సినీనటి హేమ (Actress Hema) తనపై తప్పుడు ప్రచారం చేస్తున్నారంటూ కరాటే కల్యాణి (Karate Kalyani), తమన్నా సింహాద్రి సహా పలు యూట్యూబ్‌ ఛానళ్లకు నోటీసులు పంపింది. గతంలో తన ప్రతిష్టకు భంగం కలిగించేలా వ్యవహరించిందంటూ కల్యాణిపై రూ.5 కోట్ల పరువునష్టం దావా వేసింది. తాజాగా ఈ వ్యవహారంపై నటి కరాటే కల్యాణి స్పందించింది. ఉన్నదే చెప్పా..ఆమె మాట్లాడుతూ.. నేనేమీ పార్టీలకు, పబ్బుకు వెళ్లలేదు. నాకు మద్యం అలవాటు కూడా లేదు. ఏ తప్పూ చేయనప్పుడు నేనెందుకు భయపడాలి? బెంగళూరులో జరిగిన రేవ్‌ పార్టీలో హేమ పట్టుబడిందని మీడియాలో వచ్చిన వార్తలు చూసే మాట్లాడాను. గతంలో ఆమె నన్ను కించపరుస్తూ చాలాసార్లు మాట్లాడింది. నన్ను చులకనగా చూసేది. మరి నువ్వేంటక్కా? ఇలా దొరికిపోయావు? అని అప్పుడు ఓ వీడియో చేశాను. మీడియాలో చూసిందే పెట్టాను తప్ప సొంతంగా సృష్టించలేదు కదా! భయమా?అలాంటప్పుడు ఆమె మీడియాపై కేసు వేయాలి కానీ నాపై వేయడం దేనికి? మీడియా అంటే భయమా? మీడియాను ఏం అనలేక నాపై కేసు వేద్దామనుకున్నావా? లేదా ఈ మధ్య ఎవరూ నిన్ను పట్టించుకోవడం లేదని అటెన్షన్‌ కోసం ఈ పని చేశావా? మీరు లీగల్‌ నోటీసులు పంపినంత మాత్రాన నేను భయపడను. నేను తగ్గేరకం కాదు. నేను కూడా తనకు నోటీసులు పంపుతాను అని కరాటే కల్యాణి చెప్పుకొచ్చింది.చదవండి: సింగపూర్‌లో అగ్ని ప్రమాదం.. పవన్‌ కుమారుడికి గాయాలు

టాలీవుడ్ సినీ నటి హేమ చర్యలకు దిగింది. తనపై తప్పుడు ప్రచారం చేస్తున్న యూట్యూబ్ ఛానెల్స్‌కి లీగల్‌ నోటీసులు పంపించింది. కరాటే కల్యాణి , తమన్నా సింహాద్రితో పాటు మరి కొన్ని యూట్యూబ్ ఛానెళ్లకు నోటీసులిచ్చింది. ఈ నిర్ణయంతో తనపై అవాస్తవాలు ప్రచారం చేస్తున్న వారిపై చట్టపరమైన చర్యలకు సిద్ధమైంది హేమ. గతంలో తన పరువు, పతిష్టకు భంగం కలిగేలా వీరు కామెంట్స్ చేశారంటూ‌‌... అంతేకాకుండా తనను కించపరిచేలా మాట్లాడారని హేమ ఆరోపిస్తోంది. ఈ నేపథ్యంలోనే అలాంటి వారికి నోటీసులు జారీ చేసింది. కాగా.. గతేడాది మే నెలలో బెంగళూరులో జరిగిన రేవ్‌ పార్టీలో సినీ నటి హేమను అక్కడి పోలీసులు అరెస్ట్‌ చేశారు. అరెస్ట్‌ చేసిన పోలీసులు రిమాండ్‌కు తరలించారు. ఆ తర్వాత బెయిల్‌పై ఆమె విడుదలయ్యారు. ఆ తర్వాత తాను ఎలాంటి డ్రగ్స్ తీసుకోలేదని హేమ స్పష్టం చేశారు.మా సస్పెన్షన్ ఎత్తివేత..బెంగళూరు రేవ్‌ పార్టీ కేసు తర్వాత మా నుంచి ఆమె ప్రాథమిక సభ్యత్వాన్ని తొలగించారు. ఆ తర్వాత అయితే హేమకు నిర్వహించిన రక్త పరీక్షలలో నెగటివ్‌ వచ్చిందని అందుకు సంబంధించిన రిపోర్టులను కూడా ఆమె సోషల్‌మీడియాలో పోస్ట్‌ చేసింది. అంతే కాకుండా కోర్టు కూడా ఆమెకు బెయిల్‌ మంజూరు చేసింది. బెయిల్ రావడంతో హేమపై విధించిన సస్పెన్షన్‌ను ఎత్తివేస్తున్నట్లు మూవీ ఆర్టిస్ట్స్‌ అసోసియేషన్‌ (మా) ప్రకటించింది.

నటి హేమ సినిమాలు చేసే చాలా కాలమైందని చెప్పొచ్చు. ఎందుకంటే 10-15 ఏళ్ల క్రితం వరస చిత్రాల్లో నటిస్తూ ఫుల్ బిజీగా ఉన్న ఈమె ఇప్పుడు అస్సలు మూవీస్ లో కనిపించట్లేదు. తాజాగా హైదరాబాద్ లోని ఓ షాప్ ఓపెనింగ్ లో కనిపించిన ఈమెని ఇదే ప్రశ్న అడగ్గా.. యాక్టింగ్ మానేశానని చెప్పింది. శివగామి లాంటి పాత్ర ఇచ్చినా సరే చేయనని క్లారిటీ ఇచ్చింది.'నేను సినిమాల్లో నటించడం మానేశాను. ఇప్పుడు చిల్ అవుతున్నాను. హ్యాపీగా ఉన్నాను. జీవితాన్ని ఎంజాయ్ చేస్తున్నాను. 14 ఏళ్లప్పటి నుంచి కష్టపడుతున్నాను. ఇక చాలు. ఇంకెంత కాలం కష్టపడాలి? ఎవరికోసం కష్టపడాలి. నేను నా కోసం హ్యాపీగా ఉండటానికి ప్రయత్నిస్తున్నాను. నన్ను నేను ప్రేమించుకుంటున్నాను. బోర్ కొట్టి యాక్ట్ చేయాలనిపిస్తే అప్పుడు చూస్తా. ఇప్పటికైతే శివగామి లాంటి పాత్ర ఇచ్చినా సరే నటించను. అంత ఇంట్రెస్ట్ లేదు' అని హేమ చెప్పుకొచ్చింది.(ఇదీ చదవండి: బుల్లిరాజు డిమాండ్.. రోజుకి అంత రెమ్యునరేషన్?)1993లో టీవీ నటిగా కెరీర్ ప్రారంభించిన హేమ.. ఇప్పటివరకు 350-400 వరకు సినిమాలు చేసుంటుంది. ఇందులో తెలుగుతో పాటు తమిళ, హిందీ చిత్రాలు కూడా ఉన్నాయి. కొన్నాళ్ల వరకు కెరీర్ బాగానే ఉండేది కానీ గత నాలుగైదేళ్లుగా మాత్రం హేమ బయట కనిపించలేదు. బిగ్ బాస్ 3వ సీజన్ లో పాల్గొంది కానీ తొలివారమే ఎలిమినేట్ అయి బయటకొచ్చేసింది. కొన్నాళ్ల క్రితం బెంగళూరులోని డ్రగ్, రేవ్ పార్టీలో దొరకడంతో వార్తల్లో నిలిచింది. ప్రస్తుతానికైతే హేమ చేతిలో మూవీ అవకాశాలు ఏం లేనట్లు ఉన్నాయి. దీంతో యాక్టింగ్ పక్కనబెట్టేసినట్లు ఉందనిపిస్తుంది.(ఇదీ చదవండి: 'కన్నప్ప'కే టెండర్ వేసిన మంచు మనోజ్?)

బెంగళూరు రేవ్‌ పార్టీ (Bengaluru Rave Party) కేసులో టాలీవుడ్ నటి హేమకు(Hema) రిలీఫ్ దక్కింది. ఈ కేసులో ఎలాంటి చర్యలు చేపట్టవద్దని కర్ణాటక హైకోర్టు స్టే విధించింది. మరో నాలుగు వారాల తర్వాత ఈ కేసుపై విచారణ చేపడతామని వాయిదా వేసింది.కాగా.. గతంలో రేవ్ పార్టీకి హాజరైన టాలీవుడ్ నటి హేమ డ్రగ్స్ తీసుకున్నారంటూ కేసు నమోదైన సంగతి తెలిసిందే. తనపై నమోదైన కేసును కొట్టేయాలని హేమ హైకోర్టును ఆశ్రయించింది. ఈ మేరకు ఆమె తరఫున న్యాయవాది పిటిషన్ దాఖలు చేశారు. హేమ డ్రగ్స్ తీసుకున్నట్లు ఎలాంటి ఆధారాలు లేవని న్యాయవాది కోర్టుకు వెల్లడించారు. ఇరువురి వాదనలు విన్న ఉన్నత న్యాయస్థానం నాలుగు వారాల పాటు స్టే విధించింది. అప్పటివరకూ ఈ స్టే కొనసాగుతుందని పేర్కొంది.కాగా.. గతేడాది మే నెలలో బెంగళూరులో జరిగిన రేవ్‌ పార్టీలో సినీ నటి హేమను అక్కడి పోలీసులు అరెస్ట్‌ చేశారు. అరెస్ట్‌ చేసిన పోలీసులు రిమాండ్‌కు తరలించారు. ఆ తర్వాత బెయిల్‌పై ఆమె విడుదలయ్యారు. ఈ క్రమంలో తాను ఎలాంటి డ్రగ్స్ తీసుకోలేదని హేమ స్పష్టం చేశారు.మా సస్పెన్షన్ ఎత్తివేత..బెంగళూరు రేవ్‌ పార్టీ కేసులో హేమ అరెస్టు అయిన సంగతి తెలిసిందే. అనంతరం ఆమెకు బెయిల్‌ కూడా రావడం జరిగింది. ఈ వివాదంలో చిక్కుకున్న హైమపై నైతికంగా ‘మా’ అధ్యక్షుడు మంచు విష్ణు చర్యలు తీసుకున్నారు. మా నుంచి ఆమె ప్రాథమిక సభ్యత్వాన్ని వారు ఆ సమయంలో తొలగించారు. అయితే హేమకు నిర్వహించిన రక్త పరీక్షలలో నెగటివ్‌ వచ్చిందని అందుకు సంబంధించిన రిపోర్టులను కూడా ఆమె సోషల్‌మీడియాలో పోస్ట్‌ చేసింది. ఆపై కోర్టు కూడా ఆమెకు బెయిల్‌ మంజూరు చేసింది. దీంతో హేమపై విధించిన సస్పెన్షన్‌ను ఎత్తివేస్తున్నట్లు ‘మూవీ ఆర్టిస్ట్స్‌ అసోసియేషన్‌’ (మా) ప్రకటించింది. అయితే, మీడియాతో సెన్సిటివ్‌ విషయాల గురించి మాట్లాడవద్దని హేమకు మూవీ ఆర్టిస్ట్ అసోసియేషన్ సూచించింది.

సరస్సులో నుంచి తీసుకొచ్చిన తెల్లటి కలువను చూసుకుంటున్న యువతులు, ప్రకృతిలో పూసిన పూలన్నింటినీ తనలో ఇముడ్చుకున్న ఫ్లవర్‌పాట్, కొండల బారుల మధ్య వంపులు తిరుగుతూ ప్రవహిస్తున్న నది, విశాలమైన సరస్సుకు ఈ ఒడ్డున రంగురంగుల పూలరెమ్మతోపాటు ఆవలి ఒడ్డున సుదూరంగా కనిపించీ కనిపించకుండా ఉన్న కొబ్బరిచెట్లు, పార్కులో చక్కగా వరుసగా విరగబూసిన చెట్లు, కొండలమీద నుంచి నేలకు దూకుతూ కింద ఉన్న శివలింగానికి అభిషేకం చేస్తున్న తెల్లటి జలధారలు, కలర్‌ పాలెట్‌లోని రంగులన్నింటినీ వంతుల వారీగా అద్దుకున్న చెట్లు... ఏ బొమ్మ చూసినా ప్రకృతికి ప్రతిబింబంగానే కనిపిస్తుంది. హేమనళిని చిత్రాలను చూస్తే ప్రకృతిని ఆవిష్కరించడానికే ఆమె కుంచె పట్టుకుందా అనిపిస్తుంది.హైదరాబాద్‌కు చెందిన హేమనళినీ రెడ్డి ఇలస్ట్రేటర్, ఫొటోగ్రాఫర్, రైటర్‌ కూడా. ఆర్టిస్టుగా బిజీగా ఉన్న హేమనళిని సైన్స్‌ స్టూడెంట్‌. ఐఐటీ బాంబేలో కోర్సు పూర్తయిన తరవాత మైక్రో బయాలజీ లెక్చరర్‌గా కెరీర్‌ మొదలు పెట్టారామె. భర్త ఉద్యోగరీత్యా యూఎస్‌లో అడుగుపెట్టిన హేమ కెరీర్‌లో ఓ విరామం. ఆ విరామం ఆమెను ప్రకృతి ప్రేమికురాలిని చేసింది. అత్యంత చల్లని వాతావరణంలో చెట్ల ఆకులు కూడా పూలలాగ గులాబీరంగును సంతరించుకోవడం వంటి ఆశ్చర్యకరమైన మార్పులు ఆమెను మళ్లీ కుంచె పట్టుకునేలా చేశాయి.కుంచె కవనంఆంధ్రప్రదేశ్‌లోని ఏలూరు జిల్లా, చింతలపూడి సమీపంలోని పోతునూరు మాది. గోదావరి జిల్లాల్లో నేను చూసిన ప్రకృతి సౌందర్యం ఒక పార్శ్వం అయితే యూఎస్‌లో చూసిన వైవిధ్యత మరో పార్శ్వం. నాకు ఫొటోలు తీయడం కూడా హాబీ. నా మనసుకు నచ్చిన ఒక్కో ప్రకృతి దృశ్యాన్ని ఫొటో తీసుకోవడం, ఆ చిత్రాన్ని రంగుల్లో ఆవిష్కరించడమే నా లైఫ్‌గా మారింది. సైన్స్‌ స్టూడెంట్‌గా జీవం–జీవితం నాకిష్టమైన అంశాలు. దాంతో నా చిత్రాలు ప్రకృతి–జీవితం ఇతివృత్తాలుగానే సాగుతున్నాయి. నా చిన్నప్పుడు ఎస్సే రైటింగ్‌తోపాటు రంగోలీలో బహుమతులందుకున్నాను. బొమ్మలు వేయడంలో పెద్ద ప్రావీణ్యం లేదు కానీ వేసేదాన్ని. పై చదువుల బిజీలో పడి వదిలేసిన కుంచెను అమెరికాలో పట్టుకున్నాను. పచ్చదనానికి చిరునామా అయిన మనదేశంలో చెట్లు అన్ని షేడ్‌లలో ఉండవు. అక్కడి ప్రకృతి వైవిధ్యం నన్ను ముగ్ధురాలిని చేసింది. వాతావరణ మార్పులకు అనుగుణంగా చెట్లు కొత్త రంగులను సంతరించుకోవడం, మనదేశంలో చూడని అనేక షేడ్‌లను అక్కడి చెట్లలో చూశాను. విదేశాల్లో ఉన్న ఐదేళ్లలో అనేక ఎగ్జిబిషన్‌లలో పాల్గొన్నాను. యూఎస్‌లో షికాగో, మాసాచుసెట్స్, మిషిగన్‌తోపాటు సింగపూర్, అబుదాబి, దుబాయ్‌లలో చిత్రాలను ప్రదర్శించే అవకాశం వచ్చింది. ఇండియాకి వచ్చిన తర్వాత కూడా కుంచెను వదల్లేదు.చిత్రం... అందమైన మాధ్యమంసామాజికాంశాలను సామాన్యులకు అర్థమయ్యే రీతిలో కళ్లకు కట్టడానికి చిత్రం గొప్ప మాధ్యమం. సమాజాన్ని చైతన్యవంతం చేయగల శక్తి ఆర్టిస్ట్‌కి ఉంటుంది. చిత్రాలతో చారిటీ షోలు నిర్వహించి పేదపిల్లలకు సహాయం చేయవచ్చు. ఆర్టిస్టులు టెక్నాలజీతోపాటు ఎదుగుతూ కళకు సొబగులద్దాలి. తమ కళను విశ్వవ్యాప్తం చేసుకోవాలి. ఈ తరంలో సోషల్‌మీడియా అందుకు సరైన వేదిక. ఆన్‌లైన్‌ వేదికగా నిర్వహించిన గిన్నిస్‌ వరల్డ్‌ రికార్డ్స్‌ పోటీలో వారిచ్చిన సమయంలోనే బొమ్మ పూర్తి చేసి అవార్డు అందుకోగలిగాను. బాంబే ఆర్ట్‌ సొసైటీ నిర్వహించిన ‘కలర్స్‌ ఆఫ్‌ ఇండిపెండెన్స్, 75 ఇయర్స్‌ ఆఫ్‌ ఆర్ట్‌’ ఆన్‌లైన్‌ ఎగ్జిబిషన్‌ ద్వారా నా చిత్రాలకు దేశవ్యాప్తంగా గుర్తింపు వచ్చింది. ఇక సాహిత్యం పట్ల ఆసక్తి కొద్దీ బాలాంత్రపు వెంకటరమణ గారి రచనలకు వేసిన చిత్రాలు ఆర్టిస్ట్‌గా నాకు పరిపూర్ణతను తెచ్చాయనిపించింది. ఇంటర్నేషనల్‌ ‘కళారత్నం’ మహిళా ప్రతిభా పురస్కారం, విశిష్ట కళారత్న వంటి గుర్తింపులనెన్నింటినో అందుకున్నాను. అన్నింటినీ మించిన ఆనందం... వడ్డాది పాపయ్య, బాపు వంటి మహోన్నత చిత్రకారుల గురించి వెలువరించిన ‘ఆర్ట్‌ ఆఫ్‌ ఏపీ’ పుస్తకంలో నాకు చోటు దక్కడం’’ అని సంతోషాన్ని వ్యక్తం చేశారు ఆర్టిస్ట్‌ హేమ నళిని.– వాకా మంజులారెడ్డి, సాక్షి ఫీచర్స్‌ ప్రతినిధి

బాలీవుడ్‌లో ప్రస్తుతం బుల్లితెర రియాలిటీ షో బిగ్‌బాస్‌ సీజన్-18 నడుస్తోంది. ఈ షోకు హోస్ట్‌గా సల్మాన్ ఖాన్ వ్యవహరిస్తున్నారు. ఇటీవల ఆయనకు బెదిరింపులు రావడంతో కట్టుదిట్టమైన భద్రత నడుమ బిగ్‌బాస్ షూటింగ్‌ నిర్వహిస్తున్నారు. ప్రస్తుతం ఈ సీజన్‌ రెండోవారాలు పూర్తి చేసుకుంది. సెకండ్‌ వీక్‌లో సోషల్ మీడియా ఇన్‌ఫ్లుయెన్సర్ హేమ శర్మ ఎలిమినేట్ అయింది.బిగ్‌బాస్‌ నుంచి బయటకొచ్చిన హేమ శర్మ తాజాగా ఓ ఇంటర్వ్యూకు హాజరైంది. ఈ సందర్భంగా తన వ్యక్తిగత జీవితం గురించి పలు ఆసక్తికర విషయాలు పంచుకుంది. తనకు ఎలాంటి సినిమాకుటుంబ నేపథ్యం లేదని తెలిపింది. నా పర్సనల్‌ లైఫ్‌లో అన్ని కష్టాలు అనుభవించానని వెల్లడించింది. కానీ ఎప్పుడూ కూడా వెనకడుగు వేయలేదని..కష్టపడి ఇక్కడి దాకా వచ్చానని హేమ శర్మ పేర్కొంది.నేను చేసిన పెద్ద తప్పు అదే..హేమ శర్మ మాట్లాడుతూ.. ' నా కష్టంతో సొంతంగానే ఎదిగాను. ఎవరైనా నన్ను దూషిస్తే అస్సలు అంగీకరించను. నా జీవితంలో ఎన్నో కష్టాలు చూశా. నా కుటుంబానికి వ్యతిరేకంగా నిర్ణయాలు తీసుకున్నా. అందులో కొన్ని తప్పుడు నిర్ణయాలు కూడా ఉ‍న్నాయి. నేను చేసిన తప్పులను అంగీకరిస్తున్నా. అంతే కాదు.. ఎవరూ కూడా నాలాగా ఆ తప్పులు చేయకూడదని కోరుకుంటున్నా. రెండుసార్లు వివాహం చేసుకోవడమే నేను చేసిన పెద్ద తప్పు. ఎందుకంటే తప్పుడు వ్యక్తులను నా జీవితంలోకి ఆహ్వానించా' అని తెలిపింది.బిగ్ బాస్ -18 కంటెస్టెంట్‌గా ఛాన్స్హేమ శర్మ తన కామెడీ వీడియోలతో సోషల్ మీడియాలో ఫేమస్ అయింది. ఆమె వీడియోలతో నెట్టింట ఫుల్ పాపులారిటీని దక్కించుకుంది. అందువల్లే బిగ్‌బాస్‌ సీజన్‌-18లో కంటెస్టెంట్‌గా ఛాన్స్ కొట్టేసింది. కాగా.. ప్రస్తుత సీజన్‌ జియో సినిమాలో స్ట్రీమింగ్ అవుతోంది.

నటి హేమ మరో వీడియో రిలీజ్ చేసింది. బెంగళూరు రేవ్ పార్టీ కేసులో తన వైపు ఎలాంటి తప్పు లేదని, కావాలంటే టెస్టులు కూడా చేయించుకోవడానికి సిద్ధమని మీడియాకి రిక్వెస్ట్ చేసింది. దాదాపు ఆరు నిమిషాల వీడియోని సోషల్ మీడియాలో పోస్ట్ చేసి తన ఆవేదన అంతా బయటపెట్టింది.హేమ కొత్త వీడియోకొన్నాళ్ల క్రితం బెంగళూరులోని రేవ్ పార్టీలో హేమ దొరికింది. కానీ ఆ టైంలో తాను వేరే చోట ఉన్నానని బుకాయించడానికి ప్రయత్నించింది. అయితే హేమ అప్పుడు పార్టీలో పాల్గొందని, డ్రగ్స్ కూడా తీసుకుందని పోలీసులు తేల్చారు. కొన్ని ఫొటోలు రిలీజ్ చేశారు. ఆ తర్వాత హేమని అరెస్ట్ చేసి కొన్నాళ్లు జైల్లో ఉంచారు. బెయిల్‌పై బయటకు వచ్చిన ఈమెపై ఈ మధ్య మరోసారి డ్రగ్స్ పాజిటివ్ వార్తలొచ్చాయి. ఇప్పుడు వాటిపై స్పందిస్తూ హేమ కొత్త వీడియో రిలీజ్ చేసింది.(ఇదీ చదవండి: ఈ వారం ఓటీటీల్లోకి 16 మూవీస్‍.. ఆ మూడు కాస్త స్పెషల్)హేమ ఏం చెప్పింది?'గతంలో నాకు పాజిటివ్ వచ్చిందని మీడియా వాళ్లు ఏదైతే ప్రచారం చేశారో.. అదే పాత న్యూస్‌ని తీసుకొచ్చి మళ్లీ టెలికాస్ట్ చేస్తున్నారు. ఛార్జ‍ీషీట్ ఇంకా నేనే చూడలేదు. నా చేతికే రాలేదు. అలాంటిది మీ చేతికి ఎలా వచ్చింది? మీరు ఇలాంటి న్యూస్ ఎందుకు స్ప్రెడ్ చేస్తున్నారో అర్థం కావట్లేదు. నేను మీ దగ్గరికే వస్తాను. టెస్టులు చేయించండి. ఒకవేళ పాజిటివ్ వస్తే ఏ శిక్ష వేసినా భరిస్తాను. ఆ శిక్షని అనుభవిస్తాను. నెగిటివ్ వస్తే మీ పెద్దలందరూ కలిసి ఏం చేస్తారో మీరే నిర్ణయం తీసుకోండి''ఈ న్యూస్ వల్ల మా అమ్మకి యాంగ్జైటీ వచ్చింది. నిమ్స్ ఆస్పత్రిలో చేర్పించి చికిత్స అందించాం. అలానే పరువు కోసం నేను చచ్చిపోతా. నా కుటుంబం తలదించుకునే పని ఈ రోజు వరకు చేయలేదు. ఇండస్ట్రీ నా వల్ల తలదించుకునే పని ఏ రోజు చేయలేదు. ఏ రోజు కూడా చేయను. గతంలో చేయలేదు. భవిష్యత్తులో చేయను కూడా. ఎక్కడికి రమ్మన్నా వస్తాను నేను రెడీ. నాకు టెస్టులు చేయించండి' అని హేమ దాదాపు 6 నిమిషాల వీడియోని ఇన్ స్టాలో పోస్ట్ చేసింది. (ఇదీ చదవండి: పెళ్లి చేసుకున్న హీరో సిద్దార్థ్- హీరోయిన్ అదితీ రావ్ హైదరీ) View this post on Instagram A post shared by KOLLA HEMA (@hemakolla1211)

బెంగళూరు రేవ్‌పార్టీ ఛార్జ్‌షీట్‌లో తన పేరు రావడంపై టాలీవుడ్‌ నటి హేమ స్పందించారు. తాను ఎలాంటి డ్రగ్స్‌ తీసుకోలేదన్నారు. బెంగళూరు పోలీసులు బ్లడ్‌ షాంపిల్స్‌ కూడా తీసుకోలేదని పేర్కొన్నారు. డ్రగ్స్‌ తీసుకున్నట్లు వారు నిరూపిస్తే తాను దేనికైనా సిద్ధమేనని హేమ ప్రకటించారు. అయితే,ఛార్జీషీట్‌లో తన పేరు ఉన్నట్లు సమాచారం వచ్చిందన్నారు.డ్రగ్స్‌ తీసుకున్న హేమబెంగళూరు పోలీసులు మాత్రం నటి హేమ డ్రగ్స్‌ తీసుకున్నారని మరోసారి ఛార్జ్‌షీట్‌ ద్వారా తెలిపారు. ఈ మేరకు 1086 పేజీలతో ఛార్జ్‌షీట్‌ను రెడీ చేసిన పోలీసులు కోర్టుకు అందించారు. హేమ ఫ్రెండ్‌ వాసు అనే వ్యక్తి ఆహ్వానించడం వల్లే ఆమె రేవ్‌ పార్టీకి వెళ్లినట్లు బెంగుళూరు పోలీసులు పేర్కొన్నారు.చార్జిషీట్‌లోనూ నెగెటివ్‌తాజాగా హేమ.. గుడ్‌న్యూస్‌ అంటూ ఓ వీడియో రిలీజ్‌ చేసింది. అఫీషియల్‌ చార్జిషీట్‌లోనూ నాకు నెగెటివ్‌ వచ్చిందని రాశారు. అనవసరంగా నాపై కొందరు నిందలు వేస్తున్నారు. నేను ఎవర్నీ వదిలిపెట్టను. చట్టపరంగా వారిపై చర్యలు తీసుకుంటాను అని వీడియోలో మాట్లాడారు. ఈ వీడియో కింద నెటిజన్లు ఈ కన్ఫ్యూజన్‌ ఏంట్రా బాబూ అని కామెంట్లు పెడుతున్నారు. View this post on Instagram A post shared by KOLLA HEMA (@hemakolla1211)

బెంగళూరు నగర శివారులోని ఓ ఫాంహౌస్‌లో జరిగిన రేవ్‌పార్టీ వివాదంలో చిక్కుకున్న టాలీవుడ్‌ నటి హేమకు చిక్కులు తప్పడం లేదు. ఈ రేవు పార్టీపై విచారణ చేపట్టిన బెంగళూరు పోలీసులు తాజాగా ఛార్జ్‌షీట్‌ దాఖలు చేశారు. అందులో 88 మందిని నిందితులుగా వారు పేర్కొన్నారు. అయితే నటి హేమ డ్రగ్స్‌ సేవించినట్లు ఛార్జ్‌షీట్‌లో పోలీసులు పేర్కొన్నారు. మొత్తం 1086 పేజీలతో వారు ఛార్జ్‌షీట్‌ రెడీ చేశారు.ఇదీ చదవండి: ధనుష్‌పై రెడ్‌కార్డ్‌ ఎత్తివేత.. కొత్త ప్రాజెక్ట్‌లకు లైన్‌ క్లియర్‌బెంగళూరు రేవ్‌ పార్టీలో హేమ ఎండీఎంఏ డ్రగ్స్‌ సేవించినట్లు ఆధారాలు లభ్యమైనట్లు పోలీసులు పేర్కొన్నారు. అందుకు సంబంధించిన మెడికల్‌ రిపోర్ట్స్‌ను కూడా ఛార్జ్‌షీట్‌తో వారు పొందుపరిచారు. హేమతో పాటు 79 మందిని నిందితులుగా చేర్చారు. పార్టీ నిర్వహించిన మరో 9మందిపై వివిధ సెక్షన్ల కింద కేసులు నమోదు చేశారు. NDPS సెక్షన్‌- 27 కింద హేమను నిందితురాలిగా ఛార్జ్‌షీట్‌లో పోలీసులు పేర్కొన్నారు. అయితే, హేమతో పాటు రేవ్‌ పార్టీకి హాజరైన మరో నటుడికి డ్రగ్స్‌ తీసుకోలేదని రిపోర్ట్‌ వచ్చింది. బెంగళూరు పోలీసులు తాజాగా అందించిన ఛార్జ్‌షీట్‌తో నటి హేమకు చిక్కులు తప్పవని తెలుస్తోంది.హేమకు షాకిచ్చిన పోలీసులుబెంగళూరు రేవు పార్టీలో తాను ఎలాంటి డ్రగ్స్‌ తీసుకోలేదని పలు మీడియా సంస్ధల ఇంటర్వ్యూలలో నటి హేమ చెప్పుకొచ్చిన విషయం తెలిసిందే. అయితే, బెంగళూరు పోలీసులు మాత్రం ఆమె డ్రగ్స్‌ తీసుకున్నారంటూ తాజాగా ఛార్జ్‌షీట్‌లో తన పేరు చేర్చి షాకిచ్చారు. దీంతో ఆమెకు చిక్కులు తప్పవని తెలుస్తోంది. ఈ వివాదం నుంచి ఆమె ఎలా బయటపడుతారంటూ నెటిజన్లు కూడా కామెంట్లు చేస్తున్నారు.సినీ నటి హేమపై 'మా' నిర్ణయం ఎటు..?'హేమ' చెబుతున్న మాటల వల్ల కొద్దిరోజుల క్రితం ‘మూవీ ఆర్టిస్ట్స్‌ అసోసియేషన్‌’ (మా) కూడా ఆమెపై సస్పెన్షన్ ఎత్తివేసింది. తనకు నిర్వహించిన రక్త పరీక్షలలో డ్రగ్స్‌ నెగటివ్‌ వచ్చిందని అందుకు సంబంధించిన రిపోర్టులను కూడా ఆమె సోషల్‌మీడియాలో పోస్ట్‌ చేసింది. ఆపై వాటిని 'మా'కు కూడా ఒక కాపీ పంపింది. తాను ఎలాంటి తప్పు చేయలేదు కాబట్టే కోర్టు కూడా బెయిల్‌ మంజూరు చేసిందని కూడా తెలిపింది. దీంతో ఆమెపై విధించిన సస్పెన్షన్‌ను మా ఎత్తివేసింది. ఇప్పుడు ఆమె పేరు ఛార్జ్‌షీట్‌లో ఉండటంతో ‘మూవీ ఆర్టిస్ట్స్‌ అసోసియేషన్‌’ ఎలాంటి నిర్ణయం తీసుకుంటుందో చూడాల్సి ఉంది.

హేమ కమిటీ నివేదిక మాలీవుడ్‌ను కుదిపేస్తోంది. ఈ రిపోర్ట్ బయటకొచ్చాక పలువురు డైరెక్టర్స్, నటులపై పెద్దఎ‍త్తున లైంగిక వేధింపుల ఆరోపణలు వస్తున్నాయి. ఇప్పటికే కొందరు హీరోయిన్స్ తమకెదురైన చేదు అనుభవాలను బయటపెట్టారు. వేధింపులకు పాల్పడిన వారిపై కఠిన చర్యలు తీసుకోవాలంటూ సలార్ నటుడు పృథ్వీరాజ్ సుకుమారన్ సైతం డిమాండ్‌ చేశారు.ఈ నేపథ్యంలో అసోసియేషన్‌ ఆఫ్ మలయాళం మూవీ ఆర్టిస్ట్స్‌(AMMA) సభ్యులు మూకుమ్మడిగా రాజీనామాలు చేశారు. అమ్మ అధ్యక్ష పదవిలో ఉన్న మోహన్‌ లాల్‌ సైతం వైదొలిగారు. పాలక మండలి పదవుల నుంచి మొత్తం 17 మంది సభ్యులు రాజీనామాలు సమర్పించారు. వీరంతా నైతిక బాధ్యత వహిస్తూ పక్కకు తప్పుకున్నారు. దీంతో మలయాళ చిత్రమండలిని రద్దు చేశారు. రెండు నెలల్లోగా సమావేశం నిర్వహించి కొత్త పాలక మండలిని ఎన్నుకోనున్నట్లు వెల్లడించారు.రాజీనామా చేయని ఇద్దరు?అయితే అమ్మ సభ్యులుగా ఉన్న మరో ఇద్దరు హీరోయిన్స్‌ మాత్రం రాజీనామాలు సమర్పించలేదు. తాజాగా రద్దయిన కమిటీలో హీరోయిన్స్‌ సరయు, అనన్య సభ్యులుగా ఉన్నారు. అయితే రాజీనామా నిర్ణయంపై తమ సమాచారం లేదని వీరిద్దరు చెప్పుకొచ్చారు. ఈ విషయంలో తమ అభిప్రాయం కూడా తీసుకోలేదని ఆరోపించారు. అయితే మండలి పూర్తిగా రద్దు చేయడంతో వీరి పదవులు కూడా పోయినట్లేనని భావిస్తున్నారు.అసలేంటి హేమ కమిటీ?ఇటీవల జస్టిస్‌ హేమ కమిటీ షాకింగ్‌ నివేదికను బహిర్గతం చేసింది. మలయాళ చిత్ర పరిశ్రమలో మహిళల స్థితిగతులపై జస్టిస్‌ హేమ కమిటీ సమర్పించిన నివేదికలో పలు దిగ్భ్రాంతికర విషయాలు వెలుగుచూశాయి. ఆ చిత్ర సీమలో పనిచేసే మహిళలు క్యాస్టింగ్ కౌచ్, లైంగిక వేధింపులు ఎదుర్కొంటున్నారని ఆ నివేదిక పేర్కొంది. ఆ తర్వాత దర్శకుడు రంజిత్‌, నటులు సిద్ధిఖీ, బాబురాజ్‌, జయసూర్య, ముకేశ్‌, సూరజ్‌ వెంజారమూడు సహా పలువురిపై లైంగిక వేధింపుల ఆరోపణలొచ్చాయి. ఈ క్రమంలోనే మొదట అమ్మ జనరల్‌ సెక్రటరీగా ఉన్న సిద్ధిఖీ తన పదవికి రాజీనామా చేశారు.

టాలీవుడ్ హీరో నాని ప్రస్తుతం సరిపోదా శనివారం అంటూ టాలీవుడ్ ప్రేక్షకులను పలకరించనున్నారు. వివేక్ ఆత్రేయ డైరెక్షన్‌లో వస్తోన్న ఈ చిత్రంపై అభిమానుల్లో భారీ అంచనాలు నెలకొన్నాయి. గతంలో వీరిద్దరి కాంబోలో వచ్చిన అంటే సుందరానికీ చిత్రం హిట్‌టాక్‌ను సొంతం చేసుకుంది. ప్రస్తుతం నాని సరిపోదా శనివారం మూవీ ప్రమోషన్లతో బిజీగా ఉన్నారు. ఈ సందర్భంగా వరుస ఇంటర్వ్యూలకు హాజరవుతున్నారు. తాజాగా ఓ ఇంటర్వ్యూలో మాట్లాడిన నాని మలయాళ ఇండస్ట్రీలో కలకలం సృష్టించిన హేమ కమిటీ నివేదికపై స్పందించారు. అంతే కాకుండా అలాగే కోల్‌కతా వైద్యవిద్యార్థినిపై జరిగిన దారుణ ఘటన తనను కలిచివేసిందన్నారు.నాని మాట్లాడుతూ..' ఢిల్లీ నిర్భయ ఘటన తలుచుకుంటే ఇప్పటికీ నన్ను బాధిస్తోంది. మహిళలపై జరుగుతున్న దారుణాలు నిరంతరం కలవరపెడుతున్నాయి. కోల్‌కతాలో వైద్యవిద్యార్థిని సంఘటన నన్ను కలచివేసింది. మొబైల్‌ను స్క్రోలింగ్ చేయాలంటే భయంగా ఉంది. సోషల్ మీడియాలో ఎలాంటి వార్త చూడాల్సి వస్తుందో అన్న భయమేస్తోంది. హేమకమిటీ నివేదిక చూసి నేను షాకయ్యా. మహిళలపై లైంగిక వేధింపులు చూస్తుంటే ఎంత దారుణమైన స్థితిలో బతుకుతున్నామో అర్థమవుతోంది. తన సెట్స్‌లో ఇలాంటి సంఘటనలు జరగడం తానెప్పుడూ చూడలేదు. 20 సంవత్సరాల క్రితం పరిస్థితి మెరుగ్గా ఉండేది. అప్పటి రోజుల్లో మహిళలకు రక్షణ ఉండేది. ఇప్పటి పరిస్థితులు తలచుకుంటేనే చాలా దారుణంగా ఉందనిపిస్తోంది' అని అన్నారు. కాగా..నాని, ప్రియాంక మోహన్ జంటగా నటించిన సరిపోదా శనివారం ఈనెల 29న థియేటర్లలో సందడి చేయనుంది.

హేమ కమిటీ ఇచ్చిన నివేదిక మలయాళ ఇండస్ట్రీని కుదిపేస్తోంది. ఇప్పటికే పలువురు నటీమణులు బహిరంగంగా తమకెదురైన వేధింపులను బయటపెడుతున్నారు. దీంతో మలయాళ మూవీ ఆర్టిస్ట్‌ల సంఘం(అమ్మా)పై పెద్దఎత్తున విమర్శలు వస్తున్నాయి. తాజాగా సలార్‌ నటుడు పృథ్వీరాజ్ సుకుమారన్‌ ఈ నివేదికపై స్పందించారు. ఈ విషయంలో అమ్మా పూర్తిగా విఫలమైందని విమర్శించారు. సినీ పరిశ్రమలోని సమస్యలను పరిష్కరించడంలో పూర్తిగా నిర్లక్ష్యం వహించారని ఆరోపించారు. ఇండస్ట్రీని ప్రక్షాళన చేసి దిద్దుబాటు చర్యలు చేపట్టాల్సిన అవసరముందని డిమాండ్ చేశారు.పృథ్వీరాజ్ సుకుమారన్ మాట్లాడుతూ.. "హేమ కమిటీతో మాట్లాడిన మొదటి వ్యక్తిని నేను. సినిమా పరిశ్రమలో మహిళలు ఎదుర్కొంటున్న సమస్యలను క్షుణ్ణంగా అధ్యయనం చేయాలి. వారికి సురక్షితమైన పనివాతావరణం సృష్టించే మార్గాలను కనిపెట్టడమే ఈ నివేదిక లక్ష్యం. హేమ కమిటీ నివేదిక తనకు ఎలాంటి ఆశ్చర్యం కలగలేదు. ఆ ఆరోపణలు నిజమని రుజువైతే ఎలాంటి చర్యలు తీసుకుంటారో చూడాలని అందరిలాగే నేను కూడా ఆసక్తిగా ఉన్నా. నివేదికలో పేర్కొన్న ఆరోపణలపై సమగ్ర విచారణ జరగాల్సిన అవసరం ఉంది. దోషులను కఠినంగా శిక్షించాలి. అదే విధంగా ఆరోపణలు తప్పు అని రుజువైతే తప్పుడు ఫిర్యాదులు చేసిన వారిని కూడా శిక్షించాల్సిందేనంటూ' సలార్ నటుడు కోరారు. ఈ విషయంలో నిందితుల పేర్లను విడుదల చేయాలనే నిర్ణయం కమిటీ సభ్యులదేనని స్పష్టం చేశారు.కాగా.. ఈ ఏడాది ఆడుజీవితం (ది గోట్‌ లైఫ్) మూవీతో సూపర్‌హిట్‌ను సొంతం చేసుకున్నారు. దుబాయ్ నేపథ్యంలో ఓ యధార్థం కథ ఆధారంగా ఈ సినిమాను తెరకెక్కించారు. అంతకుముందు సలార్‌ మూవీతో తెలుగు ప్రేక్షకులకు మరింత దగ్గరయ్యారు. ప్రభాస్‌ హీరోగా నటించిన ఈ చిత్రంలో పృథ్వీరాజ్‌ సుకుమారన్‌ తనదైన నటనతో అభిమానులను మెప్పించారు. ప్రస్తుతం బరోజ్ అనే చిత్రంలో నటిస్తున్నారు.

సినీ నటి హేమకు ‘మూవీ ఆర్టిస్ట్స్‌ అసోసియేషన్‌’ (మా) శుభవార్త చెప్పింది. ఆమెపై విధించిన సస్పెన్షన్ ఎత్తివేసినట్లు మా ప్రకటించింది. బెంగళూరు రేవ్‌ పార్టీ కేసులో హేమ అరెస్టు అయిన సంగతి తెలిసిందే. అనంతరం ఆమెకు బెయిల్‌ కూడా రావడం జరిగింది. ఈ వివాదంలో చిక్కుకున్న హైమపై నైతికంగా ‘మా’ అధ్యక్షుడు మంచు విష్ణు చర్యలు తీసుకున్నారు. మా నుంచి ఆమె ప్రాథమిక సభ్యత్వాన్ని వారు ఆ సమయంలో తొలగించారు. అయితే, హేమకు నిర్వహించిన రక్త పరీక్షలలో నెగటివ్‌ వచ్చిందని అందుకు సంబంధించిన రిపోర్టులను కూడా ఆమె సోషల్‌మీడియాలో పోస్ట్‌ చేసింది. ఆపై కోర్టు కూడా ఆమెకు బెయిల్‌ మంజూరు చేసింది. దీంతో హేమపై విధించిన సస్పెన్షన్‌ను ఎత్తివేస్తున్నట్లు తాజాగా ‘మూవీ ఆర్టిస్ట్స్‌ అసోసియేషన్‌’ (మా) ప్రకటించింది. అయితే, మీడియాతో సెన్సిటివ్‌ విషయాల గురించి మాట్లాడవద్దని హేమకు మూవీ ఆర్టిస్ట్ అసోసియేషన్ సూచించింది.

