ద హండ్రెడ్‌ లీగ్‌-2025లో మాంచెస్టర్‌ ఒరిజినల్స్‌ రెండో విజయం నమోదు చేసింది. నిన్న (ఆగస్ట్‌ 17) నార్త్రన్‌ సూపర్‌ ఛార్జర్స్‌తో జరిగిన మ్యాచ్‌లో 57 పరుగుల తేడాతో గెలుపొందింది. ఈ మ్యాచ్‌లో మాంచెస్టర్‌ ఆటగాళ్లు జోస్‌ బట్లర్‌, హెన్రిచ్‌ క్లాసెన్‌, రచిన్‌ రవీంద్ర ధనాధన్‌ ఇన్నింగ్స్‌లు ఆడారు.బట్లర్‌ (45 బంతుల్లో 64 నాటౌట్‌; 5 ఫోర్లు, 4 సిక్సర్లు), క్లాసెన్‌ (25 బంతుల్లో 50 నాటౌట్‌; 4 ఫోర్లు, 4 సిక్సర్లు) మెరుపు అర్ద సెంచరీలు సాధించగా.. రచిన్‌ రవీంద్ర (14 బంతుల్లో 31; 6 ఫోర్లు) బౌండరీల వర్షం కురిపించాడు. వీరి ధాటికి తొలుత బ్యాటింగ్‌ చేసిన మాంచెస్టర్‌ నిర్ణీత 100 బంతుల్లో 3 వికెట్ల నష్టానికి 171 పరుగుల భారీ స్కోర్‌ చేసింది. మాంచెస్టర్‌ ఇన్నింగ్స్‌లో మరో విధ్వంసకర ఆటగాడు ఫిల్‌ సాల్ట్‌ (9) నిరుత్సాహరచగా.. మెక్‌కిన్నీ 11 పరుగులు చేశాడు. సూపర్‌ ఛార్జర్స్‌ బౌలర్లలో మాథ్యూ పాట్స్‌ 2, మిచెల్‌ సాంట్నర్‌ ఓ వికెట్‌ పడగొట్టారు.బేకర్‌ హ్యాట్రిక్‌అనంతరం భారీ లక్ష్య ఛేదనకు దిగిన సూపర్‌ ఛార్జర్స్‌.. మాంచెస్టర్‌ బౌలర్ల ధాటికి 87 బంతుల్లో 114 పరుగులకే కుప్పకూలింది. సోన్నీ బేకర్‌ హ్యాట్రిక్‌ వికెట్లతో చెలరేగి మాంచెస్టర్‌ గెలుపులో కీలకపాత్ర పోషించాడు. బేకర్‌ వరుస (రెండు ఓవర్లలో) బంతుల్లో డేవిడ్‌ మలాన్‌, టామ్‌ లాస్‌, జేకబ్‌ డఫీలను ఔట్‌ చేశాడు.మరో పేసర్‌ జోష్‌ టంగ్‌ కూడా 3 వికెట్లతో రాణించాడు. రచిన్‌ రవీంద్ర, నూర్‌ అహ్మద్‌ తలో 2 వికెట్లు తీసి సూపర్‌ ఛార్జర్స్‌ ఇన్నింగ్స్‌ను మట్టుబెట్టారు. సూపర​్‌ ఛార్జర్స్‌ తరఫున డేవిడ్‌ మిల్లర్‌ (38) టాప్‌ స్కోరర్‌గా కాగా.. జాక్‌ క్రాలే (16), డేవిడ్‌ మలాన్‌ (19), హ్యారీ బ్రూక్‌ (11), మిచెల్‌ సాంట్నర్‌ (12) రెండంకెల స్కోర్లు చేశారు.

పురుషుల హండ్రెడ్‌ లీగ్‌ చరిత్రలో అత్యధిక స్కోర్‌ నమోదైంది. నిన్న (ఆగస్ట్‌ 16) వెల్ష్‌ ఫైర్‌తో జరిగిన మ్యాచ్‌లో డిఫెండింగ్‌ ఛాంపియన్స్‌ ఓవల్‌ ఇన్విన్సిబుల్స్‌ ఈ ఘనత సాధించింది. ఈ మ్యాచ్‌లో ఇన్విన్సిబుల్స్‌ నిర్ణీత 100 బంతుల్లో 4 వికెట్ల నష్టానికి 226 పరుగుల రికార్డు స్కోర్‌ చేసింది.ఇన్విన్సిబుల్స్‌ చారిత్రక స్కోర్‌ సాధించడానికి జోర్డన్‌ కాక్స్‌ ‍ప్రధాన కారకుడు. కాక్స్‌ 29 బంతుల్లో 10 సిక్సర్లు, 3 ఫోర్ల సాయంతో అజేయమైన 86 పరుగులు సాధించాడు. అజీత్‌ డేల్‌ వేసిన ఓ ఓవర్‌లో వరుసగా 4 సిక్సర్లు బాదాడు. ఇన్విన్సిబుల్స్‌ ఇన్నింగ్స్‌లో విల్‌ జాక్స్‌ (38), ముయేయే (33), సామ్‌ కర్రన్‌ (34), డొనోవన్‌ ఫెరియెరా (18) కూడా మెరుపు ఇన్నింగ్స్‌లు ఆడారు. ఫలితంగా ఇన్విన్సిబుల్స్‌ లీగ్‌ చరిత్రలోనే అత్యధిక స్కోర్‌ నమోదు చేసింది. గతంలోనూ ఈ రికార్డు ఇన్విన్సిబుల్స్‌ (208) పేరిటే ఉండేది. తాజాగా ఇన్విన్సిబుల్స్‌ తమ రికార్డును తామే బద్దలు కొట్టుకుంది. రికార్డు స్కోర్‌ చేసిన అనంతరం ఇన్విన్సిబుల్స్‌ లక్ష్యాన్ని సునాయాసంగా కాపాడుకుంది. టామ్‌ కర్రన్‌ (18-8-15-4), బెహ్రెన్‌డార్ఫ్‌ (15-7-20-3) చెలరేగి బౌలింగ్‌ చేసి వెల్ష్‌ ఫైర్‌ను 93 బంతుల్లో 143 పరుగులకే ఆలౌట్‌ చేశారు. జానీ బెయిర్‌స్టో (28 బంతుల్లో 50; 5 ఫోర్లు, 3 సిక్సర్లు) మెరుపు హాఫ్‌ సెంచరీతో చెలరేగినా ఎలాంటి ప్రయోజనం లేకుండా పోయింది. లూక్‌ వెల్స్‌ (29), టామ్‌ కొహ్లెర్‌ (31) ఓ మోస్తరు స్కోర్లు చేశారు.

‘ది హండ్రెడ్‌ మెన్స్‌ కాంపిటీషన్‌-2025’ (The Hundred)లో నార్తర్న్‌ సూపర్‌చార్జర్స్‌ (Northern Superchargers) జైత్రయాత్ర కొనసాగుతోంది. గత మ్యాచ్‌లో సదరన్‌ బ్రేవ్‌ జట్టుపై గెలుపొందిన బ్రూక్‌ బృందం.. తాజాగా బర్మింగ్‌హామ్‌ ఫీనిక్స్‌ (Birmingham Phoenix)ను కూడా చిత్తు చేసింది. తద్వారా పాయింట్ల పట్టికలో అగ్రస్థానానికి ఎగబాకింది.డేవిడ్‌ మలన్‌ అర్ధ శతకంలీడ్స్‌లోని హెడింగ్లీ మైదానంలో శుక్రవారం రాత్రి జరిగిన మ్యాచ్‌లో టాస్‌ గెలిచిన బర్మింగ్‌హామ్‌ జట్టు.. సూపర్‌చార్జర్స్‌ను బ్యాటింగ్‌కు ఆహ్వానించింది. ఈ క్రమంలో ఓపెనర్లు జాక్‌ క్రాలే (23 బంతుల్లో 45), డేవిడ్‌ మలన్‌ (34 బంతుల్లో 58) మెరుపు ఇన్నింగ్స్‌తో సూపర్‌చార్జర్స్‌కు శుభారంభం అందించారు.బ్రూక్‌ ధనాధన్‌ఇక వన్‌డౌన్‌లో వచ్చిన వికెట్‌ కీపర్‌ బ్యాటర్‌ మైకేల్‌ పెప్పర్‌ (21 బంతుల్లో 28) ఫర్వాలేదనిపించగా.. నాలుగో స్థానంలో బ్యాటింగ్‌ చేసిన కెప్టెన్‌ హ్యారీ బ్రూక్‌ ధనాధన్‌ ఇన్నింగ్స్‌తో దుమ్ములేపాడు. కేవలం 14 బంతుల్లోనే రెండు ఫోర్లు, రెండు సిక్సర్ల సాయంతో 31 పరుగులతో ఆఖరి వరకు అజేయంగా నిలిచాడు.I see the most craziest shot in 100 tournament.. harry brook 🔥pic.twitter.com/gUIEFuH6DT— Navaldeep Singh (@NavalGeekSingh) August 16, 2025 మరోవైపు.. డాన్‌ లారెన్స్‌ (7 బంతుల్లో 15) బ్రూక్‌తో కలిసి వేగంగా ఆడాడు. ఈ క్రమంలో నిర్ణీత 100 బంతుల్లో నార్తర్న్‌ సూపర్‌చార్జర్స్‌ ఐదు వికెట్లు నష్టానికి ఏకంగా 193 పరుగులు చేసింది. బర్మింగ్‌హామ్‌ బౌలర్లలో క్రిస్‌ వుడ్‌ రెండు వికెట్లు తీయగా.. ట్రెంట్‌ బౌల్ట్‌, టిమ్‌ సౌథీ, కెప్టెన్‌ లియామ్‌ లివింగ్‌స్టోన్‌ ఒక్కో వికెట్‌ దక్కించుకున్నారు.ఇక సూపర్‌చార్జర్స్‌ విధించిన 194 పరుగుల లక్ష్యాన్ని ఛేదించే క్రమంలో.. బర్మింగ్‌హామ్‌ ఫీనిక్స్‌ 157 పరుగులకే పరిమితమైంది. సూపర్‌చార్జర్స్‌ బౌలర్లు మాథ్యూ పాట్స్‌ (3/26), జేకబ్‌ డఫీ (2/31), ఆదిల్‌ రషీద్‌ (2/26), టామ్‌ లావెస్‌ (2/23) విబృంభణ కారణంగా.. 100 బంతుల్లో తొమ్మిది వికెట్ల నష్టానికి 157 పరుగులే చేసింది. ఫలితంగా 36 పరుగుల తేడాతో ఓటమిపాలైంది.జేకబ్‌ బెతెల్‌ మెరుపులు వృథాబర్మింగ్‌హామ్‌ ఫీనిక్స్‌ టాపార్డర్‌ విల్‌ స్మీడ్‌ (1), బెన్‌ డకెట్‌ (11), జో క్లార్క్‌ (13) పూర్తిగా విఫలం కాగా.. కెప్టెన్‌ లివింగ్‌స్టోన్‌ (31 బంతుల్లో 46), జేకబ్‌ బెతెల్‌ (23 బంతుల్లో 48) జట్టును ఆదుకునే ప్రయత్నం చేశారు. అయితే, మిగతా వారి నుంచి సహకారం అందకపోవడంతో సూపర్‌చార్జర్స్‌ చేతిలో బర్మింగ్‌హామ్‌కు ఓటమి తప్పలేదు.కాగా ఆగష్టు 5న మొదలైన హండ్రెడ్‌ లీగ్‌లో నార్తర్న్‌ సూపర్‌చార్జర్స్‌ ఇప్పటికి నాలుగు మ్యాచ్‌లు ఆడి మూడు గెలిచింది. తద్వారా 12 పాయింట్లతో పట్టికలో అగ్రస్థానంలో కొనసాగుతోంది. సన్‌ గ్రూపునకు చెందిన, కావ్యా మారన్‌ నాయకత్వంలోని ఐపీఎల్‌ ఫ్రాంఛైజీ సన్‌రైజర్స్‌ హైదరాబాద్‌కు ఇది సిస్టర్‌ ఫ్రాంఛైజీ అన్న విషయం తెలిసిందే.ఎనిమిది జట్లుమరోవైపు.. బర్మింగ్‌హామ్‌ ఫీనిక్స్‌ ఆడిన నాలుగింటిలో మూడు ఓడి పట్టికలో ఏడో స్థానంలో ఉంది. ఇక మాంచెస్టర్‌ ఒరిజినల్స్‌ అట్టడుగున ఎనిమిదో స్థానంలో ఉంది. ​కాగా హండ్రెడ్‌ లీగ్‌లో నార్తర్న్‌ సూపర్‌చార్జర్స్‌, ఓవల్‌ ఇన్విసిబుల్స్‌, సదరన్‌ బ్రేవ్‌, ట్రెంట్‌ రాకెట్స్‌, లండన్‌ స్పిరిట్‌, వెల్ష్‌ ఫైర్‌, బర్మింగ్‌హామ్‌ ఫీనిక్స్‌, మాంచెస్టర్‌ ఒరిజినల్స్‌ పేరిట మొత్తం ఎనిమిది జట్లు పాల్గొంటున్నాయి.చదవండి: ENG vs SA: వన్డే, టీ20లకు ఇంగ్లండ్‌ జట్టు ప్రకటన.. ఆ సిరీస్‌కు కెప్టెన్‌గా జేకబ్‌

ఇంగ్లండ్‌ స్టార్‌ ఆటగాడు జోస్‌ బట్లర్‌ ఇటీవల చనిపోయిన తన తండ్రి జాన్‌ బట్లర్‌కు ఓ అపూర్వ కానుక ఇచ్చాడు. హండ్రెడ్‌ లీగ్‌లో చేసిన రికార్డు హాఫ్‌ సెంచరీని తండ్రికి అంకితమిచ్చాడు. తండ్రి మరణం తీవ్రంగా కలచి వేస్తున్నప్పటికీ హండ్రెడ్‌ లీగ్‌లో ఆడుతున్న జోస్‌ (మాంచెస్ట‌ర్ ఒరిజిన‌ల్స్‌).. తాజాగా వెల్ష్‌ ఫైర్‌పై మెరుపు అర్ద సెంచరీ చేశాడు.ఈ ఫీట్‌ సాధించిన అనంతరం జోస్‌ తండ్రిని స్మరించుకుంటూ.. "నాన్నా, ఇది నీ కోసమే" అన్నట్లు బ్యాట్‌ను ఆకాశానికెత్తి చూపాడు. ఈ సీన్లు క్రికెట్‌ అభిమానులను కదలించాయి. బట్లర్‌ తన తండ్రిని ఎంత మిస్‌ అవుతాన్నాడో వ్యక్తపరిచాయి.కొద్ది రోజుల కిందటే జోస్‌ తన తండ్రి మరణ వార్తను సోషల్‌మీడియా వేదికగా షేర్‌ చేశాడు. రెస్ట్ ఇన్ పీస్ డాడ్‌, మాకు ప్ర‌తిదీ ఇచ్చినందుకు ధ‌న్య‌వాదాలు అంటూ త‌ండ్రితో క‌లిసి ఉన్న ఫోటోను ఇన్‌స్టా స్టోరీలో పోస్ట్ చేశాడు.అనంతరం ఆగస్టు 9న ఓవల్ ఇన్విన్సిబుల్స్‌తో జరిగిన మ్యాచ్‌లో మాంచెస్టర్‌ ఒరిజినల్స్‌ సభ్యులంతా నల్లటి ఆర్మ్ బ్యాండ్‌లు ధరించి జోస్‌ తండ్రి మృతికి నివాళులు అర్పించారు. అయితే ఆ మ్యాచ్‌లో జోస్‌ నాలుగు బంతులాడి డ‌కౌట్‌గా వెనుదిరిగాడు.రికార్డు హాఫ్‌ సెంచరీతాజాగా వెల్ష్‌ ఫైర్‌పై జోస్‌ చేసిన హాఫ్‌ సెంచరీ (34 బంతుల్లో 57; 6 ఫోర్లు, 2 సిక్సర్లు) రికార్డుపుటల్లోకెక్కింది. ఈ హాఫ్‌ సెంచరీ జోస్‌కు టీ20ల్లో 94వది. దీంతో జోస్‌ పొట్టి క్రికెట్‌లో అత్యధిక హాఫ్‌ సెంచరీలు చేసిన ఆటగాళ్ల జాబితాలో పాక్‌ ఆటగాడు బాబర్‌ ఆజమ్‌ను వెనక్కు నెట్టి మూడో స్థానానికి ఎగబాకాడు. వెల్ష్‌ ఫైర్‌తో మ్యాచ్‌లో జోస్‌ హాఫ్‌ సెంచరీతో మెరిసిరా తన జట్టును గెలిపించలేకపోయాడు. ఈ మ్యాచ్‌లో ఒరిజినల్స్‌ 25 పరుగుల తేడాతో పరాజయంపాలైంది. జోస్‌ రికార్డు హాఫ్‌ సెంచరీ వృధా అయిపోయింది. టీ20ల్లో అత్యధిక హాఫ్‌ సెంచరీలు చేసిన టాప్‌-5 ఆటగాళ్లు..డేవిడ్‌ వార్నర్‌: 113 అర్ద సెంచరీలు (418 ఇన్నింగ్స్‌)విరాట్ కోహ్లీ: 105 అర్ధ సెంచరీలు (397 ఇన్నింగ్స్)జోస్ బట్లర్: 94 అర్ధ సెంచరీలు (436 ఇన్నింగ్స్)బాబర్ అజామ్: 93 అర్ధ సెంచరీలు (309 ఇన్నింగ్స్)క్రిస్ గేల్: 88 అర్ధ సెంచరీలు (455 ఇన్నింగ్స్)

హండ్రెడ్‌ లీగ్‌లో లండన్‌ స్పిరిట్‌ రెండో విజయం సాధించింది. నిన్న (ఆగస్ట్‌ 14) ట్రెంట్‌ రాకెట్స్‌తో జరిగిన మ్యాచ్‌లో 21 పరుగుల తేడాతో గెలుపొందింది. ఈ మ్యాచ్‌తో కెప్టెన్‌ కేన్‌ విలియమ్సన్‌ ఎట్టకేలకు ఫామ్‌లో వచ్చాడు. తొలి మూడు మ్యాచ్‌ల్లో విఫలమైన కేన్‌ మామ ఈ మ్యాచ్‌లో జట్టుకు ఉపయోగపడే ఇన్నింగ్స్‌ (32 బంతుల్లో 45; 6 ఫోర్లు, సిక్స్‌) ఆడాడు. ఓపెనర్‌గా వచ్చిన జేమీ స్మిత్‌ (34 బంతుల్లో 52; 2 ఫోర్లు, 4 సిక్సర్లు) విధ్వంసకర హాఫ్‌ సెంచరీ బాదాడు. కేన్‌, స్మిత్‌లకు టర్నర్‌ (16 బంతుల్లో 30; 5 ఫోర్లు), ఓలీ పోప్‌ (9 బంతుల్లో 17 నాటౌట్‌; 3 ఫోర్లు) తోడు కావడంతో తొలుత బ్యాటింగ్‌ చేసిన లండన్‌ స్పిరిట్‌ నిర్ణీత 100 బంతుల్లో 5 వికెట్ల నష్టానికి 162 పరుగులు చేసింది. గత రెండు మ్యాచ్‌ల్లో మెరుపు హాఫ్‌ సెంచరీలు చేసిన డేవిడ్‌ వార్నర్‌ (6) ఈ మ్యాచ్‌లో విఫలమయ్యాడు. రాకెట్స్‌ బౌలర్లలో స్టోయినిస్‌ 2, కుక్‌, ఫెర్గూసన్‌, రెహాన్‌ అహ్మద్‌ తలో వికెట్‌ తీశారు.అనంతరం 163 పరుగుల లక్ష్య ఛేదనకు దిగిన రాకెట్స్‌ నిర్ణీత 100 బంతుల్లో 6 వికెట్లు కోల్పోయి 141 పరుగులు మాత్రమే చేయగలిగింది. జేమీ ఓవర్టన్‌ పొదుపుగా (20-10-15-1) బౌలింగ్‌ చేసి రాకెట్స్‌ను కట్టడి చేశాడు. వార్రల్‌, గ్లీసన్‌ తలో 2 వికెట్లు తీయగా.. డాసన్‌ ఓ వికెట్‌ దక్కించుకున్నాడు. రాకెట్స్‌ ఇన్నింగ్స్‌లో టామ్‌ బాంటన్‌ (46), స్టోయినిస్‌ (35 నాటౌట్‌) ఓ మోస్తరు స్కోర్లు చేయగా.. జో రూట్‌ (27), డేవిడ్‌ విల్లే (11) రెండంకెల స్కోర్లు చేయగలిగారు.

