సాక్షి, అమరావతి: సీనియర్‌ ఐపీఎస్‌ అధికారుల తిరుగుబాటు బావుటా పోలీసు శాఖలో తీవ్ర ప్రకంపనలు సృష్టిస్తోంది. ముఖ్యమంత్రి చంద్రబాబు, డీజీపీ హరీశ్‌ కుమార్‌ గుప్తా ఏకపక్ష వైఖరిపట్ల తీవ్ర అసంతృప్తిగా ఉన్న డైరెక్టర్‌ జనరల్‌(డీజీ)స్థాయి అధి­కారులను బుజ్జగించేందుకు ప్రభుత్వం చేసిన యత్నాలు బెడిసికొట్టాయి. అసంతృప్తితో ఉన్న డీజీలను ప్రత్యేక భేటీకి పిలిచి సర్దిచెప్పేందుకు ప్రభుత్వ ప్రధాన కార్యదర్శి(సీఎస్‌) విజయానంద్‌ చేసిన యత్నాలు ఫలించలేదు. పోలీసు శాఖతో­పాటు యావత్‌ ప్రభుత్వ ఉన్నతస్థాయి అధికార­వర్గాల్లో సంచలనంగా మారిన పరిణామాలు ఇలా ఉన్నాయి.మాట్లాడుకుందాం రండి..డీజీలకు సీఎస్‌ పిలుపుడీజీస్థాయి ఐపీఎస్‌ అధికారులు రాష్ట్ర ప్రభుత్వ తీరుపై తీవ్ర ఆగ్రహంతో ఉండటం ప్రభుత్వ పెద్దలను కలవరానికి గురి చేసింది. తమ ఒంటెత్తు పోకడలతో విసిగి వేసారిన సీనియర్‌ ఐపీఎస్‌ అధికారులు అసంతృప్తితో సహాయనిరాకరణ చేస్తే ప్రభుత్వం అభాసుపాలవుతుందని ఆందోళన చెందింది. దాంతో సీనియర్‌ ఐపీఎస్‌ అధికారుల బదిలీ ప్రక్రియను పక్కన పెట్టాల్సి వచ్చింది. ఈ పరిణా­మాలు ప్రభుత్వానికి తీవ్ర ఇబ్బందికరంగా పరిణ­మించాయి. ఐపీఎస్‌ అధికారుల బదిలీలూ చేపట్ట­లేని నిస్సహాయ స్థితి ప్రభుత్వానికి అవమాన­కరమేనని అధికారవర్గాలు బహిరంగంగానే వ్యాఖ్యానిస్తున్నాయి. దీంతో ముఖ్యమంత్రి చంద్రబాబు రంగంలోకి దిగాల్సి వచ్చింది. అసంతృప్తితో ఉన్న డీజీలను డీజీపీ హరీశ్‌ కుమార్‌గుప్తాను సమావేశపరిచి సర్దుబాటు చేయాలని ఆయన సీఎస్‌ కె.విజయానంద్‌ను ఆదేశించినట్టు సమాచారం. ఫలితంగా విజయానంద్‌ డీజీస్థాయి ఐపీఎస్‌ అధికారులకు గురువారం కబురు పంపించారు. ఓసారి సమావేశమై మాట్లాడుకుందామని చెప్పారు. డీజీపీ హరీశ్‌కుమార్‌ గుప్తా కూడా ఆ సమావేశంలో పాల్గొంటారని అన్ని విషయాలనూ మాట్లాడుకుని సర్దుబాటు చేసుకుందామని చెప్పారు. డీజీలు సమావేశానికి వస్తే ఏదో విధంగా వ్యవహారాన్ని సర్దుబాటు చేయాలని ఆయన భావించారు. అన్నీ మీకు తెలుసు కదా... మేమెందుకు రావాలి...!? డీజీల తిరస్కరణ సీఎస్‌ ప్రతిపాదనను డీజీలు తిప్పికొట్టారు. ఈ సమావేశానికి తామెందుకు రావాలని ఎదురు ప్రశ్నించారు. అధికారిక సమావేశమా? అనధికా­రిక సమావేశమా? అని కూడా సూటిగా ప్రశ్నించడంతో ఆయన సమాధానం చెప్పలేక­పో­యారు. అఖిలభారత సర్వీసులకు చెందిన సీని­యర్‌ అధికారి అయిన సీఎస్‌కు ప్రభుత్వ పాల­న, ఉద్యోగుల సర్వీసు వ్యవహారాలపై పూర్తి అవగాహన ఉంటుంది. ఆ నిబంధనలు, సంప్రదాయాలకు విరుద్ధంగా ప్రస్తుతం పోలీసు శాఖలో సాగుతున్న వ్యవహా­రాలు కూడా ఆయ­నకు తెలుసు. అంతగా సర్దు­బాటు చేయాలంటే ప్రభుత్వ ప్రధాన కార్యదర్శి ఆ అవకతవకలను సరిదిద్దాలని డీజీలు వ్యాఖ్యానించారు. అంతేగానీ తామంతట తాము వచ్చి తమకు జరుగు­తున్న అవమా­నాలు, నిబంధనలకు విరుద్ధంగా పోస్టింగుల గురించి ఎందుకు ఏకరువు పెట్టాలని ప్రశ్నించారు. రిటైర్మెంట్‌కు కేవలం రెండు నెలల ముందు రెగ్యులర్‌ డీజీపీగా హరీశ్‌కుమార్‌ గుప్తాను ఎలా నియమిస్తారని డీజీలు అభ్యంతరం వ్యక్తం చేశారు. డీజీపీగా నియమి­తు­లైన తరువాత కూడా కీలకమైన విజిలెన్స్‌–­ఎన్‌ఫోర్స్‌మెంట్‌ విభాగానికి ఆయనే చీఫ్‌గా ఉండటం.. స్వతంత్రంగా వ్యవహరించాల్సిన సీఐడీ విభాగాన్ని తన గుప్పిట్లోకి తీసుకుని ఆ విభాగం డీజీని నామమాత్రపు పాత్రకు పరిమితం చేయడం.. అగ్నిమాపక శాఖ డీజీని బదిలీ చేసి ఆ స్థానంలో ఐజీస్థాయి అధికారిని నియమించాల­ని భావించడం... సీఐడీ, విజిలెన్స్‌–­ఎన్‌­ఫోర్స్‌­­మెంట్, అగ్నిమాపక శాఖల చీఫ్‌లుగా జూని­యర్‌ అధికారులను నియమించి తానే నియంత్రించాలని యోచించడం.. ఇవన్నీ డీజీపీ గుప్తా చేస్తున్న అవకతవక పనులే కదా అని డీజీలు సూటిగానే సీఎస్‌తో వ్యాఖ్యానించినట్టు సమాచారం. ఈ విషయాలన్నీ తెలిసిన తరువాత ఆ తప్పులను సరిదిద్దాల్సిన బాధ్యత ప్రభుత్వా­నిదే తప్ప .. తాము వచ్చి తమ అభ్యంతరాలు వెల్లడించాల్సిన అవసరం ఏముందని ప్రశ్నించారు. డీజీలకు లెవల్‌ 17 పేస్కేల్‌ అమలు చేయాలని తాము ట్రిబ్యునల్‌లో పిటిషన్‌ దాఖ­లుచేసి తీరుతామని కూడా స్పష్టం చేసినట్టు తెలిసింది. ఇదే రీతిలో గుర్తింపు లేకుండా చేసి అవమానిస్తే తాము మరింత తీవ్ర నిర్ణయం తీసుకునేందుకూ వెనుకాడబోమని డీజీలు కుండబద్దలు కొట్టారు. ఈ పరిణామం ప్రస్తుతం పోలీసు శాఖతోపాటు ప్రభుత్వ ఉన్నతస్థాయి అధికారవర్గాల్లో తీవ్ర కలకలం రేపుతోంది. భవిష్యత్‌ పరిణామాలు ఎలా ఉండబోతున్నాయన్నది ఆసక్తికరంగా మారింది.

సాక్షి, అమరావతి: క్రమశిక్షణకు మారుపేరుగా భావించే పోలీసు శాఖలో ముసలం పుట్టింది. సీనియర్‌ ఐపీఎస్‌ అధికారులే చంద్రబాబు ప్రభుత్వ ఒంటెత్తు పోకడలపై తిరుగుబాటు బావుటా ఎగుర వేయడం తీవ్ర కలకలం రేపుతోంది. ప్రధానంగా డైరెక్టర్‌ జనరల్‌ (డీజీ) స్థాయి సీనియర్‌ ఐపీఎస్‌ అధికారులు దీనికి నేతృత్వం వహిస్తుండటం గమనార్హం. నిబంధనలకు విరుద్ధంగా హరీశ్‌ కుమార్‌ గుప్తాను రెగ్యులర్‌ డీజీపీగా నియమించడంతో పోలీసు శాఖలో అసంతృప్తి భగ్గుమంది. దాంతో ప్రస్తుతం డీజీ స్థాయి అధికారులు నలుగురుతో పాటు తర్వాత బ్యాచ్‌లకు చెందిన మరో నలుగురు అధికారులకు డీజీపీ పోస్టు దక్కకుండా పోయింది. ఇక పోలీసు శాఖలో కీలక విభాగాలకు ఇన్‌చార్‌్జగా ఐజీ స్థాయి అధికారులను నియమించి, వాటని్నంటినీ తన గుప్పిట్లో పెట్టుకోవాలని చూస్తున్న డీజీపీ గుప్తా ఎత్తుగడ సీనియర్‌ ఐపీఎస్‌ అధికారుల అసంతృప్తికి ఆజ్యం పోసింది. రెడ్‌బుక్‌ కుట్రను అమలు చేస్తున్నందుకే డీజీపీ గుప్తా నియంతృత్వ పోకడలకు ముఖ్యమంత్రి చంద్రబాబు, మంత్రి లోకేశ్‌ వత్తాసు పలుకుతున్నారని యావత్‌ పోలీసు శాఖ ఆగ్రహంతో రగిలి పోతోంది. ఈ పరిణామాలతో డీజీ స్థాయి అధికారులు ఇటీవల రహస్య సమావేశాలు నిర్వహిస్తుండటం బట్టబయలైంది. లెవల్‌ 17 పే స్కేల్‌ కోసం న్యాయ పోరాటం చేయాలని నిర్ణయించడం పోలీసు శాఖలో ప్రస్తుత పరిస్థితికి నిదర్శనం. రెడ్‌బుక్‌ కుట్ర కోసం గుప్తాకు వత్తాసు సుప్రీంకోర్టు మార్గదర్శకాలకు వ్యతిరేకంగా డీజీపీగా హరీశ్‌ కుమార్‌ గుప్తాను నియమించడంతో సీనియర్‌ ఐపీఎస్‌ అధికారులు తీవ్ర అసంతృప్తి వ్యక్తం చేస్తున్నారు. ఈ ఏడాది ఆగస్టులో రిటైరవ్వాల్సిన హరీశ్‌ కుమార్‌ గుప్తా (1992 బ్యాచ్‌)ను అంతకు రెండు నెలల ముందు రెగ్యులర్‌ డీజీపీగా నియమించడమే అందుకు కారణం. దాంతో గుప్తా మరో రెండేళ్లపాటు డీజీపీగా కొనసాగేందుకు అవకాశం లభించింది. ఆయన కంటే సీనియర్లు అయిన అంజనీ కుమార్‌ (1990 బ్యాచ్‌), మాదిరెడ్డి ప్రతాప్‌ (1991) డీజీపీ అయ్యే అవకాశం కోల్పోయారు. పైగా 1993 బ్యాచ్‌కు చెందిన మహేశ్‌ దీక్షిత్, అమిత్‌ గార్‌్గ­లకు కూడా డీజీపీగా అవకాశం లేదని స్పష్టమైపోయింది. 1994 బ్యాచ్‌కు చెందిన బాలసుబ్రహ్మణ్యం, రవి శంకర్‌ అయ్యన్నార్, కుమార్‌ విశ్వజిత్, కృపానంద త్రిపాఠి ఉజేలాకు అవకాశాలు సన్నగిల్లిపోయాయి. 1995 బ్యాచ్‌కు చెందిన అతుల్‌సింగ్, 1996 బ్యాచ్‌కు చెందిన రాజీవ్‌ కుమార్‌ మీనా పరిస్థితి అగమ్యగోచరంగా తయారైంది. కేవలం తాము చెప్పినట్టుగా రెడ్‌బుక్‌ కుట్రలను అమలు చేస్తారనే ఉద్దేశంతోనే చివరి నిమిషంలో నిబంధనలకు విరుద్ధంగా హరీశ్‌ కుమార్‌ గుప్తాను డీజీపీగా నియమించడంతో ఇంత మంది సీనియర్‌ ఐపీఎస్‌ అధికారులు అవకాశాలను కోల్పోయారు.డీజీలను డమ్మీలు చేస్తున్న డీజీపీ డీజీపీ పోస్టు దక్కకపోయినా పోలీసు శాఖలో గౌరవం అయినా ఉందా అంటే అదీ లేకపోవడంతో సీనియర్‌ ఐపీఎస్‌ అధికారులకు పుండు మీద కారం చల్లినట్టుగా ఉంది. ప్రస్తుతం డైరెక్టర్‌ జనరల్‌ (డీజీ) హోదాతో ఉన్న వారిలో నళినీ ప్రభాత్, మహేశ్‌ దీక్షిత్, అమిత్‌ గార్గ్‌ కేంద్ర సర్వీసులో ఉన్నారు. కానీ రాష్ట్ర సర్వీసులో ఉన్న డీజీ స్థాయి అధికారులు అంజనీ కుమార్, మాదిరెడ్డి ప్రతాప్, బాలసుబ్రహ్మణ్యం, రవి శంకర్‌ అయ్యన్నార్, కుమార్‌ విశ్వజిత్, కృపానంద త్రిపాఠి ఉజేలా, అతుల్‌సింగ్, రాజీవ్‌ కుమార్‌ మీనా తీవ్ర ఇబ్బందికర పరిస్థితులు ఎదుర్కొంటున్నారు.వారికి పోలీసు శాఖలో కనీస గౌరవం లభించడం లేదు. ఇప్పటికే డీజీపీ తర్వాత అత్యంత ప్రాధాన్యమున్న ఆర్టీసీ ఎండీ పదవిలో రిటైర్డ్‌ డీజీపీ సీహెచ్‌. ద్వారకా తిరుమల రావును నియమించారు. దాంతో రాష్ట్ర సర్వీసులో ఉన్న డీజీ స్థాయి అధికారులు ఓ అవకాశాన్ని కోల్పోయారు. మరోవైపు హరీశ్‌ కుమార్‌ గుప్తా కీలక పోలీసు విభాగాలను తన గుప్పిట్లోనే పెట్టుకోవాలని భావిస్తుండటం వారికి తీవ్ర అవమానకరంగా మారింది. కీలకమైన విజిలెన్స్‌–ఎన్‌ఫోర్స్‌మెంట్‌ డీజీగా ఉన్న గుప్తా.. తర్వాత రెగ్యులర్‌ డీజీపీగా నియమితులయ్యారు. దాంతో మరో డీజీ స్థాయి ఐపీఎస్‌ అధికారిని ఆ విభాగం డీజీగా నియమించాలి. కానీ ఇప్పటి వరకు గుప్తానే ఆ విభాగం చీఫ్‌గా కొనసాగుతున్నారు. ఒక ఐజీ స్థాయి అధికారిని విజిలెన్స్‌– ఎన్‌ఫోర్స్‌మెంట్‌ విభాగం చీఫ్‌గా నియమించి, ఆ విభాగాన్ని గుప్పిట్లో పెట్టుకోవాలన్నది గుప్తా ఆలోచన అని తెలుస్తోంది. ప్రస్తుతం రవాణా శాఖ కమిషనర్‌గా ఉన్న మనీశ్‌ కుమార్‌ సిన్హా పేరును ఇందుకోసం పరిశీలిస్తున్నారు. తద్వారా డీజీ స్థాయి అధికారికి దక్కాల్సిన కీలక పోస్టు దక్కకుండా చేస్తున్నారు. ఈ వ్యవహారంపై డీజీ స్థాయి ఐపీఎస్‌ అధికారులు మండిపడుతున్నారు. ఇప్పటి వరకు రాష్ట్ర పోలీసు శాఖ చరిత్రలో ఏ డీజీపీ ఇలా చేయలేదని వారు గుర్తు చేస్తున్నారు.అగ్నిమాపక శాఖపై కూడా డీజీపీ కన్నుప్రస్తుతం కేంద్ర నిధులు ఎక్కువగా ఉన్న అగ్నిమాపక శాఖపై కూడా డీజీపీ గుప్తా కన్ను పడింది. ఆ విభాగం డీజీగా ఉన్న సీనియర్‌ ఐపీఎస్‌ అధికారి మాదిరెడ్డి ప్రతాప్‌ను మరో అప్రాధాన్య పోస్టుకు బదిలీ చేసి, ఐజీ శ్రీకాంత్‌ను నియమించాలని భావిస్తున్నట్టు సమాచారం. అందుకు హోమ్‌ మంత్రి అనిత ద్వారా సిఫార్సు చేయిస్తున్నారని పోలీసు శాఖలో చర్చ నడుస్తోంది. తద్వారా అగ్ని మాపక, పోలీసు టెక్నికల్‌ సర్వీసెస్‌ విభాగాలు కూడా డీజీపీ గుప్తా గుప్పిట్లోనే ఉంటాయి. నిబంధనల ప్రకారం సీఐడీ చీఫ్‌ ఆ విభాగాన్ని స్వతంత్రంగా నిర్వహించాలి. రోజువారీ వ్యవహారాల్లో డీజీపీ జోక్యం చేసుకోకూడదు. కానీ అందుకు విరుద్ధంగా సీఐడీ విభాగాన్ని డీజీపీ గుప్తానే స్వయంగా సమీక్షిస్తుండటం చర్చనీయాంశంగా మారింది. టీడీపీ వీర విధేయ అధికారి, విజయవాడ సీపీ ఎస్వీ రాజశేఖర్‌బాబును సిట్‌ చీఫ్‌గా నియమించి సీఐడీ విభాగాన్ని గుప్తా గుప్పిట్లో పెట్టుకున్నారు. విజిలెన్స్‌– ఎన్‌ఫోర్స్‌మెంట్, అగ్ని మాపక, సీఐడీ, ఏసీబీ విభాగాల చీఫ్‌లుగా జూనియర్‌ ఐపీఎస్‌ అధికారులను నియమించేలా బదిలీల ప్రతిపాదనలను ప్రభుత్వానికి డీజీపీ గుప్తా సమర్పించినట్టు తెలుస్తోంది. తద్వారా కీలకమైన ఆ విభాగాలన్నీ పూర్తిగా తన గుప్పిట్లో పెట్టుకుని డీజీ స్థాయి అధికారులను డమ్మీలను చేయాలన్నది డీజీపీ గుప్తా ఎత్తుగడ అని ఇట్టే అర్థమవుతోంది.రెండు డిమాండ్లను లేవనెత్తుతున్న డీజీలు» పోలీసు శాఖలో తమకు జరుగుతున్న అవమానాలపై డీజీ స్థాయి అధికారులు తీవ్ర స్థాయిలో మండిపడుతున్నారు. పలువురు డీజీ స్థాయి అధికారులు ఇటీవల తరచూ డిన్నర్‌ సమావేశాల్లో తమ భవిష్యత్‌ కార్యాచరణపై చర్చిస్తుండటం పరిస్థితి తీవ్రతకు అద్దం పడుతోంది. వారు ప్రధానంగా రెండు డిమాండ్లను లేవనెత్తుతున్నారు.» ‘విజిలెన్స్‌–ఎన్‌ఫోర్స్‌మెంట్, అగ్నిమాపక, సీఐడీ విభాగాల చీఫ్‌లుగా డీజీ స్థాయి అధికారులనే నియమించాలి. ఆ విభాగాలను తాము స్వతంత్రంగా నిర్వహించేందుకు వెసులుబాటు కల్పించాలి. ఐజీ స్థాయి అధికారులను నియమించి, మమ్మల్ని అవమానించడం ఏమాత్రం సరికాదు’ అన్నది తొలి డిమాండ్‌. అందుకు విరుద్ధంగా ఐజీ స్థాయి అధికారులను నియమిస్తే రాజీనామా చేస్తానని ఓ సీనియర్‌ ఐపీఎస్‌ అధికారి స్పష్టం చేసినట్టు సమాచారం.» తమకు రెగ్యులర్‌ డీజీపీగా అవకాశం లేకుండా పోయింది కాబట్టి కనీసం రెగ్యులర్‌ డీజీ పే స్కేల్‌ అయిన లెవల్‌ 17 పే స్కేల్‌ను అమలు చేయాలని రెండో డిమాండ్‌ లేవనెత్తారు. ఈ మేరకు ఓ డీజీ ఇప్పటికే లిఖిత పూర్వకంగా ప్రభుత్వం దృష్టికి తీసుకెళ్లారు. దాంతోపాటు నలుగురు డీజీలు తమకు లెవల్‌ 17 పే స్కేల్‌ వర్తింప జేయాలని కోరుతూ క్యాట్‌ను ఆశ్రయించాలని నిర్ణయించినట్టు సమాచారం. అంటే ప్రభుత్వంపై న్యాయ పోరాటానికి సిద్ధపడినట్టే.» సీఐడీ మినహా మిగిలిన డీజీ స్థాయి అధికారులు డీజీపీ కార్యాలయం ఉన్న రాష్ట పోలీసు ప్రధాన కార్యాలయం నుంచి విధులు నిర్వహించేందుకు విముఖత చూపుతున్నారు. గతంలో రాజేంద్రనాథ్‌ రెడ్డిని డీజీపీగా నియమించినప్పుడు రాష్ట్ర పోలీసు ప్రధాన కార్యాలయం నుంచి విధులు నిర్వర్తించేందుకు అప్పటి డీజీ స్థాయి అధికారిగా ఉన్న హరీశ్‌ కుమార్‌ గుప్తా విముఖత చూపిన విషయాన్ని వారు గుర్తు చేస్తున్నారు. అప్పట్లో ఆయన పట్టుబట్టి హోమ్‌ శాఖ ముఖ్య కార్యదర్శిగా బదిలీపై వెళ్లిన విషయాన్ని ప్రస్తావిస్తున్నారు.» ప్రస్తుతం తమకు కూడా అదే రీతిలో పోలీసు ప్రధాన కారాలయంలో కాకుండా, ఇతర చోట్ల నుంచి డీజీ హోదాలో విధులు నిర్వర్తించేందుకు అవకాశం కల్పించాలని కోరుతున్నారు. అంటే సీనియర్‌ ఐపీఎస్‌ అధికారులు ఎవరూ డీజీపీ గుప్తా ఉన్న పోలీసు ప్రధాన కార్యాలయం నుంచి విధులు నిర్వర్తించేందుకు సుముఖతగా లేరన్నది స్పష్టమవుతోంది. ఈ పరిణామాలన్నీ ప్రస్తుతం పోలీసు శాఖలో తీవ్ర కలకలం రేపుతున్నాయి. డీజీ స్థాయి అధికా­రుల డిమాండ్లపై ప్రభుత్వం ఎలా స్పందిస్తుందన్నది ప్రస్తుతం చర్చనీయాంశంగా మారింది.

సాక్షి, అమరావతి: రాష్ట్రంలో ఐపీఎస్‌ అధికారుల బదిలీలకు ప్రభుత్వం కసరత్తు ము­మ్మరం చేసింది. పలు జి­ల్లాల ఎస్పీలపై బదిలీ వేటు­కు రంగం సిద్ధం చేస్తోంది. మరోవైపు సీనియర్‌ ఐపీఎస్‌ అధి­కా­రులకు కూడా స్థానచలనం తప్ప­దని తెలుస్తోంది. టీడీపీ కూటమి ప్రభుత్వం గత ఏడాది అధికారంలోకి వచ్చిన తరువాత జిల్లా ఎస్పీలు, పోలీస్‌ కమిషనర్లు, సీనియర్‌ ఐపీఎస్‌ అధికారులను భారీ స్థాయిలో బదిలీ చేసింది. కానీ ఏడాది గడిచేసరికే మళ్లీ భారీ స్థాయిలో బదిలీలకు సిద్ధపడుతుండటం గమనార్హం. హరీశ్‌ కుమార్‌ గుప్తా పూర్తిస్థాయి డీజీపీగా ఇటీవల బాధ్యతలు స్వీకరించడంతో బదిలీల కసరత్తు ముమ్మ­రం చేసింది. ఈ నెలాఖరుకు ఐపీఎస్‌ల బదిలీ ప్రక్రియను కొలిక్కి తేవాలని భావిస్తోంది. గుంటూరు ఎస్పీపై గుర్రు!రాష్ట్రంలో ఏడెనిమిది జిల్లాల ఎస్పీలను బదిలీ చేయాలని ప్రభుత్వం భావిస్తోంది. శ్రీసత్యసాయి, చిత్తూరు, నెల్లూరు, కృష్ణా జిల్లా ఎస్పీల బదిలీకి ఇప్పటికే నిర్ణయించినట్టు సమాచారం. తాజా పరిణామాల నేపథ్యంలో గుంటూరు ఎస్పీ సతీశ్‌­ను కూడా బదిలీ చేయాలని సర్కారు భావిస్తోంది. వైఎస్సార్‌సీపీ అధినేత, మాజీ సీఎం వైఎస్‌ జగన్‌ ఈ నెల 18న పల్నాడు జిల్లా పర్యటించిన సందర్భంలో సింగయ్య అనే వ్యక్తి మృతి చెందిన ఘటనలో ప్రభుత్వ కుట్రకు ఎస్పీ మొదట తలొగ్గకపోవడంతో ఆయనపై ప్రభుత్వ పెద్దలు తీవ్ర ఆగ్రహంతో ఉన్నట్టు సమాచారం. కాన్వాయ్‌లో అనుమతి లేని ఓ ప్రైవేటు వాహనం ( ఏపీ 26 సీఈ 0001 టాటా సఫారీ) ఢీకొనడంతో సింగయ్య మృతి చెందారని ఎస్పీ స­తీశ్‌ విచారణలో తేలింది. దాంతో అదే విషయాన్ని ఐజీ సర్వశ్రేష్ఠ త్రిపాఠి సమక్షంలోనే ఆయన వెల్లడించారు. కానీ ఆ ఉదంతాన్ని వక్రీకరిస్తూ మాజీ సీఎం వైఎస్‌ జగన్‌పై అక్రమ కేసు పెట్టాలని ప్రభుత్వ పెద్దలు భావించారు. కానీ ఎస్పీ వాస్తవ విషయాలను వెల్లడించడంతో వారి పన్నాగం బెడిసి­కొట్టింది.దీంతో ప్రభుత్వ పెద్దలు ఎస్పీ సతీశ్‌పై తీవ్ర ఆగ్రహం వ్యక్తం చేసినట్టు సమాచారం. ఆయనపై ఒత్తిడి తీసుకువచ్చి 3 రోజుల్లోనే మరో ప్రకటన చే­యించారు. జగన్‌ వాహనం కింద పడే సింగ­య్య మృతి చెందినట్టు చెప్పించారు. ఆ వాహన డ్రైవర్‌గా ఉన్న ఏఆర్‌ కానిస్టేబుల్‌ రమణారెడ్డితోపాటు జగన్, ఎంపీ వైవీ సుబ్బా­రెడ్డి, మాజీ మంత్రులు పేర్ని నాని, విడదల ర­జినీ పై అక్రమ కేసు నమోదు చేయించారు. కూటమి ప్రభుత్వం కేవలం రా­జకీయ దురుద్దేశంతోనే అక్రమ కేసు నమో­దు చేసిందన్నది బట్టబయలైంది. తమ కుట్రకు మొదట్లో స­హ­కరించని ఎస్పీ సతీశ్‌పై ప్రభుత్వ పెద్దలు గుర్రుగా ఉన్నా­రు. దీంతో ఆయనను బదిలీ చేయాలని నిర్ణయించినట్టు సమాచారం. ఎస్పీతో నిమిత్తం లేకుండా ఆ అక్రమ కేసు వ్య­వ­­హారాన్ని పర్యవేక్షించాలని టీడీపీ వీర విధేయ ఐపీఎస్‌ అధికారి ఐజీ సర్వశ్రేష్ఠ త్రిపాఠిని ఆదేశించినట్లు సమాచారం. రెడ్‌బుక్‌ అక్రమ కేసు­ల బనాయింపులో ప్రభుత్వం ఆశించిన మేరకు పనిచేయలేకపోతున్నారనే కారణంతో నెల్లూరు, చి­త్తూ­రు, కృష్ణా జిల్లాల ఎస్పీలను బదిలీ చేయాలని భావిస్తున్నారు.హోం శాఖ కార్యదర్శి కుమార్‌ విశ్వజిత్‌ బలి!కాపు రిజర్వేషన్‌ ఉద్యమకారులపై అక్రమ కేసులు పెట్టి వేధించాలన్న సీఎం చంద్రబాబు పన్నాగం ఇటీవల బెడిసికొట్టింది. 2016లో తునిలో రైలుపై దాడి కేసును తిరగదోడుతూ కాపు రిజర్వేషన్‌ ఉద్యమకారులపై మళ్లీ కేసు పెట్టి దర్యాప్తు చేయాలని ప్రభుత్వం భావించింది. కాపు ఉద్యమ నేతలపై అక్రమ కేసులు పెట్టి వేధించాలని చంద్రబాబుతోపాటు ఇతర టీడీపీ కూటమి ప్రభుత్వ పెద్దలు లక్ష్యంగా చేసుకున్నారు. ఆ మేర­కు హోం మంత్రి అనిత సంతకం చేసి పంపించిన ఫైల్‌­ను ఆమోదిస్తూ హోం శాఖ ముఖ్య కార్యదర్శి కుమార్‌ విశ్వజిత్‌ జీవో జారీ చేశా­రు.రైలు దహనం ఘటన కేసును మళ్లీ వి­చారించేందుకు హైకోర్టు అనుమతి కోరుతూ పిటిషన్‌ వేసేందుకు ప్రభుత్వ న్యాయవాదికి అనుమతినిచ్చారు. కానీ ప్రభు­త్వ కుట్రపై కాపులు ఎదురుతిరిగడంతో ప్రభుత్వం ఆ జీఓను ఉప­సంహరించుకుంది. ఈ ఉదంతంలో ప్రభుత్వ పెద్దల ప్రమేయం లేదని నమ్మించేందుకు కుమార్‌ విశ్వజిత్‌ను బదిలీ చేయాలని భావిస్తోంది.» విశ్వజిత్‌ స్థానంలో సీనియర్‌ ఐపీఎస్‌ అధికారి బాలసుబ్రహ్మణ్యాన్ని హోం­శాఖ ముఖ్య కార్యదర్శిగా నియమించే అవకాశం ఉంది. ఆ పోస్టుతోపాటు ఆయనను విజిలెన్స్‌ ఎన్‌ఫోర్స్‌మెంట్‌ డీజీగా నియమించే ప్రతిపాదననూ ప్రభుత్వం పరిశీలిస్తోంది.» సీఐడీ డీజీ రవి శంకర్‌ అయ్యన్నార్, ఏసీబీ అదనపు డీజీ అతుల్‌ సింగ్‌ తదితరులనూ బదిలీ చేయాలని ప్రభుత్వం భావిస్తోంది.» కీలకమైన విశాఖపట్నంలో తమ అక్రమాలు, కుట్రలకు సహకరించడం లేదని పోలీస్‌ కమిషనర్‌ శంకభాత్ర బాగ్చీపై కూడా ప్రభుత్వ పెద్దలు తీవ్ర అసంతృప్తితో ఉన్నారు. ఆయనకు స్థాన చలనం తప్పదని పోలీసు వర్గాలు చెబుతున్నాయి. గుంటూరు ఐజీ సర్వశ్రేష్ఠ త్రిపాఠిని విశాఖపట్నం పోలీస్‌ కమిషనర్‌గా నియమించే అవకాశాలు ఉన్నాయి.» రవాణా శాఖ కమిషనర్‌ మనీశ్‌ కుమార్‌ సిన్హాను కీలక పోస్టులో నియమించే అవకాశాలున్నాయి. గత ఏడాది చంద్రబాబు ప్రభుత్వం అధికారంలోకి వచ్చే నాటికి ఉన్న పోస్టులోనే కొనసాగుతున్న ఏకైక ఐపీఎస్‌ అధికారి ఆయనే. ఈ ఏడాది కాలంలో ఆయన టీడీపీ కూటమి ప్రభుత్వ పెద్దలకు మరింత సన్నిహితుడిగా మారినట్టు సమాచారం. విజిలెన్స్ ఎన్‌ఫోర్స్‌మెంట్‌ విభాగంలో కీలక పోస్టుపై మనీశ్‌ కుమార్‌ సిన్హా కన్నేసినట్టు తెలుస్తోంది.

సాక్షి, హైదరాబాద్‌: పలువురు ఐపీఎస్‌లు.. తెలంగాణ హైకోర్టును ఆశ్రయించారు. భూదాన్ భూముల వ్యవహారంలో (Bhoodan Land Issue) కొద్ది రోజుల క్రితం హైకోర్టు సింగిల్ బెంచ్ ఉత్తర్వులు జారీ చేసిన సంగతి తెలిసిందే. 26 మంది ఆఫీసర్లకు చెందిన భూములను నిషేధిత జాబితాలో పెట్టాలని సింగిల్ బెంచ్ తీర్పునిచ్చింది. ఈ నెల 24న సింగిల్ బెంచ్ జస్టిస్ భాస్కర్‌రెడ్డి తీర్పు వెల్లడించారు. సింగిల్ బెంచ్ తీర్పుపై ముగ్గురు ఐపీఎస్‌లు అప్పీల్ చేశారు. మహేష్ భగవత్, స్వాతి లక్రా, సౌమ్యా మిశ్రా అప్పీల్ పిటిషన్‌ దాఖలు చేశారు.కాగా, రాష్ట్రవ్యాప్తంగా భూదాన్‌ భూముల కబ్జా, అక్రమాలపై దర్యాప్తు చేసి నిజాలు నిగ్గు తేల్చడానికి సీబీఐ విచారణ జరి పించాలని హైకోర్టు నిర్ణయించిన సంగతి తెలిసిందే. దీనికి సన్న ద్ధంగా ఉన్నారా? లేరా? అనే దానిపై వైఖరిని తెలియజేయాలని సీబీఐకి నోటీసులు జారీ చేసింది. ఆరోపణలు ఎదుర్కొంటున్న వారంతా కీలక స్థానాల్లోని ఉన్నతాధికారులని, వారిపై ఆరోపణలు కూడా అంతే తీవ్రంగా ఉన్నాయని వ్యాఖ్యానించింది.తీర్పు వెలువడే వరకు రంగారెడ్డి జిల్లా మహేశ్వరం మండలం నాగారం గ్రామంలోని సర్వే నంబర్లు 181, 182, 194, 195లోని భూములను నిషేధిత జాబితాలో చేర్చాలని అధికారులకు స్పష్టం చేసింది. తమ ముందున్న పిటిషన్‌పై నిర్ణయం తీసుకునే అధికారాన్ని రాజ్యాంగం కల్పించిందని, ఆ మేరకు ఆర్టికల్‌ 226ను వినియోగించుకుని ఈ ఆదేశాలు ఇస్తున్నామని తేల్చిచెప్పింది.తదుపరి ఆదేశాలు జారీ చేసే వరకు ఆ భూములను విక్రయించడం, బదిలీ చేయడం సహా ఎలాంటి చర్యలు చేపట్టవద్దని ప్రతివాదులకు స్పష్టంచేసింది. అదీగాక, ఆరోపణల తీవ్రత దృష్ట్యా పిటిషన్‌ ఉపసంహరించుకునే అవకాశాన్ని పిటిషనర్‌కు ఇవ్వడం లేదని పేర్కొంది. ఒకవేళ పిటిషనర్‌ ఉపసంహరించుకోవాలని భావించినా అనుమతించవద్దని రిజిస్ట్రీని ఆదేశించింది. కౌంటర్‌ దాఖలు చేయాలని ప్రతివాదులను ఆదేశిస్తూ.. తదుపరి విచారణను వేసవి సెలవుల తర్వాతకు వాయిదా వేసింది.రంగారెడ్డి జిల్లా మహేశ్వరం మండలం నాగారంలో భూ కబ్జాలపై ఫిబ్రవరి 16న, మార్చి 8న అధికారులకు ఫిర్యాదు చేసినా పట్టించుకోవడం లేదంటూ అంబర్‌పేట్‌కు చెందిన బిర్లా మహేశ్‌ హైకోర్టులో పిటిషన్‌ దాఖలు చేశారు. సీనియర్‌ ఐఏఎస్‌లు, ఐపీఎస్‌లు స్థానిక పోలీసులు, రెవెన్యూ అధికారులతో కుమ్మక్కై నకిలీ రికార్డులు సృష్టించి కోట్లాది రూపాయల విలువైన భూమిని కాజేసే చర్యలు చేపట్టారన్నారు.ఇప్పటికే కొందరు అనధికారికంగా భూములను బదిలీ కూడా చేయించుకున్నారని చెప్పారు. 26 మంది ఉన్నతాధికారులు భూకబ్జాలో ఉన్నందున ఈ అంశంపై సీబీఐ, ఈడీతో విచారణ జరిపించాలని విజ్ఞప్తి చేశారు. ఈ పిటిషన్‌పై జస్టిస్‌ సీవీ భాస్కర్‌రెడ్డి ధర్మాసనం గత గురువారం విచారణ చేపట్టింది. పిటిషనర్‌ తరఫున సీనియర్‌ న్యాయవాది ఎల్‌.రవిచందర్‌ వాదనలు వినిపిస్తూ.. ‘భూదాన్‌ భూములపై బినామీల పేరిట రిజిస్ట్రేషన్, భూ కబ్జా, మనీలాండరింగ్‌పై విచారణ జరిపించాలని మహేశ్‌ పలుమార్లు ఫిర్యాదు చేసినా అధికారులు స్పందించలేదు. రాష్ట్రంలో పనిచేస్తున్న ఉన్నతాధికారులు, వ్యాపారవేత్తలు, రియల్‌ ఎస్టేట్‌ వ్యాపారులు ఈ కుంభకోణంలో ఉన్నారు.కొందరు అధికారులకు అందజేసిన పట్టాదారు పాస్‌బుక్‌లు, మ్యుటేషన్‌ ప్రొసీడింగ్‌లపై వివరాలు సమర్పించేలా రిజిస్ట్రేషన్, స్టాంపుల కమిషనర్, ఇన్‌స్పెక్టర్‌ జనరల్‌కు ఆదేశాలు జారీ చేయండి. భూకబ్జాలో తెలంగాణతోపాటు ఏపీకి చెందిన సీనియర్‌ అధికారుల పాత్ర ఉంది. పిటిషనర్‌కు హక్కుగా ఉన్న భూమిని మోసపూరితంగా బదిలీ చేసుకున్నట్లు అధికారులు తప్పుడు డాక్యుమెంట్లు చూపించారు.అధికారులు భూరికార్డులను ఎలా తారుమారు చేశారో, తప్పుడు వారసత్వ పత్రాలు ఎలా తయారయ్యాయో.. పట్టాదార్‌ పాస్‌బుక్‌లను చట్టవిరుద్ధంగా ఎలా జారీ చేశారో దర్యాప్తు చేయాల్సి ఉంది. ధరణి పోర్టల్‌ను కూడా దుర్వినియోగం చేశారు. తన భూమి కోసం పోరాడుతున్న పిటిషనర్‌కు సాయం చేసే బదులు తీవ్ర వేధింపులకు గురిచేస్తున్నారు. ఇప్పటికే 10కిపైగా లీగల్‌ నోటీసులు పంపారు.క్షమాపణ చెప్పకపోతే తీవ్ర చర్యలు తీసుకుంటామని బెదిరిస్తున్నారు. మోసపూరిత పాస్‌బుక్‌లను రద్దు చేయాలి. భూమిని ప్రభుత్వ నియంత్రణలోకి తీసుకోవాలి. సంబంధిత అధికారులపై విచారణకు ఆదేశించాలి’ అని చెప్పారు. వాదనలు విన్న న్యాయమూర్తి.. ఇది అతి పెద్ద భూ కుంభకోణంలా కనిపిస్తున్నందున ఆ భూములకు సంబంధించి తదుపరి లావాదేవీలన్నింటినీ నిలిపివేయాలని ఆదేశించారు. తదుపరి విచారణను జూన్‌ 12కు వాయిదా వేశారు.

టీడీపీ కూటమి పెద్దల పైశాచికత్వం..శాంతిభద్రతలు అస్తవ్యస్తం ఓవైపు వేటు వేసి.. మరోవైపు కొత్తవారు కావాలంటూ కేంద్రానికి లేఖలు ‘రెడ్‌బుక్‌ కుట్ర’కు సెల్యూట్‌ చేస్తేనే పోస్టింగ్‌... నిబంధనలు పాటిస్తాం అంటే మాత్రం నో పోస్టింగ్‌’ తాము చెప్పినవారిని వేటాడితేనే పోస్టింగ్‌.. విధులు నిక్కచ్చిగా నిర్వర్తిస్తాం అంటే మాత్రం నో పోస్టింగ్‌.. పచ్చ చొక్కాలు తొడుక్కొని టీడీపీ కార్యకర్తలుగా పనిచేస్తామంటేనే పోస్టింగ్‌.. ఖాకీ చొక్కా వేసుకున్నాం కదా .. చట్టం ముందు అందరూ సమానం అంటే మాత్రం నో పోస్టింగ్‌..ఇదీ పోలీసు శాఖపై చంద్రబాబు సారథ్యంలోని టీడీపీ కూటమి ప్రభుత్వం అధికారికంగా అమలు చేస్తున్న దుర్నీతి. సాక్షి, అమరావతి: సీనియర్‌ అధికారులను.. వెంటాడి వేటాడి పోస్టింగ్‌లు ఇవ్వకుండా మనో వ్యథకు గురిచేస్తూ.. మంచి అధికారులను కుట్రలు చేసి పక్కనపెట్టి పాలన సాగిస్తూ.. ఉన్న అధికారులను రెడ్‌ బుక్‌ రూల్‌ కోసం వాడుకుంటోంది చంద్రబాబు ప్రభుత్వం. శాంతిభద్రతల పరిరక్షణకు ఉద్దేశించిన పోలీసు వ్యవస్థతో ఆడుకుంటోంది. రాజకీయ స్వార్థంతో భ్రషు్టపట్టిస్తోంది. ఏ పార్టీ అధికారంలో ఉందన్నదీ సంబంధం లేకుండా విధులు నిర్వర్తించే పోలీసులపై కక్ష కట్టి వేధిస్తోంది. కూటమి ప్రభుత్వం వచ్చిన 10 నెలల తర్వాత కూడా రాష్ట్రంలో ఏకంగా 199 మంది పోలీస్‌ అధికారులకు పోస్టింగులు లేవంటే రెడ్‌ బుక్‌ కుట్ర ఏస్థాయిలో ఉందో తెలుస్తోంది. ⇒ సర్కిల్‌ ఇన్‌స్పెక్టర్‌ అంటే పోలీస్‌ శాఖలో హోదా ఉన్న అధికారే. అయితే, చంద్రబాబు ప్రభుత్వ వేధింపులకు బలైనవారిలో అందరూ సర్కిల్‌ ఇన్‌స్పెక్టర్‌ ఆపై స్థాయి అధికారులే కావడం గమనార్హం. మొత్తంగా చూస్తే నలుగురు ఐపీఎస్‌లు, నలుగురు నాన్‌ క్యాడర్‌ ఎస్పీలు, 27 మంది అదనపు ఎస్పీలు, ఒక ఏపీఎస్పీ కమాండెంట్, 42 మంది డీఎస్పీలు (సివిల్‌), ఇద్దరు ఏపీఎస్పీ డీఎస్పీలు, 119 మంది సీఐలు ఉండడం గమనార్హం. వీరందరికీ పోస్టింగులు ఇవ్వలేదని సాక్షాత్తు రాష్ట్ర శాసనసభకు ప్రభుత్వం స్పష్టం చేసింది. మరోవైపు ఇంతమంది పోలీసు అధికారులను వెయిటింగ్‌లో ఉంచడం దేశ చరిత్రలోనే లేదనే వ్యా­ఖ్య­లు వినిపిస్తున్నాయి. ఇక కక్షపూరితంగా ఐదుగురు ఐపీఎస్‌లను ప్రభుత్వం సస్పెండ్‌ చేసింది కూడా.వెయిటింగ్‌లో నలుగురు ఐపీఎస్‌లు2024 జూన్‌లో అధికారంలోకి వచ్చిన వెంటనే చంద్రబాబు ప్రభుత్వం పోలీసు అధికారులపై కక్షసాధింపు చర్యలకు తెగించింది. 24 మంది ఐపీఎస్‌లకు పోస్టింగులు ఇవ్వకుండా పక్కనపెట్టింది. అధికారంలో ఉన్న పార్టీలతో నిమిత్తం లేకుండా ప్రభుత్వ విధానాలను అమలు చేసే ఐపీఎస్‌పై ప్రతాపం చూపించింది. ఐదు నెలల తరువాత దశలవారీగా కొందరు ఐపీఎస్‌లకు అదీ అప్రాధాన్యమైన పోస్టింగులు ఇచ్చింది. కానీ, నేటికీ నలుగురిని వెయిటింగ్‌లోనే ఉంచింది. సీనియర్‌ ఐపీఎస్‌లు కొల్లి రఘురామ్‌రెడ్డి, రిషాంత్‌రెడ్డి, రవిశంకర్‌రెడ్డి, జాషువాలు అందుబాటులో ఉన్నా సరే వారి సేవలను వినియోగించుకోవడం లేదన్నది సుస్పష్టం.కుట్ర పన్ని.. కక్షకట్టి రెడ్‌బుక్‌ కుట్రతో ఐదుగురు ఐపీఎస్‌లపై చంద్రబాబు ప్రభు­త్వం కక్షకట్టింది. సీనియర్‌ ఐపీఎస్‌లు పీఎస్‌ఆర్‌ ఆంజనేయు­లు, పీవీ సునీల్‌కుమార్, ఎన్‌.సంజయ్, టి.కాంతిరాణా, వి­శాల్‌ గున్నీలను సస్పెండ్‌ చేసింది. వలపు వల విసిరి బడా బాబులను బ్లాక్‌మెయిలింగ్‌ చేయడమే పనిగా పె­టు­్టకున్న కాదంబరి జత్వానీ అనే ముంబై మోడల్‌తో తప్పుడు ఫిర్యాదు ఇప్పించి మరీ పీఎస్‌­ఆ­ర్‌ ఆంజనేయులు, కాంతిరాణా, విశాల్‌ గున్నీలను సస్పెండ్‌ చేయడం అందర్నీ విస్మయపరిచింది. ⇒ చంద్రబాబు రాజగురువు రామోజీరావు కుటుంబానికి చెందిన మార్గదర్శి చిట్‌ఫండ్స్‌ అక్రమాలను వెలికితీశారనే కక్షతోనే ఎన్‌.సంజయ్‌పై అక్రమ కేసులు బనాయించి సస్పెండ్‌ చేశారు. కేవలం డిప్యూటీ స్పీకర్‌ రఘురామకృష్ణరాజు కళ్లల్లో ఆనందం చూడడం కోసం డీజీ పీవీ సునీల్‌కుమార్‌ను వివరణ కూడా కోరకుండా ఏకపక్షంగా సస్పెండ్‌ చేసింది. సుప్రీంకోర్టు ఇప్పటికే తిరస్కరించిన అభియోగాలపై ఆయనను సస్పెండ్‌ చేయడం చంద్రబాబు ప్రభుత్వ బరితెగింపునకు నిదర్శనం.తమ కుట్రల అమలు కోసం కేంద్రానికి లేఖలు ఉన్న అధికారులనేమో వేధిస్తూ.. తమకు మరో ముగ్గురు ఐపీఎస్‌లు కావాలంటూ కేంద్ర ప్రభుత్వా­నికి చంద్రబాబు ప్రభుత్వం లేఖ రాసింది. మరీ ముఖ్యంగా యూపీ కేడర్‌లో పనిచేస్తున్న అధికారి కోసం పట్టుబడుతోంది. ఆయనైతే తమ కుట్రల అమ­లుకు, ప్రత్యర్థులను వేటాడేందుకు సమర్థంగా ఉపయోగించుకోవచ్చని భావిస్తోంది. అయితే, డిప్యూటేషన్‌ నిబంధనలు అనుమతించకపోవడంతో కేంద్రం నుంచి స్పందన రాలేదు. కీలకమైనప్పటికీ.. శాంతిభద్రతల పరిరక్షణలో కీలకంగా వ్యవహరించే క్షేత్రస్థాయి పోలీసులను కూడా చంద్రబాబు సర్కారు వేధిస్తోంది. నాన్‌ క్యాడర్‌ ఎస్పీలు, డీఎస్పీలు, సీఐలు కలిపి మొత్తం 195 మందికి కూటమి అధికారంలోకి వచ్చిన దగ్గరనుంచి పోస్టింగులు ఇవ్వకపోవడమే దీనిని నిదర్శనం. పాలనాపరమైన అంశాలతో నలుగురైదుగురిని స్వల్ప కాలం వెయిటింగ్‌లో ఉంచడం సాధారణం. తర్వాత ఏదో ఒక పోస్టులో నియమించి వారి సేవలను సద్వినియోగం చేసుకోవడం రివాజు. ఈ సంప్రదాయాలను చంద్రబాబు ప్రభుత్వం కాలరాసింది. ఇలా పక్కనపెట్టినవారిలో నాన్‌ క్యాడర్‌ ఎస్పీలు పి.సత్తిబాబు, పి.వెంకటరత్నం, బి.లక్ష్మీనారాయణ, ఎ.సురేశ్‌బాబు ఉన్నారు. 27 మంది అదనపు ఎస్పీలు, ఒక ఏపీఎస్పీ కమాండెంట్, 42 మంది డీఎస్పీలు (సివిల్‌), ఇద్దరు ఏపీఎస్పీ డీఎస్పీలు, 119 మంది సీఐలనూ వెయిటింగ్‌లో పెట్టింది.జీతాలివ్వకుండా ‘పచ్చ’ పైశాచికత్వం ఏకంగా 199 మంది పోలీసులకు పోస్టింగులు ఇవ్వకుండా వేధిస్తూ చంద్రబాబు ప్రభుత్వం పైశాచిక ఆనందాన్ని పొందుతోంది. వెయిటింగ్‌లో ఉన్నారని చెప్పి వీరికి 10 నెలలుగా జీతభత్యాలు ఇవ్వడం లేదు. ఆర్ధికంగా పోలీసు అధికారులు ఇబ్బందులు పడుతూ ఉంటే టీడీపీ కూటమి ప్రభుత్వ పెద్దలు పైశాచిక ఆనందం పొందుతున్నారని ఉద్యోగ సంఘాలు విమర్శిస్తున్నాయి. రాష్ట్రంలో పోలీసు అధికారులు ఇంతటి దారుణ పరిస్థితులు గతంలో ఎప్పుడూ ఎదుర్కోలేదని ఆవేదన వ్యక్తం చేస్తున్నాయి.

సాక్షి, అమరావతి: రెడ్‌బుక్‌ కుట్రలకు సహకరించని పోలీస్‌ అధికారులకు పొగబెట్టేందుకు చంద్రబాబు ప్రభుత్వం సిద్ధపడుతోంది. విశాఖపట్నం పోలీస్‌ కమిషనర్‌ శంఖబ్రత బాగ్చీ, సీఐడీ విభాగంలో ఐజీ వినీత్‌ బ్రిజ్‌లాల్‌లను అప్రాధాన్య పోస్టులకు బదిలీ చేసేందుకు సిద్ధపడుతోంది. దీర్ఘకాలిక సెలవు నుంచి తిరిగొచ్చిన డీజీ ఎన్‌. బాలసుబ్రహ్మణ్యంను కీలక పోస్టులో నియమించాలని భావిస్తోంది. అసెంబ్లీ బడ్జెట్‌ సమావేశాలు ముగియడంతో రాష్ట్రంలో సీనియర్‌ ఐపీఎస్‌ అధికారుల బదిలీకి ప్రభుత్వం ఉపక్రమించింది. ఐజీ నుంచి డీజీ స్థాయి అధికారుల బదిలీ ప్రక్రియ చేపట్టనుంది. ఇందులో భాగంగా.. ⇒ విశాఖపట్నం పోలీస్‌ కమిషనర్‌ శంఖబత్ర బాగ్చీని బదిలీచేయాలని ప్రభుత్వం సూత్ర­ప్రాయంగా నిర్ణయించింది. ఆయనపట్ల టీడీపీ ప్రభుత్వ పెద్దలు తీవ్ర అసంతృప్తితో ఉన్నారు. విశాఖపట్నం వంటి కీలక నగరంలో నిబంధనలకు విరుద్ధంగా పోలీస్‌ వ్యవస్థను రాజకీయ అవసరాలకు వాడుకోవాలని అమరావతిలోని ప్రభుత్వ పెద్దలు ఒత్తిడి చేస్తున్నారు. కానీ, అందుకు శంఖబత్ర బాగ్చీ సహకరించడంలేదని ఆయనపై గుర్రుగా ఉన్నారు. ఈ నేపథ్యంలోనే ఆయన్ని బదిలీ చేయాలని ప్రభుత్వ పెద్దలు సూత్రప్రాయంగా నిర్ణయించినట్లు సమాచారం. ఆయన స్థానంలో విశాఖపట్నం సీపీగా ప్రస్తుత గుంటూరు రేంజ్‌ ఐజీ సర్వశ్రేష్ఠ త్రిపాఠిని నియమించాలని భావిస్తున్నారని తెలుస్తోంది. గత ఎన్నికల్లో ఉమ్మడి గుంటూరు జిల్లాలో టీడీపీ అక్రమాలకు ఆయన ఏకపక్షంగా కొమ్ముకాసిన విషయం తెలిసిందే. ఇక తిరుమల లడ్డూ ప్రసాదం పవిత్రతకు కళంకం ఆపాదిస్తూ రాష్ట్ర ప్రభుత్వం సృష్టించిన వివాదంపై దర్యాప్తు కోసం నియమించిన సిట్‌లో ఆయన్నే సభ్యునిగా చేర్చారు. ఈ నేపథ్యంలో.. నిబంధనలతో నిమిత్తం లేకుండా టీడీపీ పెద్దల ఆదేశాలను అమలుచేస్తారనే నమ్మకంతోనే సర్వశ్రేష్ఠ త్రిపాఠిని విశాఖ పోలీస్‌ కమిషనర్‌గా నియమించాలని ప్రభుత్వం భావిస్తున్నట్లు తెలుస్తోంది. దీనిపై తుది నిర్ణయం తీసుకోవాల్సి ఉంది. ⇒ అలాగే, నిబంధనల మేరకు మాత్రమే పనిచేసే అధికారిగా గుర్తింపు పొందిన సీఐడీ విభాగంలో ఐజీగా ఉన్న వినీత్‌ బ్రిజ్‌లాల్‌ను కూడా బదిలీచేయాలని ప్రభుత్వం భావిస్తోంది. రెడ్‌బుక్‌ కుట్రలో భాగంగా కాకినాడ పోర్టు నుంచి రేషన్‌ బియ్యం అక్రమ రవాణా అంటూ ప్రభుత్వం పెట్టిన అక్రమ కేసు దర్యాప్తు కోసం నియమించిన సిట్‌ ఇన్‌చార్జ్‌గా ఈయన ఉన్నారు. దర్యాప్తుతో నిమిత్తం లేకుండా తాము చెప్పినట్లు నివేదిక ఇవ్వాలని ప్రభుత్వ పెద్దలు, పోలీసు ఉన్నతాధికారుల ఒత్తిడికి ఆయన ఏమాత్రం లొంగలేదు. నిబంధనల మేరకు దర్యాప్తు చేస్తా.. లేదంటే రాజీనామా చేసి వెళ్లిపోతానని వినీత్‌ స్పష్టంచేసి సెలవు పెట్టి వెళ్లిపోయారు. దీంతో.. అప్పటికప్పుడు ఆయన్ను బదిలీచేస్తే అభాసుపాలవుతామని ప్రభుత్వ పెద్దలు వెనుకంజ వేశారు. అందుకే ప్రస్తుతం సీనియర్‌ ఐపీఎస్‌ అధికారుల బదిలీ పేరుతో ఆయన్ని సీఐడీ విభాగం నుంచి తప్పించి అప్రాధాన్య పోస్టుకు పరిమితం చేయాలని చూస్తున్నారు. ⇒ ఇక దీర్ఘకాలిక సెలవు ముగించుకుని వచ్చిన డీజీ ఎన్‌. బాలసుబ్రహ్మణ్యంను ప్రభుత్వం కీలక పోస్టులో నియమించనుంది. ఆయనకు పోలీసు శాఖలో పోస్టు ఇస్తారా లేదా ఇతర శాఖలో ముఖ్య కార్యదర్శిగా నియమిస్తారా అన్నది తేలాల్సి ఉంది. ఐటీ శాఖలో ఆయన్ను నియమించే అవకాశాలున్నాయని తెలుస్తోంది. దీనిపై తుది నిర్ణయం తీసుకోవాల్సి ఉంది. ⇒ మరోవైపు.. తెలంగాణ కేడర్‌ నుంచి ఏపీకి కేటాయించిన డీజీ స్థాయి అధికారులు అంజనీకుమార్, అభిలాష్‌ బిస్త్‌ ఇంకా రాష్ట్రంలో రిపోర్టు చేయలేదు. మరో ఐపీఎస్‌ అభిషేక్‌ మహంతి న్యాయస్థానాన్ని ఆశ్రయించారు. వారు ఏపీలో రిపోర్ట్‌ చేసిన అనంతరం వారిని ఏ పోస్టుల్లో నియమిస్తారన్నది చర్చనీయాంశంగా మారింది. పోలీసు శాఖలోని వివిధ విభాగాల్లో ఉన్న అదనపు డీజీ, ఐజీ స్థాయి అధికారులను కూడా బదిలీ చేయాలని ప్రభుత్వం భావిస్తోంది. సీనియర్‌ ఐపీఎస్‌ అధికారులను ఈ వారంలోనే బదిలీ చేసే అవకాశాలున్నాయని పోలీసుశాఖ వర్గాలు చెబుతున్నాయి.

సాక్షి, హైదరాబాద్‌: తెలంగాణలో 21 మంది ఐపీఎస్‌లు బదిలీ అయ్యారు. బదిలీ అయిన అధికారుల్లో అడిషనల్‌ డీజీతో పాటు ఇద్దరు ఐజీపీలు, ఇద్దరు డీఐజీలు, ఇద్దరు నాన్ క్యాడర్ ఎస్పీలు ఉన్నారు. మిగిలిన 14 మంది ఎస్పీలకు స్థాన చలనం కలిగింది.ఇంటెలిజెన్స్‌ ఎస్పీగా సింధూ శర్మకరీంనగర్‌ సీపీగా గౌస్‌ అలంఆదిలాబాద్‌ ఎస్పీగా అఖిల్‌ మహాజన్‌సూర్యాపేట ఎస్పీగా కె.నరసింహహైదరాబాద్‌ సెంట్రల్‌ జోన్‌ డీసీపీగా శిల్పవల్లికామారెడ్డి ఎస్పీగా రాజేష్‌ చంద్రసీఐడీ ఐజీగా ఎన్‌.శ్రీనివాసులురామగుండం సీపీగా అంబర్‌ కిశోర్‌ ఝానిజామాబాద్‌ సీపీగా సాయిచైతన్యసంగారెడ్డి ఎస్పీగా సంతోష్‌ పంకజ్‌వరంగల్‌ సీపీగా సన్‌ ప్రీత్‌సింగ్‌నార్కొటిక్ బ్యూరో ఎస్పీగా రూపేష్భువనగిరి డీసీపీగా అక్షాన్స్‌ యాదవ్‌సిరిసిల్ల ఎస్పీగా గీతే మహేష్‌ బాబా సాహెబ్‌కామారెడ్డి ఎస్పీగా రాజేష్‌ చంద్రసీఐడీ ఐజీగా ఎన్‌. శ్రీనివాసులునిజామాబాద్‌ సీపీగా సాయి చైతన్యమంచిర్యాల డీసీపీగా భాస్కర్‌పెద్దపల్లి డీసీపీగా కరుణాకర్‌

సాక్షి, హైదరాబాద్‌: తెలంగాణ నుంచి హోం కేడర్‌ ఏపీకి బదిలీ అయిన సీనియర్‌ ఐపీఎస్‌ అధికారులు అంజనీకుమార్, అభిలాష బిస్త్‌లను రిలీవ్‌ చేస్తూ ప్రభుత్వం శనివారం ఉత్తర్వులు జారీచేసింది. కేంద్ర హోంశాఖ ఉత్తర్వుల మేరకు ఇద్దరు అధికారులను రిలీవ్‌ చేసినట్టు సీఎస్‌ శాంతికుమారి ఉత్తర్వుల్లో పేర్కొన్నారు. ఇందుకు తగిన చర్యలు తీసుకోవాలని డీజీపీ జితేందర్‌కు సూచించారు.1990 బ్యాచ్‌కు చెందిన ఐపీఎస్‌ అధికారి అంజనీకుమార్‌ ప్రస్తుతం తెలంగాణ రోడ్డు సేఫ్టీ అథారిటీ చైర్మన్‌గా, 1994 బ్యాచ్‌కు చెందిన ఐపీఎస్‌ అధికారి అభిలాష బిస్త్‌ తెలంగాణ పోలీస్‌ అకాడమీ డైరెక్టర్‌గా విధులు నిర్వర్తిస్తున్నారు. వీరితోపాటు ఏపీ హోం కేడర్‌కు వెళ్లాల్సిందిగా కేంద్ర హోంశాఖ సూచించిన కరీంనగర్‌ సీపీ అభిషేక్‌ మహంతిని మాత్రం ఇంకా రిలీవ్‌ చేయలేదు. కరీంనగర్‌ జిల్లాలో ఎమ్మెల్సీ ఎన్నికల కోడ్‌ అమల్లో ఉన్నందున ఎన్నికల కమిషన్‌ నుంచి అనుమతి వచ్చిన తర్వాత రిలీవ్‌ చేయనున్నట్టు ప్రభుత్వ వర్గాలు తెలిపాయి.

సాక్షి, హైదరాబాద్‌: ప్రస్తుతం తెలంగాణలో కొనసాగుతున్న ముగ్గురు ఐపీఎస్‌ అధికారులను వారి హోం కేడర్‌ అయిన ఏపీలో రిపోర్ట్‌ చేయాలని కేంద్ర హోంశాఖ ఆదేశించింది. సీనియర్‌ ఐపీఎస్‌ అధికారులు అంజనీ కుమార్, అభిలాష బిస్త్, అభిషేక్‌ మహంతిలను వెంటనే తెలంగాణ కేడర్‌ నుంచి రిలీవ్‌ చేయాలని ఉత్తర్వులు జారీ చేసింది.అంజనీకుమార్‌ తెలంగాణ రోడ్‌ సేఫ్టీ అథారిటీ డీజీగా, అభిలాష బిస్త్‌ తెలంగాణ పోలీస్‌ అకాడమీ డైరెక్టర్‌గా, ట్రైనింగ్స్‌ డీజీగా పనిచేస్తున్నారు. అభిషేక్‌ మహంతి కరీంనగర్‌ పోలీస్‌ కమిషనర్‌గా విధులు నిర్వర్తిస్తున్నారు. ఇంతకుముందే తెలంగాణలో పనిచేసిన ఏపీ కేడర్‌ ఐఏఎస్‌ అధికారులు సోమేశ్‌కుమార్, వాకాటి కరుణ, వాణి ప్రసాద్, రోనాల్డ్‌ రోస్, ఆమ్రపా­లిలను ఏపీ కేడర్‌కు పంపిన విషయం తెలిసిందే

సాక్షి, హైదరాబాద్‌: రిటైర్డ్ ఐఏఎస్ అధికారి ఎం.గోపాలకృష్ణ రచించిన ‘లైఫ్ ఆఫ్ కర్మయోగి’ పుస్తకాన్ని ముఖ్యమంత్రి రేవంత్‌రెడ్డి ఆదివారం ఆవిష్కరించారు. ఈ సందర్భంగా సీఎం మాట్లాడుతూ.. ఆరు దశాబ్దాల జ్ఞాపకాలను పుస్తక రూపంలో తీసుకుని రావడం బిగ్ టాస్క్ అన్నారు. కొత్తగా ఐఏఎస్‌గా వచ్చే వాళ్లకు గోపాలకృష్ణ పుస్తకం ఎంతగానో ఉపయోగపడుతుందన్నారు.చాలా మందికి కొంత మంది సీనియర్ ఐఏఎస్‌ల గురించి ఇప్పటికి తెలీదు.. శేషన్ ఐఏఎస్‌.. ఎన్నికల కమిషన్ ఉందని తట్టి లేపిన గొప్ప వ్యక్తి. రాజకీయ నాయకులను గైడ్ చేసే విధానం అప్పట్లో ఉండేది. ఇప్పుడు ఎందుకు అలా లేదో తెలియడం లేదు. రాజకీయ నాయకులకు అవగాహన కల్పించే సెక్రటేరియట్ రూల్స్ ఉన్నాయి. కొత్తగా సెలెక్ట్ అయిన కొందరు ఐపీఎస్‌లు తప్పుడు మార్గంలో నడుస్తున్నారు.’’ అంటూ రేవంత్‌ రెడ్డి వ్యాఖ్యానించారు.‘‘కొత్త ఐపీఎస్‌లు యూనిఫామ్ వేసుకొని సివిల్ పంచాయితీలు చూసుకోవడం దురదుష్టకరం. ఏసీ రూమ్ నుంచి బయటికి రావడానికి ఐఏఎస్‌లు, ఐపీఎస్‌లు ఇష్ట పడటం లేదు. జనంలోకి రండి అంటే రావడం లేదు. అధికారుల ఆలోచన విధానంంలో మార్పు రావాలి. నిబద్ధత ఉన్న ఆఫీసర్లు ఎక్కడ ఉన్నా పోస్టింగ్‌లు వస్తాయి’’ అని రేవంత్‌రెడ్డి పేర్కొన్నారు.

