ఇంగ్లండ్‌ మాజీ కెప్టెన్‌ మైకేల్‌ వాన్‌ ఆస్ట్రేలియాలో తనకు ఎదురైన భయంకరమైన అనుభవాన్ని పంచుకున్నాడు. తాను కూడా బాండీ బీచ్‌కు వెళ్లాలనుకున్నానని.. అయితే, రెస్టారెంట్‌ నిర్వాహకుల అప్రమత్తతే తనను కాపాడిందని పేర్కొన్నాడు. తాను, తన కుటుంబం ప్రస్తుతం సురక్షితంగా ఉన్నామని తెలిపాడు.కాగా బాండీ బీచ్‌లో కాల్పుల మోతతో ఆస్ట్రేలియా ఆదివారం ఉలిక్కి పడింది. ఇద్దరు ముష్కరులు తుపాకీలు చేతబట్టి విచక్షణారహితంగా కాల్పులు జరిపారు. సంప్రదాయ హనుక్కా వేడుకలో పాల్గొంటున్న యూదులుపై కాల్పులకు తెగబడి దాదాపుగా పదహారు మందిని పొట్టనబెట్టుకున్నారు.తండ్రీ-కొడుకులేఈ ఘటనలో ఇద్దరు పోలీసులు సహా 38 మంది గాయపడగా.. ఇది ముమ్మాటికీ ఉగ్రవాద దాడేనని ఆస్ట్రేలియా ప్రభుత్వం ప్రకటించింది. ఇక ఈ ఘాతుకానికి పాల్పడిన ముష్కరులు తండ్రీ-కొడుకులే కావడం గమనార్హం. వీరు పాకిస్తాన్‌ నుంచి వలస వచ్చి ఆస్ట్రేలియాలో ఉంటున్నారు.పండ్ల వ్యాపారి ధైర్యంమరోవైపు.. వీరిద్దరు ఉన్మాద చర్యకు పాల్పడుతుండగా అహ్మద్‌ అనే పండ్ల వ్యాపారి ధైర్యం ప్రదర్శించి ఓ ఉగ్రవాదిని చెట్టు వెనుక నుంచి పట్టుకుని.. అతడికే గన్‌ గురిపెట్టి తరిమేశాడు. ఇంతలో మరో ఉగ్రవాది అతడిపై కాల్పులు జరుపగా అహ్మద్‌ కుప్పకూలిపోయాడు. ఏదేమైనా అహ్మద్‌ లేకుంటే మరికొంత మంది అమాయకులు ప్రాణాలు కోల్పోయేవారే!ఆ శబ్దాలు వినిఈ పరిణామాలపై ఇంగ్లండ్‌ మాజీ కెప్టెన్‌, కామెంటేటర్‌ మైకేల్‌ వాన్‌ తాజాగా స్పందించాడు. బాండీ బీచ్‌లో కాల్పులు జరిపిన సమయంలో తాను అక్కడికి దగ్గర్లోనే ఉన్నానని తెలిపాడు. ‘‘తొలుత ఆ శబ్దాలు విని షార్క్‌ దాడి చేసిందేమో అనుకున్నాము. అయితే, కాసేపటి తర్వాత చెవులు రిక్కించి వినగా.. అది ఇంకేదో శబ్దమని అర్థమైంది.అపుడు నేను నా కుటుంబంతో కలిసి దగ్గర్లోని ఓ రెస్టారెంట్‌లో ఉన్నాను. మేము ఆర్డర్‌ చేసిన పదార్థాల కోసం వేచి ఉన్నాము. ఇంతలో నాకు ఫోన్‌ కాల్‌ రావడంతో బయటకు వెళ్లి మాట్లాడుతున్నా.అప్పుడు ఓ బౌన్సర్‌ తన చేతిలో తుపాకీ పట్టుకుని నా వైపు వేగంగా దూసుకువచ్చాడు. వెంటనే లోపలికి వెళ్లాలని నన్ను హెచ్చరించాడు. బయట జరుగుతున్న దాడి గురించి మాకు అప్పుడే తెలిసింది. సోషల్‌ మీడియాలో వార్తలు వచ్చాయి. బీచ్‌లో చాలా మందిని బంధించారని కొంతమంది అన్నారు.లోపలి నుంచి తాళం వేశారుసిడ్నీ, ఆస్ట్రేలియా వ్యాప్తంగా ఇలాంటి దాడులు ప్లాన్‌ చేశారనే చర్చ నడుస్తోంది. మేమున్న రెస్టారెంట్‌ తలుపులన్నింటికి లోపలి నుంచి తాళం వేశారు. బయట పరిస్థితి చక్కబడిందని తెలిసిన తర్వాతే మమ్మల్ని పంపించారు. రాత్రి ఏడు గంటల నుంచి తొమ్మిది వరకు మేము అక్కడే లాక్‌ అయిపోయాం.నా జీవితంలో ఇంతటి భయంకర అనుభవాన్ని ఎప్పుడూ ఎదుర్కోలేదు. నాతో పాటు నా భార్య, సోదరి, నా ఇద్దరు కుమార్తెలు, వారి స్నేహితురాలు ఇలా.. అందరం అక్కడే ఉన్నాము. పిల్లలు భయపడకుండా నాలో భయాన్ని అణిచిపెట్టుకుంటూ వారికి ధైర్యం చెప్పాను. వారి గురించే నా ఆందోళన, భయం. బయట ఉన్నవారి పరిస్థితి గురించి కూడా బాధేసింది.బీచ్‌కు వెళ్లాలని మేము అనుకున్నాము. అక్కడే నా కుమారుడు క్రికెట్‌ ఆడుతూ.. పరుగులు తీస్తుంటే చూశాము. పబ్‌, రెస్టారెంట్‌ కాకుండా మా తదుపరి గమ్యం అదే అయి ఉండేది’’ అని ది టెలిగ్రాఫ్‌నకు రాసిన కాలమ్‌లో మైకేల్‌ వాన్‌ పేర్కొన్నాడు.ఆ హీరోకి మనమంతా రుణపడి ఉండాలిఇక ఎక్స్‌ వేదికగానూ ఇదే విషయంపై స్పందిస్తూ.. ‘‘బాండీ ఘటన సమయంలో మేము రెస్టారెంట్లో లాక్‌ అయిపోయి ఉన్నాము. ఇప్పుడు సురక్షితంగా ఇంటికి చేరుకున్నాము. ఎమర్జెన్సీ సర్వీస్‌ వారికి ధన్యవాదాలు.అదే విధంగా.. ఉగ్రవాదిని అడ్డుకుని ఎంతో మంది ప్రాణాలు కాపాడిన ఆ హీరోకి మనమంతా రుణపడి ఉండాలి. ఈ ఘటనతో ప్రభావితమైన ప్రతి ఒక్కరికి నా సానుభూతి’’ అని మైకేల్‌ వాన్‌ పోస్ట్‌ పెట్టాడు. కాగా ఆసీస్‌- ఇంగ్లండ్‌ మధ్య ప్రతిష్టాత్మక యాషెస్‌ టెస్టు సిరీస్‌ కామెంట్రీ కోసం వాన్‌ ఆస్ట్రేలియాకు వెళ్లాడు.చదవండి: ‘గోట్‌ టూర్‌’ చీఫ్‌ ఆర్గనైజర్‌ జైలుకు!

క్రికెట్ అభిమానుల‌ను దాదాపు నెల‌ రోజుల పాటు అల‌రించిన ఆండ‌ర్స‌న్‌-టెండూల్క‌ర్ ట్రోఫీకి సోమ‌వారం(ఆగ‌స్టు 4)తో ఎండ్ కార్డ్ ప‌డింది. ఈ ట్రోఫీలో భాగంగా ఓవ‌ల్ వేదిక‌గా జ‌రిగిన ఐదో టెస్టులో ఇంగ్లండ్‌పై భారత్ 6 పరుగుల తేడాతో ఉత్కంఠభరితమైన విజయాన్ని సాధించింది. దీంతో ఐదు మ్యాచ్‌ల సిరీస్ 2-2తో స‌మ‌మైంది.ఈ విజ‌యంలో భార‌త పేస‌ర్లు మ‌హ్మ‌ద్ సిరాజ్, ప్ర‌సిద్ద్ కృష్ణ కీలక పాత్ర పోషించారు. ఆఖరి రోజు ఆటలో ఇంగ్లండ్ విజయానికి 35 పరుగులు అవసరమవ్వగా.. భారత్ గెలుపునకు 4 వికెట్లు కావాల్సి ఉండేది. ఈ సమయంలో సిరాజ్‌, ప్రసిద్ద్ అద్బుతం చేసి తమ జట్టుకు చిరస్మరణీయ విజయాన్ని అందించారు. అయితే భారత చేతిలో ఓటమిని ఇంగ్లండ్ మాజీ క్రికెటర్లు జీర్ణించుకుకోలేకపోతున్నారు. తాజాగా ఇంగ్లండ్ మాజీ కెప్టెన్ మైఖల్ వాన్ ఆసక్తికర వ్యాఖ్యలు చేశాడు. రెగ్యులర్ కెప్టెన్ బెన్ స్టోక్స్ ఆడుంటే ఓవల్ టెస్టులో ఇంగ్లండ్ విజయం సాధించేందని వాన్ అభిప్రాయపడ్డాడు. కాగా ఈ టోర్నీ ఆసాంతం అద్బుతమైన ప్రదర్శన కనబరిచిన బెన్ స్టోక్స్ ఆఖరి టెస్టు భుజం గాయం కారణంగా దూరమయ్యాడు. అతడి స్దానంలో ఓలీ పోప్ కెప్టెన్‌గా వ్యవహరించాడు."బెన్ స్టో​‍క్స్ ఆడకపోవడమే ఆఖరి టెస్టులో ఇంగ్లండ్ ఓటమి పాలైంది. ఒకవేళ అతడు జట్టులో ఉండి ఉంటే ఫలితం మరో విధంగా ఉండేది. అతడు జట్టును మానసికంగా సిద్దం చేయడంలో కీలక పాత్ర పోషించేవాడు. ఆఖరి రోజు ఆటలో ఇంగ్లండ్ బ్యాటర్లు భయపడ్డారు. ఒక చిన్న భాగ‍స్వామ్యం వచ్చి వుంటే వారు గెలిచేవారు. కానీ అలా చేయలేకపోయారు. స్పష్టంగా వారిలో తీవ్ర ఒత్తడి కన్పించింది. భారీ షాట్లకు ప్రయత్నించి తమ వికెట్లను కోల్పోయారు" అని బీబీసీకి ఇచ్చిన ఇంటర్వ్యూలో వాన్ పేర్కొన్నాడు. కాగా 374 పరుగుల లక్ష్య చేధనలో ఇంగ్లండ్ 367 పరుగులకు ఆలౌటైంది.చదవండి: కన్నీటిపర్యంతమైన గంభీర్‌.... గూస్‌బంప్స్‌ తెప్పించేశారు భయ్యా! వీడియో వైరల్‌

టీమిండియా కెప్టెన్‌ శుబ్‌మన్‌ గిల్‌ (Shubman Gill) సరైన వ్యూహాలు అమలు చేయడంలో విఫలమయ్యాడని ఇంగ్లండ్‌ మాజీ సారథి మైకేల్‌ వాన్‌ అన్నాడు. ఇంగ్లండ్‌తో నాలుగో టెస్టులో బౌలర్ల సేవలు సరిగ్గా వినియోగించుకోలేకపోయాడంటూ పెదవి విరిచాడు. శుక్రవారం నాటి తొలి సెషన్‌లో స్పిన్నర్ల చేతికి బంతిని ఇచ్చి ఉంటే బాగుండేదని అభిప్రాయపడ్డాడు.కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా ఐదు టెస్టుల సిరీస్‌లో 1-2తో టీమిండియా వెనుకబడి ఉంది. మాంచెస్టర్‌ వేదికగా బుధవారం మొదలైన నాలుగో టెస్టులో గెలిస్తేనే గిల్‌ సేనకు సిరీస్‌ ఆశలు సజీవంగా ఉంటాయి. అయితే, ప్రస్తుత పరిస్థితి చూస్తుంటే డ్రా కోసం టీమిండియా ప్రయత్నించడమే ఉత్తమంగా కనిపిస్తోంది.358 పరుగులకు ఆలౌట్‌టాస్‌ ఓడి మొదట బ్యాటింగ్‌ చేసిన భారత్‌ తొలి ఇన్నింగ్స్‌లో 358 పరుగులకు ఆలౌట్‌ అయింది. ఇందుకు దీటుగా బదులిస్తున్న ఇంగ్లండ్‌.. శుక్రవారం నాటి మూడో రోజు ఆట ముగిసేసరికి ఏడు వికెట్ల నష్టానికి ఏకంగా 544 పరుగుల భారీ స్కోరు సాధించింది. భారత్‌ కంటే 186 పరుగుల ఆధిక్యం సంపాదించింది.భారీ ఆధిక్యంలో ఇంగ్లండ్‌టీమిండియా బౌలర్ల వైఫల్యం కారణంగా ఇంగ్లండ్‌ ఓపెనర్లు జాక్‌ క్రాలీ (113 బంతుల్లో 84), బెన్‌ డకెట్‌ (100 బంతుల్లో 94) మరోసారి ‘బజ్‌బాల్‌’ శైలిలో రెచ్చిపోయారు. మరోసారి జో రూట్‌ తన అనుభవాన్ని ప్రదర్శిస్తూ రికార్డు శతకం (150)తో చెలరేగగా.. కెప్టెన్‌ బెన్‌ స్టోక్స్‌ (77 నాటౌట్‌) కూడా అర్ధ శతకం పూర్తి చేసుకున్నాడు. తద్వారా ఆతిథ్య జట్టుకు ఈ మేర ఆధిక్యం లభించింది.ప్రధాన పేసర్‌ జస్‌ప్రీత్‌ బుమ్రా పేస్‌లో పదును తగ్గగా.. మహ్మద్‌ సిరాజ్‌తో పాటు అరంగేట్ర పేసర్‌ అన్షుల్‌ కంబోజ్‌ పెద్దగా ప్రభావం చూపలేకపోతున్నాడు. ఈ ముగ్గురూ తలా ఒక వికెట్‌ దక్కించుకోగా.. ఇక శార్దూల్‌ ఠాకూర్‌ మరోసారి విఫలమయ్యాడు. అయితే, స్పిన్నర్లు రవీంద్ర జడేజా, వాషింగ్టన్‌ సుందర్‌ చెరో రెండు వికెట్లు పడగొట్టి సత్తా చాటారు.గిల్‌.. నేనైతే ఆ తప్పు చేసేవాడిని కాదుఈ నేపథ్యంలో శుబ్‌మన్‌ గిల్‌ కెప్టెన్సీ తీరుపై మైకేల్‌ వాన్‌ విమర్శలు గుప్పించాడు. ‘‘నేనే గనుక గిల్‌ స్థానంలో ఉండి ఉంటే.. స్పిన్నర్లతో రోజును ఆరంభించేవాడిని. కనీసం వారికి రెండు- మూడు ఓవర్లు వేసే అవకాశం ఇచ్చేవాడిని.కానీ గిల్‌ అలా చేయలేదు. అందుకు కారణమేమిటో అతడే వివరించాలి. అతడు వ్యూహాత్మక తప్పిదాలు చేశాడు’’ అని మైకేల్‌ వాన్‌ పేర్కొన్నాడు. ఇక దురదృష్టవశాత్తూ బుమ్రా కూడా ఈ పిచ్‌పై రాణించలేకపోయాడని.. సిరాజ్‌ మాత్రం ఫర్వాలేదనిపించాడన్నాడు. అదే విధంగా.. గంటకు 78- 81 మైళ్ల వేగంతో బౌలింగ్‌ చేసే శార్దూల్‌ ఠాకూర్‌ నుంచి ఇక్కడ మెరుగైన ప్రదర్శన ఆశించడం కూడా తప్పేనని వాన్‌ అభిప్రాయపడ్డాడు. ఇక అన్షుల్‌ కొత్త వాడని.. ఆదిలోనే అతడు అద్భుతాలు చేయలేడని పేర్కొన్నాడు. వీరందరితో నెగ్గుకురావడం కాస్త కష్టమేనంటూ ఒకానొక సందర్భంలో గిల్‌కు మద్దతు పలికాడు.చదవండి: AUS vs WI: టిమ్ డేవిడ్ మెరుపు సెంచ‌రీ.. విండీస్‌ను చిత్తు చేసిన ఆసీస్‌

సచిన్‌ టెండుల్కర్‌ (Sachin Tendulkar).. మహేంద్ర సింగ్‌ ధోని (MS Dhoni).. విరాట్‌ కోహ్లి (Virat Kohli).. ఈ మూడు పేర్లకు ప్రత్యేకంగా పరిచయం అక్కర్లేదు. క్రికెట్‌ను కూడా ఓ మతంగా భావించే భారత్‌లో కోట్లాది మంది అభిమానులకు వీరు దేవుళ్లతో సమానం అంటే అతిశయోక్తి కాదు. తమదైన ఆటతో గ్లోబల్‌ స్టార్లుగా ఎదిగిన వీరు.. సంపాదనలోనూ ముందే ఉన్నారు.రెండు చేతులా సంపాదనఈ టీమిండియా దిగ్గజ త్రయం వెయ్యి కోట్లకు పైగా సంపాదన కలిగి ఉన్నారని అంచనా. క్రికెటర్లుగా బీసీసీఐ నుంచి పొందే ప్రయోజనాలతో పాటు.. తమ క్రేజ్‌ను క్యాష్‌ చేసుకునే క్రమంలో ఎన్నో ప్రఖ్యాత బ్రాండ్లకు వీరు అంబాసిడర్లుగా ఉన్నారు. తద్వారా రెండు చేతులతో సంపాదిస్తున్నారు.శతక శతకాల ధీరుడు సచిన్‌, మూడు ఐసీసీ ట్రోఫీల వీరుడు ధోని రిటైర్‌ అయినా.. సంపాదనలో మాత్రం ముందే ఉన్నారు. ఇక కోహ్లి గురించి ప్రత్యేకంగా చెప్పనవసరం లేదు. ఈ నేపథ్యంలో టీమిండియా సూపర్‌స్టార్ల సంపద గురించి ఇంగ్లండ్‌ మాజీ కెప్టెన్‌ మైకేల్‌ వాన్‌ అడిగిన ప్రశ్నకు.. భారత జట్టు మాజీ హెడ్‌కోచ్‌ రవిశాస్త్రి ఇచ్చిన సమాధానం వైరల్‌గా మారింది.రూ. 100 కోట్లకు పైగానే‘‘టీమిండియా సూపర్‌స్టార్ల సంపాదన ఏమేర ఉంటుంది’’ అని ఓ పాడ్‌కాస్ట్‌లో వాన్‌.. రవిశాస్త్రిని అడిగాడు. ఇందుకు బదులిస్తూ.. ‘‘వాళ్ల సంపాదన చాలా చాలా ఎక్కువగానే ఉంటుంది. ఎండార్స్‌మెంట్ల ద్వారా రూ. 100 కోట్లకు పైగానే సంపాదించి ఉంటారు.నోరెళ్లబెట్టిన ఇంగ్లండ్‌ స్టార్లు!అవును.. పది మిలియన్ల పౌండ్లు. నేనైతే వంద రూపాయలకు ఒక పౌండ్‌ చొప్పున ఇప్పుడు లెక్కకడుతున్నా. ఎంఎస్‌, విరాట్‌, సచిన్‌... 15- 20కి పైగా యాడ్లు చేస్తారు. రోజూ ఏదో వ్యాపకం ఉంటుంది. ఒక్కరోజు నటించే యాడ్‌తో కోట్లు సంపాదిస్తారు’’ అని రవిశాస్త్రి చెప్పాడు. దీంతో నోరెళ్లబెట్టడం వాన్‌ వంతైంది. అతడితో పాటు అక్కడే ఉన్న అలిస్టర్‌ కుక్‌ కూడా ఆశ్చర్యపోయాడు.ఎవరికి వారే సాటికాగా సచిన్‌ టెండుల్కర్‌ అంతర్జాతీయ క్రికెట్‌లో వంద సెంచరీలు చేసి... ఎవరికీ అందనంత ఎత్తులో ఉన్నాడు. అతడి పేరిట ఉన్న ఈ ప్రపంచ రికార్డు బద్దలయ్యే ప్రసక్తే లేదని చెప్పవచ్చు. ఇక ధోని టీమిండియాకు 2007లో టీ20 ప్రపంచకప్‌, 2011లో వన్డే వరల్డ్‌కప్‌, 2013లో చాంపియన్స్‌ ట్రోఫీ రూపంలో మూడు ఐసీసీ టైటిళ్లు అందించాడు.మరోవైపు.. సూపర్‌స్టార్‌ కోహ్లి ఇంటర్నేషనల్‌ క్రికెట్‌లో ఇప్పటికి ఎనభై రెండు శతకాలు సాధించి.. సచిన్‌ తర్వాతి స్థానాన్ని ఆక్రమించాడు. ఇక వన్డేల్లో 51 సెంచరీలతో సచిన్‌ను కూడా అధిగమించి.. అత్యధిక శతకాల వీరుడిగా కొనసాగుతున్నాడు. కాగా అంతర్జాతీయ టీ20లకు, టెస్టులకు రిటైర్మెంట్‌ ప్రకటించిన కోహ్లి.. వన్డేలతో పాటు ఐపీఎల్‌లో కొనసాగుతున్నాడు.చదవండి: మరణాన్నే జయించిన వాడికి ఇదో లెక్కా?: మాజీ క్రికెటర్‌ ప్రశంసలు

భారత్‌, ఇంగ్లండ్‌ అండర్‌ 19 జట్ల మధ్య జరిగిన తొలి యూత్‌ టెస్ట్‌ డ్రాగా ముగిసింది. బెకెన్హమ్‌లోని కెంట్‌ కౌంటీ క్రికెట్‌ గ్రౌండ్‌లో జరిగిన ఈ మ్యాచ్‌లో ఆట చివరి రోజు అయిన నాలుగో రోజు భారత్‌ నిర్దేశించిన 350 పరుగుల లక్ష్యాన్ని ఛేదిస్తూ ఇంగ్లండ్‌ 7 వికెట్ల నష్టానికి 270 పరుగుల స్కోర్‌ వద్ద ఆగిపోయింది. భారత బౌలర్లకు మరికాస్త సమయం దొరికివుంటే ఈ మ్యాచ్‌లో ఫలితం తేలిది. విజయానికి యంగ్‌ ఇండియా మరో 3 వికెట్ల దూరంలో మాత్రమే ఉండింది. లక్ష్య ఛేదనలో ఇంగ్లండ్‌ సారధి హమ్జా షేక్‌ (112) అద్భుతమైన సెంచరీతో ప్రతిఘటించారు. లోయర్‌ మిడిలార్డర్‌ బ్యాటర్లు బెన్‌ మేస్‌ (51), థామస్‌ రూ (50) అర్ద సెంచరీలతో రాణించారు. భారత బౌలర్లలో అంబరీష్‌ 2, దేవేంద్రన్‌, అన్మోల్‌జీత్‌, విహాన్‌ మల్హోత్రా తలో వికెట్‌ తీశారు.అంతకుముందు భారత్‌ రెండో ఇన్నింగ్స్‌లో 248 పరుగులకు ఆలౌటైంది. వైభవ్‌ సూర్యవంశీ (56), విహాన్‌ మల్హోత్రా (63), అంబరీష్‌ (53) అర్ద సెంచరీలతో రాణించారు. తొలి ఇన్నింగ్స్‌ సెంచరీ హీరో కెప్టెన్‌ ఆయుశ్‌ మాత్రే 32 పరుగులకు ఔటయ్యాడు.బ్యాట్‌తో విఫలమైనా, బంతితో చెలరేగిన ఆర్చీ వాన్‌ఈ మ్యాచ్‌లో ఇంగ్లండ్‌ దిగ్గజ బ్యాటర్‌ మైఖేల్‌ వాన్‌ తనయుడు ఆర్చీ వాన్‌ బ్యాటింగ్‌లో రెండు ఇన్నింగ్స్‌ల్లో (2, 3) విఫలమైనా బంతితో సత్తా చాటాడు. తొలి ఇన్నింగ్స్‌లో 2 వికెట్లు తీసిన వాన్‌.. రెండో ఇన్నింగ్స్‌లో మరింత రెచ్చిపోయి ఏకంగా 6 వికెట్ల ప్రదర్శన నమోదు చేశాడు.మాత్రే సెంచరీ.. టీమిండియా భారీ స్కోర్‌ కెప్టెన్‌ ఆయుశ్‌ మాత్రే (102) సూపర్‌ సెంచరీతో కదంతొక్కడంతో భారత్‌ తొలి ఇన్నింగ్స్‌లో 540 పరుగులకు ఆలౌటైంది. విహాన్‌ మల్హోత్రా (67), అభిగ్యాన్‌ కుందు (90), రాహుల్‌ కుమార్‌ (85), ఆర్‌ఎస్‌ అంబరీష్‌ (70) అర్ద సెంచరీలతో రాణించారు. వైభవ్‌ సూర్యవంశీ (14) ఈ ఇన్నింగ్స్‌లో నిరాశపరిచాడు.సెంచరీ మిస్‌ చేసుకున్న ఫ్లింటాఫ్‌ తనయుడుఅనంతరం బరిలోకి దిగిన ఇంగ్లండ్‌ తమ దిగ్గజ ఆల్‌రౌండర్‌ ఆండ్రూ ఫ్లింటాఫ్‌ తనయుడు రాకీ ఫ్లింటాఫ్‌ (93) సత్తా చాటడంతో తొలి ఇన్నింగ్స్‌లో 439 పరుగులకు ఆలౌటైంది. రాకీతో పాటు కెప్టెన్‌ హమ్జా షేక్‌ (84) సత్తా చాటారు. లోయర్‌ మిడిలార్డర్‌ ఆటగాళ్లు ఎకాంశ్‌ సింగ్‌ (59), రాల్ఫీ ఆల్బర్ట్‌ (50) అర్ద సెంచరీలతో రాణించారు.భారత బౌలర్లలో హెనిల్‌ పటేల్‌ 3 వికెట్లతో సత్తా చాటగా.. అంబరీష్‌, వైభవ్‌ సూర్యవంశీ చెరో 2.. దీపేశ్‌ దేవేంద్రన్‌, మొహమ్మద్‌ ఎనాన్‌, విహాన్‌ మల్హోత్రా తలో వికెట్‌ తీశారు. రెండు మ్యాచ్‌ల ఈ టెస్ట్‌ సిరీస్‌లో రెండో మ్యాచ్‌ జులై 20 నుంచి ప్రారంభం​ కానుంది.

లీడ్స్ వేదిక‌గా ఇంగ్లండ్‌తో జ‌రిగిన తొలి టెస్టులో 5 వికెట్ల తేడాతో టీమిండియా(Teamindia) ఓట‌మి పాలైంది. 371 ప‌రుగుల భారీ ల‌క్ష్యాన్ని కాపాడుకోవ‌డంలో భార‌త బౌల‌ర్లు విఫ‌ల‌మ‌య్యారు. ఆఖ‌రి రోజు ఆట‌లో బౌల‌ర్లు తేలిపోయారు. దీంతో ఈ భారీ టార్గెట్‌ను ఇంగ్లండ్ కేవ‌లం ఐదు వికెట్లు మాత్ర‌మే కోల్పోయి చేధించింది.ఇంగ్లండ్ ఓపెన‌ర్ బెన్ డ‌కెట్(149) భారీ సెంచ‌రీతో చెల‌రేగాడు. ఈ విజ‌యంతో ఐదు మ్యాచ్‌ల సిరీస్‌లో 1-0 ఆధిక్యంలో ఇంగ్లీష్ జ‌ట్టు దూసుకెళ్లింది. కాగా భార‌త్ ఓట‌మికి ప్ర‌ధానం కార‌ణం ఫీల్డింగ్ వైఫ‌ల్య‌మే. మొత్తంగా ఈ మ్యాచ్‌లో 6 క్యాచ్‌ల‌ను భార‌త ఫీల్డ‌ర్లు జార‌విడిచారు.ఆఖ‌రి రోజు ఆట‌లో సైతం టీమిండియా ఫీల్డింగ్ ఏ మాత్రం మెరుగుప‌డ‌లేదు. ఆఖ‌రి రోజు ఆట‌లో మ్యాన్ ఆఫ్‌ది మ్యాచ్‌ బెన్ డ‌కెట్ క్యాచ్‌ను 97 ప‌రుగుల వ‌ద్ద‌ జైశ్వాల్ విడిచిపెట్టాడు. దీంతో అత‌డు ఏకంగా 149 ప‌రుగులు చేసి ఇంగ్లండ్ విజ‌యంలో కీల‌క పాత్ర పోషించాడు.ఈ క్ర‌మంలో పేలవ ఫీల్డింగ్ ప్ర‌ద‌ర్శ‌న క‌న‌బ‌రిచిన టీమిండియాను ఇంగ్లండ్ మాజీ కెప్టెన్ మైఖేల్ వాన్‌(Michael Vaughan) ట్రోలు చేశాడు. "ఈ భార‌త జ‌ట్టుకు ఫీల్డింగ్ కోచ్‌ను నేనే అని ప్ర‌క‌టిస్తున్నాను. నా ఫీల్డింగ్ ఆకాడమీ ప్రస్తుతం బాగా రాణిస్తోంది" అని అని సెటైరిక‌ల్ ట్వీట్ చేశాడు. అతడికి భారత అభిమానులు గట్టిగా కౌంటిరిస్తున్నారు. గతంలో వాన్ క్యాచ్‌లు విడిచిపెట్టిన వీడియోలను ఎక్స్‌లో షేర్ చేస్తున్నారు. గ‌తంలో వాన్‌ త‌న సొంత జట్టును కూడా విధంగానే ట్రోలు చేశాడు. ఇక ఇంగ్లండ్‌-భారత్‌ మధ్య రెండో టెస్టు వచ్చే బుధవారం నుంచి ప్రారంభం కానుంది.చదవండి: వారి వల్లే ఓడిపోయాము.. అందుకు ఇంకా సమయం ఉంది: గిల్‌The CV of the fielding coach: pic.twitter.com/1xkurSt9Qr— 𝐉𝐨𝐟𝐫𝐚 𝐒𝐭𝐨𝐜𝐤 𝐇𝐮𝐧𝐭𝐞𝐫 (@Niteish_14) June 24, 2025

ఐపీఎల్‌-2025ను భార‌త క్రికెట్ బోర్డు వారం రోజుల పాటు తాత్కాలికంగా వాయిదా వేసింది. భార‌త్‌-పాకిస్తాన్ మ‌ధ్య ఉద్రిక్తతలు పెరుగుతున్న నేపథ్యంలో బీసీసీఐ ఈ కీల‌క‌ నిర్ణ‌యం తీసుకుంది. ఈ టోర్నీ ఎప్పుడు పునఃప్రారంభమవుతుందో స్పష్టమైన తేదీని మాత్రం బీసీసీఐ వెల్ల‌డించ‌లేదు.దీంతో విదేశీ ఆట‌గాళ్లు త‌మ స్వ‌దేశానికి ప‌య‌నం కానున్నారు. ఆ త‌ర్వాత ఐపీఎల్ తిరిగి ప్రారంభ‌మైన కూడా చాలా మంది ఆట‌గాళ్లు అందుబాటులో ఉండ‌క‌పోవ‌చ్చు. అయితే మిగిలిన టోర్నీని విదేశాల‌కు త‌ర‌లించిన ఆశ్చ‌ర్య‌పోన‌క్క‌ర్ల‌లేదు. బీసీసీఐకు యూఏఈ మొద‌టి అప్ష‌న్‌గా ఎల్ల‌ప్పుడూ ఉంటుంది. కానీ పాకిస్తాన్ సూప‌ర్ లీగ్‌లో మిగిలిన మ్యాచ్‌ల‌ను కూడా యూఏఈలోనే నిర్వ‌హించాల‌ని పీసీబీ నిర్ణ‌యించింది. దీంతో బీసీసీఐ ఐపీఎల్ మ్యాచ్‌ల‌ను యూఏఈలో నిర్వ‌హిస్తుందా? లేదా భార‌త్‌లోనే కొన‌సాగుస్తుందా అన్నది వేచి చూడాలి. ఈ క్ర‌మంలో భార‌త క్రికెట్ బోర్డుకు ఇంగ్లండ్ మాజీ కెప్టెన్ మైఖేల్ వాన్ కీల‌క సూచ‌న‌లు చేశాడు. ఐపీఎల్‌లో మిగిలిన మ్యాచ్‌లను పూర్తి చేయడానికి ఇంగ్లండ్‌ను మంచి ఎంపికగా బీసీసీఐ ప‌రిగణించాల‌ని వాన్ అభిప్రాయ‌ప‌డ్డాడు. "ఐపీఎల్‌-2025లో మిగిలిన మ్యాచ్‌ల‌ను యూకేలో నిర్వ‌హిస్తే బాగుటుంది. మాకు చాలా స్టేడియాలు ఉన్నాయి.అంతేకాకుండా భార‌త ఆట‌గాళ్లు ఐపీఎల్‌ను పూర్తి చేసుకుని టెస్టు సిరీస్ కోసం ఇంగ్లండ్‌లోనే ఉండిపోవ‌చ్చు. ఇది కేవ‌లం నా ఆలోచ‌న మాత్ర‌మే" అని ఎక్స్‌లో వాన్ రాసుకొచ్చాడు. కాగా ఈ ఏడాది జూన్‌లో భార‌త జ‌ట్టు ఐదు మ్యాచ్‌ల టెస్టు సిరీస్ కోసం ఇంగ్లండ్ ప‌ర్య‌ట‌న‌కు వెళ్ల‌నుంది.చ‌దవండి: IPL 2025: ఐపీఎల్ వాయిదా ఎన్ని రోజులంటే? బీసీసీఐ కీల‌క‌ ప్ర‌క‌ట‌న‌

సన్‌రైజర్స్‌ హైదరాబాద్‌ యాజమాన్యానికి ఇంగ్లండ్‌ మాజీ కెప్టెన్‌ మైకేల్‌ వాన్‌ (Michael Vaughan) కీలక సూచనలు చేశాడు. ‘రోడ్ల’పై బౌలింగ్‌ చేయించే వైఖరికి స్వస్తి పలకాలని.. బౌలర్ల ఆత్మవిశ్వాసాన్ని దెబ్బతీసే విధంగా ప్రవర్తించకూడదని హితవు పలికాడు. మేటి బౌలర్లు జట్టులో ఉన్నా.. బౌలింగ్‌ కోసం స్పెషలిస్టు బ్యాటర్ల మీద ఆధారపడాల్సిన దుస్థితి ఇందుకు నిదర్శమని పేర్కొన్నాడు.కాగా ఇండియన్‌ ప్రీమియర్‌ లీగ్‌ (IPL)-2025లో సన్‌రైజర్స్‌ తమ ఆరంభ మ్యాచ్‌లో అదరగొట్టిన విషయం తెలిసిందే. సొంత మైదానం ఉప్పల్‌లో రాజస్తాన్‌ రాయల్స్‌పై 286 పరుగులు స్కోరు చేసింది. అయితే, రాయల్స్‌ కూడా అంత తేలికగ్గా తలవంచలేదు. 242 రన్స్‌ చేసింది.రైజర్స్‌కు చేదు అనుభవంఇక రెండో మ్యాచ్‌లో మాత్రం రైజర్స్‌కు చేదు అనుభవం ఎదురైంది. లక్నో సూపర్‌ జెయింట్స్‌ (Lucknow Super Giants)తో ఉప్పల్‌లో గురువారం నాటి మ్యాచ్‌లో కమిన్స్‌ బృందం 190 పరుగులకే కుప్పకూలింది. మరోవైపు.. రైజర్స్‌ బ్యాటింగ్‌ పవర్‌ రుచిని వారికే చూపిస్తూ.. ఆట అంటే ఇట్టా ఉండాలి అన్నట్లుగా లక్నో స్టార్‌ నికోలస్‌ పూరన్‌ ఆకాశమే హద్దుగా చెలరేగాడు.ఈ పవర్‌ హిట్టర్‌ను కట్టడి చేయాలని రైజర్స్‌ బౌలర్లు ఎంతగా కష్టపడినా ఫలితం లేకుండా పోయింది. 26 బంతుల్లోనే ఆరు ఫోర్లు, ఆరు సిక్సర్ల సాయంతో 70 పరుగులు సాధించాడు. ఆఖరికి కమిన్స్‌ అద్భుత బంతితో అతడిని వికెట్ల ముందు దొరకబుచ్చుకోవడంతో ఎట్టకేలకు సన్‌రైజర్స్‌కు బ్రేక్‌ దొరికింది. కానీ అప్పటికే జరగాల్సిన నష్టం జరిగిపోయింది. 16.1 ఓవర్లలోనే లక్నో లక్ష్యాన్ని ఛేదించింది.Raining sixes in Hyderabad... but by #LSG 🌧Nicholas Pooran show guides LSG to 77/1 after 6 overs 👊Updates ▶ https://t.co/X6vyVEvxwz#TATAIPL | #SRHvLSG | @LucknowIPL pic.twitter.com/K2Dlk5AXQw— IndianPremierLeague (@IPL) March 27, 2025 400కు పైగా పరుగులుఇక తొలి రెండు మ్యాచ్‌లలో సన్‌రైజర్స్‌ బ్యాటర్ల గురించి పక్కనపెడితే.. బౌలర్లు మాత్రం బాధితులుగా మిగిలిపోయారు. మహ్మద్‌ షమీ, కమిన్స్‌, హర్షల్‌ పటేల్‌, ఆడం జంపా.. ఇలా జట్టులోని బౌలింగ్‌ విభాగం అంతా కలిసి ఇప్పటికే 400 (242, 193)కు పైగా పరుగులు సమర్పించుకున్నారు.కాగా లక్నోతో మ్యాచ్‌లో వికెట్‌ కీపర్‌ బ్యాటర్‌ ఇషాన్‌ కూడా బౌలింగ్‌కు రావడం గమనార్హం. అతడు ఒకే ఒక్క బంతి వేయగా ప్రత్యర్థి బ్యాటర్‌ ఫోర్‌ బాదాడు. ఈ నేపథ్యంలో కామెంటేటర్‌ మైకేల్‌ వాన్‌ మాట్లాడుతూ.. ‘‘ఎస్‌ఆర్‌హెచ్‌ ఇకనైనా జాగ్రత్తగా ఉండాలి.తమ బౌలర్లు ఆత్మవిశ్వాసం కోల్పోకుండా చూసుకోవాలి. ఎందుకంటే వాళ్లు రోడ్లమీద బౌలింగ్‌ చేస్తున్నారు. జంపా ఆటను నాశనం చేశారు. షమీ ఓవర్‌కు 12 పరుగుల చొప్పున ఇచ్చాడు. అందుకే సన్‌రైజర్స్‌ జాగ్రత్త పడాలి.రోడ్ల మీద బౌలింగ్‌ చేయించడం మానుకోండిసొంత మైదానంలో రోడ్ల మీద బౌలింగ్‌ చేయించే పనులు మానుకోవాలి. ఇది ఇలాగే కొనసాగితే వేరే వేదికలపై మీ బౌలర్లు రాణించలేరు. అప్పటికే వాళ్లు ఆత్మవిశ్వాసం కోల్పోయి.. వేరే చోట బౌలింగ్‌ చేయాలంటే భయపడిపోయే స్థితికి వస్తారు’’ అని వాన్‌ చురకలు అంటించాడు.ఇక లక్నోతో మ్యాచ్‌లో ఇషాన్‌ కిషన్‌తో బ్యాటింగ్‌ చేయడాన్ని ప్రస్తావిస్తూ.. ‘‘నాకు తెలిసి కమిన్స్‌కు కొత్త బౌలర్‌ దొరికి ఉంటాడు. వాళ్లు సొంత గ్రౌండ్‌లో ఐదో మ్యాచ్‌ ఆడే సరికి ఇషాన్‌ కిషన్‌ మరిన్ని ఓవర్లు బౌలింగ్‌ చేయాల్సి వస్తదేమో!.. ఎందుకంటే మిగతా బౌలర్లు ..‘ఈ రోడ్ల మీద మేము బౌలింగ్‌ చేయలేము అని చేతులెత్తేస్తారు’’ అంటూ వ్యంగ్యాస్త్రాలు సంధించాడు. క్రిక్‌బజ్‌ షోలో ఈ మేరకు వాన్‌ వ్యాఖ్యలు చేశాడు.చదవండి: BCCI: అతడికి ఈసారి టాప్‌ గ్రేడ్‌.. తొలిసారి వీళ్లకు వార్షిక కాంట్రాక్టులు!

అభిమానులు ఎప్పుడెప్పుడా అని ఎదురుచూస్తున్న మెగా క్రికెట్‌ టోర్నీ ఇండియన్‌ ప్రీమియర్‌ లీగ్‌ (IPL) వినోదం పంచేందుకు సిద్ధమైంది. రెండు నెలలకు పైగా నిర్విరామంగా క్రికెట్‌ ప్రేమికులకు పొట్టి క్రికెట్‌ మజా అందించనుంది. ఐపీఎల్‌-2025 మార్చి 22న మొదలై.. మే 25న ఫైనల్‌తో ముగియనుంది.గతేడాది.. కోల్‌కతా నైట్‌ రైడర్స్‌, సన్‌రైజర్స్‌ హైదరాబాద్‌ (Sunrisers Hyderabad), రాజస్తాన్‌ రాయల్స్‌, రాయల్‌ చాలెంజర్స్‌ బెంగళూరు, చెన్నై సూపర్‌ కింగ్స్‌, ఢిల్లీ క్యాపిటల్స్‌, లక్నో సూపర్‌ జెయింట్స్‌, గుజరాత్‌ టైటాన్స్‌, పంజాబ్‌ కింగ్స్‌, ముంబై ఇండియన్స్‌ పాయింట్ల పట్టికలో వరుసగా ఒకటి నుంచి పది స్థానాల్లో నిలిచిన విషయం తెలిసిందే.పది జట్లలో భారీ మార్పులువీటిలో కోల్‌కతా- హైదరాబాద్‌ ఫైనల్లో తలపడగా.. రైజర్స్‌పై నైట్‌ రైడర్స్‌ విజయం సాధించి చాంపియన్‌గా నిలిచింది. ఇక ఏడాది ఈ పది జట్లలో భారీ మార్పులు చోటుచేసుకున్నాయి. మెగా వేలం-2025 నేపథ్యంలో ఐదు జట్ల కెప్టెన్లూ మారారు. లక్నోకు రిషభ్‌ పంత్‌, పంజాబ్‌కు శ్రేయస్‌ అయ్యర్‌, ఢిల్లీకి అక్షర్‌ పటేల్‌, బెంగళూరుకు రజత్‌ పాటిదార్‌, కోల్‌కతాకు అజింక్య రహానే సారథులుగా నియమితులయ్యారు.అత్యధికంగా పదికి 9 పాయింట్లుఈ పరిణామాల నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ ఐపీఎల్‌-2025లో పది జట్లకు తనదైన శైలిలో రేటింగ్‌ ఇచ్చాడు. అదే విధంగా.. ప్లే ఆఫ్స్‌ చేరే జట్లు, విజేతపై తన అంచనా తెలియజేశాడు. గుజరాత్‌ టైటాన్స్‌ జట్టుకు అత్యధికంగా పదికి 9 పాయింట్లు ఇచ్చిన మైకేల్‌ వాన్‌.. అతి తక్కువగా ఢిల్లీ క్యాపిటల్స్‌కు 5 పాయింట్లు వేశాడు.అయితే, గతేడాది పేలవ ప్రదర్శన కనబరిచిన పంజాబ్‌ కింగ్స్‌, లక్నో సూపర్‌ జెయింట్స్‌కు ఏడేసి పాయింట్లు ఇవ్వడం విశేషం. ఇక 2024లో పద్నాలుగింట కేవలం నాలుగే గెలిచి అట్టడుగున నిలిచిన ముంబై ఇండియన్స్‌కు ఏకంగా 7.5 రేటింగ్‌ ఇవ్వడం గమనార్హం. అన్ని జట్ల కంటే ఈసారి గుజరాత్‌ టైటాన్స్‌ గొప్పగా ఉందన్న మైకేల్‌ వాన్‌.. ఆ జట్టును తొమ్మిది పాయింట్లతో టాప్‌లో నిలిపాడు.ఇక గతేడాది ఫైనలిస్టు అయిన సన్‌రైజర్స్‌ హైదరాబాద్‌కు 6.5 పాయింట్లే ఇచ్చిన వాన్‌.. ఈసారి ఆ జట్టు ప్లే ఆఫ్స్‌ చేరే అవకాశాలు చాలా తక్కువని అభిప్రాయపడ్డాడు. నాలుగో స్థానం కోసం ఎస్‌ఆర్‌హెచ్‌.. పంజాబ్‌, లక్నోలతో పోటీ పడుతుందని అంచనా వేశాడు. ఈసారి ముంబై ఇండియన్స్‌ చాంపియన్‌గా నిలవడం ఖాయమని వాన్‌ జోస్యం చెప్పాడు. ఈ మేరకు క్రిక్‌బజ్‌తో తన అభిప్రాయాలు పంచుకున్నాడు.ఐపీఎల్‌-2025 జట్లకు మైకేల్‌ వాన్‌ ఇచ్చిన రేటింగ్‌(పది పాయింట్లకు)👉గుజరాత్‌ టైటాన్స్‌- 9👉కోల్‌కతా నైట్‌ రైడర్స్‌- 8👉లక్నో సూపర్‌ జెయింట్స్‌- 7👉పంజాబ్‌ కింగ్స్‌- 7👉సన్‌రైజర్స్‌ హైదరాబాద్‌- 6.5👉రాయల్‌ చాలెంజర్స్‌ బెంగళూరు- 6.5👉రాజస్తాన్‌ రాయల్స్‌- 6.5👉చెన్నై సూపర్‌ కింగ్స్‌- 6👉ఢిల్లీ ‍క్యాపిటల్స్‌- 5.మైకేల్‌ వాన్‌ ఎంచుకున్న టాప్‌-4 జట్లు(ప్లే ఆఫ్స్‌)గుజరాత్‌, కోల్‌కతా, ముంబై ఇండియన్స్‌ టాప్‌-3లో ఉండగా.. నాలుగో స్థానం కోసం లక్నో, పంజాబ్‌, సన్‌రైజర్స్‌ పోటీ.విజేతపై మైకేల్‌ వాన్‌ అంచనాఈసారి ముంబై ఇండియన్స్‌ ట్రోఫీ గెలిచే అవకాశం.చదవండి: CT 2025: టీమిండియాకు భారీ నజరానా ప్రకటించిన బీసీసీఐ

భారత జట్టు ‘బలం’ ముందు ఇంగ్లండ్‌ మాజీ కెప్టెన్‌ మైకేల్‌ వాన్‌(Michael Vaughan) తలవంచాడు. టీమిండియా విజయాలను తక్కువ చేసి మాట్లాడిన అతడే.. పరిమిత ఓవర్ల క్రికెట్‌లో ప్రపంచంలోనే గొప్ప జట్టు అని భారత్‌ను కొనియాడాడు. ‘హోం అడ్వాంటేజ్‌’ అంటూ విమర్శలుచాంపియన్స్‌ ట్రోఫీ-2025(ICC Champions Trophy)లో రోహిత్‌ సేనకు ‘హోం అడ్వాంటేజ్‌’ ఉంటుందని విమర్శించిన వాన్‌.. ఇప్పుడు ద్వితీయ శ్రేణి జట్టుతోనే టీమిండియా టైటిల్‌ గెలవగలదని కితాబు ఇచ్చాడు.కాగా పాకిస్తాన్‌ వేదికగా ఫిబ్రవరి 19న ఐసీసీ చాంపియన్స్‌ ట్రోఫీ మొదలు కాగా.. టీమిండియా భద్రతా కారణాల దృష్ట్యా అక్కడికి వెళ్లలేదు. అంతర్జాతీయ క్రికెట్‌ మండలి ఆమోదంతో తటస్థ వేదికైన దుబాయ్‌లోనే తమ మ్యాచ్‌లన్నీ ఆడింది. అయితే, ఒకే మైదానంలో ఆడటం వల్ల ఇతర జట్లతో పోలిస్తే భారత్‌కు అదనపు ప్రయోజనాలు చేకూరుతున్నాయని.. అలవాటైన స్టేడియంలో ఆడటం వారికి సానుకూలాంశమని ఇంగ్లండ్‌ మాజీ క్రికెటర్లు విమర్శించారు.అంతేగాక.. టీమిండియాతో మ్యాచ్‌ల కోసం ఇతర జట్లు పాకిస్తాన్‌- దుబాయ్‌(Dubai) మధ్య ప్రయాణాలు చేయడం కూడా ఇబ్బందికరమేనని పేర్కొన్నారు. వేదిక ఏదైనా టీమిండియాకు తిరుగు లేదంటూ సునిల్‌ గావస్కర్‌ వంటి భారత క్రికెట్‌ దిగ్గజాలు ఈ విమర్శలను తిప్పికొట్టారు.ఏదేమైనా గ్రూప్‌ దశలో బంగ్లాదేశ్‌, పాకిస్తాన్‌, న్యూజిలాండ్‌లను ఓడించి టాపర్‌గా సెమీస్‌ చేరిన రోహిత్‌ సేన.. ఆస్ట్రేలియాపై గెలిచి ఫైనల్లో అడుగుపెట్టింది. దుబాయ్‌ అంతర్జాతీయ స్టేడియంలో ఆదివారం నాటి మ్యాచ్‌లో న్యూజిలాండ్‌ను నాలుగు వికెట్ల తేడాతో ఓడించి విజేతగా అవతరించింది.టీమిండియా-‘బి’ టీమ్‌ కూడా ఫైనల్‌ చేరేదిఈ నేపథ్యంలో మైకేల్‌ వాన్‌ భారత జట్టు ఆట తీరును కొనియాడాడు. అదే విధంగా.. భారత్‌ ‘బెంచ్‌ స్ట్రెంత్‌’ను ఉద్దేశించి ఆసక్తికర ట్వీట్‌ చేశాడు. ‘‘నిజాయితీగా చెప్పాలంటే.. పరిమిత ఓవర్ల క్రికెట్లో ఇండియా అత్యుత్తమ జట్టుగా కొనసాగుతోంది. ఈ విజయానికి వారు అర్హులు. టీ20 ప్రపంచకప్‌ గెలిచిన వెంటనే.. ఇండియా చాంపియన్స్‌ ట్రోఫీ కూడా గెలిచింది.జైస్వాల్‌, వర్మ, శర్మ, స్కై, పంత్‌, రెడ్డి, సుందర్‌, చహల్‌, అర్ష్‌దీప్‌, బుమ్రా, బిష్ణోయిలతో కూడిన జట్టు కూడా ఫైనల్‌కు చేరేది. టైటిల్‌ కూడా గెలిచేది. వైట్‌బాల్‌ క్రికెట్‌లో వారి బెంచ్‌ బలానికి ఇంతకంటే గొప్ప నిదర్శనం మరొకటి ఉండదు’’ అని మైకేల్‌ వాన్‌ ‘ఎక్స్‌’ పోస్టులో రాసుకొచ్చాడు.అతడు దూరం.. వారు బెంచ్‌కే పరిమితంకాగా భారత ప్రధాన పేసర్‌ జస్‌ప్రీత్‌ బుమ్రా వెన్నునొప్పి కారణంగా చాంపియన్స్‌ ట్రోఫీ మొత్తానికి దూరం కాగా.. యశస్వి జైస్వాల్‌ను ఆఖరి నిమిషంలో తప్పించి వరుణ్‌ చక్రవర్తిని జట్టులోకి తీసుకుంది మేనేజ్‌మెంట్‌. ఇక ఈ జట్టులో రిషభ్‌ పంత్‌కు స్థానం దక్కినా.. వికెట్‌ కీపర్‌ కోటాలో కేఎల్‌ రాహుల్‌ను తుదిజట్టులో ఆడించారు. దీంతో పంత్‌ బెంచ్‌కే పరిమితమయ్యాడు. వాషింగ్టన్‌ సుందర్‌, అర్ష్‌దీప్‌ సింగ్‌లదీ ఇదే పరిస్థితి.ఇక వీరితో పాటు తిలక్‌ వర్మ, అభిషేక్‌ శర్మ, సూర్యకుమార్‌ యాదవ్‌, నితీశ్‌ కుమార్‌ రెడ్డి, యజువేంద్ర చహల్‌, రవి బిష్ణోయిలతో కూడిన జట్టు కూడా చాంపియన్స్‌ ట్రోఫీ ఫైనల్‌కు చేరేదంటూ మైకేల్‌ వాన్‌ పేర్కొనడం విశేషం.చదవండి: Team of the Tourney 2025: జట్టును ప్రకటించిన ఐసీసీ.. రోహిత్‌కు దక్కని చోటు

ఇంగ్లండ్‌తో టీ20 సిరీస్‌లో టీమిండియా కెప్టెన్‌ సూర్యకుమార్‌ యాదవ్‌(Suryakumar Yadav) వైఫల్యాలు కొనసాగుతున్నాయి. కోల్‌కతా టీ20లో మూడు బంతులు ఎదుర్కొన్న ఈ కుడిచేతి వాటం బ్యాటర్‌ డకౌట్‌ అయ్యాడు. ఇంగ్లండ్‌ పేసర్‌ జోఫ్రా ఆర్చర్‌(Jofra Archer) బౌలింగ్‌లో.. వికెట్‌ కీపర్‌ ఫిల్‌ సాల్ట్‌కు క్యాచ్‌ ఇచ్చి.. పరుగుల ఖాతా తెరవకుండానే పెవిలియన్‌ చేరాడు.తీరు మార్చుకోని సూర్యఇక చెన్నైలో జరిగిన రెండో టీ20లోనూ సూర్య నిరాశపరిచాడు. ఏడు బంతులు ఎదుర్కొన్న ఈ ‘మిస్టర్‌ 360’.. మూడు ఫోర్లతో టచ్‌లోకి వచ్చినట్లు కనిపించాడు. కానీ 12 పరుగుల వద్ద పేసర్‌ బ్రైడన్‌ కార్సే బౌలింగ్‌లో బౌల్డ్‌ అయ్యాడు. తాజాగా రాజ్‌కోట్‌(Rajokot T20I) వేదికగా సాగిన మూడో టీ20లోనూ సూర్య విఫలమయ్యాడు. ఈ వన్‌డౌన్‌ బ్యాటర్‌ ఏడు బంతులు ఎదుర్కొని ఒక ఫోర్‌, ఒక సిక్సర్‌ సాయంతో 14 పరుగులు చేశాడు.ఈ క్రమంలో ఇంగ్లండ్‌ పేసర్‌ మార్క్‌ వుడ్‌ బౌలింగ్‌లో సాల్ట్‌కు క్యాచ్‌ ఇచ్చి నిష్క్రమించాడు. అయితే, తొలి రెండు మ్యాచ్‌లలో టీమిండియా గెలుపొందడంతో సూర్య వైఫల్యంపై పెద్దగా చర్చ జరుగలేదు. ఆ రెండు టీ20లలో బౌలర్లతో పాటు.. వరుసగా అభిషేక్‌ శర్మ(34 బంతుల్లో 79), తిలక్‌ వర్మ(55 బంతుల్లో 72*) బ్యాట్‌తో రాణించడంతో భారత్‌ గెలుపొందింది.అయితే, మూడో టీ20లో బ్యాటర్లంతా చేతులెత్తేయడంతో ఓటమి తప్పలేదు. ముఖ్యంగాబ్యాటింగ్‌ ఆర్డర్‌లో మార్పులు, సూర్య వైఫల్యం ప్రధానంగా చర్చకు వచ్చింది. ఈ నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ సూర్యకుమార్‌ యాదవ్‌ ఆట తీరుపై ఆ‍గ్రహం వ్యక్తం చేశాడు.అంత తొందరెందుకు? కళ్లు మూసి తెరిచేలోపే‘‘ఎల్లప్పుడూ దూకుడుగానే ఆడాలని భావిస్తే.. అందుకు సరైన బంతిని ఎంచుకోవడం అత్యంత ముఖ్యం. అలా కాకుండా ఏ బంతికైనా అగ్రెసివ్‌గానే ఉంటానంటే కుదరదు. ప్రతి బాల్‌ను బౌండరీకి తరలించడం కుదరదు కదా!..టీమిండియా ఈ స్థాయిలో ఉందంటే.. అందుకు వారి అత్యుత్తమ ఆటగాళ్లు ఫామ్‌లో ఉండటమే కారణం. అందుకే వాళ్లు వరల్డ్‌ చాంపియన్స్‌ అయ్యారు. కానీ.. పదే పదే ఒకే తరహా తప్పులు చేస్తే ఎలా? సూర్యకుమార్‌ యాదవ్‌ వచ్చాడు.. రెండు మంచి షాట్లు ఆడాడు. అంతే.. కన్నుమూసి తెరిచేలోగా మళ్లీ డగౌట్‌కు చేరుకున్నాడు. జట్టు గెలుపునకు అతడు తన వంతు సహకారం అందించనేలేదు’’ అని మైకేల్‌ వాన్‌ క్రిక్‌బజ్‌ షోలో వ్యాఖ్యానించాడు. కాగా రాజ్‌కోట్‌లో ఐదు ఓవర్లు ముగిసేసరికి టీమిండియా స్కోరు 48-2 ఉన్న సమయంలో సూర్య క్రీజులోకి వచ్చాడు. రాగానే జోఫ్రా ఆర్చర్‌ బౌలింగ్‌లో రెండు షాట్లు బాదిన సూర్య.. మార్క్‌ వుడ్‌ బౌలింగ్‌లోనూ తన ట్రేడ్‌మార్క్‌ ఫ్లిక్‌ షాట్‌ ఆడేందుకు ప్రయత్నించాడు. ఈ క్రమంలో బంతి గాల్లోకి లేవగా.. ఫిల్‌ సాల్ట్‌ క్యాచ్‌ అందుకున్నాడు. కాగా ఇంగ్లండ్‌తో మూడో టీ20లో టాస్‌ గెలిచిన టీమిండియా తొలుత బౌలింగ్‌ చేయగా.. బట్లర్‌ బృందం 171 పరుగులు చేసింది. అయితే, లక్ష్య ఛేదనలో సూర్యసేన 145 పరుగులకే పరిమితమైంది. ఫలితంగా ఇంగ్లండ్‌ చేతిలొ 26 పరుగుల తేడాతో ఓడిపోయింది. దీంతో ఐదుమ్యాచ్‌ల టీ20 సిరీస్‌లో టీమిండియా ఆధిక్యం ప్రస్తుతానికి 2-1కి తగ్గింది. ఇరుజట్ల మధ్య శుక్రవారం పుణెలో నాలుగో టీ20 జరుగుతుంది.చదవండి: భారత్‌ బ్యాటింగ్‌ ఆర్డర్‌ సరిగ్గా లేదు.. అతడిని లోయర్‌ ఆర్డర్‌లో ఆడిస్తారా?

ఇంగ్లండ్‌ అండర్‌-19 జట్టు కెప్టెన్‌గా ఇంగ్లండ్‌ మాజీ సారధి మైఖేల్‌ వాన్‌ కొడుకు ఆర్కీ వాన్‌ (Archie Vaughan) ఎంపికయ్యాడు. 19 ఏళ్ల ఆర్కీ వాన్‌ త్వరలో సౌతాఫ్రికాలో పర్యటించబోయే ఇంగ్లండ్‌ యువ జట్టును సారధిగా వ్యవహరించనున్నాడు. ఆర్కీ వాన్‌ తన తండ్రి మైఖేల్‌ వాన్‌ బాటలోనే ఇంగ్లండ్‌ జట్టుకు నాయకత్వం వహించనున్నాడు. మైఖేల్‌ వాన్‌ హయాం ఇంగ్లండ్‌ జట్టుకు స్వర్ణ యుగం లాంటిది. మైఖేల్‌ వాన్‌ కెప్టెన్సీలో ఇంగ్లండ్‌ 2005 యాషెస్‌ సిరీస్‌ నెగ్గింది. 18 ఏళ్ల తర్వాత ఇంగ్లండ్‌కు లభించిన తొలి యాషెస్‌ విజయం ఇది. మైఖేల్‌ వాన్‌ 51 టెస్ట్‌ల్లో, 60 వన్డేల్లో ఇంగ్లండ్‌కు కెప్టెన్‌గా వ్యవహరించాడు.మైఖేల్‌ వాన్‌ తనయుడు ఆర్కీ వాన్‌ తొలిసారి ఇంగ్లండ్‌ అంతర్జాతీయ జట్టుకు సారధిగా ఎంపికయ్యాడు. ఇంగ్లండ్‌ అండర్‌-19 జట్టు సౌతాఫ్రికా పర్యటనలో మూడు వన్డేలు, రెండు టెస్ట్‌ మ్యాచ్‌లు ఆడనుంది. సౌతాఫ్రికా పర్యటన జనవరి 17న ప్రారంభం​ కానుంది. ఈ పర్యటనలో తొలుత వన్డే సిరీస్‌ జరుగనుంది. తొలి వన్డేకు కేప్‌టౌన్‌ ఆతిథ్యమివ్వనుంది. అనంతరం జనవరి 27న స్టెల్లెన్‌బాష్‌ వేదికగా తొలి టెస్ట్‌ ప్రారంభమవుతుంది.ఆర్కీ వాన్‌ ఇటీవలే ఇంగ్లండ్‌ కౌంటీ క్రికెట్‌లోకి కూడా అడుగుపెట్టాడు. వాన్‌ సోమర్‌సెట్‌ తరఫున నాలుగు ఫస్ట్‌ క్లాస్‌ మ్యాచ్‌లు ఆడాడు. ఆర్కీ వాన్‌ తన స్వల్ప ఫస్ట్‌ క్లాస్‌ కెరీర్‌లో అదరగొట్టాడు. బ్యాటింగ్‌ ఆల్‌రౌండర్‌ అయిన వాన్‌ 236 పరుగులు చేసి 15 వికెట్లు పడగొట్టాడు. సర్రేపై ఆర్కీ వాన్‌ రెండు ఐదు వికెట్ల ప్రదర్శనలు నమోదు చేశాడు. ఆర్కీ వాన్‌ ఇటీవలే లిస్ట్‌-ఏ క్రికెట్‌లో కూడా అరంగేట్రం చేశాడు. మెట్రో బ్యాంక్‌ కప్‌ ఆర్కీ వాన్‌ తన తొలి 50 ఓవర్ల మ్యాచ్‌ ఆడాడు.ఇటీవలి కాలంలో ఇంగ్లండ్‌ అండర్‌-19 జట్టుకు ఎంపికైన రెండో మాజీ ఆటగాడి తనయుడు ఆర్కీ వాన్‌. కొద్ది రోజుల కిందట ఇం​గ్లండ్ దిగ్గజ ఆల్‌రౌండర్‌ ఆండ్రూ ఫ్లింటాప్‌ తనయుడు రాకీ ఫ్లింటాఫ్‌ ఇంగ్లండ్‌ అండర్‌-19 జట్టుకు ఎంపికయ్యాడు. అయితే ప్రస్తుతం సౌతాఫ్రికా పర్యటన కోసం ఎంపిక చేసిన ఇంగ్లండ్‌ యువ జట్టులో రాకీ ఫ్లింటాఫ్‌కు చోటు దక్కలేదు.సౌతాఫ్రికా పర్యటన కోసం ఇంగ్లండ్ అండర్-19 జట్టు: ఆర్కీ వాన్ (కెప్టెన్‌), ఫర్హాన్ అహ్మద్, తజీమ్ అలీ, బెన్ డాకిన్స్, కేష్ ఫోన్సేకా, అలెక్స్ ఫ్రెంచ్, అలెక్స్ గ్రీన్, జాక్ హోమ్, జేమ్స్ ఇస్బెల్, ఎడ్డీ జాక్, బెన్ మాయెస్, జేమ్స్ మింటో, హ్యారీ మూర్, జో మూర్స్, థామస్ రెవ్, ఆర్యన్ సావంత్, నావ్య శర్మ, అలెగ్జాండర్ వేడే.

స్వ‌దేశంలో న్యూజిలాండ్‌తో జ‌రిగిన టెస్టు సిరీస్‌ను 3-0తో భార‌త జ‌ట్టు కోల్పోయిన సంగ‌తి తెలిసిందే. 24 ఏళ్ల త‌ర్వాత తొలిసారి సొంతగడ్డపై టెస్టు సిరీస్‌లో వైట్‌వాష్‌కు గురై టీమిండియా ఘోర అవ‌మానాన్ని ఎదుర్కొంటుంది. ప్ర‌పంచంలోనే స్పిన్‌కు బాగా ఆడుతారని పేరొందిన భార‌త బ్యాట‌ర్లు.. ఇప్ప‌డు అదే స్పిన్‌ను ఆడేందుకు భయ‌ప‌డుతున్నారు. ముంబై 147 ప‌రుగుల స్వ‌ల్ఫ ల‌క్ష్యాన్ని కూడా భార‌త్ చేధించ‌లేక చ‌తిక‌ల‌ప‌డింది. కివీస్ స్పిన్న‌ర్ల దాటికి భార‌త బ్యాట‌ర్లు విల్ల‌విల్లాడారు. భార‌త‌ సెకెండ్ ఇన్నింగ్స్‌లో మొత్తం 9 వికెట్లు కివీ స్పిన్న‌ర్లే ప‌డ‌గొట్ట‌డం గ‌మ‌నార్హం. అయితే ఇదే అవ‌కాశంగా తీసుకుని భార‌త జ‌ట్టును ఇంగ్లండ్‌, పాకిస్తాన్ మాజీ క్రికెటర్లు ఎగతాళి చేస్తున్నారు. తాజాగా ఇంగ్లండ్ మాజీ కెప్టెన్ మైకేల్ వాన్, పాక్ దిగ్గ‌జం వసీమ్ అక్రమ్‌లు భారత జట్టును ఉద్దేశించి కీలక వ్యాఖ్యలు చేశారు.పాక్ కూడా ఓడిస్తుంది?మెల్‌బోర్న్ వేదిక‌గా తొలి వన్డేలో పాకిస్తాన్‌, ఆస్ట్రేలియా జ‌ట్లు త‌ల‌ప‌డుతున్నాయి. ఈ మ్యాచ్‌లో అక్రమ్,మైఖేల్ వాన్‌లు కామేంట‌ర్‌ల‌గా వ్య‌వ‌హ‌రిస్తున్నారు. ఈ క్ర‌మంలో పాక్ ఇన్నింగ్స్ సంద‌ర్భంగా వాన్ మాట్లాడుతూ.."పాకిస్తాన్‌-భార‌త్ మ‌ధ్య టెస్టు సిరీస్ జరిగితే చూడాలనుకుంటున్నాను' అని అన్నాడు. అందుకు బ‌దులుగా అక్ర‌మ్ "నిజంగా అలా జ‌రిగితే చాలా బాగుంటుంది. ఇది రెండు దేశాల మ‌ధ్య స్నేహ‌ బంధాన్ని పెంచుతుంది" అని సమాధానమిచ్చాడు. ఇక్క‌డ‌వ‌ర‌కు అంతే బాగానే చివ‌రిలో అక్ర‌మ్, వాన్‌ త‌న వక్ర బుద్దిని చూపించుకున్నారు. "ఇప్పుడు స్పిన్‌పిచ్‌ల‌పై టీమిండియాను పాక్ ఓడించ‌గ‌ల‌దు" అని వాన్‌ వ్యాఖ్యనించాడు. అక్రమ్‌ కూడా అందుకు అంగీకరించాడు."భార‌త్ స్పిన్‌ను ఆడ‌టంలో ఇబ్బంది ప‌డుతంది. కాబ‌ట్టి ట‌ర్నింగ్ వికెట్‌ల‌పై టీమిండియాను ఓడించే అవ‌కాశ‌ముంది. న్యూజిలాండ్ భార‌త జ‌ట్టును వారి స్వ‌దేశంలోనే 3-0 తేడాతో వైట్‌వాష్ చేసింది" అని అక్ర‌మ్ రిప్లే ఇచ్చాడు. కాగా వీరిద్ద‌రి కామెంట్ల‌పై భార‌త జ‌ట్టు అభిమానులు మండిప‌డుతున్నారు. ముందు మీ జ‌ట్టు సంగ‌తి చూసుకోండి అంటూ కామెంట్లు చేస్తున్నారు.చదవండి: సొంతగడ్డపైనే ఘోర అవమానం.. గంభీర్‌కు బీసీసీఐ షాక్‌!.. ఇక చాలు..

