న్యూఢిల్లీ: అదానీ అంశంపై విపక్షాలు సోమవారం పార్లమెంటు మకరద్వారం వద్ద వినూత్నంగా నిరసన తెలిపాయి. అందులో భాగంగా కాంగ్రెస్‌ ఎంపీలు పారిశ్రామికవేత్త గౌతం అదానీలా మాణిక్కం ఠాగూర్, ప్రధాన నరేంద్ర మోదీలా సప్తగిరి శంకర్‌ మాస్కులు ధరించారు. వారితో విపక్ష నేత రాహుల్‌గాంధీ మాక్‌ ఇంటర్వ్యూ నిర్వహించారు. పార్లమెంటును ఎందుకు నడవనీకయకుండా చేస్తున్నారని అదానీ (ఠాగూర్‌)ను ప్రశ్నించారు. ‘‘ఇది అమిత్‌ భాయ్‌ (హోం మంత్రి అమిత్‌ షా)ను అడగాలి. కానీ ఆయన కని్పంచడం లేదుగా’’ అంటూ ఆయన బదులిచ్చారు. మీ మధ్య సంబంధమేమిటని రాహుల్‌ మరో ప్రశ్నించగా, ‘‘మేమిద్దరం ఒకటే. ఎయిర్‌పోర్టయినా, మరొకటయినా నేనేది అడిగినా చేస్తారాయన’’ అంటూ ఠాగూర్‌ మళ్లీ బదులిచ్చారు. దీనిపై ప్రధాని మోదీ ఎందుకు మౌనంగా ఉన్నారంటూ రాహుల్‌ రెట్టించగా, ‘‘ఆయన ఈ మధ్య చాలా టెన్షన్‌గా ఉంటున్నారెందుకో’’ అని సమాధానమిచ్చారు.

కేరళలో నిపా వైరస్‌ కలకలంతో ఒక్కసారిగా యావత్తు రాష్ట్రం ఉలిక్కిపడింది. వెంటనే ఆరోగ్య శాఖ​ అప్రమత్తమై ఆయా ఆరోగ్య కేంద్రాలను అలర్ట్‌ చేసింది. మలప్పురం జిల్లాకు చెందిన 14 ఏళ్ల బాలుడికి నిపా బారిన పడ్డాడు. పూణే నేషనల్‌ ఇన్‌స్టిట్యూట్‌ ఆఫ్‌ వైరాలజీ ఈ విషయాన్ని నిర్థారించినట్లు కేంద్ర ఆరోగ్య మంత్రి వీణా తెలిపారు. ప్రస్తుతం అతను ఒక ప్రవేటు ఆస్పత్రిలో చికిత్స పొందుతున్నట్లు తెలిపారు. అతన్ని అక్కడ నుంచి కోజికోడ్‌లోని ప్రభుత్వ వైద్య కళాశాలకు తరలిస్తారని అన్నారు. అతన్ని పూర్తి వైద్యుల అబ్జర్వేషన్‌లో ఉంచి చికిత్స చేస్తున్నట్లు వైద్యులు తెలిపారు. హైరిస్క్‌ కాంటాక్ట్‌లు ఇప్పటికే వేరుచేసి నమునాలను పరీక్ష కోసం పంపినట్లు కూడా చెప్పారు. ప్రస్తుతం చిన్నారికి వెంటిలేటర్‌పై చికిత్స అందిస్తున్నట్ల పేర్కొన్నారు వైద్యులు. ఈ ఘటనతో ముందు జాగ్రత్త చర్యలు రాష్ట్రమంతటా ప్రారంభించినట్లు అధికారులు తెలిపారు. సమీప ఆస్పత్రులన్నింటిలోనూ, బహిరంగ ప్రదేశాల్లోనూ ప్రజలు మాస్క్‌ ధరించాలని, రోగులు ఆస్పత్రులను సందర్శించే పరిస్థితి రాకుండా జాగ్రత్తగా ఉండాలని కేంద్ర ఆరోగ్య మంత్రి వీణా జార్జ్‌ అన్నారు. అంతకుమునుపు ఆస్ట్రేలియా నుంచి సేకరించి పూణే ఎన్‌ఐవీలో నిల్వ ఉంచిన మోనోక్లోనల్‌ యాంటీబాడీ ఆదివారం రాష్ట్రానికి చేరుకుంటుందని అన్నారు. ఆ బాధిత చిన్నారి పాండిక్కాడ్‌ గ్రామం నుంచి మూడు కిలోమీటర్ల వరకు ఆంక్షలు విధించారు కేరళ అధికారులు. అంతేగాదు ఆయా సమీప ప్రాంతాల్లోని ప్రజలు మాస్క్‌ ధరించాలని ఆదేశాలు జారీ చేశారు. అలాగే సమీప మంజేరి వైద్య కళాశాలలో ఆరోగ్య శాఖ 30 ఐసోలేషన్‌ గదులు, ఆరు పడకల ఐసీయూను ఏర్పాటు చేసింది. అంతేగాక నిపా వైరస్‌ సోకిన బాలుడితో పరిచయం ఉన్నవారందరినీ ఐసోలేషన్‌లో ఉంచారు. పైగా అంటువ్యాధి నిఘా కార్యకలాపాలను మరింత పటిష్టం చేసేలా ఆరోగ్య కేంద్రాలను కూడా ఆదేశించారు అధికారులు. నిపా వైరస్‌ లక్షణాలు..తీవ్రమైన తలనొప్పిఅలసటవాంతులుబలహీనత మూర్ఛ, చూపు మందగించడంతో పాటు జ్వరంఈ వ్యాధి శరీర ద్రవాల ద్వారా వ్యాప్తిస్తుంది. ముఖ్యంగా దగ్గు, తుమ్ముల ద్వారా బాగా వ్యాప్తి చెందుతుంది.పాటించాల్సిన జాగ్రత్తలు..సాధ్యమైనంత వరకు చేతులను వీలైనన్ని సార్లు కడుక్కోవాలి. వ్యాధిగ్రస్తులను సందర్శించటం, అంటువ్యాధులు ప్రబలే ప్రాంతాలకు వెళ్లడం మానుకోవాలి. పక్షులు లేదా జంతువులు సగం తిన్న లేదా కరిచిన పండ్లను తినకూడదు. అలాగే పండ్లను సరిగ్గా కడిగితినాలి. బహిరంగ కంటైనర్లలో నిల్వ ఉంచిన కల్లు వంటి పానీయాలను తీసుకోకూడదు వంటి జాగ్రత్తలతో ఈ వ్యాధి బారిన పడకుండా సురక్షితంగా ఉంటారని వైద్యులు చెబుతున్నారు.డాక్టర్‌ ఎమ్‌.ఎల్‌. నీహారిక, కన్సల్టెంట్‌ న్యూరాలజిస్ట్‌ (చదవండి: వామ్మో..! ఇలా కూడా నిద్రపోతారా?)

న్యూఢిల్లీ: హెచ్‌3ఎన్‌2 వైరస్ కారణంగా దేశంలో ఇన్‌ఫ్లూయెంజా కేసులు రోజురోజుకు పెరుగుతున్న తరుణంలో వైద్య నిపుణులు ప్రజలకు కీలక సూచనలు చేస్తున్నారు. మాస్కులు ధరించడం, చేతులు శుభ్రంగా ఉంచుకోవడం, ఏటా ఫ్లూ వ్యాక్సిన్లు తీసుకోవడం వంటి జాగ్రత్తలు తప్పనిసరిగా పాటించాలని పేర్కొన్నారు. అలా అయితే ఫ్లూ బారినపడే అవకాశాలు చాలా తక్కువగా ఉంటాయని స్పష్టం చేశారు. దేశంలో మార్చి 9 వరకు హెచ్‌3ఎన్‌2 సహా మొత్తం 3,038 ఇన్‌ఫ్లూయెంజా ఉపరకాల కేసులు నమోదయ్యాయి. ఇందులో జనవరిలో 1,245, ఫిబ్రవరిలో 1,307, మార్చిలో 9 రోజుల్లోనే 486 కేసులు వెలుగుచూశాయి. ఈ నేపథ్యంలో వైద్య నిపుణులు ప్రజలను అప్రమత్తం చేస్తున్నారు. ఇన్‌ఫ్లూయెంజా బారినపడకుండా కనీస జాగ్రత్తలు పాటించాలని సలహా ఇస్తున్నారు. ముఖ్యంగా పబ్లిక్ ప్లేస్‌లో మాస్కులు తప్పనిసరిగా ధరించాలంటున్నారు. బస్సులు, రైళ్లు, హాస్పిటల్స్, రైల్వే స్టేషన్లు, జనం గుంపులుగా ఉన్న చోట్ల కచ్చితంగా మాస్కు పెట్టుకోవాలని డాక్టర్లు సూచించారు. ఈ ఇన్‌ఫ్లూయెంజా ఎక్కువగా తుంపర్ల ద్వారానే ఒకరి నుంచి మరొకరికి వ్యాపిస్తుంది. అందుకే ముక్కు, నోటిని చేతులతో ఎక్కువగా తాకకుండా చూసుకుంటే వైరస్ లోనికి ప్రవేశించే అవకాశాలు తక్కువగా ఉంటాయని వైద్యులు చెబతున్నారు. ఐసీఎంఆర్‌ గణాంకాల ప్రకారం ప్రస్తుతం దేశంలో కోవిడ్-19తో పాటు స్వైన్ ఫ్లూ(హెచ్‌1ఎన్‌1), హెచ్‌3ఎన్2, సీజనల్ ఇన్‌ఫ్లూయెంజా- బీ వైరస్‌ల కాంబినేషన్లు వెలుగుచూస్తున్నాయి. హెచ్‌3ఎన్‌2, హెచ్‌3ఎన్‌1 ఇన్‌ఫ్లూయెంజా- ఏ రకాల కిందకు వస్తాయి. వీటినే ఫ్లూగా పిలుస్తారు. లక్షణాలు ఇలా..  ఇన్‌ఫ్లూయెంజా బారినపడేవారిలో జ్వరం ఎక్కువరోజులు ఉండటం, దగ్గు, జలుబు, ఒళ్లునొప్పులు వంటి లక్షణాలు కన్పిస్తాయి. ఒకవేళ ఆరోగ్యం బాగా క్షీణిస్తే శ్వాసతీసుకోవడంలో ఇబ్బంది కలుగుతుంది. మరోవైపు దేశంలో కోవిడ్ కేసుల్లో కూడా చాలా రోజుల తర్వాత పెరుగుదల కన్పిస్తోంది. ఆదివారం కొత్తగా 524 కరోనా కేసులు వెలుగుచూశాయి. దీంతో బహిరంగ ప్రదేశాల్లో, జనసమూహాల్లో తిరిగేవారు మాస్కులు ధరించండ చాలా ఉత్తమం అని, లేకపోతే వైరస్‌ల బారినపడే ముప్పు ఉంటుందని వైద్య నిపుణులు హెచ్చరిస్తున్నారు. చదవండి: ప్రియాంక గాంధీ పెయింటింగ్‌కు రూ.2 కోట్లా? కాంగ్రెస్ అవినీతిలో రోజుకో కొత్త మోడల్

బెంగళూరు: దేశంలో కరోనా కొత్త కేసుల్లో మళ్లీ పెరుగుదల కన్పిస్తున్న తరుణంలో కర్ణాటక ప్రభుత్వం అప్రమత్తమైంది. కోవిడ్‌-19 జాగ్రత్తలపై ప్రజలను అలర్ట్‌  చేసింది. దీర్ఘకాలిక అనారోగ్య సమస్యలతో బాధపడుతున్న 65 ఏళ్లు పైడినవారు,  పిల్లలు, గర్భణీలు గుంపుల్లో తిరగకూడదని రాష్ట్ర ఆరోగ్య మంత్రి డాక్టర్ కే సుధాకర్ హెచ్చరించారు. వీరు కచ్చితంగా కరోనా జాగ్రత్తలు పాటించి జాగ్రత్తగా ఉండాలని సూచించారు. అలాగే ఆస్పత్రుల్లో పనిచేసే ఆరోగ్య సిబ్బంది మొత్తం కచ్చితంగా మాస్కులు ధరించాలని నిర్ణయించినట్లు మంత్రి చెప్పారు. అయితే కరోనా పరిస్థితి ప్రస్తుతం ప్రమాదకరంగా ఏమీ లేదని, అయినా ముందు జాగ్రత్త చర్యగా నిపుణుల కమిటీతో సమావేశమై పరిస్థితిపై సమీక్షించినట్లు పేర్కొన్నారు. వేసవికాలం సమీపించిన నేపథ్యంలో పెరుగుతున్న ఉష్ణోగ్రతలు, హీట్ వేవ్‌పైనా సమీక్షించినట్లు మంత్రి చెప్పారు. ప్రజలు రోజుకు రూ.2-3 లీటర్ల నీటిని తీసుకొని హైడ్రేట్‌గా ఉండాలని సూచించారు. నీటితో పాటు మజ్జిక, కొబ్బరినీళ్లు, నిమ్మరసం వంటి వాటిని తీసుకోవాలన్నారు. భారత్‌లో కరోనా కేసులు తగ్గి చాలా రోజులవుతున్నప్పటికీ ఈ మధ్య మళ్లీ కొత్త కేసుల్లో స్వల్ప పెరుగుదల కన్పిస్తోంది. మార్చి 5న 281 మంది, మార్చి 4న 324 మంది వైరస్ బారినపడ్డారు. అలాగే Influenza A H3N2 కొత్త ఫ్లూ(H3N2 వైరస్‌) కేసులు వెలుగుచూస్తున్నాయి. అనేక మంది జ్వరం, దగ్గు, గొంతునొప్పి లక్షణాలతో బాధపడుతున్నారు. ఈ నేపథ్యంలోనే ఇండియన్ మెడికల్  కౌన్సిల్ ఆఫ్ రీసెర్చ్ కూడా ప్రజలు అప్రమత్తంగా ఉండాలని హెచ్చరించింది. కొత్తఫ్లూ కరోనా లాంటిది కాకపోయినప్పటికీ జాగ్రత్తంగా ఉండాలని స్పష్టం చేసింది. ఈ క్రమంలోనే కర్ణాటక ఆరోగ్యమంత్రి కూడా కరోనా విషయంలోనూ జాగ్రత్తగా ఉండాలని ప్రజలకు సూచించారు. చదవండి: కొత్త ఫ్లూ ప్రభావం.. తెలుగు రాష్ట్రాలకు హైఅలర్ట్‌

బెంగళూరు: చైనా సహా పలు దేశాల్లో కరోనా మహమ్మారి మళ్లీ విజృంభిస్తున్న తరుణంలో భారత్‌ అప్రమత్తమైంది. కోవిడ్‌ కేసులపై అప్రమత్తంగా ఉండాలని రాష్ట్రాలకు సూచించింది. దేశంలో కోవిడ్‌ నాలుగో వేవ్‌ వస్తుందనే భయాందోళనలు నెలకొన్నాయి. పండగలు, కొత్త ఏడాది వేడుకల నేపథ్యంలో కర్ణాటక, ఉత్తర్‌ప్రదేశ్‌ వంటి రాష్ట్రాలు ఆంక్షలు విధిస్తున్నాయి. కరోనా నాలుగో వేవ్‌ భయాలు పెరుగుతున్న నేపథ్యంలో కర్ణాటక ప్రభుత్వం కీలక నిర్ణయం తీసుకుంది. మాస్కును తప్పనిసరి చేస్తున్నట్లు ప్రకటించింది. సినిమా థియేటర్లు, పాఠశాలలు, కళాశాలల్లో మాస్కులు తప్పనిసరి చేసింది. న్యూఇయర్‌ వేడుకల్లో పబ్‌లు, రెస్టారెంట్లు, బార్లలో మాస్కు తప్పనిసరిగా ధరించాల్సిందేనని కర్ణాటక ఆరోగ్య మంత్రి కే సుధాకర్‌ స్పష్టం చేశారు. నూతన సంవత్సర వేడుకలకు అర్ధరాత్రి 1 గంటల వరకే అనుమతి ఉంటుందని తెలిపారు. కరోనాపై ఎలాంటి ఆందోళన అవసరం లేదని తగిన జాగ్రత్తలు తీసుకోవాలని సూచించారు. గర్భిణీ మహిళలు, పిల్లలు, వృద్ధులు, ఆరోగ్య సమస్యలు ఉన్నవారు ప్రజలు ఎక్కువగా ఉండే ప్రాంతాలకు వెళ్లకూడదని కోరారు. యూపీలో అలర్ట్‌.. ఉన్నావ్‌కు చెందిన ఓ యువకుడికి కరోనా పాజిటివ్‌గా తేలిన క్రమంలో ఉత్తర్‌ప్రదేశ్‌ ప్రభుత్వం అప్రమత్తమైంది. అయితే, ప్రస్తుతం ఆ యువకుడు దుబాయ్‌ వెళ్లాడు. అంతకు ముందే పరీక్షలు చేసుకోగా ప్రస్తుతం పాజిటివ్‌గా తేలింది. అతడి నమూనాలను జీనోమ్‌ సీక్వెన్సింగ్‌కు పంపించనున్నట్లు అధికారులు తెలిపారు. అతడి కుటుంబ సభ్యులతో పాటు 20 మంది నమూనాలను సేకరించి పరీక్షలకు పంపించారు. చైనా నుంచి వచ్చిన 40 ఏళ్ల వ్యక్తికి పాజిటివ్‌గా తేలిన మరుసటి రోజునే ఈ విషయం బయటపడటం కలకలం సృష్టిస్తోంది. ఈ క్రమంలో ఆసుపత్రి పరిసరాల్లో మాస్కులను తప్పనిసరి చేసినట్లు డిప్యూటీ సీఎం బ్రజేశ్‌ పాఠక్‌ వెల్లడించారు. రద్దీ ప్రాంతాల్లో మాస్కు ధరించాలని కోరారు.  ఇదీ చదవండి: చైనాలో శవాల గుట్టలు.. శ్మశానాల ముందు మృతదేహాలతో పడిగాపులు!

వాషింగ్టన్‌: అమెరికన్లు మాస్కు ధరించాల్సిన అవసరం లేని రోజులు త్వరలో వస్తాయని ఆ దేశ సర్జన్‌ జనరల్‌ వివేక్‌ మూర్తి జోస్యం చెప్పారు. అది రెండు నెలల్లో, ఆర్నెల్లలో, లేదా ఓ ఏడాదిలో కావచ్చన్నారు. అలాగని వ్యక్తిగత జాగ్రత్తలను పక్కన పెట్టడం అంత మంచిది కూడా కాదని ఆయన హెచ్చరించారు. రోగ    నిరోధక శక్తి తక్కువగా ఉన్నవాళ్లు కరోనా       విషయంలో మరింత అప్రమత్తంగా ఉండాలని అసోసియేటెడ్‌ ప్రెస్‌కు ఇచ్చిన ఇంటర్వ్యూలో చెప్పారు. ‘‘కరోనా వంటి పెను మహమ్మారి రాత్రికి రాత్రే మాయమైపోదన్న వాస్తవాన్ని అర్థం చేసుకోవాలి. పాత, లేదా కొత్త వేరియంట్లు మళ్లీ తెరపైకి రావచ్చు. కానీ    దానికి భయపడకుండా మళ్లీ స్వేచ్ఛగా           జీవితాన్ని ఆస్వాదించే రోజులు దగ్గర్లోనే ఉన్నాయి. కరోనాపై పోరాడేందుకు ఏడాదిగా మనం తయారు చేసుకున్న నాణ్యతతో        కూడిన వ్యాక్సిన్లు, బూస్టర్లు అందరికీ సరిపడ సంఖ్యలో అందుబాటులో ఉండాలి. అప్పుడు కరోనా మరణాలను దాదాపుగా తగ్గించుకోవచ్చు’’ అని అభిప్రాయపడ్డారు. యువతపై ప్రభావం యువత మానసిక ఆరోగ్యంపై కరోనా చాలా ప్రభావం చూపుతోందని భారత సంతతికి చెందిన మూర్తి ఆందోళన వెలిబుచ్చారు. ‘‘ఇద్దరు పిల్లల తండ్రిగా నేను అనుభవపూర్వకంగా చెప్తున్న విషయమిది. మానసిక ఆరోగ్య నిపుణుల సాయంతో వారికి దన్నుగా నిలవడం చాలా అవసరం’’ అన్నారు. కరోనా తెరపైకి వచ్చిన తొలి నాళ్లలో అమెరికాలో నల్ల జాతీయులకు, లాటిన్, నేటివ్‌ అమెరికన్లకు వ్యాక్సిన్ల లభ్యత అంతగా ఉండేది కాదన్నారు. తర్వాత పరిస్థితి చాలా మెరుగుపడిందని చెప్పారు.  

లండన్‌: మాస్కులు తప్పనిసరి సహా పలు కోవిడ్‌ ఆంక్షలను ఇంగ్లండ్‌ గురువారం ఎత్తేసింది. బూస్టర్‌ డోస్‌ టీకా తీవ్రమైన అనారోగ్యంతోపాటు ఆస్పత్రుల్లో చేరడాన్ని తగ్గించిందని బ్రిటన్‌ ప్రభుత్వం ప్రకటించిన అనంతరం ఇంగ్లండ్‌ ఈ నిర్ణయం తీసుకుంది. దీంతో గురువారం నుంచి ఇంగ్లండ్‌లో ఎవ్వరూ మాస్కులు ధరించాల్సిన అవసరం లేదు. ఇక నైట్‌ క్లబ్బులు, ఇతర వేదికలకు కోవిడ్‌ పాసులు కూడా అవసరం లేదని తెలిపింది.  ఇక ఇంటినుంచే పని, స్కూళ్లలో ఫేస్‌ మాస్కుల నిబంధనను గత వారమే ప్రభుత్వం ఎత్తివేసింది. ఓమిక్రాన్‌ వేరియంట్‌ వేగవంతమైన వ్యాప్తిని అడ్డుకోవడానికి, బూస్టర్‌ డోస్‌ వేసుకోవడానికి సమయమిస్తూ డిసెంబర్‌ మొదటివారం నుంచే ‘ప్లాన్‌ బి’ చర్యలు ప్రారంభించింది. అందరికీ బూస్టర్‌ డోసు టీకాలు వేయడంతోపాటు, నిర్ధారణ పరీక్షలు, యాంటీ వైరల్‌ చికిత్సలను అందించడంలో యూరప్‌ బలంగా పనిచేసిందని ఆరోగ్య కార్యదర్శి సాజిద్‌ జావీద్‌ తెలిపారు. వైరస్‌ పూర్తిగా నిర్మూలనయ్యే అవకాశం లేదని, వైరస్‌తో సహజీవనం నేర్చుకున్నామని ఆయన తెలిపారు. దేశంలో ఒమిక్రాన్‌ తగ్గుముఖం పడుతున్నా.. పిల్లలు, వృద్ధుల్లో ఎక్కువగా ఉందని పేర్కొన్నారు. 12 ఏళ్లు పైబడినవారందరికీ వ్యాక్సినేషన్‌ 84 శాతం పూర్తయ్యిందని, అర్హత ఉన్నవాళ్లంతా రెండో డోసు తీసుకున్నారని, 81 శాతం మంది బూస్టర్‌ డోసు కూడా తీసుకున్నారని వెల్లడించారు. ఆస్పత్రుల్లో చేరిక, ఐసీయూ చికిత్సలో ఉన్నవారి సంఖ్య స్థిరంగా కొనసాగుతోందని, కొత్త సంవత్సరం సమయంలో రోజుకు రెండులక్షలున్నా ఇప్పుడు లక్షకు పడిపోయాయని తెలిపారు. మరోవైపు గురువారం యూకేలో 96,871 కొత్త కేసులు నమోదయ్యాయి. 338 మరణాలు సంభవించాయి.   గతవారమే ప్రకటన ఒమిక్రాన్‌ బారిన పడినవారి సంఖ్య గరిష్ట స్థాయికి చేరుకుందని ప్రధాని బోరిస్‌ జాన్సన్‌ గత వారమే ప్రకటించారు. అయితే...  తమ వినియోగదారులను ఫేస్‌ మాస్కులు ధరించమని కోరతామని కొన్ని దుకాణదారులు, రవాణా సంస్థలు ప్రకటించిన నేపథ్యంలో ప్రభుత్వం చట్టపరమైన చర్యల నుంచి తప్పుకొంది. ఇక అయితే రాజధానిలోని బస్సులు, సబ్‌ వే రైళ్లలో ఇప్పటికీ మాస్కులు వసరమని లండన్‌ మేయర్‌ సాధిక్‌ ఖాన్‌ తెలిపారు. ఇక ఒమిక్రాన్‌ సోకి వారికి ఐదురోజుల ఐసోలేషన్‌ సరిపోతుందన్నారు. కోవిడ్‌ 19ను ఫ్లూలాగా పరిగణించి దీర్ఘకాలిక ప్రణాళిక తయారు చేస్తున్నట్లు అక్కడి ఆరోగ్యాధికారులు తెలిపారు.  స్కాట్లాండ్, వేల్స్, ఉత్తర ఐర్లాండ్‌లు సొంత ప్రజారోగ్య నియమాలను రూపొందించుకున్నాయి. అదేవిధంగా వారి వైరస్‌ నిబంధనలను కొంత సడలించాయి.  

ముందు తరాలకు భద్రమైన, ఆరోగ్యకరమైన భూ గ్రహాన్ని ఇవ్వాల్సిన మనం... ప్రస్తుత పరిస్థితుల్లో ఎదుర్కొంటున్న çసంక్షోభాన్ని మీ దృష్టికి తేవాలను కుంటున్నాను. కోవిడ్‌–19 వ్యాప్తి సమయంలో మాస్క్‌ మన జీవితంలో ఒక భాగమైపోయింది. అందుకే మాస్కులను  మనం తరచుగా కొంటున్నాం. అయితే ఇలా కొని వాడిపారేస్తున్న అసంఖ్యాక మాస్కులు మొత్తం ప్రపంచ మనుగడకే ప్రమాద కరంగా మారాయి. ఎక్కడ చూసినా వైరస్‌ వ్యాప్తిని పెంచడానికి ఆస్కారమున్న అసంఖ్యాక మాస్కులు కనిపిస్తున్నాయి. ఇవి నీటివనరులు, నేలలను కలు షితం చేస్తున్నాయి. ఫలితంగా అనేకమంది అనారోగ్యం పాలవు తున్నారు. ముఖ్యంగా పారిశుద్ధ్య పని వారి పాలిట ఈ మాస్కులు ఉరితాళ్లలా తయారౌతున్నాయి. పిల్లల ఆరోగ్యానికి పెను ప్రమాదంగా పరిణమిస్తున్నాయి. ఉదాహరణకు హైదరాబాద్‌ జవహర్‌ నగర్‌ను ఆను కొని ఉన్న అతిపెద్ద డంపింగ్‌ యార్డు ప్రాంతం ప్రపంచంలోని అణగారిన నిరుపేద పిల్లల జీవితా ల్లోని ఒక అధ్యాయానికి  ప్రతిబింబంగా నిలిచింది. సింగిల్‌ యూజ్‌ వేరియెంట్లలో ఉండే పాలీ ప్రొపైలీన్లు నానో ప్లాస్టిక్‌లుగా విచ్ఛిన్నం అయ్యేవరకు మాస్కులు అలాగే ప్రకృతిలో ఉండిపోయి పర్యా వరణానికి తీవ్రమైన హానిని కలుగజేస్తాయి. ఇవి విచ్ఛిన్నమై భూమిలో కలిసిపోవడానికి వందల ఏళ్లు పడుతుంది. ఫలితంగా çపర్యావరణం తీవ్ర విషా దాన్ని చవిచూడవలసి ఉంటుంది. జవహర్‌ నగర్‌ డంపింగ్‌ యార్డ్‌ వందల ఎకరాల్లో విస్తరించి ఉంది. దాని చుట్టుపక్కల 95 మురికివాడలు ఉన్నాయి. ఇందులో 25 చోట్ల ప్రజలు ప్రత్యక్షంగా తీవ్ర అనారోగ్యానికి గురవుతున్నారు. ఈ ప్రాంతంలో గాలి, భూగర్భజలాలు రెండూ విషపూరితం అవుతు న్నాయి. పిల్లలు వైకల్యాలతో జన్మిస్తున్నారు, వృద్ధులు తీవ్రమైన అనారోగ్యం పాలవుతున్నారు. ఇందుకు ప్రధాన కారణం ‘సంస్థాగత’ నిర్లక్ష్యమే. డంపింగ్‌ యార్డ్‌పై ఆధారపడి జీవించే అర్భ కులు చాలామంది ఇక్కడ జీవిస్తున్నారు. ఇందులో చాలామంది యార్డులో డంప్‌ చేసే (మెడికల్‌ సబంధ మైనవి కూడా) అనేక వ్యర్థాలను సేకరించి బతుకు తున్నారు. పారిశుద్ధ్య పని ఒక వృత్తిగా జీవించే సామాజికంగా వెనకబడిన వర్గాలవారికి.. నిర్లక్ష్యంగా ఎక్కడపడితే అక్కడ పారవేసే మాస్కులు పెద్ద ప్రమాదంగా పరిణమించాయి. మిగతా వ్యర్థాలతో పాటూ వాటినీ గ్లౌజులు వంటి ఎటువంటి రక్షణ కలి గించేవి ధరించకుండానే ఉత్త చేతులతో తొలగిం చవలసిన ఉద్యోగం వారి ఆరోగ్యానికి, ప్రాణాలకు ముప్పుగా పరిణమిస్తోంది. ప్రస్తుత మాస్క్‌ స్థానంలో బయో–డీగ్రేడబుల్‌ వేరియెంట్లతో తయారైన వాటిని ప్రవేశపెట్టగలిగితే పర్యావరణ కాలుష్యం తగ్గుతుంది.  తాజా అధ్యయనం ప్రకారం, భారతదేశం గరిష్ఠంగా వారానికి 4.64 బిలియన్‌ మాస్క్‌ వ్యర్థా లను ఉత్పత్తి చేస్తుంది. దీన్ని బట్టి చూస్తే... ఈ మాస్కుల ఉత్పత్తికి వారానికి 12.258 టన్నుల పాలీ ప్రొపైలీన్‌ని వాడుతూ ప్రపపంచంలోనే మొదటి ర్యాంకులో భారత్‌ నిలిచింది. శస్త్రచికిత్స సమయంలో వాడే మాస్కుల కంటే ఎన్‌–95 మాస్కుల్లో పాలీ ప్రొపైలీన్‌ రెట్టింపు పరిమాణంలో ఉంటుంది. ఈ రెండింటిలోనూ ఉపయోగించే పాలీప్రొపైలీన్‌ డీకంపోజ్‌ అవ్వడానికి 450 సంవత్సరాలు పడు తుంది. వేస్ట్‌ మేనేజ్‌మెంట్‌ వ్యవస్థలో ఎటువంటి రక్షణ లేని మనుషులకు బదులు యంత్రాలను ఉప యోగించవలసిన అవసరం ఎంతైనా ఉంది. మను షులే పనిచేయవలసివస్తే వారికి తగిన రక్షణ సామగ్రిని అందించవలసి ఉంది. మన పరిసరాలను పరిశుభ్రంగా ఉంచడానికి కృషి చేస్తున్నవారిపట్ల మరికొంత దయాశీలంగా ఉండటం మన కర్తవ్యం. మనల్ని నిరంతరం భద్రంగా ఉంచే పారిశుద్ధ్య కార్మికులు రేపటి తరానికి తల్లిదండ్రులే అన్న ఆత్మపరిశీలన చేసుకోవలసిన అవసరం ఎంతైనా ఉంది. – జాన్‌ రాబర్ట్స్‌                    (‘మిలీనియం పోస్ట్‌’ సౌజన్యంతో) 

చెన్నై: కరోనా వైరస్‌ మళ్లీ ఉగ్రరూపం దాల్చుతున్న విషయం తెలిసిందే. కొత్త వేరియంట్‌ ఒమిక్రాన్‌ రూపంలో మహమ్మారి ప్రపంచ వ్యాప్తంగా తన పంజా విసురుతోంది. భారత్‌లోనూ కరోనా కేసులు ఉదృతంగా నమోదవుతున్నాయి.  కరోనా వ్యాప్తిని అడ్డుకునేందుకు ప్రతి ఒక్కరూ మాస్క్ ధరించడం తప్పనిసరిగా మారింది. మాస్క్‌ ధరించకుండా బయకటు వచ్చిన వారికి పోలీసులు ఫైన్ కూడా విధిస్తున్నారు. తాజాగా తమిళనాడు ముఖ్యమంత్రి ఎంకేస్టాలిన్‌ మంగళవారం చెన్నై వీధుల్లో మాస్కులు పంపిణీ చేస్తూ కనిపించారు. చదవండి: (28 రోజులుగా కోమాలో.. వయాగ్రా అధిక మొత్తంలో ఇవ్వడంతో..) రాష్ట్రం‍లో కరోనా కేసులు రోజురోజుకూ పెరుగుతున్న నేపథ్యంలో.. సీఎం స్టాలిన్‌ మంగళవారం పార్టీ కార్యాలయం నుంచి క్యాంపు కార్యాలయానికి తిరిగి వెళ్తుండగా, కొంతమంది బహిరంగంగా మాస్కులు ధరించకపోవడాన్ని గమనించారు. వెంటనే రోడ్‌ పైనే కారు ఆపిన సీఎం.. స్థానికంగా ఉన్న వారికి స్వయంగా మాస్కులు అందజేశారు. ఈ సందర్భంగా అందరూ మాస్క్‌లు ధరించాలంటూ సీఎం స్టాలిన్‌ విజ్ఞప్తి చేశారు. దీనికి సంబంధించిన వీడియోను సీఎం స్టాలిన్‌ తన ట్విటర్‌ ఖాతాలో పోస్ట్‌ చేశారు. ఇందులో  ముఖ్యమంత్రే  కొందరికి మాస్క్‌ పెడుతూ కనపడుతున్నారు. చదవండి: (యువతిపై అత్యాచారం, హత్య.. కట్టెల కోసమని అడవిలోకి వెళ్లగా..) தலைமைச் செயலகத்திலிருந்து முகாம் அலுவலகம் திரும்புகையில், சிலர் பொது இடங்களில் முகக்கவசம் அணியாமல் இருப்பதை கவனித்தேன். அவர்களுக்கு முகக்கவசம் வழங்கினேன். அனைவரும் தயவுசெய்து முகக்கவசம் அணியுங்கள்! தடுப்பூசி- முகக்கவசம்- கிருமிநாசினி- தனிமனித இடைவெளி ஆகியவற்றை கடைப்பிடிப்பீர்! pic.twitter.com/Xex4Nk9jh5 — M.K.Stalin (@mkstalin) January 4, 2022 కాగా దేశంలో రోజువారీ కరోనా కేసులు పెరుగుతున్నాయి. తమిళనాడులోనూ కోవిడ్‌ కేసులు అధికంగా నమోదవుతున్నాయి. రాష్ట్రంలో సంక్రాంతి పండుగ అత్యంత కీలకం కావడంతో ప్రజలను అప్రమత్తం చేయాలని అధికారులకు సీఎం సూచించారు. ఈ నేపథ్యంలోనే రాష్ట్రంలో ప్రభుత్వం పలు ఆంక్షలను కూడా విధించింది. 

సాక్షి, అమరావతి: ‘ఒమిక్రాన్‌ గురించి ఆందోళన చెందాల్సిన అవసరం లేదు. అలాగని నిర్లక్ష్యంగా ఉండకూడదు. విదేశాలతో పోలిస్తే భారత్‌లో ఒమిక్రాన్‌ వ్యాప్తి వేగం తక్కువగా ఉంది. ఇందుకు పలు కారణాలు ఉన్నాయి. కానీ, ప్రజలు అప్రమత్తంగా ఉండటం మాత్రం ముఖ్యం. వైరస్‌ బారిన పడకుండా ఎవరికి వారు భద్రత చర్యలు తీసుకోవాలి. అలసత్వం వద్దు’ అని ఢిల్లీ ఎయిమ్స్‌ కార్డియాలజీ విభాగం మాజీ అధిపతి, పబ్లిక్‌ హెల్త్‌ ఫౌండేషన్‌ ఆఫ్‌ ఇండియా వ్యవస్థాపకులు డాక్టర్‌ శ్రీనాథ్‌ రెడ్డి చెప్పారు. భారత దేశంలోనూ ఒమిక్రాన్‌ కేసులు పెరుగుతున్న నేపథ్యంలో వైరస్‌ తీవ్రత ఏ విధంగా ఉంటుంది? ప్రజలు తీసుకోవాల్సిన జాగ్రత్తలు, తదితర అంశాలను ‘సాక్షి’కి ఇచ్చిన ప్రత్యేక ఇంటర్వ్యూలో వెల్లడించారు.   సాక్షి: ఒమిక్రాన్‌ వ్యాప్తి ఏ విధంగా ఉంది?  డాక్టర్‌ శ్రీనాథ్‌రెడ్డి: విదేశాలతో పోలిస్తే భారత్‌లో ఒమిక్రాన్‌ వ్యాప్తి వేగం తక్కువగా ఉంది. విదేశాల్లో వాతావరణ పరిస్థితులు, రోగ నిరోధక శక్తి వైరస్‌ వ్యాప్తిపై ప్రభావం చూపుతాయి. భారత్‌తో పోలిస్తే విదేశాల్లో ప్రజల సగటు వయసు ఎక్కువ. మన దేశంలో 60 ఏళ్లు పైబడిన వారి సంఖ్య జనాభాలో 6 శాతమే. అదే ఇటలీలో 27 శాతం, అమెరికాలో 16 శాతం. ఇలా చాలా దేశాల్లో మనకన్నా ఎక్కువగా ఉంది. దీనికి తోడు రక్తపోటు, మధుమేహం తరహా నాన్‌ కమ్యూనికబుల్‌ డిసీజెస్‌ (ఎన్‌సీడీ) ప్రభావితులు విదేశాల్లో ఎక్కువగా ఉంటారు. అందువల్లే అక్కడ వైరస్‌ వేగంగా వ్యాపిస్తోంది. భారతదేశంలో వాతావరణం, రోగ నిరోధక శక్తి, ఇతరత్రా అంశాల కారణంగా ఒమిక్రాన్‌ వ్యాప్తి వేగంగా ఉండదు.   సాక్షి: కరోనా నుంచి టీ లింఫోసైట్స్‌ రక్షణ కల్పించినట్టు గతంలో వెల్లడైంది. ఒమిక్రాన్‌ నుంచి టీ లింఫోసైట్స్‌ రక్షణ కల్పిస్తాయా?  శ్రీనాథ్‌రెడ్డి: యాంటీబాడీలు తగ్గినప్పటికీ టీ లింఫోసైట్స్‌ ఒమిక్రాన్‌ నుంచి రక్షణ కల్పిస్తున్నట్టు దక్షిణాఫ్రికా శాస్త్రవేత్తలు వెల్లడించారు. యాంటీబాడీలు మూడు నుంచి ఆరు నెలల్లో తగ్గుతున్నాయి. కొందరిలో 9 నెలలు ఉంటున్నాయి. టీకాలు వేసుకున్న వారితో పోలిస్తే గతంలో కరోనా వచ్చి తగ్గిన వారిలో టీ లింఫోసైట్స్‌ చురుగ్గా పనిచేస్తాయి. ఇవి శరీరంలో పోలీస్‌లా వ్యవహరిస్తాయి. వైరస్‌లు, బాక్టీరియాలు దాడి చేసినప్పుడు వాటిని నియంత్రిస్తాయి.  సాక్షి: యాంటీబాడీలు త్వరగా తగ్గిపోవడానికి ఆస్కారం ఉందా?  శ్రీనాథ్‌రెడ్డి: క్యాన్సర్, ఇతర వ్యాధులకు మందులు వాడే వారు, పౌష్టికాహారం తీసుకోని వారిలో యాంటీబాడీలు త్వరగా తగ్గిపోతాయి. అందువల్లే ప్రభుత్వం 60 ఏళ్లు పైబడి, జబ్బులతో బాధపడుతున్న వారికి ప్రికాషన్‌ డోసు టీకా పంపిణీ చేపట్టబోతోంది. వారందరూ ఈ టీకా వేయించుకుంటే వైరస్‌ నుంచి రక్షణ లభిస్తుంది. 15 నుంచి 18 ఏళ్ల పిల్లలకు ప్రభుత్వం టీకా పంపిణీ చేయబోతోంది. అపోహలు వీడి అందరూ టీకా తీసుకోవాలి.  సాక్షి: ఒమిక్రాన్‌తో ఆసుపత్రుల్లో చేరాల్సిన పరిస్థితులు ఏర్పడతాయా?  శ్రీనాథ్‌రెడ్డి: ఢిల్లీ, మహారాష్ట్ర, సహా పలు రాష్ట్రాల్లో ఎక్కువగా ఒమిక్రాన్‌ కేసులు నమోదు అవుతున్నాయి. అక్కడ ఆసుపత్రులకు వెళ్తున్న వారి సంఖ్య చాలా తక్కువగా ఉంది. వైరస్‌ సోకిన వారిలో ఎక్కువ మందిలో లక్షణాలు కనిపించడంలేదు. పెద్దగా ఆసుపత్రులపై ఒత్తిడి లేదు. విదేశాల్లో డెల్టా, ఒమిక్రాన్‌ కలిసిన కేసులు నమోదవుతుండటంతో అక్కడ ఆసుపత్రులపై ఒత్తిడి పెరుగుతోంది.  సాక్షి: ఒమిక్రాన్‌ నేపథ్యంలో ఎటువంటి మాస్క్‌లు ధరించాలి? ఎలాంటి జాగ్రత్తలు తీసుకోవాలి?  శ్రీనాథ్‌ రెడ్డి: ఆస్కారం ఉన్న వాళ్లు ఎన్‌ 95 మాస్క్‌లు వాడితే మంచిది. లేని పక్షంలో డబుల్‌ లేయర్‌ మాస్క్‌లు సురక్షితం. గుడ్డ, సర్జికల్‌ మాస్క్‌లు ఏవైనా సరే డబుల్‌ లేయర్‌ ఉండేలా చూసుకోవాలి. ప్రస్తుతం ప్రజలు నిర్లక్ష్యంగా ఉంటున్నారు. ఈ పరిస్థితులు ఇలానే కొనసాగితే సంక్రాంతి నాటికి కేసుల సంఖ్య పెరుగుతుంది.   

ఆస్పత్రుల్లో సర్జికల్‌ మాస్కులుగా మాత్రమే పరిచయం ఉన్నవి కాస్త..  కరోనా టైం నుంచి మన జీవితాల్లో భాగం అయ్యాయి.  వేవ్‌లు విరుచుకుపడుతున్నప్పుడల్లా మూతులకు అతుక్కుపోతున్నాయి. ఆంక్షలు, అభ్యంతరాల నేపథ్యంలో అవసరంకొద్దీ అప్పటికప్పుడు ఎంతైనా సరే చెల్లించి కొనేస్తున్నారు జనాలు. అయితే మాస్క్‌ల ఉత్పత్తి పెరుగుతున్నా.. వాటి ధరలు మాత్రం ఇంకా దిగిరాకపోవడంపై గ్రౌండ్‌ రిపోర్ట్‌ ఏంటో ఓసారి చూద్దాం. హైదరాబాద్‌ సహా ఇతర పట్టణాలు, జిల్లా కేంద్రాల్లో మూడు పొరల సర్జికల్‌ మాస్క్‌ ధర ఒకటి రూ.10 నుంచి 15 రూ. మధ్య ఉంటోంది(డిజైన్లు, ఇతర కంపెనీలవి మినహాయించి). సాధారణ మెడికల్‌ షాపు ఓనర్ల నుంచి బిజీ ఏరియాల దగ్గర చిరువ్యాపారుల దాకా ఈ ధరకి ఫిక్సయిపోయారు. ఇక మండలాలు, రూరల్‌ ఏరియాల్లో ఇంతకంటే ఎక్కువ ధరలకే అమ్ముతున్నారు. సాధారణంగా మ్యానుఫ్యాక్చరింగ్‌ యూనిట్ల నుంచి సర్జికల్‌ బయటకు వచ్చేది రూపాయిలోపు(ఒక్కోటి) ధరకే!. మరి అన్నేసి రేట్ల రేటుకు అమ్మడం ఎందుకు?.  ప్రతీకాత్మక చిత్రం మధ్యవర్తులే కారణం..  హైదరాబాద్‌ శివారులో దాదాపు పది యూనిట్ల నుంచి నిత్యం మాస్క్‌ ఉత్పత్తి జరుగుతోంది. ఒక్కో యూనిట్‌ రోజులో లక్ష నుంచి 4 లక్షల దాకా ఉత్పత్తి చేయగలుగుతున్నాయి. అంటే ఒక్క హైదరాబాద్‌ నుంచే రోజుకి 30 లక్షల సర్జికల్‌ మాస్కుల ఉత్పత్తి అవుతున్నాయన్నమాట. ఇవిగాక మరో పది లక్షల మాస్క్‌లను ఢిల్లీ నుంచి దిగుమతి చేస్తున్నారు. మొత్తంగా 40 లక్షల మాస్క్‌లతో భారీ సప్లయి నడుస్తోంది. అయినప్పటికీ ధరలు మాత్రం దిగి రావట్లేదు. అయితే దళారులు, మధ్యవర్తుల కారణంగానే వీటి ధరలు అధికంగా ఉంటున్నాయని ఉత్పత్తిదారులు చెప్తున్నారు.   మ్యానుఫ్యాక్చరింగ్‌ యూనిట్లు..  రిటైలర్స్‌కు 90పై. నుంచి 1.రూ.మధ్య అమ్ముతున్నారు. మొదటి వేవ్‌ నుంచి ఇదే ధర కొనసాగుతోంది కూడా. కానీ,  రిటైలర్స్‌ నుంచి కొందరు దళారులు వీటిని కొనుగోలు చేసి.. మూడు నుంచి ఐదు రూపాయల కమిషన్‌తో కిందిస్థాయికి అమ్మకాలు చేస్తున్నారు. అందుకే తామూ అధిక ధరలకు అమ్ముతున్నామని మెడికల్‌ షాప్‌ ఓనర్లు, వ్యాపారస్తులు చెప్తున్నారు. ఇక మాస్క్‌ ధరించకపోతే ఫైన్లు విధిస్తామన్న ప్రభుత్వ ప్రకటనలు వీళ్ల వ్యాపారానికి మరింత కలిసొస్తోంది.    ప్రతీకాత్మక చిత్రం మాదేం లేదు కరోనా మొదటి, రెండో వేవ్‌ల టైంలో తెలంగాణలో మాస్క్‌ల కొరత నడిచింది. ఉత్పత్తి అస్థిరత వల్ల ధరలు ఎక్కువగా ఉండేవి.  కానీ, ఇప్పుడు డిమాండ్‌కు మించి సప్లయ్‌ ఉంటున్నా.. అధిక ధరలకు అమ్ముతుండడం విశేషం.  ఫస్ట్‌ వేవ్‌ కోనా టైంలో ఒక్కో మాస్క్‌ను 8రూ నుంచి 9రూ. గరిష్ట ధరకు అమ్మేవాళ్లు. అయితే  తయారీదారులు ఇప్పుడూ పాత రేట్లకే అమ్ముతున్నా..  కస్టమర్‌కి మాత్రం ఐదు నుంచి పది రేట్లకు చిల్లు పడుతోంది. పైగా ఈ ఏడాది వేసవి తర్వాత ఉత్పత్తి గణనీయంగా పెరిగినా.. ధరలు మాత్రం దిగిరావట్లేదు. తెలంగాణలో సరిపడా యూనిట్లు ఉన్నాయని, ధరల విషయంలో మాదేం లేదంటున్నారు మ్యానుఫ్యాక్చరర్స్‌. పైగా మిగతా రాష్ట్రాల్లో ఇలాంటి దందాలను, ధరల నియంత్రణను ప్రభుత్వాలే చేపట్టిన విషయాన్ని గుర్తు చేస్తున్నారు వాళ్లు. ప్రస్తుతం స్టాక్‌ వివరాలు ఎన్‌ 95 మాస్కులు.. 41 లక్షల కుపైనే 3 పొరల మాస్క్‌లు, కోటి 50 లక్షలకు పైనే పీపీఈ కిట్స్‌.. 8 లక్షలకుపైనే హోం ట్రీట్‌మెంట్‌ కిట్స్‌.. 8.71 లక్షలు కొసమెరుపు.. బల్క్‌గా త్రీ లేయర్స్‌ మాస్క్‌లను కొనుగోలు చేస్తున్న కొందరు.. షాపులు, మెడికల్‌ స్టోర్లు కాకుండా రోడ్ల మీద, ఫుట్‌పాత్‌లపై రూ. 2 నుంచి 7రూ. మధ్య అమ్మేస్తున్నారు కొందరు. కానీ, వాటి క్వాలిటీపై నమ్మకం లేక చాలామంది దూరంగా ఉంటూ వస్తున్నారు.   మాస్క్‌ మస్ట్‌..  ఒమిక్రాన్‌ వేరియెంట్‌ శరవేగంగా వ్యాప్తి చెందే వేరియెంట్‌. గాలి ద్వారా శరవేగంగా వ్యాపించే అవకాశం ఉన్నందున బయటకు వెళ్లేప్పుడు, ఆఫీసుల్లో, ప్రయాణాల్లో, పబ్లిక్‌ ఎక్కువగా ఉన్న ప్లేస్‌లకు వెళ్లినప్పుడు మాస్క్‌లు(మూడు పొరలున్న ఎలాంటి మాస్క్‌లైనా సరే వాడడం మరీ మంచిది) ధరించడం మంచిదని వైద్య నిపుణులు సూచిస్తున్నారు. చదవండి: క్రిప్టోకరెన్సీలపై ఫైనల్‌ వర్డ్‌ ఇదే: ఆర్బీఐ

ఇచ్చోడ: జిల్లా ప్రజలను ‘మహా’ టెన్షన్‌ వెంటాడుతోంది. జిల్లాకు సరిహద్దున ఉన్న మహారాష్ట్రలో కరోనా కొత్త వేరియంట్‌ ఒమిక్రాన్‌ కేసులు పెరుగుతున్నాయి. దేశంలో నమోదైన కేసుల్లో 50 శాతం మహారాష్ట్రలోనే ఉన్నాయి. మరోవైపు మహారాష్ట్ర నుంచి జిల్లాకు నిత్యం వందలాది మంది రాకపోకలు సాగిస్తున్నారు. దీంతో కొత్త వేరియంట్‌ ఎప్పుడైనా జిల్లాలోకి ప్రవేశించే ప్రమాదం ఉందని ఆందోళన వ్యక్తం చేస్తున్నారు. సరిహద్దులో కట్టడికి చర్యలు చేపట్టాలని కోరుతున్నారు.  మహారాష్ట్రలోని నాగపూర్, పుణె, ముంబయి లాంటి మహానగరల్లో ఇప్పటికే ఒమిక్రాన్‌  కేసులు నమోదయ్యాయి. ఆదిలాబాద్‌ జిల్లాకు నాగ్‌పూర్‌ పట్టణం 200 కిలో మీటర్ల దూరంలో ఉంటుంది. నాగ్‌పూర్‌లో ఇంటర్‌నేషనల్‌ ఎయిర్‌పోర్టు ఉండటం, విదేశాల నుంచి రాకపోకాలు సాగుతుండటం అక్కడి నుంచి జిల్లాకు నిత్యం వ్యాపార నిమిత్తం వేలాది మంది బస్సుల్లో ఇతర ప్రైవేటు వాహనాల్లో రాకపోకలు సాగిస్తుంటారు. డెల్టా వేరియంట్‌ కంటే పది రెట్ల వేగంతో ఒమిక్రాన్‌ వ్యాప్తిచెందే అవకాశం ఉందని వైద్య నిపుణులు హెచ్చరిస్తుండడం, వార్తలు వస్తుడడంతో మహారాష్ట్ర నుంచి రాకపోకలను నియంత్రించకపోతే జిల్లాలోకి కొత్త వేరియంట్‌ అడుగు పెడుతుందని ఆందోళన వ్యక్తం చేస్తున్నారు. గతంలో డెల్టా వేరియంట్‌ కూడా మహారాష్ట్ర నుంచి రాకపోకలతోనే జిల్లాలో విస్తరించిందని పేర్కొంటున్నారు.   రైళ్లలో రద్దీ..  ఇటీవలే రైల్వే శాఖ పలు రైళ్లను పునరుద్ధరించింది. మహారాష్ట్ర రైళ్లు నిత్యం జిల్లా మీదుగా రాకపోకలు సాగిస్తున్నాయి. ముంబాయి, నాగ్‌పూర్‌కు ఆదిలాబాద్‌ మీదుగా రైళ్లు వెళ్తుంటాయి. బస్సు ప్రయాణానికి ఎక్కువ సమయం పడుతుండడం, చార్జీలు ఎక్కువగా ఉండడంతో రైళ్లలో ప్రయాణించేవారి సంఖ్య పెరిగింది. నిత్యం రైళ్లు రద్దీగానే వస్తున్నాయి. అదేవిధంగా ఆదిలాబాద్‌ నుంచి నాగ్‌పూర్, నాందేడ్, చంద్రాపూర్, యావత్మాల్, గడ్చిరోలి, అకోల లాంటి పట్టణలకు, అక్కడి నుంచి ఆదిలాబాద్‌కు బస్సులు తిరుగుతుంటాయి. రైళ్లలో, బస్సుల్లో భౌతిక దూరం పాటించడం లేదు. మాస్కులు కూడా చాలామంది ధరించడం లేదు.   జిల్లా చుట్టూ మహారాష్ట్ర సరిహద్దులు... జిల్లా చుట్టూ మహారాష్ట్ర సరిహద్దులు ఉన్నా యి. ఈ సరిహద్దుల మీదుగా జిల్లాకు నిత్యం వేల మంది వ్యాపారం, వివిధ పనులు నిమి త్తం జిల్లాకు వచ్చిపోతుంటారు. మహారాష్ట్రను ఆనుకుని జిల్లాలోని బోథ్, బజార్‌హత్నూర్, తాంసి, తలమడుగు, భీంపూర్, నార్నూర్, బేల, జైనాథ్‌ మండలాలు ఉన్నాయి. బోథ్‌ మండలం ఘన్‌పూర్‌కు మహారాష్ట్రలోని నాందేడ్‌ సరిహద్దు ఉంది. బేల మండలానికి చంద్రపూర్‌ జిల్లా సరిహద్దుగా ఉంది. తలమడుగు మండలం లక్ష్మీపూర్‌కు మహుర్‌ సరిహద్దు ఉంది. మహుర్‌ నుంచి యావత్మాల్, పర్బనీ జిల్లాలకు రాకపోకాలు సాగుతాయి. మహారాష్ట్రలోని గడ్చిరొలి జిల్లా నార్నూర్‌ మండలానికి పొరుగునే ఉంది. జిల్లాలో పలు మండలాలు మహారాష్ట్రను ఆనుకునే ఉండడంతో అక్కడి నుంచి వచ్చేవారిలో ఎవరికైనా ఒమిక్రాన్‌ సోకి ఉంటే వారి ద్వారా వైరస్‌ జిల్లా వాసులకు సోకుతుందని పలువురు పేర్కొంటున్నారు.   అప్రమత్తం కాకుంటే ముప్పే.. ముందస్తుగా మహారాష్ట్ర సరిహద్దులు ఉన్న గ్రామాల్లో చెక్‌పోస్టులు ఏర్పాటు చేయాలని జిల్లా వాసులు కోరుతున్నారు. కరోనా నెగెటివ్‌ సర్టిఫికెట్‌తోపాటు రెండు డోసుల టీకా వేసుకున్నవారిని మాత్రమే జిల్లాలోకి అనుమతించేలా చర్యలు తీసుకోవాలని సూచిస్తున్నారు. సరిహద్దు చెక్‌ పోస్టుల వద్ద థర్మల్‌ స్క్రీనింగ్‌ కూడా చేయాలని కోరుతున్నారు. రాక పోకలు సాగిస్తున్న వారికి పరీక్షలు నిర్వహించి వివరాలు నమోదు చేయడం ద్వారా ముప్పును నియంత్రించవచ్చని అంటున్నారు. మరోవైపు వైద్యాధికారులు కూడా ప్రజలు స్వీయ జాగ్రత్తలు తీసుకోవాలని సూచిస్తున్నారు. భౌతిక దూరం పాటించాలని, మాస్కు తప్పనిసరిగా ధరించాలని పేర్కొంటున్నారు. బయటకు వెళ్లేవారు, ప్రయాణాలు చేసేవారు తరచుగా శానిటైజర్‌తో చేతులు శుభ్రం చేసుకోవాలంటున్నారు.   మూడు నెలలు జాగ్రత్తగా ఉండాలి ఒమిక్రాన్‌ వైరస్‌ ముప్పు పొంచిఉన్న నేపథ్యంలో ప్రజలు ముందుస్తు జాగత్రలు పాటించాలి. మూడు నెలలు అప్రమత్తంగా ఉండాలి. విధిగా మాస్కులు ధరించాలి. బహిరంగ ప్రదేశాల్లో భౌతిక దూరం పాటించాలి. కోవిడ్‌ వ్యాక్సిన్‌ తీసుకోని వారు వెంటనే టీకాలు తీసుకోవాలి. మొదటి టీకాను తీసుకున్నావారు గడువులోగా రెండో డోస్‌ తీసుకోవాలి. స్వీయ జాగ్రత్తలే శ్రీరామ రక్ష.  – రాథోడ్‌ నరేందర్, డీఎంహెచ్‌వో, ఆదిలాబాద్‌   

సాక్షి, అమరావతి: మాస్క్‌లు, పీపీఈ కిట్ల ధరలు దిగొచ్చాయి. కరోనా వచ్చిన తొలి రోజుల్లో వీటి కోసం నానా అగచాట్లు పడాల్సి వచ్చేది. ఒక దశలో సర్జికల్‌ మాస్క్‌ను రూ.13 పెట్టి కొనుగోలు చేసిన పరిస్థితి. ఇప్పుడది అక్షరాలా రూపాయి పావలా కంటే తక్కువకు దిగొచ్చిందంటే.. మాస్క్‌లను ఉత్పత్తి చేసే పరిశ్రమలు ఏ స్థాయిలో వచ్చాయో అంచనా వేయొచ్చు. కరోనా థర్డ్‌ వేవ్‌ వస్తుందన్న వార్తల నేపథ్యంలో మాస్క్‌లు, పీపీఈ కిట్లు తదితర వాటికి ఏపీఎంఎస్‌ఐడీసీ(రాష్ట్ర మౌలిక వైద్య సదుపాయాల అభివృద్ధి సంస్థ) టెండర్లు పిలిచింది. ఈ టెండర్‌లో ధరలు భారీగా దిగొచ్చాయి. ఎప్పటికప్పుడు రేట్లు తగ్గుతున్న కొద్దీ కొత్తగా టెండర్లు పిలవడం, తగ్గిన ధరలకు కొనడంతో ప్రభుత్వానికి వ్యయం భారీగా తగ్గుతోంది.  పీపీఈ రూ.600 నుంచి రూ.222కు  కరోనా మొదటి వేవ్‌లో ఒక్కో పీపీఈ కిట్‌ను రూ.600కు కూడా కొనుగోలు చేసిన సందర్భాలున్నాయి. ఇప్పుడది కేవలం రూ.222కే దొరుకుతోంది. దీనికంటే ముందు పిలిచిన టెండర్‌లో రూ.291గా ఉండేది. పీపీఈ కిట్ల టెండర్‌లో ఏడు సంస్థలు పాల్గొన్నాయి. ఎల్‌–1(లోయెస్ట్‌–1) రూ.222 కాగా, ఎల్‌–7 రూ.261కి వేశారు. అలాగే ఎన్‌–95 మాస్క్‌లకు ఒకప్పుడు భలే గిరాకీ ఉండేది. ఒక్కో మాస్క్‌ రూ.140కి కూడా కొనాల్సి వచ్చింది. తాజా టెండర్‌కు ముందు వరకూ ఇదే ఎన్‌–95 మాస్క్‌ ధర రూ.19.37గా ఉంది. తాజాగా టెండర్‌లో మొత్తం 8 సంస్థలు పాల్గొనగా.. ఎల్‌–1 రూ.5.91కి వేసింది. కోవిడ్‌ వచ్చిన కొత్తలో మూడు పొరల సర్జికల్‌ మాస్క్‌ను రూ.13కు కొనుగోలు చేయాల్సి వచ్చేది. అప్పట్లో తయారీ కంపెనీలు లేకపోవడం, ముడి సరుకు అందుబాటులో లేకపోవడంతో ఇబ్బందులు పడాల్సి వచ్చింది. తాజా టెండర్‌లో 20 కంపెనీలు పాల్గొన్నాయి. వీటిలో ఎల్‌–1 కేవలం రూ.1.22కే వేసింది. అలాగే రాష్ట్రంలో వ్యాక్సిన్‌ ప్రక్రియ శరవేగంగా జరుగుతుండటంతో ఏడీ(ఆటో డిసబుల్‌) సిరంజిలను ప్రభుత్వం కొనుగోలు చేస్తోంది. తాజాగా కోటి సిరంజిల కోసం టెండర్‌ పిలవగా ఒక్కో సిరంజి రూ.3.90కే వచ్చింది.  