సాక్షి, హైదరాబాద్‌: ఏపీ, తెలంగాణ రాష్ట్రాల మధ్య అఖిల భారత సర్వీసుల (ఏఐఎస్‌) అధికారుల తుది కేటాయింపుల విషయంలో కేంద్రం కీలక నిర్ణయం తీసుకుంది. తమను ఏపీ కేడర్‌కు బదులుగా తెలంగాణ కేడర్‌కు కేటాయించాలన్న ఏడుగురు ఐఏఎస్, ఇద్దరు ఐపీఎస్‌ అధికారుల విజ్ఞప్తులను తిరస్కరించింది. వారిలో ఇద్దరు ఐఏఎస్‌ అధికారులు ప్రస్తుతం ఏపీలోనే పనిచేస్తుండగా మిగిలిన ఐదుగురు తెలంగాణలో పనిచేస్తున్నారు. అదేవిధంగా తమను తెలంగాణ కేడర్‌కు బదులు ఏపీ కేడర్‌కు కేటాయించాలన్న మరో ముగ్గురు ఐఏఎస్‌ అధికారుల విజ్ఞప్తులనూ తిరస్కరించింది.తక్షణమే వారిని ప్రస్తుతం పనిచేస్తున్న రాష్ట్ర కేడర్‌ నుంచి రిలీవ్‌ చేయడంతోపాటు ఈ నెల 16లోగా పొరుగు రాష్ట్రంలో రిపోర్టు చేయాలని ఆదేశించింది. ఈ మేరకు కేంద్ర సిబ్బంది, శిక్షణ శాఖ(డీవోపీటీ) వేర్వేరు ఉత్తర్వులు జారీ చేసింది. తక్షణమే ఈ ఉత్తర్వులను అమలు చేయాలని ఆయా రాష్ట్రాల ప్రభుత్వ ప్రధాన కార్యదర్శులను ఆదేశించింది. రాష్ట్ర విభజన సమయంలో ఏపీకి కేటాయించిన ఐఏఎస్‌ అధికారులు షంషేర్‌ సింగ్‌ రావత్, జి.అనంతరాము ప్రస్తుతం ఆ రాష్ట్రంలోనే పనిచేస్తూ తమను తెలంగాణకు కేటాయించాలని విజ్ఞప్తి చేయగా ఆ విజ్ఞప్తిని కేంద్రం తిరస్కరించి వారిద్దరినీ ఏపీలోనే కొనసాగాలని ఆదేశించింది. మిగిలిన వారంతా ప్రస్తుతం తాము పనిచేస్తున్న రాష్ట్రాన్ని వదిలేసి పొరుగు రాష్ట్రానికి వెళ్లకతప్పని పరిస్థితి ఏర్పడింది. వివాదం నేపథ్యం ఇది... రాష్ట్ర విభజన సమయంలో ప్రత్యుష్‌ సిన్హా కమిటీ సిఫారసుల ఆధారంగా ఏపీ, తెలంగాణ రాష్ట్రాల మధ్య ఏఐఎస్‌ అధికారుల కేటాయింపులను కేంద్రం చేపట్టింది. ఐఏఎస్‌ అధికారులు సోమేశ్‌కుమార్, కాటా ఆమ్రపాలి, జి.అనంతరాము, ఎం. ప్రశాంతి, వాకాటి కరుణ, ఎ.వాణీప్రసాద్, రోనాల్డ్‌ రోస్, ఎస్‌ఎస్‌ రావత్‌లను ఏపీ కేడర్‌కు.. హరికిరణ్, జి. సృజన, శివశంకర్‌ లహోటిలను తెలంగాణ కేడర్‌కు కేటాయించింది. ఐపీఎస్‌ అధికారులు అంజనీ కుమార్, అభిలాష బిష్త్, అభిషేక్‌ మహంతిని ఏపీకి కేటాయించారు. అయితే ఈ కేటాయింపులను సవాల్‌ చేస్తూ ఆయా ఐఏఎస్, ఐపీఎస్‌లు గతంలో సెంట్రల్‌ అడ్మినిస్ట్రేటివ్‌ ట్రిబ్యునల్‌ (క్యాట్‌)ను ఆశ్రయించారు. వారి వాదనలు విన్న ట్రిబ్యునల్‌.. ప్రత్యూష్‌ సిన్హా కమిటీ మార్గదర్శకాలను కొట్టేస్తూ 2017లో తీర్పు ఇచ్చింది.హైకోర్టు తీర్పుతో మారిన పరిస్థితి.. ఈ తీర్పును రద్దు చేయాలని కోరుతూ కేంద్ర ప్రభుత్వం తెలంగాణ హైకోర్టులో 2017, 2018లో వేర్వేరు అప్పీళ్లను దాఖలు చేసింది. సోమేశ్‌ కుమార్‌ను తెలంగాణకు కేటాయిస్తూ క్యాట్‌ ఇచ్చిన తీర్పుపై తొలుత విచారణ చేపట్టిన హైకోర్టు... ఆ కేటాయింపును రద్దు చేస్తూ తక్షణమే ఏపీలో రిపోర్టు చేయాలని 2023 జనవరి 10న తీర్పు ఇచ్చింది.. ప్రత్యుష్‌ సిన్హా కమిటీ సిఫారసులను సమర్ధించింది.. దీంతో తెలంగాణ రాష్ట్ర ప్రభుత్వ ప్రధాన కార్యదర్శి పోస్టులో ఉన్న సోమేశ్‌కుమార్‌ ఏపీకి వెళ్లి రిపోర్టు చేశారు.ఈ తీర్పును నాటి తెలంగాణ డీజీపీ అంజనీ కుమార్‌తోపాటు ఇతర ఐపీఎస్, ఐఏఎస్‌ అధికారులకూ వర్తింపజేయాలంటూ కేంద్రం దాఖలు చేసిన అప్పీళ్లపై తెలంగాణ హైకోర్టు విచారణ చేపట్టి జనవరి 3న తీర్పునిచ్చింది. 10 మంది ఐఏఎస్‌లు, ముగ్గురు ఐపీఎస్‌ల కేటాయింపులపై క్యాట్‌ ఇచ్చిన తీర్పును పక్కకు పెట్టింది. ఆ అధికారుల ప్రస్తుత సర్వీసు, మిగిలిన సర్వీసుతోపాటు వారి వ్యక్తిగత అభ్యంతరాలను వేర్వేరుగా పరిగణనలోకి తీసుకొని గతంలో జరిపిన తుది కేటాయింపులపై పునఃసమీక్షించాలని కేంద్రాన్ని ఆదేశించింది. ఈ వివాదంపై నిర్ణయం తీసుకొనే బాధ్యతను డీవోపీటీకి అప్పగించింది.ఆ అధికారుల విజ్ఞప్తులపై కేంద్రం నిర్ణయం తీసుకొనే వరకు వారందరినీ ప్రస్తుత రాష్ట్రాల్లోనే కొనసాగించాలని స్పష్టం చేసింది. ఈ అధికారుల తుది కేటాయింపులపై పునఃపరిశీలన కోసం హైకోర్టు ఆదేశాల మేరకు డీవోపీటీ శాఖ మాజీ సెక్రటరీ, రిటైర్డ్‌ ఐఏఎస్‌ దీపక్‌ ఖండేకర్‌తో ఆ శాఖ ఏకసభ్య కమిటీని ఏర్పాటు చేసింది. ఆయా అధికారుల నుంచి కమిటీ వినతిపత్రాలను స్వీకరించడంతోపాటు వారితో వ్యక్తిగతంగా సమావేశమై అభిప్రాయాలను సేకరించింది. అనంతరం ఆయా అధికారుల విజ్ఞప్తులను తిరస్కరిస్తూ డీవోపీటీకి సిఫార్సులు చేసింది. ఈ సిఫార్సులను డీవోపీటీ ఆమోదించింది. తెలంగాణ నుంచి ఏపీకి వెళ్లనున్న ఐఏఎస్‌ అధికారులు 1..మల్లేల ప్రశాంతి 2. వాకాటి కరుణ, స్త్రీ, శిశు సంక్షేమ శాఖ కార్యదర్శి 3. ఎ.వాణీ ప్రసాద్, ముఖ్యకార్యదర్శి, యువజన, పర్యాటక, సాంస్కృతిక, క్రీడల శాఖ 4. డి.రోనాల్డ్‌ రోస్, ఇంధన శాఖ కార్యదర్శి 5. కాటా ఆమ్రపాలి, జీహెచ్‌ఎంసీ కమిషనర్‌ తెలంగాణకు కేటాయించాలన్న విజ్ఞప్తి తిరస్కరించడంతో ఏపీలోనే కొనసాగనున్న ఐఏఎస్‌ అధికారులు.. 1. షంషేర్‌ సింగ్‌ రావత్, స్పెషల్‌ సీఎస్, ఏపీ (దీర్ఘకాలిక సెలవులో ఉన్నారు) 2.జి.అనంతరాము, స్పెషల్‌ సీఎస్, ఏపీ అటవీ శాఖ తెలంగాణ నుంచి ఏపీకి వెళ్లనున్న ఐపీఎస్‌ అధికారులు 1.అంజనీకుమార్, డీజీ, రోడ్‌ సేఫ్టీ ఆథారిటీ 2. అభిలాష భిస్త్, తెలంగాణ పోలీస్‌ అకాడమీ డైరెక్టర్‌ ఏపీ నుంచి తెలంగాణకు రానున్న ఐఏఎస్‌ అధికారులు... 1.శివశంకర్‌ లోతేటి – వైఎస్సార్‌ కడప జిల్లా కలెక్టర్‌ 2. శ్రీజన, ఎన్టీఆర్‌ కృష్ణా జిల్లా కలెక్టర్‌ 3. సి.హరికిరణ్‌

సాక్షి, అమరావతి: చంద్రబాబు ప్రభుత్వం అమలుచేస్తున్న రెడ్‌బుక్‌ రాజ్యాంగం కక్ష సాధింపు చర్యలు పతాకస్థాయికి చేరుతున్నాయి. ఇందుకోసం పోలీసు వ్యవస్థనే భ్రష్టుపట్టించేందుకు బరితెగిస్తోంది. అందులో భాగంగానే ముగ్గురు సీనియర్‌ ఐపీఎస్‌ అధికారులు పీఎస్‌ఆర్‌ ఆంజనేయులు, టి. కాంతిరాణా, విశాల్‌గున్నీలను సస్పెండ్‌ చేస్తూ ఆదివారం మూడు వేర్వేరు ఉత్తర్వులు జారీచేసింది. ‘వలపు వల(హనీ ట్రాప్‌) వేసి బడా బాబులను బురిడీకొట్టించే కేసుల్లో నిందితురాలు కాదంబరి జత్వానీని అడ్డంపెట్టుకుని చంద్రబాబు దిగజారుడు రాజకీయాలకు తెరతీశారు. చంద్రబాబు ప్రభుత్వ కథా, స్క్రీన్‌ప్లే, దర్శకత్వంతో సాగిన ఈ కక్ష సాధింపు కుట్ర కోసం ఏకంగా న్యాయస్థానం ఆదేశాలను బేఖాతరు చేయడమే కాదు.. నిబంధనలనూ తుంగలో తొక్కారు. ఐపీఎస్‌ అధికారు­లకు వ్యతిరేకంగా ఒక్క ఆధారం కూడా చూపించకుండానే వారిని సస్పెండ్‌ చేయడంపట్ల పోలీసు వర్గాలు విభ్రాంతి వ్యక్తంచేస్తున్నాయి.విచారణ అధికారిగా జూనియర్‌ అధికారి..సాధారణంగా.. ప్రభుత్వ అధికారులపై ఫిర్యాదులు వస్తే విచారణకు పాటించాల్సిన నిబంధనలను నిర్భీతిగా చంద్రబాబు సర్కారు ఉల్లంఘించింది. సస్పెన్షన్‌కు గురైన ముగ్గురిలో పీఎస్‌ఆర్‌ ఆంజనేయుడు డీజీ స్థాయి, కాంతిరాణ ఐజీ స్థాయి, విశాల్‌ గున్నీ డీఐజీ స్థాయి అధికారులు. వారిపై ఫిర్యాదులొస్తే వారికంటే ఉన్నతస్థాయి అధికారినిగానీ సమానస్థాయి అధికారికిగానీ విచారణ బాధ్యతలు అప్పగించాలి. కానీ, వారికంటే జూనియర్‌ అయిన ఎస్పీ స్థాయి అధికారిగా ఉన్న విజయవాడ డీసీపీ స్రవంతి రాయ్‌ను విచారణాధికారిగా నియమించడం గమనార్హం. ఆమె కూడా నిబంధనలను పాటించకుండానే విచారణ తంతు ముగించారు. ఫిర్యాదు వచ్చిన ముగ్గురు పోలీసు అధికారులను ఆమె కనీసం సంప్రదించనే లేదు. పైగా వారి నుంచి వివరాలు తెలసుకునే ప్రయత్నం కూడా చేయలేదు. ఇక పీఎస్‌ఆర్‌ ఆంజనేయులు, కాంతిరాణా, విశాల్‌ గున్నీ వాంగ్మూలాలు నమోదుచేయాలన్న కనీస నిబంధనను కూడా పాటించకపోవడం విడ్డూరం. మరి స్రవంతి ఏ ప్రాతిపదికన విచారణ నిర్వహించారన్నది అంతుబట్టడమే లేదు. ప్రభుత్వ పెద్దలు ఆదేశించినట్లుగానే ఆమె ఏకపక్షంగా నివేదిక సమర్పించారని పోలీసు వర్గాలు వ్యాఖ్యానిస్తున్నాయి. ఈ వ్యవహారం అంతా విజయవాడ పోలీస్‌ కమిషనర్‌ రాజశేఖర్‌బాబు కనుసన్నల్లోనే సాగినట్లు స్పష్టమవుతోంది. విచారణ ప్రక్రియ సక్రమంగా నిర్వహించారా లేదా అన్నది డీజీపీ కూడా పరిశీలించనే లేదు. ప్రభుత్వ ‘ముఖ్యనేత’ ఆదేశాల ప్రకారం ఈ ముగ్గుర్ని ఏకపక్షంగా సస్పెండ్‌ చేస్తూ ఆదేశాలు జారీచేశారు. ఇదే కేసులో ఏసీపీ హనుమంతరావు, ఇబ్రహీంపట్నం సీఐ సత్యనారాయణలను కొన్నిరోజుల క్రితమే సస్పెండ్‌ చేశారు.ఏకపక్షంగా సస్పెన్షన్‌ ఉత్తర్వులు..పీఎస్‌ఆర్‌ ఆంజనేయులు, కాంతిరాణా, విశాల్‌ గున్నీలను సస్పెండ్‌ చేస్తూ జారీచేసిన ఉత్తర్వుల్లో అందుకు ఒక్క ఆధారాన్ని కూడా ప్రభుత్వం చూపించలేదు. ముంబై నటి కాదంబరి జత్వానీని నిబంధనలకు విరుద్ధంగా అరెస్టుచేసినందునే సస్పెండ్‌ చేస్తున్నట్లు తెలిపింది. కానీ, ఆమె అరెస్టు ఎలా అక్రమం అనేందుకు ఒక్క ఆధారాన్ని కూడా చూపించలేదు. ఎందుకంటే కాదంబరి జత్వానీ అరెస్టు అంశంలో ఈ ఏడాది ఫిబ్రవరిలో అప్పటి విజయవాడ పోలీసు అధికారులు నిబంధనల మేరకే వ్యవహరించారు. అదెలాగంటే..⇒ విజయవాడ న్యాయస్థానం నుంచి సెర్చ్‌ వారంట్‌ తీసుకుని మరీ పోలీసులు ముంబై వెళ్లారు.⇒ కాదంబరి జత్వానీని అరెస్టుచేసే విషయాన్ని ముంబై పోలీసులకు ముందుగానే తెలిపారు. వారి సహకారంతో వారి సమక్షంలోనే ఆమెను అరెస్టుచేశారు. ⇒ అనంతరం కాదంబరి జత్వానీ అరెస్టుకు సంబంధించిన పంచనామా నివేదికను ముంబై న్యాయస్థానానికి సమర్పించారు. ⇒ దాంతో ఆమె అరెస్టు సక్రమమేనని ముంబై న్యాయస్థానం నిర్ధారించి ఆమెను విజయవాడ తీసుకువెళ్లేందుకు అనుమతినిస్తూ పీటీ వారంట్‌ జారీచేసింది. ⇒ అనంతరం.. కాదంబరి జత్వానీని విజయవాడ న్యాయస్థానంలో హాజరుపరిచారు. ఆమె అరెస్టు సక్రమమేనని విజయవాడ న్యాయస్థానం సైతం నిర్ధారించి.. ఆమెపై పోలీసులు నమోదు చేసిన అభియోగాలకు బలం చేకూర్చే సాక్ష్యాధారాలతో సంతృప్తి చెందింది. అందుకే ఆమెకు రిమాండ్‌ విధించింది. ..ఇలా కాదంబరి జత్వానీ అరెస్టు ప్రక్రియలో అప్పటి విజయవాడ పోలీసులు ఇంతగా నిబంధనల ప్రకారం వ్యవహరిస్తే.. అసలు ఆమె అరెస్టు అక్రమమని ప్రస్తుత టీడీపీ ప్రభుత్వం ఆరోపిస్తుండటం విడ్డూరంగా ఉంది. కనీసం ఒక్క ఆధారం కూడా చూపించకుండానే అక్రమ అరెస్టని ఏకపక్షంగా ప్రకటించడం ప్రభుత్వ కక్షసాధింపు చర్య తప్పా మరొకటి కాదని పోలీసు వర్గాలు విమర్శిస్తున్నాయి.కాదంబరి అక్రమాలకు స్పష్టమైన ఆధారాలు..వాస్తవానికి.. వలపు వల (హనీట్రాప్‌) వేసి బడాబాబులను బురిడీ కొట్టించడంతోపాటు కాదంబరి జత్వానిపై అనేక తీవ్రమైన అభియోగాలున్నాయి. తనపై యూపీలో కూడా పలు కేసులు ఉన్నాయని కాదంబరి జత్వానీనే తన ఫిర్యాదులో పేర్కొనడం గమనార్హం. ఇక ఆమె కుక్కల విద్యాసాగర్‌ సంతకాలు ఫోర్జరీ చేసి ఆయన భూమిని అక్రమంగా విక్రయించేందుకు యత్నించారనడానికి కూడా ఆధారాలున్నాయి. డాక్టర్‌ కాకుండానే తనను తాను డాక్టరుగా ఆమె చెప్పుకున్నారు. బెయిల్‌ మంజూరు చేస్తూ న్యాయస్థానం విధించిన షరతులకు లోబడే తాను ఇబ్రహీంపట్నంలో రెండు నెలలపాటు ఉన్నానని ఆమె తన పిటిషన్‌లోనే అంగీకరించారు. ఆ సమయంలో తమకు సహాయం కోసం ఇద్దరు కానిస్టేబుళ్లను నియమించారని కూడా తెలిపారు. అంటే.. అప్పటి విజయవాడ పోలీసులు నిబంధన మేరకే వ్యవహరించినట్లు స్పష్టమవుతోంది.ప్రభుత్వ పెద్దల కుట్రలో పాత్రధారులుగా విజయవాడ పోలీసులు.. అంతటి నేర చరిత్ర ఉన్న కాదంబరి జత్వానీ రాష్ట్రంలో టీడీపీ కూటమి ప్రభుత్వం అధికారంలోకి రాగానే విజయవాడ పోలీసులకు విశిష్ట అతిథిగా మారిపోయారు. ఐపీఎస్‌ అధికారులు పీఎస్‌ఆర్‌ ఆంజనేయులు, కాంతిరాణా, విశాల్‌ గున్నీలను నిబంధనలకు విరుద్ధంగా సస్పెండ్‌ చేసే కుట్ర అమలులో భాగంగా ఆమెకు ప్రభుత్వ అతిథి స్థాయిలో విజయవాడ పోలీసులు రాచమర్యాదలు చేస్తున్నారు. నిజానికి.. టీడీపీ అధికారంలోకి వచ్చాక రాష్ట్రంలో యథేచ్ఛగా సాగుతున్న మహిళలు, బాలికల అత్యాచారాలపై కూడా ఏమాత్రం స్పందించని పోలీసులు కాదంబరి విషయంలో అత్యుత్సాహంతో వ్యవహరించారు. గతంలో ఆమె ఇచ్చిన ఫిర్యాదు పూర్తిగా తప్పుల తడకగా ఉందని నెలక్రితం పోలీసులు గుర్తించారు. దీంతో ఆమెతో తాజాగా మరో ఫిర్యాదు ఇప్పించడం గమనార్హం. రెండోసారి ఇచ్చిన ఫిర్యాదు ఆధారంగానే ఎఫ్‌ఐఆర్‌ నమోదు చేశారు. తనను అరెస్టు చేసేందుకు డీసీపీ విశాల్‌ గున్నీని ప్రత్యేక విమానంలో ముంబై పంపించారని కాదంబరి జత్వానీ తన ఫిర్యాదులో పేర్కొన్నారు. కానీ, విశాల్‌ గున్నీ తదితరులు సాధారణ విమానంలోనే ముంబై వెళ్లారని.. విమాన టికెట్లు ముందురోజే బుక్‌ చేశారని పోలీసులు ఎఫ్‌ఐఆర్‌లో పేర్కొన్నారు. అంటే.. ప్రభుత్వ పెద్దల కక్ష సాధింపు కుట్రలో విజయవాడ పోలీసులు పాత్రధారులు, భాగస్వాములుగా వ్యవహరిస్తున్నారన్నది సుస్పష్టం. ‘వలపు వల’ కేసుకు సంబంధించి నిందితురాలి విషయంలో పోలీసు వ్యవస్థ స్థాయిని రాష్ట్ర ప్రభుత్వం దిగజారుస్తోందని పరిశీలకులు విమర్శిస్తున్నారు.క్యాట్‌ను ఆశ్రయించనున్న ముగ్గురు అధికారులు..ఇదిలా ఉంటే.. రాష్ట్ర ప్రభుత్వం నిబంధనలకు విరుద్ధంగా, ఏకపక్షంగా తమను సస్పెండ్‌ చేయడంపై పరిపాలన ట్రిబ్యునల్‌ (క్యాట్‌)ను ఆశ్రయించాలని పీఎస్‌ఆర్‌ ఆంజనేయులు, కాంతిరాణా, విశాల్‌ గున్నీ భావిస్తున్నట్లు సమాచారం.

సాక్షి, హైదరాబాద్‌: తెలంగాణలో ఐదుగురు ఐపీఎస్‌లను బదిలీ చేస్తూ తెలంగాణ ప్రభుత్వం శనివారం ఉత్తర్వులు జారీ చేసింది. ఈ బదిలీల్లో​ భాగంగా విజిలెన్స్ డీజీగా హైదరాబాద్‌ సీపీ కొత్త కోట శ్రీనివాస్‌రెడ్డి బదిలీ అయ్యారు. హైదరాబాద్‌ సీపీగా సీవీ ఆనంద్‌, ఏసీబీ డీజీగా విజయ్‌కుమార్‌ నియమితులయ్యారు.బదిలీల ప్రకారం.. హైదరాబాద్‌ సీపీగా సీవీ ఆనంద్‌ఏసీబీ డీజీగా విజయ్‌ కుమార్‌విజిలెన్స్‌ డీజీగా కొత్తకోట శ్రీనివాస్‌ రెడ్డి.పోలీస్‌ ‍స్పోర్ట్స్‌ ఐజీగా రమేష్‌కు అదనపు బాధ్యతలు. పోలీస్‌ పర్సనల్‌ ఏడీజీగా మహేష్‌ భగవత్‌కు అదనపు బాధ్యతలు.

వాళ్లు అఖిలభారత సర్వీసు అధికారులు.. ప్రజాసేవను వృత్తిగా ఎంచుకుని ఉన్నతమైన లక్ష్యాలతో ఎన్నో కఠినపరీక్షలు గెలిచి ఈ అత్యున్నత సర్వీసుకు ఎంపికైనవారు. అలాంటి గౌరవప్రదమైన రాజ్యాంగబద్ధ బాధ్యతలలో ఉన్న అధికారులను ఎలా చూడాలి? ఎవరి సామర్థ్యం ఏమిటో గుర్తెరిగి తగిన బాధ్యతలు అప్పగించడం ద్వారా మంచి ఫలితాలను సాధించడంపై ప్రభుత్వం దృష్టిపెట్టాలి. కానీ చంద్రబాబు ప్రభుత్వం రూటు వేరు. నచ్చనివారికి నరకం చూపిస్తూ ఆనందించడం వారికి అలవాటు. అదిగో అందులో భాగంగానే గత ప్రభుత్వ హయాంలో బాగా పనిచేసిన ఓ పలువురు ఐఎఎస్‌ ఐపీఎస్‌లను ఎంచుకున్నారు. వారి ఆత్మగౌరవంపై ఆటవికంగా దాడిచేస్తున్నారు.. ఓ హోం గార్డుతోనో.. ఓ రౌడీషీటరుతోనో కిందిస్థాయి అధికారులు కూడా వ్యవహరించని రీతిలో డీజీ స్థాయి అధికారులనూ ఈ ప్రభుత్వం అత్యంత దుర్మార్గంగా అవమానిస్తోంది. పోస్టింగ్‌ ఇవ్వకపోగా.. ఉదయం డీజీపీ ఆఫీసుకు వచ్చి సంతకం చేసి సాయంత్రం వరకు వెయిటింగ్‌ చేసి వెళ్లమంటున్నారు.. ఇందుకోసం ఏకంగా ఓ ఉత్తర్వు కూడా జారీ చేయడం చూసి యావత్‌ అఖిలభారత సర్వీసు అధికారులందరూ విస్తుపోతున్నారు. ఈ ఉన్మాద మెమో గురించి దేశమంతా చర్చించుకుంటోంది. ఇటువంటి దుర్మార్గమైన నిర్ణయం దేశ చరిత్రలో ఎవరూ తీసుకోలేదని మాజీ ఐపీఎస్‌ అధికారులు ప్రవీణ్‌కుమార్, స్వరణ్‌జిత్‌సేన్‌ వంటివారు వ్యాఖ్యానించారు. సాక్షి, అమరావతి: రాష్ట్రంలో టీడీపీ కూటమి కక్షపూరిత రాక్షస పాలన కరాళ నృత్యం చేస్తోంది. ఓ పక్క ప్రజలపైనే టీడీపీ శ్రేణులు రాత్రీ పగలూ దాడులతో భయంకర వాతావరణాన్ని సృష్టిస్తుంటే.. ఇంకో పక్క ప్రభుత్వమే అధికారులపై పడింది. ఐఏఎస్‌లు, ఐపీఎస్‌లు, ఇతర కీలక అధికారులపై నారా లోకేశ్‌ విరచిత రెడ్‌ బుక్‌ రాజ్యాంగంతో విరుచుకుపడుతోంది. వెంటపడి వేధిస్తోంది. వారిపట్ల నిరంకుశంగా, దుర్మార్గంగా వ్యవహరిస్తూ, అవమానాలకు గురిచేస్తూ రాజ్యాంగ హక్కులను కాలరాస్తోంది. అఖిల భారత సర్వీసుల అధికారుల ఆత్మగౌరవంపై ఆటవిక దాడి చేస్తోంది. దేశంలో ఏ రాష్ట్రంలోనూ లేని రీతిలో ఏపీలోని చంద్రబాబు కూటమి ప్రభుత్వ పోకడలపై జాతీయ స్థాయిలో వ్యతిరేకత వ్యక్తమవుతోంది. ‘ఏ పార్టీ అధికారంలో ఉందన్న దానితో సంబంధం లేకుండా ప్రభుత్వ విధానాలను అమలు చేయడం, రాష్ట్ర అభివృద్ధి, ప్రజల సంక్షేమానికి చోదక శక్తిగా వ్యవహరించేందుకు దేశంలో ప్రత్యేకంగా అఖిల భారత సర్వీసులకు రూపకల్పన జరిగింది. ఈ ఉన్నతాశయాన్ని చంద్రబాబు ప్రభుత్వం కాలరాస్తోంది. పలువురు ఐఏఎస్, ఐపీఎస్‌ అధికారులను లక్ష్యంగా చేసుకుని వేధింపులకు పాల్పడుతోంది’ అని సీనియర్‌ అధికారులు ఆవేదన వ్యక్తం చేస్తున్నారు. ఏపీలో ఐపీఎస్‌ అధికారులకు పొస్టింగులు ఇవ్వకుండా వేధించడాన్ని వ్యతిరేకిస్తూ రిటైర్డు ఐపీఎస్‌ అధికారి ప్రవీణ్‌ కుమార్‌ తన సోషల్‌ మీడియా లో పెట్టిన పోస్టు దుష్ట సంప్రదాయానికి తెరతీసిన చంద్రబాబురాష్ట్రంలో టీడీపీ కూటమి గెలుపొంది, సీఎంగా బాధ్యతలు స్వీకరించక ముందే చంద్రబాబు దుష్ట సంప్రదాయాలకు తెరతీశారు. ప్రభుత్వ ప్రధాన కార్యదర్శిగా ఉన్న కేఎస్‌ జవహర్‌ రెడ్డిని బలవంతంగా సెలవుపై పంపారు. అనంతరం ఏకంగా 10 మంది ఐఏఎస్‌ అధికారులు, 23 మంది ఐపీఎస్‌ అధికారులకు రెండు నెలలుగా పోస్టింగులు ఇవ్వకుండా వేధిస్తున్నారు. దేశంలో ఏ రాష్ట్ర ప్రభుత్వమూ ఇంత కక్షపూరితంగా, నిరంకుశత్వంతో వ్యవహరించలేదు. ప్రభుత్వం మారిన తరువాత ఐఏఎస్, ఐపీఎస్‌ అధికారులను బదిలీ చేయడం సహజమే. కొత్త ప్రభుత్వం తన ప్రాధాన్యతల ప్రకారం అధికారులకు పోస్టింగులు ఇస్తుంది. కొందరు ఐఏఎస్, ఐపీఎస్‌లను సాధారణ పరిపాలన శాఖ (జీఏడీ)లో రిపోర్ట్‌ చేయమని కూడా ఆదేశిస్తుంది. ఆ తరువాత కొద్ది రోజులకే వారికి ఇతర ప్రాంతాల్లో పోస్టింగులు ఇచ్చి, వారి సేవలను సద్వినియోగం చేసుకుంటుంది. అంతేగానీ ఏకంగా ఇన్నేసి రోజులు పోస్టింగులు ఇవ్వకుండా పక్కన కూర్చోబెట్టదు.అపాయింట్‌మెంటూ ఇవ్వని బాస్‌లుసాధారణంగా ఐఏఎస్, ఐపీఎస్‌ అధికారులు వారి బాస్‌లైన సీఎస్, డీజీపీలను అపాయింట్‌మెంట్‌ అడిగి కలిసే వీలుంటుంది. తమ సర్వీసుకు సంబంధించిన సమస్యలు, ఇతరత్రా విషయాలను వారు సీఎస్, డీజీపీల దృష్టికే తీసుకువెళ్లాలి. వాటిని సరైన దృక్పథంతో పరిశీలించాల్సిన బాధ్యత సీఎస్, డీజీపీలపై ఉంది. కానీ సీఎం చంద్రబాబు చెప్పడంతో ప్రస్తుతం వెయిటింగ్‌లో ఉన్న ఐఏఎస్, ఐపీఎస్‌ అధికారులకు సీఎస్, డీజీపీ రెండు నెలలుగా అపాయింట్‌మెంటే ఇవ్వడం లేదు. ఇక్కడితోనూ చంద్రబాబు రెడ్‌ బుక్‌ దాహం తీరలేదు. ఐపీఎస్‌ అధికారులను మరింతగా అవమానించాలని పట్టుబ­ట్టారు. ఆ మేరకు టీడీపీ ప్రధాన కార్యాలయం నుంచి డీజీపీ సీహెచ్‌ ద్వారకా తిరమలరావుకు ఆదేశాలు వెళ్లాయి. దాంతో డీజీపీ ఈ నెల 12న ఓ విభ్రాంతికరమైన మెమో జారీ చేశారు. వెయిటింగ్‌లో ఉన్న 23 మంది ఐపీఎస్‌ అధికారుల్లో 16 మందికి ప్రతి రోజూ డీజీపీ కార్యా­లయానికి రావాలని ఆ ఉత్తర్వుల్లో పేర్కొన్నారు. ‘ఉదయం 10 గంటలకు వచ్చి వెయిటింగ్‌ హాల్లో ఉన్న రిజిస్టర్‌లో సంతకం చేయాలని, సాయంత్రం 5 గంటల వరకు అక్కడే ఉండి, మళ్లీ ఆ రిజిస్టర్‌లో సంతకం చేసి వెళ్లాలి’ అని ఆదేశించారు. రాష్ట్రంలో అత్యంత సీనియర్‌ ఐపీఎస్‌ అధికారి అయిన డీజీపీ కేవలం రాజకీయ ఒత్తిడితో సాటి అధికారులను ఈ విధంగా ఆదేశించడం దేశవ్యాప్తంగా చర్చనీయాంశమైంది. వెయిటింగ్‌ మెమో.. ఇదేమి పద్ధతి?ఐఏఎస్, ఐపీఎస్‌ అధికారులకు పోస్టింగ్‌ ఇవ్వన­ప్పుడు వారిని సచివాలయంలోని సాధారణ పరి­పాలన శాఖ (జీఏడీ)లో రిపోర్ట్‌ చేయమని ఆదేశి­స్తారు. తరువాత కొద్ది రోజులకే వారికి పోస్టింగులు ఇస్తారు. ఇటీవల పోస్టింగులు ఇవ్వని 16 మంది ఐపీఎస్‌ అధికారులను కూడా జీఏడీలో రిపోర్ట్‌ చేయాలని ఆదేశించారు. తాజా ఆదేశాల ప్రకారం వారు రోజూ డీజీపీ కార్యాలయానికి రావాలి. వెయి­టింగ్‌ హాల్లో పడిగాపులు కాయాలి. అన్ని గంటల­పాటు వారు ఏం చేస్తారు అన్న కనీస జ్ఞానం కూడా చంద్రబాబు సర్కారుకు లేదు. ఇలా అధికారులను రోజుకో రీతిలో అవమానిస్తూ చంద్రబాబు ఓ రాజకీయ సైకోలా వ్యవహరి­స్తున్నారన్న విమర్శలు వెల్లువెత్తుతున్నాయి. హోమ్‌గార్డు స్థాయి ఉద్యోగి పట్ల కూడా గతంలో ఏ ప్రభుత్వమూ ఈ రీతిలో వ్యవహరించలేదన్న వ్యాఖ్యలు వినిపిస్తున్నాయి.రాజ్యాంగహక్కుల ఉల్లంఘనే.. డీవోపీటీకి నివేదిక..!చంద్రబాబు ప్రభుత్వం ఐఏఎస్, ఐపీఎస్‌ అధికారులపట్ల అమానవీయంగా, కర్కశంగా వ్యవహరించడం అధికా­రులుగానే కాదు.. పౌరులుగా కూడా వారి రాజ్యాంగప రౖ­మెన హక్కుల ఉల్లంఘనేనన్న విమర్శలు వస్తున్నాయి. వివిధ రాష్ట్రాల ప్రభుత్వ ప్రధాన కార్యదర్శులుగా, డీజీపీలుగా, ఉన్నత హోదాల్లో పని చేసిన ఐఏఎస్, ఐపీఎస్‌ అధికారులు టీడీపీ కూటమి ప్రభుత్వ తీరును తీవ్రంగా తప్పుబడుతున్నారు. చంద్రబాబు, లోకేశ్‌ల కక్షపూరిత చర్యలను ముక్త కంఠంతో వ్యతిరేకిస్తున్నారు. రెడ్‌బుక్‌ రాజ్యాంగం పేరిట టీడీపీ కూటమి ప్రభుత్వం సాగిస్తున్న అరాచకాన్ని వాట్సాప్‌ గ్రూపుల్లో, ప్రైవేటు సంభాషణల్లో నిరసిస్తున్నారు. అఖిల భారత సర్వీసు అధికారుల సర్వీసు నిబంధనలను పర్యవేక్షించే కేంద్ర ప్రభుత్వ డిపార్ట్‌మెంట్‌ ఆఫ్‌ పర్సనల్‌ అండ్‌ ట్రైనింగ్‌ (డీవోపీటీ) దృష్టికి ఈ వ్యవహారాన్ని తీసుకెళ్లాలని కూడా నిర్ణయించారు.టీడీపీ నేత వెంకటరెడ్డి ట్వీటో, ఎల్లో మీడియా పోస్టులో రాష్ట్రంలో అధికారుల పోస్టింగులను నిర్ణయించడం ఆంధ్రప్రదేశ్‌లో ప్రస్తుత పరిస్థితికి అద్దంపడుతోంది. – అనంతపురం జాయింట్‌ కలెక్టర్‌గా హరితకు పోస్టింగ్‌ ఇచ్చి, ఆ వెంటనే ఉత్తర్వులను ఉపసంహరించిన ఉదంతంపై రిటైర్డ్‌ సీఎస్‌ ఐవైఆర్‌ కృష్ణారావుగత రెండు నెలలుగా రాష్ట్రంలో చాలా సంక్లిష్ట పరిస్థితులు నెలకొన్నాయి. ఓ వైపు సామాన్యులే లక్ష్యంగా టీడీపీ గూండాలు వరుస హత్యలు, హత్యాయత్నాలు, అత్యాచారాలతో బీభత్సం సృష్టిస్తుంటే.. మరోవైపు చంద్రబాబు ప్రభుత్వం అధికారిక కక్ష సాధింపులు, వేధింపులకు అఖిల భారత సర్వీసు అధికారులు బాధితులుగా మారడం విభ్రాంతి కలిగిస్తోంది. – ఓ సామాజిక విశ్లేషకుడి అభిప్రాయమిదిటీడీపీ సోషల్‌ మీడియా వద్దంటే.. వద్దు పోస్టింగులు ఇచ్చి మరీ ఉపసంహరణ చంద్రబాబు ప్రభుత్వ దిగజారుడుతనానికి మరో ఉదాహరణ టీడీపీ సోషల్‌ మీడియా విభాగం ఆడమన్నట్టల్లా ఆడటం. ఎవరికైనా పోస్టింగు ఇవ్వొద్దని టీడీపీ సోషల్‌ మీడియా కార్యకర్త ఎవరైనా సోషల్‌ మీడియాలో పోస్టు పెడితే చాలు ఆ అధికారిని ప్రభుత్వం పక్కన పెట్టేస్తోంది. బదిలీ ఉత్తర్వులను ఉపసంహరించుకుంటోంది. చంద్రబాబు ప్రభుత్వం అధికారంలోకి వచ్చిన తరువాత వ్యవసాయ శాఖ ప్రత్యేక ప్రధాన కార్యదర్శి గోపాలకృష్ణ ద్వివేదిని కార్మిక శాఖ ప్రత్యేక ప్రధాన కార్యదర్శిగా బదిలీ చేసింది. దీన్ని వ్యతిరేకిస్తూ టీడీపీ సోషల్‌ కార్యకర్తలు పోస్టులు పెట్టారు. అంతే.. ప్రభుత్వం గోపాలకృష్ణ ద్వివేదికి పోస్టింగు ఇస్తూ జారీ చేసిన ఉత్తర్వులను ఉపసంహరించుకుంది. జీఏడీలో రిపోర్ట్‌ చేయాలని ఆయన్ని ఆదేశించింది. మహిళా అధికారి డి.హరితను అనంతపురం జేసీగా నియమించిన 24 గంటల్లోనే ఆ ఉత్తర్వులను ఉపసంహరించుకోవడం తాజా ఉదాహరణ. తిరుపతి మున్సిపల్‌ కమిష­నర్‌గా పనిచేసిన డి.హరిత కొద్ది నెలలుగా వెయిటింగ్‌లో ఉన్నారు. ప్రభుత్వం ఆమెను రెండు రోజుల క్రితం అనంతపురం జేసీగా నియమించింది. వెంటనే టీడీపీ నేతలు, సోషల్‌ మీడియా కార్యకర్తలు వ్యతిరేకించారు. అంతే.. 24 గంటల్లోనే ఆమె పోస్టింగ్‌ ఉత్తర్వులను ప్రభుత్వం వెనక్కు తీసుకొని, జీఏడీలో రిపోర్ట్‌ చేయాలని ఆదేశించింది. అధికారుల పోస్టింగులు, బదిలీలు రాష్ట్ర ప్రభుత్వ వ్యవహారం. కానీ చంద్రబాబు వాటిని టీడీపీ ప్రధాన కార్యాలయం వ్యవహారంగా దిగజార్చేశారని అఖిలభారత సర్వీసు అధికారులు మండిపడుతున్నారు.ఇవీ ఉత్తమ సంప్రదాయాలువైఎస్‌ రాజశేఖర రెడ్డి 2004లో ఉమ్మడి ఆంధ్రప్రదేశ్‌కు ముఖ్యమంత్రిగా బాధ్యతలు స్వీకరించిన తరువాత అప్పటికే చంద్రబాబు ప్రభుత్వంలో సీఎస్‌గా వ్యవహరించిన మోహన్‌ కందానే సీఎస్‌గా కొనసా­గించారు. ఆయన రిటైరయ్యే వరకు ఆ పోస్టులోనే ఉన్నారు. 2019లో రాష్ట్రంలో వైఎస్సార్‌సీపీ ప్రభు­త్వం అధికారంలోకి వచ్చిన తరువాత కూడా అంతకు ముందు టీడీపీ ప్రభుత్వంలో కీలక స్థానాల్లో ఉన్న ఐఏఎస్, ఐపీఎస్‌ అధికారులకు కీలక పోస్టింగులు ఇచ్చింది. చంద్రబాబు హయాంలో సీఎం కార్యాలయంలో విధులు నిర్వర్తించిన సీనియర్‌ ఐఏఎస్‌ అధికారులు సాయి ప్రసాద్‌ను కీలకమైన సీసీఎల్‌ఏ కార్యదర్శిగా, సతీష్‌చంద్రను ఉన్నత విద్యా శాఖ ముఖ్య కార్యదర్శిగా నియమించింది. టీడీపీ ప్రభుత్వంలో డీజీపీగా చేసిన ఆర్పీ ఠాకూర్‌ను ఆర్టీసీ ఎండీగా నియమించి, ఆయన రిటైరైన తరువాత కమిషనర్‌ ఆఫ్‌ ఎంక్వైరీస్‌ సభ్యుడిగానూ నియమించింది. టీడీపీ రాజ్యసభ సభ్యుడి సమీప బంధువైన ఐపీఎస్‌ అధికారి కోయ ప్రవీణ్‌ను గ్రేహౌండ్స్‌ ఎస్పీగా పోస్టింగ్‌ ఇచ్చింది. అంతేగానీ ఎవరికీ పోస్టింగు ఇవ్వకుండా వెయిటింగ్‌లో ఉంచలేదు. చంద్రబాబు ఆ సత్సంప్రదాయాలను తుంగలో తొక్కింది.మూర్ఖమైన నిర్ణయంఆంధ్రప్రదేశ్‌ ప్రభుత్వం పోలీసు అధికారులను వేధిస్తోంది. ఇటువంటి దుర్మార్గమైన, హేయమైన నిర్ణయం ఉమ్మడి ఆంధ్రప్రదేశ్‌లోగానీ దేశ చరిత్రలోగానీ ఎవరూ తీసుకోలేదు. ఏపీ, తెలంగాణలో పరిస్థితులు దారుణంగా దిగజారిపోయాయి. గొంతు విప్పలేనివారు, బలహీనవర్గాలకు తీవ్ర అన్యాయం జరుగుతోంది. ఏపీ ప్రభుత్వం గత నెల ఇద్దరు డీజీపీ స్థాయి అధికారులపై క్రిమినల్‌ కేసులు నమోదు చేసింది. ఏకంగా 16 మందికి పైగా ఐపీఎస్‌ అధికారులకు రెండు నెలలుగా పోస్టింగులు ఇవ్వకుండా అవమానిస్తోంది. వారి గాయాలపై కారం చల్లేలా ఏపీ డీజీపీ తాజాగా మెమో జారీ చేశారు. రోజూ ఉదయం 10 నుంచి సాయంత్రం 5 గంటల వరకు డీజీపీ ఆఫీసులోనే ఉండాలని ఆదేశించడం కేవలం కక్ష సాధింపు చర్యే. అధికారంలో ఉన్న రాజకీయ నేతలను సంతృప్తి పరిచేందుకే ఈ మెమో జారీ చేశారు. ఇది అత్యున్నత స్థాయిలో తీసుకున్న మూర్ఖపు నిర్ణయం. వెయింటింగ్‌ హాల్లో కూర్చొని ఆ అధికారులు ఏం చేయాలి? గాసిప్పులు మాట్లాడుకోవాలా? ధ్యానం చేయాలా? సీనియర్‌ అధికారులను వెయిటింగ్‌ హాల్లో కూర్చోబెట్టడం ప్రజాధనాన్ని దుర్వినియోగం చేయడమే అవుతుంది. బదిలీ చేసిన వారికి ఎక్కడో ఒక చోట పోస్టింగు ఇచ్చి వారి సేవలను సద్వినియోగం చేసుకోవాలి. – ప్రవీణ్‌ కుమార్, రిటైర్డ్‌ ఐపీఎస్‌ అధికారిఏపీ ప్రభుత్వ చర్య అసంబద్ధం ఆంధ్రప్రదేశ్‌లో పలువురు ఐఏఎస్, ఐపీఎస్‌లకు రెండు నెలలుగా పోస్టింగులు ఇవ్వకుండా వేధిస్తుండడం అసంబద్ధమైన చర్య. ఏపీ ప్రభుత్వ చర్యలు నిబంధనలకు విరుద్ధం కూడా. డీజీపీ కార్యాలయంలో వెయిటింగ్‌ హాల్లో ఉండాలని 16 మంది ఐపీఎస్‌ అధికారులను ఆదేశించడం ఏమిటి? దేశంలో ఏ ప్రభుత్వం కూడా ఇలాంటి అసంబద్ధమైన ఆదేశాలు జారీ చేయలేదు. ఎంతో ప్రజాధనాన్ని వెచ్చించి ఆ అధికారులకు భారత ప్రభుత్వం శిక్షణ ఇచ్చింది. వారిని పక్కన కూర్చోబెడితే రాష్ట్రానికి, దేశానికే నష్టం. వారి సేవలను ఏదో రూపంలో సద్వినియోగం చేసుకోవాలి. బదిలీ చేసిన వారికి ఏపీ ప్రభుత్వం తక్షణం పోస్టింగులు ఇవ్వాలి. – స్వరణ్‌జిత్‌ సేన్, ఉమ్మడి ఏపీ రిటైర్డ్‌ డీజీపీ

సాక్షి, అమరావతి: రాష్ట్ర ప్రభుత్వం భారీ సంఖ్యలో ఐపీఎస్‌ అధికారులను బదిలీ చేసింది. ఏకంగా 37 మందిని బదిలీ చేస్తూ ప్రభుత్వ ప్రధాన కార్యదర్శి నీరబ్‌ కుమార్‌ ప్రసాద్‌ శనివారం ఉత్తర్వులు జారీ చేశారు. తెలంగాణ నుంచి డెప్యుటేషన్‌పై రాష్ట్రానికి వచ్చిన ఎల్‌. సుబ్బారాయుడును తిరుపతి ఎస్పీగా నియమించారు.ఎర్రచందనం స్మగ్లింగ్‌ నిరోధక టాస్క్‌ఫోర్స్‌ ఎస్పీగా కూడా ఆయనకు పూర్తి అదనపు బాధ్యతలు అప్పగించారు. గతంలో చంద్రబాబు ముఖ్య­మంత్రిగా ఉన్న సమయంలో ఆయన వద్ద సుబ్బారాయుడు ఓఎస్డీగా పనిచేశారు. రాష్ట్ర ప్రభుత్వం ప్రత్యేకంగా విజ్ఞప్తి చేయడంతో కేంద్రం ఆయన్ని డెప్యుటేషన్‌పై రాష్ట్రానికి పంపింది. బదిలీ చేసిన వారిలో 28 మందికి ప్రభుత్వం పోస్టింగులు ఇచ్చింది. మిగిలిన 9 మందిని డీజీపీ కార్యాలయంలో రిపోర్ట్‌ చేయాలని ఆదేశించింది.

సాక్షి,హైదరాబాద్‌: తెలంగాణలో ఎనిమిది మంది ఐపీఎస్ అధికారులను ప్రభుత్వం సోమవారం(జులై1) బదిలీ చేసింది. హైదరాబాద్‌ సౌత్‌ ఈస్ట్‌జోన్‌ డీసీపీగా సుభాష్‌, కొత్తగూడెం ఓఎస్‌డీగా పరితోష్‌ పంకజ్‌, ములుగు ఓఎస్‌డీగా మహేష్‌ బాబాసాహెబ్‌గవర్నర్‌ ఓఎస్‌డీగా సిరిశెట్టి సంకీర్త్‌, భద్రాచలం ఏఎస్పీగా అంకిత్‌ కుమార్‌, భైంసా ఏఎస్పీగా అవినాష్‌ కుమార్‌, వేములవాడ ఏఎస్పీగా శేషాద్రిని రెడ్డి, ఏటూరునాగారం ఏఎస్పీగా శివమ్‌ ఉపాధ్యాయలను ప్రభుత్వం నియమించింది.

సాక్షి, విజయవాడ: రాష్ట్రంలో పలువురు ఐపీఎస్‌లను బదిలీ చేస్తూ ప్రభుత్వం ఉత్తర్వులు జారీ చేసింది. ప్రింటింగ్‌ అండ్‌ స్టేషనరీ కమిషనర్‌గా రాజేంద్రనాథ్‌రెడ్డి బదిలీ అయ్యారు. జీఏడీకి రిపోర్ట్‌ చేయాల్సిందిగా సునీల్‌కుమార్‌కు ఆదేశాలిచ్చింది. రిషాంత్‌రెడ్డిని పోలీస్‌ హెడ్‌ క్వార్టర్స్‌కు అటాచ్‌ చేస్తూ సర్కార్‌ ఉత్తర్వులు ఇచ్చింది.ఏసీబీ డీజీగా అతుల్‌సింగ్‌కు, ఫైర్‌ సేప్టీ డీజీగా శంకబ్రత బాగ్బీకి అదనపు బాధ్యతలు అప్పగించింది.

ఎన్టీరామారావుకు వెన్నుపోటు పొడిచి అడ్డదారిలో అధికారంలోకి వచ్చిన చంద్రబాబుకు రాజ్యాంగం అంటే ఏనాడూ లెక్కలేదు. రాజ్యాంగబద్ధ సంస్థలంటే ఏమాత్రం గౌరవం లేదన్నది జగద్విదితం. ప్రజా విశ్వాసం ఏనాడూ చూరగొనలేని ఆయన ఉపయోగించే ఏకైక కుతంత్రందుష్ప్రచారం. అందుకు సాధనం ఈనాడు, ఇతర ఎల్లో మీడియా. రాజకీయ ప్రయోజనాల కోసం తాను పాల్పడే కుట్రలకు అడ్డువస్తే కేంద్ర ఎన్నికల కమిషన్‌(ఈసీ) వంటి రాజ్యాంగబద్ధ సంస్థపైనా దుష్ప్రచారం చేసేందుకు వెనుకాడనని 2019 ఎన్నికల ముందే ఆయన చేతల్లో చూపారు. ఏకంగా ఈసీ ఆదేశాలను బేఖాతరు చేస్తూ ఉత్తర్వులు జారీ చేసేంత బరితెగింపు చంద్రబాబుకే సాధ్యం. కానీ హైకోర్టు తీర్పుతో టీడీపీ కుట్రబెడిసికొట్టడం... ఆ ఎన్నికల్లో చంద్రబాబు ప్రభుత్వం ఘోరపరాజయం చెందడం చకచకా జరిగిపోయాయి. అయినా సరే 2024 ఎన్నికల ముందు కూడా చంద్రబాబు అదే రీతిలో దుష్ప్రచార కుట్రను తెరపైకి తెచ్చారు. ఈసారి కూడా ఏకంగా ఈసీతోపాటు యావత్‌ పోలీసు వ్యవస్థకు వ్యతిరేకంగా విష ప్రచారానికి తెగించారు. ఈసీ నిర్ణయాలను అధికార వైఎస్సార్‌సీపీ హుందాగా స్వీకరిస్తూ గౌరవిస్తుంటే.... ప్రతిపక్ష టీడీపీ, బీజేపీ, జనసేన కూటమి, వాటికి కొమ్ముకాస్తున్న ఎల్లో మీడియా మాత్రం రోజుకో రీతిలో విష ప్రచారంతో రాజ్యాంగ వ్యవస్థలు, ప్రభుత్వ యంత్రాంగాన్ని బ్లాక్‌మెయిల్‌ చేసేందుకు కుతంత్రం పన్నుతున్నాయి. ఈ కుట్ర రాజకీయాలపై రాష్ట్ర ఐపీఎస్‌ అధికారుల సంఘం  ఈసీకి ఫిర్యాదు చేయడం తాజా పరిణామం.      – సాక్షి, అమరావతి 2019 ఎన్నికల ముందు..  ఈసీ నిర్ణయాన్ని బేఖాతరు చేస్తూ సీఎస్‌ ద్వారా ఉత్తర్వులు  2019 ఎన్నికల్లో టీడీపీ ఘోర పరాజయం తప్ప­దని స్పష్టం కావడంతో సీఎం హోదాలో చంద్రబాబు  అధికార దురి్వనియోగానికి పాల్పడ్డారు. అప్పటి నిఘా విభాగాధిపతిగా ఉన్న తన సన్నిహితుడు ఏబీవెంకటేశ్వరరావు ద్వారా కుట్రలకు తెరతీశారు. దీన్ని గుర్తించిన ఈసీ వెంటనే ఏబీ వెంకటేశ్వరరావుతోపాటు అప్పటి శ్రీకాకుళం, వైఎస్సార్‌ జిల్లా ఎస్పీలు అడ్డాల వెంకటరత్నం, రాహుల్‌ దేవ్‌ శర్మలను 2019, మార్చి 26న బదిలీ చేసింది. వారిని డీజీపీ కార్యాలయానికి అటాచ్‌ చేస్తూ ఉత్తర్వులివ్వడంతో పాటు వారికి ఎలాంటి ఎన్నికల విధులు కేటాయించవద్దని స్పష్టం చేసింది. తన కుట్ర బెడిసికొట్టడంతో ఏకంగా ఈసీనే తూలనాడుతూ చంద్రబాబు చిందులు తొక్కారు. ఈసీ ఆదేశాలను అమలు చేసేది లేదని తేలి్చచెప్పారు. ఈసీ రాజకీయ దురుద్దేశంతో నిర్ణయం తీసుకుందని టీడీపీ తీవ్ర ఆరోపణలు చేసింది కూడా. ఇక చంద్రబాబు ఒత్తిడితో అప్పటి ప్రభుత్వ ప్రధాన కార్యదర్శిగా ఉన్న అనిల్‌ చంద్ర పునేఠా నిఘా విభాగాధిపతిగా ఏబీ వెంకటేశ్వరరావును కొనసాగిస్తున్న­ట్టు 2019, మార్చి 27న ఉత్తర్వులివ్వడం దేశంలోనే సంచలనం సృష్టించింది. అసలు నిఘా విభాగాధిపతికి ఎన్నికల విధులతో సంబంధంలేదని కూడా ఆ ఉత్తర్వుల్లో పేర్కొనడం గమనార్హం. మరోవైపు శ్రీకాకుళం, వైఎస్సార్‌ జిల్లా ఎస్పీలు తమను బదిలీ చేస్తూ జారీ చేసిన ఉత్తర్వులపై అభ్యంతరాలు తెలుపుతూ ఏకంగా ఈసీకే లేఖ రాయడం కూడా సంచలనమే. అంటే ఎన్నికల నిర్వహణకు రాజ్యాంగబద్ధ అధికారాలు కలిగిన ఈసీనే చంద్రబాబు ప్రశ్నించారు. ఈసీ నిర్ణయాన్ని సవాల్‌ చేస్తూ టీడీపీ ప్రభుత్వం హైకోర్టులో పిటిషన్‌ దాఖలు చేసింది. కానీ చంద్రబాబు కుట్ర బెడిసికొట్టింది. ఏబీ వెంకటేశ్వరరావును బదిలీ చేస్తూ ఈసీ జారీ చేసిన ఉత్వర్వులను  కొట్టివేయలేమని హైకోర్టు 2019, మార్చి 28న తీర్పునిచ్చింది. తమ ఆదేశాలకు విరుద్ధంగా నిఘా విభాగాధిపతిగా ఏబీ వెంకటేశ్వరావును నియమిస్తూ ఉత్తర్వులిచ్చిన అప్పటి ప్రభుత్వ ప్రధాన కార్యదర్శి అనిల్‌ చంద్ర పునేఠాను సీఎస్‌ పోస్టు నుంచి ఈసీ తొలగించింది. దాంతో అధికార యంత్రాంగాన్ని దురి్వనియోగం చేస్తూ ఎన్నికల్లో అక్రమాలకు పాల్పడాలన్న చంద్రబాబు పన్నాగం పూర్తిగా బెడిసికొట్టింది.   2024 ఎన్నికల వేళ.. ► మళ్లీ అదే కుట్రకు తెరతీసిన చంద్రబాబు   ► పోలీసు వ్యవస్థ మనోస్థైర్యాన్ని దెబ్బతీసే కుతంత్రం  ► ఈసీ నిర్ణయాన్ని ప్రశ్నిస్తూ దుష్ప్రచారం  ఎన్నికల అక్రమాలకు పాల్పడేందుకు 2019లో వేసిన పన్నాగం బెడికొట్టినా చంద్రబాబు తీరు మారలేదు. త్వరలో నిర్వహించనున్న ఎన్నికల్లో అక్రమాలకు పాల్పడేందుకు తన దత్తపుత్రుడు పవన్‌ కల్యాణ్, బీజేపీ రాష్ట్ర శాఖ అధ్యక్షురాలిగా ఉన్న తన వదిన దగ్గుబాటి పురందేశ్వరితో కలసి కుట్రకు తెరతీశారు. రాష్ట్రంలోని ఐపీఎస్‌ అధికారులకు వ్యతిరేకంగా నిరాధార ఆరోపణలు మొదలు పెట్టారు. వాటిని తనకు వత్తాసు పలికే ఈనాడు, ఇతర పచ్చ మీడియా ద్వారా విస్తృతంగా ప్రచారంలోకి తీసుకువచ్చి అటు ఈసీని ఇటు ప్రజల్ని తప్పుదారి పట్టించేందుకు యత్నిస్తున్నారు. ప్రధానమంత్రి నరేంద్ర మోదీ పాల్గొన్న చిలకలూరిపేట బహిరంగ సభను విజయవంతం చేయడంలో విఫలమైన టీడీపీ ఆ నెపాన్ని పోలీసు అధికారులపై నెట్టివేసేందుకు యత్నించింది. ఐపీఎస్‌ అధికారులకు వ్యతిరేకంగా అటు పురందేశ్వరితోనూ ఇటు టీడీపీ నేతల ద్వారా ఈసీకి ఫిర్యాదుల మీద ఫిర్యాదులు చేయించింది. ఈ నేపథ్యంలో ఈసీ రాష్ట్రంలోని ఒక ఐజీ, అయిదుగురు ఎస్పీలు, ఇద్దరు కలెక్టర్లను బదిలీ చేస్తూ ఉత్తర్వులు జారీ చేసింది. ఆ స్థానంలో కొత్తవారిని నియమించింది. 2019లో చంద్రబాబు వ్యతిరేకించినట్టు ప్రస్తుతం ఈసీ నిర్ణయాన్ని వైఎస్సార్‌సీపీ ప్రభుత్వం ఏమీ వ్యతిరేకించలేదు. ఈసీ నిర్ణయాన్ని హుందాగా స్వీకరించి గౌరవించింది. కానీ చంద్రబాబు మాత్రం తన కుట్రలకు తెరదించ లేదు. అటు ఈసీని ఇటు పోలీసు వ్వవస్థను లక్ష్యంగా చేసుకుని మళ్లీ దుష్ప్రచారానికి తెర తీశారు. ఈసీ నియమించిన పోలీ­సు అధికారులకు వ్యతిరేకంగా టీడీపీ కరపత్రంగా ఉన్న ఈనాడు పత్రికలో ‘ వీళ్లా కొత్త ఎస్పీలు’అంటూ ఓ దురుద్దేశపూరిత కథనాన్ని బ్యానర్‌గా ప్రచురించేట్టు చేశారు. ఈసీ,  ప్రభుత్వ ప్రధాన కార్యదర్శి కేఎస్‌ జవహర్‌ రెడ్డి, కొత్తగా నియమితులైన ఎస్పీలకు వ్యతిరేకంగా నిరాధార ఆరోపణలతో దుష్ప్రచారానికి పాల్పడ్డారు. ఈనాడు పత్రిక తీరును ఖండిస్తూ ప్రభుత్వ ప్రధాన కార్యదర్శి, ఐపీఎస్‌ అధికారుల సంఘం ప్రకటన జారీ చేస్తే... దానికి కూడా వక్రభాష్యం చెబుతూ ఈనాడు, ఇతర ఎల్లో మీడియా మరోసారి దుష్ప్రచారంతో చెలరేగిపోయాయి. చంద్రబాబు స్క్రిప్ట్‌ ప్రకారమే ఎల్లో మీడియా రాజ్యాంగబద్ధ సంస్థ ఈసీకి, పోలీసు వ్యవస్థకు వ్యతిరేకంగా విషం చిమ్ముతోందన్నది స్పష్టమైంది. దీనిపై సర్వత్రా విమర్శలు వెల్లువెత్తాయి. టీడీపీ, బీజేపీ, జనసేన పారీ్టలు, వాటికి కొమ్ముకాస్తున్న ఎల్లో పత్రికలు, టీవీ చానళ్లకు వ్యతిరేకంగా ఐపీఎస్‌ అధికారుల సంఘం ఈసీకి ఫిర్యాదు చేసింది. 

సాక్షి, విజయవాడ: ఈనాడు తప్పుడు రాతలపై సీఎస్‌ జవహర్‌రెడ్డి ఆగ్రహం వ్యక్తం చేశారు. ‘వీళ్లా ఎస్పీలు’ అంటూ కొత్త ఎస్పీల బదిలీలపై ఈనాడు రాసిన అబద్ధపు రాతలపై సీఎస్‌ ఖండన లేఖను విడుదల చేశారు. తన ఖండన ఈనాడు మొదటి పేజీలో ప్రచురించాలని, లేదంటే లీగల్ యాక్షన్ తీసుకుంటానని సీఎస్‌ స్పష్టం చేశారు. ఎన్నికల సంఘం చేసిన బదిలీలను ఎలా తప్పు పడతారంటూ సీఎస్‌ ప్రశ్నించారు. ఐపీఎస్ అధికారులు ఏసీఆర్‌లు, సీనియారిటీ, అనుభవం పరిశీలించాకే నియమించాం. రాష్ట్ర ప్రభుత్వం పంపిన ప్యానెల్ జాబితాను ఈసీఐ పరిశీలించి ఉత్తర్వులు ఇచ్చిందని సీఎస్‌ పేర్కొన్నారు. ఈసీఐ స్వతంత్ర ప్రతిపత్తి కలిగిన సంస్థ. రాష్ట్ర ప్రభుత్వం పంపిన అధికారుల ప్యానెల్‌పై అభ్యంతరాలుంటే ఈసీఐ కొత్త ప్యానెల్ కోరుతోంది. అధికారుల బదిలీలు, నియమకాలపై సర్వాధికారాలు ఈసీఐకి ఉంటాయి. అధికారుల ప్రతిష్ట దెబ్బతీసేలా వార్తలు రాయడం అనైతికం. ప్రతి అధికారి ఇప్పుడు ఎలక్షన్ కమిషన్ పరిధిలో పనిచేస్తున్నారు. అలాంటి వారిపై ఇలా తప్పుడు, నిరాధార వార్తలు రాయడం సమంజసం కాదు. తక్షణమే ఈనాడు మొదటి పేజీలో నా ఖండన ప్రచురించాలి. లేదంటే లీగల్ చర్యలు తీసుకుంటా’’ అని సీఎస్‌ జవహర్‌రెడ్డి లేఖలో పేర్కొన్నారు. పురందేశ్వరి, ఈనాడు, ఆంధ్రజ్యోతిపై ఐపీఎస్‌ల సంఘం ఆగ్రహం పురందేశ్వరి, ఈనాడు, ఆంధ్రజ్యోతిపై ఐపీఎస్‌ల సంఘం మండిపడింది. ఈ ముగ్గురిపై క్రిమినల్‌ చర్యలకు దిగాలని నిర్ణయించింది. తమపై నిరాధార ఆరోపణలు చేస్తే సహించమని ఐపీఎస్‌ల సంఘం తేల్చి చెప్పింది. తమపై తప్పుడు ఆరోపణలు చేస్తూ ఈసీకి పురేందశ్వరి  ఫిర్యాదు చేయడాన్ని  ఐపీఎస్ అధికారుల సంఘం తీవ్రంగా ఖండించింది. తమపై తప్పుడు ఆరోపణలు చేసిన వారిపై కేంద్ర ఎన్నికల సంఘానికి ఫిర్యాదు చేసినట్టు ఐపీఎస్‌ అధికారుల సంఘం వెల్లడించింది. ఇదీ చదవండి: ఇదెక్కడి దిక్కుమాలిన ఐడియా చంద్రబాబూ..

సాక్షి, అమరావతి: రాష్ట్రంలో ఐపీఎస్‌ అధికారుల బదిలీలపై ఎల్లో మీడియా దుష్ప్రచారం చేస్తోందని ఐపీఎస్‌ అధికారుల సంఘం మండిపడింది. కేంద్ర ఎన్నికల సంఘం మార్గదర్శకాలకు అనుగుణంగానే బదిలీలు జరిగినట్లు  సోమవారం ఓ ప్రకటనలో స్పష్టంచేసింది. శాంతిభద్రతల పరిరక్షణలో అహర్ని­శలు శ్రమించే పోలీసుల నిస్వార్థ సేవలను, ప్రతి­ష్టను దెబ్బతీసేలా ఎల్లో మీడియా రాసిన కథనా­లను తీవ్రంగా ఖండించింది.  పోలీసులు తమ విధి నిర్వహణలో భాగంగా తీసుకునే చర్యల­పై ఎవరికైనా అభ్యంతరాలుంటే సంబంధిత అధికారులను సంప్రదించి వాస్తవాలు తెలుసుకో­వచ్చని సూచించింది. పోలీసు అధికారులపై నిరాధార ఆరోపణలు చేయడం సరైన చర్యకాదని హితవు పలికింది. పదేపదే బాధ్యతారాహిత్య కథనాలు ప్రచురిస్తే సివి­ల్, క్రిమినల్‌ చర్యలు తీసుకుంటామని హెచ్చ­రించింది. రాష్ట్ర ప్రభుత్వానికి పరిపాలన అవస­రా­లకు తగ్గట్లుగా ఐపీఎస్‌ అధికారుల బదిలీ, పోస్టింగు­లు చేసుకునే అధికారం ఉంటుందని స్పష్టంచేసింది.

సాక్షి, హైదరాబాద్‌: రాష్ట్రంలో నలుగురు ఐఏఎస్, 12 మంది ఐపీఎస్‌ అధికారులను బదిలీ చేస్తూ రాష్ట్ర ప్రభుత్వ ప్రధానకార్యదర్శి శాంతికుమారి సోమవారం ఉత్తర్వులు జారీ చేశారు. ► నిజామాబాద్‌ అదనపు కలెక్టర్‌ చిత్రమిశ్రాను ఐటీడీఏ ఏటునాగారం ప్రాజెక్టు అధికారిగా బదిలీ చేశారు. ఐటీడీఏ ఏటునాగారం ప్రాజెక్టు అధికారి అంకిత్‌ను నిజామాబాద్‌ జిల్లా అదనపు కలెక్టర్‌గా బదిలీ చేశారు. ► ఆదిలాబాద్‌ జిల్లా అదనపు కలెక్టర్‌ ఖుష్బూ గుప్తాను ఉట్నూరు ప్రాజెక్టు అధికారిగా బదిలీ చేశారు. ఉట్నూరు ఐటీడీఏ ప్రాజెక్టు అధికారి చేతన్‌ బాజ్‌పాయ్‌ను తదుపరి పోస్టింగ్‌కు సాధారణ పరిపాలన శాఖను రిపోర్ట్‌ చేయాలని ఆదేశించారు. రాచకొండ సీపీగా తరుణ్‌జోషీ  రాచకొండ పోలీస్‌ కమిషనరేట్‌ సీపీగా మల్టీజోన్‌–2 ఐజీగా ఉన్న డా.తరుణ్‌జోషి నియమితులయ్యారు.రాచకొండ సీపీగా బాధ్యతలు నిర్వర్తిస్తున్న సుదీర్‌బాబును మల్టీజోన్‌ –2 ఐజీగా నియమించారు. మల్టీజోన్‌–1 ఐజీగా పూర్తిస్థాయి అదనపు బాధ్యతలు కూడా అప్పగించారు.  

హైదరాబాద్‌: రాష్ట్రంలో 12 మంది ఐపీఎస్‌లు బదిలీ జరిగింది. ఈ మేరకు సోమవారం తెలంగాణ ప్రభుత్వం ఉత్తర్వులు జారీ చేసింది. రాచకొండ పోలీస్‌ కమిషనర్‌ సుధీర్‌బాబు బదిలీ కాగా, సుధీర్‌బాబును హైదరాబాద్‌ మల్టీజోన్‌ ఐజీగా నియమించారు. ఇక రాచకొండ సీపీగా తరుణ్‌జోషిని నియమించారు. రామగుండం సీపీగా ఎం శ్రీనివాసులు, సైబరాబాద్‌ ట్రాఫిక్‌ జాయింట్‌ సీపీగా జోయల్‌ డేవిస్‌, సీఐడీ డీఐజీగా నారాయణ నాయక్‌, టీఎస్‌ఆర్‌టీసీ విజిలెన్స్‌ ఎస్పీగా అపూర్వరావు, హైదరాబాద్‌ ఈస్ట్‌జోన్‌ డీసీపీగా గిరిధర్‌, హైదరాబాద్‌ సౌత్‌వెస్ట్‌ డీసీపీగా ఉదయ్‌కుమార్‌రెడ్డి, జోగులాంబ డీఐజీగా ఎల్‌ఎస్‌ చౌహాన్‌, హైదరాబాద్‌ టాస్క్‌ఫోర్స్‌ డీసీపీగా సాధన రష్మి, పోలీస్‌ అకాడమీ డిప్యూటీ డైరెక్టర్‌గా మురళీధర్‌లు బాధ్యతలు చేపట్టనున్నారు.