ఇంగ్లండ్‌ మాజీ కెప్టెన్‌ మైకేల్‌ వాన్‌పై టీమిండియా అభిమానులు మండిపడుతున్నారు. ‘‘ముందు మీ జట్టు సంగతి చూసుకో.. ఆ తర్వాత మా వాళ్ల గురించి మాట్లాడు’’ అంటూ చురకలు అంటిస్తున్నారు. మరోసారి భారత జట్టును తక్కువ చేసి మాట్లాడితే సహించబోమని సోషల్‌ మీడియా వేదికగా హెచ్చరికలు జారీ చేస్తున్నారు.సొంతగడ్డపై అత్యల్ప స్కోరుకాగా టీమిండియా ప్రస్తుతం న్యూజిలాండ్‌తో స్వదేశంలో టెస్టులు ఆడుతున్న విషయం తెలిసిందే. ప్రపంచ చాంపియన్‌షిప్‌ 2023-25లో భాగంగా బెంగళూరు వేదికగా ఇరుజట్ల మధ్య తొలి మ్యాచ్‌ జరుగుతోంది. ఇందులో రోహిత్‌ సేన తమ తొలి ఇన్నింగ్స్‌లో కేవలం 46 పరుగులకే ఆలౌట్‌ అయింది. తద్వారా సొంతగడ్డపై అత్యల్ప స్కోరు నమోదు చేసింది.పెద్ద గండం నుంచి బయటపడినిజానికి.. ఒకానొక దశలో 34 పరుగులకే ఏడు వికెట్లు కోల్పోయిన వేళ.. కథ తొందరగానే ముగుస్తుందేమోనని అభిమానులు భయపడ్డారు. ఆస్ట్రేలియా చేతిలో ఎదురైన పరాభవం మరోసారి పునరావృతమవుతుందేమోనని బెంబేలెత్తిపోయారు. ఆయితే, రిషభ్‌ పంత్‌ (20)కారణంగా టీమిండియా పెద్ద గండం నుంచి బయటపడింది. దీంతో అభిమానులు కాస్త ఊపిరి పీల్చుకున్నారు.టీమిండియా అభిమానుల ముఖాలు అంటూ టీజింగ్‌..కాగా ఆస్ట్రేలియా గడ్డపై 2020-21 టెస్టు సిరీస్‌లో భారత జట్టు 36 పరుగులకే కుప్పకూలిన విషయం తెలిసిందే. అడిలైడ్‌లో జరిగిన ఈ మ్యాచ్‌లో టీమిండియా చేసిన స్కోరు.. తమ టెస్టు క్రికెట్‌ చరిత్రలోనే అత్యల్పం. ఈ నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ ఎక్స్‌ వేదికగా రోహిత్‌ సేన వైఫల్యాన్ని ఉద్దేశిస్తూ.. టీమిండియా ఫ్యాన్స్‌ను టీజ్‌ చేశాడు. ‘కాస్తైనా సిగ్గుండాలి అంటూ కౌంటర్స్‌‘‘కనీసం మీ వాళ్లు 36 పరుగుల మార్కు దాటేశారు.. చూడండి.. టీమిండియా అభిమానుల ముఖాలు ఎలా వెలిగిపోతున్నాయో!’’ అంటూ వాన్‌ హేళన చేశాడు. ఇందుకు బదులిస్తూ.. ‘‘మమ్మల్ని కామెంట్‌ చేయడానికి కాస్తైనా సిగ్గుండాలి.2019 తర్వాత టీమిండియాపై ఇంగ్లండ్‌ సిరీస్‌ గెలవనే లేదు. టీమిండియా డబ్ల్యూటీసీ 2023-25 పాయింట్ల పట్టికలో టాప్‌లో ఉంది. ఫైనల్‌ చేరబోతోంది. ఇంగ్లండ్‌కు ఆ అవకాశం లేనే లేదు. అయినా ఐర్లాండ్‌ చేతిలో మీ జట్టు 52 రన్స్‌కే ఆలౌట్‌ అయిన విషయం మర్చిపోయావా?’’ అంటూ భారత జట్టు ఫ్యాన్స్‌ వాన్‌ను ఓ ఆట ఆడుకుంటున్నారు. కాగా బెంగళూరు టెస్టులో న్యూజిలాండ్‌ 402 పరుగులకు ఆలౌట్‌ అయి.. భారీ ఆధిక్యం సాధించింది. తొలి ఇన్నింగ్స్‌లో టీమిండియా కంటే 356 పరుగుల ఆధిక్యంలో నిలిచింది.చదవండి: టీమిండియా 46 ఆలౌట్‌.. అజింక్య రహానే పోస్ట్‌ వైరల్‌Look on the bright side Indian fans .. at least you have got past 36 .. 😜😜— Michael Vaughan (@MichaelVaughan) October 17, 2024

పాకిస్తాన్‌ క్రికెట్‌ బోర్డు(పీసీబీ) తీరుపై ఇంగ్లండ్‌ మాజీ కెప్టెన్‌ మైకేల్‌ వాన్‌ మండిపడ్డాడు. అత్యుత్తమ ఆటగాడిని జట్టు నుంచి తప్పించడం సెలక్టర్ల తెలివితక్కువతనానికి అద్దం పడుతోందన్నాడు. పీసీబీ అర్థంపర్థంలేని నిర్ణయాలకు ఇది పరాకాష్ట అంటూ విమర్శించాడు. కాగా పాకిస్తాన్‌ క్రికెట్‌ జట్టు గత కొంతకాలంగా గడ్డు పరిస్థితులు ఎదుర్కొంటున్న విషయం తెలిసిందే.బాబర్‌పై వేటుముఖ్యంగా టెస్టుల్లో దాదాపు మూడున్నర సంవత్సరాలుగా ఒక్క విజయం కూడా నమోదు చేయలేకపోయింది. వన్డే వరల్డ్‌కప్‌-2023 తర్వాత టెస్టు కెప్టెన్సీ నుంచి బాబర్‌ ఆజం తప్పుకోగా.. అతడి స్థానాన్ని షాన్‌ మసూద్‌తో భర్తీ చేసింది పీసీబీ. అయితే, అప్పటి నుంచి పరిస్థితి ఇంకా దిగజారింది. ఆస్ట్రేలియా పర్యటనతో పాటు సొంతగడ్డపై బంగ్లాదేశ్‌ చేతిలో పాకిస్తాన్‌ టెస్టు సిరీస్‌లలో క్లీన్‌స్వీప్‌ అయింది.ఫలితంగా మసూద్‌ కెప్టెన్సీపై కూడా తీవ్ర విమర్శలు వెల్లువెత్తాయి. ఇక తాజాగా ఇంగ్లండ్‌తో స్వదేశంలో జరుగుతున్న మూడు మ్యాచ్‌ల టెస్టు సిరీస్‌లోనూ పాక్‌ వైఫల్యం కొనసాగిస్తోంది. తొలి టెస్టులో ఏకంగా ఇన్నింగ్స్‌ 47 పరుగుల తేడాతో ఓడిపోయింది. ఇరు జట్ల మధ్య అక్టోబరు 15 నుంచి రెండో టెస్టు మొదలుకానుంది.పీసీబీ మూర్ఖత్వానికి ఇది పరాకాష్టఈ నేపథ్యంలో మిగిలిన రెండు టెస్టులకు ప్రకటించిన జట్టు నుంచి టాప్‌ బ్యాటర్‌ బాబర్‌ ఆజంను తప్పించింది. ఈ విషయంపై స్పందించిన ఇంగ్లండ్‌ మాజీ క్రికెటర్‌ మైకేల్‌ వాన్‌.. ‘‘చాలా కాలం నుంచి పాకిస్తాన్ ఇప్పటి వరకు ఒక్క టెస్టు కూడా గెలవలేదు. ఈ సిరీస్‌లోనూ 1-0తో వెనుకబడి ఉంది. అయినప్పటికీ అత్యుత్తమ ఆటగాడు బాబర్‌ ఆజంను తప్పించింది. పాకిస్తాన్‌ క్రికెట్‌ ఎన్నెన్నో ఆశ్చర్యకరమైన నిర్ణయాలు తీసుకుంటోంది.అందులో ఇది పరాకాష్టలాంటిది. ఇంతకంటే తెలివి తక్కువతనం, మూర్ఖత్వం మరొకటి ఉండదు! ఒకవేళ అతడే స్వయంగా విరామం కావాలని గనుక అడిగి ఉండకపోతే!‌’’ అని ఎక్స్‌ వేదికగా పీసీబీ విధానాలను, సెలక్టర్ల తీరును తప్పుబట్టాడు.మూడు ఫార్మాట్లలోనూ ఆటగాడిగా, కెప్టెన్‌గా బాబర్‌ భేష్‌ తొమ్మిదేళ్ల అంతర్జాతీయ కెరీర్‌లో బాబర్‌ ఆజం పాకిస్తాన్‌ నంబర్‌వన్‌ బ్యాటర్‌గా ఎదిగాడు. టెస్టు, వన్డే, టీ20 ఫార్మాట్లలో పలు కీలక విజయాలు అందించడంతో పాటు కెప్టెన్‌గా కూడా చెప్పుకోదగ్గ ఘనతలు సాధించాడు. అంతేకాదు.. సుదీర్ఘ కాలం ఐసీసీ వన్డే ర్యాంకింగ్స్‌లో నంబర్‌వన్‌ బ్యాటర్‌గా కూడా కొనసాగాడు. అయితే ఇటీవల ఫామ్‌ కోల్పోయిన అతను టెస్టుల్లో పరుగులు చేయడంతో తీవ్రంగా ఇబ్బంది పడుతున్నాడు.గడ్డుకాలంచివరగా... డిసెంబర్‌ 2022లో హాఫ్‌ సెంచరీ నమోదు చేసిన బాబర్‌...గత 18 టెస్టు ఇన్నింగ్స్‌లలో ఒక్క అర్ధ శతకం కూడా బాదలేకపోయాడు. ఇర 2023 నుంచి ఆడిన 9 టెస్టుల్లో అతడు సాధించిన పరుగుల సగటు 21 మాత్రమే. ఇంగ్లండ్‌తో తొలి టెస్టులో కూడా బ్యాటింగ్‌కు బాగా అనుకూలించిన ముల్తాన్‌ పిచ్‌పై బాబర్‌ 30, 5 పరుగులు మాత్రమే సాధించడం గమనార్హం. ముఖ్యంగా బౌలింగ్‌కు ఏమాత్రం అనుకూలంగా లేని వికెట్‌పై అతను పేలవంగా ఆడి నిష్క్రమించడం విమర్శలకు తావిచ్చింది.కొత్త సెలక్టర్లు వచ్చారు.. వేటు వేశారు!ఇదిలా ఉంటే.. ఇంగ్లండ్‌తో మొదటి టెస్టులో పాక్‌ ఓడిపోగానే... మాజీ ఆటగాళ్లు ఆకిబ్‌ జావేద్, అసద్‌ షఫీక్, అజహర్‌ అలీ తదితరులతో పాక్‌ బోర్డు హడావిడిగా కొత్త సెలక్షన్‌ కమిటీని ఏర్పాటు చేయడం విశేషం. ఈ ఆటగాళ్లే బాబర్‌ను తప్పించాలని నిర్ణయించారు. అయితే, టాప్‌ బ్యాటర్‌ బాబర్‌పై వేటు పాక్‌ క్రికెట్‌ వర్గాల్లో సంచలన చర్చకు కారణమైంది. ఇటీవల ఫామ్‌ కోల్పోయినా సరే...ప్రస్తుతం పాకిస్తాన్‌ క్రికెట్‌లో అందరికంటే పెద్ద స్టార్‌ ఆటగాడు అతడేనన్నది వాస్తవం.ఇతరులలో మరో ఆటగాడు అతడి దరిదాపుల్లో కూడా లేడు. జట్టు ప్రదర్శనతో సంబంధం లేకుండా వ్యక్తిగతంగా బాబర్‌కు ఎంతో ఫాలోయింగ్‌ ఉంది. ఒక దశలో తన నిలకడైన ఆటతో ‘ఫ్యాబ్‌ 4’తో పోటీ పడుతూ ఐదో ఆటగాడిగా తనకంటూ గుర్తింపు తెచ్చుకున్న బాబర్‌పై వేటు నిజంగా అసాధారణమనే చెప్పవచ్చు. ఈ నేపథ్యంలోనే మైకేల్‌ వాన్‌ కూడా ఘాటుగా స్పందించాడు. కాగా బాబర్‌ 55 టెస్టుల్లో 43.92 సగటుతో 9 శతకాలు, 26 హాఫ్‌ సెంచరీలు సహా 3997 పరుగులు చేశాడు.చదవండి: India vs Australia: భారత్‌ సెమీస్‌ ఆశలకు దెబ్బ!

కాన్పూర్ వేదిక‌గా బంగ్లాదేశ్‌తో జ‌రిగిన రెండో టెస్టులో 7 వికెట్ల తేడాతో అద్భుత విజ‌యం సాధించింది. కేవ‌లం మూడు రోజుల పాటు జ‌రిగిన మ్యాచ్‌లో ఆల్‌రౌండ్ ప్ర‌ద‌ర్శ‌తో బంగ్లాను భార‌త్ చిత్తు చేసింది. దీంతో రెండు మ్యాచ్‌ల టెస్టు సిరీస్‌ను 2-0 తేడాతో భార‌త్ క్లీన్ స్వీప్ చేసింది. దీంతో భార‌త జ‌ట్టుపై స‌ర్వాత్ర ప్ర‌శంస‌ల వ‌ర్షం కురుస్తోంది. కానీ ఇంగ్లండ్ మాజీ కెప్టెన్ మైఖేల్ వాన్ మాత్రం మ‌రోసారి టీమిండియాపై త‌న అక్క‌సును వెళ్ల‌గ‌క్కాడు. ఇంగ్లండ్ బ్రాండ్ క్రికెట్ 'బాజ్‌బాల్‌ను భార‌త్ కాపీ చేసిందని వాన్ ఆరోపించాడు.నిజంగా ఇదొక అద్భుత‌మైన టెస్టు మ్యాచ్‌. నాలుగో రోజు ఆట‌లో భార‌త్ బ్యాటింగ్‌లో అద‌ర‌గొట్టింది. భార‌త క్రికెట‌ర్లు బాజ్‌బాల‌ర్స్‌గా మార‌డం గొప్ప విష‌యం. కేవ‌లం 34.4 ఓవర్లలో 285 పరుగులు చేసి ఇంగ్లండ్ బ్యాటింగ్ స్టైల్‌ను కాపీ కొట్టారు' అని ఓ క్రికెట్ షోలో వాన్ పేర్కొన్నాడు. అయితే ఇదే షోకు కో హోస్ట్‌గా వ్య‌వ‌హ‌రిస్తున్న ఆసీస్ దిగ్గ‌జం ఆడ‌మ్ గిల్ క్రిస్ట్ వాన్‌కు కౌంటిరిచ్చాడు."వాన్ నీవు బాగానే ఉన్నావా? భార‌త్ ఆడింది బజ్‌బాల్ కాదు.. గాంబాల్‌. వారి హెడ్‌కోచ్ గంభీర్ ఇప్ప‌టికే గాంబాల్‌పై పేటెంట్ పొందాడు. ఇప్పుడు ఇంగ్లండ్ కూడా జాగ్ర‌త్త‌గా ఉండాలి" అని గిల్లీ వార్నింగ్ ఇచ్చాడు. అయితే ఇందుకు స్పందించిన వాన్‌.. భార‌త్ గాంబాల్ అచ్చెం బజ్‌బాల్ లానే ఉందంటూ చెప్పుకొచ్చాడు. వర్షం కారణంగా రెండు రోజులు తుడిచిపెట్టుకుపోయిన తర్వాత నాలుగో రోజు ఆటలో భారత బ్యాటర్లు భీబత్సం సృష్టించారు. టీ20లను తలపిస్తూ కేవలం 34.4 ఓవర్లలో 285 పరుగులు చేసింది.చదవండి: IND-W vs SA_W: దక్షిణాఫ్రికాను చిత్తు చేసిన భారత్‌..

ఇండియన్‌ ప్రీమియర్‌ లీగ్‌.. ప్రపంచంలోనే అత్యంత ఖరీదైన టీ20 క్రికెట్‌ టోర్నీ. ఐపీఎల్‌లో ఒక్కసారి ప్రతిభ నిరూపించుకుంటే కాసుల వర్షం కురవడం ఖాయం. ఇంతటి ఖ్యాతి ఉన్న పొట్టి లీగ్‌లో.. కెప్టెన్లుగా ఇప్పటికే తమ జట్లను ఐదుసార్లు చాంపియన్లుగా నిలిపిన ఘనత టీమిండియా దిగ్గజ సారథి మహేంద్ర సింగ్‌ ధోని(చెన్నై సూపర్‌ కింగ్స్‌), రోహిత్‌ శర్మ(ముంబై ఇండియన్స్‌)ల సొంతం.ముగ్గురు లెజెండ్స్‌ ఐపీఎల్‌లో ఒకే జట్టుకు ఆడితే కానీ.. మరో స్టార్‌, భారత మాజీ కెప్టెన్‌ విరాట్‌ కోహ్లికి మాత్రం ఐపీఎల్‌ ట్రోఫీ ఇప్పటికీ అందని ద్రాక్షగానే మిగిలిపోయింది. ఇక ఈ ముగ్గురు మేటి క్రికెటర్లలో ధోని 2008 నుంచి చెన్నై సూపర్‌ కింగ్స్‌తోనే ఉండగా.. కోహ్లి రాయల్‌ చాలెంజర్స్‌ బెంగళూరుతో ప్రయాణం కొనసాగిస్తున్నాడు. రోహిత్‌ మాత్రం ఆరంభంలో దక్కన్‌ చార్జర్స్‌కు ఆడినా.. తర్వాత ముంబై ఇండియన్స్‌లో చేరాడు.ఇదిలా ఉంటే... ఈ ముగ్గురు లెజెండ్స్‌ ఐపీఎల్‌లో ఒకే జట్టుకు ఆడితే ఎలా ఉంటుంది? ముగ్గురిలో ‌ఒకరిని మాత్రమే తుదిజట్టులోకి తీసుకోవాలనే నిబంధన ఉంటే?.. ఇలాంటి క్రేజీ ప్రశ్నే ఎదురైంది ఇంగ్లండ్‌ మాజీ కెప్టెన్‌ మైకేల్‌ వాన్‌, ఆస్ట్రేలియా లెజెండరీ వికెట్‌ కీపర్‌ బ్యాటర్‌ ఆడం గిల్‌క్రిస్ట్‌లకు ఎదురైంది. ఇందుకు మైకేల్‌ వాన్‌ ఇచ్చిన సమాధానం వైరల్‌ అవుతోంది.ధోనిని ఆడిస్తాను.. కెప్టెన్‌గా‘‘నేనైతే ఎంఎస్‌ ధోనిని ఆడిస్తాను. అతడి కంటే మెరుగైన ఆటగాడు మరొకరు ఉండరు. అంతేకాదు నా జట్టుకు ధోనినే కెప్టెన్‌. విరాట్‌కు నా జట్టులో స్థానం ఉండదు. అతడిని వేరే జట్టుకు అమ్మేస్తాను. ఎందుకంటే అతడు ఒక్కసారి ఐపీఎల్‌ టైటిల్‌ గెలవలేదు. రోహిత్‌ ఓవరాల్‌గా ఆరుసార్లు గెలిచాడు. ధోనికి ఐదు ట్రోఫీలు ఉన్నాయి. కాబట్టి ధోనిని ఆడించి.. రోహిత్‌ను అతడికి సబ్‌స్టిట్యూట్‌గా పెడతా. విరాట్‌కు మాత్రం చోటివ్వను’’ అని మైకేల్‌ వాన్‌ ఓ పాడ్‌కాస్ట్‌లో పేర్కొన్నాడు. చదవండి: టీమిండియాకు అతడే కీలకం.. ఆ ఒక్కడిని కట్టడి చేస్తే: కమిన్స్‌ View this post on Instagram A post shared by cricket.com (@cricket.com_official)

టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ పునరాగమనానికి సిద్ధమవుతున్నాడు. దాదాపు ఆరునెలల తర్వాత మళ్లీ భారత జట్టు తరఫున బరిలో​కి దిగనున్నాడు. సొంతగడ్డపై బంగ్లాదేశ్‌తో టెస్టు సిరీస్‌లో పాల్గొననున్నాడు. ఇందుకోసం ఇప్పటికే చెన్నై వేదికగా టీమిండియాతో కలిసి ప్రాక్టీస్‌ చేస్తున్నాడు. ఇదిలా ఉంటే.. ఈ దిగ్గజ స్పిన్నర్‌ ఇటీవల ఓ ఇంటర్వ్యూకు హాజరయ్యాడు.ఈ సందర్భంగా హోస్ట్‌ విమల్‌ కుమార్‌ అడిగిన ప్రశ్నలకు అశూ ఇచ్చిన సమాధానాలు నెట్టింట వైరల్‌ అవుతున్నాయి. తన దృష్టిలో.. బెస్ట్‌ కవర్‌ డ్రైవ్‌ షాట్‌ ఆడేది వీరేనంటూ ఇద్దరు ఇంగ్లండ్‌ మాజీ క్రికెటర్ల పేర్లు చెప్పాడు అశూ. అదే విధంగా.. పుల్‌ షాట్‌ అత్యుత్తమంగా ఆడేది ఇతడేనంటూ ఆస్ట్రేలియా దిగ్గజం పేరును ప్రస్తావించాడు. ఇంతకీ వారెవరంటారా?కోహ్లి, రోహిత్‌ కాదు!కాగా ఆధునిక తరం క్రికెటర్లలో కవర్‌ డ్రైవ్‌ షాట్‌ ఆడటంలో టీమిండియా రన్‌మెషీన్‌ విరాట్‌ కోహ్లి, పాకిస్తాన్‌ మేటి బ్యాటర్‌ బాబర్‌ ఆజం ముందు వరుసలో ఉంటారన్న విషయం తెలిసిందే. అయితే, మాజీ క్రికెటర్లలో డేవిడ్‌ గోవర్‌, మార్క్‌ వా, మైకేల్‌ వాన్‌, సౌరవ్‌ గంగూలీ, మార్కస్‌ ట్రెస్కోతిక్‌ కూడా షాట్‌తో ప్రసిద్ధి చెందినవారే. అయితే, అశ్విన్‌ వీరిలో కోహ్లిని కాదని మార్కస్‌ ట్రెస్కోతిక్‌, మైకేల్‌ వాన్‌లకు ఓటేశాడు.అతడి కవర్‌ డ్రైవ్‌లే ఇష్టం.. పుల్‌ షాట్లు ఆడటంలో అతడు బెస్ట్‌‘‘మార్కస్‌ ట్రెస్కోతిక్‌ అంటే ఇప్పటి యువతలో చాలా మందికి తెలియకపోవచ్చు. నాకైతే అందరికంటే అతడి కవర్‌ డ్రైవ్‌లే ఎక్కువగా నచ్చుతాయి. ఇక​ మైకేల్‌ వాన్‌ కూడా.. అద్భుతంగా ఈ షాట్లు ఆడగలడు’’ అని అశ్విన్‌ చెప్పుకొచ్చాడు. ఇక పుల్‌ షాట్లు ఆడటంలో ఆసీస్‌ మాజీ కెప్టెన్‌ రిక్కీ పాంటింగ్‌కు ఎవరూ సాటిరారని అశ్విన్‌ అభిప్రాయపడ్డాడు. కాగా టీమిండియా కెప్టెన్‌ రోహిత్‌ శర్మ పుల్‌ షాట్లు సూపర్‌గా ఆడతాడన్న విషయం తెలిసిందే.ఇంగ్లండ్‌ బ్యాటింగ్‌ ఆర్డర్‌ పిల్లర్లుగాఇలా.. అభిమానులు ఊహించినట్లుగా కోహ్లి, రోహిత్‌ పేర్లు చెప్పకుండా అశూ.. విదేశీ బ్యాటర్ల పేర్లు చెప్పి ఒకరకంగా వారికి షాకిచ్చాడు. కాగా మార్కస్‌ ట్రెస్కోతిక్‌- మైకేల్‌ వాన్‌ తమ ఆట తీరుతో.. 2000 నాటి తొలినాళ్లలో ఇంగ్లండ్‌ బ్యాటింగ్‌ విభాగానికి రెండు పిల్లర్ల మాదిరి నిలబడ్డారు. ట్రెస్కోతిక్‌ ఇంగ్లండ్‌ తరఫున 76 టెస్టులు ఆడి సగటు 43.79తో 5825 పరుగులు సాధించాడు. ఇందులో 14 శతకాలు ఉన్నాయి. మరోవైపు.. మాజీ కెప్టెన్‌ మైకేల్‌ వాన్‌ 82 టెస్టుల్లో 5719 పరుగులు చేశాడు. అతడి ఖాతాలో 18 సెంచరీలు ఉన్నాయి.చివరగా ఇంగ్లండ్‌తో..టీమిండియా తరఫున అశ్విన్‌ చివరగా ఇంగ్లండ్‌తో టెస్టు సిరీస్‌లో ఆడాడు. స్వదేశంలో మార్చిలో ముగిసిన ఈ ఐదు మ్యాచ్‌ల సిరీస్‌ సందర్భంగానే అశూ.. టెస్టుల్లో 500 వికెట్ల క్లబ్‌లో చేరాడు. ప్రస్తుతం అతడి ఖాతాలో టెస్టుల్లో 516, వన్డేల్లో 156, టీ20లలో 72 వికెట్లు ఉన్నాయి. టెస్టుల్లో ఘనమైన రికార్డు ఉన్న ఈ స్పిన్‌ బౌలింగ్‌ ఐదు శతకాలు కూడా బాదడం విశేషం.చదవండి: కోహ్లిని చూసి నేర్చుకో బాబర్‌.. లేకుంటే కష్టమే: యూనిస్‌ ఖాన్‌

ఇంగ్లండ్‌ ఆటగాడు జో రూట్‌ తాజాగా విండీస్‌తో జరిగిన రెండో టెస్ట్‌లో సూపర్‌ సెంచరీ చేసిన విషయం తెలిసిందే. ఈ సెంచరీతో (32) రూట్‌ ప్రస్తుత తరం​ క్రికెటర్లలో అత్యధిక సెంచరీలు చేసిన ఆటగాళ్ల జాబితాలో అగ్రస్థానానికి, ఓవరాల్‌గా అత్యధిక టెస్ట్‌ సెంచరీలు చేసిన ఆటగాళ్ల జాబితాలో 11వ స్థానానికి, టెస్ట్‌ల్లో అత్యధిక పరుగులు చేసిన ఆటగాళ్ల జాబితాలో ఎనిమిదో స్థానానికి (11940) ఎగబాకాడు.టెస్ట్‌ల్లో 32 సెంచరీలు పూర్తి చేసిన అనంతరం​ రూట్‌పై ఆ దేశ మాజీ కెప్టెన్‌ మైఖేల్‌ వాన్‌ ప్రశంసల వర్షం కురిపించాడు. రూట్‌ అతి త్వరలో ఇంగ్లండ్‌ లీడింగ్‌ టెస్ట్‌ రన్‌ స్కోరర్‌గా అవతరిస్తాడని ఆశాభావం వ్యక్తం చేశాడు. త్వరలో రూట్‌ సచిన్‌ పేరిట ఉన్న అత్యధిక టెస్ట్‌ పరుగుల రికార్డును కూడా సవరిస్తాడని అభిప్రాయపడ్డాడు. ప్రస్తుతం రూట్‌ వయసు 33 ఏళ్లే అని.. మరో రెండు,మూడేళ్లలో సచిన్‌ రికార్డు బద్దలు కావడం ఖాయమని జోస్యం చెప్పాడు.కాగా, రూట్‌ ప్రస్తుతం అత్యధిక టెస్ట్‌ సెంచరీలు చేసిన ఆటగాళ్ల జాబితాలో స్టీవ్‌ స్మిత్‌, కేన్‌ విలియమ్సన్‌, స్టీవ్‌ వాలతో కలిసి సంయుక్తంగా 11వ స్థానంలో ఉన్నాడు. ఈ జాబితాలో సచిన్‌ టెండూల్కర్‌ (51) అగ్రస్థానంలో ఉండగా.. కలిస్‌ (45), పాంటింగ్‌ (41), సంగక్కర (38), ద్రవిడ్‌ (36), యూనిస్‌ ఖాన్‌ (34), గవాస్కర్‌ (34), లారా (34), జయవర్దనే (34), కుక్‌ (33) రూట్‌ కంటే ముందున్నారు. రూట్‌ మరో సెంచరీ చేస్తే.. తన దేశ అత్యుత్తమ టెస్ట్‌ క్రికెటర్‌ అలిస్టర్‌ కుక్‌ రికార్డును సమం చేస్తాడు.అలాగే రూట్‌ మరో 54 పరుగులు చేస్తే అత్యధిక పరుగులు చేసిన ఆటగాళ్ల జాబితాలో బ్రియాన్‌ లారాను (11953) అధిగమించి ఏడో స్థానానికి ఎగబాకుతాడు. ఈ జాబితాలో సచిన్‌ (15921) టాప్‌లో ఉండగా.. పాంటింగ్‌ (13378), కలిస్‌ (13289), ద్రవిడ్‌ (13288), కుక్‌ (12472), సంగక్కర (12400), లారా మాత్రమే రూట్‌ కంటే ముందున్నారు. జులై 26 నుంచి విండీస్‌తో జరుగబోయే చివరి టెస్ట్‌లో రూట్‌ పై పేర్కొన్న వాటిలో కొన్ని రికార్డులను బద్దలు కొట్టే అవకాశం ఉంది.

ఇంగ్లండ్‌ క్రికెట్‌ జట్టు మాజీ కెప్టెన్లు మైఖేల్‌ వాన్‌, ఆండ్రూ ఫ్లింటాఫ్‌ కుటుంబాల్లో రెండో తరం వచ్చింది. వీరిద్దరి కుమారులు ఆర్కీ వాన్‌, రాకీ ఫ్లింటాఫ్‌ ఒకేసారి ఇంగ్లండ్‌ అండర్‌-19 జట్టుకు ఎంపికయ్యారు. శ్రీలంకతో జరిగే టెస్ట్‌ సిరీస్‌తో వీరిద్దరు ఇంగ్లండ్‌ తరఫున అరంగేట్రం చేయనున్నారు.ఆర్కీ, రాకీతో పాటు ప్రస్తుత ఇంగ్లండ్‌ టెస్ట్‌ జట్టు సభ్యులు జో డెన్లీ, రెహాన్‌ అహ్మద్‌ సంబంధీకులు కూడా ఇంగ్లండ్‌ అండర్‌-19 జట్టుకు ఎంపికయ్యారు. జో డెన్లీ అల్లుడు జైడన్‌ డెన్లీ.. రెహాన్‌ అహ్మద్‌ తమ్ముడు ఫర్హాన్‌ అహ్మద్‌ కూడా శ్రీలంక సిరీస్‌లో ఆడనున్నారు.ఆర్కీ వాన్‌, రాకీ ఫ్లింటాఫ్‌ విషయానికొస్తే.. ఈ ఇద్దరు అప్‌కమింగ్‌ క్రికెటర్లు తమ తండ్రుల లాగే బ్యాటింగ్‌, బౌలింగ్‌ స్టయిల్‌లను ఎంచుకున్నారు. ఆర్కీ తన తండ్రి లాగే రైట్‌ హ్యాండ్‌ టాపార్డర్‌ బ్యాటర్‌ కమ్‌ ఆఫ్‌ స్పిన్‌ బౌలర్‌ కాగా.. రాకీ ఫ్లింటాఫ్‌ తన తండ్రి ఆండ్రూ ఫ్లింటాఫ్‌లా పేస్‌ బౌలింగ్‌ ఆల్‌రౌండర్‌.ఆర్కీ వాన్‌, రాకీ ఫ్లింటాఫ్‌ ఒకేసారి అరంగేట్రం చేస్తున్న నేపథ్యంలో ఓ ఆసక్తికర విషయం వెలుగులోకి వచ్చింది. ఆర్కీ, రాకీ ఒకేసారి తమ కెరీర్‌లు ప్రారంభించనుంటే.. మైఖేల్‌ వాన్‌, ఆండ్రూ ఫ్లింటాఫ్‌ కలిసి ఇంగ్లండ్‌ తరఫున 48 టెస్ట్‌లు (1999-2008) ఆడారు. ఇదిలా ఉంటే, ఇంగ్లండ్‌, శ్రీలంక అండర్‌-19 జట్ల మధ్య రెండు మ్యాచ్‌ల టెస్ట్‌ సిరీస్‌ జులై 8వ తేదీ నుంచి ప్రారంభం కానుంది. జులై 8, 16 తేదీల్లో రెండు మ్యాచ్‌లు ప్రారంభం​ కానున్నాయి.ఇంగ్లండ్ U19 స్క్వాడ్: హంజా షేక్ (కెప్టెన్‌), ఫర్హాన్ అహ్మద్, చార్లీ బ్రాండ్, జాక్ కార్నీ, జైద్న్ డెన్లీ, రాకీ ఫ్లింటాఫ్, కేశ్ ఫోన్సెకా, అలెక్స్ ఫ్రెంచ్, అలెక్స్ గ్రీన్, ఎడ్డీ జాక్, ఫ్రెడ్డీ మెక్‌కాన్, హ్యారీ మూర్, నోహ్ థైన్, ఆర్కీ వాన్‌.

ఇంగ్లండ్‌ మాజీ క్రికెటర్‌ మైఖేల్‌ వాన్‌ స్వదేశీ క్రికెట్‌ బోర్డు (ఈసీబీ) తీసుకున్న ఓ నిర్ణయంపై తీవ్రస్థాయిలో అసహనం వ్యక్తం చేశాడు. సహజంగా ఇతర దేశాల ఆటగాళ్లు, క్రికెట్‌ బోర్డులపై వివాదాస్పద వ్యాఖ్యలు చేసే వాన్‌.. ఈసారి ఓ విషయంలో స్వదేశీ బోర్డుపై దుమ్మెత్తిపోశాడు.వివరాల్లోకి వెళితే.. టీ20 వరల్డ్‌కప్‌ 2024 దృష్ట్యా ఇంగ్లండ్‌ క్రికెట్‌ బోర్డు తమ దేశ క్రికెటర్లను ఐపీఎల్‌ ప్లే ఆఫ్స్‌ ఆడనీయకుండా నిషేధాజ్ఞలు విధించింది. ప్రపంచకప్‌ జట్టుకు ఎంపికైన ఆటగాళ్లందరూ మెగా టోర్నీకి ముందు స్వదేశంలో పాక్‌తో జరిగే టీ20 సిరీస్‌లో తప్పక పాల్గొనాలని అల్టిమేటం జారీ చేసింది. దీంతో జోస్‌ బట్లర్‌ (రాజస్థాన్‌), విల్‌ జాక్స్‌ (ఆర్సీబీ), ఫిల్‌ సాల్ట్‌ (కేకేఆర్‌) లాంటి ఆటగాళ్లు కీలకమైన ఐపీఎల్‌ ప్లే ఆఫ్స్‌ ఆడకుండా స్వదేశానికి వెళ్లిపోయారు.ఈ నేపథ్యంలో ఇంగ్లండ్‌ మాజీ కెప్టెన్‌ మైఖేల్‌ వాన్‌ స్పందించాడు. టీ20 వరల్డ్‌కప్‌కు ముందు ఇంగ్లండ్‌ క్రికెటర్లను ఐపీఎల్‌ ప్లే ఆఫ్స్‌ ఆడనీయకుండా ఈసీబీ పెద్ద తప్పిదమే చేసిందని మండిపడ్డాడు. మెగా టోర్నీకి ముందు పాక్‌ లాంటి జట్టుతో స్వదేశంలో సిరీస్‌ ఆడేకంటే ఐపీఎల్‌ ప్లే ఆఫ్స్‌ ఆడి ఉంటేనే ఇంగ్లండ్‌కు మంచి జరిగి ఉండేదని అభిప్రాయపడ్డాడు. ప్లే ఆఫ్స్‌ ఆడి ఉంటే బట్లర్‌, జాక్స్‌, సాల్ట్‌లకు భారీ జనసమూహాల మధ్య ఒత్తిడిని ఎలా అధిగమించాలో తెలిసుండేదని అన్నాడు.ప్రపంచకప్‌కు ముందు లభించిన ఈ అరుదైన అవకాశాన్ని ఈసీబీ చేజేతులారా జారవిడ్చుకుందని ధ్వజమెత్తాడు. స్వదేశీ ఆటగాళ్ల విషయంలో ఈసీబీ ఇంత చిన్న లాజిక్‌ ఎలా మిస్‌ అయ్యిందో అర్దం కావట్లేదని మండిపడ్డాడు.కాగా, ప్రస్తుతం ఇంగ్లండ్‌ స్వదేశంలో పాక్‌తో నాలుగు మ్యాచ్‌ల టీ20 సిరీస్‌ ఆడుతుంది. ఈ సిరీస్‌లో తొలి మ్యాచ్‌ వర్షం కారణంగా రద్దు కాగా.. రెండో టీ20 నిన్ననే ముగిసింది. ఈ మ్యాచ్‌లో ఇంగ్లండ్‌ పాక్‌పై 23 పరుగుల తేడాతో ఘన విజయం సాధించింది. మిగిలిన రెండు మ్యాచ్‌లు 28, 30 తేదీల్లో జరుగనున్నాయి. జూన్‌ 1 నుంచి యూఎస్‌ఏ, వెస్టిండీస్‌ వేదికలుగా జరిగే టీ20 ప్రపంచకప్‌లో పాక్‌, ఇంగ్లండ్‌ జట్లు వేర్వేరు గ్రూప్‌ల్లో పోటీపడుతున్నాయి. పాక్‌.. భారత్‌, కెనడా, యూఎస్‌ఏ, ఐర్లాండ్‌లతో పాటు గ్రూప్‌-ఏలో, ఇంగ్లండ్‌.. ఆసీస్‌, ఒమన్‌, నమీబియా, స్కాట్లాండ్‌లతో పాటు గ్రూప్‌-బిలో తమ అదృష్టాన్ని పరీక్షించుకోనున్నాయి.

టీ20 వరల్డ్‌కప్‌ 2024 ప్రారంభానికి మరి కొద్ది రోజుల సమయం​ మాత్రమే మిగిలి ఉన్న నేపథ్యంలో టోర్నీ విజేతపై క్రికెట్‌ విశ్లేషకులు, వ్యాఖ్యాతలు తమతమ అంచనాలను, అభిప్రాయాలను వెల్లడిస్తున్నారు. పలానా జట్టు జగజ్జేతగా నిలుస్తుందని కొందరంటుంటే.. ఈ ఈ జట్లు సెమీస్‌కు చేరతాయని ఇంకొందరు అంచనా వేస్తున్నారు. ఈ క్రమంలో ఇంగ్లండ్‌ మాజీ కెప్టెన్‌ మైఖేల్‌ వాన్‌ కూడా చాలామంది వ్యాఖ్యాతల లాగే వరల్డ్‌కప్‌పై తన అంచనాలను వెల్లడించాడు. ఇంగ్లండ్‌, ఆస్ట్రేలియా, సౌతాఫ్రికా, వెస్టిండీస్‌ జట్లు ఈసారి సెమీఫైనల్స్‌కు చేరతాయని అభిప్రాయపడ్డాడు. టీమిండియా ఈసారి ఫైనల్‌ ఫోర్‌కు చేరడం కష్టమని పరోక్షంగా వ్యాఖ్యానించాడు. వాన్‌ చెప్పిన జోస్యంపై భారత క్రికెట్‌ అభిమానులు మండిపడుతున్నారు. వాన్‌కు టీమిండియాపై ఇలాంటి వ్యాఖ్యలు చేయడం కొత్తేమీ కాదని కొట్టిపారేస్తున్నారు. టీమిండియా లాంటి పటిష్టమైన జట్టు ఏ ప్రాతిపదిన సెమీస్‌కు చేరదో విశ్లేషించాలని సూచిస్తున్నారు. వరల్డ్‌కప్‌లో పాల్గొనే టీమిండియా అన్ని విభాగాల్లో పటిష్టంగా ఉందని.. సెమీస్‌కు కాదు, ఈసారి ఏకంగా టైటిలే గెలుస్తుందని ధీమా వ్యక్తం చేస్తున్నారు. టీమిండియాపై అవాక్కులు చవాక్కులు పేలడం అలవాటుగా మార్చుకున్న వాన్‌కు తగు రీతిలో చురకలంటిస్తున్నారు. వాస్తవానికి ఈసారి వరల్డ్‌కప్‌ సెమీఫైనలిస్ట్‌లకు అంచనా వేయడం చాలా కష్టం. గతంలో ఎన్నడూ లేనంతగా ఈ సారి వరల్డ్‌కప్‌లో టఫ్‌ ఫైట్‌ నెలకొంది. అన్ని జట్లు అన్ని విభాగాల్లో చాలా పటిష్టంగా, అంచనాలకు అందని విధంగా ఉన్నాయి. దీంతో ఏ జట్టు సెమీఫైనల్‌కు చేరుతుందో చెప్పడం చాలా కష్టం. వాన్‌ లాంటి అనుభజ్ఞులైన వ్యాఖ్యాతలు అశాస్త్రియమైన అంచనాలు వేసి క్రికెట్‌ అభిమానుల ఆగ్రహానికి గురవుతున్నారు.ఇదిలా ఉంటే, టీ20 వరల్డ్‌కప్‌ కోసం న్యూజిలాండ్‌, సౌతాఫ్రికా, ఇంగ్లండ్‌, భారత్‌, ఆస్ట్రేలియా, ఆఫ్ఘనిస్తాన్‌ జట్లను ఇదివరకే ప్రకటించారు. జట్ల ప్రకటనకు ఇవాళే ఆఖరి తేదీ (మే 1) కావడంతో మరికొన్ని గంటల్లో అన్ని దేశాలు తమ జట్లను ప్రకటించవచ్చు. పాకిస్తాన్‌, ఐర్లాండ్‌, కెనడా, యూఎస్‌ఏ, నమీబియా, స్కాట్లాండ్‌, ఒమన్‌, ఉగాండ, వెస్టిండీస్‌, పపువా న్యూ గినియా, శ్రీలంక, బంగ్లాదేశ్‌, నెదర్లాండ్స్‌, నేపాల్‌ దేశాలు తమ వరల్డ్‌కప్‌ జట్లు ప్రకటించాల్సి ఉంది. యూఎస్‌ఏ, వెస్టిండీస్‌ వేదికగా జూన్‌ 1 నుంచి మెగా టోర్నీ ప్రారంభంకానున్న విషయం తెలిసిందే.

టీమిండియా కెప్టెన్‌ రోహిత్‌ శర్మ గురించి ఇంగ్లండ్‌ మాజీ సారథి మైకేల్‌ వాన్‌ ఆసక్తికర వ్యాఖ్యలు చేశాడు. ఐపీఎల్‌-2025లో హిట్‌మ్యాన్‌ కచ్చితంగా జట్టు మారడతాడని అంచనా వేశాడు. ఇప్పటికే ఐదుసార్లు చాంపియన్‌ అయిన చెన్నై సూపర్‌ కింగ్స్‌తో అతడు ప్రయాణం మొదలుపెట్టడం ఖాయమని అభిప్రాయపడ్డాడు. కాగా ఐపీఎల్‌-2024కు ముందే గుజరాత్‌ టైటాన్స్‌ నుంచి హార్దిక్‌ పాండ్యాను ట్రేడ్‌ చేసుకున్న ముంబై ఇండియన్స్‌.. కెప్టెన్‌గా రోహిత్‌ శర్మపై వేటు వేసిన విషయం తెలిసిందే. ఐదుసార్లు ట్రోఫీ అందించిన హిట్‌మ్యాన్‌ను కాదని హార్దిక్‌ పాండ్యాకు పగ్గాలు అప్పగించింది. ఈ క్రమంలో ఇప్పటికే ఫ్రాంఛైజీ నిర్ణయంతో తీవ్ర అసంతృప్తిగా ఉన్న రోహిత్‌ శర్మ జట్టును వీడాలని ఫిక్సయినట్లు వార్తలు వినిపిస్తున్నాయి. ఈ నేపథ్యంలో కామెంటేటర్‌ మైకేల్‌ వాన్‌ తన అభిప్రాయాలు పంచుకున్నాడు. రుతురాజ్‌ గైక్వాడ్‌ కేవలం ఈ ఒక్క ఏడాదే ‘‘రోహిత్‌ శర్మ చెన్నైకి వెళ్లిపోతాడా? ధోని స్థానాన్ని భర్తీ చేస్తాడా? రుతురాజ్‌ గైక్వాడ్‌ కేవలం ఈ ఒక్క ఏడాదే కెప్టెన్‌గా బాధ్యతలు నిర్వర్తిస్తాడా? వచ్చే ఏడాది రోహిత్‌ జట్టుతో చేరేంత వరకు తాత్కాలిక సారథిగా ఉంటాడా? నేనైతే రోహిత్‌ను చెన్నై జట్టులో చూస్తాననే అనుకుంటున్నా’’ అని ఓ పాడ్‌కాస్ట్‌లో మైకేల్‌ వాన్‌ చెప్పుకొచ్చాడు. హైదరాబాద్‌కు ఆడినా బాగానే ఉంటుంది అయితే, ఇందుకు హోస్ట్‌ బదులిస్తూ.. ‘‘రోహిత్‌ ముంబై జట్టును వీడితే అభిమానుల హృదయాలు ముక్కలైపోతాయి కదా?’’ అని పేర్కొనగా.. అవునంటూ వాన్‌ సమాధానమిచ్చాడు. సీఎస్‌కేకు కాకపోతే రోహిత్‌ సన్‌రైజర్స్‌ హైదరాబాద్‌కు వెళ్లినా బాగానే ఉంటుందని.. గతంలో అతడు డెక్కన్‌ చార్జర్స్‌కు ఆడిన విషయాన్ని ఈ సందర్భంగా మైకేల్‌ వాన్‌ గుర్తు చేశాడు. కాగా కెప్టెన్‌ మార్పు విషయాన్ని ముంబై ఇండియన్స్‌, రోహిత్‌ ఫ్యాన్స్‌ ఇప్పటికీ జీర్ణించుకోలేకపోతున్నారు. హార్దిక్‌ పాండ్యాపై ఆగ్రహం వెళ్లగక్కుతూ స్టేడియంలోనే అతడికి చుక్కలు చూపిస్తున్నారు. ఇక ఐపీఎల్‌-2024లో పాండ్యా సారథ్యంలో తొలి మూడు మ్యాచ్‌లు ఓడిన ముంబై.. తర్వాత వరుసగా రెండు మ్యాచ్‌లు గెలచింది. మరోవైపు రోహిత్‌ శర్మ ఇంత వరకు ఒక్క అర్ధ శతకం కూడా బాదలేదు. ఆడిన ఐదు మ్యాచ్‌లలో కలిఇపి 156 పరుగులు చేశాడు. ఇక రుతురాజ్‌ గైక్వాడ్‌ సారథ్యంలో చెన్నై ఐదింట మూడు విజయాలతో పట్టికలో మూడోస్థానంలో కొనసాగుతోంది.  చదండి: IPL 2024 LSG Vs DC: అరంగేట్రంలోనే అదరగొట్టాడు.. ఎవరీ జేక్ ఫ్రేజర్-మెక్‌గుర్క్? var request = 'https://www.sakshi.com/knowwidget/kwstr_7522010156.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

గుజ‌రాత్ టైటాన్స్ కెప్టెన్‌గా టీమిండియా స్టార్ ఓపెన‌ర్ శుబ్‌మ‌న్ గిల్‌కు మంచి మార్కులు ప‌డుతున్నాయి. ఐపీఎల్‌-2024లో హార్దిక్ పాండ్యా నుంచి గుజ‌రాత్ జ‌ట్టు ప‌గ్గాలు చేప‌ట్టిన గిల్‌.. త‌న వ్యూహాత్మ‌క నిర్ణ‌యాల‌తో జ‌ట్టును ముందుకు న‌డిపిస్తున్నాడు. ఈ ఏడాది సీజ‌న్‌లో ఆడిన ఐదు మ్యాచ్‌ల్లో మూడింట‌ గుజ‌రాత్ ఓట‌మి పాలైన‌ప్ప‌టికి.. గిల్ మాత్రం త‌న కెప్టెన్సీతో అంద‌ర‌ని అక‌ట్టుకున్నాడు. అత‌డు బౌల‌ర్లను మార్చే విధానం గానీ ఫీల్డ్ సెట్ కానీ అద్బుతంగా ఉన్నాయి. ఆటు వ్య‌క్తిగ‌త ప్ర‌ద‌ర్శ‌న ప‌రంగా కూడా గిల్ అద‌ర‌గొడుతున్నాడు. ఇప్ప‌టివ‌ర‌కు 5 మ్యాచ్‌లు ఆడిన గిల్ 45.75 స‌గ‌టుతో 183 ప‌రుగులు చేశాడు. ఈ నేప‌థ్యంలో గిల్‌పై ఇంగ్లండ్ మాజీ కెప్టెన్  మైఖేల్ వాన్ ప్ర‌శంస‌ల వ‌ర్షం కురిపించాడు. గిల్‌కు అద్బుత‌మైన కెప్టెన్సీ స్కిల్స్ ఉన్నాయ‌ని వాన్ కొనియాడాడు. కాగా ఆదివారం ల‌క్నో సూప‌ర్ జెయింట్స్‌తో మ్యాచ్‌లో గుజ‌రాత్ ఓట‌మి పాలైన‌ప్ప‌టికి గిల్ మాత్రం కెప్టెన్‌గా విజ‌య‌వంత‌మ‌య్యాడు. తొలుత బౌలింగ్‌లో త‌న కెప్టెన్సీ మార్క్‌తో ల‌క్నోను నామ‌మాత్ర‌పు స్కోరుకే ప‌రిమితం చేశాడు. కానీ ఆ త‌ర్వాత బ్యాట‌ర్లు విఫ‌ల‌మ‌వ‌కావ‌డంతో గుజరాత్ ఓట‌మి పాలైంది. ఈ మ్యాచ్‌లో గిల్ కెప్టెన్సీకి వాన్ ఫిదా అయిపోయాడు. "శుబ్‌మ‌న్ గిల్ సార‌థిగా రోజుకు రోజుకు మ‌రింత ప‌రిణితి చెందుతున్నాడు. అత‌డు భవిష్య‌త్తులో క‌చ్చితంగా భార‌త జ‌ట్టు కెప్టెన్ అవుతాడు. అందులో ఎటువంటి సందేహం లేద‌ని" గుజ‌రాత్-ల‌క్నో మ్యాచ్ అనంత‌రం వాన్ ట్విట్ చేశాడు. హార్దిక్ పాండ్యా,రాహుల్‌, బుమ్రా వంటి వారు రోహిత్ శ‌ర్మ త‌ర్వాత భార‌త కెప్టెన్సీ రేసులో ఉన్న‌ప్ప‌టికి వాన్ మాత్రం గిల్‌ను ఫ్యూచర్ కెప్టెన్‌గా ఎంచుకోవ‌డం గ‌మ‌నార్హం. var request = 'https://www.sakshi.com/knowwidget/kwstr_7552012696.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

టీ20 వరల్డ్‌కప్‌-2024కు అమెరికా, వెస్టిండీస్‌ సంయుక్తంగా ఆతిథ్యం ఇవ్వనున్న సంగతి తెలిసిందే. ఐసీసీ ఇప్పటికే ఈ మెగా టోర్నీకి సంబంధించిన షెడ్యూల్‌ను కూడా ఐసీసీ ప్రకటించింది. జాన్‌ 1 నుంచి ఈ పొట్టి ప్రపంచకప్‌ ప్రారంభం కానుంది. ఈ మెగా ఈవెంట్‌ కోసం ఆయా జట్లు తమ అస్త్రశస్త్రాలను సిద్దం చేసుకుంటున్నాయి. ఈ నేపథ్యంలో ఇంగ్లండ్‌ మాజీ కెప్టెన్ మైఖేల్ వాన్ తన టీ20 వరల్డ్‌కప్‌ టైటిల్‌ ఫేవరేట్‌ జట్టును ఎంచుకున్నాడు. వన్డే ప్రపంచకప్‌-2023ను సొంతం చేసుకున్న ఆస్ట్రేలియానే టీ20 వరల్డ్‌కప్‌ విజేతగా నిలుస్తుందని వాన్‌ జోస్యం చెప్పాడు. షఆసీస్‌ మరోసారి టీ20 ప్రపంచకప్‌ను సొంతం చేసుకుంటుందని నేను భావిస్తున్నాను. నాకు వారిపై 100 శాతం నమ్మకం ఉంది. అదేవిధంగా ఇటీవలే వన్డే వరల్డ్‌కప్‌ను కూడా కైవసం చేసుకున్నారు. అదే ఆత్మవిశ్వాసంతో ఈ టోర్నీలో కూడా బరిలోకి దిగుతారు. వారు బ్యాటింగ్‌ లైనప్‌ అద్బుతం. జట్టులో హెడ్, వార్నర్, మార్ష్, మాక్స్‌వెల్, ఇంగ్లిస్, డేవిడ్ వంటి విధ్వంసకర ఆటగాళ్లు ఉన్నారు. బౌలింగ్‌ పరంగా కూడా ఆసీస్‌ పటిష్టంగా ఉంది. పేస్‌, స్పిన్‌తో సమతూకంగా ఆస్ట్రేలియా కన్పిస్తోంది. అందుకే ఆసీస్‌ను ఫేవరేట్‌గా ఎంచుకున్నానని" వాన్‌ తన యూట్యూబ్‌ ఛానల్‌లో పేర్కొన్నాడు. కాగా వాన్‌ తమ జట్టు ఇంగ్లండ్‌ను కానీ, టీమిండియాను ఎంచుకోపోవడం అందరిని ఆశ్చర్యపరుస్తోంది.  

Ind vs Eng Test Series 2024:  హైదరాబాద్‌ వేదికగా జరిగిన తొలి టెస్టులో రోహిత్‌ శర్మ కెప్టెన్సీని ఇంగ్లండ్‌ మాజీ సారథి మైకేల్‌ వాన్‌ విమర్శించాడు. ఇంగ్లిష్‌ బ్యాటర్లపై తమ బౌలర్లను ప్రయోగించడంలో హిట్‌మ్యాన్‌ తెలివి ప్రదర్శించలేకపోయాడని పెదవి విరిచాడు. ఆ మ్యాచ్‌లో రోహిత్‌ శర్మకు బదులు విరాట్‌ కోహ్లి కెప్టెన్‌గా ఉంటే టీమిండియా అసలు ఓడిపోయేదే కాదని వాన్‌ అభిప్రాయపడ్డాడు. కాగా ఐదు మ్యాచ్‌ల సిరీస్‌లో భాగంగా భారత్‌- ఇంగ్లండ్‌ మధ్య జరిగిన తొలి టెస్టులో రోహిత్‌ సేన ఓటమిపాలైన విషయం తెలిసిందే. ఉప్పల్‌లో జరిగిన ఈ మ్యాచ్‌లో తొలి రెండు రోజులు ఆధిపత్యం కనబరిచిన టీమిండియా.. ఆ తర్వాత చేతులెత్తేసింది. ముఖ్యంగా ఇంగ్లండ్‌ వన్‌డౌన్‌ బ్యాటర్‌ ఒలీ పోప్‌(196) జోరుకు అడ్డుకట్ట వేయలేక ఓటమిని కొనితెచ్చుకుంది. తప్పని ఓటమి కేవలం నాలుగు పరుగుల దూరంలో పోప్‌ డబుల్‌సెంచరీ చేజార్చుకున్నా.. జట్టును మాత్రం గెలిపించగలిగాడు. అతడి అద్భుత ఇన్నింగ్స్‌ కారణంగా 28 పరుగుల తేడాతో తొలి టెస్టులో టీమిండియాపై ఇంగ్లండ్‌ విజయం సాధించింది. తద్వారా 1-0తో ఆధిక్యంలో నిలిచింది. ఈ నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ స్పందిస్తూ.. ‘‘టెస్టు క్రికెట్‌లో విరాట్‌ కోహ్లి కెప్టెన్సీని టీమిండియా బాగా మిస్సవుతోంది.  కోహ్లి కెప్టెన్‌గా ఉంటే టీమిండియా గెలిచేది ఒకవేళ హైదరాబాద్‌ మ్యాచ్‌లో కోహ్లి కెప్టెన్‌గా ఉండి ఉంటే.. భారత జట్టు ఓడిపోయేదే కాదు! రోహిత్‌ శర్మ దిగ్గజ ఆటగాడు అనడంలో సందేహం లేదు. కానీ.. ఆరోజు ఎందుకో పూర్తిగా తనకేమీ పట్టనట్టు.. ఒక్క వ్యూహం కూడా సరిగ్గా అమలు చేయలేకపోయాడు’’ అని యూట్యూబ్‌ చానెల్‌తో పేర్కొన్నాడు. ఇక తన కాలమ్‌లోనూ ఈ విషయాన్ని ప్రస్తావిస్తూ.. ‘‘రోహిత్‌ శర్మ కెప్టెన్సీ మరీ ఆవరేజ్‌గా ఉంది. మైదానంలో అతడు చురుగ్గా కదులుతూ బౌలింగ్లో మార్పులు చేస్తాడనుకున్నా. కానీ ఒలీ పోప్‌ను అవుట్‌ చేసేందుకు.. అతడి స్వీప్‌, రివర్స్‌ షాట్లను ఆపేందుకు రోహిత్‌ ఒక్కసారి కూడా సరైన వ్యూహం పన్నలేదనిపించింది’’ అని మైకేల్‌ వాన్‌ విమర్శించాడు. కాగా ఇంగ్లండ్‌తో తొలి రెండు టెస్టులకు విరాట్‌ కోహ్లి వ్యక్తిగత కారణాల దృష్ట్యా దూరంగా ఉన్న విషయం తెలిసిందే. ఇక తొలి టెస్టులో రోహిత్‌ శర్మ కేవలం 63 రన్స్‌ మాత్రమే చేశాడు. ఇక టీమిండియా- ఇంగ్లండ్‌ మధ్య ఫిబ్రవరి 2 నుంచి రెండో టెస్టు ఆరంభం కానుంది. విశాఖపట్నంలోని డాక్టర్‌ వైఎస్‌ రాజశేఖర్‌రెడ్డి స్టేడియం ఇందుకు వేదిక. చదవండి: Ind vs Eng: ఆ ఇద్దరిలో ఎవరిని ఆడిస్తారు?.. టీమిండియా కోచ్‌ స్పందన ఇదే

దక్షిణాఫ్రికా గడ్డపై తొలిసారి టెస్టు సిరీస్‌ను సొంతం చేసుకోవాలనుకున్న భారత జట్టుకు మరోసారి నిరాశ ఎదురైన సంగతి తెలిసిందే. తొలి టెస్టులో ఇన్నింగ్స్‌ 32 పరుగుల తేడాతో ఘోర ఓటమి చవిచూసిన టీమిండియా.. రెండో టెస్టులో తిరిగి పుంజుకుంది. కేప్‌టౌన్‌ వేదికగా ప్రోటీస్‌తో జరిగిన రెండో టెస్టులో 7 వికెట్ల తేడాతో భారత్‌ చారిత్రాత్మక విజయాన్ని అందుకుంది. దీంతో రెండు మ్యాచ్‌ల సిరీస్‌ను 1-1 సమం రోహిత్‌ సేన చేసింది. ఏదేమైనప్పటికీ సఫారీ గడ్డపై టెస్టు సిరీస్‌ మరోసారి అందని ద్రాక్షగానే మిగిలిపోయింది. అయితే తొలి టెస్టులో ఓటమి అనంతరం టీమిండియాను ఉద్దేశించి ఇంగ్లండ్‌ మాజీ కెప్టెన్‌ మైకేల్‌ వాన్‌ ఘాటు విమర్శలు చేశాడు. గత పదేళ్లలో భారత జట్టు అసలేం సాధించలేదని సంచలన వ్యాఖ్యలు చేశాడు. తాజాగా అతడి వ్యాఖ్యలకు భారత వెటరన్‌ స్పిన్నర్‌ రవిచంద్రన్‌ అశ్విన్‌ గట్టి కౌంటరిచ్చాడు. వాన్‌ కామెంట్స్‌ తనకు నవ్వు వచ్చేలా చేశాయి అంటూ అశ్విన్‌ అన్నాడు. "భారత జట్టు గత పదేళ్లలో ఏమి సాధించలేదని తొలి టెస్టు ఓటమి తర్వాత వాన్‌ కామెంట్స్‌ చేశాడు. అవును నిజంగానే మేము గత కొన్ని ఏళ్ల నుంచి ఐసీసీ ట్రోఫీలను గెలవలేకపోయాం. కానీ వరల్డ్‌క్రికెట్‌లో మా జట్టు బలమైన జట్టు. టెస్టు క్రికెట్‌లో అత్యుత్తమ జట్లలో మా టీమ్‌ ఒకటి. గత కొంతకాలంగా రెడ్‌ బాల్‌ క్రికెట్‌లో అద్బుతమైన విజయాలను సాధించాము. అతడు ఈ వ్యాఖ్యలు చేసిన తర్వాత కొంతమంది భారత క్రికెట్‌ నిపుణులు సైతం సొంత జట్టుపై ఈ తరహా విమర్శలు చేశారు. నిజం చెప్పాలంటే వారు కామెంట్స్‌ చేసినప్పుడు నాకు నవ్వు వచ్చింది.  ఎందుకంటే వారికి వారే ఆలోచించుకోవాలి. కేప్‌టౌన్‌ టెస్టులో తొలుత బ్యాటింగ్‌ చేసిన సౌతాఫ్రికా 55 పరుగులకే ఆలౌటైంది. అదే తొలి టెస్టులో ఒక వేళ దక్షిణాఫ్రికా మొదట బ్యాటింగ్‌ చేసి  ఉంటే 65 పరుగులకే ఆలౌట్ అయ్యే అవకాశం లేదా? టీమిండియా కూడా ఆరంభంలో ఇబ్బంది పడింది. 24 పరుగులకే 3 వికెట్లు కోల్పోయి కష్టాలో పడింది. విరాట్‌, శ్రేయస్‌ జట్టును అదుకున్నారు. ఆ తర్వాత కేఎల్ రాహుల్ కీలక శతకంతో రాణించాడు. చివరికి మేం 245 పరుగులు చేశాం. కాబట్టి టెస్ట్ క్రికెట్‌కు మిగితా ఫార్మాట్‌లకు చాలా తేడా ఉంది. మం‍చి, చెడూ రెండు వుంటాయి. భారత్‌ వంటి దేశంలో క్రికెట్‌ను ఒక మతంగా పరిగణిస్తారు. అందుకేనేమో మేం ఎక్కువగా విమర్శలకు గురవుతుంటామని" అశ్విన్‌ తన యూట్యూబ్‌ ఛానల్‌లో పేర్కొన్నాడు.

టీమిండియాను ఉద్దేశించి ఇంగ్లండ్‌ మాజీ కెప్టెన్‌ మైకేల్‌ వాన్‌ ఘాటు విమర్శలు చేశాడు. గత పదేళ్లలో భారత జట్టు అసలేం సాధించిందని ప్రశ్నించాడు. పటిష్ట జట్టు అని చెప్పుకోవడమే తప్ప.. జట్టులోని వనరులను పూర్తిగా సద్వినియోగం చేసుకున్న దాఖలాలే లేవని విమర్శించాడు. టీ20 వరల్డ్‌కప్‌-2022 సెమీ ఫైనల్లో ఇంగ్లండ్‌ చేతిలో టీమిండియా పది వికెట్ల తేడాతో ఓడినప్పటి నుంచి మైకేల్‌ వాన్‌.. రోహిత్‌ సేనపై కఠిన విమర్శలు ఎక్కుపెడుతూనే ఉన్నాడు. అంచనాలు అందుకోలేని ఓ అండర్‌అచీవ్‌ టీమ్‌ అంటూ ఎద్దేవా చేస్తున్నాడు. తాజాగా సౌతాఫ్రికాతో తొలి టెస్టులో టీమిండియా చిత్తుగా ఓడిపోవడంతో మరోసారి తన వ్యాఖ్యలకు పదును పెట్టాడు వాన్‌. ఫాక్స్‌ స్పోర్ట్స్‌ షోలో ఆస్ట్రేలియా మాజీ క్రికెటర్‌ మార్క్‌ వాతో కలిసి పాల్గొన్న మైకేల్‌ వాన్‌.. అతడిని ఉద్దేశించి.. ‘‘క్రికెట్‌  ప్రపంచంలో ఎంతో గొప్ప జట్టు అనుకునే టీమిండియా అండర్‌అచీవ్‌ టీమ్‌ అని భావిస్తున్నారా?’’ అని అడిగాడు. ఇందుకు స్పందించిన మార్క్‌ వా తిరిగి అదే ప్రశ్న వేయడంతో మైకేల్‌ వాన్‌ బదులిచ్చాడు. ఈ మేరకు.. ‘‘ఇటీవలి కాలంలో టీమిండియా చెప్పుకోగదగ్గ విజయాలేమీ సాధించలేదు. వాళ్లపై అంచనాలు పెట్టుకున్న ప్రతిసారి వమ్ము చేస్తూనే ఉంటారు. వాళ్లు చివరిసారిగా అతి గొప్ప విజయం ఎప్పుడు సాధించారో గుర్తుందా? నిజానికి వాళ్ల దగ్గర ప్రతిభ, నైపుణ్యాలు గల ఆటగాళ్లకు కొదువలేదు. కానీ వారి సేవలను సద్వినియోగం చేసుకుంటున్నారా?  అప్పుడెప్పుడో ఆస్ట్రేలియాలో రెండుసార్లు టెస్టులు గెలిచారు. కానీ వరల్డ్‌కప్‌ టోర్నీల సంగతేంటి? గత కొన్నేళ్లుగా వాళ్లు ఒక్కదాంట్లోనూ విజయం సాధించలేదు. నిజానికి ఇండియా మంచి టీమ్‌. ఎంతో మంది ప్రతిభావంతులైన ఆటగాళ్లు ఆ జట్టులో ఉన్నారు. అయినా ఏం లాభం? వాళ్లు ఇక ముందు కూడా గెలుస్తారనే నమ్మకం లేదు’’ అని మైకేల్‌ వాన్‌ టీమిండియా ఆట తీరును తక్కువ చేసే విధంగా మాట్లాడాడు. కాగా మహేంద్ర సింగ్‌ సారథ్యంలో 2011లో వన్డే ప్రపంచకప్‌ గెలిచిన టీమిండియా.. 2013లో చాంపియన్స్‌ ట్రోఫీ కైవసం చేసుకుంది. ఆ తర్వాత మళ్లీ ఇంతవరకు ఒక్క ఐసీసీ టోర్నీ కూడా గెలవలేదు.  టీ20 వరల్డ్‌కప్‌-2021, టీ20 వరల్డ్‌కప్‌-2022లో స్థాయికి తగ్గట్లు రాణించలేకపోయిన టీమిండియా.. ఇటీవల సొంతగడ్డపై వన్డే వరల్డ్‌కప్‌-2023లోనూ విజయలాంఛనం పూర్తి చేయలేకపోయింది. ఫైనల్‌ వరకు చేరినా.. ఆఖరి మెట్టుపై బోల్తా పడింది. ఆస్ట్రేలియా చేతిలో ఓడి ట్రోఫీని చేజార్చుకుంది. అదే విధంగా ప్రపంచ టెస్టు చాంపియన్‌షిప్‌లో రెండు పర్యాయాలు ఫైనల్లో అడుగుపెట్టినా ఆఖరి గండాన్ని దాటలేకపోయింది. ఇదిలా ఉంటే.. ప్రస్తుతం సౌతాఫ్రికా పర్యటనలో ఉన్న టీమిండియా రెండో టెస్టు గెలిచి సిరీస్‌ను డ్రా చేసుకోవాలని పట్టుదలగా ఉంది. చదవండి: Ind vs SA: రోహిత్‌ ప్రాక్టీస్‌.. టీమిండియా పేసర్‌కు గాయం.. రెండో టెస్టుకు డౌటే!

భారత్‌, న్యూజిలాండ్‌ మధ్య నిన్న జరిగిన వరల్డ్‌కప్‌ 2023 సెమీఫైనల్‌ మ్యాచ్‌కు ఎంతో మంది విశిష్ట అతిథులు హాజరయ్యారు. వారిలో ఫుట్‌బాల్‌ దిగ్గజం డేవిడ్‌ బెక్‌హమ్‌ ప్రత్యేక ఆకర్షణగా నిలిచాడు. బెక్‌హమ్‌ యూనిసెఫ్‌ ప్రతినిధి హోదాలో ఇండియాలో పర్యటిస్తున్నాడు. షెడ్యూల్‌లో భాగంగా అతను వరల్డ్‌కప్‌ సెమీఫైనల్‌ మ్యాచ్‌కు హాజరయ్యాడు. ఈ సందర్భంగా బెక్‌హమ్‌.. క్రికెట్‌ గాడ్‌, యూనిసెఫ్‌ ప్రతినిథి అయిన సచిన్‌ టెండూల్కర్‌ను కలిసాడు. వీరిద్దరు చాలా సేపు ముచ్చటించారు. సచిన్‌ ఫుట్‌బాల్‌కు వీరాభిమాని కావడంతో వీరిద్దరి మధ్య కెమిస్ట్రీ బాగా కుదరింది. సచిన్‌, బెక్‌హమ్‌లు క్రికెట్‌, ఫుట్‌బాల్‌కు సంబంధించిన చాలా విషయాలు మాట్లాడుకున్నారు. సచిన్‌ బెక్‌హమ్‌ను ముంబై ప్రేక్షకులకు పరిచయం చేస్తూ వాంఖడే స్టేడియం​ మొత్తం తిప్పాడు. యూనిసెఫ్‌ ప్రతినిధి హోదాలో బెక్‌హమ్‌కు ఐసీసీ గౌరవ వందనం తెలుపుతూ మ్యాచ్‌కు ముందు మైదానంలోకి ఆహ్వానించింది. Fantastic footage 👍 https://t.co/Uh8hM4GFsS — Michael Vaughan (@MichaelVaughan) November 15, 2023 అనంతరం టీమిండియా, కివీస్‌ క్రికెటర్లంతా బెక్‌హమ్‌ను పరిచయం చేసుకున్నారు. బెక్‌హమ్‌ కింగ్‌ విరాట్‌ కోహ్లితో ప్రత్యేకంగా ముచ్చటించాడు. ఈ మొత్తం తంతుకు సంబంధించిన వీడియోను ఐసీసీ సోషల్‌మీడియాలో షేర్‌ చేయగా.. ఇంగ్లండ్‌ మాజీ కెప్టెన్‌ మైఖేల్‌ వాన్‌ దాన్ని రీట్వీట్‌ చేశాడు. ఈ వీడియో నిన్నటి నుంచి నెట్టింట హల్‌చల్‌ చేస్తుంది. కాగా, బెక్‌హమ్‌ ప్రస్తుతం ఇంటర్‌ మయామీ అనే ఫుట్‌బాల్‌ క్లబ్‌కు‌ కో ఓనర్‌గా ఉన్నాడు. ఆల్‌టైమ్‌ గ్రేట్‌, అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ ప్రస్తుతం ఈ క్లబ్‌కే ప్రాతినిథ్యం వహిస్తున్నాడు.   ఇదిలా ఉంటే, న్యూజిలాండ్‌తో జరిగిన సెమీఫైనల్లో టీమిండియా 70 పరుగుల తేడాతో విజయం సాధించింది. ఈ మ్యాచ్‌లో కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు) అద్బుత శతకాలతో పాటు మొహమ్మద్‌ షమీ (9.5-0-57-7) సూపర్‌ బౌలింగ్‌తో మెరవడంతో భారత్‌ తిరుగలేని విజయం సాధించి, నాలుగోసారి ఫైనల్స్‌కు చేరింది. 

