్‌ షోయబ్‌ అక్తర్‌. పదునైన బౌన్సర్లు, యార్కర్లతో ప్రత్యర్థి జట్టు ఆటగాళ్లకు చుక్కలు చూపించేవాడు. అంతటి ‘భీకరమైన’ బౌలర్‌ను ఎక్కువగా ఇబ్బంది పెట్టిన ‘బ్యాట్స్‌మెన్‌’ ఎవరో తెలుసా? శ్రీలంక లెజెండరీ స్పిన్నర్‌ ముత్తయ్య మురళీధరన్‌ అట. ఈ విషయాన్ని అక్తర్‌ స్వయంగా వెల్లడించాడు. స్వతహాగా మేటి బౌలర్‌ అయిన ముత్తయ్య.. తన కెరీర్‌లో ఎక్కువగా పదకొండో స్థానంలోనే బ్యాటింగ్‌కు దిగేవాడు. అలాంటి లోయర్‌ ఆర్డర్‌ బ్యాట్స్‌మెన్‌ను ఎదుర్కోవడం అక్తర్‌కు అసలు లెక్కే కాదు. ఈ విషయాల గురించి అక్తర్‌ మాట్లాడుతూ... ‘‘నేను ఎదుర్కొన్న అత్యంత కఠినమైన బ్యౌట్స్‌మెన్‌ ముత్తయ్య మురళీధరన్‌. ఇదేమీ జోక్‌ కాదు. నిజమే చెబుతున్నా. ‘నేనసలే బక్కపల్చని వాడిని. నీ బౌన్సర్లతో నన్ను కొట్టిచంపకు.. ప్లీజ్‌.. నువ్వు బంతి నెమ్మదిగా విసిరితే.. నేను వికెట్‌ సమర్పించుకుంటా’ అని బతిమిలాడేవాడు. సరేలే అని అలాగే చేస్తే భారీ షాట్‌ ఆడి.. ఏదో పొరపాటులో అలా జరిగిపోయింది అని చెప్పేవాడు’’ అని వ్యాఖ్యానించాడు. ఇక సమకాలీన క్రికెటర్లలో విరాట్‌ కోహ్లి, బాబర్‌ ఆజం, బెన్‌ స్టోక్స్‌ వికెట్‌ తీసే అవకాశం వస్తే బాగుంటుందని అక్తర్‌ చెప్పుకొచ్చాడు. ఇక పీఎస్‌ఎల్‌ లేదా ఐపీఎల్‌.. ఏ లీగ్‌లో ఆడటానికి ఇష్టపడతారనే ప్రశ్నకు బదులుగా.. ‘మాతృ దేశం మీద ప్రేమతో పాకిస్తాన్‌ లీగ్‌, డబ్బు కోసమైతే ఇండియన్‌ ప్రీమియర్‌ లీగ్‌’ ఆడతానని తనదైన శైలిలో కామెంట్‌ చేశాడు.

Shoaib Akhtar On Afridi: ఇంగ్లండ్‌లో పర్యటిస్తున్న పాకిస్థాన్ జట్టుకు వరుస ఎదురుదెబ్బలు తగులుతున్నాయి. మూడు వన్డేల సిరీస్‌లో భాగంగా తొలి రెండు వన్డేల్లో ఘోర పరాజయాలను మూటగట్టుకున్న పాక్‌, ఇప్పటికే సిరీస్‌ను కోల్పోయింది. ఈ నేపథ్యంలో పాక్‌ వైఫల్యాలపై ఆ జట్టు మాజీ ఫాస్ట్ బౌలర్ షోయబ్ అక్తర్ విరుచుకుపడ్డాడు. ముఖ్యంగా పాక్‌ పేస్‌ విభాగానికి నాయకత్వం వహిస్తున్న షాహిన్‌ అఫ్రిదిపై ఆయన నిప్పులు చెరిగారు. ఇంగ్లండ్‌తో జరిగిన తొలి రెండు వన్డేల్లో కేవలం రెండు వికెట్లు మాత్రమే పడగొట్టిన షాహిన్‌.. వికెట్లు తీయడం కంటే ఫ్లైయింగ్ కిస్‌లకే ఎక్కువ సమయం కేటాయించాడని చురకలంటించాడు.  ముద్దులు, కౌగిలింతలు పక్కకు పెట్టి, ముందు వికెట్లు ఎలా తీయాలో ఆలోచించాలని ఘాటుగా మందలించాడు. ఒక్క వికెట్ పడగొట్టగానే ఫ్లైయింగ్ కిస్‌లు పెట్టడంలో అర్ధం లేదని, ఐదు వికెట్ల ప్రదర్శన తర్వాత ఇలా చేస్తే బాగుంటుందని పంచ్‌ల వర్షం కురిపించాడు. సిరీస్‌కు ముందు సరిపడా సమయం లేదని సాకులు చెప్పి తప్పించుకోవడం సరికాదని హితవు పలికాడు. మ్యాచ్‌కు కేవలం రెండున్నర రోజులు ముందే ఇంగ్లండ్ జట్టు అక్కడికి వచ్చింది. వారు కలిసి జట్టుగా ఆడగలిగినప్పుడు మీకేమైందని నిలదీశాడు. ఇంగ్లండ్ అకాడమీ టీంతో ఓడిపోవడానికి సిగ్గు లేదా అని ఘాటుగా వ్యాఖ్యానించాడు.  ఈ సందర్భంగా ఆయన పాక్‌ బ్యాటింగ్‌ లైనప్‌పై కూడా ధ్వజమెత్తాడు. బంతికి ఒక పరుగు చేయాల్సిన స్థితిలోనూ అంత కష్టపడడం ఏంటని ప్రశ్నించాడు. ఇది పాక్‌ జట్టు అత్యంత పేలవ ప్రదర్శన అని ఆగ్రహం వ్యక్తం చేశాడు. ఇలానే ఆడితే భవిష్యత్తులో పాక్‌ క్రికెట్‌ మ్యాచ్‌లు చూసేందుకు అభిమానులుండరన్నాడు. పాక్‌ పేలవ ప్రదర్శన ఇలానే కొనసాగితే బాబర్ ఆజం సారథ్యంలోని పాక్ జట్టు 3-0తో ఇంగ్లండ్ చేతిలో ఓడడం ఖాయమని జోస్యం చెప్పాడు. ఇదిలా ఉంటే, పాక్‌ జట్టు తొలి వన్డేలో 9 వికెట్ల తేడాతో, రెండో వన్డేలో 52 పరుగుల తేడాతో ఇంగ్లండ్‌ చేతిలో ఓటమిపాలైంది. ఇరు జట్ల మధ్య నామమాత్రమైన మూడో వన్డే రేపు బర్మింగ్‌హామ్‌లో జరుగనుంది. 

రావల్పిండి: పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ ఆటకు దూరమైనా.. ఎంటర్‌టైన్‌మెంట్‌కు దూరం కాలేదు. ఆటలో ఎన్ని వివాదాలు వచ్చినా తన వ్యక్తిగత జీవితంలో మాత్రం చలకీగా ఉంటాడు. క్రికెట్‌ చరిత్రలో గంటకు వంద మీటర్ల వేగంతో బంతులు విసరడం అరుదుగా చూస్తుంటాం. అలాంటి వారిలో అక్తర్‌ కూడా ఒకడు. అతను వేసే వేగానికి ప్రత్యర్థి బ్యాట్స్‌మెన్‌ చాలా ఇబ్బందులు ఎదుర్కొన్నారు. కాగా షోయబ్‌ 100 మీటర్ల వేగంతో విసిరే బంతులపై పాక్‌ ఫేమస్‌ యాక్టర్‌ ఫహద్‌ ముస్తఫా కొన్ని రోజుల క్రితం ట్విటర్‌లో ఫన్నీగా స్పందించాడు. ''అక్తర్‌ నీ వేగాన్ని తట్టుకోలేం.. దానికంటే ఇంట్లో ముసుగుతన్ని పడుకోవడం బెటర్‌'' అంటూ కామెంట్‌ చేశాడు. దీనికి అక్తర్‌ తనదైన శైలిలో ఫన్నీ కౌంటర్‌ ఇచ్చాడు. ''ఫహన్‌ నేను వేసిన ఆరు బంతులు ఆడు చాలు.. నీకు మోటార్‌ సైకిల్‌ కొనిస్తా'' అంటూ చాలెంజ్‌ చేశాడు. అయితే అక్తర్‌ ట్వీట్‌పై ఫహద్‌ ఏం స్పందించలేదు. తాజాగా అక్తర్‌ ఫహద్‌కు ఇచ్చిన చాలెంజ్‌ను తాను ఒప్పుకుంటున్నానంటూ పాకిస్తాన్‌ మానవవనరుల అభివృద్ధి మాజీ అధికారి సయ్యద్‌ జుల్ఫికర్‌ బుకారీ తెలిపాడు. దీనికి సంబంధించి అక్తర్‌, బుకారీల మధ్య ట్విటర్‌లో ఆసక్తికర చర్చ నడిచింది. బుకారీ స్పందనపై అక్తర్‌ ఒక నిమిషం ఆలోచించి రీట్వీట్‌ చేశాడు. ''బుకారీ మీరు బాగానే ఉన్నారా.. నేను ఇచ్చిన చాలెంజ్‌ మీకు అర్థమైందా'' అంటూ అడిగాడు. దానికి బుకారీ.. ''అక్తర్‌ నువ్వు ఇచ్చిన చాలెంజ్‌పై నేను కాన్ఫిడెంట్‌గా ఉన్నా.. ఒకవేళ నేను ఒక్క బాల్‌ మిస్‌ అయినా.. ప్రతీ బంతి చొప్పున బైక్‌ ఇ‍వ్వడానికి సిద్ధం'' అని చెప్పాడు. దానికి అక్తర్‌ బదులిచ్చాడు. '' బుకారీ నేను వేసే ఒక్కో బంతి మీ బ్యాట్‌ను తాకిన ప్రతీసారి బైక్‌ ఇవ్వడానికి రెడీగా ఉన్నా.. మీరు సిద్ధమా'' అంటూ ట్వీట్‌ చేశాడు. అయితే అక్తర్‌ ట్వీట్‌పై బుకారీ నుంచి ఎటువంటి స్పందన రాలేదు. అయితే వీరిద్దరి మధ్య జరిగిన చాట్‌ మాత్రం సోషల్‌ మీడియాలో వైరల్‌గా మారింది. చదవండి: WTC Final: ఐసీసీ ఈవెంట్లు ఇద్దరికి కలిసి రాలేదు 6 ball khel li toh aik motorcycle teri @fahadmustafa26 😂 https://t.co/cKSYaACmXU — Shoaib Akhtar (@shoaib100mph) May 24, 2021 I’ll accept your challenge🏏 https://t.co/F8kYTLIj6q — Sayed Z Bukhari (@sayedzbukhari) June 1, 2021 Here we go, aik aur challenger aaye hain. Kheriyat hai @sayedzbukhari ?? https://t.co/nmJDmH4Cxs — Shoaib Akhtar (@shoaib100mph) June 1, 2021 Yes buddy all good 🙂 I am serious, every ball I miss, I will donate a bike. https://t.co/DGcnJJH1CX — Sayed Z Bukhari (@sayedzbukhari) June 1, 2021

ఇస్లామాబాద్‌: ‘‘షోయబ్‌ అక్తర్‌ పదమూడేళ్లపాటు ఆ గొడవను పట్టుకునే వేలాడాడు. వీలు చిక్కినప్పుడల్లా నా గురించి ఇష్టారీతిన వ్యాఖ్యలు చేశాడు. ఈ విషయం గురించి నేను తనతో మాట్లాడాలనుకున్నాను. అందుకే ఇటీవల అక్తర్‌కు కాల్‌ చేశాను. దయచేసి నోరు మూసుకో ఇక. అదంతా గతం. ఆ విషయం గురించి మర్చిపో అని చెప్పాను’’ అంటూ పాకిస్తాన్‌ మాజీ బౌలర్‌ మహ్మద్‌ ఆసిఫ్‌, రావల్పిండి ఎక్స్‌ప్రెస్‌ షోయబ్‌ అక్తర్‌ గురించి ఘాటు వ్యాఖ్యలు చేశాడు. కాగా దక్షిణాఫ్రికా వేదికగా జరిగిన తొలి టీ20 ప్రపంచకప్‌ ప్రారంభానికి ముందు పాక్‌ బౌలర్లు షోయబ్‌ అక్తర్‌, మహ్మద్‌ ఆసిఫ్‌ల మధ్య డ్రెస్సింగ్‌రూంలో గొడవ జరిగిన సంగతి తెలిసిందే. షాహిద్‌ ఆఫ్రిది, ఆసిప్‌ మాట్లాడుకుంటుండగా అక్కడికి వచ్చిన అక్తర్‌.. తన గురించే మాట్లాడుకుంటూ నవ్వుతున్నారని భావించి వారితో వాగ్వాదానికి దిగాడు. ఈ ఘటనలో ఆసిఫ్‌ను బ్యాట్‌తో కొట్టగా.. అతడి తొడకు గాయమైంది. ఈ వివాదం యావత్‌ క్రికెట్‌ ప్రపంచాన్నే విస్మయానికి గురిచేసింది. దీంతో, పాకిస్తాన్‌ క్రికెట్‌ బోర్డు అక్తర్‌ను టీ20 వరల్‌​‍్డ కప్‌ నుంచి తప్పిస్తూ స్వదేశానికి పిలిపించింది. అయితే, ఆ తర్వాత తిరిగి జట్టులోకి వచ్చిన అక్తర్‌, ఆసిఫ్‌ను క్షమాపణ కోరడంతో ఆ వివాదం తాత్కాలికంగా ముగిసిపోయింది. కానీ, నేటికి కూడా దీనికి సంబంధించిన చర్చ జరుగుతూనే ఉంది. నీకు అంతలేదు.. వాస్తవంలోకి రా! ఈ క్రమంలో ఇటీవల షాహిద్‌ ఆఫ్రిది ఈ విషయం గురించి మాట్లాడుతూ.. తాను జోక్‌ చేస్తే, అక్తర్‌ సీరియస్‌ అయ్యాడని, దీంతో గొడవ జరిగిందని చెప్పాడు. ఆవేశంలో అతడు తప్పు చేశాడని పేర్కొన్నాడు. ఇక తాజాగా ఈ ఘటన గురించి ఆసిఫ్‌ మాట్లాడుతూ పైవిధంగా స్పందించాడు. అంతేకాకుండా.. అక్తర్‌ కలలు కనడం మానేసి యువ క్రికెటర్లకు సాయం చేస్తే బాగుంటుంది అంటూ చురకలు అంటించాడు.  ‘‘ఒకరోజు,  తాను చీఫ్‌ సెలక్టర్‌ అవుతానని, మరోరోజు పాకిస్తాన్‌ హెడ్‌ కోచ్‌.. అదీ కాదంటే ఏకంగా పీసీబీ చైర్మన్‌ అవుతానని అక్తర్‌ కలలు కంటూ ఉంటాడు. అతడు వాస్తవంలో బతకాలి. 2007 నాటి ఘటనను పట్టుకుని, పదే పదే దాని గురించి మాట్లాడుతూ.. సమయం వృథా చేసే బదులు వర్ధమాన క్రికెటర్లకు తన వంతు సాయం చేస్తే బాగుంటుంది’’అని హితవు పలికాడు. చదవండి: గంగూలీది కష్టపడే తత్వం కాదు.. కానీ: చాపెల్‌

పాకిస్థాన్ బౌలర్‌ షాయబ్‌ అక్తర్ గతంలో ఒకసారి తనని హెచ్చరించాడని భారత క్రికెటర్ రాబిన్ ఊతప్ప తెలిపాడు. 'వేక్ అప్ విత్ సోరబ్' కార్యక్రమంలో కమెడియన్ సోరబ్ పంత్‌తో మాట్లాడుతూ ఊతప్ప ఈ విషయాన్ని గుర్తు చేసుకున్నాడు. 2007లో పాక్‌తో జరిగిన ద్వైపాక్షిక సిరీస్ సందర్భంగా ఈ ఘటన జరిగిందని చెప్పాడు. ఆ సిరీస్‌లో గువాహటి వన్డే తర్వాత జరిగిన డిన్నర్ సమయంలో అక్తర్ తనతో మాట్లాడిన సంగతిని చెప్పుకొచ్చాడు.  గువాహటి వన్డేలో.. నేను క్రీజులో ఉన్న సమయానికి  25 బంతుల్లో 12 పరుగులు కావాలి. ఇర్ఫాన్, నేను క్రీజులో ఉన్నాం. ఆ సమయంలో షాయబ్‌ అక్తర్ బౌలింగ్‌ చేస్తున్నాడు. అతనను బంతిని 154 కి.మీ. వేగంతో ఓ యార్కర్ విసిరాడు. దానిని నేను ఆపగలిగాను. ఆ తర్వాత బంతికి మరో యార్కర్‌ ట్రై చేసి ఫుల్ టాస్‌ రావడంతో ఆ బంతిని బౌండరీకి తరలించాను. ఇక అక్తర్‌ తరువాత బంతలను వరుసగా యార్కర్లు వేస్తున్నాడు. ఆ సమయంలో పరుగులు రావలంటే క్రీజు దాటి ఫ్రంట్ ఫుట్‌లో ఆడాలని నిర్ణయించుకున్నా.  తరువాత బంతికి క్రీజు బయటికొచ్చి నా బ్యాట్‌ను తాకించా. అది బౌండరీ వెళ్లింది. మేం ఆ మ్యాచ్‌ను గెలిచాం.  మ్యాచ్‌ అనంతరం మేము జట్టు సభ్యులతో కలిసి విందు చేస్తున్నట్లు నాకు గుర్తుంది. అక్తర్‌ భాయ్ కూడా అక్కడే ఉన్నాడు. అప్పుడు నా వద్దకు వచ్చి రాబిన్.. ఇవాల్టి మ్యాచ్‌లో క్రీజు దాటి బయటకు వచ్చి ఆడావు. కానీ మళ్ళీ అలా ఆడితే.. నీ తలకి గురిపెడుతూ బౌన్సర్‌ను వేస్తా అని హెచ్చరించి వెళ్లిపోయాడు.  ఆ తరువాత, నేనతని బౌలింగ్‌లో అలా ఆడటానికి  ధైర్యం చేయలేదని ఊతప్ప  తెలిపాడు. ( చదవండి: కెప్టెన్‌ చెప్పిన వాళ్లను ఎంపిక చేయరు.. మా పద్దతి అదే )

కరాచీ: పాకిస్తాన్‌ క్రికెట్‌ అంటేనే అనిశ్చితికి మారుపేరు. ఆ జట్టులో ఆటగాళ్ల మూడ్‌ ఎప్పుడు ఎలా ఉంటుందో ఎవరికి అంతుచిక్కదు. అనవసర విషయాల్లో తలదూర్చి ఆటగాళ్లు తమ కెరీర్‌ను నాశనం చేసుకున్న సందర్బాలు చాలానే ఉన్నాయి. 2007 దక్షిణాఫ్రికా వేదికగా తొలి టీ20 ప్రపంచకప్‌ ఆరంభానికి ముందు పాకిస్తాన్‌ బౌలర్లు షోయబ్‌ అక్తర్‌, మహ్మద్‌ ఆసిఫ్‌ల గొడవ క్రికెట్‌ ప్రపంచాన్ని షాక్‌కు గురిచేసింది. డ్రెస్సింగ్‌ రూమ్‌లో జరిగిన వాగ్వాదంలో.. కోపంతో అక్తర్‌ ఆసిఫ్‌పై బ్యాట్‌తో దాడికి దిగాడు.ఆ దెబ్బకు ఆపిఫ్‌ తొడకు బలమైన గాయం అయింది.ఈ గొడవ అప్పట్లో పెద్ద చర్చనీయాంశంగా మారింది. ఈ విషయం తెలుసుకున్న పీసీబీ అతన్ని జట్టు నుంచి తొలగించి టీ20 ప్రపంచకప్‌ ఆడకుండా సస్పెండ్‌ చేసింది. అయితే తర్వాత తిరిగి జట్టులోకి వచ్చిన అక్తర్‌​ ఆసిఫ్‌కు క్షమాపణ చెప్పడంతో వివాదం సద్దుమణిగింది. తాజాగా 14 ఏళ్ల తర్వాత షాహిద్‌ అఫ్రిది గొడవకు సంబంధించిన సీక్రెట్‌ను రివీల్‌ చేశాడు. ''ఆరోజు ఆసిఫ్‌, నేను సరదాగా జోక్స్‌ వేసుకుంటూ మాట్లాడుకుంటున్నాం. ఇంతలో అక్కడికి వచ్చిన అక్తర్‌ తన గురించి మాట్లాడుతున్నారని భావించి మమ్మల్ని అడిగాడు. అయితే నీ గురించి మాట్లాడుకోవడానికి మాకు పని లేదా అని నేను జోక్‌ చేశా.. కానీ అక్తర్‌ దానిని సీరియస్‌గా తీసుకున్నాడు. దాంతో గొడవ ప్రారంభమైంది.. అలా మాటామాటా పెరిగి తను మాపై బ్యాట్‌తో దాడికి యత్నించాడు. నేను తప్పించుకున్నా.. ఆసిఫ్‌ మాత్రం గాయపడ్డాడు.. ఈ విషయంలో నేను అక్తర్‌ను తప్పుబట్టలేను.. ఎందుకంటే అతనికి మంచి మనుసు ఉంది. ఆవేశంలో అలా చేశాడు తప్ప వాస్తవానికి అతను చాలా మంచి వ్యక్తి'' అంటూ చెప్పుకొచ్చాడు. అయితే అక్తర్‌ ఆటకు గుడ్‌బై చెప్పాకా తన ఆటోబయోగ్రఫీలో ఆసిఫ్‌తో గొడవను ప్రస్తావించాడు. ''ఆసిఫ్‌తో గొడవ జరగడానికి కారణం అఫ్రిదినే.. ఈ విషయం అతనికి కూడా తెలుసు.. కానీ ఆ సమయంలో నన్ను బ్లేమ్‌ చేస్తూ తాను తప్పించుకున్నాడు. వాస్తవానికి ఆరోజు జరిగిన గొడవలో అఫ్రిది, ఆసిఫ్‌లను బ్యాట్‌తో కొట్టేందుకు ప్రయత్నించాను. అఫ్రిది తప్పించుకోగా.. ఆసిఫ్‌ తొడకు మాత్రం గాయం అయింది. కానీ ఇంతకముందు ఏనాడు డ్రెస్సింగ్‌రూమ్‌లో అలా బిహేవ్‌ చేయలేదు'' అని రాసుకొచ్చాడు.  చదవండి: సిగ్గుచేటు.. దేశం ఇలా ఉందంటే నీలాంటి వారి వల్లే

ఢిల్లీ: కరోనా కారణంగా ఐపీఎల్‌ 2021 రద్దైన సంగతి తెలిసిందే. ఈ నేపథ్యంలో పాక్‌ మాజీ క్రికెటర్‌ షోయబ్‌ అక్తర్‌ దీనిపై స్పందించారు. ఇలా జరుగుతుందని నాకు ముందే తెలుసు అన్నారు. ఈ మేరకు ఆయన ట్విట్టర్‌లో ఓ వీడియో పోస్ట్‌ చేశారు. ఐపీఎల్‌ క్యాన్సల్‌ అయ్యింది. ఇలా జరుగుతుందని నాకు ముందే తెలుసే. రెండు వారాల క్రితమే నేను ఐపీఎల్‌ రద్దు చేయమని సలహా ఇచ్చాను. ప్రస్తుతం ఇండియాలో కోవిడ్‌ కేసులు పెరుగుతున్నాయి. ఇలాంటి సమయంలో జనాల ప్రాణాలు కాపాడటం కన్నా ఏది ముఖ్యం కాదు’’ అన్నాడు షోయబ్‌.  IPL canceled. I saw it coming & suggested that two weeks ago. Nothing more important than saving human lives during current covid crisis in India. Full video: https://t.co/pl0sRdIcSU#Ipl #IndianPremierLeague pic.twitter.com/MRrzacKuNX — Shoaib Akhtar (@shoaib100mph) May 4, 2021 ఐపీఎల్‌ రద్దవ్వడంతో బీసీసీఐ మిగిలన 31 మ్యాచ్‌లు నిర్వహించే అవకాశాల కోసం ఆలోచిస్తుంది. కోవిడ్‌ ఉధృతి తగ్గితే.. సెప్టెంబర్‌లో మిగిలిన మ్యాచ్‌లు నిర్వహించే ఆలోచనలో ఉన్నట్లు సమాచారం. ఐసీసీ, మిగతా బోర్డుల సూచనల మేరకు దీనిపై నిర్ణయం తీసుకోనున్నారు.  చదవండి: IPL 2021: అక్కడ సక్సెస్‌.. ఇక్కడ ఎందుకిలా?