కొన్నాళ్ల క్రితం బెంగళూరులోని రేవ్ పార్టీలో హేమ, పోలీసులకు పట్టుబడటం చర్చనీయాంశమైంది. దాదాపు 86 మంది ఈ పార్టీలో డ్రగ్స్ తీసుకున్నట్లు తేల్చారు. ఇందులో హేమ కూడా ఒకరని చెప్పిన పోలీసులు.. రెండుసార్లు నోటీసులు పంపించారు. ఎంతకీ రాకపోవడంతో అరెస్ట్ చేసి అదుపులోకి తీసుకున్నారు. తర్వాత బెయిల్‌పై బయటకొచ్చింది. ఈ క్రమంలోనే తాజాగా హేమ మరో వీడియో తన ఇన్ స్టాలో పోస్ట్ చేసింది.(ఇదీ చదవండి: ఓటీటీలోకి రీమేక్ సినిమా.. ఎనిమిదేళ్ల తర్వాత తెలుగులో)బెంగళూరు రేవ్ పార్టీ విషయమై మాట్లాడుతూ.. తాను బహిరంగంగా ఎలాంటి పరీక్షలు చేయించుకోవడానికైనా సిద్ధమని, తెలంగాణ సీఎం రేవంత్ రెడ్డి, ఏపీ ఉప ముఖ్యమంత్రి పవన్ కల్యాణ్ అపాయింట్‌మెంట్ కోసమే ఈ వీడియో చేశానని చెప్పింది. అలానే తాను చేయించుకున్న డ్రగ్ టెస్ట్ రిపోర్ట్స్‌ని వీడియోలో షేర్ చేసింది.మరి హేమ షేర్ చేసిన తాజా వీడియో బట్టి చూస్తే.. పోలీసులకు ఛాలెంజ్ చేసినట్లే అనిపిస్తోంది. ఎందుకంటే ఈమె డ్రగ్స్ తీసుకుందని పోలీసులు తేలిస్తే.. ఇప్పుడేమో హేమ తాను ఎలాంటి టెస్ట్‌లకైనా రెడీ అయిన వీడియో పెట్టింది. మరి ఈ కేసులో తర్వాత ఏం జరుగుతుందోనని నెటిజన్స్ ఆసక్తిగా ఎదురుచూస్తున్నారు.(ఇదీ చదవండి: హీరోయిన్ జాన్వీకి డబ్బులివ్వబోయిన అభిమాని) View this post on Instagram A post shared by KOLLA HEMA (@hemakolla1211)

మలయాళ పరిశ్రమలో కథలు ఎంత వినూత్నంగా ఉన్నా స్త్రీల విషయంలో వేధింపులు అంతే అమానవీయంగా ఉన్నాయి. బలం ఉన్నవాళ్లు, పలుకుబడి ఉన్నవాళ్లు కొత్తగా ఫీల్డ్‌లోకి వచ్చే మహిళా ఆర్టిస్టులను తాము చెప్పినట్టుగా వినాలని శాసిస్తున్నారు. ‘ఎస్‌’ అంటే మేకప్‌... ‘నో’ అంటే ప్యాకప్‌ అని బెదిరిస్తున్నారు. ఈ విషయం సాక్షాత్తూ సిట్టింగ్‌ జడ్జి ఆధ్వర్యంలో ఏర్పడిన కమిషనే తేల్చి చెప్పింది. మలయాళ పరిశ్రమ ఈ కమిషన్‌ రిపోర్టుతో కుదుపునకు లోనవుతోంది.‘వినీల ఆకాశంలో ఎన్నో రహస్యాలు... చందమామ అందంగా ఉంటుందని.. నక్షత్రాలు మెరుస్తాయని అనుకుంటాం. కానీ వాస్తవాలు అందుకు విరుద్ధంగా ఉంటాయి. మీరు చూసేదంతా నిజమనుకోకండి. ఒక్కోసారి ఉప్పు కూడా చక్కెరలాగే కనిపిస్తుంది. మలయాళ సినీ పరిశ్రమ కూడా అంతే. పైకి కనిపించే గ్లామర్‌ వెనుక ఎన్నో చీకటి కోణాలు. వాటిని వింటుంటే గుండె తరుక్కు పోతుంది. రంగుల ప్రపంచంలో జీవితాలను కోల్పోతున్న ఎంతోమంది మహిళల ఆవేదనను అక్షరబద్ధం చేశాం’ అంటూ నివేదికను మొదలు పెట్టారు జస్టిస్‌ హేమ. ఉత్తమ అభిరుచి, ప్రజాదరణ ఉన్న సినిమాలు తీస్తూ ప్రపంచాన్ని ఆకర్షిస్తున్న మలయాళ పరిశ్రమలో తెర వెనుక కన్నీటి చారను జస్టిస్‌ హేమ రిపోర్ట్‌ బట్టబయలు చేసింది. ఇండస్ట్రీలోని 15 మంది పెద్దలు ఇండస్ట్రీని గుప్పెట్లో పెట్టుకుని స్త్రీల జీవితాలను శాసిస్తున్నారని ఈ కమిటీ పేర్కొనడం గమనార్హం. ఇదీ నేపథ్యందాదాపు ఏడేళ్ల కిందట 2017లో మలయాళనటి భావనా మీనన్‌పై కొంతమంది దుండగులు కొచ్చి శివార్లలో లైంగిక దాడి చేశారు. ఈ కేసులో సూత్రధారిగా మలయాళ సూపర్‌స్టార్‌ దిలీప్‌ పేరు రావడంతో గగ్గోలు రేగింది. ఆ సమయంలో అన్ని విధాలా వచ్చిన ఒత్తిడి మేరకు కేరళ ప్రభుత్వం మలయాళ చిత్ర పరిశ్రమలో స్త్రీల పరిస్థితిని అధ్యయనం చేయడానికి జస్టిస్‌ హేమా కమిషన్‌ను నియమించింది. మన సీనియర్‌ నటీమణి శారద కూడా ఈ కమిటీలో ఒక సభ్యురాలు. విచారణ ముగించిన కమిషన్‌ 2019లో ప్రభుత్వానికి నివేదిక అందించినా అనేక కారణాల వల్ల అది బయటకు రాలేదు. తాజాగా ‘రైట్‌ టు ఇన్ఫర్మేషన్‌’ యాక్ట్‌ కింద కోరిన వారికి ఆ కమిటీ రిపోర్టు ఇవ్వొచ్చని కేరళ హైకోర్టు తెలిపింది. దాంతో నిన్న (సోమవారం) మధ్యాహ్నం ఆ రిపోర్టు జర్నలిస్టులకు అందింది. 295 పేజీలతో కమిటీ నివేదికను రూపొందిస్తే.. చాలా సున్నితమైన అంశాలు, వ్యక్తిగత వివరాలు ఉన్న కారణంగా 63 పేజీలను మినహాయించి మిగతా నివేదికను బహిర్గతం చేశారు. ఈ నివేదికపై పినరయి విజయన్‌ ప్రభుత్వం ఎలాంటి చర్యలు తీసుకుంటుందా అని మాలీవుడ్‌ తో పాటు భారతీయ సినీ పరిశ్రమ ఆసక్తిగా ఎదురు చూస్తోంది.కమిటీ నివేదికలో సంచలన విషయాలు‘శరీరాలను అర్పించుకోవాలి.. ఎదురు ప్రశ్నించకుండా కోరికలు తీర్చాలి.. సహకరించిన వాళ్లకు అవకాశాలు. ఎదురు తిరిగిన వాళ్లకు వేధింపులు.. ఇదీ 233 పేజీలతో జస్టిస్‌ హేమా కమిటీ నివేదిక సారాంశం. ‘ఆయన నన్ను చాలా సందర్భాల్లో లైంగికంగా వేధించే ప్రయత్నం చేశాడు. నేను లొంగలేదు. అందుకే ఓ సినిమాలో కౌగిలించుకునే పాత్రను సృష్టించి 17 సార్లు రీషూట్‌ చేశారు. ఆ విధంగా అతను నన్ను మరింత వేధించడం మొదలు పెట్టాడు’ అని జస్టిస్‌ హేమా కమిటీ ముందు కన్నీళ్లు పెట్టుకుంటూ ఓ సీనియర్‌ నటి వ్యక్తం చేసిన ఆవేదన ఇది. అడపాదడపా కాకుండా ఈ తరహా వేధింపు ఘటనలు పరిశ్రమలో సర్వసాధారణంగా జరుగుతున్నాయని కమిటీ ఆధారాలతో సహా బయటపెట్టింది. ‘కొత్తగా వచ్చే నటీమణులకు గతంలో పేరు ప్రతిష్టలు సాధించిన నటీమణులంతా కోరిన విధంగా నడుచుకునే పైకి వచ్చారనే భావన కల్పించడంలో ఇండస్ట్రీ పెద్దలు సఫలం అయ్యారు’ అని కమిటీ తెలిపింది. ‘సినిమా వాళ్లు వేషం ఇస్తామని మహిళలకు ఫోన్‌ చేస్తే పర్లేదు. అదే మహిళలు తమంతట తాము ఫోన్‌ చేస్తే ‘ఫేవర్‌’ చేయాల్సిందే’ అని కమిటీ తెలిపింది.ఆ 15 మందికొంతమంది హీరోలు... మరికొంతమంది దర్శకులు... ఇంకొందరు నిర్మాతలు... ఇలా 15మంది మగ మహారాయుళ్లు సినీ ఇండస్ట్రీని చెప్పుచేతల్లో పెట్టుకున్నారని, వాళ్లు చెప్పినట్టే అందరూ నడుచుకుంటున్నారని నివేదిక తేల్చింది. ఈ 15 మందికి సహకరిస్తే ఇండస్ట్రీలో అపారంగా అవకాశాలు లభిస్తాయి. సహకరించని వాళ్ల జీవితాలు నాశనమైపోతాయని చెప్పింది. ఆ 15మంది పేర్లు బయటకు రావాల్సి ఉంది.ఇండస్ట్రీలో అడుగుపెట్టాలంటేసర్దుకుపోండి... రాజీపడండి.. మలయాళ సినీ పరిశ్రమలో అవకాశాల కోసం వచ్చే మహిళలకు పరిశ్రమ పెద్దలు చెప్పే రెండు మాటలు ఇవే. వీటికి సిద్ధపడి జీవితాలను అర్పించుకుంటేనే భారీ పారితోషకాలతో మెండుగా అవకాశాలు కల్పిస్తారు. కాదు... కూడదని ఎదురు తిరిగితే మాత్రం వాళ్ల జీవితాలను నాశనం చేయడానికి కూడా వెనుకాడరు. పోలీసులకు ఫిర్యాదు చేయడానికి కూడా బాధితులు ముందుకు రారంటే వేధింపులు ఏ స్థాయిలో ఉన్నాయో అర్థం చేసుకోవచ్చు.– ఫణికుమార్‌ అనంతోజుకమిటీ సిఫార్సులు→ సినీ పరిశ్రమలో మహిళల సమస్యను పరిష్కరించేందుకు ప్రత్యేక చట్టాలు చేయాలి.→ అవసరమైతే ప్రత్యేక ట్రిబ్యునల్‌ను ఏర్పాటు చేసి మహిళలను న్యాయం చేయాలి.→ నేరచరిత్ర ఉన్న వాళ్లపై సినీ ఇండస్ట్రీ నిషేధం విధించాలి→ షూటింగ్‌ జరిగే ్రపాంతాల్లో మద్యం, మాదకద్రవ్యాలపై నిషేధం విధించాలి.→ ఫ్యాన్‌ క్లబ్స్‌ మహిళలను వేధించకుండా చర్యలు తీసుకోవాలి.→ పరిశ్రమలో పనిచేసే మహిళలకు పురుషులతో సమానంగా వేతనాలు అందించాలి.

బెంగళూరు ఎలక్ట్రానిక్‌ సిటీ దగ్గర్లో ఉన్న జీఆర్‌ ఫాంహౌస్‌లో మే 19న రాత్రి జరిగిన ఒక రేవ్‌ పార్టీలో నటి హేమ పాల్గొన్నారు. అక్కడ హేమ డ్రగ్స్‌ తీసుకున్నట్లు ఆధారాలు ఉన్నాయిని పరప్పన అగ్రహార జైలుకు ఆమెను తరలించడం ఆపై బెయిల్‌ ద్వారా విడుదల కావడం జరిగింది. కానీ, తాను ఎలాంటి డ్రగ్స్‌ తీసుకోలేదని ఆమె పలుమార్లు క్లారిటీ ఇచ్చింది. ఈ వివాదం వల్ల ఆమెను మా సభ్యత్వం నుంచి తొలగిస్తున్నట్లు మంచు విష్ణు ప్రకటించారు. తాజాగా హేమ ఒక సుదీర్ఘమైన లేఖను రాసి మంచు విష్ణుతో పాటు మా వ్యవస్థాపకులు మెగాస్టార్‌ చిరంజీవికి పంపారు.'సుమారు పదేళ్ల పాటు నేను మా సభ్యురాలిగా ఉన్నాను. చిత్రపరిశ్రమలో 'మా' ఒక అమ్మలా నన్ను రక్షిస్తుందని కోరుకుంటున్నాను. దాదాపు నెల రోజుల క్రితం ఒక రేవ్‌ పార్టీలో పాల్గొన్నాను. అందులో నేను ఎలాంటి డ్రగ్స్‌ తీసుకోలేదు. మీడియా దుష్ప్రచారం చేయడం వల్ల ఇదంతా జరిగింది. దీంతో నా కుటుంబసభ్యులకు తీవ్రమైన వేదన మిగిలింది. అనంతరం నన్ను మా సభ్యత్వం నుంచి తొలగించారు. ఈ నిర్ణయం నాలో అంతులేని ఆవేదనను కలిగించింది. 'మా' బైలాస్‌ ప్రకారం నాకు షోకాజ్‌ నోటీసులు జారీ చేయాలి. నా నుంచి వివరణ తీసుకోవాలి. నేను ఇచ్చిన వివరణలో లోపాలు ఉంటే నాపై చర్యలు తీసుకోవాలి. నాపై ఆరోపణలు మాత్రమే ఉన్నాయి. కోర్టు కూడా నేను తప్పు చేసినట్లు ప్రకటించలేదు. మీడియా మాత్రమే నన్ను దోషిగా చూపించేందుకు ప్రయత్నం చేసింది. ఈ పరిణామాలు నా వ్యక్తిత్వాన్ని వ్యక్తిగత జీవితాన్ని హాననం చేసింది.నాకు సంబంధం లేని విషయాలను నాకు అంటగట్టి నన్ను విలన్‌గా చిత్రీకరించే ప్రయత్నం చేసారు. మీడియా ఒత్తిడికి లోబడి నన్ను సస్పెండ్ చేయడం నా ప్రాథమిక హక్కులకు భంగం కలిగించడమే. తీవ్ర మానసిక క్షోభకు గురవుతున్న ఈ సమయంలో నాకు మా అండగా ఉండాలి. నా సస్పెన్షన్ ను వెంటనే ఎత్తి వేస్తారు అని ఆశిస్తున్నాను.' అని హేమ ఒక లేఖ రాశారు. తనకు సంబంధించిన మెడికల్‌ రిపోర్ట్స్‌ను కూడా ఆమె జతచేశారు. ఈ లేఖ విషయంలో మా అధ్యక్షడు మంచు విష్ణు ఎలాంటి నిర్ణయం తీసుకుంటారో తెలియాల్సి ఉంది.

టాలీవుడ్‌ నటి హేమ తిరుమల శ్రీవారిని దర్శించుకుంది. ఇటీవల బెంగళూరు డ్రగ్స్‌ కేసులో ఇరుక్కున్న ఆమె బెయిల్‌పై బయటకు వచ్చింది. ఈ క్రమంలో శనివారం నాడు స్వామివారిని దర్శించుకుని తీర్థ ప్రసాదాలు అందుకుంది. అనంతరం ఆలయం బయటకు వచ్చిన హేమ మీడియాపై వ్యంగ్యాస్త్రాలు సంధించింది. దర్శనం బాగానే జరిగింది.. రేవ్‌ పార్టీపై అనేక కథనాలు రాశారు కదా.. అసలేం జరిగిందనేది మీకే తెలియాలి అంటూ సెటైర్లు వేసింది.దొరికిపోయిన హేమకాగా గత నెలలో బెంగళూరు నగర శివారులో జరిగిన రేవ్‌ పార్టీలో హేమ పాల్గొంది. ఈమె పేరు బయటకు రావడంతో.. తనకు ఆ పార్టీతో సంబంధం లేదని హైదరాబాద్‌లో ఉన్నానని, బిర్యానీ వండుతున్నానంటూ వీడియోలు రిలీజ్‌ చేసి తప్పు కప్పిపుచ్చుకునే ప్రయత్నం చేసింది. కానీ అవన్నీ అబద్ధాలేనంటూ పోలీసులు రేవ్‌ పార్టీలో దొరికిన హేమ ఫోటోను రిలీజ్‌ చేశారు. అలాగే తనకు వైద్య పరీక్షలు చేయించగా డ్రగ్స్‌ తీసుకున్నట్లు నిర్ధారణ అయింది. ఇటీవలే బెయిల్‌దీంతో విచారణకు రావాలని పోలీసులు నోటీసులు పంపారు. విచారణకు హాజరైన సమయంలో ఆమెను అరెస్టు చేశారు. కొద్ది రోజుల క్రితమే హేమ బెయిల్‌ మీద బయటకు వచ్చింది. ఇకపోతే డ్రగ్స్‌ కేసులో అరెస్టయిన కారణంతో మూవీ ఆర్టిస్ట్స్‌ అసోసియేషన్‌ (మా) తన ప్రాథమిక సభ్యత్వాన్ని రద్దు చేసింది.చదవండి: ఓటీటీలోకి వచ్చేసిన క్రేజీ తెలుగు సినిమాలు.. స్ట్రీమింగ్ ఎక్కడంటే?

సినిమాలో హీరోహీరోయిన్‌కి కష్టాలు ఉండటం కామన్. కానీ ఇప్పుడు వాళ్లకు రియల్ లైఫ్‌లోనూ ఇబ్బందులు తప్పట్లేదు. కొందరు వీటిని కోరి తెచ్చుకుంటే మరికొందరు మాత్రం ఊహించని విధంగా ప్రమాదాల్లో ఇరుక్కుంటున్నారు. దీంతో ఎన్నడూ లేనిది ఒక్కసారిగా ఇండస్ట్రీలో మూడ్ మారిపోయింది. ఎంతలా అంటే సినిమాల గురించి మాట్లాడుకునే వాళ్లు కాస్త సెలబ్రిటీలని ఊహించని చోట చూడాల్సిన పరిస్థితి ఏర్పడింది. ఇంతకీ అసలేం జరుగుతోంది?దర్శన్ కేసుకన్నడ హీరో దర్శన్ అరెస్ట్. ఈ మధ్య కాలంలో దీనంత షాకింగ్ సంఘటన మరొకటి లేదని చెప్పొచ్చు. ఎందుకంటే ఓ వ్యక్తిని హత్య చేసిన కేసులో ఇతడిని పోలీసులు అదుపులోకి తీసుకున్నారు. కేసు గురించి సింపుల్‌గా చెప్పుకొంటే.. దర్శన్‌కి ఇదివరకే విజయ్ లక్ష‍్మితో పెళ్లయింది. కానీ పవిత్ర గౌడ అనే నటితో గత కొన్నేళ్లుగా రిలేషన్‌లో ఉన్నాడు. అయితే తన అభిమాన హీరో కుటుంబంలో కలతలకు ఈమెనే కారణమని భావించిన ఓ అభిమాని.. పవిత్రకు అసభ్యకర ఫొటోలు, వీడియోలని పంపించాడు. దీంతో పవిత్ర, ఈ విషయాన్ని దర్శన్‌కి చెప్పగా ఇతడు సదరు వ్యక్తిని దారుణంగా హత్య చేయించాడు. ఇప్పుడు అరెస్ట్ అయి జైల్లో ఉన్నాడు.(ఇదీ చదవండి: కవలలకు జన్మనిచ్చిన తెలుగు సీరియల్ హీరోయిన్)పవిత్ర-చందు మరణాలుతెలుగు సీరియల్ 'త్రినయని'లో కీలక పాత్ర పోషిస్తున్న నటి పవిత్ర జయరాం.. కొన్నిరోజుల క్రితం సొంతూరి నుంచి హైదరాబాద్‌కి తిరిగొస్తూ రోడ్డు ప్రమాదంలో మరణించింది. అయితే ఈమెని ప్రేమిస్తున్న సహ నటుడు చందు.. ఈమె మరణాన్ని తట్టుకోలేక పవిత్ర చనిపోయిన రెండు మూడు రోజుల్లోనే ఆత్మహత్య చేసుకుని చనిపోయాడు. తెలుగు రాష్ట్రాల్లో ఈ మరణాలు అందరికీ షాకయ్యేలా చేశాయి.డ్రగ్స్ కేసులో హేమ టాలీవుడ్‌లో డ్రగ్స్, రేవ్ పార్టీ లాంటివి అప్పుడప్పుడు వినిపించే మాటలు. రీసెంట్‌గా బెంగళూరులో జరిగిన రేవ్ పార్టీలో తెలుగు నటి హేమ ఉండటం, ఈ కేసులో ఆమెని అరెస్ట్ చేయడం ఇండస్ట్రీలో చర్చనీయాంశమైంది. ఇప్పటికే ఆమెని పోలీసులు అదుపులోకి తీసుకున్నారు. తాజాగా ఆమెకు బెయిల్ కూడా వచ్చింది. అయితే ఎన్నడూ లేనిది ఇలా ఒకటి తర్వాత ఒకటి అన్నట్లు దక్షిణాదిలో పలు షాకింగ్ సంఘటనలు జరుగుతుండటం అందరినీ ఆశ్చర్యపరుస్తోంది. ఇందులో కొన్ని స్వీయ తప్పిదాలు ఉండగా, మరికొన్ని అనుకోకుండా జరిగినవి. మరి వీటికి ఎండ్ కార్డ్ ఎప్పుడు పడుతుందో చూడాలి?(ఇదీ చదవండి: ఏడేళ్లుగా కనిపించని దర్శన్‌ మేనేజర్‌.. కారణం ఏంటి..?)

బెంగళూరు డ్రగ్స్‌ కేసులో నటి హేమ ఇవాళ విడుదలయ్యారు. ఈ కేసులో ఆమెకు షరతులతో కూడిన బెయిల్‌ లభించడంతో కొద్దిసేపటి క్రితమే జైలు నుంచి బయటికి వచ్చారు. కాగా.. బెంగళూరు నగర శివార్లలో జరిగిన రేవ్‌పార్టీలో హేమ మాదక ద్రవ్యాలను తీసుకున్నట్లు పోలీసులు అరెస్ట్‌ చేసిన విషయం తెలిసిందే. ఈ క్రమంలోనే నటి హేమ బెయిల్ కోసం పిటిషన్‌ వేయగా స్థానిక కోర్టు‌ మంజూరు చేసింది.నటి హేమ వద్ద ఎలాంటి డ్రగ్స్‌ లేవని, ఆమెపై ఆరోపణలు వచ్చిన పది రోజులకు వైద్య పరీక్షలు నిర్వహించారని హేమ తరఫు న్యాయవాది కోర్టులో తెలిపారు. అంతేకాకుండా హేమ డ్రగ్స్‌ తీసుకున్నట్లు పోలీసుల వద్ద ఎలాంటి సాక్ష్యాలు లేవని కోర్టు దృష్టికి ఆయన తీసుకువెళ్లారు. అయితే, హేమ రేవ్‌ పార్టీలో పాల్గొన్నట్లు అందుకు సంబంధించిన ఆధారాలను సీసీబీ న్యాయవాది కోర్టుకు అందించారు. ఇరువురి వాదనలు విన్న న్యాయస్థానం నటి హేమకు షరతులతో కూడిన బెయిల్‌ మంజూరు చేసింది.

బెంగళూరు డ్రగ్స్‌ కేసులో నటి హేమకు తాజాగా బెయిల్‌ లభించింది. కొద్దిరోజుల క్రితం బెంగళూరు నగర శివార్లలో జరిగిన రేవ్‌పార్టీలో హేమ మాదక ద్రవ్యాలను తీసుకున్నట్లు పోలీసులు అరెస్ట్‌ చేసిన విషయం తెలిసిందే. ఈ కేసులో ఆమెను బెంగళూరు నగర నేర నియంత్రణ దళం (సీసీబీ) పోలీసులు విచారించారు. ఈ క్రమంలో హేమకు స్థానిక కోర్టు బెయిల్‌ మంజూరు చేసింది.నటి హేమ వద్ద ఎలాంటి డ్రగ్స్‌ లేవని, ఆమెపై ఆరోపణలు వచ్చిన పది రోజులకు వైద్య పరీక్షలు నిర్వహించారని హేమ తరఫు న్యాయవాది కోర్టులో తెలిపారు. అంతేకాకుండా హేమ డ్రగ్స్‌ తీసుకున్నట్లు పోలీసుల వద్ద ఎలాంటి సాక్ష్యాలు లేవని కోర్టు దృష్టికి ఆయన తీసుకువెళ్లారు. అయితే, హేమ రేవ్‌ పార్టీలో పాల్గొన్నట్లు అందుకు సంబంధించిన ఆధారాలను సీసీబీ న్యాయవాది కోర్టుకు అందించారు. ఇరువురి వాదనలు విన్న న్యాయస్థానం నటి హేమకు షరతులతో కూడిన బెయిల్‌ మంజూరు చేసింది.

బెంగళూరు రేవ్‌ పార్టీ కేసులో హేమ అరెస్టు అయిన సంగతి తెలిసిందే. దీంతో ‘మూవీ ఆర్టిస్ట్స్‌ అసోసియేషన్‌’ (మా) ఆమెప్రాథమిక సభ్యత్వాన్ని సస్పెండ్‌ చేసింది. హేమ సభ్యత్వాన్ని సస్పెండ్‌ చేసే విషయమై ‘మా’ అధ్యక్షుడు విష్ణు మంచు ΄్యానెల్‌ సభ్యులతో బుధవారం సమావేశం నిర్వహించారట. ఆమె ప్రాథమిక సభ్యత్వాన్ని రద్దు చేస్తున్నట్లు ‘మా’ కార్యదర్శి రఘుబాబు ఓ లేఖ విడుదల చేశారు.మే నెలలో బెంగళూరు రేవ్‌ పార్టీలో హేమ డ్రగ్స్‌ తీసుకున్నట్లు పోలీసుల నివేదికలో నిర్ధారణ కావడంతో ‘మా’ ఈ నిర్ణయం తీసుకున్నట్లు తెలుస్తోంది. డ్రగ్స్‌ కేసుపై వివరణ ఇవ్వాలని హేమకు ‘మా’ నోటీసులు ఇచ్చిన నేపథ్యంలో ఆమె నుంచి స్పందన లేకపోవడంతో సస్పెన్షన్‌ నిర్ణయం తీసుకున్నట్లు, విచారణ తేలేవరకూ ఈ సస్పెన్షన్‌ కొనసాగుతుందన్నట్లు హేమకు ‘మా’ లేఖ పంపినట్లు తెలిసింది.

బెంగళూరు రేవ్‌ పార్టీ కేసులో అరెస్టయిన టాలీవుడ్‌ నటి హేమపై మూవీ ఆర్టిస్టు అసోసియేషన్‌ (మా) సస్పెషన్‌ వేటు వేసింది. హేమను ‘మా’ నుంచి సస్పెండ్‌ చేయడానికి సభ్యుల అభిప్రాయాలు కోరుతూ ప్రెసిడెంట్ మంచు విష్ణు బుధవారం మా అసోసియేషన్ గ్రూప్ లో మెసేజ్ పెట్టారు. అయితే సభ్యులంతా హేమను సస్పెండ్‌ చేయాల్సిందే అంటూ రిప్లయ్‌ ఇచ్చినట్లు తెలుస్తోంది. దీంతో హేమను సస్పెండ్‌ చేయాలని మంచు విష్ణు నిర్ణయం తీసుకున్నారు. హేమకు క్లీన్‌ చిట్‌ వచ్చేవరకు ఈ సస్పెన్షన్‌ కొనసాగుతుందని ప్రకటించారు. కాగా.. బెంగళూరులో జరిగిన రేవ్‌ పార్టీలో హేమ దొరికిపోయారు. వైద్య పరీక్షల్లోనూ ఆమెకు పాజిటివ్‌గా తేలింది. ఇటీవలే ఆమెను అరెస్ట్‌ చేసిన బెంగళూరు పోలీసులు రిమాండ్‌కు తరలించారు.

బెంగళూరు డ్రగ్స్‌ కేసులో నటి హేమను విచారించేందుకు బెంగళూరు నగర నేర నియంత్రణ దళం (సీసీబీ) పోలీసులకు అనుమతి లభించింది. బెంగళూరు నగర శివార్లలో ఇటీవల జరిగిన రేవ్‌పార్టీలో హేమ మాదక ద్రవ్యాలను తీసుకున్నట్లు పోలీసులు నిర్ధారించారు. ఆమె రక్తనమూనాలను సేకరించి వైద్య పరీక్షకు పంపించగా మాదక ద్రవ్యాలు తీసుకున్నట్లు రిపోర్ట్‌ వచ్చింది.సీసీబీ పోలీసులు పలుమార్లు నోటీసులు పంపగా ఎట్టకేలకు హేమ విచారణకు హాజరైన విషయం తెలిసిందే. ఈ క్రమంలో ఆనేకల్‌ న్యాయస్థానం ముందు ఆమెను పోలీసులు హాజరుపరిచారు. హేమను విచారించేందుకు మూడురోజుల కస్టడీకి ఇవ్వాలని అధికారులు కోర్టును కోరారు. అయితే, న్యాయస్థానం మాత్రం 24 గంటల పాటు ఆమెను విచారిస్తే చాలని తెలిపింది. ఆపై గురువారం సాయంత్రం ఐదుగంటలకు మళ్లీ కోర్టులో హాజరు పరచాలని పోలీసులకు సూచించింది.

మా అసోసియేషన్ అధ్యక్షుడు మంచు విష్ణు కీలక నిర్ణయం తీసుకున్నారు. టాలీవుడ్‌ నటి హేమ మా సభ్యత్వం సస్పెండ్‌ చేయడానికి అభిప్రాయాలను కోరినట్లు తెలుస్తోంది. మా అసోసియేషన్ గ్రూప్‌లో మంచు విష్ణు ఇప్పటికే సందేశం పంపించారు. ఆమె సభ్యత్వం సస్పెండ్‌కు సంబంధించిన సభ్యుల అభిప్రాయాలు సేకరించారు. అయితే హేమను సస్పెండ్ చేయాల్సిందిగా సభ్యులు తమ అభిప్రాయాలు వెల్లడించారు. దీంతో హేమకు క్లీన్ చిట్ వచ్చేంతవరకు సస్పెండ్ చేయాలని మంచు విష్ణు నిర్ణయం తీసుకున్నారు. ఒకవేళ క్లీన్‌ చిట్‌ రాకపోతే మాత్రం శాశ్వతంగా రద్దు చేసే ఆస్కారం లేకపోలేదు. మా నిర్ణయం ఏంటన్నది రేపు మధ్యాహ్నం అధికారికంగా అధ్యక్షుడు మంచు విష్ణు వెల్లడించనున్నారు. కాగా.. బెంగళూరులో జరిగిన రేవ్‌ పార్టీలో హేమ దొరికిపోయారు. వైద్య పరీక్షల్లోనూ ఆమెకు పాజిటివ్‌గా తేలింది. ఇటీవలే ఆమెను అరెస్ట్‌ చేసిన బెంగళూరు పోలీసులు రిమాండ్‌కు తరలించారు.

బెంగళూరు రేవ్ పార్టీ కేసులో టాలీవుడ్ హేమను పోలీసులు అరెస్ట్‌ చేశారు. గతంలోనే ఆమెకు పాజిటివ్‌ రావడంతో పోలీసులు నోటీసులిచ్చారు. మొదటిసారి అనారోగ్య కారణాలతో విచారణకు హాజరు కాలేదు. హేమకు పోలీసులు రెండోసారి నోటీసులు పంపించగా వివిధ కారణాలు చెప్పి డుమ్మా కొట్టింది. సీసీబీ పోలీసులు మూడోసారి నోటీసులిచ్చారు. దీంతో ఇవాళ సీసీబీ పోలీసుల ఎదుట ఆమె హాజరయ్యారు. విచారణ పూర్తయిన అనంతరం హేమను పోలీసులు అరెస్ట్‌ చేశారు.అనంతరం హేమకు ప్రభుత్వాస్పత్రిలో హేమకు వైద్య పరీక్షలు నిర్వహించారు. అయితే వైద్య పరీక్షలకు హేమ బురఖా ధరించి హాజరయ్యారు. దీనికి సంబంధించిన వీడియో సోషల్ మీడియా వైరల్‌గా మారింది. ఈ కేసులో హేమను రేపు మేజిస్ట్రేట్‌ ఎదుట హాజరు పరచనున్నారు. రేవ్ పార్టీ నిర్వహణలో హేమ కీలక పాత్ర పోషించినట్లు తెలుస్తోంది. అసలేం జరిగిందంటే..బెంగళూరు నగరశివారులోని హెబ్బగోడిలో మే 19 రాత్రి నుంచి మే 20 తెల్లవారు జాము వరకు రేవ్‌ పార్టీ జరిగింది. వాసు అనే వ్యక్తి పుట్టినరోజు పేరు చెప్పి 'సన్‌సెట్‌ టు సన్‌రైజ్‌ విక్టరీ' పేరిట పార్టీ ఏర్పాటు చేశాడు. పార్టీలో ఎండీఎంఏ పిల్స్, హైడ్రో గాంజా, కొకైన్‌ ఇతర మాదకద్రవ్యాలు తీసుకున్నారు. పార్టీకి ప్రధాన కారకులైన నిందితులు రణధీర్‌, మహ్మద్‌ సిద్ధిఖి, వాసు, అరుణ్‌కుమార్‌, నాగబాబును పోలీసులు ఇదివరకే అరెస్టు చేశారు.#Tollywood actress #Hema has been arrested by @CCBBangalore wen she came in Burqa to appear today after two notices in related to to Rave party which was held in #anekal, #bengaluru . Including Hema, more than 80+ people tested positive with Drug in 101 samples collected. pic.twitter.com/qxvQAUIFtx— Madhu M (@MadhunaikBunty) June 3, 2024

సాక్షి, బెంగళూరు: బెంగళూరు డ్రగ్స్‌ కేసులో కీలక పరిణామం చోటు చేసుకుంది. నటి హేమ సీసీబీ పోలీసులు ఎదుట సోమవారం హాజరైంది. గత నెల 20న బెంగళూరు శివారులోని ఓ ఫామ్‌హౌస్‌లో జరిగిన రేవ్‌ పార్టీపై పోలీసులు దాడి చేసిన విషయం తెలిసిందే! మాదక ద్రవ్యాలు స్వాధీనం చేసుకోవడంతో పాటు దాదాపు వంద మందిని అదుపులోకి తీసుకున్నారు. అందులో టాలీవుడ్‌ నటి హేమ కూడా ఉంది. బుకాయించినా దొరికిపోయిందిఅయితే మొదట ఆ రేవ్‌ పార్టీకి, తనకు సంబంధం లేదని బుకాయించింది. కానీ తనకు జరిపిన రక్త పరీక్షల్లో ఆమె డ్రగ్స్‌ తీసుకుందని రుజువైంది. ఈ కేసు విచారణలో భాగంగా తమ ఎదుట హాజరు కావాలంటూ హేమకు పోలీసులు రెండుసార్లు నోటీసులు పంపించగా వివిధ కారణాలు చెప్పి డుమ్మా కొట్టింది. సీసీబీ పోలీసులు మూడోసారి నోటీసులు పంపగా ఎట్టకేలకు విచారణకు హాజరైంది. ఈ క్రమంలోనే ఈమెని అరెస్ట్ చేశారు. మంగళవారం కోర్టులో హాజరు పరచనున్నారు.మాదకద్రవ్యాల విక్రయంకాగా బెంగళూరు నగరశివారులోని హెబ్బగోడిలో మే 19 రాత్రి నుంచి మే 20 తెల్లవారు జాము వరకు రేవ్‌ పార్టీ జరిగింది. వాసు అనే వ్యక్తి పుట్టినరోజు పేరు చెప్పి 'సన్‌సెట్‌ టు సన్‌రైజ్‌ విక్టరీ' పేరిట పార్టీ ఏర్పాటు చేశాడు. పార్టీలో ఎండీఎంఏ పిల్స్, హైడ్రో గాంజా, కొకైన్‌ ఇతర మాదకద్రవ్యాలు విక్రయించారు. పార్టీకి ప్రధాన కారకులైన నిందితులు రణధీర్‌, మహ్మద్‌ సిద్ధిఖి, వాసు, అరుణ్‌కుమార్‌, నాగబాబును పోలీసులు ఇదివరకే అరెస్టు చేశారు.చదవండి: ఉపాసన ఇంటికి చేరిన బుజ్జి.. క్లీంకార కోసం స్పెషల్‌ గిఫ్ట్‌

శివాజీనగర: ఇటీవల బెంగళూరులో జరిగిన రేవ్‌ పార్టీలో పాల్గొన్న తెలుగు నటి హేమకు సీసీబీ పోలీసులు మరో నోటీసు జారీ చేశారు. సోమవారం విచారణకు రావాలని మొదటిసారి నోటీసు పంపగా, జ్వరం వచ్చినందున రాలేనని హేమ తెలిపారు. మంగళవారం రెండో నోటీస్‌ ఇచ్చి విచారణకు రమ్మని చెప్పారు. రేవ్‌ పార్టీ ఏర్పాటు చేసిన వాసు, అరుణ్, సిద్ధికి, నాగబాబుతో పాటుగా ఐదుగురికి మే 27న 10 రోజుల పాటు పోలీస్‌ కస్టడీకి కోర్టు ఆదేశించింది. దీంతో మంగళవారం నుంచి వారిని సీసీబీ విచారణ చేపట్టింది. రేవ్‌ పార్టీ, డ్రగ్స్‌ సరఫరా వెనక ఉన్న వారిని తెలుసుకునే లక్ష్యంగా వీరిని పోలీసులు ప్రశ్నించనున్నారు.

ఈ మధ్య కాలంలో డ్రగ్స్ కేసు మరోసారి టాలీవుడ్‌లో చర్చనీయాంశంగా మారింది. నటి హేమ ఇందులో ఉండటంతో అందరూ ఈ విషయమై తెగ మాట్లాడుకున్నారు. అయితే బెంగళూరు రేవ్ పార్టీ కేసులో విచారణకి హాజరు కావాలని హేమకు పోలీసులు నోటీసులు పంపించారు. సోమవారమే దీనికి హాజరు కావాల్సి ఉండగా, తాను జ్వరంతో బాధపడుతున్నానని చెప్పి డుమ్మా కొట్టింది. మరోవైపు ఈమెకు సంబంధించిన లేటెస్ట్ వీడియో ఒకటి వైరల్ అవుతోంది.(ఇదీ చదవండి: ఈ వారం ఓటీటీల్లోకి 19 సినిమాలు.. ఆ రెండు మాత్రం స్పెషల్)వీడియోలో ఏముందంటే?'మనమేం దేవుళ్లం కాదు. ఒకవేళ తప్పు చేసినా, పొరపాటు జరిగినా సారీ చెప్పొచ్చు. అప్పుడు మనం చాలా ఫ్రెష్‌గా ఉంటాం. అలానే అబద్దం చెబితే దాన్ని కవర్ చేయడానికి 100 అబద్దాలు ఆడాలి. అందుకని 99.9 శాతం అబద్దాలు ఆడకుండా ఉంటే బెటర్. అందుకని నేను చాలా హ్యాపీగా ఉ‍న్నానని' హేమ చెబుతున్న వీడియో ఒకటి వైరల్‌గా మారింది. ఇదంతా కూడా డ్రగ్స్ కేసు గురించేనని నెటిజన్లు మాట్లాడుకుంటున్నారు.కేసు సంగతేంటి?మే 19న బెంగళూరులోని ఓ ఫామ్ హౌసులో రేవ్ పార్టీ నిర్వహించారు. పోలీసులు రైడ్ చేసి దాదాపు 103 మంది బ్లడ్ శాంపిల్స్ తీసుకున్నారు. వీళ్లలో 86 మంది డ్రగ్స్ తీసుకున్నట్లు రిపోర్ట్స్‌లో తేలింది. ఇందులో నటి హేమ కూడా ఉన్నట్లు పోలీసులు ధ్రువీకరించారు. ఈ క్రమంలోనే పోలీసులు నోటీసులు జారీ చేయగా, తాను రాలేకపోతున్నానని మరికొంత సమయం కావాలని లేఖ రాసింది. కానీ దీన్ని పోలీసులు పరిగణలోకి తీసుకోకుండా మరోసారి నోటీసులు జారీ చేయబోతున్నట్లు తెలుస్తోంది.(ఇదీ చదవండి: ఓటీటీలోకి ఆరేళ్ల తర్వాత తెలుగు థ్రిల్లర్ మూవీ.. స్ట్రీమింగ్ డేట్ ఫిక్స్)

బెంగళూరు శివార్లలోని జీఆర్‌ ఫామ్‌హౌస్‌లో ఈ నెల 19న జరిగిన రేవ్‌ పార్టీలో పాల్గొన్నట్లు నటి హేమ పేరు బయటకు రావడంతో టాలీవుడ్‌లో సంచలనంగా మారింది. రేవ్‌ పార్టీలో పాల్గొన్నవారి రక్త నమూనాలను ల్యాబ్‌లో పరీక్షించగా 86 మంది డ్రగ్స్‌ సేవించినట్లు తేలింది. ఈ క్రమంలో హేమ బ్లడ్‌ షాంపిల్స్‌లో కూడా డ్రగ్స్‌ ఉన్నట్లు గుర్తించిన పోలీసులు నోటీసులు కూడా జారీ చేశారు. దీంతో హేమ నేడు మే 27న విచారణకు వెళ్లాల్సి ఉంది. అయితే, ఆమె విచారణకు హాజరుకాలేనని లేఖ ద్వారా తెలిపింది.వైరల్‌ ఫీవర్‌తో బాధపడుతున్నట్లు లేఖ ద్వారా పోలీసులకు హేమ తెలిపింది. అయితే ఆ లేఖను సీసీబీ పరిగణలోకి తీసుకోలేదని తెలుస్తోంది. తనకు ఆరోగ్యం సహకరించడం లేదని, విచారణకు మరికొంత సమయం ఇవ్వాలని హేమ కోరింది. అయితే, నేడు సాయంత్రం హేమకు మరో నోటీసు జారీ చేసే అవకాశం ఉందని పోలీసు వర్గాలు తెలుపుతున్నాయి.

