మెల్‌బోర్న్‌: టీమిండియా ప్రస్తుతం ఇంగ్లండ్‌ పర్యటనలో సంప్రదాయ టెస్టు ఫార్మాట్‌ ఆడుతోంది. ఇది ఐదు టెస్టుల సుదీర్ఘ సిరీస్‌ కావడంతో ఇంగ్లండ్‌ పర్యటన ముగిసేందుకే చాలా సమయం పడుతోంది. ఆగస్టు 4 వరకు అఖరి టెస్టు జరుగుతుంది. అనంతరం బంగ్లాదేశ్‌ పర్యటన ఉంది. ఆ తర్వాతే ఆ్రస్టేలియాలో భారత్‌ పర్యటిస్తుంది. అక్టోబర్‌–నవంబర్‌లలో జరిగే ఈ పరిమిత ఓవర్ల సిరీస్‌లకు ఇంకా నాలుగు నెలల సమయం ఉంది. అయినా సరే భారత్‌ క్రికెట్‌ క్రేజ్‌ను ఆస్ట్రేలియా కూడా సొమ్ము చేసుకుంది. మూడు వన్డేలు, ఐదు టి20ల కోసం క్రికెట్‌ ఆ్రస్టేలియా (సీఏ) టికెట్ల విక్రయం చేపట్టగా ఏకంగా 90 వేల పైచిలుకు టికెట్లు హాట్‌ కేకుల్లా అమ్ముడయినట్లు స్వయంగా సీఏ వర్గాలే వెల్లడించాయి. సిడ్నీలో జరిగే మూడో వన్డే, కాన్‌బెర్రాలో జరిగే తొలి టి20 టికెట్లయితే ఒక్కటి కూడా మిగలకుండా ‘సోల్డ్‌ అవుట్‌’ కావడం విశేషం. ‘భారత్, ఆసీస్‌ల మధ్య జరగబోయే పరిమిత ఓవర్ల సిరీస్‌ల కోసం అంతా ఆసక్తిగా ఎదురుచూస్తున్నారు. టికెట్లు హాట్‌కేకుల్లా అమ్ముడవుతున్నాయి. ముఖ్యంగా ‘కంగారూ’ దేశంలో స్థిరపడిన భారత సంతతి ప్రేక్షకులు వేలంవెర్రిగా ఎగబడ్డారు’ అని సీఏ ఒక ప్రకటనలో తెలిపింది. సిడ్నీ క్రికెట్‌ గ్రౌండ్‌ (మూడో వన్డే వేదిక), మనుక ఓవల్‌ (కాన్‌బెర్రా–తొలి టి20 వేదిక)లలో జరిగే మ్యాచ్‌ టికెట్లకు అనూహ్య డిమాండ్‌ నెలకొనడంతో నాలుగు నెలల ముందే టికెట్లన్నీ అయిపోయాయని సీఏ పేర్కొంది. భారత సంతతి అభిమానులు కొందరు వందలు, వేల సంఖ్యలో టికెట్లు కొనుగోలు చేసినట్లు తెలిసింది.

సిడ్నీ: ఆస్ట్రేలియాకు చెందిన మాజీ లెగ్‌ స్పిన్నర్‌ స్టువర్ట్‌ మెక్‌గిల్‌ (Stuart MacGill)ను కొకైన్‌ కేసులో సిడ్నీ జిల్లా కోర్టు దోషిగా తేల్చింది. 2021, ఏప్రిల్‌లో 3.3లక్షల ఆసీస్‌ డాలర్లు (రూ.1.80 కోట్లు) విలువ గల కేజీ కొకైన్‌ డ్రగ్‌ క్రయవిక్రయ ఒప్పందంలో నేరుగా పాల్గొనలేదని ధ్రువీకరించిన కోర్టు.. ఆ డ్రగ్‌ పంపిణీ మొత్తం వ్యవహారంలో అతనికి తెలియకుండానే క్రికెటర్‌కు భాగముందని దోషిగా తేల్చింది. దీనిపై తుది శిక్షను ఎనిమిది వారాల్లో ఖరారు చేయనున్నట్లు కోర్టు తెలిపింది. కేసు వివరాల్లోకి వెళితే... 2021లో మెక్‌గిల్‌కు చెందిన రెస్టారెంట్‌లో ఓ డ్రగ్‌ డీలర్‌కు, మెక్‌గిల్‌ బావమరిది మారినో సాటిరోపౌలొస్‌కు మధ్య కొకైన్‌ డ్రగ్‌ డీల్‌ జరిగింది. ఇది చట్టవ్యతిరేక డ్రగ్‌ వ్యవహారమని తెలియక ఆ ఒప్పందంలో తలదూర్చానని మాజీ స్పిన్నర్‌ తన వాదన వినిపించాడు. పలు సాక్ష్యాధారాలను పరిశీలించిన కోర్టు నేరుగా అతని ప్రమేయం లేదని ధ్రువీకరించింది. అదే సమయంలో తెలిసి చేసినా, తెలియక చేసినా నేరం నేరమేనని ఇందులో శిక్ష అనుభవించక తప్పదని తీర్పు ఇచ్చింది. 54 ఏళ్ల మాజీ లెగ్‌స్పిన్నర్‌ ఆస్ట్రేలియా తరఫున 44 టెస్టులు ఆడి 208 వికెట్లు పడగొట్టాడు. ఇదీ చదవండి: లక్నోకు ఆడనున్న ఆసీస్‌ ఆల్‌రౌండర్‌గాయం కారణంగా ఐసీసీ చాంపియన్స్‌ ట్రోఫీకి దూరమైన ఆస్ట్రేలియా ఆల్‌రౌండర్‌ మిచెల్‌ మార్ష్‌ ఇండియన్‌ ప్రీమియర్‌ లీగ్‌ (ఐపీఎల్‌)లో మాత్రం బరిలోకి దిగనున్నాడు. శ్రీలంక పర్యటనకు ముందు వెన్ను నొప్పితో ఆసీస్‌ జాతీయ జట్టుకు దూరమైన మార్ష్‌ ... ఐపీఎల్‌లో స్పెషలిస్ట్‌ బ్యాటర్‌గానే అందుబాటులో ఉండనున్నాడు.గాయం పూర్తిగా మానక పోవడంతో మార్ష్‌ బౌలింగ్‌ చేయబోవడం లేదు. పేలవ ఆటతీరుతో టీమిండియాతో ‘బోర్డర్‌–గావస్కర్‌ ట్రోఫీ’ ఆఖరి టెస్టుకు దూరమైన మార్ష్‌ ... చివరగా ఈ ఏడాది జనవరి 7న బిగ్‌ బాష్‌ లీగ్‌లో పెర్త్‌ స్కార్చర్స్‌ జట్టు తరఫున బరిలోకి దిగాడు. ఈ నెల 22 నుంచి ప్రారంభం కానున్న ఐపీఎల్‌లో 33 ఏళ్ల మార్ష్‌ లక్నో సూపర్‌ జెయింట్స్‌ జట్టుకు ప్రాతినిధ్యం వహిస్తున్నాడు. గత మూడు సీజన్‌లలో ఢిల్లీ క్యాపిటల్స్‌కు ప్రాతినిధ్యం వహించిన మార్ష్‌ను గతేడాది వేలంలో లక్నో సూపర్‌ జెయింట్స్‌ కొనుగోలు చేసుకుంది. ఆస్ట్రేలియా మాజీ ఆటగాడు జస్టిన్‌ లాంగర్‌ లక్నో జట్టు కోచ్‌గా వ్యవహరిస్తుండగా... ఈ నెల 18 వరకు మార్‌‡్ష జట్టుతో చేరనున్నాడు. టీ20 ప్రపంచకప్‌లో ఆస్ట్రేలియా జట్టుకు కెప్టెన్‌గా వ్యవహరించిన మార్ష్‌ గతంలో... సన్‌రైజర్స్‌ హైదరాబాద్, రైజింగ్‌ పుణే సూపర్‌ జెయింట్స్, పుణే వారియర్స్, డెక్కన్‌ చార్జర్స్‌ జట్ల తరఫున ఐపీఎల్‌ ఆడాడు.

న్యూఢిల్లీ: భారత స్క్వాష్‌ స్టార్‌ సౌరవ్‌ ఘోషాల్‌ తన పునరాగమనాన్ని ఘనంగా చాటుకున్నాడు. గత ఏడాది ఏప్రిల్‌లో ఆట నుంచి వీడ్కోలు తీసుకున్న 38 ఏళ్ల సౌరవ్‌ ఈ ఏడాది జనవరిలో మళ్లీ రాకెట్‌ పట్టాడు. ఆదివారం ఆ్రస్టేలియాలో ముగిసిన ఆక్టేన్‌ ఓపెన్‌ సిడ్నీ క్లాసిక్‌ స్క్వాష్‌ చాలెంజర్‌ టోర్నీలో సౌరవ్‌ విజేతగా నిలిచాడు. ఫైనల్లో ప్రపంచ మాజీ పదో ర్యాంకర్‌ సౌరవ్‌ 11–2, 11–6, 11–2తో ఈజిప్ట్‌ దేశానికి చెందిన అబ్దుల్‌ రెహమాన్‌ నాసర్‌పై గెలుపొందాడు. ఆసియా క్రీడలు, కామన్వెల్త్‌ గేమ్స్‌లలో కలిపి మొత్తం 12 పతకాలు సాధించిన సౌరవ్‌... ఈ టోర్నీలో తన ప్రత్యర్థులకు ఒక్క సెట్‌ మాత్రమే కోల్పోవడం విశేషం. సెమీఫైనల్లో సౌరవ్‌ 11–9, 5–11, 11–1, 11–2తో రైస్‌ డౌలింగ్‌ (ఆస్ట్రేలియా)పై, క్వార్టర్‌ ఫైనల్లో 11–6, 11–6, 11–5తో మిన్‌వూ లీ (దక్షిణ కొరియా)పై, రెండో రౌండ్‌లో 11–8, 11–2, 11–8తో కిజాన్‌ (మాల్టా)పై గెలుపొందాడు. రెండో సీడ్‌గా బరిలోకి దిగిన సౌరవ్‌కు తొలి రౌండ్‌లో ‘బై’ లభించింది. 2003లో ప్రొఫెషనల్‌ స్క్వాష్‌ అసోసియేషన్‌ (పీఎస్‌ఏ) టూర్‌లో అరంగేట్రం చేసిన సౌరవ్‌ ఇప్పటి వరకు 11 పీఎస్‌ఏ సింగిల్స్‌ టైటిల్స్‌ సాధించాడు. 18 టోరీ్నలలో రన్నరప్‌గా నిలిచాడు.

ఎంతోమంది రాజులు రాజ్యాలేలారు.. కాలంతో పాటు కనుమరుగైపోయారు. అయితే వారు కట్టిన కట్టడాలు మాత్రం ఇప్పటికీ వారి ఉనికిని తెలియజేస్తూ ఉన్నాయి. కట్టడాలకు అంత చరిత్ర ఉంది. ఇప్పుడు కూడా కొంత మంది ఆర్కిటెక్చర్లు లేదా సంస్థలు కనీవినీ ఎరుగని కట్టడాలను నిర్మించి అక్కడి ప్రాంతాల రూపురేఖలనే మార్చేస్తున్నాయి. ఇప్పటికే ఇలాంటి నిర్మాణాలు భూమిపై అనేకం ఉన్నప్పటికీ.. ఈ ఏడాది (2025) 11 ఆర్కిటెక్చర్ ప్రాజెక్ట్‌లు సిద్ధమవుతున్నాయి. వాటి గురించి ఇక్కడ వివరంగా తెలుసుకుందాం.న్యూ సిడ్నీ ఫిష్ మార్కెట్ (సిడ్నీ)ప్రపంచంలోని మూడో అతిపెద్ద చేపల మార్కెట్‌గా ప్రసిద్ధి చెందిన 'సిడ్నీ ఫిష్ మార్కెట్' (Sydney Fish Market) మరింత పెద్దదికానుంది. దీనికోసం 3XN ఆర్కిటెక్ట్‌లు, ఆస్ట్రేలియన్ సంస్థ BVN ముందడుగు వేసాయి. లాజిస్టిక్‌లు, ఇతర కార్యకలాపాలు గ్రౌండ్ ఫ్లోర్‌లో నిర్వహించనున్నారు. పై అంతస్తులలో సందర్శకుల కోసం మార్కెట్ హాల్, వేలం హాలు ఉంటాయి. ఇక్కడ రెస్టారెంట్‌లు, రిటైలర్లు పాంటూన్‌లు వంటివన్నీ చూడవచ్చు.గ్రాండ్ రింగ్, ఒసాకా (జపాన్)ఏప్రిల్ నుంచి అక్టోబర్ వరకు.. జపాన్ రెండవ నగరమైన ఒసాకాలో నిర్వహించే ఎక్స్‌పో 2025 కార్యక్రమానికి 28 మిలియన్ల మంది సందర్శకులు హాజరయ్యే అవకాశం ఉంది. వేదిక మధ్య భాగంలో ఉంటుంది. గ్రాండ్ రింగ్ వృత్తాకార చెక్క నిర్మాణంతో పూర్తవుతుంది. 1970లో ఒసాకా మొదటిసారిగా ఎక్స్‌పోను నిర్వహించినప్పుడు, ఆ సమయంలో అత్యంత ప్రసిద్ధి చెందిన అవాంట్-గార్డ్ జపనీస్ వాస్తుశిల్పులు భారీ స్పేస్-ఫ్రేమ్ పైకప్పును నిర్మించారు. దాదాపు 6,46,000 చదరపు అడుగుల విస్తీర్ణంలో, ఇది ప్రపంచంలోని అతిపెద్ద చెక్క భవనాలలో ఒకటిగా రికార్డ్ క్రియేట్ చేయనుంది.లైఫ్ అండ్ మైండ్ బిల్డింగ్, ఆక్స్‌ఫర్డ్ (యూకే)లైఫ్ అండ్ మైండ్ బిల్డింగ్ అనేది యూనివర్సిటీ ఆఫ్ ఆక్స్‌ఫర్డ్ చరిత్రలో అతిపెద్ద నిర్మాణ ప్రాజెక్ట్. ఈ నిర్మాణ డిజైన్ సూత్రాలు విద్యాసంబంధమైన వాటికి దగ్గరగా ఉన్నాయి. లోపల ఫ్లెక్సిబుల్ ల్యాబ్ స్పేస్‌లు వివిధ విభాగాల అవసరాలకు అనుగుణంగా ఉంటాయి. ఇది కూడా గొప్ప ఆర్కిటెక్చర్ నిర్మాణాలలో ఒకటిగా ఉంటుంది.కెనడియన్ స్కూల్, చోలులా (మెక్సికో)మెక్సికోలోని చోలులాలోని ఆర్కిటెక్చర్ సంస్థ సోర్డో మడలెనోస్ కెనడియన్ స్కూల్ ప్రాజెక్ట్ చేపట్టింది. ప్రకృతిలో మమేకమయ్యే ఈ ప్రాజెక్ట్ ఇతర ప్రాజెక్టులకంటే భిన్నంగా ఉంటుంది. అయితే ఇది చాలా అద్భుతంగా ఉంటుంది. మెక్సికన్ ఆర్కిటెక్ట్ ఫెర్నాండో సోర్డో మడలెనో.. దీనిని పర్యావరణంతో మిళితం చేయడంతో పాటు భవనం కూడా ఆట స్థలంలో భాగమవుతుందని పేర్కొన్నాడు.టెక్కో అంతర్జాతీయ విమానాశ్రయం, నమ్ పెన్ (కంబోడియా)కంబోడియా దాని రాజధాని నమ్ పెన్.. అంతర్జాతీయ విమానాశ్రయాన్ని మరింత పెద్దది కానుంది. ఇది ఇప్పటి కంటే ఆరు రెట్లు ఎక్కువ మంది సందర్శకులను నిర్వహించగల సామర్థ్యం పొందనుంది. పర్యాటకుల సంఖ్యను పెంచడానికి మాత్రమే కాకుండా.. ప్రాంతీయ విమానయాన కేంద్రంగా మారడానికి దీనిని సిద్ధం చేస్తున్నారు. సిటీ సెంటర్‌కు దక్షిణంగా 12 మైళ్ల దూరంలో ఉన్న ఈ టెర్మినల్ భవనం ఆగ్నేయాసియాలో అతిపెద్దది.సౌత్ స్టేషన్ రీడెవలప్‌మెంట్, బోస్టన్ (ఇంగ్లాండ్‌)న్యూ ఇంగ్లాండ్‌లో అత్యంత రద్దీగా ఉండే గ్రౌండ్ ట్రాన్స్‌పోర్ట్ హబ్ అయిన బోస్టన్ సౌత్ స్టేషన్‌ను కూడా రీడెవలప్‌మెంట్ చేయనున్నారు. ఇది పూర్తయితే.. బస్సు, రైలు సామర్థ్యం వరుసగా 50 శాతం, 70 శాతం పెరుగుతుంది. 1899 నుంచి అలాగే ఉన్న ఈ నిర్మాణం కొత్త హంగులు సంతరించుకోనుంది.గోథే ఇన్‌స్టిట్యూట్, డాకర్ (సెనెగల్)"నోబెల్ ఆఫ్ ఆర్కిటెక్చర్"గా ప్రసిద్ధి చెందిన ప్రిట్జ్‌కర్ ప్రైజ్‌ని.. మొట్టమొదటి ఆఫ్రికన్ విజేత ఫ్రాన్సిస్ కేరే తన స్వదేశీ ఖండంలో నిర్మించిన వాతావరణాన్ని మార్చనున్నారు. 18,300 చదరపు అడుగుల భవనం వక్రతలు చుట్టుపక్కల ఉన్న పందిరి రూపురేఖలను ప్రతిబింబించేలా రూపొందించారు. దీనిని ప్రధానంగా స్థానికంగా లభించే ఇటుకలతో నిర్మించారు. కాగా ఇది ఈ ఏడాది మరింత సుందరంగా మారనుంది.అర్బన్ గ్లెన్, హాంగ్‌జౌ (చైనా)బీజింగ్‌లోని సీసీటీవీ హెడ్‌క్వార్టర్స్.. చైనాలోని అత్యంత ప్రసిద్ధి చెందిన సమకాలీన భవనంగా మారనుంది. తూర్పు నగరమైన హాంగ్‌జౌలో దాదాపు 9,00,000 చదరపు అడుగుల ఆఫీసు, హోటల్, విశ్రాంతి స్థలాన్ని కలిగి ఉన్న ఒక జత టవర్‌లు అర్బన్ గ్లెన్‌లో అత్యంత అద్భుతమైనవిగా రూపుదిద్దుకోనుంది.రియాద్ మెట్రో, రియాద్ (సౌదీ అరేబియా)2020లలో సౌదీ అరేబియాలో ఈ రియాద్ మెట్రో వెంచర్‌లను ప్రకటించారు. ఇది క్యూబ్ ఆకారంలో ప్రపంచంలోనే అతిపెద్ద నిర్మాణాలలో ఒకటిగా మారనుంది. ఇది ఆరు లైన్లతో ఉంటుంది. దీని రోజువారీ సామర్థ్యం రోజుకు 3.6 మిలియన్లు. ఈ ప్రాజెక్టు నవంబర్‌లో ప్రారంభమైంది.స్కైపార్క్ బిజినెస్ సెంటర్, లక్సెంబర్గ్ (ఫ్రాన్స్)యూరప్ దేశంలోని కొత్త పబ్లిక్ భవనాలు కనీసం 50 శాతం కలపను కలిగి ఉండాలని అనుకుంటున్నారు. ఇందులో భాగంగానే లక్సెంబర్గ్ రూపుదిద్దుకుంటోంది. ఇది ఖండంలోని అతిపెద్ద హైబ్రిడ్ చెక్క భవనాలలో ఒకటిగా మారనుంది. దీని విస్తీర్ణం 8,44,000 చదరపు అడుగులు. ఇందులో సుమారు 5,42,000 క్యూబిక్ అడుగులు కలపతో మిర్మించనున్నారు. ఈ భవనం, మొదటి దశ ఫిబ్రవరితో పూర్తవుతుంది.డాంజియాంగ్ బ్రిడ్జ్, తైపీ (తైవాన్)డాన్జియాంగ్ బ్రిడ్జ్ దాదాపు తొమ్మిదేళ్లుగా, దివంగత జహా హదీద్ సంస్థ తన వారసత్వాన్ని కొనసాగించింది. 3,018 అడుగుల పొడవైన నిర్మాణం తైవాన్ రాజధాని తైపీ గుండా ప్రవహించే తమ్సుయ్ నది ముఖద్వారం మీదుగా నాలుగు ప్రధాన రహదారులను కలుపుతుంది. మొత్తం నిర్మాణం కేవలం ఒకే కాంక్రీట్ మాస్ట్‌తో ఉంటుంది. ఇది పూర్తయిన తరువాత ప్రపంచంలోనే అతి పొడవైన సింగిల్-మాస్ట్ అసమాన కేబుల్-స్టేడ్ బ్రిడ్జ్ అవుతుంది.

గది అంతటా సూర్యకాంతి ప్రసరించేలా రంపం పళ్లను ఆకారంలో రూఫ్‌.. ఎటు చూసినా పచ్చదనంతో కళకళలాడే ఆవరణలు.. పెద్ద బాస్కెట్‌బాల్‌ కోర్టు.. అందమైన కమ్యూనిటీ గార్డెన్‌.. ఓపెన్‌ ఎయిర్‌ టెర్రస్‌.. లోపలి వ్యక్తుల ప్రైవసీకి భంగం కలగకుండా చుట్టూ వంపులు తిరిగిన మెటల్‌ స్క్రీన్స్‌.. ఇంకా మరెన్నో ప్రత్యేకతలు. ఇదేదో రియల్‌ ఎస్టేట్‌ సంస్థ ప్రకటన కాదు! ఓ స్కూల్‌ భవన విశేషాలివి. దాంతో ఆకాశహర్మ్యాలను, మ్యూజియాలను, అందమైన విమానాశ్రయాలను కూడా తలదన్ని ప్రపంచంలోనే అత్యుత్తమ భవనంగా ఎంపికైంది. సింగపూర్‌లో జరిగిన ప్రపంచ ఆర్కిటెక్చర్‌ ఫెస్టివల్‌ (డబ్ల్యూఏఎఫ్‌)లో ఈ ఘనత సాధించింది. దీని పేరు డార్లింగ్టన్‌ పబ్లిక్‌ స్కూల్‌. సిడ్నీలోని చిపండేల్‌లో ఉంది. సాంస్కృతిక పరిరక్షణ దక్షిణ సిడ్నీ ప్రాంతంలో ఉన్న ఈ స్కూలు నిజానికి ఆ్రస్టేలియా మూలవాసులతో బలమైన సంబంధాలున్న కమ్యూనిటీ పాఠశాల. 1970 నాటి పాత భవనం శిథిలావస్థకు చేరడంతో కొత్తది నిర్మించాలనుకున్నారు. ఎఫ్‌జెడ్‌సీ స్టూడియో ఆ బాధ్యతలు తీసుకుంది. మూలవాసులతో బంధాన్ని ప్రతిబింబించేలా పాఠశాల హాల్, ఎంట్రన్స్‌ రిసెప్షన్, తరగతి గదుల్లో స్వదేశీ కళను చిత్రీకరించి సాంస్కృతిక వారసత్వాన్ని పరిరక్షించారు. పాత పాఠశాల గోడలపై ఉన్న ఆదిమ కుడ్యచిత్రాలను కొత్త భవనంలో పుననర్న్మించారు. ఆ స్ఫూర్తితోపాటు కొత్త, సమకాలీన అభ్యాస వాతావరణాన్ని సృష్టించారు. ప్రీసూ్కల్, కిండర్‌ గార్టెన్, ప్రైమరీ స్కూల్‌తో 500 మందికి పైగా విద్యార్థుల సామర్థ్యం ఈ కొత్త క్యాంపస్‌ సొంతం.ఆరోగ్యం, ఆహ్లాదం ప్రాధమిక పాఠశాల భవనంలో కాంతికోసం ప్రత్యేకంగా విద్యుత్‌ అక్కరలేదు. ప్రత్యేకమైన టెర్రస్‌ ప్రతి గదికీ సూర్యకాంతిని ప్రసరింపజేస్తుంది. అది బాగా వేడిగా కూడా ఉండదు. మృదువైన కాంతి స్థానిక కాసురినా చెట్ల ఆకుల మధ్య నుంచి జాలువారుతున్నట్లుగా ఉంటుంది. ఈ సహజకాంతి విద్యార్థుల ఆరోగ్యాన్ని కాపాడుతుంది. పాఠశాల భవనానికి అనుసంధానించి ఉన్న కమ్యూనిటీ హాల్, లైబ్రరీ విద్యార్థులను సమాజంలో భాగం చేస్తున్నాయి.175 మంది మనసు గెలుచుకుని.. క్రీడలు, రవాణా, ఆరోగ్యం, గృహనిర్మాణం వంటి 18 కేటగిరీల్లో డబ్ల్యూఏఎఫ్‌ అవార్డులు ఇస్తుంది. 175 మంది ఫెస్టివల్‌ డెలిగేట్ల ప్యానెల్‌ అన్ని కేటగిరీలకు చెందిన విజేతల నుంచి ‘వరల్డ్‌ బిల్డింగ్‌ ఆఫ్‌ ది ఇయర్‌’ ను ఎంపిక చేస్తుంది. ఈ ఏడాది నేషనల్‌ స్టార్‌ అబ్జర్వేటరీ ఆఫ్‌ సైప్రస్, పోలండ్‌లోని ప్రఖ్యాత బస్‌ స్టేషన్, టర్కీలోని సోలార్‌ పవర్‌ ప్లాంట్‌ వంటి 220 ప్రాజెక్టులు అవార్డు కోసం పోటీపడ్డాయి. వాటన్నింటినీ తలదన్ని ఒక చిన్న పాఠశాల నెగ్గుకురావడం అసాధారణమని ఎఫ్‌జేసీ స్టూడియో అసోసియేట్‌ అలెస్సాండ్రో రోసీ అన్నారు. భవనంలో సమయాన్ని గడిపే పిల్లలే నిజమైన విజేతలని అభిప్రాయపడ్డారు. గతేడాది కూడా చైనాలోని ఓ బోర్డింగ్‌ స్కూల్‌ ఈ టైటిల్‌ను గెలుచుకోవడం విశేషం. – సాక్షి, నేషనల్‌ డెస్క్‌

ఇది ప్రపంచంలోనే పొడవాటి రోడ్డు సొరంగం. ఆస్ట్రేలియాలోన సిడ్నీ నగరంలో ఉన్న ఈ సొరంగం పొడవు ఏకంగా 26 కిలోమీటర్లు. ఈ సొరంగ రహదారి పేరు ‘వెస్ట్‌ కనెక్స్‌’ ఆస్ట్రేలియా ఫెడరల్‌ ప్రభుత్వం, న్యూసౌత్‌ వేల్స్‌ రాష్ట్ర ప్రభుత్వం ఉమ్మడిగా ఈ సొరంగ నిర్మాణం చేపట్టి, గత ఏడాది నవంబరు 26 నాటికి దీనిని పూర్తి చేశాయి. ఉభయ ప్రభుత్వాలూ హోమ్‌బుష్‌–కింగ్స్‌గ్రోవ్‌ల మధ్య చేపట్టిన 33 కిలోమీటర్ల మోటారు రహదారిలో భాగంగా ఈ సొరంగాన్ని నిర్మించాయి. ఈ రహదారి నిర్మాణం పనులు 2016 డిసెంబర్‌ 20న ప్రారంభించగా, సొరంగం సహా మొత్తం నిర్మాణం పూర్తి కావడానికి దాదాపు ఏడేళ్లు పట్టింది. దీని నిర్మాణానికి 4500 కోట్ల ఆస్ట్రేలియన్‌ డాలర్ల ఖర్చు (రూ.2.60 లక్షల కోట్లు) జరిగింది. దీని నిర్మాణం పూర్తయిన తర్వాత ఇది ప్రపంచంలోనే అతిపెద్ద పొడవాటి సొరంగ రహదారిగా రికార్డులకెక్కింది.(చదవండి: మనం ధరించే డ్రెస్‌కి ఇంత పవర్‌ ఉంటుందా..?)

గురు పౌర్ణమి జూలై 21 వ తేదీ వినూత్నంగా సిడ్నీ మహానగరంలో తొలి పుస్తక ఆవిష్కరణ మహోత్సవం. ఒకటి కాదు, రెండు పుస్తకాలు. సిడ్నీ తెలుగింటి ఆడపడుచుగా ఆస్ట్రేలియా లోనే మొదటి రచయిత్రి కథా సంపుటి 'నీ జీవితం నీ చేతిలో' 21 కథల సమాహారం. పాఠకులకు సందేశాన్ని, వినోదాన్ని, కనువిప్పును, స్ఫూర్తి ని నింపే కథలు అనడంలో సందేహం లేదు. ప్రతి ఒక్కరూ చేతిలోకి తీసుకోవలసినదే 'నీ జీవితం నీ చేతిలో'.రెండో పుస్తకం 'రంగానందలహరి' శ్రీ పెయ్యేటి రంగారావు గారు అందిస్తున్న94 భక్తిగీతాలు, భావ గీతాలు ప్రతి ఇంటిలో ఉండవలసిన భాషా కుసుమాలు. లండన్ డర్రీ నైబర్ హుడ్ కమ్యూనిటీ సెంటర్ లో మధ్యాహ్నం 2.30 గంటలకు సకల కళా దర్శిని సిడ్నీ, ఆస్ట్రేలియా వారు నిర్వహించిన పుస్తక ఆవిష్కరణ కార్యక్రమం ఘనంగా జరిగింది. ఈ కార్యక్రమంలో శ్రీ పెయ్యేటి రంగారావు గారు రచించిన పాటలు, పద్యాలు, భావగీతాలు కళాకారులు శ్రీ వద్దిపర్తి శ్రీనివాస్ గారు, చిన్నారులు ఆశ్రిత గరగ, శ్రిత భాగవతుల ఆలపించారు. మయూర అకాడమీ గురువులు శ్రీ రమణ కరణం గారు కొరియోగ్రఫీ, డా. పద్మ మల్లెల సంగీతం సమకూర్చిన శ్రీ పెయ్యేటి రంగారావుగారి శ్రీ సీతా రాముల పరిణయ వేడుక గీతాన్ని అనిరుధ్ కరణం, లోహిత గొళ్లపల్లి కూచిపూడి నృత్యం చేసి అందరి ప్రశంసలు అందుకున్నారు.నృత్యాలయ డాన్స్ టెంపుల్ నుంచి విద్యార్థులు భరతనాట్యం ఫ్యూజన్ నృత్యం తో అందరినీ అలరించారు. లాలిత్య, సౌమ్య, సంతోషి గార్లు గణేశ, సరస్వతీ ప్రార్థన తో నృత్య అభినయంతో కార్యక్రమానికి శుభారంభం చేసారు. కార్యక్రమానికి సుశ్మిత విన్నకోట వ్యాఖ్యాత గా వ్యవహరించారు.సకల కళా దర్శిని అధ్యక్షురాలు శ్రీమతి విజయ గొల్లపూడి మాట్లాడుతూ, జూలై 2022 వ సంవత్సరంలో పూజ్య గురువులు బ్రహ్మశ్రీ సామవేదం షణ్ముఖశర్మ గారి ఆశీస్సులతో సకల కళా దర్శిని, సిడ్నీ, ఆస్ట్రేలియా సకల కళలకు వేదికగా నెలకొల్పటం జరిగింది అన్నారు. ఇంకా ఈ సకల కళాదర్శిని వేదికపై గత ఫిబ్రవరిలో ప్రముఖ లలిత సంగీత గాయని శ్రీమతి వేదవతి ప్రభాకర్ గారి తో, పేరొందిన లలిత సంగీత కళాకారులతో గాన విభావరి నిర్వహించాము. ప్రస్తుతం మన సనాతన ధర్మ ప్రచారం లో భాగంగా భగవద్గీత పారాయణ నెల నెల ఒక అధ్యాయం చొప్పున ప్రపంచ వ్యాప్తంగా నెల నెల నిర్వహించటము జరుగుతోంది. ఇప్పటివరకు ఐదు అధ్యాయాలు జయప్రదంగా జరుపుకున్నాము.వచ్చే ఆదివారం ఆరవ అధ్యాయ పారాయణ జరుపుకోబోతున్నాము.ఈ సకల కళా దర్శిని నెల కొల్పటంలో ముఖ్య ఉద్దేశ్యం మన భారతీయ సంస్కృతి, సంప్రదాయాలు, కళలు, సాహిత్యం ఎంతో అమూల్యమైనవి, తరగని విలువైన సంపద. ఇది తర తరాలకు అనంత వాహిని లా ప్రవహించేలా అందచేయటం బాధ్యతగా భావించాను. అమ్మ భాషతో అనుబంధం ఉండాలి. మన తెలుగునాట అద్భుతమైన కళాకారులు ఉన్నారు. వారి లోని కళా నైపుణ్యాన్ని గుర్తిస్తూ, ప్రపంచానికి తెలియచేయాలి. అలాగే స్థానికంగా ఉన్న చిన్నారులు, కళాకారులకు కూడా ఈ సకల కళా దర్శిని ఒక చక్కని వేదికగా నిలవాలి అనే అకాంక్ష. ముఖ్యంగా సాహిత్యం, మన తెలుగు భాషా, సంస్కృతులు పరిమళాలు ఎల్లెడలా వ్యాపించాలి. మన మాతృభూమికి దూరంగా ఉంటున్నాము అన్న వెలితి లేకుండా, ఎక్కడ ఉన్నా తెలుగు వారమే, ఖండ ఖండాతరాలలో మన తెలుగు ఉనికిని, ప్రతిభా పాటవాలను చాటుకుంటు, అటకెక్కకుండా అవకాశాలను ఏర్పరుచుకోవడమే ముఖ్య ఆశయం అని సకల కళా దర్శిని సంస్థ లక్ష్యాలను విశదీకరించారు.విజయ మాధవి గొల్లపూడి రచించిన కథల సంపుటి 21 కథలు, జూలై 21 వ తేదీన పవిత్ర గురు పౌర్ణమి రోజున ‘టేస్ట్ ఆఫ్ ఇండియా’ రెస్టారెంట్ గ్రూప్ అధినేత ‘రాజ్ వెంకట రమణ’ చేతులతో పుస్తక ఆవిష్కరణ చేసారు.‘నీ జీవితం నీ చేతిలో’ కథల సంపుటి కి ప్రముఖ చిత్ర కళాకారులు శ్రీ కూచి సాయి శంకర్ గారు ముఖ చిత్రాన్ని అందించారు.పుస్తకం లోని గురువచనం ముందుమాటగా ‘ప్రియమైననీకు’ లేఖారూప కథ తీపి జ్ఞాపకాల స్నేహబంధాన్ని వివరించిన తీరు మధురంగా ఉంది. ఇలా ఒక్కో కథలో ఒక్కోప్రత్యేకత, సున్నితమైన భావాలు, మానవీయత, విలువలు కలిగిన జీవితం లోని పరమార్థం…వంటి సార్వకాలీన, సార్వజనీన విషయాలను మృదువైన, శక్తివంతమైన శైలిలో, హృదయానికి హత్తుకునేలా రచించిన రచయిత్రి సంస్కారానికి, ప్రతిభకి అభినందనలు” అని బ్రహ్మశ్రీ సామవేదం షణ్ముఖ శర్మ గారి మాటలను చదివి వినిపించారు సుశ్మిత.శ్రీమతి చావలి విజయ ‘నీ జీవితం నీ చేతిలో’ 21 కథల సారాంసాన్ని, రచయిత్రి శైలిని వివరిస్తూ, చక్కని సమీక్ష ను అందచేసారు. రచయిత్రి విజయ గొల్లపూడి గారికి సీస, తేటగీతి పద్యమాలికలతో శ్రీమతి విజయ చావలి గారు అభినందన మందారమాలను అందచేశారు. గతంలో తెలుగు పలుకు పత్రికకు 15 ఏళ్ళు సంపాదకునిగా వ్యవహరించిన శ్రీ నారాయణ రెడ్డి గారు కూడా ‘నీ జీవితం నీ చేతిలో’ కథల సంపుటిపై పుస్తక సమీక్ష చేశారు.కవి, రచయిత శ్రీ పెయ్యేటి రంగారావు గారు రచించిన ‘రంగానందలహరి’ పుస్తకాన్ని ఎసెట్ పాయింట్ హోమ్స్ సంస్థ అధినేత రామ్ వేల్ గారు ఆవిష్కరించారు.రంగానందలహరి పుస్తకానికి ప్రణవి గొల్లపూడి ముఖచిత్రాన్ని అందించారు. రంగానందలహరి లోని కావ్య గీతికలను తెలుగు పండితులు శ్రీ తూములూరి శాస్త్రి గారు సమీక్ష చేసారు. తెలుగు భాషాభిమానులను ఈ పుస్తకం అందరినీ చదివింపచేస్తుంది. రాకేందు శేఖరా, ఏడుకొండల ఏలికా రంగానందలహరి లో రచయిత వాడిన పదప్రయోగాలపై శ్రీ పెయ్యేటి రంగారావు గారిని ప్రశంసించారు.శ్రీ తూములూరి శాస్త్రి గారు రంగారావుగారికి అభినందనలతో ప్రశంసా పత్రాన్ని అందించారు.గీ. తెలుగు పదముల సొగసులు తీయదనము వెలుగు జిలుగులు ఆనంద వీచికలతొ రంగరించిన కవితా తరంగ రంగ విహరి! ఈ రంగ యానంద లహరి లహరి! సీ. భక్తిభావము నించ పదకవితాపితా మహుడు కొండొకచోట మదిని నిల్చు సందేశములు పంచ సందోహమెంచగా గురజాడ జాడలే గుర్తు తెచ్చు మానవతావాద మహితోక్తు లందించ నాయని నండూరి నడకలెచ్చు భావకవిత్వంపు పరువాలు పండించ దేవులపల్లియే దీప్తినిచ్చుగీ. భక్తి ఆసక్తి సంసక్తి రక్తి యుక్తి నించి మించిన సాహితీ నియత శక్తి భావ విద్వత్ స్వభావ ప్రభావ మంత రంగరించిరి కవితల రంగరాయ!క. తియ్యని కవితా విరులతొ నెయ్యము సేయంగ మిగుల నేర్పరులౌగా పెయ్యేటి రంగరాయా! వెయ్యారుల వందనములు వినతులు సేతున్! వేద పండితులు శ్రీ నేతి రామకృష్ణ గారు రంగానందలహరి కావ్యగీతికలను సమీక్ష చేసారు. వేదికపై అలంకరించిన రచయితలకు, పండితులకు పుష్పగుచ్ఛం, శాలువాలతో సత్కరించారు.కార్యక్రమానికి విచ్చేసిన డా. చెన్నప్రగడ మూర్తి, డా. జ్యోతి, సిడ్నీ తెలుగు అసోసియేషన్ ప్రెసిడెంట్ శ్రీ ఓలేటి మూర్తి గారు, శ్రీ పోతుకూచి మూర్తిగారు కళాకరులందరికీ ప్రశంసా పత్రాలను అందచేసారు.

దేశం ఏదైనా, ప్రాంతం ఏదైనా అద్దె ఇంటి బాధలు అందరివీ ఒకటే. ఇక ఖరీదైన ఏరియాలో అద్దె ఇల్లు అంటే ఇక చెప్పాల్సిన పనే లేదు. ఈ కష్టాల కత వేరే ఉంటది. కానీ ఖరీదైన బాల్కనీ అద్దె గురించి ఎపుడైనా విన్నారా? ఆస్ట్రేలియాలోని సిడ్నీలో పట్టుమని పది అడుగులు కూడా ఉండని ఒక బాల్కనీ అద్దె వింటే షాకవ్వాల్సిందే. స్టోరీ ఏంటంటే..ఒక విచిత్రమైన ఫేస్‌బుక్ ప్రకటన ఇది. సిడ్నీలోని ఒక ఇంట్లో ఒక బాల్కనీ అద్దెకు ఉందని ఒక యజమాని ప్రకటించాడు. ఒక మనిషికి ఉండేందుకు అవకాశం. దీని అద్దె నెలకు 969 డాలర్లు (రూ. 81,003)అంటూ ఫేస్‌బుక్ మార్కెట్‌ప్లేస్ లిస్టింగ్‌లో వెల్లడించాడు. ఇందులో బెడ్‌, అద్దం కూడా ఉంటుంది. మంచి వెలుతురు, ఎటాచ్డ్‌గా ఉన్న గదిలోపల బాత్రూమ్ వాడుకోవచ్చని, ఇక కరెంట్ బిల్లు, వాటర్ బిల్లు అదనమని చెప్పుకొచ్చాడు. దీంతో ఈ ప్రకటన తెగ వైరల్‌ అవుతోంది.దీంతో నెటిజన్లు విభిన్న రకాలుగా స్పందించారు. బాల్కనీకి ఇంత అద్దా? ఈ బాల్కనీని ఎంచుకునే వాళ్లుంటారా అని మరొకరు వ్యాఖ్యానించారు. కాగా ఇటీవలికాలంలో ఆస్ట్రేలియాలోని సిడ్నీలో గృహాల అద్దె ధరలలో గణనీయమైన పెరుగుదల నమోద వుతోంది. తాజా లెక్కల ప్రకారం 2024 జూన్ త్రైమాసికంలో సిడ్నీ సగటు అద్దె వారానికి 750 డాలర్ల మేర రికార్డు స్థాయిలో ఉంది.అద్దె ఇళ్లకు పోటీ నేపత్యంలో ఆక్షన్‌ ద్వారా అద్దెను కేటయిస్తున్నారంటే పరిస్థితి తీవ్రతను అర్థం చేసుకోవచ్చు.

ఆస్ట్రేలియాలోని సిడ్నీలో హైదరాబాద్‌కు చెందిన వ్యక్తి అనుమానాస్పదం మరణం కలకలం రేపింది. షాద్‌ నగర్‌కి చెందిన అరటి అరవింద్ యాదవ్ అయిదు రోజుల క్రితం అదృశ్యమయ్యాడు. మిస్సింగ్‌ కేసు కూడా నమోదైంది. ఈ క్రమంలో అరవింద్‌ సముద్రంలో శవమై తేలడంతో కుటుంబ సభ్యులు తీవ్ర విషాదంలో మునిగిపోయారు.ఇంటినుంచి వెళ్లిన అరవింద్‌ అనుమానాస్పద స్థితిలో మరణించాడు. సోమవారం అతని మృతదేహం సముద్రంలో కనిపించింది. సిడ్నీలోని సముద్ర తీరానికి కొద్ది దూరంలో అరవింద్ కారును కూడా గుర్తించిన పోలీసులు కేసు నమోదు దర్యాప్తు చేపట్టారు. అతనిది హత్యా, ఆత్మహత్యా అనేకోణంలో ఆరాతీస్తున్నారు. కుటుంబ సమస్యల కారణంగానే అరవింద్ ఆత్మహత్య చేసుకున్నాడని తెలుస్తోంది. ఆస్ట్రేలియా పోలీసులు మృతుడి స్నేహితులు, సహా ఉద్యోగులను విచారిస్తున్నారు. అతని భార్య ప్రస్తుతం ఆస్ట్రేలియాలో ఉంది.కాగా ఉద్యోగం నిమిత్తం 12 ఏళ్లుగా సిడ్నీ లో స్థిరపడ్డాడు అరవింద్ 18నెలల క్రితం వివాహం చేసుకున్న అరవింద్‌ భార్య, తల్లితో కలిసి ఆస్ట్రేలియా వెళ్లాడు. ఆరు రోజుల క్రితమే తల్లి షాద్‌నగర్‌కు తిరిగి వచ్చింది. ఇంతలోనే అరవింద్‌ కన్నుమూయడంతో మృతుడి కుటుంబ సభ్యులు తీవ్ర దిగ్భ్రాంతికి గురయ్యారు.2006 ఏప్రిల్ 7న ఏలూరులో జరిగిన లారీ ప్రమాదంలో బీజేపీ నాయకుడు, అరవింద్‌ తండ్రి ఆరటి కృష్ణ యాదవ్ మరణించారు. ఆయన ప్రయాణిస్తున్న కారు లారీని ఢీకొనడంతో అతను అక్కడికక్కడే మరణించాడు. కృష్ణ భార్య, అరవింద్ తల్లి ఉషారాణి షాద్‌నగర్‌లో నివసిస్తున్నారు. భర్త మరణం తరువాత ఒక్కగానొక్కకొడుకును పెంచి పెద్ద చేసింది. పెళ్లి చేసి అంతా బావుంది అనుకుంటున్న సమయంలోనే ఇపుడు అరవింద్‌ కూడా దూరం కావడంతో ఆమె కన్నీరుమున్నీరుగా విలపిస్తోంది.

సిడ్నీ వెస్ట్‌ఫీల్డ్‌  షాపింగ్ మాల్‌లో మారణహోం సృష్టించిన నిందితుడిని జోయెల్‌ కౌచీగా పోలీసులు గుర్తించారు.  మహిళలే లక్ష్యంగా దాడికి పాల్పడ్డాడని పోలీసులు సోమవారం వెల్లడించారు.  జోయెల్‌ మొత్తం ఆరుగురిని పొడిచి చంపగా అందులో ఐదుగురు మహిళలే ఉన్నారని చెప్పారు. అలాగే  ఈ దుర్మార్గుడి దాడిలో గాయపడిన 12 మందిలో మహిళలే  ఎక్కువ ఉండటం గమనార్హం.  దీనిపైనే పోలీసులు  ఇపుడు దృష్టి సారించారు.  మానసిక అనారోగ్యంతో బాధపడుతున్న 40 ఏళ్ల వ్యక్తి మాల్‌లో పెద్ద కత్తితో తిరుగుతూ అరగంట పాటు హల్‌ చల్‌ చేశాడని, ఈ దాడిలో మహిళల్నే  ఎందుకు లక్ష్యంగా చేసుకున్నాడనే దానిపై దర్యాప్తు చేస్తున్నామని ఆస్ట్రేలియా పోలీసులు సోమవారం తెలిపారు. బాధితులను  చైనాకు చెందిన విద్యార్థిని యియువాన్‌ చెంగ్‌ గుర్తించారు. మిగిలిన వాళ్లలో ఒక డిజైనర్, ఒక స్వచ్ఛంద సేవకురాలు, ఒక పారిశ్రామికవేత్త కుమార్తె, 9 నెలల పసిబిడ్డ, ఆమె తల్లితోపాటు,  పాకిస్థాన్‌కు చెందిన 30 ఏళ్ల సెక్యూరిటీ గార్డు ఫరాజ్‌ తాహిర్‌గా గుర్తించారు.  Joel Cauchi’s father: “This crime should never have happened.” @6NewsAU pic.twitter.com/zNEoAveb4E — Roman Mackinnon (@RomanMackinnon6) April 15, 2024 కాబోయే భర్తతో మాట్లాడుతూ ఉండగా  ఆరో బాధితురాలు, చైనా విద్యార్థిని తన కాబోయే భర్తతో ఫోన్‌లో మాట్లాడుతుండగా దుండగుడు కాల్పులు జరిపాడు. దీంతో ఆమె అక్కడికక్కడే ప్రాణాలు  కోల్పోవడం విషాదం. Sydney is a city reeling, in mourning, and desperate for answers to explain Joel Cauchi's heinous knife attack at Bondi Junction. #9News LATEST: https://t.co/BaBiRjwTXk pic.twitter.com/Vd453KKrBU — 9News Sydney (@9NewsSyd) April 15, 2024 ఎవరీ జోయెల్ కౌచి?  ♦ జోయెల్ కౌచి  సోషల్ మీడియా ప్రొఫైల్ ప్రకారం, క్వీన్స్‌లాండ్‌లోని బ్రిస్బేన్ సమీపంలోని టూవూంబా నుండి వచ్చాడు.  స్థానిక ఉన్నత పాఠశాల , విశ్వవిద్యాలయంలో చదివాడు. ♦ జోయెల్ కౌచి తన కుడి చేతిపై  పలు రంగుల్లో డ్రాగన్ టాటూ ఉంది. ఇదే అతణ్ణి గుర్తించడంలో కీలకంగా మారింది.   ♦ టీనేజ్‌నుంచి   మానసిక ఆరోగ్య సమస్యలతో పోరాడుతున్నాడని  కుటుంబం చెబుతోంది. ♦ అడపాదడపా  మెసేజ్‌లద్వారా మాత్రమే టచ్‌ లో ఉండేవాడని అతని తల్లిదండ్రులు మీడియాకు  చెప్పారు. ♦ దాడికి ఒక నెల ముందు, జోయెల్ కౌచి సిడ్నీకి వెళ్లి  ఒక రూం అద్దెకు తీసుకున్నాడు. అక్కడ  జోయెల్‌ వస్తువులను పోలీసులు స్వాధీనం చేసుకున్నారు. 

ఆస్ట్రేలియా రాజధాని సిడ్నీలో గురువారం దారుణం చోటుచేసుకుంది. నగరంలోని బిజీగా ఉంటే ఓ షాపింగ్‌మాల్‌లో కాల్పులు, కత్తిపోట్ల దాడి జరిగింది. వెస్ట్‌ఫీల్డ్‌  బోండీ జంక్ష‌న్‌లోని మాల్‌లోకి  చొరబడిన గుర్తు తెలియని వ్యక్తి కత్తితో విచక్షణారహితంగా దాడికి తెగబడ్డాడు. ఈ ఘటనలో అయిదుగురు పౌరులు మృత్యువాత పడ్డారు. ఈ ఘటన స్థానిక సమయం ప్రకారం శనివారం మధ్యాహ్నం  3. 40 గంటలకు(భారత కాలమాన ప్రకారం 12.30PM ) వెలుగు చూసింది. సమాచారం అందుకున్న పోలీసులు మాల్‌లోకి ప్రవేశించి నిందితుడిని పట్టుకునే ప్రయత్నం చేశారు. ఈ క్రమంలో మహిళా పోలీసు జరిపిన కాల్పుల్లో నిందితుడు కూడా ప్రాణాలు కోల్పోయాడు.  కత్తిపోట్లకు గురై మరో ఎనిమిది మంది గాయపడ్డారు. వారిలో ఒకరి పరిస్థితి విషయంగా ఉన్నట్లు తెలుస్తోంది. క‌త్తిపోట్లు, కాల్పులతో ద‌ద్ద‌రిల్లిన ఆ మాల్ నుంచి వంద‌ల సంఖ్య‌లో జ‌నం ప‌రుగులు తీసిన‌ట్లు ప్ర‌త్య‌క్ష సాక్షులు చెబుతున్నారు. UPDATE: Sydney Terrorist Attack It was an 'ISLAMIC TERROR ATTACK' It's 100% confirm now. Terrorist was Pro - Palestine and Hezbollah. This Jihadi stabbed a 9 month old too. Inhuman cult !! pic.twitter.com/8Enj83dOch — Sunanda Roy 👑 (@SaffronSunanda) April 13, 2024 ప్ర‌స్తుతం ఆ ప్రాంతంలో ప‌రిస్థితి భ‌యాన‌కంగానే ఉంది. మాల్‌లో ఉన్న వారిని అధికారులు బయటకు పంపించారు. అటువైపు ఎవరూ రావొద్దని హెచ్చరించారు. ఘటనకు సంబంధించిన దృశ్యాలు సోషల్‌మీడియాలో ప్రత్యక్షమయ్యాయి. ఈ వీడియోల్లో  ఒక వ్యక్తి పెద్ద కత్తితో మాల్‌లో తిరగడం కనిపిస్తోంది. గాయపడిన వ్యక్తులు నేలపై పడిపోయారు. వారిలో తల్లీబిడ్డ ఉన్నట్లు ప్రత్యక్ష సాక్షులు తెలిపారు. వారి రక్తస్రావాన్ని ఆపేందుకు దుకాణంలోని దుస్తుల్ని ఉపయోగించినట్లు చెప్పారు. అయితే దాడికి గల కారణాలు ఇంకా తెలియరాలేదు. Officer's heroic actions at Sydney mall saved lives. Deserves highest honor, like Cross of Valour, for bravery and selflessness. #Sydney #bondi #Australia pic.twitter.com/ycdiQlom4u — Rudra 🔱 (@invincible39) April 13, 2024

అసలు ఎవరైనా ఎన్నేళ్ల వయసులో రిటైర్‌ అవుతారు.. 58, 60, 65, 70..  మరి ఓ కంపెనీ సీఈవో 12 ఏళ్ల వయసులో రిటైర్‌ అయితేనో! అదీ తన బర్త్‌డే రోజునే ఆ పదవి నుంచి దిగిపోవాలని నిర్ణయించుకుంటేనో!! అస్సలు నమ్మబుద్ధి కావడం లేదు కదూ.. హోంవర్కు చేయాల్సిన వయసులో ఆఫీసు వర్కు చేయడం ఏమిటి? అనేదేగా మీ డౌటు. విషయం తెలియా లంటే.. పదండి మరి ఆస్ట్రేలియాకు.. ఎందుకంటే.. పిక్సీ ఉండేది అక్కడే మరి.. పిక్సీ కర్టిస్‌.. చిన్నప్పటి నుంచే చురుకైన పిల్ల.. బుర్రలో బోలెడన్ని ప్లాన్లు. దీనికి ఆమె తల్లి రాక్సీ జెసెన్కో ప్రోత్సాహం తోడైంది. రాక్సీ సిడ్నీలోని ఓ పీఆర్‌ కంపెనీ డైరెక్టర్‌. పిక్సీ చిన్న వయసులోనే పలు కంపెనీల ఉత్ప­త్తులకు మోడల్‌గా పనిచేసింది. పిక్సిస్‌ బౌ పేరిట హెయిర్‌ బౌస్‌ను అమ్మింది కూడా. అయితే, కరోనా సమయంలో తన దశ తిరిగింది. 2021లో తల్లితో కలిసి పిక్సీస్‌ ఫిడ్జెట్స్‌ పేరిట ఆట బొమ్మల ఆన్‌లైన్‌ స్టోర్‌ను ప్రారంభించింది. అది సక్సెస్‌ కావడంతో ఆస్ట్రేలియా­లో పిక్సీ యంగెస్ట్‌ ఆంట్రప్రెన్యూర్‌గా మారిపోయింది. ఆమె నెల సంపాదన రూ. కోటికి పైనే. తనకు సొంత బెంజ్‌ కారు కూడా ఉంది. ఇన్నాళ్లూ ఆఫీసు వర్కుతో బిజీబిజీగా గడిపిన పిక్సీ ఇప్పుడు స్కూల్‌  హోంవర్కు మీద దృష్టి పెట్టాలని నిర్ణయించుకుంది. తల్లి కూడా అదే చెప్పడంతో తన 12వ బర్త్‌డే రోజున రిటైర్‌ కానుంది. దీనికితోడు పిక్సీ కుటుంబం  ఆమె తండ్రి కర్టిస్‌ పనిచేస్తున్న సింగపూర్‌కు షిఫ్ట్‌ అవ్వాలని నిర్ణయించుకోవడంతో గత శనివారం ప్రీ బర్త్‌డే కం రిటైర్‌మెంట్‌ పార్టీని కూడా ఇచ్చారు. సింగపూర్‌ థీమ్‌తో సాగిన ఈ పార్టీకి వచ్చినవాళ్లందరికీ రూ.4,112 విలువ చేసే స్కిన్‌కేర్‌ ఉత్పత్తులతో కూడిన బహుమతిని కూడా ఇచ్చారు. ఈ గిఫ్ట్‌ను ఆస్ట్రేలియా లగ్జరీ బ్యూటీ బ్రాండ్‌ ఎంకోబ్యూటీ స్పాన్సర్‌ చేసింది. అదండీ.. 12 ఏళ్లకే తన బర్త్‌డే రోజున రిటైర్‌ అవుతున్న ఓ సీఈవో సంగతి.. ఇంతకీ పిక్సీ బర్త్‌డే కం రిటైర్‌మెంట్‌ డేట్‌ చెప్పలేదు కదూ.. ఆగస్టు 16.

సిడ్నీ: ఆస్ట్రేలియాకు చెందిన పాపులర్ రేడియో షో ఫిట్జీ అండ్ విప్పా విత్ కేట్ రిచీలో ఒక మహిళ తన వివాహంలో జరిగిన పెద్ద పొరపాటు గురించి చెప్పుకొచ్చింది. పెళ్ళిలో తన భర్త సంతకం చెయ్యాల్సిన చోట మామగారు సంతకం పెట్టడంతో మామగారితోనే వివాహమైనట్టు మ్యారేజ్ రిజిస్ట్రేషన్ వారు సర్టిఫికెట్ ఇచ్చారని, ప్రస్తుతం తనకు ఇద్దరు భర్తలని చెప్పుకొచ్చింది.  ఆస్ట్రేలియా ప్రఖ్యాత బ్రేక్ ఫాస్ట్ రేడియో షో ఫిట్జీ అండ్ విప్పా విత్ కేట్ రిచీ కార్యక్రమంలో ఆరోజు ఫోన్ చేసిన వారందరినీ తమ జీవితంలో జరిగిన పేద పొరపాట్లగురించి చెప్పమని అడిగారు వ్యాఖ్యాత. దీంతో కిమ్ అనే ఒక మహిళ తాన్ పెళ్ళిలో జరిగిన విచిత్రమైన సంఘటన గురించి చెప్పుకొచ్చింది. నా పెళ్ళికి సాక్షులుగా సంతకం చేయడానికి మా మామగారు అత్తగారు తప్ప ఇంకెవ్వరూ లేరు.  సరిగ్గా పెళ్లి సమయానికి మా అత్తగారు మామగారితో పాటు సాక్షి సంతకం చెయ్యమని నా భర్తను కోరారు. దీంతో వారిద్దరూ ఒకే లైన్ సంతకం చేశారు. తీరా సర్టిఫికెట్లో చూస్తే వధువు అని ఉన్న చోట నా సంతకం ఉంటే వరుడు అని ఉన్నచోట మాత్రం నా భర్తతో పాటు మా మామగారి పేరు కూడా ఉంది. ఆ సర్టిఫికెట్ ను  ఇంకా మార్చకుండా అలాగే భద్రం చేసుకున్నానని తెలిపింది.  ఇది కూడా చదవండి: కిమ్ జోంగ్ చెరలో అమెరికా సైనికుడు.. బయటపడేనా..?

సిడ్నీ: ఆస్ట్రేలియాకు చెందిన ఓ నావికుడు రోజుల తరబడి సముద్రంలో ఒంటరిగా గడిపాడు. తన పడవ ప్రయాణం మధ్యలో చిక్కుకుపోవడంతో సముద్రంలో దిక్కుతోచని స్థితిలో గుండెధైర్యంతో కాలాన్ని నెట్టుకొచ్చాడు. పడవలో అతనికి తోడుగా అతని పెంపుడు కుక్క మాత్రమే ఉంది. రెండు నెలల సుదీర్ఘ నిరీక్షణ తర్వాత మెక్సికో ఓడ ఒకటి అటుగా రావడంతో వారు అతనిని గుర్తించి రక్షించారు.  ఆస్ట్రేలియా నావికుడు టిమ్ షాడోక్ తన పెంపుడు కుక్క బెల్లాతో కలిసి మెక్సికో తీరంలోని లా పాజ్ నగరం నుండి 6000 కిలోమీటర్లు ప్రయాణించి ఫ్రెంచ్ పాలినీషియా చేరుకునేందుకు ప్రయాణమయ్యాడు. కానీ దురదృష్టకర పరిస్థితుల్లో పడవలో సాంకేతిక లోపం తలెత్తి  టిమ్ పసిఫిక్ మహాసముద్రం మధ్యలో చిక్కుకుపోయాడు. చుట్టూ నీరు, అలల హోరు తప్ప మరొకటి కానరాక రెండు నెలలపాటు సాగరం మధ్యలో అలమటించాడు.  సముద్రం అలల తాకిడికి పడవలోని ఎలక్ట్రానిక్ సామాగ్రి బాగా దెబ్బతింది. సరైన ఆహారం లేక ఆకలికి పచ్చి చేపలను తింటూ, దాహానికి వర్షపు నీళ్లను తాగుతూ ఎలాగోలా తనతో పాటు తన కుక్క ప్రాణాలను కూడా నిలబెట్టుకున్నాడు.       మెక్సికోకు చెందిన ఒక పెద్ద ఓడ వారిని గుర్తించి రక్షించింది. అప్పటికే టిమ్ షాడోక్ బాగా గడ్డం పెరిగి, బక్కచిక్కి గుర్తు పట్టలేనంతగా మారిపోయాడు. సహాయక బృందాలు అతడిని రక్షించిన తర్వాత తన పెంపుడు కుక్కతో తిరిగి మెక్సికో చేరుకుని వైద్యపరీక్షలు చేయించుకుని సరైన ఆహారం తీసుకోవాలని అన్నాడు. ఇది కూడా చదవండి: లోదుస్తుల్లో పాములు.. ఎయిర్ పోర్టులో పట్టుబడిన మహిళ

సిడ్నీ: ఆస్ట్రేలియాలోని సిడ్నీ నగరంలో గురువారం భారీ అగ్నిప్రమాదం చోటు చేసుకుంది. స్థానికంగా ఉన్న 7 అంతస్తుల భవనంలో అకస్మాత్తుగా మంటలు చెలరేగాయి. సుమారు 100 మందికిపైగా అగ్నిమాపక సిబ్బంది మంటలను అదుపుచేసేందుకు యత్నిస్తున్నారు.  వివరాల ప్రకారం.. సర్రీ హిల్స్‌ ప్రాంతంలో ఉన్న ఓ 7 అంతస్తుతల భవనంలో పెద్ద ఎత్తున మంటలు చెలరేగాయి. మొదటగా 3 అంతస్తుల్లో మాత్రమే మంటలు మొదలైనప్పటికీ చూస్తుండగానే భవనమంతా వ్యాపించినట్లు స్థానికులు చెబుతున్నారు. మంటలు భారీ ఎత్తున ఎగిసిడటంతో చుట్టు పక్కల భవనాలు కూడా ఆ మంటలు వ్యాపించాయి. దీంతో ఆ పరిసరాలంతా దట్టమైన పొగ కమ్మేసింది. అగ్ని ప్రమాదం కారణంగా భవనం పూర్తిగా దెబ్బతిని చూస్తుండగానే కుప్పకూలింది. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని సహాయకచర్యలు చేపట్టారు. దాదాపు 100 అగ్నిమాపక సిబ్బంది 20 యంత్రాలతో మంటలను అదుపు చేసేందుకు తీవ్రంగా ప్రయత్నిస్తున్నారు. ముందు జాగ్రత్త చర్యల్లో భాగంగా సమీప భవనాల్లోని ప్రజలను అధికారులు ఖాళీ చేయించారు. అగ్నిమాపక కార్యకలాపాలు కొనసాగుతున్నందున ఈ ప్రాంతంలోకి ప్రజలు ఎవరూ రావొద్దని అధికారులు సూచించారు.   Woah huge fire in the heart of Surry Hills right now in Sydney, sent by @annamccrea37 @abcnews @abcsydney. pic.twitter.com/HMQGwmvr2T — Evelyn Leckie (@Evelyn_Leckie) May 25, 2023 SURRY HILLS | Wall collapses as major fire engulfs seven-storey building. New video footage, released by FRNSW, shows the moment a wall from an engulfed building in Surry Hills came crashing down onto the street below. pic.twitter.com/mZeYGg1Kox — Fire and Rescue NSW (@FRNSW) May 25, 2023 చదవండి: ప్రపంచంలోనే అతిపెద్ద హైవే.. 14 దేశాలు దాటేయొచ్చు.. ఎక్కడుందో తెలుసా!