మనం ఎలాంటి మాస్క్‌లు ధరిస్తున్నామన్నది లెక్కకాదు. దాన్ని సరిగా ధరిస్తున్నామా లేదా అన్నదే ప్రధానం. పిడుక్కీ బియ్యానికీ ఒకే మంత్రం పనికి రానట్టే... అన్ని చోట్లా ఒకే పద్ధతి కూడా పనిచేయదు. ఎప్పుడూ మూసి ఉండి, గాలి, వెలుతురు అంతగా రాని ప్రదేశంలో మాస్క్‌ ధారణలో కొంత మార్పు అవసరం. అలాగే ఏసీ గదుల్లో ఇంకోలా ధరిస్తే మరింత ప్రయోజనం. కొంతమంది మాస్కు తీసి జేబుల్లో పెట్టుకుని, బయటకు వెళ్తున్నప్పుడూ లేదా నలుగురూ ఉన్న చోట ధరిస్తూ ఉంటారు. ఇలా జేబులో పెట్టుకోవచ్చా? మూడు పొరల మాస్కుతో ఎందుకు ఎక్కువ ప్రయోజనం, మూసిన గదిలో ఎన్‌ 95 అవసరమేమిటి, గుడ్డ మాస్కులను ఎందుకు రోజూ వేణ్ణీళ్లలో ఉతకాలి లాంటి సందేహాలకు సమాధానాలతో పాటు... అసలు మాస్కులూ, వాటి నుంచి గరిష్టప్రయోజనం పొందడమెలాగో తెలుసుకోవడం కోసమే ఈ కథనం. మాస్కులూ, అవి ఎలా ధరించాలనే విషయంలో ఇప్పటికీ చాలామందికి అనేక రకాల అనుమానాలున్నాయి. ఇప్పటివరకు జరిగిన పరిశోధనల ఆధారంగా శాస్త్రీయంగా వాటిని ఎలా ఉపయోగిస్తే మరింత ప్రయోజనకరంగా ఉంటుందో తెలుసుకుందాం. మాట్లాడినా కరోనా సోకుతుందా... మాస్కుల ఉపయోగం ఏమిటో, అవి ఎందుకు వాడాలో తెలుసుకునే ముందర... కేవలం ఎదురూబొదురుగా ఉంటూ మాట్లాడినా కూడా కరోనా సోకుతుందా అనే విషయం తెలుసుకుందాం. దగ్గడం, తుమ్మడం వల్లనే కాదు... మనం మాట్లాడేటప్పుడు కూడా నోటి నుంచి తుంపర్లు వెలువడతాయి. వీటివల్లే వైరస్‌ వ్యాప్తి చెందుతుంది. ఈ తుంపర్లను ఏరోసాల్స్‌గా పిలవవచ్చు. ఇవి రెండు రకాలు. ఒకటి 5 మైక్రో మిల్లీమీటర్ల కంటే ఎక్కువ ఉండేవి, రెండోది తక్కువ ఉండేవి. దగ్గు, తుమ్ము వచ్చినప్పుడు అవి బరువుగా ఉంటాయి. దాంతో ఆ బరువుకు కింద పడిపోతాయి. అదే సన్నటివైతే చాలా దూరం వెళ్తాయి. పాటలు పాడినా (53%), మాట్లాడినా (41%) , శ్వాసలో (6%) ఇలా ప్రతిసారీ సన్నటి ఏరోసాల్స్‌ వెలువడతాయి. ఆరు అడుగుల దూరముండి... వారు తుమ్మినా, దగ్గినా మనకు కరోనా సోకే అవకాశం తక్కువ. సన్న తుంపర్లు ఎక్కువ దూరం పయనించకుండా నిలువరించడం కోసమే మాస్కు చాలా అవసరం. దాని వల్ల వ్యాధి వ్యాప్తిని నివారించవచ్చు. మూసి ఉండే ప్రదేశాల్లో...  గదిలాంటి మూసి ఉండే (క్లోజ్‌డ్‌) ప్రదేశంలో గాలి బయటకు పోయే అవకాశం లేనప్పుడు / లిఫ్టు వంటి చోట్ల రోగి తుమ్మితే..  వెంటిలేషన్‌ లేనందువల్ల ఆ తుమ్ము నుంచి వచ్చే కణాలు అక్కడే ఉండిపోయే అవకాశాలు ఎక్కువ.  ఇలా తుమ్మాక 1, 2 నిమిషాల తర్వాత లిఫ్టులో ఎవరైనా వెళ్తే, వారు అక్కడి గాలి పీల్చుకున్నప్పుడు వాళ్లకు వ్యాధి సోకవచ్చు. అదే బాగా గాలి, వెలుతురు సోకే గదిలో అయితే ఆ ఇబ్బంది ఉండదు. ఇలాంటి మూసి ఉడే ప్రదేశాల్లో మాస్క్‌ అవసరం మరింత ఎక్కువ. అందుబాటులో అనేక మాస్కులు  ప్రస్తుతం మనకు ఎన్నో రకాల మాస్కులు అందుబాటులో ఉన్నాయి.నీలిరంగు సర్జికల్‌ మాస్కులు, వైద్యులు ధరించే ఎన్‌–95 మాస్కులు, గుడ్డతో తయారై కుట్టించిన సాధారణ మాస్కులు. కంపెనీల బ్రాండెడ్‌ మాస్కులు ఇప్పుడు అన్ని చోట్లా దొరుకుతున్నాయి. కరోనా తొలిదశలో ఒకేసారి అందరూ మాస్కులు వాడటం మొదలుపెట్టగానే... వైద్యరంగంలో ఉపయోగించే మాస్కుల  కొరత ఒకింత తీవ్రమైంది. అయితే ఇప్పుడు అనేక రకాల మాస్కులతో పాటు... ఐదుపొరల మాస్కులంటూ టీవీ వంటి ప్రసార సాధనాల్లో ప్రచారం చేస్తున్న అనేక రకాల మాస్కులు విరివిగా అందుబాటులోకి వచ్చాయి. రెండేసి మాస్కులు అవసరమా? ఎన్‌ 95 మాస్కు ధరిస్తే.. సాధారణంగా రెండోది అవసరం లేదు. కానీ సర్జికల్‌ మాస్కు అయితే రెండోది కూడా అవసరం. ఎందుకంటే, అది ధరించినప్పుడు పక్కల నుంచి కొంత గాలి లోపలికి వెళ్తుంది. ఆ గాలిని కూడా నిరోధించడానికి రెండో మాస్కు అవసరం. వస్త్రంతో చేసినదైనా అన్నివైపులా మూసి ఉంటే రెండోదీ అవసరం లేదు. కానీ, కొంత ఖాళీ ఉన్నా, అందులోంచి వైరస్‌ కణాలు వెళ్లే అవకాశం ఉంటుంది కాబట్టి జాగ్రత్తపడాలి.  ఏది మంచిది...? ఎలా వాడాలి...? సాధారణంగా యువత ఎక్కువగా బయటకు వెళ్తుంటారు. అలాంటి సమయాల్లో  తప్పక మాస్కులు ధరించాలి. వారు మూడు పొరల సర్జికల్‌ మాస్కు ధరించినా సరిపోతుంది. మొదట్లో ధర ఎక్కువగా ఉండటం, అవగాహన లేకపోవడంతో పేదవర్గాలకు చెందినవారు మాస్కులపై పెద్దగా దృష్టి పెట్టేవారు కారు. ఇలాంటి వారు వస్త్రంతో తయారై, కుట్టిన మాస్కులు ధరించినా పర్వాలేదు. ఇలా బయట తిరిగే యువతకూ, తరచూ బయటకు వెళ్లివచ్చే మధ్య వయసువారికి వైరస్‌ వ్యాప్తి చెందే అవకాశం ఎక్కువ. వాళ్లకు కరోనా సోకినా లక్షణాలు పెద్దగా వ్యక్తంకావు. కాబట్టి వెంటనే తెలియదు. కానీ, వారినుంచి ఇళ్లలో ఉండే పెద్దవారికి త్వరగా సోకుతుంది. అందువల్ల ఇంటి నుంచి కాలు బయటపెడితే నోరు, ముక్కును నాలుగువైపులా పూర్తిగా మూసి ఉంచేలా మాస్కు ధరించాలి.  వాడకం ఎలా... వస్త్రాలతో చేసిన మాస్కులను రోజూ వేడినీళ్లలో ఉతికి, ఎండలో ఆరేయడం చాలా ముఖ్యం. వ్యాధి ఉన్నవారు దగ్గినా, తుమ్మినా, లేదా మాట్లాడినా.. వైరస్‌ కణాలు మాస్కు బయటివైపు ఉపరితలం మీద పడతాయి. అందువల్ల దాన్ని వేడినీళ్లలో ఉతికి, ఎండలో ఆరబెడితే చాలావరకు రక్షణ ఉంటుంది. ఎన్‌ 95 అంటే, 95% వరకు రక్షణ కల్పిస్తుంది. చాలామంది ఏదో మొక్కుబడిగా మాస్కు ధరించినప్పటికీ, దాన్ని ఏ గదమ కిందికో లేదా ముక్కు కిందికో ఉండేలా ధరిస్తుంటారు. పేరుకు ధరించినట్లుగా ఉండేలా అమర్చుకుని బయటకు వచ్చేస్తుంటారు. ఏ మాస్కు అయినా దాన్ని ముక్కు కిందకు వేసుకోవడం వల్ల ఉపయోగం ఉండదు.  ఎన్‌ 95 మాస్కు ఎక్కువసేపు వాడితే ఊపిరి పీల్చడం కష్టం అనిపిస్తున్నా లేదా ఒకింత దుర్వాసన వస్తున్నా, దాంతో ఇబ్బందిగా ఉన్నా, ఆ మాస్కు జీవితకాలం అయిపోయిందని అర్థం. అలాంటి సందర్భాల్లో కొత్తది లేదా ఉతికిన మాస్కు ధరించాలి.  జేబులో పెట్టుకోవచ్చా? మాస్కు ముందు భాగాన్ని ఎప్పుడూ చేత్తో ముట్టుకోకూడదు. వైరస్‌ కణాలు మాస్కు ముందుభాగంలోనే ఉంటాయి. కొందరు కొన్నిసార్లు మాస్కు తీసి జేబులో పెట్టుకుంటారు. అది తప్పు. అప్పుడు మాస్కు ముందుభాగాన్ని చేత్తో ముట్టుకోవాల్సి వస్తుంది. ఆ చేతులతో కళ్లు, ముక్కు, నోరు ముట్టుకుంటే కొవిడ్‌ సోకే అవకాశాలు చాలా ఎక్కువ. ఏ మాస్కయినా చెవుల దగ్గర పట్టి తీసి, బయటపెట్టాలి. అలా ఎప్పుడూ చెవుల వద్దే పట్టుకోవాలి. ముందువైపు ముట్టుకున్నట్లు అనుమానం వస్తే వెంటనే చేతులు శానిటైజ్‌ చేసుకోవాలి.   మన దేశంలో మాస్కు తప్పనిసరి ఎందుకంటే... మన దేశంలో అన్నివర్గాల ప్రజలకు, అందరికీ ఇంకా టీకాలు పూర్తిగా అందలేదు. ఇంకా చాలామంది టీకాలంటే కాస్త వెనకడుగు వేస్తున్నవారూ మన సమాజంలో కొంతమంది ఉన్నారు. పైగా మన దేశంలో జనసాంద్రత చాలా ఎక్కువ కావడంతోనూ, అందరూ ఇంకా టీకాలు వేయించుకోకపోడంతో మిగతా రక్షణ చర్యల కంటే మాస్కులు మాత్రమే కరోనా నుంచి మనల్ని రక్షించగలవు. అందుకే మహమ్మారి తీవ్రత తగ్గేవరకూ  మనమందరమూ తప్పనిసరిగా విధిగా మాస్కులను ధరించి తీరాల్సిందే.   డాక్టర్‌  సాయి సుధాకర్‌ సీనియర్‌ ఇంటర్వెన్షనల్‌ కార్డియాలజిస్ట్, కార్డియాక్‌ ట్రాన్స్‌ప్లాంట్‌ ఫిజీషియన్‌

సాక్షి, హైదరాబాద్‌: కరోనా విసిరిన సవాళ్లకు ఎదుర్కొనేందుకు పలు రూపాల్లోని ప్లాస్టిక్‌ వస్తువులు, పరికరాలు, సామగ్రి ఎంతో ఉపకరించాయి. ఫ్రంట్‌లైన్‌ వారియర్లకు పీపీఈ కిట్లు, మాస్కులు, గ్లౌజులు ఎంతో భద్రత కల్పించాయి. ప్రపంచవ్యాప్తంగా వీటి వినియోగం భారీగా పెరగడంతో ప్లాస్టిక్‌ వ్యర్థాలు ప్రకృతికి, పర్యావరణానికి నష్టం కలుగుతోంది. ప్లాస్టిక్‌ కాలుష్యాన్ని కట్టడి చేసేందుకు మెక్సికోకు చెందిన 21 ఏళ్ల యువ వ్యాపారవేత్త, విద్యార్థిని తమార ఛాయో రీ యూజబుల్‌ పీపీఈ కిట్లు తయారు చేశారు. దీంతో ప్లాస్టిక్‌ కాలుష్య కొండల్లో కాంతిరేఖ విరిసినట్లు అయ్యింది. 3 రోజుల పాటు వైరస్‌ వాడి పారేసిన పీపీఈ కిట్ల ద్వారా ప్లాస్టిక్‌ కాలుష్యంతో పాటు వాటిపై మూడు రోజుల పాటు సజీవంగా ఉండే వైరస్‌తోనూ ముప్పేనని నిపుణులు చెబుతున్నారు. కెమికల్‌ ఇంజనీరింగ్‌ విద్యార్థిని తమార ఛాయో గతేడాది సహ స్థాపకురాలిగా ఓ సంస్థ ప్రారంభించి, పీపీఈ కిట్ల కొరత ఏర్పడినప్పుడు ఎంఈడీయూ ప్రొటెక్షన్‌ అభివృద్ధి చేశారు. వైరల్‌ రీసెర్చి ల్యాబ్స్‌లో ఉపయోగించే కోటింగ్‌ త రహాలో ఉన్న వస్త్రంతో ఆమె ఈ దుస్తులు తయారు చేశారు. ఈ కిట్‌ను 50 సార్ల వరకు ఉతికి ఉపయోగించొచ్చని, అయినా తన రక్షణ గుణాలు కోల్పోదని తమారా చెబుతోంది. ఈ దుస్తులకు క్యూఆర్‌ కోడ్‌ను కూడా అంతర్భాగంగా చేయడం ద్వారా దీన్ని ధరించే వారికి స్మార్ట్‌ఫోన్‌ యాప్‌ ద్వారా దాన్ని ఎన్ని సార్లు ఉపయోగించారన్న సమాచారం వస్తుంది. దానిని 50 సార్లు ఉపయోగించాక ప్యాకేజింగ్‌ ఉత్పత్తులకు సంచులుగా వాడుకోవచ్చు. ఆస్పత్రి ప్లాస్టిక్‌ వ్యర్థాలతో ఇటుకలు భారత్, బ్రిటన్‌ తదితర దేశాల్లోని వ్యాపారవేత్తలు ప్లాస్టిక్‌ పీపీఈ కిట్లు, మాస్కులను ఎలా రీసైకిల్‌ చేయాలన్న దానిపై నూతన ఆవిష్కరణలు చేస్తున్నారు. ఇంగ్లండ్‌లోని వేల్స్‌లో థర్మల్‌ కంపాక్షన్‌ గ్రూప్‌ (టీసీజీ) హాస్పిటల్‌ గౌన్లు, మాస్కులు, వార్డు కర్టెన్లు తదితరాలను ప్లాస్టిక్‌ ఇటుకలుగా తయారు చేసే మెషీన్లను రూపొందించింది. ఇలా ఉత్పత్తి చేసే ప్లాస్టిక్‌ ద్వారా పాఠశాలల కుర్చీలు, త్రీడీ ప్రింటర్‌ ఫిలమెంట్లు, దుస్తుల తయారీకి ఉపయోగించే దారంగా కూడా వాడుకోవచ్చని చెబుతున్నారు. టీసీజీ గ్రూపు కెనడా, ఆస్ట్రేలియా, హంగేరీ దేశాలకు తమ యంత్రాలను ఎగుమతి చేసేందుకు సన్నద్ధమౌతోంది.  రీసైకిల్‌ మ్యాన్‌ ఆఫ్‌ ఇండియా.. వాడేసిన పీపీఈ కిట్లతో ఇటుకలు, కన్‌స్ట్రక్షన్‌ ప్యానెళ్లు తయారు చేసి తక్కువ ఖర్చులో హౌసింగ్, స్కూళ్ల నిర్మాణానికి భారత్‌లో 27 ఏళ్ల బినిష్‌ దేశాయ్‌ అనే వ్యాపారవేత్త దోహదపడుతున్నాడు. యుక్తవయసు నుంచే వ్యర్థాల నుంచి ఇటుకల తయారీ నేర్చుకున్నాడు. డిస్‌ఇన్ఫెక్ట్‌ చేసిన, ముక్కలు చేసిన మాస్కులు, పీపీఈ కిట్లు, ఇతర వస్తువులను, కాగితం మిల్లు వ్యర్థాలు, బైండర్‌తో మిక్స్‌ చేసి కొత్త ఇటుకలు తయారు చేయడాన్ని కనుగొన్నాడు. దేశాయ్‌ను ది రీసైకిల్‌ మ్యాన్‌ ఆఫ్‌ ఇండియా అని పిలుచుకుంటున్నారు.  

సాక్షి, అమరావతి: కరోనా వైరస్ నియంత్రణ చర్యల్లో భాగంగా నిబంధనల్ని మరింత కఠినం చేయాలని ఆంధ్రప్రదేశ్‌ ప్రభుత్వం నిర్ణయించింది. మాస్క్ లేకుండా తిరిగే వారిపై కఠిన చర్యలు తీసుకుంటామని రాష్ట్ర వైద్య ఆరోగ్య శాఖ హెచ్చరిక జారీ చేసింది. కార్యాలయాలు, సంస్థలు, వ్యాపార సముదాయాలు, దుకాణాల్లోకి మాస్క్‌లు లేని వారిని అనుమతిస్తే రూ.10 వేల నుంచి రూ.25 వేల వరకు జరిమానా విధిస్తామని రాష్ట్ర వైద్య, ఆరోగ్య శాఖ కమిషనర్ కాటంనేని భాస్కర్ శనివారం ఒక ప్రకటనలో స్పష్టం చేశారు. జరిమానా మొత్తాన్ని స్థానిక పరిస్థితుల ఆధారంగా ఖరారు చేస్తామని, అదే విధంగా 2-3 రోజుల పాటు సంబంధిత సంస్థల్ని మూసివేసేలా అధికారులు చర్యలు తీసుకుంటారని ఆయన పేర్కొన్నారు. కోవిడ్ నిబంధనలను ఉల్లంఘిస్తున్నట్లు గుర్తించి తమకు ఆ ఫొటోలు పంపితే అటువంటి వారిపై కఠిన చర్యలు తీసుకుంటామని, దీనికోసం ప్రత్యేకంగా 8010968295 వాట్సప్ నెంబర్‌ను కేటాయించామని ఆయన వెల్లడించారు. కరోనా నియంత్రణ చర్యల్లో భాగంగా రాష్ట్ర వ్యాప్తంగా మరో రెండు వారాల పాటు రాత్రి వేళ కర్ఫ్యూను పొడిగించినట్లు  తెలిపారు. ఆగస్టు 14వ తేదీ వరకూ కర్ఫ్యూ ఆంక్షలు ప్రతి రోజూ రాత్రి 10 నుంచి ఉదయం 6 గంటల వరకు అమలులో ఉంటాయన్నారు. అందరూ కోవిడ్ ప్రోటోకాల్‌ను తప్పనిసరిగా పాటించాలని, నిబంధనలు ఉల్లంఘిస్తే కఠిన చర్యలుంటాయని కమిషనర్‌ హెచ్చరించారు. మాస్క్ లు ధరించని వారికి రూ.100 జరిమానా విధించే అధికారాన్ని ఎస్ఐ ఆపై పోలీసు అధికారులకు అప్పగిస్తూ ప్రభుత్వం ఇప్పటికే ఉత్తర్వులు జారీ చేసిందని తెలిపారు. ఇప్పటి వరకూ ఈ అధికారం వైద్యాధికారులకు మాత్రమే ఉండేదని పేర్కొన్నారు.  

టోక్యో: ఒలింపిక్స్‌లో పతకం సాధించే అథ్లెట్లకు నిర్వహకులు మరో బంపర్‌ ఆఫర్‌ ప్రకటించారు. పతకం గెలిచాక అథ్లెట్లు పోడియంపై నిల్చున్న స‌మ‌యంలో ఫొటోల‌కు పోజులివ్వ‌డానికి 30 సెక‌న్ల పాటు మాస్కులు తీసివేసే అవ‌కాశం క‌ల్పించారు. అయితే ఈ అవ‌కాశాన్ని అథ్లెట్లు దుర్వినియోగం చేయొద్ద‌ని నిర్వాహకులు కోరారు. ఈ మేరకు అంతర్జాతీయ ఒలింపిక్‌ కమిటీ(ఐఓసీ) సోమ‌వారం ఓ ప్రకటన ద్వారా వెల్ల‌డించింది.  కాగా, ఒలింపిక్‌ గ్రామంలో అథ్లెట్లు, సిబ్బంది క‌రోనా బారిన ప‌డ‌కుండా నిర్వాహ‌కులు క‌ఠిన చ‌ర్య‌లు తీసుకుంటున్నారు. ఇందులో భాగంగా అథ్లెట్లు బరిలో ఉన్నప్పుడు మినహా అన్ని స‌మ‌యాల్లో మాస్కులు ధ‌రించే ఉండాల‌ని నిబంధనలు జారీ చేశారు. అయితే మాస్కుల విషయంలో తాజాగా లభించిన వెసులుబాటుకు అథ్లెట్లు ఆనందం వ్యక్తం చేస్తున్నారు. ఇదిలా ఉంటే, ఒలింపిక్‌ గ్రామంలో అథ్లెట్ల‌కు రోజూ కరోనా ప‌రీక్షలు నిర్వ‌హిస్తున్నారు. 

కరోనా మూలంగా మాస్క్‌లు రోజువారి జీవితాల్లో భాగమైపోయాయి. ప్రపంచ వ్యాప్తంగా ప్రతి ఒక్కరూ మాస్కులు వాడుతున్నారు. వీటిలో ఒకసారి వాడి పడేసేవే ఎక్కువ. దీనివల్ల పర్యావరణానికి ముప్పు వాటిల్లుతోందని గ్రహించిన యూకే వెడ్డింగ్‌ ప్లానర్స్‌ వినూత్న ఆలోచనతో మాస్కులతో మంచి డ్రెస్‌ను డిజైన్‌ చేశారు. వాడి పడేసిన 1500 మాస్కులతో వెడ్డింగ్‌ గౌనును రూపొందించారు. రీ సైకిల్‌ చేసిన పీపీఈ కి ట్‌తో గౌనుకు ఆకారాన్ని తీసుకొచ్చి అందమైన తెల్లని వెడ్డింగ్‌ డ్రెస్‌ను తయారుచేశారు. వెడ్డింగ్‌ ప్లానర్‌ వెబ్‌సైట్‌ ‘హిట్చ్‌డ్‌’ (Hitched) ఈ గౌను రూపకల్పనకు పూనుకోగా, డిజైనర్‌ సిల్వర్‌వుడ్‌ గౌనును రూపొందించారు. ఈ మధ్యకాలంలో బ్రిటన్‌లో కేసులు తగ్గి వివిధ కార్యక్రమాలకు నిబంధనలతో కూడిన అనుమతులు ఇవ్వడంతో పెళ్లిళ్ల హడావుడి మొదలైంది. ఈ నేపథ్యంలో హిట్చ్‌డ్‌ మాస్కులతో సరికొత్త వెడ్డింగ్‌ గౌనును రూపొందించి మోడల్‌కు వేసి ఫోటోలు తీయడంతో ఈ గౌను వెలుగులోకి వచ్చింది. ‘‘ఏటా రూపొందించే వెడ్డింగ్‌ గౌన్‌లకు భిన్నంగా పర్యావరణ హితంగా సరికొత్త గౌన్‌లు తయారు చేయాలనుకున్నాం. ఈ క్రమంలోనే మాస్కులను ఈ విధంగా కూడా వాడవచ్చని మెస్సేజ్‌ ఇచ్చే ఉద్దేశ్యంతోనే... వాడేసిన మాస్కులను శుభ్రపరిచి వెడ్డింగ్‌ గౌన్‌ను రూపొందించాం. మాస్కులతో వెడ్డింగ్‌ గౌన్‌ మరింత అందంగా వచ్చింది’’అని హిట్చ్‌డ్‌ ఎడిటర్‌ సారా అలార్డ్‌ చెప్పారు. 

సాక్షి, అమరావతి/తాడేపల్లి రూరల్‌: కరోనా విపత్తుపై పోరులో రాష్ట్ర ప్రభుత్వానికి బాసటగా కియా ఇండియా పది లక్షల మాస్క్‌లను అందించింది. దీనికి సంబంధించిన పత్రాన్ని, శ్యాంపిల్‌ మాస్క్‌లను సోమవారం ఏపీ విపత్తుల శాఖ కార్యాలయంలో కమిషనర్‌ కె.కన్నబాబుకు కియా ఇండియా సీఈవో కబ్‌ డాంగ్‌ లీ అందించారు. ఈ సందర్భంగా కమిషనర్‌ మాట్లాడుతూ స్వచ్ఛందంగా ముందుకు వచ్చి కార్పొరేట్‌ సామాజిక బాధ్యతగా మాస్క్‌లను అందించడం అభినందనీయమన్నారు. ఈ మాస్క్‌లను అన్ని జిల్లాలకు పంపించనున్నట్లు తెలిపారు. ఈ కార్యక్రమంలో కియా ఇండియా లీగల్‌ కార్పొరేట్‌ హెడ్‌ జూడ్‌ లీ, ముఖ్య సలహాదారు డాక్టర్‌ సోమశేఖర్‌రెడ్డి పాల్గొన్నారు.   

లండన్‌: క‌రోనా మహమ్మారి నుంచి యావత్ ప్రపంచ దేశాలు ఇప్పుడిప్పుడే బ‌య‌ట‌ప‌డుతున్నాయి. వ్యాక్సినేషన్ ప్రక్రియ, నిబంధ‌న‌ల‌ను ప‌క్కాగా అమలు చేయడం వల్ల క‌రోనా ర‌క్కసి ప్రభావాన్ని తగ్గించగలుగుతున్నారు. ఈ నేపథ్యంలో మహమ్మారి ధాటికి విలవిలలాడి, ఇప్పుడిప్పుడే కోలుకుంటున్న బ్రిటన్‌లో జులై 19 తరువాత ఆంక్షలు ఎత్తివేయాలని అక్కడి ప్రభుత్వం యోచిస్తున్నట్లు తెలుస్తోంది. మాస్క్ వాడకం, భౌతిక దూరం పాటించడంతో పాటుగా పలు రకాల నిబంధనలు ఎత్తివేసే యోచనలో బ్రిటన్ ప్రధాని ఉన్నట్లుగా సండే టైమ్స్ తెలిపింది.  అలాగే జిమ్‌, రెస్టారెంట్స్‌, మ్యూజియం తదితర వాటిల్లో స్కానింగ్ నిబంధ‌న‌ల‌ను పక్కన పెట్టే అవకాశం ఉందని సండే టైమ్స్ కథనంలో పేర్కొంది. వేగంగా అమలు చేస్తున్న వ్యాక్సిన్ విధానం స‌త్ఫలితాలు ఇస్తుండటంతో, మాస్క్ వాడాలా, వద్దా అనేది ప్రజల ఇష్టానికి వదిలేయాలని అక్కడి ప్రభుత్వం ఆలోచిస్తున్నట్టు సమాచారం.  ఏడాదిన్నర కాలంగా ఆంక్షలతో మ‌గ్గిపోయిన ప్రజలు స్వేచ్ఛను కోరుకుంటున్నారని, వారి ఆలోచ‌న‌ల‌కు అనుగుణంగానే ప్రభుత్వం నిర్ణయాలు తీసుకునే అవకాశం ఉందని బ్రిటన్ గృహనిర్మాణ శాఖ మంత్రి పేర్కొన్నారు.  

విరిసీ విరియని పువ్వుల్లారా.. ఐదారేడుల పిల్లల్లారా... అన్నాడు మహాకవి. పువ్వులు సహజసిద్ధంగా వికసించినట్లే పిల్లల్లో ఇమ్యూనిటీ సహజసిద్ధంగా పెరగాలంటున్నారు నిపుణులు. ఇందుకోసం కరోనా కట్టడిలో భాగంగా చిన్నారులకు మాస్కులు తొడగాల్సిన పనిలేదంటున్నాయి నూతన అధ్యయనాలు. మాస్కు లేకపోయినా పిల్లలు కరోనా వ్యాప్తి కారకాలు కారంటున్నాయి. ఆ కథేంటో చూద్దాం.. కరోనా కట్టడిలో మాస్కులు, సామాజిక దూరం పాటించడం కీలక పాత్ర పోషిస్తూ వచ్చాయి. కానీ తాజా అధ్యయనాలు ఈ రెండు అంశాలు పిల్లల రోగనిరోధక వ్యవస్థను బలహీనపరిచే అవకాశాలున్నాయని హెచ్చరిస్తున్నాయి. ఇంగ్లండ్‌కు చెందిన నిపుణుల ప్రకారం కరోనా కట్టడిలో భాగంగా లాక్‌డౌన్, మాస్కులు ధరించడం తదితర కారణాలతో ప్రతిఏటా పిల్లలకు సోకే పలు సాధారణ వైరల్‌ వ్యాధులు దూరంగా ఉన్నాయి. ఉదాహరణకు చాలామంది పిల్లల్లో ప్రతిఏటా ఒక సీజన్‌లో ఫ్లూ రావడం సాధారణం. కానీ మాస్క్‌ తదితర ఆంక్షల కారణంగా ఎక్కువమంది పిల్లల్లో గతేడాదిన్నరగా సీజనల్‌ జలుబు రాలేదు. దీనివల్ల శరీరంలో సాధారణంగా జరిగే ఇమ్యూనిటీ బిల్డింగ్‌ దూరమైందని నిపుణులు భావిస్తున్నారు. జలుబులాంటివి చేసినప్పుడు పిల్లల శరీరంలోని రక్షణ వ్యవస్థ సదరు వైరస్‌ను మెమరైజ్‌ చేసుకొని భవిష్యత్‌లో అడ్డుకుంటుంది. కానీ అసలు జలుబే సోకకపోవడంతో చిన్నారుల్లో కరోనా అనంతర దినాల్లో కావాల్సినంత ఇమ్యూనిటీ ఉండకపోవచ్చని అంచనా వేస్తున్నారు. ఏడాదిలోపు చిన్నారులకు సోకే ఆర్‌ఎస్‌వీ(రెస్పిరేటరీ సిన్షియల్‌ వైరస్‌)పై వైరాలజిస్టులు ఆందోళన చెందుతున్నారు. ఇప్పటివరకు ఈ వైరస్‌కు టీకా లేదు. కరోనా ముందు రోజుల్లో పలువురు చిన్నారులు వైరస్‌ కారణంగా ఆస్పత్రిలో చేరడం అనంతరం క్రమంగా ఈ వైరస్‌కు వ్యతిరేకంగా ఇమ్యూనిటీ పెంచుకోవడం జరిగేది. కానీ కరోనా కట్టడికి అవలంబించిన విధానాలతో ఈ వైరస్‌ వ్యాప్తికి అడ్డుకట్ట పడింది. అసలైన సమస్య కరోనా అనంతర దినాల్లో కనిపించవచ్చని, అప్పటికి ఈ ఆర్‌ఎస్‌వీ డేంజర్‌గా మారవచ్చని నిపుణులు ఆందోళన పడుతున్నారు. కరోనా పూర్తిగా కట్టడయ్యాక మాస్కుల్లాంటి విధానాలకు ప్రజలు స్వస్తి పలుకుతారని, ఆ సమయానికి పిల్లలు పలు వైరస్‌లకు ఇమ్యూనిటీ పెంచుకోకపోవడంతో వీటి విజృంభణ అధికంగా ఉండొచ్చని హెచ్చరిస్తున్నారు. రెండేళ్లపాటు పిల్లలు అతి రక్షణ వలయాల్లో ఉండి హఠాత్తుగా మామూలు వాతావరణంలోకి వస్తే వారిలో మెమరైజ్డ్‌ ఇమ్యూనిటీ లోపం వల్ల చిన్నపాటి జలుబు కూడా తీవ్ర ఇబ్బంది కల్గించే చాన్సుంది.   అందుకే సడలించారా? పిల్లల్లో మాస్కుల వాడకం వల్ల జరిగే మేలు కన్నా జరగబోయే కీడు ఎక్కువని భావించే కేంద్ర ఆరోగ్య శాఖ ఇటీవల కీలక నిర్ణయం ప్రకటించిందని నిపుణులు భావిస్తున్నారు. ఐదేళ్లలోపు పిల్లలకు కరోనా నివారణార్థ్ధం మాస్కు వాడకం అవసరం లేదని ఇటీవలే డీజీహెచ్‌ఎస్‌ సూచించింది. అదేవిధంగా 6–11 ఏళ్లలోపు పిల్లలు మాస్కు ధరించవచ్చు కానీ డాక్టర్‌ కన్సల్టేషన్‌ అనంతరమే తల్లిదండ్రులు నిర్ణయం తీసుకోవాలని ప్రకటించింది. అదేవిధంగా పిల్లల్లో కరోనా వస్తే రెమ్‌డెసివిర్‌ వాడవద్దని, సిటీస్కాన్‌ను కూడా పరిమితంగా వాడాలని తెలిపింది. చిన్నారుల్లో కరోనా ముప్పు చాలా తక్కువని, అందువల్ల వీరికి మాస్కు వాడకం అలవాటు చేయకపోవడం తప్పేమీ కాదని పలువురు వైద్యనిపుణులు అభిప్రాయపడుతున్నారు. చిన్నారుల్లో మాస్కు వాడకం కారణంగా వారు సహజసిద్ధంగా పెంచుకోవాల్సిన ఇమ్యూనిటీ పెరగకుండా పోతుందని నిపుణులు భావిస్తున్నారు.   స్కూలుకు పోవచ్చా? చిన్నపిల్లలు స్కూలుకు పోవడం ద్వారా కరోనా ముప్పు అధికం కావచ్చని, వీరివల్ల కరోనా వ్యాప్తి పెరుగుతుందని చెప్పేందుకు సరైన ఆధారాల్లేవని అమెరికన్‌ మెడికల్‌ అసోసియేషన్‌ జర్నల్‌ అధ్యయనం చెబుతోంది. అయితే టీనేజీ పిల్లలు మాత్రం తప్పక రక్షణ నియమాలు పాటించాలని తెలిపింది. అలాగే ఇజ్రాయెల్‌లో జరిపిన రిసెర్చ్‌ ప్రకారం 9ఏళ్లలోపు పిల్లల వల్ల స్కూళ్లలో కరోనా వ్యాప్తి జరుగుతుందనేందుకు ఆధారాలు లేవు. అయితే 10–19 సంవత్సరాల పిల్లల్లో మాత్రం రిస్కు పెరుగుతూ వస్తుంది. అలాగే బడులు తెరవడమనేది కరోనా వ్యాప్తి రేటుపై చూపిన ప్రభావం కూడా తక్కువేనని తేలింది. మూడు అడుగుల దూరం! టీనేజీలోకి రాని పిల్లల్లో మాస్కు వాడకం వల్ల ప్రయోజనం కన్నా భవిష్యత్‌లో ఇబ్బందులకే ఎక్కువ చాన్సులున్నాయన్నది నిపుణుల ఉమ్మడి మాట. చిన్నారుల్లో మాస్కు వాడకం కన్నా ఇతరులతో 3 అడుగుల సామాజిక దూరం పాటించేలా చూస్తే చాలంటున్నారు. అలాగే పిల్లలకు టీకాలు అందుబాటులోకి వచ్చాక వాటిని అందివ్వడం మంచిదంటున్నారు. చిన్నపిల్లలు బడికి ఎక్కువకాలం దూరం కావడం వారి మానసిక వికాసంపై ప్రభావం చూపవచ్చని అందువల్ల టీచర్లు, ఇతర స్టాఫ్‌ తగు జాగ్రత్తలు తీసుకుంటూ పిల్లలను స్కూలుకు హాజరయ్యేలా చూడడం మంచిదని సూచిస్తున్నారు. అయితే కొందరు నిపుణులు మాత్రం రెండేళ్ల పైబడిన పిల్లలకు మాస్కు వాడడమే మంచిదని, భవిష్యత్‌లో ఇమ్యూనిటీ గురించి ఆందోళన పడడం కన్నా ప్రస్తుతం కరోనా బారినుంచి తప్పించుకోవడం కీలకమని వాదిస్తున్నారు. కానీ ఎక్కువమంది మాత్రం పిల్లల్లో మాస్కు వాడకం వారి ఇమ్యూనిటీపై ప్రభావం చూపే అవకాశాలున్నందున వీలయినంత వరకు వాడకపోవడమే మంచిదని సలహా ఇస్తున్నారు.    –సాక్షి, నేషనల్‌ డెస్క్‌

సియోల్‌: మహమ్మారి కరోనా వైరస్‌ సోకకుండా ఇకపై మాస్క్‌లు.. శానిటైజర్లు.. భౌతిక దూరం వంటి నిబంధనలు పాటించడం అవసరం లేదు. మాస్క్‌లకు బై బై చెప్పేసి శానిటైజర్లను ఇక పక్కన పడేస్తున్నారు. ఈ పరిస్థితి ప్రస్తుతం దక‌్షిణ కొరియా దేశంలో సంతరించుకుంటోంది. రెండు నెలల్లో బహిరంగ ప్రాంతాల్లో మాస్క్‌లు ధరించడం అనవసరమని ఆ దేశం ప్రకటించింది. ఎందుకంటే ఆ దేశంలో కరోనా వైరస్‌ వ్యాక్సిన్‌ పంపిణీ శరవేవగంగా సాగుతోంది.  దక్షిణ కొరియాలో వయోధికులకు పెద్ద ఎత్తున వ్యాక్సిన్‌ వేయించారు. 52 మిలియన్ల మందికి అంటే దాదాపు 70 శాతం ప్రజలకు వ్యాక్సిన్‌ పూర్తి చేశారు. జూన్‌లోపు ప్రజల్లో ఒక డోసు వ్యాక్సిన్‌ పొందని వారు ఒక్కరూ కూడా ఉండరని దక్షిణ కొరియా ప్రకటించింది. 60 నుంచి 74 ఏళ్లలోపు ప్రజల్లో 60 శాతం మందికి వ్యాక్సిన్‌ వేసినట్లు ఆ దేశ ఆరోగ్య శాఖ మంత్రి క్వాన్‌ డియోక్‌ చెయొల్‌ తెలిపారు. దక్షిణ కొరియాలో మంగళవారం కొత్తగా 707 కేసులు నమోదయ్యాయి. ఆ దేశంలో ఇప్పటివరకు నమోదైన మొత్తం కేసులు 1,37,682. నాలుగు కంపెనీలకు చెందిన వ్యాక్సిన్‌లు ఆ దేశంలో వేస్తున్నారు. 

దుగ్గిరాలపాడు (జి.కొండూరు): చేదు అనుభవాల నుంచి నేర్చుకున్న గుణపాఠంలా.. 2017లో డెంగీ జ్వరాలతో అల్లాడిపోయిన దుగ్గిరాలపాడు గ్రామ ప్రజలు నేడు సమష్టి కృషితో స్వీయ నియంత్రణ పాటించి కరోనా మహమ్మారిని తమ గ్రామ దరిదాపుల్లోకి కూడా రాకుండా ఎదుర్కోగలుగుతున్నారు. కృష్ణా జిల్లా జి.కొండూరు మండల కేంద్రానికి 15 కిలోమీటర్లు దూరంలో తెలంగాణ సరిహద్దులో దుగ్గిరాలపాడు గ్రామం ఉంది. గ్రామంలో 1,100 మంది జనాభా నివసిస్తున్నారు. గ్రామంలో మరోసారి డెంగీ లాంటి చేదు అనుభవం తలెత్తకూడదని భావించిన గ్రామస్థులు దేశంలో కరోనా వైరస్‌ విజృంభిస్తోందని తెలియగానే అంతా ఏకతాటిపైకి వచ్చి స్వీయ నియంత్రణ పాటించాలని నిర్ణయం తీసుకొన్నారు. ఫస్ట్, సెకండ్‌ వేవ్‌లలో ఒక్క కరోనా కేసు కూడా ఇక్కడ నమోదు కాలేదంటే ఆ గ్రామ ప్రజల క్రమశిక్షణ అర్థం చేసుకోవచ్చు.  కఠిన నిబంధనలు  కరోనా కట్టడికి గ్రామస్తులంతా కలిసి కఠిన నిర్ణయాలు తీసుకొన్నారు. అత్యవసర పరిస్థితుల్లో తప్ప గ్రామం దాటి ఎవ్వరూ బయటకు రావడం లేదు. బయటకు వస్తే మాస్క్‌లు తప్పక ధరిస్తున్నారు. గ్రామంలో శుభకార్యాలను సైతం రద్దు చేసుకున్నారు. నిత్యావసరాల కోసం షాపుల వద్దకు ఒక్కొక్కరుగా వెళ్లి తెచ్చుకుంటున్నారు. పక్కా ప్రణాళికతో, క్రమశిక్షణతో నిబంధనలు పాటిస్తున్నారు.  గ్రామంలో హైపోక్లోరైట్‌ ద్రావణం పిచికారీ   గ్రామంలోనే ఉపాధి  రెక్కాడితే కానీ డొక్కాడని కుటుంబాలు బయటి గ్రామాలలో పనులకు పోకుండా గ్రామ సర్పంచ్‌ రాంబాబు అధికారులతో కలిసి గ్రామంలోనే జాతీయ ఉపాధి హామీ పథకం ద్వారా విరివిగా పనులు కల్పించేలా చర్యలు చేపట్టారు. నిత్యం మాస్క్‌లు ధరించి గ్రామంలోనే పనులు చేసుకుంటుండటంతో తమకు కరోనా పట్ల ఎలాంటి ఆందోళన లేదని గ్రామస్థులు చెబుతున్నారు.  నిత్యం శానిటేషన్‌  గ్రామంలో నిత్యం పారిశుద్ధ్య పనులను ముమ్మరంగా చేపడుతున్నాం. డ్రైనేజీల్లో పూడిక తీత, రహదారుల వెంబడి బ్లీచింగ్‌ చల్లించడం, హైపోక్లోరైట్‌ ద్రావణం పిచికారీ, వాటర్‌ ట్యాంకుల క్లీనింగ్‌ వంటి పనులను ఎప్పటికప్పుడు చేపడుతున్నాం. గ్రామస్తులకు ఎలాంటి ఇబ్బంది తలెత్తకుండా పక్కా ప్రణాళికతో కరోనా కట్టడికి కఠిన నిబంధనలు అమలు చేస్తున్నాం.  – జడ రాంబాబు, గ్రామ సర్పంచ్‌  నిత్యం పర్యవేక్షణ  నిత్యం గ్రామాన్ని సందర్శించి సమస్యలను పరిష్కరిస్తున్నాం. పారిశుద్ధ్యం పనులు ముమ్మరంగా చేపట్టడంతో పాటు కరోనా నియంత్రణ, నిబంధనలపై ప్రజలకు ఎప్పటికప్పుడు అవగాహన కల్పిస్తున్నాం.  – రామకృష్ణ, గ్రామపంచాయతీ కార్యదర్శి 

భువనేశ్వర్‌: కరోనా వ్యతిరేక పోరులో మాస్కు బలమైన ఆయుధం. సమాజంలో బలహీన వర్గాలకు అనుకూలమైన రీతిలో నాణ్యమైన మాసు్కలు విరివిగా లభించేలా చర్యలు చేపట్టాలి. ఈ కార్యకలాపాల కోసం ఎమ్మెల్యే ల్యాడ్స్‌ నుంచి రూ. 50 లక్షల వరకు వెచ్చించాలని ముఖ్యమంత్రి కోరారు. మిషన్‌ శక్తి సిబ్బంది ఇస్తామన్న మాసు్కలను సేకరించి సేకరించి బీదలకు పంపిణీ చేయాలని హితవు పలికారు. రాష్ట్రంలో కోవిడ్‌ నిర్వహణ పరిస్థితులను బుధవారం ఆయన వీడియో కాన్ఫరెన్సులో సమీక్షించారు. హెల్ప్‌డెస్క్‌ సిబ్బంది స్పందించాలి ఈ సందర్భంగా ముఖ్యమంత్రి మాట్లాడుతూ కోవిడ్‌ రోగుల కుటుంబీకులు, బంధుమిత్రుల ఆవేదన పట్ల మానవీయ దృక్పథంతో మసలుకోవాలి. బాధితుల ఆరోగ్య స్థితిగతులకు సంబంధించిన సమాచారాన్ని హెల్ప్‌డెస్క్‌ సిబ్బంది బంధువులకు అందించి ఊరట కలిగించాలని హితవు పలికారు.  కోవిడ్‌ ఆస్పత్రుల్లో లభ్యమవుతున్న సేవలు, చికిత్స, సదుపాయాలు, రోగుల ఆరోగ్య స్థితిగతుల తాజా సమాచారం తెలియజేసేందుకు హెల్ప్‌డెస్క్‌లను మరింత బలపరచాలని పిలుపునిచ్చారు.  రాష్ట్ర ఆరోగ్య–కుటుంబ సంక్షేమ శాఖ అదనపు ప్రధాన కార్యదర్శి ప్రదీప్త కుమార్‌ మహాపాత్రో, డైరెక్టర్‌ జనరల్‌ ఆఫ్‌ పోలీసు అభయ్, ముఖ్యమంత్రి 5టీ కార్యదర్శి వి. కె. పాండ్యన్, కోవిడ్‌ పర్యవేక్షకులు నికుంజొ బిహారి ధొలొ, సత్యవ్రత సాహు, విష్ణుపద శెట్టి, కెంజొహార్, మయూర్‌భంజ్‌ జిల్లాల కలెక్టర్లు, కటక్, భువనేశ్వర్‌ నగర పాలక సంస్థల కమిషనర్లు సమావేశంలో పాల్గొన్నారు. బాధిత కుటుంబీకులకు సమాచారం కోవిడ్‌ ఆస్పత్రుల్లో చేరిన బాధితుల ఆరోగ్య సమాచారం వారి కుటుంబీకులకు ఎప్పటికప్పుడు చేరాలి. ఈ కార్యకలాపాల్లో పాలుపంచుకునే సిబ్బంది, యంత్రాంగం మానవతా దృక్పథంతో మసలుకోవాలి. కోవిడ్‌ నిర్వహణ రంగంలో టీకాల ప్రదానం కీలకమైన అంశమని ముఖ్యమంత్రి పేర్కొన్నారు. టీకాల ప్రదాన కేంద్రానికి ప్రజలు సునాయాశంగా చేరి ఇబ్బంది పడకుండా టీకాలు వేసుకునేందుకు సౌకర్యాలు కల్పించాలి. ఈ ప్రాంగణాల్లో రద్దీ నివారించి కోవిడ్‌ – 19 నిబంధన భౌతిక దూరానికి  ప్రాధాన్యం కల్పించాలి. టీకాలు వేసే చోటు, వేళల సమాచారం సంబంధిత వ్యక్తులకు ముందస్తుగా తెలియజేయడంతో ఇది సాధ్యమతుందని నవీన్‌ పట్నాయక్‌ అభిప్రాయ పడ్డారు. ఇంటింటి సర్వే అఖిల పక్ష సమావేశంలో ముఖ్యమంత్రి ప్రకటించిన మేరకు ఈ నెల 24వ తేదీ నుంచి రాష్ట్రవ్యాప్తంగా ఈ కార్యక్రమం ప్రారంభమవుతుందని ప్రభుత్వ ప్రధాన కార్యదర్శి సురేష్‌ చంద్ర మహాపాత్రో తెలిపారు. ఇంటింటా కరోనా రోగ లక్షణాలు కలిగిన బాధితుల సర్వే చేపడతారు. కోవిడ్‌ నిర్ధారణ పరీక్షలు నిర్వహిస్తారు.  జిల్లా కలెక్టర్లు ప్రధానంగా ఆక్సిజన్‌ సంబంధిత వ్యవహారాలతో హెల్ప్‌ డెస్కు కార్యకలాపాల్ని ప్రత్యక్షంగా పర్యవేక్షిస్తారు.   

వాషింగ్టన్‌: అగ్రరాజ్యం అమెరికా కరోనా నుంచి ఊపిరి పీల్చుకుంటోంది. రెండు డోసుల వ్యాక్సినేషన్‌ పూర్తయిన వారు ఇకపై మాస్కు ధరించాల్సిన అవసరం లేదని ఆ దేశ వ్యాధి నియంత్రణ, నిరోధక సంస్థ ప్రకటించింది. వారు ఇకపై భౌతిక దూరం వంటి చర్యలను కూడా పాటించాల్సిన అవసరం లేదని పేర్కొంది. ఇంట్లో ఉన్నప్పటికీ, బయటకు వెళ్లినప్పటికీ మాస్కును వాడాల్సిన పని లేదని తేల్చి చెప్పింది. ఇదో గొప్ప మైలురాయి: బైడెన్‌ అమెరికా అధ్యక్షుడు జో బైడెన్, ఉపాధ్యక్షురాలు కమలా కలసి గురువారం శ్వేత సౌధంలో మీడియాతో మాట్లాడారు. ఈ సందర్భంగా వారిరువురూ మాస్కులు లేకుండానే కనిపించారు. అమెరికా ప్రజలకు వ్యాక్సినేషన్‌ చాలా వేగంగా చేశామని, అది గొప్ప మైలు రాయి అని బైడెన్‌అన్నారు. పూర్తి వ్యాక్సినేషన్‌ను పొందిన వారికి వైరస్‌ సోకే అవకాశం చాలా తక్కువని అన్నారు. అయితే వ్యాక్సినేషన్‌ చేసుకోని వారు, ఒక డోసు వ్యాక్సిన్‌ మాత్రమే తీసుకున్నవారు మాత్రం అది పూర్తయ్యే వరకు మాస్కు ధరించాలని అన్నారు. కేవలం 114 రోజుల్లోనే 25 కోట్ల మందికి వ్యాక్సినేషన్‌ చేశామని బైడెన్‌ పేర్కొన్నారు. అమెరికాలో రాష్ట్రాంతర ప్రయాణాలు చేసేవారికి ఇకపై నియమాలు ఉండబోవన్నారు. మొత్తం 50 రాష్ట్రాలకుగానూ 49 రాష్ట్రాల్లో కరోనా తగ్గుముఖం పట్టిందన్నారు. గతేడాది ఏప్రిల్‌తో పోలిస్తే ఇప్పుడు అత్యంత తక్కువ మంది మాత్రమే ఆస్పత్రిపాలవుతున్నారని అన్నారు. మరణాల రేటు 80శాతం పడిపోయిందన్నారు. యువతకు కేవలం 4 నెలల్లో 5.5 శాతం నుంచి 60 శాతం మందికి కనీసం ఒక్క వ్యాక్సిన్‌ డోసు అయినా ఇచ్చామని పేర్కొన్నారు.

సాక్షి, హైదరాబాద్‌ :  ట్రాఫిక్‌ సహా కరోనాపై ప్రజలకు అవగాహన కల్పించే కార్యక్రమాలు చేయడంలో సైబరాబాద్‌ పోలీసులు ఎప్పుడూ ముందుంటారు. ఇందుకోసం స్టార్‌ హీరో, హీరోయిన్ల సినిమా పోస్టర్‌, ఫేమస్‌ డైలాగులను వాడేస్తారు. దేశ వ్యాప్తంగా ఇప్పుడు కరోనా సెకండ్‌ వేవ్‌ ఎంతలా విజృంభిస్తుందో ప్రత్యేకంగా చెప్పక్కర్లేదు. దీనిపై అవగాహన కల్పించేందుకు సైబరాబాద్‌ పోలీసులు లేటెస్ట్‌గా మహేష్‌బాబును వాడేశారు. డెనిమ్‌ జీన్స్‌, జాకెట్‌ వేసుకున్న మహేష్‌బాబు ఫోటోను షేర్‌ చేసిన సైబరాబాద్‌ పోలీసులు..'డెనిమ్‌ మీద డెనిమ్‌ ఫ్యాషన్‌ ట్రెండ్‌, మాస్క్‌ మీద మాస్క్‌ సేఫ్టీ ట్రెండ్‌' అంటూ ఓ ఫోటోను షేర్‌ చేశారు.  మహేష్ డెనిమ్‌  జాకెట్‌,  డెనిమ్‌ జీన్స్‌ వేసుకొని ఉన్న మహేష్‌ ఫోటోతో ప్రజలకు కోవిడ్‌పై అవగాహన కల్పించారు. ప్రస్తుతం ఈ పోస్ట్‌ సోషల్‌ మీడియాలో వైరల్‌గా మారింది. విషయం ఏదైనా సరికొత్తగా చెప్పేందుకు ప్రయత్నిస్తారంటూ నెటిజన్లు సైబరాబాద్‌ పోలీసులపై ప్రశంసలు కురిపిస్తున్నారు.  Safety First..#WearAMask #StaySafe #IndiaFightsCorona#Unite2FightCorona @urstrulyMahesh @MaheshBabu_FC @TelanganaCOPs pic.twitter.com/jNvP6XW0PS — Cyberabad Police (@cyberabadpolice) May 11, 2021 చదవండి : సీఎం కొడుకుతో మూవీ ఛాన్స్‌ కొట్టేసిన శివానీ రాజశేఖర్‌ ఎన్టీఆర్‌కు కరోనా.. హెల్త్‌ అప్‌డేట్స్‌ ఇచ్చిన చిరంజీవి

న్యూఢిల్లీ: కరోనా వైరస్‌ మహమ్మారి ముప్పు నుంచి తప్పించుకోవాలంటే మాస్కు ధరించడం కచ్చితం. ఇటీవల శాస్త్రవేత్తలు జరిపిన పరిశోధనలో వైరస్‌ నుంచి మరింత సురక్షితంగా ఉండడం కోసం డబుల్‌ మాస్క్‌లను ధరించాలని సూచనలు చేశారు. నిపుణుల ప్రకారం.. డబుల్‌ మాస్క్‌ వేసుకోవడంతో కొంతమేరకు వైరస్‌ వ్యాప్తి జరిగే ప్రభావాన్ని తగ్గించవచ్చునని తేలింది. కాగా తాజాగా డబుల్‌ మాస్క్‌ వాడకంపై కేంద్ర ప్రభుత్వం కీలక మార్గదర్శకాలను జారీ చేసింది. ఒకే రకమైన రెండు మాస్క్‌లను డబుల్‌ మాస్క్‌గా వాడొద్దని కేంద్రం స్పష్టం చేసింది. డబుల్‌ మాస్క్‌ను ధరించేటప్పుడు సర్జికల్‌ మాస్క్‌, క్లాత్‌ మాస్క్‌ కలిపి ధరించాలని కేంద్రం సూచించింది. అంతేకాకుండా ఒకే మాస్క్‌ను వరుసగా రెండ్రొజులు పాటు వాడొద్దని కేంద్రం తెలిపింది. సాధారణ క్లాత్‌మాస్క్‌ 42 నుంచి 46 శాతం వరకు రక్షణ కల్పిస్తుందని అధ్యయనకర్తలు వెల్లడించారు. సర్జికల్‌ మాస్కు అయితే 56.4 శాతం రక్షణ ఇస్తుందన్నారు. సర్జికల్‌ మాస్కుపై      క్లాత్‌మాస్కు ధరిస్తే కరోనా నుంచి రక్షణ 85.4 శాతం వరకు ఉంటుందన్నారు.   #Unite2FightCorona The Dos and Dont's while #DoubleMasking...Take a look👇#PIBKochi @COVIDNewsByMIB @PIB_India @KirenRijiju @BSF_India @CRPF_sector @cpmgkerala @crpfindia @GMSRailway pic.twitter.com/hH8nY9Og38 — PIB in KERALA (@PIBTvpm) May 9, 2021 చదవండి: Double Masking: రెండు మాస్కులు ధరిస్తే కరోనా రాదా?

సాక్షి, సిటీబ్యూరో: ఇది రామంతాపూర్‌లోని వివేకానగర్‌ కాలనీలో వెలసిన వారాంతపు సంత. జనం గుంపుల కొద్దీ పోగయ్యారు. తిరునాళ్లను తలపించారు. కూరగాయలు, ఇతర వస్తువుల కోసం గుంపులు గుంపులుగా కదులుతున్నారు. ప్రతి మంగళవారం సాయంత్రం 4 నుంచి రాత్రి 9 గంటల వరకు ఈ మార్కెట్‌ రద్దీగా ఉంటుంది. కనీసం  వందకుపైగా తోపుడు బండ్లు, తాత్కాలిక స్టాళ్లు వెలుస్తాయి. ఈ మార్కెట్‌ చుట్టూ అన్నీ కాలనీలు, బస్తీలే. ఎలాంటి భౌతిక దూరం పాటించకుండా జనం ఇలా ఒకేచోట చేరడం వల్ల మహమ్మారి మరింత ఉద్ధృతంగా వ్యాపిస్తుందని అందరికీ తెలుసు. కానీ.. కోవిడ్‌ నిబంధనలన్నీ గాల్లో కలిసిపోతున్నాయి. ఒక్క రామంతాపూర్‌లోనే కాదు. నగరంలోని ఏ మూలకు వెళ్లినా ఇదే పరిస్థితి కనిపిస్తుంది. ప్రతిరోజూ ఏదో ఒక చోట వారాంతపు మార్కెట్లు ఏర్పాటవుతున్నాయి. ఈ సంతలతో కరోనా ముప్పు భారీగా ఉంటుందని కాలనీ సంక్షేమ సంఘాలు, అపార్ట్‌మెంట్‌ వెల్ఫేర్‌ అసోసియేషన్లు ఆందోళన వ్యక్తం చేస్తున్నాయి.   భౌతిక దూరమా.. అదెక్కడ..? సాధారణ రోజుల్లో అయితే ఇళ్ల ముందుకే మార్కెట్లు తరలిరావడం ఆహా్వనించదగిన పరిణామం. జనం తమకు కావాల్సిన వాటిని అక్కడికక్కడే కొనుగోలు చేస్తారు. ముఖ్యంగా కూరగాయల మార్కెట్ల కోసం మహిళలకు కిలోమీటర్ల దూరం వెళ్లాల్సిన అవసరం లేకుండా  తమ కాలనీల్లో వారానికోసారి ఏర్పాటు చేసే మార్కెట్‌లో కొనుగోలు చేయడం ఎంతో కొంత ఊరటనిస్తుంది. కానీ గత రెండు నెలలుగా  ఈ మార్కెట్లు కోవిడ్‌ వ్యాప్తికి కారణమవుతున్నాయనే ఆందోళన వ్యక్తమవుతోంది. గ్రేటర్‌ హైదరాబాద్‌లోని అనేక చోట్ల వారాంతపు మార్కెట్లు పని చేస్తున్నాయి. సనత్‌నగర్, జెక్‌ కాలనీ, ఎర్రగడ్డ, బోరబండ, అమీర్‌పేట్, సీతాఫల్‌మండి, పద్మారావునగర్, పార్శీగుట్ట, రాంనగర్, అడిక్‌మెట్, హబ్సిగూడ, ఉప్పల్, ఈసీఐఎల్, సైనిక్‌పురి, మల్కాజిగిరి, మౌలాలి, కుషాయిగూడ, అంబర్‌పేట్, ఫలక్‌నుమా, తదితర  ప్రాంతాల్లో  ఆదివారం నుంచి శనివారం వరకు ఎక్కడో ఒక చోట  వెలుస్తూనే ఉన్నాయి. కానీ  ఏ ఒక్క మార్కెట్‌లోనూ  భౌతిక దూరం పాటించడం లేదు. మాస్క్‌లు ధరిస్తున్నప్పటికీ కొందరు వాటిని సరైన పద్ధతిలో ధరించకపోవడం కూడా ఆందోళన కలిగిస్తోంది. ‘ఆదివారం వచ్చిందంటే మా కాలనీ ఒక జాతరలా మారుతుంది. అడుగు పెట్టేందుకు అవకాశం ఉండదు. భౌతిక దూరం ఊసే లేదు. పండ్లు, కూరగాయలతో పాటు అత్యవసరం కాని వస్తువులను కూడా విక్రయిస్తున్నారు’ అని తార్నాక గోకుల్‌నగర్‌కు చెందిన లక్ష్మి ఆందోళన వ్యక్తం చేశారు. కొరవడిన నియంత్రణ...  ప్రతి సోమవారం ఉప్పల్‌ చిలుకానగర్‌ రోడ్డులో నిర్వహించే వారాంతపు మార్కెట్‌లో కూరగాయలు, ఆకుకూరలు, పండ్లతో పాటు చికెన్, మాంసం అమ్మకాలు కూడా దర్శనమిస్తాయి. వివిధ రకాల ప్లాస్టిక్‌ వస్తువులు, గృహోపకరణాలు, దుస్తులు విక్రయిస్తారు. దీంతో రద్దీ బాగా పెరుగుతోంది. అన్ని చోట్ల ఇదే పరిస్థితి. అవసరం లేని వస్తువుల విక్రయాలను నియంత్రించకపోవడం వల్ల రద్దీ రెట్టింపవుతోంది. ఒక్క తోపుడు బండి వద్ద ఒకే సమయంలో కనీ సం 15 నుంచి 25 మంది వచ్చి చేరుతున్నారు.మార్కెట్‌లు ముగిసిన తర్వాత కనీసం సోడియం హైపోక్లోరైట్‌ వంటి ద్రావణాలను కూడా స్ప్రే చేయడం లేదు. తాత్కాలికంగా నిలిపివేయాలి   వీక్లీ మార్కెట్లు అవసరమే. కానీ ఇప్పుడున్న పరిస్థితుల్లో తాత్కాలికంగా  వాటిని  నిలిపివేయాలి. అది సాధ్యం కాకపోతే నియంత్రణ అవసరం. షాపుల మధ్య, మనుషుల మధ్య కనీసం రెండు మీటర్ల దూరం ఉండేలా చర్యలు తీసుకోవాలి.  – రమ్య నాయుడు, మల్కాజిగిరి  అనవసరమైనవి వద్దు..   కూరగాయలు, ఆకుకూరలు, పండ్లు మినహా మిగతా అన్ని రకాల వస్తువుల విక్రయాలను నిలిపివేయాలి. దీంతో చాలా వరకు రద్దీ తగ్గుతుంది. ఇప్పుడు వీక్లీ మార్కెట్‌కు వెళ్లాలంటేనే భయమేస్తోంది. ఆ మార్గంలో ప్రాణాలు గుప్పెట్లో పెట్టుకొని నడవాల్సి వస్తోంది.  – డాక్టర్‌ ఏఎస్‌ మాధురి

సాక్షి, హైదరాబాద్‌: కోవిడ్‌ ఆస్పత్రి, వాక్సినేషన్‌ సెంటర్, కరోనా మృతుల మార్చురీ, కర్ఫ్యూ చెక్‌పోస్టు, మాస్కుల ధారణపై చెకింగ్స్‌.. ఇలా ఎక్కడ చూసినా కనిపించే ఫ్రంట్‌ లైన్‌ వారియర్స్‌ పోలీసులు. అయితే వీరికి అవసరమైన ‘భద్రత’ కల్పించడంలో అటు ప్రభుత్వం, ఇటు ఉన్నతాధికారులు విఫలమవుతున్నారు. ఫస్ట్‌ వేవ్‌లో పదుల సంఖ్యలో అధికారులు, సిబ్బంది అశువులు బాశారు. సెకండ్‌ వేవ్‌లోనూ పరిస్థితులు మరింత దారుణంగా ఉన్నాయి. దీంతో ఈ వారియర్స్‌తో పాటు వారి కుటుంబాల నుంచీ తీవ్ర ఆందోళన వ్యక్తమవుతోంది. ఇప్పటికే పోలీసు విభాగంలో పాజిటివ్‌ కేసుల సంఖ్య వెయ్యి దాటగా.. దాదాపు 15 మంది వరకు ఈ మహమ్మారి కాటుకు బలయ్యారు.   ► మాస్క్‌లు ధరించడం, శానిటైజర్లు వాడండి అంటూ గడిచిన కొన్ని రోజులుగా వాట్సాప్, ట్విట్టర్‌ తదితర సోషల్‌మీడియాల వేదికగా పోలీసు ఉన్నతాధికారులు ప్రకటనలు చేస్తున్నారు. తమ సిబ్బంది విషయంలో మాత్రం ఆ అధికారులు ఎలాంటి చర్యలు తీసుకోవట్లేదు.   ► సెకండ్‌ వేవ్‌ పంజా విసరడం మొదలెట్టి నెల రోజులు కావస్తున్నా.. ఇప్పటికీ పోలీసుస్టేషన్లలోని అధికారుల మాట అటుంచితే బందోబస్తు, రిసెప్షన్‌ సిబ్బందికి మాస్‌్కలు, శానిటైజర్ల సరఫరా జరగలేదు. ఇక పీపీఈ కిట్స్‌ అనే ఆలోచనే వాస్తవదూరంగా అయిపోయింది.  ► సెకండ్‌ వేవ్‌ నేపథ్యంలో అటు ప్రభుత్వ, ఇటు ప్రైవేట్‌ సంస్థలు అనేక ముందస్తు చర్యలు తీసుకుంటున్నాయి. వీటిలో భాగంగా వర్క్‌ ఫ్రమ్‌ హోమ్‌ వంటివి అమలు చేస్తున్నాయి.పోలీసు విభాగానికి మాత్రం ఇలాంటి అవకాశాలు లేకుండా పోయాయి. ► పోలీసు అధికారులు నేరుగా ప్రజలతో సంబంధాలు కలిగి ఉండి పనిచేయాల్సి ఉంటోంది. ఉన్నతాధికారులైన డీసీపీలు, ఏసీపీలకు తక్కువైనా ఇన్‌స్పెక్టర్, ఎస్సైలు,  రిసెప్షన్స్‌లో సిబ్బందికి తాకిడి ఎక్కువ.  ► కోవిడ్‌ బారినపడిన పోలీసుల కోసం పేట్ల బురుజులో రెండు ఐసోలేషన్‌ కేంద్రాలు ఏర్పాటు చేయాలని ఉన్నతాధికారులు భావిస్తున్నారు. గతంలో గోషామహల్‌ స్టేడియంలో ఏర్పాటైన కరోనా పరీక్ష కేంద్రం, ఆపై హెచ్‌సీక్యూ మందుల పంపిణీ మాదిరిగా వీటి పని తీరు ఉండకూడదని సిబ్బంది కోరుతున్నారు.   ( చదవండి: వాట్సప్‌ చేస్తే ఉచిత భోజనం.. వారికి మాత్రమే! )

సాక్షి, అమరావతి: మాస్క్‌ లేకపోతే రానివ్వబోమంటూ దాదాపు ఆంధ్రప్రదేశ్‌లోని అన్ని గ్రామాలూ తీర్మానం చేశాయి. ఎవరైనా ఉల్లంఘిస్తే జరిమానా విధించాలని నిర్ణయం తీసుకున్నాయి. అలాగే కరోనా వ్యాప్తి నియంత్రణకు ప్రతి ఒక్కరూ బాధ్యతతో వ్యవహరించాలని విజ్ఞప్తి చేశాయి. రాష్ట్ర వ్యాప్తంగా 13,371 గ్రామ పంచాయతీలుండగా శనివారం రాత్రి 12,193 చోట్ల ‘జగనన్న స్వచ్ఛ సంకల్పం’ పేరుతో గ్రామసభలు జరిగాయి. ఈ సందర్భంగా కరోనా వ్యాప్తి నియంత్రణకు స్వచ్ఛందంగా తగిన జాగ్రత్తలు పాటిస్తామని ప్రజలు ప్రతిజ్ఞ చేశారు. స్థానిక పరిస్థితులకు అనుగుణంగా గ్రామాల్లో కరోనా కట్టడికి ఎలాంటి చర్యలు చేపట్టాలన్న దానిపై గ్రామసభల్లో చర్చించి పలు నిర్ణయాలు తీసుకున్నారు. మాస్క్‌ లేకుండా అనవసరంగా రోడ్లపైకి వచ్చే వారికి.. జరిమానా విధించాలని స్థానిక ప్రజలే స్వచ్ఛందంగా తీర్మానం చేసుకున్నారు. గ్రామాల్లోని హోటళ్లు, టీస్టాళ్ల వద్దకు వచ్చే వారు తప్పనిసరిగా కోవిడ్‌ నిబంధనలు పాటించేలా యజమానులే చూడాలని.. లేకపోతే గ్రామ పంచాయతీ ఆధ్వర్యంలో ఆయా హోటళ్లు, టీస్టాళ్ల నుంచి జరిమానా వసూలు చేసేలా నిర్ణయాలు తీసుకున్నారు.  సర్పంచ్‌ అధ్యక్షతన కమిటీలు.. కరోనా కట్టడి కోసం చేపట్టే పారిశుధ్య కార్యక్రమాల నిర్వహణకు పంచాయతీరాజ్‌ శాఖ ప్రత్యేక గ్రామ కమిటీలను ఏర్పాటు చేసింది. ఈ కమిటీలకు అధ్యక్షులుగా సర్పంచ్‌లు వ్యవహరిస్తారు. వార్డు సభ్యులు, గ్రామ సచివాలయంలో పనిచేసే మహిళా పోలీస్‌తో పాటు ఏఎన్‌ఎంలు ఈ కమిటీల్లో సభ్యులుగా ఉంటారు. కాగా, జగనన్న స్వచ్ఛ సంకల్పం పేరుతో గ్రామ పంచాయతీల ఆధ్వర్యంలో చేపడుతున్న కార్యక్రమాల పర్యవేక్షణకు పంచాయతీరాజ్‌ శాఖ కమిషన్‌ కార్యాలయంలో ఓఎస్‌డీ దుర్గాప్రసాద్‌ నేతృత్వంలో ప్రత్యేక కమిటీ పనిచేస్తుంది.   