బెంగళూరు రేవ్‌ పార్టీ కేసులో నేడు నిందితులను బెంగళూరు క్రైమ్‌ బ్యాంచ్‌ పోలీసులు విచారించనున్నారు. ఇందులో భాగంగా టాలీవుడ్‌ నటి హేమతో పాటు మరో ఎనిమిది మందికి పోలీసులు నోటీసులు ఇ‍చ్చారు. ఈ నేపథ్యంలో తాను విచారణకు హాజరు కాలేనని హేమ పోలీసులకు లేఖ రాశారు. ఈ లేఖలో హేమ.. ఈ కేసులో తాను హాజరయ్యేందుకు కొంత సమయం కావాలని కోరారు. తాను వైరల్‌ ఫీవర్‌తో బాధపడుతున్నట్టు తెలిపారు. అయితే, హేమ లేఖను సీసీబీ పోలీసులు పరిగణలోకి తీసుకోలేదు. ఈ నేపథ్యంలో విచారణకు హాజరు కావాలని హేమకు మరోసారి నోటీసులు ఇచ్చేందుకు సిద్ధమైనట్టు సమాచారం.ఇదిలా ఉండగా.. బెంగళూరు రేవ్‌ పార్టీ విషయానికి వస్తే ఈ పార్టీలో దాదాపు 150 మంది పాల్గొనగా వారిలో 86 మంది డ్రగ్స్‌ తీసుకున్నట్టు బ్లడ్‌ శాంపిల్స్‌లో తేలింది. దీంతో, వారంతా ఈరోజు విచారణకు హాజరుకావాలని సీసీబీ పోలీసులు నోటీసులు ఇచ్చారు. నోటీసులు ఇచ్చిన వారిలో టాలీవుడ్‌ నటి హేమ కూడా ఉన్నారు. అయితే రేవ్‌ పార్టీకి తాను హాజరుకాలేదని వీడియోలు రిలీజ్‌ చేసిన విషయం తెలిసిందే. మరోవైపు.. బెంగళూరు రేవ్‌ పార్టీకి సంబంధించిన కేసులో పోలీసులు ఇప్పటికే ఆరుగురిని అరెస్ట్‌ చేశారు. అలాగే, వారి బ్యాంకు ఖాతాలను కూడా ఫ్రీజ్‌ చేశారు. ఈ కేసులో ప్రధాన నిందితుడైన వాసు బ్యాంక్‌ ఖాతాల్లో భారీ మొత్తంలో నగదు ఉన్నట్టు పోలీసులు గుర్తించారు. ఇక, ఈ కేసులో వాసు ప్రధాన అనుచరుడు చిత్తూరుకు చెందిన అరుణ్‌ కుమార్‌ను కూడా పోలీసులు అరెస్ట్‌ చేసిన విషయం తెలిసిందే.

ఇటీవల బెంగళూరులో జరిగిన రేవ్‌ పార్టీ టాలీవుడ్‌ను కుదిపేసింది. పలువురు టాలీవుడ్ ‍ప్రముఖులు ఉన్నట్లు సోషల్ మీడియాలో పెద్దఎత్తున వైరలైంది. అయితే ఈ పార్టీకి టాలీవుడ్‌ నటి హేమ హాజరైనట్లు బెంగళూరు పోలీసులు ఫోటోను కూడా రిలీజ్‌ చేశారు. మొదటి తాను పార్టీలో లేనంటూ వీడియో రిలీజ్ చేసినప్పటికీ ఆ తర్వాత హేమకు పాజిటివ్‌గా వచ్చినట్లు పోలీసులు స్పష్టం చేశారు.ఇదంతా పక్కనపెడితే.. టాలీవుడ్‌లో నటిగా మంచి పేరు తెచ్చుకుంది. క్యారెక్టర్‌ ఆర్టిస్ట్‌గా వందలకు పైగా సినిమాల్లో నటించింది. విభిన్నమైన పాత్రలతో వెండితెరపై అలరించింది. ఇటీవల రేవ్ పార్టీలో హేమ పేరు రావడంతో ఆమె గురించి నెట్టింట చర్చ మొదలైంది. హేమ ఫ్యామిలీకి సంబంధించిన వివరాల గురించి ఆరా తీస్తున్నారు. అయితే హేమ గురించి ఓ ఆసక్తికర విషయం బయటకొచ్చింది. ఆమె ప్రేమ వివాహం చేసుకుంది. ఇంతకీ అతనెవరో తెలుసా? ఆ వివరాలేంటో చూసేద్దాం.నటి హేమ లవ్ స్టోరీతూర్పుగోదావరి జిల్లా రాజోలుకి చెందిన హేమ అసలు పేరు కృష్ణవేణి. తెలుగులో 1989లో బలకృష్ణ హీరోగా నటించిన ‘భలేదొంగ’ చిత్రం ద్వారా ఆమె టాలీవుడ్‌కు పరిచయమయ్యారు. ‍అయితే హేమకి ఫేమ్ తీసుకొచ్చిన చిత్రం క్షణక్షణం. రామ్ గోపాల్ వర్మ దర్శకత్వం వహించిన ఈ సినిమాలో హేమ.. శ్రీదేవికి స్నేహితురాలిగా కనిపించారు. ఈ సినిమాతో తెలుగు ఇండస్ట్రీలో హేమకి మంచి గుర్తింపు దక్కింది.ఆ తర్వాత సినీ ఇండస్ట్రీకి చెందిన వ్యక్తినే ప్రేమ పెళ్లి చేసుకున్నారు హేమ. ఆమె భర్త పేరు సయ్యద్ జాన్ అహ్మద్ కాగా.. గతంలో ఓ ఇంటర్య్వూలో తన లవ్ స్టోరీ గురించి నోరువిప్పింది. తాను దూరదర్శన్‌లో పనిచేసే సమయంలో అతను పరిచయమైనట్లు హేమ తెలిపింది. అక్కడే అతను అసిస్టెంట్ కెమెరా మెన్‌గా పనిచేసేవారని వెల్లడించింది. ఓసారి అతన్ని మొదటిసారి కలిసినప్పుడే పెళ్లి చేసుకుంటానని ప్రపోజ్ చేశాడని పేర్కొంది. మొదటిసారి కలిసిన వెంటనే పెళ్లి చేసుకుంటానని చెప్పడంతో కాదనలేకపోయానని హేమ వివరించింది. కాగా.. వీరిద్దరికీ ఈషా అనే కూతురు కూడా ఉంది. బెంగళూరులో జరిగిన రేవ్‌ పార్టీతో హేమ పేరు బయటకొచ్చిన సంగతి తెలిసిందే.

బెంగళూరు శివార్లలోని జీఆర్‌ ఫామ్‌హౌస్‌లో ఈ నెల 19న జరిగిన రేవ్‌ పార్టీలో పాల్గొన్నట్లు నటి హేమ పేరు బయటకు రావడంతో టాలీవుడ్‌లో సంచలనంగా మారింది. తాజాగా రేవ్‌ పార్టీలో పాల్గొన్నవారి రక్త నమూనాలను ల్యాబ్‌లో పరీక్షించగా 86 మంది డ్రగ్స్‌ సేవించినట్లు తేలింది. ఈ క్రమంలో హేమ బ్లడ్‌ షాంపిల్స్‌లో కూడా డ్రగ్స్‌ ఉన్నట్లు గుర్తించిన పోలీసులు నోటీసులు కూడా జారీ చేశారు. దీంతో హేమ మే 27న విచారణకు వెళ్లనున్నట్లు సమాచారం.బెంగళూరు రేవ్‌ పార్టీ వ్యవహారంపై మా అధ్యక్షుడు మంచు విష్ణు తన ఎక్స్‌ పేజీలో ఒక ట్వీట్‌ చేశారు. నటి హేమపై కొన్ని మీడియా సంస్థలు చేస్తున్న అసత్య ప్రచారాలు ఆపాలని ఆయన కోరారు. ఆమెపై ఇంకా నేరం రుజువు కాలేదని ఆయన గుర్తుచేశారు. ఎవరికి వారే హేమ తప్పుచేసినట్లు నిర్ధారిస్తే ఎలా అని ప్రశ్నించారు. శ్రీమతి హేమ దోషిగా రుజువయ్యే వరకు నిర్దోషిగానే భావించబడాలి. ఆమె కూడా ఒక తల్లి, భార్య అని గుర్తించాలి. ఇలాంటి పుకార్ల ఆధారంగా చేసుకుని ఆమెను దూషించడం అన్యాయం.మూవీ ఆర్టిస్ట్ అసోసియేషన్ (MAA) చట్టవిరుద్ధమైన కార్యకలాపాలను తప్పకుండా ఖండిస్తుంది. ఒకవేళ హేమ మీద వచ్చిన ఆరోపణలకు సంబంధించిన సరైన ఆధారాలను పోలీసులు ఇస్తే ఆమెపై చర్యలు తీసుకుంటామని తెలిపారు. అప్పటి వరకు, దయచేసి నిరాధారమైన వార్తలను వ్యాప్తి చేయకుండా ఉండాలి.' అని మంచు విష్ణు విజ్ఞప్తి చేశారు.Regarding the recent drug-related case at a rave party, few media outlets and individuals are making baseless allegations about actress Ms.Hema.I urge everyone to refrain from jumping to conclusions and spreading unverified information. Ms.Hema deserves to be presumed innocent…— Vishnu Manchu (@iVishnuManchu) May 25, 2024

యశవంతపుర: బెంగళూరు శివార్లలోని జీఆర్‌ ఫామ్‌హౌస్‌లో ఈ నెల 19న జరిగిన రేవ్‌ పార్టీలో పాల్గొన్నవారిని సోమవారం విచారణకు రావాల్సిందిగా పోలీసులు నోటీసులు జారీ చేశారు. ఈ మేరకు ప్రముఖ తెలుగు సినీ నటి హేమ సహా పలువురికి నోటీసులు ఇచ్చారు. రేవ్‌ పార్టీలో పాల్గొన్నవారి రక్త నమూనాలను ల్యాబ్‌లో పరీక్షించగా 86 మంది డ్రగ్స్‌ సేవించినట్లు తేలింది. వీరిలో పలువురు తెలుగు, కన్నడ సినీ నటీనటులు, ఇంజనీర్లు, తదితరులు ఉన్నారు.ఈ నేపథ్యంలో తెలుగు నటి హేమతో పాటు 86 మందికీ బెంగళూరు సీసీబీ పోలీసులు నోటీసులు జారీ చేసి మే 27న విచారణకు హాజరు కావాలని తెలిపారు. ఈ నెల 19న వాసు అనే వ్యక్తి పుట్టిన రోజు పేరుతో ‘సన్‌సెట్‌ టు సన్‌రైజ్‌ విక్టరీ’ పేరుతో రేవ్‌ పార్టీని నిర్వహించాడు. ఇందులో 100 మందికి పైగా పాల్గొన్నారు. సమాచారం అందుకున్న స్థానిక పోలీసులు దాడి చేయగా ఎండీఎంఎం మాత్రలు, కొకైన్, హైడ్రో గంజాయి లభించాయి. ఐదుగురి బ్యాంకు ఖాతాలు సీజ్‌ రేవ్‌ పార్టీని ఏర్పాటు చేసిన వాసు, అరుణ్‌కుమార్, నాగబాబు, రణధీర్‌బాబు, మహ్మద్‌ అబూబక్కర్‌లను పోలీసులు ఇప్పటికే అరెస్ట్‌ చేశారు. తాను హైదరాబాద్‌లో ఉన్నానని, పార్టీలో లేనని హేమ పలు వీడియోల ద్వారా బుకాయించినా పోలీసులు అన్ని ఆధారాలు చూపించి విచారణకు రావాలని ఆదేశించారు. పోలీసులు అరెస్ట్‌ చేసిన ఐదుగురి బ్యాంకు ఖాతాల్లో రూ.లక్షల రూపాయల నగదు ఉన్నట్లు గుర్తించారు. దీంతో ఆ ఖాతాలను సీజ్‌ చేయాలని నిర్ణయించారు.

బెంగళూరు రేవ్‌ పార్టీలో 86 మంది డ్రగ్స్‌ తీసుకున్నట్లు వైద్య పరీక్షల్లో తేలిందని సీసీబీ అధికారులు ఇప్పటికే ప్రకటించారు. నగర శివారులో గత ఆదివారం రాత్రి నిర్వహించిన రేవ్‌ పార్టీని పోలీసులు భగ్నం చేసి సుమారు 106 మందిని అదుపులోకి తీసుకున్నారు. వారిలో 73 మంది పురుషుల్లో 59 మందికి, 30 మంది మహిళల్లో 27 మందికి చెందిన రక్త నమూన పరీక్షలో డ్రగ్‌ పాజిటివ్‌ వచ్చిందని పోలీసులు గుర్తించారు. తాజాగా వారందరికీ నోటీసులు జారీ చేసినట్లు తెలుస్తోంది.టాలీవుడ్‌కు చెందిన సినీ నటి హేమ, ఆశూ రాయ్‌లకు విచారణకు రావాలని నోటీసులు జారీ చేశారు. వీరితో పాటు అరుణ్‌ చౌదరి, చిరంజీవి, క్రాంతి, రాజశేఖర్‌,సుజాత, రిషి చౌదరి, ప్రసన్న, శివాని జైశ్వాల్‌లకు కూడా బెంగళూరు పోలీసులు నోటీసులు ఇచ్చారు. వీరందరూ కూడా మే 27న విచారణకు హాజరు కావాలని క్రైమ్ బ్రాంచ్ పోలీసులు ఆదేశించారు. వీరికి డ్రగ్స్‌ ఎవరు ఇచ్చారు..? ఇంకా ఎవరెవరితో డ్రగ్స్‌ సంబంధాలు ఉన్నాయోనని విచారించనున్నారు. ఈ రేవ్‌ పార్టీకి సంబంధించి ఇప్పటికే ఐదుగురుని బెంగళూరు పోలీసులు అరెస్ట్ చేసిన విషయం తెలిసిందే.

బెంగళూరులో జరిగిన రేవ్‌ పార్టీలో హేమ కూడా ఉందంటూ తొలుత ఆమె పేరు బయటకు వచ్చింది. వెంటనే అలర్ట్‌ అయిన హేమ.. తూచ్‌, అంతా అబద్ధం, నేను హైదరాబాద్‌లో ఉన్నానని వీడియో రిలీజ్‌ చేసింది. అంతలోనే బెంగళూరు పోలీసులు తన ఫోటో మీడియాకు వదిలారు. అయినా ఒప్పుకోలేదు, ఇంట్లో బిర్యానీ వండుతున్నట్లు మరో వీడియో బయటకు వదిలింది. ఎవరినీ క్షమించేది లేదని..నిప్పు లేనిదే పొగరాదు అన్నట్లు శాంపిల్‌ టెస్ట్‌లో హేమ డ్రగ్స్‌ వాడినట్లు నిర్ధారణ అయింది. దీంతో ఆమె కిక్కురుమనకుండా సైలెంట్‌ అయిపోయింది. హేమ వ్యవహారంపై నటి కరాటే కల్యాణి తీవ్రస్థాయిలో స్పందించింది. 'సినిమా ఇండస్ట్రీలో ఎవరైనా డ్రగ్స్‌ వాడినా.. ఎటువంటి అసాంఘిక కార్యకలాపాలకు పాల్పడినా ఎవరినీ క్షమించొద్దని మా అధ్యక్షుడు మంచు విష్ణు సినిమాటోగ్రఫీ మంత్రి కోమటిరెడ్డి వెంకట్‌ రెడ్డికి సూచించారు. తమవైపు పూర్తి సహకారం ఉంటుందని పేర్కొన్నారు. గొడవలు..ఇంతలోనే హేమ డ్రగ్స్‌ కేసులో ఇరుక్కుందని వార్తలు వచ్చాయి. రేవ్‌ పార్టీలో తన పేరు వినిపించగానే ఏంటక్కా, ఇది నిజమేనా? అని మెసేజ్‌ చేశాను. కానీ తను రిప్లై ఇవ్వలేదు. మా అసోసియేషన్‌ ఎన్నికల సమయంలో శివబాలాజీని కొరకడం.. రాజేంద్రప్రసాద్‌గారిని అడ్డగించడం, నా మీద కూడా కేసు పెట్టి ఏదో ఒక గొడవ చేస్తూ ఉంటుంది. నేను సరదాగా పేకాట ఆడితే ఎవరో ఇరికించారు. అయినా దీన్ని పెద్ద తప్పన్నట్లుగా హడావుడి చేసిన ఈమెకు దేవుడు వెంటనే శిక్ష వేశాడు.తన గోతి తనే తీసుకుందిఇప్పుడామె చేసిందే తప్పుడు పని.. తప్పుడు ప్లేస్‌లో దొరికి మళ్లీ బుకాయించడం దేనికి? హైదరాబాద్‌లో ఫామ్‌ హౌస్‌లో ఉన్నానంటూ సెల్ఫీ వీడియో తీసి పోలీసులను, మీడియాను తప్పుదోవ పట్టించావు. ఇది ఇంకో కేసు. నీ పాపులారిటీ ఇంకా తప్పుగా వాడుకుంటున్నావు. నీ గోయి నువ్వే తీసుకున్నావు' అని ఆగ్రహం వ్యక్తం చేసింది.చదవండి: డ్రగ్స్ పార్టీలో ట్విస్ట్.. నటి హేమ రక్త నమూనా రిపోర్ట్‌ విడుదల

బెంగళూరు నగర శివారులోని ఓ ఫాంహౌస్‌లో జరిగిన రేవ్‌పార్టీ టాలీవుడ్‌ను కుదిపేసింది. ఈ పార్టీలో సినీ ప్రముఖులు కూడా పాల్గొన్నట్లు నగర పోలీస్‌ కమిషనర్‌ బి.దయానంద్‌ తెలిపారు. మీడియాతో ఆయన మాట్లాడుతూ ప్రజాప్రతినిధులెవరూ ఈ పార్టీలో పాల్గొనలేదన్నారు. అయితే, పట్టుబడిన వారి బ్లడ్‌ శాంపిల్స్‌ రిపోర్ట్‌ను వారు విడుదల చేశారు. దీంతో సినీ నటి హేమకు చిక్కులు తప్పవని తెలుస్తోంది. రక్త నమూనాలో డ్రగ్స్ ఆనవాళ్లుఈ రేవ్ పార్టీలో మందుతో పాటు పెద్ద ఎత్తున డ్రగ్స్ వాడకం కూడా జరిగినట్లు పోలీసులు తెలిపారు. రేవ్‌ పార్టీలో పాల్గొన్న సుమారు 150 మందిని పోలీసులు అదుపులోకి తీసుకున్నారు. వారందరి రక్త నమూనాలను నార్కోటిక్ టీం సేకరించింది. తాజాగా అందరి రక్త నమూనా రిపోర్ట్‌లు వచ్చాయని కర్ణాటక పోలీసులు తెలిపారు. తెలుగు నటి హేమ రక్త నమూనాలో డ్రగ్స్ ఆనవాళ్లు ఉన్నట్లు గుర్తించామని వారు తెలిపారు.86 మందికి పాజిటివ్‌డ్రగ్ టెస్టులో నటి హేమ సహా 86 మందికి పాజిటివ్‌గా తేలిందని కర్ణాటక పోలీసులు తెలిపారు. డ్రగ్స్‌ తీసుకున్నట్లు రక్త నమూనా పరీక్షలో నిర్ధారణ అయిన వ్యక్తులకు సీసీబీ నోటీసులు ఇస్తుందన్నారు. పట్టుబడిన వారిలో 59 మంది పురుషుల రక్త నమూనాల్లో డ్రగ్స్‌ ఆనవాళ్ళు ఉన్నాయన్నారు. 27 మంది మహిళల రక్త నమూనాల్లో డ్రగ్స్‌ తీసుకున్నట్లు రిపోర్ట్‌ వచ్చిందన్నారు. ఇప్పటి వరకు 103 మందిలో మొత్తం 86 మంది డ్రగ్స్ తీసుకున్నట్లు తేలిందన్నారు. వారందరికీ సమన్లు జారీ చేసి కౌన్సెలింగ్‌కు పిలిచే అవకాశం ఉంటుందన్నారు. డ్రగ్స్‌ తీసుకున్నవాళ్లను బాధితులుగా పరిగణించేందుకే ఎక్కువ అవకాశాలు ఉంటాయని పోలీసులు తెలుపుతున్నారు.పేరు మార్చుకున్న హేమబెంగుళూరు డ్రగ్స్ కేసులో పోలీసులకు నటి హేమ వరుసగా ట్విస్ట్‌లు ఇచ్చింది. పార్టీకి వెళ్తున్న క్రమంలో తన పేరు బయటికి రాకుండా ఆమె చాలా జాగ్రత్తలు తీసుకుంది. తన అసలు పేరుకు బదులుగా కృష్ణవేణి పేరుతో పార్టీకి వెళ్లినట్లు పోలీసులు గుర్తించారు. హేమా, చిరంజీవి, ఆశి రాయికి బెంగుళూరు సీసీబి పోలీసులు నోటిసులు ఇవ్వనున్నారు.రేవ్‌ పార్టీలో తెలుగు సినీనటి హేమ పేరు వచ్చిన వెంటనే ఆమె జాగ్రత్త పడి, ఫాంహౌస్‌ ఖాళీ స్థలంలోకి వెళ్లి నేను ఆ పార్టీలో లేను, హైదరాబాద్‌లో ఫాంహౌస్‌లో ఉన్నాను అని చెప్పింది. ఆ సమయంలో ఆమె ఫోటోను పోలీసులు విడుదల చేశారు. ఆ తర్వాత ఆమె తన ఇంట్లో ఉన్న మరొ వీడియోను విడుదల చేసింది. అయితే, తాజాగా పోలీసులు ఇచ్చిన ప్రకటనతో ఆమె ఇంకా రియాక్ట్‌ కాలేదు.

బనశంకరి: బెంగళూరు నగర శివారులోని హెబ్బగోడిలో ఓ ఫాంహౌస్‌లో జరిగిన రేవ్‌పార్టీపై సమగ్ర దర్యాప్తు జరుపుతున్నామని నగర పోలీస్‌ కమిషనర్‌ బి.దయానంద్‌ తెలిపారు. ఈ పార్టీలో తెలుగు సినీ నటులు ఉన్నారని, అయితే ప్రజాప్రతినిధులెవరూ పాల్గొనలేదన్నారు. మంగళవారం ఆయన మీడియాతో మాట్లాడారు. పూర్తి వివరాలు ఆయన మాటల్లోనే...‘‘రేవ్‌ పార్టీలో తెలుగు సినీనటి హేమ ఉన్నారు. సన్‌సెట్‌ టు సన్‌రైజ్‌ విక్టరీ అని ఈ రేవ్‌పార్టీకి పేరుపెట్టారు. ఆదివారం సాయంత్రం నుంచి సోమవారం తెల్లవారుజాము వరకు పార్టీ నిర్వహించాలనుకున్నారు. పార్టీలో ఎండీఎంఏ పిల్స్, హైడ్రో గాంజా, కొకైన్‌ ఇతర మాదకద్రవ్యాలు విక్రయించారు. రేవ్‌పార్టీలో పాల్గొన్న వారి పేర్లలో హేమ పేరు వినబడగానే ఆమె జాగ్రత్త పడి, ఫాంహౌస్‌ ఖాళీ స్థలంలోకి వెళ్లి నేను ఆ పార్టీలో లేను, హైదరాబాద్‌లో ఫాంహౌస్‌లో ఉన్నాను అని చెప్పింది. ఆమె వీడియో గురించి కూడా దర్యాప్తు చేస్తున్నాం. ..పార్టీలో పాల్గొన్న వారందరికీ వైద్యపరీక్షలు చేపట్టాం, నివేదిక అందిన వెంటనే చర్యలు తీసుకుంటాం. రేవ్‌పార్టీ జరిగిన స్థలం బెంగళూరు రూరల్‌లోని హెబ్బగోడి పోలీస్‌స్టేషన్‌ పరిధిలోకి రావడంతో కేసును ఎల్రక్టానిక్‌ సిటీ పీఎస్‌ నుంచి హెబ్బగోడి పీఎస్‌కు బదిలీ చేశాం. డ్రగ్స్‌ విసిరేశారు: రేవ్‌పార్టీలో వందమందికి పైగా పాల్గొన్నారు. దాడి సమయంలో మాదక ద్రవ్యాలు లభించాయి. కొందరు దొరికిపోతామనే భయంతో స్విమ్మింగ్‌పూల్, టాయ్‌లెట్‌ తదితర స్థలాల్లోకి డ్రగ్స్‌ విసిరేశారు, వాటిని వెతకడానికి జాగిలాలను ఉపయోగించాం. రణదీర్, మహమ్మద్‌సిద్దికి, వాసు, అరుణ్‌కుమార్, నాగబాబులను అరెస్టు చేసి విచారిస్తున్నాం. పార్టీలో సిద్దిక్, రణ«దీర్, రాజ్‌బావ డ్రగ్స్‌ విక్రయించారు. సోమవారం తెల్లవారుజామున 3 గంటల సమయంలో సీసీబీ అదికారులు దాడి చేశారు. నటి హేమ కూడా పార్టీలో ఉంది. ఆమె రక్తనమూనాలు సేకరించి ల్యాబ్‌కు పంపించాం. ప్రతి ఒక్కరిని విచారించి సీసీబీ వాంగ్మూలం సేకరిస్తుంది. అందరితో పాటు హేమకు కూడా నోటీసులు జారీ చేసి తదుపరి విచారణకు పిలుస్తాం’అని దయానంద్‌ తెలిపారు.నిందితుల అరెస్ట్‌రేవ్‌పార్టీకి కారకులంటూ ఐదుగురు నిందితులను బెంగళూరు పోలీసులు అరెస్టు చేశారు. నిందితులు రణధీర్, మహ్మద్‌ సిద్ధికి, వాసు, అరుణ్‌కుమార్, నాగబాబును నగర న్యాయస్థానం ముందు మంగళవారం హాజరు పరచి, పరప్పన అగ్రహార కేంద్ర కారాగారానికి తరలించారు. వీరంతా హైదరాబాద్‌కు చెందిన వారని గుర్తించామని నగర పోలీసు కమిషనర్‌ దయానంద్‌ వెల్లడించారు. రేవ్‌పార్టీలో ఎండీఎంఏ మాత్రలు, హైడ్రోగాంజా, కొకైన్, ఇతర మత్తు పదార్థాలు విక్రయించారని వివరించారు.వాసుది విజయవాడబెంగుళూరు డ్రగ్స్ పార్టీ వెనుక ఏపీ మూలాలు ఉన్నట్లు తేలింది. పార్టీ నిర్వాహకుడు లంకపల్లి వాసు స్వస్థలం విజయవాడగా పోలీసులు ధృవీకరించారు. గతంలో విజయవాడ కేంద్రంగా పలు వివాదాల్లో భాగమైన వాసు.. క్రికెట్‌ బెట్టింగ్‌లో ఆరితేరాడు. విజయవాడ కేంద్రంగా క్రికెట్ బుకీ వ్యవస్థ నడిపిస్తున్నట్లు గుర్తించారు. విజయవాడలో ఈ మధ్యే ఖరీదైన స్థలాలు కొన్న వాసు గ్యాంగ్.. బెంగుళూరు పార్టీ కేంద్రంగా రేవ్‌ పార్టీలను నిర్వహిస్తున్నట్లు బెంగళూరు పోలీసులు గుర్తించారు.

బెంగళూరు రేవ్ పార్టీ టాలీవుడ్‌ను కుదిపేస్తోంది. ఈ పార్టీకి టాలీవుడ్ ప్రముఖులు హాజరయ్యారంటూ వార్తలు రావడంతో ఒక్కసారిగా ఇండస్ట్రీలో హాట్‌ టాపిక్‌గా మారింది. దీంతో తాము పార్టీకి వెళ్లలేదంటూ నటి హేమ, హీరో శ్రీకాంత్‌ వీడియోలను రిలీజ్ చేశారు. తాము హైదరాబాద్‌లోనే ఉన్నామంటూ క్లారిటీ ఇచ్చారు. కన్నడ మీడియాలో, సోషల్‌ మీడియాలో వస్తున్న వార్తల్లో వాస్తవం లేదన్నారు. అనవసరంగా తన పేరును లాగొద్దని విజ్ఞప్తి చేశారు.అయితే ఇదిలా ఉండగా.. హేమ తాజాగా మరో వీడియోను రిలీజ్‌ చేశారు. తన ఇంట్లోనే బిర్యానీ వండుతున్న వీడియోను పంచుకున్నారు. దీంతో హేమ చేసిన వీడియో మరోసారి సోషల్ మీడియాలో హాట్‌ టాపిక్‌గా మారింది. తాను హైదరాబాద్‌లోనే ఉన్నానని చెప్పేందుకు బిర్యానీ రెసీపీ చేస్తున్న వీడియోను రిలీజ్ చేసినట్లు తెలుస్తోంది. అసలేం జరిగిందంటే..బెంగళూరులోని ఎలక్ట్రానిక్ సిటీ‌ సమీపంలో ఆదివారం అర్ధరాత్రి రేవ్‌ పార్టీ జరిగింది. ‌బర్త్‌డే పార్టీ పేరుతో జీఆర్‌ ఫామ్‌హౌస్‌లో జరిగిన ఈ రేవ్‌ పార్టీపై పోలీసులు పక్కా సమాచారంతో దాడి చేశారు. ఈ పార్టీలో పెద్ద ఎత్తున డ్రగ్స్‌, కొకైన్‌ స్వాధీనం చేసుకున్నారు. హైదరాబాద్‌కు చెందిన ఓ వ్యక్తి ఈ పార్టీని ఏర్పాటు చేసినట్లు బెంగళూరు పోలీసులు వెల్లడించారు. ఈ రేవ్‌ పార్టీలో టాలీవుడ్‌కు చెందిన ప్రముఖ సెలబ్రిటీలు సైతం ఉన్నట్లు పెద్దఎత్తున సోషల్ మీడియాలో ప్రచారం జరిగింది. View this post on Instagram A post shared by KOLLA HEMA (@hemakolla1211)

సాక్షి బెంగళూరు: బెంగళూరు నగర శివార్లలోని ఓ ఫామ్‌హౌస్‌లో ఆదివారం రాత్రి నుంచి తెల్లవారుజాము వరకు జరిగిన రేవ్‌ పార్టీ లో బెంగళూరుతో పాటు తెలుగు రాష్ట్రాలకు చెందిన పలువురు ప్రముఖులు కూడా పాల్గొన్నట్టు అందుతున్న సమాచారం కలకలం రేపుతోంది. పుట్టినరోజు వేడుకల పేరిట ఎల్రక్టానిక్‌ సిటీ సింగేనా అగ్రహారలో ఉన్న ఫార్మ్‌హౌస్‌లో ఈ రేవ్‌ పార్టీ జరిగింది. ఈ మేరకు అందిన పక్కా సమాచారంతో సీసీబీ యాంటీ నార్కోటిక్స్‌ విభాగం అధికారులు డీసీపీ శ్రీనివాసగౌడ నేతృత్వంలో రేవ్‌ పార్టీపై దాడి చేశారు. మాదకద్రవ్యాలు స్వాధీనం చేసుకోవడంతో పాటు సుమారు 100 మందిని అదుపులోకి తీసుకున్నారు. వీరిలో 25 మందికి పైగా యువతులున్నట్టు అధికారులు చెప్పారు. ఇదిలా ఉండగా, ఐదుగురిని అరెస్టు చేసి కేసు నమోదు చేశారు. వారికి వైద్య పరీక్షలు రేవ్‌పార్టీ జరిగినట్లు బెంగళూరు పోలీసులు ధ్రువీకరించారు. అయితే పార్టీలో ప్రముఖులు ఎవరెవరు ఉన్నదీ వెల్లడించలేదు. అదనపు పోలీస్‌ కమిషనర్‌ డాక్టర్‌ చంద్రగుప్తా సోమవారం మీడియాకు వివరాలు వెల్లడించారు. బెంగళూరు పోలీసులు ఒక ప్రకటన సైతం జారీ చేశారు. రేవ్‌ పార్టీ కి సంబందించి ఐదుగురిని అరెస్టు చేశామని, ఎల్రక్టానిక్‌ సిటీ పోలీస్‌స్టేషన్‌లో కేసు నమోదు చేసినట్లు చెప్పారు. పాల్గొన్నవారిని అదుపులోకి తీసుకున్నామని, రక్తం నమూనాలు సేకరించి పరీక్షలు చేస్తున్నామన్నారు. రేవ్‌పార్టీలో 100 మంది ఉన్నారని, డాగ్‌స్కా్వడ్‌ను పిలిపించి తనిఖీలు చేపట్టామని, కొన్ని మాదకద్రవ్యాలు లభించాయని వివరించారు. ‘సన్‌సెట్‌ టు సన్‌రైజ్‌ విక్టరీ’ పేరిట రేవ్‌ పార్టీ జరిగినట్లు పోలీసులు పేర్కొన్నారు. సుమారు 15.56 గ్రా. ఎండీఎంఏ, 6.2 గ్రా. హైడ్రో గంజాయి, కొకైన్‌ స్వాధీనం చేసుకున్నట్లు తెలిపారు. జీఆర్‌ ఫార్మ్‌హౌస్‌లో పార్టీ హెబ్బగోడి పోలీస్‌స్టేషన్‌ పరిధిలో కాన్‌కార్డు యజమాని గోపాలరెడ్డి పేరిట ఉన్న జీఆర్‌ ఫార్మ్‌హౌస్‌లో ఈ పార్టీ జరిగింది. హైదరాబాద్‌కు చెందిన వాసు అనే వ్యక్తి ఈ పార్టీని నిర్వహించినట్లు తెలిసింది. ఈ పార్టీ కోసం విమానాన్ని ఏర్పాటు చేసినట్లు సమాచారం. తెలుగు రాష్ట్రాలకు చెందిన ప్రముఖ నటీనటులు, మోడళ్లు, టెక్కీలు పాల్గొన్నట్లు అనుమానాలు వ్యక్తమవుతున్నాయి. రూ.50 లక్షల వరకు వ్యయం నగరం నడిబొడ్డున ఇంత పెద్దయెత్తున రేవ్‌ పార్టీ నిర్వహిస్తే పోలీసుల నుంచి ఇబ్బందులు రావొచ్చని భావించి నగర శివార్లలో నిర్వహించినట్లు సమాచారం. ఈ ఒక్కరోజు పార్టీ కోసం సుమారు రూ.30 లక్షల నుంచి రూ. 50 లక్షల మేర ఖర్చు చేసినట్లు తెలిసింది. దాడి చేసేందుకు వచి్చన పోలీసులను గమనించగానే నిర్వాహకులు తలుపులు మూసేశారు. అయితే వారు బలవంతంగా తలుపులు తెరిచి లోపలకు వెళ్లారు. అప్పటికే కొందరు డ్రగ్స్‌ను దాచి పెట్టారు. కొంతమంది తమ వద్ద ఉన్న మాదకద్రవ్యాలను టాయిలెట్‌ కమోడ్‌లలో వేసి ఫ్లష్‌ చేశారు. కాగా పోలీసులు ఫార్మ్‌హౌస్‌ను క్షుణ్ణంగా గాలించారు.ముగ్గురు డ్రగ్‌ పెడ్లర్లతో పాటు నిర్వాహకుడు వాసు, మరొకరు ఇలా.. మొత్తం ఐదు మందిని అరెస్టు చేశారు. వాసు పుట్టినరోజు పార్టీ నిర్వాహకులు అరుణ్, సిద్దిఖి, రణబీర్, నాగబాబులను అదుపులోకి తీసుకున్నారు. పరప్పన అగ్రహార పోలీసుస్టేషన్‌లో ఈ పార్టీ కి అనుమతులు తీసుకున్నట్లు వాసు చెబుతున్నప్పటికీ అది అవాస్తవమని తెలుస్తోంది. పార్టీ కి వచి్చన వారు ఫార్మ్‌హౌస్‌ లోపలికి వెళ్లాలంటే సెక్యూరిటీ పాస్‌వర్డ్‌ చెప్పేలా ఏర్పాటు చేసినట్లు సమాచారం. రేవ్‌ పార్టీలో తెలుగు నటులు హేమ, శ్రీకాంత్, డ్యాన్స్‌ మాస్టర్‌ జానీ కూడా పాల్గొన్నట్లు వార్తలు గుప్పుమన్నాయి.అయితే తాము ఆ పార్టీలో పాల్గొనలేదని వీడియో బైట్ల ద్వారా వారు వివరణ ఇచ్చారు. అయితే హేమ మాత్రం పోలీసుల అదుపులో ఉన్నట్లు తెలిసింది. ఆమె విడుదల చేసిన వీడియో హైదరాబాద్‌లో తీసింది కాదని, ఆ ఫార్మ్‌హౌస్‌ లోపలే హేమ వీడియో బైట్‌ ఇచి్చనట్లు ఆమె ధరించిన దుస్తుల ఆధారంగా అనుమానిస్తున్నారు. నేను నా ఇంట్లోనే ఉన్నా: శ్రీకాంత్‌ బెంగళూరు రేవ్‌ పార్టీ తో తనకు ఎలాంటి సంబంధం లేదంటూ టాలీవుడ్‌ నటుడు శ్రీకాంత్‌ చెప్పారు. ఈ మేరకు తన ఇంట్లో నుంచే ప్రత్యేకంగా వీడియోను విడుదల చేశారు. ‘నేను హైదరాబాద్‌లోని మా ఇంట్లోనే ఉన్నాను. నేను బెంగళూరు రేవ్‌ పార్టీ కి వెళ్లినట్లు, పోలీసులు అరెస్టు చేశారనే వార్తలతో కొందరు నాకు ఫోన్‌ చేశారు. నేను కూడా వీడియో క్లిప్స్‌ చూశా. కొంతమంది మీడియా మిత్రులు నాకు ఫోన్‌ చేసి క్లారిటీ తీసుకున్నారు. కొన్నింటిలో మాత్రం నేను వెళ్లాననే వార్తలు వచ్చాయి.అవి చూసి నేను, మా కుటుంబ సభ్యులందరం నవ్వుకున్నాం. అలా వార్తలు రాసిన వాళ్లు తొందపడటంలో తప్పులేదనిపించింది. ఎందుకంటే రేవ్‌ పార్టీలో దొరికిన అతనెవరో కానీ, కొంచెం నాలాగే ఉన్నాడు. నేనే షాకయ్యా. నేను రేవ్‌ పార్టీ లకు, పబ్స్‌కు వెళ్లే వ్యక్తిని కాను. రేవ్‌ పార్టీ ఎలా ఉంటుందో కూడా నాకు తెలియదు. దయచేసి తప్పుడు కథనాలను నమ్మొద్దు..’ అని శ్రీకాంత్‌ విజ్ఞప్తి చేశారు. నేను హైదరాబాద్‌లోనే చిల్‌ అవుతున్నా..: సినీ నటి హేమ బెంగళూరులో నన్ను అరెస్ట్‌ చేశారని సోషల్‌ మీడియాలో ప్రచారం జరుగుతోంది. కానీ నేను హైదరాబాద్‌లోనే ఉన్నా. ఓ ఫామ్‌హౌస్‌లో చిల్‌ అవుతున్నా. బెంగళూరులో ఎలాంటి పార్టీ కి వెళ్లలేదు నన్ను అనవసరంగా ఇందులోకి లాగుతున్నారు. నాపై వస్తున్న వార్తల్లో నిజం లేదు.

సాక్షి, బెంగళూరు: బెంగళూరులోని ఎలక్ట్రానిక్ సిటీ‌ సమీపంలో ఆదివారం అర్ధరాత్రి రేవ్‌ పార్టీ జరిగింది. ‌బర్త్‌డే పార్టీ పేరుతో జీఆర్‌ ఫామ్‌హౌస్‌లో జరిగిన ఈ రేవ్‌ పార్టీపై పోలీసులు పక్కా సమాచారంతో దాడి చేశారు. ఈ పార్టీలో పెద్ద ఎత్తున డ్రగ్స్‌, కొకైన్‌ స్వాధీనం చేసుకున్నారు. హైదరాబాద్‌కు చెందిన ఓ వ్యక్తి ఈ పార్టీని ఏర్పాటు చేసినట్లు సమాచారం. ఈ రేవ్‌ పార్టీలో టాలీవుడ్‌కు చెందిన ప్రముఖ సెలబ్రిటీలు సైతం ఉన్నట్లు ప్రచారం జరుగుతోంది. టాలీవుడ్‌ నటి హేమ కూడా ఈ పార్టీలో భాగమైందని వార్తలు వైరలవుతుండటంతో ఆమె స్పందించింది. బెంగళూరు రేవ్‌ పార్టీతో తనకు ఏమాత్రం సంబంధం లేదని హేమ వెల్లడించింది. తాను హైదరాబాద్‌లోనే ఉన్నానని స్పష్టం చేసింది. కన్నడ మీడియాలో, సోషల్‌ మీడియాలో వస్తున్న వార్తల్లో వాస్తవం లేదని పేర్కొంది. అనవసరంగా తన పేరును లాగొద్దని విజ్ఞప్తి చేసింది.చదవండి: Payal Rajput: ఇక్కడ నాపై బ్యాన్‌ విధిస్తామని బెదిరిస్తున్నారుబెంగళూరులో రేవ్‌పార్టీ కలకలం.. పట్టుబడ్డ టాలీవుడ్‌ ప్రముఖులు!