భారత్‌ను అభివృద్ధి చెందిన దేశంగా చేయడమే తన కల అని ప్రధానమంత్రి నరేంద్ర మోదీ పేర్కొన్నారు. ప్రపంచంలో ఎక్కడ ఆపద ఉన్నా భారత్‌ స్పందిస్తోందని.. సమస్య ఏదైనా పరిష్కారానికి భారత్‌ ముందుంటుందని తెలిపారు. అందుకే ప్రస్తుతం భారత్‌ను విశ్వగురు అంటున్నారని పేర్కొన్నారు. సిడ్నీలో మంగళవారం జరిగిన ప్రవాస భారతీయుల ఆత్మీయ సమ్మేళనంలో ప్రధాని మోదీ పాల్గొన్నారు. ప్రవాస భారతీయులు ఆయనకు ఘన స్వాగతం పలికారు. భారతీయ సంప్రదాయం ఉట్టిపడేలా సాంస్కృతిక ప్రదర్శనలతో ఉత్సాహంగా కార్యక్రమం ప్రారంభమైంది. Immense enthusiasm in Sydney for the community programme, which begins soon… pic.twitter.com/K3193pYLEZ — PMO India (@PMOIndia) May 23, 2023 అనంతరం ప్రవాస భారతీయులను ఉద్ధేశించి మోదీ మాట్లాడారు. తనతోపాటు ఈ కార్యక్రమానికి వచ్చిన ఆస్ట్రేలియా ప్రధానికి ధన్యవాదాలు తెలిపారు. తాను మళ్లీ ఆస్ట్రేలియా వస్తానని 2014లోనే వాగ్దానం ఇచ్చానని, ఇచ్చిన మాట ప్రకారం మళ్లీ ఇ‍క్కడకు వచ్చానని తెలిపారు. భారత్‌, ఆస్ట్రేలియా మధ్య మంచి స్నేహం ఉందని ఆయన పేర్కొన్నారు. సిడ్నీలో పర్యటించడం చాలా సంతోషంగా ఉందన్నారు. చదవండి: ఆ‍స్ట్రేలియాలో మోదీ మ్యాజిక్‌.. ఓ రేంజ్‌లో భారతీయుల స్వాగతం! భారత్‌, ఆస్ట్రేలియా బంధాలను 3 సీలు ప్రభావితం చేస్తుంటాయన్నారు. కామన్‌వెల్త్‌, కర్రీ, క్రికెట్‌ మన రెండు దేశాలను కలుపుతున్నాయని తెలిపారు. ఎనర్జీ, ఎకానమీ, ఎడ్యుకేషన్‌ కూడా మన రెండు దేశాలను ఏకం చేస్తున్నాయని పేర్కొన్నారు. భారత్‌, ఆస్ట్రేలియాలను కలిపి ఉంచే మరో బంధం యోగా.. రెండు దేశాల మధ్య నమ్మకమే ప్రధాన వారధి అని అన్నారు. కరోనా సమయంలో ప్రపంచంలోనే అతిపెద్ద వ్యాక్సినేషన్‌ ప్రోగ్రాం భారతదేశంలో జరిగిందన్నారు. ఒక్క క్లిక్‌తో డీబీటీ సాధ్యమైందన్నారు. పర్యావరణ పరిరక్షణకు సౌర విద్యుత్‌ను ప్రోత్సహిస్తున్నామని తెలిపారు.  రెండు దేశాలను కలిపే అంశాల్లో క్రికెట్ కూడా ఉందని ప్రధాని అన్నారు. Special connect between India and Australia... pic.twitter.com/JlMEhGv8sv — PMO India (@PMOIndia) May 23, 2023 ‘ప్రపంచంలో ఎక్కడ ఆపద ఉన్నా భారత్‌ స్పందిస్తోంది. సమస్య ఏదైనా పరిష్కారానికి భారత్‌ ముందుంటుంది. అందుకే ప్రస్తుతం భారత్‌ను విశ్వగురు అంటున్నారు. టర్కీలో భూకంపం వస్తే భారత్‌ అండగా నిలిచింది. భారత్‌, ఆస్ట్రేలియా మధ్య సంబంధాలు మరింత బలపడనున్నాయి. రెండు దేశాల మధ్య వలసల ఒప్పందం జరిగింది. ఇది రెండు దేశాల విద్యార్థులకు ఎంతో ఉపయోగకరం. త్వరలోనే బ్రిస్బెన్‌లో భారత కాన్సులేట్‌ ఏర్పాటు చేయబోతున్నాం. రెండు దేశాల మధ్య మరిన్ని విమాన సర్వీసులు ఏర్పాటు చేస్తాం’ అని మోదీ తెలిపారు. ఆస్ట్రేలియా ప్రధాని ఆంటోని అల్బనీస్‌ కూడా మోదీతోపాటు ఈ కార్యక్రమంలో పాల్గొన్నారు. ఈ సందర్భంగా ఆంటోని మాట్లాడుతూ.. మోదీ ప్రజాదరణను ప్రముఖ రాక్‌స్టార్‌ బ్రూస్‌ స్ప్రింగ్‌స్టీన్‌తో పోల్చారు. ఆయన్ని అభిమానులు ప్రేమగా ‘ది బాస్‌’ అని కూడా పిలుస్తారు. ‘నేను ఈ వేదికపై చివరిసారిగా బ్రూస్ స్ప్రింగ్‌స్టీన్‌ను చూశాను. ప్రధాని మోదీకి లభించిన స్వాగతం అతనికి కూడా లభించలేదు. ‘ప్రధాని మోదీ ది బాస్‌’ అని ఆస్ట్రేలియా ప్రధాని కొనియాడారు. An absolute delight connecting with the Indian diaspora at the community programme in Sydney! https://t.co/OC4P3VWRhi — Narendra Modi (@narendramodi) May 23, 2023

ఢిల్లీ: ఎయిర్‌ ఇండియా విమానంలో ఊహించని ఘటన చోటుచేసుకుంది. విమానం భారీ కుదుపు కారణంగా ఏడుగురు తీవ్రంగా గాయపడ్డారు. ప్రయాణంలో విమానంలో భారీ కుదుపు కారణంగా ప్రయాణికులు ఒక్కసారిగా వణికిపోయి ఆందోళనకు గురయ్యారు.  వివరాల ప్రకారం.. ఎయిరిండియాకు చెందిన బీ787-800 విమానం ఢిల్లీ నుంచి ఆస్ట్రేలియాలోని సిడ్నీకి బయలుదేరింది. అయితే, టేకాఫ్‌ అయిన కొద్దిసేపటి తర్వాత విమానం గాల్లో ఉన్న సమయంలో ఒక్కసారిగా భారీ ఒడిదొడుకులకు లోనైంది. ఒక్కసారిగా విమానం భారీ కుదుపునకు లోనుకావడంతో విమానంలో ప్రయాణిస్తున్న వారంతా వణికిపోయారు. ఈ క్రమంలో​ కుదుపు కారణంగా విమానంలోని ప్రయాణికుల్లో ఏడుగురు తీవ్రంగా గాయపడ్డారు.  ఈ నేపథ్యంలో వెంటనే స్పందించిన విమాన సిబ్బంది.. అందులో ప్రయాణిస్తున్న ఓ వైద్యుడు, నర్సు సహాయంతో వారికి ప్రథమ చికిత్స చేశారు. దీంతో, ప్రమాదం తప్పింది అని డీజీసీఏ ఓ ప్రకటనలో వెల్లడించింది. విమానం సిడ్నీ ఎయిర్‌పోర్టుకు చేరుకోగానే వారందరికీ వైద్య పరీక్షలు నిర్వహించారని తెలిపింది. అందులో ముగ్గురు వైద్య సహాయం తీసుకున్నారని.. మరెవరికీ ఆసుపత్రిలో చేరిక అవసరం కాలేదని సిడ్నీలోని ఎయిరిండియా మేనేజర్‌ తెలిపారు. ఈ ఘటన ప్రమాణికులను చేదు అనుభవాన్ని మిగిల్చింది.  ఇది కూడా చదవండి: సీఎం ప్రసంగిస్తుండగా.. ఏడాది బాలుడిని స్టేజ్‌పైకి విసిరేసిన తండ్రి

NRI Crime News: మాయ మాటలు చెప్పి స్నేహం చేశాడు. అబద్దాలతో ఆకట్టుకున్నాడు. డ్రగ్స్‌ ఇచ్చి అచేతన స్థితిలోకి తీసుకెళ్లి.. మరీ లైంగిక దాడికి పాల్పడ్డాడు. ఆ మృగచేష్టలను తన ఫోన్‌లో బంధించి ఆనందం పొందాడు. ఒకరు కాదు.. ఐదుగురిపై అలా చేశాడు. రాజకీయ నేపథ్యం ఉన్న కారణంగా నేరాల నుంచి బయటపడొచ్చని భావించాడు. కానీ, ఆ కామాంధుడి పాపం పండింది.  ఆస్ట్రేలియాలో భారత కమ్యూనిటీకి ప్రముఖుడు బాలేష్‌ ధన్కడ్‌ను.. సిడ్నీ డౌనింగ్‌ సెంటర్‌ కోర్టు సోమవారం అత్యాచార కేసుల్లో దోషిగా తేల్చింది. ఐదుగురు కొరియన్‌ యువతులను మభ్య పెట్టి, వాళ్లను మత్తుమందు ఇచ్చి మరీ అత్యాచారం చేశాడని నిర్ధారించింది. రాజకీయ బలం ఉన్న మానవ మృగంగా కోర్టు.. సిడ్నీ చరిత్రలోనే నీచమైన రేపిస్ట్‌గా అక్కడి మీడియా బాలేష్‌ను అభివర్ణించడం గమనార్హం.  👉బాలేష్‌ ధన్కడ్‌(43) ఓ డేటా ఎక్స్‌పర్ట్‌. అతనికి వ్యతిరేకంగా 39 అభియోగాలు నమోదు అయ్యాయి. యువతులతో స్నేహం నటించి.. వాళ్లకు ఇంటికి, హోటల్స్‌కు తీసుకెళ్లి డ్రగ్స్‌ ఇచ్చి ఆపై అకృత్యాలకు పాల్పడే వాడు. లైంగిక దాడుల్ని తన ఫోన్‌తో పాటు అలారం క్లాక్‌లో దాచిన సీక్రెట్‌ కెమెరాలోనూ బంధించినట్లు తెలుస్తోంది.  👉జడ్జి మైకేల్‌ కింగ్‌ బెయిల్‌కు నిరాకరించడంతో బాలేష్‌ కోర్టులోనే కన్నీటి పర్యంతం అయ్యాడు. అక్కడే అతని భార్య సైతం కన్నీళ్లు పెట్టుకుంది. బాలేష్‌ మళ్లీ మే నెలలో కోర్టు ముందు హాజరు కావాల్సి ఉంటుంది. ఈ ఏడాదిలోనే అతని శిక్షలు ఖరారు అవుతాయి కూడా.     👉ఇదిలా ఉంటే బాలేష్‌.. బీజేపీ మాజీ సభ్యుడు. ఓవర్సీస్‌ ఫ్రెండ్స్‌ ఆఫ్‌ ది బీజేపీకి గతంలో చీఫ్‌గా పని చేశాడు. ప్రధాని మోదీని సైతం కలిసిన పలు ఫొటోలు వైరల్‌ అయ్యాయి కూడా. 👉తన వైవాహిక జీవితం అస్తవ్యస్తం కావడంతోనే తాను అబద్ధాలతో యువతులను ఆకట్టుకున్నానని బాలేష్‌ అంటున్నాడు. అంతేకాదు.. కోర్టు, లాయర్‌ ఫీజుల కోసం ఆస్తులను అమ్ముకున్నట్లు వెల్లడించాడు. 👉2018లోనే బాలేష్‌ ధన్కడ్‌ కీచక పర్వం వెలుగు చూసింది. ఇతర మహిళలతో సన్నిహితంగా ఉన్న డజనుకుపైగా వీడియోలను పోలీసులు స్వాధీనం చేసుకున్నారు. అతని మృగచేష్టలతో కూడిన ఆ వీడియోల్ని చూసి జ్యూరీ సైతం ఉలిక్కిపడింది.

హైదరాబాద్:  భాగ్యనగరానికి చెందిన ఆ యువతి ఆస్ట్రేలియాలోని స్ట్రాత్‌ ఫీల్డ్‌ మున్సిపల్‌ కార్పొరేషన్‌ కౌన్సిలర్‌గా సేవలు అందిస్తున్నారు. ఖైరతాబాద్‌లోని ఓల్డ్‌ సీఐబీ క్వార్టర్స్‌లో నివసించే పట్లోళ్ల శంకర్‌రెడ్డి, సరళారెడ్డి దంపతుల కూతురు శాండీరెడ్డి ప్రస్తుతం స్ట్రాత్‌ ఫీల్డ్‌ కార్పొరేషన్‌ కౌన్సిలర్‌గా విధులు నిర్వహిస్తున్నారు. అబిడ్స్‌లోని స్టాన్లీ స్కూల్‌లో 10వ తరగతి వరకు, మెహిదీపట్నం సెయింట్‌ ఆన్స్‌ కాలేజీలో డిగ్రీ, హైదరాబాద్‌ సెంట్రల్‌ యూనివర్సిటీలో పీజీ చేసిన శాండీరెడ్డి వివాహ అనంతరం సిడ్నీ వెళ్లారు. అక్కడి పౌరసత్వం తీసుకుని పలు సామాజిక సేవా కార్యక్రమాల్లో విస్తృతంగా పాల్గొన్నారు. స్టేట్‌ ఎమర్జెన్సీ సర్వీస్‌లో స్వచ్ఛంద సేవలు అందించారు. ఆమె సేవలకు ముగ్ధులైన ఆ ప్రాంతవాసులు గత ఏడాది జరిగిన స్ట్రాత్‌ ఫీల్డ్‌ కార్పొరేషన్‌ ఎన్నికల్లో కౌన్సిలర్‌గా పోటీ చేయాలని ప్రోత్సహించారు. దీంతో  ఆమె స్వతంత్ర అభ్యర్థిగా బరిలో చేసి విజయం సాధించారు. ఇటీవల సంక్రాంతికి పండగ కోసం ఆమె నగరానికి వచ్చారు. అక్కడ కౌన్సిలర్‌గా విధులు, ప్రజలకు చేస్తున్న సేవలను వివరించారు.    స్ట్రాత్‌ ఫీల్డ్‌ మున్సిపల్‌ కార్పొరేషన్‌లో మొత్తం ఏడుగురు కౌన్సిలర్లు ఉంటారు. అందులో నేను ఒకదానిని. మాకు ప్రతి నెలా 8 షెడ్యూల్డ్‌ మీటింగ్స్‌ కౌన్సిల్‌లో ఉంటాయి. మాకు వచ్చే ఫిర్యాదులను ఈ సమావేశాల్లోనే కౌన్సిల్‌ దృష్టికి తీసుకెళ్తుంటాం. అక్కడ ఎక్కువగా ఈ–మెయిల్‌ ద్వారానే ఫిర్యాదులు అందుతుంటాయి. ప్రతి ఫిర్యాదును స్వీకరించి కౌన్సిల్‌లో పెడతాం. ఆ సమస్యకు గల కారణం, ఎప్పుడు పరిష్కారం అవుతుంది? తదితర అంశాలను ఫిర్యాదు చేసిన వ్యక్తికి తిరిగి ఈ–మెయిల్‌లోనే పంపించడం జరుగుతుంది.   మా కార్పొరేషన్‌లో ఖర్చు చేసే ప్రతి పైసాను స్థానికులు అడిగి తెలుసుకుంటారు. దేనికైనా డబ్బులు ఖర్చు పెడితే అనవసరమైన పక్షంలో ఆ డబ్బులు ఎందుకు ఖర్చు పెట్టారని నిలదీస్తారు. మేం చెల్లించే పన్నుల ద్వారా జరిగే అభివృద్ధి పనులను మాకు తెలియకుండా చేయకూడదని, ఖర్చు కూడా పెట్టొద్దని అంటుంటారు. తమ ప్రాంతంలో ఏదైనా కొత్త పని కావాలన్నా మాకు ఈ–మెయిల్‌ చేస్తుంటారు. లైట్లు వెలగకున్నా ఫోన్‌ చేస్తుంటారు. వాటిని మేం సమావేశాల్లో పెడతాం.  ప్రతి వారం చెత్త తీసుకెళ్తారు..  మా కార్పొరేషన పరిధిలో వారానికి ఒకసారి చెత్తను తీసుకెళ్తారు. ఈ వారం రోజుల పాటు ప్రజలు తమ ఇళ్లల్లోని చెత్తను రోడ్డు పక్కన పెద్ద పెద్ద డబ్బాల్లో వేస్తుంటారు. రోడ్డు మీద చెట్టు నుంచి రాలిపడ్డ ఆకు కూడా కనిపించదు. ఇక వారంలో రెండు సార్లు రీసైక్లింగ్‌ వ్యర్ధాలను,  చెట్ల నుంచి రాలి పడ్డ ఆకులు, పెరిగే గడ్డి, విరిగిపడే చెట్ల కొమ్మలను తీసుకెళ్తుంటారు.   ఎవరైనా తమ ఇంట్లో కుర్చీలు, టేబుళ్లు విరిగిపోయినా, పాత వస్తువులు పేరుకుపోయినా, పరుపులు, దిండ్లు, ఇతర వస్తువులు ఉంటే వాటిని తీసుకెళ్లాలని కౌన్సిల్‌కు సమాచారం ఇస్తారు. వారం రోజుల్లోనే కౌన్సిల్‌ సిబ్బంది ఆ ఇంటికి వెళ్లి ఆ మొత్తం వ్యర్థాలను తరలిస్తారు. అంతేగాని ఎక్కడంటే అక్కడ వాటిని వేయడం కుదరదు. నిబంధనలు ఉల్లంఘిస్తే సిడ్నీలో ప్రజలకు భారీగా జరిమానాలు విధిస్తారు. జరిమానాలకు భయపడి చాలా మంది తప్పులు చేయరు.    హైదరాబాద్‌లో హెవీ ట్రాఫిక్‌..  హైదరాబాద్‌లో గత వారం రోజులుగా వివిధ ప్రాంతాలకు వెళుతున్నాను. విపరీతమైన ట్రాఫిక్‌ ఉంటోంది. కాలుష్యం కూడా బాగా పెరిగింది. పలు చోట్ల ట్రాఫిక్‌లో అంబులెన్స్‌లు ఇరుక్కుంటున్నాయి. ఈ దృశ్యాలు నా మనసును కలచివేశాయి. ప్రజల్లో బాగా చైతన్యం రావాల్సి ఉంది. సిడ్నీ, మెల్‌బోర్న్‌ నగరాల్లో అంబులెన్స్‌ వస్తుంటే వాహనాలు రెండు వైపులకు తప్పించి అంబులెన్స్‌ను ముందుకు పంపిస్తారు. ఇక్కడ ఆ అవగాహన కనిపించడం లేదు. ట్రాఫిక్, కాలుష్యం తగ్గాలంటే వాహనల సంఖ్య కూడా తగ్గి ప్రజా రవాణా వ్యవస్థ సిడ్నీ నగరంలా పెరగాలి. (క్లిక్ చేయండి: భారత సంతతి వైద్యుడికి యూఎస్‌ సీడీసీలో కీలక పదవి)  

చర్మ క్యాన్సర్‌పై అవగాహన కల్పించేందుకు కొంత మంది వినూత్న కార్యక్రమం చేపట్టారు. బీచ్‌లో ఏకంగా 2500 మంది న‌గ్న ఫోటోషూట్‌లో పాల్గొన్నారు. దీంతో ప్రపంచవ్యాప్తంగా చర్మ క్యాన్సర్‌పై ఫోకస్‌ పెట్టాలని పిలుపునిచ్చారు.  వివరాల ప్రకారం.. ఆస్ట్రేలియాలో చర్మ క్యాన్స‌ర్ బాధితులు ఎక్కువ‌గా ఉన్నారు. దీంతో, చర్మ క్యాన్సర్‌పై అవగాహన కల్పించే ఉద్దేశ్యంతో సిడ్నీలో ఉన్న బాండీ బీచ్ వ‌ద్ద శనివారం ఉద‌యం సుమారు 2500 మంది ఒంటిపై దుస్తులు లేకుండా ఫోటోషూట్‌లో పాల్గొన్నారు. చ‌ర్మ క్యాన్స‌ర్‌పై అవ‌గాహ‌న కోసమే ఈ కార్య‌క్ర‌మాన్ని నిర్వ‌హించినట్టు వారు ఈ సందర్భంగా స్పష్టం చేశారు.  కాగా, ఈ వినూత్న కార్యక్రమాన్ని అమెరికా ఫొటోగ్రాఫ‌ర్ స్పెన్స‌ర్ టునిక్ ఈ ప్రాజెక్టును చేప‌ట్టారు. అయితే అక్క‌డ ప్ర‌జ‌ల్లో అవ‌గాహ‌న క‌ల్పించాల‌న్న ఉద్దేశంతో ఈ ఈవెంట్ నిర్వ‌హించారు. ఇదిలా ఉండగా.. బీచ్‌ల్లో న‌గ్నంగా తిరిగేందుకు ఇటీవ‌లే ఆస్ట్రేలియా ప్రభుత్వం చట్టం చేసింది. దీంతో, వినూత్న కార్యక్రమాన్ని చేపట్టారు.  BREAKING: #BNNAustralia Reports. In an effort to raise awareness about skin cancer, over 2,500 people got nude on Saturday to pose for Spencer Tunick, U.S. photographic artist at Sydney's Bondi Beach, in Australia. #Australia #Sydney #Cancer #Health #Photoshoot pic.twitter.com/v2Uwdzse6a — Gurbaksh Singh Chahal (@gchahal) November 26, 2022

టీ20 వరల్డ్‌కప్‌-2022 ఆడేందుకు ఆస్ట్రేలియాకు వెళ్లి, అత్యాచారం కేసులో ప్రధాన నిం‍దితుడిగా ఆరోపణలు ఎదుర్కొంటున్న శ్రీలంక క్రికెటర్‌ ధనుష్క గుణతిలక చుట్టూ ఉచ్చు బిగుసుకుంటోంది. ఇప్పటికే ఈ కేసులో అరెస్టై బెయిల్‌ కూడా దొరక్క ఇబ్బందులు ఎదుర్కొంటున్న గుణతిలకకు.. సిడ్నీ పోలీసులు కోర్టుకు అందించిన నివేదిక కంటి మీద కునుకు లేకుండా చేస్తుంది. బాధితురాలిపై లైంగిక దాడికి పాల్పడే క్రమంలో గుణతిలక మృగంలా ప్రవర్తించాడని, పలు మార్లు రక్షణ కూడా లేకుండా బలవంతంగా ఆత్యాచారానికి పాల్పడ్డాడని పోలీసులు నివేదికలో పేర్కొన్నారు. బాధితురాలు తిరగబడే సరికి సహనం కోల్పోయిన గుణతిలక.. గొంతు నులిమి, ఊపిరి ఆడనీయకుండా చేశాడని, అలాగే తలను గోడకేసి పలు మార్లు గట్టిగా బాదాడని కోర్టుకు వివరించారు. బాధితురాలు అందించిన సమాచారం మేరకే తాము నివేదికను తయారు చేసి కోర్టులో సమర్పించినట్లు పోలీసులు తెలిపారు. ఈ కేసులో గుణతిలక దోషిగా తేలితే 14 ఏళ్ల వరకు జైలు శిక్షతో పాటు భారీ జరిమానా కూడా పడే అవకాశముందని అన్నారు. ఇదిలా ఉంటే, 31 గుణతిలకపై శ్రీలంక క్రికెట్‌ బోర్డు (ఎస్‌ఎల్‌సీ) ఇదివరకే సస్పెన్షన్‌ వేటు వేసింది. ఏ రకమైన క్రికెట్‌ (స్థాయి, ఫార్మాట్, లీగ్‌) ఆడకుండా నిషేధం విధించింది. కాగా, టీ20 ప్రపంచకప్‌-2022లో శ్రీలంక సూపర్‌ 12 దశలోనే టోర్నీ నుంచి నిష్క్రమించిన విషయం తెలిసిందే. 

సిడ్నీ: టి20 ప్రపంచకప్‌ ఆడేందుకు ఆస్ట్రేలియా వెళ్లిన శ్రీలంక క్రికెటర్‌ దనుష్క గుణతిలక కటకటాల పాలయ్యాడు. ఈ నెల 2న ఓ మహిళపై లైంగిక దాడికి పాల్పడ్డారనే ఆరోపణలతో సిడ్నీ పోలీసులు అతన్ని అరెస్ట్‌ చేశారు. 31 ఏళ్ల గుణతిలకపై అత్యాచారం కేసు నమోదు చేసి తదుపరి దర్యాప్తు చేపట్టినట్లు సిడ్నీ పోలీసులు వెల్లడించారు. దీంతో సూపర్‌–12లో నిష్క్రమించిన శ్రీలంక జట్టు గుణతిలక లేకుండానే ఆదివారం స్వదేశానికి పయనమైంది. ఆన్‌లైన్‌ డేటింగ్‌ ద్వారా పరిచయమైన 29 ఏళ్ల మహిళను రోజ్‌ బేలోని ఇంట్లో కలిసిన లంక క్రికెటర్‌ ఆమెపై అత్యాచారం చేసినట్లు పోలీసులు ప్రాథమిక దర్యాప్తులో పేర్కొన్నారు. క్వాలిఫయింగ్‌ తొలి రౌండ్‌ పోటీల్లో ఒక్క నమీబియాతో ఆడిన గుణతిలక గాయం కారణంగా ఇతర మ్యాచ్‌లు ఆడలేకపోయాడు. ఇప్పటివరకు తన కెరీర్‌లో 8 టెస్టులు, 47 వన్డేలు, 46 టి20లు ఆడిన గుణతిలక వివాదాస్పద క్రికెటర్‌గా ముద్రపడ్డాడు. 2017లో అనుచిత ప్రవర్తన, ట్రెయినింగ్‌ సెషన్‌కు చెప్పాపెట్టకుండా గైర్హాజరు కావడంతో 6 వన్డేల సస్పెన్షన్‌ వేటు వేశారు. 2018లో కర్ఫ్యూ నిబంధనలు అతిక్రమించడంతో ఆరు నెలలు నిషేధం విధించారు. గతేడాది ఇంగ్లండ్‌ పర్యటనలో బయో బబుల్‌ బయటకు రావడంతో ఏడాది పాటు సస్పెండ్‌ చేసి చివరకు ఆరు నెలలకు తగ్గించారు.

సిడ్నీ: భారత సంతతి విద్యార్థిపై ఒక దుండగుడు 11 సార్లు కత్తితో దాడి చేశాడు. ఈ ఘటనలో బాధితుడు తీవ్రంగా గాయపడ్డాడు. పోలీసులు బాధితుడని శుభమ్‌ గార్గ్‌గా గుర్తించారు. అతను సిడ్నీలోని న్యూ సౌత్‌వేల్స్‌ యూనివ‍ర్సిటీలో పీహెచ్‌డీ చేస్తున్నట్లు తెలిపారు. అతని తల్లిదండ్రులు ఉత్తరప్రదేశ్‌లోని ఆగ్రాలో ఉంటారు. శుభమ్‌ ఐఐటీ మద్రాస్‌లో గ్రాడ్యుయేషన్‌ పూర్తి చేసుకుని ఉన్నత చదువుల కోసం ఆస్ట్రేలియాకు వెళ్లాడు. గత నెల అక్టోబర్‌ 6న శుభమ్‌పై దాడి జరిగిన విషయాన్ని తల్లిదండ్రులు తెలిపారు. అలాగే నిందితుడు 23 ఏళ్ల వ్యక్తి అని, అతను ఆ రోజు శుభమ్‌ వద్దకు వచ్చి డబ్బులు డిమాండ్‌ చేశాడని తెలిపారు. ఐతే శుభమ్‌ డబ్బులు ఇచ్చేందుకు నిరాకరించడంతో కత్తితో పలు చోట్ల దాడి చేసి పరారైనట్లు పేర్కొన్నారు. ఆ తర్వాత శుభమ్‌ ఏదోరకంగా సమీపంలోని తన ఇంటికి వెళ్లి తదనంతరం ఆస్పత్రిలో చేరినట్లు తెలిపారు. పోలీసులు సదరు నిందితుడిని అరెస్ట్‌ చేసి విచారిస్తున్నారు.  భాదితుడి తండ్రి రమణివాస్‌ గార్గ్‌ తన కొడుకుకి పొత్తి కడుపులో సుమారు 11 గంటల ఆపరేషన్‌ జరిగినట్లు చెప్పారు. దయచేసి తన కొడుకు చికిత్సకు సాయం అందించమని, అలాగే తాము ఆస్ట్రేలియా వెళ్లేందుకు వీసా వచ్చేలా ఏర్పాటు చేయమని కన్నీటి పర్యంతమయ్యాడు. ఈ మేరకు బాధితుడి చెల్లెలు కావ్య గార్గే ట్విట్టర్‌లో..."సిడ్నీలో ఉన్న తన సోదరుడు శుభమ్‌ గార్గ్‌పై చాలా దారుణమైన దాడి జరిగింది. ప్రస్తుతం అతని పరిస్థితి విషమంగా ఉంది. అతన్ని చూసేందుకు మా కుటుంబానికి అత్యవసర వీసా ఏర్పాటు చేసి సాయం అందించండి" అని ప్రధాని నరేంద్ర మోదీని, విదేశాంగ మంత్రి జై శంకర్‌, ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ని అభ్యర్థిస్తూ ట్వీట్‌ చేశారు. అంతేగాదు తన సోదరుడికి త్వరితగతిన సర్జరీలు చేయకపోతే ఇన్ఫెక్షన్‌ శరీరమంతా వ్యాపిస్తుందని డాక్టర్లు చెప్పారని వాపోయింది.  ఈ మేరకు సిడ్నీలోని భారత రాయబార కార్యాలయం బాధితునికి తగిన సాయం అందిస్తోంది. అంతేగాదు ఆస్ట్రేలియా హై కమిషన్‌ సదరు బాధిత కుటుంబ సభ్యునికి వీసా సౌకర్యం కల్పించనుందని హై కమిషన్‌ ప్రతినిధి తెలిపారు (చదవండి: మళ్లీ పేలిన తుపాకీ.. ఉత్తర కరొలినాలో కాల్పుల కలకలం)

సిడ్నీ: క్వీన్‌ ఎలిజబెత్‌-2 స్వదస్తూరితో రాసిన ఓ లేఖ గురించి ఇప్పుడు చర్చ నడుస్తోంది. ఆ లేఖను ఇంతవరకు ఎవరూ చదివింది లేదు. అలాగే..  భద్రంగా ఓ చోట ఉండిపోయింది. మరి రాణి చనిపోయింది కదా!. అది అలాగే రహస్యంగా ఉండిపోవాల్సిందేనా?..  1986 నంబర్‌లో సిడ్నీ(ఆస్ట్రేలియా) ప్రజలను ఉద్దేశించి.. క్వీన్‌ ఎలిజబెత్‌-2 ఓ లేఖ రాశారు. దానిని సిడ్నీలోని ఓ చారిత్రక భవనం వ్యాలెట్‌లో భద్రంగా దాచారు. అయితే.. అందులో ఏముందనే విషయం అది రాసిన రాణివారికి తప్పా ఎవరికీ తెలియదు. మరి ఇప్పుడు ఆమె మరణించడంతో ఆ లెటర్‌ను బయటకు తీయాలనే డిమాండ్‌ తెర మీదకు వచ్చింది.  అయితే ఆ లెటర్‌ను తెరుస్తారట. అది ఇంకా 63 ఏళ్ల తర్వాత. అంటే.. 2085లో. సిడ్నీ లార్డ్‌ మేయర్‌ను ఉద్దేశిస్తూ.. ఎలిజబెత్‌ రాణి 2 ఆ లేఖను ‘‘2085వ సంవత్సరంలో ఓ మంచి ముహూర్తాన ఆ లేఖను తెరవండి అంటూ ఎలిజబెత్‌ రాణి సంతకం చేశారు. దీంతో ఆమె కోరిక మేరకు అప్పటివరకు గ్లాస్‌ బాక్స్‌లో ఉన్న ఆ లేఖను అలాగే ఉంచాలని సిడ్నీ అధికారులు నిర్ణయించుకున్నారు.  ఇదిలా ఉంటే.. ఆస్ట్రేలియాతో క్వీన్‌ ఎలిజబెత్‌-2కు ప్రత్యేక అనుబంధం ఉంది. పదహారుసార్లు ఆమె ఆ దేశాన్ని సందర్శించారు. 1901లో ఆస్ట్రేలియా స్వాతంత్రం ప్రకటించుకుంది. కానీ, పూర్తి స్థాయి గణతంత్ర రాజ్యంగా ప్రకటించుకోకపోవడంతో టెక్నికల్‌గా ఇంకా బ్రిటన్‌ రాజరికం కిందే ఉన్నట్లయ్యింది. ఆస్ట్రేలియాకు రాణిగా ఎలిజబెత్‌-2 కొనసాగారు.  1999లో ఆమెను ఆ దేశ అధినేతగా తొలగించాలనే డిమాండ్‌ తెర మీదకు వచ్చింది. కానీ, అది వీగిపోయింది. ఇదీ చదవండి: బ్రిటన్‌ రాజకుటుంబం ఆస్తుల విలువెంతంటే..

భూదాన్‌పోచంపల్లి: ఆస్ట్రేలియాలోని న్యూ సౌత్‌వేల్‌ గవర్నర్‌ మార్గరేట్‌ బీజ్‌లీ ఏసీబీక్యూ చేనేత మగ్గంపై పోచంపల్లి ఇక్కత్‌ వస్త్రం నేసి అబ్బురపర్చారు. స్వాతంత్య్ర వజ్రో­త్స­వా­లను పురస్కరించుకుని ఇండియన్‌ ఎక్స్‌పోర్ట్‌ ప్రమో­షన్, కేంద్ర జౌళి శాఖ సంయుక్త ఆధ్వర్యంలో ఆస్ట్రేలియాలోని సిడ్నీలో ఉన్న పవర్‌హౌస్‌­మ్యూజియంలో ‘చరఖా అండ్‌ కర్గా’ పేరిట నిర్వహించిన చేనేత ఇక్కత్‌ కళా ప్రదర్శనలో పోచంపల్లికి చెందిన నేషనల్‌ హ్యాండ్లూమ్‌ మెరిట్‌ సర్టిఫికెట్‌ విన్నర్‌ తడక రమేశ్‌ ఇక్కత్‌ వస్త్రాల తయారీ ప్రత్యక్ష ప్రదర్శనను ఏర్పాటు చేశారు.  సోమవారం భారతదేశ రాయబారి మనీష్‌ గుప్తా ఆధ్వర్యంలో జాతీయ జెండాను ఆవిష్కరించారు. ఈ కార్యక్రమానికి ఆమె బీజ్‌లీ ముఖ్య అతిథిగా హాజరయ్యారు. ఇక్కత్‌ కళ ఎంతో నైపుణ్యంతో కూడుకొన్నదని కొనియాడారు. సిడ్నీలో మొదటిసారిగా ఇక్కత్‌ వస్త్ర తయారీ ప్రదర్శన ఏర్పాటు చేయడం అభినందనీయమని పేర్కొన్నారు. అనంతరం తడక రమేశ్, మాస్టర్‌వీవర్‌ పాలాది యాదగిరిని భారత రాయబారి శాలువా కప్పి సన్మానించారు. (క్లిక్: సిడ్నీలో పోచంపల్లి ఇక్కత్‌ నేత ప్రదర్శన)

భూదాన్‌పోచంపల్లి:  భారత స్వాతంత్య్ర వజ్రోత్సవ వేడుకలను ఆస్ట్రేలియాలోనూ ఘనంగా నిర్వహిస్తున్నారు. ఇందులో భాగంగా సిడ్నీలోని పవర్‌హౌస్‌ మ్యూజియంలో ‘చరఖా అండ్‌ కర్గా’ పేరిట చేనేత హస్తకళల ప్రదర్శన జరుగుతోంది. ఇండియన్‌ ఎక్స్‌పోర్ట్‌ ప్రమోషన్, కేంద్ర జౌళి శాఖ సంయుక్త ఆధ్వర్యంలో జరుగుతున్న ప్రదర్శనలో పోచంపల్లికి చెందిన నేషనల్‌ హ్యాండ్లూమ్‌ మెరిట్‌ సర్టిఫికెట్‌ విన్నర్‌ తడక రమేశ్‌కు అవకాశం వచ్చింది.  తడక రమేశ్‌ మగ్గంపై ఇక్కత్‌ వస్త్రాల తయారీ, చిటీకి కట్టడం, రంగులద్దకం, ఆసుపోయడం వంటి నేత ప్రక్రియలను ప్రత్యక్షంగా ప్రదర్శిస్తున్నారు. ఇండియా నుంచి పోచంపల్లి ఇక్కత్‌తో పాటు బనారస్‌ వస్త్రాల తయారీ ప్రత్యక్ష ప్రదర్శనకు అవకాశ వచ్చిందని రమేష్‌ తెలిపారు. భారత రాయబారి మనీష్‌ గుప్తా ఆధ్వర్యంలో జరుగుతున్న ఈ కార్యక్రమాల్లో ఆగస్టు 15న ఉదయం 10 గంటలకు సిడ్నీలో జాతీయ జెండావిష్కరణ ఉంటుందని, స్థానికంగా ఉన్న భారతీయులందరూ పాల్గొంటారని చెప్పారు. ఈ వేడుకల్లో తాను, మాస్టర్‌వీవర్‌ పాలాది యాదగిరి భాగస్వామికావడం గర్వంగా ఉందన్నారు. (క్లిక్: మిస్‌ ఇండియా యూఎస్‌–2022 రన్నరప్‌గా సంజన)

టీఆర్‌ఎస్‌ పార్టీ వర్కింగ్ ప్రెసిడెంట్, మంత్రి కేటీఆర్‌ జన్మదినాన్ని పురస్కరించుకొని ఆస్ట్రేలియాలోని సిడ్నీ, మెల్బోర్న్ ,కాన్బెర్రా, బ్రిస్బేన్, అడిలైడ్ పట్టణాలలో ఘనంగా వేడుకలు నిర్వహించారు.  టీఆర్‌ఎస్‌ ఆస్ట్రేలియా అధ్యక్షుడు నాగేందర్ రెడ్డి కాసర్ల ఆధ్వర్యంలో ఈ వేడుకలు జరిగాయి. అస్ట్రేలియా రాజధాని కెన్బెర్రాలో రవి సాయల ఆధ్వర్యంలో కేక్ కట్ చేసి సంబరాలు చేశారు.   ఈ సందర్భంగా ఏర్పాటుచేసిన కార్యక్రమంలో రవి  సాయల మాట్లాడుతూ.. తెలంగాణ పునర్నిర్మాణంలో, బంగారు తెలంగాణను సాధించే దిశగా టీఆర్‌ఎస్‌ ఆస్ట్రేలియా పూర్తి సహకారం అందిస్తుందని తెలిపారు. గిఫ్ట్ ఏ స్మైల్ లో బాగంగా మెల్బోర్న్‌లో కల్వకుంట్ల సాయికృష్ణ ఆధ్వర్యంలో పలువురు రక్తదానం చేశారు. ఈ వేడుకలలో టీఆర్‌ఎస్‌ ఆస్ట్రేలియా కోర్  కమిటి నాయకులు ఝాన్సీ నోముల , గాయత్రి అరిగెల, రాకేష్ లక్కరసు , సిద్దు గొర్ల , రమేష్ కైల రుద్ర కొట్టు , వీరేందర్ తదితరులు పాల్గొన్నారు.

సాధారణంగా వారసత్వ ఆస్తులు దక్కాలంటే... పెళ్లి చేసుకోవాలనో, మరేదో నిబంధన పెడుతుంటారు తల్లిదండ్రులు. కానీ ఆస్ట్రేలియాకు చెందిన ఆ తండ్రి మాత్రం ఓ కొత్త నియమం పెట్టాడు. రూ.93 కోట్ల ఆస్తి తన కూతురు క్లేర్‌ బ్రౌన్‌కు చెందాలంటే ఆమె శాశ్వతమైన ఉద్యోగాన్ని సంపాదించాలని, అందులోంచి ఎంతో కొంత సమాజానికి కంట్రిబ్యూట్‌ చేయాలని వీలునామాలో పొందుపరిచాడు. ట్రస్టు నుంచి ఫండ్స్‌ రావడం ఒక్కసారిగా ఆగిపోవడంతో కోర్టును ఆశ్రయించింది. శాశ్వత ఉద్యోగం దొరికితే తప్ప ఆ ఆస్తులను పొందలేవని క్లేర్‌కు చెప్పేసింది కోర్టు. దాంతో ఇరకాటంలో పడింది. ఎంత ప్రయత్నించినా ఉద్యోగం దొరక్కపోవడంతో తండ్రి ఆస్తులు కూడా దక్కడం లేదు. దీంతో చిన్నచిన్న అవసరాల కోసం కూడా తన జీవితభాగస్వామిపై ఆధారపడాల్సి వస్తోందని వాపోతోంది క్లేర్‌. ఉద్యోగమే దొరికితే ఆస్తులతో తనకేం పని అని ప్రశ్నిస్తోంది. ఏడీహెచ్‌డీతో బాధపడుతున్నందున తండ్రి పెట్టిన రెండు నిబంధనలనూ తాను అందుకోలేనని చెబుతోంది. ఆస్తులుండి... అనుభవించలేని ఆమె దీనస్థితికి ఆమె కుటుంబ సభ్యులు సైతం బాధపడుతున్నారు.    చదవండి: అదృష్టమంటే అది.. కలలో వచ్చిన నెంబర్‌తో రెండు కోట్లు గెలుచుకున్నాడు..

First Omicron Death In Australia: ఆస్ట్రేలియా న్యూ సౌత్‌ వేల్స్‌ రాష్ట్రంలో సోమవారం మొదటి ఒమిక్రాన్‌ మరణం సంభవించింది. అంతేకాకుండా నిన్న ఒక్కరోజే 6 వేలకు పైగా కోవిడ్‌ పాజిటివ్‌ కేసులు నమోదయ్యినట్టు ధృవీకరించింది. కాగా పశ్చిమ సిడ్నీలోని ఓ వృద్ధాప్య సంరక్షణ కేంద్రంలో ఒమిక్రాన్‌ సోకిన వ్యక్తి (80)గా గుర్తించారు. సదరు వ్యక్తి వ్యాక్సిన్‌ వేయించుకున్నప్పటికీ ఆరోగ్య సమస్యలు ఉన్నాయని తెల్పింది. దేశంలో అత్యధిక జనాభా కలిగిన రాష్ట్రమైన న్యూ సౌత్ వేల్స్‌లో సోమవారం ఒక్కరోజులోనే 6,324 కొత్త కేసులు నమోదయ్యాయి. ఇంటెన్సివ్ కేర్‌లో 55 మంది ఉండగా, మొత్తం 524 మంది అక్కడి ఆసుపత్రుల్లో చికిత్స పొందుతున్నారు. దీంతో సోమవారం నుంచి న్యూ సౌత్ వేల్స్‌లో కొత్త ఆంక్షలు అమల్లోకొచ్చాయి. బార్‌లు, రెస్టారెంట్లలో వ్యక్తుల మధ్య 2 చదరపు మీటర్ల దూరం పాటించవల్సిందిగా పేర్కొంది. సిబ్బంది కొరత కారణంగా కోవిడ్ -19కి గురైన తర్వాత ఆరోగ్య కార్యకర్తలు సెల్ఫ్‌ క్వారంటైన్‌లో ఉండాలనే నిబంధనను ఎత్తివేయాలని రాష్ట్ర ప్రభుత్వం యోచిస్తున్నట్లు ఆరోగ్య మంత్రి బ్రాడ్ హజార్డ్ మీడియాకు తెలిపారు. ఇప్పటికే అమెరికా, యూకే, ఇజ్రాయెల్‌ దేశాల్లో ఒమిక్రాన్‌ మరణాలు సంభవించిన సంగతి తెలిసిందే! తాజాగా ఆస్ట్రేలియాలో కూడా మరో మరణం నమోదుకావడంతో ప్రపంచవ్యాప్తంగా మొత్తం నాలుగు దేశాల్లో ఒమిక్రాన్‌ మృతి కేసులు సంభవించినట్లు తెలస్తోంది. కాగా 108 దేశాల్లో కొత్త వేరియంట్‌ ఉధృతి కొనసాగుతోంది. చదవండి: మెదడుతో సహా శరీర అన్ని భాగాల్లో వైరస్ ఆనవాలు.. కారణం ఇదే!

విజయానికి వయసు ఎప్పటికీ అడ్డంకి కాదు. సాధారణంగా 16, 17 యేళ్ల నుంచి అంతకంటే పెద్ద వయసున్నవారు బిజినెస్‌ లేదా జాబ్‌ చేయడం చూస్తుంటాం! కానీ 10 యేళ్ల వయసున్న పిల్లలెవరైనా నెల​కు ఏకంగా కొట్ల రూపాయలను సంపాదించడం కనీవినీ ఎరుగునా? మీరు విన్నది అక్షరాల నిజం.. ఐతే ఇదంతా ఎలా సాధ్యపడిందబ్బా! అని ఆశ్చర్యంతో తలమునకలైపోతున్నారని తెలుస్తుందిలే.. వివరాల్లోకెళ్తే.. ఆస్ట్రేలియాకు చెందిన పిక్సిస్‌ కర్టిస్‌ అనే 10 యేళ్ల బాలిక తల్లి సహాయంతో బొమ్మల వ్యాపారం (టాయ్‌ బిజినెస్‌) చేస్తోంది. తద్వారా నెలకు రూ.1 కోటి 4 లక్షలకు పైనే సంపాదిస్తోంది. కలర్‌ఫుల్‌ బొమ్మలతోపాటు, ఆకర్షనీయమైన హెయిర్‌ బ్యాండ్స్‌, క్లిప్స్‌ వంటి (హెయర్‌ యాక్ససరీస్‌) వాటిని నెముషాల్లో అమ్మి పెద్ద మొత్తంలో ఆర్జిస్తుంది. బాలిక తల్లి రాక్సి మీడియాతో మాట్లాడుతూ.. ‘చాలా చిన్న వయసులోనే నా కూతురు బిజినెస్‌లో విజయం సాధించి నా కలను నెరవేర్చింది. నాచిన్నతనంలో 14 యేళ్ల వయసులో మెక్‌డోనాల్డ్స్‌లో పనిచేశాను. కానీ నా కూతురు అంత​​కంటే ఎక్కువే సంపాదిస్తోంది. పిక్సిస్‌ సిడ్నీలో ప్రైమరీ స్కూల్‌లో చదువుతూ బిజినెస్‌ చేస్తోంది. తానుకోరుకుంటే 15 యేళ్లకే రిటైర్‌ అయ్యేలా కూడా ప్లాన్‌ చేశాం. అంతేకాదు కోటి 41 లక్షల రూపాయల విలువైన మెర్సిడెస్‌ కారు కూడా నా కూతురికి ఉంద’ని పేర్కొంది. చదవండి: ‘ఇప్పటికే ఇద్దరాడపిల్లల్ని కన్నాను’..! రోజుల పసికందును చంపిన తల్లి..

కాన్‌బెర్రా: ఇంటి నుంచి తప్పిపోయిన మూడేళ్ల బాలుడు మూడు రోజుల తర్వాత పోలీసులకు దొరికిన ఘటన ఆస్ట్రేలియాలోని ఉత్తర సిడ్నీలో చోటు చేసుకుంది. బాలుడికి బుద్ధిమాంద్యం సమస్య ఉన్నప్పటికీ మూడు రోజుల పాటు అడవిలో జీవించడం పోలీసులను సహా ప్రపంచవ్యాప్తంగా ఉన్న నెటిజన్లను ఆశ్చర్యపరచింది.  బుద్ధిమాంద్యం సమస్యతో బాధపడుతున్న మూడేళ్ల బాలుడు ఆంతోనీ ఏజే ఎల్‌ఫలక్‌ మూడు రోజుల క్రితం తప్పిపోయాడు. తల్లిదండ్రులతో పాటు నివసిస్తున్న పుట్టీ అనే గ్రామం కారడవికి చాలా దగ్గర్లో ఉంటుంది. గ్రామంలోని ఇంటి నుంచి బాలుడు తప్పిపోయిన వెంటనే తల్లిదండ్రులు పోలీసులకు సమాచారం ఇచ్చారు. పోలీసులు సహా వందలాది మంది అడవిలో అన్వేషణ ప్రారంభించారు. ఈ నేపథ్యంలో సోమవారం ఉదయం హెలికాప్టర్‌ ద్వారా పర్యవేక్షిస్తున్న పోలీసులకు బాలుడి జాడ కనిపించింది. చెట్ల మధ్యలో నీటి మడుగు వద్ద కూర్చొని నీరు తాగుతున్న బాలున్ని కెమెరాల ద్వారా గుర్తించారు. అనంతరం అతడిని ఆస్పత్రికి తరలించారు. బాలుడిని చీమలు కుట్టాయని, శరీరంపై గీక్కుపోయిన గాయాలున్నాయని వెల్లడించారు. తమ కుమారుడి ఆచూకీ తెలియడంతో బాలుడి తల్లిదండ్రుల భావోద్వేగం (ఫొటో కర్టెసీ: ఏపీ) ఇంటికి 470 మీటర్ల దూరంలో బాలుడు దొరికాడన్నారు. తల్లి గొంతు వినగానే బాలుడు కళ్లు తెరచి చూశాడని అనంతరం ప్రశాంతంగా నిద్రపోయాడని పేర్కొన్నారు. కేవలం ఓ టీ–షర్ట్, డైపర్‌తో తప్పిపోయిన బాలుడు మూడు రోజుల పాటు అడవిలో జీవించి ఉండటం ఆశ్చర్యం కలిగించిందని పోలీసులు అన్నారు. నీటిని గుర్తించగలిగే సామర్థ్యం కారణంగా డీహైడ్రేషన్‌కు గురికాకుండా ఉండగలిగాడని చెప్పారు. రక్షించేందుకు వెళ్లిన తనను చూసి బాలుడు చిరునవ్వు చిందించడం ఎన్నటికీ మరువలేనని పోలీస్‌ చీఫ్‌ సీమోన్‌ మెరిక్‌ అన్నారు. బాలుడు దొరకడం గొప్ప అద్భుతమని బాలుడి తండ్రి వ్యాఖ్యానించారు. 

సిడ్నీ: భారత్‌లో మొట్టమొదటిసారిగా వెలుగులోకి వచ్చిన కోవిడ్‌–19 డెల్టా వేరియెంట్‌ ప్రపంచ దేశాల వెన్నులో వణుకు పుట్టిస్తోంది. కరోనాను జయించామని ప్రకటించుకున్న ఆస్ట్రేలియా, ఇజ్రాయెల్‌లలో డెల్టా వేరియెంట్‌ కేసులు వెలుగులోకి రావడంతో మళ్లీ ఆంక్షలు విధించారు. ఆఫ్రికా దేశాల్లో ఈ వేరియెంట్‌తో మూడో వేవ్‌ ఉధృత దశకు చేరుకుంది. ఆస్ట్రేలియాలోని అతి పెద్ద నగరమైన సిడ్నీలో లాక్‌డౌన్‌ విధించారు. ఆస్ట్రేలియాలో సాధారణ పరిస్థితులు నెలకొన్న కొన్ని నెలల తర్వాత మళ్లీ కరోనా కేసులు నమోదుకావడం ఆ దేశాన్ని షాక్‌కి గురి చేస్తోంది. సిడ్నీలో కేవలం రెండు వారాల్లోనే 65 కేసులు నమోదయ్యాయి. సిడ్నీ విమానాశ్రయం నుంచి క్వారంటైన్‌ హోటల్‌కి ప్రయాణికుల్ని తీసుకువెళ్లిన డ్రైవర్‌కి తొలుత వైరస్‌ సోకింది. ఆ తర్వాత అత్యంత వేగంగా కేసులు వెలుగులోకి రావడం మొదలయ్యాయి. దీంతో ఒక వారం పాటు ఇళ్ల నుంచి ఎవరూ బయటకు రావద్దంటూ సిడ్నీలో పూర్తి లాక్‌డౌన్‌ విధించారు.   ఒకే రోజు 227 కేసులు ఇజ్రాయెల్‌లో మాస్కులు అక్కర్లేదని ప్రభుత్వం ప్రకటించిన కొద్ది వారాల్లోనే డెల్టా వేరియెంట్‌ కేసులు విజృంభించాయి. రోజుకి 100 వరకు ఈ కేసులు వెలుగులోకి వస్తున్నాయి. గురువారం ఒక్క రోజే 227 కేసులు నమోదు కావడంతో ఇజ్రాయెల్‌ ప్రభుత్వం బహిరంగ ప్రదేశాల్లో మాస్కులు తప్పనిసరి చేస్తూ ఉత్తర్వులు జారీ చేసింది. అయితే కోవిడ్‌ సోకిన వారెవరూ ఆస్పత్రి అవసరం లేకుండా ఇంట్లోనే కోలుకోవడం ఊరట కలిగించే అంశమని ఇజ్రాయెల్‌ కోవిడ్‌ టాస్క్‌ ఫోర్స్‌ చీఫ్‌ నచ్‌మాన్‌ ఆష్‌ చెప్పారు. ఈ ఏడాది ఏప్రిల్‌ వరకు ఒక్క కేసు కూడా బయటకు రాని ఫిజిలో ప్రస్తుతం రోజుకు 300 వరకు కేసులు నమోదవుతున్నాయి. మరోవైపు రష్యాలో రోజుకి 20 వేల కేసులు నమోదవుతున్నాయి. ఆఫ్రికాలోని 12 దేశాల్లో కరోనా కేసులు ప్రమాదకర స్థాయిలో విజృంభిస్తున్నాయి. ఆఫ్రికాలోని 14 దేశాల్లో డెల్టా వేరియెంట్‌ కేసులు కనిపిస్తే కాంగో, ఉగాండాలో అత్యధికంగా నమోదవుతున్నాయని ఆఫ్రికా సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (ఆఫ్రికా సీడీసీ) డైరెక్టర్‌ జాన్‌ కెంగసాంగ్‌ చెప్పారు.   (చదవండి: పండ్ల రసాలు, కెచప్‌లతో కొవిడ్‌ ఫేక్‌ పాజిటివ్‌!)

సిడ్నీ: ఐపీఎల్‌-2021లో పాల్గొన్న ఆసీస్‌ క్రికెటర్లు సురక్షితంగా స్వదేశానికి చేరుకున్నారు. భారత్‌లో కరోనా సెకెండ్‌ వేవ్‌ కారణంగా ఐపీఎల్‌ నిరవధికంగా వాయిదా పడిన విషయం తెలిసిందే. దీంతో ఆసీస్‌ క్రికెటర్లు రెండు వారాలు పాటు మాల్దీవుల్లో ఉన్నారు. అక్కడ నుంచి ఓ ప్రత్యేక విమానంలో సోమవారం ఉదయం సిడ్నీ చేరుకున్నారు. 38 మంది ఆసీస్‌ ఆటగాళ్లు సహా కోచింగ్‌ స్టాఫ్‌ ఆస్ట్రేలియాలో ల్యాండ్‌ అయ్యారు. ప్రముఖ ఆటగాళ్లు డేవిడ్‌ వార్నర్‌, స్టీవ్‌ స్మిత్‌, గ్లెన్ మాక్స్ వెల్, సిడ్నీ విమానశ్రాయానికి చేరుకున్నట్టు ఆస్ట్రేలియా మీడియా తెలిపింది. విమానశ్రాయానికి చేరుకున్న ఆటగాళ్లు నేరుగా సిడ్నీలో ఓ హాటల్‌లో 14 రోజులు క్వారంటైన్లో ఉంటారని ఆ దేశ ప్రభుత్వం స్పష్టం చేసింది. కరోనా బారిన పడిన ఆసీస్‌ మాజీ ఆటగాడు, చెన్నై సూపర్ కింగ్స్‌ హెడ్‌ కోచ్‌ మైక్‌ హస్సీ పూర్తిగా కోలుకోవడంతో స్వదేశాకి వెళ్లిపోయిన సంగతి తెలిసిందే. (చదవండి:సెప్టెంబర్‌లో ఆస్ట్రేలియా పర్యటనకు భారత మహిళల క్రికెట్‌ జట్టు)

సిడ్నీ: ఆసీస్‌ మాజీ క్రికెటర్‌ స్టువర్ట్‌ మెక్‌గిల్‌ కిడ్నాప్‌ వ్యవహారం క్రికెట్‌ ఆస్ట్రేలియాలో కలకలం రేపిన సంగతి తెలిసిందే. ఏప్రిల్‌ 14న మెక్‌గిల్‌ను కిడ్నాప్‌ చేసిన నలుగురు రెండు గంటల పాటు కారులో తిప్పారు. సిడ్నీ నగరానికి దూరంగా గుర్తు తెలియని ప్రదేశానికి తీసుకెళ్లి అతనిపై దాడి చేసి గన్‌తో బెదిరించారు. ఈ ఘటన జరిగిన రెండు వారాల తర్వాత మెక్‌గిల్‌ పోలీసులకు ఫిర్యాదు చేయడంతో విషయం వెలుగులోకి వచ్చింది. తాజాగా బుధవారం మెక్‌గిల్‌ను కిడ్నాప్‌ చేసిన నలుగురిని పోలీసులు అరెస్ట్‌ చేశారు. అయితే నలుగురు కిడ్నాపర్లలో ఒక వ్యక్తి మెక్‌గిల్‌ గర్ల్‌ఫ్రెండ్‌ సోదరుడు కావడంతో కొత్త మలుపు తీసుకుంది. ఇక క్రికెట్ నుంచి రిటైర్మెంట్ ప్రకటించిన తరువాత స్టువర్ట్ మెక్‌గిల్ న్యూట్రల్ బే ఏరియాలోని అరిస్టాటిల్స్ రెస్టారెంట్‌లో జనరల్ మేనేజర్‌గా విధులు నిర్వహిస్తున్నాడు. ఆ రెస్టారెంట్ ఓనర్ మారియా సొటిరోపౌలోస్‌తో పరిచయం పెరిగి అది ప్రేమకు దారి తీసింది. అప్పటినుంచి వారిద్దరు రిలేషన్‌షిప్‌లో ఉన్నారు.  ఈ విషయం మారినో సోదరుడికి తెలియడంతో మెక్‌గిల్ కిడ్నాప్‌కు ప్లాన్ చేసినట్లు పోలీసులు తెలిపారు. తాజాగా కిడ్నాప్‌ వ్యవహారంపై మెక్‌గిల్‌ గర్ల్‌ఫ్రెండ్‌ మారియా స్పందించింది. స్టువర్ట్‌ గిల్‌ను బంధించిన ప్రదేశం 'ఈ విషయం తెలిసినప్పటి నుంచి నేను భయపడుతూనే ఉన్నా. కిడ్నాప్‌ తర్వాత ఆ భయం మరింత పెరిగింది.. ఈ సమయంలో నేను సురక్షితంగా ఉంటానో లేదో తెలియదు. అసలు ఇప్పటికి ఏం జరిగిందో నాకు అర్థం కావడం లేదు. కిడ్నాప్‌ వ్యవహారంలో నా సోదరుడు పాత్ర ఉందని తెలుసుకున్నా. అయినా మేమిద్దరం తోడబుట్టినవాళ్లమే అయినా ఎవరి జీవితాలు వారివి. నా సోదరునితో నాకు మంచి రిలేషన్‌షిప్‌ లేదు.. అందుకే అతనికి దూరంగా ఉంటున్నా. మెక్‌గిల్‌ విషయంలో నా సోదరుడు చేసిన పనికి శిక్ష పడాల్సిందే. అంటూ చెప్పుకొచ్చింది. కాగా స్టువర్ట్‌ మెక్‌గిల్‌ ఆసీస్‌ తరపున 1998-2010 మధ్యకాలంలో 44 టెస్టులు ఆడి 208 వికెట్లు తీశాడు. ఆసీస్‌ దిగ్గజ స్పిన్నర్‌ షేన్ వార్న్ ఓ వెలుగు వెలుగుతున్న స‌మ‌యంలోనే మెక్‌గిల్ అరంగేట్రం చేశాడు. అత‌నితో పోటీ ప‌డి వికెట్లు తీసినా వార్న్‌ నీడలో మెక్‌గిల్‌ అంతగా పాపులర్‌ కాలేకపోయాడు. చదవండి: ఆసీస్‌ మాజీ క్రికెటర్‌ కిడ్నాప్‌.. నలుగురు అరెస్ట్‌

సిడ్నీ: ఆస్ట్రేలియా క్రికెట్‌లో ఒక‌ప్పుడు స‌త్తా చాటిన స్టార్ స్పిన్నర్‌ స్టువర్ట్ మెక్‌గిల్ కిడ్నాప్ కేసులో పోలీసులు న‌లుగురిని అరెస్ట్ చేశారు.బుధ‌వారం తెల్లవారుఝామున‌ వాళ్లను అదుపులోకి తీసుకున్నట్లు పోలీసులు వెల్లడించారు. విషయంలోకి వెళితే..  50 ఏళ్ల మెక్‌గిల్‌ను గ‌త నెల 14న ముగ్గురు వ్యక్తులు కిడ్నాప్ చేశారు. ఓ వాహ‌నంలో సిడ్నీ నుంచి దూరమైన ప్రదేశానికి తీసుకెళ్లి ఓ బిల్డింగ్‌లో బంధించి అత‌న్ని తీవ్రంగా కొట్టి గ‌న్‌తో బెదిరించారు. అత‌ని నుంచి వాళ్లు భారీ మొత్తంలో డిమాండ్ చేశారు. అనంతరం గంట త‌ర్వాత మెక్‌గిల్‌ను విడిచి పెట్టారు. అయితే ఈ ఘటన జరిగిన వారం తర్వాత మెక్‌గిల్‌ కిడ్నాప్‌ విషయాన్ని పోలీసులకు చెప్పాడు. దీంతో విచారణ ప్రారంభించిన పోలీసులు మెక్‌గిల్‌ను కిడ్నాప్‌ చేసిన నలుగురిని అదుపులోకి తీసుకున్నారు. కాగా స్టువర్ట్‌ మెక్‌గిల్‌ ఆసీస్‌ తరపున 1998-2010 మధ్యకాలంలో 44 టెస్టులు ఆడి 208 వికెట్లు తీశాడు. ఆసీస్‌ దిగ్గజ స్పిన్నర్‌ షేన్ వార్న్ ఓ వెలుగు వెలుగుతున్న స‌మ‌యంలోనే మెక్‌గిల్ అరంగేట్రం చేశాడు. అత‌నితో పోటీ ప‌డి వికెట్లు తీసినా వార్న్‌ నీడలో మెక్‌గిల్‌ అంతగా పాపులర్‌ కాలేకపోయాడు. చదవండి: 'నాన్న తొందరగా వచ్చేయ్‌.. నిన్ను మిస్సవుతున్నాం' కరోనా.. విరాళం అందించిన మరో ఆసీస్‌ క్రికెటర్‌

కాన్‌బెర్రా: కిచెన్‌లోకి పాము ప్రత్యక్షమైన సంఘటన ఆస్ట్రేలియాలోని సిడ్నీ నగరానికి చెందిన ఓ వ్యక్తికి ఎదురైంది. సిడ్నీకి చెందిన అలెక్స్‌ వైట్‌ ఒకరోజు సూపర్‌మార్కెట్‌కు వెళ్లి సరుకులను తీసుకొని వచ్చాడు. ఇంటికి వచ్చాక సరుకులను తీస్తుండగా ఒక్కసారిగా ఖంగు తిన్నాడు. అతడు తెచ్చిన పాలకూర ప్యాకెట్‌లో పాము ప్రత్యక్షమైంది. పాము బుసలు కొట్టడంతో ఒక్కసారిగా షాక్‌కు గురయ్యాడు. దీంతో అలెక్స్‌ భయపడిపోయి  ప్యాకెట్‌ను దూరంగా విసిరేశాడు. అటవీ శాఖ సిబ్బందికి సమాచారం ఇవ్వడంతో వారు వచ్చి ఆ పామును తీసుకొని వెళ్లారు. ఒకవేళ ఆ పాము కాటువేసి ఉంటే తీవ్రమైన పరిణామాలు ఉండేవని వైర్స్‌ రెస్యూ సిబ్బంది తెలిపారు.  కాగా, అలెక్స్‌ వైట్‌ ఈ విషయాన్ని సూపర్‌ మార్కెట్‌ యాజమన్యానికి తెలిపాడు. పాము సూపర్ మార్కెట్లోకి ఎలా ప్రవేశించిందో అనే విషయాన్ని పరిశీలించగా, ఆస్ట్రేలియాలోని తూవూంబా నగరంలో ఒక ప్యాకింగ్ ప్లాంట్ నుంచి సిడ్నీకి 870 కిలోమీటర్లు పాము ప్రయాణం చేసినట్లు అధికారులు చెప్పారు. ప్యాక్ చేసిన ఉత్పత్తులలో మొదటిసారి పామును చూశామని స్థానిక సిబ్బంది తెలిపారు. అంతేకాకుండా ప్యాకింగ్‌ చేసిన కూరగాయల్లో తరచూ కప్పలు రావడం అక్కడ సర్వసాధారణమే. చదవండి: వైరల్‌: ఏనుగు డాన్స్ చూస్తే నవ్వకుండా ఉండలేం!

సిడ్నీ: ప్రజాస్వామ్యానికి ప్రతీకగా నిలిచే పార్లమెంట్‌ కాస్త బెడ్రూమ్‌గా మారింది. కామవాంఛ తీర్చుకోవడానికి అడ్డాగా మారింది. పార్లమెంట్‌ సిబ్బంది యథేచ్ఛగా రాసలీలలు కొనసాగిస్తూ పార్లమెంట్‌కు మచ్చ తీసుకువచ్చారు. ఈ ఘటనలు ఆస్ట్రేలియా అధికార పక్షంపై తీవ్ర ఆగ్రహావేశాలు వ్యక్తమవుతున్నాయి. దీంతో కంగారు దేశంలో కలకలం రేపుతోంది. పార్లమెంట్‌లో ఆవరణలో సిబ్బంది రాసలీలల ఫొటోలు, వీడియోలు లీకవడంతో తీవ్ర వివాదాస్పదమవుతోంది. ఆ ఫొటోలు, వీడియోలతో ఆ దేశ మీడియా కథనాలు ప్రచురించడంతో బహిర్గతమైంది. దీంతో వెంటనే ప్రభుత్వం దిద్దుబాటు చర్యలు చేపట్టింది. ఈ క్రమంలోనే ఒకరిపై వేటు వేయగా.. రక్షణ శాఖ మంత్రి క్షమాపణలు చెప్పారు. పార్లమెంట్‌లోని ప్రేయర్‌ రూమ్‌ను ఉద్యోగి టామ్‌ బెడ్రూమ్‌గా చేసుకున్నారు. అతడితో పాటు ఎంతో మంది సిబ్బంది ఈ విధంగా చేశారు. తోటి సిబ్బందితో పాటు బయటి నుంచి వేశ్యలను పిలిపించుకుని రాసలీలలు కొనసాగించారని ఆ దేశ ప్రధాన మీడియా బహిర్గతం చేసింది. ఓ మహిళ ఎంపీకి సంబంధించిన క్యాబీన్‌లో ఈ కామ కార్యాలు కొనసాగాయని తెలిపింది. దీనికి సంబంధించిన ఫొటోలు, వీడియోలు విడుదలయ్యాయి. సోషల్‌ మీడియాలో వాటికి సంబంధించినవి ట్రెండవుతున్నాయి.  ఈ రాసలీలల కేసులో కేవలం టామ్‌ పేరు మాత్రమే బయటకు వచ్చింది. మిగతా వారి వివరాలు గోప్యంగా ఉంచారు. త్వరలోనే వారిని గుర్తించి చర్యలు తీసుకునే అవకాశం ఉంది. అయితే ఆ వీడియోలు 2019 నాటివి. రెండేళ్ల కిందటి వీడియోలు ఇప్పుడు తీవ్ర దుమారం రేపుతున్నాయి. ఈ రాసలీలపై ప్రజలు ఆగ్రహం వ్యక్తం చేస్తున్నారు. ఈ సందర్భంగా మంగళవారం పార్లమెంట్‌ ముట్టడికి ప్రయత్నించారు. ఈ విషయంలో గతంలోనే ఓ మహిళ లైంగిక దాడి జరిగిందని ఆరోపించింది. ఈ విషయమై ఆ దేశ రక్షణ శాఖ మంతత్రి క్షమాపణ కూడా చెప్పారు. ఈ రాసలీలల ఘటనపై ప్రధానమంత్రి స్కాట్‌ మారిసన్‌ స్పందించారు. ఈ వీడియోలు షాక్‌కు గురి చేశాయని చెప్పారు. సభను మళ్లీ ఆర్డర్‌లోకి పెట్టాలని, రాజకీయాలను పక్కనపెట్టి సమస్యను గుర్తించాలని సూచించారు. చదవండి: ఏం తెలివబ్బా.. మాస్క్‌తో హైటెక్‌ కాపీయింగ్‌ చదవండి: స్టీల్ ప్లాంట్ ఉద్యోగి అదృశ్యం వెనుక మిస్టరీ ఇదేనా..!