ఇస్లామాబాద్‌: భారత్‌లో కరోనా మహామ్మారి కరాళ నృత్యం చేస్తున్న వేళ, జీవ వాయువు కొరత తీవ్ర ఆందోళన కలిగిస్తుంది. ఆక్సిజన్‌ కొరతతో దేశ రాజధాని ఢిల్లీతో సహా యావత్‌ భారత దేశంలో కరోనా రోగులు పిట్టల్లా రాలిపోతున్నారు. ఇటువంటి విపత్కర పరిస్థితుల్లో దాయది దేశం పాక్‌ అండగా నిలుస్తామంటూ ముందుకు రావడం శుభపరిణామం. ఈ విషయమై పాక్‌ ప్రధాని ఇమ్రాన్‌ ఖాన్‌ ఇటీవలే ఓ ప్రకటన విడుదల చేయగా, తాజాగా ఆ దేశ మాజీ క్రికెటర్‌ షోయ‌బ్ అక్త‌ర్ ఓ వీడియో సందేశాన్ని సోషల్‌ మీడియాలో పోస్ట్‌ చేశాడు. ఈ వీడియోలో అక్తర్‌.. భారత్‌కు ఆక్సిజన్‌ సాయం చేద్దామంటూ పిలుపునిచ్చాడు.  India is really struggling with Covid-19. Global support needed. Health care system is crashing. Its a Pandemic, we are all in it together. Must become each other's support. Full video: https://t.co/XmNp5oTBQ2#IndiaNeedsOxygen #COVID19 pic.twitter.com/vX1FCSlQjs — Shoaib Akhtar (@shoaib100mph) April 23, 2021 ప్రస్తుత సంక్షోభాన్ని ఎదుర్కోవ‌డం ఏ ప్ర‌భుత్వానికైనా అసాధ్య‌మేనని ఆయన అభిప్రాయపడ్డాడు. మహమ్మారిపై పోరాటంలో భాగంగా భారత్‌కు తమ వంతు సాయంగా జీవవాయువును అందించాలని పాక్‌ ప్రభుత్వాన్ని విజ్ఞప్తి చేశాడు. భారత్‌లో ఆక్సిజన్‌ కొరత పతాక స్థాయికి చేరిన నేపథ్యంలో, పాక్‌ అభిమానులు విరాళాలు సేకరించి భారత్‌కు ఆక్సిజ‌న్ ట్యాంకులు అందించాల‌ని పిలపునిచ్చాడు. ఈ వీడియో ప్రస్తుతం సోషల్‌ మీడియాలో వైరల్‌గా మారింది. అక్తర్‌ సందేశం పట్ల భారత్‌, పాక్ అభిమానుల‌ను ఫిదా అవుతున్నారు. అక్తర్‌ సహృదయంతో ఇచ్చిన పిలుపుకు భారత సెలబ్రిటీలు సైతం అభినందిస్తున్నారు. కాగా, గతేడాది కరోనా సమయంలో కూడా భారత్‌కు సాయం చేయాలని అక్తర్‌ ప్ర‌పంచ దేశాల‌కు విజ్ఞప్తి చేశాడు. చదవండి: పాక్‌కు షాకిచ్చిన జింబాబ్వే

ముంబై: ఇటీవల ముగిసిన రోడ్‌ సేఫ్టీ ప్రపంచ సిరీస్‌లో పాల్గొన్న మాస్టర్‌ బ్లాస్టర్‌ సచిన్‌ టెండూల్కర్‌ కరోనా బారిన పడిన సంగతి తెలిసిందే. అతనితో పాటు భారత లెజెండ్స్‌ సభ్యులు బ‌ద్రీనాథ్‌, యూసుఫ్ ప‌ఠాన్‌, ఇర్ఫాన్ ప‌ఠాన్‌ల‌కు కూడా వైరస్‌ నిర్ధారణ అయ్యింది. వీరందరూ ప్రస్తుతం హోం క్వారెంటైన్‌లో ఉంటూ చికిత్స తీసుకుంటున్నారు. ఈ నేపథ్యంలో మాస్టర్‌ బ్లాస్టర్‌ స‌చిన్ త్వ‌ర‌గా కోలువాలంటూ పాక్‌ మాజీ స్పీడ్‌స్టర్‌ షోయ‌బ్ అక్త‌ర్ ట్వీట్ చేశారు. మైదానంలో త‌న ఫేవ‌రేట్ ప్ర‌త్య‌ర్థి అయిన స‌చిన్‌ త్వ‌ర‌గా కోలుకోవాల‌ని అక్త‌ర్ త‌న ట్వీట్‌లో పేర్కొన్నారు. అయితే అక్తర్‌.. స‌చిన్ త‌న‌కు ప్ర‌త్య‌ర్థి అంటూ ట్వీట్ చేయ‌డం ప‌ట్ల కొంద‌రు నెటిజ‌న్లు ఆగ్రహం వ్యక్తం చేస్తున్నారు.  One of my favorite rivalries on the ground. Get well soon buddy @sachin_rt pic.twitter.com/mAleuepcwM — Shoaib Akhtar (@shoaib100mph) March 30, 2021 Shoaib bhai, U were just fast and never considered you as his rivalry. He had played and smashed more legendary bowlers like Ambrose , McGrath, Wasim , Waqar, Vaas, Donald , Steyn Caddick Lee and many more . U were just another bowler nothing more.. — A₹pit🇮🇳 (@tweet2api) March 31, 2021 నువ్వు సాధారణ ఫాస్ట్ బౌల‌ర్‌వి మాత్ర‌మే, ఎంతో మంది మేటి బౌల‌ర్ల‌ను స‌చిన్ సమర్ధవంతంగా ఎదుర్కొన్నాడని ఓ నెటిజ‌న్ అక్త‌ర్‌ను ట్రోల్ చేయగా.. వ‌కార్ యూనిస్, వ‌సీం అక్ర‌మ్, ఆంబ్రోస్‌, మెక్‌గ్రాత్‌, అలెన్‌ డొనాల్డ్‌‌ లాంటి దిగ్గజ ఫాస్ట్‌ బౌలర్లకే స‌చిన్ చుక్కలు చూపించాడని మరో అభిమాని పేర్కొన్నాడు. స‌చిన్ నీకు ప్ర‌త్య‌ర్థి ఏంటి.. వ‌కార్‌, అక్ర‌మ్‌ లాంటి దిగ్గజాలు ఆమాటంటే ఓ అర్ధముందంటూ మ‌రో అభిమాని అక్త‌ర్‌ను ట్రోల్ చేశాడు. 2003 వన్డే ప్రపంచకప్‌లో అక్రమ్‌, వకార్‌లతోపాటు సచిన్‌.. నీకు కూడా చుక్కలు చూపించిన విషయాన్ని మర్చిపోయావా అంటూ పలువురు అభిమానులు సోషల్‌ మీడియా వేదికగా అక్తర్‌పై విరుచుకుపడ్డారు. కాగా, మార్చి 27న త‌న‌కు క‌రోనా సంక్ర‌మించిన‌ట్లు స‌చిన్ ట్విట్ట‌ర్ ద్వారా వెల్లడించిన సంగతి తెలిసిందే.  చదవండి: కరోనా కలకలం.. 30 మంది అథ్లెట్లకు పాజిటివ్‌

ఇస్లామాబాద్‌: ఎలాంటి పిచ్‌పై ఆడినా సరే గెలిచే సత్తా టీమిండియాకు ఉందని, కాబట్టి నాలుగో టెస్టులో నాణ్యమైన పిచ్‌ రూపొందించాలని పాకిస్తాన్‌ మాజీ క్రికెటర్‌ షోయబ్‌ అక్తర్‌ విజ్ఞప్తి చేశాడు. భారత జట్టు ఇంగ్లండ్‌ను ఓడించగలదని, అనవసర భయాలు అవసరం లేదని పేర్కొన్నాడు. కాగా అహ్మదాబాద్‌లో జరిగిన పింక్‌ బాల్‌ టెస్టులో కోహ్లి సేన ఇంగ్లండ్‌ను మట్టికరిపించిన సంగతి తెలిసిందే. 10 వికెట్ల తేడాతో ఘన విజయం సాధించి 2-1తో టెస్టు సిరీస్‌లో ముందంజలో నిలిచింది. అయితే మొతేరా పిచ్‌ స్పిన్నర్లకు అనుకూలంగా రూపొందించడం వల్లే భారత్‌ విజయం సాధించిందంటూ విమర్శలు వెల్లువెత్తాయి. ఇక సిరీస్‌ విజయంలో నిర్ణయాత్మకమైన ఆఖరి టెస్టు కూడా అదే మైదానంలో జరుగనుండటంతో పిచ్‌పై పెద్ద ఎత్తున చర్చ నడుస్తోంది. ఈ క్రమంలో రావల్పిండి ఎక్స్‌ప్రెస్‌, పాక్‌ మాజీ పేసర్‌ షోయబ్‌ సైతం సోషల్‌ మీడియా వేదికగా తన అనుభవాలు పంచుకున్నాడు. ‘‘అలాంటి వికెట్‌పై ఎవరైనా టెస్టు మ్యాచ్‌లు ఆడతారా? అస్సలు ఆడరు కదా. రెండు రోజుల్లో మ్యాచ్‌ ముగిసిపోవడం టెస్టు క్రికెట్‌కు మంచిది కాదు. స్వదేశంలో సిరీస్‌ జరుగుతున్నందున పిచ్‌ అడ్వాంటేజ్‌ తీసుకోవడం సర్వసాధారణం. అయితే ఇక్కడ కాస్త అది శ్రుతి మించింది. ఒకవేళ ఇండియా 400 పరుగులు చేసి, ఇంగ్లండ్‌ 200 రన్స్‌కే ఆలౌట్‌ అయితే, పర్యాటక జట్టు బాగా ఆడలేకపోయిందని చెప్పవచ్చు. కానీ భారత్‌ కూడా 145 పరుగులకే కుప్పకూలింది కదా.  టీమిండియా పెద్ద జట్టు. ఇలా ఆడకూడదు. నాణ్యమైన పిచ్‌లపై కూడా ఇంగ్లండ్‌ వంటి జట్లను మట్టికరిపించగల సత్తా వారికి ఉంది. అనవసర భయాలతో ఇలాంటి పిచ్‌ తయారు చేయడం సరికాదు. అడిలైడ్‌లో ఇండియాకు అనుకూలమైన పిచ్‌ రూపొందించారా? మెల్‌బోర్న్‌లో భారత్‌కు లబ్ది చేకూరేలా పిచ్‌ తయారు చేశారా? అయినా కూడా ఇండియా విదేశీ గడ్డపై సిరీస్‌ గెలిచింది కదా? నిజాయితీగా ఆడి గెలిస్తేనే మజా ఉంటుంది. మనం స్వదేశంలో, విదేశాల్లో ఎంతో మెరుగ్గా ఆడగలం. ఈ విషయాలను ఇండియా పరిగణనలోకి తీసుకోవాలి. ఇలాంటి పిచ్‌లపై ఆడటం మీ స్థాయికి తక్కువే. ఎవరేమన్నా ఇది నిజం. ఆట మూడో రోజు లేదంటే నాలుగో రోజు అడ్వాంటేజ్‌ తీసుకున్నారు అంటే ఓకే.  కానీ.. దురదృష్టవశాత్తూ అక్కడ జో రూట్‌ కూడా వికెట్లు తీశాడు. అంటే పరిస్థితి ఏంటో అర్థం చేసుకోవచ్చు. నాలుగో టెస్టులో మంచిగా ఆడతారు అనుకుంటున్నా. బెస్ట్‌ పిచ్‌ తయారు చేస్తారు అని భావిస్తున్నా. హోం అడ్వాంటేజ్‌ తీసుకోవాల్సిన స్థితిలో టీమిండియా లేదు. సిరీస్‌ గెలిచే సత్తా భారత్‌ సొంతం. ఆస్ట్రేలియా గడ్డపై వాళ్లను ఓడించిన జట్టుకు స్వదేశంలో గెలవడం పెద్ద సమస్యేమీ కాదు. కాబట్టి నాణ్యమైన పిచ్‌ రూపొందించండి’’ అని అక్తర్‌ చెప్పుకొచ్చాడు. కాగా మార్చి 4 నుంచి అహ్మదాబాద్‌లో టీమిండియా- ఇంగ్లండ్‌ మధ్య ఆఖరి టెస్టు ఆరంభం కానుంది. ఇక మూడో టెస్టు తొలి ఇన్నింగ్స్‌లో టీమిండియా 145  పరుగులకు ఆలౌట్‌ కాగా, ఇంగ్లండ్‌ 112 పరుగులకు ఆలౌట్‌ అయ్యింది. ఇక రెండో ఇన్నింగ్స్‌లో 81 పరుగులకే పర్యాటక జట్టును ఆలౌట్ చేసిన భారత్‌ పది వికెట్ల తేడాతో అద్భుత విజయాన్ని సొంతం చేసుకుంది.‌ చదవండి: పిచ్‌ ఎలా ఉంటదో: టెన్షన్‌ అవసరం లేదు రోహిత్‌!                  నాల్గో టెస్టుకు సేమ్‌ పిచ్‌ కావాలి: మాజీ క్రికెటర్‌ 

జెంటిల్‌మెన్‌ గేమ్‌గా పేరొందిన క్రికెట్‌కు అభిమానులు అంతాఇంతా కాదు. ప్రపంచ వ్యాప్తంగా కోటాదీ కోట్లమంది ఈ ఆటను వీక్షిస్తారు. ఇంటర్‌నెట్‌ ప్రపంచం అందుబాటులోకి వచ్చిన తరువాత ఈ ఆటకు ఆదరణ మరింత పెరిగిపోయింది. ప్రపంచ నలుమూలలా ఏదో ఓ దిక్కను మ్యాచ్‌లు జరుగుతుండటం.. మ్యాచ్‌లకు సంబంధించిన అప్‌డేట్స్‌ను సోషల్‌ మీడియా వేదికగా అభిమానులతో పంచుకోవడం ఆటగాళ్లకు నిత్యజీవితంలో అలవాటుగా మారిపోయింది. ఇరుజట్ల మధ్య భావోద్వేగాలను రగిలించే క్రికెట్‌లో పలు సందర్భల్లో ఫన్నీ ఇన్సిడెంట్స్‌ కూడా చోటుచేసుకుంటాయి. ఇలాంటి ఈ వీడియోనే పాకిస్తాన్‌ దిగ్గజ ఫాస్ట్‌ బౌలర్‌, రావాల్పిండి ఎక్స్‌ప్రెస్‌ షోయబ్‌ అక్తర్‌ సోషల్‌ మీడియాలో షేర్‌ చేశాడు. గంటకు 100 కిలోమీటర్ల వేగంతో దూసుకువచ్చే బాల్‌ను ఎదుర్కొంటే ఆ బ్యాట్స్‌మెన్‌ పరిస్థితి ఎలా ఉంటుందో చూడండీ అంటూ ఓ వీడియోను వదిలాడు. ఈ వీడియోలో ఓ ఆటగాడు బౌలర్‌ను ఎదుర్కోలేక పిచ్‌పై బొక్కబోర్లాపడ్డ సన్నివేశం నవ్వులు పూయిస్తోంది. అక్తర్‌ షేర్‌ చేసిన ఈ వీడియో ప్రస్తుతం నెట్టింట వైరల్‌గా మారింది.

క్రైస్ట్‌చర్చి : పాకిస్తాన్‌ మాజీ బౌలర్‌ షోయబ్‌ అక్తర్‌ పీసీబీపై తనదైన శైలిలో ట్రోల్‌ చేశాడు. న్యూజిలాండ్‌తో జరుగుతున్న టెస్ట్‌ సిరీస్‌లో భాగంగా రెండో టెస్టులో పాక్‌ ఆటతీరును విమర్శిస్తూ పీసీబీని ఎండగట్టాడు. పాక్‌ ఆటతీరుపై ఆగ్రహం వ్యక్తం చేస్తూ తన ట్విటర్‌లో ఒక వీడియోనూ షేర్‌ చేశాడు. 'పాకిస్తాన్‌ ఆటతీరు స్కూల్‌ లెవెల్‌ కన్నా దారుణంగా ఉంది. పీసీబీ విధానాలు ఏంటో నాకు ఇప్పటికీ అర్థం కావడం లేదు. యావరేజ్‌గా ఆడే ఆటగాళ్లను టెస్టు జట్టుకు ఎంపిక చేయడం పీసీబీకే చెల్లింది. యావరేజ్‌ జట్టుగా ఉంది కాబట్టే ఫలితాలు కూడా యావరేజ్‌గానే వస్తాయి.. అయినా పాక్‌ జట్టు ఎప్పుడు టెస్టు మ్యాచ్‌ ఆడినా ఇలాంటి ఆటతీరునే ప్రదర్శిస్తుంది.వీరికన్నా క్లబ్‌ క్రికెట్‌ ఆడేవాళ్లు నయం. నిజానికి పాక్‌ ఆటతీరు స్కూల్‌ లెవెల్ క్రికెట్‌కు పడిపోవడానికి పీసీబీయే పరోక్షంగా కారణం.అయితే పీసీబీ ఇప్పుడు మేనేజ్‌మెంట్‌ను మార్చాలని చూస్తుంది. ఇది జరిగితే మంచిదే.. కానీ ఎప్పుడు మేనేజ్‌మెంట్‌ను మారుస్తుందనేది ఒక ప్రశ్నగా మిగిలిపోయిందంటూ 'అక్తర్‌ అసంతృప్తి వ్యక్తం చేశాడు. (చదవండి: పాపం టీ20 తరహాలో ఆడాడు.. ట్విస్ట్‌ ఏంటంటే) కాగా రెండో టెస్టులో కివీస్‌ బౌలర్‌ ఖైల్‌ జేమిసన్‌ దాటికి పాక్‌ జట్టు 297 పరుగులకే ఆలౌట్‌ అయింది. రిజ్వాన్‌ 61 పరుగులతో రాణించడం మినహా మిగతావారు పూర్తిగా విఫలమయ్యారు. అనంతరం మొదటి ఇన్నింగ్స్‌లో కివీస్‌ భారీ స్కోరు నమోదు చేసింది. కేన్‌ విలియమ్సన్‌ డబుల్‌ సెంచరీతో అదరగొట్టడంతో తన మొదటి ఇన్నింగ్స్‌ను 659 పరుగుల వద్ద డిక్లేర్‌ చేసింది. విలియమ్సన్‌కు తోడుగా హెన్రీ నికోలస్‌ 157 పరుగులు, డారెల్‌ మిచెల్‌ 102 పరుగులతో విజృంభించారు. అనంతరం రెండో ఇన్నింగ్స్‌ను ఆరంభించిన పాక్‌ ఒక వికెట్‌ నష్టానికి 8 పరుగులు చేసి మూడోరోజు ఆటను ముగించింది. పాక్‌ ఆటతీరు చూస్తుంటే ఇన్నింగ్స్‌ పరాజయం దిశగా కొనసాగుతున్నట్లు కనిపిస్తుంది.(చదవండి: 'ఆ మ్యాచ్‌ ఆడేందుకు త్యాగాలకు కూడా సిద్ధం') Clubs teams would play better than this. pic.twitter.com/r9m4ekqbeq — Shoaib Akhtar (@shoaib100mph) January 5, 2021

