India A vs Australia A

పుదుచ్చేరి వేదిక‌గా ఆస్ట్రేలియా-ఎతో జ‌రిగిన రెండో అనధికారిక వ‌న్డేలో భార‌త్‌-ఎ జ‌ట్టు 49 ప‌రుగుల తేడాతో విజ‌యం సాధించింది. దీంతో మూడు వ‌న్డేల సిరీస్ క్లీన్ స్వీప్ నుంచి 2-1 తేడాతో టీమిండియా త‌ప్పించుకుంది. ఈ మ్యాచ్‌లో తొలుత బ్యాటింగ్‌ చేసిన భారత్‌ 47.3 ఓవర్లలో 275 పరుగులు చేసి ఆలౌటైంది. సూర్యాన్ష్ షెడ్గే 66 పరుగులతో టాప్‌ స్కోరర్‌గా నిలవగా.. విప్రజ్‌ నిగమ్‌(40), ప్రియాన్ష్‌ ఆర్య(49), ప్రభ్‌సిమ్రాన్‌ సింగ్‌(39), రుతురాజ్‌ గైక్వాడ్‌(33) కీలక ఇన్నింగ్స్‌లు ఆడారు. ఆస్ట్రేలియా బౌలర్లలో బెన్ డ్వార్షుయిస్, విల్‌ సదర్లాండ్‌ తలా మూడు వికెట్లు పడగొట్టగా.. లైమ్‌ స్కాట్‌ రెండు, ఓవెన్‌ ఓ వికెట్‌ సాధించారు.అదరగొట్టిన పేసర్లుఅనంతరం 276 పరుగుల లక్ష్యంతో బరిలోకి దిగిన ఆస్ట్రేలియా-ఎ జట్టు 46.2 ఓవర్లలో 226 పరుగులకే ఆలౌటైంది. ఆసీస్‌కు ఓపెనర్లు జోష్‌ ఫిలిప్‌(56), స్కాట్‌(26) మంచి ఆరంభం ఇచ్చినప్పటికి.. మిడిలార్డర్‌ బ్యాటర్లు విఫలం కావడంతో కంగారూ జట్టు ఓటమి పాలైంది. భారత బౌలర్లలో గుర్జప్నీత్ సింగ్ మూడు వికెట్లు పడగొట్టగా.. యశ్‌ ఠాకూర్‌, నిషాంత్‌ సింధూ తలా వికెట్‌ రెండు వికెట్లు సాధించారు. వీరితో పాటు స్పిన్నర్లు విప్రజ్‌ నిగమ్‌, అనుకుల్‌ రాయ్‌ తలా వికెట్‌ తీశారు.

పాండిచ్చేరి వేదిక‌గా ఆస్ట్రేలియా-ఎతో జ‌రుగుతున్న మూడో వ‌న్డేలో ఇండియా-ఎ జ‌ట్టు టాస్ ఓడి బ్యాటింగ్‌కు దిగింది. ఓపెన‌ర్లు ప్ర‌బ్‌సిమ్ర‌న్ సింగ్ (39), ప్రియాన్ష్ ఆర్య (49) తొలి వికెట్‌కు శుభారంభం అందించిన‌ప్ప‌టికీ, భారీ స్కోర్లు చేయ‌డంలో విఫ‌ల‌మ‌య్యారు. ఈ ఇద్ద‌రు తొలి వికెట్‌కు 83 ప‌రుగులు జోడించారు. 39 ప‌రుగులు చేసిన ప్ర‌బ్‌సిమ్ర‌న్‌ను బెన్ డ్వార్షుయిస్ పెవిలియ‌న్ చేర్చాడు. లంక‌తో టెస్టు సిరీస్‌లో ఆక‌ట్టుకున్న దేవ‌ద‌త్ ప‌డిక్క‌ల్ (2) మ‌రోసారి నిరాశ‌ప‌రిచాడు. లియామ్ స్కాట్ బౌలింగ్‌లో ముర్ఫేకు క్యాచ్ ఇచ్చి ఔట‌య్యాడు. అంతకముందు జరిగిన అనధికారిక టెస్టు సిరీస్‌లో అంతగా ఆకట్టుకోని పడిక్కల్‌.. తాజాగా వన్డే సిరీస్‌లోనూ విఫలమవుతూ వస్తున్నాడు. తొలి వన్డేలో డకౌట్‌ అయిన పడిక్కల్‌ రెండో వన్డేలో ఒక్క పరుగు మాత్రమే చేసి వెనుదిరిగాడు.ఇక 49 ప‌రుగుల‌తో మంచి ట‌చ్‌లో క‌నిపించిన ప్రియాన్ష్ ఆర్య బెన్ డ్వార్షుయిస్ బౌలింగ్‌లో పేల‌వ షాట్‌కు య‌త్నించి ల‌చ్లాన్‌కు క్యాచ్ ఇచ్చి వెనుదిరిగాడు. దీంతో ఒక్క పరుగు తేడాతో హాఫ్‌ సెంచరీ మిస్‌ చేసుకున్నట్లయింది. దీంతో 83-0తో ప‌టిష్టంగా క‌నిపించిన భార‌త్ 23 ప‌రుగుల వ్య‌వ‌ధిలో మూడు వికెట్లు కోల్పోయింది. ప్ర‌స్తుతం 20 ఓవ‌ర్లు ముగిసేస‌రికి భార‌త్ 118 ప‌రుగులకే ఐదు కీలక వికెట్లు కోల్పోయి కష్టాల్లో పడింది. కెప్టెన్ రుత‌రాజ్ గైక్వాడ్ (6), సూర్యాంశ్‌ షెడ్గే (4) క్రీజులో ఉన్నారు. రెండో వ‌న్డేలో మెరిసిన రజత్‌ ప‌టీదార్ (3) తక్కువ స్కోరుకే వెనుదిరిగాడు. మూడు మ్యాచ్‌ల సిరీస్‌లో ఇప్ప‌టికే రెండు వ‌న్డేలు గెలిచిన ఆసీస్ 2-0తో ఆధిక్యంలో ఉంది. క‌నీసం చివ‌రి వ‌న్డేలోనైనా గెలిచి వైట్‌వాష్ నుంచి త‌ప్పించుకోవాల‌ని ఇండియా-ఎ జ‌ట్టు భావిస్తోంది.ఇక నేడు జ‌రుగుతున్న మూడో వ‌న్డేకు భార‌త్ మూడు మార్పుల‌తో బ‌రిలోకి దిగింది. సాయి సుద‌ర్శ‌న్‌, కుమార్ కుషాగ్ర‌, అర్ష‌ద్ స్థానాల్లో ప్ర‌బ్‌సిమ్ర‌న్‌, ప్రియాన్ష్ ఆర్య‌, గుర్జ‌ప్‌నీత్‌లు జ‌ట్టులోకి వ‌చ్చారు. మ‌రోవైపు ఆస్ట్రేలియా జ‌ట్టు స్పెన్స‌ర్ జాన్స‌న్‌, రిలే మెరిడిత్‌, సామ్ కొన్‌స్టాస్ స్థానాల్లో టాడ్ ముర్ఫే, విల్ స‌ద‌ర్లాండ్‌, మ‌హిల్ బియ‌ర్డ్‌మ‌న్‌లు తుదిజ‌ట్టులోకి వ‌చ్చారు.ఇండియా-ఎ జ‌ట్టు: ప్రభ్‌సిమ్రాన్ సింగ్(వికెట్‌కీప‌ర్‌), ప్రియాంష్ ఆర్య, దేవదత్ పడిక్కల్, రుతురాజ్ గైక్వాడ్(కెప్టెన్‌), రజత్ పాటిదార్, నిశాంత్ సింధు, సూర్యాంశ్ షెడ్గే, విప్రజ్ నిగమ్, అనుకూల్ రాయ్, యశ్ ఠాకూర్, గుర్జప్నీత్ సింగ్ఆస్ట్రేలియా-ఎ జ‌ట్టు: మిచెల్ ఓవెన్, లియామ్ స్కాట్, జోష్ ఫిలిప్, లాచ్‌లాన్ షా(వికెట్ కీప‌ర్‌), నాథన్ మెక్‌స్వీనీ, నిఖిల్ చౌదరి, విల్ సదర్లాండ్, బెన్ ద్వార్షుయిస్, తన్వీర్ సంఘా, టాడ్ మర్ఫీ(కెప్టెన్‌), మహ్లీ బార్డ్‌మన్ఇదీ చదవండి: భారత్‌తో వన్డే సిరీస్‌.. రెండు జట్లు ప్రకటించిన న్యూజిలాండ్‌తొలి మ్యాచ్‌కు గిల్ దూరం.. పంజాబ్‌ కెప్టెన్‌ ఎవరంటే?

భార‌త ప‌ర్య‌ట‌న‌కు వ‌చ్చిన ఆస్ట్రేలియా-ఎ జ‌ట్టు మూడు మ్యాచ్‌ల అన‌ధికారిక వ‌న్డే సిరీస్‌ను మ‌రో మ్యాచ్ మిగిలి ఉండ‌గానే 2-0తో సొంతం చేసుకుంది. పాండిచ్చేరి వేదిక‌గా శుక్రవారం జరిగిన రెండో అనధికారిక వన్డేలో ఆస్ట్రేలియా చేతిలో 69 పరుగుల తేడాతో భారత్ ఓటమి చవిచూసింది. తొలుత బ్యాటింగ్ చేసిన ఆస్ట్రేలియా-ఎ జట్టు 49.5 ఓవర్లలో 275 పరుగులకు ఆలౌటైంది. ఓపెనర్ సామ్ కొన్‌స్టాస్ (67), జోష్ ఫిలిప్ (58) అర్థసెంచరీలు సాధించారు. భారత బౌలర్లలో అర్షద్ ఖాన్ 3 వికెట్లు తీయగా.. యశ్ ఠాకూర్ రెండు వికెట్లు పడగొట్టాడు. అనంతరం బ్యాటింగ్ చేసిన భారత జట్టు 45.2 ఓవర్లలో 206 పరుగులకు ఆలౌటైంది. రజత్ పాటీదార్ (67) అర్థసెంచరీ సాధించగా.. చివర్లో అనుకుల్ రాయ్ (34 నాటౌట్‌) ఒంటరిపోరాటం చేసినప్పటికీ మిగతావారి నుంచి సహకారం కరువయ్యింది. ఆసీస్ బౌలర్లలో స్పెన్సర్ జాన్సన్ 3 వికెట్లు తీయగా, రిలే మెరిడిత్‌, తన్వీర్ సంగాలు చెరో 2 వికెట్లు పడగొట్టారు. ఇరుజట్ల మధ్య మూడో వన్డే అక్టోబర్ 11న జరగనుంది. అంతకముందు జరిగిన రెండు అనధికారిక టెస్టు మ్యాచ్‌ల సిరీస్‌ను భారత్ 1-0తో సొంతం చేసుకుంది. బ్యాటింగ్‌లో ఏడు బంతుల్లో 14 ప‌రుగులు చేయ‌డంతో పాటు బౌలింగ్‌లో మూడు కీల‌క వికెట్లు తీసిన స్పెన్స‌ర్ జాన్స‌న్ ప్లేయ‌ర్ ఆఫ్ ది మ్యాచ్ అవార్డు సొంతం చేసుకున్నాడు.ఇదీ చదవండి: టెస్టు క్రికెట్‌లో స్టీవ్‌ స్మిత్‌ అరుదైన ఫీట్‌

ఆస్ట్రేలియా-‘ఎ’ జట్టుతో రెండో అనధికారిక వన్డేలో భారత్‌- ‘ఎ’ బౌలర్లు ఓ మోస్తరుగా రాణించారు. ఆరంభంలో పెద్దగా ఆకట్టుకోలేకపోయినా.. ఆఖరికి పర్యాటక కంగారు జట్టును 275 పరుగులకు ఆలౌట్‌ చేశారు.కాగా రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ ‘ఎ’ పురుషుల జట్టు భారత పర్యటనకు వచ్చింది. ఇందులో భాగంగా తొలుత టెస్టు సిరీస్‌ జరుగగా.. భారత్‌ ఆసీస్‌పై 1-0తో గెలుపొందింది.తొలి వన్డేలో ఓటమిఅయితే, వన్డే సిరీస్‌లో మాత్రం ఆరంభంలోనే భారత్‌కు చేదు అనుభవం ఎదురైంది. తొలి వన్డేలో ఆసీస్‌ భారత్‌ను ఏకంగా 125 పరుగుల తేడాతో చిత్తుగా ఓడించింది. ఈ క్రమంలో ఇరుజట్ల మధ్య పుదుచ్చేరి వేదికగా శుక్రవారం నాటి రెండో వన్డేలో.. టాస్‌ గెలిచిన ఆసీస్‌ తొలుత బ్యాటింగ్‌ ఎంచుకుంది.రాణించిన టాపార్డర్‌ఓపెనర్లలో మిచెల్‌ ఓవెన్‌ (13 బంతుల్లో 25) వేగంగా ఆడగా.. సామ్‌ కొన్‌స్టాస్‌ అర్ధ శతకం (88 బంతుల్లో 67) బాదాడు. వన్‌డౌన్‌లో వచ్చిన వికెట్‌ కీపర్‌ బ్యాటర్‌ జోష్‌ ఫిలిప్‌ కూడా హాఫ్‌ సెంచరీ (58 బంతుల్లో 58) సాధించాడు.అయితే, టాపార్డర్‌ రాణించినప్పటికీ మిడిలార్డర్‌, లోయర్‌ ఆర్డర్‌ ఆకట్టుకోలేకపోయింది. నాలుగు, ఐదు స్థానాల్లో వచ్చిన కెప్టెన్‌ నాథన్‌ మెక్‌స్వీనీ (32), లచ్లాన్‌ షా (25) కాస్త ఫర్వాలేదనిపించగా.. మిగిలిన వారు కనీసం ఇరవై పరుగుల మార్కు కూడా అందుకోలేకపోయారు. ఫలితంగా 49.5 ఓవర్లలో 275 పరుగులు చేసి ఆస్ట్రేలియా ఆలౌట్‌ అయింది.అర్షద్‌ ఖాన్‌కు మూడు వికెట్లుభారత బౌలర్లలో అర్షద్‌ ఖాన్‌ మూడు వికెట్లతో సత్తా చాటగా.. యశ్‌ ఠాకూర్‌ రెండు.. విప్రాజ్‌ నిగమ్‌, నిశాంత్‌ సింధు, సూర్యాంశ్‌ షెడ్గే, అనుకూల్‌ రాయ్‌ తలా ఒక వికెట్‌ తమ ఖాతాలో వేసుకున్నారు.కాగా ఆసీస్‌తో అనధికారిక వన్డే సిరీస్‌లో రుతురాజ్‌ గైక్వాడ్‌ భారత్‌- ‘ఎ’ జట్టుకు కెప్టెన్‌గా వ్యవహరిస్తున్న సంగతి తెలిసిందే. కాగా ఆసీస్‌తో రెండో వన్డే తుదిజట్టులో రుతుతో పాటు సాయి సుదర్శన్‌, దేవదత్‌ పడిక్కల్‌, రజత్‌ పాటిదార్‌, కుమార్‌ కుశాగ్రా, నిశాంత్‌ సింధు, సూర్యాంశ్‌ షెడ్గే, విప్రాజ్‌ నిగమ్‌, అనుకూల్‌ రాయ్‌, అర్షద్‌ ఖాన్‌, యశ్‌ ఠాకూర్‌ ఉన్నారు. చదవండి: నన్ను సెలక్ట్‌ చేయడం ఇష్టం లేకుంటే మానెయ్‌.. ఉచిత సలహాలు ఇవ్వకు

భారత్‌, ఆస్ట్రేలియా ఏ జట్ల మధ్య మూడు మ్యాచ్‌ల అనధికారిక వన్డే సిరీస్‌ ఇవాళ ప్రారంభమైంది. పుదుచ్చేరి వేదికగా జరిగిన తొలి మ్యాచ్‌లో భారత్‌ 125 పరుగుల తేడాతో ఘోర పరాజయంపాలైంది. ఈ మ్యాచ్‌లో తొలుత బ్యాటింగ్‌ చేసిన ఆసీస్‌ 48.2 ఓవర్లలో 274 పరుగులకు ఆలౌటైంది. నాథన్‌ మెక్‌స్వీని (123) సెంచరీతో కదంతొక్కగా.. కెప్టెన్‌ విల్‌ సదర్‌ల్యాండ్‌ (77) అర్ద సెంచరీతో రాణించాడు. భారత బౌలర్లలో సూర్యాంశ్‌ షేడ్గే 4, యశ్‌ ఠాకూర్‌ 3, అర్షద్‌ ఖాన్‌ 2, నిషాంత్‌ సంధు ఓ వికెట్‌తో సత్తా చాటారు.పాటిదార్‌ పోరాడినా..275 పరుగుల లక్ష్య ఛేదనలో భారత్‌ కనీస పోరాటం చేయలేకపోయింది. ఆది నుంచి వరుస విరామాల్లో వికెట్లు కోల్పోతూ 31.4 ఓవర్లలో 149 పరుగులకే ఆలౌటైంది. ఆసీస్‌ పేసర్‌ బియర్ట్‌మన్‌ (4-23) టీమిండియాకు దారుణంగా దెబ్బకొట్టాడు. అతడికి స్పెన్సర్‌ జాన్సన్‌ (2-36), టాడ్‌ మర్ఫీ (1-18), మెక్‌స్వీని (1-14), మిచెల్‌ ఓవెన్‌ (1-13) తోడయ్యారు. భారత్‌ తరఫున రజత్‌ పాటిదార్‌ (53) కాసేపు ఒంటరిపోరాటం చేశాడు. అయితే అప్పటికే జరగాల్సిన నష్టం జరిగిపోయింది. భారత ఇన్నింగ్స్‌లో సాయి సుదర్శన్‌ 1, ప్రభ్‌సిమ్రన్‌ సింగ్‌ 17, పడిక్కల్‌ 0, కెప్టెన్‌ రుతురాజ్‌ 15, నిషాంత్‌ సంధు 31, సూర్యాంశ్‌ షేడ్గే 3, విప్రాజ్‌ నిగమ్‌ 13, అనుకూల్‌ రాయ్‌ 4, అర్షద్‌ ఖాన్‌ డకౌటయ్యారు. రెండో వన్డే ఇదే పుదుచ్చేరి వేదికగా అక్టోబర్‌ 9న జరుగనుంది.కాగా, రెండు మ్యాచ్‌ల టెస్ట్‌ సిరీస్‌, 3 మ్యాచ్‌ల వన్డే సిరీస్‌ కోసం ఆస్ట్రేలియా-ఏ జట్టు భారత్‌లో పర్యటిస్తున్న విషయం తెలిసిందే. తొలుత జరిగిన టెస్ట్‌ సిరీస్‌ను భారత్‌ 1-0తో గెలుచుకుంది. ఈ సిరీస్‌లోని తొలి టెస్ట్‌ నెగ్గిన భారత్‌.. రెండో టెస్ట్‌ను డ్రా చేసుకుంది. ఇదీ చదవండి: అరంగేట్రంలోనే చెలరేగిన నమన్‌ ధిర్‌.. టీమిండియా టార్గెట్‌ ఎంతంటే..?

పుదుచ్చేరి వేదికగా భారత్‌-ఏ, ఆస్ట్రేలియా-ఏ జట్ల మధ్య ఇవాళ తొలి అనధికారిక వన్డే మ్యాచ్‌ జరుగుతుంది. ఈ మ్యాచ్‌లో టాస్‌ గెలిచి బ్యాటింగ్‌ చేసిన ఆస్ట్రేలియా 48.2 ఓవర్లలో 274 పరుగులకు ఆలౌటైంది.నాలుగో నంబర్‌ ఆటగాడు నాథన్‌ మెక్‌స్వీని (123) సెంచరీతో కదంతొక్కగా.. ఏడో స్థానంలో బ్యాటింగ్‌కు దిగిన కెప్టెన్‌ విల్‌ సదర్‌ల్యాండ్‌ (77) అర్ద సెంచరీతో రాణించాడు. వీరు మినహా ఆసీస్‌ జట్టులో ఒక్కరు కూడా రాణించలేదు. మిచెల్‌ ఓవెన్‌ 10, సామ్‌ కొన్‌స్టాస్‌ 14, జోస్‌ ఫిలిప్‌ 2, లియామ్‌ స్కాట్‌ 15, నిఖిల్‌ చౌదరి 6, టాడ్‌ మర్ఫీ 3, స్పెన్సర్‌ జాన్సన్‌ 0, బియర్డ్‌మన్‌ 1, మెరిడిత్‌ 11 (నాటౌట్‌) పరుగులు చేశారు.భారత బౌలర్లలో సూర్యాంశ్‌ షేడ్గే 4, యశ్‌ ఠాకూర్‌ 3, అర్షద్‌ ఖాన్‌ 2, నిషాంత్‌ సంధు ఓ వికెట్‌తో సత్తా చాటారు.కాగా, రెండు మ్యాచ్‌ల టెస్ట్‌ సిరీస్‌, 3 మ్యాచ్‌ల వన్డే సిరీస్‌ కోసం ఆస్ట్రేలియా-ఏ జట్టు భారత్‌లో పర్యటిస్తున్న విషయం తెలిసిందే. తొలుత జరిగిన టెస్ట్‌ సిరీస్‌ను భారత్‌ 1-0తో గెలుచుకుంది. ఈ సిరీస్‌లోని తొలి టెస్ట్‌ నెగ్గిన భారత్‌.. రెండో టెస్ట్‌ను డ్రా చేసుకుంది. వన్డే సిరీస్‌లోని రెండు, మూడు వన్డేలు అక్టోబర్‌ 9, 11 తేదీల్లో పుదుచ్చేరి వేదికగానే జరుగనున్నాయి. ఇదీ చదవండి: జడేజా కంటే అక్షర్‌ బెటర్‌.. అశ్విన్‌ ఆసక్తికర వ్యాఖ్యలు

పుదుచ్చేరి వేదికగా భారత్‌-ఎ, ఆస్ట్రేలియా-ఎ జట్ల మధ్య జరుగుతున్న తొలి అనధికారిక వన్డే మ్యాచ్‌లో ఓ అనూహ్య సంఘటన చోటుచేసుకుంది. టీమిండియా ఆటగాళ్లు ప్రభ్‌సిమ్రాన్ సింగ్, నిషాంత్ సింధు మైదానంలో పెను ప్రమాదం నుంచి తృటిలో తప్పించుకున్నారు.ఏం జరిగిందంటే?ఈ మ్యాచ్‌లో టాస్ గెలిచిన ఆస్ట్రేలియా బ్యాటింగ్ ఎంచుకుంది. ఇన్నింగ్స్ రెండో ఓవర్‌లో యష్ ఠాకూర్ వేసిన షార్ట్ బాల్‌ను ఆసీస్ ఓపెనర్ మిచెల్ ఓవెన్ పుల్ షాట్ ఆడటానికి ప్రయత్నించాడు. అయితే టైమింగ్ కుదరకపోవడంతో బంతి గాల్లోకి లేచి కవర్-పాయింట్ దిశగా వెళ్లింది. ఆ క్యాచ్ పట్టేందుకు వికెట్ కీపర్ ప్రభ్‌సిమ్రాన్ సింగ్ వేగంగా పరుగెత్తుకుంటూ వచ్చాడు.ప్రభ్‌సిమ్రాన్ క్యాచ్ కోసం కాల్ ఇచ్చినప్పటికీ, కవర్-పాయింట్ నుంచి నిషాంత్ సింధు కూడా వేగంగా ముందుకు పరిగెత్తాడు. ఈ క్రమంలో ఇద్దరూ ఒకరినొకరు బలంగా ఢీకొని కిందపడిపోయారు. అయినప్పటికీ ప్రభ్‌సిమ్రాన్ బంతిని చేజారనివ్వకుండా పట్టుకుని ఓవెన్ (10 పరుగులు)ను పెవిలియన్‌‌కు పంపాడు.ఢీకొన్న తీవ్రత చూసి ఆటగాళ్లకు ఏమైనా గాయాలవుతాయేమోనని అందరూ కంగారు పడ్డాడు. కానీ ఇద్దరికీ ఎటువంటి గాయాలు కాకపోవడంతో సహచర ఆటగాళ్లతో పాటు అభిమానులు ఊపిరి పీల్చుకున్నారు. ప్రస్తుతం ఈ సంఘటనకు సంబంధించిన వీడియో సోషల్ మీడియాలో వైరల్ అవుతోంది.Yash Thakur gets the big fish! 🎣 Mitchell Owen departs as India A get their first wicket.🔥 #INDAvAUSA 👉 Streaming Live Now https://t.co/zk2ABY21JG https://t.co/ptGL7Ho9M1— Star Sports (@StarSportsIndia) October 6, 2026

పుదుచ్చేరి వేదిక‌గా ఆస్ట్రేలియా-తో జ‌రుగుతున్న తొలి అనధికారిక వ‌న్డేలో భార‌త్‌-ఎ జ‌ట్టు ఆట‌గాడు దేవ్‌ద‌త్త్ ప‌డిక్క‌ల్ ఫీల్డింగ్‌లో అద‌ర‌గొట్టాడు. ఆసీస్ బ్యాట‌ర్ జోష్ ఫిలిప్‌ను ప‌డిక్క‌ల్ సంచ‌ల‌న క్యాచ్‌తో పెవిలియ‌న్‌కు పంపాడు. ఆసీస్ ఇన్నింగ్స్ ఐదో ఓవ‌ర్ వేసిన అర్ష‌ద్ ఖాన్ రెండో బంతిని ఫిలిప్‌కు ఔట్ సైడ్ ఆఫ్ దిశ‌గా సంధించాడు.ఆ బంతిని ఫిలిప్‌ హాఫ్ సైడ్ ఆడేందుకు ప్ర‌య‌త్నించాడు. కానీ బంతి ఎడ్జ్ తీసుకుని వైడ్ స్లిప్ దిశ‌గా వెళ్లింది. ఈ క్ర‌మంలో ఆ స్ధానంలో ఉన్న ప‌డిక్క‌ల్ త‌న కుడివైపున‌కు డైవ్ చేస్తూ అద్భుత‌మైన క్యాచ్‌ను అందుకున్నాడు. ఇందుకు సంబంధించిన వీడియోను స్టార్ స్పోర్ట్స్ సోష‌ల్ మీడియాలో షేర్ చేసింది. ఇది చూసిన నెటిజ‌న్లు వావ్ వాట్ ఏ క్యాచ్ అని కామెంట్లు చేస్తున్నారు.ఇక మ్యాచ్ విష‌యానికి వ‌స్తే.. టాస్ గెలిచిన ఆస్ట్రేలియా తొలుత బ్యాటింగ్ ఎంచుకుంది. కానీ భార‌త బౌల‌ర్ల ధాటికి కంగారులు త‌డ‌బడుతున్నారు. 26 ఓవ‌ర్లు ముగిసే స‌రికి 5 వికెట్ల న‌ష్టానికి కేవ‌లం 126 ప‌రుగులు మాత్ర‌మే ఆసీస్ చేసింది. య‌శ్ ఠాకూర్‌, అర్షద్ ఖాన్ ఆసీస్ టాపార్డ‌ర్‌ను దెబ్బ‌తీశారు. ప్ర‌స్తుతం క్రీజులో కెప్టెన్ మెక్‌స్వీనీ(56) ఉన్నాడు.తుది జ‌ట్లుఇండియా A: సాయి సుదర్శన్, ప్రభ్‌సిమ్రాన్ సింగ్(వికెట్ కీప‌ర్‌), దేవదత్ పడిక్కల్, రుతురాజ్ గైక్వాడ్(కెప్టెన్‌), రజత్ పాటిదార్, నిశాంత్ సింధు, సూర్యాంశ్ షెడ్గే, విప్రజ్ నిగమ్, అనుకుల్ రాయ్, అర్షద్ ఖాన్, యశ్ ఠాకూర్ఆస్ట్రేలియా A: సామ్ కాన్స్టాస్, మిచెల్ ఓవెన్, జోష్ ఫిలిప్(వికెట్ కీప‌ర్‌), నాథన్ మెక్‌స్వీనీ, లియామ్ స్కాట్, నిఖిల్ చౌదరి, విల్ సదర్లాండ్(కెప్టెన్‌), టాడ్ మర్ఫీ, స్పెన్సర్ జాన్సన్, రిలే మెరెడిత్, మహ్లీ బార్డ్‌మన్A picture-perfect take from Devdutt Padikkal! 📸 Arshad Khan gets Josh Philippe as Team India tighten their grip! 🔥 #INDAvAUSA 👉 Streaming Live Now https://t.co/zk2ABY21JG https://t.co/cPe9azH3Pd— Star Sports (@StarSportsIndia) October 6, 2026

ఆస్ట్రేలియా-ఎతో జరగనున్న మూడు అనధికారిక వన్డేల సిరీస్‌కు ముందు భారత-ఎ జట్టులో కీలక మార్పు చోటుచేసుకుంది. ఆల్‌రౌండర్ నమన్ ధీర్ వెస్టిండీస్‌‌తో టీ20 సిరీస్‌కు భారత జాతీయ జట్టులోకి ఎంపిక కావడంతో, అతడి స్థానంలో జార్ఖండ్ ఆల్‌రౌండర్ అనుకుల్ రాయ్‌ను ఇండియా-ఎ జట్టులోకి తీసుకున్నారు. వెస్టిండీస్‌తో టీ20 సిరీస్ నుంచి వాషింగ్టన్ సుందర్‌‌ను తొలగించడంతో నమన్ ధీర్‌కు తొలిసారి భారత టీ20 జట్టులో చోటు లభించింది.దీంతో నమన్‌కు ప్రత్యామ్నాయంగా అనుకుల్ సరైన ఆటగాడని భావించిన సెలక్టర్లు అతడికి అవకాశమిచ్చారు. గత సీజన్ సయ్యద్ ముస్తాక్ అలీ ట్రోఫీలో 'ప్లేయర్ ఆఫ్ ది టోర్నమెంట్'గా నిలిచిన అనుకుల్ రాయ్ ఇప్పటికే పుదుచ్చేరిలో ఇండియా-ఎ జట్టుతో కలిశారు.అనుకుల్ రాయ్‌కి వైట్‌బాల్ క్రికెట్‌లో అద్భుతమైన రికార్డు ఉంది. స్లో లెఫ్ట్ ఆర్మ్ ఆర్థోడాక్స్ స్పిన్ బౌలింగ్‌తో పాటు లోయర్ ఆర్డర్‌లో వచ్చి మెరుపు బ్యాటింగ్ చేయగల సత్తా అతడికి ఉంది. ఈ ఇండియా-ఎ జట్టుకు రుతురాజ్ గైక్వాడ్ కెప్టెన్‌గా వ్యవహరిస్తున్నారు.మరోవైపు ఆస్ట్రేలియా-ఎ జట్టులోనూ మార్పులు జరిగాయి. ఆల్‌రౌండర్లు జాక్ ఎడ్వర్డ్స్, ఆరోన్ హార్డీ వ్యక్తిగత కారణాల వల్ల ఈ సిరీస్‌కు దూరం కాగా.. వారి స్థానాల్లో రిలే మెరెడిత్, విల్ సదర్లాండ్‌లను జట్టులోకి తీసుకున్నారు. కాగా ఈ మూడు వన్డేల సిరీస్‌లో భాగంగా తొలి మ్యాచ్‌ అక్టోబర్‌ 6న పుదుచ్చేరి వేదికగా జరగనుంది.ఆసీస్‌తో సిరీస్‌కు భారత-ఎ జట్టురుతురాజ్ గైక్వాడ్ (కెప్టెన్‌), ప్రియాన్ష్‌ ఆర్య, సాయి సుదర్శన్, దేవదత్ పడిక్కల్, రజత్ పాటిదార్, కుమార్ కుషాగ్రా, నిశాంత్ సింధు, విప్రజ్ నిగమ్, అర్షిన్ కులకర్ణి, అర్షద్ ఖాన్, అనుకుల్‌ రాయ్‌, సూర్యాన్ష్‌, ప్రభ్‌సిమ్రన్ సింగ్, గ్రూర్ సింగ్, గుర్జప్‌నీత్ సింగ్, యశ్ ఠాకూర్చదవండి: స్లో ఓవ‌ర్ రేట్ దెబ్బ‌.. భారత్‌, వెస్టిండీస్‌లకు జరిమానా

ఆస్ట్రేలియా-ఎ జ‌ట్టు భార‌త్‌లో ప‌ర్య‌టిస్తున్న సంగ‌తి తెలిసిందే. ఇప్ప‌టికే ఇరుజ‌ట్ల మ‌ధ్య రెండు మ్యాచ్‌ల అన‌ధికారిక టెస్టు సిరీస్ ముగిసిన సంగ‌తి తెలిసిందే. అక్టోబ‌ర్ 6, 9, 11 మ‌ధ్య మూడు మ్యాచ్‌ల అన‌ధికారిక వ‌న్డే సిరీస్ జ‌ర‌గ‌నుంది. ఈ నేప‌థ్యంలో మ్యాచ్‌ల‌కు సంబంధించి టైమింగ్స్‌, లైవ్ స్ట్రీమింగ్ వివ‌రాల‌ను బీసీసీఐ వెల్ల‌డించింది. తొలి వ‌న్డే డే నైట్‌లో జ‌ర‌గ‌నుండ‌గా, మిగిలిన రెండు మ్యాచ్‌లు డే ఫార్మాట్‌లో జ‌ర‌గ‌నున్నాయి. అక్టోబ‌ర్ 6న జ‌ర‌గ‌నున్న తొలి వ‌న్డే మ‌ధ్యాహ్నం రెండు గంట‌ల‌కు ప్రారంభం కానుండ‌గా, మిగ‌తా రెండు వ‌న్డేలు ఉద‌యం 9 గంట‌ల‌కు ప్రారంభం కానున్నాయి. మ్యాచ్‌ల‌న్నీ పాండిచ్చేరి వేదిక‌గా జ‌ర‌గ‌నుండ‌గా, హాట్ స్టార్‌లో లైవ్ స్ట్రీమింగ్ కానుంది.మ్యాచ్‌ల‌ టైమింగ్స్ వివ‌రాలు..👉అక్టోబ‌ర్ 6న‌- తొలి అన‌ధికారిక‌ వ‌న్డే- మ‌ధ్యాహ్నం 2 గంట‌ల నుంచి👉అక్టోబ‌ర్ 9న‌- రెండో అన‌ధికారిక వ‌న్డే- ఉద‌యం 9 గంట‌ల నుంచి👉అక్టోబ‌ర్ 11న‌- మూడో అన‌ధికారిక వ‌న్డే- ఉద‌యం 9 గంట‌ల నుంచి( మ్యాచ్‌లన్నీ పాండిచ్చేరి వేదికగా.. జియో హాట్‌స్టార్‌లో లైవ్‌ స్ట్రీమింగ్‌)కెప్టెన్‌గా రుతురాజ్‌కాగా ఇండియా-ఎ జ‌ట్టును రుతురాజ్ గైక్వాడ్ న‌డిపించ‌నున్నాడు. ప‌డిక్క‌ల్‌, సాయి సుద‌ర్శ‌న్‌, ప్రియాన్ష్ ఆర్య‌, ర‌జ‌త్ ప‌టీదార్‌, ప్ర‌బ్‌సిమ్ర‌న్ సింగ్ వంటి స్టార్ ఆట‌గాళ్లు జ‌ట్టులో ఉండ‌డంతో సిరీస్‌పై భారీ అంచ‌నాలు నెల‌కొన్నాయి. ఇక టీమిండియా ఆల్‌రౌండ‌ర్ హార్దిక్ పాండ్యా ఈ సిరీస్‌లో ఆడ‌డం అనుమాన‌మే. ప్ర‌స్తుతం బెంగ‌ళూరులోని సెంట‌ర్ ఆఫ్ ఎక్స‌లెన్స్ (సీవోఈ)లో కోలుకుంటున్న పాండ్యా తాజాగా మ‌ళ్లీ గాయ‌ప‌డిన‌ట్లు తెలుస్తోంది. ఫీల్డింగ్ చేస్తున్న స‌మ‌యంలో అత‌డి కుడి మోకాలు కింద భాగంలో గాయ‌మైంద‌ట‌. స్కానింగ్ రిపోర్టుల ఆధారంగా అత‌డికి క‌నీసం మూడు వారాల పాటు విశ్రాంతి అవ‌స‌ర‌మ‌ని వైద్యులు సూచించారు. ఈ క్ర‌మంలో ఆస్ట్రేలియా-ఎతో జ‌ర‌గ‌నున్న వ‌న్డే సిరీస్ నుంచి హార్దిక్‌ను తప్పించి అత‌డి స్థానంలో ముంబై ఆల్‌రౌండ‌ర్ సూర్యాన్ష్ షెడ్గెకు చోటు ద‌క్కింది.ఆసీస్‌తో సిరీస్‌కు భారత-ఎ జట్టురుతురాజ్ గైక్వాడ్ (కెప్టెన్‌), ప్రియాన్ష్‌ ఆర్య, సాయి సుదర్శన్, దేవదత్ పడిక్కల్, రజత్ పాటిదార్, కుమార్ కుషాగ్రా, నిశాంత్ సింధు, విప్రజ్ నిగమ్, అర్షిన్ కులకర్ణి, అర్షద్ ఖాన్, నమన్ ధీర్, సూర్యాన్ష్‌, ప్రభ్‌సిమ్రన్ సింగ్, గ్రూర్ సింగ్, గుర్జప్‌నీత్ సింగ్, యశ్ ఠాకూర్🚨 TIMING OF INDIA A vs AUSTRALIA A ONE-DAY SERIES: 1st match - 2 pm IST. 2nd match - 9 am IST. 3rd match - 9 am IST. Matches will be streamed on JioHotstar - Ruturaj Gaikwad is leading India A 💛 https://t.co/YWR1Ff5TJa— Johns. (@CricCrazyJohns) October 4, 2026ఇదీ చదవండి: డివిలియ‌ర్స్ విధ్వంసం.. విండీస్‌పై సౌతాఫ్రికా భారీ స్కోరు