సిడ్నీ: వరుసగా రెండో ఏడాది సిడ్నీ సిక్సర్స్‌ జట్టు బిగ్‌బాష్‌ టి20 టోర్నమెంట్‌ టైటిల్‌ను సొంతం చేసుకుంది. శనివారం జరిగిన ఫైనల్లో సిడ్నీ సిక్సర్స్‌ జట్టు 27 పరుగుల ఆధిక్యంతో పెర్త్‌ స్కార్చర్స్‌ జట్టును ఓడించింది. తొలుత బ్యాటింగ్‌ చేసిన డిఫెండింగ్‌ చాంపియన్‌ సిడ్నీ సిక్సర్స్‌ జట్టు నిర్ణీత 20 ఓవర్లలో 6 వికెట్ల నష్టానికి 188 పరుగులు సాధించింది. ఓపెనర్‌ జేమ్స్‌ విన్స్‌ (60 బంతుల్లో 95; 10 ఫోర్లు, 3 సిక్స్‌లు) మెరుపు ఇన్నింగ్స్‌ ఆడాడు. ఐదు పరుగుల తేడాలో సెంచరీ అవకాశాన్ని కోల్పోయాడు. 189 పరుగుల లక్ష్యంతో బరిలోకి దిగిన పెర్త్‌ స్కార్చర్స్‌ జట్టు 20 ఓవర్లలో 9 వికెట్లకు 161 పరుగులు చేసి ఓడిపోయింది. ఓపెనర్లు బాన్‌క్రాఫ్ట్‌ (30; 4 ఫోర్లు, సిక్స్‌), లివింగ్‌స్టోన్‌ (45; 3 ఫోర్లు, 2 సిక్స్‌లు) శుభారంభం అందించినా... ఆ తర్వాత వచ్చిన బ్యాట్స్‌మెన్‌ తడబడటంతో పెర్త్‌ విజయానికి దూరమైంది. సిడ్నీ బౌలర్లలో బెన్‌ డ్వార్‌షుస్‌ మూడు వికెట్లు తీయగా... జాక్సన్‌ బర్డ్, సీన్‌ అబాట్, క్రిస్టియన్‌ రెండేసి వికెట్లు పడగొట్టారు.  చదవండి:  దేవుడా.. పెద్ద గండం తప్పింది సిరాజ్‌, కుల్దీప్‌ల గొడవ.. నిజమెంత! What a moment for @SixersBBL 🏆👏🏼#BBL10 pic.twitter.com/EHDTzJSxHC — Fox Cricket (@FoxCricket) February 6, 2021  

మనం ఉంటున్న ఇంట్లో ఒక్క సాలె పురుగు(స్సైడర్‌)ను చూస్తేనే ఒళ్లు జలదరిస్తుంది.. మరి అలాంటిది ఒకే గదిలో కొన్ని వందల సాలీడును చూస్తే పరిస్థితి ఎలా ఉంటుందో ఒకసారి ఊహించండి. సరిగ్గా అలాంటి ఘటనే ఆస్ట్రేలియాలోని సిడ్నీలో చోటుచేసుకుంది. వివరాలు.. పిటీ.ఆర్‌ అనే మహిళ తన కూతురు బెడ్‌రూమ్‌ను శుభ్రం చేద్దామని ఆమె గదికి వెళ్లింది. రూమ్‌ డోర్‌ తీయగానే వందల సంఖ్యలో సాలీడు గోడమీద పాకుతూ ప్రత్యక్షమయ్యాయి.  వాటిని చూడగానే ఆమెకు ఆశ్చర్యం వేసి తన స్నేహితురాలిని పిలిచింది. అసలు ఇంట్లోకి ఇన్ని సాలె పురుగులు ఎలా వచ్చాయా అనుకుంటూ వాటిని వెళ్లగొట్టే ప్రయత్నం చేశారు. కాగా ఇదంతా వీడియో తీసి సోషల్‌ మీడియాలో షేర్‌ చేయడంతో వైరల్‌గా మారింది. 'ఇలాంటి సీన్‌ ఎప్పుడు చూడలేదు.. స్పైడర్‌మ్యాన్‌ సినిమా గుర్తుకు రావడం గ్యారంటీ..  ఒకరోజు ఇలాగే వందల సంఖ్యలో సాలీడులు నా మీదకు వస్తున్నట్లు కల వచ్చిందంటూ' వినూత్న రీతితో కామెంట్లు పెడుతున్నారు. చదవండి: కూతురి కోసం గుండు గీసుకున్న తల్లి So, for everyone saying it's Photoshopped, here is her actual video. pic.twitter.com/2Zcro0nra7 — 💧 Petie R 🇦🇺🌟🦄🌱🌈🌏 (@PrinPeta) January 28, 2021

ఆంక్షలు, అలసిన శరీరాలు, గాయాలు, గెలుపోటములు... అన్నీ అధిగమించిన అనంతరం ఆస్ట్రేలియా పర్యటన ఆఖరి అంకానికి చేరింది. సిడ్నీలో స్ఫూర్తిదాయక ప్రదర్శనతో ఓటమిని తప్పించుకున్న భారత్‌ ఇప్పుడు చివరి సమరానికి సన్నద్ధమైంది. కీలక ఆటగాళ్లు దూరమైన తర్వాత కూడా ఆత్మవిశ్వాసానికి లోటు లేకుండా ఆడిన టీమిండియా మరొక్కసారి బలం కూడదీసుకొని తమ అత్యుత్తమ ప్రదర్శన కనబర్చగలిగితే వరుసగా రెండో సారి కంగారూ పర్యటనను అద్భుతంగా ముగించగలుగుతుంది. కనీసం ‘డ్రా’ చేసినా బోర్డర్‌–గావస్కర్‌ ట్రోఫీని నిలబెట్టుకుంటుంది. మరో వైపు సొంతగడ్డపై భారత్‌ చేతిలో వరుసగా రెండో సిరీస్‌ను చేజార్చుకోరాదని భావిస్తున్న ఆసీస్‌ కచ్చితంగా గెలవాలనే పట్టుదలతో బరిలోకి దిగుతోంది. ‘గాబా’ మైదానంలో 1988నుంచి ఓటమి ఎరుగని ఆస్ట్రేలియా రికార్డు కొనసాగిస్తుందా లేదా రహానే సేన ముందు తలవంచుతుందా చూడాలి! బ్రిస్బేన్‌: వన్డే సిరీస్‌లో పరాజయం, టి20ల్లో సిరీస్‌ గెలుపు తర్వాత టెస్టు సిరీస్‌లో ప్రస్తుతం 1–1తో సమంగా నిలిచిన భారత జట్టు ఆఖరి పోరులో తమ సత్తాను చాటుకునేందుకు బరిలోకి దిగనుంది. శుక్రవారం నుంచి ఇక్కడి ‘గాబా’ మైదానంలో భారత్, ఆస్ట్రేలియా మధ్య చివరిదైన నాలుగో టెస్టు జరగనుంది. మూడో టెస్టులో ప్రదర్శన తర్వాత తాము ఎలాంటి సవాల్‌కైనా సిద్ధమని భారత్‌ నిరూపించగా... కచ్చితంగా మ్యాచ్‌ గెలవాల్సిన స్థితిలో ఆసీస్‌పైనే తీవ్ర ఒత్తిడి ఉంది. ఈ నేపథ్యంలో మరో ఆసక్తికర సమరం ఖాయం.   తుది జట్టులోకి ఎవరు? గాయాలతో జడేజా, విహారి చివరి టెస్టుకు దూరమైనట్లు బీసీసీఐ అధికారికంగా ప్రకటించేసింది. అయితే ప్రధాన పేసర్‌ బుమ్రా విషయంలో మాత్రం ఇంకా పూర్తి స్పష్టతనివ్వలేదు. పొత్తి కడుపులో కండరాల గాయంతో బాధపడుతున్న బుమ్రా 100 శాతం ఫిట్‌గా లేడనేది వాస్తవం. బుధవారం భారత జట్టు ప్రాక్టీస్‌ సెషన్‌లో పాల్గొనగా...బుమ్రా మాత్రం బౌలింగ్‌ చేయలేదు. అయితే బుమ్రా కూడా లేకపోతే పేస్‌ బౌలింగ్‌ మరీ పేలవంగా మారిపోయే అవకాశం ఉండటంతో పూర్తి ఫిట్‌గా లేకపోయినా అతడిని ఆడిస్తారా అనేది చూడాలి. వెన్నునొప్పితో బాధపడుతున్న అశ్విన్‌ పూర్తిగా కోలుకోవాలని టీమ్‌ మేనేజ్‌మెంట్‌ కోరుకుంటోంది. విహారి స్థానంలో మయాంక్‌ తుది జట్టులోకి రావడం దాదాపు ఖాయం. అయితే అతను మిడిలార్డర్‌లో కాకుండా ఓపెనర్‌గానే ఆడితే (రోహిత్‌తో కలిసి) మిగతా బ్యాట్స్‌మెన్‌ ఒక్కో స్థానం దిగువన ఆడతారు. జడేజా స్థానంలో కుల్దీప్‌ యాదవ్‌ రావచ్చు. అయితే బ్రిస్బేన్‌ పిచ్‌ను దృష్టిలో ఉంచుకొని అశ్విన్‌ రూపంలో ఒకే స్పిన్నర్‌ను ఆడించి నాలుగో పేసర్‌ను తీసుకుంటే మాత్రం శార్దుల్‌ ఠాకూర్‌కు అవకాశం ఉంది. బుమ్రా చివరి నిమిషంలో తప్పుకుంటే నటరాజన్‌ అరంగేట్రం చేస్తాడు. బ్యాటింగ్‌లో రహానే, పుజారాలపై ప్రధాన భారం ఉంది. వీరిద్దరు నిలబడితే భారీ స్కోరుకు అవకాశం ఉంటుంది.  రోహిత్, గిల్‌ కూడా రాణిస్తే ప్రత్యర్థిపై ఆధిపత్యం ప్రదర్శించవచ్చు. గత రికార్డుల ప్రకారం ఇది భారత్‌కు అచ్చి రాని మైదానమే అయినా... ఎన్నో ఇలాంటి అసాధ్యమైన ఘనతలను ఇటీవల టీమిండియా తిరగరాస్తూ వచ్చింది. అత్యుత్తమ ప్రదర్శన ఇస్తే ఇది కూడా ఆ జాబితాలో చేరుతుంది.   ఆసీస్‌ ఏం చేస్తుందో! మెల్‌బోర్న్‌లో ఓటమి తర్వాత సిడ్నీలో గెలుపు అవకాశాన్ని చేజార్చుకున్న ఆస్ట్రేలియా ఒక్కసారిగా ఒత్తిడిలోకి పడిపోయింది. బ్రిస్బేన్‌లో ఆడేందుకు భారత్‌ భయపడుతుందంటూ వ్యాఖ్యలు చేసినవారంతా సిడ్నీలో టీమిండియా ప్రదర్శన తర్వాత నోరు విప్పే సాహసం చేయలేదు. కఠిన పరిస్థితుల్లోనూ పదునైన బౌలింగ్‌ను ఎదుర్కొని రహానే బృందం ఆడిన తీరు ఆసీస్‌ శిబిరంలో ఆందోళన పెంచింది. ‘36’లాంటి అనూహ్యం సంభవిస్తే తప్ప భారత్‌ను ఓడించలేమని వారికి అర్థమైంది. బ్రిస్బేన్‌లో పరిస్థితి ఆస్ట్రేలియాకు అనుకూలంగా ఉందని తాను చెప్పలేనని స్పిన్నర్‌ లయన్‌ వ్యాఖ్యానించడం పరిస్థితిని చూపిస్తోంది. అమిత భారం మోస్తున్న ముగ్గురు ప్రధాన పేసర్లలో ఒకరు టెస్టుకు ముందు తప్పుకునే ప్రమాదం కూడా ఉందని వినిపిస్తోంది. అదే జరిగితే ఆసీస్‌ మరింత బలహీనంగా మారిపోతుంది. ఫిట్‌గా లేకపోయినా మరో సారి వార్నర్‌ను ఎలాగైనా ఆడించాలని జట్టు సిద్ధమైంది. స్మిత్‌ ఫామ్‌లోకి రావడమే ఆ జట్టుకు పెద్ద ఊరట. అతనితో కలిసి లబ్‌షేన్‌ కూడా రాణిస్తే ఆతిథ్య జట్టు గెలుపుపై ఆశలు పెట్టుకోవచ్చు. ► నాథన్‌ లయన్‌కు ఇది 100వ టెస్టు మ్యాచ్‌. అతను ఈ మైలురాయి చేరనున్న 13వ ఆస్ట్రేలియా క్రికెటర్‌. మరో 4 వికెట్లు తీస్తే అతను టెస్టుల్లో 400 వికెట్లు కూడా పూర్తి చేసుకుంటాడు. ► బ్రిస్బేన్‌లో 6 టెస్టులు ఆడిన భారత్‌ ఒక్కటి కూడా గెలవలేదు. 5 ఓడి 1 మ్యాచ్‌ డ్రా చేసుకుంది. మరో వైపు ఈ మైదానంలో ఆడిన 62 టెస్టుల్లో 40 గెలిచిన ఆసీస్‌ 8 మాత్రమే ఓడింది. 1988లో విండీస్‌ చేతిలో ఓడిన తర్వాత గత 31 టెస్టుల్లో ఆ జట్టుకు ఇక్కడ పరాజయం ఎదురవలేదు.

సిడ్నీ: ఆసీస్‌తో జరిగిన మూడో టెస్టులో భారత్‌ ఓటమి నుంచి తప్పించుకోవడంలో హనుమ విహారి, రవిచంద్రన్‌ అశ్విన్‌ చూపించిన తెగువపై అన్ని వైపుల నుంచి ప్రశంసలు లభిస్తున్న సంగతి తెలిసిందే. ఆసీస్‌ పేసర్ల బౌన్సర్లు వీరిని కలవరపెట్టినా ఏ మాత్రం బెదరకుండా ఇ‍న్నింగ్స్‌ ఆడిన తీరు అద్భుతమనే చెప్పొచ్చు. కాగా విహారీ, అశ్విన్‌ల ఆటతీరుపై తెలంగాణ ఐటీశాఖ మంత్రి కేటీఆర్‌ ట్విటర్‌ వేదికగా ప్రశంసలు కురిపించాడు. (చదవండి: దుమ్మురేపిన జడేజా.. అగ్రస్థానంలో విలియమ్సన్‌) 'నిజంగా నిన్న అద్భుతమైన టెస్టు మ్యాచ్‌ చూశా! విహారి, అశ్విన్‌లిద్దరు ఒత్తిడిని అధిగమించి బ్యాటింగ్‌ కొనసాగించిన తీరుకు ఫిదా అయ్యా. ఆటలో భాగంగా ఆసీస్‌ బౌలర్ల నుంచి పదునైన బౌన్సర్లతో గాయాలవుతున్న అవేవి మిమ్మల్ని ఆపలేదు.. పైగా ఓటమిని దరిచేయకుండా అద్భుతమైన ఇన్నింగ్స్‌ను ఆడారు. మ్యాచ్‌ను డ్రా చేయాలనే మీ సంకల్ప దృడత్వాన్ని ఇక మీదట అలాగే కొనసాగించండి. మ్యాచ్‌ విజయం కన్నా డ్రాగా ముగించడం మరింత ఆనందాన్నిచ్చింది.'అంటూ తెలిపారు. ఇక మ్యాచ్‌ విషయానికి వస్తే.. హనుమ విహారి (161 బంతుల్లో 23 నాటౌట్‌; 4 ఫోర్లు), రవిచంద్రన్‌ అశ్విన్‌ (128 బంతుల్లో 39 నాటౌట్‌; 7 ఫోర్లు)ల మారథాన్‌ భాగస్వామ్యంతో మ్యాచ్‌ ‘డ్రా’గా ముగిసింది. వీరిద్దరు 42.4 ఓవర్లపాటు క్రీజ్‌లో నిలిచి ఆరో వికెట్‌కు 62 పరుగులు జోడించారు. ఆసీస్‌ బౌలర్లు ఎన్ని ప్రయత్నాలు చేసినా ఈ జోడీని విడదీయడంలో విఫలమయ్యారు. మ్యాచ్‌లో టాప్‌ స్కోరర్‌గా నిలిచిన స్టీవ్‌ స్మిత్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. ఈ నెల 15 నుంచి బ్రిస్బేన్‌లో చివరిదైన నాలుగో టెస్టు జరుగుతుంది. (చదవండి: బుమ్రా ఔట్‌.. డైలమాలో టీమిండియా)

సిడ్నీ: టీమిండియాతో జరిగిన మూడో టెస్ట్‌లో ఆసీస్‌ కెప్టెన్‌ టిమ్‌ పైన్‌ భారత్‌ బౌలర్‌ అశ్విన్‌పై చేసిన వ్యాఖ్యలపై అన్నివైపుల నుంచి పెద్ద ఎత్తున విమర్శలు వ్యక్తమయ్యాయి. దీంతో పైన్‌ తన ప్రవర్తన పట్ల క్షమాపణ చెప్పుకున్నాడు. భారత స్పిన్నర్‌ అశ్విన్‌పై తాను చేసిన వ్యాఖ్యల పట్ల సిగ్గుపడుతున్నట్లు పేర్కొన్నాడు. ఈ నేపథ్యంలో మ్యాచ్ అనంతరం టిమ్‌ పైన్ మాట్లాడాడు. (చదవండి: ‘భారత్‌కు వచ్చినప్పుడు చూపిస్తా’) 'అశ్విన్‌తో అలా ప్రవర్తించి ఉండకూడదు..నా చర్యకు సిగ్గుపడుతున్నా.భవిష్యత్‌లో ఇలా జరగకుండా జాగ్రత్తగా ఉంటానన్నాడు.తన మాటలతో తప్పుడు సంకేతాలిచ్చానని పశ్చాత్తాపం వ్యక్తం చేశాడు. మైదానంలో స్టంప్‌మైక్‌ ఉంటుందన్న విషయం తెలిసి కూడా దురదృష్టవశాత్తూ నా మాటలతో తప్పుడు సంకేతాలిచ్చాను. అది తెలిసి చాలా బాధపడ్డాను. ఆటలో జాగ్రత్తగా ఉండాలని నిన్న జరిగిన చర్యతో తెలుసుకున్నాడు. భవిష్యత్తులో ఇలా జరగకుండా మంచి పేరు తెచ్చుకోడానికి ప్రయత్నిస్తా.' అని పైన్‌ పేర్కొన్నాడు. సిడ్నీ వేదికగా జరిగిన ఈ మ్యాచ్‌లో భారత్ ఓటమి నుంచి గట్టెక్కిన విషయం తెలిసిందే. హనుమ విహారి, రవిచంద్రన్ అశ్విన్ నిలకడైన బ్యాటింగ్‌తో మ్యాచ్ ఫలితం తేలకుండా ముగిసింది. అయితే ఈ ఇద్దరి బ్యాటింగ్‌కు విసిగిపోయిన పైన్.. స్లెడ్జింగ్‌కు పాల్పడ్డాడు. కాగా ఆటలో భాగంగా మూడోరోజు కూడా పైన్‌ పుజారా ఔట్‌ విషయంలోనూ ఫీల్డ్‌ అంపైర్‌ విల్సన్‌పై మండిపడిన విషయం తెలిసిందే. అంపైర్‌పై ఆగ్రహం వ్యక్తం చేసినందుకు  పైన్‌పై ఐసీసీ నిబంధన 2.8 ప్రకారం మ్యాచ్ ఫీజులో 15 శాతం జరిమానా విధించడంతో పాటు ఒక డీ మెరిట్ పాయింట్ కేటాయించారు.(చదవండి: స్టీవ్‌ స్మిత్‌..  మళ్లీ చీటింగ్‌ చేశాడు..!)

సిడ్నీ: ఈ సిరీస్‌లో జరిగిన రెండు టెస్టులు ఆఖరి రోజు దాకా సాగనేలేదు. ఐదో రోజు బంతి గమనం ఎలా ఉంటుందో ఎవరికీ తెలియదు. అయితే ఆసీస్‌ పేస్‌ బలం పదునుగా ఉంది. తొలి ఇన్నింగ్స్‌ను శాసించింది. రెండో ఇన్నింగ్స్‌లోనూ ఓపెనర్లను తీసి పట్టు బిగించింది. ఇలాంటి పరిస్థితుల్లో మన బ్యాట్స్‌మెన్‌ పోరాటం బహుదూరపు లక్ష్యానికి ఎలా చేరువవుతుందో మరి! క్రీజులో ఉన్న చతేశ్వర్‌ పుజారా (29 బంతుల్లో 9 బ్యాటింగ్‌; 1 ఫోర్‌), కెప్టెన్‌ అజింక్యా రహానే (14 బంతుల్లో 4 బ్యాటింగ్‌)ల భాగస్వామ్యం చివరి రోజు  తొలి సెషన్‌లో కీలకం కానుంది. ఈ జోడీకి సోమవారం ఉదయం సెషన్‌లోనే చుక్కెదురైతే మాత్రం భారత్‌ పరాజయాన్ని... ఆస్ట్రేలియా 2–1 ఆధిక్యాన్ని... ఎవరూ అడ్డుకోలేరు.   ఇదీ ఈ టెస్టు సంగతీ! భారత్‌ ముందు ఆస్ట్రేలియా 407 పరుగుల కఠిన లక్ష్యాన్ని నిర్దేశించింది. ఓపెనర్లు రోహిత్‌ శర్మ (98 బంతుల్లో 52; 5 ఫోర్లు, 1 సిక్స్‌), శుబ్‌మన్‌ గిల్‌ (64 బంతుల్లో 31; 4 ఫోర్లు) కాసేపు ఓపిగ్గా ఆడారు. ప్రత్యర్థి పేస్‌ బౌలింగ్‌ను చక్కగానే ఎదుర్కొన్నారు. 71 పరుగుల దాకా సాఫీగా సాగిపోయిన రెండో ఇన్నింగ్స్‌ను మొదట హాజల్‌వుడ్, కాసేపటికే కమిన్స్‌ కుదిపేశారు. దీంతో భారత్‌ వంద పరుగులలోపే ఓపెనర్లిద్దరినీ కోల్పోయి కష్టాల్లో పడింది. కుదురుగా ఆడుతున్న గిల్‌ను హాజల్‌వుడ్, అర్ధసెంచరీ సాధించిన రోహిత్‌ శర్మను కమిన్స్‌ ఔట్‌ చేశారు. ఇప్పుడైతే చేతిలో 8 వికెట్లున్నా... గాయపడిన రవీంద్ర జడేజా బ్యాట్‌ పట్టలేని పరిస్థితి. మిగతా బౌలర్లను తీసేస్తే స్పెషలిస్టు బ్యాట్స్‌మెన్‌ నలుగురే చేతిలో ఉన్నారు. కానీ ఇంకా భారత్‌ చేయాల్సినవి 309 పరుగులు. చివరిరోజు ఎదుర్కోవాల్సిన ఓవర్లు 90. రోజంతా ఆడినా టెస్టుల్లో 309 పరుగులు చేయడం కష్టమే. క్రీజులో నిలబడితే ‘డ్రా’ అవుతుందేమో తప్ప... భారత్‌ విజయానికి చేరువ కాలేనంత దూరంలోనే ఉంది. ముగ్గురు ఫిఫ్టీ... తొలి ఇన్నింగ్స్‌లో చితగ్గొట్టిన లబ్‌షేన్, స్మిత్‌లు రెండో ఇన్నింగ్స్‌లోనూ భారత్‌కు మింగుడు పడని స్కోర్లే చేశారు. వీళ్లిద్దరితో పాటు కామెరాన్‌ గ్రీన్‌ కూడా అర్ధశతకం సాధించడంతో భారత లక్ష్యం కొండంత అయ్యింది. ఆదివారం ముందుగా ఓవర్‌నైట్‌ స్కోరు 103/2తో నాలుగో రోజు ఆట కొనసాగించిన ఆస్ట్రేలియా రెండో ఇన్నింగ్స్‌లో 87 ఓవర్లలో 6 వికెట్ల నష్టానికి 312 పరుగుల వద్ద డిక్లేర్‌ చేసింది. ఓవర్‌నైట్‌ బ్యాట్స్‌మన్‌ లబ్‌షేన్‌ (118 బంతుల్లో 73; 9 ఫోర్లు), స్టీవ్‌ స్మిత్‌ (167 బంతుల్లో 81; 8 ఫోర్లు, 1 సిక్స్‌) అర్ధసెంచరీలు సాధించారు. వీళ్లిద్దరు మూడో వికెట్‌కు 103 పరుగులు జోడించాక... లబ్‌షేన్‌ ఔటయ్యాడు. జట్టు స్కోరు 138 పరుగుల వద్ద నవ్‌దీప్‌ సైనీ బౌలింగ్‌లో సబ్‌స్టిట్యూట్‌ కీపర్‌ సాహాకు క్యాచ్‌ ఇచ్చి అతను నిష్క్రమించాడు. మరో 10 పరుగులు జతయ్యాక మాథ్యూ వేడ్‌ (4)ను సైనీనే పెవిలియన్‌ చేర్చాడు. క్రీజులోకి వచ్చిన గ్రీన్, అక్కడే పాతుకుపోయిన స్మిత్‌ జట్టు స్కోరును 200 పరుగులు దాటించారు. కాసేపటికే స్మిత్‌ను అశ్విన్‌ ఎల్బీగా పంపించాడు. తర్వాత కూడా భారత్‌కు పట్టుచిక్కలేదు. గ్రీన్‌ (132 బంతుల్లో 84; 8 ఫోర్లు, 4 సిక్సర్లు)తో పాటు కెప్టెన్‌ పైన్‌ (52 బంతుల్లో 39 నాటౌట్‌; 6 ఫోర్లు) టీమిండియా బౌలింగ్‌ను తేలిగ్గా ఎదుర్కొన్నారు. వీరిద్దరి మధ్య 104 పరుగుల భాగస్వామ్యం నమోదైంది. దీంతో ఆతిథ్య జట్టు స్కోరు 300 పరుగులు దాటింది. బుమ్రా... గ్రీన్‌ను ఔట్‌ చేయడంతో జట్టు స్కోరు 312 పరుగుల వద్ద కెప్టెన్‌ పైన్‌ రెండో ఇన్నింగ్స్‌ను డిక్లేర్‌ చేశాడు. తొలి ఇన్నింగ్స్‌లో 94 పరుగుల ఆధిక్యంతో భారత చేదించాల్సిన లక్ష్యం కాస్త  400 పరుగులను దాటింది. ► అత్యధికసార్లు ఒకే టెస్టు మ్యాచ్‌లో సెంచరీతోపాటు అర్ధసెంచరీ కూడా చేసిన బ్యాట్స్‌మన్‌గా జాక్వస్‌ కలిస్‌ (11 సార్లు–దక్షిణాఫ్రికా) పేరిట ఉన్న రికార్డును ఈ మ్యాచ్‌లో స్టీవ్‌ స్మిత్‌ (11 సార్లు) సమం చేశాడు. రికీ పాంటింగ్‌ (10 సార్లు–ఆస్ట్రేలియా) రెండో స్థానంలో నిలిచాడు. ► విదేశీ గడ్డపై టెస్టులోని నాలుగో ఇన్నింగ్స్‌లో భారత ఓపెనర్లు 50 కంటే ఎక్కువ పరుగుల భాగస్వామ్యాన్ని నమోదు చేయడం 17 ఏళ్ల తర్వాత ఇదే తొలిసారి. చివరిసారి 2006లో వెస్టిండీస్‌తో సెయింట్‌ కిట్స్‌లో జరిగిన టెస్టులో సెహ్వాగ్‌–వసీమ్‌ జాఫర్‌ జంట తొలి వికెట్‌కు 109 పరుగులు జోడించింది. ► టెస్టు ఇన్నింగ్స్‌లో సబ్‌స్టిట్యూట్‌ ఫీల్డర్‌ అత్యధికంగా నాలుగు క్యాచ్‌లు తీసుకోవడం ఇది రెండోసారి. 2001లో బంగ్లాదేశ్‌తో టెస్టులో యూనిస్‌ ఖాన్‌ (పాక్‌) నాలుగు క్యాచ్‌లు... తాజా సిడ్నీ టెస్టులో భారత సబ్‌స్టిట్యూట్‌ కీపర్‌ సాహా నాలుగు క్యాచ్‌లు పట్టారు. ► కష్టాలన్నీ భారత్‌నే చుట్టుముట్టాయి. కొండంత లక్ష్యం... ఓపెనర్ల నిష్క్రమణ... జడేజా బ్యాట్‌ పట్టలేని స్థితి. 90 ఓవర్లు ఎదుర్కొనేందుకు స్కోరు బోర్డుపై 8 వికెట్లు కనబడుతున్నా... స్పెషలిస్టు బ్యాట్స్‌మెన్‌ అందులో సగమే (నలుగురే). క్లిష్టమైన ఎదురీత ఎందాక సాగుతుందో నేటి ఉదయం సెషన్‌ గడిస్తేగానీ తెలియదు. ఆఖరి రోజంతా ఆడే సత్తా, భారీ భాగస్వామ్యం, క్రీజులో పాతుకుపోయే బ్యాట్స్‌మెన్‌ ఉంటే టీమిండియా కనీసం ‘డ్రా’తోనైనా గట్టెక్కవచ్చు. స్కోరు వివరాలు ఆస్ట్రేలియా తొలి ఇన్నింగ్స్‌: 338; భారత్‌ తొలి ఇన్నింగ్స్‌: 244; ఆస్ట్రేలియా రెండో ఇన్నింగ్స్‌: వార్నర్‌ (ఎల్బీడబ్ల్యూ) (బి) అశ్విన్‌ 13; పకోవ్‌స్కీ (సి) సబ్‌–సాహా (బి) సిరాజ్‌ 10; లబ్‌షేన్‌ (సి) సబ్‌–సాహా (బి) 73; స్మిత్‌ (ఎల్బీడబ్ల్యూ) (బి) అశ్విన్‌ 81; వేడ్‌ (సి) సబ్‌–సాహా (బి) సైనీ 4; గ్రీన్‌ (సి) సబ్‌–సాహా (బి) బుమ్రా 84; పైన్‌ (నాటౌట్‌) 39; ఎక్స్‌ట్రాలు 8; మొత్తం (87 ఓవర్లలో 6 వికెట్లకు డిక్లేర్డ్‌ ) 312 వికెట్ల పతనం: 1–16, 2–35, 3–138, 4–148, 5–208, 6–312. బౌలింగ్‌: బుమ్రా 21–4–68–1, సిరాజ్‌ 25–5–90–1, సైనీ 16–2–54–2, అశ్విన్‌ 25–1–95–2. భారత్‌ రెండో ఇన్నింగ్స్‌: రోహిత్‌ శర్మ (సి) స్టార్క్‌ (బి) కమిన్స్‌ 52; శుబ్‌మన్‌ గిల్‌ (సి) పైన్‌ (బి) హాజల్‌వుడ్‌ 31; పుజారా (బ్యాటింగ్‌) 9; రహానే (బ్యాటింగ్‌) 4; ఎక్స్‌ట్రాలు 2; మొత్తం (34 ఓవర్లలో 2 వికెట్లకు) 98. వికెట్ల పతనం: 1–71, 2–92. బౌలింగ్‌: స్టార్క్‌ 6–0–27–0, హాజల్‌వుడ్‌ 8–3–11–1, కమిన్స్‌ 9–1–25–1, లయన్‌ 9–3–22–0, గ్రీన్‌ 2–0–12–0.

సిడ్నీ: ఆసీస్‌తో జరుగుతున్న మూడో టెస్టులో టీమిండియా బౌలర్‌ మహ్మద్‌ సిరాజ్‌కు ఆదివారం మరోసారి చేదు అనుభవం ఎదురైంది. శనివారం మూడో రోజు ఆటలో భాగంగా సిరాజ్‌, బుమ్రాలపై జాతి వివక్ష వ్యాఖ్యలతో విరుచుకుపడిన సంగతి తెలిసిందే. దీనిపై ఇప్పటికే క్రికెట్‌ ఆస్ట్రేలియా బీసీసీఐని క్షమాపణ కోరింది. మరోవైపు ఐసీసీ కూడా దీనిని సీరియస్‌గా భావించి కఠిన చర్యలు తీసుకోవాలని భావిస్తుంది. ఇదంతా జరిగి ఒకరోజు గడవక ముందే మరోసారి సిరాజ్‌పై వర్ణ వివక్ష వ్యాఖ్యలు చేసినట్లు తెలిసింది.(చదవండి: బుమ్రా, సిరాజ్‌లపై వర్ణ వివక్ష వ్యాఖ్యలు) నాలుగోరోజు ఆటలో భాగంగా రెండో సెషన్‌లో బౌండరీ లైన్ దగ్గర ఫీల్డింగ్ చేస్తున్న మహ్మద్ సిరాజ్‌ను కొందరు 'బ్రౌన్‌ డాగ్‌, బిగ్‌ మంకీ' అంటూ కామెంట్ చేశారు. దీంతో సిరాజ్ అంపైర్లను ఆశ్రయించి మరోసారి ఫిర్యాదు చేశాడు. సిరాజ్‌తో పాటు కెప్టెన్‌ రహానే ఫిర్యాదుతో కాసేపు చర్చించుకున్న అంపైర్లు ఆటను నిలిపివేసి పోలీసులను రంగంలోకి దింపారు. తనపై కామెంట్ చేసిన వారిని సిరాజ్ గుర్తించాడు. వెంటనే పోలీసులు వాళ్లను స్టేడియం నుంచి బయటికి వెళ్లిపోవాల్సిందిగా సూచించారు. ఇప్పటికే ఈ విషయంపై బీసీసీఐ గుర్రుగా ఉంది. టీమిండియా క్రికెటర్లు వెంటనే మేనేజ్మెంట్‌కు తెలియజేశారు. దీనిపై టీమిండియా మేనేజ్మెంట్ ఐసీసీకి ఫిర్యాదు చేసింది.(చదవండి: కెప్టెన్‌తో గొడవ.. టీమ్‌ నుంచి వెళ్లిపోయిన ఆల్‌రౌండర్‌) ఈ అంశాన్ని తీవ్రంగా పరిగణించిన ఐసీసీ, టీమిండియా ఫిర్యాదును స్వీకరించి విచారణకు సిద్ధమైంది. సిడ్నీ క్రికెట్ మైదానం నిర్వహణ బాధ్యతలు చూస్తున్న 'వెన్యూస్ న్యూసౌత్ వేల్స్' తో కలిసి సీసీ టీవీ కెమెరాల ఫుటేజిని పరిశీలిస్తోంది. కాగా క్రికెటర్లపై ఇలా జాతి వివక్ష కామెంట్లు చేసే ప్రేక్షకులను స్టేడియానికి రాకుండా జీవితకాలం నిషేధం విధించాలంటూ పలువురు మాజీ క్రికెటర్లు అభిప్రాయపడుతున్నారు. ఆస్ట్రేలియాలో పర్యటించే క్రికెట్ జట్లకు ఇలాంటి అనుభవాలు కొత్త కాదు. గతంలోనూ అనేక వివాదాలు వర్ణ వివక్ష వ్యాఖ్యల ఫలితంగానే జరిగాయి. సరిగ్గా 13 ఏళ్ల క్రితం ఇదే సిడ్నీ వేదికలో హర్భజన్‌, సైమండ్స్‌ల మధ్య చోటుచేసుకున్న మంకీ గేట్ వివాదం ఎంత రచ్చగా మారిందో అందరికి తెలిసిందే.(చదవండి: కిందా మీదా పడ్డాడు.. చివరకు రనౌట్‌ చేశాడు) Bring back Kohli for the 4th Test Match This drunk australians are Abusing Siraj non-stop#INDvsAUS pic.twitter.com/C56IIZcfow — Gaurav (@GauravK_8609) January 10, 2021

100 బంతుల్లో 16 పరుగులు... 133 బంతుల్లో 40... 174 బంతుల్లో అర్ధ సెంచరీ... తొలి వంద బంతుల్లో ఒక్క ఫోర్‌ కూడా లేదు... శనివారం చతేశ్వర్‌ పుజారా బ్యాటింగ్‌ సాగిన తీరు ఇది. దీనిపైనే పలువురు మాజీలు, అభిమానుల నుంచి విమర్శలు వచ్చాయి. రికీ పాంటింగ్‌ కూడా ‘ఇది సరైన పద్ధతి కాదు. స్కోరింగ్‌ వేగం మరింత ఎక్కువగా ఉండాల్సింది. ఈ తరహా ఆట ఇతర బ్యాట్స్‌మెన్‌పై తీవ్ర ఒత్తిడి పెంచుతుంది’ అంటూ వ్యాఖ్యానించాడు. అయితే ఇలా ఆడటం ఇదేమీ మొదటిసారి కాదు! నిజానికి ఇదే అతని బలం కూడా. పరుగులు చేయడంలో అతని శైలే ఇది. పుజారా విషయంలో ఇలాంటిది బ్రహ్మాండంగా పని చేస్తుంది కూడా. సుదీర్ఘ సమయం పాటు క్రీజ్‌లో పాతుకుపోయి... ప్రత్యర్థి బౌలర్లు అలసిపోయి, గతి తప్పి పేలవ బంతులు వేసే వరకు వేచి చూడటం... ఆపై పరుగులు రాబట్టడం అతనికి తెలిసిన విద్య. 2018లో జొహన్నెస్‌బర్గ్‌ టెస్టులో 50వ బంతికి తొలి పరుగు తీసిన రోజు కూడా పుజారా శైలిపై విమర్శలు రాలేదు. రెండేళ్ల క్రితం ఆస్ట్రేలియా గడ్డపై తొలిసారి సిరీస్‌ గెలిచినప్పుడు పుజారా ఇదే మంత్రం పఠించాడు. సిరీస్‌ మొత్తంలో అసాధారణంగా సుమారు 30 గంటల పాటు అతను బ్యాటింగ్‌ చేసిన విషయం మరచిపోవద్దు. అతనిలో ‘దూకుడు’ లోపించిందని చెప్పడంలో అర్థం లేదు. సాధారణంగా అయితే నిలదొక్కుకోవడానికి కొంత సమయం తీసుకున్నా... ఆ తర్వాత షాట్లు ఆడుతూ లెక్క సరి చేయడం అగ్రశ్రేణి బ్యాట్స్‌మెన్‌ చేస్తుంటారు. అడిలైడ్‌ టెస్టులో కోహ్లి తన తొలి 80 బంతుల్లో 29 పరుగులే చేసి ఆపై కొంత జోరు పెంచాడు. అయితే పుజారాకు అలాంటి షాట్ల ‘రిస్క్‌’ విలువేమిటో బాగా తెలుసు. శనివారం భారత జట్టు ఉన్న స్థితిలో అలాంటి రిస్క్‌లు కూడా అనవసరమని అతను భావించినట్లున్నాడు. అన్నింటికి మించి ఫామ్‌లో ఉన్న ముగ్గురు అత్యుత్తమ పేసర్లను అతను ఎదుర్కొంటున్నాడు. పిచ్‌ భిన్నంగా స్పందిస్తోంది. ఎన్ని ఎక్కువ బంతులు ఆడితే అన్ని ఎక్కువ పరుగులు చేసే అవకాశం తనకు పెరుగుతుందని అతను అనుకున్నాడు. అన్నింటికి మించి తన సహచరుల బ్యాటింగ్‌ బలంపై కూడా అతనికి అంచనా ఉంది. టెస్టు క్రికెట్‌లో సుమారు 31 వేల బంతులు ఆడిన పుజారాకు తనకు ఏది బాగా పని చేస్తుందో తెలీదా! చివరకు అతను భయపడినట్లే జరిగింది. కమిన్స్‌ వేసిన ఒక అద్భుత బంతికి పుజారా వెనుదిరిగాక జట్టు ఒక్కసారిగా కుప్పకూలింది. అతను కూడా పట్టుదలగా నిలబడకుండా వేగంగా ఆడితే చాలనే భావనలో వెళితే అసలు ఈ మాత్రం స్కోరైనా వచ్చేదా! జట్టు పేలవ ఇన్నింగ్స్‌లో అత్యధిక బంతులు ఎదుర్కోగలిగిన బ్యాట్స్‌మెన్‌ అని చూడకుండా రహానేపై ఒత్తిడి పెరిగి అవుట్‌ కావడానికి కారణమయ్యాడని, అతని ఆట శైలి కారణంగానే విహారి కూడా రనౌట్‌ అయ్యాడని విమర్శించడంలో ఏమాత్రం అర్థం లేదు. నేను బాగా ఆడుతున్న సమయంలో ఒక మంచి బంతికి అవుటయ్యాను. నాకు తెలిసిన శైలిలోనే నేను బ్యాటింగ్‌ చేస్తాను. అంతకంటే మెరుగ్గా నేను ఏమీ చేయలేను. కమిన్స్‌ వేసిన ఆ బంతి ఈ సిరీస్‌లోనే అత్యుత్తమమైంది. నేను ఆడక తప్పని పరిస్థితి. మనది కాని రోజు చిన్న తప్పులు కూడా పెద్దవిగా కనిపిస్తాయి. పుజారా, భారత బ్యాట్స్‌మన్‌

ఆస్ట్రేలియా చేతిలో మూడో టెస్టులో భారత్‌కు భంగపాటు ఎదురయ్యే అవకాశాలు కనిపిస్తున్నాయి. రెండో రోజు ప్రత్యర్థికంటే మెరుగైన స్థితిలో నిలిచి భారీ స్కోరుకు బాటలు వేసుకున్న టీమిండియా బ్యాట్స్‌మెన్‌ వైఫల్యంతో కుప్పకూలింది. ఆసీస్‌ పేస్‌ త్రయం పదునైన బౌలింగ్‌ను ఎదుర్కోలేక మన ఆటగాళ్లు చేతులెత్తేసి భారీ ఆధిక్యం సమర్పించుకున్నారు. రెట్టించిన ఉత్సాహంతో మళ్లీ బరిలోకి దిగిన ఆస్ట్రేలియా మూడో రోజు ఆట ముగిసే సమయానికి తమ ఓవరాల్‌ ఆధిక్యాన్ని 197 పరుగులకు పెంచుకుంది. ఆదివారం కనీసం రెండు సెషన్లలో మరిన్ని పరుగులు జోడించి సవాల్‌ విసిరేందుకు సన్నద్ధమైంది. నాలుగో ఇన్నింగ్స్‌లో బ్యాటింగ్‌ కఠినంగా మారిపోయే చోట మనోళ్లు ఎలా స్పందిస్తారో చూడాలి. సిడ్నీ: బోర్డర్‌–గావస్కర్‌ ట్రోఫీలో ముందంజ వేసే లక్ష్యంతో ఉన్న ఆస్ట్రేలియా అందుకు తగ్గ వేదికను సిద్ధం చేసుకుంది. భారత్‌తో మూడో టెస్టులో మూడో రోజు ఆట ముగిసే సమయానికి ఆసీస్‌ తమ రెండో ఇన్నింగ్స్‌లో 2 వికెట్ల నష్టానికి 103 పరుగులు చేసింది. లబ్‌షేన్‌ (47 బ్యాటింగ్‌), స్మిత్‌ (29 బ్యాటింగ్‌) క్రీజ్‌లో ఉండగా... ఓవరాల్‌ ఆధిక్యం 197 పరుగులకు చేరింది. 35 పరుగులకే ఓపెనర్లు వార్నర్‌ (13), పకోవ్‌స్కీ (10)లను భారత్‌ అవుట్‌ చేసినా... లబ్‌షేన్, స్మిత్‌ మూడో వికెట్‌కు అజేయంగా 68 పరుగులు జోడించి జట్టును పటిష్ట స్థితిలో నిలిపారు. అంతకుముందు భారత్‌ తమ తొలి ఇన్నింగ్స్‌లో 244 పరుగులకు ఆలౌటైంది. చతేశ్వర్‌ పుజారా (176 బంతుల్లో 50; 5 ఫోర్లు) అర్ధ సెంచరీ చేశాడు. ఆసీస్‌ బౌలర్‌ కమిన్స్‌కు 4 వికెట్లు దక్కాయి.   విహారి విఫలం... భారీ స్కోరు సాధించే ఆశలతో మూడో రోజు ఆటలో బరిలోకి దిగిన భారత్‌కు ఏదీ కలిసి రాలేదు. ఆరంభంలోనే కమిన్స్‌ వేసిన బంతిని వికెట్లపైకి ఆడుకొని కెప్టెన్‌ రహానే (22) వెనుదిరిగాడు. ఆంధ్ర క్రికెటర్‌ హనుమ విహారి (4) రనౌటయ్యాడు. ఈ దశలో బ్యాటింగ్‌కు దిగిన రిషభ్‌ పంత్‌ (67 బంతుల్లో 36; 4 ఫోర్లు) తనదైన శైలిలో దూకుడుగా ఆడి చకచకా పరుగులు రాబట్టాడు. 14 పరుగుల వద్ద అతని అవుట్‌ కోసం ఆసీస్‌ డీఆర్‌ఎస్‌ కోరగా, ఫలితం భారత్‌కు అనుకూలంగా వచ్చింది. అయితే కమిన్స్‌ బౌలింగ్‌లో గాయమైన తర్వాత ఏకాగ్రత చెదిరిన పంత్, మరో పది బంతులకే స్లిప్‌లో క్యాచ్‌ ఇచ్చి పెవిలియన్‌ చేరాడు. దురదృష్టవశాత్తూ ఇదే స్కోరు వద్ద భారత్‌ పుజారా వికెట్‌ కూడా కోల్పోయింది. ఆ తర్వాత మిగిలిన నాలుగు భారత వికెట్లు తీసేందుకు ఆసీస్‌కు ఎక్కువ సమయం పట్టలేదు. అయితే సహచరులు వెనుదిరుగుతున్నా... మరో ఎండ్‌లో రవీంద్ర జడేజా (37 బంతుల్లో 28 నాటౌట్‌; 5 ఫోర్లు) కొన్ని చక్కటి షాట్లతో ఒంటరి పోరాటం చేయడంతో ప్రత్యర్థి ఆధిక్యం వంద పరుగుల లోపు పరిమితమైంది. మూడు రనౌట్‌లు... భారత జట్టు పతనంలో రనౌట్లు కూడా కీలకపాత్ర పోషించాయి. తొలి ఇన్నింగ్స్‌లో ఏకంగా ముగ్గురు బ్యాట్స్‌మెన్‌ రనౌట్‌గా వెనుదిరిగారు. 37 బంతుల్లో 4 పరుగులే చేయగలిగిన విహారి ఒత్తిడిలో అనవసరపు పరుగు కోసం ప్రయత్నించి వెనుదిరగాల్సి వచ్చింది. లయన్‌ బౌలింగ్‌లో ముందుకు దూసుకొచ్చి మిడాఫ్‌ దిశగా షాట్‌ ఆడిన అతను అదే ఊపులో సింగిల్‌ పూర్తి చేసేందుకు ఉపక్రమించాడు. అయితే హాజల్‌వుడ్‌ విసిరిన డైరెక్ట్‌ త్రో వికెట్లను కూల్చింది. తర్వాతి వంతు అశ్విన్‌ది. గ్రీన్‌ బౌలింగ్‌లో జడేజా షాట్‌ ఆడి సింగిల్‌ కోసం పిలవగా... కాస్త అలసత్వంతో పరుగెత్తిన అశ్విన్‌ (10) అవతలి ఎండ్‌కు చేరలేక పెవిలియన్‌ బాట పట్టాడు. బుమ్రాతోనూ ఇలాగే జరిగింది. స్టార్క్‌ బౌలింగ్‌లో జడేజా షాట్‌ ఆడి స్ట్రయికింగ్‌ కాపాడుకునేందుకు లేని రెండో పరుగు కోసం ప్రయత్నించాడు. అయితే లబ్‌షేన్‌ విసిరిన త్రో నాన్‌స్ట్రైకింగ్‌ ఎండ్‌లో వికెట్లను పడగొట్టడంతో బుమ్రా ఆట ముగిసింది. 2008లో మొహాలీ టెస్టు (ఇంగ్లండ్‌తో) తర్వాత ఒకే ఇన్నింగ్స్‌లో ముగ్గురు భారత ఆటగాళ్లు రనౌట్‌ కావడం ఇదే తొలిసారి. జడేజా, పంత్‌లకు గాయాలు భారత జట్టును గాయాల బెడద వీడట్లేదు. కొత్తగా ఈ జాబితాలో జడేజా, పంత్‌ చేరారు. కమిన్స్‌ బౌలింగ్‌లో పంత్‌ పుల్‌ షాట్‌ ఆడే ప్రయత్నంలో విఫలం కాగా... బంతి అతని ఎడమ మోచేతిని బలంగా తాకింది. దాంతో తీవ్ర నొప్పితో ఇబ్బంది పడిన అతను స్వల్ప చికిత్స అనంతరం ఆటను కొనసాగించాడు. అయితే భారత ఇన్నింగ్స్‌ ముగిసిన తర్వాత అతడిని స్కానింగ్‌ కోసం తీసుకెళ్లారు. గాయం తీవ్రత తక్కువే కావడం ఊరట కలిగించగా... ఆసీస్‌ రెండో ఇన్నింగ్స్‌లో అతనికి బదులు సాహా కీపింగ్‌ చేశాడు. అవసరమైతే పంత్‌ రెండో ఇన్నింగ్స్‌లో బ్యాటింగ్‌ చేస్తాడు. ఇన్నింగ్స్‌ చివర్లో స్టార్క్‌ వేసిన షార్ట్‌ బంతిని ఎదుర్కొనే క్రమంలో జడేజా ఎడమ చేతి బొటన వేలుకు బలమైన దెబ్బ తగిలింది. విలవిల్లాడిన జడేజాకు కూడా చికిత్స చేసిన తర్వాత స్కానింగ్‌కు పంపారు. జడేజా గాయం మాత్రం భారత్‌కు నష్టం కలిగించే అవకాశం ఉంది.  బీసీసీఐ ఇంకా అధికారికంగా ప్రకటించకపోయినా... అతని వేలుకు ఫ్రాక్చర్‌ అయినట్లు సమాచారం. జడేజా గ్లవ్‌ తొడిగి బ్యాటింగ్‌ చేసే పరిస్థితి లేదని తెలుస్తోంది. అన్నింటికి మించి అది అతని బౌలింగ్‌ చేయి కావడంతో ఈ మ్యాచ్‌తో పాటు చివరి టెస్టులో కూడా జడేజా ఆడే అవకాశాలు తక్కువగా కనిపిస్తున్నాయి. రెండో ఇన్నింగ్స్‌లో ఆస్ట్రేలియా 29 ఓవర్లు ఆడినా జడేజా బౌలింగ్‌ చేయకపోవడం పరిస్థితిని సూచిస్తోంది. స్కోరు వివరాలు ఆస్ట్రేలియా తొలి ఇన్నింగ్స్‌: 338; భారత్‌ తొలి ఇన్నింగ్స్‌: రోహిత్‌ శర్మ (సి అండ్‌ బి) హాజల్‌వుడ్‌ 26; గిల్‌ (సి) గ్రీన్‌ (బి) కమిన్స్‌ 50; పుజారా (సి) పైన్‌ (బి) కమిన్స్‌ 50; రహానే (బి) కమిన్స్‌ 22; విహారి (రనౌట్‌) 4; పంత్‌ (సి) వార్నర్‌ (బి) హాజల్‌వుడ్‌ 36; జడేజా (నాటౌట్‌) 28; అశ్విన్‌ (రనౌట్‌) 10; సైనీ (సి) వేడ్‌ (బి) స్టార్క్‌ 3; బుమ్రా (రనౌట్‌) 0; సిరాజ్‌ (సి) పైన్‌ (బి) కమిన్స్‌ 6; ఎక్స్‌ట్రాలు 9; మొత్తం (100.4 ఓవర్లలో ఆలౌట్‌) 244 వికెట్ల పతనం: 1–70, 2–85, 3–117, 4–142, 5–195, 6–195, 7–206, 8–210, 9–216, 10–244. బౌలింగ్‌: స్టార్క్‌ 19–7–61–1, హాజల్‌వుడ్‌ 21–10–43–2, కమిన్స్‌ 21.4–10–29–4, లయన్‌ 31–8–87–0, లబ్‌షేన్‌ 3–0–11–0, గ్రీన్‌ 5–2–11–0.   ఆస్ట్రేలియా రెండో ఇన్నింగ్స్‌: వార్నర్‌ (ఎల్బీ) (బి) అశ్విన్‌ 13; పకోవ్‌స్కీ (సి) (సబ్‌) సాహా (బి) సిరాజ్‌ 10; లబ్‌షేన్‌ (బ్యాటింగ్‌) 47; స్మిత్‌ (బ్యాటింగ్‌) 29; ఎక్స్‌ట్రాలు 4; మొత్తం (29 ఓవర్లలో 2 వికెట్లకు) 103 వికెట్ల పతనం: 1–16, 2–35. బౌలింగ్‌: బుమ్రా 8–1–26–0, సిరాజ్‌ 8–2–20–1, సైనీ 7–1–28–0, అశ్విన్‌ 6–0–28–1. ► పుజారా అర్ధ సెంచరీకి తీసుకున్న బంతులు. పుజారా కెరీర్‌లో ఇదే నెమ్మదైన అర్ధ సెంచరీ. 2018లో దక్షిణాఫ్రికాతో జొహన్నెస్‌బర్గ్‌లో జరిగిన టెస్టులో పుజారా173 బంతులు ఆడి అర్ధ సెంచరీ సాధించాడు. ► అశ్విన్‌ బౌలింగ్‌లోవార్నర్‌ అవుటవ్వడం ఇది పదోసారి. వార్నర్‌ను ఎక్కువసార్లు అవుట్‌ చేసిన బౌలర్ల జాబితాలో అశ్విన్‌ది రెండో స్థానం. స్టువర్ట్‌ బ్రాడ్‌ (10 సార్లు) తొలి స్థానంలో... అండర్సన్‌ (8 సార్లు) మూడో స్థానంలో ఉన్నారు.  

సిడ్నీ: ఆస్ట్రేలియా కెప్టెన్ టిమ్ పైన్‌  ఫీల్డ్‌ అంపైర్‌ విల్సన్‌పై అసహనం వ్యక్తం చేశాడు. టీమిండియాతో జరుగుతున్న మూడో టెస్టు మ్యాచ్‌లో భారత ఇన్నింగ్స్‌ సమయంలో చతేశ్వర్ పుజారా ఔట్ అంటూ టిమ్ పైన్ డీఆర్‌ఎస్ కోరాడు‌. అయితే నిర్ణయం తనకి వ్యతిరేకంగా రావడంతో సహనం కోల్పోయి ఫీల్డ్ అంపైర్ విల్సన్‌తో వాదనకి దిగాడు. తొలుత సర్దిచెప్పే ప్రయత్నం చేసిన విల్సన్.. టిమ్ పైన్‌ నోరు జారడంతో విల్సన్‌ కూడా సీరియస్‌గానే బదులిచ్చాడు. (చదవండి: ఒకవేళ అక్కడ సచిన్‌ ఉంటే పరిస్థితి ఏంటి?) ఇక అసలు విషయంలోకి వెళితే.. ఇన్నింగ్స్ 56వ ఓవర్ వేసిన స్పిన్నర్ నాథన్ లయన్ బౌలింగ్‌లో చతేశ్వర్ పుజారా.. బంతిని ముందుకు ఫుష్ చేసే ప్రయత్నం చేశాడు. కానీ.. అతను ఊహించని విధంగా టర్న్, బౌన్స్ అయిన బంతి బ్యాట్‌ పక్క నుంచి వెళ్లి పుజారా శరీరాన్ని తాకి.. అనంతరం షార్ట్ లెగ్‌లో గాల్లోకి లేచింది. దాంతో అక్కడే ఫీల్డింగ్ చేస్తున్న మాథ్యూ వెడ్ బంతిని క్యాచ్‌గా అందుకోగా.. ఔట్ కోసం ఆస్ట్రేలియా అప్పీల్ చేసింది. కానీ.. ఫీల్డ్ అంపైర్ విల్సన్ ఆ ఔట్ అప్పీల్‌ని తిరస్కరించాడు. దాంతో ఆసీస్‌ కెప్టెన్ టిమ్ పైన్‌ డీఆర్‌ఎస్ కోరాడు.(చదవండి: వాటే సెన్సేషనల్‌ రనౌట్‌..!) అయితే రిప్లైలో బంతి బ్యాట్‌కి తాకినట్లు హాట్‌స్పాట్, స్నికో మీటర్‌లో ఎక్కడా కనిపించలేదు. దాంతో థర్డ్ అంపైర్ బ్రూస్ ఆక్సన్‌ఫర్ట్ తుది నిర్ణయానికి రాలేక నిర్ణయాధికారం ఫీల్డ్ అంపైర్‌కే వదిలేశాడు. అప్పటికే విల్సన్ నాటౌట్ ఇచ్చి ఉండటంతో.. అతను అదే నిర్ణయానికి కట్టుబడగా సహనం కోల్పోయిన పైన్‌ అసహనం వ్యక్తం చేస్తూ బూతులందుకున్నాడు. పైన్‌ మాటలు విన్న అంపైర్ విల్సన్ 'ఆ నిర్ణయం థర్డ్ అంపైర్ తీసుకున్నాడు నేను కాదు' అంటూ కోపంగా బదులిచ్చాడు.

సిడ్నీ: ఆసీస్‌, టీమిండియా మధ్య జరుగుతున్న మూడో టెస్టులో భారత బ్యాటింగ్‌ సందర్భంగా కామెంటరీ బాక్స్‌లో ఒక ఆసక్తికర ఘటన చోటుచేసుకుంది. విషయంలోకి వెళితే.. మ్యాచ్‌ సందర్భంగా టీవీ వ్యాఖ్యాత జేమ్స్‌ బ్రేషా కామెంటరీ బాక్స్‌లోకి  లిటిల్‌ మాస్టర్‌ సునీల్‌ గవాస్కర్‌, ఆసీస్‌ మాజీ ఆటగాడు డామియన్‌ ప్లెమింగ్‌లను ఆహ్వనించాడు. అయితే గవాస్కర్‌ను చూసి మాస్టర్‌ బ్లాస్టర్‌ సచిన్‌ టెండూల్కర్‌ అనుకున్న బ్రేషా వెల్‌కమ్‌ సచిన్‌ టెండూల్కర్‌ అని సంబోధించాడు. దీంతో ఒక్కసారిగా షాక్‌ అయిన గవాస్కర్‌ సచిన్‌ కూడా ఇక్కడికి వచ్చాడా అన్నట్లు వెనక్కి తిరిగి చూశాడు. ప్లెమింగ్‌ తప్ప ఇంకెవరు కనిపించకపోవడంతో గవాస్కర్‌ ఆశ్యర్యం వ్యక్తం చేశాడు.(చదవండి: సిడ్నీ టెస్ట్‌: బుమ్రా, సిరాజ్‌లపై వర్ణ వివక్ష వ్యాఖ్యలు) అయితే బ్రేషా గవాస్కర్‌ను చూస్తూ 'మిమ్మల్నే సచిన్'‌ అంటూ మరోసారి చెప్పాడు. ఇది గమనించిన ప్లెమింగ్‌ వెంటనే అందుకొని.. ' వచ్చింది సచిన్‌ కాదని.. గవాస్కర్‌ అంటూ' చెప్పడంతో బ్రేషా నాలుక కర్చుకున్నాడు. ఈ సందర్భంగా బ్రే షా సునీల్‌ గవాస్కర్‌కు సారీ చెప్పడంతో ఒక్కసారిగా నవ్వులు పూశాయి. దీనికి సంబంధించిన కామెంట్స్‌ ఇప్పుడు సోషల్‌ మీడియాలో వైరల్‌గా మారాయి. ఒకవేళ కామెంటరీకి సచిన్‌ కూడా వచ్చి ఉంటే బ్రే షా అతన్ని గవాస్కర్‌ అని పిలిచేవాడేమో అంటూ కామెంట్లు పెడుతున్నారు.  కాగా టీమిండియా 207 పరుగుల వద్ద ఉన్నప్పుడు ఈ ఘటన జరిగింది. ఇక మ్యాచ్‌ విషయానికి వస్తే..  మూడో టెస్టు తొలి ఇన్నింగ్స్‌లో టీమిండియా 244 పరుగులకు ఆలౌటైంది. ఓవర్‌నైట్‌ ఆటగాడు చతేశ్వర్‌ పుజారా(50; 176 బంతుల్లో 5 ఫోర్లు)హాఫ్‌ సెంచరీ సాధించగా, రిషభ్‌ పంత్‌(36; 67 బంతుల్లో 4 ఫోర్లు) ఫర్వాలేదనిపించాడు. రహానే(22) మూడో వికెట్‌గా పెవిలియన్‌ చేరగా,  రవీంద్ర జడేజా(28 ‌) అజేయంగా నిలిచాడు. 96/2 ఓవర్‌నైట్‌ స్కోరుతో మూడో రోజు ఆటను ప్రారంభించిన టీమిండియా మరో 148 పరుగులు సాధించి మిగతా 8 వికెట్లు కోల్పోయింది. ఆ తర్వాత రెండో ఇన్నింగ్స్‌ ఆరంభించిన ఆసీస్‌ రెండు వికెట్ల నష్టానికి 103 పరుగులు చేసింది. లబుషేన్‌ 47, స్మిత్‌ 29 పరుగులతో క్రీజులో ఉన్నారు. కాగా ఆస్ట్రేలియా తన తొలి ఇన్నింగ్స్‌లో 338 పరుగులకు ఆలౌటైన సంగతి తెలిసిందే. (చదవండి: అప్పుడూ ఇదే సీన్‌.. మరి టీమిండియా గెలిచేనా?)

సిడ్నీ వేదికగా ఆసీస్‌తో జరుగుతున్న మూడో టెస్టులో టీమిండియా బౌలర్లు మహ్మద్‌ సిరాజ్‌, జస్‌ప్రీత్‌ బుమ్రాలకు చేదు అనుభవం ఎదురైంది. మ్యాచ్‌ చూడడానికి వచ్చిన అభిమానుల్లో కొంతమంది డ్రింక్స్‌ సపోర్టర్స్‌ సిరాజ్‌, బుమ్రాలపై వర్ణ వివక్ష వ్యాఖ్యలు చేయడం వివాదాస్పందంగా మారింది. మూడోరోజు ఆటలో భాగంగా ఈ ఘటన చోటుచేసుకుంది. అయితే టీమిండియా బౌలర్లపై చేసిన వర్ణ వివక్ష వ్యాఖ్యలు టీమిండియా దృష్టికి రావడంతో కెప్టెన్‌ అజింక్యా రహానే జట్టులోని సీనియర్‌ ఆటగాళ్లైన అశ్విన్‌, రోహిత్‌ శర్మలతో కలిసి ఆన్‌ఫీల్డ్‌ అంపైర్లతో పాటు మ్యాచ్‌ రిఫరీకి ఫిర్యాదు చేశాడు. కాగా బౌలర్లపై అనుచిత వ్యాఖ్యలు చేసిన వ్యక్తుల గురించి సీసీ ఫుటేజీ ద్వారా ఆరా తీసి తగిన చర్య తీసుకుంటామని సిడ్నీ క్రికెట్‌ అసోసియేషన్‌ తెలిపింది.(చదవండి: వాటే సెన్సేషనల్‌ రనౌట్‌..!) కాగా సిరాజ్‌, బుమ్రాలపై డ్రింక్‌ సపోర్టర్స్‌ వ్యవహరించిన తీరును తప్పుబట్టిన టీమిండియా ఫిర్యాదుపై  ఒక నిర్ణయం తీసుకుంటామని చెప్పింది.అంతేగాక వర్ణ వివక్షను వ్యతిరేకిస్తూ.. 2019 వరల్డ్‌ కప్‌ సాధించిన ఇంగ్లండ్‌ జట్టు గురించి ఒక వీడియోను రిలీజ్‌ చేసింది. ఇంగ్లండ్‌ జట్టు ప్రప‍ంచకప్‌ సాధించడంలో జోఫ్రా ఆర్చర్‌ కీలకపాత్ర పోషించాడు. ఫైనల్‌ మ్యాచ్‌ సూపర్‌ ఓవర్‌కు దారి తీయడంతో ఆర్చర్‌ సూపర్‌ ఓవర్‌ను సూపర్‌గా వేసి జట్టును విజయతీరాలకు చేర్చాడు. అతను నల్ల జాతీయుడు.. కానీ ఏనాడు అతన్ని ఇంగ్లండ్‌ జట్టు వేరుగా చేసి చూడలేదు. క్రికెట్‌ అంటేనే జెంటిల్‌మెన్‌ గేమ్‌కు పెట్టింది పేరు. తుది జట్టులో 11 మంది ఉంటే.. వారు విభిన్న వ్యక్తిత్వాలు కలిగి ఉంటారు. వైవిధ్యం లేకపోతే క్రికెట్‌ అనే పదానికి అర్థం లేదు. ఇలా వర్ణ వివక్ష వ్యాఖ్యలతో ఆటగాళ్లను మానసికక్షోభకు గురి చేయడం కరెక్ట్‌ కాదు. అంటూ ట్వీట్‌ చేసింది.(చదవండి: ఆసీస్‌ క్రికెటర్‌పై షేన్‌ వార్న్‌ అసభ్యకర వ్యాఖ్యలు) కాగా సిరాజ్‌, బుమ్రాలపై వర్ణ వివక్ష వ్యాఖ్యలు చేయడంపై సోషల్‌ మీడియాలో వైరల్‌గా మారింది. టీమిండియా అభిమానులు సిడ్నీఅభిమానులపై ఆగ్రహావేశాలు వ్యక్తం చేస్తున్నారు. కాగా సరిగ్గా 13 ఏళ్ల క్రితం ఇదే సిడ్నీ మైదానంలో ఆసీస్‌ మాజీ ఆటగాడు ఆండ్రూ సైమండ్స్‌ , టీమిండియా వెటెరన్‌ బౌలర్‌ హర్భజన్‌ సింగ్‌ల మధ్య చోటుచేసుకున్న వివాదం అంత తేలిగ్గా ఎవరు మరిచిపోలేరు. అప్పటి టెస్టు మ్యాచ్‌లో వీరిద్దరి మధ్య జరిగిన సంభాషణ​ మంకీగేట్‌ వివాదంగా క్రికెట్‌ చరిత్రలో పెను సంచలనం రేపింది.