ఇస్లామాబాద్‌: పాకిస్తాన్‌ మాజీ సీమర్‌ మహ్మద్‌ ఆసిఫ్ బౌలింగ్‌ను ఎదుర్కోలేక సౌతాఫ్రికా మాజీ కెప్టెన్‌ ఏబీ డివిల్లియర్స్‌ ఏడుపు లంకించుకున్నాడంటూ రావల్పిండి ఎక్స్‌ప్రెస్‌ షోయబ్‌ అక్తర్‌ సంచలన వ్యాఖ్యలు చేశాడు. అదే విధంగా ఏషియన్‌ టెస్టు చాంపియన్‌షిప్‌ సమయంలో టీమిండియా టెస్టు స్పెషలిస్టు వీవీఎస్‌ లక్ష్మణ్‌ సైతం ఆసిఫ్‌ బౌలింగ్‌లో ఇబ్బంది పడ్డాడని చెప్పుకొచ్చాడు. భారత జట్టు ప్రస్తుతం ఆస్ట్రేలియాలో పర్యటిస్తున్న నేపథ్యంలో స్టార్‌ బౌలర్‌ జస్‌ప్రీత్‌ బుమ్రా గురించి ఓ స్పోర్ట్స్‌ చానెల్‌లో మాట్లాడిన అక్తర్‌.. మహ్మద్‌ ఆసిఫ్‌ తర్వాత తాను చూసి అత్యంత స్మార్ట్‌ బౌలర్‌ బుమ్రా అంటూ కితాబిచ్చాడు. గాలివాటుని అంచనా వేసి అందుకు తగ్గట్టుగా బంతుల్ని విసిరే టెక్నిక్‌ను తాను, వసీం, వకార్‌ ఉపయోగించేవాళ్లమని, ఇప్పుడు బుమ్రా సైతం అదే తరహాలో బౌలింగ్‌ చేస్తున్నాడని పేర్కొన్నాడు. (చదవండి: గంగూలీపై ఒత్తిడి తెచ్చి వాడుకోవాలని చూస్తున్నారు!) డివిల్లియర్స్‌ కంటతడి పెట్టాడు ‘‘పాక్‌ బౌలర్‌ మహ్మద్‌ ఆసిఫ్‌ బౌలింగ్‌లో పరుగులు చేయలేక ఏబీ డివిల్లియర్స్‌ కంటతడి పెట్టాడు. వీవీఎస్‌ లక్ష్మణ్‌ అయితే.. ‘‘ఇలాంటి బౌలర్‌ను ఎలా ఎదుర్కోవాలి’’ అని వాపోయాడు. వసీం అక్రం కంటే ఆసిఫ్‌కే ఎక్కువ భయపడేవారు. ఇప్పుడు టీమిండియా బౌలర్‌ బుమ్రాను చూస్తే నాకు అతడే గుర్తుకువస్తాడు. ఆసిఫ్‌ తర్వాత అంత స్మార్ట్‌గా బౌలింగ్‌ చేసే ఫాస్ట్‌బౌలర్‌ తను. ఫిట్‌నెస్‌ పరంగా టెస్టు క్రికెట్‌కు అతడు పనికివస్తాడా అని చాలా మంది సందేహపడేవారు. అయితే నేను గమనించింత వరకు.. ఏదైనా అనుకుంటే దానిని కచ్చితంగా సాధించాలనే పట్టుదల అతడి సొంతం. ఫాస్ట్‌బౌలర్‌గా తను పర్ఫెక్ట్‌. తనో అసాధారణ ఆటగాడు. గొప్ప బౌలర్‌. ఫిట్‌నెస్‌ సాధిస్తే సుదీర్ఘకాలం పాటు సంప్రదాయ క్రికెట్‌లో కొనసాగుతాడు’’ అని అక్తర్‌ ప్రశంసలు కురిపించాడు. కాగా బాక్సింగ్‌ డే టెస్టులో టీమిండియా విజయంలో బుమ్రా కీలక పాత్ర పోషించిన విషయం తెలిసిందే. ఈ మ్యాచ్‌లో మొత్తంగా బుమ్రా 4, అశ్విన్‌ 3, సిరాజ్‌ 2, జడేజా ఒక వికెట్‌ తీసి సత్తా చాటడంతో భారత్‌ ఆసీస్‌పై 8 వికెట్ల తేడాతో గెలుపొందింది.(చదవండి: టీమిండియానే ఈ సిరీస్‌ గెలవాలి: పాక్‌ క్రికెటర్‌)

ఇస్లామాబాద్‌: మెల్‌బోర్న్‌ వేదికగా జరిగిన బాక్సింగ్‌ డే టెస్టు విజయంలో కీలక పాత్ర పోషించిన టీమిండియా తాత్కాలిక కెప్టెన్‌ అజింక్యా రహానేపై ప్రశంసల వర్షం కొనసాగుతోంది. సారథిగా జట్టును ముందుండి నడిపించడమే గాకుండా అద్భుతమైన సెంచరీతో ఆకట్టుకున్న అతడిని క్రికెట్‌ దిగ్గజాలు సచిన్‌ టెండూల్కర్‌, వీవీఎస్‌ లక్ష్మణ్‌ సహా రెగ్యులర్‌ కెప్టెన్‌ కోహ్లి తదితరులు కొనియాడిన సంగతి తెలిసిందే. తాజాగా... పాకిస్తాన్‌ మాజీ క్రికెటర్‌ షోయబ్‌ అక్తర్‌ సైతం రహానేపై ప్రశంసలు కురిపించాడు. ఏమాత్రం హడావుడి లేకుండా నిశ్శబ్దంగా ఉంటూనే అద్భుతం చేసి చూపించాడని కితాబిచ్చాడు. ఘోర పరాభవం ఎదురైన చోటే టీమిండియా ఘన విజయం సాధించడం పట్ల హర్షం వ్యక్తం చేశాడు. ఈ మేరకు రావల్పిండి ఎక్స్‌ప్రెస్‌, పేసర్‌ అక్తర్‌ స్పోర్ట్స్‌ చానెల్‌తో మాట్లాడుతూ... ‘‘  ఓరోజు ఉదయం నేను స్కోరు చూసే సరికి 36 పరుగులకే 9 వికెట్లు. టీమిండియా స్కోరు అది. కానీ ఆ తర్వాత అంతా మారిపోయింది. రెండో టెస్టులో భారత జట్టు చూపించిన పట్టుదల అమోఘం. అజింక్య రహానే చాలా సైలెంట్‌గా కనిపిస్తాడు. మైదానంలో హడావుడి చేయడం, అతిగా ప్రవర్తించడం వంటివి ఉండవు. కూల్‌ కెప్టెన్సీతో తనకు రావాల్సిన ఫలితాన్ని రాబట్టుకున్నాడు. అతడి నాయకత్వంలో ఆటగాళ్లంతా ఒక్కసారిగా విజృంభించారు. స్టార్‌ ఆటగాళ్ల గైర్హాజరీలో కూడా టీమిండియా ఇలా నిలదొక్కుకుందంటే అది కేవలం ఆటగాళ్ల ప్రతిభ మాత్రమే కాదు.. బెంచ్‌ అందించిన బలం అది. వచ్చిన అవకాశాన్ని పూర్తిగా సద్వినియోగం చేసుకుని జట్టు సమిష్టిగా సత్తా చాటింది. భారీ ఓటమి తర్వాత అంత ఘనంగా పునరాగమనం చాటడం టీమిండియా పట్టుదలకు నిదర్శనం’’ అని చెప్పుకొచ్చాడు.(చదవండి: టీమిండియా మా రికార్డును బ్రేక్‌ చేసింది: అక్తర్‌) అదే విధంగా గత జ్ఞాపకాలు గుర్తుచేసుకుంటూ... ‘‘ఓ 10-15 ఏళ్ల క్రితం... ఆస్ట్రేలియాను వాళ్ల దేశంలోనే ఓ ఉపఖండ జట్టు(భారత్‌, పాకిస్తాన్‌) మట్టికరిపిస్తుందని ఎవరు ఊహించి ఉంటారు. కానీ ఇప్పుడు పరిస్థితి పూర్తిగా మారిపోయింది. ఈ సిరీస్‌ మరింత రసవత్తరంగా సాగాలని నేను కోరుకుంటున్నా. టీమిండియా గెలవాలని ఆకాంక్షిస్తున్నా. వారి పట్టుదల, ధైర్యమే విజయాన్ని చేకూరుస్తుంది’’ అని అక్తర్‌ టీమిండియాకు ఆల్‌ ది బెస్ట్‌ చెప్పాడు. కాగా ఆసీస్‌తో జరిగిన రెండో టెస్టులో భారత జట్టు 8 వికెట్ల తేడాతో గెలుపొందిన సంగతి తెలిసిందే.

ఇస్లామాబాద్‌: ‘‘నిజానికి నిన్న రాత్రి మ్యాచ్‌ చూడలేకపోయాను. అందుకే ఈరోజు ఉదయం నిద్రలేవగానే టీవీ ఆన్‌ చేశాను. బోర్డు మీద టీమిండియా స్కోరు 369 అని ఉందనుకున్నా. వెంటనే కళ్లు నులుముకుని జాగ్రత్తగా మరోసారి పరిశీలించా. అది 369 కాదు 36/9. ఒక రిటైర్డ్‌ హర్ట్‌. పూడ్చలేని నష్టం. ప్రపంచంలోని అత్యుత్తమ జట్టు బ్యాటింగ్‌ తీరు ఇలా అయిపోయింది’’ అంటూ పాకిస్తాన్‌ మాజీ క్రికెటర్‌ షోయబ్‌ అక్తర్‌ భారత జట్టు ఆట తీరుపై వ్యంగ్యాస్త్రాలు సంధించాడు. చెత్త రికార్డు నమోదు చేసిన కారణంగా విమర్శలు ఎదుర్కొనేందుకు కోహ్లి సేన సిద్ధంగా ఉండాలని సూచించాడు. ఇక టీమిండియా బ్యాట్స్‌మెన్‌ పెవిలియన్‌కు క్యూ కట్టడం గురించి మాట్లాడుతూ.. ‘‘36 పరుగులకే ఆలౌట్‌! ఘోరమైన ప్రదర్శన ఇది. అయితే ఒక్క విషయంలో మాత్రం నాకు సంతోషంగా ఉంది. ఎట్టకేలకు వాళ్లు మా రికార్డును బ్రేక్‌ చేశారు. అయినా ఆటలో ఇవన్నీ సహజం. ఇలాంటి ప్రదర్శన కారణంగా బాణాల్లా దూసుకువచ్చే విమర్శలను భరించేందుకు సిద్ధంగా ఉండాలి. ఇప్పుడు మీ వంతు. మొత్తానికి ఇదొక బ్యాడ్‌ న్యూస్‌’’ అని రావల్సిండి ఎక్స్‌ప్రెస్‌ అక్తర్‌ చెప్పుకొచ్చాడు. కాగా ఆసీస్‌తో అడిలైడ్‌లో జరిగిన పింక్‌ బాల్‌ టెస్టులో కోహ్లి సేన ఘోర పరాజయం మూటగట్టుకుంది. 8 వికెట్ల తేడాతో ప్రత్యర్థి జట్టు చేతిలో ఓడిపోయింది. మూడో రోజు ఆటలో భాగంగా 21.2 ఓవర్లు మాత్రమే ఆడిన టీమిండియా 36 పరుగుల వద్ద రెండో ఇన్నింగ్స్‌ ముగించింది. (చదవండి: ఆసీస్‌ బౌలింగ్ సూపర్బ్‌ ‌: గావస్కర్‌) ఆనాడు పాక్‌ చెత్త రికార్డు ఇక 27 పరుగుల వ్యవధిలో మిగిలిన 9 వికెట్లు చేజార్చుకుని ఒక ఇన్నింగ్స్‌లో అత్యల్ప స్కోరును నమోదు చేసిన జట్టుగా నిలిచింది. ఇక ఇన్నింగ్స్‌లో ఒక్క ఆటగాడు కూడా డబుల్‌ డిజిట్‌ దాటకపోవడం 96 ఏళ్ల తర్వాత మళ్లీ ఇదే తొలిసారి. దీంతో కోహ్లి సేనపై విమర్శలు వెల్లువెత్తుతున్నాయి. ఇక పాక్‌ విషయానికొస్తే.. 2013లో జోహన్నస్‌బర్గ్‌లో దక్షిణాఫ్రికాతో జరిగిన టెస్టులో అత్యల్ప స్కోరు నమోదు చేసింది. కేవలం 49 పరుగులకే ఇన్నింగ్స్‌ ముగించి విమర్శలపాలైంది. 

కరాచీ : పాకిస్తాన్‌ పేసర్‌ మొహమ్మద్‌ ఆమిర్‌ అంతర్జాతీయ క్రికెట్‌కు గురువారం రిటైర్మెంట్‌ ప్రకటించిన సంగతి తెలిసిందే. పాక్‌ క్రికెట్‌ బోర్డు (పీసీబీ) పెట్టే మానసిక క్షోభ భరించలేకే క్రికెట్‌ నుంచి తప్పుకుంటున్నట్లు  వీడియో సందేశంలో పేర్కొన్నాడు. ఆమిర్‌ రిటైర్మెంట్‌ నిర్ణయం తర్వాత  షోయబ్‌ అక్తర్‌ సహా పలువురు మాజీ క్రికెటర్లు అతనికి మద్దతుగా నిలిచారు. అయితే పాక్‌ మాజీ స్పిన్నర్‌ దానిష్‌ కనేరియా ఆమిర్‌కు వస్తున్న మద్దతును తప్పుబడుతూ ట్విటర్‌లో కామెంట్‌ చేశాడు.(చదవండి : మెంటల్‌ టార్చర్‌.. అందుకే ఇలా‌) 'పీసీబీ మెంటల్‌ టార్చర్‌ భరించలేక రిటైర్మెంట్‌ ప‍్రకటిస్తున్నట్లు ఆమిర్‌ ప్రకటించాడు. అది ఆమిర్‌ వ్యక్తిగత నిర్ణయం.. అతని నిర్ణయాన్ని నేను తప్పుబట్టను. స్పాట్‌ ఫిక్సింగ్‌ తర్వాత దోషిగా తేలిన ఆమిర్‌ మళ్లీ పాక్‌కు క్రికెట్‌ ఆడాడు. అయితే పీసీబీ అదే ధోరణిలో అతను చూడడంతో ఇప్పుడు ఆటకు గుడ్‌బై చెప్పాడు. కానీ ఆమిర్‌ విషయంలో పీసీబీని తప్పుబడుతూ పలువురు మాజీ, స్టార్‌ క్రికెటర్లు మద్దతు పలికారు. గతంలో ఇదే పీసీబీ విషయంలో నాకు న్యాయం జరగాలని వారికి విజ్ఞప్తి చేశాను.. అప్పుడు నేను మతం కార్డును ఉపయోగించానన్న కారణంతో ఏ ఒక్క క్రికెటర్‌ మద్దతుగా నిలవలేదు. ఆమిర్‌కు ఇచ్చిన విలువలో కనీసం సగం ఇచ్చినా బాగుండు అనిపించిందంటూ' ట్వీట్‌ చేశాడు.(చదవండి : ఆ రికార్డుకు 51 ఏళ్లు పట్టింది) 2000వ సంవత్సరంలో అంతర్జాతీయ క్రికెట్‌లో అడుగుపెట్టిన దానిష్‌ కనేరియా పాక్‌ తరపున అత్యుత్తమ స్పిన్నర్లలో ఒకడిగా నిలిచాడు. కనేరియా పాక్‌ తరపున 61 టెస్టుల్లో 261 వికెట్లు.. 18 వన్డేల్లో 15 వికెట్లు తీశాడు.  2012లో ఇంగ్లీష్‌ కౌంటీ క్రికెట్‌ ఆడుతుండగా.. దానిష్‌ కనేరియా మ్యాచ్‌ ఫిక్సింగ్‌కు పాల్పడ్డాడని ఇంగ్లండ్ అండ్ వేల్స్‌ క్రికెట్‌ బోర్డు (ఈసీబీ) అతడిపై జీవితకాల నిషేధం విధించింది. ఈసీబీ చర్యను సమర్థిస్తూ పీసీబీ కూడా కనేరియాపై నిషేధం విధించింది. దీంతో కనేరియా అప్పటినుంచీ ఎలాంటి క్రికెట్‌ ఆడడం లేదు. 2018లో ఓ టీవీ ఇంటర్వ్యూలో మాట్లాడుతూ  స్పాట్‌ ఫిక్సింగ్‌ చేసినట్లు అంగీకరించాడు. అయినా పీసీబీ తనపై కనికరం చూపడం లేదంటూ చాలాసార్లు త‌న ఆవేదన వ్యక్తం చేశాడు. తాను హిందువు అయినందున పాక్‌ బోర్డు తన విషయంలో జోక్యం చేసుకోవట్లేదని బాహాటంగానే ఆరోపించాడు. ఈ విషయం అప్పుట్లో పెద్ద దుమారం రేపింది. కనేరియా వ్యాఖ్యలపై అప్పట్లో కొందరు పాక్‌ క్రికెటర్లు తప్పుబడుతూ విమర్శించారు.

ఇస్లామాబాద్‌: తమ క్రికెటర్లకు న్యూజిలాండ్‌ క్రికెట్‌ బోర్డు ఇచ్చిన ‘ఫైనల్‌ వార్నింగ్‌’పై పాకిస్తాన్‌ దిగ్గజ బౌలర్‌ షోయబ్‌ అక్తర్‌ ఫైర్‌ అయ్యాడు. తమదేమీ క్లబ్‌ టీం కాదని, జాతీయ జట్టు అన్న సంగతి గుర్తుంచుకోవాలని హితవు పలికాడు. ఒకవేళ పరిస్థితులు చేయిదాటిపోతే సిరీస్‌ రద్దు చేసుకుంటామే తప్ప డబ్బు కోసం వెంపర్లాడే తత్వం తమది కాదంటూ చురకలు అంటించాడు. కాగా కివీస్‌తో సిరీస్‌లో భాగంగా పాక్‌ జట్టు ఈనెల 24న న్యూజిలాండ్‌కు వెళ్లిన సంగతి తెలిసిందే. ఈ క్రమంలో కరోనా నిర్ధారణ పరీక్షలు నిర్వహించగా.. ఆరుగురు పాక్‌ క్రికెటర్లకు వైరస్‌ సోకినట్లు తేలింది. దీంతో వారిని ఐసోలేషన్‌కు తరలించగా, కొంతమంది కోవిడ్‌ నిబంధనలు ఉల్లంఘించారని, మరొకసారి ఇది పునరావృతమైతే జట్టును తిరిగి పంపేస్తామని ఎన్‌జెడ్‌సీ హెచ్చరించినట్లు వార్తలు వెలువడ్డాయి. (చదవండి: దేశ ప్రతిష్టతో ముడిపడిన అంశం.. జాగ్రత్త) ఈ నేపథ్యంలో పాకిస్తాన్‌ క్రికెట్‌ బోర్డు సైతం తమ ఆటగాళ్లను జాగ్రత్తగా ఉండాలని వార్నింగ్‌ ఇచ్చింది. ఈ విషయంపై రావల్పిండి ఎక్స్‌ప్రెస్‌ అక్తర్‌ తన యూట్యూట్‌ చానెల్‌ వేదికగా స్పందించాడు. ‘‘ న్యూజిలాండ్‌ క్రికెట్‌ బోర్డుకు ఒక విషయం స్పష్టం చేయాలనుకుంటున్నా. మీరు మాట్లాడుతోంది ఓ క్లబ్‌ జట్టు గురించి కాదు. పాకిస్తాన్‌ జాతీయ జట్టు గురించి అని గుర్తుంచుకోండి. మాకు మీరు అవసరం లేదు. మా క్రికెట్‌ ముగిసిపోలేదు. మాకు డబ్బు యావ లేదు. నిజానికి మ్యాచ్‌లు ప్రసారం చేసి మీరు డబ్బు సంపాదిస్తున్నారు. కఠిన సమయాల్లో కూడా మీ దేశంలో పర్యటించేందుకు మా జట్టు సిద్ధమైంది.  కాబట్టి మీరే మాకు రుణపడి ఉన్నారు. ఈ భూగ్రహం మీదే అత్యంత గొప్పదైన పాకిస్తాన్‌ గురించి మీరు ఇలా మాట్లాడతారా? నోరు అదుపులో పెట్టుకోండి. మరోసారి మాట తూలితే జాగ్రత్త. టీ20 సిరీస్‌లో పాకిస్తాన్‌ జట్టు మిమ్మల్ని చిత్తు చేస్తుంది’’ అంటూ కివీస్‌ బోర్డుపై ఆగ్రహం వ్యక్తం చేశాడు. కాగా న్యూజిలాండ్‌తో సిరీస్‌లో భాగంగా పాక్‌ 3 టీ20లు, రెండు టెస్టు మ్యాచ్‌లు ఆడనుంది.  