సాక్షి, అమరావతి: ప్రస్తుత కరోనా కాలంలో గ్రామాలు, పట్టణాలు అన్న తేడా లేకుండా ప్రతి ఒక్కరు దాదాపు మాస్కులను ఉపయోగిస్తున్నారు. ఒకసారి వాడి పారేసిన మాస్కుల ద్వారా వైరస్‌ వ్యాప్తికి అవకాశం లేకుండా వాటిని ఎక్కడికక్కడే శాస్త్రీయ విధానంలో తగలబెట్టడానికి ప్రతి గ్రామానికి ఒక అధునాతన యంత్రాన్ని అందుబాటులో ఉంచాలని ప్రభుత్వం నిర్ణయించింది. ఆయా యంత్రాల ద్వారా 500–700 డిగ్రీల ఉష్ణోగ్రతల వద్ద వాడిపారేసిన మాస్క్‌లను దహనం చేస్తారు. ఈ సందర్భంగా ఎటువంటి పొగ కూడా రాదు. వీటిని ఇన్‌సినెరేటర్‌లుగా పిలుస్తారు. మాస్కులతోపాటు సాధారణ రోజుల్లో మహిళలు, ఆడపిల్లలు ఉపయోగించే శానిటరీ నాప్‌కిన్స్‌ను ఈ యంత్రాల ద్వారా సురక్షిత మార్గాలలో తగలబెట్టే వీలుంటుందని స్వచ్ఛాంధ్ర కార్పొరేషన్‌ అధికారులు వెల్లడించారు. అన్ని రకాల బయో వ్యర్థాలను సైతం ఈ యంత్రాల ద్వారా నిర్వీర్యం చేయొచ్చని అధికారులు వెల్లడించారు. ► పట్టణాలలో ఈ తరహా వ్యర్థాల కోసం ఇప్పటికే ప్రత్యేక వ్యవస్థ అందుబాటులో ఉంది. అన్ని ఆస్పత్రుల నుంచి బయో వేస్ట్‌ మెటీరియల్‌ను ఎప్పటికప్పుడు సేకరించి, వాటిని నిర్వీర్యం చేయడానికి వైద్య ఆరోగ్య శాఖ ఆధ్వర్యంలో ఒక ఏజెన్సీ పనిచేస్తుంది. ► గ్రామాల్లోనూ ఇలాంటి వ్యవస్థ ఉండాలని పారిశుధ్య కార్యక్రమాల అమలుపై పంచాయతీరాజ్‌ శాఖ, స్వచ్ఛాంధ్ర కార్పొరేషన్‌ అధికారులతో జరిగిన సమీక్షలో సీఎం జగన్‌ ఆదేశించడంతో అధికారులు చర్యలు తీసుకుంటున్నారు. ► మన రాష్ట్రంలో మహిళలకు ఏటా 8 కోట్ల నాప్‌కిన్స్‌ ప్యాడ్స్‌ సరఫరా జరుగుతున్నట్టు అంచనా. అలాగే ఇప్పుడు మాస్కుల వినియోగం పెరిగింది. గ్రామాల్లోని ఆస్పత్రుల్లోనూ బయోవ్యర్థాలు పెరుగుతున్నాయి. ఈ నేపథ్యంలో వీటన్నిటిని సురక్షిత పద్ధతిలో నిర్వీర్యం చేయడానికి ప్రణాళికలు సిద్ధమయ్యాయి. ► ఇప్పటికే 8 వేల ఇన్‌సినెరేటర్‌లను కొనుగోలు చేశారు. ఏపీలో 13,371 గ్రామ పంచాయతీలకు ఒక్కొక్కటి చొప్పున వీటిని అందుబాటులో ఉంచేందుకుగాను మరో 6 వేల దాకా కొనుగోలుకు చర్యలు చేపడుతున్నారు. త్వరలోనే అన్ని గ్రామాల్లోనూ పూర్తిస్థాయిలో వీటిని వినియోగంలోకి తీసుకొచ్చేందుకు చర్యలు తీసుకుంటున్నట్టు స్వచ్చాంధ్ర కార్పోరేషన్‌ ఎండీ సంపత్‌కుమార్‌ ‘సాక్షి’ ప్రతినిధికి వివరించారు. ► జగనన్న స్వచ్ఛ సంకల్పం, క్లీన్‌ ఆంధ్రప్రదేశ్‌ పేరుతో రాష్ట్ర ప్రభుత్వం గ్రామాల్లోనూ ఇంటింటి నుంచి తడి చెత్త, పొడి చెత్త వేర్వేరుగా సేకరించనుంది. ఇందులో వాడిపారేసిన మాస్క్‌లు, నాప్‌కిన్‌ ప్యాడ్స్‌ వంటి వాటిని వేరుగా వర్గీకరించి, వాటిని ఈ యంత్రాల ద్వారా  నిర్వీర్యం చేస్తారు.  

వాషింగ్టన్‌: అమెరికాలో కరోనా వ్యాక్సిన్‌ రెండు డోసులు తీసుకున్నవారికి భారీ ఊరట లభించింది. టీకా తీసుకున్న వారందరూ బయటకి వచ్చినప్పుడు మాస్కులు ధరించనక్కర్లేదని ది సెంటర్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) మినహాయింపునిచ్చింది. అయితే సమూహాల్లోకి వచ్చినప్పుడు తప్పనిసరిగా మాస్కు ధరించాలని స్పష్టం చేసింది. ఈ మేరకు మంగళవారం కొన్ని మార్గదర్శకాలు జారీ చేసింది. రెండు టీకా డోసులు తీసుకున్న వారంతా బయటకు వచ్చి నడుస్తున్నప్పుడు, పరుగులు పెట్టినప్పుడు, కొండలు గుట్టలు ఎక్కినప్పుడు,  బైక్‌ మీద ఒంటరిగా వెళ్లినప్పుడు మాస్కులు పెట్టుకోనక్కర్లేదని ది సెంటర్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ వెల్లడించింది. అయితే పార్టీలు, ఫంక్షన్లు, స్పోర్ట్స్‌ స్టేడియాలు, ఎక్కువ మంది గుమిగూడే ప్రాంతాల్లో మాత్రం మాస్కు ధరించడం తప్పనిసరి అని పేర్కొంది. మరోవైపు అధ్యక్షుడు జో బైడెన్‌ కూడా ప్రజలందరూ ముందుకు వచ్చి టీకాలు తీసుకొని మాస్కు లేని ప్రపంచంలో తిరగవచ్చునని పిలుపునిచ్చారు. ఇప్పటివరకు మాస్కులు అక్కర్లేదని ప్రకటించిన మొట్టమొదటి దేశంగా ఇజ్రాయెల్‌ నిలిచింది.  చదవండి: (ఆరోగ్య వ్యవస్థ కుప్పకూలే ప్రమాదం.. 150 జిల్లాల్లో లాక్‌డౌన్‌?)  

న్యూఢిల్లీ: కరోనా వైరస్‌ సెకండ్‌ వేవ్‌పై ప్రజల్లో వ్యక్తమవుతున్న భయాందోళనలకు పారదోలేందుకు, అప్రమత్తం చేసేందుకు కేంద్రం ప్రయత్నిస్తోంది. పరిస్థితి తీవ్రత దృష్ట్యా ఇళ్లలోనే ఉండి, ఇంట్లోనూ మాస్క్‌ ధరించి కరోనా కట్టడికి సహకరించాలని ప్రజలను కోరింది. కేసుల తీవ్రత గురించి ఎలాంటి భయానికి గురి కావద్దని తెలిపింది అనవసర ఆందోళనతో మంచి కంటే చెడే ఎక్కువగా జరిగే అవకాశం ఉందని పేర్కొంది.  దేశంలో అవసరానికి సరిపోను ఆక్సిజన్‌ నిల్వలున్నాయని, రవాణాలోనే ఇబ్బందులు తలెత్తుతున్నాయని, వాటిని పరిష్కరిస్తున్నట్లు తెలిపింది. కోవిడ్‌ బాధితుల్లో అత్యధికులు ఇంట్లో ఉండే చికిత్స పొందవచ్చనీ, డాక్టర్లు సూచిస్తేనే ఆస్పత్రుల్లో చేరాలంది. కేంద్ర ఆరోగ్య, కుటుంబ సంక్షేమ శాఖ సంయుక్త కార్యదర్శి లవ్‌ అగర్వాల్, హోం శాఖ కార్యదర్శి అజయ్‌ భల్లా, హోం శాఖ అదనపు కార్యదర్శి పియూష్‌ గోయెల్, నీతి ఆయోగ్‌ సభ్యుడు డాక్టర్‌ వీకే పాల్, ఎయిమ్స్‌ డైరెక్టర్‌ రణదీప్‌ గులేరియా సోమవారం మీడియాతో మాట్లాడారు. ఈ సందర్భంగా వారు పరిస్థితుల తీవ్రతపై ప్రజలను అప్రమత్తం చేయడంతోపాటు ప్రజల్లో తలెత్తుతున్న భయాందోళనలను, అనుమానాలను నివృత్తి చేసేందుకు ప్రయత్నించారు.  ఈ అంటువ్యాధిని ఎదుర్కోవడంలో రెమిడెసివిర్, తోసిలిజుమాబ్‌ వంటి ముఖ్యమైన ఔషధాల వినియోగానికి సరైన ప్రిస్క్రిప్షన్‌ అవసరమని ఆరోగ్య శాఖ తెలిపింది. రెమిడెసివిర్, తోసిలిజుమాబ్‌ మాదిరిగా ప్రభావం చూపే చౌకైన, తేలిగ్గా అందుబాటులో మందులు చాలానే ఉన్నాయి. వాటిని వాడటం మంచిది. మెడికల్‌∙ఆక్సిజన్‌ దేశంలో వైద్య వినియోగానికి తగినంత ఉన్నప్పటికీ, దానిని ఆసుపత్రులకు రవాణా చేయడం సవాలుగా మారిందని పేర్కొంది. ఆక్సిజన్‌ ఉత్పత్తి ప్లాంట్లకు, ఆక్సిజన్‌ డిమాండ్‌ ఉన్న ప్రాంతాలకు దూరం ఎక్కువగా ఉందని వివరించింది. న్యాయమైన పద్ధతిలో ఆక్సిజన్‌ వాడాలని, దాని వృథాను ఆపాలని కేంద్రం రాష్ట్రాలు, ఆసుపత్రుల యాజమాన్యాలను కోరింది.వైద్యేతర అవసరాలకు లిక్విడ్‌ ఆక్సిజన్‌ను వాడరాదంటూ ఆదివారం కేంద్రం ఆదేశాలు జారీ చేసిన విషయం తెలిసిందే. అయితే, ఈ నిషేధం నుంచి యాంపుల్స్, వయెల్స్, ఫార్మాస్యూటికల్, రక్షణ బలగాలు అనే మూడు రంగాలను మినహాయిస్తూ సోమవారం మరో ఉత్తర్వు వెలువరించింది.   ఒక్కో వ్యక్తి నుంచి 406 మందికి.. గత ఏడాది మొదటి వేవ్‌తో పోలిస్తే ఈసారి వ్యాప్తి చాలా రాష్ట్రాల్లో తీవ్రంగా ఉంది. మహారాష్ట్రలో గత ఏడాది కంటే 2.25 రెట్లు ఎక్కువగా కేసులు నమోదవుతున్నాయి. అదే సమయంలో, కర్ణాటకలో 3.3 రెట్లు, ఉత్తరప్రదేశ్‌లో 5 రెట్లు ఎక్కువగా కేసులుండటం ఆందోళన కలిగిస్తోంది. భౌతిక దూరం పాటించకుంటే ఒక్కో బాధితుడి ద్వారా 30 రోజుల్లో 406 మందికి ఈ వ్యాధి వ్యాపించే అవకాశం ఉందని పరిశోధనల్లో తేలిందని డాక్టర్‌ పాల్‌ తెలిపారు. భౌతికదూరం 50% పాటించినట్లయితే, ఒక్కో వ్యక్తి ద్వారా 15 మందికి మాత్రమే కరోనా వైరస్‌ వ్యాప్తి చెందినట్లు రుజువైంది. భౌతిక దూరాన్ని 75% పాటించిన బాధితుడి ద్వారా 30 రోజుల్లో 2.5 మందికే వైరస్‌ సోకుతుంది. వ్యాక్సినేషన్‌కు, మహిళల పీరియడ్స్‌కు సంబంధంలేదని స్పష్టం చేశారు.   వ్యాక్సినేషన్‌కు కొత్త విధానం కొత్త వ్యాక్సినేషన్‌ విధానం అమల్లోకి వచ్చింది. ఆస్పత్రుల్లో బెడ్‌ల కొరత ఉందంటూ ఎక్కువ మంది ప్రజలు ఆందోళన చెందుతున్నారు. బాధితుల్లో 90 శాతం మందికి జ్వరం,  ఒళ్లునొప్పుల వంటి వాటితో స్వల్ప అనారోగ్యానికి గురవుతారు. వీరికి జ్వరానికి ఇచ్చే మందులు, ఆవిరి పట్టడంతో వ్యాధిని తగ్గించవచ్చు. కోవిడ్‌ పాజిటివ్‌గా నిర్ధారణ అయిన తర్వాత ఆక్సిజన్‌ సంతృప్తికర స్థాయిలో ఉండి, స్వల్ప లక్షణాలే ఉన్నప్పటికీ ఆస్పత్రుల్లో జాయినవ్వాలని కోరుకుంటున్నారు. మధ్యస్త, తీవ్ర స్థాయి కేసుల్లో 5వ రోజు నుంచి 7వ రోజు తర్వాత మాత్రమే ఆక్సిజన్‌తో అవసరం ఉంటుంది. అంతకంటే ముందుగా ఇవ్వడం వల్ల ఎలాంటి ఉపయోగం ఉండదు. మొదటి, రెండో రోజే చికిత్స సమయంలో ఆక్సిజన్‌ అందిస్తే సైడ్‌ ఎఫెక్ట్సు తలెత్తే ప్రమాదం ఉంది. కోవిడ్‌ బాధితులకు అందజేసే రెమిడెసివిర్, టొసిలిజుమాబ్‌ వంటి ఔషధాలను హేతుబద్ధంగా ఆస్పత్రులు వాడాలి. పరిస్థితి విషమంగా ఉన్న పేషెంట్లపై రెమిడెసివిర్‌ ప్రభావం ఇంకా నిర్థారణ కానందున, బదులుగా వేరే మందులను వాడుకోవచ్చు.   ఆక్సిజన్‌ ట్యాంకులకు జీపీఎస్‌ దేశంలో మెడికల్‌ ఆక్సిజన్‌ నిల్వలు చాలినన్ని ఉన్నాయని కేంద్రం స్పష్టత ఇచ్చింది. అయితే, ఉత్పత్తి అవుతున్న రాష్ట్రాల నుంచి తక్షణం అవసరం ఉన్న చోటికి ఆక్సిజన్‌ తరలింపు సమస్యగా మారింది. భారత వైమానిక దళ విమానాల్లో ఖాళీ ఆక్సిజన్‌ ట్యాంకర్లను తరలించడం ద్వారా రవాణా సమయం తగ్గింది. కేసులు ఒక్కసారిగా పెరగడంతో దేశంలో ఆక్సిజన్‌కు డిమాండ్‌ పెరిగింది.  ఆక్సిజన్‌ ట్యాంకర్ల కదలికలను జీపీఎస్‌ ద్వారా కేంద్రం ఎప్పటికప్పుడు పర్యవేక్షిస్తూ కొరత తీరుస్తున్నాం.   స్థానిక కంటెయిన్‌మెంట్‌ విధానం కరోనా వైరస్‌ వ్యాప్తిని నిలువరించేందుకు గుర్తించిన జిల్లాలు, ప్రాంతాల్లో స్థానిక ప్రాతిపదికన కంటెయిన్‌మెంట్‌ ప్రణాళికలను అమలు చేయాలని రాష్ట్రాలు, కేంద్ర పాలిత ప్రాంతాలను కోరింది. దీనికి సంబంధించి ఈ నెల 25న కేంద్ర కుటుంబ ఆరోగ్య శాఖ వెలువరించిన మార్గదర్శకాలను పాటించాలంది. కంటెయిన్‌మెంట్‌ వ్యూహాలకు సంబంధించి జిల్లా యంత్రాంగానికి స్వేచ్ఛ కల్పించి, పక్కాగా అమలయ్యేలా చూడాలి. ప్రస్తుత వేవ్‌ను ఒక స్థాయికి నియంత్రించడానికి రాష్ట్ర ప్రభుత్వాలు తక్షణం లకి‡్ష్యత కార్యాచరణకు పూనుకోవాల్సిన అవసరం ఉందని కేంద్రం తెలిపింది. ఇందుకోసం, గత వారం రోజులుగా పాజిటివిటీ రేటు 10 శాతం, అంతకంటే ఎక్కువ నమోదవుతున్న ప్రాంతాలను, కోవిడ్‌ బాధితుల్లో 60 శాతం కంటే మించి ఆక్సిజన్‌ అవసరమయ్యే లేదా ఐసీయూలో చేరిన వారున్న ప్రాంతాలను గుర్తించాలని కోరింది. ఈ రెండు అంశాల్లో ఏ ఒక్కటి సరిపోలినా సంబంధిత జిల్లాలో కంటెయిన్‌మెంట్‌ చర్యలను తక్షణం తీసుకోవాలని తెలిపింది. ఆ ప్రాంతంలోని ప్రజలు 14 రోజులపాటు కలుసుకోకుండా చూడటం ద్వారా వ్యాప్తికి అడ్డుకట్ట వేయవచ్చంది. కాగా, కోవిడ్‌ తీవ్రత కట్టడి వ్యూహాలను సమన్వయం చేసుకునేందుకు నీతి ఆయోగ్‌ సీఈవో అమితాబ్‌ కాంత్‌ ఆధ్వర్యంలో ఎంపవర్డ్‌ గ్రూప్‌–3 సోమవారం లక్షమందికి పైగా పౌర సంస్థల సభ్యులతో సమావేశమైంది.    ఇంట్లోనూ మాస్క్‌ ఎందుకు? ప్రజలు ఇళ్లలో ఉన్న సమయంలోనూ మాస్క్‌లు ధరించాల్సిన సమయం వచ్చింది. గాలి ద్వారా ఈ వైరస్‌ సోకుతుందని రుజువైనందున.. ఇప్పటి వరకు బయటకు వెళ్లినప్పుడు మాత్రమే మాస్క్‌ ధరించాలని చెప్పాం. ప్రస్తుతం వైరస్‌ వేగంగా వ్యాప్తి చెందుతున్న దృష్ట్యా ఇంట్లో ఉన్నప్పుడు మాస్క్‌ ధరించాలని కోరుతున్నాం. ఇంట్లో ఇతరులతో కలిసి కూర్చున్నప్పుడు మాస్క్‌ ధరిస్తే వైరస్‌ వ్యాప్తి చెందదు. ఇంటికి అతిథులను ఆహ్వానించవద్దు. పాజిటివ్‌గా తేలిన వారు ఆస్పత్రుల్లోనే చేరాల్సిన అవసరం లేదు. వారిని వేరుగా గదిలో ఉంచవచ్చు. వారి ద్వారా ఇతర కుటుంబసభ్యులకు వైరస్‌ వ్యాప్తి చెందకుండా జాగ్రత్తలు తీసుకోవాలి. ఇంట్లో వసతులు లేకుంటే ఐసోలేషన్‌ కేం ద్రాలకు వెళ్లవచ్చు.

న్యూఢిల్లీ: కోవిడ్ -19 మహమ్మరీ విపరీతంగా వ్యాపిస్తున్న కారణంగా ఇంట్లోనూ మాస్క్‌లు పెట్టుకోవాల్సిన స‌మ‌యం అసన్నమైందని కేంద్ర ప్ర‌భుత్వం స్ప‌ష్టం చేసింది. భారతదేశంలో కోవిడ్ -19 పరిస్థితిపై విలేకరుల సమావేశంలో ప్రసంగించిన నీతి ఆయోగ్ సభ్యుడు (ఆరోగ్యం) డాక్టర్ వి.కె పాల్ మాట్లాడుతూ.. "కుటుంబంలో ఎవరికైనా కోవిడ్ -19 పాజిటివ్ వస్తే, ఇంట్లో ఉన్న ప్రతి ఒక్కరూ మాస్క్ ధరించడం చాలా ముఖ్యం ఎందుకంటే వైరస్ ఇంట్లో ఇతరులకు వ్యాపిస్తుంది. అస‌లు నా అభిప్రాయం ప్ర‌కారం అంద‌రూ ఇంట్లోనూ మాస్కులు పెట్టుకుంటే మంచిది అని" డాక్టర్ వి.కె పాల్ అన్నారు. ఇప్పటి వరకు మనం మాస్క్ బయట ధరించడం గురించి మాట్లాడుతున్నాం.. అయితే ఇన్ఫెక్షన్ వేగంగా వ్యాపిస్తునందున ప్రజలు ఇంట్లో కూడా ముసుగు ధరించాలని ఆయన అన్నారు. వ్యాధి సోకిన వ్యక్తిని ప్రత్యేక గదిలో ఉంచాలి అని డాక్టర్ పాల్ చెప్పారు. మీ ఇంటి దగ్గరకు ఎవరిని రానివ్వద్దు అని తెలిపారు. అత్యవసరమైతే తప్ప బయటకు వెళ్లొద్దు అని సూచించారు. ఏ మాత్రం ల‌క్ష‌ణాలు ఉన్నా రిపోర్ట్ వ‌చ్చే వ‌ర‌కూ వేచి చూడ‌కుండా ఐసోలేష‌న్‌లోకి వెళ్లిపోవాల‌ని సూచించారు. లక్ష‌ణాలు ఉంటే పాజిటివ్‌గానే భావించి ఆర్టీ-పీసీఆర్ లో నెగ‌టివ్ వచ్చే అంత‌వ‌ర‌కూ అంద‌రికీ దూరంగా ఉంటే మంచిద‌ని చెప్పారు.ఇక కేంద్ర ఆరోగ్యశాఖ సంయుక్త కార్య‌ద‌ర్శి ల‌వ్ అగ‌ర్వాల్ కూడా మాస్కులు లేక‌పోవ‌డం వ‌ల్ల ఉన్న ముప్పు గురించివివరించారు. ఇద్ద‌రు వ్య‌క్తులు మాస్కులు పెట్టుకోకుండా, భౌతిక దూరం పాటించ‌క‌పోతే ఇన్ఫెక్ష‌న్ సోకే ముప్పు 90 శాతం ఉంటుంద‌ని ఆయ‌న స్ప‌ష్టం చేశారు.  చదవండి:  మీ శరీరంలో ఆక్సిజన్​ స్థాయి ఎంత ఉందో తెలుసుకోవాలా?

వ్యాక్సిన్‌ వచ్చినప్పటికీ కరోనాకు మంచి మందు మాస్క్‌ వినియోగమే. ప్రస్తుత పరిస్థితుల్లో ప్రతి ఒక్కరూ మాస్క్‌ ధరించాలి. మనం ఇంటి నుంచి బయటకు వెళ్లేటప్పుడు, అదేవిధంగా కుటుంబ సభ్యులు కాకుండా ఇతరులు వచ్చినప్పుడు ఇంట్లో కూడా మాస్క్‌ ధరించాలి. సర్జికల్‌ మాస్క్, క్లాత్‌ మాస్క్‌ ఏదైనా ధరించవచ్చు. డిస్పోజబుల్‌ మాస్కులు మంచివే అయినప్పటికీ వాటిని కొనుగోలు చేయడం ఖర్చుతో కూడుకున్న పని. అందువల్ల పొరలతో కూడిన క్లాత్‌ మాస్కులను క్రమం తప్పకుండా ఉతుకుతూ పలుమార్లు వినియోగించుకోవచ్చు. అయితే ఇంట్లో తయారు చేసుకున్న మాస్క్‌/ క్లాత్‌/ సర్జికల్‌ మాస్క్‌ ధరించడంతో కరోనా వైరస్‌ నుంచి 51.4 శాతం నుంచి గరిష్టంగా 56.1శాతం మాత్రమే రక్షణ లభిస్తోందని అమెరికాలోని సెంటర్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) చెబుతోంది. సర్జికల్‌ మాస్క్‌ లేదా క్లాత్‌ మాస్క్‌ రెండేసి ధరిస్తే వైరస్‌ నుంచి 95 శాతం తప్పించుకున్నట్లేనని పేర్కొంది. అయితే ఎన్‌–95 మాస్కును సింగిల్‌గానే వాడాలి. ఏదైనా క్రమ పద్ధతిలో ధరించాలి. నోరు, ముక్కు పూర్తిగా కవర్‌ చేస్తూ పెట్టుకోవాలి. డబుల్‌ మాస్కులు ఒకదానిపై ఒకటి పెట్టి ధరించాలి. శ్వాస కోసం ముక్కు దగ్గర, చెవుల వైపు వదులుగా ఉంటే, గాలి లీకేజీతో వైరస్‌ వ్యాప్తికి మార్గం ఏర్పడుతుంది.  -పి.విజయ నరసింహారెడ్డి,  అసిస్టెంట్‌ ప్రొఫెసర్, రిమ్స్, కడప 

వాషింగ్టన్‌: మహమ్మారి కరోనా వైరస్‌ ముప్పు నుంచి తప్పించుకోవాలంటే మాస్కు కచ్చితంగా ధరించాలని అందరికీ తెలుసు. రెండు మాస్కులు ధరిస్తే రెండింతల రక్షణ లభిస్తోందని తెలుసా? ఇలా ధరిస్తే వైరస్‌ బారినపడే అవకాశాలే లేవని అమెరికాలోని యునైటెడ్ స్టేట్స్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) తాజా పరిశోధనలో తేలింది. రెండు టైట్‌ ఫిట్‌ మాస్కులు సార్స్‌–కోవ్‌–2 సైజ్‌ వైరస్‌ను సమర్థంగా ఫిల్టర్‌ చేస్తాయని, నోరు, ముక్కులోకి వెళ్లకుండా అడ్డుకుంటాయని ఈ పరిశోధన చెబుతోంది. డబుల్ మాస్కుల వాడకం మంచిదే.. ►మాస్కుల్లో ఎక్కువ బట్ట పొరలు వాడడం వల్ల వాటి మధ్య ఖాళీ స్థలం తగ్గిపోతుంది. ఖాళీ లేకపోతే లోపలికి వైరస్‌ ప్రవేశించే ఆస్కారం ఉండదు. కనుక వైరస్‌ కణాలను ఇది సాధ్యమైనంత వరకు అడ్డుకుంటుంది.  ►మాస్కు ముఖానికి సరిగ్గా అమరకపోతే రక్షణ పెద్దగా ఉండదు. కనుక డబుల్ మాస్కును ధరించడం వలన ముఖ భాగాన్ని వీలైనంత కవర్‌ చేస్తుంది. ఇందులో బట్ట పొరలను ఖాళీ లేకుండా బిగువుగా కలిపి కుట్టిన మాస్కు ఉత్తమమైనదని చెప్పారు. ►సాధారణ క్లాత్‌మాస్క్‌ 56.1 శాతం రక్షణ కల్పిస్తుందని అధ్యయనకర్తలు వెల్లడించారు. సర్జికల్‌ మాస్కు అయితే 51.4 శాతం రక్షణ ఇస్తుందన్నారు. సర్జికల్‌ మాస్కుపై      క్లాత్‌మాస్కు ధరిస్తే కరోనా నుంచి రక్షణ 85.4 శాతం వరకు ఉంటుందన్నారు. క్లాత్‌ లేదా సర్జికల్‌ మాస్కు వలన 77 శాతం రక్షణను ఇస్తుంది. ప్రయోజనాలు.. ►డబుల్ మాస్కులు  వాడకం వలన మీకు శ్వాస పీల్చుకోవడంలో ఏ రకంగాను ఇబ్బందులు ఉండవు. ► డబుల్‌ మాస్కులు ధరించి సులభంగా మాట్లాడుకోవచ్చు. చేయకూడనవి.. ►వాడేసిన మాస్కులు రెండింటినీ గానీ, సర్జికల్ మాస్కులు రెంటిని కలిపి డబుల్ మాస్కులా వాడకూడదు ►మార్కెట్లో దొరుకుతున్న ఎన్‌95 మాస్క్‌ను ఏ ఇతర మాస్కు తో ఉపయోగించరాదు. ►రసాయన పదార్థాలను మాస్కు కు కలిపి ఉపయోగించరాదు. ►పాడైన, రంధ్రాలు పడినమాస్కులను వాడరాదు  డబుల్ మాస్కును సరైన రీతిలో వాడుతున్నామనడానికి ఉదాహరణ ►మనం గాలి పీలుస్తున్నప్పుడు, మన మాస్కు లోపల వైపుకు వెళ్తున్నట్లు ఉండాలి ►అద్దాలు వాడే వారు గాలి వదిలినప్పుడు పొగతో వారి అద్దాలు కమ్ముకోవడం. ►అద్దం ముందు నిల్చుని మనం గాలిని బలంగా వదిలినప్పుడు మన కళ్లకు ఆ గాలి తగలడం.  (చదవండి: ‘ఊపిరి’కి ఎందుకీ కష్టం?)

సాక్షి, అమరావతి: కరోనా రోజురోజుకూ వ్యాప్తి చెందుతోంది. అయినా సరే చాలామంది ఇప్పటికీ మాస్కు లేకుండా తిరుగుతున్నారు. ఈ పరిస్థితుల్లో మాస్కు లేకుండా ఎవరైనా బయట తిరిగితే వారికి రూ.100 జరిమానా విధించాలని ప్రభుత్వం నిర్ణయించింది. ఈ మేరకు ప్రభుత్వ ప్రధాన కార్యదర్శి ఆదిత్యనాథ్‌ దాస్‌ మంగళవారం ఉత్తర్వులు జారీ చేశారు. రోడ్డుపైకి ఎవరైనా మాస్కు లేకుండా వస్తే జరిమానా విధించాలని పోలీసులను ఆదేశించారు. షాపులు లేదా వ్యాపార సంస్థలు, కమర్షియల్‌ కాంప్లెక్సుల్లో 5 అడుగుల భౌతిక దూరం పాటించేలా చర్యలు తీసుకోవాలని పేర్కొన్నారు. అలాగే, షాపింగ్‌ మాల్స్, సినిమా హాళ్లు వంటి చోట సీటు మార్చి సీటు అంటే మధ్యలో సీటు ఖాళీగా ఉండేలా చర్యలు తీసుకోవాలన్నారు. ప్రతి షాపులో, ఇతర చోట్లా శానిటైజర్‌ వేసుకున్న తర్వాతే వినియోగదారులను లోపలికి పంపించాలని ఆదేశించారు. థర్మల్‌ స్క్రీనింగ్‌ మెషీన్లను విధిగా వాడాలని పేర్కొన్నారు. స్విమ్మింగ్‌ పూల్స్‌ అన్నీ వెంటనే మూసివేయాలని ఆదేశాలిచ్చారు. పైన నిబంధనలు అమలు చేయడానికి జిల్లా కలెక్టర్లకు పూర్తి అధికారాలు ఇచ్చారు. 

దేశంలో కొద్దీ రోజుల నుంచి కరోనా కేసుల సంఖ్య విపరీతంగా పెరుగుతూ పోతుంది. ముఖ్యంగా మహారాష్ట్ర లాంటి కొన్ని రాష్ట్రాల్లో కరోనా కేసులు ఇబ్బడిముబ్బడిగా వెలుగులోకి వస్తున్నాయి. దీనికి ప్రధాన కారణం కరోనా నిబంధనలను తప్పనిసరిగా పాటించకపోవడం వల్లనే అని పలు అధ్యయనాలు పేర్కొంటున్నాయి. ఇలాంటి సమయంలో భారతీయ రైల్వే శాఖ కీలక నిర్ణయం తీసుకుంది. కరోనా కట్టడి చర్యల్లో భాగంగా రైళ్లల్లో ప్రయాణించే ప్రయాణికులు మాస్కు ధరించకపోయిన, రైళ్లలో, స్టేషన్ లలో ఉమ్మివేసిన రూ.500 జరిమానా విధించనున్నట్లు పేర్కొంది. ఆరు నెలల పాటు ఈ నిబంధన కొనసాగుతాయని రైల్వేశాఖ వెల్లడించింది. ప్రతి ఒక్కరూ తప్పనిసరిగా కరోనా నిబందనలు పాటించాలని పేర్కొంది. వలస కార్మికులు దేశంలో కరోనా సెకండ్‌ వేవ్‌ మొదలు కావడంతో.. మళ్లీ లాక్‌డౌన్‌ విధిస్తారని భయంతో కార్మికులంతా మళ్లీ ఇళ్లకు పయనమవుతున్నారు. దీంతో కరోనా వ్యాప్తి ఎక్కువగా ఉన్న ప్రాంతాల నుంచి ప్రయాణికులు మరలా వారివారి రాష్ట్రాలకు వెళ్తున్న నేపథ్యంలో రైల్వే శాఖ కరోనా కట్టడికి ఈ చర్యలు తీసుకుంది. ఇదిలా ఉంటే తమ స్వంత రాష్ట్రాలకు వస్తున్న కార్మికులకు ప్రభుత్వాలు పరీక్షలు నిర్వహిస్తున్నాయి. చదవండి:  రెండోసారి మాస్క్‌ లేకపోతే రూ.10 వేల జరిమానా

కరోనా మహామ్మారి రోజురోజుకూ ఉధృతమవుతున్న తరుణంలో అందరికీ మాస్క్‌ అందించేందుకు కరీంనగర్‌ బస్టాండ్‌ ఎదురుగా ఇండియన్‌ యూత్‌ సెక్యూర్డ్‌ సంస్థ ఈ మాస్క్‌ వాల్‌ ఏర్పాటు చేసింది. మాస్కులు కావాల్సినవారు వాటిని తీసుకోవచ్చు. ఈ క్రమంలో 2 చేతులు కోల్పోయి భిక్షాటన చేస్తున్న ఓ వృద్ధుడు అక్కడకు వచ్చాడు. అతడికి మాస్కు లేదు.. పెట్టుకుందామంటే చేతులు లేవు. ఏం చేయాలా అని అలా నిలబడి చూస్తున్న సమయంలో ముగ్గు రు యువతులు బస్టాండులోకి వెళ్తూ అతడిని చూశారు. వారిలో ఓ యువతి ఆ వృద్ధుడి దగ్గర కు వెళ్లి మాస్క్‌ వాల్‌ నుంచి ఒక మాస్కు తీసి అతడికి తొడిగి మానవత్వాన్ని చాటుకుంది.  – సాక్షి స్టాఫ్‌ ఫొటోగ్రాఫర్, కరీంనగర్‌  

సాక్షి, అమరావతి: రాష్ట్రంలో తాజాగా నమోదవుతున్న కోవిడ్‌ కేసుల్లో ఎక్కువ మంది యువత వైరస్‌ బారిన పడుతున్నారు. మాస్కులు లేకుండా నిర్లక్ష్యంగా బయట తిరగడం వల్లే ఇలాంటి పరిస్థితులు తలెత్తుతున్నట్లు నిపుణులు హెచ్చరిస్తున్నారు. ఈ ఏడాది జనవరి నుంచి మార్చి 31వతేదీ వరకూ 20,647 కేసులు నమోదు కాగా 19 నుంచి 40 ఏళ్ల లోపు వారే అత్యధికంగా ఉన్నారు. 19 నుంచి 30 ఏళ్ల లోపు వారు 21 శాతం మంది ఉండటం గమనార్హం. బయట ఎక్కువగా తిరుగుతున్న వారిలో వీరే అధికం. సెకండ్‌ వేవ్‌లో వృద్ధులు జాగ్రత్తలు వహిస్తున్నట్లు తేలింది. ఈ దఫా పెద్ద వయసు వారిలో తక్కువ మందికి కరోనా సోకినట్లు తేలింది. రోజువారీ కేసులను బట్టి వృద్ధుల్లో 1.5 శాతం మంది కూడా లేరని గణాంకాలు వెల్లడిస్తున్నాయి. మహిళల్లో తక్కువ.. గత మూడు నెలల్లో నమోదైన కోవిడ్‌ కేసుల్లో పురుషులే అత్యధికంగా 12 వేల మందికిపైగా ఉన్నారు. 19 నుంచి 30 ఏళ్ల వయసు మహిళల్లో 1,710 మంది బాధితులున్నారు. బాల బాలికల్లో పదేళ్ల లోపు వారు 647 మంది ఉన్నారు. చిన్నారుల్లో ఎక్కువగా సెకండరీ కాంటాక్ట్‌ ద్వారా అంటే తల్లిదండ్రులు, బంధువుల నుంచి సోకినట్లు వెల్లడైంది. మాస్కులు.. దూరం.. సబ్బు విధిలేని పరిస్థితుల్లోనే బయటకు రావాలని, ఒకవేళ వచ్చినా మాస్కు లేకుండా సంచరిస్తే ప్రమాదం పొంచి ఉందని వైద్యులు హెచ్చరిస్తున్నారు. ఇప్పటికీ చాలామంది జన సమర్థ ప్రాంతాలకు యథేచ్ఛగా వస్తున్నారు. వీరిలో చాలామంది మాస్కులు ధరించడం లేదు. దీనివల్లే ఎక్కువగా కేసులు నమోదవుతున్నట్టు చెబుతున్నారు. మాస్కులు ధరించడం, భౌతిక దూరం పాటించడం, తరచూ చేతులు సబ్బుతో కడుక్కోవడం.. ఈ మూడు మార్గాలే కరోనా నియంత్రణకు కీలకమని స్పష్టం చేస్తున్నారు. జీవనశైలి జబ్బులతో బాధపడుతున్న వారు, 60 ఏళ్లు దాటిన వారు వీలైనంత వరకూ బయటకు వెళ్లకుండా ఉండాలని, సెకండ్‌ వేవ్‌ ఉధృతంగా ఉందని వైద్య నిపుణులు పేర్కొంటున్నారు.

సాక్షి, న్యూఢిల్లీ: దేశ రాజధాని ఢిల్లీ సహా ఇతర నగరాల్లో కల్లోలాన్ని సృష్టిస్తున్న కరోనా మహమ్మారి సంక్రమణ  కట్టడి  సాధ్యమే అని ఐసీఎంఆర్‌ నిపుణులు అభిప్రాయపడుతున్నారు.  కొన్ని రోజులుగా పాజిటివ్‌ కేసుల సంఖ్య  పెరుగుతోంది. కానీ గతంలో మాదిరిగా భయపడాల్సిన అవసరం లేదని కోవిడ్‌–19 కోసం ఐసీఎంఆర్‌ ఏర్పాటు చేసిన జాతీయ టాస్క్‌ఫోర్స్‌లోని ఆపరేషనల్‌ రీసెర్చ్‌ గ్రూప్‌ చైర్మన్‌ డాక్టర్‌ నరేంద్ర కుమార్‌ అరోరా వెల్లడించారు. ప్రస్తుత పరిస్థితుల్లో లాక్‌డౌన్‌ విధించాల్సిన అవసరం ఏమాత్రంలేదని పేర్కొన్నారు. అంతేగాక సంక్రమణను అడ్డుకొనేందుకు వైరస్‌ వ్యాప్తి ఉన్న ప్రాంతాల్లో, సూక్ష్మ స్థాయిలో కంటైన్మెంట్‌ జోన్‌లను ఏర్పాటు చేయాలని తెలిపారు.  అలాగే, మాస్క్‌ ధరించేలా ప్రజలను ప్రోత్సహించాలని, ఈ విషయంలో కఠినంగా వ్యవహరించాలని సూచించారు. ఇప్పటికే గ్రామీణ ప్రాంతాల్లో దుమ్ము నుంచి కాపాడుకొనేందుకు కండువాలు మొహానికి అడ్డంగా పెట్టుకోవడం, మహిళలు చున్నీల వంటి వస్త్రాలను ధరించడం ఆనవాయితీగా వస్తోందని, ఇలా కూడా వైరస్‌ వ్యాప్తిని అడ్డుకోవచ్చని తెలిపారు. ఇంతకుముందు కరోనా విషయంలో ప్రజల్లో చాలా భయం ఉండేది. పండ్లు, కూరగాయలను ఇంటికి తీసుకొచ్చిన తరువాత కనీసం ఐదారు గంటలు పక్కన పెట్టేవారు. అయితే నెమ్మదిగా ప్రజల్లో కరోనా భయం పోయిందని, కరోనాను నివారించడానికి ప్రజల్లో కనీసం ఉండాల్సిన భయం తప్పనిసరి అని డాక్టర్‌ నరేంద్ర కుమార్‌  పేర్కొన్నారు. ప్రతి ఒక్కరూ మాస్క్‌లు కచ్చితంగా ఉపయోగించడం కొనసాగిస్తే, కరోనా సెకండ్‌ వేవ్‌ మూడు, నాలుగు వారాల్లో ఆగిపోతుందని ఆయన అభిప్రాయపడ్డారు. నగరాల్లో  ఉద్యోగులు ఆఫీసుల్లో ఒకచోట కలిసి కూర్చొనే పరిస్థితుల్లో, మాస్క్‌లు తప్పనిసరిగా ధరించాలని సూచించారు. వ్యాక్సిన్‌ తీసుకున్నవారు సైతం తప్పనిసరిగా మాస్క్‌లు ధరించాలనిన్నారు.  కేవలం ఎన్‌–95 మాస్క్‌లు మాత్రమే కాకుండా అందుబాటులో ఉన్న క్లాత్‌ మాస్క్‌లను అయినా వాడుకోవచ్చన్నారు.  మాస్క్‌లను ధరించడం, చేతులు కడుక్కోవడం, శానిటైజర్‌ వాడటం దైనందిన జీవితంలో భాగం కావాలని తెలిపారు.   

‌సాక్షి, న్యూఢిల్లీ: దేశంలో కోవిడ్‌–19 కేసులు పెరుగుతున్న నేపథ్యంలో పౌర విమానయాన డైరెక్టరేట్‌ జనరల్‌(డీజీసీఏ) విమానాశ్రయాలు, విమానయాన సంస్థలను అప్రమత్తం చేసింది. ప్రయాణికులు కోవిడ్‌ ప్రొటోకాల్‌ను తప్పనిసరిగా పాటించేలా చర్యలు తీసుకోవాలని గట్టిగా కోరింది. మాస్క్‌ సరిగా ధరించని వారిని, భౌతిక దూరం పాటించని వారిని గుర్తించి అక్కడికక్కడే జరిమానా విధించడం వంటి చర్యలు చేపట్టాలని కోరింది. ఈ మేరకు మార్చి 13వ తేదీన డీజీసీఏ అన్ని విమానాశ్రయాలకు, విమానయాన సంస్థలకు ఈ మేరకు సూచనలు చేసింది. అయితే, కొన్ని విమానాశ్రయాల్లో కోవిడ్‌–19 ప్రొటోకాల్స్‌ ఉల్లంఘనలు ఇంకా కొనసాగుతున్నట్లు డీజీసీఏ తెలిపింది. ఈ నేపథ్యంలో డీజీసీఏ మంగళవారం తాజాగా మరో సర్క్యులర్‌ జారీ చేసింది. ‘ప్రయాణికులు ముక్కు, నోరు కవరయ్యేలా ముఖానికి మాస్క్‌ను సరిగ్గా ధరించడం మొదలుకొని విమానాశ్రయ పరిసరాల్లో భౌతిక దూరం పాటించడం వంటి అన్ని నిబంధనలను తు.చ. తప్పకుండా పాటించేలా విమానాశ్రయాల అధికారులు చర్యలు తీసుకోవాలి. ఈ మేరకు నిఘాను మరింత పెంచాలి’అని అందులో కోరింది. ‘నిబంధనలను ఉల్లంఘించే వారిపై చట్ట ప్రకారం అక్కడికక్కడే జరిమానా విధించడం వంటి కఠిన చర్యలు తీసుకోవాలి. ఈ విషయంలో స్థానిక పోలీసు అధికారుల సహకారం తీసుకోవాలి’అని సూచించింది. పదేపదే హెచ్చరించినా కోవిడ్‌–19 ప్రొటోకాల్‌ను పాటించని ప్రయాణికులను విమా నాశ్రయాల అధికారులు వెంటనే భద్రతా సిబ్బం దికి అప్పగించాలని మార్చి 13వ తేదీ నాటి సర్క్యులర్‌లో తెలిపింది. దీంతోపాటు, పలుమార్లు హెచ్చరించినా నిబంధనలను పాటించడానికి నిరాకరించే ప్రయాణికులను విమానం నుంచి దించివేయాలని, అటువంటి వారిని నిబంధనలు పాటించని ప్రయాణికులుగా గుర్తించాలని కూడా సూచించింది. ఇలా గుర్తించిన ప్రయాణికులపై విమానయాన సంస్థలు మూడు నుంచి 24 నెలల వ రకు ప్రయాణ నిషేధం విధించవచ్చని డీజీసీఏ నిబంధనలు చెబుతున్నాయి. మార్చి 15 నుంచి 23వ తేదీ వరకు దేశీయ విమానయాన సంస్థల విమానాల్లో ప్రయాణించిన 15 మంది ప్రయా ణికు లు కోవిడ్‌–19 నిబంధనలను పాటించలేదన్న విష యాన్ని అధికారులు గుర్తించారు. వీరిపై 3 నెలల ప్రయాణ నిషేధం విధించే అవకాశం ఉందని డీజీ సీఏ ఉన్నతాధికారులు తెలిపారు. విమానం లోపల ఉన్న సమయంలో మాస్క్‌ ధరించేందుకు కొందరు నిరాకరిస్తుండగా, మధ్యసీట్లలో కూర్చునే వారు తప్పనిసరిగా పీపీఈ కిట్‌ ధరించాలనే నిబంధనను మరికొందరు పట్టించుకోవడం లేదని తెలిపారు.  

సాక్షి, హైదరాబాద్‌: కరోనా మహమ్మారి మళ్లీ విజృంభిస్తుండటంతో ప్రభుత్వం అప్రమత్తమైంది. మత సంబంధిత సామూహిక కార్యక్రమాలు, సమావేశాలు, ర్యాలీలు, ఊరేగింపులపై ఆంక్షలు విధించింది. బహిరంగ స్థలాలు, పని ప్రదేశాలు, ప్రజారవాణా వ్యవస్థల్లో మాస్కులు ధరించడం తప్పనిసరి చేసింది. ఈ మేరకు సీఎస్‌ సోమేశ్‌కుమార్‌ శనివారం ఉత్తర్వులు జారీ చేశారు. సామూహిక కార్యక్రమాలతో కరోనా వ్యాప్తికి ఎక్కువ ముప్పు ఉన్న నేపథ్యంలో రాష్ట్రంలో ఏప్రిల్‌ 30 వరకు ఆంక్షలు విధించినట్టు పేర్కొన్నారు. షబ్‌–ఏ–బరాత్, హోలీ, ఉగాది, శ్రీరామనవమి, మహావీర్‌ జయంతి, గుడ్‌ఫ్రైడే, రంజాన్‌ తదితర వివిధ మతాల పండుగలు, ఉత్సవాలకు అనుమతించడం లేదని స్పష్టంచేశారు. రాష్ట్రంలోని బహిరంగ స్థలాలు, మైదానాలు, పార్కులు, ప్రార్థన స్థలాల్లో మత సంబంధిత ర్యాలీలు, ఊరేగింపులు, ఉత్సవాలు, సామూహిక కార్యక్రమాలు, సమావేశాలను అనుమతించబోమని పేర్కొన్నారు.  చదవండి: (తెలంగాణ: ‘సెకండ్‌ వేవ్‌’.. ఆందోళనొద్దు!) ఎవరైనా ఈ ఉత్తర్వులను ఉల్లంఘిస్తే విపత్తుల నిర్వహణ చట్టం–2005, సంబంధిత ఇతర చట్టాల కింద కేసులు పెడతామని హెచ్చరించారు. మాస్కులు ధరించనివారిపై విపత్తుల నిర్వహణ చట్టంతో పాటు ఐపీసీలోని సెక్షన్‌ 188 కింద కేసులు పెడతామని తెలిపారు. ఈ ఉత్తర్వులను కఠినంగా అమలు చేయాలని జిల్లా కలెక్టర్లు, పోలీసు కమిషనర్లు/ఎస్పీలను ఆదేశించారు. దేశంలో మళ్లీ కోవిడ్‌–19 కేసులు పెరుగుతున్న నేపథ్యంలో స్థానిక పరిస్థితులకు అనుగుణంగా ఆంక్షలు విధించుకోవడానికి అనుమతిస్తూ ఈ నెల 23న కేంద్ర హోమంత్రిత్వ శాఖ మార్గదర్శకాలు జారీ చేసిన విషయం తెలిసిందే. ఈ నేపథ్యంలో రాష్ట్ర ప్రభుత్వం రాష్ట్రంలో ఆంక్షలు విధించింది. చదవండి: (అయ్యో పాపం ఎంబీబీఎస్.. పెళ్లిళ్లు కావడం లేదు?) 

సాక్షి, హైదరాబాద్‌ : దేశ వ్యాప్తంగా కరోనా వైరస్‌ సెకండ్‌ వేవ్‌ కొనసాగుతున్న సంగతి తెలిసిందే. ఇక రాష్ట్రంలోనూ కరోనా కేసులు అంతకంతకూ పెరుగుతూ పోతున్నాయి. ఈ నేపథ్యంలో ప్రభుత్వం నివారణ చర్యలు ముమ్మరం చేసింది. ఇకపై బహిరంగ ప్రదేశాల్లో మాస్కులు తప్పని సరి చేస్తూ ఉత్తర్వులు జారీ చేసింది. బహిరంగ సభలు, సమావేశాలు, ధర్నాలు, రాస్తారోకోలు నిషేధిస్తున్న శనివారం జారీ చేసిన ఉత్తర్వుల్లో పేర్కొంది. హోలీ, శ్రీరామ నవమి వేడుకల్లో గుమిగూడవద్దని తెలిపింది. ఈ మేరకు సీఎస్ సోమేష్ కుమార్ రెండు జీవోలు జారీ చేశారు. నిబంధనలు తప్పనిసరిగా అమలు చేయాలని జిల్లా కలెక్టర్లను, ఎస్పీలను ఆదేశించారు. కాగా, తెలంగాణలో కొత్తగా 495 కరోనా కేసులు నమోదయ్యాయి. దీంతో మొత్తం కేసుల సంఖ్య 3,05,804కి చేరింది. కరోనాతో గడిచిన 24 గంటల్లో ఇద్దరు మృతి చెందగా ఇప్పటి వరకు మొత్తం 1,685 మృతి చెందారు.  రాష్ట్రంలో ప్రస్తుతం 4,241 యాక్టివ్ కేసులు ఉన్నాయి. మొత్తం 2,99,878 మంది డిశ్చార్జ్‌ అయ్యారు.

సాక్షి, హైదరాబాద్‌: ‘మబ్బులో ఏముందీ.. నా మనసులో ఏముందీ..’అంటూ ప్రియురాలి మనస్సును ఆవిష్కరిస్తాడు సినీ కవి. మనసులోని భావాలను, భావోద్వేగాలను ప్రతిబింబించేది ముఖమే. ఒకరితో ఒకరు మాట్లాడుతున్నప్పుడు ముఖంలో కనిపించే హావభావాలే వారి ఆలోచనలను బయటపెడతాయి. కోపం, బాధ, సంతోషం వంటి మానసిక స్థితి తెలిసిపోతుంది. కానీ కరోనా కారణంగా ఏడాదిన్నర కాలంగా అలవాటైన మాస్కులు ఈ భావోద్వేగాలకు ముసుగేసేశాయి. ఎవరు ఎవరితో మాట్లాడినా వారి భావోద్వేగాలేమిటో తెలిసే పరిస్థితి లేకుండా పోయింది. కొందరైతే మాస్కు మాటున తమ మనసులోని భావాలను దాచేస్తున్నారని, మాస్కు లేకుండా మాట్లాడలేని స్థితికి చేరుతున్నారని మానసిక నిపుణులు చెబుతున్నారు. మొత్తంగా కోవిడ్‌ నియంత్రణ కోసం అమలు చేసిన నిబంధనలు జీవనశైలిలో అనూహ్య మార్పులు తెచ్చాయని అంటున్నారు. ‘‘గ్రేటర్‌ హైదరాబాద్‌లో సుమారు 50 శాతానికి పైగా జనంలో మాస్కు వల్ల కొత్త మార్పులు కనిపిస్తున్నాయి’’అని ప్రముఖ మానసిక వైద్య నిపుణుడు కల్యాణ్‌ చక్రవర్తి తెలిపారు.  మనసుకు ముసుగు  ► ముఖం, కళ్లు మనిషి మనసులోని భావాలను ప్రతిబింబిస్తాయి. కానీ ఏడాదిన్నరగా మాస్కులు పెట్టుకొనే ఉంటుండటంతో ఎదుటివారి భావాన్ని తెలుసుకోలేని పరిస్థితి ఉంది. మాటల్లోని పదాల కంటే ముఖంలో కనబడే భావాలే.. ఆ మాటల అసలు ఉద్దేశాన్ని తెలుపుతాయి. కానీ మాస్కుల వల్ల ఏ భావంతో ఏ మాట్లాడుతున్నారో ఎదుటివాళ్లు పసిగట్టలేకపోతున్నారు. మనుషుల మధ్య దూరం పెరుగుతోంది. ‘మాట వినిపిస్తుంది. కానీ మనసు కనిపించదు.. ఇది చాలా పెద్ద సమస్య’’అని ప్రముఖ మానసిక వైద్య నిపుణులు డాక్టర్‌ సంహిత తెలిపారు.  ► సిగ్గు, బిడియం, ఆత్మన్యూనతా భావం వంటి సమస్యలున్న వారు మాత్రం మాస్కులో స్పష్టంగా మాట్లాడగలుగుతున్నారని.. అలాంటి వారు మాస్కు లేకుండా మాట్లాడేందుకు వెనకడుగు వేస్తున్నారని సంహిత తెలిపారు. మొదట వైరస్‌ రక్షణ కోసమని మొదలుపెట్టిన మాస్కు ఇప్పుడు జీవితంలో భాగమైందని.. 60 శాతానికిపైగా జనం మాస్కు మాటున మాట్లాడుకోవడం అలవాటుగా మార్చుకున్నారని చెప్పారు.  ► నలుగురు కలిసి పనిచేసే చోట మాస్కులు ధరించడం తప్పనిసరైంది. దీంతో ప్రభుత్వ, ప్రైవేట్‌ సంస్థల్లో, కార్పొరేట్‌ సంస్థల్లో సిబ్బంది మధ్య మాసు్కలు దూరాన్ని పెంచుతున్నాయని డాక్టర్‌ కల్యాణ్‌ చక్రవర్తి చెప్పారు. ఆ తరహా ఫిర్యాదులు ఎక్కువగా వస్తున్నాయని పేర్కొన్నారు.  ► స్కూళ్లు, విద్యా సంస్థలు తిరిగి తెరుచుకున్నాయి. పిల్లలు, టీచర్లు మాసు్కలు ధరించి హాజరవుతున్నారు. ఈ క్రమంలో తాము చెప్పే పాఠాలను పిల్లలు ఏ మేరకు గ్రహించగలుగుతున్నారు. వారి మానసిక స్థితి ఎలా ఉందన్నది తెలుసుకోవడం టీచర్లకు కష్టంగా మారింది. అదే సమయంలో టీచర్ల హావభావాలను పిల్లలు తెలుసుకోలేకపోతున్నారు.   (చదవండి: వృథా అయిన డోసులు 23 లక్షలు, ఇలా అయితే బెటర్‌!) ఆరోగ్యానికి మాస్కు మంచిదే..  మాస్కులు పెట్టుకునే అలవాటు వల్ల ఆరోగ్యం విషయంగా చాలా మంచి మార్పులు వచ్చాయి. ఒక్క కరోనా అనే కాకుండా చాలా రకాల వైరస్‌ల నుంచీ జనానికి రక్షణ సమకూరుతోంది. అయితే ఎక్కువ సమయం మాస్కులో గడపడం వల్ల ఊపిరి తీసు కోవడంలో ఇబ్బందులు, నోటి దుర్వాసన వంటి పలు ఇతర సమస్యలు తలెత్తుతున్నట్లు ఫిర్యాదులు ఉన్నాయి. కానీ మాస్కుల వల్ల గాలి కాలుష్యం నుంచి, దుమ్ము, ధూళి ఊపిరితిత్తుల్లోకి పోకుండా రక్షణ పొందుతున్నారు. అంటువ్యాధుల బారిన పడకుం డా రక్షణ కలుగుతోంది. ఆస్తమా కేసులుకూడా తగ్గు ముఖం పట్టినట్లు వైద్య నిపుణులు చెబుతున్నారు.  మాస్కు తీయలేకపోతున్నారు  ‘‘మాస్కు తీసి మాట్లాడాలంటే కొందరు ఆందోళనకు గురవుతున్నారు. కొంతమంది మాటలను, భావాలను విశ్లేషించడం కష్టంగా మారుతుంది. దీనివల్ల బంధాలు పలుచనవుతున్నట్లు కొంతమంది ఆవేదన వ్యక్తం చేస్తున్నారు. ఈ అంశంపైన మరింత విస్తృతంగా అధ్యయనం జరగాల్సి ఉంది’’      –డాక్టర్‌ కల్యాణ్‌ చక్రవర్తి, ప్రముఖ మానసిక వైద్య నిపుణుడు   

ముంబై:  మీరు విమానంలో ప్రయాణిస్తున్నారా? మాస్కు ధరించారా? అది ముక్కు కిందికో, గడ్డానికో ధరిస్తే సరిపోదు. ముక్కు, నోటిని పూర్తిగా కప్పి ఉంచాలి. అలా లేకపోతే నిర్దాక్షిణ్యంగా విమానం నుంచి దింపేస్తారు. ఈ మేరకు డైరెక్టర్‌ జనరల్‌ ఆఫ్‌ సివిల్‌ ఏవియేషన్‌(డీజీసీఏ) దేశంలో అన్ని విమానయాన సంస్థలకు ఆదేశాలు జారీ చేశారు. విమానాల్లో కోవిడ్‌–19 ప్రోటోకాల్స్‌ను కఠినంగా అమలు చేయాలని సూచించారు. నిబంధనలు ఉల్లంఘించే ప్రయాణికుల పట్ల దయ చూపాల్సిన అవసరం లేదని స్పష్టం చేశారు. దేశవ్యాప్తంగా పలు రాష్ట్రాల్లో కరోనా పాజిటివ్‌ కేసులు మళ్లీ ఆందోళనకర స్థాయిలో పెరిగిపోతుండడంతో పౌర విమానయాన సంస్థలకు డీజీసీఏ శనివారం నూతన మార్గదర్శకాలు జారీ చేశారు. విమానాల్లో ప్రయాణికులు మాస్కులు సక్రమంగా ధరించకపోవడం పట్ల ఢిల్లీ హైకోర్టు ఇటీవలే తీవ్ర ఆగ్రహం వ్యక్తం చేసింది. అలాంటి వారిపై కఠిన చర్యలు తీసుకోవాలని డీజీసీఏను, విమానయాన సంస్థలను ఆదేశించింది. విమానాల్లో తరచుగా తనిఖీలు చేయాలని సూచించింది. కోర్టు ఆదేశాల మేరకు డీజీసీఏ సర్క్యులర్‌ జారీ చేశారు. ఇందులో ఏముందంటే... ► మాస్కులు లేనివారిని ఎయిర్‌పోర్టుల్లోకి అనుమతించరాదు. ► విమానాల్లో ప్రయాణికులు మాస్కులు సరిగ్గా ధరించేలా, సామాజిక దూరం తప్పనిసరిగా పాటించేలా నిర్వాహకులు చర్యలు తీసుకోవాలి. ► విమానాశ్రయంలోకి అడుగు పెట్టినప్పటి నుంచి ప్రయాణం ముగిశాక విమానాశ్రయం నుంచి బయటకు వచ్చేదాకా మాస్కు ఉండాల్సిందే. ► కోవిడ్‌–19 ప్రోటోకాల్స్‌ను ఎలాంటి రాజీ లేకుండా కఠినంగా అమలు చేయాలి.   ► విమానం బయలుదేరే ముందు పదేపదే సూచించినా మాస్కు సరిగ్గా ధరించకపోతే సదరు ప్రయాణికుడిని వెంటనే దింపేయాలి. ► విమానం ప్రయాణిస్తుండగా మాస్కులు సరిగ్గా లేకపోతే చట్టపరంగా చర్యలు తీసుకోవాలి. వారిని నిబంధనలు అతిక్రమించిన ప్రయాణికులుగా పరిగణించాలి.   ► కొన్ని అత్యవసర సందర్భాల్లో మినహా మిగిలిన సమయంలో మాస్కును ముక్కు నుంచి కిందకు జార్చరాదు. ► కోవిడ్‌–19 నిబంధనలు ఉల్లంఘించిన వారిని ఎయిర్‌పోర్టు సెక్యూరిటీ సిబ్బందికి అప్పగించాలి. కేంద్ర ఆరోగ్య, కుటుంబ సంక్షేమ శాఖ, డీజీసీఏ గైడ్‌లైన్స్‌ ప్రకారం వారిపై చర్యలు తీసుకోవాలి.  