సిడ్నీ: ఆస్ట్రేలియాతో మూడో టెస్టులో రెండో రోజు భారత్‌ మెరుగైన ప్రదర్శన కనబర్చింది. శుక్రవారం ఆట ముగిసే సమయానికి భారత్‌ తమ తొలి ఇన్నింగ్స్‌లో 2 వికెట్ల నష్టానికి 96 పరుగులు చేసింది. శుబ్‌మన్‌ గిల్‌ (101 బంతుల్లో 50; 8 ఫోర్లు), రోహిత్‌ శర్మ (26) తొలి వికెట్‌కు 70 పరుగులు జోడించి వెనుదిరగ్గా... ప్రస్తుతం పుజారా (9 బ్యాటింగ్‌), రహానే (5 బ్యాటింగ్‌) క్రీజ్‌లో ఉన్నారు. భారత్‌ మరో 242 పరుగులు వెనుకబడి ఉంది. అంతకుముందు ఓవర్‌నైట్‌ స్కోరు 166/2తో ఆట కొనసాగించిన ఆస్ట్రేలియా తొలి ఇన్నింగ్స్‌లో 338 పరుగులకు ఆలౌటైంది. స్టీవ్‌ స్మిత్‌ (226 బంతుల్లో 131; 16 ఫోర్లు) శతకం పూర్తి చేసుకోగా, లబ్‌షేన్‌ (196 బంతుల్లో 91; 11 ఫోర్లు) ఆ అవకాశం చేజార్చుకున్నాడు. భారత బౌలర్లలో జడేజా 4 వికెట్లు పడగొట్టగా...బుమ్రా, సైనీ చెరో 2 వికెట్లు తీశారు.   జడేజా జోరు... భారీ స్కోరు లక్ష్యంగా రెండో రోజు ఆట ఆరంభించిన ఆస్ట్రేలియాను భారత బౌలర్లు కట్టడి చేశారు. ఫలితంగా స్మిత్‌ మినహా మిగతా వారంతా పరుగులు చేయడానికి ఇబ్బంది పడి ఒత్తిడిలో వికెట్లు చేజార్చుకున్నారు. శుక్రవారం 11 ఓవర్ల ఆట తర్వాత వానతో స్వల్ప విరామం వచ్చింది. అయితే ఆ తర్వాత సెంచరీ దిశగా సాగుతున్న లబ్‌షేన్‌ను చక్కటి బంతితో అవుట్‌ చేసి జడేజా 100 పరుగుల మూడో వికెట్‌ భాగస్వామ్యానికి తెరదించాడు. కొద్దిసేపటికే జడేజా బౌలింగ్‌లోనే ముందుకొచ్చి ఆడబోయి వేడ్‌ (13) వెనుదిరిగాడు. ఈ దశలో వర్షం కారణంగా మళ్లీ 23 నిమిషాలు ఆట సాగలేదు. అనంతరం కొత్త బంతితో బుమ్రా చెలరేగిపోయాడు. గ్రీన్‌ (0)ను వికెట్లు ముందు దొరకబుచ్చుకున్న అతను... కెప్టెన్‌ పైన్‌ (1) స్టంప్స్‌ను ఎగరగొట్టాడు. కమిన్స్‌ (0) కూడా పెవిలియన్‌ చేరడంతో ఆసీస్‌ కష్టాలు పెరిగాయి. ఈ దశలో మిషెల్‌ స్టార్క్‌ (30 బంతుల్లో 24; 2 ఫోర్లు, 1 సిక్స్‌) కొంత దూకుడుగా ఆడి స్మిత్‌కు సహకరించాడు. అయితే స్టార్క్‌ను షార్ట్‌ బంతితో సైనీ అవుట్‌ చేసిన తర్వాత ఆసీస్‌ ఆలౌట్‌ అయ్యేందుకు ఎక్కువ సమయం పట్టలేదు.   రోహిత్‌ వర్సెస్‌ లయన్‌ సుదీర్ఘ విరామం తర్వాత టెస్టు మ్యాచ్‌లో బరిలోకి దిగిన రోహిత్‌ శర్మ జాగ్రత్తగా ఆడాడు. ముఖ్యంగా ఆఫ్‌స్పిన్నర్‌ లయన్‌తో అతని పోరు ఆసక్తికరంగా సాగింది. లయన్‌ తొలి ఆరు ఓవర్లను పూర్తిగా రోహిత్‌ ఒక్కడే ఎదుర్కొన్నాడు. ఈ 42 బంతుల్లో ఒకరిపై మరొకరు ఆధిపత్యం ప్రదర్శించేందుకు ప్రయత్నించగా... 4 మెయిడిన్‌ ఓవర్లు వేసిన లయన్‌ 14 పరుగులు ఇచ్చాడు. లయన్‌ రెండో ఓవర్లోనే ముందుకు దూసుకొచ్చి లాంగాన్‌ మీదుగా రోహిత్‌ భారీ సిక్సర్‌ కొట్టాడు. ఇది అంతర్జాతీయ క్రికెట్‌లో ఆస్ట్రేలియాపై రోహిత్‌కు 100వ సిక్సర్‌ కావడం విశేషం. అదే ఓవర్లో రోహిత్‌ మరో ఫోర్‌ కూడా కొట్టాడు. రోహిత్‌ స్కోరు 24 వద్ద అంపైర్‌ ఎల్బీడబ్ల్యూగా ప్రకటించడంతో లయన్‌లో ఆనందం కనిపించింది. అయితే రివ్యూలో అది నాటౌట్‌గా తేలింది. చివరకు హాజల్‌వుడ్‌ బౌలింగ్‌లో అతనికే సునాయాస క్యాచ్‌ ఇచ్చి భారత ఓపెనర్‌ వెనుదిరిగాడు. శుక్రవారం 30వ పుట్టిన రోజు జరుపుకున్న హాజల్‌వుడ్‌కు ఇది 300వ అంతర్జాతీయ వికెట్‌.   గిల్‌ వర్సెస్‌ కమిన్స్‌   తన తొలి టెస్టులోనే చక్కటి బ్యాటింగ్‌తో ఆకట్టుకున్న శుబ్‌మన్‌ గిల్‌ దానిని ఇక్కడా కొనసాగించాడు. ముఖ్యంగా వరల్డ్‌ నంబర్‌వన్‌ బౌలర్‌ కమిన్స్‌ను అతను సమర్థంగా ఎదుర్కొన్న తీరు అభినందనీయం. కమిన్స్‌ తొలి 7 ఓవర్లను గిల్‌ ఒక్కడే ఆడాడు. ముఖ్యంగా ఆఫ్‌ సైడ్‌లో పడిన షార్ట్‌ బంతిని చివరి క్షణంలో పాయింట్‌ దిశగా ఆడి అతను బౌండరీగా మలచిన షాట్‌ ఇన్నింగ్స్‌కే ఆకర్షణగా నిలిచింది. స్టార్క్, లయన్‌ బౌలింగ్‌లలో కూడా గిల్‌ చూడచక్కటి ఫోర్లు కొట్టాడు. ఈ క్రమంలో 100 బంతుల్లో అతను తన కెరీర్‌ తొలి అర్ధ సెంచరీ పూర్తి చేసుకున్నాడు. అయితే ఆ వెంటనే కమిన్స్‌ బౌలింగ్‌లోనే గిల్‌ ఇన్నింగ్స్‌ ముగిసింది. ఇద్దరూ ఓపిగ్గా... శుభారంభం తర్వాత 15 పరుగుల వ్యవధిలో 2 వికెట్లు కోల్పోవడంతో భారత్‌ ఆత్మ రక్షణలో పడింది. మరో వికెట్‌ చేజార్చుకుంటే జట్టు ఇబ్బందుల్లో పడే అవకాశం ఉండటంతో పుజారా, రహానే చాలా జాగ్రత్తగా ఆడారు. పరుగులు తీయడంకంటే వికెట్‌ కాపాడుకోవడానికే ప్రాధాన్యమిచ్చారు. ఫలితంగా 12.5 ఓవర్లలో వీరిద్దరు 11 పరుగులు మాత్రమే జోడించగలిగారు! ఆసీస్‌ బౌలర్లు కూడా చక్కటి లైన్‌ అండ్‌ లెంగ్త్‌ను కొనసాగిస్తూ ఎక్కడా ఎలాంటి అవకాశం ఇవ్వకపోవడం కూడా దీనికి కారణం. స్మిత్‌ సూపర్‌...! ‘స్టీవ్‌ స్మిత్‌కు నేను కోచింగ్‌ ఇవ్వడం ఏమిటి... తనకు తానే అతను కోచింగ్‌ ఇచ్చుకుంటాడు. అదే అన్నింటికంటే బాగా పని చేస్తుంది చూడండి’... సిడ్నీ టెస్టు ఆరంభానికి ముందు ఆస్ట్రేలియా కోచ్‌ జస్టిన్‌ లాంగర్‌ చేసిన వ్యాఖ్య ఇది. నిజానికి స్మిత్‌ గొప్పతనం గురించి కొత్తగా చెప్పాల్సిందేమీ లేదు. అతను సాధించిన పరుగులు, రికార్డులు దానిని చూపిస్తాయి. అయితే తొలి రెండు టెస్టుల్లో ఘోర వైఫల్యంతో ఒక్కసారిగా అతనిపై విమర్శలు మొదలయ్యాయి. ముఖ్యంగా అశ్విన్‌ బౌలింగ్‌లో అతను అవుటైన తీరు ఆశ్చర్యం కలిగించింది. అయితే గొప్ప ఆటగాళ్లు తమ తప్పులు సరిదిద్దుకోవడానికి ఎక్కువ సమయం తీసుకోరని స్మిత్‌ తన ఇన్నింగ్స్‌తో నిరూపించాడు.  మొదటి రోజున ఆత్మవిశ్వాసంతో ఆడి 31 పరుగులతో ముగించిన అతను... శుక్రవారం బుమ్రా బౌలింగ్‌లో చూడచక్కటి కవర్‌ డ్రైవ్‌ బౌండరీతో మొదలు పెట్టాడు. ఆకట్టుకునే డ్రైవ్‌లు, తనదైన ట్రేడ్‌మార్క్‌ ఫ్లిక్‌ షాట్‌లతో చకచకా దూసుకుపోయాడు. భారత్‌ కొత్త బంతి తీసుకునే సమయానికి 142 బంతులు ఎదుర్కొన్న స్మిత్‌ 7 బంతులను మాత్రమే అవీ ఆఫ్‌ స్టంప్‌కు దూరంగా వెళుతున్న వాటినే వదిలేశాడంటే అతను ఎంత సాధికారికంగా ఆడాడో చెప్పవచ్చు. సైనీ బౌలింగ్‌లో స్క్వేర్‌ లెగ్‌ దిశగా ఆడి మూడు పరుగులు తీయడంతో 201 బంతుల్లో అతని సెంచరీ పూర్తయింది. ఈ మాజీ కెప్టెన్‌ కెరీర్‌లో ఇది 27వ శతకం కాగా, భారత్‌పై ఎనిమిదోది. సెంచరీ మార్క్‌ చేరగానే అతను భావోద్వేగాలు దాచుకోలేకపోయాడు. గాల్లోకి బ్యాట్‌కు పంచ్‌లు విసురుతూ సింహనాదం చేయడం చూస్తే అతని దృష్టిలో ఈ ఇన్నింగ్స్‌ విలువేమిటో అర్థమవుతుంది. సెంచరీ తర్వాతా స్మిత్‌ జోరు చూస్తే అతడిని అవుట్‌ చేయడం ఇక ఏ భారత బౌలర్‌ వల్ల కాదనిపించింది. చివరకు అదే జరిగినట్లు రనౌట్‌తో మాత్రమే అతను వెనుదిరగాల్సి వచ్చింది. ఆస్ట్రేలియా నాలుగో వికెట్‌ కోల్పోయిన తర్వాత 106 పరుగులు చేస్తే అందులో స్మిత్‌ చేసినవే 71 పరుగులు ఉండటం విశేషం. స్కోరు వివరాలు ఆస్ట్రేలియా తొలి ఇన్నింగ్స్‌: పకోవ్‌స్కీ (ఎల్బీ) (బి) సైనీ 62; వార్నర్‌ (సి) పుజారా (బి) సిరాజ్‌ 5; లబ్‌షేన్‌ (సి) రహానే (బి) జడేజా 91; స్మిత్‌ (రనౌట్‌) 131; వేడ్‌ (సి) బుమ్రా (బి) జడేజా 13; గ్రీన్‌ (ఎల్బీ) (బి) బుమ్రా 0; పైన్‌ (బి) బుమ్రా 1; కమిన్స్‌ (బి) జడేజా 0; స్టార్క్‌ (సి) గిల్‌ (బి) సైనీ 24; లయన్‌ (ఎల్బీ) (బి) జడేజా 0; హాజల్‌వుడ్‌ (నాటౌట్‌) 1; ఎక్స్‌ట్రాలు 10; మొత్తం (105.4 ఓవర్లలో ఆలౌట్‌) 338   వికెట్ల పతనం: 1–6, 2–106, 3–206, 4–232, 5–249, 6–255, 7–278, 8–310, 9–315, 10–338. బౌలింగ్‌: బుమ్రా 25.4–7–66–2, సిరాజ్‌ 25–4–67–1, అశ్విన్‌ 24–1–74–0, సైనీ 13–0–65–2, జడేజా 18–3–62–4.   భారత్‌ తొలి ఇన్నింగ్స్‌: రోహిత్‌ (సి అండ్‌ బి) హాజల్‌వుడ్‌ 26; గిల్‌ (సి) గ్రీన్‌ (బి) కమిన్స్‌ 50; పుజారా (బ్యాటింగ్‌) 9; రహానే (బ్యాటింగ్‌) 5; ఎక్స్‌ట్రాలు 6; మొత్తం (45 ఓవర్లలో 2 వికెట్లకు) 96   వికెట్ల పతనం: 1–70, 2–85. బౌలింగ్‌: స్టార్క్‌ 7–4–19–0, హాజల్‌వుడ్‌ 10–5–23–1, కమిన్స్‌ 12–6–19–1, లయన్‌ 16–7–35–0

సిడ్నీ: ఆస్ట్రేలియా మాజీ స్పిన్‌ దిగ్గజం షేన్‌ వార్న్‌ క్రికెటర్‌గా ఎంత పేరు సంపాదించాడో.. వివాదాల్లోనూ అంతే పేరు మూటగట్టుకున్నాడు. తాజాగా సిడ్నీ వేదికగా జరుగుతున్న మూడో టెస్టు మ్యాచ్‌లో రెండో రోజు మొదటి సెషన్‌లో వార్న్‌ మరో మాజీ ఆటగాడు ఆండ్రూ సైమండ్స్‌తో కలిసి కామెంటరీ చేశాడు. ఈ సందర్భంగా ఆసీస్‌ బ్యాట్స్‌మన్‌ మార్నస్‌ లబుషేన్‌పై వార్న్‌  అసభ్యకర వ్యాఖ్యలు చేశాడు. లబుషేన్‌ క్రీజులో చూపిస్తున్న మేనరిజమ్స్‌పై సైమండ్స్‌ ఏదో చెప్పగా..వార్న్‌ దానికి అడ్డుపడుతూ..'జీసస్‌..చూడడానికి చాలా ఇబ్బందిగా ఉంది..మొదట బ్యాట్‌ను సరిగా పట్టుకోమను' అంటూ దూషించాడు. లబుషేన్‌పై వార్న్‌ చేసిన వ్యాఖ్యలను సైమండ్స్‌ ​సమర్థిస్తూ ఒక బూతు పదాన్ని ఉపయోగించాడు. వీరిద్దరి మధ్య జరిగిన సంభాషణను లెన్నీ పిలిఫ్స్‌ తన ట్విటర్‌లో షేర్‌ చేశాడు. వార్న్‌కు ఎవరైనా ఒక్కటే.. తనకు నచ్చకపోతే ప్రత్యర్థి ఆటగాళ్లను ఎంతలా ద్వేషిస్తాడో.. సహచర క్రికెటర్లను కూడా అదే తీరుతో చూస్తాడంటూ కామెంట్లు పెడుతున్నారు.(చదవండి: 'తొందరపడ్డావు.. కొంచెం ఆగుంటే బాగుండేది') Ahh Kayo, thank you for this pic.twitter.com/Jy6PfTpvYK — Lenny Phillips (@lenphil29) January 8, 2021 లెజెండరీ స్పిన్నర్‌గా పిలవబడే వార్న్‌ వివాదాస్పద వ్యాఖ్యలు చేయడంలో చాలా ముందుంటాడు. తాను క్రికెట్‌ ఆడే సమయంలో స్టీవ్‌ వా, పాంటింగ్‌ కెప్టెన్సీలో ప్రత్యర్థి ఆటగాళ్లపై బాహంటగానే స్లెడ్జింగ్‌కు దిగేవాడు. ప్రొఫెషనల్‌గా మాత్రమే గాక వ్యక్తిగత జీవితంలోనూ ఎన్నోసార్లు వివాదాలకు కేంద్ర బిందువుగా మారాడు. ఈ మధ్యనే టీమిండియా, ఆసీస్‌ల మధ్య తొలి టెస్టు సమయంలో చతేశ్వర్‌ పుజారాను టార్గెట్‌ చేస్తూ చేసిన వ్యాఖ్యలు పెద్ద దుమారం రేపాయి. పుజారా పేరు పలకడం తనకు ఇబ్బందిగా ఉంటుందని.. అందుకే అతన్ని స్టీవ్‌ అని పిలుస్తానని చెప్పాడు. దీనిపై సోషల్‌ మీడియాలో షేన్‌ వార్న్‌ను నెటిజన్లు ఒక రేంజ్‌లో ఆడుకున్నారు. దీంతో షేన్‌ వార్న్‌ దెబ్బకు దిగివచ్చి తాను చేసిన పనికి క్షమాపణ చెప్పుకోవాల్సి వచ్చింది.(చదవండి: రిషభ్‌ పంత్‌పై ట్రోలింగ్‌.. సైనీ తొలి వికెట్)‌

ఆడటం, ఆటలో తలకు దెబ్బ తగిలించుకోవడం, ఆపై విరామం, మళ్లీ రావడం, మళ్లీ తలకు దెబ్బ... వింతగా అనిపించినా ఇదంతా విల్‌ పకోవ్‌స్కీకి రొటీన్‌ వ్యవహారం! అత్యంత ప్రతిభావంతుడు... అన్ని రకాల షాట్లూ ఆడగల నైపుణ్యం... 23 ఏళ్ల  పకోవ్‌స్కీ గురించి ఆస్ట్రేలియా క్రికెట్‌లో వినిపించే మాట. అంచనాలకు అనుగుణంగా అతని దేశవాళీ రికార్డు కూడా అద్భుతంగా ఉంది. 23 ఫస్ట్‌క్లాస్‌ మ్యాచ్‌లలో 54.50 సగటుతో అతను 1,744 పరుగులు చేశాడు. ఇందులో 6 సెంచరీలు కూడా ఉన్నాయి. ఇదే అతడికి ఆస్ట్రేలియా తరఫున టెస్టు క్రికెట్‌ ఆడే అవకాశం కల్పించింది. అయితే ఇంత దూరం ప్రయాణించడానికి ముందు అతని జీవితంలో పలు ఆసక్తికర అంశాలు చోటు చేసుకున్నాయి. ముఖ్యంగా ‘కన్‌కషన్‌’ సమస్యకు పకోవ్‌స్కీ కేరాఫ్‌ అడ్రస్‌గా మారిపోయాడు. ఈ సమస్య మాత్రం ఇప్పటికీ అతడిని వెంటాడుతూనే ఉంది. పరిస్థితి ఎలా ఉందంటే ఇప్పుడు సిడ్నీ టెస్టుకు ముందు అతను ప్రత్యేకంగా న్యూరాలజిస్ట్‌ను సంప్రదించాల్సి వచ్చింది.  అవిభాజ్య చెకోస్లొవేకియా మూలాలు ఉన్న అతని తండ్రి జాన్‌ తన చిన్నప్పుడే ముందుగా సెర్బియాకు, ఆపై ఆస్ట్రేలియాకు వలస వెళ్లిపోయాడు. ఈ నేపథ్యమే అతని పకోవ్‌స్కీ పేరుకు కారణం. (చదవండి: ‘ఏంటిది పంత్‌.. ఎందుకిలా చేశావు’)  దెబ్బలే దెబ్బలు... పకోవ్‌స్కీ స్కూల్‌లో ఉన్నప్పుడు ఫుట్‌బాల్‌ ఆడుతుంటే ప్రత్యర్థి ఆటగాడి మోకాలు అతని తలకు బలంగా తాకింది. దాంతో ఆటతో పాటు స్కూల్‌ నుంచి కూడా ఆరు నెలలు అవుట్‌. క్రికెట్‌లోకి వచ్చాక కూడా ఆ దెబ్బ లక్షణాలు కనిపించాయి. కొన్నాళ్లకే ఒక బౌన్సర్‌తో తలకు గాయమైంది. కోలుకున్న కొద్ది రోజులకే ఇంట్లో జారి పడి తల తలుపును బలంగా ఢీకొంది. ఇది ఇంతటితో ముగియలేదు. నెట్‌ ప్రాక్టీస్‌ చేస్తుండగా పక్క నెట్‌లో సాధన చేస్తున్న బ్యాట్స్‌మన్‌ కొట్టిన బంతి ఊహించని విధంగా ఇతని వైపు వచ్చి తలకు తగిలింది. తన 17వ పుట్టిన రోజున తొలి ఫస్ట్‌క్లాస్‌ మ్యాచ్‌ ఆడేందుకు సన్నద్ధమవుతున్న సంతోష సమయంలో ఆటతో సంబంధం లేని ఎవరో బయటి నుంచి విసిరిన బంతి నేరుగా వచ్చి పకోవ్‌స్కీ తల వద్దకే చేరుకుంది. అంతే... సీజన్‌ మొత్తం పోయింది. కొద్ది రోజుల తర్వాత కన్‌కషన్‌ లక్షణాలు కనిపించాయి. అదే ఏడాది చివర్లో దేశవాళీ వన్డే మ్యాచ్‌లో బెన్‌ కటింగ్‌ బౌన్సర్‌ తలకు తగలడంతో రిటైర్డ్‌ హర్ట్‌ అయ్యాడు. నెల రోజుల తర్వాత ఫ్యూచర్స్‌ లీగ్‌ మ్యాచ్‌లో కూడా సరిగ్గా ఇలాగే జరిగింది. 2018 మార్చిలో ప్రతిష్టాత్మక షెఫీల్డ్‌ షీల్డ్‌లో సెంచరీతో అందరి దృష్టిలో పడిన తరుణంలో సీన్‌ అబాట్‌ షార్ట్‌ బాల్‌ మళ్లీ తలకు తగిలింది... అంతే సీజన్‌ మొత్తం ఆడలేకపోయాడు!  సరిగ్గా ఏడాది క్రితం పాకిస్తాన్‌తో టెస్టు అరంగేట్రం ఖాయమైన సమయంలో మానసిక సమస్యలు పెరిగిపోయి మూడు నెలలు క్రికెట్‌కే విరామం ఇచ్చేశాడు.  ఈ ఏడాది ఆరంభంలో తన 22వ పుట్టిన రోజున ఇంగ్లండ్‌ యువ జట్టుతో మ్యాచ్‌లో సింగిల్‌ తీసే సమయంలో బ్యాట్‌ మైదానంలో ఇరుక్కుపోవడంతో బొక్కబోర్లా పడగా తలకు దెబ్బ తగిలి కన్‌కషన్‌కు లోనయ్యాడు. ఎట్టకేలకు అరంగేట్రం... తాజాగా షెఫీల్డ్‌ షీల్డ్‌లో వరుసగా రెండు డబుల్‌ సెంచరీలతో సత్తా చాటి భారత్‌తో సిరీస్‌ ఆడేందుకు సిద్ధమైన తరుణంలో ప్రాక్టీస్‌ మ్యాచ్‌లో కార్తీక్‌ త్యాగి బౌన్సర్‌ తలకు తగలడంతో కన్‌కషన్‌ కారణంగా రెండు టెస్టులు పోయాయి. వందలాది షార్ట్‌ పిచ్‌ బంతులను అద్భుతమైన పుల్‌ షాట్లతో బౌండరీలకు తరలించే నైపుణ్యం ఒకవైపు... ఇలా అనూహ్యంగా తప్పించుకునే ప్రయత్నంలో తలకు దెబ్బలు మరో వైపు ఆసీస్‌ మేనేజ్‌మెంట్‌ను కూడా అయోమయంలో పడేస్తున్నాయి. దీనిని దృష్టిలో ఉంచుకుంటే మన బౌలర్లు అలాంటి బంతులతో అతడిని ఇబ్బంది పెట్టడం కూడా ఒక వ్యూహంలా మారిపోయింది. అయితే తొలి రోజు పకోవ్‌స్కీకి మరీ అలాంటి సమస్య ఏమీ ఎదురు కాలేదు. ఎట్టకేలకు తనపై ఉంచిన నమ్మకానికి న్యాయం చేస్తూ అతను అర్ధ సెంచరీ సాధించాడు. చక్కటి షాట్లతో ఆకట్టుకొని తనకు మంచి భవిష్యత్తు ఉందని దిగ్గజాల అభినందనలు చూరగొన్నాడు. ఇక ఈ యువ ఆటగాడి ఆటకు ఫిదా అయిన ఆసీస్‌ మాజీ కెప్టెన్‌ రికీ పాంటింగ్‌.. ‘‘ఈరోజు పకోవ్‌స్కీ ఇన్నింగ్స్‌తో ఇంప్రెస్‌ అయ్యాను. ఎన్నో అవాంతరాలు దాటిన తర్వాత తన జీవితంలో గొప్ప మలుపు. టెస్టుల్లో అరంగేట్రంలోనే మంచి ప్రదర్శన’’ అంటూ ప్రశంసలు కురిపించాడు.  ​కాగా తొలి ఇన్నింగ్స్‌లో టీమిండియా అరంగేట్ర బౌలర్‌ నవదీప్‌ సైనీకి పకోవ్‌స్కీ వికెట్‌ సమర్పించుకోవడం గమనార్హం.

వర్షం...విల్‌ పకోవ్‌స్కీ... వికెట్‌ కీపర్‌ వైఫల్యం...సంక్షిప్తంగా సిడ్నీ టెస్టు తొలి రోజు ఆట ఇది!  గత రెండు టెస్టులకు భిన్నంగా ఆస్ట్రేలియా ఈ సారి కాస్త ఆత్మవిశ్వాసంతో ఆడగా... మన బౌలింగ్‌ వైఫల్యం, పంత్‌ క్యాచ్‌లు వదిలేయడం వెరసి ప్రత్యర్థిదే పైచేయిగా మారింది. వాన కారణంగా 55 ఓవర్లకే పరిమితమైన ఆటను రెండు అర్ధ సెంచరీలు ప్లస్‌ ఒక శతక భాగస్వామ్యంతో ఆతిథ్య జట్టు సంతృప్తిగా ముగించింది. ఇదే జోరుతో రెండో రోజు ఆ జట్టు భారీ స్కోరుపై దృష్టి పెట్టింది. అన్నింటికి మించి సొంత మైదానంలో స్మిత్‌ ఫామ్‌లోకి రావడం ఇప్పుడు భారత్‌ను కాస్త ఆందోళన పెట్టే అంశం.      సిడ్నీ: మూడో టెస్టులో కూడా భారత్‌కు శుభారంభం దక్కినా... రెండు క్యాచ్‌లు నేలపాలు కావడంతో ప్రత్యర్థి బ్యాట్స్‌మెన్‌ పుంజుకునేందుకు  అవకాశం దక్కింది. వర్షం అంతరాయం కలిగించిన ఈ మ్యాచ్‌లో తొలి రోజు ఆట ముగిసే సమయానికి ఆస్ట్రేలియా పటిష్ట స్థితిలో నిలిచింది. గురువారం టాస్‌ నెగ్గి బ్యాటింగ్‌ ఎంచుకున్న ఆసీస్‌ 55 ఓవర్లలో 2 వికెట్ల నష్టానికి 166 పరుగులు చేసింది. అరంగేట్ర ఓపెనర్‌ విల్‌ పకోవ్‌స్కీ (62; 4 ఫోర్లు), మార్నస్‌ లబ్‌షేన్‌ (67 బ్యాటింగ్‌; 8 ఫోర్లు) అర్ధ సెంచరీలు సాధించారు. ప్రస్తుతం క్రీజ్‌లో ఉన్న లబ్‌షేన్, స్టీవ్‌ స్మిత్‌ (31 బ్యాటింగ్‌; 5 ఫోర్లు) కలిసి మూడో వికెట్‌కు అభేద్యంగా 60 పరుగులు జోడించారు.   వార్నర్‌ విఫలం గాయంనుంచి కోలుకున్న వార్నర్‌ను ఆడించడం ద్వారా ప్రత్యర్థిపై అదనపు ఒత్తిడిని పెంచాలనుకున్న వ్యూహం ఆసీస్‌కు బెడిసికొట్టింది. టెస్టు ఆడే స్థాయి ఫిట్‌నెస్‌ లేకపోయినా బరిలోకి దిగిన డాషింగ్‌ బ్యాట్స్‌మన్‌ వార్నర్‌ (5)ను సిరాజ్‌ తన రెండో ఓవర్లోనే (ఇన్నింగ్‌ 4వ) పెవిలియన్‌ చేర్చాడు. ఆఫ్‌ స్టంప్‌పై నుంచి వేగంగా దూసుకొచ్చిన బంతి వార్నర్‌ బ్యాట్‌ అంచును తాకుతూ నేరుగా స్లిప్‌లో ఉన్న పుజారా చేతుల్లో పడింది. తర్వాత లబ్‌షేన్‌ వచ్చాడు. ఆ వెంటే వాన కూడా వచ్చింది. విరామం తర్వాత తిరిగి మొదలైన ఆట ఆస్ట్రేలియాకే అనుకూలంగా సాగింది. ఇటు లబ్‌షేన్‌ కుదురుగా ఆడుతుండగా... అటు పంత్‌ పుణ్యమా అని రెండు లైఫ్‌లు పొందిన ఓపెనర్‌ పకోవ్‌స్కీ అర్ధ సెంచరీతో రాణించాడు. జట్టు స్కోరు 100 పరుగులు దాటాక ఎట్టకేలకు పకోవ్‌స్కీని సైనీ వికెట్ల ముందు దొరకబుచ్చుకున్నాడు.   లబ్‌షేన్‌ అర్ధసెంచరీ స్టీవ్‌ స్మిత్‌ వచ్చాక ఆసీస్‌ ఇన్నింగ్స్‌ సాఫీగా సాగిపోయింది. గత మ్యాచ్‌ల వైఫల్యాల దృష్ట్యా ఈ మ్యాచ్‌లో అతను పట్టుదలగా ఆడాడు. భారత బౌలర్లు సంధించిన వైవిధ్యమైన బంతులను చక్కగానే ఆకళింపు చేసుకొని సమర్థంగా ఎదుర్కొన్నాడు. ముఖ్యంగా అశ్విన్‌ బౌలింగ్‌లో తడబాటును అధిగమించి క్రీజులో పాతుకుపోయాడు. లబ్‌షేన్‌ కూడా స్మిత్‌ అండతో అర్ధసెంచరీ పూర్తి చేసుకున్నాడు. ఆఖరి సెషన్‌లో ఈ జోడీని విడగొట్టేందుకు భారత కెప్టెన్‌ రహానే చేసిన ప్రయత్నాలేవీ ఫలించలేదు. క్రీజులో ఆత్మవిశ్వాసంతో ఆడిన స్మిత్‌ చూడచక్కని బౌండరీలతో ఆకట్టుకున్నాడు. లబ్‌షేన్‌ కూడా ఫోర్లతో అదరగొట్టాడు. ఆట నిలిచే సమయానికి వీరిద్దరు అభేధ్యమైన మూడో వికెట్‌కు 60 పరుగులు జోడించారు.   వానొచ్చే... ఆట ఆగే! మ్యాచ్‌ టైమ్‌కే మొదలైంది కానీ... కాసేపటికే ముసిరిన వానతో టైమ్‌ అంతా గడిచిపోయింది. షెడ్యూలు ప్రకారం ఉదయం 10.30 గంటలకు (స్థానిక కాలమానం) ఆట ఆరంభమైంది. ఇంకేం ఆటకు ఢోకా లేదనుకునేంత లోపే పిడుగులా వచ్చి పడింది వాన. ఎనిమిదో ఓవర్లో కురిసిన వాన తొలి సెషన్‌పై నీళ్లు చల్లింది. తెరిపినివ్వలేకపోవడంతో ఆ వానలోనే లంచ్‌బ్రేక్‌ ముగిసింది. ఇక రెండో సెషన్‌ను అయినా వరుణుడు కరుణిస్తాడేమో అనుకుంటే అంత తేలిగ్గా చినుకులు ఆగలేదు. ఆట మొదలవలేదు. చాలాసేపటికి తెరిపినివ్వడంతో మధ్యాహ్నం 3 గంటలకు (స్థానిక కాలమానం) పునఃప్రారంభమైంది. ఓ విధంగా చెప్పాలంటే ఉదయం 11.05 నిమిషాలకు మొదలైన 8వ ఓవర్‌ మధ్యాహ్నం 3.10 నిమిషాలకు ముగిసిందన్నమాట. మళ్లీ సరిగ్గా టీ బ్రేక్‌ సమయంలో చినుకులు కురిసినా నిమిషాల వ్యవధిలోనే ఆగడంతో ఆట కోసం మళ్లీ నిరీక్షించాల్సిన పని లేకపోయింది.     పంత్‌ పదేపదే... వృద్ధిమాన్‌ సాహా టెస్టుల్లో మంచి వికెట్‌ కీపర్‌. సంప్రదాయ ఫార్మాట్‌లో వికెట్ల వెనుక అతని చురుకుదనం అందరికీ తెలుసు. అయితే బ్యాటింగ్‌లో సాహాకంటే మెరుగంటూ పంత్‌కు తుది జట్టులో చోటు లభిస్తోంది. బలమైన ప్రత్యర్థి, కీలకమైన మ్యాచ్‌లో అప్రమత్తంగా ఉండాల్సిన రిషభ్‌ పంత్‌ మూడు ఓవర్ల వ్యవధిలోనే రెండు క్యాచ్‌ల్ని చేజార్చడం తొలి రోజు భారత్‌కు సమస్యగా మారింది. 22వ ఓవర్‌లో అశ్విన్‌ బౌలింగ్‌ చేస్తుండగా... పకోవ్‌స్కీ 26 పరుగుల వద్దే ఉన్నాడు. మెలికలు తిరిగిన ఆఖరి బంతి అతని బ్యాట్‌ అంచును తాకి గాల్లోకి లేచింది. సునాయాసమైన ఈ క్యాచ్‌ను పంత్‌ నేలపాలు చేశాడు. దీంతో అశ్విన్‌ తీవ్ర నిరాశను వ్యక్తం చేశాడు. మళ్లీ 25వ ఓవర్‌ సిరాజ్‌ వేయగా.. పకోవ్‌స్కీ గ్లౌజ్‌ను తాకుతూ వెళ్లిన బంతిని క్యాచ్‌ అందుకునేందుకు రెండు సార్లు డైవ్‌చేసి ప్రయత్నించినా ఫలితం లేకపోయింది. అప్పటికీ అతని స్కోరు 32 పరుగులే!.. ఇలా లైఫ్ పొందిన పకోవ్‌స్కీ ఎట్టకేలకు అర్ధసెంచరీ పూర్తి చేసుకుని అరంగేట్రంలో మెరుగైన ప్రదర్శన కనబరిచి అందరి చేతా అభినందనలు అందుకుంటున్నాడు.‌ నవదీప్‌ సైనీ బౌలింగ్‌లో అతడు ఎల్బీడబ్ల్యూగా వెనుదిరిగాడు. ► భారత్‌ తరఫున టెస్టుల్లో ఆడిన 299వ ఆటగాడిగా నవదీప్‌ సైనీ నిలిచాడు. పేసర్‌ బుమ్రా చేతుల మీదుగా అతను ‘టెస్టు క్యాప్‌’ను అందుకున్నాడు.    స్కోరు వివరాలు ఆస్ట్రేలియా తొలి ఇన్నింగ్స్‌: పకోవ్‌స్కీ (ఎల్బీడబ్ల్యూ) (బి) సైనీ 62; వార్నర్‌ (సి) పుజారా (బి) సిరాజ్‌ 5; లబ్‌షేన్‌ బ్యాటింగ్‌ 67; స్మిత్‌ బ్యాటింగ్‌ 31; ఎక్స్‌ట్రాలు 1; మొత్తం (55 ఓవర్లలో 2 వికెట్లకు) 166. వికెట్ల పతనం: 1–6, 2–106. బౌలింగ్‌: బుమ్రా 14–3–30–0, సిరాజ్‌ 14–3–46–1, అశ్విన్‌17–1–56–0, నవ్‌దీప్‌ సైనీ 7–0–32–1, జడేజా 3–2–2–0.

సిడ్నీ : ఆసీస్‌ బ్యాట్స్‌మన్‌ స్టీవ్‌ స్మిత్‌ టీమిండియా బౌలర్‌ రవిచంద్రన్‌ అశ్విన్‌పై ఆసక్తికర వ్యాఖ్యలు చేశాడు. ఈ మ్యాచ్‌లో తన ఫోకస్‌ మొత్తం అశ్విన్‌పైనే ఉంటుందని స్మిత్‌ తెలిపాడు. మూడో టెస్టులో భాగంగా తొలిరోజు ఆట ముగిసిన అనంతరం వర్చువల్‌ కాన్ఫరెన్స్‌ ద్వారా స్మిత్‌ మీడియాతో మాట్లాడాడు.  మొదటి రెండు టెస్టుల్లో నా నుంచి ఆశించిన ప్రదర్శన రాలేదు. కానీ మూడో టెస్టు మ్యాచ్‌కు వచ్చేసరికి నా బ్యాటింగ్‌లో కొంత మార్పు కనిపించింది. మొదటిరోజు ఆటలో చివరి సెషన్‌ వరకు నిలిచి లబుషేన్‌తో కలిసి కీలక భాగస్వామ్యం నెలకొల్పడం సంతృప్తినిచ్చింది. అయితే ఈ సిరీస్‌లో అశ్విన్‌పై ఒత్తిడి పెంచడంలో విఫలమయ్యాను.. కానీ ఈ మ్యాచ్‌లో మాత్రం అశ్విన్‌ను ఒత్తిడిలో పడేసే దానిపైనే ప్రత్యేక దృష్టి సారించాను. ఆరంభంలో బంతులను ఎదుర్కోవడంలో కాస్త తడబడ్డా పిచ్ పరిస్థితిపై ఒక అంచనాకు వచ్చాక బౌండరీలతో పరుగుల రాబట్టడంలో సక్సెస్‌ అయ్యాను. ఇదే టెంపోనూ రెండో రోజు ఆటలోనూ కొనసాగించాలని అనుకుంటున్నా. ఇప్పటికైతే రెండు సెషన్లు కలుపుకొని మేమే పైచేయి సాధించామని పేర్కొన్నాడు. (చదవండి: ఆయన కల నెరవేరింది.. కానీ ఈరోజు బతికిలేరు) కాగా వన్డే సిరీస్‌లో దుమ్మురేపే ప్రదర్శనతో ఆకట్టుకున్న స్మిత్‌ మొదటి రెండు టెస్టుల్లో మాత్రం ఘోరంగా విఫలమయ్యాడు. రెండు టెస్టులు కలిపి 10 పరుగులు చేసిన స్మిత్‌ రెండుసార్లు అశ్విన్‌ బౌలింగ్‌లోనే ఔట్‌ కావడం విశేషం.ఇక మ్యాచ్‌ విషయానికి వస్తే.. టాస్‌ గెలిచి బ్యాటింగ్‌ ఎంచుకున్న ఆసీస్‌ తొలిరోజు ఆట ముగిసే సమయానికి ఆస్ట్రేలియా 55 ఓవర్లలో రెండు వికెట్లు కోల్పోయి 166 పరుగులు చేసింది. లబుషేన్ 67 పరుగులతో‌, స్టీవ్‌ స్మిత్ 31 పరుగులతో‌ క్రీజులో ఉన్నారు. కాగా మొదటి సెషన్‌లో ఆసీస్‌ 7 పరుగులు చేసిన తర్వాత వర్షం అంతరాయం కలిగించడంతో ఒక సెషన్‌ మొత్తం తూడిచిపెట్టుకుపోయింది. (చదవండి: 'టీమిండియాను వదిలి రావడం బాధగా ఉంది')

అడిలైడ్‌ టెస్టు ఫలితం తర్వాత భారత జట్టు 0–4కు సిద్ధపడాల్సిందేనంటూ తీవ్ర వ్యాఖ్యలు చేసిన పలువురు మాజీ క్రికెటర్లు రెండో మ్యాచ్‌ తర్వాత మళ్లీ మాట్లాడే సాహసం చేయలేకపోయారు. ప్రతికూల పరిస్థితుల్లో టీమిండియా సాధించిన విజయం అలాంటిది మరి. ఇప్పుడు ఇరు జట్లు సమాన స్థితిలో నిలిచిన దశలో కొత్త సమరానికి రంగం సిద్ధం కాగా... ప్రత్యర్థితో పోలిస్తే భారత జట్టులోనే ఆత్మవిశ్వాసం ఎక్కువగా కనిపిస్తోంది. మెల్‌బోర్న్‌ స్ఫూర్తిని కొనసాగిస్తూ మూడో టెస్టులోనూ గెలవగలిగితే బోర్డర్‌–గావస్కర్‌ ట్రోఫీని భారత్‌ సగర్వంగా నిలబెట్టుకోగలుగుతుంది. సొంతగడ్డపై భారత్‌ చేతిలో వరుసగా రెండో సిరీస్‌ కోల్పోరాదని భావిస్తున్న ఆస్ట్రేలియా తీవ్ర ఒత్తిడిలో బరిలోకి దిగుతున్న నేపథ్యంలో... సిడ్నీలో సీన్‌ ఎలా ఉండబోతోందనేది ఆసక్తికరం. సిడ్నీ: టెస్టు సిరీస్‌లో పైచేయి సాధించే క్రమంలో భారత్, ఆస్ట్రేలియా మూడో టెస్టు పోరుకు సన్నద్ధమయ్యాయి. నేటి నుంచి జరిగే ఈ మ్యాచ్‌లో గెలిచిన జట్టు సిరీస్‌లో ముందంజ వేస్తుంది. భారత్‌ ఈ మ్యాచ్‌లో విజయం సాధిస్తే చివరి టెస్టులో ఓడినా బోర్డర్‌–గావస్కర్‌ ట్రోఫీని నిలబెట్టుకోగలదు. పలువురు కీలక ఆటగాళ్లు దూరమైనా... బలాబలాల్లో ఆతిథ్య జట్టుతో పోలిస్తే రహానే బృందానిదే కాస్త పైచేయిగా ఉంది.   ఓపెనర్‌గా రోహిత్‌... గత రెండు మ్యాచ్‌లలాగే ఈసారి కూడా భారత్‌ తమ తుది జట్టును ఒకరోజు ముందే ప్రకటించింది. గాయం వివాదం... ఫిట్‌నెస్‌ పరీక్ష... కఠిన క్వారంటైన్‌ను దాటి వచ్చిన రోహిత్‌ శర్మకు ఊహించినట్లుగానే స్థానం లభించింది. రోహిత్‌ కోసం మరో ఓపెనర్‌ మయాంక్‌ అగర్వాల్‌పై వేటు పడింది. ఈ సిరీస్‌లో నాలుగు ఇన్నింగ్స్‌లలో కలిపి మయాంక్‌ 31 పరుగులే చేశాడు. ఆంధ్ర క్రికెటర్‌ హనుమ విహారి స్థానంపై కూడా ప్రమాద ఘంటిక మోగినా... రోహిత్‌ ఓపెనింగ్‌ చేయాలని మేనేజ్‌మెంట్‌ భావించడంతో మయాంక్‌ను పక్కన పెట్టాల్సి వచ్చింది. గత ఏడాది ఓపెనర్‌గా మారిన అనంతరం రోహిత్‌ ఐదు టెస్టుల్లో మూడు సెంచరీలతో చెలరేగినా... అవన్నీ స్వదేశంలో ఆడినవే. విదేశాల్లో ఇంతవరకు ఓపెనింగ్‌ చేయని రోహిత్‌ ఎలా ఆడతాడన్నది చూడాలి. ప్రధాన బ్యాట్స్‌మన్‌ పుజారా నుంచి కూడా ఇంకా చెప్పుకోదగ్గ ఇన్నింగ్స్‌ రాలేదు. రహానే బ్యాటింగ్‌లో కీలకం కానుండగా, విహారికి తన కెరీర్‌ కాపాడుకునేందుకు ఇంతకంటే మంచి అవకాశం లభించదు. బౌలింగ్‌లో 2014 తర్వాత  ఇంత తక్కువ అనుభవం ఉన్న పేసర్లతో భారత్‌ బరిలోకి దిగుతోంది. బుమ్రా 16 టెస్టులు, సిరాజ్‌ ఒకే ఒక టెస్టు ఆడగా, నవదీప్‌ సైనీకి తొలి మ్యాచ్‌ ఆడే అవకాశం దక్కింది. ఈ నేపథ్యంలో బుమ్రాపై మరింత బాధ్యత పెరిగింది. అయితే స్పిన్నర్‌ అశ్విన్‌ అద్భుత ఫామ్‌లో ఉండటం సానుకూలాంశం. జడేజా కూడా తన స్పిన్‌ పదును చూపిస్తే ఆసీస్‌ బ్యాట్స్‌మెన్‌కు తిప్పలు తప్పవు.   పకోవ్‌స్కీ అరంగేట్రం... గాయంతో తొలి రెండు టెస్టు మ్యాచ్‌లకు దూరమైన డేవిడ్‌ వార్నర్‌ రాకతో ఆసీస్‌ బలం పెరిగింది. అతను 100 శాతం ఫిట్‌గా లేకపోయినా ఆడించే ప్రయత్నం చేయడం ఆ జట్టు బ్యాటింగ్‌ బలహీతనను చూపిస్తోంది. వార్నర్‌కు తోడుగా కొత్త కుర్రాడు విల్‌ పకోవ్‌స్కీ ఓపెనర్‌గా రావడం దాదాపుగా ఖాయం. ఈ కొత్త జోడి అందించే ఓపెనింగ్‌పైనే ఆసీస్‌ ఇన్నింగ్స్‌ పురోగతి ఆధారపడి ఉంది. అన్నింటికి మంచి ఆస్ట్రేలియాను ఆందోళనపరుస్తున్న అంశం టాప్‌ బ్యాట్స్‌మన్‌ స్మిత్‌ ఫామ్‌. రెండు మ్యాచ్‌లలోనూ అతను ఘోరంగా విఫలమయ్యాడు. ఇప్పుడు సొంత మైదానం సిడ్నీలోనైనా స్మిత్‌ చెలరేగి జట్టును నడిపించాలని మేనేజ్‌మెంట్‌ కోరుకుంటోంది. పింక్‌ టెస్టు మ్యాచ్‌... అడిలైడ్‌ టెస్టు ‘పింక్‌ బాల్‌’ టెస్టు కాగా... ఇప్పుడు సిడ్నీలో జరగబోయేది పింక్‌ టెస్టు. ప్రతీ ఏడాదిలాగే ఈసారి కూడా బ్రెస్ట్‌ క్యాన్సర్‌ నివారణకు సంబంధించి ప్రచారంలో భాగంగా మైదానంలో పలు చోట్ల గులాబీ రంగును ప్రదర్శిస్తున్నారు. బ్రెస్ట్‌ క్యాన్సర్‌తో మృతి చెందిన ఆస్ట్రేలియా దిగ్గజ పేస్‌ బౌలర్‌ గ్లెన్‌ మెక్‌గ్రాత్‌ భార్య జేన్‌ స్మారకార్థం సిడ్నీ టెస్టును పింక్‌ టెస్టుగా పరిగణిస్తారు. ఆసీస్‌ ఆటగాళ్లు తొలి రోజు గులాబీ క్యాప్‌లు ధరించి మైదానంలోకి దిగుతారు. మ్యాచ్‌ ద్వారా సేకరించే నిధుల్లో కొంత మొత్తాన్ని గ్లెన్‌ మెక్‌గ్రాత్‌కు చెందిన జేన్‌ మెక్‌గ్రాత్‌ ఫౌండేషన్‌కు అందజేస్తారు. పురుషుల టెస్టు మ్యాచ్‌కు తొలి మహిళా అంపైర్‌ పురుషుల టెస్టు మ్యాచ్‌కు అంపైర్‌గా వ్యవహరించనున్న తొలి మహిళా అంపైర్‌గా క్లెయిర్‌ పొలొసాక్‌ (ఆస్ట్రేలియా) గుర్తింపు పొందనుంది. సిడ్నీ టెస్టులో ఆమె ఫీల్డ్‌ అంపైర్‌గా కాకుండా... ఫోర్త్‌ అంపైర్‌గా వ్యవహరించనుంది. న్యూసౌత్‌ వేల్స్‌కు చెందిన 32 ఏళ్ల క్లెయిర్‌ 2019లో నమీబియా–ఒమన్‌ పురుషుల జట్ల మధ్య జరిగిన ఐసీసీ డివిజన్‌–2 వన్డే లీగ్‌ మ్యాచ్‌లో ఆన్‌ ఫీల్డ్‌ అంపైర్‌గా  పనిచేసింది. పిచ్, వాతావరణం గత కొద్ది రోజులుగా నగరంలో వరుసగా వర్షాలు కురుస్తున్నాయి. ఈ మ్యాచ్‌కు కూడా కొంత అంతరాయం కలగవచ్చు. గతంలో స్పిన్నర్లకు బాగా అనుకూలించిన సిడ్నీ పిచ్‌ ఇప్పుడు మారింది. కొంత బౌన్స్‌ ఉంది. పచ్చికను కూడా ఉంచారు కాబట్టి ఆరంభంలో పేసర్లకు అనుకూలిస్తుంది. నిలదొక్కుకుంటే తర్వాత పరుగులు సాధించవచ్చు. జట్ల వివరాలు భారత్‌ (తుది జట్టు): రహానే (కెప్టెన్‌), రోహిత్, గిల్, పుజారా, విహారి, పంత్, జడేజా, అశ్విన్, సిరాజ్, బుమ్రా, సైనీ. ఆస్ట్రేలియా (అంచనా): పైన్‌ (కెప్టెన్‌), వార్నర్, పకోవ్‌స్కీ, స్మిత్, లబ్‌షేన్, వేడ్, గ్రీన్, కమిన్స్, స్టార్క్, హాజల్‌వుడ్, లయన్‌. ► భారత్, ఆస్ట్రేలియా జట్ల మధ్య సిడ్నీలో మొత్తం 12 టెస్టులు జరిగాయి. భారత్‌కు ఒక్క టెస్టులోనే విజయం (1978లో) దక్కింది. టీమిండియా మిగతా ఐదు టెస్టుల్లో ఓడిపోయి, ఆరు టెస్టులను ‘డ్రా’ చేసుకుంది. ► మరో 97 పరుగులు చేస్తే పుజారా టెస్టుల్లో 6 వేల పరుగులు పూర్తి చేసుకుంటాడు.   ► 400 వికెట్ల మైలురాయిని అందుకునేందుకు లయన్‌కు కావాల్సిన వికెట్లు

సిడ్నీ: ఆస్ట్రేలియాతో జరుగనున్న మూడో టెస్టుకు టీమిండియా తుదిజట్టును ప్రకటించింది. స్టార్‌ బ్యాట్స్‌మెన్‌ రోహిత్‌ శర్మ ఈ మ్యాచ్‌ ద్వారా తిరిగి జట్టుతో చేరగా.. బౌలర్‌ నవదీప్‌ సైనీ టెస్టుల్లో అరంగేట్రం చేయనున్నాడు. రోహిత్‌ రాకతో మయాంక్‌ అగర్వాల్‌పై వేటు పడగా.. నవదీప్‌ ఎంట్రీతో నటరాజన్‌కు మొండిచేయి ఎదురైంది. కాగా ఆసీస్‌- టీమిండియా మధ్య గురువారం మూడో టెస్టు ప్రారంభం కానున్న సంగతి తెలిసిందే. తాత్కాలిక కెప్టెన్‌ అజింక్య రహానే సారథ్యంలోని టీమిండియా ఆసీస్‌ను ఢీకొట్టేందుకు అన్నివిధాలుగా సన్నద్ధమవుతోంది. ఇక తొలి టెస్టు తర్వాత రెగ్యులర్‌ కెప్టెన్‌ విరాట్‌ కోహ్లి స్వదేశానికి తిరిగి రాగా.. మహ్మద్‌ షమీ, ఉమేశ్‌ యాదవ్‌, కేఎల్‌ రాహుల్‌ గాయాల బారిన పడి జట్టుకు దూరమైన విషయం తెలిసిందే.(చదవండి: సిడ్నీలో రేపటి నుంచి మూడో టెస్టు) తుదిజట్టు: అజింక్య రహానే(కెప్టెన్‌), రోహిత్‌ శర్మ, శుభ్‌మన్‌ గిల్‌, ఛతేశ్వర్‌ పుజారా, హనుమ విహారి, రిషభ్‌ పంత్‌(వికెట్‌ కీపర్‌), రవీంద్ర జడేజా, రవిచంద్రన్ అశ్విన్‌, జస్‌ప్రీత్‌ బుమ్రా, మహ్మద్‌ సిరాజ్‌, నవదీప్‌ సైనీ  (చదవండి: నాలుగో టెస్టు: ముంబైలో అయినా ఓకే: ఆసీస్‌ కెప్టెన్‌)

మెల్‌బోర్న్‌: హమ్మయ్య! భారత క్రికెటర్లకే కాదు... క్రికెట్‌ ఆస్ట్రేలియా (సీఏ)కే ఇది పెద్ద ఊరట. ఆటగాళ్లంతా కోవిడ్‌–19 పరీక్షల నుంచి నెగెటివ్‌గా బయటపడ్డారు. దీంతో ఈనెల 7 నుంచి సిడ్నీలో జరిగే మూడో టెస్టుకు వచ్చిన ముప్పేమీ లేదిపుడు. ‘ఆటగాళ్లతో పాటు జట్టు సహాయ సిబ్బందిలో ఎవరికీ కరోనా సోకలేదు. ఆదివారం వీరందరికీ ‘ఆర్టీ–పీసీఆర్‌’ కోవిడ్‌ పరీక్షలు నిర్వహించగా... సోమవారం ఫలితాలన్నీ నెగెటివ్‌గానే వచ్చాయి’ అని భారత క్రికెట్‌ నియంత్రణ మండలి (బీసీసీఐ) ఒక ప్రకటనలో తెలిపింది. రోహిత్‌ శర్మ, శుబ్‌మన్‌ గిల్, రిషభ్‌ పంత్, నవ్‌దీప్‌ సైనీ, పృథ్వీ షాలు కరోనా నిబంధనల్ని ఉల్లంఘించారని, బయో బబుల్‌ దాటి బయటకొచ్చి రెస్టారెంట్‌ రుచులు చూశారని గగ్గోలు పెట్టిన ఆసీస్‌ ప్రభుత్వ వర్గాలు ఇక తమ నోటికి తాళం వేసుకుంటాయేమో! ఎందుకంటే ఇప్పటికే ఈ ఉదంతంపై బీసీసీఐతో కలిసి సీఏ ఉమ్మడి దర్యాప్తు చేపడుతుందంటూ చేసిన ప్రకటనలకు ఇక కాలం చెల్లినట్లే! రెస్టారెంట్‌లో భోంచేసిన ఆ ఐదుగురు ఆటగాళ్లను ఐసోలేషన్‌లో ఉంచినప్పటికీ సోమవారం జట్టుతో పాటే సిడ్నీకి చేరుకున్నారు. తాజాగా రిపోర్టులు కూడా నెగెటివ్‌గా రావడంతో ఇప్పుడు అంతా కలిసే ప్రాక్టీస్‌ సెషన్‌లో పాల్గొంటారు.   25 శాతం మంది వీక్షకులకే ప్రవేశం సిడ్నీలో నమోదవుతున్న కరోనా కేసుల దృష్ట్యా మూడో టెస్టుకు వచ్చే వీక్షకుల సంఖ్యను 25 శాతానికి కుదించారు. ఈ మైదానం మొత్తం సామర్థ్యం 38 వేల సీట్లు. దీంతో పదివేల లోపే ప్రేక్షకుల్ని అనుమతిస్తారు. ఈ నేపథ్యంలో టెస్టు కోసం ఇది వరకే జారీ చేసిన టికెట్లను ప్రభుత్వ ఆదేశాల మేరకు రద్దు చేసి అంతా కొత్తగా అంటే సీటుకు, సీటుకు మధ్య భౌతిక దూరం వుండేలా తిరిగి జారీ చేస్తారు. దీనిపై సీఏ తాత్కాలిక సీఈఓ నిక్‌ హాక్లీ మాట్లాడుతూ ‘న్యూసౌత్‌వేల్స్‌ రాష్ట్రంలోని ప్రజారోగ్యం దృష్ట్యా మేం ప్రభుత్వంతో కలిసి పనిచేస్తాం. మూడో టెస్టు సజావుగా, సురక్షితంగా జరిగేందుకు అన్నీ చర్యలు తీసుకుంటాం. ప్రేక్షకుల సంఖ్యను కుదిస్తాం’ అని అన్నారు. ఎలా‘గబ్బా’! భారత ఆటగాళ్ల రెస్టారెంట్‌ వ్యవహారం సద్దుమణిగినప్పటికీ బ్రిస్బేన్‌లోని గబ్బా స్టేడియంలో ఈనెల 15 నుంచి జరగాల్సిన నాలుగో టెస్టుపైనే సందిగ్ధత పూర్తిగా తొలగలేదు. కాస్త అయోమయం ఉన్నప్పటికీ బీసీసీఐ సోమవారం చేసిన ప్రకటన సీఏకు ఊరటనిచ్చింది. ‘షెడ్యూల్‌ ప్రకారమే నాలుగో టెస్టు జరుగుతుంది’ అని బీసీసీఐకి చెందిన ఓ అధికారి స్పష్టం చేశారు. అయితే నిబంధనలు పాటిస్తేనే బ్రిస్బేన్‌కు రావాలని లేదంటే అక్కర్లేదని ఘాటుగా వ్యాఖ్యానించిన క్వీన్స్‌లాండ్‌ రాష్ట్ర ప్రతిపక్ష నాయకురాలు రాస్‌ బేట్స్‌ వ్యాఖ్యలపై బీసీసీఐ వర్గాలు అసంతృప్తి వ్యక్తం చేసినట్లు తెలిసింది.  

సిడ్నీ : ఆస్ట్రేలియాలోని సిడ్నీ నగరంలో ఘోర రోడ్డు ప్రమాదం జరిగింది. ఈ ప్రమాదంలో తెలంగాణకు చెందిన రక్షిత అనే బీటెక్‌ విద్యార్థినికి బ్రెయిన్ డెడ్‌‌ అయింది. నాగర్‌కర్నూల్‌ జిల్లా వంగూరు మండలం దిండిచింతపల్లికి చెందిన 20ఏళ్ల రక్షిత.. సిడ్నీలోని ఐఐబీఐటీ యూనివర్సిటీలో ఎంఎస్‌ చదువుతోంది. డిసెంబర్ 31న రక్షిత బైక్‌పై వెళ్తుండగా ప్రమాదానికి గురైంది. గాయాలతో ఆసుపత్రిలో చికిత్స పొందుతున్న రక్షితకు బ్రెయిన్ డెడ్ అయినట్లు అక్కడి వైద్యులు నిర్థారించారు.  ఉన్నత చదువులు చదివేందుకు వెళ్లిన తమ కూతురు రోడ్డు ప్రమాదానికి గురైందని తెలిసి తల్లిదండ్రులు కన్నీటి పర్యంతమయ్యారు. తమ కూతురి అవయవాలను దానం చేస్తున్నట్లు యువతి తల్లిదండ్రులు మల్లెపల్లి వెంకట్ రెడ్డి, అనితలు ప్రకటించారు. మాజీ సైనిక ఉద్యోగి అయిన వెంకట్ రెడ్డి ప్రస్తుతం హైదరాబాద్‌లోని డీఆర్డీఓలో పని చేస్తున్నారు.   

సిడ్నీ : ఆస్ట్రేలియా -ఎతో జరుగుతున్న మూడు రోజుల ప్రాక్టీస్‌ మ్యాచ్‌లో టీమిండియా ఆటగాడు శుబ్‌మన్‌ గిల్‌ అవుటైన విధానం సోషల్‌ మీడియాలో కాంట్రవర్సీగా మారింది. అసలు అంపైర్‌ దేనిని పరిగణలోకి తీసుకొని గిల్‌ విషయంలో ఔట్‌ ఇచ్చాడో అర్థం కావడం లేదని నెటిజన్లు తలగోక్కున్నారు. అసలు విషయంలోకి వెళితే.. ఆసీస్‌ ఎతో మ్యాచ్‌లో రెండో ఇన్నింగ్స్‌లో 65 పరుగులతో మంచి టచ్‌లో ఉన్న శుబ్‌మన్‌ గిల్‌ను ఆసీస్‌ బౌలర్‌ మిచెల్‌ స్వేప్సన్‌ ఔట్‌ చేశాడు. అయితే స్వేప్సన్‌ వేసిన బంతి గిల్‌ ప్యాడ్లను తాగి స్లిప్‌లోకి వెళ్లింది.. స్లిప్‌లో ఉన్న సీన్‌ అబాట్‌ దాన్ని క్యాచ్‌గా అందుకున్నాడు. అప్పటికే స్వేప్సన్‌ అంపైర్‌కు అప్పీల్‌ చేయగా.. అంపైర్‌ ఔట్‌ అని ప్రకటించాడు. కాగా స్కోరుబోర్డులో గిల్‌ క్యాచ్‌ అవుట్‌ అయినట్లుగా చూపించారు. (చదవండి : 'క్రికెటర్‌ కాకపోయుంటే రైతు అయ్యేవాడు') అంపైర్‌ ఎల్బీ లేక క్యాచ్‌లో ఏది పరిగణలోకి తీసుకొని అవుట్‌గా ఇచ్చాడనే దానిపై స్పష్టత రాలేదు. దీంతో షాక్‌ తిన్న గిల్‌ అసలు ఔటా.. కాదా అన్న సందేహంతో కాసేపు అక్కడే నిలుచుండిపోయాడు. ప్రాక్టీస్‌ మ్యాచ్‌ కావడంతో డీఆర్‌ఎస్‌ అవకాశం లేకపోవడంతో గిల్‌ నిరాశగా వెళ్లిపోయాడు. వాస్తవానికి రీప్లేలో స్వేప్సన్‌ వేసిన బంతి గిల్‌ ప్యాడ్లను తాకి ఆఫ్‌స్టంట్‌ పై నుంచి వెళ్తున్నట్లు కనిపించింది.. దీంతో అతను ఎల్బీగా అవుట్‌ కాదు. ఇక బంతి బ్యాట్‌ను తాకకుండా కేవలం గిల్‌ ప్యాడ్లను మాత్రమే తాకి స్లిప్‌లో ఉన్న అబాట్‌ చేతుల్లో పడింది. అలా చూసినా గిల్‌ ఔట్‌ కాదని స్పష్టంగా తెలుస్తుంది. కాగా దీనికి సంబంధించిన వీడియో ట్విటర్‌లో షేర్‌ చేశారు. ఇది చీటింగ్‌ అసలు గిల్‌ ఔట్‌ కానే కాదు.. అది అంపైర్‌ తప్పుడు నిర్ణయం.. గిల్‌ నాటౌట్‌..  రాంగ్‌ అంపైరింగ్‌ అంటూ కామెంట్లు పెట్టారు. ఇదే విషయమై టీమిండియా మాజీ ఓపెనర్‌ ఆకాశ్‌ చోప్రా స్పందించాడు. 'శుబ్‌మన్‌ ఎలా అవుటయ్యాడో అంపైర్‌ చెప్పాలి.. కచ్చితంగా ఎల్బీ మాత్రం కాదు.. క్యాచ్‌ అవుటా అంటే ఆ చాన్సే లేదు..' అంటూ చురకలంటించాడు. (చదవండి : రషీద్‌ను దంచేసిన ఆసీస్‌ బ్యాట్స్‌మన్‌) Gill given out caught, and what a catch it was too! What's your call? #AUSAvIND pic.twitter.com/fDFwB7IUBU — cricket.com.au (@cricketcomau) December 12, 2020 ఇక ఆసీస్‌-ఎ, టీమిండియాల మధ్య జరిగిన మూడు రోజుల ప్రాక్టీస్‌ మ్యాచ్‌ డ్రాగా ముగిసింది. 472 పరుగుల  భారీ లక్ష్యంతో బరిలోకి దిగిన ఆసీస్‌-ఎ మూడో రోజు ఆట ముగిసే సమయానికి 4 వికెట్ల నష్టానికి 307 పరుగులు చేసింది. ఆసీస్‌ బ్యాట్స్‌మెన్లలో జాక్‌ వైల్డర్‌ మత్‌ సెంచరీతో మెరవగా.. కెప్టెన్‌ అలెక్స్‌ కేరీ 58 పరుగులతో రాణించాడు. మొదటి ఇన్నింగ్స్‌లో తక్కువ స్కోరుకే ఆలౌట్‌ చేసిన టీమిండియా బౌలర్లు రెండో ఇన్నింగ్స్‌లో మాత్రం దానిని రిపీట్‌ చేయలేకపోయారు.అంతకముందు టీమిండియా రెండో ఇన్నింగ్స్‌లో రిషబ్‌ పంత్‌, హనుమ విహారిలు సెంచరీలతో కథం తొక్కిన సంగతి తెలిసిందే.(చదవండి : పేడ మొహాలు, చెత్త గేమ్‌ప్లే అంటూ..)

సిడ్నీ : ఆస్ట్రేలియా మాజీ స్పిన్నర్‌ బ్రాడ్‌ హాగ్‌కు టీమిండియా మాజీ ఆటగాడు వసీం జాఫర్‌ తనదైన శైలిలో చురకలంటించాడు. సిడ్నీ వేదికగా ఆసీస్‌-ఎతో జరుగుతున్న ప్రాక్టీస్‌ మ్యాచ్‌లో టీమిండియా తొలి ఇన్నింగ్స్‌లో టాప్‌ ఆర్డర్‌ విఫలంతో 194 పరుగులకే ఆలౌటైన సంగతి తెలిసిందే. ఈ నేపథ్యంలో బ్రాడ్‌ హాగ్‌ టీమిండియా టాప్‌ ఆర్డర్‌పై స్పందించాడు.' టీమిండియా టాప్‌ ఆర్డర్‌ ఆఫ్‌స్టంప్‌ ఎక్కడుందో తెలుసుకొని ఆడాలి. మంచి లెంగ్త్‌లో పడిన బంతిని ఆడకుండా వదిలేయడం నేర్చుకోవాలి.. అలాగే ఆఫ్‌ స్టంప్‌కు దూరంగా వెళ్తున్న బంతిని షాట్‌ ఆడేందుకు ప్రయత్నించకూడదు.. కానీ ఇలాంటి నియమాలేవి పాటించని టీమిండియా టాప్‌ ఆర్డర్‌ ఆటగాళ్లు నిర్లక్ష్యంగా వికెట్‌ పారేసుకున్నారంటూ' ట్రోల్‌ చేశాడు. హాగ్‌ వ్యాఖ్యలను సీరియస్‌గా తీసుకున్న వసీం జాఫర్‌ తనదైన శైలిలో చురకలంటించాడు. (చదవండి : మిస్టరీ స్పిన్నర్‌ పెళ్లి.. వైరలవుతున్న వీడియో) 'హాగ్‌.. మా మీద పడి ఏడ్వడం కంటే ముందు మీ జట్టు టాప్‌ ఆర్డర్‌ చూసుకొని మాట్లాడితే బాగుంటుంది. మరో నాలుగురోజులు గడిస్తే భారత్‌తో టెస్టు సిరీస్‌ ఆరంభం కానుంది. తొలి టెస్టులో ఓపెనర్లుగా ఎవరు రానున్నారనే దానిపై మీ జట్టుకు ఇంకా స్పష్టత రాలేదు. ముందు ఆ విషయం గురించి ఆలోచించండి ' అంటూ కౌంటర్‌ ఇచ్చాడు. ఇప్పటికే గాయం కారణంగా ఆసీస్‌ స్టార్‌ ఓపెనర్‌ డేవిడ్‌ వార్నర్‌ దూరం కాగా.. ప్రాక్టీస్‌ మ్యాచ్‌లో  త్యాగి బౌన్సర్‌ దెబ్బకు యువ ఓపెనర్‌ విన్‌ పుకోవిస్కి తలకు బలమైన గాయం కావడంతో మొదటి టెస్టుకు దూరమయ్యాడు కాగా విన్‌ పుకోవిస్కి స్థానంలో మార్కస్‌ హారిస్‌ను తుది జట్టులోకి తీసుకున్నారు.  అంతేగాక ఆసీస్‌ కీలక బౌలర్‌ సీన్‌ అబాట్‌ ప్రాక్టీస్‌ మ్యాచ్‌లో కండరాలు పట్టేయడంతో మళ్లీ బౌలింగ్‌కు రాలేదు. దీంతో అబాట్‌ మొదటి టెస్టు ఆడతాడా లేదా అనే విషయంపై స్పష్టత రాలేదు. కాగా ఇరుజట్ల మధ్య డిసెంబర్‌ 17న అడిలైడ్‌ వేదికగా తొలి డే నైట్‌ టెస్టు జరగనుంది.(చదవండి : క్యాచ్‌ వదిలేశాడని బౌలర్‌ బూతు పురాణం) ఇక ఆసీస్‌-ఎతో జరుగుతున్న మూడు రోజుల ప్రాక్టీస్‌ మ్యాచ్‌లో టీమిండియా పటిష్ట స్థితిలో నిలిచింది. మూడో రోజు ఆటలో భాగంగా క్రితం రోజున చేసిన 386 పరుగుల వద్దే ఇన్నింగ్స్‌ను  డిక్లేర్‌ చేసిన భారత్‌ ఆసీస్‌ ఎ ముందు 472 పరుగుల విజయలక్ష్యాన్ని ఉంచింది. భారీ లక్ష్యంతో బరిలోకి దిగిన ఆసీస్‌ ఎ తడబడుతుంది. ఇప్పటివరకు చూసుకుంటే టీ విరామం సమయానికి 3 వికెట్ల నష్టానికి 89 పరుగులు చేసింది. ఆసీస్‌ గెలవాలంటే ఇంకా 384 పరుగులు చేయాల్సి ఉంది. చివరి సెషన్‌ మాత్రమే మిగిలి ఉండడంతో మ్యాచ​ డ్రా అయ్యే అవకాశాలు  ఎక్కువగా ఉన్నాయి.. ఒకవేళ బౌలర్లు చెలరేగితే టీమిండియా విజయం సాధించే అవకాశం కూడా ఉంది. అంతకముందు రెండో ఇన్నింగ్స్‌లో రిషబ్‌ పంత్‌, హనుమ విహారిలు సెంచరీలతో కథం తొక్కిన సంగతి తెలిసిందే.