కరాచీ: పాకిస్తాన్‌ టెస్టు జట్టుకు కొత్త కెప్టెన్‌గా బాబర్‌ అజామ్‌ను నియమించేందుకు రంగం సిద్ధమైంది. గతేడాది మే నెలలో పాకిస్తాన్‌ టెస్టు కెప్టెన్‌గా నియమించబడ్డ అజహర్‌ అలీ స్థానంలో అజామ్‌ను కెప్టెన్‌గా చేయాలని పీసీబీ భావిస్తోంది. ఇప్పటికే పరిమిత ఓవర్ల జట్లకు కెప్టెన్‌గా ఉన్న అజామ్‌నే టెస్టులకు కూడా సారథిగా నియమించడమే సరైనదిగా పాక్‌ బోర్డు యోచిస్తోంది.ఇటీవల ఇంగ్లండ్‌తో జరిగిన మూడు టెస్టుల సిరీస్‌ను పాకిస్తాన్‌ కోల్పోవడంతో అజహర్‌ అలీకి ఉద్వాసన పలికారు. తొలి టెస్టులో అజహర్‌ అలీ ఫీల్డింగ్‌ తప్పిదం కారణంగానే ఆ మ్యాచ్‌ పోయిందని పీసీబీకి అందిన రిపోర్ట్‌. దాంతో టెస్టు కెప్టెన్‌ పదవిని అజహర్‌ అలీ కోల్పోయాడు. దీనిపై పాకిస్తాన్‌ మాజీ పేసర్‌ షోయబ్‌ అక్తర్‌ మండిపడ్డాడు. ఇది చాలా అన్యాయమని అక్తర్‌ విమర్శించాడు. ఒక బ్యాడ్‌ గేమ్‌తో కెప్టెన్సీని మార్చేస్తారా అంటూ పీసీబీ నిర్ణయాన్ని తప్పుబట్టాడు. ‘ ఇంగ్లండ్‌తో జరిగిన తొలి టెస్టు రెండో ఇన్నింగ్స్‌లో అజహర్‌ అలీ తప్పుచేశాడు.. దాన్ని అంగీకరిస్తాను. ఆ ఫీల్డింగ్‌ చర్యతో అతను తీవ్ర విమర్శలు ఎదుర్కొన్నాడు. కానీ ఆ తప్పు కారణంగా అతన్ని కెప్టెన్‌గా తీసేయడం అన్యాయం. కేవలం ఒక మ్యాచ్‌ కారణంగా అజహర్‌ను కెప్టెన్సీ నుంచి తప్పిస్తారా?, నేనే కచ్చితంగా చెప్పగలను.. రాబోవు మ్యాచ్‌ల్లో అజహర్‌ వంద శాతం ప్రదర్శన ఇవ్వగలడు. ఈ తరహా చర్యలు ఆటగాళ్ల ఆటపై ప్రభావం చూపుతాయి’ అని తన యూట్యూబ్‌ చానల్‌ అక్తర్‌ పేర్కొన్నాడు. ఇప్పటివరకూ తొమ్మిది టెస్టులకు కెప్టెన్‌గా చేసిన అజహర్‌ అలీ.. రెండు మ్యాచ్‌లను గెలిచి, నాలుగు మ్యాచ్‌లను కోల్పోయాడు.

కరాచీ: పాకిస్తాన్‌ క్రికెట్‌ బోర్డు(పీసీబీ)లో  రెండు పదవుల్లో కొనసాగుతున్న మాజీ క్రికెటర్‌ మిస్బావుల్‌ హక్‌కు చీఫ్‌ సెలక్టర్‌ పదవికి ఉద్వానస పలకడానికి దాదాపు రంగం సిద్ధమైంది. పాకిస్తాన్‌ క్రికెట్‌ జట్టుకు అటు ప్రధాన కోచ్‌గా, ఇటు చీఫ్‌ సెలక్టర్‌గా కొనసాగుతున్న మిస్బావుల్‌కు రెండు పదవులు అనవసరం అని ఆలోచనలో పీసీబీ ఉంది.  పాకిస్తాన్‌ జట్టు ఆశించిన స్థాయిలో విజయాలు సాధించకపోవడంతో చీఫ్‌ సెలక్టర్‌ పదవి నుంచి తప్పించి హెడ్‌ కోచ్‌గా మాత్రమే కొనసాగించాలని పీసీబీ చూస్తోంది.  ఈ మేరకు ఇప్పటికే రంగం సిద్ధం కాగా, పాకిస్తాన్‌ చీఫ్‌ సెలక్టర్‌ రేసులోకి షోయబ్‌ అక్తర్‌ వచ్చేశాడు. ఈ మేరకు పాకిస్తాన్‌ క్రికెట్‌ బోర్డుతో చర్చలు జరిగిన విషయాన్ని అక్తర్‌ ధృవీకరించాడు. కాకపోతే తనకు ఏ పదవి ఇస్తారో వేచి చూడాలన్నాడు.  (చదవండి: ఆసీస్‌కు అంతుచిక్కని బ్యాట్స్‌మన్‌) ‘పీసీబీతో చర్చలు జరిగిన మాట వాస్తవమే. నేను పీసీబీలో కీలక పాత్ర పోషించడానికి బోర్డుతో సంప్రదింపులు జరిపా. పీసీబీ ఆహ్వానం మేరకు చర్చలకు వెళ్లా. ఇంకా ఏమీ నిర్ణయం కాలేదు. నేను ప్రస్తుతం చాలా మంచి జీవితాన్నే గడుపుతున్నా. నేను నా క్రికెట్‌ కాలంలో ఆడా. ఇప్పుడు సెటిల్‌ అయిపోయా. ఇక పీసీబీకి సేవలందించడానికి సిద్ధంగా ఉన్నా.  నేను ఇతరులకు సలహా ఇవ్వడానికి భయపడను. నాకు అవకాశం వస్తే పాకిస్తాన్‌ క్రికెట్‌ను ప్రక్షాళన చేస్తా’ అని క్రికెట్‌ బాజ్‌ నిర్వహించిన యూట్యూబ్‌ కార్యక‍్రమంలో అక్తర్‌ తన మనసులోని మాటను వెల్లడించాడు. (చదవం‍డి: సెరెనాకు ఊహించని షాక్‌) తమ మధ్య జరిగిన చర్చల్లో అటు బోర్డు కానీ, ఇటు తాను కానీ ఎటువంటి గ్రీన్‌ సిగ్నల్‌ ఇవ్వలేదన్నాడు. ఇంకా చర్చల దశలోనే ఉన్నందను త్వరలోనే స్పష్టత వచ్చే అవకాశం ఉందన్నాడు. క్రికెట్‌లో దూకుడైన మైండ్‌ సెట్‌తో కొత్త తరం క్రికెట్‌లో ఉండాలని అక్తర్‌ అభిప్రాయపడ్డాడు. ఇక్కడ సక్సెస్‌, ఫెయిల్యూర్‌ అనేది పక్కన పెట్టి దూకుడైన క్రికెట్‌ను ఆడాల్సి అవసరం ఉందన్నాడు. పాకిస్తాన్‌కు గత క్రికెట్‌ వైభవం తీసుకురావాలంటే తమ క్రికెటర్ల మైండ్‌ సెట్‌ మారాలన్నాడు. పాకిస్తాన్‌ దిగ్గజ క్రికెటర్లు జావేద్‌ మియాందాద్‌, వసీం అక్రమ్‌, ముస్తాక్‌ అహ్మద్‌ వంటి క్రికెటర్లు ఇలా దూకుడైన స్వభావంతోనే పాక్‌కు ఘనమైన విజయాలను అందించారన్నాడు.

న్యూఢిల్లీ: టీమిండియా కెప్టెన్ విరాట్ కోహ్లీని ప్రశంసించినందుకు తనను విమర్శిస్తున్న వారిపై పాకిస్థాన్ మాజీ క్రికెటర్ షోయబ్ అక్తర్ మండిపడ్డాడు. అద్భుత ఆటగాడు విరాట్ కోహ్లిని ప్రశంసిస్తే తప్పేంటని ఘాటుగా ప్రశ్నించాడు. అయితే ప్రపంచవ్యాప్తంగా జరుగుతున్న క్రికెట్ మ్యాచ్‌లు, ఆటగాళ్లపై రావల్పిండి ఎక్స్‌ప్రెస్ తన అభిప్రాయాలు వ్యక్తం చేస్తున్న విషయం తెలిసిందే. కాగా తనను విమర్శించే వారు విరాట్‌ కోహ్లి ప్రపంచస్తాయి ఆటగాడిగా గుర్తించాలని కోరారు. ఒకవేళ కోహ్లిపై అనుమానం ఉంటే అతని రికార్డులు తెలుసుకోవాలని సూచించాడు. మరోవైపు భారత్‌ వైస్‌కెప్టెన్‌ రోహిత్‌శర్మ సైతం అద్భుతంగా రాణిస్తున్నాడని తెలిపాడు. అయితే కోహ్లి భారతీయుడు కాబట్టి, అతన్ని ప్రశంసించవద్దనే ద్వేషాన్ని దృష్టిలో పెట్టుకొని తనను విమర్శిస్తున్నారని ఫాస్టెస్ట్ పేసర్ షోయబ్‌ తెలిపాడు. కోహ్లి వంటి స్టార్ ప్లేయర్ ప్రపంచ వ్యాప్తంగానైనా ఎవరైనా ఉన్నారా, కనీసం అతనికి దగ్గరగా ఉన్న ఏ ఆటగాడి పేరైనా చెప్పండని విమర్శకులను ప్రశ్నించారు. ఇప్పటికే కోహ్లి 70 అంతర్జాతీయ సెంచరీలు సాధించాడు. ప్రస్తుత క్రికెట్‌లో ఇన్ని సెంచరీలు చేసిన ఆటగాడు ఎవరు లేరని పేర్కొన్నాడు. చదవండి: ‘అక్తర్‌ నన్ను చంపుతానన్నాడు’

సిడ్నీ: ప్రపంచ క్రికెట్‌లో స్లెడ్జింగ్‌ విషయంలో ఆస్ట్రేలియాకు ఆ జట్టే సాటి. ప్రత్యర్థి జట్టును ముందుగానే తన వ్యాఖ్యలతో  భయపెట్టడంలో కానీ, ఫీల్డ్‌లో దిగాక స్లెడ్జ్‌ చేయడంలో కానీ ఆసీస్‌ క్రికెటర్లు ఎప్పుడూ ముందు వరుసలో ఉంటారనేది అ‍ందరికీ తెలిసిన విషయం. ఇందులో ఆసీస్‌ మాజీ ఓపెనర్‌ మాథ్యూ హేడెన్‌ బాగా ఆరితేరిన వాడు. అయితే అదే హేడెన్‌ను పాకిస్తాన్‌ మాజీ పేసర్‌ షోయబ్‌ అక్తర్‌ భయపెట్టాలని చూశాడట. 2002లో యూఏఈలో  జరిగిన టెస్టు మ్యాచ్‌ సందర్భంగా తనను చంపుతానని అక్తర్‌ భయపెట్టిన విషయాన్ని హేడెన్‌ చెప్పకొచ్చాడు. అయితే దీన్ని ఘనంగా తాను స్వాగితించినట్లు హేడెన్‌ తెలిపాడు.(‘అందుకే అంబటి రాయుడ్ని తీసుకోలేదు’) ఇది మ్యాచ్‌కు ముందు ఒకానొక సందర్భంలో జరగిందని హేడెన్‌ తెలిపాడు. కాగా, మ్యాచ్‌ మొదలయ్యాక అక్తర్‌ బౌలింగ్‌ రనప్‌ తీసుకునే క్రమంలోనే తిట్ల దండకం అందుకునే వాడన్నాడు. అయితే ఇలా రనప్‌ చేస్తూ బ్యాట్స్‌మన్‌ ఏకాగ్రతను దెబ్బతీయడానికి యత్నించిన అక్తర్‌పై ఫిర్యాదు చేయడమే కాకుండా అతనికి 18 బంతులు సమయం కూడా ఇచ్చినట్లు తెలిపాడు. తనను చంపుతానన్న చాలెంజ్‌కు మూడు ఓవర్ల సమయం ఇచ్చినట్లు తెలిపాడు. తనను ఔట్‌ చేసి విమానం గాల్లో ఎగిరినట్లు సంబరాలు చేసుకో​ అని సూచింనట్లు కూడా తెలిపాడు. తన దృష్టిలో అక్తర్‌ ఒక బి-గ్రేడ్‌ యాక్టర్‌ అని హేడెన్‌ తెలిపాడు. అయితే బౌలింగ్‌ రనప్‌ చేస్తూ దూషించడాన్ని తీవ్రంగా పరిగణించానన్నాడు. అప్పుడు అంపైర్‌గా ఉన్న వెంటకరాఘవన్‌కు విషయాన్ని సీరియస్‌గా వివరించానన్నాడు. గేమ్‌లో ప్రతీది ఇస్తా. ప్రతీ దానికి కట్టుబడి ఉంటా. కానీ ఏది చేసినా గేమ్‌ ప్రొటోకాల్‌కు లోబడే ఉండాలి. నువ్వు పరుగెడుతూ దూషించడం కచ్చితంగా నిబంధనలకు విరుద్ధమే. నేను అంతకంటే ఎక్కువ చేస్తా. నాకు అక్తర్‌తో సమస్య ఉంది’ అని చెప్పినట్లు హేడెన్‌ తెలిపాడు.  ఆ మ్యాచ్‌ తొలి ఇన్నింగ్స్‌లో హేడెన్‌ 119 పరుగులు చేసి ఆసీస్‌ భారీ స్కోరు చేయడంలో సహకరించాడు. ఆ మ్యాచ్‌ను ఆసీస్‌ ఇన్నింగ్స్‌ తేడాతో గెలిచింది. 

కరాచీ: టీమిండియా ప్రధాన పేసర్‌ జస్‌ప్రీత్‌ బుమ్రాపై మరోసారి ఆసక్తికర వ్యాఖ్యలు చేశాడు పాకిస్తాన్‌ మాజీ పేసర్‌ షోయబ్‌ అక్తర్‌. బుమ్రా సుదీర్ఘ కాలం మూడు ఫార్మాట్లు ఆడలేడని గతంలో చెప్పిన అక్తర్‌.. మళ్లీ అదే వ్యాఖ్యలు చేశాడు. కాగా, బుమ్రా యాక్షన్‌ అతనికే చేటు చేస్తుందని ముందే ఊహించానని అక్తర్‌ తాజాగా పేర్కొన్నాడు. ఇదే విషయాన్ని స్నేహితులతో చెబుతూ ఉండేవాడనని, అదే తాను చెప్పిన కొంతకాలానికే జరిగిందన్నాడు. (బట్లర్‌ వ్యాఖ్యల వెనుక ఆంతర్యం ఏమిటో?) ‘ టెస్టు మ్యాచ్‌లో బుమ్రా ధైర్యం, సత్తా ఏమిటో చూశాం. బుమ్రాది చాలా కష్టించే తత్వం. క్రికెట్‌ బౌలింగ్‌పై ఎక్కవ దృష్టి పెడతాడు. అతను ఎక్కడికి( ఫిట్‌నెస్‌ గురించి) వెళుతున్నాడో బుమ్రాకు తెలుసు. ప్రస్తుతం నా అడిగే ప్రశ్న ఒక్కటే. బుమ్రాకు అతని వెన్నుపూస​ నుంచి పూర్తి సహకారం అందుతుందా. బుమ్రా యాక్షన్‌ అతనికే చేటు చేస్తుంది. వెన్నుగాయం బారిన పడటానికి యాక్షనే కారణం. బుమ్రా సుదీర్ఘ కాలం మూడు ఫార్మాట్లలో ఆడలేడనే విషయం కచ్చితంగా చెబుతా. బుమ్రా వెన్నుగాయం బారిన పడకముందే అతని మ్యాచ్‌లు ఎక్కువగా చూసేవాడిని. ఆ క్రమంలోనే వెన్నుగాయం ప్రమాదం బుమ్రాకు పొంచి ఉందని ఫ్రెండ్స్‌కు చెప్పేవాడిని. అదే జరిగింది. ఇప్పుడు కూడా బుమ్రా ఎక్కువ కాలం మూడు ఫార్మాట్లకు న్యాయం చేయలేడని చెబుతున్నా’ అని ఆకాశ్‌ వాణి కార్యక్రమంలో ఆకాశ్‌ చోప్రాతో మాట్లాడుతూ బుమ్రా గురించి అక్తర్‌ ఇలా స్పందించాడు. (‘వివో’ లేకుంటే నష్టమేం లేదు: గంగూలీ )

లాహోర్‌ : పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ వివాదాస్పద వ్యాఖ్యలు చేస్తూ నిత్యం వార్తల్లో నిలుస్తుంటాడు. అయితే అప్పుడప్పుడు కొన్ని ఫన్నీ సంఘటనలను కూడా మనతో షేర్‌ చేసుకుంటాడు. తాజాగా భారత్‌ మాజీ  ఆల్‌రౌండర్‌ యువరాజ్‌ను పొరపాటున గాయపర్చిన సంఘటనను తన యూట్యూబ్‌ చానెల్‌లో అక్తర్‌ గుర్తుచేసుకున్నాడు. 'నా ప్రేమ కొంచెం క్రూరంగా ఉంటుంది . నేను ఎవర్నయినా ప్రేమిస్తే వారిని నెడుతూ, కొడుతూ మాట్లాడుతా. నా పద్ధతిలో ప్రేమ చూపించడం అంటే అదే.  భారత్‌తో జరిగిన ఒక మ్యాచ్‌లో నేను యువరాజ్‌తో ఇలాగే ప్రవర్తించా. ప్రేమతో చేసిన పనిలో కొంచెం హద్దు మీరాను. దాంతో పొరపాటున యువరాజ్ వెన్నుకు గాయమైంది. అంతెందుకు షాహిద్‌ ఆఫ్రిదిని హత్తుకునే ప్రయత్నంలో అతన్ని కొంచెం గట్టిగా పట్టుకోవడంతో ఒక పక్కటెముక విరిగిపోవడం.. అబ్దుల్‌ రజాక్‌కు ప్రేమతో స్ట్రెచ్చింగ్‌ చేయిస్తున్న సమయంలో అనుకోకుండా నరం మెలికపడడం లాంటివి చోటుచేసుకున్నాయి. అయితే ఇదంతా ప్రేమతో సరదాకు చేసింది మాత్రమే. నేను ప్రేమను చూపించే విధానం కొంచెం వైల్డ్‌గా ఉంటుంది’ అంటూ అక్తర్ చెప్పుకొచ్చాడు.  అయితే ఇదే అక్తర్‌ గత వారం భారత్‌ మాజీ డాషింగ్ ఓపెనర్ సెహ్వాగ్‌పై విరుచుకుపడిన సంగతి తెలిసిందే. భారత్-పాకిస్తాన్‌ మధ్య జరిగిన ఒక మ్యాచ్‌లో షోయబ్‌ అక్తర్‌ అదే పనిగా స్లెడ్జింగ్‌ చేయడంతో సెహ్వాగ్‌ అతనిపై విమర్శనాలు సంధించాడు. 'అదే పనిగా బౌన్సర్లు వేస్తూ హుక్ షాట్ కొట్టమని రెచ్చగొడుతున్నాడు. దాంతో విసిగిపోయిన నేను నాన్‌స్ట్రైకర్ వైపు మీ బాబు నిలబడి ఉన్నాడు.. అతడికి చెప్పు అతడు కొట్టి చూపిస్తాడు.. నాన్‌స్ట్రైకర్‌లో సచిన్ ఉన్నాడు..’ అంటూ పేర్కొన్నాడు. దీనిపై స్పందించిన అక్తర్‌.. ‘సెహ్వాగ్ ఒకవేళ నిజంగా ఆ మాట అని ఉంటే నేను వదిలిపెట్టేవాడినా..? కచ్చితంగా గ్రౌండ్‌లోనే చితకబాదేవాడిని. తర్వాత హోటల్‌లో కూడా కొట్టేవాడిని’ అంటూ వివాదాస్పద వ్యాఖ్యలు చేశాడు. అయితే దీనిపై వీరు ఇంకా ఎటువంటి రియాక్షన్‌ ఇవ్వలేదు.