పురుషుల హండ్రెడ్‌ లీగ్‌లో కావ్యా మారన్‌ జట్టు నార్త్రన్‌ సూపర్‌ ఛార్జర్స్‌ సంచలన విజయం సాధించింది. నరాలు తెగే ఉత్కంఠ నడుమ నిన్న (ఆగస్ట్‌ 13) సథరన్‌ బ్రేవ్‌తో జరిగిన మ్యాచ్‌లో చివరి బంతికి గెలుపొందింది. గెలుపుకు 5 పరుగులు కావాల్సిన తరుణంలో గ్రహం క్లార్క్‌ నమ్మశక్యం కాని రీతిలో సిక్సర్‌ బాది సూపర్‌ ఛార్జర్స్‌ను గెలిపించాడు. తైమాల్‌ మిల్స్‌ వేసిన స్లో డెలివరీని క్లార్క్‌ అద్భుతంగా ఎగ్జిక్యూట్‌ చేశాడు. GRAHAM CLARK, THE FINISHER IN THE HUNDRED 🥶SUPERCHARGES NEED 5 FROM THE FINAL BALL & GRAHAM CLARK SMASHED A SIX...!!!! pic.twitter.com/BcEEs7sT4q— Johns. (@CricCrazyJohns) August 14, 2025ఈ సిక్సర్‌తో ప్రత్యర్థి హోం గ్రౌండ్‌ ఒక్కసారిగా మూగబోయింది. మైదానం మొత్తం నిశ్శబ్దం ఆవహించింది. ఈ ఓటమితో సథరన్‌ బ్రేవ్‌ వరుసగా విజయాలకు బ్రేక్‌ పడింది.ఈ మ్యాచ్‌లో తొలుత బ్యాటింగ్‌ చేసిన సథరన్‌ బ్రేవ్‌.. లారీ ఇవాన్స్‌ (53), జేమ్స్‌ కోల్స్‌ (49 నాటౌట్‌) రాణించడంతో నిర్ణీత 100 బంతుల్లో 5 వికెట్ల నష్టానికి 139 పరుగులు చేసింది. సూపర్‌ ఛార్జర్స్‌ బౌలర్లలో జేకబ్‌ డఫీ 3, మిచెల్‌ సాంట్నర్‌ 2 వికెట్లు తీశారు.అనంతరం ఓ మోస్తరు లక్ష్య ఛేదనకు దిగిన సూపర్‌ ఛార్జర్స్‌.. ఆది నుంచి క్రమం తప్పకుండా వికెట్లు కోల్పోతూ గెలుపు కష్టమన్నట్లు సాగింది. అయితే గ్రహం క్లార్క్‌ మ్యాచ్‌ స్వరూపాన్నే మార్చేశాడు. కీలక తరుణంలో 24 బంతుల్లో 3 ఫోర్లు, సిక్సర్‌ సాయంతో అజేయమైన 38 పరుగులు చేసి తన జట్టును విజయతీరాలకు చేర్చాడు. అతడికి మిచెల్‌ సాంట్నర్‌ (24) సహకరించాడు. అంతకుముందు జాక్‌ క్రాలే (29), హ్యారీ బ్రూక్‌ (24) ఓ మోస్తరు స్కోర్లు చేసి సూపర్‌ ఛార్జర్స్‌ను మ్యాచ్‌లో ఉంచారు. బ్రేవ్‌ బౌలర్లలో ఓవర్టన్‌ 3, జోఫ్రా ఆర్చర్‌, తైమాల్‌ మిల్స్‌ తలో 2 వికెట్లు తీశారు.

హండ్రెడ్‌ లీగ్‌లో ఇంగ్లండ్‌ విధ్వంసకర ఆటగాడు లియామ్‌ లివింగ్‌స్టోన్‌ ఆకాశమే హద్దుగా చెలరేగిపోయాడు. ఈ లీగ్‌లో బర్మింగ్హమ్‌ ఫీనిక్స్‌కు ప్రాతినిథ్యం వహిస్తున్న అతడు.. నిన్న (ఆగస్ట్‌ 12) ఓవల్‌ ఇన్విన్సిబుల్స్‌తో జరిగిన మ్యాచ్‌లో విధ్వంసం సృష్టించాడు. 27 బంతుల్లో 7 ఫోర్లు, 5 సిక్సర్ల సాయంతో అజేయమైన 69 పరగులు చేసి తన జట్టును గెలపించాడు.ఈ ఇన్నింగ్స్‌లో లివింగ్‌స్టోన్‌ ఇన్విన్సిబుల్స్‌ బౌలర్‌ రషీద్‌ ఖాన్‌పై విచక్షణారాహిత్యంగా విరుచుకుపడ్డాడు. వరుసగా ఐదు బంతుల్లో 4,6,6,6,4 (26 పరుగులు) బాదాడు. ఈ మ్యాచ్‌లో తన కోటా 20 బంతులు వేసిన రషీద్‌.. ఏకంగా 59 పరుగులు సమర్పించుకున్నాడు. 4,6,6,6,4 BY LIAM LIVINGSTONE AGAINST RASHID KHAN 🥶- 26 runs from just 5 balls by the Captain. pic.twitter.com/DioUvlipWk— Johns. (@CricCrazyJohns) August 13, 2025హండ్రెడ్‌ లీగ్‌లో ఇదే అత్యంత ఖరీదైన స్పెల్‌. రషీద్‌ టీ20 కెరీర్‌లోనూ (హండ్రెడ్‌ మ్యాచ్‌లు టీ20లుగా పరిగణించబడతాయి) ఇవే అత్యంత చెత్త గణాంకాలుగా (20-3-59-0) నిలిచాయి. దీనికి ముందు రషీద్‌ చెత్త టీ20 గణాంకాలు 2018 ఐపీఎల్‌లో (పంజాబ్‌ కింగ్స్‌పై 4 ఓవర్లలో 55 పరుగులు) నమోదయ్యాయి.తాజాగా రషీద్‌ నమోదు చేసిన అత్యంత చెత్త గణాంకాలు మ్యాచ్‌ స్వరూపానే మార్చేశాయి. 25 బంతుల్లో 61 పరుగులు చేయాల్సిన తరుణంలో లివింగ్‌స్టోన్‌ విధ్వంసం సృష్టించడంతో మ్యాచ్‌ ఫీనిక్స్‌వైపు తిరిగింది. చివరి ఓవర్‌ (5 బంతులు) తొలి రెండు బంతులకు వికెట్లు కోల్పోయినా బెన్నీ హోవెల్‌ బౌండరీని బాది ఫీనిక్స్‌ను విజయతీరాలకు చేర్చాడు. ఫలితంగా ఆ జట్టు 4 వికెట్ల తేడాతో గెలుపొందింది.ఇన్విన్సిబుల్స్‌ తొలుత బ్యాటింగ్‌ చేసి 180 పరుగుల భారీ స్కోర్‌ చేసినా మ్యాచ్‌ను కాపాడుకోలేకపోయింది. లివింగ్‌స్టోన్‌కు ముందు విల్‌ స్మీడ్‌ (29 బంతుల్లో 51; 5 ఫోర్లు, 4 సిక్సర్లు), జో క్లార్క్‌ (14 బంతుల్లో 27; 2 ఫోర్లు, 2 సిక్సర్లు) కూడా విధ్వంసకర ఇన్నింగ్స్‌లు ఆడి ఫీనిక్స్‌ గెలుపుకు పునాది వేశారు.ONE OF THE CRAZIEST SHOT EVER - THIS IS RASHID KHAN..!!! 🫡 pic.twitter.com/EozpYLhjD2— Johns. (@CricCrazyJohns) August 12, 2025అంతకుముందు ఇన్విన్సిబుల్స్‌.. డొనొవన్‌ ఫెరియెరా (29 బంతుల్లో 63; 4 ఫోర్లు, 6 సిక్సర్లు) మెరుపుల అనంతరం నిర్ణీత 100 బంతుల్లో 8 వికెట్ల నష్టానికి 180 పరుగులు చేసింది. జోర్డన్‌ కాక్స్‌ (30 బంతుల్లో 44; 3 ఫోర్లు, 2 సిక్సర్లు) ఓ మోస్తరు ఇన్నింగ్స్‌ ఆడగా.. ఆఖర్లో రషీద్‌ ఖాన్‌ రెండు భారీ సిక్సర్లతో చెలరేగాడు. ఇందులో ఓ సిక్సర్‌ మ్యాచ్‌ మొత్తానికే హైలైట్‌గా నిలిచింది.

ఆస్ట్రేలియా వెటరన్‌ బ్యాటర్‌ డేవిడ్‌ వార్నర్‌ అంతర్జాతీయ క్రికెట్‌కు వీడ్కోలు పలికినా ప్రైవేట్‌ టీ20 లీగ్‌ల్లో సత్తా చాటుతూనే ఉన్నాడు. వయసు మీద పడుతున్నా (38) వార్నర్‌లో జోరు ఏమాత్రం తగ్గడం లేదు. ప్రస్తుతం ఇంగ్లండ్‌లో జరుగుతున్న హండ్రెడ్‌ లీగ్‌ ఆడుతున్న వార్నర్‌ (లండన్‌ స్పిరిట్‌).. వరుసగా రెండు మ్యాచ్‌ల్లో హాఫ్‌ సెంచరీలు (70 నాటౌట్‌, 71) బాదాడు.మాంచెస్టర్‌ ఒరిజినల్స్‌పై 71 పరుగుల ఇన్నింగ్స్‌ అనంతరం వార్నర్‌ పొట్టి క్రికెట్‌లో ఓ ఘనత సాధించాడు. ఈ ఫార్మాట్‌లో అత్యధిక పరుగులు చేసిన ఆటగాళ్ల జాబితాలో విరాట్‌ కోహ్లిని వెనక్కు నెట్టి టాప్‌-5లోకి (ఐదో స్థానం) చేరాడు. కోహ్లి తన టీ20 కెరీర్‌లో 414 మ్యాచ్‌ల్లో 13543 పరుగులు చేయగా.. వార్నర్‌ 419 మ్యాచ్‌ల్లో 13545 పరుగులు చేసి కోహ్లిని అధిగమించాడు. హండ్రెడ్‌ లీగ్‌లో వార్నర్‌ ఇదే ఫామ్‌ను కొనసాగిస్తే.. టీ20ల్లో అత్యధిక పరుగులు చేసిన ఆటగాళ్ల జాబితాలో రెండో స్థానానికి ఎగబాకే అవకాశం ఉంది. ఈ జాబితాలో క్రిస్‌ గేల్‌ 14562 పరుగులతో (463 మ్యాచ్‌లు) అగ్రస్థానంలో ఉండగా.. కీరన్‌ పోలార్డ్‌, అలెక్స్‌ హేల్స్‌, షోయబ్‌ మాలిక్‌ రెండు, మూడు, నాలుగు స్థానాల్లో ఉన్నారు.వార్నర్‌కు పోలార్డ్‌ స్థానానికి చేరుకోవడానికి 309 పరుగులు.. హేల్స్‌ స్థానానికి చేరుకోవడానికి 269 పరుగులు, షోయబ్‌ మాలిక్‌ స్థానానికి చేరుకోవడానికి కేవలం 16 పరుగులు మాత్రమే కావాలి. హండ్రెడ్‌ లీగ్‌లో మరో మ్యాచ్‌లోనే వార్నర్‌ షోయబ్‌ మాలిక్‌ స్థానానికి చేరుకునే అవకాశం ఉంది.కాగా, ఇటీవలికాలంలో పేలవ ప్రదర్శనలు చేసిన వార్నర్‌.. హండ్రెడ్‌ లీగ్‌తోనే తిరిగి ఫామ్‌లోకి వచ్చాడు. దీనికి ముందు జరిగిన మేజర్‌ లీగ్‌ క్రికెట్‌లో వార్నర్‌ 6 ఇన్నింగ్స్‌ల్లో కేవలం​ 114 పరుగులు మాత్రమే చేశాడు. హండ్రెడ్‌లో వార్నర్‌ రాణిస్తున్నా అతని జట్టు లండన్‌ స్పిరిట్‌ మాత్రం మెరుగైన ప్రదర్శనలు చేయలేకపోతుంది. ఆ జట్టు ఇప్పటివరకు ఆడిన 3 మ్యాచ్‌ల్లో కేవలం ఒక్కటి మాత్రమే గెలిచింది. ఆ మ్యాచ్‌లో కూడా డేవిడ్‌ వార్నరే (70 నాటౌట్‌) ఆ జట్టును విజయతీరాలకు చేర్చాడు.

హండ్రెడ్‌ లీగ్‌ 2025లో చిరకాల మిత్రులు కేన్‌ విలియమ్సన్‌ (న్యూజిలాండ్‌), డేవిడ్‌ వార్నర్‌ (ఆస్ట్రేలియా) ఒకే జట్టుకు ఆడుతున్న విషయం తెలిసిందే. ఈ లీగ్‌లో వీరిద్దరు లండన్‌ స్పిరిట్‌కు ప్రాతినిథ్యం వహిస్తున్నారు. ఈ జట్టుకు విలియమ్సన్‌ కెప్టెన్‌గా వ్యవహరిస్తుండగా.. వార్నర్‌ సాధారణ ఆటగాడిగా కొనసాగుతున్నాడు. ఈ ఇద్దరు లండన్‌ జట్టుకు ఓపెనర్లుగా కూడా ఉన్నారు.ఇంత వరకు అంతా బాగానే ఉంది. అయితే ఈ సీజన్‌లో వార్నర్‌ అంచనాలకు మించి సత్తా చాటుతుండగా.. కేన్‌ మామ మాత్రం వరుసగా విఫలమవుతున్నాడు. గత మ్యాచ్‌లో వెల్ష్‌ ఫైర్‌పై 45 బంతుల్లో 8 ఫోర్లు, 2 సిక్సర్ల సాయంతో అజేయమైన 70 పరుగులు చేసిన వార్నర్‌.. నిన్న (ఆగస్ట్‌ 11) మాంచెస్టర్‌ ఒరిజినల్స్‌తో జరిగిన మ్యాచ్‌లో 51 బంతుల్లో 12 ఫోర్లు, సిక్సర్‌ సాయంతో 71 పరుగులు చేశాడు.విలియమ్సన్‌ విషయానికొస్తే.. తొలి మ్యాచ్‌లో 9, రెండో మ్యాచ్‌లో 14, తాజాగా మూడో మ్యాచ్‌లో 19 పరుగులు చేసి హ్యాట్రిక్‌ వైఫల్యాలు ఖాతాలో వేసుకున్నాడు. వాస్తవానికి విలియమ్సన్‌ ఈ లీగ్‌ ప్రారంభానికి ముందు మంచి ఫామ్‌లో ఉన్నాడు. ఇంగ్లండ్‌లోనే మల్టీ డే ఫార్మాట్‌లో వరుసగా సెంచరీలు బాదాడు. టీ20లకు వచ్చే సరికి విలియమ్సన్‌ పాత బాటనే పట్టాడు.ఈ ఫార్మాట్‌లో అతను కెరీర్‌ ప్రారంభం నుంచి పెద్దగా ఆకట్టుకోలేకపోతున్నాడు. అతను నిదానంగా ఇన్నింగ్స్‌ను నిర్మించడం పొట్టి ఫార్మాట్‌ తీరుకు సరిపొదు. ఓ దశలో ఐపీఎల్‌లో ఫాస్ట్‌గా ఆడటం అలవాటు చేసుకున్నా.. కొద్ది రోజుల్లోనే మొదటికొచ్చాడు. స్లో బ్యాటింగ్‌ తీరు కారణంగా ఐపీఎల్‌ సహా చాలా లీగ్‌ను విలియమ్సన్‌ను పరిగణలోకి తీసుకోవడం లేదు. హండ్రెడ్‌ లీగ్‌ ద్వారా తనను తాను నిరూపించుకునే​ అవకాశం వచ్చినా సద్వినియోగం చేసుకోలేకపోతున్నాడు.మరోపక్క వార్నర్‌ మాత్రం అంతర్జాతీయ కెరీర్‌కు గుడ్‌బై పలికినా పూర్వ వైభవం అందుకున్నాడు. విలియమ్సన్‌తో పోలిస్తే పెద్దవాడైనా వార్నర్‌ ఇంకా టీ20ల్లో సత్తా చాటుతూనే ఉన్నాడు. హండ్రెడ్‌ లీగ్‌లో విలియమ్సన్‌ వైఫల్యాలు ఇలాగే కొనసాగితే అతని టీ20 కెరీర్‌కు పుల్‌ స్టాప్‌ పడటం ఖాయం.మ్యాచ్‌ విషయానికొస్తే.. నిన్న మాంచెస్టర్‌ ఒరిజినల్స్‌తో జరిగిన మ్యాచ్‌లో కేన్‌, వార్నర్‌లు ప్రాతినిథ్యం వహిస్తున్న లండన్‌ స్పిరిట్‌ 10 పరుగుల తేడా పరాజయం పాలైంది. వార్నర్‌ హాఫ్‌ సెంచరీతో సత్తా చాటినా వారి జట్టుకు ఓటమి తప్పలేదు.ఈ మ్యాచ్‌లో తొలుత బ్యాటింగ్‌ చేసిన ఒరిజినల్స్‌ నిర్ణీత 100 బంతుల్లో 6 వికెట్ల నష్టానికి 163 పరుగులు చేసింది. జోస్‌ బట్లర్‌ (46), ఫిల్‌ సాల్ట్‌ (31), మెక్‌కిన్నీ (29), హెన్రిచ్‌ క్లాసెన్‌ (24) ఓ మోస్తరు స్కోర్లు చేశారు.అనంతరం 164 పరుగుల భారీ లక్ష్య ఛేదనకు దిగిన లండన్‌ జట్టుకు వార్నర్‌ శుభారంభం అందించినా మిగతా బ్యాటర్ల నుంచి సహకారం లభించకపోవడంతో ఓటమి తప్పలేదు. ఆ జట్టు నిర్ణీత 100 బంతుల్లో 6 వికెట్ల నష్టానికి 153 పరుగులు మాత్రమే చేయగలిగింది. లండన్‌ స్పిరిట్‌ను సన్నీ బేకర్ (20-10-21-1), జోష్‌ టంగ్‌ (20-9-29-3) దెబ్బకొట్టారు.