సాక్షి, ముంబై: రాష్ట్రంలో రోజురోజుకూ కరోనా కేసులు పెరుగుతున్నా ప్రజలు మాత్రం నిర్లక్ష్యం వీడటం లేదు. మాస్కులు ధరించాలని, సామాజిక దూరం పాటించాలని ఎంత మొత్తుకుంటున్నా వినిపించుకోవడం లేదు. ఈ క్రమంలో మాస్కులు ధరించని వారి నుంచి జరిమానాలు వసూలు చేస్తున్న మార్పు కనిపించడం లేదు. మాస్కులు ధరించడంలో నిర్లక్ష్యం వహిస్తున్న వారిపై దాడులు ముమ్మరం చేశారు. దీంతో గత గురువారం ఒక్కరోజే జరిమానా రూపంలో రూ.48 లక్షలు వసూలయ్యాయి. ఆ రోజు ఉదయం నుంచి రాత్రి వరకు చేపట్టిన తనఖీల్లో మాస్కులు లేకుండా తిరుగుతున్న 24,226 మంది నుంచి రూ.48.45 లక్షలు జరిమానా రూపంలో వసూలు చేశారు. మాస్క్‌ లేకుండా తిరుగుతున్న వారిపై చర్యలు తీసుకునే అధికారం బీఎంసీ కమిషనర్‌ ఇక్బాల్‌సింగ్‌ చహల్‌ గత వారం నగర పోలీసులకు ఇచ్చారు. దీంతో గురువారం పట్టుబడిన వారిలో 8,674 మందిపై నగర పోలీసులు చర్యలు తీసుకున్నారు. కరోనా కేసులు పెరిగిపోవడాన్ని బీఎంసీ, ప్రభుత్వం సీరియస్‌గా తీసుకుంది. దీంతో ఇటు పోలీసులకు, అటు బీఎంసీ సిబ్బందికి ప్రతీరోజు 20 వేల మందిని పట్టుకోవాలని టార్గెట్‌ విధించింది. దీంతో నగర పోలీసులు శాంతి, భద్రతలను పరిరక్షిస్తూనే మాస్క్‌ లేకుండా తిరుగుతున్న వారిపై దృష్టి సారిస్తున్నారు. మరోపక్క బీఎంసీ అధికారులు, సిబ్బందితోపాటు క్లీన్‌ అప్‌ మార్షల్స్‌ కూడా బృందాలుగా ఏర్పడి దాడులు చేస్తున్నారు. ఇందులో పెద్ద సంఖ్యలో మాస్క్‌ లేకుండా తిరుగుతున్న జనాలు పట్టుబడుతున్నారు.  చదవండి: (కరోనా విజృంభణ.. మార్చి 31 వరకు స్కూల్స్‌ బంద్!‌) 343 రోజులు.. రూ.37.27 కోట్లు..  మాస్కులు లేకుండా తిరుగుతున్న వారి నుంచే కరోనా వేగంగా వ్యాపిస్తుందని గుర్తించిన బీఎంసీ ఆ మేరకు చర్యలకు ఉపక్రమించింది. ఇందులో భాగంగా మాస్క్‌ లేకుండా తిరుగుతున్న వారిపై 2020 ఏప్రిల్‌ 20వ తేదీ నుంచి చర్యలు తీసుకోవడం ప్రారంభించింది. ఇప్పటి వరకు మొత్తం 343 రోజుల్లో 18,45,777 మందిపై చర్యలు తీసుకుంది. వీరి నుంచి రూ.37,27,45,600 జరిమానా వసూ లు చేసినట్లు బీఎంసీ వర్గాలు తెలిపాయి. ఇదిలా ఉండగా బీఎంసీ సిబ్బంది, క్లీన్‌ అప్‌ మార్షల్స్, నగర పోలీసులతో పాటు ముంబై లోకల్‌ రైల్వే పోలీసులు కూడా చురుగ్గా విధులు నిర్వహిస్తున్నారు. లోకల్‌ రైళ్లలో మాస్క్‌ లేకుండా ప్రయాణిస్తున్న వారిపై చర్యలు తీసుకుంటున్నారు. ఇప్పటి వరకు 8,636 మందిని పట్టుకుని వారి నుంచి రూ.17.27 లక్షలు జరిమానా వసూలు చేశారు. నగర పోలీసులు 1,12,226 పట్టుకుని వారి నుంచి రూ.2,12,5,200 వసూలు చేశారు. వర్లీ, పరేల్, దాదర్, మాటుంగా, ధారావీ తదితర ప్రాంతాల్లో మాస్క్‌ లేకుండా తిరుగుతున్న 3,03,025 మంది నుంచి రూ.6,63,34,400 జరిమానా వసూలు చేశారు.   చదవండి: (వారం రోజులు లాక్‌డౌన్‌.. తెరచి ఉంచేవివే..)

సాక్షి, హైదరాబాద్‌: ప్రపంచం మొత్తమ్మీద ఒక్కరోజులో వాడే మాస్కుల సంఖ్య ఎంతో మీకు తెలుసా? అక్షరాలా 680 కోట్లు.. వీటిల్లో కొన్నింటిని మళ్లీ వాడుకునే అవకాశముంది.. కానీ మిగిలిన కోటానుకోట్ల మాస్కులు చెత్తకుప్పల్లోకి చేరుతున్నాయి. మరి.. ఈ వ్యర్థానికీ ఒక కొత్త అర్థం కలి్పస్తే ఎలా ఉంటుంది..? ఆ ప్రయత్నమే చేసి విజయం సాధించారు ఆస్ట్రేలియాలోని ఆర్‌ఎంఐటీ శాస్త్రవేత్తలు.. భవనాల వ్యర్థాలకు మాస్కు ముక్కలను జోడిస్తే మరింత దృఢమైన రహదారిని నిర్మించేందుకు సరికొత్త పదార్థం సిద్ధమవుతుందని వీరు గుర్తించారు. 99 పాళ్ల రీసైకిల్డ్‌ కాంక్రీట్‌ అగ్రిగేట్‌ క్లుప్తంగా ఆర్‌సీఏ అని పిలిచే భవన వ్యర్థానికి ఒక పాలు మాస్కు ముక్కలు జోడించి వీరు ఈ పదార్థాన్ని తయారు చేశారు. రహదారి నిర్మాణంలోని తొలి మూడు పొరలకు ఈ పదార్థాన్ని వాడవచ్చునని పరీక్షల్లో స్పష్టమైంది. కిలోమీటరు రహదారి నిర్మాణంలో దాదాపు 30 లక్షల మాస్కు వ్యర్థాలను వాడుకోవచ్చునని, తద్వారా 93 టన్నుల వ్యర్థాలు చెత్తకుప్పల్లోకి చేరకుండా నివారించవచ్చునని ఈ పరిశోధనల్లో పాల్గొన్న శాస్త్రవేత్త మహమ్మద్‌ సాబేరియన్‌ తెలిపారు. అయితే ఈ మాస్కులను సేకరించి నిర్మాణ స్థలానికి తీసుకురావడం సవాలుగా ఉన్నప్పటికీ కోవిడ్‌ మో సుకొచి్చన సమస్య పరిష్కారానికి ఇదో కొత్త మార్గం చూపుతుందని వివరించారు. మాసు్కలతోపాటు పీపీఈ కిట్లను కూడా ఇదే పద్ధతిలో సది్వనియోగం చేసుకునేందుకు తాము పరిశోధనలు చేపట్టామని ఆయన చెప్పారు. 

టోక్యో: విశ్వ క్రీడల నిర్వహణ విషయంలో ముందుకే వెళ్తున్న ఆతిథ్య జపాన్‌ దేశం అక్కడ తు.చ. తప్పకుండా పాటించాల్సిన నిబంధనల చిట్టాను విడుదల చేసింది. టోక్యోకు వెళ్లే విదేశీ అథ్లెట్లు తినేటపుడు, పడుకునేటపుడు తప్ప అన్ని వేళలా మాస్కులు ధరించాల్సిందే! అక్కడి ప్రజా రవాణా వాహనాల్ని అనుమతి లేనిదే వినియోగించరాదు. ఇలాంటి ఎన్నో కట్టుబాట్లతో టోక్యో ఒలింపిక్స్‌ కార్యనిర్వాహక కమిటీ, అంతర్జాతీయ ఒలింపిక్‌ కమిటీ (ఐఓసీ) ‘ప్లేబుక్‌’ను బుధవారం విడుదల చేసింది. మీడియాతో వీడియో కాన్ఫరెన్స్‌లో పాల్గొన్న అధికారులు... మెగా ఈవెంట్‌ను విజయవంతం చేసేందుకు అంతా బాధ్యతతో మెలగాలని సూచించారు. ఆటగాళ్లే కాదు... ప్రేక్షకులకు ఇందులో బంధనాలున్నాయి. తమ ఫేవరెట్‌ అథ్లెట్లకు మద్దతుగా ప్రేక్షకులు అరవడంగానీ పాడటంగానీ చేయడం నిషిద్ధం. కరోనా మహమ్మారి ప్రమాదం పొంచిఉన్న ప్రస్తుత పరిస్థితుల్లో అథ్లెట్లు, సహాయక సిబ్బంది, ఇతర సిబ్బంది, ప్రేక్షకులు అందరూ తమ మార్గదర్శకాలను నిక్కచ్చిగా పాటించాల్సిందేనని కార్యనిర్వాహక కమిటీ తెలిపింది. ఈ మెగా ఈవెంట్‌ను చూసేందుకు విదేశీ ప్రేక్షకులను అనుమతించే అవకాశాలు లేవు. అయితే దీనిపై తుది నిర్ణయాన్ని త్వరలోనే వెల్లడిస్తామని కమిటీ పేర్కొంది.  

వాషింగ్టన్‌ : అమెరికా అధ్యక్షుడు జో బైడెన్‌ ఎన్నికల హామీ మేరకు కరోనాపై యుద్ధం ప్రకటించారు. డొనాల్డ్‌ ట్రంప్‌ మాదిరిగా కాకుండా ప్రజారోగ్యానికి పెద్ద పీట వేస్తూ వైట్‌హౌస్‌లో కరోనా నిబంధనల అమలు ప్రారంభించారు. చేతికి రిస్ట్‌ బ్యాండ్‌లు (ఈ బ్యాండ్‌లో ట్రాకర్‌ సాయంతో కోవిడ్‌ రోగుల్ని గుర్తించవచ్చు) ముఖానికి మాస్కులు తప్పనిసరి చేశారు. భౌతిక దూరం నిబంధనలు అమలయ్యేలా ఉద్యోగుల సీట్లను ఆరడగుల దూరంలో ఏర్పాటు చేశారు.   కరోనాపై పోరాటమే తన ప్రథమ ప్రాధాన్యంగా బైడెన్‌ గురువారం పలు ఉత్తర్వులు జారీ చేశారు. ‘‘కరోనాతో మరణించే వారి సంఖ్య 4 లక్షలు దాటిపోయింది, రెండో ప్రపంచ యుద్ధ మృతులు కంటే ఇది ఎక్కువ. వచ్చే నెల మృతులు 5 లక్షలు దాటిపోతాయి. అందుకే ఈ వైరస్‌పై యుద్ధ ప్రాతిపదికన పోరాటం చేయాలి’’ అని బైడెన్‌ చెప్పారు.   అమెరికా అంటువ్యాధుల నిఫుణుడు డాక్టర్‌ ఫాసీ, ఇతర వైద్య రంగ ప్రముఖుల సహకారంతో కరోనా కట్టడికి వ్యూహాన్ని రచించారు.   కరోనా కట్టడికి వ్యూహం ► బహిరంగ ప్రదేశాల్లో 100 రోజుల పాటు అందరూ మాస్కులు ధరించాలి.   ► ప్రభుత్వ కార్యాలయాలు, షాపింగ్‌ మాల్స్‌లోకి వచ్చినప్పుడు  భౌతికదూరం తప్పనిసరిగా పాటించాలి.   ► శ్వేత సౌధానికి వచ్చే వారంతా చేతికి కరోనా ట్రాకర్‌ బ్యాండ్‌  ధరించాలి.   ► అమెరికాకు వచ్చే ప్రతీ ఒక్కరూ కరోనా పరీక్ష చేయించుకున్నా కే విమానం ఎక్కాలి   ► అమెరికాలో దిగాక విధిగా హోంక్వారంటైన్‌లో ఉండాలి. 

ముంబై : రాష్ట్రంలో మాస్కుల వినియోగంపై ముఖ్యమంత్రి ఉద్ధవ్‌ ఠాక్రే కీలక వ్యాఖ్యలు చేశారు. రాష్ట్ర ప్రజలు మరో ఆరు నెలల పాటు మాస్కులు తప్పని సరిగా పెట్టుకోవల్సిందేనని స్పష్టం చేశారు. ఆదివారం ఆయన సోషల్‌ మీడియా వేదికగా ప్రజలను ఉద్ధేశించి మాట్లాడుతూ.. ‘‘ నివారణ కంటే ముందు జాగ్రత్త ఎంతో ఉత్తమం. పబ్లిక్‌ ప్రదేశాలలో మాస్కులను ధరించటం అలవాటుగా మారాలి. ప్రజలు తప్పని సరిగా మరో ఆరు నెలల పాటు మాస్కులు పెట్టుకోవాలి. నైట్‌ కర్ఫ్యూలు విధించాలని, వీలైతే మరో లాక్‌డౌన్‌ పెట్టాలని నిపుణులు సలహా ఇస్తున్నారు. ( తమిళనాడు ప్రభుత్వం సంక్రాంతి కానుక ) అయితే నాకది ఇష్టం లేదు. అంతా కాకపోయినా రాష్ట్రంలో కరోనా పరిస్థితులు ప్రస్తుతం అదుపులోనే ఉన్నాయి’’ అని అన్నారు.  కాగా, మహారాష్ట్రలో శనివారం ఒక్కరోజే 3,940 కొత్త కేసులు నమోదయ్యాయి. దీంతో మొత్తం కేసుల సంఖ్య 18,92,707 చేరింది. గడిచిన 24 గంటల్లో 74 మంది కరోనాతో మృత్యువాతపడగా ఇప్పటి వరకు మొత్తం 48,648 మంది మరణించారు.

సాక్షి, హైదరాబాద్‌: నగర వాసికి ఆన్‌లైన్‌లో పరిచయమై పంపిణీ కోసం ఉచితంగా మాస్క్‌లు పంపిస్తున్నానంటూ ఎర వేసి రూ.24 లక్షలు స్వాహా చేసిన కేసులో లిల్లీ అనే యువతి కీలకంగా మారింది. ఈ కేసు దర్యాప్తు చేస్తున్న సిటీ సైబర్‌ క్రైమ్‌ పోలీసులు ఆమెతో పాటు మరో నిందితుడి కోసం గాలిస్తున్నారు. ఈ వ్యవహారంలో సూత్రధారి బెంజిమెన్‌ను మంగళవారం బెంగళూరు జైలు నుంచి పీటీ వారెంట్‌పై సిటీకి తీసుకువచ్చి అరెస్టు చేశారు.   ⇔ బంజారాహిల్స్‌ ప్రాంతానికి చెందిన ఓ వ్యక్తికి ఫేస్‌బుక్‌ ద్వారా కెనడాలో నివసిస్తున్న వ్యక్తిగా చెప్పుకొన్న బెంజిమన్‌ పరిచయమయ్యాడు. నైజీరియాకు చెందిన ఇతగాడు వాస్తవానికి బెంగళూరులో స్థిరపడ్డాడు. నగరవాసి– కెనడా వాసిగా చెప్పుకొన్న నైజీరియన్‌ దాదాపు రెండు నెలల పాటు చాటింగ్‌ చేసుకున్నారు.   ⇔ ఈ నేపథ్యంలో తాను ఓ స్వచ్ఛంద సేవా సంస్థను నిర్వహిస్తున్నామని, ప్రపంచ వ్యాప్తంగా అనేక పేద, అభివృద్ధి చెందుతున్న దేశాల్లోని ప్రజలకు వీలైనంత సహాయం చేస్తుంటామని సదరు నైజీరియన్‌ నమ్మబలికాడు.   ⇔ కరోనా ప్రభావం హైదరాబాద్‌లో తీవ్రంగా ఉన్న నేపథ్యంలో తాను సహాయం చేయాలని నిర్ణయించుకున్నట్లు ఎర వేశాడు. ఇందులో భాగంగా తమ సంస్థ తరఫున కొన్ని మాస్క్‌లు, శానిటైజర్లు, ఇతర వైద్య సామగ్రి, కొంత నగదు పంపిస్తున్నామని నగరవాసితో చెప్పాడు. వీటి విలువ దాదాపు రూ.2 కోట్లకుపైగా ఉంటుందంటూ నమ్మించాడు. దీంతో నగరవాసి వాటిని పంపాలని, హైదరాబాద్‌లో ఉన్న అవసరార్ధులకు అందిస్తామని చాటింగ్‌లోనే చెప్పాడు.   ⇔ ఇది జరిగిన రెండు రోజులకు ఢిల్లీ విమానాశ్రయం కస్టమ్స్‌ విభాగం అధికారిణి అంటూ బెంగళూరులో నివసిస్తున్న లిల్లీ నగరవాసికి ఫోన్‌ చేసింది. ఈశాన్య రాష్ట్రాలకు చెందిన ఈమె నైజీరియన్లతో సన్నిహిత సంబంధాలు కొనసాగిస్తోంది.   ⇔ ‘మీ పేరుతో కెనడా నుంచి పెద్ద పెద్ద పార్శిల్స్‌ వచ్చాయి’ అంటూ నగర వాసికి చెప్పింది. అయితే విదేశం నుంచి వచి్చన వాటిని పొందాలంటే కస్టమ్స్‌ క్లియరెన్స్‌ తీసుకోవాని స్పష్టం చేసింది. ఆ పార్శిల్స్‌లో మాస్క్‌లు, శానిటైజర్లు, పీపీఈ కిట్లతో పాటు పెద్ద మొత్తంలో డాలర్లు కూడా ఉన్నట్లు గుర్తించామని నమ్మబలికింది.   ⇔ ఇలా బాధితుడిని ముగ్గులోకి దింపిన బెంజిమన్, లిల్లీ సహా మరో నైజీరియన్‌ కస్టమ్స్‌ సహా వివిధ సుంకాల పేరు చెప్పి దఫదఫాలుగా రూ. 24 లక్షలు బ్యాంకు ఖాతాల్లో జమ చేయించుకున్నారు. ఆపై అసలు విషయం తెలిసిన బాధితుడు సిటీ సైబర్‌ క్రైమ్‌ ఠాణాలో ఫిర్యాదు చేయడంతో కేసు నమోదైంది.   ⇔ దీన్ని ఇన్‌స్పెక్టర్‌ జి.వెంకట్రామిరెడ్డి సాంకేతికంగా దర్యాప్తు చేశారు. బాధితుడు డబ్బు పంపిన బ్యాంకు ఖాతాలు బెంగళూరుకు చెందిన అశోక్‌ పేరుతో ఉన్నాయి. అతడిని పట్టుకున్న నేపథ్యంలోనే కమీషన్‌ తీసుకుని తన బ్యాంకు ఖాతాలను లిల్లీ అనే యువతికి అందించానని అంగీకరించాడు.  ⇔ దీంతో అశోక్‌ను అరెస్టు చేసిన పోలీసులు ప్రధాన సూత్రధారి బెంజిమన్‌తో పాటు లిల్లీ, మరో నిందితుడి కోసం గాలించారు. ఈ తరహా నేరాలను వీళ్లు బెంగళూరులోనూ చేయడంతో అక్కడ రెండు కేసులో నమోదయ్యాయి. ఇటీవల అక్కడి పోలీసులు బెంజిమెన్, లిల్లీలతో సహా ముగ్గురిని అరెస్టు చేశారు.   ⇔ ఈ విషయం గుర్తించిన సిటీ సైబర్‌ క్రైమ్‌ పోలీసులు అక్కడకు వెళ్లి పీటీ వారెంట్‌పై నిందితుల్ని తీసుకుని రావాలని భావించారు. ఈలోపే బెయిల్‌ పొందిన లిల్లీతో పాటు మరో నైజీరియన్‌ అజ్ఞాతంలోకి వెళ్లిపోయారు. బెంజిమెన్‌ మాత్రం జైల్లోనే ఉండటంతో మంగళవారం నగరానికి తీసుకువచ్చారు. ఇతడిని లోతుగా విచారించడం కోసం కోర్టు అనుమతితో కస్టడీలోకి తీసుకోవాని నిర్ణయించారు.  

న్యూఢిల్లీ: బహిరంగ ప్రదేశాల్లో మాస్కులు ధరించకపోతే ఇతరుల ప్రాథమిక హక్కులైన జీవించేహక్కు, ఆరోగ్య హక్కులను కాలరాసినట్టేనని సుప్రీంకోర్టు పేర్కొంది. కరోనా కట్టడికి కేంద్రం విడుదల చేసిన మార్గదర్శకాలైన భౌతిక దూరం పాటించడం, మాస్కులు ధరించడం తప్పనిసరిగా అందరూ పాటించాలని స్పష్టం చేసింది. బహిరంగ ప్రదేశాల్లో మాస్కులు ధరించని వారిని కోవిడ్‌ కేర్‌ సెంటర్లలో సేవలు చేయాలంటూ గుజరాత్‌ హైకోర్టు ఇచ్చిన ఉత్తర్వులపై స్టే విధించింది. జస్టిస్‌ అశోక్‌ భూషణ్, జస్టిస్‌ ఆర్‌ ఎస్‌ రెడ్డి, జస్టిస్‌ ఎంఆర్‌ షాలతో కూడిన  బెంచ్‌ గుజరాత్‌ హైకోర్టు         తీర్పుని సవాల్‌ చేస్తూ ప్రభుత్వం వేసిన పిటిషన్‌ను విచారించింది. గుజరాత్‌ ప్రభుత్వం తరఫున వాదనలు వినిపించిన సొలిసిటర్‌ జనరల్‌ తుషార్‌ మెహతా గుజరాత్‌ హైకోర్టు ఉద్దేశం మంచిదే అయినప్పటికీ కోవిడ్‌ సెంటర్లలో సామాన్యులు సేవలు చేస్తే మరిన్ని కరోనా కేసులు పెరిగిపోతాయన్నారు. ఇందుకు ఏకీభవించిన సుప్రీం గుజరాత్‌ హైకోర్టు ఆదేశాలను నిలిపివేసింది.   దోషులుగా తేలిన వారిపై జీవితకాల నిషేధం వద్దు దోషులుగా రుజువైన రాజకీయ నేతలు ఎన్నికల్లో పాల్గొనకుండా జీవిత కాలంపాటు నిషేధం విధించాలంటూ సుప్రీంకోర్టులో దాఖలైన పిల్‌ను కేంద్రం తిరస్కరించింది. ఎన్నికైన ప్రతినిధులు కూడా చట్టానికి లోబడే ఉంటారని తెలిపింది. ‘పిటిషనర్‌ కోరినట్లుగా ప్రజాప్రతినిధ్య చట్ట సవరణ సహేతుకంగా లేదు. అంతేకాదు, రాజ్యాంగ విరుద్ధం, తన వాదనను సమర్థనగా ఎటువంటి వాస్తవ అంశాలను  చూపలేదు’ అని పేర్కొంది.

టోక్యో: ప్రపంచవ్యాప్తంగా కరోనా వైరస్ విజృంభణ కొనసాగుతున్న సమయంలో ఫేస్‌మాస్క్‌ ధరించడం అనివార్యంగా మారిపోయింది.  కాస్త తగ్గినట్టే మళ్లీ కోవిడ్‌-19 పంజా విసురుతున్న తరుణంలో మాస్క్‌ ధరించడం  తప్పని సరి చేస్తూ చాలా  ప్రభుత్వాలు ఆదేశాలు జారీ చేశాయి. నిబంధనలు ఉల్లఘించిన వారి జరిమానా కూడా విధిస్తోంది.  ఈ నేపథ్యంలో  కరోనా మహమ్మారితో కుదేలైన ఫ్యాషన్ రంగం మాస్క్‌ల తయారీలో  నైపుణ్యాన్ని ప్రదర్శిస్తున్నాయి. ట్రెండ్‌కి తగ్గట్టుగా  ముత్యాలు, వజ్రాలు పొదిగన ఆకర్షణీయమైన, విలువైన లగ్జరీ మాస్క్‌లను మార్కెట్లో అందుబాటులోకి తెస్తున్నాయి.   జపాన్‌ అత్యంత ఖరీదైన విలాసవంతమైన మాస్క్‌తో  ట్రెండ్ సెట్టర్‌గా నిలుస్తోంది.  ఖరీదైన, స్టయిలిష్‌ మాస్క్‌లతో కరోనాకు చెక్‌ పెట్టాలని భావిస్తోంది. అమ్మకాలను ప్రోత్సహించే లక్ష్యంతో కాక్స్ కో మాస్క్.కామ్  చెయిన్‌ ముత్యాలు పొదిగిన మాస్కులతో సందడి చేస్తోంది. గత వారం చేతితో తయారు చేసిన  ముత్యాలు, వజ్రాలు  పొదిగిన మాస్క్‌లను అమ్మడం ప్రారంభించిన సంస్థ ఏకంగా  మిలియన్ డాలర్లు ఖరీదు చేసే మాస్క్‌లను ఆన్‌లైన్‌లో విక్రయిస్తోంది. ఒక్కో  మాస్క్ ఖరీదు (9,600 డాలర్లు) ఒక మిలియన్ యాన్ ధర ఉంటుందని తయారీదారులు తెలిపారు. కరోనా మహమ్మారి కారణంగా నైరాశ్యంలో మునిగిన వారు తమ  మాస్క్‌ల ద్వారా కొత్త అనుభూతి చెందుతారని  కంపెనీ  అధినేత అజుసా కజితకా రాయిటర్స్‌తో చెప్పారు. కరోనాతో జపాన్‌లో  చాలా పరిశ్రమలు సంక్షోభంలో పడిపోయాయి. ముఖ్యంగా  ఆభరణాలు, ఫాబ్రిక్ పరిశ్రమలు కూడా తీవ్రంగా నష్టపోయాయి. అందుకే ఇక్కడి ఆర్థిక పునరుజ్జీవనంలో సహాయపడే ప్రాజెక్టులో భాగంగా దీన్ని చేపట్టామని ఆమె తెలిపారు.  వజ్రాల మాస్క్‌లను 0.7 క్యారెట్ డైమండ్లతో, 300 స్వరోవస్కి క్రిస్టల్, 330 ప్రసిద్ధి చెందిన జపనీస్ అకోయ ముత్యాలతో  ముత్యాల  మాస్క్‌లను రూపొందించినట్టు చెప్పారు. జపాన్‌కు చెందిన మాస్క్‌లే ఇప్పటికీ ప్రపంచంలోని అత్యంత ఖరీదైనవిగా ఉన్నాయి.  ఇజ్రాయెల్‌కు ఆభరణాల వ్యాపారి వైవెల్ రూపొందించిన 250 గ్రాముల 18 క్యారెట్ల బంగారంతో చేసిన  1.5 మిలియన్ల డాలర్లు కాస్ట్‌లీ ముసుగునుతయారుచేసిన సంగతి తెలిసిందే. ది.రిటైలింగ్ గ్రూప్ అయాన్ కోలో భాగమైన కాక్స్, సెప్టెంబర్ నుండి మాస్క్.కామ్‌ ఆన్‌లైన్‌లో, ఆరు ఫిజికల్‌ స్టోర్ల ద్వారా లగ్జరీ విక్రయాలను ప్రారంభించింది. వీటి ధరలు 500 యెన్‌ల నుండి ప్రారంభమయ్యే 200 కి పైగా మాస్క్‌లను విక్రయిస్తోంది.

చేతులు కాలాక ఆకులు పట్టుకోవడం అంటే ఇదేనేమో! ప్రాణాంతక కరోనా వైరస్‌ బారిన పడకుండా రక్షించుకోవడానికి ప్రపంచ ప్రజలంతా ముఖాన మాస్కులు ధరించి తిరుగుతుంటే నెదర్లాండ్స్‌ ప్రజల్లో ఎక్కువ మంది ఎలాంటి మాస్కులు ధరించకుండానే సాధారణ రోజుల్లాగే తిరిగారు. ఫలితంగా అతి తక్కువగా ఉన్న కరోనా కేసులు అతి ఎక్కువగా పెరిగిపోయాయి. వైరస్‌కు హాట్‌బెడ్‌గా మారిపోవడంతో హాలండ్‌ (నెదర్లాండ్స్‌) కరోనా బారిన పడి కొట్టుమిట్టాడుతున్న టాప్‌ దేశాల్లో ఒకటిగా చేరింది.  దీంతో ప్రజలు తప్పనిసరిగా మాస్కులు ధరించాలంటూ అత్యవసర చట్టం తీసుకరావడం కోసం అక్కడి ప్రభుత్వం డచ్‌ పార్లమెంట్‌లో బుధవారం ఓ బిల్లును ప్రవేశపెట్టి చర్చ చేపట్టింది. ప్రతి లక్ష మందిలో 160 మందికి వైరస్‌ సోకుతోందని, ప్రతి రోజుకు ఐదువేల మంది వైరస్‌ బారిన పడుతున్నారని అక్కడి వైద్యులు తెలిపారు. మాస్కులు ధరించి, సామాజిక దూరం పాటించడం ద్వారా కరోనాను నియంత్రించవచ్చని ప్రపంచ బ్యాంకు చేసిన సూచనలను పెడ  చెవిన పెట్టిన హాలండ్‌ ప్రధాన మంత్రి మార్క్‌ రుట్టే మాత్రం మొదటి నుంచి ఒకటే మాట చెబుతూ వస్తున్నారు. ప్రజలు బలవంతంగా మాస్కులు ధరించేలా చేయలేనంటూ వచ్చారు. ఇప్పుడేమో బిల్లు పాస్‌ కాగానే మాస్క్‌లను తప్పనసరి చేస్తూ చట్టం తీసుకొద్దామని చెబుతున్నారు. ప్రపంచ ఆరోగ్య సంస్థ సూచించిన మార్గదర్శకాల ప్రకారం కూడా కరోనా నిర్ధారణ పరీక్షలు ప్రభుత్వం నిర్వహించడం లేదని, దేశంలో కరోనా ప్రభావం ఇంకా ఎక్కువే ఉందని విపక్షాలు ఆరోపిస్తున్నాయి. 

సాక్షి, న్యూఢిల్లీ: మాస్క్‌ను ధరించకుండా, సామాజిక దూరం  పాటించకుండా  ఆరోగ్య మంత్రిత్వ శాఖ మార్గదర్శకాలు అనుసరించకుండా ఉంటే కరోనా మహమ్మారి గొలుసును తెంచడం చాలా కష్టమని ఆరోగ్య శాఖ మంత్రి డాక్టర్‌ హర్షవర్థన్‌ అన్నారు. హెల్త్‌ అవార్డుల కార్యక్రమానికి ముఖ్య అతిధిగా హాజరయిన ఆయన... ఇప్పటికీ చాలా మంది మాస్క్‌లు ధరించడం లేదని, సామాజిక దూరం పాటించలేదని అన్నారు. అలా అయితే ‍కరోనా మహమ్మారిని తరిమి కొట్టడం సాధ్యం కాదని అన్నారు. దేశంలో అన్‌లాక్‌ ప్రక్రియ మొదలైన తరువాత దాదాపు అన్ని సంస్థలు, దుకాణాలు, కార్యాలయాలు పునఃప్రారంభం అయ్యాయని, ఇలాంటి సమయంలో కరోనా మార్గదర్శకాలు పాటించడం చాలా అవసరమని ఆయన  పేర్కొన్నారు. కార్యక్రమంలో పాల్గొన్న ఆయన హెల్త్‌ వర్క్‌ల కృషిని అభినందించారు. వారి సేవ ఎన్నటికి మరవలేనిదని అన్నారు. అవార్డులు గెలుచుకున్న వారికి అభినందనలు తెలిపారు. అలాగే ప్రధానమంత్రి నరేంద్రమోదీ దేశంలో స్వచ్ఛ భారత్‌ కార్యక్రమాన్ని ప్రారంభించారని ఈ సందర్భంగా ఆయన గుర్తు చేశారు.  చదవండి: గుడ్‌న్యూస్‌ : జనవరి నాటికి కోవిడ్‌-19 వ్యాక్సిన్‌

సాక్షి, హైదరాబాద్‌: రాష్ట్రంలో డెంగీ కేసులు గణనీయంగా తగ్గాయి. గతేడాది కేసులతో పోలిస్తే ఈసారి ఏకంగా 94.75 శాతానికి తగ్గినట్లు వైద్య, ఆరోగ్య శాఖ వెల్లడించింది. అందుకు సంబంధించిన వివరాలను కేంద్రానికి పంపించింది. ఆ వివరాలను కేంద్రం అన్ని రాష్ట్రాలతో పాటు తెలంగాణలో సీజనల్‌ వ్యాధులపై తాజాగా జాతీయ నివేదికను విడుదల చేసింది. కరోనా కారణంగా ఇళ్లల్లో పరిశుభ్రత పెరగడం..  వైరస్‌ నేపథ్యంలో రాష్ట్ర ప్రభుత్వం కూడా పారిశుద్ధ్యంపై  ప్రత్యేక  దృష్టి సారించడం.. ప్రజలు మాస్క్‌లు ధరించడంతో ఫ్లూ వంటి సీజనల్‌ వ్యాధులు ఒకరి నుంచి మరొకరికి వ్యాపించే పరిస్థితి తగ్గిందని వెల్లడించింది. దీంతో సీజనల్‌ వ్యాధులు ఈసారి తగ్గిపోయినట్లు వైద్య, ఆరోగ్యశాఖ వెల్లడించింది.   ఈ ఏడాది 699 డెంగీ కేసులు..  వరుసగా మూడేళ్లపాటు దేశంలో వర్షాకాల సీజన్‌లో డెంగీ కేసులు గణనీయంగా నమోద య్యాయి. 2017లో దేశంలో 1.88 లక్షల కేసులు నమోదు కాగా, 325 మంది చనిపో యారు. 2018లో 1.01 లక్షల కేసులు రికార్డు కాగా, 172 మంది మరణించారు. 2019లో 1.57 లక్షల కేసులు నమోదు కాగా, 166 మం ది చనిపోయారు. ఈ ఏడాది ఆగస్టు నాటికి దేశంలో 13,587 డెంగీ కేసులు నమోదవ్వగా, 9 మంది చనిపోయారు. ఇక గతేడాది తెలంగాణలో డెంగీతో జనం విలవిలలాడిపోయారు. సరాసరి ప్రతీ ఇంట్లోనూ జ్వరం కేసులు నమోదయ్యాయి. 2017లో తెలంగాణలో 5,369 డెంగీ కేసులు నమోదైతే, 2018లో 4,592 కేసులు వచ్చాయి. 2019లో ఏకంగా 13,331 కేసులు నమోదయ్యాయి. ఈ ఏడాది ఆగస్టు వరకు రాష్ట్రంలో 699 కేసులు మాత్రమే నమోదయ్యాయి. అంటే గతేడాది కేసులతో పోలిస్తే ఈసారి 5.25 శాతమే రికార్డయ్యాయి. ఒకవేళ మున్ముందు కొద్దిపాటి కేసులు నమోదైనా సీజన్‌ ముగుస్తున్నందున తీవ్రత పెద్దగా ఉండదని వైద్య, ఆరోగ్య వర్గాలు చెబుతున్నాయి. ఇక గతేడాది రాష్ట్రంలో మలేరియా కేసులు 1,711 రికార్డవ్వగా, ఈ ఏడాది జూలై వరకు 570 కేసులు నమోదయ్యాయి. అలాగే చికున్‌గున్యా కేసులు గతేడాది 5,352 నమోదవ్వగా, ఈ ఏడాది ఆగస్టు నాటికి 364 కేసులే వచ్చాయి.   కరోనా, సీజనల్‌ వ్యాధులపై సర్కార్‌ చర్యలు ► ఇంటింటి సర్వే చేసి జ్వర బాధితులను గుర్తించారు. కరోనా కట్టడి చర్యలను పక్కాగా అమలు చేస్తూనే, మరోవైపు డెంగీ, మలేరియా, చికున్‌గున్యా తదితర వ్యాధులను నియంత్రించడంపై దృష్టి సారించారు. ఒక్కో ఆశ కార్యకర్త 50 ఇళ్లకు వెళ్లి జ్వర పరీక్షలు నిర్వహించారు.   ► కరోనా నిబంధనలను పాటించడంపై ప్ర జలను చైతన్యం చేయడంతో పాటు దోమ ల నిర్మూలన కార్యక్రమాన్ని చేపట్టారు.  ► కరోనా జాగ్రత్తలతో పాటు ఇళ్లు, పరిసరాల్లో నీరు నిల్వ లేకుండా జనాన్ని జాగృతం చేశారు.   ► అన్ని ఆరోగ్య కేంద్రాల్లోనూ డెంగీ, మలేరియా చికిత్సకు అవసరమైన మందులను అందుబాటులో ఉంచారు.   ► మున్సిపల్, పంచాయతీరాజ్‌ శాఖలతో కలసి దోమల నిర్మూలన కార్యక్రమాలను చేపట్టారు. అది ఇప్పటికీ కొనసాగుతోంది. సీజనల్‌ వ్యాధుల నుంచి కాపాడిన మాస్క్‌లు  కరోనా నేపథ్యంలో పారిశుద్ధ్యంపై సర్కారు పటిష్టమైన చర్యలు చేపట్టింది. దీంతో దోమల నిర్మూలన జరిగింది. ప్రజలు కరోనా నుంచి బయటపడేందుకు మాస్క్‌ లు ధరించారు. భౌతిక దూరం పాటించారు. దీంతో జలుబు, జ్వరం వంటి ఫ్లూ వంటి లక్షణాలున్న వారి నుంచి ఇతరు లకు వ్యాప్తి తగ్గింది. దోమల నిర్మూలన కార్యక్రమాలతో డెంగీ, మలేరియా, చికున్‌గున్యా కేసులు గణనీయంగా తగ్గాయి. ఇక ఆరోగ్యకరమైన ఆహారపు అలవాట్లతో ప్రజల్లో రోగ నిరోధక శక్తి కూడా పెరిగింది. కరోనా నేపథ్యంలో ఇటువంటి చర్యలు తీసుకోవడంతో సీజనల్‌ వ్యాధులు తగ్గిపోయాయి. – డాక్టర్‌ శ్రీనివాసరావు, ప్రజారోగ్య విభాగం సంచాలకుడు  

సాక్షి, అమరావతి: సర్జికల్‌ మాస్క్‌లు, పీపీఈ కిట్ల ధరలు క్రమంగా తగ్గుతున్నాయి. అందరికీ అందుబాటు ధరలోకి వస్తున్నాయి. కరోనా వైరస్‌ వ్యాప్తి మొదలైన కొత్తలో ఒక్కో సర్జికల్‌ మాస్కు రూ.9 నుంచి రూ.13 వరకు ఉండేది. ఇక పీపీఈ (పర్సనల్‌ ప్రొటెక్షన్‌ ఎక్విప్‌మెంట్‌) కిట్‌ అయితే రూ.600 నుంచి రూ.వెయ్యి వరకు అమ్మేవారు. కెఎన్‌ 95, ఎన్‌ 95 మాస్కులైతే ఒక్కొక్కటి రూ.300 నుంచి రూ.400 వరకు విక్రయించేవారు. ఇప్పుడు ఆ ధరలన్నీ దిగొస్తున్నాయి. అప్పట్లో తయారీ సంస్థలు లేకపోవడం, ఒక్కసారిగా కరోనా కేసులు పెరగడంతో ఇష్టారాజ్యంగా ధరలు నిర్ణయించి అమ్మేవారు. ఇప్పుడు ఏపీతో పాటు ఇతర రాష్ట్రాల్లో కూడా మాస్క్‌లు, పీపీఈ కిట్ల తయారీ సంస్థలు పెరగడం, అక్కడ్నుంచి భారీగా ఉత్పత్తి అయ్యి మార్కెట్లోకి వస్తుండటంతో ధరలు పడిపోయినట్టు అధికార వర్గాలు చెబుతున్నాయి. అప్పట్లో 9 రూపాయలున్న మాస్కు ధర.. ఇప్పుడు రూ.2.36 మాత్రమే. 10 రోజుల కిందట మాస్క్‌లు, పీపీఈ కిట్లకు ప్రభుత్వం టెండర్లు పిలవగా.. ఓ సంస్థ మాస్కును రూ.2.36కు, పీపీఈ కిట్‌ను రూ.291కు కోట్‌ చేసింది. ప్రభుత్వాస్పత్రుల కోసం ముందు జాగ్రత్త చర్యగా.. రాష్ట్ర ప్రభుత్వం 25 లక్షల మాస్కులకు, 10 లక్షల పీపీఈ కిట్లకు ఆర్డర్‌ ఇచ్చింది.  

వాషింగ్టన్‌: ప్రస్తుతం ఉన్న మాస్కు లు తరచుగా జారిపోవడం లేదా, ఊపిరి పీల్చుకోవడంలో ఇబ్బందులు, కళ్లజోడు ఉన్న వారికి తడిగాలి అద్దాల మీదకు రావడం వంటి సమస్యలు ఉన్న నేపథ్యంలో అమెరికా శాస్త్రవేత్తలు సరికొత్త మాస్కు ప్రొటోటైప్‌ను డిజైన్‌ చేశారు. రోజంతా ధరించేలా, సౌకర్యవంతంగా ఉండేలా దీన్ని తయారు చేసినట్లు టెక్స్‌టైల్‌ ఇన్‌స్టిట్యూట్‌కు చెందిన జర్నల్‌ ప్రచురిం చింది. జార్జియా ఇన్‌స్టిట్యూట్‌ ఆఫ్‌ టెక్నాలజీ నిపుణులు దీన్ని తయారు చేశారు. మాస్కు కు ఉన్న పాకెట్‌ ద్వారా అదనపు లేయర్‌ ధరించి అదనపు భద్రత పొందే అవకాశం కూడా అందులో ఉందన్నారు. దాదాపు 20 సార్లు ఉతికినప్పటికీ, అది సాగడం గానీ, నాణ్యత తగ్గడంగానీ లేదని చెప్పారు. గ్రామీణ భారతానికి ముప్పు దేశంలో కేసుల సంఖ్య 40 లక్షలు దాటుతున్న తరుణంలో కరోనా సమూహ వ్యాప్తిగా మారుతుండడంతో గ్రామీణ భారతంపై భయాందోళనలు నెలకొన్నాయి. ఆస్పత్రి సదుపాయాలు అంతగా లేని గ్రామాల్లో కరోనా ప్రబలితే పరిస్థితులు మరింతగా దిగజారతాయని నిపుణులు చెబుతున్నారు. హౌ ఇండియా లివ్స్‌ వెబ్‌ సైట్‌ పరిశోధన ప్రకారం 714 జిల్లాల్లో కరోనా సోకింది. దీనివల్ల దాదాపు 94.76% మంది ప్రమాదంలో పడ్డారని చెప్పింది. 

సాక్షి, హైదరాబాద్‌: శాసనసభ,మండలి సమావేశాలు ఈ నెల 7న ప్రారంభమవుతాయని అసెంబ్లీ స్పీకర్ పోచారం శ్రీనివాసరెడ్డి తెలిపారు. శుక్రవారం ఆయన అసెంబ్లీ కమిటీ హాల్‌లో మీడియాతో మాట్లాడుతూ శాసనసభకు వచ్చే సభ్యులందరూ జాగ్రత్త చర్యలు పాటించాలని సూచించారు. కరోనాను ప్రభుత్వం కట్టడి చేయడం వల్లన మరణాల సంఖ్య తగ్గిందని ఆయన పేర్కొన్నారు. అసెంబ్లీ హాజరయ్యే సభ్యులు, సిబ్బంది, మీడియా, పోలీసులు తప్పనిసరిగా కరోనా టెస్టులు చేయించుకుని సభకు హాజరుకావాలన్నారు. అసెంబ్లీ ప్రాంగణంలో కోవిడ్‌ టెస్టులు ప్రారంభించామని తెలిపారు. జిల్లాల్లో ఉన్న ఎమ్మెల్యేల వద్దకు వైద్య సిబ్బంది వచ్చి టెస్టులు నిర్వహిస్తారని వెల్లడించారు. మంత్రులు, ఎమ్మెల్యేల పీఏలు కూడా టెస్టులు చేయించుకోవాలని శ్రీనివాసరెడ్డి తెలిపారు. (చదవండి: ‘టిఫిన్‌’ తినేదెట్లా?) అసెంబ్లీ లాబీ హాల్‌లోకి ఎమ్మెల్యేల పీఏలకు అనుమతిలేదని పేర్కొన్నారు. అసెంబ్లీకి వచ్చే ప్రతిఒక్కరికి మాస్కులు తప్పనిసరి అని, లేకుంటే అనుమతి లేదని స్పష్టం చేశారు. ప్రజా ప్రతినిధులకు కరోనా కిట్‌లు అందజేస్తున్నామని తెలిపారు. ఆక్సీమీటర్‌లో 90 కంటే తక్కువగా ఉంటే జాగ్రత్త వహించాలని సూచించారు. లాబీ పాస్‌లు రద్దు చేశామని తెలిపారు. ఈ శాసనసభ సమావేశాలకు మీడియా పాయింట్‌ ఉండదన్నారు. అసెంబ్లీ ప్రాంగణంలో సీనియర్ వైద్య బృందం, అసెంబ్లీ- మండలిలో ఒక్కో అంబులెన్స్ అందుబాటులో ఉంచుతామన్నారు. సభా సమయం వృధా కాకుండా సమావేశాలు జరుపుకోవడానికి సభ్యులందరూ సహకరించాలని కోరారు. పార్లమెంట్‌ తరహాలో, కోవిడ్‌ నిబంధనలకు లోబడి సమావేశాలు జరుపుతామని స్పీకర్‌ శ్రీనివాసరెడ్డి వెల్లడించారు. (చదవండి: రోజు పది మందే చనిపోతున్నారా?: హైకోర్టు)

చెన్నై సూపర్‌ కింగ్స్‌ ఆటగాడు, ఆఫ్‌ స్పిన్నర్‌ హర్భజన్‌ సింగ్‌ కరోనా వ్యాప్తి నేపథ్యంలో సోషల్‌ మీడియా వేదికగా అభిమానులను పలు సూచనలు చేశాడు. మాస్కు తప్పనిసరిగా ధరించాలని, అనవసరంగా బహిరంగ దేశాల్లో తిరగొద్దని చెన్నై అభిమానులను కోరాడు. అత్యవసరమైతేనే బయటికి రావాలని విజ్ఞప్తి చేశాడు. దీనికోసం అతను తమిళంలోనే మాట్లాడటం విశేషం. ఈమేరకు భజ్జీ ట్వీట్‌ చేశాడు. కాగా, 2018లో చైన్నై జట్టులో చేరిన హర్భజన్‌ మెరుగైన ప్రదర్శనతో ధోని నమ్మకాన్ని నిలబెట్టుకున్నాడు. సీఎస్‌కే తరపును ఇప్పటివరకు 24 మ్యాచ్‌లు ఆడిన భజ్జీ 23 వికెట్లు తీశాడు. మొత్తంగా ఐపీఎల్‌లో 160 మ్యాచ్‌లాడిన ఈ వెటరన్‌ స్పిన్నర్‌ 7.05 సగటుతో 150 వికెట్లు ఖాతాలో వేసుకున్నాడు. ఇదిలాఉండగా.. యూఏఈ వేదికగా సెప్టెంబర్‌ 19 నుంచి నవంబర్‌ 10 వరకు ఐపీఎల్‌-2020 సీజన్‌ ప్రారంభం కానున్న సంగతి తెలిసిందే. ఇక యూఏఈ క్రికెట్‌ పిచ్‌లు స్పిన్నర్లకు సహకరిస్తాయనే కథనాలు వెలువడుతున్నాయి. ఇప్పటికే చెన్నై జట్టులో కీలకమైన ఆటగాడిగా ఎదిగిన హర్భజన్‌కు ఐపీఎల్‌ 2020 మరింతగా కలిసివచ్చే అవకాశాలు అధికంగా ఉన్నాయని అభిమానులు సంబరపడుతున్నారు. (చదవండి: ఐపీఎల్‌లో డోపింగ్‌ పరీక్షలు) Mask podu @ChennaiIPL 😷😷 @chennaipolice_ pic.twitter.com/qZBIRVt74g — Harbhajan Turbanator (@harbhajan_singh) August 26, 2020

సాక్షి, అమరావతి: కరోనా వ్యాప్తి కారణంగా ఎవరు ఎలాంటి మాస్కులు వాడాలో ప్రపంచ ఆరోగ్యసంస్థ (డబ్ల్యూహెచ్‌వో) కొత్త మార్గదర్శకాలను జారీచేసింది. ఇప్పటివరకూ ఏ వయసు వారు ఎలాంటి మాస్కులు వాడాలన్న ప్రత్యేక నిబంధనలేవీ లేవు. డబ్ల్యూహెచ్‌వో మార్గదర్శకాలు ఇవీ.. ► 12 సంవత్సరాలు దాటిన ప్రతి ఒక్కరు కూడా బయటికి వెళితే తప్పనిసరిగా మాస్కు ధరించాలి. ► 60 ఏళ్లు పైబడిన వారు విధిగా సర్జికల్‌ మాస్కు వాడాలి. ► ఐదేళ్ల లోపు చిన్నారులు మాస్కులు ధరించాల్సిన అవసరం లేదు. ► 5 ఏళ్ల నుంచి 12 ఏళ్ల మధ్య వయసున్న చిన్నారులు తమ తల్లిదండ్రులు లేదా సంరక్షకుల పర్యవేక్షణలో మాస్కులు ధరించవచ్చు. హైరిస్క్‌ ప్రాంతాలను బట్టి ఆ మాస్కులు ధరించాల్సి ఉంటుంది. ► 12 ఏళ్ల నుంచి 60 ఏళ్ల లోపు వారు ఫ్యాబ్రిక్‌ మాస్కు (3 పొరల వస్త్రంతో)ను వాడవచ్చు. 

సాక్షి, అమరావతి: రాష్ట్రంలో ఇంకా మాస్కులు అందని ప్రతి ఒక్కరికి మూడేసి మాస్కుల చొప్పున పంపిణీ చేసేందుకు ప్రభుత్వం 33 లక్షల మీటర్ల క్లాత్‌ కొనుగోలు చేస్తోంది. ఇందుకు సంబంధించి టెండర్‌ ప్రక్రియ కొనసాగుతోంది. రాష్ట్ర జనాభా 4,87,54,176 మంది కాగా ఇప్పటికే 3,70,13,300 మందికి మూడేసి చొప్పున 11.10 కోట్ల మాస్కులను ప్రభుత్వం పంపిణీ చేసింది. మాస్కుల తయారీకి అవసరమైన క్లాత్‌ను ప్రభుత్వ రంగ సంస్థ అయిన ఆప్కో నుంచి అధికారులు కొనుగోలు చేశారు. అయితే.. 1.30 కోట్ల మీటర్ల క్లాత్‌ను సరఫరా చేశాక నిల్వలు తరిగిపోవడంతో ఆ సంస్థ సరఫరా నిలిపివేసింది. దీంతో మాస్కుల పంపిణీ పలుచోట్ల తాత్కాలికంగా నిలిచిపోయింది. ఈ విషయం ముఖ్యమంత్రి కార్యాలయం దృష్టికి రాగానే ప్రైవేట్‌ వ్యాపారుల వద్ద నుంచి అయినా క్లాత్‌ కొనుగోలు చేసి.. మిగిలిపోయిన వారికి కూడా మూడేసి మాస్కుల చొప్పున పంపిణీ చేయాలని ఆదేశించడంతో గ్రామీణ పేదరిక నిర్మూలన సంస్థ (సెర్ప్‌) అధికారులు క్లాత్‌ కొనుగోలు ప్రక్రియకు సంబంధించి టెండర్‌ ప్రక్రియను నిర్వహిస్తున్నారు.  ► ఇంకా మాస్కులు అందని 1,17,40,876 మందికి మూడేసి మాస్కుల చొప్పున పంపిణీ చేసేందుకు 33 లక్షల మీటర్ల క్లాత్‌ అవసరమని అధికారులు నిర్ధారించారు.   ► టెండర్‌ ప్రక్రియలో ఆప్కోకు చెల్లించిన ధర కంటే దాదాపు 30–35 శాతం తక్కువ ధరకే క్లాత్‌ సరఫరాకు కాంట్రాక్టర్లు ముందుకొచ్చారని అధికారులు చెబుతున్నారు.   ► విజయనగరం, ప్రకాశం, నెల్లూరు, విశాఖపట్నం జిల్లాల్లో అందరికీ మూడేసి మాస్కుల చొప్పున పంపిణీ పూర్తయిందని.. మిగిలిన జిల్లాల్లో మూడొంతులు పూర్తయిందని చెప్పారు.   ► మాస్కులు కుట్టే పనిని పొదుపు సంఘాల మహిళలకు అప్పగించిన విషయం తెలిసిందే. ఒక్కొక్క మాస్కు సింగిల్‌ లేయర్‌తో కుడితే రూ. 3 చొప్పున.. డబుల్‌ లేయర్‌తో కుడితే రూ.3.50 చొప్పున మహిళలకు చెల్లిస్తున్నారు.  ► పొదుపు సంఘాల మహిళలు మాస్కులు తయారుచేశాక వాటిని సెర్ప్, మెప్మా సిబ్బంది సేకరించి ఎంపీడీవోలు, మున్సిపల్‌ కమిషనర్లకు అప్పగిస్తారు.

సాక్షి, హైదరాబాద్ ‌: కరోనా సాయం విషయంలో కేంద్రం తెలంగాణకు భారీగానే చేయూతనందించింది. ఈ విషయం కేంద్ర ఆరోగ్య శాఖ స్వయంగా వెల్లడించింది. తెలంగాణకు కరోనా విషయంలో వైద్య పరంగా ఎలాంటి సహాయం అందించారో అన్న విషయంపై కోదాడకు చెందిన జలగం సుధీర్‌ అనే సామాజిక కార్యకర్త సమాచార హక్కు చట్టం కింద దరఖాస్తు చేశారు. దీనికి స్పందించిన కేంద్రం.. కరోనా సాయంలో భాగంగా తెలంగాణకు 1,400 వెంటిలేటర్లు, 10.9 లక్షల పీపీఈ కిట్లు, 2.44 లక్షల ఎన్‌–95 మాస్కులు, 42.50 లక్షల హైడ్రాక్సి క్లోరోక్విన్‌ మాత్రలు అందజేసినట్లు వివరించింది. హెచ్‌ఎల్‌ఎల్‌ లైఫ్‌ కేర్‌ అనే సంస్థకు ఈ ప్రొక్యూర్‌మెంట్‌–డిస్ట్రిబ్యూషన్‌ బాధ్యతలు అప్పజెప్పినట్లు.. ఆ సంస్థ ద్వారా మాస్కులు, కిట్లు ఇతర సాయాలు తెలంగాణకు పంపినట్లు తెలిపింది.(కరోనాతో మాజీ ఎమ్మెల్యే సున్నం రాజయ్య మృతి) కుటుంబసభ్యులకు కరోనా బాధితుల సమాచారం గాంధీ ఆస్పత్రి : గాంధీ ఆస్పత్రిలో చికిత్స పొందుతున్న కరోనా బాధితులకు అందిస్తున్న వైద్యసేవలు, క్షేమ సమాచారాన్ని కుటుంబసభ్యులకు అందించాలని వైద్యమంత్రి ఈటల రాజేందర్‌ ఆదేశించారు. వైద్య ఉన్నతాధికారులతో కలిసి సోమవారం సాయంత్రం ఆయన గాంధీ ఆస్పత్రిని సందర్శించి ఆస్పత్రి పాలనా యంత్రాంగం, పలు విభాగాల హెచ్‌ఓడీలతో సమీక్షా సమావేశం నిర్వహించారు. ఈ సందర్భంగా మంత్రి మాట్లాడుతూ, ఆస్పత్రిలో ఉన్న బాధితుల సమాచారం తెలియక కుటుంబసభ్యులు, బంధువులు ఆందోళనకు గురవుతున్నారని దృష్టికి వచ్చిందన్నారు. సమస్యను పరిష్కరించేందుకు రోజూ రెండుసార్లు బాధితుల సమాచారాన్ని కుటుంబసభ్యులకు ఫోన్‌ద్వారా వివరించేలా ప్రత్యేక ప్రణాళికలు రూపొందించి అమలు చేయాలని అధికారులను ఆదేశించామన్నారు. 

సాక్షి, హైదరాబాద్‌: కరోనా విజృంభిస్తున్న తరుణంలో రాష్ట్రవ్యాప్తంగా బహిరంగ ప్రదేశాల్లో మార్కులు పెట్టుకోనందుకు 35,308 మంది వ్యక్తులపై కేసులు నమోదు చేశామని వైద్య, ఆరోగ్య శాఖ ముఖ్య కార్యదర్శి సయ్యద్‌ అలీ ముర్తజా రిజ్వీ హైకోర్టుకు నివేదించారు. కరోనా కట్టడికి చర్యలు తీసుకోవాలని కోరుతూ దాఖలైన ప్రజాహిత వ్యాజ్యంలో కరోనా కట్టడికి ప్రభుత్వం తీసుకుంటున్న వివరాలతో ఇటీవల ఆయన నివేదిక సమర్పించారు. సామాజిక దూరం పాటించనందుకు 1,211 కేసులు నమోదు చేయగా, బహిరంగ ప్రదేశాల్లో సమావేశమైనందుకు 82 కేసులు నమోదు చేసినట్లు తెలిపారు. వివాహానికి 50 మంది, అంత్యక్రియలకు 20 మంది కంటే ఎక్కువ హాజరుకాకూడదని, జీవో 75 జారీ చేశామన్నారు. దీన్ని ఉల్లంఘించి వివాహాలకు పెద్ద సంఖ్యలో హాజరైనందుకు 24 కేసులు నమోదు చేయగా.. 101 మందిని, అలాగే అంత్యక్రియలకు ఎక్కువ సంఖ్యలో హాజరైనందుకు 6 కేసులు నమోదు చేసి 27 మందిని అరెస్టు చేశామని పేర్కొన్నారు. ‘దేశంలోనే మొదటగా రాష్ట్రంలోనే మార్చి 14 నుంచే పాఠశాలలు, బార్లు, క్లబ్బులను మూసేయాలని నిర్ణయించాం. మార్చి 23 నాటికి 33 కేసులు ఉండగా.. జూన్‌ 29 నాటికి 15,394 కేసులు నమోదయ్యాయి. హైకోర్టు ఆదేశాల మేరకు కీలక సమాచారంతో మీడియా బులెటిన్‌ ఇస్తున్నాం. జిల్లాల్లో నమోదైన కేసుల వివరాలతో కలెక్టర్లు కూడా మీడియాకు సమాచారం ఇస్తున్నారు. లక్షణాలున్న వారికి ర్యాపిడ్‌ యాం టిజెన్‌ పరీక్షలు నిర్వహిస్తున్నాం. జూన్‌ 29న 3,457 పరీక్షలు చేయగా.. జూలై 25 నాటికి వీటిసంఖ్యను 15,654కు పెంచి మొత్తం 2,64,852 మందికి పరీక్షలు చేశాం. పాజిటివ్‌ కేసులసంఖ్య 27.3 శా తం నుంచి 10.18 శాతానికి తగ్గింది. ప్రతి 10 లక్షల జనాభాకు 140 మందికి పరీక్షలు చేయాలని ప్రపంచ ఆరోగ్య సంస్థ (డబ్ల్యూ హెచ్‌వో) నిర్దేశించింది. అంతకంటే ఎక్కు వే ఇక్కడ పరీక్షలు చేస్తున్నాం. హైకోర్టు ఆదేశాల మేరకు 57 ప్రభుత్వ, 54 ప్రైవేటు ఆసుపత్రుల్లో ఏ కేటగిరీ బెడ్లు అందుబాటులో ఉన్నాయో మీడియా బులెటిన్‌లో స్పష్టంగా ఇస్తున్నాం. కంటైన్‌మెంట్‌ జోన్ల లో కేసులను గుర్తిస్తున్నాం. హైకోర్టు ఆదేశాలను పూర్తిస్థాయిలో అమలు చేస్తు న్నాం’ అని నివేదికలో వివరించారు.  