కరాచీ: బాలీవుడ్‌ హీరో సుశాంత్‌ సింగ్‌ రాజ్‌పుత్‌  మరణం పై పాకిస్తాన్‌ మాజీ క్రికెటర్‌ షోయబ్‌ అక్తర్‌ స్పందించారు. తన యూట్యూబ్‌ ఛానెల్‌ ద్వారా ఆయన జీవితంలో వచ్చే  సమస్యలు ఎలా ఎదుర్కొవాలో అనే విషయాన్ని తెలియజేయడంతో పాటు సుశాంత్‌ ఆత్మహత్యపై కూడా స్పందించారు. ఈ విషయంపై అక్తర్‌ మాట్లాడుతూ, ‘సుశాంత్‌ మరణం నన్ను కలిచివేసింది. ఒక విషయం నన్ను ఇంకా బాధపడేలా చేసింది. అదేంటంటే నేను సుశాంత్‌ను ముంబైలో కలిశాను. అప్పుడు సుశాంత్‌  పొడుగైన జుట్టుతో ఉన్నాడు. అప్పుడు కొంత మంది అతను ఎంఎస్‌ ధోని సినిమాలో నటిస్తున్నాడని చెప్పారు. అయినప్పటికీ  నేను అతనితో మాట్లాడకుండా వెళ్లిపోయాను. అప్పుడు నేను  సుశాంత్‌తో మాట్లాడి ఉంటే నేను జీవితంలో ఎదుర్కొన్న అనేక సమస్యలను అతనితో పంచుకునే వాడిని. అతనికి జీవితంలో ఎదురయ్యే సమస్యలను ఎదుర్కొనే ధైర్యం వచ్చేది. నేను సుశాంత్‌తో మాట్లాడనందుకు చాలా బాధపడుతున్నాను’ అని తెలిపారు. (‘సుశాంత్ కోసం త‌న జీవితాన్నే ఇచ్చేసింది’) ఇంకా అక్తర్‌ మాట్లాడుతూ, మనకి బాధ, డిప్రెషన్‌ ఉన్నప్పుడు మనకి సన్నిహితంగా ఉన్నవారితో పంచుకుంటే కొంత వరకు బయట పడొచ్చని చెప్పారు. హీరోయిన్‌ దీపిక పదుకొనే కూడా  డిప్రెషన్‌, యాంగ్జైటీతో బాధపడేదని, కానీ ఆ విషయాన్ని అందరికి చెప్పి బయట పడిందని తెలిపారు. సుశాంత్‌ కూడా డిప్రెషన్‌కు చికిత్స తీసుకుంటూ, ధైర్యంగా ఉండే తన సన్నిహితులతో  సమస్యలు పంచుకొని ఉండాల్సిందని, అప్పుడు ఇలా జరిగి ఉండేది కాదోమో అని అక్తర్‌ విచారం వ్యక్తం చేశారు.  (సుశాంత్ మ‌ర‌ణం: స‌ల్మాన్ విన్న‌పం)  

లండన్‌:   తాను అంతర్జాతీయ క్రికెట్‌లో అరంగేట్రానికి ముందే పాకిస్తాన్‌ మాజీ పేసర్‌ షోయబ్‌ అక్తర్‌ చంపుతానంటూ బెదిరించాడని ఇంగ్లండ్‌ ఫాస్ట్‌ బౌలర్‌ లియామ్‌​ ప్లంకెట్‌ మరోసారి గుర్తు చేసుకున్నాడు. 2005లో అంటే దాదాపు 15 ఏళ్ల క్రితం పాకిస్తాన్‌తో లాహోర్‌లో జరిగిన టెస్టు మ్యాచ్‌ ద్వారా అరంగేట్రం చేసిన తనకు తొలి మ్యాచ్‌కు ముందే చేదు అనుభవాలు ఎదురయ్యాయని ప్లంకెట్‌ చెప్పుకొచ్చాడు. తాను రనప్‌ చేస్తున్న సమయంలో ఒక నవ్వి నవ్విన అక్తర్‌.. చంపుతానంటూ వార్నింగ్‌ ఇచ్చాడన్నాడు. ఇది తనను చాలా ఆశ్చర్యానికి గురి చేసిందని ప్లంకెట్‌ తెలిపాడు. ఎందుకంటే తామిద్దరం కలిసి కౌంటీ క్రికెట్‌ ఆడిన అనుభవం ఉన్న క్రమంలో ఇలా బెదిరించడం అంతుబట్టలేదన్నాడు. ‘ కౌంటీ క్రికెట్‌లో అక్తర్‌ కోసం లెగ్‌ స్లిప్‌లో ఫీల్డింగ్‌ చేస్తే, స్టీవ్‌ హార్మిసన్‌ కోసం స్లిప్‌లో ఉండేవాడిని. కానీ టెస్టు మ్యాచ్‌లో అక్తర్‌తో తలపడటం అదే తొలిసారి. ఆ మ్యాచ్‌ కోసం నేను రనప్‌ చేస్తున్నా. (‘నేను కారు ప్రమాదంలో చనిపోలేదు’) అప్పుడు అక్కడికి వచ్చిన అక్తర్‌ నన్ను చూసి నవ్వాడు. వెంటనే నిన్ను చంపేస్తా అంటూ గట్టిగా అరిచాడు. నన్ను భయభ్రాంతులకు గురి చేసే యత్నం చేశాడు. మ్యాచ్‌ ఆరంభమైన తర్వాత రెండో రోజు ఆటకు సిద్ధమయ్యా. నాకు తొలిరోజు ఆటలానే అనిపించింది. నేను బ్యాట్‌ పట్టుకుని కూర్చొని ఉ‍న్నా. తర్వాత నాదే బ్యాటింగ్‌. గంటకు 96,97 మైళ్ల వేగంతో బౌలింగ్‌ చేస్తున్నాడు. టీవీ స్క్రీన్లలో నాకు కనబడుతుంది. అక్తర్‌ అన్న మాటలు నాకు గుర్తొచ్చాయి. ఆష్లే గైల్స్‌ వికెట్‌ను అక్తర్‌ తీయడంతో నేను బ్యాటింగ్‌ వెళ్లాను. ఆ 90 మైళ్ల వేగంతో బౌలింగ్‌ చేసే అక్తర్‌ను ఎదుర్కోవడానికి సిద్ధపడ్డా. నేను ఆడిన తొలి బంతినే సమర్థవంతంగా ఆడా. కానీ ఒక బంతి నా భుజాన్ని తాకింది.  కానీ నేను భయపడలేదు. చెట్టు మొదళ్లు వలే క్రీజ్‌లో పాతుకుపోవడానికి సిద్ధమయ్యా. అదే ధైర్యంతో 51 బంతులు ఆడి 9 పరుగులు చేశా. నా బాధ్యతను నేను నిర్వర్తించానని అనుకున్నా. దాదాపు 10 ఓవర్లు క్రీజ్‌లో ఉండి అక్తర్‌కు పరీక్షగా నిలిచా. నేను చివరికు మహ్మద్‌ షమీ బౌలింగ్‌లో ఔటయ్యా. నా వికెట్‌ అక్తర్‌కు లభించకపోయినా నన్ను స్లెడ్జ్‌ చేసే క‍్రమంలో ఏదో మ్యూజిక్‌ చేశాడు’ అని ప్లంకెట్‌ తెలిపాడు. (‘ద్రవిడ్‌ కెప్టెన్సీకి క్రెడిట్‌ దక్కలేదు’)

ఇస్లామాబాద్‌: టీమిండియా మాజీ సారథి, ప్రస్తుత బీసీసీఐ అధ్యక్షుడు సౌరవ్‌ గంగూలీపై పాకిస్తాన్‌ స్పీడస్టర్‌ షోయబ్‌ అక్తర్‌ ప్రశంసల జల్లు కురిపించాడు. దాదా భయమెరుగని ఓ పోరాటయోధుడంటూ ఆకాశానికి ఎత్తాడు. సచిన్‌ టెండూల్కర్‌, రాహుల్‌ ద్రవిడ్‌, వీవీఎస్‌ లక్ష్మణ్‌, సౌరవ్‌ గంగూలీ, ఎంఎస్‌ ధోని వంటి దిగ్గజ బ్యాట్స్‌మెన్‌కు బౌలింగ్‌ చేసే అవకాశం లభించిందని ఆనందం వ్యక్తం చేశాడు. అంతేకాకుండా వారికి బౌలింగ్‌ చేయడం ఓ సవాల్‌గా తీసుకునే వాడినని తెలిపాడు. అయితే ఫాస్ట్‌ బౌలింగ్‌ను ఎదుర్కొవడానికి దాదా భయపడేవాడనే వార్తలను అక్తర్‌ కొట్టిపారేశాడు. (‘కోహ్లిలా ఆడాలి.. పాక్‌ను గెలిపించాలి’) ‘ఫాస్ట్‌ బౌలింగ్‌ను ఎదుర్కోడానికి గంగూలీ భయపడేవాడని, అందులోనూ నా బౌలింగ్‌లో ఎక్కువగా ఇబ్బందిపడ్డాడనే వార్తలు పూర్తిగా అవాస్తవం. గంగూలీ అత్యంత ధైర్యవంతమైన బ్యాట్స్‌మన్‌. కొత్త బంతితో నా బౌలింగ్‌ను సమర్థవంతంగా ఎదుర్కోగల ఏకైక ఓపెనర్‌ దాదానే. అనేకమార్లు అతడిని ఇబ్బంది పెట్టేందుకు ప్రయత్నించేవాడిని. ఛాతి మీదకు బంతులేస్తూ అతడిని టార్గెట్‌ చేసేవాడిని. కానీ అతడు ఎప్పుడూ వెనక్కి తగ్గలేదు. దాటిగా ఆడి పరుగులు సాధించేవాడు. అందుకే భారత ఆటగాళ్లలో నేను బౌలింగ్‌ చేసిన వారిలో గంగూలీనే అత్యంత ధైర్యవంతమైన బ్యాట్స్‌మన్‌ అని ఎప్పటికీ చెబుతుంటాను. ఇప్పుడూ అదే చెబుతాను. ఇక అతడి సారథ్యం గురించి ప్రత్యేకంగా చెప్పక్కర్లేదు. అతడికన్నా మరో బెస్ట్‌ కెప్టెన్‌ను భారత్‌ తయారుచేయలేకపోయింది అనేది నా అభిప్రాయం’ అని అక్తర్‌ పేర్కొన్నాడు. (ఐపీఎల్‌పై మళ్లీ ఆశలు...)

హైదరాబాద్‌: టీమిండియా సారథి, పరుగుల యంత్రం విరాట్‌ కోహ్లిపై పాకిస్తాన్‌ పరిమిత ఓవర్ల కెప్టెన్‌ బాబర్‌ అజామ్‌ ప్రశంసల వర్షం కురిపించాడు. కవర్‌ డ్రైవ్‌ షాట్లలో కోహ్లిని మించిన మరో బ్యాట్స్‌మన్‌ ఉండడని ప్రశంసించాడు. హర్ష బోగ్లే హోస్ట్‌గా క్రిక్ బజ్‌ నిర్వహించిన లైవ్‌ షోలో పాల్గొన్న అజామ్‌  కోహ్లిని ఆకాశానికి ఎత్తాడు. ‘ప్రపంచ క్రికెట్‌ చరిత్రలో అత్యుత్తమ ఆటగాళ్లలో విరాట్‌ కోహ్లి ఒకరు. అతనితో పోల్చి చూసుకుంటే నేను చాలా వెనకబడి ఉన్నాను. నేను సాధించాల్సినవి చాలా ఉన్నాయి. నేను పాకిస్తాన్‌ తరుపున కోహ్లిలా ఆడాలి.. మ్యాచ్‌లను గెలిపించాలి.. రికార్డులను సృష్టించాలి’ అంటూ బాబర్‌ పేర్కొన్నాడు. (‘అదే కోహ్లిని గ్రేట్‌ ప్లేయర్‌ను చేసింది’) ‘ఓపెనర్‌గా బరిలోకి దిగితే చివరి బంతి ఆడేవరకు ప్రయత్నం చేయాలి. అలా చేస్తే బ్యాటింగ్‌లో అన్ని దశలను చూస్తావు‌. అంతేకాకుండా చివరి బంతి వరకు ఆడితే పరుగులు సాధించడమే కాకుండా జట్టుకు కూడా అవసరమైన మంచి స్కోర్‌ను అందిస్తావు, సహచర బ్యాట్స్‌మన్‌కు సహకారం అందిస్తావు’ అని తన కోచ్‌ తరుచూ పేర్కొనేవాడని, దాని అర్థం ఇప్పుడిప్పుడే అర్థం అవుతందని బాబర్‌ వివరించాడు. (కోహ్లితో పాటు ఆడటం నా అదృష్టం) ఇక అండర్‌-19 సమయంలో తొలి సారి రావల్పిండి ఎక్స్‌ప్రెస్‌ షోయాబ్‌ అక్తర్‌ను కలిశానని గుర్తు చేసుకున్నాడు. ఆ సమయంలో అతడి బౌలింగ్‌ను కూడా ఎదుర్కొన్నానని, అది మర్చిపోలేని అనుభూతి అని పేర్కొన్నాడు. ఇక బాబర్‌ అజామ్‌ను పాకిస్తాన్‌ కోహ్లి అని అక్కడి అభిమానులు పిలిచే విషయం తెలిసిందే. కేవలం అభిమానులే కాకుండా తాజా, మాజీ క్రికెటర్లు సైతం కోహ్లితో ఈ బ్యాట్స్‌మన్‌ను పోల్చడం విశేషం. ఇక ఇంగ్లండ్‌ స్పిన్నర్‌ అదిల్‌ రషీద్‌ అయితే ఏకంగా విరాట్‌ కోహ్లి కంటే బాబర్‌ అజామ్‌ అత్యుత్తమ బ్యాట్స్‌మన్‌ అంటూ కొనియాడటం గమనార్హం. 

కరాచీ: పాకిస్తాన్‌ క్రికెట్‌ మాజీ బౌలర్‌ షోయబ్‌ అక్తర్‌పై తఫాజ్జుల్‌ రిజ్వి దాఖలు చేసిన పరువు నష్టం కేసులో తమకేటి సంబంధం అంటుంది పీసీబీ. పీసీబీ లీగల్‌ అడ్వైజర్‌గా పని చేస్తున్న  తఫాజ్జుల్‌ రిజ్వి పిటిషన్‌లో తమ పాత్ర ఏమీ లేదని డొంక తిరుగుడు మాటలు మాట్లాడుతోంది. ఒక వివాదంలో అక్తర్‌పై పరువు నష్టం దావా కేసు వేయగా, దాన్ని ఫెడరల్‌ ఇన్విస్టిగేషన్‌ ఏజెన్సీ(ఎఫ్‌ఐఏ) విచారించనుంది. ఈ క్రమంలోనే అక్తర్‌కు ఇప్పటికే సమన్లు పంపిన ఎఫ్‌ఐఏ.. ఈరోజు విచారణ చేపట్టనుంది. తొలుత అక్తర్‌ స్టేట్‌మెంట్‌ను రికార్డు చేసి తర్వాత ఎఫ్ఐఆర్‌ నమోదు చేయాలా.. వద్దా అనే అంశాన్ని పరిశీలిస్తామని ఇ‍ప్పటికే ఒక ఎఫ్‌ఐఏ అధికారి చెప్పగా, ఇప్పుడు పీసీబీ మాత్రం ఆ అంశంలో తమకు సంబంధం లేదని అంటోంది. గత నెల్లో అక్తర్‌ వ్యాఖ్యలు చేసినప్పుడు సీరియస్‌గా స్పందించిన పీసీబీ.. ఇప్పుడు మాత్రం ఆ వివాదంలోకి తమను లాగొద్దని తెలిపింది.   పీసీబీ అధికారి ప్రతినిధి ఒకరు మాట్లాడుతూ.. ‘ రిజ్వీ ఫిర్యాదుపైనే అక్తర్‌కు సమన్లు జారీ అయ్యాయి. ఈ విషయంలో బోర్డుకు సంబంధం లేదు. అక్తర్‌పై రిజ్వి వ్యక్తిగత ఫిర్యాదులో భాగంగానే పరువు నష్టం దావా వేశాడు. అంతే కానీ అక్తర్‌పై మేము ఎటువంటి కేసు వేయలేదు’ అని తెలిపారు. (‘అందులో ఐపీఎల్‌ కంటే పీఎస్‌ఎల్‌ భేష్‌’) ఇక అక్తర్‌ మాట్లాడుతూ.. ‘నేను ఎఫ్‌ఐఏ నుంచి ఒక నోటీసును అందుకున్నా. అది చాలా అస్పష్టంగా ఉంది. వారు నాకు పంపిన నోటీసు గందరగోళానికి గురి చేసేలా అస్పష్టంగా ఉంది. నా లాయర్‌ సల్మాన్‌ నియాజీతో మాట్లాడిన తర్వాత తదుపరి కార్యాచరణ ఏమిటనేది చెబుతా’ అని అక్తర్‌ తెలిపాడు. కాగా, తనపై అసభ్య పదజాలం వాడటమే కాకుండా న్యాయపరమైన అంశాల్లో అక్తర్‌ తలదూర్చిందుకు గాను అతనిపై పరువు నష్టం దావా వేశాడు రిజ్వి. ఈ క్రమంలోనే 100 మిలియన్ల పాకిస్తాన్‌ కరెన్సీ చెల్లించాలంటూ అందులో పేర్కొన్నాడు. అవినీతి ఆరోపణల్లో భాగంగా పాకిస్తాన్‌ వెటరన్‌ క్రికెటర్‌ ఉమర్‌ అక్మల్‌పై మూడేళ్లు నిషేధం విధించిన సందర్భంలో పీసీబీ లీగల్‌ డిపార్ట్‌మెంట్‌పై అక్తర్‌ అసంబద్ధ వ్యాఖ్యలు చేశాడు. తన యూట్యూబ్‌ చానల్‌లో అక్మల్‌పై మూడేళ్ల నిషేధాన్ని తప్పుబట్టాడు. ఇది పీసీబీ లీగల్‌ అడ్వైజరీ అసమర్థవత వల్లే ఉమర్‌కు మూడేళ్ల శిక్ష పడిందంటూ వ్యాఖ్యానించాడు. అదే సమయంలో రిజ్విపై ఆరోపణలు చేశాడు. చాలా సున్నితమైన అంశాల్లో రిజ్వికి అనుభవం లేదంటూ విమర్శించాడు. పీసీబీ లీగల్‌ డిపార్ట్‌మెంట్‌ అనేది కుళ్లిన టెంక అంటూ విమర్శలు చేశాడు. పీసీబీ అండదండలు ఉన్న కారణంగానే రిజ్వి సుదీర్ఘ కాలం లీగల్‌ అడ్వైజర్‌గా కొనసాగుతున్నాడంటూ తీవ్ర వ్యాఖ్యలు చేశాడు. ఈ విషయంలో పీసీబీ కూడా సీరియస్‌ అయ్యింది. న్యాయపరమైన అంశాల్లో అక్తర్‌ తలదూర్చడం మంచిది కాదంటూ హెచ్చరించింది. ఈ క్రమంలోనే అక్తర్‌పై రిజ్వి పరువు నష్టం కేసు వేశాడు.  బోర్డు సాయంతోనే కేసు వేసినట్లు అందరికీ తెలుస్తున్నా, తమకేమీ సంబంధం లేదంటూ తప్పించుకునే పనిలో పడింది పీసీబీ.(విదేశాల్లో ఐపీఎల్‌-2020? బీసీసీఐ సమాలోచన)

కరాచీ: పాకిస్తాన్‌ క్రికెట్‌ బోర్డు(పీసీబీ) లీగల్‌ అడ్వైజర్‌ తఫాజ్జుల్‌ రిజ్వి అసమర్థుడని సంచలన వ్యాఖ్యలు చేసిన ఆ దేశ మాజీ పేసర్‌ షోయబ్‌ అక్తర్‌కు ఫెడరల్‌ ఇన్విస్టిగేషన్‌ ఏజెన్సీ(ఎఫ్‌ఐఏ) సమన్లు జారీ చేసింది. రిజ్విపై అక్తర్‌ చేసిన వ్యాఖ్యలపై విచారణకు సిద్ధమైన ఎఫ్‌ఐఏ.. ముందుగా సమన్లు పంపింది. శుక్రవారం అక్తర్‌ స్టేట్‌మెంట్‌ను రికార్డు చేసిన తర్వాత విచారణను చేపట్టనున్నట్లు పేర్కొంది. ‘ ఇంకా అక్తర్‌పై ఎటువంటి కేసు నమోదు చేయలేదు. అతని యూట్యూబ్‌ చానల్‌లో రిజ్విని దూషించిన క్రమంలో ఫిర్యాదు అందింది. దాంతో అక్తర్‌కు సమన్లు జారీ చేశాం. అక్తర్‌పై ఎఫ్‌ఐఆర్‌ నమోదు చేయాలా.. వద్దా అనేది స్టేట్‌మెంట్‌ను రికార్డు చేసుకున్నాక పరిశీలిస్తాం’అని ఒక అధికారి తెలిపారు.(బాల్కనీ నుంచి దూకేద్దామనుకున్నా: ఊతప్ప) తనపై అసభ్య పదజాలం వాడటమే కాకుండా న్యాయపరమైన అంశాల్లో అక్తర్‌ తలదూర్చిందుకు గాను అతనిపై పరువు నష్టం దావా వేశాడు రిజ్వి. ఈ క్రమంలోనే 100 మిలియన్లు పాకిస్తాన్‌ కరెన్సీ చెల్లించాలంటూ అందులో పేర్కొన్నాడు. అవినీతి ఆరోపణల్లో భాగంగా పాకిస్తాన్‌ వెటరన్‌ క్రికెటర్‌ ఉమర్‌ అక్మల్‌పై మూడేళ్లు నిషేధం విధించిన సందర్భంలో పీసీబీ లీగల్‌ డిపార్ట్‌మెంట్‌పై అక్తర్‌ అసంబద్ధ వ్యాఖ్యలు చేశాడు. తూ తన యూట్యూబ్‌ చానల్‌లో వీడియోను విడుదల చేశారు. ప్రధానంగా మూడేళ్ల నిషేధాన్ని తప్పుబట్టాడు. ఇది పీసీబీ లీగల్‌ అడ్వైజరీ అసమర్థవత వల్లే ఉమర్‌కు మూడేళ్ల శిక్ష పడిందంటూ వ్యాఖ్యానించాడు. అదే సమయంలో రిజ్విపై ఆరోపణలు చేశాడు. చాలా సున్నితమైన అంశాల్లో రిజ్వికి అనుభవం లేదంటూ విమర్శించాడు. పీసీబీ లీగల్‌ డిపార్ట్‌మెంట్‌ అనేది కుళ్లిన టెంక అంటూ విమర్శలు చేశాడు. పీసీబీ అండదండలు ఉన్న కారణంగానే రిజ్వి సుదీర్ఘ కాలం లీగల్‌ అడ్వైజర్‌గా కొనసాగుతున్నాడంటూ తీవ్ర వ్యాఖ్యలు చేశాడు. దాంతో అక్తర్‌పై పరువు నష్టం కేసును రిజ్వి దాఖలు చేశాడు. (ముగ్గురు క్రికెటర్లపై ఫిక్సింగ్‌ ఆరోపణలు)