టీమిండియా స్టార్‌ విరాట్‌ కోహ్లి విషయంలో పాకిస్తాన్‌ మాజీ కెప్టెన్‌ మహ్మద్‌ హఫీజ్‌కు ఇంగ్లండ్‌ మాజీ సారథి మైకేల్‌ వాన్‌ దిమ్మతిరిగేలా కౌంటర్‌ ఇచ్చాడు. కోహ్లి బౌలింగ్‌లో హఫీజ్‌ అవుట్‌ చేసిన విషయాన్ని గుర్తుచేస్తూ అతడిని ట్రోల్‌ చేశాడు. కాగా సొంతగడ్డపై వన్డే వరల్డ్‌కప్‌-2023లో విరాట్‌ కోహ్లి అద్భుత ఇన్నింగ్స్‌తో దూసుకుపోతున్న విషయం తెలిసిందే. ఇప్పటి వరకు ఆడిన ఎనిమిది మ్యాచ్‌లలో నాలుగు అర్ధ శతకాలు సహా రెండు సెంచరీలు సాధించి జోష్‌లో ఉన్నాడు. చివరగా సౌతాఫ్రికాతో మ్యాచ్‌లో శతకం ద్వారా వన్డేల్లో క్రికెట్‌ లెజెండ్‌ సచిన్‌ టెండుల్కర్‌ పేరిట ఉన్న సెంచరీల రికార్డు(49)ను సమం చేసి చరిత్ర సృష్టించాడు.  ఈ నేపథ్యంలో రన్‌మెషీన్‌ కోహ్లిపై ప్రశంసల వర్షం కురుస్తుండగా... పాక్‌ మాజీ క్రికెటర్‌ మహ్మద్‌ హఫీజ్‌ మాత్రం భిన్నంగా స్పందించాడు. ‘‘కోల్‌కతాలో విరాట్‌ కోహ్లి బ్యాటింగ్‌ చేస్తున్నపుడు స్వార్థపూరితంగా వ్యవహరిస్తున్నాడని నాకు అనిపించింది. ఈ వరల్డ్‌కప్‌లో ఇప్పటికిది మూడోసారి. సింగిల్‌తో అతడు 49వ వన్డే శతకాన్ని అందుకున్న తీరు చూస్తే.. జట్టుకోసం కాకుండా కేవలం తన సెంచరీ కోసం మాత్రమే ఆడినట్లు అనిపించింది’’ అని హఫీజ్‌ వ్యాఖ్యానించాడు. ఈ నేపథ్యంలో కోహ్లి అభిమానులతో పాటు వెంకటేశ్‌ ప్రసాద్‌, మైకేల్‌ వాన్‌ వంటి మాజీ క్రికెటర్ల నుంచి హఫీజ్‌ తీవ్ర విమర్శలు ఎదుర్కొన్నాడు. అయినప్పటికీ మరోసారి పరోక్షంగా కోహ్లి పేరును ప్రస్తావిస్తూ ట్వీట్‌ చేశాడు. ఇంగ్లండ్‌ ఆల్‌రౌండర్‌ బెన్‌స్టోక్స్‌ను ప్రశంసించే క్రమంలో మరోసారి ‘సెల్ఫిష్‌’ కామెంట్స్‌ చేశాడు. View this post on Instagram A post shared by ICC (@icc) ప్రపంచకప్‌-2023లో నెదర్లాండ్స్‌తో బుధవారం నాటి మ్యాచ్‌లో స్టోక్స్‌ సెంచరీని ప్రశంసిస్తూ.. ‘‘జట్టును గట్టెక్కించే రక్షకుడు. తీవ్ర ఒత్తిడిలోనూ దూకుడైన ఆట తీరుతో కావాల్సినన్ని పరుగులు రాబట్టి చివరికి జట్టును గెలిపించాడు. స్వార్థపూరిత, స్వార్థ రహిత ఇన్నింగ్స్‌కు తేడా ఇదే’’ అంటూ హఫీజ్‌.. మైకేల్‌ వాన్‌ను ట్యాగ్‌ చేశాడు. ఇందుకు బదులుగా.. ‘‘స్టోక్సీ గొప్ప ఇన్నింగ్స్‌ ఆడాడనడంలో ఎలాంటి సందేహం లేదు హఫీజ్‌..  అయితే, కోల్‌కతా వంటి కఠినతర పిచ్‌పై విరాట్‌ ఇంకాస్త మెరుగ్గా అటాకింగ్‌ చేశాడు. విరాట్‌ కోహ్లి నిన్ను బౌల్డ్‌ చేసిన విషయాన్ని మనసులో పెట్టుకుని ప్రతిసారి అతడి పేరును ఇలా ప్రస్తావిస్తున్నావేమో అనిపిస్తోంది’’ అని మైకేల్‌ వాన్‌ దిమ్మతిరిగే కౌంటర్‌ ఇచ్చాడు. కాగా 2012లో ఇండియా- పాకిస్తాన్‌ మ్యాచ్‌ సందర్భంగా కోహ్లి(రైటార్మ్‌ పేసర్‌) హఫీజ్‌ను బౌల్డ్‌ చేశాడు. Seems to me @MHafeez22 you were bowled by @imVkohli !!! Is this the reason you constantly have a pop at him .. 😜😜 #CWC2023 #India #Pakistan pic.twitter.com/m3BOaCxOB7 — Michael Vaughan (@MichaelVaughan) November 8, 2023 Great innings from Stokesy @MHafeez22 .. As was Virats on a difficult pitch in Kolkata against a better attack .. 👍 https://t.co/KFpNIafgVK — Michael Vaughan (@MichaelVaughan) November 8, 2023 View this post on Instagram A post shared by ICC (@icc)

బెల్గామ్‌లో (కర్ణాటక) జరిగిన ఓ క్రికెట్ మ్యాచ్‌కి సంబంధించిన వీడియో  నెట్టింట వైరలవుతుంది. ఈ వీడియోలో కిరణ్ తర్లేకర్ అనే స్థానిక క్రికెటర్‌ బౌండరీ లైన్‌ వద్ద అద్భుతమైన విన్యాసం చేసి, సహచరుడు క్యాచ్‌ పట్టేందుకు తోడ్పడతాడు. వివరాల్లోకి వెళితే.. బెల్గామ్‌లో స్థానికంగా ఓ క్రికెట్‌ మ్యాచ్‌ జరిగింది. ఆ మ్యాచ్‌లో బ్యాటర్‌ భారీ షాట్‌ కోసం​ ప్రత్నించి క్యాచ్‌ ఔట్‌ అవుతాడు. బౌండరీ లైన్‌ వద్ద క్యాచ్‌ పట్టుకునే క్రమంలో తర్లేకర్ అనే ప్లేయర్‌ అద్భుతమైన విన్యాసాన్ని చేశాడు.  This video of a cricket match in Belgaum is going viral. Watch Kiran Tarlekar's catch. Sachin Tendulkar said that the player who took this casual catch must know football for sure. Even former England captain, Michael Vaughan has retweeted this video and captioned it as… pic.twitter.com/tvtuZjGenb — Alok Jain ⚡ (@WeekendInvestng) October 30, 2023 సిక్సర్‌గా వెళ్లే బంతిని గాల్లోకి నెట్టి ఫుట్‌బాల్‌ తరహాలో షాట్‌ కొట్టి సహచరుడు క్యాచ్‌ పట్టుకునేలా చేశాడు. ఈ తంతుకు సంబంధించిన వీడియో సోషల్‌మీడియాలో వైరలైంది. తర్లేకర్ విన్యాసాన్ని చూసి క్రికెట్‌ గాడ్‌ సచిన్‌ టెండూల్కర్‌ సైతం ముగ్దుడయ్యాడు. ఈ క్యాచ్ పట్టిన ఆటగాడికి ఫుట్ బాల్ కచ్చితంగా తెలిసి ఉండాలని కామెంట్‌ చేశాడు. ఇదే వీడియోను ఇంగ్లండ్ మాజీ కెప్టెన్ మైఖేల్ వాన్ సైతం రీట్వీట్ చేస్తూ..  గ్రేటెస్ట్ క్యాచ్ ఆఫ్ ఆల్ టైమ్ అని క్యాప్షన్ ఇచ్చాడు.  

క్రికెట్‌ అభిమానులు ఎంతో ఆసక్తిగా ఎదురుచూస్తున్న వన్డే ప్రపంచకప్‌కు మరో 9 రోజుల్లో తేరలేవనుంది. ఆక్టోబర్‌ 5న అహ్మదాబాద్‌ వేదికగా జరగనున్న ఇంగ్లండ్‌- న్యూజిలాండ్ మ్యాచ్‌తో ఈ మెగా టోర్నీ ప్రారంభం కానుంది. ఇక ఈ మెగా ఈవెంట్‌కు ముందు టీమిండియాను ఉద్దేశించి ఇంగ్లండ్ మాజీ కెప్టెన్ మైకేల్ వాన్ కీలక వ్యాఖ్యలు చేశాడు. వరల్డ్‌కప్‌లో భారత్‌ను ఓడించే జట్టుకు టైటిల్‌ను గెలుచుకునే అవకాశం ఉందని వాన్‌ అభిప్రాయపడ్డాడు. కాగా వరల్డ్‌కప్‌కు ముందు భారత జట్టు అద్భుతమైన ఫామ్‌లో ఉంది. అందరూ ఆటగాళ్లు తిరిగి ఫామ్‌లోకి వచ్చేసారు. స్వదేశంలో ఆస్ట్రేలియాతో జరగుతున్న వన్డే సిరీస్‌ను మరో మ్యాచ్‌ మిగిలూండగానే టీమిండియా సొంతం చేసుకుంది. ఇండోర్‌ వేదికగా కంగారులతో జరిగిన రెండో వన్డేలో భారత బ్యాటర్లు ఆకాశమే హద్దుగా చెలరేగిపోయారు. ఏకంగా 399 పరుగుల భారీ స్కోర్‌ను టీమిండియా సాధించింది. గిల్‌, శ్రేయస్‌ అయ్యర్‌ సెంచరీలతో చెలరేగగా.. సూర్య, రాహుల్‌ మెరుపులు మెరిపించాడు. ఈ నేపథ్యంలో భారత బ్యాటింగ్‌ ప్రదర్శనపై వాన్‌ ప్రశంసల వర్షం కురిపించాడు. "నాకు చాలా స్పష్టత వచ్చేసింది. ఏ జట్టు అయితే భారత్‌ను ఓడిస్తుందో వారే వరల్డ్‌కప్‌ను గెలుస్తారు. సొంత పిచ్‌లపై భారత బ్యాటింగ్ తీరు అద్భుతంగా ఉంది. అదే విధంగా టీమిండియా బ్యాటింగ్‌ లైనప్‌ కూడా అత్యుత్తమంగా ఉంది. అంతేకాకుండా భారత్‌ దగ్గర చాలా బౌలింగ్‌ ఎంపికలు కూడా ఉన్నాయి. ఇక ఒత్తిడి మాత్రమే వారిని ఆపగలదు" ఎక్స్‌(ట్విటర్‌)లో వాన్‌ రాసుకొచ్చాడు.  మా జట్టుకు దిష్టిపెట్టకు .. ఇక వాన్‌ భారత జట్టుపై చేసిన వ్యాఖ్యలపై టీమిండియా మాజీ ఓపెనర్‌ వసీం జాఫర్‌ ఫన్నీగా స్పందించాడు. ‘మా జట్టుకు దిష్టిపెట్టకు’ అనే అర్థం వచ్చేలా ఓ ఫొటోను పోస్ట్ చేశాడు. చదవండి: World Cup 2023: ‘వీసా’ వచ్చేసింది...  రేపు హైదరాబాద్‌కు పాకిస్తాన్‌ జట్టు    It’s quite clear to me .. Whoever beats #India will win the WC .. 👍 #INDvAUS .. India’s batting line up on Indian pitches is ridiculous .. Plus they have all the bowling options covered .. it’s the only the pressure of the burden that could stop them .. 👍 — Michael Vaughan (@MichaelVaughan) September 24, 2023 #INDvAUS https://t.co/CWvpXS5vmH pic.twitter.com/vpZ4rgvI3M — Wasim Jaffer (@WasimJaffer14) September 24, 2023

Ben Stokes' ODI Retirement Backflip For WC 2023: ఇంగ్లండ్‌ ఆల్‌రౌండర్‌ బెన్‌ స్టోక్స్‌కు ఆ జట్టు మాజీ కెప్టెన్‌ మైకేల్‌ వాన్‌ అండగా నిలిచాడు. స్టోక్స్‌పై విమర్శలు గుప్పించిన ఆస్ట్రేలియా మాజీ సారథి టిమ్‌ పైన్‌కు గట్టి కౌంటర్‌ ఇచ్చాడు. చెత్త సలహాలు మానుకోవాలంటూ హితవు పలికాడు. కాగా వన్డే వరల్డ్‌కప్‌-2019 హీరో స్టోక్స్‌ ఇటీవలే తన రిటైర్మెంట్‌ నిర్ణయాన్ని వెనక్కి తీసుకున్న విషయం తెలిసిందే. హీరో వచ్చేస్తున్నాడు.. మెగా ఈవెంట్‌ నేపథ్యంలో అతడిని మళ్లీ వన్డేల్లో ఆడించేందుకు ఇంగ్లండ్‌ క్రికెట్‌ బోర్డు చేసిన ప్రయత్నాలు సఫలం కావడంతో అభిమానులు సంతోషంలో మునిగిపోయారు. భారత్‌ వేదికగా అక్టోబరు 5 నుంచి ఆరంభం కానున్న వన్డే ప్రపంచకప్‌-2023 టోర్నీలో స్టోక్స్‌ బరిలోకి  దిగనుండటంతో హర్షం వ్యక్తం చేశారు. అయితే, స్టోక్స్‌ యూటర్న్‌పై ఆసీస్‌ మాజీ కెప్టెన్‌ టిమ్‌ పైన్‌ స్పందించిన తీరు క్రికెట్‌ వర్గాల్లో చర్చనీయాంశమైంది. SEN టాస్మానియాతో మాట్లాడుతూ.. ‘‘వన్డేల్లో రిటైర్మెంట్‌పై బెన్‌ స్టోక్స్‌ తన నిర్ణయాన్ని వెనక్కి తీసుకోవడం ఆసక్తి కలిగించింది. మీరు బెంచ్‌పై కూర్చోండి! అంటే ప్రతిచోటా నేనే.. నేనే.. నేనే అన్నట్లుగా ఉంది కదా! నాకు ఇష్టం వచ్చినపుడు ఆడతా.. అది కూడా మేజర్‌ ఈవెంట్లలో మాత్రమే ఆడతా అంటే.. ఏడాది పాటు కష్టపడ్డ ఆటగాళ్లు ఎక్కడికిపోవాలి? ఇప్పుడు నేను ఆడతాను.. మీరు బెంచ్‌కే పరిమితం కావాలి అని వాళ్లకు చెప్తాడా?’’ అంటూ స్టోక్స్‌ స్వార్థపరుడన్న ఉద్దేశంలో ఘాటు వ్యాఖ్యలు చేశాడు. ఈ నేపథ్యంలో టిమ్‌ పైన్‌ మాటలు నెట్టింట వైరల్‌ కాగా మైకేల్‌ వాన్‌ తనదైన శైలిలో స్పందించాడు. టిమ్‌కు కౌంటర్‌ ఇచ్చిన వాన్‌ ‘‘ఇంతవరకు బెన్‌ స్టోక్స్‌ లాంటి నిస్వార్థపరుడైన క్రికెటర్‌ను నేనింత వరకు చూడలేదు. తనకంటే జట్టు ప్రయోజనాలకే పెద్ద పీట వేస్తాడు. మిగతా ఏ క్రికెటర్‌తో పోల్చినా ఈ విషయంలో తనే ముందుంటాడు.  టిమ్‌.. ఇలాంటి హాస్యాస్పద సలహాలు ఇవ్వడం మానుకో!’’ అంటూ దిమ్మతిరిగే ట్వీట్‌తో టిమ్‌ పైన్‌కు కౌంటర్‌ వేశాడు. కాగా 32 ఏళ్ల స్టోక్స్‌ ప్రస్తుతం ఇంగ్లండ్‌ టెస్టు జట్టు కెప్టెన్‌గా ఉన్న విషయం తెలిసిందే. ఇక వన్డే కెరీర్‌లో ఇప్పటి వరకు 105 మ్యాచ్‌లు ఆడిన ఈ ఆల్‌రౌండర్‌ 2924 పరుగులు చేశాడు. ఎవరిపై వేటు? ఇందులో మూడు సెంచరీలు, 21 ఫిఫ్టీలు ఉన్నాయి. ఇక ఈ ఫార్మాట్లో ఈ రైట్‌ ఆర్మ్‌ పేసర్‌ మొత్తంగా 74 వికెట్లు పడగొట్టాడు. ఇందులో ఓ 5- వికెట్‌ హాల్‌ కూడా ఉంది. ఇదిలా ఉంటే.. స్టోక్స్‌ రీఎంట్రీతో ఎవరిపై వేటు పడనుందన్న అంశం ప్రస్తుతం క్రికెట్‌ వర్గాల్లో చర్చనీయమైంది. చదవండి: IPL 2024: ముంబై ఇండియన్స్‌లో మలింగ రీఎంట్రీ! అతడి స్థానంలో.. Ben stokes is the most selfless cricketer I have ever known .. He puts Team before himself more than any other player .. Ridiculous suggestion from Tim .. https://t.co/jUXwzl1z2e — Michael Vaughan (@MichaelVaughan) August 19, 2023

The Ashes, 2023- England vs Australia, 5th Test: యాషెస్‌ సిరీస్‌-2023 ఐదో టెస్టులో ఆస్ట్రేలియా బ్యాటింగ్‌ తీరుపై ఇంగ్లండ్‌ మాజీ కెప్టెన్‌ మైకేల్‌ వాన్‌ విమర్శలు గుప్పించాడు. కంగారూ జట్టు ఇంత బెరుగ్గా, భయం భయంగా బ్యాటింగ్‌ చేయడం ఎన్నడూ చూడలేదన్నాడు. ఓవల్‌ మైదానంలో ఆసీస్‌ ప్రదర్శన చెత్తగా ఉందంటూ ఘాటు వ్యాఖ్యలు చేశాడు. కాగా ఇప్పటికే 5 మ్యాచ్‌ల టెస్టు సిరీస్‌లో 2-1తో ఆధిక్యంలో ఉన్న ఆస్ట్రేలియా.. ట్రోఫీ తమ వద్దే పెట్టుకునే అర్హత సాధించింది. ఈ నేపథ్యంలో సొంతగడ్డపై.. ఆఖరి మ్యాచ్‌లో గెలిచి 2-2తో సిరీస్‌ను డ్రా చేసుకోవాలని ఇంగ్లండ్‌ పట్టుదలగా ఉంది.  స్వల్ప ఆధిక్యంలో ఇక బజ్‌బాల్‌ విధానం పేరిట దూకుడుగా ఆడుతున్న స్టోక్స్‌ బృందం.. ఓవల్‌ మ్యాచ్‌లో టాస్‌ ఓడి తొలుత బ్యాటింగ్‌కు దిగింది. హ్యారీ బ్రూక్‌(85) మెరుగైన ప్రదర్శన కారణంగా తొలి ఇన్నింగ్స్‌లో 283 పరుగులకు ఆలౌట్‌ అయింది. ఈ క్రమంలో.. బ్యాటింగ్‌కు వచ్చిన ఆసీస్‌.. రెండో రోజు ఆట ముగిసే సరికి 295 పరుగుల వద్ద తమ మొదటి ఇన్నింగ్స్‌ ముగించింది. ఇంత చెత్తగా ఆడటం ఎప్పుడూ చూడలేదు స్టీవ్‌ స్మిత్‌ అర్ధ శతకం(71) కారణంగా 12 పరుగుల స్వల్ప ఆధిక్యం సాధించగలిగింది. ఆచితూచి ఆడుతూ ఈ మేరకు స్కోరు సాధించింది. వన్‌డౌన్‌లో వచ్చిన మార్నస్‌ లబుషేన్‌ 82 బంతులు ఎదుర్కొని 9 పరుగులు మాత్రమే చేశాడంటే కంగారూల బ్యాటింగ్‌ ఎలా ఉందో అర్థం చేసుకోవచ్చు. ఈ నేపథ్యంలో మైకేల్‌ వాన్‌ స్పందిస్తూ.. ‘‘ఆస్ట్రేలియా ఇంత డిఫెన్సివ్‌గా ఆడటం ఎప్పుడూ చూడలేదు. సాధారణంగా వాళ్లు దూకుడుగా ఆడతారు. మ్యాచ్‌ చూసే వాళ్లకు మజా అందిస్తారు. కానీ ఈసారి.. బౌలర్లపై ఏమాత్రం ఒత్తిడి పెంచలేకపోయారు. నేనైతే ఆస్ట్రేలియా ఇంత చెత్తగా ఆడటం నా జీవితంలో ఇంతవరకు ఎన్నడూ చూడలేదు. నిజం.. వాళ్లు గతంలో ఇలా అస్సలు ఆడలేదు’’ అని బీబీసీ మ్యాచ్‌ స్పెషల్‌ ప్రోగ్రామ్‌లో చెప్పుకొచ్చాడు.  చదవండి: అస్సలు నేను ఊహించలేదు.. అతడు ఓపెనర్‌గా వస్తాడని! కచ్చితంగా జట్టులో ఉండాలి

దిగ్గజ పేసర్‌, ఇంగ్లండ్‌ వెటరన్‌ బౌలర్‌ జేమ్స్‌ ఆండర్సన్‌పై ఇంగ్లండ్‌ మాజీ కెప్టెన్‌ మైఖేల్‌ వాన్‌ తీవ్రస్థాయిలో ధ్వజమెత్తాడు. యాషెస్‌ సిరీస్‌-2023లో ఇంగ్లండ్‌ నష్టపోవడానికి ఆండర్సన్‌ ప్రధాన కారణమని ఆరోపించాడు. లెజెండ్‌ బౌలర్‌ కదా అని మొహమాటానికి పోయి జట్టులో పెట్టుకున్నందుకు ఇంగ్లండ్‌ టీమ్‌ తగిన మూల్యం చెల్లించుకుందని ఘాటు వ్యాఖ్యలు చేశాడు. ప్రస్తుత యాషెస్‌ సిరీస్‌లో ఆండర్సన్‌ ఏమాత్రం ప్రభావం చూపలేదని, ఒక్కటంటే ఒక్క కీలక వికెట్‌ కూడా తీసి జట్టుకు ఉపయోగపడింది లేదని ఫైరయ్యాడు. యాషెస్‌ సిరీస్‌ 2023లో పేలవ ప్రదర్శనకు గాను ఆండర్సన్‌ను తూర్పారబెట్టిన వాన్‌.. మరోవైపు నుంచి కవర్‌ చేసే ప్రయత్నం కూడా చేశాడు. ఆండర్సన్‌ను దిగ్గజ బౌలర్‌గా పరిగణించడాన్ని ఎవరూ కాదనలేరని, జట్టులో చోటుకు అతను వంద శాతం అర్హుడే అని అంటూనే ఆండర్సన్‌ సేవల వల్ల ఇంగ్లండ్‌కు ఒరిగిందేమీ లేదని కుండబద్దలు కొట్టినట్లు చెప్పాడు. వర్షం కారణంగా నాలుగో టెస్ట్‌ డ్రాగా ముగిసిన అనంతరం బీబీసీ యాషెస్‌ డైలీ పోడ్‌కాస్ట్‌తో మాట్లాడుతూ వాన్‌ ఈ వ్యాఖ్యలు చేశాడు. కాగా, ఇప్పటివరకు జరిగిన 4 యాషెస్‌ టెస్ట్‌ల్లో 3 మ్యాచ్‌లు ఆడిన ఆండర్సన్‌ 114 ఓవర్లు వేసి కేవలం 4 వికెట్లు మాత్రమే తీశాడు. వాన్‌ చెప్పినట్లు ఆండర్సన్‌ పేలవ ప్రదర్శన కారణంగా ఇంగ్లండ్‌ భారీ మూల్యమే చెల్లించుకుంది. ఆండర్సన్‌  స్థానంలో మరే బౌలర్‌ను తీసుకున్నా ఫలితాలు ఇంగ్లండ్‌కు అనుకూలంగా ఉండేవి. నాలుగో టెస్ట్‌లో అయితే ఆండర్సన్‌ ప్రదర్శన అరంగేట్రం బౌలర్‌ కంటే దారుణంగా ఉండింది. నాలుగో రోజు ఆండర్సన్‌ ఏ మాత్రం ప్రభావం చూపించినా ఇంగ్లండ్‌ మ్యాచ్ గెలిచి, సిరీస్‌ అవకాశాలు సజీవంగా ఉంచుకునేది. మొత్తంగా చూస్తే కెరీర్‌లో సుమారు 1000 వికెట్లు తీసిన దిగ్గజ బౌలర్‌ ప్రస్తుతం జట్టుకు భారంగా మారాడు. ఐదో టెస్ట్‌లో అయినా ఇంగ్లండ్‌ మేనేజ్‌మెంట్‌ మేల్కొనకపోతే ఇంతకుమించిన భారీ మూల్యమే చెల్లించుకోవాల్సి ఉంటుంది. దిగ్గజ బౌలర్‌, కెరీర్‌ చరమాంకంలో ఉన్నాడు అని ములాజకు పోతే ఐదో టెస్ట్‌లో కూడా ఇంగ్లండ్‌కు భంగపాటు తప్పదని విశ్లేషకులు హెచ్చరిస్తున్నారు. ఆఖరి మ్యాచ్‌లో ఆండర్సన్‌ను పక్కకు పెట్టి ఓలీ రాబిన్సన్‌, జోస్‌ టంగ్‌లలో ఎవరో ఒకరిని ఆడించాలని సూచిస్తున్నారు. ఇదిలా ఉంటే, నిన్న ముగిసిన నాలుగో టెస్ట్‌ డ్రా కావడంతో ఆసీస్‌ యాషెస్‌ను నిలబెట్టుకున్న విషయం తెలిసిందే. డిఫెండింగ్‌ ఛాంపియన్‌ హోదాలో ఆ జట్టు యాషెస్‌ను ఈ దఫా కూడా తమ వద్దనే ఉంచుకోనుంది. ఒకవేళ ఇంగ్లండ్‌ ఆఖరి టెస్ట్‌ గెలిచినా సిరీస్‌ 2-2తో డ్రా అవుతుందే తప్ప ఇంగ్లండ్‌కు ఒరిగేదేమీ లేదు.

ఎడ్జ్‌బాస్టన్‌ వేదికగా ఆస్ట్రేలియాతో జరిగిన యాషెస్‌ తొలి టెస్టులో ఇంగ్లండ్‌ ఓటమి చవి చూసిన విషయం విధితమే.  టెస్టు క్రికెట్‌లో "బజ్‌బాల్‌" అంటూ దూకుడే మంత్రంగా పెట్టుకున్న ఇంగ్లండ్‌కు ఆసీస్‌ గట్టి షాకిచ్చింది. అయితే ఇంగ్లండ్‌ ఆడుతున్న విధానాన్ని కొంతమంది సమర్థిస్తుంటుంటే మరి కొంత మంది విమర్శిస్తున్నారు. ఈ క్రమంలో ఇంగ్లండ్‌ మాజీ కెప్టెన్‌ మైఖేల్‌ వాన్‌ కీలక వాఖ్యలు చేశాడు. బజ్‌బాల్‌కు తాను ఒక అభిమానినని, కాని యాషెస్‌ సిరీస్‌లో మాత్రం కొంచెం తెలివిగా ఆడాలని ఇంగ్లండ్‌ జట్టుకు వాన్‌ సూచించాడు. కాగా బెన్‌స్టోక్స్‌ సారధ్యంలోని ఇంగ్లీష్‌ జట్టు టెస్టుల్లో గొత కొంతకాలంగా అద్బుతం‍గా రాణిస్తోంది. స్టోక్స్ నేతృత్వంలోని ఇప్పటివరకు 14 టెస్టు మ్యాచ్‌లు ఆడిన ఇంగ్లండ్‌.. కేవలం మూడు మ్యాచ్‌ల్లో మాత్రమే ఓటమి పాలైంది. ఇక జూన్‌ 28న లార్డ్స్‌ వేదికగా ఇరు జట్ల మధ్య రెండో టెస్టు ప్రారంభం కానుంది. ఈ నేపథ్యంలో వాన్‌ క్రిక్‌బజ్‌తో మాట్లాడుతూ.. "లార్డ్స్‌ టెస్టులో రెండు జట్లలో కొన్ని మార్పులు కన్పించవచ్చు. అయితే ఆసీస్‌ మాత్రం తొలి మ్యాచ్‌ విజయంతో మరింత జోష్‌లో బరిలోకి దిగుతారు. ఆసీస్‌ బౌలర్లను ఇంగ్లండ్‌ బ్యాటర్లకు కాస్త జాగ్రత్తగా ఎదుర్కొవాలి.  బజ్‌బాల్ అంటే నాకు చాలా ఇష్టం. అయితే అన్నివేళలా అది సరికాదు. ఆస్ట్రేలియా వంటి జట్టుతో మనం ఆడుతున్నప్పుడు కొంచెం తెలివిగా ఉండాలి. ఆస్ట్రేలియా వెనకడుగు వేసినప్పుడు, దాన్ని మరింత వెనక్కినెట్టే ఎత్తులు కావాలి. తొలి టెస్టులో ఇంగ్లండ్‌ ఆపని చేయలేకపోయింది. రెండు సార్లు కూడా డబ్ల్యూటీసీ ఫైనల్‌కు చేరడంలో ఇంగ్లండ్‌ విఫలమైంది.  ఈ సారి కూడా రల్డ్ టెస్టు ఛాంపియన్‌షిప్ ఫైనల్‌కి అర్హత సాధించకపోతే, బాజ్‌బాల్‌కు అర్దం ఉండదు అని అతడు పేర్కొన్నాడు. చదవండి: అప్పుడు ధోని బాగా ఫీలయ్యాడు.. కానీ అక్కడ జడ్డూ ఉన్నాడు కదా: సీఎస్‌కే సీఈవో

IPL 2023 LSG Vs RCB- #ViratGambhirFight: ఐపీఎల్‌-2023లో విరాట్‌ కోహ్లి- గౌతం గంభీర్‌ వివాదం గురించి ఇంగ్లండ్‌ మాజీ కెప్టెన్‌, కామెంటేటర్‌ మైకేల్‌ వాన్‌ స్పందించాడు. మైదానంలో ఆటగాళ్ల మధ్య చిన్న చిన్న గొడవలు సహజమని.. ఇందులో కోచ్‌లు జోక్యం చేసుకోవడం సరికాదని విమర్శించాడు. ఎవరికి అప్పజెప్పిన బాధ్యతలు వాళ్లు సక్రమంగా నెరవేరిస్తే బాగుంటుందని పరోక్షంగా గౌతం గంభీర్‌పై విమర్శనాస్త్రాలు సంధించాడు. చర్యకు ప్రతిచర్య లక్నో సూపర్‌ జెయింట్స్‌- రాయల్‌ చాలెంజర్స్‌ బెంగళూరు మ్యాచ్‌ సందర్భంగా ఆర్సీబీ స్టార్‌ కోహ్లి- లక్నో మెంటార్‌ గంభీర్‌ మధ్య వాగ్వాదం వివాదానికి దారితీసింది. గత మ్యాచ్‌లో తమ అభిమానులను ఉద్దేశించి గంభీర్‌ చేసిన సైగలకు కౌంటర్‌గా కోహ్లి లక్నో గ్రౌండ్‌లో దూకుడుగా సెలబ్రేట్‌ చేసుకున్నాడు. సద్దుమణగాల్సింది.. పెద్దదైంది ఈ క్రమంలో ఆర్సీబీ బౌలర్‌ మహ్మద్‌ సిరాజ్‌- నవీన్‌ ఉల్‌ హక్‌ మధ్య మొదలైన వివాదం కోహ్లి జోక్యంతో పెద్దదైంది. లక్నోపై విజయం తర్వాత ఆర్సీబీ ఆటగాళ్లు ప్రత్యర్థి ప్లేయర్లతో కరచాలనం చేస్తున్నపుడు నవీన్‌- కోహ్లి మధ్య మరోసారి వివాదం రాజుకుంది. ఈ నేపథ్యంలో లక్నో ఓపెనర్‌ కెయిలీ మేయర్స్‌ కోహ్లితో మాట్లాడుతుండగా.. గంభీర్‌ ఆపే ప్రయత్నం చేసే క్రమంలో గొడవ మరింత పెద్దదైంది. కోహ్లి- నవీన్‌ వార్‌ కాస్త కోహ్లి వర్సెస్‌ గంభీర్‌గా మారిపోయింది. దీంతో స్థాయికి తగ్గట్లు హుందాగా ప్రవర్తించకుండా ఇద్దరూ దిగజారిపోయారంటూ విమర్శలు వెల్లువెత్తాయి. ఈ క్రమంలో కొంతమంది కోహ్లికి, మరికొంత మంది గంభీర్‌కు మద్దతుగా నిలుస్తున్నారు. కోచ్‌లు డగౌట్‌లో ఉండాలి ఈ నేపథ్యంలో మైకేల్‌ వాన్‌ సైతం స్పందిస్తూ.. ఆటగాళ్ల మధ్య వివాదం తలెత్తితే కోచ్‌లు మధ్యలో దూరిపోవాల్సిన అవసరం లేదంటూ గంభీర్‌ తీరును విమర్శించాడు. ఈ మేరకు క్రిక్‌బజ్‌ పోస్ట్‌ మ్యాచ్‌ షోలో మాట్లాడుతూ.. ‘‘మైదానంలో ఆటగాళ్లు ఒక్కోసారి గొడవ పడటం సహజం. ఆటలో భావోద్వేగాలు కూడా మిళితమై ఉంటాయి. అలా అని ప్రతిరోజూ ఇలాంటి వివాదాలు జరగవు కదా! ఏదేమైనా ఇలాంటివి జరిగినపుడు కోచ్‌లు సంయమనం పాటించాలి. కోచ్‌లు లేదంటే ఇతర సహాయ సిబ్బంది ఆటలో ఎందుకు జోక్యం చేసుకుంటారో నాకైతే అర్థం కావడం లేదు. మధ్యలో దూరి ఇలా మైదానంలో జరిగింది మైదానం వరకే పరిమితం చేయాలి. అంతేగానీ గొడవ పెద్దది చేయాలని చూడకూడదు. ఒకవేళ ఇద్దరు ఆటగాళ్ల మధ్య వాగ్వాదం జరుగుతుంటే.. వాళ్లే కాసేపటి తర్వాత సర్దుకుంటారు. అంతేగానీ డగౌట్‌లో కూర్చోవాల్సిన కోచ్‌లు వెళ్లి మధ్యలో దూరిపోకూడదు. డ్రెస్సింగ్‌ రూంలో నుంచి గమనిస్తూ పరిస్థితిని గమనించి అందుకు తగ్గట్లు గొడవ చల్లారేలా చేయాలి’’ అని మైకేల్‌ వాన్‌ వ్యాఖ్యానించాడు.   చదవండి: లక్షలు పోసి కొంటే రెట్టింపు తిరిగి ఇస్తున్నాడు! 4 కోట్లు తీసుకున్న నువ్విలా.. వేస్ట్‌ నేను బాగా ఆడినపుడే.. నాకు క్రెడిట్‌ దక్కకుండా చేస్తాడు: ఇషాన్‌ కిషన్‌  చిన్నప్పటి నుంచే అశ్విన్‌కు నాపై క్రష్‌! స్కూల్‌ మొత్తం తెలుసు! ఓరోజు.. 

IPL 2023 DC Vs SRH: ఢిల్లీ క్యాపిటల్స్‌ ఆల్‌రౌండర్‌ మిచెల్‌ మార్ష్‌ అవుటైన తీరుపై ఇంగ్లండ్‌ మాజీ కెప్టెన్‌ మైకేల్‌ వాన్‌ పెదవి విరిచాడు. మార్ష్‌ కాస్త జాగ్రత్తగా ఆడాల్సిందని.. తొందరపడి అనవసరంగా వికెట్‌ పారేసుకున్నాడని విమర్శించాడు. కాగా ఐపీఎల్‌-2023లో భాగంగా ఢిల్లీ క్యాపిటల్స్‌- సన్‌రైజర్స్‌ హైదరాబాద్‌ మధ్య శనివారం మ్యాచ్‌ జరిగిన విషయం తెలిసిందే. చెలరేగిన మార్ష్‌ ఢిల్లీలో జరిగిన ఈ మ్యాచ్‌లో ఆస్ట్రేలియా క్రికెటర్‌, ఢిల్లీ ఆల్‌రౌండర్‌ అద్భుత ప్రదర్శనతో ఆకట్టుకున్నాడు. సన్‌రైజర్స్‌ విధించినన 198 పరుగుల లక్ష్య ఛేదనలో భాగంగా ఆరంభంలోనే ఢిల్లీ తమ కెప్టెన్‌, ఓపెనర్‌ డేవిడ్‌ వార్నర్‌ వికెట్‌ కోల్పోయిన వేళ ఫిలిప్‌ సాల్ట్‌తో కలిసి మిచెల్‌ మార్ష్‌ జట్టును ఆదుకున్నాడు. వన్‌డౌన్‌లో వచ్చిన మార్ష్‌ సిక్సర్ల వర్షం కురిపించాడు. మొత్తంగా 39 బంతులు ఎదుర్కొని 1 ఫోర్‌, 6 సిక్స్‌ల సాయంతో 63 పరుగులు సాధించాడు. ఓవైపు సాల్ట్‌(35 బంతుల్లో 59 పరుగులు).. మరోవైపు మార్ష్‌ జోరు చూస్తే ఢిల్లీ టార్గెట్‌ను సులువుగానే ఛేదించేట్లు కనబడింది.  ఆట కట్టించిన అకీల్‌ అయితే, సన్‌రైజర్స్‌ స్పిన్నర్‌ మయాంక్‌ మార్కండే సాల్ట్‌ను అద్భుత రీతిలో పెవిలియన్‌కు పంపగా.. కాసేపటికే అకీల్‌ హొసేన్‌ మార్ష్‌ ఆట కట్టించాడు. 14 ఓవర్‌ మొదటి బంతికి మార్ష్‌ సిక్సర్‌ బాదగా.. మరుసటి బంతికే హొసేన్‌ బదులు తీర్చుకున్నాడు. ఈ విండీస్‌ బౌలర్‌ తన స్పిన్‌ మాయాజాలంతో మార్ష్‌ను బోల్తా కొట్టించాడు. హొసేన్‌ బౌలింగ్‌లో భారీ షాట్‌కు యత్నించిన మార్ష్‌ బంతిని గాల్లోకి లేపగా.. రైజర్స్‌ కెప్టెన్‌ ఎయిడెన్‌ మార్కరమ్‌ క్యాచ్‌ అందుకోవడంతో మార్ష్‌ ఇన్నింగ్స్‌కు తెరపడింది. ఈ నేపథ్యంలో కామెంటేటర్‌ మైకేల్‌ వాన్‌ మాట్లాడుతూ.. షాట్‌ ఎంపికలో కాస్త తెలివి ప్రదర్శించి ఉంటే బాగుండేదని అభిప్రాయపడ్డాడు.   కొంచెం కూడా తెలివి లేదు ‘‘మిచెల్‌ మార్ష్‌ మొదటి బంతిని స్టాండ్స్‌లోకి తరలించి అద్భుతం చేశాడు. రెండో బంతికి కూడా అదే పునరావృతం చేద్దామని భావించాడు. టీ20 ఫార్మాట్లో దూకుడు అవసరమేనన్న విషయం నాకు తెలుసు. కానీ.. ఇలాంటి షాట్‌ ఎంపిక చేసుకోవడం తెలివిగల బ్యాటర్‌ పనైతే కాదు. మిచెల్‌ ఇంకాస్త క్లెవర్‌గా ఆలోచించి ఉండాల్సింది. అప్పటికే బౌలర్‌ మీద ఒత్తిడి పెంచగలిగాడు. అలాంటి సమయంలో తదుపరి బంతిపై ఓ అంచనాకు రాగలడు కదా! బంతి కాస్త స్లోగా వచ్చినట్లు అనిపించింది.. కానీ మార్ష్‌ లెక్క తప్పింది. తొలి బంతిని సిక్సర్‌ బాదిన అతడు.. మరుసటి బంతికి బౌలర్‌ విసిరిన సవాలును స్వీకరించకుండా ఉండాల్సింది’’ అని మైకేల్‌ వాన్‌ అభిప్రాయం వ్యక్తం చేశాడు. ప్లేయర్‌ ఆఫ్‌ ది మ్యాచ్‌గా కాగా సాల్ట్‌, మార్ష్‌ అవుటైన తర్వాత ఢిల్లీ పతనం ఆరంభమైంది. ఆఖరి ఓవర్‌ వరకు మ్యాచ్‌ సాగినా 9 పరుగుల తేడాతో సన్‌రైజర్స్‌ చేతిలో ఢిల్లీ ఓటమి పాలైంది. జట్టు ఓడినప్పటికీ అద్భుత ఇన్నింగ్స్‌తో ఆకట్టుకున్న మిచెల్‌ మార్ష్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.  చదవండి: విజయ్‌ శంకర్‌ కొంపలు ముంచాడు.. లబోదిబోమనేలా చేశాడు..!  IPL 2023: పొట్టు పొట్టు కొట్టుకున్న ఢిల్లీ-సన్‌రైజర్స్‌ అభిమానులు Turning point of the match? Akeal Hosein gets Mitchell Marsh out for 63!#DC require 60 off the final five overs 👊🏻 Follow the match ▶️ https://t.co/iOYYyw2zca #TATAIPL | #DCvSRH pic.twitter.com/LCIOKm5O6p — IndianPremierLeague (@IPL) April 29, 2023

ఐపీఎల్‌-2023 సీజన్‌ ముగిసిన వెంటనే భారత జట్టు వరల్డ్‌ టెస్టు చాంపియన్‌ షిప్‌ కోసం ఇంగ్లండ్‌కు పయనం కానుంది. లండన్‌ ఓవల్‌ వేదికగా జూన్‌7 నుంచి భారత్‌-ఆస్ట్రేలియా మధ్య డబ్ల్యూటీసీ ఫైనల్‌ జరగనుంది. అయితే ఈ ఫైనల్‌ మ్యాచ్ కోసం ఇప్పటికే ఇరు క్రికెట్‌ బోర్డులు తమ జట్లను ప్రకటించాయి. ఇక డబ్ల్యూటీసీ ఫైనల్‌కు ముందు ఇంగ్లండ్‌ మాజీ కెప్టెన్‌ మైఖల్‌ వాన్‌ ఆసక్తికర వాఖ్యలు చేశాడు. అద్భుతమైన ఫామ్‌లో ఉన్న భారత యువ ఓపెనర్‌ శుబ్‌మన్‌ గిల్‌ కంటే కేఎల్‌రాహుల్‌కే ఎక్కువ  ప్రాధాన్యత ఇవ్వాలని మైఖల్‌ వాన్‌ అభిప్రాయపడ్డాడు. బోర్డర్-గవాస్కర్ ట్రోఫీలో భాగంగా ఆస్ట్రేలియాతో జరిగిన తొలి రెండు టెస్టుల్లో రాహుల్‌ తీవ్ర నిరాశపరిచాడు. దీంతో అతడిని ఆఖరి రెండు టెస్టులకు జట్టును తప్పించారు. ఈ క్రమంలో రాహుల్‌కు ఇక టెస్టు భవిష్యత్తు కష్టమనేని వార్తలు వినిపించాయి. అయినప్పటికీ సెలక్టర్లు రాహుల్‌పై మరోసారి నమ్మకం ఉంచారు. డబ్ల్యూటీసీ ఫైనల్‌ జట్టులో రాహుల్‌కు చోటు దక్కిం‍ది. ఈ నేపథ్యంలో మైఖల్‌ వాన్‌ క్రిక్‌బజ్‌తో మాట్లాడుతూ.. "శుబ్‌మన్‌ గిల్‌ అద్భుతమైన యంగ్‌ క్రికెటర్‌ అనడంలో ఎటువంటి సందేహం లేదు. కానీ ఇంగ్లండ్‌ వంటి పరిస్ధితుల్లో గిల్‌ కంటే రాహుల్ బ్యాటింగ్‌ టెక్నిక్‌ బాగుంటుంది. గిల్‌ బ్యాటింగ్‌ టెక్నిక్‌లో నేను కొన్ని లోపాలను గమనించాను. అందుకే గిల్ కంటే రాహుల్‌ బెటర్‌ అని భావిస్తున్నాను. కాగా ఇది కేవలం ఒక్క మ్యాచ్‌ మాత్రమే. కాబట్టి పాత చరిత్రను చూడకుండా రాహల్‌కు అవకాశం ఇవ్వండి.  ప్రపంచ టెస్ట్ ఛాంపియన్‌షిప్ గెలవాలంటే అత్యుత్తమ ప్లేయింగ్‌ ఎలెవన్‌తో బరిలోకి దిగడం ముఖ్యం.  కావలంటే వెస్టిండీస్‌తో టెస్టు సిరీస్‌లో మార్పులు చేయవచ్చు" అని అతడు పేర్కొన్నాడు. చదవండి: IPL 2023 PBKS Vs LSG: హమ్మయ్య.. ఎట్టకేలకు నవ్వాడు! ఇక చాలు గౌతీ! వీడియో వైరల్‌

IPL 2023 Winner Prediction: క్రికెట్‌ ప్రేమికులు ఎంతగానో ఎదురుచూస్తున్న మెగా సమరానికి సమయం ఆసన్నమైంది. గుజరాత్‌ టైటాన్స్‌- చెన్నై సూపర్‌ కింగ్స్‌ జట్ల మధ్య మ్యాచ్‌తో మార్చి 31న ఐపీఎల్‌- 2023 ఆరంభం కానుంది. టైటిల్‌ కోసం పది జట్ల మధ్య జరిగే పోరు అభిమానులకు వినోదం పంచనుంది. మొత్తంగా 74 మ్యాచ్‌లతో వేసవిలో మంచి ఎంటర్టైన్‌మెంట్‌ అందించనుంది. ఇక గతేడాది ఎవరూ ఊహించని రీతిలో అరంగేట్ర జట్టు గుజరాత్‌ టైటాన్స్‌ చాంపియన్‌గా నిలిచిన విషయం తెలిసిందే. మేటి జట్లకు షాకిస్తూ హార్దిక్‌ పాండ్యా సారథ్యంలోని గుజరాత్‌ ఫైనల్లో రాజస్తాన్‌ రాయల్స్‌ను ఓడించి ట్రోఫీని ముద్దాడింది. మరో కొత్త జట్టు లక్నో సూపర్‌ జెయింట్స్‌ సైతం ప్లే ఆఫ్స్‌ చేరి సత్తా చాటింది. ముంబై, చెన్నై దారుణంగా.. అయితే, ఐదుసార్లు చాంపియన్‌ ముంబై ఇండియన్స్‌ మరీ ఘోరంగా  పాయింట్ల పట్టికలో పదో స్థానంలో నిలవగా.. నాలుగుసార్లు ట్రోఫీ సాధించిన చెన్నై సూపర్‌ కింగ్స్‌ తొమ్మిదో స్థానంతో ముగించింది. ఇక సంజూ శాంసన్‌ సారథ్యంలోని రాజస్తాన్‌ రెండోసారి ఫైనల్‌ చేరి రన్నరప్‌తో సరిపెట్టుకుంది. ఈ నేపథ్యంలో ఈసారి వైఫల్యాలు అధిగమించి మరోసారి సత్తా చాటాలని మాజీ చాంపియన్లు చెన్నై, ముంబై పట్టుదలగా ఉండగా.. మిగిలిన జట్లు సైతం టైటిల్‌ గెలిచే దిశగా వ్యూహాలు రచిస్తున్నాయి. ఈ క్రమంలో ఇంగ్లండ్‌ మాజీ కెప్టెన్‌ మైకేల్‌ వాన్‌ ఆసక్తికర వ్యాఖ్యలు చేశాడు. ట్రోఫీ వాళ్లదే ఐపీఎల్‌-2023 విజేతను అంచనా వేస్తూ.. ‘‘ఐపీఎల్‌ ఎప్పుడెప్పుడు మొదలవుతుందా అని ఆతురతగా ఎదురుచూస్తున్నా... ఈ ఏడాది రాజస్తాన్‌ రాయల్స్‌దే.. ఈసారి వాళ్లే ట్రోఫీ గెలుస్తారు..’’ అని వాన్‌ ట్వీట్‌ చేశాడు. ఇందుకు నెటిజన్లు తమదైన శైలిలో స్పందిస్తున్నారు. కేకేఆర్‌ ఫ్యాన్‌గా చెప్తున్నా గెలిచేది సన్‌రైజర్స్‌! ‘‘రాజస్తాన్‌ గెలిచే అవకాశం లేదు’’ అని ఓ యూజర్‌ పేర్కొనగా.. మరో నెటిజన్‌.. ‘‘నేను కేకేఆర్‌ అభిమానిని.. అయితే ఈసారి సన్‌రైజర్స్‌ టైటిల్‌ గెలుస్తుందని అనుకుంటున్నా’’ అని కామెంట్‌ చేశారు. కాగా మే 28నాటి ఫైనల్‌తో ఐపీఎల్‌-2023 విజేత ఎవరో తేలనుంది. చదవండి: IPL 2023: వీళ్లకిదే తొలిసారి! తలపండినోళ్లకు తక్కువే! వారికి మాత్రం కళ్లు చెదిరే మొత్తం.. కోట్లలో.. హద్దు మీరి.. అభ్యంతరకరంగా! నెట్టింట షారుక్‌, కోహ్లి ఫ్యాన్స్‌ రచ్చ! ఎందుకురా తన్నుకుంటారు? Can’t wait for the IPL to start .. Looking forward to being part of the @cricbuzz team .. I thinks it’s going to be @rajasthanroyals year .. they will be lifting the trophy in late May .. #OnOn #IPL2023 — Michael Vaughan (@MichaelVaughan) March 29, 2023 As a kkr fan I'm saying sunrisers for sure. — Riyaz (@Riyaz06844964) March 29, 2023

Bangladesh Clean Sweep England T20 Series 2023: ప్రపంచ చాంపియన్‌ ఇంగ్లండ్‌తో జరిగిన మూడు మ్యాచ్‌ల టి20 సిరీస్‌ను బంగ్లాదేశ్‌ క్లీన్‌స్వీప్‌ చేసిన విషయం తెలిసిందే. మంగళవారం జరిగిన చివరిదైన మూడో టి20 మ్యాచ్‌లో షకీబ్‌ అల్‌ హసన్‌ కెప్టెన్సీలోని బంగ్లాదేశ్‌ 16 పరుగుల తేడాతో ఇంగ్లండ్‌ను ఓడించి సిరీస్‌ను 3–0తో సొంతం చేసుకుంది. ఇంగ్లండ్‌కు ఇది రెండోసారి మాత్రమే కాగా మూడు మ్యాచ్‌ల ద్వైపాక్షిక టి20 సిరీస్‌ను బంగ్లాదేశ్‌ క్లీన్‌స్వీప్‌ చేయడం ఇది రెండోసారి మాత్రమే. 2012లో ఐర్లాండ్‌పై బంగ్లాదేశ్‌ తొలిసారి ఈ ఘనత సాధించింది. ఇక బంగ్లాదేశ్‌–ఇంగ్లండ్‌ మధ్య ద్వైపాక్షిక టి20 సిరీస్‌ జరగడం కూడా ఇదే ప్రథమం. ఇదిలా ఉంటే.. ఇంగ్లండ్‌ జట్టు మూడు మ్యాచ్‌ల ద్వైపాక్షిక టి20 సిరీస్‌ను 0–3తో కోల్పోవడం ఇది రెండోసారి మాత్రమే. అసలు ఈ మనిషి కనబడటం లేదే! 2014లో ఆస్ట్రేలియా చేతిలో తొలిసారి ఇంగ్లండ్‌ 0–3తో చేజార్చుకుంది.  ఈ నేపథ్యంలో టీమిండియా మాజీ క్రికెటర్‌ వసీం జాఫర్‌ చేసిన ట్వీట్‌ వైరల్‌ అవుతోంది. ఇంగ్లండ్‌ మాజీ కెప్టెన్‌ మైకేల్‌ వాన్‌ను ఉద్దేశించి.. ‘‘చాలా రోజులు అవుతోంది.. అసలు ఈ మనిషి కనబడటం లేదే!’’ అన్నట్లు వ్యంగ్యాస్త్రాలు సంధించాడు. కాగా గతంలో టీమిండియా- ఇంగ్లండ్‌ టెస్టు సిరీస్‌ నేపథ్యంలో భారత పిచ్‌లపై అవాకులు చెవాకులు పేలుతూ వాన్‌ చేసిన రచ్చ గురించి ప్రత్యేకంగా చెప్పనక్కర్లేదు. ఈ క్రమంలో సోషల్‌ మీడియాలో చురుగ్గా ఉండే వసీం జాఫర్‌- మైకేల్‌ వాన్‌ మధ్య ఓ రేంజ్‌లో ట్విటర్‌ వార్‌ జరిగింది. భారత జట్టును తక్కువ చేసి మాట్లాడిన ప్రతిసారీ మైకేల్‌కు అదిరిపోయే కౌంటర్లు ఇవ్వడం వసీంకు అలవాటు. వైరల్‌ ట్వీట్‌ ఈ నేపథ్యంలో తాజాగా బంగ్లాదేశ్‌ చేతిలో ఇంగ్లండ్‌ ఊహించని రీతిలో దారుణంగా పరాభవం పాలుకావడం.. మరోవైపు ఆస్ట్రేలియాతో సిరీస్‌ గెలిచి టీమిండియా వరుసగా నాలుగోసారి బోర్డర్‌- గావస్కర్‌ ట్రోఫీని సొంతం చేసుకోవడంతో ఈ మేరకు వసీం.. వాన్‌కు కౌంటర్‌ వేశాడు. ‘లాంగ్‌ టైమ్‌ నో సీ’ అంటూ #BANvENG హ్యాష్‌ట్యాగ్‌ను జతచేశాడు. ఈ ట్వీట్‌ నెటిజన్లను ఆకర్షిస్తోంది. సరైన సమయంలో సరైన కౌంటర్‌ అంటూ వసీం జాఫర్‌ను ప్రశంసిస్తున్నారు టీమిండియా అభిమానులు. ఇక బంగ్లా- ఇంగ్లండ్‌ టీ20 సిరీస్‌ మ్యాచ్‌ విషయంలో ఆఖరిదైన మూడో టి20 మ్యాచ్‌లో తొలుత బ్యాటింగ్‌కు దిగిన బంగ్లాదేశ్‌ 20 ఓవర్లలో 2 వికెట్లకు 158 పరుగులు సాధించింది. ఓపెనర్‌ లిటన్‌ దాస్‌ (57 బంతుల్లో 73; 10 ఫోర్లు, 1 సిక్స్‌) అర్ధ సెంచరీ చేయగా... నజ్ముల్‌ (36 బంతుల్లో 47 నాటౌట్‌; 1 ఫోర్, 2 సిక్స్‌లు) రాణించాడు. అనంతరం 159 పరుగుల లక్ష్యంతో బరిలోకి దిగిన ఇంగ్లండ్‌ 20 ఓవర్లలో 6 వికెట్లకు 142 పరుగులు చేసి ఓడిపోయింది. డేవిడ్‌ మలాన్‌ (47 బంతుల్లో 53; 6 ఫోర్లు, 2 సిక్స్‌లు), జోస్‌ బట్లర్‌ (31 బంతుల్లో 40; 4 ఫోర్లు, 1 సిక్స్‌) మినహా మిగతా బ్యాటర్లు విఫలమయ్యారు. లిటన్‌ దాస్‌కు ‘ప్లేయర్‌ ఆఫ్‌ ద మ్యాచ్‌’... నజ్ముల్‌కు ‘ప్లేయర్‌ ఆఫ్‌ ద సిరీస్‌’ అవార్డులు లభించాయి. చదవండి: WTC Final: కేఎస్‌ భరత్‌ స్థానానికి ఎసరు పెట్టిన టీమిండియా దిగ్గజం! అతడే సరైనోడు! అవునా.. నిజమా?!   ఖరీదైన 6 బెడ్‌ రూమ్‌ల భవనాన్ని కొనుగోలు చేసిన పాంటింగ్‌.. ధర ఎంతో తెలుసా..? Hello @MichaelVaughan, long time no see 😏 #BANvENG pic.twitter.com/3nimzfuHOw — Wasim Jaffer (@WasimJaffer14) March 14, 2023

క్రికెట్‌లో స్టన్నింగ్‌ క్యాచ్‌లు ఎన్నో చూశాం. అయితే ఇటీవలి కాలంలో బౌండరీ లైన్‌ వద్ద క్యాచ్‌లు పట్టుకోవడంలో ఫీల్డర్లు ప్రదర్శిస్తున్న నేర్పు హైలైట్‌ అవుతున్నాయి. బంతి బౌండరీలైన్‌ వద్ద ఉండగానే గాల్లోకి ఎగిరి క్యాచ్‌ అందుకొని మళ్లీ బౌండరీ లోపలికి విసిరి అందుకోవడం చూస్తున్నాం. ఇలాంటి క్యాచ్‌లు సోషల్‌ మీడియాలో బాగా వైరల్‌ అయ్యాయి. అయితే ఇప్పుడు చెప్పుకునే క్యాచ్‌ మాత్రం అంతకుమించి అని చెప్పొచ్చు.  విషయంలోకి వెళితే.. జిల్లా క్రికెట్‌ క్లబ్‌లో భాగంగా ఒక టెన్నిస్‌ బాల్‌ మ్యాచ్‌ జరిగింది. ఆ మ్యాచ్‌లో బౌలర్‌ ఆఫ్‌స్టంప్‌ అవతల వేసిన బంతిని బ్యాటర్‌ డీప్‌ మిడ్‌ వికెట్‌ మీదుగా భారీ షాట్‌ ఆడాడు. బంతి చాలా ఎత్తులో వెళ్లడంతో అంతా సిక్స్‌ అని భావించారు. కానీ ఇక్కడే ఒక ఊహించని అద్బుతం జరిగింది. ఆ ఏముందిలే.. బౌండరీ లైన్‌ వద్ద ఉన్న ఫీల్డర్‌ గాల్లోకి ఎగిరి క్యాచ్‌ తీసుకొని ఉంటాడులే అనుకుంటే పొరబడ్డట్లే. బౌండరీ అవతలకి వెళ్లి బంతిని అందుకున్న ఫీల్డర్‌.. ఇక్కడే తన ఫుట్‌బాల్‌ విన్యాసం చూపించాడు. క్యాచ్‌ అందుకునే క్రమంలో పట్టుతప్పి బౌండరీ లైన్‌ మీదకు జారిపడతానని భావించిన ఫీల్డర్‌.. బంతిని గాల్లోకి విసిరేసి ఫుట్‌బాల్‌లోని ఫేమస్‌ బ్యాక్‌వ్యాలీ కిక్‌ను కొట్టాడు. అంతే బంతి మరో ఫీల్డర్‌ దగ్గరకు వెళ్లడం.. అతను సేఫ్‌గా అందుకోవడం జరిగిపోయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక సదరు ఫీల్డర్‌ చేసిన విన్యాసం క్రికెట్‌ దిగ్గజాలను సైతం అబ్బురపరిచింది. భారత క్రికెట్‌ దిగ్గజం సచిన్‌ టెండూల్కర్‌ స్పందిస్తూ.. ''ఫుట్‌బాల్‌ తెలిసిన ఆటగాడిని క్రికెట్‌లోకి తీసుకొస్తే ఇలాంటి అద్బుతాలే జరుగుతాయి'' అంటూ పేర్కొన్నాడు. ఇక ఇంగ్లండ్‌ మాజీ క్రికెటర్‌ మైకెల్‌ వాన్‌.. ''నిజంగా ఇది గ్రేటెస్ట్‌ క్యాచ్‌ ఆఫ్‌ ఆల్‌ టైమ్‌'' అంటూ అభివర్ణించాడు. ఇక కివీస్‌ ఆల్‌రౌండర్‌ జేమ్స్‌ నీషమ్‌.. ''నిజంగా ఇది ఔట్‌స్టాండింగ్‌..'' అంటూ పొగడ్తలు కురిపించాడు. It doesn't matter what the rules say. You've got to give this out for the pure AUDACITY 🤯😂 Sent in by Kiran Tarlekar pic.twitter.com/pquwsLc5YC — Cricket District (@cricketdistrict) February 12, 2023 This is what happens when you bring a guy who also knows how to play football!! ⚽️ 🏏 😂 https://t.co/IaDb5EBUOg — Sachin Tendulkar (@sachin_rt) February 12, 2023 Surely the greatest catch of all time … 🙌🙌 pic.twitter.com/ZJFp1rbZ3B — Michael Vaughan (@MichaelVaughan) February 12, 2023 Absolutely outstanding 👌👌😂 https://t.co/Im77ogdGQB — Jimmy Neesham (@JimmyNeesh) February 12, 2023 చదవండి: Ranji Trophy: 306 పరుగుల తేడాతో భారీ విజయం.. ఫైనల్లో బెంగాల్‌ ఏక కాలంలో ఒకరిని మెచ్చుకొని.. మరొకరిని తిట్టుకొని

Steve Smith- Sussex Deal: ఆస్ట్రేలియా మాజీ కెప్టెన్‌ స్టీవ్‌ స్మిత్‌ తొలిసారి ఇంగ్లండ్‌ కౌంటీ చాంపియన్‌షిప్‌లో ఆడనున్నాడు. ససెక్స్‌ జట్టు తరఫున మూడు మ్యాచ్‌లలో భాగం కానున్నాడు. ఈ విషయాన్ని స్మిత్‌ స్వయంగా వెల్లడించాడు. ఇప్పటికే ససెక్స్‌ క్రికెట్‌ హెడ్‌ పాల్‌ ఫాబ్రేస్‌తో మాట్లాడానని, కౌంటీల్లో ఆడనుండటం నిజమేనని ధ్రువీకరించాడు. అందుకే ఈ నిర్ణయం తనకు ఇదో సరికొత్త అనుభవమన్న స్మిత్‌.. యువ క్రికెటర్లతో కలిసి బ్యాటింగ్‌ చేయడం కోసం ఆతురతగా ఎదురుచూస్తున్నట్లు పేర్కొన్నాడు. యంగ్‌ ప్లేయర్లతో కలిసి డ్రెస్సింగ్‌ రూం షేర్‌ చేసుకోవడం ద్వారా వాళ్లను మెంటార్‌ చేసే అవకాశం కూడా వస్తుందని, ఇది తనకు సంతృప్తినిస్తుందని స్మిత్‌ సంతోషం వ్యక్తం చేశాడు.  మండిపడుతున్న అభిమానులు కాగా ఇంగ్లండ్‌లోని ఎడ్జ్‌బాస్టన్‌ వేదికగా ఈ ఏడాది ప్రపంచ టెస్టు చాంపియన్‌షిప్‌ ఫైనల్‌ సన్నాహకాల్లో భాగంగా స్మిత్‌ ఈ నిర్ణయం తీసుకున్నట్లు తెలుస్తోంది. ఇదిలా ఉంటే.. స్మిత్‌ కౌంటీల్లో ఆడటంపై ఇంగ్లండ్‌ ఫ్యాన్స్‌ మండిపడుతున్నారు. అతడికి ఈ అవకాశం ఇచ్చిన ససెక్స్‌ జట్టును ద్రోహులుగా అభివర్ణిస్తూ నెట్టింట ట్రోల్‌ చేస్తున్నారు. యాషెస్‌ సిరీస్‌​కు ముందు ఆసీస్‌ ఆటగాళ్లను ఇంగ్లండ్‌ పిచ్‌లపై ఆడించడం ప్రతికూల ప్రభావం చూపుతుందని మండిపడుతున్నారు. తప్పేముందన్న మాజీ సారథి అయితే, ఇంగ్లండ్‌ మాజీ కెప్టెన్‌, ప్రముఖ కామెంటేటర్‌ మైకేల్‌ వాన్‌ భిన్నంగా స్పందించాడు. స్మిత్‌ కౌంటీల్లో ఆడటాన్ని అతడు స్వాగతించాడు. స్మిత్‌ వంటి మేటి టెస్టు క్రికెటర్లు ససెక్స్‌ డ్రెస్సింగ్‌రూంలో ఉండటం.. యువ ఆటగాళ్లలో ఉత్సాహం నింపుతుందని, ఈ విషయాన్ని రాద్ధాంతం చేయాల్సిన అవసరం లేదన్నాడు. ఇక ఇంగ్లండ్‌ కెప్టెన్‌ బెన్‌స్టోక్స్‌.. మైకేల్‌ వ్యాఖ్యలతో ఏకీభవించినప్పటికీ.. యాషెస్‌ సిరీస్‌(డిసెంబరులో)కు ముందు ఇలాంటి నిర్ణయం సరికాదని పెదవి విరిచాడు.  చదవండి: పిచ్చిగా మాట్లాడొద్దు.. అతడిని చూసి నేర్చుకో! అంటే.. తనెప్పటికీ టీమిండియాకు ఆడొద్దా? ఫ్యాన్స్‌ ఫైర్‌ Sunrisers: దుమ్మురేపుతున్న సన్‌రైజర్స్‌.. హ్యాట్రిక్‌ విజయాలు.. ఫ్యాన్స్‌ ఖుషీ! ఈసారి.. Great signing for our game … Well done 👍👍 https://t.co/Qs2iqrBARy — Michael Vaughan (@MichaelVaughan) January 19, 2023

ODI World Cup 2023: టీమిండియాపై తరుచూ అవాక్కులు చవాక్కులు పేలే ఇంగ్లండ్‌ మాజీ కెప్టెన్‌ మైఖేల్‌ వాన్‌.. ఇటీవల ముగిసిన టీ20 వరల్డ్‌కప్‌-2022లో తన జట్టు విజేతగా నిలవడంతో కళ్లు నెత్తికి ఎక్కి, భారత జట్టుపై తన నోటి దూలను మరోసారి ప్రదర్శించాడు. సందర్భంతో పని లేకుండా తరుచూ టీమిండియాపై, జట్టులోకి ఆటగాళ్లపై వివాదాస్పద వ్యాఖ్యలు చేసే వాన్‌.. ఇంగ్లండ్‌ విశ్వవిజేతగా ఆవిర్భవించడంతో గెలుపు మదంతో కొట్టుకుంటూ టీమిండియాను అవమానకర రితీలో చులకన చేసి మాట్లాడాడు. భారత్‌ వేదికగా వచ్చే ఏడాది (2023) జరిగే వన్డే వరల్డ్‌కప్‌లో ఫేవరెట్‌ జట్టు ఏదనే అంశంపై ఇంగ్లీష్‌ దినపత్రిక టెలిగ్రాఫ్‌కు రాసిన ప్రత్యేక కాలమ్‌లో టీమిండియాను కించ పరిచే విధంగా వ్యాఖ్యలు చేశాడు. టీమిండియా స్వదేశంలో వన్డే వరల్డ్‌కప్‌ ఆడాల్సి ఉన్నప్పటికీ ఫేవరెట్‌ జట్టు మాత్రం కాలేదని, డిఫెండింగ్‌ ఛాంపియన్‌ ఇంగ్లండ్‌కే ఆ ట్యాగ్‌ తగిలించుకునే అర్హత ఉందని గొప్పలు పోయాడు. టీ20 వరల్డ్‌కప్‌-2022 సెమీఫైనల్లో ఇంగ్లండ్‌ చేతిలో 10 వికెట్ల తేడాతో ఘోర పరాజయం ఎదుర్కొన్న టీమిండియాకు ఫేవరెట్‌ అనిపించుకునే అర్హత లేదని, ఇదంతా నాన్సెన్స్‌ అని అవమానకర వ్యాఖ్యలు చేశాడు. వచ్చే ఏడాది జరిగే వన్డే వరల్డ్‌కప్‌లో టీమిండియా ఫేవరెట్‌ అంటే అస్సలు ఒప్పుకోనని, వరల్డ్‌కప్‌ ఎక్కడ జరిగినా ఫేవరెట్‌ జట్టుగా ఇంగ్లండే ఉంటుందని గర్వంతో కూడిన వ్యాఖ్యలు చేశాడు. ఆస్ట్రేలియా లాంటి పేస్‌ అనుకూలమైన పిచ్‌లపైనే సత్తా చాటి వరల్డ్‌కప్‌ నెగ్గిన తమకు భారత పిచ్‌లపై రాణించి వరల్డ్‌కప్‌ గెలవడం పెద్ద విషయం కాదని అన్నాడు. స్వదేశంలో ఆడుతుంది ​కాబట్టి టీమిండియానే ఫేవరెట్‌ అని ఎవరైన అంటే, వారితో ఏకీభవించేది లేదని తెలిపాడు. వన్డే వరల్డ్‌కప్‌లో ఏకైక ఫేవరెట్‌ అయిన ఇంగ్లండ్‌.. డిఫెండింగ్‌ ఛాంపియన్‌ హోదా నిలబెట్టుకుని మెగా ఈవెంట్లలో జైత్రయాత్ర కొనసాగిస్తుందని ధీమా వ్యక్తం చేశాడు. ఇదే సందర్భంగా బీసీసీఐపై కూడా అభ్యంతరకర వ్యాఖ్యలు చేశాడు. నేనే ఇండియన్‌ క్రికెట్‌కు బాస్‌ను అయితే, అహంకారాన్ని తగ్గించుకుని ఇంగ్లండ్‌ విన్నింగ్‌ మోడల్‌ను స్పూర్తిగా తీసుకుని ఫాలో అవుతానని అన్నాడు. మేజర్‌ టోర్నీల్లో టీమిండియా గెలవాలంటే బీసీసీఐ..  ఇంగ్లండ్‌ను ఫాలో అవ్వాలని సూచించాడు. వాన్‌ చేసిన ఈ వ్యాఖ్యలపై భారత అభిమానులు, మాజీలు మండిపడుతున్నారు. అతని వ్యాఖ్యలకు కౌంటర్లిస్తూ.. తగు రీతిలో స్పందిస్తున్నారు. వీడి నోటి దూలకు అడ్డూఅదుపు లేకుండా పోతుంది, వరల్డ్‌కప్‌ గెలుపుతో వీడి నోటికి తాళం వేస్తామని ఘాటు వ్యాఖ్యలు చేస్తున్నారు. పిచ్చి వెదవ చేసే వ్యాఖ్యలు పట్టించుకోవాల్సిన అవసరం లేదని మరికొందరు కామెంట్‌ చేస్తున్నారు. చదవండి: 'రోహిత్‌ పని అయిపోయింది.. ఆ ఇద్దరిలో ఒకరిని కెప్టెన్‌ చేయండి'

టి20 ప్రపంచకప్‌లో భాగంగా సూపర్‌-12లో గ్రూఫ్‌-1లో ఇంగ్లండ్‌పై ఐదు పరుగుల తేడాతో ఐర్లాండ్‌ విజయం సాధించిన సంగతి తెలిసిందే. డక్‌వర్త్‌ లూయిస్‌ పద్దతి ఇంగ్లండ్‌ కొంపముంచింది. వర్షం అంతరాయం కలిగించే సమయానికి చేయాల్సినదానికంటే ఐదు పరుగులు తక్కువగా ఉండడంతో ఐర్లాండ్‌ను విజేతగా ప్రకటించారు. ఈ నేపథ్యంలో టీమిండియా మాజీ క్రికెటర్‌ వసీం జాఫర్‌ ఇంగ్లండ్‌ మాజీ ఆటగాడు మైకెల్‌ వాన్‌ను తనదైన శైలిలో ట్రోల్‌ చేశాడు. ఈ ఇద్దరి మధ్య సోషల్‌ మీడియాలో ఎప్పటినుంచో కోల్డ్‌వార్‌ నడుస్తున్న సంగతి తెలిసిందే. ఈ ఇద్దరు ట్విటర్‌, ఇన్‌స్టాగ్రామ్‌లో తరచుగా ఫన్నీవేలో కామెంట్స్‌ చేసుకోవడం చూస్తూనే ఉంటాం.  తాజాగా డక్‌వర్త్‌ లూయిస్‌ పద్దతిలో ఐర్లాండ్‌ విజయం సాధించాకా.. జాఫర్‌ వాన్‌ను ఉద్దేశించి ట్విటర్‌లో ఒక వీడియో పోస్ట్‌ చేశాడు. ఆ వీడియోలో ఇద్దరు కుర్రాళ్ల మధ్య యుద్ధం జరుగుతుంటుంది. ఒకరు ఐర్లాండ్‌.. ఇంకొకరు ఇంగ్లండ్‌. ఇంతలో వీరి మధ్యకు ట్రిమ్మర్‌ తీసుకొని ఒక వ్యక్తి వస్తాడు. అతని పేరు డక్‌వర్త్‌ లూయిస్(డీఎల్‌ఎస్‌). మ్యాచ్‌కు వర్షం ఎలా అయితే అంతరాయం కలిగించిందో.. అచ్చం అలాగే ఆ ఇద్దరు వ్యక్తులు సీరియస్‌గా ఫైట్‌ చేసుకుంటున్న సందర్భంలో సదరు డీఎల్‌ ఇంగ్లండ్‌కు సపోర్ట్‌ చేద్దామనుకుంటున్నాడు. కానీ చివర్లో ఫలితం తారుమారు కావడంతో ఇంగ్లండ్‌ వ్యక్తికే జట్టు తీసేస్తాడు. ఇక చివర్లో మ్యాచ్‌ సమ్మరీ ఇదే అంటూ క్యాప్షన్‌ జత చేసి మైకెల్‌ వాన్‌ ట్యాగ్‌ను జత చేశాడు. దీనికి సంబంధించిన పోస్ట్‌ సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే.. టాస్‌ ఓడి తొలుత బ్యాటింగ్‌ చేసిన ఐర్లాండ్‌.. మార్క్‌ వుడ్‌ (3/34), లివింగ్‌స్టోన్‌ (3/17), సామ్‌ కర్రన్‌ (2/31), స్టోక్స్‌ (1/8) చెలరేగడంతో 19.2 ఓవర్లలో 157 పరుగులకు చాపచుట్టేసింది. కెప్టెన్‌ బల్బిర్నీ (47 బంతుల్లో 62; 5 ఫోర్లు, 2 సిక్సర్లు) అర్ధసెంచరీతో రాణించాడు. అనంతరం 158 పరుగుల లక్ష్యాన్ని ఛేదించేందుకు బరిలోకి దిగిన ఇంగ్లండ్‌కు ఆదిలోనే వరుస షాక్‌లు తగిలాయి. ఓపెనర్ జోస్‌ బట్లర్‌ డకౌట్‌ కాగా..  మరో ఓపెనర్‌ అలెక్స్‌ హేల్స్‌ 7 పరుగులు చేసి వెనుదిరిగాడు. ఆ తర్వాత వచ్చిన మలాన్‌ కాసేపు ఓపిగ్గా ఆడినప్పటికీ 35 పరుగుల వ్యక్తిగత స్కోర్‌ వద్ద ఔటయ్యాడు. చివర్లో మొయిన్‌ అలీ (12 బంతుల్లో 24 నాటౌట్‌; 3 ఫోర్లు, సిక్స్‌), లివింగ్‌స్టోన్‌ (1 నాటౌట్‌) ఇంగ్లండ్‌కు గట్టెక్కించే ప్రయత్నం చేస్తుండగా ఒక్కసారిగా భారీ వర్షం మొదలైంది. ఈ దశలో ఇంగ్లండ్‌ స్కోర్‌ 105/5గా ఉంది. వరుణుడు ఎంతకీ శాంతించకపోవడంతో అంపైర్లు డక్‌వర్త్‌ లూయిస్‌ పద్దతిలో ఐర్లాండ్‌ను విజేతగా ప్రకటించారు. చదవండి: 'కోహ్లి మమ్మల్ని కరుణిస్తాడనుకుంటున్నా'

Ravichandran Ashwin: వన్డే క్రికెట్‌ ఇటీవలి కాలంలో ఎలాంటి కొత్త తరహా మార్పులు చూపించకుండా టి20లకు కొనసాగింపుగానే కనిపిస్తోందని టీమిండియా స్పిన్నర్‌ రవిచంద్రన్‌ అశ్విన్‌ అన్నాడు. ఒకవేళ ఇదే కొనసాగితే వన్డేల అస్తిత్వం ప్రమాదంలో పడుతుందని వ్యాఖ్యానించాడు.  రెండు ఎండ్‌లనుంచి రెండు కొత్త బంతులను కాకుండా ఒకే బంతిని వాడితే రివర్స్‌ స్వింగ్‌ సాధ్యమవుతుందన్న అశ్విన్‌.. స్పిన్నర్లు కూడా ప్రభావం చూపిస్తే వన్డేల్లో బ్యాటర్లు, బౌలర్ల మధ్య సమతూకం ఉండి ఆసక్తికరంగా మారతాయని సూచించాడు. ఇక టీ20 మ్యాచ్‌కు కొనసాగింపుగా అన్నట్లు వన్డే మ్యాచ్‌ సాగితే.. అందులో ఉన్న మజా పోతుందని పేర్కొన్నాడు. ఇంగ్లండ్‌ మాజీ కెప్టెన్‌ మైకేల్‌ వాన్‌ నిర్వహించిన పాడ్‌కాస్ట్‌లో అశ్విన్‌ ఈ మేరకు తన అభిప్రాయాలు పంచుకున్నాడు. కాగా ఇంగ్లండ్‌తో రీషెడ్యూల్డ్‌ టెస్టు నేపథ్యంలో జట్టు వెంటే ఉన్న అశ్విన్‌కు తుది జట్టులో చోటు దక్కలేదన్న విషయం తెలిసిందే. అతడి స్థానంలో టీమ్‌లోకి వచ్చిన రవీంద్ర జడేజా మెరుగైన ఇన్నింగ్స్‌ ఆడి సత్తా చాటాడు. ఇక ఈ మ్యాచ్‌లో ఓటమిపాలైన టీమిండియా.. ఐదు మ్యాచ్‌ల టెస్టు సిరీస్‌ను 2-2తో సమం చేసుకుంది.  ఇక వన్డే ఫార్మాట్‌లో 151 వికెట్లు పడగొట్టిన అశూ.. టెస్టుల్లో 442 వికెట్లు తన ఖాతాలో వేసుకున్నాడు. చదవండి: ICC World Cup Super League: వన్డే సిరీస్‌ రద్దు.. దక్షిణాఫ్రికాకు భారీ షాక్‌! ప్రపంచకప్‌ రేసు నుంచి తప్పుకొన్నట్లేనా?