ఆస్ట్రేలియా-ఎతో మూడు వ‌న్డేల అనధికారిక మూడు వ‌న్డేల సిరీస్‌కు ముందు భార‌త్‌-ఎ జ‌ట్టుకు గ‌ట్టి ఎదురు దెబ్బ త‌గిలింది. స్టార్ ఆల్‌రౌండ‌ర్ హార్దిక్ పాండ్యా గాయం కార‌ణంగా దూర‌మ‌య్యాడు. ఐపీఎల్‌-2026 నుంచి పోటీ క్రికెట్ దూరంగా ఉన్న హార్దిక్‌.. ఆసీస్‌-ఎ సిరీస్‌తో మైదానంలో అడుగు పెడతాడ‌ని అంతా భావించారు. కానీ బెంగుళూరులోని సెంట‌ర్ ఆఫ్ ఎక్స‌లెన్స్‌లో కోలుకుంటున్న హార్దిక్ పాండ్యా తాజాగా మ‌రో కొత్త గాయం బారిన ప‌డ్డాడు. ఫీల్డింగ్ చేస్తున్న స‌మ‌యంలో అత‌డి కుడి కాలి మోకాలు కింద భాగంలో గాయ‌మైంది.స్కానింగ్ రిపోర్టుల ఆధారంగా అత‌ను క‌నీసం మూడు వారాల పాటు విశ్రాంతి తీసుకోవాల‌ని వైద్యులు సూచించారు. ఈ క్ర‌మంలో అక్టోబ‌ర్ 6వ తేదీ నుంచి ఆస్ట్రేలియా-ఏ జ‌ట్టుతో జ‌రిగే వ‌న్డే సిరీస్ నుంచి అత‌డిని సెల‌క్ట‌ర్లు త‌ప్పించారు. దీంతో పాండ్యా స్దానంలో ముంబై ఆల్-రౌండర్ సూర్యాన్ష్ షెడ్గేకు చోటు ద‌క్కింది. 23 ఏళ్ల ఈ యువ ఆల్‌రౌండ‌ర్ ఇప్ప‌టికే సీనియ‌ర్ జ‌ట్టు త‌రపున అరంగేట్రం కూడా చేశాడు. ఇప్పుడు మ‌రోసారి వైట్‌బాల్ క్రికెట్‌లో తన సత్తా చాటేందుకు అత‌డికి అవ‌కాశం ల‌భించింది. షెడ్గే కూడా గాయం నుంచి కోలుకుని వ‌స్తున్నాడు. హార్దిక్‌ విషయానికి వస్తే.. ఇప్పటికే విండీస్‌తో టీ20లకు కూడా దూరమైన ఈ బరోడా ఆల్‌రౌండర్‌ న్యూజిలాండ్‌ పర్యటనకు కూడా వెళ్లేది అనుమానమే,.ఆసీస్‌తో సిరీస్‌కు భారత-ఎ జట్టుప్రియాన్ష్‌ ఆర్య, సాయి సుదర్శన్, దేవదత్ పడిక్కల్ , రుతురాజ్ గైక్వాడ్, రజత్ పాటిదార్, కుమార్ కుషాగ్రా, నిశాంత్ సింధు, విప్రజ్ నిగమ్, అర్షిన్ కులకర్ణి, అర్షద్ ఖాన్, నమన్ ధీర్, సూర్యాన్ష్‌, ప్రభ్‌సిమ్రన్ సింగ్, గ్రూర్ సింగ్, గుర్జప్‌నీత్ సింగ్, యశ్ ఠాకూర్చదవండి: IND vs AUS: యువ‌రాజ్ విధ్వంసం.. ఆసీస్‌ను చిత్తు చేసిన భార‌త్‌

పాండిచ్చేరి వేదిక‌గా ఆస్ట్రేలియా-ఎతో జ‌రిగిన రెండో అన‌ధికారిక టెస్టును భార‌త‌-ఎ జ‌ట్టు డ్రాగా ముగించింది. నాలుగోరోజు ఆట‌కు చివ‌రి రోజు కావ‌డంతో, రోజు ముగిసే స‌మ‌యానికి 365 ప‌రుగుల ల‌క్ష్యంతో బ‌రిలోకి దిగిన‌ భార‌త జ‌ట్టు 9 వికెట్ల న‌ష్టానికి 310 ప‌రుగులు చేసింది. దీంతో ఆస్ట్రేలియా విజ‌యానికి ఒక్క వికెట్ దూరంలో ఆగిపోయింది. తొలి అన‌ధికారిక టెస్టును గెలిచిన భార‌త్ 1-0తో సిరీస్‌ను సొంతం చేసుకుంది. భారత్‌ను ఓటమి నుంచి తప్పించిన షామ్స్‌ ములాని రెండు టెస్టులు కలిపి 55 పరుగులతో పాటు 10 వికెట్లు తీసి ‘ప్లేయర్‌ ఆఫ్‌ ది సిరీస్‌’ అవార్డు సొంతం చేసుకున్నాడు.మ్యాచ్‌లో భార‌త్‌ ఓట‌మి ఖాయ‌మ‌నున్న ద‌శ‌లో షామ్స్ ములానీ (131 బంతుల్లో 29) ఆప‌ద్బాంధ‌వుడి పాత్ర‌ను పోషించి జ‌ట్టును ఓట‌మి నుంచి త‌ప్పించ‌గా, న‌చికేత్ భూతే (20 నాటౌట్‌) అత‌డికి స‌హ‌క‌రించాడు. చివ‌ర్లో ఆస్ట్రేలియా బౌల‌ర్లను మార్చి ఎన్ని రకాలుగా ప్ర‌య‌త్నం చేసినప్పటికీ లాభం లేకపోయింది. చివ‌రి ఓవ‌ర్ వ‌ర‌కు విజ‌యం కోసం ప్ర‌య‌త్నించిన ఆసీస్‌కు శామ్స్ ములాని, న‌చికేత్ భూతేలు కొర‌క‌రాని కొయ్య‌లుగా మారి వారి గెలుపును అడ్డుకున్నారు. అంత‌క‌ముందు య‌శ్ రాథోడ్ (80), తుషార్ దేశ్‌పాండే (52) అర్థ‌సెంచ‌రీల‌తో రాణించి భార‌త ఇన్నింగ్స్‌ను నిల‌బెట్టారు. ఆస్ట్రేలియా బౌల‌ర్ల‌లో లియామ్ స్కాట్ 5 వికెట్ల‌తో చెల‌రేగ‌గా.. లియామ్ హాచ‌ర్‌, టాడ్ ముర్ఫీ, కోరె రొచ్చిసియోలి, నాథ‌న్ మెక్‌స్వీనీ త‌లా ఒక వికెట్ తీశారు. ఇక తొలి ఇన్నింగ్స్‌లో ఆస్ట్రేలియా 358 ప‌రుగుల‌కు ఆలౌట్ కాగా.. భార‌త్ తొలి ఇన్నింగ్స్‌లో 167 ప‌రుగుల‌కే కుప్ప‌కూల‌డంతో ఆసీస్‌కు 191 ప‌రుగుల ఆధిక్యం ల‌భించింది. ఆసీస్ త‌మ రెండో ఇన్నింగ్స్‌ను 173 ప‌రుగుల వ‌ద్ద డిక్లేర్ చేసి భార‌త్ ఎదుట 365 ప‌రుగుల టార్గెట్‌ను ఉంచింది. ఇరుజ‌ట్ల మ‌ధ్య అన‌ధికారిక వ‌న్డే సిరీస్ అక్టోబ‌ర్ 6 నుంచి జ‌ర‌గ‌నుంది. ఈ నేపథ్యంలో తొలి అన‌ధికారిక వ‌న్డేకు పాండిచ్చేరి వేదిక కానుంది.ఇదీ చదవండి: రేపు పాక్‌తో ఫైన‌ల్‌.. అందరి కళ్లు ఆ ముగ్గురిపైనే!

ఆస్ట్రేలియా మహిళల ‘ఎ’ జట్టుతో జరిగిన ఏకైక టెస్టులో భారత మహిళల ‘ఎ’ జట్టు ఘన విజయం సాధించింది. సొంతగడ్డపై ఆకాశమే హద్దుగా చెలరేగి ఏకంగా 281 పరుగుల తేడాతో ఆసీస్‌ను మట్టికరిపించింది.టీ20 సిరీస్‌లో పరాభవంకాగా అనధికారిక సిరీస్‌లలో భాగంగా మూడు టీ20 మ్యాచ్‌లు, మూడు వన్డేలు, ఏకైక టెస్టు ఆడేందుకు ఆసీస్‌ మహిళల జట్టు భారత పర్యటనకు వచ్చింది. తొలుత టీ20 సిరీస్‌ జరుగగా ఆసీస్‌.. అనూహ్య రీతిలో భారత జట్టును 3-0తో క్లీన్‌స్వీప్‌ చేసింది.వన్డే సిరీస్‌ కైవసంఅయితే, వన్డే సిరీస్‌ను మాత్రం భారత మహిళల జట్టు 2-1తో కైవసం చేసుకుంది. ఈ క్రమంలో ఇరుజట్ల మధ్య ధర్మశాల వేదికగా మంగళవారం ఏకైక టెస్టు మొదలుకాగా.. టాస్‌ గెలిచిన భారత మహిళల ‘ఎ’ జట్టు తొలుత బ్యాటింగ్‌ ఎంచుకుంది.364 పరుగులు చేసి ఆలౌట్‌ఓపెనర్లు శుభా సతీశ్‌ (59) , ప్రియా పునియా (46) శుభారంభం అందించగా.. నాలుగో నంబర్‌ బ్యాటర్‌ అనుష్క శర్మ (44) కూడా రాణించింది. అయితే, ఆరు, ఏడు స్థానాల్లో బ్యాటింగ్‌కు దిగిన తనీషా సింగ్‌ (92), నికీ ప్రసాద్‌ (91) అద్భుత ప్రదర్శనతో ఆకట్టుకున్నారు. ఫలితంగా తొలి ఇన్నింగ్స్‌లో భారత్‌ 364 పరుగులు చేసి ఆలౌట్‌ అయింది.కుప్పకూలిన ఆసీస్‌ఆసీస్‌ బౌలర్లలో లిల్లీ మిల్స్‌ నాలుగు, చార్లి నాట్‌ మూడు వికెట్లతో సత్తా చాటగా.. టెస్‌ ఫ్లింటాఫ్‌, మిల్లీ ఇల్లింగ్‌వర్త్‌, ఫ్రాంకీ నిక్లిన్‌ తలా ఒక వికెట్‌ పడగొట్టారు. అనంతరం బ్యాటింగ్‌కు దిగిన ఆసీస్‌ కేవలం 176 పరుగులు చేసి ఆలౌట్‌ అయింది. ఓపెనర్లలో కెప్టెన్‌ రేచల్‌ ట్రెనామన్‌ (44), వికెట్‌ కీపర్‌ బ్యాటర్‌ తామిలా విల్సన్‌ (35) ఓ మోస్తరుగా రాణించారు.భారత బౌలర్లలో వైష్ణవి శర్మ ఆరు వికెట్లతో చెలరేగి ఆసీస్‌ బ్యాటింగ్‌ ఆర్డర్‌ పతనాన్ని శాసించింది. మిగిలిన వారిలో శుచి ఉపాధ్యాయ్‌, నికీ ప్రసాద్‌ చెరో రెండు వికెట్లు తీశారు. ఈ క్రమంలో భారత్‌కు తొలి ఇన్నింగ్స్‌లో 188 పరుగుల ఆధిక్యం లభించింది.భారీ లక్ష్యంఅనంతరం రెండో ఇన్నింగ్స్‌ ఆరంభించిన భారత జట్టు 257 పరుగులు చేసి ఆలౌటైంది. ఓపెనర్‌ ప్రియా పునియా అర్ధ శతకం (59) బాదగా.. యస్తికా భాటియా 46, అనుష్మ శర్మ 48 పరుగులతో రాణించారు. ఆసీస్‌ బౌలర్‌ లిల్లీ మిల్స్‌ ఐదు వికెట్లు పడగొట్టగా.. ఫ్రాంకీ నిక్లిన్‌ నాలుగు, చార్లీ నాట్‌ ఒక వికెట్‌ దక్కించుకున్నారు.281 పరుగుల తేడాతో జయభేరిఇక తొలి ఇన్నింగ్స్‌ ఆధిక్యం కలుపుకొని భారత్‌ ఆసీస్‌కు 446 పరుగుల మేర భారీ లక్ష్యాన్ని విధించింది. ఈ క్రమంలో కంగారూ జట్టు 164 పరుగులకే కుప్పకూలడంతో.. గురువారం నాటి ఆట సందర్భంగా భారత్‌ 281 పరుగుల తేడాతో జయభేరి మోగించింది. నికీ ప్రసాద్‌ ఐదు వికెట్లతో చెలరేగగా.. వైష్ణవి శర్మ మూడు, శుచి ఉపాధ్యాయ ఒక వికెట్‌ తమ ఖాతాలో వేసుకున్నారు. ఆల్‌రౌండ్‌ ప్రదర్శనతో ఆకట్టుకున్న 20 ఏళ్ల నికీ ప్రసాద్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది. చదవండి: వన్డే వరల్డ్‌కప్‌-2027... టీమిండియా షెడ్యూల్‌ ఇదే

ఆస్ట్రేలియా- ‘ఎ’ జట్టుతో రెండో అనధికారిక టెస్టు మ్యాచ్‌లో భారత్‌- ‘ఎ’ జట్టు కష్టాల్లో పడింది. ఓపెనర్లు ఆయుశ్‌ పాండే (4), సాయి సుదర్శన్‌ (8) పూర్తిగా విఫలమయ్యారు. వన్‌డౌన్‌ బ్యాటర్‌, కెప్టెన్‌ దేవదత్‌ పడిక్కల్‌ (31) కూడా నిరాశపరిచాడు.కాగా పుదుచ్చేరి వేదికగా భారత్‌- ఆసీస్‌ జట్ల మధ్య మంగళవారం రెండో అనధికారిక టెస్టు మొదలైంది. టాస్‌ గెలిచిన కంగారూ జట్టు తొలుత బ్యాటింగ్‌ ఎంచుకుంది. టాపార్డర్‌ విఫలమైనప్పటికీ.. వికెట్‌ కీపర్‌ బ్యాటర్‌ సామ్‌ హార్పర్‌ అద్భుత ప్రదర్శన కారణంగా తొలి ఇన్నింగ్స్‌లో మెరుగైన స్కోరు సాధించింది.ఆసీస్‌ మెరుగైన స్కోరుఏడోస్థానంలో బ్యాటింగ్‌కు వచ్చిన హార్పర్‌ మొత్తంగా 223 బంతులు ఎదుర్కొని ఏడు ఫోర్లు, మూడు సిక్సర్ల సాయంతో 128 పరుగులు సాధించాడు. మిగిలిన వారిలో నాథన్‌ మెక్‌స్వీనీ (34), జేసన్‌ సంఘా (46), లియామ్‌ స్కాట్‌ (34), టాడ్‌ మర్ఫీ (33), జై రిచర్డ్‌సన్‌ (31) ఓ మోస్తరుగా రాణించారు.ఫలితంగా బుధవారం నాటి రెండో రోజు ఆట సందర్భంగా ఆసీస్‌ తమ మొదటి ఇన్నింగ్స్‌లో 358 పరుగులు చేసి ఆలౌట్‌ అయింది. అనంతర బ్యాటింగ్‌కు మొదలుపెట్టిన భారత్‌కు ఆదిలోనే ఎదురుదెబ్బలు తగిలాయి. రిచరర్డ్‌సన్‌ ఆయుశ్‌ను అవుట్‌ చేయగా.. సాయి సుదర్శన్‌ను మర్ఫీ బౌల్డ్‌ చేశాడు. ఇక పడిక్కల్‌ను కోరే రొచిసియోలి పెవిలియన్‌కు పంపాడు.అజేయంగా రషీద్‌యశ్‌ రాథోడ్‌ (15)ను మర్ఫీ వెనక్కి పంగా.. ఫామ్‌లో ఉన్న కుమార్‌ కుశాగ్రా (10)ను లియామ్‌ స్కాట్‌ వికెట్ల ముందు దొరకబుచ్చుకున్నాడు. ఇక బుధవారం ఆట పూర్తయ్యేసరికి గుంటూరు కుర్రాడు షేక్‌ రషీద్‌ 36, తనుశ్‌ కొటియాన్‌ 6 పరుగులతో క్రీజులో నిలిచారు. ఈ క్రమంలో భారత్‌ రెండో రోజు ఆట ముగిసే సరికి 51 ఓవర్లలో ఐదు వికెట్లు నష్టపోయి 122 పరుగులు మాత్రమే చేసింది. ఆసీస్‌ కంటే ఇంకా 236 పరుగులు వెనుకబడి ఉంది.చదవండి: ‘నన్ను ఇరికించి.. నువ్వు వాళ్ల భజన చేస్తున్నావు’

ధ‌ర్మ‌శాల వేదిక‌గా ఇండియా వుమెన్‌-ఎ జ‌ట్టుతో జరుగుతున్న ఏకైక అన‌ధికారిక టెస్టు మ్యాచ్‌లో ఆస్ట్రేలియా-ఎ జ‌ట్టు 176 ప‌రుగుల‌కే కుప్ప‌కూలింది. దీంతో భార‌త్ తొలి ఇన్నింగ్స్‌లో 188 ప‌రుగుల భారీ ఆధిక్యం ల‌భించిన‌ట్ల‌యింది. ఆసీస్ బ్యాట‌ర్ల‌లో కెప్టెన్ రాచెల్ ట్రెనామ‌న్ (44) టాప్ స్కోర‌ర్‌గా నిల‌వ‌గా, వికెట్ కీప‌ర్ తాహిలా విల్స‌న్ (35) ప‌రుగులతో ప‌ర్వాలేద‌నిపించింది. భార‌త బౌల‌ర్ల‌లో స్పిన్న‌ర్ వైష్ణ‌వి శ‌ర్మ ఆరు వికెట్ల‌తో చెల‌రేగ‌గా, శుచి ఉపాధ్యాయ్‌, నికీ ప్ర‌సాద్ చెరో 2 వికెట్లు ప‌డ‌గొట్టారు. అంత‌క‌ముందు భార‌త్ త‌మ తొలి ఇన్నింగ్స్‌లో 364 ప‌రుగుల‌కు ఆలౌటైంది. త‌నీశా సింగ్ (92), నికీ ప్ర‌సాద్ (91) సెంచ‌రీలు మిస్ చేసుకోగా, ఓపెన‌ర్ శుభా స‌తీష్ (59) అర్థ‌సెంచ‌రీ సాధించింది. లిల్లీ మిల్స్‌ నాలుగు వికెట్లు తీసింది.అనంత‌రం రెండో ఇన్నింగ్స్ ప్రారంభించిన భార‌త్ వికెట్ న‌ష్ట‌పోకుండా 14 ప‌రుగులు చేసింది. శుభా స‌తీశ్ (11), ప్రియా పూనియా (2) క్రీజులో ఉన్నారు. తొలి ఇన్నింగ్స్ ఆధిక్యం క‌లుపుకొని ప్ర‌స్తుతం భార‌త్ 202 ప‌రుగుల ఆధిక్యంలో కొన‌సాగుతుంది.𝐀 𝐦𝐚𝐬𝐬𝐢𝐯𝐞 𝟏𝟖𝟖-𝐫𝐮𝐧 𝐟𝐢𝐫𝐬𝐭-𝐢𝐧𝐧𝐢𝐧𝐠𝐬 𝐥𝐞𝐚𝐝 𝐟𝐨𝐫 𝐈𝐧𝐝𝐢𝐚 𝐀 👏𝐈𝐧𝐝𝐢𝐚 𝐀: 𝟑𝟔𝟒/𝟏𝟎 (𝟏𝟎𝟑.𝟑)Tanisha Singh - 92 (166)Niki Prasad - 91 (112)Lilly Mills - 4/98 (32.3)𝐀𝐮𝐬𝐭𝐫𝐚𝐥𝐢𝐚 𝐀: 𝟏𝟕𝟔/𝟏𝟎 (𝟔𝟑.𝟒)Rachel Trenaman - 44 (88)… pic.twitter.com/s0Jona9ayS— Female Cricket (@imfemalecricket) September 30, 2026ఇదీ చదవండి: వెస్టిండీస్‌ ఓపెనర్‌ విధ్వంసం.. ఫాస్టెస్ట్‌ హాఫ్‌ సెంచరీ

భారత్‌- ‘ఎ’ జట్టుతో రెండో అనధికారిక టెస్టులో ఆస్ట్రేలియా- ‘ఎ’ టీమ్‌ మిడిలార్డర్‌ మెరుగ్గా రాణించింది. ఫలితంగా కంగారూలు తొలి ఇన్నింగ్స్‌లో మెరుగైన స్కోరుకు ఆలౌట్‌ అయ్యారు. పుదుచ్చేరి వేదికగా రెండు మ్యాచ్‌ల అనధికారిక టెస్టు సిరీస్‌లో భాగంగా ఇరుజట్ల మధ్య మంగళవారం రెండో మ్యాచ్‌ మొదలైంది.టాపార్డర్‌ విఫలంటాస్‌ గెలిచిన ఆసీస్‌ జట్టు కెప్టెన్‌ పీటర్‌ హ్యాండ్స్‌కోంబ్‌ తొలుత బ్యాటింగ్‌ ఎంచుకున్నాడు. అయితే, భారత బౌలర్ల ధాటికి టాపార్డర్‌ కుదేలు కావడంతో కంగారూ జట్టు కష్టాల్లో పడింది. ఓపెనర్లు సామ్‌ కొన్‌స్టాస్‌ (2), జోష్‌ ఫిలిప్‌ (5) పూర్తిగా విఫలం కాగా.. నాథన్‌ మెక్‌స్వీనీ (34) కూడా నిరాశపరిచాడు.ఇక హ్యాండ్స్‌కోంబ్‌ డకౌట్‌ కాగా.. జేసన్‌ సంఘా (46), లియామ్‌ స్కాట్‌ (34) మెరుగైన ఆట తీరుతో ఇన్నింగ్స్‌ చక్కదిద్దారు. అయితే, ఏడో స్థానంలో బ్యాటింగ్‌కు వచ్చిన వికెట్‌ కీపర్‌ బ్యాటర్‌ సామ్‌ హార్పర్‌ ఆసీస్‌ ఇన్నింగ్స్‌ గతినే మార్చివేశాడు. తొలి రోజు ఆటలో అజేయ శతకంతో క్రీజులో నిలిచాడు హార్పర్‌.ఆదుకున్న హార్పర్‌ఈ క్రమంలో బుధవారం నాటి రెండో రోజు ఆట సందర్భంగా అన్షుల్‌ కాంబోజ్‌ బౌలింగ్‌లో కుమార్‌ కుశాగ్రాకు క్యాచ్‌ ఇవ్వడంతో హార్పర్‌ సెంచరీ ఇన్నింగ్స్‌కు తెరపడింది. మొత్తంగా 223 బంతులు ఎదుర్కొన్న ఈ కుడిచేతి వాటం బ్యాటర్‌.. ఏడు ఫోర్లు, మూడు సిక్సర్ల సాయంతో 128 పరుగులు సాధించాడు.ఆసీస్‌ ఆలౌట్‌మిగిలిన వారిలో టాడ్‌ మర్ఫీ (33), జై రిచర్డ్‌సన్‌ (31) అతడికి సహకారం అందించారు. కోరే రొచిసియోలి 16 పరుగులతో అజేయంగా నిలవగా.. లియామ్‌ హాచర్‌ (0) పదో వికెట్‌గా వెనుదిరిగాడు. ఈ క్రమంలో ఆసీస్‌ తొలి ఇన్నింగ్స్‌లో 116.3 ఓవర్లు ఆడి 358 పరుగులు చేసి ఆలౌట్‌ అయింది.భారత బౌలర్లలో స్పిన్నర్లలో షమ్స్‌ ములాని మూడు, ఆల్‌రౌండర్‌ తనుశ్‌ కొటియాన్‌ ఒక వికెట్‌ తీయగా.. పేసర్లు అన్షుల్‌ కాంబోజ్‌, నచికేత్‌ భూటే చెరో మూడు వికెట్లు పడగొట్టారు. కాగా తొలి అనధికారిక టెస్టు మ్యాచ్‌లో భారత్‌ ఆసీస్‌ను 162 పరుగుల తేడాతో చిత్తుగా చేసింది. చదవండి: కోహ్లి కచ్చితంగా పశ్చాత్తాప పడతాడు: టీమిండియా దిగ్గజ కెప్టెన్‌

ధ‌ర్మ‌శాల వేదిక‌గా ఆస్ట్రేలియా-ఎ వుమెన్‌తో జ‌రుగుతున్న ఏకైక అన‌ధికారిక టెస్టు మ్యాచ్‌లో భార‌త జ‌ట్టు ప‌ట్టు బిగించింది. తొలిరోజు ఆట ముగిసే స‌మ‌యానికి 100 ఓవ‌ర్ల‌లో 9 వికెట్ల న‌ష్టానికి 351 ప‌రుగులు చేసింది. త‌నిషా సింగ్ (166 బంతుల్లో 92) సెంచ‌రీ చేజార్చుకోగా, నికీ ప్ర‌సాద్ (78 నాటౌట్‌), శుచి ఉపాధ్యాయ్ క్రీజులో ఉన్నారు. అంత‌క‌ముందు ఓపెన‌ర్ శుభా స‌తీశ్ (59), అర్థ‌సెంచ‌రీ సాధించ‌గా, ప్రియా పూనియా (46), అనుష్క శ‌ర్మ (44) రాణించారు. ఆస్ట్రేలియా బౌల‌ర్ల‌లో లిల్లీ మిల్స్, చార్లీ నాట్ చెరో 3 వికెట్లు తీయ‌గా, టెస్ ఫ్లింటాఫ్‌, మిల్లీ ఇల్లింగ్‌వ‌ర్త్‌, ఫ్రాంకీ నిక్లిన్ త‌లా ఒక వికెట్ తీశారు. 120 ప‌రుగుల‌కు నాలుగు వికెట్లు కోల్పోయిన క్ర‌మంలో అనుష్క శ‌ర్మ‌తో క‌లిసి త‌నిశా సింగ్ ఐదో వికెట్‌కు 82 ప‌రుగులు జోడించి ఇన్నింగ్స్‌ను చ‌క్క‌దిద్దారు. అనంత‌రం అనుష్క ఔటైన‌ప్ప‌టికీ, క్రీజులోకి వ‌చ్చిన నికీ ప్ర‌సాద్ ఆరంభం నుంచే ధాటిగా ఆడింది. సెంచ‌రీ వైపు ప‌రిగెడుతున్న త‌నిశా సింగ్‌ను టెస్ ఫ్లింటాఫ్ ఎల్బీడ‌బ్ల్యూగా పెవిలియ‌న్ చేర్చింది. అయితే నికీ ప్ర‌సాద్ మాత్రం మ‌రో ఎండ్‌లో ధాటిగా ఆడుతూ స్కోరును పెంచే ప్ర‌య‌త్నం చేసింది. ఈ క్ర‌మంలోనే భార‌త్ స్కోరు 350 మార్క్‌ను దాటింది.𝐈𝐧𝐝𝐢𝐚 𝐀 𝐫𝐞𝐚𝐜𝐡 𝟑𝟓𝟏/𝟗 𝐚𝐭 𝐬𝐭𝐮𝐦𝐩𝐬 𝐨𝐧 𝐃𝐚𝐲 𝟏! 💪Tanisha Singh (92), Niki Prasad (78* ) and Shubha Satheesh (59) anchored India's innings 🏏Lilly Mills (3/94) and Charli Knott (3/82) led Australia A's bowling 👏 #CricketTwitter pic.twitter.com/Os0sDsSCzb— Female Cricket (@imfemalecricket) September 29, 2026ఇదీ చదవండి: భారత్‌ ఖాతాలో మరో స్వర్ణం.. అద్భుతం చేసిన అథ్లెట్లు

ఆస్ట్రేలియా- ‘ఎ’ జట్టుతో రెండో అనధికారిక టెస్టులో భారత్‌- ‘ఎ’ బౌలర్లు ఆరంభంలో అదరగొట్టారు. కంగారూ టాపార్డర్‌ను కకావికలం చేసి శుభారంభం అందించారు. అయితే, మిడిలార్డర్‌ కుదురుగా ఆడటంతో తొలి రోజే ఆసీస్‌ను ఆలౌట్‌ చేసే అవకాశం భారత్‌ చేజారింది.రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ ‘ఎ’ జట్టు భారత్‌కు వచ్చింది. ఇందులో భాగంగా పుదుచ్చేరి వేదికగా సిరీస్‌ జరగుతుండగా.. తొలి టెస్టులో భారత్‌ ఆసీస్‌ను 162 పరుగుల తేడాతో చిత్తు చేసింది.టాపార్డర్‌ కుదేలుఇరుజట్ల మధ్య మంగళవారం రెండో అనధికారిక టెస్టు మొదలైంది. టాస్‌​ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఓపెనర్లు సామ్‌ కొన్‌స్టాస్‌ (2), జోష్‌ ఫిలిప్‌ (5) ఇలా వచ్చి అలా వెళ్లారు. కొన్‌స్టాస్‌ను షమ్స్‌ ములానీ, జోష్‌ను నచికేత్‌ భూటే త్వరత్వరగా పెవిలియన్‌కు పంపారు. ఇక వన్‌డౌన్‌లో వచ్చిన నాథన్‌ మెక్‌స్వీనీ (76 బంతుల్లో 34) నిలదొక్కుకునే ప్రయత్నం చేయగా.. ములాని అతడి ఆశలపై నీళ్లు చల్లాడు. మరోవైపు.. కెప్టెన్‌ పీటర్‌ హ్యాండ్స్‌కోంబ్‌ను నచికేత్‌ డకౌట్‌ చేశాడు. దీంతో ఆసీస్‌ 96 పరుగులకే నాలుగు వికెట్లు కోల్పోయి కష్టాల్లో పడింది.ఏడో స్థానంలో వచ్చి శతక్కొట్టాడుఇలాంటి దశలో జేసన్‌ సంఘా (46), లియామ్‌ స్కాట్‌ (34) ఇన్నింగ్స్‌ గాడిన పెట్టగా.. వికెట్‌ కీపర్‌ బ్యాటర్‌, ఏడో స్థానంలో వచ్చిన సామ్‌ హార్పర్‌ అజేయ శతకం సాధించాడు. అతడికి టాడ్‌ మర్ఫీ (91 బంతుల్లో 33) సహకారం అందించాడు.101 పరుగులతో అజేయంగాఫలితంగా మంగళవారం నాటి మొదటిరోజు ఆట పూర్తయ్యేసరికి ఆసీస్‌ ‘ఎ’ జట్టు ఏడు వికెట్ల నష్టానికి 282 పరుగులు చేయగలిగింది. సామ్‌ హార్పర్‌ 153 బంతులు ఎదుర్కొని ఏడు ఫోర్లు, మూడు సిక్సర్ల సాయంతో 101 పరుగులతో అజేయంగా నిలవగా.. అతడికి తోడుగా జై రిచర్డ్‌సన్‌ సున్నా పరుగులతో ఉన్నాడు. భారత బౌలర్లలో లెఫ్టార్మ్‌ స్పిన్నర్‌ షమ్స్‌ ములాని, రైటార్మ్‌ పేసర్‌ నచికేత్‌ భూటే చెరో మూడు వికెట్లు పడగొట్టగా.. మరో పేసర్‌ అన్షుల్‌ కాంబోజ్‌ ఒక వికెట్‌ దక్కించుకున్నాడు. ఇదిలా ఉంటే.. భారత అండర్‌-19 జట్టు ఆసీస్‌ అండర్‌-19 జట్టును తొలి యూత్‌ టెస్టులో మంగళవారం ఇన్నింగ్స్‌ 48 పరుగుల తేడాతో చిత్తు చేసింది.చదవండి: ఆసీస్‌తో మ్యాచ్‌.. భారత ఓపెనర్‌ ప్రపంచ రికార్డు

టీమిండియా సీనియర్‌ ఆల్‌రౌండర్‌ హార్దిక్‌ పాండ్యాను దురదృష్టం వెంటాడుతోంది. ఇప్పటికే వివిధ గాయాల కారణంగా వరుస సిరీస్‌లకు దూరమైన అతడు.. ప్రస్తుతం బీసీసీఐ సెంటర్‌ ఆఫ్‌ ఎక్సలెన్స్‌లో పునరావాసం పొందుతున్నాడు.ఈ క్రమంలో కోలుకుంటున్న హార్దిక్‌ పాండ్యాను ఆస్ట్రేలియా- ‘ఎ’ జట్టుతో జరిగే అనధికారిక వన్డే సిరీస్‌కు సెలక్టర్లు ఎంపిక చేశారు. ఈ పేస్‌ బౌలింగ్‌ ఆల్‌రౌండర్‌ విషయంలో తొందరపాటు తగదని భావించి స్వదేశంలో వెస్టిండీస్‌తో జరిగే సిరీస్‌ల నుంచి మాత్రం పక్కనపెట్టారు. ఆసీస్‌తో సిరీస్‌కు ఎంపికఇదిలా ఉంటే.. అక్టోబరు 6- 11 మధ్య భారత్‌- ‘ఎ’- ఆసీస్‌- ‘ఎ’ జట్ల మధ్య అనధికారిక వన్డే సిరీస్‌కు షెడ్యూల్‌ ఖరారైంది. ఈ నేపథ్యంలో హార్దిక్‌ పాండ్యా తాజాగా మరోసారి గాయపడటం ఆందోళన రేకెత్తించింది. ప్రస్తుతం అతడు కుడికాలి మోకాలి కింది భాగంలో నొప్పితో బాధపడుతున్నట్లు సమాచారం.మూడు వారాల విశ్రాంతిఈ నేపథ్యంలో హార్దిక్‌ పాండ్యాకు సుమారు మూడు వారాల విశ్రాంతి అవసరమని వైద్యులు సూచించినట్లు తెలుస్తోంది. ఈ విషయం గురించి బీసీసీఐ సన్నిహిత వర్గాలు పీటీఐతో మాట్లాడుతూ.. ‘‘ఇది చాలా దురదృష్టకరం. హార్దిక్‌ పాండ్యా కుడికాలి మోకాలి కింది భాగంలో గాయం తీవ్రమైనట్లు స్కాన్‌ రిపోర్టుల్లో తేలింది.అతడికి రెండు- మూడు వారాల పాటు విశ్రాంతి ఇవ్వాలని డాక్టర్లు చెప్పారు. బీసీసీఐ వైద్య బృందానికి నాయకుడైన డాక్టర్‌ దిన్షా పార్దీవాలా జపాన్‌ నుంచి తిరిగి రాగానే హార్దిక్‌ రిపోర్టులు పరిశీలించి.. అతడు ఎప్పుడు బరిలోకి దిగాలనే అంశంపై స్పష్టతనిస్తారు’’ అని తెలిపాయి.హార్దిక్‌ స్థానంలో అతడే!కాగా వివిధ రకాల గాయాల కారణంగా హార్దిక్‌ పాండ్యా ఇప్పటికే స్వదేశంలో అఫ్గానిస్తాన్‌తో వన్డే సిరీస్‌కు, ఐర్లాండ్‌, ఇంగ్లండ్‌ పర్యటనలకు దూరమయ్యాడు. తాజాగా స్వదేశంలో అఫ్గాన్‌తో టీ20 సిరీస్‌, ఆసియా క్రీడలు-2026 టోర్నీకి అందుబాటులో లేకుండా పోయాడు.తాజాగా భారత్‌- ‘ఎ’ జట్టుకు కూడా హార్దిక్‌ పాండ్యా దూరమయ్యే పరిస్థితి తలెత్తింది. ఈ నేపథ్యంలో యువ పేస్‌ బౌలింగ్‌ ఆల్‌రౌండర్‌ సూర్యాంశ్‌ షెడ్గే హార్దిక్‌ స్థానంలో భారత్‌- ‘ఎ’ జట్టులో చేరనున్నట్లు సమాచారం. ప్రస్తుతం సూర్యాంశ్‌ సెంటర్‌ ఆఫ్‌ ఎక్సలెన్స్‌లో ఉన్నాడు. అక్కడ నెట్స్‌లో చెమటోడుస్తూ ప్రాక్టీస్‌ చేస్తున్నాడు. ఇటీవల సూర్యాంశ్‌ జింబాబ్వే పర్యటన సందర్భంగా తొలిసారి జాతీయ జట్టుకు ఎంపికైన సంగతి తెలిసిందే.చదవండి: ‘నా వికెట్‌ తాశావు.. సంబరాలు చేసుకో.. కానీ దూషిస్తే సహించను’

మొహాలీ వేదిక‌గా ఆస్ట్రేలియా-ఎ వుమెన్‌తో జ‌రిగిన మూడో అన‌ధికారిక వ‌న్డేలో భార‌త‌-ఎ జ‌ట్టు 4 వికెట్ల తేడాతో సంచ‌ల‌న విజ‌యం సాధించింది. 363 ప‌రుగుల భారీ టార్గెట్‌తో బ‌రిలోకి దిగిన ఇండియా-ఎ జ‌ట్టు 48.2 ఓవ‌ర్ల‌లో 6 వికెట్లు కోల్పోయి ఛేదించింది. ఫ‌లితంగా మూడు మ్యాచ్‌ల వ‌న్డే సిరీస్‌ను భార‌త్ 2-1 తేడాతో కైవ‌సం చేసుకుంది. భార‌త బ్యాట‌ర్ల‌లో మిన్నూ మాని (56 బంతుల్లో 88 నాటౌట్‌; 12 ఫోర్లు, 3 సిక్స‌ర్లు) అజేయ అర్థ‌సెంచ‌రీతో జ‌ట్టును గెలిపించగా, నిక్కీ ప్ర‌సాద్ (76), కెప్టెన్ అనుష్క శ‌ర్మ (58), త‌నీషా సింగ్ (60) అర్థ‌శ‌త‌కాల‌తో రెచ్చిపోయారు. జ‌ట్టులో న‌లుగురు బ్యాట‌ర్లు అర్థ‌శ‌త‌కాలు చేసి త‌మ విలువైన భాగ‌స్వామ్యాల‌తో జ‌ట్టును విజ‌య‌ప‌థంలో నడిపించారు. ఆసీస్ బౌల‌ర్ల‌లో చార్లీ నాట్‌, లిల్లీ మిల్స్ చెరో 2 వికెట్లు ప‌డ‌గొట్టారు.అంత‌క‌ముందు తొలుత బ్యాటింగ్ చేసిన‌ ఆస్ట్రేలియా వుమెన్ చార్లీ నాట్ (70 బంతుల్లో 109; 12 ఫోర్లు, 5 సిక్స‌ర్లు) సెంచ‌రీతో విధ్వంసం సృష్టించ‌గా, కౌర్ట్నీ వెబ్ (92 బంతుల్లో 95) రాణించ‌డంతో ఆస్ట్రేలియా నిర్ణీత 50 ఓవ‌ర్ల‌లో 9 వికెట్ల న‌ష్టానికి 362 ప‌రుగులు చేసింది. భార‌త బౌల‌ర్ల‌లో వైష్ణ‌వి శ‌ర్మ, నికీ ప్రసాద్‌ చెరో 4 వికెట్లు పడగొట్టారు.ఇదీ చదవండి: రెండుగా చీలిన భారత్‌; దంచేసిన కోహ్లి, రోహిత్‌.. గిల్ ప్లాఫ్ షో!