ఇస్లామాబాద్ ‌: పాకిస్తాన్‌ సూపర్‌ లీగ్‌(పీఎస్‌ఎల్‌)పై మాజీ ఫాస్ట్‌బౌలర్‌ షోయబ్‌ అక్తర్‌ సంచన వ్యాఖ్యలు చేశాడు. ప్రస్తుత ఆర్థిక సంక్షోభం నేపథ్యంలో  పీఎస్‌ఎల్‌ నిలదొక్కుకోవడం కష్టమేనన్నారు. ఇప్పటికే పలు ఫ్రాంచైజీలు తమ జట్లును అమ్ముకోడానికి సిద్దంగా ఉన్నాయని తెలిపాడు. కరోనా లాక్‌డౌన్‌ కారణంగా మార్చిలో జరగాల్సిన ఈ లీగ్‌ వాయిదా పడిన విషయం తెలిసిందే. ప్రస్తుత పరిస్థితుల దృష్ట్యా సెప్టెంబర్‌ వరకు పూర్తిస్థాయిలో క్రికెట్‌ కార్యకలాపాలు జరిగే అవకాశాలు లేవని, దీంతో మరో 16 నుంచి 18 నెలల లోపు పీఎస్‌ఎల్‌ నిర్వహించడం సాధ్యం కాదని తేల్చిచెప్పాడు. (వధువు లేని పెళ్లిలా ఉంటుంది... ఆ ఆట!) ఆర్థికంగా పాకిస్తాన్‌ క్రికెట్‌ బోర్డు పీకల్లోతు కష్టాల్లో ఉన్నప్పటికీ పీఎస్‌ఎల్‌ ఫ్రాంచైజీలను డబ్బులు అడిగే సాహసం చేయదనే అభిప్రాయాన్ని వ్యక్తం చేశాడు. అయితే పీఎస్‌ఎల్‌ కథ సమాప్తం కానివ్వనని, ఈ లీగ్‌ సజావుగా సాగేందుకు అవసరమైన ఆర్థిక, ఇతరాత్ర సాయం అందించేందుకు సిద్దంగా ఉన్నానని అక్తర్‌ పేర్కొన్నాడు. ఇక టీ20 ప్రపంచకప్‌ నిర్వహణ అనేది ఐసీసీ, క్రికెట్‌ ఆస్ట్రేలియా, బీసీసీఐ చేతుల్లో లేదని ఆస్ట్రేలియా ప్రభుత్వం తీసుకునే నిర్ణయంపై ఆధారపడి ఉందని తెలిపాడు. అయితే ఎలాంటి ఒత్తిళ్లకు తలొగ్గకుండా ప్రజల ఆరోగ్యానికే ఆసీస్‌ ప్రభుత్వం తొలి ప్రాధాన్యత ఇస్తుందని భావిస్తున్నానని అక్తర్‌ పేర్కొన్నాడు. (‘ధోనిని మిస్సవుతున్నా.. మళ్లీ ఆ రోజులు రావాలి’)

‘‘ఎప్పటిలాగే షోయబ్‌ అక్తర్‌ స్లెడ్జింగ్‌ చేస్తున్నాడు. భాగస్వామ్యాన్ని విడగొట్టేందుకు మా దృష్టిని మరల్చే ప్రయత్నం చేస్తున్నాడు. దాన్ని తిప్పికొట్టాలనుకున్నా. ఆ క్రమంలోనే అవతలి ఎండ్‌లో ఉన్న ఎంఎస్‌ ధోనితో చర్చించా. నేను స్లెడ్జ్‌ చేస్తాను. నువ్వు అతడిని చూసి కేవలం నవ్వు అని చెప్పా. అందుకు ధోని సరేనన్నాడు. అప్పుడు అక్తర్‌ మరింతగా దూకుడు పెంచాడు. రివర్స్‌ స్వింగ్‌ వేయకుండా తనని కట్టడి చేయడమే మా ప్లాన్‌. తర్వాతి బాల్‌ కూడా ఇంతే ఇంటెన్సిటీతో విసరగలవా అని అక్తర్‌ను రెచ్చగొట్టాను. అప్పుడు అతను.. ‘‘నువ్వు చాలా ఎక్కువగా మాట్లాడుతున్నావు. చూడు నిన్ను ఇక్కడి నుంచి పంపించేస్తా’’ అంటూ కోపం ప్రదర్శించాడు. అది నీవల్ల కాదు.. నేను కూడా నిజమైన పఠాన్‌ను. నువ్వు బౌలింగ్‌ చెయ్యి అంతే. ఎక్కువ మాట్లాడకు అన్నాను’’ అంటూ టీమిండియా మాజీ పేసర్‌ ఇర్ఫాన్‌ పఠాన్‌ 2006 నాటి టెస్టు క్రికెట్‌ మ్యాచ్‌ నాటి జ్ఞాప​కాలు గుర్తు చేసుకున్నాడు. ధోనితో కలిసి 210 పరుగుల భాగస్వామ్యం నెలకొల్పి.. భారత్‌ 603 పరుగులు చేయడంలో తన వంతు పాత్ర గురించి చెప్పుకొచ్చాడు. కాగా 2006లో ఫైసలాబాద్‌లో పాకిస్తాన్‌తో జరిగిన టెస్టు మ్యాచ్‌లో 588 పరుగుల లక్ష్యంతో బరిలోకి దిగిన టీమిండియా.. మ్యాచ్‌ను డ్రాగా ముగించింది. ఇక ఆనాటి సంగతుల గురించి స్పోర్ట్స్‌ టాక్‌తో మాట్లాడిన ఇర్ఫాన్‌ పఠాన్‌.. అక్తర్‌ స్లెడ్జింగ్‌కు ధీటుగా బదులిచ్చినట్లు పేర్కొన్నాడు. ఐదు వికెట్లు కోల్పోయి భారత్‌ కష్టాల్లో ఉన్న సమయంలో క్రీజులోకి వచ్చిన తాను‌... అక్తర్‌ బౌలింగ్‌ ఎదుర్కొన్న విధానం గురించి చెబుతూ... ‘‘నేను బ్యాటింగ్‌కు రాగానే 150-160 కి.మీ వేగంతో అక్తర్‌ పేస్‌ సంధించాడు. ఆ తర్వాత తను బౌన్సర్‌ విసిరాడు. నేను ఎదుర్కొన్నా. ఆ తర్వాత షార్ట్‌ బాల్స్‌ వేశాడు. ఇక అప్పుడు.. పెద్దగా భయపడాల్సిందేమీ లేదు.. నువ్వు బ్యాటింగ్‌ చేయమని ధోని చెప్పాడు. ఇంతలో నేను ధోని దగ్గరికి వెళ్లి అక్తర్‌ వినేలా.. ‘‘పాజీ.. పిచ్‌ తేమగా ఉంది. ఇంతకంటే షార్ట్‌ బంతులు సంధించు అన్నా’’. మళ్లీ అక్తర్‌ ఉడికిపోయాడు. స్పెల్‌ వేశాడు. దాంతో బ్యాటింగ్‌ ఈజీ అయ్యింది. అలా మ్యాచ్‌ను కాపాడుకుని డ్రా చేయగలిగాం’’ అని ఇర్ఫాన్‌ పేర్కొన్నాడు.

కరాచీ : టీమిండియా సారథి విరాట్‌ కోహ్లిపై పాకిస్తాన్‌ మాజీ బౌలర్‌, రావల్పిండి ఎక్స్‌ప్రెస్‌ షోయబ్‌ అక్తర్‌ ప్రశంసల జల్లు కురిపించాడు. తాజాగా సంజయ్‌ మంజ్రేకర్‌తో జరిపిన వీడియో చాట్‌లో పలు ఆసక్తికర వ్యాఖ్యలు చేశాడు. ‘కోహ్లి, నేను బెస్ట్ ఫ్రెండ్స్‌. కేవలం మైదానం వెలుపల మాత్రమే. మైదానం లోపల బద్ద శత్రువులం. మా ఇద్దరిదీ ఒకే​ స్వభావం. ఎందుకుంటే ఇద్దరం పంజాబీలం కదా. అతడు నాకన్నా చాలా జూనియర్‌. కానీ కోహ్లిని గౌరవిస్తాను. కోహ్లి మోడ్రన్‌ బ్రాడ్‌మన్‌. ఇక అతడిని ఔట్‌ చేయడం చాలా కష్టం. అయితే 150కి.మీల వేగంతో బౌలింగ్‌ చేయడంతో పాటు క్రీజుకు దూరంగా బంతులు వేసేవాడిని’ అంటూ అక్తర్‌ వ్యాఖ్యానించాడు.    ఇక అంతర్జాతీయ క్రికెట్‌లో వీరిద్దరూ ఎప్పుడూ పోటీపడలేదు. అయితే ఆసియా కప్‌-2010లో భాగంగా భారత్‌-పాక్‌ల మధ్య మ్యాచ్‌ జరిగింది. ఈ మ్యాచ్‌లో వీరిద్దరూ ఆడారు. అయితే అక్తర్‌ బౌలింగ్‌ను కోహ్లి ఎదుర్కొలేదు. 18 బంతుల్లో 27 పరుగులు చేసిన అనంతరం పాక్‌ స్పిన్నర్‌ సయీద్‌ అజ్మల్‌ బౌలింగ్‌లో కోహ్లి వెనుదిరిగాడు. అయితే కోహ్లి బ్యాటింగ్‌ చేస్తున్న సమయంలో అక్తర్‌కు బౌలింగ్‌ అవకాశం దక్కలేదు. అయితే ఓ సందర్భంలో అక్తర్‌ బౌలింగ్‌ చేస్తున్నప్పుడు నాన్‌స్ట్రైయిక్‌లో ఉండటం బెటరని కోహ్లి సరదాగా పేర్కొనగా.. కోహ్లి బ్యాటింగ్‌ చేస్తున్న సమయంలో తాను బౌలింగ్‌ చేయకపోవడం ఎంతో లాభించిందని అక్తర్‌ రిప్లై ఇచ్చాడు. చదవండి: ‘అవే గంభీర్‌ కొంప ముంచాయి’ ‘ఇక్కడ తప్పెవరిదో మీరే చెప్పండి’ I was better off not bowling at all when #Kohli was batting.Jokes apart,he's a gr8 batsman & bowling agnst him wud have been a gr8 contest. pic.twitter.com/EHL32UpXrU — Shoaib Akhtar (@shoaib100mph) November 4, 2017

లాహోర్‌: ప్రేక్షకుల్లేని క్రికెట్‌ మ్యాచ్‌ల్లో అసలేమీ ఉండదని... ఇంకా  చెప్పాలంటే వధువు లేని పెళ్లిలా ఉంటుందని పాకిస్తాన్‌ మాజీ పేస్‌ బౌలర్‌ షోయబ్‌ అక్తర్‌ అభిప్రాయపడ్డాడు. ఇది క్రికెట్‌ మార్కెట్‌కు తీవ్ర నష్టం కలిగిస్తుందన్నాడు. వీడియో లైవ్‌ సెషన్‌లో అక్తర్‌ మాట్లాడుతూ  ‘క్రికెట్‌ బోర్డులు ఇప్పుడు గేట్లు మూసి ఖాళీ స్టేడియాల్లో మ్యాచ్‌లు నిర్వహించే ప్రణాళికల్లో ఉన్నాయి. కానీ ఇవి అంతగా విజయవంతమవుతాయని గానీ, ఎప్పట్లాగే మార్కెటింగ్‌ చేసుకుంటామని గానీ నాకు అనిపించడం లేదు. అసలు ఇది ఎలా ఉంటుందంటే వధువు లేకుండానే వివాహ తంతు జరిపించడంలా ఉంటుంది. అయితే కరోనా మహమ్మారి విలయతాండవం ఏడాదికల్లా సాధారణ పరిస్థితికి వస్తుందని నేను ఆశిస్తున్నాను’ అని అన్నాడు.  2003 వన్డే ప్రపంచకప్‌లో తమ జట్టుతో జరిగిన మ్యాచ్‌లో మాస్టర్‌ బ్లాస్టర్‌ సచిన్‌ సెంచరీ చేయాలనే ఆశించానని చెప్పాడు. ‘98 పరుగుల వద్ద సచిన్‌ అవుటవ్వడం నాకు బాధనిపించింది.  ఇది చాలా ప్రత్యేకమైన ఇన్నింగ్స్‌. నా బౌన్సర్‌ను అంతకుముందు కొట్టినట్లే సిక్స్‌ కొడతాడనుకున్నా. కానీ ఔటయ్యాడు. పాక్‌ బౌలర్లపై చెలరేగిన సచిన్‌ 98 వద్ద ఔటయ్యాడు’ అని అన్నాడు. అయితే ఆ మ్యాచ్‌లో భారత్‌ జయభేరి మోగించింది. 10 ఓవర్ల కోటా పూర్తిచేసిన అక్తర్‌ ఏకంగా 72 పరుగులు సమర్పించుకున్నాడు.   

లాహోర్‌: ప్రేక్షకులు లేని క్రికెట్‌ స్టేడియంలో ఆట.. పెళ్లి కూమార్తె లేని వివాహంలా నిరాసక్తంగా ఉంటుందన్నాడు పాక్‌ మాజీ పేసర్‌ షోయబ్‌ అక్తర్‌. ప్రస్తుతం కరోనా మహమ్మారి వల్ల ఆటలన్నీ ఆగిపోయాయి. అయితే వైరస్‌ అదుపులోకి వచ్చాక ప్రేక్షకులకు అనుమతి లేకుండా ఖాళీ స్టేడియాల్లో ఆటలు ఆడించే దిశగా పలు దేశాలు ప్రయత్నాలు చేస్తున్నాయి. ఈ నేపథ్యంలో హలో యాప్‌కు ఇచ్చిన ఇంటర్వ్యూలో అక్తర్‌ దీని గురించి మాట్లాడుతూ.. ‘ప్రేక్షకులు లేని స్టేడియంలో క్రికెట్‌ ఆడించేందుకు బోర్డులు ఆమోదం తెలపవచ్చు. కానీ ఇలా చేయడం వల్ల మార్కెట్‌ చేసుకోలేం. ప్రేక్షకులు లేని స్టేడియంలో క్రికెట్‌.. పెళ్లి కుమార్తె లేని వివాహం రెండు ఒకేలా నిరాసక్తంగా ఉంటాయి. ఆడే సమయంలో జన సందోహం ఉంటే వచ్చే మజానే వేరు’ అన్నాడు అక్తర్‌.('సచిన్‌ అంటే ఏంటో నాకు అప్పుడు తెలిసింది') ప్రేక్షకులు లేకుండా మ్యాచ్‌లు నిర్వహించే అంశంపై గతంలో భారత క్రికెట్‌ కెప్టెన్‌ విరాట్‌ కోహ్లి కూడా ఇలాంటి అభిప్రాయాన్నే వ్యక్తం చేశాడు. ప్రేక్షకుల్లేకుండా ఖాళీ స్టేడియాల్లో క్రికెట్‌ మ్యాచ్‌లు నిర్వహించవచ్చని‌ కోహ్లి చెప్పాడు. అయితే ఈల, గోలలేని మ్యాచ్‌లో మజా, మ్యాజిక్‌ ఉండవని అన్నాడు. గప్‌చుప్‌గా నిర్వహించే ప్రత్యామ్నాయంపై క్రికెటర్ల నుంచి భిన్నాభిప్రాయాలు వ్యక్తమవుతున్నాయి. స్టోక్స్, జేసన్‌ రాయ్, బట్లర్, కమిన్స్‌ ఖాళీ స్టేడియాల్లో ఆటలు జరగాలని కోరుతుండగా... ఆస్ట్రేలియా విఖ్యాత ఆటగాడు అలెన్‌ బోర్డర్‌ ప్రేక్షకుల్లేని టి20 ప్రపంచకప్‌ను వ్యతిరేకించారు. మ్యాక్స్‌వెల్‌ కూడా ఇదే అభిప్రాయాన్ని వ్యక్తం చేసిన సంగతి తెలిసిందే. (సడలిస్తే... ప్రాక్టీస్‌ను మార్చుతాం: బీసీసీఐ )

కరాచి : సరిగ్గా పదేళ్ల క్రితం 2010 మార్చిలో శ్రీలంక వేదికగా ఆసియాకప్‌ జరిగిన సంగతి తెలిసిందే. కాగా ఆసియా కప్‌ ఫైనల్లో టీమిండియా చిరకాల ప్రత్యర్థి పాకిస్తాన్‌తో తలపడింది. హోరాహోరీగా జరిగిన ఈ ఫైనల్లో టీమిండియా ఆఖరి ఓవర్లో 2 బంతుల్లో మూడు పరుగులు చేయాల్సి ఉంది. అప్పటికే క్రీజులో హర్భజన్‌, ప్రవీణ్‌ కుమార్‌లు ఉన్నారు. మహ్మద్‌ ఆమిర్‌ వేసిన ఐదో బంతిని భజ్జీ సిక్స్‌గా మలచి జట్టును గెలిపించాడు. అంతే భజ్జీ ఒక్కసారిగా గట్టిగట్టిగా అరుస్తూ నాన్‌ స్ర్టైకింగ్‌లో ఉన్న ప్రవీణ్‌ కుమార్‌ను గట్టిగా హత్తుకున్నాడు. అయితే మ్యాచ్‌లో 47వ ఓవర్‌ పాక్‌ స్పీడష్టర్‌ షోయబ్‌ అక్తర్‌ వేశాడు. ఆ ఓవర్‌లో హర్భజన్‌ మొదటి బంతినే సిక్స్‌గా మలచడంతో అక్తర్‌ కోపంతో మిగతా బంతులన్నీ భజ్జీ భుజాన్ని టార్గట్‌ చేస్తూ పదునైన బౌన్సర్లు సంధించాడు. అంతేగాక అక్తర్‌, భజ్జీల మధ్య మ్యాచ్‌ చివరి వరకు మాటల యుద్దం కూడా నడిచింది. ఆ కోపమే భజ్జీని ఆమిర్‌ ఓవర్లో సిక్స్‌ కొట్టి భారత్‌ను కప్‌ అందుకునేలా చేసింది. ఇది క్లుప్తంగా అక్కడ జరిగిన సన్నివేశం. ('ఆ మాటలు నా మనుసు నుంచి వచ్చాయి') తాజాగా దీనిపై షోయబ్‌ అక్తర్‌ హలో యాప్‌కు ఇంటర్య్వూ ఇస్తూ మరోసారి స్పందించాడు.'(నవ్వుతూ) ఆరోజు మ్యాచ్‌ ముగియగానే హర్భజన్‌ ఉన్న హోటల్‌ రూంకు వెళ్లి అతన్ని కొట్టాలనుకున్నా. స్వతహగా మంచివాడైన భజ్జీ పాక్‌కు వచ్చినప్పుడు మాతో పాటు లాహోర్‌ మొత్తం కలియ తిరిగాడు. ఎన్నో సార్లు మాతో కలిసి భోజనం కూడా చేశాడు. అలాంటి పంజాబీ బ్రదర్‌ నాతో ఎలా మిస్‌బిహేవ్‌ చేశాడనే కోపం వచ్చింది. దీంతో అతని రూంకెళ్లి కొట్టాలనుకున్న.. కానీ నేను వస్తున్నట్లు ముందే తెలుసుకున్న భజ్జీ అక్కడినుంచి వెళ్లిపోయాడు. ఆ తర్వాత ఎంత వెతికినా కనిపించలేదు. మరుసటి రోజు నన్ను కలిశాడు. ఇద్దరం క్షమాపణలు కూడా చెప్పుకున్నాం' అంటూ పేర్కొన్నాడు. ఇదే విషయమై హర్భజన్‌ కూడా గతంలో పలుమార్లు వివరించాడు. (స్టీవ్‌ వా మోస్ట్‌ సెల్ఫిష్‌: వార్న్)‌ ('సందేహం లేదు.. జడ్డూనే అత్యుత్తమ ఫీల్డర్‌')  