సాక్షి, హైదరాబాద్‌: ఆర్థికంగా, సామాజికంగా ధ్వంసమైన తెలంగాణను పునర్‌నిర్మించాల్సిన అవసరం ఉందని, ఇందులో పోలీసులు కీలకపాత్ర పోషించాలని ముఖ్యమంత్రి ఎ.రేవంత్‌రెడ్డి పిలుపునిచ్చారు. గురువారం హైదరాబాద్‌లో జరిగిన ఐపీఎస్‌ అధికారుల గెట్‌ టు గెదర్‌ కార్యక్రమానికి సీఎం ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ.. పోలీసులపై ప్రభుత్వ పెత్తనం ఉండబోదన్నారు. పోలీసులను సబార్డినేట్లుగా చూసే పద్ధతి తమ ప్రభుత్వంలో ఉండదన్నారు. ప్రజలకు సేవ చేసేందుకు వచ్చిన ఓ అవకాశంగా మాత్రమే ఈ అధికారాన్ని తాము భావిస్తున్నామని, ప్రజలకు సేవ చేయడంలో అందరినీ కలుపుకొనిపోతామని చెప్పారు. రాష్ట్ర అభివృద్ద్ధి, పునర్‌నిర్మాణంలో పోలీసులు ఇచ్చే సలహాలు, సూచనలను వినమ్రంగా స్వీకరిస్తామని తెలిపారు.  పోలీసుల పాత్ర క్రియాశీలకం కావాలి..   గత పదేళ్ల కాలంలో రాష్ట్రం ఆర్థికంగా, సామాజికంగా దెబ్బతిన్నదని, ఈ పరిస్థితి నుంచి తెలంగాణను బయటపడేయాల్సిన సమయం వచ్చిందని సీఎం అన్నారు. ఈ పనిలో పోలీసు ఆఫీసర్లు క్రియాశీలక పాత్ర పోషించాలని కోరారు. రాష్ట్రంలో డ్రగ్స్‌ క్రయ, విక్రయాలపై ఉక్కుపాదం మోపాలని, హైదరాబాద్‌ను డ్రగ్స్‌ ఫ్రీ సిటీగా చేయాలని సూచించారు. అలాగే సైబర్‌ నేరాలు అతిపెద్ద ముప్పుగా పరిణమించాయని, వాటిని అరికట్టేందుకు కట్టుదిట్టమైన చర్యలు తీసుకోవాలని పోలీసు ఆఫీసర్లను సీఎం కోరారు. ఇందుకోసం అభివృద్ధి చెందిన దేశాల్లో అనుసరిస్తున్న పద్ధతులపై అధ్యయనం చేయాలని సూచించారు. శాంతిభద్రతల పరిరక్షణ కోసం పోలీసులు నిరంతరం కష్టపడుతున్నారని సీఎం అభినందించారు. పోలీసుల సమస్యలు తెలుసుకోవడానికి, వాటిని పరిష్కరించడానికి ప్రభుత్వం ఎల్లప్పుడూ సిద్ధంగా ఉంటుందన్నారు. ఈ కార్యక్రమంలో డీజీపీ రవిగుప్తా, అడిషనల్‌ డీజీ శివధర్‌రెడ్డి, సీఐడీ అడిషనల్‌ డీజీ షికా గోయల్, హైదరాబాద్‌ సీపీ కొత్తకోట శ్రీనివాస్‌రెడ్డి, ఇతర పోలీసు అధికారులు పాల్గొన్నారు.

సాక్షి, అమరావతి: రాష్ట్రంలో 30 మంది ఐపీఎస్‌ అధికారులను రాష్ట్ర ప్రభుత్వం బదిలీ చేసింది. అదనపు డీజీ (విజిలెన్స్‌–ఎన్‌ఫోర్స్‌మెంట్‌)గా ఉన్న కుమార్‌ విశ్వజిత్‌ను అదనపు డీజీ (రైల్వేస్‌)గా నియమించింది. ప్రస్తుతం ఇంటెలిజెన్స్‌ సెల్‌ (సీఐ) విభాగంలో ఐజీగా ఉన్న డాక్టర్‌ కొల్లి రఘురామిరెడ్డిని విజిలెన్స్‌–ఎన్‌ఫోర్స్‌మెంట్‌ ఐజీగా బదిలీ చేసింది. డ్రగ్‌ కంట్రోలర్‌ డీజీగా కూడా ఆయనకు అదనపు బాధ్యతలు అప్పగించింది. వీరితో పాటు మరో 28 మంది ఐపీఎస్‌లను బదిలీ చేస్తూ రాష్ట్ర ప్రభుత్వ ప్రధాన కార్యదర్శి కె.ఎస్‌ జవహర్‌రెడ్డి సోమవారం ఉత్తర్వులు జారీ చేశారు.  

ఢిల్లీ, సాక్షి: తెలుగు రాష్ట్రాలకు కొత్త ఐపీఎస్‌ అధికారుల్ని కేటాయిస్తూ కేంద్ర హోం మంత్రిత్వ శాఖ తాజాగా ఉత్తర్వులు జారీ చేసింది. ఆంధ్రప్రదేశ్‌కు ముగ్గురు.. తెలంగాణకు ఆరుగురిని కేటాయించింది. ఈ అధికారులంతా 2022 బ్యాచ్‌కు చెందిన వాళ్లు.  తెలంగాణకు అయేషా ఫాతిమా, మంధారే సోహం సునీల్‌, సాయి కిరణ్‌, మనన్‌ భట్‌, రాహుల్‌ కాంత్‌, రుత్విక్‌ సాయిని కేటాయించారు. ఇటీవల ఢిల్లీ పర్యటనలో కేంద్ర హోం మంత్రి అమిత్‌ షాను కలిసిన సీఎం రేవంత్‌ రెడ్డి అదనంగా ఐపీఎస్‌ అధికారులను కేటాయించాలని విజ్ఞప్తి చేసిన సంగతి తెలిసిందే. ఆంధ్రప్రదేశ్‌కు కేటాయించిన అధికారుల పేర్లపై స్పష్టత రావాల్సి ఉంది. 

సాక్షి, హైదరాబాద్‌:  తెలంగాణలో భారీగా ఐపీఎస్‌లు బదిలీ అయ్యారు. 23 మంది ఐపీఎస్‌ అధికారులను బదిలీ చేస్తూ సీఎస్‌ శాంతి కుమారి బుధవారం ఉత్తర్వులు జారీ చేశారు. అయితే ఇంతకముందే 26 మంది ఐఏఎస్‌ల బదీలీ చేసిన విషయం తెలిసిందే. కేవలం గంటల వ్యవధిలోనే ఐపీఎస్‌లకు కూడా స్థాన చలనం కల్పించడం గమనార్హం. బదిలీ అయిన ఐపీఎస్‌లు వీరే.. ►టెక్నికల్‌ సర్వీసెస్‌ అదనపు డీజీగా వీవీ శ్రీనివాసరావు నియామకం ►ఉమెన్‌ సేఫ్టీ వింగ్‌ డీఐజీగా రెమా రాజేశ్వరి ►మల్టీజోన్‌-7 డీసీపీగా జోయల్‌ డెవిస్‌ ►సీఐడీ ఎస్పీగా రాజేంద్రప్రసాద్‌ ►హైదరాబాద్‌ ట్రాఫిక్‌-3 డీసీపీగా వెంకటేశ్వర్లు ►సౌత్‌ ఈస్ట్‌​ జోన్‌ డీసీపీగా జానకీ దరావత్‌ ►ఎల్బీనగర్‌ డీసీపీగా ప్రవీణ్‌కుమార్‌ ►మేడ్చల్‌ డీసీపీగా నితికాపంత్‌ ►మాదాపూర్‌ సీడీపీగా వినిత్‌ ►కో-ఆర్డినేషన్‌ డీఐజీగా డా. గజారావ్‌ భూపాల్‌ ►రాజేంద్రనగర్‌ డీసీపీగా శ్రీనివాస్‌ ►రామగుండం సీపీగా ఎల్‌ఎస్‌ చౌహాన్‌ ►మల్కాజ్‌గిరి డీసీపీగా పద్మజ ►నిర్మల్‌ ఎస్పీగా జానకీ షర్మీల ►ఖమ్మం సీపీగా సునీల్‌ దత్‌ ►సీఐడీ ఎస్పీగా రాజేంద్ర ప్రసాద్‌ ►ట్రాన్స్‌కో ఎస్పీగా ఉదయ్‌ కుమార్‌ రెడ్డి ►ఆదిలాబాద్‌ ఎస్పీగా గౌష ఆలం ►ములుగు ఎస్పీగా శబరీష్‌ ►సిద్దిపేట ఎస్పీగా బీ అనురాధ ► కొత్తగూడెం ఎస్పీగా రోహిత్‌రాజు ►మెదక్‌ ఎస్పీగా బాలస్వామి ►జయశంకర్‌ భూపాలపల్లి ఓఎస్డీగా అశోక్‌ కుమార్‌

సాక్షి, హైదరాబాద్‌: రాష్ట్రంలో భారీ సంఖ్యలో సీనియర్‌ ఐపీఎస్‌ అధికారులను బదిలీ చేస్తూ ప్రభుత్వం ఉత్తర్వులు జారీ చేసింది. రవిగుప్తాను పూర్తిస్థాయి డీజీపీగా నియమించింది. ఆయనకు హెడ్‌ ఆఫ్‌ పోలీస్‌ ఫోర్స్‌ (హెచ్‌ఓపీఎఫ్‌)గా బాధ్యతలు అప్పగించింది. వెయిటింగ్‌లో ఉన్న కొందరికి పోస్టింగులు ఇచ్చింది. డీజీపీగా పనిచేస్తూ ఎన్నికల సంఘం సస్పెన్షన్‌కు గురై వెయిటింగ్‌లో ఉన్న అంజనీకుమార్‌ను రోడ్డు సేఫ్టీ అథారిటీ చైర్మన్‌గా బదిలీ చేసింది. ప్రింటింగ్‌ అండ్‌ స్టేషనరీ కమిషనర్‌గా కూడా ఆయనకు పూర్తిస్థాయి అదనపు బాధ్యతలు అప్పగించింది. వెయిటింగ్‌లో ఉన్న మరో అధికారి సీవీ ఆనంద్‌ను ఏసీబీ డైరెక్టర్‌ జనరల్‌గా నియమించింది. మొత్తం 20 మంది ఐపీఎస్‌లను బదిలీ చేస్తూ, పోస్టింగులు ఇస్తూ సీఎస్‌ శాంతికుమారి మంగళవారం ఉత్తర్వులు జారీ చేశారు.  

బెంగళూరు : ప్రపంచ ప్రజా రవాణా దినోత్సవం సందర్భంగా బెంగళూరు నగరంలో ఐపీఎస్‌లు కార్లు వదిలి పబ్లిక్‌ ట్రాన్స్‌పోర్ట్‌ బాట పట్టారు. బస్సులు, మెట్రో రైలులో ప్రయాణించి తమ కార్యాలయాలకు చేరుకుని విధులు నిర్వహించారు. బస్సు, మెట్రోరైలులో విధులకు వెళ్లే ఫొటోలను తమ ట్విటర్‌ ఖాతాల్లో పోస్ట్‌ చేశారు.  ఇటీవలి కాలంలో ఢిల్లీ, బెంగళూరు, ముంబై మెట్రో నగరాల్లో పర్సనల్‌ ట్రాన్స్‌పోర్ట్‌ వాహనాలు పెరిగి ట్రాఫిక్‌, కాలుష్యానికి కారణమవుతున్న విషయం తెలిసిందే. దేశ రాజధాని ఢిల్లీలోనైతే శీతాకాంలో సరి, బేసి పద్ధతిలోనే వాహనాలను అనుమతిస్తున్నారు. ఈ పరిస్థితుల్లో బెంగళూరులో ఐపీఎస్‌ ఆఫీసర్ల పబ్లిక్‌ ట్రాన్స్‌పోర్ట్‌ ప్రయాణం మంచి సందేశానిచ్చిందని నెటిజన్లు అభిప్రాయపడుతున్నారు.  #Bengaluru: On #WorldPublicTransportDay, several IPS officers in the city took public transport while heading to the office. pic.twitter.com/nUwdcM807c — South First (@TheSouthfirst) November 10, 2023

సాక్షి, హైదరాబాద్‌: అసెంబ్లీ ఎన్నికల నేపథ్యంలో తెలంగాణలో పలువురు ఏపీఎస్‌, ఐఏఎస్‌ అధికారులు బదిలీ అయ్యారు. నలుగురు కలెక్టర్లు, 13 మంది ఎస్పీలు, కమిషనర్లను బదిలీ చేస్తూ కేంద్ర ఎన్నికల సంఘం బుధవారం ఉత్తర్వులు జారీ చేసింది. హైదరాబాద్‌ సీపీ సీవీ ఆనంద్‌, వరంగల్‌ సీపీ రంగానాథ్‌, నిజామాబాద్‌ సీపీ సత్యనారాయణ, ఖమ్మం సీపీ విష్ణు వారియర్‌ బదిలీ అయ్యారు. అదే విధంగా రంగారెడ్డి కలెక్టర్‌ హరీష్‌,  మేడ్చల్‌ కలెక్టర్‌ అమోయ్‌ కుమార్‌, యాదాద్రి కలెక్టర్‌ వినయ్‌ కృష్ణారెడ్డి, నిర్మల్‌ కలెక్టర్ల వరుణ్‌ రెడ్డిలు ట్రాన్స్‌ఫర్‌ అయ్యారు.  బదిలీ అయిన 13 మంది పోలీసు అధికారుల్లో తొమ్మిది మంది నాన్ క్యాడర్ వారు ఉన్నారు.  కాగా మునుగోడు అసెంబ్లీ స్థానానికి ఇటీవల జరిగిన ఉప ఎన్నిక సందర్భంగా ధనబలాన్ని దుర్వినియోగం చేసినట్లు పెద్ద ఎత్తున ఈసీకి ఫిర్యాదులు అందాయి. అధికారులు పక్షపాత వైఖరి అవలంభిస్తున్నారంటూ ఫిర్యాదులు వచ్చాయి. అంతేగాక ఇటీవల హైదరాబాద్‌లో జరిగిన సమావేవంలో పలువురు అధికారుల పనితీరుపై సీఈసీ  ఆగ్రహం వ్యక్తం చేసింది.  ఈ క్రమంలో అధికారుల పనితీరు, సంబంధిత ఇన్‌పుట్‌లను అంచనా వేసిన తర్వాత సీఈసీ ఈ నిర్ణయం తీసుకున్నట్లు సమాచారం. గురువారం సాయంత్రం అయిదు గంటల వరకు ప్యానెల్‌ లిస్ట్‌ పంపాలని ఎన్నికల కమిషన్‌ తెలంగాణ సీఎస్‌ను ఆదేశించింది. తెలంగాణలో రవాణా శాఖ కార్యదర్శి శ్రీనివాస రాజు, ప్రొహిబిషన్‌ అండ్‌ ఎక్సైజ్‌ డైరెక్టర్‌ ర్పరాజ్‌ అహ్మద్‌ , కమర్షియల్‌ ట్యాక్స్‌ కమిషనర్‌ శ్రీదేవిని  కూడా తొలగించాలని కమిషన్‌ ఆదేశించింది. ఎన్నికల సమయంలో పటిష్టమైన పనిని దృష్టిలో ఉంచుకుని ఎక్సైజ్, వాణిజ్య పన్నుల శాఖకు ప్రత్యేక ప్రధాన కార్యదర్శిని కూడా నియమించాలని తెలంగాణ ప్రభుత్వాన్ని ఆదేశించింది. గతంలో తెలంగాణ ప్రభుత్వ ప్రధాన కార్యదర్శి అదనపు బాధ్యతలు నిర్వర్తించారు.

సాక్షి, హైదరాబాద్‌: తెలంగాణలో ఐదుగురు ఐపీఎస్‌లను బదిలీ చేస్తూ ప్రభుత్వం ఉత్తర్వులు జారీ చేసింది. ఏసీబీ డైరెక్టర్‌గా ఏఆర్‌ శ్రీనివాస్‌, డ్రగ్స్‌ కంట్రోల్‌ డైరెక్టర్‌గా కమలాసన్‌రెడ్డి, హోంగార్డు డీఐజీగా అంబారి కిషోర్‌, మేడ్చల్‌ డీసీపీగా శబరీస్‌, పర్సనల్‌ అడిషనల్‌ డీజీగా సౌమ్యామిశ్రా బదిలీ అయ్యారు.

సాక్షి, హైదరాబాద్‌: రాష్ట్రంలో ఏడుగురు ఐపీఎస్‌ అధికారులను బదిలీ చేస్తూ ప్రభుత్వం నిర్ణయం తీసుకుంది. ప్రభుత్వ ప్రధాన కార్యదర్శి శాంతి కుమారి మంగళవారం ఈ మేరకు ఉత్తర్వులు జారీ చేశారు. బదిలీ అయిన ఐపీఎస్‌ అధికారుల వివరాలు...  

సాక్షి, ప్రత్యేక ప్రతినిధి : రాష్ట్ర విభజన సమయంలో ఏపీకి కేటాయించినందున ఐఏఎస్, ఐపీఎస్‌ అధికారులు ఆ రాష్ట్రానికే వెళ్లాలని మంగళవారం తెలంగాణ హైకోర్టు ఇచ్చిన తీర్పు ఉన్నతాధికారుల్లో గుబులు రేపుతోంది. హైకోర్టు ఉత్తర్వులు ఇప్పుడు రాష్ట్ర వ్యాప్తంగా చర్చనీయాంశమయ్యాయి. ఈ తీర్పుతో మిగిలిన ఉన్నతాధికారులంతా విధిగా ఆయా రాష్ట్రాలకు తిరిగి వెళ్లాల్సిందేనా? అన్న చర్చ సాగుతోంది. ఆంధ్రప్రదేశ్‌కు కేటాయించిన సీనియర్‌ ఐఏఎస్, ఐపీఎస్‌ అధికారులు తెలంగాణలో పని చేస్తుండగా.. తెలంగాణ రాష్ట్ర కేడర్‌కు కేటాయించిన వారు ఆంధ్రప్రదేశ్‌లో కొనసాగుతున్నారు. రెండు రాష్ట్రాల్లో కేంద్ర ప్రభుత్వం కేటాయించిన కేడర్‌లలో కాకుండా క్యాట్‌ ఉత్తర్వులతో కొనసాగుతున్న వారిలో 9 మంది ఐఏఎస్‌లు, ఆరుగురు ఐపీఎస్‌ అధికారులు ఉన్నారు. ఐపీఎస్‌లకు సంబంధించి ఇటీవలే తెలంగాణ ఇన్‌చార్జి డీజీపీగా బాధ్యతలు స్వీకరించిన అంజనీకుమార్, అడిషనల్‌ డీజీపీ అభిలాష బిస్త్, అభిలాష్‌ మహంతిలు ఆంధ్ర కేడర్‌కు చెందిన అధికారులు కాగా.. తెలంగాణలో పనిచేస్తున్నారు. మొన్నటివరకు ఏపీ కేడర్‌కు చెందిన సంతోష్‌ మెహ్రా తెలంగాణలో పనిచేసినా, ఈ మధ్యనే ఆయన ఏపీ కేడర్‌కు వెళ్లిపోయారు. కాగా తెలంగాణకు కేడర్‌కు కేటాయించిన మనీష్‌కుమార్‌ సింగ్, అమిత్‌గార్గ్, అతుల్‌ సింగ్‌లు ఆంధ్రప్రదేశ్‌లో కొనసాగుతున్నారు. ఇక ఈ విధంగా ఐఏఎస్‌ అధికారుల్లో సోమేశ్‌కుమార్, వాణీప్రసాద్, వాకాటి కరుణ, రొనాల్డ్‌ రోస్, ఎం.ప్రశాంతి, కాటా ఆమ్రపాలి తెలంగాణ కేడర్‌లో పనిచేస్తుండగా అలాగే తెలంగాణ కేడర్‌కు కేటాయించిన హరికిరణ్, శ్రీజన, శివశంకర్‌లు ప్రస్తుతం ఆంధ్రప్రదేశ్‌లో కొనసాగుతున్నారు.  చదవండి: (తెలంగాణ నూతన సీఎస్‌గా శాంతికుమారి)

సాక్షి, ప్రత్యేక ప్రతినిధి: తెలంగాణ సీఎస్‌ సోమేశ్‌కుమార్‌ విషయంలో హైకోర్టు వెలువరించిన తీర్పు పలువురు అఖిల భారత సర్వీసు అధికారుల్లో కలవరం పుట్టిస్తోంది. తమ పరిస్థితి ఏమవుతుందోనన్న ఆందోళన వ్యక్తమవుతోంది. తెలంగాణ కేడర్‌లో కొనసాగడానికి రాష్ట్ర విభజన సమయంలో ఉమ్మడి ఆంధ్రప్రదేశ్‌ కేడర్‌లోని సివిల్‌ సర్వీసెస్‌ అధికారులను ఆప్షన్లు అడిగిన తరువాత.. వారి సీనియారిటీ, స్థానికత తదితర అంశాలను పరిగణనలోకి తీసుకున్న కేంద్ర సిబ్బంది, శిక్షణా వ్యవహారాల శాఖ (డీవోపీటీ) వారిని రెండు రాష్ట్రాలకు విభజించి కేటాయింపు జరిపింది. అప్పట్లో ఆంధ్రప్రదేశ్‌కు కేటాయించిన పలువురు ఐఏఎస్, ఐపీఎస్‌ అధికారులు పలు కారణాలు చూపిస్తూ.. కేంద్ర పరిపాలన ట్రిబ్యునల్‌ (సీఏటీ)ను ఆశ్రయించి ఏపీకి వెళ్లకుండా తెలంగాణ రాష్ట్రంలోనే ఉండడానికి అనుమతులు తెచ్చుకున్నారు. సీఎస్‌ సోమేశ్‌కుమార్‌ కూడా వీరిలో ఉన్నారు. అయితే డీవోపీటీ 2017లోనే క్యాట్‌ ఉత్తర్వులను సవాల్‌ చేసింది. ఏ రాష్ట్రానికి కేటాయించిన అధికారులు ఆయా రాష్ట్రాల్లోనే పనిచేయాలని పేర్కొంటూ పిటిషన్‌ దాఖలు చేసింది. దీనిపై దాదాపు ఐదు సంవత్సరాల అనంతరం మంగళవారం తీర్పు వెలువరించిన తెలంగాణ హైకోర్టు ప్రధాన న్యాయమూర్తి ఉజ్జల్‌ భుయాన్‌ నేతృత్వంలోని ధర్మాసనం..సోమేశ్‌కుమార్‌ ఏపీకి వెళ్లాల్సిందేనంటూ తీర్పు ఇవ్వడం.. పలువురు అధికారులను కలవరపరుస్తోంది. తామంతా ఏపీకి వెళ్లాల్సిందేనా? అన్న చర్చ సదరు ఐఏస్, ఐపీఎస్‌ అధికారుల్లో కొనసాగుతోంది. ఏపీకి కేటాయించిన పలువురు సీనియర్‌ ఐఏఎస్, ఐపీఎస్‌ అధికారులు తెలంగాణలో పనిచేస్తుండగా.. తెలంగాణ రాష్ట్ర కేడర్‌కు కేటాయించిన కొందరు ఆంధ్రప్రదేశ్‌లోనూ కొనసాగుతున్నారు.  అక్కడివారు ఇక్కడ.. ఇక్కడివారు అక్కడ కేంద్ర ప్రభుత్వం కేటాయించిన కేడర్‌లలో కాకుండా క్యాట్‌ ఉత్తర్వులతో రెండు రాష్ట్రాల్లో కొనసాగుతున్న వారిలో 9 మంది ఐఏఎస్‌లు, ఆరుగురు ఐపీఎస్‌ అధికారులు ఉన్నారు. ఐపీఎస్‌లకు సంబంధించి ఇటీవలే తెలంగాణ ఇన్‌చార్జి డీజీపీగా బాధ్యతలు స్వీకరించిన అంజనీకుమార్, అడిషనల్‌ డీజీపీ అభిలాష బిస్త్, అభిలాష్‌ మహంతిలు ఆంధ్ర కేడర్‌కు చెందిన అధికారులు కాగా.. తెలంగాణలో పనిచేస్తున్నారు. మొన్నటివరకు ఏపీ కేడర్‌కు చెందిన సంతోష్‌ మెహ్రా తెలంగాణలో పనిచేసినా, ఈ మధ్యనే ఆయన ఏపీ కేడర్‌కు వెళ్లిపోయారు. కాగా తెలంగాణకు కేడర్‌కు కేటాయించిన మనీష్‌కుమార్‌ సింగ్, అమిత్‌గార్గ్, అతుల్‌ సింగ్‌లు ఆంధ్రప్రదేశ్‌లో కొనసాగుతున్నారు. ఇక ఈ విధంగా ఐఏఎస్‌ అధికారుల్లో సోమేశ్‌కుమార్, వాణీప్రసాద్, వాకాటి కరుణ, రొనాల్డ్‌ రోస్, ఎం.ప్రశాంతి, కాటా ఆమ్రపాలి తెలంగాణ కేడర్‌లో పనిచేస్తుండగా  కాగా  తెలంగాణ కేడర్‌కు కేటాయించిన హరికిరణ్, శ్రీజన, శివశంకర్‌లు ప్రస్తుతం ఆంధ్రప్రదేశ్‌లో కొనసాగుతున్నారు.  ఇన్‌చార్జి డీజీపీగా అందుకేనా? తెలంగాణ డీజీపీగా అంజనీ కుమార్‌ను రెగ్యులర్‌ డీజీపీగా కాకుండా ఇన్‌చార్జి డీజీపీగా నియమించడానికి ప్రధాన కారణం హైకోర్టులో సోమేశ్‌కుమార్‌పై కొనసాగుతున్న కేసు నేపథ్యమేనన్న ప్రచారం ఉంది. తాజా తీర్పుతో ఇప్పుడు అంజనీకుమార్‌ పరిస్థితేంటన్నది పోలీసు వర్గాల్లో చర్చనీయాంశంగా మారింది. ఇలా ఉండగా సీనియర్‌ ఐఏఎస్‌ల్లో వాకాటి కరుణ ప్రస్తుతం విద్యా శాఖ కార్యదర్శిగా, వాణీప్రసాద్‌ పర్యావరణ పరిరక్షణ, పరిశోధన, శిక్షణా సంస్థలో డైరెక్టర్‌గా, రొనాల్డ్‌రోస్‌ ఆర్థికశాఖ కార్యదర్శిగా, ఎం.ప్రశాంతి అటవీ శాఖలో సంయుక్త కార్యదర్శిగా పనిచేస్తున్నారు. కాటా ఆమ్రపాలి కేంద్ర సర్వీస్‌ల్లోకి వెళ్లి ప్రస్తుతం పీఎంఓలో ఉన్నారు.   

సాక్షి, హైదరాబాద్‌: ఐపీఎస్‌ల పోస్టింగ్‌ల విషయంలో తెలంగాణ అధికారులకు తీవ్ర అన్యాయం జరిగిందని టీపీసీసీ అధ్యక్షుడు ఎ.రేవంత్‌రెడ్డి ట్విట్టర్‌ వేదికగా ధ్వజమెత్తారు. డీజీపీతో సహా ఆరుగురు సీనియర్‌ ఐపీఎస్‌లకు కీలక పోస్టింగ్‌లు ఇవ్వగా..  వారిలో ఏ ఒక్కరు కూడా తెలంగాణ మూలాలున్న అధికారి లేరని వ్యాఖ్యానించారు. ‘‘కల్వకుంట్ల రాజ్యంలో ... నిన్న పార్టీలో... నేడు పరిపాలనలో మాయమైపోయిన తెలంగాణం’’ అని రేవంత్‌ ట్వీట్‌ చేశారు.   

సాక్షి, హైదరాబాద్‌:  భారత భవిష్యత్తు భారం యువ ఐపీఎస్‌ అధికారుల భుజ­స్కంధాలపైనే ఉందని, వారంతా భారత ప్రతిష్టను పెంచేలా కృషి చేస్తారన్న విశ్వా­సం ఉందని రాష్ట్రపతి ద్రౌపదీ ముర్ము అన్నారు. రాష్ట్రపతి మంగళవారం సర్దార్‌ వల్లభ్‌భాయ్‌ పటేల్‌ జాతీయ పోలీస్‌ అకాడమీ (ఎన్‌పీఏ)ని సందర్శించారు. ఎన్‌పీఏ డైరెక్టర్‌ ఏఎస్‌ రాజన్‌ అకాడమీ తరఫున రాష్ట్రపతికి స్వాగతం పలికారు. అనంతరం అకాడమీ ఆవరణలోని ఐపీఎస్‌ అధికారుల స్మారక స్థూపం వద్ద రాష్ట్రపతి పుష్పగుచ్ఛాన్ని ఉంచి నివాళులర్పించారు. ఆ తర్వాత అకాడమీలో శిక్షణ పొందుతున్న 195 మంది 74వ బ్యాచ్‌ ట్రైనీ ఐపీఎస్‌ అధికారులనుద్దేశించి ఆమె ప్రసంగించారు. తొలుత ప్రతిష్టాత్మకమైన సేవలోకి అడుగు పెడుతున్న యువ ఐపీ ఎస్‌లకు అభినందనలు తెలిపారు. ప్రభు త్వాల పనితీరును, ప్రతిష్టను పెంచే కీలక బాధ్యత పోలీస్‌ వ్యవస్థపై ఉందన్నారు. పౌరులకు ప్రభుత్వ సేవలు చేరువ చేయ డంలో పోలీస్‌ అధికారుల వ్యక్తిత్వం, ప్రవర్తన కీలకమని సూచించారు. నేరాల కట్టడి, నేరాల దర్యాప్తు, ఉగ్రవాదం, మత ఘర్షణలు, వ్యవస్థీకృత నేరాల అదుపు వంటి సవాళ్లు పెరుగుతున్నాయని తెలిపారు.  పోలీసింగ్‌లో నాయకులుగా నిలవాలి సమాజంలో మహిళలు ముఖ్యపాత్ర పోషి స్తు­న్నారని, గత మూడేళ్లుగా ఎన్‌పీఏ శిక్షణ లో­నూ మహిళా అధికారులు సత్తా చాటు తూ టాపర్లుగా నిలిచారని రాష్ట్రపతి చెప్పా­రు. మరో 25 ఏళ్లలో భారతదేశం వందో వార్షికో­త్సవాన్ని జరుపుకోబోతోందని, భ­వి­ç­Ù్యత్‌ భారత నిర్మాణంలో ఈ యువ అధికారులది కీలక పాత్ర అన్నారు.  కార్య­క్రమంలో గవర్నర్‌ తమిళిసై సౌందరరాజ­న్‌ రాష్ట్ర మహిళా, శిశు సంక్షేమశాఖ మంత్రి సత్యవతి రాథోడ్‌ తదితరులు పాల్గొన్నారు. 

‘ఉత్తములైన సివిల్‌ సర్వీస్‌ అధికారులుంటే సరైన చట్టాలు లేకున్నా సమర్థవంతమైన పాలనకు లోటుండదు. అత్యుత్తమ చట్టాలున్నప్పటికీ అధికారులు సరైనవారు కాకుంటే అలాంటిచోట పాలన కుంటుబడుతుంది’ అంటాడు జర్మన్‌ రాజనీతిజ్ఞుడు బిస్మార్క్‌. బాలికలుగా తమ అవసరాలేమిటో చెప్పిన ఒక విద్యార్థినికి బిహార్‌ మహిళా ఐఏఎస్‌ అధికారి హర్‌జోత్‌ కౌర్‌ నిర్దయగా ఇచ్చిన జవాబు గమనిస్తే దేశంలో అధికార యంత్రాంగం మొద్దుబారుతున్నదా అనే సందేహం కలుగుతుంది. రాజధాని పట్నాలో బుధవారం ఒక గోష్ఠి సందర్భంగా జరిగిన ఈ ఉదంతం ఒక రకంగా ఆశ్చర్యకరం. ఎందుకంటే ఆ గోష్ఠి మకుటమే ‘సశక్తి బేటీ, సమృద్ధ బిహార్‌’. బాలికా సాధికారత ద్వారానే బిహార్‌ సమృద్ధి సాధిస్తుందన్నది దాని సారాంశం. కానీ ఆ అధికారిణి అందుకు విరుద్ధమైన పోకడలకు పోయారు. ప్రశ్న అడిగిన బాలికతో వాదులాటకు దిగారు. అనుచితమైన వ్యాఖ్యలు చేశారు. ‘ఇన్ని పథకాలకు ఇంతగా ఖర్చుపెడుతున్న ప్రభుత్వంవారు బాలికలకు ప్రతి నెలా 20, 30 రూపాయల విలువ చేసే నాప్‌కిన్‌లు ఇవ్వలేరా?’ అన్నది ఆ బాలిక ప్రశ్న.  నిజానికి బాలికలు అడగకముందే పాలకులు గమనించి తీర్చవలసిన సమస్య ఇది. దేశంలో మధ్యలోనే చదువు ఆపేస్తున్న బాలికల శాతం ఆందోళనకరంగానే ఉంది. కౌమార దశలో బడి మానేస్తున్న ఆడపిల్లల శాతం గత మూడేళ్లలో బిహార్‌లోనే అధికమని మొన్న ఏప్రిల్‌లో కేంద్ర విద్యాశాఖ సహాయమంత్రి అన్నపూర్ణా దేవి పార్లమెంటులో చెప్పారు. రుతుస్రావ సమయంలో పరిశుభ్రమైన నాప్‌కిన్‌లు వాడలేకపోవటం, ఉన్నా వాడటానికి అనువైన మరుగు స్కూళ్లలో కొరవడటం బాలికలకు శాపంగా పరిణమిస్తోంది. వారు అనేక వ్యాధులబారిన పడవలసివస్తోంది. కేవలం ఈ కారణంతో ఏటా చదువులకు దూరమయ్యే విద్యార్థినులు 23 శాతం ఉంటారని ఐక్యరాజ్యసమితికి చెందిన నీటి సరఫరా, పారిశుద్ధ్యం వ్యవహారాల మండలి నిరుడు తెలియ జేసింది. స్త్రీ, శిశు సంక్షేమ శాఖ ఆధ్వర్యంలోని మహిళాభివృద్ధి కార్పొరేషన్‌ ఎండీగా ఉంటూ కూడా ఇలాంటి దుఃస్థితిని బాలిక చెప్పేంతవరకూ గమనించలేకపోయినందుకు సిగ్గుతో తలవంచు కోవాల్సిందిపోయి హర్‌జోత్‌ కౌర్‌ దబాయింపు ధోరణిలో మాట్లాడటం దిగ్భ్రాంతి కలిగిస్తుంది.  ‘ఇవాళ నాప్‌కిన్స్‌ అడుగుతున్నారు. రేపు జీన్స్, ఆ తర్వాత అందమైన షూస్‌ కావాలంటారు. చివరకు ఉచితంగా కండోమ్‌లు ఇవ్వమని అడుగుతారు’ అంటూ ఆమె జవాబివ్వటం బాధ్యతా రాహిత్యానికి పరాకాష్ఠ. అడిగిన ప్రశ్నకు జవాబివ్వలేక ‘అన్నీ ప్రభుత్వమే ఎందుకివ్వాలి... ఇది తప్పుడు ఆలోచనాధోరణి’ అంటూ వాదులాటకు దిగడం ఆమె వైఖరికి అద్దం పడుతుంది. మరుగుదొడ్ల గురించి అడిగినప్పుడు సైతం తలతిక్క సమాధానమే వచ్చింది. పైగా దేశాన్ని పాకిస్తాన్‌ చేస్తారా అని బాలికలను ప్రశ్నించారు.  అయినా తొమ్మిది, పది తరగతులు చదువుతున్న ఆ బాలికలు వెరవకుండా నిలదీసిన తీరు ప్రశంసించదగ్గది. మొదటగా ప్రశ్నించిన బాలిక నేపథ్యం గమనిస్తే సమస్య తీవ్రతేమిటో అర్థమవుతుంది. రియా కుమారి అనే ఆ బాలిక నగరంలోని ఒక మురికివాడకు చెందినామె. నాప్‌కిన్‌ వాడకం ఈమధ్యే తెలిసిందట. తనవంటి బాలికలు ఇంకా వేలాదిమంది ఉన్నార ని, తెలిసినా వాటిని వాడే స్థోమత ఆ బాలికలకు లేదని చెబుతోంది. చదువుల్లో చురుగ్గా ఉండేవారు, నాయకత్వ లక్షణాలున్నవారు, సవాళ్లను ఎదుర్కొనే సాహస వంతులు సివిల్‌ సర్వీసుల బాట పడతారని ఒక అభిప్రాయం ఉంది. దేశంలో మెజారిటీగా ఉన్న అట్టడుగువర్గాల ప్రజానీకం సమస్యలపై సహానుభూతితో వాటిని ఆకళింపు చేసుకుని, సృజనాత్మక పరిష్కారాలను వెదికే అధికారుల వల్లనే సమాజానికి మేలు జరుగుతుంది. హర్‌జోత్‌ కౌర్‌కు ఈ అవగాహన ఏ మేరకుందో అనుమానమే. సివిల్‌ సర్వీసు పరీక్షలు రాసి, ఇంటర్వ్యూలో కృతార్థులయ్యాక ఆ అధికారులకు ఇక పరీక్షలేమీ ఉండకపోవచ్చు. కానీ పాలనా యంత్రాంగంలో భాగస్థులై, సమస్యలను సవాలుగా తీసుకుని పనిచేసేవారికి ఎప్పుడూ పరీక్షే. నిజానికి ఆ బాలికలు అడిగిన సమస్యలేమీ తీర్చలేనివి కాదు. దేశంలో ఎవరూ అమలు చేయనివి కాదు. ఆంధ్రప్రదేశ్‌లో వైఎస్‌ జగన్‌మోహన్‌ రెడ్డి ప్రభుత్వం నిరుడు అక్టోబర్‌లో ఇలాంటి పథకం ప్రారంభించింది. 7వ తరగతి మొదలు ఇంటర్మీడియెట్‌ వరకూ చదివే పది లక్షలమంది బాలికలకు ప్రతినెలా పది నాప్‌కిన్‌ల చొప్పున ఈ పథకం కింద అందజేస్తున్నారు. ఆఖరికి ఇంటి దగ్గర వాడుకోవడానికి వేసవి సెలవుల ముందు ఒకేసారి ఇస్తున్నారు. పాఠశాలల్లో మరుగుదొడ్ల వంటి మౌలిక సదుపాయాల కల్పనకు కోట్లాది రూపాయలు వ్యయం చేస్తున్నారు. రెండేళ్లనాడు సివిల్‌ సర్వీసుల ప్రొబేషనర్లనుద్దేశించి ‘ప్రజలను కేవలం ప్రభుత్వ పథకాలు తీసుకొనేవారిగా పరిగణించొద్దు. నిజానికి మన పథకాలకూ, కార్యక్రమాలకూ వారే చోదకశక్తులు’ అని ప్రధాని నరేంద్ర మోదీ అన్నారు. అధికార యంత్రాంగంలో ఈ స్పృహ కలగాలంటే పనిచేస్తున్న శాఖల్లో వారి నిబద్ధత, నిమగ్నత ఏపాటో మదింపు వేస్తుండాలి. ఇతరేతర రాష్ట్రాల్లో అమలయ్యే పథకాలు, వాటి మంచిచెడ్డల గురించి వారి అవగాహనేమిటో తెలుసుకోవాలి. అసలు సివిల్‌ సర్వీసులకున్న ఎంపిక ప్రక్రియనే ప్రక్షాళన చేయాలి. ఎందుకంటే ప్రజలు మునుపట్లా లేరు. అన్నీ చూస్తున్నారు. ఎక్కడేం జరుగుతున్నదో తెలుసుకుంటున్నారు. ఆ ప్రశ్నలడిగిన బాలికలు ఒక రకంగా పాలకులకు మేలుకొలుపు పాడారు. సరిదిద్దుకోవాల్సిన వంతు వారిదే. 

సాక్షి, హైదరాబాద్‌: రాష్ట్ర పోలీస్‌శాఖలో పోస్టింగ్‌ లేకుండా నెలలకొద్దీ అటాచ్‌మెంట్‌ల మీద పనిచేస్తున్న ఐపీఎస్‌ అధికారుల్లో తీవ్ర నైరాశ్యం ఏర్పడింది. దీంతో బయటకు చెప్పలేక, పోస్టింగ్‌ కోసం తిరగలేక కొంతమంది కేంద్ర సర్వీసుల్లోకి వెళ్లేందుకు ప్రయత్నాలు ముమ్మరం చేశారు. ఏడాది నుంచి వెయిటింగ్‌లో ఉన్న ఓ సీనియర్‌ ఐపీఎస్‌తోపాటు డీఐజీ పదోన్నతికి సిద్ధంగా ఉన్న మరో అధికారి, ఇద్దరు సీనియర్‌ ఎస్పీ ర్యాంకు అధికారులు కేంద్ర సర్వీసుల్లోకి డిప్యుటేషన్‌పై వెళ్లేందుకు జీఏడీకి దరఖాస్తు చేసుకున్నట్టు తెలిసింది. కేంద్ర సర్వీసుల్లోని 17 విభాగాల్లో ఎక్కడో ఒకచోట అవకాశం రాకపోతుందా అని ప్రయత్నిస్తున్నారు. ఇక్కడ పోస్టింగ్‌ లేకపోయినా కనీసం కేంద్ర సర్వీసులో అయినా మూడేళ్లు, అవకాశం ఉంటే మరో రెండేళ్లు అక్కడే పనిచేయాలని నిర్ణయించుకున్నట్టు తెలిసింది. అటు నుంచి ఇటు.. ఇటు నుంచి అటు... కేంద్ర సర్వీసుల్లో పనిచేసి వచ్చిన రాష్ట్ర కేడర్‌ అధికారులు, ఇంటర్‌ కేడర్‌ డిప్యుటేషన్, కేడర్‌ మార్చుకొని వచ్చిన అధికారులు పోస్టింగ్‌ లేక ఏడాదిగా ఖాళీగా ఉన్నారు. అయితే కేంద్ర సర్వీసుల నుంచి డిప్యుటేషన్‌ పూర్తి చేసుకున్నవారు మళ్లీ కేంద్ర సర్వీసుల్లోకి వెళ్లాలంటే ఏడాదిపాటు కూలింగ్‌ పీరియడ్‌గా సొంత కేడర్‌ స్టేట్‌లో పనిచేయాల్సి ఉంటుంది. అయితే డిప్యుటేషన్‌ పూర్తిచేసుకొని వచ్చినవారికి ఏడాదిపాటు వెయిటింగ్‌లో ఉండటం నిరాశను కలిగించినట్టు తెలుస్తోంది. దీంతో ఇక్కడ చేసేదేమీలేక మళ్లీ కేంద్ర సర్వీసుల్లోకి వెళ్లేందుకు సిద్ధంగా ఉన్నట్టు తెలిసింది. కేడర్‌ మార్చుకొని తెలంగాణకు వచ్చిన అధికారులు సైతం ఇదే పద్ధతిలో కేంద్ర సర్వీసుల్లోకి వెళ్లిపోవాలనే యోచనలో ఉన్నట్లు తెలిసింది.  భారీగానే ఖాళీలు కేంద్ర సర్వీసుల్లోని 17 విభాగాల్లో డిప్యుటేషన్‌కు అవకాశం ఉంటుంది. ప్రస్తుతం జూలై చివరి వరకు ఉన్న వేకెన్సీ పరిస్థితిని పరిశీలిస్తే భారీగానే ఖాళీలున్నట్టు కేంద్ర హోంశాఖ వెబ్‌సైట్‌లో పొందుపరిచింది. డైరెక్టర్‌ జనరల్‌(డీజీ) ర్యాంకులో రెండు పోస్టులు, స్పెషల్‌ డైరెక్టర్‌ జనరల్‌ ర్యాంకులో రెండు పోస్టులు, ఐజీ ర్యాంకులో 25 పోస్టులు, డీఐజీ హోదాలో 102 పోస్టులు, ఎస్పీ ర్యాంకులో 116 పోస్టులు కేంద్ర పోలీస్‌ సంస్థలు, కేంద్ర పారామిలిటరీ బలగాల్లో ఖాళీగా ఉన్నట్టు కేంద్ర హోంశాఖ వెల్లడించింది. దీంతో రాష్ట్రంలో పోస్టింగ్‌ లేని అధికారులు కేంద్రంలోకి వెళ్లేందుకే సానుకూలంగా అడుగులు వేస్తున్నట్టు తెలుస్తోంది.   

సాక్షి, హైదరాబాద్‌: రాష్ట్ర పోలీసు శాఖలోని పలువురు ఐపీఎస్‌ అధికారులు ఏళ్ల తరబడి ఎలాంటి కచ్చితమైన విధులు లేకుండా, పోస్టింగుల్లేకుండా కాలం వెళ్లదీస్తున్న వైనం విస్మయానికి గురిచేస్తోంది. ఇలా మొత్తం 47 మంది ఐపీఎస్‌ అధికారులు వెయిటింగ్‌ / అటాచ్‌మెంట్‌ పేరుతో ఎలాంటి ఉద్యోగం, బాధ్యత లేకుండా గడిపేస్తున్నారు. ఏదో ఒక విభాగానికి అటాచ్‌ అయిన కొందరికి జీతభత్యాలు అందుతున్నా, పోస్టింగ్‌ కోసం వెయిటింగ్‌లో ఉన్నవారి పరిస్థితి మాత్రం దయనీయంగా ఉంది. ఎప్పుడు శాశ్వత పోస్టింగ్‌ వస్తుందో తెలియని పరిస్థితుల్లో వీరంతా తీవ్ర నిరాశ, నిస్పృహలకు లోనవుతున్నట్టు పోలీసు అధికారులే చెబుతుండటం గమనార్హం. అసలు ఎందుకు ఐపీఎస్‌ అధికారులయ్యామో తెలియని దుస్థితిలో ఉన్నామంటూ అదనపు ఎస్పీ, ఏఎస్పీ స్థాయిలో ఉన్న కొందరు అధికారులు ఆవేదన వ్యక్తం చేశారు. ఈ క్రమంలో పదోన్నతి పొందినా పరిస్థితి మారకపోవడం మానసికంగా కుంగుబాటుకు కారణమవుతోందని చెబుతున్నారు. సీనియర్‌ ఐపీఎస్‌ల పరిస్థితి ఇలా ఉంటే శిక్షణ పూర్తి చేసుకున్న యువ ఐపీఎస్‌ల పరిస్థితి మరీ దారుణంగా తయారైంది. పాసింగ్‌ ఔట్‌ పరేడ్‌ తర్వాత ప్రజల్లోకి వెళ్లాల్సిన వారిని అటాచ్‌మెంట్‌ పేరుతో మూడేళ్లుగా గ్రేహౌండ్స్‌లోనే కొనసాగించడం వివాదాస్పదమవుతోంది.  ఏళ్ల తరబడి ఒకే పోస్టులో.. ► కొందరు సీనియర్‌ ఐపీఎస్‌ అధికారులు ఏళ్ల తరబడి ఒకే పోస్టులో కొనసాగుతున్న వైనం కూడా విస్మయపరుస్తోంది. ► సీనియర్‌ ఐపీఎస్‌గా ఉన్న అదనపు డీజీపీ నాగిరెడ్డి, ప్రస్తుతం నార్త్‌జోన్‌ ఇన్‌చార్జి ఐజీగా ఆరేళ్ల నుంచి కొనసాగుతున్నారు.  ► అదనపు డీజీపీ సంజయ్‌కుమార్‌ జైన్, ప్రొవిజనల్‌ అండ్‌ లాజిస్టిక్‌ ఐజీగా జూన్‌ 6, 2015 నుంచి కొనసాగుతున్నారు. పదోన్నతి వచ్చినా ఆయనకు మరోచోట పోస్టింగ్‌ ఇవ్వకుండా అవే బాధ్యతల్లో కొనసాగింపజేస్తున్నారు.  ► బి.శివధర్‌రెడ్డి, అదనపు డీజీపీ. ఈయన ఐజీ హోదాలో సెప్టెంబర్, 2016లో పోలీస్‌ శాఖ పర్సనల్‌ విభాగం బాధ్యతలు చేపట్టారు. దాదాపు ఆరేళ్లు పూర్తిచేసుకొని పదోన్నతి పొందినా ఇంకా అక్కడే కొనసాగుతున్నారు.  ► కొత్తకోట శ్రీనివాస్‌రెడ్డి అదనపున డీజీపీ. మార్చి, 2017 నుంచి గ్రేహౌండ్స్‌ ఐజీ. ప్రస్తుతం పదోన్నతి పొంది అక్కడే అదనపు డీజీపీగా బాధ్యతలు నిర్వర్తిస్తున్నారు.  ► ఐజీ సుధీర్‌బాబు ప్రస్తుతం రాచకొండ అదనపు కమిషనర్‌గా బాధ్యతలు నిర్వర్తిస్తున్నారు. డీఐజీ హోదాలో మార్చి, 2018లో బాధ్యతలు స్వీకరించిన ఆయనకు ఐజీగా పదోన్నతి కల్పించినా ఇంకా అక్కడే అదనపు కమిషనర్‌గా ప్రభుత్వం కొనసాగిస్తోంది.  ► ఐజీ రాజేష్‌కుమార్‌ 2016, జూన్‌ 30వ తేదీ నుంచి ఇంటెలిజెన్స్‌ విభాగంలోని కౌంటర్‌ ఇంటెలిజెన్స్‌ బాధ్యతలు నిర్వర్తిస్తున్నారు. డీఐజీ నుంచి ఐజీ అయినా ఆరేళ్లుగా పాత పోస్టులోనే కొనసాగుతున్నారు.  ► చంద్రశేఖర్‌ రెడ్డి కూడా ప్రస్తుతం ఐజీ. ఈయన పరిస్థితి మరీ విచిత్రం. ఐజీ హోదా ఉన్నప్పటికీ ఎస్పీ హోదా కలిగిన రామగుండం కమిషనర్‌ పోస్టులో పనిచేయాల్సిన దుస్థితి ఏర్పడింది. 10 నెలలుగా ఆయన ఈ విధంగా విధులు నిర్వర్తిస్తున్నారు.   కుర్చీలో ఖాళీగా.. ఐపీఎస్‌ అధికారికి పక్కా పోస్టింగ్‌ కల్పిస్తేనే పూర్తి స్థాయిలో బాధ్యత నిర్వహణ సాధ్యమవుతుంది. కానీ రాష్ట్ర పోలీస్‌ శాఖలో ఓ పద్ధతి లేకుండా పోయింది. వెయిటింగ్‌/అటాచ్‌మెంట్‌ అనే పేరుతో ఏదో ఒక విభాగంలో కుర్చీ ఇచ్చి ఖాళీగా కూర్చోబెడుతున్నారు. అటాచ్‌మెంట్‌పై ఉన్న అధికారులు ఏదైనా పనిచేయడానికి కానీ, ఏదైనా విషయంలో సొంతంగా నిర్ణయం తీసుకోవడం గానీ, ఆదేశాలివ్వడం గానీ, పరిపాలన చేయడం గానీ ఉండదు. ఈ పరిస్థితుల్లోనే అధికారులు తీవ్ర నిరాశానిస్పృహలకు గురవుతున్నారు. 2017లో ఐపీఎస్‌ ట్రైనింగ్‌ పూర్తి చేసుకున్న యువ అధికారులను సైతం అటాచ్‌మెంట్‌ పేరుతో పోలీస్‌ శాఖ కొనసాగించడం ఏమిటో అర్ధం కావడం లేదని సీనియర్‌ అధికారులే వ్యాఖ్యానిస్తున్నారు. ఈ సమయంలో అదనపు డీజీపీలు, ఐజీలు, డీఐజీలు, ఎస్పీలు పదోన్నతులు పొందినా ఇంకా పాత పోస్టింగ్‌ల్లోనే కొనసాగుతున్నారు.  

సాక్షి, అమరావతి: ఆంధ్రప్రదేశ్‌లో పదిహేను మంది ఐపీఎస్‌ ఆఫీసర్ల బదిలీ ప్రక్రియ జరిగింది. మంగళవారం ఈ మేరకు ప్రభుత్వ ప్రధాన కార్యదర్శి సమీర్‌ శర్మ పేరు మీదుగా ప్రభుత్వ జీవో విడుదల అయ్యింది.  ఎల్‌కేవీ రంగారావు, ఎస్వీ రాజశేఖర బాబు, పీహెచ్‌డీ రామకృష్ణ, కేవీ మోహన్‌ రావు, ఎస్‌ హరికృష్ణ, గోపినాథ్‌ జట్టి, కోయ ప్రవీణ్‌, విశాల్‌ గున్నీ, రవీంద్ర బాబు, అజిత వెజెండ్ల, జీ కృష్ణకాంత్‌, పీ జగదీశ్‌, తుహిన్‌ సిన్హా, బిందు మాధవ్‌ గరికపాటి, పీవీ రవికుమార్‌ బదిలీ జాబితాలో ఉన్నారు.  విజయవాడ రైల్వే  ఎస్పీగా విశాల్‌ గున్నీకి అదనపు బాధ్యతలు అప్పగించగా, శాంతి భద్రతల డీఐజీగా రాజశేఖర్‌కు అదనపు బాధ్యతలు అప్పగించారు.  కోస్టల్‌ సెక్యూరిటీ డీఐజీగా ఎస్‌ హరికృష్ణకు,  న్యాయవ్యవహారాల ఐజీపీగా గోపీనాథ్‌కు అదనపు బాధ్యతలు అప్పగించారు.  గుంతకల్లు రైల్వే పోలీస్‌ సూపరింటెండెంట్‌గా అజిత వేజెండ్లకు అదనపు బాధ్యతలు అప్పగించగా, పోలీస్‌ హెడ్‌ క్వార్టర్స్‌కు డీఎన్‌ మహేష్‌ను బదిలీ చేశారు. ఐజీపీ స్పోర్ట్స్‌, సంక్షేమ బాధ్యతలు ఎల్‌ కె వి రంగారావుకు, గ్రేహౌండ్స్‌ డీఐజీగా గోపీనాథ్‌ శెట్టికి బాధ్యతలు అప్పగించారు.  ఇక ప్రస్తుతం కాకినాడ ఎస్పీగా  ఉన్న రవీంద్రనాథ్‌ బాబుకు కాకినాడ థర్డ్‌ బెటాలియన్‌ అదనపు బాధ్యతలు అప్పగించారు.  ఏసీబీ డీఐజీగా పీహెచ్‌డీ రామకృష్ణ బదిలీ కాగా, 16వ బెటాలియన్‌ కమాండెంట్‌గా కోయ ప్రవీణ్‌ను బదిలీ చేశారు. పల్నాడు అదనపు ఎస్పీ అడ్మిన్‌గా బిందు మాధవ్‌ బాధ్యతలు తీసుకోనున్నారు. తాజా బదిలీలు, పోస్టింగ్‌లు తక్షణమే అమలులోకి వస్తాయని సీఎస్‌ తాజా జీవోలో పేర్కొన్నారు.

సాక్షి, హైదరాబాద్‌: పోలీస్‌ ఉద్యోగం అన్ని ప్రభుత్వం ఉద్యోగాల మాదిరి కాదని, ప్రతీ క్షణం అప్రమత్తతతోపాటు చాకచక్యంగా వ్యవహరించాల్సి ఉంటుందని సీనియర్‌ ఐపీఎస్‌ అధికారి పరిమళా హనా నూతన్‌ అభిప్రాయ పడ్డారు. అందుకే అభ్యర్థులు ఏదో ఒక ప్రభుత్వ ఉద్యోగం అని భావించకుండా ఉద్యోగంలో ఎదురయ్యే సమస్యలను ఆత్మస్థైర్యంతో ఎదుర్కొనేలా, ఒత్తిడి తట్టుకొని పనిచేసేలా మానసికంగా దృఢంగా ఉండాలని ఆమె సూచించారు. పోలీస్‌ ట్రైనింగ్‌ కాలేజీ ప్రిన్సిపాల్‌గా, పోలీస్‌ అకాడమీలో జాయింట్‌ డైరెక్టర్‌గా అనుభవమున్న పరిమళా హనా నూతన్‌ పోలీస్‌ ఉద్యోగాలకు సన్నద్ధమయ్యే అభ్యర్థుల కోసం పలు అంశాలు ‘సాక్షి’తో పంచుకున్నారు. అవి మాటల్లోనే... పాజిటివ్‌ దృక్పథంతో.. పోలీసు ఉద్యోగాలకు ప్రిపరేషన్‌ రెండు రకాలుగా ఉంటుం ది. భయపడకుండా సమయాన్ని బట్టి రాతపరీక్షతోపాటు దేహదారుఢ్య పరీక్షలకు సన్నద్ధమవ్వాలి. ప్రతీ క్షణం ఉద్యోగం సాధిస్తామనే పాజిటివ్‌ దృక్పథంతో ఆలోచిస్తూ అడుగువేయాలి. బలమైన సంకల్పంతో ప్రతీ సబ్జెక్టును శ్రద్ధపెట్టి చదవాలి. రావడంలేదు.. అర్థంకావడంలేదు అనే భావనను దరిచేరనీయొద్దు. 24 గంటలూ పుస్తకాలు పట్టుకొని వేలాడాల్సిన అవసరంలేదు. చదివిన కొద్ది గంటలైనా శ్రద్ధపెట్టి చదివితే సబ్జెక్టు అర్థమవుతుంది. గుర్తుండి పోతుంది. పర్ఫెక్ట్‌ (ఆయా అంశాలపై సందిగ్ధత లేకుండా స్పష్టతతో), నాలెడ్జ్‌ (బట్టిపట్టకుండా పరిజ్ఞానం పెంచుకోవడం), స్మార్ట్‌ (చాకచక్యంగా తక్కువ సమయంలో ఎక్కువ ప్రిపరేషన్‌ అయ్యేలా).. అనే మూడు టెక్నిక్స్‌తో ప్రణాళిక వేసుకుంటే ఉద్యోగాన్ని సులువుగా కొట్టొచ్చు. సాంకేతిక రంగం నుంచి వచ్చే వాళ్లకు... యావత్‌ప్రపంచం టెక్నాలజీలో దూసుకుపోతుండటంతో నేరాల నియంత్రణలో సాంకేతికత వినియోగం అత్యంత కీలకమైంది. అందువల్ల టెక్నాలజీ రంగం నుంచి వచ్చిన వారికి పోలీస్‌ ఉద్యోగం అదనపు బలమవుతుంది. అయితే సాఫ్ట్‌వేర్‌ ఉద్యోగాలకు ఉన్నంత వెసులుబాటు పోలీస్‌ ఉద్యోగాల్లో ఉండదు. అది ఒక్కటి గుర్తుపెట్టుకొని మానసికంగా సన్నద్ధులై ఉద్యోగంలోకి రావాలి. ఐటీసీ విభాగాలకు ప్రిపేరయ్యే వాళ్లు శాస్త్రీయ ఆధారాలు, సాంకేతిక పరిజ్ఞానం అంశాల్లో బేసిక్స్‌తోపాటు ప్రొఫెషనలిజం అంశాలపై కొంత దృష్టి పెట్టాలి.  అర్థమెటిక్, రీజనింగ్‌కు... ఎస్‌ఐ ఉద్యోగమైనా, కానిస్టేబుల్‌ అయినా ఫండమెంటల్‌ బేసిక్స్‌పై దృష్టిసారించాలి. అర్థమెటిక్, రీజనింగ్‌లాంటి సబ్జెక్టులకు కొంత అధిక సమయం కేటాయించాలి. లాజికల్‌ ప్రశ్నలు ఉంటాయి కాబట్టి సమస్యను పరిష్కరించే టెక్నిక్‌ను పట్టగలిగితే ప్రిపరేషన్‌ సులభతరం అవుతుంది. బట్టిపట్ట కుండా కాన్సెప్ట్‌ను అర్థం చేసుకోగలిగితే రాతపరీక్షను అనుకున్న సమయంలో తప్పులు లేకుండా రాయొచ్చు. అదేవిధంగా జనరల్‌ నాలెడ్జ్, ఇంగ్లిష్‌ తదితర అంశాలపై కూడా ఫోకస్‌ చేయాలి. తెలంగాణ చరిత్ర, పోరాటం తదితర అంశాలనూ చదవాలి. ఒకేసారి 800 మీటర్లు వెళ్లొదు. పురుషులతో పోలిస్తే మహిళలు ఏ రంగంలోనూ వెనుకబడి లేరు. కాబట్టి ఇంట్లో పనులు, పిల్లలు, బాధ్యతలు ఎన్ని ఉన్నా గట్టి నిర్ణయంతో మహిళలు ముందడుగు వేస్తే తిరుగుండదు. ప్రిపరేషన్‌ కోసం ఒక షెడ్యూల్‌ పెట్టుకోవాలి, అవసరమైతే ఇంట్లో పనులను కుటుంబీకులకు అప్పజెప్పి పరీక్షలకు సన్నద్ధమవ్వాలి. దేహదారుఢ్య పరీక్షలు కూడా కీలకం కాబట్టి ఒక క్రమపద్ధతిలో ప్రాక్టీస్‌ చేయాలి. మొదటి రోజు 300 మీటర్ల నుంచి పరుగు పందెం ప్రారంభించి క్రమక్రమంగా పెంచాలి. అతి వేగంగా పరిగెత్తాలని భావించి ఒకేసారి 800 మీటర్లు వెళ్లకూడదు. మెల్లమెల్లగా దూరాన్ని పెంచుతూ ప్రయత్నిస్తే శరీరం కూడా సహకరిస్తుంది. 5 నిమిషాల 20 సెకన్లలో చేరేలాగా చూసుకుంటే సరిపోతుంది. లాంగ్‌ జంప్, షార్ట్‌ పుట్‌కు టెక్నిక్స్‌ అవసరముంటాయి, నిపుణుల వద్ద శిక్షణ తీసుకుంటే అవి పెద్ద సమస్య కాదు.  

సాక్షి, అమరావతి: భార్యాభర్తలు ఇద్దరూ అఖిల భారత సర్వీసుల అధికారులైతే వేర్వేరు ప్రాంతాల్లో కొలువు తçప్పదు. కొత్త జిల్లాల ఏర్పాటుతో భార్యాభర్తలైన ఐఏఎస్, ఐపీఎస్‌ అధికారులకు ఒకేచోట కాకపోయినా పక్క పక్క జిల్లాల్లో విధులు నిర్వహించే సువర్ణావకాశం లభించింది. రాష్ట్రంలో 13 జిల్లాలు 26 జిల్లాలుగా ఆవిర్భవించడంతో పలువురు ఐఏఎస్, ఐపీఎస్‌ దంపతులకు పక్క పక్క జిల్లాల్లోనే ప్రభుత్వం పోస్టింగ్‌లు ఇచ్చింది. ఆయా జంటల్లో కొందరు వీరు.. ► పూర్వ తూర్పుగోదావరి జిల్లా ఇప్పుడు మూడు జిల్లాలుగా రూపాంతరం చెందిన విషయం తెలిసిందే. వాటిలో కాకినాడ జిల్లా కలెక్టర్‌గా కృతికా శుక్లా, కోనసీమ జిల్లా కలెక్టర్‌గా హిమాన్షు శుక్లా నియమితులయ్యారు. వీరిద్దరూ భార్యభర్తలు.  ► ప్రకాశం, బాపట్ల జిల్లాల కలెక్టర్లు దినేష్‌ కుమార్, విజయ ఇద్దరూ దంపతులే. అలాగే ప్రకాశం జిల్లా ఎస్పీ మల్లికా గర్గ్, బాపట్ల ఎస్పీ వకుల్‌ జిందాల్‌ ఇద్దరూ భార్యాభర్తలు. è నంద్యాల జేసీగా పనిచేసిన డాక్టర్‌ మనబీర్‌ జిలానీ శామూన్‌ను ప్రభుత్వం నంద్యాల కలెక్టర్‌గా నియమించింది. ఆయన భార్య తమీమ్‌ అన్సారియా శ్రీశైలం ప్రాజెక్ట్‌ స్పెషల్‌ డిప్యూటీ కలెక్టర్‌గా విధులు నిర్వహిస్తూ అన్నమయ్య జిల్లా జేసీ గా బాధ్యతలు చేపట్టారు. è ఎన్టీఆర్‌ జిల్లా కలెక్టర్‌ ఢిల్లీ రావు, పశ్చిమ గోదావరి జిల్లా కలెక్టర్‌ ప్రశాంతి కూడా దంపతులే. 

సాక్షి, అమరావతి: రాష్ట్ర ప్రభుత్వం పలువురు ఐఏఎస్‌ అధికారులను బదిలీ చేసింది. ఈ మేరకు శనివారం రాత్రి ప్రభుత్వ ప్రధాన కార్యదర్శి సమీర్‌ శర్మ ఉత్తర్వులు జారీ చేశారు.  రాష్ట్రంలో 51 మంది ఐపీఎస్‌లను ప్రభుత్వం బదిలీ చేసింది. కొత్త జిల్లాల ఏర్పాటు నేపథ్యంలో మొత్తం 26 జిల్లాలకు ఎస్పీలను నియమిస్తూ ఉత్తర్వులిచ్చింది. అలాగే విశాఖ పోలీస్‌ కమిషనర్‌గా శ్రీకాంత్, పోలీస్‌ రిక్రూట్‌మెంట్‌ బోర్డు చైర్మన్‌గా మనీష్‌కుమార్‌ సిన్హాను నియమించింది. కొత్త జిల్లాలు, పాలన పరమైన కారణాల నేపథ్యంలో జరిగిన బదిలీల వివరాలు ఇలా ఉన్నాయి.