సిడ్నీ : బోర్డర్‌ గవాస్కర్‌ ట్రోపీ ఆరంభానికి ముందే ఆసీస్‌కు దెబ్బ మీద దెబ్బ తగులుతూనే ఉంది. ఇప్పటికే స్టార్‌ ఓపెనర్‌ డేవిడ్‌ వార్నర్‌ దూరం కాగా.. త్యాగి బౌన్సర్‌ దెబ్బకు యువ ఓపెనర్‌ విన్‌ పుకోవిస్కి మొదటి టెస్టుకు దూరమయ్యాడు. తాజాగా ఆసీస్‌ ఫాస్ట్‌ బౌలర్‌ సీన్‌ అబాట్‌ దూరమయ్యే అవకాశాలు కనిపిస్తున్నాయి. ఎడమ కాలి చీలమండ గాయంతో అబాట్‌ బాధపడుతున్నట్లు సమాచారం. సిడ్నీ వేదికగా ఇండియాతో జరుగుతున్న ప్రాక్టీస్‌ మ్యాచ్‌లో రెండో రోజు ఆటలో భాగంగా మొదటి సెషన్‌లో బౌలింగ్‌కు వచ్చిన అబాట్‌ 7 ఓవర్లు వేశాడు. రెండో సెషన్‌ ప్రారంభమైన కాసేపటికే అబాట్‌కు కండరాలు పట్టేయడంతో బౌలింగ్‌ చేయలేదు. అయితే నొప్పి తీవ్రత ఎక్కువ కావడంతో ఫిజియో సూచన మేరకు పెవిలియన్‌కు చేరుకున్నాడు. ఇప్పుడైతే అబాట్‌ బౌలింగ్‌కు వచ్చే అవకాశాలు లేవని.. ఒకవేళ ఆసీస్‌ బ్యాటింగ్‌ సమయంలో అవసరం అనుకుంటేనే వస్తాడని క్రికెట్‌ ఆస్ట్రేలియా పేర్కొంది. (చదవండి : క్యాచ్‌ వదిలేశాడని బౌలర్‌ బూతు పురాణం) ఒకవేళ అబాట్‌ గాయం తీవ్రత ఎక్కువగా ఉంటే మాత్రం ఆసీస్‌కు పెద్ద దెబ్బే అని చెప్పవచ్చు. టెస్టు సిరీస్‌లో సీన్‌ అబాట్‌ ఆస్ట్రేలియాకు కీలక బౌలర్‌.. బౌన్సర్లు వేయడంలో దిట్ట అయిన అబాట్‌ ప్రత్యర్థి బ్యాట్స్‌మన్లను కట్టడి చేస్తాడు. భారత్‌తో జరుగుతున్న ప్రాక్టీస్‌ మ్యాచ్‌లోనూ అబాట్‌ మొదటి ఇన్నింగ్స్‌లో 12 ఓవర్లు వేసి మూడు వికెట్లు పడగొట్టాడు.ఇప్పటికే గాయంతో డేవిడ్‌ వార్నర్‌, త్యాగి బౌన్సర్‌తో విన్‌ పుకోవిస్కి మొదటి టెస్టుకు దూరమయ్యారు.. తాజగా అబాట్‌ కూడా గాయంతో బాధపడుతుండడం ఆసీస్‌కు ఇబ్బందిగా మారనుంది. అయితే శుక్రవారం ప్రాక్టీస్‌ మ్యాచ్‌లో భాగంగా టీమిండియా బ్యాటింగ్‌ సమయంలో బుమ్రా  ఆడిన స్ట్రెయిట్‌ డ్రైవ్‌ బౌలర్‌ కామెరాన్‌ గ్రీన్‌ ముఖంపై బలంగా తగిలిన సంగతి తెలిసిందే. అయితే గ్రీన్‌ విషయంలో ఆందోళన చెందాల్సిన అవసరం లేదని ఆస్ట్రేలియా పేర్కొంది. గ్రీన్‌ గాయం నుంచి కోలుకున్నాడని.. అతను ఆసీస్‌ ఎతో మ్యాచ్‌లో కొనసాగనున్నాడని తెలిపింది. కాగా ప్రాక్టీస్‌ మ్యాచ్‌లో భాగంగా రెండో రోజు టీమిండియా లంచ్‌ విరామం తర్వాత 70 ఓవర్లలో 4 వికెట్ల నష్టానికి 249 పరుగులు చేసింది.(చదవండి : నెటిజన్‌ కామెంట్‌కు గబ్బర్‌ ధీటైన కౌంటర్‌) ఓపెనర్‌ పృథ్వీ షా మరోసారి విఫలం కాగా.. మరో ఓపెనర్‌ మయాంక్‌ అగర్వాల్‌ 61, శుబ్‌మన్‌ గిల్‌ 61 పరుగులతో ఆకట్టుకోగా.. కెప్టెన్‌ రహానే 38 పరుగులు చేశాడు. ప్రస్తుతం విహారి 63, రిషబ్‌ పంత్‌ 9 పరుగులతో క్రీజులో ఉన్నారు. అంతకముందు తొలి ఇన్నింగ్స్‌లో ఆసీస్‌ 108 పరుగులకు ఆలౌట్‌ కావడంతో భారత్‌కు ఆధిక్యం లభించింది. బుమ్రా హాఫ్‌ సెంచరీతో రాణించడంతో తొలి ఇన్నింగ్స్‌లో టీమిండియా 194 పరుగులకు ఆలౌట్‌ అయిన సంగతి తెలిసిందే. ప్రస్తుతం టీమిండియా మొదటి ఇన్నింగ్స్‌ కలుపుకొని 334 పరుగుల ఆధిక్యంలో ఉంది.

సిడ్నీ : తమిళనాడు నుంచి టీమిండియాకు ఎంపికైన యార్కర్‌ బౌలర్‌ టి.నటరాజన్‌ అరంగేట్రం సిరీస్‌నే మధురానుభూతిగా మలుచుకున్నాడు. ఆసీస్‌తో జరిగిన టీ20 సిరీస్‌లో మూడు మ్యాచ్‌లాడిన నటరాజన్‌ 6.91 ఎకానమీ రేటుతో 6 వికెట్లు తీసి సత్తా చాటాడు. ఆసీస్‌తో జరిగిన మూడో వన్డే ద్వారా అంతర్జాతీయ క్రికెట్‌లో అడుగుపెట్టిన నటరాజన్‌పై తొలి మ్యాచ్‌ నుంచే ప్రశంసల జల్లు కురుస్తూనే ఉన్నాయి. తాజాగా టీమిండియా కెప్టెన్‌ విరాట్‌ కోహ్లి నటరాజన్‌ ప్రదర్శన అద్బుతమని మెచ్చకున్నాడు. మంగళవారం మ్యాచ్‌ ముగిసిన అనంతరం అవార్డు ప్రధాన కార్యక్రమంలో కోహ్లి మాట్లాడాడు. (చదవండి : నెట్‌ బౌలర్‌గా వచ్చా.. ఇంకేం కావాలి: నటరాజన్‌) 'నటరాజన్‌ ప్రదర్శనపై ఎంత మాట్లాడినా తక్కువే అవుతుంది. షమీ, బుమ్రా లాంటి కీలక బౌలర్ల గైర్హాజరీలో నటరాజన్‌ 6 వికెట్లు తీసి లీడింగ్‌ వికెట్‌ టేకర్‌గా నిలిచాడు. అరంగేట్రం సిరీస్‌లోనే ఇంతలా ఆకట్టుకున్న నటరాజన్‌కు మంచి భవిష్యత్తు ఉంది. జీవితంలో ఎన్నో కష్టాలు అనుభవించి ఈ స్థాయికి చేరుకున్న అతను రానున్న మ్యాచ్‌ల్లో ఇదే ప్రదర్శన చేస్తాడని ఆశిస్తున్నా. ఒకవేళ నటరాజన్‌ నుంచి స్థిరమైన ప్రదర్శన ఉంటే రానున్న టీ20 ప్రపంచకప్‌లో టీమిండియాకు కీలక బౌలర్‌ కానున్నాడ'ని తెలిపాడు.(చదవండి : కోహ్లి ఆలస్యం చేశావు.. వెంటనే రివ్యూ కోరుంటే) ఆసీస్‌తో జరిగిన టీ20 సిరీస్‌కు రోహిత్‌ శర్మ, బుమ్రా, షమీ లాంటి కీలక ఆటగాళ్లు లేకున్నా.. ఒత్తిడిని దరి చేరకుండా యువ ఆటగాళ్లు ఆకట్టుకున్నారు. వన్డే సిరీస్‌లో మొదటి రెండు మ్యాచ్‌లు ఓడినా.. చివరి వన్డే గెలవడంతో ఆత్మ విశ్వాసం పెరిగింది. అదే నమ్మకంతో టీ20 సిరీస్‌ను ఆరంభించాం. మొదటి టీ20లో తక్కువ స్కోరు నమోదు చేసినా బౌలర్ల అద్భుత ప్రతిభతో మ్యాచ్‌ను గెలిచాం. ఆ తర్వాత రెండో మ్యాచ్‌లోనూ అదే ప్రతిభను కనబరిచి సిరీస్‌ను దక్కించుకున్నాం. చివరి టీ20లో ఓడినా.. జట్టులోని ఆటగాళ్లంతా సమిష్టి ప్రదర్శన కనబరిచాం. ఫీల్డింగ్‌ లోపాలతో పాటు బౌలింగ్‌లోనూ కాస్త మెరుగైన ప్రదర్శన వచ్చి ఉంటే ఫలితం వేరేలా ఉండేది 'అని కోహ్లి పేర్కొన్నాడు.

సిడ్నీ : ఆసీస్‌తో జరిగిన మూడో టీ20లో టీమిండియా చివరివరకు పోరాడి ఓడిపోయింది.187 పరుగుల లక్ష్యంతో బరిలోకి దిగిన భారత్‌ 20 ఓవర్లలో 174 పరుగులు మాత్రమే చేయగలిగింది. కెప్టెన్‌ విరాట్‌ కోహ్లి 85 పరుగులతో టాప్‌ స్కోరర్‌గా నిలవగా.. మిగతా బ్యాట్స్‌మన్‌ ఎవరు చెప్పుకోదగిన విధంగా ఆడలేకపోయారు. ఆసీస్‌ విధించిన 187 పరుగుల లక్ష్యంతో బరిలోకి దిగిన భారత్‌  ఆదిలోనే ఓపెనర్‌ కేఎల్‌ రాహుల్‌ వికెట్‌ కోల్పోయింది.  స్కోరు బోర్డుపై పరుగులేమి రాకుండానే మాక్సవెల్‌ బౌలింగ్‌లో స్మిత్‌కు క్యాచ్‌ ఇచ్చి డకౌట్‌గా వెనుదిరిగాడు. ఆ తర్వాత వచ్చిన కోహ్లి ఓపెనర్‌ ధవన్‌తో కలిసి రన్‌రేట్‌ పడిపోకుండా ఇన్నింగ్స్‌ను చక్కదిద్దే ప్రయత్నం  చేశాడు. ఈ నేపథ్యంలో 28 పరుగులు చేసిన ధవన్‌ స్వేప్సన్‌ బౌలింగ్‌లో క్యాచ్‌ అవుట్‌గా వెనుదిరిగాడు. ఆ తర్వాత వచ్చిన శామ్సన్‌, శ్రేయాస్‌ అయ్యర్‌లు ఇలా వచ్చి అలా వెళ్లడంతో 100 పరుగులకే నాలుగు వికెట్లు కోల్పోయింది. ఈ దశలో లాస్ట్‌ మ్యాచ్‌ హీరో పాండ్యా కోహ్లికి జత కలిశాడు. ఒకపక్క కోహ్లి సిక్సర్లు, ఫోర్లతో విజృంభించడం.. పాండ్యా కూడా బ్యాట్‌కు పనిచెప్పడంతో స్కోరు అంతకంతకు తగ్గిపోయింది. ఈ నేపథ్యంలోనే 20 పరుగులు చేసిన పాండ్యా జంపా బౌలింగ్‌లో అవుట్‌గా వెనుదిరగడం.. ఆ తర్వాత కాసేపటికే కోహ్లి కూడా అండ్రూ టై బౌలింగ్‌లో అవుట్‌ కావడంతో భారత్‌ ఓటమి దాదాపుగా ఖరారైపోయింది. అనంతరం శార్దూల్‌ ఠాకూర్‌ రెండు సిక్సర్లు బాదినా అవి లక్ష్యాన్ని తగ్గించడానికి మాత్రమే పనిచేసింది. అలా 20 ఓవర్లలో 7 వికెట్ల నష్టానికి 174 పరుగులు చేసింది. ఆసీస్‌ బౌలర్లలో మిచెల్‌ స్వేపన్‌ 3, మ్యాక్స్‌వెల్‌, అండ్రూ టై, జంపా, అబాట్‌ తలా ఒక వికెట్‌ తీశారు. అంతకముందు టాస్‌ గెలిచిన టీమిండియా ఫీల్డింగ్‌ ఎంచుకొని ఆసీస్‌ను‌ బ్యాటింగ్‌కు ఆహ్వానించింది. ఓపెనర్‌ ఆరోన్‌ ఫించ్‌ రెండో ఓవర్‌ వేసిన వాషింగ్టన్‌ సుందర్‌ బౌలింగ్‌లో డకౌట్‌గా వెనుదిరిగాడు. అయితే ఈ ఆనందం టీమిండియాకు ఎంతోసేపు నిలవలేదు.ఫించ్‌ వెనుదిరిగిన అనంతరం క్రీజులోకి వచ్చిన స్మిత్‌తో కలిసి మరో ఓపెనర్‌ వేడ్‌ చెలరేగిపోయాడు. అయితే మరోసారి బౌలింగ్‌కు వచ్చిన సుందర్‌ 24 పరుగులు చేసిన స్మిత్‌ను క్లీన్‌బౌల్డ్ చేశాడు. దీంతో ఆసీస్‌  79 పరుగులు వద్ద రెండో వికెట్‌ను కోల్పోయింది. తర్వాత వచ్చిన మ్యాక్స్‌వెల్‌ దాటిగా ఆడడంతో స్కోరుబోర్డు పరుగులెత్తింది. ఈ దశలో వేడ్ టోర్నీలో వరుసగా రెండో హాఫ్‌ సెంచరీ సాధించాడు. హాఫ్‌ సెంచరీ తర్వాత మరింత రెచ్చిపోయిన వేడ్‌.. ఫోర్లు, సిక్సర్లు బాదేశాడు. మ్యాక్స్‌వెల్‌ కూడా బ్యాట్‌కు పనిజెప్పడంతో ఆసీస్‌కు పరుగులు వేగంగా వచ్చాయి. ఈ నేపథ్యంలో మ్యాక్స్‌వెల్‌ కూడా 30 బంతుల్లో టోర్నీలో తొలి ఫిప్టీ సాధించాడు. అయితే స్కోరును పెంచే ప్రయత్నంలో వేడ్‌, మ్యాక్స్‌వెల్‌ అవుటవడం.. చివరి రెండు ఓవర్లు భారత బౌలర్లు కట్టుదిట్టంగా బౌల్‌ చేయడంతో ఆసీస్‌ 20 ఓవర్లలో 186 పరుగుల వద్ద ఇన్నింగ్స్‌ ముగించింది. టీమిండియా బౌలర్లలో  సుందర్‌ 2, నటరాజన్‌, ఠాకూర్‌లు చెరో వికెట్‌ తీశారు.

సిడ్నీ : ఆసీస్‌తో జరుగుతున్న మూడో టీ20లో ఆసీస్‌ బ్యాటింగ్‌ సమయంలో ఒక ఆసక్తికర సంఘటన చోటుచేసుకుంది. ఇన్నింగ్స్‌ 11వ ఓవర్‌లో టి. నటరాజన్‌ బౌలింగ్‌కు వచ్చాడు. అప్పటికే మాథ్యూ వేడ్‌ హాఫ్‌ సెంచరీతో ధాటిగా ఆడుతున్నాడు. ఓవర్‌లో నటరాజన్‌ వేసిన నాలుగో బంతి వేడ్‌ ప్యాడ్లను తాకింది. కానీ నటరాజన్‌.. కీపర్‌ రాహుల్‌ ఎల్బీపై అంపైర్‌కు అప్పీల్‌ చేసినా ఎటుంటి స్పందన రాలేదు... టీమిండియా కూడా రివ్యూ కోరలేదు. (చదవండి : అయ్యో! చహల్‌ ఎంత పని జరిగింది) అయితే థర్డ్‌ అంపైర్‌ చూపించిన రిప్లైలో మాత్రం వేడ్ ఔట్‌ అయినట్లుగా తెలుస్తుంది. ఆ తర్వాత మైదానంలోని బిగ్‌స్క్రీన్‌పై వేడ్‌ ఔట్‌ అయినట్లు కనిపించడంతో షాక్‌ తిన్న కోహ్లి రివ్యూ కోరాడు. కానీ అంపైర్‌ కోహ్లి రివ్యూను తిరస్కరించారు.  సమయం మించిన తర్వాత రివ్యూ కోరావని.. అందుకే తిరస్కరించామని అంపైర్లు చెప్పడంతో కోహ్లి ఏం చేయలేకపోయాడు. ఒకవేళ కోహ్లి రివ్యూ కోరుంటే 50 పరుగుల వద్ద వేడ్‌ ఔటయ్యేవాడు. అలా బతికిపోయిన వేడ్‌ ఆ తర్వాత మరో 30 పరుగులు రాబట్టాడు.కోహ్లి ఆలస్యం చేశావు.. వెంటనే రివ్యూ కోరుంటే ఫలితం వేరేలా ఉండేది అని అభిమానులు పేర్కొంటున్నారు. (చదవండి : స్టాండ్స్‌లోకి పంపుదామనుకుంటే స్టన్‌ అయ్యాడు..)

సిడ్నీ : ఆసీస్‌తో జరుగుతున్న మూడో టీ20లో టీమిండియా స్నిన్నర్‌ యజ్వేంద్ర చహల్‌ అరుదైన రికార్డును సాధించే అవకాశాన్ని కోల్పోయాడు. చహల్‌ ఈ  మ్యాచ్‌లో ఒక్క వికెట్‌ తీసినా టీ20ల్లో టీమిండియా తరపున అత్యధిక వికెట్లు తీసిన బౌలర్‌గా నిలిచి ఉండేవాడు. ఇక అసలు విషయంలోకి వెళితే..  ఆసీస్‌ ఇన్నింగ్స్‌ సమయంలో 13వ ఓవర్‌లో చహల్‌ బౌలింగ్‌కు వచ్చాడు. ఓవర్‌ చివరి బంతిని  గ్లెన్‌ మ్యాక్స్‌వెల్‌ ఫ్లిక్‌ చేయగా.. బంతి వెళ్లి కీపర్‌ రాహుల్‌ చేతుల్లో పడింది. మ్యాక్సవెల్‌ కూడా బంతి బ్యాట్‌కు తగలడంతో క్రీజును వీడాడు. కానీ అంపైర్‌ దానిని నోబాల్‌గా ప్రకటించడంతో మ్యాక్స్‌వెల్‌ బతికిపోయాడు. అలా చహల్‌కు వికెట్‌కు తీసే అవకాశం కోల్పోయాడు.(చదవండి : వారెవ్వా శామ్సన్‌.. వాట్‌ ఏ ఫీల్డింగ్‌) దీంతో చహల్‌ టీమిండియా తరపున టీ20ల్లో అత్యధిక వికెట్లు తీసిన ఆటగాడిగా రికార్డు సాధించాలంటే మరికొద్ది కాలం వేచి చూడాల్సి ఉంటుంది. ఎందుకంటే ఇప్పట్లో టీమిండియా టీ20 మ్యాచ్‌లు ఆడే అవకాశం లేదు. టీ20 సిరీస్‌ ముగిసిన వెంటనే ఆసీస్‌తో టెస్టు సిరీస్‌ ఆడనుంది. ఆ తర్వాత ఐపీఎల్‌ సీజన్‌ ఉండడంతో చహల్‌ మరికొంత కాలం ఆగాలి. ఈలోగా టీ20 ప్రపంచకప్‌ నిర్వహణ సాధ్యమైతే చహల్‌ ఈ రికార్డును చేరే అవకాశం ఉంటుంది.ఇ‍ప్పటికైతే టీమిండియా తరపున టీ20ల్లో చహల్‌ 59 వికెట్లతో బుమ్రాతో కలిసి సంయుక్తంగా అగ్రస్థానంలో ఉన్నాడు. చహల్‌ 45 మ్యాచ్‌ల్లోనే 59 వికెట్లు సాధించగా.. బుమ్రా మాత్రం 49 మ్యాచ్‌ల్లో 59 వికెట్లు తీశాడు.

సిడ్నీ :  ఆసీస్‌ ఓపెనర్‌ మాథ్యూ వేడ్‌ విధ్వంసకర ఇన్నింగ్స్‌కు తోడు ఆల్‌రౌండర్‌ మ్యాక్స్‌వెల్‌ చెలరేగడంతో మూడో టీ20లో ఆసీస్‌ భారీ స్కోరు నమోదు చేసింది. నిర్ణీత 20 ఓవర్లలో ఐదు వికెట్ల నష్టానికి 186 పరుగులు చేసింది. టీమిండియాకు 187  పరుగులు టార్గెట్‌ను నిర్ధేశించింది. ముందుగా టాస్‌ గెలిచిన టీమిండియా ఫీల్డింగ్‌ ఎంచుకొని ఆసీస్‌ను‌ బ్యాటింగ్‌కు ఆహ్వానించింది. ఓపెనర్‌ ఆరోన్‌ ఫించ్‌ రెండో ఓవర్‌ వేసిన వాషింగ్టన్‌ సుందర్‌ బౌలింగ్‌లో డకౌట్‌గా వెనుదిరిగాడు. అయితే ఈ ఆనందం టీమిండియాకు ఎంతోసేపు నిలవలేదు. ఫించ్‌ వెనుదిరిగిన అనంతరం క్రీజులోకి వచ్చిన స్మిత్‌తో కలిసి మరో ఓపెనర్‌ వేడ్‌ చెలరేగిపోయాడు. అయితే మరోసారి బౌలింగ్‌కు వచ్చిన సుందర్‌ 24 పరుగులు చేసిన స్మిత్‌ను క్లీన్‌బౌల్డ్ చేశాడు. దీంతో ఆసీస్‌  79 పరుగులు వద్ద రెండో వికెట్‌ను కోల్పోయింది. తర్వాత వచ్చిన మ్యాక్స్‌వెల్‌ దాటిగా ఆడడంతో స్కోరుబోర్డు పరుగులెత్తింది. ఈ దశలో వేడ్ టోర్నీలో వరుసగా రెండో హాఫ్‌ సెంచరీ సాధించాడు. హాఫ్‌ సెంచరీ తర్వాత మరింత రెచ్చిపోయిన వేడ్‌.. ఫోర్లు, సిక్సర్లు బాదేశాడు. మ్యాక్స్‌వెల్‌ కూడా బ్యాట్‌కు పనిజెప్పడంతో ఆసీస్‌కు పరుగులు వేగంగా వచ్చాయి. ఈ నేపథ్యంలో మ్యాక్స్‌వెల్‌ కూడా 30 బంతుల్లో టోర్నీలో తొలి ఫిప్టీ సాధించాడు. అయితే స్కోరును పెంచే ప్రయత్నంలో వేడ్‌, మ్యాక్స్‌వెల్‌ అవుటవడం.. చివరి రెండు ఓవర్లు భారత బౌలర్లు కట్టుదిట్టంగా బౌల్‌ చేయడంతో ఆసీస్‌ 20 ఓవర్లలో 186 పరుగుల వద్ద ఇన్నింగ్స్‌ ముగించింది. టీమిండియా బౌలర్లలో  సుందర్‌ 2, నటరాజన్‌, ఠాకూర్‌లు చెరో వికెట్‌ తీశారు.

సిడ్నీ : ఆసీస్‌తో జరుగుతున్న మూడో టీ20లో సంజూ శామ్సన్‌ అద్భుతమైన ఫీల్డింగ్‌తో అదరగొట్టాడు. శార్దూల్‌ ఠాకూర్‌ వేసిన 13వ ఓవర్లో మాథ్యూ వేడ్‌ భారీ షాట్‌ ఆడాడు. దాన్ని అందరూ సిక్స్‌గానే భావించారు. కానీ బౌండరీ లైన్‌ వద్ద  అప్పటికే కాచుకు కూర్చున్న శామ్సన్‌ దాదాపు అందుకున్నంత ప్రయత్నం చేశాడు. కానీ అప్పటికే బౌండరీ లైన్‌ను దాటేయడంతో బంతిని నెట్టేశాడు. దీంతో సిక్స్‌ రావాల్సిన చోట కేవలం రెండు పరుగులు మాత్రమే వచ్చాయి. ఒకవేళ శామ్సన్‌ ఈ క్యాచ్‌ పట్టి ఉంటే మాత్రం అద్బుత క్యాచ్‌గా మిగిలిపోయేది. ఇప్పటివరకు ఆసీస్‌ 16 ఓవర్లలో 2 వికెట్ల నష్టానికి 145  పరుగులు చేసింది. ఓపెనర్‌ మాథ్యూ వేడ్‌ 73 పరుగులు, మ్యాక్స్‌వెల్‌ 37 పరుగులతో క్రీజులో ఉన్నారు.

సిడ్నీ : ఆసీస్‌తో జరగుతున్న మూడో టీ20లో టాస్‌ గెలిచిన టీమిండియా ఫీల్డింగ్‌ ఏంచుకుంది. కాగా మరో మ్యాచ్‌ మిగిలి ఉండగానే ఆస్ట్రేలియాతో టి20 సిరీస్‌ను సొంతం చేసుకున్న భారత్‌ క్లీన్‌స్వీప్‌పై కన్నేసింది. గత మ్యాచ్‌ వేదికలోనే ఇరు జట్లు మూడో టీ20లో తలపడనున్నాయి. వన్డే సిరీస్‌ తరహాలోనే చివరి మ్యాచ్‌ గెలిచి ఆసీస్‌ లెక్క సరి చేస్తుందా... లేక భారత్‌ తమ జోరు కొనసాగించి రెండోసారి ఆసీస్‌ను క్లీన్‌స్వీప్‌ చేస్తుందా అనేది ఆసక్తికరంగా మారింది. భారత్‌ ఎలాంటి మార్పులు లేకుండా బరిలోకి దిగగా.. ఇక ఆసీస్‌ విషయానికి వస్తే గత మ్యాచ్‌కు దూరంగా ఉన్న రెగ్యులర్‌ కెప్టెన్‌ ఫించ్‌ మళ్లీ తుది జట్టులోకి వచ్చేశాడు. తుది జట్లు : భారత్ ‌: కోహ్లి (కెప్టెన్‌), శిఖర్‌ ధావన్, రాహుల్, సామ్సన్, శ్రేయస్‌ అయ్యర్, హార్దిక్‌ పాండ్యా, శార్దుల్, సుందర్, దీపక్‌ చహర్, నటరాజన్, చహల్‌ ఆస్ట్రేలియా : ఆరోన్‌ ఫించ్‌ (కెప్టెన్‌), మాథ్యూ వేడ్, మ్యాక్స్‌వెల్, డీ ఆర్సీ షార్ట్‌, హెన్రిక్స్, సీన్‌ అబాట్, స్యామ్స్, స్వెప్సన్, జంపా, ఆండ్రూ టై

సిడ్నీ : ఆసీస్‌తో జరిగిన రెండో టీ20లో టీమిండియా కెప్టెన్‌ విరాట్‌ కోహ్లి ఏబీ డివిలియర్స్‌ను గుర్తుకుతెస్తూ ఆడిన షాట్‌ వైరల్‌గా మారిన సంగతి తెలిసిందే. టీమిండియా ఇన్సింగ్స్‌ సందర్భంగా కోహ్లి 24 పరుగుల వద్ద ఉన్నప్పుడు ఆండ్రూ టై బౌలింగ్‌లో వికెట్‌ నుంచి పక్కకు జరిగి అచ్చం ఏబీ తరహాలో ఫైన్‌ లెగ్‌ మీదుగా సిక్స్‌ కొట్టాడు. కోహ్లి షాట్‌ చూసి టీమిండియా సహచరులతో పాటు ఆసీస్‌ ఆటగాళ్లు ఆశ్చర్యానికి గురయ్యారు. కోహ్లి తన శైలికి భిన్నంగా ఆడిన షాట్‌లో అతని నైపుణ్యత మరింత పెరిగిందనడానికి ఇదే ఉదాహరణ.(చదవండి : వీరు విధ్వంసానికి తొమ్మిదేళ్లు) అయితే కోహ్లి తాను ఆడిన షాట్‌పై మ్యాచ్‌ అనంతరం స్పందించాడు. నేను ఆ షాట్‌ కొట్టిన సమయంలో హార్దిక్‌ నాన్‌ స్ట్రైకింగ్‌ ఎండ్‌లో ఉన్నాడు. బహుశా ఆ షాట్‌ ఆడుతానని పాండ్యా కూడా ఊహించి ఉండడు. ఈ షాట్‌ విషయంపై ఏబీకి మెసేజ్‌ చేస్తాను. అచ్చం అతనిలా ఆడానా లేదా అనేది చెప్తాడేమో చూడాలి.  అంతేగాక ఏబీ ఏ విధంగా రిప్లై ఇస్తాడో చూడాలనుందని ' నవ్వుతూ పేర్కొన్నాడు. (చదవండి : 'తన కెరీర్‌ను తానే నాశనం చేసుకున్నాడు') Virat Kohli or AB de Villiers? 🤯 Ridiculous shot from the Indian skipper! #AUSvIND pic.twitter.com/6g8xY8ihIj — cricket.com.au (@cricketcomau) December 6, 2020 కాగా రెండో టీ 20లో టీమిండియా ఆరు వికెట్ల తేడాతో గెలిచింది.  మొదట కోహ్లి 24 బంతుల్లో 40తో నాణ్యమైన ఇన్నింగ్స్‌ ఆడగా... చివర్లో హార్దిక్‌ 22 బంతుల్లో 44 పరుగులతో విధ్వంసం సృష్టించడంతో టీ20 సిరీస్‌ భారత్‌ వశమైంది. నామమాత్రంగా మారిన మూడో టీ20ని ఎలాగైనా గెలిచి సిరీస్‌ను క్లీన్‌స్వీప్‌ చేయాలని టీమిండియా భావిస్తోంది.

సిడ్నీ : రిషబ్‌ పంత్‌ కెరీర్‌ ప్రమాదంలో పడిందని.. ఇప్పటికైనా ఆటతీరు మార్చుకోవాలని టీమిండియా మాజీ క్రికెటర్‌ ఆకాశ్‌ చోప్రా అభిప్రాయపడ్డాడు. ఇప్పటికైనా తనకున్న బద్దకాన్ని వదిలేసి ఆట మీద దృష్టి పెడితే మంచిదని పేర్కొన్నాడు. పంత్‌ ఆటతీరు ఇలాగే కంటిన్యూ అయితే భవిష్యత్తులో టెస్టు జట్టులో కూడా చోటు దక్కడం కష్టమేనని తెలిపాడు. (చదవండి : మీరే కాదు.. నేనూ మిస్సవుతున్నా : కోహ్లి) 'ఆసీస్‌ టూర్‌కు పంత్‌ను కేవలం టెస్టు జట్టుకు మాత్రమే పరిగణలోకి తీసుకున్నా రాహుల్‌ ఫామ్‌ దృష్యా.. మరోవైపు వృద్ధిమాన్‌ సాహాకు టెస్టుల్లో ఉన్న రికార్డు చూసుకుంటే పంత్‌ టెస్టులు ఆడడం కష్టమే. ఆసీస్‌- ఏతో జరుగుతున్న ప్రాక్టీస్‌ మ్యాచ్‌లోనూ ఇండియా- ఏ తరపున  పంత్‌ స్థానంలో సాహాకు స్థానం లభించిదంటేనే విషయం అర్ధమయి ఉండాలి. రానున్న రోజుల్లో పంత్‌ టెస్టుల్లో కూడా తన స్థానాన్ని కోల్పోనున్నాడు. ఇప్పటికైనా బద్దకాన్ని వదిలేసి ఆటతీరును మార్చుకోవాలి. ఆటలో తను చేసిన తప్పిదాలే.. ఇప్పుడు పంత్‌ కెరీర్‌ను ప్రశ్నార్థకం చేశాయి. స్వయంగా తన కెరీర్‌ను తానే నాశనం చేసుకుంటున్నాడు. మళ్లీ తుది జట్టులోకి రావాలంటే కఠోర సాధన చేయాల్సిన అవసరం ఉంది.. లేదంటే అతని కెరీర్‌ ముగిసినట్లే 'అని వెల్లడించాడు.  ఆకాశ్‌ చోప్రా పంత్‌పై చేసిన వ్యాఖ్యలు నిజమనే అభిప్రాయం వ్యక్తమయ్యేలా చేస్తున్నాయి. వాస్తవానికి పంత్‌ మంచి టెక్నిక్‌ ఉన్న ఆటగాడు.. టీమిండియాకు ఎంపికైన మొదట్లో దూకుడైన ఆటతీరును చూసి మంచి భవిష్యత్తు ఉన్న ఆటగాడిగా పేరు సంపాదిస్తారని అంతా భావించారు. కానీ రాను రాను పంత్‌ ఆటతీరులో నిర్లక్ష్య ధోరణి స్పష్టంగా కనిపించేది. ఎదో మొక్కుబడికి ఆడుతున్నామా అన్నట్లుగా అతని షాట్లు ఉండేవి. ఆట కీలకదశలో ఉన్న సమయంలో ఎన్నోసార్లు నిర్లక్ష్యంగా వికెట్‌ సమర్పించుకునేవాడు. ఇదే సమయంలో కేఎల్‌ రాహుల్‌ నిలకడైన ప్రదర్శన చేస్తూ టీమిండియాలో  తన స్థానాన్ని మరింత సుస్థిరం చేసుకున్నాడు. కేవలం పంత్‌ నిర్లక్ష్యమే ఇప్పుడు ఆసీస్‌తో జరిగిన పరిమిత ఓవర్లతో పాటు ప్రస్తుతం  జరుగుతున్న టీ20 సిరీస్‌కు దూరం చేసింది. ఐపీఎల్‌లోనూ పంత్‌ నుంచి ఒక్క మంచి ఇన్నింగ్స్‌ రాలేదు. ఢిల్లీ క్యాపిటల్స్‌ మ్యాచ్‌లు గెలవడంలో సహకరించిన పంత్‌ భారీ ఇన్నింగ్స్‌లు మాత్రం ఆడలేకపోయాడు. (చదవండి : ధావన్‌.. నేను ధోనిని కాదు: వేడ్‌)

120 బంతుల్లో 195 పరుగులు... పెద్ద మైదానాలు ఉండే ఆసీస్‌ గడ్డపై అసాధారణ లక్ష్యమే. కానీ భారత బ్యాట్స్‌మెన్‌ అద్భుత ఆటతీరుతో కష్టతరమైన లక్ష్యాన్ని అందుకొని అదరహో అనిపించారు. ముందుగా ఓపెనర్లు రాహుల్‌ పరుగుపెట్టిస్తే... ధావన్‌ జోరందుకున్నాడు. కెప్టెన్‌ కోహ్లి రన్‌రేట్‌ను కాపు కాశాడు. ఇక వీళ్లంతా ఔటైతే భారత్‌ కథ ముగియలేదు... ఛేజింగ్‌ అక్కడితోనే ఆగిపోలేదు. నేనున్నానంటూ హార్దిక్‌ పాండ్యా (22 బంతుల్లో 42 నాటౌట్‌; 3 ఫోర్లు, 2 సిక్స్‌లు) కొండంత లక్ష్యాన్ని తన విధ్వంసంతో కరిగించగా... ‘బర్త్‌డే బాయ్‌’ శ్రేయస్‌ అయ్యర్‌ తనవంతు పాత్రను పోషించాడు. దాంతో టీమిండియా మరో 2 బంతులుండగానే విజయ తీరాలకు చేరింది. మరో మ్యాచ్‌ మిగిలుండగానే టి20 సిరీస్‌ను సొంతం చేసుకుంది.    సిడ్నీ: అసలే ఈ పర్యటనలో అచ్చిరాని వేదిక సిడ్నీ. ఆపై కొండంత లక్ష్యం. భారీ ఛేదనలో జడేజాలాంటి నాణ్యమైన బ్యాటింగ్‌ ఆల్‌రౌండర్‌ లేడు. అయినా సరే భారత్‌ యేటికి ఎదురీదింది. భారీస్కోరును తడబడకుండా ఛేదించింది. ఇక్కడ బాధ్యతాయుత బ్యాటింగ్‌ ముందు బెంబేలెత్తించే బౌలింగ్‌ చిన్నబోయింది. రెండో టి20లో భారత్‌ 6 వికెట్ల తేడాతో ఆస్ట్రేలియాపై నెగ్గి 2–0తో సిరీస్‌ను పట్టింది. చిత్రంగా వన్డే సిరీస్‌ చేజారిన వేదికపైనే టీమిండియా టి20 సిరీస్‌ చేజిక్కించుకుంది. సిరీస్‌లోని చివరిదైన మూడో టి20 మ్యాచ్‌ మంగళవారం సిడ్నీలోనే జరుగుతుంది. కోహ్లి టాస్‌ నెగ్గినా ఆసీస్‌నే ఆడించగా... ముందుగా ఆస్ట్రేలియా 20 ఓవర్లలో 5 వికెట్లకు 194 పరుగులు చేసింది. ఓపెనర్‌ మాథ్యూ వేడ్‌ (32 బంతుల్లో 58; 10 ఫోర్లు, 1 సిక్స్‌) చెలరేగాడు. స్మిత్‌ (38 బంతుల్లో 46; 3 ఫోర్లు, 2 సిక్స్‌లు) రాణించాడు. తర్వాత భారత్‌ 19.4 ఓవర్లలో 4 వికెట్లే కోల్పోయి 195 పరుగులు చేసి గెలిచింది. రాహుల్‌ (22 బంతుల్లో 30; 2 ఫోర్లు, సిక్స్‌), ధావన్‌ (36 బంతుల్లో 52; 4 ఫోర్లు, 2 సిక్స్‌లు), కోహ్లి (24 బంతుల్లో 40; 2 ఫోర్లు, 2 సిక్స్‌లు) స్కోరు బోర్డును ఉరకలెత్తించారు. ‘మ్యాన్‌ ఆఫ్‌ ద మ్యాచ్‌’ హార్దిక్‌ గెలిచేదాకా దంచేశాడు. వేడ్‌ ధనాధన్‌... రెగ్యులర్‌ కెప్టెన్‌ ఫించ్‌ గైర్హాజరీలో నాయకత్వం వహించిన వేడ్‌ భారత బౌలర్లను వేటాడాడు. బౌండరీలతో ఇన్నింగ్స్‌కు రాకెట్‌ వేగాన్ని జత చేశాడు. దీంతో 5.1 ఓవర్లలోనే ఆసీస్‌ స్కోరు 50కి చేరింది. శార్దుల్‌ వేసిన ఆ ఓవర్లో మూడు బౌండరీలు కొట్టడంతో మరుసటి ఓవర్లోనే వేడ్‌ 25 బంతుల్లో (10 ఫోర్లు, 1 సిక్స్‌) ఫిఫ్టీ కూడా పూర్తయింది. భారత బౌలర్లకు కొరకరాని కొయ్యగా మారిన వేడ్‌ నాటకీయంగా ఔటయ్యాడు. సుందర్‌ 8వ ఓవర్‌ చివరి బంతిని గాల్లోకి ఆడాడు. కవర్‌ కోహ్లి సునాయాస క్యాచ్‌ జారవిడిచాడు. క్రీజులో వేడ్, స్మిత్‌ పరుగందుకోవడంతో వెంటనే రాహుల్‌కు త్రో చేయగా స్మిత్‌ వెనక్కి తగ్గాడు. వేడ్‌ వెనుదిరిగేలోపే కీపర్‌ రాహుల్‌ వికెట్లను గిరాటేశాడు. ఆ తర్వాత స్మిత్‌ కుదురుగా ఆడగా... మ్యాక్స్‌వెల్‌ (13 బంతుల్లో 22; 2 సిక్స్‌లు) ఉన్న కాసేపే ముచ్చెమటలు పట్టించాడు. ఆఖర్లో హెన్రిక్స్‌ (18 బంతుల్లో 26; 1 సిక్స్‌) ధాటిగా ఆడటంతో ఆతిథ్య జట్టు భారీస్కోరు చేసింది.   ఆచితూచి... భారత్‌ మూడో ఓవర్‌ నుంచి దంచుడు మొదలు పెట్టింది. ఓపెనర్లు రాహుల్, ధావన్‌ తొలి రెండు ఓవర్లు ఆచితూచి ఆడారు. తర్వాత బ్యాట్‌కు పనిచెప్పారు. సిక్స్‌లు, ఫోర్లతో 4.5 ఓవర్లలో టీమిండియా స్కోరు 50కి చేరింది. కాసేపటికే రాహుల్‌ అవుటైనా... వెంటనే కోహ్లి వేగం అందుకోకపోయినా... ధావన్‌ లక్ష్యఛేదనకు అవసరమైన పరుగుల్ని చకచకా చేస్తూ తన అర్ధసెంచరీని 34 బంతుల్లో పూర్తిచేశాడు. దూకుడుగా ఆడే క్రమంలో అతను అవుట్‌కాగా... అప్పుడు కోహ్లి వేగం అందుకున్నాడు. తొలి 11 బంతుల్లో 10 పరుగులే చేసిన కెప్టెన్‌ తర్వాతి 13 బంతుల్లో 30 పరుగులు చేయడంతో ఛేదనకు ఏమాత్రం ఢోకా లేకుండాపోయింది. పాండ్యా ప్రతాపం... సామ్సన్‌ ఔటైన 14వ ఓవర్లో హార్దిక్‌ పాండ్యా క్రీజులోకి వచ్చాడు. గెలిచేందుకు 36 బంతుల్లో 75 పరుగులు కావాలి. ఆండ్రూ టై వేసిన 15వ ఓవర్లో కోహ్లి 2 ఫోర్లు, సిక్స్‌తో 18 పరుగులు పిండుకున్నాడు. కాసేపటికే అతనూ పెవిలియన్‌ చేరాడు. ఆఖరి 4 ఓవర్లలో 46 పరుగులు చేయాల్సి ఉండగా... శ్రేయస్‌ అయ్యర్‌ (12 నాటౌట్, ఫోర్, సిక్స్‌)తో కలిసి పాండ్యా అదరగొట్టాడు. 19, 20వ ఓవర్లను పూర్తిగా పాండ్యానే ఆడాడు. 19వ ఓవర్లో వరుసగా 2 ఫోర్లు కొట్టగా... విజయానికి చివరి ఓవర్లో భారత్‌ 14 పరుగులు చేయాలి. ఈ ఓవర్‌ తొలి బంతిపై రెండు పరుగులు తీసిన పాండ్యా... రెండో బంతిని లాంగాన్‌లో సిక్స్‌గా తరలిం చాడు. మూడో బంతిపై పరుగు రాకున్నా... నాలుగో బంతి ని పాండ్యా డీప్‌ మిడ్‌వికెట్‌ మీదుగా సిక్స్‌ కొట్టడంతోనే మ్యాచ్‌ ముగిసింది. భారత్‌ సిరీస్‌తో మురిసింది. స్కోరు వివరాలు ఆస్ట్రేలియా ఇన్నింగ్స్‌: వేడ్‌ (రనౌట్‌) 58; షార్ట్‌ (సి) అయ్యర్‌ (బి) నటరాజన్‌ 9; స్మిత్‌ (సి) పాండ్యా (బి) చహల్‌ 46; మ్యాక్స్‌వెల్‌ (సి) సుందర్‌ (బి) శార్దుల్‌ 22; హెన్రిక్స్‌ (సి) రాహుల్‌ (బి) నటరాజన్‌ 26; స్టొయినిస్‌ (నాటౌట్‌) 16; సామ్స్‌ (నాటౌట్‌) 8; ఎక్స్‌ట్రాలు 9; మొత్తం (20 ఓవర్లలో 5 వికెట్లకు) 194. వికెట్ల పతనం: 1–47, 2–75, 3–120, 4–168, 5–171. బౌలింగ్‌: చహర్‌ 4–0–48–0, సుందర్‌ 4–0–35–0, శార్దుల్‌ 4–0–39–1, నటరాజన్‌ 4–0–20–2, చహల్‌ 4–0–51–1. భారత్‌ ఇన్నింగ్స్‌: రాహుల్‌ (సి) స్వెప్సన్‌ (బి) టై 30; ధావన్‌ (సి) స్వెప్సన్‌ (బి) జంపా 52; కోహ్లి (సి) వేడ్‌ (బి) సామ్స్‌ 40; సామ్సన్‌ (సి) స్మిత్‌ (బి) స్వెప్సన్‌ 15, హార్దిక్‌ పాండ్యా (నాటౌట్‌) 42; అయ్యర్‌ (నాటౌట్‌) 12; ఎక్స్‌ట్రాలు 4; మొత్తం (19.4 ఓవర్లలో 4 వికెట్లకు) 195. వికెట్ల పతనం: 1–56, 2–95, 3–120, 4–149. బౌలింగ్‌: సామ్స్‌ 3.4–0–41–1, అబాట్‌ 2–0–17–0, ఆండ్రూ టై 4–0–47–1, మ్యాక్స్‌వెల్‌ 1–0–19–0, స్వెప్సన్‌ 4–0–25–1, హెన్రిక్స్‌ 1–0–9–0, జంపా 4–0–36–1. ► అంతర్జాతీయ టి20ల్లో 190 పరుగులకుపైగా లక్ష్యాన్ని ఛేదించడం భారత్‌కిది ఏడోసారి. గతంలో ఏ జట్టూ ఇలా చేయలేదు. ఇంగ్లండ్‌ (5 సార్లు) రెండో స్థానంలో ఉంది. ► ఆస్ట్రేలియా గడ్డపై ఆస్ట్రేలియాను ఓడించి టెస్టు, వన్డే, టి20 సిరీస్‌లు గెల్చుకున్న రెండో విదేశీ కెప్టెన్‌ కోహ్లి. గతంలో డు ప్లెసిస్‌ (దక్షిణాఫ్రికా) ఈ ఘనత సాధించాడు.   ► అంతర్జాతీయ టి20ల్లో భారత్‌కిది వరుసగా తొమ్మిదో విజయం. ఈ ఫార్మాట్‌లో అత్యధిక వరుస విజయాల రికార్డు అఫ్గానిస్తాన్‌ జట్టు (12 మ్యాచ్‌ల్లో; 2018–2019 సీజన్‌) పేరిట ఉంది.   

సిడ్నీ : మాథ్యూ వేడ్‌ హాఫ్‌ సెంచరీకి తోడూ స్మిత్‌ కూడా రాణించడంతో రెండో టీ 20లో ఆసీస్‌ టీమిండియాకు 195 పరుగుల భారీ లక్ష్యాన్ని నిర్దేశించింది. ముందుగా టాస్‌ గెలిచి ఫీల్డింగ్‌ ఏంచకున్న భారత్‌ ఆసీస్‌ను బ్యాటింగ్‌కు ఆహ్వానించింది. ఫించ్‌ స్థానంలో ఓపెనర్‌గా వచ్చిన కెప్టెన్‌ మాథ్యూ వేడ్‌, మరో ఓపెనర్‌ డీఆర్సీ షాట్‌లు జట్టుకు శుభారంబాన్ని అందించారు. మొదటి 4 ఓవర్లలోనే 40 పరుగులు చేసిన ఆసీస్‌ .. 47 పరుగుల వద్ద తొలి వికెట్‌ కోల్పోయింది. 9 పరుగులు చేసిన డీఆర్సీ షాట్‌ నటరాజన్‌ బౌలింగ్‌లో శ్రేయాస్‌ అయ్యర్‌కు క్యాచ్‌ ఇచ్చి అవుట్‌గా వెనుదిరిగాడు. మరోవైపు ఆరంభం నుంచి దాటిగా ఆడిన వేడ్‌ 5వ ఓవర్‌లో ఠాకూర్‌ బౌలింగ్‌లో ఇచ్చిన క్యాచ్‌ను హార్ధిక్‌ జారవిడిచాడు. దీంతో 25 బంతుల్లో 50 పరుగులు పూర్తి చేశాడు. వేడ్‌కు జతకలిసిన స్టీవ్‌ స్మిత్‌ కూడా దాటిగా ఆడడంతో స్కోరుబోర్డు పరుగులెత్తింది. ఈ దశలో 58 పరుగులు చేసిన వేడ్‌ సుందర్‌ బౌలింగ్‌లో రనౌట్‌గా వెనుదిరిగాడు. ఆ తర్వాత వచ్చిన మ్యాక్స్‌వెల్‌ 2 సిక్సర్లతో 22 పరుగులు చేసి ఠాకూర్‌ బౌలింగ్‌లో వెనుదిరిగాడు. దీంతో 120 పరగుల వద్ద ఆసీస్‌ మూడో వికెట్‌ కోల్పోయింది. హెన్రిక్స్‌తో కలిసి స్మిత్‌ స్కోరును పరిగెత్తించాడు. ఆసీస్‌ స్కోరు 168 పరుగులు వద్ద 46 పరుగుల చేసిన స్మిత్‌ చహల్‌ బౌలింగ్‌లో హార్దిక్‌కు క్యాచ్‌ ఇచ్చి అవుటయ్యాడు. కాసేపటికే 26 పరుగులు చేసిన హెన్రిక్స్‌ ను నటరాజన్‌ పెవిలియన్‌ చేర్చాడు. ఆ తర్వాత మార్కస్‌ స్టోయినిస్‌ మరో వికెట్‌ పడకుండా డేనియల్‌ సామ్స్‌తో కలిసి ఇన్నింగ్స్‌ ఆడాడు. దీంతో ఆసీస్‌ నిర్ణీత 20 ఓవర్లో 5 వికెట్ల నష్టానికి 194 పరుగులు చేసింది. భారత బౌలర్లలో నటరాజన్‌ 2, చహల్‌, ఠాకూర్‌లు చెరో వికెట్‌ తీశారు. 

డ్రమ్మోయ్నీ ఓవల్‌(సిడ్నీ):  ఆస్ట్రేలియా ‘ఎ’తో జరుగుతున్న మూడు రోజుల ప్రాక్టీస్‌ మ్యాచ్‌లో భారత ‘ఎ’ జట్టు తొలి రోజు ఆట ముగిసే సమయానికి 90 ఓవర్లలో 8 వికెట్ల నష్టానికి 237 పరుగులు చేసింది. టాస్‌ గెలిచిన భారత ‘ఎ’ జట్టు ముందుగా బ్యాటింగ్‌ తీసుకుంది. దీంతో రహానే నేతృత్వంలోని భారత బ్యాటింగ్‌ను పృథ్వీ షా, శుబ్‌మన్‌ గిల్‌లు ఆరంభించారు. వీరిద్దరూ డకౌట్లుగా వెనుదిరగడంతో భారత ’ఎ’ జట్టుకు ఆదిలోనే ఎదురుదెబ్బ తగిలింది. ఆ తరుణంలో చతేశ్వర పుజారా ఇన్నింగ్స్‌ను చక్కదిద్దాడు. పుజారా 140 బంతులు ఎదుర్కొని ఐదు ఫోర్ల సాయంతో 54 పరుగులు సాధించాడు. (చదవండి:ఫించ్‌ ఔట్‌.. కెప్టెన్‌గా వేడ్‌) అనంతరం అజింక్యా రహానే శతకం నమోదు చేశాడు. 228 బంతుల్లో 16 ఫోర్లు, 1 సిక్స్‌ సాయంతో అజేయంగా 108 పరుగులు చేశాడు. హనుమ విహారి(15), సాహా(0), అశ్విన్‌(5)లు నిరాశ పరచగా, టెయిలెండర్లు కుల్దీప్‌ యాదవ్‌(15), ఉమేశ్‌ యాదవ్‌(24) ఫర్వాలేదనిపించారు. తొలి రోజు ఆట ముగిసే సమయానికి రహానే, మహ్మద్‌ సిరాజ్‌(0 బ్యాటింగ్‌) క్రీజ్‌లో ఉన్నారు.  ఆసీస్‌ ‘ఎ’ జట్టులో జేమ్స్‌ పాటిన్‌సన్‌ మూడు వికెట్లు సాధించగా,  మైకేల్‌ నేసర్‌, ట్రావిస్‌ హెడ్‌లు తలో  రెండు వికెట్లు తీశారు. జాక్సన్‌ బర్డ్‌కు వికెట్‌ దక్కింది. ఒకవైపు ఆసీస్‌-టీమిండియా జట్ల మధ్య టీ20 సిరీస్‌ జరగుతుండగానే, మరొకవైపు ఆసీస్‌-భారత్‌ ‘ఎ’ జట్ల మధ్య ప్రాక్టీస్‌ మ్యాచ్‌ జరుగుతుండటం విశేషం. 

సిడ్నీ :  ఆస్ట్రేలియాతో జరుగుతున్న రెండో టీ20 మ్యాచ్‌లో టాస్‌ గెలిచిన టీమిండియా ఫీల్డింగ్‌ ఏంచుకుంది. కాగా మూడు వన్డేల సిరీస్‌ను 2- 1 తేడాతో ఆతిథ్య జట్టుకు కోల్పోయిన టీమిండియా ఈ మ్యాచ్‌లో గెలిచి టీ 20 సిరీస్‌ను మరో మ్యాచ్‌ మిగిలి ఉండగానే వశం చేసుకోవాలని భావిస్తోంది. కాగా ఆసీస్‌ మాత్రం ఈ మ్యాచ్‌ గెలిచి సిరీస్‌ను సమం చేయాలని భావిస్తోంది. ఆసీస్‌తో జరిగిన చివరి వన్డేలో గెలుపు ద్వారా ఫామ్‌లోకి వచ్చిన టీమిండియా తొలి టి 20లో ప్రతాపం చూపింది. కోహ్లి సేన ఆఖరిదాకా లాక్కెళ్లకుండా రెండో మ్యాచ్‌లోనే పొట్టి సిరీస్‌ నెగ్గాలనే పట్టుదలతో ఉంది. ఈ నేపథ్యంలో రెండో టి20లో గెలుపే లక్ష్యంగా బరిలోకి దిగుతోంది. భారత్‌ విజయాల జోరులో ఉంటే... ఆస్ట్రేలియాను గాయాలు కలవరపెడుతున్నాయి. ఇప్పటికే డేవిడ్‌ వార్నర్‌ టీ20 సిరీస్‌కు దూరం  కాగా, అరోన్‌ ఫించ్‌ సైతం రెండో  టీ20కి దూరమయ్యాడు. గాయం కారణంగా ఫించ్‌ మ్యాచ్‌కు దూరమయ్యాడు. దాంతో ఆసీస్‌ కెప్టెన్‌గా మాథ్యూ వేడ్‌ వ్యవహరిస్తున్నాడు. దాంతో పాటు హజల్‌వుడ్‌, స్టార్క్‌లు కూడా రెండో టీ20కి అందుబాటులో లేరు. ముగ్గురు కీలక ఆటగాళ్లు దూరం కావడం ఆసీస్‌ను కలవర పరుస్తోంది. వీరి ముగ్గురు  స్థానాల్లో సామ్స్‌, స్టోయినిస్‌, అండ్రూ టైలు తుది జట్టులోకి వచ్చారు. ఇక టీమిండియా విషయానికొస్తే గాయపడ్డ జడేజా స్థానంలో చహల్ తుది జట్టులోకి రాగా, మనీష్‌ పాండే స్థానంలో శ్రేయాస్‌ అయ్యర్‌ను తీసుకున్నారు. కాగా ఆసీస్‌ రెగ్యులర్‌ కెప్టెన్‌ ఫించ్‌ ఈ మ్యాచ్‌కు దూరంగా ఉండడంతో అతని స్థానంలో మాథ్యూ వేడ్‌ నాయకత్వం వహించనుండగా.. స్టార్క్‌ స్థానంలో డేనియల్‌ సామ్స్‌ తుది జట్టులోకి వచ్చాడు. తుది జట్లు : భారత్‌: కోహ్లి (కెప్టెన్‌), ధావన్, రాహుల్, సామ్సన్, శ్రేయాస్‌ అయ్యర్‌, హార్దిక్‌ పాండ్యా, సుందర్, దీపక్‌ చహర్, నటరాజన్, శార్దూల్‌ ఠాకూర్‌, చహల్‌ ఆస్ట్రేలియా: డార్సీ షార్ట్, వేడ్(కెప్టెన్‌), స్మిత్, మ్యాక్స్‌వెల్, హెన్రిక్స్, అబాట్, స్వెప్సన్‌, జంపా, స్టోయినిస్‌, అండ్రూ టై,డేనియల్‌ సామ్స్‌‌

సిడ్నీ : భారత్‌తో జరుగుతున్న టీ20 సిరీస్‌కు ఆసీస్‌ నుంచి మరో కీలక ఆటగాడు దూరమయ్యాడు. స్టార్‌ పేసర్‌ మిచెల్‌ స్టార్క్‌ వ్యక్తిగత కారణాల రిత్యా టీ20 సిరీస్‌ నుంచి తప్పుకున్నాడని క్రికెట్‌ ఆస్ట్రేలియా తెలిపింది. ఇదే విషయంపై ఆసీస్‌ ప్రధాన కోచ్‌ జస్టిన్‌ లాంగర్‌ స్పందించాడు. 'కుటుంబ కారణాల రిత్యా స్టార్క్‌ టీమిండియాతో జరుగుతున్న టీ20 సిరీస్‌ నుంచి తప్పుకున్నాడు. ప్రపంచంలో అన్నింటి కన్నా కుటుంబం ముఖ్యం.. దాని తరువాతే ఏదైనా. మిచెల్‌కు కావలసినంత సమయాన్ని ఇస్తాం. తాను అనుకున్నప్పుడే జట్టులోకి రావచ్చు. అయితే మళ్లీ జట్టులోకి ఎప్పుడు వస్తాడనే దానిపై ఎలాంటి క్లారిటీ లేదు. తన కోసం ఎదురు చూస్తుంటాం.' అని లాంగర్‌ పేర్కొన్నాడు. (చదవండి : ప్రియురాలి కోరిక.. సొంత దేశానికి రిటైర్మెంట్‌) కాగా ఆసీస్‌ జట్టును గాయాల బెడద పీడిస్తోంది. వన్డే సిరీస్‌ తర్వాత స్టార్‌ ఓపెనర్‌ డేవిడ్‌ వార్నర్‌తో పాటు ఆస్టన్‌ అగర్‌ దూరం కాగా.. తాజాగా స్టార్క్‌ కూడా దూరమయ్యాడు. కాగా నేడు జరిగే మ్యాచ్‌లో ఆసీస్‌ జట్టు స్టార్క్‌ స్థానాన్ని ఎవరితో భర్తీ చేస్తుందనేది వేచి చూడాలి. కాగా ఇప్పటికే తొలి టీ20లో విజయం సాధించి మంచి ఊపు మీదున్న టీమిండియా మరో విజయం సాధించి సిరీస్‌ గెలవాలని చూస్తుంటే.. ఆసీస్‌ మాత్రం మ్యాచ్‌ గెలిచి సిరీస్‌ను సమం చేయాలని చూస్తుంది. (చదవండి : 'గిల్‌.. ఇదేమైనా క్లబ్‌ క్రికెట్‌ అనుకున్నావా')

సిడ్నీ : ఆస్ట్రేలియా వేదికగా జరుగుతున్న వన్డే సిరీస్‌లో భారత్‌ వరుస పరాజయాల పట్ల అభిమానులతో పాటు మాజీలు అసహనం వ్యక్తం చేస్తున్నారు. దూసుడైన ఆటతీరుకు చిరునామాగా ఉన్న ఆసీస్‌ గడ్డపై సరైన ప్రణాళిక లేకుండా టీమిండియా బరిలో నిలిచిందనే విమర్శ వినిపిస్తోంది. ప్రత్యర్థి ఆటగాళ్లను కట్టడిచేయకపోగా.. అనుభవజ్ఞులైన పేసర్లు సైతం ధారాళంగా పరుగులు సమర్పించడం ఆందోళన కలిగిస్తోంది. మూడు వన్డే సిరీస్‌లో భాగంగా ఇప్పటి వరకు జరిగిన రెండు మ్యాచ్‌ల్లోనూ భారత బౌలర్లు ఏమాత్రం ప్రభావం చూపలేదు. ప్రధాన బౌలర్లు షమీ, బుమ్రాతో పాటు ఐపీఎల్ ద్వారా జట్టులో చోటుదక్కించుకున్న నవదీప్‌ సైనీ సైతం చేతులెత్తేశాడు. ఓవైపు బలమైన బ్యాటింగ్‌ ఆర్డర్‌ కలిగి ఉ‍న్నప్పటికీ.. బౌలింగ్‌లో పసలేకపోవడం టీమిండియా ఓటమికి ప్రధాన కారణంగా తెలుస్తోంది. పసలేని భారత్‌ బౌలింగ్‌ను చితకబాదిన ఆసీస్‌ ఆటగాళ్లు.. తొలి వన్డేలో 375, రెండో వన్డేలో 390 పరుగులు సాధించారు. ఇప్పటికే రెండు మ్యాచ్‌ల్లో ఓటమిచెంది సిరీస్‌ను కోల్పోయిన భారత్‌.. చివరిదైన మూడే వన్డేకు సిద్ధమయ్యింది. (రవి శాస్త్రిని టీంనుంచి బయటకు పంపాలి) ఈ నేపథ్యంలో గత మ్యాచ్‌ల్లో భారత ఆటగాళ్ల ప్రదర్శపై టీమిండియా మాజీ ఆటగాడు సుబ్రహ్మణ్యం బద్రీనాథ్‌ స్పందించాడు. భారత్‌ టాప్‌ ఆర్డర్‌లో వీరేంద్ర సెహ్వాగ్‌, సౌరవ్‌ గంగూలీ, సచిన్‌ టెండుల్కర్‌ వంటి ఆటగాళ్ల లేరని అభిప్రాయపడ్డారు. మంగళవారం ఓ మీడియాకు ఇచ్చిన ఇంటర్య్వూలో బద్రీనాథ్‌ మాట్లాడుతూ.. ‘ఆసీస్‌ సీరిస్‌లో భారత బౌలర్ల వైఫల్యం ప్రధానంగా కనిపిస్తోంది. ప్రధాన బౌలర్లు షమీ, బుమ్రా ధారాళంగా పరుగులు ఇచ్చారు. వికెట్ల వేటలో వెనుకబడ్డారు. అయితే అన్ని పిచ్‌లు బౌలర్లుకు అనుకూలంగా ఉంటాయని చెప్పలేం. భారత టాప్‌ఆర్డర్‌లో సెహ్వాగ్‌, సచిన్‌, గంగూలీ వంటి ఆటగాళ్ల లేనిలోటు స్పష్టంగా కనిపిస్తోంది. వీరు బ్యాటింగ్‌తో పాటు వీలైన సందర్భాల్లో బౌలింగ్‌ కూడా చేయగలరు. బౌలర్లు అలసిపోయినప్పుడు, పిచ్‌కు పేస్‌కు అనుకూలించనప్పుడు వీరు బౌలింగ్‌ చేసిన సందర్భాలు అనేకం ఉన్నాయి. (ఆసీస్‌ గడ్డపై ఇదే తొలిసారి..) వీరు ముగ్గురు కలిసి 10 ఓవర్ల వరకు బౌలింగ్‌ చేయగలరు. కానీ ఇప్పుడు పరిస్థితి అలాలేదు. భారమంతా బౌలర్ల మీదే పడుతోంది. వారు విఫలమైన సందర్భాల్లో ఆదుకోవడానికి టీంలో ఒక్కరు కూడా పార్ట్‌టైం బౌలర్లు లేరు. ధావన్‌, అగర్వాల్‌, శ్రేయస్‌ అయ్యార్‌, కేఎల్‌ రాహుల్‌, వీరిలో ఎవరూ కూడా బౌలింగ్‌ చేయలేరు. గతంలో రోహిత్‌ స్పిన్నర్‌గా జట్టుగా అందుబాటులో ఉండేవాడు. ఇప్పుడు దూరంగా ఉంటున్నారు. ఆల్‌రౌండర్‌ హర్థిక్‌ పాండ్యా సైతం బౌలింగ్‌ చేసే పరిస్థితిలో లేడు. ఈ పరిణామం టీమిండియాకు ఇబ్బందికరంగా మారింది.’ అని అభిప్రాయపడ్డాడు. కాగా చివరి వన్డే బుధవారం జరుగనున్న విషయం తెలిసిందే.  

సిడ్నీ: ఆస్ట్రేలియాతో జరిగిన రెండో వన్డేలో టీమిండియా ఓటమి పాలై సిరీస్‌ను చేజార్చుకున్న సంగతి తెలిసిందే. ఈ మ్యాచ్‌లో ఆసీస్‌ 389 పరుగులతో భారత్‌పై అత్యధిక పరుగులు నమోదు చేసిన రికార్డును లిఖించింది. కాగా, టీమిండియా మాత్రం 338 పరుగులకే పరిమితమైంది. ఈ మ్యాచ్‌లో ఓడిపోయి సిరీస్‌ను చేజార్చుకోవడంతో భారత అభిమానులు కాస్త ఎక్కువగానే నిరాశకు లోనయ్యారు. కానీ ఒక భారత అభిమాని మాత్రం మంచి జోష్‌లో ఉన్నాడు. ఇందుకు కారణం తన గర్ల్‌ఫ్రెండ్‌ ప్రేమను అంగీకరించడమే. ఆస్ట్రేలియన్‌ గర్ల్‌ఫ్రెండ్‌ తన ప్రేమను ఒప్పుకోవడంతో ఆ అభిమాని మాత్రం ఆనందంలో మునిగి తేలుతున్నాడు. ఇందుకు సిడ్నీ గ్రౌండ్‌ వేదికైంది. భారత్‌-ఆస్ట్రేలియా జట్ల మధ్య రెండో వన్డేలో భాగంగా మ్యాచ్ జరుగుతున్న సమయంలో.. ఓ భారత అభిమాని, తన ఆస్ట్రేలియన్ గర్ల్ ఫ్రెండ్‌కు ప్రపోజ్ చేశాడు.మోకాళ్లపై కూర్చొని లవ్‌ ప్రపోజల్‌ చేశాడు. (కెప్టెన్‌గా కోహ్లి చేసిన ఆ తప్పిదాలతోనే..!) రింగ్‌ బాక్స్‌లో నుంచి రింగ్‌ ను  తీసి ఆమెకు ప్రపోజ్‌ చేశాడు. దానికి ఉబ్బితబ్బైపోయిన ఆమె.. అతని ప్రేమను అంతే హుందాగా అంగీకరించింది. అటు తర్వాత ఇద్దరూ హగ్‌ చేసుకుని, ముద్దుపెట్టుకని తమ ప్రేమను చాటుకున్నారు.  ఈ ప్రపోజల్‌ నడుస్తున్నంత సేపు కెమెరాలు వారిపైనే ఉన్నాయి. గ్రౌండ్‌లో ఫీల్డింగ్‌ చేస్తున్న మ్యాక్స్‌వెల్‌ కూడా వీరి ప్రేమను చప్పట్లతో అభినందించాడు. టీమిండియా ఇన్నింగ్స్‌లో భాగంగా 20 ఓవర్లు ముగిసే సరికి టీమిండియా రెండు వికెట్లు కోల్పోయి 126 పరుగులు చేసింది. ఆ సమయంలో క్రీజ్‌లో కోహ్లి, అయ్యర్‌లు ఉన్నారు. అప్పుడే ‘అక్కడ అమ్మాయి.. ఇక్కడ అబ్బాయి’ సన్నివేశం చోటుచేసుకుంది. దీనిని క్రికెట్‌ ఆస్ట్రేలియా తన ట్వీటర్‌ అకౌంట్‌లో పోస్ట్‌ చేయడంతో వైరల్‌గా మారింది. (జోష్‌లో ఉన్న ఆసీస్‌కు షాక్‌)

సిడ్నీ: ఆస్ట్రేలియాతో జరిగిన మూడు వన్డేల సిరీస్‌ను టీమిండియా ఇంకా మ్యాచ్‌ ఉండగానే కోల్పోయింది. దాంతో టీమిండియా కెప్టెన్‌ విరాట్‌ కోహ్లిపై మళ్లీ విమర్శలు వస్తున్నాయి. ఒక కెప్టెన్‌గా కోహ్లి సరైన నిర్ణయాలు తీసుకోవాల్సిన సమయంలో చేసిన తప్పిదాలే చేశాడు. తొలి వన్డేలో చేసిన కొన్ని పొరపాట్లను  కోహ్లి మళ్లీ రిపీట్‌ చేశాడు. తొలి వన్డేలో 66 పరుగుల తేడాతో పరాజయం చెందిన టీమిండియా..రెండో వన్డేలో 51 పరుగుల తేడాతో ఓటమి పాలైంది.  ఈ మ్యాచ్‌లో  ముందుగా బ్యాటింగ్‌ చేసిన ఆసీస్‌ 389 పరుగులు చేయగా, టీమిండియా 338 పరుగులు మాత్రమే చేసింది. అసలు ఎంతో ఉత్సాహంగా ఆస్ట్రేలియా పర్యటనకు వెళ్లిన టీమిండియా భారీ స్కోర్లు సమర్పించుకుని సిరీస్‌ను కోల్పోవడంతో కోహ్లి తప్పిదాలు వార్తల్లో నిలిచాయి. (పోరాడి ఓడిన టీమిండియా..) సైనీకి మళ్లీ చాన్స్‌ తొలి వన్డేలో భారీ పరుగులు సమర్పించుకున్న పేసర్‌ నవదీప్‌ సైనీని రెండో వన్డేలో ఆడించడానికే కోహ్లి మొగ్గుచూపాడు. తొలి వన్డేలోనే సైనీ అనవసరం అనే వాదన వినిపించిన తరుణంలో రెండో వన్డేలో కూడా అతన్నే కొనసాగించాడు కోహ్లి.  ఈ మ్యాచ్‌లో కనీసం నటరాజన్‌, శార్దూల్‌ ఠాకూర్‌లలో ఒకరి మూడో స్పెషలిస్టు పేసర్‌గా తీసుకుంటారని అనుకున్నా అది జరగలేదు. సైనీతో ఉన్న ఎక్కువ అనుబంధంతో అతన్నే కొనసాగించాడు కోహ్లి. కానీ ఈ పేసర్‌ 7 ఓవర్లలో  వికెట్‌ మాత్రమే సాధించి 70 పరుగులిచ్చాడు. సైనీని మళ్లీ ఆసీస్‌ బ్యాట్స్‌మెన్‌ ఆడేసుకోవడంతో పూర్తిగా కోటాను వేయలేకపోయాడు సైనీ. నవదీప్‌ సైనీని ఆదిలోనే బాదేయడంతో అతన్ని 34 ఓవర్‌ వేసిన తర్వాత కోహ్లి ఆపేశాడు.  ఆపై అతనికి చివరి ఓవర్‌ వేసే అవకాశన్ని మాత్రమే ఇచ్చాడు కోహ్లి. అంటే ఒక స్పెషలిస్టు పేసర్‌ చేత పూర్తిగా బౌలింగ్‌ వేయించే పరిస్థితి ఇక్కడ లేకుండా పోయింది.  హర్దిక్‌ను లేట్‌ చేశాడు.. హార్దిక్‌ పాండ్యాకు వెన్నుగాయం తర్వాత బౌలింగ్‌ చేయడం ఇదే తొలిసారి. ఎప్పుట్నుంచో బౌలింగ్‌కు దూరంగా ఉంటున్న హార్దిక్‌.. ఆసీస్‌తో రెండో వన్డేలో బౌలింగ్‌ చేసి ఆకట్టుకున్నాడు. కేవలం నాలుగు ఓవర్లు మాత్రమే వేసిన హార్దిక్‌ 24 పరుగులిచ్చి వికెట్‌ తీశాడు. కానీ హార్దిక్‌కు బౌలింగ్‌ ఇచ్చే విషయంలో చాలా ఆలస్యం చేశాడు కోహ్లి. హార్దిక్‌ చేతికి 36 ఓవర్‌లో బౌలింగ్‌ ఇచ్చాడు.ఆరు పరుగుల ఎకానమీతో ఆకట్టుకున్న హార్దిక్‌.. స్టీవ్‌ స్మిత్‌ వికెట్‌ను ఖాతాలో వేసుకున్నాడు.   ఒకవేళ హార్దిక్‌ చేత ముందే బౌలింగ్‌ వేయించుంటే పరిస్థితి మరోలా ఉండేది.  తొలి వన్డేలో హార్దిక్‌ చేత బౌలింగ్‌ చేయించలేకపోయమని బాధపడిన కోహ్లి.. ఈ మ్యాచ్‌లో అతని చేత నాలుగు ఓవర్లే వేయించడమే ప్రశ్నార్థకంగా మారింది.  తరచు బౌలింగ్‌ మార్పులు ఈ మ్యాచ్‌లో బుమ్రా, షమీ, సైనీ, రవీంద్ర జడేజా, చహల్‌, హార్దిక్‌ పాండ్యాలతో పాటు మయాంక్‌ అగర్వాల్‌ కూడా బౌలింగ్‌ చేశాడు. ప్రధానంగా కోహ్లి బౌలింగ్‌ను తరచు మార్చుతూ కనిపించాడు. మ్యాచ్‌ మధ్య భాగంలో బౌలర్ల చేత కంటిన్యూ స్పెల్‌ చేయించకుండా మార్చి మార్చి బౌలింగ్‌ వేయించి ఆసీస్‌ను ఇబ్బంది పెట్టాలనుకున్నాడు కోహ్లి. కానీ బెడిసి కొట్టింది. బౌలర్ల చేత కంటిన్యూ స్పెల్‌ చేయిస్తే వారికి పిచ్‌పై పట్టుదొరికి వికెట్లు సాధించడానికి ఆస్కారం దొరుకుతుంది. ఇక్కడ ఆసీస్‌ బ్యాట్స్‌మెన్‌ క్రీజ్‌లో సెటిల్‌ కావడానికి బౌలింగ్‌ ఛేంజ్‌ చేస్తూ పోవడం కారణంగా చెప్పవచ్చు. 