నాగ్‌పూర్‌ :  ప్రపంచవ్యాప్తంగా కరోనా వైరస్‌ రోజురోజుకీ విజృంభిస్తోన్న నేపథ్యంలో ఆ మహమ్మారి కట్టడికి కేంద్ర, రాష్ట్ర ప్రభుత్వాలు ఎంతో శ్రమిస్తున్నాయి. ప్రస్తుతం దేశంలో ఉన్న క్లిష్ట పరిస్థితులను దృష్టిలో పెట్టుకుని ప్రజల సంక్షేమం కోసం పోలీసులు నిర్విరామంగా పనిచేస్తున్నారు. ప్రమాదకరంగా మారుతున్న కరోనా వైరస్‌ గురించి ఎప్పటికప్పుడూ ప్రజలకు అవగాహన కల్పిస్తున్నారు. కరోనా వైరస్‌ ఆకారాన్ని పోలిన హెల్మెట్లను ధరించి కొందరు పోలీసులు అవగాహన కల్పిస్తుంటే మరికొందరు సోషల్‌మీడియా వేదికగా పలు మీమ్స్‌ చేశారు. తాజాగా నాగ్‌పూర్‌ పోలీసులు తమ అధికారిక ట్విటర్‌ ఖాతా వేదికగా ఓ పులి ఫోటోతో మాస్కులు ధరించడం పట్ల  ప్రజలకు అవగాహన కల్పించే ప్రయత్నం చేశారు. (చదవండి: వైరల్‌: పెద్దపులినే బురిడి కొట్టించిన బాతు ) వరల్డ్‌ టైగర్‌ డే సందర్భంగా  ఓ పులి తన కాలిని ముఖానికి అడ్డంగా పెట్టుకున్న ఫోటోను షేర్‌ చేస్తూ.. ‘ముక్కు కిందకు మాస్క్‌ ధరించిన వ్యక్తులను చూసినప్పుడు ఇలాంటి ఫీలింగ్‌ కలుగుతుంది’క్యాప్షన్‌ పెట్టారు. మరో ట్వీట్‌లో ‘మాస్క్‌ ధరించి పులిలా ఉండండి’అని చెప్పుకొచ్చారు. చాలా మంది మాస్కులు సరిగా ధరించకపోవడంతో అవగాహన కోసం పోలీసులు ఈ ట్వీట్‌ చేశారు. That moment when we see people wearing masks below their nose: pic.twitter.com/Hq7x9r3nIM — Nagpur City Police (@NagpurPolice) July 29, 2020 నాగ్‌పూర్‌ పోలీసులు పెట్టిన ఈ పోస్ట్‌.. ముసిముసి నవ్వులు నవ్వించడమే కాకుండా ముసుగు ఎలా ధరించాలో కూడా తెలియజేస్తుంది. ప్రస్తుతం ఈ ట్వీట్‌ సోషల్‌ మీడియాలో వైరల్‌ అయింది. ట్వీట్‌ కామెడీగానే ఉన్నా.. మంచి విషయం చెప్పారని నెటిజన్లు ప్రశంసల జల్లు కురిపిస్తున్నారు. ‘పులి అడవికి రాజు అయితే.. నాగ్‌పూర్‌ పోలీసులు సోషల్‌ మీడియాకు రాజులు’,‘మాస్కులు ఎలా ధరించకూడదో చెప్పినందుకు ధన్యవాదాలు’అని నెటిజన్లు కామెంట్‌ చేస్తున్నారు.  Be a Tiger. Wear masks properly.#InternationalTigerDay#NagpurPolice — Nagpur City Police (@NagpurPolice) July 29, 2020

సాక్షి, కరీంనగర్‌: కరోనా విజృంభణతో ప్రతి ఒక్కరూ మాస్కు ధరించడం తప్పనిసరైంది. అయితే, కరీంనగర్‌లో ఓ యువకుడికి మరో వ్యక్తి ఇదే విషయం చెప్పడం అతని ప్రాణాల మీదకు వచ్చింది. మాస్కు పెట్టుకోవాలని సూచించినందుకు హఫీజ్‌ అనే యువకుడు రాకేష్‌ అనే వ్యక్తిపై కత్తితో దాడి చేశాడు. తీవ్ర గాయాలపాలైన రాకేష్‌ను స్థానికులు ఆస్పత్రికి తరలించారు. కరీంనగర్ రూరల్ మండలం తీగలగుట్టపల్లిలో బుధవారం ఈ ఘటన జరిగింది. హెయిర్‌ కటింగ్ కోసం సెలూన్ షాప్ వద్దకు వచ్చిన అజీజ్‌ను అదే గ్రామానికి చెందిన రాకేష్ మాస్క్ పెట్టుకొమ్మని కోరాడు. అందుకు నిరాకరించిన అజీజ్ రాకేష్‌తో గొడవకు దిగాడు. అంతటితో ఆగకుండా కత్తితో అతనిపై దాడికి తెగబడ్డాడు. పక్కటెముకల వద్ద, వీపులో రెండు కత్తిపోట్లు దించాడు. గాయపడ్డ రాకేష్‌ను స్థానికులు వెంటనే ఆసుపత్రికి తరలించి, నిందితున్ని పట్టుకుని పోలీసులకు సమాచారం అందించారు. ఘటనాస్థలానికి చేరుకున్న పోలీసులు నిందితుడిని అరెస్టు చేసి స్టేషన్‌కు తరలించారు. అజీజ్‌ గంజాయి మత్తులో ఉండి దాడి చేసినట్టుగా స్థానికులు ఆరోపిస్తున్నారు. (ఒంటరై ‘పోయాడు’)

కొత్తవలస: కరోనా.. ఆరోగ్యంతో పాటు ఇంటి బడ్జెట్‌నూ భారంగా మార్చింది. శానిటైజర్లు, మాస్క్‌ల వినియోగం తప్పనిసరి చేసింది. చేతుల శుభ్రత ప్రాధాన్య అంశంగా మారింది. వీటి కి తోడు రోగనిరోధక శక్తి పెంపొందించుకునేందుకు  సి– విటమిన్‌ అందించే పండ్లు, కూరగాయలతో పాటు అదనపు ఆహారంగా డ్రై్రçఫూట్స్, గుడ్లు తీసుకోవడంతో ప్రతి ఇంటా కరోనా బడ్జెట్‌ పెరిగింది. సంపన్నకుటుంబాలకు పెద్దగా ఆర్థిక భారం కాకపోయినా సామాన్య, మధ్యతరగతి కుటుంబాలకు మాత్రం ఖర్చు భారంగా మారింది. నెలకు సుమారు రూ.1090 అదనపు ఖర్చు అవుతోంది. చేసేది లేక ప్రతి కుటుంబం నెలవారీ ఖర్చుతో పాటూ కరోనా ఖర్చును మౌనంగా భరిస్తున్నారు.   జిల్లా ప్రజలపై భారం...   జిల్లాలో 2011 జనాభా లెక్కల ప్రకారం 23,44,474(23.4) జనాభా, 5,87,149 కుటుంబాలు ఉన్నాయి. కొత్త గణాంకాల ప్రకారం మరో 10 శాతం జనాభా ఉంటారని అంచనా. ఈ లెక్కన పెరిగిన నెలవారీ కరోనా బడ్జెట్‌ సుమారు రూ.60 నుంచి 70 కోట్లు ఉండొచ్చని అంచనా. పరిశుభ్రత ఖర్చు తప్పనిసరి కావడంతో పేద, మధ్య తరగతి కుటుంబాల నెలవారీ బడ్జెట్‌ పూర్తిగా మారిపోయింది. చాలీచాలని జీతాలు, కూలి డబ్బులతో గడిపే కుటుంబాలకు ఈ బడ్జెట్‌ భారంగా మారింది.  శుభ్రత ఖర్చు పెరిగింది..   కరోనా వైరస్‌ వ్యాప్తి తో ఇంటితో పాటు పరిసరాలు పరిశుభ్రంగా ఉంచుకో వడం అలవాటు చేసుకున్నాం. దీనికోసం శానిటైజర్లు, లైజాల్, ఫినాయిల్, హార్పిక్‌ వంటివి వినియోగం పెరిగింది.  దీంతో ప్రతినెల ఖర్చులు పెరిగాయి.  – బొడ్డు గోవిందరావు, కాంట్రాక్టు ఉద్యోగి, తుమ్మికాపల్లి శానిటైజర్‌ కొనుగోలు చేస్తున్న పట్టణవాసి   అదనపు భారం మా ఇంట్లో ఆరుగురం ఉంటున్నాం. కరోనా బారిన పడకుండా అందరికీ మాస్క్‌లు కొనుగోలు చేస్తున్నాం. శానిటైజర్లు విధి గా వాడుతున్నాం. తప్పనిసరి పరిస్థితుల్లో బయటకు వెళ్లి వచ్చినప్పుడు దుస్తులు తరచూ ఉతకాల్సి వస్తోంది. దీంతో నెలకు రూ.1500 అదనపు ఖర్చు పెరిగింది.  – దాసరి శ్రీదేవి, ఉద్యోగిని, కంటకాపల్లి ఇబ్బంది అయినా తప్పదు   ఇంటిలో ఎన్ని ఇబ్బందులు ఉన్నా ప్రస్తుత పరిస్థి తుల్లో జాగ్రత్తలు తప్పనిసరి. మాస్క్‌లు, శానిటైజర్లు, సబ్బులు వాడకం పెరగడంతో నెలవారీ ఖర్చు పెరిగింది. రూ.1000 నుంచి రూ.1500 ఖర్చు చేయాల్సి వస్తోంది.   – ఎం.లక్ష్మి, కొత్తవలసటౌన్, మసీదు వీధి  

న్యూఢిల్లీ: కరోనా వైరస్‌ వ్యాప్తి తీవ్రతరమవుతూ ఉండడంతో ఈ ఏడాది ఆగస్టు 15న స్వాతంత్య్ర వేడుకలను భారీగా నిర్వహించవద్దని కేంద్రం రాష్ట్రాలకు సూచించింది. భౌతిక దూరం పాటించడం, మాస్కులు ధరించడం, పరిసరాల శానిటైజేషన్‌ వంటి నిబంధనల్ని పాటిస్తూ కార్యక్రమాల నిర్వహణకు టెక్నాలజీని వినియోగించుకోవాలని చెప్పింది.  ఈ సారి స్వాతంత్య్రదిన వేడుకలకు కోవిడ్‌–19పై ముందుండి పోరాటం చేస్తున్న వైద్యులు, ఆరోగ్య సిబ్బంది, పారిశుద్ధ్య కార్మికుల్ని ఆహ్వానించి, ఈ సంక్షోభ సమయంలో వారు చేస్తున్న సేవల్ని గుర్తించాలని పిలుపునిచ్చింది. వైరస్‌పై పోరాడి  కోలుకున్న వారిని కూడా పిలవాలని చెప్పింది. ఆన్‌లైన్‌ ద్వారా కార్యక్రమాలను టెలికాస్ట్‌ చేయాలని వివరించింది.  కాగా, ఎర్రకోటలో కూడా చాలా సాధారణంగానే వేడుకలు జరగనున్నాయి. సాయుధ బలగాల  గౌరవ వందనం అనంతరం ప్రధాని  జెండా  ఎగురవేస్తారు. ప్రధాని మోదీ ప్రసంగం, జాతీయ గీతాలాపనతో ఈ కార్యక్రమం ముగుస్తుంది.  అనంతరం రాష్ట్రపతి భవన్‌లో ఎట్‌ హోమ్‌ రిసెప్షన్‌ నిర్వహిస్తారు.

న్యూఢిల్లీ: మాస్క్‌లను, చేతి తొడుగులను వాడిన తరువాత, వాటిని ముక్కలుగా కత్తిరించి కనీసం 72 గంటల పాటు పేపర్‌ బ్యాగ్‌లలో ఉంచి, ఆ తరువాత మాత్రమే పారవేయాలని కేంద్ర కాలుష్య నియంత్రణ మండలి(సీపీసీబీ) తాజాగా విడుదల చేసిన కోవిడ్‌–19 మార్గదర్శకాల్లో పేర్కొంది. వాణిజ్య సంస్థలు, షాపింగ్‌ మాల్స్, కార్యాలయాలు, సంస్థల్లో సాధారణ జనం వాడిన వ్యక్తిగత రక్షణ పరికరాలను ముక్కలుగా చేసి, ప్రత్యేక బిన్‌లో మూడు రోజుల పాటు ఉంచిన తరువాత, మామూలు డస్ట్‌బిన్‌లో వేయొచ్చని తాజా మార్గదర్శకాల్లో తెలిపారు. బయో మెడికల్‌ వేస్ట్‌ని పసుపురంగు బ్యాగుల్లో వేయాలని, ఈ పసుపు రంగు బ్యాగులను సాధారణ చెత్తను తీయడానికి వాడరాదని  వెల్లడించారు. అయితే కోవిడ్‌ రోగులు వాడిన ఖాళీ వాటర్‌ బాటిల్స్, మిగిలిపోయిన ఆహారాన్ని బయో మెడికల్‌ వేస్ట్‌తో కలపరాదని, సాధారణ చెత్తతో పాటే వేయొచ్చని తాజా మార్గదర్శకాల్లో పేర్కొన్నారు.

న్యూఢిల్లీ: అమెరికా అధ్యక్షుడు డొనాల్డ్‌ ట్రంప్‌ సంచలన వ్యాఖ్యలు చేస్తు నిరంతరం వార్తల్లో ఉంటారు. కరోనా వైరస్‌ను నివారించేందుకు ప్రపంచ దేశాధినేతలు ప్రజలకు మాస్క్‌లు ధరించాలని పిలుపునిస్తే, ట్రంప్‌ మాత్రం అందుకు విరుద్ధంగా మాస్క్‌లు ధరించమని ప్రజలను ఆదేశించలేనని, ప్రజల స్వేచ్ఛకు వదిలేయాలని తాను కోరుకుంటానని అన్నారు. అయితే అమెరికా‌కు చెందిన ప్రముఖ అంటువ్యాధుల నిపుణుడు డాక్టర్‌ ఆంథోనీ ఫౌసీ మాత్రం భారీ జనసమూహాలలో మాస్క్‌లు ధరించాల్సిన అవసరాన్ని రాజకీయ నాయకలు ప్రజలకు తెలియజేయాలని ఇటీవల పిలుపునిచ్చిన విషయం తెలిసిందే. కాగా ట్రంప్‌ ఓ మీడియాకు ఇచ్చిన ఇంటర్వ్యూలో స్పందిస్తూ.. ప్రజలందరు మాస్క్‌లు ధరించాలనే నిబంధనను తాను వ్యతిరేకిస్తానని, మాస్క్‌లు వేసుకున్నంత మాత్రాన పూర్తిగా వైరస్‌ను నియంత్రించలేమని అభిపప్రాయపడ్డారు. అయితే ఎప్పుడు మాస్క్‌ ధరించని ట్రంప్‌, ఇటీవల ఒక సారి మాస్క్‌ ధరించి అందరిని ఆశ్చర్యపరిచారు. నిపుణులు చెబుతున్నట్లు అవసరమైనప్పుడు మాస్క్ ధరించడం పెద్ద ఇబ్బంది కాదని, కానీ సామాజిక దూరాన్ని పాటించడం కొంత ఇబ్బందేనని తెలిపారు. కాగా ప్రస్తుతం దేశంలో ఆర్థిక వ్యవస్థ పుంజుకుంటున్న నేపథ్యంలో, భారీ జనసమూహాలకు అవకాశం ఉందని, అందువల్ల అవసరమైన చోట మాస్క్‌లు ధరించాలని డొనాల్డ్‌ ట్రంప్‌ ప్రజలకు సూచించారు. (చదవండి: భారతీయులంటే ఇష్టం.. చైనీయులు కూడా: ట్రంప్)‌

చెన్నై : కరోనా వైరస్‌ వ్యాప్తితో ప్రజలు బయటకు అడుగుపెడితే మాస్క్‌లు తప్పనిసరి కావడంతో మార్కెట్‌లో వెరైటీ మాస్క్‌లు దర్శనమిస్తున్నాయి. బంగారం, వెండి వంటి ఖరీదైన లోహాలతో చేసిన మాస్క్‌లకు సైతం ఆదరణ పెరుగుతోంది. మాస్క్‌లను ఆభరణంగా వాడవచ్చని, ఆ తర్వాత దాన్ని కరిగించి ఇతర ఆభరణాలు చేయించుకోవచ్చని కోయంబత్తూరు జిల్లాకు చెందిన ఓ జ్యూవెలర్‌ షాప్‌ యజమాని రాధాకృష్ణన్‌ ఆచార్య చెబుతున్నారు. 18 క్యారెట్‌, 22 క్యారెట్‌ హాల్‌మార్క్‌ గోల్డ్‌తో తాము మాస్క్‌లు తయారుచేస్తామని నాణ్యతకు పూర్తి భరోసా ఇస్తామని అన్నారు. వెండి మాస్క్‌ను 15,000 రూపాయలకు, బంగారు మాస్క్‌లను 2,75,000 రూపాయల నుంచి ఆఫర్‌ చేస్తున్నామని తెలిపారు. ఈ మాస్క్‌లను పూర్తిగా చేతితోనే తయారు చేస్తామని, ఈ రంగంలో తనకు 35 ఏళ్ల అనుభవం ఉందని రాధాకృష్ణన్‌ వివరించారు. 0.66 ఎంఎం మందం కలిగిన బంగారు తీగలను చుట్టే ప్రక్రియ ఒక్కటే మెషీన్‌పై చేస్తామని తెలిపారు.చదవండి : కోవిడ్‌-19 : మరోసారి పాజిటివ్‌ వస్తే! బెంగళూర్‌, హైదరాబాద్‌తో పాటు ఉత్తరాది నుంచి తమకు ఆర్డర్లు వచ్చాయని చెప్పారు. ఇప్పటి వరకూ బంగారు, వెండి మాస్క్‌ల కోసం 9 ఆర్డర్లు వచ్చాయని వెల్లడించారు. ప్రతిరోజూ వీటికోసం పెద్దసంఖ్యలో ఆర్డర్లు వస్తున్నాయని తెలిపారు. గంటల తరబడి ఈ మాస్క్‌లను ధరించడంలో అసౌకర్యం గురించి ప్రస్తావించగా ఈ మాస్క్‌లు క్లాత్‌ వంటి అనుభూతిని ఇస్తాయని, మాస్క్‌ పైభాగంలో లోపల ఖరీదైన లోహం వాడతామని చెప్పారు. మాస్క్‌లో ఉండే పలు లేయర్లను క్లాత్‌తో చేయడంతో వీటిని ఉతికి తిరిగి వాడుకోవచ్చన్నారు. అయితే వీటిని గట్టిగా వంచడం వంటివి చేయరాదని అన్నారు. అవసరమైతే స్వర్ణకారుడిని సంప్రదించచి క్లాత్‌ మెటీరియల్‌ను మార్చుకోవచ్చన్నారు. ఈ మాస్క్‌లకు మార్కెట్‌లో మంచి డిమాండ్‌ నెలకొందని అన్నారు. 

సాక్షి, అమరావతి: ఏపీలో కరోనా కట్టడికి మరింత కఠినంగా ఆంక్షలు అమలు కానున్నాయి. బహిరంగ ప్రదేశాలు, కార్యాలయాలు, రవాణా సమాయాల్లో మాస్కు ధరించటాన్ని తప్పనిసరి చేస్తూ ఆంధ్రప్రదేశ్‌ ప్రభుత్వం ఉత్తర్వులు జారీ చేసింది. కేంద్ర హోంశాఖ సూచించిన నిర్దేశిత ప్రమాణాల్లో భాగంగా ఫేస్ మాస్కు, ముఖం కప్పుకునేలా కవర్ ఉండటాన్ని తప్పనిసరి చేస్తూ ఆదేశిలిచ్చింది. (పది లక్షలు దాటిన కేసులు) ప్రజలు మాస్కు ధరించేలా విస్తృత ప్రచారం కల్పించడంతో పాటు, మాస్కు ధరించటాన్ని అలవాటుగా మార్చుకునేలా చర్యలు చేపట్టాలని కలెక్టర్లు, ఎస్పీలు, క్షేత్రస్థాయి అధికారులకు ప్రభుత్వం ఆదేశాలు జారీ చేసింది. లాక్‌డౌన్‌ సమయంలో కేంద్రం జారీ చేసిన మార్గదర్శకాలకు అనుగుణంగానే ఫేస్‌ మాస్కు తప్పనిసరి చేస్తూ వైద్య ఆరోగ్యశాఖ ప్రత్యేక కార్యదర్శి జవహర్‌రెడ్డి ఉత్తర్వులు జారీ చేశారు. ('కరోనా వైద్యం ఫ్రీగా అందిస్తున్న ఏకైక సీఎం జగన్')

సాక్షి, అమరావతి: ప్రపంచవ్యాప్తంగా కరోనా వైరస్‌ విజృంభిస్తున్న కొద్దీ మాస్కుల వినియోగం భారీగా పెరుగుతోంది. కరోనా  కట్టడికి పోరాడుతున్న వైద్యులు, వైద్య సిబ్బంది, పారిశుధ్య సిబ్బంది, పోలీసులు, ప్రభుత్వ అధికారవర్గాలతోపాటు సాధారణ ప్రజలుమాస్కులను తప్పనిసరిగా ధరిస్తున్నారు. వీటిల్లో మెడికల్‌ మాస్కులు అయిన ఎన్‌95 మాస్కులు, సర్జికల్‌ మాస్కులతోపాటు పలు రకాలున్నాయి.  ► ప్రపంచ ఆరోగ్య సంస్థ అంచనాల ప్రకారం ప్రపంచవ్యాప్తంగా నెలకు దాదాపు 10 కోట్ల మాస్కులు వాడుతున్నారు.  ► దేశంలో సగటున రోజుకు దాదాపు 25 లక్షల మెడికల్‌ మాస్కులు వినియోగిస్తున్నట్లు భారత వైద్య మండలి(ఎంసీఐ) అంచనా వేసింది.  ► మన రాష్ట్రంలో రోజుకు దాదాపు 1.20 లక్షల మెడికల్‌ మాస్కులు వాడుతున్నారు.  వందేళ్ల వరకు మట్టిలోనే..  ► మెడికల్‌ మాస్కులు సింథటిక్‌ రేసిన్‌తో తయారవుతాయి. వాటిలో పాలిస్టిరిన్, పాలికార్బనేట్, పాలిథిలియన్‌ వంటివి ఉంటాయి. ఆ మాస్కులు మట్టిలో కలసిపోకుండా వందేళ్ల వరకూ భూమిలోనే ఉంటాయి. పర్యావరణానికి తీవ్ర హానికరంగా మారతాయి.  ► ఈ ఏడాది 130 బిలియన్ల మాస్కుల వ్యర్థాలు సముద్రంలో చేరతాయని శాస్త్రవేత్తలు  అంచనా వేస్తుండటం పరిస్థితి తీవ్రతకునిదర్శనం. అదే జరిగితే సముద్ర జలాల్లోజెల్లీఫిష్‌ల కంటే మాస్కుల వ్యర్థాలే ఎక్కువగా ఉంటాయని హెచ్చరిస్తున్నారు.  ► 2030నాటికి సముద్ర జలాల్లోచేరతాయని అంచనా వేసిన ప్లాస్టిక్‌ వ్యర్థాలు పదేళ్లు ముందుగానే 2020లోనే పోగుపడుతుండటం ఆందోళన కలిగిస్తోంది.   వ్యర్థాల నిర్వహణ ఇలా..  ► మాస్కుల వ్యర్థాలను సక్రమంగా నిర్వహించకుంటే వ్యాధులు ప్రబలే ప్రమాదం ఉంది. దీనిపై డబ్ల్యూహెచ్‌వో, కేంద్ర ప్రభుత్వ సాలీడ్‌ వేస్ట్‌ మేనేజ్‌మెంట్‌ నిబంధనలు విధానాలు నిర్దేశించాయి.    ► ఎన్‌95, సర్జికల్‌ మాస్కులను ఒకసారి మాత్రమే వాడాలి.  ► వైద్యులు, వైద్య సిబ్బంది వాడిన మాస్కులను 850 డిగ్రీల సెల్సియస్‌ నుంచి 1100 డిగ్రీల సెల్సియస్‌ ఉష్ణోగ్రత వద్ద  ప్రత్యేక గ్యాస్‌ క్లీనింగ్‌ ఎక్విప్‌మెంట్‌తో కాల్చివేయాలి.  ► సాధారణ ప్రజల వాడేసిన మాస్కులను ఇతర వ్యర్థ పదార్థాలతో కలపకూడదు. పారిశుధ్య సిబ్బంది వాటిని సేకరించి బయో మెడికల్‌ వేస్ట్‌ ట్రీట్‌మెంట్‌ ఫెసిలిటీతో కాల్చివేయాలి. లేదా పదడుగుల లోతున భూమిలో పాతిపెట్టాలి.  కత్తిమీద సాము..  ► మాస్కుల వ్యర్థాల నిర్వహణ ప్రపంచవ్యాప్తంగా కత్తిమీద సాముగా మారింది. ఇంతగా మాస్కులు, మెడికల్‌ వ్యర్థాలు రోజూ పోగవుతాయని ఎవరూ ఊహించలేదు. వాడిన మాస్కులను ఎక్కడపడితే  అక్కడ పారేస్తుండటంతో పరిస్థితి  దిగజారుతోంది.  ► ఢిల్లీలో ఆసుపత్రుల నుంచి సేకరించిన మెడికల్‌ వ్యర్థాలలో 70శాతం మాత్రమే శాస్త్రీయంగా నిర్వహిస్తుండగా 30 శాతం రోడ్లపక్కన, నీటివనరుల్లో పడి ఉంటున్నాయి. ఇతర  దేశాల్లో పరిస్థితి దీనికి భిన్నంగా ఏమీ లేదు.    ► కరోనా వైరస్‌ జన్మస్థలం చైనాలోని వూహాన్‌లో 1.10 కోట్ల జనాభా ఉంది. ఆ నగరంలో సగటున రోజుకు 200టన్నుల మెడికల్‌ వ్యర్థాలు పోగయ్యాయి. అందులో నాలుగో వంతు వ్యర్థాల నిర్వహణకు మాత్రమే అవసరమైన మౌలిక సదుపాయాలు అక్కడ ఉన్నాయి.  చేపల్లో చేరి మళ్లీ మనుషుల్లోకి.. ► ఒక్కో మెడికల్‌ మాస్కులో దాదాపు 25 గ్రాముల వరకు పోలిపాలిథిన్‌ ఉంటుంది. దీనివల్ల చేపలతోపాటు 600 రకాల జీవజాతులకు ప్రమాదం పొంచి ఉంది. ఆ చేపలను తినడంతో మనుషులుకూడా అనారోగ్యసమస్యలకు గురవుతారు.  ► జర్మనీలో నెలకు 1.70కోట్ల మాస్కులు వాడుతుండటంతో పర్యావరణంలోకి 850 టన్నుల కార్బన్‌ డయాక్సైడ్‌వదులుతున్నట్లేనని నిపుణులు అంచనా వేశారు. ఒక కారులో ప్రపంచం చుట్టూ 1,060సార్లు తిరిగితే విడుదలయ్యే కార్బన్‌ డయాక్సైడ్‌కు ఇది సమానమని తెలిపారు.  రీసైక్లింగ్‌ సాధ్యమా?  భారీ సంఖ్యలో వాడుతున్న మెడికల్‌ మాస్కులను రీసైక్లింగ్‌ చేయడం ఆచరణ సాధ్యం కాదని నిపుణులు చెబుతున్నారు. వాడేసిన మాస్కులను సేకరించి వేరుచేసి రీసైకిల్‌ చేసి కొత్త మాస్కు తయారు చేయాలి. కానీ అందుకు అయ్యే ఖర్చు ఆ మాస్కు ధర కంటే ఎక్కువగా ఉంటుంది. మాస్కుల రీసైక్లింగ్‌ అచరణ సాధ్యంకాదని యూనివర్సిటీ ఆఫ్‌ లండన్‌ నిపుణులు అభిప్రాయపడ్డారు.  ► మెడికల్‌ మాస్కులతో పొంచి ఉన్న పర్యావరణ ముప్పును తప్పించాలంటే ప్రత్యామ్నాయ మాస్కుల వాడకాన్ని ప్రోత్సహించాలని, వైద్య సిబ్బంది మినహా మిగిలిన వర్గాలు కాటన్‌ మాస్కులను వాడాలని సూచిస్తున్నారు.   ► కాటన్‌మాస్కులు డిటర్జెంట్‌/ డెట్టాల్‌తో ఉతికి ఎండలో ఆరవేసి మళ్లీ వాడుకోవచ్చు. పలు కంపెనీలు, కుటీర పరిశ్రమలు కాటన్‌తో చేసిన మాస్కులను తయారీ చేసి విక్రయిస్తున్నాయి. ఇళ్లల్లో కూడా వీటిని తయారు చేసుకోవచ్చు.  ► ఫైబర్‌తో తయారైన రీయూజబుల్‌  మాస్కులు కూడా మార్కెట్‌లో అందుబాటులోకి వచ్చాయి.  

న్యూఢిల్లీ:    పార్లమెంట్‌ వర్షాకాల సమావేశాలకు అవసరమైన ఏర్పాట్లు చేయాలని ఉభయసభల సెక్రెటరీ జనరల్స్‌ అధికారులను ఆదేశించారు. మాస్కులు ధరించడం, భౌతిక దూరం పాటించడం వంటి నిబంధనలు పాటిస్తూ ఈ సమావేశాల్లో ఎంపీలు స్వయంగా పాల్గొనే అవకాశం ఉందని చెప్పారు. లోక్‌సభ, రాజ్యసభ సమావేశాలు పార్లమెంట్‌ ప్రాంగణంలోని ఆయా సభల్లోనే జరిగే వీలుందని వెల్లడించారు. లోక్‌సభ స్పీకర్‌ ఓం బిర్లా, రాజ్యసభ చైర్మన్‌ ఎం.వెంకయ్య నాయుడు శనివారం సమావేశమయ్యారు. కరోనా వైరస్‌ వ్యాప్తి నేపథ్యంలో పార్లమెంట్‌ వర్షాకాల సమావేశాలను ఎలా నిర్వహించాలన్న దానిపై చర్చించారు. అయితే, ఈ సమావేశాలను ఎప్పటి నుంచి ఎప్పటిదాకా నిర్వహించాలో ఇంకా తేదీలు నిర్ణయించలేదు. వాస్తవానికి సెప్టెంబర్‌ 22వ తేదీలోగా ప్రారంభించాల్సి ఉంది.

అహ్మదాబాద్‌: కరోనా కాలంలో పెళ్లి చేసుకోవాలనుకుంటున్న ఓ వరుడికి వింత కోరిక పుట్టింది. లాక్‌డౌన్‌ నిబంధనల మధ్య నిరాడంబరంగా వివాహం జరిగినా తనకంటూ ఓ ప్రత్యేకత ఉండాలనుకున్నాడు. అందుకోసం ఏకంగా లక్షల రూపాయలు ఖర్చు చేసి తనకు, కాబోయే భార్య కోసం ఓ షాపులో వజ్రాల మాస్కు తయారు చేయించుకున్నాడు. ఈ ఘటన గుజరాత్‌లోని సూరత్‌లో చోటుచేసుకుంది. ఇక పెళ్లి కొడుకు కోరిక మేరకు తమ డిజైనర్లు రూపొందించిన మాస్కులకు మంచి డిమాండ్‌ ఏర్పడిందని.. దీంతో మరిన్ని వజ్రాల మాస్కులను అందుబాటులోకి తెచ్చేందుకు సిద్ధమైనట్లు ఆభరణాల వ్యాపారి దీపక్‌ చోక్సీ తెలిపారు. లక్షన్నర నుంచి 4 లక్షల రూపాయల ఖర్చు పెడితే బంగారు, వజ్రాల మేళవింపుతో కూడిన మాస్కులను అందిస్తామని చెబుతున్నారు. (బడా బాబుకి బంగారు మాస్క్‌, ధర ఎంతంటే) ఈ విషయం గురించి దీపక్‌ చోక్సీ మాట్లాడుతూ.. ‘‘లాక్‌డౌన్‌ నిబంధనల సడలింపు తర్వాత ఓ వ్యక్తి మా దుకాణానికి వచ్చారు. తన పెళ్లి జరుగబోతోందని.. తనకు, వధువు కోసం వెరైటీ మాస్కులు కావాలని అడిగారు. దీంతో మాకు ఓ ఐడియా వచ్చింది. యెల్లో గోల్డ్‌, అమెరికన్‌ వజ్రాలను ఉపయోగించి మాస్కులు తయారు చేశాం. దీని ధర ఇంచుమించు లక్షన్నర. ఇక వైట్‌ గోల్డ్‌, రియల్‌ డైమండ్స్‌తో మరో మాస్కు కూడా తయారు చేశాం. దీని కోసం 4 లక్షల రూపాయాలు చెల్లించాల్సి ఉంటుంది. అంతేకాదు అవసరానికి అనుగుణంగా.. వేరే నగలు చేయించుకున్నపుడు వజ్రాలను మాస్కు నుంచి వేరు చేయవచ్చు. ఇక ప్రభుత్వ నిబంధనలను అనుసరించి అన్ని విధాలా సురక్షితమైన వస్త్రాన్నే మాస్కు తయారీలో వాడుతున్నాం. చాలా ఆర్డర్లు వస్తున్నాయి. పెళ్లిలో దుస్తులకు మ్యాచ్‌ అయ్యే మాస్కులు తయారు చేయాల్సిందిగా వధూవరులు కోరుతున్నారు’’అని చెప్పుకొచ్చారు. కాగా మహారాష్ట్రలోని పుణెకు చెందిన శంకర్ కురాడే అనే వ్య‌క్తి సుమారు 2 ల‌క్ష‌ల 89 వేల ఖ‌రీదైన గోల్డెన్ మాస్క్‌ను త‌యారు చేయించుకున్న సంగతి తెలిసిందే. 

మహారాష్ట్ర, పూనా జిల్లా పింప్రి– చించ్‌వాడ్‌లో శంకర్‌ కురాడే గుర్తున్నాడా? బంగారు మాస్క్‌ చేయించుకున్న సంపన్నుడు. ఆ మాస్కు మన కళ్ల ముందు నుంచి చెరిగి పోయేలోపు అలాంటిదే మరో విచిత్రం వజ్రాల ఫేస్‌ మాస్క్‌. ధర లక్షా నలభై వేల రూపాయలు. కుశాల్‌భాయ్‌ సూరత్‌లో ఆభరణాల వ్యాపారి. అతడు వజ్రాలు పొదిగిన ఫేస్‌ మాస్కులను తయారు చేశాడు. ఒక్కో మాస్కు ధర డిజైన్‌ను బట్టి లక్ష నుంచి నాలుగు లక్షల రూపాయల వరకు ఉంటుంది. ఇంత ధర పెట్టి ఎవరు కొంటారని తయారు చేశారు? అని అడిగితే దుకాణం యజమాని మరీ విచిత్రమైన సమాధానం చెప్పాడు. ఇప్పుడు మాస్కు లేకుండా బయటకు వెళ్లే పరిస్థితి లేదు. పెళ్లి వేడుకలో మంచి దుస్తులు, ఆభరణాలు ధరించిన తర్వాత ముఖానికి మామూలు సర్జికల్‌ మాస్కులు, క్లాత్‌ మాస్కులు ధరిస్తే చూడడానికి ఏం బాగుంటుంది? ఇలాంటి వజ్రాల మాస్కు ధరిస్తే అందానికి అందం, దర్జాకు దర్జా అంటున్నాడు. ఇంకా... శంకర్‌కురాడే బంగారు మాస్క్‌కే రెండు లక్షల ఎనభై తొమ్మిది వేల రూపాయలు ఖర్చు చేశాడు. వజ్రాల మాస్కు లక్షకు కూడా వస్తుంది కదా! అని తార్కికంగా ప్రశ్నిస్తున్నాడు కూడా. పైగా నా డైమండ్‌ మాస్క్‌ను ఎన్నాళ్లయినా ధరించవచ్చు. కరోనా పోయిన తర్వాత నా దుకాణానికి వచ్చి మార్చి మరో ఆభరణం చేయించుకోవచ్చు కదా! అని చాలా కన్విన్సింగ్‌గా చెప్తున్నాడు. అతడి మాటలు ఎక్కువ సేపు వింటే ఎవరైనా సరే డైమండ్‌ మాస్క్‌ మాయలో పడేట్టుగానే ఉన్నాయి. కుశాల్‌ భాయ్‌ తన మాస్కుకు ‘డి కుశాల్‌ భాయ్‌’ ఇంగ్లిష్‌ అక్షరాల ఆకారంలో వజ్రాలను అమర్చుకున్నాడు. ఈ అక్షరాలకు కొద్దిగా పైన ‘డి.కె’ అని లోగో కూడా వజ్రాలతోనే ఉంది.

సాక్షి, అమరావతి: మాస్కులు ధరిస్తే కరోనా సోకకుండా ఉంటుందనేది ప్రజల నమ్మకం. ఆ నమ్మకంతోనే చాలామంది చాలా రకాల మాస్కులు వాడుతున్నారు. కొందరైతే.. ఖరీదైన ఎన్‌–95 మాస్కుల్ని వాడుతున్నారు. ఇవి ఎదుటి వ్యక్తి నుంచి ధరించిన వారికి ఎంతమేరకు భద్రత ఇస్తున్నాయనేదే ఇప్పుడు అసలు ప్రశ్న.  నిపుణులు ఏమంటున్నారంటే.. ► ఐదారు మంది జనం ఉన్నప్పుడు ఒక వ్యక్తి మాత్రమే మాస్కు వాడితే ఉపయోగం లేదు. ► అందరూ వాడితేనే నూరు శాతం ఫలితాలుంటాయి. లేదంటే 50 శాతం ఫలితాలు మాత్రమే. ► ఇరువురికి మాస్కు ఉంది కదా అని ముఖంలో ముఖం పెట్టి మాట్లాడటం మంచిది కాదు. ► అంత దగ్గర నుంచి మాట్లాడితే 5 మైక్రాన్ల కంటే తక్కువ పరిమాణంలో ఉన్న తుంపర్లు నేరుగా నోరు లేదా ముక్కు ద్వారా వ్యాపించే అవకాశం ఉంటుంది. ► ఇలాంటి అత్యంత సూక్ష్మ పరిమాణంలో ఉన్న తుంపర్లను ఎన్‌–95 మాస్కులు నియంత్రించగలవని వైద్యుల అభిప్రాయం. ► మాస్కులు ఉన్నప్పటికీ ఎలాంటి ఉపరితలంపై అయినా చేయి తగలగానే శానిటైజర్‌తో శుభ్రం చేసుకోవాలి. ► పదే పదే మాస్కులు ఎక్కడంటే అక్కడ తగలడం వల్ల వాటి ఉపయోగం కన్నా ప్రమాదం ఎక్కువ. మాస్కు ఉంది కదాని.. మాస్కు ఉంది కదా అని ఇష్టారాజ్యంగా వాడకూడదు. అత్యంత జాగ్రత్తగా వాడాలి. మాస్కు ఉన్నా ఆరు అడుగుల దూరం తప్పనిసరి. మనవల్ల ఎదుటి వారికి ఎంత ప్రమాదమో.. వారినుంచి మనకూ అంతే ప్రమాదం అని గుర్తించాలి.  ఏ వస్తువును తగిలినా అనంతరం శానిటైజర్‌తో శుభ్రం చేసుకోవాలి.     – డాక్టర్‌ నీలిమ, సోషల్‌ ప్రివెంటివ్‌  మెడిసిన్, కమాండ్‌ కంట్రోల్‌ సెంటర్‌ 

కర్ణాటక ఉడిపిలో ఈ పది సంవత్సరాల చిన్నారి సింధూరి ఆరో తరగతి చదువుతోంది. భగవంతుడు ఆమెకు ఒక్క చెయ్యి మాత్రమే ఇచ్చాడు. సింధూరి మనసుకు వైకల్యం లేదు. రెండు చేతులు లేని వారి కంటె నేనే చాలా నయం అనుకుంది. ఒక్క చేత్తోనే మిషన్‌ మీద మాస్కులు కుట్టటం ప్రారంభించి, తోటి స్నేహితులందరికీ అందచేస్తోంది. ‘‘స్కౌట్స్‌ అండ్‌ గైడ్స్‌లో మా స్కూల్‌ తరఫున లక్ష మాస్కులు కుట్టి, ఎస్‌ఎస్‌ఎల్‌సి వాళ్లకి అందచేయాలి. నేను 15 మాస్కులు కుట్టాను. మొదట్లో నేను, నా నిస్సహాయతకు బాధపడ్డాను. కాని అమ్మ నాకు ధైర్యం చెప్పింది’’ అంటూ తనకు తల్లి ఇచ్చిన ధైర్యం గురించి ఎంతో ఆనందంగా చెబుతుంది సింధూరి. వీరు కుట్టిన మాస్కులను 12 తరగతి పరీక్షకు హాజరయ్యే విద్యార్థులకు అందచేశారు. ఈ పరీక్షకు హాజరయ్యేవారికి మాస్కులు తప్పనిసరి. సింధూరి చాలా తెలివైన పిల్ల అని, శ్రద్ధగా చదువుకుంటుందని ఆ పాఠశాల టీచర్లు సింధూరిని మెచ్చుకుంటారు. సింధూరి మౌంట్‌ రోజరీ ఇంగ్లీషు మీడియంలో చదువుకుంటోంది. ఇలా సింధూరి ఒకతే కాదు... ఏప్రిల్‌ నెలలో, 17 సంవత్సరాల ఒక దివ్యాంగుడు తను బహుమతిగా గెలుచుకున్న రెండు లక్షల రూపాయలను ప్రధానమంత్రి సహాయనిధికి అందచేశాడు. ఢిల్లీకి చెందిన మరో విద్యార్థి 3డి ప్రింటర్‌తో ఫేస్‌ షీల్డ్‌ తయారుచేశాడు. పదో తరగతి చదువుతున్న జరేబ్‌ వర్ధన్‌.. 100 ఫేస్‌ షీల్డులు తయారుచేసి, ఢిల్లీ పోలీస్‌ కమిషనర్‌ ఎస్‌ఎన్‌ శ్రీవాత్సవ్‌కి అందచేశాడు. ఎంతో మంది సకలాంగులు, పెద్దల కంటే ఎంతో బాధ్యతతో మెలుగుతున్న ఈ యువతకు సెల్యూట్‌ చేయాల్సిందే. 

టోక్యో: మాస్కు లేనిదే మనిషి ఉనికే ప్రమాదంలో పడుతున్న తరుణంలో జపాన్‌కు చెందిన ఓ స్టార్టప్‌ కంపెనీ వినూత్న ప్రయోగానికి శ్రీకారం చుట్టింది. ఇంటర్నెట్‌తో అనుసంధానమయ్యే ‘స్మార్ట్‌ మాస్కు’ను తయారు చేసింది. మహమ్మారి కరోనా విజృంభిస్తున్న నేపథ్యంలో మాస్కు ధరించడం తప్పనిసరి కావడంతో స్మార్ట్‌ మాస్కును రూపొందించినట్టు డోనట్‌ రోబోటిక్స్‌ సీఈఓ తైసుకే ఓనో తెలిపారు. రోబో తయారీకి ఏళ్లపాటు కృషి చేశామని, ఆ టెక్నాలజీ సాయంతోనే దీన్ని తయారు చేశామని చెప్పారు. తెల్లని ప్లాస్టిక్‌తో తయారైన స్మార్ట్‌ మాస్కును సీ-మాస్కుగా వ్యవహరిస్తామని అన్నారు. ఇది బ్లూటూత్‌ ద్వారా మొబైల్‌ యాప్‌తో కనెక్ట్‌ అవుతుందని తైసుకే తెలిపారు. సీ-మాస్కు ద్వారా మన ఆదేశాలతో మొబైల్‌ యాప్‌ మెసేజ్‌లు పంపడం, కాల్స్‌ చేయడం, మాటల్ని టెక్స్ట్‌ రూపంలోకి మార్చుతుందని అన్నారు. మాస్కు ధరించిన వ్యక్తి చిన్నగా మాట్లాడినా దానిని శబ్ద తీవ్రతను యాప్‌ అధికం చేస్తుందన్నారు. జపాన్‌ భాష నుంచి 8 ఇతర భాషల్లోకి సీ-మాస్కు ద్వారా యాప్ పదాల్ని‌ తర్జుమా చేస్తుందని అన్నారు. ఒక నాణ్యమైన మాస్కుపైన సీ-మాస్కు అమర్చబడి ఉంటుందని తైసుకే తెలిపారు. జపాన్‌ మార్కెట్లోకి వచ్చే సెప్టెంబర్‌ నాటికి 5000 యూనిట్లు పంపిస్తామని అన్నారు. అమెరికా, చైనా, యూరప్‌లలో వీటిని ఆదరిస్తారనే నమ్మకముందన్నారు. సీ-మాస్కు ధర రూ.3 వేలు. (చదవండి: పాక్‌లో 30 శాతం బోగ‌స్‌ పైల‌ట్లు)

తెలుగు రాష్ట్రాల్లో కరోనా పాజిటివ్‌ కేసులు రోజురోజుకు పెరిగిపోతున్నాయి. ఇప్పటికే ఆంధ్రప్రదేశ్‌లో 11,489, తెలంగాణలో 11,364 కరోనా కేసులు నమోదయ్యాయి. దేశవ్యాప్తంగానూ కోవిడ్‌ విజృంభణ ధాటిగా కొనసాగుతోంది. శుక్రవారం ఉదయం వరకు కేసుల సంఖ్య 4.90 లక్షలకు చేరుకుంది. స్వీయ నియంత్రణ చర్యలే వైరస్‌ బారినపడకుండా మానవాళిని కాపాడలగలవని వైద్య నిపుణులు, పలు అధ్యయనాలు చెప్తున్నాయి. దానిలో భాగంగా భారత్‌లోని కొన్ని రాష్ట్రాలు, విదేశాల్లో మాస్కులు ధరించకపోతే జరిమానాలు కూడా విధిస్తున్నారు. ఈక్రమంలో టాలీవుడ్‌ దర్శక ధీరుడు ఎస్‌.ఎస్‌.రాజమౌళీ ప్రతి ఒక్కరూ మాస్కులు ధరించాలని అవగాహన కల్పించే ప్రయత్నం చేశాడు. బాహుబలి సినిమాలో ప్రభాస్‌, రానా తలపడే సన్నివేశాన్ని యునైటెడ్‌ సాఫ్ట్‌ వీఎఫ్‌ఎక్స్‌ సూడియో టీమ్‌ ఎడిట్‌ చేసి.. భళ్లాల దేవ, మహేంద్ర బాహుబలి మాస్కులు ధరించినట్టుగా చూపించింది. మాహిష్మతీ రాజ్యంలో కూడా మాస్కులు తప్పనిసరి అని వీడియోలో పేర్కొంది. మాస్కులు మరువొద్దని సూచించింది. ఈ వీడియోను రాజమౌళీ ట్విటర్‌లో షేర్‌ చేశాడు. అందరూ సురక్షితంగా, జాగ్రత్తగా ఉండాలని ఆకాక్షించారు. యునైటెడ్‌ సాఫ్ట్‌ టీమ్‌కు అభినందనలు తెలిపాడు. (చదవండి: ‘బాహుబలి’ ఖాతాలో మరో అవార్డు)

మంగుళూరు: ఒంటి చేత్తో ఫేస్ మాస్కులు కుట్టి పది పరీక్షలు రాస్తున్న విద్యార్థులకు అందిస్తున్న ఓ పదేళ్ల బాలిక శభాష్ అనిపించుకుంటోంది. ఉడిపికి చెందిన సింధూరికి పుట్టుకతోనే ఓ చేయి లేదు. మౌంట్ రోసరీ అనే ఇంగ్లీష్ మీడియం స్కూల్లో ఆరో తరగతి చదువుతోంది. (మా పేరు ‘కరోనా’ కాదు.. మేం భారతీయులమే) ప్రజల కోసం ఆ స్కూల్ కు చెందిన స్కౌట్ అండ్ గైడ్స్ డిపార్ట్ మెంటు లక్ష మాస్కులను కుట్టి ఇవ్వాలని లక్ష్యంగా పెట్టుకుంది. అందులో భాగంగా సింధూరి 15 మాస్కులను ఒంటి చేత్తో తయారు చేసింది. వీటిని పదో తరగతి పరీక్షలు రాస్తున్న స్టూడెంట్స్ కు అందజేశారు. (పీఎఫ్ ఖాతాదారులకు మరో షాక్?) మొదట్లో ఒంటి చేత్తో కుట్టేందుకు ఇబ్బంది పడ్డానని, అమ్మ సాయంతో చేయగలిగానని సింధూరి తెలిపింది. మాస్కులు కుట్టి అందజేసినందుకు అందరూ తనను అభినందిస్తున్నారని ఆనందం వ్యక్తం చేసింది.

ట్రెండ్‌కు తగ్గట్టు పని చేస్తే ట్రెండింగ్‌లో ఉంటారు, ట్రెండ్‌కు తగ్గట్టు ఉంటారు. దాన్ని అక్షరాలా నిజం చేస్తూ కరోనా టైమ్‌లో రెడ్‌ట్రీ అనే బ్రాండ్‌తో మాస్క్‌లను తయారు చేస్తున్నారు ప్రముఖ హీరోయిన్‌ లావణ్యా త్రిపాఠి. సోషల్‌ మీడియాలో ఈ విషయం గురించి లావణ్యా మాట్లాడుతూ –‘‘మాస్క్‌లు తయారు చేయాలనుకోవడం వెనక నాకెలాంటి లాభాపేక్ష లేదు. హైదరాబాద్‌కు చెందిన ఫ్యాషన్‌ డిజైనర్‌ అనితారెడ్డి సహకారంతో మాస్క్‌లను రెడీ చేశాం. లాక్‌డౌన్‌ టైమ్‌లో మా టైలర్స్‌కి, మాస్టర్స్‌కి పెయిడ్‌ హాలిడేస్‌ ఇచ్చాం. పనిలేక బోర్‌ కొడుతోంది, ఏదైనా పని చెప్పండి అన్నారు. అందుకని బాగా ఆలోచించి ఖాళీగా ఉండటం ఎందుకు, మంచి క్వాలిటీతో మాస్క్‌లు చేయండని చెప్పాను. అలా తయారు చేసిన మాస్క్‌లను ఇండస్ట్రీలోని అందరికీ ఇవ్వాలనుకున్నాం. అందుకే ‘రెడ్‌ట్రీ’ బ్రాండ్‌ స్టార్ట్‌ చేశాను. మాస్క్‌లు బావున్నాయని అందరూ అన్నారు. భవిష్యత్తులో నేను, అనిత ఈ బ్రాండ్‌పై అనేక ఉత్పత్తులు తీసుకొచ్చే ఆలోచనలో ఉన్నాం’’ అన్నారు. 

ముంబాయి: కరోనావైరస్‌ విజృంభిస్తున్న ప్రస్తుత పరిస్థితుల్లో మాస్క్‌లు వాడటం అ‍త్యవసరంగా మారింది. సైంటిఫిక్‌ పద్దతిలో చాలా కంపెనీ కరోనా వైరస్‌ను ఎదుర్కోనే విధంగా ఈ మాస్క్‌లను తయారు చేస్తున్నాయి. ఈ సమయంలో ప్రముఖ  బ్రాండ్‌ కంపెనీ తెవారో టెక్నాలజీ కంపెనీలు, ల్యాబరేటరీల సాయంలో హైజీన్‌, ఫ్యాషన్‌ కలగలిపిన మాస్క్‌లను తయారు చేస్తోంది.  వైరల్‌ షీల్డ్‌ పేరుతో హైజీన్‌ మాస్క్‌లు, గ్లౌజ్‌లను తయారు చేస్తోంది. యాంటీ వైరస్‌ మాస్క్‌లను తయారుచేస్తున్న మొట్టమొదటి దుస్తుల కంపెనీగా తెవారో నిలిచింది. ఈ మాస్క్‌ రెండు కాటన్‌పొరలను కలిగి ఉండి, శ్వాస తీసుకోవడానికి ఏమాత్రం ఇబ్బంది కలగని మెత్తటి మెటీరియల్‌తో తయారుచేస్తున్నారు. ఈ మాస్క్‌లను ల్యాబ్‌లో పరీక్షించగా 99.99 శాతం వైరస్‌ నుంచి రక్షణ కల్పిస్తున్నాయి. అందరికి అందుబాటు ధరల్లో ఈ మాస్క్‌లను తీసుకువస్తున్నామని సంస్థ ప్రతినిధి ఒకరు తెలిపారు. అమెజాన్‌తో పాటు కొన్ని మెడికల్‌ స్టోర్స్‌ ద్వారా ఈ మాస్క్‌లను అందుబాటులోకి తెచ్చెందుకు తెవారో ప్రయత్నిస్తోంది. (మాస్క్‌.. 3 పొరలుంటే భేష్‌)

న్యూఢిల్లీ: గత 40 రోజుల్లో దాదాపు 86 శాతం కరోనా వైరస్ కేసులు నమోదయ్యాయని హిందుస్తాన్ టైమ్స్ తెలిపింది. అలానే మే, జూన్ మధ్య 84 శాతం మంది రోగులు మరణించినట్లు పేర్కొంది. కరోనా వైరస్‌ వ్యాప్తికి సంబంధించినంతవరకు మే నెల భారతదేశంలో అత్యధిక కేసులు నమోదయ్యాయి. తాజా పరిశీలన ప్రకారం ఒక్క మే నెలలోనే 1,53,000 కేసులు నమోదయ్యాయి. జూన్ 1 నుంచి దేశంలో ఆంక్షలను తగ్గించడమే కాక, ఆర్థిక కార్యకలాపాలను పునః ప్రారంభించాలని ప్రభుత్వం ఆదేశాలు జారీ చేసిన సంగతి తెలిసిందే. ఈ క్రమంలో గడిచిన తొమ్మిది రోజుల్లో దేశంలో 76,000 కన్నా ఎక్కువ కోవిడ్ -19 కేసులు నమోదయ్యాయని హిందూస్తాన్ టైమ్స్ తెలిపింది. ప్రస్తుత అన్‌లాకింగ్‌ దశలో భాగంగా వివిధ రాష్ట్రాల్లో మాల్స్, మతపరమైన ప్రదేశాలు, రెస్టారెంట్లు సోమవారం నుంచి ప్రారంభించబడ్డాయి. అధిక కేసులు నమోదవుతున్న కంటైన్మెంట్‌ జోన్లు మినహాయించి దేశవ్యాప్తంగా అన్ని కార్యాలయాలు, ఇతర సంస్థలు కూడా తిరిగి ప్రారంభించారు. దేశంలో మంగళవారం నాడు దాదాపు 10,000 కేసులు నమోదయ్యి మొత్తం సంఖ్య 2.6 లక్షలను దాటింది. అనేక రాష్ట్రాలు, కేంద్రపాలిత ప్రాంతాలలో కరోనా కరాళ నృత్యం చేస్తుంది. ఫలితంగా వందలాది ​కేసులు వెలుగు చూస్తున్నాయి. ఈ క్రమంలో కేంద్ర ఆరోగ్య మంత్రిత్వ శాఖ 15 రాష్ట్రాలు, కేంద్ర పాలిత ప్రాంతాల్లో కేంద్ర బృందాలను నియమించింది. ఈ బృందాలు పెద్ద ఎత్తున కేసులు వెలుగు చూస్తున్న జిల్లాలు, మున్సిపాలిటిల్లో పర్యటించి వైరస్‌ వ్యాప్తి చెందడానికి గల కారణాలను పరిశీలించనున్నాయి. (భయపడింది చాలు.. ఇక జాగ్రత్తపడితే మేలు!) ఈ క్రమంలో కేంద్ర ఆరోగ్య శాఖ మంత్రి హర్ష వర్ధన్‌ అనేక దేశాలతో పోల్చితే కోవిడ్ -19 పోరాటంలో భారత్ మెరుగైన స్థానంలో ఉందని తెలిపారు. ‘సామాజిక దూరం, చేతుల శుభ్రత, మాస్క్‌లు, ఫేస్‌ కవర్లు వంటి నిబంధనలను కఠినంగా పాటించడం ద్వారా కోవిడ్ -19 కి వ్యతిరేకంగా పాటిస్తోన్న సామాజిక వ్యాక్సిన్‌ను మనం మరచిపోకూడదు అని ఆయన పిలుపునిచ్చారు. కరోనా కేసుల సంఖ్యలో భారత్‌.. అమెరికా, బ్రెజిల్, రష్యా, యూకే తరువాత ఐదవ స్థానంలో నిలిచిందని జాన్స్ హాప్కిన్స్ విశ్వవిద్యాలయ గణాంకాలు చెబుతున్నాయి. కరోనా వైరస్‌ గత డిసెంబరులో చైనాలో ఉద్భవించినప్పటి నుంచి ప్రపంచవ్యాప్తంగా 71.5 లక్షల మందికి పైగా వైరస్‌ బారిన పడగా.. 4 లక్షలకు పైగా ప్రాణాలు కోల్పోయారు. (కొత్త అవకాశాలు తీసుకొచ్చిన కరోనా)

సాక్షి, హైదరాబాద్‌: మనం మాట్లాడిన ప్రతీసారి నోటి నుంచి తుంపర్లు వెలువడుతాయి. కంటికి కనిపించని సూక్ష్మపరిమాణంలో ఉండే ఈ తుంపర్లే ప్రమాదాన్ని తెచ్చే అవకాశాలు పుష్కలంగా ఉన్నాయని శాస్త్రవేత్తలు హెచ్చరిస్తున్నారు. ఎందుకంటే కోవిడ్‌ పాజిటివ్‌ వ్యక్తి నోటి నుంచి వెలువడిన తుంపర్లలో ఉండే వైరస్‌ దాదాపు పావుగంట వరకు బతికే ఉంటుందని స్పష్టం చేస్తున్నారు. తాజా లాక్‌డౌన్‌ మార్గదర్శకాలను చాలామంది పాటించడం లేదు. మాస్క్‌ ధరించాలి.. గుమిగూడకూడదు అన్న ప్రాథమిక హెచ్చరికలను బేఖాతరు చేస్తూ.. ఇష్టానుసారంగా వ్యవహరిస్తూ కరోనా బారినపడుతున్నారు. నగరంలో పలువురు వ్యాపారులు, ఉద్యోగులకు కరోనా వచ్చిన విష యం తెలిసిందే. వీరిలో కొందరు మాస్కులు సరిగా ధరించని కారణంగానే కరోనా వచ్చి ఉం టుందని వైద్యులు అనుమానిస్తున్నారు. తుంపర్ల ద్వారానే కరోనా వచ్చిందనడానికి స్పష్టమైన ఆధారాలు లేనప్పటికీ.. వచ్చే అవకాశాలను మాత్రం కొట్టి పారేయలేమని వైద్యులు చెబుతున్నారు. ఒక్క సెకనుకు 2,600.. : ఎవరైనా ఓ వ్యక్తి మాట్లాడినప్పుడు సెకనుకు దాదాపు 2,600 సూక్ష్మ తుంపర్లు బయటికి వస్తాయి. ఇవి కంటికి కనిపించవు. అదే నిమిషం పాటు మాట్లాడితే.. లక్షల సంఖ్యలో అవి వెలువడతాయి. అందులో దాదాపు 1,000 తుంపర్ల వరకు వైరస్‌ను మోసుకొచ్చే అవకాశముంది. ఇరుకు గదుల్లో అయితే, ఇవి దాదాపుగా 8 నుంచి 14 నిమిషాల వరకు చైతన్యంగా ఉంటాయి. ఈ క్రమంలో వైరస్‌ ఎవరికైనా సోకే ప్రమాదముందని శాస్త్రవేత్తలు హెచ్చరిస్తున్నారు. ముఖ్యంగా వ్యాధి సోకినా.. లక్షణాలు కనిపించని (అసింప్టోమాటిక్‌) వారితో ఈ వైరస్‌ వ్యాప్తి అధికమయ్యే ప్రమాదముందని వివరించారు. వీరిలో లక్షణాలు కనిపించకున్నా.. ఒంట్లో వైరస్‌ నోట్లోని లాలాజలం ద్వారా మాట్లాడినపుడు తుంపర్ల రూపంలో బయటికి వచ్చి కొత్త వ్యక్తులకు సంక్రమిస్తుందని హెచ్చరిస్తున్నారు. వీరు తుమ్మినపుడు లేదా దగ్గినపుడు వెలువడే ప్రమాదం ఇంకా రెట్టింపు స్థాయిలో ఉంటుంది. ఎందుకంటే దగ్గినపుడు లిప్తపాటులో 3 వేల తుంపర్లు, తుమ్మినపుడు ఏకంగా 40 వేల వరకు తుంపర్లు వెలువడతాయట.  పోలీసులు, వైద్యులకు వచ్చింది ఇలాగేనా..  తుంపర్ల ద్వారా ఫలానా వారికి కరోనా వచ్చింది అనేందుకు శాస్త్రీయ ఆధారాలు లేకున్నా.. వచ్చే ప్రమాదాన్ని కొట్టిపారేయలేమంటున్నారు వైద్యులు. హైదరాబాద్‌లో పోలీసులు, వైద్యులు పదుల సంఖ్యలో కరోనా బారిన పడ్డారు. వీరందరూ తగిన జాగ్రత్తలు పాటించారు. వైద్యులైతే.. పీపీఈ కిట్లు కూడా వాడారు. వీరిలో చాలామందికి అసింప్టోమాటిక్‌ వ్యక్తుల వల్లే వ్యాధి సంక్రమించి ఉంటుందని, వీరు ఎంత జాగ్రత్తగా ఉన్నా.. అసింప్టోమాటిక్‌ వ్యక్తుల్లో లక్షణాలు కనిపించకపోవడం వల్ల సంక్రమణకు అధిక అవకాశాలున్నాయంటున్నారు. అందుకే, తప్పనిసరిగా మాస్కులు పెట్టుకోవాలని సూచిస్తున్నారు. ప్రస్తుతం కంటైన్మెంట్‌ జోన్లు, కోవిడ్‌ చికిత్స కేంద్రాలు, క్వారంటైన్‌ సెంటర్లలో పనిచేసే వైద్యులు, పోలీసులు, పారిశుద్ధ్య కార్మికులు ఎన్‌–95 మాస్కులతోపాటు పీపీఈ కిట్లు తప్పనిసరి అని నిపుణులు స్పష్టం చేస్తున్నారు.

లక్నో: మాస్కు ధరించని కాన్పూర్‌ ఇన్స్‌పెక్టర్‌ జనరల్‌ మోహిత్‌ అగర్వాల్‌కు చలాన్‌ తప్పలేదు. అయితే, ఆయనకెవరూ ఫైన్ వేయలేదు. నైతిక విలువలకు కట్టుబడే తనే స్వయంగా చలాన‌ వేయించుకున్నారు. వివరాలు.. తనిఖీలకు వెళ్తున్న క్రమంలో ఐజీ అగర్వాల్‌ తన కార్యాలయం నుంచి కారిడార్‌లోని వాహనం వరకు మాస్కు లేకుండా వచ్చారు. వెంటనే తన తప్పును తెలుసుకుని వాహనంలో ఉన్న మాస్కు పెట్టుకున్నారు. అయినప్పటికీ విధుల్లో ఉన్న సిబ్బందితో చర్చించి... నిబంధనల ప్రకారం తనకు జరిమానా విధించాలని చెప్పారు. దాంతో వారు ఐజీకి రూ.100 చలాన్ విధించారు. దీనిపై అగర్వాల్‌ మాట్లాడుతూ..  ‘విధుల్లో భాగంగా బయటికి వెళ్తున్న సమయంలో మాస్కు లేకుండా బయటికొచ్చా. కానీ, నా తప్పిదాన్ని సిబ్బంది తెలియజేశారు. దాంతో మరోమాట లేకుండా నిబంధనలు అతిక్రమించినందుకు చలాన్‌ వేయమని చెప్పా. ఆ మొత్తం‌ చెల్లించా. నైతిక విలువలకు కట్టుబడే ఈ పనిచేశా. ఇతరులకు చెప్పే ముందు మనం పాటించాలి కదా అని’ ఆయన ట్విటర్‌లో పేర్కొన్నారు. చలాన రశీదు ఫొటో పెట్టారు. కాగా, కరోనా కట్టడి చర్యల్లో భాగంగా మాస్కు లేనిదే బయట తిరిగితే రూ.100 ఫైన్‌ విధించాలని రాష్ట్ర ప్రభుత్వం నిబంధన విధించింది. ఇక ఐజీ చర్యపై ట్విటర్‌లోప్రశంసలు కురుస్తున్నాయి. कल बर्रा थाना क्षेत्र मे भ्रमण दौरान गाड़ी से उतरते वक़्त IG रेंज द्वारा मास्क धारण नहीं किया गया था,यद्यपि कुछ ही सेकेन्ड मे उन्होने मास्क पहन लिया, फिर भी उन्होंने स्वयं चालान करवाया व जुर्माना राशि जमा की ताकि जनता व अन्य पुलिस कर्मियों में मास्क पहनने की जागरूकता पैदा हो । pic.twitter.com/ZlVIg1M4D8 — IG RANGE KANPUR (@igrangekanpur) June 6, 2020

జైపూర్‌: అమెరికాలో ఆందోళనలకు కారణమైన మినియాపొలిస్ జార్జ్ ఫ్లాయిడ్‌ లాంటి ఘటనే రాజస్థాన్‌లోని జోధ్‌పూర్‌లో గురువారం మధ్యాహ్నం చోటుచేసుకుంది. పోలీస్ అధికారి ఒకరు ముకేష్‌కుమార్ ప్రజపతి అనే వ్యక్తి మెడపై మోకాలితో తొక్కిపెట్టిన వీడియో సోషల్‌మీడియాలో వైరల్ అవుతోంది. బలదేవ్‌నగర్‌కు చెందిన ముకేష్‌కుమార్‌ మాస్క్ లేకుండా బయట తిరుగుతున్నందుకు పోలీసులు చలాన్ విధించారు.  అయితే జరిమానా కట్టేందుకు నిరాకరించిన ముకేష్‌.. పోలీసులతో వాగ్వాదానికి దిగడంతోపాటు వారిపై దాడికి తెగబడ్డాడు. దీంతో అతడిని అరెస్ట్ చేసే క్రమంలో ఓ పోలీసు అధికారి ముకేష్‌ మెడపై మోకాలితో నేలకు నొక్కిపెట్టాడు. ఇది జార్జ్‌ఫ్లాయిడ్‌ ఘటనను గుర్తుచేస్తున్నా...ఇక్కడ ముకేష్ తిరిగి పోలీసులపై దాడి చేశాడు. అంతేకాదు స్క్రూ డ్రైవర్‌తో తండ్రి కంటికి గాయం చేసిన కేసులో గతంలో ఒకసారి అరెస్ట్ అయిన రికార్డ్ కూడా అతనికి ఉంది. (చదవండి: అమెరికా‌: పోలీసుల చర్యతో తల పగిలింది!)

చండీగఢ్‌: ప్రేమ పెళ్లి చేసుకున్న ఓ జంట రక్షణ కల్పించాలని పంజాబ్‌, హరియాణ హైకోర్టును మంగళవారం ఆశ్రయించగా.. వారికి అనూహ్యంగా రూ.10 వేల జరిమానా పడింది. పెళ్లి ఫొటోల్లో నూతన వధూవరులు, వివాహానికి హాజరైన బంధువులు ముఖానికి మాస్క్‌లు ధరించక పోవడాన్ని కోర్టు గమనించింది. కోవిడ్‌ నిబంధనల్ని పాటించనందుకు వారికి పెనాల్టీ విధిస్తున్నట్టు న్యాయమూర్తి హరిపాల్‌ వర్మ తెలిపారు. 15 రోజుల్లో జరిమానా మొత్తాన్ని హోషియాపూర్‌ డీసీకి అందజేయాలని ఆదేశించారు. ఆ మొత్తాన్ని హోషియాపూర్‌లో మాస్కుల పంపిణీకి వెచ్చించాలని న్యాయమూర్తి స్పష్టం చేశారు. దాంతోపాటు.. నూతన వధూవరుల ప్రాణాలకు రక్షణ కల్పించాలని గురదాస్‌పూర్‌ ఎస్‌ఎస్పీకి హైకోర్టు ఆదేశాలు జారీ చేసింది. కాగా, అనూహ్యంగా తమకు జరిమానా పండటంతో పెళ్లి కొడుకు, పెళ్లి కూతురు తొలుత ఆందోళన చెందారు. అయితే, కుటుంబ సభ్యుల నుంచి తమకు రక్షణ కల్పించాలని ఎస్‌ఎస్పీకి ఆదేశాలు ఇవ్వడంతో ఊపిరిపీల్చుకున్నారు. (చదవండి: చిన్న అబద్ధం, పెద్ద శిక్ష పడే అవకాశం!)