మొహ‌లీ వేదిక‌గా ఇండియా-ఎ వుమెన్‌తో జ‌రుగుతున్న అన‌ధికారిక మూడో వ‌న్డేలో ఆస్ట్రేలియా వుమెన్ భారీ స్కోరు సాధించింది. చార్లీ నాట్ (70 బంతుల్లో 109; 12 ఫోర్లు, 5 సిక్స‌ర్లు) సెంచ‌రీతో విధ్వంసం సృష్టించ‌గా, కౌర్ట్నీ వెబ్ (92 బంతుల్లో 95) రాణించ‌డంతో ఆస్ట్రేలియా నిర్ణీత 50 ఓవ‌ర్ల‌లో 9 వికెట్ల న‌ష్టానికి 362 ప‌రుగులు చేసింది. మిగ‌తా బ్యాట‌ర్ల‌లో కెప్టెన్ తాహిలా విల్స‌న్ (38), రాచెల్ త్రినెమ‌న్ (29) ప‌ర్వాలేద‌నిపించారు. చివ‌ర్లో హేలీ సిల్వ‌ర్ హోమ్స్ (8 బంతుల్లో 19 పరుగులు) మెరుపు ఇన్నింగ్స్ ఆడ‌డంతో ఆస్ట్రేలియా 360 ప‌రుగుల మార్క్‌ను దాటింది. భార‌త బౌల‌ర్ల‌లో వైష్ణ‌వి శ‌ర్మ, నికీ ప్రసాద్‌ చెరో 4 వికెట్లు పడగొట్టారు.కాగా మూడో వికెట్‌కు చార్లీ నాట్‌, కౌర్ట్నీ వెబ్ 116 బంతుల్లో 166 ప‌రుగులు జోడించి ఆసీస్ భారీ స్కోరు సాధించ‌డంలో స‌హాయ‌ప‌డ్డారు. కాగా ఇరుజ‌ట్లు చెరో వ‌న్డే గెలిచి 1-1తో స‌మంగా ఉన్నాయి.

ఆస్ట్రేలియా-‘ఎ’తో తొలి అనధికారిక టెస్టు మ్యాచ్‌లో భారత్‌-‘ఎ’ జట్టు ఘన విజయం సాధించింది. భారత్‌ విధించిన 363 పరుగుల లక్ష్యాన్ని ఛేదించే క్రమంలో ఆసీస్‌ కేవలం 200 పరుగులు చేసి ఆలౌట్‌ అయింది. 162 పరుగుల భారీ తేడాతో ఫలితంగా పడిక్కల్‌ సేన పర్యాటక కంగారూ జట్టును ఏకంగా 162 పరుగుల భారీ తేడాతో మట్టికరిపించింది. తద్వారా రెండు మ్యాచ్‌ల సిరీస్‌లో 1-0తో ఆధిక్యంలోకి వెళ్లింది. కాగా రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ ‘ఎ’ జట్టు భారత్‌కు వచ్చింది. ఇందులో భాగంగా ఇరుజట్ల మధ్య మంగళవారం పుదుచ్చేరి వేదికగా తొలి టెస్టు మొదలుకాగా.. టాస్‌ గెలిచిన భారత జట్టు కెప్టెన్‌ దేవదత్‌ పడిక్కల్‌ తొలుత బ్యాటింగ్‌ ఎంచుకున్నాడు.334 పరుగులకు ఆలౌట్‌ఈ క్రమంలో తొలి ఇన్నింగ్స్‌లో భారత్‌ 334 పరుగులు చేసి ఆలౌట్‌ అయింది. ఓపెనర్‌ సాయి సుదర్శన్‌ (57), స్పిన్‌ బౌలింగ్‌ ఆల్‌రౌండర్‌ తనుశ్‌ కొటియాన్‌ (69) అర్ధ శతకాలు బాదగా.. వికెట్‌ కీపర్‌ బ్యాటర్‌ కుమార్‌ కుశాగ్రా (113) శతక్కొట్టాడు.171 పరుగులకే కుప్పకూలిన ఆసీస్‌ఆసీస్‌ బౌలర్లలో కోరే రొచిసియోలి నాలుగు వికెట్లు తీయగా.. టాడ్‌ మర్ఫీ మూడు, బ్రెండన్‌ డాగెట్‌, ఫెర్గూస్‌ ఓ నీల్‌, లియామ్‌ స్కాట్‌ తలా ఒక వికెట్‌ దక్కించుకున్నారు. ఈ క్రమంలో రెండో రోజు ఆట సందర్భంగా తమ తొలి ఇన్నింగ్స్‌ మొదలుపెట్టిన ఆసీస్‌.. కేవలం 171 పరుగులకే కుప్పకూలింది.ములానికి నాలుగు వికెట్లుఓపెనర్‌ సామ్‌ కొన్‌స్టాస్‌ (25), ఆల్‌రౌండర్‌ లియామ్‌ స్కాట్‌ (26) ​కాస్త ఫర్వాలేదనిపించగా.. జేసన్‌ సంఘా 46 పరుగులతో రాణించాడు. మిగిలిన వాళ్లంతా స్వల్ప స్కోర్లకే పెవిలియన్‌ చేరారు. భారత బౌలర్లలో లెఫ్టార్మ్‌ స్పిన్నర్‌ షమ్స్‌ ములాని నాలుగు వికెట్లతో చెలరేగి ఆసీస్‌ బ్యాటింగ్‌ ఆర్డర్‌ను కుదేలు చేశాడు.199 పరుగులు చేసి భారత్‌ ఆలౌట్‌.. మిగితా వారిలో ఆల్‌రౌండర్‌ తనుశ్‌ కొటియాన్‌ రెండు వికెట్లు తీయగా.. పేసర్లలో తుషార్‌ దేశ్‌పాండే రెండు, అన్షుల్‌ కాంబోజ్‌, ప్రఫుల్‌ హింగే తలా ఒక వికెట్‌ దక్కించుకున్నారు. ఇక గురువారం మూడో రోజు ఆట సందర్భంగా.. 163 పరుగుల ఆధిక్యంతో రెండో ఇన్నింగ్స్‌ మొదలుపెట్టిన భారత్‌.. 199 పరుగులు చేసి ఆలౌట్‌ అయింది.పడిక్కల్‌ అర్ధ శతకంఓపెనర్‌ సాయి సుదర్శన్‌ (39) మరోసారి సత్తా చాటగా.. కెప్టెన్‌ దేవదత్‌ పడిక్కల్‌ అర్ధ శతకం (59)తో ఆకట్టుకున్నాడు. కుమార్‌ కుశాగ్రా (46 నాటౌట్‌) మరోసారి రాణించాడు. ఆసీస్‌ బౌలర్లలో టాడ్‌ మర్ఫీ నాలుగు వికెట్లు తీయగా.. డాగెట్‌, స్కాట్‌ తలా రెండు.. సంఘా ఒక వికెట్‌ దక్కించుకున్నారు.ఆసీస్‌ టార్గెట్‌ 363ఇక తొలి ఇ‍న్నింగ్స్‌ ఆధిక్యం కలుపుకొని ఆసీస్‌కు భారత్‌ 363 పరుగుల భారీ లక్ష్యాన్ని విధించింది. ఈ క్రమంలో 55/2 ఓవర్‌నైట్‌ స్కోరుతో ఆఖరిదైన నాలుగో రోజు ఆట మొదలుపెట్టిన ఆసీస్‌.. వరుస విరామాల్లో వికెట్లు కోల్పోయింది. కేవలం 200 పరుగులు చేసి ఆలౌట్‌ అయింది.PC: Xమరోసారి చెలరేగిన భారత బౌలర్లుటాపార్డర్‌లో ఓపెనర్లు సామ్‌ కొన్‌స్టాస్‌ (20), కాంప్‌బెల్‌ కెల్లావే (0) విఫలం కాగా.. వన్‌డౌన్‌ బ్యాటర్‌ నాథన్‌ మెక్‌స్వీనీ 35 పరుగులు చేయగలిగాడు. కెప్టెన్‌ పీటర్‌ హ్యాండ్స్‌కోంబ్‌ (16) మరోసారి నిరాశపరచగా.. జేసన్‌ సంఘా 26 పరుగులు చేయగలిగాడు.ఈ క్రమంలో భారత బౌలర్ల ధాటికి జోష్‌ ఫిలిప్‌ (7), లియామ్‌ స్కాట్‌ (0), టాడ్‌ మర్ఫీ (17) ఇలా వచ్చి అలా వెళ్లగా.. ఆల్‌రౌండర్‌ ఫెర్గూస్‌ ఓ నీల్‌ (47) ఒంటరిపోరాటం చేశాడు. అయితే, మిగతా వారి నుంచి అతడికి సహకారం అందలేదు. షమ్స్‌ ములాని బౌలింగ్‌లో బ్రెండన్‌ డాగెట్‌ (3) పదో వికెట్‌గా వెనుదిరగగా.. ఆసీస్‌ ఇన్నింగ్స్‌కు తెరపడింది. టెయిలెండర్‌ కోరే నాలుగు పరుగులతో అజేయంగా నిలిచాడు.భారత బౌలర్లలో పేసర్‌ తుషార్‌ దేశ్‌పాండే, స్పిన్నర్‌ షమ్స్‌ ములాని చెరో మూడు వికెట్లు పడగొట్టగా.. ఆల్‌రౌండర్‌ తనుశ్‌ కొటియాన్‌, పేస్‌ బౌలర్‌ అన్షుల్‌ కాంబోజ్‌ తలా రెండు వికెట్లు కూల్చారు.సంక్షిప్త స్కోర్లుభారత్‌- ‘ఎ’: 334 & 199ఆస్ట్రేలియా- ‘ఎ’: 171 &200ఫలితం: 162 పరుగుల తేడాతో భారత్‌ గెలుపుచదవండి: వెస్టిండీస్‌ కెప్టెన్‌ ప్రపంచ రికార్డు

పుదుచ్చేరి వేదికగా ఆస్ట్రేలియా-ఎతో జరుగుతున్న తొలి అనధికారిక టెస్టులో భారత్‌-ఎ జట్టు పట్టు బిగించింది. 363 పరుగుల భారీ లక్ష్యంతో బరిలోకి దిగిన ఆసీస్‌ జట్టుకు భారత బౌలర్లు షాకిచ్చారు. స్పిన్నర్‌ తనుష్‌ కొటియన్‌, పేసర్ తుషార్‌ దేశ్‌పాండేలు ఆసీస్ ఓపెనర్లు సామ్ కాన్‌స్టాస్ (20), క్యాంప్‌బెల్ కెల్లవే (0)లను పెవిలియన్‌కు పంపారు.దీంతో మూడో రోజు ఆట ముగిసే సమయానికి ఆసీస్‌ తమ రెండో ఇన్నింగ్స్‌లో రెండు వికెట్ల నష్టానికి 55 పరుగులు చేసింది. ప్రస్తుతం క్రీజులో నాథన్‌ మెక్‌స్వీనీ (23), పీటర్ హ్యాండ్స్‌కోంబ్ (0) ఉన్నారు. ఈ మ్యాచ్‌లో భారత్‌ గెలవాలంటే మిగతా 8 వికెట్లు పడగొట్టాల్సి ఉంది. భారత బౌలర్ల జోరు చూస్తుంటే ఆసీస్‌ను ఆలౌట్‌ చేయడం పెద్ద కష్టమేమీ కాకపోవచ్చు.అంతకుముందు భారత్‌-ఎ తమ రెండో ఇన్నింగ్స్‌లో 199 పరుగులకు ఆలౌట్‌ అయింది. ఓపెనర్‌ సాయి సుదర్శన్‌ 39 పరుగులతో రాణించగా.. వన్‌డౌన్‌ బ్యాటర్‌, కెప్టెన్‌ దేవదత్‌ పడిక్కల్‌ అర్ధ శతకంతో (88 బంతుల్లో 59) రాణించాడు. అయితే తొలి ఇన్నింగ్స్‌లో భారీ ఆధిక్యం లభించడంతో పడిక్కల్‌ సేన ప్రత్యర్థి ముందు అద్భుతమైన లక్ష్యాన్ని ఉంచగలిగింది. ఈ మ్యాచ్‌ తొలి ఇన్నింగ్స్‌లో భారత్‌ 334 పరుగులు చేయగా.. దానికి సమాధానంగా పర్యాటక జట్టు తమ తొలి ఇన్నింగ్స్‌లో 199 పరుగులకే కుప్పకూలిన సంగతి తెలిసిందే.చదవండి: సౌతాఫ్రికా ప్లేయర్‌ ప్రపంచ రికార్డు.. కోహ్లి, సచిన్‌కూ సాధ్యం కాలేదు!

ఆస్ట్రేలియా - ‘ఎ’తో తొలి అనధికారిక టెస్టులో భారత బ్యాటర్లు మెరుగైన ప్రదర్శన కనబరిచారు. ఫలితంగా ఆతిథ్య జట్టు.. కంగారూలకు భారీ లక్ష్యం విధించగలిగింది. శతక్కొట్టిన కుశాగ్రా కాగా తొలి ఇన్నింగ్స్‌లో భారత ఓపెనర్‌ సాయి సుదర్శన్‌ (103 బంతుల్లో 57), ఆల్‌రౌండర్‌ తనుశ్‌ కొటియాన్‌ (138 బంతుల్లో 69) అర్ధ శతకాలతో రాణించగా.. వికెట్‌ కీపర్‌ బ్యాటర్‌ కుమార్‌ కుశాగ్రా శతకం (240 బంతుల్లో 113)తో చెలరేగాడు.ఫలితంగా పుదుచ్చేరిలో మంగళవారం టాస్‌ గెలిచి తొలుత బ్యాటింగ్‌ ఎంచుకున్న భారత్‌.. మొదటి ఇన్నింగ్స్‌లో 334 పరుగులు చేసి ఆలౌట్‌ అయింది. ఆసీస్‌ బౌలర్లలో కోరే రొచిసియోలి నాలుగు వికెట్లు తీయగా.. టాడ్‌ మర్ఫీ మూడు, బ్రెండన్‌ డాగెట్‌, ఫెర్గూస్‌ నీల్‌, లియామ్‌ స్కాట్‌ తలా ఒక వికెట్‌ పడగొట్టారు.తేలిపోయిన ఆసీస్‌ బ్యాటర్లుఈ క్రమంలో బుధవారం నాటి రెండో రోజు ఆటలో తమ మొదటి ఇన్నింగ్స్‌ ఆరంభించిన ఆసీస్‌.. 171 పరుగులు చేసి ఆలౌట్‌ అయింది. సామ్‌ కొన్‌స్టాస్‌ (25), లియామ్‌ స్కాట్‌ (26) చెప్పుకోదగ్గ స్కోర్లు చేయగా.. కంగారూల ఇన్నింగ్స్‌లో ఐదో నంబర్‌ బ్యాటర్‌ జేసన్‌ సంఘా 46 పరుగులతో టాప్‌ రన్‌ స్కోరర్‌గా నిలిచాడు.భారత బౌలర్లలో స్పిన్నర్‌ షమ్స్‌ ములాని నాలుగు వికెట్లతో చెలరేగగా.. ఆల్‌రౌండర్‌ తనుశ్‌ కొటియాన్‌ రెండు వికెట్లు పడగొట్టాడు. పేసర్లలో తుషార్‌ దేశ్‌పాండే రెండు, అన్షుల్‌ కాంబోజ్‌, ప్రఫుల్‌ హింగే తలా ఒక వికెట్‌ దక్కించుకున్నారు.పడిక్కల్‌ అర్ధ శతకం.. మరోసారి రాణించిన కుశాగ్రాఈ క్రమంలో గురువారం తమ రెండో ఇన్నింగ్స్‌ మొదలుపెట్టిన భారత్‌ 199 పరుగులకు ఆలౌట్‌ అయింది. ఓపెనర్‌ సాయి సుదర్శన్‌ 39 పరుగులతో రాణించగా.. వన్‌డౌన్‌ బ్యాటర్‌, కెప్టెన్‌ దేవదత్‌ పడిక్కల్‌ అర్ధ శతకం (88 బంతుల్లో 59) సాధించాడు.అమన్‌ మోఖడే (9), షేక్‌ రషీద్‌ (0), యశ్‌ రాథోడ్‌ (12), తనుశ్‌ కొటియాన్‌ (8) పూర్తిగా విఫలం కాగా.. లోయర్‌ ఆర్డర్‌లో షమ్స్‌ ములాని (1), అన్షుల్‌ కాంబోజ్‌ (1), తుషార్‌ దేశ్‌పాండే (0), ప్రఫుల్‌ హింగే (4) తేలిపోయారు. తొలి ఇన్నింగ్స్‌లో శతక్కొట్టిన కుమార్‌ కుశాగ్రా ఈసారి 46 పరుగులతో అజేయంగా నిలిచాడు.ఆసీస్‌ బౌలర్లలో టాడ్‌ మర్ఫీ నాలుగు వికెట్లు తీయగా.. లియామ్‌ స్కాట్‌, బ్రెండన్‌ డాగెట్‌ చెరో రెండు, జేసన్‌ సంఘా ఒక వికెట్‌ దక్కించుకున్నారు. ఇక భారత్‌ తొలి ఇన్నింగ్స్‌లో 163 పరుగుల ఆధిక్యం సంపాదించిన భారత్‌.. రెండో ఇన్నింగ్స్‌లో 199 పరుగులు చేసి ఆలౌట్‌ అయింది. ఫలితంగా ఆసీస్‌ ముందు 363 పరుగుల భారీ లక్ష్యాన్ని ఉంచింది. ఆటకు ఇంకొక్క రోజు మిగిలి ఉంది.చదవండి: పాకిస్తాన్‌ కెప్టెన్‌గా డేంజరస్‌ ప్లేయర్‌!

ఆస్ట్రేలియా- ‘ఎ’తో తొలి అనధికారిక టెస్టులో భారత జట్టు కెప్టెన్‌ దేవదత్‌ పడిక్కల్‌ ఫామ్‌లోకి వచ్చాడు. తొలి ఇన్నింగ్స్‌లో విఫలమైన ఈ కర్ణాటక బ్యాటర్‌.. రెండో ఇన్నింగ్స్‌లో అర్ధ శతకంతో మెరిశాడు.334 పరుగులకు ఆలౌట్‌కాగా భారత్‌- ఆసీస్‌ ‘ఎ’ జట్ల మధ్య పుదుచ్చేరి వేదికగా మంగళవారం తొలి అనధికారిక టెస్టు మొదలైంది. టాస్‌ గెలిచి తొలుత బ్యాటింగ్‌కు దిగిన భారత్‌... మొదటి ఇన్నింగ్స్‌లో 334 పరుగులకు ఆలౌట్‌ అయింది.తొలి ఇన్నింగ్స్‌లో సాయి సుదర్శన్‌ (57), తనుశ్‌ కొటియాన్‌ (69) అర్ధ శతకాలు బాదగా.. కుమార్‌ కుశాగ్రా సెంచరీ (113)తో అదరగొట్టాడు. వన్‌డౌన్‌లో వచ్చిన కెప్టెన్‌ దేవదత్‌ పడిక్కల్‌ మాత్రం పద్నాలుగు బంతులు ఎదుర్కొని మూడు పరుగులే చేసి.. టాడ్‌ మర్ఫీ బౌలింగ్‌లో జేసన్‌ సంఘాకు క్యాచ్‌ ఇచ్చి అవుటయ్యాడు.171 పరుగులకే కుప్పకూలిన ఆసీస్‌ఇక బుధవారం నాటి రెండో రోజు ఆట సందర్భంగా బ్యాటింగ్‌ మొదలుపెట్టిన ఆసీస్‌.. 171 పరుగులకే కుప్పకూలింది. జేసన్‌ సంఘా 46 పరుగులతో టాప్‌ రన్‌ స్కోరర్‌గా నిలిచాడు. భారత బౌలర్లలో లెఫ్టార్మ్‌ స్పిన్నర్‌ షమ్స్‌ ములాని నాలుగు వికెట్లతో సత్తా చాటాడు.భారీ ఆధిక్యంలో భారత్‌ఈ క్రమంలో గురువారం నాటి మూడో రోజు ఆట సందర్భంగా రెండో ఇన్నింగ్స్‌ మొదలుపెట్టిన భారత్‌.. టీ విరామ సమయానికి ఆరు వికెట్ల నష్టానికి 172 పరుగులు చేసింది. తద్వారా.. తొలి ఇన్నింగ్స్‌తో కలిపి 335 పరుగుల భారీ ఆధిక్యంలో కొనసాగుతోంది.రెండో ఇన్నింగ్స్‌లో ఓపెనర్లలో సాయి సుదర్శన్‌ (39) ఫర్వాలేదనిపించగా.. అమన్‌ మోఖడే (9) మరోసారి విఫలమయ్యాడు. దేవదత్‌ పడిక్కల్‌ 88 బంతులు ఎదుర్కొని ఏడు ఫోర్ల సాయంతో 59 పరుగులు సాధించాడు. అయితే, లియామ్‌ స్కాట్‌ బౌలింగ్‌లో వికెట్ల ముందు దొరికిపోయి కెప్టెన్‌ సాబ్‌ పెవిలియన్‌ చేరాడు.చదవండి: ఆ రాత్రి నిద్రపోలేదు.. అదే కఠిన నిర్ణయం: గంభీర్‌

ఆస్ట్రేలియా- ‘ఎ’ జట్టుతో తొలి అనధికారిక టెస్టు మ్యాచ్‌లో భారత్‌- ‘ఎ’ బౌలర్లు అదరగొట్టారు. కంగారూ టాపార్డర్‌ను కకావికలం చేసి ఆది నుంచే చుక్కలు చూపించారు. భారత బౌలర్ల విజృంభణ కారణంగా ఆసీస్‌ తొలి ఇన్నింగ్స్‌లో కేవలం 171 పరుగులే చేసి ఆలౌట్‌ అయింది.పుదుచ్చేరి వేదికగాకాగా భారత్‌- ‘ఎ’ జట్టుతో రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ పురుషుల జట్టు ఇండియాకు వచ్చింది. ఇందులో భాగంగా అన్ని మ్యాచ్‌లు పుదుచ్చేరిలో నిర్వహించనున్నారు. ఈ క్రమంలో మంగళవారం మొదలైన తొలి అనధికారిక టెస్టులో టాస్‌ గెలిచిన భారత్‌ తొలుత బ్యాటింగ్‌కు దిగింది.కుశాగ్రా సెంచరీఓపెనర్‌ సాయి సుదర్శన్‌ (57), ఆల్‌రౌండర్‌ తనుశ్‌ కొటియాన్‌ (69) అర్ధ శతకాలు బాదగా.. బుధవారం నాటి రెండో రోజు ఆట సందర్భంగా కుమార్‌ కుశాగ్రా శతకం పూర్తి చేసుకున్నాడు. మొత్తంగా 240 బంతులు ఎదుర్కొన్న ఈ వికెట్‌ కీపర్‌ బ్యాటర్‌.. 12 ఫోర్ల సాయంతో 113 పరుగులు రాబట్టాడు. మిగిలిన వారిలో అన్షుల్‌ కాంబోజ్‌ (23) చెప్పుకోదగ్గ స్కోరు చేశాడు.ఆసీస్‌ టాపార్డర్‌ కుదేలుఫలితంగా భారత్‌ తొలి ఇన్నింగ్స్‌లో 117.3 ఓవర్లు ఆడి 334 పరుగులు చేసి ఆలౌట్‌ అయింది. ఈ క్రమంలో రెండో రోజు బ్యాటింగ్‌ మొదలుపెట్టిన ఆసీస్‌కు ఆది నుంచే షాకులు తగిలాయి. ఓపెనర్‌ కాంప్‌బెల్ కెల్లావే (2), వన్‌డౌన్‌ బ్యాటర్‌ నాథన్‌ మెక్‌స్వీనీ (0) పూర్తిగా విఫలం కాగా.. కెప్టెన్‌ పీటర్‌ హ్యాండ్స్‌కోంబ్‌ (8) కూడా నిరాశపరిచాడు.మరో ఓపెనర్‌ సామ్‌ కొన్‌స్టాస్‌ (76 బంతుల్లో 25), జేసన్‌ సంఘా కలిసి (64 బంతుల్లో 46) ఇన్నింగ్స్‌ చక్కదిద్దే ప్రయత్నం చేశారు. అయితే, షమ్స్‌ ములాని సంఘాను అవుట్‌ చేసి ఈ జోడీని విడదీయగా.. తుషాన్‌ దేశ్‌పాండే కొన్‌స్టాస్‌ను వికెట్ల ముందు దొరకబుచ్చుకున్నాడు.PC: CApondicherry Xషమ్స్‌ ములానికి నాలుగు వికెట్లు ఆ తర్వాత ఆసీస్‌ వరుస విరామాల్లో వికెట్లు కోల్పోయింది. వికెట్‌ కీపర్‌ బ్యాటర్‌ జోష్‌ ఫిలిప్‌ (14) స్వల్ప స్కోరుకే పెవిలియన్‌ చేరగా.. ఆల్‌రౌండర్‌ లియామ్‌ స్కాట్‌ 26 పరుగులు చేయగలిగాడు. మిగిలిన వారిలో ఫెర్గూస్‌ 13, టాడ్‌ మర్ఫీ 12, బ్రెండన్‌ డాగెట్‌ 13 పరుగులు చేయగా.. కోరే రొచిసియోలి 4 పరుగులతో అజేయంగా నిలిచాడు.ఈ క్రమంలో బుధవారం నాటి ఆట పూర్తయ్యేసరికి 55.3 ఓవర్లలో ఆసీస్‌ 171 పరుగులకు ఆలౌట్‌ అయింది. భారత బౌలర్లలో లెఫ్టార్మ్‌ స్పిన్నర్‌ షమ్స్‌ ములాని నాలుగు వికెట్లతో చెలరేగగా.. స్పిన్‌ బౌలింగ్‌ ఆల్‌రౌండర్‌ తనుశ్‌ కొటియాన్‌ రెండు, పేసర్లు తుషార్‌ దేశ్‌ పాండే రెండు, అన్షుల్‌ కాంబోజ్‌, ప్రఫుల్‌ హింగే తలా ఒక వికెట్‌ దక్కించుకున్నారు. ఇక ఆసీస్‌ తొలి ఇన్నింగ్స్‌లో 171 పరుగులకే ఆలౌట్‌ కావడంతో భారత్‌కు 163 పరుగుల భారీ ఆధిక్యం లభించింది.చదవండి: ఆఖరి ఓవర్‌ వరకు ఉత్కంఠ: ఆసీస్‌తో రెండో వన్డేలో భారత్‌ ఓటమి

ఆస్ట్రేలియా మహిళల ‘ఎ’ జట్టు చేతిలో భారత మహిళా ‘ఎ’ జట్టుకు పరాజయం ఎదురైంది. ఇరుజట్ల మధ్య బుధవారం నాటి రెండో అనధికారిక వన్డేలో పర్యాటక ఆసీస్‌ రెండు వికెట్ల తేడాతో గెలుపొందింది.ఆల్‌ ఫార్మాట్‌ సిరీస్‌కాగా మూడు అనధికారిక టీ20లు, మూడు అనధికారిక వన్డేలు, ఒక అనధికారిక టెస్టు ఆడేందుకు ఆస్ట్రేలియా మహిళల జట్టు భారత్‌కు వచ్చింది. ఇందులో భాగంగా టీ20 సిరీస్‌ను కంగారూ జట్టు 3-0తో క్లీన్‌స్వీప్‌ చేసింది.ఈ క్రమంలో భారత్‌- ఆసీస్‌ మహిళల ‘ఎ’ జట్ల మధ్య ఆదివారం నుంచి వన్డే సిరీస్‌ మొదలుకాగా.. తొలి మ్యాచ్‌లో టీమిండియా నాలుగు వికెట్ల తేడాతో గెలిచింది. అయితే, తాజాగా రెండో వన్డేలో మాత్రం ఓటమిపాలైంది.మొహాలిలోని పంజాబ్‌ క్రికెట్‌ అసోసియేషన్‌ ఐఎస్‌ బింద్రా స్టేడియంలో బుధవారం టాస్‌ గెలిచిన భారత్‌ తొలుత బ్యాటింగ్‌ ఎంచుకుంది. ఓపెనర్లు తనీశా సింగ్‌ (37), ప్రియా పునియా (36) శుభారంభం అందించగా.. కెప్టెన్‌, వన్‌డౌన్‌ బ్యాటర్‌ యస్తికా భాటియా శతక్కొట్టింది.కెప్టెన్‌ విధ్వంసకర శతకంమొత్తంగా 84 బంతులు ఎదుర్కొన్న యస్తికా.. 16 ఫోర్లు, రెండు సిక్సర్ల సాయంతో 112 పరుగులు సాధించింది. ఈ వికెట్‌ కీపర్‌ బ్యాటర్‌ విధ్వంసకర శతకంతో చెలరేగగా.. తేజల్‌ హసాబ్నిస్‌ (60), అనుష్క శర్మ (60 నాటౌట్‌) హాఫ్‌ సెంచరీలతో దుమ్ములేపారు. మిగిలిన వారిలో నికీ ప్రసాద్‌ డకౌట్‌ కాగా.. మిన్ను మణి (3) విఫలమైంది. ఆఖర్లో సయాలీ సత్గరే 12 బంతుల్లో 12 పరుగులతో అజేయంగా నిలిచింది.ఫలితంగా నిర్ణీత 50 ఓవర్లలో ఆరు వికెట్ల నష్టానికి భారత్‌ 338 పరుగుల మేర భారీ స్కోరు సాధించింది. ఇక ఆసీస్‌ బౌలర్లలో డార్సీ బ్రౌన్‌ మూడు వికెట్లతో సత్తా చాటగా.. మిల్లీ ఇల్లింగ్‌వర్త్‌ రెండు వికెట్లు కూల్చింది. లిల్లీ మిల్స్‌కు ఒక వికెట్‌ దక్కింది. ఈ క్రమంలో లక్ష్య ఛేదనకు దిగిన ఆస్ట్రేలియాకు ఆదిలోనే ఎదురుదెబ్బ తగిలింది. ఓపెనర్‌ నికోలీ ఫాల్తుమ్‌ (12)ను సయాలీ సత్గరే తక్కువ స్కోరుకే పెవిలియన్‌కు పంపింది. అయితే, భారత శిబిరానికి ఈ ఆనందం ఎక్కువసేపు నిలవలేదు.మెరుపులు మెరిపించారుమరో ఓపెనర్‌, కెప్టెన్‌ తాహిలా విల్సన్‌ (79), వన్‌డౌన్‌ బ్యాటర్‌ అనికా లిరాయిడ్‌ (54) అర్ధ శతకాలతో దుమ్మురేపారు. ఇక నాలుగో నంబర్‌ బ్యాటర్‌ చార్లి నాట్‌ (37 బంతుల్లోనే 63) టీ20 తరహాలో మెరుపులు మెరిపించింది. మిగిలిన వారిలో టెస్‌ ఫ్లింటాఫ్‌ (38), హేలీ సిల్వర్‌ హోమ్స్‌ (47) కూడా రాణించారు.లిల్లీ మిల్స్‌ 12 పరుగులు చేయగా.. ఆఖరి ఓవర్లో ఆసీస్‌ విజయానికి కేవలం ఐదు పరుగులు కావాల్సి వచ్చింది. అప్పటికి మిల్లీ ఇల్లింగ్‌వర్త్‌ 18, డేసీ బ్రౌన్‌ ఒక పరుగుతో ఉన్నారు. చివరి ఓవర్లో నికీ ప్రసాద్‌ బంతితో రంగంలోకి దిగగా.. తొలి బంతి వైడ్‌ అయింది.ఆఖరి ఓవర్లో ఉత్కంఠ.. చివరికిమరుసటి బంతికి పరుగు తీయలేకపోయి బ్రౌన్‌.. రెండో బంతికి సింగిల్‌ తీసి స్ట్రైక్‌ మిల్లీకి ఇచ్చింది. ఈ క్రమంలో మూడో బంతి నోబాల్‌ కాగా.. తద్వారా లభించిన ఫ్రీ హిట్‌ను మిల్లీ ఫోర్‌గా మలిచింది. దీంతో మరో మూడు బంతులు మిగిలి ఉండగానే ఆసీస్‌ జయభేరి మోగించింది. 49.3 ఓవర్లలో ఎనిమిది వికెట్ల నష్టానికి 341 పరుగులు చేసి.. రెండు వికెట్ల తేడాతో గెలుపొందింది. తద్వారా సిరీస్‌ను 1-1తో సమం చేసింది.భారత బౌలర్లలో మిన్ను మణి మూడు వికెట్ల తీయగా.. నికీ ప్రసాద్‌, సయాలి సత్గరే చెరో రెండు వికెట్లు దక్కించుకున్నారు. వైష్ణవి శర్మ ఒక వికెట్‌ తన ఖాతాలో వేసుకుంది. భారత్‌- ఆసీస్‌ మధ్య శుక్రవారం నిర్ణయాత్మక మూడో వన్డే జరుగనుంది. ఇందుకు మొహాలీ వేదిక.చదవండి: సెహ్వాగ్‌ కొడుకు మెరుపులు.. కెప్టెన్‌ సెంచరీ.. ఆసీస్‌పై భారత్‌ గెలుపు

మొహాలీ వేదికగా ఆస్ట్రేలియా-ఏ మహిళల జట్టుతో ఇవాళ జరుగుతున్న రెండో అనధికారిక వన్డేలో భారత-ఏ జట్టు కెప్టెన్‌ యస్తిక భాటియా మెరుపు శతకంతో విరుచుకుపడింది. కేవలం 76 బంతుల్లోనే 14 ఫోర్లు, 2 సిక్సర్ల సాయంతో సెంచరీ పూర్తి చేసింది. మొత్తంగా 84 బంతులు ఎదుర్కొని 16 ఫోర్లు, 2 సిక్సర్లు సాయంతో 112 పరుగులు చేసి ఔటైంది.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. భాటియా సెంచరీతో కదంతొక్కడంతో నిర్ణీత 50 ఓవర్లలో 6 వికెట్ల నష్టానికి 338 పరుగుల భారీ స్కోర్‌ చేసింది. మిగతా భారత ప్లేయర్లలో తేజల్‌ హసబ్నిస్‌ (60), అనుష్క శర్మ (60 నాటౌట్‌) అర్ద సెంచరీతో రాణించగా.. ఓపెనర్లు తనిష సింగ్‌ 37, ప్రియా పూనియా 36, మిన్నూ మణి 3, సయాలీ సత్ఘరే 12 (నాటౌట్‌) పరుగులు చేశారు. నికి ప్రసాద్‌ డకౌటైంది. ఆసీస్‌ బౌలర్లలో డార్సీ బ్రౌన్‌ 3, మిల్లీ ఇల్లింగ్‌వర్త్‌ 2, లిల్లీ మిల్స్‌ ఓ వికెట్‌ తీశారు.కాగా, ఆస్ట్రేలియా-ఏ మహిళల జట్టు మూడు టీ20లు, మూడు వన్డేలు, ఏకైక టెస్ట్‌ మ్యాచ్‌ కోసం భారత్‌లో పర్యటిస్తుంది. ఈ పర్యటనలో భాగంగా తొలుత జరిగిన టీ20 సిరీస్‌ను ఆసీస్‌ 3-0 తేడాతో క్లీన్‌ స్వీప్‌ చేసింది. ఆతర్వాత ప్రారంభమైన వన్డే సిరీస్‌లో భారత్‌ ఇప్పటికే తొలి వన్డేలో గెలిచి ఆధిక్యంలో కొనసాగుతుంది. ఇదీ చదవండి: ఆసీస్‌తో తొలి టెస్ట్‌.. సెంచరీతో కదంతొక్కిన టీమిండియా ప్లేయర్‌

పుదుచ్చేరి వేదిక‌గా ఆస్ట్రేలియా-ఎతో జ‌రుగుతున్న అన‌ధికారిక టెస్టులో ఇండియా-ఎ జ‌ట్టు తొలి ఇన్నింగ్స్‌లో 334 ప‌రుగుల‌కు ఆలౌటైంది. ఇండియా-ఎ బ్యాట‌ర్ల‌లో కుమార్ కుషాగ్ర (240 బంతుల్లో 113) సెంచ‌రీతో క‌దం తొక్క‌గా, త‌నుశ్ కొటియ‌న్ (69), సాయి సుద‌ర్శ‌న్ (57) అర్థ‌సెంచ‌రీలు సాధించారు. ఆస్ట్రేలియా-ఎ బౌల‌ర్ల‌లో కోరీ రోచిచియోలి 4 వికెట్లు తీయ‌గా, టాడ్ ముర్ఫీ 3 వికెట్లు ప‌డ‌గొట్టాడు. కాగా 97 ప‌రుగుల‌కే ఐదు కీల‌క వికెట్లు కోల్పోయిన ద‌శ‌లో క్రీజులోకి వ‌చ్చిన త‌నుశ్ కొటియ‌న్, కుమార్ కుషాగ్ర‌లు ఆరో వికెట్‌కు 138 ప‌రుగులు జోడించ‌డంతో ఇండియా-ఎ ఇన్నింగ్స్ కుదుటప‌డింది. ఈ ఇద్ద‌రు ఆచితూచి ఆడుతూనే వీలు చిక్కిన‌ప్పుడ‌ల్లా బంతుల‌ను బౌండ‌రీల‌కు త‌ర‌లించ‌డంతో భార‌త్ స్కోరుబోర్డు ప‌రుగులు పెట్టింది. అర్థ‌సెంచ‌రీ చేసిన త‌ర్వాత త‌నుశ్ వెనుదిరిగిన‌ప్ప‌టికీ, కుమార్ కుషాగ్ర టెయిలెండ‌ర్ల‌తో క‌లిసి ఇన్నింగ్స్‌ను ముందుకు న‌డిపించాడు. చివ‌ర్లో అన్షుల్ కంబోజ్ (23) ఆక‌ట్టుకోవ‌డంతో ఇండియా-ఎ జ‌ట్టు 300 ప‌రుగుల మార్క్‌ను దాటగ‌లిగింది.ఇదీ చదవండి: క్రికెట్‌ చరిత్రలో వింత ఘటన.. ఆసీస్‌ బ్యాటర్‌కు చేదు అనుభవం!