సాక్షి. అమరావతి: రాష్ట్రంలో ఆహార శుద్ధి పరిశ్రమలను పెద్ద ఎత్తున ఏర్పాటు చేసి, పారిశ్రామిక అభివృద్ధి సాధించడంతోపాటు అటు రైతులను ఆర్థికంగా నిలదొక్కుకొనేలా చేయడం, ఇటు యువతకు ఉపాధి కల్పించాలన్నది ముఖ్యమంత్రి వైఎస్‌ జగన్‌మోహన్‌ రెడ్డి సంకల్పం. రాష్ట్ర ప్రగతికి తోడ్ప­డే ఆహార శుద్ధి పరిశ్రమలను ప్రోత్సహిస్తోంది. 35 శాతం సబ్సిడీతోపాటు కేవలం 6 శాతం వడ్డీకే రుణాలు లభించేలా ఏర్పాట్లు చేసింది. ఈ యూనిట్లకు రుణాలిచ్చేందుకు స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) ముందుకొచ్చింది. ఈమేరకు మంగళవారం సచివాలయంలో ఎస్‌బీఐతో అవగాహన ఒప్పందం కుదుర్చుకుంది. వ్యవసాయ మార్కెటింగ్‌ శాఖ ప్రిన్సిపల్‌ సెక్రటరీ చిరంజీవి చౌదరి సమక్షంలో ఏపీ ఫుడ్‌ ప్రాసెసింగ్‌ సొసైటీ (ఏపీఎఫ్‌పీఎస్‌) సీఈవో ఎల్‌.శ్రీధర్‌రెడ్డి, ఎస్‌బీఐ డిప్యూటీ జనరల్‌ మేనేజర్‌ (డీజీఎం) వి.హేమ అవగాహన ఒప్పందంపై సంతకాలు చేశారు.  రూ. 10 లక్షల వరకు పూచీకత్తు లేకుండా రుణాలు  ఈ ప్రాజెక్టు కింద  రూ.10లక్షల వరకు ఎలాంటి పూచీకత్తు లేకుండా 35 శాతం సబ్సిడీపై ఎస్‌బీఐ రుణం మంజూరు చేస్తుంది. రూ.10 లక్షల నుంచి రూ.కోటి అంచనా వ్యయంతో పెట్టే యూనిట్లకు మాత్రం పూచీకత్తుతో రుణాలు మంజూరు చేస్తారు. సబ్సిడీ 35 శాతం లేదా గరిష్టంగా రూ.10 లక్షలుగా నిర్ణయించారు. తాజా ఒప్పందం ద్వారా కనీసం 7,500 ఫుడ్‌ ప్రాసెసింగ్‌ యూనిట్ల ఆధునికీకరణ, స్థాపనకు చేయూతనివ్వాలని ప్రభుత్వం సంకల్పించింది. కుల, మత, లింగ భేదాల్లేకుండా 18 ఏళ్లు పైబడిన వారెవరైనా వ్యక్తిగత యూనిట్లు పెట్టుకోవచ్చు. యూనిట్‌ వ్యయంలో లబ్దిదారులు 10 శాతం వాటాగా భరిస్తే తొలుత 90 శాతం రుణంగా ఎస్‌బీఐ మంజూరు చేస్తుంది. రుణ ప్రక్రియ పూర్తి కాగానే ప్రాజెక్టు వ్యయంలో 35 శాతం ప్రభుత్వం సబ్సిడీ జమ చేస్తుంది. 9 శాతం వడ్డీతో మంజూరు చేసే ఈ రుణాలపై అగ్రి ఇన్‌ఫ్రా ఫండ్‌ (ఎఐఎఫ్‌) కింద అదనంగా 3 శాతం వడ్డీ రాయితీ లభిస్తుంది. అంటే 6 శాతం వడ్డీకే ఈ రుణాలు లభిస్తాయి. అంతేకాదు యూనిట్‌ ప్రారంభ దశలో 3 నెలలపాటు మారటోరియం వ్యవధి ఉంటుంది. ఈ ప్రాజెక్టు కింద వ్యక్తిగతంగానే కాకుండా  రైతు ఉత్పత్తిదారుల సంఘాల ద్వారా కూడా సూక్ష్మ ఆహార శుద్ధి ప్రాజెక్టుల విస్తరణకు చేయూతనివ్వాలని ప్రభుత్వం నిర్ణయించింది. ఈ ఒప్పందం ద్వారా అనకాపల్లి బెల్లం, గువ్వలచెరువు పాలకోవా, మాడుగుల హల్వా వంటి సంప్రదాయ ఆహార క్లస్టర్లలోని మైక్రో ప్రాసెసింగ్‌ యూనిట్లను అత్యాధునిక యంత్రాలతో అప్‌గ్రేడ్‌ చేయవచ్చు. గతేడాది రూ.8 లక్షల అంచనా వ్యయంతో ఏర్పాటైన 500 యూనిట్లకు 55 శాతం సబ్సిడీపై ఎస్‌బీఐ ఆర్థిక చేయూతనిచ్చి ంది. ఆహారశుద్ధి పరిశ్రమల విస్తరణ మరింత వేగం:  చిరంజీవి చౌదరి  రాష్ట్రంలో ఫుడ్‌ ప్రాసెసింగ్‌ పరిశ్రమాభివృద్ధికి అపారమైన అవకాశాలు ఉన్నాయని చిరంజీవి చౌదరి చెప్పారు. ఇటీవలే సోలార్‌ డీ హైడ్రేషన్‌ యూనిట్లకు ఆరి్ధక చేయూతనిచ్చేందుకు బ్యాంక్‌ ఆఫ్‌ బరోడాతో ఒప్పందం చేసుకున్నామని, ఇప్పుడు సూక్ష్మ ఆహార శుద్ధి పరిశ్రమల ఏర్పాటుకు ఎస్‌బీఐతో కలిసి ముందుకెళ్తున్నామని తెలిపారు. ఇది రాష్ట్రంలో పరిశ్రమల విస్తరణకు సానుకూల ప్రభావం చూపు­తుందన్నారు. సొసైటీ సీఈవో ఎల్‌.శ్రీధర్‌రెడ్డి మాట్లాడుతూ గత ఆర్ధిక సంవత్సరం 500 యూనిట్లకు రుణాలిచ్చిన ఎస్‌బీఐ.. ఇప్పుడు పెద్ద ఎత్తున యూనిట్ల విస్తరణ­కు ప్రధాన రుణభాగస్వామిగా ఉద్భవించడం శుభపరిణామమన్నారు. పూచీకత్తు లేకుండా రూ.10లక్షల వరకు రుణాలిస్తామని ఎస్‌బీఐ డీజీఎం హేమ చెప్పారు. రైతు ఉత్పత్తిదారుల సంఘాల సహకారంతో  ఏ­ర్పా­టయ్యే యూనిట్లకు మద్దతు ఇస్తామన్నా­రు. ఈ కార్యక్రమంలో సొసైటీ డిప్యూటీ సీఈవో ఈ.రమేష్‌ తదితరులు పాల్గొన్నారు. 

‘‘మా నాన్న వ్యవసాయ కూలీగా ఉంటూ కుటుంబాన్ని పోషించేవారు. ఆ సం పాదన మా చదువులకు సరిపోదని విశాఖ వచ్చి పూర్ణామార్కెట్‌లో కలాసీగా పనిచేస్తున్నారు. నాకు మంచి మార్కులు వస్తున్నాయని, బాగా చదివించమని మా ఉ పాధ్యాయులు చెప్పడంతో నాన్న ఎప్పుడూ నా గురించే ఆలోచించేవారు. చాలీచాలని సం పాదనతో ఎలా చదివించాలన్నదే ఆయన ఆందోళన. అలాంటి సమయంలో నేను 8వ తరగతిలో ఉండగా మొదటిసారి అమ్మ ఒడి అందింది. వరుసగా మూడేళ్లు ఆ పథకం వల్ల లబ్ధి ΄పొందడం వల్ల నా చదువు ఎలాంటి భారం లేకుండా సునాయాసంగా సాగిపోయింది. మా పాఠశాల ఉ పాధ్యాయులందరూ ప్రత్యేక శ్రద్ధతో నన్ను తీర్చిదిద్దారు. ప్రభుత్వ పాఠశాలలో చదివి టాపర్‌గా నిలవడం ఆనందంగా ఉంది’’  ఆంధ్రప్రదేశ్‌లో నిర్వహించిన పదో తరగతి పరీక్షల్లో 594 మార్కులు సాధించి ప్రభుత్వ స్కూళ్ల విద్యార్థుల్లో టాపర్‌గా నిలిచిన అనకాపల్లి జిల్లా అచ్యుతాపురంలోని ఏపీ రెసిడెన్షియల్‌ బాలికల పాఠశాల విద్యార్థిని కామిరెడ్డి హేమశ్రీ మనోగతమిది. అతి సామాన్య కుటుంబం నుంచి వచ్చి  చదువుల సరస్వతిగా నిలిచింది. తల్లిదండ్రులకు, ఉ పాధ్యాయులకు మంచి పేరు తెచ్చింది. ఒకప్పుడు కార్పొరేట్‌ స్కూళ్లకే పరిమితమైన టెన్త్‌ టాపర్లు.. ఈ ఏడాది ప్రభుత్వ పాఠశాలల నుంచి పుట్టుకొచ్చారు. అలాంటి టాపర్లలో ఈమె ఒకరు. ఆమెతో ‘సాక్షి’ సంభాషించింది. హేమశ్రీ ఎలా ఈ స్థాయికి చేరుకుందో ఆమె మాటల్లోనే..  నాన్న మాటలే స్ఫూర్తి  ‘‘అమ్మ గోవిందమ్మ, మా నాన్న శ్రీనివాసరావు. నాన్న పదో తరగతిలో రెండు సబ్జెక్టులు ఫెయిల్‌. ప్రస్తుతం విశాఖలోని పూర్ణా మార్కెట్లో కలాసీ. ఓ రకంగా నాన్నే నా విజయానికి స్ఫూర్తి. తను బాగా చదవలేకపోవడం వల్లే టెన్త్‌ ఫెయిలయ్యారు. కలాసీగా రాత్రీపగలూ కష్టపడుతున్నారు. అదే మాకు పదేపదే చెప్పేవారు. తానెన్ని కష్టాలుపడ్డా.. అదంతా నా కోసం, నా తమ్ముడి కోసమేనని గుర్తు చేసేవారు. మా చదువులకు డబ్బులు అవసరమవుతాయనే ఆరేళ్ల క్రితం దేవరాపల్లి నుంచి విశాఖ వచ్చేశారు. నాన్న కష్టం తెలుసు. అందుకే చదువు తప్ప వేరే ధ్యాసలేకపోయింది. అదే నన్ను పదో తరగతి ఫలితాల్లో 594 మార్కులతో టాపర్‌గా నిలిపింది.   చదువంతా సర్కారీ స్కూల్లోనే..  ఒకటో తరగతి నుంచి 4వ తరగతి వరకూ మా స్వగ్రామం దేవరాపల్లి మండలం కొత్తపెంటలోని మండల పరిషత్‌ ్ర పాథమిక పాఠశాలలో చదువుకున్నా. ఏపీ రెసిడెన్షియల్‌ స్కూళ్ల ప్రవేశ పరీక్షలో 92 మార్కులు సాధించా. దీంతో అచ్యుతాపురం ఏపీ రెసిడెన్షియల్‌ స్కూల్‌ (గరల్స్‌)లో సీటు వచ్చింది. నా జీవితంలో నేను సాధించిన తొలి విజయమది. ఐదోతరగతి నుంచి పదో తరగతి వరకూ ఇక్కడే. అమ్మానాన్నల కష్టం తెలియడంతో వారికి ఏ రోజూ నా చదువు భారం కాకూడదనుకున్నాను. ఎంత బాగా చదివితే.. నా చదువుకు అంత తక్కువ ఖర్చవుతుందని తెలుసుకున్నాను. దీనికి నా తల్లిదండ్రుల ఆర్థిక స్థోమత తెలియడం ఒక కారణమైతే, మా స్కూల్‌ టీచర్లు మరో కారణం. ఇక్కడ చదువుతున్న వారిలో దాదాపు అంతా దిగువ మధ్యతరగతికి చెందిన వారే. అందుకే మా టీచర్లు చదువు విలువ తెలిసేలా, పరీక్షల భయం పోయేలా నిత్యం మమ్మల్ని ్రపోత్సహించారు.   వసతులు పెరిగాయి  సాధారణంగా రెసిడెన్షియల్‌ స్కూళ్లు మిగిలిన ప్రభుత్వ స్కూళ్లతో పోల్చుకుంటే కాస్త మెరుగ్గానే ఉంటాయి. అయితే నా వ్యక్తిగత అవసరాలకు మొదటి మూడేళ్లు ఇంటి నుంచి కొంత డబ్బులు తీసుకొచ్చేదాన్ని గత మూడేళ్లుగా పరిస్థితి చాలా మారింది. వసతులు మరింత మెరుగయ్యాయి. పర్యవేక్షణ పెరిగింది. పుస్తకాలు, యూనిఫాం, షూస్‌.. ఇలాంటి వాటి కోసం అమ్మానాన్నల్ని డబ్బులడిగే అవసరం లేకుండా పోయింది. మూడుసార్లు అమ్మ ఒడి అందుకున్నా. సీఎం జగన్‌ మామయ్య ప్రభుత్వంలో కార్పొరేట్‌ స్కూళ్లను మించి ప్రభుత్వ స్కూళ్లు బాగుపడ్డాయి.   ఇంజినీర్‌ కావడమే లక్ష్యం  ఇంజినీర్‌ కావాలన్నది నా కల. అందుకు రూ.లక్షల్లో ఖర్చుపెట్టే స్థోమత నా కుటుంబానికి లేదు. బాగా చదవడమే ఖర్చులేని దారని నాకు తెలుసు. అందుకే టీచర్లు చెప్పిన పాఠాలను ఎప్పటికప్పుడు పునఃశ్చరణ చేసుకునేదాన్ని. అర్థంకాని విషయాల్ని ఎప్పుడు అడిగినా, టీచర్లు ఓపిగ్గా విడమరిచి చెప్పేవారు. నా తమ్ముడు సందీప్‌ ప్రస్తుతం 7వ తరగతి పూర్తి చేసుకున్నాడు. మా అమ్మానాన్నలకు మేం భరోసాగా నిలవాలన్నదే నా కోరిక. దాన్ని నెరవేర్చేందుకు చదువు తప్ప, నాకు వేరే మార్గం తెలియదు. ఇంజినీర్‌గా స్థిరపడి నాలాంటి వారికి ఆసరాగా నిలవగలిగితే చాలు. ‘కలాసీ కూతురు ఇంజినీర్‌’ అని నలుగురూ చెప్పుకుంటే.. మా నాన్న కళ్లలో కనిపించే ఆనందాన్ని చూడాలి.. అంతే..!’’ మిట్టు.. సూపర్‌ హిట్టు టెన్త్‌లో  594 మార్కులు శ్రీకాకుళం జిల్లా (ఆంధ్రప్రదేశ్‌) పాతపట్నం ప్రభుత్వ ఉన్నత పాఠశాలలో టెన్త్ చదివిన మిట్టు మహా పాత్రో 600కు 594 మార్కులు సాధించాడు. పాతపట్నంలోని సెయింట్‌ ఆన్స్‌ స్కూల్‌ ఎదురుగా ప్రధాన రహదారిలో వీరి ఇల్లు. మహా పాత్రో తండ్రి దుర్గాప్రసాద్‌ మహా పాత్రో ద్విచక్రవాహనాల టైర్లకు పంక్చర్లు వేస్తుంటారు. తల్లి మమత మహా పాత్రో గృహిణి. మిట్టు పాఠశాల సెలవుల్లోను, ఇంటి వద్ద ఉన్నప్పుడు సైకిల్‌కు, బైక్‌లకు పంక్చర్లు వేయడంలో తండ్రికి సహాయం చేస్తుండేవాడు. ఒడియా బ్రహ్మణ కుటుంబానికి చెందిన పేద కుటుంబం వీరిది. మిట్టుకు పదో తరగతిలోఅత్యధిక మార్కులు రావడంతో ఆ కుటుంబంపై ఇప్పుడు ప్రశంసలు కురుస్తున్నాయి. పాతపట్నంలో 20 ప్రభుత్వ, ప్రైవేటు పాఠశాలలు ఉన్నా అత్యధిక మార్కులు మాత్రం ప్రభుత్వ ఉన్నత పాఠశాలలో చదివిన మిట్టు సాధించాడు. తన కుమారుడికి పదో తరగతిలో జిల్లా మొదటి స్థానం రావడంతో ఆనందంగా ఉందని తండ్రి దుర్గా ప్రసాద్‌ తెలి పారు. మిట్టు ఒకటో తరగతి నుంచి 5వ తరగతి వరకు పాతపట్నం ప్రభుత్వ ్ర పాథమిక ఒడియా పాఠశాలలో చదివాడు. – రవి కుమార్, సాక్షి పాతపట్నం  ఇంజినీర్‌ అవుతా... అమ్మ, నాన్న, ఉ పాధ్యాయుల ్రపోత్సాహంతో పదో తరగతిలో మంచి మార్కులు సాధించాను. ట్రిపుల్‌ ఐటీ చదివి, ఇంజినీర్‌ అవుతా.           – మిట్టు మహా పాత్రో – లోవరాజు, సాక్షి, అనకాపల్లి.

హిమాయత్‌నగర్‌: ప్రస్తుతం.. ‘నేను నా భర్తతోనే ఉంటున్నాను, వేరే ఎవర్నీ పెళ్లి చేసుకోలేదు’. అసలు యూట్యూబ్‌ ఛానల్స్‌ వాళ్లు నాపై పడి ఏడవాల్సిన అవసరం ఏముందని సినీనటి హేమ కొల్లు ఆగ్రహం వ్యక్తం చేశారు. మూడేళ్ల క్రితం మా వివాహ వార్షికోత్సవ వీడియోలను తాజాగా నేను రెండో పెళ్లి చేసుకున్నానంటూ అసత్య ప్రచారం చేస్తున్న వారిని వదిలిపెట్టనంటూ హెచ్చరించారు. ఈమేరకు కొన్ని యూట్యూబ్‌ చానల్స్‌పై హేమ మంగళవారం సిటీ సైబర్‌క్రైం ఏసీపీ కేవీఎం ప్రసాద్‌ను కలిసి ఫిర్యాదు చేశారు. పలు కీలకమైన విషయాలను ఏసీపీ కేవీఎం ప్రసాద్‌కు ఆమె తెలిపారు. అనంతరం ఆమె మాట్లాడుతూ.. డబ్బు సంపాదించేందుకు కొందరు మూర్ఖులు కాపురాల్లో చిచ్చుపెడుతున్నారన్నారు. కోట శ్రీనివాసరావు చచ్చిపోయినట్లుగా, కొణిదల నిహారిక విడిపోయినట్లుగా, నాగచైతన్య నాగార్జునకు మధ్య గొడ వలు ఉన్నట్లుగా, నాకు వేరే వాళ్లతో సంబంధాలు ఉన్నట్లు తంబ్‌నెయిల్స్‌ పెడుతున్నారన్నారు. న్యాయపరమైన పోరాటం చేస్తానని, ఎవరినీ ఊపేక్షించనంటూ హెచ్చరించారు.  

సెలబ్రిటీలను టార్గెట్‌ చేస్తూ కొన్ని యూట్యూబ్‌ ఛానెల్స్, వెబ్‌సైట్స్‌ అసత్యాలు ప్రచారం చేస్తున్నాయని సినీ నటి హేమ ఆగ్రహం వ్యక్తం చేశారు. ఈ మేరకు యూట్యూబ్‌ ఛానెళ్లపై చర్యలు తీసుకోవాలని  సైబర్‌ క్రైమ్‌ పోలీసులకు ఆమె ఫిర్యాదు చేశారు. మూడేళ్ల క్రితం తన భర్తతో ఉన్న ఫొటోలు, వీడియోలను ఇప్పుడు పోస్ట్ చేస్తున్నారని ఫిర్యాదులో పేర్కొన్నారు. పాత ఫోటోలు, వీడియోలకు ఫేక్‌ థంబ్‌నైల్స్‌ పెట్టి అసత్య ప్రచారం చేస్తున్నారని హేమ ఆరోపించారు. దీంతో పాటు ఇటీవల కొంత మంది సెలబ్రిటీలు చనిపోయారని దుష్ప్రచారం చేయడంపై కూడా ఆమె ప్రస్తావించారు. కొన్ని యూట్యూబ్‌ ఛానెళ్లు సినిమా ఇండస్ట్రీకి చెందిన వారిపై తప్పుడు వార్తలు రాసి సొమ్ము చేసుకుంటున్నాయని హేమ ఆగ్రహం వ్యక్తం చేశారు.  (ఇది చదవండి: డబ్బుల కోసం అలాంటి వార్తలు రాయడం దుర్మార్గం: కోటా శ్రీనివాసరావు) సీనియర్‌ నటుడు కోట శ్రీనివాసరావు బతికే ఉన్నా.. ఆయనపై తప్పుడు వార్తలు ప్రచారం చేశారని ఆవేదన వ్యక్తం చేశారు. సామాజిక మాధ్యమాల్లో ఇలాంటి వేధింపులు రోజు రోజుకూ పెరిగి పోతున్నాయని ఫిర్యాదులో పేర్కొన్నారు. ఈ విషయంలో తప్పుడు వార్తలు ప్రచారం చేసినవారిపై వెంటనే చర్యలు తీసుకోవాలని పోలీసులకు విజ్ఞప్తి చేశారు.   

నటి హేమ క్యారెక్టర్‌ ఆర్టిస్టుగా పలు సినిమాల్లో నటించి తనకంటూ ప్రత్యేక గుర్తింపును సంపాదించుకున్నారు. అక్కగా, వదినగా, భార్యగా ఎన్నో క్యారెక్టర్స్‌తో తెలుగు ప్రేక్షకులను ఎంతగానో అలరించింది. ఇక ఎక్కువగా కమెడియన్ల సరసన నటించిన ఆమె తనదైన కామెడీతో కడుపుబ్బా నవ్వించింది. భర్తను కనుసన్నల్లో పెట్టి ఆడించే భార్యగా హేమ పరకాయ ప్రవేశం చేసి నటించేది.  అలా ఇండస్ట్రీలో నటిగా తనకంటూ స్పెషల్‌ ఇమేజ్‌ క్రియేట్‌ చేసుకున్న హేమ ఈ మధ్య సినిమాల్లో పెద్దగా కనిపించడం లేదు. ఆ మధ్య మా ఎన్నికల్లో చురుగ్గా పాల్గొన్న ఆమె ప్రస్తుతం సినిమాలకు దూరంగా ఉంటోంది. బిజినెస్‌ వ్యవహారాలతో బిజీగా ఉండటం వల్ల నటించేందుకు సమయం లేదని ఇటీవల ఓ కార్యక్రమంలో వెల్లడించింది. ఇక ఆమె సినిమాలకు బ్రేక్‌ తీసుకున్న నేపథ్యంలో తన వారసురాలిగా కూతురిని సినిమా రంగంలో దించేందుకు ప్లాన్‌ చేస్తున్నారా? అనే అనుమనాలు వ్యక్తం అవుతున్నాయి. ఈ క్రమంలో హేమ కుతురి గురించి నెటిజన్లు ఆరా తీస్తున్నారు. ఈ నేపథ్యంలో ఆమెకు లేటెస్ట్‌ ఫొటోలు నెట్టింట వైరల్‌ అవుతున్నాయి. ఆమెను చూసి చాలా అందంగా ఉందని, ఈమెలో హీరోయిన్‌ కావాల్సిన లక్షణాలు ఉన్నాయంటూ నెటిజన్లు కామెంట్స్‌ చేస్తున్నారు. అయితే హేమ కూతురు పేరు ఇషా. ఆమె ​మీడియా, సోషల్‌ మీడియాకు దూరం అనే విషయం తెలిసిందే. ప్రస్తుతం ఇషాకు 22 ఏళ్లు. ఇటీవల ఆమె బీబీఏ పూర్తి చేసినట్లు తెలుస్తోంది. ఇక చదువు పూర్తి చేసుకున్న ఇషా సినిమాల్లో వచ్చే అవకాశం లేకపోలేదు. కానీ, తన కూతురిని సినీ రంగంలోకి తీసుకొచ్చే ఆలోచన లేదని గతంలో హేమ చాలాసార్లు వెల్లడించిన విషయం తెలిసిందే.  చదవండి: తారకరత్న మృతి.. బాలకృష్ణ కీలక నిర్ణయం విజయ్‌ సేతుపతితో చేసిన చాలా సీన్స్‌ తొలగించారు, బాధగా అనిపించింది: మైఖేల్‌ హీరోయిన్‌

ప్రముఖ నటి, క్యారెక్టర్‌ ఆర్టిస్ట్‌ హేమ గురించి ప్రత్యేకంగా పరిచయం అవసరం లేదు. వెండితెరపై అక్క, వదిన, భార్య వంటి పాత్రలు పోషించి మంచి గుర్తింపు సంపాదించుకుంది. ఇక ఎక్కువగా కమెడియన్ల సరసన నటించిన ఆమె తనదైన కామెడీతో కడుపుబ్బా నవ్వించింది. భర్తను కనుసన్నల్లో పెట్టి ఆడించే భార్యగా హేమ పరకాయ ప్రవేశం చేసి నటించేది. అలా ఇండస్ట్రీలో నటిగా తనకంటూ స్పెషల్‌ ఇమేజ్‌ క్రియేట్‌ చేసుకున్న హేమ ఈ మధ్య సినిమాల్లో పెద్దగా కనిపించడం లేదు. చదవండి: క్యాన్సర్‌ బారిన ఆటో రామ్‌ ప్రసాద్‌? క్లారిటీ ఇచ్చిన నటుడు గత మా ఎలక్షన్స్‌లో చురుగ్గా కనిపించిన ఆమె పూర్తిగా సినిమాలకు దూరంగా ఉంటోందనే చెప్పాలి. ఈ నేపథ్యంలో ఇటీవల ఓ కార్యక్రమానికి హాజరైన ఆమె తను సినిమాలు చేయకపోవడానికి కారణం వెల్లడించింది. కమెడియన్‌ కిరాక్‌ ఆర్పీ నెల్లూరు పెద్దారెడ్డి చేపల పులుసు కర్రీ పాయింట్‌ రెండవ బ్రాంచ్‌ను ఇటీవల మణికొండలో స్టార్ట్‌ చేసిన సంగతి తెలిసిందే. ఈ ప్రారంభోత్సవానికి హాజరైన హేమ ఓ యూట్యూబ్‌ చానల్‌తో ముచ్చటించింది. చదవండి: ప్రకాశ్‌ రాజ్‌ కామెంట్స్‌పై ఘాటుగా స్పందించిన కశ్మీర్‌ ఫైల్స్‌ డైరెక్టర్‌ ఈ సందర్భంగా ఈ మధ్య సినిమాల్లో కనిపించడం లేదు ఎందుకు? అనే ప్రశ్న ఆమెకు ఎదురైంది. దీనికి ఆమె స్పందిస్తూ.. ‘ఈ మధ్య కొత్త బిజినెస్‌ పెట్టాను. అందులో మంచి లాభాలు వస్తున్నాయి. సంపాదన ఎక్కువ అవడంతో సుఖ పడటం అలవాటు అయిపోయింది. కష్టపడటానికి ఇష్టపడటం లేదు అంతే’ అంటూ తనదైన శైలిలో సమాధానం ఇచ్చింది. అయితే అది ఎలాంటి బిజినెస్‌ అనేది మాత్రం ఆమె చెప్పేందుకు ఆసక్తి చూపలేదు. సమయం వచ్చినప్పుడు చెప్తానంటూ మాట దాటేసింది. 

నటి హేమ ఇంద్రకిలాద్రి అమ్మవారిని మంగళవారం దర్శంచుకున్నారు. ఈ రోజు ఉదయం విజయవాడలోని దుర్గమ్మను దర్శించుకున్న ఆమె అనంతరం మీడియాతో మాట్లాడారు. ఈ సందర్భంగా రిపోర్టర్‌పై ఆమె ఫైర్‌ అయ్యింది. నటి హేమ అమ్మవారి భక్తురాలు అనే విషయం తెలిసిందే. శరన్నవరాత్రి ఉత్సవాల్లో భాగంగా ప్రతి ఏటా ఆమె ఇంద్రకిలాద్రి అమ్మవారిని దర్శించుకుంటారు. అలాగే ఈ ఏడాది కూడా ఆమె అమ్మవారిని దర్శించుకునేందుకు వచ్చారు. చదవండి: బిగ్‌బాస్‌ 6లోకి సుడిగాలి సుధీర్‌? వైల్డ్‌ కార్డ్‌ ఎంట్రీతో హౌజ్‌లో హంగామా! ఇక దర్శనం అనంతరం ఆమె మీడియాతో ముచ్చటించారు. ఈ సందర్భంగా ఆమె మాట్లాడుతూ.. ‘అందరికి నమస్కారం. నేను మీ హేమను. అమ్మవారిని దర్శించుకోవడం చాలా సంతోషంగా ఉంది. ఈ సంవత్సరం ప్రోటోకాల్‌ ఇబ్బంది అని, చాలా మంది జనాలు పోటేత్తి వస్తున్నారన్నారు. దీంతో ఈ ఏడాది రాలేనేమో అనుకున్నా. కానీ, అమ్మవారే ఈ రోజు నన్ను ఇక్కడికి రప్పించారు. ఇక్కడ దర్శనం చేసుకున్న భక్తులు చాలా పుణ్యం చేసుకున్నారు. మీ అందరికి కొండంత ధైర్యం ఇవ్వమని అమ్మవారిని కోరుకున్నాను’ అన్నారు. చదవండి: Prabhas Adipurush Teaser: కేజీఎఫ్‌-2 రికార్డ్ బ్రేక్.. బద్దలుకొట్టిన ఆదిపురుష్ ఈ క్రమంలో ఓ రిపోర్టర్ టికెట్స్ తీసుకున్నారా? లేదా? అని ప్రశ్నించగా.. సహనం కోల్పోయిన ఆమె అతనిపై సీరియస్ అయ్యారు. ‘మేం ఇద్దరం వచ్చాం. హుండీలో పది వేలు వేశాను. అమ్మవారికి 20 వేలు పెట్టి చీర తెచ్చాను. మీరు టికెట్ గురుంచి మాట్లాడుతున్నారు. ప్రోటోకాల్ ప్రకారమే ఫాలో అవుతున్నాం. దీన్ని కాంట్రవర్శి చేయడం సరికాదంటూ’ అతడిపై మండిపడ్డారు. అంతేకాదు తాను భక్తి కోసం వచ్చానని, కాంట్రవర్సికోసం కాదంటూ ఘాటుగా స్పందించారు.

నటి హేమ ‍క్యారెక్టర్‌ ఆర్టిస్టుగా పలు సినిమాల్లో నటించి తనకంటూ ప్రత్యేక గుర్తింపును సంపాదించుకున్నారు. అక్కగా, వదినగా, భార్యగా ఎన్నో క్యారెక్టర్స్‌తో తెలుగు ప్రేక్షకులను ఎంతగానో అలరించింది. తాజాగా ఓ యూట్యూబ్‌ ఛానల్‌ ఇంటర్వ్యూలో మాట్లాడిన హేమ నటి సురేఖ వాణి గురించి సంచలన వ్యాఖ్యలు చేసింది. సురేఖ వాణి తన బెస్ట్‌ఫ్రెండ్‌ అని, తమలాగే తన కూతురు ఈషా, సురేఖ కూతురు సుప్రీత మంచి ఫ్రెండ్స్‌ అని తెలిపింది. అయితే వారిద్దరి స్నేహాన్ని చూసి ఓర్వలేక వారిద్దరిని విడగొట్టడానికి సురేఖవాణి ప్రయత్నించినట్లు హేమ పేర్కొంది. అందుకోసం తన కూతురిని స్కూల్ మార్పించిందని అయినా కూడా సుప్రియ కూతురు మళ్ళీ తన కూతురు చదివే స్కూల్‌కే వచ్చిందని, దానికి గల కారణం సుప్రీత బోల్డ్ గా ఉండటమే అంటూ తనదైన రీతిలో సమాధానం చెప్పింది. అంతేకాకుండా తను షూటింగ్‌లో ఉన్న సమయంలో తన గురించి సురేఖవాణి వేరే వాళ్లతో తప్పుగా మాట్లాడేదని, అందుకే ఆమెకు దూరంగా ఉన్నానంటూ ఆరోపణలు చేసింది. ప్రస్తుతం హేమ చేసిన ఈ కామెంట్స్‌ నెట్టింట వైరల్‌ అవుతున్నాయి.

సాక్షి, హైదరాబాద్‌:  సినీ–వ్యాపార ప్రముఖులు, రాజకీయ నేతల పిల్లలు పట్టుబడిన ఫుడింగ్‌ అండ్‌ మింక్‌ పబ్‌ వ్యవహారంలో హైడ్రామా చోటు చేసుకుంది. పబ్‌లో పట్టుబడిన అందరినీ ఆదివారం తెల్లవారుజామునే బంజారాహిల్స్‌ పోలీస్‌స్టేషన్‌కు తరలించారు. సినీ నటుడు నాగబాబు కుమార్తె కొణిదెల నిహారిక, బిగ్‌బాస్‌ సీజన్‌–3 విజేత రాహుల్‌ సిప్లిగంజ్, తెలుగుదేశం పార్టీ ఎంపీ గల్లా జయదేవ్‌ కుమారుడు సిద్ధార్థ్‌తో పాటు రెండు తెలుగు రాష్ట్రాలకు చెందిన వ్యాపార, పారిశ్రామిక, రాజకీయవేత్తల కుమారులు, కుమార్తెలు అందులో ఉన్నారు. పోలీసులు ఉదయం 8.30–9.00 గంటల మధ్య వీరందరికీ నోటీసులు జారీచేసి సొంత పూచీకత్తుపై విడుదల చేశారు. ఉదయం 8.30 గంటల సమయంలో రాహుల్‌ సిప్లిగంజ్‌ స్టేషన్‌ నుంచి వెళ్లిపోయారు. అప్పటికే మీడియా ప్రతినిధులు పెద్ద సంఖ్యలో అక్కడికి చేరుకున్నారు. ఇది చూసిన నిహారిక బయటికి రాకుండా మధ్యాహ్నం వరకు లోపలే ఉండిపోయారు. చివరికి 12 గంటల సమయంలో బయటికి వచ్చారు. మీడియా ప్రతినిధులు చుట్టుముట్టినా.. తనఫోన్‌లో మాట్లాడుకుంటూ కారు ఎక్కి వెళ్లిపోయారు. అయితే పోలీసులు పబ్‌లో 142 మందిని అదుపులోకి తీసుకున్నట్టుగా మధ్యాహ్నం అనధికారిక లిస్టును విడుదల చేశారు. అందులో నిహారిక పేరు లేకపోవడంతో.. ఆమెను తప్పించే ప్రయత్నాలు జరుగుతున్నాయని ఆరోపణలు వెల్లువెత్తాయి. దీనితో సాయంత్రం అనధికారికంగానే మరో ప్రకటన చేసిన పోలీసులు.. నిహారికతోపాటు మరో ఐదుగురి పేర్లను కూడా జోడించారు. దీనితో మొదట చెప్పిన జాబితా 142 నుంచి 148కి పెరిగింది. పబ్‌లో అదుపులోకి తీసుకున్నవారిలో ఓ పోలీసు ఉన్నతాధికారి కుమార్తె సైతం ఉన్నట్టు ప్రచారం జరిగింది. కానీ జాబితాలో ఆ పేరు కనిపించలేదు. కాగా.. పబ్‌ వ్యవహారంలో తనకేం సంబంధం లేకున్నా ఓ చానల్‌ వాళ్లు తన పేరును ప్రచారం చేస్తున్నారంటూ సినీ నటి హేమ బంజారాహిల్స్‌ పోలీసుస్టేషన్‌ వద్ద హల్‌చల్‌ చేశారు.

బంజారాహిల్స్​లోని ర్యాడిసన్ బ్లూ హోటల్​లోని ఫుడింగ్‌ అండ్ మింక్‌ పబ్‌లో డ్రగ్స్‌ బయటపడటం ప్రస్తుతం హాట్‌ టాపిక్‌గా మారింది. ఆదివారం రాత్రి ఈ పబ్‌పై టాస్క్‌ఫోర్స్ పోలీసులు దాడులు నిర్వహించిన విషయం తెలిసిందే. ఈ దాడుల్లో పబ్‌ యజమానులతో సహా సుమారు 150 మందిని పోలీసులు అదుపులోకి తీసుకున్నారు. ఈ క్రమంలో పబ్‌లో డ్రగ్స్‌ (కొకైన్‌)ను పోలీసులు స్వాధీనం చేసుకున్నారు. అయితే, పోలీసుల రాకతో పబ్‌లోని యువతీ యువకులు డ్రగ్స్‌ను కిటికీ నుంచి కింద పడేశారు. కాగా, బయట పడేసిన మత్తుపదార్థాలను పోలీసులు స్వాధీనపరుచుకున్నారు. ఈ కేసులో 145 మందిని పంపివేయగా పోలీసుల అదుపులో ప‍్రస్తుతం ఐదుగురు ఉన్నారు.  అయితే ఈ కేసుతో తనకు సంబంధం లేకున్నా తన పేరును పలు ఛానళ్లలో ప్రసారం చేస్తున్నారని నటి హేమ మండిపడ్డారు. తన గురించి అవాస్తవాలు చెబుతున్నారని ఆవేదన వ్యక్తం చేశారు. సదరు మీడియా సంస్థలపై పోలీసులకు ఫిర్యాదు చేసేందుకు ఆదివారం మధ్యాహ్నం ఆమె బంజారాహిల్స్‌ పోలీస్ స్టేషన్‌కు వచ్చారు. పోలీసులకు ఫిర్యాదు చేయడానికి ముందు 'నేను అసలు పబ్‌కు వెళ్లలేదు. డ్రగ్స్ కేసు అనేది చిన్న విషయం కాదు. ఈ కేసుతో నాకు ఎలాంటి సంబంధం లేదు. కానీ కొందరు కావాలనే నా పేరును ప్రసారం చేస్తున్నారు. వారిపై పోలీసులకు ఫిర్యాదు చేసేందుకే ఇక్కడికి వచ్చాను.' అని హేమ మీడియాతో తెలిపారు. కాగా పోలీసులు దాడులు నిర్వహించే సమయంలో పబ్‌లో ఉన్న ప్రముఖ సింగర్, బిగ్‌బాస్‌ విన్నర్‌ రాహుల్‌ సిప్లిగంజ్‌, నిహారికతోపాటు పలువురు ప్రముఖుల పిల్లల్ని అదుపులోకి తీసుకున్న సంగతి తెలిసిందే. 

Actress Hema Opened Up On Her Properties, Assests: క్యారెక్టర్‌ ఆర్టిస్ట్‌ హేమ టాలీవుడ్‌లో పలు చిత్రాల్లో నటించి గుర్తింపు సంపాదించింది.  అక్కగా, వదినగా, భార్యగా ఎన్నో క్యారెక్టర్స్‌తో తెలుగు ప్రేక్షకులను ఎంతగానో అలరించింది.ఈ క్రమంలో వందల కోట్ల ఆస్తులు కూడబెట్టినట్లు సోషల్‌ మీడియాలో వార్తలు వినిపిస్తున్నాయి. తాజాగా ఓ ఇంటర్వ్యూలో పాల్గొన్న హేమ ఈ విషయంపై స్పందించింది. కెరీర్‌ ఆరంభంలో వేలల్లో పారితోషికం తీసుకునే తాను ప్రస్తుతం లక్షల్లో తీసుకోవాల్సి వస్తుందని, అయితే ప్రతి రూపాయిని జాగ్రత్తగా ఆలోచించి ఖర్చు పెడతానని పేర్కొంది. ఇక తనకు వందల కోట్ల ఆస్తులైతే లేవు గానీ బాగానే ఆస్తులు ఉన్నాయని తెలిపింది. తన కూతుర్ని సెటిల్‌ చేసేంత డబ్బు సంపాదించానని, ఇప్పటికీ ఇంకా సంపాదిస్తూనే ఉన్నానని వివరించింది.  

ప్రముఖ నటి హేమ టాలీవుడ్‌లో క్యారెక్టర్‌ ఆర్టిస్ట్‌గా మంచి గుర్తింపు పొందింది. పలు సినిమాల్లో అక్కగా, వదినగా, భార్యగా ఎన్నో క్యారెక్టర్స్‌తో ప్రేక్షకులను అలరించింది. అయితే తాజాగా ఓ ఇంటర్వ్యూలో మాట్లాడిన ఆమె ఇండస్ట్రీలో తనకు ఎదురైన చేదు అనుభవాలను గుర్తు చేసుకుంది. 'సాధారణంగానే ఇండస్ట్రీ వాళ్లంటే జనాలకి లోకువ. కెరీర్‌లో ఎన్నో కష్టాలు పడి తల్లి సపోర్ట్‌తో ఈ స్థాయిలో ఉన్నాను. ఇప్పుడంటే కారవాన్స్‌ వచ్చి అన్ని వసతులు ఉన్నాయి. కానీ అప్పట్లో షూటింగ్‌ లొకేషన్స్‌లో బట్టలు మార్చుకోవాలంటే సరైన ప్లేస్‌ ఉండేది కాదు. కనీసం టాయిలెట్స్‌ వసతి కూడా ఉండేది కాదు. భారత నారి అనే ఓ సినిమా చేస్తున్న సమయంలో ఓ ప్రొడక్షన్‌ బాయ్‌ నన్ను అవమానించాడు. షూటింగ్‌ బ్రేక్‌ సమయంలో డైరెక్టర్‌ సహా యూనిట్‌ అందరం కలిసి భోజనం చేస్తుండగా నేను అక్కడే వాళ్లతో పాటే తింటున్నాను. ఇంతలో ప్రొడక్షన్‌ బాయ్‌ వచ్చి.. ఇక్కడ కాదు అక్కడికి వెళ్లి తిను అని అవమానించాడు. ఆ మాటతో చాలా కోపం వచ్చింది. టేబుల్‌ ఎ‍త్తి అతనిపై పడేద్దామనుకున్నా. కానీ తింటే వీళ్లందరితోనే కలిసి తినాలని డిసెడ్‌ అయి మరింత కష్టపడ్డాను. ఆ ప్రొడక్షన్‌ బాయ్‌ ఇప్పటికీ ఉన్నాడు. మళ్లీ అతనే ఓ సినిమా షూటింగ్‌ సమయానికి వచ్చి చాలా మర్యాదగా నాకు భోజనం పెట్టాడు. కానీ కెరీర్‌లో ఎదుర్కొన్న ఆ చేదు అనుభవం ఇప్పటికీ మర్చిపోలేను' అంటూ చెప్పుకొచ్చింది. 