సింగపూర్‌: కరోనా కట్టడికి మాస్క్‌లు, శానిటైజర్లు ఎంతో అవసరం. ప్రస్తుత పరిస్థితుల్లో ఇవి రెండు నిత్యవసరాల్లా మారిపోయాయి.  వీటి కొరత కరోనా వ్యాపిస్తున్న తొలి రోజుల్లో చాలా ఎక్కువగా ఉండేది. అకస్మాత్తుగా కరోనా మహమ్మారి విస్తృతంగా వ్యాపించడం, లాక్‌డౌన్‌ విధించడం లాంటి కారణాల వల్ల మాస్క్‌లు అందరికి అందుబాటులో ఉండేవి కాదు. అయితే ఇదే పరిస్థితిని తనకు అనుకూలంగా మార్చుకుంది సింగపూర్‌లోని ఒక రేడియోలాజిస్ట్‌. తన వద్ద మాస్క్‌లు ఉన్నాయని నమ్మబలికి ఏకంగా 23 మందిని 1500 డాలర్ల మేర మోసం చేసింది. ఈ విషయంలో ఆమెను జూన్‌ 2న అరెస్ట్‌ చేయగా ప్రస్తుతం ఎనిమిది వారాల పాటు జైలులో ఉంచడంతో పాటు 3000 డాలర్ల ఫైన్‌ను విధించారు. (లాక్‌డౌన్‌ ఎత్తివేత.. డబ్బు ఇవ్వలేం: ఇమ్రాన్‌ ఖాన్‌) అసలేం జరిగిందంటే, 24 ఏళ్ల యునిస్ అనికో లివానాగ్ జనవరి 28 నుంచి ఫిబ్రవరి 1 మధ్య తన వద్ద ఫేస్‌మాస్క్‌లు ఉన్నాయంటూ 23 మందిని మోసం చేసింది. జనవరి 30న ల్యూచెన్‌(39) అనే వ్యక్తి యునిస్ అనికో లివానాగ్ ఆన్‌లైన్‌ మార్కెట్‌ప్లేస్‌ కరౌసెల్‌ అకౌంట్‌కు మాస్క్‌లు ఉన్నాయా అంటూ ఒక మెసేజ్‌ చేశాడు. తన వద్ద మాస్క్‌లు లేనప్పటికి ఉన్నాయంటూ లివానాగ్‌ అతని వద్ద నుంచి 150 డాలర్లు తీసుకుంది. ఇదే విధంగా మిగిలిన బాధితులందరి దగ్గర నుంచి లివానాగ్‌ దాదాపు 1500 డాలర్ల వరకు తీసుకుంది. తన మీద అనుమానం రాకుండా ఉండటానికి ఫిబ్రవరి 1వ తేదీన తన అకౌంట్‌లోకి ఎక్కడి నుంచో తెలియకుండా డబ్బులు వస్తున్నాయని ఆమె పోలీసులకు ఫిర్యాదు చేసింది. దీనిపై పోలీసులు దర్యాప్తు చేయగా ఆన్‌లైన్‌ షాపింగ్‌కు మాత్రమే తను అకౌంట్‌ను ఇచ్చాను అని చెప్పింది. ఈ సందర్భంగా కేసును విచారిస్తున్న ఒక పోలీసు అధికారి మాట్లాడుతూ, లివానాగ్‌ ముందుగా ఫిర్యాదు చేయడంతో ఈ కరౌసెల్‌ స్కామ్‌ విషయంతో మేం లివానాగ్‌ను మొదట అనుమానించలేదు అని తెలిపారు. 23 మందిని మోసం చేసిన తరువాత భయపడి, తన మీద అనుమానం రాకుండా ఉండటం కోసమే లివానాగ్‌ అబద్ధపు ఫిర్యాదు చేసిందని కూడా పోలీసు అధికారి పేర్కొన్నారు. (ఖరీదైన విడాకులు : కొత్త బిలియనీర్‌గా ఆమె!) ఈ కేసును కోర్టులో విచారించగా పలు ఆసక్తికర విషయాలు బయటకు వచ్చాయి. తను దొరకకుండా ఉండటానికి లివానాగ్‌ మూడు సార్లు తన యూజర్‌ నేమ్‌ని మార్చినట్లు తెలిసింది. అందరిని ఒకే విషయంలో మోసం చేసినట్లు తేలింది. ఈ కేసును విచారించిన కోర్టు ఆమె కావాలనే ఉద్దేశపూర్వకంగా వారందరిని మోసం చేసిందని పేర్కొంది. ఈ మోసం చిన్నదిగా కనిపిస్తున్నప్పటికి నేరం నిరూపితమైతే ఒక్కొక్కమోసానికి ఆమెకు దాదాపు పదేళ్లపాటు శిక్ష పడనుంది.  

మాస్క్‌లోంచి బన్నీ టీత్‌ కనిపించేలా నవ్వుతున్న ఈ అమ్మాయి పేరు శరణ్య. కేరళలోని అలప్పుళ ఆమె సొంతూరు. పన్నెండో తరగతి చదువుతోంది. ఆమె అభిరుచి పెయింటింగ్‌. ఊహ తెలిసినప్పటి నుంచీ పెయింటింగ్‌ వేస్తోంది. ఇప్పుడు కరోనా లాక్‌డౌన్‌లోనూ ప్రయోగాలు చేస్తోంది. మాస్కుల మీద. కరోనా కష్టం ఎవరినీ గడపదాటనివ్వట్లేదు. అత్యవసరమైన పనుల మీద బయటకు వెళ్లాల్సి వచ్చిన నోటికి మాస్కులు, కళ్లల్లో భయం, మనసులో దిగులుతోనే కదలాల్సి వస్తోంది. ఆ పరిస్థితి నచ్చలేదు ఆ అమ్మాయికి. అన్నట్టు శరణ్య వాళ్లమ్మ మాస్కులు కుట్టి పంచుతున్నారు. ఒకరోజు అలా కుట్టిన కొన్ని మాస్కుల మీద ‘స్మైలీ’ని పెయింట్‌ చేసింది. బన్నీ టీత్‌తో సహా. అందులోంచి ఒక మాస్క్‌ను తను ధరించి బయటకు వెళ్లింది. చూసిన వాళ్ల కళ్లల్లో నవ్వు మెరిసింది. వాళ్లు వెనక్కి తిరిగి మరీ తనను చూడ్డమూ గమనించింది. వర్కవుట్‌ అవుతోంది అయితే.. అని ఇంటికి వెళ్లి మరిన్ని మాస్కుల మీద స్మైలీలను పెయింట్‌ చేయడం మొదలుపెట్టింది. అలా శరణ్య మార్క్‌ మాస్కులకు భలే డిమాండ్‌ ఏర్పడిందట ఇప్పుడు. దాంతో శరణ్య, వాళ్ల చెల్లి గౌరి ఇద్దరూ కలిసి వాళ్లమ్మ కుట్టే మాస్కుల మీద స్మైలీ బొమ్మలు వేసే పనిలో బిజీ అయిపోయారట. శరణ్య పెయింటింగ్‌ వర్క్స్‌

సిడ్ని: కరోనా విజృంభిస్తోన్న వేళ మాస్క్‌ ధరించడం, సామాజిక దూరాన్ని పాటించడమే శ్రీరామ రక్ష అంటూ ప్రభుత్వాలు ప్రచారం చేస్తోన్న సంగతి తెలిసిందే. సాధారణంగా అయితే ఇంటి నుంచి బయటకు వెళ్లేటప్పుడు మాస్క్‌ ధరించి.. తిరిగి రాగానే తీసేస్తాం. కానీ బీఎమ్‌జే గ్లోబల్‌  హెల్త్‌లో ప్రచురితమైన ఓ నివేదిక మాత్రం ఇక మీదట ఇంట్లో కూడా మాస్క్‌ ధరించాలని చెబుతుంది. అప్పుడే మనతో పాటు మన కుటుంబ సభ్యులను కూడా మహమ్మారి బారి నుంచి కాపాడుకోగలమంటుంది ఈ నివేదిక. ఇంట్లో ఎవరికి కరోనా సోకక ముందు నుంచే మాస్క్‌ ధరిస్తే.. వైరస్‌ వ్యాప్తిని 79 శాతం.. ప్రతి రోజు ఇంటిని బ్లీచ్‌, ఇతర క్రిమిసంహారకాలతో శుభ్రపరిస్తే.. 77 శాతం వైరస్‌ వ్యాప్తిని నిరోధించగమలని సదరు నివేదిక వెల్లడించింది. కుటుంబ సభ్యుల మధ్య కనీసం ఒక మీటరు సామాజిక దూరం తప్పనిసరి అని ఈ నివేదిక తెలిపింది.  కుంటుంబాల్లోనే వ్యాప్తి ఎక్కువ ఈ నివేదిక తెలిపిన దాని ప్రకారం చైనాలో ఫిబ్రవరిలో నమోదయిన క్లస్టర్‌ కేసులు సూపర్‌ మార్కెట్‌, పాఠశాలల నుంచి వచ్చినవి కావని.. కుటుంబాలలోనే వ్యాప్తి చెందిన కేసులని తెలిపింది. దాదాపు 1000 క్లస్టర్‌ కేసులను పరిశీలించినప్పుడు వాటిలో 83 శాతం కేసులు కుంటుబ సమూహాలుగా గుర్తించబడ్డాయని చైనా సెంటర్ ఫర్ డిసీజ్ కంట్రోల్ అండ్ ప్రివెన్షన్ వైరస్ నిపుణుడు వు జున్యూ తెలిపారు. బయటకు వెళ్లినప్పుడు సామాజిక దూరం పాటించడం.. మాస్క్‌ ధరించం వల్ల వైరస్‌ వ్యాప్తిని నిరోధించగలమన్నారు వూ జున్యూ. అయితే ఇంటిలో  కూడా మాస్క్‌ ప్రభావవంతంగా ఉంటుందని నిరూపించేందుకు చాలా తక్కువ ఆధారాలు ఉన్నాయని ఆయన తెలిపారు. అయితే ఇంట్లో కూడా మాస్క్‌ ధరించడం మంచిదే అన్నారు వు జున్యూ. (‘మాస్క్‌ లేదా.. పొర్లుదండాలే’) చైనాలో జరిగిన మరో సర్వే కోసం బీజింగ్‌లోని 124 కుటుంబాలకు చెందిన 460 మందిని పరిశోధకులు పిలిపించారు. వీరంతా వైరస్‌ సోకిన వ్యక్తుల కుటుంబ సభ్యులు. తమ కుటుంబ సభ్యులకు మహమ్మారి సోకిన సమయంలో ఇంటి శుభ్రత, ఇతర అంశాల ఎలా ఉండేవని పరిశోధకులు వీరిని ప్రశ్నించారు. ఈ 124 కుంటుంబాలలో.. 41 ఇళ్లలో మొదట వైరస్‌ సోకిన వారి నుంచి దాదాపు 77 మందికి వ్యాధి సోకినట్లు పరిశోధకులు గుర్తించారు. అయితే మిగతా కుటుంబాలలో తొలుత ఒకరికి కరోనా వచ్చినప్పటికి.. ప్రతి రోజు ఇంటిని బ్లీచ్‌, ఇతర క్రిమిసంహారకాలతోతో శుభ్రపర్చడం..  కిటికీలు తెరిచి ఉంచడం.. ఇంట్లోని వ్యక్తుల మధ్య కనీసం 1 మీటర్ (3 అడుగులు) సామాజిక దూరం పాటించడం వంటి చర్యలు తీసుకోవడం వల్ల మిగత వారికి వైరస్‌ సోకలేదని పరిశోధకులు గుర్తించారు. అంతేకాక ఇంట్లో కుటుంబ సభ్యులందరు ఒక్కచోట చేరి భోజనం చేయడం, టీవీ చూడటం వల్ల వైరస్‌ సోకే ప్రమాదం 18 శాతం ఎక్కువ ఉన్నట్లు ఈ సర్వే తెలిపింది. (ఎందుకు రిస్క్‌? వేస్కోండి మాస్క్‌) ఇంట్లో మాస్క్‌.. మంచిదే అంటున్న నిపుణులు ఇక్కడ మరో ముఖ్యమైన అంశం ఏంటంటే.. అధ్యయనంలో పాల్గొనని నిపుణులు కూడా ఈ నివేదిక ప్రాముఖ్యతను గుర్తించారు. ‘ఇంట్లోనూ మాస్క్‌ ధరించడం అనేది చాలా ముఖ్యమైన అంశం. ఎందుకంటే లాక్‌డౌన్ సడలించిన తర్వాత బయట నుంచి ఇంటికి (ఉదా. ప్రజా రవాణా, ఆఫీసు నుంచి) వచ్చిన వ్యక్తి ద్వారా ఇతర కుటుంబ సభ్యులకు వైరస్‌ సోకే ప్రమాదం ఉంది. అయితే దీని గురించి వెంటనే మనకు తెలియదు కాబట్టి మిగితా కుటుంబ సభ్యులకు కూడా వైరస్‌ సోకే ప్రమాదం అధికం. కనుక ఇంట్లో కూడా మాస్క్‌ ధరించడం, సామాజిక దూరాన్ని పాటించడం వల్ల మనతో పాటు మన కుటుంబ సభ్యులను కూడా కాపాడుకున్నవారం అవుతాం’ అని లండన్ స్కూల్ ఆఫ్ హైజీన్ అండ్ ట్రాపికల్ మెడిసిన్ ప్రొఫెసర్ సాలీ బ్లూమ్ఫీల్డ్ ఒక ప్రకటనలో తెలిపారు.(అలాంటిదేం లేదు.. అయినా పాజిటివ్‌!) ఆక్స్‌ఫర్డ్‌ విశ్వవిద్యాలయానికి చెందిన ప్రొఫెసర్ ట్రిష్ గ్రీన్హాల్గ్‌ ఈ నివేదికపై స్పందిస్తూ.. ‘ఇప్పటికే చాలా మంది వైరస్‌ సోకనప్పటికి కూడా ముందు జాగ్రత్త చర్యగా ఇంట్లో మాస్క్‌ ధరించడం చేస్తున్నారు. కోవిడ్ -19 సోకడానికి ముందే మాస్క్‌ ధరించడం ద్వారా ఇంటిలోని ఇతరులకు వైరస్‌ వ్యాపించే అవకాశం చాలా తక్కువగా ఉంది. వ్యాధి సోకిన తర్వాత ముసుగు ధరించడం ప్రారంభించిన వారు తమ కుటుంబాన్ని రక్షించలేకపోయారు’ అని గ్రీన్హాల్గ్ వెల్లడించారు. లండన్ యూనివర్శిటీ కాలేజీ డాక్టర్ ఆంటోనియో లాజారినో మాట్లాడుతూ.. ‘ఈ నివేదిక మంచిదే కానీ అధికారిక సిఫార్సులు చేయడానికి ఈ అధ్యయనం సరిపోదు. ఎందుకంటే ఇది శాస్త్రీయమైనది కాదు. గణాంక విశ్లేషణలో అనేక పరిమితులను కలిగి ఉంది. ప్రధాన లిమిటేషన్‌ ఏమిటంటే ఇది వ్యక్తిగత స్థాయిలో కాకుండా కుటుంబ స్థాయిలో రూపొందించబడింది’ అన్నారు. 

జార్జియా: కరోనా వైరస్‌ ప్రజల ప్రాణాలతో చెలగాటమాడుతున్న తరుణంలో కొత్త రకాల మోసాలు బయటపడుతున్నాయి. ఓ వ్యక్తి ఫేస్‌ మాస్క్‌లు విక్రయిస్తానంటూ విదేశీ సంస్థతో $317 మిలియన్‌ డాలర్లకు ఒప్పందం కుదుర్చుకొని మోసం చేసిన ఘటన జార్జియాలో జరిగింది. కరోనా వ్యాప్తి విస్తృతంగా ఉండటంతో మాస్క్‌లకు ఎక్కువ డిమాండ్‌ ఏర్పడింది. ఈ డిమాండ్‌ని ఆసరాగా చేసుకొని కొందరు పెద్ద ఎత్తున మోసాలకు పాల్పడుతున్నారు. సవన్నాలోని యూఎస్‌ డిస్ట్రిక్ట్‌ కోర్టులో న్యాయవాదులు దాఖలు చేసిన పత్రాల ప్రకారం.. జార్జియాకు చెందిన పౌల్‌ పెన్‌ మరో ఇద్దరు కలిసి 50 మిలియన్‌ ఎన్-95 మాస్క్‌లను ఓ విదేశీ ప్రభుత్వానికి విక్రయించడానికి మార్చి, ఏప్రిల్‌ నెలల్లో ఒప్పందం కుదుర్చుకున్నారు. ఈ ఒప్పందం ప్రభుత్వ ప్రమేయం లేకుండానే జరిగింది. అయితే పౌల్‌ పెన్‌ బృందం ప్రస్తుతం తమ వద్ద మాస్క్‌లు లేవని, ఒప్పందం ప్రకారం డబ్బులు వెంటనే చెల్లిస్తే మాస్క్‌లు త్వరలో ఇస్తామని సదరు విదేశీ సంస్థను ఒప్పించారు. మాస్క్‌ల ధర కూడా ప్రస్తుత మార్కెట్‌ ధర కన్నా ఐదు రెట్లు ఎక్కువ ఉన్నట్లు న్యాయవాదులు కోర్టుకు తెలిపారు. చదవండి: హాంకాంగ్‌పై మరింత పట్టు అయితే ఈ విషయాన్ని గుర్తించిన యూఎస్‌ సీక్రెట్‌ ఏజెన్సీ ఒప్పందానికి సంబంధించిన లావాదేవీలు పూర్తికావడానికి ముందే ఆపేసింది. సంఘటనపై జార్జీయాలోని యూఎస్‌ అటార్నీ బాబీ క్రిస్టిన్‌ మాట్లాడుతూ.. మాస్క్‌ల డిమాండ్‌ దృష్ట్యా కొందరు ఆగంతకులు వాటిని తమకు అవకాశాలుగా మలచుకొని ఇలాంటి సంఘటనలకు పాల్పడుతున్నారు. ఈ చర్య క్షమించరానిది' అంటూ క్రిస్టిన్‌ ఓ ప్రకటనలో తెలిపారు. పెన్‌తో పాటు ఈ ఘటనకు సంబంధమున్న మరో ఇద్దరిని గుర్తించే పనిలో ఉన్నారు. స్పెక్ట్రమ్‌ గ్లోబల్‌ హోల్డింగ్స్‌ ఎల్‌ఎల్‌సీ ద్వారా పెన్‌ ఈ ఒప్పందానికి సంబంధించిన చర్చలు జరిపినట్లు న్యాయవాదులు తెలిపారు. 2018లో అట్లాంటా శివారు ప్రాంతాల్లో నోర్‌క్రాస్‌లో ఈ సంస్థను ఏర్పాటు చేసినట్లు గుర్తించారు. సవన్నాలోని యూఎస్‌ డిస్ట్రిక్ట్‌ కోర్టులో న్యాయవాదులు దాఖలు చేసిన పత్రాల ప్రకారం.. పాల్‌పెన్‌పై నేర నిరూపణ అయితే 20 సంవత్సరాల వరకు జైలు శిక్ష పడే అవకాశాలున్నాయి. చదవండి: ట్విట్టర్‌ను మూసేస్తా : ట్రంప్‌ 

సాక్షి, హైదరాబాద్‌ : ‘కరోనా వైరస్‌ బారిన పడకుండా ఉండాలంటే వ్యక్తికి వ్యక్తికి మధ్య ఆరు అడుగుల భౌతిక దూరం పాటించాలి. సబ్బుతో తరచుగా చేతులు కడుక్కోవాలి. మాస్క్‌ ధరించాలి’అని మొదటి నుంచీ వైద్య నిపుణులు చెబుతున్న విషయాలే. ఈ మూడింటికీ అవినాభావ సంబంధం ఉంది. వీటిల్లో ఏది పాటించకపోయినా కరోనా బారిన పడే ప్రమాదముందనేది అందరికీ తెలిసిందే. మాస్క్‌ పెట్టుకున్నాం కదా అని చాలామంది కలసిమెలసి తిరుగుతుంటారు. అయితే భౌతిక దూరం పాటించకుండా మాస్క్‌ పెట్టుకున్నా ప్రయోజనం ఉండదని అమెరికాకు చెందిన సెంటర్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) స్పష్టం చేసింది. మాస్క్‌.. భౌతిక దూరానికి ప్రత్యామ్నాయం కాదని తేల్చి చెబుతూ.. భౌతిక దూరానికి ఉన్న ప్రాధాన్యాన్ని వివరించింది. కాబట్టి మాస్క్‌తో పాటు తప్పనిసరిగా భౌతికదూరాన్ని పాటించా లని పేర్కొంది. అవసరమైన పనులను చేస్తున్నప్పుడు, కార్యాలయంలోకి వెళ్తున్నప్పుడు 6 అడుగుల భౌతిక దూరం పాటించడం చాలా ముఖ్యమని పేర్కొంది. ఈ మేరకు కరోనాకు సంబంధించి తీసుకోవాల్సిన జాగ్రత్తలపై మరోసారి మార్గదర్శకాలు జారీచేసింది. లక్షణాలు లేకున్నా వైరస్‌.. చాలా మందిలో కరోనా వైరస్‌ లక్షణాలు బయటకు కనిపించట్లేదు. వారివల్ల కరోనా వ్యాప్తి చెందినట్లు కొన్ని అధ్యయనాలు తేల్చాయి. అందువల్ల లక్షణాలు లేవని భావించి ఎవరితోనూ సన్నిహితంగా మెలగొద్దు. దీనివల్ల ఇతరులకు వైరస్‌ సోకే ప్రమాదం ఉంది. ఈ వైరస్‌ ప్రధానంగా వ్యక్తి నుంచి వ్యక్తికి వ్యాపిస్తుంది. అందువల్ల ఎవరితోనూ సన్నిహిత సంబంధాలను కొనసాగించొద్దు. వైరస్‌ సోకిన వ్యక్తి దగ్గు, తుమ్ములు లేదా మాట్లాడేటప్పుడు వెలువడే శ్వాస బిందువులు సమీపంలో ఉన్న వారి నోట్లో లేదా ముక్కులో పడొచ్చు. ఒక్కోసారి ఊపిరి తిత్తుల్లోకి కూడా నేరుగా వెళ్లే అవకాశం ఉంది. ఇంట్లోనూ అనారోగ్యంతో ఉన్న వ్యక్తులతో సన్నిహిత సంబంధాన్ని నివారించండి. వీలైతే అనారోగ్యంతో ఉన్న వ్యక్తి, ఇతర ఇంటి సభ్యుల మధ్య ఆరు అడుగుల ద్వారాన్ని పాటించాలి. అలాగే ఇంటి బయట ఎవరైనా వస్తే వారితోనూ భౌతిక దూరం పాటించాలి. గుంపుల్లో ఎట్టి పరిస్థితుల్లోనూ తిరగొద్దు. కరోనా వైరస్‌ వ్యాధిని నివారించడానికి ప్రస్తుతం టీకా లేదు. కాబట్టి దాన్ని నివారించడానికి ఉత్తమ మార్గం ఈ వైరస్‌ బారిన పడకుండా అన్ని విధాలా జాగ్రత్తగా ఉండటమే.  రెండేళ్లలోపు పిల్లలకు ఇబ్బంది.. రెండేళ్లలోపు వయసున్న చిన్న పిల్లలు, శ్వాస తీసుకోవడంలో ఇబ్బంది ఉన్న వారు లేదా అపస్మారక స్థితిలో ఉన్న వారు, ఇతరత్రా సమస్యలున్న వారు మాస్క్‌లు ధరించకపోవడమే మంచిది. అలాంటి వారికి బదులు పక్కనున్న వ్యక్తులు ధరిస్తే, వారికి ఎలాంటి హాని ఉండదు. వృద్ధులు, గుండె, ఊపిరితిత్తుల వ్యాధి, డయాబెటిస్‌ వంటి తీవ్రమైన అనారోగ్యం ఉన్న వారు కరోనా వైరస్‌కు ప్రభావితం అయ్యే అవకాశాలున్నాయి. ఇప్పటివరకు నమోదైన కేసుల్లోనూ వీరే బాధితులుగా ఉన్నట్లు అధ్యయనాలు చెబుతున్నాయి. అప్పుడు చెక్‌ చేసుకోవద్దు.. వ్యాయామం చేసిన 30 నిమిషాల్లో లేదా ఉష్ణోగ్రతను తగ్గించే మందులు తీసుకున్న తర్వాత థర్మల్‌ (జ్వర) పరీక్షలు చేయకూడదు. దీనివల్ల స్పష్టమైన ఫలితం రాదు. జ్వరం, దగ్గు, శ్వాసలో ఇబ్బంది ఉంటే కరోనాగా అనుమానించాలి. లక్షణాలు ఉంటే శరీర ఉష్ణోగ్రత తప్పనిసరిగా చూడాలి. కార్యాలయంలో ఒక్కోసారి మాస్క్‌ లేనప్పుడు దగ్గు లేదా తుమ్ము వస్తే మోచేయి అడ్డం పెట్టుకోవాలి. ఆ తర్వాత చేతులను సబ్బునీరు లేదా శానిటైజర్‌తో శుభ్రం చేసుకోవాలి. ఆరోగ్య సిబ్బంది ఉపయోగించే ఫేస్‌మాస్క్‌ను ధరించొద్దు. వస్తువులను క్రిమిసంహారకం చేయాలి.. రోజూ తాకే వస్తువులను, ఉపరితలాలను క్రిమి సంహారక మందులతో శుభ్రం చేయాలి. టేబుల్స్, లైట్‌ స్విచ్‌లు, హ్యాండిల్స్, డెస్క్‌లు, ఫోన్లు, కీ బోర్డులు, మరుగుదొడ్లు, సింక్‌లు ఇలా అన్నింటినీ శుభ్రం చేయాలి. అందుకోసం క్రిమిసంహారక డిటర్జెంట్‌ లేదా సబ్బు వంటివి వాడాలి. 

సాక్షి, రంగారెడ్డి జిల్లా:  కరోనా వైరస్‌ వ్యాప్తి నివారణ చర్యలను స్వయం సహాయక మహిళా సంఘాలు ఆదాయ వనరులుగా మలుచుకుంటున్నాయి. వైరస్‌ కట్టడిలో భాగస్వాములు కావడమే కాకుండా జీవనోపాధి కూడా పొందనున్నారు. కరోనా మహమ్మారి నుంచి మనల్ని మనం కాపాడుకోవడంలో మాస్క్‌లు, శానిటైజర్లు, హ్యాండ్‌వాష్‌లు కీలకంగా మారుతున్న విషయం తెలిసిందే. వీటిని తయారు చేయడంపై అధికార యంత్రాంగం దృష్టిసారించింది. ఈ బాధ్యతలను మహిళా సంఘాలకు ఇవ్వాలని నిర్ణయించి తదనుగుణంగా చర్యలు తీసుకుంటోంది. మాస్క్‌లు, శానిటైజర్లు, హ్యాండ్‌వాష్‌ల తయారీకి మహిళా సంఘాలను జిల్లా గ్రామీణాభివృద్ధి సంస్థ (డీఆర్‌డీఏ) గుర్తించే పనిలో నిమగ్నమైంది.  మాస్క్‌ల తయారీ.. మాస్క్‌ల తయారీ బాధ్యతలను ఫరూఖ్‌నగర్, నందిగామ, మహేశ్వరం, శంకర్‌పల్లి మండలాల్లో మహిళా సంఘాలకు అప్పగించనున్నారు. టైలరింగ్‌లో నైపుణ్యం గల 400 మంది సభ్యులను గుర్తిస్తున్నారు. తిరిగి వినియోగించగలిగే (రీ యూజ్‌) మాస్క్‌ల తయారీకి అవసరమైన వస్త్రం, దారం, ఎలాస్టిక్‌ తదితర ముడిసరుకులు కొనుగోలు చేయాల్సి ఉంది. టెస్కో నుంచి వస్త్రాన్ని తీసుకునే అంశాన్ని యంత్రాంగం పరిశీలిస్తోంది. ఒక్కో మాస్క్‌ నాణ్యత, పొడవు, వెడల్పుని బట్టి ధర నిర్ణయిస్తారు. ఇప్పటికే తమకు నాలుగు లక్షల మాస్క్‌లు కావాలని డీఆర్‌డీఏకు జిల్లా వైద్య ఆరోగ్యశాఖ వర్క్‌ ఆర్డర్‌ ఇచ్చినట్లు తెలిసింది. ♦ ఖరారైన ధరను బట్టి ఆ మొత్తాన్ని డీఆర్‌డీఏకు వైద్యశాఖ చెల్లించనుంది. ఈ మాస్క్‌లను ఉపాధి కూలీలు, పింఛన్‌దారులు, నిస్సహాయులకు అందించనున్నారు. నిర్దేశిత ఒక్కో మండలంలోని సభ్యులు లక్ష చొప్పున మాస్క్‌లు కుట్టాల్సి ఉంటుంది. ఇవిగాక మరో లక్ష మాస్క్‌ల ఆర్డర్‌ కూడా వచ్చింది. రాష్ట్ర గిరిజన సంక్షేమశాఖ, గ్రామీణాభివృద్ధి కమిషనరేట్, కలెక్టరేట్‌ తదితర విభాగాలు తమకు మాస్క్‌లు కావాలని కోరింది. వీటిని గిరిజన సంక్షేమశాఖ పరిధిలోని విద్యార్థులు, ఆయా శాఖల్లో పనిచేస్తున్న ఉద్యోగులకు అందించనున్నారు.   మహిళా సంఘాలకు బాధ్యత ఆల్కహాల్‌ ఆధారిత శానిటైజర్‌ తయారీ బాధ్యతలను మంచాల, ఫరూఖ్‌నగర్, తలకొండపల్లి, శంషాబాద్‌ మండలాల్లోని మహిళా సంఘాలకు ఇవ్వనున్నారు. ఒక్కో మండలంలో 15 నుంచి 20 మంది సభ్యులకు దీని ద్వారా ఉపాధి లభించనుంది. ఆర్డర్లను బట్టి వీటిని తయారు చేస్తారు. పరిమాణాన్ని బట్టి ధరలు నిర్ణయించనున్నారు. వీటి తయారీ కోసం ఆర్థిక సహాయాన్ని కూడా యంత్రాంగం అందిస్తుంది. ఒక్కో మండలంలో యూనిట్‌ నెలకొల్పడానికి రూ.2.50 లక్షల చొప్పున ఇవ్వనుంది. ఫరూఖ్‌నగర్‌ మండలం బూర్గులలో ఇప్పటికే సంఘాల ఆధ్వర్యంలో కొనసాగుతున్న శానిటైజర్‌ తయారీ యూనిట్‌లో మరింత బలోపేతం చేయనున్నారు. అదేవిధంగా తలకొండపల్లి, మంచాల, శంకర్‌పల్లి, శంషాబాద్‌ మండలాల్లోని మహిళా సభ్యులు హ్యాండ్‌వాష్‌ తయారు చేయనున్నారు. ఈ యూనిట్‌ నెలకొల్పేందుకు కూడా ఒక్కో మండలానికి రూ.2.50 లక్షల ఆర్థిక చేయూతను ప్రభుత్వం ఇవ్వనుంది. ప్రభుత్వ, ప్రైవేటు, వ్యాపార సంస్థలు, షాపింగ్‌ మాల్స్‌ ఆర్డర్‌ ఇస్తే తయారు చేసి అందజేస్తారు. పరిమాణాన్ని బట్టి ధరను త్వరలో నిర్ణయించనున్నారు.   సభ్యులను గుర్తిస్తున్నాం.. ప్రభుత్వం సూచనల మేరకు కోవిడ్‌–19 యాక్టివిటి కింద మహిళా సంఘాలకు మాస్క్‌లు, శానిటైజర్లు, హ్యాండ్‌వాష్‌ల తయారీ బాధ్యతలను ఇవ్వనున్నాం. నైపుణ్యం గల సంఘాల సభ్యులను గుర్తిస్తున్నాం. ఒకటి రెండు రోజుల్లో ఈ ప్రక్రియ కొలిక్కి రానుంది. సంఘాల సభ్యుల జీవనోపాధికి ఇది చక్కటి మార్గం. అంతేగాక ఈ పనులు చేయడానికి వారికి ఆర్థికంగా కూడా చేయూతనందిస్తున్నాం.– ప్రశాంత్‌కుమార్, డీఆర్‌డీఓ

కుత్బుల్లాపూర్‌:  కోవిడ్‌–19 ప్రభావంతో ప్రపంచ వ్యాప్తంగా అన్ని రకాల పరిశ్రమలు కుదేలవుతున్నాయనే విషయం స్పష్టంగా కనిపిస్తోంది. మన దగ్గర కరోనా పాజిటివ్‌ కేసులు అప్పుడప్పుడే కనిపిస్తున్న నాటి నుంచి ఒక్కో పరిశ్రమ ఉత్పత్తులు క్రమక్రమంగా తగ్గిపోతూ కొన్ని పూర్తిగానూ మరికొన్ని పాక్షికంగానూ దెబ్బతిన్నాయి. కరోనా ప్రభావంతో పరిశ్రమలు, వ్యాపారాలు తీవ్రంగా నష్టపోయిన సందర్భంలో అప్పటి వరకు అంతగా డిమాండ్‌ లేని ఉత్పత్తులైన మాస్క్‌లు, గ్లౌజ్‌ల తయారీ ఇతర శరీర రక్షణ పరికరాల ఉత్పత్తుల పరిశ్రమలకు డిమాండ్‌ పెరిగింది. ఇందులో ముఖ్యంగా ‘మాస్క్‌’ ఉత్పత్తుల రంగం ఊపందుకుంది. నిన్నటి వరకు సర్జికల్‌.. ఎన్‌–95లు.. నేడు..? కోవిడ్‌– 19కు ముందు మాస్క్‌లు వేసుకునే వారే లేరు. తీవ్రంగా శ్వాస సంబంధిత వ్యాధులతో బాధపడేవారు, ఔషధ, కెమికల్‌ పరిశ్రమల్లో పనిచేసేవారు, పొల్యూషన్‌ పట్ల పూర్తి అవగాహన ఉన్నవారితో పాటుగా కొన్ని సందర్భాల్లో డాక్టర్లు, నర్సులు సర్జికల్‌ మాస్క్‌లు, ఎన్‌–95 మాస్క్‌లను ధరించేవారు. క్రమక్రమంగా కోవిడ్‌–19 ప్రభావం చూపిస్తున్న తరుణంలో నిన్నటి వరకు అందుబాటులో ఉన్న సర్జికల్, ఎన్‌–95 మాస్క్‌ల స్థానంలో కాటన్‌ గుడ్డలతో చేసిన మాస్క్‌లకు సైతం మంచి డిమాండ్‌ వచ్చింది.  (ఫేస్‌మాస్క్‌ల గురించి మనకు ఏం తెలుసు?) విభిన్నంగా తయారీలో..  నిన్నటి వరకు సర్జికల్‌ లేదా ఎన్‌–95 తరహా మాస్క్‌లు మాత్రమే అందుబాటులో ఉండేవి. అయితే ఇప్పుడు విభిన్నమైన మాస్క్‌లు తయారు చేసి అందుబాటులో ఉంచే ప్రయత్నం చేస్తున్నారు. కోవిడ్‌ అనంతరం కూడా మాస్క్‌లకు డిమాండ్‌ ఉంటుందనేది స్పష్టమవుతున్న సందర్భంలో ఇప్పుడుమాస్క్‌ల తయారీతో చిన్న చిన్న కుటీర పరిశ్రమలు తమ కార్యకలాపాలు మొదలు పెడుతున్నాయి. వంద శాతం శానిటైజ్డ్, 100 శాతం కాటన్, ఇకో ఫ్రెండ్లీ నినాదాలతో ఉత్పత్తులు తయారు చేస్తున్నారు.  కస్టమైజ్డ్‌.. ఎంబ్రయిడరీ మాస్క్‌లు..  మాస్క్‌ల తయారీ రంగం ఊపందుకోవడంతో కుటీర పరిశ్రమలుగా రూపాంతరం చెందుతున్నాయి. ఎవరికి వారు విభిన్నంగా మాస్క్‌లను అందంగా, ఆకర్షణీయంగా రూపొందించేందుకు పోటీ పడుతున్నారు. పూర్తి రక్షణతో, అన్ని రకాల వయసు వారికి రకరకాల రంగులు– డిజైన్లతో కాంబో ప్యాక్‌లతో మార్కెట్‌లో ఉంచుతున్నారు. సాధారణంగా కాటన్‌ గుడ్డతో చేసిన మాస్క్‌ రూ.20 నుంచి రూ.40 వరకు ఉండగా వివిధ రకాల ప్యాటర్న్‌లు అయిన కలంకారీ– రూ.70, ఇకాట్‌– రూ.70, లెనిన్‌ ప్లేయిన్‌– రూ.85, కస్టమైజ్డ్‌ ఎంబ్రయిడరీ డిజైన్‌ మాస్క్‌లు– రూ.100, కిడ్స్‌ కార్టున్‌ బొమ్మలు ఉన్న మాస్క్‌ రూ.120లుగా విక్రయిస్తున్నారు. స్మాల్, మీడియం, లార్జ్, ఎక్స్‌ట్రా లార్జ్‌ సైజ్‌లలో ఇవి లభ్యమవుతున్నాయి.

కరోనా వైరస్‌ వ్యాప్తిని అరికట్టడానికి ఫేస్‌ మాస్క్‌లు ధరించడం అత్యవసరం అయినప్పటికీ ఎక్కువసేపు ధరించడం వల్ల ముఖ్యంగా చెవులు నొప్పి పెడతాయి. చెవిపైన మచ్చలు ఏర్పడే అవకాశమూ ఉంది. ఎలాస్టిక్‌ లూప్స్, కాటన్‌ లూప్స్‌ వల్ల చర్మం బాగా రాపిడికి లోనై ఇలా చెవి నొప్పి వచ్చే అవకాశం ఉంది. దీంతో మాస్క్‌ ధరించడానికి ఇష్టపడరు. మాస్క్‌ సౌకర్యవంతంగా ఉండటానికి చాలా మంది సరళమైన మార్పులు చేస్తున్నారు. వాటిలో సౌలభ్యంగా ఉన్నది ఈ బటన్‌ మాస్క్‌.  ఎలాస్టిక్‌ లూప్స్‌ లేదా ఇతర లూప్స్‌ వల్ల చెవులకు దురద ఇతర ఇరిటేషన్‌ సమస్య రాకుండా ఉండటానికి చెన్నైకి చెందిన రతీష్‌ ఈ బటన్‌ మోడల్‌ మాస్క్‌ను ఆవిష్కరించారు. ప్రకృతి ప్రొడక్ట్స్‌ను తయారు చేసే సంస్థ వ్యవస్థాపకుడు రతీష్‌. ‘నేను గంటల పాటు మాస్క్‌ను ధరించినప్పుడు ఆ నొప్పిని అనుభవించాను. అలాంటప్పుడు ఫ్రంట్‌లైన్‌ కార్మికుల బాధ ఎంత ధారుణంగా ఉంటుందో ఊహించాను. దీంతో ఇంటర్నెట్‌ అంతా జల్లెడ పడితే చాలా రకాల మోడల్స్‌ కనిపించాయి.  కానీ, పర్యావరణ అనుకూలమైనవి అందించాలనుకున్నాను. దీంతో ఈ ఆలోచన చేశాను. కాటన్‌ బెల్ట్‌లాంటిది ఏర్పాటు చేసి, రెండు బటన్స్‌ కుట్టించాను. రెండు లూప్స్‌ చెవులకు బదులు ఇలా ఈ బటన్స్‌కి తగిలిస్తే చెవులకు అసౌకర్యంగా ఉండదు. పనిలోనూ సౌలభ్యంగా ఉంటుంది. వీటిని ఉతికి తిరిగి వాడుకోవచ్చు’ అని దీని ఉపయోగం వివరించాడు రతీష్‌. 

దుబాయ్ :  క‌రోనా క‌ట్ట‌డికి ఎన్ని చ‌ర్య‌లు తీసుకున్నా వైర‌స్ విజృంభిస్తూనే ఉంది. క‌ఠిన నిబంధ‌న‌లు అమ‌లు చేస్తున్నా కొందరు అవేం ప‌ట్ట‌న‌ట్లు  వ్య‌వహరిస్తున్నారు. దీంతో దుబాయ్ ప్ర‌భుత్వం మ‌రిన్ని క‌ఠిన నిబంధ‌న‌ల‌కు చ‌ర్య‌లు తీసుకుంది. బ‌హిరంగ ప్ర‌దేశాల్లో మాస్క్ ధ‌రించ‌కుంటే 3,000వేల దిర్హామ్‌లు అంటే  అక్ష‌రాల 60,000 రూపాయల జ‌రిమానా విధిస్తామ‌ని ప్ర‌క‌టించింది. అదే విధంగా క్వారంటైన్ నిబంధ‌న‌లు ఉల్లంఘిస్తే 10 లక్ష‌లు, ప‌లుమార్లు  ఉల్లంఘిస్తే 20 ల‌క్ష‌ల రూపాయ‌ల జ‌రిమానా విధిస్తామ‌ని పేర్కొంది. ప్ర‌పంచ వ్యాప్తంగా క‌రోనా క‌ట్ట‌డి దృష్ట్యావిధించిన జ‌రిమానాల్లో ఇదే అత్య‌ధికం.  (బ్రెజిల్‌ ప్రయాణాలపై నిషేధం‌: ట్రంప్‌ ) ఇక దేశంలో క‌రోనా నియంత్ర‌ణ‌కు విధించిన క‌ర్ఫ్యూను పొడిగిస్తున్న‌ట్లు ప్ర‌క‌టించింది. ఇప్ప‌టికే రాత్రి 10 గంట‌ల నుంచి ఉద‌యం 6 గంట‌ల వ‌ర‌కు ఉన్న క‌ర్ప్యూ రాత్రి 8 గంట‌ల నుంచే ప్రారంభ‌మ‌వుతుంద‌ని తెలిపింది. క‌రోనా ప్ర‌భావాన్ని ముందే ప‌సిగ‌ట్టిన ప్ర‌భుత్వం..మార్చి19 నుంచే విదేశీయుల రాక‌పోక‌ల‌ను నిలిపివేసింది. అంతేకాకుండా దేశీయ విమానాల‌పై కూడా ఆంక్ష‌లు విధించింది. అయితే జూన్ 1 నుంచి విదేశాల్లో చిక్కుకున్న దుబాయ్ వాసుల‌ను దేశంలోకి అనుమ‌తిస్తామ‌ని అధికారులు వెల్ల‌డించారు. విదేశీయుల‌ను కూడా సాధ్య‌మైనంత తొంద‌ర‌గా ఆయా దేశాల‌కు పంపిస్తామని పేర్కొన్నారు. ఇక రంజాన్ సంద‌ర్భంగా ఉద‌యం 9 గంట‌ల నుంచి రాత్రి 7 గంట‌ల వ‌ర‌కు అన్ని మాల్స్ తెరుచుకోవ‌చ్చ‌ని తెలిపింది. ఆ స‌మ‌యాల్లో రంజాన్ షాపింగ్ చేసుకోవ‌చ్చ‌ని పేర్కొంది. అయితే దుకాణాలు ఎక్కువ‌గా జ‌న‌సందోహం లేకుండా ప్ర‌తీ ఒక్క‌రూ నిబంధ‌న‌లు పాటించేలా చ‌ర్య‌లు తీసుకోవాల్సింగా య‌జ‌మానులకు సూచించింది.  (క‌రోనా: బుర్జ్ ఖ‌లీఫా‌లో అమ్ముడుపోయిన‌ 12 ల‌క్ష‌ల లైట్లు ) 

సాక్షి, హైదరాబాద్‌: రోజూ పదుల సంఖ్యలో కరోనా పాజిటివ్‌ కేసులు వెలుగుచూస్తున్నా.. గ్రేటర్‌ హైదరాబాద్‌ వాసులు మాత్రం మాస్కు ధరించట్లేదు. ఈనెల 7 నుంచి మాస్కు ధరించకపోతే డిజాస్టర్‌ మేనేజ్‌మెంట్‌ యాక్ట్‌ సెక్షన్‌ 51 (బీ) కింద పోలీసు లు కేసులు నమోదు చేస్తున్నారు. సీసీ కె మెరాల ద్వారా మాస్కులు ధ రించని వారి ముఖాలను గుర్తించే ఆర్టిఫిషియల్‌ ఇం టెలిజెన్స్‌ (ఏఐ) టెక్నాలజీ ని దేశంలోనే తొలిసారిగా తెలంగాణ పోలీసులు అమల్లోకి తెచ్చారు. రాష్ట్రవ్యాప్తంగా ఈనెల 13 నాటికి మాస్కు ధరించని వారి సంఖ్య 4,719కి చేరగా, 19కి 16,264కి చేరింది. ఈ ఉల్లం ఘనలు నగర కమిషనరేట్లలోనే అధికంగా ఉన్నా యి. హైదరాబాద్‌లో మరీ అధికంగా ఉన్నాయి. కేవలం 13 రోజుల్లోనే హైదరాబాద్‌ కమిషనరేట్‌ పరిధిలో 3,892 కేసులు నమోదయ్యాయి. సైబరాబాద్‌ (844), రాచకొండ (1,105) కూడా కలిపితే మొత్తం 5,841 కేసులయ్యాయి. వరంగల్‌ (1,846), రామగుండం (1,461), ఖమ్మం (867) తర్వాత స్థానాల్లో నిలిచాయి.    

నాకు జ్వరం లేదు.. దగ్గు లేనే లేదు..  తుమ్ములు రావడమే లేదు.. కరోనా వైరస్‌ లక్షణాలు ఏవీ లేవు.. కానీ..  నేను కరోనా పాజిటివ్‌!!  ప్రస్తుతం కరోనాపై మనం సాగిస్తున్న పోరులో ఇదో పెద్ద సవాలు.. వైరస్‌ శరీరంలో ప్రవేశించినా.. ఎటువంటి లక్షణాలు లేని వాళ్లు కరోనా క్యారియర్లుగా మారుతున్నారు. తెలియకుండానే చాలామందికి వైరస్‌ వ్యాప్తి చేస్తున్నారని పరిశోధకులు చెబుతున్నారు. ఆదివారం చైనాలో 17 కొత్త కేసులు నమోదైతే.. అందులో 12 కేసుల్లో ఎలాంటి కరోనా లక్షణాలు కనిపించలేదు!  ‘వాళ్లలో లక్షణాలు కనిపించవు.. అనుమానించే పరిస్థితి ఉండవు.. మిగిలిన వైరస్‌లు శరీరంలోకి ప్రవేశిస్తే.,. లక్షణాలు కనిపిస్తాయి. దీని వల్ల వెంటనే దాన్ని గుర్తించి.. ఇన్‌ఫెక్షన్‌ మిగిలినవారికి సోకకుండా నివారించవచ్చు.. కరోనా వైరస్‌ ఇలా కాదు.. ఇప్పుడీ లక్షణాలు కనబరచని రోగులతోనే పెద్ద సమస్య. వీరిలో ఇమ్యూనిటీ వ్యవస్థ బలంగా ఉండడం కూడా ఈ లక్షణాలు బయడపడకపోవడానికి ఒక కారణం అయిఉండొచ్చు. వీరి నుంచి ఇన్‌ఫెక్షన్‌ చెయిన్‌ను తెంచాలంటే.. ఎంత ఎక్కువ మందికి అయితే.. అంత మందికి పరీక్షలు చేయడం అత్యుత్తమ మార్గం’ అని జాన్స్‌ హాప్కిన్స్‌ సెంటర్‌ ఫర్‌ హెల్త్‌ సెక్యూరిటీ(అమెరికా)కు  చెందిన సీనియర్‌ పరిశోధకుడు, ఇమ్యునాలజిస్ట్‌ గిగి గ్రాన్‌వాల్‌ తెలిపారు. అన్ని వసతులు లేకుంటే.. లక్షణాలతో సంబంధం లేకుండా.. మాస్క్‌లు, భౌతిక దూరం పాటించడం మేలని.. అప్రమత్తత అవసరమని చెబుతున్నారు. మన దేశంలోనూ ఇలాంటి ‘లక్షణాలు లేని’ కేసులు ఎక్కువగా ఉంటున్నాయని ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్ ‌(ఐసీఎంఆర్‌) ఆందోళన వ్యక్తం చేస్తోంది. ఈ నేపథ్యంలో అసలు లక్షణాలు లేని వీరి ద్వారా కరోనా వ్యాప్తి ఎలా అన్నది ఓసారి చూద్దామా..   ఇలా ఎంత మంది..  ప్రతి నలుగురిలో ఒకరికి ఎలాంటి కరోనా లక్షణాలు కనపడకపోవచ్చు..  ఆధారం: అమెరికాలో జరిగిన అధ్యయనాలు..  ఇదెందుకంత సమస్య..  అసింప్టొమాటిక్‌ క్యారియర్లలో  లక్షణాలు కనపడవు.. కానీ ఇన్‌ఫెక్షన్‌ ఉంటుంది..   సైలెంటుగా వీరి ద్వారా చాలామందికి కరోనా వ్యాపిస్తుంది.   లక్షణాలు లేకపోవడం వల్ల పరీక్షల ద్వారానే వీరిని గుర్తించగలం. అయితే, ఇందుకోసం భారీ స్థాయిలో టెస్టింగ్‌ కిట్ల అవసరం ఉంటుంది.

సాక్షి, హైదరాబాద్‌: మాస్కు ధరించకుండా గ్రామాల్లో తిరిగితే రూ.1,000 జరిమానా విధించనున్నట్లు రాష్ట్ర ప్రభుత్వం ప్రకటించింది. ఈ మేరకు గ్రామ పంచాయతీలకు అధికారం కట్టబెడుతూ మంగళవారం పంచాయతీరాజ్‌శాఖ ముఖ్యకార్యదర్శి సందీప్‌కుమార్‌ సుల్తానియా ఉత్తర్వులు జారీ చేశారు. పనిచేసే చోట్ల, బహిరంగ ప్రదేశాల్లో మాస్కులు ధరించకుండా కనిపిస్తే ఫైన్‌ వసూలు చేయాలని స్పష్టంచేశారు.  అలాగే వర్షాకాలంలో అంటువ్యాధులు ప్రబలకుండా పంచాయతీ పాలకవర్గాలు అప్రమత్తంగా ఉండాలని సూచించారు. సీజనల్‌ వ్యాధులు దరి చేరకుండా పల్లెప్రగతి మాదిరి కార్యక్రమాలను తాజాగా నిర్వహించాలని ఆదేశించారు. అందులో భాగంగా సర్పంచ్, పంచాయతీ కార్యదర్శి, శానిటేషన్‌ కమిటీ ప్రత్యేక కార్యాచరణ ప్రణాళిక తయారు చేసుకోవాలని పేర్కొన్నారు. వానాకాలానికి ముందు, తర్వాత పక్కా, కచ్చా మురుగు కాల్వల్లో పూడికతీత తీయాలని, ప్రధాన రోడ్లపై ఉన్న గుంతలను మొరంతో కప్పేయాలని సుల్తానియా సూచించారు.  ప్రతి ఇంట్లో, ప్రభుత్వ కార్యాలయాల్లో ఇంకుడు గుంతలు ఉండేలా చూడాల్సిన బాధ్యత పంచాయతీలదేనని స్పష్టంచేశారు. రక్షిత నీటి విషయంలో అప్రమత్తంగా ఉండాలని, ప్రతి పది రోజులకోసారి ట్యాంకులను క్లోరినేషన్‌ చేయాలని, నీటి నాణ్యతా పరీక్షలు నిర్వహించి గ్రామస్తులకు మాధ్యమాల ద్వారా తెలియజేయాలని ఆదేశించారు.  

జెరూసలేం: కరోనా వైరస్‌ వ్యాప్తిని అడ్డుకునే క్రమంలో వినూత్నమైన ఆవిష్కరణలు తప్పనిసరి. అందులోభాగంగా ‘తినేటప్పుడే తెరుచుకునే మాస్క్‌’ను రూపొందించారు ఇజ్రాయెల్‌ శాస్త్రవేత్తలు. భోజనం చేసేటపుడు మూతికున్న మాస్క్‌ను తప్పకుండా తొలగించాల్సిందే. ఆ సమయంలో గాల్లో వ్యాపించిన వైరస్‌ ముక్కుగుండా శరీరంలోకి వెళ్తుంది. అలా జరగకుండా ఉండేందుకు ముక్కుకు మాస్క్‌ అలాగే ఉండి.. నోటి వద్ద మాత్రమే తెరుచుకునేలా కొత్తతరహా మాస్క్‌ను శాస్త్రవేత్తలు అభివృద్ధిచేశారు. చేతిలో ఇమిడే చిన్న రిమోట్‌తో దీన్ని ఆపరేట్‌ చేయొచ్చు. ‘ఐస్‌క్రీమ్, సాస్‌ వంటి ద్రవాహారాలు తీసుకునేటప్పుడు కాస్త ఇబ్బందిపడినా.. ఘనాహారాన్ని ఎలాంటి ఇబ్బందిలేకుండా తీసుకోవచ్చు’ అని టెల్‌అవీవ్‌లోని అవ్‌టీపస్‌ పేటెంట్స్, ఇన్వెంటర్స్‌ ఉపాధ్యక్షుడు అసఫ్‌ గిటెలిస్‌ చెప్పారు. ఒక్కోటి రూ.215లకు అమ్మాలని కంపెనీ యోచిస్తోంది.

లక్నో: కరోనా కట్టడి కోసం దేశవ్యాప్తంగా లాక్‌డౌన్‌ అమలవుతోంది. ఈ క్రమంలో ప్రజలు అనవసరంగా బయటకు రాకుడదని.. వచ్చినా మాస్క్‌ తప్పనిసరిగా ధరించాలని ప్రభుత్వాలు ఆదేశిస్తున్నాయి. కానీ కొందరు మాత్రం ఈ ఆదేశాలను ఏ మాత్రం లెక్క చేయకుండా ఇష్టారాజ్యంగా ప్రవర్తిస్తున్నారు. ఇలాంటి వారి పట్ల పోలీసులు కూడా సీరియస్‌గానే స్పందిస్తున్నారు. తాజాగా ఇలాంటి సంఘటన  ఒకటి ఉత్తరప్రదేశ్‌లోని హాపూర్‌లో చోటు చేసుకుంది. మాస్క్‌ లేకుండా రోడ్డు మీదకు వచ్చిన ఇద్దరు యువకులను పోలీసులు కఠినంగా శిక్షించారు. మండుటెండలో నడి రోడ్డు మీద వారి చేత పొర్లు దండాలు పెట్టించారు. అది కూడా రైల్వే క్రాసింగ్‌కు సమీపంలోని రోడ్డు మీద సదరు యువకుల చేత ఇలా పొర్లు దండాలు పెట్టించారు. యువకులు మధ్యలో ఆగితే పోలీసులు లాఠీలకు పని చెప్పారు.(ఎందుకు రిస్క్‌? వేస్కోండి మాస్క్‌)  In UP's Hapur district, cops ask two men to roll on the road in the scorching heat near a railway crossing, dangerously close to railway tracks. This was the punishment for not wearing mask. @Uppolice pic.twitter.com/4fbGA4Q0b8 — Piyush Rai (@Benarasiyaa) May 19, 2020 అయితే ఎవరో ఈ సంఘటనను వీడియో తీసి సోషల్‌ మీడియాలో పెట్టడమే కాక ట్విట్టర్‌లో యూపీ పోలీసులను ట్యాగ్‌ చేశారు. ఈ వీడియో చూసిన నెటిజనులు కొందరు యువకుల మీద ఆగ్రహం వ్యక్తం చేస్తుండగా.. మరి కొందరు పోలీసుల తీరును తప్పు పడుతున్నారు. విషయం పెద్దది కావడంతో యూపీ పోలీసు ఉన్నతాధికారుల దీనిపై విచారణ చేపట్టారు. ఇద్దరు పోలీసు అధికారులను సస్పెండ్‌ చేశారు. (వైరైటీ డిజైన్లతో వెండి మాస్క్‌లు)

బీజింగ్‌ : ప్రపంచవ్యాప్తంగా కరోనా నియంత్రణలో భాగంగా ఇళ్ల నుంచి బయటకు వెళ్లేవారు మాస్క్‌లు ధరించడం, భౌతిక దూరం పాటించడం తప్పనిసరి చేసిన సంగతి తెలిసిందే. అలాగే చాలా దేశాలు లాక్‌డౌన్‌ విధించి.. కరోనా కట్టడికి కృషి చేస్తున్నాయి. అయితే  ప్రపంచమంతా కరోనా ధాటికి వణికిపోతున్న ఈ సమయంలో.. వైరస్‌ తొలి కేసు నమోదైన చైనాలో మాత్రం పరిస్థితులు భిన్నంగా ఉన్నాయి. కరోనా కేసులు పూర్తి స్థాయిలో తగ్గుముఖం పట్టడంతో చైనాలో ఆంక్షలను నెమ్మదిగా ఎత్తివేస్తున్నారు. తాజాగా చైనా రాజధాని బీజింగ్‌లో బయటకు వెళ్లేవారు మాస్క్‌ల ధరించే అవసరం లేదని అధికారులు తెలిపారు. ఈ మేరకు బీజింగ్‌ సెంటర్‌ ఫర్‌ డిసీజ్‌ ప్రివెన్షన్‌ ఆదివారం కొత్త మార్గదర్శకాలు జారీచేసింది. అయితే  ప్రతి ఒక్కరు ఇతరులకు దగ్గరికి వెళ్లకుండా.. కనీస దూరం పాటించడం తప్పనిసరి అని తెలిపింది. వాతావరణం బాగున్నప్పుడు ప్రజలు బయటిప్రాంతంలో వ్యాయామం చేసుకోవడాన్ని ఇది ప్రోత్సహిస్తుందని.. తద్వారా మెరుగైన ఆరోగ్యం సమకూరుతుందని పేర్కొంది. (చదవండి : రెస్టారెంట్‌ వెలుపల వేచిచూసిన ప్రధాని)

సాక్షి, సిటీబ్యూరో: కోవిడ్‌ మహమ్మారి విస్తరించకుండా ప్రభుత్వం అనేక చర్యలు తీసుకుంటోంది. రాష్ట్రంలోని బహిరంగ ప్రదేశాల్లో సంచరించే ప్రతి ఒక్కరూ కచ్చితంగా మాస్కులు ధరించాలన్న నిబంధన వాటిలో ఒకటి. దీన్ని అమలులోకి తీసుకువచ్చిన పోలీసు విభాగం నేరుగా, సాంకేతికంగానూ ఉల్లంఘనుల్ని గుర్తిస్తోంది. రహదారులపై మాస్కులు లేకుండా సంచరిస్తున్న వారిని సీసీ కెమెరాల ద్వారా ఆటోమేటిక్‌గా గుర్తించడానికి ఉద్దేశించిన ఫేస్‌ మాస్క్‌ వైలేషన్‌ ఎన్‌ఫోర్స్‌మెంట్‌ (ఎఫ్‌ఎంవీఈ) సిస్టం రాజధానిలోని మూడు కమిషనరేట్లలో ప్రయోగాత్మకంగా అమలులోకి వచ్చింది. ఈ నెల 7నుంచి పని ప్రారంభించిన దీని ద్వారా ఆరు రోజుల్లో హైదరాబాద్, సైబరాబాద్, రాచకొండ పోలీసులు 1896 కేసులు నమోదు చేశారు. త్వరలో ఎఫ్‌ఎంవీఈ విధానాన్ని పూర్తి స్థాయిలో అమలులోకి తీసుకురావడానికి పోలీసు విభాగం కసరత్తు చేస్తోంది. ఈ తరహా విధానం దేశంలోనే తొలిసారి రాజధానిలోని మూడు కమిషనరేట్లలో మొదలైంది.  ఎఫ్‌ఆర్‌ఎస్‌ సర్వర్‌కు అనుసంధానం.. వివిధ నేరాలకు సంబంధించి వాంటెడ్‌గా ఉన్న వ్యక్తులు, పాత నేరస్తుల్ని నగరంలో పట్టుకోవడానికి రూపొందించిన ఫేషియల్‌ రికగ్నైజేషన్‌ సిస్టం (ఎఫ్‌ఆర్‌ఎస్‌)లో పోలీసు విభాగం సమకాలీన అవసరాలకు తగ్గట్టు మార్పు చేర్పులు చేసింది. రాజధానిలో ఏర్పాటు చేసిన సీసీ కెమెరాలన్నీ కమాండ్‌ అండ్‌ కంట్రోల్‌ సెంటర్‌ (సీసీసీ)లోని ఎఫ్‌ఆర్‌ఎస్‌ వ్యవస్థతో కూడిన సర్వర్‌కు అనుసంధానించి ఉన్నాయి. ఇక్కడి సర్వర్‌లో ప్రత్యేక సాఫ్ట్‌వేర్‌ నిక్షిప్తమై ఉంది. ఫలితంగా ఆయా కెమెరాల ముందుకు వచ్చిన వాంటెడ్‌ వ్యక్తుల్ని గుర్తించే సాఫ్ట్‌వేర్‌ సీసీసీలోని సిబ్బందికి అలెర్ట్‌ ఇస్తుంది. దేశంలోని మరే ఇతర కమిషనరేట్‌లోనూ లేని ఈ ఎఫ్‌ఆర్‌ఎస్‌ పరిజ్ఞానాన్ని ఇప్పుడు కరోనా నిరోధానికి అనువుగా మార్చి వాడుతున్నారు. ఎఫ్‌ఎంవీఈ పేరుతో రూపొందే ఈ సాఫ్ట్‌వేర్‌ సైతం సీసీసీలోని సర్వర్‌లో నిక్షిప్తం అవుతోంది. ఫలితంగా నగరంలో కాలినడకన సంచరించే, వివిధ క్యూలైన్లలో నిల్చునే ఏ వారిలో ఎవరైనా ఫేస్‌మాస్క్‌ ధరించకపోతే ఆ విషయాన్ని సమీపంలోని సీసీ కెమెరాల ద్వారా ఎఫ్‌ఎంవీఐ గుర్తించి, కంట్రోల్‌ రూమ్‌ సిబ్బందికి సమాచారం ఇస్తుంది. వెంటనే ఆ సమాచారాన్ని ఆ ప్రాంతానికి సమీపంలో ఉన్న పోలీసులకు చేరవేసి వారు ఈ ఉల్లంఘనులున్న ప్రాంతానికి వెళ్లేలా చర్యలు తీసుకుంటారు. ప్రస్తుతం ప్రయోగాత్మక దశలో ఉన్న ఎఫ్‌ఎంవీఈ పరిజ్ఞానం మరికొన్ని రోజుల్లో పూర్తి స్థాయిలో అందుబాటులోకి రానుంది.  రూ.1000 జరిమానాలు.. వాహనంపై వెళ్తున్న వాళ్లు, పాదచారుల్లో కొందరు మాస్కులు ధరించట్లేదు. అయితే వీళ్లు ఓ ప్రాంతంలో ఎక్కువ సేపు ఉండరు. ఫలితంగా వీరు మాస్క్‌ ధరించలేదనే విషయం ఎఫ్‌ఎంవీఈ గుర్తించినా.. దానిపై క్షేత్రస్థాయి పోలీసులకు సమాచారం అంది, వాళ్లు అక్కడకు పంపేలోపు వారు వేరే చోటుకు వెళ్లిపోతున్నారు. అదే దుకాణాల వద్ద, ఇతర సంస్థల వద్ద క్యూలో ఉన్న వారు మాత్రం చిక్కుతున్నారు. మాస్క్‌ మస్ట్‌ అంటూ ఉత్తర్వులు జారీ చేసిన ప్రభుత్వం దీన్ని ధరించకుండా బయటకు వచ్చిన వారికి రూ.1000 జరిమానా విధించాలని స్పష్టం చేసింది. డిజాస్టర్‌ మేనేజ్‌మెంట్‌ యాక్ట్‌లోని సెక్షన్‌ 51 (బి) ప్రకారం ఈ కేసులు నమోదు చేస్తున్నారు. అయితే పోలీసులకు ఈ మొత్తం వసూలు చేసే అధికారం లేకపోవడంతో ప్రస్తుతం చలానా జారీ చేసి, వ్యక్తిగత బాండ్‌పై విడిచిపెడుతున్నారు. న్యాయస్థానాలు పని చేయడం ప్రారంభమైన తర్వాత ఈ ఉల్లంఘనులకు నోటీసులు ఇచ్చి, కోర్టులో హాజరుపరచనున్నారు. న్యాయస్థానం ఆదేశాల మేరకు తదుపరి చర్యలు ఉంటాయని అధికారులు స్పష్టం చేస్తున్నారు. ఈ నెల 7– 13 మధ్య నమోదైన కేసులు ఇలా.. హైదరాబాద్‌: 1315 సైబరాబాద్‌: 191, రాచకొండ: 390

సాక్షి, హైదరాబాద్‌ : కరోనా వైరస్‌ సోకకుండా మాస్కు ధరించడం తప్పనిసరి చేసినా.. నగరవాసులు దీన్ని పెద్దగా పట్టించుకోవడం లేదు. మాస్కు ధరించకపోతే పోలీసులు వెయ్యి రూపాయల జరిమానా విధిస్తున్న విషయం తెలిసిందే. మాస్కు ఉల్లంఘనలను సీసీ కెమెరాల్లో అమర్చిన ఆర్టిఫిషియల్‌ ఇంటెలిజెన్స్‌ సాయంతో పోలీసు శాఖ గత వారం రోజులుగా గుర్తిస్తోంది. బుధవారం వరకు కేసుల సంఖ్య 4,719 దాటాయి. ఇలా నమోదవుతున్న కేసుల్లో జిల్లాల్లో తక్కువగా, నగరాల్లోని కమిషనరేట్లలో అధికంగా ఉండటం గమనార్హం. ముఖ్యంగా హైదరాబాద్‌లో ఈ ఉల్లంఘనలు మరీ అధికంగా ఉన్నాయి. (అవి తగ్గడంతోనే రిస్క్‌ పెరిగింది) పాతబస్తీలో ఈ నిబంధనను ప్రజలు సరిగ్గా పట్టించుకోవడం లేదు. కేవలం ఐదు రోజుల్లోనే హైదరాబాద్‌ కమిషనరేట్‌ పరిధిలో 1,315 కేసులు నమోదయ్యాయి. తర్వాతి స్థానంలో వరంగల్‌ (603), రామగుండం (472), రాచకొండ (390), ఖమ్మం (197) నిలిచాయి.  కాగా, కరోనాకు వ్యాక్సిన్‌ అందుబాటులోకి వచ్చే వరకు అందరూ విధిగా మాస్కు ధరించాల్సిందేనని డీజీపీ మహేందర్‌రెడ్డి పిలుపునిచ్చారు.  