సాక్షి, హైదరాబాద్‌: పొలిటికల్‌ వర్సెస్‌ పోలీస్‌.. ఇది కొత్తదేమీ కాదు కానీ తాజాగా టీపీసీసీ అధ్యక్షుడు, ఎంపీ రేవంత్‌ రెడ్డి, ఇతర కాంగ్రెస్‌ నేతలు చేస్తున్న వ్యాఖ్యలు ఐఏఎస్, ఐపీఎస్‌ వర్గాల్లో తీవ్ర చర్చకు దారితీస్తున్నాయి. సీఎం కేసీఆర్, టీఆర్‌ఎస్‌ ప్రభుత్వం లక్ష్యంగా బిహారీ బ్యాచ్‌ అంటూ రాష్ట్రంలోని కొంతమంది ఐఏఎస్, ఐపీఎస్‌లను ఉద్దేశించి వారం రోజులుగా చేస్తున్న వ్యాఖ్యలు వివాదాస్పదమవుతున్నాయి. డీజీపీ మహేందర్‌ రెడ్డీ.. రాజీనామా చేసి కేసీఆర్‌ ముఖాన కొట్టు అన్న వ్యాఖ్యలు వివాదాన్ని మరింత పెంచాయి. అయితే ఈ వ్యాఖ్యలపై ఐఏఎస్, ఐపీఎస్‌ అధికారుల అసోసియేషన్లు దీటుగానే స్పందించాయి. ఒక రాష్ట్రానికి చెందిన అధికారులను లక్ష్యంగా చేసుకుని చేస్తున్న వ్యాఖ్యలను రాష్ట్ర ఐఏఎస్‌ అధికారుల సంఘం బుధవారమే తీవ్రంగా ఖండించింది. ఇదిలా ఉండగా రేవంత్‌రెడ్డి గురువారం సంబంధిత ఐఏఎస్‌లు, ఐపీఎస్‌లకు ఇచ్చిన కీలక పోస్టింగ్‌లపై రాష్ట్ర ముఖ్యమంత్రికి బహిరంగ లేఖ రాయడంతో ఈ వివాదం మరింత ముదురుతోందనే అభిప్రాయం వ్యక్తం అవుతోంది. పదోన్నతి పొందిన ఐపీఎస్‌ అధికారులు ఏళ్ల తరబడి ఒకే కుర్చీలో కూర్చోవడంపై ఆత్మవిమర్శ చేసుకోవాలని రేవంత్‌ ఆ లేఖలో సూచించారు. దీనిపై తాజాగా ఐపీఎస్‌ అధికారుల సంఘం స్పందించింది.  ఐఏఎస్, ఐపీఎస్‌ పోస్టింగుల్లో పక్షపాత వైఖరి తెలంగాణలో బిహార్‌ ఐఏఎస్, ఐపీఎస్‌ అధికారులకు కీలక బాధ్యతలతో పాటు కీలకమైన విభాగాలను కేటాయించ డంపై టీపీసీసీ అధ్యక్షుడు రేవంత్‌రెడ్డి అభ్యంతరం వ్యక్తం చేశారు. ఏళ్ల తరబడి ఆ విభాగాలకు అధిపతులుగా పనిచేయడం వల్ల అవినీతి పెరిగిపోతోందని ఆరోపించారు. ఐఏఎస్, ఐపీఎస్‌ అధికారుల పోస్టింగులపై పక్షపాత వైఖరి వీడాలంటూ గురువారం సీఎం కేసీఆర్‌కు రేవంత్‌ బహిరంగ లేఖ రాశారు. రాష్ట్రంలో 157 మంది ఐఏఎస్‌లు, 139 మంది ఐపీఎస్‌ అధికారులుండగా ప్రభుత్వ, ప్రధాన కార్యదర్శి నుంచి ఇన్‌చార్జి డీజీపీ వరకు  బిహార్‌ అధికారులనే ఇవ్వడం ఎలా అర్థం చేసుకోవాలో చెప్పాలని డిమాండ్‌ చేశారు. రాష్ట్రానికి చెందిన ఐఏఎస్, ఐపీఎస్‌ అధికారులను ఎందుకు లూప్‌లైన్‌లో పెడుతున్నారో చెప్పాలని రేవంత్‌రెడ్డి డిమాండ్‌ చేశారు.  రేవంత్‌ వ్యాఖ్యలపై ఐపీఎస్‌ల ఆగ్రహం  రేవంత్‌రెడ్డి చేసిన బిహార్‌ బ్యాచ్‌ వ్యాఖ్యలను రాష్ట్ర ఐపీఎస్‌ అధికారుల సంఘం గురువారం తీవ్రంగా ఖండించింది. ఆలిండియా సర్వీసు రూల్స్‌ తెలియకుండా రేవంత్‌రెడ్డి మాట్లాడుతున్నారని ఒక ప్రకటనలో విమర్శించింది. అఖిల భారత సర్వీస్‌ రూల్స్‌ ప్రకారం జరిగే అధికారుల కేటాయింపులపై వివాదాస్పదంగా మాట్లాడటం సరైంది కాదని పేర్కొంది. పోస్టింగ్‌ల వ్యవహారం రాష్ట్ర ప్రభుత్వ విచక్షణతో కూడుకున్నదని  కూడా స్పష్టం చేసింది. డీజీపీ మహేందర్‌రెడ్డి బలవంతంగా సెలవులో వెళ్లేలా రాష్ట్ర ప్రభుత్వం చేసిందని, బిహార్‌కు చెందిన ఐపీఎస్‌లను డీజీపీ చేసేందుకే ఇలా చేశారని రేవంత్‌రెడ్డి చేసిన వ్యాఖ్యలను అసోసియేçషన్‌ తీవ్రంగా ఖండించింది. మహేందర్‌రెడ్డి ఇంట్లో జారిపడటంతో డాక్టర్ల సలహా మేరకు విశ్రాంతి కోసం మెడికల్‌ లీవులో వెళ్లారని వివరించింది. వ్యక్తిగత ప్రయోజనం కోసం అధికారుల మధ్య చిచ్చు పెట్టి, రాష్ట్రాల వారీగా విభజించే విధంగా వ్యాఖ్యలు చేస్తున్నారని ఘాటుగా స్పందించింది.  బలవంతపు సెలవు నిజం కాదు: డీజీపీ  తనను ప్రభుత్వం బలవంతంగా సెలవుపై పంపించిందం టూ ఎంపీ రేవంత్‌ రెడ్డి చేసిన ఆరోపణలు ఏమాత్రం వాస్త వం కాదని డీజీపీ మహేందర్‌రెడ్డి గురువారం ఒక ప్రకటనలో స్పష్టం చేశారు. ఇంట్లో జారిపడిన సంఘటనలో ఎడమ భుజంపైన ఎముకకు మూడు చోట్ల హెయిర్‌లైన్‌ ఫ్రాక్చర్‌ జరిగిందని తెలిపారు. లోపలి గాయం మానేందుకు పూర్తి స్థాయిలో విశ్రాంతి అవసరమని డాక్టర్లు సూచించినందునే ఫిబ్రవరి 18వ తేదీ నుండి మార్చి 4వ తేదీ వరకు సెలవులో ఉన్నానని వివరించారు. వైద్యుల సలహా మేరకు తిరిగి విధుల్లో చేరతానని పేర్కొన్నారు. వాస్తవాలు తెలుసుకోకుండా తనను ప్రభుత్వం బలవంతంగా సెలవులో పంపించిందం టూ తప్పుడు, బాధ్యతా రహిత ప్రచారం చేయడంపై తీవ్ర అభ్యంతరం వ్యక్తం చేస్తున్నట్టు తెలిపారు. ఒక పార్టీకి రాష్ట్ర నాయకుడిగా ఉన్న రేవంత్‌ రెడ్డి అవాస్తవాలు ప్రచారం చేయడం భావ్యం కాదని, తమ రాజకీయ అవసరాలకు ప్రభుత్వ అధికారులపై ఈ విధమైన అసత్య ప్రచారం చేయడాన్ని తీ వ్రంగా ఖండిస్తున్నట్టు తెలిపారు. ఒక ఉన్నత స్థాయి, బాధ్యతాయుత హోదాలో ఉన్న సీనియర్‌ అధికారిపై ఈ విధమైన ఆరోపణలను చేయడం ఆక్షేపణీయమని, ప్రభుత్వంపై అపో హలు కలిగే అవకాశం ఉందని ఆందోళన వ్యక్తం చేశారు. 

సాక్షి, మచిలీపట్నం: గ్రామ సచివాలయ మహిళా పోలీసుల ద్వారా ప్రజల నుంచి నేరుగా ఫిర్యాదుల స్వీకరణ, తక్షణమే పరిష్కరించే కార్యక్రమం చేపడుతున్న ఏపీ ప్రభుత్వ చర్యలను పలు రాష్ట్రాలకు చెందిన ఐపీఎస్‌ అధికారులు ప్రశంసించారు. గ్రామ సచివాలయాల నుంచి వీడియో కాన్ఫరెన్స్‌ ద్వారా ప్రజలకు పోలీస్‌ సేవలు అందించడంపై శిక్షణ తరగతి (ట్రైనింగ్‌ సెషన్‌) నిర్వహించిన జిల్లా ఎస్పీ సిద్ధార్థ కౌశల్‌ను అభినందించారు. జిల్లా పోలీసు కార్యాలయం నుంచి మంగళవారం నిర్వహించిన ఈ వీడియో కాన్ఫరెన్స్‌ శిక్షణ కార్యక్రమంపై నేషనల్‌ పోలీస్‌ అకాడమీలో మిడ్‌ కెరీర్‌ ట్రైనింగ్‌ ప్రోగ్రాంలో ఉన్న అన్ని రాష్ట్రాలకు చెందిన 87 మంది సీనియర్‌ ఐపీఎస్‌ అధికారులకు ఎస్పీ సిద్ధార్థ కౌశల్‌ బ్రీఫింగ్‌ ఇచ్చారు. గ్రామాల్లో ప్రజలు ఎదుర్కొనే సమస్యలను నేరుగా తెలుసుకునేలా ఎస్పీ రూపొందించిన ‘ప్రత్యక్ష స్పందన’ కార్యక్రమాన్ని వీడియో కాన్ఫరెన్స్‌ ద్వారా వారు తిలకించారు. ఈ కార్యక్రమం ద్వారా వారి సమస్యలు చెప్పుకోవడానికి పోలీస్‌ స్టేషన్‌కు వచ్చే ప్రజలు గంటల తరబడి వేచి ఉండకుండా, వారి గ్రామంలోనే మహిళా పోలీసుల ద్వారా సచివాలయాల నుంచి టైం స్లాట్‌ బుక్‌ చేసుకుని ఆ సమయంలో వచ్చి ఎస్పీతో వారి సమస్యలను చెప్పుకొనేలా చర్యలు తీసుకున్నారు. అదే సమయంలో ఎస్పీతో పాటు వారి ప్రాంత పరిధిలోని పోలీస్‌ స్టేషన్‌ ఎస్‌ఐ, సీఐ, డీఎస్పీ స్థాయి అధికారులు కూడా వీడియో కాన్ఫరెన్స్‌లో పాల్గొనడం ద్వారా పోలీస్‌ అధికారులతో వారి సమస్యను నేరుగా చెప్పుకొనే అవకాశం కల్పించారు. ఎస్పీ ఫిర్యాదుదారులతో వీడియో కాన్ఫరెన్స్‌ ద్వారా మాట్లాడుతూ వారి ఎదురుగానే సంబంధిత పోలీస్‌ అధికారులకు ఆ ఫిర్యాదును బదిలీ చేసి, పూర్తి పారదర్శకంగా పరిష్కారం చూపించేలా చర్యలు తీసుకుంటున్నారు. దీంతో ఫిర్యాదు పురోగతి గురించి బాధితులు మహిళా పోలీస్‌ ద్వారా తెలుసుకోవచ్చు. ఇవి చూసిన సీనియర్‌ ఐపీఎస్‌ అధికారులు.. సచివాలయ వ్యవస్థను, మహిళా పోలీసుల ఏర్పాటును, ఆంధ్రప్రదేశ్‌ ప్రభుత్వాన్ని  ప్రశంసించారు. గ్రామ సచివాలయాల్లోనే ప్రజల నుంచి ఫిర్యాదుల స్వీకరణ, సమస్య పరిష్కారానికి కృషిచేస్తున్న సచివాలయ మహిళా పోలీసు వ్యవస్థ, ఆంధ్రప్రదేశ్‌ పోలీస్‌ వ్యవస్థ దేశానికే ఆదర్శమని చెప్పారు.  

సాక్షి, హైదరాబాద్‌: పోలీస్‌ శాఖలో ఐపీఎస్‌ అధికారుల పరిస్థితి విచిత్రంగా తయారైంది. పదోన్నతి లభించినా పాత పోస్టులోనే ఏళ్ల తరబడి కొనసాగాల్సిన పరిస్థితి నెలకొంది. బదిలీపై ప్రభుత్వానికి ఎన్నిసార్లు ప్రతిపాదనలు వెళ్లినా అటకెక్కడం తప్ప పోస్టింగ్‌లపై ఆదేశాలు వచ్చిన దాఖాలాలు లేవు. ఇటీవల కొందరు ఐపీఎస్‌ల బదిలీ జరిగినా ఇంకా చాలామేరకు పెండింగ్‌లో ఉన్నాయి. దీంతో నాలుగేళ్లుగా ఒకే పోస్టులో ఉన్న ఐపీఎస్‌లు తలలు పట్టుకుంటున్నారు.  పరిస్థితి మారదా?  ►సీఐడీ చీఫ్‌గా ఉన్న గోవింద్‌సింగ్‌ అదనపు డీజీపీగా పదోన్నతి పొందినా  నాలుగున్నరేళ్లుగా ఇదేపోస్టులో ఉన్నారు. కొద్ది రోజులపాటు ఏసీబీ, విజిలెన్స్‌ ఇన్‌చార్జి డీజీగా బాధ్యతలు నిర్వర్తించారు.  ►శాంతి భద్రతల విభాగం అదనపు డీజీపీగా జితేందర్‌ సైతం నాలుగేళ్లుగా అదే పోస్టింగ్‌లో కొనసాగుతున్నారు. అదనంగా జైళ్ల శాఖను పర్యవేక్షిస్తున్నారు.  ►ఇంటలిజెన్స్‌ చీఫ్‌గా ఐజీ ర్యాంకు నుంచి పోలీస్‌ శాఖలోని పర్సనల్‌ విభాగానికి బదిలీపై వచ్చిన శివధర్‌రెడ్డి నాలుగున్నరేళ్లుగా అదేపోస్టులో ఉన్నారు. అదనపు డీజీపీగా పదోన్నతి వచ్చినా పాత స్థానంలోనే కొనసాగుతున్నారు.  ►ప్రొవిజినల్, లాజిస్టిక్‌ ఐజీగా నాలుగేళ్ల క్రితం వచ్చిన సంజయ్‌కుమార్‌ జైన్‌ ఇటీ వల అదనపు డీజీపీగా పదోన్నతి పొం దిన ఇంకా అక్కడే కొనసాగిల్సిన పరిస్థితి ఏర్పడింది. అగ్నిమాపకశాఖతోపాటు డిజాస్టర్‌ మేనేజ్‌మెంట్‌కు డైరెక్టర్‌గా అదనపు బాధ్యతలు నిర్వర్తిస్తున్నారు.  ►అపరేషన్స్‌ విభాగాలుగా ఉన్న గ్రేహౌం డ్స్, ఆక్టోపస్‌ యూనిట్లకు అదనపు డీజీపీగా శ్రీనివాస్‌రెడ్డి ఐదేళ్లకుపైగా అక్కడే విధులు నిర్వర్తిస్తున్నారు. ఐజీగా బదిలీపై వెళ్లిన ఆయన అదనపు డీజీపీగా పదోన్నతి పొంది రెండేళ్లు దాటినా ఇంకా పాత స్థానంలోనే కొనసాగాల్సి వస్తోంది.  ►సీనియర్‌ ఐపీఎస్‌ రవిగుప్తా, పోలీస్‌ టెక్నాలజీ, కంప్యూటర్‌ సర్వీసెస్‌ అదన పు డీజీపీతోపాటు హోంశాఖ ముఖ్య కార్యదర్శిగా బదిలీపై వెళ్లి మూడున్నరేళ్లు కావస్తోంది. డైరెక్టర్‌ జనరల్‌గా పదోన్నతి పొందినా బదిలీకి నోచుకోలేదు.  ►పోలీస్‌ ఆర్గనైజేషన్‌ అదనపు డీజీపీగా సీనియర్‌ ఐపీఎస్‌ రాజీవ్‌ రతన్‌ మూడున్నరేళ్లుగా అక్కడే విధులు నిర్వర్తిసున్నారు.  ►రోడ్‌ సేఫ్టీ అదనపు డీజీపీ సందీప్‌ శాండిల్యా దాదాపు నాలుగేళ్లుగా అదే పోస్టులో కాలం వెళ్లదీస్తున్నారు.  ►రాచకొండ కమిషనర్‌గా మహేష్‌ భగవత్‌ దాదాపు నాలుగున్నరేళ్లుగా అక్కడే ఐజీగా, ప్రస్తుతం అదనపు డీజీపీగా కొనసాగుతున్నారు. ►హైదరాబాద్‌ కమిషనరేట్‌లో అదనపు సీపీగా ఉన్న దేవేంద్రసింగ్‌ చౌహాన్‌ మూడున్నరేళ్లుగా పనిచేస్తున్నారు. ఇటీవల పదోన్నతి పొందినా అక్కడే తిరిగి విధులు నిర్వర్తిస్తున్నారు.  ►నార్త్‌జోన్‌ (వరంగల్‌) ఐజీగా వై. నాగిరెడ్డి మూడున్నరేళ్లుగా అక్కడే కొనసాగుతుం డగా స్టీఫెన్‌ రవీంధ్ర బదిలీతో వెస్ట్‌జోన్‌ (హైదరాబాద్‌) ఐజీ బాధ్యతలు కూడా ఆయనే నిర్వర్తిసున్నారు. ఇటీవల అదన పు డీజీపీగా పదోన్నతి పొందినా ఐజీ ర్యాంకు పోస్టులోనే విధులు నిర్వర్తిస్తున్నారు. ►కేంద్ర సర్వీసుల నుంచి వచ్చిన సీనియర్‌ ఐపీఎస్, అదనపు డీజీపీ విజయ్‌కుమార్‌ ఇంకా వెయిటింగ్‌లోనే ఉండాల్సిన పరిస్థితి ఏర్పడింది. కొద్ది రోజులపాటు హైదరాబాద్‌ ట్రాఫిక్‌ అదనపు కమిషనర్‌గా నియమించినా మళ్లీ ఆయన్ను బదిలీ చేసి డీజీపీ కార్యాలయంలో రిపోర్ట్‌ చేయాలని ఆదేశించారు. ►ఇంటెలిజెన్స్‌లో డీఐజీగా నాలుగేళ్లు, ప్రస్తుతం ఐజీగా పదోన్నతి పొందిన శివకుమార్‌ అక్కడే నాలుగున్నరేళ్లుగా పనిచేస్తున్నారు. ఇదే విభాగంలో ఎస్పీ, డీఐజీగా, ఐజీగా రాజేష్‌కుమార్‌ విధులు నిర్వర్తిస్తున్నారు. దాదాపుగా ఐదున్నరేళ్లుగా ఆయన ఇక్కడే విధులు నిర్వర్తించడం గమనార్హం.  ►వీబీ కమలాసన్‌రెడ్డి ఇటీవలే ఐజీగా పదోన్నతి పొందినా వెయిటింగ్‌లోనే ఉన్నారు. అంతకుముందు ఐదేళ్లపాటు కరీంనగర్‌ కమిషనర్‌గా పనిచేసి ఆయన రికార్డు సృష్టించారు. ►డీసీపీ (ఎస్పీ ర్యాంకు)లో నగర కమిషనరేట్‌లోని ఈస్ట్‌జోన్‌కు బదిలీపై వెళ్లిన ఎం రమేష్‌రెడ్డి, డీఐజీగా పదోన్నతి పొంది దాదాపు మూడున్నరేళ్లు కావస్తోంది. ఇంకా ఆయన డీసీపీ పోస్టులో జాయింట్‌ సీపీగా పనిచేస్తున్నారు. ►డీఐజీ రమేష్‌నాయుడు, ఎస్పీ నవీన్‌కుమార్‌ పోలీస్‌ అకాడమీలోనే కాలం వెళ్లదీస్తున్నారు. వాళ్లు బదిలీపై వెళ్లి దాదాపు నాలుగున్నరేళ్లు కావస్తోంది. ►ఎస్పీగా సీఐడీకి బదిలీ అయిన ఐపీఎస్‌ శ్రీనివాస్, డీఐ జీగా పదోన్నతి రెండేళ్లు అయినా ఇప్పటివరకు స్థానచలనం రాలేదు. అలాగే సీఐడీకి వచ్చి మూడేళ్లు కావస్తున్న ఐపీఎస్‌ పరిమళహనా నూతన్‌కు సైతం స్థానచలనం కలగలేదు. డీఐజీగా ఉన్న సుమతి మూడేళ్లుగా సీఐడీ నుంచి అటాచ్‌మెంట్‌లో ఉమెన్‌ సేఫ్టీ వింగ్‌లో విధులు నిర్వర్తిస్తున్నారు. ►కొత్తగా ఐపీఎస్‌ కన్ఫర్డ్‌ పదోన్నతి పొందిన ఆరుగురు అధికారులు వెయిటింగ్‌లోనే ఉన్నారు. మరో ఐదుగురు సీనియర్‌ ఐపీఎస్‌లు సైతం నెలల తరబడి వెయిటింగ్‌లో ఉన్నారు. 

సాక్షి, అమరావతి: టీడీపీ నేత వర్ల రామయ్య, ఆ పార్టీ  నేతలు తమ ఉనికిని చాటుకునేందుకు డీజీపీతోపాటు ఇతర పోలీసు అధికారులను ఏకవచనంతో సంబోధిస్తూ పరుష పదజాలంతో దూషించడాన్ని ఐపీఎస్‌ అధికారుల సంఘం తీవ్రంగా ఖండించింది. ఈ మేరకు ఐపీఎస్‌ అధికారుల సంఘం జాయింట్‌ సెక్రటరీ రాజీవ్‌కుమార్‌ మీనా శుక్రవారం ఒక ప్రకటన విడుదల చేశారు. చదవండి: గుడివాడలో టీడీపీకి భంగపాటు వర్ల రామయ్య తరచు ఉద్దేశపూర్వకంగా సీనియర్‌ ఐపీఎస్‌ అధికారులపై ఆరోపణలు చేస్తున్నారని పేర్కొన్నారు. ప్రతిపక్ష నేతలు ప్రజాసమస్యలపై ప్రభుత్వంతో పోరాడాలి తప్ప అధికారులను తరచుగా వివాదాల్లోకి లాగి వ్యక్తిగతంగా దూషించడం సబబు కాదన్నారు. ప్రతి స్థానిక సమస్యను డీజీపీకి ఆపాదించడం, తద్వారా రాజకీయ లబ్ధి పొందాలనుకోవడం మానుకోవాలని హితవు పలికారు. మాట్లాడేటప్పుడు పదప్రయోగం అత్యంత ముఖ్యమన్నారు. ఇదే రకమైన వ్యవహారశైలి కొనసాగితే చట్టపరంగా చర్యలు తీసుకుంటామని హెచ్చరించారు.  

దేశమంతా ఆసక్తిగా ఎదురుచూస్తున్న ఉత్తర్‌ప్రదేశ్‌ ఎన్నికల్లో అనేకమంది బ్యూరోక్రాట్‌లు తమ రెండో ఇన్సింగ్స్‌ను రాజకీయాల్లో మొదలు పెట్టేందుకు తహతహలాడుతున్నారు. ఖద్దరు చొక్కా వేసుకొని ప్రజలకు మరింతగా సేవ చేసుకోవాలని ఎన్నికల కదన రంగంలోకి దిగుతున్నారు. యూపీ ఎన్నికల్లో పోటీ చేసేందుకు వీలుగా ఇటీవలే ఐపీఎస్‌ పదవికి రాజీనామా చేసినా ఆశిమ్‌ అరుణ్‌ రెండ్రోజుల కిందటే బీజేపీలో చేరడం, ఆయనతో పాటు మారో మాజీ ఐఏఎస్‌ రామ్‌ బహదూర్‌ సైతం బీజేపీ నుంచి పోటీ చేసేందుకు సిధ్దపడుతుండటం ప్రస్తుతం ఆసక్తి రేపే అంశంగా మారింది.   అఖిలేష్‌ అడ్డా నుంచే ఆశిమ్‌ పోటీ... 1994 బ్యాచ్‌కు చెందిన 51 ఏళ్ల ఆశిమ్‌ అరుణ్‌ పదిరోజుల కిందటే స్వచ్చంద పదవీ విరమణ ప్రకటించారు. 2017 ఎన్నికల్లో గెలిచిన అనంతరం యూపీ సీఎం యోగి ఆదిత్యనా«థ్‌ ఆశిమ్‌ను కాన్పూర్‌ మొదటి పోలీస్‌ కమిషనర్‌గా నియమించారు. ఇక్కడ రౌడీ మూకల ఆట పట్టించి ఆశిమ్‌ తన సామర్థ్యాన్ని చాటుకున్నారు. అంతకుముందు ఆశిమ్‌ అలీఘర్, గోరఖ్‌పూర్, ఆగ్రా వంటి జిల్లాల్లో పోలీసు బలగాలకు నాయకత్వం వహించడమే కాకుండా, ఉత్తరప్రదేశ్‌లోని యాంటీ టెర్రరిస్ట్‌ స్క్వాడ్‌కు నేతృత్వం వహించారు. బీఎస్పీ అధినేత్రి మాయావతికి చెందిన దళిత ఉపకులం ‘జాతవ్‌’ వర్గానికి చెందిన ఆశిమ్‌ అరుణ్‌ యూపీ ఎన్నికల నోటిఫికేషన్‌ వెలువడిన రోజే వీఆర్‌ఎస్‌ ప్రకటించి ఈ నెల 16న బీజేపీ కండువా కప్పుకున్నారు. ఆయన తన సొంత నియోజకవర్గం కన్నౌజ్‌ నుంచి అసెంబ్లీకి పోటీ చేసే అవకాశం ఉంది. ఈ పార్లమెంట్‌ నియోజకవర్గం నుంచి ఎస్పీ అధినేత అఖిలేష్‌ యాదవ్‌ భార్య డింపుల్‌ యాదవ్‌ గతంలో ఎంపీగా గెలిచారు. ఇక్కడి నుంచే ఆశిమ్‌ అరుణ్‌ పోటీ చేస్తుండటంతో అప్పుడే ఆయన చేరికపై అఖిలేష్‌ ఘాటుగా స్పందించారు. ‘ఇటీవలే జరిగిన పంచాయతీ ఎన్నికల్లో బీజేపీని గెలిపించేందుకు ఆశిమ్‌ అరుణ్‌ సహాయపడుతున్నారని నేను ఆరోపించాను. బీజేపీలో చేరికతో అది నిజమైంది’ అని విమర్శలు గుప్పించారు. ఇక ఆశిమ్‌ అరుణ్‌తో పాటే మాజీ ఐఏఎస్‌ అధికారి రామ్‌ బహదూర్‌ సైతం ఆదివారం బీజేపీలో చేరారు. 2017కు ముందే బీఎస్పీలో చేరి మోహన్‌లాల్‌గంజ్‌ నుంచి పోటీ చేసి ఓడిన రామ్‌ బహదూర్‌ ప్రస్తుతం అదే స్థానం నుంచి బీజేపీ టిక్కెట్‌ ఆశిస్తున్నారు.   బ్రిజ్‌లాల్‌ స్ఫూర్తితో.. యూపీ మాజీ డీజీపీ బ్రిజ్‌లాల్‌ స్ఫూర్తితోనే ఆశిమ్‌ అరుణ్‌ బీజేపీలో చేరారని తెలుస్తోంది. మాజీ ఐపీఎస్‌ అయిన బ్రిజ్‌లాల్‌లో 2017లో యూపీలో అధికారంలోకి వచ్చిన వెంటనే బీజేపీలో చేరారు. పాసీ దళితుడైన బ్రిజ్‌లాల్‌ 2010–12లో బీఎస్పీ అధినేత్రి మాయావతి హయాంలో యూపీ డీజీపీగా పనిచేసిన సమయంలో ‘ఎన్‌కౌంటర్‌ స్పెషలిస్ట్‌‘గా పేరు గడించారు. బీజేపీలో చేరాక ఆయన్ను రాజ్యసభకు పంపడంతో పాటు యూపీలో నేరస్థులు, మాఫియాల అణిచివేతలో ఆయన సహాయాన్ని యోగి ప్రభుత్వం తీసుకుంటోంది. ఇక 1988 బ్యాచ్‌కు చెందిన గుజరాత్‌ క్యాడర్‌ ఐఏఎస్‌ అధికారి ఏ.కే. శర్మ గత ఏడాది బీజేపీలో చేరేందుకు వీఆర్‌ఎస్‌ తీసుకున్నారు. నరేంద్ర మోదీ గుజరాత్‌ సీఎంగా పనిచేసిన సమయంలో, ఆ తర్వాత ప్రధాని అయ్యాక ఆయన కార్యాలయంలో పని చేసిన ఏ.కే. శర్మ, వీఆర్‌ఎస్‌ తీసుకున్నాక బీజేపీ ఆయన్ను శాసనమండలికి పంపింది. గత ఏడాది మంత్రివర్గ పునర్వ్యవస్థీకరణలో మోదీ ఆశీస్సులతో యోగి కేబినెట్‌లో చేరతారనే అంతా భావించారు. కానీ ప్రత్యామ్నాయ అధికార కేంద్రంగా ఎదుగుతారనే భయంతో ఏకే శర్మను మంత్రివర్గంలోకి తీసుకోవడానికి యోగి సుముఖత చూపలేదు. యూపీ బీజేపీ ఉపాధ్యక్షుడిగా నియమితులైన శర్మ... మోదీ నియోజకవర్గం వారణాసితో పాటు తూర్పు యూపీలో క్రియాశీలంగా వ్యహరిస్తున్నారు. ఇక 2014 ఎన్నికల సంందర్భంగా మరో ఐపీఎస్‌ అధికారి, ముంబాయి పోలీస్‌ కమిషనర్‌గా ఉన్న సత్యపాల్‌సింగ్‌ను యూపీలోని భాగ్‌పట్‌ నుంచి పార్లమెంట్‌కు పోటీ పెట్టిన విషయం తెలిసిందే. ఆయన ఆర్‌ఎల్‌డీ చీఫ్‌ అజిత్‌సింగ్‌ను ఓడించి వార్తల్లో నిలిచారు. అనంతరం 2019 ఎన్నికల్లో ఆయన అజిత్‌సింగ్‌ కుమారుడు జయంత్‌ చౌదరీని ఓడించారు.   గతంలోనూ అనేకమంది... యూపీలో బ్యూరోక్రాట్‌ల నుంచి పొలిటీషియన్‌లుగా మారిన వారి లిస్టు పెద్దదిగానే ఉంది. మాజీ ఐఏఎస్‌ అధికారులు  కున్వర్‌ ఫతే బహదూర్, పన్నా లాల్‌ పునియా, అహ్మద్‌ హసన్, శిరీష్‌ చంద్ర దీక్షిత్, దేవేంద్ర బహదూర్‌ రాయ్, దేవి దయాల్, ఐసీఎస్‌ అధికారులు మహేంద్ర సింగ్‌ యాదవ్, బీపీ సింఘాల్‌ తదితరులు ఉన్నారు. వీరిలో చాలామంది ఎస్పీ, బీఎస్పీ ప్రభుత్వాల్లో రాష్ట్ర మంత్రులగానూ పనిచేశారు.   – సాక్షి, న్యూఢిల్లీ

సాక్షి, హైదరాబాద్‌: ఐపీఎస్‌ అధికారులంతా కలిసి ఓ కుటుంబంలా పనిచేస్తూ దేశసేవకు అంకితం కావాలని జాతీయ భద్రతా సలహాదారు అజిత్‌ ధోవల్‌ పిలుపునిచ్చారు. హైదరాబాద్‌లోని సర్దార్‌ వల్లభాయ్‌ పటేల్‌ జాతీయ పోలీసు అకాడమీలో శుక్రవారం జరిగిన ఐపీఎస్‌ ప్రొబేషనరీల పాసింగ్‌ ఔట్‌ పరేడ్‌కు ఆయన ముఖ్య అతిథిగా హాజరయ్యారు. పోలీసులు కేవలం చట్టాన్ని అమలు చేసే వారు మాత్రమే కాదని, దేశ సౌభాగ్యం కోసం శాంతి భద్రతల్ని పరిరక్షించడం కూడా వారి విధుల్లో భాగమేనని ఉద్బోధించారు. దేశం కోసం ప్రాణాలర్పించిన పోలీసులను గుర్తు చేసుకున్న ఆయన.. వారి త్యాగం అందరికీ స్ఫూర్తిదాయకమని పేర్కొన్నారు. పోలీసులు సాంకేతిక పరిజ్ఞానాన్ని వినియోగిస్తూ, ఎప్పటికప్పుడు తమ సాంకేతిక ప్రతిభను మెరుగు పరుచుకోవాలని ధోవల్‌ సూచించారు. సమకాలీన అవసరాలను బట్టి పోలీసు విధుల్లో పాదర్శకతను పెంపొందించాలని ఆకాంక్షించారు. ఈ సందర్భంగా ఆయన విధి నిర్వహణలో ప్రాణాలర్పించిన ఐపీఎస్‌లకు, సర్దార్‌ వల్లభాయ్‌ పటేల్‌కు నివాళులర్పించారు. ఎన్‌పీఏ డైరెక్టర్‌ అతుల్‌ కర్వాల్‌ మాట్లాడుతూ ప్రొబేషనరీ ఐపీఎస్‌లకు శిక్షణలో భాగంగా విధి నిర్వహణతో పాటు నైతిక విలువలతో అనేకాంశాలు బోధించామని వివరించారు. ఈ ఫేజ్‌–1 శిక్షణలో ప్రొబేషనరీ అధికారిణి దర్పన్‌ అహ్లువాలియా మొదటి స్థానంలో నిలిచినట్లు ప్రకటించారు. ధోవల్‌ చేతుల మీదుగా అహ్లువాలియాకు ఉత్తమ ప్రొబేషనరీ అవార్డుతో పాటు ఆయా అంశాల్లో ప్రతిభ కనబరిచిన కేడెట్లకు ట్రోఫీలు ప్రదానం చేశారు. ఎన్‌పీఏలో శిక్షణ పొందిన ఈ 73వ బ్యాచ్‌లో మొత్తం 132 మంది ప్రొబేషనరీలున్నారు. వీరిలో 27 మంది మహిళలు కాగా.. ఆరుగురు భూటాన్, మరో ఆరుగురు మాల్దీవులు, ఐదుగురు నేపాల్‌ వంటి మిత్రదేశాలకు చెందిన వారూ ఉన్నారు.

సాక్షి, న్యూఢిల్లీ: తెలంగాణలో కొత్త జిల్లా లు ఏర్పాటు చేసినందున, ఐపీఎస్‌ కేడర్‌ను సమీక్షించి పోస్టుల సంఖ్యను 195కు పెంచాలని కేంద్ర హోం మంత్రి అమిత్‌షాను సీఎం కె.చంద్రశేఖర్‌రావు కోరారు. దీనివల్ల ఆయా జిల్లాల్లో పోలీసు ఉన్నతాధికారుల కొరత తీరుతుందని వివరించారు. ఢిల్లీ పర్యటనలో భాగంగా ముఖ్యమంత్రి ఆదివారం రాత్రి 8:45 నుంచి 10:05 వరకు అమిత్‌ షాతో ఆయన నివాసంలో సమావేశమయ్యారు. సాధారణంగా సీఎం కాన్వాయ్‌లో ఉండే ఇతర వాహనాలు ఏవీ లేకుండా, కేవలం ఒకే వాహనంలో అమిత్‌ షా ఇంటికి కేసీఆర్‌ వెళ్ళారు. కొత్త జిల్లాలపై వివరణ  విశ్వసనీయ సమాచారం మేరకు.. తెలంగాణలో చేపడుతున్న సంక్షేమ, అభివృద్ధి కార్యక్రమాలను మారుమూల ప్రాంతాల్లో నివసిస్తున్న ప్రజలకు వేగవంతంగా చేర్చేందుకు వీలుగా కొత్త జిల్లాలను ఏర్పాటు చేసిన విషయాన్ని మరోసారి కేంద్రమంత్రి దృష్టికి సీఎం తీసుకెళ్ళారు. అందులో భాగంగానే ఐపీఎస్‌ కేడర్‌ సమీక్ష అంశాన్ని ప్రస్తావించారు. పునర్‌ వ్యవస్థీకరించిన జిల్లాలను కేంద్ర ప్రభుత్వం గుర్తించిందని తెలిపారు. అప్పటివరకు ఉనికిలో ఉన్న 9 పోలీసు జిల్లాలు, రెండు పోలీసు కమిషనరేట్ల స్థానంలో.. 20 పోలీసు జిల్లాలు, 9 పోలీసు కమిషనరేట్లతో కేంద్ర ప్రభుత్వ నోటిఫికేషన్‌లో పోలీసు పరిపాలనకు సంబంధించి ప్రత్యేక గుర్తింపు ఉందని గుర్తుచేశారు. పాలనకు సంబంధించి కొత్త వ్యవస్థలో భాగంగా పోలీసు యూనిట్లు ఏర్పాటైనందున కేంద్ర ప్రభుత్వ నోటిఫికేషన్‌ను అనుసరించి కొత్తగా పలు ప్రాదేశిక పోస్టులు ఏర్పాటు చేయాల్సి వచ్చిందని చెప్పారు. ఉన్నతాధికారులను నియమించాల్సి ఉంది  ‘తెలంగాణకు సంబంధించి ఐపీఎస్‌ కేడర్‌ను 2016లో కేంద్రం సమీక్షించింది. 139 అధీకృత పోస్టులను ఆమోదించింది. ప్రస్తుతం పునర్‌ వ్యవస్థీకరణ తర్వాత కొత్త జిల్లాలకు, కొత్త జోన్లకు, కొత్త మల్టీ జోన్లకు పోలీస్‌ ఉన్నతాధికారులను నియమించాల్సి ఉంది. అందువల్ల ఐపీఎస్‌ కేడర్‌ అధికారుల సంఖ్య 195కి పెంచాలి’ అని సీఎం కోరారు.   ప్రత్యేక అంశంగా పరిగణించండి ‘పోలీసు శాఖ పరిపాలన అవసరాల రీత్యా దీనిని ప్రత్యేక అంశంగా పరిగణనలోకి తీసుకోవాలి. ఐపీఎస్‌ పోస్టుల సంఖ్యను పెంచితే విభిన్న ప్రాదేశిక యూనిట్లలో కమిషనర్లుగా, ఎస్పీలుగా, జోనల్‌ డీఐజీలుగా, మల్టీ జోనల్‌ ఐజీలుగా నియమించే వీలు కలుగుతుంది. అందువల్ల ప్రస్తుత ఐపీఎస్‌ క్యాడర్‌ సమీక్షను అసాధారణ కేసుగా పరిగణించి ఆమోదించాలి..’అని విజ్ఞప్తి చేశారు. రాష్ట్రానికి సంబంధించిన ఇతర అంశాలతో పాటు విభజన చట్టం హామీలకు సంబంధించి అమిత్‌ షాతో కేసీఆర్‌ చర్చించారని సమాచారం.   

సాక్షి, చెన్నై: ఓ మహిళా ఐపీఎస్‌ను లైంగికంగా వేధించిన కేసులో మాజీ డీజీపీ రాజేష్‌ దాస్‌ సోమవారం విల్లుపురం కోర్టుకు హాజరయ్యారు. అనంతరం ఆయనకు న్యాయమూర్తి బెయిల్‌ మంజూరు చేశారు. వివరాలు.. ఈ ఏడాది ఫిబ్రవరిలో ప్రత్యేక డీజీపీ రాజేష్‌ దాసు ఓ మహిళా ఐపీఎస్‌తో అసభ్యకరంగా వ్యవహరించినట్లు సామాజిక మాధ్యమాల్లో చర్చ సాగిన విషయం తెలిసిందే. అప్పటి సీఎం  పళనిస్వామి పర్యటన బందోబస్తుకు వెళ్లి.. చెన్నైకి తిరుగు పయనంలో ఉన్న సమయంలో కారు డ్రైవర్‌ను కిందకు దించేసి మరీ.. తనను వేధించినట్లు ఉన్నతాధికారులకు బాధితురాలు ఫిర్యాదు చేశారు. దీనిని  మరికొందరు ఐపీఎస్‌లు అడ్డుకోవడం చర్చకు దారి తీసింది. వ్యవహారం మీడియాలో రావడంతో అన్నాడీఎంకే పాలకులు విశాఖ కమిటీని రంగంలోకి దించారు. సీబీసీఐడీ సైతం విచారణ చేపట్టింది. రాజేష్‌ దాస్‌తో పాటుగా ఆయనకు వత్తాసు పలికిన పోలీసు అధికారుల మీద సస్పెన్షన్‌ వేటు వేసింది. ఈ కేసు విచారణలో ఉండగానే రాజేష్‌ దాస్‌ పదవీ కాలం ముగిసింది. ఈ నేపథ్యంలో సోమవారం విల్లుపురం కోర్టులో ఈ కేసు విచారణ జరిగింది. దీంతో విచారణకు మాజీ డీజీపీ హాజరయ్యారు. సీబీసీఐడీ 400 పేజీలతో చార్జ్‌షీట్‌ను కోర్టులో దాఖలు చేసింది. వాదనల అనంతరం మాజీ డీజీపీకి కోర్టు బెయిల్‌ మంజూరు చేసింది. చదవండి: Lockdown Update: ఈనెల 23 వరకు పొడిగింపు: సీఎం

సాక్షి, హైదరాబాద్‌: నూతన ఐపీఎస్‌లకు పాసింగ్ ఔట్‌పరేడ్ నిర్వహించారు. 72వ బ్యాచ్‌కు చెందిన 178 ట్రైనీ ఐపీఎస్‌లు శిక్షణ పూర్తి చేసుకున్నారు. ఏపీ, తెలంగాణకు నలుగురి చొప్పున ఐపీఎస్‌లను కేటాయించారు. ట్రైనీ ఐపీఎస్‌లకు 58 వారాల పాటు కఠోర శిక్షణ ఇచ్చారు. 144 మంది ఐపీఎస్‌ ప్రొబేషనరీలతో పాటు 34 మంది ఫారిన్ ఆఫీసర్‌లు శిక్షణ పొందారు. 2019 బ్యాచ్‌లో 73 శాతం టెక్నికల్ బ్యాక్ గ్రౌండ్ నుండి వచ్చినవారే.  

సాక్షి, హైదరాబాద్‌: పోలీసులు ముఖ్యంగా ఐపీఎస్‌ అధికారులు మెరుగైన ప్రవర్తనతో ప్రజల్లో వారి ప్రతిష్ట పెంచే విధంగా శిక్షణాంశాలపై దృష్టి పెడుతున్నట్టు సర్దార్‌ వల్లభాయ్‌ పటేల్‌ జాతీయ పోలీస్‌ అకాడమీ (ఎన్‌పీఏ) డైరెక్టర్‌ అతుల్‌ కర్వాల్‌ తెలిపారు. మారుతున్న పరిస్థితులు, అవసరాలకు తగ్గట్టుగా కార్యక్రమాలు రూపొందిస్తున్నామన్నారు. ప్రజల పట్ల, వారు ఎదుర్కొంటున్న సమస్యల పట్ల పోలీసు అధికారుల్లో మరింత సానుభూతి, సానుకూల వైఖరి పెరిగేందుకు అవసరమైన అంశాలు శిక్షణ కార్యక్రమాల్లో చేర్చుతున్నామన్నారు. ఎన్‌పీఏలో 72వ బ్యాచ్‌ ప్రొబేషనరీ ఐపీఎస్‌ అధికారుల శిక్షణ ముగింపు సందర్భంగా శుక్రవారం నిర్వహించనున్న దీక్షాంత్‌ పరేడ్‌ కార్యక్రమంలో కేంద్ర హోంశాఖ సహాయమంత్రి నిత్యానంద్‌ రాయ్‌ ముఖ్య అతిథిగా పాల్గొంటారని తెలిపారు. 2019 బ్యాచ్‌లోని మొత్తం 178 మంది ట్రైనీ ఐపీఎస్‌ అధికారులు ఈ పాసింగ్‌ ఔట్‌ పరేడ్‌లో పాల్గొంటారని చెప్పారు. బుధవారం ఎన్‌పీఏ జాయింట్‌ డైరెక్టర్లు అమిత్‌ గార్గ్, ఎన్‌.మధుసూదనరెడ్డి, అసిస్టెంట్‌ డైర్టెకర్‌ సి.వంశీకృష్ణలతో కలిసి ఆయన మీడియాతో మాట్లాడారు. రాబోయే రోజుల్లో సైబర్‌ నేరాల విస్తృతి పెరిగే అవకాశం ఉన్నందున, ఈ నేరాల దర్యాప్తులో మెళకువలకు సంబంధించిన అంశాలను ట్రైనింగ్‌లో చేర్చినట్టు కర్వాల్‌ చెప్పారు.   తెలంగాణ కేడర్‌కు నలుగురు  తెలంగాణ, ఏపీ కేడర్లకు నలుగురు చొప్పున మొత్తం ఎనిమిది మందిని కేటాయించినట్టు తెలిపారు. తెలంగాణకు అక్షాన్‌ యాదవ్, అశోక్‌ కుమార్, రష్మి పెరుమాళ్, కేకన్‌ సుధీర్‌ రామనాథ్‌లను, ఏపీకి కొమ్మి ప్రతాప్‌ శివకిషోర్, అదిరాజ్‌ సింగ్‌ రానా, ప్రేరణా కుమార్, మహేశ్వర రెడ్డి (వైఎస్సార్‌ జిల్లా)లను కేటాయించినట్టు చెప్పారు. మహిళలు పోలీస్‌ ఫోర్స్‌ను ఎంచుకోవాలి: రష్మీ పెరుమాళ్‌  మహిళలు పోలీస్‌ ఫోర్స్‌ను ఎంచుకోవాలి. ఐపీఎస్‌లుగా అయితే మరింత బాగా పనిచేసే, సేవ చేసే అవకాశం లభిస్తుంది. హైదరాబాద్‌లో స్థిరపడిన నన్ను తెలంగాణకు కేటాయించడం సంతోషంగా ఉంది. నా తండ్రి ఆర్మీ అధికారి కావడంతో ఆయన నుంచి స్ఫూర్తి పొంది ఐపీఎస్‌ను ఎంచుకున్నా.    తొలిసారిగా మహిళకు ఆల్‌రౌండ్‌ ట్రోఫీ మహిళా అధికారులు పురుషులతో పోటీపడుతూ ఉత్తమ ప్రతిభ కనబరుస్తున్నారని కర్వాల్‌ తెలిపారు. గత 72 ఏళ్లుగా పురుష ప్రొబేషనరీ అధికారులు ఔట్‌డోర్‌ ఆల్‌రౌండ్‌ ట్రోఫీ గెలుస్తుండగా.. ఈ ఏడాది హరియాణకు చెందిన రంజీత శర్మ (రాజస్థాన్‌ కేడర్‌) ప్రతిష్టాత్మక ట్రోఫీని గెలుచుకున్నారని తెలిపారు. రెండో స్థానంలోనూ శ్రేయాగుప్త (తమిళనాడు కేడర్‌) అనే మరో అధికారి నిలవడం గొప్ప విషయమన్నారు. రంజీత శర్మ ప్రధానమంత్రి బేటన్‌ హోం మంత్రిత్వ శాఖ రివాల్వర్‌ అవార్డు, ఇతర ట్రోఫీలు అందుకోనున్నారు. ‘బెస్ట్‌ ఔట్‌డోర్‌ ప్రొబేషనర్‌’గా ఐపీఎస్‌ అసోసియేషన్‌ స్వోర్డ్‌ ఆఫ్‌ హానర్‌’లభించనుంది. శ్రేయ గుప్తా శ్రీ బుబానంద మిశ్రా స్మారక ట్రోఫీ అందుకోనున్నారు.   నాన్నే నాకు ప్రేరణ: రంజీత శర్మ   సివిల్స్‌లో ఉత్తీర్ణత సాధించి ఐపీఎస్‌ కావడం. శిక్షణలో భాగంగా వివిధ అంశాల్లో అత్యుత్తమ ప్రతిభ, ప్రదర్శనకు నాన్న సతీష్‌కుమారే ప్రేరణ. ఆరోప్రయత్నంలో ఐపీఎస్‌ సాధించాను. నమ్మకాన్ని, విశ్వాసాన్ని కోల్పోకుండా కృషి చేస్తే అసాధ్యమనేది ఏదీ లేదనేది నిజమైంది.   

సాక్షి, హైదరాబాద్‌: పలు జిల్లాలకు, కమిషనరేట్లకు పూర్తిస్థాయి పోలీసు బాస్‌లు లేరు. కొందరికి పదోన్నతులు లభించినా పాతస్థానాల్లో కొనసాగుతున్నారు.  2018 నుంచి ఇప్పటి వరకు ఐపీఎస్‌ అధికారులకు భారీ స్థాయిలో స్థానచలనాలు జరగపోవడం గమనార్హం.  ఐదేళ్ల క్రితం ఒకేసారి ఏర్పడిన రామగుండం, కరీంనగర్, నిజామాబాద్, ఖమ్మం, సిద్ధిపేట పోలీసు కమిషనరేట్లలో ఖమ్మం, సిద్ధిపేటలకు కమిషనర్లు మారినా రామగుండం సీపీ సత్యనారాయణ, నిజామాబాద్‌లో కార్తికేయ కమిషనర్లుగా అక్కడే ఉన్నారు. హుజురాబాద్‌ ఉప ఎన్నిక నేపథ్యంలో తాజాగా కరీంనగర్‌ సీపీ కమలాసన్‌రెడ్డిని డీజీపీ కార్యాలయానికి ప్రభుత్వం అటాచ్‌ చేసింది. నిర్మల్, ఆదిలాబాద్, ఆసిఫాబాద్, ములుగు జిల్లా లకు పూర్తిస్థాయి ఎస్పీలను నియ మించలేదు. నల్ల గొండ ఎస్పీగా ఉంటూ డీఐజీగా ప్రమోషన్‌ పొం దిన రంగనాథ్‌ కూడా 2018 నుంచి అక్కడే ఎస్పీగా కొనసాగుతున్నారు. 2019 ఏప్రిల్‌లో 23 మంది ఐపీఎస్‌ అధికారులకు పదో న్నతులు ఇచ్చినా పాత స్థానాల్లోనే 90 శాతం మంది కొనసాగుతున్నారు.  వీరికి అదనపు బాధ్యతలు..  ఏడీజీ వీవీ శ్రీనివాసరావు పోలీస్‌ రిక్రూట్‌మెంట్‌ బోర్డు చైర్మన్‌ పదవితోపాటు తెలంగాణ స్టేట్‌ పోలీస్‌ అకాడమీకి చైర్మన్‌గా వ్యవహరిస్తున్నారు. సంజయ్‌జైన్‌– ఏడీజీ (పీ అండ్‌ ఎల్‌), పోలీస్‌ హౌసింగ్‌ కార్పొరేషన్‌ లిమిటెడ్‌ బాధ్యతలు చూస్తున్నారు. ఏసీబీ డీజీ పూర్ణచంద్రరావు విజిలెన్స్‌ బాధ్యతలు కూడా చూస్తున్నారు. ఎస్పీ రమణకుమార్‌ బదిలీతో ఏసీబీలో జాయింట్‌ డైరెక్టర్‌ పోస్టు ఖాళీ అయింది. త్వరలో ఏసీబీ డీజీ పూర్ణచంద్రరావు రిటైర్‌ కానున్నారు. దీంతో ఏసీబీలో కీలకమైన రెండు పోస్టులు ఖాళీ అవనున్నాయి.  ఎస్పీలుగా పదోన్నతులుగా లభించినా...  మార్చి ఆఖరివారంలో ప్రభుత్వం 32 మంది అడిషనల్‌ ఎస్పీలకు ఎస్పీలుగా పదోన్నతులు కల్పించింది. ఇందులో మెజారిటీ అధికారులకు పోస్టింగులు లేక ఖాళీగా ఉన్నారు. ఇటీవల ప్రభుత్వం పదవీవిరమణ వయసును 58 నుంచి 61కి పెంచడంతో వీరికి పోస్టింగులు ఇవ్వడం సవాలుగా మారిందని సమాచారం.    ఇన్‌చార్జీలతోనే... కీలకమైన నాలుగు జిల్లాలకు పూర్తిస్థాయి ఎస్పీలు లేరు. నిర్మల్‌ జిల్లాకు అడిషనల్‌ ఎస్పీ ప్రవీణ్‌కుమార్, ఆదిలాబాద్‌కు అడిషనల్‌ ఎస్పీ రాజేశ్‌ చంద్ర ఇన్‌చార్జి ఎస్పీలుగా వ్యవహరిస్తున్నారు. మావోయిస్టు ప్రభావిత జిల్లాలైన ఆసిఫాబాద్, ములుగు జిల్లాలకు కూడా పోలీసుబాసులు లేరు. ఆదిలాబాద్‌ జిల్లా బాధ్యతలు రామగుండం సీపీకి, ములుగు జిల్లా బాధ్యతలను జయశంకర్‌ భూపాలపల్లి ఎస్పీ సంగ్రామ్‌ సింగ్‌ పాటిల్‌కి అప్పగించారు. ప్రభుత్వం గత ఏప్రిల్‌లో ఖమ్మం సీపీగా విష్ణువారియర్‌ను నియమించగా, ఖమ్మం సీపీగా ఉన్న ఇక్బాల్‌ బదిలీ మీద ఆదిలాబాద్‌కు వెళ్లాల్సి ఉండగా, తన స్థాయి కంటే తక్కువ పోస్టులో విధులు నిర్వహించడం ఇష్టంలేక మిన్నకుండిపోయారని సమాచారం.   

సాక్షి, చెన్నై: లైంగిక వేధింపుల ఆరోపణలు ఎదుర్కొంటున్న ప్రత్యేక డీజీపీ రాజేష్‌ దాసుతో పాటు చెంగల్పట్టు ఎస్పీ కన్నన్‌పై సీబీసీఐడీ గురిపెట్టింది. మూడు సెక్షన్ల కింద కేసు నమోదు చేసి సోమవారం విచారణకు శ్రీకారం చుట్టింది. ఇక ఈ కేసును మద్రాసు హైకోర్టు సైతం సుమోటోగా స్వీకరించి విచారణ చేపట్టింది.  మహిళా ఐపీఎస్‌ అధికారికి లైంగిక వేదింపులు ఇచ్చినట్టుగా ప్రత్యేక డీజీపీ రాజేష్‌ దాస్‌ ఆరోపణలు ఎదుర్కొంటున్న విషయం తెలిసిందే. ఈ కేసును సీబీసీఐడీకి డిజీపీ త్రిపాఠి అప్పగించారు. లైంగిక వేధింపుల వ్యవహారం విల్లుపురం జిల్లా పరిధిలో జరిగినట్లు తెలుస్తోంది. దీంతో కేసు విచారణను విల్లుపురం సీబీసీఐడీ అడిషన్‌ డీఎస్పీ గోమతి నేతృత్వంలోని బృందానికి అప్పగించారు. అక్కడ విచారణ అనంతరం చెన్నైలోని ప్రధాన కార్యాలయంలో ఉన్న సీబీసీఐడీ ఉన్నతాధికారులు సమగ్ర విచారణపై దృష్టి పెట్టబోతున్నారు. మూడు సెక్షన్ల కింద రాజేష్‌ దాసుపై కేసులు నమోదు చేశారు. ఈ కేసులో చెంగల్పట్టు ఎస్పీ కన్నన్‌ కూడా బుక్కయ్యారు. ఉన్నతాధికారులకు ఫిర్యాదు చేయనివ్వకుండా ఎస్పీ కన్నన్‌ అడ్డుకున్నట్టు తేలింది. దీంతో ఆయనపై కూడా కేసు నమోదు కావడం గమనార్హం.  సుమోటో కేసు  సీబీసీఐడీ విచారణకు శ్రీకారం చుట్టిన నేపథ్యంలో లైంగిక వేధింపులపై మద్రాసు హైకోర్టు సైతం దృష్టి పెట్టింది. ఉదయం విచారణ సమయంలో న్యాయమూర్తి ఆనంద వెంకటేషన్‌ ఈ వ్యవహరాన్ని ప్రస్తావించారు. పోలీసు మహిళా ఉన్నతాధికారులకే భద్రత కరువై ఉండడం ఆవేదన కలిగిస్తోందని పేర్కొన్నారు. ఈ వ్యవహారంలో పోలీసు ఉన్నతాధికారులపై ఆరోపణలు వచ్చిన దృష్ట్యా, విచారణ న్యాయబద్ధంగా జరిగే రీతిలో కేసును సుమోటోగా స్వీకరిస్తున్నట్టు పేర్కొన్నారు.  చదవండి: సీబీసీఐడీకి కీచక వ్యవహారం

సాక్షి, హైదరాబాద్‌: కేంద్ర ప్రభుత్వం రాష్ట్రానికి కొత్తగా నలుగురు ఐపీఎస్‌లను కేటాయించింది. 73వ ఐపీఎస్‌ (ఆర్‌ఆర్‌) బ్యాచ్‌కు చెందిన 150 మంది ఐపీఎస్‌ ఆఫీసర్లకు బుధవారం పోస్టింగులు కల్పిస్తూ కేంద్ర హోంశాఖ ఆదేశాలు జారీచేసింది. వీరిలో ఏడుగురిని తెలుగు రాష్ట్రాలకు (తెలంగాణకు నలుగురు, ఏపీకి ముగ్గురు) కేటాయించింది. తెలంగాణ కేడర్‌కు కేటాయించినవారిలో పరితోష్‌ పంకజ్‌ (ర్యాంకు 142, బిహార్‌), సిరిశెట్టి సంకీర్త్‌ (ర్యాంకు 330, తెలంగాణ), పాటిల్‌ కాంతిలాల్‌ సుభాష్‌ (ర్యాంకు 418, మహారాష్ట్ర), అంకిత్‌కుమార్‌ శంక్వార్‌ (ర్యాంకు 563, ఉత్తర్‌ప్రదేశ్‌)లు ఉన్నారు. గతేడాది సెప్టెంబర్‌లో కేంద్రం రాష్ట్రానికి 11 మంది ఐపీఎస్‌లను కేటాయించిన విషయం తెలిసిందే. కాగా, తెలంగాణ నుంచి ఐపీఎస్‌కు ఎంపికైన ఎంవీ సత్యసాయి కార్తీక్‌ (ర్యాంకు 103)ను మహారాష్ట్రకు, శీతల్‌కుమార్‌ (ర్యాంకు 417)ను అసోంకు, రాజనాల స్మృతిక్‌ (ర్యాంకు 466)ను ఛత్తీస్‌గఢ్‌కు కేటాయించారు 

సాక్షి, అమరావతి: రాష్ట్రంలో జరుగుతున్న ఆలయ ఘటనల పట్ల ఏ మాత్రం అలక్ష్యం వహించవద్దని, అనుక్షణం అప్రమత్తంగా వ్యవహరిస్తూ వాటిని ఛేదించి మత సామరస్యాన్ని కాపాడాలని డీజీపీ డి.గౌతమ్‌ సవాంగ్‌ రాష్ట్ర పోలీస్‌ యంత్రాంగాన్ని ఆదేశించారు. మంగళగిరి పోలీస్‌ ప్రధాన కార్యాలయం నుంచి మంగళవారం ఆయన జిల్లాల ఎస్పీలు, కమిషనర్‌లతో వెబినార్‌ నిర్వహించారు. రాష్ట్రంలో దేవాలయాలకు సంబంధించి ఇప్పటి వరకు జరిగిన ఘటనలపై కేసుల నమోదు, దర్యాప్తు, నిందితుల అరెస్టులతోపాటు గ్రామ రక్షణ దళాల (విలేజ్‌ డిఫెన్స్‌ స్క్వాడ్స్‌) ఏర్పాటుపై సమీక్షించారు. శాంతిభద్రతల ఏడీజీ రవిశంకర్‌ అయ్యన్నార్, సిట్‌ చీఫ్‌ జీవీజీ అశోక్‌కుమార్‌ తదితర ఐపీఎస్‌ అధికారులతో కలిసి ఆలయాల భద్రతకు తీసుకోవాల్సిన జాగ్రత్తలపై దిశానిర్దేశం చేశారు. రాష్ట్రంలో పథకం ప్రకారం జరిగే ఆలయ విధ్వంస ఘటనలకు అడ్డుకట్ట వేసేలా సమన్వయంతో పని చేయాలన్నారు. ఆలయాలపై దాడుల్లో రాజకీయ దురుద్ధేశాలు బయట పడుతున్నందున, ఆయా ఘటనల్లో రాజకీయ ప్రమేయాన్ని ఏ మాత్రం ఉపేక్షించవద్దన్నారు. సమాజంలో దేవుడి సెంటిమెంట్‌ను ఉపయోగించుకుని అలజడి రేపి, రాజకీయ లబ్ధి పొందే ప్రయత్నం చేసే వారిని ఆధారాలతో సహా గుర్తించి ప్రజలకు తెలియజెప్పాలని సూచించారు. ఈ సందర్భంగా డీజీపీ ఇంకా ఏమన్నారంటే..  కుట్రలను భగ్నం చేయాలి  ► రాజకీయ లబ్ధి కోసం మత సామరస్యాన్ని దెబ్బ తీసేలా జరిగే కుట్రలను ఛేదించి, అటువంటి వారిపై చట్టపరమైన చర్యలు తీసుకోవడంలో వెనుకాడకూడదు.   ► సెప్టెంబర్‌ తర్వాత జరిగిన ఘటనల దర్యాప్తునకు ప్రభుత్వం ప్రత్యేక దర్యాప్తు బృందం (సిట్‌) ఏర్పాటు చేసింది.  ► సిట్‌తోపాటు రెవెన్యూ, దేవదాయ శాఖలతో పోలీసు శాఖ సమన్వయంతో పని చేయాలి. గ్రామాల్లో దేవాలయాలు, మతపరమైన సంస్థల రక్షణకు ప్రజల సహకారం తీసుకోవాలి.   ► గత నాలుగు నెలల్లో 59,529 మత పరమైన సంస్థలను గుర్తించి జియో ట్యాగింగ్‌  చేశాం. ఇప్పటి వరకు 16,712 గ్రామ రక్షణ దళాలను ఏర్పాటు చేశాం. 212 కేసుల్లో 180 కేసులను ఛేదించి 337 మందిని అరెస్టు చేశాం.  ► ఆలయ ఘటనల్లో క్లూస్‌ ముఖ్యమని, నేరం జరిగిన వెంటనే క్లూస్‌పై దృష్టి పెట్టాలని సిట్‌ చీఫ్‌ జీవీజీ అశోక్‌కుమార్‌ సూచించారు.   ధైర్యసాహసాలు ప్రదర్శించిన వారికి అభినందనలు  గుంటూరులో కుసుమ హరనాథ్‌ దేవాలయంలో చొరబడిన దుండగులను పట్టుకునేందుకు ఎంతో ధైర్య సాహసాలు ప్రదర్శించిన అర్చకుడి భార్య హైమావతి, శ్రీకాకుళం జిల్లాలో సరస్వతి దేవి, నంది విగ్రహాల విధ్వంసం విషయంలో ప్రజలను తప్పుదోవ పట్టిస్తూ సోషల్‌ మీడియాలో జరిగిన దు్రష్పచారాన్ని గుర్తించి పోలీసులను అప్రమత్తం చేసిన రమణ, శ్రీనివాసులు, శ్రీరాములకు అభినందనలు తెలియజేస్తున్నాం.  గ్రామ రక్షణ దళాల ఏర్పాటు అభినందనీయం   రాష్ట్ర పోలీస్‌ శాఖ గ్రామ రక్షణ దళాలు (విలేజ్‌ డిఫెన్స్‌ స్క్వాడ్స్‌) ఏర్పాటు చేస్తుండటం అభినందనీయం. ఆలయాలను కాపాడుకునేందుకు మంచి వ్యవస్థను ఏర్పాటు చేశారు. ఈ కమిటీల్లో పని చేయడానికి మహిళలు కూడా ముందుకు రావడం ఆదర్శనీయం. (ఈ మేరకు చిన్న జీయర్‌ ప్రసంగం వీడియోను వెబినార్‌లో ప్రదర్శించారు)   – ఇటీవల కర్నూలు జిల్లా పర్యటనలో శ్రీ త్రిదండి చిన్న జీయర్‌ స్వామి   

సాక్షి, అమరావతి : డ్రోన్ల కొనుగోలు కుంభకోణంలో సస్పెన్షన్‌కు గురైన ఐపీఎస్‌ అధికారి ఏబీ వెంకటేశ్వరరావుకు మరోసారి చేదు అనుభవం ఎదురైంది. తనకు మద్దతు తెలపాలని ఐపీఎస్‌ ఆఫీసర్స్‌ అసోసియేషన్‌కు ఆయన లేఖ రాశారు. ఆంధ్రప్రదేశ్‌ ప్రభుత్వం తనపై కక్ష సాధిస్తుందంటూ లేఖలో పేర్కొన్నారు. ఏబీ వెంకటేశ్వరరావు లేఖపై ఐపీఎస్ ఆఫీసర్స్‌ అసోసియేషన్ సమావేశం నిర్వహించి సుదీర్ఘంగా చర్చించింది. ఆయనపై ప్రభుత్వం సస్పెన్సన్‌ విధించడం సరైనదే అని అసోసియేషన్‌ అభిప్రాయపడింది. ప్రస్తుతం ఆయన అవినీతి ఆరోపణలు ఎదుర్కొంటున్నారని, విచారణను ఎదుర్కొక తప్పదని స్పష్టం చేసింది. ఈ వ్యవహారంలో ఎలాంటి జోక్యం చేసుకోలేమని తేల్చి చెప్పింది. కొన్ని ఛానళ్లలో తాము ఏబీకి మద్దతు తెలిపామని వస్తున్న వార్తలు అవాస్తవమని ఐపీఎస్‌ ఆఫీసర్స్‌ అసోసియేషన్‌ తోసిపుచ్చింది. ఏబీ వెంకటేశ్వరరావుకు ఎలాంటి మద్దతు తెలపలేదని పేర్కొంది.  అలాగే ఐపీఎస్‌ అధికారులపై ఎలాంటి ఆరోపణలు చేయకూడదని.. ఏబీ వెంకటేశ్వరరావుకు హెచ్చరిచ్చింది. (ఏబీకి ఎదురు దెబ్బ) చంద్రబాబు నాయుడు హయాంలో ఇంటెలిజెన్స్‌ చీఫ్‌గా ఉన్నప్పుడు ఏబీ వెంకటేశ్వరరావు దేశభద్రతకు ముప్పు వాటిల్లేలా నిఘా పరికరాల కొనుగోళ్లలో అక్రమాలకు పాల్పడ్డారని తేలడంతో రాష్ట్ర ప్రభుత్వం ఆయనను సస్పెండ్‌ చేసిన విషయం విదితమే. ఈ క్రమంలో ఆయన హైకోర్టును ఆశ్రయించగా సస్పెన్షన్‌పై హైకోర్టు గతంలో స్టే ఇచ్చింది. అయితే డ్రోన్ల కొనుగోలు కుంభకోణంలో సస్పెన్షన్‌కు గురైన ఏబీని సస్పెండ్‌ చేయడానికి కచ్చితమైన ప్రాథమిక ఆధారాలున్నాయని కేంద్ర పరిపాలనా ట్రిబ్యునల్‌లో(క్యాట్‌) ఇదివరకే స్పష్టం చేయడం సహా.. ఏపీ ప్రభుత్వం జారీ చేసిన సస్పెన్షన్‌ ఉత్తర్వులను రద్దు చేయాలని ఆయన దాఖలు చేసిన పిటిషన్‌ను క్యాట్‌ కొట్టివేసింది. ఈ నేపథ్యంలో సస్పెన్షన్‌ను ఎత్తివేస్తూ ఏపీ హైకోర్టు తీర్పును ఇవ్వగా.. దానిని ప్రభుత్వం సుప్రీంకోర్టులో సవాలు చేసింది.

సాక్షి, హైదరాబాద్‌: జీహెచ్‌ఎంసీ ఎన్నికల పరిశీలకులుగా ఐదుగురు ఐపీఎస్‌ అధికారులు నియమితులయ్యారు. ఈ మేరకు సీపీ అంజనీకుమార్‌ ఉత్తర్వులు జారీ చేశారు. శిఖా గోయల్ (ఈస్ట్‌ జోన్), అనిల్‌కుమార్ (వెస్ట్ జోన్), చౌహన్ (సౌత్ జోన్), అవినాష్ మొహంతి (నార్త్‌ జోన్), తరుణ్‌ జోషి (సెంట్రల్ జోన్)లను నియమించారు. (చదవండి: ప్రచారానికే పరిమితమైన జనసేన) గ్రేటర్ ఎన్నికల నేపథ్యంలో ఇప్పటివరకు రూ.62.21 లక్షల నగదు సీజ్ చేశారు. 11 ఘటనలపై ఎఫ్‌ఐఆర్ నమోదు చేశామని రాష్ట్ర ఎన్నికల సంఘం వెల్లడించింది. 1,899 మంది ఆయుధాలు డిపాజిట్ చేశారని, ఇప్పటివరకు 2,393 మందిని బైండోవర్ చేశామని పేర్కొంది. 148 మందికి నాన్‌ బెయిలబుల్‌ వారెంట్ జారీ చేశామని రాష్ట్ర ఎన్నికల సంఘం వెల్లడించింది. (చదవండి: గ్రేటర్‌ ఎన్నికలు: భారీ బందోబస్తు..)

సాక్షి, విజయవాడ: ఇటీవల కరోనా బారిన పడిన ఐపీఎస్‌ దంపతులు కరోనాను జయించి తిరిగి శుక్రవారం విధుల్లో చేరారు. దిశా స్పెషల్‌ ఆఫీసర్‌ దీపికా పాటిల్‌, డీసీపీ విక్రాంత్‌ పాటిల్‌ దంపతులు ఇటీవల కరోనా బారిన పడిన విషయం తెలిసిందే. ఈ నేపథ్యంలో చికిత్స అనంతరం సంపూర్ణ ఆరోగ్యంతో తిరిగి విధుల్లో చేరిన ఐపీఎస్‌ దంపతులకు డీజీపీ గౌతం సవాంగ్‌ ఘనస్వాగతం పలికారు. (చదవండి: ఆ తర్వాతే ఏపీలోకి అనుమతి..) ఈ సందర్భంగా డీజీపీ మీడియాతో మాట్లడుతూ.. కోవిడ్‌ను జయించిన పోలీసు అధికారులు ప్రజలకు స్ఫూర్తిదాయకంగా నిలవాలని పిలుపునిచ్చారు. కరోనా బాధితుల్లో మనోస్థైర్యాన్ని నింపాలని, విధులు నిర్వహిస్తున్న పోలీసులు ఏ మాత్రం అనుమానం ఉన్న వెంటనే పరీక్షలు చేయించుకోవాలని ఆయన సూచించారు. ప్రజారోగ్య పరిరక్షణలో కోవిడ్‌ బారినపడిన పోలీసులు కోలుకొని విధుల్లో రావడం ఆనందంగా ఉందని డీజీపీ వ్యాఖ్యానించారు. పాటిల్‌ దంపతులు మాట్లాడుతూ.. డీజీపీ ఇచ్చిన నైతిక బలంతోనే త్వరగా కోలుకున్నామని తెలిపారు. 