ఇంగ్లండ్ స్టార్ బ్యాట‌ర్ జోస్ బ‌ట్ల‌ర్ ఇంట్లో తీవ్ర విషాదం నెల‌కొంది. అత‌డి తండ్రి జాన్ బట్లర్ కన్నుమూశారు. ఈ చేదు వార్త‌ను బ‌ట్ల‌ర్ తాజాగా అభిమానుల‌తో పంచుకున్నాడు. రెస్ట్ ఇన్ పీస్ డాడ్‌, మాకు ప్ర‌తిదీ ఇచ్చినందుకు ధ‌న్య‌వాదాలు అంటూ త‌న నాన్న‌తో క‌లిసి ఉన్న ఫోటోను ఇన్‌స్టా స్టోరీలో బ‌ట్ల‌ర్ పోస్ట్ చేశాడు.అయితే జాన్ బ‌ట్ల‌ర్ మ‌ర‌ణించి దాదాపు వారం రోజులు అయిన‌ట్లు తెలుస్తోంది. ఓ వైపు తండ్రి మ‌ర‌ణం బాధిస్తున్న‌ప్ప‌టికి ది హాండ్ర‌డ్ లీగ్‌లో ఆడుతూ బ‌ట్ల‌ర్ క్రికెట్‌పై త‌న‌కు ఉన్న అంకిత భావాన్ని చాటుకున్నాడు. హాండ్రడ్ లీగ్‌-2025లో మాంచెస్ట‌ర్ ఒరిజిన‌ల్స్‌కు జోస్ ప్రాతినిథ్యం వ‌హిస్తున్నాడు.ఈ టోర్నీలో భాగంగా ఆగస్టు 9న ఓవల్ ఇన్విన్సిబుల్స్‌, మాంచెస్టర్ ఒరిజినల్స్ జ‌ట్లు త‌ల‌ప‌డ్డాయి. ఈ మ్యాచ్‌లో మాంచెస్టర్ ఒరిజినల్స్ జట్టు మొత్తం నల్లటి ఆర్మ్ బ్యాండ్ ధరించి ఆయ‌న మృతికి నివాళులు అర్పించారు. అయితే ఈ మ్యాచ్‌లో బ‌ట్ల‌ర్ నాలుగు బంతులాడి డ‌కౌట్‌గా వెనుదిరిగాడు. ఇక ఈ మ్యాచ్ విష‌యానికి వ‌స్తే.. మాంచెస్టర్ ఒరిజినల్స్ పై ఓవల్ ఇన్విన్సిబుల్స్ 9 వికెట్ల తేడాతో ఘన విజయం సాధించింది.తొలుత బ్యాటింగ్ చేసిన మాంచెస్టర్ ఒరిజినల్స్ నిర్ణీత 100 బంతుల్లో 128 పరుగులకు ఆలౌటైంది. మాంచెస్టర్ బ్యాటర్లలో కెప్టెన్ ఫిల్ సాల్ట్ టాప్ స్కోరర్‌గా నిలిచాడు. ప్రత్యర్ధి జట్టు బౌలర్లలో రషీద్ ఖాన్ మూడు వికెట్లు పడగొట్టి సత్తాచాటాడు. అనంతరం స్పల్య లక్ష్యాన్ని ఓవల్ ఇన్విన్సిబుల్స్ 57 బంతుల్లోనే కేవలం ఒక్క వికెట్ మాత్రమే నష్టపోయి చేధించింది. ఓపెనర్లు విల్ జాక్స్ (61), టవాండా ముయేయే (59) హాఫ్ సెంచరీలతో మ్యాచ్ ఫినిష్ చేశారు.చదవండి: కొత్త కారు కొన్న రోహిత్ శ‌ర్మ.. ఎన్ని కోట్లంటే?

పురుషుల హండ్రెడ్‌ లీగ్‌ 2025లో కావ్యా మారన్‌ జట్టు నార్త్రన్‌ సూపర్‌ ఛార్జర్స్‌ తొలి ఓటమిని ఎదుర్కొంది. నిన్న (ఆగస్ట్‌ 10) ట్రెంట్‌ రాకెట్స్‌తో జరిగిన మ్యాచ్‌లో ఈ జట్టు 5 వికెట్ల తేడాతో పరాజయంపాలైంది. ఈ మ్యాచ్‌లో తొలుత బ్యాటింగ్‌ చేసిన సూపర్‌ ఛార్జర్స్‌ నిర్ణీత 100 బంతుల్లో 9 వికెట్ల నష్టానికి 124 పరుగులు మాత్రమే చేసింది. కెప్టెన్‌ హ్యారీ బ్రూక్‌ (45), గ్రహం క్లార్క్‌ (36) ఓ మోస్తరు స్కోర్లు చేయడంతో సూపర్‌ ఛార్జర్స్‌ ఈ మాత్రం స్కోరైనా చేయగలిగింది. మిగతా ఆటగాళ్లలో మాథ్యూ పాట్స్‌ (12 నాటౌట్‌), మొహమ్మద్‌ ఆమిర్‌ (11 నాటౌట్‌) మాత్రమే రెండంకెల స్కోర్లు చేశారు. జాక్‌ క్రాలే (2), డేవిడ్‌ మలాన్‌ (4), మైఖేల్‌ పెప్పర్‌ (6), డాన్‌ లారెన్స్‌ (2), ఇమాద్‌ వసీ​ం (0), టామ్‌ లాస్‌ (4), ఆదిల్‌ రషీద్‌ (0) దారుణంగా విఫలమయ్యారు. ట్రెంట్‌ రాకెట్స్‌ బౌలర్లలో అకీల్‌ హొసేన్‌, సామ్‌ కుక్‌, రెహాన్‌ అహ్మద్‌, మార్కస్‌ స్టోయినిస్‌ తలో 2 వికెట్లు తీయగా.. ఫెర్గూసన్‌ ఓ వికెట్‌ దక్కించుకున్నాడు.అనంతరం స్వల్ప లక్ష్య ఛేదనకు దిగిన రాకెట్స్‌ 96 బంతుల్లో 5 వికెట్లు కోల్పోయి విజయతీరాలకు చేరింది. టామ్‌ బాంటన్‌ (37), రెహాన్‌ అహ్మద్‌ (31) ఓ మోస్తరు స్కోర్లు చేసి రాకెట్స్‌ను గెలిపించారు. మిగతా ఆటగాళ్లలో జో రూట్‌ 20, మ్యాక్స్‌ హోల్డన్‌ 8, మార్కస్‌ స్టోయినిస్‌ 8 (నాటౌట్‌), ఆడమ్‌ హోస్‌ 5 (నాటౌట్‌) పరుగులు చేశారు. సూపర్‌ ఛార్జర్స్‌ బౌలర్లలో ఇమాద్‌ వసీం 3, ఆదిల్‌ రషీద్‌ 2 వికెట్లు తీశారు.ఈ సీజన్‌లో సూపర్‌ ఛార్జర్స్‌ తమ తొలి మ్యాచ్‌లో వెల్ష్‌ ఫైర్‌పై 8 వికెట్ల తేడాతో ఘన విజయం సాధించి బోణీ కొట్టింది. కాగా, ఈ సీజన్‌కు ముందే కావ్యా మారన్‌ నేతృత్వంలోని సన్‌ గ్రూప్‌ నార్త్రన్‌ సూపర్‌ ఛార్జర్స్‌లోని మొత్తం వాటాను కొనుగోలు చేసింది. ఈ జట్టుతో పాటు హండ్రెడ్‌ లీగ్‌లోని మరో మూడు జట్లను ఐపీఎల్‌ ఫ్రాంచైజీలు కొనుగోలు చేశాయి.

ఇంగ్లండ్‌ విధ్వంసకర ఓపెనర్‌ ఫిల్‌ సాల్ట్‌ సరికొత్త చరిత్ర సృష్టించాడు. హండ్రెడ్‌ లీగ్‌ 1000 పరుగులు సాధించిన తొలి పురుష బ్యాటర్‌గా రికార్డు నెలకొల్పాడు. హండ్రెడ్‌ లీగ్‌ 2025 ఎడిషన్‌లో భాగంగా డిఫెండింగ్‌ ఛాంపియన్స్‌ ఓవల్‌ ఇన్విన్సిబుల్స్‌తో నిన్న (ఆగస్ట్‌ 9) జరిగిన మ్యాచ్‌లో సాల్ట్‌ ఈ ఘనత సాధించాడు. ఈ మ్యాచ్‌లో సాల్ట్‌ (మాంచెస్టర్‌ ఒరిజినల్స్‌).. 32 బంతుల్లో బౌండరీ, 3 సిక్సర్ల సాయంతో 41 పరుగులు చేశాడు.సాల్ట్‌ ఓ మోస్తరు స్కోర్‌తో రాణించినా ఈ మ్యాచ్‌లో అతని జట్టు ఓటమిపాలైంది. తొలుత బ్యాటింగ్‌ చేస్తూ నిర్ణీత 100 బంతుల్లో 128కి ఆలౌటైన ఒరిజినల్స్‌.. ఆతర్వాత లక్ష్యాన్ని కాపాడుకోలేకపోయింది. ఇన్విన్సిబుల్స్‌ కేవలం 57 బంతుల్లోనే లక్ష్యాన్ని ఛేదించింది. విల్‌ జాక్స్‌ (26 బంతుల్లో 61; 10 ఫోర్లు, 2 సిక్సర్లు), తవండ ముయేయే (28 బంతుల్లో 59; 10 ఫోర్లు, సిక్స్‌) విధ్వంసకర ఇన్నింగ్స్‌లు ఆడి ఇన్విన్సిబుల్స్‌ను గెలిపించారు.చెలరేగిన రషీద్‌ ఖాన్‌ఈ మ్యాచ్‌లో ఇన్విన్సిబుల్స్‌ బౌలర్‌ రషీద్‌ ఖాన్‌ చెలరేగిపోయాడు. తన కోటా 20 బంతుల్లో కేవలం 19 పరుగులిచ్చి 3 కీలక వికెట్లు తీశాడు. రషీద్‌ ఖాన్‌తో పాటు ఇన్విన్సిబుల్స్‌ బౌలర్లు బెహ్రెన్‌డార్ఫ్‌, సాకిబ్‌ మహమూద్‌, సామ్‌ కర్రన్‌ కూడా రాణించారు. వీరంతా పొదుపుగా బౌలింగ్‌ చేయడంతో పాటు తలో 2 వికెట్లు తీశారు.

ఆసీస్‌ మాజీ ఆటగాడు డేవిడ్‌ వార్నర్‌ చాలాకాలం​ తర్వాత తనదైన మార్కు విధ్వంసం సృష్టించాడు. ద హండ్రెడ్‌ లీగ్‌-2025లో లండన్‌ స్పిరిట్‌కు ఆడుతున్న వార్నర్‌.. నిన్న (ఆగస్ట​్‌ 9) వెల్ష్‌ ఫైర్‌తో జరిగిన మ్యాచ్‌లో ఆకాశమే హద్దుగా చెలరేగాడు. కేవలం 45 బంతుల్లో 8 ఫోర్లు, 2 సిక్సర్ల సాయంతో అజేయమైన 70 పరుగులు చేశాడు. ఫలితంగా తొలుత బ్యాటింగ్‌ చేసిన అతని జట్టు (లండన్‌ స్పిరిట్‌) నిర్ణీత 100 బంతుల్లో 5 వికెట్ల నష్టానికి 163 పరుగులు చేసింది.లండన్‌ స్పిరిట్‌ ఇన్నింగ్స్‌లో వార్నర్‌ మినహా ఎవరూ చెప్పుకోదగ్గ స్కోర్లు చేయలేదు. కెప్టెన్‌ కేన్‌ విలియమ్సన్‌ 14, జేమీ స్మిత్‌ 26, ఆస్టన్‌ టర్నర్‌ 24, సీన్‌ డిక్సన్‌ 14, జేమీ ఓవర్టన్‌ 0, రే జన్నింగ్స్‌ 5 (నాటౌట్‌) పరుగులు చేశారు. వెల్ష్‌ ఫైర్‌ బౌలర్లలో జోష్‌ హల్‌ 2 వికెట్లు తీయగా.. డేవిడ్‌ పేన్‌, రిలే మెరిడిత్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన వెల్ష్‌ ఫైర్‌.. జానీ బెయిర్‌స్టో (50 బంతుల్లో 86 నాటౌట్‌; 6 ఫోర్లు, 6 సిక్సర్లు) మెరుపులు మెరిపించినప్పటికీ లక్ష్యానికి 9 పరుగుల దూరంలో నిలిచిపోయింది. బెయిర్‌స్టోతో పాటు క్రిస్‌ గ్రీన్‌ (32 నాటౌట్‌) అద్భుతంగా పోరాడినప్పటికీ వెల్ష్‌ ఫైర్‌ గెలవలేకపోయింది. వెల్ష్‌ ఫైర్‌ ఇన్నింగ్స్‌లో బెయిర్‌స్టో, గ్రీన్‌ మినహా ఎవరూ రాణించలేకపోయారు. స్టీవ్‌ స్మిత్‌ 3, లూక్‌ వెల్స్‌ 12, టామ్‌ ఏబెల్‌ 5, టామ్‌ కొహ్లెర్‌ 4, సైఫ్‌ జైబ్‌ 2, పాల్‌ వాల్టర్‌ 6 పరుగులకు ఔటయ్యారు. స్పిరిట్‌ బౌలర్లలో డేనియల్‌ వార్రల్‌ 2, లూక్‌ వుడ్‌, రిచర్డ్‌ గ్లీసన్‌, జేమీ ఓవర్టన్‌, లియామ్‌ డాసన్‌ తలో వికెట్‌ పడగొట్టారు.