పుదుచ్చేరి వేదికగా ఆస్ట్రేలియా-ఏతో జరుగుతున్న తొలి అనధికారిక టెస్ట్‌ మ్యాచ్‌లో భారత-ఏ ఆటగాడు కుమార్‌ కుషాగ్రా అద్భుతమైన సెంచరీతో కదంతొక్కాడు. ఝార్ఖండ్‌కు చెందిన వికెట్‌కీపర్‌ బ్యాటర్‌​ అయిన 21 ఏళ్ల కుషాగ్రా.. ఇటీవల జరిగిన దులీప్‌ ట్రోఫీ ఫైనల్లోనూ సెంచరీతో అదరగొట్టాడు. మళ్లీ బరిలోకి దిగి.. తొలి రోజు ఆటలో 82 పరుగుల వద్ద రిటైర్డ్‌ హర్ట్‌ అయిన అతడు.. రెండో రోజు తొలి సెషన్‌లోనే సెంచరీ పూర్తి చేశాడు. జట్టు కష్టాల్లో ఉన్నప్పుడు బరిలోకి దిగిన కుషాగ్రా 202 బంతుల్లో మూడంకెల మార్కును అందుకున్నాడు.కుషాగ్రా సెంచరీ కారణంగా భారత్‌ గౌరవప్రదమైన స్కోర్‌ దిశగా సాగుతోంది. రెండో రోజు తొలి సెషన్‌ సమయానికి భారత్‌-ఏ స్కోర్‌ 299-7గా (105.1 ఓవర్లలో) ఉంది. కుషాగ్రా 103, అన్షుల్‌ కంబోజ్‌ 12 పరుగులతో క్రీజ్‌లో ఉన్నారు.అంతకుముందే తనుష్‌ కోటియన్‌ ఓవర్‌నైట్‌ స్కోర్‌కు కేవలం ఒక్క పరుగు మాత్రమే జోడించి 69 పరుగుల వద్ద ఔటయ్యాడు. తనుష్‌ కోటియన్‌ స్థానంలోనే కుషాగ్రా క్రీజ్‌లోకి వచ్చి సెంచరీ పూర్తి చేశాడు. మరో ఓవర్‌నైట్‌ బ్యాటర్‌ షమ్స్‌ ములానీ తన స్కోర్‌కు 8 పరుగులు జోడించి పెవిలియన్‌కు చేరాడు.భారత ఇన్నింగ్స్‌లో సాయి సుదర్శన్‌ (57) అర్ద సెంచరీతో రాణించగా.. అమన్‌ మోఖడే 6, కెప్టెన్‌ దేవదత్‌ పడిక్కల్‌ 3, షేక్‌ రషీద్‌ 16, యశ్‌ రాథోడ్‌ ఒక్క పరుగు చేసి ఔటయ్యారు.కాగా, రెండు మ్యాచ్‌ల అనధికారిక టెస్ట్‌ సిరీస్‌, 3 మ్యాచ్‌ల అనధికారిక వన్డే సిరీస్‌ కోసం ఆస్ట్రేలియా-ఏ జట్టు భారత్‌లో పర్యటిస్తుంది.ఇదీ చదవండి: భీకర ఫామ్‌కు బ్రేక్‌.. నిరాశపరిచిన భారత కెప్టెన్‌

భారత్‌- ‘ఎ’, ఆస్ట్రేలియా- ‘ఎ’ జట్ల మధ్య తొలి అనధికారిక టెస్టులో మొదటిరోజు ఆట ముగిసింది. భారత జట్టు ఆరంభంలో తడబడ్డప్పటికీ లోయర్‌ ఆర్డర్‌ రాణించడంతో తిరిగి పుంజుకుంది. కాగా రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ ‘ఎ’ పురుషుల జట్టు భారత్‌కు వచ్చింది.సాయి సుదర్శన్‌ అర్ధ శతకంఇందులో భాగంగా ఇరుజట్ల మధ్య మంగళవారం తొలి అనధికారిక టెస్టు మ్యాచ్‌ మొదలైంది. పుదుచ్చేరి వేదికగా టాస్‌ గెలిచిన భారత్‌.. తొలుత బ్యాటింగ్‌కు దిగింది. ఓపెనర్లలో అమన్‌ మోఖడే (6) నిరాశపరచగా.. సాయి సుదర్శన్‌ అర్ధ శతకం (103 బంతుల్లో 57)తో అలరించాడు.వన్‌డౌన్‌లో వచ్చిన కెప్టెన్‌, మంచి ఫామ్‌లో ఉన్న దేవదత్‌ పడిక్కల్‌ (3) ఈసారి విఫలం కాగా.. గుంటూరు కుర్రాడు షేక్‌ రషీద్‌ (57 బంతుల్లో 16), యశ్‌ రాథోడ్‌ (1) కూడా తేలిపోయారు. ఇలాంటి క్లిష్ట పరిస్థితుల్లో వికెట్‌ కీపర్‌ బ్యాటర్‌ కుమార్‌ కుశాగ్రా, తనుష్‌ కొటియాన్‌ కలిసి ఇన్నింగ్స్‌ చక్కదిద్దారు.ఆకట్టుకున్న కుశాగ్రా, తనుష్‌ఇద్దరూ కలిసి ఆరో వికెట్‌కు 138 పరుగుల భాగస్వామ్యం నెలకొల్పారు. కుమార్‌ కుశాగ్రా సెంచరీకి చేరువవుతున్న వేళ (160 బంతుల్లో 82).. రిటైర్డ్‌హర్ట్‌గా వెనుదిరిగాడు. ఇక తొలి రోజు ఆట ముగిసే సరికి ఆల్‌రౌండర్లలో తనుశ్‌ కొటియాన్‌ అర్ధ శతకం (134 బంతుల్లో 68) పూర్తి చేసుకోగా.. షామ్స్‌ ములాని 43 బంతుల్లో పది పరుగులతో అజేయంగా నిలిచాడు.ఫలితంగా మంగళవారం నాటి మొదటి రోజు ఆట పూర్తయ్యేసరికి భారత్‌- ‘ఎ’ జట్టు 89 ఓవర్లలో ఐదు వికెట్ల నష్టానికి 257 పరుగులు చేసింది. ఆసీస్‌ బౌలర్లలో కోరే రొచిసియోలి మూడు వికెట్లు కూల్చగా.. ఫెర్గూస్‌ ఓ నీల్‌, టాడ్‌ మర్ఫీ చెరో వికెట్‌ దక్కించుకున్నారు.చదవండి: పచ్చని ప్రకృతి నడుమ భారత క్రికెటర్‌ ఐదు బెడ్‌రూమ్‌ల విల్లా!

టీమిండియా స్టార్‌ బ్యాటర్‌ దేవదత్‌ పడిక్కల్‌ భీకర ఫామ్‌కు బ్రేక్‌ పడింది. ఆస్ట్రేలియా-ఏతో ఇవాళ మొదలైన తొలి అనధికారిక టెస్ట్‌ మ్యాచ్‌లో (తొలి ఇన్నింగ్స్‌) అతడు కేవలం 3 పరుగులకే ఔటై నిరాశపరిచాడు. ఈ సిరీస్‌లో పడిక్కల్‌ భారత-ఏ జట్టు కెప్టెన్‌గా వ్యవహరిస్తున్నాడు. ఈ మ్యాచ్‌లో భారత్‌-ఏ టాస్‌ గెలిచి తొలుత బ్యాటింగ్‌ ఎంచుకుంది. ఓపెనర్‌ అమన్‌ మోఖడే (6) తర్వాత ఔటయ్యాక బరిలోకి దిగిన పడిక్కల్‌ 14 బంతులు ఆడి ఒక్క చెప్పుకోదగ్గ షాట్‌ కూడా ఆడకుండానే నిష్క్రమించాడు. ఇటీవలికాలంలో పడిక్కల్‌ నుంచి ఇలాంటి ప్రదర్శన చూడలేదు.ఈ మ్యాచ్‌కు ముందు జరిగిన దులీప్‌ ట్రోఫీ ఫైనల్లో అతడు అర్ద సెంచరీతో (62) రాణించాడు. దానికి ముందు జరిగిన శ్రీలంకతో జరిగిన రెండు టెస్ట్‌ల్లో వరుస సెంచరీలతో (167, 117) చెలరేగాడు. ఆ సిరీస్‌కు ముందు శ్రీలంక ఎలెవెన్‌తో జరిగిన ప్రాక్టీస్‌ మ్యాచ్‌లోనూ అజేయ సెంచరీతో (142) కదంతొక్కాడు.అంతకుముందు ఐపీఎల్‌ 2026లోనూ పడిక్కల్‌ నిలకడైన ప్రదర్శనలతో అకట్టుకున్నాడు. ఆ సీజన్‌లో 168.73 స్ట్రయిక్‌రేట్‌తో 464 పరుగులు సాధించి, ఆర్సీబీ వరుసగా రెండో ఎడిషన్‌లో టైటిల్‌ కైవసం చేసుకోవడంలో కీలకపాత్ర పోషించాడు.మొత్తంగా ఆసీస్‌-ఏపై తాజా ప్రదర్శన మినహా పడిక్కల్‌ ఇటీవలికాలంలో అద్భుతమైన ప్రదర్శనలు చేశాడు.మ్యాచ్‌ విషయానికొస్తే.. రెండు అనధికారిక టెస్ట్‌ మ్యాచ్‌లు, మూడు అనధికారిక వన్డేల కోసం ఆస్ట్రేలియా-ఏ జట్టు భారత్‌లో పర్యటిస్తుంది. ఈ పర్యటనలో భాగంగా పుదుచ్చేరి వేదికగా ఇవాళ తొలి టెస్ట్‌ మొదలైంది. ఈ మ్యాచ్‌లో టాస్‌ గెలిచి బ్యాటింగ్‌ చేస్తున్న భారత్‌ 20 ఓవర్ల తర్వాత 2 వికెట్ల నష్టానికి 57 పరుగులు స్కోర్‌ చేసింది. అమన్‌ మోఖడే, పడిక్కల్‌ ఔట్‌ కాగా.. సాయి సుదర్శన్‌ (30), షేక్‌ రషీద్‌ (10) క్రీజ్‌లో ఉన్నారు. ఇదీ చదవండి: Asian Games 2026: క్రికెట్‌లో పాక్‌కు కాంస్య పతకం

రెండు అనధికారిక టెస్ట్‌ మ్యాచ్‌లు, మూడు అనధికారిక వన్డేల కోసం ఆస్ట్రేలియా-ఏ జట్టు భారత్‌లో పర్యటిస్తుంది. ఈ పర్యటనలో భాగంగా తొలుత టెస్ట్‌ సిరీస్‌ జరుగనుంది. తొలి టెస్ట్‌ పుదుర్చేరి వేదికగా ఇవాల్టి నుంచి ప్రారంభమవుతుంది. ఈ మ్యాచ్‌లో భారత్‌-ఏ జట్టు టాస్‌ గెలిచి బ్యాటింగ్‌ ఎంచుకుంది.తుది జట్లు.. ఇండియా-ఏ: అమన్ మొఖడే, సాయి సుదర్శన్, దేవదత్ పడిక్కల్(కెప్టెన్‌), షేక్ రషీద్, యశ్ రాథోడ్, కుమార్ కుషాగ్రా(వికెట్‌కీపర్‌), తనుష్ కొటియన్, షమ్స్ ములానీ, అన్షుల్ కాంబోజ్, తుషార్ దేశ్‌పాండే, ప్రఫుల్ హింగేఆస్ట్రేలియా-ఏ: సామ్ కొన్‌స్టాస్, క్యాంప్‌బెల్ కెల్లావే, నాథన్ మెక్‌స్వీనీ, పీటర్ హ్యాండ్‌స్కాంబ్(కెప్టెన్‌), జాసన్ సంఘా, జోష్ ఫిలిప్(వికెట్‌కీపర్‌), లియామ్ స్కాట్, ఫెర్గస్ ఓ నీల్, టాడ్ మర్ఫీ, కోరీ రోకిసియోలీ, బ్రెండన్ డాగెట్​ఇదీ చదవండి: Asian Games 2026: క్రికెట్‌లో పాక్‌కు కాంస్య పతకం

భారత క్రికెట్‌ అభిమానులకు మంగళవారం (సెప్టెంబరు 22) పండుగే!.. ఒకటి కాదు, రెండు కాదు.. ఏకంగా మూడు మ్యాచ్‌లకు రేపు షెడ్యూల్‌ ఖరారైంది. ఆసియా క్రీడలు-2026 మహిళల టీ20 టోర్నీ ఫైనల్లో భాగంగా భారత్‌ శ్రీలంకతో తలపడేందుకు సిద్ధమైంది.ఈ పసిడి పతక పోరులో హర్మన్‌ సేన- చమరి ఆటపట్టు బృందం అమీతుమీ తేల్చుకుంటాయి. మరోవైపు.. చారిత్రక మ్యాచ్‌లో టీమిండియా (పురుషుల జట్టు) జపాన్‌తో తొలిసారి టీ20 మ్యాచ్‌ ఆడేందుకు సిద్ధమైంది.మరో మ్యాచ్‌లో భారత్‌-‘ఎ’ జట్టు ఆస్ట్రేలియా- ‘ఎ’ జట్టుతో అనధికారిక టెస్టు సిరీస్‌లో భాగంగా మంగళవారమే తొలి మ్యాచ్‌ మొదలుపెట్టనుంది. ఈ నేపథ్యంలో భారత జట్లకు సంబంధించిన మూడు మ్యాచ్‌ల వేదికలు, షెడ్యూల్‌, టైమింగ్స్‌, జట్లు, ప్రత్యక్ష ప్రసారం వివరాలు తెలుసుకుందామా?!ఆసియా క్రీడలు- 2026 మహిళల ఫైనల్‌- భారత్‌ వర్సెస్‌ శ్రీలంకవేదిక: నిశిన్‌, కరోగి స్పోర్ట్స్‌ పార్కు, జపాన్‌మ్యాచ్‌ ఆరంభ సమయం: ఉదయం 10.30 నిమిషాలకు ప్రారంభంలైవ్‌ స్ట్రీమింగ్‌: సోనీ స్పోర్ట్స్‌ నెట్‌వర్క్‌, సోనీలివ్‌భారత జట్టుస్మృతి మంధాన, షఫాలీ వర్మ, గుణాలన్ కమలిని, హర్మన్‌ప్రీత్ కౌర్(కెప్టెన్‌), రిచా ఘోష్(వికెట్‌ కీపర్‌), భారతీ ఫుల్మాలి, దీప్తి శర్మ, శ్రేయాంక పాటిల్, శ్రీ చరణి, నందినీ శర్మ, క్రాంతి గౌడ్, రేణుకా సింగ్ ఠాకూర్, అరుంధతి రెడ్డి, రాధా యాదవ్.శ్రీలంక జట్టుఇమేషా దులానీ, చమరి ఆటపట్టు (కెప్టెన్‌), హాసిని పెరెరా, హర్షిత సమరవిక్రమ, కవిషా దిల్హరి, హన్సిమా కరుణరత్నే, కౌషని నుత్యాంగన(వికెట్‌ కీపర్‌), మిథాలీ అయోధ్య, కావ్య కవింది, చాముది ప్రభోద, సుగందిక కుమారి, రష్మిక సెవ్వాంది, నిమషా మేపగే, సంజన కవింది, అనుష్క సంజీవని.టీమిండియా వర్సెస్‌ జపాన్‌వేదిక: సనో అంతర్జాతీయ క్రికెట్‌ మైదానం, జపాన్‌భారత కాలమానం ప్రకారం ఉదయం 9.30 నిమిషాలకు మ్యాచ్‌ ఆరంభంప్రత్యక్ష ప్రసారం: స్టార్‌ స్పోర్ట్స్‌ నెట్‌వర్క్‌ (టీవీ), ఫ్యాన్‌కోడ్‌ యాప్‌, వెబ్‌సైట్‌ (డిజిటల్‌).టీమిండియాశ్రేయస్‌ అయ్యర్‌ (కెప్టెన్‌), అభిషేక్‌ శర్మ, సంజూ శాంసన్‌ (వికెట్‌ కీపర్‌), ఇషాన్‌ కిషన్‌ (వికెట్‌ కీపర్‌), శివం దూబే, తిలక్‌ వర్మ (వైస్‌ కెప్టెన్‌), అక్షర్‌ పటేల్‌, వాషింగ్టన్‌ సుందర్‌, రవి బిష్ణోయి, రవి బిష్ణోయి, జస్‌ప్రీత్‌ బుమ్రా, అర్ష్‌దీప్‌ సింగ్‌, వైభవ్‌ సూర్యవంశీ, యశ్‌ ఠాకూర్‌, విప్రాజ్‌ నిగమ్‌.జపాన్‌కెండెల్‌ కడోవాకీ ఫ్లెమింగ్‌ (కెప్టెన్‌), చార్లీ హరా హింజే, బెంజమిన్‌ ఇటో-డేవిస్‌, కొయి కుబోటా, వటారు మియాచి, రియో సకురనో-థామస్‌, అలెక్స్‌ శిరాయి-పాట్‌మోర్‌, షోమా సుగయా-స్లేటర్‌, డెక్లాన్‌ సుజుకి, ఇబ్రహీం తకహషి, మకొటో తానియమా, లచ్లాన్‌ యమామొటో, అలెస్టెర్‌ కడోవాకీ-ఫ్లెమింగ్‌, జేక్‌ కుసుడ-నైర్‌, సుయోషి తకడా.భారత్‌- ‘ఎ’ వర్సెస్‌ ఆస్ట్రేలియా- ‘ఎ’ అనధికారిక తొలి టెస్టువేదిక: పుదుచ్చేరి క్రికెట్‌ అసోసియేషన​ సిచెమ్‌ గ్రౌండ్‌, పుదుచ్చేరి, ఇండియాభారత కాలమానం ప్రకారం ఉదయం 9.30 నిమిషాలకు మ్యాచ్‌ ఆరంభంజియోహాట్‌స్టార్‌ యాప్‌లో ప్రత్యక్ష ప్రసారంభారత్‌- ‘ఎ’ జట్టుఅమన్‌ మోఖడే, ఆయుశ్‌ పాండే, దేవదత్‌ పడిక్కల్‌ (కెప్టెన్‌), సాయి సుదర్శన్‌ (వైస్‌ కెప్టెన్‌), యశ్‌ రాథోడ్‌, షేక్‌ రషీద్‌, కుమార్‌ కుశాగ్ర (వికెట్‌ కీపర్‌), షామ్స్‌ ములాని, తనుష్‌ కొటియాన్‌, తుషార్‌ దేశ్‌పాండే, అన్షుల్‌ కాంబోజ్‌, ప్రఫుల్‌ హింగే, నారాయణన్‌ జగదీశన్‌ (వికెట్‌ కీపర్‌), నచికేత్‌ భూటే, వి వైశాక్‌* (ఫిట్‌నెస్‌ ఆధారంగా).ఆస్ట్రేలియా- ‘ఎ’ జట్టుబ్రెండన్‌ డాగెట్‌, జాక్‌ ఎడ్వర్డ్స్‌, పీటర్‌ హ్యాండ్స్‌కోంబ్‌, సామ్‌ హార్పర్‌, లియామ్‌ హాచర్‌, కాంప్‌బెల్‌ కెల్లావే, సామ్‌ కొన్‌స్టాస్‌, నాథన్‌ మెక్‌స్వీనీ, టాడ్‌ మర్ఫీ, ఫెర్గూస్‌ ఓ నీల్‌, జోష్‌ ఫిలిప్‌, జై రిచర్డ్‌సన్‌, కోరే రొచిసియోలి, జేసన్‌ సంఘా, లియామ్‌ స్కాట్‌.చదవండి: ప్రభుత్వం ఇచ్చిన భూమిలో టీమిండియా స్టార్‌ రూ. 7 కోట్ల బంగ్లా!

ఆస్ట్రేలియా- ‘ఎ’ మహిళలతో అనధికారిక వన్డే సిరీస్‌ను భారత్‌ గెలుపుతో ఆరంభించింది. మొహాలీ వేదికగా తొలి వన్డేలో పర్యాటక జట్టును నాలుగు వికెట్ల తేడాతో ఓడించింది. తద్వారా మూడు మ్యాచ్‌ల అనధికారిక సిరీస్‌లో భారత మహిళల ‘ఎ’ జట్టు 1-0తో ఆధిక్యంలోకి వెళ్లింది.టీ20 సిరీస్‌లో పరాభవం.. క్లీన్‌స్వీప్‌కాగా మూడు అనధికారిక టీ20, మూడు వన్డే, ఏకైక టెస్టు ఆడేందుకు ఆసీస్‌ మహిళల ‘ఎ’ జట్టు భారత పర్యటనకు వచ్చింది. ఇందులో భాగంగా తొలుత టీ20 సిరీస్‌ జరుగగా.. భారత్‌కు చేదు అనుభవం ఎదురైంది. ఆసీస్‌ ఆతిథ్య జట్టును 3-0తో క్లీన్‌స్వీప్‌ చేసింది.ఈ క్రమంలో ఇరుజట్ల మధ్య ఆదివారం తొలి అనధికారిక వన్డే జరిగింది. పంజాబ్‌ క్రికెట్‌ అసోసియేషన్‌ ఐఎస్‌ బింద్రా స్టేడియంలో టాస్‌ గెలిచిన భారత్‌-‘ఎ’ మహిళా జట్టు తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఆసీస్‌ 46.3 ఓవర్లలో 235 పరుగులు చేసి ఆలౌట్‌ అయింది.రాణించిన భారత బౌలర్లుఆసీస్‌ ఓపెనర్లలో రేచల్‌ ట్రెనామన్‌ (36), కెప్టెన్‌ తహీలా విల్సన్‌ (48).. చరిల్‌ నాట్‌ (39) మెరుగైన ప్రదర్శన కనబరిచారు. భారత బౌలర్లలో వైష్ణవి శర్మ, నికీ ప్రసాద్‌ చెరో మూడు వికెట్లు కూల్చగా.. అమన్‌దీప్‌ కౌర్‌ రెండు, సయాలీ సత్గరే ఒక వికెట్‌ పడగొట్టారు.తేజల్‌, అనుష్క హాఫ్‌ సెంచరీలుఅనంతరం లక్ష్య ఛేదనకు దిగిన భారత మహిళా జట్టు.. 41.1 ఓవర్లలో ఆరు వికెట్లు నష్టపోయి పని పూర్తి చేసింది. వన్‌డౌన్‌ బ్యాటర్‌ తేజల్‌ హసాబ్నిస్‌ అద్భుత అర్ధ శతకం (81) సాధించగా.. అనుష్క శర్మ సైతం హాఫ్‌ సెంచరీ (55)తో మెరిసింది. లోయర్‌ ఆర్డర్‌లో నికీ ప్రసాద్‌ (22 బంతుల్లో 32 నాటౌట్‌) మెరుపులు మెరిపించగా.. సయాలీ సత్గరే (25) కూడా రాణించింది.ఫలితంగా భారత్‌ 41.1 ఓవర్లలో ఆరు వికెట్ల నష్టానికి 239 పరుగులు చేసి.. నాలుగు వికెట్ల తేడాతో గెలుపొందింది. భారత్‌, ఆసీస్‌ మహిళల ‘ఎ’ జట్ల మధ్య శుక్రవారం రెండో అనధికారిక వన్డే జరుగనుండగా.. ఇందుకు మొహాలీ వేదిక.చదవండి: అభిషేక్‌- వైభవ్‌... ఇక్కడ సింహాలు.. అక్కడ పిల్లులు!

టీమిండియా మాజీ పేసర్‌ లక్ష్మీపతి బాలాజీకి కీలక బాధ్యతలు దక్కాయని తెలుస్తోంది. ఆస్ట్రేలియా-ఏతో జరగనున్న సిరీస్‌ కోసం ఆయనను ఇండియా-ఏ జట్టు హెడ్‌ కోచ్‌గా నియమించినట్లు ప్రముఖ వార్తా సంస్థ పీటీఐ వెల్లడించింది. సెప్టెంబర్‌ 22 నుంచి అక్టోబర్‌ 11 వరకు పుదుచ్చేరిలో జరిగే ఈ మల్టీ ఫార్మాట్‌ సిరీస్‌లో రెండు అనధికారిక టెస్టులు, మూడు వన్డేలు ఉన్నాయి. బాలాజీ దేశానికి ప్రాతినిథ్యం వహించే జట్టుకు హెడ్‌ కోచ్‌గా వ్యవహరించడం ఇదే తొలిసారి అవుతుంది. 2017 ఐపీఎల్‌ సీజన్‌లో అతడు కోల్‌కతా నైట్‌రైడర్స్‌కు బౌలింగ్‌ కోచ్‌గా పనిచేశాడు. 2018 నుంచి 2022 వరకు చెన్నై సూపర్‌ కింగ్స్‌ బౌలింగ్‌ కోచ్‌గా సేవలందించాడు.బాలాజీ భారత్‌ తరఫున 2002-2012 మధ్యలో 8 టెస్ట్‌లు, 30 వన్డేలు, 5 టీ20 ఆడి 71 వికెట్లు తీశాడు. అతడికి ఐపీఎల్‌లో మంచి ట్రాక్‌ రికార్డు ఉంది. 73 మ్యాచ్‌ల్లో 76 వికెట్లు పడగొట్టి, రెండు సార్లు ఛాంపియన్‌ జట్లలో భాగస్వామిగా ఉన్నాడు. 2010లో చెన్నై సూపర్‌ కింగ్స్‌ , 2012లో కోల్‌కతా నైట్‌రైడర్స్‌ టైటిళ్లు సాధించిన జట్లలో సభ్యుడిగా ఉన్నాడు.ఆసీస్‌-ఏతో సిరీస్‌ విషయానికొస్తే.. ఈ సిరీస్‌లో మల్టీ డే మ్యాచ్‌లకు దేవదత్‌ పడిక్కల్‌, వన్డేలకు రుతురాజ్‌ గైక్వాడ్‌ భారత జట్ల కెప్టెన్లుగా వ్యవహరించనున్నారు. మల్టీ డే మ్యాచ్‌లకు ఎంపిక చేసిన జట్టులో సాయి సుదర్శన్‌, అన్షుల్‌ కంబోజ్‌, తనుష్‌ కోటియన్‌, ఎన్‌ జగదీశన్‌, విజయ్‌ కుమార్‌ వైశాక్‌ లాంటి గుర్తింపు పొందిన ఆటగాళ్లు ఉన్నారు.వన్డే జట్టులో కెప్టెన్‌ రుతురాజ్‌తో పాటు పడిక్కల్‌, ప్రియాంశ్‌ ఆర్య, సాయి సుదర్శన్‌, రజత్‌ పాటిదార్‌, హార్దిక్‌ పాండ్యా లాంటి సార్లు ఉన్నారు. ఇదీ చదవండి: టీమిండియా క్రికెటర్‌ సంచ‌ల‌న నిర్ణ‌యం.. 18 ఏళ్ల త‌ర్వాత‌ వేరే జట్టుకు?

సిక్కోలు క్రికెటర్‌ త్రిపురాన విజయ్‌ ఒక్కో మెట్టు ఎక్కుతూ భారత జట్టు వైపు అడుగులు వేస్తున్నాడు. టెక్కలికి చెందిన ఈ యువ ఆల్‌రౌండర్‌ తాజాగా భారత్‌–ఏ జట్టుకు ఎంపికయ్యాడు. త్వరలో స్వదేశంలో ఆస్ట్రేలియాతో జరిగే మల్లీడే (టెస్టు)మ్యాచ్‌లలో పాల్గొనే భారత్‌–ఏ జట్టుకు ఎంపికైనట్టు బీసీసీఐ అధికారికంగా ప్రకటించింది. భారత జట్టుకు ప్రాతినిధ్యం వహించాలన్న తన కలకు ఒకే ఒక్క అడు గు దూరంలో నిలిచాడు. పుదుచ్చేరి వేదికగా సెప్టెంబర్‌ 22 నుంచి అక్టోబర్‌ 11 మధ్య రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీ స్‌ జట్టు భారత్‌కు వస్తున్న విషయం తెలిసిందే.బీసీసీఐ నుంచి పిలుపుకర్ణాటకకు చెందిన యువ పేసర్‌ విజయ్‌కుమార్‌ వైశాఖ్‌కు గాయం కారణంగా దూరం కావడంతో అనూహ్యంగా ఆంధ్రాకు చెందిన ఈ స్టార్‌ ఆల్‌రౌండర్‌కు బీసీసీఐ నుంచి పిలుపొచ్చింది. ఆసీస్‌తో జరిగే ఈ మ్యాచ్‌లో రాణించి భారత సెలక్షన్‌ కమిటీని ఆకట్టుకోవాలని విజయ్‌ భావిస్తున్నాడు. ఆల్‌రౌండర్‌గా కీర్తి గడించిన ఈ ఆఫ్‌ స్పిన్నర్‌ లెఫ్ట్‌హ్యాండ్‌ బ్యాటర్‌గా ఆకట్టుకుంటున్నాడు. వీటికితోడు బెస్ట్‌ ఫీల్డర్‌గా అనేక మ్యాచ్‌ల్లో రివార్డులు అందుకున్నాడు. దులీప్‌ ట్రోఫీలో రాణింపుతో.. దులీప్‌ ట్రోఫీ ఫైనల్‌ మ్యాచ్‌లో రాణించడం ద్వారా సిక్కోలు యువతేజం విజయ్‌.. భారత–ఎ జట్టుకు ఎంపికయ్యాడు. వైభవ్‌ను అవుట్‌ చేసి లైమ్‌లైట్‌లోకి.. ఫైనల్‌లో వైభవ్‌ సూర్యవంశీ వంటి ఇండియన్‌ టాప్‌క్లాస్‌ ప్లేయర్లను ఔట్‌ చేసి దేశం మొత్తం తనవైపు చూసేలా చేసుకున్నాడు. సౌత్‌జోన్‌కు ప్రధానమైన ఆఫ్‌ స్పిన్నర్‌గా సేవలు అందించాడు. ఇప్పటికే బీసీసీఐ ఆధ్వర్యంలో జరిగే అత్యంత ప్రతిష్టాత్మక లీగ్‌ ఐపీఎల్‌కు 2025, 2026 రెండు సీజన్లలో ఢిల్లీ క్యాపిటల్స్‌కు ప్రాతినిధ్యం వహించాడు. జూలై నెలలో బీసీసీఐ ఆధ్వర్యంలో జరిగిన ఎమర్జింగ్‌ పురు షుల క్రికెట్‌ టోర్నీలో ఇండియా–బి జట్టుకు ప్రాతినిధ్యం వహించి మెరిశాడు. భారత్‌–ఏ జట్టుకు విజయ్‌ ఎంపికపై జిల్లా క్రికెట్‌ సంఘం పెద్దలు, ప్రతినిధులు, కోచ్‌లు, సీనియర్‌ క్రికెటర్లు, విజయ్‌ తల్లిదండ్రులు హర్షం వ్యక్తం చేస్తున్నారు. టెక్కలిలోని అయ్యప్పనగర్‌ కాలనీలో నివాసం ఉంటున్నారు త్రిపురాన విజయ్‌ తండ్రి త్రిపురాన వెంకట కృష్ణరాజు సమాచార శాఖ ఉద్యోగిగా పనిచేస్తుండగా, తల్లి లావణ్య గృహిణి. విజయ్‌ను కేంద్ర మంత్రి రామ్మోహన్‌నాయుడు అభినందించారు.పట్టలేనంత ఆనందంతో ఉన్నాను ఆసీస్‌తో జరిగే మల్టీ డే మ్యాచ్‌లో పాల్గొనే భారత–ఏ జట్టుకు ఎంపిక కావడం చాలా సంతోషంగా ఉంది. బీసీసీఐ ప్రకటించిన స్క్వాడ్‌లో నన్ను చేర్చినట్టు వర్తమానం వచ్చిన ఆనందక్షణాలు మర్చిపోలేను. ఇటీవలి ఎమర్జింగ్‌ టోర్నీ, దులీప్‌ ట్రోఫీ ఫైనల్‌ మ్యాచ్‌లో రాణింపుతో సెలెక్టర్లు అవకాశం ఇచ్చారని భావిస్తున్నాను. నాకు అన్ని విధాలుగా సహకరిస్తున్న క్రికెట్‌ సంఘ పెద్దలు, కోచ్‌లు, తల్లిదండ్రులకు రుణపడి ఉంటాను. – త్రిపురాన విజయ్, క్రికెటర్‌

భారత మహిళల ‘ఎ’ జట్టు సొంతగడ్డపై జరిగిన టీ20 సిరీస్‌లో ఆస్ట్రేలియా ‘ఎ’ చేతిలో 0–3తో చిత్తయింది. న్యూ చండీగఢ్‌ వేదికగా గురువారం జరిగిన మూడో టీ20లో ఆసీస్‌ మహిళలు 7 పరుగుల తేడాతో భారత్‌ను ఓడించారు. ముందుగా బ్యాటింగ్‌కు దిగిన ఆసీస్‌ 20 ఓవర్లలో 5 వికెట్ల నష్టానికి 168 పరుగులు చేసింది. అనిక లియరాయిడ్‌ (42 బంతుల్లో 61; 5 ఫోర్లు, 3 సిక్స్‌లు), కర్ట్‌నీ వెబ్‌ (42 బంతుల్లో 52; 5 ఫోర్లు, 1 సిక్స్‌) అర్ధ సెంచరీలు సాధించారు. భారత బౌలర్లలో సయాలీ సత్గరే, వైష్ణవి శర్మ చెరో 2 వికెట్లు పడగొట్టారు. అనంతరం భారత్‌ 19.1 ఓవర్లలో 161 పరుగులకే ఆలౌటైంది. ఓపెనర్లు దినేశ్‌ వృందా (41 బంతుల్లో 69; 5 ఫోర్లు, 5 సిక్స్‌లు), తేజల్‌ హస్నబిస్‌ (24 బంతుల్లో 42; 3 ఫోర్లు, 3 సిక్స్‌లు) దూకుడైన ఆటతో తొలి వికెట్‌కు 46 బంతుల్లోనే 84 పరుగులు జోడించి శుభారంభం అందించారు. అయితే ఆ తర్వాతి బ్యాటర్లంతా విఫలం కావడంతో భారత్‌కు ఓటమి తప్పలేదు. టేలా వ్లామెనిక్, లిలీ మిలిస్‌ చెరో 3 వికెట్లతో భారత్‌ను దెబ్బ తీశారు. ఇరు జట్ల మధ్య మూడు మ్యాచ్‌ల వన్డే సిరీస్‌ ఆదివారం మొదలవుతుంది.