ఢిల్లీ : చైనాకు పీపీఈ కిట్లు, మాస్కులు, శానిటైజ‌ర్ల‌ను  అక్ర‌మంగా ర‌వాణా చేస్తున్న ముఠాను క‌స్ట‌మ్స్ అధికారులు ఢిల్లీలో ప‌ట్టుకున్నారు. 5 లక్ష‌ల మాస్కులు, 952 పీపీఈ కిట్లు, 57 లీట‌ర్ల శానిటైజ‌ర్ల‌ను ముఠా అక్ర‌మంగా చైనాకు త‌ర‌లిస్తున్నట్లు ఇంటలిజెన్స్ అందించిన స‌మాచారంతో ఢిల్లీలో అరెస్ట్ అదుపులోకి తీసుకున్నారు. భార‌త్‌లో రోజురోజుకు పెరుగుతున్న క‌రోనా కేసుల నేప‌థ్యంలో వీటి వినియోగం బాగా పెరిగింది. దీంతో వెంటిలేట‌ర్లు, మాస్కులు వంటి ర‌క్ష‌ణ వ‌స్తు సామాగ్రి ఎగుమ‌తిని ఇత‌ర దేశాల‌కు నిషేదిస్తూ నిర్ణ‌యం తీసుకుంది. ఈ మేర‌కు డైరెక్టరేట్ జనరల్ ఆఫ్ ఫారిన్ ట్రేడ్ (డీజీఎఫ్‌టీ) మార్చి 19న  ప్ర‌క‌ట‌న విడుద‌ల చేసింది. అంతేకాకుండా ఆల్కహాల్ ఆధారిత శానిటైజర్ ఎగుమతిని ఏప్రిల్ 7న డీజీఎఫ్‌టీ నిషేధించింది. ఈ నేప‌థ్యంలో అక్ర‌మంగా త‌ర‌లిస్తున్న ముఠాను అదుపులోకి తీసుకున్న పోలీసులు దర్యాప్తు చేస్తున్నారు. (మద్యాన్ని తరలిస్తున్న ఎమ్మెల్యే.. కారు సీజ్‌!)

భసాక్షి, హైదరాబాద్‌: కరోనా వైరస్‌ సోకినా, దీనికి సంబంధించిన దగ్గు, జలుబు, జ్వరం, గొంతునొప్పి వంటి లక్షణాలు లేనివారి నుంచే 74 శాతం మేర ఇతరులకు సంక్రమించే అవకాశాలున్నాయని ఉస్మానియా జనరల్‌ ఆసుపత్రి అసోసియేట్‌ ప్రొఫెసర్‌ డాక్టర్‌ కొండల్‌ రెడ్డి తెలిపారు. కొందరు మాత్రమే మాస్కులు ధరించడం వల్ల ప్రయోజనం లేదని, ఈ లక్షణాలున్నా లేకపోయినా అందరూ మాస్క్‌లు వాడితేనే ఈ వైరస్‌ సోకకుండా, వ్యాప్తి చెందకుండా నివారించొచ్చని చెప్పారు. ఈ విధంగా 80 శాతం మంది మాస్కులు ధరిస్తే కరోనాను పూర్తిగా అరికట్టవచ్చునన్నారు. బుధవారం ఐ అండ్‌ పీఆర్‌ కార్యాలయంలో పల్మనాలజిస్ట్‌ దివ్యేష్‌ వ్యాఘ్రేతో కలసి ఆయన మీడియాతో మాట్లాడారు. ప్రధానంగా నోటి తుంపర్ల ద్వారా వ్యాప్తి చెందుతోందని, బయటికి వెలువడ్డాక గాలిలో 3 గంటలు మాత్రమే ఉంటుందని తెలిపారు. ఇది చేతులకు తగిలి నోటికి, ముక్కు, కళ్ల ద్వారా వైరస్‌ శరీరంలోకి ప్రవేశిస్తుందన్నారు. అరవై ఏళ్లు పైబడిన వారు, గుండె, ఆస్తమా, కిడ్నీ, డయాబెటీస్, బీపీ ఉన్నవారు ఇళ్లలోంచి బయటకు రాకపోవడమే మంచిదని స్పష్టంచేశారు. షుగర్, బీపీ పేషెంట్లు అవి కంట్రోల్‌లో ఉండేలా జాగ్రత్తలు తీసుకోవాలని, గుండె, కిడ్నీ, శ్వాసకోశ సమస్యలు, ఆస్తమా సమస్యలున్నవారు మరిన్ని జాగ్రత్తలు తీసుకోవాలని పల్మనాలజిస్ట్‌ దివ్యేష్‌ వ్యాఘ్రే తెలిపారు. 

సాక్షి, హైదరాబాద్‌: కరోనా నేపథ్యంలో ప్రస్తుతం ప్రతి ఒక్కరికీ మాస్కుల అవసరం తప్పనిసరైంది. రోజురోజుకూ వైరస్‌ తీవ్రత పెరుగుతుండటంతో మాస్కులు ధరించక తప్పని పరిస్థితి నెలకొంది. ఈ నేపథ్యంలో మార్కెట్‌లో దొరికే రకరకాల మాస్కులను వినియోగిస్తున్నారు. అయి తే ఎక్కువకాలం ఒకే రకమైన మాస్కులు ధరించడం ఇష్టం లేనివారి కోసం రంగురంగుల మాస్కులు రానున్నాయి. రాష్ట్ర చేనేత పారిశ్రామిక సహకార సంస్థ (టెస్కో) రంగులు, డిజైన్లలో మాస్కుల ను అందుబాటులోకి తెస్తోంది. వీటిని ఒక్కసారి వాడి పారేయాల్సిన పనిలేదు. రోజూ ఉతికి మళ్లీ వినియోగించుకోవ చ్చు. చేనేత కార్మికులకు ఉపాధి కల్పించడంతో పాటు చేనేత వస్త్రాల వినియోగాన్ని ప్రోత్సహించే దిశగా టెస్కో ఈ చర్యలు చేపట్టింది. ఉపాధి కల్పనే లక్ష్యంగా.. చేనేత వస్త్రాలంటే గుర్తుకు వచ్చేవి పోచంపల్లి, గద్వాల చీరలే. వీటిల్లో వేల రకాల డిజైన్లు ప్రపంచవ్యాప్తంగా ప్రాచుర్యం పొందాయి. ప్రస్తుతం లాక్‌డౌన్‌ కారణంగా వస్త్ర వ్యాపారం సంక్షోభంలో పడింది. ఈ పరిస్థితుల్లో కార్మికులకు ఉపాధి కల్పించాలనే లక్ష్యంతో టెస్కో ట్రెండింగ్‌ బిజినెస్‌పై దృష్టి సారించింది. ఇందులో భాగంగా పోచంపల్లి ఇక్కత్, గద్వాల్‌ సిల్క్, కాటన్, సీకో చీరలు, సిద్దిపేట గొల్లభామ చీరలు, నారాయణపేట సిల్క్, కాటన్‌ చీరల డిజైన్ల ఆధారంగా మాస్కు లను తయారు చేసింది. ఇప్పటికే 3 లక్షలకు పైగా మాస్కులు తయారు చేసి విక్రయానికి సిద్ధంగా ఉంచింది. ఒక్కో మాస్కును రూ.20 నుంచి రూ.40 వరకు విక్రయించాలని నిర్ణయించింది. గ్రేటర్‌ హైదరాబాద్‌ పరిధిలోని సేల్స్‌ షోరూమ్‌లలో వీటిని విక్రయించేందుకు అందుబాటులో పెట్టింది. రాష్ట్రంలోనే కాకుండా దేశవ్యాప్తంగా వీటిని విక్రయించాలని టెస్కో భావిస్తోంది. ఇందులో భాగంగా టెస్కో వెబ్‌సైట్‌ ద్వారా ఆన్‌లైన్‌ విక్రయాలకు ఏర్పాట్లు చేసింది. విక్రయాలు, కార్మికుల కోణంలో ఆలోచించి తక్కువ ధరకే అమ్మాలని, అందులో భాగంగా తయారైన ధరనే నిర్ణయించినట్లు టెస్కో ఎండీ శైలజా రామయ్యర్‌ తెలిపారు. కార్పొరేట్‌ సోషల్‌ రెస్పాన్సిబిలిటీ (సీఎస్‌ఆర్‌) కింద రెండు లక్షల మాస్కులను జీహెచ్‌ఎంసీ పరిధిలోని పేదలకు ఉచితంగా పంపిణీ చేసినట్లు ఆమె వివరించారు.

సాక్షి, హైదరాబాద్‌: మాస్క్‌ లేకుండా అడుగు బయటపెట్టాలంటే ఇకపై ఒకటికి రెండు సార్లు ఆలోచించాల్సిందే.. మాస్క్‌ లేకుండా బహిరంగ ప్రదేశాల్లో తిరిగే వారిని ఇట్టే గుర్తించి తక్షణమే చర్యలు తీసుకునేందుకు వీలుగా దేశంలోనే తొలిసారి రాజధానిలోని మూడు కమిషనరేట్లలో మాస్క్‌ వైలేషన్‌ ఎన్‌ఫోర్స్‌మెంట్‌ (ఎఫ్‌ఎంవీఈ) అమల్లోకి రానుంది. రాష్ట్రంలో మాస్క్‌లు ధరించడం తప్పనిసరి అని, అవి లేకుండా బయటకు వస్తే రూ.1,000 జరిమానా అని ప్రభుత్వం ఆదేశించిన సంగతి తెలిసిందే. ఈ నేపథ్యంలోనే పోలీస్‌ శాఖ సాంకేతికత సాయంతో చర్యలు చేపట్టింది. మరో మూడు రోజుల్లో హైదరాబాద్, సైబరాబాద్, రాచకొండ పోలీసు కమిషనరేట్లలో ఎఫ్‌ఎంవీఐ అందుబాటులోకి రానుంది. ఫేషియల్‌ రికగ్నైజేషన్‌ సిస్టంలో మార్పులు  వివిధ నేరాలకు సంబంధించి వాంటెడ్‌గా ఉన్న వ్యక్తులు, నేరచరిత్ర కలిగిన పాత నేరస్తుల్ని నగరంలో పట్టుకోవడానికి రూపొందించిన ఫేషియల్‌ రికగ్నైజేషన్‌ సిస్టం (ఎఫ్‌ఆర్‌ఎస్‌)లో పోలీసు విభాగం సమకాలీన అవసరాలకు తగ్గట్టు మార్పుచేర్పులు చేస్తోంది. రాజధానిలో ఏర్పాటు చేసిన సీసీ కెమెరాలన్నీ బషీర్‌బాగ్‌ కమిషనరేట్‌లో ఉన్న కమాండ్‌ అండ్‌ కంట్రోల్‌ సెంటర్‌ (సీసీసీ)లోని ఎఫ్‌ఆర్‌ఎస్‌ వ్యవస్థతో కూడిన సర్వర్‌కు అనుసంధానించి ఉన్నాయి. ఇందులో 2012 నుంచి రాష్ట్రంలో అరెస్టయిన నేరగాళ్లలో కరుడుగట్టిన వారిని ఎంపిక చేసి 50వేల మంది ఫొటోలతో ఏర్పాటు చేసిన డేటాబేస్‌ను నిక్షిప్తం చేశారు. వీరిలో ఎవరైనా ఆ కెమెరాల ముందుకు వస్తే తక్షణమే సీసీసీలోని సిబ్బందిని ఎఫ్‌ఆర్‌ఎస్‌ అప్రమత్తం చేస్తుంది. వెంటనే ఆ వ్యక్తి ఏ ప్రాంతంలో ఉన్నాడో గుర్తించి, ఆ విషయాన్ని సమీపంలోని క్షేత్రస్థాయి పోలీసులకు చేరవేస్తుంది. ఇలా రాజధానిలోని మూడు కమిషనరేట్లలో ఇప్పటివరకు దాదాపు 150 మంది నేరగాళ్లు పట్టుబడ్డారు. ఏ ప్రాంతంలో ఉన్నారో చూసి..  దేశంలోని మరే ఇతర కమిషనరేట్‌లోనూ లేని ఈ ఎఫ్‌ఆర్‌ఎస్‌ పరిజ్ఞానాన్ని ఇప్పుడు కరోనా నిరోధానికి అనువుగా మార్చి వాడుతున్నారు. ఎఫ్‌ఎంవీఈ పేరుతో రూపొందే ఈ సాఫ్ట్‌వేర్‌ సైతం సీసీసీలోని సర్వర్‌లో నిక్షిప్తం అవుతోంది. ఫలితంగా నగరంలో కాలినడకన సంచరించే, వివిధ క్యూలైన్లలో నిల్చునే ఏ వారిలో ఎవరైనా ఫేస్‌మాస్క్‌ ధరించకపోతే ఆ విషయాన్ని సమీపంలోని సీసీ కెమెరాల ద్వారా ఎఫ్‌ఎంవీఐ గుర్తించి, కంట్రోల్‌ రూమ్‌ సిబ్బందికి సమాచారం ఇస్తుంది. వెంటనే ఆ సమాచారాన్ని ఆ ప్రాంతానికి సమీపంలో ఉన్న పోలీసులకు చేరవేసి వారు ఈ ఉల్లంఘనులున్న ప్రాంతానికి వెళ్లేలా చర్యలు తీసుకుంటారు. ప్రస్తుతం ప్రయోగాత్మక దశలో ఉన్న ఎఫ్‌ఎంవీఈ పరిజ్ఞానం గరిష్టంగా మూడు రోజుల్లో అందుబాటులోకి రానుంది. ‘వాహనంపై వెళ్తున్న వాళ్ళు, పాదచారులు ఓ ప్రాంతంలో ఎక్కువ సేపు ఉండరు. వీరు మాస్క్‌ ధరించలేదనే విషయం ఎఫ్‌ఎంవీఈ గుర్తించినా.. దానిపై క్షేత్రస్థాయి పోలీసులకు సమాచారం అందించి అక్కడకు పంపేలోపు వారు వేరే చోటుకు వెళ్లిపోవచ్చు. అయితే దుకాణాల వద్ద, ఇతర సంస్థల వద్ద క్యూలో ఉన్న వారిపై మాత్రం కచ్చితంగా చర్య తీసుకునేందుకు ఆస్కారం ఉంటుంది. భవిష్యత్తులో భౌతిక దూరం పాటించకుండా క్యూల్లో ఉన్న వారినీ గుర్తించే విధంగా ఈ టెక్నాలజీలో మార్పుచేర్పులు చేయాలని భావిస్తున్నాం’అని ఓ ఉన్నతాధికారి పేర్కొన్నారు.

సాక్షి, అమరావతి: కరోనా మహమ్మారితో పోరాడుతున్న నర్సులు కోసం 10 వేల సర్జికల్‌, 2500 ఎన్‌-95 మాస్కుల్ని టీఎన్‌ఏఐ ఏపీ ప్రతినిధులు అందించారు. శుక్రవారం ట్రైన్డ్‌ నర్సెస్‌ అసోసియేషన్‌ ఆఫ్‌ ఇండియా (టీఎన్‌ఏఐ) ఏపీ బ్రాంచ్‌ ప్రతినిధులు వైద్య ఆరోగ్య శాఖ స్పెషల్‌ సీఎస్‌ డాక్టర్‌ జవహర్‌రెడ్డిని కలిసి మాస్క్‌లను అందజేశారు. ఈ సందర్భంగా వారిని ఆయన అభినందించారు. టీఎన్‌ఎఐ ప్రతినిధుల సామాజిక బాధ్యతను స్ఫూర్తిగా తీసుకుని ప్రతిఒక్కరూ ముందుకు రావాలని పిలుపునిచ్చారు. కరోనాపై పోరాటంలో అందరి భాగస్వామ్యం కావాలని.. దాతృత్వాన్ని పెంపొందించుకోవాలని జవహర్‌రెడ్డి కోరారు.

సాక్షి, హైదరాబాద్‌: కరోనాను ఎదుర్కోవడంలో ఉపయోగపడేలా త్రీడీ ప్రింటింగ్‌ పరిజ్ఞానంతో ఫేస్‌ షీల్డ్స్, మాస్కులను హైదరాబాద్‌ జేఎన్‌టీయూ రూపొందించింది. యూనివర్సిటీకి చెందిన ఇన్‌స్టిట్యూట్‌ ఆఫ్‌ సైన్స్‌ అండ్‌ టెక్నాలజీ ఆధ్వర్యంలో నానో టెక్నాలజీ విభాగం వీటిని తయారు చేసింది. మెడికల్‌ సిబ్బందికి, పోలీసులకు అత్యంత రక్షణగా ఉండేలా వీటిని రూపొందించారు. ఇప్పటివరకు ఆసుపత్రుల్లో వైద్యులు ఉపయోగిస్తున్న పర్సనల్‌ ప్రొటెక్టివ్‌ ఎక్విప్‌మెంట్‌ (పీపీఈ) కిట్స్‌ ముఖం మొత్తం కవర్‌ అయ్యేలా  లేవని, త్రీడీ ప్రింటింగ్‌ పరిజ్ఞానంతో పూర్తి రక్షణ కలిగేలా వీటిని రూపొందించామని చెబుతున్నారు. కేంద్ర మానవ వనరుల అభివృద్ధి శాఖ టెక్విప్‌ ఆర్‌అండ్‌డీ సహకారంతో వీటిని తయారు చేశారు. పూర్తి స్థాయిలో వైరస్‌ను అడ్డుకునేలా.. రోగి దగ్గినపుడు, తుమ్మినప్పుడు తుంపర్లు, వైరస్‌ గాలిలోకి వ్యాపించకుండా ఆపేందుకు ఆక్రిలిక్‌ షీట్‌తో ఈ షీల్డ్స్‌ను రూపొందించారు. పైగా ఇవి రీయూజబుల్‌. ఒకసారి ఉపయోగించిన షీట్‌ను సబ్బు లేదా కెమికల్‌తో క్లీన్‌ చేసుకొని మళ్లీ మళ్లీ వినియోగించుకోవచ్చు. మాస్క్‌లను కూడా మళ్లీ ఉపయోగించుకునేలా రూపొందించారు. మాస్క్‌లో ఉండే ఫిల్టర్‌ను మాత్రమే మార్చుకోవాల్సి ఉంటుంది. సాధారణ సర్జికల్‌ ఫైబర్‌ను మాస్క్‌లో ఫిల్టర్‌గా వినియోగించారు. ఇప్పటికే వివిధ విభాగాలకు అందజేత జేఎన్‌టీయూ నానో టెక్నాలజీ విభాగం రూపొందించిన ఈ షీల్డ్స్‌ను ఇప్పటికే పలు విభాగాలకు అందజేసినట్లు జేఎన్‌టీయూ రిజిస్ట్రార్‌ ప్రొఫెసర్‌ గోవర్ధన్‌ వెల్లడించారు. సైబరాబాద్‌ పోలీసు కమిషనరేట్‌కు 500, ఉస్మానియా ఆసుపత్రికి 170, డీఆర్‌బీఆర్‌కేఆర్‌ఆర్‌ ఆయుర్వేద ఆసుపత్రికి 20, మరో 150 వరకు ఇతర ప్రైవేటు ఆసుపత్రులకు అందజేసినట్లు వెల్లడించారు. జింక్, కాపర్‌ అయాన్స్‌తో ఫిల్టర్స్‌ రూపకల్పన మాస్క్‌లలో ఉండే ఫిల్టర్లు మరింత మెరుగైనవిగా, వైరస్‌లను నిర్మూలించేవిగా తయారు చేసేందుకు చర్యలు చేపడుతున్నాం. జింక్, కాపర్‌ అయాన్స్‌తో కూడిన ఫిల్టర్స్‌ తయారు చేసేందుకు ఏర్పాట్లు చేశాం. అవి వైరస్‌ వ్యాపించకుండా, శరీరంలోకి వెళ్లకుండా అడ్డుకుంటాయి. త్వరలోనే వాటిని అందుబాటులోకి తెస్తాం. మా ల్యాబ్‌లో రోజుకు 20 షీల్డ్స్‌ను రూపొందిస్తున్నాం. – డాక్టర్‌ శిల్పాచక్ర, జేఎన్‌టీయూ నానో టెక్నాలజీ విభాగం అసిస్టెంట్‌ ప్రొఫెసర్‌  

అవసరం అన్నీ నేర్పిస్తుందని అంటారు. కరోనా వైరస్‌ విషయంలో ఇది అక్షరాలా నిజమని ఈ మహమ్మారి కట్టడికి జరుగుతున్న అనేకానేక ప్రయోగాలు స్పష్టం చేస్తున్నాయి. ఒకటా రెండా.. వ్యాక్సిన్ల కోసం వందల సంఖ్యలో ప్రయత్నాలు జరుగుతుంటే.. మందుల తయారీకి, కరోనా గుట్టుమట్లను కనిపెట్టేందుకు బోలెడంత మంది పరిశోధనలు చేస్తున్నారు. మనిషికి సవాల్‌ విసిరిన కరోనాను ఎదుర్కొనేందుకు జరుగుతున్న ఈ ప్రయత్నాల్లో మచ్చుకు కొన్ని.. కరోనా వైరస్‌ పుణ్యమా అని ఇప్పుడిక ముఖానికి ఓ తొడుగు తప్పనిసరి కానుంది. మరి, ఏ రకమైన వస్త్రంతో తయారైన మాస్కు ధరిస్తే మేలు? అమెరికాలోని షికాగో యూనివర్సిటీ శాస్త్రవేత్తలు దీనిపై కొన్ని ప్రయోగాలు చేశారు. కరోనా కట్టడికి ఇంట్లో తయారుచేసిన మాస్కు ధరించినా పర్వాలేదు కానీ, అది కాటన్, సిల్క్‌ లేదా షిఫాన్‌తో తయారైనదైతే మెరుగైన రక్షణ లభిస్తుందని ఈ ప్రయోగం చెబుతోంది. వైద్య సిబ్బందికి అవసరమైన ఎన్‌95 మాస్కులకు ఇప్పటికే కొరత ఉన్న విషయం తెలిసిందే. దగ్గు, తుమ్ముల ద్వారా వెలువడే శరీర ద్రవాల నుంచి కరోనా వైరస్‌ ఒకరి నుంచి ఇంకొకరికి సోకుతుందన్నది ఇప్పటికే తెలిసిన విషయం. ఈ తుంపర్లు ఏకరీతిన ఉండవు. పత్తి, పట్టుల మిశ్రమంతో తయారైన మాస్కు కరోనా రోగుల నుంచి వెలువడే ద్రవాలను మెరుగ్గా అడ్డుకోగలదని షికాగో వర్సిటీకి చెందిన సుప్రాతిక్‌ గుహా తెలిపారు. దీన్ని నిర్ధారించేందుకు వీరు తుంపర్లను మిశ్రమంచేసే ఓ యంత్రాన్ని ఉపయోగించారు. పది నానోమీటర్ల నుంచి ఆరు మిల్లీమీటర్ల వ్యాసంతో కూడిన తుంపర్లను సృష్టించి ఓ ఫ్యాన్‌ సాయంతో వీటిని వేర్వేరు వస్త్రాలపై ప్రయోగించి చూశారు. ఊపిరితీసుకునే వేగం, దగ్గు, తుమ్ముల వల్ల తుంపర్లు ప్రయాణించే వేగాలకు అనుగుణంగా చేసిన ప్రయోగాల్లో బాగా గట్టిగా నేసిన ఒక పొర కాటన్, రెండు పొరల పాలిస్టర్‌ స్పాండెక్స్‌ షిఫాన్‌ 80–90 శాతం తుంపర్లను అడ్డుకున్నట్టు స్పష్టమైంది. ఇది ఎన్‌95 మాస్కు పనితీరు కు దగ్గరగా ఉండటం గమనార్హం. షిఫాన్‌ స్థానంలో పట్టు వస్త్రాలను ఉపయోగించినప్పుడు కూడా ఫలితాల్లో పెద్దగా మార్పు లేదు. బాగా గట్టిగా నేసిన పట్టు తుంపర్లను బాగా అడ్డుకుంటాయని, షిఫాన్, పట్టులాంటి వస్త్రాల ఉపరితలంపై ఉండే స్టాటిక్‌ ఎలక్ట్రిసిటీ వైరస్‌కు నిరోధంగా ఉంటుందని శాస్త్రవేత్తలు వివరిస్తున్నారు. అయితే మాస్కులు ముఖానికి సరిగ్గా అమరకపోతే రక్షణ లభించడం కష్టమవుతుందని, ముఖానికి, మాస్కుకు మధ్య ఖాళీ ప్రదేశం ఉంటే వైరస్‌ను అడ్డుకునే సామర్థ్యం సగానికిపైగా తగ్గిపోతుందని హెచ్చరిస్తున్నారు. చదవండి: సెప్టెంబర్‌లో కొత్త విద్యా సంవత్సరం

సాక్షి, హైదరాబాద్‌: కరోనా బాధితులకు వైద్య సేవలందిస్తున్న వైద్యులకు తప్పనిసరిగా మాస్క్‌లు, పీపీ కిట్లు అందించాలని తెలంగాణ ప్రభుత్వాన్ని హైకోర్టు ఆదేశించింది. కరోనా నియంత్రణలో ప్రభుత్వ చర్యలపై మంగళవారం వీడియో కాన్ఫరెన్స్‌ ద్వారా హైకోర్టు విచారణ చేపట్టింది. పిటిషనర్‌ తరపున సీనియర్‌ కౌన్సిల్‌ మాచర్ల రంగయ్య, చిక్కుడు ప్రభాకర్‌... ప్రభుత్వం తరపున అడ్వొకేట్‌ జనరల్‌ బీఎస్‌ ప్రసాద్‌ కోర్టుకు వాదనలు వినిపించారు.  జన సమూహాన్ని తగ్గించడానికి ప్రతి కాలనీలో మొబైల్‌ రైతు బజార్లను ఏర్పాటు చేయాలని పిటిషనర్‌ కోరారు.  రాష్ట్రంలో కరోనా నివారణకు సరైన చర్యలు తీసుకోవాలని, ప్రతి  జిల్లాలో ప్రత్యేక  కేంద్రాలను ఏర్పాటు చేయాలన్నారు. (వైద్యుల‌పై దాడుల‌కు నిర‌స‌న‌గా బ్లాక్ డే) కరోనా నివారణ కు ప్రభుత్వం అన్ని చర్యలు తీసుకుంటుందని.. ఇప్పటికే రాష్ట వ్యాప్తంగా 329 కంటైన్మెంట్ ప్రాంతాలను ఏర్పాటు చేశారని కోర్టుకు ప్రభుత్వం తెలిపింది. ఇరు పక్షాల వాదనలు విన్న ధర్మాసనం కరోనా నియంత్రణకు అన్ని చర్యలు తీసుకోవాలని ప్రభుత్వానికి ఆదేశాలు జారీ చేసింది. రాష్ట్ర వ్యాప్తంగా కరోనా నియంత్రణకు తీసుకున్న చర్యలపై మరోసారి పూర్తి వివరాలు అందజేయాలని కోర్టు ఆదేశించింది. తదుపరి విచారణను మే 8కి కోర్టు వాయిదా వేసింది. (హైదరాబాద్‌లో లాక్‌డౌన్‌ బేఖాతరు)

నెల్లూరు: మాస్క్‌ల వితరణ పేరుతో చందాల దోపిడీలు చేసే టీడీపీ నేత కోటంరెడ్డి శ్రీనివాసులరెడ్డికి నిజాయతీ పరుడైన మంత్రి అనిల్‌కుమార్‌యాదవ్‌ను విమర్శించే స్థాయి లేదని జిల్లా వైఎస్సార్‌సీపీ యువజన విభాగ అధ్యక్షుడు పీ రూప్‌కుమార్‌యాదవ్‌ విమర్శించారు. నగరంలోని జలవనరులశాఖ మంత్రి క్యాంప్‌ కార్యాలయంలో ఆదివారం ఏర్పాటు చేసిన విలేకరుల సమావేశంలో ఆయన కోటంరెడ్డిపై తీవ్రస్థాయిలో ధ్వజమెత్తారు. కరోనా వైరస్‌ ప్రబలిన నెల తర్వాత మేల్కొన్న కోటంరెడ్డి రోజుకు ఐదో పదో మాస్కులు ఇస్తూ అందు కోసం రియల్టర్‌లు, కాంట్రాక్టర్ల వద్ద చందాలు దండుకుని దోపిడీ చేస్తున్నారని దుయ్యబట్టారు.  తగిన జాగ్రత్తలు తీసుకోకుండా సేవా కార్యక్రమాలు (భోజనం, నిత్యావసరాలు తదితరాలు పంపిణీ) చేయడం వల్ల కరోనా ప్రబలే పరిస్థితులు ఉన్నాయనే హెచ్చరికల నేపథ్యంలో ఎవరు పడితే వారు పంపిణీ చేయరాదని ప్రభుత్వం అధికార ప్రకటనను దృష్టిలో ఉంచుకుని దాతల దగ్గరున్న ప్రభుత్వ కార్యాలయాలు (వార్డు సచివాలయాలు, తహసీల్దార్, నగరపాలక సంస్థ కార్యాలయాలు) అందజేయాలని మంత్రి పిలుపునిచ్చారని తెలిపారు. అయితే శ్రీనివాసులరెడ్డితో పాటు కొంత మంది భద్రతా సూచనలకు సహకరించాల్సింది పోయి చౌకబారు విమర్శలు చేయడం సిగ్గు చేటన్నారు. నాణ్యతలేని మాçసు్కలను కలెక్టర్‌ దగ్గరకు తీసుకెళ్లి డాక్టర్లకు ఇవ్వాలని కోటంరెడ్డి కోరారని ఎద్దేవా చేశారు. కోటంరెడ్డి తన దోపిడీ దందాలోకి తన కుమారుడిని తీసుకురావడం బాధాకరమన్నారు. కరోనా వైరస్‌ నేపథ్యంలో టీడీపీ నేతలు ఇళ్లకే పరిమితమయ్యారన్నారు. మంత్రి అనిల్‌కుమార్‌ తొలిరోజు నుంచి ప్రజల మధ్యనే ఉన్నారన్నారు.  తన సొంత నిధులు రూ.15 లక్షలతో మాసు్కలు, శానిటైజర్లు కొనుగోలు చేసి వైద్యులు, ప్రజలకు అందజేశారన్నారు. ఇప్పటి వరకు 80 వేల మాసు్కలు, 60 వేల శానిటైజర్లు, వేలాది పీపీఈ కిట్లను అందజేయడంతో పాటు రెడ్‌జోన్లను నిరంతరం పర్యవేక్షిస్తూ కరోనా నియంత్రణకు మంత్రి  కృషి చేస్తున్నారన్నారు. జిల్లాలో అర్చకులు, ఇమామ్‌లు, పాస్టర్లకు నిత్యావసరాలు, ఆర్థిక సాయం అందజేశారన్నారు. ప్రస్తుత తరుణంలో కుల, మత, రాజకీయాలకు అతీతంగా పనిచేయాల్సిన అవసరం ఉందన్నారు. ఈ తరుణంలో నీచ నికృష్ణ రాజకీయాలు చేయడం హేయమన్నారు. సాయం చేయాలనే పెద్ద మనస్సు లేకపోయినా పర్వాలేదు.. కానీ పేదలకు జరిగే మంచిపై విమర్శలు చేయడం సిగ్గు చేటన్నారు.      

టోక్యో: జపాన్‌లో కరోనా కట్టడి చర్యలు అంతంత మాత్రంగానే ఉన్నాయనే విమర్శల నడుమ మరో అంశం తెరపైకొచ్చింది. గర్భిణీ మహిళలకు పంపిణీ చేసిన మాస్కులు అపరిశుభ్రంగా ఉన్నాయని ఫిర్యాదులు అందుతున్నాయి. దుమ్ము, మరకలతో కూడిన మాస్కులు పంపించారని 80 మున్సిపాలిటీల నుంచి 1900 ఫిర్యాదులు అందినట్టు ఆరోగ్యశాఖ వెల్లడించింది. కాగా, దేశంలో మాస్కుల కొరత ఉన్నందున ప్రజందరికీ తలా రెండు పునర్వినియోగ మాస్కులను ఇవ్వాలని ప్రధాని షింజో అబే ఏప్రిల్‌ 1న ప్రకటించారు. (చదవండి: ఆగని మరణ మృదంగం) ఆ మేరకు మొదటి ప్రాధాన్యంగా గర్భిణీ స్త్రీలకు బట్టతో తయారు చేసిన 5 లక్షల మాస్కులు పంపిణీ చేయగా.. వాటిలో నాణత్య లోపించిందని, సైజు కూడా చిన్నగా ఉన్నాయని విమర్శలు వెల్లువెత్తుతున్నాయి. ముక్కు, నోటిని కప్పి ఉంచలేని మాస్కులు చూడండంటూ పలు టీవీ షోలలో ప్రభుత్వం వెనుకబాటుతనాన్ని ప్రతిపక్ష పార్టీలు ఎత్తిచూపుతున్నాయి. కాగా, పరిశుభ్రమైన మాస్కులు అందించాలని తయారీదారులకు ఆరోగ్యశాఖ స్పష్టం చేసింది. ప్రజలకు మాస్కులు పంపిణీ చేసేముందు స్థానిక అధికారులు చెక్‌ చేసి ఇవ్వాలని పేర్కొంది. అభివృద్ధి చెందిన దేశంలో మాస్కుల కొరత ఉండటం.. బట్ట మాస్కులు అందివ్వడంపై ప్రధానిపై ప్రజలు అసహనంతో ఉన్నట్టు తెలుస్తోంది. (చదవండి: అక్టోబర్‌ నాటికి వ్యాక్సిన్‌?)

సాక్షి, తాడేపల్లి: మెప్మా ఆధ్వర్యంలో డ్వాక్రా మహిళలు తయారు చేసిన మాస్కులను ముఖ్యమంత్రి వైఎస్‌ జగన్‌మోహన్‌రెడ్డి పరిశీలించారు. సీఎం క్యాంప్‌ కార్యాలయంలో ఆదివారం ఆయనకు మెప్మా మిషన్‌ డైరెక్టర్‌ నవీన్‌ కుమార్‌ మాస్కులను అందచేశారు. స్వయం సహాయక సంఘాలు తయారుచేసిన మాస్క్‌లను ముఖ్యమంత్రి ప్రారంభించారు.  ఈ కార్యక్రమంలో సీఎస్‌ నీలం సాహ్ని, వైద్య ఆరోగ్యశాఖ ప్రత్యేక ప్రధాన కార్యదర్శి జవహర్‌ రెడ్డి, మెప్మా  అడిషనల్‌ డైరెక్టర్‌ శివపార్వతి పాల్గొన్నారు. (ప్రతి ఒక్కరికి మూడు మాస్కులు: సీఎం జగన్‌) కాగా రాష్ట్రంలో ప్రతి ఒక్కరికీ మూడు మాస్కులు చొప్పున 16 కోట్ల మాస్కులు పంపిణీ చేయాలని ముఖ్యమంత్రి తీసుకున్న నిర్ణయంతో... విపత్కర పరిస్థితుల్లోనూ మహిళలు తమ కుటుంబాలను పోషించుకునేందుకు అవకాశం కలిగింది. అయితే ఈ మాస్క్‌ల తయారీని కాంట్రాక్టర్లకు అప్పగించకుండా నేరుగా స్వయం సహాయక సంఘాల్లోని అక్కచెల్లెమ్మలకు అప్పగించాలని ముఖ్యమంత్రి ఆదేశించిన విషయం తెలిసిందే. అలాగే మాస్కులకు అవసరమైన క్లాత్‌ను ఆప్కోనుంచి సేకరించాలని అధికారులు నిర్ణయించారు. మొత్తం 16 కోట్ల మాస్కులు తయారుచేయడానికి 1 కోటి 50 లక్షల మీటర్లకుపైగా క్లాత్‌ అవసరం అవుతోంది. ఇప్పటికే 20 లక్షలకు పైగా మీటర్ల క్లాత్‌ను ఆప్కో నుంచి తీసుకున్నారు. మిగతా క్లాత్‌ త్వరలోనే అందబోతోంది. (కరోనా నుంచి రక్షణకు సరికొత్త మాస్క్‌లు) స్వయం సహాయక సంఘాల ఆధ్వర్యంలో దాదాపు 40వేల మంది టైలర్లను గుర్తించారు. యుద్ధప్రాతిపదికన వారితో పనిచేయిస్తున్నారు. ఒక్కో మాస్క్‌కు దాదాపు రూ.3.50 చొప్పున సుమారు రూ.500లకుపైనే ప్రతి మహిళకూ ఆదాయం లభించేలా ఈ కార్యక్రమాన్ని రూపొందించారు. ఆదివారం మధ్యాహ్నం 3 గంటల నాటికి 7,28,201 మాస్క్‌లు తయారుచేయగా వీటిని పంపిణీ కోసం తరలిస్తున్నారు. వచ్చే 4–5 రోజుల్లో రోజుకు 30 లక్షల చొప్పున మాస్క్‌లు తయారీ కోసం సన్నద్ధమవుతున్నారు. మాస్క్‌ల తయారీ, పంపిణీలపై వివరాలతో కూడా రియల్‌టైం డేటాను ఆన్‌లైన్‌లో పెడుతున్నారు. (‘16 కోట్ల మాస్కులు తయారు చేసింది ఏపీ మహిళలే’)

ఇంట్లోంచి బయటకొస్తే మాస్కులు ధరించడం ఇప్పుడు దేశంలోని పలు రాష్ట్రాల్లో తప్పనిసరి అయింది. జపాన్‌ లాంటి దేశాల్లో కాలుష్యం కారణంగా ఈ పద్ధతి చాలాకాలంగా అమల్లో ఉంది కూడా. ఇలా కాకుండా ఇకపై భూమ్మీది జనాభా మొత్తం రోజూ మాస్కులు ధరించాల్సి వచ్చిందనుకోండి. ఏమవుతుంది? కళ్లు చెదిరే లెక్కలు మన కళ్లముందు కనిపిస్తాయి. సర్జికల్‌ మాస్కులు వేసుకోవడం వల్ల మన శరీర ద్రవాలు ఎదుటివారికి వెంటనే సోకవని.. తద్వారా అనేక వ్యాధులు వ్యాప్తి చెందకుండా నిరోధించవచ్చని మనకు తెలుసు. కాలుష్యం బారి నుంచి రక్షణ పొందేందుకు కొంత మేరకు ఇవి ఉపయోగపడతాయి. భూమ్మీద మొత్తం 780 కోట్ల జనాభా ఉంది. వారందరికీ మెడికల్‌ మాస్కులు ఇవ్వాల్సి వస్తే.. వారానికి దాదాపు 5,500 కోట్ల మాస్కులు అవసరమవుతాయి. ఇందుకు 300 కోట్ల డాలర్లు లేదా రూ. 22 వేల కోట్లు అవసరం. వైద్య సిబ్బంది, పారిశుద్ధ్య సిబ్బందికి ఈ మాస్కులతో పెద్దగా ప్రయోజనం ఉండదు. ప్రపంచం మొత్తమ్మీద సుమారు 6 కోట్ల మంది వైద్య సిబ్బంది ఉంటారని అంచనా. వారందరికీ ఎన్‌–95 మాస్కులు ఇవ్వాలంటే ఒక్కో రోజుకు రూ. 229 కోట్లు ఖర్చు పెట్టాల్సి ఉంటుంది. డబ్బులెలాగో తెచ్చి పెట్టినా వాటిని తయారు చేసే వాళ్లు కావాల్సి ఉంటుంది కాబట్టి మాస్కుల తయారీ అనేది ఓ కొత్త వృత్తిగా మారిపోతుంది. ప్రభుత్వాలు వాటిని ఉచితంగా ఇవ్వకపోతే ఒక్కొక్కరూ ఏటా మాస్కుల కోసం కనీసం రూ. వెయ్యి ఖర్చు పెట్టాల్సి వస్తుంది. కొంత సమయం తరువాత మాస్కుల్లో డిజైన్లు, ప్రత్యేక ఫీచర్లు రావడం మొదలవుతుంది. చదవండి: కరోనా కొనసాగితే కష్టమే..  అందరూ రోజంతా మాస్కులేసుకుంటే ముఖ కవళికలేవీ తెలియవు కాబట్టి ఎదుటివారు మన బాడీ లాంగ్వేజీని అర్థం చేసుకునే తీరు మారుతుంది. షేక్‌హ్యాండ్లు గట్రా లేకపోతే వైరస్‌ల వ్యాప్తి కొంత వరకూ తగ్గవచ్చుగానీ చేతులు కడుక్కోవడం, చేతులతో ముఖాన్ని తాకకపోవడం వంటి ఇతర అంశాలను కూడా పరిగణనలోకి తీసుకొని మాస్కుల ప్రయోజనాన్ని లెక్కించాల్సి ఉంటుంది. ఇంకో విషయం ఏమిటంటే ప్రపంచం మొత్తమ్మీద ఒక్క రోజులో 800 కోట్ల వాడి వదిలేసిన మాస్కులు చెత్తకుప్పల్లోకి చేరతాయి. వాటిని రీసైకిల్‌ చేయడం కోసం మరిన్ని ఫ్యాక్టరీలు పెట్టాల్సి వస్తుందన్నమాట! 

ఇప్పుడు కరోనా చైన్‌ను తెంచే పనిలో మాస్క్‌ యొక్క ప్రాధాన్యత చాలా ఉంది. భారత్‌లోనూ వేలల్లో వైరస్‌ బారిన పడుతున్న తరుణంలో బీసీసీఐ భారత క్రికెటర్ల ద్వారా మాస్క్‌లు ధరించేలా ప్రోత్సహిస్తోంది. స్టార్‌ క్రికెటర్లు కోహ్లి, సచిన్, స్మృతి మంధాన, బీసీసీఐ అధ్యక్షుడు సౌరవ్‌ గంగూలీ తదితరులతో రూపొందించిన వీడియోను సామాజిక మాధ్యమాల్లో పోస్ట్‌ చేసింది. బయటికి వెళ్తే మాస్కులు తప్పనిసరిగా ధరించాలనే స్పృహ కల్పించేలా ‘టీమ్‌ మాస్క్‌ ఫోర్స్‌’ పేరిట ఈ వీడియో సందేశం ఉంది. ‘మాతో చేతులు కలపండి. కరోనాపై పోరాడండి. ఆరోగ్యసేతు మొబైల్‌ యాప్‌ను డౌన్లోడ్‌ చేసుకోండి. సురక్షితంగా ఉండండి’ అని బీసీసీఐ ట్వీట్‌ చేసింది. 

సాక్షి, అమరావతి: రాష్ట్రంలో ప్రతి ఒక్కరికీ మూడేసి మాస్క్‌ల చొప్పున ఉచితంగా పంపిణీ చేయాలని తలపెట్టిన రాష్ట్ర ప్రభుత్వం వాటిని పొదుపు సంఘాల మహిళలతో కుట్టించి తయారు చేయాలని నిర్ణయించింది. మాస్క్‌ల తయారీకి ఉపయోగించే క్లాత్‌ను ఆప్కో ద్వారా ప్రతి ప్రాంతానికి సరఫరా చేయనుంది. ఒక్కో మాస్క్‌కు రూ. 3 చొప్పున అందజేయనుంది. ఈ మేరకు శుక్రవారం నుంచే ఆప్కో ద్వారా జిల్లాల్లో పొదుపు సంఘాల్లోని మహిళా సభ్యులకు క్లాత్‌ను సరఫరా చేసే ప్రక్రియ మొదలు కాగా.. శనివారం సాయంత్రం సమయానికి కొన్ని జిల్లాలో ఈ మాస్క్‌లు అందుబాటులోకి వస్తాయని అధికార వర్గాలు తెలిపాయి.  ► రాష్ట్రంలో ప్రతి ఒక్కరికీ మూడేసి చొప్పున మాస్క్‌ల పంపిణీకి దాదాపు 16 కోట్ల మాస్క్‌ల తయారీకి ప్రభుత్వం సిద్ధమైంది.  ► గరిష్టంగా 9 నుంచి 10 రోజుల్లో 16 కోట్ల మాస్క్‌ల తయారీ పూర్తికి అధికారులు కార్యాచరణ సిద్ధం చేశారు.  ► గ్రామీణ ప్రాంతంలో అందించే మాస్క్‌లను గ్రామీణ పేదరిక నిర్మూలన సంస్థ(సెర్ప్‌) పర్యవేక్షణలో గ్రామీణ ప్రాంతంలో ఉండే పొదుపు సంఘాల మహిళల ద్వారా.. పట్టణ ప్రాంతంలో ఉండే వారికి మెప్మా పర్యవేక్షణలో పట్టణ ప్రాంత పొదుపు సంఘాల మహిళల ద్వారా కుట్టించనున్నారు. ఇందుకోసం ఇప్పటికీ కుట్టు మిషన్‌లో శిక్షణ పొందిన మహిళలను గుర్తించారు.  ► గ్రామీణ ప్రాంతంలోనే ప్రతి జిల్లా నుంచి 7 వేల నుంచి 10 వేల మంది చొప్పున రాష్ట్ర వ్యాప్తంగా సుమారు లక్ష మంది దాకా శిక్షణ పొందిన మహిళలను గుర్తించే ప్రక్రియ జిల్లాల్లో డీఆర్‌డీఏ ఆధ్వర్యంలో దాదాపు పూర్తయింది.  ► మొదటి ఒకట్రెండు రోజు(శని, ఆదివారాలు)ల్లో సెర్ప్‌ ఆధ్వర్యంలో రోజుకు రాష్ట్రవ్యాప్తంగా 40 లక్షల నుంచి 60 లక్షలకు తక్కువ కాకుండా మాస్క్‌ల తయారీని, ఆ తర్వాత క్రమంగా ఈ సంఖ్య రోజుకు కోటికి పైగా పెంచాలని లక్ష్యంగా పెట్టుకున్నారు.  ► ఆప్కో సరఫరా చేసే క్లాత్‌ను మొదట.. ప్రత్యేకంగా గుర్తించిన ప్రాంతంలో మాస్క్‌ల తయారీకి ఉపయోగపడేలా కట్‌ చేసి, ఆ ముక్కలను పొదుపు సం ఘాల మహిళలకు సరఫరా చేస్తారు. ► గ్రామీణ ప్రాంతాల్లో తయారు చేసే మాస్క్‌లకు ఉపయోగించే క్లాత్‌ను కట్‌ చేయడానికి రాష్ట్ర వ్యాప్తంగా 75 కటింగ్‌ మెషీన్‌ సెంటర్లను గుర్తించారు.  తయారీలోనే ఎన్నో జాగ్రత్తలు మాస్క్‌ తయారీలో కరోనా వైరస్‌ వ్యాప్తికి అవకాశం లేకుండా అన్ని పకడ్బందీ చర్యలు తీసుకోవాలని జిల్లాల అధికారులకు స్పష్టమైన ఆదేశాలు జారీ అయ్యాయి.అవి.. ► ఆరోగ్యంగా, పరిశుభ్రంగా ఉంటూ శిక్షణ పొందిన పొదుపు సంఘాల్లోని మహిళలను మాత్రమే మాస్క్‌ల తయారీకి ఎంపిక చేయాలి. ► మాస్క్‌లు కుట్టడానికి ఉపయోగించే మెషీన్లతో పాటు కత్తెర వంటి పరికరాలు, కుట్టడానికి ఉపయోగించే దారం వంటి వస్తువులను ప్రతిరోజూ పని ప్రారంభానికి ముందు శానిటైజ్‌ చేయాలి.  ► పనివేళల్లో మాస్క్‌లు, చేతికి గ్లౌజ్‌లను ధరించాలి. ► భౌతిక దూరం పాటించాలి. పరిసరాలను స్వచ్ఛతగా, శుభ్రంగా ఉంచాలి.  ► అపరిశుభ్ర వస్తువులను అనుమతించకూడదు. ప్రకాశంలో వస్త్రం సేకరణ  ఆప్కో నుంచి వస్త్రం సేకరణ పనులు ప్రకాశం జిల్లాలో ప్రారంభమయ్యాయి. ప్రకాశం జిల్లాలోని ఎనిమిది పట్టణ ప్రాంతాలకు 19,58,604 మాస్క్‌లు అవసరం అవుతాయని మెప్మా ప్రాజెక్టు డైరెక్టర్‌ కె.కృపారావు ఉన్నతాధికారులకు ప్రతిపాదనలు పంపారు. పట్టణ ప్రాంతాల్లో మొత్తం 6,52,868 మంది ప్రజలు నివసిస్తుండగా, ఒక్కొక్కరికి మూడు మాస్క్‌ల ప్రాతిపదికగా మాస్క్‌ల తయారీకి లక్షా 95 వేల 860.4 మీటర్ల క్లాత్‌ అవసరం అవుతుందని అంచనాలు సిద్ధం చేశారు.  కాకినాడ్‌ ఎస్‌ఈజడ్‌లో పీపీఈ సూట్ల తయారీ తూర్పు గోదావరి జిల్లాలోనూ మహిళా స్వయం సహాయక బృందాల ఆధ్వర్యంలో కరోనా రక్షణ కవచాలు తయారవుతు న్నాయి. కాకినాడ ఎస్‌ఈజడ్‌లోని చైనా బొమ్మల తయారీ కేంద్రంలో మహిళలు పీపీఈ సూట్లను తయా రు చేస్తున్నారు. ఉభయ గోదావరి, కృష్ణా జిల్లాల కోసం మూలపేట తయారీ కేంద్రంలో దాదాపు రెండు లక్షల పీపీఈ సూట్లను సిద్ధం చేస్తున్నారు. ఉభయ గోదావరి, కృష్ణా జిల్లాలతోపాటు హైదరాబాద్‌లు కలిపి మొత్తం 30 కేంద్రాల ద్వారా వీటిని సిద్ధం చేసి సరఫరా గ్రామీణ మహిళలు సరఫరా చేస్తున్నారు. రాష్ట్రవ్యాప్తంగా ఉన్న అన్ని కోవిడ్‌–19 ఆస్పత్రులకు ఈ కేంద్రాల ద్వారానే రక్షణ కవచాలు సమకూరుస్తు న్నారు. మొత్తంగా రోజుకు పది వేలకు పైగా కిట్లు, 40 వేలకు పైగా మాస్క్‌లు తయారు చేస్తున్నారు. ‘మహిళలకు ఉపాధి’  కరోనాపై పోరాటం చేస్తున్న వైద్యులు, నర్సులకు పరో క్షంగా సేవ చేసే అవకాశం లభించిందని గీతా గార్మెంట్స్‌ ఎండీ పెన్మత్స గీత పేర్కొ న్నారు. రాష్ట్రవ్యాప్తంగా ఉన్న ఆస్పత్రులకు ప్రతి రోజూ 10 వేలకు పైనే పీపీఈ కిట్లు సరఫరా చేస్తున్నామని తెలిపారు.  రాష్ట్ర ప్రభుత్వం ఇచ్చిన ఆర్డర్ల మేరకు గ్రామాల్లో లేసులు  అల్లే మహిళలతో మాస్క్‌లు, కిట్లు వేగంగా తయారు చేయిస్తున్నామని చెప్పారు. 

సాక్షి, అమరావతి : ఆంధ్రప్రదేశ్‌ ప్రజలకు పంపిణీ చేసే 16 కోట్ల మాస్కులు రాష్ట్రంలోని మహిళలే తయారు చేశారని వైఎస్సార్‌సీపీ రాజ్యసభ సభ్యుడు విజయసాయిరెడ్డి తెలిపారు. కుట్టు మిషన్లను ఆయుధాలుగా చేసి రేయింబవళ్లు కరోనాతో పోరాడుతున్న వారందరికీ ధన్యవాదాలు అని ట్విటర్‌లో పోస్ట్‌ చేశారు. ముఖ్యమంత్రి వైఎస్‌ జగన్ మోహన్‌ రెడ్డి ఇచ్చిన పిలుపు మేరకు భారీ ఎత్తున మహిళలు, మాస్కుల ఉత్పత్తి యజ్ఞంలో పాలు పంచుకున్నారని కొనియాడారు. (ఏపీ ఆదర్శంగా నిలుస్తోంది : విజయసాయిరెడ్డి) ‘ర్యాపిడ్ టెస్టింగ్ కిట్లు, వెంటిలేటర్ల కోసం ఇతర రాష్ట్రాల నుంచి అభ్యర్ధనలు వస్తున్నాయి. బహిరంగ మార్కెట్ కంటే సగం ధరకే అందజేస్తుండటం వల్ల భారీగా ఆర్డర్లు వస్తున్నాయి. ప్రభుత్వం ఎక్కడా దీనిని ప్రచారం కోసం వాడుకోవడం లేదు. కరోనా నియంత్రణ ఉత్పత్తులకు ఏపీ వాణిజ్య హబ్ అవుతోంది. రైతులు తమ పంటను నేరుగా వినియోగదారులకు విక్రయించుకునే వ్యవస్థకు వైఎస్‌ జగన్ ప్రణాళికలు సిద్ధం చేస్తున్నారు. డ్వాక్రా ఉత్పత్తులను వాల్ మార్ట్ ద్వారా ప్రపంచమంతా విక్రయిస్తామని కోతలు కోసిన పెద్ద మనిషి సిగ్గుపడేలా జనతా బజార్లు వస్తున్నాయి. పేదల జీవన ప్రమాణాలు గణనీయంగా మెరుగవుతాయి’ అని ట్విటర్‌లో విజయసాయిరెడ్డి పేర్కొన్నారు.(ప్రతి ఒక్కరికి మూడు మాస్కుల పంపిణీ: సీఎం జగన్‌)

సాక్షి, అమరావతి: రాష్ట్రంలో పెద్ద ఎత్తున మాస్కులు పంపిణీ చేయాలని ముఖ్యమంత్రి వైఎస్‌ జగన్‌మోహన్‌రెడ్డి ఆదేశాలు జారీ చేశారు. రాష్ట్రంలో ఉన్న సుమారు 5.3 కోట్ల మందికి, ఒక్కొక్కరికీ 3 చొప్పున 16 కోట్ల మాస్కుల పంపిణీ చేయాలని ఆయన స్పష్టం చేశారు. మాస్కుల వల్ల కొంత రక్షణ లభిస్తుందని..  వీలైనంత త్వరగా పంపిణీ జరగాలని అధికారులను ఆదేశించారు. కరోనా నివారణా చర్యలపై సీఎం వైఎస్‌ జగన్‌ తన నివాసంలో ఆదివారం సమీక్ష నిర్వహించారు. సీఎస్‌ నీలం సాహ్ని, డీజీపీ గౌతం సవాంగ్, వైద్య ఆరోగ్యశాఖ స్పెషల్‌ చీఫ్‌ సెక్రటరీ జవహర్‌ రెడ్డి ఈ కార్యక్రమానికి హాజరయ్యారు. (చదవండి: కరోనా నివారణ: ఏపీ ప్రభుత్వం మరో నిర్ణయం) రాష్ట్రంలో 1.43 కోట్ల కుటుంబాల సర్వే పూర్తయిందని అధికారులు ముఖ్యమంత్రికి తెలిపారు. శనివారం రాత్రికి వరకు 32,349 మందిని ఎన్‌ఎంలు, ఆశావర్కర్లు వైద్యాధికారులకు రిఫర్‌చేశారని..  ఇందులో 9,107 మందికి పరీక్షలు అవసరమని అధికారులు చెప్పారు. అయితే, వీరేకాకుండా మొత్తం 32,349 మందికి కూడా పరీక్షలు చేయాలని సీఎం ఆదేశించారు. అదేవిధంగా కోవిడ్‌ కేసులు అధికంగా ఉన్న జోన్లలో 45 వేల వైరస్‌ నిర్ధారణ పరీక్షలకు వైద్య శాఖ సిద్ధమవుతోందని అధికారులు ముఖ్యమంత్రికి వివరించారు. వైరస్‌ వ్యాప్తి, ఉద్ధృతిని అంచనా వేసేందుకు ఈపరీక్షలు నిర్వహిస్తామని సీఎంకు తెలిపారు. కోవిడ్‌ వ్యాప్తి ఉన్నజోన్లపై ప్రత్యేక దృష్టిపెడుతున్నామని అన్నారు. (చదవండి: 40 ఇయర్స్ ఇండస్ట్రీ.. వాటే గ్రేట్ ఫాల్!) వారిపై ప్రత్యేక దృష్టి.. హైరిస్కు ఉన్న వారిపట్ల మరింత అప్రమత్తంగా ఉండాలని ముఖ్యమంత్రి జగన్‌ స్పష్టం చేశారు. వృద్ధులు, మధుమేహం, బీపీ ఇతరత్రా వ్యాధులతో బాధపడే వాళ్లపై ప్రత్యేక దృష్టిపెట్టాలని ఆదేశించారు. వీరిలో ఎవరికైనా కరోనా లక్షణాలు కనిపిస్తే.. వెంటనే అత్యుత్తమ ఆస్పత్రుల్లో చేర్పించి ప్రత్యేక శ్రద్ధ తీసుకోవాలని అన్నారు. నమోదవుతున్న కరోనా కేసులు, వైరస్‌ వ్యాప్తి చెందే అవకాశాలను దృష్టిలో ఉంచుకుని జోన్లను, క్లస్టర్లను ఎప్పటికప్పుడు అప్‌డేట్‌ చేయాలని సీఎం చెప్పారు. కేసుల వివరాలు.. భౌతిక దూరం తప్పనిసరిగా పాటించాల్సిందేనని ముఖ్యమంత్రి వైఎస్‌ జగన్‌ స్పష్టం చేశారు. రైతు బజార్లు, మార్కెట్లలో సర్కిల్స్, మార్కింగ్స్‌ తప్పనిసరిగా ఉండాలని అన్నారు. ఎక్కడా కూడా జనం గమిగూడకుండా చూడాలని అధికారులకు ఆదేశాలిచ్చారు. రాష్ట్రవ్యాప్తంగా ఆదివారం ఉదయం 9 గంటల వరకు నమెదైన కేసుల వివరాలను ఈ సందర్భంగా అధికారులు సీఎం ముందుంచారు. ఆ వివరాలు.. మొత్తం నమోదైన కేసులు 417. వీరిలో విదేశాలనుంచి వచ్చిన వారిలో పాజిటివ్‌ కేసులు 13, వారిద్వారా సోకిన కేసులు సంఖ్య 12. ఢిల్లీ వెళ్లొచ్చినవారిలో పాజిటివ్‌ కేసులు 199, వారి ద్వారా వైరస్‌ బారినపడినవారు 161 మంది. మిగిలిన పాజిటివ్‌కేసుల్లో ఇతర రాష్ట్రాలకు వెళ్లడం వల్ల, వ్యాధి సోకిన వారిద్వారా, ఇతరత్రా మార్గాల వల్ల కరోనా సోకిన వారు 32 మంది. (చదవండి: లాక్‌డౌన్‌: అడ్డొచ్చిన పోలీసు చేయి నరికేశాడు!)

సాక్షి, విశాఖపట్నం: కరోనా వైరస్‌ బాధితులకు వైద్యం అందిస్తున్న వైద్యులకు, పారామెడికల్‌ సిబ్బందికి పీపీఈ కిట్‌లు, మాస్కులకు ఎలాంటి కొరత లేదని వ్యవసాయ శాఖ మంత్రి, విశాఖ జిల్లా ఇన్‌చార్జ్‌ మంత్రి కురసాల కన్నబాబు వెల్లడించారు. విశాఖ జిల్లాలో కరోనా వైరస్‌ కట్టడికి చేపట్టిన చర్యలపై ప్రభుత్వాధికారులు, వైద్యులు, ప్రత్యేక కమిటీల సభ్యులతో శుక్రవారం విశాఖలో ఆయన సమీక్ష సమావేశం నిర్వహించారు. వైఎస్సార్‌ కాంగ్రెస్‌ పార్లమెంటరీ పార్టీ నేత వి.విజయసాయిరెడ్డి, మంత్రులు బొత్స సత్యనారాయణ, ముత్తంశెట్టి శ్రీనివాస్‌లతోపాటు ఎంపీలు సత్యనారాయణ, సత్యవతి, పలువురు ఎమ్మెల్యేలు, ఎమ్మెల్సీలు ఇందులో పాల్గొన్నారు.  ► సమీక్ష అనంతరం కన్నబాబు మీడియాతో మాట్లాడుతూ.. వైద్యులకు, వైద్య సిబ్బందికి, పారిశుధ్య కార్మికులందరికీ తగిన రక్షణ ఏర్పాట్లు ఉన్నాయని తెలిపారు.  ► కొరత ఉన్నట్లుగా కొంతమంది సామాజిక మాధ్యమాల్లో ఉద్దేశపూర్వకంగా దుష్ప్రచారం చేస్తున్నారని ఆవేదన వ్యక్తం చేశారు. అలాంటి చర్యలను ప్రభుత్వం తీవ్రంగా పరిగణిస్తుందన్నారు. ► రాష్ట్రంలో అర్హులైన వారందరికీ రేషన్‌ సరుకులు అందిస్తున్నట్లు చెప్పారు.  ► రైతులకు మద్దతు ధరలు అందేలా పంటల కొనుగోలుకు కేంద్రాలను ఏర్పాటు చేశామన్నారు. దళారులు, ప్రైవేటు వ్యాపారులు తక్కువ ధరకు రైతుల నుంచి పంటలను కొంటే కఠిన చర్యలు తీసుకుంటామని హెచ్చరించారు.  ► అన్యాయం జరిగితే రైతులు 1902, 1907 టోల్‌ ఫ్రీ నంబర్లకు ఫోన్‌ చేయాలని సూచించారు.  ► అకాల వర్షాలతో పంట నష్టపోయిన రైతులను ఆదుకునేందుకు సీఎం వైఎస్‌ జగన్‌ ఆదేశాల మేరకు చర్యలు చేపట్టామన్నారు.  ► కాగా, లాక్‌డౌన్‌తో విశాఖ జిల్లాలో ప్రజలెవరూ ఇబ్బంది పడకుండా తీసుకుంటున్న సహాయ చర్యల్లో పారిశ్రామికవేత్తలను మరింత భాగస్వాములను చేయడానికి ప్రయత్నిస్తున్నామని వైఎస్సార్‌ కాంగ్రెస్‌ పార్లమెంటరీ పార్టీ నేత వి.విజయసాయిరెడ్డి చెప్పారు.  ► రాష్ట్రంలో ఎక్కువగా విశాఖ జిల్లాలోనే పరిశ్రమలు ఉన్నాయని, కరోనా వైరస్‌ కట్టడికి ప్రభుత్వం తీసుకుంటున్న చర్యలకు ఇప్పటికే పలు పరిశ్రమల యాజమాన్యాలు విరాళాలు ఇచ్చాయన్నారు.  ► ఆయా పరిశ్రమల కార్పొరేట్‌ సోషల్‌ రెస్పాన్స్‌బిలిటీ (సీఎస్‌ఆర్‌) నిధులను ప్రజలకు సహాయం చేయడానికి వినియోగించాలని కోరారు.  ► ఇందుకోసం ఆయా పరిశ్రమల యాజమాన్యాలతో త్వరలోనే సమావేశం నిర్వహించాలని యోచిస్తున్నామన్నారు.