సిడ్నీ: ఆసీస్‌తో జరిగిన రెండో వన్డేలోనూ పరాజయం చెందిన టీమిండియా సిరీస్‌ను కోల్పోయింది. మూడు వన్డేల సిరీస్‌లో భాగంగా తొలి వన్డేను గెలిచిన ఆసీస్‌.. రెండో వన్డేలో కూడా విజయం సాధించింది. ఆసీస్‌ 51 పరుగుల తేడాతో గెలిచింది. ఫలితంగా సిరీస్‌ను ఇంకా మ్యాచ్‌ ఉండగానే 2-0 తేడాతో కైవసం చేసుకుంది. రెండో వన్డేలో ముందుగా బ్యాటింగ్‌ చేసిన ఆసీస్‌ నాలుగు వికెట్ల నష్టానికి 389 పరుగులు చేసింది.  వార్నర్‌(83; 77 బంతుల్లో 7 ఫోర్లు, 3 సిక్స్‌లు), ఫించ్‌(60; 69 బంతుల్లో 6 ఫోర్లు, 1 సిక్స్ ‌), స్టీవ్‌ స్మిత్‌(104; 64 బంతుల్లో 14 ఫోర్లు, 2 సిక్స్‌లు), లబూషేన్‌(70; 61 బంతుల్లో 5 ఫోర్లు), మ్యాక్స్‌వెల్‌( 63; 29 బంతుల్లో 4 ఫోర్లు, 4సిక్సర్లు)లు రాణించడంతో ఆసీస్‌ రికార్డు స్కోరు చేసింది. టాస్‌ గెలిచి బ్యాటింగ్‌ ఎంచుకున్న ఆసీస్‌కు శుభారంభం లభించింది. ఆసీస్‌ ఇన్నింగ్స్‌ను వార్నర్‌-ఫించ్‌లు దాటిగా ఆరంభించారు.  ఈ జోడి తొలి వికెట్‌కు 142 పరుగుల భాగస్వామ్యాన్ని సాధించడంతో ఆసీస్‌కు తిరుగులేకుండా పోయింది. తరువాత వచ్చిన బ్యాట్స్‌మన్‌ ఫ్రీగా బ్యాటింగ్‌ చేసి పరుగులు వరద పారించారు.  (ఏడేళ్ల తర్వాత మళ్లీ రికార్డు బ్యాటింగ్‌) అనంతరం బ్యాటింగ్‌కు దిగిన టీమిండియా నిర్ణీత ఓవర్లలో 9 వికెట్లు కోల్పోయి 338 పరుగులకే పరిమితమై ఓటమి పాలైంది. టీమిండియా తమ పోరాటాన్ని కడవరకూ సాగించిన భారీ లక్ష్యం కావడంతో ఓటమి తప్పలేదు. టీమిండియా ఓపెనర్లు శిఖర్‌ ధావన్‌(30; 23 బంతుల్లో 5 ఫోర్లు),  మయాంక్‌ అగర్వాల్‌(28; 26 బంతుల్లో 4 ఫోర్లు)లు 9 ఓవర్లలోపే ఔటయ్యారు. ఆ తరుణంలో విరాట్‌ కోహ్లి(89 ; 87 బంతుల్లో 7 ఫోర్లు, 2 సిక్సర్లు), శ్రేయస్‌ అయ్యర్‌(38; 36 బంతుల్లో 5 ఫోర్లు)లు మరమ్మత్తులు చేశారు.  ఈ జోడి మూడో వికెట్‌కు 93 పరుగులు జత చేసిన తర్వాత అయ్యర్‌ పెవిలియన్‌ చేరాడు. హెన్రిక్యూస్‌ బౌలింగ్‌లో స్టీవ్‌ స్మిత్‌ అద్భుతమైన క్యాచ్‌ పట్టడంతో అయ్యర్‌ ఇన్నింగ్స్‌ ముగిసింది.   అనంతరం కోహ్లి-కేఎల్‌ రాహుల్‌లు ధాటిగా బ్యాటింగ్‌ చేశారు. ప్రధానంగా రాహుల్‌ ఫోర్లు, సిక్స్‌లతో ఆకట్టుకున్నాడు. కాగా, ఈ జంటం 72 పరుగులు జత చేసిన తర్వాత కోహ్లి నాల్గో వికెట్‌గా ఔటయ్యాడు. హజిల్‌వుడ్‌ బౌలింగ్‌లో హెన్రిక్యూస్‌ ఒక మెరుపు క్యాచ్‌ అందుకోవడంతో కోహ్లి పెవిలియన్‌ చేరాడు. ఆపై హార్దిక్‌ పాండ్యాతో కలిసి రాహుల్‌ ఇన్నింగ్స్‌ను చక్కదిద్దాడు. వీరిద్దరూ 63 పరుగులు జోడించిన తర్వాత రాహుల్‌(76; 66 బంతుల్లో 4 ఫోర్లు, 5 సిక్స్‌లు) ఐదో వికెట్‌గా ఔటైన తర్వాత టీమిండియా స్వల్ప  విరామాల్లో వికెట్లు కోల్పోయింది. జడేజా(24; 11 బంతుల్లో 1 ఫోర్‌, 2 సిక్స్‌లు), హార్దిక్‌ పాండ్యా(28; 31 బంతుల్లో 1  ఫోర్‌, 1 సిక్స్‌)లు మోస్తరుగా ఆడారు. నిర్ణీత ఓవర్లలో భారత్‌ 9 వికెట్ల నష్టానికి 338 పరుగులు చేసి ఓటమి పాలైంది.

సిడ్నీ: ఆస్ట్రేలియాతో మూడు వన్డేల సిరీస్‌లో భాగంగా తొలి వన్డేలో టీమిండియా 66 పరుగులు తేడాతో ఓడిన సంగతి తెలిసిందే. ఆ మ్యాచ్‌లో తొలుత బ్యాటింగ్‌ చేసిన ఆసీస్‌ 374 పరుగులు చేయగా, టీమిండియా 308 పరుగులకే పరిమితమై ఓటమి పాలైంది. అయితే ఆ మ్యాచ్‌లో ఆసీస్‌ నమోదు చేసిన 374 పరుగుల స్కోరు వారికి భారత్‌పై అత్యధిక వన్డే స్కోరుగా నమోదైంది. కాగా, ఆ రికార్డు సాధించిన రెండు రోజుల్లోనే ఆసీస్‌ దాన్ని బ్రేక్‌ చేసింది. సిడ్నీ వేదికగా జరుగుతున్న రెండో వన్డేలో ఆసీస్‌ బ్యాట్‌ ఝుళిపించి  389 పరుగులు సాధించి కొత్త రికార్డును లిఖించింది. వార్నర్‌(83; 77 బంతుల్లో 7 ఫోర్లు, 3 సిక్స్‌లు), ఫించ్‌(60; 69 బంతుల్లో 6 ఫోర్లు, 1 సిక్స్ ‌), స్టీవ్‌ స్మిత్‌(104; 64 బంతుల్లో 14 ఫోర్లు, 2 సిక్స్‌లు), లబూషేన్‌(70; 61 బంతుల్లో 5 ఫోర్లు), మ్యాక్స్‌వెల్‌( 63; 29 బంతుల్లో 4 ఫోర్లు, 4 సిక్సర్లు)లు రాణించడంతో ఆసీస్‌ రికార్డు స్కోరు చేసింది. టాస్‌ గెలిచి బ్యాటింగ్‌ ఎంచుకున్న ఆసీస్‌కు శుభారంభం లభించింది. ఆసీస్‌ ఇన్నింగ్స్‌ను వార్నర్‌-ఫించ్‌లు దాటిగా ఆరంభించారు.  ఈ జోడి తొలి వికెట్‌కు 142 పరుగుల భాగస్వామ్యాన్ని సాధించడంతో ఆసీస్‌కు తిరుగులేకుండా పోయింది. తరువాత వచ్చిన బ్యాట్స్‌మన్‌ ఫ్రీగా బ్యాటింగ్‌ చేసి పరుగులు వరద పారించారు. ఇక ఆసీస్‌ వన్డే ఇన్నింగ్స్‌ల్లో ఐదుగురు ఆటగాళ్లు 50కి పైగా పరుగులు నమోదు చేయడం భారత్‌పై ఏడేళ్ల తర్వాత ఇదే తొలిసారి. 2013లో జైపూర్‌లో జరిగిన వన్డేలో ఆసీస్‌ జట్టులో ఐదుగురు ఆటగాళ్లు ఇలానే 50కి పైగా పరుగులు సాధించారు.  ఆ తర్వాత ఇంతకాలానికి ఆ అరుదైన ఘనతను ఆసీస్‌ మళ్లీ సాధించింది.

సిడ్నీ : ఆసీస్‌ బ్యాట్స్‌మెన్‌ స్టీవ్‌ స్మిత్‌ టీమిండియాపై అరుదైన రికార్డు సాధించాడు. సిడ్నీ వేదికగా జరుగుతున్న రెండో వన్డేలో స్టీవ్‌ స్మిత్‌ వరుసగా రెండో సెంచరీ సాధించాడు. మొదటి వన్డేలో 66 బంతుల్లో 105 పరుగులు చేసిన స్మిత్‌ రెండో వన్డేలో మరింత దూకుడుగా ఆడాడు. కేవలం 62 బంతుల్లోనే 100 పరుగులు సాధించిన స్మిత్‌ 104 పరుగుల వద్ద హార్దిక్‌ పాం‍డ్యా బౌలింగ్‌లో క్యాచ్‌ ఔట్‌గా వెనుదిరిగాడు. ఈ ఇన్నింగ్స్‌లో 14 ఫోర్లు, 2 సిక్సర్లు ఉన్నాయి. తొలి 50 పరుగులను 38 బంతులు తీసుకున్న స్మిత్‌ మలి 50 పరుగులను కేవలం 24 బంతుల్లోనే సాధించడం విశేషం. ఓవరాల్‌గా వన్డేల్లో స్మిత్‌ ఇప్పటివరకు 11 సెంచరీలు చేయగా.. అందులో టీమిండియాపైనే 5 సెంచరీలు సాధించాడు. భారత్‌పై 5 కంటే ఎక్కువ సెంచరీలు సాధించిన ఆసీస్‌ ఆటగాళ్లలో రికీ పాంటింగ్‌ తర్వాతి స్థానంలో నిలిచాడు. కాగా పాంటింగ్‌ వన్డేల్లో టీమిండియాపై ఆరు సెంచరీలు సాధించి మొదటిస్థానంలో ఉన్నాడు. అయితే పాంటింగ్‌ 6 సెంచరీలు సాధించడానికి 59 మ్యాచ్‌లు అవసరం కాగా.. స్మిత్‌ మాత్రం 20 మ్యాచ్‌ల్లోనే ఈ రికార్డును సాధించడం విశేషం. (చదవండి : రానున్న రోజుల్లో స్మిత్‌తో టీమిండియాకు కష్టమే) కాగా స్మిత్‌ ఇన్నింగ్స్‌ దాటికి భారత బౌలర్లలో ఏ ఒక్కరు మెరుగైన ప్రదర్శన చేయలేకపోయారు. ఇక రెండో వన్డేలో ఆసీస్‌ 50 ఓవర్లలో 389 పరుగులు చేసింది. చివర్లో మ్యాక్స్‌వెల్‌ 29 బంతుల్లోనే 4 ఫోర్లు, 4 సిక్సర్లతో 63 పరుగులు చేయగా.. మార్నస్‌ లబుషేన్‌ 70 పరుగులతో ఆకట్టుకున్నాడు. 390 పరుగుల విజయలక్ష్యంతో బరిలోకి దిగనున్న భారత్‌ లక్ష్యాన్ని చేరుకుంటుందో.. లేక చతికిలపడుతుందో చూడాలి. (చదవండి : వారెవ్వా అయ్యర్‌.. వాట్‌ ఏ త్రో)

సిడ్నీ : టీమిండియాతో జరుగుతున్న రెండో వన్డేలో ఆసీస్‌ మరో భారీ స్కోరు దిశగా పయనిస్తోంది. ఇప్పటికే ఆసీస్‌ 36 ఓవర్లు ముగిసేసరికి 2 వికెట్ల నష్టానికి 235 పరుగులు చేసింది. క్రీజులో స్టీవ్‌ స్మిత్ 60 , లబుషేన్‌ 27 పరుగులతో కొనసాగుతున్నారు. ఇదిలాఉండగా.. మొదటి వన్డేలో అర్థసెంచరీ సాధించి మంచి ఫామ్‌లో ఉన్న డేవిడ్‌ వార్నర్‌ రెండో వన్డేలోనూ అదే జోరు కనబరిచాడు. వరుసగా రెండో అర్థసెంచరీ సాధించిన వార్నర్‌ ఈ మ్యాచ్‌లో వేగంగా ఆడుతూ సెంచరీకి చేరువయ్యాడు. ఈ క్రమంలోనే 77 బంతుల్లో 83 పరుగులు చేసిన వార్నర్‌ శ్రేయాస్ అయ్యర్ వేసిన అద్భుతమైన త్రోకు రనౌట్‌గా వెనుదిరిగాడు. జడేజా బౌలింగ్‌లో షాట్‌ ఆడిన స్మిత్‌ లాంగాన్‌ మీదుగా షాట్‌ ఆడాడు. మొదటి పరుగు వేగంగా పూర్తి చేసిన వార్నర్‌ రెండో పరుగు కోసం ప్రయత్నించగా అప్పటికే అయ్యర్‌ చేతికి చిక్కిన బంతిని త్రోగా విసరడంతో నేరుగా వెళ్లి వికెట్లను గిరాటేసింది. దీంతో ఆసీస్‌ 156 పరుగుల వద్ద కీలకమైన వార్నర్‌ వికెట్‌ను కోల్పోగా.. భారత్‌కు రెండో వికెట్‌ దక్కింది. అయ్యర్‌ వార్నర్‌ను రనౌట్‌ చేసిన తీరును ఐసీసీ ట్విటర్‌లో పంచుకుంది.  అయ్యర్‌ త్రోను పొగుడుతూ 'వారెవ్వా అయ్యర్‌.. వాట్‌ ఏ త్రో' అంటూ క్యాప్షన్‌ జత చేసింది. (చదవండి : 'బాబర్‌ అజమ్‌ నన్ను నమ్మించి మోసం చేశాడు') Spot on 🎯 A brilliant direct hit from Shreyas Iyer and David Warner is run out! A big wicket for India 💥 📝 #AUSvIND scorecard 👉 https://t.co/h5IaKNPjkbpic.twitter.com/u3prXgKJGS — ICC (@ICC) November 29, 2020  

దుబాయ్‌:  ఆస్ట్రేలియాతో జరిగిన తొలి వన్డేలో స్లో ఓవర్‌రేట్‌ నమోదు చేయడంతో టీమిండియా ప్లేయర్స్‌కు జరిమానా పడింది. నిన్నటి మ్యాచ్‌లో నిర్ణీత ఓవర్లను 210 నిమిషాల్లో ముగించాల్సిన టీమిండియా.. అరగంటకు పైగా ఆలస్యం చేసింది. ఆసీస్‌  బ్యాట్స్‌మెన్‌ పరుగుల వరద పారించడంతో ఫీల్డింగ్‌ పదే పదే సెట్‌ చేసే క్రమంలో ఓవర్లను పూర్తి చేయడం ఆలస్యమైంది. భారత క్రికెట్‌ జట్టు తమ నిర్ణీత ఓవర్లను పూర్తి చేయడానికి 246 నిమిషాల సమయం తీసుకుంది. ఫలితంగా టీమిండియా ఆటగాళ్లకు మ్యాచ్‌ ఫీజులో 20 శాతం కోత విధిస్తున్నట్లు అంతర్జాతీయ క్రికెట్‌ మండలి(ఐసీసీ) ఒక ప్రకటనలో స్పష్టం చేసింది. ఈ విషయాన్ని టీమిండియా కెప్టెన్‌ విరాట్‌ కోహ్లి అంగీకరించడంతో ఎటువంటి విచారణ లేకుండానే జరిమానా విధించారు. మరొకవైపు ఒక డీమెరిట్‌ పాయింట్‌ కూడా భారత ఖాతాలో చేరింది. (చెలరేగిన షాహిద్‌ అఫ్రిది) ఐసీసీ నిబంధనల్లోని ఆర్టికల్‌ 2.22 నియమావళి ప్రకారం ఓవర్‌రేట్‌ ఉల్లంఘనకు పాల్పడితే ప్లేయర్స్‌కు జరిమానా విధిస్తారు. దీనిలో భాగంగా టీమిండియా ఆటగాళ్లు తమ మ్యాచ్‌ ఫీజులో 20 శాతం కోల్పోనున్నారు. మ్యాచ్‌లో ఓవర్‌రేట్‌ నమోదైన విషయాన్ని ఫీల్డ్‌ అంపైర్లు రోడ్‌ టక్కర్‌, సామ్‌ నాగజస్కీ, టీవీ అంపైర్‌ పౌల్‌ రీఫెల్‌, ఫోర్త్‌ అంపైర్‌ గీరడ్‌ జీరార్డ్‌లు..రిఫరీ డేవిడ్‌ బూన్‌ దృష్టికి తీసుకెళ్లారు. ఇక్కడ తమ వాదనను వినిపించే అవకాశం జరిమానా పడిన జట్టు కెప్టెన్లకు ఉంటుంది. కానీ కోహ్లి మాత్రం స్లో ఓవర్‌రేట్‌ నియమావళిని ఉల్లంఘించిన విషయాన్ని అంగీకరించడంతో ఎటువంటి విచారణ లేకుండానే జరిమానా విధించారు. (రాహుల్‌కు క్షమాపణ చెప్పా: మ్యాక్స్‌వెల్‌)

లండన్‌: ఆస్ట్రేలియా పర్యటనకు వెళ్లిన టీమిండియాకు ఘోర పరాభవం తప్పదని ఇంగ్లండ్‌ మాజీ కెప్టెన్‌ మైకేల్‌ వాన్‌ వ్యంగ్యస్త్రాలు సంధించాడు. ఆసీస్‌పై టీమిండియా ఏ సిరీస్‌ను గెలుచుకునే అవకాశమే లేదని ఎద్దేవా చేశాడు. ఆసీస్‌తో జరిగిన తొలి వన్డేలో భారత్‌ ఓటమి చెందడాన్ని ప్రస్తావిస్తూ మిగతా మ్యాచ్‌ల్లో కూడా ఇదే రిపీట్‌ అవుతుందని విమర్శించాడు. పేలవమైన ఫీల్డింగ్‌, సాధారణ బౌలింగ్‌తో ఆసీస్‌పై సిరీస్‌లను గెలవలేదన్నాడు. ఈ మేరకు ట్వీటర్‌ వేదికగా వాన్‌ స్పందించాడు. అన్ని విభాగాల్లో పటిష్టంగా ఉన్న ఆసీస్‌ తొలి వన్డేలోనే తన సత్తా చూపిట్టిందన్నాడు. ఈ ద్వైపాక్షిక సిరీస్‌లో  ఆసీస్‌దే పైచేయి అవుతుందని జోస్యం చెప్పాడు.  ప్రస్తుత ఆసీస్‌ పర్యటనలో కోహ్లి గ్యాంగ్‌కు చుక్కెదరవడం ఖాయమన్నాడు. ఇప్పటికీ టీమిండియా ఐదుగురు  స్పెషలిస్టు బౌలర్ల గురించి ఆలోచించడం ఆ జట్టు ఇంకా ‘ ఓల్డ్‌ స్కూల్‌’లో ఉన్నట్లే కనబడుతుందన్నాడు. ఐదుగురు స్పెషలిస్టు బౌలర్లతో ఆడితే కింది స్థాయిలో తగినంత బ్యాటింగ్‌ ఉండదనే విషయాన్ని తెలుసుకోవాలన్నాడు. (ఆ మూడు తప్పిదాలతోనే టీమిండియా మూల్యం!) కరోనా కారణంగా తొమ్మిదినెలల పాటు అంతర్జాతీయ క్రికెట్‌కు దూరమైన టీమిండియా..ఆస్ట్రేలియా గడ్డపై ఎన్నో ఆశలతో అడుగుపెట్టింది. కాగా, టీమిండియా తొలి వన్డేలో ఘోర పరాభవాన్ని చవిచూసింది. బ్యాటింగ్‌లో కాస్త ఫర్వాలదేనిపించిన భారత్‌.. బౌలింగ్‌లో పూర్తిగా తేలిపోయింది. ఇక ఫీల్డింగ్‌ తప్పిదాలతో ఆసీస్‌ 374 పరుగుల రికార్డు స్కోరును సాధించింది.  ఫించ్‌, స్మిత్‌లు శతకాలు బాదారు. ఇది ఆసీస్‌కు వన్డేల్లో భారత్‌పై అత్యధిక స్కోరు. కాగా, టీమిండియా బ్యాటింగ్‌లో హార్దిక్‌(90), శిఖర్‌ ధావన్‌(74)లు రాణించినా మిగతా వారు ఆశించిన స్థాయిలో ఆడలేదు. దాంతో టీమిండియా 66 పరుగుల తేడాతో పరాజయం చవిచూసింది. (అది ఆసీస్‌ జట్టు..ఇలా అయితే ఎలా?: కోహ్లి అసహనం) Early call ... I think Australia will beat India this tour in all formats convincingly ... #AUSvIND — Michael Vaughan (@MichaelVaughan) November 27, 2020

సిడ్నీ:  ఆస్ట్రేలియాతో జరిగిన తొలి వన్డేలో టీమిండియా వైఫల్యం కొట్టొచ్చినట్లు కనబడింది. ఒక్క షమీ మినహా మిగతా వారంతా ఓవర్‌కు ఆరు పరుగులకు పైగా ఇచ్చిన వారే.  ఎప్పట్నుంచో టీమిండియా స్పిన్‌ విభాగంలో కీలక పాత్ర పోషిస్తున్న యజ్వేంద్ర చహల్‌ 89 పరుగులు సమర్పించుకుని తన చెత్త రికార్డును తానే సవరించుకున్నాడు. భారత్‌ తరఫున ఒక వన్డేలో అత్యధిక పరుగులిచ్చిన స్పిన్నర్‌గా తన రికార్డును తానే బ్రేక్‌ చేశాడు. ఇక ఎన్నో ఆశలతో జట్టులోకి తీసుకున్న నవదీప్‌ సైనీ బౌలింగ్‌ తుస్‌ మనిపించాడు. షమీ తర్వాత బౌలింగ్‌ను పొదుపుగా వేసింది ఎవరైనా ఉన్నారంటే  అది రవీంద్ర  జడేజానే. తన 10 ఓవర్ల కోటాలో జడేజా 63 పరుగులివ్వగా, షమీ 10 ఓవర్లలో 59 పరుగులిచ్చి మూడు వికెట్లు సాధించాడు.  హార్దిక్‌ బౌలింగ్‌ ఎప్పుడు? ప్రస్తుత టీమిండియా జట్టులో హార్దిక్‌ పాండ్యానే ప్రధాన ఆల్‌రౌండర్‌. కానీ చాలాకాలం నుంచి ఆ పాత్రకు దూరంగానే ఉంటున్నాడు హార్దిక్‌,. ప్రధానంగా  బ్యాటింగ్‌కే పరిమితం అవుతున్న హార్దిక్‌.. బౌలింగ్‌ మాత్రం చేయడం లేదు. ఆసీస్‌తో మ్యాచ్‌లో హార్దిక్‌ బౌలింగ్‌ను వినియోగించుకునే పరిస్థితి లేకపోవడంతో దాన్ని కోహ్లి దురదృష్టంగా సరిపెట్టుకున్నాడు. ‘ బౌలింగ్‌లో హార్దిక్‌ ఫిట్‌నెస్‌ సాధించకపోవడం దురదృష్టకరం. ఆసీస్‌ జట్టులో మ్యాక్స్‌వెల్‌, స్టోయినిస్‌లు ఆల్‌రౌండర్‌లుండగా మాకు ఆ లోటు కనబడుతోంది. అందుకు కారణంగా హార్దిక్‌ చేతికి ఇంకా బౌలింగ్‌ ఇవ్వలేకపోవడమే. హార్దిక్‌ బౌలింగ్‌లో ఫిట్‌ అనుకున్న తర్వాతే అతని చేత బౌలింగ్‌  చేయిస్తాం’ అని తెలిపాడు. (అది ఆసీస్‌ జట్టు..ఇలా అయితే ఎలా?: కోహ్లి అసహనం) కాగా, తాను వంద శాతం బౌలింగ్‌ చేసే కెపాసిటీ వచ్చిన తర్వాత దాని జోలికి వెళతానని హార్దిక్‌ తెలిపాడు. దీనిపై సీరియస్‌ దృష్టి సారించినట్లు పోస్ట్‌ మ్యాచ్‌ ప్రెస్‌ కాన్ఫరెన్స్‌లో పేర్కొన్నాడు. ఇప్పట్లో తాను బౌలింగ్‌ చేసే అవకాశం ఉండకపోవచ్చనే సంకేతాలిచ్చాడు హార్దిక్‌. టీ20 వరల్డ్‌కప్‌ను దృష్టిలో పెట్టుకుని అప్పటివరకూ బౌలింగ్‌ దూరంగా ఉండాలనే విషయాన్ని హార్దిక్‌ సూత్రప్రాయంగా వెల్లడించాడు. తామంతా దీర్ఘకాలిక ప్రయోజనాల దృష్టిలో ఉంచుకుని జట్టుగా సమాయత్తం అవుతున్నామన్నాడు. ఇందులో తమకు టీ20 వరల్డ్‌కప్‌ అనేది చాలా ముఖ్యమైన టోర్నీ అని, అప్పుడు తన బౌలింగ్‌ కూడా కీలకమన్నాడు. అంటే అప్పటివరకూ బౌలింగ్‌కు దూరంగా ఉండాలని నిర్ణయించుకున్న విషయం హార్దిక్‌ మాటల ద్వారా తెలుస్తోంది. (ఆ మూడు తప్పిదాలతోనే టీమిండియా మూల్యం!) వెన్నుముక సర్జరీ తర్వాత హార్దిక్‌ కేవలం బ్యాటింగ్‌కు మాత్రమే పరిమితమైన సంగతి తెలిసిందే. అది మళ్లీ తిరగబెట్టే అవకాశం ఉందని డాక్టర్లు చెప్పడంతో హార్దిక్‌ జాగ్రత్తగా ఉంటున్నాడు. ఈ ఏడాది జూన్‌లో హార్దిక్‌ తన వెన్నుగాయంపై మాట్లాడుతూ..  ‘ నా వరకూ చూసుకుంటే భారత క్రికెట్‌లో నేను ఒక బ్యాకప్‌ సీమర్‌గా ఉన్నాననే విషయం తెలుసు. వెన్ను సర్జరీ తర్వాత టెస్టు క్రికెట్‌ను మునుపటిలా ఆడగలనా.. లేదా అనేది సందిగ్థమే. ఇక నుంచి టెస్టు ఫార్మాట్‌ నాకు సవాల్‌తో కూడుకున్న అంశం. ఒకవేళ నేను పూర్తి స్థాయి టెస్టు ప్లేయర్‌ని అయితే వైట్‌బాల్‌ క్రికెట్‌ ఆట ఉండకపోవచ్చు’ అని అన్నాడు. దాంతో టెస్టు ఫార్మాట్‌కు హార్దిక్‌ స్వస్తి పలుకుతాడనే చర్చలు కూడా అప్పట్లో నడిచాయి. ఇంకా దానిపై క్లారిటీ లేకపోయినా సుదీర్ఘ గ్యాప్‌ తర్వాత తన బౌలింగ్‌ను పరీక్షించుకునే అంశాన్ని హార్దిక్‌ పరిశీలిస్తున్నాడు. 

సిడ్నీ: ఆస్ట్రేలియాతో ఇక్కడ నిన్న జరిగిన తొలి వన్డేలో పరాజయం చెందడంపై టీమిండియా కెప్టెన్‌ విరాట్‌ కోహ్లి తీవ్ర అసంతృప్తి వ్యక్తం చేశాడు.  మొదటి వన్డేలో తమ ఓటమికి బాడీ లాంగ్వేజ్‌ సరిగా లేకపోవడమే కారణమని జట్టు ఫీల్డింగ్‌ వైఫల్యాలపై మండిపడ్డాడు. పలు క్యాచ్‌లను వదిలేయడమే తమ పరాజయానికి కారణమన్నాడు. ఆసీస్‌ వంటి పటిష్టమైన జట్టుపై క్యాచ్‌లు వదిలేస్తే ఫలితం ఇలానే ఉంటుందని అసహనం వ్యక్తం చేశాడు. తాము చేసిన ఫీల్డింగ్‌ తప్పిదాల కారణంగా మూల్యం చెల్లించుకున్నామన్నాడు. (ఆ మూడు తప్పిదాలతోనే టీమిండియా మూల్యం!) మ్యాచ్‌ తర్వాత పోస్ట్‌ మ్యాచ్‌ కార్యక్రమంలో మాట్లాడిన కోహ్లి.. ‘ మేము దారుణంగా ఫీల్డింగ్‌ చేశాం. ఏదో అలసిపోయినట్లు ఫీల్డింగ్‌ తప్పిదాలు చేశాం. ప్రధానంగా 25 ఓవర్ల తర్వాత మా ఫీల్డింగ్‌ చాలా నిరాశపరిచింది.  ఒక నాణ్యమైన జట్టుతో ఆడేటప్పుడు ఫీల్డింగ్‌ అనేది చాలా ముఖ్యం. ఫీల్దింగ్‌ సరిగా చేయకపోతే ఒక మంచి జట్టు చేతిలో ఇలాంటి పరాభవమే ఎదురవుతుంది. మాకు హార్దిక్‌ పాండ్యా జట్టులో ఉన్నప్పటికీ బౌలింగ్‌ చేయడానికి ఇంకా ఫిట్‌గా లేడు. ఆసీస్‌ జట్టులో స్టోయినిస్‌, మ్యాక్స్‌వెల్‌లు బౌలింగ్‌ ఆల్‌రౌండర్లు. మాకు హార్దిక్‌ ఉన్నా బౌలింగ్‌ పరంగా ఫిట్‌నెస్‌ సాధించకపోవడం చాలా దురదృష్టకరం’ అని తెలిపాడు.(మా కెప్టెనే కదా అని క్యాచ్‌ వదిలేశాడేమో?) ఆసీస్‌తో జరిగిన తొలి వన్డేలో టీమిండియా 66 పరుగుల తేడాతో ఓటమి పాలైంది.  ఆసీస్‌ నిర్దేశించిన 375 పరుగుల టార్గెట్‌లో భాగంగా టీమిండియా నిర్ణీత ఓవర్లలో ఎనిమిది వికెట్ల నష్టానికి 308 పరుగులకే పరిమితమై ఓటమి పాలైంది. టీమిండియా ఆటగాళ్లలో హార్దిక్‌ పాండ్యా(90; 76 బంతుల్లో 7 ఫోర్లు, 4 సిక్స్‌లు), శిఖర్‌ ధావన్‌(74; 86 బంతుల్లో 10 ఫోర్లు)లు మాత్రమే హాఫ్‌ సెంచరీలు సాధించడంతో ఓటమి తప్పలేదు.  తొలుత బ్యాటింగ్‌ చేసిన ఆసీస్‌ జట్టులో ఫించ్‌(114;124 బంతుల్లో 9 ఫోర్లు, 2 సిక్స్‌లు), స్టీవ్‌ స్మిత్‌(105; 66 బంతుల్లో 11 ఫోర్లు, 4 సిక్స్‌లు),  డేవిడ్‌ వార్నర్‌(69; 76 బంతుల్లో 6 ఫోర్లు)లు రాణించడంతో ఆసీస్‌ నిర్ణీత ఓవర్లలో 6 వికెట్ల నష్టానికి 374 పరుగుల భారీ స్కోరు చేసింది. 

సిడ్నీ: ఆస్ట్రేలియా పర్యటనకు ఎంతో ఉత్సాహంగా వెళ్లినా టీమిండియాకు తొలి మ్యాచ్‌లోనే చుక్కెదురైంది. ఆస్ట్రేలియాతో జరిగిన తొలి వన్డేలో భారత్‌ 308 పరుగులకే పరిమితమై 66 పరుగుల తేడాతో ఓటమి చెందింది. ఈ మ్యాచ్‌లో ఆస్ట్రేలియా 374 పరుగుల భారీ స్కోరు సాధించింది. వన్డేల్లో భారత్‌పై ఆసీస్‌కు ఇదే అత్యధిక స్కోరు. కాగా, టీమిండియా పోరాడిందనే చెప్పాలి. ఒక దశలో ఆసీస్‌ బౌలర్లకు ఆల్‌రౌండర్‌ హార్దిక్‌ పాండ్యా చుక్కలు చూపించాడు. కానీ 76 బంతుల్లో 7 ఫోర్లు, 4 సిక్స్‌లతో 90 పరుగులు సాధించిన హార్దిక్‌.. సెంచరీ చేసే అవకాశాన్ని కోల్పోయాడు. కాగా, ఈ మ్యాచ్‌లో టీమిండియా ఓడిపోవడానికి కొన్ని ప్రధాన కారణాలు కనబడుతున్నాయి. ప్రధానంగా మూడు తప్పిదాలు టీమిండియా ఓటమిని శాసించాయి. (తొలి వన్డే ఆసీస్‌దే..) 1 సైనీకి చోటు కల్పించడం.. ఆసీస్‌తో జరిగిన తొలి వన్డేలో నవదీప్‌ సైనీని తుది జట్టులో వేసుకుని తప్పుచేసినట్లే కనబడింది. సైనీ పేస్‌ బౌలింగ్‌లో ఎక్కువ వేగం ఉంటుంది.. తప్పితే నియంత్రణ ఉండదు. అది ఐపీఎల్‌లో కనబడింది. పలు మ్యాచ్‌ల్లో సైనీ భారీ పరుగులు కూడా సమర్పించుకున్నాడు. దాంతో ఆసీస్‌ వంటి పటిష్టమైన జట్టు ముందు, అందులోనూ తొలి వన్డేకు సైనీ చాన్స్‌ ఉండదనే విశ్లేషకులు భావించారు.  కానీ సైనీ జట్టులోకి తీసుకోవడానికే కోహ్లి మొగ్గుచూపాడు. నియంత్రణతో కూడిన బౌలింగ్‌తో పాటు కచ్చితమైన యార్కర్లు వేసే నటరాజన్‌ను అవకాశం దక్కుతుందని అంతా భావించినా, చివరకు సైనీ జట్టులోకి రావడం ఆశ్చర్య పరిచడమే కాకుండా కొంపముంచింది. సైనీ ఏకంగా 83 పరుగులు సమర్పించుకున్నాడు. వికెట్‌ మాత్రమే సాధించిన సైనీని ఆసీస్‌ బ్యాట్స్‌మెన్‌ ఆడేసుకున్నారు.  నటరాజన్‌తో పాటు శార్దూల్‌ ఠాకూర్‌ కూడా మూడో పేసర్‌గా అందుబాటులో ఉన్న సమయంలో సైనీపై నమ్మకం ఉంచాడు కోహ్లి.  ఈ ప్లాన్‌ రివర్స్‌ అయ్యింది.  2. ఫీల్డింగ్‌ ప్లేస్‌మెంట్‌లో విఫలం ఆసీస్‌ భారీ పరుగులు చేయడానికి ఫీల్డింగ్‌లో తప్పిదాలు కూడా ప్రధాన కారణం. మ్యాచ్‌లో ఎప్పుడూ ఫీల్డింగ్‌ అనేది చాలా ముఖ్య పాత్ర పోషిస్తూ ఉంటుంది. కానీ కోహ్లి ఫీల్డింగ్‌ ఆకట్టుకోలేదు. ఫించ్‌, స్మిత్‌లు గ్యాప్‌లు చూసుకుని మరీ పరుగులు సాధించినా దానికి ఫుల్‌స్టాప్‌ పెట్టలేకపోయారు. ఓవరాల్‌గా ఫీల్డింగ్‌లో ఆది నుంచి కడవరకూ టీమిండియా వైఫల్యం కనబడింది. అదే ఫించ్‌, స్మిత్‌లు సెంచరీ చేయడానికి కారణమైంది. ఇటీవల ముగిసిన ఐపీఎల్‌లో ఘోరంగా విఫలమైన కింగ్స్‌ పంజాబ్‌ ఆటగాడు మ్యాక్స్‌వెల్‌ సైతం బౌండరీలు సాధించాడంటే ఇక్కడ మన ఫీల్డింగ్‌ ఎలా ఉందో అర్ధం చేసుకోవచ్చు. కేవలం ఇన్‌సైడ్‌ సర్కిల్‌లోనే ఫీల్డింగ్‌తోనే భారత్‌ భారీ పరుగులు ఇచ్చింది. అదే ఓటమికి మరో కారణం కూడా.   3. కోహ్లి తొందరపాటు స్కోరు బోర్డుపై భారీ పరుగులు ఉండటంతో విరాట్‌ కోహ్లి వచ్చీ రాగానే బంతిని హిట్‌ చేయాలని భావించాడు. పిచ్‌ పరిస్థితిని అర్థం చేసుకోకుండానే హిట్టింగ్‌కు దిగాడు. ఈ క్రమంలోనే కోహ్లి ఒక లైఫ్‌ లభించింది. కమిన్స్‌ వేసిన ఏడో ఓవర్‌లో కోహ్లి భారీ షాట్‌ ఆడాడు. అది పూర్తిగా మిడిల్‌ కాకపోవడంతో అది కాస్తా గాల్లోకి లేచింది. కాగా, ఫైన్‌లెగ్‌లో ఫీల్డింగ్‌ చేస్తున్న ఆడమ్‌ జంపా దాన్ని వదిలేయడంతో కోహ్లి ఊపిరి పీల్చుకున్నాడు. అప్పుడు కోహ్లి స్కోరు పరుగు మాత్రమే. ఆ తర్వాత కాసేపటికి హజిల్‌వుడ్‌ బౌలింగ్‌లో మళ్లీ రిస్కీ షాట్‌ ఆడాడు. ఈసారి కోహ్లికి చాన్స్‌ ఇవ్వలేదు ఆసీస్‌ ఫీల్డర్లు. ఫించ్‌ క్యాచ్‌ పట్టడంతో కోహ్లి ఇన్నింగ్స్‌ 21 పరుగుల వద్ద ముగిసింది. కోహ్లి ఇలా తొందరగా పెవిలియన్‌ చేరడంతో హార్దిక్‌ పాండ్యా- ధావన్‌ల పోరాటం వృథానే అయ్యిందనే చెప్పాలి. తదుపరి మ్యాచ్‌కైనా తుది జట్టు కూర్పు, ఫీల్డింగ్‌ తదితర అంశాలపై టీమిండియా కసరత్తు చేస్తేనే తిరిగి రేసులోకి వస్తుంది. 

సిడ్నీ: ఆస్ట్రేలియా పర్యటనలో ఉన్న టీమిండియా క్రికెటర్‌ కేఎల్ రాహుల్ 14 రోజుల క్వారంటైన్‌ ముగిసిన తర్వాత సహచర ఆటగాళ్లతో కలిసి సరదాగా బయటకు వచ్చాడు. హార్దిక్ పాండ్యా, మయాంక్ అగర్వాల్‌ అతడి భార్య ఆషితా సూద్ లను సిడ్నీలోని ఓ కేఫ్‌లో కలుసుకున్నాడు. ఈ ఫోటోను రాహుల్‌ తన ఇన్‌స్టాగ్రామ్‌ ఖాతాలో పోస్ట్‌ చేశాడు. యునైటెడ్ అరబ్ ఎమిరేట్స్ (యుఏఈ) లో ఇండియన్‌ ప్రీమియర్‌ లీగ్‌(ఐపీఎల్‌) ముగిసిన తర్వాత భారత జట్టు ఆస్ట్రేలియాకు పయనమైన సంగతి తెలిసిందే. ఇక కరోనా వ్యాప్తి నేపథ్యంలో ఆటగాళ్లను క్వారంటైన్‌లో ఉం‍చారు. ఇక టీమిండియా- ఆసీస్‌ జట్ల మధ్య మూడు వన్డేలు, మూడు టీ-20లు, నాలుగు మ్యాచ్‌ల టెస్టు సిరీస్‌ జరుగనుంది. నేడు తొలి వన్డే ప్రారంభమైంది. ఇక మూడు వన్డేలకు గానూ రెండు మ్యాచ్‌లు సిడ్నీలో, ఫైనల్‌ మ్యాచ్‌ కాన్‌బెర్రాలో జరగనుంది. శుక్రవారం జరిగే మొదటి మ్యాచ్‌లో రాహుల్‌, మయాంక్‌, హార్దిక్‌ పాండ్యా బరిలోకి దిగనున్నారు. రోహిత్‌శర్మకు గాయం కావడంతో ఆస్ట్రేలియాతో జరిగే మ్యాచ్‌లకు వైస్‌ కెప్టెన్‌ బాధ్యతలు కేఎల్‌ రాహుల్‌కు అప్పగించారు.

సిడ్నీ:  టీమిండియా-ఆస్ట్రేలియా జట్ల మధ్య ద్వైపాక్షిక సిరీస్‌కు రంగం సిద్ధమైంది. రేపు(శుక్రవారం) ఇరు జట్ల మధ్య జరుగనున్న తొలి వన్డేతో సిరీస్‌ ఆరంభం కానుంది. సిడ్నీ వేదికగా తొలి రెండు వన్డేలు జరుగుతుండగా, కాన్‌బెర్రాలో మూడో వన్డే జరుగనుంది.  దీనిలో భాగంగా పరుగుల మెషీన్‌, టీమిండియా కెప్టెన్‌ విరాట్‌ కోహ్లి మరో రికార్డుకు చేరువగా ఉన్నాడు. గత ఏడేళ్లుగా నిలకడగా పరుగులు సాధిస్తూ  ఎ‍న్నో రికార్డులు సాధించిన కోహ్లిని మరో రికార్డు ఊరిస్తోంది. వన్డేల్లో 12వేల పరుగులు సాధించడానికి 133 పరుగుల దూరంలో ఉన్నాడు.  (మరో ప్రపంచానికి మారడోనా) ఆసీస్‌తో 133 పరుగుల్ని సాధిస్తే  వన్డేల్లో 12వేల పరుగుల్ని పూర్తి చేసుకున్న ఆరో క్రికెటర్‌గా నిలుస్తాడు. అదే సమయంలో 300 ఇన్నింగ్స్‌లు కంటే తక్కువ ఇన్నింగ్స్‌ల్లో ఈ ఫీట్‌ సాధించిన తొలి క్రికెటర్‌గా రికార్డు నెలకొల్పుతాడు.  వన్డేల్లో  కోహ్లి ఇప్పటివరకూ  248 మ్యాచ్‌లకు గాను 239 ఇన్నింగ్స్‌ల్లో 11,867 పరుగులు సాధించాడు. ఇందులో 43 సెంచరీలు, 58 హాఫ్‌ సెంచరీలు ఉన్నాయి. వన్డేల్లో కోహ్లి యావరేజ్‌ 59.34గా ఉండగా, స్టైక్‌రేట్‌ 93.25గా ఉంది.మూడు వన్డేల సిరీస్‌,  మూడు టీ20ల సిరీస్‌తో పాటు తొలి టెస్టుకు అందుబాటులో ఉండే కోహ్లి.. చివరి రెండు టెస్టులకు దూరం కానున్నాడు. తొలి టెస్టు  తర్వాత కోహ్లి స్వదేశానికి పయనం కానున్నాడు. ఆ సమయానికి భార్య అనుష్క శర్మ తొలి బిడ్డకు జన్మనిచ్చే  అవకాశం ఉండటంతో తొలి టెస్టు  తర్వాత కోహ్లి భారత్‌కు బయల్దేరతాడు. (ఔను... నేనింతే!)

మెల్‌బోర్న్‌: ఆరేళ్ల క్రితం దారుణ పరిస్థితుల్లో శవమై తేలిన నర్సు హత్య కేసులో దర్యాప్తు కొనసాగుతోందని ఆస్ట్రేలియా పోలీసులు శుక్రవారం వెల్లడించారు. నిందితుల సమాచారం అందించిన వారికి 5 లక్షల డాలర్ల రివార్డు ఇస్తామని ప్రకటించామని, త్వరలోనే ఈ కేసు ఓ కొలిక్కి వచ్చే అవకాశం ఉందని పేర్కొన్నారు. వివరాలు.. ఇండో- ఫిజియన్‌ మహిళ మోనికా చెట్టి(39) 2014 జనవరిలో హత్యకు గురయ్యారు. ఆమె ముఖం, శరీరంపై యాసిడ్‌తో దాడి చేసిన గుర్తు తెలియని దుండగులు సిడ్నీకి సుమారు 40 కిలోమీటర్ల దూరంలో గల వెస్ట్‌ హోస్టన్‌ వద్ద పొదల్లో పడేశారు. అనంతరం పోలీసులకు సమాచారం అందించారు. ఘటనాస్థలికి చేరుకున్న పోలీసులు తీవ్ర గాయాలతో కొట్టుమిట్టాడుతున్న మోనికను ఆస్పత్రిలో చేర్పించగా నెలరోజుల పాటు మృత్యువుతో పోరాడి తుదిశ్వాస విడిచారు.  ఈ ఘటనపై కేసు నమోదు చేసిన న్యూసౌత్‌వేల్స్‌ పోలీసులు ఆనాటి నుంచి విచారణ కొనసాగిస్తున్నారు. అయితే ఇంతవరకు నిందితుల జాడ తెలియరాలేదు. ఇక ఈ కేసును ప్రతిష్టాత్మకంగా భావించిన స్థానిక ప్రభుత్వం మోనిక హంతకుల ఆచూకీ చెప్పిన వారికి 5 లక్షల ఆస్ట్రేలియన్‌ డాలర్లు బహుమానంగా ప్రకటించింది. ఈ విషయం గురించి పోలీసు శాఖ అధికార ప్రతినిధి మాట్లాడుతూ... ఈ కేసులో ఇంతవరకు ఒక్కరిని కూడా అరెస్టు చేయలేదని తెలిపారు. రానున్న రెండు వారాల్లో పూర్తి స్థాయిలో ఈ దర్యాప్తు ప్రారంభిస్తామని వెల్లడించారు.(చదవండి: గుండె ఆగిపోయింది.. కానీ 45 నిమిషాలకు మళ్లీ..) ఇక పోలీసు, అత్యసర సేవా విభాగ మంత్రి డేవిడ్‌ ఎలియట్‌ స్పందిస్తూ.. ఆరేళ్ల క్రితం నాటి మెనిక అనుమానాస్పద మృతి కేసు తమను షాక్‌కు గురిచేసిందని, అత్యంత దారుణంగా ఆమెపై దారుణానికి పాల్పడిన హంతకుల గురించి తెలుసుకోవాలని ప్రజలతో పాటు తాము కూడా ఎంతో ఆత్రుతగా ఎదురుచూస్తున్నట్లు పేర్కొన్నారు. రివార్డు ప్రకటన వల్ల విచారణాధికారులకు కొంతమేర సమాచారం దొరికే అవకాశం ఉందన్నారు. హంతకుల జాడ తెలిస్తేనే మోనిక కుటుంబం మనసులో మెదలుతున్న ఎన్నెన్నో ప్రశ్నలకు సమాధానం దొరుకుందని చెప్పుకొచ్చారు.  తనను ఎంతగానో మిస్సవుతున్నా: డేనియల్‌ ఇక అత్యంత భయంకరమైన, దారుణ పరిస్థితుల్లో మోనిక మృత్యువాత పడ్డారని , ఆమెకు తప్పకుండా న్యాయం చేసి తీరతామని లివర్‌పూల్‌ సిటీ పోలీస్‌ ఏరియా కమాండర్‌ ఆడం వైట్‌ పేర్కొన్నారు. నేరస్తులు తగిన మూల్యం చెల్లించక తప్పదని, ఏదో ఒకరోజు తాము వారి తలుపు తడతామని, అందుకు సిద్దంగా ఉండాలంటూ హెచ్చరించారు. మోనిక కుమారుడు డేనియల్‌ చెట్టి ఆమెను గుర్తుచేసుకుని ఈ సందర్భంగా తీవ్ర భావోద్వేగానికి లోనయ్యాడు. తన తల్లి మృతికి గల కారణాల కోసం ఆరేళ్లుగా అన్వేషిస్తున్నామని, అయినా ఇంతవరకు చిన్న క్లూ కూడా దొరకలేదని పేర్కొన్నాడు. ప్రత్యేక సందర్భాల్లో తల్లి తన పక్కన లేకపోవడం తనను వేదనకు గురిచేస్తోందని, తననెంతో మిస్సవుతున్నా అంటూ ఉద్వేగానికి గురయ్యాడు. ఈ మేరకు న్యూసౌత్‌ వేల్స్‌ పోలీసులు పత్రికా ప్రకటన విడుదల చేశారు. 

సిడ్నీ: ప్రపంచ వ్యాప్తంగా ఎన్నారైలను ఏకం చేసి సిడ్నీ బతుకమ్మ అండ్‌ దసరా ఫెస్టివల్ ఇన్‌కార్పొరేటెడ్ అసోసియేషన్(ఎస్‌బీడీఎఫ్‌), ఆస్ట్రేలియన్‌ తెలంగాణ ఫోరం(ఏటీఎఫ్‌)మొట్టమొదటిసారిగా వర్చువల్ బతుకమ్మ వేడుకలను ఘనంగా నిర్వహించింది. ఎస్‌బీడీఎఫ్‌ ఆధ్వర్యంలో బతుకమ్మ ఉత్సవాలు ఆటపాటలతో శనివారం అ‍ట్టహాసంగా జరిగాయి. ప్రపంచ వ్యాప్తంగా ఉన్న తెలంగాణ ఎన్నారై ప్రతినిధులు ఈ సంబరాలలో పాల్గొన్నారు. ఈ కార్యక్రమంలో ఆస్ట్రేలియాలోని ఇతర రాష్ట్రాల ప్రతినిధులు అదేవిధంగా న్యూజిలాండ్‌, సౌత్ ఆఫ్రికా, ఇంగ్లాండ్, మలేషియా, దుబాయ్  వంటి  పలుదేశాల నుంచి కూడా తెలంగాణ ప్రతినిధులు వర్చువల్‌గా పాల్గొన్నారు. ఈ ఏడాది కరోనా నేపథ్యంలో ప్రతి సంవత్సరం లాగ ఒకే చోట గుమికూడకుండా, అందరూ మాస్కులు ధరించి సామాజిక దూరం పాటిస్తూ వినూత్నంగా ఆన్‌లైన్‌ ద్వారా ఎవరి ఇంట్లో వారు ఉండి సంబరాలు చేసుకున్నారు. బతుకమ్మ ఆట పాటలతో సిడ్నీ  పర‌వ‌శిచింది. సిడ్నీలోని అన్ని ప్రాంతాల నుంచి ఆన్లైన్ బతుకమ్మ సెలెబ్రేషన్స్‌లో పాల్గొన్నారు. కరోనా మహమ్మారి నేపథ్యంలో ఈ ఏడాది బతు‍కమ్మ ఉత్సవాలను ఇలా ఆన్‌లైన్‌లో నిర్వహించారు.  వర్క్ ఫ్రొం హోమ్ ఎలా అయితే అలవాటు చేస్తున్నామో అదేవిధంగా బతుకమ్మ ఆడే విధానాన్ని  కూడా మార్చుకోవడం జరిగిందని  నిర్వాహకులు తెలిపారు. ఈ కార్యక్రమంలో గౌరమ్మను కరోనా నుంచి కాపాడమని కోరుకుంటూ మహిళలు పాటలు పాడి వేడుకున్నారు. ఈ సందర్భంగా ఎస్‌బీడీఎఫ్‌ అధ్యక్షుడు శ్రీనివాస్‌ రెడ్డి తోతుకుర్‌ మాట్లాడతూ, ఎస్‌బీడీఎఫ్‌ ప్రధాన  ఆశయం తెలంగాణ సంస్కృతి సంప్రదాయాలను భావితరాలకు అందించటం అని  తెలిపారు. ఇప్పటి తరం యువతీ యువకులకు, పిల్లలకు నేర్పించినట్లయితేనే మన సంప్రదాయాలను ముందుకు తీసుకు వెళ్లగలమని ఆయన చెప్పారు. అందరూ ఆన్‌లైన్‌ ద్వారా ఒకచోట చేరి బతుకమ్మ వేడుకలను జరుపుకోవడం చాలా ఆనందంగా ఉందని శ్రీనివాస్‌ రెడ్డి సంతోషం వ్యక్తం చేశారు.  500 మంది వరకు ఈ బతుకమ్మ వేడుకలలో ఆన్‌లైన్‌ ద్వారా పాల్గొన్నారు. చదవండి: అమెరికా బ్యాలెట్‌ పేపర్‌పై తెలుగు

మెల్‌బోర్న్‌ : ఆస్ట్రేలియా ఆల్‌రౌండర్‌ గ్లెన్‌ మాక్స్‌వెల్‌ ఉద్వేగానికి లోనయ్యాడు. సిడ్నీలోని ఒక ఏటీఎం సెంటర్‌లో ఒక వికలాంగుడి వద్ద నుంచి ఇద్దరు దొంగలు చొరబడి దర్జాగా డబ్బులు దోచుకెళ్లడం అన్యాయమని పేర్కొన్నాడు. వివరాల్లోకి వెళితే.. ఆదివారం ఉదయం సిడ్నీలో పక్షవాతంతో వీల్‌చైర్‌కే పరిమితమైన 42 ఏళ్ల స్టువర్ట్‌ అనే వ్యక్తి డబ్బులు డ్రా చేద్దామని వచ్చాడు. అప్పటికే ఇద్దరు దొంగలు దర్జాగా ఏటీఎం సెంటర్ లోపలే కూర్చొని ఉన్నారు. మొదట స్టువర్ట్‌ డబ్బులు విత్‌డ్రా చేస్తున్న సమయంలో బయటికి వెళ్లినట్లుగా నటించారు. స్టువర్ట్‌ డబ్బులు తీసుకొని బయటకు వస్తున్న తరుణంలో ఒక వ్యక్తి వేగంగా వచ్చి చేతిలోని డబ్బులను లాక్కొని అక్కడినుంచి పారిపోయారు. అయితే నడవలేని స్థితిలో ఉన్న స్టువర్ట్‌ వారిని అడ్డుకోలేకపోయాడు. ('కోహ్లి కంటే స్మిత్‌కే రేటింగ్‌ ఎక్కువిస్తా') 'అవి నా పెన్షన్‌ డబ్బులు.. దయచేసి వాళ్లను ఎవరైనా పట్టుకోండి' అంటూ గట్టిగా అరిచాడు. స్థానికులు గమనించేలోపే ఆ ఇద్దరు అక్కడి నుంచి పారిపోయారు. 'నేను పుట్టుకతోనే పక్షవాతానికి గురయ్యాను.. ఎవరి దగ్గర చేయి చాచకుండా స్వతంత్రంగా బతుకుతున్నా. కానీ సమాజంలో ఇలాంటి వ్యక్తులు ఉండడం దురదృష్టకరం' అంటూ స్టువర్ట్‌ ఆవేదన వ్యక్తం చేశాడు. ఈ వీడియోనూ గ్లెన్‌ మాక్స్‌వెల్‌ సోషల్‌ మీడియాలో షేర్‌ చేస్తూ.. ఒక అమాయకుడిపై ఇద్దరు దొంగలు ఆ విధంగా విరుచుకుపడడం నాకు నమ్మలేకుండా ఉంది. ప్లీజ్‌.. ఆ ఇద్దరిని ఎలాగైనా పట్టుకొని తీరండి. ఇది చాలా అవమానం.. ఒక వ్యక్తిని దౌర్జన్యం చేసి డబ్బులు లాక్కోవడం దారుణం' అంటూ పేర్కొన్నాడు. ఇలా జరగడం దారుణం.. వారిని ఎలాగైనా పట్టుకోండి' అంటూ ఆసీస్‌ మాజీ క్రికెటర్‌ డామియన్‌ మార్టిన్‌ స్పందించాడు. ప్రస్తుతం ఈ వీడియో సోషల్‌ మీడియాలో వైరల్‌గా మారింది.