కరాచీ: అంతర్జాతీయ క్రికెట్‌ మండలి(ఐసీసీ) రెండు రోజుల క్రితం పాకిస్తాన్‌ మాజీ పేసర్‌ షోయబ్‌ అక్తర్‌పై ఒక ట్వీట్‌ చేసింది. ఆసీస్‌ ఆటగాడు స్టీవ్‌ స్మిత్‌కు అక్తర్‌ మూడు బౌన్సర్లు సంధించిన తర్వాత నాల్గో బంతికి ఔట్‌ చేస్తానంటూ అక్తర్‌ గారాలు పోవడంతో ఐసీసీ అందుకు వ్యంగ్యంగా స్పందించింది. బాస్కెట్‌ బాల్‌ స్టార్‌ మైకేల్‌ జోర్డాన్‌ ఫోటోను షేర్‌ చేసి అక్తర్‌ను ట్రోల్‌ చేసింది. దీనిపై అక్తర్‌ స్పందించాడు. తనకు మీమ్స్‌-ఎమోజీలతో వీడియోలు పోస్ట్‌ చేయడం రాదనే విషయాన్ని ఒకవైపు చెబుతూనే.. తాను పోస్ట్‌ చేసిన ఒరిజనల్‌ వీడియోకు మీమ్స్‌ కానీ ఎమోజీలు కానీ వెతకాలంటూ ఐసీసీకి ట్యాగ్‌ చేశాడు. ‘ డియర్‌ ఐసీసీ.. కొత్త ఎమోజీ కానీ మీమ్స్‌ కానీ ఈ వీడియోకి వెతకండి. సారీ.. వాటిని నేను వెతకలేకపోయాను. కేవలం రియల్‌ వీడియోను మాత్రమే పోస్ట్‌ చేస్తున్నా’ అని క్యాప్షన్‌లో పేర్కొన్నాడు.(‘క్రికెట్‌ చరిత్రలో ధోనినే పవర్‌ఫుల్‌’) నిలకడకు మారుపేరైనా ఆస్ట్రేలియా స్టార్ బ్యాట్స్‌మన్ స్టీవ్ స్మిత్‌ను నాలుగు బంతుల్లోనే ఔట్ చేస్తానని షోయబ్ అక్తర్ తెలిపాడు. బాల్‌టాంపరింగ్ వివాదంతో ఏడాదిపాటు ఆటకు దూరమైన స్మిత్.. గతేడాది జరిగిన యాషెస్ సిరీస్‌లో అసాధారణ ఆటను ప్రదర్శించాడు. ఏ ఫార్మాట్‌లోనైతే అవమానానికి గురయ్యాడో అందులోనే తన పునరాగమనాన్ని ఘనంగా చాటుకున్నాడు. జట్టు మొత్తం విఫలమైనా ఒక్కడిగా పోరాడి.. తానేంత పవర్ ఫుల్‌ బ్యాట్స్‌మన్‌నో ప్రపంచానికి చాటాడు. ఈ ఐదు టెస్ట్‌ల సిరీస్‌లో నాలుగు మ్యాచ్‌లు ఆడిన స్మిత్  774 పరుగులు చేశాడు.(బాస్‌.. నాకు ఓపెనింగ్‌  కొత్త కాదు) అయితే ఈ వయసులో కూడా స్మిత్‌ను నాలుగే బంతుల్లో ఔట్‌ చేస్తానని అక్తర్‌ తెలిపాడు. ఓ క్రీడా వెబ్‌సైట్‌కు ఇచ్చిన ఇంటర్వ్యూలో అక్తర్‌ దీన్ని పేర్కొన్నాడు. పాత తరం-కొత్త తరం ఎవరు ఎవరు మ్యాచ్‌ అవుతారనే విషయాలను అక్తర్‌ వెల్లడించాడు. కోహ్లికి షేన్‌ వార్న్‌, బాబర్‌ అజామ్‌కు మెక్‌గ్రాత్‌, రికీ పాంటింగ్‌కు జోఫ్రా ఆర్చర్‌ ఇలా కొంతమంది మ్యాచ్‌లను ఎంపిక చేశాడు. ఇక తన వరకూ వచ్చేసరికి స్టీవ్‌ స్మిత్‌ను ఎంచుకున్నాడు. మూడు బౌన్సర్లు వేసి నాల్గో బంతికి స్మిత్‌ వికెట్‌ తీస్తానన్నాడు. దీన్నే ఐసీసీ కాస్త వ్యంగ్యంగా ట్వీట్‌ చేయగా, దానికి అక్తర్‌ కౌంటర్‌ ఇచ్చాడు. దీనిలో భాగంగా పలు వీడియోలను పోస్ట్‌ చేశాడు.  pic.twitter.com/IHqHevy35e — ICC (@ICC) May 12, 2020 Dear @icc, find a new meme or Emoji. Sorry i couldn't find any, only found some real videos 😂😂 pic.twitter.com/eYID4ZXTvT — Shoaib Akhtar (@shoaib100mph) May 13, 2020

కరాచి : తనకు అవకాశమొస్తే టీమిండియా బౌలింగ్‌ కోచ్‌గా పనిచేయడానికి సిద్ధంగా ఉన్నట్లు పాక్‌ మాజీ పేసర్‌ షోయబ్‌ అక్తర్‌ పేర్కొన్నాడు. హలో యాప్‌కు ఇచ్చిన ఇంటర్య్వూలో.. మీకు టీమిండియాకు బౌలింగ్‌ కోచ్‌గా అవకాశమొస్తే చేస్తారా అంటూ ప్రశ్నించగా.. దానికి అక్తర్‌ పాజిటివ్‌గా స్పందించాడు.' ప్రస్తుతం భారత జట్టు బౌలింగ్‌ కోచ్‌గా అరుణ్‌ భరత్‌ కొనసాగుతున్నాడు. ఒకవేళ టీమిండియా బౌలింగ్‌ కోచ్‌గా అవకాశమొస్తే పని చేయడానికి ఇష్టపడతా. బౌలింగ్‌లో నాకున్న జ్ఞానంతో పాటు ఆలోచనలను యువ ఆటగాళ్లతో పంచుకునేందుకు నిరంతరం సిద్ధంగా ఉంటా. జట్టులోని ప్రతీ బౌలర్‌తో కలివిడిగా ఉంటూనే సఖ్యతగా మెలుగుతా. అంతేగాక బ్యాట్స్‌మన్‌ వికెట్లు తీయడానికి పాటించాల్సిన చిట్కాలను వారికి అందిస్తా. అలాగే ఆఫర్‌ వస్తే ఐపీఎల్‌ జట్టు కోల్‌కతా నైట్‌రైడర్స్‌కు కూడా కోచ్‌గా పనిచేయడానికి ఎదురుచూస్తున్నా' అంటూ పేర్కొన్నాడు. (షోయబ్‌ అక్తర్‌పై ‘పీసీబీ’ పరువు నష్టం కేసు) దీంతో పాటు సచిన్‌ టెండూల్కర్‌తో తనకున్న అనుబంధాన్ని అక్తర్‌ మరోసారి గుర్తుచేసుకున్నాడు. 1998లో మొదటిసారి సచిన్ టెండూల్కర్‌కు బౌలింగ్‌ చేసిన విషయాన్ని ప్రస్తావించాడు. తనకు సచిన్‌ పేరు తెలుసని.. కానీ చెన్నైలో జరిగిన మ్యాచ్‌ ద్వారా సచిన్‌ను వారి దేశంలో క్రికెట్‌ దేవుడిగా అభివర్ణిస్తారని అప్పుడే తెలుసుకున్నట్లు తెలిపాడు. ఇండియాలో కూడా తనకు చాలా మంది అభిమానులున్నారని అక్తర్‌ చెప్పుకొచ్చాడు. (నజీర్‌‌కు సెహ్వాగ్‌ లాంటి బుర్ర లేదు : అక్తర్)‌ (డ్యాన్స్‌ చేయడం చాలా కష్టంగా ఉంది : ఫించ్)‌

కరాచీ: పాకిస్తాన్‌ క్రికెట్‌ బోర్డు(పీసీబీ) లీగల్‌ డిపార్ట్‌మెంట్‌పై సంచలన కామెంట్స్‌ చేసి చిక్కుల్లో పడ్డ ఆ దేశ మాజీ పేసర్‌ షోయబ్‌ అక్తర్‌కు మాజీ క్రికెటర్‌ అండగా నిలిచాడు. అక్తర్‌ చేసిన వ్యాఖ్యల్లో ఎటువంటు తప్పూ లేదని అందుకు తాను కూడా మద్దతు ఇస్తున్నానని యూనిస్‌ ఖాన్‌ ముందుకొచ్చాడు. పాకిస్తాన్‌ క్రికెట్‌ను విశ్లేషించడానికి ఇదే సరైన సమయమని యూనిస్‌ పేర్కొన్నాడు. ‘ అక్తర్‌ మాట్లాడింది చేదు నిజం. అతని వ్యాఖ్యల్లో ఎటువంటి తప్పుల్లేదు. రాజీ పడకుండా ఉండటానికి అక్తర్‌ వ్యాఖ్యలే నిదర్శనం. అక్తర్‌ వ్యాఖ్యలతో పాకిస్తాన్‌ క్రికెట్‌ బోర్డు ఇకనైనా విశ్లేషణ ఆరంభించాలి. పాకిస్తాన్‌ క్రికెటర్ల భవిష్యత్తు, దేశ క్రికెట్‌ను దృష్టిలో పెట్టుకుని నిర్ణయాలు తీసుకోవాలి. నేను అక్తర్‌కు అండగా ఉంటా’ అని యూనిస్‌ పేర్కొన్నాడు. (అక్తర్‌పై ‘పీసీబీ’ పరువు నష్టం కేసు) కేవలం బుకీ సంప్రదించిన విషయాన్ని చెప్పలేదని ఉమర్‌ అక్మల్‌పై మూడేళ్ల నిషేధం సమంజసం కాదని అక్తర్‌ ప్రశ్నించాడు. అవినీతి క్రికెటర్లపై ఏదో చర‍్యలను తీసుకుంటున్నామని బిల్డప్‌ ఇచ్చేందుకు, కొంతమంది అవినీతి క్రికెటర్లను కాపాడటానికే ఉమర్‌ కెరీర్‌ను పణంగా పెట్టారంటూ ధ్వజమెత్తాడు. ఈ విషయంలో పీసీబీ  లీగల్‌ అడ్వైజరీ కమిటీ నిర్ణయాన్ని సవాల్‌ చేశాడు. మీకు నచ్చిన మ్యాచ్‌ ఫిక్సర్లను రక్క్షించడానికి మరి కొం‍తమందిపై ఇలాంటి చర్యలు తీసుకుంటారా అంటూ నిలదీశాడు. ఒక చిన్నపాటి తప్పు చేస్తే అందుకు ఆరు నెలలో రెండు సంవత్సరాలు నిషేధం విధిస్తూ నిర్ణయం తీసుకోవాలని, కెరీర్‌ నాశనం అయిపోయేలా మూడేళ్ల నిషేధం ఎందుకోసం, ఎవరి కోసం అంటూ విమర్శించాడు. పీసీబీ లీగల్‌ అడ్వైజరీ అసమర్థవత వల్లే ఉమర్‌కు మూడేళ్ల శిక్ష పడిందంటూ వ్యాఖ్యానించాడు. దీనిపై తన యూట్యూబ్‌ చానల్‌ వీడియోను విడుదల చేసి మరీ పీసీబీ చర్యలను ప్రశ్నించాడు. దాంతో పీసీబీ లీగల్‌ డిపార్ట్‌మెంట్‌ అక్తర్‌పై పరువు నష్టం కేసు వేయడానికి సిద్ధమైంది. తమ లీగల్‌ వ్యవహారాల్లో తలదూర్చి అక్తర్‌ తప్పుచేశాడంటూ పీసీబీ లీగల్‌ అడ్వైజర్‌ తఫాజ్జుల్‌ రిజ్వి పరువు నష్టం దావాతో పాటు క్రిమినల్‌ కేసును ఫైల్‌ చేశారు. న్యాయపరమైన అంశాలు మాట్లాడేటప్పుడు అక్తర్‌ కాస్త ఒళ్లు దగ్గర పెట్టుకుని వ్యాఖ్యానిస్తే మంచిదనే సలహా ఇచ్చారు. దీనిపై పీసీబీ కూడా అసంతృప్తి వ్యక్తం చేసింది. అసలు అక్తర్‌ బహిరంగంగా పీసీబీ లీగల్‌ డిపార్ట్‌మెంట్‌తో పాటు తమ అడ్వైజరీపై ఇలా ఆరోపణలు చేయడం ఏమిటని ప్రశ్నించింది. ఇది అక్తర్‌కు సరికాదని మండిపడింది.(అతనొక మూర్చ రోగి: పీసీబీ మాజీ చైర్మన్‌)

కరాచీ: పాకిస్తాన్‌ మాజీ పేసర్‌ షోయబ్‌ అక్తర్‌పై పీసీబీ లీగల్‌ అడ్వైజర్‌ తఫాజ్జుల్‌ రిజ్వి పరువు నష్టం కేసు వేశారు. దాంతో పాటు అక్తర్‌పై క్రిమినల్‌ కేసును కూడా ఫైల్‌ చేశారు. అవినీతి ఆరోపణల్లో భాగంగా పాకిస్తాన్‌ వెటరన్‌ క్రికెటర్‌ ఉమర్‌ అక్మల్‌పై మూడేళ్లు నిషేధం విధించిన సందర్భంలో పీసీబీ లీగల్‌ డిపార్ట్‌మెంట్‌పై అక్తర్‌ అసంబద్ధ వ్యాఖ్యలు చేశాడు. ‌ ఉమర్‌ అక్మల్‌ మూడేళ్ల నిషేధంలో పీసీబీ లీగల్‌ అడ్వైజరీ తీసుకున్న నిర్ణయాలను తప్పుబట్టాడు. దీనిపై ఒక వీడియో కూడా విడుదల చేసి బహిరంగ చర్చకు ఆజ్యం పోశాడు.  అక్తర్‌ వైఖరితో విసుగుచెందిన పీసీబీ లీగల్‌ అడ్వైజర్‌ రిజ్వి పరువు నష్టం కేసును వేశారు. న్యాయపరమైన అంశాలు మాట్లాడేటప్పుడు అక్తర్‌ కాస్త ఒళ్లు దగ్గర పెట్టుకుని వ్యాఖ్యానిస్తే మంచిదనే సలహా ఇచ్చారు. దీనిపై పీసీబీ కూడా అసంతృప్తి వ్యక్తం చేసింది. అసలు అక్తర్‌ బహిరంగంగా పీసీబీ లీగల్‌ డిపార్ట్‌మెంట్‌తో పాటు తమ అడ్వైజరీపై ఇలా ఆరోపణలు చేయడం ఏమిటని ప్రశ్నించింది. ఇది అక్తర్‌కు సరికాదని మండిపడింది. (తమ్ముడూ... సచిన్, ధోని, కోహ్లిలను చూసి నేర్చుకో) ఇటీవల ఉమర్‌ అక్మల్‌కు అనుకూలంగా అక్తర్‌ మాట్లాడుతూ తన యూట్యూబ్‌ చానల్‌లో వీడియోను విడుదల చేశారు. ప్రధానంగా మూడేళ్ల నిషేధాన్ని తప్పుబట్టాడు. ఇది పీసీబీ లీగల్‌ అడ్వైజరీ అసమర్థవత వల్లే ఉమర్‌కు మూడేళ్ల శిక్ష పడిందంటూ వ్యాఖ్యానించాడు. అదే సమయంలో రిజ్విపై ఆరోపణలు చేశాడు. చాలా సున్నితమైన అంశాల్లో రిజ్వికి అనుభవం లేదంటూ విమర్శించాడు.  కాగా, ఉమర్‌ అక్మల్‌పై పీసీబీ మూడేళ్ల నిషేధం విధించిన సంగతి తెలిసిందే. పీసీబీ అవినీతి నిరోధక విభాగం అతనిపై రెండు నెలలుగా విచారించింది. చివరకు సోమవారం శిక్ష ఖరారు చేసింది. అయితే ఉమర్‌పై నిషేధం విధించడానికి గల స్పష్టమైన కారణాలను పీసీబీ వెల్లడించలేదు. కానీ బోర్డు నియమావళిలోని ఆర్టికల్‌ 2.4.4ను అతిక్రమించినట్లు దర్యాప్తులో తేలడంతో వేటు వేశామని పీసీబీ ఒక ప్రకటనలో పేర్కొంది.(అతని కంటే మాలికే బెటర్‌: చహల్)

కరాచి : పాకిస్థాన్ మాజీ పేసర్‌ షోయ‌బ్ అక్త‌ర్ ఎప్పుడో ఏదో ఒక వ్యాఖ్యలు చేస్తూ వార్తల్లో నిలవడం అలవాటుగా చేసుకున్నాడు. తాజాగా పాక్‌ యువ ఆటగాడు ఇమ్రాన్‌ నజీర్‌ను టీమిండియా మాజీ విధ్వంసక ఆటగాడు వీరేంద్ర సెహ్వగ్‌తో పోల్చి నవ్వుల పాలయ్యాడు. ఇమ్రాన్‌ నజీర్‌కు సెహ్వగ్‌ కంటే ఎక్కువ టాలెంట్‌ ఉందని.. కానీ వీరు లాంటి బుర్ర మాత్రం లేదని  అత‌డికి లేద‌ని అక్తర్‌ పేర్కొన్నాడు. ఒక టీవీ చానెల్‌కు ఇచ్చిన ఇంటర్య్వూలో అక్తర్‌ మాట్లాడుతూ.. ' సెహ్వాగ్ లాంటి బుర్ర ఇమ్రాన్ న‌జీర్‌కు ఉంద‌ని నేను అనుకోవ‌డం లేదు. అలాగే న‌జీర్‌లో ఉన్న నైపుణ్యం సెహ్వాగ్‌లో లేదు. ఇమ్రాన్‌ నజీర్‌ మంచి నైపుణ్యం కలిగిన ఆటగాడు.. భారత్‌తో జరిగిన మ్యాచ్‌లో నజీర్‌ చేసిన వీరోచిత సెంచరీ అది నిరూపించింది. మంచి భవిష్యత్తు ఉన్న నజీర్‌ను ఆడిస్తే మంచి క్రికెటర్‌ అయ్యేవాడు. ఇదే విషయాన్ని పాక్‌ క్రికెట్‌ బోర్డుకు తెలిపినా నా మాట పట్టించుకోలేదు. ఇది నిజంగా మాకు దురదృష్టమే.. ఎందుకంటే నజీర్‌ లాంటి నైపుణ్యం ఉన్న ఆటగాడిని వదులుకోవాల్సి వచ్చంది. అన్ని షాట్లను కచ్చితంగా ఆడగల నజీర్‌లో మంచి ఫీల్డర్‌ కూడా ఉన్నాడు. కానీ అతని సేవలు పాక్‌ జట్టు అంతగా వినియోగించుకోవడం లేదంటూ'  చెప్పుకొచ్చాడు. ('మాకు కోహ్లి అంకుల్‌ సెల్ఫీ కావాలి') అయితే షోయబ్‌ అక్తర్‌ వ్యాఖ్యలపై సెహ్వాగ్‌ అభిమానులు మండిపడుతున్నారు. ఇప్పుడిప్పుడే ఆటలో ఓనమాలు దిద్దుకుంటున్న నజీర్‌ను సెహ్వాగ్‌తో పోల్చడమేంటని విమర్శిస్తున్నారు. పాక్‌ తరపున ఇమ్రాన్‌ నజీర్‌ 8 టెస్టుల్లో 427, 79 వన్డేల్లో 1895, 25 టీ20ల్లో 500 పరుగులు చేశాడు. మరోవైపు భారత విధ్వంసక ఓపెనర్‌ వీరేంద్ర సెహ్వాగ్‌ 140 టెస్టుల్లో 8586, 251 వన్డేల్లో 8273, 19 టీ20ల్లో 394 పరుగులు సాధించాడు. ('మెక్‌గ్రాత్‌ గుర్తుంచుకో.. నేనింకా క్రీజులోనే ఉన్నా')

కరాచీ: పాకిస్తాన్‌ మాజీ పేసర్‌ షోయబ్‌ అక్తర్‌ గురించి ప్రత్యేకంగా చెప్పనక్కర్లేదు. గంటకు 160 కి.మీ వేగంతో బంతుల్ని సంధించడంలో అక్తర్‌ దిట్ట. తన హయాంలో ఆసీస్‌ మాజీ పేసర్‌ బ్రెట్‌ లీతో పోటీ పడి బౌలింగ్‌ చేసే వాడు అక్తర్‌. అప్పట్లో వీరిద్దరే ఫాస్టెస్ట్‌ బౌలర్లు. వీరి బౌలింగ్‌లో ప్రపంచ దిగ్గజ బ్యాట్స్‌మెన్స్‌ సైతం గాయపడిన సందర్భాల్లో ఎన్నో​. వారి బౌలింగ్‌ను అంచనా వేయడంలో ఏమాత్రం విఫలమైనా అది ఎక్కడో చోట గాయపరచడం ఖాయమన్నట్లు ఉండేది. ఇలా తన బౌలింగ్‌లో వెస్టిండీస్‌ దిగ్గజ ఆటగాడు బ్రియాన్‌ లారా గాయపడిన క్షణాలను అక్తర్‌ తాజాగా గుర్తు చేసుకున్నాడు. ('బ్రెట్ ‌లీ బ్యాటింగ్ అంటే భ‌య‌ప‌డేవాడు') 2004లో చాంపియన్స్‌ ట్రోఫీ సెమీ ఫైనల్లో భాగంగా విండీస్‌తో జరిగిన మ్యాచ్‌లో అక్తర్‌ షార్ట్‌ పిచ్‌ బంతిని వేగంగా సంధించాడు. అయితే ఆ బంతిని షాట్‌ కొడదామని ముందుగా ఫిక్స్‌ అయిన లారా.. చివరి దశలో తన ఆలోచనను మార్చుకున్నాడు. కానీ ఆ బంతి వేగంగా వచ్చి హెల్మెట్‌పై నుంచి దూసుకుపోవడంతో లారా విలవిల్లాడిపోయాడు.  ఆ క్రమంలోనే లారా తలను పట్టుకుని పిచ్‌లోనే కూలబడిపోయాడు.  అవి నిజంగా భయంకరమైన క్షణాలే. లారాకు ఏమైందో అనే కంగారు అటు పాక్‌ శిబిరంలోనూ, ఇటు విండీస్‌ శిబిరంలోనూ నెలకొంది. అది లారాకు గాయం మాత్రమే చేయడంతో అంతా ఊపిరిపీల్చుకున్నారు. ఈ వీడియోను షోయబ్‌ అక్తర్‌ తాజాగా తన ట్వీటర్‌ అకౌంట్‌లో పోస్ట్‌ చేశాడు. ‘ క్రికెట్‌ గేమ్‌లో ఒక లెజెండ్ లారా. ఆనాడు లారాను గాయపరిచిన మూమెంట్‌.. నా కెరీర్‌లో ఒక జ్ఞాపకం. అతని శకంలో ఉత్తమ బ్యాట్స్‌మన్ లారా. లారాతో ఆటను ఎప్పుడూ ఆస్వాదించే వాడిని’ అని అక్తర్‌ పేర్కొన్నాడు.  ('నాపై ఒత్తిడి తెచ్చుంటే అక్రమ్‌ను చంపేవాడిని') A memory with one of the legends of the game. Best batsman of his era @BrianLara I wish i played more against him. #BrianLara #WestIndies #Legend pic.twitter.com/zdOPrU005c — Shoaib Akhtar (@shoaib100mph) April 22, 2020