ఆస్ట్రేలియా- ‘ఎ’తో తలపడే భారత్‌- ‘ఎ’ జట్టులో ఒక మార్పు చోటు చేసుకున్నట్లు సమాచారం. కర్ణాటక పేసర్‌ విజయ్‌ కుమార్‌ వైశాఖ్‌ గాయం వల్ల జట్టుకు దూరమైనట్లు తెలుస్తోంది.పుదుచ్చేరి వేదికగాకాగా సెప్టెంబరు 22- అక్టోబరు 11 మధ్య రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ జట్టు భారత్‌కు వస్తోంది. ఇందుకు పుదుచ్చేరి వేదిక. ఈ క్రమంలో ఇప్పటికే ఆసీస్‌-‘ఎ’తో మల్టీ సిరీస్‌లకు భారత క్రికెట్‌ నియంత్రణ మండలి (BCCI) తమ జట్లను ప్రకటించింది.ఆసీస్‌తో అనధికారిక వన్డేలకు టీమిండియా స్టార్‌ ఆల్‌రౌండర్‌ హార్దిక్‌ పాండ్యాను ఎంపిక చేసింది యాజమాన్యం. గాయం నుంచి కోలుకున్న అతడికి ఈ సిరీస్‌ ప్రాక్టీస్‌గా ఉపయోగపడనుంది. ఇక అనధికారిక వన్డేలకు రుతురాజ్‌ గైక్వాడ్‌ కెప్టెన్‌గా ఎంపిక కాగా.. అనధికారిక టెస్టులకు దేవదత్‌ పడిక్కల్‌ సారథ్యం వహిస్తాడు.గాయం వల్ల దూరం!ఇక విజయ్‌ కుమార్‌ వైశాఖ్‌కు అనధికారిక టెస్టు జట్టులో చోటు దక్కింది. అయితే, ఫిట్‌నెస్‌ ఆధారంగానే అతడు ఆడతాడని జట్టు ప్రకటన సమయంలోనే యాజమాన్యం పేర్కొంది. టైమ్స్‌ ఆఫ్‌ ఇండియా కథనం ప్రకారం.. విజయ్‌ కుమార్‌ వైశాఖ్‌ తొడకండరాల గాయం నుంచి ఇంకా కోలుకోనట్లు తెలుస్తోంది.ఈ క్రమంలో ఆసీస్‌తో మల్డీ డే మ్యాచ్‌లకు వైశాఖ్‌ దూరం కాగా.. ఆంధ్ర రైటార్మ్‌ స్పిన్నర్‌, సిక్కోలు కుర్రాడు త్రిపురాన విజయ్‌కు భారత్‌-‘ఎ’ జట్టులో చోటు దక్కినట్లు టైమ్స్‌ ఆఫ్‌ ఇండియా పేర్కొంది. అయితే, ఇందుకు సంబంధించి బీసీసీఐ నుంచి అధికారిక ప్రకటన రావాల్సి ఉంది.దులిప్‌ట్రోఫీలో సత్తా చాటికాగా శ్రీకాకుళం జిల్లా టెక్కలికి చెందిన విజయ్‌ బౌలింగ్‌ ఆల్‌రౌండర్‌. ఇటీవల ఈస్ట్‌ జోన్‌తో దులిప్‌ ట్రోఫీ-2026 ఫైనల్లో భాగంగా సౌత్‌ జోన్‌కు ఆడిన ఈ స్పిన్‌ బౌలర​ అద్భుత ప్రదర్శన కనబరిచాడు. తొలి ఇన్నింగ్స్‌లో నాలుగు వికెట్లు కూల్చిన పాతికేళ్ల విజయ్‌.. రెండో ఇన్నింగ్స్‌లో అద్భుత బంతితో టీమిండియా చిచ్చరపిడుగు వైభవ్‌ సూర్యవంశీని అవుట్‌ చేశాడు. అయితే, ఈ మ్యాచ్‌ డ్రా అయినప్పటికీ.. తొలి ఇన్నింగ్స్‌లో భారీ ఆధిక్యం సంపాదించిన ఈస్ట్‌ జోన్‌ నిబంధనల ప్రకారం టైటిల్‌ను కైవసం చేసుకుంది.చదవండి: సంజూను పక్కన పెట్టాను.. వైభవ్‌ వేచి చూడాల్సిందే: గంభీర్‌Vijaykumar Vyshak has been ruled out of India A’s two four-day matches against Australia A due to injury.Andhra off-spinner Tripurana Vijay has been named as his replacement.— Pratyush Raj (@pratyush93_raj) September 18, 2026

ఆస్ట్రేలియా-‘ఎ’తో సిరీస్‌కు భారత క్రికెట్‌ నియంత్రణ మండలి (బీసీసీఐ) తమ జట్టును ప్రకటించింది. మల్టీ డే మ్యాచ్‌లకు దేవదత్‌ పడిక్కల్‌ను కెప్టెన్‌గా ఎంపిక చేసిన మెన్స్‌ సెలక్షన్‌ కమిటీ.. వన్డే జట్టుకు రుతురాజ్‌ గైక్వాడ్‌ సారథ్యం వహిస్తాడని తెలిపింది.హార్దిక్‌ పాండ్యాకు చోటుఇక ఆసీస్‌-‘ఎ’ జట్టుతో అనధికారిక వన్డేలలో తలపడే భారత-‘ఎ’ జట్టులో టీమిండియా స్టార్‌ ఆల్‌రౌండర్‌ హార్దిక్‌ పాండ్యాకు కూడా చోటు దక్కడం విశేషం. అయితే, ఫిట్‌నెస్‌ ఆధారంగా అతడు జట్టులోకి వస్తాడని బోర్డు వెల్లడించింది. గాయాల బెడదకాగా హార్దిక్‌ పాండ్యా వివిధ గాయాల కారణంగా బీసీసీఐ సెంటర్‌ ఆఫ్‌ ఎక్సలెన్స్‌లో పునరావాసం పొందుతున్న సంగతి తెలిసిందే. ఈ క్రమంలో అఫ్గానిస్తాన్‌తో జరిగే టీ20 సిరీస్‌కు అతడు దూరమయ్యాడు. అయితే, ఆసీస్‌-‘ఎ’తో వన్డే సిరీస్‌ సందర్భంగా అతడు తిరిగి మైదానంలో అడుగుపెట్టే అవకాశం ఉంది.రెండు అనధికారిక టెస్టులు, మూడు అనధికారిక వన్డేలు ఆడేందుకు ఆస్ట్రేలియా-‘ఎ’ జట్టు భారత పర్యటనకు వస్తోంది. సెప్టెంబరు 22- అక్టోబరు 11 వరకు జరిగే ఈ రెండు సిరీస్‌లకు పుదుచ్చేరి వేదిక. ఆస్ట్రేలియా- ‘ఎ’తో అనధికారిక టెస్టులకు భారత-‘ఎ’ జట్టుఅమన్‌ మోఖడే, ఆయుశ్‌ పాండే, దేవదత్‌ పడిక్కల్‌ (కెప్టెన్‌), సాయి సుదర్శన్‌ (వైస్‌ కెప్టెన్‌), యశ్‌ రాథోడ్‌, షేక్‌ రషీద్‌, కుమార్‌ కుశాగ్ర (వికెట్‌ కీపర్‌), షామ్స్‌ ములాని, తనుష్‌ కొటియాన్‌, తుషార్‌ దేశ్‌పాండే, అన్షుల్‌ కాంబోజ్‌, ప్రఫుల్‌ హింగే, నారాయణన్‌ జగదీశన్‌ (వికెట్‌ కీపర్‌), నచికేత్‌ భూటే, వి వైశాక్‌* (ఫిట్‌నెస్‌ ఆధారంగా).ఆసీస్‌-‘ఎ’తో అనధికారిక వన్డేలకు భారత-‘ఎ’ జట్టుప్రియాన్ష్‌ ఆర్య, సాయి సుదర్శన్‌, దేవదత్‌ పడిక్కల్‌ (వైస్‌ కెప్టెన్‌), రుతురాజ్‌ గైక్వాడ్‌ (కెప్టెన్‌), రజత్‌ పాటిదార్‌, కుమార్‌ కుశాగ్ర (వికెట్‌ కీపర్‌), నిశాంత్‌ సింధు, విప్రాజ్‌ నిగమ్‌, అర్షిన్‌ కులకర్ణి, అర్షద్‌ ఖాన్‌, నమన్‌ ధిర్‌, హార్దిక్‌ పాండ్యా (ఫిట్‌నెస్‌ ఆధారంగా), ప్రభ్‌సిమ్రన్‌ సింగ్‌ (వికెట్‌ కీపర్‌), గుర్జప్రీత్‌ సింగ్‌, యశ్‌ ఠాకూర్‌.భారత్‌-‘ఎ’ వర్సెస్‌ ఆసీస్‌-‘ఎ’ సిరీస్‌ షెడ్యూల్‌అనధికారిక టెస్టు సిరీస్‌👉సెప్టెంబరు 22-25: తొలి మల్టీ డే మ్యాచ్‌- పుదుచ్చేరి👉సెప్టెంబరు 29- అక్టోబరు 2: రెండో మల్టీ డే మ్యాచ్‌- పుదుచ్చేరిఅనధికారిక వన్డే సిరీస్‌👉అక్టోబరు 6: తొలి వన్డే- పుదుచ్చేరి👉అక్టోబరు 9: రెండో వన్డే- పుదుచ్చేరి👉అక్టోబరు 11: మూడో వన్డే- పుదుచ్చేరి.చదవండి: సిక్కోలు కుర్రాడి మ్యాజిక్‌.. వైభవ్‌ సూర్యవంశీ మైండ్‌బ్లాక్‌!

భారత్‌- ‘ఎ’ జట్టుతో జరిగే సిరీస్‌లకు క్రికెట్‌ ఆస్ట్రేలియా తమ జట్లను ప్రకటించింది. వన్డే జట్టులో ఒకప్పటి భారత క్రికెటర్‌ నిఖిల్‌ చౌదరికి చోటు దక్కగా.. ఫోర్‌- డే మ్యాచ్‌లు ఆడే టీమ్‌లో వెటరన్‌ ఆటగాడు పీటర్‌ హాండ్స్‌కోంబ్‌ స్థానం సంపాదించాడు.ఎవరీ నిఖిల్‌ చౌదరి?కాగా రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌-ఎ జట్టు భారత్‌లో పర్యటించనుంది. సెప్టెంబరు 22 నుంచి అక్టోబరు 11 వరకు ఈ టూర్‌ కొనసాగుతుంది. ఈ నేపథ్యంలో క్రికెట్‌ ఆస్ట్రేలియా ప్రకటించిన జట్టులో నిఖిల్‌ చౌదరికి చోటు దక్కడం ఆసక్తికరంగా మారింది.ఢిల్లీలో జన్మించిన నిఖిల్‌ చౌదరి పంజాబ్‌లో పెరిగాడు. అతడు స్పిన్‌ బౌలింగ్‌ ఆల్‌రౌండర్‌. దేశీ క్రికెట్‌లో పంజాబ్‌ తరఫున అన్ని ఏజ్‌ గ్రూపులలో క్రికెట్‌ ఆడాడు. టీమిండియా టెస్టు, వన్డే జట్ల కెప్టెన్‌ శుబ్‌మన్‌ గిల్‌, టీమిండియా స్టార్లు అభిషేక్‌ శర్మ, అర్ష్‌దీప్‌ సింగ్‌లతో కలిసి పంజాబ్‌ తరఫున లిస్ట్‌-ఎ క్రికెట్‌ ఆడాడు.అయితే, భారత్‌లో ఆశించిన అవకాశాలు రాకపోవడంతో ఆస్ట్రేలియాకు వలస వెళ్లిన నిఖిల్‌ చౌదరి.. కోవిడ్‌-19 లాక్‌డౌన్‌ కారణంగా అక్కడే ఉండిపోవాల్సి రాగా.. ఆ తర్వాత వెనుదిరిగి చూసుకునే అవకాశం రాలేదు. ఆస్ట్రేలియాలో శాశ్వత నివాస హోదా పొందిన నిఖిల్‌.. దేశీ క్రికెట్‌లో రాణించాడు.ఆసీస్‌ తరఫున అరంగేట్రం. . ఇప్పుడు వన్డే జట్టులోకి!ఈ క్రమంలో ఇటీవలే ఈ ఏడాది జూన్‌లో బంగ్లాదేశ్‌తో టీ20 సిరీస్‌ సందర్భంగా ఆస్ట్రేలియా తరఫున అంతర్జాతీయ క్రికెట్లో అడుగుపెట్టాడు నిఖిల్‌ చౌదరి. ఇప్పటికి మూడు టీ20లలో కలిపి 26 పరుగులు చేసిన ఈ బౌలింగ్‌ ఆల్‌రౌండర్‌.. రెండు వికెట్లు తీశాడు. ఇప్పుడు అనధికారిక వన్డేల్లో తాను జన్మించిన భారత గడ్డపై ఆసీస్‌-ఎ జట్టు తరఫున ఆడేందుకు సిద్ధమయ్యాడు.మూడేళ్ల తర్వాతమరోవైపు.. భారత్‌తో జరిగే అనధికారిక టెస్టు సిరీస్‌కు 35 ఏళ్ల పీటర్‌ హాండ్స్‌కోంబ్‌ను సెలక్టర్లు ఎంపిక చేశారు. ఈసారి గనుక సత్తా చాటితే భారత్‌లో జరిగే బోర్డర్‌- గావస్కర్‌ ట్రోఫీ (BGT) టోర్నీకి అతడి పేరును యాజమాన్యం పరిశీలించే అవకాశం ఉంది. కాగా 2023లో చివరగా BGT సందర్భంగానే హాండ్స్‌కోంబ్‌ చివరగా ఆసీస్‌ తరఫున ఆడాడు.భారత్‌-ఎ జట్టుతో అనధికారిక వన్డేల్లో తలపడే ఆసీస్‌-ఎ జట్టుమహ్లి బియర్డ్‌మాన్‌, నిఖిల్‌ చౌదరి, బెన్‌ డ్వార్షుయిస్‌, జాక్‌ ఎడ్వర్డ్స్‌, ఆరోన్‌ హార్డీ, స్పెన్సర్‌ జాన్సన్‌, సామ్‌ కొన్‌స్టాస్‌, నాథన్‌ మెక్‌స్వీనీ, టాడ్‌ మర్పీ, మిచెల్‌ ఓవెన్‌, జోష్‌ ఫిలిప్‌, తన్వీర్‌ సంఘా, లియామ్‌ స్కాట్‌, లాచ్లాన్‌ షా.అనధికారిక టెస్టుకు ఆసీస్‌-ఎ జట్టుబ్రెండన్‌ డగెట్‌, జాక్‌ ఎడ్వర్డ్స్‌, పీటర్‌ హాండ్స్‌కోంబ్‌, సామ్‌ హార్పర్‌, లియామ్‌ హాచెర్‌, కాంప్‌బెల్‌ కెల్లావే, సామ్‌ కొన్‌స్టాస్‌, నాథన్‌ మెక్‌స్వీనీ, టాడ్‌ మర్ఫీ, ఫెర్గూస్‌ ఒ నీల్‌, జోష్‌ ఫిలిప్‌, జై రిచర్డ్‌సన్‌, కోరే రొచిసియోలి, జేసన్‌ సంఘా, లియామ్‌ స్కాట్‌.భారత్‌-ఎ వర్సెస్‌ ఆసీస్‌-ఎ షెడ్యూల్‌వేదిక పుదుచ్చేరితొలి అనధికారిక టెస్టు- సెప్టెంబరు 22 నుంచిరెండో అనధికారిక టెస్టు- సెప్టెంబరు 29 నుంచితొలి అనధికారిక వన్డే- అక్టోబరు 6రెండో అనధికారిక వన్డే- అక్టోబరు 9మూడో అనధికారిక వన్డే- అక్టోబరు 11.చదవండి: ‘నువ్వెంత కష్టపడ్డావో చూశాను.. మన పిల్లలకు నువ్వే హీరో’

టీమిండియా స్టార్‌ క్రికెటర్‌ శ్రేయస్‌ అయ్యర్‌ (Shreyas Iyer) తీరుపై మాజీ చీఫ్‌ సెలక్టర్‌ దిలీప్‌ వెంగ్‌సర్కార్‌ ఆశ్చర్యం వ్యక్తం చేశాడు. శ్రేయస్‌ చెప్పే సాకులు తన ఊహకు కూడా అందడం లేదంటూ ఘాటు విమర్శలు చేశాడు. కాగా శ్రేయస్‌ అయ్యర్‌ గత కొన్నాళ్ల నుంచి వార్తల్లో నిలుస్తున్న విషయం తెలిసిందే.వన్డే ఫార్మాట్లో జరిగే ఐసీసీ చాంపియన్స్‌ ట్రోఫీ-2025లో భారత్‌ గెలవడంలో కీలక పాత్ర పోషించిన శ్రేయస్‌ అయ్యర్‌.. ఆ తర్వాత ఐపీఎల్‌-2025 (IPL)లోనూ సత్తా చాటాడు. బ్యాటర్‌గా, కెప్టెన్‌గా రాణించి పంజాబ్‌ కింగ్స్‌ను ఫైనల్‌కు చేర్చాడు. అంతకుముందు దేశీ క్రికెట్‌లోనూ రాణించాడు.కెప్టెన్సీ వదులుకోవడంతో పాటు...అయినప్పటికీ ఆసియా టీ20 కప్‌-2025 (Asia Cup 2025) జట్టుకు సెలక్టర్లు శ్రేయస్‌ను ఎంపిక చేయలేదు. ఈ నేపథ్యంలో స్వదేశంలో ఆస్ట్రేలియా-‘ఎ’తో జరిగిన అనధికారిక టెస్టు సిరీస్‌కు అతడిని భారత్‌-‘ఎ’ కెప్టెన్‌గా సెలక్ట్‌ చేశారు. ఈ క్రమంలో తొలి టెస్టు ఆడి విఫలమైన శ్రేయస్‌.. రెండో టెస్టు ఆరంభానికి ముందే కెప్టెన్సీ వదులుకోవడంతో పాటు జట్టు నుంచీ తప్పుకొన్నాడు.ఆరు నెలల విరామంవెన్నునొప్పి కారణాంగా నాలుగు రోజుల పాటు ఫీల్డింగ్‌ చేయలేకపోతున్నానంటూ శ్రేయస్‌ అయ్యర్‌ బీసీసీఐకి లేఖ రాశాడు. ఆరు నెలలపాటు రెడ్‌బాల్‌ క్రికెట్‌కు విరామం ఇస్తున్నట్లు పేర్కొన్నాడు. టీమిండియా వన్డే వైస్‌ కెప్టెన్‌గా ప్రమోషన్‌ఈ విషయాన్ని ధ్రువీకరించిన బోర్డు.. ఆసీస్‌-ఎ జట్టుతో వన్డేలకు అతడిని సారథిగా నియమించింది. అంతేకాదు.. ఆస్ట్రేలియా పర్యటనలో భాగంగా వన్డే సిరీస్‌కు టీమిండియా వైస్‌ కెప్టెన్‌గా శ్రేయస్‌ను ఎంపిక చేసింది.ఈ పరిణామాల నేపథ్యంలో టీమిండియా మాజీ చీఫ్‌ సెలక్టర్‌ దిలీప్‌ వెంగ్‌సర్కార్‌ శ్రేయస్‌ అయ్యర్‌ తీరుపై విస్మయం వ్యక్తం చేశాడు. ‘‘నిజం చెప్పాలంటే.. శ్రేయస్‌ అయ్యర్‌ చేసిన పని నన్ను సందిగ్దంలోకి నెట్టేసింది.ఊహకు కూడా అందడం లేదురెడ్‌బాల్‌ క్రికెట్‌కు తాను అన్‌ఫిట్‌ అని శ్రేయస్‌ స్వయంగా చెప్పాడు. అయితే, వైట్‌బాల్‌ క్రికెట్‌ ఆడేందుకు మాత్రం ఫిట్‌గా ఉన్నానన్నాడు. రెడ్‌బాల్‌, వైట్‌బాల్‌ క్రికెట్ల మధ్య అంతరం ఏమిటో నాకైతే అర్థంకావడం లేదు.ఒకవేళ ఒక ఆటగాడు వైట్‌బాల్‌ క్రికెట్‌ ఆడేందుకు ఫిట్‌గా ఉన్నాడంటే.. రెడ్‌బాల్‌ క్రికెట్‌కు కూడా సిద్ధంగా ఉండాలి కదా!.. ఈ రెండింటిలో ఏదో ఒకదానిని ఎంచుకోవడం ఏమిటో నాకైతే అర్థం కావడం లేదు. నా ఊహకు కూడా అందడం లేదు’’ అని దిలీప్‌ వెంగ్‌సర్కార్‌ మిడ్‌-డేతో పేర్కొన్నాడు.చదవండి: Prithvi Shaw: భారీ శతకంతో చెలరేగిన పృథ్వీ షా

భారత క్రికెట్‌లో కొన్నాళ్లుగా వైభవ్‌ సూర్యవంశీ (Vaibhav Suryavanshi) పేరు మారుమ్రోగిపోతోంది. పన్నెండేళ్ల వయసులోనే రంజీల్లో అరంగేట్రం చేసిన ఈ బిహారీ పిల్లాడు.. పద్నాలుగేళ్లకే ఇండియన్‌ ప్రీమియర్‌ లీగ్‌ (IPL)లోనూ అడుగుపెట్టాడు. అంతేకాదు.. అత్యంత పిన్న వయసులో ఐపీఎల్‌లో ఫాస్టెస్ట్‌ సెంచరీ నమోదు చేసిన తొలి భారత ఆటగాడిగా నిలిచాడు.ఫాస్టెస్ట్‌ సెంచరీలుఈ ఏడాది రాజస్తాన్‌ రాయల్స్‌ తరఫున గుజరాత్‌ టైటాన్స్‌తో మ్యాచ్‌లో 35 బంతుల్లోనే శతకం బాది వైభవ్‌ సూర్యవంశీ ఈ ఘనత సాధించాడు. ఇక ఆ తర్వాత భారత్‌ అండర్‌-19 జట్టు తరఫునా పరుగుల వరద పారిస్తున్నాడు ఈ లెఫ్టాండర్‌ బ్యాటర్‌.ఇటీవల ఇంగ్లండ్‌ పర్యటనలో యూత్‌ వన్డేల్లో అత్యంత వేగవంతమైన శతకం నమోదు చేసిన వైభవ్‌ సూర్యవంశీ.. తాజాగా ఆస్ట్రేలియా గడ్డ మీద కూడా సత్తా చాటుతున్నాడు. ఈ నేపథ్యంలో రాజస్తాన్‌ రాయల్స్‌ హై పర్ఫామెన్స్‌ డైరెక్టర్‌ జుబిన్‌ బరూచా (Zubin Barucha) వైభవ్‌ను ఉద్దేశించి ఆసక్తికర వ్యాఖ్యలు చేశాడు.వైభవ్‌ సూర్యవంశీ ఉంటే డబుల్‌ సెంచరీ చేసేవాడు‘‘వీలైనంత త్వరగా అతడిని సీనియర్‌ జట్టు (టీమిండియా)లోకి పంపించాలి. చాలా ఏళ్ల క్రితం సచిన్‌ టెండుల్కర్‌ (16 ఏళ్ల వయసులో అరంగేట్రం) విషయంలో ఇలాగే చేశారు. ఇప్పుడు వైభవ్‌ విషయంలోనూ త్వరగా నిర్ణయం తీసుకోవాలి.కనీసం ఇండియా-‘ఎ’ తరఫునైనా అతడిని ఆడించాలి. తక్షణమే ఆ జట్టులోకి వైభవ్‌ను పంపించండి. ఇటీవల అనధికారిక టెస్టు సిరీస్‌లో ఆస్ట్రేలియా-ఎ బౌలర్ల బౌలింగ్‌ చూస్తే.. వైభవ్‌ గనుక జట్టులో ఉండి ఉంటే డబుల్‌ సెంచరీ బాదేవాడని అనిపించింది.జోఫ్రా ఆర్చర్‌ను ఎదుర్కోవడానికి స్టీవ్‌ స్మిత్‌ వంటి మేటి బ్యాటర్లే భయపడతారు. మా జట్టు తరఫున నెట్స్‌లో బరిలోకి దిగినా ఆర్చర్‌ ప్రధాన మ్యాచ్‌లో మాదిరే బౌల్‌ చేస్తాడు. అలా ఓసారి ప్రాక్టీస్‌ సెషన్‌లో ఆర్చర్‌ బౌలింగ్‌లో స్మిత్‌ తలకు గాయమైంది.ఆరోజు వైభవ్‌ అద్భుతం చేశాడుఅప్పటి నుంచి ఆర్చర్‌ నెట్స్‌లో ఉంటే స్మిత్‌ బ్యాటింగ్‌కు వచ్చేవాడే కాదు. అందుకే ఆర్చర్‌ బౌలింగ్‌లో వైభవ్‌ బ్యాటింగ్‌ చేయబోతున్నపుడు నేను భయపడ్డాను. కానీ.. ఆ పిల్లాడు బ్యాక్‌ఫుట్‌ షాట్‌ ఆడి.. బంతిని స్టేడియం అవతలకు తరలించాడు. నాతో పాటు కోచింగ్‌ స్టాఫ్‌.. ఆఖరికి ఆర్చర్‌ కూడా ఆశ్చర్యపోయాడు’’ అని జుబిన్‌ బరూచా చెప్పుకొచ్చాడు. వైభవ్‌ను త్వరలోనే టీమిండియాకు ఎంపిక చేయాలని చీఫ్‌ సెల క్టర్‌ అజిత్‌ అగార్కర్‌కు ఈ మేరకు విజ్ఞప్తి చేశాడు.కాగా సొంతగడ్డపై ఇండియా-‘ఎ’ జట్టు ఇటీవల ఆసీస్‌-‘ఎ’తో రెండు అనధికారిక మ్యాచ్‌ల టెస్టు సిరీస్‌ ఆడింది. ఈ సిరీస్‌ను 1-0తో భారత్‌ సొంతం చేసుకుంది. చదవండి: 50 ఓవర్ల క్రికెట్‌లో ట్రిపుల్‌ సెంచరీ.. ఆసీస్‌ బ్యాటర్‌ విధ్వంసం

స్వదేశంలో ఆస్ట్రేలియా-ఏతో జరిగిన మూడు మ్యాచ్‌ల వన్డే సిరీస్‌ను (India A vs Australia A) భారత-ఏ జట్టు 2-1 తేడాతో కైవసం చేసుకుంది. కాన్పూర్‌ వేదికగా ఇవాళ (అక్టోబర్‌ 5) జరిగిన నిర్ణయాత్మక మూడో వన్డేలో ఆసీస్‌పై (Australia) భారత్‌ (Team India) 2 వికెట్ల తేడాతో గెలుపొందింది. ఈ సిరీస్‌లోని తొలి వన్డేలో భారత్‌ గెలవగా.. రెండో వన్డేలో ఆసీస్‌ గెలిచింది. దీనికి ముందు ఆసీస్‌తో జరిగిన రెండు అనధికారిక టెస్ట్‌ మ్యాచ్‌ల సిరీస్‌ను కూడా భారత్‌ చేజిక్కించుకుంది (1-0).భారీ స్కోర్‌ చేసిన ఆస్ట్రేలియాటాస్‌ గెలిచి తొలుత బ్యాటింగ్‌ చేసిన ఆస్ట్రేలియా 49.1 ఓవర్లలో 316 పరుగుల భారీ స్కోర్‌ చేసి ఆలౌటైంది. కూపర్‌ కన్నోలీ (64), లియామ్‌ స్కాట్‌ (73), కెప్టెన్‌ జాక్‌ ఎడ్వర్డ్స్‌ (89) అర్ద సెంచరీలతో సత్తా చాటి ఆసీస్‌ భారీ స్కోర్‌ చేసేందుకు దోహదపడ్డారు.44 పరుగులకే 4 వికెట్లు కోల్పోయిన దశలో కన్నోలీ.. లిచ్లన్‌ షా (32) సాయంతో ఆసీస్‌ ఇన్నింగ్స్‌కు జీవం పోశాడు. ఆతర్వాత లియామ్‌ స్కాట్‌, ఎడ్వర్డ్స్‌ సంచలన ఇన్నింగ్స్‌లతో భారీ స్కోర్‌ అందించారు. స్కాట్‌, ఎడ్వర్డ్స్‌ ఏడో వికెట్‌కు 152 పరుగులు జోడించి, భారత్‌కు కఠిన సవాల్‌ విసిరారు.భారత బౌలర్లలో అర్షదీప్‌ సింగ్‌, హర్షిత్‌ రాణా చెరో 3 వికెట్లు తీయగా.. పార్ట్‌ టైమ్‌ బౌలర్‌ ఆయుశ్‌ బదోని 2, గుర్జప్నీత్‌ సింగ్‌, నిషాంత్‌ సంధు తలో వికెట్‌ దక్కించుకున్నారు.ప్రభ్‌సిమ్రన్‌ సింగ్‌ విధ్వంసకర శతకంఅనంతరం బరిలోకి దిగిన భారత్‌.. ఓపెనర్ ప్రభ్‌సిమ్రన్‌ సింగ్‌ (Prabhsimran Singh) విధ్వంసకర శతకంతో విరుచుకుపడటంతో 46 ఓవర్లలో 8 వికెట్లు కోల్పోయి లక్ష్యాన్ని ఛేదించింది. ప్రభ్‌సిమ్రన్‌ కేవలం 68 బంతుల్లో 8 ఫోర్లు, 7 సిక్సర్ల సాయంతో మెరుపు శతకం బాదాడు. ప్రభ్‌సిమ్రన్‌ ఔటయ్యాక భారత ఇన్నింగ్స్‌ను కెప్టెన్‌ శ్రేయస్‌ అయ్యర్‌ (62), రియాన్‌ పరాగ్‌ (62) తీర్చిదిద్దారు.ఆఖర్లో ఉత్కంఠగా మారిన మ్యాచ్‌అయితే ఆఖర్లో భారత ఆటగాళ్లు వరుస పెట్టి పెవిలియన్‌కు చేరడంతో మ్యాచ్‌ ఉత్కంఠగా మారింది. ఒక్కో పరుగు చేసేం​దుకు భారత ఆటగాళ్లు నానా కష్టాలు పడ్డారు. అయితే చివర్లో విప్రాజ్‌ నిగమ్‌ (24 నాటౌట్‌), అర్షదీప్‌ (7 నాటౌట్‌) సహకారంతో మ్యాచ్‌ను గెలిపించాడు. ఆసీస్‌ బౌలర్లు టాడ్‌ మర్ఫీ, తన్వీర్‌ సంఘా తలో 4 వికెట్లు తీసి భారత్‌ను భయపెట్టారు.చదవండి: భారత్ నా మాతృభూమి, దేవాలయం లాంటిది: పాకిస్తాన్‌ మాజీ క్రికెటర్‌ సంచలన వ్యాఖ్యలు

భారత్‌-ఏ, ఆస్ట్రేలియా-ఏ జట్ల (India A vs Australia A) మధ్య మూడు మ్యాచ్‌ల వన్డే సిరీస్‌లో భాగంగా ఇవాళ (అక్టోబర్‌ 5) నిర్ణయాత్మక మూడో వన్డే జరుగుతుంది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆస్ట్రేలియా (Australia) 49.1 ఓవర్లలో 316 పరుగుల భారీ స్కోర్‌ చేసి ఆలౌటైంది. కూపర్‌ కన్నోలీ (64), లియామ్‌ స్కాట్‌ (73), కెప్టెన్‌ జాక్‌ ఎడ్వర్డ్స్‌ (89) అర్ద సెంచరీలతో సత్తా చాటి ఆసీస్‌ భారీ స్కోర్‌ చేసేందుకు దోహదపడ్డారు.44 పరుగులకే 4 వికెట్లు కోల్పోయిన దశలో కన్నోలీ.. లిచ్లన్‌ షా (32) సాయంతో ఆసీస్‌ ఇన్నింగ్స్‌కు జీవం పోశాడు. ఆతర్వాత లియామ్‌ స్కాట్‌, ఎడ్వర్డ్స్‌ సంచలన ఇన్నింగ్స్‌లతో భారీ స్కోర్‌ అందించారు. స్కాట్‌, ఎడ్వర్డ్స్‌ ఏడో వికెట్‌కు 152 పరుగులు జోడించి, భారత్‌కు కఠిన సవాల్‌ విసిరారు.భారత బౌలర్లలో అర్షదీప్‌ సింగ్‌, హర్షిత్‌ రాణా చెరో 3 వికెట్లు తీయగా.. పార్ట్‌ టైమ్‌ బౌలర్‌ ఆయుశ్‌ బదోని 2, గుర్జప్నీత్‌ సింగ్‌, నిషాంత్‌ సంధు తలో వికెట్‌ దక్కించుకున్నారు.ప్రభ్‌సిమ్రన్‌ విశ్వరూపంఅనంతరం 317 భారీ లక్ష్య ఛేదనకు దిగిన భారత్‌ (Team India).. ఓపెనర్ ప్రభ్‌సిమ్రన్‌ సింగ్‌ (Prabhsimran Singh) విధ్వంసకర శతకంతో విరుచుకుపడటంతో 24 ఓవర్లలో 3 వికెట్లు కోల్పోయి 172 పరుగులు చేసింది. ప్రభ్‌సిమ్రన్‌ కేవలం 68 బంతుల్లో 8 ఫోర్లు, 7 సిక్సర్ల సాయంతో మెరుపు శతకం బాదాడు. మరో ఓపెనర్‌ అభిషేక్‌ శర్మ తన శైలికి విరుద్దంగా నిదానంగా ఆడి 25 బంతుల్లో కేవలం రెండే ఫోర్ల సాయంతో 22 పరుగులు చేసి ఔటయ్యాడు. గత వన్డేలో సత్తా చాటిన తిలక్‌ వర్మ (3) ఈ మ్యాచ్‌లో నిరాశపరిచాడు. ప్రస్తుతం కెప్టెన్‌ శ్రేయస్‌ అయ్యర్‌ (17), రియాన్‌ పరాగ్‌ (22) క్రీజ్‌లో ఉన్నారు. ఈ మ్యాచ్‌లో భారత్‌ గెలవాలంటే 26 ఓవర్లలో మరో 145 పరుగులు చేయాలి. చేతిలో 7 వికెట్లు ఉన్నాయి.కాగా, ఈ మ్యాచ్‌ మూడు మ్యాచ్‌ల సిరీస్‌లో భాగంగా జరుగుతుంది. ఈ సిరీస్‌లోని తొలి రెండు మ్యాచ్‌ల్లో ఇరు జట్లు చెరో మ్యాచ్‌ గెలిచాయి. ఈ మ్యాచ్‌ గెలిచిన జట్టు సిరీస్‌ను కైవసం​ చేసుకుంటుంది.వన్డే సిరీస్‌కు ముందు ఇరు జట్ల మధ్య రెండు మ్యాచ్‌ల అనధికారిక టెస్ట్‌ సిరీస్‌ కూడా జరిగింది. ఆ సిరీస్‌కు భారత్‌ 1-0 తేడాతో కైవసం చేసుకుంది. ఈ సిరీస్‌ల కోసం ఆస్ట్రేలియా-ఏ జట్టు భారత్‌లో పర్యటిస్తుంది. చదవండి: పాకిస్తాన్‌తో మ్యాచ్‌.. నామమాత్రపు స్కోర్‌కే పరిమితమైన టీమిండియా

కాన్పూర్‌ వేదికగా భారత్‌-ఏతో (India-A) ఇవాళ (అక్టోబర్‌ 5) జరుగుతున్న నిర్ణయాత్మక వన్డే మ్యాచ్‌లో ఆస్ట్రేలియా-ఏ (Australia-A) భారీ స్కోర్‌ చేసింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసి 49.1 ఓవర్లలో 316 పరుగులకు ఆలౌటైంది. కూపర్‌ కన్నోలీ (64), లియామ్‌ స్కాట్‌ (73), కెప్టెన్‌ జాక్‌ ఎడ్వర్డ్స్‌ (89) అర్ద సెంచరీలతో సత్తా చాటి ఆసీస్‌ భారీ స్కోర్‌ చేసేందుకు దోహదపడ్డారు.44 పరుగులకే 4 వికెట్లు కోల్పోయిన దశలో కన్నోలీ.. లిచ్లన్‌ షా (32) సాయంతో ఇన్నింగ్స్‌కు జీవం పోశాడు. ఆతర్వాత లియామ్‌ స్కాట్‌, ఎడ్వర్డ్స్‌ సంచలన ఇన్నింగ్స్‌లతో భారీ స్కోర్‌ అందించారు. స్కాట్‌, ఎడ్వర్డ్స్‌ ఏడో వికెట్‌కు 152 పరుగులు జోడించి, భారత్‌కు కఠిన సవాల్‌ విసిరారు. ఆసీస్‌ ఇన్నింగ్స్‌లో స్టార్‌ బ్యాటర్‌ జేక్‌ ఫ్రేజర్‌ మెక్‌గుర్క్‌ (5) వరుసగా మూడో మ్యాచ్‌లో నిరాశపరిచాడు.ఈ మ్యాచ్‌లో భారత కెప్టెన్‌ శ్రేయస్‌ అయ్యర్‌ ఏకంగా ఎనిమిది మంది బౌలర్లను ప్రయోగించాడు. వీరిలో అర్షదీప్‌ సింగ్‌ (10-2-38-3) ఒక్కడే సామర్థ్యం మేరకు రాణించగా.. హర్షిత్‌ రాణా (9.1-0-61-3) వికెట్లు తీసినప్పటికీ ధారళంగా పరుగులు సమర్పించుకున్నాడు. పార్ట్‌ టైమ్‌ బౌలర్‌ ఆయుశ్‌ బదోని 2 వికెట్లు తీయగా.. గుర్జప్నీత్‌ సింగ్‌, నిషాంత్‌ సంధు తలో వికెట్‌ దక్కించుకున్నారు. స్పెషలిస్ట్‌ స్పిన్నర్‌ విప్రాజ్‌ నిగమ్‌కు (6-0-60-0) ఆసీస్‌ ఆటగాళ్లు చుక్కలు చూపించారు. అభిషేక్‌ శర్మ (4-0-19-0) పర్వాలేదనిపించాడు.కాగా, ఈ మ్యాచ్‌ మూడు మ్యాచ్‌ల సిరీస్‌లో భాగంగా జరుగుతుంది. ఈ సిరీస్‌లోని తొలి రెండు మ్యాచ్‌ల్లో ఇరు జట్లు చెరో మ్యాచ్‌ గెలిచాయి. వన్డే సిరీస్‌కు ముందు ఇరు జట్ల మధ్య రెండు మ్యాచ్‌ల అనధికారిక టెస్ట్‌ సిరీస్‌ కూడా జరిగింది. ఆ సిరీస్‌కు భారత్‌ 1-0 తేడాతో కైవసం చేసుకుంది. ఈ సిరీస్‌ల కోసం ఆస్ట్రేలియా-ఏ జట్టు భారత్‌లో పర్యటిస్తుంది. చదవండి: World Cup 2025: భారత్‌-పాకిస్తాన్‌ మ్యాచ్‌కు ముందు టాస్‌ గందరగోళం