టీమిండియాతో టెస్టు సిరీస్ ముగియ‌డంతో ఇంగ్లండ్ ఆట‌గాళ్లు ది హండ్రెడ్ లీగ్‌-2025లో బీజీ బీజీగా గ‌డ‌ప‌నున్నారు. ఓలీ పోప్‌, జో రూట్‌, హ్యారీ బ్రూక్‌, బెన్ డ‌కెట్‌, స్మిత్, క్రాలీ వంటి స్టార్ ఆట‌గాళ్లు త‌మ త‌మ జ‌ట్ల‌కు ప్రాతినిథ్యం వ‌హించనున్నారు. అయితే ఇంగ్లండ్ కెప్టెన్ బెన్ స్టోక్స్ మాత్రం స‌రికొత్త పాత్రలో కన్పించ‌నున్నాడు.మెంటార్‌గా బెన్ స్టోక్స్‌.. ఈ మెగా టోర్నీలో నార్తర్న్ సూపర్‌చార్జర్స్ జ‌ట్టు మెంటార్‌గా స్టోక్స్ వ్య‌వ‌హ‌రించ‌నున్నాడు. ఈ విష‌యాన్ని సూపర్‌చార్జర్స్ ఫ్రాంచైజీ గురువారం ధ్రువీక‌రించింది. కాగా ఈ ఏడాది ఆరంభంలోనే స్టోక్స్‌ ఫిట్‌నెస్‌, వ‌ర్క్‌లోడ్ మెనెజ్‌మెంట్‌లో భాగంగా ది హాండ్రిడ్ లీగ్‌-2025 త‌ప్పుకొంటున్న‌ట్లు ప్ర‌క‌టించాడు.కానీ ఇప్పుడు ఆట‌గాడిగా కాకుండా మెంటార్‌గా స్టోక్స్ త‌న సేవ‌ల‌ను నార్తర్న్ సూపర్‌చార్జర్స్ ఫ్రాంచైజీకి అందించ‌నున్నాడు. స్టోక్స్ నార్తర్న్ సూపర్‌చార్జర్స్ ఫ్రాంచైజీ కొత్తేమి కాదు. ఇంత‌కుముందు 2021-24 వ‌ర‌కు సూప‌ర్ ఛార్జ‌ర్స్ జెర్సీలో స్టోక్స్ క‌న్పించాడు. మొత్తంగా ఐదు మ్యాచ్‌లు ఆడి తొమ్మిది ప‌రుగుల‌తో పాటు ఓ వికెట్ సాధించాడు.ఫిట్‌నెస్ స‌మ‌స్య‌ల కార‌ణంగా స్టోక్స్ ఎక్కువ‌గా మ్యాచ్‌లు ఆడ‌లేకపోయాడు. స్టోక్సీ ఇప్ప‌టికి గాయాల‌తో స‌త‌మ‌త‌మవుతున్నాడు. భుజం గాయం కార‌ణంగా భార‌త్‌తో జ‌రిగిన ఆఖరి టెస్టుకు స్టోక్స్ దూర‌మ‌య్యాడు. అత‌డు టోర్నీ నుంచి త‌ప్ప‌కొన్న‌ప్ప‌టికి త‌న అనుభ‌వాన్ని ఉప‌యోగించుకోవాల‌ని సూప‌ర్ ఛార్జ‌ర్స్ యాజ‌మాన్యం నిర్ణ‌యించ‌కుంది.అందుకే తమ జట్టు మెంటార్ ఈ గ్రేట్ ఆల్‌రౌండ‌ర్‌ను నియ‌మించింది. హ్యారీ బ్రూక్ సార‌థ్యంలోని సూప‌ర్ చార్జ‌ర్స్ జ‌ట్టు త‌మ తొలి మ్యాచ్‌లో ఆగ‌స్టు 7న వెల్ష్‌ఫైర్‌తో త‌ల‌ప‌డ‌నుంది. ఇక ఇది ఇలా ఉండ‌గా.. భార‌త్‌తో జ‌రిగిన టెస్టు సిరీస్‌లో స్టోక్స్ ఆల్‌రౌండ్ షోతో అద‌ర‌గొట్టాడు. ఈ సిరీస్‌లో నాలుగు మ్యాచ్‌లు ఆడిన స్టోక్స్‌.. 43.43 స‌గ‌టుతో 304 ప‌రుగులు చేశాడు. అంతేకాకుండా 17 వికెట్లు ప‌డ‌గొట్టాడు.చదవండి: IND vs WI: టీమిండియాకు భారీ షాక్‌!

పురుషుల హండ్రెడ్‌ కాంపిటీషన్‌ 2025లో నిన్న ఓ ఉత్కంఠ పోరు జరిగింది. మాంచెస్టర్‌ ఒరిజినల్స్‌తో జరిగిన మ్యాచ్‌లో సథరన్‌ బ్రేవ్‌ వికెట్‌ తేడాతో గెలుపొందింది. 2 బంతుల్లో 3 పరుగులు చేయాల్సిన తరుణంలో రీస్‌ టాప్లే బౌండరీ బాది బ్రేవ్‌ను గెలిపించాడు. అప్పటికే బ్రేవ్‌ 9 వికెట్లు కోల్పోయి ఉండింది. ఏమాత్రం అటు ఇటైనా బ్రేవ్‌ మ్యాచ్‌ కోల్పోవాల్సి వచ్చేది. టాప్లే సాహసోపేతంగా భారీ షాట్‌ ఆడి బౌండరీ బాదడంతో మ్యాచ్‌ బ్రేవ్‌ వశమైంది.ఈ మ్యాచ్‌లో తొలుత బ్యాటింగ్‌ చేసిన మాంచెస్టర్‌ ఒరిజినల్స్‌ నిర్ణీత 100 బంతుల్లో 4 వికెట్ల నష్టానికి 131 పరుగులు చేసింది. ఓపెనర్‌ (కెప్టెన్‌) ఫిల్‌ సాల్ట్‌ 41 బంతుల్లో 4 ఫోర్లు, 2 సిక్సర్ల సాయంతో 60 పరుగులు చేశాడు. జోస్‌ బట్లర్‌ 18 బంతుల్లో 22, క్లాసెన్‌ 16 బంతుల్లో 15, చాప్‌మన్‌ 12 బంతుల్లో అజేయమైన 22 పరుగులు చేశారు. బ్రేవ్‌ బౌలర్లలో తైమాల్‌ మిల్స్‌ అద్భుతంగా బౌలింగ్‌ చేసి 3 వికెట్లు తీశాడు. క్రెయిగ్‌ ఓవర్టన్‌కు ఓ వికెట్‌ దక్కింది.అనంతరం ఓ మోస్తరు లక్ష్య ఛేదనలో బ్రేవ్‌ ఆది నుంచి తడబడుతూ వచ్చింది. జట్టులో ఏ ఒక్క ఆటగాడూ చెప్పుకోదగ్గ స్కోర్‌ చేయలేదు. అయితే ఆఖర్లో ఓవర్టన్‌ (8 బంతుల్లో 18 నాటౌట్‌; 2 ఫోర్లు, సిక్స్‌) అనూహ్యంగా బ్యాట్‌ ఝులిపించి గెలుపుపై ఆశలు రేకెత్తించాడు. చివరి ఓవర్‌లో (5 బంతులు) బ్రేవ్‌ మరోసారి తడబడింది. గ్రెగరీ తొలి రెండు బంతులకు పరుగు మాత్రమే ఇచ్చి మూడో బంతికి వికెట్‌ తీశాడు. తద్వారా బ్రేవ్‌ 2 బంతుల్లో 3 పరుగులు చేయాల్సి వచ్చింది. ఈ తరుణంలో రీస్‌ టాప్లే బౌండరీ బాది బ్రేవ్‌ను గెలిపించాడు.కాగా, ఈ మ్యాచ్‌లో గెలుపొందిన సథరన్‌ బ్రేవ్‌ను ఈ సీజన్‌కు ముందు ఢిల్లీ క్యాపిటల్స్ (ఐపీఎల్‌ ఫ్రాంచైజీ)‌ యాజమాన్యమైన జీఎంఆర్‌ గ్రూప్‌ దక్కించుకుంది. ఇందులో 49 శాతం వాటాను డీసీ మేనేజ్‌మెంట్‌ సొంతం చేసుకుంది. మిగతా 51 శాతం వాటాను హ్యాంప్‌షైర్‌ కౌంటీ క్లబ్‌ రీటైన్‌ చేసుకుంది. ఈ ఫ్రాంచైజీకి కెప్టెన్‌గా జేమ్స్‌ విన్స్‌ వ్యవహరిస్తున్నాడు.

ఇంగ్లండ్‌లో జ‌రుగుతున్న ది హాండ్రడ్ లీగ్‌-2025ను అఫ్గానిస్తాన్ స్టార్ స్పిన్న‌ర్ ఘ‌నంగా ఆరంభించాడు. ఈ టోర్నీలో ఓవల్ ఇన్విన్సిబుల్స్‌కు ప్రాతినిథ్యం వ‌హిస్తున్న ర‌షీద్ ఖాన్‌.. మంగ‌ళ‌వారం లార్డ్స్ వేదిక‌గా లండన్ స్పిరిట్‌తో మ్యాచ్‌లో మూడు వికెట్ల‌తో స‌త్తాచాటాడు.త‌న 20 బంతుల కోటాలో కేవ‌లం 11 ప‌రుగులు మాత్ర‌మే ఇచ్చి 3 వికెట్లు ప‌డ‌గొట్టాడు. ఈ క్ర‌మంలో ర‌షీద్ ఖాన్ ఓ అరుదైన రికార్డును త‌న పేరిట లిఖించుకున్నాడు. టీ20 క్రికెట్‌లో 650 వికెట్లు తీసిన తొలి బౌల‌ర్‌గా ర‌షీద్ చ‌రిత్ర సృష్టించాడు. రషీద్ తన టీ20 కెరీర్‌లో ఇప్పటివరకు 478 ఇన్నింగ్స్‌లలో 18.54 సగటుతో 651 వికెట్లు పడగొట్టాడు. అతడి పేరిట నాలుగు ఐదు వికెట్ల హాల్స్ ఉన్నాయి. 26 ఏళ్ల రషీద్ ఖాన్ అంతర్జాతీయ క్రికెట్‌తో పాటు ప్రపంచవ్యాప్తంగా ఫ్రాంచైజీ క్రికెట్ లీగ్స్‌లో ఆడుతుంటాడు. ఐపీఎల్‌లో గుజరాత్ టైటాన్స్‌కు రషీద్ ప్రాతినిధ్యం వహిస్తున్నాడు. కానీ ఐపీఎల్‌-2025లో మాత్రం ఈ అఫ్గానీ దారుణంగా విఫలమయ్యాడు. 15 మ్యాచ్‌లు ఆడి కేవలం 9 వికెట్లు మాత్రమే పడగొట్టాడు.ఓవల్ ఇన్విన్సిబుల్స్ ఘన విజయం..ఇక ఈ మ్యాచ్ విషయానికి వస్తే.. లండన్ స్పిరిట్‌పై 6 వికెట్ల తేడాతో ఇన్విన్సిబుల్స్ జట్టు ఘన విజయం సాధించింది. తొలుత బ్యాటింగ్ చేసిన లండన్ స్పిరిట్.. ఇన్విన్సిబుల్స్‌ బౌలర్లు రషీద్‌ ఖాన్‌, సామ్‌ కర్రన్‌ (19-10-18-3), జోర్డన్‌ క్లార్క్‌ (10-6-8-2) చెలరేగడంతో 80 పరుగులకే కుప్పకూలింది. అనంతరం ఈ స్వల్ప లక్ష్యాన్ని ఇన్విన్సిబుల్స్ నాలుగు వికెట్లు కోల్పో‍యి చేధించింది.చదవండి: Mohammad Siraj: సిరాజ్ నిక‌ర ఆస్తుల విలువ‌ ఎంతో తెలుసా?

లండన్‌: ఇంగ్లండ్‌ అండ్‌ వేల్స్‌ క్రికెట్‌ బోర్డు (ఈసీబీ) నిర్వహిస్తున్న ‘హండ్రెడ్‌’ లీగ్‌లోని ఎనిమిది జట్లలో వాటాల అమ్మకం దాదాపుగా పూర్తయింది. ఆరు జట్లకు సంబంధించి ఒప్పందాలు అధికారికంగా ఖాయం అయ్యాయని, మరో రెండు జట్ల విషయంలో చర్చలు తుది దశలో ఉన్నాయని ఈసీబీ ప్రకటించింది.ఈ రెండు జట్లకు సంబంధించి కూడా కొన్ని చిన్న సాంకేతిక అంశాలు మాత్రమే మిగిలి ఉన్నాయని, త్వరలోనే ఇది కూడా పూర్తవుతుందని బోర్డు వెల్లడించింది. ఈ ఎనిమిది టీమ్‌లలో నాలుగు టీమ్‌లను ఇండియన్‌ ప్రీమియర్‌ లీగ్‌ (ఐపీఎల్‌)లో జట్లు ఉన్న యాజమాన్యాలే సొంతం చేసుకోవడం విశేషం. టి20 క్రికెట్‌ నుంచి స్వల్ప మార్పులతో 100 బంతులు ఆడే విధంగా 2021లో ప్రారంభమైన ‘హండ్రెడ్‌’ లీగ్‌ క్రికెట్‌ అభిమానులను ఆకట్టుకుంటూ నాలుగు సీజన్లు పూర్తి చేసుకుంది. ఇప్పటి వరకు నేరుగా ఈసీబీ ఈ టోర్నీఎనిమిది జట్ల నిర్వహణను పర్యవేక్షిస్తుండగా...ఒప్పందాలు పూర్తయిన తర్వాత అక్టోబర్‌ 1 నుంచి ఆయా ఫ్రాంచైజీ యజమాన్యాలు నడిపించుకునే విధంగా హక్కులు అందిస్తారు.అయితే అంతకు ముందే ఆగస్టు 5 నుంచి 31 వరకు జరిగే 2025 సీజన్‌ను కూడా ఈసీబీనే నిర్వహిస్తుంది. ‘హండ్రెడ్‌’లో ఉన్న జట్లలో నార్తర్న్‌ సూపర్‌ చార్జర్స్‌ను 100 శాతం వాటాతో సన్‌రైజర్స్‌ హైదరాబాద్‌ యాజమాన్యం సన్‌ గ్రూప్‌ సొంతం చేసుకోగా, లక్నో సూపర్‌ జెయింట్స్‌ టీమ్‌ యజమాని సంజీవ్‌ గోయెంకా 70 శాతం వాటాతో మాంచెస్టర్‌ ఒరిజినల్స్‌ను దక్కించుకున్నారు.సదరన్‌ బ్రేవ్‌ టీమ్‌ను ఢిల్లీ క్యాపిటల్స్‌ యాజమాన్యం జీఎంఆర్‌ గ్రూప్‌ 49 శాతం వాటాతో తీసుకోగా...ముకేశ్‌ అంబానీకి చెందిన రిలయన్స్‌ గ్రూప్‌ కూడా 49 శాతం వాటాతో ఓవల్‌ ఇన్‌విన్సిబుల్స్‌లో భాగస్వామిగా మారింది. అయితే ఇంకా రిలయన్స్‌–ఓవల్‌ ఒప్పందం అధికారికంగా ఖాయం కాలేదు.ఇదే తరహాలో ట్రెంట్‌ రాకెట్స్‌ జట్టుకు సంబంధించి కెయిన్‌ ఇంటర్నేషనల్‌ కంపెనీ ఒప్పందం కూడా ఇంకా పూర్తి కాలేదు. మరో వైపు బర్మింగ్‌హామ్‌ ఫోనిక్స్‌ టీమ్‌కు నైట్‌హెడ్‌ క్యాపిటల్‌ సంస్థ, లండన్‌ స్పిరిట్‌ టీమ్‌లో క్రికెట్‌ ఇన్వెస్టర్‌ హోల్డింగ్స్‌ లిమిటెడ్, వెల్ష్‌ ఫైర్‌ టీమ్‌లో సంజయ్‌ గోవిల్‌ ప్రధాన వాటాదారులుగా ఉన్నారు. ‘హండ్రెడ్‌’లో ఎనిమిది జట్ల కోసం బయటి వ్యక్తులను భాగస్వాములుగా చేసుకోవడంలో ఈసీబీలో 500 మిలియన్‌ పౌండ్‌లు (సుమారు రూ.5,800 కోట్లు) పెట్టుబడుల రూపంలో వచ్చాయి.

ఆస్ట్రేలియా స్టార్ బ్యాటర్ స్టీవ్ స్మిత్ ఇంగ్లండ్ క్రికెట్ టోర్నీ 'ది హండ్రెడ్’ లీగ్‌లో ఆడ‌నున్నాడు. ది హండ్రెడ్ 2025 సీజ‌న్ కోసం వెల్ష్ ఫైర్ ఫ్రాంచైజీ స్మిత్‌తో ఒప్పందం కుదుర్చుకుంది. మార్చి 12న జరగనున్న ది హండ్రెడ్ డ్రాఫ్ట్‌కు ముందుకు అన్ని ఫ్రాంచైజీలు త‌మ జ‌ట్ల‌ను ఖారారు చేసే పనిలో ప‌డ్డాయి. రూల్స్ ప్రకారం.. గత సీజన్‌లో తమతో ఉన్న 10 మంది సభ్యులను ఫ్రాంచైజీలు రిటైన్‌ చేసుకోవచ్చు.ఈ లిస్ట్‌లో కచ్చితంగా ఒక​ ఇంగ్లండ్‌ సెంట్రల్‌ కాంట్రాక్ట్‌ ప్లేయర్‌ తప్పక ఉండాలి. అలాగే ముగ్గురు ఓవర్సీస్‌ ప్లేయర్లు​ ఉండవచ్చు. అదనంగా ఓ విదేశీ ఆటగాడిని డైరెక్ట్‌ సైనింగ్‌ చేసుకోవచ్చు. ఈ పద్దతిలోనే స్మిత్‌ను త‌మ జ‌ట్టులోకి వెల్ష్ పైర్ తీసుకుంది. ఈ విష‌యాన్ని వెల్ష్ ఫైర్ ఫ్రాంచైజీ సోష‌ల్ మీడియా వేదిక‌గా ధ్రువీక‌రించింది. అదేవిధంగా వెల్ష్ ఫైర్‌తో ఒప్పందంపై స్మిత్ కూడా స్పందించాడు."వెల్ష్ ఫైర్ ఫ్రాంచైజీలో చేరడం నాకు చాలా ఆనందంగా ఉంది. ఈ ఏడాది వేసవి తర్వాత నేను ది హండ్రెడ్‌లో భాగం కానున్నాను. తొలిసారి ఈ టోర్నీలో ఆడేందుకు ఆతృతగా ఎదురుచూస్తున్నాను. ఎటువంటి ఫార్మాట్‌లో ఆడడం మనకు ఒక కొత్త అనుభూతిని కలిగిస్తుంది. వరల్డ్ క్లాస్ క్రికెటర్లు ఈ టోర్నీలో ఆడుతున్నారు. మైక్ హస్సీతో కలిసి పనిచేసేందుకు సిద్దంగా ఉన్నాను. వెల్ష్ ఫైర్ కోసం 100 శాతం ఎఫక్ట్ పెట్టేందుకు ప్రయత్నిస్తాను" స్మిత్ ఓ ప్రకటనలో పేర్కొన్నాడు. కాగా ఈ ఫ్రాంచైజీ హెడ్‌కోచ్‌గా ఆస్ట్రేలియా క్రికెట్ దిగ్గజం మైక్ హస్సీ వ్యవహరిస్తున్నాడు. ఈ వంద బంతుల టోర్నీ ఆగ‌స్టు 5 నుంచి ప్రారంభం కానుంది.ది హండ్రెడ్‌లో ఐపీఎల్ ఫ్రాంచైజీలు..!కాగా ఈ 'ది హండ్రెడ్’ లీగ్‌లో ఐపీఎల్ ఫ్రాంచైజీలు సైతం భారీ మొత్తం ఇన్వెస్ట్ చేశాయి. ముంబై ఇండియ‌న్స్‌, ఢిల్లీ క్యాపిట‌ల్స్‌, ల‌క్నో సూప‌ర్ జెయింట్స్‌,స‌న్‌రైజ‌ర్స్ హైద‌రాబాద్ యాజమాన్యాలు దాదాపు రూ.3,257 కోట్లను పెట్టుబడులుగా పెట్టాయి. ఢిల్లీ క్యాపిటల్స్ – సదరన్ బ్రేవ్, లక్నో సూపర్‌ జెయింట్స్‌ – మాంచెస్టర్ ఒరిజినల్స్, సన్‌రైజర్స్‌ హైదరాబాద్‌ – నార్తర్న్ సూపర్‌చార్జర్స్ జట్లలో వాటాలు కొనుగోలు చేశాయి.చదవండి: 'ఇంత చెత్త‌గా ఆడుతార‌ని ఊహించలేదు.. నన్ను క్ష‌మించండి'