సాక్షి, విజయవాడ: మూవీ ఆర్టిస్ట్‌ అసోసియేషన్‌(మా) ఎన్నికల ఫలితాలపై నటి హేమ తాజాగా స్పందించారు. ‘మా’ ఎన్నికల్లో తమ ప్యానల్‌ ఎలా ఓడిపోయిందో దుర్గమ్మకే తెలియాలంటూ ఆమె ఆసక్తికర వ్యాఖ్యలు చేశారు. ఈ రోజు ఉదయం దసరా శరన్నవరాత్రి ఉత్సవాల్లో భాగంగా ఈ రోజు(గురువారం) ఉదయం ఆమె విజయవాడ ఇంద్రకీలాద్రి దుర్గమ్మను దర్శించుకుని, అమ్మవారికి మొక్కులు చెల్లించుకున్నారు. అనంతరం ఆమె మీడియాలో మాట్లాడుతూ.. దుర్గ‌మ్మ‌ను దర్శించుకోవడం సంతోషంగా ఉందన్నారు. దసరా సంద‌ర్భంగా తాను ప్రతి ఏడాది అమ్మవారిని దర్శించుకుంటానని, ఆనందంతో కన్నీళ్లు వస్తున్నాయంటూ ఆమె భావోద్వేగానికి లోనయ్యారు.   చదవండి: ప్రమాణ స్వీకారం తర్వాత బాలకృష్ణతో భేటీ అయిన మోహన్‌ బాబు, విష్ణు ఈ మేరకు ఆమె ‘మా’ ఎన్నికల ఫలితాలపై స్పందించారు. రాత్రి గెలిచామని చెప్పి.. ఉదయానికే ఎలా ఓడిపోయామో నాకు తెలియడం లేదని, దానికి కారణం దుర్గమ్మకైనా తెలుసో లేదో అంటూ హేమ వ్యంగ్య వ్యాఖ్యలు చేశారు. మా ఎన్నికల్లో ఆమె ప్రకాశ్‌ రాజ్‌ ప్యానల్‌ తరపున పోటీ చేసిన సంగతి తెలిసిందే. ఇప్పటికే ఇదే ప్యానల్‌ నుంచి పోటీ చేసిన అనసూయ ఫలితాలపై చేసిన వరుస ట్వీట్‌లు హాట్‌టాపిక్‌గా మారాయి. ఎన్నికలు జరిగిన రోజు అక్టోబర్‌ 10న రాత్రి వీరిద్దరూ గెలిచినట్లు ప్రకటించి.. మరుసటి రోజు వారు ఓడిపోయినట్లు తెలిపారు. దీంతో ‘మా’ ఫలితాలపై పలువురు అనుమానాలు వ్యక్తం చేస్తున్నారు.   చదవండి: చిరంజీవిపై నరేశ్‌ సంచలన వ్యాఖ్యలు, ఘాటుగా స్పందించిన నాగబాబు

MAA Elections 2021 : మూవీ ఆర్టిస్ట్ అసోసియేషన్(మా) ఎన్నికల్లో ప్రకాశ్‌ రాజ్‌పై మంచు విష్ణు ఘన విజయం సాధించిన సంగతి తెలిసిందే. అయితే నిన్న జరిగిన ఎన్నికల పోలింగ్‌ కేంద్రం వద్ద  శివ బాలాజీ చేయిని సినీ నటి హేమ కొరకడం చర్చకు దారి తీసింది. పోలింగ్ కేంద్రం వ‌ద్ద‌ తాను వెళ్తున్న స‌మ‌యంలో శివబాలాజీ చేయి అడ్డుగా పెట్టాడని, తప్పుకోమంటే తప్పుకోలేదని, అందుకే చేయి కొరకాల్సి వచ్చిందని హేమ క్లారిటీ ఇచ్చింది. తాజాగా ఈ ఘటనపై శివబాలాజీ భార్య మధుమిత స్పందించింది. చదవండి: టీటీ ఇంజెక్షన్‌ వేయించుకున్న శివబాలాజీ ఆమె మాట్లాడుతూ.. ఇలాంటి పనులు మనుషులు మాత్రం చేయరు. ఇంతకన్నా ఇంకేమీ చెప్పలేను అని ఘాటుగా బదుల్చిచ్చింది. ఇక తన భర్త శివబాలాజీ గెలవడంపై హర్షం వ్యక్తం చేసింది. నిస్వార్థంగా సేవ చేసినప్పుడు దానికి ప్రతిఫలం దక్కుతుందని తాను నమ్ముతానని బదులిచ్చింది. చదవండి: MAA Elections 2021 Results: 'మంచు'కే మా అధ్యక్ష పదవి

MAA Elections 2021: నటుడు శివ బాలాజీ నిమ్స్‌ హాస్పిటల్‌లో చికిత్స చేయించుకున్నారు. పోలింగ్‌ కేంద్రం వద్ద ఇరు వర్గాల మధ్య చోటుచేసుకున్న ఉద్రిక్తతల నేపథ్యంలో నటి హేమ శివబాలాజీ చేయిని కొరికిన సంగతి తెలిసిందే. ఈ నేపథ్యంలో నిమ్స్‌ హాస్పిటల్‌లో శివ బాలాజీ టీటీ ఇంజెక్షన్‌ వేయించుకున్నారు. ముందు జాగ్రత్తగా ఇంజెక్షన్‌ తీసుకున్నట్లు తెలిపారు. చదవండి: MAA Elections 2021: శివబాలాజీని కొరికిన హేమ! అయితే హేమ ఎందుకు కొరికిందో తనకు అర్థం కావడం లేదని, ఈ విషయం చెప్పుకోవడానికి తనకే చాలా ఇబ్బందిగా ఉందని పేర్కొన్నారు. టీటీ ఇంజెక్షన్‌ చేయించుకున్న అనంతరం నరేశ్‌తో కలిసి శివబాలాజీ పోలింగ్‌ కేంద్రానికి చేరుకున్నారు. చదవండి: అందుకే శివబాలాజీ చేయి కొరికా: హేమ

మూవీ ఆర్టిస్ట్ అసోసియేషన్(మా) ఎన్నికల పోలింగ్‌ కేంద్రం వద్ద  శివబాలాజీ చేయి కొరకడంపై నటి హేమ క్లారిటీ ఇచ్చింది. తాను వెళ్తున్న క్రమంలో శివబాలాజీ చేయి అడ్డుగా పెట్టాడని, తప్పుకోమంటే తప్పుకోలేదని, అందుకే చేయి కొరకాల్సి వచ్చిందని హేమ  చెప్పుకొచ్చారు. దాని వెనక తనకు ఎలాంటి దురుద్దేశం లేదన్నారు. ప్రస్తుతం పోలింగ్‌ చాలా ప్రశాంతంగా కొనసాగుతున్నాయని తెలిపారు. మరోవైపు శివబాలాజీ కూడా హేమ చేయి కొరకడాన్ని తెలిగ్గా తీసుకున్నాడు. అనుకోకుండా అలా జరిగిపోయిందన్నారు. తనకు బెనర్జీకి ఎలాంటి గొడవ జరగలేదని, పోలింగ్‌ కేంద్రం వద్ద ప్రచారం చేస్తున్న వ్యక్తిని పట్టుకోబోతున్న క్రమంలో వాగ్వాదం జరిగిన మాట వాస్తవమనేనని శివబాలాజీ చెప్పారు. 

మూవీ ఆర్టిస్ట్స్‌ అసోసియేషన్‌ (మా) ఎన్నికల పోలింగ్‌ వద్ద ఉద్రిక్తత నెలకొంది. ప్రకాశ్‌రాజ్‌ ఫ్యానల్‌ మెంబర్స్‌పై మంచు విష్ణు ప్యానల్‌ మెంబర్స్‌ అభ్యంతరం వ్యక్తం చేశారు. కేంద్రం లోపల ప్రచారం చేస్తున్నారంటూ ఆరోపించారు. ఈ సందర్భంగా ఇరు వర్గాల మధ్య తోపులాట చోటు చేసుకుంది. కాగా, పోలింగ్‌ కేంద్రం వద్ద జరిగిన గొడవపై నటుడు నరేశ్‌ స్పందించారు. ‘పెద్ద గొడవలేవి జరగలేదు. ఎవరో ఒకరు ప్రకాశ్‌ రాజ్‌ బ్యాడ్జ్‌ వేసుకొని రిగ్గింగ్‌ చేయడానికి ప్రయత్నిస్తే.. ఎన్నికల అధికారికి ఫిర్యాదు చేశాం. నేను, ప్రకాశ్‌ రాజ్‌ కౌగిలించుకున్నాం. ‘నో ఫైటింగ్‌.. ఓన్లీ ఓటింగ్‌’అని చెప్పుకున్నాం. శివబాలాజీని నటి హేమ కొరికిందని నరేశ్‌ ఆ గాయాన్ని మీడియాకు చూపించారు.

మూవీ ఆర్టిస్ట్‌ అసోసియేషన్‌(మా) ఎన్నికల సమయం దగ్గర పడడంతో ప్ర‌కాశ్‌ రాజ్‌, మంచు విష్ణు మ‌ద్ద‌తుదారులు ప‌ర‌స్ప‌రం మాట‌ల తూటాలు పేల్చుకుంటున్నారు. ప్రతి రోజు ఇరు ప్యానల్స్‌కు చెందిన సభ్యుల నుంచి ఎవరోర ఒకరు మీడియా ముందుకు వచ్చి ప్రత్యర్థులపై తీవ్ర విమర్శలు గుప్పిస్తున్నారు. నిన్న పోస్టల్‌ బ్యాలెట్‌లో మంచు విష్ణు కుట్ర చేస్తున్నారని ప్రకాశ్‌ రాజ్‌ ఆరోపించగా.. ఓడిపోతామనే భయంతో ప్రకాశ్‌ రాజ్‌ అలాంటి ఆరోపణలు చేస్తున్నారని విష్ణు విమర్శించారు. (చదవండి: ‘మా’ ఎన్నికలపై రవిబాబు సంచలన వ్యాఖ్యలు) ఇదిలా ఉంటే తాజాగా ప్రకాశ్‌ రాజ్‌ ప్యానల్‌కు చెందిన హేమ.. బుధవారం మా ఎన్నికల అధికారి కృష్ణమోహన్‌కు లేఖ రాశారు. తనపై కరాటే కల్యాణి , నరేశ్ అసభ్యకర వ్యాఖ్యలు చేశారని హేమ ఆరోపించారు. అసభ్య వ్యాఖ్యలతో ఓ వీడియోను విడుదల  చేశారని ఆమె లేఖలో తెలిపారు. కళ్యాణి, నరేశ్‌లపై చర్యలు తీసుకోవాలని హేమ విజ్ఞప్తి చేశారు. 

ప్ర‌ముఖ న‌టుడు, ర‌చ‌యిత ఉత్తేజ్ భార్య పద్మావతి ఇటీవల మృతి చెందిన సంగతి తెలిసిందే. క్యాన్స‌ర్‌ సంబంధిత వ్యాధితో ఈ నెల 13న ఆమె కన్నుమూశారు. ఈ నేపథ్యంలో నేడు (సెప్టెంబ‌ర్ 30) ఉత్తేజ్ తన భార్య ప‌ద్మ సంస్మ‌ర‌ణ స‌భను హైద‌రాబాద్‌లోని ఫిలింనగర్‌లో నిర్వ‌హించారు. ఈ కార్య‌క్ర‌మానికి మెగాస్టార్‌ చిరంజీవి, పలువురు టాలీవుడ్‌ ప్రములు హజరై పద్మకు ఘన నివాళి అర్పించారు. చిరును చూడగానే ఉత్తేజ్‌ ఒక్కసారిగా ఎమోషనల్‌ అయ్యి ఆయనను పట్టుకుని కన్నీరు పెట్టుకున్నారు. అనంతరం ఆయనను, కూతురు చేతనను ఓదార్తూ చిరు సైతం భావోద్వేగానికి లోనయ్యారు. చదవండి: చిరంజీవిని పట్టుకుని కన్నీరు మున్నీరైన ఉత్తేజ్‌ ఇక ఈ కార్యక్రమంలో చిరు మాట్లాడుతూ.. ‘భార్యా వియోగం అన్నది చాలా  దుర్భరం. అన్ని విధాల జీవితంలో సెటిల్ అవుతున్న  సమయంలో పద్మ చనిపోవడం మమ్మల్ని అందరినీ కలిచివేసింది. ఈ వార్త విని నేను చలించిపోయాను.  హిట్లర్ సినిమా నుంచి ఉత్తేజ్‌తో  నాకు మంచి అనుబంధం ఏర్పడింది.  ఈ ఆపద సమయంలో ఉత్తేజ్‌కు మనమందరం అండదండగా ఉండాలి. ఈ విషాదం నుండి ఉత్తేజ్  త్వరగా కోలుకోవాలని కోరుకుంటున్నాను’ అని వ్యాఖ్యానించారు. ఈ సంతాప సభకు మెగాస్టార్‌తో పాటు మెగా బ్రదర్‌ నాగాబాబు, హీరోలు డా. రాజశేఖర్, శ్రీకాంత్, ప్రముఖ రచయిత తనికెళ్ల భరణి, గీత రచయిత ఉత్తేజ్ మేనమామ సుద్దాల అశోక్ తేజ , దర్శకులు ఎస్.వి. కృష్ణారెడ్డి, నిర్మాత అచ్చిరెడ్డి, దర్శక నిర్మాత తమ్మారెడ్డి భరద్వాజ, యాంకర్ ఝాన్సీ,  ప్రముఖ రంగస్థల నటుడు గుమ్మడి గోపాలకృష్ణ , నటి హేమ తదితరులు పాల్గొన్నారు. చదవండి: బూతులు తిడుతూ పెద్దపెద్ద రాళ్లతో దాడి చేశారు: పోసాని వాచ్‌మెన్‌ భార్య

Telugu Bigg Boss, 1st Week Eliminated Contestants: దేవుడు వరమిచ్చినా పూజారి కరుణించలేదు అంటే ఇదేనేమో.. బిగ్‌బాస్‌ హౌస్‌లో అడుగుపెట్టే ఛాన్స్‌ వచ్చినా ప్రేక్షకులు కనికరించకపోవడంతో మొదటివారమే ఇంటిబాటపట్టారు చాలామంది సెలబ్రిటీలు. బిగ్‌బాస్‌ ఆడే నాటకంలో వారం రోజులకే ఎలిమినేట్‌ అవక తప్పలేదు. తెలుగు బిగ్‌బాస్‌ చరిత్రలో ఇప్పటివరకు ఐదుగురు సెలబ్రిటీలు అందరి కంటే ముందే షోలో ఎలిమినేట్‌ అయ్యారు. వారెవరన్నది చూసేద్దాం.. యంగ్‌ టైగర్‌ జూనియర్‌ ఎన్టీఆర్‌ వ్యాఖ్యాతగా వ్యవహరించిన బిగ్‌బాస్‌ తొలి సీజన్‌లో నటి జ్యోతి అందరికంటే ముందుగా ఎలిమినేట్‌ అయింది. నేచురల్‌ స్టార్‌ నాని హోస్ట్‌గా వ్యవహరించిన రెండో సీజన్‌లో సంజన అన్నె షోలో అడుగు పెట్టిన వారం రోజులకే అందరికీ వీడ్కోలు పలుకుతూ హౌస్‌ నుంచి బయటకు వచ్చేసింది. కింగ్‌ నాగ్‌ బిగ్‌బాస్‌ హోస్టింగ్‌ను భుజానికెత్తుకున్న మూడో సీజన్‌లో నటి హేమ మొదటివారమే ఎలిమినేట్‌ అయింది. నాలుగో సీజన్‌లో సూర్య కిరణ్‌ను ఎలిమినేట్‌ చేయగా తాజా సీజన్‌లో సరయూ ఫస్ట్‌ వీక్‌లోనే బయటకొచ్చింది.  అయితే వీరిలో కొందరు కోపం, కొట్లాటల కారణంగానే ముందుగా ఎలిమినేట్‌ అయ్యారనేది తెలిసిన విషయమే. కాకపోతే ఒక్కవారంలోనే కంటెస్టెంట్లను జడ్జ్‌ చేయడం సరికాదని బిగ్‌బాస్‌ వీక్షకులు అభిప్రాయపడుతున్నారు. పైగా నామినేషన్స్‌లోకి వచ్చినవారిలో కొందరిని బిగ్‌బాస్‌ కావాలని నెగెటివ్‌గా చూపిస్తారనేది కూడా కొంతమంది వాదన. మరికొందరినేమో కనీసం తెర మీద కూడా చూపించకుండా మాయ చేస్తాడనేది మరో విమర్శ. అందుకే ఎన్నో ఆశలతో బిగ్‌బాస్‌ షోలో అడుగు పెట్టే కంటెస్టెంట్లకు వారేంటో నిరూపించుకునేందుకు ఒక్క అవకాశం కల్పిస్తే బాగుంటుందనేది చాలామంది అభిప్రాయం. ఇందుకుగానూ తొలివారం ఎలిమినేషన్‌ను ఎత్తేస్తే బాగుంటుందని బుల్లితెర అభిమానులు అభిప్రాయపడుతున్నారు. మరి మీరేమంటారు?

MAA Elections 2021: మూవీ అర్టిస్ట్స్‌ అసోసియేషన్‌(మా) ఎన్నికల్లో అనుహ్య పరిణామాలు చోటు చేసుకున్నాయి. నటి హేమ, జీవితా రాజశేఖర్‌లు ఈ సారి పోటీలో నిలబడతారని అందరూ భావించారు. అయితే వారు పోటీ చేయడం లేదని, తమ ప్యానల్‌ నుంచి బరిలోకి దిగుతున్నట్లు ప్రకాశ్‌ రాజ్‌ వెల్లడించారు. ఆయన శుక్రవారం ‘సిని ‘మా’ బిడ్డల’ పేరుతో విలేకరుల సమావేశం ఏర్పాటు చేశారు. తాజాగా ఈ సమావేశంలో ఆయన మాట్లాడారు. ఈ సందర్భంగా తన ప్యానల్‌ సభ్యుల కొత్త జాబితాతో పాటు, మెయిన్‌ సభ్యుల వివరాలు ప్రకటించారు. ఇందులో హేమ, జీవిత రాజశేఖరులు ఉండటం గమనార్హం. చదవండి: MAA Elections: ప్రకాశ్‌ రాజ్‌ ప్యానల్‌లో జీవితా రాజశేఖర్‌, హేమ ఈ మేరకు ప్రకాశ్‌ రాజ్‌ మాట్లాడుతూ.. సినీ పరిశ్రమకు ఎంతో చేయాలని ఉందని, తమకు అవకాశం ఇస్తే చేసి చూపిస్తామన్నారు. ‘గతంతో నా ప్యానల్‌ సభ్యులను పరిచయం చేశాను. కానీ వారిలో కొందరూ మా ప్యానల్‌ సభ్యులు కాదు. ఈ సారి నా శ్రేయోభిలాషులు మాత్రమే’ అంటూ ప్రస్తుత ప్యానల్‌ సభ్యుల పేర్లను ప్రకటించారు. ఈ నేపథ్యంలో ఈ సారి మహిళలకు సమాన అవకాశం ఇస్తున్నామని ఆయన పేర్కొన్నారు. అయితే గతంలో హేమ, జీవిత రాజశేఖర్‌లు అధ్యక్ష బరిలో ఉండబోతున్నారని అందరూ భావించారని, ఈ విషయమై తను హేమగారితో మాట్లాడానని ప్రకాశ్‌ రాజ్‌ చెప్పారు. మనందరం కలిస ఉండాలి మీరేమంటారు అని ఆమెను అడగడంతో ప్రెసిడెంట్‌గా పోటీ చేయనని హేమ చెప్పినట్లు తెలిపారు. చదవండి: ‘మా’ ఎన్నికలు: ప్రకాశ్‌ రాజ్‌ ఆఫీసులో బిగ్‌బాస్‌ సభ్యులకు నైట్‌ పార్టీ! ‘‘మీ ఆలోచనలు నాకు నచ్చాయి. మీ ప్యానల్‌ నుంచి పోటీ చేయడానికి నాకు ఎలాంటి అభ్యంతరం లేదు’’ అని హేమ అన్నట్లు ఆయన పేర్కొన్నారు. అనంతరం హేమ చాలా ధైర్యవంతురాలని, గతంలో తనకు పనిచేసిన అనుభవం ఉన్నందువల్ల తమ ప్యానల్లోకి ఆమెను తీసుకున్నామన్నారు. ఇక జీవితా రాజశేఖర్‌ గారిని కూడా కలిసి రెండు గంటలకు పైగా మాట్లాడానని కూడా చెప్పారు. అంతేగాక తమ మా కార్యచరణను తన ముందు ఉంచానని, ఆ విషయాలన్ని జీవితా గారికి నచ్చాయన్నారు. దీంతో మా ప్యానల్‌లో పోటీ చేయడానికి ఆమె ఒప్పుకున్నట్లు వెల్లడించారు. అంతేకాదు రాజశేఖర్‌గారు కూడా మద్దతు ఇస్తానని చెప్పినట్లు ప్రకాశ్‌ రాజ్‌ పేర్కొన్నారు.

మెగాస్టార్‌ చిరంజీవి.. రీల్‌ లైఫ్‌లోనే కాదు.. రియల్‌ లైఫ్‌లో కూడా హీరోనే. బ్లడ్‌ బ్యాంక్‌, ఐ బ్యాంక్‌లను ఏర్పాటు చేసి ఎంతో మంది ప్రాణాలను కాపాడుతున్నాడు. అలాగే కోవిడ్‌ సమయంలో ఆక్సిజన్‌ లేక చాలా మంది ప్రాణాలు  కోల్పోవడం చూసి  చలించిపోయిన చిరంజీవి.. తెలుగు రాష్ట్రాల్లోని ప్రతి జిల్లాలో ఓ ఆక్సిజన్‌ బ్యాంక్‌ను ఏర్పాటు చేశారు. ఇలా పెద్ద ఎత్తున సేవా కార్యాక్రమాలు చేపడుతున్న ఈ రియల్‌ హీరో.. ఏనాడు కూడా తను చేసిన సహాయం గురించి బయట చెప్పుకోడు. కానీ ఆయన ద్వారా లబ్ది పొందిన వారు మాత్రం చిరు సాయాన్ని చెప్పుకొని మురిసిపోతుంటారు. తాజాగా నటుడు  రాజా రవీంద్ర హేమకు చిరంజీవి చేసిన ఓ గొప్ప సహాయం గురించి చెప్పారు.  మెగాస్టార్‌ చిరంజీవి చేసే సహాయా కార్యక్రమాల గురించి ఎంత చెప్పినా తక్కువే అవుతుంది. రోజంతా మాట్లాడినా సరిపోదు. కరోనా సమయంలోనూ ఒక్క క్షణం ఖాళీ లేకుండా ఉన్నారు. అందరికీ వ్యాక్సినేషన్ చేయించారు.. బ్లడ్ బ్యాంక్ వ్యవహారాలు చూసుకున్నారు.. ఆక్సిజన్ బ్యాంక్‌ను ప్రారంభించారు.. సీసీసీ పెట్టి అందరికీ నిత్యావసర సరుకులు అందించారు. కరోనా సమయంలో  రక్తం ఇవ్వడానికి ఎవ్వరూ ముందుకు రాలేదు. ఆ సమయంలోనూ అన్నయ్యే దగ్గరుండి అన్నింటిని చూసుకున్నారు. బ్లడ్‌ బ్యాంకే కదా అని మనం ఈజీగా తీసుకుంటాం. కానీ దాని వల్ల ఎంతో మంది ప్రాణాలు కాపాడుతున్నాడు అన్నయ్య. నటి హేమ డెలివరీ సమయంలో రక్తం కావాల్సి వచ్చింది. ఆమెది ఓ నెగెటివ్‌ బ్లడ్‌. అది చాలా రేర్‌గా దొరుకుతుంది. ఆ సమయంలో చిరంజీవి బ్లడ్‌ బ్యాంక్‌ వల్లే ఆమె బతికింది. లేకపోతే చనిపోయేది. అలా రక్తం విలువ అవసరంలో ఉన్న వారికే తెలుస్తుంది. బ్లడ్ బ్యాంక్ నడపడం అంత సులేవీమీ కాదు. దానికి నెలకు కొన్ని లక్షలు ఖర్చు అవుతుంది’అని రాజా రవీంద్ర చెప్పుకొచ్చారు. ఇదే విషయాన్ని గతంలో హేమ కూడా చెప్పారు. తాను ప్రాణ ప్రాయ స్థితిలో ఉన్న సమయంలో చిరంజీవి బ్లడ్ బ్యాంక్ ఆదుకుందని హేమ తెలిపారు.

‘మూవీ ఆర్టిస్ట్స్‌ అసోసియేషన్‌’(మా) ఎన్నికలు ప్రస్తుతం టాలీవుడ్‌లో హాట్‌టాపిక్‌గా మారిన సంగతి తెలిసిందే. ప్రతిసారీ అధ్యక్ష పదవికి ఇద్దరు మాత్రమే పోటీ పడే ఎన్నికలలో ఈసారి ఐదుగురు అభ్యర్థులు పోటీ పడుతుండటంతో మా ఎన్నికలు రసవత్తరంగా మారాయి. ఆరోపణలు, ప్రత్యారోపణలతో ఎన్నికల వాతావరణం వేడెక్కింది. రోజుకో ట్విస్ట్‌ బయటకు వస్తూ.. సాధారణ ఎన్నికలను తలపిస్తున్నాయి. ఈ నేపథ్యంలో నటి హేమ ప్రస్తుత ‘మా’ అధ్యక్షుడు నరేశ్‌పై వ్యాఖ్యలు ఇటీవల దూమారం రేపాయి. దీంతో హేమకు ‘మా’ క్రమ శిక్షణ సంఘం వివరణ కోరుతూ షోకాజ్‌ నోటీసులు ఇచ్చిన సంగతి తెలిసిందే.  ఈ నేపథ్యంలో నటి హేమపై చర్యలు తీసుకుంటారని అంతా అనుకున్నారు. కానీ క్రమశిక్షణ సంఘం హేమకు ఊరట ఇచ్చినట్లు తెలుస్తుంది. ఇదే మొదటి తప్పిదంగా హేమని హెచ్చరిస్తూ ఆమెపై ఎలాంటి క్రమశిక్షణ చర్యలు తీసుకోలేదని సమాచారం. డీఆర్‌సీ కోరినట్లుగా హేమ తన వివరణను ఇవ్వగా.. ఆ వివరణకు సంతృప్తి చెందని డీఆర్‌సీ ఇది ఆమె మొదటి తప్పుగా భావించి వదిలేస్తున్నామని, మరోసారి రిపీట్ అయితే మాత్రం కఠిన చర్యలు తప్పవని హెచ్చరించినట్లు సమాచారం.  కాగా నరేశ్‌పై నటి హేమ ఫండ్‌ రైజ్‌ చేసిన డబ్బులన్నీ ఖర్చు పెడుతున్నారంటూ సంచలన ఆరోపణలు చేయగా, నరేష్‌ స్పందిస్తూ  ఆమెకు స్ట్రాంగ్ కౌంటర్‌ ఇచ్చాడు. ఇలా అభ్యర్థులు ఒకరిపై ఒకరూ తీవ్ర ఆరోపణలతో గతంలో ఎన్నడూ లేనంతగా ‘మా’ అధ్యక్ష పదవికి పోటీ పడుతున్న సభ్యులు ఒకరిపై ఒకరు సంచలన ఆరోపణలు చేస్తున్నారు. ఈ నేపథ్యంలో మెగాస్టార్‌ చిరంజీవి కూడా రంగంలోకి దిగాల్సి వచ్చింది. మూవీ ఆర్టిస్ట్స్‌ అసోసియేషన్‌(మా) ఎన్నికలపై చిరంజీవి తొలిసారిగా స్పందించారు. ఎన్నికలు వెంటనే జరపాలని, ఆలస్యమైతే సంక్షేమ కార్యక్రమాలు నిలిచిపోతాయని పేర్కొన్నారు. అంతేకాకుండా 'మా' ప్రతిష్ట దెబ్బతీస్తున్న ఎవరినీ ఉపేక్షించవద్దంటూ 'మా' క్రమశిక్షణ సంఘం అధ్యక్షుడు కృష్ణం రాజుకు ఆయన లేఖ రాసిన సంగతి తెలిసిందే.

MAA Elections 2021:  'మూవీ ఆర్టిస్ట్‌ ఆసోసియేషన్‌' ఎన్నికల వివాదంలో మరో ట్విస్ట్‌ ఎదురైంది. నటి హేమకు 'మా' క్రమశిక్షణ సంఘం నోటీసులు జారీ చేసింది. 'మా' ప్రస్తుత అధ్యక్షుడు నరేష్‌పై చేసిన ఆరోపణలకు వివరణ కోరుతూ హేమకు షోకాజ్‌ నోటీసులు జారీ చేశారు. కాగా మా ఎన్నికలు జరకుండా చేసి, అధ్యక్షుడిగా కొనసాగాలని నరేష్‌ పావులు కదుపుతున్నారంటూ నటి హేమ సంచలన ఆరోపణలు చేసిన సంగతి తెలిసిందే. అంతేకాకుండా ప్రస్తుత ప్యానల్‌ ఒక్క రూపాయి కూడా సంపాదించకుండా, ఉన్నదంతా ఖర్చు పెడుతూ నిధుల దుర్వినియోగానికి పాల్పడ్డారంటూ తీవ్ర స్థాయిలో విమర్శలు చేసిన ఆడియో టేప్‌ బయటకు వచ్చిన సంగతి తెలిసిందే.  'మా' ఎన్నికలు జరపాలంటూ హేమ సంతకాల సేకరణ ప్రారంభించారు. ఇక ఈసారి మా అధ్యక్ష ఎన్నికల బరిలో ప్రకాశ్ రాజ్‌, మంచు విష్ణు, జీవితా రాజశేఖర్‌, హేమలతో పాటు సీవీఎల్‌ నరసింహారావు ఉన్నారు. 

MAA Elections 2021: నటి హేమ చేసిన వ్యాఖ్యలపై ప్రస్తుత మూవీ ఆర్టిస్ట్స్‌ అసోసియేషన్‌(మా) అధ్యక్షుడు, నటుడు నరేశ్‌ స్పందించాడు. హేమపై చర్యలు తీసుకుంటామని సోమవారం జరిగిన మీడియా సమావేశంలో ఆయన పేర్కొన్నారు. ఈ సమావేశంలో నరేశ్‌, జీవితలతో పాటు పాటు హీరో శ్రీకాంత్‌ తదితరులు పాల్గొన్నారు. ఈ సందర్భంగా నరేశ్‌, జీవితలు మాట్లాడుతూ.. హేమ ఆరోపణలపై వివరణ ఇచ్చారు. అసోసియేషన్‌ గౌరవాన్ని దెబ్బతీసేలా హేమ మాట్లాడుతున్నారని, తను ఇలాంటి వ్యాఖ్యలు చేయడం బాధాకరం అన్నారు. హేమపై క్రమశిక్షణ సంఘానికి ఫిర్యాదు చేస్తామని, కమిటీ నిర్ణయం ప్రకారం చర్యలు తప్పవని హెచ్చరించారు. తాము కూర్చుని డబ్బు ఖర్చు పెట్టడం లేదని, మాకున్న ఇమేజ్‌తో ఫండ్‌ తెచ్చుకున్నామని నరేశ్‌ స్పష్టం చేశారు. ఈ టర్మ్‌లో కోటి రూపాయల ఫండ్‌ సమకుర్చామని  తెలిపారు. కరోనా దృష్యా ఎన్నికలు ఎపుడు నిర్వహించాలనే విషయంపై సర్వసభ్య సమావేశం ఏర్పాటు చేసి నిర్ణయం తీసుకుంటామని చెప్పారు. పరిస్థితులకు అనుగుణంగానే ఎన్నికలు జరుగుతాయని తెలిపారు. కాగా, మా ఎన్నికల నేపథ్యలో హేమ మాట్లాడుతూ.. నరేశ్‌ అసలు ఎన్నికలు జరకుండా చేసి, అధ్యక్షుడిగా కొనసాగాలని పావులు కదుపుతున్నారన్నారు. ప్రస్తుత ప్యానల్‌ ఒక్క రూపాయి కూడా సంపాదించకుండా, ఉన్నదంతా ఖర్చు పెడుతున్నారని, తాము ఫండ్‌ రైజ్‌ చేసి ఇస్తే.. నరేశ్‌ ఖర్చు పెడుతున్నారంటూ ఆమె ఆరోపించిన సంగతి విదితమే. 

MAA Elections 2021: మూవీ ఆర్టిస్ట్స్‌ అసోసియేషన్‌(మా)లో మళ్లీ ఎన్నికల రగడ మొదలైంది. ప్రస్తుత అధ్యక్షుడు నరేశ్‌పై నటి హేమ సంచలన వ్యాఖ్యలు చేశారు. ఆయన అసలు ఎన్నికలు జరకుండా చేసి, అధ్యక్షుడిగా కొనసాగాలని పావులు కదుపుతున్నారని ఆరోపించారు. ప్రస్తుత ప్యానల్‌ ఒక్క రూపాయి కూడా సంపాదించకుండా, ఉన్నదంతా ఖర్చు పెడుతున్నారని విమర్శించారు. తాము ఫండ్‌ రైజ్‌ చేసి ఇస్తే.. నరేశ్‌ ఖర్చు పెడుతున్నారని మండిపడ్డారు. 'మా' ఎన్నికలు జరపాలంటూ హేమ సంతకాల సేకరణ ప్రారంభించారు. ఈ సారి మా అధ్యక్ష ఎన్నికల బరిలో ప్రకాశ్ రాజ్‌, మంచు విష్ణు, జీవితా రాజశేఖర్‌, హేమలతో పాటు సీవీఎల్‌ నరసింహారావు ఉన్నారు. ఇప్పటివరకు జరిగిన ఎన్నికల్లో తనను సపోర్ట్‌ చేసిన వారందరి కోరిక మేరకే ఈ సారి అధ్యక్ష పదవి కోసం పోటీకి దిగుతున్నానని హేమ పేర్కొన్న సంగతి తెలిసిందే.

మరోసారి రచ్చ మొదలైంది. ‘మూవీ ఆర్టిస్ట్స్‌ అసోసియేషన్‌’ (మా) ఎన్నికలు మళ్ళీ ఉత్కంఠభరితంగా మారాయి. సెప్టెంబర్‌లో జరగాల్సిన ఎన్నికలకు 3 నెలల ముందే వాతావరణం వేడెక్కింది. సీనియర్‌ నటుడు ప్రకాశ్‌రాజ్, ఇటు అంతకన్నా సీనియర్‌ నటుడైన మోహన్‌బాబు పెద్ద కొడుకు మంచు విష్ణు, ఆ వెంటనే ఉన్నట్టుండి మరో నటి జీవితా రాజశేఖర్‌ ఒకరి తరువాత ఒకరు ‘మా’ అధ్యక్ష ఎన్నికల బరిలోకి దిగారు. బుధవారం ‘‘తోటివాళ్ళ ఒత్తిడితో’’ తానూ పోటీకి దిగుతున్నట్టు నటి హేమ ప్రకటించారు. దాంతో ఇప్పుడు సినీ‘మా’ నాలుగుస్తంభాలాట మొదలైంది. ‘మెగా’ మద్దతు ఎటువైపు? ‘జస్ట్‌ ఆస్కింగ్‌’ అంటూ రాజకీయ ప్రశ్నలు సంధించే ప్రకాశ్‌ రాజ్‌ పోటీ ప్రకటన నాటకీయంగానే సాగింది. ఆ మధ్య ఎన్నికల్లో పవన్‌కల్యాణ్‌ను విమర్శించిన ప్రకాశ్‌రాజ్, ఇటీవల ‘వకీల్‌ సాబ్‌’ ప్రమోషన్లలో ‘మావి రాజకీయ సైద్ధాంతిక విభేదాలు మాత్రమే’ అంటూ ప్రశంసలు వర్షించారు. ఆ విమర్శలవేళ ప్రకాశ్‌రాజ్‌పై విరుచుకుపడ్డ మెగాబ్రదర్‌ నాగబాబు సైతం ఇప్పుడు ప్రకాశ్‌రాజ్‌ అభ్యర్థిత్వాన్ని బాహాటంగా సమర్థిస్తున్నారు. అంటే మెగాఫ్యామిలీ అండదండలు ప్రకాశ్‌రాజ్‌కు ఉన్నట్టే! నిజానికి, ఎన్నికల బరిలోకి దిగక ముందే చిరంజీవి మద్దతును ప్రకాశ్‌రాజ్‌ ముందుగా కోరారట. మెగాస్టార్‌ తమ పూర్తి మద్దతుంటుందని హామీ ఇచ్చారట. అన్న మాటకు తగ్గట్టే తమ్ముడు నాగబాబూ లైన్‌లోకి వచ్చి, ప్రకాశ్‌రాజ్‌ పోటీ చేస్తానని ప్రపంచానికి చెప్పీచెప్పగానే సమర్థించేశారు. ‘మెగా మద్దతు’ ఎటువైపు ఉందో సిగ్నల్స్‌ ఇచ్చేశారు. ఇగో క్లాష్‌లు... ఎత్తుకు పైయెత్తులు... ఎవరికివారే గొప్పనుకొనే కళారంగంలో ఇగో క్లాష్‌లు కామనే! ఈ పోటాపోటీలోనూ అవి చాలా ఉన్నాయని ఖబర్‌. గతంలో ‘మా’ ఉపాధ్యక్షుడిగా పనిచేసిన యువ హీరో మంచు విష్ణు, సీనియర్‌ ప్రకాశ్‌రాజ్‌కు ప్రత్యర్థిగా దిగడం వెనుక కారణాల్నీ పలువురు చర్చిస్తున్నారు. మోహన్‌బాబు తన పుత్రుడికి మద్దతు కోరి, చిరంజీవికి ఫోన్‌ చేశారట. అప్పటికే ప్రకాశ్‌రాజ్‌కు మద్దతు హామీ ఇచ్చేశాననీ, మాట తప్పలేననీ చిరంజీవి చెప్పారట. దాంతో మంచు కుటుంబం హర్ట్‌ అయ్యిందని కృష్ణానగర్‌ గుసగుస. అందుకే, తండ్రి ఆశీస్సులతో మంచు వారసుడు పోటీకి సై అంటే సై అన్నారని ఓ టాక్‌. జూన్‌ 20న మోహన్‌బాబు, విష్ణు స్వయంగా సీనియర్‌ నటుడు కృష్ణ ఇంటికి వెళ్ళి మద్దతు కోరారు. మరో సీనియర్‌ కృష్ణంరాజు ఆశీస్సులూ అందుకున్నారు. ఈ వ్యూహాత్మక ఎత్తుగడ సినీరంగంలో చీలిక, సామాజిక వర్గసమీకరణ అనే వాదనకు సోషల్‌ మీడియాలో తెర లేపింది. అలాగే, ‘మా’ సభ్యుడిగా పోటీకి అన్నివిధాలా అర్హుడైనప్పటికీ, ‘కన్నడిగుడైన ప్రకాశ్‌రాజ్‌కు తెలుగు నటుల సంఘానికి అధ్యక్షుడేమి’టనే ‘లోకల్‌– నాన్‌ లోకల్‌’ చర్చ తెలివిగా తెరపైకొచ్చింది. నిజానికి, బయటకు ‘టామ్‌ అండ్‌ జెర్రీ’ ఆటలా ఉన్నా, ఆంతరంగికంగా మెగా, మంచు పెద్దల మధ్య మంచి స్నేహం ఉంది. మరి తాజా పోటాపోటీ, ఇగో క్లాష్‌ల పర్యవసానం ఏమిటి? పోటీలోకి మరికొందరు! మరోపక్క ప్రస్తుత కార్యవర్గంలో ప్రధాన కార్యదర్శి జీవిత, ఇప్పటికే ‘మా’లో వివిధ పదవులు నిర్వహించిన హేమ లాంటి తారలూ అధ్యక్షపదవి పోటీకి దిగడంతో కథ కొత్త మలుపు తిరిగింది. వీరిని ఎటో ఒకవైపు తిప్పుకొనే ప్రయత్నాలూ సాగుతున్నట్టు సమాచారం. ఇక, ఎన్నికల వేళ ఏవో పాత సమస్యలను లేవనెత్తుతూ... బరిలోకి దిగే ఇండిపెండెంట్‌ అభ్యర్థులు ఉండనే ఉంటారు. ఇప్పటికైతే పోటీలో ఇన్ని పేర్లు వినిపిస్తున్నా, పోలింగ్‌ తేదీ నాటికి ఇంతమందీ బరిలో ఉంటారా అన్నదీ అనుమానమే. 2015 ఎన్నికలలో సహా, అనేకసార్లు పెద్ద పోస్టులకు పోటీ దిగినవారు సైతం ఆఖరు నిమిషంలో బరిలో నుంచి తప్పుకున్నారు. ఈసారీ అలాంటివి జరగవచ్చు. ఎందుకింత మోజు... క్రేజు..? ‘మా’ అధ్యక్షపదవికి ఇంత పోటీ, మోజు ఉండడం ఆశ్చర్యమే! సభ్యుల సంక్షేమం, సమస్యల పరిష్కారం కోసం 1993 అక్టోబర్‌ 4న మొదలైన ‘మా’కు రెండేళ్ళకోసారి ఎన్నికలవుతాయి. గతంలో కృష్ణ, నాగార్జున, మోహన్‌బాబు, నాగబాబు, రాజేంద్రప్రసాద్, శివాజీరాజా తదితరులు ‘మా’ ప్రెసిడెంట్లుగా పనిచేశారు. మురళీమోహన్‌ అత్యధికంగా 6సార్లు (12 ఏళ్ళు) అధ్యక్షపదవి నిర్వహించారు.  అయితే, దాదాపు రూ. 3 కోట్ల చిల్లర కార్పస్‌ ఫండ్‌ మినహా ‘మా’కు ఆస్తులూ, అంతస్థులూ లేవు. నిధుల సమీకరణ కోసం ఒకçప్పటి బెనిఫిట్‌ షోలూ ఇటీవల లేవు. పెన్షన్, బీమా లాంటి సంక్షేమ చర్యల ఖర్చుతో ఆ నిధీ అంతకంతకూ తరిగిపోతోంది. ఎన్నికలొస్తే... గాలిలో సొంత మేడలు! ఇక గడచిన రెండు దశాబ్దాలుగా ఎప్పుడు ‘మా’ ఎన్నికలు జరిగినా వినిపించే హామీ– ‘మా’కు సొంత భవన నిర్మాణం! కానీ ఎంతమంది ప్రెసిడెంట్లు హామీ ఇచ్చినా – అది వట్టి ఎన్నికల హామీగానే మిగిలింది. ప్రతిసారీ ఎన్నికలప్పుడు మాత్రమే సొంత భవనం కల తెర మీదకొచ్చి, ఆ తరువాత అదృశ్యమవడం ఆనవాయితీ అయింది. రానున్న ఎన్నికలకూ అభ్యర్థులందరూ ఆ సొంత ఇంటి పాతపాటనే మళ్ళీ ఎత్తుకున్నారు. అంతా (అ)సమైక్య రాగమే! ఎన్ని వాదవివాదాలైనా ఎన్నికలైపోయాక మళ్ళీ ‘అందరం సినిమాతల్లి ముద్దుబిడ్డలం. మేమందరం ఒకటే. ‘మా’లో మాకు విభేదాలు లేవు’ అంటూ గ్రూప్‌ ఫోటోలు దిగడం కామన్‌. లోపల లుకలుకలు, ఇగోలున్నా పైకి మాత్రం ఇలా సమైక్యరాగం ఆలపిస్తుంటారని అందరికీ ఇట్టే అర్థమైపోతుంటుంది. 2015లో పాపులర్‌ ‘రాజేంద్రప్రసాద్‌ వర్సెస్‌ జయసుధ’ పోటాపోటీలో రాజేంద్రప్రసాద్‌ గెలిచిన తరువాత నుంచి ‘మా’ అనైక్యత తరచూ వీధికెక్కుతోంది. ప్రస్తుతం సీనియర్‌ నరేశ్‌ ప్రెసిడెంటైన కార్యవర్గంలోనైతే కుమ్ములాట తారస్థాయికి చేరింది. ప్రమాణ స్వీకారం రోజున తోటి నటి (హేమ) మైకు లాక్కోవడం దగ్గర నుంచి సాక్షాత్తూ ఎగ్జిక్యూటివ్‌ వైస్‌ ప్రెసిడెంట్‌ (రాజశేఖర్‌) వేదికపై విభేదాలను ప్రస్తావించడం, రాజీనామా దాకా ఎన్నో పరిణామాలు – గడచిన రెండేళ్ళలో ‘మా’ను రచ్చకీడ్చాయి. ఒక దశలో నరేశ్‌ నియంతృత్వ పోకడలకు వ్యతిరేకంగా మెజారిటీ కార్యవర్గ సభ్యులు కలిసి, కనివిని ఎరుగని రీతిలో ‘అభిశంసన తీర్మానం’తో, పదవి నుంచి తొలగించే ప్రయత్నమూ జరిగింది. చివరకు రాజీబాటలో కొన్నాళ్ళు నరేశ్‌ సెలవు మీద వెళ్ళి, మరో సీనియర్‌ నటుడు బెనర్జీ తాత్కాలికంగా అధ్యక్షబాధ్యత నిర్వహించాల్సొచ్చింది. ఇక తాజాగా మూడు నెలల తర్వాత జరగాల్సిన ఎన్నికలకు ఇప్పటి నుంచే మొదలైన పోటాపోటీ ఎటు దారితీస్తుందో చూడాలి. కరోనా కష్టకాలంలో ఆర్టిస్టుల కష్టాల కన్నా ఎన్నికల మీద అందరూ దృష్టి పెట్టడమే విచిత్రం! ‘మా’ ప్రతిష్ఠను మసకబార్చే ఈ పోటాపోటీ అసలే థియేటర్లు, సినిమాలు లేని కరోనా వేళ ఆడియన్స్‌కు అనవసర వీధి వినోదాన్ని అందించడమే విషాదం!! ఈసారైనా స్టార్లు వస్తారా? కేవలం 150 మంది సభ్యులతో మొదలైన ‘మా’లో దివంగతుల సంఖ్య పోగా, ఇప్పుడున్నది 828 మంది సభ్యులే! వీరందరూ ఓటర్లే. వీళ్ళలో అధికశాతం మంది చిన్నాచితకా ఆర్టిస్టులే. అందుకే, పోలింగ్‌ రోజున ఓటేసే యువ హీరో, హీరోయిన్లు తక్కువే. మహేశ్, జూనియర్‌ ఎన్టీఆర్, ప్రభాస్‌ లాంటి నేటి టాప్‌ స్టార్లయితే కొన్నేళ్ళుగా వార్షిక సర్వసభ్య సమావేశాల్లో కానీ, పోలింగ్‌ లో కానీ కనపడనే లేదు. ఒక్క 2004, 2015లలో తప్ప మరెప్పుడూ ‘మా’ ఎన్నికలలో భారీగా ఓటింగూ జరగలేదు. సగటున ప్రతిసారీ పోలయ్యేది 400 ఓట్లే! అయితే, గ్లామర్‌ నిండిన సినీ సమరం కావడంతో ఈ మాత్రానికే ప్రచారం మాత్రం మీడియాలో హోరెత్తిపోతుంటుంది.  – రెంటాల జయదేవ var request = 'https://www.sakshi.com/knowwidget/kwstr_1721373393.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