సాక్షి, హైదరాబాద్‌: రాష్ట్రంలో నలుగురు సీనియర్‌ ఐపీఎస్‌ ఆఫీసర్లు మంగళవారం పదవీ విరమణ పొందారు. తెలంగాణ స్టేట్‌ పోలీస్‌ హౌసింగ్‌ కార్పొరేషన్‌ డైరెక్టర్‌ ఎస్పీ బి.మల్లారెడ్డి, వరంగల్‌ నగర పోలీస్‌ కమిషనర్‌ డాక్టర్‌ వీ.రవీందర్, మాదాపూర్‌ జోన్‌ డీసీపీ ఎ.వెంకటేశ్వరరావు, నిర్మల్‌ ఎస్పీ సి.శశిధర్‌రాజులు రిటైర్‌ అయ్యారు. వీరి స్థానంలో కొత్త అధికారులకు కాకుండా సీనియర్లకే పూర్తిస్థాయి బాధ్యతలను ప్రభుత్వం అప్పగిస్తూ ఉత్తర్వులు జారీ చేసింది. మల్లారెడ్డి స్థానంలో పీ అండ్‌ ఎల్‌ విభాగం ఐజీ సంజయ్‌కుమార్‌ జైన్‌ను, రవీందర్‌ బాధ్యతలను సీఐడీ ఐజీ ప్రమోద్‌కుమార్‌కు, వెంకటేశ్వరరావు స్థానాన్ని సైబరాబాద్‌ సీపీ సజ్జనార్‌కు, శశిధర్‌ బాధ్యతలను ఆదిలాబాద్‌ ఎస్పీ విష్ణు వారియర్‌కు అప్పగిస్తూ ప్రభుత్వం ఆదేశాలు ఇచ్చింది. కాగా, మంగళవారమే మరో ఐపీఎస్‌ అధికారి, ఎస్‌ఐబీ విభాగం ఐజీ ప్రభాకర్‌రావు సైతం పదవీ విరమణ చేయాల్సి ఉంది. కానీ, ప్రభాకర్‌రావు సేవలను ప్రభుత్వం మరోసారి వినియోగించుకోవాలని నిర్ణయించింది. ఇందులో భాగంగా ఆయన పదవీకాలాన్ని పొడిగించింది. ఎస్‌ఐబీలోనే ప్రభాకర్‌ రావును ఓఎస్డీగా నియమిస్తూ ఉత్తర్వులు జారీ చేసింది. దీంతో ప్రభాకర్‌రావు మరో మూడేళ్లపాటు పదవిలో కొనసాగుతారు.   బదిలీలు.. మరికొంత జాప్యం  ఐపీఎస్‌ల బదిలీలపై ఉత్కంఠ కొనసాగుతూనే ఉంది. జరుగుతున్న పరిణామాలు చూస్తుంటే.. బదిలీలకు మరికొంత సమయం పట్టవచ్చన్న సంకేతాలు కనిపిస్తున్నాయి. ఇప్పటికే పలువురు ఐపీఎస్‌ అధికారులకు డీఐజీలు, ఏడీజీలుగా పదోన్నతులు కల్పించిన ప్రభుత్వం వారిని బదిలీ చేయబోతుంద ని ప్రచారం జరిగింది. ఇక ఐదుగురు ఐపీఎస్‌ ఆఫీసర్లు పదవీ విరమణ చేయడంతో జూన్‌ ఆఖరునాటికి బదిలీలు ఉంటాయని అంతా భావించారు. కానీ, పదవీ విరమణ పొందిన వారి బాధ్యతలను సీనియర్లకు అదనపు బాధ్యతలుగా అప్పగించడంతో బదిలీలపై మరికొంత జాçప్యం జరుగుతుందని తెలుస్తోంది. ఇటీవల బదిలీ అయిన టీఎస్‌పీఏ చైర్మన్‌ బాధ్యతలను కూడా తెలంగాణ స్టేట్‌ పోలీస్‌ స్థాయి రిక్రూట్‌మెంట్‌ బోర్డు చైర్మన్‌ వివి. శ్రీనివాసరావుకు అదనపు బాధ్యతల కింద అప్పగించిన విషయం తెలిసిందే.  

సాక్షి, హైదరాబాద్‌ : తెలంగాణ పోలీసు విభాగంలో ఇప్పటి వరకు కింది స్థాయి సిబ్బందినే చుట్టేస్తున్న కరోనా వైరస్‌ ఉన్నతాధికారులకూ వ్యాపిస్తోంది. ఇప్పటికే ఓ ఐపీఎస్‌ అధికారి వైరస్‌ బారినపడగా తాజాగా మరో ఇద్దరు ఐపీఎస్‌లకు పాజిటివ్‌ వచ్చింది. వీరు నగరం కేంద్రంగా పని చేస్తున్న వారే కావడం గమనార్హం. ఈ పరిణామంతో ఆయా అధికారుల వద్ద పని చేసిన, చేస్తున్న గన్‌మెన్‌లు, సిబ్బందిని క్వారంటైన్‌కు తరలించారు. (ప్రపంచం పెను ప్రమాదంలో ఉంది)  అలాగే మహిళా ఐపీఎస్‌ ఉన్నతాధికారి కూడా కరోనా బారినపడ్డారు. మరోవైపు డీజీపీ కార్యాలయంలో సైతం ఉద్యోగికి కరోనా సోకింది. తన వద్ద పనిచేసే సహాయకుడికి కూడా పాజిటివ్‌ రావడంతో అడిషనల్‌ డీజీ స్థాయి అధికారి ఒకరు హోం క్వారంటైన్‌లో ఉన్నారు. ఇక ఒక్క బంజారాహిల్స్‌ పోలీస్‌ స్టేషన్‌లోనే 20 కరోనా కేసులు నమోదు అయ్యాయి. అలాగే సుల్తాన్‌బజార్‌ పోలీస్‌స్టేషన్‌లో పనిచేస్తున్న ఇద్దరు కానిస్టేబుళ్లకు కరోనా పాజిటివ్‌ రావడంతో వారిని హోమ్‌ ఐసోలేషన్‌కు తరలించారు. (ఒక్క రోజులోనే 14,516 కరోనా కేసులు) 19 రోజులు.. 3026 పాజిటివ్‌ కేసులు  ఇటీవల రికార్డు స్థాయిలో నమోదవుతున్న కరోనా కేసులు గ్రేటర్‌ వాసుల కంటిమీద కునుకు లేకుండా చేస్తున్నాయి. ఇక్కడ..అక్కడ..వీరు..వారు అనే తేడా లేకుండా నగరంలోని అన్ని ప్రాంతాల్లోనూ కరోనా కేసులు వెలుగు చూస్తుండటం ఆందోళన కలిగి స్తుంది. గురువారం 302 పాజిటివ్‌ కేసులు నమోదు కాగా.. శుక్రవారం రికార్డు స్థాయిలో 329 పాజిటివ్‌ కేసులు నమోదయ్యాయి. ఇదిలా ఉండగా గ్రేటర్‌లో ఈ నెలలో ఇప్పటి వరకు 3026 పాజిటివ్‌ కేసులు నమోదు కాగా, 116 మంది మృతి చెందడం ఆందోళన కలిగిస్తుంది. హైదరాబాద్‌ జిల్లా వైద్య ఆరోగ్యశాఖ అధికారి కార్యాలయంలో ఇప్పటికే ఓ ఉద్యోగికి పాజిటివ్‌ రాగా...తాజాగా జిల్లా అధికారికి కూడా పాజిటివ్‌ నిర్ధారణ అయినట్లు సమాచారం. (విధుల విభజనతో కరోనాపై యుద్ధం) గాంధీ సెక్యూరిటీ సూపర్‌వైజర్‌ మృతి  గాంధీ ఆస్పత్రి :  కోవిడ్‌ నోడల్‌ కేంద్రమైన సికింద్రాబాద్‌ గాంధీ ఆస్పత్రిలో విధులు నిర్వహిస్తున్న సెక్యూరిటీ సూపర్‌వైజర్‌ ఆస్పత్రి చికిత్స పొందుతూ శుక్రవారం మృతి చెందాడు. జనగాం జిల్లా, బచ్చన్నపేటకు చెందిన బాలరాజు (55) మల్లాపూర్‌లో ఉంటూ ఎజిల్‌ సెక్యూరిటీ సంస్థ తరుపున  గాంధీ ఆస్పత్రిలో  సెక్యూరిటీ సూపర్‌వైజర్‌గా పని చేస్తున్నాడు. నాలుగు రోజుల  క్రితం అస్వస్థతకు గురైన బాలరాజు ఓ ప్రైవేటు ఆస్పత్రికి వెళ్లగా కరోనా లక్షణాలు కనిపించడంతో గాంధీ ఆస్పత్రికి రిఫర్‌ చేశారు. ఈనెల 17న రాత్రి ఆస్పత్రిలో చేరిన అతను ఐసీయులో చికిత్స పొందుతూ శుక్రవారం ఉదయం  మృతి చెందాడు. (మూడు నెలలుగా గాంధీలోనే తిండి.. ఠికానా..)

సాక్షి, హైదరాబాద్‌ : తెలంగాణలో విధులు నిర్వర్తిస్తున్న పలువురు ఐపీఎస్‌ అధికారులకు పదోన్నతి లభించింది. 2006 ఐపీఎస్‌ బ్యాచ్‌కు చెందిన ఆరుగురు ఐపీఎస్‌ అధికారులకు ప్రమోషన్‌​ కల్పిస్తూ తెలంగాణ ప్రభుత్వం నిర్ణయం తీసుకుంది. ఈ మేరకు ప్రభుత్వ ప్రధాన కార్యదర్శి సోమేష్‌ కుమార్‌ గురువారం ఉత్తర్వులు జారీచేశారు. వారంతా డిప్యూటీ ఇన్‌స్పెక్టర్‌ జనరల్‌ (డీఐజీ)గా పదోన్నతి పొందినట్లు ఉత్తర్వులో పేర్కొన్నారు. పదోన్నతి పొందిన  ఐపీఎస్‌ అధికారులు.. కార్మికేయ కే రమేష్‌ నాయుడు వీ సత్యనారాయణ బీ సుమతి ఎమ్‌ శ్రీనివాసులు వెంకటేశ్వరరావు

సాక్షి, హైదరాబాద్‌: తెలంగాణ పోలీసు బాస్‌ డీజీపీ మహేందర్‌రెడ్డికి అరుదైన గౌరవం లభించింది. దేశంలో తమ పనితీరుతో అత్యుత్తమ ఫలితాలు సాధించిన 25 మంది ఐపీఎస్‌ అధికారుల జాబితాలో ఆయనకు చోటుదక్కింది. ‘ఫేమ్‌ ఇండియా, ఆసియా పోస్ట్, పీఎస్‌యూ వాచ్‌’ మీడియా సంస్థలు సంయుక్తంగా అధ్యయనం చేసి ఈ జాబితా రూపొందించాయి. ఇందులో 1984 బ్యాచ్‌కు చెందిన ఇంటెలిజెన్స్‌ బ్యూరో చీఫ్‌ అర్వింద్‌ కుమార్‌ , రీసెర్చ్‌ అండ్‌ ఎనాలసిస్‌ వింగ్‌ (రా) చీఫ్‌ సమత్‌కుమార్‌ గోయల్, ఇండో టిబెటన్‌ బోర్డర్‌ పోలీస్‌ డీజీ ఎస్‌ఎస్‌ దేశ్వాల్‌ తొలి మూడు స్థానాల్లో నిలిచారు. ఆ తరువాత స్థానాల్లో వరుసగా సీఆర్‌పీఎఫ్‌ డీజీ మహేశ్వరి, ఎన్‌ఎస్‌జీ చీఫ్‌ అనూప్‌కుమార్‌సింగ్, ఢిల్లీ సీపీ ఎస్‌ఎన్‌ సిన్హా, బిహార్‌ డీజీపీ గుప్తేశ్వర్‌ పాండే, తెలంగాణ రాష్ట్ర డీజీపీ మహేందర్‌రెడ్డి (8వ స్థానం) ఉన్నారు.   25 అంశాల ఆధారంగా.. మెరుగైన పనితీరుతో సమాజంలో మార్పునకు కృషిచేసిన ఐపీఎస్‌ అధికారుల గుర్తింపునకు ఈ సంస్థలు అధ్యయనం చేశాయి. ఇందుకోసం 1995కు ముందు బ్యాచ్‌ల్లోని 4వేల మంది ఆఫీసర్ల పనితీరును మదించి, వడపోశాయి. ఈ అధికారుల తొలి పోస్టింగ్‌ నుంచి ఇప్పటి వరకు వారి పనితీరు, విధి నిర్వహణలో నిబద్ధత, అంకితభావం వంటి అంశాలను పరిగణనలోకి తీసుకున్నాయి. ఇంకా, ఆయా అధికారులపై వివిధ ఏజెన్సీలు రూపొందించిన అంతర్గత నివేదికలు, మీడియా కథనాలు, ఇతర సమాచారం ఆధారంగా 25 అంశాలకు ప్రాధాన్యమిస్తూ టాప్‌–200 జాబితాను తయారు చేశాయి. దీనిని మళ్లీ మదిస్తూ.. నేరాల కట్టడిలో ఈ అధికారుల పాత్ర, నిజాయతీ, నిష్పక్షపాతంగా విధి నిర్వహణ, శాంతిభద్రతల పరిరక్షణకు తీసుకున్న చర్యలు, ఫ్రెండ్లీ పోలీసింగ్, దార్శనికత, రెస్పాన్సిబిలిటీ వంటివి ఆధారంగా 25 మంది ఐపీఎస్‌ అధికారులతో తుది జాబితా రూపొందించాయి. ఈ జాబితాను పీఎస్‌యూ వాచ్‌ వెబ్‌సైట్‌ మంగళవారం ప్రచురించింది. ఈ జాబితాలో రెండు తెలుగు రాష్ట్రాల నుంచి 1986 బ్యాచ్‌కు చెందిన డీజీపీ ఎం.మహేందర్‌రెడ్డికి 8వ స్థానం దక్కింది.  ఉత్తమ పోలీసింగ్‌తో అందరికీ ఆదర్శంగా.. డీజీపీ మహేందర్‌రెడ్డి హయాంలో చేపట్టిన పోలీసింగ్, సంస్కరణలు ఇతర రాష్ట్రాలకు స్ఫూర్తిగా నిలుస్తున్నాయి. షీటీమ్స్, విమెన్‌ సేఫ్టీవింగ్, వర్టికల్‌ విధానంలో మార్పులు, పాపిలాన్‌ తరహా సాఫ్ట్‌వేర్, పాస్‌పోర్టు ఎంక్వైరీలో వేగం, నక్సలిజం పీచమణచడం, సీసీ కెమెరాల ఏర్పాటు, ఫ్రెండ్లీ పోలీసింగ్, ఠాణాలకు ఐఎస్‌ఓ సర్టిఫికెట్ల సాధన, టెక్నాలజీ వినియోగం వంటి విప్లవాత్మక కార్యక్రమాలు చేపట్టారు. ఆయన తీసుకున్న శ్రద్ధతో కేసుల దర్యాప్తులో, నిందితులకు శిక్షలు వేయించడంలో తెలంగాణ పోలీస్‌ విభాగం దేశంలోనే తొలి స్థానంలో నిలుస్తోంది. దేశంలో కీలకమైన నిఘా, సైనిక సంస్థలకు నాయకత్వం వహించే సీనియర్‌ అధికారుల సరసన డీజీపీ మహేందర్‌రెడ్డి నిలవడం ఆయన చేపట్టిన సంస్కరణల ఫలితమేనని ఆయన కార్యాలయ సిబ్బంది అభివర్ణించారు. ఆయన సంస్కరణలకు పరిశ్రమ వంటివారని ప్రశంసించారు.  ఇది తెలంగాణ పోలీస్‌కు దక్కిన గుర్తింపు దేశవ్యాప్తంగా ఉన్న ఐపీఎస్‌ అధికారులపై జరిగిన సర్వేలో 25 మంది జాబితాలో నాకు చోటుదక్కడం సంతోషం. కానీ, ఇది నా ఒక్కడితోనే సాధ్యం కాలేదు. మొత్తం తెలంగాణ పోలీసు సిబ్బందికి ఈ గౌరవం దక్కుతుంది. డిపార్ట్‌మెంటులోని హోంగార్డు నుంచి ఐపీఎస్‌ అధికారి వరకు అందరి సంకల్పం, పట్టుదల ఈ గుర్తింపు రావడానికి దోహదపడ్డాయి. తెలంగాణ సమాజం కూడా పోలీసులకు ఎంతగానో సహకరిస్తోంది. అందరి సమష్టి కృషితోనే ఇది సాధ్యమైంది. – ఎం.మహేందర్‌రెడ్డి, తెలంగాణ రాష్ట్ర డీజీపీ  

సాక్షి, అమరావతి : ఆంధ్రప్రదేశ్‌లో పలువురు ఐపీఎస్‌ అధికారులు పదోన్నతి‌ పొందగా మరి కొందరు బదిలీ అయ్యారు. ఈ మేరకు ప్రభుత్వం శుక్రవారం ఆదేశాలు జారీ చేసింది. పదోన్నతులు, బదిలీలు తక్షణమే అమల్లోకి వస్తాయని ఉత్వర్వుల్లో పేర్కొంది. ఈ నేపథ్యంలో అదనపు డీజీగా ఆర్‌ కే మీనా.. ఎస్‌ఐబీ చీఫ్‌గా శ్రీకాంత్‌.. మెరైన్ పోలీస్ చీఫ్‌గా ఎ.ఎస్‌.ఖాన్‌.. ప్రొవిజినల్‌ లాజిస్టిక్‌ ఐజీగా నాగేంద్రకుమార్‌..ఇంటెలిజెన్స్‌ ఐజీగా రఘురామిరెడ్డి.. ఏసీబీ ఐజీగా అశోక్‌కుమార్‌.. గుంటూరు రేంజ్‌ ఐజీగా జె. ప్రభాకర్‌రావు.. ఇంటెలిజెన్స్‌ డీఐజీగా విజయ్‌కుమార్‌.. ఏలూరు రేంజ్‌ డీఐజీగా కేవీ మోహన్‌ రావులతో పాటు మరికొందరు పదోన్నతి పొందారు. పోలీస్ రిక్రూట్‌మెంట్ బోర్డ్ ఛైర్మన్‌గా హరీష్‌కుమార్‌ గుప్తా.. ఎన్‌ఫోర్స్‌మెంట్‌ డైరెక్టర్‌గా వినీత్ బ్రిజ్‌లాల్‌.. నర్సీపట్నం ఓఎస్డీగా సుమిత్‌ సునీల్‌.. ఎపీఎస్పీ కాకినాడ కమాండెంట్‌గా అమిత్‌ బర్దార్‌, కర్నూలు అదనపు ఎస్పీగా గౌతమిశాలి, ఎపీఎస్పీ మంగళగిరి కమాండెంట్‌గా బి. క్రిష్ణారావు బదిలీ అయ్యారు. వీరిలో వినీత్ బ్రిజ్‌లాల్‌కు ప్రొహిబిషన్‌, ఎక్సైజ్‌ డైరెక్టర్‌గా అదనపు బాధ్యతలు అప్పగించారు.

సాక్షి, న్యూఢిల్లీ: ఢిల్లీ అల్లర్ల నేపధ్యంలో హోంశాఖ కీలక చర్యలు చేపట్టింది. ఇప్పటికే 22మంది ప్రాణాలు కోల్పోవడం.. అల్లరిమూకల తుపాకీ కాల్పుల్లో పదుల సంఖ్యలో గాయాలపాలు కావడంతో విధుల్లో నిర్లక్ష్యం వహించిన ఐదుగురు ఎస్పీలపై బదిలీ వేటు వేసింది. కాగా సీఏఏ అనుకూల, ప్రతికూల నిరసనలతో రగిల్చిన చిచ్చుతో ఈశాన్య ఢిల్లీ అట్టుడుకుతోంది. ఇరు వర్గాల మధ్య జరిగిన ఘర్షణలో ఇప్పటిదాకా 20 మంది చనిపోగా.. ఆసుపత్రిలో చికిత్స పొందుతున​ వారిలో మరో ఇద్దరు కూడా మరణించినట్లు తెలుస్తోంది. గాయపడ్డ వారిలో జీటీబీ ఆస్పత్రిలో ఒకరు, లోక్‌నాయక్ జయప్రకాశ్ నారాయణ్ ఆస్పత్రిలో మరొకరు మృతి చెందడంతో మృతుల సంఖ్య 22కు చేరుకుంది.  చదవండి: ఢిల్లీ అల్లర్లపై స్పందించిన ప్రధాని

సాక్షి, అమరావతి : ఆంధ్రప్రదేశ్‌లో పలువురు ఐపీఎస్‌ అధికారులు బదిలీ అయ్యారు. ఈ మేరకు ప్రభుత్వం మంగళవారం ఉత్తర్వులు జారీచేసింది. బదిలీలు తక్షణమే అమల్లోకి వస్తాయని ఉత్వర్వుల్లో పేర్కొంది. రాష్ట్ర రోడ్‌సేఫ్టీ అథారిటీ చైర్మన్‌గా కేఆర్‌ఎమ్‌ కిషోర్‌ కుమార్‌, హోంశాఖ ప్రిన్సిపల్‌ సెక్రటరీగా కుమార్‌ విశ్వజిత్‌ను నియమిస్తూ ప్రభుత్వం నిర్ణయం తీసుకుంది. బదిలీల వివరాలు..  రోడ్‌సేఫ్టీ అథారిటీ చైర్మన్‌గా కేఆర్‌ఎమ్‌ కిషోర్‌ కుమార్ హోంశాఖ ప్రిన్సిపల్‌ సెక్రటరీగా కుమార్‌ విశ్వజిత్‌ రైల్వేస్‌ అడిషనల్‌ డీజీగా బాలసుబ్రహ్మణ్యం సీఐడీ డీఐజీగా సునీల్‌ కుమార్‌ నాయక్‌ గ్రేహౌండ్స్‌ గ్రూప్‌ కమాండెంట్‌గా అభిషేక్‌ మహంతి ఎక్సైజ్‌శాఖ డైరెక్టర్‌గా వినీత్‌ బ్రిజ్‌లాల్‌ (అదనపు బాధ్యతలు) ఎక్సైజ్‌శాఖ డైరెక్టర్‌ హరికుమార్‌, కృపానంద త్రిపాఠిని డీజీ కార్యాలయంలో రిపోర్ట్‌ చేయాలని ప్రభుత్వం ఆదేశాలు జారీ చేసింది.

సాక్షి, అమరావతి: ఆంధ్రప్రదేశ్‌లో ఐపీఎస్‌ అధికారులకు పదోన్నతులు లభించాయి. 18 మంది ఐపీఎస్‌ అధికారులకు రాష్ట్ర ప్రభుత్వం పదోన్నతి కల్పించింది. సూపర్‌ టైం స్కేల్‌ ప్రకారం ఐపీఎస్‌లకు జీతాలు పెంచుతూ ఏపీ ప్రభుత్వం ఉత్తర్వులు జారీ చేసింది. పలువురు ఐపీఎస్‌ అధికారులకు డీఐజీగా పదోన్నతి కల్పించింది. 1995 బ్యాచ్ అధికారులు అతుల్ సింగ్, ఆర్కే మీనాలకు అదనపు డైరెక్టర్ జనరల్ ఆఫ్ పోలీసు హోదా కల్పిస్తూ ఉత్తర్వులు జారీ చేసింది. 2002 బ్యాచ్ ఐపీఎస్ అధికారులు సీహెచ్ శ్రీకాంత్, ఎ.ఎస్.ఖాన్, జె.ప్రభాకర్ రావు, డి.నాగేంద్రకుమార్ లకు ఐజీ ర్యాంకు హోదా కల్పిస్తూ ప్రభుత్వం ఆదేశాలు జారీ చేసింది. 2006 బ్యాచ్‌కు చెందిన ఐపీఎస్ అధికారులు కె. రఘురామ్, అకె రవికృష్ణ, సర్వశ్రేష్ఠ త్రిపాఠి, ఆర్.జయలక్ష్మి, జీవీజీ అశోక్ కుమార్, జి.విజయకుమార్, ఎస్.హరికృష్ణ, ఎం.రవిప్రకాశ్, ఎస్.వి.రాజశేఖర బాబు, కెవీ.మోహన్‌ రావు, పీహెచ్‌డీ రామకృష్ణలకు డీఐజీలుగా ప్రభుత్వం పదోన్నతులు కల్పించింది.

సాక్షి, హైదరాబాద్‌ : తెలంగాణలో పలువురు ఐపీఎస్‌ అధికారులకు రాష్ట్ర ప్రభుత్వం పదోన్నతి కల్పించింది. ఎస్పీలకు డీఐజీలుగా, డీఐజీలకు ఐజీలుగా పదోన్నతి లభించింది. 2002 ఐపీఎస్‌ బ్యాచ్‌కు చెందిన రాజేష్‌ కుమార్‌, ఎన్‌.శివశంకర రెడ్డి, డాక్టర్‌.వి.రవీంద్రకు ఐజీలుగా, 2006 ఐపీఎస్‌ బ్యాచ్‌కు చెందిన కార‍్తికేయ,కె.రమేష్‌ నాయుడు, వి.సత్యనారాయణ, బి.సుమతి, ఎం.శ్రీనివాసులు,ఏ.వెంకటేశ్వరరావుకు డీఐజీలుగా ప్రమోట్‌ అయ్యారు. ఈ మేరకు రాష్ట్ర ప్రభుత్వం గురువారం ఉత్తర్వులు జారీ చేసింది. (50 మంది ఐఏఎస్‌ల బదిలీ) ఐజీలుగా రాజేష్‌ కుమార్‌ ఎన్‌.శివశంకర రెడ్డి డాక్టర్‌.వి.రవీంద్ర డీఐజీలుగా కార‍్తికేయ కె.రమేష్‌ నాయుడు వి.సత్యనారాయణ బి.సుమతి ఎం.శ్రీనివాసులు ఏ.వెంకటేశ్వరరావు కాగా సుదీర్ఘకాలంగా పెండింగ్‌లో ఉంటూ వస్తోన్న ఐపీఎస్‌ బదిలీలపై ఎడతెగని ఉత్కంఠ కొనసాగిన విషయం తెలిసిందే. నేడు, రేపు అంటూ ఊరిస్తోన్న ట్రాన్స్‌ఫర్ల ప్రచారంతో పోలీసు అధికారులు ఆసక్తిగా ఎదురు చూశారు. ఈ నెల 2వ తేదీ అర్ధరాత్రి 50మంది ఐఏఎస్‌లోను ప్రభుత్వం ఆకస్మికంగా బదిలీ చేసిన విషయం తెలిసిందే.  ఈ నేపథ్యంలో తర్వాత రోజు ఐపీఎస్‌ల బదిలీలు ఉంటాయని భారీగా ప్రచారం సాగింది.  కానీ, అలాంటిదేమీ జరగలేదు. మంగళవారం కూడా ఇదే తరహా ప్రచారం సాగింది. కొందరు ఔత్సాహికులు ఒక అడుగు ముందుకేసి.. ఏకంగా పలువురు సీనియర్‌ ఐపీఎస్‌ అధికారుల బదిలీ జరిగి పోయిందంటూ పోస్టింగ్‌లతో సహా సోషల్‌ మీడియాలో పెట్టేసారు. ఈ సందేశాలు క్షణాల్లో రాష్ట్రవ్యాప్తంగా వైరల్‌గా మారాయి.  పలువురికి స్థాన చలనం.. వాస్తవానికి ఐపీఎస్‌ల బదిలీలు, పదోన్నతులు 2018లోనే జరగాల్సింది. కానీ, అసెంబ్లీకి జరిగిన ముందస్తు ఎన్నికల కారణంగా వాయిదాపడ్డాయి. దీంతో ఏప్రిల్‌లో ఎన్నికల కోడ్‌ అమలులో ఉన్నా.. 2019 ఏప్రిల్‌లో రాష్ట్ర హోంశాఖ కేంద్రం అనుమతితో 23 మంది ఐపీఎస్‌లకు పదోన్నతులు కల్పించింది. వాస్తవానికి పదోన్నతితోపాటు బదిలీ తప్పనిసరి. కానీ, వీరికి పదోన్నతి దక్కినా.. పాత కుర్చీల్లోనే విధులు నిర్వహిస్తున్నారు. దాదాపు 10 నెలలుగా తమకు కొత్త పోస్టింగ్‌లు వస్తాయని ఎదురు చూశారు. 12 మంది ఐపీఎస్‌లు నగరానికి..! ఇక జిల్లాల్లో వివిధ హోదాల్లో పనిచేస్తోన్న దాదాపు 12 మంది ఐపీఎస్‌ అధికారులను నగరానికి తీసుకురావాలన్న యోచనలో డీజీపీ ఉన్నట్లు సమాచారం. వీరికి గ్రేటర్‌ పరిధిలోని మూడు కమిషనరేట్లలో, ఇతర రాష్ట్రస్థాయి విభాగాల్లో పోస్టింగులు ఇవ్వనున్నట్లు తెలుస్తోంది. ‘‘రైట్‌ పర్సన్‌ ఎట్‌ రైట్‌ పొజిషన్‌’’ అన్న విధానంలో ఆయన పోస్టింగ్‌లు ఇవ్వనున్నారని సమాచారం. ఎలాంటి పైరవీలకు తావులేకుండా.. పనితీరు ఆధారంగా సరైన స్థానంలో సరైన అధికారికి బాధ్యతలు అప్పజెప్పనున్నారు. 

బోస్టన్‌ కమిటీ నివేదిక సారాంశాన్ని ఏపీ ప్రభుత్వం తరఫున వివరించిన దళిత ఐఏఎస్‌ అధికారి విజయ్‌కుమార్‌ను అక్కసుకొద్దీ చంద్రబాబు ఆ ‘విజయ్‌కుమార్‌గాడు’ మాకు పాఠాలు చెబుతాడా అని నోరు పారేసుకోవడం బాబులో పేరుకుపోయిన ‘కుల’ అహంకారానికి ప్రత్యక్ష నిదర్శనం. ‘పుట్టుకతో పుట్టిన బుద్ధి పుడకలతో పోదన్న’ సామెతను బాబు అక్షరాలా నిరూపించాడు. మన సభ్యతా, సంస్కృతీ ఎంతో గొప్పవని గొప్పలు చెప్పుకున్నా, దేశ ప్రజల్లోని మూడోవంతు ప్రజల్ని అంటరాని వారిగా చేసిందని రాహుల్‌ సాంకృత్యాయన్‌ అందుకే శఠించాడు. ఇలాంటి ధోరణులు చావనందునే, కుల వ్యవస్థకు ప్రతీకగా బాబు, ‘దళితుడుగా పుట్టాలని ఎవడైనా కోరు కుంటాడా’ అని ఎత్తిపొడిచి మనస్సులను ఇంతకుముందూ గాయపరిచిన విషయం మరవరానిది. తప్పును తప్పుగా అంగీకరించే గుణం ఆయనకి ఏనాడూ లేదు. చిత్తూరు జిల్లాలో మదనపల్లి దగ్గర పుంగనూరు సంస్థానమని వెనకటికొక సంస్థానం ఉండేది. ఆ సంస్థానానికి ‘వెర్రిబాగులది’ అనే పేరుండేదట. అదొకప్పటి జమీందారీ పట్టణం. జమీందారీ దర్జాకు తగ్గట్టు దానికి మంచి పేరుండాలి కదా, మరీ ‘వెర్రిబాగులది’ అన్నపేరు ఎందుకొచ్చి ఉంటుంది? ఎందుకంటే, పుంగనూరు రాజూ (జమీందారు), అతడి మంత్రీ, వారి అనుయాయులూ– అందరూ ‘వెర్రివెంగళప్ప’ చేష్టలకు అలవాటు పడ్డారట. అలాగే నెల్లూరు తాలూకాలో ఒక పుంజులూరు పాటి కుటుంబాన్ని కూడా ఎగతాళి పట్టిస్తూ ‘పోరా పుంజులూరు’ అని తిట్టు అర్థంలో వాడేవారట! చంద్రబాబు పేరిట ఇలాంటి సామెతలు ఉనికిలో లేకున్నా ఉమ్మడి ఆంధ్రప్రదేశ్‌ నాటి నుంచి ఆయన చేస్తున్న కుప్పిగంతులవల్ల విభజన అనంతర ఆంధ్రప్రదేశ్‌ అంతకంతా అనుభవిస్తోంది.  రాష్ట్ర విభజన తర్వాత కొంపాగోడూ కోల్పోయిన స్థితిలో కొత్త రాజధాని నిర్మాణానికి తగిన స్థల నిర్దేశానికి శాశ్వత కట్టడాలకు వీలు కల్పించేలా కేంద్ర ప్రభుత్వ విభజన చట్టం పదేళ్లపాటు హైదరాబాద్‌లోనే శాసనసభ సమావేశాలు నిర్వహించుకునే హక్కును కల్పించింది. కానీ అప్పటి సీఎం చంద్రబాబు ఆ పదేళ్ల వ్యవధిలో నూతన రాష్ట్రానికి శక్తిమంతమైన ప్రదేశంలో రాజధాని నిర్మాణాన్ని సానుకూలం చేసుకోవలసింది. కానీ ఈలోగా ఓటుకు కోట్లు కేసులో దొరికి పోయిన బాబు ఆ కేసునుంచి బయటపడే మార్గంలేక అర్థరాత్రి అధికార సరంజామాను ఉమ్మడి సచివాలయం నుంచి ఆగమేఘాల మీద పెట్టే–బేడాతో విజయవాడ వైపునకు తరలించుకుపోవలసి వచ్చింది. ఈలోగా కేంద్ర ప్రభుత్వం తరఫున నూతన రాజధాని నిర్మాణానికి అనువైన భూసార, పర్యావరణ, వాస్తుశిల్ప ప్రమాణా లకు అనుగుణమైన ప్రాంతాలను సందర్శించి రాజధానికి, సరైన ప్రాంతాన్ని ఎంపిక చేయడానికి వివిధ శాఖలకు చెందిన సకల సాంకేతిక, నిర్మాణ, పర్యావరణ నిపుణులతో కూడిన శివరామకృష్ణ్ణన్‌ కమిటీ నివేదిక సమర్పించగా, దాన్ని అసెంబ్లీలో ప్రవేశపెట్టకుండా బాబు తొక్కిపెట్టడం ఓ పెద్ద ప్రహసనం. ఆ నివేదిక స్థానే నాటి మంత్రి నారాయణతో ఒక నివేదికను తయారుచేయించి, నిపుణుల నివేదికను బేఖాతరు చేయించారు. రాజధానిగా అమరావతిని నిర్ణ యించినట్లు చెప్పకుండా కొంతసేపు నూజివీడనీ, గన్నవరం అనీ, విజయవాడ–గుంటూరు మధ్యన అనీ.. ఊహాగానాలు వ్యాప్తి చేశారు. అమరావతిలోని మూడు–నాలుగు పంటలు పండే భూము లపై కన్నుపడి, ఆ భూముల స్వాధీనానికి భూసేకరణ (ల్యాండ్‌ పూలింగ్‌) పేరుతో, మధ్యతరగతి ప్రజలనుంచి తక్కువ రేటుకు భూములు గుంజేశారు, కానీ మోతుబరులు ఎక్కువ ధరలకు అమ్ముకోవచ్చని ఆశించి రాజధానికోసం భూములిచ్చారు.  తీరా చూస్తే జరిగింది రాజధాని నిర్మాణం కాదు, సినిమా సెట్టిం గులు చూపి అమరావతి ప్రజల్ని మోసగించటం. మంచి పంట భూముల్ని వదులుకోడానికి ఇష్టపడని పేద రైతుల్ని బెదిరించారు, అర్ధరాత్రి పంట భూముల్ని తగలబెట్టించి, పంట భూముల వినా శనం కనబడకుండా తిరిగి అర్ధరాత్రిపూట దున్నించి చదును చేయించ డమూ స్థానిక ప్రజలు కళ్లారా గమనించారు. అన్నింటికన్నా అసలు విషయం–అమరావతిపై కేంద్రీకరణ రాజధాని నిర్మాణం కోసం కాదు, అక్కడి చుట్టుపట్ల భూముల పైన, వాటి విలువపైన, స్పెక్యు లేషన్‌ విలువను పెంచుకోవడం కోసం... పైగా ఒక్క మొన్నటి శివ రామకృష్ణన్‌ కమిటీయే కాదు, నిన్నటి జీఎన్‌ రావు ఉన్నతాధికార కమిటీ, నేటి బోస్టన్‌ కన్సల్టెన్సీ సంస్థ నిపుణుల కమిటీ ఇచ్చిన నివే దికలు కూడా–ఒకే ప్రాంతంలో పరిపాలన, అధికారాల కేంద్రీకర ణకుగాక అభివృద్ధి వికేంద్రీకరణకు ఏక ముఖంగా సానుకూలత వెలిబుచ్చాయి. ఆంధ్రప్రదేశ్‌ వాతావరణ, భూసార పరిస్థితులు, తుఫానులు, సముద్ర మట్టానికి అతి తక్కువ స్థాయిలో ఉన్న ప్రాంతా లకు, పంటలకు, వరదలవల్ల ప్రజలకు, నిర్మాణాలకు కలిగే బీభత్సం, హాని వగైరా అంశాలను దృష్టిలో పెట్టుకున్నందునే నివే దికలు వేరుగా వెలువడినా నిర్ణయాలు దాదాపు ఒక తీరుగానే ఉండటం అనుభవ నైపుణ్యంగా పరిగణించాలి. చివరికి శివరామకృష్ణ కమిటీకన్నా ఆరేడేళ్ల ముందే అమరావతి ప్రాంతానికి 15 అడుగుల్లోనే నీరు పైకి ఉబికి వచ్చి ముంచే ప్రమాదం ఉందనీ.. గుంటూరు, విజయవాడ ప్రాంతంలో భూకంపాలు వచ్చే అవకాశం ఉందని హైద రాబాద్‌ పర్యావరణ రక్షణ సంస్థ సర్వే వరద హెచ్చరిక చేసింది. వీటన్నింటి సారాంశాన్ని క్రోడీకరించుకుని ప్రజలకు ఓపికతో జగన్‌మోహన్‌రెడ్డి ప్రభుత్వం తరఫున వివరించిన ఐఏఎస్‌ అధికారి, దళిత అధికారి అయిన విజయ్‌కుమార్‌ను అక్కసుకొద్దీ చంద్రబాబు ఆ ‘విజయ్‌కుమార్‌గాడు’ మాకు పాఠాలు చెబుతాడా అని నోరు పారేసుకోవడం వర్గ, వర్ణ వ్యవస్థా చట్రంలో ‘కుల’ అహంకారానికి ప్రత్యక్ష నిదర్శనం. ‘పుట్టుకతో పుట్టిన బుద్ధి పుడకలతో పోదన్న’ తెలుగు సామెతను బాబు అక్షరాలా నిరూపించాడు. మన సభ్యతా, సంస్కృతీ ఎంతో గొప్పవని గొప్పలు చెప్పుకున్నా దేశ ప్రజల్లోని మూడోవంతు ప్రజల్ని అంటరానివారిగా చేసిందని రాహుల్‌ సాంకృ త్యాయన్‌ అందుకే శఠించాడు. అంతేగాదు, ఈ కుల భేదాల్ని బ్రహ్మ ముఖం నుంచి వెలువడ్డ వ్యవస్థగా ప్రకటించి దేశంలో జాతీయ ఐక్యతకు అవకాశమే లేకుండా చేసిందనీ, ‘ఈ ధోరణి సృష్టిలో సర్వ శ్రేష్టుడైన మానవుణ్ణి ఆవుముందూ, కోతిముందూ సాగిలపడేట్టూ చేసిందనీ, పాప పరిహారం పేరిట మానవుల చేత ఆవుపేడనూ తిని పించిందనీ, ఈ ధోరణే సగం జనాభా అయిన స్త్రీలకు నాగరిక అధి కారాలు లేకుండా చేసిందనీ, వందల సంవత్సరాల వరకూ సహగ మనం పేర కోట్లాది తరుణుల జీవితాన్ని బుగ్గిపాలు చేసిందనీ’ మహా పండిత రాహుల్జీ ఆక్రోశించవలసి వచ్చింది. ఇలాంటి ధోర ణులు చావనందుననే, కుల వ్యవస్థకు ప్రతీకగా చంద్రబాబు, ‘దళి తుడుగా పుట్టాలని ఎవడైనా కోరుకుంటాడా’ అని ఎత్తిపొడిచి మన స్సులను ఇంతకుముందూ గాయపరిచిన విషయం మరవరానిది. తప్పును తప్పుగా అంగీకరించే గుణం ఆయనకి ఏనాడూ లేదు.  పైగా, చంద్రబాబు ఎంతటి అబద్ధమైనా, అంత సులువుగా ఆడ గలడంటే– తన ‘దార్శనిక దృష్టి’ ఎంతవరకూ కొడిగట్టుకు పోయిం దంటే, తాను ఆంధ్రప్రదేశ్‌ అభివృద్ధి కోసం వివరంగా తయారు చేసిన ‘విజన్‌–2029’ నివేదికను బోస్టన్‌ కన్సల్టెన్సీ (బీసీజీ) నిపు ణులు తమ రిపోర్ట్‌లో ‘కట్‌ అండ్‌ పేస్ట్‌’ చేసుకొని కాపీకొట్టి సిద్ధం చేశారని ‘కోత’లు కోయగలిగినంతగా ఆయన ‘విజన్‌’ మసకబారి పోయింది. ఆయన ‘దార్శనిక దృష్టి’ ఎంతగా కొడిగట్టుకుపోయిం దంటే– అమరావతి రైతులతో మూడో వ్యక్తి ప్రమేయం లేకుండా ప్రపంచ బ్యాంక్‌ ప్రతినిధి వర్గం స్వయంగా వచ్చి వారికి, వారి భూములకు ల్యాండ్‌ఫూలింగ్‌ బాధలవల్ల కలిగిన కష్టనష్టాలను చెవులారా విన్న తరువాత చంద్రబాబు కలలు సాకారం కావడానికి నిధులు ఇవ్వడాన్ని నిలిపివేస్తూ బ్యాంక్‌ ప్రకటన చేసింది. ఇదే ప్రపంచబ్యాంకు చంద్రబాబు ‘విజన్‌–2020’కి కూడా నిధులు హామీ పడి షరతులతో బిగించినప్పుడు, ఇదే బాబు పళ్లబిగువు కోసం ‘అబ్బే, ఎలాంటి షరతులు లేవని’ నాడు కోతలు కోస్తే, వెంటనే బ్యాంకు ‘అన్ని షరతులను బాబు అంగీకరించాడ’ని లిఖితపూర్వక పత్రంలో పేర్కొన్నది. ‘అబద్ధాల కోరు నోటికి అరవీశెడు సున్నం’ పెట్టుకున్న సామెత ఎందుకు వచ్చిందో అప్పుడుగానీ రాష్ట్ర ప్రజలకు అర్థం కాలేదు. చివరికి వరల్డ్‌ బ్యాంక్‌ అధినేతలతో (ఉల్ఫోవిజ్‌ వగైరాతో) ఢిల్లీలో ముఖ్యమంత్రి హోదాలో రుణాల కోసం జరిపిన చర్చలలో తాను తప్ప రాష్ట్ర అధికారులు ఎవరినీ ఆయన పాల్గొన నివ్వలేదు. పైగా, బ్యాంకు అనుబంధ సంస్థ అయిన డీఎఫ్‌ఐడీ రుణ సంస్థ అంతవరకూ అందించిన రుణాలు ఎంతవరకు క్షేత్రస్థాయిలో ప్రజల ప్రయోజనాలకు దోహదపడ్డాయో విచారించి బ్యాంకుకు నివే దిక అందించిన సంస్థ నిపుణ ఆర్థికవేత్త ప్రొఫెసర్‌ జేమ్స్‌మానర్స్‌ ఆంధ్రప్రదేశ్‌లో అడుగడుగునా మంత్రుల నుంచి కింది స్థాయి వరకు అవినీతి ఏరులై పారుతోందని పేర్కొన్నాడు. ఇదంతా చంద్రబాబు కనుసన్నల్లోనే సాగుతోందని, ఆయన ఎరుక లేకుండా ఏ పనీ జరగడంలేదనీ ప్రొఫెసర్‌ మానర్స్‌ ఉదహరించాడు. అందుకే మహో న్నత మానవుడు, మహాపండిత రాహుల్‌ సాంకృత్యాయన్‌ ‘కమాల్‌ పుటి కబీర్‌ వంశాన్ని నట్టేట ముంచాడ’ని చెప్పినట్టుగా ఆంధ్రప్రదేశ్‌ రాజకీయాల్లో చంద్రబాబు ప్రవేశం ఒక్క ఎన్టీఆర్‌కే కాదు, యావ దాంధ్ర ప్రజల శ్రేయస్సుకు, రాష్ట్ర ప్రగతికీ వినాశకర పరిణామం. ఎలాగూ ‘దేవతాపురం’గా అమరావతి పేరుండిపోయింది గనుక, దాన్ని అలా తలచుకుంటూ కొలుచుకుంటేనే మంచిదేమో!  ఏబీకే ప్రసాద్‌ సీనియర్‌ సంపాదకులు abkprasad2006@yahoo.co.in

సాక్షి, విజయవాడ : ఏపీ కేడర్‌కు కేంద్ర హోంశాఖ కేటాయించిన ఐదుగురు ఐపీఎస్‌ అధికారులు సోమవారం రాష్ట్రానికి చేరుకున్నారు. 2018 ఐపీఎస్‌ బ్యాచ్‌కు చెందిన వారంతా నేషనల్‌ పోలీస్‌ అకాడమి ద్వారా శిక్షణ పూర్తి చేసుకున్నారు. ఆంధ్రప్రదేశ్‌కు చెందిన కృష్ణకాంత్‌, వీఎస్‌ మణికంఠ, కృష్ణకాంత్‌ పాటిల్‌ (తెలంగాణ), పి.జగదీష్‌ (కర్ణాటక), తుషార్‌ దుడి (రాజస్థాన్‌)లను కొద్ది రోజుల క్రితం కేంద్ర హోంశాఖ ఏపీ కేడర్‌కు కేటాయించింది. వారికి బాధ్యతలు అప్పగించేలా ఏపీ పోలీస్‌ అకాడమి డైరెక్టర్‌ సంజయ్‌ను ఆంధ్రప్రదేశ్‌ ప్రభుత్వం ఆదేశించింది.  దీంతో వారంతా డీజీపీ గౌతమ్‌ సవాంగ్‌ను మర్యాదపూర్వకంగా కలిశారు. వారికి ట్రైనింగ్‌ కిట్‌లు అందించిన డీజీపీ విధి నిర్వహణలో బాధ్యతాయుతంగా వ్యవహరించాలని, మంచి పోలీసు అధికారులుగా ప్రజల మన్ననలు పొందాలని అభిలషించారు. కొత్త ఐపీఎస్‌ అధికారులకు సీఐడీ, ఇంటెలిజెన్స్, ఎస్‌ఐబీ, ఆక్టోపస్, సెక్యూరిటీ వింగ్, విజిలెన్స్, ఏసీబీ, గ్రేహౌండ్స్‌ విభాగాల్లో ప్రత్యేక శిక్షణ ఇవ్వాలని సంజయ్‌ను సవాంగ్‌ ఆదేశించారు. 

సాక్షి, హైదరాబాద్‌ : తెలంగాణ ప్రభుత్వం నలుగురు ఐపీఎస్‌ అధికారులను బదిలీ చేసింది. రాష్ట్ర పోలీస్‌ అకాడమీ డైరెక్టర్‌గా సంతోష్‌ మెహ్రాను బదిలీ చేయగా, ఆయన స్థానంలో వీకే సింగ్‌ నియామకం అయ్యారు. ఫైర్‌ సేఫ్టీ డీజీ గోపీకృష్ణ స్థానంలో సంజయ్‌ కుమార్‌ జైన్‌ను నియమించింది. అలాగే గోపీకృష్ణ ప్రింటింగ్‌ అండ్‌ స్టేషనరీ కమిషనర్‌గా బదిలీ అయ్యారు. ఈ మేరకు ప్రభుత్వం మంగళవారం ఉత్తర్వులు జారీ చేసింది.

సాక్షి, హైదరాబాద్‌: ట్రైనీ ఐపీఎస్‌ అధికారులకు అధునాతన శిక్షణ ఇచ్చేందుకు కృషి చేస్తానని నేషనల్‌ పోలీస్‌ అకాడమీ నూతన డైరెక్టర్, డైరెక్టర్‌ జనరల్‌ అభయ్‌ అన్నారు. బుధవారం ఉదయం అకాడమీ అధికారుల ఘనస్వాగతం అనంతరం నూతన డైరెక్టర్‌గా అభయ్‌ బాధ్యతలు స్వీకరించారు. ఆయన 1986 ఐపీఎస్‌ బ్యాచ్‌ ఒడిశా కేడర్‌కి చెందినవారు. అనంతరం అభయ్‌ విలేకరుల సమావేశంలో మాట్లాడారు. భావి ఐపీఎస్‌ ఆఫీసర్లను తీర్చిదిద్దే అకాడమీ బాధ్యతలను స్వీకరించడం అరుదైన గౌరవంగా భావిస్తున్నానని చెప్పారు. తాను గతంలో సీబీఐ (బ్యాండ్‌ఫ్రాడ్‌), సీఆర్‌పీఎఫ్, నార్కోటిక్స్‌ బ్యూరోలో విధులు నిర్వహించానన్నారు. దేశంలో అధిక సంఖ్యలో ఐపీఎస్‌ ఆఫీసర్లకు శిక్షణ ఇచ్చే ప్రతిష్టాత్మక అకాడమీలో ప్రస్తుతం 350 మంది ఆఫీసర్లు శిక్షణ పొందుతున్నారని వెల్లడించారు. వీరిలో 147 మంది ఆఫీసర్లు ఫేజ్‌–1, మరో 121 మంది ఫేజ్‌–2 ట్రైనింగ్‌లో ఉన్నారని తెలిపారు. మిగిలిన వారిలో ఫారిన్‌ ఆఫీసర్లు కూడా ఉన్నారని వివరించారు. గడిచిన పదేళ్లలో అకాడమీలో కాలానుగుణంగా శిక్షణ విధానంలో చాలా మార్పులు వచ్చాయన్నారు.  సీబీఐ, ఎన్‌ఐఏలో కేసు దర్యాప్తు తర్వాత న్యాయ విచారణను పర్యవేక్షించే విధానంపై ప్రత్యేక శిక్షణ ఇస్తామన్నారు. ఉగ్రవాద పోరులో భాగంగా ఆధునిక పద్ధతిలో వర్చువల్‌ క్లాసులు నిర్వహిస్తామని తెలిపారు. మారుతున్న కాలానికి అనుగుణంగా దర్యాప్తు విధానంలో (ఉగ్రవాదం, ఆర్థిక నేరాలు) అత్యాధునిక శిక్షణ ఇచ్చేందుకు ప్రయత్నిస్తామన్నారు.  వర్చువల్‌ తరగతులు అంటే..?  వర్చువల్‌ తరగతులు అనగా కంప్యూటర్‌ సాయంతో భారీ తెరలను ఏర్పాటు చేసి టార్గెట్‌ను ఛేదించే ఒక ఆధునిక విధానం. చాలామంది పిల్లలు ప్లే స్టేషన్‌ పేరిట వివిధ గేమ్స్‌ని నిజంగా ఆడిన అనుభూతిని పొందినట్లే.. ఉగ్రవాద దాడి జరిగినపుడు శత్రువుపై ఎలా దాడి చేయాలి? ఎటునుంచి ముప్పు పొంచి ఉంది? క్షణాల్లో ఎలా దాడి చేయాలి? సురక్షితంగా ఎలా రావాలి? అన్న విషయాలపై శిక్షణ ఇస్తారు. 

సాక్షి, అమరావతి: రాష్ట్రంలో 21 మంది ఐపీఎస్‌ అధికారులను రాష్ట్ర ప్రభుత్వం శనివారం బదిలీ చేసింది. ఈ నెల 5వ తేదీన 26 మంది ఐపీఎస్‌ అధికారులను బదిలీ చేసిన సంగతి తెల్సిందే. దీంతో 15 రోజుల వ్యవధిలో రెండు దశల్లో రాష్ట్రంలో 47 మంది ఐపీఎస్‌లు బదిలీ అయ్యారు. అప్పట్లో బదిలీ చేసిన వారిలో ఐదుగురు మరోసారి బదిలీ అయ్యారు. టీడీపీ హయాంలో ప్రత్యేకంగా డీజీపీ కార్యాలయంలో శాంతిభద్రతల కో ఆర్డినేషన్‌ ఐజీగా ఉన్న ఘట్టమనేని శ్రీనివాస్‌ను అనంతపురం పీటీసీకి బదిలీ చేయగా తాజాగా ఆయన్ను పోలీస్‌ హెడ్‌క్వార్టర్‌లో రిపోర్టు చేయాలని ఉత్తర్వులు జారీ చేశారు. కోయ ప్రవీణ్, జీవీజీ అశోక్‌కుమార్, సర్వశ్రేష్ట త్రిపాఠి, విక్రాంత్‌ పాటిల్‌పై ప్రభుత్వం మరోసారి బదిలీ చేసింది. 

సాక్షి, అమరావతి: రాష్ట్రంలో 26 మంది ఐపీఎస్‌లను బదిలీ చేస్తూ ప్రభుత్వం బుధవారం ఉత్తర్వులు జారీ చేసింది. తొమ్మిది జిల్లాలకు కొత్త ఎస్పీలను నియ మించారు. ముగ్గురు డీఐజీలు, ఒక జాయింట్‌ సీపీ, ముగ్గురు డీసీపీలు, ఇంటెలిజెన్స్, ఆక్టోపస్, ఎస్‌ఐబీ, సీఐడీ ఎస్పీలను కూడా బదిలీ చేశారు. సార్వత్రిక ఎన్నికల ముందు పోలీస్‌ ప్రధాన కార్యాలయంలో  శాంతి భద్రతల సమన్వయం పేరుతో ప్రత్యేకంగా పోస్టు సృష్టించి నియమించిన ఘట్టమనేని శ్రీనివాస్‌ను అనంతపురం పోలీస్‌ ట్రైనింగ్‌ సెంటర్‌ (పీటీసీ)కి బదిలీ చేశారు.  సీఎం నివాసం వద్ద భద్రత కట్టుదిట్టం డీజీపీ డి.గౌతమ్‌ సవాంగ్‌ బుధవారం ముఖ్యమంత్రి వైఎస్‌ జగన్‌మోహన్‌రెడ్డితో రెండు దఫాలు భేటీ అయ్యారు. ఎస్పీలు, నగర పోలీస్‌ కమిషనర్‌ల బదిలీలపై ఈ సందర్భంగా చర్చించినట్లు తెలిసింది. పలువురు ఐపీఎస్‌ల పనితీరుపై డీజీపీ సవాంగ్‌ ముఖ్యమంత్రికి నివేదిక ఇచ్చినట్లు తెలిసింది. మరోవైపు గుంటూరు జిల్లా తాడేపల్లిలోని సీఎం వైఎస్‌ జగన్‌మోహన్‌రెడ్డి నివాస ప్రాంతంలో భద్రతా ఏర్పాట్లను డీజీపీ సవాంగ్‌ పరిశీలించారు. ఇప్పటికే కట్టుదిట్టమైన భద్రతా ఏర్పాట్లు చేసిన పోలీసు శాఖ ఆ ప్రాంతంలో నిఘాను పెంచింది. సీఎం నివాసం వద్ద కమాండ్‌ కంట్రోల్‌ రూమ్‌ను ఏర్పాటు చేసి సీసీ కెమెరాలను అనుసంధానించారు. బాంబు డిస్పోజల్, డాగ్‌ స్క్వాడ్‌ బృందాలతో విస్తృతంగా తనిఖీలు నిర్వహించాలని ఉన్నతాధికారులు ఆదేశించారు.

సాక్షి, అమరావతి/గన్నవరం: ఎంతో నమ్మకంతో వైఎస్సార్‌ సీపీకి అఖండ మెజార్టీ  అందించిన ప్రజలకు అత్యుత్తమ, ప్రజారంజక పాలన అందించడంపై కాబోయే సీఎం వైఎస్‌ జగన్‌మోహన్‌రెడ్డి అప్పుడే దృష్టి సారించారు. ఆయా శాఖల్లో ప్రస్తుత పరిస్థితులు, సుపరిపాలనకు చేపట్టాల్సిన మార్పులపై ఆయన కసరత్తు చేస్తున్నారు. రాష్ట్ర ఆర్థిక పరిస్థితులపై పూర్తిస్థాయి నివేదికలు తెప్పించుకుని పరిశీలించిన వైఎస్‌ జగన్‌ సీఎంగా ప్రమాణ స్వీకారం చేయకముందే ఢిల్లీ వెళ్లి ప్రధాని మోదీని కలసి పరిస్థితిని వివరించి రాష్ట్ర ప్రగతికి చేయూత ఇవ్వాలని కోరారు. ఢిల్లీ నుంచి సోమవారం మధ్యాహ్నం తాడేపల్లిలోని క్యాంపు కార్యాలయానికి వచ్చిన జగన్‌ను పలువురు ఐఏఎస్, ఐపీఎస్‌ అధికారులు కలిశారు.  ఈ సందర్భంగా పరిపాలనలో తేవాల్సిన సంస్కరణలపై సీనియర్‌  ఐఏఎస్‌లతో ప్రాథమికంగా సమీక్షించారు. చేసి చూపాలనే తపన.. ‘తాను కోరుకుంటున్నట్లుగా పారదర్శకత, సుపరిపాలన అందించాలంటే ఎక్కడెక్కడ ఎలాంటి లోపాలు ఉన్నాయో తెలుసుకోవాలి. ప్రస్తుతం జగన్‌ అదే చేస్తున్నారు. ఏయే శాఖల్లో ఏం జరిగింది? ఏయే మార్పులు అవసరం. వాటిని చేయడానికి ఏం కావాలి? అధ్యయనం చేయడం కోసం ప్రాథమిక కసరత్తును కాబోయే ముఖ్యమంత్రి అప్పుడే ప్రారంభించారు. ఇప్పటి వరకూ ముఖ్యమంత్రిగా ప్రమాణ స్వీకారం చేయకముందే ఎవరూ ఇలాంటి కసరత్తు చేసిన దాఖలాలు లేవు. పారదర్శకపాలన అందిస్తానని చెప్పడం కాదు, చేసి చూపించాలనే తపన ఆయనలో స్పష్టంగా కనిపిస్తోంది. ఒకవైపు తనకోసం వచ్చిన వారిని కలుస్తూనే ముఖ్యమంత్రిగా ప్రమాణ స్వీకారం చేసిన తర్వాత ప్రజల ఆశలను నెరవేర్చడానికి తీసుకోవాల్సిన చర్యలపై కసరత్తు చేస్తున్నారు. ఈనెల 30న ప్రమాణ స్వీకారం చేసిన తర్వాత ఐదారు రోజులు ఆయా శాఖలతో సమీక్ష, సమావేశాలు నిర్వహించి పూర్తిస్థాయిలో పరిస్థితులను తెలుసుకుని మార్పులకు శ్రీకారం చుట్టాలని జగన్‌ నిర్ణయించుకున్నట్లు స్పష్టంగా కనిపిస్తోంది. ఇది శుభ సంకేతం...’ అని పలువురు సీనియర్‌ ఐఏఎస్‌ అధికారులు తెలిపారు.  జగన్‌ను కలసిన పలువురు ఉన్నతాధికారులు వైఎస్‌ జగన్‌ను సోమవారం కలసిన వారిలో సీనియర్‌ ఐఏఎస్, ఐపీఎస్‌ అధికారులు జవహర్‌రెడ్డి, ఎంటీ కృష్ణబాబు, ఉదయలక్ష్మి, శశిభూషణ్‌ కుమార్, లక్ష్మీకాంతం, సంధ్యారాణి, ప్రద్యుమ్న, కాటమనేని భాస్కర్, ప్రవీణ్‌ కుమార్, వరప్రసాద్, సంజయ్, కార్తికేయ మిశ్రా, మేరి ప్రశాంతి, రవిప్రకాశ్, అరుణ్‌ కుమార్, సత్యనారాయణ, ముత్యాల రాజు, రేఖారాణి, ఇంతియాజ్, మురళీ, ఎం.వేణుగోపాల్‌రెడ్డి, జి.చంద్రుడు, కె.వెంకట రమణారెడ్డి, సూర్యకుమారి, గౌతమ్‌ సవాంగ్, స్టీఫెన్‌ రవీంద్ర, త్రిపాఠి, సిద్ధార్థ కౌశల్, ప్రొటోకాల్‌ అధికారి అశోక్‌ బాబు తదితరులు ఉన్నారు. ఈ అధికారులను అడిషనల్‌ సెక్రటరీ ధనుంజయరెడ్డి దగ్గరుండి జగన్‌కు పరిచయం చేశారు. అదేవిధంగా గుంటూరు, శ్రీకాకుళం పార్లమెంటు స్థానాల నుంచి పోటీ చేసిన మోదుగుల వేణుగోపాల్‌రెడ్డి, దువ్వాడ శ్రీనివాస్‌తోపాటు ఎమ్మెల్యేలు కాపు రామచంద్రారెడ్డి, ఆళ్ల రామకృష్ణారెడ్డి, వైఎస్సార్‌సీపీ కార్మిక విభాగం నేత గౌతమ్‌ రెడ్డి తదితరులు కూడా వైఎస్‌ జగన్‌ను కలిశారు. సంబంధిత వీడియో కోసం ఇక్కడ క్లిక్ చేయండి గన్నవరం ఎయిర్‌పోర్టులో వైఎస్‌ జగన్‌కు ఘనస్వాగతం ఢిల్లీ పర్యటన ముగించుకుని రాష్ట్రానికి వచ్చిన నిశ్చయ ముఖ్యమంత్రి వైఎస్‌ జగన్‌మోహన్‌రెడ్డికి సోమవారం గన్నవరం విమానాశ్రయంలో పలువురు అధికారులు, పార్టీ నాయకులు స్వాగతం పలికారు. ఢిల్లీ నుంచి ప్రత్యేక విమానంలో మధ్యాహ్నం 12.55కు ఇక్కడికి చేరుకున్నారు. వైఎస్‌ జగన్‌తోపాటు రాజ్యసభ సభ్యుడు విజయసాయిరెడ్డి, ఎంపీలు మిథున్‌రెడ్డి, వల్లభనేని బాలశౌరి, నందిగం సురేశ్, మార్గాని భరత్, ఎమ్మెల్యే గడికోట శ్రీకాంత్‌రెడ్డి ఉన్నారు. వైఎస్‌ జగన్‌కు పెనమలూరు ఎమ్మెల్యే కొలుసు పార్థసారథి, గన్నవరం వైఎస్సార్‌ సీపీ నియోజకవర్గ సమన్వయకర్త యార్లగడ్డ వెంకట్రావు, పార్టీ నేత ఉప్పాల రామ్‌ప్రసాద్, పలువురు అధికారులు, పార్టీ కార్యకర్తలు స్వాగతం పలికారు. వీరందరికీ అభివాదం చేస్తూ వైఎస్‌ జగన్‌ రోడ్డు మార్గం ద్వారా తాడేపల్లి బయలుదేరివెళ్లారు. నేడు తిరుమలకు పయనం కలియుగ దైవం శ్రీ వేంకటేశ్వర స్వామిని దర్శించుకోవడానికి నిశ్చయ ముఖ్యమంత్రి వైఎస్‌ జగన్‌మోహన్‌రెడ్డి తిరుమలకు వెళ్లనున్నారు. నేటి సాయంత్రం 5 గంటలకు తాడేపల్లి నుంచి గన్నవరం విమానాశ్రయానికి చేరుకుని ప్రత్యేక విమానంలో ఆయన తిరుమలకు వెళ్తారు. రాత్రి ఏడు గంటలకు తిరుమలకు చేరుకుని అక్కడే బస చేసి 29 ఉదయం స్వామివారిని దర్శించుకుంటారు. అనంతరం తిరుమల నుంచి ప్రత్యేక విమానంలో కడప చేరుకుంటారు. కడపలో పెద్ద దర్గాను దర్శిస్తారు. తర్వాత పులివెందులకు వెళ్లి సీఎస్‌ఐ చర్చిలో ప్రార్థనలు చేస్తారు. ఆ తర్వాత ఇడుపులపాయకు వెళ్లి తన తండ్రి, దివంగత సీఎం డాక్టర్‌ వైఎస్‌ రాజశేఖరరెడ్డి సమాధికి నివాళులు అర్పిస్తారు. తర్వాత కడప చేరుకుని ప్రత్యేక విమానంలో గన్నవరం విమానాశ్రయానికి చేరుకుంటారు. అక్కడ నుంచి తాడేపల్లిలోని నివాసానికి వెళ్తారు.  నాడు శ్రీవారి ఆశీస్సులతో పాదయాత్రకు శ్రీకారం వైఎస్‌ జగన్‌ శ్రీవారి ఆశీస్సులు తీసుకున్న తర్వాతే ఏ కార్యక్రమమైనా చేపట్టడం ఆనవాయితీగా వస్తోంది. 2017, నవంబర్‌ 4న తిరుమలలో శ్రీవారిని దర్శించుకుని ఆశీస్సులు పొందిన తర్వాతే జగన్‌ నవంబర్‌ 6న ఇడుపులపాయలోని వైఎస్సార్‌ ఘాట్‌ వద్ద నుంచి ప్రజాసంకల్ప యాత్రకు శ్రీకారం చుట్టారు. 3,648 కిలోమీటర్ల సుదీర్ఘ ప్రజాసంకల్ప యాత్ర పూర్తి చేసుకుని ఈ ఏడాది జనవరి 9న ఆయన నేరుగా ఇచ్ఛాపురం నుంచి తిరుపతికి వచ్చారు. తిరుపతి నుంచి తిరుమలకు పాదయాత్రగా వెళ్లి జనవరి 10న స్వామివారిని దర్శించుకున్నారు. ఈనెల 30న ముఖ్యమంత్రిగా ప్రమాణస్వీకారం చేయనున్న నేపథ్యంలో ముందుగా శ్రీవారిని దర్శించుకుని రాష్ట్రానికి అన్ని విధాలా మేలు చేయాలని, ప్రజారంజక, సుపరిపాలన అందించేలా ఆశీర్వదించాలని కోరనున్నారు.