సిడ్నీ : సాధారణంగా ఎవరైనా దొంగతనాని​కి వస్తే ఏం చేస్తారు.. ఏవైనా విలువైన వస్తువులు, డబ్బులు, నగలు ఎత్తుకెళ్లడం చూస్తాం. కానీ ఆస్ట్రేలియాలో సిడ్నీకి చెందిన ఒక వ్యక్తి మాత్రం అర్థరాత్రి మ్యూజియంలోకి చొరబడి డైనోసార్‌తో సెల్ఫీ దిగాడు. ఆ తర్వాత  కౌబాయ్‌ టోపీతో పాటు మ్యూజియంలోని కొన్ని ఫోటోలు ఎత్తుకెళ్లాడు. ఈ వింత ఘటన ఆస్ట్రేలియాలో చోటుచేసుకుంది. దీనిపై ఆస్ట్రేలియా పోలీసులు స్పందించారు. (అది మ‌నుషుల‌కు ప్ర‌మాదం: డ‌బ్ల్యూహెచ్‌వో) 'గ‌త ఆదివారం రాత్రి ఒంటి గంట‌కు ది ఆస్ట్రేలియ‌న్ మ్యూజియంలోకి ఓ వ్య‌క్తి అక్ర‌మంగా చొర‌బ‌డ్డాడు. సుమారు 40 నిమిషాల పాటు అత‌ను మ్యూజియంలో స్వేచ్ఛ‌గా సంచ‌రించాడు . కొద్దిసేపటికి అక్క‌డ ఉన్న ఓ డైనోస‌ర్ శిలజం దగ్గరికి వెళ్లాడు. దాని నోట్లో తన ముఖం పెట్టి సెల్ఫీలు దిగాడు. ఇదంతా అక్కడి సీసీటీవీ ఫుటేజీలో రికార్డయింది. డైనోసార్‌తో సెల్ఫీ తర్వాత అక్కడే ఉన్న ఒక కౌబాయ్‌ టోపీని, ఓ ఫోటోను ఎత్తుకెళ్లాడు.  అదృష్టమేంటంటే ఆ వ్యక్తి మ్యూజియంలో ఉన్న కొన్ని విలువైన పురాతన వస్తువుల జోలికి మాత్రం వెళ్లలేదు. అయితే ఈ విషయాన్ని మాత్రం తాము సీరియస్‌గా తీసుకుంటాం.ఎట్టి పరిస్థితుల్లో ఆ వ్యక్తిని పట్టుకొని తీరుతాం' అంటూ పేర్కొన్నారు. మ్యూజియంలోకి చొరబడ్డ వ్యక్తిపై కేసు నమోదు చేసి దర్యాప్తు చేస్తున్నట్లు వెల్లడించారు. వాస్త‌వానికి పున‌ర్ నిర్మాణంలో భాగంగా సిడ్నీ మ్యూజియాన్ని గ‌త ఏడాది నుంచి మూసివేశారు. అయితే పనులన్ని పూర్తైనా ఇంతలో కరోనా మహమ్మారి రావడంతో మరోసారి మ్యూజియాన్ని మూసివేశారు. ('కళ్ల ముందే ప్రాణం పోతుంటే ఏం చేయలేకపోయా')

సిడ్నీ : ప్రతి ఒక్కరూ తమకు నచ్చిన శైలిలో ఇంటిని నిర్మించుకోవాలనుకుంటారు. అలాగే ప్రతి గదిని ప్రత్యేకంగా కట్టుకోడానికి ప్రయత్నిస్తారు. కానీ ఓ వ్యక్తి మాత్రం ఇంటిని వినూత్నంగా నిర్మించాడు. కిచెన్‌లో గోడలు లేకుండా బాత్‌రూమ్‌ను నిర్మించుకున్నాడు. ఈ వింత నిర్మాణం ఆస్ట్రేలియాలో జరిగింది. సాధారణంగా సిడ్నీ నగరం ఖరీదైన రియల్‌ ఎస్టేట్‌కు మారుపేరు. అక్కడ స్థలాన్ని ఆదా చేసేలా భవనాలు, అపార్ట్‌మెంట్‌ల నిర్మాణం ఉంటుంది. కానీ సర్రిహిల్స్‌లో అపార్ట్‌మెంట్‌లో మాత్రం ఇంటిని వినూత్నంగా కట్టించాడు. వంట గదిలో గోడలు లేకుండా గాజు గ్లాస్‌తో బాత్‌రూమ్‌ను(టాయిలెట్‌, షవర్‌) నిర్మించారు. ఇక వంటగదిని బాత్‌రూమ్‌ను కేవలం గాజు గ్లాస్ మాత్రమే వేరుచేస్తుంది. ఇటాలియన్‌ డిజైనర్‌ ‘మాడ్రన్‌ కిచెన్’గా‌ రూపొందించిన ఈ ఫ్లాట్‌ను ప్రస్తుతం అద్దెకు పెట్టారు. ఒకవేళ ఇది ఎవరికైనా నచ్చితే వారానికి దాదాపు రూ.18 వేల చెల్లించి అద్దెకు ఉండొచ్చు. (‘ఆరోగ్య సేతు’ భద్రతా సమస్య.. కేంద్రం క్లారిటీ ) అయితే దీనికి సంబంధించిన ఫోటోను ఓ వ్యక్తి ట్విటర్‌లో షేర్‌ చేయడంతో సోషల్‌ మీడియాలో వైరల్‌గా మారింది.ఇవి చూసిన నెటిజన్లు ‘టాయిలెట్‌ ఇన్‌ ది కిచెన్‌ లే అవుట్’‌ భయంకరంగా ఉందంటున్నారు. బాత్‌రూమ్‌ ఎవరికైనా వ్యక్తిగత ప్రదేశమని, అయితే కిచెన్‌లో బాత్‌రూమేంటని ఆగ్రహం వ్యక్తం చేస్తున్నారు. దీనిని నిర్మించిన వారిని, ఇంటి యాజమానిని జైలులో వేయాలని మండిపడుతున్నారు. కాగా ఈ ఇంటిపై అనేక ప్రతికూల కామెంట్లు వచ్చినప్పటికీ దీనిపై యాజమాని మాట్లాడుతూ.. ఈ ఇంటిపై అనేకమంది ఆసక్తి కనబరుస్తున్నట్లు తెలిపారు. ఒంటరి వ్యక్తులు, ప్రేమికులు, ఇద్దరు అబ్బాయిలు వంటి వారు అపార్ట్‌మెంట్ను‌ అద్దెకు కావాలని కోరుతున్నట్లు పేర్కొన్నారు. (వినూత్నం: గోడలు లేని బాత్‌రూమ్‌‌)

మానవ నాగరికతలో బండి చక్రం కనుగొనడం గొప్ప ఆవిష్కరణ అంటారు. చక్రం మనిషిలో కదలిక తెచ్చింది.  వలస వేగవంతం చేసింది. ఉన్న చోటనే ఉండటం మనిషి చరిత్రలో లేదు. అందుకే ప్రపంచంలోని ప్రతి దేశం మనిషికి ఆవాసం అయ్యింది. తెలుగువారు ప్రతి దేశంలో ఉన్నారు. మూలాలు ఉన్న రెండు రాష్ట్రాల్లో పెద్దలను వదిలిపెట్టి వెళ్లారు. తల్లిదండ్రులు ఇక్కడ... పిల్లలు ఎక్కడో. అంతా బాగుండే వాతావరణం కరోనాతో అతలాకుతలమైంది. ఒకరి మేలు ఒకరు కోరుకోవడమే ఇప్పుడు మిగిలింది. ఎప్పుడు కలుస్తామో... ఎన్నాళ్లకు కలుస్తామో.  గతంలో అంతా హుషారుగా ఉండేది. ఉత్సాహంతో ఫోన్లు మోగేవి. ‘ఈ వీకెండ్‌కి ఏంటి ప్లాన్‌?’, ‘నాన్నా.. నా ఫ్రెండ్‌ ఇండియా వస్తున్నాడు.. మోకాళ్ల నొప్పుల టాబ్లెట్స్‌ పంపిస్తున్నాను.. ఇంకేమైనా కావాలా?’, ‘ఒరేయ్‌.. భాస్కర్‌ అంకుల్‌ వాళ్లు వస్తున్నారు.. వాళ్లతో పచ్చళ్లు, చింతపండు, కారం పంపించనా?’, ‘షఫీల్డ్‌ నుంచి లండన్‌ షిఫ్ట్‌ అవుతున్నారట.. న్యూ ఆపర్చునిటీ ఏదైనా వచ్చిందా?’, ‘ఆన్‌సైట్‌ మీద స్విట్జర్లాండ్‌ వెళ్తున్నానే.. అట్లాంటాలో ఇల్లు లీజ్‌కు ఇద్దామనుకుంటున్నా.. ఇండియన్స్‌ ఎవరన్నా ఉంటే చూస్తావా?’ ఇలాంటి సంభాషణలు ఇప్పుడు లేవు. ఇండియా నుంచి ప్రపంచంలోని ఏ దేశానికి ఫోన్‌ చేసినా ప్రపంచంలోని ఇంకే దేశం నుంచి ఇండియాకు ఫోన్‌కాల్‌ వచ్చినా ఒకటే మాట.. పదే పదే.. ‘జాగ్రత్త.. బయటకు వెళ్లకండి’ అనే. కరోనా వైరస్‌ మూలంగా ప్రపంచమంతా దాదాపుగా షట్‌డౌన్‌ అయింది. ఉన్న చోటు నుంచే ఎక్కడో ఉన్న తమlవారి క్షేమ సమాచారాన్ని వింటూ.. కోరుకుంటూ  కాలం వెళ్లదీస్తున్నారు. ఇదిగో.. గల్ఫ్‌ మీదుగా యూరప్‌ను పలకరిస్తూ అమెరికాలోనూ ఆరా తీసి కెనడాను కుశల ప్రశ్నలు అడిగి.. ఆ అభిప్రాయాలను ఇలా షేర్‌ చేస్తున్నాం ఇక్కడ. చైనీస్‌ స్ట్రీట్‌ వైపు వెళ్లట్లేదు నేను కెనడాలో ఉంటాను. టొరొంటోలో. మా అక్కయ్య అమెరికాలో స్థిరపడింది. అమ్మా నాన్న హైదరాబాద్‌లో ఉంటారు. మా అక్కయ్య ఇండియా వచ్చిన కొన్ని రోజులకే ఈ కరోనా గొడవ మొదలయ్యే సరికి మొన్న ఫిబ్రవరి సెవెన్త్‌కే అమెరికా బయలుదేరిపోయింది. ఈ విషయం తెలిసిన హెల్త్‌ డిపార్ట్‌మెంట్‌ వాళ్లు హైదరాబాద్‌లో మా ఇంటికి  ‘దిస్‌ హోమ్‌ ఈజ్‌ అండర్‌ క్వారంటైన్‌’ అని స్లిప్‌ అతికించారట. ఫిఫ్టీన్‌ డేస్‌లో నాలుగుసార్లు హోమ్‌ విజిట్‌ కూడా చేశారని మా పేరెంట్స్‌ చెప్పారు ఫోన్‌లో. సేఫ్టీమెజర్స్‌ బాగానే తీసుకుంటున్నారని హ్యాపీగా అనిపించింది అది విన్నాక . ఇక్కడ ఇండియన్స్‌మి జాగ్రత్తగానే ఉంటున్నాం. మా పక్కనే చైనీస్, కొరియన్స్‌ ఉండే స్ట్రీట్‌ ఉంటుంది ‘యంగ్‌స్ట్రీట్‌’ అని. దాని వైపే వెళ్లట్లేదెవ్వరం. – ఎడ్ల పవన్‌ రెడ్డి, ఐటీ ఉద్యోగి, కెనడా జాలిగా చూస్తున్నారట మా సొంతూరు విజయవాడ. మా అమ్మా నాన్నకు ఒక్కదాన్నే కూతుర్ని. పెళ్లయ్యాక, భర్తతో అమెరికా వచ్చేశాను. మాకు ముగ్గురు పిల్లలు. మొన్నటి దాకా అంతా బాగానే ఉంది. అంతకుముందు ‘మీ అమ్మాయి అమెరికాలో ఉంటోందా?’ అంటూ మా పేరెంట్స్‌ని అబ్బురంగా చూసినవాళ్లే ‘పాపం వీళ్ల అమ్మాయి అమెరికాలో ఉంటోంది’ అని జాలిగా అంటున్నారట. మా పేరెంట్స్‌ ఇద్దరూ 60 ఏళ్లు దాటినవాళ్లే. నిజానికి ఈ ఏప్రిల్లో వాళ్లు అమెరికా రావడానికి టికెట్‌ కూడా కన్‌ఫర్మ్‌ అయింది. ఇదిగో కరోనా వల్ల అది క్యాన్సిల్‌ అయిపోయింది. వాళ్లూ నా దగ్గరే ఉంటే అందరం ఒక్కచోటే ఉన్నామన్న నిశ్చింత ఉండేది.  – కేజియా ముప్పిడి, కాంట్రాక్ట్‌ ఎంప్లాయి, వాషింగ్‌టన్‌ డీసీ ఫ్యామిలీ అక్కడ.. నేనిక్కడ ఆన్‌సైట్‌ మీద ఆస్ట్రేలియా వచ్చాను. సిక్స్‌ మంత్స్‌ అవుతోంది. నా వైఫ్‌ ప్రెగ్నెంట్‌. వచ్చే నెల తనకు డ్యూ డేట్‌. నేను హైదరాబాద్‌ వెళ్లాల్సింది. కరోనా వల్ల నో చాన్స్‌. ఆమె ఇప్పుడు వాళ్ల అమ్మవాళ్ల ఊరు పులివెందులలో ఉంది. మా పేరెంట్సేమో హైదరాబాద్‌లో. నేనిక్కడ. ఎంత టెన్షన్‌గా ఉందో. ఒక్క ఊరట ఏంటంటే.. ఇండియాలో లాక్‌డౌన్‌ చాలా స్ట్రిక్ట్‌గా జరుగుతోందని. ఇక్కడ లాక్‌డౌన్‌ అంత పర్‌ఫెక్ట్‌గా లేదు. గ్రాసరీస్, రెస్టారెంట్స్‌ అన్నీ తెరిచే ఉన్నాయి. సోషల్‌ డిస్టెన్సింగ్‌ మెయిన్‌టైన్‌ చేస్తున్నారంతే. – రవి కిషన్, ఐటీ ఎంప్లాయి, సిడ్నీ నిజమెంతో తెలియదు మిగతా దేశాలు ఈ ఔట్‌బ్రేక్స్‌ని తట్టుకోవడానికి హాస్పిటల్స్‌ కడ్తుంటే బ్రిటన్‌లో మాత్రం శ్మశానాలు ఏర్పాటు చేస్తున్నారన్న విషయం మమ్మల్ని చాలా భయపెడ్తోంది.  వైరస్‌ ఎఫెక్ట్‌ మైల్డ్‌గా ఉన్నవాళ్లు హాస్పిటల్స్‌కు రాకూడదు ఇంట్లోనే ఉండాలి అని ఒక ప్రచారం వైరల్‌ అవుతోందిక్కడ. ఈ క్రైసిస్‌లో ఇండియన్స్‌ అంతా కలిసి మెలిసి ఉంటున్నాం. రెంట్‌ కట్టుకోలేని స్టూడెంట్స్‌కి ఇంటిని షేర్‌ చేస్తున్న తెలుగు కుటుంబాలూ ఉన్నాయి. ఇలాంటివి తెలిసినప్పుడు భరోసాగా అనిపిస్తోంది. ఇండియాలో ఉన్న పేరెంట్స్‌ గుర్తొచ్చినప్పుడు మాత్రం దిగులుగా అనిపిస్తోంది. – సి.రమోల, సాఫ్ట్‌వేర్, లండన్‌ ధైర్యం చెప్పుకుంటున్నాం మా అమ్మాయి కాలిఫోర్నియాలో ఉంటుంది. ఆమె దగ్గరకి వచ్చి ఇక్కడే చిక్కుకున్నాను కరోనా వల్ల. మా ఆయనేమో మా సొంతూరు నిజామాబాద్‌లో ఉన్నారు. మొన్న 23వ తేదీ మా 50వ పెళ్లిరోజు. అప్పటికల్లా ఇండియా వెళ్లిపోవాలని టికెట్‌ బుక్‌ చేసుకున్నాను. ఫ్లయిట్స్‌ అన్నీ క్యాన్సల్‌ అయి.. నేనిక్కడ.. కేక్‌ కట్‌ చేస్తూ వీడియో కాల్‌లో విషెస్‌ చెప్పుకున్నాం. ఇప్పుడు ఒకరికొకరం ధైర్యం చెప్పుకుంటున్నాం.  – పొట్లూరి ఛాయాదేవి, రిటైర్డ్‌ టీచర్, కాలిఫోర్నియా

సిడ్నీ: ఐసీసీ మహిళల టీ20 ప్రపంచకప్‌లో ఒక ఫైనల్‌ బెర్త్‌ ఖరారు కాగా మరో బెర్త్‌ కోసం ఆతిథ్య ఆస్ట్రేలియా, దక్షిణాఫ్రికా జట్లు తలపడుతున్నాయి. గురువారం స్థానిక సిడ్నీ క్రికెట్‌ గ్రౌండ్‌ వేదికగా జరుగుతున్న ఈ మ్యాచ్‌లో టాస్‌ గెలిచిన దక్షిణాఫ్రికా తొలుత బౌలింగ్‌ ఎంచుకుంది.  నాలుగు సార్లు టీ20  ఛాంపియన్‌గా నిలిచిన ఆసీస్‌ జట్టు స్వదేశంలో జరుగుతున్న ప్రపంచకప్‌ను కైవసం చేసుకోవాలని ఉవ్విళ్లూరుతోంది. కాగా, తొలి సారి ఫైనల్‌ చేరుకోవడంతో పాటు వరల్డ్‌ కప్‌తో దక్షిణాఫ్రికాకు వెళ్లాలని ఆ జట్టు ఆరాటపడుతోంది.  ఇదే వేదికగా టీమిండియా-ఇంగ్లండ్‌ జట్ల మధ్య జరగాల్సిన తొలి సెమీస్‌ వర్షం కారణంగా రద్దయిన విషయం తెలిసిందే. మ్యాచ్‌ సమయానికి ఔట్‌ పీల్డ్‌ చిత్తడి చిత్తడిగా ఉండటంతో మ్యాచ్‌ను రద్దు చేస్తున్నట్లు అంపైర్లు తెలిపారు. అయితే గ్రూప్‌ దశలో అత్యధిక పాయింట్లతో ఉన్న టీమిండియా ఫైనల్‌కు చేరుకుంది. రెండో మ్యాచ్‌ ప్రారంభ సమయానికి సిబ్బంది మైదానాన్ని సిద్ధం చేశారు. దీంతో మరో సెమీస్‌ పోరులో పోటీపడుతున్న ఆస్ట్రేలియా-దక్షిణాఫ్రికా మ్యాచ్‌ విజేతతో ఫైనల్లో టీమిండియా తలపడనుంది.    చదవండి: ఫైనల్‌కు టీమిండియా తొలిసారి దక్షిణాఫ్రికా ఘనమైన ప్రతీకారం

సిడ్నీ : క్యాన్సర్‌తో బాధపడుతూ ఇంకొద్దిరోజుల్లో చనిపోతాడని తెలిసి ఆ ముసలాయనకు సర్‌ప్రైజ్‌ వీడ్కోలు ఇచ్చారు కుటుంబసభ్యులు. అతడికి ఎంతో ఇష్టమైన, బెస్ట్‌ ఫ్రెండ్‌ను కలుసుకునేలా చేశారు. వివరాల్లోకి వెళితే.. సిడ్నీకి చెందిన పాల్‌ లీవిస్‌ అనే ముసలాయన గత కొద్ది సంవత్సరాలుగా క్యాన్సర్‌ వ్యాధితో బాధపడుతున్నాడు. వ్యాధి ముదరడంతో కొన్ని రోజుల నుంచి అతడ్ని ఆస్పత్రిలోనే ఉంచి డాక్టర్లు చికిత్స చేస్తున్నారు. పాల్‌కు రోజులు దగ్గర పడ్డాయని భావించిన కుటుంబసభ్యులు బ్రతికున్న కొన్ని క్షణాలైనా అతడ్ని సంతోషపెట్టాలనుకున్నారు. ఆస్పత్రి బెడ్‌ వద్ద పాల్‌ బెస్ట్‌ ఫ్రెండ్‌ కోకో ఇందుకోసం పాల్‌ బెస్ట్‌ ఫ్రెండ్‌ అయిన 19 ఏళ్ల కోకో అనే పిల్లిని అతడి వద్దకు తీసుకొచ్చి సర్‌ప్రైజ్‌ చేశారు. ఆస్పత్రి బెడ్‌ మీద కదలలేని పరిస్థితిలో ఉన్న అతడు దాన్ని చూడగానే ఎంతో సంతోషపడ్డాడు. పాల్‌ మనవరాలు ఎలిసా ఫోటి దీన్నంతా వీడియో తీసి సోషల్‌ మీడియాలో ఉంచింది. దీంతో వీడియో కాస్తా వైరల్‌గా మారింది. అయితే కోకోను కలుసుకున్న రెండు రోజులకు పాల్‌ కిడ్నీ ఫేయిల్యూర్‌ కారణంగా మరణించాడు.

సిడ్నీ: సాధారణంగా ఏ క్రికెటరైనా తమ కెరీర్‌లో ఒక్కసారైనా క్యాష్‌ రిచ్‌ లీగ్‌ అయిన ఇండియన్‌ ప్రీమియర్‌ లీగ్‌(ఐపీఎల్‌) ఆడాలని కోరుకుంటారు. ఒక్కసారి ఇక్కడ అడుగు పెడితే తమ దశే తిరిగి పోతుందని భావిస్తుంటారు. అలాంటిది.. ఒక్కసారి కాదు.. నాలుగు సంవత్సరాల పాటు ఐపీఎల్‌ ఆడి,  బిగ్‌బాష్‌ లీగ్‌(బీబీఎల్‌)లో కూడా ప్రాతినిథ్యం వహించిన ఆ క్రికెటర్‌ సంపాదన ఎంతుందో అర్థం చేసుకోవచ్చు. మరి ఆసీస్‌ మాజీ క్రికెటర్‌ ల్యూక్ పోమర్స్ బాచ్ ఇందుకు భిన్నం. అతని ప్రవర్తనతోనే తన కెరీర్‌ను నాశనం చేసుకున్నాడు. ఒకప్పుడు టీ20 స్టార్‌ క్రికెటర్‌గా వెలిగి ఇప్పుడు ఏకంగా దొంగగా మారిపోయాడు. ల్యూక్ పోమర్స్ బాచ్.. ఒకప్పుడు తారాజువ్వలాగా ఎగిసి పడ్డాడు. 2007లో ఆస్ట్రేలియా త‌ర‌పున పోమర్స్‌ బ్యాచ్‌ ఏకైక టీ20లో ప్రాతినిధ్యం వ‌హించాడు. న్యూజిలాండ్‌తో జ‌రిగిన ఈ మ్యాచ్‌లో 7 బంతుల్లోనే 15 ప‌రుగులు చేశాడు. దీంతో త‌ర్వాతి ఏడాది జ‌రిగిన ఐపీఎల్‌లో కింగ్స్‌ పంజాబ్‌ జట్టులో చోటుదక్కించుకున్నాడు.  రాయల్‌ చాలెంజర్స్‌ బెంగళూరు తరఫున కూడా ఆడాడు. ఇలా 2008 నుంచి 2013 వరకూ ఐపీఎల్‌ ఆడుతూనే ఉన్నాడు. 2013లో కింగ్స్‌ పంజాబ్‌ అతన్ని మూడు లక్షల డాలర‍్లకు కొనుగోలు చేసింది. తన ఐపీఎల్‌ చివరి మ్యాచ్‌ను సన్‌రైజర్స్‌ హైదరాబాద్‌పై ఆడాడు. అతను మొత్తం 17 మ్యాచ్‌ల్లో 122 ప్లస్ స్ట్రైక్ రేట్‌లో 302 పరుగులు చేశాడు. 2012 ఐపీఎల్లో ఒక అమెరిక‌న్ యువ‌తిని వేదించడంతో అతను అరెస్ట్‌ అయ్యాడు.  2014లో క్రికెట్‌కు గుడ్‌ బై చెప్పేశాడు. ఆ క్రమంలోనే చెడు వ్యసనాలకు బానిస అయ్యాడు.  చెడు వ్యసనాలకు బానిసయ్యాడు. ఒక సారి బైకు దొంగ‌త‌నం చేసి, మరోసారి లిక్క‌ర్ షాప్ నుంచి మ‌ద్యం దొంగిలించి అరెస్ట‌య్యాడు. ఈక్ర‌మంలో క‌నీసం ఉండ‌టానికి ఇల్లు కూడా లేని స్థితిలో ఒక కారులో త‌ల దాచుకున్నాడు. తాజాగా దొంగ‌త‌నంలో మ‌రోసారి ల్యూక్ అరెస్ట‌య్యాడు. బిగ్‌బాష్‌లీగ్‌లో కూడా ప్రాతినిథ్యం వ‌హించిన ల్యూక్ గురించిన తెలిసిన అభిమానులు మాత్రం విధి ఎంత చిత్రమైనది అని ముక్కున వేలేసుకుంటున్నారు.  

సిడ్నీ: ఆస్ట్రేలియాను ఇటీవల కుదిపేసిన కార్చిచ్చు బాధితుల సహాయార్థం నిధుల సేకరణ కోసం తలపెట్టిన ఎగ్జిబిషన్‌ మ్యాచ్‌ వేదిక, తేదీ మారాయి. ‘బుష్‌ ఫైర్‌ బాష్‌’ పేరుతో పలువురు మాజీ క్రికెటర్లు పాల్గొంటున్న ఈ మ్యాచ్‌ శనివారానికి బదులుగా ఆదివారం నిర్వహిస్తారు. వేదికను కూడా సిడ్నీ నుంచి మెల్‌బోర్న్‌కు మార్చారు. వాతావరణ శాఖ సూచన ప్రకారం శనివారం సిడ్నీలో భారీ వర్షం కురిసే అవకాశం ఉండటమే అందుకు కారణం. మెల్‌బోర్న్‌లోని జంక్షన్‌ ఓవల్‌లో జరిగే ఈ మ్యాచ్‌లో ఒక్కో జట్టు 10 ఓవర్ల చొప్పున ఆడుతుంది.  దీంతో పాటు మహిళల జట్లు ఆడుతున్న రెండు అంతర్జాతీయ టి20 మ్యాచ్‌లు, బిగ్‌బాష్‌ లీగ్‌ ఫైనల్‌ కూడా నిధుల సేకరణలో భాగంగా ఉన్నాయి. ఈ నాలుగు మ్యాచ్‌ల ద్వారా వచ్చిన లాభాలను రెడ్‌ క్రాస్‌కు అందజేస్తారు. ‘బుష్‌ ఫైర్‌ బాష్‌’లో రెండు జట్లలో ఒకదానికి సచిన్‌ కోచ్‌గా వ్యవహరిస్తుండటం విశేషం. మరో టీమ్‌కు ఆసీస్‌ ప్రస్తుత టెస్టు కెప్టెన్‌ టిమ్‌ పైన్‌ కోచ్‌గా పని చేస్తాడు.   జట్ల వివరాలు:  పాంటింగ్‌ ఎలెవన్‌: హేడెన్, లాంగర్, పాంటింగ్, విలాని, లారా, లిచ్‌ఫీల్డ్, హాడిన్, బ్రెట్‌ లీ, వసీం అక్రమ్, క్రిస్టియాన్, ల్యూక్‌ హాడ్జ్, సచిన్‌ (కోచ్‌). గిల్‌క్రిస్ట్‌ ఎలెవన్‌: గిల్‌క్రిస్ట్, వాట్సన్, బ్రాడ్‌ హాడ్జ్, యువరాజ్‌ సింగ్, బ్లాక్‌వెల్, సైమండ్స్, కోట్నీ వాల్ష్‌, సిడిల్, రీవోల్ట్‌.  

సిడ్నీ:  ఇటీవల భారత్‌తో జరిగిన వన్డే సిరీస్‌ను కోల్పోయిన తర్వాత స్వదేశానికి చేరిన ఆసీస్‌ క్రికెట్‌ జట్టు సభ్యులు మళ్లీ బిగ్‌బాష్‌ లీగ్‌(బీబీఎల్‌)తో బిజీ అయిపోయారు. ఈ క్రమంలోనే మెల్‌బోర్న్‌ రెనిగేడ్స్‌కు కెప్టెన్‌గా వ్యవవహరిస్తున్న అరోన్‌ ఫించ్‌ బ్యాట్‌ ఝుళిపించాడు. శనివారం సిడ్నీ సిక్సర్స్‌తో మ్యాచ్‌లో ఫించ్‌ శతకంతో మెరుపులు మెరిపించాడు.  తొలుత రెనిగేడ్స్‌ బ్యాటింగ్‌కు దిగగా ఫించ్‌ సిక్స్‌లు, ఫోర్లతో విరుచుకుపడ్డాడు. 68 బంతుల్లో 6 ఫోర్లు, 7 సిక్స్‌లతో 109 పరుగులు చేశాడు. రెనిగేడ్స్‌ ఇన్నింగ్స్‌లో ఫించ్‌ మినహా ఎవరూ పెద్దగా రాణించకపోవడంతో ఆ జట్టు నిర్ణీత ఓవర్లలో ఐదు వికెట్లకు 175 పరుగులు చేసింది. అయితే ఆపై టార్గెట్‌ను ఛేదించడానికి బరిలోకి దిగిన సిడ్నీ సిక్సర్స్‌ ధాటిగా బ్యాటింగ్‌ కొనసాగిస్తోంది. 11 ఓవర్లు ముగిసే సరికి వికెట్‌ నష్టానికి 99 పరుగులు చేసింది. సిడ్నీసిక్సర్స్‌ జట్టులో స్టీవ్‌ స్మిత్ సభ్యుడు. 

సిడ్నీ : ఆవులు మాట్లాడుకోవడమేంటి? ‘అంబా’అని అరవడం తప్ప వాటికింకేమి మాటలొస్తాయ్‌? అంటారా..! నిజమే.. కానీ ‘అంబా’అనే ఆ ఒక్క పదంలోనే అవి తమలోని విరుద్ధ భావాలను పరస్పరం తెలియజేసుకుంటాయని తాజాగా శాస్త్రవేత్తల పరిశోధనలో వెల్లడైంది. యూనివర్సిటీ ఆఫ్‌ సిడ్నీ రీసెర్చర్ల బృందం ఈ పరిశోధన నిర్వహించింది. వీరు ఆవు అరుపులపై అధ్యయనం చేశారు. వాటి అరుపులను తర్జుమా చేయడానికి గూగుల్‌ ట్రాన్స్‌లేట్‌ వంటి ఓ పరికరాన్ని తయారుచేసి ఉపయోగించారు. దీని ద్వారా ఆవుల ‘అంబా’అరుపులో భావోద్వేగాన్ని బట్టి స్వరం తీవ్రతలో తేడాలుంటాయని గుర్తించారు. కోపం, బాధ, భయం, సంతోషం.. ఇలాంటి వివిధ రకాల భావాలను వ్యక్తం చేసేటపుడు, తోటి ఆవులను పిలిచేటప్పుడు వాటి అరుపుల్లో తేడాలుంటాయని పరిశోధనలో పాలుపంచుకున్న అలెగ్జాండ్రా గ్రీన్‌ తెలిపారు. ఆవుల ‘అంబా’ అరుపులోని ఈ తేడాలు వాటి జీవితాంతం కొనసాగుతాయని పేర్కొన్నారు. 333 ఆవుల అరుపులను రికార్డ్‌ చేసి, అనలైజ్‌ చేయగా ఈ విషయం తెలిసిందని వెల్లడించారు. ఒక మందలో ఏ ఆవు అరిచిందో దాన్ని చూడకుండా కేవలం వినడం ద్వారా మిగిలినవి గుర్తుపట్టగలవని, ప్రతి ఆవుకూ భిన్న వాయిస్‌ ఉంటుందని పరిశోధనలో కనుగొన్నట్లు గ్రీన్‌ వివరించారు.

సిడ్నీ : ఒక వ్యక్తి మూడు వారాల పాటు ఎవరికి కనిపించకుండాపోవడంతో అందరూ అతను చనిపోయాడనే భావించారు. కానీ హఠాత్తుగా ఆ వ్యక్తి బతికేఉన్నాడన్న వార్త విని చాలా సంతోషించారు. ఈ ఘటన ఆస్ట్రేలియాలోని సిడ్నీలో చోటుచేసుకుంది. వివరాలు.. ఆస్ట్రేలియాకి చెందిన లెమిక్‌ అనే వ్యక్తి క్వీన్స్‌లాండ్‌లోని డైంట్రీ అటవీప్రాంతంలో ప్రయాణిస్తున్నప్పుడు డిసెంబర్ 22న అతని వాహనం బోల్తా పడింది. అప్పటినుంచి లెమిక్‌ అదృశ్యమయ్యాడు.లెమిక్‌ అదృశ్యమైన అటవీ ప్రాంతానికి సముద్రం దగ్గరగా ఉండడంతో కొన్ని వేళ మొసళ్లు అక్కడ జీవిస్తున్నాయి. దీంతో లెమిక్‌ వాటికి ఆహారం అయ్యుంటాడని భావించారు. అటవీ అధికారులు అతని కోసం రెండు వారాలు గాలించినా ఫలితం లేకపోవడంతో తమ ప్రయత్నాన్ని మానుకున్నారు. ఈ నేపథ్యంలో సోమవారం లెమిక్‌ వాహనం బోల్తా పడిన ప్రాంతానికి కొన్ని కిలోమీటర్ల దూరంలో అతను బతికే ఉన్నట్లు పోలీసులు గుర్తించారు. కాగా మూడు వారాల పాటు అడవిలోనే చిక్కుకున్న లెమిక్‌ ఆరోగ్యం, మానసిక పరిస్థితి బాగానే ఉందని పోలీసులు పేర్కొన్నారు. ఈ మూడు వారాల పాటు అడవిలో ఉన్నలెమిక్‌  బెర్రీ, ఇతర పండ్లు తిని జీవించాడని తెలిపారు.

సిడ్నీ: తొలి ఏటీపీ కప్‌ టీమ్‌ టెన్నిస్‌ టోర్నమెంట్‌ విజేతగా సెర్బియా అవతరించింది. ఆదివారం జరిగిన ఫైనల్లో నొవాక్‌ జొకోవిచ్‌ సారథ్యంలోని సెర్బియా 2–1తో రాఫెల్‌ నాదల్‌ నాయకత్వంలోని స్పెయిన్‌పై గెలుపొందింది. రెండో సింగిల్స్, డబుల్స్‌ మ్యాచ్‌లో బరిలో దిగిన జొకోవిచ్‌ రెండు మ్యాచ్‌లనూ గెలిచి జట్టుకు ఒంటి చేత్తో కప్‌ను అందించాడు. తొలి సింగిల్స్‌ మ్యాచ్‌లో బాటిస్టా అగుట్‌ (స్పెయిన్‌) 7–5, 6–1తో డుసాన్‌ లజోవిచ్‌ (సెర్బియా)పై గెలుపొంది స్పెయిన్‌కు 1–0 ఆధిక్యాన్నిచ్చాడు. నిలవాలంటే తప్పక గెలవాల్సిన స్థితిలో రెండో సింగిల్స్‌ మ్యాచ్‌ బరిలో దిగిన జొకోవిచ్‌ 6–2, 7–6 (7/4)తో ప్రపంచ నంబర్‌వన్‌ నాదల్‌పై నెగ్గడంతో స్కోరు 1–1తో సమమైంది. తొలి సెట్‌లో జోకర్‌ బలమైన సర్వీస్‌లకు నాదల్‌ దగ్గర సమాధానమే లేకపోయింది. కానీ రెండో సెట్‌లో మాత్రం నాదల్‌ కాస్త ప్రతిఘటించాడు. దీంతో సెట్‌ టై బ్రేక్‌కు వెళ్లింది. అక్కడ మరోసారి విజృంభించిన జొకోవిచ్‌ టై బ్రేక్‌తో పాటు మ్యాచ్‌నూ సొంతం చేసుకున్నాడు. 2013 నుంచి హార్డ్‌ కోర్టులపై నాదల్‌తో జరిగిన ప్రతీ మ్యాచ్‌లోనూ జొకోవిచ్‌ గెలవడం విశేషం. ఇక కప్‌ విజేతను నిర్ణయించే డబుల్స్‌ పోరులో జొకోవిచ్‌–విక్టర్‌ ట్రయెస్కీ ద్వయం 6–3, 6–4తో లోపెజ్‌–కరెనో బుస్టా జోడీ (స్పెయిన్‌)పై గెలిచింది. దాంతో ఏటీపీ కప్‌ సెర్బియా సొంతం అయింది. ఈ టోర్నీలో ఆడిన ఆరు మ్యాచ్‌ల్లో విజయం సాధించిన జొకోవిచ్, బాటిస్టా అగుట్‌ ఖాతాలో 750 ఏటీపీ పాయింట్లు చేరాయి.  

సిడ్నీ : ప్రపంచంలో ఏ పిల్లాడైనా సరే తన తండ్రి గొప్పదనం తెలుసుకున్నప్పుడు వారు ఎంతగా మురిసిపోతారో చెప్పనవసరం లేదు. అందులోనూ దేశంకోసం ప్రాణత్యాగం చేసిన తండ్రి విలువను అందరూ గుర్తించినప్పుడు ఆ పిల్లల ఆనందానికి అవదులు లేకుండా పోతాయి. తాజాగా అలాంటి ఘటనే ఆస్ట్రేలియాలో చోటుచేసుకుంది. కార్చిచ్చు ధాటికి అమరుడైన తన తండ్రి అంత్యక్రియల సమయంలో అతని సాహసానికి గుర్తుగా తన 19 నెలల కూతురుకు వోడయ్యర్‌ వాడిన హెల్మట్‌తో పాటు మెడల్‌ను బహూకరించారు. వీటిని ఆ పాప ధరించినప్పుడు అక్కడున్న ప్రతి ఒక్కరి మనసులు భావోద్వేగానికి గురవడం అందరిని ఆకట్టుకుంటుంది. తాజాగా ఈ వీడియో సోషల్‌ మీడియాలో షేర్‌ చేయడంతో చూసిన ప్రతీ వీక్షకుడి గుండె బరువెక్కుతుంది. వివరాల్లోకి వెళితే.. ప్రసుత్తం ఆస్ట్రేలియాలో కార్చిచ్చు అతలాకుతలం చేస్తున్న సంగతి తెలిసిందే. కార్చిచ్చు భారీ నుంచి ప్రజలను రక్షించడానికి ఫైర్‌ ఫైటర్స్‌ తమ ప్రాణాలను సైతం లెక్కచేయడం లేదు. ఈ నేపథ్యంలో డిసెంబర్‌ 19న ఫైర్‌ ఫైటర్స్‌ కార్చిచ్చు నుంచి ప్రజలను రక్షించడానికి ఫైర్‌ ఇంజన్‌లో వెళ్లారు. అయితే ఒక్కసారి కార్చిచ్చు మంటలు మరింతగా వ్యాపించి వారు వెళుతున్న వాహనంపై పడడంతో అందరూ అక్కడికక్కడే మరణించారు. అందులో 36 ఏళ్ల వోడయ్యర్‌ అనే వ్యక్తి కూడా ఉన్నాడు. ఇతను న్యూసౌత్‌ వేల్స్‌ రూరల్‌ ఫైర్‌ సర్వీస్‌ నుంచి ఫైర్‌ఫైటర్‌గా తన సేవలందిస్తున్నాడు. ఈ నేపథ్యంలో మంగళవారం సిడ్నీలో వోడయ్యర్‌ అంత్యక్రియలు నిర్వహించారు. అంత్యక్రియల్లో భాగంగా 12 మంది ఫైర్‌ ఫైటర్స్‌ వరుసగా నిలబడి వోడయ్యర్‌ మృతదేహానికి హార్డ్‌ ఆఫ్‌ గానర్‌తో గౌరవించారు. అనంతరం వోడయ్యర్‌ 19 నెలల కూతురైన చార్లెట్‌ను హెల్మట్‌తో  పాటు సేవా పతకాన్ని అందించారు. ' చార్లెట్‌.. ఈరోజు నీ తండ్రి ఎంత  గొప్పవాడో నీకు తెలియాలి. మీ నాన్న ఒక గొప్ప వ్యక్తి, దేశకోసం తన ప్రాణాలను పణంగా పెట్టి నిజమైన హీరో అయ్యారు. అతని సేవను మేము ఎప్పటికి గుర్తుంచుకుంటాం' అంటూ అధికారి ఫిట్జ్‌సిమ్మన్స్ కన్నీటి పర్యంతమయ్యారు. 19 నెలల చార్లెట్‌ తన తండ్రి జ్ఞాపకార్థంగా ఇచ్చిన హెల్మట్‌తో పాటు సేవా పతకాన్ని ధరించినప్పుడు అక్కడ ఉన్న ప్రతి ఒక్కరి కళ్లు చెమర్చాయి. ఈ కార్యక్రమానికి హాజరైన ఆస్ట్రేలియన్‌ ప్రధాని స్కాట్‌ మోరిసన్‌ దంపతులు వోడయ్యర్‌ కుటుంబసభ్యుల వద్దకు వెళ్లి ఆలింగనం చేసుకొని వారిని ఓదార్చారు. రెండు నెలలుగా ఆస్ట్రేలియాను వణికిస్తున్న కార్చిచ్చుకు ఇప్పటివరకు 26 మంది ఫైర్‌ ఫైటర్‌లు తమ ప్రాణాలు కోల్పోగా, వేలాది జంతువులు బలయ్యాయి.

సిడ్నీ : ఆస్ట్రేలియాలో అంటుకున్న కార్చిచ్చు ప్రస్తుతం ఆ దేశాన్ని అతలాకుతులం చేస్తున్న సంగతి తెలిసిందే. ఈ నేపథ్యంలో అక్కడి అధికారులు సంచలన నిర్ణయం తీసుకున్నారు. అదేంటో తెలుసా.. అయిదు రోజుల ప్రచారంలో భాగంగా ఆస్ట్రేలియాలోని 10వేల ఒంటెలను చంపాలని నిర్ణయించారు. కాగా బుధవారం నుంచే ప్రచారాన్ని మొదలుపెట్టనున్నారు. ప్రస్తుతం కార్చిచ్చుతో పరిస్థితి దారుణంగా ఉన్న సమయంలో వేడిని భరించలేక ఒంటెలు ఎక్కువ నీళ్లు తీసుకుంటున్నాయి. అందుకే వాటిని చంపేయాలనే నిర్ణయం తీసుకున్నట్లు అధికారులు పేర్కొంటున్నారు. ఈ మేరకు ఒంటెలను చంపడానికి ఆస్ట్రేలియా ప్రభుత్వం హెలికాప్టర్‌లను కూడా ఏర్పాటు చేసింది. ఇదే అంశమై  అనంగు పిజంజజరా యకుంనిజజరా(ఏపీవై) ఎగ్జిక్యూటివ్‌ బోర్డ్‌ మెంబర్‌ మరీటా బేకర్‌ స్పందిస్తూ.. ‘కార్చిచ్చు అంటుకొని దేశం మొత్తం తగలబడిపోతుంది. దీనికి తోడు కార్చిచ్చు​ ద్వారా వస్తున్న వేడి , అసౌకర్య పరిస్థితులతో కనీస అవసరాలు తీర్చుకోలేకపోతున్నాము. ఒంటెలు మా కంచెలను పడగొట్టి ఇళ్ళలోకి ప్రవేశించి విచ్చలవిడిగా నీరు తాగడంతో పాటు ఏసీలను పాడు చేసి అందులోని నీటిని తాగుతూ తమ దాహర్తిని తీర్చుకొని వెళ్లిపోతున్నాయి. ఈ సమయంలో ఒంటెలు విడుస్తున్న వ్యర్థాల వల్ల వచ్చే దుర్వాసనను మేము భరించలేకపోతున్నాం' అంటూ ఆవేదన వ్యక్తం చేశారు.(కార్చిచ్చు ఆగాలంటే.. వర్షం రావాల్సిందే) గత నవంబర్‌లో కార్చిచ్చు అంటుకొని  ఆస్ట్రేలియాలో పరిస్థితి అతలాకుతులమయింది. ఈ నేపథ్యంలో అక్కడి ప్రజలకు కనీస నీటి అవసరాలు మిగల్చకుండా ఇళ్లపై దాడి చేస్తూ ఒంటెలు నీళ్లు తాగుతున్నాయి. అందుకే చట్ట బద్ద ప్రణాళికంగానే 10వేల ఒంటెలను చంపాలని అధికారులు నిర్ణయించారు. ఇప్పటికే ప్రకృతి ప్రకోపానికి 12 మందికి పైగా తమ ప్రాణాలు పోగొట్టుకోగా, 480 మిలియన్ల జంతువులు కార్చిచ్చుకు బలైనట్లు తమ పరిశోధనలో తేలిందని సిడ్నీ విశ్వవిద్యాలయ పరిశధకులు అభిప్రాయపడ్డారు.

సిడ్నీ : ఆస్ట్రేలియన్‌ క్రికెటర్‌ డేవిడ్‌ వార్నర్‌ తన ఇన్‌స్టాగ్రామ్‌లో ఒక భావోద్వేగ పోస్టును షేర్‌ చేసి ఆస్ట్రేలియా ప్రజలకు ఒక సందేశాన్నిచ్చాడు. కాగా ఈ పోస్టులో ఒక వ్యక్తి తన కుక్కతో పాటు సముద్రం బీచ్‌ ఒడ్డున కూర్చొని ఎదురుగా మంటల్లో కాలిపోతున్న చెట్లను చూస్తూ ఉండిపోయాడు. ప్రస్తుతం ఆస్ట్రేలియాలో కొన్ని నెలలుగా అడవులు అగ్నికి ఆహుతవుతున్న విషయం తెలిసిందే. వాతావరణ పరిస్థితులు, పెరుగుతున్న ఉష్ణోగ్రతల కారణంగా రోజు రోజుకి మంటల తీవ్రత పెరిగిపోతుంది. తాజాగా ఈ మంటలు సిడ్నీ పరిసర ప్రాంతాల అడవులకు కూడా వ్యాపించాయి. కాగా శుక్రవారం ఆస్ట్రేలియా, న్యూజిలాండ్‌ మధ్య మూడో టెస్టు మ్యాచ్‌ సిడ్నీలో జరగనుంది. ఈ సందర్భంగా డేవిడ్‌ వార్నర్‌ ఇన్‌స్టాగ్రామ్‌లో ఫోటోను షేర్‌ చేస్తూ తన సందేశాన్ని అభిమానులతో పంచుకున్నాడు. 'నేను ఇప్పుడే  ఒక వ్యక్తి తన కుక్కతో పాటు బీచ్‌లో కూర్చొని చెలరేగుతున్న మంటలను తదేకంగా చూస్తున్న ఫోటో ఒకటి చూశాను. నేను ఇంకా షాక్‌ నుంచి తేరుకోలేకపోతున్నాను. ఈ సందర్భంగా నేను ఒక విషయం చెప్పాలనుకుంటున్నా. ఆస్ట్రేలియా అడవుల్లో అంటుకున్న కార్చిచ్చు దేశాన్ని విపత్కర పరిస్థితులకు నెట్టేసింది. దానిని అడ్డుకునే ప్రయత్నం చేస్తున్న అగ్నిమాపక సిబ్బందికి, వాలంటీర్లను మనం గౌరవించాలి. శుక్రవారం జరగనున్న మ్యాచ్‌ ప్రారంభానికి ముందు మాతో పాటు న్యూజిలాండ్‌ ఆటగాళ్లు కలిసి వచ్చి వారు చేస్తున్న పోరాటానికి సెల్యూట్‌ చేస్తారని ఆశిస్తున్నా. దేశం రక్షణ కోసం పోరాడుతున్న మీకు మేము, మా కుటుంబాలు అండగా ఉంటాయి. దేశాన్ని రక్షించడం కోసం ప్రాణత్యాగానికి సిద్ధమైన మీరే నిజమైన హీరోలంటూ' వార్నర్‌ భావోద్వేగ పోస్టును పెట్టాడు. వార్నర్‌ పెట్టిన పోస్టుకు అతని అభిమానుల నుంచి ప్రశంసలు లభిస్తున్నాయి. View this post on Instagram I just saw this pic and I’m still in shock. When we go out to play tomorrow, not just the Australian team, but New Zealand as well, we never forget how privileged we are to live where we do and to do what we do. My heart, my family's heart, are with you. These fires are beyond words. To every Firefighter, volunteer to every family, we are with you. You are the real heroes. You do us proud. A post shared by David Warner (@davidwarner31) on Jan 1, 2020 at 11:01pm PST ప్రస్తుతం సిడ్నీలో నెలకొన్న పరిస్థితులతో మ్యాచ్‌కు అంతతరాయం కలిగే అవకాశం ఉందని క్రికెట్‌ ఆస్ట్రేలియా ఆపరేషన్‌ హెడ్‌ పీటర్‌ రోచ్‌ వెల్లడించారు. అయితే మ్యాచ్‌కు ప్రారంభానికి ముందు ఇరుజట్ల ఆటగాళ్లు కార్చిచ్చులో చిక్కుకొని ప్రాణాలు కోల్పోయిన వారి ఆత్మకు శాంతి చేకూరేందుకు ఒక నిమిషం పాటు మౌనం పాటించనున్నారని తెలిపారు.  (చదవండి : ఆస్ట్రేలియాలో కార్చిచ్చు.. ముగ్గురు మృతి)

ఆస్ట్రేలియా తూర్పు కోస్తా ప్రాంతంలో మంగళవారం ప్రారంభమైన కార్చిచ్చు సిడ్నీ నగరం సబర్బన్‌ ప్రాంతాలను పాకి ప్రజలను వణికిస్తోంది. వెయ్యి కిలోమీటర్ల పరిధిలోని దాదాపు 1,50,000 హెక్టార్లలో అడవులను ఆవహించిన కార్చిచ్చు బుధవారం కూడా కొనసాగుతోంది. అటవి శివారు ప్రాంతాల్లోని నివాస గృహాలు అంటుకోకుండా అడ్డుకోగల అమ్మోనియంతో తయారు చేసిన ఓ రకమైన గులాబీ ఎరువుల పొడిని హెలికాప్టర్ల ద్వారా ఇంటి కప్పులపైనా, పక్కనున్న పొదలపైన, కార్లపైన చల్లుతున్నారు.  ఈ పౌడర్‌లో అమ్మోనియంతోపాటు డైఅమ్మోనియం సల్ఫేట్, అమ్మోనియం ఫాస్ఫేట్‌ ఉంటుంది. ఇది మంటలు వ్యాపించకుండా ఉంటుందని, అయితే ఘాటైన వాసన కలిగిన ఈ పౌడర్‌ వల్ల శ్వాస ఇబ్బందులు, చర్మంపై దద్దులు వచ్చే ప్రమాదం ఉందని శాస్త్రవేత్తలు చెబుతున్నారు. పౌడరుకు దూరంగా ఉండే వాళ్లకన్నా పౌడరు చల్లే వారు, వాటిని మోసుకొచ్చే వారికే ఈ ప్రమాదం ఉంటుందని వారు హెచ్చరించారు. దీంతో ఆస్ట్రేలియా ఆరోగ్య శాఖ అధికారులు అప్రమత్తులై తగిన సూచనలు చేశారు.  కార్లపైన, వాహనాలపైన పడిన గులాబీ పౌడరును నీటితో డైల్యూట్‌ చేసి, డిటర్జెంట్, బ్రష్‌లు ఉపయోగించి శుభ్రం చేసుకోవాలని, ఆ సందర్భంగా చేతులకు తప్పనిసరిగా గ్లౌజులు ధరించాలని, కాళ్లకు జారిపోని బూట్లను ధరించాలని, ఈ నిబంధనలను ఉల్లంఘిస్తే ఒక్కొక్కరికి 220 డాలర్ల జరిమానా విధిస్తామని వారు హెచ్చరించారు. మంటల నుంచి నివాస ప్రాంతాలను రక్షించడం కోసం మంగళవారం అమ్మోనియంతో కూడి గులాబీ పౌడర్‌ను చల్లామని, ఇదే విష పదార్థం కాదని రూరల్‌ ఫైర్‌ సర్వీస్‌ అధికార ప్రతినిధి ఇన్‌స్పెక్టర్‌ బెన్‌ షెపర్డ్‌ మీడియాకు తెలిపారు. చిన్న చిన్న ఇబ్బందులు తప్పక పోవచ్చని అన్నారు. ఈ పౌడరు బారిన పడిన వారు నీళ్లతో ఒళ్లంతా శుభ్రం చేసుకోవాలని, అవసరమైతే వైద్యులను సంప్రతించాలని ఆయన సూచించారు. ఇదిలా ఉండగా, దీని వల్ల క్యాన్సర్‌ వచ్చే ప్రమాదం ఉందని అమెరికా పర్యావరణ కార్యకర్త ఎరిన్‌ బ్రొకోవిచ్‌ హెచ్చరిస్తున్నారు. 

సిడ్నీ : ప్రపంచ పౌర విమానయాన చరిత్రలో సరికొత్త మైలురాయి నమోదైంది. న్యూయార్క్‌ నుంచి సిడ్నీకి 19 గంటల ప్రయాణం అనంతరం సుదూర తీరానికి చేరుకున్న తొలి నాన్‌స్టాప్‌ ప్యాసింజర్‌ ఫ్లైట్‌గా ఖంటాస్‌ క్యూఎఫ్‌7879 అరుదైన ఘనత సాధించింది. న్యూయార్క్‌ నుంచి సిడ్నీకి 19 గంటల 16 నిమిషాల ప్రయాణం అనంతరం ఈ నాన్‌స్టాప్‌ ఫ్లైట్‌ ఆదివారం సిడ్నీలో ల్యాండ్‌ అయింది. లండన్‌ నుంచి సిడ్నీకి సైతం నాన్‌స్టాప్‌ డైరెక్ట్‌ ఫ్లైట్‌పై ఖంటాస్‌ టెస్ట్‌ రన్‌ నిర్వహిస్తోంది. అమెరికా, బ్రిటన్‌ నుంచి ఆస్ర్టేలియాకు ఈ విమానయాన సంస్థ మారథాన్‌ రూట్లలో రెగ్యులర్‌ విమాన సేవలు అందించేందుకు సన్నద్ధమైంది. కేవలం 49 మంది మందితో బోయింగ్‌ 787-9 విమానం ఇంధనం తిరిగి నింపుకునే అవసరం లేకుండా 16,000 కిలోమీటర్లుపైగా ప్రయాణించి న్యూయార్క్‌ నుంచి సిడ్నీకి చేరుకుంది. ఇది తమ విమానయాన సంస్థతో పాటు ప్రపంచ విమానయాన రంగంలోనూ చారిత్రక ఘట్టమని ఖంటాస్‌ సీఈవో అలన్‌ జోస్‌ అభివర్ణించారు. భిన్న టైమ్‌జోన్స్‌ను దాటి ప్రయాణీకులు సుదీర్ఘ ప్రయాణం చేయడంతో ప్రయాణీకులు, విమాన సిబ్బందిపై జెట్‌ల్యాగ్‌ ప్రభావానికి సంబంధించి తీసుకోవాల్సిన జాగ్రత్తలపై ఖంటాస్‌ రెండు ఆస్ర్టేలియన్‌ యూనివర్సిటీలతో అవగాహన కుదుర్చుకుంది. ఖంటాస్‌ గత ఏడాది ఆస్ర్టేలియాలోని పెర్త్‌ నుంచి లండన్‌కు తొలి డైరెక్ట్‌ ఫ్లైట్‌ను ప్రవేశపెట్టగా 17 గంటల ప్రయాణంతో కూడిన ఈ విమానమే ప్రపంచంలోనే లాంగెస్ట్‌ పాసింజర్‌ విమానంగా నమోదైంది.

సిడ్నీ : ఆస్ట్రేలియన్‌ మాజీ ఆల్‌రౌండర్‌ షేన్‌ వాట్సన్‌ అభిమానులకు క్షమాపణలు తెలిపాడు. తనకు తెలియకుండానే తన ఇన్‌స్టాగ్రామ్‌ అకౌంట్‌లో మహిళలకు సంబంధించిన అసభ్యకరమైన ఫోటోలు షేర్‌ చేయడంపై ఆవేదన వ్యక్తం చేశాడు. తన ఇన్‌స్టాగ్రామ్‌లో షేర్‌ అయిన లోదుస్తులు ధరించిన మహిళకు సంబంధించిన స్క్రీన్‌ షాట్లను బ్రిటీష్‌ టాబ్లాయిడ్‌ 'ది సన్‌' ప్రచురించడం తనకు బాధ కలిగించిందని పేర్కొన్నాడు. దీనిపై వాట్సన్‌ స్పందిస్తూ.. 'నా అకౌంట్‌ తనకు తెలియకుండానే ఎవరో హ్యాక్‌ చేశారు. గత శుక్రవారం ఇదే విధంగా ట్విటర్‌ అకౌంట్‌ను కూడా హ్యాక్‌ చేశారు. ఈ సందర్భంగా మీఅందరితో ఒక విషయం పంచుకోవాలనుకుంటున్నా. ఈ ఫోటోలతో నాకు ఎటువంటి సంబంధం లేదు. సోషల్‌ మీడియాలో తనను ఫాలో అవుతున్న ప్రతీ ఒక్కరిని క్షమాపణ కోరుతున్నట్లు' ట్వీట్‌ చేశాడు. షేన్‌ వాట్సన్‌ను ఇన్‌స్టాగ్రామ్‌, ఇతర అకౌంట్లతో కలిపి దాదాపు 2 మిలియన్‌ ఫాలోవర్స్‌ ఉన్నారు. ఆస్ట్రేలియా తరపున 59 టెస్టులు, 190 వన్డేలు, 58 టీ20ల్లో ప్రాతినిధ్యం వహించిన వాట్సన్‌ అత్యుత్తమ ఆల్‌రౌండర్‌గా ఎదిగాడు. ఆస్ట్రేలియా 2007, 2015 ప్రపంచకప్‌లు గెలవడంలో వాట్సన్‌ పాత్ర మరువలేనిది. ఇక ఐపీఎల్‌లో రాజస్థాన్‌ రాయల్స్‌, చెన్నై సూపర్‌కింగ్స్‌, రాయల్‌ చాలెంజర్స్‌ బెంగుళూరు జట్లకు ప్రాతినిధ్యం వహించాడు. Another day..... Another social media account hacked!!!! Thanks to Twitter for getting onto this so quickly for me. Fingers crossed I have sorted this all out and it won’t happen again. 🤞🏻🤞🏻🤞🏻 #mysincereapologies #anotherhacking — Shane Watson (@ShaneRWatson33) October 16, 2019 My apologies to everyone for the illicit photos that have been posted on my Instagram account. First my Twitter account on Friday got hacked and now Instagram today. Instagram needs to help out a lot quicker when things like this happens. This is taking way too long!!! 😡😡😡😡 — Shane Watson (@ShaneRWatson33) October 15, 2019

సిడ్నీ : తెలంగాణ సంస్కృతి, సంప్రదాయాలకు అద్దం పట్టే బతుకమ్మ ఉత్సవాలు కేవలం తెలంగాణ రాష్ట్రానికే పరిమితం కాకుండా.. ఖండాంతరాలకు వ్యాపించాయి. వాడవాడలా బతుకమ్మ వేడుకలు అంబరాన్ని అంటుతున్నాయి. 'ఆస్ట్రేలియా తెలంగాణ స్టేట్‌ అసోసియేషన్‌' అధ్వర్యంలో సిడ్నీలో బతుకమ్మ వేడుకలను ఘనంగా నిర్వహించారు. ఆస్ట్రేలియాలోని తెలుగువారందరూ వేడుకలలో పాల్గొని ఆటపాటలతో సందడి చేశారు. మహిళలు పెద్ద ఎత్తున తెలంగాణ సంప్రదాయ పద్ధతిలో హాజరై ఆటపాటలతో అలరించారు. ఈ సందర్భంగా సిడ్నీలో తెలంగాణ వాతావరణం అలుముకుంది. ఈ వేడుకల్లో విజయనగరం జిల్లా గజపతినగరం ఎమ్మెల్యే బొత్స అప్పలనర్సయ్య పాల్గొని శుభాకాంక్షలు తెలియజేశారు. ఆట్సా ప్రెసిడెంట్‌ రాజ్‌ బద్దం బతుకమ్మ వేడుకల్లో పాల్గొన్న వారందరికీ కృతజ్ఞతలు తెలియజేశారు.

సిడ్నీ బతుకమ్మ, దసరా ఫెస్టివల్ ఇన్కార్పొరేటెడ్ అసోసియేషన్ (ఎస్‌బీడీఎఫ్‌) మరియు ఆస్ట్రేలియన్ తెలంగాణ ఫోరం (ఏటీఎఫ్‌)ఆధ్వర్యంలో  బతుకమ్మ ఉత్సవాలు ఘనంగా జరిగాయి.  సిడ్నీ దుర్గా ఆలయం ఆడిటోరియంలో నిర్వయించిన బ‌తుక‌మ్మ ఆట పాటతో సిడ్నీ నగరం పూల‌జాత‌ర‌తో ప‌ర‌వ‌శిచింది. బతుక‌మ్మ ఆటపాటలు, కోలాటాల చప్పుళ్లతో వీధులు మార్మోగాయి. స‌ప్త‌వ‌ర్ణాల శోభిత‌మైన పూల‌దొంత‌ర‌ల బ‌తుక‌మ్మ‌లు చూడ‌ముచ్చ‌టేశాయి. ఉత్త‌మ బ‌తుక‌మ్మ‌ల‌ను నిర్వాహ‌కులు ఎంపిక చేసి.. వాటిని త‌యారు చేసిన మ‌హిళ‌ల‌కు బ‌హుమ‌తుల‌ను ప్రదానం చేశారు. బతుకమ్మ వేడుకల్లో మహిళలు, యువతులు, చిన్నారులు పెద్ద సంఖ్యలో పాల్గొన్నారు. ఆడపడుచులు రంగురంగుల తీరొక్క పూలతో బతుకమ్మను పేర్చి.. తెలంగాణ సంస్కృతి, సంప్రదాయాలు ఉట్టిపడేలా పాటలు పాడి ఆడారు. సిడ్నీ బతుకమ్మ చైర్మన్ అనిల్ మునగాల ఈ సందర్భంగా మాట్టాడుతూ.. తెలంగాణ ఎన్నారైలు వేల మైళ్ల దూరంలో ఉంటున్నా మ‌న‌ససంతా తెలంగాణపైనే ఉంటుంద‌న్నారు. తెలంగాణ సంస్కృతి, సంప్ర‌దాయాల‌ను, ఆచార వ్య‌వ‌హారాల‌ను పాటిస్తుండ‌టం, ఇక్క‌డే పుట్టి పెరిగిన పిల్ల‌ల‌కు కూడా తెలంగాణ సంస్కృతిని తెలియ‌జెప్ప‌డమే సంస్థ ముఖ్య ఉదేశ్యంని తెలిపారు. అందరూ ఒక్కచోట కూడి ఇలా బతుకమ్మను వేడుకగా జరుపుకోవడం చాలా ఆనందంగా ఉందని ఎస్‌బీడీఎఫ్‌ అధ్యక్షుడు శ్రీనివాస్ రెడ్డి తోతుకుర్ అన్నారు. ఈ బతుకమ్మ సంబురాల్లో సుమారు 1700 నుండి  2000 మంది వరకు పాల్గొన్నారు. బీజేపీ సీనియర్ నేత ఇనుగుల పెద్దిరెడ్డి ముఖ్య అతిథిగా హాజరయ్యారు. తెలంగాణ జానపద గాయినీ వాణి వోలోలా తన బతుకమ్మ పాటలతో అందరిని ఆకర్షించింది. తెలంగాణ జానపద గీతాలతో సురేందర్ మిట్టపల్లి అలరించారు. ప్రవాస తెలంగాణవాసులే కాకుండా.. పంజాబీలు, చైనీయులు, తమిళులతో పాటు వివిధ  ప్రాంతాలకు చెందిన వారు కూడా పాల్గొని బతుకమ్మ వేడుకలు గొప్పగా ఉన్నాయని అభినందించారు. ఈ వేడుకల్లో కోలాటం, ప్రత్యేక దాండియా షో, జమ్మి పూజ, శివ గర్జన డ్రమ్స్, బతుకమ్మ స్పెషల్ లేజర్ షో, స్పెషల్ ఫోక్ బ్యాండ్‌తో పాటు సాంస్కృతిక కార్యక్రమాలు నిర్వహించరు. సిడ్నీ బతుకమ్మ ప్రధాన కార్యదర్శి అశోక్ మాలిష్ వందన సమర్పణ చేస్తూ, ఈ కార్యక్రమం ఇంత విజయవంతం కావటానికి స్పాన్సర్స్, కమూనిటీ పార్ట్నర్స్, మీడియా పార్ట్నర్స్, వాలెంటీర్స్, అడ్వయిజరీ బోర్డు, సమన్వయకర్తలు, ప్రదీప్ రెడ్డి సేరి, గోవెర్దన్ రెడ్డి ముద్దం, వినయ్ కుమార్ యమా, ప్రాశాంత్ కుమార్ కడపర్తి, చేసిన కృషి కారణమన్నారు. ఈ కార్యక్రమంలో రామ్ రెడ్డి  గుమ్మడివాలి, కిషొర్ యాదవ్, సునీల్ కల్లూరి, మిథున్ లోక, ప్రదీప్ తెడ్ల, శశి మన్నెం,  కిషొర్ రెడ్డి పంతులు, నటరాజ్ వాసం, డేవిడ్ రాజు, ఇంద్రసేన్ రెడ్డి, పాపి రెడ్డి, నర్సింహా రెడ్డి, ప్రమోద్ రెడ్డి ఏలేటి,  కిరణ్ అల్లూరి, మరియు ఇతర సంగాల అధ్యక్షలు తదితరులు పాల్గొన్నారు.  

సిడ్నీ: వరల్డ్‌కప్‌ లీగ్‌దశలో అగ్రస్థానంలో నిలిచిన జట్లకు ఏం ప్రయోజనం చేకూరుతుందనే వాదన వినిపించిన సంగతి తెలిసిందే. ఐసీసీ నిర్వహించే మెగా టోర్నీలో కూడా ఐపీఎల్‌ తరహా ప్లేఆఫ్స్‌ను అమలు చేయాలని డిమాండ్‌ తెరపైకి వచ్చింది. దీని వల్ల తొలి రెండు స్థానాల్లో నిలిచిన జట్లకు మేలు జరుగుతుందనేది విశ్లేషకుల అభిప్రాయం. అయితే తాజాగా బిగ్‌బాష్ లీగ్‌ తీసుకున్న సరికొత్త నిర్ణయం అందరి దృష్టిని ఆకర్షిస్తోంది. తొలి రెండు స్థానాల్లో నిలిచిన జట్లకు మరింత ప్రయోజనం చేకూరాలనే ఉద్దేశంతో ప్లేఆఫ్స్‌ను తీర్చిదిద్దింది. ఆస్ట్రేలియాలో జరిగే బిగ్‌ బాష్‌ లీగ్ క్రికెట్‌ అభిమానులకు సుపరిచితమే. ఈ పొట్టి లీగ్‌కు ఐపీఎల్‌ మాదిరిగానే ప్రపంచవ్యాప్తంగా ఎంతో ఆదరణ ఉంది. డిసెంబర్‌ 17 నుంచి మొదలయ్యే బిగ్‌బాష్‌ తొమ్మిదో సీజన్‌లో కొత్త తరహా ఫైనల్స్‌ను నిర్వహించనున్నారు. పట్టికలో నిలిచిన తొలి ఐదు జట్లు ప్లేఆఫ్స్‌కు అర్హత సాధిస్తాయి. నాలుగు, ఐదు స్థానాల్లో నిలిచిన జట్లకు ‘ఎలిమినేటర్‌’ మ్యాచ్‌ను నిర్వహిస్తారు. ‘ఎలిమినేటర్‌’లో గెలిచిన జట్టు మూడో స్థానంలో ఉన్న జట్టుతో ‘ది నాకౌట్‌’లో పోటీపడుతుంది. మరోవైపు తొలి రెండు స్థానాల్లో నిలిచిన జట్లు ‘క్వాలిఫయిర్’లో తలపడతాయి. దీనిలో గెలిచిన జట్టు నేరుగా ఫైనల్‌కు చేరుతుంది. ఓడిన జట్టు మాత్రం ‘నాకౌట్‌’లో విజయం సాధించిన టీమ్‌తో ‘ది చాలెంజర్‌’లో తలపడుతుంది. చాలెంజర్‌లో గెలిచిన జట్టు ఫైనల్‌కు చేరుతుంది.

వాంకోవర్‌ నుంచి సిడ్నీకి 296 మంది ప్రయాణికులతో వెళ్తున్న విమానం గాల్లో ఒక్కసారిగా కొద్దిసెకన్లు కిందకు దూసుకెళ్లింది. దీంతో పెద్ద కుదుపులొచ్చాయి. సీటు బెల్టులు పెట్టుకోని ప్రయాణికులు పైకెగిరారు. వారి తలలు సీలింగ్‌కు కొట్టుకున్నాయి. మరికొందరు గాల్లో గింగిరాలు తిరిగారు. రెప్పపాటులో అంతా సద్దుమణిగింది. దీంతో వెంటనే విమానాన్ని వెనక్కి హొనలూలూకు తీసుకొచ్చారు. విమానం కుదుపులకు 35 మంది గాయపడ్డారు. ఎయిర్‌ కెనడాకు చెందిన ఏసీ33(బోయింగ్‌ 777–200) విమాన ప్రయాణికులకు గురువారం ఎదురయిందీ భయానక అనుభవం. ‘సీట్లలో కూర్చున్న వాళ్లం పైకెగిరి విమానం టాప్‌కు కొట్టుకున్నాం’ అని అనుభవాన్ని వివరించాడు జెస్‌ స్మిత్‌ అనే ప్రయాణీకుడు. విమానం 10,973 మీటర్ల ఎత్తులో ప్రయాణిస్తుండగా ఇది జరిగిందని ఫెడరల్‌ ఏవియేషన్‌ ప్రతినిధి తెలిపారు.    

న్యూఢిల్లీ: సిడ్నీ విమానాశ్రయంలోని ఒక దుకాణంలో పర్సు దొంగిలించారన్న ఆరోపణపై రోహిత్‌ భాసిన్‌ అనే పైలట్‌ను సస్పెండ్‌ చేసినట్టు ఎయిర్‌ ఇండియా వెల్లడించింది. సిడ్నీ నుంచి న్యూఢిల్లీ వస్తున్న ఏఐ –301 విమానం పైలట్లలో రోహిత్‌ ఒకరు. ఆయన ఎయిర్‌ ఇండియా రీజనల్‌ డైరెక్టర్‌గా కూడా పని చేస్తున్నారు. ఈ నెల 22వ తేదీ ఉదయం విమానం సిడ్నీ నుంచి బయలు దేరే ముందు రోహిత్‌ ఈ దొంగతనం చేశారని అధికారులు తెలిపారు. ‘విమానాశ్రయంలో ఉన్న దుకాణం నుంచి ఆయన ఒక పర్సు దొంగిలించారని తెలిసింది. దాంతో ఈ ఘటనపై దర్యాప్తునకు ఆదేశించాం. నిజమని తేలడంతో రోహిత్‌ను సస్పెండ్‌ చేశాం. అనుమతిలేకుండా ఎయిర్‌ ఇండియా ప్రాంగణంలోకి ప్రవేశించరాదని కూడా ఆదేశించాం’అని తెలిపారు.  విమానం ఢిల్లీలో దిగగానే విమానాశ్రయంలోనే రోహిత్‌కు సస్పెన్షన్‌  ఉత్తర్వులు అందజేశామని ఆయన చెప్పారు. గుర్తింపు కార్డుని అధికారులకు అప్పగించాలని, తమ లిఖిత పూర్వక అనుమతి లేకుండా రోహిత్‌ నివాస స్థలమైన కోల్‌కతాను విడిచి వెళ్లరాదని కూడా ఆదేశించారు.

మెల్‌బోర్న్‌: ఆస్ట్రేలియాలో దారుణహత్యకు గురైన భారత సంతతి డాక్టర్‌ ప్రీతిరెడ్డి(32) కేసులో ప్రధాన నిందితుడు హర్ష్‌ నర్దే ఉద్దేశపూర్వకంగానే ట్రక్కును ఢీకొట్టి ప్రాణాలు తీసుకున్నాడని భావిస్తున్నట్లు న్యూ సౌత్‌వేల్స్‌ పోలీసులు తెలిపారు. కేవలం ప్రీతిని కలవడానికి హర్ష్‌ ఏకంగా 400 కిలోమీటర్లు ప్రయాణించి సిడ్నీలోని సెయింట్‌ లియోనార్డ్స్‌లో వైద్య సదస్సుకు హాజరయ్యాడని వెల్లడించారు. ప్రీతి మరో వ్యక్తితో డేటింగ్‌లో ఉన్న విషయం హర్ష్‌ కు ముందుగానే తెలుసన్నారు. ‘మనిద్దరి మధ్య బంధం ముగిసిపోయింది. నువ్వు నీదారి చూసుకో’ అని ప్రీతి హర్ష్‌కు స్పష్టంగా చెప్పిందని పేర్కొన్నారు. మరోవైపు ప్రీతి–హర్ష్‌ల కొలీగ్‌ ఒకరు ఈ విషయమై మాట్లాడుతూ..‘తాను మరొక వ్యక్తితో సీరియస్‌ రిలేషన్‌షిప్‌లో ఉన్నాననీ, త్వరలో మెల్‌బోర్న్‌కు వెళ్లిపోతున్నట్లు ప్రీతి హర్ష్‌కు చెప్పింది. శనివారం వైద్య సదస్సు ముగిశాక ప్రీతి–హర్ష్‌ ఇద్దరూ కొద్దిసేపు ఆగి సరదాగా మాట్లాడుకున్నారు. కానీ అదేరోజు రాత్రి హర్ష్‌ తన ఫోన్‌లో ఫేస్‌బుక్‌ యాప్‌ను డిలీట్‌ చేశాడు. ఎందుకిలా చేశాడో నాకు తెలియదు’ అని పేర్కొన్నారు. స్ట్రాండ్‌ ఆర్కేడ్‌ ప్రాంతంలో ఉన్న మెక్‌డొనాల్డ్‌ నుంచి ఆదివారం తెల్లవారుజామున 2.15 గంటలకు బయటకొచ్చిన ప్రీతి.. ఐదు నిమిషాలకే తాను బసచేస్తున్న స్విస్సోటెల్‌ ఫోయర్‌ హోటల్‌కు చేరుకుందని తెలిపారు.   కాగా, పెద్ద సూట్‌కేసును హోటల్‌ సిబ్బంది సాయంతో హర్ష్‌ ఆదివారం సాయంత్రం కారులోకి ఎక్కించినట్లు సీసీటీవీ ఫుటేజీల్లో రికార్డయిందని డైలీ టెలిగ్రాఫ్‌ కథనాన్ని ప్రచురించింది. ఈ సూట్‌కేసులో ఉన్న ప్రీతి మృతదేహాన్ని పోలీసులు స్వాధీనం చేసుకున్నారని చెప్పింది. కేసుకు సంబంధించి ఏం జరిగిందో కచ్చితంగా తెలుసుకునేందుకు ప్రీతి–హర్ష్‌ కదలికల ఆధారంగా విచారణ జరుపుతున్నట్లు పోలీసులు తెలిపారు. ప్రీతి మరణంపై ఆమె సోదరి నిత్యారెడ్డి స్పందిస్తూ..‘శనివారం రాత్రి నుంచి ఆదివారం ఉదయం వరకూ ప్రీతి కదలికలపై ఇప్పటివరకూ ఎలాంటి సమాచారం లభ్యం కాలేదు. ఈ విషయమై పోలీసులతో సంప్రదింపులు జరుపుతున్నాం’ అని తెలిపారు.