టీమిండియా స్టార్‌ ఆటగాడు విరాట్‌ కోహ్లి పేలవ ప్రదర్శన కనబరుస్తున్న సంగతి తెలిసిందే. కోహ్లి అంతర్జాతీయ క్రికెట్‌లో సెంచరీ సాధించి దాదాపు మూడేళ్లు అవుతుంది. ఇక తాజాగా ఇంగ్లండ్‌తో జరిగిన రీ షెడ్యూల్డ్‌ టెస్టులోనూ కోహ్లి తీవ్రంగా నిరాశపరిచాడు. ఈ టెస్టుల్లో అతడు రెండు ఇన్నింగ్స్‌లలో కలిపి కేవలం 31 పరుగులు మాత్రమే చేశాడు. ముఖ్యంగా ఈ ఏడాది టీ20 ప్రపంచకప్‌ జరగనుండడంతో కోహ్లి ఫామ్‌పై ఆందోళన నెలకొంది. ఈ క్రమంలో కోహ్లి ఫామ్‌పై ఇంగ్లండ్‌ మాజీ కెప్టెన్‌  మైఖేల్ వాన్ ఆసక్తికర వాఖ్యలు చేశాడు. ప్రస్తుత పరిస్ధితుల్లో మూడు నెలల పాటు విశ్రాంతి తీసుకోవాలని కోహ్లిని మైఖేల్ వాన్ సూచించాడు. "ఐపీఎల్‌ తర్వాత కోహ్లి విశ్రాంతి తీసుకున్నాడు. కానీ అతడికి మరింత ఎక్కువ విశ్రాంతి అవసరం. అతడు మూడు నెలల పాటు క్రికెట్‌కు దూరంగా ఉండి, తన ఫ్యామిలీతో గడపాలని నేను భావిస్తున్నాను. అతడు అద్భుతమైన ఆటగాడు కాబట్టి తన ఫామ్‌ను తిరిగి పొందగలడు" అని మైఖేల్ వాన్ పేర్కొన్నాడు. చదవండి: IND vs ENG 1stT20: ఇంగ్లండ్‌తో తొలి టీ20.. భారత్‌ గెలవడం కష్టమే..!

India Vs England 5th Test: ‘‘257 పరుగుల ఆధిక్యం అంటే కాస్త కష్టమే! లక్ష్యాన్ని ఛేదించాలంటే ఇంగ్లండ్‌ జట్టు చాలా కష్టపడాలి’’ అని ఇంగ్లండ్‌ మాజీ కెప్టెన్‌, కామెంటేటర్‌ మైకేల్‌ వాన్‌ అభిప్రాయపడ్డాడు. ఇండియా మరో 150 పరుగులు చేస్తే అప్పుడు కొండంత లక్ష్యం ఆతిథ్య జట్టు ముందు ఉంటుందని.. స్టోక్స్‌ బృందానికి తిప్పలు తప్పవని పేర్కొన్నాడు.  ఇంగ్లండ్‌- టీమిండియా మధ్య బర్మింగ్‌హామ్‌లోని ఎడ్జ్‌బాస్టన్‌ వేదికగా ఐదో టెస్టు జరుగుతున్న విషయం తెలిసిందే. ఈ మ్యాచ్‌లో తొలి ఇన్నింగ్స్‌లో బుమ్రా సేన 416 పరుగులకు ఆలౌట్‌ అయింది. ఇంగ్లండ్‌ ఆటగాళ్లలో జానీ బెయిర్‌ స్టో(106 పరుగులు) మినహా ఓపెనర్లు, మిడిలార్డర్‌ బ్యాటర్లంతా విఫలం కావడంతో తొలి ఇన్నింగ్స్‌లో 284 పరుగులకే కుప్పకూలింది. The glorious summer of Jonny Bairstow 😍 Scorecard/Clips: https://t.co/jKoipF4U01 🏴󠁧󠁢󠁥󠁮󠁧󠁿 #ENGvIND 🇮🇳 | @IGcom pic.twitter.com/Ycl8Odq8ur — England Cricket (@englandcricket) July 3, 2022 పుజారా పట్టుదల! ఇక రెండో ఇన్నింగ్స్‌లోనూ టీమిండియా దూకుడు ప్రదర్శించింది. ఓపెనర్‌ గిల్‌ విఫలమైనా.. మరో ఓపెనర్‌ ఛతేశ్వర్‌ పుజారా అర్ధ శతకంతో రాణించాడు. ఈ క్రమంలో మూడో రోజు ఆట ముగిసే సమయానికి 3 వికెట్ల నష్టానికి 125 పరుగులు చేసింది భారత్‌. దీంతో పర్యాటక జట్టుకు 257 పరుగుల ఆధిక్యం లభించింది. ఈ నేపథ్యంలో మైకేల్‌ వాన్‌ క్రిక్‌బజ్‌ షోలో తన అభిప్రాయాలు పంచుకున్నాడు. కఠినమైన పరిస్థితుల్లోనూ టీమిండియా నయా వాల్‌ పుజారా ఆడిన తీరు అమోఘమని ప్రశంసించిన వాన్‌.. అదే సమయంలో ఇంగ్లండ్‌ బ్యాటర్లు మాత్రం పూర్తిగా విఫలమయ్యారని పెదవి విరిచాడు. An absolute jaffa!! 😍 Rooty's reactions 😅 Scorecard/Clips: https://t.co/jKoipF4U01 🏴󠁧󠁢󠁥󠁮󠁧󠁿 #ENGvIND 🇮🇳 pic.twitter.com/IzNH1r5V1g — England Cricket (@englandcricket) July 3, 2022 మైకేల్‌ వాన్‌(ఫైల్‌ ఫొటో) టీమిండియాదే విజయం! ‘‘ఇలాంటి పిచ్‌ వాతావరణ పరిస్థితుల్లో పట్టుదలగా నిలబడి 139 బంతులు ఎదుర్కొని 50 పరుగులు(నాటౌట్‌) చేయడం అంత సులభమేమీ కాదు. నిలకడగా రాణిస్తూ ముందుకు సాగిన విధానం అమోఘం. పుజారా, పంత్‌ వంటి ఆటగాళ్లు ఉంటే ప్రత్యర్థి జట్టు బౌలర్లకు చుక్కలే. వాళ్లిద్దరూ ఒక్కసారి పైచేయి సాధించారంటే అంతే సంగతులు. ఇప్పుడు 257 పరుగుల ఆధిక్యంలో ఉన్న టీమిండియా ఈజీగా మరో 150 పరుగులు చేస్తుంది. అప్పుడు టార్గెట్‌ ఇంచుమించు 400. మిగిలింది రెండ్రోజుల ఆట. ఇంగ్లండ్‌ గెలవాలంటే చాలా కష్టపడాల్సి ఉంటుంది’’ అని మైకేల్‌ వాన్‌ చెప్పుకొచ్చాడు. ఈ మ్యాచ్‌లో టీమిండియానే విజయం వరిస్తుందని జోస్యం చెప్పాడు. చదవండి: Ind Vs Eng 5th Test: వాళ్లేమో అదరగొడుతున్నారు.. వీళ్లేమో ఇలా.. ఛాన్స్‌ ఇస్తే జట్టులో పాతుకుపోవాలి! కానీ.. IND VS Northamptonshire: హర్షల్‌ ఆల్‌రౌండ్‌ షో.. రెండో మ్యాచ్‌లోనూ టీమిండియాదే విజయం

ఇంగ్లండ్‌ మాజీ కెప్టెన్‌ మైఖేల్ వాన్‌, టీమిండియా మాజీ ఓపెనర్‌ వసీం జాఫర్‌ల మధ్య ట్విటర్‌ వార్‌ మళ్లీ మొదలైంది. ఇంగ్లండ్‌తో టీమిండియా సిరీస్‌ ప్రారంభానికి ముందు వీరిద్దరు ఒకరిపై ఒకరు వ్యంగ్యాస్త్రాలు సంధించుకున్నారు. తాజాగా జాఫర్‌ చేసిన ఓ ట్వీట్‌కు వాన్‌ కౌంటర్‌ ఇవ్వడంతో రగడ మొదలైంది. వాన్‌ కౌంటర్‌ ట్వీట్‌ను జాఫర్‌ తనదైన స్టైల్లో తిప్పికొట్టడంతో ట్విటర్‌ వార్‌ పతాక స్థాయికి చేరింది. జాఫర్‌-వాన్‌ల మధ్య జరుగుతున్న ఈ వార్‌ క్రికెట్‌ ఫాలోవర్స్‌కు కావాల్సిన మజాను అందిస్తుంది. జాఫర్‌-వాన్‌ల మధ్య వార్‌ ఎక్కడ మొదలైందంటే..  జాఫర్‌ జూన్‌ 21న ప్రతిష్టాత్మక లార్డ్స్‌ మైదానంలో కూర్చొని దిగిన ఫొటోను ట్విటర్‌లో పోస్ట్‌ చేశాడు. దీనిపై వాన్‌ స్పందిస్తూ.. నేను తొలి టెస్ట్‌ వికెట్‌ తీసుకొని 20 ఏళ్లు అయిన సందర్భంగా ఇక్కడికి వచ్చావా అంటూ జాఫర్‌ ట్వీట్‌ను ట్యాగ్‌ చేస్తూ వ్యంగ్యంగా కామెంట్‌ చేశాడు. దీంతో చిర్రెత్తిపోయిన జాఫర్‌ తనదైన స్టైల్‌లో వాన్‌పై కౌంటర్‌ అటాక్‌ చేశాడు.  Sun is shining, the weather is sweet @HomeOfCricket 😊 pic.twitter.com/ImwcAS5YYh — Wasim Jaffer (@WasimJaffer14) June 20, 2022 2007 ఇంగ్లండ్‌ టూర్‌లో టెస్ట్‌ సిరీస్‌ గెలిచిన టీమిండియా ఫొటోను పోస్ట్‌ చేస్తూ.. దీని 15వ వార్షికోత్సవం సందర్భంగా ఇక్కడికి వచ్చాను అంటూ వాన్‌కు దిమ్మతిరిగిపోయే సమాధానమిచ్చాడు. జాఫర్‌ వాన్‌కు ఇచ్చిన ఈ స్ట్రోక్‌ టీమిండియా అభిమానులను తెగ ఆకట్టుకుంటుంది. నిద్రపోయిన సింహాన్ని గెలికితే ఇలాగే ఉంటదంటూ సోషల్‌మీడియాలో కామెంట్లు పెడుతున్నారు.  Is it the 20th anniversary of my first Test wicket you are here for Wasim ? https://t.co/7Ul5Jw62ra — Michael Vaughan (@MichaelVaughan) June 20, 2022 Here for the 15th anniversary of this Michael 😄 #ENGvIND https://t.co/Qae4t8IRpf pic.twitter.com/gZC5ShGNwS — Wasim Jaffer (@WasimJaffer14) June 21, 2022 కాగా, ఇంగ్లండ్‌లో టీమిండియా చివరిసారి 2007లో టెస్ట్‌ సిరీస్‌ గెలిచింది. ఆ సిరీస్‌లో రాహుల్‌ ద్రవిడ్‌ టీమిండియాకు నాయకత్వం వహించాడు. 3 మ్యాచ్‌ల సిరీస్‌ను టీమిండియా 1-0తో చేజిక్కించుకుంది. ఆ సిరీస్‌లో టీమిండియా గెలిచిన నాటింగ్హమ్‌ టెస్ట్‌లో మైఖేల్‌ వాన్‌ సెంచరీ చేసినప్పటికీ ఇంగ్లండ్‌ను ఆదుకోలేకపోయాడు. తొలి ఇన్నింగ్స్‌లో ఐదుగురు బ్యాటర్లు అర్ధ సెంచరీలు సాధించడంతో టీమిండియా పట్టు బిగించింది. ఆ మ్యాచ్‌లో జాఫర్‌ అర్ధ సెంచరీ సహా 84 పరుగులు చేసి జట్టు విజయంలో కీలకపాత్ర పోషించాడు.  ఇదిలా ఉంటే, 2007లో ఇంగ్లండ్‌ గడ్డపై టెస్ట్‌ సిరీస్‌ విజయం తర్వాత మళ్లీ ఇన్నాళ్లకు టీమిండియా ఆ అవకాశం వచ్చింది. గతేడాది అర్ధంతరంగా నిలిచిపోయిన ఐదు మ్యాచ్‌ల టెస్ట్‌ల సిరీస్‌లో టీమిండియా 2-1 ఆధిక్యంలో ఉంది. అప్పుడు రద్దైన ఐదో టెస్ట్‌ మ్యాచ్‌ను భారత్‌ జులై 1 నుంచి ఆడనుంది. ఈ మ్యాచ్‌ను టీమిండియా కనీసం  డ్రా చేసుకున్నా సిరీస్‌ విజయం సాధిస్తుంది.  చదవండి: టీమిండియాకు గుడ్‌ న్యూస్‌‌.. కోవిడ్‌ నుంచి కోలుకున్న స్టార్‌ స్పిన్నర్‌

ఇంగ్లండ్‌లోని లార్డ్స్‌ స్టేడియానికి ఉన్న ప్రాముఖ్యత ప్రత్యేకంగా చెప్పనవసరం లేదు. క్రికెట్‌కు పుట్టినిల్లుగా భావించే ఇంగ్లండ్‌లో లార్డ్స్‌ స్టేడియానికి సెపరేట్‌ ఫ్యాన్‌ బేస్‌ ఉంటుంది. ఇంగ్లండ్‌లో ఎలాంటి ద్వైపాక్షిక సిరీస్‌లు, మేజర్‌ టోర్నీలు జరిగినా ఫైనల్‌ మ్యాచ్‌ మాత్రం లార్డ్స్‌ స్టేడియంలోనే నిర్వహించడం ఆనవాయితీ. లార్డ్స్‌ బాల్కనీ నుంచి కప్‌ను అందుకోవడం ప్రతీ జట్టు కెప్టెన్‌ ప్రతిష్టాత్మకంగా భావిస్తారు. లార్డ్స్‌ స్టేడియంలో మ్యాచ్‌ జరుగుతుందంటే పూర్తి సంఖ్యలో ప్రేక్షకులు హాజరవుతుంటారు. అది టెస్టు.. వన్డే.. టి20 ఏదైనా సరే వంద శాతం ప్రేక్షకులు ఉంటారు. అలాంటి పేరున్న లార్డ్స్‌ స్టేడియానికి మొదటిసారి అవమానం జరిగింది.  జూన్‌ 2న ఇంగ్లండ్‌, న్యూజిలాండ్‌ మధ్య తొలి టెస్టు మ్యాచ్‌ ప్రారంభం కానుంది. అయితే తొలిసారి ఇంగ్లండ్‌, న్యూజిలాండ్‌ మధ్య జరగనున్న తొలి టెస్టుకు మాత్రం చాలా టికెట్స్‌ మిగిలిపోయాయి. దీనికి కారణం ఇంగ్లండ్‌ అండ్‌ వేల్స్‌ క్రికెట్‌ బోర్డు(ఈసీబీ) టికెట్స్‌ ధరలు పెంచడమేనంట. టెలిగ్రాఫ్‌ కథనం ప్రకారం.. లార్డ్స్‌ టెస్టు తొలి నాలుగు రోజులకు 20వేల టికెట్లు మిగిలిపోయినట్లు సమాచారం. బార్మీ ఆర్మీ పేర్కొన్న ప్రకారం ఒక టికెట్‌పై 100 పౌండ్ల నుంచి 160 పౌండ్ల దాకా పెంచడంతో క్రికెట్‌ ఫ్యాన్స్‌ టికెట్స్‌ కొనుగోలు చేయడంపై వెనక్కి తగ్గారు. ఒక టెస్టు మ్యాచ్‌కు అంత టికెట్‌ ధర ఉంటే ఎలా కొంటామని.. దీనికంటే ఇంట్లో కూర్చొని మ్యాచ్‌ చూడడం బెటర్‌ అని చాలామంది ఫ్యాన్స్‌ వాపోయారు. సోమవారం సాయంత్రం ​వరకు అందిన రిపోర్ట్స్‌ ప్రకారం.. తొలి రోజున 1800 టికెట్లు, రెండో రోజుకు 2500 టికెట్లు, మూడోరోజుకు 4600 టికెట్లు, నాలుగో రోజుకు 9600 టికెట్లు మిగిలే ఉన్నాయని తేలింది. ఇక జో రూట్‌ కెప్టెన్‌ పదవి నుంచి తప్పుకున్నాకా.. ఆల్‌రౌండర్‌ బెన్‌ స్టోక్స్‌ తొలిసారి పూర్తిస్థాయి కెప్టెన్‌గా బాధ్యతలు చేపట్టడం.. కొత్త కోచ్‌ రావడంతో ఇంగ్లండ్‌, న్యూజిలాండ్‌ టెస్టు సిరీస్‌కు ఫుల్‌క్రేజ్‌ వచ్చింది. కాగా లార్డ్స్‌ స్టేడియంలో టికెట్ల రేట్లు పెంపుపై ఇంగ్లండ్‌ మాజీ క్రికెటర్‌ మైకెల్‌ వాన్‌ ఈసీబీని ట్విటర్‌ వేదికగా ఎండగట్టాడు. ''చారిత్రాక లార్డ్స్‌ మైదానానికి ఇది పెద్ద అవమానం. లార్డ్స్‌లో టెస్టు మ్యాచ్‌ జరుగుతుందంటే తొలిరోజు పూర్తిస్థాయిలో స్టేడియం నిండుతుంది. కానీ తొలిసారి స్టేడియం ఫుల్‌ కావడం లేదు. ఇది భరించలేకుండా ఉంది. ఒక్కసారిగా టికెట్స్‌ ధరలు అంత పెంచడంపై ఈసీబీ మర్మమేంటో అర్థం కావడం లేదు. ఒక్క టికెట్‌పై 100 నుంచి 160 పౌండ్లు పెంచడమేంటి.. అంత ధర ఎందుకు? ప్రస్తుతం సమ్మర్‌ సీజన్‌ కావడంతో పిల్లలకు కూడా సెలవులు ఉంటాయి. వారి పేరెంట్స్‌తో కలిసి మ్యాచ్‌ చూడాలని స్టేడియాలకు వస్తుంటారు. కాబట్టి అమ్ముడపోని టికెట్స్‌ను పిల్లల కోసం ప్రత్యేకంగా టికెట్‌ ధరను 40 పౌండ్లుగా నిర్ణయించి స్టేడియంను ఫుల్‌ చేస్తే బాగుంటుంది.'' అంటూ చెప్పుకొచ్చాడు.  చదవండి: ఇంగ్లండ్‌తో టెస్టు సిరీస్‌.. జట్టును ప్రకటించిన న్యూజిలాండ్‌..! T20 Blast 2022: భారీ సిక్సర్‌.. బర్గర్‌ వ్యాన్‌లోకి దూసుకెళ్లిన బంతి Lords not being full this week is embarrassing for the game .. Try & blame the Jubilee if they want but I guarantee if tickets weren’t £100 - £160 it would be jam packed !!! Why are they so expensive ??? #Lords #ENGvNZ — Michael Vaughan (@MichaelVaughan) May 31, 2022 How about working out a way to get the tickets remaining at Lords to kids with a parent for £40 to make sure it is full .. it’s the school holidays and lots of kids will be around to go to the Test match ?? @HomeOfCricket ??? #Lords #ENGvNZ — Michael Vaughan (@MichaelVaughan) May 31, 2022

ఐపీఎల్‌-2022లో గురువారం కోల్‌కతా నైట్‌ రైడర్స్‌తో జరిగిన మ్యాచ్‌లో ఢిల్లీ క్యాపిటల్స్‌ 4 వికెట్ల తేడాతో ఘన విజయం సాధించింది. ఈ విజయంలో ఆ జట్టు స్పిన్నర్‌ కుల్ధీప్‌ యాదవ్‌ కీలక పాత్ర పోషించాడు. ఈ మ్యాచ్‌లో మూడు ఓవర్లు వేసిన కుల్ధీప్‌.. 14 పరుగులు ఇచ్చి నాలుగు వికెట్లు పడగొట్టాడు. అయితే అద్భుతంగా బౌలింగ్‌ చేసిన కుల్ధీప్‌ను తన నాలుగు ఓవర్ల కోటాను పంత్‌  పూర్తి చేయించలేదు. కేవలం మూడు ఓవర్లు మాత్రమే వేయించాడు.అదే సమయంలో పార్ట్ టైమ్ బౌలర్ గా ఉన్న లలిత్ యాదవ్ తో పంత్ మూడు ఓవర్లు వెయించాడు. మూడు ఓవర్లు వేసిన లలిత్ యాదవ్ 32 పరుగులు ఇచ్చాడు. అయితే ఈ మ్యాచ్‌లో పంత్‌ తీసుకున్న నిర్ణయాలపై విమర్శలు వ్యక్తం అవుతున్నాయి. ఈ క్రమంలో పంత్‌ వ్యూహాలపై ఇంగ్లండ్‌ మాజీ కెప్టెన్‌ మైకేల్ వాన్ ఆసంతృప్తి వక్య్తం చేశాడు. "ఇది ఒక విచిత్రమైన కెప్టెన్సీ. మూడు ఓవర్లలో కుల్ధీప్‌ యాదవ్‌ నాలుగు వికెట్లు పడగొట్టాడు. అటువంటి బౌలర్‌తో పూర్తి కోటాను ఎందకు వేయంచలేదో నాకు అర్ధం కావడం లేదు" అని వాన్ ట్విటర్‌లో పేర్కొన్నాడు. మరో వైపు మ్యాచ్‌ అనంతరం మాట్లాడిన పంత్‌ కుల్ధీప్‌తో నాలుగు ఓవర్లు పూర్తి చేయించకపోవడానికి గల కారణాన్ని వెల్లడించాడు. కుల్దీప్‌తో ఇన్నింగ్స్‌ అఖరి ఓవర్‌ వేయంచాలని అనుకున్నాను. అయితే అప్పటికే మంచు ప్రభావం ఎక్కువగా ఉంది. అందుకే పేసర్లు తీసుకువచ్చాను. అయినప్పటికీ భారీగా పరుగులు వచ్చాయి అని పంత్‌ పేర్కొన్నాడు.] చదవండి: Rovman Powell Biography: చిన్న ఇల్లు.. కటిక పేదరికం.. ఎన్నో కష్టాలు.. అన్నింటినీ జయించి.. ఇప్పుడిలా

ఐపీఎల్‌-2022లో సన్‌రైజెర్స్‌ హైదరాబాద్‌ పేసర్‌ ఉమ్రాన్‌ మాలిక్‌ తన పేస్‌ బౌలింగ్‌తో బ్యాటర్లకు చుక్కలు చూపిస్తున్నాడు. ఈ సీజన్‌లో ఉమ్రాన్‌ గంటకు 145 కి.మీ స్పీడ్‌తో బౌలింగ్‌ చేస్తున్నాడు. ఈ క్రమంలో మాలిక్‌ను ఇంగ్లండ్ మాజీ క్రికెటర్ మైఖేల్‌ వాన్‌ ప్రశంసించాడు. ఈ ఎక్స్‌ప్రెస్ పేసర్ త్వరలో భారత్ జట్టు తరఫున ఆడతాడని వాన్ జోస్యం చెప్పాడు. " ఉమ్రాన్ మాలిక్ త్వరలో టీమిండియా తరపున ఆడడం ఖాయం. ఈ వేసవిలో అతడిని కౌంటీ క్రికెట్ ఆడేందుకు బీసీసీఐ పంపాలి. కౌంటీల్లో అతడు తన స్కిల్స్‌ను మరింత పెంపొందించుకునే అవకాశం ఉంది అని ట్విటర్‌ వేదికగా పేర్కొన్నాడు. ఇక ఈ ఏడాది సీజన్‌లో ఉమ్రాన్‌ కేవలం మూడు వికెట్లు పడగొట్టనప్పటికీ.. అతడు తన పేస్‌తో బ్యాటర్లకు ఏ మాత్రం అవకాశం ఇవ్వడం లేదు. ఏప్రిల్ 11న గుజరాత్‌ టైటాన్స్‌తో జరిగిన మ్యాచ్‌లో దూకుడుగా ఆడుతున్న మాథ్యూ వేడ్ వికెట్‌ను మాలిక్‌ సాధించాడు. కాగా గతేడాది సీజన్‌లో నటరాజన్‌ గాయపడడంతో జట్టులోకి వచ్చిన ఉమ్రాన్‌ మాలిక్‌  తన స్థానాన్నిసుస్థిరం చేసుకున్నాడు. ఐపీఎల్‌-2022 మెగా వేలానికి ముందు మాలిక్‌ను రూ.4 కోట్లకు ఎస్‌ఆర్‌హెచ్‌ రీటైన్‌ చేసుకుంది. చదవండి: క్రికెట్‌కు గుడ్‌బై చెప్పిన న్యూజిలాండ్‌ బౌలర్‌

Michael Vaughan VS Wasim Jaffer: టీమిండియా మాజీ ఓపెనర్‌ వసీం జాఫర్, ఇంగ్లండ్ మాజీ కెప్టెన్‌ మైకేల్ వాన్‌ల మధ్య ట్విటర్ వార్ తారాస్థాయికి చేరింది. క్రికెట్‌కు సంబంధించి తరుచూ ఒకరిపై ఒకరు కత్తులు దూసుకునే ఈ మాజీలు తాజాగా మరోసారి మాటల యుద్ధానికి దిగారు. వెస్టిండీస్ పర్యటనలో ఇంగ్లండ్‌కు ఎదురైన దారుణ పరాభవం (టీ20 సిరీస్‌తో పాటు టెస్ట్‌ సిరీస్‌లో ఓటమి) నేపథ్యంలో ట్విట్టర్ వేదికగా తొలుత వసీం జాఫర్‌ విమర్శనాస్త్రాలు సంధించాడు. England 120 all out! What happened @MichaelVaughan was this Extras guy unavailable due to IPL or what? 😜 #WIvENG #IPL2022 pic.twitter.com/lSetnPSif5— Wasim Jaffer (@WasimJaffer14) March 27, 2022 ఈ ట్వీట్‌లో జాఫర్‌ ఇంగ్లండ్‌ను టార్గెట్‌ చేస్తూ వాన్‌కు చురకలు తగిలేలా వ్యాఖ్యానించాడు. ఈ ఏడాది ఇంగ్లండ్ తరఫున అత్యధిక పరుగులు చేసిన జాబితాకు సంబంధించిన ఫోటోను (జో రూట్ 1708 పరుగులు, రోరీ బర్న్స్ 530, ఎక్స్ట్రాలు 412)  షేర్‌ చేస్తూ.. ఇంగ్లండ్‌ 120 ఆలౌట్‌! ఏమైంది వాన్‌..? ఈ ఎక్స్ట్రా రన్స్ కొట్టిన ఆటగాడు ఐపీఎల్‌లో ఆడుతున్నాడా ఏంది..? అంటూ వాన్‌కు దిమ్మతిరిగిపోయే రేంజ్‌లో ట్వీట్ (పంచ్‌) చేశాడు.   Wasim .. At the moment we are focusing on the Womens World Cup semis .. !!! 😜😜 https://t.co/ubwxORXKBU— Michael Vaughan (@MichaelVaughan) March 27, 2022 దీనికి మైకేల్ వాన్ కూడా అదే రేంజ్‌లో కౌంటర్‌ ఇచ్చాడు. వసీం.. ఈ సమయంలో మేము మహిళల ప్రపంచకప్ సెమీస్ (మహిళల వన్డే ప్రపంచకప్‌లో  దక్షిణాఫ్రికా చేతిలో ఓడి టీమిండియా ఇంటి బాట పట్టగా.. ఇంగ్లండ్ మాత్రం బంగ్లాదేశ్‌పై విజయం సాధించి సెమీస్‌కు చేరింది) మీద దృష్టి సారించాం అని బదులిచ్చాడు. ఈ ట్వీట్‌ చూసి చిర్రెత్తిపోయిన జాఫర్‌ వెంటనే మరో కౌంటరిస్తూ.. With just 1 win in last 17 Tests, not surprised you have given up on the men's team Michael 😜 #WIvENG #IPL2022 https://t.co/xXNO71RmeR— Wasim Jaffer (@WasimJaffer14) March 28, 2022 రూట్‌ సేన గత 17 టెస్ట్‌ల్లో ఒకే ఒక విజయం సాధించింది, ఇలాంటి చెత్త ప్రదర్శన చేసిన జట్టును ఎవరు మాత్రం పట్టించుకుంటారంటూ ఘాటుగా రిప్లై ఇచ్చాడు. ఇందుకు వాన్‌ ఏ విధంగా స్పందించనున్నాడోనని నెటిజన్లు ఎంతో ఆసక్తిగా ఎదురుచూస్తున్నారు. కాగా, విండీస్‌ పర్యటనలో ఇంగ్లండ్‌ 2-3 తేడాతో టీ20 సిరీస్‌ను, 0-1 తేడాతో టెస్ట్‌ సిరీస్‌ను కోల్పోయిన సంగతి తెలిసిందే. టెస్ట్‌ సిరీస్‌లో జరిగిన నిర్ణయాత్మక మూడో టెస్ట్‌లో రూట్ సేన రెండో ఇన్నింగ్స్‌లో 120కే ఆలౌట్‌ కావడంతో విండీస్ 10 వికెట్ల తేడాతో ఘన విజయం సాధించి, టెస్ట్‌ సిరీస్‌ను కైవసం చేసుకుంది.  చదవండి: IPL2022: విజయానందంలో పంత్‌ సేన.. అంతలోనే సాడ్‌ న్యూస్‌

West Indies Vs England Test Series- Fans Trolls Joe Root Captaincy: ఇంగ్లండ్‌ టెస్టు కెప్టెన్‌ జో రూట్‌పై విమర్శలు వెల్లువెత్తుతున్నాయి. సారథ్య బాధ్యతల నుంచి వైదొలగాల్సిన సమయం వచ్చిందంటూ ఇంగ్లండ్‌ మాజీ సారథులు, అభిమానులు అతడిని ఏకిపారేస్తున్నారు. ఇదేం కెప్టెన్సీ అంటూ ఆగ్రహం వ్యక్తం చేస్తున్నారు. ఆస్ట్రేలియాతో ప్రతిష్టాత్మక యాషెస్‌ సిరీస్‌లో ఘోర పరాభవం(4-0), ప్రస్తుతం వెస్టిండీస్‌ పర్యటనలో ఓటమి నేపథ్యంలో రూట్‌పై విమర్శలు గుప్పిస్తున్నారు. కాగా మూడు మ్యాచ్‌ల టెస్టు సిరీస్‌ కోసం ఇంగ్లండ్‌ వెస్టిండీస్‌ టూర్‌కు వెళ్లిన సంగతి తెలిసిందే. ఈ క్రమంలో మొదటి రెండు టెస్టులు డ్రా కాగా... నిర్ణయాత్మక మూడో మ్యాచ్‌లో స్ఫూర్తిదాయక ఆటతో ఆతిథ్య విండీస్‌ విజయం సాధించింది. 10 వికెట్ల తేడాతో ఇంగ్లండ్‌ను మట్టి కరిపించి సిరీస్‌ను 1-0 తేడాతో కైవసం చేసుకుంది. దీంతో మరోసారి ఇంగ్లండ్‌కు చేదు అనుభవం మిగిలింది. ఇక యాషెస్‌ సహా గత ఐదు సిరీస్‌లలో ఇంగ్లండ్‌కు ఇలాంటి ఫలితాలే వచ్చాయి. ఆడిన 17 మ్యాచ్‌లతో కేవలం ఒకే ఒక్కసారి విజయం సాధించింది. ఈ నేపథ్యంలో జో రూట్‌పై ఇంగ్లండ్‌ మాజీ కెప్టెన్లు నాసిర్‌ హుసేన్‌, మైఖేల్‌ వాన్‌ తదితరులు రూట్‌ను కెప్టెన్సీ నుంచి తప్పించాలని అభిప్రాయపడ్డారు. ఇంగ్లండ్‌ జట్టు అభిమానులు సైతం రూట్‌పై సోషల్‌ మీడియా వేదికగా ఆగ్రహం వ్యక్తం చేస్తున్నారు. ‘‘నువ్వొక చెత్త కెప్టెన్‌వి. వేస్ట్‌.. చాలు ఇంక.. దయచేసి కెప్టెన్‌ పదవి నుంచి దిగిపో! మరీ ఇంత దారుణ ప్రదర్శనా!? అస్సలు ఊహించలేదు’’ అంటూ ట్రోల్‌ చేస్తున్నారు.  చదవండి: IPL 2022: ముంబై ఇండియన్స్‌ కెప్టెన్‌ రోహిత్‌ శర్మకు భారీ షాక్‌! మొదటి తప్పిదం కాబట్టి.. World Cup 2022: అంతా నువ్వే చేశావు హర్మన్‌.. కానీ ఎందుకిలా? మా హృదయం ముక్కలైంది! #MaroonMagic.✨ That's the caption. #WIvENG pic.twitter.com/oE8qDumyQ6 — Windies Cricket (@windiescricket) March 27, 2022

Ashes Series: England Lost Series To Australia 4-0: యాషెస్‌ సిరీస్‌ 2021-22లో ఘోర పరాభవం మూటగట్టుకుంది ఇంగ్లండ్‌. ప్రతిష్టాత్మక ట్రోఫీని 4-0 తేడాతో ఆతిథ్య ఆస్ట్రేలియాకు సమర్పించుకుంది. కనీసం ఒక్క మ్యాచ్‌ కూడా గెలవలేక రిక్తహస్తాలతో వెనుదిరిగింది. అద్భుత పోరాటంతో నాలుగో టెస్టును డ్రా చేసుకున్నా.. ఆఖరి టెస్టులో కనీస స్థాయి ప్రదర్శన కనబరచలేక అప్రదిష్ట పాలైంది. 146 పరుగుల తేడాతో ఆసీస్‌ చేతిలో చిత్తుగా ఓడిపోయింది. ఈ నేపథ్యంలో టీమిండియా మాజీ క్రికెటర్‌ వసీం జాఫర్‌... ఇంగ్లండ్‌ మాజీ కెప్టెన్‌ మైకేల్‌ వాన్‌ను ట్రోల్‌ చేశాడు.  దక్షిణాఫ్రికాలో టీమిండియా ఓటమి నేపథ్యంలో వాన్‌ స్పందించిన తీరుకు మరోసారి తాజాగా కౌంటర్‌ ఇచ్చాడు. ‘‘హెలో మైకేల్‌... యాషెస్‌ ఏమైంది’’ అంటూ బాలీవుడ్‌ మూవీకి సంబంధించిన మీమ్‌ షేర్‌ చేశాడు. ‘‘నేనొచ్చేశాను ప్రియతమా’’ అ‍న్న క్యాప్షన్‌తో సరదాగా ట్రోల్‌ చేశాడు. ఇక ఇందుకు స్పందించిన మైకేల్‌ వాన్‌... శుభ సాయంత్రం వసీం...!! నిజంగా ఇదొక సుదీర్ఘమైన రోజు’’ అని బదులిచ్చాడు. ఈ క్రమంలో టీమిండియా అభిమానులు వసీం జాఫర్‌ ట్వీట్‌పై ప్రశంసలు కురిపిస్తున్నారు. ‘‘మంచి కౌంటర్‌ ఇచ్చావు భయ్యా.. నువ్వు సూపర్‌’’ అంటూ కామెంట్లు చేస్తున్నారు. కాగా సఫారీ గడ్డపై టెస్టు సిరీస్‌ గెలిచి చరిత్ర సృష్టించాలని భావించిన టీమిండియాకు భంగపాటు ఎదురైన సంగతి తెలిసిందే. 2-1 తేడాతో దక్షిణాఫ్రికా సిరీస్‌ను కైవసం చేసుకుంది. ఈ క్రమంలో భారత జట్టు పరాభవాన్ని ఉటంకిస్తూ.. వసీంను ట్యాగ్‌ చేస్తూ మైకేల్‌ వాన్‌ వ్యంగ్య రీతిలో ట్వీట్‌ చేశాడు. Evening Wasim .. !! It’s been a long day … https://t.co/PUYVdr4nKC — Michael Vaughan (@MichaelVaughan) January 16, 2022 A famous first-class debut and now celebrating a 4-0 #Ashes win - Cameron Green will have some fond memories of Bellerive Oval! @alintaenergy pic.twitter.com/L9X40oSU4p — cricket.com.au (@cricketcomau) January 17, 2022

టీమిండియా టెస్టు కెప్టెన్‌ విరాట్‌ కోహ్లిపై విమర్శల పర్వం కొనసాగుతోంది. దక్షిణాఫ్రికాతో మూడో టెస్టులో మూడో రోజు ఆట సందర్భంగా కోహ్లి వ్యవహరించిన తీరుపై మాజీ క్రికెటర్లు మండిపడుతున్నారు. కాగా ప్రొటిస్‌ కెప్టెన్‌ డీన్‌ ఎల్గర్‌ డీఆర్‌ఎస్‌ కాల్‌ విషయంపై టీమిండియా ఆటగాళ్లు.. ముఖ్యంగా కోహ్లి స్టంప్స్‌ మైకు దగ్గరకు వెళ్లి ప్రసారకర్తలను ఉద్దేశించి మాట్లాడిన తీరు వివాదానికి దారి తీసిన సంగతి తెలిసిందే.  ఈ క్రమంలో టీమిండియా మాజీ ఓపెనర్‌ గౌతమ్‌ గంభీర్‌ ఇప్పటికే కోహ్లిది చెత్త ప్రవర్తన అంటూ విమర్శించాడు. ఇక ఈ విషయంపై స్పందించిన ఇంగ్లండ్‌ మాజీ క్రికెటర్‌, కామెంటేటర్‌ మైకేల్‌ వాన్‌ కోహ్లికి భారీ జరిమానా వేయాలని.. లేదంటే నిషేధం విధించాలని ఐసీసీకి సూచించాడు. ప్రతి ఒక్కరు భావోద్వేగాలు ప్రదర్శించడం సహజమని.. అయితే నాయకుడు ఇలా చేయడం సరికాదన్నాడు. ఈ విషయంలో ఐసీసీ వెంటనే చర్యలు చేపట్టాలని విజ్ఞప్తి చేశాడు. దక్షిణాఫ్రికా మాజీ బ్యాటర్‌ డారిల్‌.. భారత కెప్టెన్‌ చర్యలు ఏమాత్రం ఆమోదయోగ్యం కాదని, అతడిని కఠినంగా శిక్షించాలని డిమాండ్‌ చేశాడు. ఇదిలా ఉంటే..  ఆస్ట్రేలియా క్రికెట్‌ దిగ్గజం ఆడం గిల్‌క్రిస్ట్‌ సైతం టీమిండియా సారథి తీరుపై పెదవి విరిచాడు. ప్రతి విషయంలోనూ ఓ హద్దు ఉంటుందని... అది దాటితే తప్పును ఉపేక్షించాల్సిన అవసరం లేదని గిల్‌క్రిస్ట్‌ అభిప్రాయపడ్డాడు. షేన్‌ వార్న్‌ మాట్లాడుతూ... ‘‘అంతర్జాతీయ జట్టు కెప్టెన్‌ ఇలా వ్యవహరిస్తాడని నేను అనుకోను. ఒక్కోసారి అసహనం హద్దు దాటుతుంది. నిజమే.. అయితే పదే పదే ఇలా చేయడం సరికాదు. ఇలాంటివి పునరావృతం కాకుండా చూసుకోవాలి. సహించాల్సిన అవసరం లేదు’’ అని చెప్పుకొచ్చాడు. ఇక దక్షిణాఫ్రికాతో టెస్టు సిరీస్‌లో భాగంగా టీమిండియా ఆటలో వైఫల్యం కంటే కూడా ఇలాంటి వాగ్యుద్దాలు, గొడవలతోనే ఎక్కువ అప్రదిష్టను మూటగట్టుకుందనడంలో ఎలాంటి సందేహం లేదు. చదవండి:  View this post on Instagram A post shared by Fox Cricket (@foxcricket) pic.twitter.com/HtZwoo9Lm7 — Bleh (@rishabh2209420) January 13, 2022

సఫారీ గడ్డపై టెస్టు సిరీస్‌ గెలవాలన్న టీమిండియా ఆశ నెరవేరలేదు... మూడు దశాబ్దాలుగా ప్రయత్నిస్తున్నా ప్రొటిస్‌ను స్వదేశంలో ఓడించడం వీలుపడలేదు... ఒక్కటంటే ఒక్కటి .. ఈ ఒక్కటి గెలిస్తే చాలు ప్రపంచాన్నే గెలిచినట్లు అవుతుందనే కల కలగానే మిగిలిపోయింది. మూడో టెస్టు మ్యాచ్‌లో ఓటమితో కోహ్లి సేనకు చేదు అనుభవమే మిగిలింది. ముఖ్యంగా మనకు ప్రధాన బలంగా భావించే బ్యాటింగ్‌లో వైఫల్యం అభిమానులను పూర్తిగా నిరాశపరిచింది.  దీంతో టీమిండియా ఆట తీరుపై విమర్శలు వెల్లువెత్తుతున్నాయి. ఇక ఇంగ్లండ్‌ మాజీ కెప్టెన్‌, కామెంటేటర్‌ మైకేల్‌ వాన్‌ గురించి ప్రత్యేకంగా చెప్పాల్సిందేముంది! అవకాశం దొరికితే చాలు... భారత జట్టుపై అక్కసు వెళ్లగక్కడం అతడికి అలవాటే కదా! ఇక ఇప్పుడు దక్షిణాఫ్రికా చేతిలో 2-1 తేడాతో టీమిండియా సిరీస్‌లో ఓటమిపాలు కావడంతో మరోసారి టీజ్‌ చేశాడు మైకేల్‌ వాన్‌. అతడికి ఎప్పటికప్పుడు కౌంటర్లు ఇచ్చే టీమిండియా మాజీ క్రికెటర్‌ వసీం జాఫర్‌ను ఉద్దేశించి తనదైన వ్యంగ్య రీతిలో ట్వీటాడు.  ‘‘శుభ సాయంత్రం వసీం జాఫర్‌!! నువ్వు బాగానే ఉన్నావా’’ అంటూ టీజ్‌ చేశాడు. మరి... వసీం జాఫర్‌ ఊరుకుంటాడా.. ఎప్పటిలాగే మాంచిగా అదిరిపోయే కౌంటర్‌ ఇచ్చిపడేశాడు. ‘‘అంతా బాగానే ఉంది మైకేల్‌... మర్చిపోకు... మేము మీకంటే ఇంకా 2-1 తేడాతో ముందే ఉన్నాము’’ అంటూ దిమ్మతిరిగేలా సమాధానమిచ్చాడు. కాగా గతేడాది సెప్టెంబరులో టీమిండియా ఇంగ్లండ్‌లో పర్యటించిన సంగతి తెలిసిందే. ఈ క్రమంలో ఐదు మ్యాచ్‌ల టెస్టు సిరీస్‌లో భాగంగా భారత్‌ రెండింట నెగ్గి 2-1 తేడాతో ముందంజలో ఉంది. భారత శిబిరంలో కరోనా కలకలం కారణంగా ఆఖరి టెస్టు రద్దుకాగా... ఈ ఏడాది జూలైలో నిర్వహించేందుకు ఇరు బోర్డులు నిర్ణయం తీసుకున్నాయి. చదవండి: IND Vs SA 3rd Test: విరాట్‌ కోహ్లిపై నిషేధం పడే అవకాశం..! The #Proteas bowling attack producing when it matters most💚 🇿🇦 Day three highlights: https://t.co/SSbyoUVZSF#SAvIND #FreedomTestSeries #BePartOfIt | @Betway_India pic.twitter.com/xEA1xSuuHj — Cricket South Africa (@OfficialCSA) January 14, 2022 Haha all good Michael, don't forget we are still leading you 2-1 😆 https://t.co/vjPxot43mF — Wasim Jaffer (@WasimJaffer14) January 14, 2022

Wasim Jaffer Trolls Michael Vaughan: యాషెస్‌ సిరీస్‌లో ఘోరంగా విఫలమైన ఇంగ్లండ్‌.. ట్రోఫీని ఆస్ట్రేలియాకు సమర్పించుకుంది. ముఖ్యంగా మూడో టెస్టులో పేలవ ప్రదర్శనతో ప్రత్యర్థి ముందు తలవంచింది. ఆసీస్‌ అరంగేట్ర బౌలర్‌ స్కాట్‌ బోలాండ్‌ ధాటికి నిలవలేక ఇంగ్లండ్‌ బ్యాటర్లు పెవిలియన్‌కు క్యూ కట్టారు. దీంతో రెండో ఇన్నింగ్స్‌లో 68 పరుగులకే ఆలౌట్‌ అయి అప్రదిష్టను మూటగట్టుకుంది ఇంగ్లండ్‌.  ఈ నేపథ్యంలో టీమిండియా మాజీ క్రికెటర్‌ వసీం జాఫర్‌.. ఇంగ్లండ్‌ మాజీ కెప్టెన్‌ మైఖేల్‌ వాన్‌కు అదిరిపోయే రీతిలో కౌంటర్‌ ఇచ్చాడు. ఏంటీ.. 100 లోపే జట్టు ఆలౌట్‌ అవుతుందా అంటూ గతంలో వాగన్‌ చేసిన ట్వీట్‌ను ప్రస్తావిస్తూ ట్రోల్‌ చేశాడు. కాగా 2019లో న్యూజిలాండ్‌తో జరిగిన వన్డే మ్యాచ్‌లో టీమిండియా 30.5 ఓవర్లలో 92 పరుగులు చేసి ఆలౌట్‌ అయ్యింది. దీంతో కివీస్‌ చేతిలో భారత జట్టుకు ఓటమి తప్పలేదు. ఈ నేపథ్యంలో టీమిండియా ఆట తీరును విమర్శిస్తూ... ‘‘92కే ఇండియా ఆలౌట్‌... ఈరోజుల్లో కూడా ఏదేని జట్టు 100 లోపు పరుగులకే ఇలా చేతులెత్తేస్తుందంటే నమ్మకం కలగడం లేదు’’ అంటూ ట్వీట్‌ చేశాడు. ఇక ప్రస్తుతం యాషెస్‌ సిరీస్‌లో ఇంగ్లండ్‌ పరాభవాన్ని గుర్తుచేస్తూ వసీం జాఫర్‌ ఇంగ్లండ్‌ 68 పరుగులకే ఆలౌట్‌ అయింది మైఖేల్‌ వాన్‌ అంటూ ట్రోల్‌ చేశాడు. ఇందుకు స్పందించిన మైఖేల్‌.. ‘‘వెరీ గుడ్‌ వసీం’’ అంటూ ఫన్నీ ఎమోజీలను జతచేశాడు. కాగా ప్రతిష్టాత్మక యాషెస్ సిరీస్‌లో ఆతిథ్య ఆసీస్‌ ఏకపక్ష విజయాలు సాధించి ఐదు మ్యాచ్‌ల సిరీస్‌ను 3-0 తేడాతో కైవసం చేసుకుంది.  చదవండి: Ind vs Sa ODI Series: టీమిండియాకు ఎదురుదెబ్బ... వాళ్లిద్దరూ డౌటే.. రుతు, అయ్యర్‌, షారుఖ్‌కు బంపరాఫర్‌!

Michael Vaughan Dropped From BBC After Racism Allegations: జాత్యాహంకార ఆరోపణల నేపథ్యంలో ఇంగ్లండ్‌ మాజీ కెప్టెన్‌, వివాదాస్పద వ్యాఖ్యాత మైఖేల్‌ వాన్‌పై ప్రముఖ వార్తా సంస్థ బీబీసీ నిషేధం విధించింది. తమ ఛానల్‌లో ప్రసారమయ్యే "ద టఫర్స్‌ అండ్‌ వాన్‌ క్రికెట్‌ షో" నుంచి వాన్‌ను తప్పిస్తున్నట్లు శనివారం ప్రకటన విడుదల చేసింది. వాన్‌ బీబీసీలో గత 12 ఏళ్లుగా టెస్ట్‌ మ్యాచ్‌ విశ్లేషకుడిగా పనిచేస్తున్నాడు. 2009లో నాటింగ్హమ్‌తో మ్యాచ్‌ సందర్భంగా తనతో పాటు జట్టులోని పలువురు సభ్యులపై వాన్‌ జాత్యాహంకార వ్యాఖ్యలు చేశాడని యార్క్‌షైర్‌ ఆటగాడు అజీమ్‌ రఫీక్‌ ఇచ్చిన ఫిర్యాదు మేరకు బీబీసీ చర్యలు తీసుకున్నట్లు తెలుస్తోంది.  అయితే ఈ విషయమై బీబీసీ చర్యలను వాన్‌ పూర్తిగా ఖండించాడు. తనపై ఆరోపణలు నిరాధారమని పేర్కొన్నాడు. 1991 నుంచి 2009 వరకు ఇంగ్లండ్‌ జట్టుకు ప్రాతినిధ్యం వహించిన వాన్‌.. గతంలో చాలా సందర్భాల్లో ఇలాంటి ఆరోపణలు ఎదుర్కొన్నాడు. ముఖ్యంగా టీమిండియా ఆటగాళ్లను టార్గెట్‌ చేస్తూ వాన్‌ చాలాసార్లు తన నోటికి పని చెప్పాడు. ఇదిలా ఉంటే, జాతి వివక్షపై కుప్పలు తెప్పలుగా ఆరోపణలు రావడంతో ఇంగ్లండ్‌ క్రికెట్‌ బోర్డు (ఈసీబీ) యార్క్‌షైర్‌ కౌంటీ క్రికెట్‌ క్లబ్‌ (వైసీసీసీ)పై సస్పెన్షన్‌ వేటు వేసింది. వాన్‌పై ఫిర్యాదు చేసిన రఫీక్‌ ఇదే కౌంటీ తరఫున 2008–2018 వరకు ప్రాతినిధ్యం వహించాడు.  చదవండి: యార్క్‌షైర్‌ కౌంటీపై వేటు

Michael Vaughan Comments On Team India Players: టీ20 ప్రపంచకప్‌-2021 టోర్నీలో టీమిండియా పేలవ ప్రదర్శనపై విమర్శలు కొనసాగుతున్నాయి. కోహ్లి సేన తమ స్థాయికి తగ్గట్లుగా ఆడినట్లు ఎక్కడా కనిపించలేదని, ఒత్తిడిలో పూర్తిగా చిత్తై పోయిందనే కామెంట్లు వినిపిస్తున్నాయి. ఈ క్రమంలో ఇంగ్లండ్‌ మాజీ కెప్టెన్‌, కామెంటేటర్‌ మైకేల్‌ వాన్‌.. భారత జట్టును ఉద్దేశించి తనదైన శైలిలో ట్వీట్‌ చేశాడు. ఇంత ప్రతిభ ఉండి, పెద్ద జట్టుగా పేరొందిన టీమిండియా గత కొన్నేళ్లుగా పరిమిత ఓవర్ల క్రికెట్‌లో దారుణంగా విఫలమవుతుందన్నాడు. వినడానికి కష్టంగా ఉన్నా.. ఇదే నిజమని చెప్పుకొచ్చాడు. ఇక ప్రపంచంలోని ఇతర దేశాల్లో నిర్వహిస్తున్న అన్ని లీగ్‌ మ్యాచ్‌లలో ఆడేందుకు భారత క్రికెటర్లకు అనుమతినివ్వాలని బీసీసీఐకి మైకేల్‌ వాన్‌ సూచించాడు.  తద్వారా వివిధ పిచ్‌లపై సమర్థవంతంగా ఎలా ఆడాలన్న విషయంపై అవగాహన, అనుభవం వస్తుందని పేర్కొన్నాడు. అయితే, టీమిండియా అభిమానులు మాత్రం.. ‘ఒక్కసారి ఓడినందుకు ఇంతలా విమర్శించాల్సిన పనిలేదు. పరిస్థితులు ఎప్పుడూ ఒకేలా ఉండవు. గెలుపోటములు సహజం’’ అని మైకేల్‌కు బదులిస్తున్నారు. కాగా తొలి మ్యాచ్‌లో పాకిస్తాన్‌ చేతిలో 10 వికెట్ల తేడాతో ఓడిన టీమిండియా.. అక్టోబరు 31 నాటి మ్యాచ్‌లో న్యూజిలాండ్‌ చేతిలో ఘోరంగా ఓడిపోయింది. 8 వికెట్ల తేడాతో ఓటమి పాలైంది. దీంతో టీ20 ప్రపంచకప్‌ టోర్నీలో సెమీస్‌ చేరే అవకాశాలు సన్నగిల్లాయి.  చదవండి: Virat Kohli:: ఓటమికి చింతిస్తున్నాం.. ఇక ఇంటికే.. ‘కోహ్లి ట్వీట్‌’ వైరల్‌ India should take a leaf out of all other countries … Allow their players to play in other leagues around the World to gain experience … #India #T20WorldCup — Michael Vaughan (@MichaelVaughan) October 31, 2021

Wasim Jaffer Trolls Michael Vaughan Tweet Goes Viral: టీమిండియాతో మ్యాచ్‌ అనగానే వ్యంగ్యాస్త్రాలు సంధించడానికి సిద్ధంగా ఉంటాడు ఇంగ్లండ్‌ మాజీ కెప్టెన్‌ మైకేల్‌ వాన్‌. ముఖ్యంగా ఈ ఏడాది ఇంగ్లండ్‌.. భారత్‌లో పర్యటించిన సమయంలో పిచ్‌ల గురించి సెటైర్లు వేస్తూ వార్తల్లో నిలిచాడు. అయితే, టీమిండియా మాజీ క్రికెటర్‌ వసీం జాఫర్‌... మైకేల్‌కు ధీటుగా బదులివ్వడంలో ముందు వరుసలో ఉంటాడు. వీరిద్దరి మధ్య ట్విటర్‌ వార్‌ అంటే నెటిజన్లకు కూడా ఆసక్తి మరి!! తాజాగా వసీం జాఫర్‌.. మైకేల్‌ను ఉద్దేశించి చేసిన ట్వీట్‌ వైరల్‌ అవుతోంది. టీ20 ప్రపంచకప్‌ టోర్నీలో భాగంగా టీమిండియా- ఇంగ్లండ్‌ మధ్య సోమవారం వార్మప్‌ మ్యాచ్‌ జరిగిన సంగతి తెలిసిందే. ఇందులో.. కోహ్లి సేన 7 వికెట్ల తేడాతో ఘన విజయం సాధించింది. టాస్‌ ఓడి తొలుత బ్యాటింగ్‌కు దిగిన జోస్‌ బట్లర్‌ సారథ్యంలోని ఇంగ్లిష్‌ జట్టు... నిర్ణీత 20 ఓవర్లలో 5 వికెట్లు కోల్పోయి 188 పరుగులు చేసింది. భారత బౌలర్లలో బుమ్రాకు ఒకటి, షమీకి మూడు, రాహుల్‌ చహర్‌కు ఒక వికెట్‌ దక్కాయి.  ఇక లక్ష్య ఛేదనకు దిగిన భారత్‌కు ఓపెనర్లు కేఎల్‌ రాహుల్‌(51), ఇషాన్‌ కిషన్‌(70) శుభారంభం అందించారు. ఇక ఇషాన్‌ కిషన్‌ రిటైర్డ్‌ హర్ట్‌గా వెనుదిరగగా.... కెప్టెన్‌ కోహ్లి 11, వికెట్‌ కీపర్‌ రిషభ్‌ పంత్‌ 29(నాటౌట్‌), సూర్యకుమార్‌ యాదవ్‌(8), హార్దిక్‌ పాండ్యా(12 నాటౌట్‌)పరుగులు చేశారు.  ఈ క్రమంలో 19 ఓవర్లలో టీమిండియా 3 వికెట్లు కోల్పోయి 192 పరుగులు చేసింది. ఫలితంగా 7 వికెట్ల తేడాతో గెలుపొందింది.  ఈ నేపథ్యంలో.. ‘‘ఈ విజయంలో మూడు ముఖ్య విషయాలు. కేఎల్‌, ఇషాన్‌ బ్యాట్‌తో.. బూమ్‌(బుమ్రా), అశ్‌(అశ్విన్‌), షమీ బాల్‌తో ఆకట్టుకున్నారు. ఇక మూడోది.. మైకేల్‌ వాన్‌ ఆఫ్‌లైన్‌లో ఉండటం’’ అంటూ వసీం జాఫర్‌ ట్రోల్‌ చేశాడు. నెటిజన్ల నుంచి ఇందుకు భారీ స్పందన వస్తోంది. వందల సంఖ్యలో రీట్వీట్లు చేస్తూ వాన్‌ను ట్రోల్‌ చేస్తున్నారు. అదే విధంగా మ్యాచ్‌ సాగిన విధానంపై తమ అభిప్రాయాలు పంచుకుంటున్నారు. 3 things stood out in this win: 1: KL and Ishan with the bat. 2: Boom, Ash & Shami with the ball. 3: @MichaelVaughan staying offline😜#INDvENG #T20WorldCup — Wasim Jaffer (@WasimJaffer14) October 18, 2021

Don’t be surprised if Morgan drops himself: మరికొన్ని గంటల్లో ఐపీఎల్‌-2021 ఫైనల్‌ మ్యాచ్‌ ప్రారంభం కాబోతోంది. మాజీ చాంపియన్లు చెన్నై సూపర్‌ కింగ్స్‌, కోల్‌కతా నైట్‌రైడర్స్‌ తుదిపోరుకు సంసిద్ధమవుతున్నాయి. ఈ క్రమంలో ఇంగ్లండ్‌ మాజీ క్రికెటర్‌ మైకేల్‌ వాన్‌ కేకేఆర్‌ జట్టు కూర్పు గురించి ఆసక్తికర వ్యాఖ్యలు చేశాడు. గాయం నుంచి కోలుకున్న ఆల్‌రౌండర్‌ ఆండ్రీ రసెల్‌ జట్టుతో చేరే అవకాశాలున్న వాన్‌... షకీబ్‌ అల్‌ హసన్‌ స్థానాన్ని అతడు భర్తీ చేసే ఛాన్స్‌ ఉందన్నాడు. ఒకవేళ అది కుదరకపోతే కేకేఆర్‌ కెప్టెన్‌ ఇయాన్‌ మోర్గాన్‌.. రస్సెల్‌ కోసం తనను తాను తుదిజట్టు నుంచి డ్రాప్‌ చేసుకున్నా ఆశ్చర్యపోనక్కర్లేదన్నాడు. కాగా ఐపీఎల్‌-2021 రెండో అంచెలో అద్భుతమైన కెప్టెన్సీతో ఆకట్టుకున్న మోర్గాన్‌... బ్యాటర్‌గా మాత్రం పూర్తిగా విఫలమవుతున్న సంగతి తెలిసిందే. ఈ సీజన్‌లో ఇప్పటి వరకు కేవలం 129 రన్స్‌ మాత్రమే చేసిన అతడు...  కీలకమైన క్వాలిఫైయర్‌-2లో పరుగుల ఖాతా తెరవకుండానే వెనుదిరిగాడు. ఈ నేపథ్యంలో మైకేల్‌ వాన్‌ క్రిక్‌బజ్‌తో మాట్లాడుతూ... ‘‘షార్జాలో వాళ్లు బాగా ఆడారు. అక్కడి పిచ్‌పై పూర్తి అవగాహన ఉంది. అయితే, దుబాయ్‌లో పిచ్‌ కాస్త భిన్నంగా ఉంటుంది. ఆండ్రీ రస్సెల్‌తో నాలుగు ఓవర్లు వేయిస్తే బాగుంటుంది. లెఫ్టార్మ్‌ స్పిన్నర్‌ అవసరం లేదనుకుంటే... షకీబ్‌ స్థానంలో అతడు జట్టులోకి రావొచ్చు. ఇక మోర్గాన్‌ విషయానికొస్తే... జట్టు ప్రయోజనాల కోసం తను ఎంతటి తాగ్యానికైనా సిద్ధపడతాడు. తనను తాను తుది జట్టు నుంచి తప్పించుకున్నా ఆశ్చర్యపోవాల్సిన అవసరం లేదు. తన పట్టుదల గురించి నాకు తెలుసు’’ అని చెప్పుకొచ్చాడు.  చదవండి: MS Dhoni: హెలికాప్టర్‌ షాట్‌ ప్రాక్టీస్‌ చేస్తున్న ధోని.. వీడియో వైరల్‌

Michael Vaughan Lashes Out At RCB Management: సన్‌రైజర్స్‌ హైదరాబాద్‌తో జరిగిన మ్యాచ్‌లో రాయల్‌ చాలెంజర్స్‌ జట్టు తీసుకున్న నిర్ణయాలపై ఇంగ్లండ్‌ మాజీ కెప్టెన్‌ మైకేల్‌ వాన్‌ పెదవి విరిచాడు. బ్యాటింగ్‌ ఆర్డర్‌ సరిగా లేదని, అయితే ఈ మ్యాచ్‌లో ఓటమి వారికి ఒక విధంగా మంచే చేసిందన్నాడు. ఇప్పటికైనా... లోపాలు సరిదిద్దుకోవాలని సూచించాడు. కాగా ఇప్పటికే ప్లే ఆఫ్‌ చేరిన ఆర్సీబీ, ఈ సీజన్‌లో ప్లే ఆఫ్‌ రేసు నుంచి తప్పుకొన్న తొలి జట్టు సన్‌రైజర్స్‌ మధ్య బుధవారం మ్యాచ్‌ జరిగిన సంగతి తెలిసిందే. ఇందులో విలియమ్సన్‌ సేన 4 పరుగుల స్వల్ప తేడాతో విజయం సాధించింది. దీంతో... పాయింట్ల పట్టికలో స్థానాన్ని మెరుగుపరచుకుని పటిష్ట స్థితిలో ఉండాలనుకున్న కోహ్లి సేనకు షాక్‌ తగిలింది.  ఈ నేపథ్యంలో మైకేల్‌ వాన్‌ స్పందిస్తూ... ఆర్సీబీ తీరును తప్పుబట్టాడు. ముఖ్యంగా హిట్టర్‌ డివిల్లియర్స్‌ను ఆరో స్థానంలో బ్యాటింగ్‌కు పంపడమేంటని విమర్శించాడు. ఈ మేరకు... ‘‘ఓడిపోవడం ఆర్సీబీకి మంచిదైంది. ఇప్పటికైనా వారి బ్యాటింగ్‌ ఆర్డర్‌ మరీ అంత గొప్పగా ఏమీ లేదని తెలిసి వచ్చింది. డాన్‌ క్రిస్టియన్‌(డానియల్‌ క్రిస్టియన్‌)ను మూడో స్థానంలో అస్సలు బ్యాటింగ్‌కు పంపకూడదు. 35 బంతులు మిగిలి ఉన్న సమయంలో ఏబీ డివిల్లియర్స్‌ బ్యాటింగ్‌కు వచ్చాడు. అది అస్సలు సరికాదు. 60 బంతుల్లో సెంచరీ చేయగల సమర్థుడు తను. తనను ఇంకాస్త ముందుగా బ్యాటింగ్‌కు పంపితే.. మ్యాచ్‌ను గెలిపించేవాడు. గ్లెన్‌ మాక్స్‌వెల్‌ మూడో స్థానంలో, డివిల్లియర్స్‌ నాలుగో స్థానంలో బ్యాటింగ్‌కు రావాలి’’ అని అభిప్రాయపడ్డాడు.  స్కోర్లు: హైదరాబాద్‌: 141/7 (20) బెంగళూరు: 137/6 (20) చదవండి: Umran Malik: అతడు ఏదో ఒకరోజు టీమిండియాకు ఆడతాడు...