సాక్షి, హైదరాబాద్‌: తెలంగాణలో కొందరు ఐపీఎస్‌ల చూపు ఇప్పుడు ఏపీ వైపు పడింది. ఆంధ్రప్రదేశ్‌ రాష్ట్రంలో తాజాగా జరిగిన అసెంబ్లీ ఎన్నికల్లో వైఎస్సార్‌సీపీ ఘనవిజయం సాధించి ప్రభుత్వ ఏర్పాటుకు అడుగులు వేస్తున్న నేపథ్యంలో పలువురు ఐపీఎస్‌ అధికారులు ఇంటర్‌స్టేట్‌ డిప్యుటేషన్‌పై వెళ్లే యోచనలో ఉన్నట్లు ప్రచారం జరుగుతోంది. జగన్‌మోహన్‌రెడ్డి ముఖ్యమంత్రిగా ప్రమాణ స్వీకారం చేశాక, ఐపీఎస్‌ అధికారుల పోస్టింగ్‌ల విషయంలో దృష్టి పెడతారు. ఈ నేపథ్యంలో ఉమ్మడి ఆంధ్రప్రదేశ్‌లో అప్పటి ముఖ్యమంత్రి వైఎస్‌ రాజశేఖరరెడ్డితో కలిసి పనిచేసిన ఐపీఎస్‌లలో పలువురు రిటైర్‌ అయ్యారు. అప్పుడు ఆయనతో సన్నిహితంగా ఉన్న పలువురు ఇప్పుడు జగన్‌తో కలిసి పనిచేయాలనుకుంటున్నారు.   ఇప్పటికే జగన్‌ని కలిసిన ఓ ఐపీఎస్‌  తెలంగాణ రాష్ట్రంలో ఇటీవల పలువురు ఐపీఎస్‌ అధికారులకు పదోన్నతులు లభించాయి. కానీ, వీరికి ఇంకా స్థానచలనం లభించలేదు. పదోన్నతులు పొందినా వారు పాతస్థానంలోనే అంటే తమ హోదా కంటే తక్కువ పదవిలో పనిచేస్తున్నారు. ఎన్నికల కోడ్‌ ముగిశాక.. అంటే మే 28 తరువాత స్థానచలనం/ బాధ్యతల మార్పుపై హోంశాఖ నిర్ణయం తీసుకోనుంది. ఈలోగా ఆరుగురు తెలంగాణ ఐపీఎస్‌లు ఆంధ్రప్రదేశ్‌లో పనిచేసేందుకు ఆసక్తి చూపిస్తుండటం గమనార్హం. వీరిలో ఒక అధికారి ఇప్పటికే విజయవాడ వెళ్లి జగన్‌కి శుభాకాంక్షలు తెలిపారు. ఈ సందర్భంగా తాను ఏపీలో పనిచేయాలనుకుంటున్నానని తన మనసులో మాట బయటపెట్టుకున్నారు. సీఎంగా జగన్‌ ప్రమాణ స్వీకారం అనంతరం వీరి విజ్ఞప్తులపై ఏపీ ప్రభుత్వం ఒక నిర్ణయానికి రానున్నట్లు సమాచారం.  ఇద్దరు కేంద్ర సర్వీసులకు!  తెలంగాణ నుంచి కేంద్ర సర్వీసులకు వెళ్లేందుకు మరో ఇద్దరు ఐపీఎస్‌ అధికారులు కూడా ఇప్పటికే దరఖాస్తు చేసుకున్నారని సమాచారం. వీరిలో సివిల్‌ సప్లయ్‌ కమిషనర్‌గా ఉన్న డీఐజీ అకున్‌ సబర్వాల్, తెలంగాణ స్టేట్‌ పోలీస్‌ అకాడమీ(టీఎస్‌పీఏ) డైరెక్టర్‌గా ఉన్న సంతోశ్‌ మెహ్రాలు ఉన్నారని సమాచారం. ఎలక్షన్‌ కోడ్‌ తరువాత వీరి బదిలీకి రాష్ట్ర హోంశాఖ కూడా సుముఖంగా ఉందని, త్వరలోనే పచ్చజెండా ఊపనున్నందని తెలిసింది.

సాక్షి, బెంగళూరు : చట్టాన్ని సక్రమంగా అమలు చేయాల్సిన ఐపీఎస్‌ అధికారులు తమవరకూ వచ్చేసరికి ముఖం చాటేస్తున్నారు. కర్ణాటకలో 45 ఐపీఎస్‌ అధికారులు ఆస్తి వివరాలు వెల్లడించకపోవడం పట్ల తీవ్ర విమర్శలు వెల్లువెత్తున్నాయి. 2018 ఆఖరు నుంచి ఈ ఏడాది జనవరి ఆఖరిలోగా ఐపీఎస్‌ అధికారులు తమ తమ ఆస్తుల వివరాలను ప్రభుత్వానికి తెలియజేయాలి. కానీ ఇంతవరకు 45 మంది ఐపీఎస్‌ అధికారులు వాటిని సమర్పించలేదు. వీరిలో ఎస్పీల నుంచి అదనపు డీజీపీ స్థాయివరకూ ఉన్నారు. ఈ నేపథ్యంలో అధికారులు నిర్లక్ష ధోరణి అవలంబిస్తుండటంపై రాష్ట్ర హోంశాఖ అదనపు చీఫ్‌ సెక్రటరీ.. డీజీపీ నీలమణిరాజుకు లేఖ రాశారు. ప్రతి ఏడాది ఐపీఎస్‌ అధికారులు తమ, తమ కుటుంబసభ్యుల ఆస్తుల వివరాలు తెలియజేయాలనే నిబంధన ఉంది. ఈ సమాచారాన్ని నమోదు చేయడానికి ఆన్‌లైన్‌ వ్యవస్థను అందుబాటులోకి తీసుకువచ్చినప్పటికీ అధికారులు అది తమ పని కాదన్నట్లు వ్యవహరిస్తున్నారు. స్థిర, చరాస్తుల వివరాలు అందించడానికి ఐపీఎస్‌లు వెనుకంజ వేస్తున్నారని, దీనిపై డీజీపీ త్వరితగతిన చర్యలు తీసుకోవాలని లేఖలో సూచించారు.

సాక్షి, అమరావతి : రాష్ట్రంలో వేర్వేరు విభాగాల్లో విధులు నిర్వహిస్తున్న ఆరుగురు ఐపీఎస్‌ అధికారులను ఆంధ్రప్రదేశ్‌ ప్రభుత్వం గురువారం బదిలీ చేసింది. కడప, ప్రకాశం జిల్లాల ఎస్పీలకు స్థానం చలనం కల్పిస్తూ వారి స్థానాల్లో రాముల్‌ దేశ్‌ శర్మ, కోయ ప్రవీణ్‌లను నియమించింది. గ్రేహౌండ్‌ గ్రూప్‌ కమాండర్‌గా అభిషేక్‌ మహంతి, విజయవాడ సిటీ జాయింట్‌ కమిషనర్‌గా నవదీప్‌సింగ్‌, పర్సనల్‌ ఐజీగా వినీత్‌ బ్రిజ్‌ లాల్‌, విశాఖ గ్రేహౌండ్‌ గ్రూప్‌ కమాండర్‌గా సత్య ఏసుబాబును నియమిస్తూ ఉత్తర్వులు జారీ చేసింది. కాగా ఎన్నికల ముందు జిల్లా ఎస్పీలను ప్రభుత్వం వరుసగా మారుస్తూ వస్తుంది. మూడు నెలల్లోనే కడప ఎస్పీని బదిలీ చేయడం గమనార్హం.

సాక్షి, న్యూఢిల్లీ : కోల్‌కతా పోలీస్‌ కమిషనర్‌ నివాసంపై సీబీఐ అధికారుల దాడులకు నిరసనగా పశ్చిమ బెంగాల్‌ సీఎం మమతా బెనర్జీ చేపట్టిన దీక్షలో పాల్గొన్న ఐదుగురు ఐపీఎస్‌ అధికారులపై కేంద్రం చర్యలు చేపట్టే అవకాశం ఉంది. ధర్నాలో పాల్గొన్న డీజీపీ వీరేంద్ర, అడిషనల్‌ డీజీపీ వినీత్‌ కుమార్‌ గోయల్‌, ఏడీజీ అనుజ్‌ శర్మ సహా ఐదుగురు ఐపీఎస్‌ అధికారులపై చర్యలు చేపట్టాలని కోరుతూ కేంద్ర హోంమంత్రిత్వ శాఖ పశ్చిమ బెంగాల్‌ ప్రభుత్వానికి లేఖ రాయనుందని హోంమంత్రిత్వ శాఖ వర్గాలు పేర్కొన్నాయి. ప్రతిభావంతమైన సేవలు అందించినందుకు వారికి ఇచ్చిన పతకాలను వెనక్కి తీసుకోవడం, కేంద్ర సర్వీసుల్లో వారిని పనిచేయకుండా నిర్ధిష్టకాలానికి దూరం పెట్టడం వంటి చర్యలూ చేపట్టవచ్చని బావిస్తున్నారు. మరోవైపు ఐపీఎస్‌ అధికారులపై క్రమశిక్షణా చర్యలు తీసుకోవాలని కేం‍ద్ర ప్రభుత్వం సూచనలపై మమతా సర్కార్‌ గుర్రుగా ఉంది. కాగా మమతా ధర్నాలో తాము పాల్గొనలేదని మరికొందరు ఐపీఎస్‌ అధికారులు వివరణ ఇస్తున్నారు.

సాక్షి, హైదరాబాద్‌: అసెంబ్లీ ఎన్నికలు ప్రశాంత వాతావరణంలో జరిపించేందుకు పోలీస్‌ శాఖ ముందు జాగ్రత్త చర్యలు చేపట్టింది. దీనిలో భాగంగా రాష్ట్రంలో ఉన్న పలువురు ఐపీఎస్‌ అధికారులకు పలుచోట్ల ఇన్‌చార్జి బాధ్యతలు అప్పగించింది. ఈ నెల 6 నుంచి ఎన్నికల ఫలితాలు వెలువడే వరకు నిర్ణీత ప్రాంతాల్లో అందుబాటులో ఉండాలని ఆదేశిస్తూ పోలీస్‌ శాఖలో అంతర్గత సర్క్యులర్‌ జారీ చేశారు. అదనపు డీజీలతోపాటు ఐజీలు, డీఐజీలను ఈ ఇన్‌చార్జి బాధ్యతల్లో నియమిస్తున్నట్టు తెలిపింది. పోలీస్‌ హౌసింగ్‌ కార్పొరేషన్‌ ఎండీ బి.మల్లారెడ్డిని హైదరాబాద్‌కు, రిక్రూట్‌మెంట్‌ బోర్డు చైర్మన్‌ వీవీ శ్రీనివాస్‌రావును వికారాబాద్‌కు, ఐజీ స్వాతి లక్రాను సిద్దిపేటకు, డీఐజీ షానావాజ్‌ ఖాసీంను సూర్యాపేట్‌కు ఇన్‌చార్జిగా నియమించినట్టు తెలిసింది. అలాగే మిగతా అదనపు డీజీలు, ఐజీ, డీఐజీలు మొత్తం 18 మందిని ఇతర ప్రాంతాల్లో నియమించనున్నట్లు తెలిసింది.   లక్ష మందితో భద్రత..  రాష్ట్ర అసెంబ్లీ ఎన్నికలను దృష్టిలో పెట్టుకొని లక్షమందితో భద్రత ఏర్పాట్లు చేస్తున్నట్టు అదనపు డీజీపీ జితేందర్‌ సోమవారం తెలిపారు. తెలంగాణ పోలీస్‌ సిబ్బంది 50 వేల మంది, సెంట్రల్‌ ఫోర్స్‌ 25 వేల మంది, మహారాష్ట్ర, ఛత్తీస్‌గఢ్‌ నుంచి 25 వేల మందిని రంగంలోకి దింపుతున్నట్టు తెలిపారు.   రేవంత్‌రెడ్డిపై కేసు..  ఎన్నికల కమిషన్‌ ఆదేశాల మేరకు కొడంగల్‌ కాంగ్రెస్‌ పార్టీ అభ్యర్థి, టీపీసీసీ వర్కింగ్‌ ప్రెసిడెంట్‌ రేవంత్‌రెడ్డిపై 341, 188, 506, 511 సెక్షన్ల కింద కేసులు నమోదు చేసినట్టు తెలిపారు. కొడంగల్‌ రిటర్నింగ్‌ అధికారి రేవంత్‌ రెడ్డికి నోటీసులు జారీచేశారని, ఆపద్ధర్మ ముఖ్యమంత్రి కె. చంద్రశేఖర్‌రావు సభ ముట్టడిపై వివరణ ఇవ్వాలని నోటీసులు అందించారని తెలిపారు. బొంరాశ్‌పేట్‌ పరిధిలో రెండు రోజులపాటు 144 సెక్షన్‌ విధిస్తున్నామన్నారు.  

సాక్షి, అమరావతి: కేంద్ర దర్యాప్తు సంస్థ(సీబీఐ), రాష్ట్రానికి చెందిన అవినీతి నిరోధక శాఖ(ఏసీబీ) మధ్య వివాదం మరింత రాజుకుంది. కేంద్ర ఉద్యోగిపై ఏసీబీ దాడి ఘటన ప్రకంపనలు సృష్టిస్తోంది. రాష్ట్రంలో సీబీఐ అడుగుపెట్టకూడదంటూ కొద్ది రోజుల క్రితం టీడీపీ ప్రభుత్వం జీవో జారీ చేసిన సంగతి తెలిసిందే. ప్రభుత్వం జీవోలో ప్రస్తావించినట్టే తాజాగా ఏసీబీ ప్రదర్శించిన దూకుడు ఆగ్నికి ఆజ్యం పోసినట్టు అయ్యింది. ఏసీబీ వ్యవహరించిన తీరును సీబీఐ సీరియస్‌గా తీసుకుంది. ముఖ్యమంత్రి మెప్పుకోసం ప్రయత్నిస్తున్న కొందరు ఐపీఎస్‌లు ఇరకాటంలో పడే ప్రమాదం ఉందనే వాదన వినిపిస్తోంది. సీబీఐకి చెక్‌ పెడదామనుకుని అధికారులు కొత్త చిక్కుల్లో పడినట్టు అయ్యిందని సీనియర్‌ ఐపీఎస్‌ అధికారి ఒకరు పేర్కొన్నారు. ఈ నేపథ్యంలోనే శనివారం రాష్ట్ర హోంశాఖ, ఏసీబీ బాస్‌ హడావుడిగా స్పందించారు. అనుమతి కోరిన సీబీఐ అధికారిని జాయింట్‌ ఆపరేషన్‌ చేద్దామని చెప్పినట్టు రాష్ట్ర హోంశాఖ ప్రిన్సిపల్‌ సెక్రటరీ ఏఆర్‌ అనూరాధ ఒక ప్రకటనలో పేర్కొన్నారు. కాదు కాదు సీబీఐ కంటే తమకే ముందు బాధితుడు ఫిర్యాదు చేశాడని ఏసీబీ డీజీ ఆర్పీ ఠాకుర్‌ వివరణ ఇచ్చారు.  మాకే ముందు సమాచారం వచ్చింది: ఏసీబీ డీజీ   ఓ వ్యాపారి నుంచి లంచం డిమాండ్‌ చేసిన సెంట్రల్‌ బోర్డ్‌ ఆఫ్‌ ఇండైరెక్ట్‌ టాక్సెస్‌ అండ్‌ కస్టమ్స్‌(సీబీఐసీ) సూపరింటెండెంట్‌(మచిలీపట్నం) ముక్కు కాళీ రమణేశ్వర్‌ గురించి తమకే ముందుగా ఫిర్యాదు అందిందని ఏసీబీ డీజీ ఆర్పీ ఠాకూర్‌ చెప్పారు. ఆయన శనివారం మీడియాతో మాట్లాడారు. కేంద్ర ప్రభుత్వ అధికారులు అవినీతి చేస్తుంటే ఏసీబీ మౌనంగా చూస్తూ కూర్చోవాలా? అని ప్రశ్నించారు. రమణేశ్వర్‌పై నవంబర్‌ 28న వ్యాపారి లోకేశ్‌ సీబీఐకి ఫిర్యాదు ఇచ్చాడని తెలిపారు. అంతకంటే ముందే నవంబర్‌ 22వ తేదీనే లోకేశ్‌ విజయవాడ ఏసీబీ డీఎస్పీకి ఫిర్యాదు చేశాడని అన్నారు. ఏసీబీకి లోకేశ్‌ ఫిర్యాదు చేసిన విషయం సీబీఐకి తెలియదన్నారు. ఏపీలో కేంద్ర, రాష్ట్ర ప్రభుత్వ శాఖల్లో అవినీతి జరిగితే ఏసీబీ చర్యలు తీసుకుంటుం దని స్పష్టం చేశారు. సీబీఐ కంటే సమర్థవంతమైన యంత్రాంగం, వనరులు ఏసీబీకి ఉన్నాయని, రాష్ట్రం లోని అవినీతిపరులైన కేంద్ర అధికారులపై కూడా తాము దాడులు చేస్తామని తేల్చిచెప్పారు. ఆయేషా మీరా హత్య కేసును సీబీఐకి అప్పగిస్తూ హైకోర్టు ఇచ్చి న తీర్పును తాము గౌరవిస్తామని ఠాకూర్‌ అన్నారు. జాయింట్‌ ఆపరేషన్‌కు సీబీఐ ముందుకు రాలేదు: అనూరాధ  అవినీతి అధికారిపై జాయింట్‌ ఆపరేషన్‌ చేద్దామని కోరితే సీబీఐ ముందుకు రాలేదని ఏపీ హోంశాఖ ప్రిన్సిపల్‌ సెక్రటరీ ఏఆర్‌ అనూరాధ పేర్కొన్నారు. ఈ మేరకు ఆమె శనివారం ఒక ప్రకటన విడుదల చేశారు. కేంద్ర ప్రభుత్వ అధికారి అవినీతిపై విశాఖపట్నం సీబీఐ ఎస్పీ నుంచి తమకు సమాచారం వచ్చిందని తెలిపారు. సీబీఐపై రాష్ట్ర ప్రభుత్వం తీసుకున్న వైఖరిని సీబీఐ అధికారికి వివరించామన్నారు. అవినీతి అధికారిపై జాయింట్‌ ఆపరేషన్‌కు సీబీఐ ముందుకురాలేదని వెల్లడించారు. అవినీతి అధికారిపై సమాచారాన్ని ఏసీబీకి ఇస్తామంటే సీబీఐ ఒప్పుకుందన్నారు. సీబీఐ ఉమ్మడి దాడికి అంగీకరించకపోవడం వల్లే ఏసీబీ సొంతంగా చర్యలు తీసుకుందని వివరించారు. ఇకనుంచరి ఏపీలో అవినీతికి సంబంధించిన అన్ని కేసులను ఏసీబీనే దర్యాప్తు చేస్తుందని స్పష్టం చేశారు.  

సాక్షి, హైదరాబాద్‌: రాష్ట్రంలో మావోయిస్టు కార్యకలాపాలు, అసెంబ్లీ ఎన్నికలను దృష్టిలో పెట్టుకొని పలువురు ఐపీఎస్‌ అధికారులకు పోలీస్‌ శాఖ కొత్త బుల్లెట్‌ ప్రూఫ్‌ వాహనాలను సమకూర్చింది. ఇందులో భాగంగా డీజీపీ మహేందర్‌రెడ్డితో పాటు అదనపు డీజీపీ జితేందర్, ఇంటెలిజెన్స్‌ చీఫ్‌ నవీన్‌చంద్, డీఐజీలు ప్రభాకర్‌రావు, రాజేశ్‌కుమార్, ఐజీలు నాగిరెడ్డి, స్టీఫెన్‌ రవీంద్ర, కమిషనర్లు అంజనీకుమార్, సజ్జనార్, మహేశ్‌ భగవత్, సత్యనారాయణ, రవీందర్, భూపాలపల్లి, భద్రాచలం, ఆసిఫాబాద్, మహబూబాబాద్, ఖమ్మం జిల్లా ఎస్పీలకు బుల్లెట్‌ ప్రూఫ్‌ ఫార్చూనర్‌ వాహనాలు అందుబాటులోకి తీసుకువచ్చినట్లు ఇంటెలిజెన్స్‌ అధికారులు తెలిపారు.   జగన్‌కు బుల్లెట్‌ ప్రూఫ్‌ వాహనం ఇవ్వలేదు..  ఏపీ ప్రతిపక్ష నేత, వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డికి బుల్లెట్‌ ప్రూఫ్‌ వాహనం సమకూర్చినట్లు వస్తున్న వార్తల్లో నిజం లేదని పోలీస్‌ ఉన్నతాధికారులు స్పష్టం చేశారు. కొన్ని టీవీ చానళ్లలో వచ్చిన వార్తలను వారు ఖండించారు. ఏపీ నుంచి హైదరాబాద్‌లోని ఆయన నివాసానికి వచ్చే సమయంలో మాత్రం రాష్ట్ర పోలీస్‌ శాఖ తరఫున ఎస్కార్ట్‌ ఇస్తున్నట్లు తెలిపారు. వైఎస్‌ జగన్‌కు ఏపీ ప్రభుత్వమే వాహనం సమకూర్చాల్సి ఉంటుందని, తమకు ఎటువంటి సంబంధం లేదని పేర్కొన్నారు. 

సాక్షి, హైదరాబాద్‌: రాష్ట్రంలో ముందస్తు ఎన్నికల నేపథ్యంలో ఆగమేఘాల మీద ఐపీఎస్‌ అధికారుల నుంచి ఎస్సై స్థాయి అధికారుల వరకు భారీ స్థాయిలో బదిలీలు జరిగాయి. ఇంత చేసినా..ఇప్పటివరకు అధికారులు తమ బదిలీ స్థానాలకు చేరుకోలేదు. రాష్ట్రంలో వివిధ జిల్లాలకు, జిల్లాల నుంచి హైదరాబాద్‌ కమిషనరేట్‌కు బదిలీ అయిన ఐపీఎస్‌ అధికారులు ఇంతవరకు రిపోర్టు చేయలేదు. దీనిపై పోలీస్‌ శాఖ స్పందిస్తూ..గణేశ్‌ నిమజ్జనం కారణంగానే అధికారులు తమ బదిలీ స్థానాలకు చేరుకోలేదని స్పష్టం చేసింది. హైదరాబాద్‌ కమిషనరేట్‌లో పనిచేస్తున్న ఏ ఒక్క అధికారిని గణేశ్‌ నిమజ్జనం పూర్తయ్యే వరకు రిలీవ్‌ చేయవద్దని ఆదేశాలు అందాయని కమిషనరేట్‌ వర్గాలు తెలిపాయి. శాంతి భద్రతల పర్యవేక్షణ, రూట్‌మ్యాప్‌ సమన్వయంపై ప్రస్తుతమున్న అధికారులకు అవగాహన ఉందని, కొత్తగా వచ్చే అధికారులకు కొంత సమయం పడుతుందని ఓ సీనియర్‌ ఐపీఎస్‌ అధికారి తెలిపారు. గణేశ్‌ నిమజ్జనం తర్వాత బదిలీలు చేస్తే బాగుండేది కదా అని సదరు అధికారిని ప్రశ్నించగా, ఎన్నికల కోడ్‌ వస్తే ఇబ్బందికరంగా ఉంటుందని..అందుకే ముందుగా బదిలీలు చేపట్టినట్లు వెల్లడించారు. కాగా, కొత్త స్థానానికి వెళ్లేందుకు అధికారులు అయిష్టతను ప్రదర్శిస్తున్నట్లు సర్వత్రా చర్చ జరుగుతోంది.

సాక్షి, కొంగరకలాన్‌ : టీఆర్‌ఎస్‌ పార్టీ  ప్రతిష్టాత్మకంగా తలపెట్టిన ‘ప్రగతి నివేదన సభ’కు ఏర్పాట్లు చకచకా పూర్తవుతున్నాయి. 20 లక్షలమందితో అత్యంత భారీగా నిర్వహించాలని భావిస్తున్న ఈ సభ భదత్ర కోసం పోలీసులు పక్కా ఏర్పాట్లు చేస్తున్నారు. ట్రాఫిక్‌ ఇబ్బందులు తలెత్తకుండా ప్రత్యేక చర్యలు చేపడుతున్నారు. ఈ నేపథ్యంలో ‘ప్రగతి నివేదన సభ’కు ఇబ్బందులు తలెత్తకుండా పలువురు ఐపీఎస్‌ అధికారులకు ప్రత్యేక బాధ్యతలు కేటాయించారు.  సభ ఓవరాల్ కో ఆర్డినేటర్‌గా లా అండ్ ఆర్డర్ అదనపు డీజీ జితేందర్‌కు బాధ్యతలు కేటాయించగా.. సభ ఇన్‌చార్జిగా రాచకొండ సీపీ మహేష్ భగవత్‌కు బాధ్యతలు అప్పగించారు. అదేవిధంగా సభ సెక్యూరిటీ ఇన్‌చార్జిగా సైబరాబాద్ సీపీ సజ్జనార్, ట్రాఫిక్ ఇన్‌చార్జిలుగా ట్రాఫిక్ అడిషనల్ సీపీ అనిల్‌కుమార్, ఎస్పీ రంగనాథ్, సీఎం సెక్యూరిటీ, రూట్ క్లియరెన్స్ ఇన్‌చార్జిగా ఎస్పీ కోటిరెడ్డికి బాధ్యతలు పురమాయించారు. సభలోకి ప్రజలు అనుమతించే విధులకు ఇన్‌చార్జిగా వరంగల్ సీపీ రవీందర్‌ను, పబ్లిక్ కోఆర్డినేటర్లుగా డీసీపీ జానకి షర్మిల, ఎస్పీ శశిధర్‌ రాజు, సమావేశ వేదిక ఇన్‌చార్జిగా దుగ్గల్‌కు బాధ్యతలు అప్పగించారు.

సాక్షి, హైదరాబాద్‌ : పోలీస్‌ శాఖలో విజయవంతమైన అధికారులుగా గుర్తింపు పొందిన పలువురు సీనియర్‌ ఐపీఎస్‌లు రాజకీయాల్లో అదృష్టం పరీక్షించుకునేందుకు సిద్ధమవుతున్నారు. రాష్ట్ర పోలీస్‌ శాఖలో పని చేస్తున్న ఇద్దరు సీనియర్‌ ఐపీఎస్‌లతోపాటు ఉత్తరాది రాష్ట్ర కేడర్‌కు చెందిన తెలంగాణ వాసి కూడా రాజకీయాల్లోకి వచ్చేందుకు ఉత్సాహం చూపుతున్నట్లు నిఘా వర్గాలు ద్వారా తెలిసింది. పెద్దపల్లి నుంచి పోటీ చేసేందుకు..  రాష్ట్రంలో సీనియర్‌ ఐజీగా పనిచేస్తున్న సీనియర్‌ ఐపీఎస్‌ ముందు నుంచి టెర్రర్‌ అధికారిగా గుర్తింపు సాధించారు. కఠిన శ్రమ, తనతోపాటు మిగతా వారిని ప్రోత్సహిస్తూ ఉద్యోగాన్ని ఉల్లాసంగా చేస్తారన్న పేరుంది. కీలక జిల్లాలకు ఎస్పీగా పని చేసిన ఆయన కొన్నేళ్లుగా యువతకు కీలకమైన విభాగాన్ని లీడ్‌ చేస్తున్నారు. ఆయనకు యువతలో మంచి క్రేజ్‌ కూడా ఉండటంతో పార్లమెంట్‌కు పోటీ చేయాలని భావిస్తున్నట్టు నిఘా వర్గాల ద్వారా తెలిసింది. ఇందుకు అనుగుణంగా ఇప్పటి నుంచే గ్రౌండ్‌ వర్క్‌ చేస్తున్నట్టు ఆయన సన్నిహితుల ద్వారా తెలిసింది. దక్షిణ తెలంగాణలోని ఎంపీ స్థానం నుంచి పోటీ చేయాలని భావించినా.. అక్కడి కంటే పెద్దపల్లి నుంచి పోటీ చేయాలని భావిస్తున్నట్లు సమాచారం. ఆ స్థానం నుంచి గెలిచిన వారంతా పొలిటికల్‌ కెరీర్‌లో సూపర్‌ సక్సెస్‌ అయ్యారని, ఈ నేపథ్యంలో అక్కడి నుంచి పోటీ కోసం ప్రయత్నాలు చేస్తున్నట్టు తెలిసింది. ఇప్పటికే ఈ నియోజకవర్గంలోని 20 మండలాల్లో ఆయన పర్యటించినట్టు సమాచారం   రాజకీయ కుటుంబం నుంచి వచ్చి..  రాజకీయ కుటుంబం నుంచి వచ్చి పోలీస్‌ శాఖలో పనిచేస్తున్న మరో డీఐజీ స్థాయి అధికారి సైతం పార్లమెంట్‌కు పోటీ చేయాలన్న ఆలోచనలో ఉన్నట్టు తెలిసింది. గతంలోనే వరంగల్‌ నుంచి కానీ పెద్దపల్లి నుంచి కానీ పోటీ చేయాలనుకున్న కొన్ని కారణాల వల్ల నిర్ణయం వెనక్కి తీసుకున్నట్టు తెలుస్తోంది. అయితే 2019 ఎన్నికల్లో వరంగల్‌ నుంచి గానీ, లేదా మరో స్థానం నుంచి గానీ పోటీ చేసేందుకు ఆసక్తి కనపరుస్తున్నట్టు పోలీస్‌ శాఖలో చర్చ జరుగుతోంది. రాజకీయ కుటుంబం కావడం, పైగా పోలీస్‌ శాఖలో పనిచేస్తున్న పేరు ఉండటంతో ఈసారి పోటీ చేసేందుకే మొగ్గు చూపుతున్నట్టు ఆయన సన్నిహితులు తెలిపారు.  సొంత నియోజకవర్గం నుంచి బరిలోకి..  ఉమ్మడి వరంగల్‌ జిల్లా వాసి, ఉత్తరాది రాష్ట్ర కేడర్‌ ఐపీఎస్‌గా పనిచేస్తున్న మరో అధికారి.. తన సొంత నియోజకవర్గం నుంచే ఎంపీగా పోటీ చేసేందుకు ఆసక్తి కనబరుస్తున్నట్టు తెలిసింది. ప్రస్తుతం ఆయన కేంద్ర సర్వీసుల్లోని ఓ భద్రత విభాగంలో పనిచేస్తున్నారు. కొన్నేళ్ల నుంచి సేవా కార్యక్రమాలు చేస్తూ నియోజకవర్గానికి ఆయన సుపరిచితుడయ్యారు. పేద పిల్లలకు విద్య, హెల్త్‌ క్యాంపులు.. ఇతర సేవా కార్యక్రమాలను విస్తృతంగా చేపడుతున్నారు. గతం లో పోటీ చేసేందుకు ప్రయత్నించినా టికెట్‌ హామీ రాకపోవడంతో వెనక్కి తగ్గినట్టు తెలుస్తోంది. ఏ పార్టీ అయినా సరే! ఈ ముగ్గురు ఐపీఎస్‌ అధికారులు ఎంపీ టికెట్‌ కోసం ప్రధాన పార్టీలను సంప్రదిస్తున్నట్టు తెలుస్తోంది. తాము చేస్తున్న కార్యక్రమాలు, తమకు అనుకూలంగా ఉన్న అంశాలు, సొంత సర్వే రిపోర్టులు, తమ సామాజిక వర్గాల ఓటర్లు, వారికి తోడ్పాటు అందించే వర్గాల జాబితాతో పార్టీల ముందు ఎంపీ టికెట్‌ ప్రతిపాదన పెట్టేందుకు సన్నాహాలు ప్రారంభించారు. నాలుగు ప్రధాన పార్టీల నుంచి ఏ పార్టీ టికెట్‌ ఇచ్చినా పోటీ చేసేందుకు సిద్ధమన్న సంకేతాలను తమ అనుచరులకు, తమ వర్గాల వారీకి పంపించినట్టు తెలిసింది. పార్టీల నుంచి టికెట్‌ హామీ రాగానే వీఆర్‌ఎస్‌ (స్వచ్ఛంద పదవీ విరమణ) తీసుకునే విషయంలో ఈ ముగ్గురు అధికారులు ఓ నిర్ణయానికి వచ్చినట్టు తెలిసింది. ఐపీఎస్‌గా సర్వీసులో చేరి 20 ఏళ్లు కూడా కావస్తున్న నేపథ్యంలో పెన్షన్‌కు ఎలాంటి ఇబ్బంది లేకపోవడంతో వీఆర్‌ఎస్‌కు సిద్ధపడుతున్నట్టు వారి సన్నిహితులు తెలిపారు.  

సాక్షి, హైదరాబాద్‌: వారు సీనియర్‌ ఐపీఎస్‌లు.. సీనియర్‌ ఎస్పీ నుంచి అదనపు డీజీపీ హోదా వరకు పనిచేస్తున్నారు. కానీ ఏం లాభం 5 నెలలుగా జీతాల్లేకుండా ఖాళీగా ఉన్నారు. అదేం టని ఆశ్చర్యపోతున్నారా? అవును ఇది నిజం. రాష్ట్ర క్యాడర్‌కు చెందిన ముగ్గురు ఐపీఎస్‌ అధికారులు గత అక్టోబర్‌లో కేంద్ర సర్వీసుల నుంచి తిరిగి వచ్చి రిపోర్ట్‌ చేశారు. సాధారణంగా రిపోర్టు చేసిన వారం, పది రోజుల్లో పోస్టింగ్‌ కల్పిస్తారు. కానీ ప్రభుత్వం వెయిటింగ్‌లో ఉన్న ఐపీఎస్‌లకు ఇప్పటివరకు పోస్టింగ్‌ ఇవ్వలేదు. 5 నెలలు గడిచిపోయాయి. ఏం చేయాలో తెలియదు? ఎక్కడ కూర్చో వాలో తెలియదు? జీతం రాదు.. మరి ఏం చేసేది. చివరికి ఆ అధికారులు డీజీపీ కార్యాలయానికి రావడమే మానేశారు. అప్పుడు.. ఇప్పుడు బదిలీలు అంటూ వచ్చే వార్తలతో డీజీపీ కార్యాలయానికి రావడం.. తోటి బ్యాచ్‌ అధికారుల గదిలో కొద్దిసేపు కూర్చుని వెళ్లిపోవడం.. ఇది పరిస్థితి. మరోవైపు ఆదిలాబాద్‌ ఉట్నూర్‌ ఘటనలో కరీంనగర్‌ డీఐజీ, ఆదిలాబాద్‌ ఎస్పీ.. డీజీపీ ఆఫీస్‌లో రిపోర్ట్‌ చేశారు. వీరు కూడా 2 నెలలుగా వెయిటింగ్‌లోనే ఉన్నారు. వీరికి జీతాల్లేవు. పోస్టింగ్‌ లేదు.. ఆఫీస్‌ లేదు. ఇక శిక్షణ పూర్తి చేసుకుని వచ్చిన ముగ్గురు ప్రొబేషనరీ ఐపీఎస్‌ అధికారులకూ పోస్టింగ్స్‌లు లేవు. వీరి పరిస్థితీ అంతే.  ఎందుకింత నిర్లక్ష్యం  కొత్త రాష్ట్రం, పైగా టెక్నాలజీ, ఆధునీకరణ కార్యక్రమాలు, ఇతరత్రా పనులను సవాలుగా నిర్వహిస్తున్నారు. ఈ సమయంలో ప్రతీ అధికారి సేవలను పూర్తిస్థాయిలో వినియోగించుకోగలగాలి. కానీ ఇలా ఐపీఎస్‌ అధికారులను వెయిటింగ్‌లో పెట్టడం ఏంటని మిగతా ఐపీఎస్‌ అధికారులు విస్మయం వ్యక్తం చేస్తున్నారు. గతంలో ఐపీఎస్‌ అధికారులు తక్కువగా ఉన్నారని, మరికొంత మందిని కేటాయించాలని కేంద్ర హోంశాఖను కోరిన ప్రభుత్వం.. ఇప్పుడు ఇంతమందిని వెయిటింగ్‌లో పెట్టడం ఏంటని ఐపీఎస్‌లకు ఆక్రోశాన్ని కలిగిస్తోంది. పోనీ అధికారులకు సరిపడా పోస్టులు లేవా అంటే అదీ కారణం కాదు. ప్రస్తుతం ఒక్కో సీనియర్‌ ఐపీఎస్‌ అధికారి 2 బాధ్యతలను అదనంగా నిర్వహిస్తున్నారు. వెయిటింగ్‌లో ఉన్న వారిని అక్కడ నియమించి పనిభారం తగ్గించవచ్చు. కానీ ఆ చర్యలు చేపట్టిన దాఖలాలు లేవు. దీంతో పోస్టింగ్‌ ఇవ్వని వ్యవహారంపై ఐపీఎస్‌ల్లో వాడివేడిగా చర్చ జరుగుతోంది.

సాక్షి, హైదరాబాద్‌: రాష్ట్రంలో పనిచేస్తున్న ఇద్దరు సీనియర్‌ ఐపీఎస్‌ అధికారులు డిప్యుటేషన్‌పై కేంద్ర సర్వీసుల్లోకి వెళ్లనున్నారు. 1991 బ్యాచ్‌కు చెందిన ఐపీఎస్‌ అధికారి సీవీ ఆనంద్‌ ప్రస్తుతం సివిల్‌ సప్లయ్‌ శాఖ కమిషనర్‌గా పనిచేస్తున్నారు. కేంద్ర సర్వీసుల్లోకి వెళ్లేందుకు అనుమతివ్వాలని రెండేళ్లుగా ఆయన రాష్ట్ర ప్రభుత్వానికి విజ్ఞప్తి చేస్తున్నారు. దీంతో సానుకూలంగా స్పందించిన రాష్ట్ర ప్రభుత్వం కేంద్ర హోంశాఖకు ఆనంద్‌ పేరును సిఫార్సు చేసింది. ఈ నేపథ్యంలో డిప్యుటేషన్‌ అండ్‌ అలాట్‌మెంట్స్‌ కమిటీ ఆనంద్‌ నియామకంపై ఆమోదముద్ర వేసింది. కేంద్ర పోలీస్‌ విభాగాల్లో ఒకటైన సెంట్రల్‌ ఇండస్ట్రియల్‌ సెక్యూరిటీ ఫోర్స్‌(సీఐఎస్‌ఎఫ్‌)లో ఇన్‌స్పెక్టర్‌ జనరల్‌(ఐజీ)గా ఐదేళ్లు పనిచేసేందుకు శుక్రవారం ఉత్తర్వులు వెలువరించింది. అదే విధంగా 1996 బ్యాచ్‌కు చెందిన ఐపీఎస్‌ అధికారిణి చారుసిన్హా సైతం సెంట్రల్‌ రిజర్వ్‌ పోలీస్‌ ఫోర్స్‌(సీఆర్‌పీఎఫ్‌)లో ఐజీగా ఐదేళ్లు పనిచేసేందుకు కేంద్ర హోంశాఖ ఉత్తర్వులు వెలువరించింది. వీరిద్దరిని త్వరితగతిన రిలీవ్‌ చేయాలని రాష్ట్ర ప్రభుత్వ ప్రధాన కార్యదర్శిని కేంద్ర హోంశాఖ ఆదేశించింది.   

సాక్షి, హైదరాబాద్‌: రాష్ట్రంలో పనిచేస్తున్న పలువురు సీనియర్‌ ఐపీఎస్‌ అధికారులు కేంద్ర సర్వీసుల్లోకి వెళ్లేందుకు విశ్వప్రయత్నాలు చేస్తున్నారు. డైరెక్ట్‌ రిక్రూట్‌మెంట్‌ ద్వారా ఐపీఎస్‌ అయిన అధికారులు కచ్చితంగా రెండేళ్లపాటు కేంద్ర సర్వీసుల్లో పనిచేయాల్సి ఉంటుంది. లేనిపక్షంలో రాష్ట్రంలోనూ, కేంద్ర సర్వీసుల్లోనూ కొన్ని కీలకమైన పోస్టులకు ప్యానల్‌ జాబితాలో చోటు దొరకకుండాపోయే ప్రమాదం ఏర్పడుతుంది. దీనితో తమని కేంద్ర సర్వీసుల్లోకి పంపాలని వారు ప్రభుత్వాన్ని కోరుతున్నారు.   వరుసలో ఐదుగురు  సివిల్‌ సప్లయిస్‌ కమిషనర్‌గా ఉన్న సీవీ ఆనంద్‌ కేంద్ర సర్వీసుల్లోకి వెళ్లాలని రెండేళ్ల నుంచి ప్రయత్నాలు చేస్తున్నారు. అయితే రాష్ట్ర ప్రభుత్వం ఆయనకు కీలక బాధ్యతలు అప్పగించడంతో ఆగిపోయారు. డిప్యుటేషన్‌లోకి రావాలని ఇటీవలే కేంద్ర హోంశాఖ మరోసారి ఆయనకు ఆఫర్‌ ఇచ్చింది. అదే విధంగా ఐజీ చారుసిన్హా సైతం కేంద్ర సర్వీసుల్లోకి వెళ్లేందుకు ఆసక్తి కనబరుస్తున్నట్టు తెలుస్తోంది. ప్రస్తుతం చారుసిన్హా శిక్షణ వ్యవహారాలను పర్యవేక్షిస్తున్నారు. రెండురోజుల క్రితమే ఐజీ హోదా నుంచి అదనపు డీజీపీగా పదోన్నతి పొందిన సైబరాబాద్‌ కమిషనర్‌ సందీప్‌ శాండిల్య సైతం కేంద్ర సర్వీసుల్లోకి వెళ్లేందుకు ప్రయత్నిస్తున్నట్టు తెలుస్తోంది. డీఐజీగా పదోన్నతి పొందిన రాచకొండ జాయింట్‌ కమిషనర్‌ తరుణ్‌జోషి సైతం కేంద్ర సర్వీసుల్లోకి వెళ్లాలని నిర్ణయించుకున్నట్టు తెలిసింది. ఇంటర్‌ కేడర్‌ డిప్యుటేషన్‌ లేదా కేంద్ర సర్వీసుల్లోకి వెళ్లేందుకు సీఐడీ ఐజీ సౌమ్యామిశ్రా సైతం ప్రభుత్వానికి విజ్ఞప్తి పెట్టుకున్నట్టు వార్తలు వినిపిస్తున్నాయి.   ఆనంద్‌కే అవకాశం...  అదనపు డీజీపీ సీవీ ఆనంద్‌కే కేంద్ర సర్వీసుల్లోకి వెళ్లేందుకు అవకాశాలున్నట్టు తెలుస్తోంది. మిగతా అధికారుల విషయంలో ప్రభుత్వం ఒప్పుకోకపోవచ్చన్న అభిప్రాయం వ్యక్తమవుతోంది. అసలే రాష్ట్రంలో అధికారుల కొరత ఉండటం, పైగా ఎన్నికల ఏడాది సమీపిస్తుండటంతో ఐపీఎస్‌ అధికారులను కేంద్ర సర్వీసుల్లోకి పంపితే ఇబ్బందులు తలెత్తే ప్రమాదం ఉన్నట్టు భావిస్తోంది. పైగా రాష్ట్ర కేడర్‌కు చెందిన 9మంది సీనియర్‌ ఐపీఎస్‌లు కేంద్ర సర్వీసుల్లోనే ఉన్నారు. వారంతా ఇప్పట్లో తిరిగి వచ్చేలా కనిపించడం లేదని, అందువల్లే ఆనంద్‌ మినహా మిగతావారికి అవకాశం ఉండకపోవచ్చన్న అభిప్రాయం వ్యక్తమవుతోంది.  

సాక్షి, హైదరాబాద్‌: పలువురు ఐఏఎస్, ఐపీఎస్‌ అధికారులకు పదోన్నతులు కల్పిస్తూ రాష్ట్ర ప్రభుత్వం ఉత్తర్వులు జారీ చేసింది. 1993 ఐఏఎస్‌ బ్యాచ్‌కు చెందిన ఐదుగురు అధికారులు బూసాని వెంకటేశ్వరరావు, ఎన్‌.శివశంకర్, సి.పార్థసారథి, వి.ఎన్‌.విష్ణు, ఆర్‌.వి.చంద్రవదన్‌లకు కార్యదర్శి నుంచి ముఖ్య కార్యదర్శిగా పదోన్నతి కల్పించింది. ప్రస్తుతం బూసాని వెంకటేశ్వరరావు ఎంసీహెచ్‌ఆర్‌డీ అడిషనల్‌ డైరెక్టర్‌ జనరల్‌గా, శివశంకర్‌ ఆర్థిక శాఖ కార్యదర్శి, పార్థసారథి వ్యవసాయ శాఖ కార్యదర్శిగా, వీఎన్‌ విష్ణు రాష్ట్ర గెజిట్స్‌ కమిషనర్‌గా, చంద్రవదన్‌ విపత్తుల నిర్వహణ శాఖ కమిషనర్‌గా విధులు నిర్వహిస్తున్నారు.  పదోన్నతితో పాటు ప్రస్తుత పోస్టుల్లో వీరిని యథాతథంగా కొనసాగిస్తున్నట్లు సీఎస్‌ ఎస్‌.కె.జోషి గురువారం ఉత్తర్వులు జారీ చేశారు. వీరితోపాటు 2004, 2005 బ్యాచ్‌లకు చెందిన ఆరుగురు ఐఏఎస్‌ అధికారులు కె.నిర్మల, గౌరవ్‌ ఉప్పల్, కె.ఇలంబర్తి, కె.మాణిక్‌ రాజ్, ఎ.శరత్, ఎల్‌.శర్మన్‌లకు సెలెక్షన్‌ గ్రేడ్‌ స్కేల్‌ అధికారులుగా పదోన్నతి కల్పిస్తూ ఉత్తర్వులిచ్చారు. అలాగే 2008, 2009 బ్యాచ్‌కు చెందిన ఐదుగురు ఐఏఎస్‌లు దేవసేన, సర్ఫరాజ్‌ అహ్మద్, ఎన్‌. సత్యనారాయణ, ఎస్‌. అర్విందర్‌ సింగ్, ఎం. ప్రశాంతిలకు జూనియర్‌ అడ్మినిస్ట్రేటివ్‌ గ్రేడ్‌ స్కేల్‌ అధికారులుగా పదోన్నతి కల్పించారు.   12 మంది ఐపీఎస్‌లకూ..  ఐఏఎస్‌లతో పాటు 2005, 2006 బ్యాచ్‌లకు చెందిన 12 మంది ఐపీఎస్‌ అధికారులకు జూనియర్‌ అడ్మినిస్ట్రేటివ్‌ గ్రేడ్‌ ఆఫీసర్లుగా పదోన్నతి కల్పిస్తూ ప్రభుత్వం మరో ఉత్తర్వు జారీ చేసింది. వి.శివకుమార్, వి.బి.కమలాసన్‌రెడ్డి, ఎస్‌.చంద్రశేఖర్‌రెడ్డి, ఏఆర్‌ శ్రీనివాస్, పి.విశ్వప్రసాద్, ఎం.రమేశ్, ఆర్‌.రమేశ్‌నాయుడు, ఏవీ రంగనాథ్, బి.సుమతి, ఎం.శ్రీనివాసులు, వి.సత్యనారాయణ, ఏ.వెంకటేశ్వరరావు పదోన్నతి పొందిన జాబితాలో ఉన్నారు.  

సాక్షి, హైదరాబాద్‌: సర్దార్‌ వల్లభాయ్‌ నేషనల్‌ అకాడమికి చెందిన 33 మంది ట్రైనీ ఐపీఎస్‌లు హైదరాబాద్‌ కేంద్ర కారాగారాన్ని బుధవారం సందర్శించారు.  జైలులో భద్రత, సంక్షేమ కార్యకలాపాలు, పరిపాలన గురించి సమగ్రంగా తెలుసుకునేందుకు ఈ కార్యక్రమాన్ని చేపట్టారు. ఈసందర్భంగా జైలు సూపరిటెండెంట్‌ అధికారి అర్జున్‌రావ్‌ పలు అంశాలపై వారికి పవర్‌పాయింట్‌ ప్రజెంటేషన్‌తో యువ ఐపీఎస్‌ అధికారులకు అవగాహన కల్పించారు. దర్యాప్తు, న్యాయ వ్యవస్థ, విచారణ, శిక్షా స్మృతి, ఖైదీల సంస్కరణ, పునరావాసంలో పోలీసుల పాత్రను అర్జున్‌రావ్‌ ట్రైనీ ఐపీఎస్‌లకు వివరించారు. ఖైదీల రోజు వారి కార్యక్రమాలు, పెరోల్‌, సెలవుల విధానం గురించి జైల్‌ అధికారులు వారికి తెలియజేశారు. యువ ఐపీఎస్‌లు వారికున్న సందేహాలను నివృత్తి చేసుకున్నారు. ఈ కార్యక్రమంలో జైళ్ల శాఖ డిప్యూటీ సూపరింటెండెంట్‌ సమ్మయ్య, జైలర్లు శ్రీనివాస్‌ రావ్‌, వెంకటేశం పాల్గొన్నారు.

సాక్షి, హైదరాబాద్‌: రాష్ట్ర పోలీసు శాఖకు ఎస్పీ స్థాయి ఐపీఎస్‌ అధికారుల కొరత త్వరలో తీరబోతోంది. మూడేళ్లుగా పెండింగ్‌ పడుతూ వస్తున్న కన్ఫర్డ్‌ ఐపీఎస్‌ పదోన్నతుల ప్రక్రియకు రాష్ట్ర ప్రభుత్వం గ్రీన్‌సిగ్నల్‌ ఇచ్చింది. ఇప్పటికే కన్ఫర్డ్‌ ఐఏఎస్‌ పదోన్నతుల కోసం జాబితా రూపొందించగా.. తాజాగా కన్ఫర్డ్‌ ఐపీఎస్‌ పదోన్నతుల కోసం ప్రతిపాదనలు ఇవ్వాలని పోలీస్‌ శాఖను కోరింది. ఈ మేరకు పోలీసుశాఖ అర్హత కలిగిన 2007 బ్యాచ్‌ డైరెక్ట్‌ గ్రూప్‌–1 అధికారుల జాబితాను ప్రభుత్వ ప్రధాన కార్యదర్శికి అందజేసింది. ప్రస్తుతం ఈ బ్యాచ్‌ అధికారులు రాష్ట్రంలో నాన్‌కేడర్‌ ఎస్పీ హోదాలో.. జిల్లా ఎస్పీ, జోనల్‌ డీసీపీలుగా బాధ్యతలు నిర్వర్తిస్తున్నారు. జాబితాలో జానకీ షర్మిల, జానకీ ధరావత్, డీవీ శ్రీనివాస్‌రావు, టి.అన్నపూర్ణ, సాయి శేఖర్, ఎన్‌.కోటిరెడ్డి, పీవీ పద్మజల పేర్లు ఉన్నట్లు తెలిసింది. ఈ కన్ఫర్డ్‌ ఐఏఎస్, కన్ఫర్డ్‌ ఐపీఎస్‌ల   జాబితాలను ఒకేసారి కేంద్రానికి పంపే అవకాశముందని సచివాలయ వర్గాలు వెల్లడించాయి.  పదిహేను రోజుల్లో..  రాష్ట్ర విభజన తర్వాత 18 కన్ఫర్డ్‌ ఐపీఎస్‌ పోస్టులు తెలంగాణ పరిధిలోకి వచ్చాయి. కానీ విభజన నాటి నుంచి ఇప్పటివరకు ఒక్క ప్యానెల్‌ కూడా కేంద్ర ప్రభుత్వానికి చేరలేదు. దీనితో ప్రస్తుతం అర్హత కల్గిన ఏడుగురు అధికారుల జాబితాను పంపినట్లు పోలీస్‌ శాఖ తెలిపింది. అదే విధంగా సీనియారిటీ జాబితా సవరణ కూడా తుదిదశకు చేరిందని పేర్కొంది. అయితే ఆ జాబితాకు ఈ పదోన్నతులకు ఎలాంటి వివాదం లేదని, సరైన వేకెన్సీ పోస్టుల్లోనే ప్రస్తుత జాబితాలోని అధికారులు పనిచేస్తున్నారని స్పష్టం చేసింది. ప్రభుత్వానికి పంపిన కన్ఫర్డ్‌ ఐపీఎస్‌ పదోన్నతుల జాబితాపై త్వరలో వెరిఫికేషన్‌ ఉంటుందని.. అదంతా పూర్తయి జాబితా కేంద్రానికి వెళ్లేందుకు 15 రోజుల సమయం పడుతుందని పోలీసు వర్గాలు చెబుతున్నాయి.  

సాక్షి, హైదరాబాద్‌: ఆంధ్రప్రదేశ్‌ విభజన జరిగి నాలుగేళ్లు కావస్తోంది. కాని పోలీస్‌ శాఖలో విభజన మాత్రం సాగదీత ధోరణిలోనే ఉంది. రాష్ట్ర స్థాయి కేడర్‌గా ఉన్న డీఎస్పీ, అదనపు ఎస్పీ, నాన్‌ కేడర్‌ ఎస్పీ అధికారుల విభజన పెండింగ్‌లోనే ఉండిపోయింది. ఉమ్మడి రాష్ట్రంలో రూపొందించిన సీనియారిటీ జీవోలు 54, 108 కారణంగా తాము అన్యాయానికి గురయ్యామంటూ గ్రూప్‌–1 డీఎస్పీలు, ప్రమోటీ అధికారులు ఒకరిపై ఒకరు కోర్టుకెళ్లారు. సీనియారిటీ జాబితా సవరించి అధికారుల విభజన పూర్తి చేయాలని 2015లో హైకోర్టు మార్గదర్శకాలు జారీ చేసింది. అయితే ఇప్పటి వరకు ఇరు రాష్ట్రాల పోలీస్‌ ఉన్నతాధికారుల్లో చలనం లేకుండా పోయింది. సీనియారిటీ సమీక్ష పేరుతో ఏళ్ల పాటు కాలయాపన చేస్తూ సమస్యను జటిలం చేస్తున్నారే తప్ప.. పరిష్కార మార్గాలు వెతకడం లేదు.  మూడేళ్లుగా ప్యానల్‌ పెండింగ్‌  సీనియారిటీ జాబితా సవరించి తెలంగాణ, ఏపీ రాష్ట్రాల్లో ఐపీఎస్‌ అధికారుల కొరత తీర్చేందుకు ఇరు రాష్ట్రాల పోలీస్‌ ఉన్నతాధికారులు ముందుకు కదలకపోవడంతో అధికారుల పదోన్నతులపై నీలినీడలు ఏర్పడ్డాయి. మూడేళ్లుగా (2015 నుంచి 2017 వరకు) కేంద్రానికి వెళ్లాల్సిన కన్ఫర్డ్‌ ఐపీఎస్‌ ప్యానల్‌ జాబితా పెండింగ్‌లోనే ఉండిపోయింది. ఇరు రాష్ట్రాల్లో ఐపీఎస్‌ అధికారుల కొరత తీవ్రంగా ఉన్న నేపథ్యంలో.. ఈ పరిస్థితి నుంచి గట్టెక్కేందుకు సీనియారిటీ జాబితాను సవరించి ప్యానల్‌ను పంపించాల్సి ఉంది. కానీ ఇది జరగలేదు. 2007 గ్రూప్‌–1 అధికారులు కన్ఫర్డ్‌ ఐపీఎస్‌గా పదోన్నతి పొందాల్సి ఉంది. వీరు పదోన్నతి పొందితే పోలీస్‌ శాఖకు ఎస్పీ హోదా కలిగిన ఐపీఎస్‌ అధికారులు 24 మంది కీలకమవుతారు.  ఇద్దరు డీజీపీలు మారారు..  రెండు రాష్ట్రాల్లో ఇద్దరు డీజీపీలు మారిపోయారు. ఇక్కడ అనురాగ్‌ శర్మ, అక్కడ జేవీ రాముడు ఇద్దరు విభజన అంశాలను పూర్తి స్థాయిలో గట్టెక్కించలేకపోయారన్న ఆరోపణ ఉంది. అయితే ఇప్పుడున్న డీజీపీలు మహేందర్‌రెడ్డి, సాంబశివరావు అయినా సీనియారిటీ జాబితాను పరిష్కరించి కన్ఫర్డ్‌ ఐపీఎస్‌ ప్యానల్‌ ప్రతిపాదనలతోపాటు ప్రమోటీ అధికారులకు సరైన స్థానం కల్పించేందుకు కృషి చేయాల్సి ఉంది.  ఎన్నాళ్లీ అడ్‌హాక్‌ పదోన్నతులు  సీనియారిటీ జాబితా సవరించకుండా విచక్షణ అధికారాల పేరుతో రెండు రాష్ట్రాల్లో ఇష్టారాజ్యంగా అడ్‌హాక్‌ పదోన్నతులు కల్పించారు. ఏ అధికారి కూడా రెగ్యూలర్‌ పోస్టులో పదోన్నతి పొందింది లేదు. ఇటీవల తెలంగాణలో గ్రూప్‌–1 అధికారులు, ప్రమోటీలు మొత్తం అడ్‌హాక్‌ పద్ధతిలోనే ప్రమోషన్‌ పొందారు. అదే సీనియారిటీ జాబితా క్లియర్‌ అయితే వారందరికీ రెగ్యులర్‌ పదోన్నతి కింద సీనియారిటీ స్థానం నిర్ధారించాల్సి ఉంటుంది. దీని వల్ల ప్రమోషన్లు రావాల్సిన మిగతా అధికారులకు కూడా న్యాయం జరిగే అవకాశం ఉంది.  

సాక్షి, హైదరాబాద్‌: ఒక ఎస్పీ, ఒక కమిషనర్‌ పనిచేసినంత కాలం వ్యవస్థ ఒకరకంగా, ఆ అధికారి మారిపోగానే మరో రకంగా పని చేయకూడదని.. ఎప్పుడూ ఒకేలా ఉండాలని  డీజీపీ మహేందర్‌రెడ్డి అధికారులకు సూచించారు. ఎవరైనా అధికారులు తమదైన ముద్ర వేసేలా పనిచేసినా.. తర్వాత వచ్చే అధికారి మంచి చెడులను బేరీజు వేసుకుంటూ, వ్యవస్థను మరింత బలోపేతం చేసేలా విధులు నిర్వర్తించాలని చెప్పారు. నూతన డీజీపీగా బాధ్యతలు స్వీకరించిన నేపథ్యంలో.. మంగళ వారం రాష్ట్ర పోలీసు శాఖలో ప్రస్తుత పరిస్థితులు, చేపట్టాల్సిన కార్య క్రమాలు తదితర అంశాలపై కమిషనర్లు, ఎస్పీలు, ఇతర విభాగాల్లో ఉన్న ఐపీఎస్‌ అధికారులతో మహేందర్‌రెడ్డి సమావేశం నిర్వహించారు. పోలీస్‌ ముఖ్య కార్యాలయం లో సుదీర్ఘంగా జరిగిన ఈ భేటీలో.. హైదరాబాద్, సైబరాబాద్, రాచకొండ కమిషనరేట్లలో అమలవుతున్న కార్యక్రమాలు, చేపట్టిన చర్యలను ఎస్పీలు, కమిషనర్ల దృష్టికి తీసుకెళ్లారు. ఇక నుంచి జిల్లాలు, నూతన కమిషనరేట్ల పరిధిలోనూ ఇలాంటి మార్పులు తీసుకురావాలని సూచించారు.  టెక్నాలజీ వినియోగాన్ని పెంచు కుంటూ, సిబ్బందికి అత్యాధునిక శిక్షణ ఇచ్చి నేరాల నియంత్రణకు కృషి చేయాలని డీజీపీ సూచించారు. కేంద్ర, రాష్ట్ర ప్రభుత్వాల నుంచి వచ్చే ఎంఓపీఎఫ్‌ (మాడ్రనైజేషన్‌ ఆఫ్‌ పోలీస్‌ ఫోర్స్‌) నిధులను సమర్థవంతంగా ఉపయో గించుకోవాలన్నారు. నూతన జిల్లాల్లో నెలకొన్న సమస్యలు, సిబ్బంది బదలా యింపు, కేటాయింపులు, భవన నిర్మాణాలు, ఇతర సౌకర్యాలు తదితర అంశాలపై ఈ సందర్భంగా ఆరా తీశారు. అవినీతిని సహించేది లేదు ప్రభుత్వం పోలీసు శాఖకు అన్ని విధాలుగా నిధులు విడుదల చేస్తోందని.. సిబ్బంది, అధికారులు అవినీతికి ఆస్కారం కల్పిస్తే ఎట్టి పరిస్థితుల్లోనూ ఉపేక్షించేది లేదని డీజీపీ స్పష్టం చేశారు. సమాజ హితం కోసం పోలీసు శాఖ చేసే ప్రతిపనిలో యువత, ప్రజలను భాగస్వామ్యం చేయాలని డీజీపీ అధికారులకు సూచించారు. ప్రతి అధికారి కానిస్టేబుళ్లు చేసే పనిని గుర్తించి తోడ్పాటు అందించాలన్నారు.

సాక్షి, హైదరాబాద్‌: గ్రూప్‌ వన్‌ డీఎస్పీలుగా పోలీస్‌ శాఖలో చేరి కన్ఫర్డ్‌ ఐపీఎస్‌ పదోన్నతి పొందిన పలువురు ఐపీఎస్‌ అధికారుల సీనియారిటీ పునఃసమీక్షిస్తూ కేంద్ర హోంశాఖ ఉత్తర్వులు జారీ చేసింది. గతంలో వీరి సీనియారి టీని తప్పులతడకగా రూపొందించిన డీవోపీటీపై బాధిత అధికారులు సుప్రీంకోర్టును ఆశ్రయించారు. సీనియారిటీ వ్యవహారంలో మూడేళ్ల క్రితం రూల్స్‌ సవరించారని, ఆ సవరణలకు ముందే తాము కన్ఫర్డ్‌ ఐపీఎస్‌లుగా పదోన్నతి పొందామని 1996, 1998, 2001 బ్యాచ్‌ గ్రూప్‌–1 అధికారులు ధర్మాసనం దృష్టికి తీసుకెళ్లారు. డీవోపీటీ రూపొందించిన సీనియారిటీతో తాము రెండేళ్ల సర్వీసు కోల్పోవాల్సి వస్తోందని ఆందోళన వ్యక్తం చేయడంతో పాత రూల్స్‌ ప్రకారం కన్ఫర్డ్‌ రూల్స్‌ వర్తింపజేయాలని డీవోపీటీని కోర్టు ఆదేశించింది. ఈ మేరకు డీవోపీటీ ఐపీఎస్‌ల బ్యాచ్‌లను సవరించి కేంద్ర హోంశాఖకు జాబితా అందించింది.  కేంద్ర హోంశాఖ సవరించిన కన్ఫర్డ్‌ ఐపీఎస్‌ బ్యాచ్‌లను అధికారికంగా ఏపీ, తెలంగాణ ప్రభుత్వ ప్రధాన కార్యదర్శులు, డీజీపీలకు పంపించింది. ఈ  ప్రకారమే పదోన్నతులు, సీనియారిటీ స్కేలు వర్తిస్తాయని ఉత్తర్వుల్లో స్పష్టం చేసింది. 

ముంబై: సోహ్రాబుద్దీన్‌ ఎన్‌కౌంటర్‌ కేసులో సీనియర్‌ ఐపీఎస్‌ అధికారులను నిర్దోషులుగా విడుదల చేస్తూ ట్రయల్‌ కోర్టు ఇచ్చిన తీర్పును ఎందుకు సవాల్‌ చేయలేదని సీబీఐని బాంబే హైకోర్టు ప్రశ్నించింది. ట్రయల్‌ కోర్టు ఉత్తర్వులను సవాలుచేస్తూ సోహ్రాబుద్దీన్‌ సోదరుడు రుబాబుద్దీన్‌ హైకోర్టును ఆశ్రయించారు. ఈ పిటిషన్‌ను విచారణకు స్వీకరించిన న్యాయమూర్తి జస్టిస్‌ రేవతి మెహితే దెరే.. పిటిషనర్‌తోపాటు సీబీఐ కూడా ట్రయల్‌ కోర్టు తీర్పుపై నిరాశ చెంది ఉండాల్సిందని వ్యాఖ్యానించారు. సోహ్రాబుద్దీన్‌ కేసులో ఐపీఎస్‌ అధికారులు రాజ్‌కుమార్‌ పాండియన్, డీజీ వంజరా, ఎంఎన్‌ దినేశ్‌లను నిర్దోషులుగా విడిచిపెట్టడాన్ని సీబీఐ సవాలు చేయబోతుందా? లేదా? అని ప్రశ్నించారు. ఈ కేసులో ఐపీఎస్‌ అధికారులను కాకుండా కేవలం ఇన్‌స్పెక్టర్లు, కానిస్టేబుళ్ల విడుదలను మాత్రమే సీబీఐ వ్యతిరేకించడంపై ఆగ్రహం వ్యక్తం చేశారు. చట్టం అందరికీ ఒకేలా వర్తిస్తుందన్నారు. ఈ కేసులో మొత్తం 15 మంది ఐపీఎస్‌ అధికారుల్లో 14 మంది విడుదల అయ్యారన్నారు. నిందితులపై ఎలాంటి అభియోగాలు నమోదు చేయొద్దన్న న్యాయమూర్తి.. తదుపరి విచారణను అక్టోబర్‌ 12కు వాయిదా వేశారు.  


 సాక్షి, హైదరాబాద్‌: రాష్ట్రంలో పలువురు ఐపీఎస్‌ అధికారులను బదిలీ చేస్తూ ప్రభుత్వ ప్రధాన కార్యదర్శి ఎస్పీ సింగ్‌ మంగళవారం ఉత్తర్వులు జారీచేశారు. అలాగే పలువురు డీఎస్పీలను కూడా బదిలీ చేస్తూ డీజీపీ అనురాగ్‌శర్మ ఉత్తర్వులు వెలువరించారు. సూర్యాపేట ఎస్పీ, డీఎస్పీలను ఒకేసారి బదిలీ చేయడం చర్చనీయాంశంగా మారింది. దసరా తర్వాత మరికొంత మంది డీఎస్పీలు, ఎస్పీల బదిలీ ఉండే అవకాశం ఉందని పోలీస్‌ వర్గాలు తెలిపాయి.
 
 అధికారులు                        ప్రస్తుతం                                బదిలీ స్థానం
 ప్రకాశ్‌రెడ్డి                         ఎస్పీ, నల్లగొండ                  డీసీసీ, అడ్మిన్, రాచకొండ
 కమిలేశ్వర్‌ సింగెన్వర్‌      ఎస్పీ, నాగర్‌కర్నూల్‌                ఎస్పీ, మహబూబ్‌నగర్‌
 పరిమళ హనా                 ఎస్పీ, సూర్యాపేట                ఎస్పీ, సీఐడీ
 ప్రకాశ్‌ జాదవ్‌                  ఎస్పీ, సీఐడీ                        ఎస్పీ, సూర్యాపేట
 డీవీ శ్రీనివాస్‌రావు        అదనపు డీసీపీ, రాచకొండ       ఎస్పీ, నల్లగొండ
 
 డీఎస్పీలు..  
 నాగేశ్వర్‌రావు     డీఎస్‌ఆర్‌బీ, సికింద్రాబాద్‌    డీఎస్పీ, సూర్యాపేట
 వి.సునీత                 డీఎస్పీ, సూర్యాపేట               హెడ్‌క్వార్టర్స్‌
 ఎస్‌.రమేశ్‌                ఏసీపీ, సీటీసీ                ఏసీపీ, చౌటుప్పల్‌
 జి.చంద్రమోహన్‌    డీఎస్పీ, వెయిటింగ్‌              డీఎస్పీ, ఇంటలిజెన్స్‌ 


 - నాన్‌ కేడర్‌ ఎస్పీ, కన్ఫర్డ్‌ ఐపీఎస్‌ హోదాల కోసం ఎదురుచూపులు
 - ప్రమోటీ, గ్రూప్‌–1 పోలీసు అధికారుల్లో ఆందోళన
 - మూడేళ్లుగా పెండింగ్‌లోనే పదోన్నతుల ప్రక్రియ
 - కొరత ఉన్నా నిర్లక్ష్యం వహిస్తున్న పోలీసు శాఖ
 - సీనియారిటీ వివాదాలు, పోలీసు కేసులను చూపుతూ వాయిదా  
  
 సాక్షి, హైదరాబాద్‌: రాష్ట్ర పోలీసు శాఖలో నాన్‌ కేడర్, కన్ఫర్డ్‌ ‘ఐపీఎస్‌’హోదా గందరగోళం కొనసాగుతోంది. పదోన్నతుల జాబితాలో ఉన్న అధికారులు, డైరెక్ట్‌ గ్రూప్‌–1 అధికారుల్లో నిరుత్సాహం రోజురోజుకూ పెరిగిపోతోంది. నాన్‌ కేడర్‌ ఎస్పీగా పదోన్నతి పొందాల్సిన ప్రమోటీ అధికారులు, ఎనిమిదేళ్ల సర్వీసు పూర్తికాగానే కన్ఫర్డ్‌ ఐపీఎస్‌ కావాల్సిన గ్రూప్‌–1 అధికారులకు పదోన్నతులు మూడేళ్లుగా ఊరిస్తూనే ఉన్నాయి. కానీ పోలీసు ఉన్నతాధికారులు ఆశించిన స్థాయిలో స్పందించకపోతుండడం, ప్రభుత్వం నుంచి మొదలుకుని డీజీపీ కార్యాలయం వరకు ఎక్కడా పదోన్నతుల వ్యవహారంపై స్పష్టత రాకపోవడంతో అధికారులు ఆందోళన చెందుతున్నారు. ఎప్పుడు ఏ బ్యాచ్‌ అధికారులు సామూహిక సెలవులో వెళ్లిపోతారోనన్న స్థాయిలో అసంతృప్తి కనిపిస్తోందని పోలీస్‌ శాఖలో చర్చ జరుగుతోంది.
  