Actress Hema: మూవీ ఆర్టిస్ట్‌ అసోసియేషన్‌(మా) ఎన్నికలు సాధారణ ఎన్నికలను తలపిస్తున్నాయి. అధ్యక్ష రేసులో ఇప్పటికే ప్రకాశ్‌ రాజ్‌, మంచు విష్ణు, జీవిత రాజశేఖర్‌ ఉండగా, తాజాగా ఈ ఎన్నికలలో నేనూ బరిలోకి దిగుతున్నానని ప్రకటించారు సీనియర్‌ నటి హేమ. ఇప్పటివరకు జరిగిన ఎన్నికల్లో తనను సపోర్ట్‌ చేసిన వారందరి కోరిక మేరకే ఈ సారి అధ్యక్ష పదవి కోసం పోటీకి దిగుతున్నానని హేమ పేర్కొంది. ఈ ఎలక్షన్స్ లో తొలుత ట్రెజ‌ర‌ర్ ప‌ద‌వికి పోటీ చేయాల‌ని అనుకున్న హేమ.. తనవారి కోసం అధ్యక్ష పదవి రేస్‌లోకి దిగబోతున్నట్లు స్పష్టం చేశారు. కాగా, మా ఎన్నికల కోసం ఇప్పటికే టాలీవుడ్‌ మూడు వర్గాలుగా చీలిపోయింది. మహేశ్‌, ఎన్టీఆర్‌ ఎవరికి మద్దతిస్తారనేదానిపై టాలీవుడ్‌లో చర్చ నడుస్తోంది.. ప్రకాశ్‌రాజ్ చిరంజీవి మద్దతుతోనే బరిలోఉన్నారని తెలుస్తోంది. మంచు విష్ణు  తన తండ్రి మోహన్‌బాబు ఆశీస్సులతో పోటీలో నిలిచారు. జీవిత రాజశేఖర్‌కు నందమూరి బాలకృష్ణ మద్దతు ఉన్నట్లు టాలీవుడ్‌వర్గాల్లో చర్చనడుస్తోంది.  ఇక ఈ ముగ్గురే కాకుండా మరో సీనియర్ సహాయనటి హేమ కూడా ‘మా’ అధ్యక్ష పదవి రేస్‌లోకి రావడంతో ఎన్నికలు మరింత ఆసక్తికరంగా మారాయి. చదవండి: మా' ఎన్నికలు: చిరు, బాలయ్య సపోర్ట్‌ ఎవరికి? var request = 'https://www.sakshi.com/knowwidget/kwstr_1721373393.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

క్యారెక్టర్‌ ఆర్టిస్ట్‌గా ఎన్నో సినిమాల్లో వదిన, భార్య, అక్క పాత్రలతో తెలుగు ప్రేక్షకులకు గుర్తిండిపోయిన నటి హేమ. ఈ మధ్య సోషల్‌ మీడియాలోనూ యాక్టివ్‌గా ఉంటోంది. తాజాగా ఓ ఇంటర్వ్యూలో మాట్లాడిన హేమ..డైరెక్టర్‌ పూరి జగన్నాథ్‌తో తనకున్న అనుబంధాన్ని గుర్తు చేసుకుంది. పూరి  ప్రేమించిన అమ్మాయితో తామే దగ్గరుండి పెళ్లి చేశామని, కాళ్లు కడిగి కన్యాదానం కూడా చేశామని పేర్కొంది. అంతేకాకుండా ఎప్పుడైనా డబ్బు అవసరం అయితే ఇచ్చేదాన్ని అని..ఇప్పటికీ మంచి రిలేషన్‌ ఉందని చెప్పింది. 'నేను క్యారెక్టర్‌ ఆర్టిస్ట్‌గా ఉన్న సమయంలోనే పూరి జగన్నాథ్‌ అసిస్టెంట్‌ డైరెక్టర్‌గా వర్క్‌ చేసేవాడు. ఆ సమయంలో సింగిల్‌ ఎపిసోడ్స్‌కు డైరెక‌్షన్‌ చేసేవారు. అప్పుడే ఆయనతో పరిచయం ఏర్పడింది. ఇక అప్పట్నుంచి బ్రదర్‌ అండ్‌ సిస్టర్‌లా ఉండేవాళ్లం. మా ఫ్యామిలీకి పూరీ ఎంత క్లోజ్‌ అంటే..అతను ఉంటేనే నన్ను షూటింగ్స్‌కు పంపేవారు. ఒంటరిగా వెళ్లనిచ్చేవారు కాదు. ఇక ఎప్పుడైనా డబ్బు అవసరం అయితే నన్నే అడిగివాడు. ఆ టైంలో మా ఆయన ఒక్కరే వర్క్‌ చేసేవాడు. దీంతో ఉన్నదాంట్లోనే  మా ఆయనకు తెలియకుండా పూరికి డబ్బులిచ్చేదాన్ని. ఐదందలు, వెయ్యి ఇలా పోపు డబ్బాల్లో దాచుకొని ఇచ్చేదాన్ని. మళ్లీ నాకు తిరిగి ఇచ్చేవాడు. అలా ఎప్పుడు అవసరం ఉన్నా అడిగివాడు. ఏం ఉన్నా అందరం కలిసి ఉండేవాళ్లం. ఓ షూటింగ్‌లో అమ్మాయిని ప్రేమించి పెళ్లి చేసుకుంటా అని పరిచయం చేశాడు.. ఆ అమ్మాయి లావణ్య(పూరి జగన్నాథ్‌ భార్య)గారేనా అని ఇంటర్వ్యూయర్‌ అడగ్గా..పూరి జగన్నాథ్‌ ఒకే అమ్మాయినే ప్రేమించాడు.. ఒక్కతే భార్య ఉంటుంది ఎప్పటికీ అని హేమ వివరణ ఇచ్చింది. ఇక పెద్దవాళ్లు ఎవరూ లేకపోతే తన భర్తతో కలిసి దగ్గరుంచి కాళ్లు కడిగి కన్యాదానం చేశానని, అలా పూరి జగన్నాథ్‌కి తాను అక్కతో పాటు అత్తనవుతాను' అని తెలిపింది.  చదవండి : పిచ్చిదానిలా ఉన్నా..నీకు హాట్‌గా కనిపించానా : నటి హేమ రజనీతో సెల్ఫీ షేర్‌ చేసిన మంచు లక్ష్మి.. ఫోటోలు వైరల్‌

తెలుగు సినిమాల్లో క్యారెక్టర్‌ ఆర్టిస్ట్‌గా మంచి గుర్తింపు పొందిన నటి హేమ. ఈ మధ్య సోషల్‌ మీడియాలో యాక్టివ్‌గా ఉంటూ తనకు సంబంధించిన విషయాలను అభిమానులతో పంచుకుంటుంది. తాజాగా కేబీఆర్‌ పార్కుకు వాకింగ్‌కు వెళ్లిన హేమ..అక్కడే ఇన్‌స్టాగ్రామ్‌లో అభిమానులతో ముచ్చటించింది. లైవ్‌ చాట్‌లో కరోనాపై జాగ్రత్తలు చెబుతూ సెకండ్‌ చాలా తీవ్రంగా ఉందని అందరూ మాస్కులు ధరించాలని కోరింది. కూతురితో కలిసి చింత చిగురు కోసిన నటి..తనకన్నా తన కూతురే ఫేమస్‌ అని, తనకు సోషల్‌ మీడియాలో తనకంటే ఎక్కువ ఫాలోవర్లు ఉన్నారని తెలిపింది. ఈ సందర్భంగా ఓ నెటిజన్‌ లైవ్‌లోనే హేమను హాట్‌ అంటూ కామెంట్‌ చేశాడు. దీనిపై స్పందించిన ఆమె..'నన్ను చూస్తే పిచ్చిదానిలా ఉన్నా.  ఎవరైనా చూస్తే చిల్లర వేస్తారు, అలాంటిది నీకు హాట్‌గా కనిపిస్తున్నానా' అంటూ ఫన్నీగా బదులిచ్చింది. ప్రస్తుతం హేమ చేసిన ఈ కామెంట్స్‌ నెట్టింట వైరల్‌ అవుతున్నాయి. చాలా స్పోర్టివ్‌గా రిప్లై ఇచ్చిందంటూ నెటిజన్లు అభిప్రాయపడుతున్నారు. ఇక తెలుగు , తమిళ, హిందీ భాషల్లో కలిపి ఇప్పటివరకు దాదాపు 200లకు పైగా సినిమాల్లో నటించిన హేమ.. కరోనా వల్ల కొన్ని సినిమాలు ఆగిపోయాయని పేర్కొంది. త్వరలోనే పరిస్థితి అదుపులోకి రావాలని కోరుకుంటున్నట్లు పేర్కొంది. ఇక గతంలో బిగ్‌బాస్‌ సీజన్‌-3లో పాల్గొని మొదటి వారమే ఎలిమినేట్‌ అయి హౌస్‌ బయటకు వచ్చిన సంగతి తెలిసిందే. బిగ్‌బాస్‌లో గొడవలతో కాస్త అపఖ్యాతి కూడా మూటగట్టుకుంది.  View this post on Instagram A post shared by Hema_Kolla (@urshemakolla) చదవండి : ఒక్క నెలలోనే 6కేజీలు తగ్గిన పాయల్‌.. ఏం చేసిందంటే..

సాక్షి, నల్లగొండ : డాక్టర్‌ బి.ఆర్‌.అంబేద్కర్‌ విశ్వ విద్యాలయం డిగ్రీ అర్హత పరీక్ష ప్రశాంతంగా ముగిసింది. ఉమ్మడి జిల్లా వ్యాప్తంగా ఆదివారం పది అధ్యయన కేంద్రాల్లో నిర్వహించిన పరీక్షకు 987 మంది విద్యార్థులు ఆన్‌లైన్‌ ద్వారా దరఖాస్తు చేసుకోగా 580 మంది హాజరయ్యారు. నల్లగొండ నాగార్జున ప్రభుత్వ కళాశాలలో జరిగిన అర్హత పరీక్షలో సినీ నటి హేమ పరీక్ష రాశారు. పరీక్ష ఫలితాలు వెంటనే ఆన్‌లైన్‌లో పెడతామని యూనివర్సిటీ డిప్యూటీ డైరెక్టర్‌ డాక్టర్‌ బి.ధర్మానాయక్‌ తెలిపారు. అర్హత సాధించిన అ«భ్యర్థులు వెంటనే తమకు నచ్చిన అధ్యయన కేంద్రంలో ఆన్‌లైన్‌ ద్వారా అడ్మిషన్‌ పొందవచ్చని తెలిపారు.  

బిగ్‌బాస్‌ హౌస్‌లో ఇప్పుడు ఎంతమంది ఉన్నారంటే అయిదుగురు అని టక్కున చెప్పేస్తారు. కానీ ఇప్పుడు ఆ సంఖ్య మారబోతోంది. ఏంటి? ఎవరినైనా ఎలిమినేట్‌ చేస్తున్నారా? అని అనుకోకండి. గతంలో ఎలిమినేట్ అయినవారినే తిరిగి హౌస్‌లోకి రప్పించనున్నారు. బిగ్‌బాస్‌ షో ముగియడానికి రెండు రోజులు మాత్రమే మిగలడంతో ఫైనల్‌ కంటెస్టెంట్లకు బిగ్‌బాస్‌ సర్‌ప్రైజ్‌ ఇవ్వనున్నాడు. అందులో భాగంగా పద్నాలుగు వారాల్లో ఎలిమినేట్‌ అవుతూ వచ్చిన ప్రతీ కంటెస్టెంట్‌ను తిరిగి హౌస్‌లోకి తీసుకురానున్నారు. వీరు చేసే అల్లరితో నేటి ఎపిసోడ్‌ దద్దరిల్లనున్నట్లు తెలుస్తోంది. ఈ మేరకు తాజా ప్రోమో విడుదలైంది. ఇందులో హేమ జాఫర్‌, అషూ రెడ్డి, రోహిణి, వితిక, పునర్నవి, రవి, మహేశ్‌, శివజ్యోతి, హిమజ, తమన్నా, శిల్పా చక్రవర్తి బిగ్‌బాస్‌ హౌస్‌లోకి ఎంట్రీ ఇచ్చినట్టు కనిపిస్తోంది. ఎక్కడైతే ప్రయాణం మొదలుపెట్టారో మళ్లీ అంతా అక్కడికే చేరినట్టు తెలుస్తోంది. ఇక బిగ్‌బాస్‌ హౌస్‌లోకి వెళ్లే ప్రసక్తే లేదని సంచలన వ్యాఖ్యలు చేసిన హేమ మళ్లీ బిగ్‌బాస్‌ ఇంట్లో అడుగుపెట్టడం విశేషం. శ్రీముఖి అతివినయం చూపిస్తూ హేమ కాళ్లు పట్టుకోబోయింది. వెంటనే హేమ ‘వద్దమ్మా’ అంటూ ఆమెకో నమస్కారం పెట్టింది. It's time for a grand reunion of #BiggBossTelugu3 Today at 10 PM on @StarMaa pic.twitter.com/OnXlfhsXwm — STAR MAA (@StarMaa) November 1, 2019

బిగ్‌బాస్‌ తెలుగు సీజన్‌ 3లో కంటెస్టెంట్‌గా అడుగు పెట్టిన సీనియర్‌ నటి హేమ వారం తిరక్కుండానే బయటికి వచ్చేశారు. అయితే, బిగ్‌బాస్‌ హౌజ్‌ నుంచి బయటికి వచ్చిన తర్వాత మిగతా కంటెస్టెంట్లపై విమర్శలు చేస్తూ వార్తల్లో నిలిచిన సంగతి తెలిసిందే. తాజాగా ఆమె మరోమారు బిగ్‌బాస్ నిర్వాహకులపై విమర్శలు చేశారు. ఓ ఇంటర్వ్యూలో ఆమె మట్లాడుతూ.. అటు బిగ్‌బాస్‌ గురించి, ఇటు శ్రీముఖి గురించి సంచలన విషయాలు వెల్లడించారు. బిగ్‌బాస్‌ హౌజ్‌లోకి ఎంట్రీ సమయంలో తన గురించి పూర్తి ఏవీ (ఆడియో విజువల్‌) వేయలేదని, తన ఎంట్రీని దరిద్రంగా మార్చిన డైరెక్టర్‌కు గట్టిగానే ఇచ్చానని తెలిపారు.. బిగ్‌బాస్‌ నిర్వాహకులు చెడు మాత్రమే చూపిస్తారని విమర్శించారు. షో ఎడిటరే అక్కడ బిగ్‌బాస్‌ అని వ్యాఖ్యానించారు. తనకు ఫైనల్‌కు రావాలని పిలుపు వచ్చినప్పటికీ మళ్లీ అవమానపడటం తన వల్ల కాదని తిరస్కరించినట్టుగా పేర్కొన్నారు. బిగ్‌బాస్‌ హౌస్‌లో ఉన్న కంటెస్టెంట్ల గురించి మాట్లాడుతూ శ్రీముఖిపై సంచలన ఆరోపణలు చేశారు. శ్రీముఖి బయట ఒకలా, లోపల మరొకలా మాట్లాడుతుందని హేమ విమర్శించారు. హిమజ వచ్చేశాక బిగ్‌బాస్‌ చూడటమే మానేశానని అన్నారు.. ఎందుకంటే అందులో ఉన్నవాళ్లంతా ఒకే గ్రూపు అని చెప్పుకొచ్చారు. శ్రీముఖి బర్త్‌డే నాడు అందరూ కలిసి పార్టీ చేసుకున్నారని.. అప్పుడే తనను బయటకు పంపించేయాలని డిసైడ్‌ అయ్యారని హేమ ఆరోపించారు. ‘ఇంటి సభ్యులందరూ నన్ను పంపించేయడమే టార్గెట్‌గా పెట్టుకున్నారు. లేకపోతే తాను స్ట్రాంగ్‌గా మారుతానని వారు భావించారు. అందుకోసమే నాతో కావాలని గొడవ పెట్టుకునేవారు. ఈ విషయం నాకు తర్వాత అర్థమైంది’అని హేమ చెప్పుకొచ్చారు. రాహుల్‌తో సహా అందరూ శ్రీముఖి బర్త్‌డేకు వెళ్లారని.. ఎవరు ఏ వారంలో ఎలిమినేట్‌ కావాలనే విషయాన్ని అప్పుడే ప్లాన్‌ చేసుకున్నారని ఆమె సంచలన వ్యాఖ్యలు చేశారు. శ్రీముఖి గేమ్‌లో అందరూ బలవుతున్నారని హేమ అభిప్రాయపడ్డారు. ఇక మరోవారంలో బిగ్‌బాస్‌ షోకు ఎండ్‌కార్డ్‌ పడనుందనగా ఈ వ్యాఖ్యలు ప్రేక్షుకులపై ఎలాంటి ప్రభావాన్ని చూపిస్తాయో చూడాలి.

‘‘బిగ్‌బాస్‌ హౌస్‌లో గడిపిన వారం రోజుల్లో కొత్తగా నేర్చుకోవడానికి ఏమీ మొదలు పెట్టకుండానే బయటకు వచ్చాను. అయినా హౌస్‌లో ఉన్న సమయంలో బోలెడెంత నాలెడ్జ్‌ వచ్చింది. నేను తప్పు చేయలేదు.. సారీ చెప్పలేదు. వారి ముందు (బిగ్‌బాస్‌లో ఉన్న మిగతా పార్టిసిపెంట్స్‌ని ఉద్దేశిస్తూ) నా 30 ఏళ్ల నటనా జీవితం వృథా. నేను తిట్టలేకపోయాను. తిట్టించుకోలేకపోయాను (నవ్వుతూ)’’ అన్నారు నటి హేమ. నాగార్జున హోస్ట్‌గా ఇటీవల బిగ్‌బాస్‌ మూడో సీజన్‌ ప్రారంభమైన సంగతి తెలిసిందే. ఈ షోలో ఎలిమినేట్‌ అయిన తొలి పార్టిసిపెంట్‌ హేమ. మంగళవారం ఏర్పాటు చేసిన విలేకర్ల సమావేశంలో హేమ మాట్లాడుతూ ‘‘బిగ్‌బాస్‌ ఫస్ట్‌ సీజన్‌లో పాల్గొనే అవకాశం వచ్చినా నేను వెళ్లలేదు. సెకండ్‌ సీజన్‌కు పిలుపు రాలేదు. మానసికంగా స్ట్రాంగ్‌గా ఉందామని థర్డ్‌ సీజన్‌లో బిగ్‌బాస్‌ హౌస్‌లోకి వెళ్లాను. నేటి తరం పిల్లలు మనం చేప్పేది వినరు. సరిగ్గా అర్థం చేసుకోరు. అక్కా అక్కా అంటూ నన్నే టార్గెట్‌ చేశారు (నవ్వుతూ). నాకు బిగ్‌బాస్‌ హౌస్‌పైన ఫిర్యాదులు లేవు. హౌస్‌లోనూ నటిస్తే జనాలు నన్ను తిడతారు. హౌస్‌లోని వారు గేమ్‌ ఆడి గెలవాలి అనుకుంటున్నారు. అందులో తప్పు లేదు. అది షో మాత్రమే. హౌస్‌ నుంచి ఇంత త్వరగా ఎలిమినేట్‌ అయినందుకు బాధగా లేదు. వ్యక్తిగతంగా నాకు చాలా మంది ట్వీట్లు చేశారు. మెసేజ్‌లు పంపారు. చాలా సంతోషంగా అనిపించింది. హౌస్‌లో శ్రీముఖిది కన్నింగ్‌ క్యారెక్టర్‌. గొడవలు పెడుతుంది. హిమజాకు, నాకు గొడవలు ఉన్నాయి. అందుకే నన్ను టార్గెట్‌ చేసింది. నేను పారితోషికం డిమాండ్‌ చేసే హౌస్‌లోకి వెళ్లాను. అయితే ఆ పారితోషికం గురించి చెప్పలేను. నేను గేమ్‌ ఆడలేదు. హౌస్‌లో వితిక, శ్రీముఖి బాగా నటిస్తున్నారు. అశు రెడ్డి ఇంకొన్ని రోజులు హౌస్‌లో ఉండాలని కోరుకుంటున్నాను. నా ఎలిమినేషన్‌కు కొన్ని సాంకేతిక సమస్యలు కూడా కారణమై ఉండొచ్చు. నాకు గూగుల్‌ ఓట్లు బాగానే వచ్చాయి. కానీ హాట్‌స్టార్‌ యాప్‌ను డౌన్‌లోడ్‌ చేసుకుని అందులో ఓట్లు వేస్తేనే లెక్కలోకి వస్తుంది. ఇలాంటి టెక్నికల్‌ ఇష్యూస్‌ నన్ను అభిమానించే విలేజ్‌లోని వారికి తెలియకపోవచ్చు. అది నా దురదృష్టం. నేను ఎలిమినేట్‌ అయినందుకు మా ఇంట్లో నో రియాక్షన్‌. ఏం మమ్మీ.. టైమ్‌పాస్‌ చేసి వచ్చేశావా అని నా కూతురు అడిగింది. అలాగే నేను సినిమాల్లో నటించడం మానుకున్నాననే వార్తల్లో నిజం లేదు’’ అన్నారు. త్వరలో మీరు వైఎస్సార్‌సీపీ పార్టీలో జాయిన్‌ కాబోతున్నారా? అనే ప్రశ్నకు.. ‘‘తొందర్లోనే అనౌన్స్‌ చేస్తాను. జగన్‌గారికి సపోర్ట్‌ చేశాను. ప్రచారం చేయలేదు. జగన్‌గారు, ఆయన పార్టీ అంటే ఇష్టం. నేను స్ట్రాంగ్‌ అవ్వాలి. ఏదొచ్చినా ఫేస్‌ చేయగలగాలి. తీసుకున్న స్టాండ్‌కు కట్టుబడి ఉండే గుండె ధైర్యం రావాలి. నా కూతురు డిగ్రీ సెకండ్‌ ఇయర్‌కి వెళ్లే లోపు నా నిర్ణయం చెబుతా’’ అన్నారు  హేమ.  మరిన్ని బిగ్‌బాస్‌ వార్తల కోసం క్లిక్‌ చేయండి

మొదటి వారంలోనే బిగ్‌బాస్‌ హౌస్‌లోంచి ఎలిమినేట్‌ అయి ఇంటి బాట పట్టిన హేమ సంచలన నిజాలు బయటపెట్టింది. నేడు హైదరాబాద్‌లోని ఫిలించాంబర్‌లో ఏర్పాటు చేసిన మీడియా సమావేశంలో మాట్లాడుతూ.. బిగ్‌బాస్‌ అనుభవాలు, కంటెస్టెంట్ల ఆట తీరు, అందులో ఎవరు నటిస్తున్నారు?లాంటి విషయాలను వెల్లడించారు. తానేమీ గేమ్‌ ఆడలేదని, ప్లాన్‌ చేసుకుని వెళ్లలేదని, అక్కడి వాతావరణం అర్థంచేసుకునేలోపే బయటకు వచ్చానని అన్నారు. చివర్లో అక్కడ ఉండలేక.. గోడ దూకి పారిపోవాలని కూడా ప్లాన్‌ వేశానని అయితే అంతలోపే ఎలిమినేట్‌ చేసి బయటకు పంపించారంటూ పేర్కొంది. బిగ్‌బాస్‌ హౌస్‌లో తానేమీ డామినేషన్‌ చేయలేదని.. మన ఇంట్లో కూడా పిల్లలకు కండీషన్స్‌పెడితే నచ్చదు కదా అలాగే వారికి కూడా తాను నచ్చలేదని తెలిపింది. ఇంట్లో ఉప్పు,కారం కూడా సరిపోవడం లేదంటే పరిస్థితి అర్థం చేసుకోండంటూ వివరించింది. తన భర్తకు ఫుడ్‌ అంటే ఇష్టమని అది కావాలని ఇది కావాలని అడిగేదంటూ వితికా కిచెన్‌లోకి వచ్చేదని, గ్యాస్‌ పైనే హిమజ వేడి నీళ్లు పెట్టుకునేదని,అయితే ఇలాంటివన్ని షోలో ప్లే చేయలేదని.. తాను అరిచినవి మాత్రమే చూపించాడని తెలిపింది.  ఇంకా హేమ మాట్లాడుతూ.. ‘నిన్న ప్రసారం అయిన ఎపిసోడ్‌లో చూసుంటే.. ఇంత తొందరగా కాఫీ పొడి అయిపోయిందని అలీ రెజా అన్నాడు.. అలాంటి పరిస్థితి రావద్దనే తాను అలా చేయాల్సి వచ్చింది. వంటగదిలోకి శ్రీముఖి వచ్చి.. అందరూ పాలు కావాలంటున్నారు.. రెండు మూడు సార్లు తాగుతున్నారని చెప్పింది. మళ్లీ బయటకు వెళ్లి వేరేలా చెప్పింది. ఆ రోజు డైనింగ్‌ టేబుల్‌ వద్ద కూడా ఆ డైరెక్షన్స్‌ నాకొద్దు అని మామూలుగానే అన్నాను. అంతమందికి వంట చేసి పెట్టిన నాకు తెలీదా.. ఉన్న వాటితోనే నేను చేసిపెడతాను.. అయినా మనం చేయకపోతే వీళ్లకు చెప్పాలి కదా అని శ్రీముఖితో అన్నానని.. కానీ రాహుల్‌ వాయిస్‌ పెంచేసరికి తాను పెంచవలసి వచ్చింద’ని తెలిపింది. ఇక ఒక్కో హౌస్‌మేట్స్‌ గురించి చెబుతూ.. వరుణ్‌ సందేశ్‌, శ్రీముఖి బాగా నటిస్తున్నారని తెలిపింది. శ్రీముఖి అందరి అటెన్షన్‌ పొందాలని చూస్తోందని, బాబా భాస్కర్‌ అందరితో మంచి అనిపించుకోవాలని అనుకుంటున్నాడు.. అయితే వచ్చేవారం అందరూ కలిసి బాబా భాస్కర్‌నే నామినేట్‌ చేయోచ్చేమోనని పేర్కొంది. తానొక జర్నలిస్ట్‌ను కదా కామెడీలు చేస్తే ఏం అనుకుంటారో అని జాఫర్‌ ఆలోచిస్తుంటాడని, వితికా, శ్రీముఖి ఇద్దరూ తనను బ్యాడ్‌ చేయడానికి ప్రయత్నించారని తెలిపింది. ఇంటాబయట హిమజ మానిప్యులేట్‌ చేస్తోందని, తన కప్పులు తాను కడగడని.. ఇదే విషయం రాహుల్‌కు చెప్పానని.. అయితే ఈవారం అదే కారణంతో నామినేట్‌ అయ్యాడని పేర్కొంది. అలీ బాగానే ఆడుతున్నాడని, రోహిణి మాత్రం అందర్నీ నమ్మేస్తుందని.. శ్రీముఖే తనకు ఇంజెక్ట్‌ చేస్తుందని తెలిపింది. అందుకే అందరినీ నమ్మోద్దని వచ్చేటప్పుడు రోహిణికి చెప్పానని తెలిపింది. శివజ్యోతి (సావిత్రి) ఇంకా తన ఫ్యామిలీ, తన భర్త ఆ సెంటిమెంట్లోనే ఉందని, తనను కూడా పిండేస్తారని, తన ఒరిజినాలిటీ కూడా తొందర్లోనే బయటకు వస్తుందని వెల్లడించింది. అషూ రెడ్డికి ఇంకా మెచ్యురిటీ రావాలని..తను ఇంకొన్ని రోజులు బిగ్‌బాస్‌ హౌస్‌లో ఉండాలని కోరుకుంటున్నట్లు తెలిపింది. మహేష్‌-వరుణ్‌ సందేశ్‌ విషయంలో అంత పెద్ద గొడవ జరిగితే అది చూపించకుండా కేవలం తాను అరిచినవి మాత్రమే చూపించారని తెలిపింది. బిగ్‌బాస్‌లో అందరూ ఆడటానికే వెళ్తారు.. నాటకాలు కూడా ఆడతారు.. తాను కూడా ఎలిమినేట్‌ కాకుండా ఉంటే గేమ్‌ ఆడేదాన్నేమోనని తెలిపింది. హౌస్‌లో ఉన్నవారందరికీ తానంటే ఇష్టమేనని.. బయటకు వచ్చాక రాహుల్‌ తనను చార్మినార్‌ తీసుకెళ్తానని అన్నాడని.. హౌస్‌లో ఉన్నవారంతా మంచివారేనంటూ చెప్పుకొచ్చింది.

సాక్షి, హైదరాబాద్‌ : తెలుగు బుల్లితెరపై ఆసక్తికరంగా సాగుతున్న బిగ్‌బాస్‌ 3 షోపై నటి హేమ సంచలన వ్యాఖ్యలు చేశారు. ఎలిమినేట్ అయిన‌పుడు నాగార్జున ముందు అంతా బాగుందని చెప్పిన హేమ‌.. ఇప్పుడు మాత్రం మాట మార్చేశారు. బిగ్‌బాస్‌-3 నుంచి కావాలనే తనను బయటకు పంపారని ఆరోపించారు. ఈ షోలో ఉన్నది ఉన్నట్లుగా చూపించడంలేదన్నారు. లోపల ఒకటి జరిగితే బయట ఒకటి ప్రసారం చేశారని విమర్శించారు. కాగా ఆదివారం జరిగిన మొదటి ఎలిమినేషన్‌ ప్రక్రియలో హేమ బిగ్‌బాస్‌ హౌస్‌ను వీడిన సంగతి తెలిసిందే. 15 మందిలో మొత్తం ఆరుగురు.. రాహుల్, పునర్నవి, వితికా, హిమజ, జాఫర్, హేమలు తొలివారం ఎలిమినేషన్‌కి నామినేట్ అయ్యారు. వీరిలో అందరూ ఊహించనట్లే  షో నుంచి హేమ ఎలిమినేట్‌ అయ్యారు. సెల్ఫీ మూవ్‌మెంట్‌ అనంతరం  హౌజ్‌ నుంచి బయటకు వచ్చిన హేమ.. తన జర్నీకి సంబంధించిన ప్రోమోను చూస్తూ ఎమోషనల్‌ అయ్యారు. వంటగది వల్లే గొడవలు వచ్చాయని, అది తప్ప తనపై ఎలాంటి ఫిర్యాదులు లేవని తెలిపారు. ఓ మదర్‌ ఫీలింగ్‌తో ఉన్నానని, అయితే ఎక్కువ పెట్టుకోవద్దు.. అది తీయొద్దు ఇది తీయొద్దు అని అనడంతో అది డామినేట్‌ చేయడం, కమాండింగ్‌లా అందరికీ అనిపించిందని.. అందుకే అందరూ తనను బ్యాడ్‌ అని అనుకున్నారని తెలిపారు. వాళ్ల కోసం చేసేది వాళ్లకే అర్థం కానప్పుడు అక్కడ ఉండటం వ్యర్థమనిపించిందని చెప్పారు. హౌస్‌మేట్స్‌ గురించి మాట్లాడుతూ.. అదరూ మంచివాళ్లేనని తెలిపింది. హౌజ్‌మేట్స్‌లో నచ్చనివారు ఎవరైనా ఉన్నారా అని నాగార్జున అడగ్గా.. అలాటిందేమి లేదని, అందరూ మంచి వారేనని, మంచిగా గేమ్‌ ఆడుతున్నారని చెప్పుకొచ్చింది. శ్రీముఖి.. బాబా భాస్కర్‌ మాత్రం ఫైనల్‌ వరకు ఉండొచ్చని తెలిపారు. ఇలా అందరి గురించి మంచిగా మాట్లాడిన హేమ.. బయటకు వచ్చి మాత్రం మాట మార్చేశారు.  ఈ షోలో ఉన్నది ఉన్నట్లు చూపించలేదని, ప్లాన్‌ వేసి తనను బయటకు పంపారని ఆరోపించారు. అక్కా.. అక్కా.. అంటూనే తనపై లేని పోని మాటలు చెప్పారని వాపోయారు. హౌజ్‌లో గొడవ జరిగిన విధానానికి..షోలో చూపించిన విధానానికి పొంతనే లేదన్నారు. మరో వైపు ఎలిమినేట్‌ అయిన హేమ స్థానాన్ని భర్తీ చేసేందుకు ఆదివారం  వైల్డ్‌ కార్డ్‌ ఎంట్రీ కూడా జరిగింది. ట్రాన్స్‌జెండర్‌ తమన్నాసింహాద్రికి వైల్డ్‌ కార్డ్‌ ద్వారా ప్రవేశం కల్పిస్తూ ఉత్కంఠకు తెరదించాడు కింగ్‌ నాగార్జున.  దీంతో బిగ్ బాస్ హౌస్‌లో ఇప్పుడు ఎటువంటి పరిణామాలు చోటు చేసుకుంటాయో అనే ఆసక్తి నెలకొంది.

బిగ్‌బాస్‌ హౌస్‌లో ఆదివారం అంతా సందడిగా గడిచింది. హౌస్‌మేట్స్‌ అందరి డ్రెస్సింగ్‌పై నాగ్‌ కాంప్లిమెంట్‌ ఇచ్చాడు. అనంతరం మూడు బౌల్స్‌లో మూడు కలర్స్‌ స్లిప్స్‌లో ఒక్కోదాంట్లో గుడ్‌, యావరేజ్‌, బ్యాడ్‌ వ్యక్తుల పేర్లను రాయమని ఇంటి సభ్యులందర్ని ఆదేశించాడు. అనంతరం ఇంటి సభ్యులందరిని మూడు టీమ్‌లుగా విడగొట్టి డంబ్‌ షెరాడ్స్‌ ఆడించాడు. అనంతరం కోటి ముప్పై లక్షల ఓట్లు వచ్చాయని తెలిపాడు. ఇంట్లోని మెజార్టీ సభ్యులు హేమను బ్యాడ్‌ పర్సన్‌గా ఎంచుకున్నారని.. బయట ప్రజల ఓటింగ్‌ కూడా అలాగే ఉందని హేమ ఎలిమినేట్‌ అయినట్లు నాగ్‌ ప్రకటించారు. ఇక ఆదివారం ఎపిసోడ్‌ సాగిందిలా.. ఇంటి సభ్యులందర్నీ మూడు టీమ్స్‌గా విభజించాడు. ఏ టీమ్‌ నుంచి రోహిణి, బీ టీమ్‌ నుంచి వితికా షెరు, సీ టీమ్‌ నుంచి శ్రీముఖి యాక్ట్‌ చేయడానికి వచ్చారు. అయితే ఈ ఆటలో కేవలం పాటలు మాత్రమే ఉంటాయని వాటినే నటించి చూపించాలని, అవతలి వాళ్లు కనిపెట్టాలని తెలిపాడు. దీంతో మొదటి టీమ్‌ లోంచి రోహిణి రాగా.. ఒక్క పాటను(వాట్‌ అమ్మా..) మాత్రం సరిగా నటించి చూపలేకపోయింది. ఇక రెండో టీమ్‌లోంచి వితికా రాగ.. ఒక పాటను పెదాలతో పాడి వినిపించింది. మరొక పాట(జింగిడి.. జింగిడి) తెలీక వదిలేసింది. ఇక శ్రీముఖి అత్యుత్సహాన్ని ప్రదర్శించి లిప్‌ మూవ్‌మెంట్‌ చేస్తూ ఓ పాయింట్‌ను, పాట తెలీక ఇంకో పాయింట్‌ను కోల్పోయింది. మొత్తానికి ఈ టాస్క్‌లో ఏ టీమ్‌ విజేతగా నిలవడంతో వారికి చికెన్‌, పన్నీర్‌ను బిగ్‌బాస్‌ కానుకగా ఇచ్చాడు. అయితే వారికి ఇష్టమైతే మిగతా ఇంటిసభ్యులకు కూడా ఇవ్వొచ్చని తెలిపడంతో.. అందరం కలిసి పంచుకుంటామన్నారు. ఇక ఇంటి సభ్యులు అందరూ ఆనందంగా ఉన్న సమయలో రాహుల్‌, వితికాలు సేవ్‌ అయినట్లు తెలిపాడు. జాఫర్, హేమలు మాత్రమే మిగలగా.. హేమ ఎలిమినేట్‌ అయినట్లు ప్రకటించాడు. సెల్ఫీ మూవ్‌మెంట్‌ అనంతరం బయటకు వచ్చిన హేమ.. తన జర్నీకి సంబంధించిన ప్రోమోను చూస్తూ ఎమోషనల్‌ అయింది.  వంటగది వల్లే గొడవలు వచ్చాయని, అది తప్ప తనపై ఎలాంటి ఫిర్యాదులు లేవని తెలిపింది. ఓ మదర్‌ ఫీలింగ్‌తో ఉన్నానని, అయితే ఎక్కువ పెట్టుకోవద్దు.. అది తీయొద్దు ఇది తీయొద్దు అని అనడంతో అది డామినేట్‌ చేయడం, కమాండింగ్‌లా అందరికీ అనిపించిందని.. అందుకే అందరూ తనను బ్యాడ్‌ అని అనుకున్నారని తెలిపింది. వాళ్ల కోసం చేసేది వాళ్లకే అర్థం కానప్పుడు అక్కడ ఉండటం వ్యర్థమనిపించిందని తెలిపింది. ఇంట్లోని సభ్యులందరూ మంచి వారేనని, శ్రీముఖి.. బాబా భాస్కర్‌ మాత్రం ఫైనల్‌ వరకు ఉండొచ్చని తెలిపింది. మహేష్‌.. మనసుకు మంచోడని మాటలు మాట్లాడేటప్పుడు మాత్రం జాగ్రత్తగా ఉండమని.. శ్రీముఖి, హిమజలకు ఆల్‌ది బెస్ట్‌ అని చెప్పింది. స్వీట్ హార్ట్‌ అషూ రెడ్డిని మాత్రం స్వార్థంగా ఉంచానని, తనకు బిగ్‌బాస్‌లో టైమ్‌ కావాలని.. అలీ బాగా ఆడుతున్నారని.. కొంచెం కోపం తగ్గించుకోవాలని రాహుల్‌కు.. వితికా, వరుణ్‌లు హౌస్‌లో ఉండాలని అందరూ కోరుకున్నారని అయితే మన్మథుడు చెప్పినప్పుడు అప్పుడప్పుడు కాంప్లిమెంట్స్‌ ఇవ్వాలని వరుణ్‌కు సూచించింది. టాస్క్‌లో టీచర్‌లా బాగా నటించిందని పునర్నవిని మెచ్చుకుంది. రవికృష్ణ మంచోడని.. అయితే మాట్లాడేప్పుడు జాగ్రత్తగా ఉండమని, రోహిణి అందరితో కలిసిపోతుందని.. అందర్నీ నమ్మేస్తుందని అలా ఉండకూడదని వివరించింది. ఇంటిపైన బెంగపెట్టుకోవద్దని హౌస్‌లో ఇంకా ఉండాలని ప్రజలు కోరుకున్నారని.. ఇకపై తాము జాఫర్‌ను చూడాలని అనుకుంటున్నట్లు తెలిపింది. తనకు వంటలో చిట్కాలు నేర్పిందని, ఇంటికి వెళ్లాక అవి వండి తన భార్య దగ్గర మంచి పేరు తెచ్చుకుంటానని బాబా భాస్కర్‌ తెలిపారు. చివరగా.. హౌస్‌మేట్స్‌ బాధ్యతను బాబా భాస్కర్‌కు అప్పగించి హేమ వెళ్లిపోయింది. వైల్డ్‌ కార్డ్‌ ఎంట్రీ ఇచ్చిన తమన్నా అనుకున్నట్లే.. అందరూ ఊహించినట్లే హేమ ఎలిమినేట్‌ అయింది. వచ్చీ రాగానే అందరిని డామినేట్‌ చేయడంతో.. హౌస్‌మేట్స్‌తో పాటు ఆడియెన్స్‌లో కూడా హేమపై వ్యతిరేకత ఏర్పడింది. దీంతో మొదటి వారంలో హేమ ఇంటిబాటపట్టింది. అయితే హేమను రీప్లేస్‌ చేసేందుకు బిగ్‌బాస్‌.. ఓ వైల్డ్‌ కార్డ్‌ ఎంట్రీని ప్రవేశపెట్టారు. ఆదివారం ఉదయం నుంచి ప్రచారం జరిగినట్టుగా వైల్డ్‌ కార్డ్‌ ఎంట్రీలో ట్రాన్స్‌జెండర్‌ తమన్నా సింహాద్రి ఎంట్రీ ఇచ్చింది.