Michael Vaughan comments on Ravindra Jadeja:  చెన్నై సూపర్‌ కింగ్స్‌ స్టార్‌ ఆల్‌ రౌండర్‌ రవీంద్ర జడేజాపై ఇంగ్లండ్‌ మాజీ కెప్టెన్‌ మైఖేల్‌ వాన్‌ ప్రశంసల వర్షం కురిపించాడు. జడేజా అసలు సిసలైన టీ20 ఆటగాడని అతడు కితాబు ఇచ్చాడు. "రవీంద్ర జడేజా అత్యుత్తమమైన ఆటగాడు. మూడు విభాగాల్లో రాణించే సత్తాఉంది.అతడు  అద్భుతమైన ఫీల్డర్, లెఫ్ట్ ఆర్మ్ స్పిన్ బౌల్ చేయగలడు. ఎటువంటి పిచ్‌పై అయిన బాల్‌తో  మ్యాచ్‌ తిప్పగలడు. ఇక బ్యాటింగ్‌ విషయానికి వస్తే ప్రత్యేకంగా చెప్పాల్సిన అవసరం లేదు. కొన్ని సమయాల్లో జట్టు వికెట్లు కోల్పోయినట్లయితే అతడు కీలక  పాత్రను పోషించగలడు. అందుకే అతడు టీ20 క్రికెటర్లలో అధ్బుతమైన ఆటగాడు.  మీరు ఒక టీ 20 క్రికెటర్‌ని తయారు చేస్తే.. క్రిస్ గేల్‌ను, విరాట్ కోహ్లిలను ఆదర్శంగా చూపిస్తారు. కానీ ఇప్పటినుంచి రవీంద్ర జడేజాను ఆదర్శంగా తీసుకోవాలి" అని  మైఖల్‌ వాన్‌ క్రిక్‌ బజ్‌కు ఇచ్చిన ఇంటర్వ్యూలో తెలిపాడు. కాగా ఈ ఏడాది ఐపీఎల్‌లో రవీంద్ర జడేజా అధ్బుతంగా రాణిస్తున్నాడు. ఐపీఎల్ 2021 లో జడేజా ఇప్పటి వరకు  212 పరుగులు,10 వికెట్లు సాధించాడు. జడేజా అనేక సందర్భాల్లో బంతితోనే కాకుండా బ్యాట్‌తో కూడా చెన్నైకు విజయాలను అందించాడు. టోర్నమెంట్‌ తొలి దశలో హర్షల్ పటేల్‌ ఓవర్‌లో జడేజా ఏకంగా 36 పరుగులు రాబట్టాడు. సెకెండ్‌ఫేజ్‌లో  కెకెఆర్‌తో జరిగిన మ్యాచ్‌లో  జడేజా కేవలం 8 బంతుల్లో 2 ఫోర్లు, 2 సిక్సుల సహాయంతో 22 పరుగులు చేసి మ్యాచ్‌ ఫినిషర్‌గా నిలిచాడు. చదవండి: Ziva Singh Dhoni: మరేం పర్లేదు జీవా.. డాడీ ఫైనల్‌ గెలుస్తాడులే!

Dhoni As Team India Mentor Is Greatest Decision Says Vaughan: టీమిండియా మాజీ కెప్టెన్‌ ఎంఎస్ ధోనిపై ఇంగ్లండ్ మాజీ సారధి మైఖేల్‌ వాన్‌ ప్రశంసల వర్షం కురిపించాడు. ధోని.. అపార క్రికెట్‌ పరిజ్ఞానం కలిగిన ఆటగాడని, ఆ చాణక్య బుర్ర అవసరం టీమిండియాకు ఎంతైనా ఉందని, ప్రపంచకప్‌ లాంటి మెగా టోర్నీలో ధోని లాంటి దిగ్గజం జట్టుతో కలిసి డ్రెసింగ్‌ రూమ్‌లో ఉండటం అదనపు బలమని పేర్కొన్నాడు. టీమిండియా మెంటార్‌గా ధోనిని నియమించడం భారత క్రికెట్ నియంత్రణ మండలి (బీసీసీఐ) తీసుకున్న అతి గొప్ప నిర్ణయమని, టీమిండియాకు ధోని చాణక్య బుర్ర తోడైతే టీ20 ప్రపంచకప్‌ తప్పక గెలుస్తుందని అభిప్రాయపడ్డాడు.  పరిస్థితులను అంచనా వేయడంలో ధోని మాస్టర్‌ అని, జట్టు మైదానంలో ఉన్న సమయంలో మహీ లాంటి వ్యూహకర్త డగౌట్‌లో ఉంటే అంతకు మించిన సౌలభ్యం మరొకటి ఉండదని అన్నాడు. ధోని వ్యూహాలు చాలా వరకు సక్సెస్ అవుతాయని, త్వరలో జరుగబోయే ప్రపంచకప్‌లో హాట్‌ ఫేవరెట్‌గా బరిలోకి దిగనున్న భారత్‌కు ఇది తప్పక మేలు చేస్తుందని తెలిపాడు. కాగా, టీ20 ప్రపంచకప్‌ కోసం టీమిండియా మెంటార్‌గా ధోనిని నియమించిన విషయం తెలిసిందే.  ఇదిలా ఉంటే, ఐపీఎల్‌ రెండో దశలో ధోని నేతృత్వంలో సీఎస్‌కే వరుస విజయాలతో దూసుకుపోతుంది. ఈ విజైత్రయాత్రలో జట్టు కెప్టెన్‌ ధోనిదే కీలకపాత్ర. ఆదివారం కోల్‌కతా నైట్‌ రైడర్స్‌తో ఉత్కంఠ భరితంగా సాగిన మ్యాచ్‌లో ధోనీ తన చాకచక్య నిర్ణయాలతో జట్టుకు అద్భుత విజయాన్నందించాడు. అంతకుముందు ఆర్సీబీ, ముంబైలతో జరిగిన మ్యాచ్‌ల్లో సైతం ధోని తన చాణక్య బుర్రను ఉపయోగించి జట్టును గెలిపించాడు. ఫలితంగా పాయింట్ల పట్టికలో సీఎస్‌కే(16 పాయింట్లు) అగ్రస్థానంలో కొనసాగుతోంది.  చదవండి: మోర్గాన్‌లా చేయాల్సి వస్తే కెప్టెన్సీ నుంచి తప్పుకునేవాడిని..  

Michael Vaughan Comments On Natarajan Tests Covid Positive: ఐపీఎల్‌ 2021 ఫేజ్‌2లో  భాగంగా సన్‌రైజర్స్‌ హైదరాబాద్‌తో ఢిల్లీ క్యాపిటల్స్‌ నేడు తలపడనుం‍ది. అయితే మ్యాచ్‌ ప్రారంభానికి కొన్ని గంటలు ముందు హైదరాబాద్‌ ఫాస్ట్‌బౌలర్‌ నటరాజన్‌కు కరోనా పాజిటివ్‌గా నిర్ధారణైంది. దీంతో అతడితో స‌న్నిహితంగా ఉన్న విజయ్‌ శంకర్‌ సహా మరో ఐదుగురు సహాయ సిబ్బందిని  ఐసోలేష‌న్‌కు తరలించారు. ఈ క్రమంలో ఐపీఎల్‌ సెకెండ్‌ ఫేజ్‌లో కరోనా పాజిటివ్‌ కేసు నమోదు కావడంతో బీసీసీఐపై ఇంగ్లండ్‌ మాజీ కెప్టెన్‌ మైకెల్ వాన్ ఘాటు వాఖ్యలు చేశాడు. ‘చివరి టెస్ట్ రద్దు చేసుకున్నట్లు  ఐపీఎల్‌ను కూడా రద్దు చేసుకుంటారా?... అలా చేయరని నేను హామీ ఇస్తా...’ అంటూ మైకెల్ వాన్ ట్వీట్ చేశాడు. కాగా టీమిండియా శిబిరంలో కరోనా కరోనా కేసులు నమోదు కావడంతో ఇంగ్లండ్‌తో జరగాల్సిన ఐదో టెస్టు అర్ధాంతరంగా రద్దు అయిన సంగతి తెలిసిందే. అయితే కాసులు కురిపించే క్యాష్ రిచ్ లీగ్‌కు ఇబ్బంది కలగకుండా ఉండేందుకే భారత క్రికెటర్లు చివరి టెస్ట్‌ నుంచి తప్పుకున్నారని, వారికి దేశం తరఫున ఆడే టెస్ట్‌ మ్యాచ్‌ కంటే ఐపీఎల్‌ మ్యాచ్‌లంటేనే ముఖ్యమని ఐదో టెస్ట్‌ వాన్‌ ఘాటు వ్యాఖ్యలు చేశాడు. చదవండి: IPL 2021 2nd Phase DC VS SRH: నటరాజన్‌కు కరోనా.. అయినా మ్యాచ్‌ యథాతథం

లండన్‌: ఇంగ్లండ్‌ మాజీ ఆటగాడు మైకెల్‌ వాన్‌ మరోసారి టీమిండియాను ట్రోల్‌ చేశాడు. ఐదో టెస్టు రద్దు నేపథ్యంలో వాన్‌ టీమిండియాపై ఆసక్తికర వ్యాఖ్యలు చేశాడు. '' కరోనా కారణంగా ఐదో టెస్టు రద్దు కావడంతో టీమిండియా ఇంగ్లండ్‌ క్రికెట్‌ బోర్డుకు నష్టం కలిగించింది. ఒక్క మ్యాచ్‌ రద్దు కావడం వల్ల ఈసీబీ భారీగా నష్టపోతుంది. సరిగ్గా గతేడాది దక్షిణాఫ్రికాతో ఇదే రీతిలో మేం సిరీస్‌ను రద్దు చేసుకున్నాం. మాకు శాపం తగిలినట్టుంది'' అంటూ గుర్తు చేశాడు. అయితే వాన్‌ వ్యాఖ్యలపై మరో ఇంగ్లండ్‌ మాజీ ఆటగాడు కెవిన్‌ పీటర్సన్‌ టీమిండియాకు మద్దతిస్తూ కౌంటర్‌ ఇచ్చాడు. ''ఇది ఊహించని పరిణామం. ఇందులో టీమిండియా తప్పు ఎక్కడుంది. గతంలో కరోనా కారణంగానే ఈసీబీ దక్షిణాఫ్రికా సిరీస్‌ను రద్దు చేసుకుంది. మరి దక్షిణాఫ్రికా బోర్డు కూడా చాలా నష్టపోయింది. ప్రతీ విషయాన్ని పాయింట్‌ అవుట్‌ చేయడం కరెక్ట్‌ కాదు'' అంటూ చెప్పుకొచ్చాడు.  చదవండి: 'టీమిండియా ఓడిపోయింది'.. వెంటనే మాట మార్చిన ఈసీబీ ఇక కరోనా కారణంగా ఐదో టెస్టు రద్దు అయిన సంగతి తెలిసిందే. భారత శిబిరంలో కోచ్‌ రవిశాస్త్రి సహా నలుగురు కోచింగ్‌ సిబ్బంది కరోనా బారిన పడటంతో ఇరు దేశాల క్రికెట్ బోర్డుల పరస్పర అంగీకారంతో ఈమేరకు నిర్ణయం తీసుకున్నారు. అయితే ఈ ఒక్క మ్యాచ్‌ రద్దు కావడం వల్ల లాంకషైర్‌ క్రికెట్‌కు, ఇంగ్లండ్‌ అండ్‌ వేల్స్‌ క్రికెట్‌ బోర్డు(ఈసీబీ)కు భారీ నష్టం వాటిల్లిందని సమాచారం. ఈ నష్టం భారత కరెన్సీలో వందల కోట్లకు పైగా ఉండవచ్చని ఈసీబీ అధికారులు అంచనా వేస్తున్నారు. ప్రసార హక్కులు ఇతరత్రా మార్గాల ద్వారా 30 మిలియన్ పౌండ్లు (దాదాపు రూ. 304 కోట్లు) వరకు నష్టం వాటిల్లిందంటూ ఈసీబీకి అధికారి ఒకరు పేర్కొన్నారు. చదవండి: IPL 2021: కోహ్లి, సిరాజ్‌ల కోసం ప్రత్యేక చార్టర్‌ ఫ్లైట్‌ India have let English Cricket down !!! But England did let South African Cricket down !!! — Michael Vaughan (@MichaelVaughan) September 10, 2021 England left the tour of SA for Covid scares & cost CSA plenty, so don’t go pointing fingers! 👀 — Kevin Pietersen🦏 (@KP24) September 10, 2021

Michael Vaughan on Virat Kohli’s Trumpet celebration: ఓవల్‌ టెస్టులో ఇంగ్లండ్‌పై విజయం సాధించిన తర్వాత టీమిండియా కెప్టెన్‌ విరాట్‌ కోహ్లి చేసుకున్న సంబరాల గురించి ప్రత్యేకంగా చెప్పాల్సిన పనిలేదు. ఆద్యంతం ఉత్కంఠ రేపిన ఆ మ్యాచ్‌లో ఏకంగా 157 పరుగుల తేడాతో విజయం సాధించడం, అది కూడా 50 ఏళ్ల తర్వాత ఓవల్‌ గడ్డపై మ్యాచ్‌ గెలవడం ఈ సంతోషాన్ని రెట్టింపు చేసింది. అయితే, గతంలోనూ కోహ్లి ఇలాగే సెలబ్రేషన్స్‌ చేసుకున్నప్పటికీ.. ఈసారి ఇంగ్లండ్‌ జట్టు ఫ్యాన్‌ బార్మీ ఆర్మీని టార్గెట్‌ చేయడం చర్చనీయాంశంగా మారింది.  ముఖ్యంగా ఫాక్స్‌ స్పోర్ట్స్‌ కోహ్లి సంబరాన్ని ‘క్లాస్‌లెస్‌’ అని అభివర్ణించడం టీమిండియా అభిమానులకు చిరాకు తెప్పిస్తోంది. అంతేకాదు.. క్రికెట్‌ రైటర్‌ లారెన్స్‌ బూత్‌, ఇంగ్లండ్‌ మాజీ బ్యాటర్‌ రిక్‌ కాంప్టన్‌ సైతం.. ‘‘అంత అవసరం లేదు. కోహ్లి స్థాయికి ఇది తగదు’’ అంటూ విమర్శించారు. అయితే, ఎల్లపుడూ టామ్‌ అండ్‌ జెర్రీలా ట్విటర్‌ వార్‌ సాగించే టీమిండియా మాజీ క్రికెటర్‌ వసీం జాఫర్‌, ఇంగ్లండ్‌ మాజీ కెప్టెన్‌ మైకేల్‌ వాన్‌ ఈ విషయంలో మాత్రం ఒకే తరహాలో స్పందించడం విశేషం. చదవండి: Ind Vs Eng: టీమిండియాదే క్రెడిట్‌ అంతా: ఇంగ్లండ్‌ కోచ్‌ కోహ్లి సెలబ్రేషన్స్‌పై స్పందించిన వసీం జాఫర్‌..‘‘కెప్టెన్‌ ధైర్యవంతుడు. చేజారుతుందనుకున్న మ్యాచ్‌కు జీవం పోసి.. చారిత్రాత్మక విజయం సాధించిన విరాట్‌ కోహ్లి జట్టును ప్రపంచమంతా కొనియాడుతోంది. నీకైతే ఇది ఫిక్స్‌ అయిపోయింది’’ అంటూ ఫాక్స్‌ క్రికెట్‌ కామెంట్‌కు కౌంటర్‌ ఇచ్చాడు. ఇక మైకేల్‌ వాన్‌ ఫాక్స్‌ స్పోర్ట్స్‌తో మాట్లాడుతూ.. ‘‘విరాట్‌ కోహ్లి గొప్ప నాయకుడు. ట్రంపెట్‌ వాయిస్తున్నట్లుగా సంజ్ఞలు చేయడం ద్వారా బార్మీ ఆర్మీని సరదాగా టీజ్‌ చేశాడంతే. నాకు తన ఆటిట్యూట్‌ చాలా నచ్చింది.  ఎనర్జీకి మారుపేరుగా ఉంటాడు. మాస్టర్‌క్లాస్‌ టెక్నిక్‌, ప్రణాళికాబద్దమైన వ్యూహాలతో మ్యాచ్‌ను గెలుచుకున్నాడు’’ అని కోహ్లిపై ప్రశంసల వర్షం కురిపించాడు. ఇదిలా ఉంటే.. బార్మీ ఆర్మీ సైతం కోహ్లి సెలబ్రేషన్‌పై తనదైన శైలిలో స్పందించింది. ‘‘నువ్వు కూడా మా ఆర్మీలో చేరాలని కోరుకుంటున్నావని మాకు అర్థమైంది విరాట్‌. మాకు హింట్‌ ఇచ్చావుగా..’’ అంటూ సరదాగా కామెంట్‌ చేసింది. చదవండి: Shikhar Dhawan Divorce: విడాకులు తీసుకున్న టాప్‌-4 జంటలు

లండన్‌: టీమిండియాపై అనుచిత వ్యాఖ్యలు చేసిన ప్రతిసారి క్రికెట్‌ అభిమానులచే చివాట్లు తింటున్నా తీరు మార్చుకోని ఇంగ్లండ్‌ మాజీ కెప్టెన్‌, ప్రముఖ వ్యాఖ​త మైఖేల్‌ వాన్‌.. తాజాగా మరోసారి కోహ్లి సేనపై తన అక్కసును వెల్లగక్కాడు. ఓవల్‌ వేదికగా ఇంగ్లండ్‌తో జరిగిన నాలుగో టెస్ట్‌లో టీమిండియా 157 పరుగుల భారీ తేడాతో ఘన విజయం సాధించిన నేపథ్యంలో దిగ్గజ క్రికెటర్లంతా భారత జట్టుపై ప్రశంసల వర్షం కురిపిస్తున్నారు. సచిన్‌, ఏబీ డివిలియర్స్‌, సెహ్వాగ్‌, షేన్‌ వార్న్‌, గంగూలీ ఇలా చాలా మంది లెజెండరీ క్రికెటర్లు కోహ్లి సేనను ఆకాశానికెత్తుతున్నారు. అయితే ఇది మింగుడు పడని మైఖేల్‌ వాన్‌.. గంగూలీ చేసిన ఓ ట్వీట్‌ను ట్యాగ్‌ చేస్తూ, టీమిండియాను పరోక్షంగా ఎగతాళి చేశాడు.  In Test cricket .. not White ball cricket 👍 https://t.co/t5M3HQTB1c — Michael Vaughan (@MichaelVaughan) September 6, 2021 వివరాల్లోకి వెళితే.. 50 ఏళ్ల నిరీక్షణ అనంతరం ఓవల్‌లో చారిత్రక విజయాన్ని నమోదు చేసిన అనంతరం టీమిండియాను అభినందిస్తూ బీసీసీఐ అధ్య‌క్షుడు సౌర‌వ్ గంగూలీ ట్వీట్‌ చేశాడు. భారత ఆట‌గాళ్లు అద్భుతమైన ప్ర‌ద‌ర్శ‌న చేశారని, ఇరు జ‌ట్ల ఆట‌గాళ్ల మ‌ధ్య నైపుణ్యంలో తేడా ఉంద‌ని, అతిపెద్ద వ్యత్యాసం ఒత్తిడిని అధిగమించడంలో ఉందని, ఈ విషయంలో భార‌త క్రికెట‌ర్లు ఇతరులతో పోలిస్తే ఎన్నో రేట్లు మేలని ట్వీటాడు.  అయితే ఈ ట్వీట్‌పై స్పందించిన ఇంగ్లండ్‌ మాజీ సారధి తనకు మాత్రమే సొంతమైన వెటకారాన్ని ప్రదర్శిస్తూ టీమిండియాను కవ్విస్తున్నట్లు బదులిచ్చాడు. గంగూలీ ట్వీట్‌ను ట్యాగ్‌ చేస్తూ.. 'టెస్ట్‌ల్లో మాత్రమే, వైట్‌ బాల్‌ క్రికెట్‌లో కాదు' అంటూ వ్యంగ్యంగా రీట్వీట్‌ చేశాడు. దీంతో అతనిపై టీమిండియా అభిమానులు ముప్పేట దాడి మొదలుపెట్టారు. సోషల్‌మీడియా వేదికగా ఘాటైన కామెంట్లతో విరుచుకుపడుతున్నారు. కాగా, ఇంగ్లండ్‌ పర్యటన మొదలైనప్పటి నుంచి వాన్‌.. టీమిండియా ఆటగాళ్లను రెచ్చగొడుతూనే ఉన్నాడు. కోహ్లి సేన స్వింగ్‌ బౌలింగ్‌ను ఎదుర్కోలేక కుప్పకూలుతుందంటూ ఎత్తి పొడుస్తూనే ఉన్నాడు. అయితే వాన్‌ ఇలాంటి కామెంట్లు చేసిన ప్రతిసారి టీమిండియా రెట్టింపు కసితో ఆడి విజయాలు సాధిస్తూ వస్తుంది. చదవండి: భూగ్రహం మొత్తంలో టీమిండియా కెప్టెన్‌కు మించినోడే లేడు: షేన్‌ వార్న్‌  

లీడ్స్‌: ఇంగ్లండ్‌తో జరుగుతున్న టెస్టు సిరీస్‌లో టీమిండియా స్పెషలిస్ట్‌ చతేశ్వర్‌ పుజారా ఘోర వైఫల్యం కొనసాగుతూనే ఉంది. లీడ్స్‌ వేదికగా జరిగిన మ్యాచ్‌లో పుజారా తొలి ఇన్నింగ్స్‌లో ఒక్క పరుగు మాత్రమే చేసి అవుటయ్యాడు.  అండర్సన్‌ బౌలింగ్‌లో బట్లర్‌కు క్యాచ్‌ ఇచ్చి వెనుదిరిగాడు. ఈ నేపథ్యంలో ఇంగ్లండ్‌ మాజీ ఆటగాడు మైకెల్‌ వాన్‌ పుజారాపై ఆసక్తికరవ్యాఖ్యలు చేశాడు. '' పుజారా తన ఆటతీరును పూర్తిగా మరిచిపోయాడు. సముద్రంలో మునిగిన నావలా అన్న చందంగా పుజారా పరిస్థితి తయారైంది. అతనికి మైండ్‌ పోవడంతో పాటు తన మార్క్‌ టెక్నిక్‌ షాట్లను మరిచిపోయాడు. ఆటలో స్కోరు నమోదు చేయడం కంటే మ్యాచ్‌లో నిలవడానికే ఎక్కువ ప్రాధాన్యం ఇస్తున్నాడు. ఆ ఒత్తిడిలో కూరుకుపోయి అతను తేలిగ్గా వికెట్‌ ఇచ్చేస్తున్నాడు.'' అంటూ కామెంట్స్‌ చేశాడు.  2020 నుంచి చూసుకుంటే టెస్టుల్లో పుజారా సగటు 25కు తక్కువగా ఉండడం గమనార్హం. ఇక 11 ఇన్నింగ్స్‌ల నుంచి పుజారా అర్థసెంచరీ నమోదు చేయలేకపోయాడు. ఇంగ్లండ్‌తో స్వదేశంలో జరిగిన టెస్టు సిరీస్‌లో చెన్నై వేదికగా జరిగిన తొలి టెస్టులో పుజారా అర్థశతకం సాధించాడు. ఆ తర్వాత వరుసగా 15, 21, 7, 0, 17, 8,15,4,12 నాటౌట్‌, 9, 45 పరుగులు చేశాడు. ఇక అండర్సన్‌ టెస్టుల్లో పుజారాను ఔట్‌ చేయడం ఇది పదోసారి. అండర్సన్‌తో పాటు నాథన్‌ లియాన్‌(ఆస్ట్రేలియా) కూడా పుజారాను 10 సార్లు ఔట్‌ చేశాడు. పాట్‌ కమిన్స్‌ ఏడుసార్లు, జోష్‌ హాజిల్‌వుడ్‌ 6 సార్లు, ట్రెంట్‌ బౌల్ట్‌ 5 సార్లు, జాక్‌ లీచ్‌ 4 సార్లు, బెన్‌ స్టోక్స్‌ 4 సార్లు, స్టువర్ట్‌ బ్రాడ్‌ 4 సార్లు పుజారాను ఔట్‌ చేశారు. ఇక మూడో టెస్టులో టాస్‌ గెలిచి బ్యాటింగ్‌కు దిగిన భారత్‌ తొలి ఇన్నింగ్స్‌లో అనూహ్యంగా 40.4 ఓవర్లలో 78 పరుగులకే కుప్పకూలింది. రోహిత్‌ శర్మ (105 బంతుల్లో 19; 1 ఫోర్‌) టాప్‌ స్కోరర్‌ కాగా, అండర్సన్‌ (8–5–6– 3) నిప్పులు చెరిగాడు. తర్వాత బ్యాటింగ్‌కు దిగిన ఇంగ్లండ్‌ ఓపెనర్లతోనే భారత ఇన్నింగ్స్‌ స్కోరును అధిగమించేసింది. ఆట నిలిచే సమయానికి 42 ఓవర్లలో వికెట్‌ నష్టపోకుండా 120 పరుగులు చేసింది. బర్న్స్‌ (52 బ్యాటింగ్‌; 5 ఫోర్లు, 1 సిక్స్‌), హమీద్‌ (60 బ్యాటింగ్‌; 11 ఫోర్లు) క్రీజులో ఉన్నారు. ప్రస్తుతం ఇంగ్లండ్‌ 42 పరుగుల ఆధిక్యంలో ఉంది. చదవండి: ENG Vs IND 3rd Test: తొలిరోజే టీమిండియా చెత్త రికార్డులు

లండన్‌: లార్డ్స్ టెస్ట్‌లో టీమిండియా పేసర్ బుమ్రాను టార్గెట్‌ చేస్తూ ఇంగ్లండ్ పేసర్లు అతిగా(వరుసగా బౌన్సర్లు సంధించడాన్ని) ప్రవర్తించడాన్ని ఇంగ్లండ్ మాజీ కెప్టెన్ మైఖేల్ వాన్ తప్పుబట్టాడు. ఈ విషయంలో క్రికెట్‌ విలువలకు తూట్లు పొడిచిన ఇంగ్లండ్‌ కెప్టెన్ రూట్‌ను ఆ జట్టు కోచ్ సిల్వర్ వుడ్ మందలించకపోవడంపై మండిపడ్డాడు. మైదానంలో కెప్టెన్‌ తప్పుడు నిర్ణయాలు తీసుకుంటున్నప్పుడు అడ్డుకోవాల్సిన బాధ్యత కోచ్‌పై ఉంటుందని పేర్కొన్నాడు. డ్రింక్స్‌ బ్రేక్‌లో కోచ్‌ ఎవరినైనా మైదానంలోకి పంపి బౌన్సర్లు వేయకుండా అడ్డుకొని ఉండాల్సిందని తెలిపాడు. తాను కెప్టెన్‌గా ఉన్నప్పుడు ఏదైనా నిర్ణయాలు తీసుకోలేకపోతే, నాటి కోచ్‌ డంకన్‌ ఫ్లెచర్‌ ఇలాగే సందేశాలు పంపేవాడని చెప్పుకొచ్చాడు. ఇంగ్లండ్‌ ఓటమికి కోచ్‌ సిల్వర్‌వుడ్‌ బాధ్యత లేమి మరో కారణమని ఆరోపించాడు. ఏదిఏమైనా బుమ్రాను టార్గెట్‌ చేసి మ్యాచ్‌ను గాలికొదిలేసిన రూట్‌ సేన తగిన మూల్యమే చెల్లించుకుందన్నాడు. ఫేస్‌బుక్ వేదికగా ఓ పోస్ట్ చేసిన వాన్.. బుమ్రా విషయంలో ఇంగ్లండ్‌ అతి ప్రవర్తనపై విమర్శలు గుప్పించాడు.  ఐదో రోజు ఆటలో లంచ్ బ్రేక్‌కు ముందు 20 నిమిషాల ఆటనే(బుమ్రాను టార్గెట్‌ చేయడం) ఇంగ్లండ్‌ కొంపముంచిందన్న అభిప్రాయాన్ని వ్యక్తం చేసిన వాన్‌.. గత కొన్నేళ్లుగా ఇంగ్లండ్‌ ఇలా చేయడం నేనెప్పుడూ చూడలేదని అన్నాడు. దీన్ని ఓ పనికిమాలిన చర్యగా అభివర్ణించిన ఈ ఇంగ్లండ్‌ మాజీ కెప్టెన్‌.. కోచ్‌ సహా ఇంగ్లండ్‌ బృందంపై తీవ్రస్థాయిలో ధ్వజమెత్తాడు. ప్రస్తుత పరిస్థితుల్లో టీమిండియా కెప్టెన్ విరాట్‌ కోహ్లి సరైన వ్యూహాలతో ముందుకు సాగుతున్నాడని ప్రశంశించిన వాన్‌.. భారత్‌ బృందాన్ని ఆకాశానికెత్తాడు. కాగా, లార్డ్స్ టెస్ట్‌లో  టీమిండియా 151 పరుగుల తేడాతో ఆతిథ్య జట్టును చిత్తు చేసి చిరస్మరణీయ విజయాన్నందుకున్న విషయం తెలిసిందే. దీంతో ఐదు టెస్టుల సిరీస్‌లో 1-0తో ఆధిక్యంలో నిలిచిన భారత్‌.. ఈనెల 25న లీడ్స్‌ వేదికగా ఇంగ్లండ్‌ ఢీకొట్టనుంది.   చదవండి: మ్యాచ్‌ మధ్యలో ఆ టాప్‌ టెన్నిస్‌ స్టార్‌ ఏం చేశాడో చూడండి..  

లండన్‌: ఈ ఏడాది ఆరంభంలో ఇంగ్లండ్‌ జట్టు భారత పర్యటనకు వచ్చినపుడు పిచ్‌లపై తన వైఖరి వెల్లడిస్తూ ట్రోలింగ్‌ బారిన పడ్డాడు ఇంగ్లండ్‌ మాజీ కెప్టెన్‌ మైకేల్‌ వాన్‌. ముఖ్యంగా చెన్నై, అహ్మదాబాద్‌ పిచ్‌ల గురించి తీవ్ర వ్యాఖ్యలు చేస్తూ టీమిండియా సామర్థ్యంపై సెటైర్లు వేస్తూ అభిమానుల ఆగ్రహానికి గురయ్యాడు. ఇక ప్రస్తుతం భారత్‌ టెస్టు సిరీస్‌ కోసం ఇంగ్లండ్‌ టూర్‌ కు వెళ్లిన సంగతి తెలిసిందే. ఐదు మ్యాచ్‌ల సిరీస్‌లో భాగంగా బుధవారం నుంచి తొలి టెస్టు ఆరంభం కానుంది.  ఈ నేపథ్యంలో క్రిక్‌బజ్‌తో మాట్లాడిన మైకేల్‌ వాన్‌.. ఈసారి మాత్రం సిరీస్‌ టీమిండియాదే అంటూ అందరినీ ఆశ్చర్యానికి గురిచేశాడు. ఈ విషయం చెప్పడానికి తానుఇష్టపడనప్పటికీ... ప్రస్తుత బలబలాల ఆధారంగా భారత జట్టుకే గెలిచే అవకాశాలు ఎక్కువగా ఉన్నాయని చెప్పుకొచ్చాడు. ఈ మేరకు.. ‘‘నా అభిప్రాయాలు, అంచనాలు కొన్నిసార్లు నిజం కావచ్చు. మరికొన్ని సార్లు తప్పు కావచ్చు. ఇటీవల న్యూజిలాండ్‌తో జరిగిన టెస్టు సిరీస్‌లో బెన్‌ స్టోక్స్‌ గైర్హాజరీలో ఇంగ్లండ్‌ ఓడిపోయింది. ప్రస్తుత సిరీస్‌లో ఈసారి టీమిండియాదే విజయం‌. వాళ్లకే గెలిచే అవకాశాలు ఎక్కువగా ఉన్నాయి. గతంలో రెండుసార్లు చేరువగా వచ్చినా ఓడిపోయారు.  ఇప్పుడు స్టోక్స్‌ లాంటి కీలక ఆటగాడు లేకుండానే ఇంగ్లండ్‌ పోటీలోకి దిగనుంది. తను లేకుండా బాలెన్స్‌ చేయడం కష్టం. ఆల్‌రౌండర్‌లేని కారణంగా ఓ బ్యాటర్‌, బౌలర్‌ని మిస్‌ అవుతారు. కాబట్టి జో రూట్‌ సేనకు కష్టమే. ఆగష్టు, సెప్టెంబరులో స్పిన్‌ మాయాజాలమే పనిచేస్తుంది. కాబట్టి ఈ విషయం చెప్పడానికి నేను ద్వేషిస్తున్నా.. అయినా 3-1తేడాతో టీమిండియా తప్పక ఈ సిరీస్‌ గెలుస్తుంది’’ అని అభిప్రాయపడ్డాడు. కాగా తాను మానసిక ఆందోళనకు గురవుతున్న సాంత్వన పొందేందుకు క్రికెట్‌కు ‘నిరవధిక విరామం’ ఇస్తున్నట్లు ఇంగ్లండ్‌ ఆల్‌రౌండర్‌ బెన్‌స్టోక్స్‌ ఇటీవల ప్రకటించిన సంగతి తెలిసిందే.

ఢిల్లీ: టీమిండియా మాజీ క్రికెటర్‌ వసీం జాఫర్‌ను ఇంగ్లండ్‌ మాజీ ఆటగాడు మైకెల్‌ వాన్‌ ఫన్నీ ట్రోల్‌ చేశాడు. జాఫర్‌ గురువారం ఒడిశా క్రికెట్‌ జట్టు ప్రధాన కోచ్‌గా నియామకమయ్యాడు. 2021- 2023 మధ్య కాలంలో రెండేళ్లపాటు జాఫర్‌ ఈ పదవిలో కొనసాగనున్నాడు. ఈ విషయాన్ని దృష్టిలో ఉంచుకొని వాన్‌  ట్విటర్‌ వేదికగా జాఫర్‌ను ట్రోల్‌ చేశాడు. '' జాఫర్‌ బాయ్‌కి అసిస్టెంట్‌ అవసరం ఉన్నాడా?.. ఒకవేళ అసిస్టెంట్‌ అవసరం ఉంటే పిలువు.. నేను వెంటనే వచ్చేస్తా'' అంటూ ట్వీట్‌ చేశాడు. ప్రస్తుతం వాన్‌ కామెంట్‌ సోషల్‌ మీడియాలో వైరల్‌గా మారింది. ఇంతకముందు భారత్‌, ఇంగ్లండ్‌ సిరీస్‌ సమయంలో  జాఫర్‌, వాన్‌ల మధ్య ట్విటర్‌లో చాలాసార్లే మాటలయుద్ధం జరిగింది.  ఇక భారత్‌, ఇంగ్లండ్‌ మధ్య టెస్టు సిరీస్‌ ప్రారంభానికి ముందు కరోనా కలకలం రేపింది. టీమిండియా యువ ఆటగాడు రిషబ్‌ పంత్‌కు యూకే డెల్టా వేరియంట్‌ లక్షణాలు ఉన్నట్లు బీసీసీఐ ఒక ప్రకటనలో తెలిపింది. పంత్‌తో పాటు జట్టు ట్రైనింగ్‌ అసిస్టెంట్‌/ నెట్‌ బౌలర్‌ అయిన దయానంద్‌ గరాని కూడా కరోనా బారిన పడ్డాడు. అతనితో సన్నిహితంగా మెలిగిన మరో ముగ్గురిని కూడా ముందు జాగ్రత్తగా ఐసోలేషన్‌కు పంపించారు. గరానితో పాటు బౌలింగ్‌ కోచ్‌ భరత్‌ అరుణ్, వికెట్‌ కీపర్‌ వృద్ధిమాన్‌ సాహా, రిజర్వ్‌ ఓపెనర్‌ అభిమన్యు ఈశ్వరన్‌ 10 రోజుల పాటు తమ హోటల్‌ గదుల్లోనే సెల్ఫ్‌ ఐసోలేషన్‌లో ఉంటారని బీసీసీఐ పేర్కొంది. ఇక భారత్‌, ఇంగ్లండ్‌ మధ్య ఆగస్టు 4 నుంచి ఐదు టెస్టుల సిరీస్‌ ప్రారంభం కానుంది. Does he need an assistant 😜😜 https://t.co/he2g0eKBFs — Michael Vaughan (@MichaelVaughan) July 15, 2021

లండన్‌: ఇంగ్లండ్‌ క్రికెటర్లు తమ బ్యాటింగ్‌ను మెరుగుపరుచుకోకపోతే సొంతగడ్డపై టీమిండియాను ఓడించడం కష్టమేనని ఆ జట్టు మాజీ కెప్టెన్‌ మైకేల్‌ వాన్‌ అభిప్రాయపడ్డాడు. అదే విధంగా.. సన్నద్ధలేమికి తోడు రొటేషన్‌ విధానం వల్ల ఇబ్బందులు ఎదుర్కోవాల్సి వస్తోందని పేర్కొన్నాడు. కాగా భారత్‌- ఇంగ్లండ్‌ మధ్య ఆగస్టు 4 నుంచి సెప్టెంబర్ 14 వరకు ఐదు టెస్ట్‌ల సిరీస్ జరుగనుంది. ఈ నేపథ్యంలో మైకేల్‌ వాన్‌ మాట్లాడుతూ.. ‘‘ ఇంగ్లండ్‌ జట్టుల శ్రీలంకను 2-0 తేడాతో ఓడించింది. పాకిస్తాన్‌ను మట్టికరిపించింది.. గతేడాది వెస్టిండీస్‌, దక్షిణాఫ్రికాపై విజయాలు సాధించింది. అదే విధంగా ఇండియాకు వెళ్లింది.. అద్భుతమైన ప్రతిభా పాటవాలతో తొలి టెస్టులో గెలుపొందింది. జో రూట్‌ డబుల్‌ సెంచరీ చేశాడు. కానీ మూడు రోజుల తర్వాత రొటేటింగ్‌ పద్ధతి కారణంగా పరిస్థితులు మారిపోయాయి. నిజంగా ఇది చాలా తప్పు. అదే విధంగా.. ఇంగ్లండ్‌ నలుగురు సీమర్లు, ఒకే ఒ​క స్పిన్నర్‌తో ఆడటం సరైన నిర్ణయం కాదు’’ అని గత సిరీస్‌లో ఇంగ్లండ్‌ ఆడిన తీరును విమర్శించాడు. ఇక ఇటీవల న్యూజిలాండ్‌కు సిరీస్‌ సమర్పించుకోవడం గురించి మాట్లాడుతూ.. ‘‘లార్డ్స్‌లో తొలి టెస్టుకు వారం ముందు నుంచే డ్రైగా ఉంది. అయినా ఒక్క స్పిన్నర్‌ లేడు. ఎడ్జ్‌బాస్టన్‌లో కూడా అంతే. స్పిన్నర్‌ లేకుండానే మైదానంలో దిగారు. తప్పులు పునరావృతం చేశారు’’ అని వాన్‌ చెప్పుకొచ్చాడు. అయితే, ప్రస్తుతం బట్లర్‌, స్టోక్స్‌, వోక్స్‌ ఫాంలోకి వచ్చారని, వాళ్ల రాకతో జట్టు బలం పెరుగుతుందన్న మైకేల్‌ వాన్‌.. బ్యాట్స్‌మెన్‌ గనుక విఫలమైతే భారత్‌ను ఓడించడం సాధ్యం కాదని అభిప్రాయం వ్యక్తం చేశాడు. చదవండి: WTC 2021-23: టీమిండియా షెడ్యూల్‌ ఖరారు.. ఇంగ్లండ్‌ సిరీస్‌తో షురూ

సౌతాంప్టన్‌: వరల్డ్‌ టెస్టు చాంపియన్‌షిప్‌ ఫైనల్‌ తొలి సెషన్‌ రద్దైన నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ మరోసారి టీమిండియాపై వ్యంగ్యాస్త్రాలు సంధించాడు. వాతావరణం కారణంగా భారత జట్టు బతికిపోయిందంటూ సెటైర్లు వేశాడు. ఇక ఇందుకు టీమిండియా మాజీ క్రికెటర్‌ వసీం జాఫర్‌ తనదైన శైలిలో మరోసారి వాన్‌కు చురకలు అంటించాడు. ‘‘డబ్ల్యూటీసీ ఫైనల్‌ జరుగుతున్న సమయంలో మిగతా జట్లు.. ఇదిగో ఇలా కళ్లప్పగించి చూస్తూ ఉంటాయి’’ అంటూ లగాన్‌ సినిమాలోకు సంబంధించిన ఓ ఫోటోను షేర్‌ చేశాడు. ఇందులో హీరో ఆమిర్‌ ఖాన్‌ తన బృందంతో పొదల మాటు నుంచి తీక్షణంగా చూస్తూ ఉంటాడు. ‘‘టీమిండియా- న్యూజిలాండ్‌ ఫైనల్‌ చేరితే.. నీ జట్టు ఇంగ్లండ్‌ మాత్రం కనీసం తుది వరకు పోరాడలేకపోయింది. ఇరు జట్లకు సిరీస్‌ సమర్పించుకుని వెనుకపడింది’’ అన్న ఉద్దేశంతో వసీం జాఫర్‌ చేసిన ట్వీట్‌ నెటిజన్లను ఆకట్టుకుంటోంది.  కాగా వర్షం కారణంగా భారత్‌- కివీస్‌ జట్ల మధ్య నేడు ప్రారంభం కావాల్సిన ఫైనల్‌ మ్యాచ్‌ ఆలస్యమవుతోన్న సంగతి తెలిసిందే. ఇక టీమిండియాపై కామెంట్లు చేస్తూ మైకేల్‌ వాన్‌కు ఇటీవల పలుమార్లు ట్రోలింగ్‌ బారిన పడిన సంగతి తెలిసిందే. ముఖ్యంగా భారత్‌- ఇంగ్లండ్‌ మధ్య టెస్టు సిరీస్‌ నేపథ్యంలో చెన్నై, అహ్మదాబాద్‌ పిచ్‌పై వాన్‌ తీవ్ర విమర్శలు చేసి అభిమానుల ఆగ్రహానికి గురయ్యాడు. ఇక ఈ నెలలో న్యూజిలాండ్‌ ఇంగ్లండ్‌తో జరిగిన రెండు మ్యాచ్‌ల టెస్టు సిరీస్‌ను కైవసం చేసుకున్న తర్వాత.. ‘‘హైక్లాస్‌ కివీస్‌ టీం.. వచ్చే వారంలో ఇండియాను ఓడిస్తుంది’’ అని జోస్యం చెప్పాడు. ఇందుకు వసీం జాఫర్‌ బదులిస్తూ.. ‘‘నీ పని అయిపోయింది. ఇక వెళ్లు’’అంటూ ఫన్నీ మీమ్‌తో కౌంటర్‌ ఇచ్చాడు.   Meanwhile rest of the teams watching the #WTCFinals #iykyk 😜 https://t.co/MchOGlM2Ja pic.twitter.com/JBbMJcr1fU — Wasim Jaffer (@WasimJaffer14) June 18, 2021

సౌతాంప్టన్‌: టీమిండియా మాజీ ఆటగాడు వసీం జాఫర్‌, ఇంగ్లండ్‌ మాజీ కెప్టెన్‌ మైఖేల్‌ వాన్‌ మధ్య ట్విటర్‌ వార్‌ భలే సరదాగా ఉంటుంది. వీరిద్దరు సామాజిక మాధ్యమాల్లో చురుగ్గా ఉంటారన్న సంగతి తెలిసిందే. క్రికెట్‌కు సం‍బంధించిన వివిధ అంశాలపై వివాదాస్సద వ్యాఖ్యలతో ముఖ్యంగా టీమిండియాను టార్గెట్‌ చేస్తూ.. వాన్‌ సోషల్‌ మీడియాను ఆకర్షిస్తే.. వాటికి దీటుగా తనదైన శైలిలో వ్యంగ్యాత్మక ధోరణిలో పంచ్‌లు వేస్తూ వసీం జాఫర్‌ ఫ్యాన్స్‌ మనసు చూరగొంటాడు. ఇక నాలుగు రోజుల్లో టీమిండియా- న్యూజిలాండ్‌ మధ్య ప్రపంచ టెస్టు చాంపియన్‌షిప్ ఫైనల్‌ ఆరంభం కానున్న నేపథ్యంలో మరోసారి వీరి కౌంటర్‌ అటాక్‌ నెటిజన్లను ఆకర్షిస్తోంది. ఇంగ్లండ్‌తో జరిగిన రెండు మ్యాచ్‌ల టెస్టు సిరీస్‌ను కివీస్‌ సొంతం చేసుకున్న సంగతి తెలిసిందే. రెండో టెస్టులో ఎనిమిది వికెట్ల తేడాతో సిరీస్‌ నెగ్గి, 1999 తర్వాత మరోసారి ఈ ఘనత సాధించింది. అంతేకాకుండా ఇంగ్లండ్‌పై సిరీస్‌ విజయంతో ఐసీసీ టెస్టు టీమ్‌ ర్యాంకింగ్స్‌లో అగ్రస్థానానికి చేరుకుంది. ఈ విషయంపై స్పందించిన మైఖేల్‌ వాన్‌.. ‘‘న్యూజిలాండ్‌ హైక్లాస్‌ టీం.. పరిస్థితులను చక్కగా అర్థం చేసుకుని.. బ్యాట్‌తో.. బంతితో అదరగొడతారు... వాళ్లు కచ్చితంగా వచ్చే వారంలో టీమిండియాను ఓడిస్తారు’’అంటూ కివీస్‌ను ప్రశంసిస్తూనే భారత్‌పై అక్కసు వెళ్లగక్కాడు.  ఇక ఇందుకు స్పందించిన వసీం జాఫర్‌.. డబ్ల్యూటీసీ ఫైనల్.. ‘‘నీ పని అయిపోయింది.. ఇక వెళ్లు’’ అంటూ బాలీవుడ్‌ సినిమాకు సంబంధించిన మీమ్‌ షేర్‌ చేసి కౌంటర్‌ వేశాడు. ఈ క్రమంలో..‘‘ఇంగ్లండ్‌ ఓటమిని కూడా వాన్‌ ఇలా కవర్‌ చేసేశాడు.. కానీ మీరు సూపర్‌ జాఫర్‌ భాయ్‌ అదరగొట్టేశారు.. వాన్‌కు దిమ్మతిరిగే జవాబు ఇచ్చారంటూ భారత ఫ్యాన్స్‌ కామెంట్లు చేస్తున్నారు. ఇక జూన్‌ 18న ప్రారంభం కానున్న డబ్ల్యూటీసీ ఫైనల్‌ కోసం ఇరుజట్లు సన్నద్ధమవుతున్న సంగతి తెలిసిందే. #WTCFinals https://t.co/ixeBDMfAmV pic.twitter.com/Q0nZQU3WvU — Wasim Jaffer (@WasimJaffer14) June 13, 2021 చదవండి: WTC FInal: ‘కోహ్లి క్రేజ్‌ అలాంటిది మరి.. జాన్‌ సీన మద్దతు భారత్‌కే’!

ఢిల్లీ: టీమిండియా ఆల్‌రౌండర్‌ రవీంద్ర జడేజా మైదానంలో ఎంత యాక్టివ్‌గా ఉంటాడో.. సోషల్‌ మీడియాలోనూ అంతే చురుగ్గా కనిపిస్తాడు. తాజాగా తనకిష్టమైన గుర్రంతో దిగిన ఫోటోలను తన ఇన్‌స్టాగ్రామ్‌లో షేర్‌ చేశాడు. నా 22 ఎకరాలు ఎంటర్‌టైనర్‌ ఇదే.. ఇది నా బెస్ట్‌ ఫ్రెండ్‌.. మా ఇద్దరి మధ్య మంచి బాండింగ్‌ ఉంది. నా జీవితాంతం ఆ బంధం అలాగే కొనసాగుతుంది. అంటూ క్యాప్షన్‌ జత చేశాడు. అయితే జడేజా పెట్టిన పోస్టుపై నెటిజన్లు బాగానే స్పందించగా.. ఇంగ్లండ్‌ మాజీ క్రికెటర్‌ మైకెల్‌ వాన్‌ కూడా స్పందించడం విశేషం. జడేజా షేర్‌ చేసిన ఫోటోను లైక్‌ చేసి మూడు హార్ట్‌ ఎమోజీలను పెట్టాడు. అయితే వాన్‌ జడేజా పోస్టుపై స్పందించడానికి ఒక కారణం ఉందని అతను 22 అనే పదం ఇంకా మరిచిపోలేదని .. అందుకే జడేజా పోస్టెపై స్పందించాడంటూ కామోంట్లు చేశారు. కాగా మైకెల్‌ వాన్‌ ఇంగ్లండ్‌ జట్టు భారత పర్యటనకు వచ్చినప్పటి నుంచి ఎదో ఒక దానిపై విమర్శలు చేస్తూ వచ్చాడు. ముఖ్యంగా అహ్మదాబాద్‌ వేదికగా జరిగిన చివరి రెండు టెస్టులకు వాన్‌ చేసిన అతి ఎవరు మరిచిపోరు. అహ్మదాబాద్‌ వేదికగా జరిగిన మూడో టెస్టు డై నైట్‌ పద్దతిలో నిర్వహించగా.. ఆ మ్యాచ్‌లో ఇంగ్లండ్‌ ఘోర పరాజయం చవిచూసింది. దీనిని దృష్టిలో పెట్టుకొని నాలుగో టెస్టుకు 22 గజాల పిచ్‌ను ఎలా రూపొందిస్తున్నారో చూడండి అంటూ రకరకాల పోస్టులతో రెచ్చిపోయాడు. ఒకసారి పొలం దున్నుతూ పిచ్‌ను తయారు చేస్తున్నట్లుగా.. మరొకసారి అదే పిచ్‌పై బ్యాటింగ్‌ ఎలా ఉండబోతుందో వివరించాడు. వాన్‌ చేసిన అతికి అప్పట్లో తీవ్ర విమర్శలు వచ్చాయి. ఈ సిరీస్‌లో టీమిండియా చెన్నై వేదికగా జరిగిన తొలి టెస్టు మినహా మిగిలిన వాటిని గెలిచి 3-1తేడాతో సిరీస్‌ గెలుచుకుంది. కాగా జడేజా ఆసీస్‌ పర్యటనలో గాయపడడంతో ఇంగ్లండ్‌తో సిరీస్‌కు దూరమయ్యాడు. ఆ తర్వాత ఐపీఎల్‌ 14వ సీజన్‌లో ఆడిన జడేజా ఇటీవలే డబ్ల్యూటీసీ ఫైనల్‌తో పాటు ఇంగ్లండ్‌తో జరగనున్న ఐదు మ్యాచ్‌ల టెస్టు సిరీస్‌కు ఎంపికయ్యాడు. దీనికి సంబంధించి జడేజా ఇప్పటికే తన ప్రాక్టీస్‌ను ఆరంభించాడు. చదవండి: 'మొటేరా పిచ్‌పై నా ప్రిపరేషన్‌ సూపర్‌' మొటేరా పిచ్‌ ఎలా తయారవుతుందో చూడండి! View this post on Instagram A post shared by Ravindra jadeja (@ravindra.jadeja)

లండన్‌: ఐపీఎల్‌లో ఆటగాళ్ల బ్యాటింగ్‌ చూడకపోతే ఏం..ఈ ఏనుగు బ్యాటింగ్‌ చూడండి అంటూ ఇంగ్లండ్‌ క్రికెట్‌ జట్టు మాజీ కెప్టెన్‌ మైకేల్‌ వాన్‌ ఓ వీడియోను షేర్‌ చేశారు. ప్రస్తుతం ఆ వీడియో నెటిజన్లను ఆకట్టుకుంటోంది. దేశంలో కోవిడ్‌ సెకండ్‌వేవ్‌ విజృంభణ నేపథ్యంలో ఐపీఎల్‌ రద్దు చేసిన విషయం తెలిసిందే. పలు జట్లలోని 9 మంది క్రికెట్లరకు కరోనా సోకడంతో ఐపీఎల్‌ రద్దు చేస్తూ బీసీసీఐ ఉపాధ్యక్షుడు రాజీవ్‌ శుక్లా ప్రకటన విడుదల చేశారు. దీంతో ఐపీఎల్‌ అభిమానులు తీవ్ర నిరాశ చెందారు.ఈ క్రమంలో మైకేల్‌ వాన్‌ ఓ వీడియోను షేర్‌ చేశారు.   ప్రేమ్‌ అనే నెటిజన్‌ ఏనుగు బ్యాటింగ్‌ చేస్తున్న వీడియోను సోషల్‌ మీడియాలో షేర్‌ చేశాడు. మీరెప్పుడైనా ఏనుగు క్రికెట్‌ ఆడడం చూశారా? చూడండి నేషనల్‌ ప్లేయర్స్‌ కంటే ఈ ఏనుగే బాగా ఆడుతుందని పోస్ట్‌ లో పేర్కొన్నాడు. అయితే ఆ పోస్ట్‌ ను ఇంగ్లండ్‌ క్రికెటర్‌ మైఖేల్‌ వాన్‌ షేర్‌ చేస్తూ.. అవును నిజమే! నేషనల్‌ ప్లేయర్స్‌ కంటే ఇదే బాగా అడుతుంది. తప్పకుండా ఇంగ్లండ్‌ పాస్‌ పోర్ట్‌ ఇప్పిస్తాం అని రీట్వీట్‌ చేశారు. అయితే, ఆ వీడియోలో ఓ ఏనుగు బ్యాటింగ్‌ చేస్తుంటే, దాని యజమాని బౌలింగ్‌ చేస్తున్నాడు. యజమాని బాల్‌ ఎలా వేసినా ఏనుగు మాత్రం తన అద్భుతమైన బ్యాటింగ్‌తో నెటిజన‍్లని కట్టిపడేస్తుంది. కాగా, వాఘన్‌ వీడియోలపై 'పిచ్ సరిగా లేదు.. ఇంగ్లాండ్ ఆటగాళ్ళు దానిపై ఆడలేరు' అంటూ ఓ నెటిజన్‌ ట్వీట్‌ చేస్తుంటే.. ఏనుగు బ్యాటింగే దెబ్బకు ఐపీఎల్‌ పనికిరాదు క్రికెట్‌ బాగా ఆడుతుందంటూ మరో నెటిజన్‌ వేశాడు. Surely the Elephant has an English passport !! https://t.co/scXx7CIZPr — Michael Vaughan (@MichaelVaughan) May 8, 2021 చదవండి: IPL 2021: నీ వల్లే ఐపీఎల్‌ ఆగిపోయిందంటూ నెటిజన్ల ఫైర్‌!

లండన్‌: ఐపీఎల్‌ 14వ సీజన్‌ను బీసీసీఐ నిరవధిక వాయిదా వేస్తూ మంగళవారం నిర్ణయం తీసుకున్న సంగతి తెలిసిందే. ఈ నిర్ణయంతో స్వదేశీ ఆటగాళ్లకు ఇబ్బందులు లేకపోవచ్చుగానీ.. విదేశీ ఆటగాళ్లు కష్టాలు ఎదుర్కోవాల్సి వస్తుంది. ముఖ్యంగా ఐపీఎల్‌లో పాల్గొంటున్న విదేశీ ఆటగాళ్లలో ఆసీస్‌కే చెందినవారు ఎక్కువగా ఉన్నారు. స్టీవ్‌ స్మిత్‌, డేవిడ్‌ వార్నర్‌, గ్లెన్‌ మ్యాక్స్‌వెల్‌, పాట్‌ కమిన్స్‌, వోక్స్‌, జోస్‌ బట్లర్‌తో పాటు విండీస్‌ క్రికెటర్లు కూడా పెద్ద సంఖ్యలో ఉన్నారు. భారత్‌లోలో కరోనా విజృంభిస్తున్న కారణంగా ఆస్ట్రేలియా ఏప్రిల్‌ 15వరకు విమానాల రాకపోకలపై నిషేధం విధించింది. యూకే కూడా ఇండియాను రెడ్‌లిస్ట్‌లో పెట్టింది. ఏప్రిల్‌ 22 నుంచి ఆ దేశం మీదుగా ఒక్క విమానం కూడా రావడం లేదు. ఈ నేపథ్యంలో ఇంగ్లండ్‌ మాజీ ఆటగాడు మైకెల్‌ వాన్‌ ఆసక్తికర వ్యాఖ్యలు చేశాడు.' బీసీసీఐ తీసుకున్న ఐపీఎల్‌ రద్దు అనే నిర్ణయం ప్రస్తుతం సున్నిత అంశంగా కనిపిస్తుంది. బయోబబూల్‌లో ఉంటూ ఆటగాళ్లకు రక్షణ కల్పిస్తున్నా.. కరోనా మహమ్మారి ఐపీఎల్‌లోకి కూడా ఎంటరైంది. ఈ విపత్కర పరిస్థితుల్లో ఇలాంటి నిర్ణయం సరైనదే. అయితే లీగ్‌ రద్దు వల్ల స్వదేశీ ఆటగాళ్లకు ఇబ్బందులు లేకపోయినా.. విదేశీ ఆటగాళ్లకు మాత్రం కష్టాలు తప్పేలా లేవు. భారత్‌ నుంచి విదేశాలకు విమానాల రాకపోకల నిషేధం కొనసాగుతుండడంతో ఏం చేయలేని పరిస్థితి. ఆటగాళ్ల భద్రత మాకు ముఖ్యమని.. విదేశీ ఆటగాళ్లను వారి దేశాలకు పంపే బాధ్యత మాది అని బీసీసీఐ చెబుతుంది. కానీ ఇప్పటి పరిస్థితుల్లో అది ఎంతవరకు సాధ్యమవుతుందో చూడాలి. అని చెప్పుకొచ్చాడు. మరో మాజీ ఆటగాడు మహ్మద్‌ అజారుద్దీన్‌ కూడా ట్విటర్‌లో స్పందించాడు. '' బీసీసీఐ తీసుకున్న నిర్ణయం సరైనదే. పటిష్టమైన బయోబబుల్‌లోకి కరోనా మహమ్మారి వచ్చేసింది. ఇప్పటికే నలుగురు ఆటగాళ్లతో పాటు సిబ్బంది కూడా కరోనా బారీన పడ్డారు. లీగ్‌ ఇలాగే కొనసాగితే కేసులు మరింత ఎక్కువయ్యే అవకాశాలు ఉన్నాయి. దీనిని నియంత్రించేందుకే బీసీసీఐ ఐపీఎల్‌ రద్దు నిర్ణయం తీసుకుంది. కరోనా ఉదృతి తగ్గాకా మళ్లీ ఐపీఎల్‌ నిర్వహించే అవకాశం ఉంటుందేమో' అని ట్విటర్‌లో అభిప్రాయపడ్డాడు.  చదవండి: 'ఐపీఎల్‌ రద్దు అని తెలియగానే నా గుండె పగిలింది' అయోమయంలో ఆసీస్‌ క్రికెటర్ల పరిస్థితి..! Seems a very sensible decision to postpone the IPL .. Now cases have started to appear inside the bubble they had no other option .. Hope everyone stays safe in India and all the overseas players can find a way back to there families .. #IPL2021 — Michael Vaughan (@MichaelVaughan) May 4, 2021 In view of the COVID crisis in India and with players testing positive, the postponement of IPL with immediate effect is the correct course of action taken by @BCCI and the IPL governing council. Hope to see IPL back soon in better & safe environment.#IPL2021 #IndiaFightsCOVID19 — Mohammed Azharuddin (@azharflicks) May 4, 2021

లండన్‌: ఒకవైపు కరోనా వైరస్‌ భయపెడుతున్నా ఐపీఎల్‌ విజయవంతంగా పూర్తి కావడానికి ఎటువంటి ఇబ్బందుల ఉండకపోవచ్చని ఇంగ్లండ్‌ మాజీ కెప్టెన్‌ మైకేల్‌ వాన్‌ అభిప్రాయపడ్డాడు. కొంతమంది విదేశీ క్రికెటర్లు ఈ టోర్నీ నుంచి వైదొలుగుతున్నా ఐపీఎల్‌కు ఆటంకాలు ఉండకపోవచ్చన్నాడు. భారత్‌లో కరోనా తీవ్రంగా ఉన్నప్పటికీ  ఐపీఎల్‌ ద్వారా ప్రజలకు మంచి వినోదం లభిస్తుందన్నాడు. ఇది చాలా కష్టకాలమనే విషయం అందరికీ తెలిసినా ఐపీఎల్‌ బయోబబుల్‌ వాతావరణంలో సేఫ్‌గా జరుగుతూ అభిమానుల్లో మంచి జోష్‌ను నింపుతుందన్నాడు.  ఇంకా దాదాపు ఏడువారాల పాటు ఇదే ఊపుతో ఐపీఎల్‌ సాగుతుందనే తాను ఆశిస్తున్నట్లు వాన్‌ పేర్కొన్నాడు. కాగా, ఐపీఎల్‌ను వీడి స్వదేశానికి వెళ్లిపోతున్న ఆసీస్‌, ఇంగ్లండ్‌ క్రికెటర్లపై వాన్‌ సెటైర్లు వేశాడు. గతంలో దక్షిణాఫ్రికాలో భయంకరమైన పరిస్థితులున్నాయని ఆ దేశ పర్యటనకు వెళ్లడానికి విముఖత చూపిన ఆసీస్‌, ఇంగ్లండ్‌ జట్ల క్రికెటర్లు.. భారత్‌లో ఐపీఎల్‌ ట్రేడింగ్‌కు ఎలా వచ్చారో తనకు ఇప్పటికీ అర్థం కావడం లేదన్నాడు. ఈ విషయంపై తాను ఎంతగా ఆలోచించినా అది కష్టంగానే ఉందన్నాడు.  కాగా, ఈనెల 9వ తేదీన ప్రారంభమైన ఐపీఎల్‌.. మే 30వ తేదీ వరకూ జరుగనుంది. ఇంకా సుమారు ఏడువారాలు పాటు ఐపీఎల్‌ సాగనుంది. ఈ టోర్నీలో ఇప్పటివరకూ విజయాలు సాధించిన జట్ల పరంగా చూస్తే చెన్నై సూపర్‌ కింగ్స్‌ టాప్‌లో కొనసాగుతోంది.  ఐదు మ్యాచ్‌లను పూర్తి చేసుకున్న ధోని అండ్‌ గ్యాంగ్‌.. నాలుగు విజయాలతో పాయింట్ల పట్టికలో టాప్‌లో ఉంది. ఇక సన్‌రైజర్స్‌ ఐదు మ్యాచ్‌లకు గాను ఒకదాంట్లో మాత్రమే గెలుపు అందుకుని ఆఖరి స్థానంలో ఉంది. పేలవమైన ప్రదర్శన కారణంగా సన్‌రైజర్స్‌ ఆశించిన స్థాయిలో రాణించడం లేదు.  ఇక్కడ చదవండి: భయపడొద్దు.. జాగ్రత్తగా పంపే బాధ్యత మాది: బీసీసీఐ మాకు చార‍్టర్‌ విమానం వేయండి: సీఏకు లిన్‌ విజ్ఞప్తి

ముంబై: చెన్నై సూపర్‌కింగ్స్‌ ఆల్‌రౌండర్‌ రవీంద్ర జడేజాపై ఇంగ్లండ్‌ మాజీ కెప్టెన్‌ మైకేల్‌ వాన్‌ మరోసారి ప్రశంసల జల్లు కురిపించాడు. కెప్టెన్‌గా ధోని వారసుడు జడ్డూనే అని, అతడిని కేంద్రంగా చేసుకుని చుట్టూ జట్టును నిర్మించాలని సీఎస్‌కే ఫ్రాంఛైజీకి సూచించాడు. ఐపీఎల్‌-2021 సీజన్‌లో భాగంగా మైదానంలో మెరుపులాంటి ఫీల్డింగ్‌ విన్యాసాలతో ఆకట్టుకుంటున్న జడేజా, భారత్‌లో అత్యుత్తమ ఫీల్డర్‌ అంటూ వాన్‌ ఇటీవల కితాబు ఇచ్చిన సంగతి తెలిసిందే. అంతేగాకుండాభారత క్రికెట్‌ కంట్రోల్‌ బోర్డు(బీసీసీఐ) విడుదల చేసిన వార్షిక కాంట్రాక్ట్‌ల్లో రవీంద్ర జడేజాకు ‘ఎ+’ గ్రేడ్‌ ఇవ్వకపోవడాన్ని కూడా తప్పుబడుతూ అతడికి మద్దతుగా నిలిచాడు. ఇక, తాజాగా.. రాజస్తాన్‌ రాయల్స్‌తో సోమవారం నాటి మ్యాచ్‌లో సీఎస్‌కే విజయం సాధించిన అనంతరం క్రిక్‌బజ్‌తో మాట్లాడిన వాన్‌.. జడేజా గురించి ఆసక్తికర వ్యాఖ్యలు చేశాడు. తన మైండ్‌సెట్‌ సూపర్బ్‌ ‘‘నిజాయితీగా మాట్లాడుకుంటే, ధోని.. బహుశా.. మరో 2 నుంచి మూడేళ్లు ఆడతాడు అనుకోవచ్చు. మరి ఆ తర్వాత పరిస్థితి ఏంటి? నా అభిప్రాయం ప్రకారం జడేజా నేతృత్వంలో సీఎస్‌కే జట్టును తయారు చేసుకోవాలి. జడేజా మంచి క్రికెటర్‌. బంతితో రాణించగలడు. బ్యాట్‌తో మెప్పించగలడు. ఫీల్డింగ్‌పరంగా చూస్తే మైదానంలో చురుగ్గా కదలగలడు. తన మైండ్‌సెట్‌, మెంటాలిటీ సూపర్బ్‌. జడేజా ఎలాంటి ఆటగాడు అంటే.. ‘‘నాలుగు లేదా ఐదు, లేదంటే అంతకంటే ముందుగా బ్యాటింగ్‌కు దిగినా, తనతోనే బౌలింగ్‌ ఓపెనింగ్‌ చేయించినా, ఫీల్డ్‌లో అతిముఖ్యమైన స్థానాల్లో సెట్‌ చేసినా.. అన్నింటికీ సిద్ధంగా ఉంటాడు. తను చాలా మంచి క్రికెటర్‌’’ అంటూ వాన్‌, జడ్డూను ఆకాశానికెత్తేశాడు. కాగా రాజస్తాన్‌తో జరిగిన మ్యాచ్‌లో, జడేజా రెండు కీలక వికెట్లు తీయడమే గాకుండా,  4 క్యాచ్‌లు పట్టి ఆకట్టుకున్న సంగతి తెలిసిందే. చదవండి: వైరల్‌: జడ్డూ.. నువ్వు వెరీ గుడ్డూ.. అంతేగా! అలా అయితే ధోని సేనదే టైటిల్‌: బ్రియన్‌ లారా

చెన్నై: రాయల్‌ చాలెంజర్స్‌ బెంగళూరుతో ఆదివారం జరిగిన మ్యాచ్‌లో  కోల్‌కతా నైట్‌రైడర్స్‌ స్టార్‌ ఆల్‌రౌండర్‌ ఆండ్రీ రసెల్‌(31; 20  బంతుల్లో 3 ఫోర్లు, 2 సిక్స్‌లు) ఆ జట్ట తరఫున టాప్‌ స్కోరర్‌గా నిలిచినా కీలక ఇన్నింగ్స్‌ ఆడలేకపోయాడు. గతంలో రసెల్‌ క్రీజ్‌లో ఉన్నాడనే ధైర్యంగా ఉండే కేకేఆర్‌.. ఇప్పుడు అతని ఆటపై పూర్తి నమ్మకం ఉంచలేకపోతోంది. నిన్నటి మ్యాచ్‌లో 19 ఓవర్‌లో కేవలం ఒక్క పరుగే తీశాడు అది కూడా చివరి బంతికి సింగిల్‌ తీసి అతనే స్టైకింగ్‌ ఉంచుకున్నాడు. డబుల్స్‌ తీసే అవకాశం ఉన్నా రసెల్‌ కనీసం ప్రయత్నించకపోవడాన్ని ఇంగ్లండ్‌ మాజీ కెప్టెన్‌ మైకేల్‌ వాన్‌ తప్పుబట్టాడు.  ప్రస్తుతం రసెల్‌ శారీరక సమస్యతో బాధపడుతున్నట్లు కనిపిస్తున్నాడని,  ఎంతో విలువైన ఆటగాడు జట్టుకు అవసరమైన ఇన్నింగ్స్‌ ఆడకపోతే ఆ ప్రభావం చివర్లో కనిపిస్తుందని వాన్‌ చురకలంటించాడు. ‘ రసెల్‌ పూర్తి ఫిట్‌నెస్‌తో లేడని విషయం క్లియర్‌గా తెలుస్తుంది. అతని ఫిట్‌నెస్‌ లెవెల్స్‌ చాలా కిందిస్థాయిలో ఉన్నాయి.  ఫీల్డింగ్‌ చేసేటప్పుడు వంగడానికి చాలా ఇబ్బంది పడుతున్నాడు. బాల్‌ అతని దగ్గరకు వచ్చినప్పుడు ఫీట్‌ను ఉపయోగిస్తున్నాడు. అదే సమయంలో డబుల్స్‌ తీసే ప్రయత్నం కూడా చేయడం లేదు. ఆండ్రీ రసెల్‌ వంటి సూపర్‌ స్టార్‌ ఇలా అన్‌ఫిట్‌గా ఉండటం ఆ జట్టుకు సరికొత్త తలనొప్పే. ఇలా అయితే కెప్టెన్‌ మోర్గాన్‌, కోచ్‌ బ్రెండన్‌ మెకల్లమ్‌లకు జట్టును ముందుకు తీసుకెళ్లడం కష్టంగా మారడం ఖాయం’ అని వాన్‌ అభిప్రాయపడ్డాడు.  ఆరంభంలో శిఖర్‌ ధవన్‌(92) మెరుపులకు, ఆఖర్లో స్టోయినిస్‌(13 బంతుల్లో 27 నాటౌట్‌; 3 ఫోర్లు, సిక్స్‌) సుడిగాలి ఇన్నింగ్స్‌ తోడవ్వడంతో మరో 10 బంతులు మిగిలుండగానే ఢిల్లీ  జట్టు సునాయాస విజయాన్ని సాధించింది. పంజాబ్‌ నిర్ధేశించిన 196 పరుగుల భారీ లక్ష్యాన్ని ఢిల్లీ క్యాపిటల్స్‌ 18.2 ఓవర్లలో 4 వికెట్లు కోల్పోయి ఛేదించింది.  మొదట పంజాబ్‌ 20 ఓవర్లలో 4 వికెట్ల నష్టానికి 195 పరుగులు చేసింది. ఓపెనర్లు మయాంక్‌ అగర్వాల్‌ (36 బంతుల్లో 69; 7 ఫోర్లు, 4 సిక్స్‌లు), కేఎల్‌ రాహుల్‌ (51 బంతుల్లో 61; 7 ఫోర్లు, 2 సిక్స్‌లు) అర్ధసెంచరీలు సాధించారు. ఇక్కడ చదవండి: పదే పదే బౌల్డ్‌ కావడంతో ఏమీ అర్థంకాని పరిస్థితి 14.25 కోట్లు: క్రేజీ అనుకున్నా.. కానీ తప్పని నిరూపించాడు! సిరాజ్ మొత్తం మారిపోయాడు: కోహ్లి