 ఎదురుచూపులే..
 గ్రూప్‌–1 ద్వారా డీఎస్పీ అయిన అధికారులు ఎనిమిదేళ్ల సర్వీసు పూర్తి చేసుకుంటే.. వారికి కన్ఫర్డ్‌ ఐపీఎస్‌గా హోదా ఇవ్వడం కోసం కేంద్ర హోంశాఖకు జాబితా పంపాల్సి ఉంటుంది. ఇలా సర్వీసు పూర్తిచేసుకున్న అధికారులు రాష్ట్రంలో 11 మంది ఉన్నారు. నిబంధనల ప్రకారం ఉండాల్సిన ఎనిమిదేళ్ల సర్వీసు పూర్తయి కూడా రెండేళ్లు గడుస్తోంది. స్టేట్‌ పోలీస్‌ సర్వీస్‌ (ఎస్‌పీఎస్‌) కన్ఫర్డ్‌ ఐపీఎస్‌ కింద 16 పోస్టులు ఖాళీ ఉన్నాయి. ఇకపోతే ఎస్సై నుంచి ఇన్‌స్పెక్టర్, డీఎస్పీ, అదనపు ఎస్పీ నుంచి నాన్‌ కేడర్‌ ఎస్పీగా పదోన్నతి పొందేందుకు 60మందికి పైగా అధికారులు ఎదురు చూస్తున్నారు. వారిలో 54 నుంచి 56 ఏళ్ల మధ్య వయసున్న వారికి కన్ఫర్డ్‌ ఐపీఎస్‌ హోదా, మిగతావారికి నాన్‌ కేడర్‌ ఎస్పీ పదోన్నతులు కల్పించాలి. కానీ రాష్ట్ర విభజన నాటి నుంచి ఏ ఒక్కరికీ పదోన్నతి అందలేదు. సీనియారిటీ జాబితాపై కోర్టుల్లో కేసులు తేలలేదని, అప్పటివరకు తామేమీ చేయలేమని ఉన్నతాధికారులు చేతులెత్తేశారు.
  
 కోర్టు కేసులతో..
 వాస్తవానికి డీఎస్పీ, అదనపు ఎస్పీ సీనియారిటీ జాబితాను జీవో నంబర్‌ 108 పేరిట ఉమ్మడి రాష్ట్రంలో 2014, జూన్‌ చివరి వారంలో అప్పటి ఏపీ ప్రభుత్వం పేరిట జారీ చేశారు. ఇందులో అనేక తప్పులు దొర్లాయని.. జీవోను సవరించాలని ప్రమోటీ అధికారులు, గ్రూప్‌–1 అధికారులు ఒకరిపై ఒకరు కోర్టుకువెళ్లి స్టే తీసుకువచ్చారు. దీనితో రెండు రాష్ట్రాల మధ్య డీఎస్పీ, ఆపై ర్యాంకు అధికారులు విభజన ఇప్పటివరకు పూర్తి కాలేదు.
  
 మూడేళ్లుగా ఏంచేస్తున్నట్టు?
 ఐపీఎస్‌ అధికారులు ఏటా బ్యా చ్‌ల ప్రకారం పదోన్నతి పొందు తారు. కానీ కింది స్థాయిలో పనిచేసే అధికారుల పదోన్నతుల విషయంలో మాత్రం సీనియర్‌ ఐపీఎస్‌లు పట్టించుకోవడం లేదన్న ఆరోపణలు వస్తున్నాయి. రాష్ట్ర విభజన జరిగి మూడేళ్లయినా డీఎస్పీ, అదనపు ఎస్పీ సీనియారిటీ జాబి తాను సమీక్షించి, మరో జీవో తీసుకురా వడం గానీ, కన్ఫర్డ్‌ ఐపీఎస్‌ పదోన్నతుల కు జాబితా పంపించిందీ గానీ లేదు.
  
 అన్నీ ఉన్నా..: రాష్ట్రంలో కొత్త జిల్లాలు, కమిషనరేట్లు, ప్రత్యేక విభాగాలు ఏర్పాట య్యాయి. దాంతో ఐపీఎస్‌లు, ఎస్పీల కొరత వేధిస్తోంది. అధికారుల కొరతపై కేంద్ర హోంశాఖకు విజ్ఞప్తి చేసున్నా రాష్ట్ర పోలీస్‌ శాఖ తన చేతిలో ఉన్న అధికా రుల పదోన్న తులను పూర్తిచేయకుండా నిర్లక్ష్యం వహిస్తుండడం గమనార్హం. ప్రస్తుతమున్న అధికారుల జాబితాను కేంద్రానికి పంపి, ఒత్తిడి తీసుకువస్తే 11 మంది ఐపీఎస్‌ అధికారులుగా పదోన్నతులు పొందుతారు. వారికి జిల్లా ఎస్పీలుగా, జోన్ల డీసీపీలుగా, ఇతర దర్యాప్తు విభాగాల్లో కీలక బాధ్యతలను అప్పగించ వచ్చు. అయినా ప్రభుత్వం స్పందించడం లేదు.
  
 పదోన్నతుల్లో రాజకీయ ఒత్తిడి!
 ఆరు నెలల కింద ఇన్‌స్పెక్టర్లకు డీఎస్పీలుగా పదోన్నతులు కల్పించేందుకు డీజీపీ కార్యాలయం ప్రక్రియ మొదలుపెట్టింది. కానీ హైదరాబాద్‌ సిటీ, రేంజ్, వరంగల్‌.. ఇలా సీనియారిటీ పంచాయితీ తో అడ్డంకులు వచ్చాయి. ఇవి చాలవన్నట్టు ఒక్కో బ్యాచ్‌ అధికారులు ఒక్కో మంత్రి ద్వారా, ఒక్కో ఎంపీ ద్వారా పోలీస్‌ శాఖలోని ఉన్నతాధికారులపై ఒత్తిడి తీసుకువచ్చారు. దీంతో డీఎస్పీ పదోన్నతుల వ్యవహారం అటకెక్కింది. ఈ పదోన్నతులు పూర్తిచేస్తే అదనపు ఎస్పీ, నాన్‌ కేడర్‌ ఎస్పీ, కన్ఫర్డ్‌ ఐపీఎస్‌ పదోన్నతులపై దృష్టి సారిస్తామని అటు హోంశాఖ, ఇటు డీజీపీ కార్యాలయం స్పష్టం చేస్తున్నాయి. 


 అమరావతి: ఐపీఎస్ బదిలీల్లో గందరగోళం నెలకొంది. గుంటూరు, తిరుపతి అర్బన్ ఎస్పీల బదిలీల్లో మార్పులు చేస్తూ ఉత్తర్వులు ఇచ్చిన ప్రభుత్వం. గుంటూరు అర్బన్ ఎస్పీగా అభిషేక్ మహంతిని, తిరుపతి అర్బన్ ఎస్పీగా విజయరావు చమటపల్లిని నియమిస్తూ పది రోజుల కిందట ప్రభుత్వం ఉత్తర్వులు జారీ చేసింది. తాజాగా మహంతిని తిరుపతికి, విజయరావును గుంటూరు అర్బన్‌కు బదిలీ చేసింది. దీంతో ప్రభుత్వ తీరుపై సర్వత్రా విమర్శలు వినిపిస్తున్నాయి.
  


 అమరావతి: రాష్ట్రంలో పలువురు ఐపీఎస్‌లను ప్రభుత్వం గురువారం రాత్రి బదిలీ చేసింది. ఉత్తర్వులు వెలువడాల్సి ఉంది. బదిలీ అయిన వారిలో పోలీసు ట్రయినింగ్‌ అధిపతిగా సంజయ్‌, గుంటూరు డీఐజీగా గోపాలరావు, రాయలసీమ ఐజీగా మహమ్మద్‌ ఇక్బాల్‌, విశాఖ జాయింట్‌ సీపీగా నాగేంద్రకుమార్‌, మెరైన్‌ డీఐజీగా ఎ.ఎస్‌.పాల్‌, విశాఖ లా అండ్‌ ఆర్డర్‌ డీసీపీగా షకీలప్ప, మెరైన్‌ ఎస్పీగా నవీన్‌ గులాటి, విజయవాడ ట్రాఫిక్‌ డీసీపీగా జయలక్ష్మి, విజయవాడ అడ్మిన్‌ డీసీపీగా బ్రహ్మారెడ్డి, పీటీవో ఎస్పీగా నారాయణ నాయక్‌, గ్రేహైండ్స్‌ ఎస్పీగా నవదీప్‌ గ్రేవల్‌, ఇంటిలిజెన్స్‌ ఎస్పీలుగా విజయకుమార్‌, భాస్కర్‌ భూషణ్‌, సెంథిల్‌ కుమార్‌, ఏపీఎస్పీ 5వ బెటాలియన్‌ (విజయనగరం) అధిపతిగా కోటేశ్వరరావును బదిలీ చేసినట్లు విశ్వసనీయ సమాచారం.
 
  


 ఎస్‌ఐ నుంచి డీజీపీ వరకు అందరితో సీఎం సమావేశం
 
 సాక్షి, హైదరాబాద్‌: హైదరాబాద్‌లో ఈనెల 19న రాష్ట్రస్థాయి పోలీస్‌ సదస్సు నిర్వహించాలని ముఖ్యమంత్రి కె.చంద్రశేఖర్‌రావు నిర్ణయించారు. ఉదయం 11 నుంచి జరిగే విస్తృత సదస్సులో వివిధ స్థాయిల పోలీసు అధికారులతో ముఖ్యమంత్రి స్వయంగా చర్చిస్తారు. శాంతిభద్రతల పర్యవేక్షణలో తలమునకలైన పోలీసు అధికారులతో మాట్లాడి క్షేత్రస్థాయిలో పరిస్థితులు తెలుసుకోవాలని సీఎం భావిస్తున్నారు. పోలీసు శాఖను మరింత బలోపేతం చేయడానికి, సమాజానికి ఉపయోగపడేవిధంగా మరిన్ని కార్యక్రమాలను పోలీసు శాఖ ద్వారా చేపట్టేందుకు ఉన్న అవకాశాలపై ఈ సదస్సులో చర్చించనున్నట్లు సీఎం వెల్లడించారు. శాంతి భద్రతల పర్యవేక్షణతో పాటు సామాజిక దురాచారాలు, అసాంఘిక కార్యకలాపాలు, మోసాలు, ప్రమాదాలు, మాఫియా శక్తుల పట్ల వ్యవహరించాల్సిన తీరుపైనా విస్తృతంగా చర్చించాలని సీఎం భావిస్తున్నారు. ఈ నేపథ్యంలో క్షేత్రస్థాయిలో పనిచేసే అధికారులతో మాట్లాడితేనే కష్టనష్టాలు, వాస్తవ పరిస్థితులు తెలుస్తాయని ముఖ్యమంత్రే స్వయంగా అందరు అధికారులతో మాట్లాడాలని నిర్ణయించారు.
 
 అన్ని స్థాయిల అధికారులకు ఆహ్వానం
 శాంతి భద్రతల విభాగంలో పనిచేస్తున్న ఎస్‌ఐ స్థాయి నుంచి డీజీపీ వరకు అన్ని స్థాయిల పోలీసు అధికారులను, అన్ని విభాగాల్లో పనిచేస్తున్న ఐపీఎస్‌ అధికారులను ఈ సదస్సుకు ఆహ్వానించాలని డీజీపీ అనురాగ్‌ శర్మను సీఎం ఆదేశించారు. పోలీస్‌ స్టేషన్ల స్థితిగతులు ఎలా ఉన్నాయి? ఫర్నిచర్‌ ఉందా? భవనం పరిస్థితి ఏంటి? ఆయా పోలీస్‌ స్టేషన్ల పరిధిలో గుడుంబా, పేకాట, సట్టా తదితర అసాంఘిక కార్యక్రమాలు పూర్తి స్థాయిలో అదుపులో ఉన్నాయా? డ్రగ్స్, గంజాయిని పూర్తిస్థాయిలో ఎలా అదుపు చేయాలి? మహిళల భద్రతకు ఎలాంటి చర్యలు తీసుకున్నారు? అమ్మాయిలను వ్యభిచార గృహాలకు అమ్మే దుర్మార్గాన్ని ఎలా అరికట్టాలి? వ్యభిచార గృహాలెక్కడైనా నడుస్తున్నాయా? ఎస్సీ, ఎస్టీలకు ఎదురయ్యే అవమానాలు, అఘాయిత్యాల విషయంలో ఎలా స్పందిస్తున్నారు? ఇతర నేరాల విషయంలో ఎలాంటి చర్యలు తీసుకుంటున్నారు?.. తదితర అంశాలపై విస్తృతంగా చర్చించి, పరిష్కార మార్గాలు ఆలోచించనున్నారు. ఈ సదస్సుకు అధికారులు సమగ్ర వివరాలతో హాజరు కావాలని సీఎం కోరారు.


 - డీజీపీ ప్రతిపాదనలను పైరవీలతో పక్కన పెట్టించిన అదనపు ఎస్పీలు
 - హోంశాఖ వద్దే నిలిచిపోయిన అధికారుల బదిలీ ఫైలు
 - రసవత్తరంగా మారిన 9 మంది అదనపు ఎస్పీల బదిలీ
 - పలు జిల్లాలు, జోన్లకు పోస్టింగ్స్‌ కల్పిస్తూ డీజీపీ ప్రతిపాదనలు
 - తమకు అవకాశం కల్పించకపోవడంతో తొక్కిపెట్టిన వైనం
 
 సాక్షి, హైదరాబాద్‌: ఆయన రాష్ట్ర పోలీసు బాస్‌. ఆయనిచ్చే ఆదేశాలకు తిరుగుండదు. కానీ కొంత మంది అధికారులు తమ పైరవీలు, లాబీలతో ఏకంగా డీజీపీ ప్రతిపాదనలను పక్కన పెట్టించారు. ఇప్పుడు ఈ వ్యవహారం పోలీస్‌ శాఖలో హాట్‌ టాపిక్‌గా మారింది. ఇటీవల కొంతమంది ఐపీఎస్‌ అధికారులకు పదోన్నతులు కల్పిస్తూ ప్రభుత్వం పోస్టింగ్స్‌ ఇచ్చింది. ఆ పదోన్నతి పొందిన అధికారుల స్థానాల్లో పోస్టులను భర్తీ చేయాల్సి ఉంది. దీంతో 9 మంది అదనపు ఎస్పీ స్థాయి అధికారులను ప్రతిపాదిస్తూ డీజీపీ వారం రోజుల క్రితం హోంశాఖకు ఫైలు పంపారు.
 
 మహబూబాబాద్‌ జిల్లా ఎస్పీ, వికారాబాద్‌ ఎస్పీ, ఎల్బీనగర్‌ డీసీపీ, ఈస్ట్‌ జోన్‌ డీసీపీ, మల్కాజ్‌గిరి డీసీపీ, టాస్క్‌ఫోర్స్, పలు కమిషనరేట్లలో క్రైమ్, అడ్మినిస్ట్రేషన్‌ వ్యవహారాల పర్యవేక్షణకు అధికారుల నియామకానికి ప్రతిపాదనలు పంపారు. అయితే ప్రతిపాదనల్లో తమ పేర్లు లేకపోవడంతో కంగుతిన్న కొంతమంది అదనపు ఎస్పీలు.. మంత్రులు, ఎంపీల చుట్టూ తిరిగి డీజీపీ పంపిన ఫైలును హోం శాఖలోనే పక్కన పెట్టించారు. తమకు కావాల్సిన పోస్టును ఇతరులకు కేటాయించడమేంటని లాబీ చేసి.. విషయం తెర మీదకు తీసుకురాకుండా హెచ్చరికలు జారీ చేయించారు. దీంతో డీజీపీ కార్యాలయ వర్గాలు షాక్‌ తిన్నట్టు తెలుస్తోంది.
 
 ఇది రెండో సారి: అదనపు ఎస్పీల బదిలీ ప్రతిపాదనలకు రెండు రోజుల ముం దు అదనపు కమాండెంట్లకు కమాండెంట్లుగా పదోన్నతి కల్పిస్తూ డీజీపీ పంపిన ప్రతిపాదనలను హోంశాఖలో పక్కన పెట్టించారు. ఫైలు ఎందుకు ఆగిందని ఆరా తీయగా.. ఒక కమాండెంట్‌కు హైదరాబాద్‌లోని బెటాలియన్‌లో పోస్టింగ్‌ ఇవ్వకుండా సత్తుపల్లిలోని బెటాలియన్‌కు బదిలీ ప్రతిపాదనలు పంపారు. దీంతో ఈ అధికారి తన లాబీయింగ్‌తో హోంశాఖ నుంచి ఎలాంటి ఆదేశాలు రాకుండా ఆపేసి, నాలుగు రోజుల తర్వాత హైదరాబాద్‌లోని ఓ బెటాలియన్‌కు కమాండెంట్‌గా పోస్టింగ్‌ మార్పించుకొని ఆదేశాలు వెలువడేలా ఒత్తిడి చేశారు.
 
 ఇదేం పద్ధతి?: ఈ రెండు వ్యవహారాలపై ఐపీఎస్‌ అధికారుల్లో అసహనం వ్యక్తమవుతోంది. అర్హత, అంకితభావాన్ని బట్టి సంబంధిత అధికారులకు ఉన్న తాధికారులు పోస్టింగ్స్‌ ప్రతిపాదనలు పంపిస్తే, పైరవీలు చేసి తమను అవమానించేలా చేస్తున్నారని పలువురు ఐపీఎస్‌లు ఆవేదన వ్యక్తం చేస్తున్నారు. ఇదే పద్ధతి కొనసాగితే తమకు విలువ ఏముంటుందని ఆందోళన చెందుతున్నారు.


 ఐపీఎస్‌ల కొరతతో జిల్లా ఎస్పీ, డీసీపీలుగా బాధ్యతలు!
 
 సాక్షి, హైదరాబాద్‌: రాష్ట్రంలో ఐపీఎస్‌ అధికారుల కొరత వేధిస్తుండటంతో నాన్‌ కేడర్‌ అదనపు ఎస్పీలపై పోలీస్‌ శాఖ భారం వేయనుంది. ఉన్న కొద్దిపాటి ఎస్పీ స్థాయి ఐపీఎస్‌ అధికారులపై అవినీతి ఆరోపణలు రావడంతో ఇటీవల జిల్లా బాధ్యతల నుంచి పలువురిని తప్పించారు. ఇటీవల పదోన్నతి పొందిన పలువురు ఎస్పీలు, డీసీపీల స్థానా ల్లో అధికారులకు బాధ్యతలు అప్పగించాల్సి ఉంది. దీనితో అదనపు ఎస్పీలపై భారం వేసి నెట్టుకురావాలని ఉన్నతాధికారులు ఆలోచిస్తున్నారు.
 
 మహబూబాబాద్, వికారా బాద్‌ జిల్లాలకు ఎస్పీలుగా.. ఇద్దరు అదనపు ఎస్పీలను ఇన్‌చార్జి ఎస్పీలుగా నియమించ నున్నారు. పదోన్నతితో ఖాళీ అయిన హైద రాబాద్‌ కమిషనరేట్‌లోని ఈస్ట్‌జోన్‌ డీసీపీ స్థానం, రాచకొండలోని ఎల్బీనగర్‌ డీసీపీ స్థానంలో ఇద్దరు అదనపు ఎస్పీలను ఓఎస్డీ గా (ఇన్‌చార్జి డీసీపీ)నియమించాలని అధికా రులు నిర్ణయం తీసుకున్నారు. క్రైమ్‌ డీసీపీల స్థానాల్లోనూ అదనపు ఎస్పీలను నియమిం చాలని పోలీస్‌ శాఖ ప్రభుత్వానికి ప్రతిపాద నలు పంపించింది. 2 రోజుల్లో 8మంది అద నపు ఎస్పీలకు ఈ బాధ్యతలు అప్పగిస్తూ ఆదేశాలు వెలువడే అవకాశం ఉందని డీజీపీ కార్యాలయ వర్గాలు తెలిపాయి.


 హైదరాబాద్:
 తెలంగాణ ప్రభుత్వం భారీ ఎత్తున ఐపీఎస్ అధికారులను బదిలీ చేసింది. గురువారం 15 మంది ఐపీఎస్ అధికారులను బదిలీ చేస్తూ ఉత్తర్వులు జారీ చేసింది. ప్రస్తుతం పోలీస్ రిక్రూట్ మెంట్ బోర్డు చైర్మన్ గా ఉన్న జె పూర్ణ చందర్ రావును అక్కడి నుంచి బదిలీ చేసి ఏసీబీ అదనపు డైరెక్టర్ జనరల్ గా నియమించింది. ప్రస్తుతం ఆ పోస్టులో అదనపు బాధ్యతలు నిర్వర్తిస్తున్న డీజీపీ అనురాగ్ శర్మ అక్కడి నుంచి రిలీవ్ చేశారు. గ్రేహౌండ్స్, ఆక్టోపస్ లో అదనపు డీజీగా పనిచేస్తున్న గోవింద్ సింగ్ ను బదిలీ చేసి సీఐడీ అదనపు డీజీగా నియమించారు.
 
 హైదరాబాద్ ట్రాఫిక్ అదనపు కమిషనర్ గా ఉన్న జితేందర్ పదోన్నతిపై తెలంగాణ పోలీస్ అకాడమీ డైరెక్టర్ గా నియమితులయ్యారు. సీఐడీ ఐజీపీగా పనిచేస్తున్న సౌమ్యామిశ్రాను అక్కడి నుంచి బదిలీ చేసి పోలీస్ వెల్ఫేర్ ఐజీపీగా నియమించారు. స్టీఫెన్ రవీంద్ర పదోన్నతిపై హైదరాబాద్ రీజన్ పశ్చిమ మండలం ఇన్స్ పెక్టర్ జనరల్ గా నియమించారు. అలాగే ప్రస్తుతం హైదరాబాద్ రేంజ్ డీజీఐ అకున్ సబర్వాల్ ను అక్కడి నుంచి బదిలీ చేయగా ఆ స్థానంలో స్టీఫెన్ రవీంద్ర పూర్తి అదనపు బాధ్యతలు కూడా నిర్వహిస్తారు. అకున్ సబర్వాల్ ను ప్రొహిబిషన్ అండ్ ఎక్సైజ్ డైరెక్టర్ గా నియమించారు.
 
 రాచకొండ ఐజీ శశిధర్ రెడ్డిని పదోన్నతిపై విజిలెన్స్ అండ్ ఎన్ఫోర్స్ మెంట్ డైరెక్టర్ గా నియమించారు. వరంగల్ రేంజ్ డీఐజీ సి. రవివర్మను కరీంనగర్ రేంజ్ డీఐజీగా బదిలీ చేశారు. వై.నాగిరెడ్డి ప్రస్తుతం ఆ పోస్టులో అదనపు బాధ్యతలు నిర్వహిస్తున్నారు. డీఐజీ సీఐడీ ఎన్. శివశంకర్ రెడ్డిని నిజామాబాద్ డీఐజీగా నియమించారు. ఖమ్మం ఎస్పీ షహనాజ్ ఖాసింను అక్కడి నుంచి బదిలీ చేసి ప్రస్తుతం స్టీఫెన్ రవీంద్ర నిర్వహించిన స్థానంలో సైబరాబాద్ కమిషనర్ గా నియమించారు. హైదరాబాద్ ఈస్ట్ జోన్ డీసీపీ వి. రవిందర్ ను పదోన్నతిపై హైదరాబాద్ సిటీ ట్రాఫిక్  జాయింట్ కమిషనర్ గా నియమించారు.
 
 ప్రస్తుతం ఏసీబీ జాయింట్ డైరెక్టర్ గా పనిచేస్తున్న సత్యనారాయణ పదోన్నతిపై అదే ఏసీబీలో అదనపు డైరెక్టర్ పోస్టులో నియమించారు. గ్రేహౌండ్స్ కమాండర్ గా పనిచేస్తున్న తరుణ జోషిని అక్కడి నుంచి మార్చి రాచకొండ జాయింట్ కమిషనర్ గా నియమించారు. పోస్టింగ్ కోసం ఎదురుచూస్తున్న బివ.నవీన్ కుమార్ తెలంగాణ పోలీస్ అకాడమీ డిప్యూటీ డైరెక్టర్ గా నియమించారు.


 సాక్షి, అమరావతి: రాష్ట్రంలో పలువురు ఐపీఎస్‌ అధికారులను ప్రభుత్వం బదిలీ చేసింది. విజయవాడ జాయింట్‌ పోలీస్‌ కమిషనర్‌ పి.హరికుమార్‌ను ఏసీబీ అదనపు డైరెక్టర్‌ (డీఐజీ)గా నియమించింది. వెయిటింగ్‌లో ఉన్న వినీత్‌ బ్రిజ్‌లాల్‌ను గ్రేహౌండ్స్‌ డీఐజీగా నియమిస్తూ ప్రభుత్వ ప్రధాన కార్యదర్శి అజయ్‌ కల్లాం సోమవారం ఉత్తర్వులు జారీ చేశారు.
 
 కాగా రిటైర్డ్‌ ఎస్పీ కె.మాధవరావును స్టేట్‌ ఇంటెలిజెన్స్‌ విభాగంలో ఓఎస్‌డీగా నియమిస్తూ రాష్ట్ర హోంశాఖ ముఖ్యకార్యదర్శి అనూరాధ ఉత్తర్వులు జారీ చేశారు. డీజీపీ నండూరి సాంబశివరావు అభ్యర్థన మేరకు రిటైర్డ్‌ ఎస్పీ మాధవరావుకు ఓఎస్‌డీగా పోస్టింగ్‌ ఇచ్చినట్టు ఉత్తర్వుల్లో పేర్కొన్నారు. నెలకు రూ.50 వేల వేతనంతో ఏడాదిపాటు ఆయన ఓఎస్‌డీగా కొనసాగనున్నారు.


 సాక్షి, హైదరాబాద్‌: రాష్ట్రంలో పని చేస్తున్న పలువురు ఐపీఎస్‌లు కేంద్ర సర్వీసుల వైపు చూస్తున్నారు. యూపీఎస్సీ ద్వారా ఐపీఎస్‌ అధికారులుగా ఎంపికైన వారు తమ సర్వీసులో కచ్చితంగా రెండేళ్లపాటు సెంట్రల్‌ డిప్యుటేషన్‌లో పని చేయాల్సి ఉంటుంది. ఎస్పీ హోదా నుంచి డీజీపీ హోదా వరకు కేంద్ర సర్వీసుల్లో ఉన్న పోస్టుల్లో పనిచేసి తిరిగి సొంత క్యాడర్‌కు వస్తారు. అయితే ప్రస్తుతం రాష్ట్రంలో పని చేస్తున్న పలువురు ఐపీఎస్‌ అధికారులు ఇప్పటివరకు కేంద్ర సర్వీసుల్లో పని చేయలేదు. కేంద్ర హోంశాఖ ప్రతి ఏటా తమ పరిధిలో పని చేసేందుకు ఆసక్తి కనబరచిన అధికారుల జాబితాతో ఆఫర్‌ లిస్ట్‌ విడుదల చేస్తుంది.
 
 ఇలా ఈ నెలలో విడుదల చేసిన జాబితాలో అదనపు డీజీపీ, పౌర సరఫరాల కమిషనర్‌గా ఉన్న సీవీ ఆనంద్, శిక్షణ విభాగాన్ని పర్యవేక్షిస్తున్న ఐజీ చారుసిన్హా పేర్లు ఉన్నాయి.   సెంట్రల్‌ డిప్యుటేషన్‌లో పని చేయకపోతే రాష్ట్రంలోని కీలక పోస్టుల్లో పని చేయాల్సిన సందర్భంలో ఎంపానల్‌మెంట్‌ జాబితాలోకి రాకుండా పోయే ప్రమాదం ఉంది. ప్రస్తుతం ఆఫర్‌ లిస్ట్‌లో ఉన్న అధికారులకు వేకెన్సీని బట్టి కేంద్ర హోంశాఖ అవకాశం కల్పిస్తుంది.  మరో ఇద్దరు ఐజీలు రాష్ట్రంలో తమకు పెద్దగా ప్రాధాన్యం లేకపోవడంతో కేంద్ర సర్వీసుల్లోకి వెళ్లాలని భావిస్తున్నారు.
 
 సీఎం వ్యాఖ్యలపై గీత కార్మికుల సంఘం హర్షం
 సాక్షి, హైదరాబాద్‌: కల్లు పేద ప్రజల పానీయమని, గత పాలకులు లిక్కర్‌ మాఫియాకు తలొగ్గి కల్లును కల్తీపేరుతో బద్‌నామ్‌ చేశారని అసెంబ్లీలో సీఎం కేసీఆర్‌ పేర్కొనడాన్ని తెలంగాణ కల్లు గీత కార్మికుల సంఘం ఓ ప్రకటనలో  స్వాగతించింది.  రాష్ట్రంలో పెండింగ్‌లో ఉన్న లైసెన్స్‌ దరఖాస్తులను వెంటనే మంజూరు చేయాలని సంఘం అధ్యక్షుడు బొమ్మగాని ప్రభాకర్‌ విజ్ఞప్తిచేశారు.


 
 ఐపీఎస్‌లలో అసహనం
 
 ‘డీపీసీ’ గ్రీన్‌సిగ్నల్‌ ఇచ్చినా సీఎం పేషీలోనే ఫైలు  
 
 సాక్షి, హైదరాబాద్‌: రాష్ట్రంలో ఐపీఎస్‌ అధికారుల పదోన్నతుల్లో జాప్యం వారిని అసహనానికి గురిచేస్తోంది. ఏటా జరిగే పదోన్నతుల ప్రక్రియలో డీజీపీ నుంచి వచ్చే ప్రతిపాధనలపై డిపార్ట్‌మెంటల్‌ ప్రమోషనల్‌ కమిటీ (డీపీసీ) సమీక్షించి ప్రభుత్వానికి పంపుతుంది. డీపీసీలో క్లియర్‌ అయిన అధికారుల పదోన్నతుల ఫైలుపై సీఎం సంతకం చేయాల్సి ఉంటుంది. ఈ ఏడాది జనవరి మొదటి వారంలోనే డీపీసీ సమీక్షించి పదోన్నతులకు పచ్చజెండా ఊపినా కమిటీ పంపిన పదోన్నతుల ప్రతిపాదిత ఫైలు ఇప్పటివరకు సీఎం పేషీలోనే పెండింగ్‌లో ఉండిపోయినట్లు విశ్వసనీయంగా తెలిసింది.
 
 పదోన్నతుల పైలుపై సీఎం సంతకం చేస్తే జీఏడీ సర్వీస్‌సెక్షన్‌ బి అధికారులు సంబంధిత అధికారులకు సీనియర్‌ టైమ్‌ స్కేల్‌ ఇస్తూ క్యాడర్‌ మార్పు జీవో విడుదల చేస్తారు. ఈ మాత్రం ప్రక్రియ కూడా జరగక పోవడంతో సంబంధిత అధికారుల్లో అస హనం పెరిగిపోయినట్టు చర్చ జరుగుతోంది. పదోన్నతులకు డీపీసీ లైన్‌ క్లియర్‌ చేయ డంతో పోస్టింగులే తరువాయి అనుకున్న సమయంలో పదోన్నతుల ఫైలుకే మోక్షం లేకపోవడంతో పోస్టింగులు ఎప్పుడవుతాయో తెలియక ఐపీఎస్‌లు ఆందోళనలోపడ్డా రు. పదోన్నతులు పూర్తయితే అదనపు భారంతో ఇబ్బందులు పడుతున్న అధికా రులను పలు విభాగాలకు హెచ్‌ఓడీలుగా నియమించాల్సి ఉంది. అయితే ప్రస్తుతం పదోన్నతులు, పోస్టింగుల ఫైళ్లు ముందుకు పోకవడంతో ఇటు విభాగాల్లో, అటు అధికారుల్లో నిరుత్సాహం కనిపిస్తోంది.


 
 పోలీసుల బదిలీల్లో ఉన్నతాధికారులపై నేతల ఒత్తిళ్లు, బెదిరింపులు
 
 ఇటీవల జరిగిన డీఎస్పీ బదిలీల్లో బయటపడ్డ వ్యవహారం
 
 ఏళ్ల నుంచి వరంగల్లోనే ‘ఆ నలుగురి’ ఉద్యోగం
 
 ఉన్నతాధికారులు బదిలీచేసినా..మళ్లీ అక్కడికే పోస్టింగ్‌
 
 ఆరోపణలెదుర్కుంటున్న వారిని సస్పెండ్‌ చేయలేని దుస్థితి
 
 సాక్షి, హైదరాబాద్‌: పోలీసుశాఖలో ఐపీఎస్‌లు, రాజకీయ నాయకులకు మధ్య యుద్ధం నడుస్తోంది! కానిస్టేబుళ్ల బదిలీ నుంచి డీఎస్పీల బదిలీ వరకు అంతా పొలిటీషి యన్స్‌ చెప్తున్నట్టుగానే సాగుతోంది!! చివరకు అవినీతి ఆరోపణలెదుర్కుం టున్న ఎస్‌ఐలను సైతం సస్పెండ్‌ చేయలేని దుస్థితిలో ఐపీఎస్‌ అధికారులున్నారని పోలీసు శాఖలో తీవ్ర చర్చ జరుగుతోంది.
 
 మళ్లీ అక్కడికే చేరిన ఆ నలుగురు...
 ఇటీవల జరిగిన కొంత మంది డీఎస్పీల బదిలీల్లో రాజకీయ నేతల ఒత్తిళ్లపై ఉన్న తాధికారులు అసహనంగా ఉన్నట్టు తెలుస్తోంది. వరంగల్‌ జిల్లాలోనే 15 ఏళ్లుగా పాతుకుపోయిన నలుగురు డీఎస్పీలను వివిధ ప్రాంతాలకు డీజీపీ బదిలీచేసినా.. నాలుగు రోజుల్లో ఒక డీఎస్పీ, నెల వ్యవధి లోనే మరో ఇద్దరు, పది రోజుల వ్యవధిలో మరో డీఎస్పీ వరంగల్, ఆ పక్కనే ఉన్న సబ్‌ డివిజన్లను దక్కించుకొని ఉన్నతాధికారులకు సవాల్‌ విసిరారు. ఈ నలుగురికి మంత్రులు, ఇతర ప్రజాప్రతినిధుల అండ ఉండటం వల్లే తిరిగి పోస్టింగులు చేజిక్కించుకున్నారని వరంగల్‌లో తీవ్ర చర్చ జరుగుతోంది. సంబం ధిత అధికారులపై అవినీతి ఆరోపణలు ఉన్నాయని మంత్రులకు ఉన్నతాధికారులు చెప్పినా వినిపించుకోలే దని తెలిసింది. వికారాబాద్‌ జిల్లాకు ఇటీవలే బదిలీ అయిన ఓ డీఎస్పీ ఏకంగా తాను రూ. 10 లక్షలు పెట్టి వచ్చానని, మూడు నెలల్లో అవి వసూలు చేసుకోవాలని ఎస్‌ఐలకు అల్టిమేటం ఇవ్వడం అధికారులను కంగు తినిపించింది.
 
 ఆ కేసుల్లోనూ వారి పెత్తనమే...
 కుకునూరుపల్లి ఎస్‌ఐ రామకృష్ణారెడ్డి ఆత్మహత్య కేసులో ఇప్పటికీ ఆరోపణ లెదుర్కొం టున్న అధికారులపై చర్యలు తీసుకోక పోవ డం వెనక నేతల ఒత్తిడే కారణమని వార్తలు వినిపిస్తున్నాయి. ఆసిఫాబాద్‌లో ఎస్‌ఐ ఆత్మ హత్య వెనుక ఓ ఇన్‌స్పెక్టర్‌ ఉన్నాడని విచారణ లో తేలినా చర్యలు తీసుకోలేకపోవ డానికి మంత్రి అండదండలే కారణమని అధి కారులే వ్యాఖ్యానిస్తున్నట్లు తెలుస్తోంది. రంగారెడ్డి లోని ఓ మహిళ హత్య కేసును తారు మారు చేసిన ఇన్‌స్పెక్టర్‌ను కూడా ఇప్పటి వరకు సస్పెండ్‌ చేయలేదంటే కారణం సంబంధిత ప్రజాప్రతినిధులే అని ఐపీఎస్‌ అధికారులు బాహాటంగానే పేర్కొంటున్నారు.
 
 సర్క్యులర్‌.. జాన్తానై...
 ఏసీబీ కేసులు, ఆరోపణలు రుజువైన అధికారులెవరికీ శాంతి భద్రతల విభాగంలో పోస్టింగ్‌ ఇవ్వవద్దని రాష్ట్ర ఏర్పాటు సమయంలో పోలీసు శాఖ సర్క్యులర్‌ జారీ చేసింది. దీన్ని ఆరు నెలల కిందటి వరకు ఐపీఎస్‌ అధికారులు అమలు చేశారు. అయితే ఈ విషయమై మంత్రులు, ఎమ్మెల్యేలు, ఎమ్మెల్సీలు ప్రభుత్వ పెద్దల వద్ద ఫిర్యాదు చేయడంతో అడిగిన వారికి అడిగిన అధికారిని ఇవ్వాల్సిందేనని హుకుం జారీ అయ్యింది. ఫలితంగా ఎస్‌ఐ పోస్టింగ్‌కు రూ.5 లక్షల నుంచి రూ.10 లక్షలు, సీఐ పోస్టింగ్‌కు రూ. 10 లక్షల నుంచి రూ. 15 లక్షలు, డీఎస్పీ పోస్టింగ్‌లకు రూ. 20 లక్షల వరకు కొందరు మంత్రులు, ఎమ్మెల్యేలు, ఎమ్మెల్సీలు వసూలు చేసినట్లు తెలిసింది. కొంతమంది అధికారులు ఎమ్మెల్యేలకు ఇన్నోవా కార్లు కొనిచ్చినట్టు సమాచారం. ఇలా నాయకుల పెత్తనంతో 42 మంది అవినీతి అధికారులకు పోస్టింగులు ఇచ్చినట్టు ఉన్నతాధికారులు రికార్డుల్లో నోట్‌ చేసుకున్నారు.


 ప్రభుత్వోద్యోగం వచ్చిందంటే చాలు.. హాయిగా కాలం గడిపేయొచ్చని, రిటైరైన తర్వాత కూడా ఎంచక్కా పింఛను తీసుకోవచ్చని, పెద్దగా కష్టపడాల్సింది ఏమీ లేదని అనుకునే రోజులకు ఇక కాలం చెల్లింది. నరేంద్రమోదీ ప్రభుత్వం అధికారంలోకి వచ్చిన తర్వాత కేంద్రంలో ఇలాంటి వాళ్లను లొంగదీస్తున్నారు. ఇప్పటికి 60 మంది అధికారులను డిస్మిస్ చేయడం, తప్పనిసరిగా రిటైర్ చేయడం లాంటి చర్యలు జరిగాయి. తాజాగా ఆ జాబితాలోకి ఇద్దరు సీనియర్ ఐపీఎస్ అధికారులు కూడా చేరారు. 1992 బ్యాచ్‌కి చెందిన ఛత్తీస్‌గఢ్ కేడర్ ఐపీఎస్ అధికారి రాజ్‌కుమార్ దేవన్‌గణ్, 1998 బ్యాచ్‌కి చెందిన అరుణాచల్ ప్రదేశ్ - గోవా - మిజోరాం కేడర్ ఆఫీసర్ షీల్ చౌహాన్ ఇద్దరినీ ముందుగానే రిటైర్ చేయించి ఇంటికి పంపేశారు. ప్రభుత్వ సర్వీసులో చేరి 15-25 ఏళ్ల వరకు పూర్తిచేసుకున్నవాళ్ల పనితీరును సమీక్షించిన తర్వాత ఈ తరహా నిర్ణయాలు తీసుకుంటున్నారు. పనితీరు ఒక మాదిరి కంటే తక్కువగా ఉంటే మాత్రం కఠిన చర్యలు తప్పడం లేదు. 
  
 ఈ ఇద్దరు అధికారుల మీద ఇప్పటికే ఫిర్యాదులు కూడా ఉన్నాయని, అందుకే వాళ్లకు మూడు నెలల జీతం ఇచ్చి తప్పనిసరి ముందస్తు రిటైర్‌మెంట్ ఇచ్చారని ఒక సీనియర్ అధికారి తెలిపారు. వాస్తవానికి ప్రభుత్వాధికారులకు సంబంధించి ఇలాంటి నిబంధన ఎప్పటినుంచో ఉంది. కానీ, దీన్ని ఎవరూ సరిగా అమలుచేయలేదు. అసమర్థులు, అవినీతిపరులైన అధికారులు 'ప్రజాప్రయోజనాల రీత్యా తప్పనిసరిగా రిటైర్ కావాలి' అని ఈ నిబంధన చెబుతోంది. 2015 సంవత్సరంలో నరేంద్రమోదీ ప్రభుత్వం దీన్ని వెలికితీసి, 50 ఏళ్ల వయసు వచ్చిన తర్వాత ఉన్నతాధికారుల పనితీరు తప్పనిసరిగా పరిశీలించాలని, పనిచేయని వాళ్లకు రిటైర్మెంట్ ఇవ్వాలని నిర్ణయించింది. వివిధ ప్రభుత్వ శాఖలలో తెల్ల ఏనుగుల్లా పనిచేయకుండా కూర్చుంటున్న వాళ్లను ఇంటికి పంపడానికి బీజేపీ ప్రభుత్వం ఈ నిబంధనను బాగానే ఉపయోగించుకుంటోందని సీనియర్ అధికారులు చెబుతున్నారు.


 - తెలుగు రాష్ట్రాలకు ఏడుగురు ట్రైనీ ఐపీఎస్‌ల కేటాయింపు
 - నేషనల్ పోలీస్ అకాడమీలో 109 మంది ట్రైనీలకు శిక్షణ పూర్తి
 - రేపు పాసింగ్ ఔట్ పరేడ్..హాజరు కానున్న అరుణ్ జైట్లీ
  
  సాక్షి, హైదరాబాద్: కేంద్ర ప్రభుత్వం తెలంగాణ కేడర్‌కు ముగ్గురు, ఆంధ్రప్రదేశ్ కేడర్‌కు నలుగురు ట్రైనీ ఐపీఎస్ అధికారులను కేటాయించింది. తెలంగాణకు రక్షిత కె.మూర్తి(కర్ణాటక), పాటిల్ సంగ్రామ్‌సింగ్ గణపత్‌రావు(మహారాష్ట్ర), చేతన మైలబత్తుల(తెలంగాణ).. ఏపీకి కె.ఆరీఫ్ హఫీజ్(కర్ణాటక), అజిత వేజెండ్ల (ఏపీ), గౌతమి సలి(ఏపీ), బరుణ్ పురకయత్స(అసోం) ట్రైనీ ఐపీఎస్‌లుగా రానున్నారు. హైదరాబాద్‌లోని సర్దార్ వల్లభ్‌భాయ్ పటేల్ నేషనల్ పోలీస్ అకాడమీలో 2015 బ్యాచ్ అధికారులుగా శిక్షణ ముగించుకున్న 109 మంది ట్రైనీ ఐపీఎస్‌ల్లో ఈ ఏడుగురిని తెలంగాణ, ఆంధ్రప్రదేశ్ రాష్ట్రాలకు కేటాయించారు.
 
 అకాడమీలో శిక్షణానంతర కార్యక్రమం దీక్షాంత్ పరేడ్‌ను ఈ నెల 28న నిర్వహించనున్నారు. ఈ కార్యక్రమానికి కేంద్ర ఆర్థిక మంత్రి అరుణ్ జైట్లీ ముఖ్యఅతిథిగా హాజరు కానున్నారు. ఈ బ్యాచ్‌లో మరో 15 మంది విదేశీ అధికారులు సైతం శిక్షణ పొందారు. అందులో భూటాన్ నుంచి ఆరుగురు, నేపాల్ నుంచి ఐదుగురు, మాల్దీవుల నుంచి నలుగురు ఉన్నారు. ట్రైనీ ఐపీఎస్‌లకు శిక్షణ తీరు తెన్నులతోపాటు పాసింగ్ ఔట్ పరేడ్ వివరాలను అకాడమీ డెరైక్టర్ అరుణ బహుగుణ బుధవారం వెల్లడించారు. పోలీసు అధికారిగా బహుముఖ బాధ్యతలు నిర్వహించే శక్తి సంపాదించుకునేలా ఈ శిక్షణ కార్యక్రమాన్ని రూపొందించామన్నారు.
 
  ఇంజనీర్లు, డాక్టర్లే అధికం
  తాజాగా శిక్షణ పూర్తి చేసుకున్న 109 మంది ఐపీఎస్ శిక్షణార్థుల్లో 75 మంది ఇంజనీరింగ్, వైద్య విద్యను చదివిన వారే ఉన్నారు. పది మంది ఆర్ట్స్, తొమ్మిది మంది సైన్స్, ఇద్దరు కామర్స్ నేపథ్యం నుంచి రాగా, 66 మంది ఇంజనీర్లు, తొమ్మిది మంది ఎంబీబీఎస్, తొమ్మిది మంది ఎంబీఏ, ముగ్గురు లా, ఒకరు ఎంఫిల్ చేశారు.
 
  ఉద్యోగానికి రాజీనామా చేసి..
  ‘‘నేను బెంగళూరులో పనిచేస్తున్నప్పుడు జరిగిన బాంబు పేలుడు ఘటన నన్ను తీవ్రంగా కలచివేసింది. తక్షణమే సాఫ్ట్‌వేర్ ఉద్యోగాన్ని వదిలేసి సివిల్స్ కోసం శిక్షణ తీసుకున్నాను. ఉన్నత స్థాయి పోలీస్‌గా దేశానికి సేవలందించాలన్న ఆకాంక్షతోనే సివిల్స్‌లో చేరాను’’ అని బెస్ట్ ఆఫ్ రౌండ్ ఐపీఎస్ శిక్షణార్థిగా ఎంపికైన సోనావానే రిషికేశ్ భగవాన్ (మహారాష్ట్ర) పేర్కొన్నారు. ఆయన ప్రధానమంత్రి బాటన్, హోం మంత్రి రివాల్వర్‌ను అందుకోబోతున్నారు.
  
  9 నెలల బిడ్డను ఇంట్లో వదిలి శిక్షణకు..
  ‘‘9 నెలల బిడ్డను ఇంట్లో వదిలి ఐపీఎస్ శిక్షణ కోసం అకాడమీలో చేరాను. ఈ విషయంలో నా భర్త, మహబూబ్‌నగర్ జేసీ శివకుమార్, మా నాన్న, నా కుటుంబం అండగా నిలిచి ప్రోత్సహించింది. ఉస్మానియా ఆస్పత్రిలో ఏడాది పాటు హౌస్‌సర్జన్‌గా పనిచేశాను. మహిళల సమస్యల పట్ల అవగాహన ఉంది. వారి కోసం పనిచేయాలనుకుంటున్నా..’’  
  - డాక్టర్ చేతన మైలబత్తుల
  
  తెలంగాణలో పనిచేయడం ఆనందంగా ఉంది..
  ‘‘మాది డాక్టర్ల కుటుంబం. నేను ప్రభుత్వ ఆస్పత్రిలో వైద్యుడిగా ఐదేళ్లు పనిచేయడంతో ప్రజల సమస్యలపై అవగాహన పొందాను. ప్రజలకు సేవ చేసేందుకు ఐపీఎస్‌గా మంచి అవకాశమిది. తెలంగాణలో పనిచేయడం ఆనందంగా ఉంది’’   
 - డాక్టర్ పాటిల్ సంగ్రామ్ సింగ్
  
  మహిళల ప్రాతినిధ్యం పెరగాలి..
  ‘‘పోలీసు శాఖలో మహిళల ప్రాతినిధ్యం మరింత పెరగాలి. మహిళలు సైతం పోలీసు విధులను బాగా నిర్వహించగలరు. మహిళలపై నేరాల నిర్మూలన కోసం పనిచేయాలనుకుంటున్నాను. తెలంగాణ దేశంలోనే కొత్త రాష్ట్రం. రాష్ట్రాభివృద్ధికి ప్రభుత్వం బాగా పని చేస్తోంది. ఇందులో భాగస్వామి కావడం అదృష్టంగా భావిస్తున్నాను’’                   
 - రక్షిత కె.మూర్తి


 హైదరాబాద్: నగరంలోని జాతీయ పోలీస్ అకాడమిలో శిక్షణ పొందుతున్న 124 మంది ఐపీఎస్‌ల శిక్షణా కాలం ముగిసింది. ఈ నెల 28 వ తేదిన జరిగే దీక్షాంత్ పరేడ్(పాసింగ్ అవుట్)కు కేంద్ర మంత్రి అరుణ్ జైట్లీ రానున్నట్లు అకాడమి డెరైక్టర్ అరుణ బహుగుణ ఓ ప్రకటనలో తెలిపారు. కాగా.. శిక్షణ పూర్తైన ఐపీఎస్ లలో ఏపీ, తెలంగాణ రాష్ట్రాలకు ఏడుగురిని కేటాయించారు. ఏపీకి కేటాయించిన నలుగురిలో ఇద్దరు ఏపీ వారే కాగా, తెలంగాణకు కేటాయించిన ముగ్గురిలో ఒకరు  తెలంగాణ చెందినవారు. 
  
 ఏపీకి కేటాయించిన వారు
 1, అజిత వెజెండ్ల(ఏపీ)
 2, గౌతమి సాలి(ఏపీ)
 3, ఆరిఫ్ హఫీజ్(కర్ణాటక)
 4. బరుణ్ పురకాయస్త(అస్సాం)
  
 తెలంగాణకు కేటాయించిన వారు
 1, చేతన మైలమత్తుల(తెలంగాణ)
 2, రక్షిత కె. మూర్తి(కర్ణాటక)
 3, పాటిల్ సంగ్రామం సింగ్ గణపతి రావు(మహారాష్ట్ర)
  


 హైదరాబాద్ : తెలంగాణ ప్రభుత్వం ఏడుగురు ఐపీఎస్ అధికారులను బదిలీ చేసింది. ఈ మేరకు గురువారం ఉత్తర్వులు జారీ అయ్యాయి.
 
 బదిలీ అయిన అధికారులు వివరాలు:
 ఇంటెలిజెన్స్ ఐజీగా నవీన్ చంద్
 సైబరాబాద్ కమిషనర్గా సందీప్ శాండిల్యా
 వరంగల్ డీఐజీగా రవివర్మ
 ఐజీ పర్సనల్ గా బి.శివధర్ రెడ్డి
 ఇంటెలిజెన్స్ డీఐజీగా టి.ప్రభాకర్ రావు
 సీఐడీ డీఐజీగా ఎన్.శివశంకర్ రెడ్డి
 రాచకొండ కమిషనరేట్ ట్రాఫిక్ డీసీపీగా కె.రమేశ్ నాయుడు


 హైదరాబాద్ : తెలంగాణ రాష్ట్రంలో పలువురు ఐపీఎస్ అధికారులు సోమవారం బదిలీ అయ్యారు.  రాష్ట్ర ప్రభుత్వం సోమవారం ఈ మేరకు ఉత్తర్వులు జారీ చేసింది. సైబరాబాద్ రెండు కమిషనరేట్లకు కొత్త కమిషనర్లు నియాకం జరిగింది. ఇక బదిలీ అయిన అధికారుల వివరాలు...
 
 సైబరాబాద్ వెస్ట్ పోలీస్ కమిషనర్గా వి. నవీన్ చంద్
 సైబరాబాద్ వెస్ట్ జాయింట్ కమిషనర్గా స్టీఫెన్ రవీంద్ర
 
 సైబరాబాద్ ఈస్ట్ కమిషనర్గా  మహేశ్ భగవత్
 సైబరాబాద్ ఈస్ట్ జాయింట్ కమిషనర్గా  టీవీ శశిధర్ రెడ్డి
 
 లా అండ్ ఆర్డర్ డీఐజీగా కల్పనా నాయక్
 పోలీస్ అకాడమీ అడిషనల్ డైరెక్టర్గా ఎంకే సింగ్


 సాక్షి, హైదరాబాద్: ఆరుగురు ఐపీఎస్ అధికారులను బదిలీ చేస్తూ ప్రభుత్వం శనివారం ఉత్తర్వులు జారీ చేసింది. మూడు రోజుల క్రితం దాదాపు 24 మంది ఐపీఎస్ అధికారులను బదిలీ చేసిన రాష్ట్ర ప్రభుత్వం తాజాగా మరో ఆరుగురిని బదిలీ చేసింది. హైదరాబాద్ స్పెషల్ బ్రాంచ్ అదనపు కమిషనర్‌గా ఉన్న వై.నాగిరెడ్డి నార్త్‌జోన్ ఐజీగా బదిలీ అయ్యారు.  వరంగల్ రేంజ్ డీఐజీగా ఉన్న బి.మల్లారెడ్డికి ఐజీగా పదోన్నతి కల్పిస్తూ పోలీస్ హౌసింగ్ కార్పొరేషన్ మేనేజింగ్ డెరైక్టర్‌గా నియమించారు.
 
 సీసీఎస్ జాయింట్ కమిషనర్‌గా ఉన్న టి.ప్రభాకర్‌రావును వరంగల్ రేంజ్ డీఐజీగా బదిలీ చేశారు. అయితే నార్త్ జోన్ ఐజీగా ఉన్న నవీన్‌చంద్‌ను బదిలీ చేసిన ప్రభుత్వం ఎక్కడా పోస్టింగ్ ఇవ్వలేదు. డీజీపీ కార్యాలయంలో రిపోర్టు చేయాల్సిందిగా నవీన్‌చంద్‌కు సూచిస్తూ ప్రభుత్వం ఉత్తర్వులు జారీ చేసింది. మరో పక్క వెయిటింగ్‌లో ఉన్న షానవాజ్ ఖాసీంను ఖమ్మం ఎస్పీగా, ప్రస్తుతం ఖమ్మం ఎస్పీగా ఉన్న రమా రాజేశ్వరిని మహబూబ్‌నగర్ ఎస్పీగా బదిలీ చేసింది.
  
 ఇద్దరు మున్సిపల్ కమిషనర్ల బదిలీ
 సాక్షి, హైదరాబాద్: ఇద్దరు మున్సిపల్ కమిషనర్లను బదిలీ చేస్తూ రాష్ట్ర పురపాలక శాఖ ప్రత్యేక ప్రధాన కార్యదర్శి ఎంజీ గోపాల్ శనివారం ఉత్తర్వులు జారీ చేశారు. మహబూబ్‌నగర్ జిల్లా బాదేపల్లి నగర పంచాయతీ మున్సిపల్ కమిషనర్ సీహెచ్.వెంకటరామారావును ఖమ్మం మున్సిపల్ కార్పొరేషన్ సహాయ మునిసిపల్ కమిషనర్‌గా, కరీంనగర్ మున్సిపల్ కార్పొరేషన్ సహాయ కమిషనర్ కె.గంగారాంను బాదేపల్లి నగర పంచాయతీ కమిషనర్‌గా నియమించారు.


 24 మందికి స్థానచలనం, ప్రమోషన్లు
  
  సాక్షి, హైదరాబాద్: రాష్ట్ర ప్రభుత్వం భారీగా ఐపీఎస్ అధికారులను బదిలీ చేసింది. పలువురికి ప్రమోషన్లు ఇవ్వడంతో పాటు మొత్తం 24 మందికి స్థానచలనం కల్పించింది. రాష్ట్రస్థాయి ఉన్నతాధికారులు మొదలు జిల్లా ఎస్పీల వరకు మార్పుచేర్పులు చేసింది. తెలంగాణ ప్రభుత్వ ప్రధాన కార్యదర్శి రాజీవ్‌శర్మ బుధవారం సాయంత్రం ఈ మేరకు ఉత్తర్వులు జారీ చేశారు. రాష్ట్ర శాంతి భద్రతల అడిషనల్ డీజీగా అంజనీకుమార్‌కు బాధ్యతలు అప్పగించింది. ప్రస్తుతం ఆయన హైదరాబాద్ నగర శాంతి భద్రతల అడిషనల్ కమిషనర్‌గా ఉన్నారు. ప్రస్తుతం అడిషనల్ డీజీలుగా ఉన్న సుదీప్ లక్టాకియా, తేజ్‌దీప్ కౌర్‌లకు డీజీగా పదోన్నతి కల్పించి కొత్త పోస్టింగ్‌లు ఇచ్చింది.
 
 ఐజీగా ఉన్న రాజీవ్ రతన్‌కు అదనపు డీజీగా పదోన్నతి కల్పించింది. ప్రస్తుతం ఐజీ హోదాలో సైబరాబాద్ కమిషర్‌గా ఉన్న సీవీ ఆనంద్‌ను అదే స్థానంలో కొనసాగిస్తూ అడిషనల్ డీజీగా ప్రమోషన్ కల్పించింది. డీఐజీలు ఆర్‌బి నాయక్, టి.మురళీకృష్ణ, ఎం.శివప్రసాద్‌కు ఐజీలుగా, ఎస్పీలుగా ఉన్న రాజేశ్‌కుమార్, ఎన్.శివశంకర్‌రెడ్డిలకు డీఐజీలుగా పదోన్నతి కల్పించింది. డ్రగ్స్ కంట్రోల్ డెరైక్టర్‌గా ఉన్న డాక్టర్ అకున్ సబర్వాల్‌ను హైదరాబాద్ రేంజ్ డీఐజీగా నియమించింది. ప్రొహిబిషన్ అండ్ ఎక్సైజ్ డెరైక్టర్‌గా ఆయనకు ఉన్న అదనపు బాధ్యతలను తొలగించింది. మహబూబ్‌నగర్ జిల్లా ఎస్పీ విశ్వప్రసాద్‌ను బదిలీ చేసిన ప్రభుత్వం అక్కడ ఎవరికీ పోస్టింగ్ ఇవ్వలేదు. హైదరాబాద్ రేంజ్ డీఐజీ అకున్ సబర్వాల్ ఈ జిల్లా ఎస్పీగా అదనపు బాధ్యతలు చేపట్టనున్నారు. హైదరాబాద్ ఎస్.బి.జాయింట్ కమిషనర్‌గా ఉన్న వై.నాగిరెడ్డికి ఎక్కడా పోస్టింగ్ ఇవ్వలేదు.


 54 రోజుల్లో వెళ్లిపోయిన అదనపు సీపీ
 కొత్తగా జాయింట్ కమిషనర్ పోస్టు భర్తీ
 జాయింట్ సీపీగా హరికుమార్ నియామకం
 డీసీపీ లాండ్ ఆర్డర్ పోస్టు కూడా ఖాళీ
  
 విజయవాడ : విజయవాడ పోలీస్ కమిషనరేట్ అభివృద్ధి ఒక అడుగు ముందుకు.. రెండడుగులు వెనక్కి అన్న చందంగా మారింది. కమిషనరేట్ స్థాయిని పెంచిన రాష్ట్ర ప్రభుత్వం ఎట్టకేలకు రెండేళ్లకు కొత్త పోస్టులు మంజూరుచేసింది. అవి మొత్తం భర్తీ కాకముందే ఖాళీ అవుతున్నాయి.
 అసలే సిబ్బంది, అధికారుల కొరతతో సతమతమవుతున్న కమిషనరేట్‌కు ఒక అధికారిని నియమించి ఇద్దర్ని బదిలీ చేయడం సమస్యాత్మకంగా మారింది. కేవలం 54 రోజుల వ్యవధిలోనే అదనపు పోలీస్ కమిషనర్‌గా ఉన్న మహేష్‌చంద్ర లడ్హాను పదోన్నతిపై హైదరాబాద్‌కు బదిలీ చేశారు. కొత్తగా వచ్చే పోస్టుల సంఖ్యను పక్కన పెడితే ఉన్న ఐపీఎస్ పోస్టుల్లోనే రెండు ఖాళీ అయ్యాయి.
  
 విజయవాడ పోలీస్ కమిషనరేట్‌కు రెండేళ్ల క్రితం వరకు డీఐజీ క్యాడర్ అధికారి కమిషనర్‌గా ఉండేవారు. ప్రభుత్వం ఈ పోస్టును ఏకకాలంలో డీఐజీ క్యాడర్ నుంచి అదనపు డీజీ క్యాడర్‌గా అప్‌గ్రేడ్ చేసింది. అదనపు డీజీని కమిషనర్‌గా నియమించారు తప్ప దానికి అనుగుణంగా సిబ్బందిని మాత్రం పెంచలేదు. ఎట్టకేలకు గత నెలలో ఐపీఎస్ పోస్టులతో కలిసి సిబ్బంది సంఖ్యను పెంచుతూ ఉత్తర్వులిచ్చారు.
  
 ఐజీ క్యాడర్‌లో ఉన్న మహేష్‌చంద్రలడ్హా అదనపు పోలీస్ కమిషనర్‌గా మార్చి 11న విజయవాడలో బాధ్యతలు స్వీకరించారు. కొత్తగా సిటీ సెక్యూరిటీ వింగ్‌ను ఏర్పాటుచేసి దానికి ఒక ఐపీఎస్ అధికారిని, డీఐజీ క్యాడర్ అధికారితో జాయింట్ కమిషనర్ పోస్టులను ఏర్పాటు చేశారు. ఇవేవీ పూర్తిస్థాయిలో భర్తీకాకముందే అదనపు కమిషనర్‌ను బదిలీ చేయడం పోలీసువర్గాల్లో చర్చనీయాంశంగా మారింది. హైదరాబాద్‌కు ఇంటెలిజెన్స్ ఐజీగా పదోన్నతిపై లడ్హా వెళ్ళారు.
  
  వాస్తవానికి విశాఖ పోలీస్ కమిషనరేట్‌లో జాయింట్ కమిషనర్ పోస్టును కొత్తగా ఏర్పాటుచేసి వెనువెంటనే డీఐజీ స్థాయి అధికారిని అక్కడ నియమించారు. కాని విజయవాడకు మాత్రం ఆ స్థాయి ప్రాధాన్యత లేకపోవడం గమనార్హం.  రాష్ట్రంలోనే ఏ కమిషనరేట్‌కు లేని విధంగా విజయవాడను అప్‌గ్రేడ్ చేశారు. దాదాపు 2వేల మంది వరకు పోలీస్ కానిస్టేబుళ్ల అవసరముండగా 1100 మందిని నియమించేందుకు వీలుగా ఉత్తర్వులు జారీచేశారు.  ఇతర రేంజ్‌లు, ఏపీఎస్పీ బెటాలియన్‌ల నుంచి కానిస్టేబుళ్లు రావాల్సి ఉంది. కొత్తగా మంజూరైనవాటితో కలిపి ఆరు వరకు ఐపీఎస్ పోస్టులు ఉన్నాయి. తాజా బదిలీలతో ఐపీఎస్‌ల సంఖ్య మూడుకు పడిపోవడం గమనార్హం.
  
  ముగ్గురితోనే అన్ని పనులు
  రాజధాని నగరమైన విజయవాడలో వారంలో సగటున ఐదురోజుల పాటు ముఖ్యమంత్రి, ఇతర మంత్రులు, వీఐపీల పర్యటనలు జరుగుతుంటాయి. ఇవి కాకుండా రాజధాని అభివృద్ధి పనుల నిమిత్తం విదేశీ ప్రతినిధులు సైతం తరచూ నగరానికి వస్తున్నారు. దీంతోపాటు నగరంలో కొంత కాలంగా కేసుల సంఖ్య గణనీయంగా పెరిగింది. ఉన్న కొద్దిపాటి సిబ్బందితోనే వీటన్నింటినీ నడిపించాల్సి వస్తోంది. ప్రస్తుతం లా అండ్ ఆర్డర్, అడ్మిన్‌కు ఇద్దరు డీసీపీలు, అదనపు సీపీ ఉన్నారు. బదిలీల్లో లా అండ్ ఆర్డర్ సీపీని విజయనగరం ఎస్పీగా బదిలీ చేసి ఆ పోస్టును ఖాళీగా ఉంచారు. అదనపు డీసీ పోస్టును ఖాళీ చేసి జాయింట్ కమిషనర్ పోస్టును భర్తీచేశారు. దీంతో ఆరుగురు ఐపీఎస్‌లు ఉండాల్సిన నగరంలో ముగ్గురితోనే అన్ని కార్యకలాపాలు నడిపించాల్సి రావడం కొంత సమస్యాత్మకంగా మారింది.


 విజయవాడ: ఆంధ్రప్రదేశ్ ప్రభుత్వం మరోమారు భారీగా ఐపీఎస్ అధికారులను బదిలీ చేసింది. రాష్ట్రవ్యాప్తంగా 26 మంది ఐపీఎస్ లను బదిలీ చేస్తూ బుధవారం ఉత్తర్వులు జారీ చేసింది. వీరిలో కొంతమంది అధికారులకు ప్రభుత్వం పదోన్నతులను కల్పించింది.
 
 బదిలీల వివరాలు:
 హోం శాఖ కార్యదర్శి  - అనురాధ
 ఐజీపీ - విశాఖ కమిషనర్ అమిత్ గార్గ్
 విశాఖ కమిషనర్ - టి.యోగానంద్
 సౌత్ జోన్ ఐజీపీ - ఎన్.శ్రీధర్
 ఇంటెలిజెన్స్ ఐజీపీ - మహేష్ చంద్ర లడ్డా
 సీఐడీ ఐజీపీ - అనంతపురం డీఐజీ కె.సత్యనారాయణ
 ఎస్ఐబీ ఐజీపీ - బి.శ్రీనివాసులు
 ఐజీపీ(లీగల్) - టి.దామోదర్
 లీగల్ మెట్రాలజీ - ఎ.సుందరదాస్
 ప్రొబిషన్ అండ్ ఎక్సైజ్ డైరెక్టర్ - కె.వెంకటేశ్వరరావు
 పోలీస్ ట్రైనింగ్ సెంటర్ ఐజీపీ -ఏ.రవిచంద్ర
 ఏలూరు డీఐజీ - పీవీఎస్ రామకృష్ణ
 విజయవాడ జాయింట్ సీపీ - పి.హరికుమార్
 అనంతపురం డీఐజీ - జె.ప్రభాకర్రావు
 విశాఖ డీఐజీ - సీహెచ్.శ్రీకాంత్
 విశాఖ జాయింట్ కమిషనర్ - ఏఎస్ ఖాన్
 డీఐజీ సెక్యూరిటీ - జె.సత్యనారాయణ
 శ్రీకాకుళం ఎస్పీ - జె.బ్రహ్మారెడ్డి
 ప్రకాశం ఎస్పీ - సీఎం త్రివిక్రమ వర్మ
 విశాఖ ఎస్పీ - రాహుల్ దేవ్ శర్మ
 రాజమండ్రి అర్బన్ ఎస్పీ- బి.రాజకుమారి
 విజయనగరం ఎస్పీ - ఎల్కేవీ రంగారావు
 కడప ఎస్పీ- పీహెచ్డీ రామకృష్ణ
 ఏలూరు డీఐజీ - పీవీఎస్ రామకృష్ణ
 తిరుపతి అర్బన్ ఎస్పీ - ఆర్ జయలక్ష్మీ
 పోలీస్ హెడ్క్వార్టర్స్కు రిపోర్ట్ చేయాల్సిందిగా నవదీప్సింగ్, కోయ ప్రవీణ్, ఎస్ హరికృష్ణ, నవీన్ గులాటి, జెట్టి గోపినాథ్లకు ఆదేశాలు జారీ చేసింది.


 తేల్చి చెప్పిన క్యాట్
 
  సాక్షి, హైదరాబాద్: తెలంగాణ తాత్కాలిక డీజీపీగా అనురాగ్‌శర్మను నియమించడాన్ని సవాలు చేస్తూ సీనియర్ ఐపీఎస్ అధికారులు హెచ్‌ఏ హుడా, టీపీ దాస్ దాఖలు చేసిన పిటిషన్‌ను కేంద్ర పరిపాలనా ట్రిబ్యునల్ (క్యాట్) కొట్టివేసింది. సీనియారిటీని పరిగణనలోకి తీసుకోకుండా సర్వీసు నిబంధనలకు విరుద్ధంగా అనురాగ్‌శర్మకు పదోన్నతి ఇచ్చారని పిటిషనర్లు ఆరోపించారు. అయితే క్యాట్ సభ్యులు వెంకటేశ్వర్‌రావు, రంజనా చౌదరిల నేతృత్వంలోని ధర్మాసనం ఈ పిటిషన్లపై కేంద్ర, రాష్ట్ర ప్రభుత్వాల వాదనలు విన్న అనంతరం ఈ మేరకు తీర్పు వెలువరించింది. అనురాగ్‌శర్మకు చట్టవిరుద్ధంగా పదోన్నతి ఇచ్చారనే పిటిషనర్ల వాదనను క్యాట్ తోసిపుచ్చింది.
 