ఆస్ట్రేలియా ‘ఎ’ జట్టుతో జరిగిన రెండో అనధికారిక వన్డేలో భారత ‘ఎ’ (IND A vs AUS A) జట్టు పరాజయం పాలైంది. మూడు మ్యాచ్‌ల సిరీస్‌లో భాగంగా శుక్రవారం జరిగిన రెండో మ్యాచ్‌లో... శ్రేయస్‌ అయ్యర్‌ (Shreyas Iyer) సారథ్యంలోని భారత ‘ఎ’జట్టు డక్‌వర్త్‌ లూయిస్‌ పద్ధతి ప్రకారం 9 వికెట్ల తేడాతో ఓడింది. దీంతో సిరీస్‌ 1–1తో సమమైంది. 246 పరుగులకు ఆలౌట్‌కాన్పూర్‌ వేదికగా టాస్‌ గెలిచి మొదట బ్యాటింగ్‌కు దిగిన భారత్‌ ‘ఎ’ జట్టు 45.5 ఓవర్లలో 246 పరుగులకు ఆలౌటైంది. ఇటీవల ఆసియాకప్‌ టీ20 టోర్నమెంట్‌ ఫైనల్లో పాకిస్తాన్‌పై అజేయ అర్ధశతంతో మెరిసి జట్టును గెలిపించిన తిలక్‌ వర్మ (Tilak Varma) మరోసారి ఆకట్టుకున్నాడు. త్రుటిలో చేజారిన శతకంతాజా మ్యాచ్‌లో తిలక్‌ 122 బంతుల్లో 5 ఫోర్లు, 4 సిక్స్‌లతో 94 పరుగులు చేసి త్రుటిలో శతకం కోల్పోయాడు. ప్రస్తుతం భారత టీ20 జట్టులో కీలక సభ్యుడిగా కొనసాగుతున్న తిలక్‌ వర్మ... ఇప్పుడు వన్డే ఫార్మాట్‌లోనూ సత్తా చాటాడు. రియాన్‌ పరాగ్‌ (54 బంతుల్లో 58; 6 ఫోర్లు, 1 సిక్స్‌) హాఫ్‌ సెంచరీ సాధించాడు. రియాన్‌తో కలిసి నాలుగో వికెట్‌కు తిలక్‌ 101 పరుగులు జతచేశాడు. వన్‌డౌన్‌లో బరిలోకి దిగిన ఈ హైదరాబాద్‌ బ్యాటర్‌ చివరి వికెట్‌గా వెనుదిరిగాడు. శ్రేయస్‌ అయ్యర్‌, అభిషేక్‌ శర్మ విఫలంఇక తొలి మ్యాచ్‌లో సెంచరీలతో మెరిసిన ప్రభ్‌సిమ్రన్‌ సింగ్‌ (1), శ్రేయస్‌ అయ్యర్‌ (8)తో పాటు... అభిషేక్‌ శర్మ (0), నిశాంత్‌ (1) విఫలమయ్యారు. ఆస్ట్రేలియా బౌలర్లలో జాక్‌ ఎడ్వర్డ్స్‌ 4 వికెట్లు పడగొట్టాడు. అనంతరం ఆ్రస్టేలియా లక్ష్యఛేదన ప్రారంభించాక భారీ వర్షం కారణంగా మ్యాచ్‌ నిలిచిపోగా... ఆసీస్‌ లక్ష్యాన్ని 25 ఓవర్లలో 160గా నిర్ణయించారు. సిరీస్‌ సమంఛేదనలో ఆసీస్‌ 16.4 ఓవర్లలో ఒక వికెట్‌ కోల్పోయి 160 పరుగులు చేసి గెలిచింది. మెకంజీ హార్వే (49 బంతుల్లో 70 నాటౌట్‌; 10 ఫోర్లు, 2 సిక్స్‌లు), కూపర్‌ (31 బంతుల్లో 50 నాటౌట్‌; 5 ఫోర్లు, 3 సిక్స్‌లు) అజేయ అర్ధశతకాలతో జట్టు విజయంలో కీలక పాత్ర పోషించారు. భారత బౌలర్లలో నిషాంత్‌ ఒక వికెట్‌ పడగొట్టాడు. టీమిండియా పేసర్‌ అర్శ్‌దీప్‌ సింగ్‌ 4 ఓవర్లలో 44 పరుగులు సమర్పించుకున్నాడు. ఇరు జట్ల మధ్య ఆదివారం నిర్ణయాత్మక మూడో మ్యాచ్‌ జరగనుంది.చదవండి: ఆసియాక‌ప్ ట్రోఫీని భార‌త్‌కు ఇవ్వొద్దు.. ఆ మొండితనం ఏంటి?: పాక్‌ మాజీ క్రికెటర్‌

కాన్పూర్‌ వేదికగా ఆస్ట్రేలియా-ఏతో జరుగుతున్న తొలి అనధికారిక వన్డేలో (India A vs Australia A) భారత-ఏ జట్టు ఓపెనర్‌ ప్రియాంశ్‌ ఆర్య (Priyansh Arya) చెలరేగిపోయాడు. 82 బంతుల్లో మెరుపు శతకం బాదాడు. మొత్తంగా 84 బంతులు ఎదుర్కొని 11 ఫోర్లు, 5 సిక్సర్ల సాయంతో 101 పరుగులు చేసి ఔటయ్యాడు. ఆర్య మరో ఓపెనర్‌, పంజాబ్‌ కింగ్స్‌ సహచరుడు ప్రభ్‌సిమ్రన్‌ సింగ్‌తో (53 బంతుల్లో 56; 6 ఫోర్లు, 2 సిక్సర్లు) కలిసి తొలి వికెట్‌కు 123 బంతుల్లో 135 పరుగులు జోడించాడు.ఈ మ్యాచ్‌లో టీమిండియా టాస్‌ ఓడి ఆసీస్‌ ఆహ్వానం మేరకు తొలుత బ్యాటింగ్‌ చేస్తుంది. 31.4 ఓవర్ల తర్వాత జట్టు స్కోర్‌ 214/2గా ఉంది. ఆర్య, ప్రభ్‌సిమ్రన్‌ ఔట్‌ కాగా.. కెప్టెన్‌ శ్రేయస్‌ అయ్యర్‌ (36), రియాన్‌ పరాగ్‌ (13) క్రీజ్‌లో ఉన్నారు. వాస్తవానికి ఈ మ్యాచ్‌ నిన్న జరగాల్సి ఉండింది. అయితే వర్షం​ కారణంగా ఇవాల్టికి వాయిదా పడింది.టీమిండియా దిశగా అడుగులు..ఢిల్లీ ప్రీమియర్‌ లీగ్‌లో మెరుపు శతకాలు బాది, ఐపీఎల్‌ ఛాన్స్‌ దక్కించుకున్న ప్రియాంశ్‌.. తన తొలి ఐపీఎల్‌ ఎడిషన్‌లోనే (2025) చెలరేగిపోయాడు. గత సీజన్‌లో పంజాబ్‌ కింగ్స్‌ తరఫున అరంగేట్రం చేసి సంచలన ఇన్నింగ్స్‌లు ఆడాడు. ఈ సీజన్‌లో ప్రియాంశ్‌ సీఎస్‌కేపై 42 బంతుల్లోనే సెంచరీ చేసి ప్రకంపనలు సృష్టించాడు. గత సీజన్‌లో ప్రియాంశ్‌ మొత్తంగా 475 పరుగులు సాధించి, ఓ సీజన్‌లో అత్యధిక పరుగులు చేసిన అన్‌క్యాప్డ్‌ ప్లేయర్‌గా చరిత్ర సృష్టించాడు. ఆసీస్‌-ఏపై సెంచరీతో ప్రియాంశ్‌ అడుగులు టీమిండియావైపు పడుతున్నాయనడంలో సందేహం లేదు.తొలి మ్యాచ్‌లోనే..!ప్రియాంశ్‌ భారత్‌-ఏ తరఫున ఆడటం ఇదే తొలిసారి. ఆసీస్‌-ఏతో సిరీస్‌కు అతను కేవలం తొలి మ్యాచ్‌కు మాత్రమే ఎంపికయ్యాడు. ఈ సిరీస్‌లో జరుగబోయే మిగతా రెండు వన్డేలకు ప్రియాంశ్‌ స్థానాన్ని అభిషేక్‌ శర్మ భర్తీ చేస్తాడు.కాగా, ఆస్ట్రేలియా-ఏ జట్టు రెండు అనధికారిక టెస్ట్‌ మ్యాచ్‌లు, మూడు అనధికారిక వన్డేల కోసం భారత్‌లో పర్యటిస్తుంది. టెస్ట్‌ సిరీస్‌ను భారత్‌ 1-0తో చేజిక్కించుకోగా.. ప్రస్తుతం వన్డే సిరీస్‌ నడుస్తుంది. మిగతా రెండు వన్డేలు అక్టోబర్‌ 3, 5 తేదీల్లో కాన్పూర్‌ వేదికగా జరుగనున్నాయి. చదవండి: చరిత్ర సృష్టించిన అభిషేక్‌ శర్మ.. సరికొత్త ప్రపంచ రికార్డు

ఆస్ట్రేలియా- ‘ఎ’ జట్టుతో రెండో అనధికారిక టెస్టులో భారత్‌ ఘన విజయం సాధించింది. పర్యాటక జట్టును ఐదు వికెట్ల తేడాతో చిత్తు చేసింది. కేఎల్‌ రాహుల్‌ (KL Rahul) భారీ శతకం బాది జట్టు విజయంలో కీలక పాత్ర పోషించగా.. సాయి సుదర్శన్‌ (Sai Sudharsan) సెంచరీతో అలరించాడు. ఇక కెప్టెన్‌ ధ్రువ్‌ జురెల్‌ సైతం అద్భుత అర్థ శతకంతో ఆకట్టుకున్నాడు.భారత్‌- ‘ఎ’ జట్టుతో రెండు అనధికారిక టెస్టులు, మూడు అనధికారిక వన్డే సిరీస్‌లు ఆడేందుకు ఆస్ట్రేలియా టీమ్‌ ఇక్కడకు వచ్చింది. ఇందులో భాగంగా లక్నోలో తొలుత టెస్టులు జరుగగా.. మొదటి టెస్టు డ్రాగా ముగిసింది.ఫలితం తేలిందిఈ క్రమంలో మంగళవారం మొదలైన రెండో అనధికారిక టెస్టులో మాత్రం.. ఆఖరి రోజైన శుక్రవారం నాటి నాలుగో రోజు ఆటలో ఫలితం తేలింది. ఈ మ్యాచ్‌లో టాస్‌ గెలిచిన భారత్‌.. తొలుత బౌలింగ్‌ చేసింది. దీంతో బ్యాటింగ్‌కు దిగిన ఆసీస్‌.. తొలి ఇన్నింగ్స్‌లో భారీ స్కోరు సాధించింది. కెప్టెన్‌ నాథన్‌ మెక్‌స్వీనీ (74), జాక్‌ ఎడ్‌వర్డ్స్‌ (88), టాడ్‌ మర్ఫీ (76) అర్ధ శతకాలతో రాణించగా.. 97.2 ఓవర్లలో 420 పరుగులు చేసి ఆలౌట్‌ అయింది.భారత బౌలర్లలో మానవ్‌ సుతార్‌ ఐదు వికెట్లతో చెలరేగగా.. గుర్నుర్‌ బ్రార్‌ మూడు, మొహమ్మద్‌ సిరాజ్, ప్రసిద్‌ కృష్ణ ఒక్కో వికెట్‌ తమ ఖాతాలో వేసుకున్నారు. ఇక తమ తొలి ఇన్నింగ్స్‌లో భారత్‌ నిరాశపరిచింది. ఓపెనర్‌ కేఎల్‌ రాహుల్‌ (11)తో పాటు దేవ్‌దత్‌ పడిక్కల్‌ (1), కెప్టెన్‌ ధ్రువ్‌ జురెల్‌ (1), నితీశ్‌ కుమార్‌ రెడ్డి (1) పూర్తిగా విఫలమయ్యారు.ఆసీస్‌కు 226 పరుగుల భారీ ఆధిక్యంఇలాంటి క్లిష్ట పరిస్థితుల్లో మరో ఓపెనర్‌ నారాయణ్‌ జగదీశన్‌ (38) ఓ మోస్తరుగా రాణించగా.. వన్‌డౌన్‌ బ్యాటర్‌ సాయి సుదర్శన్‌ 75 పరుగులతో సత్తా చాటాడు. ఆయుశ్‌ బదోని 21 పరుగులు చేశాడు. ఈ క్రమంలో 194 పరుగులు చేసి భారత్‌ ఆలౌట్‌ కాగా.. ఆసీస్‌కు 226 పరుగుల భారీ ఆధిక్యం లభించింది.అనంతరం రెండో ఇన్నింగ్స్‌ మొదలుపెట్టిన ఆస్ట్రేలియా ఈసారి 185 పరుగులకే చాపచుట్టేసింది. కెప్టెన్‌ నాథన్‌ మెక్‌స్వీనీ (85 నాటౌట్‌), వికెట్‌ కీపర్‌ జోష్‌ ఫిలిప్‌ (50) వల్లే ఈ మాత్రం స్కోరు చేయగలిగింది. భారత బౌలర్లలో మానవ్‌ సుతార్‌, గుర్నూర్‌ బ్రార్‌ మరోసారి ఆకట్టుకున్నారు. వీరిద్దరు చెరో మూడు వికెట్లు తీయగా.. యశ్‌ ఠాకూర్‌, సిరాజ్‌ తలా రెండు వికెట్లు పడగొట్టారు.ఇక తొలి ఇన్నింగ్స్‌ ఆధిక్యం కలుపుకొని ఆసీస్‌ భారత్‌ ముందు 412 పరుగుల (226+185) భారీ లక్ష్యం ఉంచింది. ఈ క్రమంలో గురువారం నాటి మూడో రోజు ఆట ముగిసే సరికి రెండు వికెట్ల నష్టానికి 169 పరుగులు చేసింది భారత్‌.రాహుల్‌, సాయి శతకాలు.. టార్గెట్‌ పూర్తి చేసిన భారత్‌అయితే, 74 పరుగుల వద్ద కేఎల్‌ రాహుల్‌ రిటైర్డ్‌ హర్ట్‌గా వెనుదిరిగాడు. ఇక 169/2 ఓవర్‌నైట్‌ స్కోరుతో భారత్‌ నాలుగో రోజు ఆట మొదలుపెట్టగా.. రాహుల్‌ తిరిగి బ్యాట్‌ పట్టి మైదానంలో దిగాడు. మొత్తంగా 210 బంతులు ఎదుర్కొని 176 పరుగులతో అజేయంగా నిలిచాడు.మరోవైపు.. వన్‌డౌన్‌ బ్యాటర్‌ సాయి సుదర్శన్‌ (100) కూడా శతకం సాధించాడు. అయితే, నైట్‌ వాచ్‌మన్‌ మానవ్‌ సుతార్‌ (5) వచ్చీ రాగానే వెళ్లిపోగానే.. దేవ్‌దత్‌ పడిక్కల్‌ (5) మరోసారి నిరాశపరిచాడు. ఈ క్రమంలో రాహుల్‌కు తోడైన కెప్టెన్‌ జురెల్‌ 66 బంతుల్లో 56 పరుగులతో సత్తా చాటాడు. ఇక నితీశ్‌ కుమార్‌ రెడ్డి 16 పరుగులతో అజేయంగా నిలిచి రాహుల్‌తో కలిసి జట్టును విజయతీరాలకు చేర్చాడు.భారత్‌-‘ఎ’ వర్సెస్‌ ఆస్ట్రేలియా- ‘ఎ’ రెండో అనధికారిక టెస్టు సంక్షిప్త స్కోర్లువేదిక: ఏకనా స్టేడియం, లక్నోటాస్‌: భారత్‌.. తొలుత బౌలింగ్‌ఆస్ట్రేలియా-ఎ: 420 & 185భారత్‌-ఎ: 194 & 413/5ఫలితం: ఐదు వికెట్ల తేడాతో ఆసీన్‌ను ఓడించిన భారత్‌.చదవండి: అందుకే షమీని సెలక్ట్‌ చేయలేదు: కుండబద్దలు కొట్టిన అగార్కర్‌

టీమిండియా యువ క్రికెటర్‌ సాయి సుదర్శన్‌ (Sai Sudharsan) సూపర్‌ ఫామ్‌లో ఉన్నాడు. ఆస్ట్రేలియా-‘ఎ’ జట్టు (IND A vs AUS A)తో అనధికారిక టెస్టు సిరీస్‌లో భారత్‌-‘ఎ’ తరఫున ఈ వన్‌డౌన్‌ బ్యాటర్‌ అదరగొట్టాడు. రెండు అర్ధ శతకాలు బాదడంతో పాటు.. సెంచరీతోనూ సత్తా చాటాడు.సెంచరీతో అదరగొట్టిన సాయి సుదర్శన్‌లక్నోలోని ఏకనా స్టేడియంలో తొలి అనధికారిక టెస్టులో సాయి సుదర్శన్‌ 124 బంతుల్లో 10 ఫోర్ల సాయంతో 73 పరుగులు సాధించాడు. అయితే, కూపర్‌ కన్నోలి బౌలింగ్‌లో లెగ్‌ బిఫోర్‌ వికెట్‌గా వెనుదిరగడంతో అతడి ఇన్నింగ్స్‌ ముగిసిపోయింది.ఇక అదే వేదికపై ఆసీస్‌-‘ఎ’తో రెండో అనధికారిక టెస్టులోనూ ఈ ఎడమచేతి వాటం బ్యాటర్‌​ తన ఫామ్‌ను కొనసాగించాడు. ఈ మ్యాచ్‌లో తొలి ఇన్నింగ్స్‌లో సాయి సుదర్శన్‌ 140 బంతుల్లో ఆరు ఫోర్లు, ఒక సిక్సర్‌ బాది 75 పరుగులు చేశాడు. అయితే, ఈసారి కూడా అతడు లెగ్‌ బిఫోర్‌గా వెనుదిరగడం గమనార్హం. టాడ్‌ మర్ఫీ బౌలింగ్‌లో సాయి సుదర్శన్‌ ఎల్బీడబ్ల్యూ అయ్యాడు.ఇక రెండో ఇన్నింగ్స్‌లో భాగంగా శుక్రవారం నాటి ఆఖరి రోజు ఆటలో సాయి సుదర్శన్‌ 172 బంతుల్లో 9 ఫోర్లు, ఒక సిక్సర్‌ కొట్టి 100 పరుగులు సాధించాడు. అయితే, ఆ వెంటనే క్యారీ రొచిసిల్లి బౌలింగ్‌లో కాంప్‌బెల్‌ కెల్లావేకు క్యాచ్‌ ఇచ్చి పెవిలియన్‌ చేరాడు.ఆస్ట్రేలియా- ‘ఎ’ సిరీస్‌లో మొత్తంగా 248 పరుగులు సాధించాడు. వెస్టిండీస్‌తో సిరీస్‌కు ముందు సాయి సుదర్శన్‌ ఇలా సత్తా చాటడం ద్వారా టీమిండియా తరఫున టెస్టుల్లో మూడోస్థానంలో తన స్థానం సుస్థిరం చేసుకునే క్రమంలో కీలక ముందడుగు వేశాడు.అతడికి మరిన్ని అవకాశాలిస్తామన్న అగార్కర్‌కాగా టెస్టుల్లో వన్‌డౌన్‌ బ్యాటర్‌గా సాయి సుదర్శన్‌ పాతుకుపోయేట్లుగానే కనిపిస్తోంది. వెస్టిండీస్‌తో సిరీస్‌కు భారత జట్టు ప్రకటన సందర్భంగా చీఫ్‌ సెలక్టర్‌ అజిత్‌ అగార్కర్‌ చేసిన వ్యాఖ్యలే ఇందుకు నిదర్శనం. ‘‘టెస్టుల్లో మూడో స్థానంలో సాయి సుదర్శన్‌ చక్కటి భరోసా కల్పించాడు. అతడికి మరిన్ని అవకాశాలిస్తాం’’ అని అగార్కర్‌ స్పష్టం చేశాడు.తమిళనాడుకు చెందిన సాయి సుదర్శన్‌ 23 ఏళ్ల సాయి సుదర్శన్‌ 2023లో వన్డేల్లో, 2024లో అంతర్జాతీయ టీ20లలో అడుగుపెట్టాడు. అయితే, టెస్టుల్లో మాత్రం ఇటీవలే అరంగేట్రం చేశాడు. ఇంగ్లండ్‌ పర్యటన సందర్భంగా శుబ్‌మన్‌ గిల్‌ సారథ్యంలో ఎంట్రీ ఇచ్చాడు. ఆడిన మూడు టెస్టుల్లో కలిపి 140 పరుగులు సాధించాడు.రాహుల్‌, సాయి శతకాలతో..ఇక భారత్‌- ‘ఎ’- ఆస్ట్రేలియా- ‘ఎ’ మ్యాచ్‌ విషయానికొస్తే.. 412 పరుగుల లక్ష్యంతో బరిలోకి దిగిన భారత్‌.. కేఎల్‌ రాహుల్‌, సాయి సుదర్శన్‌ (100) శతకాల కారణంగా విజయం దిశగా సాగుతోంది. వీరిద్దరు కలిసి నాలుగో వికెట్‌కు 140 పరుగుల భాగస్వామ్యం నెలకొల్పారు.ఈ క్రమంలో శుక్రవారం 79 ఓవర్ల ఆట ముగిసే సరికి నాలుగు వికెట్ల నష్టానికి 317 పరుగులు చేసి.. విజయానికి 95 పరుగుల దూరంలో ఉంది. రాహుల్‌ 131, కెప్టెన్‌ ధ్రువ్‌ జురెల్‌ 21 పరుగులతో క్రీజులో ఉన్నారు.చదవండి: IND Vs PAK: మేము ఏ జట్టునైనా ఓడిస్తాం.. అతడొక అద్భుతం.. మా ఫీల్డింగ్‌ సూపర్‌: పాక్‌ కెప్టెన్‌

టీమిండియా స్టార్‌ క్రికెటర్‌ కేఎల్‌ రాహుల్‌ (KL Rahul) అద్భుత శతకంతో మెరిశాడు. భారత్‌- ‘ఎ’- ఆస్ట్రేలియా- ‘ఎ’ (IND A vs AUS A) జట్ల మధ్య రెండో అనధికారిక టెస్టు నాలుగో రోజు ఆట సందర్భంగా.. భోజన విరామ సమయానికి 103 పరుగులతో అజేయంగా నిలిచాడు. వన్‌డౌన్‌ బ్యాటర్‌ సాయి సుదర్శన్‌ (Sai Sudharsan)తో కలిసి ఇన్నింగ్స్‌ చక్కదిద్దిన ఈ ఓపెనింగ్‌ బ్యాటర్‌.. జట్టును విజయం దిశగా తీసుకువెళ్లే ప్రయత్నం చేస్తున్నాడు.కాగా స్వదేశంలో వెస్టిండీస్‌తో సిరీస్‌ నేపథ్యంలో కేఎల్‌ రాహుల్‌.. ఆస్ట్రేలియా-‘ఎ’ జట్టుతో రెండో అనధికారిక టెస్టు సందర్భంగా భారత్‌-‘ఎ’ తరఫున బరిలోకి దిగిన విషయం తెలిసిందే. లక్నోలో మంగళవారం మొదలైన ఈ నాలుగు రోజుల టెస్టులో టాస్‌ గెలిచిన భారత్‌ తొలుత బౌలింగ్‌ ఎంచుకుంది.భారత్‌ లక్ష్యం 412ఈ క్రమంలో బ్యాటింగ్‌కు దిగిన ఆసీస్‌- ‘ఎ’ జట్టు తొలి ఇన్నింగ్స్‌లో 420 పరుగులకు ఆలౌట్‌ అయింది. అనంతరం తమ మొదటి ఇన్నింగ్స్‌ మొదలుపెట్టిన భారత​ 194 పరుగులకే కుప్పకూలింది. దీంతో తొలి ఇన్నింగ్స్‌లో 226 పరుగుల భారీ ఆధిక్యంతో రెండో ఇన్నింగ్స్‌ మొదలుపెట్టిన ఆసీస్‌.. ఈసారి మాత్రం భారత బౌలర్ల ధాటికి స్వల్ప స్కోరుకే చేతులెత్తేసింది.46.5 ఓవర్లలో 185 పరుగులు మాత్రమే చేసి ఆలౌట్‌ అయింది. ఈ నేపథ్యంలో భారత్‌ లక్ష్యం 412 (226+185) పరుగులుగా మారింది. ఈ క్రమంలో గురువారం నాటి మూడో రోజు ఆట ముగిసే సమయానికి భారత్‌ 41 ఓవర్లలో రెండు వికెట్ల నష్టానికి 169 పరుగులు చేసింది.రిటైర్డ్‌ హర్ట్‌గా వెనుదిరిగిన రాహుల్‌ఓపెనర్‌ నారాయణ్‌ జగదీశన్‌ 36 పరుగులు చేయగా.. మరో ఓపెనర్‌ కేఎల్‌ రాహుల్‌ 74 పరుగుల వ్యక్తిగత స్కోరు వద్ద రిటైర్డ్‌ హర్ట్‌గా వెనుదిరిగాడు. ఈ క్రమంలో వన్‌డౌన్‌ బ్యాటర్‌ సాయి సుదర్శన్‌కు జతైన దేవ్‌దత్‌ పడిక్కల్‌ (5) పూర్తిగా విఫలమయ్యాడు. దీంతో నైట్‌వాచ్‌మన్‌గా క్రీజులోకి వచ్చిన స్పిన్నర్‌ మానవ్‌ సుతార్‌.. శుక్రవారం నాటి ఆఖరి రోజు ఆట ఆరంభమైన కాసేపటికే వెనుదిరిగాడు.తిరిగి బ్యాటింగ్‌కు వచ్చి శతకం పూర్తిఈ నేపథ్యంలో కేఎల్‌ రాహుల్‌ తిరిగి బ్యాటింగ్‌కు వచ్చాడు. 143 బంతుల్లో పన్నెండు ఫోర్ల సాయంతో సెంచరీ పూర్తి చేసుకున్నాడు. మరోవైపు.. 44 పరుగులతో నాలుగో రోజు ఆట మొదలుపెట్టిన సాయి సుదర్శన్‌ (98 బ్యాటింగ్‌) కూడా శతకానికి చేరువయ్యాడు. దీంతో భోజన విరామ సమయానికి భారత్‌ 66 ఓవర్లలో మూడు వికెట్ల నష్టానికి 261 పరుగులు చేసింది. భారత్‌ విజయానికి ఇంకా 151 పరుగులు అవసరం కాగా.. ఏడు వికెట్లు చేతిలో ఉన్నాయి. ఇక ఆసీస్‌ బౌలర్లలో టాడ్‌ మర్ఫీ మూడు వికెట్లతో సత్తా చాటాడు. ఇదిలా ఉంటే.. వెస్టిండీస్‌తో అక్టోబరులో జరిగే రెండు మ్యాచ్‌ల టెస్టు సిరీస్‌కు కేఎల్‌ రాహుల్‌తో పాటు.. సాయి సుదర్శన్‌ ఎంపికైన విషయం తెలిసిందే.అప్‌డేట్‌: లంచ్‌ తర్వాత సెంచరీ పూర్తి చేసుకున్న సాయి సుదర్శన్‌ ఆ వెంటనే అవుటయ్యాడు. చదవండి: IND vs WI: కరుణ్‌ నాయర్‌పై వేటు

లక్నో: భారత్- ఆస్ట్రేలియా ‘ఎ’ (IND A vs AUS A)జట్ల మధ్య జరుగుతున్న రెండో అనధికారిక టెస్టు రసవత్తర ముగింపునకు చేరింది. మూడో రోజు ఆటలో ప్రత్యర్థిని 190 పరుగుల్లోపే ఆలౌట్‌ చేసిన భారత్‌ ‘ఎ’ జట్టు.. రెండో ఇన్నింగ్స్‌లో 41 ఓవర్లలో 2 వికెట్ల నష్టానికి 169 పరుగులు చేసింది. తద్వారా విజయానికి 243 పరుగుల దూరంలో ఉంది. చేతిలో 8 వికెట్లున్నాయి. మూడో రోజు ఆటలో ఇరుజట్లవి కలిపి 9 వికెట్లు కూలాయి. ముందుగా ఓవర్‌నైట్‌ స్కోరు 16/3తో గురువారం ఆట కొనసాగించిన ఆసీస్‌ ‘ఎ’ రెండో ఇన్నింగ్స్‌లో 46.5 ఓవర్లలో 185 పరుగుల వద్ద ఆలౌటైంది.ఓవర్‌నైట్‌ బ్యాటర్, కెప్టెన్‌ నాథన్‌ మెక్‌స్వీని (249 బంతుల్లో 85; 10 ఫోర్లు, 1 సిక్స్‌) సహచరులు వెనుదిరుగుతున్నా... చక్కని పోరాటం చేశాడు. ఆరంభంలోనే హైదరాబాదీ స్పీడ్‌స్టర్‌ సిరాజ్‌ (Mohammed Siraj) పేస్‌కు 17 పరుగుల వద్ద కూపర్‌ కానొలి (1) రూపంలో నాలుగో వికెట్‌ కోల్పోయింది. ఇలాంటి క్లిష్ట పరిస్థితుల్లో జోష్‌ ఫిలిప్‌ (48 బంతుల్లో 50; 8 ఫోర్లు)తో కలిసి మెక్‌స్వీని ఇన్నింగ్స్‌ను నిలబెట్టే ప్రయత్నం చేశాడు. ఇద్దరు కలిసి ఐదో వికెట్‌కు 90 పరుగులు జోడించడంతో జట్టు స్కోరు వంద దాటింది.ఈ దశలో సీమర్‌ గుర్నూర్‌ బ్రార్, స్పిన్నర్‌ మానవ్‌ సుథార్‌ (Manav Suthar) కంగారూ ఇన్నింగ్స్‌ను కోలుకోని విధంగా దెబ్బకొట్టారు. దీంతో 78 పరుగుల వ్యవధిలో 6 వికెట్లను కోల్పోయి 200 పరుగుల్లోపే ఆలౌటైంది. గుర్నూర్, మానవ్‌ చెరో 3 వికెట్లు తీయగా... సిరాజ్‌కు 2 వికెట్లు దక్కాయి. రాహుల్‌ 74 రిటైర్డ్‌హర్ట్‌ అనంతరం 412 పరుగుల భారీ లక్ష్యాన్ని ఛేదించేందుకు దిగిన భారత్‌ ‘ఎ’కు ఓపెనర్లు కేఎల్‌ రాహుల్‌ (KL Rahul- 92 బంతుల్లో 74; 9 ఫోర్లు), జగదీశన్‌ (36; 5 ఫోర్లు) శుభారంభమిచ్చారు. 17 ఓవర్లలో 85 పరుగులు జోడించారు. 18వ ఓవర్‌ తొలి బంతికే జగదీశన్‌ అవుటవడంతో ఈ భాగస్వామ్యం చెదిరింది.తర్వాత కూడా టీమిండియా సీనియర్‌ బ్యాటర్‌ అయిన రాహుల్‌... వన్‌డౌన్‌ బ్యాటర్‌ సాయి సుదర్శన్‌ (84 బంతుల్లో 44 బ్యాటింగ్‌; 3 ఫోర్లు, 1 సిక్స్‌)తో కలిసి మరో భాగస్వామ్యానికి తెరలేపాడు. కానీ అర్ధసెంచరీ అనంతరం రాహుల్‌ రిటైర్డ్‌ హర్ట్‌గా వెనుదిరిగాడు. తర్వాత దేవదత్‌ పడిక్కల్‌ (5) నిరాశపరచగా, మానవ్‌ సుతార్‌ (1 బ్యాటింగ్‌) సుదర్శన్‌తో కలిసి నాటౌట్‌గా నిలిచాడు. టాడ్‌ మర్ఫీ 2 వికెట్లు తీశాడు. తొలి టెస్టు ‘డ్రా’గా ముగియగా... ఈ మ్యాచ్‌ గెలిచిన జట్టే సిరీస్‌ను దక్కించుకుంటుంది. సంక్షిప్త స్కోర్లు 👉ఆస్ట్రేలియా ‘ఎ’ తొలిఇన్నింగ్స్‌: 420👉భారత్‌ ‘ఎ’ తొలి ఇన్నింగ్స్‌: 194👉ఆస్ట్రేలియా ‘ఎ’ రెండో ఇన్నింగ్స్‌: 185 (మెక్‌స్వీని 85; గుర్నూర్‌ బ్రార్‌ 3/42, సిరాజ్‌ 2/20). 👉భారత్‌ ‘ఎ’ రెండో ఇన్నింగ్స్‌: 169/2 (కేఎల్‌ రాహుల్‌ రిటైర్డ్‌హర్ట్‌ 74, సాయిసుదర్శన్‌ 44). చదవండి: Asia Cup 2025: భారత్‌ ప్రత్యర్థి పాక్‌

లక్నోలోని ఎకానా స్టేడియంలో ఆస్ట్రేలియా-ఏతో (India A vs Australia A) జరుగుతున్న రెండో అనధికారిక​ టెస్ట్‌ మ్యాచ్‌లో భారత-ఏ జట్టుకు (Team India) ఊహించని షాక్‌ తగిలింది. ఈ మ్యాచ్‌లో భారత్‌ ఆస్ట్రేలియా నిర్దేశించిన 412 పరుగుల భారీ లక్ష్యాన్ని ఛేదిస్తుండగా.. ఓపెనర్‌ కేఎల్‌ రాహుల్‌ (KL Rahul) గాయపడ్డాడు. 92 బంతుల్లో 9 ఫోర్ల సాయంతో 74 పరుగులు చేసి సెంచరీ దిశగా సాగుతున్న సమయంలో ఈ ఘటన జరిగింది.బ్యాటింగ్‌ చేస్తుండగా అసౌకర్యానికి గురైన రాహుల్‌ ఫిజియో సాయంతో మైదానాన్ని వీడాడు. అతని స్థానంలో బ్యాటింగ్‌కు దిగిన దేవ్‌దత్‌ పడిక్కల్‌ (8 బంతుల్లో 5) ఇలా వచ్చి అలా ఔటయ్యాడు. సాయి సుదర్శన్‌ (44), మానవ్‌ సుతార్‌ (1) ఛేదనను కొనసాగిస్తున్నారు. అంతకుముందు ఓపెనర్‌ ఎన్‌ జగదీసన్‌ 36 పరుగులు చేసి ఔటయ్యాడు. మూడో రోజు ఆట ముగిసే సమయానికి భారత స్కోర్‌ 169/2గా ఉంది. ఈ మ్యాచ్‌లో భారత్‌ గెలవాలంటే ఇంకా 243 పరుగులు చేయాలి. చేతిలో 8 వికెట్లు ఉన్నాయి. ఛేదనకు భారత్‌కు రేపు కూడా అవకాశం ఉంది.దీనికి ముందు ఆసీస్‌ రెండో ఇన్నింగ్స్‌లో 185 పరుగులకు ఆలౌటైంది. గుర్నూర్‌ బ్రార్‌, మానవ్‌ సుతార్‌ తలో 3.. సిరాజ్‌, యశ్‌ ఠాకూర్‌ తలో 2 వికెట్లు తీసి ఆసీస్‌ ఇన్నింగ్స్‌ను కుప్పకూల్చారు. ఆ జట్టు తరఫున కెప్టెన్‌ నాథన్‌ మెక్‌స్వీనీ (85 నాటౌట్‌), ఫిలిప్‌ (50) మాత్రమే అర్ద సెంచరీలతో రాణించారు.అంతకుముందు భారత్‌ తొలి ఇన్నింగ్స్‌లో 194 పరుగులకే ఆలౌటైంది. ఈ ఇన్నింగ్స్‌లో సాయి సుదర్శన్‌ (75) ఒక్కడే అర్ద సెంచరీతో రాణించాడు. రాహుల్‌ (11), జగదీసన్‌ (38), ఆయుశ్‌ బదోని (21), ప్రసిద్ద్‌ కృష్ణ (16 రిటైర్డ్‌ హర్ట్‌) రెండంకెల స్కోర్లు చేశారు. ఆసీస్‌ బౌలర్లలో థార్న్‌టన్‌ 4 వికెట్లు తీసి టీమిండియాను దెబ్బకొట్టాడు. మర్ఫీ 2, సదర్‌ల్యాండ్‌, రొచ్చిక్కియోలీ, కన్నోల్లీ తలో వికెట్‌ తీశారు.ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. మెక్‌స్వీనీ (74), జాక్‌ ఎడ్వర్డ్స్‌ (88), మర్ఫీ (76) అర్ద సెంచరీలతో రాణించడంతో భారీ స్కోర్‌ చేసింది. భారత బౌలర్లలో మానవ్‌ సుతార్‌ 5 వికెట్ల ప్రదర్శన నమోదు చేశాడు. గుర్నూర్‌ బ్రార్‌ 3, సిరాజ్‌, ప్రసిద్ద్‌ తలో వికెట్‌ తీశారు.కాగా, రెండు మ్యాచ్‌ల అనధికారిక టెస్ట్‌ సిరీస్‌, 3 మ్యాచ్‌ల అనధికారిక​ వన్డే సిరీస్‌ల కోసం ఆస్ట్రేలియా-ఏ జట్టు భారత్‌లో పర్యటిస్తుంది. ఈ పర్యటనలో ఇదివరకే తొలి టెస్ట్‌ మ్యాచ్‌ పూర్తి కాగా.. ఆ మ్యాచ్‌ డ్రాగా ముగిసింది.చదవండి: టీమిండియా కెప్టెన్‌గా శ్రేయస్‌ అయ్యర్‌.. బీసీసీఐ ప్రకటన