అనుకున్నట్లే శనివారం నాగ్‌ ఎంటర్‌టైన్‌ చేశాడు. ఇంట్లోని సభ్యుల్నే కాకుండా ఆడియెన్స్‌ను కూడా మెప్పించాడు. తనదైన చలాకీతనం, అనుభవంతో ఎవరినీ నొప్పించకుండా చాలా అందంగా హెచ్చరించాడు. దీంతో నాగ్‌ హోస్టింగ్‌ స్టైలే వేరని మరోసారి రుజువైంది. అయితే ఈ వారం హైలెట్‌గా నిలిచిన వరుణ్‌ సందేశ్‌-మహేష్‌ ఉదంతాన్ని మాత్రం టచ్‌ చేయలేదు. మిగతావారి అందరి లెక్కలను సెట్‌ చేశాడు నాగ్‌. రవికృష్ణ బాగా డిసప్పాయింట్‌ చేశాడని, హేమ డామినేషన్‌ చేసిందని, పునర్నవి చాలా మెచ్యుర్డ్‌గా ఆలోచిస్తుందని, శ్రీముఖి అందరితో బాగా కలిసిపోతుందని, వరుణ్‌-వితిక రోమాన్స్‌, బాబా భాస్కర్‌-జాఫర్‌ బ్రొమాన్స్‌ అంటూ నాగ్‌ అందర్నీ టచ్‌ చేశాడు. ఇక నాగ్‌ కోరిక మేరకు.. ఇంటిసభ్యులపై రాహుల్‌ చేసిన ‘ఇల్లాకత్తా మఫిలియా’ పాట ఆకట్టుకుంది. కన్నీళ్లు పెట్టించిన శివజ్యోతి (సావిత్రి) నాగ్‌ ఎంట్రీ ఇచ్చాక.. ఆ రోజు హౌస్‌లో ఏం జరిగిందో చూపించాడు. తన ప్రేమ కథను చెప్పి హౌస్‌మేట్స్‌తో పాటు, ఆడియెన్స్‌ను కంటనీరు పెట్టించింది సావిత్రి. పందొమ్మిదేళ్లకే ఇంట్లోంచి బయటకు వచ్చేయడం.. ప్రేమ వ్యవహారం గొడవలు.. భర్త కష్టపడి పోషించడం.. కుటుంబ పరిస్థితులు గురించి చెబుతూ కన్నీరు పెట్టించింది. చివరకు తాను ఉద్యోగం చేసుకుంటూ తన భర్తను చదివించానని తెలిపింది. తన తండ్రి చిన్నప్పటి నుంచి కుటుంబాన్ని పట్టించుకోలేదని.. అయితే చివరి రోజుల్లో తన వద్దే ఉన్నాడని చెప్పుకొచ్చింది. ఇలా తన గతం చెప్పుకుంటూ ఉంటే అషూ కన్నీరు కారుస్తూ ఉంది. తన సతీమణి గుర్తుకొస్తుందని ఏడ్చిన జాఫర్‌ను శ్రీముఖి, వితికా షెరు, వరుణ్‌ సందేశ్‌లు ఓదార్చారు. అనంతరం బాబా భాస్కర్‌తో కలిసి జాఫర్‌ వేసిన మూన్‌ వాక్‌ స్టెప్పులను వీక్షిస్తూ నాగ్‌ సైతం ఎంజాయ్‌ చేశాడు. ఇక వరుణ్‌ సందేశ్‌-వితికల మాటలు వింటూ.. భార్యభర్తలిద్దరూ బాత్‌టబ్బులో కూర్చుని రొమాన్స్‌ చేసుకుంటూ చక్కగా ఉన్నారని కితాబిచ్చాడు. జాఫర్‌-బాబా భాస్కర్‌ల బ్రొమాన్స్‌ వారం రోజుల తర్వాత ఇంటిసభ్యులకు నాగ్‌ దర్శనమిచ్చాడు. నాగ్‌ కనపడేసరికి ఇంటి సభ్యులందరూ సంతోషంగా పలకరించారు. ఇక ఒక్కొక్క సభ్యుడితో ముచ్చటించేందుకు పిల్లో గేమ్‌ను మొదలుపెట్టారు. మ్యూజిక్‌ ఆగిపోయాక పిల్లో ఎవరి దగ్గర ఆగుతుందో అతని దగ్గరి నుంచి మొదలుపెడతానని తెలిపాడు. అయితే మొదటగా జాఫర్‌ వంతు వచ్చింది. హోమ్‌ సిక్‌ వల్ల  జాఫర్‌  కంటతడి పెట్టిన విషయాన్నిగుర్తుచేశారు నాగ్‌. ఇంటరాగేషన్‌ చేసే తనలాంటి వ్యక్తికి  ఫ్యామిలీ అనేది బలమైన ఎమోషన్‌ అని నాగ్‌ అన్నారు. మూన్‌ వాక్‌ స్టెప్పుల గురించి నాగ్‌ ఆరా తీశారు. ఈ విషయంలో బాబా భాస్కర్‌ను నాగ్‌ అభినందించారు. తనను ఎమోషనల్‌ మూడ్‌ నుంచి బయటకు తీసుకురావడానికి బాబా భాస్కర్‌ చేసిన ప్రయత్నం బాగుందని మెచ్చుకున్నారు. ఇక బాబా భాస్కర్‌, జాఫర్‌లు కలిసి పాడిన పాటను మళ్లీ పాడించారు. దీంతో హౌస్‌లో నవ్వులు పూశాయి.  రవికృష్ణ-మహేష్‌ల హగ్‌ వెరీ యాంగ్రీ విత్‌ యూ అంటూ రవికృష్ణను ఉద్దేశించి నాగ్‌ అన్నాడు. మహేష్‌ విషయంలో రవికృష్ణ అన్న మాటలు కరెక్ట్‌ కాదని, బిగ్‌బాస్‌ హౌస్‌లో జాతి, రంగు,కులం, మతం, ప్రాంతం అంటూ ఉండవని, ఇక్కడే కాదు ఎక్కడా ఉండకూడదని తెలిపాడు. వెంటనే మహేష్‌కు సారీ చెప్పానని రవికృష్ణ వివరించాడు. రవికృష్ణకు నల్లరంగు పూసే.. అవకాశం ఇచ్చినా మహేష్‌ మాత్రమ వద్దన్నాడు. రవికృష​, మహేష్‌ హగ్‌ చేసుకోవాలని, కలిసుండాలని నాగ్‌ ఆదేశించాడు. వెంటనే ఇద్దరు హత్తుకోవడమే కాకుండా ముద్దులు కూడా పెట్టుకుని మనస్పర్దలను తొలగించుకున్నారు. పునర్నవికి చపాతిని అందించిన నాగ్‌ అందరికీ హెల్ప్ చేస్తున్నావని‌, చిన్న పిల్లల టాస్క్‌లో మహేష్‌కు సర్దిచెప్పడం, టాస్క్‌లో పార్టిసిపెట్‌ చేసేలా ఒప్పించడం గురించి మాట్లాడుతూ.. పునర్నవిని మెచ్చుకున్నాడు. ఇంత చిన్న వయసులో అంత మెచ్యురిటీ ఎలా వచ్చిందని పొగిడాడు. ఇక ట్విటర్‌లో ట్రెండింగ్‌ అయిన చపాతి ఇష్యూను గుర్తు చేశాడు. అసలు ఆ చపాతి గొడవేంటని ఇంటిసభ్యులను అడిగాడు. బాబా భాస్కర్‌ తన చపాతిని తీసుకున్నాడని తెలిసినా కూల్‌గా రియాక్ట్‌ అయ్యావని పునర్నవి గురించి చెప్పాడు. చివరకు ఓ చపాతిని బిగ్‌బాస్‌ పంపించగా.. బాబా భాస్కర్‌ చేతుల మీదుగా పునర్నవికి ఇప్పించాడు. వరుణ్‌ సందేశ్‌-వితిక రొమాన్స్‌ వరుణ్‌ సందేశ్‌ను తన సతీమణి వితికా షెరు గురించి అడిగాడు. ఆమె నామినేషన్‌లో ఉందని ఏమైనా బాధపడుతున్నావా అని అడగ్గానే.. వితికా తన భర్తపై ఫిర్యాదు చేయడం మొదలుపెట్టింది. తాను నామినేషన్‌లో ఉన్నానని, ఎలాగో వెళ్లిపోతున్నావని తన బ్రెడ్‌, ఎగ్స్‌ తింటున్నాడని నాగ్‌కు వివరించింది. దీనిపై వరుణ్‌ను ప్రశ్నించగా.. తనకు బాగా ఆకలివేసిందని అయితే పాటపాడితే బ్రెడ్‌ ఇస్తానన్నందుకు ఓ పాట పాడానని, అన్నమాట ప్రకారం తనకు ఓ బ్రెడ్‌ ముక్కను ఇచ్చిందని వివరించాడు. అక్కడ పాడిన పాటను మళ్లీ పాడమని నాగ్‌ కోరగా.. కొత్త బంగారు లోకం సినిమాలో నీ ప్రశ్నలు అనే పాటను పాడి వినిపించాడు. వితికా వెళ్లాలని సింబాలిక్‌గా ఈ పాట పాడావా? అంటూ చమత్కరించాడు. అలా ఏం లేదని తను ఒకవేళ ఎలిమినేట్‌ అయితే తనను బాగా మిస్‌ అవుతానని తెలిపాడు. తనను హౌస్‌లో ఎత్తుకోవడం లేదని, మీరు చేసే రొమాన్స్‌ను చూసి.. జాఫర్‌కు తన ఇళ్లు గుర్తొచ్చి బాధపడుతున్నారంటూ నవ్వులు పూయించాడు.  కన్నీళ్లు పెట్టిన మొట్ట మొదటి కంటెస్టెంట్‌.. హిమజ హౌస్‌లో కన్నీళ్లు పెట్టిన మొట్ట మొదటి కంటెస్టెంట్‌ అని, ఎందుకు కన్నీళ్లు పెట్టావంటూ హిమజను ప్రశ్నించాడు. తాను మొదట్నుంచీ సెన్సిటివ్‌ అని, తన మూలానా మహేష్‌కు గాయమైందనే బాధలో ఉండగా.. హేమ ఏదో అనడంతో బాగా ఏడుపు వచ్చిందని తెలిపింది. తాను రెడ్‌ మార్క్‌ను తొలగించుకునేందుకు మాత్రమే ఉదయాన్నే బాత్రూమ్‌ను క్లీన్‌ చేయలేదని, అంతకుముందు కూడా చేశానని తెలిపింది.  శివ జ్యోతి కథ వింటూ కన్నీరు పెట్టిన అషూరెడ్డి హౌస్‌లోకి ఎంటర్‌ అయ్యేటప్పుడు గలగలా మాట్లాడవని, కానీ బిగ్‌బాస్‌ హౌస్‌లో మాత్రం సైలెంట్‌గా ఉన్నావెందుకు అని అడిగాడు. శివజ్యోతి తన కథంతా చెబుతూ ఉంటే అషూ రెడ్డి కన్నీరు పెట్టుకోవడం గురించి నాగ్‌ ప్రస్తావించాడు. అయితే శివజ్యోతి కథ విని అలా ఏడుపు వచ్చిందా లేకుంటే.. తన గతం గుర్తుకువచ్చిందా? అని ప్రశ్నించాడు. తన గతాన్ని మర్చిపోయాయని ప్రస్తుతం బాగానే ఉన్నానని తెలిపింది. శివజ్యోతి గురించి ప్రస్థావిస్తూ.. తన భర్తతో కలిసి భర్తలు ఎలా ఉండాలనే ట్రైనింగ్‌ సెంటర్‌ పెట్టాలని సూచించాడు. వెంటనే శివజ్యోతి సమాధానమిస్తూ.. ఫ్రీగా కోచింగ్‌ ఇస్తామని, ఇంట్లోనే ఉంచుకుని తిండి కూడా పెడతామని తెలిపింది.  డామినేషన్ చేశావు‌.. నామినేషన్‌లో పెట్టేశారు ఇంట్లోకి వచ్చిన వెంటనే అందరి మీద డామినేషన్ చేశావు‌.. అందరూ కలిసి నామినేషన్‌లో పెట్టేశారు అంటూ హేమపై పంచ్‌ వేశాడు. డైనింగ్‌ టేబుల్‌ వద్ద ఆ రోజు ఏం జరిగిందంటూ ప్రశ్నించాడు. అలీ రెజా ఆరోజు ఏం జరిగిందో వివరించాడు. తాను వంటచేసి పెడతాను గొడవ ఎందుకు అనే ఉద్దేశ్యంలోనే అలా అన్నానని హేమ వివరణ ఇచ్చింది. శ్రీముఖి.. అలకనంద ఇంట్లో అందరితో బాగా కలిసిపోతోందని శ్రీముఖిని నాగ్‌ మెచ్చుకున్నాడు. శ్రీముఖికి అలకనంద అనే పేరును నాగ్‌ సూచించాడు. అయితే అక్కడిదిక్కడ.. ఇక్కడిదక్కడ చెప్పకుండా, జాగ్రత్తగా ఉండమని తెలిపాడు. ఇద్దరి మధ్య వచ్చిన గొడవలను పరిష్కరించడానికే అలా చేస్తున్నానని, కానీ తప్పుగా అర్థం చేసుకుంటున్నారని తెలిపింది. తాను అక్కడిదిక్కడ ఇక్కడిదక్కడ చెప్పడం లేదని ఇకపై జాగ్రత్తగా ఉంటానని వివరించింది. ఇక సోషల్‌ మీడియాలో ప్రచారం అవుతున్నట్లుగా మొదటివారం ఇంట్లోంచి హేమ బయటకు వెళ్లే అవకాశాలే ఎక్కువగా ఉన్నాయి. నామినేషన్‌లో ఉన్న ఆరుగురులోంచి హిమజ, పునర్నవిలు సేఫ్‌ అయినట్లుగా నాగ్‌ ప్రకటించాడు. బయట ట్రెండ్‌ అవుతున్న దాన్ని బట్టి చూస్తే.. మిగిలిన వారందరిలోకెల్లా  హేమకు మాత్రం కాస్త ఎక్కువ వ్యతిరేకత ఏర్పడింది. మరి ఇదే నిజమై హేమ బయటకు వస్తుందా అన్నది తెలియాలంటే ఆదివారం షో ప్రసారం అయ్యే వరకు ఆగాల్సిందే.

బిగ్‌బాస్‌ హౌస్‌లోకి పదో పార్టిసిపెంట్‌గా ప్రముఖ నటి హేమ ఎంట్రీ ఇచ్చారు. తూర్పు గోదావరి జిల్లాలోని రాజోలులో జన్మించిన హేమ.. టాలీవుడ్‌లో తనకంటూ ప్రత్యేకమైన శైలిని ఏర్పరుచుకున్నారు. దాదాపు 250కి పైగా నటించిన చిత్రాల్లో నటించిన హేమ.. భిన్న పాత్రల్లో నటిస్తూ ప్రేక్షకులను అలరిస్తున్నారు. ముఖ్యంగా త్రివిక్రమ్‌ దర్శకత్వంలో వచ్చిన చిత్రాల్లో తనదైన కామెడీ టైమింగ్‌తో ఆకట్టుకుంది హేమ. సినిమాల్లోనే కాదు రాజకీయంలోనూ అడుగుపెట్టిన హేమ.. ఓటమి (మండపేట నియోజకవర్గం-2014) తరువాత మళ్లీ సినిమా రంగంలోనే కొనసాగింది. మా(మూవీ ఆర్టిస్ట్‌ అసోసియేషన్‌) ఎన్నికల్లో వివాదాస్పదమవుతూ ఫైర్‌ బ్రాండ్‌గా ముద్ర వేసుకున్నారు. ఉన్నది ఉన్నట్లుగా మాట్లాడే మనస్తత్వం ఉన్న హేమ బిగ్‌బాస్‌లోకి ఎంట్రీ ఇస్తున్నారు. నిక్కచ్చిగా ఉండే హేమ బిగ్‌బాస్‌ హౌస్‌లో ఏమేరకు రాణిస్తుందో చూడాలి.

నామినేషన్‌లో ప్రక్రియలో మొదటి కంటెస్టెంట్‌గా ఎంటరైన రాహుల్‌కు.. నామినేషన్‌ నుంచి తప్పించుకునేందుకు మొదట అవకాశం వచ్చింది. ఫస్ట్‌బెల్‌ మోగగానే.. శివజ్యోతి(తీన్మార్‌ సావిత్రి)ని తనకు బదులుగా రీప్లేస్‌ చేయాలనుకుంటున్నాని రాహుల్‌ తెలిపాడు. అయితే దానికి గల కారణాలు సరైనవి కావంటూ మళ్లీ రాహుల్‌నే నామినేట్‌ చేసింది హేమ. బిగ్‌బాస్‌ ఇచ్చిన టాస్క్‌లో భాగంగా ఆ ముగ్గురు చర్చించుకుని నామినేట్‌ చేశారని, వాళ్లకిచ్చిన టాస్క్‌ను వారు న్యాయంగా చేశారని అందుకోసం శివజ్యోతిని సేవ్‌ చేసి రాహుల్‌నే మళ్లీ నామినేట్‌ చేయాల్సిందిగా బిగ్‌బాస్‌ను కోరింది. రెండో బెల్‌ మెగాక వరుణ్‌ సందేశ్‌ వచ్చి.. పునర్నవిని నామినేట్‌ చేస్తున్నట్లు తెలిపాడు. ఆమె కొంచెం ఒంటరిగా ఉంటుందని, పనుల్లో కూడా సరిగా ఇన్వాల్వ్‌ కావడం లేదని, ఏదో తన ప్రపంచంలో తాను ఉంటోందని కారణాలను వివరించాడు. తాను అందరితో కలుస్తున్నానని, పనులు కూడా చేస్తున్నాని పునర్నవి వివరంచినా.. హేమ మాత్రం వరుణ్‌ సందేశ్‌ను సేవ్‌ చేసి, పునర్నవిని నామినేట్‌ చేసింది. మూడో బెల్‌కు వితికా షెరు వచ్చి.. అషూ రెడ్డిని తనకు బదులు రీప్లేస్‌ చేయాలనుకుంటున్నాని తెలిపింది. తను అందరితో సరిగా కలవడం లేదని, కొంచెం వేరుగా ఉంటుందని కారణాలను వివరించింది. అయితే తాను అంత తొందరగా కలవలేనని, అయినా అన్ని పనులను చేస్తున్నానని అందరితో కలవడానికి కాస్త సమయం పడుతుందని, తాను బిగ్‌బాస్‌ హౌస్‌లో ఉండాలని అనుకుంటున్నానని అషూ వివరించింది. అయితే అషూ రెడ్డి ఇచ్చిన వివరణ సరిగా ఉందని ఆమెను సేవ్‌ చేసి వితికా షెరునే నామినేట్‌చేసింది హేమ. కన్నీరు పెట్టిన హిమజ నాల్గో బెల్‌ మోగాక వచ్చిన శ్రీముఖి.. తనకు బదులుగా హిమజను రీప్లేస్‌ చేయాలనుకుంటున్నానని తెలిపారు. తనకు ఒక రెడ్‌ మార్క్‌ ఉందని, మానిటర్‌(హేమ) వేసిన ఆ రెడ్‌ మార్క్‌ వల్లే తనను రీప్లేస్‌ చేయాలనుకుంటున్నానని తెలిపింది. ఉదయాన్నే తాను పని హేమకు చెప్పిందని, తనతో కలసి సినిమాను కూడా చేశానని, తన గురించి తెలుసని హిమజ తన లైఫ్‌లో అన్నీ లైట్‌గా తీసుకుంటుందని శ్రీముఖి వివరించింది. తన గురించి శ్రీముఖికి ఏం తెలుసని అన్నీ లైట్‌గా తీసుకుంటానని చెప్పిందంటూ కన్నీరు పెట్టుకుంది. శ్రీముఖికి తాను కెరీర్‌పరంగానే తెలుసని, వ్యక్తిగతంగా తన గురించి ఆమెకు ఏం తెలుసని ప్రశ్నించింది. తానేదీ లైట్‌గా తీసుకోనని.. అందుకే తనపై ఉన్న రెడ్‌ మార్క్‌ను తొలగించుకునేందుకు ఉదయాన్నే లేచి పని చేశానని, ఆ సమయానికి ఎవరూ నిద్రలేవలేదని..  ఆ విషయం వేరే ఎవరూ చెప్పలేరని, అందుకే తానే హేమతో చెప్పానని, ఆ విషయంలో తప్పేముందంటూ ప్రశ్నించింది. ఇక ఈ వ్యవహారంలో హేమ తన తుది నిర్ణయాన్ని ప్రకటిస్తూ.. హిమజను నామినేట్‌ చేసి శ్రీముఖిని సేవ్‌ చేసింది. చివరగా జాఫర్‌.. తనకు బదులుగా మహేష్‌ విట్టాను రీప్లేస్‌ చేయాలనుకుంటున్నానని, ఆయన కంటే తాను బెటర్‌ పర్ఫామెన్స్‌ ఇస్తాననే కారణాన్ని తెలిపాడు. తాను బిగ్‌బాస్‌ హౌస్‌లో ఉంటే ఫిజికట్‌ యాక్టివిటీస్‌లో చురుగ్గా పాల్గొంటానని, అందరితో బాగుంటానని ఇలా తన కారణాలను మహేష్‌ వివరించుకున్నాడు. అయితే ఈ విషయంలో జాఫర్‌ను నామినేట్‌ చేస్తూ.. మహేష్‌ను సేవ్‌ చేసింది హేమ. ఆరుగురు కంటెస్టెంట్లు నామినేషన్‌లో ఉండగా.. ఐదుసార్లు మాత్రమే బెల్‌ మోగుతుందని బిగబాస్‌ తెలిపిన సంగతి తెలిసిందే. దీంతో బాబా భాస్కర్‌కు అవకాశం రాక మిగిలిపోయాడు. అయితే బిగ్‌బాస్‌ అతనికి కూడా ఓ అవకాశాన్ని ఇచ్చాడు. మానిటర్‌(హేమ)- బాబా భాస్కర్‌ ఈ ఇద్దరిలో ఎవరో ఒకరిని సేవ్‌చేసి, మరొకరిని నామినేట్‌ చేయాలని ఇంటి సభ్యులకు బిగ్‌బాస్‌ ఆదేశించాడు. అయితే అందరూ ఏకాభిప్రాయానికి వచ్చి ఒకరి పేరును తెలపాలని సూచించాడు. అయితే వారంతా కలసి ఓ నిర్ణయానికి వచ్చి.. బాబా భాస్కర్‌ను సేవ్‌ చేసి, హేమను నామినేట్‌ చేశారు. సో.. మొత్తంగా ఈ వారం రాహుల్, పునర్నవి, వితికా, హిమజ, జాఫర్‌, హేమ నామినేట్‌ కాగా.. వీరందరిలో ఎవరోకరు ఈ వారం ఇంటి నుంచి బయటకు వెళ్లనున్నారు.

అడుగుపెట్టిన మొదటిరోజే నామినేషన్స్‌ ప్రక్రియ మొదలుపెట్టిన బిగ్‌బాస్‌.. కంటెస్టెంట్స్‌ మధ్య చిచ్చును పెట్టాడు. మొదటగా ఇంట్లోకి ప్రవేశించిన శివజ్యోతి, రవికృష్ణ, అషూ రెడ్డిలు మిగతా ఇంటి సభ్యులను ఎంట్రీలోనే ప్రశ్నలు అడగటం, దాంట్లోంచి సరైన సమాధానాలు చెప్పని ఆరుగురు సభ్యుల పేర్లను చెప్పమని బిగ్‌బాస్‌ ఆదేశించడం, దాంతో రాహుల్‌, వరుణ్‌  సందేశ్‌, వితికా షెరు, శ్రీముఖి, బాబా భాస్కర్‌, జాఫర్‌లు ఈ వారం నామినేట్‌ అవ్వడం తెలిసిందే.  వారంతా నామినేషన్స్‌ నుంచి తప్పించుకునేందుకు ఓ అవకాశాన్ని ఇచ్చిన బిగ్‌బాస్‌ అందుకు ఓ మెలిక పెట్టాడు. తనకు బదులుగా ఇంకో ఇంటిసభ్యుడిని నామినేట్‌ చేయాల్సిందిగా సూచించాడు. సరైన కారణాలను వివరిస్తూ సదరు ఇంటి సభ్యుడిని నామినేట్‌ చేయాలని, అటువైపు ఉన్న  కంటెస్టెంట్‌ నామినేషన్‌ నుంచి తనను తాను కాపాడుకోవడానికి కూడా అవకాశమిచ్చాడు. అయితే ఈ వ్యవహారంలో ఆరుగురు సభ్యులు చర్చించుకుని హేమను న్యాయనిర్ణేతగా(మానిటర్‌)  ఎంచుకున్న సంగతి తెలిసిందే. అయితే నేడు ప్రసారం కానున్న ఎపిసోడ్‌లో హేమకు ఎలాంటి పరిస్థితి ఎదురవుతుందో కాసేపటి క్రితం విడుదల చేసిన ప్రోమోనే తెలియజేస్తోంది. ఆ ఆరుగురు కంటెస్టెంట్లలో.. బెల్‌ మోగిన ప్రతీసారి మిగతా ఇంటి సభ్యుల్లోంచి ఒకరిని తమకు బదులుగా నామినేట్‌ చేయవచ్చు. ఈ ప్రాసెస్‌లో ఎవరి వాదనను వారు వినిపించవచ్చు. కానీ చివరకు హేమదే తుది నిర్ణయమని తెలిసిందే. ఈ వ్యవహారంలోనే  హేమ-హిమజల మధ్య వార్‌ జరగనున్నట్లు తెలుస్తోంది. ఎవరి పనులను వారు చేయాలని, హౌస్‌లో రూల్స్‌ను పాటించడం లేదని హేమ ఇంటి సభ్యులతో అనడం, వంటగదిలో తనకు పనేంటని? హిమజపై ఫైర్‌ అయింది. తనపై నిందలు వేస్తే ఊరుకోనని హిమజ కూడా ఘాటుగానే స్పందించింది. మరి వీరి గొడవ ఎక్కడి వరకు వెళ్లింది. చివరకు నామినేట్‌ అయిన ఆరుగురిలో వేరే ఇంటి సభ్యులు ఎవరైనా రీప్లేస్‌ అయ్యారా? లేదా అన్నది తెలియాలంటే ఇంకొన్ని గంటలు వేచి చూడాల్సిందే.

ఎప్పుడెప్పుడా అని ఎదురుచూసిన బిగ్‌బాస్‌ మూడో సీజన్‌ మొదలైపోయింది. పదిహేను మంది సెలబ్రెటీలు హౌస్‌లో అడుగుపెట్టారు. చివరగా ఎంట్రీ ఇచ్చిన వరుణ్‌ సందేశ్‌ను ప్రశ్నలడిగి బిగ్‌బాస్‌ ఇచ్చిన సీక్రెట్‌ టాస్క్‌ను రవికృష్ణ, శివ జ్యోతి, అషూ రెడ్డిలు పూర్తి చేశారు. ఇక మిగిలిన 12 మంది ఇంటిసభ్యుల్లో ఎవరి సమాధానాలు సరైనవి కాదని అనుకుంటున్నారో వారి పేర్లను తెలపమని ఆ ముగ్గురిని బిగ్‌బాస్‌ ఆదేశించాడు. ఇందుకోసం వారికి కొంత సమయాన్ని కేటాయించాడు. ఆ ముగ్గురు చర్చించుకుని.. రాహుల్‌, వరుణ్‌ సందేశ్‌, వితికా షెరు, శ్రీముఖి, బాబా భాస్కర్‌, జాఫర్‌ల పేర్లను బిగ్‌బాస్‌కు తెలిపారు. వారు చెప్పిన ఆ ఆరుగురు నామినేట్‌ అయినట్లు బిగ్‌బాస్‌ ప్రకటించాడు. అయితే నామినేట్‌ అయినట్లు ప్రకటించారు కానీ అవి ఎందుకోసమై ఉండొచ్చని వారంతా చర్చించుకుంటూ ఉన్నారు. గత సీజన్లో జరిగిన సంఘటనలను గుర్తుకు చేసుకున్నారు. నామినేషన్స్‌ అంటే ఎలిమినేషన్‌ ప్రక్రియ కోసమేనని ముచ్చటించుకున్నారు. మర్నాడు ఉదయం వేళకు బాబా భాస్కర్‌, జాఫర్‌లు కాస్త ఫన్‌ క్రియేట్‌చేశారు. బాబా భాస్కర్‌ ఆధ్వర్యంలో జాఫర్‌ చేసిన వ్యాయామం నవ్వులు తెప్పించింది. పదిగంటలకు బిగ్‌బాస్‌ ఓ పాటను ప్లే చేయగా.. ఇంటి సభ్యులు డ్యాన్సులు చేశారు. అనంతరం ఇంటి అవసరాలకు సరిపోయే సరుకులను బిగ్‌బాస్‌ పంపించాడు. సాయంత్రానికి కొంతమంది హౌస్‌మేట్స్‌ స్విమ్మింగ్‌ పూల్‌లో ఈత కొడుతూ సరదాగా గడిపారు.  ఫస్ట్‌రోజే ఫిట్టింగ్‌ పెట్టిన బిగ్‌బాస్‌ ఆరుగురు నామినేషన్‌ ప్రక్రియలో ఉండగా.. అందులోంచి తప్పించుకునే అవకాశాన్ని కూడా కల్పించాడు. అయితే అందుకోసం.. వారంతా కలిసి ఓ మానిటర్‌ను ఎన్నుకోవాల్సి ఉంటుందని తెలిపాడు.  ఆ ఆరుగురు చర్చించుకుని హేమను మానిటర్‌గా ఎన్నుకున్నారు. అయితే ఈ వ్యవహారం మానిటర్‌ మెడకు చిక్కుకునేలా ఉంది. నామినేట్‌ అయిన ఒక సభ్యుడు మిగిలిన ఇంటిసభ్యుల్లోంచి ఒకరిని తనకు బదులుగా.. సరైన కారణాలను చెప్పి రీప్లేస్‌ చేయవచ్చునని బిగ్‌బాస్‌ తెలిపాడు. అయితే ఈ వ్యవహారంపై తుది నిర్ణయం మానిటర్‌దేనని బిగ్‌బాస్‌ పేర్కొన్నాడు. ఐదుసార్లు ఓ బెల్‌ మోగుతుందని.. మోగిన ప్రతిసారి ఆరుగురిల్లోంచి ఒకరు.. మిగిలిన హౌస్‌మేట్స్‌లోంచి ఒకర్ని ఎన్నుకుని సరైన కారణాలు చెప్పి నామినేట్‌ చేయవచ్చని తెలిపాడు. అవతలి వ్యక్తి కూడా తాను చెప్పదలుచుకున్నది తెలియజేయవచ్చని బిగ్‌బాస్‌ సూచించాడు. అయితే తుది నిర్ణయం మాత్రం మానేటర్‌గా ఎంపికైన హేమదేనని స్పష్టం చేశాడు. హౌస్‌లో మొదటి రోజు ప్రశాంతంగా గడుస్తుందని అనుకున్న హౌస్‌మేట్స్‌కు నిరాశే ఎదురైంది. పరిచయమైన కొద్ది సమయానికే వారిమధ్య గొడవలు పెట్టే టాస్క్‌ను ఇచ్చాడు బిగ్‌బాస్‌. మరి ఈ ఆరుగురిలో నామినేషన్‌ నుంచి ఎవరు తప్పించుకుంటారు? ఇంకెవరు కొత్తగా నామినేషన్‌ ప్రక్రియలో జాయిన్‌ అవుతారు? ఇందుకోసం ఇంటిసభ్యుల మధ్య ఎలాంటి గొడవలు తలెత్తాయి? ఈ టాస్క్‌లో హేమకు ఎలాంటి పరిస్థితి ఏర్పడింది? అన్నది తెలియాలంటే మంగళవారం (జూన్‌ 23) ఈ కార్యక్రమం ప్రసారమయ్యే వరకు ఆగాల్సిందే. 

దేశంలోనే అత్యంత ఆదరణ పొందిన టీవీ షోలలో బిగ్‌బాస్‌ రియాలిటీ షో ఒకటి. హిందీలో ఇప్పటికే బిగ్‌బాస్‌ 12వ సీజన్‌ ముగిసింది. త్వరలోనే 13వ ఎడిషన్‌ రానుంది. ఇక, తమిళంలో బిగ్‌బాస్‌-3 ప్రారంభం కాగా.. తెలుగులో రేపు (ఆదివారం) బిగ్‌బాస్‌-3 అట్టహాసంగా ప్రారంభం కాబోతుంది. ఈసారి సీనియర్‌ నటుడు, అక్కినేని నాగార్జున బిగ్‌బాస్‌-3కి హోస్ట్‌గా వ్యవహరిస్తుండటంతో ఈసారి అంచనాలు ఎక్కువగానే ఉన్నాయి.  ఈ షో పట్ల జనాలకు ఉన్న ఆసక్తి నేపథ్యంలో పలు కథనాలు, వదంతులు చక్కర్లు కొడుతున్నాయి. ఇప్పటికే బిగ్‌బాస్‌-3లోకి ఎంటరయ్యే కంటెస్టెంట్స్‌ వీరేనంటూ ఓ జాబితా సోషల్‌ మీడియాలో వైరల్‌ అవుతోంది. ఈ జాబితా ప్రకారం చూసుకుంటే.. బిగ్‌బాస్‌ సీజన్‌ 3లో న్యూస్‌ యాంకర్‌ తీన్‌మార్‌ సావిత్రి, జర్నలిస్టు జాఫర్‌, యాంకర్‌ శ్రీముఖి, నటీమణులు హేమ, హిమజ, ఉయ్యాల జంపాల ఫేం పునర్ణవి భూపాలం, వరుణ్‌ సందేశ్‌, అతడి భార్య వితికా షేరు, సింగర్‌ రాహుల్‌ సిప్లిగంజ్‌, భరణి, దుర్గ, అషూరెడ్డి(డబ్‌స్మాష్‌ స్టార్‌), రఘు మాస్టర్‌‌, ఫన్‌ బకెట్‌ మహేష్‌ విట్టా, తమన్నా సింహాద్రిలు పాల్గొనబోతున్నట్టు తెలుస్తోంది.  ఈసారి షో ఫార్మెట్‌ను బిగ్‌బాస్‌ నిర్వాహకులు కొంత మార్చారు. గత బిగ్‌బాస్‌ హౌజ్‌లో సామాన్యులకు ఎంట్రీ ఇవ్వగా.. ఈసారి అలాంటి ప్రయోగమేమీ చేయడం లేదు. ఈసారి హౌజ్‌లో దాదాపు అందరూ ప్రముఖులే కనిపించబోతున్నట్టు తెలుస్తోంది. సినిమా, టీవీ రంగాలతోపాటు మీడియా, సోషల్‌ మీడియా, యూట్యూబ్‌ స్టార్లకు ఈసారి పెద్ద పీట వేసినట్టు కనిపిస్తోంది. బిగ్‌బాస్‌-3 షో గురించి అనేక రకాల కథనాలు వినిపిస్తున్నాయి. ఈసారి ఎలిమినేషన్‌ ఓటింగ్‌ ఫార్మెట్‌ను మార్చబోతున్నట్టు తెలుస్తోంది. గతంలో ‘గూగుల్‌ ఓటింగ్‌ సిస్టమ్‌’ను ఉపయోగించి.. ఆన్‌లైన్‌లో వచ్చిన ఓట్ల ద్వారా ఎలిమినేషన్‌ ప్రక్రియ చేపట్టేవారు. అయితే, ఈసారి ఎలిమినేషన్‌ ప్రక్రియ హాట్‌స్టార్‌ ఓటింగ్‌ ద్వారా, ఫోన్‌లైన్‌ ఓటింగ్‌ ద్వారా చేపట్టవచ్చునని వినిపిస్తోంది. ఇదెంత వరకు నిజమో రేపటి నుంచి ప్రారంభం కానున్న బిగ్‌బాస్‌-3షోతో తేలిపోనుంది.  

సాక్షి, హైదరాబాద్‌ : కింగ్‌ నాగార్జున హోస్ట్‌గా ప్రముఖ తెలుగు ఛానల్‌లో ప్రసారం కానున్న రియాలిటీ షో బిగ్‌బాస్‌-3 కంటెస్టెంట్‌ లిస్టు ఖరారైనట్లు సమాచారం. వంద రోజుల పాటు సాగనున్న ఈ షోలో హౌజ్‌లో ఉండబోతున్న సభ్యుల వివరాలు ఇలా ఉన్నాయి. బిగ్‌బాస్‌ సీజన్‌ 3లో న్యూస్‌ యాంకర్‌ తీన్‌మార్‌ సావిత్రి, జర్నలిస్టు జాఫర్‌, యాంకర్‌ శ్రీముఖి, నటీమణులు హేమ, హిమజ, ఉయ్యాల జంపాల ఫేం పునర్ణవి భూపాలం, వరుణ్‌ సందేశ్‌, అతడి భార్య వితికా షేరు, సింగర్‌ రాహుల్‌ సిప్లిగంజ్‌, భరణి, దుర్గ, అషూరెడ్డి(డబ్‌స్మాష్‌ స్టార్‌), రఘు మాస్టర్‌‌, ఫన్‌ బకెట్‌ మహేష్‌ విట్టా, తమన్నా సింహాద్రిలు పాల్గొననున్నారు. అయితే అధికారిక ప్రకటన వెలువడిన తర్వాతే కంటెస్టెంట్ల విషయంలో స్పష్టత రానుంది. కాగా ఆదివారం నుంచి ప్రారంభం కాబోతున్న ఈ షో ఆది నుంచి వివాదాస్పదం అవుతోంది. షో నిర్వాహకులు తమతో అభ్యంతరకరంగా ప్రవర్తించి.. లైంగికంగా వేధించారని జర్నలిస్ట్‌ శ్వేతారెడ్డి, నటి గాయత్రి గుప్తా సంచలన ఆరోపణలు చేశారు. మరోవైపు విద్యార్థి సంఘాలు షోను నిలిపి వేయలంటూ ధర్నా చేస్తుండగా.. బిగ్‌బాస్‌ ప్రసారంపై హైకోర్టులో పిటిషన్‌ దాఖలైన విషయం విదితమే.

సాక్షి, హైదరాబాద్‌ : తెలుగులో రెండు సీజన్లను విజయవంతంగా పూర్తి చేసుకొని మూడో సీజన్లోకి అడుగిడుతున్న రియాల్టీ షో ‘బిగ్‌బాస్‌’ ని వివాదాలు చుట్టుముట్టాయి. షో ప్రసారం కాకముందే ప్రముఖుల ఆరోపణలు, కేసులతో వార్తల్లో నిలిచింది. ‘బిగ్ బాస్-3’పై ఇప్పటికే జర్నలిస్ట్ శ్వేతా రెడ్డి, నటి గాయిత్రి గుప్తా పోలీసులకు ఫిర్యాదు చేయగా, ఈ షో ప్రాసారాన్ని నిలిపి వేయాలని కోరుతూ తెలంగాణ హై కోర్టులో ఇప్పటికే పిల్‌ దాఖలైంది. బిగ్ బాస్ షో ప్రదర్శన వ‌ల్ల యువ‌త చెడిపోతుందంటూ  సినీ నిర్మాత కేతిరెడ్డి జగదీశ్వర్‌రెడ్డి తెలంగాణ హై కోర్టును ఆశ్ర‌యించిన సంగతి తెలిసిందే. ఇలా ‘బిగ్‌బాస్’  చుట్టూ అల్లుకుంటున్న వివాదాలు.. షో నిర్వాహకులకు కంటిమీద కునుకు లేకుండా చేస్తున్నాయి. (చదవండి : బిగ్‌బాస్‌లోకి ఎంట్రీ: కన్ఫర్మ్‌ చేసిన యాంకర్‌) తాజాగా ఈ రియాల్టీ షోపై నటి హేమ స్పందించారు. ప్రస్తుతం జరుగుతున్న పరిణామాలు బిగ్‌బాస్‌-3ని ఆపలేవంటూ.. ఈ షోకి తన మద్దతు తెలిపారు. క్యాస్టింగ్‌ కౌచ్‌ లాంటివి ఈ షోలో ఉంటే నాగార్జున లాంటి పెద్ద హీరో హోస్ట్‌గా చేయడానికి ఎందుకు ఒప్పకుంటారని ప్రశ్నించారు. ఇక షోపై కేసు వేసిన వారి గురించి ప్రస్తావిస్తూ.. ‘ ఎవరితోనైనా నిర్వాహకులు తప్పుగా మాట్లాడితే అప్పుడే స్పందించాలి. నెల రోజుల ముందే జరిగితే ఇప్పుడు బయటకి వచ్చి చెబితే ఎలా? సెలెక్ట్‌ చేయలేదు అన్న తర్వాత ఇలా మాట్లాడడం ఎంతవరకు న్యాయం? నన్ను ఎవరైనా ఏమైనా అంటే  ఆ రోజే స్పందిస్తా. ఆ రోజే మీడియా ముందుకు వస్తా. లేదంటే వారి కాలర్‌ పట్టుకొని నిలదీస్తా’ అని హేమ అన్నారు. బిగ్‌బాస్‌-3లో తనకు అవకాశం వస్తే తప్పకుండా పాల్గొంటానని తన మనసులోని మాటను చెప్పారు. రాజకీయాల్లోకి వస్తున్న తనను ప్రజలకు ఏ విధంగా ఆదరిస్తారని ఈ షో ద్వారా తెలుసుకోవచ్చునన్నారు. ఒక వేళ తనకు ఈ షోలో అవకాశం వచ్చి పాల్గొంటే.. అందరూ మద్దతు ఇవ్వాలని కోరారు. 