  తెలంగాణకు కేటాయించండి..
  తనను ఏపీ కేడర్‌కే కేటాయించడాన్ని సవాలు చేస్తూ చిత్తూరు అదనపు ఎస్‌పీ అభిషేక్ మహంతి క్యాట్‌ను ఆశ్రయించారు. ఈ పిటిషన్‌ను జస్టిస్ శేషశయనారెడ్డి నేతృత్వంలోని ధర్మాసనం విచారించింది. దీనిపై కేంద్ర, రాష్ట్రప్రభుత్వాలకు నోటీసులు జారీ చేస్తూ విచారణను జూన్ 7కు వాయిదా వేసింది.


 నేడు సీఎం కేసీఆర్‌తో డీజీపీ అనురాగ్‌శర్మ భేటీ
 సాక్షి, హైదరాబాద్: రాష్ట్రంలో భారీగా ఐపీఎస్ అధికారుల బదిలీలు జరగనున్నాయి. కొన్ని ముఖ్యమైన స్థానాల మార్పుతో పాటు, ఖాళీగా ఉన్న పోస్టింగ్‌లను భర్తీ చేయనున్నారు. ముఖ్యంగా రెండేళ్లుగా ఒకే చోట విధులు నిర్వహిస్తున్న వారికి స్థాన చలనం కల్పించనున్నారు. అధికారుల మార్పులకు సంబంధించి ఇది వరకే సీఎం కేసీఆర్, డీజీపీ అనురాగ్‌శర్మ ఇతర సీనియర్ అధికారులతో చర్చించారు. ఇటీవలి కాలంలో ట్రిబ్యునల్ తీర్పు కూడా రావడంతో అధికారుల పంపకాలపై స్పష్టత వచ్చింది. దీంతో తాజాగా నేడు(బుధవారం) సీఎం కేసీఆర్‌ను డీజీపీ అనురాగ్‌శర్మ మరోసారి భేటీ అవుతున్నారు.
 అనంతరం ఒకట్రెండు రోజుల్లో అధికారుల బదిలీల ఉత్తర్వులు వెలువడనున్నాయి. రాష్ట్రంలో అతి ముఖ్యమైన పోస్టింగ్‌లు ఇంచార్జీ అధికారులతో నెట్టుకొస్తున్నారు. వీటిని వెంటనే భర్తీ చేయాలని రాష్ట్ర ప్రభుత్వం భావిస్తోంది. ప్రస్తుతం హైదరాబాద్ రేంజ్ ఐజీ, డీఐజీతో పాటు, విజిలెన్స్ ఎన్‌ఫోర్స్‌మెంట్ డీజీ, ఫోరెన్సిక్ సైన్స్ డెరైక్టర్ తదితర పోస్టులు ఖాళీగా ఉన్నాయి. వీటిని భర్తీ చేయడం పైనే సీఎం కేసీఆర్ ప్రధాన దృష్టి కేంద్రీకరించారు.


 సివిల్ సర్వీస్ అధికారుల పంపిణీపై క్యాట్
  
  సాక్షి, హైదరాబాద్: రాష్ట్ర విభజన తర్వాత తెలంగాణ, ఏపీలకు సివిల్ సర్వీస్ అధికారులను కేటాయించేందుకు నియమించిన ప్రత్యూష్‌సిన్హా కమిటీ రూపొందించిన నియమ నిబంధనలను కేంద్ర పరిపాలనా ట్రిబ్యునల్ (క్యాట్) తప్పుబట్టింది. ఆ నిబంధనలు లోపభూయిష్టమని స్పష్టం చేసింది. కేడర్ కేటాయింపులను సవాల్ చేస్తూ పదిహేను మంది అధికారులు దాఖలు చేసిన పిటిషన్లను క్యాట్ అనుమతించింది. వారి కేటాయింపుల ఉత్తర్వులను కొట్టివేసింది.
 
 ఈ మేరకు క్యాట్ సభ్యులు ఎం.వెంకటేశ్వర్‌రావు, రంజనాచౌదరిల నేతృత్వంలోని ధర్మాసనం మంగళవారం తీర్పునిచ్చింది. అప్పటి ప్రభుత్వ ప్రధాన కార్యదర్శి పీకే మహంతి కుమార్తె, అల్లుడు కేడర్ కేటాయింపుల్లో ఉన్నారని, అలాంటప్పుడు ప్రత్యూష్‌సిన్హా కమిటీలో సభ్యుడిగా మహంతిని నియమించడమేమిటని ప్రశ్నించింది. కేడర్ కేటాయింపుల నిబంధనలన్నీ చట్టవిరుద్ధంగా ఉన్నాయని స్పష్టం చేసింది. అయితే ఇప్పటికే కేడర్ కేటాయింపుల ప్రక్రియ పూర్తయిన నేపథ్యంలో క్యాట్‌ను ఆశ్రయించిన వారికే తమ ఆదేశాలను పరిమితం చేస్తున్నామని పేర్కొంది.
 
 కాగా, ప్రత్యూష్‌సిన్హా కమిటీ ఏపీకి కేటాయించిన ఐఏఎస్ అధికారులు సోమేష్‌కుమార్, జి.అనంతరాము, ఎస్‌ఎస్ రావత్, ఆమ్రపాలి కాట, రోనాల్డ్‌రాస్, కరుణ వాకాటి, ఎ.వాణిప్రసాద్, మల్లెల ప్రశాంతి, ఐపీఎస్ అధికారులు సంతోష్‌మెహ్రా, అభిలాష్ బిస్త్, అంజనీకుమార్‌లను తెలంగాణకు కేటాయించాలని క్యాట్ ఆదేశించింది. మరోవైపు తెలంగాణకు కేటాయించిన ఐఏఎస్‌లు హరికిరణ్, శివశంకర్ లాహోటి, శ్రీజన గమ్మల, ఐపీఎస్ రంగనాథ్‌ను ఏపీకి క్యాట్ కేటాయించింది.


 హైదరాబాద్: ఆంధ్రప్రదేశ్ రాష్ట్రంలో అఖిల భారత సర్వీసుకు చెందిన తొమ్మిది మంది ఐపీఎస్ అధికారులను బదిలీ చేస్తూ ప్రభుత్వం తాజాగా ఉత్వర్వులు జారీ చేసింది. వారి వివరాలు ఇలా ఉన్నాయి..
 
 అధికారి                     ప్రస్తుత స్థానం                          బదిలీ అయిన స్థానం
 
 1.ఎన్ శ్రీధర్ రావు -    వెయిటింగ్                           ఐజీపీ (ఎల్‌అండ్‌ఓ)
 2.మహేశ్ చంద్ర లడ్హా-     వెయిటింగ్                       అదనపు సీపీ, విజయవాడ
 3.కె. వెంకటేశ్వరరావు-     వెయిటింగ్                      డీఐజీ(ట్రైనింగ్)
 4. ఇ. దామోదర్-          వెయిటింగ్                        డీఐజీ(లీగల్)
 5. సీహెచ్. శ్యామ్‌ప్రసాద్‌రావు-  వెయిటింగ్                అదనపు ఇన్స్పెక్టర్ జనరల్(ఏఐజీ)
 6.విశాల్ గున్ని-           వెయిటింగ్                         ఎస్పీ, నెల్లూరు
 7.డా. గజ రావు భూపాల్- ఎస్పీ, నెల్లూరు                ఎస్పీ, సీఐడీ
 8.సీహెచ్. విజయరావు-      వెయిటింగ్                    కమాండెంట్, ఏపీఎస్పీ ఐదో బెటాలియన్
 9.రాహుల్ దేవ్ శర్మ-     వెయిటింగ్                        ఎస్పీ, సీఐడీ


 హైదరాబాద్ : రాష్ట్రంలోని పలువురు ఐఏఎస్, ఐపీఎస్లకు పదోన్నతులు కల్పిస్తూ తెలంగాణ ప్రభుత్వం శుక్రవారం ఉత్తర్వులు జారీ చేసింది. రాష్ట్రంలోని ఐదుగురు ఐఏఎస్ అధికారులు రజిత్ కుమార్, రామకృష్ణారావు, హరిప్రీత్ సింగ్, అరవింద్ కుమార్, అశోక్ కుమార్లకు ముఖ్య కార్యదర్శులుగా పదోన్నతి కల్పించింది.
 అలాగే  1991 బ్యాచ్ కి చెందిన ఐపీఎస్ అధికారులను అడిషనల్ డీజీలుగా...  1998 బ్యాచ్ ఐపీఎస్ అధికారులకు ఐజీలుగా... 2002 బ్యాచ్ ఐపీఎస్లకు డీఐజీలుగా పదోన్నతలు కల్పిస్తూ తెలంగాణ ప్రభుత్వ ప్రధాన కార్యదర్శి రాజీవ్శర్మ ఆదేశాలు జారీ చేశారు. సీవీ ఆనంద్, రాజీవ్ రతన్కు అడిషనల్ డీజీగా ప్రమోషన్... విక్రమ్ సింగ్, ఆర్బి నాయక్, బి.మల్లారెడ్డి, మురళీకృష్ణ, శివప్రసాద్కు ఐజీలుగా పదోన్నతి రాగా, ఇక రాజేశ్ కుమార్, శివశంకర్ రెడ్డికి డీఐజీలుగా ప్రమోషన్ లభించింది.
  


 త్వరలో ఐదుగురు ఐపీఎస్‌ల పదవీ విరమణ
 ముఖ్యమైన పోస్టులు ఇన్‌చార్జీలతో సరి
  
  సాక్షి, హైదరాబాద్: రాష్ట్ర పోలీసుశాఖను ఐపీఎస్‌ల కొరత పీడిస్తోంది. రాష్ట్ర విభజన తర్వాత అరకొరగా లభించిన ఐపీఎస్ అధికారులతో నెట్టుకొస్తున్న ఆ శాఖలో రాష్ట్ర కేడర్‌కు చెందిన ఐదుగురు అధికారులు త్వరలో పదవీ విరమణ చేయబోతున్నారు. వారిలో ఎన్.సూర్యనారాయణ , కె.వేణుగోపాల్‌రావు, ఎస్.జె.జనార్దన్, సత్యనారాయణ్, ఎ.కె.ఖాన్  ఉన్నారు. మరోవైపు ముగ్గురు అధికారులు డిప్యుటేషన్‌పై కేంద్ర సర్వీసులకు వెళ్లాలని యోచిస్తున్నారు. అధికారుల కొరత కారణంగా కొన్ని ముఖ్యమైన పోస్టుల్లో ఇన్‌చార్జీలే బాధ్యతలు నిర్వహిస్తున్నారు. ఈ నేపథ్యంలో రాష్ట్రానికి భారీగా ఐపీఎస్‌లను కేటాయించాలని కేంద్రానికి రాష్ట్ర ప్రభుత్వం తరచూ విన్నవిస్తున్నా తగిన స్పందన లభించడం లేదు. దీంతో ఇతర రాష్ట్రాల్లో పనిచేస్తున్న ఐపీఎస్ అధికారులను డిప్యుటేషన్లపై తీసుకొచ్చేందుకు ప్రయత్నాలు చేస్తోంది.  
 
  అధికారుల కొరతతో తీవ్ర ఇబ్బందులు
  రాష్ట్ర విభజనలో భాగంగా తెలంగాణకు 92 మంది ఐపీఎస్‌లను కేటాయించారు. అయితే వీరిలో పది మంది వరకు కేంద్ర సర్వీసులకు డిప్యుటేషన్ వెళ్లారు. ప్రస్తుతం రాష్ట్రంలో ఎస్పీ స్థాయి అధికారులు కేవలం 33 మంది మాత్రమే ఉన్నారు. వీరిలో హైదరాబాద్, సైబరాబాద్ కమిషనరేట్ల పరిధిలో అత్యధికంగా 15 మంది విధులు నిర్వహిస్తున్నారు. మిగతా సగం మందిలో తొమ్మిది మంది జిల్లాల్లో విధులు నిర్వహిస్తుండగా, ఇద్దరు సీఐడీ, ముగ్గురు ఏసీబీలో పనిచేస్తున్నారు. కొందరు అధికారులు అదనపు బాధ్యతలు నిర్వర్తిస్తున్నారు. వరంగల్ కమిషనరేట్‌లో ఐపీఎస్‌లు లేకపోవడంతో కేవలం ఏసీపీల సేవలతోనే సరిపెడుతున్నారు. కొత్తగా ఏర్పాటు చేయాలని భావిస్తున్న మూడు కమిషనరేట్లకు, 14 కొత్త జిల్లాలకు అధికారులను ఎలా సర్దుబాటు చేయాలోనని ప్రభుత్వం తర్జనభర్జన పడుతోంది. రాష్ట్రం పట్ల ఆసక్తి ఉన్న ఇతర రాష్ట్రాల అధికారులను, ఇతర రాష్ట్రాల్లో పనిచేస్తున్న తెలంగాణ ప్రాంతానికి చెందిన ఆరుగురు ఐపీఎస్‌లను డిప్యుటేషన్ల మీద తీసుకురావాలని ప్రభుత్వం ప్రయత్నిస్తోంది.


 హైదరాబాద్: తెలంగాణ రాష్ట్ర ఐపీఎస్ అధికారుల సంఘం అధ్యక్షుడిగా డీజీపీ అనురాగ్‌శర్మ మంగళవారం ఏకగ్రీవంగా ఎన్నికయ్యారు. ప్రధాన కార్యదర్శిగా జైళ్లశాఖ డీజీ వీకే సింగ్, కోశాధికారిగా ఎస్ అజయ్ కుమార్, జాయింట్ సెక్రటరీగా ఎం. రమేష్ నియమితులయ్యారు. మంగళవారం డీజీపీ కార్యాలయంలో తెలంగాణ రాష్ట్రానికి చెందిన 25 మంది ఐపీఎస్ అధికారులు సమావేశమై, నూతన కార్యనిర్వాహక కమిటీని ఏర్పాటు చేసుకున్నారు.
 ఎగ్జిక్యూటివ్ కమిటీ సభ్యులుగా స్వాతిలక్రా, శివప్రసాద్, అకున్‌సభర్వాల్‌లు ఎన్నికయ్యారు. ఈ సందర్భంగా కమిటీ తొలి సమావేశంలో ఐపీఎస్‌లు అందరూ గ్యాస్ సబ్సిడీని వదులుకోవాలని నిర్ణయించారు. ఇది వరకే జైళ్లశాఖ డీజీ వీకే సింగ్ గ్యాస్ సబ్సిడీని వదులుకోగా, తాజాగా మిగతా ఐపీఎస్ అధికారులు అందరూ వదులుకోనున్నారు.


 సాక్షి, హైదరాబాద్: తెలుగు రాష్ట్రాలకు కొత్తగా ఆరుగురు ఐపీఎస్ అధికారులను కేంద్రం కేటాయించింది. వీరిని ఉమ్మడి క్యాడర్‌గా పేర్కొంది. రాష్ట్ర పునర్వ్యవస్థీకరణ చట్టం ప్రకారం రెండు రాష్ట్రాలు ఈ అధికారుల్ని పంచుకోవాల్సి ఉంటుంది. తెలుగు రాష్ట్రాలకుకేటాయించిన వారిలో జార్ఖండ్‌కు చెందిన ఎం.దీపిక, కర్ణాటకకు చెందిన బీకే రాహుల్ హెడ్గే, ఉత్తరాఖండ్‌కు చెందిన సునీల్ దత్, రాజస్థాన్‌కు చెందిన అమిత్ బర్ధార్‌లతో పాటు స్థానికులైన బి.కృష్ణారావు, కె.అపూర్వరావులు ఉన్నారు. 2013 బ్యాచ్‌లో ఐపీఎస్‌కు ఎంపికైన తెలుగు రాష్ట్రాలకు చెందిన మరో 11 మందిని హోం శాఖ వివిధ రాష్ట్రాలకు కేటాయిస్తూ శుక్రవారం ఉత్తర్వులు జారీ చేసింది.
  


 సాంకేతిక విప్లవాన్ని సర్కారు విభాగాలు అందిపుచ్చుకుంటున్నాయి. ముఖ్యంగా సామాజిక మాధ్యమాల హవా కొనసాగుతున్న ప్రస్తుత పరిస్థితుల్లో.. ప్రభుత్వం యంత్రాంగం సైతం విధి నిర్వహణలో వాటి వినియోగానికి ప్రాధాన్యమిస్తోంది. సాధారణంగా ఒక విషయంపై ఫిర్యాదు చేయాలంటే సదరు బాధితులు కార్యాలయానికి వచ్చి.. లిఖితపూర్వకంగా ఇవ్వడానికి సమయం పడుతుంది. కానీ సామాజిక మాధ్యమాల వినియోగంతో తక్షణమే ఫిర్యాదును సంబంధిత ఆధారాలతో అందజేయవచ్చు.
 
 ఈ నేపథ్యంలో జిల్లాలోని ఐఏఎస్, ఐపీఎస్ అధికారులు సోషల్ నెట్‌వర్కింగ్ సైట్లలో ప్రత్యేక ఖాతాలు తెరిచి ప్రజలకు అందుబాటులోకి తెస్తున్నారు. ఇప్పటికే వాటిని వినియోగంలోకి తెచ్చిన పలువురు అధికారులు.. సరైన ఆధారాలు సమర్పించి ప్రభుత్వానికి సహకరించే వారికి రివార్డులు సైతం ఇస్తున్నారు.
 
 పాలనకు సాంకేతిక పరిజ్ఞానం జోడించిన అధికారులు
 * అక్రమాలకు చెక్ పెట్టేందుకు సరికొత్త వ్యూహం
 * వాట్సప్, మెయిల్స్ ద్వారా ఫిర్యాదుల స్వీకరణ
 * ఆధారాలు పంపినవారికి రివార్డులు
 సాక్షి, రంగారెడ్డిజిల్లా: శాంతిభద్రతల అంశంలో సత్వరం స్పందించేందుకు గ్రామీణ పోలీసు విభాగం సామాజిక మాద్యమబాట పట్టింది. ఏదైనా సంఘటనకు సంబంధించి బాధితులు, ప్రత్యక్ష సాక్షులు ఫొటోలు, వీడియోలు లేదా వాయిస్ మెసేజ్ చేసిన మరుక్షణమే రంగంలోకి దిగేందుకు ఉపక్రమించింది. మెసేజ్ వచ్చిన మరుక్షణమే బాధితులకు సాయం అందించడంతోపాటు కారకులపై చట్టపరమైన చర్యలకు దిగుతామని ఎస్పీ శ్రీనివాస్ స్పష్టం చేశారు.
  వాట్సప్ నంబర్లు: 80083 84500, 80083 84600
  
 రాజధానికి ఆనుకుని జిల్లా ఉండడంతో రెవెన్యూ పరమైన సమస్యలు సైతం అధికంగా ఉంటాయి. విలువైన ప్రభుత్వ భూములను కబ్జాదారులనుంచి కాపాడేందుకు జిల్లా యంత్రాంగం నడుం బిగించింది. సాంకేతిక పరిజ్ఞానంతో అక్రమార్కుల భరతం పట్టడానికి జాయింట్ కలెక్టర్-1 రజత్‌కుమార్ సైనీ సామాజిక మాద్యమాన్ని ఎంచున్నారు. వాట్సప్, ఈ- మెయిల్‌తో అక్రమాలకు ముకుతాడు వేయాలని నిర్ణయించి.. ప్రజలకు వాట్సాప్ నంబర్‌ను, మెయిల్ ఐడీని అందుబాటులోకి తెచ్చారు. వీటిద్వారా సమాచారమిచ్చిన వెంటనే యంత్రాంగం స్పందించి అక్రమార్కులపై ఉక్కుపాదం మొపనున్నట్లు పేర్కొన్నారు. త్వరలో ఫేస్‌బుక్ ఖాతాను కూడా తెరువనున్నట్లు ఆయన వెల్లడించారు.
 వాట్సప్ నంబర్: 98499 04205
  
 ప్రజా పంపిణీ వ్యవస్థ, వైద్య, ఆరోగ్యం, విద్య తదితర కీలక విభాగాల్లో అక్రమాలను అరికట్టేందుకు జాయింట్ కలెక్టర్ -2 కాట ఆమ్రపాలి వాట్సాప్‌ను అందుబాటులోకి తెచ్చారు. ప్రభుత్వ విభాగాల్లో పారదర్శకతే లక్ష్యంగా సామాజిక మాద్యమాన్ని వినియోగిస్తున్నారు. అంతేకాకుండా ఈమెయిల్ ఐడీకి సైతం సమాచారం ఇచ్చేలా ఏర్పాటు చేశారు.
 వాట్సప్ నంబర్ : 90005 44132
  
 ఇసుక అక్రమ రవాణాతో ప్రభుత్వ ఆదాయానికి గండి పడుతున్న నేపథ్యంలో ఈ అక్రమాల్ని అరికట్టేందుకు వికారాబాద్ సబ్‌కలెక్టర్ అలగు వర్షిణి కూడా వాట్సాప్‌ను వినియోగిస్తున్నారు. అంతేకాకుండా అక్రమాలపై ఆధారాలను పోస్ట్ చేసే వారికి తగిన బహుమతులు సైతం ఇవ్వనున్నట్లు ప్రకటించారు.
 వాట్సప్ నంబర్ : 98499 04208
  
 రాష్ట్ర సరిహద్దు ప్రాంతమైన తాండూరులో అక్కడి పోలీస్ విభాగం వాట్సప్, ఫేస్‌బుక్ ఖాతాలను ప్రజలకు అందుబాటులోకి తెచ్చింది. ఇటీవల తాండూరు ఏఎస్పీగా బాధ్యతలు స్వీకరించిన చందనదీప్తి.. ఈవ్‌టీజింగ్, మట్కా, జూదం, ఇసుక అక్రమ రవాణా తదితర చట్ట వ్యతిరేక కార్యకలాపాలను అరికట్టేందుకు వాట్సాప్ ద్వారా ఫిర్యాదులు స్వీకరించనున్నట్లు ప్రకటించారు. సమాచారం ఇచ్చిన వారి వివరాలు గోప్యంగా ఉంచుతామని హామీ ఇచ్చారు.
 వాట్సప్ నంబర్: 9440627353


 కీలక పోస్టుల భర్తీకి మార్గం సుగమం
 జేసీ, ఐటీడీఏ పీవోలుగా కొత్త వారు..
 బెల్లంపల్లి ఏఎస్పీ బి.భూషణ్‌కు     స్థానచలనం అనివార్యం
 కొలిక్కి వచ్చిన ఏఐఎస్ అధికారుల కేటాయింపు
  
 సాక్షి ప్రతినిధి, ఆదిలాబాద్ : కొత్త రాష్ట్రం.. నూతన సంవత్సరంలో కొత్త అధికారులు కొలువు దీరనున్నారు. అఖిల భారత సర్వీసు (ఏఐఎస్) అధికారుల విభజన ప్రక్రియ ఓ కొలిక్కి రావడంతో జిల్లా ఉన్నతాధికార పోస్టుల్లో పలు మార్పులు చోటు చేసుకోనున్నాయి. ఖాళీగా ఉన్న రెండు కీలక పదవులు జాయింట్ కలెక్టర్, ఐటీడీఏ ప్రాజెక్టు అధికారి పోస్టుల భర్తీకి ఎట్టకేలకు మార్గం సుగమం కానుంది.
 
 అలాగే పోలీసు శాఖకు సంబంధించి బెల్లంపల్లి అదనపు ఎస్పీ భాస్కర్ భూషణ్‌ను ఆంధ్రాకు కేటాయించడంతో ఆయన బదిలీ అనివార్యం కానుంది. బీహార్ రాష్ట్రానికి చెందిన ఈ ఐపీఎస్ అధికారి ఆంధ్రప్రదేశ్‌కు ఆప్షన్ ఇచ్చారు. ఈ మేరకు కేంద్రం ఆయనను ఆంధ్రప్రదేశ్‌కు కేటాయించింది. పక్షం రోజుల్లో ఆయనకు బదిలీ ఉత్తర్వులు అందనున్నాయి. ఐటీడీఏ పీవోగా ఉన్న జనార్దన్ నివాస్‌ను కేంద్రం ఏపీకి కేటాయించింది. కేరళ రాష్ట్రానికి చెందిన ఈ ఏఐఎస్ అధికారి ఆంధ్రాలో పనిచేసేందుకు ఆప్షన్ ఇచ్చారు.
 
 దీంతో ఆయన అటునుంచి అటే బదిలీపై వెళ్లనున్నారు. కలెక్టర్‌గా ఎం.జగనోహ్మన్, ఆసిఫాబాద్ సబ్‌కలెక్టర్ ప్రశాంత్‌పాటిల్, ఎస్పీ తరుణ్‌జోషిని కేంద్రం తెలంగాణకే కేటాయించింది. అటవీ శాఖ ఆదిలాబాద్ కన్జర్వేటర్‌గా ఉన్న ఐఎఫ్‌ఎస్ అధికారి టీపీ తిమ్మారెడ్డిని కూడా కేంద్రం మన రాష్ట్రానికే కేటాయించింది. వీరంతా తెలంగాణలో పనిచేసేందుకు ఆప్షన్ ఇచ్చిన విషయం విదితమే.
 
 కీలక పోస్టుల భర్తీకి గ్రీన్‌సిగ్నల్..
 జిల్లా పాలనలో ఎంతో కీలకమైన జాయింట్ కలెక్టర్ పోస్టు నాలుగు నెలలుగా ఖాళీగా ఉంది. ఇన్నాళ్లు ఏఐఎస్ అధికారుల విభజన జరగకపోవడంతో ఈ పోస్టు భర్తీకి అడ్డంకులు ఎదురయ్యాయి. ఇక్కడ జే సీగా పనిచేసిన బి.లక్ష్మీకాంతం ఆంధ్రాకు చెం దిన వారు కావడంతో అక్టోబర్‌లో బదిలీపై వెళ్లిపోయారు. అప్పటి నుంచి ప్రభుత్వం కొత్త వారిని నియమించలేదు. కలెక్టర్ ఎం.జగన్మోహన్‌నే ఇన్‌చార్జి జేసీగా బాధ్యతలు నిర్వర్తిస్తున్నారు. ఏఐఎస్ అధికారుల విభజన కొలిక్కి రావడంతో ఈ పోస్టు భర్తీ కానుంది.
 
 ఇన్నాళ్లు జాయింట్ కలెక్టర్ గా పనిచేసేందుకు రాష్ట్ర ఉన్నతాధికారులెవరూ ఆసక్తి చూ పకపోవడంతో భర్తీకి నోచుకోలేదు. కాగా జిల్లా పాలన సజావుగా సాగడంలో ఎంతో కీలకమైన జేసీ పోస్టును భర్తీ చేయకపోవడంతో పౌరసరఫరాలు, భూ కేసుల పరిష్కా రం, భూసేకరణ, భూ సంస్కరణలు వంటి కీలకమైన బా ధ్యతల భారం కలెక్టర్‌పైనే పడింది. దీనికితోడు ప్రభుత్వం సమగ్ర కుటుంబసర్వే, ఆసరా పింఛన్లు, ఆహార భద్రతా కార్డుల జారీ వంటి సంక్షేమ పథకాల అమలును సమీక్షించడంలో సమస్యలు ఏర్పడ్డాయి.
 
 ఐటీడీఏ పీవో..
 ఆదివాసీ సంక్షేమ పథకాలు అమలు ఐటీడీఏ ఆరు నెలలు గా ఇన్‌చార్జి పాలనలోనే మగ్గుతోంది. రెగ్యులర్ పీవో లేకపోవడంతో ఐటీడీఏ పాలన అస్తవ్యస్థంగా తయారైంది. పీవోగా పనిచేసిన జనార్దన్ నివాస్ జూన్ 8నుంచి దీర్ఘకాలిక సెలవుల్లో ఉన్నారు. ప్రతినెలా ఆయన తన సెలవును పొడగించుకుంటూ వస్తున్నారు. ఇన్‌చార్జి పీవోగా ఆసిఫాబాద్ సబ్ కలెక్టర్ ప్రశాంత్ పాటిల్ వ్యవహరిస్తున్నారు. ఇప్పుడు ఉన్నతాధికారుల విభజన కొలిక్కి రావడంతో ఈ పోస్టులో ప్రభుత్వం కొత్తవారిని నియమించనుంది. కొత్త అధికారుల నియామకాల్లో ముఖ్యమంత్రి కేసీఆర్ మార్కు కనిపించడం ఖాయమనే అభిప్రాయం వ్యక్తమవుతోంది.


 హైదరాబాద్: తెలంగాణ రాష్ట్రంలో పలువురు ఐపీఎస్ అధికారులను బదిలీ చేశారు. రాష్ట్ర ప్రభుత్వం మంగళవారం ఈ మేరకు ఉత్తర్వులు జారీ చేసింది.
 
 హైదరాబాద్ క్రైం అడిషనల్ కమిషనర్గా ఐజీగా స్వాతి లక్రాను, పోలీస్ ట్రైనింగ్ కాలేజీ ఐజీగా సందీప్ సాండిల్యను, నిజామాబాద్ ఎస్పీగా ఎస్ చంద్రశేఖర్ రెడ్డిని నియమించారు.


 ఐదుగురు అటు..ఐదుగురు ఇటు
 ప్రధాని సంతకం చేస్తే నేటి రాత్రికే పూర్తిస్థాయి జాబితా విడుదల
  
  సాక్షి, హైదరాబాద్: ఆంధ్ర ప్రదేశ్, తెలంగాణ రాష్ట్రాలకు రోస్టర్ బ్యాండ్ పద్ధతిలో ప్రత్యూష్ సిన్హా కమిటీ చేసిన ఐపీఎస్ అధికారుల కేటాయింపుల్లో స్వల్ప మార్పులు చేసినట్లు విశ్వసనీయంగా తెలిసింది. ఈ జాబితాను కేంద్ర ప్రభుత్వ అధీనంలోని డీవోపీటీ ఖరారు చేసింది. ఈ ఫైలును సోమవారం ప్రధాని కార్యాలయానికి పంపనుందని సమాచారం. గతంలో ఆంధ్రప్రదేశ్‌కు కేటాయించిన వీకే సింగ్, మురళీకృష్ణ, రవివర్మ, సౌమ్య మిశ్రా, ఎన్.శ్రీనివాసుల్ని తెలంగాణకు మార్చినట్లు తెలిసింది. తెలంగాణకు కేటాయించిన సంతోష్ మెహ్రా, జె.ప్రభాకర్, పీవీఎస్ రామకృష్ణ, కృపానంద్ త్రిపాఠీ ఉజేలా, ఎల్‌కేవీ రంగారావులను ఆంధ్రప్రదేశ్‌కు మార్చినట్లు తెలిసింది. ప్రధాని సంతకం చేస్తే సోమవారం రాత్రికే పూర్తిస్థాయి జాబితా విడుదల చేసి, మంగళవారం రిలీవింగ్ ఉత్తర్వులు ఇచ్చే అవకాశం ఉంది.
  


 న్యూఢిల్లీ: ప్రత్యూష్ సిన్హా కమిటీ మంగళవారం సమావేశమై చర్చించింది. ఈ సమావేశానికి ఆంధ్రప్రదేశ్, తెలంగాణ రాష్ట్రాల ప్రధాన కార్యదర్శులు హాజరయ్యారు.
 
 ఇరు రాష్ట్రాలకు ఐఏఎస్, ఐపీఎస్ అధికారుల పంపిణీకి సంబంధించి అధికారుల నుంచి వచ్చిన అభ్యంతరాలపై చర్చించారు. ప్రస్తుత జాబితాపై దాదాపు 50 మంది అధికారులు అభ్యంతరం వ్యక్తం చేశారు. ఐఏఎస్, ఐపీఎస్ అధికారుల కేటాయింపుపై ఈ సమావేశంలో తుది నిర్ణయం తీసుకోలేదు. మరోసారి సమావేశమయ్యే అవకాశముంది.


  యథాస్థానంలో ఇరురాష్ట్రాల ప్రధాన కార్యదర్శులు, డీజీపీలు
  సివిల్ సర్వీసెస్ అధికారుల విభజన పూర్తి.. కీలక అధికారుల స్థానం పదిలం
  డెరైక్ట్ రిక్రూటీల్లో 15 మంది ఆంధ్రా ఐఏఎస్‌లు తెలంగాణకు..
  రాష్ట్రానికి మరో ఐదుగురు డీజీపీ స్థాయి అధికారులు
  ఈ నెల 29లోగా అభ్యంతరాల స్వీకరణ... 2న ప్రత్యూష్ సిన్హా కమిటీ తుది భేటీ
  ప్రధానికి నివేదిక, ఆమోదం తర్వాత అమలు
  
  సాక్షి, న్యూఢిల్లీ/హైదరాబాద్:
  అఖిల భారత సర్వీస్ అధికారుల విభజన ఎట్టకేలకు పూర్తయింది. తీవ్ర ఉత్కంఠ రేపిన ఈ వ్యవహారంలో అనూహ్య మలుపుల అనంతరం ఐఏఎస్, ఐపీఎస్, ఐఎఫ్‌ఎస్ అధికారుల తుది కేటాయింపు జరిగింది. ఏ రాష్ట్రాల సీఎస్, డీజీపీలు ఆయా రాష్ట్రాలకే వెళ్లారు. సివిల్ సర్వీసెస్ అధికారుల విభజన కోసం ఏర్పాటైన ప్రత్యూష్ సిన్హా కమిటీ శుక్రవారం ఇక్కడి కేంద్ర హోం శాఖ కార్యాలయంలో ఈ కసరత్తును పూర్తిచేసింది. తెలంగాణ సీఎస్ రాజీవ్ శర్మ, ఏపీ సీఎస్ ఐ.వై.ఆర్.కృష్ణారావు తదితరులు కూడా ఈ ప్రక్రియలో పాల్గొన్నారు. రాత్రి 9 గంటలకు అధికారుల కేటాయింపు జాబితాను వెల్లడించారు. దీనిపై ఈ నెల 29లోగా అభ్యంతరాలు స్వీకరించనున్నట్టు సమాచారం. వీటి ఆధారంగా సెప్టెంబర్ 2న జరిగే సమావేశంలో తుది జాబితాను రూపొందించి ప్రధాని నరేంద్ర మోడీకి పంపనున్నారు. ఆయన ఆమోదం లభించిన వెంటనే ఈ కేటాయింపులు అమల్లోకి వస్తాయి. వాస్తవానికి ఐఏఎస్, ఐపీఎస్ అధికారుల కేటాయింపు తెలంగాణ రాష్ట్రం నుంచి ప్రారంభమవుతుందని ఈ నెల 16న జరిగిన లాటరీ ప్రకారం ప్రత్యూష్ సిన్హా కమిటీ నిర్ణయించింది.
 
 అయితే ఆఖరి క్షణంలో మారిన రోస్టర్ బ్యాండ్ విధానాన్ని తెరపైకి తేవడంతో అధికారుల కేటాయింపు ఆంధ్రప్రదేశ్ నుంచి ప్రారంభమైంది. రోస్టర్ విధానం ద్వారానే ఆయా అధికారులు ఇచ్చిన ఆప్షన్లకు అనుగుణంగా తాజా కేటాయింపులు జరిపారు. దీంతో ఇరు రాష్ట్రాల్లో ప్రస్తుతం కీలక స్థానాల్లో ఉన్న అధికారులు అలాగే కొనసాగే అవకాశం ఏర్పడింది. సీఎస్ రాజీవ్ శర్మ, డీజీపీ అనురాగ్ శర్మ రాష్ట్రానికే దక్కారు. కాగా, కొందరు ప్రిన్సిపల్ సెక్రటరీ స్థాయి అధికారులు కూడా ఏపీ నుంచి తెలంగాణ కేడర్‌కు మారారు. డెరైక్ట్ రిక్రూటీల్లో ఆంధ్రాకు ఎంపికైన వారిలో 15 మంది అధికారులు ప్రస్తుతం తెలంగాణకు వచ్చారు. భార్యాభర్తలుగా ఉన్న పలువురు ఐఏఎస్‌లలో మెజారిటీ అధికారులు ఇరు రాష్ట్రాలకు వెళ్లడం విశేషం. ఈ మేరకు కేంద్ర ప్రభుత్వంలోని డిపార్ట్‌మెంట్ ఆఫ్ పర్సనల్ అండ్ ట్రైనింగ్(డీవోపీటీ) విభాగం తన వెబ్‌సైట్‌లో వివరాలు పొందుపరిచింది. ఏ రాష్ట్రానికి ఏ అధికారిని కేటాయించారు, అందుకు అనుసరించిన రోస్టర్ పద్దతితోపాటు, పలువురు అధికారులు సీల్డ్‌కవర్లలో ఇచ్చిన ఆప్షన్ల వివరాలను అందులో ఉంచారు.
 
 ఆఖరి నిమిషంలో రోస్టర్ విధానం పాటించడంతో పలువురు ఆశించిన రాష్ట్రానికి కాకుండా పొరుగు రాష్ట్రానికి కేటాయించారు. ఐఏఎస్‌లకు సంబంధించి ఉమ్మడి రాష్ట్రంలో మొత్తం 374 పోస్టులు ఉండగా 294 మంది అధికారులు మాత్రమే పనిచేస్తున్నారు. ఇందులో నేరుగా రిక్రూట్ అయిన వారు 191 మంది ఉంటే.. 103 మంది రాష్ట్ర కేడర్ నుంచి ఐఏఎస్‌లుగా పదోన్నతి పొందిన వారున్నారు. డెరైక్ట్ రిక్రూటీల్లో ఆంధ్రాకు 108 మందిని, తెలంగాణకు 83 మందిని కేటాయించారు. పదోన్నతి పొందిన వారిలో 57 మందిని ఏపీకి, 46 మందిని తెలంగాణకు కేటాయించారు. ఏపీ కేడర్‌కే చెందినప్పటికీ తెలంగాణకు కేటాయించిన అధికారుల్లో డాక్టర్ పీవీ రమేష్, సుదర్శన్‌రెడ్డి, శాంతికుమారి, ఆర్.హనుమంతు. దానకిషోర్, ఎల్‌వీ సుబ్రమణ్యం. జేఎస్‌వీ ప్రసాద్  తదితరులు ఉన్నారు. కాగా నిథిమ్‌కు వెళ్లినప్పుడు తెలంగాణ ఉద్యోగులు అడ్డుకున్న చందనాఖన్ ఇప్పుడు తెలంగాణ కేడర్‌కే వచ్చారు. తెలంగాణ నుంచి పదోన్నతిలో ఐఏఎస్‌లుగా ఎంపికైన 51 మందిలో ఐదుగురిని ఆంధ్రాకు కేటాయించారు. వీరిలో విజయకుమార్, శశిధర్, ఇంతియాజ్, శ్రీధర్ ఉన్నారు. అదే సమయంలో డీజీపీ అనురాగ్‌ర్మతో పాటు డీజీపీ హోదాలో ఉన్న టిపిదాస్, అబ్దుల్ ఖయ్యూం ఖాన్, వాసన్, కోడెదుర్గాప్రసాద్, అరుణా బహుగుణలను కూడా తెలంగాణకు కేటాయించారు.
 
 ఇక ప్రస్తుతం ఏపీ ఇంటెలిజెన్స్ చీఫ్‌గా ఉన్న ఏఆర్ అనురాధను తెలంగాణకు, ఏపీలోనే గ్రేహైండ్స్ చీఫ్‌గా ఉన్న ఆమె భర్త ఎన్‌వి సురేంద్రబాబును ఆంధ్రప్రదేశ్‌కు కేటాయించారు. దీంతో వీరిద్దరూ వేర్వేరు రాష్ట్రాలకు వెళ్లాల్సి వస్తోంది. ఇక ఐపీఎస్ సోదరులు అవినాష్ మహంతిని తెలంగాణకు, అతని సోదరుడు అభిషేక్ మహంతిని ఏపీకి కేటాయించారు. కాగా రాష్ట్రంలోనే ఉండాలని ఆప్షన్ ఇచ్చిన రాష్ట్ర ఇంటెలిజెన్స్ విభాగం ఐజీ మహేష్ భగవత్, రాష్ట్ర హోంశాఖ స్పెషల్  సెక్రటరీ సౌమ్య మిశ్రాలను ఏపీకి కేటాయించారు. అలాగే రాష్ట్ర జైళ్ల శాఖ డీజీ వికె సింగ్‌ను కూడా ఏపీకి మార్చారు. కాగా సీనియర్ ఐపీఎస్‌లు రాజీవ్ త్రివేదితో పాటు మరికొందరు ఐపీఎస్‌లు వారు కోరుకున్నట్లే తెలంగాణకు దక్కారు. మొత్తం మీద రాష్ట్ర విభజన సమయంలో తెలంగాణకు తాత్కాలికంగా  కేటాయించిన 31 మంది ఐపీఎస్ అధికారుల్లో చాలా వరకు రాష్ట్రేతర ఐపీఎస్‌లు ఏపీ కేడర్‌లోకి వెళ్లారు. కాగా ఆంధ్రప్రదేశ్ రాష్ట్రానికి భవిష్యత్తులో కాబోయే డీజీపీలుగా పోలీసు వర్గాలు భావిస్తున్న కోడె దుర్గాప్రసాద్, ఎకె ఖాన్‌లు తెలంగాణ రాష్ట్రానికి కేటాయించడం చర్చనీయాంశమైంది. అలాగే తెలంగాణ రాష్ట్రాన్ని కోరుకున్న ప్రస్తుత ఏసీబీ డెరైక్టర్ కుమార్ విశ్వజిత్‌ను ఏపీకి కేటాయించారు. పలు జిల్లాల ఎస్పీలు కూడా ఏపీకి వెళ్లాల్సి వస్తోంది.
 ఐపీఎస్‌ల కేటాయింపు ఇలా...
  తెలంగాణకు..
  రాష్ట్రేతరులు (అన్ రిజర్వుడ్)
  టి.పి.దాస్, ఎన్.ఆర్.వాసన్,  అనురాగ్‌శర్మ,  సుదీప్ లక్టాకియా, రాజీవ్ త్రివేది, ప్రభాకర్‌అలోకా, ఎ.ఆర్.అనురాధా, సంతోష్ మెహ్రా, ఉమేష్ షరాఫ్, రవి గుప్తా, రాజీవ్ రతన్, జితేందర్, సందీప్ శాండిల్యా, వినాయక్‌ఆప్టే, శిఖా గోయల్, కృపానంద ఉజాలా, రితూ మిశ్రా, దేవేంద్ర సింగ్ చౌహాన్, విక్రమ్ సింగ్‌మన్, అకున్ సబర్వాల్, తరుణ్ జోషీ, వి.జి.దుగ్గల్, తఫ్సీర్ ఇక్బాల్, అంబర్ కిశోర్‌జా, సంప్రీత్ సింగ్, ఎస్.ఎం.విజయ్‌కుమార్, ఎస్.విష్ణు,
  
 రాష్ట్రేతరులు (ఓబీసీ): వి.సి.సజ్జనార్, ఎస్‌కే జైన్, షానవాజ్ ఖాసీం, బి.జ్యోయల్ డేవిస్, ఆర్.భాస్కరన్,
 రాష్ట్రేతరులు (ఎస్సీ): సత్యానారాయణ్, గోవింద్, అనిల్‌కుమార్, రాజేశ్వరి, కాల్మేశ్వర్
 రాష్ట్రేతరులు (ఎస్టీ): బి.ఎల్.మీనా,  స్వాతి లక్డా, కార్తికేయన్
 రాష్ట్రానికి చెందిన డెరైక్ట్ ఐపీఎస్‌లు (జనరల్)
 అరుణబహుగుణ, కె.దుర్గాప్రసాద్, ఎ.కె.ఖాన్, తేజ్‌దీప్ కౌర్ మీనన్, మహేందర్‌రెడ్డి, జె.పూర్ణచందర్‌రావు, సి.వి.ఆనంద్, ఎ.శ్రీనివాసరెడ్డి, వి.శ్రీధర్‌రెడ్డి, చారు సిన్హా, వై.నాగిరెడ్డి, అవినాశ్ మహంతి, ఎన్.ప్రకాశ్ రెడ్డి
  ఓబీసీ: స్టీఫెన్ రవీంద్ర, నవీన్‌కుమార్, విశ్వజిత్ కంపాటి
  
  ఎస్సీ: ఇ.కృష్ణప్రసాద్ , ఎం.గోపీకృష్ణ, ఆర్.ఎస్.ప్రవీణ్‌కుమార్, బి.చందన, ఎం.చేతన
  కన్ఫర్డ్ ఐపీఎస్‌లు: వి.నవీన్ చంద్, ఎం.కె.సింగ్, కె.వేణుగోపాల్‌రావు, బి.మల్లారెడ్డి, శశిధర్‌రెడ్డి, వై.గంగాధర్, డి.సుధీర్‌బాబు, ప్రభాకర్‌రావు, ప్రమోద్‌కుమార్, ఎన్.శివశంకర్‌రెడ్డి, బి.రవీందర్, వి.శివకుమార్, వీవీ కమలాసన్‌రెడ్డి, ఎస్.చంద్రశేఖర్‌రెడ్డి, ఎ.ఆర్.శ్రీనివాస్, పి.విశ్వప్రసాద్, ఎం.రమేశ్, ఎస్.జె.జనార్దన్, ఎ.వి.రంగనాథ్, బి.సుమతి, ఎ.వెంకటేశ్వరరావు
  
  (ఆంధ్రా ప్రాంతానికి చెందిన డెరైక్ట్ ఐపీఎస్ వి.వి.శ్రీనివాసరావును.. కన్ఫర్డ్ ఐపీఎస్‌లైన బి.సత్యనారాయణ,  కె.రమేశ్‌నాయుడు, ఎల్.కె.వి.రంగారావు, జె.ప్రభాకర్‌రావు, పి.మునిస్వామి, పి.వి.ఎస్.రామకృష్ణ, ఎం.శివప్రసాద్, ఆర్.బి.నాయక్, సూర్యనారాయణలను తెలంగాణకు కేటాయించారు.)
  
 ఆంధ్రప్రదేశ్‌కు వీరు..
 రాష్ట్రేతరులు (అన్ రిజర్వుడ్)
 అశోక్‌ప్రసాద్, ఎస్‌ఎ హుడా, వివేక్ దుబే, భూపతిబాబు, ఈష్ కుమార్, వీఎస్‌కే కౌముది, ఆర్‌పీ ఠాకూర్, వినయ్‌రంజన్, వీకే సింగ్, టి.ఎ.త్రిపాఠి, కె.ఆర్.ఎం.కిశోర్‌కుమార్, అంజనీకుమార్, అంజనా సిన్హా, హసన్‌రేజా, హెచ్.కె.గుప్తా, మహేష్ దీక్షిత్, అమిత్ గార్గ్, అభిలాష, సౌమ్య మిశ్రా, కుమార్ విశ్వజిత్, ఎస్.పి.బాగ్చి, మహేష్ చంద్ర లడ్డా, మనీష్‌కుమార్‌సిన్హా, నవీన్ గులాటీ, శ్యామ్ సుందర్, ఎస్‌ఎస్ త్రిపాఠి, శేముషి, భాస్కర్‌భూషణ్, ఆర్.డి.శర్మ, అభిషేక్ మహంతి, వరుణ్. బి.ఆర్, ఎ.ఎన్.అస్మి, ఐశ్వర్య రస్తోగి.. కాగా.. అతుల్‌సింగ్, భావనా సక్సేనాలను ఎవరికీ కేటాయించలేదు.
  రాష్ట్రేతరులు (ఓబీసీ): భాగవత్, విజయ్‌కుమార్, రాజేశ్‌కుమార్, ఆర్.జయలక్ష్మి, ఎస్ సెంథిల్‌కుమార్, అంబురాజన్, కె.శశికుమార్
  రాష్ట్రేతరులు (ఎస్సీ): టి.కృష్ణరాజు, నళినీ ప్రభాత్, ఎ.రవిశంకర్, అనిల్‌కుమార్, నవ్‌దీప్‌సింగ్, విశాల్ గున్ని, సిద్ధార్థ్ కౌశల్
  రాష్ట్రేతరులు (ఎస్టీ): గౌతం సావంగ్, ఆర్.కె.మీనా, వినీత్ బ్రిజ్‌లాల్, ఫకీరప్ప
  రాష్ట్రానికి చెందిన వారు (జనరల్)..
  జె.వి.రాముడు, ఎన్.సాంబశివరావు, మాలకొం డయ్య, ఎన్.వి.సురేంద్రబాబు, ఎ.బి.వెంకటేశ్వర్రావు, తిరుమలరావు, మాదిరెడ్డి ప్రతాప్, కె.బి.రాజేంద్రనాథ్‌రెడ్డి, ఎం.బాలసుబ్రమణ్యం, మధుసూదన్‌రెడ్డి, కె.రఘురాంరెడ్డి, ఎ.రవికృష్ణ, జి.భూపాల్, కె.ప్రవీణ్, బి.ఎస్.యశుబాబు, వెంకటఅప్పలనాయుడు
  ఓబీసీ: ఎన్.సంజయ్, కాంతిరాణా టాటా, త్రివిక్రమ వర్మ, గోపీనాథ్, బాహుజీ అట్టాడా
  ఎస్టీలు: వి.ప్రసాదరావు, ఎస్.వెంకటరమణ మూర్తి, పి.వి.సునిల్‌కుమార్, సి.హెచ్.శ్రీకాంత్, విజయరావు
  కన్ఫర్డ్ ఐపీఎస్‌లు: వే ణుగోపాలకృష్ణ, జి.సూర్యప్రకాశరావు, బి.శ్రీనివాసులు, ఉమాపతి, ఇ.దామోదర్, బి.బాల కృష్ణ, అబ్రహం లింకన్, సుందర్‌కుమార్‌దాస్, యోగానంద్, కె.వెంకటేశ్వరరావు, పి.మురళీ కృష్ణ, ఎ.రవిచంద్ర, డి.రామకృష్ణ, షేక్ మహ్మద్ ఇక్బాల్, కాంతారావు, కె.బి.వి.గోపాలరావు, వి.వి.రమణకుమార్, పి.హరికుమార్, సి.ఎస్.ఆర్.కె.ఎల్.ఎన్.రాజు, ఎం.నాగన్న, సి.రవివర్మ, ఎ.ఎస్.ఖాన్, జె.సత్యనారాయణ, జి.శ్రీనివాస్, డి.నాగేంద్రకుమార్, ఎ.సత్యనారాయణ, టి.రవికుమార్ మూర్తి, కె.కోటేశ్వరరావు, పి.వెంకట్రామిరెడ్డి, జి.పి.రాజు, జి.వి.జి. అశోక్‌కుమార్, జి.విజయ్‌కుమార్, హరికృష్ణ, ఎం.రవిప్రకాశ్, ఎస్.వి.రాజశేఖర్‌బాబు, కె.వి.మోహన్‌రావు, పీహెచ్‌డీ రామకృష్ణ, ఎం.శ్రీనివాసులు, శ్యాంప్రసాద్‌రావు
  (తెలంగాణ ప్రాంతానికి చెందిన డెరైక్ట్ ఐపీఎస్‌లు పి.ఎస్.ఆర్.ఆంజనేయులు, బి.రాజకుమారిలను ఏపీకి కేటాయించారు)
  
  ఐఏఎస్‌ల పంపకాలు ఇలా..
  ఏపీకి కేటాయించిన ఆంధ్రా ప్రాంత డెరైక్ట్ ఐఏఎస్‌లు
  జనరల్ కేటగిరీ.. 20 మంది
  ఐ.వి.సుబ్బారావు, ఐ.వై.ఆర్.కృష్ణారావు, చిర్రావురి విశ్వనాథ్, రమేశ్‌కుమార్ నిమ్మగడ్డ, టి.విజయ్‌కుమార్, ఎల్.సుబ్రమణ్యం, అజయ్ కల్లాం, ఆర్.సుబ్రమణ్యం, డి.సాంబశివరావు, ఎ.గిరిధర్, కె.ఎస్.జవహర్‌రెడ్డి, జి.సాయిప్రసాద్, కె.విజయానంద్, ఎం.టి.కృష్ణబాబు, శ్రీకాంత్ నాగులపల్లి, భాస్కర్ కాటమనేని, వినయ్‌చంద్,  నారాయణ భరత్ గుప్తా, అమ్రపాలి కటా, విజయరామరాజు
  
  ఓబీసీ కేటగిరీ.. ఆరుగురు
  ఎం.రవిచంద్ర, జె.శ్యామలరావు, ముత్యాల రాజు, కె.వి.ఎన్.చక్రధరబాబు, మల్లికార్జున, యశ్‌షన్ మోహన్
  
  ఎస్సీ కేటగిరీలో.. 9 మంది
  వి.శాంబాబ్, ఎ.విద్యాసాగర్, డి.శ్రీనివాస్, ప్రవీణ్‌కుమార్.కె, బి.రాజశేఖర్, కాంతిలాల్ దండే, కోన శశిధర్, హరికిరణ్, జి.చంద్రుడు
  ఎస్టీ కేటగిరీలో.. ఇద్దరు
  ఎం.ఎం.నాయక్, జి.ఎస్.పాండదాస్
  ఏపీ డెరైక్ట్ ఐఏఎస్‌లలో 6గురు
  
  తెలంగాణకు..
  ఆంధ్రా ప్రాంతానికి చెందిన డెరైక్ట్ ఐఏఎస్‌లలో... జనరల్ కేటగిరీలో ఎ.శాంతకుమారి, ఓబీసీ కేటగిరీలో సుదర్శన్‌రెడ్డి, రాజీవ్‌గాంధీ హనుమంతు, ఎస్సీ కేటగిరీలో వెంకటరమేశ్‌బాబు, దానకిశోర్, ఎస్టీ కేటగిరీలో జె.రామానంద్‌లను తెలంగాణకు కేటాయించారు.
  
  ఏపీకి కేటాయించిన ఆంధ్రా ప్రాంత కన్ఫర్డ్ ఐఏఎస్‌లు
  ఎల్.ప్రేమచంద్రారెడ్డి, కె.మధుసూదన్‌రావు, ఎం.వి.సత్యనారాయణ, వై.వి.అనురాధ, బి.ఉదయలక్ష్మి, దమయంతి, డి.కాడ్మియల్, బి.ఉషారాణి, ఐ.శ్రీనివాస్, కె.రాంగోపాల్, కె.వాణీప్రసాద్, బి.రామాంజనేయులు, కె.సునీత, జి.వాణీమోహన్, డి.వరప్రసాద్, రామశంకర్‌నాయక్, బి.శ్రీధర్, విజయ్‌కుమార్, కె.ఎస్.శ్రీనివాస్‌రాజు,  కె.ఆర్.ఇ.హెచ్.ఎన్.చక్రవర్తి, గిరిజాశంకర్, జి.రవిబాబు, విజయమోహన్, ఎన్.కృష్ణ, కె.వి.రమణ, వెంకట్రామిరెడ్డి, పి.లక్ష్మినర్సింహులు, ఎన్.జగన్నాథం, శామ్యూల్ ఆనంద్‌కుమార్, కరుణ, కె.వి.సత్యనారాయణ, అరుణ్‌కుమార్, ఎం.పద్మ, పి.ఉషాకుమారి, పి.ఎ.శోభ, హర్షవర్థన్.కె, పి.భాస్కర్, ఎం.హరి జవహర్‌లాల్, పి.బాబురావునాయుడు, ఎం.రామారావు, కె.శారదాదేవి, ధనుంజయరెడ్డి, జె.మురళి, సీహెచ్ శ్రీధర్, ఎం.వి.శేషగిరిబాబు, డి.మురళీధర్‌రెడ్డి, లక్ష్మీకాంతం, కె.కన్నబాబు, ఎస్.సత్యనారాయణ, బి.బసంత్‌కుమార్, బి.రామారావు, సూర్యకుమారి, రేఖారాణి, డాక్టర్ సి.శ్రీధర్, ఎ.మహ్మద్ ఇంతియాజ్, పి.కోటేశ్వరరావు, ఎం.ప్రశాంతి
  
  తెలంగాణకు కేటాయించిన ఆ ప్రాంత డెరైక్ట్ ఐఏఎస్‌లు
  జనరల్ కేటగిరీలో..: లక్ష్మీ పి.భాస్కర్, సి.వి.వెంకటరమణ, ఎం.జి.గోపాల్, వినోద్‌కుమార్ అగర్వాల్, వి.నాగిరెడ్డి, జె.రేమండ్ పీటర్, పుష్పా సుబ్రమణ్యం, జె.ఎస్.వి.ప్రసాద్, వై.శ్రీలక్ష్మి,  కె.రామకృష్ణారావు, సవ్యసాచి ఘోష్, శైలజారామయ్యార్, స్మితాసబర్వాల్, కె.శశాంక, శ్రీజనాజి
  
  ఓబీసీల్లో..: బి.వెంకటేశం, ఎన్.శ్రీధర్
  ఎస్సీ కేటగిరీలో..: ఎ.ప్రదీప్‌చంద్ర, వై.రాణి కౌముదిని, రాహుల్‌బొజ్జా, హరిచందన దాసరి, శివశంకర్
  తెలంగాణకు కేటాయించిన ఆ ప్రాంత కన్ఫర్డ్ ఐఏఎస్‌లు.. 45 మంది వి.అరవింద్‌రెడ్డి, బి.వెంకటేశ్వరరావు, శివశంకర్, జగదీశ్వర్, పార్థసారథి, వి.ఎన్.విష్ణు, ఆర్.వి.చంద్రవదన్, జి.డి.అరుణ, బి.అనిల్‌కుమార్, బి.జనార్ధన్‌రెడ్డి, ఎల్.శశిధర్, వెంకట్రామిరెడ్డి, ఎ.అశోక్, ఎం.వీరబ్రహ్మయ్య, అనితా రాజేంద్ర, సయ్యద్ ఒమర్‌జలీల్, ఎం.జగన్‌మోహన్, దినకర్ బాబు, జి.కిషన్, ఎం.రఘునందన్‌రావు, టి.చిరంజీవులు, జి.డి.ప్రియదర్శిని, టి.విజయకుమార్, పి.సత్యనారాయణరెడ్డి, ఇ.శ్రీధర్, మహ్మద్ అబ్దుల్ అజీం, టి.కె.శ్రీదేవి, బి.బాల మాయాదేవి, అనితారామచంద్రన్, కె.నిర్మల, ఎల్.శర్మన్, పార్వతీ సుబ్రమణ్యన్, ఎ.శరత్, ఎం.చంపాలాల్, ఆకునూరి మురళి, బి.భారతీ లక్‌పతీ నాయక్, బి.విజయేంద్ర, కె.వై.నాయక్, పి.వెంకట్రామిరెడ్డి, కె.సురేంద్రమోహన్, డాక్టర్ ఎం.వి.రెడ్డి, డి.వెంకటేశ్వరరావు, ఏపీ దేవసేన, ఎం.సత్యనారాయణ, ఎ.అరవిందర్‌సింగ్.
 తెలంగాణ ప్రాంతానికి చెందిన కన్ఫర్డ్ ఐఏఎస్ అయిన బి.కిశోర్‌ను ఏపీకి కేటాయించారు.


 న్యూఢిల్లీ: ఆంధ్రప్రదేశ్, తెలంగాణ రాష్ట్రాలకు ఐఏఎస్, ఐపీఎస్ అధికారుల బదిలీ ప్రక్రియ పూర్తయ్యింది. కేంద్ర ప్రభుత్వం రెండు రాష్ట్రాలకు అధికారులను కేటాయించింది.  
 
 కేంద్రం ఈ జాబితాను వెబ్సైట్లో ఉంచింది. ఆంధ్రప్రదేశ్కు 147, తెలంగాణకు 114 మంది అధికారులను కేంద్రం కేటాయించింది.


 రెండు రాష్ట్రాల నుంచి పంపుతున్న అధికారుల సంఘం
  సాక్షి, హైదరాబాద్ : రాష్ట్ర విభజన నేపథ్యంలో అఖిల భారత సర్వీసు అధికారుల పంపకాన్ని ప్రత్యూష సిన్హా కమిటీ శనివారం చేపడుతోంది. దీన్ని పరిశీలించేందుకు రెండు రాష్ట్రాల నుంచి అధికారుల్ని పంపాల్సిందిగా ఐపీఎస్ అధికారుల సంఘాన్ని కమిటీ కోరింది. ఈ ప్రతినిధి బృందాన్ని ఎంపిక చేసేందుకు సంఘం బుధవారం తెలంగాణ డీజీపీ కార్యాలయంలోని సమావేశ మందిరంలో భేటీ అయింది. తాత్కాలిక కేటాయింపుల్లో ఆంధ్రప్రదేశ్, తెలంగాణల్లో పని చేస్తున్న ఐదుగురిని ఎంపిక చేసింది. క్యాడర్ కేటాయింపులో రోస్టర్ విధానాన్ని అవలంభిస్తున్న కమిటీ సీనియర్ నుంచి జూనియర్ వరకు జాబితా రూపొందిస్తుంది.కేటాయింపు ఏ రాష్ట్రం నుంచి ప్రారంభంకావాలనే అంశాన్ని టాస్ ద్వారా నిర్ణయిస్తారు. ఈ టాస్ ప్రక్రియను పరిశీ లించేందుకు రెండు రాష్ట్రాలకు చెందిన ఐపీఎస్ అధికారులు శివధర్‌రెడ్డి, విశ్వనాథ రవీందర్, ఉమేష్ షరాఫ్, మాలకొండయ్య, స్వాతిలక్రాలను పంపాలని అధికారుల సంఘం నిర్ణయించింది.


 * సీఐలు, ఎస్‌ఐల పనితీరుపై కూడా..
 * సీనియర్ ఐపీఎస్‌లతో ఆకస్మిక తనిఖీలు
 * పోలీసు పని విధానంలో సమగ్ర మార్పులు
 * ఉన్నతస్థాయిలో రూపుదిద్దుకుంటున్న ప్రణాళికలు
  
 సాక్షి, హైదరాబాద్: రాష్ట్రంలో పోలీసు పనివిధానంలో సమగ్ర మార్పులు తీసుకొచ్చే దిశగా ముందుకెళ్తున్న సర్కారు.. మరో కీలకమైన నిర్ణయం తీసుకుంది. తెలంగాణలోని వివిధ పోలీస్‌స్టేషన్లకు చెందిన సీఐలు, ఎస్‌ఐల పనితీరుపై మదింపు జరపాలని నిర్ణయించింది.  ప్రతి పోలీస్‌స్టేషన్ పనితీరుపై కూడా నెలవారీగా సమీక్షలు జరపాలని యోచిస్తోంది. ఇందుకు అవసరమైన కార్యాచరణకు డీజీపీ మెరుగులు దిద్దుతున్నారు. పోలీసుపని విధానంలో సమగ్ర మార్పులు తీసుకురావాలని ప్రభుత్వం నిర్ణయించింది. ముఖ్యంగా ‘పీపుల్స్ ఫ్రెండ్లీ’ పోలీసు విధానానికి అనుగుణంగా మార్చాలని యోచిస్తోంది.
  
  ఈ నేపథ్యంలోనే పోలీస్‌స్టేషన్లతోపాటు పోలీసు అధికారులు, సిబ్బంది పని విధానంపై ప్రతినెలా మదింపు చేయాలని ఉన్నతాధికారులు భావిస్తున్నారు. ఎన్ని కేసులు నమోదవుతున్నాయి? ఎన్ని కేసులపై వెంటనే చర్యలు తీసుకున్నారు? ఎన్ని కేసులు దర్యాప్తు పూర్తి కావడానికి ఎంత సమయం పడుతోంది? అందుకు కారణాలేమిటనే అంశాలపై  ఎస్పీలు, సబ్ డివిజనల్ అధికారుల నుంచి నివేదిక తెప్పించుకుని దానిని డీజీపీకి పంపించేలా చర్యలు తీసుకోబోతున్నారు. దీనివల్ల ఆయా పోలీస్‌స్టేషన్లకు చెందిన ఇన్‌స్పెక్టర్లు, ఎస్‌ఐలు జాగ్రత్తగా పనిచేయడమే కాకుండా కిందిస్థాయి సిబ్బంది పనితీరుపై కన్నేసి ఉంచడానికి వీలవుతుందని చెబుతున్నారు. అలాగే స్టేషన్‌కు వచ్చిన ప్రతి ఫిర్యాదును నమోదు చేసి విచారణ జరిపేలా ఆదేశాలు ఇవ్వనున్నారు. ఇప్పటికే ఈ నిబంధన ఉన్నప్పటికీ,  కొన్ని నేరాలకు సంబంధించిన ఫిర్యాదులు తీసుకోకుండా దర్యాప్తు అధికారులు వేధిస్తున్నారనే ఆరోపణలు ఉన్నాయి. ఇలాంటి పరిస్థితిని దూరం చేయడానికి రెండు మూడు నెలలకోసారి డీజీపీ ప్రధాన కార్యాలయం నుంచి సీనియర్ ఐపీఎస్ అధికారులు కొన్ని పోలీస్‌స్టేషన్‌లను ఆకస్మిక తనిఖీ చేసేలా కార్యాచరణ రూపొందిస్తున్నారు. నగరాల్లో పోలీసు కమిషనర్లు, జిల్లాల్లో రేంజ్ డీఐజీలు, రీజియన్ ఐజీలతో..కొన్ని సందర్భాల్లో డీజీపీ కూడా ఆకస్మిక తనిఖీ చేయాలని భావిస్తున్నారు.
  
  ఆశించిన ఫలితాలను పొందలేకపోతున్న పోలీస్‌స్టేషన్లపై సమీక్ష జరిపి, సమస్యలను పరిష్కరించడం ద్వారా పరిస్థితి చక్కదిద్దే ప్రయత్నాలు చేయనున్నారు. ఇక ప్రతి పోలీస్‌స్టేషన్‌ను మూడు నాలుగు సెక్టార్లుగా విభజించి ఎస్‌ఐలకు సెక్టార్ బాధ్యతలను అప్పగించనున్నారు. మంచి పోలీసు స్టేషన్లకు పురస్కారాలు కూడా ఇవ్వనున్నారు. వాస్తవానికి ఇప్పటికే ఈ విధానం అమలులో ఉంది. దీనికి సంబంధించిన సమగ్ర కార్యాచరణను పోలీసు ఉన్నతాధికారులు.. త్వరలోనే ముఖ్యమంత్రి చంద్రశేఖరరావుకు సమర్పించనున్నారు.


 కేంద్రం నోటిఫికేషన్‌ను సవాలు చేస్తూ అధికారుల వ్యాజ్యం
 
  సాక్షి, హైదరాబాద్: ఆంధ్రప్రదేశ్, తెలంగాణ రాష్ట్రాలకు ఐపీఎస్ అధికారులను కేటాయిస్తూ కేంద్రం జారీ చేసిన నోటిఫికేషన్‌ను సవాలు చేస్తూ 1997 బ్యాచ్‌కు చెందిన సీనియర్ ఐపీఎస్ అధికారులు సయ్యద్‌అన్వరుల్ హుడా, టి.పి.దాస్‌లు గురువారం కేంద్ర పరిపాలన ట్రిబ్యునల్ (క్యాట్)లో అనుబంధ పిటిషన్ దాఖలు చేశారు. అధికారుల కేటాయింపుకు సంబంధించి కేంద్ర ప్రభుత్వం ఇచ్చిన నోటిఫికేషన్‌ను సవాలు చేయకుండా.. కేవలం రాష్ట్ర నోటిఫికేషన్‌ను సవాలు చేయడం సరికాదంటూ గత విచారణ సమయంలో తెలంగాణ అడ్వొకేట్ జనరల్ కె.రామకృష్ణారెడ్డి అభ్యంతరాలు లేవనెత్తిన సందర్భంలో, వారు ఈ అనుబంధ పిటిషన్ దాఖలు చేశారు.
  
 కేంద్రం పది రోజుల్లో వివరాలివ్వాలి
 ఇదిలావుంటే.. ఆంధ్రప్రదేశ్, తెలంగాణ రాష్ట్రాలకు ఏ ప్రతిపాదికన ఐపీఎస్ అధికారులను కేటాయించారో, అందుకు అనుసరించిన విధానం ఏమిటో చెప్పాలని ఆదేశాలు జారీ చేసి వారందాటినా కూడా కేంద్రం ఎటువంటి వివరాలు అందచేయకపోవడంపై క్యాట్ ధర్మాసనం తీవ్ర అసహనం వ్యక్తం చేసింది. పది రోజుల్లో తాము కోరిన వివరాలను తమ ముందుంచి తీరాలని కేంద్రానికి హుకుం జారీ చేసింది. ఒకవేళ పది రోజుల్లో వివరణ రాని పక్షంలో తాము తుది విచారణ చేపడతామని తేల్చి చెప్పింది. ఈ మేరకు గురువారం ఉత్తర్వులు జారీ చేసింది.