టీమిండియా క్రికెటర్‌ శ్రేయస్‌ అయ్యర్‌ (Shreyas Iyer)కు మరో బంపరాఫర్‌ వచ్చింది. ఆస్ట్రేలియా- ‘ఎ’ జట్టుతో జరిగే వన్డే సిరీస్‌కు అతడిని కెప్టెన్‌గా ఎంపిక చేసినట్లు భారత క్రికెట్‌ నియంత్రణ మండలి (BCCI) గురువారం ప్రకటించింది. అదే విధంగా.. వెస్టిండీస్‌తో టెస్టు సిరీస్‌కు శ్రేయస్‌ అయ్యర్‌ దూరమైనట్లు బీసీసీఐ వెల్లడించింది.కాగా గత కొంతకాలంగా శ్రేయస్‌ అయ్యర్‌ వార్తల్లో నిలుస్తున్న విషయం తెలిసిందే. టీ20 ఫార్మాట్లో సూపర్‌ ఫామ్‌లో ఉన్నా ఆసియా కప్‌ టీ20- 2025 టోర్నమెంట్‌ ఆడే భారత జట్టుకు సెలక్టర్లు అతడిని ఎంపిక చేయలేదు. ఈ క్రమంలో బీసీసీఐ తీరుపై తీవ్ర స్థాయిలో విమర్శలు రాగా.. ఆస్ట్రేలియా- ‘ఎ’ జట్టుతో స్వదేశంలో అనధికారిక టెస్టు సిరీస్‌కు భారత్‌-‘ఎ’ జట్టు కెప్టెన్‌గా అయ్యర్‌ను ఎంపిక చేసింది.కెప్టెన్సీ వదులుకోవడంతో పాటు..ఈ నేపథ్యంలో ఆసీస్‌తో తొలి అనధికారిక టెస్టు ఆడిన శ్రేయస్‌ అయ్యర్‌ (8) విఫలమయ్యాడు. అయితే, రెండో టెస్టు ఆరంభానికి ముందే కెప్టెన్సీని వదులుకోవడంతో పాటు.. జట్టు నుంచి తప్పుకొన్నాడు. టెస్టుల్లో పునరాగమనం కోసం ఎదురుచూస్తున్న శ్రేయస్‌.. ఇలాంటి నిర్ణయం తీసుకోవడం భారత క్రికెట్‌ వర్గాల్లో చర్చకు దారితీసింది.అయితే, వెన్నునొప్పి కారణంగా నాలుగు రోజుల పాటు ఫీల్డింగ్‌ చేయలేకపోతున్నానని శ్రేయస్‌ అయ్యర్‌.. బీసీసీఐకి లేఖ రాసినట్లు వార్తలు వచ్చాయి. కొన్నాళ్ల పాటు రెడ్‌ బాల్‌ క్రికెట్‌కు దూరంగా ఉండనున్నట్లు బోర్డుకు సమాచారం ఇచ్చినట్లు తెలిసింది.ఆరునెలల పాటు దూరంఈ నేపథ్యంలో తాజాగా బీసీసీఐ ఈ విషయాన్ని ధ్రువీకరించింది. ఆరునెలల పాటు శ్రేయస్‌ అయ్యర్‌ రెడ్‌ బాల్‌ క్రికెట్‌కు దూరంగా ఉండనున్నట్లు స్పష్టం చేసింది. ఈ క్రమంలో ఇరానీ కప్‌ మ్యాచ్‌కు అతడిని ఎంపిక చేయలేదని స్పష్టం చేసింది.రజత్‌, తిలక్‌ అవుట్‌.. కెప్టెన్‌గా శ్రేయస్‌స్వదేశంలో రెండు అనధికారిక టెస్టుల తర్వాత భారత్‌- ‘ఎ’ జట్టు.. ఆస్ట్రేలియా- ‘ఎ’తో మూడు మ్యాచ్‌ల అనధికారిక వన్డే సిరీస్‌ (సెప్టెంబరు 30- అక్టోబరు 5) ఆడనుంది. కాన్పూర్‌ ఇందుకు వేదిక.ఈ నేపథ్యంలో ఆసీస్‌తో తొలి వన్డేకు రజత్‌ పాటిదార్‌ను... రెండు, మూడో వన్డేలకు తిలక్‌ వర్మను తొలుత బీసీసీఐ కెప్టెన్‌గా ఎంపిక చేసింది. అయితే, తాజాగా వారిద్దరిని తప్పించి శ్రేయస్‌ అయ్యర్‌కు సారథ్య బాధ్యతలు అప్పగించింది. ఇక తొలి వన్డేకు దూరంగా ఉండనున్న.. ఆసియా కప్‌-2025 ముగిసిన తర్వాత తిలక్‌ వర్మ.. రెండు, మూడో వన్డేల్లో వైస్‌ కెప్టెన్‌గా ఎంట్రీ ఇవ్వనున్నాడు. అతడితో పాటు హర్షిత్‌ రాణా, అర్ష్‌దీప్‌ సింగ్‌ కూడా ఈ సిరీస్‌ ఆడతారు. మరోవైపు.. రజత్‌ పాటిదార్‌ ఇరానీ కప్‌ మ్యాచ్‌లో రెస్ట్‌ ఆఫ్‌ ఇండియా కెప్టెన్‌గా ఎంపికయ్యాడు.ఆస్ట్రేలియా- ‘ఎ’తో తొలి అనధికారిక వన్డేకు భారత జట్టుశ్రేయన్‌ అయ్యర్ (కెప్టెన్‌), ప్రభ్‌సిమ్రాన్ సింగ్ (వికెట్‌ కీపర్‌), రియాన్ పరాగ్, ఆయుశ్‌ బదోని, సూర్యాంశ్ షెడ్గే, విప్రజ్ నిగమ్, నిషాంత్ సింధు, గుర్జప్‌నీత్‌ సింగ్, యుధ్వీర్ సింగ్, రవి బిష్ణోయ్, అభిషేక్ పోరెల్ (వికెట్‌ కీపర్‌), ప్రియాంశ్‌ ఆర్య, సిమర్జీత్ సింగ్.ఆస్ట్రేలియా- ‘ఎ’తో రెండు, మూడో అనధికారిక వన్డేలకు భారత జట్టుశ్రేయస్‌ అయ్యర్ (కెప్టెన్‌), తిలక్ వర్మ (వైస్‌ కెప్టెన్‌), అభిషేక్ శర్మ, ప్రభ్‌సిమ్రాన్ సింగ్ (డబ్ల్యుకె), రియాన్ పరాగ్, ఆయుశ్‌ బదోని , సూర్యాంశ్ షెడ్గే, విప్రజ్ నిగమ్, నిశాంత్ సింధు, గుర్జప్‌నీత్ సింగ్, యుధ్వీర్ సింగ్, రవి బిష్ణోయ్, అభిషేక్ పోరెల్‌ (వికెట్‌ కీపర్‌), హర్షిత్‌ రాణా, అర్ష్‌దీప్‌ సింగ్‌.చదవండి: అసలు అక్కడ ఏం ఉంది?: అభిషేక్‌ శర్మపై గావస్కర్‌ ‘ఫైర్‌’

ఆస్ట్రేలియా-ఏతో జరుగుతున్న రెండో అనధికారిక టెస్ట్‌ మ్యాచ్‌లో (India A vs Australia A) భారత-ఏ బౌలర్లు చెలరేగిపోయారు. అంతకుముందు బ్యాటింగ్‌లో తడబడినా, బౌలింగ్‌లో మాత్రం చెలరేగిపోయారు. తొలి ఇన్నింగ్స్‌లో 194 పరుగులకే ఆలౌటై, ప్రత్యర్ధికి 226 పరుగుల భారీ ఆధిక్యాన్ని కట్టబెట్టినా.. రెండో ఇన్నింగ్స్‌లో ఆసీస్‌కు చుక్కలు చూపించారు.రెండో రోజు చివర్లో బౌలింగ్‌కు దిగి కేవలం 7.5 ఓవర్లలో ముగ్గురు ఆసీస్‌ బ్యాటర్లను పెవిలియన్‌కు పంపారు. 3 పరుగుల వద్దనే ఓపెనర్ల పని పట్టి, మరో 13 పరుగుల తర్వాత నాలుగో నంబర్‌ ఆటగాడిని ఔట్‌ చేశారు. ఫామ్‌లో ఉన్న సామ్‌ కొన్‌స్టాస్‌ను (3) గుర్నూర్‌ బ్రార్‌.. మరో ఓపెనర్‌ క్యాంప్‌బెల్‌ కెల్లావేను (0) సిరాజ్‌ (Mohammed Siraj).. ఒలివర్‌ పీక్‌ను (1) మానవ్‌ సుతార్‌ ఔట్‌ చేశారు.ఫలితంగా ఆసీస్‌ రెండో రోజు ఆట ముగిసే సమయానికి 16 పరుగులకే 3 వికెట్లు కోల్పోయి కష్టాల్లో పడింది. తొలి ఇన్నింగ్స్‌ ఆధిక్యం కలుపుకొని ఆ జట్టు లీడ్‌ 242 పరుగులుగా ఉంది. కెప్టెన్‌ నాథన్‌ మెక్‌స్వీని (11) క్రీజ్‌లో ఉన్నాడు.అంతకుముందు భారత్‌ తొలి ఇన్నింగ్స్‌లో తడబడింది. ఆసీస్‌ సాధించిన 420 పరుగుల భారీ స్కోర్‌కు బదులిచ్చే క్రమంలో 194 పరుగులకే ఆలౌటైంది. సాయి సుదర్శన్‌ (Sai Sudharsan) (75) ఒక్కడే ఒంటరిపోరాటం చేశాడు. ఎన్‌ జగదీసన్‌ (38), ఆయుశ్‌ బదోని (21), ప్రసిద్ద్‌ కృష్ణ (16 రిటైర్డ్‌ హర్ట్‌), కేఎల్‌ రాహుల్‌(KL Rahul) (11) రెండంకెల స్కోర్లు చేశారు. ​ఆసీస్‌ బౌలర్లలో థార్న్‌టన్‌ 4 వికెట్లు తీసి టీమిండియాను దెబ్బకొట్టాడు. మర్ఫీ 2, సదర్‌ల్యాండ్‌, రొచ్చిక్కియోలీ, కన్నోల్లీ తలో వికెట్‌ తీశారు.ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. మెక్‌స్వీనీ (74), జాక్‌ ఎడ్వర్డ్స్‌ (88), మర్ఫీ (76) అర్ద సెంచరీలతో రాణించడంతో భారీ స్కోర్‌ చేసింది. భారత బౌలర్లలో మానవ్‌ సుతార్‌ 5 వికెట్ల ప్రదర్శన నమోదు చేశాడు. గుర్నూర్‌ బ్రార్‌ 3, సిరాజ్‌, ప్రసిద్ద్‌ తలో వికెట్‌ తీశారు.కాగా, రెండు మ్యాచ్‌ల అనధికారిక టెస్ట్‌ సిరీస్‌, 3 మ్యాచ్‌ల అనధికారిక​ వన్డే సిరీస్‌ల కోసం ఆస్ట్రేలియా-ఏ జట్టు భారత్‌లో పర్యటిస్తుంది. ఈ పర్యటనలో ఇదివరకే తొలి టెస్ట్‌ మ్యాచ్‌ పూర్తి కాగా.. ఆ మ్యాచ్‌ డ్రాగా ముగిసింది.చదవండి: IND vs AUS: దారుణంగా విఫలమైన భారత జట్టు.. ఆసీస్‌కు భారీ ఆధిక్యం

స్వదేశంలో త్వరలో వెస్టిండీస్‌తో (India vs West Indies) జరుగబోయే రెండు మ్యాచ్‌ల టెస్ట్‌ సిరీస్‌కు ముందు టీమిండియాకు (Team India) ఊహించని షాక్‌ తగిలింది. ఈ సిరీస్‌ కోసం జట్టు ప్రకటనకు కొద్ది గంటల ముందు స్టార్‌ బౌలర్‌ ప్రసిద్ద్‌ కృష్ణ (Prasidh krishna) తీవ్రంగా గాయపడ్డాడు.ఆస్ట్రేలియా-ఏతో (india A vs Australia A) రెండో టెస్ట్‌ మ్యాచ్‌ సందర్భంగా బ్యాటింగ్‌ చేస్తుండగా ఈ ఘటన జరిగింది. టీమిండియా తొలి ఇన్నింగ్స్‌ 39వ ఓవర్‌లో హెన్రీ థార్న్‌టన్ సంధించిన రాకాసి బౌన్సర్ ప్రసిద్ధ్ హెల్మెట్‌ను బలంగా తాకింది.వెంటనే ఫిజియో వచ్చి కంకషన్ టెస్ట్ నిర్వహించగా, ప్రసిద్ధ్ టెస్ట్‌ను క్లియర్ చేసి బ్యాటింగ్ కొనసాగించాడు. కానీ మూడు ఓవర్ల తర్వాత అస్వస్థతకు లోనై 42వ ఓవర్‌లో రిటైర్డ్‌ హర్ట్‌గా ఫీల్డ్‌ను వీడాడు. ప్రసిద్ద్‌ మైదానాన్ని వీడే సమయానికి 25 బంతుల్లో 16 పరుగులు చేసి అజేయంగా ఉన్నాడు.కంకషన్ సబ్‌గా యశ్‌ ఠాకూర్ప్రసిద్ధ్ స్థానంలో యశ్‌ ఠాకూర్ కంకషన్ సబ్‌గా బ్యాటింగ్‌కు వచ్చాడు. ఇక ప్రసిద్ధ్ ఈ మ్యాచ్‌లో పాల్గొనడు. ఈ మ్యాచ్‌లో ప్రస్దిద్‌ తొలుత బౌలింగ్‌లో 17 ఓవర్లు వేసి ఓ వికెట్ తీశాడు.వెస్టిండీస్ సిరీస్‌ దూరం..?ప్రసిద్ద్‌ గాయం తీవ్రతపై అధికారిక సమాచారం లేనప్పటికీ.. విండీస్‌తో టెస్ట్‌ సిరీస్‌కు అతన్ని ఎంపిక చేయడం అనుమానమేనని తెలుస్తుంది. ఇంగ్లండ్‌ పర్యటనలో రాణించిన నేపథ్యంలో ఈ సిరీస్‌కు ప్రసిద్ద్‌ ఎంపిక దాదాపుగా ఖరారై ఉండింది. ఆఖరి నిమిషంలో గాయపడటంతో ప్రసిద్ద్‌ విండీస్‌ సిరీస్‌ ఆడే అవకాశాన్ని దాదాపుగా కోల్పోయినట్లే. వర్క్‌ లోడ్‌ కారణంగా ఈ సిరీస్‌కు బుమ్రాను విశ్రాంతినివ్వాలని మేనేజ్‌మెంట్‌ భావించింది. ప్రసిద్ద్‌ గాయపడిన నేపథ్యంలో బుమ్రాను విండీస్‌ సిరీస్‌లో ఆడించే అవకాశం ఉంది. బుమ్రా, ఆకాశ్‌దీప్, సిరాజ్‌తో పాటు మరో పేసర్‌ను విండీస్‌ సిరీస్‌కు ఎంపిక​ చేయవచ్చు.ఇదిలా ఉంటే, ఆస్ట్రేలియా-ఏతో జరుగుతున్న రెండో అనధికారిక టెస్ట్‌ మ్యాచ్‌లో భారత-ఏ జట్టు తడబడింది. తొలుత బ్యాటింగ్‌ చేసిన ఆసీస్‌ 420 పరుగుల భారీ స్కోర్‌ చేయగా.. భారత్‌ 194 పరుగులకే ఆలౌటైంది. 226 పరుగుల ఆధిక్యంతో రెండో ఇన్నింగ్స్‌ ప్రారంభించిన ఆసీస్‌ రెండో రోజు ఆట ముగిసే సమయానికి 16 పరుగులకే 3 వికెట్లు కోల్పోయింది. చదవండి: IND vs AUS: దారుణంగా విఫలమైన భారత జట్టు.. ఆసీస్‌కు భారీ ఆధిక్యం

ఆస్ట్రేలియా-‘ఎ’ జట్టుతో రెండో అనధికారిక టెస్టు (IND A vs AUS A)లో భారత జట్టు దారుణంగా విఫలమైంది. తొలి ఇన్నింగ్స్‌లో కేవలం 194 పరుగులే చేసి ఆలౌట్‌ అయింది. దీంతో ఆసీస్‌కు మొదటి ఇన్నింగ్స్‌ 226 పరుగుల ఆధిక్యం లభించింది.లక్నోలోని ఏకనా స్టేడియంలో ఆసీస్‌తో అనధికారిక టెస్టు సిరీస్‌ ఆడుతున్న భారత్‌-‘ఎ’ జట్టు.. తొలి మ్యాచ్‌ను డ్రా చేసుకుంది. ఈ క్రమంలో ఇరుజట్ల మధ్య ఇదే వేదికపై మంగళవారం రెండో టెస్టు మొదలైంది. టాస్‌ గెలిచిన భారత జట్టు తొలుత బౌలింగ్‌ ఎంచుకుంది.తొలిరోజు 350 ఈ క్రమంలో బ్యాటింగ్‌కు దిగిన ఆసీస్‌... లెఫ్టార్మ్‌ స్పిన్నర్‌ మానవ్‌ సుతార్‌ (5/93) ఐదు వికెట్లతో విజృంభించడంతో... తొలి రోజు ఆట ముగిసే సమయానికి 84 ఓవర్లలో 9 వికెట్ల నష్టానికి 350 పరుగులు చేసింది. జాక్‌ ఎడ్వర్డ్స్‌ (78 బంతుల్లో 88; 11 ఫోర్లు, 1 సిక్స్‌), కెప్టెన్‌ నాథన్‌ మెక్‌స్వీనీ (162 బంతుల్లో 74; 10 ఫోర్లు) హాఫ్‌ సెంచరీలు చేశారు. ఎడ్వర్డ్స్‌ ధనాధన్‌ షాట్‌లతో రెచ్చిపోగా... మెక్‌స్వీనీ సంయమనం పాటిస్తూ అచ్చమైన టెస్టు ఇన్నింగ్స్‌ ఆడాడు. ఓపెనర్‌ స్యామ్‌ కొన్‌స్టాస్‌ (91 బంతుల్లో 49, 7 ఫోర్లు), వికెట్‌ కీపర్‌ జోష్‌ ఫిలిప్‌ (33 బంతుల్లో 39; 5 ఫోర్లు) కూడా రాణించారు.420 పరుగులకు ఆలౌట్‌ఒలీవర్‌ పీక్‌ (29 6 ఫోర్లు), టాడ్‌ మార్ఫీ (29 బ్యాటింగ్‌; 5 ఫోర్లు) విలువైన పరుగులు జోడించారు. ఈ క్రమంలో 350/9తో ఓవర్‌ నైట్‌ స్కోరుతో బుధవారం ఆట మొదలుపెట్టిన ఆసీస్‌.. 420 పరుగుల వద్ద ఆలౌట్‌ అయింది.దారుణంగా విఫలమైన టీమిండియా స్టార్లుఅనంతరం తొలి ఇన్నింగ్స్‌ మొదలుపెట్టిన భారత్‌-‘ఎ’ 194 పరుగులకే కుప్పకూలింది. ఓపెనర్లలో కేఎల్‌ రాహుల్‌ (11) విఫలం కాగా.. నారాయణ్‌ జగదీశన్‌ 38 పరుగులతో ఫర్వాలేదనిపించాడు. అయితే, దేవ్‌దత్‌ పడిక్కల్‌ (1), కెప్టెన్‌ ధ్రువ్‌ జురెల్‌ (1), నితీశ్‌ కుమార్‌ రెడ్డి (1) దారుణంగా ఫెయిల్‌ కావడంతో భారత్‌ చిక్కుల్లో పడింది.ఈ క్రమంలో వన్‌డౌన్‌ బ్యాటర్‌ సాయి సుదర్శన్‌ 140 బంతులు ఓపికగా ఆడి 75 పరుగులతో ఒంటరి పోరాటం చేశాడు. కానీ టాడ్‌ మర్ఫీ బౌలింగ్‌లో లెగ్‌ బిఫోర్‌ వికెట్‌గా వెనుదిరిగాడు. మిగతా వారిలో ఆయుశ్‌ బదోని (21) ఒక్కడే చెప్పుకోదగ్గ స్కోరు చేయగా.. ప్రసిద్‌ కృష్ణ 16 పరుగుల వ్యక్తిగత స్కోరు వద్ద రిటైర్డ్‌ హర్ట్‌గా వెనుదిరిగాడు.శ్రేయస్‌స్థానంలో సారథిగా జురెల్‌ ఆసీస్‌-‘ఎ’ బౌలర్లలో హెన్రీ థార్న్‌టన్‌ నాలుగు వికెట్లు పడగొట్టగా.. టామ్‌ మర్ఫీ రెండు, క్యారీ రొసిచిల్లి, కూపర్‌ కన్నోలి ఒక్కో వికెట్‌ తమ ఖాతాలో వేసుకున్నారు. ఇక రెండో అనధికారిక టెస్టులో భారత ‘ఎ’జట్టు పలు మార్పులతో బరిలోకి దిగిన విషయం తెలిసిందే. ఇరు జట్ల మధ్య జరిగిన తొలి టెస్టు ‘డ్రా’గా ముగియగా... అందులో భారత ‘ఎ’జట్టు సారథిగా వ్యవహరించిన శ్రేయస్‌ అయ్యర్‌ ఈ మ్యాచ్‌లో ఆడలేదు. దీంతో అతడి స్థానంలో ధ్రువ్‌ జురేల్‌ సారథ్య బాధ్యతలు అందుకోగా... జగదీశన్‌ వికెట్‌ కీపర్‌గా వ్యవహరిస్తున్నాడు.సీనియర్‌ బ్యాటర్‌ కేఎల్‌ రాహుల్‌ జట్టుతో చేరాడు. ఇంగ్లండ్‌ పర్యటనలో దుమ్మురేపిన హైదరాబాదీ పేసర్‌ మహ్మద్‌ సిరాజ్‌... కాస్త విశ్రాంతి తర్వాత తిరిగి మైదానంలో అడుగు పెట్టాడు. మరోవైపు ఇంగ్లండ్‌ టూర్‌లో గాయపడిన ఆంధ్ర పేస్‌ ఆల్‌రౌండర్‌ నితీశ్‌ కుమార్‌ రెడ్డి... సాధికారికంగా బౌలింగ్‌ చేశాడు. తొలి రోజు 8 ఓవర్లు వేసిన అతడు 16 పరుగులిచ్చి వికెట్‌ పడగొట్టలేకపోగా... బుధవారం నాటి ఆటలో బౌలింగ్‌ చేయాల్సిన అవసరమే రాలేదు. ఇక సిరాజ్‌ 73 పరుగులు ఇచ్చి ఒక వికెట్‌ ఖాతాలో వేసుకున్నాడు. ప్రసిధ్‌ కృష్ణ ఒక వికెట్‌ తీయగా... గుర్‌నూర్‌ బ్రార్‌ మూడు వికెట్లు పడగొట్టాడు.భారత్‌-‘ఎ’ వర్సెస్‌ ఆసీస్‌-‘ఎ’ స్కోర్లు👉ఆసీస్‌ తొలి ఇన్నింగ్స్‌: 420👉భారత్‌ తొలి ఇన్నింగ్స్‌: 194👉ఆసీస్‌కు తొలి ఇన్నింగ్స్‌లో 226 పరుగుల ఆధిక్యంచదవండి: ప్రపంచ రికార్డు బద్దలు కొట్టిన వైభవ్‌ సూర్యవంశీ

ఆస్ట్రేలియా-‘ఎ’ జట్టుతో రెండో అనధికారిక టెస్టులో టీమిండియా సీనియర్‌ క్రికెటర్‌ కేఎల్‌ రాహుల్‌ (KL Rahul) విఫలమయ్యాడు. భారత్‌-‘ఎ’ తరఫున ఓపెనర్‌గా బరిలోకి దిగిన ఈ కుడిచేతి వాటం బ్యాటర్‌.. స్వల్ప స్కోరుకే వెనుదిరిగాడు.కాగా వెస్టిండీస్‌తో టెస్టు సిరీస్‌ నేపథ్యంలో కేఎల్‌ రాహుల్‌, మహ్మద్‌ సిరాజ్‌.. ప్రాక్టీస్‌ కోసం భారత్‌-‘ఎ’ జట్టులో చేరిన విషయం తెలిసిందే. ఆసీస్‌ (IND A vs AUS A)తో రెండో అనధికారిక టెస్టు సందర్భంగా వీరిద్దరు ఎంట్రీ ఇచ్చారు. లక్నోలోని ఏకనా స్టేడియం వేదికగా మంగళవారం మొదలైన ఈ మ్యాచ్‌లో టాస్‌ గెలిచిన భారత్‌.. తొలుత బౌలింగ్‌ ఎంచుకుంది.ఆసీస్‌ భారీ స్కోరుఈ క్రమంలో బ్యాటింగ్‌కు దిగిన ఆసీస్‌ 97.2 ఓవర్లలో 420 పరుగులు చేసి ఆలౌట్‌ అయింది. ఓపెనర్‌ సామ్‌ కొన్‌స్టాస్‌ (49), వికెట్‌ కీపర్‌ బ్యాటర్‌ జోష్‌ ఫిలిప్‌ 39 పరుగులతో ఫర్వాలేదనిపించగా.. కెప్టెన్‌ నాథన్‌ మెక్‌స్వీన్‌ భారీ అర్ధ శతకం (74)తో రాణించాడు. మిగతా జాక్‌ ఎడ్డర్డ్స్‌ 88 పరుగులు, టాడ్‌ మర్ఫీ 76 పరుగులతో సత్తా చాటగా.. హెన్రీ థార్న్‌టన్‌ 32 పరుగులతో అజేయంగా నిలిచాడు.ఐదేసిన మానవ్‌ సుతార్‌భారత బౌలర్లలో యువ స్పిన్నర్‌ మానవ్‌ సుతార్‌ ఐదు వికెట్లతో చెలరేగగా.. పేసర్‌ గుర్నూర్‌ బ్రార్‌ మూడు వికెట్లు పడగొట్టాడు. ప్రసిద్‌ కృష్ణ, సిరాజ్‌ ఒక్కో వికెట్‌ తమ ఖాతాలో వేసుకున్నారు.భారత్‌కు ఆదిలోనే ఎదురుదెబ్బకాగా బుధవారం నాటి రెండో రోజు ఆటలో భాగంగా 350/3 ఓవర్‌నైట్‌ స్కోరుతో ఆట మొదలుపెట్టిన ఆసీస్‌.. మరో డెబ్బై పరుగులు జతచేసి ఆలౌట్‌ అయింది. ఈ క్రమంలో తొలి ఇన్నింగ్స్‌కు మొదలు పెట్టిన భారత్‌కు ఆదిలోనే ఎదురుదెబ్బ తగిలింది.రాహుల్‌ ఫెయిల్‌ఓపెనర్‌గా వచ్చిన సీనియర్‌ బ్యాటర్‌ కేఎల్‌ రాహుల్‌ను ఆసీస్‌ యువ పేసర్‌ విల్‌ సదర్లాండ్‌ బోల్తా కొట్టించాడు. అతడి బౌలింగ్‌లో వికెట్‌ కీపర్‌ జోష్‌ ఫిలిప్‌కు క్యాచ్‌ ఇచ్చి రాహుల్‌ వెనుదిరిగాడు. మొత్తంగా 24 బంతులు ఎదుర్కొన్న రాహుల్‌ ఒకే ఒక్క ఫోర్‌ బాది.. 11 పరుగులు చేసి నిష్క్రమించాడు.ఈ నేపథ్యంలో భోజన విరామ సమయానికి భారత్‌ పది ఓవర్లలో వికెట్‌ నష్టానికి 38 పరుగులు చేసింది. ఆసీస్‌ తొలి ఇన్నింగ్స్‌ కంటే ఇంకా 382 పరుగులు వెనుకబడి ఉంది.ఇక లంచ్‌ ముగిసిన వెంటనే భారత్‌ రెండో వికెట్‌ కోల్పోయింది. 38 పరుగుల వ్యక్తిగత స్కోరు వద్ద మరో ఓపెనర్‌ నారాయణ్‌ జగదీశన్‌ థార్న్‌టన్‌ బౌలింగ్‌లో సదర్లాండ్‌కు క్యాచ్‌ ఇచ్చి అవుటయ్యాడు. 14 ఓవర్ల ఆట పూర్తయ్యేసరికి సాయి సుదర్శన్‌ 4, దేవ్‌దత్‌ పడిక్కల్‌ ఒక పరుగుతో క్రీజులో ఉన్నారు. భారత్‌ స్కోరు: 61-2.ఆస్ట్రేలియా-‘ఎ’తో రెండో అనధికారిక టెస్టుకు భారత్‌-‘ఎ’ తుది జట్టు నారాయణ్‌ జగదీశన్, కేఎల్‌ రాహుల్, సాయి సుదర్శన్, దేవదత్ పడిక్కల్, నితీశ్‌ కుమార్ రెడ్డి, ధ్రువ్ జురెల్ (కెప్టెన్‌- వికెట్‌ కీపర్‌), ఆయుష్ బదోని, ప్రసిద్ధ్ కృష్ణ, మహ్మద్‌ సిరాజ్, గుర్నూర్‌ బ్రార్, మానవ్ సుతార్.చదవండి: బీసీసీఐకి శ్రేయస్‌ అయ్యర్‌ లేఖ!.. ఇకపై నేను...

టీమిండియా స్టార్‌ క్రికెటర్‌ శ్రేయస్‌ అయ్యర్‌ (Shreyas Iyer) భారత్‌- ‘ఎ’ జట్టు కెప్టెన్‌గా వైదొలగడం క్రికెట్‌ వర్గాల్లో హాట్‌టాపిక్‌గా మారింది. చాన్నాళ్లుగా టెస్టుల్లో పునరాగమనం కోసం వేచి చూస్తున్న ఈ ముంబైకర్‌కు ‘ఎ’ జట్టు సారథిగా భారత క్రికెట్‌ నియంత్రణ మండలి (BCCI) సువర్ణావకాశం ఇచ్చింది.ఆస్ట్రేలియా- ‘ఎ’తో అనధికారిక టెస్టులుకాగా ప్రపంచ టెస్టు చాంపియన్‌షిప్‌ 2025-27 (WTC)లో భాగంగా టీమిండియా.. అక్టోబరులో స్వదేశంలో వెస్టిండీస్‌ (IND vs WI)తో రెండు మ్యాచ్‌లు ఆడనుంది. అయితే, విండీస్‌తో సిరీస్‌కు ముందు భారత్‌- ‘ఎ’- ఆస్ట్రేలియా- ‘ఎ’ మధ్య రెండు అనధికారిక టెస్టు మ్యాచ్‌లకు షెడ్యూల్‌ ఖరారైంది. వెస్టిండీస్‌తో సిరీస్‌కు ముందు సన్నాహకంగా ఈ సిరీస్‌ ఉపయోగపడనుంది.ఈ నేపథ్యంలో శ్రేయస్‌ అయ్యర్‌ను కెప్టెన్‌ను చేసిన బీసీసీఐ.. ధ్రువ్‌ జురెల్‌ (Dhruv Jurel), సాయి సుదర్శన్‌, నితీశ్‌ కుమార్‌ రెడ్డి వంటి యువ టీమిండియా స్టార్లను కూడా ఎంపిక చేసింది. ఇక రెండో టెస్టులో భాగంగా టీమిండియా సీనియర్లు కేఎల్‌ రాహుల్‌, మహ్మద్‌ సిరాజ్‌ కూడా భారత్‌-‘ఎ’ జట్టులో చేరారు.కెప్టెన్సీతో పాటు జట్టు నుంచీ తప్పుకొన్నాడుఅయితే, తొలి టెస్టులో విఫలమైన శ్రేయస్‌ అయ్యర్‌(8).. రెండో టెస్టు ఆరంభానికి కొన్ని గంటల ముందే కెప్టెన్సీతో పాటు జట్టు నుంచీ వైదొలిగాడు. ఈ క్రమంలో అతడు బీసీసీఐకి ఓ లేఖ రాసినట్లు తెలుస్తోంది. ఇండియన్‌ ఎక్స్‌ప్రెస్‌ కథనం ప్రకారం..‘‘శ్రేయస్‌ అయ్యర్‌ రెడ్‌ బాల్‌ క్రికెట్‌ నుంచి విరామం తీసుకోవాలని భావించాడు. ఇదే విషయాన్ని సెలక్టర్లకు చెప్పాడు. రానున్న కొన్ని నెలల పాటు అతడు టెస్టు ఫార్మాట్‌కు దూరంగా ఉండబోతున్నాడు.కారణం ఇదేవెన్నునొప్పి కారణంగా తన శరీరం నాలుగు కంటే ఎక్కువ రోజులు ఫీల్డింగ్‌ చేసేందుకు సిద్ధంగా లేదని చెప్పాడు. అందుకే ఇప్పట్లో టెస్టు క్రికెట్‌ను పూర్తి స్థాయిలో ఆడలేనని స్పష్టం చేశాడు. కాబట్టి సెలక్టర్లు ఇందుకు తగినట్లుగానే అతడి విషయంలో నిర్ణయం తీసుకుంటారు’’ అని విశ్వసనీయ వర్గాలు తెలిపాయి.గతంలో బీసీసీఐ వేటుఫలితంగా వెస్టిండీస్‌తో సిరీస్‌కు కూడా శ్రేయస్‌ అయ్యర్‌ దూరమైనట్లు తెలుస్తోంది. కాగా గతేడాది కూడా శ్రేయస్‌ అయ్యర్‌ వెన్నునొప్పితో బాధపడిన విషయం తెలిసిందే. ఈ క్రమంలో రంజీ ట్రోఫీ మ్యాచ్‌లకు దూరం కాగా... బీసీసీఐ అతడిపై వేటు వేసింది. ఫిట్‌గానే ఉన్నా అబద్దం చెప్పాడని.. దేశీ క్రికెట్‌ తప్పనసరిగా ఆడాలన్న నిబంధనను ఉల్లంఘించాడని పేర్కొంటూ సెంట్రల్‌ కాంట్రాక్టు నుంచి తప్పించింది. అయితే, ఆ తర్వాత అనూహ్య రీతిలో పుంజుకున్న శ్రేయస్‌ అయ్యర్‌ దేశీ క్రికెట్‌లో మూడు ఫార్మాట్లలోనూ అదరగొట్టాడు. అనూహ్య రీతిలో పుంజుకునిముఖ్యంగా కెప్టెన్‌గా ఐపీఎల్‌-2024లో కోల్‌కతా నైట్‌ రైడర్స్‌ను చాంపియన్‌గా నిలిపిన అయ్యర్‌.. ఈ ఏడాది పంజాబ్‌ కింగ్స్‌ను ఫైనల్‌కు చేర్చాడు. బ్యాటర్‌గానూ పొట్టి ఫార్మాట్లో ఇరగదీశాడు.ఐసీసీ చాంపియన్స్‌ట్రోఫీ-2025 (వన్డే)లోనూ టీమిండియా తరఫున సత్తా చాటి టాప్‌ రన్‌ స్కోరర్‌గా నిలిచాడు. అయితే, ఆసియా కప్‌ టీ20- 2025 టోర్నీకి మాత్రం సెలక్టర్లు అయ్యర్‌ను ఎంపిక చేయలేదు. భవిష్యత్తు ప్రశ్నార్థకందీంతో బోర్డు తీరుపై విమర్శలు రాగా.. భారత్‌ -‘ఎ’ కెప్టెన్‌గా ఛాన్స్‌ ఇచ్చింది. కానీ శ్రేయస్‌ అయ్యర్‌ తనకు తానుగా తప్పుకొని మరోసారి భవిష్యత్తును ప్రశ్నార్థకం చేసుకున్నాడు. కాగా అయ్యర్‌ గత ఏడాది స్వదేశంలో ఇంగ్లండ్‌తో సిరీస్‌ సందర్భంగా చివరి టెస్టు ఆడాడు.చదవండి: ఆస్ట్రేలియాతో రెండో టెస్ట్‌.. చెలరేగిన టీమిండియా యువ ప్లేయర్‌