ముంబై: భారత క్రికెట్‌ కంట్రోల్‌ బోర్డు(బీసీసీఐ) విడుదల చేసిన వార్షిక కాంట్రాక్ట్‌ల్లో  రవీంద్ర జడేజాకు ‘ఎ+’ గ్రేడ్‌ ఇవ్వకపోవడాన్ని ఇంగ్లండ్‌ మాజీ కెప్టెన్‌ మైకేల్‌ వాన్‌ తప్పుబట్టాడు. రవీంద్ర  జడేజా చాలాకాలంగా మూడు ఫార్మాట్లలో రెగ్యులర్‌ ఆటగాడిగా కొనసాగుతున్నాడని, అటువంటి సందర్భంలో  ‘ఎ+’ గ్రేడ్‌లో అతన్ని ఎందుకు పరిగణించలేదని ప్రశ్నించాడు.  జడేజాను ‘ఎ+’ గ్రేడ్‌లో తీసుకోవడానికి చర్చలు జరిపినా, చివరకు అతనికి దాన్ని కేటాయించకపోవడాన్ని వాన్‌ తప్పుబట్టాడు. ఒక కీలక ఆటగాడ్ని ఎందుకు ‘ఎ+’ కేటగిరీలో చేర్చలేదని ప్రశ్నించాడు. వార్షిక కాంట్రాక్ట్‌ల్లో జడేజాకు సరైన స్థానం ఇవ్వకపోవడం నిజంగానే అవమానకరమన్నాడు. భారత క్రికెట్‌ జట్టులో విరాట్‌ కోహ్లి తర్వాత అతనే ‘ఎ+’ కేటగిరీకి అన్ని విధాల అర్హుడని వాన్‌ అభిప్రాయపడ్డాడు.  బీసీసీఐ ప్రకటించిన వార్షిక కాంట్రాక్ట్‌ల్లో  ముగ్గురు ఆటగాళ్లు మాత్రం ‘ఎ+’ కేటగిరీలో కొనసాగుతున్నారు. అందులో కోహ్లి, రోహిత్‌ శర్మ, జస్‌ప్రీత్‌ బుమ్రాలు మాత్రమే ఉన్నారు. కాగా,  ఆల్‌రౌండర్‌ హార్దిక్‌ పాండ్యాకు గ్రేడ్‌ ‘బి’ నుంచి ‘ఎ’కు... పేస్‌ బౌలర్‌ శార్దుల్‌ ఠాకూర్‌కు గ్రేడ్‌ ‘సి’ నుంచి ‘బి’కి ప్రమోషన్‌ లభించింది.  భారత క్రికెట్‌ నియంత్రణ మండలి (బీసీసీఐ) 2020–2021 సీజన్‌కు కొత్త కాంట్రాక్ట్‌లను ప్రకటించిన సంగతి తెలిసిందే. 2019–2020 కాంట్రాక్ట్‌ గతేడాది సెప్టెంబరు 30తో ముగియగా... తాజా కాంట్రాక్ట్‌ 2020 అక్టోబరు నుంచి 2021 సెప్టెంబరు వరకు ఉంటుంది. ఈసారి మొత్తం 28 మంది ఆటగాళ్లతో బీసీసీఐ కాంట్రాక్ట్‌ జాబితాను రూపొందించింది. వరుసగా మూడో ఏడాది భారత కెప్టెన్‌ విరాట్‌ కోహ్లి, భారత వన్డే జట్టు వైస్‌ కెప్టెన్‌ రోహిత్‌ శర్మ, స్టార్‌ బౌలర్‌ జస్‌ప్రీత్‌ బుమ్రా గ్రేడ్‌ ‘ఎ’ ప్లస్‌’లో తమ స్థానాలను నిలబెట్టుకున్నారు. ఈ ముగ్గురికి ఏడాది కాలానికి రూ. 7 కోట్లు చొప్పున చెల్లిస్తారు. ఇక్కడ చదవండి: సాహోరే చహర్‌ బ్రదర్స్‌.. ఇద్దరూ సేమ్‌ టూ సేమ్‌‌‌‌‌ నువ్వు మంచి బౌలర్‌వి భాయ్‌, కానీ నెక్ట్స్ మ్యాచ్‌ ఆడకు’

ముంబై: ‘‘ప్రపంచంలోని అత్యుత్తమ ఫీల్డర్లలో తనూ ఒకడు. నా బౌలింగ్‌లో ఎన్నో క్యాచ్‌లు అందుకున్నాడు. నాకైతే మైదానంలో 11 మంది జడ్డూలు ఉంటే బాగుండు అనిపిస్తుంది’’ అంటూ చెన్నై సూపర్‌కింగ్స్‌ బౌలర్‌ దీపక్‌ చహర్‌ సహచర ఆటగాడు రవీంద్ర జడేజాపై ప్రశంసలు కురిపించాడు. రుతురాజ్‌ స్థానంలో గనుక జడ్డూ భాయ్‌ ఉంటే, తొలి ఓవర్‌లోనే గేల్‌ వికెట్‌ లభించేదని అభిప్రాయపడ్డాడు. కాగా పంజాబ్‌ కింగ్స్‌తో శుక్రవారం జరిగిన మ్యాచ్‌లో చెన్నై అద్భుత విజయం సాధించిన సంగతి తెలిసిందే. దీపక్‌ చహర్‌ తమ బ్యాట్స్‌మెన్‌కు చుక్కలు చూపించడంతో స్వల్ప స్కోరుకే పరిమితమైన పంజాబ్‌ 6 వికెట్ల తేడాతో ఓటమి పాలైంది. ఇక జట్టు విజయంలో కీలక పాత్ర పోషించిన దీపక్‌ చహర్‌ (4/13)కు ‘‘ప్లేయర్‌ ఆఫ్‌ ది మ్యాచ్‌’’ అవార్డు లభించింది. అయితే, ఈ మ్యాచ్‌లో చహర్‌ వికెట్లతో రాణిస్తే రవీంద్ర జడేజా తన మెరుపులాంటి ఫీల్డింగ్‌ విన్యాసాలతో క్రీడాభిమానుల మనసు దోచుకున్నాడు. ముఖ్యంగా మూడో ఓవర్‌లో కేఎల్‌ రాహుల్‌ను రనౌట్‌ చేసిన విధానం, ఆ తర్వాత చహర్‌ బౌలింగ్‌(ఐదో ఓవర్‌)లో క్రిస్‌ గేల్‌ను అద్భుతమైన క్యాచ్‌తో పెవిలియన్‌కు పంపించడం పట్ల ఫిదా అవుతున్నారు. ఇలా ఇద్దరు ప్రధాన ఆటగాళ్లను అవుట్‌ చేయడంలో జడ్డూ ప్రధాన పాత్ర పోషించడంతో అతడిపై ప్రశంసలు వెల్లువెత్తుతున్నాయి. ఈ నేపథ్యంలో చహర్‌ మాట్లాడుతూ.. పైవిధంగా స్పందించాడు. కాగా తొలి ఓవర్‌లో చహర్‌ వేసిన బంతిని గేల్‌ షాట్‌ ఆడగా, గాల్లోకి లేచిన బంతిని రుతురాజ్‌ జారవిడిచిన సంగతి తెలిసిందే. ఇదిలా ఉంటే.. ఇంగ్లండ్‌ మాజీ కెప్టెన్‌ మైకేల్‌ వాన్‌ సైతం..‘‘ ఇండియాలోని అత్యుత్తమ ఫీల్డర్‌ తను. ఇదే నిజం’’ అంటూ రవీంద్ర జడేజాను ఆకాశానికెత్తాడు. India’s greatest ever fielder .. @imjadeja .. #Fact — Michael Vaughan (@MichaelVaughan) April 16, 2021 The name is Ravindra Jadeja ! 🔥❣️@imjadeja jaddu 💛#CSKvsPBKS pic.twitter.com/oFSqacnSId — vellamanasυ🎭 ˢʳᵉᵉʳᵃᵐ࿐ (@sreeramvellaman) April 16, 2021 చదవండి: సూపర్‌ జడ్డూ.. ఇటు రనౌట్‌.. అటు స్టన్నింగ్‌ క్యాచ్‌ అదరగొట్టిన చహర్‌: 4–1–13–4 స్కోర్లు: పంజాబ్‌ కింగ్స్‌ 106/8 (20) చెన్నై సూపర్‌ కింగ్స్‌ 107/4 (15.4)

ముంబై: వికెట్‌ కీపర్‌ బ్యాట్స్‌మెన్‌ జోస్‌ బట్లర్‌ సేవలను సరిగా వినియోగించుకోలేపోయారని ఇంగ్లండ్‌ మాజీ ఆటగాడు మైకేల్‌ వాన్‌ రాజస్తాన్‌ రాయల్స్‌ తీరును విమర్శించాడు. అపార అనుభవం కలిగిన బట్లర్‌కు కీపింగ్‌ బాధ్యతలు ఎందుకు అప్పగించలేదని ప్రశ్నించాడు. అదే విధంగా అతడిని మిడిల్‌ ఆర్డర్‌లో ఆడించడం పట్ల కూడా పెదవి విరిచాడు. కాగా ఐపీఎల్‌ -2021 సీజన్‌లో సోమవారం రాజస్తాన్‌ రాయల్స్‌, పంజాబ్‌ కింగ్స్‌తో తలపడిన సంగతి తెలిసిందే. ఆఖరివరకు ఉత్కంఠరేపిన ఈ మ్యాచ్‌లో పంజాబ్‌ 4 పరుగుల స్వల్ప తేడాతో గెలుపొంది ఊపిరి పీల్చుకుంది. తద్వారా విజయంతో బోణీ కొట్టింది. ఇదిలా ఉండగా, అద్భుత ఇన్నింగ్స్‌తో సెంచరీ(119) చేసి విజయానికి చేరవవుతున్న సమయంలో అవుట్‌ కావడంతో ఆర్‌ఆర్‌ కెప్టెన్‌ సంజూ సామ్సన్‌కు నిరాశే మిగిలింది. ఈ నేపథ్యంలో జట్టు కూర్పు గురించి ఇంగ్లండ్‌ మాజీ క్రికెటర్‌ మైకేల్‌ వాన్‌ ట్విటర్‌ వేదికగా స్పందించాడు. ‘‘జోస్‌ బట్లర్‌ వంటి అద్భుతమైన అనుభవం గల ఆటగాడు ఉండగా, అతడిని ఎందుకు కీపర్‌ స్థానంలో తీసుకోలేదు. అంతేకాదు అతడితో ఎందుకు ఓపెనింగ్‌ చేయించలేదు!!!! అసలు మీరేం ఆలోచిస్తున్నారు’’ అంటూ రాజస్తాన్‌ జట్టు తీరుపై విమర్శలు గుప్పించాడు.  కాగా సోమవారం నాటి మ్యాచ్‌లో కెప్టెన్‌ సంజూ సామ్సన్‌ వికెట్‌ కీపర్‌గా బరిలోకి దిగగా, బెన్‌స్టోక్స్‌, మనన్‌ వోహ్రా ఓపెనింగ్‌ చేశారు. స్టోక్స్‌ పరుగులేమీ చేయకుండానే షమీ బౌలింగ్‌లో వెనుదిరగగా, వోహ్రా కేవలం 12 పరుగులు చేశాడు. ఇక జోస్‌ బట్లర్‌ 25 పరుగులతో ఆకట్టుకున్నాడు. ఇక గత రెండు సీజన్లలో ఆర్‌ఆర్‌ తరఫున ఓపెనింగ్‌ చేసిన బట్లర్‌ తన పరిధి మేరకు ఆకట్టుకున్నాడు. ఇక ఇంగ్లండ్‌ తరఫున అతడు టీ20ల్లో ఓపెనింగ్‌ చేస్తాడన్న సంగతి తెలిసిందే. Having @josbuttler behind the stumps for his tactical experience is crucial ... Why isn’t he keeping @rajasthanroyals !???? #IPL2021 — Michael Vaughan (@MichaelVaughan) April 12, 2021 And now @josbuttler doesn’t Open !!!!!!!!!! What are you thinking @rajasthanroyals !!!!! #IPL — Michael Vaughan (@MichaelVaughan) April 12, 2021 చదవండి: ఇంకేం చేయగలను: సంజూ సామ్సన్‌ భావోద్వేగం

పుణె: ఇంగ్లండ్‌ మాజీ కెప్టెన్‌ మైకేల్‌ వాన్‌కు టీమిండియా ఆట తీరుపై వ్యంగ్యాస్త్రాలు సంధిస్తూ అభిమానుల ఆగ్రహానికి గురికావడం ఇటీవల పరిపాటిగా మారింది. టెస్టు సిరీస్‌ నేపథ్యంలో చెన్నై, అహ్మదాబాద్‌ పిచ్‌పై వాన్‌ తీవ్ర విమర్శలు చేసిన విషయం తెలిసిందే. అదే విధంగా, భారత జట్టు ఓడిన ప్రతిసారి ఘాటు వ్యాఖ్యలు చేస్తూ వార్తల్లో నిలిచాడు. రెండో వన్డేలో భారత్‌ ఓడిపోగానే, కోహ్లి కెప్టెన్సీని విమర్శించాడు. ఇక తాజాగా, ఆఖరి వన్డేలో టీమిండియా ఆటగాళ్లు క్యాచ్‌లు జారవిడిచిన తీరుపై మరోసారి సెటైర్లు వేశాడు. ‘‘అమ్మో నాకు భయం వేస్తోంది. భారత జట్టు కోసం ఈవారంలో మళ్లీ నా ఫీల్డింగ్‌ అకాడమీ తెరవాలేమో’’ అని ట్విటర్‌ వేదికగా వ్యాఖ్యానించాడు.  దీంతో, టీమిండియా అభిమానులు వాన్‌ను ఓ ఆట ఆడేసుకుంటున్నారు. ‘‘ముందు నీ జట్టును జాగ్రత్తగా ఇంటికి బయల్దేరమని చెప్పు. ఇంకో విషయం.. మా వాళ్ల గురించి నీకేం బెంగ అక్కర్లేదు. ముందుకు మీ ఇంగ్లండ్‌ క్రికెటర్లకు నీ అకాడమీలో అడ్మిషన్లు ఇవ్వు. ఎందుకంటే, పేరుకు ప్రపంచ చాంపియన్‌.. అయినా సిరీస్‌ను చేజార్చుకున్నారు. మూడు ఫార్మాట్లలో కనీసం ఒక్కటైనా గెలిచారు. పైగా మా జట్టు గురించి మాట్లాడుతున్నావా’’ అంటూ కామెంట్ల వర్షం కురిపిస్తున్నారు.  కాగా టీమిండియా- ఇంగ్లండ్‌ మూడో వన్డేలో గెలుపుపై కోహ్లి సేన ధీమాగా ఉన్న సమయంలో ఫీల్డర్లు పలు క్యాచ్‌లు జారవిడిచిన విషయం తెలిసిందే. ఇంగ్లండ్‌ బ్యాటింగ్‌ చేస్తున్న సమయంలో స్టోక్స్‌ ఇచ్చిన క్యాచ్‌ను హార్దిక్‌ పాండ్యా, సామ్‌ కరన్‌ ఇచ్చిన క్యాచ్‌ను నటరాజన్‌ డ్రాప్‌ చేశారు. అయితే, అదే సమయంలో.. ఓపెనర్‌ శిఖర్ ధావన్‌, కెప్టెన్‌ విరాట్‌ కోహ్లి పట్టిన అద్భుతమైన క్యాచ్‌లు మ్యాచ్‌ను మలుపుతిప్పాయి. స్టోక్స్‌ ఇచ్చిన క్యాచ్‌ను ధావన్‌(పదకొండో ఓవర్‌లో), ఆదిల్‌ రషీద్‌ ఇచ్చిన క్యాచ్‌ను కోహ్లి ఒడిసిపట్టిన విధానం ముచ్చటగొలిపింది. ఈ విషయాన్ని ప్రస్తావిస్తూ, ఆటలో కొన్ని తప్పిదాలు సహజమని, వాటిని భూతద్దంలో చూడటమే తప్ప, అద్భుతంగా రాణించిన విధానాన్ని ప్రశంసించలేవా అంటూ అభిమానులు వాన్‌పై నిప్పులు చెరుగుతున్నారు. చదవండి: ఆ క్యాచ్‌ హైలెట్‌.. ఒకవేళ అవి జారవిడవకుండా ఉంటే..! ధోని లేకపోవడంతో తీవ్రంగా దెబ్బతిన్నాడు: వాన్‌ I am afraid my fielding academy is open again this week for all the Indian Team !!! 😜😜😜 #INDvENG — Michael Vaughan (@MichaelVaughan) March 28, 2021

పుణే: టీమిండియా మాజీ ఆటగాడు ఎంఎస్‌ ధోని జట్టులో లేకపోవడంతోనే కుల్దీప్‌ యాదవ్‌ విఫలమవుతున్నాడంటూ ఇంగ్లండ్‌ మాజీ క్రికెటర్‌ మైకేల్‌ వాన్‌ అభిప్రాయపడ్డాడు. ''కుల్దీప్‌ రెండేళ్లుగా ఫేలవ ప్రదర్శన కొనసాగిస్తున్నాడు. ఒకప్పుడు ధోనీ వికెట్ల వెనుక నుంచి అతనికి సహకరిస్తున్నప్పుడు వ్యూహాత్మకంగా బౌలింగ్ చేసేవాడు. కానీ.. గత రెండేళ్ల నుంచి అతని బౌలింగ్‌లో ఏమాత్రం మార్పు కనిపించడం లేదు. అతను విసిరే స్లో గూగ్లీలు వర్క్‌వుట్ కావడం లేదు. అతని బౌలింగ్‌లో పస తగ్గిపోవడంతో ప్రత్యర్థి బ్యాట్స్‌మన్లు సులువుగా ఎదుర్కొంటున్నారు.ధోనీ లేకపోవడంతోనే కుల్దీప్‌ బౌలింగ్‌లో వైవిధ్యం దెబ్బతింది. దాంతో.. టచ్ కోల్పోయాడని'' మైకేల్ వాన్ చెప్పుకొచ్చాడు. కాగా అంతర్జాతీయ క్రికెట్‌లో ఒకప్పుడు అన్ని ఫార్మాట్లలోనూ రెగ్యులర్ ఆటగాడిగా కనిపించిన కుల్దీప్ యాదవ్.. ఇప్పుడు ఏ ఫార్మాట్‌లోనూ కనీసం స్థాయికి తగ్గ ప్రదర్శన ఇవ్వలేకపోతున్నాడు. ఇంగ్లండ్‌తో ముగిసిన మూడు వన్డేల సిరీస్‌లో మొదటి రెండు మ్యాచ్‌ల్లో ఆడిన కుల్దీప్ దారాళంగా పరుగులు ఇచ్చుకున్నాడు. ఏమాత్రం వేరియేషనల్ లేని అతని బౌలింగ్‌లో బెన్‌స్టోక్స్ హ్యాట్రిక్ సిక్సర్లు బాదేశాడు. రెండో వన్డేలో అతని కారణంగానే ఇంగ్లండ్ చేతిలో టీమిండియా ఓడిపోయిందనే విమర్శలు వెల్లువెత్తాయి. దాంతో.. మూడో వన్డేలో అతనిపై వేటు పడడంతో అతని స్థానంలో నటరాజన్‌ తుది జట్టులోకి వచ్చిన సంగతి తెలిసిందే. కాగా ఇంగ్లండ్‌తో జరిగిన మూడు వన్డేల సిరీస్‌ను టీమిండియా 2-1 తేడాతో గెలుచుకుంది. చదవండి:  వైరల్‌: ఆ వేలు ఎవరికి చూపించావు..శార్దూల్ IPL‌ 2021: ముంబై ఇండియన్స్‌ మళ్లీ మెరిసేనా

పుణె: ఇంగ్లండ్‌ ఆటగాళ్లు బెయిర్‌‌ స్ట్రో, బెన్‌స్టోక్స్‌ విధ్వంసకర ఇన్నింగ్స్‌ టీమిండియాకు చేదు ఫలితాన్ని మిగిల్చింది. మంచి స్కోరు సాధించి పర్యాటక జట్టుకు భారీ లక్ష్యం విధించామన్న సంతోషం లేకుండా చేసింది. రెండో వన్డేలో 337 పరుగుల టార్గెట్‌ కాపాడుకోలేక కోహ్లి సేన ఇంగ్లండ్‌ చేతిలో 6 వికెట్ల తేడాతో ఓడిపోయిన విషయం తెలిసిందే. భువనేశ్వర్(1వికెట్‌ )‌, ప్రసీద్‌ కృష్ణ(2 వికెట్లు) మినహా ఇతర బౌలర్లు ఎవరూ రాణించకపోడంతో, కోహ్లి, కేఎల్‌ రాహుల్‌, రిషభ్ పంత్‌ నెలకొల్పిన భాగస్వామ్యాలకు విలువ లేకుండా పోయింది. ముఖ్యంగా టీమిండియా స్పిన్నర్ల బౌలింగ్‌ను ఇంగ్లిష్ బ్యాట్స్‌మెన్‌ చీల్చిచెండాడారు. కృనాల్‌ పాండ్యా, కుల్దీప్‌ యాదవ్‌కు చుక్కలు చూపించారు. ఈ క్రమంలో 43.3 ఓవర్లలోనే లక్ష్యాన్ని పూర్తి చేసి సగర్వంగా సిరీస్‌ను 1-1తో సమం చేసింది పర్యాటక జట్టు. ఈ నేపథ్యంలో ఇంగ్లండ్‌ మాజీ కెప్టెన్‌ మైఖేల్‌ వాన్‌ మరోసారి తనదైన శైలిలో టీమిండియాపై విమర్శలు గుప్పించాడు. శుక్రవారం నాటి మ్యాచ్ ఫలితాన్ని విశ్లేషిస్తూ.. ‘‘భారత జట్టుకు ఇదొక గుణపాఠం కావాలి.. 40 ఓవర్లపాటు ఆచితూచి ఆడుతూ నెమ్మదిగా బ్యాటింగ్‌ చేయడం చూస్తుంటే.. రానున్న రెండేళ్లలో స్వదేశంలో జరుగనున్న ప్రపంచకప్‌లో భారీ మూల్యం చెల్లించాల్సిన పరిస్థితే వస్తుందేమో... ఫ్లాట్‌ వికెట్లపై 375+ స్కోరు నమోదు చేయగల సత్తా వారికి ఉంది.. కానీ వారు సద్వినియోగం చేసుకోలేకపోయారు.. అదే సమయంలో ఇంగ్లండ్‌ ఈ సూత్రాన్ని పాటిస్తూ ముందుకు సాగింది’’ అని ట్విటర్‌ వేదికగా పేర్కొన్నాడు. ఇక టీమిండియా బౌలింగ్‌ గురించి మాట్లాడుతూ.. ‘‘అసలు ఆ బౌలింగ్‌ విధానాలేంటి అలా ఉన్నాయి!!! ఈసారి అత్యుత్తమ బౌలర్లను ప్రయోగించాలి!!!!! వెరీ పూర్‌ కెప్టెన్సీ’’ అంటూ కెప్టెన్‌ కోహ్లి తీరును విమర్శించాడు.  Today should be a lesson to India ... Playing it safe for 40 overs with Bat might cost them in a World Cup at home in 2 yrs ... they have enough power & depth to get scores of 375 + on flat wickets ... England leading the way with this approach ... #INDvENG — Michael Vaughan (@MichaelVaughan) March 26, 2021 చదవండి: కోహ్లి ఏదో చెప్పబోయాడు.. అంపైర్‌ పట్టించుకుంటే కదా! రెండో వన్డేలో ఆరు వికెట్లతో ఇంగ్లండ్‌ ఘనవిజయం ఆ క్రెడిట్‌ ద్రవిడ్‌కే దక్కుతుంది: ఇంగ్లండ్‌ మాజీ కెప్టెన్‌

పుణె: టీమిండియా యువ ఆటగాడు ప్రసీద్‌ కృష్ణపై ఇంగ్లండ్‌ మాజీ కెప్టెన్‌ మైకేల్‌ వాన్‌ ప్రశంసలు కురిపించాడు. చేజారుతుందనుకున్న మ్యాచ్‌ను భారత్‌ వైపు తిప్పడంలో కీలక పాత్ర పోషించాడన్నాడు. తొలి మ్యాచ్‌ అయినా ఎలాంటి తడబాటు లేకుండా ప్రత్యర్థి జట్టు బ్యాట్స్‌మెన్‌పై పైచేయి సాధించాడని ప్రశంసించాడు. ఇక యువ ఆటగాళ్లను తీర్చిదిద్దడంలో టీమిండియా మాజీ ఆటగాడు రాహుల్‌ ద్రవిడ్‌ కృషి మరువలేనిదన్న మైకేల్‌.. బీసీసీఐ అనుసరిస్తున్న పద్ధతులు సత్ఫలితాలు ఇస్తున్నాయని కొనియాడాడు. ఈ మేరకు క్రిక్‌బజ్‌తో మాట్లాడిన మైకేల్‌ వాన్‌.. ‘‘ఆటగాళ్లను మెరికల్లా తీర్చిదిద్దడంలో తెర వెనుక యాజమాన్యం అవలంబిస్తున్న పద్ధతులు బాగున్నాయి. ప్రతిసారి మనం ఐపీఎల్‌ గురించి మాట్లాడతాం.  నిజానికి ఏ- జట్టును అభివృద్ధి చేయడంలో రాహుల్‌ ద్రవిడ్‌ పాత్ర అమోఘం. సరైన ఆలోచనావిధానంతో ముందుకు వెళ్లేలా ఆటగాళ్లను ప్రోత్సహిస్తున్నాడు. తద్వారా, ప్రెజర్‌ కుక్కర్‌లా భావించే అంతర్జాతీయ క్రికెట్‌లో వారు ఎలాంటి ఒత్తిడి లేకుండా రాణించగలుగుతున్నారు. ఇక కెప్టెన్‌ విరాట్‌ కోహ్లి, కోచ్‌ రవిశాస్త్రి సైతం డ్రెస్సింగ్‌రూంలో సానుకూల వాతావరణం నెలకొనేలా చర్యలు తీసుకుంటున్నారు’’ అని ప్రశంసలు కురిపించాడు. కాగా ఇంగ్లండ్‌తో జరిగిన మొదటి వన్డేలో అరంగేట్ర బౌలర్‌ ప్రసిద్ద్‌ కృష్ణ(4/54) అద్భుత ప్రదర్శనతో ఆకట్టుకున్న సంగతి తెలిసిందే. చదవండి: ‌అతడిని తుదిజట్టులోకి తీసుకోవాల్సింది: ఇంగ్లండ్‌ మాజీ కెప్టెన్ కోహ్లిపై ఇంగ్లండ్‌ మాజీ క్రికెటర్‌ ఘాటు వ్యాఖ్యలు

పుణె: తొలి వన్డేలో టీమిండియా తుదిజట్టు ఎంపిక పట్ల ఇంగ్లండ్‌ మాజీ కెప్టెన్‌ మైకేల్‌ వాన్‌ ఆశ్చర్యం వ్యక్తం చేశాడు. టీ20 సిరీస్‌లో సత్తా చాటిన బ్యాట్స్‌మెన్‌ సూర్యకుమార్‌ యాదవ్‌కు చోటు ఇవ్వాల్సిందని అభిప్రాయపడ్డాడు. కాగా పుణె వేదికగా టీమిండియా- ఇంగ్లండ్‌ మధ్య మూడు వన్డేల సిరీస్‌ మంగళవారం ప్రారంభమైన విషయం తెలిసిందే. ఈ క్రమంలో రిషభ్‌ పంత్‌ స్థానంలో కేఎల్‌ రాహుల్‌ జట్టులోకి రాగా, కృనాల్‌ పాండ్యా, ప్రసీద్‌ కృష్ణ వన్డేల్లో అరంగేట్రం చేశారు.  ఈ నేపథ్యంలో మైకేల్‌వాన్‌ క్రిక్‌బజ్‌తో మాట్లాడుతూ.. ‘‘భారత జట్టు శక్తివంతమైనదని ఒప్పుకొంటాను. అయితే నేటి మ్యాచ్‌లో ఆటగాళ్ల ఎంపిక పట్ల నాకు ఆశ్చర్యం వేసింది. రిషభ్‌ పంత్‌ విరామం లేకుండా సుదీర్ఘంగా మ్యాచ్‌లు ఆడుతూనే ఉన్నాడు. కాబట్టి తనకు కాస్త విశ్రాంతినివ్వాలని భావించి పక్కన పెట్టి ఉంటారు. అదే నిజమైతే తనకు ఇప్పటికిప్పుడు వచ్చిన నష్టమేదీ లేదు. అయితే, సూర్యకుమార్‌ను ఆడించాల్సి ఉండాల్సింది. అతడు టీ20 మ్యాచ్‌లలో అద్భుతమైన ప్రదర్శన కనబరిచాడు. తనను తాను నిరూపించుకున్నాడు. 50 ఓవర్ల క్రికెట్‌లోనూ తను రాణించగలడు. అలాంటి మంచి ఆటగాడిని పక్కన పెట్టడంతో ఆశ్చర్యానికి లోనయ్యాను’’ అని చెప్పుకొచ్చాడు. ఇక టీమిండియా యువ ఆటగాడు శుభ్‌మన్‌ గిల్‌ ఆటతీరు తనకు ఇష్టమన్న మైకేల్‌ వాన్‌..‘‘ప్రస్తుత బ్యాటింగ్‌ లైనప్‌ బాగుంది. యువ ఆటగాళ్లు దూసుకువస్తున్నారు కాబట్టి, శిఖర్‌ ధావన్‌కు ఇది కీలకమైన మ్యాచ్‌. శుభ్‌మన్‌ గిల్‌ ప్రతిభావంతుడు. తన ఆట తీరు అద్భుతం. ఓపెనింగ్‌తో పాటు మిడిలార్డర్‌లోనూ తనను ఆడించే అవకాశాలు పరిశీలించాలి’’ అని అభిప్రాయపడ్డారు. చదవండి: సాఫ్ట్‌ సిగ్నల్‌.. మరోసారి రాజుకున్న వివాదం! టీ20 వరల్డ్ కప్‌ విజేత ఆ జట్టే: ఇంగ్లండ్‌ మాజీ కెప్టెన్‌‌  

అహ్మదాబాద్: టీమిండియా- ఇంగ్లండ్‌ సిరీస్‌ మొదలైన నాటి నుంచి ఇంగ్లిష్‌ జట్టు మాజీ క్రికెటర్‌ మైకేల్‌ వాన్‌ ఏదో ఒక రకంగా వార్తల్లో నిలుస్తూనే ఉన్నాడు. టెస్టు సిరీస్‌ నేపథ్యంలో అహ్మదాబాద్‌ పిచ్‌పై విపరీతంగా ట్రోల్‌ చేసిన వాన్..‌ టీ20 సిరీస్‌ గురించి తనదైన శైలిలో విమర్శలు గుప్పిస్తూనే ఉన్నాడు. మొన్నటికి మొన్న తొలి టీ20లో తమ జట్టు గెలవగానే..  ‘‘భారత జాతీయ టీ20 జట్టు కంటే, ఐపీఎల్‌ టీం ముంబై ఇండియన్స్‌ జట్టు నయం అనిపిస్తోంది’’ అంటూ వ్యంగ్య బాణాలు విసిరాడు. అయితే రెండో మ్యాచ్‌లో టీమిండియా అంతకు అంతా బదులు తీర్చుకున్నప్పటికీ... ‘‘నేను ముందే చెప్పాను కదా.. టీమిండియా టీ20 జట్టు కంటే ముంబై ఇండియన్స్‌ బెటర్‌ అని. ఇషాన్‌ కిషన్‌(ముంబై ఇండియన్స్‌కు ఆడటాన్ని ఉద్దేశించి) అరంగేట్రంలోనే అదరగొట్టాడు’’ అని అక్కసు వెళ్లగక్కాడు.   ఇక తాజాగా సిరీస్‌లో నిర్ణయాత్మ‍క ఐదో టీ20 జరుగుతున్న వేళ మరోసారి తనదైన శైలిలో ట్వీట్‌ చేశాడు మైకేల్‌ వాన్‌. ఈ ఏడాది ద్వితీయార్థంలో జరుగనున్న టీ20 ప్రపంచకప్‌ ఫైనల్‌లో తలపడే జట్లు ఇవేనంటూ జోతిష్యం చెప్పాడు. ‘‘నేటి టీ20 ఫైనల్‌ మ్యాచే.. రానున్న 8 నెలల్లో ఇదే వేదికపై జరుగనున్న.. టీ20 వరల్డ్ కప్‌ ఫైనల్‌ వంటిది. ఇక ఈ మ్యాచ్‌లో ఇంగ్లండ్‌ గెలుస్తుంది’’ అని ఈ‌ మాజీ కెప్టెన్‌ వాన్‌ అత్యుత్సాహం ప్రదర్శించాడు. కాగా టీ20 ర్యాంకింగ్స్‌లో ఇంగ్లండ్‌ అగ్రస్థానంలో కొనసాగుతుండగా, టీమిండియా రెండో స్థానంలో ఉంది. ఇక ఐదో మ్యాచ్‌లో టీమిండియా నిర్ణీత 20 ఓవర్లలో 2 వికెట్లు కోల్పోయి 224 పరుగులు చేసింది. భారీ లక్ష్యంతో బరిలోకి దిగిన ఇంగ్లండ్‌ ఆదిలోనే జేసన్‌ రాయ్‌ వికెట్‌ కోల్పోయింది. I reckon today’s T20 final could be the T20 World Cup final in 8 months ... At the same venue ... England to win ... #INDvENG — Michael Vaughan (@MichaelVaughan) March 20, 2021 చదవండి: సూర్యకుమార్‌లో ఈ యాంగిల్‌ కూడా ఉందా వదినమ్మా?! 'వచ్చే టీ20 ప్రపంచకప్‌లో ఇంగ్లండ్‌కు భయపడాల్సిందే'

అహ్మదాబాద్‌: ఇంగ్లండ్‌ మాజీ ఆటగాడు మైకెల్‌ వాన్‌ టీమిండియా ప్రదర్శనపై మరోసారి ఆసక్తికర వ్యాఖ్యలు చేశాడు. ఐదు టీ20ల సిరీస్‌కు సంబంధించి టీమిండియా మూడో టీ20లో ఓడిపోవడానికి బ్యాటింగ్‌ ఆర్డరే ప్రధాన ‌కారణమని తెలిపాడు. 'టెస్టు సిరీస్‌లో అద్భుత ప్రదర్శనతో ఆకట్టుకున్న టీమిండియా టీ20 సిరీస్‌లో మాత్రం ఆకట్టుకోలేకపోయింది. మొదటి మ్యాచ్‌లో ఓటమి అనంతరం రెండో టీ20లో టీమిండియా అద్భుతంగా ఫుంజుకున్నట్లుగా అనిపించినా తర్వాతి మ్యాచ్‌కు వచ్చేసరికి పరిస్థితి మారిపోయింది. టీమిండియా బ్యాటింగ్‌ ఆర్డర్‌ సరిగా లేకపోవడయే వారి ఓటమికి కారణంగా చెప్పవచ్చు. రెండో టీ20లో ఓపెనింగ్‌ స్థానంలో  ఇషాన్‌ కిషన్‌ అద్భుతంగా ఆడాడు. మూడో టీ20కి రోహిత్‌ శర్మ తుది జట్టులోకి తిరిగి రావడంతో ఇషాన్‌ కిషన్‌  బ్యాటింగ్‌ ఆర్డర్‌లో మూడో స్థానంలో రాగా.. కెప్టెన్‌ కోహ్లి నాలుగో స్థానంలో వచ్చాడు. రోహిత్‌ శర్మను ఓపెనింగ్‌లో వచ్చినా.. అతనికి జతగా ఇషాన్‌ పంపించి.. రాహుల్‌ మిడిల్‌ ఆర్డర్‌లో వచ్చి ఉంటే పరిస్థితి వేరుగా ఉండేది. ఆల్‌రౌండర్‌ జడేజా గాయంతో సిరీస్‌కు దూరమవడం.. పెళ్లి కారణంతో బుమ్రా దూరం కావడంతో టీమిండియా బౌలింగ్‌లో లోటు స్పష్టంగా కనిపించింది. అని చెప్పుకొచ్చాడు. కాగా నేడు జరగనున్న నాలుగో టీ20 టీమిండియాకు కీలకంగా మారింది.5 టీ20ల సీరిస్‌లో ఇప్పటికే ఇంగ్లండ్ 2-1తో ఆధిక్యంలో ఉండగా.. టీమిండియా ఈ మ్యాచ్‌లో గెలిస్తేనే సిరీస్‌లో నిలుస్తుంది. చదవండి: వరుసగా రెండో మ్యాచ్‌లోనూ యువీ సిక్సర్‌ షో సూపర్‌ ఓవర్‌ అనుకున్నారు.. కానీ థ్రిల్లింగ్‌ విక్టరీ‌

న్యూఢిల్లీ: టీమిండియా- ఇంగ్లండ్‌ తొలి టీ20 ఫలితంపై వ్యంగ్యంగా స్పందించిన ఇంగ్లిష్‌ జట్టు మాజీ క్రికెటర్‌ మైఖేల్‌ వాన్‌కు భారత మాజీ ఆటగాడు వసీం జాఫర్‌ అదిరిపోయే కౌంటర్‌ ఇచ్చాడు. అన్ని క్రికెట్‌ జట్లలోనూ నలుగురు విదేశీ ఆటగాళ్లు ఉండరు కదా అంటూ చమత్కరించాడు. కాగా అహ్మదాబాద్‌లోని నరేంద్ర మోదీ స్టేడియంలో జరిగిన మొదటి టీ20లో ఇంగ్లండ్‌ గెలుపొందిన విషయం తెలిసిందే. ఆతిథ్య జట్టుపై 8 వికెట్ల తేడాతో విజయం సాధించి 5 మ్యాచ్‌ల టీ20 సిరీస్‌ను ఘనంగా ఆరంభించింది. ఈ నేపథ్యంలో మైకేల్‌ వాన్‌ ట్విటర్‌ వేదికగా స్పందిస్తూ.. ‘‘భారత జాతీయ టీ20 జట్టు కంటే, ఐపీఎల్‌ టీం ముంబై ఇండియన్స్‌ జట్టు నయం అనిపిస్తోంది’’ అంటూ సెటైర్లు వేశాడు. ఇక ఇందుకు బదులుగా.. ‘‘నలుగురు విదేశీ ఆటగాళ్లతో ఆడించే అదృష్టం అన్ని జట్లకు ఉండదు కదా మైఖేల్‌’’ అంటూ వసీం చమత్కరించాడు. ఈ క్రమంలో.. విదేశాల్లో జన్మించి ఇంగ్లండ్‌కు ప్రాతినిథ్యం వహిస్తున్న క్రికెటర్ల ప్రతిభను, ఇంగ్లండ్‌ జట్టు విజయంలో వారి పాత్రను ఉద్దేశించి వసీం ఈ మేరకు ట్వీట్‌ చేశాడంటూ కొంతమంది నెటిజన్లు భావిస్తున్నారు. మరికొందరు మాత్రం.. ఐపీఎల్‌ నిబంధన ప్రకారం ఓ తుదిజట్టులో నలుగురు విదేశీ ఆటగాళ్లు మాత్రమే వీలుంటుందన్న విషయాన్ని ప్రస్తావిస్తూ వసీం ఇలా సెటైరికల్‌ కామెంట్‌ చేశాడని పేర్కొంటున్నారు. కాగా టీమిండియా- ఇంగ్లండ్‌ టెస్టు సిరీస్‌ ఆరంభమైన నాటి నుంచి ఏదో ఒక విధంగా మైకేల్‌ వాన్‌ వార్తల్లో నిలుస్తున్న సంగతి తెలిసిందే. ముఖ్యంగా మూడో టెస్టులో భారత్‌ విజయం సాధించడం పట్ల మొటేరా పిచ్‌పై తీవ్ర స్థాయిలో విమర్శల కురిపించి టీమిండియా ఫ్యాన్స్‌ ఆగ్రహానికి గురయ్యాడు. ఇక ఇప్పుడు అదే మైదానంలో తమ జట్టు విజయం సాధించడంతో అతడు ఈ మేరకు ఆతిథ్య జట్టును ఎద్దేవా చేయడం గమనార్హం. ఇక ఇంగ్లండ్‌ టీ20 ర్యాంకింగ్స్‌లో అగ్రస్థానంలో ఉన్న సంగతి తెలిసిందే. చదవండి: తొలి టి20లో భారత్‌ ఓటమి త్రో వేయడంలో కన్ఫ్యూజన్‌‌.. అసలు మజా అక్కడే Not all teams are lucky enough to play four overseas players Michael😏 #INDvENG https://t.co/sTmGJLrNFt — Wasim Jaffer (@WasimJaffer14) March 12, 2021

లండన్‌: ఇంగ్లండ్‌ మాజీ ఆటగాడు మైకెల్‌ వాన్‌ తాజాగా షేర్‌ చేసిన వీడియో సోషల్‌ మీడియాలో నవ్వులు పూయిస్తుంది. బంతిని త్రో వేయడంలో ఫీల్డర్లు కన్ఫ్యూజ్‌‌ కాగా  బ్యాట్స్‌మెన్‌ మాత్రం రనౌట్‌ల నుంచి తప్పించుకుంటూ రన్స్‌ పూర్తి చేశారు. ఈ ఫన్నీ ఘటన యూరోపియన్‌ క్రికెట్‌ సిరీస్‌లో చోటుచేసుకుంది. వర్మ్‌డో సీసీ, స్టాక్‌హోమ్‌ సూపర్‌ కింగ్స్‌ మధ్య గురువారం లీగ్‌ మ్యాచ్‌​ జరిగింది. ఈ మ్యాచ్‌లో స్టాక్‌హోమ్‌ సూపర్‌ కింగ్స్‌ ఇన్నింగ్స్‌ సమయంలో వర్మ్‌డో బౌలర్‌ వేసిన బంతిని బ్యాట్స్‌మన్‌ థర్డ్‌మన్‌ దిశగా ఫ్లిక్‌ చేశాడు. అయితే పరుగున వెళ్లిన కీపర్‌ క్యాచ్‌ను అందుకున్నట్లే అందుకొని జారవిడిచాడు. అప్పటికే ఒక పరుగు పూర్తి చేసి రెండో పరుగు కోసం ప్రత్యర్థి బ్యాట్స్‌మెన్‌ ప్రయత్నించగా.. కీపర్‌ త్రో సరిగా వేయలేదు. అది ఓవర్‌ త్రో అవడం.. ఆ తర్వాత మరో ఫీల్డర్‌ త్రో సరిగ్గా వేసినా మరొక ఫీల్డర్‌ దానిని అడ్డుకొని రనౌట్‌ చేసే అవకాశాన్ని జారవిడిచాడు. అయితే అనతు వేసిన బంతి ఈసారి కూడా వికెట్లను తాకకుండా పక్కనుంచి వెళ్లిపోయింది. ఇదంతా జరుగుతున్న సమయంలోనే ప్రత్యర్థి బ్యాట్స్‌మెన్‌ మాత్రం రెండు సార్లు ఔట్‌ అయ్యే ప్రమాదం నుంచి తప్పించుకొని 4 పరుగులు పూర్తి చేశారు. నాన్‌స్ట్రైకింగ్‌ ఎండ్‌లో ఒక ఆటగాడు బ్యాట్స్‌మెన్‌ను అవుట్‌ చేయడానికి నిలబడి ఉన్నా అతనికి ఒక్కసారి కూడా బంతి కరెక్ట్‌గా ఇవ్వకపోవడం విశేషం. దీనికి సంబంధించిన వీడియోనూ ఇంగ్లండ్‌ మాజీ క్రికెటర్‌ మైకెల్‌ వాన్‌ తన ట్విటర్‌లో షేర్‌ చేశాడు. ''ఎందుకో ఇది నాకు సరైన క్రికెట్‌లా అనిపిస్తుంది‌.. ఇలా ఆడితే వికెట్లు ఏం పడుతాయి ఎందుకు పడుతాయి'' అంటూ ఫన్నీ కామెంట్‌ చేశాడు. వాన్‌ షేర్‌ చేసిన వీడియోకు నెటిజన్ల నుంచి అద్భుత స్పందన వచ్చింది.  కాగా ఇటీవలే భారత్‌, ఇంగ్లండ్‌ టెస్టు సిరీస్‌ సమయంలో తన చర్యలతో వాన్‌ విమర్శల పాలైన సంగతి తెలిసిందే. ముఖ్యంగా అహ్మదాబాద్‌ వేదికగా జరిగిన పింక్‌ బాల్‌ టెస్టులో ఇంగ్లండ్‌ ఘోర పరాజయం పాలైన తర్వాత పిచ్‌పై విమర్శలు కురిపిస్తూ నాలుగో టెస్టు మొదలయ్యే వరకు పిచ్‌కు సంబంధించి రోజుకో ఫోటో షేర్‌ చేస్తూ నవ్వులపాలయ్యాడు. భారత్‌ 3-1 తేడాతో​ సిరీస్‌ గెలిచిన తర్వాత కూడా వాన్‌ తన పంతాన్ని పక్కన బెట్టకుండా.. ఇండియా ఇంగ్లండ్‌ గడ్డపై సిరీస్‌ గెలిస్తే తాను బెట్‌లు వేయడం మానుకుంటానని మరోసారి విమర్శలు చేశాడు. కాగా భారత్‌, ఇంగ్లండ్‌ల మధ్య 5 టీ20ల సిరీస్‌లో భాగంగా తొలి టీ20 మ్యాచ్‌ ఈరోజు రాత్రి 7 గంటకు అహ్మదాబాద్‌ వేదికగా మొదలుకానుంది. చదవండి:  వైరల్‌: ధోని సిక్సర్ల వర్షం.. ఒక ఆటగాడు అలా ఔటవ్వడం ఇది ఏడోసారి Now this is proper cricket !!! pic.twitter.com/bhJ6rDLVAd — Michael Vaughan (@MichaelVaughan) March 10, 2021

అహ్మదాబాద్‌: నరేంద్ర మోదీ స్టేడియం వేదికగా జరిగిన పింక్‌ బాల్‌ టెస్టులో ఇంగ్లండ్‌ ఘోర పరాజయం తర్వాత ఆ జట్టు మాజీ ఆటగాడు మైకెల్‌ వాన్‌ తీవ్ర విమర్శలు చేశాడు. ఆ మ్యాచ్‌లో టీమిండియా విజయం సాధించలేదని.. అసలు అది టెస్టు మ్యాచ్‌ కాదంటూ వ్యంగ్యాస్త్రాలు సంధించాడు. అంతటితో ఊరుకోక మొటేరా పిచ్‌ను విమర్శిస్తూ వరుస ఫోటోలు షేర్‌ చేశాడు. పిచ్‌ ప్రిపరేషన్‌.. పిచ్‌పై నా బ్యాటింగ్‌ ఎలా కొనసాగుతుందో చూడండి.. అంటూ తన ఇన్‌స్టాగ్రామ్‌లో ఫోటోలు షేర్‌ చేస్తూ విమర్శలు గుప్పించాడు. నాలుగో టెస్టు ముందు వరకు విమర్శలు కొనసాగించిన వాన్‌.. టీమిండియా మ్యాచ్‌ గెలవగానే మాట మార్చేశాడు. బీబీసీ 5 చానెల్‌కు ఇచ్చిన ఇంటర్వ్యూలో వాన్‌ టీమిండియా సిరీస్‌ విజయంపై స్పందించాడు. ''టీమిండియాను చూస్తే గర్వంగా ఉంది.. ముందుగా ఆసీస్‌ గడ్డపై 2-1 తేడాతో సిరీస్‌ గెలిచారు. సిరీస్‌ విజయంతో సొంతగడ్డపై అడుగుపెట్టిన టీమిండియా ఇంగ్లండ్‌తో టెస్టు సిరీస్‌లో మరింత విజృంభించింది. మొదటి టెస్టు మ్యాచ​ ఓడిపోయినా.. వరుసగా మూడు టెస్టు మ్యాచ్‌లు గెలిచి 3-1 తేడాతో సిరీస్‌ను ఎగురేసుకుపోయింది. ఒక టెస్టు జట్టుకు కావాల్సిన అన్ని అర్హతలు ఇప్పుడు టీమిండియాకు ఉన్నాయి. జూన్‌లో లార్డ్స్‌ వేదికగా జరగనున్న ప్రపంచ టెస్టు చాంపియన్‌షిప్‌లో భారత్‌ కచ్చితంగా విజయం సాధిస్తుందని నా నమ్మకం. రానున్న టీ20 వరల్డ్‌ కప్‌ కూడా ఇండియాలోనే జరగనుంది.. ఇది భారత జట్టుకు అడ్వాటేంజ్‌గా మారింది. అయితే మరో ఐదు నెలల తర్వాత ఇంగ్లండ్‌ గడ్డపై 5 టెస్టుల సిరీస్‌ ఆడేందుకు టీమిండియా రానుంది. ప్రస్తుత ఫామ్‌ దృష్యా వారిని ఓడించడం కష్టమే.. ఒకవేళ టీమిండియా ఇంగ్లండ్‌ గడ్డపై సిరీస్‌ గెలిస్తే మాత‍్రం ఇకపై వారిపై ఎలాంటి బెట్‌ వేయను. బ్యాట్స్‌మెన్లు, బౌలర్లు, ఆల్‌రౌండర్లు, స్పిన్నర్లు అంతా కలిసి భారత్‌ ఒక అద్భుత జట్టుగా కనిపిస్తుంది. ''అంటూ చెప్పుకొచ్చాడు.  కాగా ఇంగ్లండ్‌తో జరిగిన నాలుగో టెస్టును టీమిండియా మూడు రోజుల్లోనే ముగించి సిరీస్‌ను 3-1 తేడాతో కైవసం చేసుకుంది. ఈ సిరీస్‌ విజయంతో భారత్‌ స్వదేశంలో వరుసగా 13వ సిరీస్‌ను గెలుచుకోవడంతో పాటు.. జూన్‌లో లార్డ్స్‌ వేదికగా జరగనున్న ప్రపంచ టెస్టు చాంపియన్‌షిప్‌ ఫైనల్లో న్యూజిలాండ్‌తో తలపడనుంది. చదవండి:  వాన్‌.. ఇక నువ్వు మారవా! 'మొటేరా పిచ్‌పై నా ప్రిపరేషన్‌ సూపర్‌' మొటేరా పిచ్‌ ఎలా తయారవుతుందో చూడండి! India have been far too good ... the last 3 Tests they have absolutely hammered England ... If they can win in England they are without doubt the best Test team of this era ... but that will take some doing against the swinging ball ... #INDvENG — Michael Vaughan (@MichaelVaughan) March 6, 2021 🗣️"India for me are pound for pound the best team in the world!" @MichaelVaughan Do you agree with @MichaelVaughan's statement?💭 🎧📲 Listen live on @BBCSounds 👇https://t.co/5Du5Yilmm1#bbccricket pic.twitter.com/0Tv9QL1xUb — BBC 5 Live Sport (@5liveSport) March 6, 2021

లండన్‌: ఇంగ్లండ్‌ మాజీ ఆటగాడు మైకెల్‌ వాన్‌ మరోసారి అహ్మదాబాద్‌ పిచ్‌ను తనదైన శైలిలో ట్రోల్‌ చేశాడు. మంగళవారం మొటేరా పిచ్‌ను దున్నిన పొలంతో పోలుస్తూ బ్యాటింగ్‌ చేస్తున్నట్లుగా స్టిల్‌ ఇచ్చిన సంగతి తెలిసిందే. తాజాగా వాన్‌ మరో వీడియోతో ముందుకు వచ్చాడు. ఈసారి మొటేరా పిచ్‌ రిపోర్ట్‌ను అందిస్తున్నట్లుగా వీడియోలో ఉంది. ''పిచ్‌ కండీషన్‌ సూపర్‌గా ఉంది..  టాస్‌ ఎవరు గెలిస్తే మ్యాచ్‌ వారి సొంతం.'' అంటూ క్యాప్షన్‌ జత చేశాడు. దీనిపై ఇంగ్లండ్‌ బ్యాట్స్‌మన్‌ ఆడమ్‌ లిత్‌, మాజీ ఫుట్‌బాలర్‌ జేమి రెడ్క్‌నాప్‌లు వాన్‌ పెట్టిన పోస్టుపై లాఫింగ్‌ ఎమోజీ జత చేశారు. అయితే వాన్‌ను మాత్రం నెటిజన్లు ఒక రేంజ్‌లో ఆడుకున్నారు. వాన్‌ ఇక నువ్వు మారవా.. ఇంగ్లండ్‌, టీమిండియాలు మూడో టెస్టును మరిచిపోయి నాలుగో టెస్టుకు సిద్ధమవుతున్నాయి.. నువ్వు మాత్రం పిచ్‌ను పట్టుకునే వేలాడుతున్నావు.. వాన్‌ ఫ్రస్టేషన్‌లో ఉన్నాడు.. అందుకే ఇలా పిచ్చిగా ప్రవర్తిస్తున్నాడు... వాన్‌ చేసే పనులు నవ్వు తెప్పిస్తున్నా.. ప్రతీసారి అదే అంటే చిరాకు వేస్తుంది. అంటూ కామెంట్లు పెట్టారు. ఇక ఇరు జట్ల మధ్య నాలుగో టెస్టు రేపటినుంచి(గురువారం, మార్చి 4న) జరగనుంది.  చదవండి: 'మొటేరా పిచ్‌పై నా ప్రిపరేషన్‌ సూపర్‌' మొటేరా పిచ్‌ ఎలా తయారవుతుందో చూడండి! View this post on Instagram A post shared by Michael vaughan (@michaelvaughan)

అహ్మదాబాద్‌: మొటేరా వేదికగా జరిగిన పింక్‌ బాల్‌ టెస్టు రెండు రోజుల్లో ముగియడంపై ఇంగ్లండ్‌ మాజీ క్రికెటర్‌ మైకెల్‌ వాన్‌ మొదటి నుంచి పెదవి విరుస్తున్న సంగతి తెలిసిందే. టీమిండియా మ్యాచ్‌ను పది వికెట్ల తేడాతో గెలిచిన తర్వాత మొదలైన వాన్‌ విమర్శలు ఇంకా కొనసాగుతూనే ఉండడం విశేషం. ''అసలు టీమిండియా, ఇంగ్లండ్‌ల మధ్య జరిగింది అసలు టెస్టు మ్యాచ్‌ కాదని.. టెస్టు మ్యాచ్‌ నిర్వహణకు పిచ్‌ ఏ మాత్రం సరిపోదని.. ఈ మ్యాచ్‌లో ఏ జట్టు విజయం సాధించలేదంటూ'' వ్యంగ్యాస్త్రాలు సందించాడు. అంతేగాక నాలుగో టెస్టు కూడా అహ్మదాబాద్‌ వేదికగానే జరుగుతుండడంతో పిచ్‌ ఎలా సిద్ధం చేస్తున్నారో చూడండి అంటూ గత ఆదివారం రైతు పొలం దున్నుతున్న ఫోటోను షేర్‌ చేశాడు. తాజాగా మరో అడుగు ముందుకేసిన వాన్‌ .. ఆ పిచ్‌పై తన ప్రిపరేషన్‌ ఎలా ఉందో చూడండి అంటూ మరో ఫోటోను తన ఇన్‌స్టాగ్రామ్‌లో షేర్‌ చేశాడు. ఆ ఫోటోలో వాన్‌ దున్నిన పొలంలో బ్యాటింగ్‌ చేస్తున్నట్లుగా ఫోజిచ్చాడు. ''నాలుగో టెస్టుకు నా ప్రిపరేషన్‌ సూపర్‌గా జరుగుతుంది'' అంటూ క్యాప్షన్‌ జత చేశాడు. వాన్‌ షేర్‌ చేసిన ఫోటో సోషల్‌ మీడియాలో వైరల్‌గా మారింది. ఈ ఫోటోపై నెటిజన్లు తమదైన శైలిలో స్పందించారు. ''సిరీస్‌ను టీమిండియా 3-1తో ఎగురేసుకుపోవడం ఖాయం.. నాలుగో టెస్టు.. పింక్‌ బాల్‌ టెస్టు కన్నా దారుణంగా ఉండబోతుంది.. మీ పోస్టులు నవ్వు తెప్పిస్తున్నా.. పిచ్‌ కండీషన్‌ మాత్రం భయకరంగా ఉంది'' అంటూ కామెంట్లు చేశారు. అహ్మదాబాద్‌ పిచ్‌పై వాన్‌తో పాటు యువరాజ్‌ సింగ్‌, కెవిన్‌ పీటర్సన్‌, మార్క్‌ వా లాంటి మాజీ క్రికెటర్లు సైతం విమర్శలు చేశారు. కాగా  మూడో టెస్టులో టీమిండియా 10 వికెట్ల తేడాతో విజయం సాధించిన సంగతి తెలిసిందే. ఇరు జట్ల మధ్య నాలుగో టెస్టు గురువారం(మార్చి 4) నుంచి జరగనుంది. చదవండి: మొటేరా పిచ్‌ ఎలా తయారవుతుందో చూడండి! ఇది 5 రోజుల టెస్టు పిచ్‌ కాదు: మాజీ క్రికెటర్‌ View this post on Instagram A post shared by Michael vaughan (@michaelvaughan)

లండన్‌: ఇంగ్లండ్‌తో జరిగిన పింక్‌ బాల్‌ టెస్టులో టీమిండియా విజయం సాధించినప్పటి నుంచి ఇంగ్లండ్‌ మాజీ ఆటగాడు మైకెల్‌ వాన్‌ ఏదో ఒక విమర్శ చేస్తూనే వచ్చాడు. అసలు ఇది టెస్టు మ్యాచ్‌ నిర్వహించాల్సిన పిచ్‌ కాదని..  మూడో టెస్టులో ఎవరు విజయం సాధించలేదని.. టీమిండియా ఏం చేసినా ఐసీసీ అభ్యంతరం చెప్పకుండా అనుమతిస్తుందంటూ ఇంగ్లీష్‌ మీడియాలో ఘాటైన వ్యాఖ్యలు చేశాడు. తాజాగా వాన్‌ మొటేరా పిచ్‌ నుంచి ఉద్దేశించి మరోసారి ట్రోల్‌ చేశాడు. నాలుగో టెస్టుకు సంబంధించి మొటేరా పిచ్‌ను క్యురేటర్‌ ఏ విధంగా రూపొందిస్తున్నాడో చూడండంటూ తన ఇన్‌స్టాగ్రామ్‌లో ఒక ఫోటోను షేర్‌ చేశాడు. ఆ ఫోటోలో ఒక రైతు తన ఎద్దులతో పొలం దున్నుతున్నట్లుగా ఉంది. వాన్‌ దీనిని మొటేరా పిచ్‌తో పోలుస్తూ.. 'మొటేరా పిచ్‌ను క్యురేటర్‌ కూడా ఇలానే సిద్ధం చేస్తున్నాడు. ఈసారి మాత్రం 5 రోజులు మ్యాచ్‌ జరిగేలా ప్రయత్నిస్తున్నట్లున్నాడు. ఈ ఐదు రోజులు కూడా పిచ్‌ స్పిన్‌కు అనుకూలించేలా రూపోందిస్తున్న అతన్ని మెచ్చుకోలేకుండా ఉండలేకపోతున్నా'అంటూ కామెంట్‌ చేశాడు. వాన్‌ షేర్‌ చేసిన ఫోటో సోషల్‌ మీడియాలో వైరల్‌గా మారింది. రెండు రోజుల్లోనే ముగిసిన మూడో టెస్టులో టీమిండియా 10 వికెట్ల తేడాతో విజయం సాధించిన సంగతి తెలిసిందే.  ఈ విజయంతో నాలుగు టెస్టు మ్యాచ్‌ల సిరీస్‌లో భాగంగా టీమిండియా ఇప్పటికే 2-1తో సిరీస్‌లో ముందంజలో ఉన్న సంగతి తెలిసిందే. మూడో టెస్టు విజయంతో ఐసీసీ వరల్డ్‌ టెస్టు చాంపియన్‌షిప్‌ పాయింట్ల పట్టికలో అగ్రస్థానంలో నిలిచింది. ఇక ఆఖరి టెస్టులో విజయం సాధించినా లేదంటే డ్రా చేసుకున్నా భారత్‌ ఫైనల్‌లో అడుగుపెట్టేందుకు మార్గం సుగమమవుతుంది. ఇరు జట్ల మధ్య నాలుగో టెస్టు మార్చి 4వ తేదీ నుంచి మొదలుకానుంది. చదవండి: ఇది 5 రోజుల టెస్టు పిచ్‌ కాదు: మాజీ క్రికెటర్‌ ఇలాంటి ప్లేస్‌‌లో 5 రోజులు ఉంటానా! View this post on Instagram A post shared by Michael vaughan (@michaelvaughan)

అహ్మదాబాద్‌: ఇంగ్లండ్‌తో జరుగుతున్న మూడో టెస్టులో 145 పరుగులకు టీమిండియా తొలి ఇన్నింగ్స్‌ ముగించింది. తద్వారా పర్యాటక జట్టు కంటే 33 పరుగుల ఆధిక్యంలో నిలిచింది. 99/3 ఓవర్‌నైట్‌ స్కోరుతో రెండో రోజును ఆటను ఆరంభించిన కోహ్లి సేన.. ఇంగ్లండ్‌ కెప్టెన్‌ జో రూట్‌ దెబ్బకు విలవిల్లాడింది. పార్ట్‌ టైం ఆఫ్‌ స్పిన్నర్‌ అయిన రూట్‌, తమ జట్టు ప్రధాన స్పిన్నర్‌ జాక్‌ లీచ్‌తో సమానంగా ఐదు వికెట్లు తీసి ఔరా అనిపించాడు. పేసర్లకు అనుకూలం అనుకున్న పింక్‌ బాల్‌ టెస్టు పిచ్‌పై తొలి రోజు టీమిండియా స్పిన్నర్లు అక్షర్‌ పటేల్‌, అశ్విన్‌ సత్తా చాటగా, రెండో రోజు రూట్‌ స్పిన్‌ మాయాజాలంతో భారత్‌ను దెబ్బకొట్టాడు.  ఇదిలా ఉంటే.. తొలుత 112 పరుగులకు ఆలౌట్‌ అయిన ఇంగ్లండ్‌, గురువారం నాటి రెండో ఇన్నింగ్స్‌లో పరుగుల ఖాతా తెరకుండానే రెండు వికెట్లు కోల్పోయింది. ఓపెనర్‌ జాక్‌ క్రాలే, బెయిర్‌స్టోను అక్షర్‌ పటేల్‌ పెవలియన్‌కు పంపాడు. ఆ తర్వాత మరో ఓపెపర్‌ సిబ్లీ కూడా అక్షర్‌కే వికెట్‌ సమర్పించుకుని వెనుదిరిగాడు దీంతో మరోసారి స్పిన్నర్లు మ్యాజిక్‌ చేయడం ఖాయంగా కనిపిస్తోంది. ఇక ఈ పిచ్‌పై ఇప్పటి వరకు మొత్తంగా 23 వికెట్లు పడ్డాయి. వీటిలో రెండు మినహా(ఇషాంత్‌ శర్మ,  ఇంగ్లండ్‌ ఫాస్ట్‌బౌలర్‌ జోఫ్రా ఆర్చర్‌ చెరో వికెట్‌) మిగతావన్నీ స్పిన్నర్లు తీసినవే. ఈ నేపథ్యంలో ఇంగ్లండ్‌ మాజీ క్రికెటర్‌ మైకేల్‌ వాన్‌ మొతేరా పిచ్‌ గురించి తనదైన శైలిలో స్పందించాడు. ‘‘నిజాయితీగా చెప్పాలంటే ఇది 5 రోజుల టెస్టు పిచ్‌ కాదు’’ అంటూ సెటైర్లు వేశాడు. కాగా చెన్నై వేదికగా జరిగిన రెండో టెస్టు మ్యాచ్‌ సందర్భంగా కూడా మైకేల్‌ వాన్‌, చెపాక్‌ పిచ్‌పై కూడా ఇదే తరహా వ్యాఖ్యలు చేశాడు. ‘‘ఈ పిచ్‌ షాక్‌కు గురిచేసింది. టీమిండియా చాలా మెరుగ్గా ఆడింది. కానీ ఇది 5 రోజుల టెస్టు మ్యాచ్‌ కోసం తయారుచేసిన పిచ్‌ మాత్రం కాదు’’ అని కామెంట్‌ చేసి విమర్శల పాలయ్యాడు. కాగా రెండో టెస్టులో భారత జట్టు ఇంగ్లండ్‌పై 317 పరుగుల భారీ తేడాతో గెలుపొందిన సంగతి తెలిసిందే. చదవండి: అమ్మో రూట్‌.. ప్రధాన స్పిన్నర్‌ను మించిపోయాడు  డబుల్‌ సెంచరీ... పృథ్వీ షా సరికొత్త రికార్డు Let’s be honest this is not a 5 day Test pitch !! #INDvENG — Michael Vaughan (@MichaelVaughan) February 25, 2021

చెన్నై: ఇంగ్లండ్‌ టెస్టు జట్టు కెప్టెన్‌ జో రూట్‌ అరుదైన ఘనత సాధించాడు. ఇంగ్లండ్‌ తరపున అత్యధిక టెస్టు విజయాలు సాధించిన కెప్టెన్‌గా రూట్..‌ ఆ జట్టు మాజీ కెప్టెన్‌ మైకెల్‌ వాన్‌తో సంయుక్తంగా అగ్రస్థానంలో నిలిచాడు. వాన్‌ కెప్టెన్సీలో ఇంగ్లండ్‌ 51 టెస్టులు ఆడి 26 గెలిచి, 11 ఓడి, 14 డ్రా చేసుకుంది. రూట్‌ కెప్టెన్సీలో ఇంగ్లండ్‌ 47 మ్యాచ్‌ల్లోనే 26 మ్యాచ్‌లు గెలిచి, 15 ఓడి, 6 డ్రా చేసుకుంది. దీంతో ఇంకా ఒక్క టెస్టు మ్యాచ్‌ గెలిచినా..ఇంగ్లండ్‌ తరపున అత్యధిక విజయాలు అందుకున్న కెప్టెన్‌గా రూట్‌ రికార్డులకెక్కనున్నాడు.వాన్‌, రూట్‌ల తర్వాత ఆండ్రూ స్ట్రాస్‌(24 విజయాలు), అలిస్టర్‌ కుక్‌( 24 విజయాలు), పీటర్‌ మే(20 విజయాలు)తో తర్వాతి స్థానాల్లో ఉన్నారు. దీంతోపాటు ఆసియా గడ్డపై అత్యధిక విజయాలు సాధించిన జాబితాలో రూట్‌ మూడో స్థానంలో.. ఇంగ్లండ్‌ తరపున మొదటి స్థానంలో నిలిచాడు. రూట్‌ సారధ్యంలో ఆరు మ్యాచ్‌లాడిన ఇంగ్లండ్‌ ఆరింటింలోనూ విజయం సాధించడం విశేషం. ఈ జాబితాలో దక్షిణాఫ్రికా కెప్టెన్‌ గ్రేమి స్మిత్‌ 8 విజయాలు(21 టెస్టులు), క్లైవ్‌ లాయిడ్‌( 7 విజయాలు, 17 టెస్టులు) తొలి రెండు స్థానాల్లో ఉన్నారు. కెప్టెన్‌గానూ అదరగొట్టిన రూట్‌ ఇండియాతో జరిగిన తొలి టెస్టులోనూ బ్యాటింగ్‌లో అద్భుత ప్రదర్శన నమోదు చేశాడు. ఇంగ్లండ్‌ తొలి ఇన్నింగ్స్‌లో 578 పరుగులు చేయడంలో రూట్‌ డబుల్‌ సెంచరీ(218 పరుగులు)కీలకపాత్ర పోషించింది. ఇక మ్యాచ్‌ విషయానికి వస్తే.. ఇంగ్లండ్‌ విధించిన 420 పరుగుల లక్ష్యాన్ని టీమిండియా అందుకోలేక 192 పరుగులకే కుప్పకూలింది. దీంతో 227 పరుగుల తేడాతో ఇంగ్లండ్‌ జట్టు ఘన విజయాన్ని అందుకుంది. ఈ విజయంతో ఇంగ్లండ్‌ ప్రపంచ టెస్టు చాంపియన్‌షిప్‌ పాయింట్ల పట్టికలో అగ్రస్థానానికి చేరుకుంది. చదవండి: ఒక్క విజయంతో టాప్‌కు దూసుకెళ్లింది అంపైర్లూ.. మీరు ఏం చూస్తున్నారు!

లండన్‌: జూనియర్‌ క్రికెట్‌ స్థాయిలో బౌన్సర్లు నిషేధించాల్సి వస్తే సీనియర్‌ స్థాయి క్రికెట్‌లోనూ దానిని వర్తింపజేయాలని ఇంగ్లండ్‌ మాజీ క్రికెటర్‌ మైకేల్‌ వాన్‌ అభిప్రాయపడ్డాడు. ఒకవేళ షార్ట్‌పిచ్‌ బంతులను బ్యాన్‌ చేయాలనుకుంటే ముందు సీనియర్‌ స్థాయి క్రికెట్‌లో బ్యాన్‌ చేయాలని తెలిపాడు. కాగా కంకషన్‌ స్పెషలిస్ట్‌గా ఉన్న మైఖెల్‌ టర్నర్‌ అనే వ్యక్తి 18 ఏళ్ల వయసులోపు ఉన్న వారికి షార్ట్‌ పిచ్‌ బంతులను బ్యాన్‌ చేయాలంటూ ఇటీవలే అధికారుల వద్ద ప్రతిపాధన తీసుకొచ్చాడు. మేరీలెబోన్ క్రికెట్ క్లబ్ (ఎంసిసి)లో బౌలర్లు షార్ట్‌ పిచ్‌ బంతులు వేయాలా? వద్దా? అన్న చర్చలో భాగంగా టర్నర్‌ ఈ విషయాన్ని ప్రస్తవించాడు.  అయితే ఇదే విషయమై వాన్‌ తనదైన శైలిలో స్పందించాడు.చదవండి: కొత్త ఇల్లు కొనమని వెంటపడుతున్నారు 'టర్నర్‌ చేసిన ప్రతిపాధన హాస్యాస్పదంగా ఉంది. బౌన్సర్లు ప్రమాదకరమని తెలిసినా జూనియర్‌ స్థాయి నుంచి వాటిని ఎదుర్కొనే నైపుణ్యం అలవరచుకోవాలి. జూనియర్‌ క్రికెట్‌ స్థాయిలోనే ఆటగాళ్లు తమ ఆటకు పదును పెట్టుకునేందుకు ఎక్కువ అవకాశాలు ఉంటాయి. అండర్‌ -19లో షార్ట్‌ పిచ్‌ బంతులను బ్యాన్‌ చేయాలనేది కరెక్ట్‌ కాదు. చిన్న పిల్లల స్థాయి క్రికెట్‌లో మొదటసారి మాత్రమే బౌన్సర్‌ ఎదుర్కొనేటప్పుడు మాత్రమే ప్రమాదకరంగా కనిపిస్తుంది. జూనియర్‌ స్థాయిలో నా పిల్లలు కూడా క్రికెట్‌లో శిక్షణ పొందుతున్నారు. అంతమాత్రానా షార్ట్‌పిచ్‌ బంతులను బ్యాన్‌ చేయాలని నేను చెప్పలేను. ఒకవేళ బ్యాన్‌ చేయాలనుకుంటే జూనియర్‌ స్థాయితో పాటు సీనియర్‌ స్థాయి క్రికెట్‌లో ఎప్పుడో షార్ట్‌ పిచ్‌ బంతుల్ని బ్యాన్‌ చేయాల్సింది. ఎందుకంటే సీనియర్‌ స్థాయి క్రికెట్‌లో ఇప్పటికే బౌన్సర్లు ఎదుర్కొని ఎందరో గాయాలపాలు కాగా.. కొందరు ప్రాణాలు కూడా కోల్పోయారు. అలాంటి బౌన్సర్లను ఎదుర్కోలేనప్పుడు క్రికెట్‌ ఆడడంలో అర్థం ఉండదు' అని వెల్లడించాడు.చదవండి: ధోని తరహాలో.. చివరి బంతికి సిక్స్‌ కొట్టి కాగా 2014లో ఆసీస్‌ క్రికెటర్‌ ఫిలిప్‌ హ్యూజ్‌ షార్ట్‌ పిచ్‌ బంతికి బలవడం క్రికెట్‌ ప్రపంచంలో పెను విషాదంగా నిలిచిపోయింది. ప్రాక్టీస్‌ మ్యాచ్‌లో భాగంగా బౌలర్‌ సీన్‌ అబాట్‌ వేసిన షార్ట్‌ పిచ్‌ బంతి హ్యూజ్‌ మెడకు బలంగా తగిలింది. దీంతో మైదానంలోనే కూలబడిన హ్యూజ్‌ను హుటాహుటిన ఆసుపత్రికి తరలించగా.. మూడు రోజుల పాటు మృత్యువుతో పోరాడి హ్యూజ్‌ కన్నుమూయడం విషాదంగా మారింది.  