బ్రెట్ లీ, షోయ‌బ్ అక్త‌ర్.. ఈ ఇద్ద‌రు బౌల‌ర్లు వారి జ‌న‌రేష‌న్‌లో ఎవ‌రికి వారే సాటి.  గంట‌కు 160 కిలోమీట‌ర్ల వేగంతో బంతులు విసిరే ప్ర‌త్యేక‌త వీరికి మాత్ర‌మే ఉండేది.   అయితే ఒక బ్యాటింగ్ చేసేట‌ప్పుడు మాత్రం బ్రెట్‌లీ ప్ర‌తీ బౌల‌ర్‌కు భ‌య‌ప‌డేవాడ‌ని అక్తర్ పేర్కొన్నాడు. అందుకు ఉదాహ‌ర‌ణ‌గా.. బ్రెట్‌లీ పాల్గొన్న ఇండియ‌న్ టెలివిజ‌న్ షో వీడియో ఒక‌టి త‌న ట్విట‌ర్‌లో షేర్ చేశాడు. బ్రెట్‌ లీ ఆ షోలో త‌న అనుభ‌వాల‌ను మొత్తం వివ‌రించాడు. అందులోనూ షోయ‌బ్ అక్త‌ర్‌ బౌలింగ్‌ను ఏ విధంగా ఎదుర్కొన్నాడ‌నేది చెప్పుకొచ్చాడు. ('నాపై ఒత్తిడి తెచ్చుంటే అక్రమ్‌ను చంపేవాడిని') 'నేను బ్యాటింగ్‌కు వ‌చ్చిన‌ప్పుడు ప్ర‌తీ ఒక్క బౌల‌ర్‌కు భ‌య‌ప‌డేవాడిని.. ముఖ్యంగా స్పిన్న‌ర్ల‌కు కూడా. ఇక షోయ‌బ్ అక్త‌ర్ బౌలింగ్‌కు కూడా భ‌య‌ప‌డేవాడిని. అత‌డు బౌలింగ్ చేస్తుంటే న‌న్ను చంప‌డానికే బౌలింగ్ వేస్తున్నాడేమోన‌ని అనిపించేది.  నా ముద్దు పేరు బింగా.. ఒక‌సారి నేను బ్యాటింగ్ చేస్తుంటే బింగా.. బింగా.. అంటూ అరుస్తున్న శ‌బ్ధం విన‌ప‌డింది. త‌ల ఎత్తి చూస్తే 75 మీటర‌ల్ దూరంలో అక్త‌ర్ ఉన్నాడు. అత‌ని తీరు చూస్తే ని‌న్ను చంప‌డానికి  సిద్ధంగా ఉన్నా అన్న‌ట్లుగా క‌నపడింది.‌ షోయ‌బ్ నా త‌ల‌ను టార్గెట్ చేసి బౌలింగ్ వేస్తాడేమో అనుకున్నా.. కానీ ఆ బాల్ నా టోస్‌ను తాక్కుంటూ వెళ్లింది. అంతే నేను అది ఔటేమోన‌ని భావించి అంపైర్ వైపు చూశా.. అది క‌చ్చితంగా ఔటేన‌ని.. కానీ మా ఆస్ట్రేలియ‌న్ అంపైర్ నాటౌట్‌గా ప్ర‌క‌టించాడని' బ్రెట్‌లీ చెప్పుకొచ్చాడు.  ('స్వీట్‌హార్ట్‌.. డిన్న‌ర్ ఎక్కడ  చేద్దాం') ఈ ఒక్క వీడియో చాలు.. బ్రెట్‌ లీ త‌న మాట‌ల ప‌ట్ల ఎంత నిజాయితీగా ఉంటాడో చెప్ప‌డానికి.. 'మా జ‌న‌రేష‌న్‌లో బ్రెట్‌లీ ఒక‌ బ్యాట్స్‌మెన్‌గా ఎంత భ‌య‌పడ్డాడ‌‌నేది స్ప‌ష్టంగా క‌నిపిస్తుందంటూ ' అక్త‌ర్ పేర్కొన్నాడు. ఆసీస్ త‌ర‌పున 76 టెస్టుల్లో 310 వికెట్లు,  221 వ‌న్డేల్లో  380 వికెట్లు తీశాడు. ఇక షోయబ్‌ అక్తర్‌ పాక్‌ తరపున 46 టెస్టుల్లో 176 వికెట్లు, 163 వన్డేల్లో 247 వికెట్లు పడగొట్టాడు. Binga being very humble there honestly. @BrettLee_58 himself was quite a terror on the field for the batsmen of that era. #BrettLee #ExpressFast #Australia pic.twitter.com/pzHTg41qMF — Shoaib Akhtar (@shoaib100mph) April 20, 2020

లాహోర్‌ : తరచూ ఏదో ఒక వివాదంలో ఉండే పాకిస్తాన్‌ మాజీ ఆటగాడు షోయబ్‌ అక్తర్‌  మరోసారి ఆసక్తికరమైన వ్యాఖ్యలు చేశాడు. మాజీ కెప్టెన్‌ వసీం అక్రమ్‌ తనను మ్యాచ్‌ ఫిక్సింగ్‌ చేయాలని ఒత్తిడి తెచ్చి ఉంటే అతన్ని కచ్చితంగా చంపేసివాడినంటూ ఘాటైన వ్యాఖ్యలు చేశాడు. పాకిస్తాన్‌ జట్టులో కొంతమంది ఆటగాళ్లు ఇలాగే మ్యాచ్‌ ఫిక్సింగ్‌లకు పాల్పడి తమ కెరీర్‌ను నాశనం చేసుకున్నారని, దీంతో పాక్‌ క్రికెట్‌ మసకబారిదంటూ గతేడాది ఇదే సమయంలో అక్తర్‌ సంచలనమైన వ్యాఖ్యలు చేశాడు. ('ఆ మ్యాచ్‌లో మియాందాద్ వాడిన బ్యాట్ నాదే') తాజాగా అక్తర్‌ మరోసారి ఆ విషయాన్ని గుర్తుచేస్తూ..' వసీం అక్రమ్‌ ఒకవేళ నన్ను మ్యాచ్‌ ఫిక్సింగ్‌కు పాల్పడాలని ఒత్తిడి తెచ్చి ఉంటే కచ్చితంగా అతన్ని నాశనం చేయడమో లేదా చంపేయాడానికి సిద్దపడేవాన్ని. కానీ అక్రమ్‌ అలాంటి ప్రతిపాధనతో నా ముందుకు ఎప్పుడు రాలేదు. మ్యాచ్‌ ఫిక్సింగ్‌ చేసుకుందామంటూ నా దగ్గరకు బూకీలు వచ్చిన ప్రతీసారి వారిని వెనక్కి పంపించాను.నేను పాకిస్తాన్‌ను ఎప్పుడూ మోసం చేయకూడదని భావించా. 21 మంది ఆడే ఆటలో ఎంతమంది మ్యాచ్‌ ఫిక్సర్లు ఉన్నారనేది ఎవరు చెప్పలేరు. అంతేగాక తాను అక్రమ్‌తో కలిసి 1990వ దశకంలో ఆడాను. అతను ఎప్పుడు తప్పుడు దారిని ఏంచుకోలేదు. తన అద్బుతమైన బౌలింగ్‌తో కష్టాల్లో ఉన్న పాక్‌ జట్టును ఎన్నోసార్లు గెలిపించాడు. (నా తమ్ముడు అప్పుడు.. ఇప్పుడు ఏం మారలేదు) అక్రమ్‌తో కలిసి ఎనిమిది సంవత్సరాలు ఆడిన విషయం నాకు బాగా గుర్తుంది. టాప్‌ ఆర్డర్‌ పని తాను చూసుకుంటానని.. నువ్వు టెయిలెండర్లను ఔట్‌ చేసే బాధ్యత నీదేనంటూ అక్రమ్‌ నాతో చెప్పేవాడు. బహుశా అందుకేనేమో క్రికెట్‌ ఆడే సమయంలో నాకు అక్రమ్‌ను గౌరవించాలని అనిపించలేదు. నన్ను బౌలింగ్‌ విషయంలో మాత్రం ఎప్పుడూ మెచ్చుకుంటాడని, బౌలింగ్‌లో వైవిధ్యం చూపించేలా ఎప్పుడూ ప్రోత్సహించేవాడు. ఆటకు దూరమైన తర్వాత నేను అక్రమ్‌ను పర్సనల్‌గా కలిసి నా ప్రవర్తనను క్షమించమని కోరానంటూ' చెప్పుకొచ్చాడు.షోయబ్‌ అక్తర్‌ పాక్‌ తరపున 46 టెస్టుల్లో 176 వికెట్లు, 163 వన్డేల్లో 247 వికెట్లు పడగొట్టాడు.

కరాచీ:  ప్రపంచ వ్యాప్తంగా క్రికెట్‌ టోర్నమెంట్‌లో ఆరంభం కావడానికి సుదీర్ఘ సమయం పట్టడం ఖాయమని మరోసారి జోస్యం చెప్పాడు పాకిస్తాన్‌ మాజీ పేసర్‌ షోయబ్‌ అక్తర్‌. ఇప్పట్లో క్రికెట్‌ మ్యాచ్‌లు అనే ప్రస్తక్తే ఉండదన్నాడు. అసలు ప్రపంచం పట్టాలెక్కడానికి ఏడాది సమయం పడుతుందని, అటువంటప్పుడు క్రికెట్‌ టోర్నీలో ఎలా ఆరంభం కావడం ఎలా సాధ్యమన్నాడు. ‘ ప్రస్తుతం వరల్డ్‌ అంతా లాక్‌డౌన్‌లోనే ఉంది. మరి ఏమైనా మెరుగుదల కనిపించిందా అంటే అదీ లేదు. ఇప్పటివరకూ మెజార్టీ దేశాల్లో కరోనా వైరస్‌ విజృంభణ ఎలా కొనసాగుతుందో కనబడుతుంది. దాంతో ప్రపంచం గాడిలో పడాలంటే ఒక ఏడాది సమయం కచ్చితంగా పడుతుంది. ఇక క్రికెట్‌ మ్యాచ్‌లను కూడా అప్పుడే చూసే అవకాశం ఉంది. నా దృష్టిలో క్రికెట్‌ మ్యాచ్‌లు జరగడానికి ఏడాది సమయం కనీసం పడుతుంది. ఈ కరోనా వైరస్‌ ప్రభావం ఏడాది పాటు ఇబ్బంది పెట్టే అవకాశాలు లేకపోలేదు. ఈ సమయంలో మనం ఎంతో ధృడంగా ఉండాలి’ అని అక్తర్‌ పేర్కొన్నాడు. ప్రస్తుత పరిస్థితులు చాలా దారుణంగా ఉన్నాయని, ఇది ఎవరికీ అంతు పట్టని విషయమన్నాడు. ఇదిలా ఉంచితే, ఇక బౌలర్లు బంతిని షైన్‌ చేయడం కోసం లాలాజలం(సెలైవా) రుద్దడానికి సిద్ధంగా లేకపోతే దానికి ఐసీసీ మరో ప్రత్యామ్నాయాన్ని చూపెడుతుందని అక్తర్‌ అభిప్రాయపడ్డాడు.  ఆటగాళ్ల ఆరోగ్యాన్ని దృష్టిలో పెట్టుకుని ఐసీసీ తీసుకునే ఏ నిర్ణయమైనా ఆహ్వానించదగిందేనని అక్తర్‌ పేర్కొన్నాడు. (అక్తర్‌ కెరీర్‌ దాల్మియా చలవే!)

కరాచీ: దాదాపు 17 ఏళ్ల నాటి వన్డే వరల్డ్‌కప్‌ను పాకిస్తాన్‌ మాజీ పేసర్‌, రావల్పిండి ఎక్స్‌ప్రెస్‌గా పిలవబడే షోయబ్‌ అక్తర్‌ గుర్తు చేసుకున్నాడు. ఆనాడు భారత్‌తో జరిగిన మ్యాచ్‌ సందర్భంగా తన బౌలింగ్‌లో మాస్టర్‌ బ్లాస్టర్‌ సచిన్‌ టెండూల్కర్‌ కొట్టిన అప్పర్‌ కట్‌ సిక్స్‌ ఒక ఐకానిక్‌ సిక్స్‌ అని అక్తర్‌ అభివర్ణించాడు. సచిన్‌ అంతర్జాతీయ కెరీర్‌లో వచ్చిన మరో ఆణిముత్యం ఆ సిక్స్‌ అని కొనియాడాడు. సెంచూరియన్‌లో పాకిస్తాన్‌తో మ్యాచ్‌లో సచిన్‌ 98 పరుగులు చేసి తృటిలో సెంచరీ చేజార్చుకున్నాడు. చివరకు షోయబ్‌ అక్తర్‌ బౌలింగ్‌లోనే సచిన్‌ ఔటయ్యాడు. దీనిలో భాగంగా సచిన్‌ను తాను ఔట్‌ చేశానని అక్తర్‌ చెబుతూనే.. ఆనాడు మాస్టర్‌ కొట్టిన సిక్స్‌ను కూడా ప్రస్తావించాడు.  ఇక్కడ ఆ సిక్స్‌ యావత్‌ భారతావనిని సంతోషంలో ముంచెత్తి ఉంటుందన్నాడు. (నేనేమైనా పిచ్చోడిలా కనిపిస్తున్నానా..?) కోట్లాది భారతీయలకు ఒక సిక్స్‌ సంతోషాన్నిస్తే.. తాను ప్రతీ రోజూ సచిన్‌కు సిక్స్‌ను సమర్పించుకునేవాడినని అక్తర్‌ అన్నాడు. ‘ క్రికెట్‌ ఆడుతున్నప్పట్నుంచి సచిన్‌ నాకు బాగా తెలుసు. నాతో చాలా సన్నిహితంగా ఉండేవాడు. అతనొక అరుదైన బ్యాట్స్‌మన్‌. అంతేకాకుండా సహచర క్రికెటర్ల పట్ల సచిన్‌ చాలా వినయపూర్వకంగా ఉండేవాడు. ప్రపంచ గర్వించదగ్గ క్రికెటర్‌. అలాంటి క్రికెటర్‌ను నేను 12-13 సార్లు ఔట్‌ చేసినందుకు చాలా గర్విస్తా’ అని అక్తర్‌ తెలిపాడు. పాకిస్తాన్‌ టెలివిజన్‌ హోస్ట్‌ జైనబ్‌ అబ్బాస్‌తో ఇన్‌స్టాగ్రామ్‌ లైవ్‌లో అక్తర్‌ పలు విషయాల్ని వెల్లడించాడు. ‘ ఆనాటి వరల్డ్‌కప్‌లో సెంచూరియన్‌ మ్యాచ్‌లో నా బౌలింగ్‌లో సచిన్‌ అప్పర్‌ కట్‌ షాట్‌తో సిక్స్‌గా మలచాడు. (అనుష్క వదిన చెబితే వింటాడు) అది భారతీయుల్ని కచ్చితంగా సంతోషంలో ముంచెత్తిన క్షణమది. ఇప్పటికీ ఆ సిక్స్‌ను ఎక్కువగా చూపెడుతూ ఉంటారు.  ఒక సిక్స్‌ బిలియన్‌కు పైగా ఉన్న భారతీయుల్ని ఆనందాన్ని తీసుకు వస్తుందనే విషయం తెలిస్తే వారితో మ్యాచ్‌లోప్రతీసారి నేను సిక్స్‌ను సమర్పించుకోవడానికి సిద్ధంగా ఉండేవాడిని’ అని అక్తర్‌ తెలిపాడు. పాకిస్తాన్‌తో జరిగిన ఆనాటి మ్యాచ్‌లో భారత్‌ 274 పరుగుల టార్గెట్‌ను ఛేదించి విజయం సాధించింది. భారత్‌ ఓపెనర్‌గా దిగిన సచిన్‌.. అక్తర్‌ వేసిన రెండో ఓవర్‌లోనే విరుచుకుపడ్డాడు. ఆ ఓవర్‌లో అక్తర్‌ వేసిన షార్ట్‌ పిచ్‌ వైడ్‌ బాల్‌ను థర్డ్‌ మ్యాన్‌ దిశగా ఒక అద్భుతమైన సిక్స్‌ను కొట్టిన సచిన్‌.. ఆ తర్వాత రెండు బంతుల్ని కూడా బౌండరీలుగా తరలించాడు. 

కరాచీ: భారత దివంగత క్రికెట్‌ పాలకుడు జగ్మోహన్‌ దాల్మియా ఇచ్చిన సహకారంతోనే  పాకిస్తాన్‌ మాజీ స్పీడ్‌స్టర్‌ షోయబ్‌ అక్తర్‌ కెరీర్‌ కొనసాగిందని పాకిస్తాన్‌ క్రికెట్‌ బోర్డు (పీసీబీ) మాజీ అధ్యక్షుడు తౌకీర్‌ జియా వ్యాఖ్యానించారు.  దాల్మియా 1997 నుంచి 2000 వరకు ఐసీసీ అధ్యక్షుడిగా పనిచేశారు. 1999లో అక్తర్‌ బౌలింగ్‌ యాక్షన్‌ సందేహాస్పదంగా ఉందని విమర్శలు రావడంతో ఐసీసీ కన్నేసింది. ‘ఐసీసీ సభ్యులంతా అక్తర్‌ బౌలింగ్‌ యాక్షన్‌పై అభ్యంతరం వ్యక్తం చేసినా... దాల్మియా మాకు మద్దతుగా నిలిచారు. ఐసీసీలో అయనకున్న పలుకుబడి దృష్ట్యా మిగతా సభ్యుల అభ్యంతరాలన్నీ వీగిపోయాయి. జన్మతః వచ్చిన సమస్య వల్లే అలాంటి యాక్షన్‌తో అక్తర్‌ బౌలింగ్‌ చేస్తున్నట్లు నమ్మబలకడంతో ఆ వివాదం అంతటితో ముగిసింది’ అని జియా తెలిపారు.   రూ. 690 కోట్ల నష్టం... గత ఐదేళ్ల కాలంలో భారత్‌తో సిరీస్‌ ఆడకపోవ డంతో పీసీబీ కు వచ్చిన అక్షరాలా రూ.690 కోట్ల నష్టం వచ్చింది. భారత్‌తో ఆడితేనే పూర్తి మొత్తం ఇస్తామని లేదంటే కోత తప్పదని ప్రసారకర్తలతో జరిగిన ఒప్పందంలో స్పష్టంగా వుంది.

1999లో పాకిస్తాన్‌ పేసర్‌ షోయబ్‌ అక్తర్‌ అత్యంత వేగంగా బంతులు విసిరిన స్పెల్‌గా తనకు ఎప్పటికి గుర్తుండిపోతుందని ఆస్ట్రేలియా మాజీ కెప్టెన్‌ రికీ పాంటింగ్‌ పేర్కొన్నాడు.1999లో పాక్‌ జట్టు తమ దేశంలో పర్యటించింది. కాగా పెర్త్‌లో జరిగిన టెస్టు మ్యాచ్‌లో అక్తర్‌ ఒక ఓవర్‌లో  ప్రతీ బాల్‌ను గంటకు 150 కిలోమీటర్ల వేగంతో విసిరాడని గుర్తుచేశాడు. కాగా అంతకుముందు ఇంగ్లండ్‌ మాజీ ఆల్‌రౌండర్‌ ఆండ్రూ ఫ్లింటాఫ్‌ తనకు వేసిన అత్యుత్తమ ఓవర్‌ అని పాంటింగ్‌ చెప్పుకొచ్చాడు. (‘మామూలు ప్రపంచకప్‌ పోరాటం కాదిది’) ఇదే విషయాన్ని రికీ పాంటింగ్‌ ట్విటర్‌లో షేర్‌ చేస్తూ.. ' నా కెరీర్‌లో ఫ్లింటాఫ్‌ వేసిన ఓవర్‌ను బెస్ట్‌ ఓవర్‌గా చెప్పుకొన్న తర్వాత వెంటనే నాకు అక్తర్‌ వేసిన స్పెల్‌ గుర్తుకువచ్చింది. అక్తర్‌ వేసిన ప్రతీ బాల్‌ గంటకు 150 కిలోమీటర్ల వేగంతో సాగింది. వేసిన ప్రతీ బంతి నన్ను బాగానే ఇబ్బంది పెట్టింది. అక్తర్‌ అత్యంత ఫాస్ట్‌ బౌలింగ్‌ను కూడా నేను ఎప్పటికి మరిచిపోను' అంటూ చెప్పుకొచ్చాడు. 2005లో జరిగిన యాషేస్‌ సిరీస్‌లో ఫ్లింటాఫ్‌ వేసిన ఒక ఓవర్‌ అత్యుత్తమ ఓవర్‌గా మిగిలిపోతుందని పాంటింగ్‌ చెప్పుకొచ్చాడు. ఎడ్జ్‌బాస్టన్‌ వేదికగా జరిగిన రెండో టెస్టులో ఫ్లింటాఫ్‌ వేసిన ఓవర్‌ మొత్తంలో పాంటింగ్‌ బ్యాటింగ్‌ చేయడానికి అపసోఫాలు పడ్డాడు. చివరి బంతికి పాంటింగ్‌ ఏకంగా వికెట్‌ సమర్పించుకొని వెనుదిరిగాడు. కాగా పాంటింగ్‌ తన కెరీర్‌లో అన్ని ఫార్మాట్లు కలిపి 27, 486 పరుగులు చేశాడు. అంతేగాక పాంటింగ్‌ ఈ తరంలో ఉత్తమ కెప్టెన్‌గానూ నిలవడమే గాక 2003, 2007 ప్రపంచకప్‌లు జట్టుకు అందించడంలో ముఖ్య పాత్ర పోషించాడు.  (వారిద్దరికి ఇది మరిచిపోలేని రోజు)