ఆఫ్ఘనిస్తాన్‌ (Afghanistan) స్టార్‌ ఆటగాడు రషీద్‌ ఖాన్‌కు (Rashid Khan) ముంబై ఇండియన్స్‌ (Mumbai Indians) ఫ్యామిలీతో బంధం మరింత బలపడింది. ఇప్పటికే మూడు లీగ్‌ల్లో ముంబై ఇండియన్స్‌ ఫ్రాంచైజీల్లో సభ్యుడిగా ఉన్న రషీద్‌.. తాజాగా మరో ఎంఐ ఫ్రాంచైజీతో జతకట్టాడు. రషీద్‌ను ద హండ్రెడ్‌ లీగ్‌లో ఎంఐ యాజమాన్యంలో నడుస్తున్న ఓవల్‌ ఇన్విన్సిబుల్స్‌ (డిఫెండింగ్‌ ఛాంపియన్‌) సొంతం చేసుకుంది. ఓవల్‌ ఇన్విన్సిబుల్స్‌లో ముంబై ఇండియన్స్‌ యాజమాన్యం ఇటీవలే పెట్టుబడులు పెట్టింది. ఇందులో 49 శాతం వాటాను రిలయన్స్‌ ఇండస్ట్రీస్‌ లిమిటెడ్‌ (RIL) కొనుగోలు చేసింది.ప్రస్తుతం రషీద్‌ ఒక్క ఐపీఎల్‌ మినహా మిగతా ముంబై ఇండియన్స్‌ ఫ్రాంచైజీల్లో (ఫారిన్‌ లీగ్‌ల్లో) సభ్యుడిగా ఉన్నాడు. రషీద్‌ ఐపీఎల్‌లో గుజరాత్‌ టైటాన్స్‌కు ఆడుతున్నాడు. రషీద్‌ సౌతాఫ్రికా టీ20 లీగ్‌ ముంబై ఇండియన్స్‌ కేప్‌టౌన్‌కు.. ఇంటర్నేషనల్‌ లీగ్‌ టీ20లో ముంబై ఇండియన్స్‌ ఎమిరేట్స్‌కు.. మేజర్‌ లీగ్‌ క్రికెట్‌లో ముంబై ఇండియన్స్‌ న్యూయార్క్‌కు ప్రాతినిథ్యం వహిస్తున్నాడు. ద హండ్రెడ్‌ లీగ్‌ ప్రారంభం నుంచి (2021) ట్రెంట్‌ రాకెట్స్‌కు ప్రాతినిథ్యం వహిస్తున్న రషీద్‌ను ఓవల్‌ ఇన్విన్సిబుల్స్‌ డైరెక్ట్‌ ఓవర్సీస్‌ సైనింగ్‌ ద్వారా దక్కించుకుంది.కాగా, ద హండ్రెడ్‌ లీగ్‌-2025 సీజన్‌ కోసం ప్లేయర్ల రిటెన్షన్‌ జాబితాలను ఎనిమిది ఫ్రాంచైజీలు ఇవాళ ప్రకటించాయి. గత సీజన్‌లో తమతో ఉన్న 10 మంది సభ్యులను ఫ్రాంచైజీలు రిటైన్‌ చేసుకోవచ్చు. రిటెన్షన్‌ జాబితాలో ఒక​ ఇంగ్లండ్‌ సెంట్రల్‌ కాంట్రాక్ట్‌ ప్లేయర్‌ తప్పక ఉండాలి. అలాగే ముగ్గురు ఓవర్సీస్‌ ప్లేయర్లు​ ఉండవచ్చు. అదనంగా ఓ విదేశీ ఆటగాడిని డైరెక్ట్‌ సైనింగ్‌ చేసుకోవచ్చు. ఈ పద్దతిలోనే ఇన్విన్సిబుల్స్‌ రషీద్‌ ఖాన్‌ను దక్కించుకుంది. ఫ్రాంచైజీల్లో మిగిలిన స్థానాల భర్తీ డ్రాఫ్ట్‌ ద్వారా జరుగుతుంది. డ్రాఫ్ట్‌ తేదీ ప్రకటించాల్సి ఉంది.ద హండ్రెడ్‌ లీగ్‌లో ఇటీవలే ఐపీఎల్‌ ఫ్రాంచైజీలు పెట్టుబడులు పెట్టిన విషయం తెలిసిందే. ఓవల్‌ ఇన్విన్సిబుల్స్‌లో ముంబై ఇండియన్స్‌.. నార్తర్న్ సూపర్‌చార్జర్స్‌లో సన్‌రైజర్స్‌ హైదరాబాద్‌.. మాంచెస్టర్‌ ఒరిజినల్స్‌లో లక్నో సూపర్‌ జెయింట్స్‌.. సథరన్‌ బ్రేవ్‌లో ఢిల్లీ క్యాపిటల్స్‌ షేర్‌ దక్కించుకున్నాయి. వీటిలో సన్‌రైజర్స్‌ హైదరాబాద్‌ నార్తర్న్ సూపర్‌చార్జర్స్‌ ఫ్రాంచైజీ మొత్తాన్ని కొనుగోలు చేసింది. మిగతా ఐపీఎల్‌ ఫ్రాంచైజీలు ఆయా ప్రాంచైజీల్లో 49 శాతం వాటాను దక్కించుకున్నాయి.రిటెన్షన్స్‌ జాబితా..బర్మింగ్హమ్‌ ఫీనిక్స్‌- బెన్‌ డకెట్‌, ట్రెంట్‌ బౌల్ట్‌ (ఓవర్సీస్‌), లియామ్‌ లివింగ్‌స్టోన్‌, జేకబ్‌ బేతెల్‌, ఆడమ్‌ మిల్నే (ఓవర్సీస్‌), బెన్నీ హోవెల్‌, టిమ్‌ సౌథీ (ఓవర్సీస్‌), డాన్‌ మౌస్లీ, విల్‌ స్మీడ్‌, క్రిస్‌ వుడ్‌, ఆనురిన్‌ డొనాల్డ్‌లండన్‌ స్పిరిట్‌- లియామ్‌ డాసన్‌, డాన్‌ వారోల్‌, కేన్ విలియమ్సన్‌ (ఓవర్సీస్‌), రిచర్డ్‌ గ్లీసన్‌, ఓలీ స్టోన్‌, ఓలీ పోప్‌, కీటన్‌ జెన్నింగ్స్‌మాంచెస్టర్‌ ఒరిజినల్స్‌- జోస్‌ బట్లర్‌, ఫిలిప్‌ సాల్ట్‌, హెన్రిచ్‌ క్లాసెన్‌ (ఓవర్సీస్‌), మ్యాటీ హర్స్ట్‌, జోష్‌ టంగ్‌, స్కాట్‌ కర్రీ, టామ్‌ హార్ట్లీ, సోనీ బేకర్‌, టామ్‌ ఆస్పిన్‌వాల్‌నార్త్రన్‌ సూపర్‌ ఛార్జర్స్‌- హ్యారీ బ్రూక్‌, డేవిడ్‌ మిల్లర్‌ (ఓవర్సీస్‌), ఆదిల్‌ రషీద్‌, మిచెల్‌ సాంట్నర్‌ (ఓవర్సీస్‌), బ్రైడన్‌ కార్స్‌, బెన్‌ డ్వార్షుయిస్‌ (ఓవర్సీస్‌), మాట్‌ పాట్స్‌, పాట్‌ బ్రౌన్‌, గ్రహం క్లార్క్‌, టామ్‌ లాస్‌ఓవల్‌ ఇన్విన్సిబుల్స్‌- సామ్‌ కర్రన్‌, విల్‌ జాక్స్‌, రషీద్‌ ఖాన్‌ (ఓవర్సీస్‌), జోర్డన్‌ కాక్స్‌, సామ్‌ బిల్లింగ్స్‌, సాకిబ్‌ మహమూద్‌, గస్‌ అట్కిన్సన్‌, డొనొవన్‌ ఫెరియెరా (ఓవర్సీస్‌), నాథన్‌ సౌటర్‌, ట్వాండా ముయేయేసథరన్‌ బ్రేవ్‌- జోఫ్రా ఆర్చర్‌, జేమ్స్‌ విన్స్‌, క్రిస్‌ జోర్డన్‌, టైమాల్‌ మిల్స్‌, డుప్లెసిస్‌ (ఓవర్సీస్‌), లూయిస్‌ డు ప్లూయ్‌, లారీ ఈవాన్స్‌, క్రెయిగ్‌ ఓవర్టన్‌, ఫిన్‌ అలెన్‌ (ఓవర్సీస్‌), డ్యానీ బ్రిగ్స్‌, జేమ్స్‌ కోల్స్‌ట్రెంట్‌ రాకెట్స్‌- జో రూట్‌, మార్కస్‌ స్టోయినిస్‌ (ఓవర్సీస్‌), టామ్‌ బాంటన్‌, సామ్‌ కుక్‌, జాన్‌ టర్నర్‌, సామ్‌ హెయిన్‌, టామ్‌ అల్సోప్‌, కాల్విన్‌ హ్యారీసన్‌వెల్ష్‌ ఫైర్‌- జానీ బెయిర్‌స్టో, స్టీవ్‌ స్మిత్‌ (ఓవర్సీస్‌), టామ్‌ కొహ్లెర్‌ కాడ్‌మోర్‌, టామ్‌ ఏబెల్‌, లూక్‌ వెల్స్‌, స్టీవీ ఎస్కినాజీ

టీమిండియా వైస్‌ కెప్టెన్‌, ఆర్సీబీ కెప్టెన్‌ స్మృతి మంధనకు (Smriti Mandhana) హండ్రెడ్‌ లీగ్‌ (The Hundred League) ఫ్రాంచైజీ సథరన్‌ బ్రేవ్‌ (Southern Brave) షాకిచ్చింది. గత కొంతకాలంగా తమకు ప్రాతినిథ్యం వహిస్తున్న మంధనను ఆ ఫ్రాంచైజీ రిటైన్‌ చేసుకోలేదు. గత సీజన్‌లో మంధన విఫలం కావడమే ఇందుకు కారణమని తెలుస్తుంది. మంధన గత సీజన్‌లో 5 మ్యాచ్‌ల్లో కేవలం 60 పరుగులు మాత్రమే సాధించింది. గత సీజన్‌లో విఫలమైనా మంధనకు హండ్రెడ్‌ లీగ్‌లో మంచి రికార్డు ఉంది. 2022, 2023 సీజన్లలో ఆమె మంచి స్ట్రయిక్‌ రేట్‌తో వరుసగా 211, 238 పరుగులు చేసింది.ఆసక్తికరంగా మంధన ఆర్సీబీ టీమ్‌ మేట్‌ అయిన డానీ వ్యాట్‌ను (ఇంగ్లండ్‌ ఓపెనర్‌) సథరన్‌ బ్రేవ్‌ తొలి రీటెన్షన్‌గా దక్కించుకుంది. వ్యాట్‌తో పాటు లారా వోల్వార్డ్‌, లారెన్‌ బెల్‌, మయా బౌచియర్‌, ఫ్రేయా కెంప్‌, జార్జియా ఆడమ్స్‌, టిల్లీ కార్టీన్‌ కోల్‌మన్‌, రిహన్నా సౌత్‌బైలను కూడా రీటైన్‌ చేసుకుంది. రిటెన్షన్‌ జాబితాను సథరన్‌ బ్రేవ్‌ ఇవాళ ప్రకటించింది.మంధన ప్రస్తుతం డబ్ల్యూపీఎల్‌లో బిజీగా ఉంది. ఈ సీజన్‌లో ఆమె 4 మ్యాచ్‌ల్లో 122 పరుగులు చేసింది. ఇందులో ఓ హాఫ్‌ సెంచరీ ఉంది. మంధన ఈ సీజన్‌లో తన స్థాయికి తగ్గట్టు రాణించడం లేదు. ఫలితంగా భారం మొత్తం ఎల్లిస్‌ పెర్రీపై పడుతుంది. పెర్రీ ఈ సీజన్‌లో విశేషంగా రాణిస్తుంది. నిన్న యూపీతో జరిగిన మ్యాచ్‌లో పెర్రీ అజేయమైన 90 పరుగులు చేసినా ఆర్సీబీ ఓటమిపాలైంది. నిర్ణీత ఓవర్లలో స్కోర్లు సమం కావడంతో ఈ మ్యాచ్‌ సూపర్‌ ఓవర్‌కు వెళ్లింది. సూపర్‌ ఓవర్‌లో యూపీ నిర్ధేశించిన స్వల్ప లక్ష్యాన్ని ఛేదించలేక ఆర్సీబీ ఓటమిపాలైంది.డిఫెండింగ్‌ ఛాంపియన్‌గా బరిలోకి దిగిన ఆర్సీబీ సీజన్‌ తొలి రెండు మ్యాచ్‌ల్లో గుజరాత్‌, ఢిల్లీపై విజయాలు సాధించి సూపర్‌ ఫామ్‌లో ఉన్నట్లు కనిపించింది. అయితే ఆతర్వాతి మ్యాచ్‌ల్లో వరుసగా ముంబై ఇండియన్స్‌, యూపీ వారియర్జ్‌ చేతుల్లో ఓడింది. అయినా ఆర్సీబీ ప్రస్తుతం పాయింట్ల పట్టికలో అగ్రస్థానంలో కొనసాగుతుంది. ముంబై, యూపీ, ఢిల్లీ, గుజరాత్‌ ఆతర్వాతి స్థానాల్లో ఉన్నాయి. ఇవాళ (ఫిబ్రవరి 25) జరుగబోయే మ్యాచ్‌లో ఢిల్లీ, గుజరాత్‌ తలపడనున్నాయి.