భారత్‌-ఏ, ఆస్ట్రేలియా-ఏ (India A vs Australia A) జట్ల మధ్య లక్నోలోని ఎకానా స్టేడియంలో ఇవాళ (సెప్టెంబర్‌ 23) నాలుగు రోజుల అనధికారిక టెస్ట్‌ మ్యాచ్‌ మొదలైంది. ఈ మ్యాచ్‌కు కొన్ని గంటల ముందు భారత-ఏ కెప్టెన్సీ నుంచి శ్రేయస్‌ అయ్యర్‌ (Shreyas Iyer) తప్పుకున్నాడు. ఆటగాడిగానూ పాల్గొనకూడదని నిర్ణయించుకున్నాడు. దీంతో భారత మేనేజ్‌మెంట్‌ వికెట్‌కీపర్‌ బ్యాటర్‌ ధృవ్‌ జురెల్‌ను (Dhruv Jurel) కెప్టెన్‌గా నియమించింది. ఈ మ్యాచ్‌లో టాస్‌ గెలిచిన జురెల్‌ తొలుత ఫీల్డింగ్‌ ఎంచుకున్నాడు.రాణించిన మెక్‌స్వీనీ, జాక్‌ ఎడ్వర్డ్స్‌తొలుత బ్యాటింగ్‌ చేసిన ఆసీస్‌ తొలి రోజు ఆట ముగిసే సమయానికి 9 వికెట్ల నష్టానికి 350 పరుగులు చేసింది. కెప్టెన్‌ నాథన్‌ మెక్‌స్వీనీ (74), జాక్‌ ఎడ్వర్డ్స్‌ (88) అర్ద సెంచరీలతో రాణించారు. స్టార్‌ ఓపెనర్‌ సామ్‌ కొన్‌స్టాస్‌ (49) తృటిలో హాఫ్‌ సెంచరీ మిస్‌ అయ్యాడు. వికెట్‌కీపర్‌ జోష్‌ ఫిలిప్‌ (39) పర్వాలేదనిపించాడు. ఆట ముగిసే సమయానికి టాడ్‌ మర్ఫీ (29), హెన్రీ థార్న్టన్‌ (10) క్రీజ్‌లో ఉన్నారు.ఐదేసిన యువ స్పిన్నర్‌భారత బౌలర్లలో యువ స్పిన్నర్‌ మానవ్‌ సుతార్‌ (Manav Suthar) అద్భుతంగా బౌలింగ్‌ చేశాడు. 28 ఓవర్లలో 93 పరుగులిచ్చి 5 వికెట్లు పడగొట్టాడు. సుతార్‌తో పాటు గుర్నూర్‌ బ్రార్‌ (13-0-71-2), ప్రసిద్ద్‌ కృష్ణ (13-3-63-1), మొహమ్మద్‌ సిరాజ్‌ (13-1-73-1) వికెట్లు తీశారు. నితీశ్‌ కుమార్‌ రెడ్డి, ఆయుశ్‌ బదోనికి వికెట్లు దక్కలేదు. ఈ మ్యాచ్‌లో టీమిండియా ఆటగాళ్లు కేఎల్‌ రాహుల్‌, మొహమ్మద్‌ సిరాజ్‌, నితీశ్‌ కుమార్‌ రెడ్డి భారత్‌-ఏ తరఫున బరిలోకి దిగారు.చదవండి: దిగ్గజ క్రికెట్‌ అంపైర్‌ హెరాల్డ్‌ డికీ బర్డ్‌ కన్నుమూత

భారత్‌-‘ఎ’- ఆస్ట్రేలియా-‘ఎ’ జట్ల (IND A vs AUS A) మధ్య మంగళవారం రెండో అనధికారిక టెస్టు మొదలైంది. లక్నోలోని భారత రత్ర శ్రీ అటల్‌ బిహారీ వాజ్‌పేయి ఏకనా క్రికెట్‌ స్టేడియం ఇందుకు వేదిక. భారత కెప్టెన్‌ శ్రేయస్‌ అయ్యర్‌ (Shreyas Iyer) జట్టు నుంచి వైదొలగడంతో అతడి స్థానంలో టీమిండియా వికెట్‌ కీపర్‌ బ్యాటర్‌ ధ్రువ్‌ జురెల్‌ (Dhruv Jurel) సారథిగా బాధ్యతలు చేపట్టాడు.ఇదిలా ఉంటే.. వెస్టిండీస్‌తో స్వదేశంలో టెస్టు సిరీస్‌ నేపథ్యంలో టీమిండియా సీనియర్లు కేఎల్‌ రాహుల్‌, మహ్మద్‌ సిరాజ్‌ కూడా ఆసీస్‌-‘ఎ’తో మ్యాచ్‌లో బరిలోకి దిగారు. ఈ టెస్టులో టాస్‌ గెలిచిన ఆతిథ్య భారత్‌ తొలుత బౌలింగ్‌ ఎంచుకుంది.ఆదిలోనే షాక్‌ఈ క్రమంలో బ్యాటింగ్‌కు దిగిన ఆసీస్‌కు.. పేసర్‌ ప్రసిద్‌ కృష్ణ ఆదిలోనే షాకిచ్చాడు. ఓపెనర్‌ కాంప్‌బెల్‌ కెల్లావేను తొమ్మిది పరుగులకే పరిమితం చేశాడు. ప్రసిద్‌ బౌలింగ్‌లో షాట్‌ ఆడేందుకు ప్రయత్నించిన కెల్లావే సాయి సుదర్శన్‌కు క్యాచ్‌ ఇచ్చి పెవిలియన్‌ చేరాడు.అయితే, మరో ఓపెనర్‌, తొలి టెస్టులో సెంచరీ బాదిన సామ్‌ కొన్‌స్టాస్‌ మాత్రం క్రీజులో పాతుకుపోయే ప్రయత్నం చేశాడు. కెప్టెన్‌ నాథన్‌ మెక్‌స్వీనీతో కలిసి స్కోరు బోర్డును ముందుకు నడిపించాడు. ఈ క్రమంలో ఇద్దరూ హాఫ్‌ సెంచరీలకు చేరువైన వేళ.. ఈ జంటను విడదీయడానికి భారత బౌలర్లు ప్రయత్నించారు.కొన్‌స్టాస్‌ను అవుట్‌ చేసిన సిరాజ్‌ఈ నేపథ్యంలో భోజన విరామ సమయం తర్వాత సిరాజ్‌ ఈ ప్రయత్నంలో సఫలమయ్యాడు. అర్ధ శతకానికి ఒక పరుగు దూరంలో ఉన్నవేళ కొన్‌స్టాస్‌ను అవుట్‌ చేశాడు. సిరాజ్‌ బౌలింగ్‌లో వికెట్‌ కీపర్‌ క్యాచ్‌గా కొన్‌స్టాస్‌ వెనుదిరిగాడు. మొత్తంగా 91 బంతులు ఎదుర్కొన్న ఈ కుడిచేతి వాటం బ్యాటర్‌ ఏడు ఫోర్ల సాయంతో 49 పరుగులు చేశాడు.తొలి టెస్టులో ఇరగదీసిన ఇరు జట్ల బ్యాటర్లుకాగా భారత్‌తో తొలి అనధికారిక టెస్టులో సామ్‌ కొన్‌స్టాస్‌ సెంచరీ (109) చేసిన విషయం తెలిసిందే. ఇక మరో ఓపెనర్‌ కాంప్‌బెల్‌ కెల్లావే (88), ఆల్‌రౌండర్‌ కూపర్‌ కన్నోలి (70), లియామ్‌ స్కాట్‌ (81) హాఫ్‌ సెంచరీలతో అదరగొట్టగా.. వికెట్‌ కీపర్‌ బ్యాటర్‌ జోష్‌ ఫిలిప్‌ అజేయ శతకం (123)తో దుమ్ములేపాడు. దీంతో 98 ఓవర్లలో ఆరు వికెట్ల నష్టానికి 532 పరుగుల భారీ స్కోరు వద్ద ఆసీస్‌ తమ తొలి ఇన్నింగ్స్‌ డిక్లేర్‌ చేసింది.ఇందుకు భారత్‌ కూడా ధీటుగా బదులిచ్చింది. నారాయణ్‌ జగదీశన్‌ (64), సాయి సుదర్శన్‌ (73) అర్ధ శతకాలతో ఆకట్టుకోగా.. దేవ్‌దత్‌ పడిక్కల్‌ (150), ధ్రువ్‌ జురెల్‌ (140) భారీ శతకాలతో చెలరేగారు. ఈ క్రమంలో 141.1 ఓవర్ల వద్ద ఏడు వికెట్ల నష్టానికి 531 పరుగులు చేసి భారత్‌ తమ ఇన్నింగ్స్‌ డిక్లేర్‌ చేసింది. అయితే, ఆ తర్వాత చివరి రోజు వర్షం వల్ల ఆటకు అంతరాయం కలిగించింది. అప్పటికి ఆసీస్‌ వికెట్‌ నష్టపోకుండా 56 పరుగులు చేసింది. దీంతో ఫలితం తేలలేదు. మ్యాచ్‌ డ్రాగా ముగిసింది.ఆసీస్‌ కెప్టెన్‌ అర్ధ శతకంఇక రెండో అనధికారిక టెస్టులో తొలిరోజు 42 ఓవర్ల ఆట ముగిసే సరికి ఆసీస్‌ రెండు వికెట్ల నష్టానికి 137 పరుగులు చేసింది. సామ్‌ కొన్‌స్టాస్‌ (49) ఫర్వాలేదనిపించగా.. కాంప్‌బెల్‌ కెల్లావే (9) నిరాశపరిచాడు. కెప్టెన్‌ మెక్‌స్వీనీ అర్ధ శతకం (50), ఓలీవర్‌ పీక్‌ 25 పరుగులతో క్రీజులో నిలిచారు. చదవండి: IND vs AUS: శ్రేయస్‌ అయ్యర్‌ అనూహ్య నిర్ణయం.. కారణం?

టీమిండియా క్రికెటర్‌ శ్రేయస్‌ అయ్యర్‌ (Shreyas Iyer) అనూహ్య నిర్ణయం తీసుకున్నాడు. భారత్‌-‘ఎ’ కెప్టెన్సీతో పాటు.. జట్టు నుంచి కూడా వైదొలిగాడు. కాగా భారత జట్టు స్వదేశంలో ప్రస్తుతం ఆస్ట్రేలియా-‘ఎ’ జట్టు (IND A vs AUS A)తో రెండు అనధికారిక టెస్టు సిరీస్‌లు ఆడుతున్న విషయం తెలిసిందే.ఈ నేపథ్యంలో భారత్‌-‘ఎ’ జట్టు కెప్టెన్‌గా భారత క్రికెట్‌ నియంత్రణ మండలి (BCCI) శ్రేయస్‌ అయ్యర్‌ను నియమించింది. లక్నోలోని ఏకనా స్టేడియంలో అతడి సారథ్యంలో ఆసీస్‌తో తొలి అనధికారిక టెస్టును భారత్‌ డ్రా చేసుకుంది. కెప్టెన్సీకి, జట్టుకు గుడ్‌బైఅయితే, బ్యాటర్‌గా మాత్రం అయ్యర్‌ విఫలమయ్యాడు. ఐదో స్థానంలో బ్యాటింగ్‌కు వచ్చి 13 బంతులు ఎదుర్కొన్న ఈ కుడిచేతి వాటం బ్యాటర్‌.. కేవలం ఎనిమిది పరుగులు మాత్రమే చేసి నిష్క్రమించాడు.ఇక భారత్‌- ఆసీస్‌ మధ్య లక్నోలో మంగళవారం రెండో అనధికారిక టెస్టు మొదలుకాగా.. మ్యాచ్‌ ఆరంభానికి ముందు శ్రేయస్‌ అయ్యర్‌ కెప్టెన్సీ నుంచి వైదొలిగాడు. అంతేకాదు.. జట్టుకు కూడా దూరమయ్యాడు. ఈ విషయం గురించి విశ్వసనీయ వర్గాలు టైమ్స్‌ ఆఫ్‌ ఇండియాతో మాట్లాడుతూ..సెలక్టర్లకు సమాచారం‘‘శ్రేయస్‌ విరామం తీసుకున్నాడు. అతడు ముంబైకి తిరిగి వెళ్లిపోయాడు. ఆస్ట్రేలియా- ఎ జట్టుతో రెండో మ్యాచ్‌లో ఆడలేనని అయ్యర్‌ సెలక్టర్లకు సమాచారం ఇచ్చాడు. అయినప్పటికీ వెస్టిండీస్‌తో సొంతగడ్డపై జరిగే టెస్టు సిరీస్‌కు ఎంపిక చేసే జట్టులో మిడిలార్డర్‌ బ్యాటర్‌గా అతడు పోటీలోనే ఉంటాడు’’ అని పేర్కొన్నాయి. కాగా వ్యక్తిగత కారణాల వల్లే శ్రేయస్‌ అనూహ్యంగా ఈమేరకు నిర్ణయం తీసుకున్నట్లు తెలుస్తోంది. ఏదేమైనా భారత టెస్టు జట్టులోకి పునరాగమనం చేయాలని పట్టుదలగా ఉన్న శ్రేయస్‌.. ఓవైపు వరుస వైఫల్యాల నేపథ్యంలో ఇలాంటి నిర్ణయం తీసుకోవడం ఎక్కడికి దారితీస్తుందోనని అభిమానులు ఆందోళన చెందుతున్నారు.కెప్టెన్‌గా ధ్రువ్‌ జురెల్‌ఇక శ్రేయస్‌ అయ్యర్‌ జట్టును వీడటంతో వికెట్‌ కీపర్‌ బ్యాటర్‌ ధ్రువ్‌ జురెల్‌ కెప్టెన్‌గా బాధ్యతలు చేపట్టాడు. ఇదిలా ఉంటే.. ఆసీస్‌తో రెండో టెస్టు సందర్భంగా టీమిండియా సీనియర్‌ బ్యాటర్‌ కేఎల్‌ రాహుల్‌తో పాటు స్టార్‌ పేసర్‌ మహ్మద్‌ సిరాజ్‌ జట్టులోకి వచ్చారు. తెలుగు కుర్రాడు, ఆల్‌రౌండర్‌ నితీశ్‌కుమార్‌ రెడ్డి కూడా తుదిజట్టులో చోటు దక్కించుకున్నాడు.ఆసీస్‌-‘ఎ’తో రెండో అనధికారిక టెస్టుకు భారత్‌-‘ఎ’ తుది జట్టు ఇదేనారాయణ్‌ జగదీశన్, కేఎల్‌ రాహుల్, సాయి సుదర్శన్, దేవదత్ పడిక్కల్, నితీశ్‌ కుమార్ రెడ్డి, ధ్రువ్ జురెల్ (కెప్టెన్‌- వికెట్‌ కీపర్‌), ఆయుష్ బదోని, ప్రసిద్ధ్ కృష్ణ, మహ్మద్‌ సిరాజ్, గుర్నూర్‌ బ్రార్, మానవ్ సుతార్.చదవండి: ఫ్రాంఛైజీ సహ యజమానిగా కేఎల్‌ రాహుల్‌

భారత్‌ ఏ, ఆస్ట్రేలియా ఏ జట్ల మధ్య లక్నోలోని ఎకానా స్టేడియం వేదికగా జరిగిన తొలి అనధికారిక నాలుగు రోజుల టెస్ట్‌ మ్యాచ్‌ డ్రాగా ముగిసింది. ఫలితం తేలే అవకాశం లేకపోవడంతో నాలుగో రోజైన ఇవాళ (సెప్టెంబర్‌ 19) నిర్దేశిత సమయం​ కంటే ముందుగానే మ్యాచ్‌ను ముగించారు.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆసీస్‌.. 6 వికెట్ల నష్టానికి 532 పరుగులు చేసి ఇన్నింగ్స్‌ను డిక్లేర్‌ చేసింది. ఓపెనర్‌ సామ్‌ కొన్‌స్టాస్‌ (109), వికెట్‌ కీపర్‌ జోష్‌ ఫిలిప్‌ (123 నాటౌట్‌) సెంచరీలతో కదంతొక్కగా.. క్యాంప్‌బెల్‌ కెల్లావే (88), కూపర్‌ కన్నోల్లీ (70), లియమ్‌ స్కాట్‌ (81) సెంచరీలకు చేరువై ఔటయ్యారు. భారత బౌలర్లలో హర్ష్‌ దూబే 3, గుర్నూర్‌ బ్రార్‌ 2, ఖలీల్‌ అహ్మద్‌ ఓ వికెట్‌ తీశారు.అనంతరం బరిలోకి దిగిన భారత్‌ ఆసీస్‌కు ధీటుగా జవాబిచ్చింది. ఆధిక్యం సాధించే అవకాశం ఉన్నా.. ఆసీస్‌ తొలి ఇన్నింగ్స్‌ స్కోర్‌కు ఒక్క పరుగు ముందుగానే ఇన్నింగ్స్‌ను డిక్లేర్‌ చేసింది. భారత్‌ తొలి ఇన్నింగ్స్‌లో 7 వికెట్లు కోల్పోయి 531 పరుగులు చేసింది.ధృవ్‌ జురెల్‌ (197 బంతుల్లో 140; 13 ఫోర్లు, 4 సిక్సర్లు), దేవ్‌దత్ పడిక్కల్‌ (281 బంతుల్లో 150; 14 ఫోర్లు, సిక్స్‌) అద్బుత శతకాలతో కదంతొక్కగా.. సాయి సుదర్శన్‌ (73), ఎన్‌ జగదీసన్‌ (64) అర్ద సెంచరీలతో రాణించారు. భారత ఇన్నింగ్స్‌లో కెప్టెన్‌ శ్రేయస్‌ అయ్యర్‌ (8) ఒక్కడే విఫలమయ్యాడు.ఒక్క పరుగు లీడ్‌తో రెండో ఇన్నింగ్స్‌ ప్రారంభించిన ఆసీస్‌.. 16 ఓవర్లలో వికెట్‌ నష్టపోకుండా 56 పరుగులు చేసింది. సామ్‌ కొన్‌స్టాస్‌ 27, క్యాంప్‌బెల్‌ కెల్లావే 24 పరుగులతో అజేయంగా ఉన్నారు. ఈ దశలో మ్యాచ్‌ను డ్రాగా ప్రకటించారు. ఇరు జట్ల మధ్య రెండో టెస్ట్‌ ఇదే వేదికగా సెప్టెంబర్‌ 23-26 మధ్య జరుగనుంది.కాగా, ఆస్ట్రేలియా-ఏ జట్టు రెండు అనధి​కారిక టెస్ట్‌ మ్యాచ్‌లు.. 3 అనధికారిక వన్డేల కోసం భారత్‌లో పర్యటిస్తుంది. వన్డేలు సెప్టెంబర్‌ 30, అక్టోబర్‌ 3, 5 తేదీల్లో కాన్పూర్‌ వేదికగా జరుగనున్నాయి.

అనధికారిక తొలి టెస్టులో ఆస్ట్రేలియా-‘ఎ’ జట్టుకు భారత్‌-‘ఎ’ జట్టు ధీటుగా బదులిచ్చింది. ధ్రువ్‌ జురెల్‌ (Dhruv Jurel), దేవ్‌దత్‌ పడిక్కల్‌ (Devdutt Padikkal) భారీ శతకాలతో చెలరేగడంతో జట్టు పటిష్ట స్థితికి చేరుకుంది. అయితే, ఆసీస్‌ ఇన్నింగ్స్‌ కంటే ఒకే ఒక్క పరుగు వెనుకబడి ఉన్నవేళ భారత జట్టు తమ స్కోరును డిక్లేర్‌ చేయడం విశేషం.లక్నోలోని ఏకనా స్టేడియం వేదికగా మంగళవారం మొదలైన తొలి టెస్టులో టాస్‌ ఓడిన భారత్‌.. తొలుత బౌలింగ్‌ చేసింది. అయితే, భారత బౌలర్ల వైఫల్యం కారణంగా ఆసీస్‌ బ్యాటర్లు ఆకాశమే హద్దుగా చెలరేగారు.ఆసీస్‌ @532ఓపెనర్‌ సామ్‌ కొన్‌స్టాస్‌ (109), వికెట్‌ కీపర్‌ బ్యాటర్‌ జోష్‌ ఫిలిప్‌ (123 నాటౌట్‌) శతకాలతో చెలరేగగా.. మరో ఓపెనర్‌ కాంపెబెల్‌ కెల్లావే (88).. ఆల్‌రౌండర్లు కూపర్‌ కన్నోలి (70), లియామ్‌ స్కాట్‌ (81) అద్భుత అర్ధ శతకాలు సాధించారు. ఈ క్రమంలో ఆసీస్‌ 98 ఓవర్లలో ఆరు వికెట్ల నష్టానికి 532 పరుగుల వద్ద తమ మొదటి ఇన్నింగ్స్‌ను డిక్లేర్‌ చేసింది. భారత బౌలర్లలో హర్ష్‌ దూబే మూడు వికెట్లతో సత్తా చాటగా.. గుర్నూర్‌ బ్రార్‌ రెండు, ఖలీల్‌ అహ్మద్‌ ఒక వికెట్‌ దక్కించుకున్నారు.ఇక ఆ తర్వాత బ్యాటింగ్‌కు దిగిన భారత్‌.. శుక్రవారం నాటి నాలుగో రోజు ఆట సందర్భంగా 141.1 ఓవర్లలో ఏడు వికెట్ల నష్టానికి 531 పరుగుల వద్ద ఉన్న వేళ తమ తొలి ఇన్నింగ్స్‌ డిక్లేర్‌ చేసింది.జురెల్‌, పడిక్కల్‌ భారీ శతకాలుభారత టాపార్డర్‌లో అభిమన్యు ఈశ్వరన్‌ (44) ఆకట్టుకోగా.. నారాయణ్‌ జగదీశన్‌ (64), సాయి సుదర్శన్‌ (73) హాఫ్‌ సెంచరీలతో రాణించారు. ఇక వికెట్‌ కీపర్‌ బ్యాటర్‌ ధ్రువ్‌ జురెల్‌ (149)తో పాటు నాలుగో నంబర్‌ ఆటగాడు దేవ్‌దత్‌ పడిక్కల్‌ (150) భారీ శతకం సాధించాడు.మిగతా వారిలో కెప్టెన్‌ శ్రేయస్‌ అయ్యర్‌ (8) పూర్తిగా విఫలం కాగా.. తనుశ్‌ కొటియాన్‌, హర్ష్‌ దూబే (నాటౌట్‌) చెరో 16 పరుగులు చేయగలిగారు. ఆసీస్‌ బౌలర్లలో కారీ రాచిసిల్లీ మూడు వికెట్లు తీయగా.. కూపర్‌ కన్నోలి, లియామ్‌ స్కాట్‌, ఫెర్గూస్‌ ఒ నీల్‌, జేవియర్‌ బార్ట్‌లెట్‌ ఒక్కో వికెట్‌ తమ ఖాతాలో వేసుకున్నాడు.ఆసీస్‌కు స్వల్ప ఆధిక్యం.. డ్రా ఖాయమేఇక శుక్రవారం నాటి ఆఖరి రోజు ఆటలో తమ రెండో ఇన్నింగ్స్‌ మొదలుపెట్టిన ఆస్ట్రేలియా-‘ఎ’ జట్టు 12 ఓవర్ల ఆట ముగిసేసరికి వికెట్‌ నష్టపోకుండా 38 పరుగులు చేసింది. సామ్‌ కొన్‌స్టాస్‌ 15, కాంపబెల్‌ కెల్లావే 18 పరుగులతో క్రీజులో ఉన్నారు. భారత్‌ కంటే ఆసీస్‌ 39 పరుగుల ఆధిక్యంలో ఉంది. ఇంకా ఒక సెషన్‌ మాత్రమే మిగిలి ఉన్నందున ఈ మ్యాచ్‌ డ్రా కావడం ఖాయం. ఇరుజట్ల మధ్య ఏకనా స్టేడియంలోనే సెప్టెంబరు 23- 26 వరకు రెండో అనధికారిక టెస్టుకు షెడ్యూల్‌ ఖరారైంది.చదవండి: Asia Cup 2025 Super 4: సూపర్‌-4లో ఆడే జట్లు ఇవే.. షెడ్యూల్‌, టైమింగ్‌ వివరాలు

ఆస్ట్రేలియా-‘ఎ’ జట్టుతో అనధికారిక తొలి టెస్టులో టీమిండియా స్టార్‌ దేవ్‌దత్‌ పడిక్కల్‌ (Devdutt Padikkal) భారీ శతకంతో మెరిశాడు. ఈ కర్ణాటక బ్యాటర్‌ 198 బంతుల్లో వంద పరుగుల మార్కు అందుకున్నాడు. తద్వారా తన కెరీర్‌లో ఏడో ఫస్ట్‌క్లాస్‌ సెంచరీని నమోదు చేశాడు.కాగా భారత్‌-‘ఎ’ జట్టు స్వదేశంలో ఆసీస్‌-‘ఎ’ జట్టుతో రెండు అనధికారిక టెస్టులు ఆడుతోంది. లక్నోలోని ఏకనా స్టేడియం ఇందుకు వేదిక. ఇందులో భాగంగా మంగళవారం తొలి టెస్టు మొదలుకాగా టాస్‌ గెలిచిన ఆసీస్‌ తొలుత బ్యాటింగ్‌ చేసింది.ఆసీస్‌ తొలి ఇన్నింగ్స్‌ డిక్లేర్డ్‌సామ్‌ కొన్‌స్టాస్‌ (109), జోష్‌ ఫిలిప్‌ (123 నాటౌట్‌) శతకాలతో చెలరేగగా.. కాంపెబెల్‌ కెల్లావే (88), కూపర్‌ కన్నోలి (70), లియామ్‌ స్కాట్‌ (81) అద్భుత అర్ధ శతకాలతో ఆకట్టుకున్నారు. ఫలితంగా ఆసీస్‌ 98 ఓవర్లలో ఆరు వికెట్ల నష్టానికి 532 పరుగుల వద్ద తమ తొలి ఇన్నింగ్స్‌ను డిక్లేర్‌ చేసింది.భారత బౌలర్లలో హర్ష్‌ దూబే (Harsh Dube) మూడు వికెట్లు తీయగా.. గుర్నూర్‌ బ్రార్‌ రెండు, ఖలీల్‌ అహ్మద్‌ ఒక వికెట్‌ దక్కించుకున్నారు. టాపార్డర్‌ హిట్‌.. ధీటుగా భారత్‌ సమాధానంఇక ఆసీస్‌ భారీ స్కోరు చేయగా.. అందుకు భారత్‌ కూడా ధీటుగా బదులిస్తోంది. ఓపెనర్లు అభిమన్యు ఈశ్వరన్‌ (44), నారాయణ్‌ జగదీశన్‌ (64) శుభారంభం అందించగా.. వన్‌డౌన్‌ బ్యాటర్‌ సాయి సుదర్శన్‌ అర్ధ శతకం (73)తో మెరిశాడు.అయితే, కెప్టెన్‌ శ్రేయస్‌ అయ్యర్‌ (8) మాత్రం దారుణంగా విఫలమయ్యాడు. ఈ క్రమంలో వికెట్‌ కీపర్‌ బ్యాటర్‌ ధ్రువ్‌ జురెల్‌ భారీ శతకం (140)తో ఇన్నింగ్స్‌ను మళ్లీ గాడిలో పెట్టగా.. శుక్రవారం నాటి ఆట సందర్భంగా పడిక్కల్‌ సెంచరీ పూర్తి చేసుకున్నాడు.పడిక్కల్‌ భారీ శతకంనాలుగో స్థానంలో బ్యాటింగ్‌కు దిగిన పడిక్కల్‌.. మొత్తంగా 281 బంతులు ఎదుర్కొని 14 ఫోర్లు, ఒక సిక్సర్‌ సాయంతో 150 పరుగులు సాధించాడు. ఈ క్రమంలో శుక్రవారం భోజన విరామ సమయానికి భారత జట్టు 138 ఓవర్లలో ఏడు వికెట్ల నష్టానికి 520 పరుగులు సాధించింది. ఆసీస్‌ బౌలర్లలో స్పిన్నర్‌ కారీ రాచిసిల్లీ.. శ్రేయస్‌ అయ్యర్‌, దేవ్‌దత్‌ పడిక్కల్‌, తనూశ్‌ కొటియాన్‌ రూపంలో మూడు వికెట్లు తీశాడు. ఇతరులలో కూపర్‌ కన్నోలి, లియామ్‌ స్కాట్‌, ఫెర్గూస్‌ ఒ నీల్‌, జేవియర్‌ బార్ట్‌లెట్‌ ఒక్కో వికెట్‌ తమ ఖాతాలో వేసుకున్నాడు.ఇక తొలి ఇన్నింగ్స్‌లో ఆసీస్‌ కంటే భారత్‌ ఇంకా 12 పరుగులు వెనుకబడి ఉంది. ఇదిలా ఉంటే.. నాలుగు రోజుల అనధికారిక టెస్టులో ఇదే ఆఖరి రోజు. దీంతో ఫలితం తేలకుండానే ఈ మ్యాచ్‌ ముగిసిపోయే అవకాశం ఉంది.ఒకే ఒక్క పరుగుఅప్‌డేట్‌: ఇక లంచ్‌ తర్వాత మళ్లీ మొదలైన ఆట.. వర్షం కారణంగా నిలిచిపోయింది. హర్ష్‌ దూబే 16, ప్రసిద్‌ కృష్ణ 0 పరుగులతో క్రీజులో ఉన్నారు. భారత్‌ స్కోరు: 531/7 (141.1). ఆసీస్‌ తొలి ఇన్నింగ్స్‌ కంటే భారత్‌ ఒకే ఒక్క పరుగు వెనుకంజలో ఉంది. చదవండి: Asia Cup 2025 Super 4: సూపర్‌-4లో ఆడే జట్లు ఇవే.. షెడ్యూల్‌, టైమింగ్‌ వివరాలు

లక్నోలోని ఎకానా స్టేడియంలో ఆస్ట్రేలియా-ఏతో జరుగుతున్న తొలి అనధికారిక టెస్ట్‌ మ్యాచ్‌లో భారత-ఏ జట్టు భారీ స్కోర్‌ చేసింది. వికెట్‌కీపర్‌ బ్యాటర్‌ ధృవ్‌ జురెల్‌ మెరుపు శతకంతో చెలరేగాడు. 115 బంతుల్లో 9 ఫోర్లు, 3 సిక్సర్ల సాయంతో సెంచరీ పూర్తి చేసిన జురెల్‌.. 113 పరుగుల వద్ద (132 బంతుల్లో 10 ఫోర్లు, 4 సిక్సర్లు) ఇన్నింగ్స్‌ను కొనసాగిస్తున్నాడు.మరో ఎండ్‌లో జురెల్‌కు జోడీగా ఉన్న దేవ్‌దత్‌ పడిక్కల్‌ కూడా సెంచరీకి చేరువయ్యాడు. పడిక్కల్‌ 178 బంతుల్లో 8 ఫోర్ల సాయంతో 86 పరుగులు చేసి ఇన్నింగ్స్‌ను కొనసాగిస్తున్నాడు. అంతకుముందు సాయి సుదర్శన్‌ (73), ఎన్‌ జగదీసన్‌ (64) అర్ద సెంచరీలతో రాణించగా.. అభిమన్యు ఈశ్వరన్‌ (44) పర్వాలేదనిపించాడు. భారత-ఏ ఇన్నింగ్స్‌లో కెప్టెన్‌ శ్రేయస్‌ అయ్యర్‌ (8) ఒక్కడే విఫలమయ్యాడు.మూడో రోజు ఆట ముగిసే సమయానికి భారత-ఏ స్కోర్‌ 103 ఓవర్లలో 4 వికెట్ల నష్టానికి 403 పరుగులుగా ఉంది. ఆస్ట్రేలియా తొలి ఇన్నింగ్స్‌ స్కోర్‌కు భారత్‌ ఇంకా 129 పరుగులు వెనుకపడి ఉంది.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆస్ట్రేలియా-ఏ 532 పరుగుల వద్ద ఇన్నింగ్స్‌ను డిక్లేర్‌ చేసింది. సామ్‌ కొన్‌స్టాస్‌ (109), వికెట్‌ కీపర్‌ జోష్‌ ఫిలిప్‌ (123 నాటౌట్‌) సెంచరీలతో కదంతొక్కగా.. క్యాంప్‌బెల్‌ కెల్లావే (88), కూపర్‌ కన్నోల్లీ (70), లియమ్‌ స్కాట్‌ (81) సెంచరీలకు చేరువై ఔటయ్యారు.కాగా, రెండు నాలుగు రోజుల అనధికారిక టెస్ట్‌ మ్యాచ్‌లు, మూడు అనధికారిక​ వన్డేల కోసం ఆస్ట్రేలియా-ఏ జట్టు భారత్‌లో పర్యటిస్తుంది.

భారత్‌-‘ఎ’ జట్టుతో అనధికారిక తొలి టెస్టులో ఆస్ట్రేలియా-‘ఎ’ జట్టు భారీ స్కోరు సాధించింది. లక్నో వేదికగా ఇరుజట్ల మధ్య మంగళవారం తొలి టెస్టు మొదలైంది. టాస్‌ గెలిచి బ్యాటింగ్‌ ఎంచుకున్న ఆసీస్‌ భారత పేసర్లను సమర్ధవంతంగా ఎదుర్కొంది. సెంచరీతో కదంతొక్కిన కొన్‌స్టాస్‌టీమిండియాపై టెస్టు అరంగేట్రం చేసిన సామ్‌ కొన్‌స్టాస్‌ (Sam Konstas) సెంచరీతో కదంతొక్కగా... క్యాంప్‌బెల్‌ కెల్లావే (Campbell Kellaway- 97 బంతుల్లో 88; 10 ఫోర్లు, 2 సిక్స్‌లు), కూపర్‌ కనొల్లీ (84 బంతుల్లో 70; 12 ఫోర్లు, 1 సిక్స్‌) అర్ధశతకాలతో ఆకట్టుకున్నారు.తొలి వికెట్‌కు 198 పరుగులు జోడించిన అనంతరం క్యాంపెబల్‌ అవుట్‌ కాగా.. ఈ దశలో భారత బౌలర్లు కాస్త పోరాటం కనబర్చారు. కెప్టెన్‌ నాథన్‌ మెక్‌స్వీనీ (1), ఒలీవర్‌ పీక్‌ (2)ను వెంట వెంటనే ఔట్‌ చేశారు. దీంతో ఆస్ట్రేలియా ‘ఎ’ జట్టు 198/0 నుంచి 224/4కు చేరింది. ఇక పట్టు చేజిక్కించుకోవడమే తరువాయి అనుకుంటుంటే... కూపర్‌ కనొల్లీ, లియామ్‌ స్కాట్‌ (79 బంతుల్లో 47 బ్యాటింగ్‌; 3 ఫోర్లు, 2 సిక్స్‌లు) పట్టుదల కనబర్చారు.దూబే... ఒక్కడే ఈ జంట ఐదో వికెట్‌కు 109 పరుగులు జోడించింది. ప్రసిధ్‌ కృష్ణ (0/47), ఖలీల్‌ అహ్మద్‌ (1/46) పెద్దగా ప్రభావం చూపలేకపోవడంతో... ఆసీస్‌ ప్లేయర్లు స్వేచ్ఛగా పరుగులు రాబట్టారు. భారత బౌలర్లలో హర్ష్‌ దూబే 3 వికెట్లు ఖాతాలో వేసుకున్నాడు. రంజీ ట్రోఫీ చరిత్రలో ఒకే సీజన్‌లో అత్యధిక వికెట్లు పడగొట్టిన బౌలర్‌గా రికార్డుల్లోకెక్కిన దూబే... ఒక్కడే ఆసీస్‌ ప్లేయర్లను ఇబ్బంది పెట్టగలిగాడు. గుర్‌నూర్‌ బ్రార్‌ ఒక వికెట్‌ తీశాడు.జోష్‌ ఫిలిప్‌ అజేయ సెంచరీఈ క్రమంలో మొదటి రోజు ఆట ముగిసే సమయానికి ఆస్ట్రేలియా ‘ఎ’ జట్టు తొలి ఇన్నింగ్స్‌లో 73 ఓవర్లలో 5 వికెట్ల నష్టానికి 337 పరుగులు చేసింది. లియామ్‌ స్కాట్‌తో పాటు జోష్‌ ఫిలిప్‌ (3 బ్యాటింగ్‌) క్రీజులో ఉన్నాడు. వర్షం కారణంగా తొలి రోజు 73 ఓవర్ల ఆట మాత్రమే సాధ్యమైంది.ఈ క్రమంలో బుధవారం నాటి రెండో రోజు ఆట సందర్భంగా లియామ్‌ స్కాట్‌ (81) అదరగొట్టగా.. వికెట్‌ కీపర్‌ జోష్‌ ఫిలిప్‌ అజేయ సెంచరీ (123)తో దుమ్ములేపాడు. మరోవైపు.. టెయిలెండర్‌ జేవియర్‌ బార్ట్‌లెట్‌ 39 పరుగులతో అజేయంగా నిలిచాడు.ఈ క్రమంలో ఆరు వికెట్ల నష్టానికి 532 పరుగుల భారీ స్కోరు వద్ద ఆసీస్‌ జట్టు తమ తొలి ఇన్నింగ్స్‌ను డిక్లేర్‌ చేసింది. భారత బౌలర్లలో హర్ష్‌ దూబే మూడు వికెట్లతో సత్తా చాటగా.. గుర్నూర్‌ బ్రార్‌ రెండు, ఖలీల్‌ అహ్మద్‌ ఒక వికెట్‌ దక్కించుకున్నారు. ఇక బుధవారం భోజన విరామ సమయానికి భారత్‌-‘ఎ’ జట్టు మూడు ఓవర్లలో మూడు పరుగులు చేసింది. ఓపెనర్లు అభిమన్యు ఈశ్వరన్‌ 2, నారాయణ్‌ జగదీశన్‌ ఒక పరుగుతో క్రీజులో ఉన్నారు.శ్రేయస్‌ అయ్యర్‌ కెప్టెన్సీలో..ఒకవైపు సూర్యకుమార్‌ యాదవ్‌ సారథ్యంలోని భారత క్రికెట్‌ జట్టు యూఏఈ వేదికగా ఆసియా కప్‌ టీ20 టోర్నమెంట్‌లో పాల్గొంటుండగా... మరోవైపు యువ ఆటగాళ్లు ఆస్ట్రేలియా- ‘ఎ’తో నాలుగు రోజుల టెస్టు మ్యాచ్‌ ఆడుతున్నారు. ఈ జట్టుకు శ్రేయస్‌ అయ్యర్‌ కెప్టెన్‌గా వ్యవహరిస్తుండగా... సాయి సుదర్శన్, దేవదత్‌ పడిక్కల్, ధ్రువ్‌ జురెల్, ప్రసిద్‌ కృష్ణ, ఖలీల్‌ అహ్మద్‌ వంటి వాళ్లు బరిలో ఉన్నారు. చదవండి: IND Vs WI: టీమిండియాతో టెస్టులకు వెస్టిండీస్‌ జట్టు ప్రకటన.. వికెట్ల వీరుడికి చోటు