లండన్‌: వచ్చే ఏడాది ఐపీఎల్‌ను‌ మరో నాలుగ-ఐదు నెలల్లో నిర్వహించాలనే ప్రయత్నాలు జరుగుతున్నాయి. ఐపీఎల్‌-14వ సీజన్‌కు 10 జట్లు బరిలో దింపాలను బీసీసీఐ యత్నిస్తున్నప్పటికీ సాధ్యాసాధ్యాలపై ఏజీఎం సమావేశంలో నిర్ణయం తీసుకోనున్నారు. ఈ నెల 24వ తేదీన బీసీసీఐ ఏజీఎం సమావేశం జరుగనున్న తరుణంలో పలు కీలక అంశాలు చర్చించనున్నారు. అందులో వచ్చే ఏడాది ఐపీఎల్‌కు మరో రెండు జట్లను తీసుకురావాలనే ప్రతిపాదన కూడా ఉంది. ఒకవేళ మరో రెండు జట్లను కలిపితే మెగా వేలం నిర్వహించాల్సి ఉంటుంది.  మరి దీనిపైనే సదరు సమావేశంలో నిర్ణయం తీసుకోనున్నారు.  ఇదిలా ఉంచితే,  వచ్చే సీజన్‌ ఐపీఎల్‌లో భాగంగా జరిగే వేలంలో మ్యాక్స్‌వెల్‌ ప్రధాన ఆకర్షణగా నిలవనున్నాడని ఇంగ్లండ్‌ మాజీ కెప్టెన్‌ మైకేల్‌ వాన్‌ అభిప్రాయపడ్డాడు. ‘ప్రపంచ వైట్‌బాల్‌ క్రికెట్‌లో మ్యాక్స్‌వెల్‌ మంచి క్రికెటర్‌. ఏ జట్టైనా మ్యాక్సీలాంటి ఆటగాడ్ని వద్దనుకోదు. నేను కచ్చితంగా చెబుతున్నా.. ఈసారి ఐపీఎల్‌ వేలంలో మ్యాక్స్‌వెల్‌ కోసం చాలా జట్లు పోటీ పడతాయి. ఆస్ట్రేలియా జట్టు  తరఫున మ్యాక్సీ  కీలక పాత్ర పోషిస్తున్నా. అతని ఏ స్థానంలో ఆడగలడో దాన్ని ఆసీస్‌ గుర్తించింది. మ్యాక్స్‌వెల్‌ మంచి ఫీల్డర్‌ కూడా. కొన్ని కీలకమైన పరుగుల్ని కూడా మ్యాక్సీ సేవ్‌ చేస్తాడు. దాంతో మ్యాక్సీపై ఎక్కువ ఫోకస్‌ ఉంటుంది’ అని వాన్‌ పేర్కొన్నాడు.  ఈ ఐపీఎల్‌ సీజన్‌లో కింగ్స్‌ పంజాబ్‌ తరఫున ఆడిన మ్యాక్సీ దారుణంగా విఫలమయ్యాడు. 11 ఇన్నింగ్స్‌ల్లో 108 పరుగులే చేశాడు. ఒక్క సిక్స్‌ కూడా లేకుండా ఐపీఎల్‌ను ముగించాడు.  దాంతో మ్యాక్సీని వదిలించుకునేందుకు కింగ్స్‌ పంజాబ్‌ సిద్ధమైంది.  కాగా, ఆ తర్వాత టీమిండియాతో జరిగిన వన్డే సిరీస్‌లో మ్యాక్స్‌వెల్‌ చెలరేగి ఆడున్నాడు. వన్డే సిరీస్‌లో 167 పరుగులు చేసి ఆసీస్‌ సిరీస్‌ గెలవడంలో కీలక పాత్ర పోషించాడు. 83కు పైగా సగటు, 194పైగా స్టైక్‌రేట్‌తో దుమ్ములేపాడు. ఇందులో 12 ఫోర్లు, 11 సిక్స్‌లు ఉన్నాయి. ఫలితంగా వన్డే సిరీస్‌లో అత్యధిక ‘బౌండరీలు’ కొట్టిన ఆటగాడిగా నిలిచాడు. 

లండన్‌: ఆస్ట్రేలియా పర్యటనకు వెళ్లిన టీమిండియాకు ఘోర పరాభవం తప్పదని ఇంగ్లండ్‌ మాజీ కెప్టెన్‌ మైకేల్‌ వాన్‌ వ్యంగ్యస్త్రాలు సంధించాడు. ఆసీస్‌పై టీమిండియా ఏ సిరీస్‌ను గెలుచుకునే అవకాశమే లేదని ఎద్దేవా చేశాడు. ఆసీస్‌తో జరిగిన తొలి వన్డేలో భారత్‌ ఓటమి చెందడాన్ని ప్రస్తావిస్తూ మిగతా మ్యాచ్‌ల్లో కూడా ఇదే రిపీట్‌ అవుతుందని విమర్శించాడు. పేలవమైన ఫీల్డింగ్‌, సాధారణ బౌలింగ్‌తో ఆసీస్‌పై సిరీస్‌లను గెలవలేదన్నాడు. ఈ మేరకు ట్వీటర్‌ వేదికగా వాన్‌ స్పందించాడు. అన్ని విభాగాల్లో పటిష్టంగా ఉన్న ఆసీస్‌ తొలి వన్డేలోనే తన సత్తా చూపిట్టిందన్నాడు. ఈ ద్వైపాక్షిక సిరీస్‌లో  ఆసీస్‌దే పైచేయి అవుతుందని జోస్యం చెప్పాడు.  ప్రస్తుత ఆసీస్‌ పర్యటనలో కోహ్లి గ్యాంగ్‌కు చుక్కెదరవడం ఖాయమన్నాడు. ఇప్పటికీ టీమిండియా ఐదుగురు  స్పెషలిస్టు బౌలర్ల గురించి ఆలోచించడం ఆ జట్టు ఇంకా ‘ ఓల్డ్‌ స్కూల్‌’లో ఉన్నట్లే కనబడుతుందన్నాడు. ఐదుగురు స్పెషలిస్టు బౌలర్లతో ఆడితే కింది స్థాయిలో తగినంత బ్యాటింగ్‌ ఉండదనే విషయాన్ని తెలుసుకోవాలన్నాడు. (ఆ మూడు తప్పిదాలతోనే టీమిండియా మూల్యం!) కరోనా కారణంగా తొమ్మిదినెలల పాటు అంతర్జాతీయ క్రికెట్‌కు దూరమైన టీమిండియా..ఆస్ట్రేలియా గడ్డపై ఎన్నో ఆశలతో అడుగుపెట్టింది. కాగా, టీమిండియా తొలి వన్డేలో ఘోర పరాభవాన్ని చవిచూసింది. బ్యాటింగ్‌లో కాస్త ఫర్వాలదేనిపించిన భారత్‌.. బౌలింగ్‌లో పూర్తిగా తేలిపోయింది. ఇక ఫీల్డింగ్‌ తప్పిదాలతో ఆసీస్‌ 374 పరుగుల రికార్డు స్కోరును సాధించింది.  ఫించ్‌, స్మిత్‌లు శతకాలు బాదారు. ఇది ఆసీస్‌కు వన్డేల్లో భారత్‌పై అత్యధిక స్కోరు. కాగా, టీమిండియా బ్యాటింగ్‌లో హార్దిక్‌(90), శిఖర్‌ ధావన్‌(74)లు రాణించినా మిగతా వారు ఆశించిన స్థాయిలో ఆడలేదు. దాంతో టీమిండియా 66 పరుగుల తేడాతో పరాజయం చవిచూసింది. (అది ఆసీస్‌ జట్టు..ఇలా అయితే ఎలా?: కోహ్లి అసహనం) Early call ... I think Australia will beat India this tour in all formats convincingly ... #AUSvIND — Michael Vaughan (@MichaelVaughan) November 27, 2020

లండన్‌: వన్డే వరల్డ్‌కప్‌ తర్వాత ఇంగ్లండ్‌ జట్టులో చోటు కోల్పోయిన ఇంగ్లండ్ పేసర్‌ లియామ్‌ ప్లంకెట్‌కు ఆ జట్టు మాజీ కెప్టెన్‌ మైకేల్‌ వాన్‌ మద్దతుగా నిలిచాడు. ఇటీవల 55 మందితో కూడిన ఇంగ్లండ్‌ జట్టును ట్రైనింగ్‌ సెషన్‌ కోసం ఎంపిక చేయగా అందులో ప్లంకెట్‌ పేరు లేదు. ఈ విషయాన్ని సోషల్‌ మీడియా ద్వారా ఆలస్యం తెలుసుకున్న వాన్‌.. కనీసం అతనికి చెప్పకుండా ఎలా తీసేస్తారని ప్రశ్నించాడు. జట్టును ఎంపిక చేసే క్రమంలో ఎటువంటి వివక్ష చూపకుండా ఉండాలనే ప్రధాన సూత్రాన్ని సెలక్టర్లు మరిచిపోయారని వాన్‌ విమర్శించాడు. ఇంగ్లండ్‌ వన్డే వరల్డ్‌కప్‌ గెలిచిన జట్టులో సభ్యుడిగా ఉన్న ప్లంకెట్‌పై ఎందుకు అంతటి వివక్ష అని నిలదీశాడు. (ఒక్కసారి దాదా ఫిక్స్‌ అయ్యాడంటే..) ప్రధానంగా అతనికి చెప్పకుండా జట్టు నుంచి తీసేయడాన్ని వాన్‌ ప్రశ్నించాడు. గతంలో ఒకానొక సందర్భంలో తాను అమెరికాకు ఆడే అవకాశం వస్తే ఆ దేశం తరఫున ఆడతానని ప్లంకెట్‌ చెప్పిన నేపథ్యంలోనే అతనిపై వేటుకు కారణమైంది. కాగా, ఈ విషయాన్ని ప్లంకెట్‌కు చెప్పి తీయాలని అంటున్నాడు వాన్‌. ప్లంకెట్‌ భార్య అమెరికా జాతీయురాలు కావడంతో వివాదానికి కారణమైంది. ప్రస్తుతం ప్లంకెట్‌ కూడా ఇంగ్లండ్‌ జట్టుకు అందుబాటులో లేడు. భార్యతో కలిసి అమెరికాలో ఉంటున్నాడు. దాంతో ప్లంకెట్‌ను పక్కన పెట్టేశారు ఇంగ్లండ్‌ సెలక్టర్లు. అయితే ఒకసారి ప్లంకెట్‌కు చెప్పి తీస్తే బాగుంటుందనేది వాన్‌ అభిప్రాయం. అలా చేయకపోతే ఈ ఆధునిక క్రికెట్‌లో ఒక క్రికెటర్‌ను అవమానించినట్లేనని స్పష్టం చేశాడు. ఆలస్యంగా తెలుసుకున్న ఈ వార్త తనను నిరాశకు గురి చేసిందన్నాడు.

లండ‌న్ ‌: 2009 ఐపీఎల్‌ వేలం సంద‌ర్భంగా ఇంగ్లండ్ మాజీ కెప్టెన్ కెవిన్ పీట‌ర్స‌న్‌ను రాయల్ ఛాలెంజర్స్ బెంగళూరు ప్రాంచైజీ రూ. 9.8 కోట్లు ద‌క్కించుకున్న విష‌యం తెలిసిందే. అయితే పెద్ద మొత్తంలో పీట‌ర్స‌న్ అమ్ముడు పోవ‌డంపై ప‌లువురు ఇంగ్లండ్ ఆట‌గాళ్లు అసూయ చెందార‌ని ఇంగ్లండ్ మాజీ కెప్టెన్ మైకేల్ వాన్ పేర్కొన్నాడు . స్పోర్ట్స్ చానెల్‌కు ఇచ్చిన ఇంటర్వ్యూలో వాన్ మాట్లాడుతూ... 'నేను చెప్పిన విష‌యాన్ని ఇప్పుడు ఆ ఆట‌గాళ్లు ఒప్పుకోరు.. కానీ.. పీట‌ర్స‌న్‌కు భారీ ధ‌ర ద‌క్కిన‌ప్పుడు  మాత్రం అసూయ చెందార‌నే పుకార్లు వినిపించాయి. గ్రేమ్ స్వాన్, టిమ్ బ్రెస్నన్, జేమ్స్ ఆండర్సన్, స్టువర్ట్ బ్రాడ్ , మాట్ ప్రియర్ లాంటి ఆట‌గాళ్ల‌కు త‌క్కువ మొత్తంలోనే వేలంలో అమ్ముడుపోయారు. (‌టేబుల్ టెన్నిస్ ఇలా కూడా ఆడొచ్చా!) ఐపీఎల్‌లో ఆడటం వ‌ల్ల కెరీర్ చాలా స్పీడ్‌గా ఉంటుంద‌ని పీటర్సన్ అభిప్రాయపడ్డాడు.అయితే అతను డబ్బు కోసమే ఐపీఎల్ ఆడుతున్నట్లు ఇంగ్లండ్ ఆటగాళ్ళు భావించేవారు. ఐపీఎల్ ఆడితే ఆటను మెరుగుపరుచుకునే అవకాశం ఉంటుంద‌ని పీటర్సన్ చెప్పినా ఎవరూ వినలేదంటూ' మైకేల్ వాన్  చెప్పుకొచ్చాడు. దక్షిణాఫ్రికా సంతతికి చెందిన కెవిన్ పీటర్సన్‌ ఇంగ్లండ్‌ తరఫున ప్రాతినిధ్యం వ‌హించాడు . 104 టెస్టుల్లో 8,181 పరుగులు, 136 వన్డేల్లో 4,440 పరుగులు, 37 టీ20ల్లో 1176 ప‌రుగులు చేశాడు. ఆట‌కు రిటైర్మెంట్ ప్ర‌క‌టించాకా పీటర్సన్‌ వ్యాఖ్యాతగా కొనసాగుతున్న విషయం తెలిసిందే.  (వైర‌ల్ : నీ ఏకాగ్ర‌త‌ను మెచ్చుకోవాల్సిందే)

ముంబై: భారత్‌లో క్రికెట్‌కు ఉన్న క్రేజ్‌ గురించి ప్రత్యేకంగా చెప్పనక్కర్లేదు. మన దేశంలో క్రికెట్‌ను మతంలా భావిస్తారనేది అందరికీ తెలిసిన విషయమే. క్రికెట్‌ క్రీడలో ఆటగాళ్లు రాణిస్తే  ఆకాశానికెత్తేసే అభిమానులు.. అదే క్రికెటర్ల నుంచి పేలవమైన ఆటను చూడాల్సి వస్తే ఇక భరించలేరు.తమ నోటికి ఏ స్థాయిలో పని చెబుతారో తెలియని విషయం కాదు. భారత్‌లో గల్లీ క్రికెట్‌ బాగా ఫేమస్‌. ఖాళీ దొరికితే చాలు క్రికెట్‌ బ్యాట్‌ పుచ్చుకుని గల్లీల్లో క్రికెట్‌ ఆడేస్తూ ఉంటారు. అది ఇళ్లా.. లేక వీధా అనే విషయాన్ని పెద్దగా పట్టించుకోరు. (ఇప్పట్లో క్రికెట్‌ కష్టమే) కొన్ని నెలల క్రితం రెండేళ్ల బుడతడు ఇంట్లోనే అచ్చమైన క్రికెట్‌ షాట్లతో మైమరించిన సంగతి తెలిసిందే.ఇంటినే క్రికెట్‌ స్టేడియంగా చేసుకుని కవర్‌ డ్రైవ్‌, లాఫ్టెడ్‌, ఆన్‌ డ్రైవ్‌ షాట్లతో సచిన్‌ను గుర్తు చేసేశాడు. ఇప్పుడు ఏడేళ్ల బాలిక క్రికెట్‌ బ్యాట్‌కు పని చెప్పింది. కచ్చితమైన ఫుట్‌వర్క్‌తో షాట్లను బాదేసింది. బంతుల్ని ఆడే క్రమంలో తన టైమింగ్‌ ఇరగదీసింది.  భారత్‌కు చెందిన ఈ బాలిక పేరు పారీ శర్మ.  ఇది సోషల్‌ మీడియాలో వైరల్‌ కావడంతో ఇంగ్లండ్‌ మాజీ కెప్టెన్‌ మైకేల్‌ వాన్‌తో పాటు వెస్టిండీస్‌ స్టార్‌ ఆటగాడు షాయ్‌ హోప్‌ కూడా ముగ్దుడయ్యాడు. ‘ ప్యారీ శర్మ బ్యాటింగ్‌ స్కిల్స్‌ అమోఘం. ఇంతటి చిన్న వయసులో కచ్చితమైన ఫుట్‌వర్క్‌ అసాధారణ విషయం. ఈ వీడియోలో ఏడేళ్ల పారీ శర్మ పాదాలను పాదరసంలా కదుపుతోంది’ అని ట్వీట్‌ చేయగా, ‘ నేను పారీలా ఆడుతూ పెరిగాను’ అని షాయ్‌ హోప్‌ ట్వీట్‌ చేశాడు. (కపిల్‌ దేవ్‌ గుండు.. ఆమే కారణం!)

లండ‌న్ ‌: 'వ‌య‌సులో చిన్న‌దానిలా క‌నిపిస్తున్నా.. ఫుట్‌వ‌ర్క్‌లో మాత్రం నీకు నువ్వే సాటి.. ప‌రిశ‌ర్మ 'అంటూ ఇంగ్లండ్ మాజీ కెప్టెన్ మైకేల్‌ వాన్‌‌, విండీస్ ఆట‌గాడు షాయ్‌ హోప్‌ లు పేర్కొన్నారు. ఇంత‌కీ పరి శర్మ ఎవ‌రు .. వీరిద్ద‌రు ఆమెను ఎందుకు పొగుడుతున్న‌ర‌నేగా మీ డౌటు.. అక్క‌డికే వ‌స్తున్నాం. ఇండియాకు చెందిన ప‌రి శ‌ర్మ వ‌య‌సు ఏడేళ్లే అయినా క్రికెట్ శిక్ష‌ణ‌లో మాత్రం రాటు దేలింద‌నే చెప్పాలి. ప్రాక్టీస్‌లో భాగంగా క‌చ్చిత‌మైన ఫుట్‌వ‌ర్క్‌తో షాట్లు ఆడుతూ అంద‌రి చేత శెభాష్ అనిపించుకుంటుంది. ('మ్యాచ్‌లు లేక‌పోవ‌డంతో బోర్‌గా ఫీల‌వుతున్నా') తాజాగా ప‌రిశ‌ర్మ బ్యాటింగ్ ప్రాక్టీస్ చేస్తున్న వీడియోనూ మైకేల్‌ వాన్‌ ట్విట‌ర్‌లో షేర్ చేశాడు. 'వీడియోను ఒక‌సారి చూడండి.. ఏడేళ్ల‌ ప‌రి శ‌ర్మ ఫుట్‌వ‌ర్క్‌కు ఎవ‌రైనా ఫిదా అవ్వాల్సిందే. ఒక ప‌రిపూర్ణమైన షాట్ల‌ను ఆడ‌డానికి మందు ఫుట్ వ‌ర్క్ ఎంతో అవ‌స‌రం. ఆ విష‌యంలో ప‌రిశ‌ర్మ‌ను ఎవ‌రు అందుకోలేరు' అంటూ పేర్కొన్నాడు. ఇదే వీడియోనూ షాయ్‌ హోప్‌ కూడా షేర్ చేస్తూ..' నీ ఫుట్‌వ‌ర్క్‌కు జోహార్లు.. నేను పెద్ద‌య్యాక ప‌రిశ‌ర్మ లాగే ఉండాల‌నుకున్నా' అంటూ తెలిపాడు. ప్ర‌స్తుతం ఈ వీడియో సోష‌ల్ మీడియాలో తెగ వైర‌ల్‌గా మారింది. ప‌రి శ‌ర్మ ఫుట్‌వ‌ర్క్‌, బ్యాటింగ్ టెక్నిక్  అద్భుతంగా ఉన్నాయి.. ఏదో ఒక‌రోజు క్రికెట్‌లో మంచి పేరు తెచ్చుకుంటుంది అంటూ కామెంట్లు పెడుతున్నారు. 

న్యూఢిల్లీ: టీమిండియా ఆల్‌ రౌండర్‌ రవీంద్ర జడేజా కత్తిసాము గురించి తెలియని వారుండరు. రాజ వంశానికి చెందిన ఈ సౌరాష్ట్ర క్రికెటర్‌ హాఫ్‌ సెంచరీ, సెంచరీ చేసిన సందర్భాల్లో కానీ, ఏమైనా అరుదైన ఘనతల్ని సాధించినప్పుడు కానీ బ్యాట్‌తో కత్తిసాము చేయడం అంటే పరిపాటి. దీన్ని ఒకానొక సందర్భంలో ఆసీస్‌ ఆటగాడు డేవిడ్‌ వార్నర్‌ కూడా అనుకరించే యత్నం చేశాడు. గతేడాది ఐపీఎల్‌లో భాగంగా ఓ ప్రకటనలో నటించే క్రమంలో జడేజా తరహాలో బ్యాట్‌తో కత్తిసాము చేశాడు వార్నర్‌. ఆ వీడియోను ఇటీవల వార్నర్‌ షేర్‌ చేసుకున్నాడు. లాక్‌డౌన్‌ కారణంగా అభిమానుల్ని అలరించాలనే ఉద్దేశంతో ఈ వీడియోను సోషల్‌ మీడియాలో షేర్‌ చేశాడు. (అచ్చం జడేజాలాగే తిప్పానా.. మీరే చెప్పండి) కాగా, ఈసారి జడేజా నిజమైన కత్తిని బయటకు తీశాడు.  తన ఇంటి ఆవరణలోని లాన్‌లో కత్తితో ప్రాక్టీస్‌ చేశాడు. దీనికి సంబంధించిన వీడియోను తన ఇన్‌స్టాగ్రామ్‌ అకౌంట్‌లో పోస్ట్‌ చేశాడు.  ‘కత్తి దాని పదును కోల్పోవచ్చు.. కానీ తన సహజత్వంలో ఎప‍్పటికీ మాస్టరే’ అంటూ కామెంట్‌ చేశాడు. ఇది ఇంగ్లండ్‌ మాజీ  కెప్టెన్‌ మైకేల్‌ వాన్‌ కంటబడటంతో వెంటనే ట్రోల్‌ చేసేశాడు. ఇప్పుడు ఆ కత్తితో ఏం చేస్తావ్‌.. ఇది నువ్వు  గడ్డి కోసే  సమయం రాక్‌స్టార్‌’ అంటూ కామెంట్‌ చేశాడు. అంటే ఇంటి లాన్‌లోని గడ్డిని ఆ కత్తితో కట్‌ చేయమంటూ వాన్‌ సరదాగా చమత్కరించాడు. దీనికి జడేజా అంగీకరిస్తూనే తనకు గడ్డిని కట్‌ చేయడం రాదంటూ బదులిచ్చాడు. ‘ అసలు నాకు గడ్డి కోయడంలో అనుభవం లేదు. ఎలా కట్‌ చేయాలో తెలియదు’ అని కౌంటర్‌ ఇచ్చాడు. మైకేల్‌ వాన్‌ దగ్గర గడ్డిని కట్ చేయడం ఎలానో నేర్చుకుంటే పోలా అని నెటిజన్లు కామెంట్‌ చేస్తున్నారు.(16 ఏళ్లయినా ఆ రికార్డును కొట్టలేకపోయారు) View this post on Instagram A “SWORD” MAY LOOSE IT’S SHINE,BUT WOULD NEVER DISOBEY IT’S MASTER. #rajputboy A post shared by Ravindra Jadeja (@royalnavghan) on Apr 12, 2020 at 6:45am PDT

లండన్‌: ‘మీ అభిప్రాయం ప్రకారం పుల్‌ షాట్‌ ఆడే అత్యుత్తమ బ్యాట్స్‌మన్‌ ఎవరు?’అంటూ అభిమానులను ప్రశ్నిస్తూ ఐసీసీ ఓ ఫోటో షేర్‌ చేసింది. ఈ ఫోటోలో వివియన్‌ రిచర్డ్స్‌, రికీ పాంటింగ్‌, హెర్షల్‌ గిబ్స్‌లతో పాటు టీమిండియా సారథి విరాట్‌ కోహ్లిలు ఉన్నారు. అయితే ఐసీసీ పోస్ట్‌కు స్పందించిన రోహిత్‌ ‘ఇక్కడ ఎవరు మిస్సయ్యారు? నా గెస్‌ ప్రకారం వర్క్‌ ఫ్రమ్‌ హోమ్‌ అంత సులభం కాదు’అంటూ రీట్వీట్‌ చేశాడు. ఇక మైకేల్‌ వాన్‌ మాత్రం తమ ఇంగ్లిష్‌ క్రికెటర్లలో బెన్‌ స్టోక్స్‌, జో రూట్‌, జోనీ బెయిర్‌ స్టో, జాస్‌ బట్లర్‌ల పక్కన పెట్టి మరీ ఐసీసీ ట్వీట్‌పై వ్యంగ్యంగా రిప్లై ఇచ్చాడు. (ఐసీసీ పోస్ట్‌పై రోహిత్‌ శర్మ అసంతృప్తి) ఈ క్రమంలోనే వాన్‌ ఒక కొత్త పేరును ప్రస్తావించాడు. ఇంగ్లండ్‌కే చెందిన జాక్‌ లీచ్‌.. అత్యుత్తమ పుల్‌షాట్‌ కొట్టే ఆటగాడని బదులిచ్చాడు. ఇది కొంత ఆశ్చర్యాన్ని గురి చేసినా అభిమానులకు మాత్రం నవ్వులు తెప్పించింది. ఐసీసీకి సరిగానే సమాధానం ఇచ్చాడని అనుకోవడం పలువురు అభిమానుల వంతైంది. ఎందుకంటే జాక్‌ లీచ్‌ ప్రొఫెషనల్‌ టాపార్డర్‌ బ్యాట్స్‌మన్‌ కాదు.. అతను స్పిన్నర్‌. ఇలా ఐసీసీకి వాన్‌ వ్యంగ్యంగా సమాధానం ఇవ్వడానికి ప్రపంచ క్రికెట్‌లో అత్యుత్తమ పుల్‌షాట్లు ఆడే ఆటగాళ్లు చాలా మందే ఉన్నారు. ఈ క్రమంలోనే వాన్‌ బదులిచ్చాడనే విషయం క్లియర్‌గా అర్థమవుతోంది. 

లండన్‌: ఇంగ్లండ్‌ యువ ఆల్‌రౌండర్‌ టామ్‌ బాంటన్‌ రానున్న ఇండియన్‌ ప్రీమియర్‌ లీగ్‌(ఐపీఎల్‌) ఆడటం కంటే ప్రస్తుతం కౌంటీ చాంపియన్‌ షిప్‌లో ఆడటమే బెటర్‌ అని ఇంగ్లీష్‌ జట్టు మాజీ సారథి మైకేల్‌ వాన్‌ అభిప్రాయపడ్డాడు. ‘టీ20ల్లో బాంటన్‌ సూపర్‌ స్టార్‌ అన్న విషయం తెలిసిందే. ప్రత్యేకంగా ఆ ఫార్మట్‌లో అతడు నిరూపించుకోవాల్సింది ఏమీ లేదు. అయితే ప్రస్తుతం ఇంగ్లండ్‌ టెస్టు జట్టులో ఆరో స్థానం నాణ్యమైన బ్యాట్స్‌మన్‌ కోసం ఎదురుచూస్తోంది. దీంతో బాంటన్‌ కౌంటీల్లో తన సత్తా నిరూపించుకుని టెస్టు జట్టులోకి వచ్చే సువర్ణావకాశం ముందుంది.  అతడు ఇప్పుడే ఐపీఎల్‌లో ఆడటం అవసరం లేదు. ఇంకొంత కాలం ఆగితేనే బెటర్‌. ఐపీఎల్‌ కంటే కౌంటీ చాంపియన్‌ షిప్‌లో సోమర్‌ సెట్‌ తరుపున ఆడితే అతడి కెరీర్‌కు ఎంతో లాభం చేకూరుతుంది. అవసరమైతే ఐపీఎల్‌ కాంట్రాక్టును రద్దు చేసుకున్నా పర్వాలేదు. కౌంటీల్లో ఆడటం వల్ల ఆటగాడిగా బాంటన్‌ మరింత పరిణితి చెందుతాడు. టెస్టు ఆడినప్పుడు పరిపూర్ణమైన ఆట బయటకు వస్తుంది. ఇక నిర్ణయం తీసుకోవాల్సింది అతడే. మరి ఏం నిర్ణయం తీసుకుంటాడో చూడాలి’ అని వాన్‌ పేర్కొన్నాడు. ఇక గతేడాది డిసెంబర్‌లో ఐపీఎల్‌-2020 కోసం జరిగిన వేలంలో టామ్‌ బాంటన్‌ను కనీస ధర రూ. కోటికి కోల్‌కతా నైట్‌రైడర్స్‌ చేజిక్కించుకున్న విషయం తెలిసిందే. ఇక ప్రస్తుతం బిగ్‌బాష్‌ లీగ్‌లో భాగంగా బ్రిస్బేన్‌ హీట్‌ తరుపున ఆడుతున్న ఈ క్రికెటర్‌ సిక్సర్ల వర్షం కురిపిస్తుండటంతో కేకేఆర్‌ అభిమానులు ఇక్కడ చప్పట్లు కొడుతున్నారు.    చదవండి:  ‘అక్తర్‌.. ఒళ్లు దగ్గరపెట్టుకొని మాట్లాడు’ కాంబ్లికి సచిన్‌ సవాల్‌..

ఏ విషయంపై అయినా ఎలాంటి జంకు లేకుండా తన అభిప్రాయాలను నిక్కశ్చిగా వెల్లబుచ్చడంలో ఇంగ్లండ్‌ మాజీ సారథి మైకేల్‌ వాన్‌ ముందు వరుసలో ఉంటాడు. దీంతో ఒక్కోసారి హీరో అయితే మరి కొన్ని సందర్బాల్లో జీరో లేక విలన్‌గా నిలుస్తున్నాడు. ఇప్పటివరకు ఆటగాళ్లు, వారి ప్రదర్శన, మైదానాలు, క్రికెట్‌ నిబంధనలపై మాత్రమే విమర్శించే వాన్‌ తాజాగా ఐసీసీపై మండిపడ్డాడు. అదికూడా ఐసీసీ ర్యాంకింగ్స్‌ తీరును తీవ్రంగా తప్పుపట్టాడు. ప్రస్తుతం ఈ ఇంగ్లీష్‌ మాజీ సారథి చేసిన వ్యాఖ్యలు నెట్టింట్లో తెగ వైరల్‌ అవుతున్నాయి. అయితే వాన్‌ వ్యాఖ్యల్లో ద్వంద్వ అర్థాలు ప్రతిబింబిస్తున్నాయిన టీమిండియా ఫ్యాన్స్‌ అభిప్రాయపడుతున్నారు.  ఇంతకి అతడే ఏమన్నాడంటే.. ‘గత రెండేళ్లుగా టెస్టుల్లో న్యూజిలాండ్‌ అసాధారణంగా రాణిస్తూ వరుస సిరీస్‌ విజయాలను నమోదచేస్తోంది. కానీ ర్యాంకింగ్స్‌లో రెండో స్థానంలో ఉంది. అధేవిధంగా ఇంగ్లండ్‌ గత కొంత కాలంగా టెస్టుల్లో తడబడుతోంది. యాషెస్‌ సిరీస్‌లో మినహా ఏ టెస్టు సిరీస్‌లోనూ గొప్ప ప్రదర్శన చేయలేదు. అయినా ఇంగ్లండ్‌ ర్యాంకింగ్స్‌లో మూడో స్థానం (ప్రస్తుతం నాలుగు)లో ఉంది. ఇక ఆస్ట్రేలియా భారత్‌తో జరిగిని సిరీస్‌ మినహా అన్ని టెస్టు సిరీస్‌ల్లోనూ చాంపియన్‌ ఆటను ప్రదర్శించింది. అయినా ర్యాంకింగ్స్‌లో ఇంగ్లండ్‌ తర్వాతే ఆసీస్‌ ఉంది. దీంతో ఐసీసీ ర్యాంకింగ్స్‌లో నిజాయితీ లోపించిందనే భావన నాకు ఉంది. అంతేకాకుండా నా దృష్టిల్లో ఐసీసీ ర్యాంకింగ్స్‌ అత్త చెత్త మరొకటి లేదు.  అయితే టీమిండియా ఆగ్రస్థానంలో ఉండటంపై నాకు ఎలాంటి అభ్యంతరం లేదు. ఎందుకంటే గంత కొంతకాలంగా టెస్టుల్లో అసలు సిసలు మజాను అందిస్తుంది టీమిండియానే. నా దృష్టిల్లో టీమిండియాతో పాటు ఆస్ట్రేలియా ప్రస్తుతం టెస్టుల్లో మేటి జట్లుగా ఉన్నాయి. వార్నర్‌,స్మిత్‌, లబుషేన్‌లతో ఆసీస్‌ బ్యాటింగ్‌ దుర్బేద్యంగా మారింది. ఇక బౌలింగ్‌లో ప్రతీసిరీస్‌లోనూ పూర్థిస్థాయి ప్రదర్శన కనబరుస్తుంది. ఇక టీమిండియా గురించి ప్రత్యేకంగా చెప్పక్కర్లేదు. వరుస విజయాలతో జోరు మీదుంది. ప్రస్తుతం నా ఆసక్తి అంతా ఆసీస్‌-టీమిండియాల మధ్య జరగబోయే టెస్టు సిరీస్‌పైనే ఉంది. ఎందుకంటే గతంలో వార్నర్‌, స్మిత్‌, లబుషేన్‌లు లేని ఆసీస్‌పై భారత్‌ గెలిచింది. ఇప్పుడు వారి రాకతో ఆ జట్టు మరింత బలంగా మారింది. దీంతో ఆ సిరీస్‌లో ఎవరు విజేతగా నిలుస్తారో అనేది వేచి చూడాలి’అని వాన్‌ పేర్కొన్నాడు.   

లండన్‌ : ఐసీసీ ప్రకటించిన తాజా టెస్టు ర్యాకింగ్స్‌లో న్యూజిలాండ్‌, ఇంగ్లండ్‌లు రెండు, నాలుగు స్థానాలు పొందడంపై ఇంగ్లండ్‌ మాజీ కెప్టెన్‌ మైకేల్‌ వాన్‌ తప్పుబట్టాడు. 'నేను నిజాయితీగా ఐసీసీ ర్యాంకులను తప్పుబడుతున్నా. నా దృష్టిలో అవొక చెత్త ర్యాంకింగ్స్ అనుకుంటున్నా‌' అంటూ వాన్‌ విమర్శించాడు. 'ప్రసుత్తం రెండో స్థానంలో కొనసాగుతున్న న్యూజిలాండ్‌ గత రెండేళ్లలో ఎన్ని సిరీస్‌లు గెలిచిందో నాకు ఐడియా లేదు. కానీ ఈ ఏడాది వారి ప్రదర్శన చూసుకుంటే మాత్రం 2వస్థానం వారికి కరెక్టు కాదని నా అభిప్రాయం. ఇక 4 స్థానంలో ఉన్న ఇంగ్లండ్‌ ప్రదర్శన ఏడాదిగా కాస్త మెరుగుపడింది. గత మూడు, నాలుగేళ్లుగా ఇంగ్లండ్‌ జట్టు టెస్టు క్రికెట్‌లో నిలదొక్కుకోవడానికి చాలా ప్రయత్నించింది. విదేశాల్లో మా జట్టు పరిస్థితి ఇంకా దారుణంగా ఉండేది. ఈ ఏడాది ప్రదర్శన చేసుకుంటే అందులో స్వదేశంలో ఐర్లాండ్‌ జట్టుపై మాత్రమే సిరీస్‌ గెలుచుకుంది. ఎంతో ప్రతిష్టాత్మకంగా భావించే యాషెస్‌ సిరీస్‌ను డ్రాతో సరిపెట్టుకుంది. ఈ నేపథ్యంలో ఐసీసీ ప్రకటించిన ర్యాంకులు కాస్త గందరగోళంగా ఉన్నాయంటూ' వాన్‌ చెప్పుకొచ్చాడు. అయితే వాన్‌ ఆస్ట్రేలియాను మాత్రం పొగడ్తలతో ముంచెత్తాడు. ప్రసుత్తం 5వ స్థానంలో కొనసాగుతున్న ఆసీస్‌ ఆ స్థానంలో ఉండడం కరెక్టు కాదని వాన్‌ అభిప్రాయపడ్డాడు. 'నా దృష్టిలో ప్రసుత్త టెస్టు క్రికెట్లో భారత్‌, ఆస్ట్రేలియాలు మాత్రమే ఉత్తమ జట్లని, సరిగ్గా 12 నెలల క్రితం ఆసీస్‌ను వారి సొంత గడ్డపై ఓడించిన ఘనత టీమిండియా సొంతం చేసుకుందని' వాన్‌ పేర్కొన్నాడు. అయితే అప్పటి సిరీస్‌లో ఆస్ట్రేలియా ఆటగాళ్లైన వార్నర్‌, స్టీవ్‌ స్మిత్‌, లబుషేన్‌ను జట్టులో లేకపోవడంతో ఆసీస్‌ టీమిండియాకు సిరీస్ అప్పగించిందని గుర్తుచేశాడు. వచ్చే ఏడాది చివరిలో భారత్‌ ఆసీస్‌లో అడుగుపెట్టేసరికి ఆసీస్‌ జట్టు అన్ని అస్త్రాలతో సిద్ధంగా ఉంటుందనే తాను కోరుకుంటున్నట్లు వాన్‌ పేర్కొన్నాడు. ఎందుకంటే ప్రస్తుత పరిస్థితుల్లో బలమైన బౌలింగ్‌, బ్యాటింగ్ వనరులు కలిగిన టీమిండియాను ప్రతిఘటించగల శక్తి ఒక్క ఆసీస్‌కు మాత్రమే ఉందంటూ వాన్‌ తన అభిప్రాయాన్ని బయటపెట్టాడు. (చదవండి : బుమ్రాకు ఫిట్‌నెస్‌ టెస్ట్‌ అవసరం లేదు)

పెర్త్‌: మూడు టెస్టుల సిరీస్‌లో భాగంగా ఆస్ట్రేలియాతో జరగుతున్న తొలి మ్యాచ్‌లో పర్యాటక న్యూజిలాండ్‌ జట్టును కష్టాలు వెంబడిస్తున్నాయి. తొలి రోజు ఆటలో భాగంగా కివీస్‌ పేస్‌ బౌలర్‌ ఫెర్గుసన్‌ కాలికి గాయమైంది. దీంతో అతడు మైదానాన్ని వీడాడు. కేవలం 11 ఓవర్లు వేసిన అనంతరం ఫెర్గుసన్‌ మైదానం వీడటంతో ఒక బౌలర్‌ లోటుతోనే కివీస్‌ తొలి ఇన్నింగ్స్‌ను గట్టెక్కించింది. ఫెర్గుసన్‌ గాయం తీవ్రత దృష్ట్యా అతడు తొలి టెస్టులో బౌలింగ్‌ చేయకపోవడమే మంచిదని అయితే బ్యాటింగ్‌కు దిగొచ్చని డాక్టర్లు పేర్కొన్నట్లు కివీస్‌ క్రికెట్‌ బోర్డు తొలుత ఓ ప్రకటన చేసింది. అనంతరం ఫెర్గుసన్‌కు తొలి టెస్టుకు విశ్రాంతి నివ్వడమే మంచిదని డాక్డర్లు సూచించినట్లు మరో ప్రకటన విడుదల చేసింది. దీంతో ఫెర్గుసన్‌ గాయంపై ఇప్పటివరకు ఎలాంటి స్పష్టత రాలేదు.  అయితే ఫెర్గుసన్‌ మైదానంలోకి దిగినా బౌలింగ్‌ చేసే అవకాశమే లేదని కివీస్‌ బోర్డు నిర్దారణకు వచ్చింది. దీంతో ఒక బౌలర్‌ లోటు తోనే తొలి టెస్టును నెట్టుకురావాల్సిన పరిస్థితి విలియమ్స్‌ సేనకు ఏర్పడింది. అయితే ఈ సందర్భంలో ఇంగ్లండ్‌ మాజీ కెప్టెన్‌ మైకేల్‌ వాన్‌ ఓ కొత్త ప్రతిపాదనను తెరపైకి తీసుకొచ్చాడు. మిగతా నాలుగు రోజులు కివీస్‌ ఒక ప్రధాన బౌలర్‌ సేవలను కోల్పోనుందని, ఇది ఏ జట్టుకైన ఇబ్బందేనని పేర్కొన్నాడు. అయితే ఇలాంటి తరుణంలో కాంకషన్‌ సబ్‌స్టిట్యూట్‌ మాదిరిగానే ‘ఇండిపెండెంట్‌ డాక్టర్‌ ఆన్‌ సైట్‌’ అనే ప్రతిపాదనను ఐసీసీ ముందుంచాడు. మ్యాచ్‌ సందర్భంగా ఆటగాడు గాయపడితే మైదానంలో ఉన్న నియమిత డాక్టర్‌ అతడిని పరీక్షించిన అనంతరం ఆ క్రికెటర్‌ మ్యాచ్‌ ఆడే వీలులేదని ప్రకటిస్తే మరో ఆటగాడిని జట్టులోకి తీసుకునే వెసులుబాటును కల్పించాలన్నాడు. దీంతో ఏ జట్టు నష్టపోదని వాన్‌ అభిప్రాయపడుతున్నాడు. మరి ఈ ప్రతిపాదనపై క్రికెట్‌ దేశాలు, ఐసీసీ ఏ నిర్ణయం తీసుకుంటాయో వేచిచూడాలి.

అడిలైడ్‌: ఆస్ట్రేలియాలో ఆసీస్‌తో జరిగిన ద్వైపాక్షిక సిరీస్‌లో పాకిస్తాన్‌ క్రికెట్‌ జట్టు ఒక్క విజయం కూడా లేకుండా ముగించడంతో ఇంగ్లండ్‌ మాజీ కెప్టెన్‌ మైకేల్‌ వాన్‌ స్పందించాడు. ప్రస్తుతం ఆసీస్‌ క్రికెట్‌ జట్టు ఉన్న పరిస్థితుల్లో వారిని ఏ జట్టుకైనా ఓడించడం అంత ఈజీ కాదన్నాడు. అందులోనూ ఆసీస్‌ను వారి గడ్డపై ఓడించడమంటే అది మరింత కఠినతరమన్నాడు. కాకపోతే ప్రపంచ క్రికెట్‌లో ఉన్న ప్రస్తుత జట్లలో ఆసీస్‌ను ఆస్ట్రేలియాలో ఓడించే సత్తా టీమిండియాకే ఉందన్నాడు. (ఇక్కడ చదవండి:20 ఏళ్లలో ఒక్క టెస్టు కూడా గెలవలేదు..!) ఈ మేరకు తన ట్వీటర్‌ అకౌంట్‌లో టీమిండియా ప్రదర్శనను ప్రస్తావించాడు. ‘ కేవలం ఆసీస్‌ను వారి దేశంలో ఓడించాలంటే టీమిండియాకే సాధ్య. ఆసీస్‌కు ధీటైన సవాల్‌ విసిరే జట్టు భారత్‌. ప్రస్తుతం టీమిండియా చాలా పటిష్టంగా ఉంది. ఆసీస్‌కు గట్టిపోటీ ఇచ్చే జట్టు కచ్చితంగా టీమిండియా ఒక్కటే’ అని వాన్‌ పేర్కొన్నాడు. పాకిస్తాన్‌తో జరిగిన మూడు టీ20ల సిరీస్‌ను ఆసీస్‌ 2-0తో కైవసం చేసుకుంది. అందులో ఒక టీ20 వర్షం కారణంగా రద్దయ్యింది. ఇక రెండు టెస్టుల సిరీస్‌ను ఆసీస్‌ క్లీన్‌స్వీప్‌ చేసింది. ఈ రెండు టెస్టుల్లోనూ ఆసీస్‌ ఇన్నింగ్స్‌ విజయాలు సాధించి పాక్‌ను మట్టికరిపించింది. ఈ నేపథ్యంలో ఆస్ట్రేలియాలో ఆసీస్‌ను ఓడించడం​ టీమిండియాకే సాధ్యమవుతుందన్నాడు.

ఇండోర్‌: టీమిండియా-బంగ్లాదేశ్‌ జట్ల మధ్య ఇండోర్‌లోని హోల్కర్‌ క్రికెట్‌ స్టేడియంలో జరుగుతున్న తొలి టెస్టు మ్యాచ్‌ను ఉద్దేశిస్తూ ఇంగ్లండ్‌ మాజీ కెప్టెన్‌ మైకేల్‌ వాన్‌ చేసిన ట్వీట్‌ విమర్శల పాలైంది. ఇండోర్‌ పిచ్‌ గురించి కొత్తగా చెప్పాలని ప్రయత్నించిన వాన్‌కు ఒక నెటిజన్‌ దిమ్మతిరిగే కౌంటర్‌ ఇచ్చాడు. ఇంతకీ వాన్‌ ఏమన్నాండంటే.. ‘ ఇది టెస్టు మ్యాచ్‌ పిచ్‌. భారత్‌లో ఉన్న పిచ్‌ల్లో ఇదొక ఉత్తమైనది’ అని అన్నాడు. అంతటితో ఆగకుండా ‘ ఇది వైట్‌ మ్యాన్స్‌ పిచ్‌. ఇదొక కొత్త కామెంట్‌. ఇటీవల కాలంలో ఇంగ్లండ్‌ క్రికెట్‌ జట్టులోని విభిన్నమైన సహజత్వాన్ని మీరు చూడలేదా?’ అంటూ మరొక పోస్ట్‌ చేశాడు. దీనిపై నెటిజన్లు తీవ్రంగా మండిపడ్డారు. ఇక్కడ కూడా ఇంగ్లండ్‌ క్రికెట్‌ గొప్పను చెప్పుకునే యత్నమే చేశాడని విమర్శించారు. ఒక అభిమాని అయితే వాన్‌కు గట్టిగానే చురకలంటించాడు. పిచ్‌పై పచ్చిక ఉంటే బంతి టర్న్‌ అయ్యే అవకాశాలు కంటే సీమర్లకే ఎందుకు అనుకూలిస్తుంది.  మీ వైట్‌మ్యాన్స్‌ కోసమా.  వాన్‌.. ముందు నీ బుద్ధిని పెంచుకో.  ప్రతీ వికెట్‌ వైట్‌ మ్యాన్స్‌కు ప్రాతినిథ్యం వహించదనే విషయం తెలుసుకో. ఎప్పుడైనా విభిన్నమైన వికెట్‌ ఉంటే టెస్టు క్రికెట్‌లో మరింత మజా పెరుగుతుందనే విషయం గ్రహించు’ అని కౌంటర్‌ ఇచ్చాడు. ఈ పిచ్‌లో పచ్చిక ఉన్న కారణంగానే సీమర్లకు అనుకూలిస్తుందని టాస్‌కు వచ్చిన క్రమంలో టీమిండియా కెప్టెన్‌ విరాట్‌ కోహ్లి చెప్పుకొచ్చాడు. తాము టాస్‌ ఓడిపోయినా ముందగా తమకు బౌలింగే వచ్చిందని, ఒకవేళ టాస్‌ గెలిచినా తొలుత బౌలింగే తీసుకునే వాళ్లమని తెలిపాడు. ఈ క్రమంలోనే ఇండోర్‌ పిచ్‌ గురించి వాన్‌ చేసిన ట్వీట్‌ వ్యంగ్యంగా అనిపించడంతో అతనిపై భారత ఫ్యాన్స్‌ సెటైర్లు వేస్తున్నారు. 

న్యూఢిల్లీ: ఆ బుడతడు ఇంకా డైపర్స్‌లోనే ఉన్నాడు..కానీ సహజ సిద్ధమైన క్రికెట్‌ ఆడేస్తున్నాడు.క్లబ్‌ క్రికెటర్లను మించిపోయి అంతర్జాతీయ స్థాయి క్రికెటర్లనే మైమరిపిస్తున్నాడు. కచ్చితమైన షాట్లతో చక్కని టైమింగ్‌తో బంతిని అంచనా వేస్తూ షాట్లు కొట్టేస్తున్నాడు. ఒక రూమ్‌లో క్రికెట్‌ షాట్లు ప్రాక్టీస్‌ చేస్తున్న బుడతడి వీడియో ఇప్పుడు సోషల్‌ మీడియాలో తెగ ట్రెండ్‌ కావడంతో దిగ్గజ క్రికెటర్‌, ఇంగ్లండ్‌ మాజీ కెప్టెన్‌ మైకేల్‌ వాన్‌ సైతం ముగ్థుడైపోయాడు. మొత్తం బ్యాటింగ్‌ను ఒడిసి పట్టేసుకున్నాడా అంటూ కొనియాడాడు. ఈ బుడతడు బహుశా ఇంగ్లండ్‌ గడ్డపైనే పుట్టి ఉంటాడంటూ కితాబు కూడా ఇచ్చేశాడు. ఈ చిన్నోడు ఆటను నెటిజన్లు సైతం ప్రశంసిస్తున్నారు. యువ క్రికెటర్లు ప్రాక్టీస్‌కు ఎలాంటి బంతులు ఆడతారో అలా ప్రాక్టీస్‌ చేస్తున్నాడంటూ కొనియాడుతున్నారు. ముఖ కవలికల్లో స్టీవ్‌ స్మిత్‌ను తలపిస్తున్నాడు అంటూ మరికొందరు ట్వీట్‌ చేశారు. షాట్ల ఎంపికలో మాస్టర్‌ బ్లాస్టర్‌ సచిన్‌ టెండూల్కర్‌ పోలికలు ఉన్నాయని కొందరు ప్రశంసించారు. ఆ బుడతడికి ఇక బౌన్సర్లే వేయాలేమో అంటూ మరొకరు చమత్కరించారు. 

హైదరాబాద్‌: బంగ్లాదేశ్‌ స్టార్‌ ఆల్‌రౌండర్‌, టెస్టు, టీ20 సారథి షకీబుల్‌ హసన్‌పై అంతర్జాతీయ క్రికెట్‌ కౌన్సిల్‌(ఐసీసీ) రెండేళ్ల నిషేధం విధించిన విషయం తెలిసిందే. షకీబుల్‌ నిషేధం ఒక్కసారి ప్రపంచ క్రికెట్‌ను ఓ కుదుపు కుదిపేసింది. ప్రపంచ ఆగ్రశ్రేణి ఆల్‌రౌండర్‌ ఇలా నిషేధానికి గురవ్వడంతో యావత్‌ క్రికెట్‌ ప్రపంచం నివ్వెర పోయింది. అయితే ఈ ఘటనపై తాజా, మాజీ క్రికెటర్లు మిశ్రమంగా స్పందిస్తున్నారు. తాజాగా షకీబుల్‌ నిషేధంపై ఇంగ్లండ్‌ మాజీ సారథి మైకేల్‌ వాన్‌ ట్విటర్‌ వేదికగా స్పందించాడు. ‘షకీబుల్‌పై ఎలాంటి సానుభూతి వ్యక్తం చేయాల్సిన అవసరం లేదు. తప్పు చేశాడు, శిక్ష అనుభవించాడు. దీంతోనైనా యువ క్రికెటర్లకు ఏం చేయాలో, ఏం చేయకూడదో తెలుస్తుంది. అంతేకాకుండా నిబంధనలు పాటించకపోతే ఎలాంటి గతి పడుతుందో షకీబుల్‌ను చూసి బుద్ది తెచ్చుకుంటారు. ఇక షకీబుల్‌పై విధించిన రెండేళ్ల నిషేధం సరిపోదు.. నిషేధం ఇంకా ఎక్కువ కాలం విధించాల్సింది’అంటూ వాన్‌ పేర్కొన్నాడు.  ఇక ఓ అంతర్జాతీయ మ్యాచ్‌ సందర్భంగా బుకీలు సంప్రదించిన సమాచారాన్ని చెప్పకపోవడంతోనే షకీబుల్‌పై చర్యలు తీసుకున్నట్లు ఐసీసీ తెలిపింది. అయితే విచారణలో పొరపాటు ఒపుకోవడంతో నిషేధాన్ని ఏడాదాకి పరిమితం చేసింది. అంతేకాకుండా ఈ నిషేధ సమయంలో ఐసీసీ అవినితీ నిరోధక కార్యక్రమాల్లో పాల్గొనాలని ఆదేశించింది. ఇక ఈ 32 ఏళ్ల స్టార్‌ ఆల్‌రౌండర్‌పై నిషేధం అతడి కెరీర్‌కు, బంగ్లా క్రికెట్‌కు పెద్ద ఎదురుదెబ్బ అని విశ్లేషకులు అభిప్రాయపడుతున్నారు. ఈ నిషేధంతో టీమిండియాతో సిరీస్‌కు ముఖ్యంగా ఐపీఎల్‌, ఆస్ట్రేలియా వేదికగా జరిగే టీ20 ప్రపంచకప్‌కు షకీబుల్‌ దూరం కానున్నాడు. ఇక షకీబుల్‌ లేకుండా బంగ్లాదేశ్‌ ఏ మేరకు రాణిస్తుందో వేచి చూడాలి.  

1992 వరల్డ్‌కప్‌ తర్వాత ఆరు టోర్నీలలో ఒక్కసారి కూడా సెమీస్‌ చేరలేకపోయిన ఇంగ్లండ్‌ ఇప్పుడు సొంతగడ్డపై ఎట్టకేలకు తుదిపోరుకు అర్హత సాధించిన సంగతి తెలిసిందే. ప్రపంచకప్‌లో భాగంగా గురువారం బర్మింగ్‌హామ్‌లో జరిగిన మ్యాచ్‌లో డిఫెండింగ్‌ చాంపియన్ ఆస్ట్రేలియాపై గెలుపొందిన ఆతిథ్య జట్టు 44 ఏళ్ల తమ టైటిల్‌ కలను నెరవేర్చుకునేందుకు అడుగు దూరంలో నిలిచింది. తమ చిరకాల ప్రత్యర్థి ఆసీస్‌ను చిత్తు చేసిన మోర్గాన్‌ సేన టైటిల్‌ సాధించేందుకు సన్నద్ధమవుతోంది. ఈ క్రమంలో టీమిండియాను ఓడించిన జట్టే వరల్డ్‌కప్‌ను ఎగరేసుకుపోతుందని ఇంగ్లండ్‌ మాజీ కెప్టెన్‌ మైఖేల్‌ వాన్‌ అభిప్రాయపడ్డాడు. ఈ మేరకు..  ‘ ఇండియాను ఎవరైతే ఓడిస్తారో వాళ్లే ప్రపంచకప్‌ గెలుస్తారు’ అని అతడు చేసిన ట్వీట్‌ క్రికెట్‌ అభిమానుల మధ్య పెద్ద చర్చకు దారి తీసింది. ఈ క్రమంలో మైఖేల్‌ ట్వీట్‌పై స్పందించిన భారత అభిమానులు...‘ మీరు చెప్పిన దాన్ని బట్టి వరల్డ్‌ కప్‌ చాంపియన్‌ కంటే టీమిండియానే అత్యుత్తమ జట్టు అని స్పష్టమవుతోంది అని చమత్కరిస్తుండగా.. .‘ ఫైనలిస్టుల చేతిలో ఇండియా ఓడిపోయింది. ఆ రెండు జట్లను పాకిస్తాన్‌ ఓడించింది. అంటే అన్ని జట్ల కంటే పాక్‌ చాలా గొప్పగా ఆడినట్లు’ అని దాయాది జట్టు ఫ్యాన్స్‌ కామెంట్లు చేస్తున్నారు. ఇంకొంత మంది మాత్రం.. మైఖేల్‌ అసలు నీ ట్వీట్‌లో ఏమైనా లాజిక్‌ ఉందా అని ప్రశ్నిస్తుండగా... మరికొంత మంది.. ‘ 2015 సెమీస్‌ ఫలితాన్నిబట్టి మైఖేల్‌ ఇలా చెబుతున్నారేమో. అంటే ఆనాడు కూడా టీమిండియా సెమీ ఫైనల్‌లో ఓడిపోయింది. వాళ్లపై నెగ్గిన ఆసీస్‌ కప్‌ ఎగురేసుకుపోయింది. దీన్ని బట్టి ఈసారి కప్‌ న్యూజిలాండ్‌దే. ఏమంటావు మైఖేల్‌’ అంటూ వ్యంగ్యాస్త్రాలు సంధిస్తున్నారు. కాగా మెగాటోర్నీలో భాగంగా బర్మింగ్‌హామ్‌లో ఇంగ్లండ్‌తో జరిగిన మ్యాచ్‌లో కోహ్లి సేన తొలి ఓటమి చవిచూసిన సంగతి తెలిసిందే. ఆ తర్వాత తొలి సెమీస్‌ మ్యాచ్‌లో అనూహ్యంగా న్యూజిలాండ్‌ చేతిలో ఓటమి పాలై టోర్నీ నుంచి నిష్క్రమించింది. ఇక గురువారం జరిగిన రెండో సెమీఫైనల్లో ఇంగ్లండ్‌ 8 వికెట్ల తేడాతో ఆస్ట్రేలియాపై జయకేతనం ఎగురవేసింది. ముందుగా బ్యాటింగ్‌కు దిగిన ఆస్ట్రేలియా 49 ఓవర్లలో 223 పరుగుల వద్ద ఆలౌటైంది. స్మిత్‌ (119 బంతుల్లో 85; 6 ఫోర్లు) ఒంటరి పోరాటం చేశాడు. ‘మ్యాన్‌ ఆఫ్‌ ద మ్యాచ్‌’ క్రిస్‌ వోక్స్‌ ప్రత్యర్థిని దెబ్బతీశాడు. లక్ష్యఛేదనకు దిగిన ఇంగ్లండ్‌ 32.1 ఓవర్లలో 2 వికెట్లు కోల్పోయి 226 పరుగులు చేసింది. ఓపెనర్‌ జేసన్‌ రా య్‌ (65 బంతుల్లో 85; 9 ఫోర్లు, 5 సిక్స్‌లు) మెరిపించాడు. మోర్గాన్‌ (39 బంతుల్లో 45 నాటౌట్‌), రూట్‌ (46 బంతుల్లో 49 నాటౌట్‌; 8 ఫోర్లు) రాణించారు. Always said whoever Beats India will the win the World Cup ... 👍 #CWC19 — Michael Vaughan (@MichaelVaughan) July 11, 2019

బర్మింగ్‌హామ్‌ : హాట్‌ ఫేవరెట్‌గా ప్రపంచ కప్‌ను మొదలుపెట్టి, ఓ దశలో అనూహ్య ఓటములతో ముప్పు కొనితెచ్చుకున్న ఆతిథ్య ఇంగ్లండ్‌.. కీలక సమయంలో జూలు విదిల్చి 1992 తర్వాత ప్రపంచకప్‌లో మళ్లీ సెమీఫైనల్‌ మెట్టెక్కింది. ప్రపంచకప్‌లో భాగంగా న్యూజిలాండ్‌తో జరిగిన డూ ఆర్‌ డై మ్యాచ్‌లో ఆతిథ్య ఇంగ్లండ్‌ 119 పరుగుల తేడాతో భారీ విజయం అందుకుని నాకౌట్‌కు దూసుకెళ్లింది. అయితే మూడో స్థానంలో ఉన్న ఇంగ్లండ్‌.. సెమీస్‌లో ఏ జట్టును(ఆస్ట్రేలియా లేక భారత్‌)ఎదుర్కొంటుంది అనే అంశంపై ఆ దేశ అభిమానులు, మాజీ క్రికెటర్లు తీ​వ్రంగా చర్చిస్తున్నారు.  తాజాగా ఈ అంశంపై ఇంగ్లండ్‌ మాజీ సారథి మైకెల్‌ వాన్‌ న్యూజిలాండ్‌ మ్యాచ్‌ అనంతరం ట్విటర్‌ వేదికగా స్పందించాడు. ‘ అద్భుతమైన ప్రదర్శన. గత కొద్ది రోజులుగా ఇంగ్లండ్‌ మానసికంగా ధృడంగా ఉంది. సరైన సమయంలో చాంపియన్‌ ఆట తీరును ప్రదర్శించింది. బర్మింగ్‌హామ్‌కు టీమిండియాను తీసుకరండి’అంటూ ట్వీట్‌ చేశాడు. వాన్‌ ట్వీట్‌పై నెటిజన్లు మిశ్రమంగా స్పందిస్తున్నారు. ఆస్ట్రేలియాను ఓడించే ఇంగ్లండ్‌ ఫైనల్‌కు చేరుతుందని ఇది గుర్తుపెట్టుకోండి అంటూ కామెంట్‌ చేస్తున్నారు. (చదవండి: క్రికెట్‌ను వదిలేస్తున్నా...) ప్రస్తుత సారథి ఇయాన్‌ మోర్గాన్‌ కూడా ఇంగ్లండ్‌ సెమీస్‌కు చేరడం పట్ల ఆనందం వ్యక్తం చేశాడు. భారత్‌ను ఓడించిన బర్మింగ్‌హామ్‌లోనే సెమీస్‌ ఆడనుండటం తమకు కలిసొచ్చే అంశమని మోర్గాన్‌ పేర్కొన్నాడు. ఇక లీగ్‌ మ్యాచ్‌లో భాగంగా శనివారం భారత్‌ శ్రీలంకతో, ఆసీస్‌ దక్షిణాఫ్రికాతో తలపడనున్నాయి. ఈ మ్యాచ్‌ల్లో ఆసీస్‌, భారత్‌ గెలిస్తే.. సెమీస్‌లో ఇంగ్లండ్‌తో కోహ్లి సేన తలపడుతుంది. ఒకవేళ ఆసీస్‌ను సఫారీ జట్టు ఓడించి.. శ్రీలంకపై భారత్‌ గెలిస్తే సమీకరణాలు పూర్తిగా మారతాయి. పాయింట్ల పట్టికలో ఆగ్రస్థానంలో ఉండే భారత్‌ సెమీస్‌లో కివీస్‌ను ఎదుర్కొనే అవకాశం ఉంటుంది.  చదవండి: కోహ్లి సేనకు ఇంగ్లండ్‌ గండం తప్పాలంటే.. కనీసం 316 పరుగులతో గెలవాలి..అయితేనే!!

లీడ్స్‌: ప్రపంచకప్‌లో భాగంగా పాకిస్తాన్‌తో శనివారం జరిగిన మ్యాచ్‌లో అఫ్గాన్‌ చేజేతులో ఓడింది. స్పిన్నర్లు అద్భుత బౌలింగ్‌తో పాక్‌ బ్యాట్స్‌మెన్‌ను కట్టడి చేస్తున్న తరుణంలో అఫ్గాన్‌ కెప్టెన్‌ గుల్బదిన్‌ చెత్త నిర్ణయం తీసుకున్నాడు. అప్పటికీ 228 పరుగుల లక్ష్య ఛేదనలో తడబడిన పాక్‌ ఒక దశలో 45 ఓవర్లలో 6 వికెట్లకు 182 పరుగులు చేసింది. 5 ఓవర్లలో 46 పరుగులు అంటే 9కి పైగా రన్‌రేట్‌తో కష్టసాధ్యమైన పరిస్థితి! ప్రధాన స్పిన్నర్లు రషీద్, ముజీబ్‌లకు కలిపి 3 ఓవర్లు, అంతకుముందు ఓవర్లో 2 పరుగులే ఇచ్చిన లెగ్‌స్పిన్నర్‌ షిన్వారికి మరో 2 ఓవర్లు మిగిలే ఉన్నాయి.  కానీ, అప్పటికే అందరికంటే ఎక్కువ పరుగులు ఇచ్చిన నైబ్‌ అత్యుత్సాహంతో బౌలింగ్‌కు సిద్ధమయ్యాడు. బౌలింగ్‌ (46వ ఓవర్‌) చేసి విజయాన్ని బంగారు పళ్లెంలో పెట్టి ప్రత్యర్థికి అందించాడు. ఈ ఓవర్లో చెలరేగిన ఇమాద్‌ వసీం మూడు ఫోర్లు సహా ఏకంగా 18 పరుగులు రాబట్టి పాక్‌ పని సులువు చేశాడు. ఒక్కసారిగా 18 బంతుల్లో 28 పరుగులకు సమీకరణం మారిపోగా, 16 బంతుల్లోనే పాక్‌ పని పూర్తి చేసింది. ఈ విజయంతో పాక్‌ పాయింట్ల పట్టికలో నాలుగో స్థానానికి చేరగా.. ఇంగ్లండ్‌ ఐదో స్థానానికి పడిపోయింది. (అయ్యో అఫ్గాన్‌!) ఇదిలాఉండగా.. గుల్బదిన్‌ అత్యుత్సాహంపై స్వదేశీ అభిమానులతోపాటు ఇంగ్లండ్‌ మాజీ ఆటగాళ్లు, అభిమానులు సైతం మండిపడుతున్నారు. ప్రపంచకప్‌లో అఫ్గాన్‌ తొలి విజయం సాధించే అవకాశానికి గండికొట్టడంతో పాటు ఇంగ్లండ్‌ సెమీస్‌ అవకాశాలనూ సంక్లిష్టం చేశారని ఇంగ్లీష్‌ జుట్టు మాజీ కెప్టెన్‌ మైఖేల్‌వాన్‌ అసహనం వ్యక్తం చేశాడు. ఓటమితో సెమీస్‌రేసులో వెనకబడిపోతుందనుకున్న పాక్‌కు అనూహ్య విజయాన్నందించాడని ఆగ్రహం వ్యక్తం చేశాడు. ఇక పాక్‌ విజయంతో సెమీస్‌ చేరాలంటే ఇంగ్లండ్‌ భారత్‌, న్యూజిలాండ్‌తో తప్పక గెలవాల్సిన పరిస్థితి నెలకొంది. ఒకవేళ అఫ్గాన్‌ చేతిలో పాక్‌ పరాజయం పాలైతే ఇంగ్లండ్‌ సెమీస్‌ అవకాశాలు మరింత సరళమయ్యేవి. శనివారం ఇక్కడి హెడింగ్లీ మైదానంలో జరిగిన లీగ్‌ మ్యాచ్‌లో పాకిస్తాన్‌ 3 వికెట్ల తేడాతో అఫ్గాన్‌పై గెలుపొందింది. ఫలితంగా తమ సెమీస్‌ అవకాశాలను సజీవంగా ఉంచుకుంది. టాస్‌ గెలిచి ముందుగా బ్యాటింగ్‌కు దిగిన అఫ్గాన్‌ 50 ఓవర్లలో 9 వికెట్ల నష్టానికి 227 పరుగులు చేసింది. అస్గర్‌ అఫ్గాన్‌ (35 బంతుల్లో 42; 3 ఫోర్లు, 2 సిక్సర్లు), నజీబుల్లా జద్రాన్‌ (54 బంతుల్లో 42; 6 ఫోర్లు) టాప్‌ స్కోరర్లుగా నిలిచారు.షాహిన్‌ అఫ్రిది 4 వికెట్లతో ప్రత్యర్థిని దెబ్బ తీశాడు. అనంతరం పాకిస్తాన్‌ 49.4 ఓవర్లలో 7 వికెట్లకు 230 పరుగులు సాధించింది. ‘మ్యాన్‌ ఆఫ్‌ ద మ్యాచ్‌’ ఇమాద్‌ వసీం (54 బంతుల్లో 49 నాటౌట్‌; 5 ఫోర్లు) అద్భుత బ్యాటింగ్‌తో చివరి వరకు నిలిచి జట్టును గెలిపించగా... బాబర్‌ ఆజమ్‌ (51 బంతుల్లో 45; 5 ఫోర్లు), ఇమామ్‌ ఉల్‌ హఖ్‌ (36) రాణించారు.  