ఇండియన్ ప్రీమియర్ లీగ్ (ఐపీఎల్) భారత క్రికెట్ స్వరూపాన్ని మార్చేసిందంటే అతియోశక్తి కాదేమో! ఐపీఎల్ ఆరంభానికి పూర్వం కూడా భారత్ క్రికెట్ యాజమాన్యానికి అంతర్జాతీయ క్రికెట్ పై మంచి పట్టు ఉండేది. కానీ ఐపీఎల్ రాకతో భారత్‌ ఏకంగా ప్రపంచ క్రికెట్‌ని శాసించే స్థాయికి చేరుకుంది. ఐపీఎల్ కురిపించే కాసుల వర్షం ఇందుకు ప్రధాన కారణం. గత సంవత్సరం గణాంకాల ప్రకారం ఐపీఎల్ మొత్తం విలువ 1600 కోట్ల డాలర్లను దాటి పోయింది. ఇందుకు ఐపీఎల్‌ను నిర్వహిస్తున్న తీరు కూడా ఒక కారణం. ఇందుకు భారత్ క్రికెట్ కంట్రోల్ బోర్డు (బీసీసీఐ)ని అభినందించాల్సిందే.ఐపీఎల్ విజయ సూత్రాన్ని ఇప్పుడు ప్రపంచ క్రికెట్ దేశాలన్నీ తెలుసుకున్నాయి. వివిధ దేశాల్లో జరుగుతున్న టీ20 క్రికెట్ టోర్నమెంట్లు ఇందుకు ఉదాహరణ. ఆయా దేశాల్లో ఐపీఎల్ ఫ్రాంచైజీలు కూడా పెట్టుబడి పెట్టి లాభాలు ఆర్జిస్తున్నాయి. కానీ అక్కడ ఐపీఎల్ తరహాలో కాసుల వర్షం కురవడం లేదు. భారత్‌లో క్రికెట్‌కు ఉన్న మోజు కూడా ఇందుకు ప్రధాన కారణం. ఐపీఎల్ జరుగుతుంటే అందరూ టీవీలకు అతుక్కుపోయి చూస్తుంటారు. ఐపీఎల్‌కి క్రికెట్ అభిమానుల్లో ఉన్న క్రేజ్ అలాటిది.'ది హండ్రెడ్' ఇక ఐపీఎల్‌ స్పూర్తితో ఇంగ్లండ్ క్రికెట్ బోర్డు 'ది హండ్రెడ్' అనే కొత్త ఫార్మాట్ ని 2021 జులై లో ప్రారంభించింది. ఇందులో ఇరు జట్లు వందేసి బంతులు మాత్రమే ఎదుర్కొంటాయి. ఇప్పుడు తాజాగా అమెరికా లో రాణిస్తున్న ఇన్ఫర్మేషన్ టెక్నాలజీ దిగ్గజాల కళ్ళు ఈ క్రికెట్ టోర్నమెంట్‌పై పడ్డాయి.టెక్‌ దిగ్గజాలు కూడాఅమెరికాలో టెక్ కంపెనీ సీఈఓలు.. ముఖ్యంగా భారత సంతతికి చెందిన సుందర్ పిచాయ్, సత్య నాదెళ్ల, శంతను నారాయణ్ వంటి ప్రముఖులు ఇందులో పెట్టుబడులు పెట్టాలని నిర్ణయించారు. టైమ్స్ ఇంటర్నెట్ వైస్ చైర్మన్ సత్యన్ గజ్వానీ, పాలో ఆల్టో నెట్‌వర్క్స్ సీఈవో నికేశ్ అరోరా నేతృత్వంలోని అమెరికాకు చెందిన టెక్ లీడర్లతో కూడిన కన్సార్టియం శుక్రవారం జరిగిన వేలంలో లండన్ స్పిరిట్ క్రికెట్ ఫ్రాంచైజీలో 49% వాటాను 145 మిలియన్ పౌండ్లకు కొనుగోలు చేసింది.అమాంతం పెరిగిపోయిన విలువఈ కన్సార్టియం ఐపీఎల్ లోని లక్నో జట్టు ను నిర్వహిస్తున్న ఆర్పీ-సంజీవ్ గోయెంకా గ్రూప్‌ను పక్కకు తోసి లండన్ స్పిరిట్ క్రికెట్ ఫ్రాంచైజీ ని చేజిక్కించుకోవడం విశేషం. లండన్‌లోని ప్రపంచ ప్రఖ్యాత లార్డ్స్ క్రికెట్ గ్రౌండ్‌ లండన్ స్పిరిట్ ఫ్రాంచైజీ వేదిక కావడం ఇందుకు ఒక కారణం. లండన్ స్పిరిట్ ఫ్రాంచైజీ ది హండ్రెడ్‌ క్రికెట్ టోర్నమెంట్ లో పోటీపడే ఎనిమిది ఫ్రాంచైజీలలో ఒకటి. ఈ ఒప్పందంతో లండన్ స్పిరిట్‌ విలువ అమాంతం పెరిగిపోయి, ది హండ్రెడ్‌ క్రికెట్ టోర్నమెంట్లో ఈ జట్టు ఇప్పుడు అత్యంత విలువైన ఫ్రాంచైజీగా చేరుకుంది. రిలయన్స్ ఇండస్ట్రీస్ వాటా 49%అంతకుముందు గురువారం నాడు ఓవల్ ఇన్విన్సిబుల్స్‌ జట్టులో ముఖేష్ అంబానీ కి చెందిన రిలయన్స్ ఇండస్ట్రీస్ 49% వాటా కోసం వెచ్చించిన 60 లక్ష ల పౌండ్ల కంటే ఇది రెండింతలు అధికం. ఇప్ప్పటికే ఐపీఎల్ లో సినీ తారలు, వ్యాపారవేత్తలు వివిధ ఫ్రాంచైజీ ల లో పెట్టుబడులు పెట్టి కోట్ల లాభాలను గడిస్తున్నారు. దీంతో ఐపీఎల్ ఫ్రాంచైజీల విలువ ప్రతీ సంవత్సరం అమాంతం పెరిగిపోతోంది. ఇప్పుడు తాజాగా ది హండ్రెడ్‌ క్రికెట్ టోర్నమెంట్ లోకి ప్రపంచ ఐటి దిగ్గజాలు రంగ ప్రవేశం చేయడంతో ప్రపంచ క్రికెట్ కొత్త హంగులు దిద్దుకుంటుందనడంలో సందేహం లేదు.చదవండి: హర్షిత్‌ బదులు అతడిని పంపాల్సింది.. ఇదేం పద్ధతి?: భారత మాజీ క్రికెటర్‌ ఫైర్‌

మహిళల హండ్రెడ్‌ లీగ్‌ 2024 ఎడిషన్‌ ఫైనల్లో వెల్ష్‌ ఫైర్‌పై లండన్‌ స్పిరిట్‌ 4 వికెట్ల తేడాతో గెలుపొంది ఛాంపియన్‌గా అవతరించింది. ఈ మ్యాచ్‌లో వెల్ష్‌ ఫైర్‌ నిర్దేశించిన 116 పరుగుల లక్ష్యాన్ని లండన్‌ స్పిరిట్‌ 98వ బంతికి ఛేదించి విజేతగా నిలిచింది. 98వ బంతికి ముందు లండన్‌ విజయానికి మూడు బంతుల్లో నాలుగు పరుగులు అవసరం కాగా.. దీప్తి శర్మ సిక్సర్‌ బాది మ్యాచ్‌ను గెలిపించింది. దీప్తి సిక్సర్‌ కొట్టేప్పుడు లండన్‌ డగౌట్‌లో కనిపించి ఆసక్తికర దృశ్యాలు ప్రస్తుతం నెట్టింట వైరలవుతున్నాయి. దీప్తి సిక్సర్‌ కొట్టే సమయంలో సహచరుల ముఖాల్లో కనిపించిన హావభావాలు చూపరులను ఆకట్టుకుంటున్నాయి.The reaction of London Spirit dugout when Deepti Sharma smashed the six. 😄👌pic.twitter.com/x1uKDjSSes— Mufaddal Vohra (@mufaddal_vohra) August 18, 2024మ్యాచ్‌ విషయానికొస్తే.. తొలుత బ్యాటింగ్‌ చేసిన వెల్ష్‌ ఫైర్‌ నిర్ణీత 100 బంతుల్లో 8 వికెట్ల నష్టానికి 115 పరుగులు చేసింది. వెల్ష్‌ ఫైర్‌ ఇన్నింగ్స్‌లో జెస్‌ జోనాసెన్‌ (54), బేమౌంట్‌ (21), హేలీ మాథ్యూస్‌ (22) మాత్రమే రెండంకెల స్కోర్లు చేశారు. లండన్‌ బౌలర్లలో ఈవా గ్రే, సారా గ్లెన్‌ తలో రెండు వికెట్లు పడగొట్టగా.. టారా నోరిస్‌, దీప్తి శర్మ చెరో వికెట్‌ దక్కించుకున్నారు.అనంతరం 116 పరుగుల లక్ష్యాన్ని ఛేదించేందుకు బరిలోకి దిగిన లండన్‌.. జార్జియా (34), హీథర్‌ నైట్‌ (24), డేనియెలా గిబ్సన్‌ (22) ఓ మోస్తరు స్కోర్లు చేయడంతో 98 బంతుల్లో విజయతీరాలకు చేరింది. వెల్ష్‌ ఫైర్‌ బౌలర్లలో షబ్నిమ్‌ ఇస్మాయిల్‌ మూడు వికెట్లు పడగొట్టగా.. ఫ్రేయా డేవిస్‌, జార్జియా డేవిస్‌ తలో వికెట్‌ దక్కించుకున్నారు.

పురుషుల హండ్రెడ్‌ లీగ్‌ విజేతగా ఓవల్‌ ఇన్విన్సిబుల్స్‌ అవతరించింది. నిన్న (ఆగస్ట్‌ 19) జరిగిన ఫైనల్లో ఆ జట్టు సథరన్‌ బ్రేవ్‌పై 17 పరుగుల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఇన్విన్సిబుల్స్‌.. నిర్ణీత 100 బంతుల్లో 9 వికెట్ల నష్టానికి 147 పరుగులు చేసింది. విల్‌ జాక్స్‌ 37 పరుగులతో టాప్‌ స్కోరర్‌గా నిలువగా.. సామ్‌ కర్రన్‌ 25, జోర్డన్‌ కాక్స్‌ 25, టామ్‌ కర్రన్‌ 24 పరుగులు చేశారు. సథరన్‌ బ్రేవ్‌ బౌలర్లలో టైమాల్‌ మిల్స్‌, అకీల్‌ హొసేన్‌ తలో మూడు వికెట్లు పడగొట్టగా.. జోఫ్రా ఆర్చర్‌ 2, క్రిస్‌ జోర్డన్‌ ఓ వికెట్‌ పడగొట్టాడు.అనంతరం 148 పరుగుల లక్ష్యాన్ని ఛేదించేందుకు బరిలోకి దిగిన సథరన్‌ బ్రేవ్‌.. నిర్ణీత బంతుల్లో 130 పరుగులకే పరిమితమై, ఓటమిపాలైంది. అలెక్స్‌ డేవిడ్‌ 35, జేమ్స్‌ విన్స్‌ 24, క్రెయిగ్‌ ఓవర్టన్‌ 22 పరుగులతో సథరన్‌ బ్రేవ్‌ను గెలిపించేందుకు విఫలయత్నం చేశారు. ఇన్విన్సిబుల్స్‌ బౌలర్లలో సకీబ్‌ మహమూద్‌ మూడు వికెట్లు పడగొట్టగా.. ఆడమ్‌ జంపా 2, నాథన్‌ సౌటర్‌, విల్‌ జాక్స్‌ తలో వికెట్‌ పడగొట్టారు. హండ్రెడ్‌ లీగ్‌ను ఇన్విన్సిబుల్స్‌ గెలుచుకోవడం వరుసగా ఇది రెండో ఏడాది. ఈ లీగ్‌ తొలి ఎడిషన్‌ను సథరన్‌ బ్రేవ్‌ గెలవగా.. 2022 ఎడిషన్‌ను ట్రెంట్‌ రాకెట్స్‌ గెలుచుకుంది. మరోవైపు నిన్ననే జరిగిన మహిళల హండ్రెడ్‌ లీగ్‌లో లండన్‌ స్పిరిట్‌ విజేతగా నిలిచింది. ఫైనల్లో ఆ జట్టు వెల్ష్‌ ఫైర్‌పై 4 వికెట్ల తేడాతో గెలుపొందింది.

హండ్రెడ్‌ లీగ్‌లో వెల్ష్‌ ఫైర్‌ ఆటగాడు గ్లెన్‌ ఫిలిప్స్‌ విధ్వంసం సృష్టించాడు. సథరన్‌ బ్రేవ్‌తో ఇవాళ జరుగుతున్న మ్యాచ్‌లో కేవలం 19 బంతుల్లోనే 2 ఫోర్లు, 5 సిక్సర్ల సాయంతో 48 పరుగులు చేశాడు. ఫిలిప్స్‌తో పాటు లూక్‌ వెల్స్‌ (30 బంతుల్లో 53; 7 ఫోర్లు, సిక్స్‌), టామ్‌ కొహ్లెర్‌ కాడ్‌మోర్‌ (12 బంతుల్లో 23; ఫోర్‌, 2 సిక్సర్లు), స్టెఫెన్‌ ఎస్కినాజీ (21 బంతుల్లో 28; 3 ఫోర్లు, సిక్స్‌), జానీ బెయిర్‌స్టో (11 బంతుల్లో 17; 2 ఫోర్లు, సిక్స్‌) చెలరేగడంతో తొలుత బ్యాటింగ్‌ చేసిన వెల్ష్‌ ఫైర్‌ నిర్ణీత 100 బంతుల్లో 5 వికెట్ల నష్టానికి 181 పరుగులు చేసింది. సథరన్‌ బ్రేవ్‌ బౌలర్లలో టైమాల్‌ మిల్స్‌ 2, అకీల్‌ హొసేన్‌, జోఫ్రా ఆర్చర్‌ తలో వికెట్‌ పడగొట్టారు. కాగా, హండ్రెడ్‌ లీగ్‌ 2024 నుంచి వెల్ష్‌ ఫైర్‌ ఇదివరకు ఎలిమినేట్‌ అయ్యింది. సథరన్‌ బ్రేవ్‌ ప్లే ఆఫ్స్‌ రేసులో ఉంది. ఓవల్‌ ఇన్విన్సిబుల్స్‌ అధికారికంగా ప్లే ఆఫ్స్‌ బెర్త్‌ ఖరారు చేసుకోగా.. సథరన్‌ బ్రేవ్‌తో పాటు నార్త్రన్‌ సూపర్‌ ఛార్జర్స్‌ బర్మింగ్హమ్‌ ఫీనిక్స్‌ ప్లే ఆఫ్స్‌ రేసులో నిలిచాయి. వెల్ష్‌ ఫైర్‌, ట్రెంట్‌ రాకెట్స్‌, మాంచెస్టర్‌ ఒరిజినల్స్‌, లండన్‌ స్పిరిట్‌ టోర్నీ నుంచి ఎలిమినేట్‌ అయ్యాయి.

ది హాండ్ర‌డ్ లీగ్‌-20224లో న్యూజిలాండ్ స్టార్ ఆల్‌రౌండ‌ర్‌ మిచెల్ సాంట్న‌ర్ త‌న ఫీల్డింగ్ విన్యాసాల‌ను కొన‌సాగిస్తున్నాడు. ఈ లీగ్‌లో నార్తర్న్ సూపర్‌చార్జర్స్‌కు ప్రాతినిథ్యం వ‌హిస్తున్న సాంట్న‌ర్ మ‌రోసారి సంచ‌ల‌న క్యాచ్‌తో మెరిశాడు.మంగ‌ళ‌వారం(ఆగ‌స్టు 13) లండన్ స్పిరిట్‌తో జ‌రిగిన మ్యాచ్‌లో న‌మ్మ‌శ‌క్యం కాని క్యాచ్‌ను ఈ కివీ స్టార్ అందుకున్నాడు. సూప‌ర్ క్యాచ్‌తో లండ‌న్ స్పిరిట్ బ్యాట‌ర్ మైఖేల్ పెప్పర్‌ను సాంట్న‌ర్ పెవిలియ‌న్‌కు పంపాడు.లండ‌న్ ఇన్నింగ్స్ 11వ బంతిని పేస‌ర్ రీస్ టాప్లీ.. పెప్ప‌ర్‌కు ఫుల్ అండ్ మిడిల్‌లో సంధించాడు. పెప్ప‌ర్ ఆ బంతిని మిడ్ ఆన్ మీద‌గా భారీ షాట్ ఆడేందుకు ప్ర‌య‌త్నించాడు.కానీ షాట్ స‌రిగ్గా క‌నక్ట్ కాక‌పోవ‌డంతో బంతి గాల్లోకి లేచింది. ఈ క్రమంలో ఈ క్రమంలో మిడాన్‌లో ఉన్న సాంట్నర్ వెనక్కి పరిగెత్తుతూ అద్భుతమైన బ్యాక్‌వర్డ్ రన్నింగ్ క్యాచ్‌ను అందుకున్నాడు. చివరి క్షణం వరకు బంతిపై తన దృష్టిని కోల్పోకుండా వెనక్కి వెళ్లిన సాంట్నర్‌.. డైవ్ సంచలన క్యాచ్‌ను తీసుకున్నాడు. ఇది చూసిన బ్యాటర్ ఒక్కసారిగా స్టన్ అయిపోయాడు.ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. ఇక ఈ మ్యాచ్‌లో 21 పరుగుల తేడాతో లండ‌న్ స్పిరిట్‌పై నార్తర్న్ సూపర్‌చార్జర్స్ ఘన విజయం సాధించింది. Mitchell Santner, that is UNBELIEVABLE 🤯Enjoy every angle of 𝘵𝘩𝘢𝘵 catch 👇#TheHundred | #RoadToTheEliminator pic.twitter.com/oJupXTP3hR— The Hundred (@thehundred) August 13, 2024

హండ్రెడ్‌ లీగ్‌ 2024 పురుషుల ఎడిషన్‌ చివరి అంకానికి చేరింది. ప్లే ఆఫ్స్‌కు చేరే నాలుగు జట్లపై క్లారిటీ రానప్పటికీ.. టోర్నీ నుంచి నిష్క్రమించే జట్లేవో తేలిపోయాయి. నిన్న బర్మింగ్హమ్‌ ఫీనిక్స్‌ చేతిలో ఓటమితో ట్రెంట్‌ రాకెట్స్‌ టోర్నీ నుంచి ఎలిమినేట్‌ అయ్యింది. రాకెట్స్‌తో పాటు వెల్ష్‌ ఫైర్‌, మాంచెస్టర్‌ ఒరిజినల్స్‌, లండన్‌ స్పిరిట్‌ ఈ ఎడిషన్‌ నుంచి నిష్క్రమించాయి. ఓవల్‌ ఇన్విన్సిబుల్స్‌ మాత్రం అధికారికంగా ప్లే ఆఫ్స్‌కు అర్హత సాధించగా.. సథరన్‌ బ్రేవ్‌, బర్మింగ్హమ్‌ ఫీనిక్స్‌, నార్త్రన్‌ సూపర్‌ ఛార్జర్స్‌ రేసులో ఉన్నాయి.బర్మింగ్హమ్‌ ఫీనిక్స్‌, ట్రెంట్‌ రాకెట్స్‌ మధ్య నిన్న (ఆగస్ట్‌ 12) జరిగిన మ్యాచ్‌ విషయానికొస్తే.. ఈ మ్యాచ్‌లో తొలుత బ్యాటింగ్‌ చేసిన రాకెట్స్‌ టిమ్‌ సౌథీ (20-13-12-5) ఐదు వికెట్ల ఘనతతో చెలరేగడంతో నిర్ణీత 100 బంతుల్లో 118 పరుగులకు ఆలౌటైంది. రాకెట్స్‌ ఇన్నింగ్స్‌లో అల్సోప్‌ (51), ఇమాద్‌ వసీం (29) మాత్రమే రెండంకెల స్కోర్లు చేశారు. సౌథీతో పాటు క్రిస్‌ వుడ్‌ (20-7-30-2), ఆడమ్‌ మిల్నే (20-14-17-1) వికెట్లు తీశారు.అనంతరం 119 పరుగుల లక్ష్యాన్ని ఛేదించేందుకు బరిలోకి దిగిన ఫీనిక్స్‌.. లివింగ్‌స్టోన్‌ (30 నాటౌట్‌), జేకబ్‌ బేతెల్‌ (38 నాటౌట్‌) అజేయ ఇన్నింగ్స్‌లతో రాణించడంతో 93 బంతుల్లో 4 వికెట్లు కోల్పోయి విజయతీరాలకు చేరింది. ఫీనిక్స్‌ ఇన్నింగ్స్‌లో బెన్‌ డకెట్‌ 30, మొయిన్‌ అలీ 13 పరుగులు చేయగా.. జేమీ స్మిత్‌, డాన్‌ మౌస్లీ గోల్డెన్‌ డకౌట్లయ్యారు. రాకెట్స్‌ బౌలర్లలో లూక్‌ వుడ్‌, జాన్‌ టర్నర్‌ తలో రెండు వికెట్లు పడగొట్టారు.