సాక్షి, న్యూఢిల్లీ : కరోనా (కోవిడ్‌–19) వైరస్‌ గురించి అనవసర భయాందోళనలకు గురికావద్దని,  అలా అని పూర్తి నిర్లక్ష్యం వహించవద్దని, దగ్గినప్పుడు, తుమ్మినప్పుడు మోచేతులు అడ్డం పెట్టుకోండని, కాస్త ఒకరికొకరు దూరం పాటించండని ఫిబ్రవరి నెలలో పలు దేశాల వైద్య నిపుణులు తమ తమ దేశాల ప్రజలను హెచ్చరించారు. ఆ తర్వాత, మార్చి నెలలో కోవిడ్‌–19 బాధితలు మినహా ప్రజలెవరూ మాస్క్‌లు ధరించరాదని ప్రపంచ ఆరోగ్య సంస్థ, భారత్‌ సహా పలు దేశాల వైద్య నిపుణులు ప్రజలకు పిలుపునిచ్చారు. (మాస్క్‌ లేకుంటే అరెస్ట్‌..) ఏప్రిల్‌ నెల వచ్చేసరికి పరిస్థితి మారిపోయింది. ప్రజలు భయటకు వెళ్లినప్పుడు తప్పనిసరిగా మాస్క్‌లు ధరించాలని ప్రపంచ ఆరోగ్య సంస్థతోపాటు అమెరికా, భారత్‌ అధికారులు ప్రజలను ఆదేశించారు. మాస్క్‌లను తప్పనిసరి చేస్తూ ముంబై మున్సిపాలిటీ అధికారులు ఆదేశాలు జారీ చేయగా, బయటకు వెళ్లినప్పుడు ప్రతి ఒక్కరు మాస్క్‌లు ధరించాల్సిందేనంటూ కేరళకు చెందిన నిపుణుల కమిటీ సిఫార్సు చేసింది. ఇక ఒడిశా ప్రభుత్వం మాస్క్‌ లేకుండా బయటకు వెళితే రూ.200 జరిమానా విధిస్తూ ఆదేశాలు జారీ చేసింది. అయితే వైద్య సిబ్బంది మాత్రమే మాస్క్‌లు ధరించాలని సూచించిన భారత అధికారులు ఇప్పుడు ఇంట్లో తయారు చేసుకున్న మాస్క్‌లుగానీ, కాటన్‌తో తయారు చేసిన రెడీమేడ్‌ మాస్క్‌లనుగానీ ధరించాలని సూచిస్తున్నారు.  ఎందుకీ మార్పు? భారత ప్రభుత్వం  నాణ్యమైన ‘ఎన్‌–95’ మాస్క్‌లనుగానీ లేదా సర్జికల్‌ మాస్క్‌లనుగానీ ధరించాల్సిందిగా ఎందుకు ఇప్పటి వరకు సూచించలేదు. వైరస్‌ బాధితులకు చికిత్సలు అందిస్తున్న వైద్య సిబ్బందికి మాత్రమే ఆ మాస్క్‌లను పరిమితం చేయడానికి కారణం వాటి కొరత ఉండడమేనా? తమకు సరైనా గ్లౌసులు, మాస్క్‌లు, కవరాల్‌ సూట్లు లేవంటూ దేశంలోని పలు ప్రభుత్వ ఆస్పత్రుల నుంచి ఆరోపణలు వచ్చిన విషయం తెల్సిందే. కవరాల్‌ గౌన్లు లేక గౌన్లుగా కుట్టిన ప్లాస్టిక్‌ కవర్లను ధరించడం వల్ల ముంబైలో ముగ్గురు నర్సులు కరోనా వైరస్‌ బారిన పడ్డారు. (మర్కజ్‌ భయం.. చైన్‌ తెగేనా!) ఇప్పుడు భారత్‌తోపాటు మరికొన్ని దేశాలు కూడా ఇంట్లో కుట్టుకున్న మాస్క్‌లనే వాడుకోవాలని సూచిస్తున్నారు. క్లినిక్‌ మాస్క్‌లకు వీటికి ఉండే తేడాలను పెద్దగా చెప్పడం లేదు. చేతులు మారడం వల్ల క్లినికల్‌ మాస్క్‌లకు వైరస్‌ సోకవచ్చని, ఇంట్లోనే తయారు చేసుకున్న మాస్క్‌లను రోజు శుభ్రంగా ఉతుక్కోవచ్చని అధికారులు సూచిస్తున్నారు. మాస్క్‌ల కోసం పల్చటి కాటన్‌ బట్టకన్నా, మందమైన కాటన్‌ బట్టను ఉపయోగించాలని సూచించారు.  మనం ఎంచుకున్న బట్ట పలుచటిదా లేదా మందమైనదా తెలుసుకోలేక పోయినట్లయితే సదరు గుడ్డలను సూర్యుడి వెళుతురుకు అడ్డంగా పెట్టి చూడాలని, సూర్య కిరణాలను మంచిగా అడ్డుకుంటే మందమైనదని, అడ్డుకోకపోతే పల్చటి గుడ్డని హోంమేడ్‌ మాస్క్స్‌ మీద అధ్యయనం జరిపిన ‘వేక్‌ ఫారెస్ట్‌ బాప్టిస్ట్‌ హెల్త్‌’ అనెస్థీయాలోజీ చైర్మన్‌గా పని చేస్తున్న డాక్టర్‌ స్కాట్‌ సెహగల్‌ సూచించారు. ఈ చేతి మాస్క్‌లను తయారు చేసుకోవడం తెలియని వారు గుడ్డలను లేదా చిన్న టవల్స్‌ను చేతు రుమాలులాగా ముఖానికి చుట్టుకుంటున్నారు. యువతులయితే ఎప్పటిలాగా స్కార్ఫ్‌లను ముఖానకి చుట్టుకుంటున్నారు. 

భువనేశ్వర్‌ : కరోనా వైరస్‌ తీవ్రత రోజురోజుకు పెరుగుతున్న నేపథ్యంలో ఒడిశా ప్రభుత్వం పలు కీలక నిర్ణయాలు తీసుకుంటుంది. ఇప్పటికే ఒడిశాలో లాక్‌డౌన్‌ను ఏప్రిల్‌ 30 వరకు పొడిగిస్తూ ముఖ్యమంత్రి నవీన్‌ పట్నాయక్‌ నిర్ణయం తీసుకున్న సంగతి తెలిసిందే. దీంతో దేశంలో లాక్‌డౌన్‌ను పొడగించిన మొదటి రాష్ట్రంగా ఒడిశా నిలిచింది. తాజాగా ఇళ్ల నుంచి బయటకు వచ్చే ప్రజలు మాస్కులు ధరించడం తప్పనిసరి చేశారు. ఒకవేళ ఎవరైనా మాస్క్‌ ధరించకుంటే రూ. 200 జరిమానా విధించనున్నట్టు తెలిపింది. మాస్క్‌ ధరించే నిబంధనను ఉల్లంఘించినవారికి మొదటి మూడుసార్లు రూ. 200, ఆపైన ఎన్నిసార్లు నిబంధన ఉల్లంఘిస్తే అన్నిసార్లు రూ. 500 జరిమానా విధించనున్నారు. కాగా, ఇప్పటికే పలు రాష్ట్రాలు ఇళ్ల నుంచి బయటకు వెళ్లేవారు మాస్క్‌ ధరించడం తప్పనిసరి చేసిన సంగతి తెలిసిందే. మరోవైపు ఒడిశా ప్రభుత్వం కరోనా వైరస్‌ కట్టడిలో ముందు వరుసలో ఉందనే చెప్పాలి. రాష్ట్రంలో గురువారం సాయంత్రం 5 గంటల వరకు 42 కరోనా పాజిటివ్‌ కేసులు నమోదైనట్టుగా కేంద్ర ఆరోగ్య శాఖ వెల్లడించింది. దేశవ్యాప్తంగా 5865 కరోనా కేసులు నమోదుకాగా, 169 మంది మృతిచెందినట్టుగా కేంద్ర ఆరోగ్యశాఖ తెలిపింది.  చదవండి : లాక్‌డౌన్‌: ఒడిశా కీలక నిర్ణయం అష్ట దిగ్బంధంలోకి ఆ 15 ప్రాంతాలు..

ముంబై : కరోనా మహమ్మారి విజృంభణతో వణుకుతున్న దేశ ఆర్థిక రాజధాని ముంబైలో ఇకపై బహిరంగ ప్రదేశాల్లో విధిగా ప్రతి ఒక్కరూ మాస్క్‌ ధరించాలని బృహన్‌ముంబై మున్సిపల్‌ కార్పొరేషన్‌ (బీఎంసీ) బుధవారం ఆదేశాలు జారీ చేసింది. ఏ కారణంతో బయటకు వచ్చినా విధిగా మాస్క్‌ ధరించాలని, ఇంట్లో తయారుచేసుకున్న మాస్క్‌ను సైతం అనుమతిస్తామని బీఎంసీ పేర్కొంది. మాస్క్‌ ధరించని వారిని అరెస్ట్‌ చేసేందుకు వెనుకాడమని అధికారులు పేర్కొన్నారు. కాగా, ప్రజలు బయటకు వచ్చే సందర్భంలో తప్పనిసరిగా మాస్క్‌లు ధరించాలని మహారాష్ట్ర సీఎం ఉద్ధవ్‌ ఠాక్రే ప్రజలకు విజ్ఞప్తి చేసిన నేపథ్యంలో బీఎంసీ ఈ నిర్ణయం తీసుకుంది. కరోనా వైరస్‌ కేసులు ముంబై సహా మహారాష్ట్రలో విపరీతంగా పెరుగుతుండటంతో మహమ్మారిపై పోరాటానికి చేతులు కలపాలని మాజీ రక్షణ, ఆరోగ్య సేవల సిబ్బందిని సీఎం ఉద్ధవ్‌ ఠాక్రే కోరారు. లాక్‌డౌన్‌తో ప్రజలకు అసౌకర్యం తప్పదని, అయితే అంతకుమించి మరో మార్గం లేదని వెబ్‌కాస్ట్‌ ద్వారా సీఎం ప్రజలకు స్పష్టం చేశారు. మరోవైపు మహమ్మారి విస్తరిస్తున్న క్రమంలో ముంబైలో లాక్‌డౌన్‌ను పొడిగించేందుకు అధికారులు యోచిస్తున్నారు. ముంబైలో ఇప్పటివరకూ 318 కరోనా పాజిటివ్‌ కేసులు నమోదు కాగా 50 మంది మరణించారు. చదవండి : కరోనా: ‘మానవత్వం చూపించండి ప్లీజ్‌’

బంజారాహిల్స్‌: కరోనా వైరస్‌ నేపథ్యంలో వ్యాధి వ్యాప్తి చెందకుండా ఉండేందుకు మాస్క్‌లు తప్పనిసరిగా ధరించాల్సి ఉండగా కొంతమంది పేదలు వీటికి దూరమవుతున్నారు. దీన్ని దృష్టిలో పెట్టుకొని బంజారాహిల్స్‌ రోడ్‌ నంబర్‌–3లో నివసించే బ్రిటిష్‌ డిప్యూటీ హైకమిషనర్‌ హైదరాబాద్‌ విభాగం అధికారి ఆండ్రుఫ్లెమింగ్‌ భార్య వ్యాన్‌ఫ్లెమింగ్‌ గత 3 రోజుల నుంచి మాస్క్‌లు ఉచితంగా అందిస్తున్నారు. నైజీరియన్‌ క్లాత్‌తో ఆమె ఈ మాస్క్‌లు కుడుతూ తన చుట్టుపక్కల నివసించే పేదలకు పంపిణీ చేస్తున్నారు. ఆమె చేస్తున్న ఈ సేవకు నెటిజన్లు అభినందనలు తెలుపుతున్నారు. ఇప్పటికే ఆమె 300కుపైగా మాస్క్‌లను సొంతంగా కుట్టి పంపిణీ చేశారు. 

సాక్షి, న్యూఢిల్లీ : ప్రాణాంతకమైన కరోనా వైరస్‌ బారిన పడకుండా తప్పించుకునేందుకు ప్రజలు రకరకాల మాస్క్‌లు వాడుతున్నారు. అవి మామూలు ధరల నుంచి అసాధారణ ధరల వరకు ఉండడమే కాకుండా నాసిరకం నుంచి నాణ్యమైనవి వరకు ఉన్నాయి. ఎంత ఖరీదు పెట్టి కొన్న ఎంతటి నాణ్యమైనా మాస్క్‌ అయినా సరే దానిపై కరోనా వైరస్‌ వారం రోజుల పాటు బతికుండే అవకాశం ఉందంటూ లండన్‌ వైద్యులు తేల్చిన నేపథ్యంలో ప్రజలకు కొత్త భయాలు పట్టుకున్నాయి. పైగా మాస్క్‌లు ధరించడం చాలా మందికి ఇబ్బందిగా ఉంటుంది. కొందరికి శ్వాస సరిగ్గా ఆడదు. కొందరికి దురద పెట్టినట్లు ఉంటుంది. ఏదేమైనా చీకాకుగా ఉంటుందనడంలో సందేహం లేదు.మాస్క్‌ అంటే ముఖాన కప్పుకునే ముకుమల గుడ్డలా మెత్తగా ఉండాలి. పైగా ఏరోజుకారోజు పారేసే దానిలా కాకుండా ఏ రోజుకారోజు ఉతుక్కుని మళ్లీ ధరించేలా ఉండాలి. వీలయితే కరోనా వైరస్‌ను ఆకర్షించి చంపేసే రసాయనంతో కూడినదై ఉండాలి.(ఈ టెక్నిక్‌తో కరోనా వైరస్‌కు చెక్‌!) ప్రొఫెసర్‌ సబీనా ష్లిష్‌ అచ్చం ఇలాగా ఆలోచించినట్లు ఉన్నారు. ఆమె చేసిన సూచనల మేరకు అచ్చం ఇలాగే ఉపయోగపడే మాస్క్‌లను ‘మాన్‌చెస్టర్‌ ఇనిస్టిట్యూట్‌ ఆఫ్‌ బయోటెక్నాలజీ’ పరిశోధకులు తయారు చేశారు. వీటిని మామూలుగా మాస్క్‌లనకుండా ‘స్నూద్‌’అని పిలుస్తున్నారు. అవి మెడ కింది నుంచి ముఖంపైన కళ్లవరకు ముసుగు ధరించినట్లు ఉండడమే అందుకు కారణం. మనం ముక్కు నుంచి శ్వాసను పీల్చుకునే నాళం పైభాగాన ప్రొటీన్ల మిశ్రమం ఉన్నట్లే ఈ స్నూద్‌కు ప్రొటీన్ల మిశ్రమం పూత ఉంటుందని, అది వైరస్‌లను ఎదుర్కోవడానికి మనకు శక్తినిస్తుందని, అలాగే ప్రొటీన్ల పూతకు పై భాగాన వైరస్‌లను నిర్వీర్యం చేసే రసాయనం ఉంటుందని పరిశోధకులు తెలిపారు. ప్రొటీన్లు ఉన్నప్పుడే కెమికల్‌ రియాక్షన్‌ ఉంటుందని, లేకపోతే లేదని వారు చెప్పారు. ఈ స్నూద్‌లను ఏ రోజుకారోజు ఉతుక్కొని మళ్లీ ధరించవచ్చని కూడా చెప్పారు. అయితే ఎన్ని రోజుల వరకు దాన్ని ధరించవచ్చో, ఎన్ని రోజుల వరకు దానిపై ప్రొటీన్లు, రసాయనం పూత ఉంటుందో వారు చెప్పలేదు. తల పైభాగం నుంచి ధరించే ఈ స్నూద్‌లు ఆన్‌లైన్‌ మార్కెట్‌లో 20 పౌండ్లకు (దాదాపు 1800 రూపాయలు) అందుబాటులో ఉన్నాయి.(మనిషి నుంచి పులికి సోకిన కరోనా వైరస్‌)

సాక్షి, వైఎస్సార్‌ కడప:  ప్రపంచ వ్యాప్తంగా కరోనా వైరస్‌ రోజురోజుకు కోరలు చాస్తుంది. ఈ మహమ్మారి వ్యాప్తిని అరికట్టేందుకు ప్రధానమంత్రి నరేంద్ర మోదీ దేశమంతా 21 రోజుల పాటు లాక్‌డౌన్‌ విధించిన విషయం తెలిసిందే. ఈ నేపథ్యంలో దేశంలోని అన్ని వ్యాపార రంగాలు మూతపడటంతో దినసరి కూలీలు, వలస కూలీల, పేదల ప్రజల పరిస్థితి దయనీయంగా మారింది. దీంతో వారి ఆదుకునేందుకు వ్యక్తులు, ఆయా స్వచ్చంధ సంస్థలు నడుం బిగించారు. వివిధ ఫౌండేషన్‌ల ద్వారా విరాళాలు ప్రకటిస్తున్నారు. (ఏప్రిల్‌ 15 నుంచి లాక్‌డౌన్‌ పాక్షిక ఎత్తివేత!) విద్యార్థి సంఘాలు, పార్టీ కార్యకర్తలు ముందుకొచ్చి తమ వంతుగా సహాయంగా డబ్బులు పంచడం, అన్నదాన కార్యక్రమాలు, మాస్క్‌లు, శానిటైజర్‌లు పంచుతూ మేము సైతం అంటూ భాగస్వాములవుతున్నారు. వైఎస్సార్‌ కడప జిల్లా జమ్మలమడుగు ప్రాంత పూర్వ విద్యార్థులు శనివారం స్థానిక మార్కెట్‌ వెండర్స్‌కు మాస్క్‌లు, శానిటైజర్‌లను పంపిణీ చేశారు. మార్కెట్‌లో కూరగాయలు అమ్మె రైతులు, కొనడానికి వచ్చిన ప్రజలు, మార్కెట్‌ వెండర్స్‌, సిబ్బంది కరోనా బారిన పడకుండా ఉండేందుకు స్థానిక ఎస్సై ఆధ్వర్యంలో పెద్ద ఎత్తున మాస్క్‌లు, శానిటైజర్‌లు పంపిణీ చేసి తమ దాతృత్వాన్ని చాటుకున్నారు.

సాక్షి, హైదరాబాద్‌: కరోనా నేపథ్యంలో మున్సిపల్‌ ఉద్యోగులు, పారిశుధ్య సిబ్బంది, పోలీసుల రక్షణకు పెద్ద ఎత్తున మాస్కుల తయారీ బాధ్యతలను రాష్ట్ర ప్రభుత్వం స్వయం సహాయక మహిళా సంఘాలకు (ఎస్‌హెచ్‌జీ) అప్పగించింది. మున్సిపల్‌ శాఖ మంత్రి కె.తారకరామారావు ఆదేశాల మేరకు ప్రిన్సిపల్‌ సెక్రటరీ అరవింద్‌ కుమార్, రాష్ట్ర మున్సిపల్‌ పరిపాలన శాఖ డైరెక్టర్‌ ఎన్‌.సత్యనారాయణ ఆదివారం, సోమవారం పలు దఫాలుగా మున్సిపల్‌ కమిషనర్లు, మెప్మా మిషన్‌ కో–ఆర్డినేటర్లతో మాస్కుల తయారీపై వీడియో కాన్ఫరెన్స్‌ నిర్వహించారు. ప్రభుత్వ ని బంధనలకు లోబడి సామాజిక దూరం పాటించడంలో భాగంగా కొత్త టెక్నాలజీని (జూమ్‌ యాప్‌) ఉపయోగించి అధికారులు వారి ఇంటి నుంచే మొబైల్‌ ఫోన్‌ లేదా కంప్యూటర్‌ వెబ్‌ కెమెరా ద్వారా దాదాపు 300 మంది అధికారులతో (కమిషనర్లు, మెప్మా అధికారులు) డైరెక్టర్‌ సత్యనారాయణ మాట్లాడారు. రాష్ట్రవ్యాప్తంగా పట్టణ ప్రాంతాల్లో ఉన్న స్వయం సహాయ సంఘాల మహిళలు ఇంటి వద్దే తమ వద్ద ఉన్న కుట్టు మెషీన్ల ద్వా రా యుద్ధ ప్రాతిపదికన 3 లక్షల మాస్క్‌ ల తయారీకి ఆదేశించారు. ఒక మాస్క్‌ తయారీకి అయ్యే ఖర్చును కనిష్టంగా రూ.10, గరిష్టంగా రూ.14 చొప్పున కొనుగోలు చేసేందుకు మున్సిపల్‌ డైరెక్టర్‌ సత్యనారాయణ పరిపాలన అనుమతులు ఇచ్చారు. అన్ని మున్సిపాలిటీల పరిధిలో విధులు నిర్వహించే మున్సిపల్, పోలీసు, వీధి విక్రయదారులు తప్పక మాస్క్‌ ధరించాలని ఆదేశించారు. 

బీజింగ్‌: ప్రపంచ దేశాలన్ని కరోనా మహమ్మారి బారిన పడి కకావికలమవుతున్నాయి. ఎప్పుడూ ప్రపంచం చూడనంతగా విపత్కర పరిస్థితులను ఎదుర్కొంటుంది. ఇప్పటి వరకు కరోనా మహమ్మారికి ఎటువంటి మందు కానీ, వాక్సిన్‌ కానీ కనిపెట్టలేదు. ఈ వైరస్‌ను ఎదుర్కోవాలంటే తరచు చేతులు కడుక్కోవడం, మాస్క్‌లు ధరించడం, ఇంటిని, పరిసరాలను క్రిములు వ్యాప్తిచెందకుండా పరిశుభ్రంగా ఉంచుకోవడం లాంటి స్వీయ రక్షణ చర్యలు మాత్రమే మార్గాలు. అయితే హాంకాంగ్‌ యూనివర్శిటి వాళ్లు కరోనా వైరస్‌ పై జరిపిన రీసెర్చ్‌లో కొన్ని ఆసక్తికరమైన విషయాలు వెల్లడించారు.  కరోనా వైరస్‌ స్టెయిన్‌లెస్‌ స్టీల్‌, ప్లాస్టిక్‌ ఉపరితలాలపై 4రోజుల వరకు ఉంటుందని తెలిపారు. అదేవిధంగా కరోనా నుంచి రక్షణ కోసం ఉపయోగించే మాస్క్‌లపై మాత్రం కరోనా వైరస్‌ వారం రోజుల పాటు ఉంటుందని హాంకాంగ్‌ యూనివర్శిటి పరిశోధకులు తెలిపారు. మాస్క్‌ ముందు భాగాన్ని చేతితో తాకితే ఆ వైరస్‌ చేతికి అంటుకొని దాని ద్వారా ముఖాన్ని, కళ్లను, ముక్కును తాకినప్పుడు మనం వైరస్‌ బారిన పడే అవకాశం ఉందని తెలిపారు. అందుకే చేతులు కడుక్కున్న తరువాతే ముఖాన్ని కానీ, కళ్లను కానీ ముట్టుకోవాలని సూచిస్తున్నారు. (కరోనాకు విరుగుడు అదేనా?) గది ఉష్ణోగ్రత వద్ద ఏఏ వస్తువులపై కరోనా వైరస్‌ ఎంత సేపు ఉంటుందని పరిశోధనలు చేశారు. దీనిలో భాగంగా ప్రింటింగ్‌ పేపర్‌, టిష్యూ పేపర్‌ల మీద కరోనా వైరస్‌ కేవలం మూడు గంటలు మాత్రమే ఉంటుందని కనుగొన్నారు. చెక్క మీద, బట్టల మీద రెండో రోజుకు కనిపించకుండా పోతుందని, గ్లాస్‌ మీద, బ్యాంక్‌ నోట్ల మీద రెండురోజుల కంటే కొంచెం ఎక్కువగా ఉంటుందని తెలిపారు. మాస్క్‌ల మీదే అత్యధికంగా వారం రోజుల పాటు కరోనా వైరస్‌ ఉంటుందని వారు తెలిపారు. కరోనాను ఎదుర్కొవడానికి తరచు చేతులు కడుక్కోవడం, వ్యక్తిగత పరిశుభ్రతను పాటించడం ఒక్కటే మార్గమని వారు తెలిపారు. అయితే ఇప్పటి వరకు ప్రపంచ వ్యాప్తంగా 12 లక్షలకు పైగా కరోనా బారిన పడగా 70 వేల మందికి పైగా మృతి చెందారు.  ( వైరస్‌ బారిన 26 మంది నర్సులు, డాక్టర్లు)

బీజింగ్‌: కరోనా మహమ్మారిని ఎదుర్కొనేందుకు దాదాపు 400 కోట్ల మాస్కులను ఇతర దేశాలకు ఎగుమతి చేసినట్లు చైనా అధికారులు ఆదివారం తెలిపారు. మార్చి 1 నుంచి 3.86 బిలియన్ల మాస్కులు, 37.5 మిలియన్ల రక్షణ వస్త్రాలు, 16 వేల వెంటిలేటర్లు, 2.84 మిలియన్ల కోవిడ్‌–19 టెస్టింగ్‌ కిట్లు 50కి పైగా దేశాలకు ఎగుమతి చేసినట్లు అధికారాలు తెలిపారు. వీటి విలువ దాదాపు 1.4 బిలియన్‌ డాలర్లు ఉంటుందని పేర్కొన్నారు. అయితే చైనా ఉత్పత్తి చేసిన మాస్కులు స్థాయికి తగినట్లు లేవని గతవారం నెదర్లాండ్స్‌, పిలిప్పీన్స్‌, క్రొయేషియా, టర్కీ, స్పెయిన్‌ పలు దేశాలు వాటిని తిరస్కరించాయి. డచ్‌ ప్రభుత్వం 6 లక్షల మాస్క్‌లను తిప్పి పంపించేసింది. అయితే అవి సర్జికల్‌ మాస్కులు కాదని తాము ముందే చెప్పినట్లు చైనా వాదిస్తోంది. కాగా, చైనాలో కోవిడ్‌ తగ్గుముఖం పట్టడంతో కరోనా కట్టడికి అవసరమైన వైద్యపరికరాల ఉత్పత్తి చేసేందుకు స్థానిక పరిశ్రమలను ప్రోత్సహిస్తున్నట్టు వెల్లడించారు. (కరోనా దెబ్బ: ప్రపంచం ఉక్కిరిబిక్కిరి)

సాక్షి, హైదరాబాద్‌: కరోనా మహమ్మారి వ్యాప్తి చెందుతున్న నేపథ్యంలో ప్రపంచవ్యాప్తంగా మాస్కులకు డిమాండ్‌ పెరిగింది. ఒకప్పుడు నగరాల్లో కాలుష్యాన్ని తట్టుకునేందుకు, డస్ట్‌ ఎలర్జీ ఉన్నవారు, సిమెంట్, ఫార్మా కంపెనీల్లో పని చేసేవారు మాత్రమే మాస్కులు వినియోగించేవారు. కానీ, ప్రస్తుతం కరోనా పాజిటివ్‌ కేసులకు చికిత్స చేసే వైద్యులు, 24 గంటల పాటు గస్తీ విధులు నిర్వహిస్తున్న పోలీసులు, గ్రామం నుంచి పట్టణం దాకా పౌరులందరూ మాస్కులు ధరిస్తున్నారు. ఇందులో అభివృద్ధి చేసిన విధానం, దుమ్ము, ధూళి, బ్యాక్టీరియా, వైరస్‌లను అడ్డుకునే సామర్థ్యాన్ని బట్టి అనేక రకాలు ఉన్నాయి. బెంగళూరుకు చెందిన వర్సో హెల్త్‌ కేర్‌.కామ్‌ అందించిన వివరాల ప్రకారం.. ఏ మాస్క్‌ దేనిని ఎంత మేర అడ్డుకుంటుందో చూద్దామా..? 

న్యూఢిల్లీ : కరోనా వైరస్‌ తీవ్రంగా ప్రభావం చూపుతున్న నేపథ్యంలో మాస్క్‌ల అవసరం అంతకంతకూ పెరిగిపోతోంది. దేశంలో మాస్క్‌ల వినియోగానికి తగ్గ ఉత్పత్తి లేని పరిస్థితుల్లో కొద్దిరోజుల్లో మాస్క్‌ల కొరత వేధించే అవకాశం లేకపోలేదు. ఈ నేపథ్యంలో ఇంట్లో తయారుచేసిన పునర్వినియోగ మాస్క్‌లను ఉపయోగించాలని కేంద్ర ఆరోగ్య శాఖ విజ్ఞప్తి చేస్తోంది. అనారోగ్య సమస్యలు, శ్వాస సంబంధిత ఇబ్బందులు లేని వారు ఇంట్లో తయారు చేసిన మాస్క్‌లను ఉపయోగించాలని పిలుపునిచ్చింది. ( కూల్‌డ్రింక్‌లో షేవింగ్‌ లోషన్‌.. ఇద్దరు మృతి!  ) ఇంట్లో నుంచి బయటకు వచ్చేప్పుడు వాటిని కచ్చితంగా ఉపయోగించాలని కోరింది. కరోనా వ్యాప్తి అడ్డుకోవటానికి ఇదెంతో ఉపకరిస్తుందని ఆరోగ్య శాఖ పేర్కొంది. హెల్త్‌ వర్కర్స్‌, కరోనా బాధితులకు చికిత్స చేసే వారు వీటిని వాడాల్సిన అవసరం లేదని, వారి కోసం ప్రత్యేకంగా తయారు చేసిన మాస్క్‌లను ధరించాలని స్పష్టం చేసింది. ఇంట్లోనే పునర్వినియోగ ఫేస్‌ మాస్క్‌లను తయారు చేసుకునే విధానం :  కావాల్సిన వస్తువులు : ఏదైనా కాటన్‌ వస్త్రం, నాలుగు క్లాత్‌ స్ట్రిప్స్‌, కత్తెర, కుట్టుమిషన్‌ తయారీ పద్ధతి :  

వాషింగ్టన్‌: కరోనా వ్యాప్తి నివారణకు ప్రతి ఒక్కరు స్వచ్ఛందంగా ముఖానికి మాస్క్‌లు ధరించాలని అమెరికా అధ్యక్షుడు డొనాల్డ్‌ ట్రంప్‌ కోరారు. తాను మాత్రం మాస్క్‌లు ధరించనని తెలిపారు.  శుక్రవారం విలేకరుల సమావేశంలో ట్రంప్‌ మాట్లాడుతూ మాస్క్‌లు ధరించినా.. ప్రతి ఒక్కరూ సామాజిక దూరం పాటించాలని సూచించారు. కరోనా మహమ్మారి కట్టడికి సామాజిక దూరం పాటించడం అనేది అత్యవసరమని తెలిపారు. మాస్క్‌లు ధరించడం, ధరించకపోవడం అనేది వ్యక్తిగతమైన విషయమని, తాను మాత్రం ముఖానికి మాస్క్‌ ధరించకూడదని నిర్ణయించుకున్నానని ట్రంప్‌ తెలిపారు. అయితే ఎందుకు మాస్క్‌ ధరించడం లేదని ట్రంప్‌ని ప్రశ్నించగా తాను అనేక దేశాల అధ్యక్షులను, ప్రధానులను, ఉన్నతాధికారులను, రాజులను, రాణులను కలుస్తూ ఉంటానని ఆ సమయంలో మాస్క్‌లతో వారిని కలవడం ఇష్టం లేదని వివరించారు. (24 గంటల్లో 1500 మంది మృతి)  ఇదిలా ఉండగా విదేశాలకు యన్‌-95 మాస్క్‌లను, ఇతర రక్షణ పరికరాలను విదేశాలకు  ఎగుమతి చేయడం ఆపివేయాలని ట్రంప్‌ అధికారులను ఆదేశించారు. కరోనా మహమ్మారితో పోరాడటానికి వాటి అవసరం ఎంతో ఉందని దేశంలో కొరత ఏర్పడకుండా ఉండటానికి వాటి ఎగుమతులను ఆపివేయాలని ఆదేశించారు. డిఫెన్స్‌ ప్రొడక‌్షన్‌ యాక్ట్‌ అనేది ధరలు తగ్గించడానికి, అధిక లాభార్జన కోసం అత్యవసరమైన రక్షణ పరికరాలను  విదేశాలకు ఎగుమతి చేయడం లాంటి వాటి అరికట్టే చర్యల్లో భాగమని పేర్కొన్నారు. ఈ విషయంపై వైట్‌హౌస్‌ వ్యాపార సలహాదారు పీటర్‌ నవ్వర్రో మాట్లాడుతూ.. కొంత మంది బ్లాక్‌ మార్కెట్ల ద్వారా దేశీయ అవసరాలు పట్టించుకోకుండా లాభార్జన కోసం విదేశాలకు మాస్క్‌లను ఇతర రక్షణ పరికరాలను సరఫరా చేస్తున్నారన్నారు. అయితే మాస్క్‌ల కొరత గురించి రాష్ట్ర గవర్నర్‌లు, ఆసుపత్రి సిబ్బంది ప్రశ్నించడంతో ఈ నిర్ణయం తీసుకున్నారు. అయితే ఇతర దేశాల్లో లాగా మాస్క్‌ల వాడకాన్ని కచ్చితంగా అమలు చేయాలని ప్రభుత్వం చెప్పకపోవడంతో నిపుణులు ఈ విషయం పై ప్రశ్నిస్తున్నారు. కరోనా వైరస్‌ సోకిన వ్యక్తుల్లో ఎక్కువ మందికి లక్షణాలు తక్కువగా ఉన్నాయని కానీ వారికి నెమ్మదిగా కరోనా లక్షణాలు పెరుగుతాయని  వారు దగ్గడం, తుమ్మడం, మాట్లడం ద్వారా ఇతరులకు కరోనా వ్యాపించే అవకాశాలు ఉన్నాయని సర్జన్‌ జనరల్‌ జెరోమ్‌ ఆడమ్స్‌ అన్నారు.  యుఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ చాలా మందికి మెడికల్-గ్రేడ్ మాస్క్‌లను ఉపయోగించమని సిఫారసు చేయడం లేదని ట్రంప్ అన్నారు. అమెరికన్లు ఇంట్లో క్లాత్ మాస్క్‌లు తయారు చేయవచ్చని ఆయన అన్నారు. మహమ్మారిపై పోరాడటానికి అమెరికాకు ఎక్కువ యన్‌ 95 రెస్పిరేటరి మాస్క్‌లు అందిస్తామని 3 యమ్‌ కో శుక్రవారం తెలిపింది. అయితే ట్రంప్ నిర్దేశించిన విధంగా ఇతర దేశాలకు సరఫరాను పరిమితం చేస్తే వచ్చే మానవతా చిక్కులు గురించి ఆ సంస్థ హెచ్చరించారు. కాగా అమెరికా 2001, సెప్టెంబర్‌ 11న జరిగిన దాడిలో ప్రాణాలు కోల్పొయిన వారి కంటే ఎక్కువ మంది న్యూయార్క్‌లో కరోనా వైరస్‌సోకి ప్రాణాలు కోల్పోయిన విషయం తెలిసిందే. శుక్రవారం రాత్రి నాటికి అమెరికా వ్యాప్తంగా 30 వేలకు పైగా కరోనా పాజిటివ్‌ కేసులు నమోదవ్వగా.. ఏడువేలకు పైగా మరణాలు సంభవించాయి.

సాక్షి, సిటీబ్యూరో: కరోనా కేసులు భారీగా వెలుగు చూస్తున్న నేపథ్యంలో ఆస్పత్రుల్లో క్యాజువాల్టీల్లో విధులు నిర్వహించేందుకు వైద్య సిబ్బంది భయపడుతున్నారు. మాస్క్‌లు, శానిటైజర్లు, ఇతరత్రా కరోనా నిరోధక సామగ్రి ఇక్కడ అందుబాటులో లేకపోవడమే వారి భయానికి కారణం. ప్రస్తుతం గాంధీ, ఉస్మానియా, ఫీవర్, నిలోఫర్‌ సహా పలు ఆస్పత్రుల్లో ఓపీ సేవలు రద్దు చేశారు. దీంతో సాధారణ దగ్గు, జ్వరం, తలనొప్పి వంటి సమస్యలతో బాధపడుతున్న వారితో పాటు అత్యవసర రోగులు, క్షతగాత్రులు ఆయా ఆస్పత్రుల్లోని క్యాజువాల్టీలకు చేరుకుంటున్నారు. ఒక్కో ఆస్పత్రి క్యాజువాలిటికి రోజుకు సగటున 250 నుంచి 300 మంది రోగులు వస్తున్నారు. ఇలా ఇక్కడికి వచ్చిన బాధితులను ముందుగా జూనియర్‌ వైద్యులు, స్టాఫ్‌ నర్సులు, ఇతర పారామెడికల్‌ స్టాఫ్‌  పరీక్షిస్తారు. సమస్య తీవ్రతను బట్టి వారిని ఆస్పత్రిలో అడ్మిట్‌ చేసి, ఆయా విభాగాలకు తరలిస్తుంటారు. ప్రస్తుతం క్యాజువాలిటీలకు సాధారణ రోగులతో పాటు కరోనా బాధితులు కూడా వస్తున్నారు. ఆస్పత్రిలో చికిత్స పొందుతూ చనిపోయిన సంఘటనలూ ఉన్నాయి. వారు చనిపోయిన తర్వాత కరోనా పాజిటివ్‌ ఉన్నట్లు నిర్థారణ అవుతుండటంతో ఇక్కడ పని చేసేందుకు వైద్యులుభయపడుతున్నారు.  ఐసోలేషన్‌ వార్డులకే పరిమితం కరోనా బాధితులకు చికిత్స అందించేందుకు ప్రభుత్వం గాంధీ సహా అన్ని ఆస్పత్రుల్లోనూ ఐసోలేషన్‌ వార్డులను ఏర్పాటు చేసింది. ఐసోలేషన్‌ వార్డుల్లో పూర్తిగా పాజిటివ్‌ కేసులే ఉండటం, వారి నుంచి వైద్య సిబ్బందికి కూడా వైరస్‌ విస్తరించే అవకాశం ఉండటంతోప్రభుత్వం ఆయా వార్డుల్లో పని చేస్తున్న వారికి ఎన్‌–95 మాస్క్‌లు, చేతి గ్లౌజులు, పర్సనల్‌ ప్రొటక్షన్‌ ఎక్విప్‌మెంట్‌ కిట్స్‌ అందించింది. క్యాజువాల్టీలో వైద్యసేవలు అందిస్తున్న వారికి అలా ఇవ్వడం లేదు. తమకు వైరస్‌ ఉన్నట్లు రోగులకే కాదు వైద్యులకూ తెలియక పోవడం, తీరా వైరస్‌ ఉన్నట్లు నిర్ధారణ అయ్యేసరికి వైద్య సిబ్బంది సహా బంధువులు, ఇతర రోగులు క్లోజ్‌ కాంటాక్ట్‌లోకి వెళ్తుండటంతో వారి నుంచి వీరికి కూడా వైరస్‌ విస్తరిస్తుంది. నిలోఫర్‌ క్యాజువాలిటీలో శిశువుకు చికిత్స చేసిన వారిలో 25 మంది వైద్య సిబ్బంది ఆ తర్వాత ఐసోలేషన్‌కు వెళ్లగా, తాజాగా ఉస్మానియాలో మహిళకు చికిత్స చేసిన క్యాజువాలిటి వైద్య సిబ్బంది మొత్తాన్ని క్వారంటైన్‌కు పంపాల్సి వచ్చింది.  గాంధీ మినహా ఇతర ఆస్పత్రుల్లో కరువే.. గాంధీ కరోనా నోడల్‌ కేంద్రంలోని ఐసీయూ, ఐసోలేషన్‌ వార్డుల్లో పనిచేస్తున్న వారికి మినహా ఇతరులకు మాస్క్‌లు, పర్సనల్‌ ప్రొటక్షన్‌ ఎక్విప్‌మెంట్‌ కిట్స్‌ అందుబాటులో లేవు. ఆస్పత్రికి వచ్చిన వారిలో ఎవరికి వైరస్‌ ఉందో? ఎవరి నుంచి వైరస్‌ ఎలా విస్తరిస్తుందో తెలియక వైద్య విద్యార్థులు, ఇతర సిబ్బంది ఆందోళన వ్యక్తం చేస్తున్నారు. ప్రస్తుతం వైద్య ఆరోగ్యశాఖ వద్ద ఏడు వేల పీపీఈ కిట్స్‌ ఉండగా, వీటిలో ఒక్క గాంధీలోనే రోజుకు సగటున 1000 నుంచి 1200 కిట్స్‌ వినియోగమవుతుండటం, రోగుల నిష్పత్తికి తగినన్ని మాస్కులు, పీపీఈ కిట్స్‌ లేకపోవడం ఆందోళన కలిగిస్తుంది.

న్యూఢిల్లీ: మాస్కులు, శానిటైజర్ల ధరల నియంత్రణకు జారీ చేసిన నోటిఫికేషన్‌ తు.చ. తప్పకుండా అమలయ్యేలా హెల్ప్‌లైన్‌ నంబర్లను అందుబాటులోకి తెచ్చి, వాటిపై ప్రచారం కల్పిస్తామని కేంద్రం తెలిపింది. కరోనా వ్యాప్తి నేపథ్యంలో దేశంలో మాస్కులు, శానిటైజర్ల ధరలను దుకాణదారులు భారీగా పెంచడంపై ‘జస్టిస్‌ ఫర్‌ రైట్స్‌ ఫౌండేషన్‌’అనే ఎన్జీవో వేసిన పిటిషన్‌పై జస్టిస్‌ ఎల్‌.నాగేశ్వరరావు, జస్టిస్‌ దీపక్‌ గుప్తాల ధర్మాసనం శుక్రవారం వీడియో కాన్ఫరెన్స్‌ ద్వారా విచారణ చేపట్టింది. శానిటైజర్లు, లిక్విడ్‌ సోప్, మాస్కుల ధరల నియంత్రణకు జారీ చేసిన ఆదేశాలు అమలుకాని సందర్భాల్లో ప్రజలు యంత్రాంగాన్ని అప్రమత్తం చేసేందుకు హెల్ప్‌లైన్‌ నంబర్లను ఏర్పాటు చేయనున్నట్లు ఈ సందర్భంగా కేంద్రం తెలిపింది.(9 గంటలకు.. 9 నిమిషాల పాటు) అదేవిధంగా, పౌరులందరికీ కోవిడ్‌ పరీక్షలు ఉచితంగా జరిపించాలంటూ దాఖలైన పిల్, వలస కార్మికులకు కేంద్రమే వేతనం చెల్లించాలంటూ దాఖలైన పిటిషన్‌పై ధర్మాసనం కేంద్రం వివరణ కోరింది. రిసార్టులు, హోటళ్లను షెల్టర్లుగా మార్చి, వలస కార్మికులు సొంతూళ్లకు వెళ్లకుండా ఆశ్రయం కల్పించాలంటూ దాఖలైన మరో పిటిషన్‌ను ధర్మాసనం తోసిపుచ్చింది. కాగా, కోవిడ్‌ మహమ్మారిని కట్టడి చేసే వరకు ‘పిల్‌లు వేయడమే పనిగా పెట్టుకున్న వారి’పై లాక్‌డౌన్‌ విధించాలని కేంద్రం వ్యాఖ్యానించింది. యావత్‌ అధికార యంత్రాంగం తమ శక్తియుక్తులను కరోనాపై పోరుకు ధారపోస్తున్న ఈ కష్ట సమయంలో, ఏసీ గదుల్లో కూర్చున్న కొందరు వేసే పిల్‌ల కారణంగా అధికారులు విలువైన సమయాన్ని వృథా చేయాల్సి వస్తోందని ఆవేదన వ్యక్తం చేసింది. (మందు తాగడం జీవన విధానం: బీజేపీ నేత )

న్యూఢిల్లీ: మాస్క్‌ల కొరతని అధిగమించేందుకూ, నాణ్యమైన మాస్క్‌లను ఇంటిలోనే తయారుచేసుకునేందుకు ప్రభుత్వ శాస్త్రీయ సలహాదారు కొన్ని మార్గదర్శకాలను విడుదల చేశారు. ఇంట్లోనే అందుబాటులో ఉండే టీ షర్టు, బనియన్, చేతిరుమాళ్ళ లాంటి, వాడిన గుడ్డలతో నాణ్యమైన మాస్క్‌లను తయారుచేయవచ్చునని, ఇవి 70 శాతం ప్రభావవంతంగా పనిచేస్తాయనీ, కరోనా  వ్యాప్తిని అడ్డుకోవడానికి ఉపకరిస్తాయని ప్రభుత్వ శాస్త్రీయ సలహాదారు కార్యాలయం మంగళవారం వెల్లడించింది. మాస్క్‌లను నీళ్ళు, సబ్బు, ఆల్కహాల్‌లలో శుభ్రపరిచి, ఎండలో ఆరబెట్టాక వాడాలన్నారు. నూలువస్త్రంతో, రెండు పొరలతో తయారుచేసిన మాస్క్‌ సూక్ష్మ పదార్థాలను సైతం శరీరంలోకి ప్రవేశించనివ్వదు. ఈ మాస్క్‌లను తయారుచేసే ముందు గుడ్డలను శుభ్రంగా ఉతికి, ఉప్పు కలిపిన నీటిలో ఐదు నిమిషాల పాటు ఉడికించి మాస్క్‌లుగా తయారుచేసుకోవాలి. 

సాక్షి, హైదరాబాద్‌: కరోనా రోగులకు చికిత్స అందించే వైద్యులు, నర్సులకు రక్షణ కవచంలా పనిచేసే ఎయిరోసోల్‌ బాక్సులు, మాస్క్‌ల తయారీకి అవసరమైన సాంకేతికతను రాష్ట్ర ఇన్ఫర్మేషన్‌ టెక్నాలజీకి అనుబంధ సంస్థ ‘టీవర్క్స్‌’అందించింది. నిజాం వైద్య విజ్ఞాన సంస్థ (నిమ్స్‌)తో పాటు బటర్‌ఫ్లై ఎడ్యుఫీల్డ్‌ అనే సంస్థ కూడా ఎయిరోసోల్‌ బాక్సుల తయారీలో పాలుపంచుకుంది. శ్వాస సంబంధ వ్యాధులతో బాధపడే వారికి నోరు, శ్వాసనాళం ద్వారా ఎండో ట్రాకియల్‌ ట్యూబ్‌ను అమర్చేందుకు పారదర్శకంగా ఉండే ఈ ఎయిరోసోల్‌ బాక్సులు ఉపయోగపడతాయి. కరోనా వ్యాధిగ్రస్తులకు చికిత్సలో భాగంగా ట్యూబ్‌ను అమర్చే క్రమంలో వైద్యులు, సహాయ సిబ్బందికి ఈ బాక్సులు రక్షణ కవచంలా పనిచేస్తాయి. ఎయిరోసోల్‌ బాక్సుల అవసరాన్ని గుర్తించిన నిమ్స్‌ విద్యార్థుల కోసం ‘డూ ఇట్‌ యువర్‌ సెల్ఫ్‌ సైన్స్‌ కిట్లు’(డీఐయూ కిట్స్‌) తయారు చేసే బటర్‌ఫ్లై ఎడ్యుఫీల్డ్‌ అనే సంస్థకు బాధ్యత అప్పగించింది. ఈ కిట్ల నమూనాపై ఆన్‌లైన్‌లో శోధించిన సదరు సంస్థకు తైవాన్‌కు చెందిన ఓ వైద్యుడు తయారు చేసిన ఎయిరోసోల్‌ బాక్స్‌ నమూనా దొరికింది. వీటిని స్థానికంగా ఉత్పత్తి చేయడంలో సాంకేతిక అవరోధాలు ఎదురవడంతో ‘టీ వర్క్స్‌’రంగంలోకి దిగి అవసరమైన సాంకేతికతను సమకూర్చింది. స్థానికంగా లభించే ముడివనరులు, సాంకేతికతతో ఎయిరోసోల్‌ కిట్లను తయారు చేసిన బటర్‌ఫ్లై ఎడ్యుఫీల్డ్‌ సంస్థ మరిన్ని నమూనాలు రూపొందించడంపై దృష్టి కేంద్రీకరించింది. వాడిన కిట్లను పడేయడం (డిస్పోజల్‌), ఒకసారి ఉపయోగించిన బాక్సులను మళ్లీ వాడటం (రీ యూజబుల్‌) డిజైన్లు తయారు చేసేందుకు సన్నాహాలు చేస్తోంది. ఒక్కో ఎయిరోసోల్‌ బాక్సు ధర రూ.2వేలు నుంచి రూ.5వేల వరకు ఉండే అవకాశం ఉంది. ఇప్పటికే నిమ్స్‌కు పది కిట్లు సరఫరా చేసిన బటర్‌ఫ్లై ఎడ్యుఫీల్డ్‌ అవసరానికి అనుగుణంగా బాక్సుల సరఫరా చేసేందుకు సంసిద్ధత వ్యక్తం చేసింది. కాగా టీ వర్క్స్‌ పనితీరుపై రాష్ట్ర ఐటీ, పరిశ్రమల శాఖ మంత్రి కేటీ రామారావు ట్విట్టర్‌ వేదికగా ప్రశంసలు కురిపిస్తూ ‘అవసరాలే ఆవిష్కరణలకు మాతృక’అని  వ్యాఖ్యానించారు. 

న్యూఢిల్లీ: దేశీయ ఆటో దిగ్గజం మారుతీ సుజుకీ ఇండియా... కరోనావైరస్‌ను సమర్థంగా ఎదుర్కొనేందుకు వెంటిలేటర్స్, మాస్క్‌ల తయారీ చేపట్టనుంది. భారత ప్రభుత్వం కోరిక మేరకు వెంటిలేటర్స్, మాస్క్‌లు, పీపీఈలను తయారు చేసేందుకు అగ్వా హెల్త్‌కేర్‌ కంపెనీతో కలిసి పనిచేస్తామని మారుతీ సుజుకీ ప్రకటించింది. నెలకు 10,000 యూనిట్ల వెంటిలేటర్లను తయారు చేయాలని లకి‡్ష్యస్తున్నట్లు కంపెనీ తెలియజేసింది. మారుతీ తయారు చేసే వెంటిలేటర్స్‌కు తగిన టెక్నాలజీని అగ్వాహెల్త్‌ కేర్‌ అందించనుంది. ఈ వెంటిలేటర్స్‌ తయారీకి కావాల్సిన నగదు, ప్రభుత్వపరమైన అనుమతులన్నింటిని మారుతీ సుజుకీ భరించి అగ్వా హెల్త్‌కేర్‌కు ఉచితంగా అందించనుంది. మూడు పొరల మాస్క్‌లను తయారు చేసి హరియాణ, కేంద్ర ప్రభుత్వాలకు సరఫరా చేయనుంది కూడా. ఇంకా భారత్‌ సీట్స్‌ లిమిటెడ్‌తో కలిసి వైరస్‌ నుంచి రక్షణ కల్పించే క్లాత్‌ను తయారు చేయనుంది.

మధ్యప్రదేశ్‌లోని గ్వాలియర్‌ జిల్లాలోని గ్రామాల్లో ఎనిమిది మహిళా సంఘాల సభ్యులు మొత్తం 46 మంది మహిళలు ఇళ్లలో ఉండే కాటన్‌ మాస్క్‌లు, శానిటైజర్లు తయారుచేస్తున్నారు. వీరి నుంచి మాస్క్‌లు, శానిటైజర్లు ప్రభుత్వం కొనుగోలు చేస్తోంది. మరికొన్ని మహిళా సంఘాలూ ఈ పనుల్లో పాల్గొనున్నాయి. కరోనా వైరస్‌ వ్యాప్తిని అరికట్టడంలో మాస్క్‌లు, శానిటైజర్లు ప్రధాన అవసరాలుగా మారాయి. దీంతో మార్కెట్లో 10 రూపాయల మాస్క్‌ రెట్టింపు ధరతో అమ్ముతున్నట్టు, శానిటైజర్ల కొరత అంటూ వార్తలు వినిపిస్తున్నాయి. ఆందోళన కలిగించే ఇలాంటి సమయంలో వైరస్‌ల నుండి రక్షించడానికి అవసరమైన మాస్క్‌లు, శానిటైజర్ల కొరతను పరిష్కరించడానికి గ్యాలియర్‌ జిల్లాలో ప్రయత్నాలు జరుగుతున్నాయి. మధ్యప్రదేశ్‌లోని గ్యాలియర్‌ జిల్లా గ్రామాల్లోని మహిళల చొరవతో మాస్క్‌ల తయారీ మొదలైంది. జిల్లాలోని ఎనిమిది మహిళా సంఘాల సభ్యులు ముందస్తుగా మాస్క్‌లు తయారుచేయడం ప్రారంభించారు. ఈ మాస్క్‌లు ఒక్కోటి రూ.10 చొప్పున అమ్మాలనే నిర్ణయంతో çపూల్‌ బాగ్‌లోని హాత్‌ బజార్‌లో మాస్క్‌లను అందుబాటులో ఉంచారు. ఇప్పటి వరకు 46 మంది మహిళలు 900 మాస్క్‌లు తయారుచేశారు. వీటిని ప్రత్యేక పద్ధతుల్లో శుభ్రపరిచి సిఎంహెచ్‌ఓ కార్యాలయం, ఇతర ఆరోగ్య సంస్థలకు సరఫరా చేశారు. దీంతో ఇప్పుడు దాదాపు రెండు లక్షల మాస్క్‌ల తయారు చేయడానికి ప్రభుత్వం నుంచి, ఇతర ఆరోగ్య సంస్థల నుంచి ఆర్డర్లు వచ్చాయి. ఫలితంగా మరికొంతమంది మహిళలు ఈ పనిలో చేరారు. ఎం.పి రాష్ట్ర గ్రామీణ జీవనోపాధి మిషన్‌ కింద జిల్లాలో 2,375 మహిళా సంఘాల గ్రూపులు ఉన్నాయి. వీరిలో 862 మంది కుట్టుపనిలో భాగస్వాములు అవుతున్నారు. మిగతా వారంతా శానిటైజర్‌ తయారు చేసే పనిలో నిమగ్నం కానున్నారు. ఒక లీటరు శానిటైజర్‌ బాటిల్‌ను రూ.100కు అందించే ఏర్పాటు చేస్తున్నారు. రాయారులోని మద్యం కర్మాగారాన్ని శానిటైజర్‌ తయారీకి, ప్యాక్‌ంగ్‌కి ప్రభుత్వం అనుమతి ఇస్తూ ఈ పనులను పూర్తి చేయాలని గ్రామపరిపాలన విభాగాన్ని కోరింది. గ్రామీణ మహిళలు ఓ అడుగు ముందుకేసి తక్కువ ఖర్చుతో మాస్కులు, శానిటైజర్లు తయారుచేసి విక్రయించనున్నారు. డిమాండ్‌కు తగినట్టు పనులు వేగవంతం అవుతున్నాయి.

ముంబై : దేశంలో కరోనా వైరస్ పాజిటివ్ కేసులు ఎక్కువగా నమోదవుతున్న మహారాష్ట్రలో  పెద్ద ఎత్తున మాస్క్లు పట్టుబడ్డాయి. అక్రమంగా  దాచి వుంచిన కోటి రూపాయల విలువైన మాస్క్లను అధికారులు స్వాధీనం చేసుకున్నారు. దేశంలో లాక్డౌన్ పరిస్థితుల నేపథ్యంలో నిత్యావసర వస్తువుల నిల్వలను అరికట్టడానికి జరిపిన దాడుల సందర్భంగా  అక్రమ నిల్వలు వెలుగు చూశాయి. మంగళవారం రాత్రి అందిన పక్కా సమాచారంతో ముంబై సబర్బన్ షా వేర్‌హౌసింగ్ అండ్ ట్రాన్స్‌పోర్ట్ గోడౌన్ పై దాడి చేసిన  పోలీసులు సంఘటన స్థలంలో 200  బాక్సుల  ఫేస్ మాస్క్‌లను స్వాధీనం చేసుకున్నారు. గోడౌన్ యజమాని, ఏజెంట్, సరఫరాదారుతో సహా ఐదుగురిపై కేసు నమోదుచేశారు. ( మహమ్మారి వెంటాడినా.. ) ఈ ఐదుగురిపై చట్టపరమైన చర్యలు తీసుకుంటున్నట్లు డిప్యూటీ పోలీసు కమిషనర్ మంజునాథ్ సింఘే తెలిపారు. ఫేస్ మాస్క్‌లు, శానిటైజర్‌లు వంటి ముఖ్యమైన వస్తువులను నిల్వ చేయడం నేరమని ఆయన అన్నారు. కాగా  సోమవారం సాయంత్రం, ముంబై క్రైమ్ బ్రాంచ్ యూనిట్  రూ. 15 కోట్ల విలువైన 25 లక్షల అధిక-నాణ్యత గల ఫేస్ మాస్క్లను పోలీసుల సీజ్ చేసిన సంగతి తెలిసిందే. ( జర్నలిస్టుకు కరోనా పాజిటివ్‌ )

సాక్షి, న్యూఢిల్లీ : దేశవ్యాప్తంగా ప్రభుత్వాస్పత్రుల్లో కరోనా బాధితులకు తమ ప్రాణాలను పణంగా పెట్టి చికిత్స చేస్తోన్న వైద్య సిబ్బందికి అవసరమైన చేతుల గ్లౌజులు, ముఖ మాస్కులు, మొత్తం శరీరాన్ని కవర్‌ చేసే బాడీ సూట్లు అందుబాటులో లేవు. సకాలంలో ప్రభుత్వాధికారులు స్పందించక పోవడం, వాటి ఉత్పత్తి ఉత్తర్వులలో అవకతవకలు చోటు చేసుకోవడంతో వైద్య సిబ్బంది వీటి కొరతను ఎదుర్కొంటూ ఇబ్బంది పడుతున్నారు. వైద్య సిబ్బంది ధరించే వివిధ రకాల మాస్క్‌లను ‘పర్సనల్‌ ప్రొటెక్షన్‌ ఇక్వీప్‌మెంట్‌ (వ్యక్తిగత రక్షణ పరికరాలు) లేదా పీపీఈ అని వ్యవహరిస్తారు. (కరోనా: లాక్‌డౌన్‌ అంటే..) కరోనా వైరస్‌ విజృంభిస్తోన్న నేపథ్యంలో ఇవి ప్రతి దేశంలోని వైద్య సిబ్బందికి అందుబాటులో ఉండేలా తగిన చర్యలు తీసుకోవాలంటూ ప్రపంచ ఆరోగ్య సంస్థ ఇదివరకే ఆదేశాలు జారీ చేసింది. భారత్‌లో జనవరి 1వ తేదీన మొదటి కరోనా కేసు వెలుగులోకి వచ్చింది. ఆ మరుసటి రోజే పీపీఈ ఉత్పత్తుల ఎగుమతిని నిషేధిస్తూ ప్రభుత్తం నిర్ణయం తీసుకుంది. ఆ రోజు నుంచి ఈ రోజు వరకు నెలన్నర రోజులు గడచిపోయినప్పటికీ తమ సభ్యులైన ఉత్పత్తిదారులకు వీటి ఉత్పత్తుల కోసం ప్రభుత్వం నుంచి ఎలాంటి ఉత్తర్వులు అందలేదని దేశవ్యాప్తంగా పీపీఈలను ఉత్పత్తి చేస్తోన్న దాదాపు 150 కంపెనీలకు ప్రాతినిథ్యం వహిస్తోన్న రెండు సంఘాల్లో ఒక సంఘం అధ్యక్షులు ఆరోపించారు. (కరోనా నుంచి కోలుకున్న వృద్ధుడి మృతి) ఈ మాస్క్‌ల ఉత్పత్తిదారులతో కేంద్ర జౌళి పరిశ్రమ శాఖ మార్చి 18వ తేదీన ఓ ప్రత్యేక సమావేశాన్ని ఏర్పాటు చేసింది. కేంద్ర కేబినెట్‌ కార్యదర్శి మార్చి 8వ తేదీన జారి చేసిన ఆదేశాల మేరకు జౌళి శాఖ ఏర్మాటు చేసిన ఆ సమావేశానికి వైద్యశాఖ ప్రతినిధులను కూడా ఆహ్వానించారు. సమావేశానికి పలువురు పీపీఈ ఉత్పత్తిదారులతోపాటు వారికి ప్రాతినిథ్యం వహిస్తోన్న రెండు సంఘాల నాయకులు కూడా హాజరయ్యారు. కేంద్ర, రాష్ట్ర ప్రభుత్వ ఆస్పత్రులకు అవసరమైన పీపీలను సమీకరించే బాధ్యతను ఆ సమావేశంలో ప్రభుత్వరంగ సంస్థయిన హెచ్‌ఎల్‌ఎల్‌ లైఫ్‌ కేర్‌ లిమిటెడ్‌కు అప్పగించారు. 7.25 లక్షల ఓవరాల్‌ బాడీ సూట్లు, 60 లక్షల ఎన్‌–95 మాస్క్‌లు, కోటీ మూడు లేయర్ల క్లినికల్‌ మాస్క్‌లు అవసరమని నాటి సమావేశంలో వైద్యశాఖ ప్రతినిధులు తెలిపారు. అప్పటికే అత్యంత ఖరీదైనా ఫుల్‌ బాడీ సూట్లతోపాటు 10.5 లక్షల ఎన్‌ మాస్క్‌లు, పది లక్షల మూడు లేయర్ల మాస్క్‌ల ఉత్పత్తి కోసం ప్రైవేటు కంపెనీలకు ఆదేశాలు ఇచ్చినట్లు ఆ సమావేశంలో హెచ్‌ఎల్‌ఎల్‌ అధికారులు తెలిపారు. దానిపై పీపీఈ ఉత్పత్తి కంపెనీలకు ప్రాతినిధ్యం వహిస్తోన్న ‘ప్రివెంటీవ్‌ వియర్‌ మానుఫ్యాక్చరర్‌ అసోసియేషన్‌ ఆఫ్‌ ఇండియా’ చైర్మన్‌ డాక్టర్‌ సంజీవ్‌ రెల్‌హాన్‌ దిగ్భ్రాంతి వ్యక్తం చేశారు. తమ సభ్యుల్లో ఒకరికి కూడా ఈ ఉత్పత్తి ఉత్తర్వులు అందలేదని ఆయన మీడియాతో చెప్పారు. ఉత్పత్తి ఆర్డర్లు ఎవరికి అందలేదంటూ మార్చి 21వ తేదీన ఓ ఆంగ్ల పత్రిక ఓ వార్తను ప్రచురించడంతో ఆ రోజు మధ్యాహ్నం అత్యవసరంగా 80 వేల పీస్‌లు కావాలంటూ తమ అసోసియేషన్‌ సభ్యులైన 14 కంపెనీలకు హెచ్‌ఎన్‌ఎల్‌ నుంచి ఈ మెయిల్స్‌ ద్వారా ఉత్తర్వులు అందాయని డాక్టర్‌ సంజీవ్‌ వివరించారు. (మీ పిల్లలను ఇలా చదివించండి) అదేరోజు సాయంత్రం మూడు టెండర్‌ డాక్యుమెంట్లు హెచ్‌ఎల్‌ఎల్‌ వెబ్‌సైట్‌లో ప్రత్యక్షమయ్యాయి. మొదటి డాక్యుమెంట్‌లో మార్చి 5వ తేదీన టెండర్లు పిలిచినట్లు మార్చి 16న టెండర్లు ముగుస్తున్నట్లు, రెండో డాక్యుమెంట్‌లో 16వ తేదీన టెండర్‌ ముగింపును మార్చి 20 వరకు పొడిగిస్తున్నట్లు, మూడవ డాక్యుమెంట్‌లో టెండర్‌ ముగింపును మార్చి 25కు పెంచుతున్నట్లు మార్చారు. అసలు ఈ టెండర్ల గురించే తమకు తెలియదని రోజుకు ఫుల్‌ బాడీ లేదా కవరాల్‌ మాస్క్‌లను ఉత్పత్తిచేసే సామర్థ్యం కలిగిన ‘మెడిక్లిన్‌’ పీపీఈ కంపెనీ మేనేజింగ్‌ డైరెక్టర్‌ స్మితా షా ఆరోపించారు. ఇదే విషయమై హెచ్‌ఎల్‌ఎల్‌ డైరెక్టర్‌ టీ. రాజశేఖర్‌ను మీడియా సంప్రతించగా, కేంద్ర ఆరోగ్య శాఖ పూర్తి పర్యవేక్షణలో తాము 24 గంటలు అవిశ్రాంతంగా పని చేస్తున్నామని ఆయన సమాధానం ఇచ్చారు. అంతకుమించి మాట్లాడేందుకు ఆయన నిరాకరించారు. దీనిపై స్పందించేందుకు ఆరోగ్య శాఖ ప్రతినిధులు అందుబాటులోకి రాలేదు. ఏదేమైనా దేశంలోని పలు ప్రభుత్వ ఆస్పత్రుల్లో సరిపడా పీపీఈలు ముఖ్యంగా ఫుల్‌ బాడీ సూట్లు అందుబాటులో లేవని వైద్యులు ఆరోపిస్తున్నారు. ఈ పరిస్థితి మరికొంత కాలం కొనసాగితే జరిగే నష్టాన్ని అంచనా కూడా వేయలేం! (కరోనా ఎఫెక్ట్‌: బాధ్యత లేని మనుషులు)