లండన్‌ : ఆస్ట్రేలియా చేతిలో ఓటమి అనంతరం ఇంగ్లండ్‌ జట్టు తమ దేశానికే చెందిన మాజీ క్రికెటర్ల నుంచి విమర్శలను ఎదుర్కొంటుంది. ఆస్ట్రేలియాతో జరిగిన మ్యాచ్‌లో సారథి మోర్గాన్‌ భయపడ్డాడని కెవిన్‌ పీటర్సన్‌ చురకలంటించగా.. వరల్డ్‌ కప్‌లో ఇంగ్లండ్‌ పరిస్థితి రోజురోజుకు దిగజారుతోందని మాజీ సారథి మైకేల్‌ వాన్‌ కామెంట్‌ చేశాడు. దీంతో ‘కొంతమందికి ఇంగ్లండ్‌ గెలవడం ఇష్టం లేదు. ఎప్పుడెప్పుడు  ఓడిపోతుందా.. అంటూ జట్టుపై విమర్శలు చేయడానికి ఎదురుచూస్తున్నారు’ అని ఓపెనర్‌ బెయిర్‌స్టో స్పందించాడు. దీనిపై ఇన్‌స్టాగ్రామ్‌లో స్పందించిన  మైకేల్‌ వాన్‌.. ‘బెయిర్‌ స్టోవి తప్పుడు ఆరోపణలు. ఇంతకుముందెన్నడూ లేనంత మద్దతు ప్రస్తుతం ఇంగ్లండ్‌కు లభిస్తుంది. అయితే నువ్వు, మీ జట్టు నిరాశ పరుస్తున్నారు. రెండు మ్యాచ్‌లు గెలిచి సెమీస్‌కు వెళ్లండి చాలు’ అని అన్నారు. బెయిర్‌స్టో వ్యాఖ్యలు దారుణమైనవి అని, ఇంగ్లండ్‌ ఓడిపోవాలని ఎవరూ అనుకోవడంలేదని అలా మాట్లాడటం భావ్యం కాదని పేర్కొన్నారు.

మాంచెస్టర్‌ : ప్రపంచకప్‌లో భాగంగా గురువారం మాంచెస్టర్‌లో వెస్టిండీస్‌పై భారీ విజయాన్ని నమోదు చేసిన టీమిండియాను మాజీ ఇంగ్లండ్‌ కెప్టెన్‌ మైఖేల్‌ వాన్‌ ప్రశంసలతో ముంచెత్తాడు. ఈ సందర్భంగా 'ఇది గుర్తుంచుకోండి..ఎవరైతే టీమిండియాను ఓడిస్తారో వారే ప్రపంచకప్‌ విజేత అవుతార'ని మైఖేల్‌ వాన్‌ ట్వీట్‌ చేశాడు. రెండు సార్లు ప్రపంచ చాంపియన్‌ అయిన టీమిండియా ఇప్పటివరకు ఆడిన ఆరు మ్యాచ్‌ల్లో ఐదు విజయాలతో (ఒకటి రద్దు) దూకుడుగా ఆడుతోందని అభిప్రాయపడ్డాడు. కాగా, విండీస్‌పై 125 పరుగుల తేడాతో గెలిచిన భారత్‌ 11 పాయింట్లతో పట్టికలో రెండవ స్థానానికి చేరుకుంది. తర్వాతి మ్యాచ్‌లో భాగంగా కోహ్లిసేన ఆదివారం ఇంగ్లడ్‌తో తలపనుంది. ఈ సందర్భంగా వాన్‌ చేసిన ట్వీట్‌  ఆసక్తికరంగా మారింది.

లండన్‌ : ‘ఐసీసీ ప్రపంచకప్‌’ క్రికెట్‌ దేశాలకు పెద్ద పండుగ. తామే మైదానంలో ఆడుతున్నామనే ఫీలింగ్‌తో అభిమానులు మ్యాచ్‌లు చూస్తుంటారు. స్థోమత ఉన్నవారు మ్యాచ్‌లకు వెళ్తుంటారు. క్రికెటే దైవంగా భావించే భారత్‌లో అయితే మరీ ఎక్కువ. తమ జట్టు గెలవాలని పూజలు చేయడం ఇక్కడ సర్వసాధారాణం. ప్రపంచంలో ఏ మూల మ్యాచ్‌ జరిగినా భారతీయులు వెళ్లి పెద్ద ఎత్తున తమ జట్టుకు మద్దతు పలుకుతారు. ఇక ఆస్ట్రేలియాలో సైతం క్రికెట్‌ అభిమానులు ఎక్కువే. కానీ ఆదివారం భారత్‌తో జరిగిన మ్యాచ్‌లో ఆ దేశ అభిమానులు ఎక్కడా కనిపించలేదు. మైదానమంతా భారత అభిమానులతోనే నిండిపోయింది. ఇదే విషయాన్ని ప్రస్తావిస్తూ ఇంగ్లండ్‌ మాజీ కెప్టెన్‌ మైఖెల్‌ వాన్‌ ట్వీట్‌ చేశారు. ‘మైదానమంతా వెతికినా ఆటగాళ్లు, సపోర్టింగ్‌ స్టాఫ్‌తో కలిపి ఆసీస్‌ మద్దతుదారులు 33 మందికి మించిలేరు.’ అంటూ వ్యంగ్యాస్త్రాలు సంధించారు. భారత్‌ సత్తా అంటే ఇదని ఇండియన్‌ ఫ్యాన్స్‌ కామెంట్‌ చేయగా.. ఆసీస్‌కు క్రికెట్‌ ఒక్కటే లేదు.. అన్ని క్రీడలున్నాయి అంటూ ఆ దేశ అభిమానులు సమర్ధించుకునే ప్రయత్నం చేశారు. మరికొందరు టికెట్లు దొరకలేదని లేకుంటే వెళ్లేవాళ్లమని పేర్కొన్నారు. So far I have seen 33 Aussie supporters in the Ground at the Oval and that includes the Team and support staff ... !!!! #CWC19 — Michael Vaughan (@MichaelVaughan) June 9, 2019 ఇక ఈ మ్యాచ్‌లో భారత్‌ 36 పరుగుల తేడాతో విజయం సాధించింది. ‘మ్యాన్‌ ఆఫ్‌ ద మ్యాచ్‌’ శిఖర్‌ ధావన్‌ (109 బంతుల్లో 117; 16 ఫోర్లు) సెంచరీతో చెలరేగగా... విరాట్‌ కోహ్లి (77 బంతుల్లో 82; 4 ఫోర్లు, 2 సిక్సర్లు), రోహిత్‌ శర్మ (70 బంతుల్లో 57; 3 ఫోర్లు, 1 సిక్స్‌), హార్దిక్‌ పాండ్యా (27 బంతుల్లో 48; 4 ఫోర్లు, 3 సిక్సర్లు) విజయంలో కీలక పాత్ర పోషించారు. 

లండన్‌: టీమిండియా సారథి విరాట్‌ కోహ్లిని ఓ సుల్తాన్‌లా చూపిస్తూ ఐసీసీ చేసిన ట్వీట్‌ తీవ్ర దుమారం రేపుతోంది. ఐసీసీ తీరును తప్పుబడుతూ ఇప్పటికే మాజీ క్రికెటర్లు, ఫ్యాన్స్‌ ఆగ్రహం వ్యక్తం చేస్తున్నారు. ఐసీసీ.. మరో బీసీసీఐలా వ్యవహరిస్తోందని విమర్శిస్తున్నారు. అయితే ఈ వివాదంపై తాజాగా ఇంగ్లండ్‌ మాజీ సారథి మైకేల్‌ వాన్‌ స్పందించాడు. ఐసీసీ చేసిన ట్వీట్‌ నిష్పక్షపాతంగా లేదంటూ ట్వీట్‌ చేశాడు. అయితే వాన్‌ ట్వీట్‌కు ఐసీసీ స్ట్రాంగ్‌ కౌంటర్‌ ఇస్తూ కింగ్‌ కోహ్లి ఫోటోను సమర్థించుకుంది. వన్డే, టెస్టు ర్యాంకింగ్స్‌లో కోహ్లి నంబర్‌ వన్‌ అంటూ కామెంట్‌ చేస్తూ, పలు స్క్రీన్‌ షాట్‌లను జత చేసి పోస్ట్‌ చేసింది.   అసలేం జరిగిందంటే.. ప్రపంచకప్‌లో భాగంగా దక్షిణాఫ్రికాతో టీమిండియా మ్యాచ్‌కు ముందు ఐసీసీ కోహ్లి ఫోటోను షేర్‌ చేసింది. ఆ ఫోటోలో కోహ్లి ఓ చేతిలో బ్యాట్‌, మరో చేతిలో బాల్‌, కిరీటం ధరించి, రాజును పోలిన డ్రెస్‌లో దర్శనమిచ్చాడు. అంతేకాదు టీమిండియా గెలిచిన ప్రపంచకప్‌ సంవత్సరాలతో పాటు కోహ్లిని పొగుడుతూ కొన్ని కొటేషన్స్‌లు అందులో ఉన్నాయి. అయితే దీనిపై నెటిజన్లు మండిపడుతున్నారు. ‘ఐసీసీ, బీసీసీఐ ఒక్కటయ్యాయి’,‘బీసీసీఐ.. ఐసీసీని సొంతం చేసుకుంది’,‘టీమ్‌ఇండియా అభిమాని లాగా ఐసీసీ ప్రవర్తిస్తోంది’ అంటూ నెటిజన్లు కామెంట్‌ చేసిన విషయం తెలిసిందే.

జైపూర్‌: ఇండియన్‌ ప్రీమియర్‌ లీగ్‌(ఐపీఎల్‌)లో ‘మన్కడింగ్‌’ వివాదం రచ్చ లేపగా.. తాజాగా మరో నిబంధన తీవ్ర చర్చనీయాంశమైంది. ‘బంతి వికెట్లను తాకినా బెయిల్స్‌ కింద పడితేనే బ్యాట్స్‌మన్‌ అవుట్‌’ అనే నిబంధనపై క్రీడా పండితులు పెదవి విరుస్తున్నారు. ఇప్పటివరకు ఈ ఐపీఎల్‌ సీజన్‌లో ఏకంగా మూడు సంఘటనలు జరగడంతో ఈ నిబంధన తొలిగిస్తే మంచిదని క్రీడా విశ్లేషకులు అభిప్రాయపడుతున్నారు. పొట్టి ఫార్మట్‌లో నిబంధనలు బౌలర్‌కు అనుకూలంగా ఉండాలని వారు పేర్కొంటున్నారు.  తాజాగా ఈ నిబంధనపై ఇంగ్లండ్‌ మాజీ సారథి మైకెల్‌ వాన్‌ స్పందించాడు. ‘బౌలర్‌ వేసిన అద్భుత బంతి బ్యాట్స్‌మన్‌ను తప్పించుకుంటూ వికెట్‌ను తాకింది. అయితే కేవలం బెయిల్స్‌ పడనంత మాత్రానా బ్యాట్స్‌మన్‌ అవుట్‌ కాదని ఆనడం హాస్యాస్పదం. ఈ నిబంధన తీసేస్తేనే క్రికెట్‌కు మంచిది’అంటూ వాన్‌ పేర్కొన్నాడు. ఈ నిబంధనతో ఈ సీజన్‌లో ఇప్పటివరకు ఎక్కువగా నష్టపోయింది రాజస్తాన్‌ రాయల్స్‌ జట్టు. ఆదివారం కోల్‌కతా‌-రాజస్తాన్‌ జట్ల మధ్య మ్యాచ్‌ జరిగింది. అయితే కేకేఆర్‌ ఇన్నింగ్స్‌ సందర్బంగా.. క్రిస్‌లిన్‌ బ్యాటింగ్‌ చేస్తుండగా ధవల్‌ కులకర్ణి వేసిన నాలుగో ఓవర్‌ రెండో బంతి.. వికెట్లను తాకింది. కానీ బెయిల్స్‌ కిందపడలేదు. విచిత్రంగా ఆ బంతి బౌండరీ వెళ్లింది. దీంతో క్రిస్‌లిన్‌ బతికిపోగా.. కోల్‌కతాకు నాలుగు పరుగులు లభించాయి. ఇక ఆ సమయంలో క్రిస్‌లిన్‌ కేవలం 13 పరుగులు మాత్రమే చేశాడు. ఇక దొరికిన ఈ అవకాశంతో చెలరేగిపోయాడు. హాఫ్‌ సెంచరీ సాధించి జట్టు విజయంలో కీలకపాత్ర పోషించాడు. మార్చి 31న చెన్నై సూపర్‌ కింగ్స్‌- రాజస్తాన్‌ జట్ల మధ్య జరిగిన మ్యాచ్‌లో ధోని అద్భుత అర్దశతకంతో జట్టుకు విజయాన్నందించాడు. అయితే ధోని మూడు పరుగుల వ్యక్తిగత స్కోర్‌ వద్ద ఆర్చర్‌ బౌలింగ్‌లో ధోని డిఫెన్స్‌ ఆడేందుకు ప్రయత్నించాడు. అయితే బంతి ధోని పాదాలకు తాకి వికెట్‌ను తాకింది. కానీ బెయిల్స్‌ మాత్రం కింద పడలేదు. దీంతో ధోని ఊపిరిపీల్చుకున్నాడు. కింగ్స్‌ పంజాబ్‌-చెన్నై మధ్య జరిగిన మ్యాచ్‌లో కూడా ధోని కొట్టిన బంతి వికెట్లకు తాకినప్పటికి బెయిల్స్‌ కిందపడలేదు. దీంతో కేఎల్‌ రాహుల్‌కు లైఫ్‌ లభించిన విషయం తెలిసిందే. ఈ ఘటనలపై నెటిజన్లు కుళ్లు జోకులు పేల్చుతున్నారు. ఐపీఎల్‌లో వాడుతున్న బెయిల్స్‌ ఫెవికాల్‌ యాడ్‌కి గొప్పగా న్యాయం చేస్తున్నాయంటూ వ్యంగ్యాస్త్రాలు సంధిస్తున్నారు.  చదవండి: ‘ధోనీనా మజాకా.. ఆఖరికి బెయిల్స్‌ కూడానా!’ వైరల్‌: ధోని గురి అదిరింది కానీ.. బెయిల్స్‌ పడకపోతే ఫోర్‌ ఇస్తారా?

హైదరాబాద్‌: సునాయసంగా గెలవాల్సిన మ్యాచ్‌లో అనూహ్యంగా పరాజయం చవిచూసిన ఢిల్లీ క్యాపిటల్స్‌పై విమర్శలు వెల్లువెత్తుతున్నాయి. ఇప్పటికే సోషల్‌ మీడియా వేదికగా ఢిల్లీ ఫ్యాన్స్‌, మాజీ ఆటగాళ్లు ఢిల్లీ క్యాపిటల్స్‌ ఆటగాళ్ల ఆటతీరుపై మండిపడుతున్నారు. తాజాగా ఇంగ్లండ్‌ మాజీ కెప్టెన్‌ మైకేల్‌ వాన్‌ ఢిల్లీ జట్లుపై వ్యంగ్యాస్త్రాలు సంధించారు. ‘కింగ్స్‌ పంజాబ్‌తో జరిగిన మ్యాచ్‌లో మళ్లీ ఢిల్లీ డేర్‌ డెవిల్స్‌ను చూసినట్టుంది’అంటూ సెటైర్‌ వేశారు. ఇక ముఖ్యంగా యువ సంచలనం రిషభ్‌ పంత్‌ నిర్లక్ష్యంగా ఆడుతున్నాడని..  చివరి వరకు ఉండి జట్టును ఎలా గెలిపించాలో ధోనిని చూసి నేర్చువాలంటూ నెటిజన్లు సూచిస్తున్నారు. ఐపీఎల్‌లో ఇప్పటివరకు ఢిల్లీ మాత్రమే ఫైనల్‌కు చేరలేదు. అయితే ఈ సీజన్‌లో కొత్త జెర్సీ. జట్టు పేరుతో ఎంట్రీ ఇచ్చిన ఢిల్లీ జట్టు ఆటతీరు మారలేదంటూ విశ్లేషకులు విమర్శిస్తున్నారు.  ఇండియన్‌ ప్రీమియర్‌ లీగ్(ఐపీఎల్‌)-12లో భాగంగా సోమవారం కింగ్స్‌ పంజాబ్‌తో జరిగిన మ్యాచ్‌లో 14 పరుగుల తేడాతో ఢిల్లీ క్యాపిటల్స్‌ ఓటమి చవిచూసింది. ఢిల్లీ విజయానికి చివరి నాలుగు ఓవర్లలో 30 పరుగులు కావాలి. అప్పటికి చేతిలో  ఏడు వికెట్లు ఉన్నాయి. దాంతో ఢిల్లీ విజయం ఖాయమనుకున్నారు. ఆ సమయంలో క్రీజ్‌లో ఉన్న రిషభ్‌ పంత్‌-ఇన్‌గ్రామ్‌లు కుదురుగా ఆడుతున్నారు. అయితే జట్టు స్కోరు 144 పరుగుల వద్ద ఉండగా రిషభ్‌ పంత్‌ బౌల్డ్‌ అయ్యాడు. షమీ వేసిస 17 ఓవర్‌ మూడో బంతికి  సిక్సర్‌ కొట్టి మంచి దూకుడుగా కనిపించిన పంత్‌..ఆ మరుసటి బంతికి బౌల్డ్‌ అయ్యాడు. ఆ తర్వాత ఢిల్లీ పతనం మొదలైంది. ఎనిమిది పరుగుల వ్యవధిలో ఏడు వికెట్లు కోల్పోవడంతో ఢిల్లీ పరాజయం చెందింది.  అద్భుత బౌలింగ్‌తో హ్యాట్రిక్‌ సహా నాలుగు వికెట్లు తీసిన సామ్‌ కరన్‌ ఢిల్లీ  పతనాన్ని శాసించాడు. చదవండి:  ‘8 పరుగులకే 7 వికెట్లు అంటే నమ్మశక్యంగా లేదు’ మరిన్ని విజయాలు సాధిస్తాం సామ్‌ కరన్‌ హ్యాట్రిక్‌

న్యూఢిల్లీ : క్రికెట్‌ అభిమానులు ఎంతో ఆసక్తిగా ఎదురుచూస్తున్న ఇండియన్‌ ప్రీమియర్‌ లీగ్‌(ఐపీఎల్‌) సీజన్‌-12 మరి కొద్ది గంటల్లో ప్రారంభం కానుంది. ఇక ఈ సారి ఏ జట్టు ట్రోఫీ గెలుస్తుందా అని అందరూ ఆసక్తిగా ఎదురుచూస్తున్నారు. ఈ తరుణంలో ఇంగ్లండ్‌ మాజీ సారథి మైకెల్‌ వాన్‌ రాయల్‌ చాలెంజర్స్‌ బెంగళూర్‌ అభిమానులకు తీపి కబురు చెప్పారు. ఈ సారి కచ్చితంగా కోహ్లి సారథ్యంలోని ఆర్సీబీనే టైటిల్‌ గెలుస్తుందని జోస్యం చెప్పారు. అంతేకాకుండా ఆరెంజ్‌, పర్పుల్‌ క్యాప్‌లను కూడా ఎవరు సొంతం చేసుకుంటారో వాన్‌ అంచనా వేశాడు. ఈ సీజన్‌లో ఢిల్లీ క్యాపిటల్స్‌ స్టార్‌ బ్యాట్స్‌మన్‌ రిషభ్‌ పంత్‌ ఆరెంజ్‌ క్యాప్‌(అత్యధిక పరుగులు సాధించిన బ్యాట్స్‌మన్‌కు ఇస్తారు)ను సొంతం చేసుకుంటాడని, కోల్‌కతా నైట్‌రైడర్స్‌ స్పిన్‌ బౌలర్‌ కుల్దీప్‌ యాదవ్‌ పర్పుల్‌ క్యాప్‌(అత్యధిక వికెట్లు సాధించిన బౌలర్‌కు ఇస్తారు) గెలుచుకుంటాడని వాన్‌ అభిప్రాయపడ్డాడు. టైటిల్‌ను ఆర్సీబీనే కచ్చితంగా గెలుస్తుందని స్పష్టం చేశారు. ఇక దీనిపై ఆర్సీబీ ఫ్యాన్స్‌ పండగ చేసుకుంటున్నారు. వాన్‌ ట్వీట్‌ను షేర్‌ చేస్తూ కింగ్ కోహ్లి‌.. ఐపీఎల్‌ కింగ్‌ అవుతాడంటూ కామెంట్‌ చేస్తున్నారు. ఇక నేటి నుంచి ప్రారంభం కానున్న ఈ మెగా టోర్నీ తొలి పోరులో డిఫెండింగ్‌ చాంపియన్‌ చెన్నై సూపర్‌ కింగ్స్‌తో రాయల్‌ చాలెంజర్స్‌ బెంగళూరు తలపడనుంది.  

హైదరాబాద్‌: క్రికెట్ గాడ్, మాస్టర్ బ్లాస్టర్ సచిన్ టెండూల్కర్ కంటే ప్రసుత టీమిండియా సారథి విరాట్‌ కోహ్లినే అత్యుత్తమ ఆటగాడని ఇంగ్లండ్‌ మాజీ సారథి మైకేల్‌ వాన్‌ తన అభిప్రాయాన్ని వ్యక్తం చేశాడు. అయితే కేవలం వన్డే క్రికెట్‌లో మాత్రమే కోహ్లి అత్యుత్తమ ఆటగాడంటూ పేర్కొన్నాడు. టీమిండియా పరుగుల యంత్రం తన మైమరిపించే ఆటతో అనేక కొత్త రికార్డులను కొల్లగొడుతున్నాడని వాన్‌ ప్రశంసలు జల్లు కురిపించాడు. దీంతో వన్డేల్లో అత్యుత్తమ ఆటగాళ్ల జాబితాలో ఇప్పటివరకు ఆగ్రస్థానంలో ఉన్న సచిన్‌, బ్రియన్ లారాలను కోహ్లి వెనక్కి నెట్టాడని వివరించాడు. ప్రస్తుతం మైకేల్‌ వాన్‌ చేసిన వ్యాఖ్యలు సోషల్‌ మీడియాలో హాట్‌టాపిక్‌గా మారాయి. గత కొద్ది నెలలుగా కోహ్లి, సచిన్‌లలో ఎవరు గొప్ప అనే అంశం అటు అభిమానుల్లో ఇటు క్రికెట్‌ పండితుల మధ్య పెద్ద చర్చనీయాంశంగా మారిన విషయం తెలిసిందే.  ఇక శుక్రవారం ఆస్ట్రేలియాతో జరిగిన మూడో వన్డేలో కోహ్లి తన 41వ వన్డే సెంచరీ నమోదు చేశాడు. అయితే కోహ్లి శతకం టీమిండియాకు విజయాన్ని అందించలేకపోయింది. ఈ మ్యాచ్‌లో టీమిండియా 32 పరుగుల తేడాతో ఓటమి చవిచూసింది. ఇక ఈ సిరీస్‌లో కోహ్లికిది రెండో సెంచరీ.. నాగ్‌పూర్‌ వన్డేలో కూడా శతకం నమోదు చేసి జట్టుకు విజయాన్ని అందించాడు.  ప్రస్తుతం కోహ్లి ఫామ్‌ను చూస్తే వన్డేల్లో సచిన్‌(49) అత్యధిక సెంచరీల రికార్డును త్వరలోనే అధిగమించే అవకాశం ఉందని క్రీడా విశ్లేషకులు అభిప్రాయపడుతున్నారు. ఇక ఐసీసీ టెస్టు, వన్డే ర్యాంకింగ్స్‌లో కోహ్లి ఆగ్రస్థానంలో కొనసాగుతున్న విషయం తెలిసిందే.    విరాట్‌ కోహ్లి మరో రికార్డు ఇక చాలు.. మళ్లీ చూడదల్చుకోలేదు : కోహ్లి టీ20 చరిత్రలో ఇంత ఘోర ఓటమా!

హామిల్టన్‌: న్యూజిలాండ్‌తో నాల్గో వన్డేలో టీమిండియా ఓటమి పాలైన తర్వాత ఇంగ్లండ్‌ మాజీ కెప్టెన్‌ మైకేల్‌ వాన్‌ చేసిన ట్వీట్‌ మిస్‌ ఫైర్‌ అయ్యింది. భారత్‌ 92 పరుగులకు ఆలౌట్‌ కావడాన్ని ఉదహరిస్తూ.. ఈ రోజుల్లో వంద పరుగుల లోపు ఆలౌటయ్యే జట్టు ఉందంటే అది నమ్మశక్యంగా లేదంటూ వాన్‌ ట్వీట్‌ చేశాడు. దీనిపై భారత అభిమానులు తీవ్ర స్థాయిలో మండిపడుతున్నారు. ‘అసలు భారత్‌ జట్టును హేళన చేసే ముందు నీ జట్టు పరిస్థితి చూసుకో’ అంటూ ట్వీటర్‌ వేదికగా విమర్శలు గుప్పిస్తున్నారు. ఈ మేరకు ఇటీవల వెస్టిండీస్‌తో జరిగిన టెస్టు మ్యాచ్‌లో ఇంగ్లండ్‌ 77 పరుగులకు ఆలౌట్‌ కావడాన్ని భారత క్రికెట్‌ ఫ్యాన్స్‌ జోడించి మరీ వాన్‌ను ఆడేసుకుంటున్నారు. ‘92 పరుగులు ఎక్కువా.. 77 పరుగులు ఎక్కువా’ అంటూ వాన్‌కు ప్రశ్నల వర్షం కురిపిస్తున్నారు.  ‘ ఈ రోజుల్లో 77 పరుగులకు ఆలౌటయ్యే జట్టు కూడా ఉందా’ అంటూ సెటైర్లు వేస్తున్నారు. ‘ మా జట్టు పూర్తిస్థాయిలో బరిలోకి దిగకపోవడంతో 92 పరుగులకు ఆలౌటయ్యాం.. మరి మీరు పూర్తిస్థాయి జట్టుతో దిగి ఎనిమిదో ర్యాంక్‌ వెస్టిండీస్‌పై 77 పరుగులు చేయడం నమ్మశక్యంగా ఉందా’ అని ప‍్రశ్నిస్తున్నారు.

పెర్త్‌: ఆసీస్‌తో ఇక్కడ జరుగుతున్న రెండో టెస్టులో టీమిండియా నలుగురు పేసర్లతో పోరుకు సిద్ధమైన సంగతి తెలిసిందే. పెర్త్‌ వికెట్‌పై పచ్చిక ఎక్కువగా ఉన్న కారణంగా పేసర్ల వైపే టీమిండియా మొగ్గుచూపింది. గాయపడిన రవిచంద్రన్‌ అశ్విన్‌ స్థానంలో ఉమేశ్‌ యాదవ్‌ జట్టులోకి రాగా, రోహిత్‌ శర్మ స్థానంలో హనుమ విహారికి అవకాశం దక్కింది. అయితే పెర్త్‌ టెస్టులో రవీంద్ర జడేజాకు అవకాశం కల్పించకపోవడం టీమిండియా చేసిన పొరపాటుగా ఇంగ్లండ్‌ మాజీ కెప్టెన్‌ మైకేల్‌ వాన్‌ అభిప్రాయపడ్డాడు. ‘పెర్త్‌ టెస్టు కోసం టీమిండియా జట్టు ఎంపిక బాలేదు. ప్రధానంగా జడేజాకు స్థానం కల్పించకపోవడం కచ్చితంగా తప్పే. జడేజాను తీసుకోకుండా భారత్ పొరపాటు చేసిందని అనుకుంటున్నాను. కేవలం అతను బౌలింగ్‌లోనే కాదు. బ్యాటింగ్‌లోనూ రాణిస్తూ.. లోయర్ ఆర్డర్‌ బ్యాట్స్‌మెన్‌గానూ రాణించేవాడు. దీంతో భారత్‌కు రెండో టెస్టులో మరి కాసేపు ఇన్నింగ్స్ కొనసాగించేందుకు అవకాశం ఉండేది. ఈ ఎంపిక ఆస్ట్రేలియాకు ఓ రకంగా ఉపయోగపడుతుందనే చెప్పాలి' అని వాన్‌ పేర్కొన్నాడు.  

లండన్‌: క్రికెట్‌ ఆస్ట్రేలియా(సీఏ)ఎలెవన్‌తో జరిగిన ప్రాక్టీస్‌ మ్యాచ్‌లో టీమిండియా యువ క్రికెటర్‌ పృథ్వీ షా గాయపడి తొలి టెస్టుకు దూరమైన నేపథ్యంలో అతని స్థానంలో రోహిత్‌ శర్మకు అవకాశం ఇవ్వాలని ఇంగ్లండ్‌ మాజీ కెప్టెన్‌ మైకేల్‌ వాన్‌ సూచించాడు. రోహిత్‌ను తుది జట్టులోకి తీసుకుని టాపార్డర్‌లో ఆడిస్తే బాగుంటుందన్నాడు. ‘ పృథ్వీ షా ఒక అసాధారణ యువ క్రికెటర్‌. అతను గాయపడటం జట్టుకు లోటే. కాకపోతే పృథ్వీ షా స్థానంలో రోహిత్‌ను జట్టులోకి తీసుకుంటే బాగుంటుందనేది నా అభిప్రాయం. రోహిత్‌కు టెస్టు క్రికెట్‌లో మంచి గణాంకాలు లేకపోయినా అతను మంచి క్రికెటర్‌’ అని వాన్‌ పేర్కొన్నాడు. క్రికెట్ ఆస్ట్రేలియా ఎలెవన్ జట్టుతో మ్యాచ్‌లో శుక్రవారం ఫీల్డింగ్ చేస్తూ  పృథ్వీ షా గాయపడి తొలి టెస్టుకు దూరమైన విషయం తెలిసిందే. ఈ నేపథ్యంలో అతని స్థానంలో రోహిత్ శర్మని ఓపెనర్‌గా ఆడించాలని అభిమానులు సోషల్ మీడియాలో విజ్ఞప్తి చేస్తున్నారు. పరిమిత ఓవర్ల క్రికెట్‌లో తనదైన ముద‍్ర వేసిన రోహిత్‌ను టెస్టు ఫార్మాట్‌లో సైతం మరొకసారి ప్రయోగించి చూడాలని కోరుతున్నారు. ఆసీస్‌తో నాలుగు టెస్టు సిరీస్‌లో భాగంగా తొలి టెస్టు డిసెంబర్‌ 6వ తేదీన ఆడిలైడ్‌లో జరుగనుంది.  

లండన్‌ : టీమిండియా కెప్టెన్‌ విరాట్‌ కోహ్లి ప్రపంచంలోనే ఓ గొప్ప బ్యాట్స్‌మెన్‌.. కానీ ప్రంపంచంలోనే ఓ చెత్త రివ్యూయర్‌ కూడా అతనే అని ఇంగ్లండ్‌ మాజీ కెప్టెన్‌ మైకేల్‌ వాన్‌ అభిప్రాయపడ్డారు. భారత్‌-ఇంగ్లండ్‌ మధ్య జరుగుతున్న చివరి టెస్ట్‌ నేపథ్యంలో వాన్‌ ఈ వ్యాఖ్యలు చేశారు. ఇంగ్లండ్‌ రెండో ఇన్నింగ్స్‌లో కెప్టెన్‌ కోహ్లి అప్పుడే రెండు డీఆర్‌ఎస్‌(డిసిషన్‌ రివ్యూ సిస్టమ్‌)లను వృథా చేశాడు. రెండింట్లో భారత్‌కు ఫలితం ప్రతికూలంగానే వచ్చింది. దీంతో  వాన్‌ ‘ విరాట్‌ ప్రపంచంలోనే ఓ గొప్ప బ్యాట్స్‌మన్‌. కానీ నిజమేంటంటే ప్రపంచంలోనే ఓ చెత్త రివ్యూయర్‌ కూడా అతనే’  అని ట్వీట్‌ చేశాడు. ఇంగ్లండ్‌ రెండో ఇన్నింగ్స్‌లో జడేజా వేసిన 10వ ఓవర్‌ రెండో బంతి ఆ జట్టు ఓపెనర్‌ జెన్నింగ్స్‌ ప్యాడ్స్‌కు తగిలింది. దీంతో వెంటనే సమీక్ష కోరిన భారత కెప్టెన్‌కు నిరాశే ఎదురైంది. బంతి ఔట్‌ స్టంప్స్‌కు వెళ్లినట్లు రిప్లేలో స్పష్టం అయింది. మళ్లీ 12వ ఓవర్‌లో అదే జడేజా వేసిన బంతి కుక్‌ ప్యాడ్లకు తాకింది. మళ్లీ కోహ్లి సమీక్ష కోరి భంగపడ్డాడు. దీంతో రెండు రివ్యూలు వృథా అయ్యాయి. ఇక ఇంగ్లండ్‌ రెండో ఇన్నింగ్స్‌ కుదురుగా ఆడుతోంది. ఆదివారం ఆట ముగిసే సమయానికి రెండో వికెట్లు కోల్పోయి 114 పరుగులు చేసింది. చదవండి : భారత్‌- ఇంగ్లండ్‌ సిరీస్‌ ముచ్చట్లు

బ్రిస్టల్‌ : ఇంగ్లండ్‌ ఆల్‌రౌండర్‌ బెన్‌స్టోక్స్‌పై ఆ జట్టు మాజీ కెప్టెన్‌ మైఖెల్‌ వాన్‌ తీవ్ర విమర్శలు చేశాడు. స్టోక్స్‌ ఏం హీరో కాదని, అతడిని హీరోగా చిత్రీకరించే యత్నాలు చేయవద్దని సూచించాడు. బీబీసీ మీడియాతో వాన్‌ మాట్లాడుతూ పలు విషయాలు ప్రస్తావించాడు. ఇంగ్లండ్‌ క్రికెట్‌ ఫ్యాన్స్‌కు స్టోక్స్‌ కచ్చితంగా క్షమాపణ చెప్పి తీరాల్సిందేనని అభిప్రాయపడ్డాడు వాన్‌. కాగా తొలి టెస్టులో భారత్‌ రెండో ఇన్నింగ్స్‌లో విరాట్‌ కోహ్లి సహా మూడు వికెట్లు తీసి ఇంగ్లండ్‌ విజయంలో కీలకపాత్ర పోషించాడు స్టోక్స్‌. ‘ఇంగ్లండ్‌ క్రికెట్‌ ప్రేమికులకు మనవి చేస్తున్నా. బెన్‌స్టోక్స్‌ను హీరోలా చూడవద్దు. డ్రెస్సింగ్‌ రూమ్‌ కూడా అతడి సాధారణ ఆటగాడిగానే చూస్తే మంచిది. అతడు ఆటను వివాదాల్లోకి లాగుతున్నాడు. విలన్‌గా ప్రవర్తిస్తూ స్టోక్స్‌ ఆటను భ్రష్టు పట్టిస్తున్నాడు. ఓవరాల్‌ ఇంగ్లండ్‌ ఫ్యాన్స్‌కు, తనను ప్రేమించే వారికి స్టోక్స్‌ ఎన్నో క్షమాపణలు చెప్పినా తక్కువే. గత ఏడాదికాలం నుంచి జరిగిన విషయాలపై స్టోక్స్‌ శ్రద్ధ పెట్టాలి. కుటుంబాన్ని ఇరుకున పడేయకుండా.. జట్టుకు పేరు తెచ్చేలా నడుచుకుంటే ఆ ఆల్‌రౌండర్‌ కెరీర్‌కు మంచిది. అతడి ప్రవర్తన వల్ల 8 రోజులపాటు క్రౌన్‌ కోర్టుకు విచారణకు కావాల్సి వచ్చిందని గుర్తుంచుకోవాలని’ స్టోక్స్‌ను ఉద్దేశించి మైఖెల్‌ వాన్‌ వ్యాఖ్యానించాడు.  కాగా, వీడియో ఆధారాలు, సాక్ష్యాలు వ్యతిరేకంగా ఉన్నప్పటికీ.. పోలీసులు నమోదు చేసిన అఫ్రే (బహిరంగ ప్రదేశంలో ప్రశాంతతకు భంగం కలిగించే విధంగా గొడవకు దిగడం) ఆరోపణల నుంచి స్టోక్స్‌కు విముక్తి కలిగిన విషయం తెలిసిందే. ఈ కేసులో స్టోక్స్‌తో పాటు సహ నిందితుడిగా ఉన్న ర్యాన్‌ అలీని కూడా కోర్టు నిర్దోషిగా తేల్చగా, మూడో నిందితుడు ర్యాన్‌ హేల్‌ తప్పు చేయలేదని కోర్టు ఇంతకు ముందే ప్రకటించింది. అయితే ఇద్దరు ‘గే’ వ్యక్తులను రక్షించే ప్రయత్నంలోనే తాను జోక్యం చేసుకుని గొడవకు దిగాల్సి వచ్చిందని స్టోక్స్‌ వివరణ ఇవ్వగా కోర్టు సంతృప్తి చెందింది.

బర్మింగ్‌హమ్‌: ఎంతో ఆసక్తిగా ఎదురుచూస్తున్న భారత్‌-ఇంగ్లండ్‌ల తొలి టెస్టు బుధవారం ఆరంభం కానుంది. ఈ క్రమంలో ఇంగ్లండ్‌ జట్టు మొత్తం టీమిండియా కెప్టెన్‌ విరాట్‌ కోహ్లినే లక్ష్యంగా పెట్టుకోవాలని పలువురు సూచనలిస్తున్నారు.  ప్రస్తుతమున్న బ్యాట్స్‌మెన్‌లో  ప్రతిభ ఆధారంగా చూస్తే కోహ్లి విశేషంగా రాణించే అవకాశం ఉండటంతో అతణ్ని కట్టడి చేస్తే పరుగులను అదుపు చేయవచ్చని ఇంగ్లండ్‌ మాజీ కెప్టెన్‌ మైకేల్‌ వాన్‌ అభిప్రాయపడ్డాడు. కోహ్లికి బంతులు సంధించే క్రమంలో కసిగా విసరాలని సూచించాడు. ‘కసిగా ఉండండి, విరాట్‌ కోహ్లిని సవాల్‌ చేయండి. స్టువర్ట్‌ బ్రాడ్‌, అండర్సన్‌ రంగంలోకి దిగి విరాట్‌ కోహ్లిని అడ్డుకోవాలి. జో రూట్‌ తన బృందంతో మాట్లాడి వారిలో కసి నింపాలి. అవసరమైతే ఒక్కొక్క ఆటగాడితో వ్యక్తిగతంగా మాట్లాడాలి. అండర్సన్‌, స్టువర్ట్‌ బ్రాడ్‌లు కోహ్లి కోసం ప్రత్యేక ప్రణాళికలు రచించాలి. అతడు ఫ్రంట్‌ ఫుట్‌ ఆడకుండా సవాల్‌ చేయాలి. బంతుల్ని అవుట్‌ సైడ్‌ ఆఫ్‌ స్టంప్‌ వైపు విసరాలి’ అని వాన్‌ పేర్కొన్నాడు. ప్రధానంగా బంతి నేరుగా వికెట్లు వైపు విసిరి బంతి దూరంగా పోతుందా లేదా అని సందేహ పడేలా చేస్తే కోహ్లిని తొందరగానే పెవిలియన్‌ పంపవచ్చాన్నాడు. దాంతో ఇంగ్లండ్‌కు మ్యాచ్‌పై పట్టు సాధించే అవకాశం దక్కుతుందన్నాడు. చదవండి: కోహ్లి గొప్పతనం బ్రిటన్‌ చూడబోతోంది!

లండన్‌: తనను ఇంగ్లండ్‌ టెస్టు క్రికెట్‌లో తిరిగి ఎంపిక చేయడాన్ని తప్పుబట్టిన మాజీ కెప్టెన్‌ మైకేల్‌ వ్యాఖ్యలపై స్పిన్నర్‌ ఆదిల్‌ రషీద్‌ మండిపడ్డాడు. తాను టెస్టు క్రికెట్‌కు పనికిరానంటూ వాన్‌ వ్యాఖ్యానించడం కచ్చితంగా మూర్ఖత్వంతో కూడుకున్నదని, అవి అసలు లెక్కలోకే రాదని విమర్శించాడు. సుదీర్ఘ కాలంగా టెస్టు క్రికెట్‌ ఆడని  రషీద్‌ను మళ్లీ ఆ ఫార్మాట్‌లో ఎంపిక చేయడాన్ని ఆ దేశ మాజీ క్రికెటర్లు విమర్శిస్తున్నారు. మైకేల్‌ వాన్‌ అయితే ‘హాస్యాస్పదం’ అంటూ తీవ్ర వ్యాఖ్యలు చేశారు. దీనిపై  స్పందించిన రషీద్‌.. ‘మైకేల్‌ వాన్‌ చాలా మాట్లాడతాడు. వాటిని అందరూ వింటారని భావిస్తుంటాడు. కానీ అతడి అభిప్రాయాలను ఎవరూ పట్టించుకోరు. ఈ ఏడాది ఆరంభంలో నేను ఎరుపు బంతి క్రికెట్‌ ఆడనని చెప్పినప్పుడూ అతడేదో అన్నాడు. అతనెప్పుడూ వివాదాస్పద వ్యాఖ్యలు చేయాలనే కోరుకుంటాడు.  నాపై వాన్‌కు దురుద్దేశం ఉందనుకోను. అతడి కెప్టెన్సీలో అతడితో పాటూ ఆడాను. చేయడానికి ఏదీ తోచనప్పుడు, బోర్‌ కొట్టినప్పుడు ఏదో ఒకటి మాట్లాడుతుంటాడు. ప్రధానంగా మాజీ క్రికెటర్లు ఏదొక మాట్లాడటాన్ని పనిగా పెట్టుకుంటారు’ అని రషీద్‌ ఎద్దేవా చేశాడు. చదవండి: రషీద్‌ను మళ్లీ రప్పించారు..! 

బ్రి‍స్టల్‌ : భారత జట్టుపై ఇంగ్లండ్‌ మాజీ కెప్టెన్‌ మైఖెల్‌ వాగన్‌ ఫైర్‌ అయ్యాడు. ఆదివారం ఆతిథ్య జట్టుతో జరిగిన సిరీస్‌ నిర్ణయాత్మక మ్యాచ్‌లో భారత్‌ 7 వికెట్ల తేడాతో విజయం సాధించిన విషయం తెలిసిందే. అయితే ఇంగ్లండ్‌ ఓటమికి కోహ్లిసేన స్లో ఓవర్‌ రేటే కారణమని ఈ మాజీ కెప్టెన్‌ అభిప్రాయపడ్డాడు. దీని కారణంగానే భారత బౌలర్లు చివర్లో చెలరేగి ఇంగ్లండ్‌ను కట్టడి చేశారని తెలుపుతూ ట్వీట్‌ చేశాడు.  అయితే ఈ మాజీ కెప్టెన్‌కు భారత అభిమానులు కూడా దీటుగా బదులిస్తున్నారు. ప్రతి బంతి మైదానం బయట పడ్డదన్న విషయాన్ని పరిగణలోకి తీసుకోవాలని ఒకరు కామెంట్‌ చేయగా..  ‘ఇరు జట్ల స్కోర్స్‌ 200 పరుగులు, 8 వికెట్లు దీన్నిబట్టే బంతి చాలసార్లు మైదానం బయటపడిందని, వికెట్ల కోల్పోవడంతో సమయం వృథా అయిందని చెప్పొచ్చు. ఇంగ్లీష్‌ బౌలర్లది ఎలా ఫాస్ట్‌ ఓవర్‌? స్లో ఓవర్‌ రేట్‌ ఎలా ప్రభావితం చేసింది?’  మరొకరు పేర్కొన్నారు. ఓటమికి సాకులు వెతుకోక్కండని ఇంకోకరు అభిప్రాయపడ్డారు. ఇక తొలి టీ20 అనంతరం ఇంగ్లండ్‌ మాజీ క్రికెట్‌ డెవిడ్‌ విల్లే భారత బౌలర్లను తప్పుబట్టిన విషయం తెలసిందే. టీమిండియా బౌలర్లు కీడాస్పూర్తికి విరుద్దంగా వ్యవహరి‍స్తున్నారని విల్లే సంచలన కామెంట్స్‌ చేశారు. Every ball is going outside the ground Note this point too — Butler Fan (@butler_abd) July 8, 2018 When a team scores 200 and loses 8 wickets. It means the ball is going out of park a lot and also time between the wickets. I wonder how fast was English’s over rate. Also I wonder how slow over rate affects anyone? Good for sponsors and spectators — Gaurav Patel (@Gaurav_Patel7) July 8, 2018

బాల్‌ ట్యాంపరింగ్‌ వివాదం నేపథ్యంలో ఆస్ట్రేలియా క్రికెటర్లపై సోషల్‌ మీడియాలో తీవ్ర ఆగ్రహం వ్యక్తమవుతున్న సంగతి తెలిసిందే. కొందరు నెటిజన్లు ఆసీస్‌ క్రికెటర్లపై వ్యక్తిగత దూషణలకు దిగుతున్నారు. ఈ నేపథ్యంలో ఇంగ్లండ్‌ మాజీ కెప్టెన్‌ మైఖేల్‌ వాన్‌ చేసిన ట్వీట్‌ దుమారం రేపుతోంది. ఆసీస్‌ క్రికెటర్లపై ‘వ్యక్తిగత దూషణలు’ ప్రోత్సహించేవిధంగా ఆయన ట్వీట్‌ ఉండటంతో.. డేవిడ్‌ వార్నర్‌ భార్య క్యాండైస్‌ ఘాటుగా స్పందించింది. దీంతో వీరిద్దరి మధ్య ట్విట్టర్‌ వేదికగా మాటల యుద్ధం నడించింది. అయితే, క్రికెటర్లపై ‘వ్యక్తిగత దూషణ’ను తాను ప్రోత్సహించడం లేదని వాన్‌ వివరణ ఇచ్చుకున్నాడు.  దక్షిణాఫ్రికాతో మూడో టెస్టు సందర్భంగా ఆసీస్‌ బౌలర్‌ బెన్‌క్రాఫ్ట్‌ బాల్‌ ట్యాంపరింగ్‌కు పాల్పడటం.. ఈ వివాదంలో జట్టు కెప్టెన్‌ స్టీవ్‌ స్మీత్‌, వైస్‌ కెప్టెన్‌ డేవిడ్‌ వార్నర్‌లపై వేటుపడటం తెలిసిందే. ఈ నేపథ్యంలో ఆసీస్‌ ఆటగాళ్లపై సోషల్‌ మీడియాలో వ్యక్తమవుతున్న ఆగ్రహంపై వాన్‌ స్పందిస్తూ.. ‘తమకు వ్యక్తిగత దూషణ ఎదురవుతోందని ఆసీస్‌ ఆటగాళ్లు అధికారికంగా ఫిర్యాదుచేయడం నాకు కితకితలు తెప్పిస్తోంది’ అని మైఖేల్‌ వాన్‌ ట్వీట్‌ చేశాడు. ఈ ట్వీట్‌పై  క్యాండైస్ ఆగ్రహంగా స్పందించింది. ‘నీకు నవ్వు తెప్పించడం నాకు ఆనందంగా ఉంది.  కాబట్టి, నీ భార్యా, పిల్లలకు కూడా ఇదే ట్రీట్‌మెంట్‌ ఎదురైతే.. నువ్వు ఆమోదిస్తావన్నమాట’ అంటూ కౌంటర్‌ ఇచ్చింది.  అయితే, దానిని తాను అంగీకరించబోనని, అయితే, మైదానంలో ఆటగాళ్ల ప్రవర్తన ఆధారంగానే బయట ప్రతిస్పందన వ్యక్తమవుతుందని, ఈ విషయాన్ని గుర్తించాలని వాన్‌ మరో ట్వీట్‌లో వివరణ ఇచ్చారు. ఆస్ట్రేలియా జట్టు తాజా దక్షిణాఫ్రికా పర్యటన వివాదాల మధ్య నడుస్తున్న సంగతి తెలిసిందే. వార్నర్‌ భార్య క్యాండైస్‌, న్యూజీల్యాండ్‌ రగ్బీ స్టార్‌ సోని బిల్‌ విలియమ్స్‌కు ఎఫైర్‌ ఉందని, 2007లో సిడ్నీలో వీరు గడిపారనే పుకార్లను మైదానంలో సఫారీ వికెట్‌ కీపర్‌ క్వింటన్‌ డీ కాక్‌.. వార్నర్‌ను రెచ్చగొట్టేలా పేర్కొనడంతో వీరిద్దరి మధ్య గొడవ జరిగే పరిస్థితి నెలకొంది. దక్షిణాఫ్రికా అభిమానులు కూడా ఈ ఎఫైర్‌ గురించి మైదానంలో వ్యాఖ్యలు చేయడం, సొని బిల్‌ మాస్కులు ధరించి రావడం ఆసీస్‌ ఆటగాళ్లను రెచ్చగొట్టింది. ఈ నేపథ్యంలో వెలుగుచూసిన బాల్‌ ట్యాంపరింగ్‌ వివాదం ఆసీస్‌ ఆటగాళ్ల ప్రతిష్టను దిగజార్చింది.  


 నాటింగ్హామ్:దక్షిణాఫ్రికాతో జరిగిన రెండో టెస్టులో ఇంగ్లండ్ ఘోర ఓటమి పాలైన సంగతి తెలిసిందే. ఇంగ్లండ్ తన రెండో ఇన్నింగ్స్ లో పూర్తిగా విఫలమై 133 పరుగులకే చాపచుట్టేసింది. దాంతో 340 పరుగుల భారీ పరాజయాన్ని ఇంగ్లండ్ చవిచూసింది. దీనిపై ఇంగ్లండ్ మాజీ కెప్టెన్ మైకేల్ వాన్ తీవ్రస్థాయిలో ధ్వజమెత్తాడు. ఓవరాల్ గా దక్షిణాఫ్రికా బౌలింగ్ దెబ్బకు ఇంగ్లండ్ బెంబేలెత్తిపోయింది. కనీసం పోరాడటంలో ఇంగ్లండ్ ఆటగాళ్లు ఎటువంటి ప్రణాళికలు సిద్ధం చేసుకోలేదు. అసలు ఆట మీద గౌరవం లేకపోతేనే ఈ తరహా ప్రదర్శనలు వస్తాయి. మా  జట్టు ఆటకు కనీస గౌరవం ఇవ్వలేదు'అని రూట్ సేనపై వాన్ మండిపడ్డాడు.
 
 అయితే తమ కంటే వాన్ చేసిన వ్యాఖ్యలే ఎక్కువ బాధించాయన్నాడు ఇంగ్లండ్ కెప్టెన్ జో రూట్. 'ఆటలో గెలుపు-ఓటములు సహజమే. ఆటపై గౌరవం లేదని వాన్ వ్యాఖ్యానించడం సరికాదు. వాన్ నుంచి ఆ రకమైన వ్యాఖ్యలను అస్సలు ఊహించలేదు. దురదృష్టవశాత్తూ రెండో టెస్టులో మా ఆట పేలవంగా ఉన్న మాట వాస్తవమే. దీన్ని సరిచేసుకుని ముందుకు  సాగుతాం. ఇక సిరీస్ ను సాధించడంపైనే దృష్టి సారించాం'అని రూట్ పేర్నొన్నాడు.
  


 ఇంగ్లండ్ తమ జట్టు ఆటగాడు బెన్ స్టోక్స్ పై ఎన్నో ఆశలు పెట్టుకుంది. తాజాగా ఆ జట్టు మాజీ కెప్టెన్ మైఖెల్ వాన్ మాటల్ని బట్టి చూస్తే ఇది అర్థమవుతోంది. ఇంగ్లండ్-భారత్ మధ్య జరగనున్న 5 టెస్టుల సిరీస్ లో స్టోక్స్ తమ జట్టులో కీలక ఆటగాడని వాన్ అభిప్రాయపడ్డాడు. అలిస్టర్ కుక్ నేతృత్వంలోని ఇంగ్లండ్ ఇటీవల బంగ్లాదేశ్ తో జరిగిన రెండో టెస్టులో ఓటమి పాలై సిరీస్ ను 1-1తో సమయం చేసుకున్న విషయం తెలిసిందే. స్టోక్స్ లేకపోతే తొలి టెస్టులోనూ ఇంగ్లండ్ ఓటమిపాలయ్యేదని మాజీ ప్లేయర్ వాన్ పేర్కొన్నాడు.
 
 తొలి టెస్టు చిట్టగాంగ్ లో ఓవరాల్ గా స్టోక్స్ 103 పరుగులు చేశాడు. అయితే బంగ్లాపై కేవలం 22పరుగులతో మాత్రమే నెగ్గింది. ఆ టెస్టు రెండో ఇన్నింగ్స్ లో స్టోక్స్ 85 పరుగులతో ఇంగ్లండ్ ను ఆదుకున్నాడని మాజీ కెప్టెన్ వాన్ ప్రశంసించాడు. ప్రధాన స్పిన్నర్లు మొయిన్ అలీ, ఆదిల్ రషీద్ కంటే ఎక్కువ వికెట్లు తీశాడు. స్టోక్స్ 11 వికెట్లు తీయడంతో పాటు బ్యాటింగ్ లోనూ రాణించాడని కొనియాడాడు. పాకిస్తాన్ తో సిరీస్ లో గాయంతో అతడు జట్టుకు దూరం కావడంతో ఆ సిరీస్ ఇంగ్లండ్ నెగ్గలేకపోయిందన్నాడు.


 ధోని, ఫ్లెచర్ లపై మాజీల ధ్వజం
 
 ముంబై: ఇంగ్లండ్‌లో భారత జట్టు చెత్త ప్రదర్శనను సగటు అభిమానితో పాటు మాజీ క్రికెటర్లు, సారథులు కూడా జీర్ణించుకోలేకపోతున్నారు. కెప్టెన్ ధోని చెత్త సారథ్యం, కోచ్ ఫ్లెచర్ చేతకానితనంతో పాటు జట్టు సహాయక సిబ్బంది పూర్తిగా నామమాత్రంగా మారారనే విమర్శలు వచ్చాయి. బోర్డు చొరవ తీసుకుని వీళ్లందరినీ తప్పించేకంటే ముందే... వీళ్లే గౌరవంగా తప్పుకుంటే బాగుంటుందనే అభిప్రాయాన్ని పలువురు వెలిబుచ్చారు.
  
 ‘తుది జట్టు ఎంపిక, మైదానంలో వ్యూహాలు, ఫీల్డర్ల మోహరింపు... ఇలా ధోని అన్ని చోట్లా తప్పులు చేశాడు. ఇక ఫ్లెచర్ గురించి మాట్లాడకపోవడమే ఉత్తమం. కోచ్‌తో పాటు సహాయక సిబ్బంది కూడా వెంటనే తప్పుకుంటే గౌరవంగా ఉంటుంది’             
  -వెంగ్‌సర్కార్.
  
 ‘భారత ఆటగాళ్లలో కొందరికి ఏమాత్రం కష్టపడే తత్వం లేదు. అసలు తమ లోపాలను సరిదిద్దుకునేందుకు నెట్స్‌లో కాస్త ఎక్కువ సమయం గడపాలనే ఆలోచన కూడా వారికి ఉండదు. ప్రత్యర్థి జట్టు పట్టిష్టమైన దైనా మన ఆటగాళ్లు కనీసం పోరాడాలి కదా. టెస్టుఆడే దమ్ములేని వారు తప్పుకోవడమే ఉత్తమం’              
 - సునీల్ గవాస్కర్
  
 ‘లార్డ్స్‌లో విజయం తర్వాత ఫ్లెచర్ చేసిందేమిటి. ఆధిక్యం కొనసాగించాలంటే ఏం చేయాలనే ఆలోచన కూడా ఆయనకు లేదు. కచ్చితంగా ఫ్లెచర్‌ను తప్పించాల్సిందే. ఇక ధోని బ్యాట్స్‌మన్‌గా ఫర్వాలేదనిపించినా... కెప్టెన్‌గా ఘోరంగా విఫలమయ్యాడు’
 - అజిత్ వాడేకర్
  
 ‘ధోని తన ప్రయత్నాలు ఏమీ చేయకుండా ఏదో అద్భుతం జరుగుతుందని వేచి చూశాడు. కానీ మైదానంలో ప్రతిసారీ అద్భుతాలు జరగవని తెలుసుకోవాలి. టెస్టు కెప్టెన్‌గా ధోని సమయం ముగిసిందనే అనుకుంటున్నాను’         
  - గుండప్ప విశ్వనాథ్
 
 ‘ఇప్పటివరకూ ఫ్లెచర్ భారత జట్టుకు చేసిన మేలు ఏమీ లేదు. ఇంకా తనని కొనసాగించడం వల్ల సమయం వృథానే. బోర్డు తప్పిస్తుందో... లేక అతనే గౌరవంగా రాజీనామా చేస్తారో చూడాలి’     
 - శ్రీకాంత్
  
 ‘బీసీసీఐ అధికారిగానే కాకుండా లక్షలాది అభిమానుల్లో ఒకడిగా ఇంగ్లండ్ పర్యటనలో భారత ఆటతీరుకు బాధపడుతున్నాను. విజయాల దారి పట్టేందుకు కొంత ఆత్మపరిశీలన అవసరమని నా అభిప్రాయం. విదేశాల్లో బాగా రాణించిన మాజీ ఆటగాళ్లున్నారు. వారిలో ఒకరు కోచ్‌తో కలిసి పనిచేస్తే ఫలితం ఉండొచ్చు. తను కోచ్‌కు ఆటగాళ్లకు మధ్య వారధిలా పనిచేయగలడు’ - అనురాగ్ ఠాకూర్ (బీసీసీఐ సంయుక్త కార్యదర్శి)
  
 ...కారణాలు అనేకం
 
 ఇంగ్లండ్‌లో భారత్ ఓటమిని విశ్లేషించడం అంటే గొంగట్లో తింటూ వెంట్రుకలు ఏరడంలాంటిదే! ఒకటా... రెండా... ఓటమికి కారణాలు చెప్పడం అంతులేని కథ! మూడేళ్ల క్రితం 0-4తో ఓడినప్పుడు కూడా ఇంత ఘోరంగా ఆడలేదు.  నాడు ఒక్కసారి మాత్రమే జట్టు 200 లోపు పరుగులు చేసింది. ఈ సిరీస్‌లో ఆ చెడ్డ ఘనత ఐదు సార్లు సాధించింది.
 
 ఈ సారి మన యువ తరంగాల నుంచి అద్భుతాలు ఆశించకపోయినా...పోరాటతత్వం ప్రదర్శిస్తారని, భారత టెస్టు భవిష్యత్తుకు దిక్సూచీ అవుతారని అనుకున్నాం. మరో వైపు ఇంగ్లండ్ బలహీనంగా కనిపించింది. కానీ భారత ఆటగాళ్లంతా సమష్టి వైఫల్యంతో అభిమానుల ఆశను వమ్ము చేశారు. కర్ణుడి చావుకు కారణాలనేకం అన్నట్లు...ఈ ఘోర వైఫల్యానికి కూడా అనేక కారణాలు ఉన్నాయి. వాటిలో మచ్చుకు తొమ్మిది కారణాలను పరిశీలిస్తే... - సాక్షి క్రీడావిభాగం
  
 1 కుక్ క్యాచ్ వదిలేసిన జడేజా: సరిగ్గా చెప్పాలంటే సిరీస్‌కు ఇదే టర్నింగ్ పాయింట్‌గా చెప్పవచ్చు. చాలా కాలంగా ఫామ్‌లో లేకుండా ఇబ్బంది పడుతూ, తప్పుకోవాలంటూ విమర్శలు ఎదుర్కొంటున్న ఇంగ్లండ్ కెప్టెన్ కుక్‌కు మూడో టెస్టులో 15 పరుగుల వద్ద స్లిప్స్‌లో జడేజా ప్రాణదానం చేశాడు. ఫలితంగా ఈ ఇన్నింగ్స్‌లో చేసిన 95 పరుగులతో ఆత్మవిశ్వాసం పెరిగిన కుక్, సిరీస్ ఆసాంతం దానిని కొనసాగించాడు.
  
 2 జడేజా-అండర్సన్ గొడవ: తిట్టాడా...తోసేశాడా తర్వాతి సంగతి! అండర్సన్‌దే తప్పు అని కచ్చితంగా నిర్ధారించుకున్న ధోని సేన జడేజాకు మద్దతు పలికే క్రమంలో ఈ ఘటనపై తీవ్రంగా దృష్టి పెట్టింది.  ఆటను వదిలి అనవసరపు అంశంపై ఎక్కువగా రాద్ధాంతం చేసింది. ఫలితంగా జట్టుపై దీని ప్రభావం కనిపించగా, చివరకు తీర్పు కూడా వ్యతిరేకంగా వచ్చింది. ధోని ఏం మాట్లాడినా అందులో 75 శాతం ఈ వివాదం గురించే చెప్పాడు. ఈ కేసుపై పెట్టిన శ్రద్ధ క్రికెట్‌పై పెడితే మూడో టెస్టు ఓడకపోయేవారని విమర్శ ఎదుర్కోవాల్సి వచ్చింది.
  
 3 రెండో ఓపెనర్: ఆరంభం సరిగ్గా లేకుండా టెస్టుల్లో ఏ జట్టూ మ్యాచ్ గెలవటం అంత సులువు కాదు. అయితే భారత్‌కు ఓపెనింగ్ భాగస్వామ్యం పెద్ద సమస్యగా మారింది. విజయ్ ఫర్వాలేదనిపించినా...ధావన్ ఘోరంగా విఫలమయ్యాడు. ఆ తర్వాత గంభీర్‌కు రెండు మ్యాచుల్లో అవకాశాలు ఇచ్చినా ఉపయోగపడింది లేదు.
  
 4 ఫస్ట్ క్లాస్ మ్యాచ్‌లు ఎక్కడ?: టెస్టుకు ముందు వార్మప్ గేమ్‌లు ఆడినంత మాత్రాన టెస్టులకు ఆ ప్రాక్టీస్ సరిపోదు. ఐదు రోజుల మ్యాచ్ ఆడాలంటే శారీరకంగా, మానసికంగా కూడా ఆటగాళ్లకు సన్నద్ధత అవసరం. మన ఆటగాళ్లు దేశవాళీలోనూ ఫస్ట్ క్లాస్ మ్యాచ్‌లు ఆడేది చాలా తక్కువ. నిర్ణీత సమయపు బ్యాటింగ్ లేదా బౌలింగ్‌కే పరిమితమయ్యే అలవాటు ఎప్పటినుంచో ఉంది. అందుకే విజయ్, భువనేశ్వర్, రహానే లాంటి ఆటగాళ్లకు ఐదు టెస్టులు భారంగా అనిపించాయి. ఆరంభంలో జోష్‌లో కనిపించిన వీరు ఆ తర్వాత సత్తువ కోల్పోయారు.
  
 5 మిడిలార్డర్ మిథ్య: అసలు భారత టెస్టు జట్టుకు మిడిలార్డర్ ఉందా అనిపించే విధంగా మన ప్రదర్శన సాగింది. సుదీర్ఘ ఫార్మాట్‌లో సూపర్ అనుకున్న పుజారా, ఇక మరో సచిన్‌గా భావించిన కోహ్లిల ఘోర వైఫల్యంతో జట్టు ఇన్నింగ్స్‌కు వెన్నెముక లేకుండా పోయింది. లార్డ్స్ టెస్టు మినహా రహానే కనీసం పోరాటం కూడా చేయలేకపోయాడు.
  
 6  స్లిప్ ఫీల్డింగ్: భారత వైఫల్యంలో స్లిప్ ఫీల్డర్లు కూడా పెద్ద పాత్రే పోషించారు! పట్టిన క్యాచ్‌లకంటే వదిలి పెట్టినవే ఎక్కువగా ఉన్నాయి. వారు వీరనే తేడా లేకుండా అంతా అక్కడ విఫలమయ్యారు. విజయ్, రహానే, కోహ్లి, ధావన్, అశ్విన్, జడేజా...ఎవరిని నిలబెట్టినా అంతా క్యాచ్‌లు వదిలారు.
  
 7 స్పష్టత లేని బాధ్యత: ఐదుగురు బ్యాట్స్‌మెన్‌లా...ఆరుగురు బ్యాట్స్‌మెన్‌లా...ఇద్దరు స్పిన్నర్లా...ఇలాంటి సంశయం జట్టు మేనేజ్‌మెంట్‌లో సిరీస్ మొత్తం కొనసాగింది. ముఖ్యంగా జడేజా, అశ్విన్‌లను సమర్థంగా ఉపయోగించుకోవడంలో అంతా గందరగోళంగా కనిపించింది. అన్నింటికి మించి జట్టులో స్టువర్ట్ బిన్నీ ఎందుకున్నాడో ఎవరికీ అర్థం కాలేదు.
  
 8 క్రమశిక్షణ లేని బౌలింగ్: సిరీస్‌లో చివరి మూడు టెస్టుల్లో భారత్‌కు పట్టు దొరికే అవకాశం లభించినా మన బౌలర్లు కనీస స్థాయిలో కూడా రాణించలేకపోయారు. ఫలితంగా ఇంగ్లండ్‌ను రూట్‌లాంటి ఆటగాళ్లు పట్టుదలతో ఆడి గట్టెక్కించారు. భువనేశ్వర్ ఆరంభంలో చూపిన జోరు ఆ తర్వాత తగ్గింది. పంకజ్ సింగ్, షమీ, జడేజా విఫలం కాగా... ఇషాంత్  ప్రభావం చూపలేకపోయాడు.
  
 9 ధోని తలపై బరువు: సమకాలీన క్రికెట్‌లో కెప్టెన్‌గా, వికెట్‌కీపర్‌గా బాధ్యతలు నిర్వర్తిస్తూ బ్యాటింగ్‌లో రాణించిన ఆటగాళ్లు చాలా తక్కువ మంది. కానీ ధోని చాలా వరకు తన బాధ్యతను సమర్థంగా నిర్వర్తిస్తున్నాడు.  టెస్టు క్రికెట్‌కు కావాల్సిన టెక్నిక్ లేదనే విమర్శ ఉన్నా ఈ సిరీస్‌లో నాలుగు అర్ధ సెంచరీలు చేశాడు. అయితే అతనిపై భారం ఎక్కువైనట్లు కనిపించింది. ఎందుకంటే సాంప్రదాయ వ్యూహాలతో పాటు కొత్తగా, భిన్నంగా ప్రయత్నిస్తూ విజయవంతం అయిన ధోనికి ఏదీ కలిసి రాలేదు.
  
 దేవుళ్లూ రక్షించలేదు
 మనం కాస్త ప్రయత్నం చేస్తే భగవంతుడు కొంత అనుగ్రహం ప్రసాదిస్తాడేమో. కానీ భారత క్రికెట్ జట్టు ఆటను చూశాక దేవుడు కూడా సాయం చేయడు. ఓవల్ టెస్టుకు ముందు భారత జట్టు మసాజర్ రమేశ్ మానే... డ్రెస్సింగ్ రూమ్‌లో దేవుళ్ల ఫొటోలు పెట్టాడు. అలాగే గోడకు హనుమాన్ చాలీసాతో పాటు... భగవంతుడి గురించి మాటలు ఉన్న బోర్డులు తగిలించాడు. భారత క్రికెట్‌లో ఇలాంటి ప్రయత్నం గతంలో ఎప్పుడూ జరగలేదు. కానీ ఏం చేస్తాం..? ఇలాంటి ఆట ఆడితే భగవంతుడు మాత్రం ఎలా కరుణిస్తాడు..?
  
 భారత జట్టుకు జరిమానా
 అసలే ఘోర ఓటమితో తీవ్ర అవమానభారంతో ఉన్న భారత క్రికెట్ జట్టుకు ఆర్థికంగా కూడా దెబ్బతగిలింది. ఓవల్ టెస్టులో స్లో ఓవర్ రేట్ కారణంగా కెప్టెన్ ధోని మ్యాచ్ ఫీజులో 60 శాతం, మిగిలిన భారత క్రికెటర్ల మ్యాచ్ ఫీజులో 30 శాతం ఐసీసీ జరిమానా విధించింది. మరోసారి ధోని గనక రానున్న ఏడాది కాలంలో టెస్టుల్లో స్లో ఓవర్ రేట్ నమోదు చేస్తే... అతడిపై ఒక మ్యాచ్ నిషేధం పడే ప్రమాదం కూడా ఉంది.
  
 ఐదో ర్యాంక్‌కు...
 దుబాయ్: ఓవల్ టెస్టులో ఘోర పరాజయంతో భారత్ ఐసీసీ ర్యాంకుల్లో నాలుగు నుంచి ఐదో స్థానానికి పడిపోయింది.   సిరీస్ సొంతం చేసుకున్న ఇంగ్లండ్ ఈ జాబితాలో మూడో స్థానానికి ఎగబాకింది. పాకిస్థాన్‌పై ఘన విజయం సాధించిన శ్రీలంక 4వ స్థానంలో నిలిచింది. దక్షిణాఫ్రికా టాప్ ర్యాంక్‌లో ఉంది.
  
 వాన్ ఓవర్ యాక్షన్!
 లండన్: భారత జట్టు ఘోర పరాజయంపై ఇంగ్లండ్ మాజీ కెప్టెన్ మైకేల్ వాన్ ఓవర్ యాక్షన్ చేశాడు. భారత్ కొత్త జెండా అంటూ ‘తెల్లజెండా’ను ట్విట్టర్‌లో పోస్ట్ చేశాడు. అంతేకాకుండా భారత అభిమానులనూ రెచ్చగొట్టాడు. ‘మీ జట్టు బాగా ఆడలేదు. వాళ్లకు ఇంగ్లండ్‌లో గెలిచే సీన్ లేదని అంగీకరించండి’ అంటూ అభిమానులను ఉద్దేశించి ట్వీట్ చేశాడు. అయితే తన విమర్శలు ఎలా ఉన్నా... సిరీస్ ఆరంభానికి ముందే ఇంగ్లండ్ 3-1తో గెలుస్తుందని వాన్ జోస్యం చెప్పాడు. అటు ఇంగ్లండ్ మీడియా కూడా ధోనిసేన ఆటతీరుపై దుమ్మెత్తిపోసింది.


 సాతాంప్టన్: ఇంగ్లాండ్ పర్యటనలో ఉన్న భారత డాషింగ్ బాట్స్ మెన్ విరాట్ కోహ్లీ, మాజీ కెప్టెన్ మైఖేల్ వాన్ డిన్నర్ వ్యవహారం చర్చనీయాంశమైంది. ఇంగ్లాండ్ లోని సౌతాంప్టన్ లోని బ్రెజిలియన్ రెస్టారెంట్ లో మంగళవారం రాత్రి విందు ఆరగించారని బీబీసీ రేడియో ఓ కథనాన్ని వెల్లడించింది. 
  
 అయితే డిన్నర్ వ్యవహారంపై అటు వాన్, ఇటు కోహ్లీల నుంచి ఎలాంటి ప్రకటన రాకపోవడంతో మరింత ఆసక్తిని రేపుతోంది. వారిద్దరి మధ్య ఇలాంటి చర్చలు జరిగాయనే అంశంపై ఊహాజనిత కథనాలు వస్తున్నాయి. క్రికెట్ లో అన్ని ఫార్మాట్లలో దుమ్ము దులిపేస్తున్న కోహ్లీ ఇంగ్లాండ్ పర్యటనలో ఆశించిన మేరకు రాణించలేకపోయాడు.
  
  ఇంగ్లీష్ పిచ్ లపై స్వింగ్ బౌలింగ్ ఎదుర్కొనలేక ఇబ్బందపడుతున్న కోహ్లీ తన వైఫల్యాలను అధిగమించడానికి మాజీ కెప్టెన్ వాన్ తో ఏమైనా టిప్స్ తీసుకున్నాడా అనే కోణంలో కూడా క్రికెట్ నిపుణులు విశ్లేషిస్తున్నారు.