హండ్రెడ్‌ లీగ్‌లో సథరన్‌ బ్రేవ్‌కు ప్రాతినిథ్యం వహిస్తున్న విండీస్‌ దిగ్గజం కీరన్‌ పోలార్డ్‌ ఓ అరుదైన రికార్డు నెలకొల్పాడు. నిన్న (ఆగస్ట్‌ 10) ట్రెంట్‌ రాకెట్స్‌తో జరిగిన మ్యాచ్‌లో రషీద్‌ ఖాన్‌ బౌలింగ్‌లో వరుసగా ఐదు సిక్సర్లు బాదిన పోలార్డ్‌.. క్రికెట్‌ చరిత్రలో ఒకే ఓవర్‌లో ఐదు అంతకంటే ఎక్కువ సిక్సర్లు రెండుసార్లు బాదిన తొలి బ్యాటర్‌గా చరిత్ర సృష్టించాడు. ఈ మ్యాచ్‌కు ముందు పోలార్డ్‌ శ్రీలంకతో జరిగిన అంతర్జాతీయ టీ20లో అఖిల ధనంజయం బౌలింగ్‌లో ఒకే ఓవర్‌లో ఆరు సిక్సర్లు బాదాడు. తాజాగా రషీద్‌ ఖాన్‌ బౌలింగ్‌లో ఓ సెట్‌లో (హండ్రెడ్‌ లీగ్‌లో ఐదు బంతులను ఓ సెట్‌గా పరిగణిస్తారు) ఐదుకు ఐదు సిక్సర్లు కొట్టాడు. పొట్టి క్రికెట్‌లో రషీద్‌ను ఈ స్థాయిలో చితక్కొట్టిన బౌలర్‌ కూడా లేడు. ఈ మ్యాచ్‌కు ముందు రషీద్‌ బౌలింగ్‌లో ఓ ఓవర్‌లో అత్యధికంగా నాలుగు సిక్సర్లు మాత్రమే వచ్చాయి. Kieron Pollard against yellow teams. 🥶- Rashid Khan taken to the cleaners, 5 sixes in a row. 🤯pic.twitter.com/CjrB63JwWD— Mufaddal Vohra (@mufaddal_vohra) August 11, 20242016 టీ20 వరల్డ్‌కప్‌లో ఏబీ డివిలియర్స్‌ రషీద్‌ బౌలింగ్‌లో వరుసగా నాలుగు సిక్సర్లు కొట్టాడు. 2018 ఐపీఎల్‌లో క్రిస్‌ గేల్‌, 2023 సౌతాఫ్రికా టీ20 లీగ్‌లో మార్కో జన్సెన్‌, 2024 ఐపీఎల్‌లో విల్‌ జాక్స్‌ రషీద్‌ ఓవర్‌లో వరుసగా నాలుగు సిక్సర్లు బాదారు.మ్యాచ్‌ విషయానికొస్తే.. స్వల్ప లక్ష్య ఛేదనలో నిదానంగా ఇన్నింగ్స్‌ను ప్రారంభించిన పోలార్డ్‌.. రషీద్‌ ఖాన్‌ బౌలింగ్‌లో ఒక్కసారిగా గేర్‌ మార్చి సిక్సర్ల వర్షం​ కురిపించాడు. 127 పరుగుల ఛేదనలో​ 14 బంతులు ఎదుర్కొని 6 పరుగులు మాత్రమే చేసిన పోలార్డ్‌.. రషీద్‌ వేసిన 16వ సెట్‌లో పూనకం వచ్చినట్లు ఊగిపోయి ఐదు సిక్సర్లు బాదాడు. 20 బంతుల్లో తన జట్టు విజయానికి 49 పరుగులు అవసరం కాగా.. పోలార్డ్‌ ఆకాశమే హద్దుగా చెలరేగిపోయాడు. రషీద్‌ బౌలింగ్‌ను ఊచకోత కోసి మ్యాచ్‌ స్వరూపాన్నే మార్చేశాడు. మొత్తంగా ఈ మ్యాచ్‌లో 23 బంతులు ఎదుర్కొన్న పోలార్డ్‌ 2 ఫోర్లు, 5 సిక్సర్ల సాయంతో 45 పరుగులు చేశాడు. పోలార్డ్‌ విధ్వంసం ధాటికి బ్రేవ్‌ మరో బంతి మిగిలుండగానే లక్ష్యాన్ని చేరుకుంది.

మహిళల హండ్రెడ్‌ లీగ్‌లో సథరన్‌ బ్రేవ్‌కు ప్రాతినిథ్యం వహిస్తున్న భారత స్టార్‌ బ్యాటర్‌ స్మృతి మంధన కళ్లు చెదిరే రీతిలో ఓ అద్భుతమైన రనౌట్‌ చేసింది. ట్రెంట్‌ రాకెట్స్‌తో నిన్న (ఆగస్ట్‌ 10) జరిగిన మ్యాచ్‌లో మంధన.. బ్రైవోని స్మిత్‌ను డైరెక్ట్‌ త్రోతో పెవిలియన్‌ బాట పట్టించింది. మంధన మెరుపు విన్యాసానికి సంబంధించిన వీడియో సోషల్‌మీడియాలో వైరవలవుతంది. ఇన్నింగ్స్‌ తొలి బంతికే మంధన స్మిత్‌ను పెవిలియన్‌కు పంపడం విశేషం.A direct hit by Smriti Mandhana! 🎯pic.twitter.com/FIlRG1Jo4g— CricTracker (@Cricketracker) August 10, 2024మ్యాచ్‌ విషయానికొస్తే.. తొలుత బ్యాటింగ్‌ చేసిన ట్రెంట్‌ రాకెట్స్‌ నాట్‌ సీవర్‌ బ్రంట్‌ (60 నాటౌట్‌) అర్ద సెంచరీతో రాణించడంతో నిర్ణీత 100 బంతుల్లో 7 వికెట్ల నష్టానికి 155 పరుగులు చేసింది. రాకెట్స్‌ ఇన్నింగ్స్‌లో గ్రేస్‌ స్క్రీవెన్స్‌ (36) ఓ మోస్తరు పరుగులు చేయగా.. నటాషా (12), గార్డ్‌నర్‌ (18), హీథర్‌ గ్రహం (15) రెండంకెల స్కోర్లు చేశారు. సథరన్‌ బ్రేవ్‌ బౌలర్లలో లారెన్‌ బెల్‌ 3, లారెన్‌ చియాటిల్‌, ఆడమ్స్‌, క్లో టైరాన్‌ తలో వికెట్‌ పడగొట్టారు.156 పరుగుల భారీ లక్ష్యాన్ని ఛేదించేందుకు బరిలోకి దిగిన బ్రేవ్‌.. నిర్ణీత 100 బంతుల్లో 6 వికెట్ల నష్టానికి 131 పరుగులు మాత్రమే చేసి ఓటమిపాలైంది. స్మృతి మంధన (27 బంతుల్లో 42; 7 ఫోర్లు), క్లో టైరాన్‌ (31 బంతుల్లో 47 నాటౌట్‌; 4 ఫోర్లు, 2 సిక్సర్లు) మెరుపు ఇన్నింగ్స్‌లు ఆడినప్పటికీ ప్రయోజనం లేకుండా పోయింది. వీరిద్దరు మినహా మిగతా బ్యాటర్లంతా విఫలమయ్యారు. కెప్టెన్‌ జార్జియా ఆడమ్స్‌ 29 బంతులు ఎదుర్కొని 27 పరుగులు మాత్రమే చేయగలిగింది. రాకెట్స్‌ బౌలర్లలో స్టోన్‌హౌస్‌ 2, ఆష్లే గార్డ్‌నర్‌, హీథర్‌ గ్రహం తలో వికెట్‌ పడగొట్టారు.

హండ్రెడ్‌ లీగ్‌లో ఓవల్‌ ఇన్విన్సిబుల్స్‌ ఆటగాడు సామ్‌ కర్రన్‌ అద్భుత ఫామ్‌ కొనసాగుతుంది. ఈ టోర్నీలో బ్యాట్‌తో, బంతితో చెలరేగిపోతున్న సామ్‌.. తాజాగా మరోసారి ఆల్‌రౌండ్‌ షోతో అదరగొట్టాడు. సథరన్‌ బ్రేవ్‌తో జరిగిన మ్యాచ్‌లో సామ్‌.. తొలుత బంతితో (20-7-28-2), ఆతర్వాత బ్యాట్‌తో (18 బంతుల్లో 35; 5 సిక్సర్లు) చెలరేగి తన జట్టును గెలిపించాడు. ఈ మ్యాచ్‌లో సామ్‌ సోదరుడు టామ్‌ కూడా రాణించాడు. టామ్‌ నాలుగు వికెట్లు తీసి సథరన్‌ బ్రేవ్‌ పతనాన్ని శాశించాడు. సామ్‌, టామ్‌ బంతిలో సత్తా చాటడంతో తొలుత బ్యాటింగ్‌ చేసిన బ్రేవ్‌ నిర్ణీత 100 బంతుల్లో 8 వికెట్ల నష్టానికి 118 పరుగులు మాత్రమే చేయగలిగింది. బ్రేవ్‌ ఇన్నింగ్స్‌లో జేమ్స్‌ విన్స్‌ (39 బంతుల్లో 52; 6 ఫోర్లు, సిక్స్‌) ఒక్కడే రాణించాడు. అలెక్స్‌ డేవిస్‌ (5), ఆండ్రీ ఫ్లెచర్‌ (1), లూస్‌ డి ప్లూయ్‌ (4), లారీ ఈవాన్స్‌ (4), కీరన్‌ పోలార్డ్‌ (18), జోఫ్రా ఆర్చర్‌ (10), అకీల్‌ హొసేన్‌ (0) తక్కువ స్కోర్లకే ఔటయ్యారు. ఇన్విన్సిబుల్స్‌ బౌలర్లలో సామ్‌, టామ్‌తో పాటు విల్‌ జాక్స్‌, ఆడమ్‌ జంపా తలో వికెట్‌ తీశారు.119 పరుగుల లక్ష్యాన్ని ఛేదించేందుకు బరిలోకి దిగిన ఇన్విన్సిబుల్స్‌.. సామ్‌ కర్రన్‌, జోర్డన్‌ కాక్స్‌ (29 బంతుల్లో 46 నాటౌట్‌; 7 ఫోర్లు, సిక్స్‌) రాణించడంతో 85 బంతుల్లో 4 వికెట్లు కోల్పోయి విజయతీరాలకు చేరింది. ఇన్విన్సిబుల్స్‌ ఇన్నింగ్స్‌లో విల్‌ జాక్స్‌ 6, డేవిడ్‌ మలాన్‌ 14, సామ్‌ బిల్లింగ్స్‌ 5 పరుగులు చేసి ఔటయ్యారు. బ్రేవ్‌ బౌలర్లలో క్రెయిగ్‌ ఓవర్టన్‌, టైమాల్‌ మిల్స్‌, క్రిస్‌ జోర్డన్‌, అకీల్‌ హొసేన్‌ తలో వికెట్‌ పడగొట్టారు.

మెన్స్‌ హండ్రెడ్‌ లీగ్‌ 2024లో ఓవల్‌ ఇన్విన్సిబుల్స్‌ ఆటగాడు సామ్‌ కర్రన్‌ ఆల్‌రౌండ్‌ షోతో అదరగొట్టాడు. లండన్‌ స్పిరిట్‌తో నిన్న (ఆగస్ట్‌ 4) జరిగిన మ్యాచ్‌లో మెరుపు హాఫ్‌ సెంచరీతో (22 బంతుల్లో 51 నాటౌట్‌; 6 సిక్సర్లు) పాటు హ్యాట్రిక్‌ సహా ఐదు వికెట్ల ప్రదర్శన (20-11-16-5) నమోదు చేశాడు. సామ్‌ కర్రన్‌ వీర లెవెల్లో విజృంభించడంతో ఇన్విన్సిబుల్స్‌ 30 పరుగుల తేడాతో ఘన విజయం సాధించింది. హండ్రెడ్‌ లీగ్‌లో సామ్‌ కర్రన్‌ నమోదు చేసిన హ్యాట్రిక్‌ మూడవది. సామ్‌కు ముందు టైమాల్‌ మిల్స్‌, ఇమ్రాన్‌ తాహిర్‌ హ్యాట్రిక్‌ వికెట్లు తీశారు.మ్యాచ్‌ విషయానికొస్తే.. తొలుత బ్యాటింగ్‌ చేసిన ఇన్విన్సిబుల్స్‌ నిర్ణీత 100 బంతుల్లో 5 వికెట్ల నష్టానికి 147 పరుగులు చేసింది. సామ్‌ కర్రన్‌తో పాటు డేవిడ్‌ మలాన్‌ (38) ఓ మోస్తరు స్కోర్‌ చేశాడు. విల్‌ జాక్స్‌ (2), జోర్డన్‌ కాక్స్‌ (14), డొనోవన్‌ ఫెరియెరా (2) తక్కువ స్కోర్లకే ఔటయ్యారు. సామ్‌ బిల్లింగ్స్‌ 17 పరుగుల వద్ద రిటైర్డ్‌ అయ్యాడు. లండన్‌ బౌలర్లు ఓలీ స్టోన్‌, లియామ్‌ డాసన్‌, నాథన్‌ ఇల్లిస్‌, క్రిచ్లీ తలో వికెట్‌ పడగొట్టారు.148 పరుగుల లక్ష్యాన్ని ఛేదించేందుకు బరిలోకి దిగిన లండన్‌ స్పిరిట్‌.. 95 బంతుల్లో 117 పరుగులు మాత్రమే చేసి ఆలౌటైంది. సామ్‌ కర్రన్‌ హ్యాట్రిక్‌ వికెట్లు సహా ఐదు వికెట్ల ప్రదర్శన నమోదు చేయగా.. ఆడమ్‌ జంపా 3, విల్‌ జాక్స్‌, నాథన్‌ సౌటర్‌ తలో వికెట్‌ పడగొట్టారు. లండన్‌ ఇన్నింగ్స్‌లో కైల్‌ పెప్పర్‌ (20), డానియల్‌ లారెన్స్‌ (27), హెట్‌మైర్‌ (20) మాత్రమే 20 అంతకంటే ఎక్కువ పరుగులు స్కోర్‌ చేశారు.నిన్ననే జరిగిన మరో మ్యాచ్‌లో మాంచెస్టర్‌ ఒరిజినల్స్‌పై నార్త్ర్నన్‌ సూపర్‌ ఛార్జర్స్‌ 14 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన సూపర్‌ ఛార్జర్స్‌.. నిర్ణీత 100 బంతుల్లో 5 వికెట్ల నష్టానికి 167 పరుగులు చేయగా.. ఒరిజినల్స్‌ 100 బంతుల్లో 153 పరుగులకే పరిమితమై ఓటమిపాలైంది. మాథ్యూ హర్స్ట్‌ (78) ఒరిజినల్స్‌ను గెలిపించేందుకు విఫలయత్నం చేశాడు. సూపర్‌ ఛార్జర్స్‌ ఇన్నింగ్స్‌లో హ్యారీ బ్రూక్‌ (58) టాప్‌ స్కోరర్‌గా నిలిచాడు.

హండ్రెడ్‌ లీగ్‌లో భాగంగా సథరన్‌ బ్రేవ్‌తో నిన్న (జులై 30) జరిగిన మ్యాచ్‌లో నార్త్రన్‌ సూపర్‌ ఛార్జర్స్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన సథరన్‌ బ్రేవ్‌.. నిర్ణీత 100 బంతుల్లో 8 వికెట్ల నష్టానికి 146 పరుగులు చేసింది. అలెక్స్‌ డేవిస్‌ (28), జేమ్స్‌ కోల్స్‌ (26), కీరన్‌ పోలార్డ్‌ (37) ఓ మోస్తరు స్కోర్లు చేశారు. సూపర్‌ ఛార్జర్స్‌ బౌలర్లలో పార్కిన్సన్‌ 2, జోర్డన్‌ క్లార్క్‌, పాట్స్‌, సాంట్నర్‌, ఆదిల్‌ రషీద్‌, షార్ట్‌ తలో వికెట్‌ పడగొట్టారు.అనంతరం 147 పరుగుల లక్ష్యాన్ని ఛేదించేందుకు బరిలోకి దిగిన సూపర్‌ ఛార్జర్స్‌.. నికోలస్‌ పూరన్‌ విధ్వంసకర హాఫ్‌ సెంచరీతో (34 బంతుల్లో 62; 4 ఫోర్లు, 5 సిక్సర్లు) విరుచుకుపడటంతో 85 బంతుల్లోనే విజయతీరాలకు చేరింది. హ్యారీ బ్రూక్‌ (20 బంతుల్లో 34 నాటౌట్‌; 4 ఫోర్లు, సిక్స్‌) బాధ్యతాయుతమైన ఇన్నింగ్స్‌ ఆడాడు. సథరన్‌ బ్రేవ్‌ బౌలర్లలో అకీల్‌ హొసేన్‌, జోఫ్రా ఆర్చర్‌, క్రిస్‌ జోర్డన్‌ తలో వికెట్‌ పడగొట్టారు.నార్త్రన్‌ సూపర్‌ ఛార్జర్స్‌, సథరన్‌ బ్రేవ్‌ మధ్య నిన్న జరిగిన మహిళల హండ్రెడ్‌ లీగ్‌ మ్యాచ్‌ టైగా ముగిసింది. ఇరు జట్లు నిర్ణీత 100 బంతుల్లో 100 పరుగులు చేశారు. హండ్రెడ్‌ లీగ్‌లో సూపర్‌ ఓవర్‌ రూల్‌ లేకపోవడంతో మ్యాచ్‌ టైగా ముగిసింది.