మెల్‌బోర్న్‌: ఆస్ట్రేలియాలో భారత సంతతి వైద్యురాలు దారుణహత్యకు గురైంది. సిడ్నీలో ఆదివారం జరిగిన ఓ వైద్య సదస్సుకు హాజరై అదృశ్యమైన డెంటిస్ట్‌ డా.ప్రీతిరెడ్డి(32) మృతదేహాన్ని ఓ కారులోని సూట్‌కేసులో పోలీసులు స్వాధీనం చేసుకున్నారు. ప్రీతి శరీరమంతా కత్తిపోట్లు ఉన్నాయని పోలీస్‌ అధికారులు తెలిపారు. ప్రీతి హత్యకేసులో ప్రధాన నిందితుడు, ఆమె మాజీ ప్రియుడు, డాక్టర్‌ హర్ష్‌ నర్దే సోమవారం రాత్రి 10 గంటలకు(స్థానిక కాలమానం ప్రకారం) రోడ్డు ప్రమాదంలో చనిపోయాడు. ప్రీతి వద్దన్నా వెంటపడ్డ హర్ష్‌ సిడ్నీ పోలీస్‌ డిటెక్టివ్‌ సూపరింటెండెంట్‌ గ్యావిన్‌ డెన్‌గేట్‌ మాట్లాడుతూ.. ‘న్యూసౌత్‌వేల్స్‌ ఈస్ట్రన్‌ సిడ్నీ స్ట్రీట్‌లో ఉన్న ప్రీతీ కారులోని సూట్‌కేసులో ఆమె మృతదేహాన్ని స్వాధీనం చేసుకున్నాం. ప్రీతి అదృశ్యమైన అనంతరం విచారణలో భాగంగా మేం హర్ష్‌తో మాట్లాడాం. వీరిద్దరూ గతంలో కలిసిఉన్నప్పటికీ, అభిప్రాయభేదాలతో విడిపోయారు. ఈ విషయంలో ప్రీతి చాలా స్పష్టతతో ఉందని ఆమె స్నేహితులు చెప్పారు. ఇందుకు ఒప్పుకోని హర్ష్‌.. ఆమె ఎక్కడకు వెళ్లినా వెంటపడేవాడు. అందులో భాగంగా గత ఆదివారం జరిగిన వైద్య సదస్సుకు హాజరై ఉంటాడని భావిస్తున్నాం. ఈ నేపథ్యంలో తనవెంట పడొద్దని హర్ష్‌కు చెప్పేందుకే అతని హోటల్‌ గదికి ప్రీతి వెళ్లి ఉంటుందని అనుమానిస్తున్నాం. టిఫిన్‌ చేశాక ఇంటికి వస్తానన్న ప్రీతి రాకపోవడంతో ఆమె కుటుంబసభ్యులు ఫిర్యాదు చేశారు’ అని తెలిపారు. చివరిసారిగా కుటుంబ సభ్యులకు ఫోన్‌.. ప్రీతీని చివరిసారిగా జార్జ్‌స్ట్రీట్‌లోని మెక్‌డొనాల్డ్‌ రెస్టారెంట్‌ దగ్గర ప్రత్యక్ష సాక్షులు చూసినట్లు గ్యావిన్‌ డెన్‌గేట్‌ తెలిపారు. ‘మెక్‌డొనాల్డ్‌లో రెండు నీళ్ల బాటిళ్లను కొనుగోలు చేసిన అనంతరం ప్రీతి మార్కెట్‌ స్ట్రీట్‌వైపు నడుచుకుంటూ వెళ్లింది. అక్కడ ఉండే ఓ హోటల్‌లో తన స్నేహితుడితో కలిసి ప్రీతి ఉంటోంది. ఈ నేపథ్యంలో తామిద్దరి మధ్య బంధం ముగిసిపోయిందని చెప్పేందుకు ప్రీతి హర్ష్‌ బసచేస్తున్న హోటల్‌కు వెళ్లి ఉంటుందని భావిస్తున్నాం’ అని వెల్లడించారు. రోడ్డు ప్రమాదంలో హర్ష్‌ మృతి.. ప్రీతీ మృతదేహం లభ్యమైన ప్రాంతానికి 340 కిలోమీటర్ల దూరంలో జరిగిన రోడ్డు ప్రమాదంలో హర్ష్‌ నర్దే ప్రాణాలు కోల్పోయాడని వెల్లడించారు. న్యూ ఇంగ్లండ్‌ హైవేపై తన బీఎండబ్ల్యూ కారులో వేగంగా వెళుతున్న హర్ష్‌ సోమవారం రాత్రి 10 గంటలకు ఓ ట్రక్కును ఢీకొట్టడంతో ప్రాణాలు విడిచాడని పేర్కొన్నారు. బెంగళూరులోని ఓ విశ్వవిద్యాలయంలో 2009లో హర్ష్‌ తన గ్రాడ్యుయేషన్‌ను పూర్తిచేశాడని తెలిపారు. టామ్‌వర్త్‌లోని ఓయాసిస్‌ స్మైల్స్‌ అనే ఆసుపత్రిలో డెంటిస్ట్‌గా హర్ష్‌ పనిచేసేవాడన్నారు. విచారణ కొనసాగుతోందని డెన్‌గేట్‌ పేర్కొన్నారు. హైదరాబాద్‌లో ప్రాథమికోన్నత విద్య సాక్షి, హైదరాబాద్‌/జడ్చర్ల/నవాబుపేట: మహబూబ్‌నగర్‌జిల్లా నవాబ్‌పేట మండలం గురుకుంటలో డా. సంతాపురం నర్సింహారెడ్డి, రేణుక దంపతులకు ప్రీతి జన్మించారు. వీరి కుటుంబం హైదరాబాద్‌లోని నానక్‌రాంగూడలో స్థిరపడింది. ప్రీతీ ప్రాథమికోన్నత విద్యాభ్యాసమంతా హైదరాబాద్‌లో సాగింది. ఉద్యోగం, పిల్లల భవిష్యత్‌ కోసం నర్సింహారెడ్డి దంపతులు 1996లో ఆస్ట్రేలియాలో స్థిరపడిపోయారు. వైద్యవిద్య అభ్యసించిన ప్రీతి సిడ్నీ దగ్గర్లోని గ్లెన్‌బ్రూక్‌ డెంటల్‌ ఆసుపత్రిలో సర్జన్‌గా చేరారు. ప్రీతిరెడ్డి సోదరి నిత్య వైద్య విద్య చదువుతున్నారు. హైదరాబాద్‌లో ఇటీవల తన బాబాయ్‌ దామోదర్‌ కుమార్తె పెళ్లికి ప్రీతి వచ్చారు. ప్రీతీ మరణవార్త తెలుసుకున్న ఆమె కుటుంబ సభ్యులు, బంధువులు శోకసంద్రంలో మునిగిపోయారు. ప్రీతీ మరణవార్తతో స్వగ్రామం గురుకుంటలో విషాదఛాయలు అలుముకున్నాయి. ప్రీతికి త్వరలో పెళ్లిచేయాలనుకుంటున్నట్లు తల్లిదండ్రులు అన్నట్లు గ్రామస్తులు చెప్పారు. డాక్టర్‌ ప్రీతిరెడ్డి, డాక్టర్‌ హర్ష్‌ నర్దే మంటల్లో చిక్కుకున్న హర్ష్‌ కారు మెక్‌డొనాల్డ్‌ రెస్టారెంట్‌లో చివరిసారి కనిపించిన ప్రీతి

సిడ్నీ : ఎన్నారై డెంటిస్ట్‌ ప్రీతిరెడ్డి హత్యలో ఆమె మాజీ ప్రియుడు డెంటిస్ట్‌ హర్ష వర్థన్‌ హస్తం ఉన్నట్లు తెలుస్తోంది. సెయింట్‌ లియోనార్డ్స్‌లో జరుగుతున్న ఓ కాన్ఫరెన్స్‌కు హాజరయ్యేందుకు గత ఆదివారం ఇంటి నుంచి బయలుదేరి వెళ్లిన ప్రీతిరెడ్డి మళ్లీ కనిపించలేదు. చివరిసారిగా కుటుంబ సభ్యులతో మాట్లాడిన ఆమె 11 గంటల కల్లా ఇంటికి వచ్చేస్తానని చెప్పినట్లు తెలిసింది. కానీ ఎంతకి ఇంటికి రాకపోవడంతో ఆమె కుటుంబ సభ్యులు పోలీసులకు ఫిర్యాదు చేశారు. సీసీ టీవీ దృశ్యాలను పరిశీలించిన పోలీసులు చివరిసారిగా హర్ష వర్థన్‌ బసచేసిన హోటల్‌కు ప్రీతి వెళుతున్నట్టు గుర్తించారు. అయితే కొన్నేళ్ల క్రితమే ప్రీతిరెడ్డి, హర్ష వర్థన్‌లు మనస్పర్థల కారణంగా తమ ప్రేమకు స్వస్థి చెప్పారని తెలిసింది. అప్పటి నుండి కనీసం హర్ష వర్థన్‌ను చూడటానికి కూడా ప్రీతిరెడ్డి ఇష్టపడేది కాదని ఆమె స్నేహితులు తెలిపారు. అయితే ఇటీవల సెయింట్‌ లియోనార్డ్స్‌లో జరిగిన ఓ కాన్ఫరెన్స్‌కు ప్రీతిరెడ్డిని కలవడానికే హర్ష వర్థన్‌ కూడా వచ్చినట్టు తెలిసింది. ఈ సందర్భంగా హోటల్‌లో హర్ష వర్థన్‌తో నువ్వంటే ఇష్టంలేదని, మరోసారి తనవెనుకపడొద్దంటూ ప్రీతిరెడ్డి స్ఫష్టం చేసినట్టు తెలుస్తోంది. దీంతో కోపోద్రిక్తుడైన హర్ష వర్థన్‌ ఈ ఘాతుకానికి పాల్పడ్డాడని, కత్తితో దాడి చేసి చంపిన ఆమె మృతదేహాన్ని సూట్‌కేస్‌లో కుక్కి సిడ్నీలోని సౌత్‌ వేల్స్‌ ప్రాంతంలో పార్క్‌ చేసి ఉన్న ఆమె కారులోనే వదిలి వెళ్లినట్లు పోలీసులు అనుమానిస్తున్నారు. అయితే ఈ ఘటనపై హర్ష వర్థన్‌ను ఫోన్‌లో పోలీసులు ఆరా తీయగా తనకేమీ తెలియదంటూ చెప్పినట్టు పోలీసులు తెలిపారు. కాగా, మరుసటి రోజే  రోడ్డు ప్రమాదంలో మృతిచెందిన హర్ష వర్థన్‌, తన బీఎండబ్ల్యూ కారుతో కావాలనే ట్రక్కును ఢీకొట్టినట్టు పోలీసులు భావిస్తున్నారు. మృతురాలు తండ్రి నర్సింహరెడ్డి మహబూబ్‌నగర్‌ వాసి. చాలాకాలం క్రితమే ఆస్ట్రేలియాకు వచ్చిన ఆయన ప్రస్తుతం యూనివర్సిటీ ఆఫ్‌ వెస్టర్న్‌ సిడ్నీలో ప్రొఫెసర్‌గా విధులు నిర్వర్తిస్తున్నారు.                                               హర్ష వర్థన్‌

మెల్‌బోర్న్‌: భారత సంతతికి చెందిన ఓ యువ వైద్యురాలు  సిడ్నీలో అదృశ్యమైంది. అదృశ్యమైన వైద్యురాలు ప్రీతిరెడ్డి(32) ఆస్ట్రేలియాలో డెంటిస్ట్‌గా పనిచేస్తోంది. గత ఆదివారం వేకువజామున 2.15 గంటలకు జార్జ్‌ స్ట్రీట్‌లో ఉన్న మెక్‌డొనాల్డ్‌ రెస్టారెంట్‌ వద్ద ఉన్న సీసీటీవీ కెమెరాలో ఆమె దృశ్యాలు రికార్డయ్యాయి. ప్రీతి రెడ్డి అదృశ్యంపై విచారణ జరుగుతోందని న్యూసౌత్‌వేల్స్‌ పోలీసులు తెలిపారు. ఆమె గురించి ఎలాంటి సమాచారం తెలిసినా తమకు తెలియజేయాలని స్థానిక పోలీసులు, స్నేహితులను సన్నిహితులను కోరారు.  చివరి సారి ప్రీతిరెడ్డి తన కుటుంబసభ్యులతో గత ఆదివారం ఉదయం 11 గంటలకు మాట్లాడినట్లు తెలిసింది. ప్రీతిరెడ్డి అదృశ్యంతో కుటుంబసభ్యులు ఆందోళనలో ఉన్నారు.

సిడ్నీ: భారత్‌తో జరుగుతున్న తొలి వన్డేలో ముందుగా బ్యాటింగ్‌కు దిగిన ఆస్ట్రేలియాకు ఆరంభంలోనే ఎదురుదెబ్బ తగిలింది. 8 పరుగుల వద్ద మొదటి వికెట్‌ కోల్పోయింది. భారత బౌలర్‌ భువనేశ్వర్‌ కుమార్‌ ప్రారంభంలోనే ఆసీస్‌ను దెబ్బ తీశాడు. డాషింగ్‌ ఓపెనర్‌ ఆరోన్‌ ఫించ్‌(6)ను అవుట్‌ చేశాడు. కంగారూ టీమ్‌ కుదురుకుంటున్న దశలో టీమిండియా స్పిన్నర్‌ కుల్దీప్‌ యాదవ్‌ మరో దెబ్బ తీశాడు. జట్టు స్కోరు 41 పరుగుల వద్ద మరో ఓపెనర్‌ అలెక్స్‌ క్యారీ(24)ని పెవిలియన్‌కు పంపాడు. టాస్‌ గెలిచి ఆస్ట్రేలియా బ్యాటింగ్‌ ఎంచుకుంది. టాస్‌ గెలిచిన ఆసీస్‌ కెప్టెన్‌ ఆరోన్‌ ఫించ్‌ ముందుగా బ్యాటింగ్‌ చేయాలని నిర్ణయించాడు. టాస్‌ గెలిస్తే తాము ముందుగా బ్యాటింగ్‌ చేయాలనుకున్నామని టీమిండియా కెప్టెన్‌ విరాట్‌ కోహ్లి చెప్పాడు. స్పిన్‌ బౌలింగ్‌కు పిచ్‌ అనుకూలిస్తుందన్న అభిప్రాయాన్ని వ్యక్తం చేశాడు. ఆసీస్‌ను తమ బౌలర్లు సమర్థవంతంగా కట్టడి చేయగలరని, మిడిల్‌ ఓవర్లు చాలా కీలకమని  పేర్కొన్నాడు. రవీంద్ర జడేజా, ఖలీల్‌ అహ్మద్‌లకు తుది జట్టులో స్థానం దక్కించుకున్నారు. కేదార్‌ జాదవ్‌కు చోటు దక్కలేదు. (ఈ సిరీసూ గెలిస్తే సరి) తుది జట్లు భారత్‌: శిఖర్‌ ధావన్‌, రోహిత్‌ శర్మ, విరాట్‌ కోహ్లి(కెప్టెన్‌), అంబటి రాయుడు, దినేశ్‌ కార్తిక్‌, ఎంఎస్‌ ధోని (వికెట్‌ కీపర్‌), రవీంద్ర జడేజా, కుల్దీప్‌ యాదవ్‌, మహ్మద్‌ షమి, భువనేశ్వర్‌ కుమార్‌, ఖలీల్‌ అహ్మద్‌ ఆస్ట్రేలియా: ఆరోన్‌ ఫించ్‌(కెప్టెన్‌), అలెక్స్‌ క్యారీ(వికెట్‌ కీపర్‌), షాన్‌ మార్ష్‌, ఉస్మాన్‌ ఖావాజా, పీటర్‌ హ్యాండ్స్‌కోంబ్‌‌, మార్కస్‌ స్టొయినిస్‌, మ్యాక్స్‌వెల్‌, రిచర్డ్‌సన్‌, లయన్‌, పీటర్‌ సిడిల్‌, జాసన్‌ బెహ్రిన్‌డార్ఫ్‌

సిడ్నీ: ఆస్ట్రేలియాతో టెస్టు సిరీస్‌లో భాగంగా చివరిదైన నాల్గో టెస్టుకు టీమిండియా క్రికెటర్‌ రోహిత్‌ శర్మ దూరం కానున్నాడు. అతని భార్య రితిక ఆదివారం ఆడబిడ్డకు జన్మనివ్వడంతో వారిని చూసేందుకు భారత్‌కు రానున్నాడు. ఈ మేరకు సోమవారం భారత క్రికెట్‌ కంట్రోల్‌ బోర్డు(బీసీసీఐ) ఓ ప‍్రకటనలో వెల్లడించింది. ‘ఆస్ట్రేలియా నుంచి భారత్‌కి రోహిత్ శర్మ త్వరలో వెళ్లనున్నాడు. అతని భార్య రితిక ఆదివారం ఓ పండంటి ఆడబిడ్డకి జన్మనిచ్చింది. దీంతో.. పాపని చూసేందుకు రోహిత్ శర్మ వెళ్లాలని నిర్ణయించుకున్నాడు. ఆస్ట్రేలియాతో టెస్టు సిరీస్‌లో అతని రాకతో భారత్ జట్టులో సమతూకం వచ్చింది. సిడ్నీ టెస్టులోనూ అతను ఆడితే బాగుంటుంది. కానీ.. తొలి బిడ్డకి జన్మనిచ్చిన ఈ సమయంలో రితిక పక్కన రోహిత్ ఉండటం చాలా ముఖ్యం’ అని బీసీసీఐ తెలిపింది. జనవరి 8వ తేదీన రోహిత్‌ శర్మ తిరిగి ఆస్ట్రేలియాకు వస్తాడని పేర్కొంది. దాదాపు తొమ్మిది నెలలు తర్వాత భారత టెస్టు జట్టులోకి ఇటీవల పునరాగమనం చేసిన రోహిత్ శర్మ.. ఆస్ట్రేలియాతో అడిలైడ్ వేదికగా జరిగిన తొలి టెస్టులో (రెండు ఇన్నింగ్స్‌‌లు 37, 1) 38 పరుగులతో నిరాశపరిచాడు. ఆపై గాయం కారణంగా పెర్త్‌లో జరిగిన రెండో టెస్టుకి దూరమైన రోహిత్‌ శర్మ.. ఆదివారం మెల్‌బోర్న్‌లో ముగిసిన మూడో టెస్టులో తొలి ఇన్నింగ్స్‌లో రోహిత్‌ (63 నాటౌట్‌) రాణించాడు. జనవరి మూడో తేదీ నుంచి సిడ్నీ వేదికగా నాల్గో టెస్టు ఆరంభం కానున్న సంగతి తెలిసిందే.

సిడ్నీ : ప్రజా సంకల్ప యాత్ర చేస్తున్న వైఎస్‌ఆర్‌సీపీ అధ్యక్షుడు, ఏపీ ప్రధాన ప్రతిపక్ష నాయకుడు వైఎస్‌ జగన్‌ మోహన్‌ రెడ్డికి రోజురోజుకూ ప్రజాదరణ వెల్లువలా వస్తోందని, దీన్ని జీర్ణించుకోలేక తెలుగుదేశం పార్టీ సర్కారు హత్యా యత్నానికి పాల్పడటం దారుణమని ఆస్ట్రేలియాలోని సిడ్నీ నగర వైఎస్‌ఆర్‌సీపీ గౌరవాధ్యక్షులు శ్రీరంగారెడ్డి, తిమ్మారెడ్డి పేర్కొన్నారు. ఇటీవల వైఎస్‌ జగన్‌పై జరిగిన దాడికి నిరసనగా సిడ్నీ నగరంలో ఈ నెల 17,18, 19 తేదీల్లో పారా మట్‌ రెడ్‌ క్రాస్‌ సహకారంతో పెద్ద ఎత్తున రక్త దాన శిబిరాన్ని నిర్వహించారు.   ఈ సందర్భంగా మాట్లాడుతూ.. ప్రజాస్వామ్యంలో ప్రజల మధ్య జీవిస్తూ వారి కోసం అహర్నిశలు పనిచేస్తూ, వారి సమస్యల పరిష్కారానికి కృషి చేస్తున్న జగన్‌పై ఇలాంటి దాడులకు పాల్పడటం ఏమిటని సీఎం చంద్రబాబుకి హితువు పిలికారు. వైఎస్‌ జగన్‌ చేపట్టిన ప్రజా సంకల్పయాత్రకు సీఎం చంద్రబాబు ఎన్ని అడ్డంకులు సృష్టించినా విజయవంతం అవుతుందన్నారు. కార్యక్రమంలో సిడ్నీ వైఎస్‌ఆర్‌ సీపీ సభ్యులు గోవింద్‌ , ప్రకాష్‌ రెడ్డి , శిరీష్‌ , చందు , రామిరెడ్డి, వెంకట్, రాకేష్, రమణ, రఘు, తరుణ్, దామోదర్‌ , శ్రీనివాస్, విష్ణు, భారతి రెడ్డి, మను రెడ్డి పాల్గొన్నారు.

సిడ్నీ : సిడ్నీ నగరంలో బతుకమ్మ సంబరాలు అంబరాన్నంటాయి. ఆస్ట్రేలియన్‌ స్టేట్‌ అసోసియేషన్‌ (ATSA) ఆధ్వర్యంలో అత్యంత వైభవంగా బతుకమ్మ సంబరాలు జరిగాయి. దాదాపు వెయ్యి మంది మహిళలు ఈ కార్యక్రమానికి హాజరై విజయవంతం చేశారు. ఆటపాటలు, కోలాటాలతో ఆ ప్రాంతం అంతా సందడిగా మారింది. నార్త్‌మీడ్‌ హైస్కూల్‌ ప్రాంగణంలో బతుకమ్మ సంబరాలను జరుపి అనంతరం.. ప్యారమట్ట నదిలో నిమజ్జనం చేశారు. తెలంగాణ సంస్కృతికి అద్దం పట్టేలా ఈ బతుకమ్మ సంబరాల్ని జరుపుకున్నామని, గత పదమూడు సంవత్సరాలుగా జరుపుకుంటున్న ATSA వేడుకలన్నంటికి ఈ బతుకమ్మ వేడుక తలమానీకమని ATSA అధ్యక్షుడు రవిందర్‌ చింతామణి అన్నారు. 

సిడ్నీ : సిడ్నీ బతుకమ్మ మరియు దసరా ఫెస్టివల్ ఇన్కార్పొరేటెడ్ అసోసియేషన్ (SBDF), ఆస్ట్రేలియన్ తెలంగాణ ఫోరం (ATF)ఆధ్వర్యంలో  బతుకమ్మ ఉత్సవాలు ఘనంగా జరిగాయి. సిడ్నీ దుర్గా ఆలయం ఆడిటోరియంలో నిర్వహించిన ఈ కార్యక్రమంలో ఆటపాటలు, కోలాటాల చప్పుళ్లతో అక్కడి వీధులు మార్మోగాయి. వేల మైళ్ల దూరంలో ఉంటున్నా.. తెలంగాణ ఎన్నారైల మ‌న‌సుంతా తెలంగాణ పైనే ఉంటుంద‌ని సిడ్నీ బతుకమ్మ అధ్యక్షుడు అనిల్ మునగాల పేర్కొన్నారు. అందరూ ఒక్కచోట కూడి  బతుకమ్మ పండుగను జరుపుకోవడం చాలా ఆనందంగా ఉందని  SBDF చైర్మన్  రామ్ రెడ్డి గుమ్మడవాలి తెలిపారు. ఈ బతుకమ్మ సంబురాల్లో సుమారు 1700 నుండి  2000 మంది వరకు పాల్గొన్నారు. తెలంగాణ జానపద గీతాలతో గోరెటి వెంకన్న మరియు జంగి రెడ్డి జనాలను ఉర్రూతలు ఊగించారు.ప్రవాస తెలంగాణవాసులే కాకుండా.. పంజాబీలు, చైనీయులు, తమిళులతో పాటు వివిధ రాష్ర్టాలకు చెందిన వారు కూడా పాల్గొని బతుకమ్మ వేడుకలు గొప్పగా ఉన్నాయని అభినందించారు. ఈ కార్య‌క్ర‌మంలో కౌన్సిల‌ర్ జూలియా ఫిన్ , హుగ్ మక్డ్రాట్, సూసై బెంజమిన్, ఇండియ‌న్ హై క‌మిష‌న్ కార్య‌ద‌ర్శి ఎస్.కే. వర్మ బ‌తుక‌మ్మ వేడుక‌ల్లో విశిష్ట అతిథులుగా హాజరయ్యారు .  ఈ బతుకమ్మ వేడుకలకు సమన్వయ కర్తలుగా రామ్ రెడ్డి గుమ్మడవాలి, సుమేషు రెడ్డి సూర్య, శశి మానేం, గోవెర్దన్  రెడ్డి, హారిక మానేం, కవిత రెడ్డి, ప్రశాంత్ కడపర్తి వ్యవహరించారు. ఈ కార్యక్రమంలో సునీల్ కల్లూరి, మిథున్ లోక, వినయ్ యమా, ప్రదీప్ తెడ్ల, , అనిల్ మునగాల, సందీప్ మునగాల, హారిక మన్నెం, వాత్సహాల  ముద్దం,  కిశోరె రెడ్డి, నటరాజ్ వాసం,  డేవిడ్ రాజు, ఇంద్రసేన్ రెడ్డి, పాపి రెడ్డి, నర్సింహా రెడ్డి, ప్రమోద్ రెడ్డి,  వాసు టూట్కుర్, లతా కడపర్తి, సాయి కిరణ్ చిన్నబోయిన, ప్రదీప్ సేరి, ప్రదీప్ తెడ్ల, వినోద్ ఏలేటి, వినయ్ కుమార్, కిశోరె యాదవ్, కిరణ్ అల్లూరి, పద్మిని చాడ, సంగీత కోట్ల, రాజేష్ అర్షణపల్లి, పాపి రెడ్డి, అశోక్ మాలిష్, ఇంద్రసేన్ రెడ్డి, ప్రమోద్ ఏలేటి, కావ్య గుమ్మడవాలి ఇతర సంఘాల అధ్యక్షలు తదితరులు పాల్గొన్నారు.

సిడ్నీ: వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి చేపట్టిన ప్రజాసంకల్పయాత్ర ఆంధ్ర రాష్ట్రమంతటా ప్రజలు నీరాజనాలు పడుతుండగా.. విదేశాల్లోనూ జననేత పాదయాత్రకు ప్రవాసాంధ్రులు పెద్దఎత్తున సంఘీభావం ప్రకటిస్తున్నారు. తాజాగా వైఎస్సార్‌సీపీ సిడ్నీ విభాగం ఆధ్వర్యంలో ప్రవాసాంధ్రులు  ప్రజాసంకల్పయాత్ర 3,000 కిలోమీటర్ల మైలురాయిని దిగ్విజయంగా పూర్తిచేసుకున్న సందర్భంగా ప్రత్యేక కార్యక్రమాన్ని నిర్వహించారు. సిడ్నీ నగరంలోని పర్రామట్ర పార్క్‌లో కేక్‌ కట్‌ చేసి.. జననేత వైఎస్ జగన్‌కు శుభాకాంక్షలు తెలిపారు. వైఎస్సార్‌సీపీ సిడ్నీ విభాగం గౌరవాధ్యక్షులు శ్రీరంగారెడ్డి, తిమ్మారెడ్డి ఆధ్వర్యంలో జరిగిన ఈ కార్యక్రమంలో గోవిందరెడ్డి, ప్రకాశ్‌రెడ్డి, శిరీష్, మనురెడ్డి, రమణ తదితరులు పాల్గొన్నారు. వైఎస్సార్‌, వైఎస్‌ జగన్‌ అభిమానులు కూడా ఈ కార్యక్రమంలో పాల్గొన్నారు. ఈ సందర్భంగా జై జగన్ అని నినాదాలు చేస్తూ సిడ్నీ విభాగం సభ్యులు పాదయాత్ర చేశారు. పార్టీ ఎమ్మెల్యే గడికోట శ్రీకాంత్‌రెడ్డి, నందికొట్కూరు నియోజకవర్గ సమన్వయకర్త సిద్ధార్థరెడ్డి ఈ సందర్భంగా ఫోన్‌లో మాట్లాడి రాష్ట్ర పరిస్థితులను ప్రవాసాంద్రులకు వివరించారు. ప్రజాసంకల్పయాత్రకు మద్దతుగా చేపట్టిన కార్యక్రమాన్ని చేపట్టిన ప్రసాంధ్రులను అభినందించారు. పార్టీ సిడ్నీ సభ్యులు రఘు, రాజశేఖర్ మాట్లాడుతూ ఆంధ్రుల హక్కు ప్రత్యేక హోదా అని, హోదాను వైఎస్‌ జగన్ మాత్రమే సాదిస్తారని పేర్కొన్నారు. రాష్ట్ర భవిష్యత్ కోసం అబద్ధాలకోరు చంద్రబాబును నమ్మొద్దని రాష్ట్ర ప్రజలకు వారు సూచించారు. రాష్ట్రాన్ని చంద్రబాబు భ్రష్టు పట్టించారని ధ్వజమెత్తారు. ఆంధ్ర రాష్ట్రాన్ని అభివృద్ధి చేయగల సమర్థుడు వైఎస్‌ జగన్‌ మాత్రమేనని అన్నారు.  2019 ఎన్నికల్లో వైఎస్‌ జగన్‌ అధికారంలోకి రావడం తథ్యమని, వైఎస్‌ జగన్‌ను ప్రజలు ఆశీర్వదించాలని అన్నారు.

మనిషిని మనిషిగా గుర్తించాలి తప్ప వారి శరీర రంగును బట్టి కాదు.. తెల్లగా లేనంత మాత్రాన మనుషులం కాదా.. అయినా శరీర రంగును బట్టి ఎదుటివారితో ప్రవర్తించే తీరు ఆధారపడి ఉంటుందా..! అంటూ నటి శిల్పాశెట్టి ఆవేదన వ్యక్తం చేస్తున్నారు. శరీర రంగు వల్ల విమానాశ్రయంలో తనకు ఎదురైన జాతీవివక్ష అనుభవాన్ని శిల్పా శెట్టి సోషల్‌ మీడియా ద్వారా తన అభిమానులతో పంచుకున్నారు. వివరాలు.. ఆదివారం శిల్పా శెట్టి సిడ్నీ నుంచి మెల్‌బోర్న్‌కు వెళ్తున్నారు. ఈ సమయంలో సిడ్నీ విమానాశ్రయంలోని చెక్‌-ఇన్‌ కౌంటర్‌లో ఉన్న ఉద్యోగిని తన వద్ద ఉన్న రెండు బ్యాగుల్లో ఒకటి అతిపెద్దగా ఉందంటూ అభ్యంతరం వ్యక్తం చేశారని తెలిపారు. అంతేకాక ఆ బ్యాగ్‌ను ‘ఓవర్‌సైజ్‌ లగేజ్‌’ కౌంటర్‌ వద్దకు వెళ్లి చెక్‌ చేయించమని చెప్పిందన్నారు. అందుకు శిల్పా శెట్టి తన బ్యాగ్‌లో ఎక్కువ లగేజ్‌ ఏం లేదని.. కావాలంటే బ్యాగ్‌ను స్కానర్‌ ద్వారా కాకుండా మ్యానువల్‌గా చెక్‌ చేయమని కోరినట్లు తెలిపారు. కానీ ఆ ఉద్యోగిని తన మాటాలను పట్టించుకోలేదని.. కనీసం స్పందించలేదని శిల్పా విచారం వ్యక్తం చేశారు.  దగ్గరకు వెళ్లి అభ్యర్థించినా....ఆమె ప్రవర్తనలో మార్పులేదని తెలిపారు. సమయం మించి పోతుండటంతో చేసేదేంలేక తాను ఆ బ్యాగును ‘ఓవర్‌సైజ్‌ లగేజ్‌’ పరిశీలించే విభాగం  సిబ్బంది దగ్గరకు తీసుకెళ్లానన్నారు. వారు తన బ్యాగ్‌ను పరిశీలించిన తర్వాత అది ‘ఓవర్‌సైజ్‌ లగేజ్‌’ బ్యాగు కాదని చెప్పారన్నారు. ఈ వ్యవహారం అంతా తనను ఎంతో బాధపెట్టిందని శిల్పాశెట్టి ఆవేదన వ్యక్తం చేశారు. సిబ్బందికి ప్రయాణికులతో మర్యాదగా ప్రవర్తించేలా.. వారికి సాయం చేసేవారిగా ఉండేలా శిక్షణ ఇవ్వాలని శిల్ప అభిప్రాయపడ్డారు. ముఖ్యంగా ప్రయాణికుల పట్ల ఇలా జాతీవివక్ష చూపకూడదని కోరారు. View this post on Instagram Subject: #Qantas airways @qantas This should get your attention! Travelling from Sydney to Melbourne and at the check in counter met a grumpy #Mel ( that’s her name)who decided it was “OK” to speak curtly to “US” ( Brown people!!) travelling together ,I was flying business and had 2 bags (my allowance)and she insisted and decided my half empty Duffel bag was oversized( to check in!!) So she sent us to check it in at the other counter dealing with “Oversized luggage” ..there a Polite lady(yes this one was) said ..”this ISN’T an oversized bag, pls check this in manually if u can at another counter” ( all this happening while the counter is going to shut in 5 mins) As the manual check in wasn’t going thru for 5 mins( we tried) I went upto #Mel and requested her to put the bag thru as her colleague said it wasn’t an oversized bag.. She refused again.. Just being adamant especially when I told her this is causing a lot of inconvenience .. We had no time to waste so we ran to the oversized baggage counter and requested her to put the bag through which she did after I told her that #Rude #Mel had issues !!!.... to which another colleague joined in an reiterated my duffle wasn’t oversized and could’ve easily been checked in. The point is .. This piece is only for #quantas airlines to know and take cognisance .. that their staff must be taught to be helpful and TONE can’t change with preference to #COLOUR .”WE” are NOT #pushovers and they MUST know that being #callous and #Rude will NOT BE TOLERATED 🙏✋🏼💔. Ps: Please tell me if that bag in the picture is oversized??!! @australia @visitmelbourne @travel #truthmustbetold #bemused #uncalledfor #standup #equality #whatswrongisnotright #instapic #travelwoes #shocking #nightmare #notcool A post shared by Shilpa Shetty Kundra (@theshilpashetty) on Sep 22, 2018 at 6:37pm PDT

సిడ్నీ: ఆస్ట్రేలియన్ తెలంగాణ ఫోరం (ఏటీఎఫ్) ఆధ్వర్యంలో జరగనున్న తెలంగాణ రాష్ట్ర ఆవిర్భావ వేడుకల్లో పాల్గొనేందుకు సిడ్నీ వచ్చిన తెలంగాణ రాష్ట్ర శాసనసభ్యులు ప్రకాష్ గౌడ్‌కు ఘనస్వాగతం లభించింది. శుక్రవారం సాయంత్రం సిడ్నీలోని కింగ్స్‌ ఫోర్డ్ అంతర్జాతీయ విమానాశ్రయంలో టి.ప్రకాష్ గౌడ్‌కు ఆస్ట్రేలియా తెలంగాణ ఫోరమ్ సభ్యులు, వివిధ తెలంగాణ, ఆస్ట్రేలియా సంస్థల ప్రతినిధులు, తెలంగాణ ఎన్‌ఆర్‌ఐలు పెద్ద సంఖ్యలో హాజరై ఘన స్వాగతం పలికారు. ఈ కార్యక్రమంలో ఆస్ట్రేలియన్ తెలంగాణ ఫోరం అధ్యక్షులు అశోక్ మాలిష్, ముఖ్య కార్యదర్శి ప్రదీప్ సేరి, ఏటీఫ్ సభ్యులు గోవెర్దన్ రెడ్డి, వాసు తాట్కూర్, డేవిడ్ రాజు, కిషోర్ పంతులు, నటరాజ్ తదితరులు పాల్గొన్నారు. ఈ సందర్బంగా ఏటీఫ్ మీడియా ప్రతినిధి ప్రశాంత్ కడపర్తి మాట్లాడుతూ ఆస్ట్రేలియాలో తెలంగాణ రాష్ట్ర ఆవిర్భావ వేడుకలకు శాసనసభ్యులు టి.ప్రకాష్ గౌడ్, టీఆర్‌ఎస్‌ డిస్ట్రిక్ట్ పార్టీ సెక్రటరీ పీ.చంద్రశేఖర్ రెడ్డి, రాజేంద్రనగర్ మండల్ ఎంపీపీ టీ. మల్లేష్‌లు రావడం సంతోషంగా ఉందని అన్నారు.

సిడ్ని : ఈ ఎగ్జిబిషన్‌లోకి అడుగు పెట్టగానే మనషుల శవాలు స్వాగతం పలుకుతాయి. శరీర భాగాలు మిమ్మల్ని భయపెడతాయి. మన​ శరీరం లోపలి నిర్మాణం ఎలా ఉంటుంది. అవయవాలు ఎలా పనిచేస్తాయి. ఏ పని చేసినపుడు ఏ కండరం కదులుతుంది. ఇలా ఒకటేమిటి ఎన్నో విషయాలు అక్కడ తెలుసుకోవచ్చు. ఏకంగా 20 శవాలు, 200లకు పైగా విడి శరీర భాగాలను ప్రదర్శనలో ఉంచారు. సిడ్నీ నగరంలో మనషుల శవాలతో, శరీర భాగాలతో ఓ ప్రదర్శన ఏర్పాటు చేశారు. మనిషి శరీర భాగాల పనితీరు ఎలా ఉంటుందన్న దానిపై ఓ అవగాహన కల్పించడమే ఈ ప్రదర్శన ముఖ్య ఉద్ధేశమని నిర్వాహకులు తెలిపారు.  డాక్టర్లు చెప్పిన శవాల సంగతులు.. ఈ ప్రదర్శనలో ఉంచిన శవాలను చక్కగా తీర్చిదిద్దిన డాక్టర్లు కొన్ని ఆసక్తికరమైన విషయాలను వెల్లడించారు. అసలు ఆ శవాలు ఇష్టపూర్వకంగా ప్రదర్శనకు ఇచ్చినవి కావని, అవి చైనాకు చెందిన ఓ నిషేధిత ఫాలున్‌ గాంగ్‌ తెగకు చెందినవిగా భావిస్తున్నట్లు వారు తెలిపారు. వారందరూ మరణ శిక్ష విధించబడిన ఖైదీలు అయ్యిండొచ్చన్నారు. వారిని తీవ్రంగా హింసించడం వల్లే వారు మరణించారని తెలిపారు. ప్రదర్శన నిర్వాహకుడు టామ్‌ జాలర్‌ మాట్లాడుతూ.. శవాలకు సంబంధించిన విషయంలో ఎలాంటి తప్పు జరగలేదని, సహజంగా మరణించిన వారి శవాలను మాత్రమే ప్రదర్శనకు ఉంచినట్లు చెప్పారు. ఏది ఏమైనప్పటికి ఈ శవాల ప్రదర్శనను చూడ్డానికి ప్రజలు మాత్రం చాలా ఆసక్తి చూపుతున్నారు.  

సిడ్నీ : బాల్‌ ట్యాంపరింగ్‌ వ్యవహారంపై మీడియా సమావేశంలో కన్నీటి పర్యంతమవుతూ.. జీవితంలో తాను పెద్ద తప్పు చేశానన్న ఆసీస్‌ ఆటగాడు డేవిడ్‌ వార్నర్‌.. అసలు విషయాలపై మాత్రం పెదవి విప్పలేదు. శనివారం మీడియా సమావేశంలో పాత్రికేయులు అడిగిన పలు ప్రశ్నలకు వార్నర్‌ మౌనంగా ఉండటంతో ఈ ఎపిసోడ్‌ మొత్తానికి ‘అసలు సూత్రధారి’ ఎవరన్న దానిపై మాత్రం స్పష్టత లేకుండా పోయింది.  ‘అసలు బాల్‌ ట్యాంపరింగ్‌ ఆలోచన ఎవరిది? సాండ్‌ పేపర్‌ను తెచ్చిందెవరు? ప్రధాన సూత్రధారి ఎవరు? ఈ వ్యవహారంలో ఇంకా ఎవరైనా ఉన్నారా? గతంలో ఇంతకు ముందు ఎప్పుడైనా మీరు ట్యాంపరింగ్‌కు పాల్పడ్డారా? ట్యాంపరింగ్‌ పాల్పడటాకి గల కారణాలు ఏంటి?’ ఇలాంటి ప్రశ్నల సమయంలో వార్నర్‌ సైలెంట్‌గా ఉన్నాడు. దీంతో ఓ జర్నలిస్ట్‌ ‘మీరు సమాధానాలు చెప్పనప్పుడు అసలు ఈ సమావేశం ఎందుకు?’ అని గట్టిగా నిలదీశాడు. అయినా అదేం పట్టన్నట్లు తాను తప్పు చేశాను అంటూ పదే పదే చెబుతూ వార్నర్‌ కన్నీళ్లు పెట్టుకున్నాడు.  సరైన సమయంలో స్పందిస్తా..  ఇక మీడియా సమావేశం అనంతరం తన ట్విట్టర్‌లో వార్నర్‌ స్పందించాడు. ‘మీడియా సమావేశంలో సమాధానాలు ఇవ్వలేకపోయా. క్రికెట్‌ ఆస్ట్రేలియాకు ఓ పద్ధతి ఉంటుంది. ప్రస్తుతం సీఏ దర్యాప్తు కొనసాగుతోంది. సీఏ ఆదేశాల ప్రకారం నేను మౌనంగా ఉన్నా. అందుకే మీడియా సమావేశంలో స్పందించలేకపోయా. క్షమాపణలు.  సీఏ నుంచి క్లియరెన్స్‌ వచ్చాక సరైన సమయంలో, సరైన వేదికపై ఆ ప్రశ్నలకు సమాధానమిస్తా’ అని ట్వీట్లు చేశాడు. దీంతో ఈ వ్యవహారంలో బయటకు రానీ ఎన్నో విషయాలు ఉన్నాయన్నది స్పష్టమౌతోంది.  కాగా, రెండు రోజుల క్రితమే స్వదేశానికి చేరుకున్న వార్నర్‌.. స్మిత్‌ మాట్లాడిన రెండు రోజుల తర్వాత  విడిగా మీడియా సమావేశం ఏర్పాటు చేయటం వెనుక సీఏ ఆదేశాలు ఉన్నట్లు తెలుస్తోంది.

న్యూఢిల్లీ: దేశీ దిగ్గజ క్యాబ్‌ సర్వీసుల సంస్థ ఓలా ఆస్ట్రేలియాలో కార్యకలాపాలు విస్తరించింది. ఇది తాజాగా సిడ్నీలోనూ సేవలు ప్రారంభించినట్లు పేర్కొంది. ఓలా గత నెల పెర్త్‌లో సర్వీసులు ప్రారంభించడం ద్వారా ఆస్ట్రేలియా మార్కెట్‌లోకి అడుగుపెట్టింది. కాగా కంపెనీ ఆస్ట్రేలియా మార్కెట్‌లోకి ప్రవేశిస్తామని జనవరిలోనే ప్రకటించింది. ఓలా ఇప్పుడు సిడ్నీలో అధికారికంగా కార్యకలాపాలు నిర్వహిస్తోంది. ఇది భాగస్వామ్యాలు కుదుర్చుకోవడానికి, డ్రైవర్‌ పార్ట్‌నర్స్‌కు సపోర్ట్‌ ఇవ్వడానికి స్థానికంగా టీమ్‌ను కూడా నియమించుకుంది. ‘డ్రైవర్‌ పార్ట్‌నర్స్‌ ఇన్వెస్ట్‌మెంట్‌పై దృష్టి కేంద్రీకరించాం. కొత్త టెక్నాలజీ, శిక్షణ ద్వారా వారికి మద్దతునిస్తాం. ఆదాయ పెంపునకు మార్గాలను అన్వేషిస్తాం’ అని సంస్థ తెలిపింది. కాగా ఆస్ట్రేలియా మార్కెట్లో ఓలాకు ఉబెర్‌ ప్రధాన ప్రత్యర్థి. ఉబెర్‌ 2012లోనే ఆస్ట్రేలియాలో కార్యకలాపాలు ప్రారంభించింది.

సాక్షి, హైదరాబాద్‌: గోవాను అడ్డాగా చేసుకుని హైదరాబాద్‌ కేంద్రంగా వ్యవస్థీకృత పంథాలో క్రికెట్‌ బెట్టింగ్స్‌ నిర్వహిస్తున్న ముఠా గుట్టును పోలీసులు రట్టు చేశారు. గురువారం ఏక కాలంలో మూడు చోట్ల దాడులు చేసిన ఉత్తర మండల టాస్క్‌ఫోర్స్‌ టీమ్స్‌ 11 మంది సబ్‌– బుకీలు, ఏజెంట్లను అరెస్టు చేశారు. వీరి నుంచి రూ.44.3 లక్షల నగదు, హాట్‌లైన్‌ బాక్స్‌ తదితరాలను స్వాధీనం చేసుకున్నట్లు నగర ఇన్‌చార్జ్‌ కొత్వాల్‌ వీవీ శ్రీనివాసరావు వెల్లడించారు. ఈ ముఠానే నగరంలో 70 శాతం బెట్టింగ్స్‌ నిర్వహిస్తున్న ట్లు గుర్తించామన్నారు. టాస్క్‌ఫోర్స్‌ డీసీపీ పి.రాధాకిషన్‌ రావుతో కలసి  వివరాలు వెల్లడించారు. దేశవ్యాప్త నెట్‌వర్క్‌లో భాగంగా... దేశంలోని వివిధ ప్రాంతాల్లో నెట్‌వర్క్స్‌ ఏర్పాటు చేసుకుంటున్న బెట్టింగ్‌ గ్యాంగ్స్‌ ఎక్కడికక్కడ బడా బుకీల్ని ఏర్పాటు చేసుకుం టున్నాయి. ఇలాంటి ప్రధాన బుకీల్లో బేగం బజార్‌కు చెందిన విశాల్‌ లోథియా ఒకరు. ఇతడు గోవాను అడ్డాగా చేసుకుని బెట్టింగ్‌ దందా నడిపిస్తున్నాడు. అబిడ్స్‌ ప్రాంతంలో మనోజ్‌కుమార్‌ అగర్వాల్, బంజారాహిల్స్‌లో చిన్ని రాజేందర్, నారాయణగూడలో ముఖేశ్‌ కుమార్‌... ఇతడికి సబ్‌–బుకీలుగా వ్యవహరి స్తున్నారు. ప్రతి సబ్‌–బుకీ కొందరు ఏజెంట్లను ఏర్పాటు చేసుకున్నాడు. పంటర్ల వాయిస్‌ రికార్డులు సైతం... బెట్టింగ్‌ కాసే వ్యక్తి (పంటర్‌) నుంచి ఫోన్‌ను సబ్‌–బుకీ హాట్‌లైన్‌ బాక్సుకు మళ్లిస్తాడు. ఈ ఫోన్‌కాల్‌ అక్కడ రికార్డు అవుతుంది. పందెం ఓడిపోయిన తర్వాత తాను అలా బెట్టింగ్‌ కాయలేదని చెప్పకుండా ఇలా చేస్తుంటారు. మరోపక్క ప్రత్యేక పుస్తకాలు ఏర్పాటు చేసే సబ్‌–బుకీలు ప్రతి పంటర్‌కు ఓ పేజీ కేటాయిస్తూ డబ్బు చెల్లించాలా? వసూలు చేయాలా? అనేది అక్కడ నమోదు చేస్తుం టారు. ఈ వివరాలన్నీ ఎప్పటికప్పుడు ప్రధాన బుకీకి చేరవేస్తూ ఉంటారు. ఒక్కో మ్యాచ్‌కు ఒక్కో సబ్‌–బుకీ రూ.80 లక్షల నుంచి రూ.కోటి వరకు పందాలు అంగీకరిస్తుంటాడు. ఏకకాలంలో మూడు చోట్ల దాడులు ఆస్ట్రేలియాలోని సిడ్నీలో జరుగుతున్న బిగ్‌ బాష్‌ లీగ్‌ టీ–20 మ్యాచ్‌ నేపథ్యంలో విశాల్‌.. సబ్‌–బుకీలైన మనోజ్, రాజేందర్, ముఖేశ్‌లతో బెట్టింగ్స్‌ అంగీకరిస్తున్నారు. ఈ నేపథ్యంలో ఇన్‌స్పెక్టర్‌ కె.నాగేశ్వర్‌రావు నేతృత్వంలో ఎస్సైలు బి.శ్రవణ్‌కుమార్, పి.చంద్రశేఖర్‌రెడ్డి, కేఎస్‌ రవి, కె.శ్రీకాంత్‌ తమ బృందాలతో అబిడ్స్, బంజారాహిల్స్, నారాయణగూడల్లోని స్థావరాలపై గురువారం ఏకకాలంలో దాడులు చేశారు. ముగ్గురు సబ్‌–బుకీలు, ఎనిమిది మంది ఏజెంట్లను పట్టుకున్నారు. ప్రధాన బుకీ విశాల్‌ కోసం గాలిస్తున్నామని, అతడిని విచారిస్తే భారీ నెట్‌వర్క్‌ గుట్టురట్టవుతుందని వీవీ శ్రీనివాసరావు పేర్కొన్నారు. అంతా హాట్‌లైన్‌ ద్వారానే... బెట్టింగ్‌ల కోసం విశాల్‌ హాట్‌లైన్‌ బాక్సులు ఏర్పాటు చేసుకున్నాడు. ఒక్కో బాక్సుకు 36 ఫోన్లను కనెక్ట్‌ చేసే అవకాశ ముంటుంది. సబ్‌–బుకీ నుంచి వచ్చే ఫోన్‌కాల్స్‌ను తొలుత హోల్డ్‌లో పెడతాడు. ఇదే బాక్సుకి అనుసంధానించి ఓ బ్రాడ్‌ కాస్టింగ్‌ ఫోన్‌ కూడా ఉంటుంది. మ్యాచ్‌ కు, టీవీలైవ్‌కు మధ్య కొంత సమయ ముంటుంది. దీన్ని ఆసరాగా చేసుకో వడా నికి ఓ ముఠా సభ్యుడు గ్రౌండ్‌లోనే ఉం టాడు. ఫోర్లు, సిక్స్‌లు కొట్టిన ప్పుడు, వికెట్‌ పడినప్పుడు వెంటనే బ్రాడ్‌కాస్టింగ్‌ ఫోన్‌ ద్వారా వివిధ ప్రాంతాల్లో ఉన్న ప్రధానబుకీలకు ఏకకాలంలో సమాచారం ఇస్తాడు. అతడు దీని ఆధారంగా హోల్డ్‌లో ఉన్న కాల్స్‌ నుంచి అనువైనవి ఎంపిక చేసుకుని లాభాలు పొందుతాడు. క్రెడిట్‌ దాటితే బ్లాక్‌లిస్ట్‌... ఈ వ్యవహారంలో నేరుగా డబ్బు తీసుకువచ్చి పందాలు కాయరు. ప్రతి పంటర్‌కు కొంత క్రెడిట్‌ లిమిట్‌ ఉంటుంది. అది దాటితే మాత్రం ఏజెంట్లను పంటర్ల వద్దకు పంపి నగదు వసూలు చేయిస్తుంటారు. ఎవరైనా పంటర్‌ పందెం కాసిన సొమ్ము చెల్లించకపోతే అతడిని బ్లాక్‌ లిస్ట్‌లో పెడతారు. సాధారణంగా పంటర్లు కొన్ని వెబ్‌సైట్లలో వచ్చే విశ్లేషణల ఆధారంగా పందాలు కాస్తుంటారు. దీంతో ప్రధాన బుకీలు వెబ్‌సైట్లతోనూ మిలాఖత్‌ అయి తమకు అనుకూలంగా విశ్లేషణలు చేయిస్తున్నారు.

సిడ్నీ : ఆస్ట్రేలియాలో విమానం కూలిన ఘటనలో ఆరుగురు ప్రాణాలు కోల్పోయారు. పోలీసులు తెలిపిన వివరాల ప్రకారం ఉత్తర సిడ్నీకి 50 కిలోమీటర్ల దూరంలోగల  హక్సిబరీ నదిలో ఆదివారం విమానం కూలింది. సింగిల్‌ ఇంజిన్‌తో నడిచే ఎయిర్‌ క్రాఫ్ట్‌  43 అడుగుల ఎత్తు నుంచి  నదిలో కూలిపోయిందని యాక్టింగ్‌ సూపరింటెండెంట్‌ మైగోర్‌మెన్‌ వెల్లడించారు. మూడు మృతదేహాలను వెలికి తీసినట్లు తెలిపారు. మిగతా వారికోసం గాలింపు చర్యలు కొనసాగిస్తున్నాయన్నారు. విమానం ఎందుకు కూలిందనేది తెలియాల్సి ఉందన్నారు.  

సిడ్నీ : ఆస్ట్రేలియన్‌ తెలంగాణ ఫోరం ఆధ్వర్యంలో ఉస్మానియా శతాబ్ది ఉత్సవాలు ఘనంగా జరిగాయి. కార్యక్రమానికి ముఖ్య అతిథిగా హాజరైన హోం మంత్రి నాయిని నర్సింహరెడ్డి మాట్లాడుతు ఉస్మానియా యూనివర్సిటీ దేశంలోనే ప్రతిష్టాత్మక యూనివర్శిటీ అని, ఎంతో మంది విద్యార్థులను మేధావులుగా, మహానేతలుగా తీర్చిదిద్దిన ఘనచరిత్ర కలదని, ఉవ్వెత్తున ఎగిసిన ఉద్యమాలకు పురిటిగడ్డ అని కొనియాడారు. చరిత్రలో నిలిచిన ఒక విద్యా సంస్థకు వందేండ్లు రావడం, శతాబ్ది ఉత్సవాలు జరుపుకోవడం ఒక విశేషంగా చెప్పుకోవచ్చన్నారు. టీఆర్‌ఎస్‌ ప్రతినిధుల బృందం సభ్యులు, జీహెచ్‌ఎంసీ స్టాండింగ్‌ కమిటీ సభ్యులు వి. శ్రీనివాస్‌రెడ్డి మాట్లాడుతు తాను కూడా ఉస్మానియా యూనివర్సిటీలో గ్రాడ్యుయేట్‌ చేసి తెలంగాణ ఉద్యమంలో చురుకుగా పాల్గొన్నానని అన్నారు. ఉస్మానియా శతాబ్ది ఉత్సవాలలో పాలుపంచుకోవడం గర్వంగా ఉందన్నారు. ఆస్ట్రేలియాలో ఉన్నా తెలుగు ఆడపడుచులు అందరు తెలంగాణలో తయారు చేసిన పోచంపల్లి చీరలు ధరిస్తే తెలంగాణలో వున్న పోచంపల్లి కార్మికులకు ఎంతో ఉపోయోగపడుతారని అన్నారు. అనంతరం ఆస్ట్రేలియా ఎంపి జోడీ మెకాయ్‌కు తెలంగాణ గుర్తుగా ప్రత్యేక పోచంపల్లి చీరను బహుకరించారు. కార్యక్రమంలో ఆస్ట్రేలియా ఎంపిలు జోడి మెకాయ్, జియోఫ్రేలీ, టీఆర్‌ఎస్‌ నగర ప్రధాన కార్యదర్శి మహమ్మద్‌ ఆజాం అలీ, సీనియర్‌ నాయకులు సంతోష్‌ గుప్తా, ఉస్మానియా శతాబ్ది ఉత్సవాల కమిటీ చైర్మన్‌ వినోద్‌ ఎలెట, ఆస్ట్రేలియన్‌ తెలంగాణ ఫోరం అధ్యక్షులు అశోక్‌ మాలిష్, ప్రధాన కార్యదర్శి ప్రదీప్‌ సేరి, వివిధ ఆస్ట్రేలియా సంస్థల ప్రతినిధులు, తెలంగాణ ఎన్నారైలు అధిక సంఖ్యలో పాల్గొన్నారు.

సాక్షి, సినిమా :  కోలీవుడ్ మ్యూజిక్‌ డైరెక్టర్‌ సంతోష్‌ నారాయణన్‌ జాతి వివక్షతకు గురైనట్లు సమాచారం. ఈ విషయాన్ని ఆయనే స్వయంగా తన ట్విట్టర్‌ అకౌంట్‌లో తెలియజేశారు. సిడ్నీ ఎయిర్‌పోర్టులో ఆయనతో ఓ అధికారి దురుసుగా ప్రవర్తించినట్లు ట్వీట్‌ చేశారు. అయితే ఎయిర్‌పోర్టు శాఖ మాత్రం ఆయన చేసిన ఆరోపణలను ఖండించింది. రెండు రోజల క్రితం ఆయన చేసిన ట్వీట్‌ ప్రకారం... సిడ్నీ వెళ్లిన ఆయనను ఎయిర్‌పోర్టులో భద్రతా సిబ్బంది అడ్డగించారు. నిషేధిత రసాయనాలు కలిగి ఉన్నారన్న ఆరోపణలపై ఆయన్ని అడ్డగించి.. పక్కన ఓ వరుసలో నిలబెట్టారు. అలా 8 సార్లు ఆయన్ని క్యూలు మార్చి మరి తనిఖీలు చేశారు.  ఈ క్రమంలో ఓ అధికారి ఆయనతో దురుసుగా కూడా వ్యవహరించినట్లు ఆయన చెప్పారు. ఇది దారుణం.. జాతి వివక్షతకు అడ్డుకట్టపడాల్సిన అవసరం ఉంది అని ఆయన అభిప్రాయం వ్యక్తం చేశారు. అయితే ఎయిర్‌పోర్టు శాఖ మాత్రం తనిఖీల్లో భాగంగానే తమ అధికారులు అలా చేసుంటారని వరుస ట్వీట్లలో వివరణ ఇచ్చుకుంది. దానికి సంతృప్తి చెందని సంతోష్‌ నారాయణన్‌... భద్రత కోసమైతే వందసార్లు తాను వరుసలో నిల్చోటానికి సిద్ధమని, కానీ, కొందరు అధికారులు ఆ వంకతో వ్యక్తిగతంగా జాతి వివక్షత చూపించటం దారుణమని ఆయన ఆరోపించారు. డైరెక్టర్‌ పా రంజిత్‌ అటకత్తి చిత్రంతో ఆరంగ్రేటం చేసిన సంతోష్‌.. గురు, మద్రాస్‌ తదితర చిత్రాలకు మ్యూజిక్‌ అందించినప్పటికీ... కబాలితో బాగా పాపులర్‌ అయ్యారు. ప్రస్తుతం రజనీకాంత్‌ కాలా చిత్రానికి కూడా ఆయనే సంగీతం అందిస్తుండటం విశేషం. I was “randomly” picked up for the 8th time in a row at the Sydney airport for a chemical substance test and a rude officer insulted my intelligence. Racial profiling needs to stop. @SydneyAirport — Santhosh Narayanan (@Music_Santhosh) November 16, 2017

వ్యాయామం అంటే కొందరికి నడక.. ఇంకొందరికి జాగింగ్, రన్నింగ్‌.. మరికొందరికి పుషప్స్, పుల్‌అప్స్‌.. మరి ఏ వ్యాయామం చేసినవారు ఎక్కువ కాలం బతికే అవకాశముంది? ఆసక్తికరమైన ప్రశ్న కదూ.. సిడ్నీ విశ్వవిద్యాలయ శాస్త్రవేత్తల అంచనాలు నిజమైతే.. పుషప్స్, పుల్‌అప్స్‌ చేసే వారు కొంచెం ఎక్కువ కాలం బతికే అవకాశముంది. ఇంగ్లాండ్, స్కాట్లాండ్‌లలో దాదాపు 80 వేల మందిపై జరిగిన సర్వేలో సేకరించిన వివరాలను విశ్లేషించి ఈ అంచనాకు వచ్చినట్లు ప్రొఫెసర్‌ ఎమ్మాన్యుయేల్‌ స్టామాటాకిస్‌ తెలిపారు. వయసు, ఆరోగ్య పరిస్థితి, జీవనశైలి, చదువు వంటి కొన్ని అంశాల ప్రభావాన్ని తొలగించి చూడగా కండరాల పటుత్వం కోసం వ్యాయామం చేసే వారు అకాల మృత్యువు పాలయ్యే అవకాశాలు 23 శాతం తక్కువని, కేన్సర్‌ సంబంధిత మరణం సంభవించేందుకు ఉన్న అవకాశం 31 శాతం వరకు తక్కువని స్పష్టమైనట్లు వివరించారు. 

సిడ్నీ: అదుపుతప్పిన ఓ కారు క్లాస్‌రూంలోకి దూసుకెళ్లగా ఇద్దరు చిన్నారులు చనిపోగా ముగ్గురు తీవ్రంగా గాయపడ్డారు. ఈ దుర్ఘటన ఆస్ట్రేలియాలోని గ్రీన్‌కేర్‌ పట్టణ శివారులో చోటుచేసుకుంది. అదుపు తప్పిన ఓ కారు స్థానిక బన్‌స్కియా రోడ్‌ పబ్లిక్‌ స్కూలులోకి మంగళవారం ఉదయం దూసుకొచ్చింది.  క్లాస్‌రూం గోడల్ని ఢీకొట్టి లోనికి వెళ్లిన కారు విద్యార్థులపై బీభత్సం సృష్టించింది. దీంతో ఇద్దరు బాలురు(8) అక్కడికక్కడే చనిపోగా, ముగ్గురు బాలికలు తీవ్రంగా గాయపడ్డట్లు సమాచారం. బాధిత విద్యార్తులను వెంటనే ఆస్పత్రికి తరలించారు. కారు ప్రమాదానికి కారణమైన మహిళ(52)ను పోలీసులు అదుపులోకి తీసుకున్నారు. ఆమె ఉద్దేశపూర్వకంగా ఈ పనికి పాల్పడి ఉంటుందని తాము భావించటం లేదని పోలీసులు తెలిపారు.

సిడ్నీ: వెస్టిండీస్‌ క్రికెట్‌ స్టార్‌ క్రిస్‌ గేల్‌ తన ముందు నగ్నంగా ఎక్స్‌పోజ్‌ చేయడంతో తాను కన్నీరుమున్నీరుగా ఏడ్చేశానని ఆస్ట్రేలియా మసాజ్‌ థెరపిస్ట్‌ సిడ్నీ కోర్టుకు తెలిపారు. గత ఏడాది జనవరిలో తనకు వ్యతిరేకంగా లైంగిక ఆరోపణలు చేస్తూ కథనాలు రాసిన ఫెయిర్‌ ఫాక్స్‌ మీడియాకు చెందిన ద సిడ్నీ మార్నింగ్‌ హెరాల్డ్‌, ద ఏజ్‌, ద కాన్‌బెర్రా టైమ్స్ పత్రికలపై పరువునష్టం దావా వేశారు. ఈ దావాపై సోమవారం కోర్టు విచారణ జరిగింది. పత్రికల్లో తనపై వచ్చిన ఆరోపణలను విచారణ సందర్భంగా గేల్‌ కొట్టిపారేశారు. తన ప్రతిష్టను దెబ్బతీసేందుకే మీడియా తప్పుడు కథనాలు ప్రచురించిందని పేర్కొన్నారు. జట్టు సహచరుడైన డ్వేన్‌ స్మిత్‌ సైతం కోర్టు విచారణలో గేల్‌కు అండగా నిలిచారు. 2015 వరల్డ్‌ కప్‌ సందర్భంగా సిడ్నీలో తనపై క్రిస్‌ గేల్‌ అసభ్యంగా ప్రవర్తించాడని అప్పట్లో వెస్టిండీస్‌ జట్టులో పనిచేసిన లీన్నె రస్సెల్‌ పేర్కొన్న సంగతి తెలిసిందే. ఈ కేసు విచారణకు హాజరైన ఆమె ఆ రోజు ఏం జరిగిందో వివరించింది. 'టవల్‌ కోసం నేను డ్రెస్‌ చేంజింగ్‌ రూమ్‌కు వెళ్లాను. టవల్‌ కట్టుకొని ఉన్న గేల్‌ ఎదురుపడ్డాడు. ఏం వెతుకుతున్నావు అని అడిగాడు. టవల్‌ అని నేను చెప్పాను. అతను తన టవల్‌ విప్పి ఇదేనా అంటూ ఎక్స్‌పోజ్‌ చేశాడు. అతని నగ్నంగా చూడటంతో వెంటనే చూపు తిప్పుకొని క్షమాపణలు చెప్పి అక్కడి నుంచి వచ్చేశాను. వెంటనే వెస్టిండీస్‌ జట్టు ఫిజియోథెరపిస్ట్‌కు జరిగింది చెప్పి కన్నీరుమున్నీరుగా ఏడ్చేశాను. చిన్నపిల్లలాగా ఏడ్చేశాను' అని ఆమె కోర్టుకు వివరించారు.

సిడ్నీ:  దాదాపు 32 వేల అడుగు ఎత్తులో ప్రయాణిస్తున్న ఆ విమానం ఒక్కసారిగా 10 వేల అడుగులు నిట్టనిలువుగా కిందకు దూసుకెళ్లడంతో సిబ్బంది, అందులోని ప్రయాణికులు మృత్యుభయంతో వణికిపోయారు. కిందకు దూసుకెళ్లిన వేగానికి క్యాబిన్‌లో పీడనం తగ్గడంతో సీలింగ్‌ నుంచి ఆక్సిజన్‌ మాస్కులు కిందకు పడడం వారి భయాన్ని రెట్టింపు చేసింది. ప్రాణాలు అరచేతిలో పట్టుకుని కొందరు హాహాకారాలు .. మరికొందరు ప్రార్థనలు మొదలుపెట్టారు.   విపత్తు సమయంలో ధైర్యం చెప్పాల్సిన సిబ్బందే చేతులెత్తేయడంతో ప్రయాణికులు ప్రాణాలపై ఆశలు వదులుకున్నారు.  కొందరు ఆక్సిజన్‌ మాస్క్‌లు ధరించి కుర్చీల్లో బిగుసుకుపోయారు. చివరి క్షణాలివేనన్న నిర్ధారణకు వచ్చారు. ఆదివారం ఆస్ట్రేలియాలోని సిడ్నీ నుంచి 151 మందితో ఇండోనేసియా బయల్దేరిన ఎయిర్‌ ఏసియా విమానంలో ఈ ఘటన చోటుచేసుకుంది. అయితే ఫైలట్‌ చాకచక్యంతో విమానాన్ని దగ్గరిలోని పెర్త్‌ నగరంలో దించడంతో ప్రయాణికులు ఊపిరి పీల్చుకున్నారు. విమానం టేకాఫ్‌ అయిన 25 నిమిషాల అనంతరం ఈ సంఘటన జరిగింది. దీని పట్ల ఏయిర్‌ ఏసియా క్షమాపణలు చెప్పింది. ఒక ప్రయాణికురాలు ఆ భయంకర అనుభవాన్ని గుర్తు చేసుకుంటూ ‘చివరి సారిగా నా ఫోన్‌ నుంచి ఇంటికి మెసేజ్‌ పంపాను. మేమందరం దాదాపుగా ఒకరికొకరు గుడ్‌బై చెప్పుకున్నాం’ అని చెప్పారు.