హండ్రెడ్‌ లీగ్‌ 2024లో నిన్న (జులై 29) ఓ రసవత్తర సమరం జరిగింది. మాంచెస్టర్‌ ఒరిజినల్స్‌తో జరిగిన మ్యాచ్‌లో ట్రెంట్‌ రాకెట్స్‌ పరుగు తేడాతో గెలుపొందింది. ఆఖరి బంతి వరకు నువ్వా నేనా అన్నట్లు సాగిన ఈ మ్యాచ్‌లో మాంచెస్టర్‌ గెలుపుకు చివరి బంతికి రెండు పరుగులు అవసరమయ్యాయి. క్రీజ్‌లో ఓపెనింగ్‌ బ్యాటర్‌ మ్యాక్స్‌ హోల్డన్‌ ఉన్నాడు. జోర్డన్‌ థాంప్సన్‌ బౌలింగ్‌ చేస్తున్నాడు. మామూలు షాట్‌ ఆడినా ఓ పరుగు సులువుగా వచ్చేది. అయితే హోల్డన్‌ భారీ షాట్‌తో మ్యాచ్‌ ముగిద్దామని ప్రయత్నించి సామ్‌ హెయిన్‌కు క్యాచ్‌ ఇచ్చి ఔటయ్యాడు. ఫలితంగా రాకెట్స్‌ మ్యాచ్‌ను చేజార్చుకుంది. 2 runs needed off 1 ball and then this happened 🤯🤯🤯The craziest match of the year already 🔥#TheHundred #tapmad #HojaoADFree pic.twitter.com/2ByQfycxNJ— Farid Khan (@_FaridKhan) July 29, 2024ఈ మ్యాచ్‌లో రాకెట్స్‌ సునాయాసంగా గెలవాల్సింది. చివరి ఐదు బంతుల్లో ఆ జట్టు ఆరు పరుగులు చేస్తే గెలిచి ఉండేది. సికందర్‌ రజా తొలి రెండు బంతులకు రెండు డబుల్స్‌ తీసి రాకెట్స్‌ గెలుపు అంచుల వరకు తీసుకెళ్లాడు. ఇక్కడే మ్యాచ్‌ మలుపు తిరిగింది. మూడో బంతికి పరుగు రాకపోగా.. నాలుగో బంతికి సికందర్‌ రజా రనౌటయ్యాడు. దీంతో చివరి బంతికి రెండు పరుగులు చేయాల్సి వచ్చింది. జోర్డన్‌ థాంప్సన్‌ లెంగ్త్‌ డెలివరిని వేయగా హోల్డన్‌ పుల్‌ షాట్‌ ఆడేందుకు ప్రయత్నించి బ్యాక్‌వర్డ్‌ స్వేర్‌ లెగ్‌లో ఉన్న ఫీల్డర్‌కు క్యాచ్‌ ఇచ్చి ఔటయ్యాడు. ఈ మ్యాచ్‌లో తొలుత బ్యాటింగ్‌ చేసిన రాకెట్స్‌.. నిర్ణీత 100 బంతుల్లో 7 వికెట్ల నష్టానికి 145 పరుగులు చేసింది. టామ్‌ బాంటన్‌ (45), రోవ్‌మన్‌ పావెల్‌ (27), రషీద్‌ ఖాన్‌ (15 నాటౌట్‌) ఓ మోస్తరు స్కోర్లు చేశారు. మాంచెస్టర్‌ బౌలర్లలో టామ్‌ హార్ట్లీ 3, సికందర్‌ రజా 2, పాల్‌ వాల్టర్‌ ఓ వికెట్‌ పడగొట్టారు. అనంతరం ఛేదనలో మాంచెస్టర్‌ 100 బంతుల్లో 8 వికెట్లు కోల్పోయి 144 పరుగులకు పరిమితమైంది. ఫలితంగా రాకెట్స్‌ పరుగు తేడాతో విజయం సాధించింది. మాంచెస్టర్‌ ఇన్నింగ్స్‌లో హెల్డన్‌ (40) టాప్‌ స్కోరర్‌గా కాగా.. మ్యాడ్‌సన్‌ (28), వాల్టర్‌ (29), సికందర్‌ రజా (21) ఓ మోస్తరు పరుగులు చేశారు. రాకెట్స్‌ బౌలర్లలో ఇమాద్‌ వసీం, రషీద్‌ ఖాన్‌, సామ్‌ కుక్‌ తలో 2 వికెట్లు, థాంప్సన్‌ ఓ వికెట్‌ పడగొట్టారు.నిన్ననే ఇరు జట్ల మధ్య జరిగిన మహిళల మ్యాచ్‌లో ఫలితం రివర్స్‌ అయ్యింది. ట్రెంట్‌ రాకెట్స్‌పై మాంచెస్టర్‌ ఒరిజినల్స్‌ పరుగు తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన మాంచెస్టర్‌ నిర్ణీత 100 బంతుల్లో 137 పరుగులు చేయగా.. రాకెట్స్‌ 100 బంతుల్లో 136 పరుగులకే ఓటమిపాలైంది.

ద హండ్రెడ్‌ లీగ్‌ 2024 ఎడిషన్‌లో డిఫెండింగ్‌ ఛాంపియన్స్‌ ఓవల్‌ ఇన్విన్సిబుల్స్‌ ఘనంగా బోణీ కొట్టింది. టోర్నీ ఓపెనింగ్‌ మ్యాచ్‌లో బర్మింగ్హమ్‌ ఫీనిక్స్‌పై 8 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఫీనిక్స్‌.. 81 బంతుల్లో 89 పరుగులకే ఆలౌటైంది. ఆడమ్‌ జంపా (20-10-11-3) ఫీనిక్స్‌ పతనాన్ని శాశించగా.. మొహమ్మద్‌ ఆమిర్‌, సకీబ్‌ మహమూద్‌, విల్‌ జాక్స్‌ తలో రెండు వికెట్లు, నాథన్‌ సౌటర్‌ ఓ వికెట్‌ దక్కించుకున్నారు. ఫీనిక్స్‌ ఇన్నింగ్స్‌లో రిషి పటేల్‌ (25), బెన్నీ హోవెల్‌ (24), బెతెల్‌ (22) మాత్రమే రెండంకెల స్కోర్లు చేశారు. స్వల్ప లక్ష్యాన్ని ఛేదించేందుకు బరిలోకి దిగిన ఇన్విన్సిబుల్స్‌ కేవలం 69 బంతుల్లోనే విజయతీరాలకు (2 వికెట్ల నష్టానికి) చేరింది. విల్‌ జాక్స్‌ 6, తువండ మెయేయే 23 పరుగులు చేసి ఔట్‌ కాగా.. డేవిడ్‌ మలాన్‌ (24), సామ్‌ బిల్లింగ్స్‌ (31) అజేయంగా నిలిచారు. ఫీనిక్స్‌ బౌలర్లలో టిమ్‌ సౌథీ రెండు వికెట్లు పడగొట్టాడు.కాగా, ఫీనిక్స్‌, ఇన్విన్సిబుల్స్‌ జట్లు నిన్ననే ప్రారంభమైన మహిళల హండ్రెడ్‌ లీగ్‌లోనూ పోటీపడ్డాయి. ఈ మ్యాచ్‌లోనూ ఫీనిక్స్‌పై ఇన్విన్సిబుల్స్‌ విజయం సాధించింది. తొలుత బ్యాటింగ్‌ చేసిన ఇన్విన్సిబుల్స్‌ నిర్ణీత 100 బంతుల్లో 5 వికెట్ల నష్టానికి 150 పరుగులు చేయగా.. ఛేదనలో తడబడిన ఫీనిక్స్‌ 92 బంతుల్లో 105 పరుగులు చేసి ఆలౌటైంది. తద్వారా ఇన్విన్సిబుల్స్‌ 45 పరుగుల తేడాతో గెలుపొందింది. ఇన్విన్సిబుల్స్‌ ఇన్నింగ్స్‌లో పేజ్‌ స్కోల్ఫీల్డ్‌ (71), అలైస్‌ క్యాప్సీ (52) అర్ద సెంచరీలతో రాణించగా.. ఫీనిక్స్‌ ఇన్నింగ్స్‌లో ఒక్కరు మాత్రమే 20 పరుగుల మార్కును దాటగలిగారు. ఇన్విన్సిబుల్స్‌ బౌలర్లలో అమండ 3, మ్యాడీ విల్లియర్స్‌ 2, మారిజన్‌ కాప్‌, సోఫీ స్మేల్‌, ర్యానా మెక్‌ డొనాల్డ్‌ గే తలో వికెట్‌ దక్కించుకున్నారు.

న్యూఢిల్లీ:  వచ్చే ఏడాది ఇంగ్లండ్‌ వేదికగా జరుగనున్న ద హండ్రెడ్‌(వంద బంతుల లీగ్‌) లీగ్‌లో తాను ఆడుతున్నానంటూ వచ్చిన వార్తలను టీమిండియా వెటరన్‌ స్పిన్నర్‌ హర్భజన్‌ సింగ్‌ ఖండించాడు. ఆ లీగ్‌లో తాను ప్రాతినిథ్యం వహించడం లేదని వివరణ ఇచ్చుకునే యత్నం చేశాడు. ‘ నేను ఆ లీగ్‌లో ఆడటానికి ఆసక్తిగా లేను. అయినప్పటికీ వచ్చే ఏడాది ఐపీఎల్‌ ఆడతానో.. లేదో తెలియదు. ఒకవేళ ఐపీఎల్‌ ఆడతావా.. లేక ద హండ్రెడ్‌ ఆడతావా అంటే ఐపీఎల్‌కే మొగ్గుచూపుతా. ఒకవేళ వచ్చే సీజన్‌లో సీఎస్‌కే నాకు అవకాశం ఇస్తే కచ్చితంగా ఆ జట్టుకు ఆడతా. నాకు భారత క్రికెట్‌ కంట్రోల్‌ బోర్డు నిబంధనలు తెలుసు. నేను వాటిని తప్పకుండా అనుసరిస్తా. నేను అంతర్జాతీయ క్రికెట్‌కు గుడ్‌ బై చెప్పి ద హండ్రెడ్‌ ఆడాల్సిన అవసరం నాకు ప్రస్తుతం లేదు. దాంతో నేనేమీ రిటైర్మెంట్‌ ప్రకటించడం లేదు’ అని భజ్జీ పేర్కొన్నాడు.  2016లో చివరిసారి భారత జెర్సీ ధరించిన హర్భజన్‌ సింగ్‌.. గత రెండేళ్ల నుంచి ఐపీఎల్‌లో సీఎస్‌కే తరఫున ఆడుతున్నాడు. గత సీజన్‌లో హర్భజన్‌ 16 వికెట్లు సాధించాడు. వచ్చే ఏడాది వంద బంతుల క్రికెట్‌ను నిర్వహించడానికి ఈసీబీ రంగం సిద్ధం చేయగా, అందులో హర్భజన్‌ సింగ్‌ పాల్గొనడానికి సంసిద్ధత వ్యక్తం చేశాడని వార్తలు వచ్చాయి. ద హండ్రెడ్‌ లీగ్‌ను  గురువారం అధికారికంగా లాంచ్‌ చేయగా, పలువురు ఆటగాళ్లు పేర్లు తెరపైకి వచ్చాయి. ఇందులో భారత్‌ నుంచి హర్భజన్‌ సింగ్‌ పేరు వినిపించింది. ఈ నేపథ్యంలో బీసీసీఐ స్పందిస్తూ.. రిటైర్మెంట్‌ కాని ఆటగాళ్లు ఎవరికీ విదేశీ లీగ్‌ ఆడటానికి అనుమతి ఇవ్వడం లేదనే విషయాన్ని స్పష్టం చేసింది. అదే సమయంలో హర్భజన్‌ సింగ్‌ కూడా తన అభిప్రాయాన్ని వ్యక్తం చేస్తూ బీసీసీఐ నియమావళిని గౌరవిస్తానని పేర్కొన్నాడు.

న్యూఢిల్లీ:  భారత క్రికెట్‌ వెటరన్‌ స్పిన్నర్‌ హర్భజన్‌ సింగ్‌ రిస్క్‌ చేస్తున్నట్లు కనిపిస్తోంది. అందుకు కారణం ఇంగ్లండ్‌-వేల్స్‌ క్రికెట్‌(ఈసీబీ) నిర్వహించనున్న ‘ ద హండ్రెడ్‌’ లీగ్‌ కారణంగా తెలుస్తోంది. వచ్చే ఏడాది వంద బంతుల క్రికెట్‌ను నిర్వహించడానికి ఈసీబీ రంగం సిద్ధం చేయగా, అందులో హర్భజన్‌ సింగ్‌ పాల్గొనడానికి సంసిద్ధత వ్యక్తం చేశాడని సమాచారం. ద హండ్రెడ్‌ లీగ్‌ను  గురువారం అధికారికంగా లాంచ్‌ చేయగా, పలువురు ఆటగాళ్లు పేర్లు తెరపైకి వచ్చాయి. దీనిలో భాగంగా భారత్‌ నుంచి హర్భజన్‌ సింగ్‌ పేరు కూడా ప్రముఖంగా వినిపించింది. ప్రధానంగా భారత పురుష క్రికెటర్లు విదేశీ టీ20 లీగ్‌లో ఆడటానికి ఇంకా బీసీసీఐ అనుమతి ఇవ్వని నేపథ్యంలో హర్భజన్‌ పేరు రావడం చర్చనీయాంశంగా మారింది. దీనిలో భాగంగా ద హండ్రెడ్‌ లీగ్‌లో హర్భజన్‌ సింగ్‌ పాల్గొనడానికి తమ నుంచి ఎటువంటి అనుమతులు లేవని భారత క్రికెట్‌ కంట్రోల్‌ బోర్డు(బీసీసీఐ) స్పష్టం చేయడంతో ఈ వెటరన్‌ ఆడటానికి మొగ్గుగా ఉన్నాడని వాదనకు బలం చేకూరుస్తుంది. ప్రస్తుతం ఇండియన్‌ ప్రీమియర్‌ లీగ్‌(ఐపీఎల్‌)లో చెన్నై సూపర్‌ కింగ్స్‌(సీఎస్‌కే)కు ప్రాతినిథ్యం వహిస్తున్న భజ్జీ.. ఇంకా అంతర్జాతీయ క్రికెట్‌కు వీడ్కోలు చెప్పలేదు. భారత్‌కు జట్టుకు ఆడి దాదాపు మూడేళ్లు అయినప్పటికీ ఇంకా తన రిటైర్మెంట్‌ను ప్రకటించలేదు హర్భజన్‌. ఒకవేళ హర్భజన్‌ సింగ్‌ ద హండ్రెడ్‌ లీగ్‌లో ఆడదల్చుకుంటే ముందుగా తన రిటైర్మెంట్‌ను ప్రకటించాల్సి ఉంది. అది కూడా వచ్చే ఏడాది ఐపీఎల్‌ ఆరంభానికి ముందే తన అంతర్జాతీయ రిటైర్మెంట్‌పై నిర్ణయం తీసుకోవాల్సి ఉంటుంది. అసలు ద హండ్రెడ్‌ లీగ్‌ అంటే ఏమిటి.. క్రికెట్ కొత్త పుంతలు తొక్కించాలనే ప్రయత్నమే ద హండ్రెడ్‌ రావడానికి కారణం. 2020లో నిర్వహించ తలపెట్టిన 8 జట్ల దేశవాళీ టోర్నీలో వంద బంతుల టోర్నీ నిర్వహించాలని ఈసీబీ నిర్ణయించింది. ఈ మేరకు కొంతకాలం క్రితమే తమ నిర్ణయాన్ని వెల్లడించింది. వంద బంతుల ఫార్మాట్‌లో 15 సాధారణ ఓవర్లు ఉంటే.. ఒక్క ఓవర్లో మాత్రం పది బంతులు ఉంటాయి.  ట్వంటీ20 ఫార్మాట్ కన్నా ఇందులో ఓవరాల్‌గా 40 బంతులు తక్కువగా వేస్తారు. దాదాపు రెండున్నర గంటల సమయం తగ్గుతుంది. బంతులు తక్కువగా ఉండటంతో పాటు క్రికెట్‌ మరింత రసవత్తరంగా మారుతుంది. ఎన్‌ఓసీ ఇంకా కోరలేదు.. తాజా వార్తలపై బీసీసీఐ స్పందించింది. ‘ మా నుంచి హర్భజన్‌ సింగ్‌ ఎటువంటి ఎన్‌ఓసీ సర్టిఫికేట్‌ కోరలేదు.  బీసీసీఐ రూల్స్‌ ప‍్రకారం హర్భజన్‌ సింగ్‌ ఏ లీగ్‌ కోసం పేరును ఇవ్వలేదు. ఒకవేళ ఇస్తే అది బీసీసీఐకి వ్యతిరేకం’ అని బీసీసీఐ స్పష్టం చేసింది. ఇదిలా ఉంచితే, ఇటీవల కెనడాలో జరిగిన గ్లోబల్‌ టీ20లో యువరాజ్‌ సింగ్‌ ఆడాడు. అది కూడా అతను అంతర్జాతీయ టీ20 తర్వాత మాత్రమే జరిగింది. అంతర్జాతీయ క్రికెట్‌తో బీసీసీఐ నిర్వహించే ఐపీఎల్‌కు కూడా యువీ వీడ్కోలు చెప్పడంతోనే విదేశీ లీగ్‌లో ఆడే అవకాశం యువీకి దక్కింది. ఇలా చూస్తూ భజ్జీ కూడా దీన్ని అనుసరించక తప‍్పదు. ద హండ్రెడ్‌లో ఆడాలనుకుంటే మాత్రం అంతర్జాతీయ క్రికెట్‌కు వీడ్కోలు చెప్పడంతో పాటు ఐపీఎల్‌ను కూడా వదులుకోవాలి. గత ఐపీఎల్‌లో భజ్జీకి సీఎస్‌కే చెల్లించిన మొత్తం రూ. 2 కోట్లు. అతన్ని కనీస ధరకే సీఎస్‌కే దక్కించుకుంది. అంటే భజ్జీ రిస్క్‌ చేయదలుచుకుంటే ఐపీఎల్‌ ద్వారా సంపాదించే అవకాశాన్ని కోల్పోవాలి.