హైదరాబాద్‌: ప్రముఖ టీవీ యాంకర్‌ సావిత్రి బిగ్‌బాస్‌-3లో ఎంట్రీ ఇవ్వబోతున్నారు. ఈ మేరకు ఆమె సోషల్‌ మీడియాలో కన్ఫర్మ్‌ చేసినట్టు తెలుస్తోంది. ఇన్‌స్టాగ్రామ్‌లో సావిత్ర పోస్టు చేసిన ఓ వీడియోలో తాను బిగ్‌బాస్‌-3లో పాల్గొంటున్నట్టు క్లారిటీ ఇచ్చారని సమాచారం. అయితే, ప్రస్తుతం ఆ పోస్ట్‌ను సావిత్రి తొలగించినట్టు తెలుస్తోంది. ఓ టీవీ చానెల్‌లో ‘సావిత్రక్క’గా ఫేమస్‌ అయిన శివజ్యోతి బిగ్‌బాస్‌లో ఎంట్రీ ఇవ్వబోతున్నట్టు గత కొన్నాళ్లుగా కథనాలు వస్తున్న సంగతి తెలిసిందే.  యాంకర్‌ సావిత్రి కంటెస్టెంట్స్‌ వీరేనా..! నాగార్జున హోస్ట్‌గా నిర్వహిస్తున్న బిగ్‌బాస్‌-3పై ఇప్పటికే భారీ అంచనాలు ఉన్న సంగతి తెలిసిందే. వందరోజులపాటు సాగనున్న బిగ్‌బాస్‌-3 షోలో మొత్తం 15మంది కంటెస్టెంట్స్‌ పాల్గొననున్నారు. ఇప్పటికే బిగ్‌ బాస్‌ హౌజ్‌లో ఎవరెవరు ఉండబోతునన్నారన్న దానిపై అనేక రకాల కథనాలు మీడియాలో, సోషల్‌ మీడియాలో వస్తున్నాయి. ఈ కథనాల ప్రకారం చూసుకుంటే.. ఈసారి షోలో సావిత్రితోపాటు ప్రముఖ యాంకర్‌ శ్రీముఖి, నటి హేమ, వరుణ్‌ సందేశ్‌, ఆయన భార్య వితికా షేరు, జర్నలిస్ట్‌ జాఫర్‌, ఉయ్యాల జంపాల ఫేమ్‌ పునర్నవి భూపాలం, నటి హిమజ, సింగర్‌ రాహుల్‌ సిప్లిగంజ్‌ తదితరులు పాల్గొనబోతున్నట్టు తెలుస్తోంది. వచ్చే ఆదివారం నుంచి ప్రారంభం కాబోతున్న ఈ షోలో ఎవరెవరు పాల్గొనబోతున్నది త్వరలోనే స్పష్టం కానుంది. ఇక, ఈ షో నిర్వాహకులు తమతో అభ్యంతరకరంగా ప్రవర్తించి.. లైంగికంగా వేధించారని జర్నలిస్ట్‌ శ్వేతారెడ్డి, నటి గాయత్రి గుప్తా ఆరోపించడం సంచలనం రేపిన సంగతి తెలిసిందే.   

సాక్షి, హైదరాబాద్‌ : ఓ వైపు ఎన్నికల ప్రచారం హోరెత్తుతుంటే మరోవైపు వైఎస్సార్ కాంగ్రెస్‌ పార్టీలోకి చేరికలు కొనసాగుతున్నాయి. ఇప్పటికే టాలీవుడ్‌కు చెందిన పలువురు ప్రముఖులు వైఎస్సార్ సీపీలో చేరగా తాజాగా సోమవారం పలువురు నటీనటులు ఆ పార్టీలో చేరారు. ప్రముఖ నటుడు రాజశేఖర్‌, ఆయన సతీమణి జీవిత, యాంకర్‌, నటి శ్యామల, ఆమె భర్త నర్సింహారెడ్డి తదితరులు పార్టీ అధ్యక్షుడు వైఎస్‌ జగన్‌మోహన్‌రెడ్డి సమక్షంలో వైఎస్సార్ సీపీలో చేరారు. ఈ సందర్భంగా వారికి వైఎస్‌ జగన్‌ కండువాలు కప్పి పార్టీలోకి ఆహ్వానించారు. మరోవైపు ప్రముఖ క్యారెక్టర్‌ ఆర్టిస్ట్‌ హేమ కూడా వైఎస్‌ జగన్‌ను కలిశారు.  చదవండి...(వైఎస్‌ జగన్‌ను కలిసిన జీవితా రాజశేఖర్‌) అనంతరం వైఎస్సార్‌ కాంగ్రెస్ పార్టీ కార్యాలయంలో జీవితా రాజశేఖర్‌ దంపతులు మీడియాలో మాట్లాడారు. నటుడు రాజశేఖర్‌ మాట్లాడుతూ...వైఎస్‌ జగన్‌ ఇంత బిజీలో కూడా మాకోసం సమయం కేటాయించడం చాలా ఆనందంగా ఉంది. వైఎస్‌ జగన్‌ అధికారంలోకి వస్తే అన్ని వర్గాలకు న్యాయం జరుగుతుంది. ప్రజల కోసం పని చేస్తున్న జగన్‌కు ఒక అవకాశం ఇవ్వండి. వైఎస్‌ రాజశేఖర్‌ రెడ్డి కుమారుడుగా ప్రజలకు ఇచ్చిన హామీలను నెరవేరుస్తారు. అన్నివర్గాల ప్రజల అభ్యున్నతికి వైఎస్‌ జగన్‌ ‘నవరత్నాలు’  ప్రకటించారు. వైఎస్‌ జగన్‌ను ముఖ్యమంత్రిని చేసుకుందాం. వైఎస్ఆర్‌ తన హయాంలో వ్యవసాయాన్ని పండుగ చేశారు. ఆ తర్వాత అధికారంలోకి వచ్చిన చంద్రబాబు వైఎస్‌ఆర్‌ పథకాలనే చంద్రబాబు పేరు మార్చి.. తన ఘనతగా చెప్పుకున్నారు.’  అని అన్నారు. ఫ్యాను గుర్తుకు ఓటు వేయండి: జీవిత జీవిత మాట్లాడుతూ..‘రాజశేఖర్‌ మనసులో ఏది అనిపిస్తే అడి మాట్లాడతారు. వైఎస్‌ జగన్‌ మీద అందరితో పాటు మేం కూడా అనేక ఆరోపణలు చేశాం. కానీ ఇప్పటికి కూడా ఆయనపై ఆ ఆరోపణలు రుజువు చేయలేదు. వైఎస్‌ జగన్‌ మీద ఆరోపణలు మాత్రమే ఉన్నాయి. అవి వాస్తవాలు కాదు. వైఎస్‌ జగన్‌ స్థానంలో నేనుంటే ఆ కష్టాలకు భయపడేదాన్ని. ఎన్ని కష్టాలు ఉన్నా ప్రజల కోసం పోరాడుతున్నారు. ఎంతమంది ఇబ్బంది పెట్టినా ఆయన పోరాటం ఆపలేదు. ఇలాంటి వ్యక్తి ముఖ్యమంత్రి అయితే ప్రజలకు న్యాయం జరుగుతుంది. చంద్రబాబు నాయుడు హైటెక్‌ అంటే వైఎస్సార్‌ ప్రజల కష్టాలను చూశారు. పేద ప్రజలకు సాయం చేశారు. కానీ మన దురదృష్టం వైఎస్సార్‌ భౌతికంగా మనకు లేదు. దాంతో వైఎస్సార్‌ లేని కాంగ్రెస్‌ మాకొద్దని బయటకు వచ్చాం. స్వలాభం కోసం పార్టీలు మారలేదు. మేం కరెక్ట్‌గానే ఉన్నాం కాబట్టే ఎవరి దగ్గరికైనా వెళ్తాం.   నేను అడుగుతున్నా...  చంద్రబాబు నాయుడు లాగా వైఎస్‌ జగన్‌ ...ఓ మహిళా ఎమ్మార్వోను కొట్టించారా?. 23మంది ఎమ్మెల్యేలను సంతలో పశువులను కొన్నట్లు కొన్నారా? అలా ఏమీ చేయలేదు కదా?. పసుపు-కుంకుమతో మహిళలకు డబ్బులిస్తామని అంటున్నారు. మరి డ్వాక్రా రుణాల సంగతేంటి?. ఓట్ల కోసం టీడీపీ ప్రజలను ఏమారుస్తోంది. కేఏ పాల్‌ లాంటి వారు దొంగ దారిలో వస్తున్నారు. వైఎస్సార్‌ సీపీ ఫ్యాన్‌ గుర్తును పోలిన సింబల్‌తో పాటు, అభ్యర్థుల పేర్లనే తెరమీదకు తెచ్చారు. అడ్డదారిలో ఓట్లు వేయించుకోవాలనుకుంటున్నారు. ఓటు వేసే సమయంలో జాగ్రత్తగా చూసి ఫ్యాన్‌ గుర్తుకు ఓటు వేయండి’  అని విజ్ఞప్తి చేశారు.

‘మా’ నూతన  అధ్యక్షుడు ఎవరు? అనే ఉత్కంఠకు తెరపడింది. సీనియర్‌ నరేశ్‌ మా అధ్యక్షుడిగా ఎన్నికయ్యారు. హైదరాబాద్‌లోని ఫిలిం చాంబర్‌ ఆఫ్‌ కామర్స్‌లో  ‘మా’(మూవీ ఆర్టిస్ట్స్‌ అసోసియేషన్‌) ఎన్నికలు ఆదివారం జరిగిన విషయం తెలిసిందే. అధ్యక్ష పదవికోసం సీనియర్‌ నరేశ్, శివాజీరాజా ప్యానళ్ల మధ్య హోరాహోరీ  పోరు సాగగా నరేశ్‌ విజయం సాధించారు. ‘మా’ అసోసియేషన్‌లో దాదాపు 800 ఓట్లు ఉండగా 472 మంది ఓటు హక్కును వినియోగించుకున్నారు. ఈ సారి పోలింగ్‌కు బ్యాలెట్‌ పత్రాలను ఉపయోగించడంతో కౌంటింగ్‌ ఆలస్యమైంది. ఆదివారం అర్ధరాత్రి దాటిన తర్వాత ఎన్నికల ఫలితాలను వెల్లడించారు. నరేశ్‌కు 268 ఓట్లు పోల్‌ కాగా, శివాజీ రాజాకు 199 ఓట్లు వచ్చాయి. దీంతో 69 ఓట్ల ఆధిక్యంతో నరేశ్‌ గెలుపొందినట్లు ఎన్నికల అధికారి ప్రకటించారు. ‘మా’ ఉపాధ్యక్షులుగా ఎస్వీ కృష్ణారెడ్డి, హేమ, జనరల్‌ సెక్రటరీగా జీవితా రాజశేఖర్, ఎగ్జిక్యూటివ్‌ వైస్‌ ప్రెసిడెంట్‌గా రాజశేఖర్, జాయింట్‌ సెక్రటరీగాలుగా గౌతమ్‌రాజు, శివబాలాజీ, కోశాధికారిగా రాజీవ్‌ కనకాల విజయం సాధించారు. కాగా హేమ స్వతంత్ర అభ్యర్థిగా పోటీ చేసి, గెలుపొందడం విశేషం. ‘మా’ ఈసీ (ఎగ్జిక్యూటివ్‌ కమిటీ) సభ్యులుగా అలీ, రవిప్రకాశ్, తనికెళ్ల భరణి, సాయికుమార్, ఉత్తేజ్, పృథ్వీ, జాకీ, సురేశ్‌ కొండేటి, అనితా చౌదరి, అశోక్‌ కుమార్, సమీర్, ఏడిద శ్రీరామ్, రాజా రవీంద్ర, తనీష్, జయలక్ష్మి, కరాటే కల్యాణి, వేణుమాధవ్, పసునూరి శ్రీనివాస్‌ ఎన్నికయ్యారు.

విశాఖపట్నం, అక్కిరెడ్డిపాలెం: కన్నవాళ్లు, బంధువులు ఉన్నా అక్కరకురాలేదు. భర్త చనిపోతే కనీసం తలకొరివి పెట్టడానికి ఎవ్వరూ ముందుకురాని దుస్థితి. కనీసం ఖర్మకాండలు చేపట్టడానికి కూడా బంధువులు కనికరం చూపకపోవడంతో భర్తకు భార్యే తలకొరివి పెట్టింది. జీవీఎంసీ 59వ వార్డు నాతయ్యపాలెంలో ఈ సంఘటన స్థానికులను కలచివేసింది. శ్రీకాకుళం నుంచి బతుకు తెరువుకోసం యర్రా మోహన్‌ (40), భార్య హేమ, కుమార్తె గౌతమి (5)తో వలస వచ్చి 59వ వార్డు నాతయ్యపాలెంలో నివాసం ఉంటున్నారు. ఈ క్రమంలో కొద్దికాలంగా మోహన్‌ అనారోగ్యానికి గురయ్యాడు. ఐదు రోజుల క్రితం గుండెపోటు రావడంతో పరిస్థితి విషమించి ఆదివారం మృతి చెందాడు. అయితే గ్రామంలో కొందరు బంధువులు ఉన్నా వీరిని పట్టించుకోలేదు. కనీసం ఖర్మకాండలకు సహకరించలేదు. దీంతో స్థానికులు కొంత సహాయం చేయడంతో మృతుని భార్య హేమ భర్త పార్థివదేహానికి నాతయ్యపాలెం శ్మశానవాటికలో అంత్యక్రియలు పూర్తి చేసింది.

మయాసురుడనే రాక్షసుడు గొప్పశిల్పి. అతడికి మయబ్రహ్మ అని కూడా పేరు. ఆయన భార్య హేమ. ఆమె గంధర్వకాంత. వారి సంతానమే మండోదరి. ఆమె అత్యంత సౌందర్యవతి. సుగుణవతి. తనకు ఒక అందమైన భవనం నిర్మించి ఇమ్మని అడగడం కోసం మయుడి వద్దకు వెళ్లిన రావణుడికి అనుకోకుండా మండోదరి కంట పడుతుంది. మొదటి చూపులోనే ఆమెను మోహించేస్తాడు. అతని బుద్ధి తెలిసిన మయుడు అతనికి తన కుమార్తెను ఇవ్వనంటే ఇవ్వనంటాడు. అయితే, ఆ దంపతులను నయానా భయానా ఒప్పించి,  ఆమెను వివాహం చేసుకుంటాడు రావణుడు. వలచి మరీ ఆమెను పెళ్లాడిన రావణుడు మొదట్లో బాగానే ఉన్నాడు కానీ, కొద్దికాలానికే తిరిగి పరకాంతల పొందుకోసం వెంపర్లాడసాగాడు. ఎంత గొప్ప శివభక్తుడయినా, వేదాలు చదివినా, ఎంతటి పరాక్రమవంతుడయినా, అతనికి పరస్త్రీ వ్యామోహమనే అవలక్షణం ఉందని గ్రహించిన మండోదరి, అతన్ని సరిదిద్దేందుకు ప్రయత్నించి విఫలం అవుతుంది. చేసేదేమీ లేక ఓరిమితో సహిస్తుంది. భర్తతో కలిసి తాను కూడా శివపూజ చేస్తుంటుంది.  రావణుడు సీతను అపహరించుకునిపోయి.. బంధించినప్పుడు కూడా మండోదరి వ్యతిరేకించింది. ఆమెను రాముడి దగ్గరకు పంపించేయమని భర్తను ప్రాధేయపడింది.  చివరికి రాముడు రావణుడిపై యుద్ధం ప్రకటించినప్పుడు రాముడితో యుద్ధం జరగబోయేముందు రోజు కూడా మండోదరి రావణాసురుడికి తన ఆలోచనను మానుకోమని బోధ చేసింది. కాని ఆమె ప్రయత్నాలన్నీ చెవిటివాని ముందు ఊదిన శంఖంలా మారాయి.   యుద్ధంలో రావణుడిని చంపేసిన తర్వాత యుద్ధ ప్రాంగణాన్ని మండోదరి సందర్శించింది. మహావీరుడైన తన భర్త విగత శరీరుడై రణరంగాన పడి ఉన్న దృశ్యం ఆమెనెంతో కలచి వేసింది. రాముణ్ణి శపిద్దామని బయలుదేరుతుంది. అయితే, శాంతమూర్తిలా ఉన్న రాముడిని చూసి ఆమె తన మనసు మార్చుకుంటుంది. రాముడు సాక్షాత్తూ విష్ణువు అవతారమని గ్రహించి, స్త్రీల పట్ల ఆయనకు గల గౌరవాన్ని, ఆదరాభిమానాలనూ స్వయంగా చూసి నిండు మనస్సుతో నమస్కరించింది. ఆయన మన్ననలు అందుకుంది. అభిమానానికి పాత్రురాలయింది. తన పతి Ô¶ రీరానికి అంత్యక్రియలు నిర్వర్తించుకునేందుకు అనుమతి ఇమ్మని అర్థించింది. రాముడామె మాటను మన్నించాడు. విభీషణుని పిలిచి, రావణుని శరీరానికి అంతిమ సంస్కారాలు జరపవలసిందిగా సూచిస్తాడు. అంతేకాదు, మహా పతివ్రత అయిన మండోదరికి వితంతువు అయే దుస్థితి పట్టకూడదని ఆమెకు నిత్య సుమంగళి యోగం కలుగుతుందని, ఆమె పేరు విన్నంతనే పాపాలన్నీ తొలగిపోతాయనీ వరం ఇస్తాడు. ఇక్కడ మనం గ్రహించవలసిన నీతి ఏమిటంటే, భర్త చెడ్డవాడని కుంగిపోతూ కూచోకూడదు. చేతనైనంతలో ఆ చెడు లక్షణాలనుంచి భర్తను పక్కకు మళ్లించి, సన్మార్గంలో పెట్టేందుకు ప్రయత్నం చేయాలి. భర్త చేసే చెడుని నివారించేందుకు అనుక్షణం పాటుపడాలి.  – డి.వి.ఆర్‌. భాస్కర్‌ 

హోమానంద్, పావని జంటగా నటించిన చిత్రం ‘మిస్టర్‌ హోమానంద్‌’. జైరామ్‌ కుమార్‌ దర్శకుడు. ఓం తీర్థం ఫిల్మ్‌ మేకర్స్‌ సంస్థ నిర్మించింది. ఈ నెల 29న సినిమా విడుదల కానుంది. హోమానంద్‌ మాట్లాడుతూ – ‘‘మా నాన్న పేరు కేశవ తీర్థ. ఈ సినిమాకి నిర్మాత ఆయనే. మా బ్యానర్‌లో ‘బెజవాడ పోలీస్‌ స్టేషన్‌’తో పాటు మరో సినిమా చేశారు. ఆయన స్ఫూర్తితోనే నేను సినిమాల్లోకొచ్చాను. బీబీఏ డిగ్రీ పూర్తి చేశాను. మొదట షార్ట్‌ ఫిల్మ్స్‌లో నటించాలనుకున్నాను. అనుకోకుండా సినిమాల్లో నటించే అవకాశం వచ్చింది. సత్యంగారి దగ్గర నటనలో శిక్షణ తీసుకున్నాను. ఆయన దగ్గర నేర్చుకున్న మెళకువలు సెట్స్‌లో బాగా ఉపమోగపడ్డాయి. సినిమా కథ విషయానికొస్తే.. నాది పిసినారి పాత్ర. కూడబెట్టుకున్న డబ్బుతో ఓ ఇల్లు కొంటాను. ఆ ఇంట్లో దెయ్యం ఉంటుంది. ఎంతో కష్టపడి కొనుక్కున్న ఇంట్లో దెయ్యం ఏంటి? దెయ్యమో, నేనో తేల్చుకోవాలి. సింపుల్‌గా సినిమా కథ ఇది. హారర్‌ కామెడీతో సినిమా అంతా నవ్విస్తుంది. దర్శకుడు జైరామ్‌ నాకు చిన్నప్పటి నుండి తెలుసు. ఆయన కథ చెప్తున్నప్పుడే నాకు, నా ఫ్యామిలీకి నచ్చింది. సినిమా చూసిన ప్రేక్షకులందరికీ తప్పకుండా నచ్చుతుంది. రాజా వన్నెంరెడ్డిగారితో ఓ సినిమా చేయబోతున్నాను. దర్శకులు సుకుమార్, మారుతీల ప్రొడక్షన్స్‌లో నటించేందుకు డిస్కషన్స్‌ జరుగుతున్నాయి’’ అన్నారు. 

హైదరాబాద్‌ : తెలుగు సినిమా ఇండస్ట్రీలో మహిళలకు ఏ సమస్య వచ్చినా తాను పరిష్కరించేందుకు ముందు ఉంటానని సినీ నటి హేమ పేర్కొన్నారు. అలాంటిది తాను ఎందుకు రాలేదని శ్రీరెడ్డి అనడం సబబు కాదన్నారు. శ్రీ రెడ్డి పద్దతి బాగోలేదని, కనీసం అప్లికేషన్ కూడా పూర్తి చేయలేదని వ్యాఖ్యానించారు. ప్రిమెంబర్ షిప్ ఇవ్వమని అడిగిందని తెలిపారు. తెలుగు అమ్మాయిగా తమకు అవకాశాలు రావడం లేదా అని ప్రశ్నించారు. శ్రీరెడ్డి ప్రవర్తన బాగోలేదని, చీప్‌ పబ్లిసిటీ చేస్తుందని మండిపడ్డారు. ఇలాంటి పనులు చేస్తే ఎలా అని ప్రశ్నించారు. ఇటువంటి పనులు చేస్తే సినిమాల్లోకి ఎవరు వస్తారని అడిగారు. రేపు మా పాపను సినిమాల్లోకి పంపాలి అనుకున్నానని కానీ పరిస్థితులు చాలా ఘోరంగా ఉన్నాయన్నారు. ఇటువంటి ఇండస్ట్రీలో ఉన్నందుకు సిగ్గుపడుతున్నానని తెలిపారు.

కడప అర్బన్‌ : కడప నగరంలోని చిన్నచౌకు పోలీసుస్టేషన్‌ పరిధి  ఓం శాంతినగర్‌లో నివసిస్తున్న ఎన్‌.చెన్నమ్మ అలియాస్‌ చిన్ని అలియాస్‌ నేహ (23) అనే యువతి శుక్రవారం  ఆత్మహత్యకు పాల్పడింది.  తాను నివసిస్తున్న ఇంటి బెడ్‌రూములో ఫ్యానుకు చీరెతో ఉరేసుకుంది.   చిన్నచౌకు ఎస్‌ఐ రాధాకృష్ణ సంఘటన స్థలాన్ని  సిబ్బందితో కలిసి పరిశీలించారు. స్థానికులు, బం«ధువులు, పోలీసుల కథనం మేరకు వివరాలిలా ఉన్నాయి. చాపాడు మండలం చిన్న గెలిగనూరుకు చెందిన చెన్నమ్మ కడప నగరలలోని ఓ హాస్పిటల్‌లో నర్సుగా పనిచేస్తోంది. కడప నగరం చిన్నచౌకు పరిధిలోని ముత్తరాసుపల్లెకు చెందిన జి.శ్రీను (24)    ఓ ప్రైవేటు ఆస్పత్రిలో పనిచేస్తున్నాడు. వీరిద్దరికీ ఈనెల 11 తేదీన వివాహం చేయాలని పెద్దలు నిర్ణయించారు. ఈ క్రమంలో ఓం శాంతినగర్‌లో నెల రోజుల నుంచి ఇరువురు సహజీవనం చేస్తున్నారు.  అయితే మరో యువతిని వివాహం చేసుకుంటానని చెన్నమ్మతో అప్పుడప్పుడు గొడవ పడేవాడు. ఈ క్రమంలో గత రాత్రి తాము ఉంటున్న ఇంటిలోనే ఫ్యాన్‌కు ఉరి వేసుకుని చెన్నమ్మ ఆత్మహత్యకు పాల్పడింది. తన కుమార్తె మృతికి శ్రీనునే కారణమని మృతురాలి తండ్రి చెన్నయ్య పోలీసులకు ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్న ఎస్‌ఐ రాధాకృష్ణ తెలిపారు. వల్లూరులో వివాహిత..భర్త, అత్త, ఆడపడుచుల వేధింపులే కారణం: వల్లూరు : అత్తింటి వేధింపులు గర్భిణి ప్రాణాన్ని బలిగొన్నాయి. తల్లిదండ్రులు, బంధువులను ఎదిరించి ప్రేమించిన వాన్ని కులాంతర వివాహం చేసుకుని కాపురానికి వచ్చిన ఆమెకు భర్త వేధింపులే జీవితంపై విరక్తిని కలిగేలా చేశాయి. దీంతో ఆమె ఆత్మహత్యకు పాల్పడి తనువు చాలించింది. ఈ సంఘటన వల్లూరు మండలంలోని పుల్లారెడ్డిపేట ఎస్సీ కాలనీలో శుక్రవారం జరిగింది. వల్లూరు ఎస్‌ఐ భాస్కర్‌రెడ్డి తెలిపిన సమాచారం మేరకు వివరాలిలా వున్నాయి. ఎస్సీ కాలనీకి చెందిన గొడ్డు సన్నికుమార్‌ అదే మండలంలోని దుగ్గాయపల్లెకు చెందిన కల్పన అనే యువతి ప్రేమించుకున్నారు. ఇద్దరి కులాలు వేరు కావడంతో.. ఆమె పెద్దలను, బంధువులను వదులుకుని నాలుగేళ్ల క్రితం కులాంతర వివాహం చేసుకుంది. వీరికి ఇప్పటికే ఒకటిన్నరేళ్ల పాప వుండగా.. కల్పన ప్రస్తుతం గర్భవతి. కొంత కాలంగా ఆమెను భర్త సన్నికుమార్‌తోపాటు అత్త రూతమ్మ, ఆడపడుచు శ్రావణి వేధింపులకు గురి చేసే వారు. దీంతో వారి వేధింపులకు తట్టుకోలేక కల్పన శుక్రవారం మధ్యాహ్నం ఇంట్లో ఎవరూ లేని సమయంలో ఇంటి వెనుక భాగాన చున్నీతో ఉరి వేసుకుని ఆత్మహత్య చేసుకుంది. ఈ మేరకు కల్పన తండ్రి ఇచ్చిన ఫిర్యాదు మేరకు మృతురాలి భర్త సన్నీకుమార్, అత్త రూతమ్మ, ఆడపడుచు శ్రావణిపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. భర్త వివాహేతర సంబంధాలూ కారణమా?  భర్త సన్నికుమార్‌ ఇంటిలో అడుగుపెట్టిన  కల్పనకు కొద్ది నెలలకే అతని నిజ స్వరూపం తెలిసిందని, పలువురు మహిళలతో వివాహేతర సంబంధాలను కలిగి ఉన్నట్లు పసిగట్టిందని, అయితే చేసేదేమీలేక అలాగే భరిస్తూ వచ్చిందని స్థానికులు అభిప్రాయపడుతున్నారు. సన్ని కుమార్‌  ఇటీవల కమలాపురం పట్టణానికి చెందిన ఒక వివాహితను సైతం వలలో వేసుకుని చెట్టాపట్టాల్‌గా తిరగడం, కొన్ని రోజులు ఇద్దరు కలిసి కనిపించకుండా పోవడం జరిగాయని, ఈ విషయం తెలుసుకున్న కల్పన భర్తను నిలదీసిందని, అప్పటి నుంచి వేధింపులు తీవ్రమయ్యాయని, దీంతోనే ఆమె ఆత్మహత్యకు పాల్పడిందని వారు చెబుతున్నారు.


 సమ్‌సారం
 సంసారంలో సినిమా
 
 పెళ్ళయ్యి ఐదేళ్లయ్యింది. ఇద్దరు పిల్లలు. అతిగా ప్రేమించే అత్తయ్యగారు. మరి... అంతగా ప్రేమించే అత్తగారికి రిటర్న్‌లో ఆ మాత్రం ప్రేమ చూపించకపోతే ఎలా? ముందునుంచి అణకువగా వుండే నా అనంతికకు ‘కుదరదు’ అన్న పదం అసలు తెలియదు. పోనీ ‘ఇప్పుడే కాదు, కాసేప య్యాక చేస్తా’ అనడమూ రాదు. తనకు తెలిసిందల్లా ‘ఇదిగో వస్తున్నా’ అనడం మాత్రమే. చిన్నోడు ఏడ్చినా, అత్తగారు పిలిచినా చెంగుతో చేతులు తుడుచుకుంటూ ‘ఇదిగో వస్తున్నా’ అని ప్రత్యక్షమయిపోతుంది. లాస్ట్‌లో పడుకునేది, ఫస్ట్‌లో లేచేది తనే. రోజులో కాసేపైనా కూర్చునే ఛాన్సుండదు అనంతికకు.
 
 రోజూ నేను పళ్ళు తోముకుని వచ్చేటప్పటికి వేడివేడి కాఫీ టీపాయి మీద పెట్టేది. కానీ కొన్ని రోజులుగా నేను అడిగినా ‘అనంతిక’ కానీ ‘కాఫీ’ కానీ వెంటనే ప్రత్యక్షం కావడం లేదు. అందుకే ఒకరోజు కాఫీ మానేశా. నేను కాఫీ మానేశానన్న విషయం చాలా సంతోషంగా చెప్పా. అదేదో ఆరోగ్యానికి మంచిది కాదన్నట్టు! అమ్మ నవ్వింది – ‘కాఫీ ఏం చేస్తుందిరా శుభ్రంగా తాగక! నేను కలిపియ్యనా?’ఉహు.. ఉహు .. వద్దు అన్నట్టు తల అడ్డంగా ఊపి వాకింగ్‌కి వెళ్ళా. ఇక అప్పటినుంచి నో మార్నింగ్‌ కాఫీ.
 
 నాలుగేళ్లు అలా మార్నింగ్‌ కాఫీ తాగలేదు. ఆ తరువాత ఒకరోజు అనంతికతో వేరే విషయంలో వాదిస్తూ చటుక్కున నోరు జారి – ‘‘నువ్వు కాఫీ ఇవ్వలేకపోతున్నావని నాలుగేళ్ల నుంచి నాకు నచ్చిన కాఫీని నీకోసం మానేశా! నిన్ను కష్టపెట్టకూడదని ఆరోగ్యానికి మంచిది కాదన్నట్టు నాటకం ఆడా. ఐ గేవ్‌ అప్‌ సమ్‌థింగ్‌ ఐ లైక్డ్‌ సోమచ్‌ బికాజ్‌ ఐ లవ్‌ యూ. మా అమ్మ కాఫీ కలిపితే నువ్వు బాధపడతావని కాఫీనే మానేశా. రోజూ ఆఫీసుకు వెళ్ళాల్సిందే. లేకపోతే బతకడానికి డబ్బులుండవు. ఇంట్లో సామాన్లు రావు. పిల్లల ఫీజులు ఉండవు. పండక్కు నాలుగు స్వీట్లు దిగవు. వేసుకోవడానికి గౌరవమయిన బట్టలు, బంధువులకు భోజనాలు ఉండవు. ఎప్పుడూ నేనేదో సరిగా చేయలేదనే అన్నట్టుగా ఉంటావు. సరిగా చేయడానికి ఇంకా ఏముందని నా దగ్గర. అక్కడ ప్రపంచానికి భయపడాలి.
 
 ఇక్కడ నీకు భయపడాలి... ఎక్కడ బాధపడతావో అని! నాకోసం అన్నీ వదిలి వచ్చావని కదా నేను ఏదయినా నీకోసం వదిలేసేది. మానేస్తా అది కూడా మానేస్తా. వెధవ సిగరెట్టు కాల్చినా భయం భయంగా కాలుస్తా. నువ్వెక్కడ బాధపడతావో అని. మై లైఫ్‌ ఈజ్‌ ఓవర్‌. ఐ హ్యావ్‌ నథింగ్‌ టు లివ్‌ ఫర్‌! ఎప్పుడూ ప్రాబ్లమ్సే. అన్నీ కష్టాలే. దానికితోడు ఆ మౌనం. నేను ఇంత బాధపడుతుంటే ఒక మాటయినా మాట్లాడవు. అదేదో నేను తప్పు చేసినట్టు... సంజాయిషీ అవసరం అన్నట్టు... నేను నీ ముందు నిలబడి చేసినదానికి, చెయ్యనిదానికి ఎక్స్‌ప్లనేషన్‌ చెప్పుకోవాలన్నట్టు... ఛీ వాట్‌ ఈజ్‌ దిస్‌ లైఫ్‌! ఎందుకు ప్రేమించుకున్నాం.
 
 ఎందుకు పెళ్లి చేసుకున్నాం. కన్న కలలన్నీ ఏమైపోయాయి. వి ఆర్‌ లైక్‌ స్ట్రేంజర్స్‌ స్టాండింగ్‌ ఇన్‌ ఫ్రంట్‌ ఆఫ్‌ ఈచ్‌ అదర్‌. ఆరేడేళ్ల ప్రేమ, సంసారం త్యాగాలు.. అంత డిస్టెన్స్‌ ట్రావెల్‌ అయ్యాక కూడా నీకు నేను ఎవరో అర్థం కావడంలేదు. ఎంతసేపటి నుంచి మాట్లాడుతున్నాను. నువ్వు అలాగే నిలబడి ఉన్నావు. తల ఎత్తి చూడనైనా చూడడం లేదు. అంత అసహ్యం వేస్తుందా నేనంటే? ఏంటి? నేను చేసిన ఘోరం. మీ అమ్మానాన్నలను సరిగా చూసుకోలేదా? మీ సిస్టర్స్‌కి రెస్పెక్ట్‌ ఇవ్వలేదా? మీ ఫ్యామిలీని అవసరంలో ఆదుకోలేదా? ఎందుకు నీకు .. వై డోంట్‌ ఐ ఎగ్జిస్ట్‌ ఫర్‌ యూ. వై యామ్‌ ఐ... సో రాంగ్‌ ... ఏమీ మాట్లాడవు కదా అనంతికా!’’
 
 అంతలో అమ్మ పిలిచింది ‘అనంతికా! ’. అనంతిక కదల్లేదు. అదేదో నేను పట్టుకుని వెళ్లనివ్వడం లేదనట్టు. ‘‘ఈ మౌనంతో చంపేస్తావా..’’అని సెల్ఫ్‌ పిటీతో కారుతున్న కన్నీళ్లను తుడుచుకున్నా. ‘అనంతికా’ అమ్మ మళ్లీ పిలిచింది. నా కన్నీళ్లు ఆగడం లేదు. ఐదేళ్ల జీవితం వృథా అయిపోయిందన్నట్టు ఫీల్‌ అవుతూ ఇంకా నేరస్తుడిగా అనంతిక ముందు నిలబడి ఉండాలా అన్నట్టు తాత్సారం చేస్తూ నిలబడ్డా. ‘అనంతికా! నా కళ్లజోడు తుడిచిపెట్టవా’ అని అమ్మ మళ్లీ కేక వేసింది. ఇదే మొదటిసారనుకుంటా... అమ్మ పిలిచినా అనంతిక పరుగెత్తకుండా నిలబడి ఉండడం. అనంతిక అలాగే మౌనంగా నిలబడి తన పాదాలనే చూస్తూ ఉంది. పాదం అంతా తడిసిపోయి ఉంది... కన్నీళ్ళతో! నాకు కనబడకుండా తల దించుకుని బాధపడుతుందనుకుంటా. అనంతిక భుజానికి నా భుజం రాసుకుంటూ మీద గదికి వెళ్ళా. దూరంగా వినపడింది ‘ఇదిగో వస్తున్నా అత్తయ్యా’ అని! రాత్రి ఎప్పుడు నిద్రలోకి జారుకున్నానో తెలియదు – అప్పటికి అనంతిక ఇంకా మంచం మీదకు రాలేదు. పొద్దున మృదువయిన స్పర్శకు నిద్ర లేచా. నా భుజం తట్టి పిల్లవాడిని లేపినట్టు లేపి చేతికి కాఫీ ఇచ్చింది. కలో నిజమో తెలుసుకునే లోపలే ‘ఇదిగో వస్తున్నా..’ అని వెళ్లిపోయింది అనంతిక.
 
 బాధలన్నీ మగవాడివే అన్నట్టు... బాధ్యతలన్నీ నావే అన్నట్టు ఫీలయిన నాకు ఆ రోజు సిగ్గుగా అనిపించింది. అనంతిక తన బాధ, బాధ్యత ఏదీ బయటకు చెప్పుకోదు. నొచ్చుకుంటుంది కానీ నొప్పించదు. ప్రేమ చూపిస్తుంది కానీ చూపించుకోదు. ఆ రోజు నుంచి పొద్దున్న కాఫీ డ్యూటీ నాదయింది. కానీ ఇప్పటిదాకా అనంతిక కాఫీ పూర్తిగా తాగినరోజు లేదు. ఎవరో ఒకరు పిలుస్తారు... కాఫీ పెట్టిన చోటే మీగడ కట్టి పోతుంది. అవును, అనంతిక నా కాఫీ మీద మీగడ.
 
 కాఫీ నేనే పెట్టుకోవడం మంచిది
 సినిమాలో సంసారం
 భగవాన్‌ (కృష్ణ భగవాన్‌) లాయర్‌. అతని భార్య సత్యభామ (హేమ) గృహిణి. భార్యకు బెండ్‌ అవకుండా అదుపులో పెట్టుకోవాలనుకుని అజమాయిషీ చూపిస్తుంటాడు భగవాన్‌. ‘ఏమే.. టీ’ అనగానే చిటికెలో పట్టుకొచ్చేస్తుంటుంది. ఓ రోజు ఇంట్లో మందు కొడుతుంటాడు భగవాన్‌. సత్య ‘ఏవండీ ఇక చాలండీ’ అనగానే ‘నన్ను కంట్రోల్‌ చేయాలని చూస్తున్నావా?’ అని విసుక్కుంటాడు. ఇంతలో దొంగలొస్తారు. దొంగల్ని చితకబాది పోలీసులకు అప్పగిస్తుంది సత్య. ‘దీని కెపాసిటీని తక్కువగా అంచనా వేశా. ఇప్పుడు దీంతో ఎలా మసులుకోవాలి... టెన్షన్‌ వస్తోంది. కాఫీ తాగాలి’ అనుకుని ఏమేవ్‌ అంటాడు.
 
 ‘పిలిచారాండీ’ అనగానే ‘అబ్బే ఏమీ లేదు’ అంటాడు. ‘లాభం లేదు నేనే వెళ్లి కాఫీ పెట్టుకోవడం మంచిద’నుకుని వంటగదిలోకి వెళతాడు. ‘ఏం కావాలండీ’ అని భార్య అడగ్గానే ‘అబ్బే ఏం లేదు’ అంటాడు బెరుకుగా. ‘కాఫీ అడిగితే నేనే ఇచ్చేదాన్ని కదా మీకెందుకు శ్రమ’ అని భార్య అనగానే ‘నీ కెందుకు శ్రమ అని’ నసుగుతాడు. ‘మీరు నిజంగానే నా శ్రమని గుర్తిస్తే సంతోషిస్తా. రాత్రి జరిగినదానికి భయపడి నా శ్రమను గుర్తిస్తే భరించలేను. మీరెళ్లి కూర్చోండి నేను కాఫీ తీసుకొస్తా’ అంటుంది సత్యభామ ‘పెళ్లైన కొత్తలో’ సినిమాలో.
 – చినబాబు
 
 మీ సంసారంలోని సరదా సంఘటనలను అక్షరాలతో కళ్లకు కట్టండి. సాక్షి పాఠకులతో పంచుకోండి.
 ఈ మెయిల్‌: samsaaram2017@gmail.com


 హైదరాబాద్‌: మహిళలపై అనుచిత వ్యాఖ్యలు చేసిన సీనియర్ నటుడు చలపతిరావును క్షమించాలని నటి హేమ కోరారు. చేసిన తప్పుకు పశ్చాత్తాపం వ్యక్తం చేస్తూ క్షమాపణ చెప్పినందున ఆయనపై పెట్టిన కేసులు ఉపసంహరిం​చుకోవాలని విజ్ఞప్తి చేశారు. ఆడియో ఫంక్షన్‌లో మహిళలకు చలపతిరావు మాట్లాడింది తప్పేనని, ఆయనపై పోలీస్‌ స్టేషన్‌లో ఫిర్యాదు చేసి మంచి పనిచేశారని పేర్కొన్నారు. ఇక నుంచి ఎవరైనా మహిళలపై అనుచిత వ్యాఖ్యలు చేయాలంటే ఒకటికి వందసార్లు ఆలోచించుకుంటారన్నారు.
 
 సీనియర్‌ నటుడైన చలపతిరావు సరదాగా మాట్లాడతాడు కానీ, ఎప్పుడూ నోరు జారలేదని తెలిపారు. ఆడవాళ్లపై అనుచిత వ్యాఖ్యలు చేసినందుకు సంస్కారవంతంగా క్షమాపణలు అడిగారని, ఆయనపై పెట్టిన కేసులు వెనక్కు తీసుకోవాలని హేమ కోరారు. సోషల్‌ మీడియాలో రాసేటప్పుడు కూడా అప్రమత్తంగా ఉండాలని, ఆడవాళ్ల గురించి పిచ్చిరాతలు మానుకోవాలని సూచించారు. వెబ్‌ మీడియా తీరు మారాలని ఆమె ఆకాంక్షించారు. మహిళలను కించే పరిచేలా మాట్లాడడం సరికాదని  హేమ అభిప్రాయపడ్డారు.


 గొల్లప్రోలు : 
 రాజమండ్రి సీటీఆర్‌ఐలో శాస్త్రవేత్తగా పనిచేస్తున్న బలివాడ హేమ జాతీయస్థాయి గోల్డ్‌మెడల్‌ను పొందారు.  న్యూఢిల్లీలోని ఇండియ¯ŒS అగ్రికల్చరల్‌ రీసెర్చ్‌ ఇనిస్టిట్యూట్‌లో పీహెచ్‌డీ చేసిన ఆమె కేంద్ర వ్యవసాయశాఖ మంత్రి రాధామోహ¯ŒSసింగ్‌ చేతుల మీదుగా గురువారం గోల్డ్‌మెడల్‌ను, బెస్ట్‌ అవుట్‌స్టాండింగ్‌ స్టూడెంట్‌ అవార్డును అందుకున్నారు. ఆమె గతంలో కోయంబత్తూరు వ్యవసాయ విశ్వ విద్యాలయంలో ఎమ్మెస్సీ విద్యార్థిగా అప్పటి తమిళనాడు గవర్నర్‌ రోశయ్య చేతుల మీదుగా గోల్డ్‌మెడల్‌ను పొందడంతో పాటు పలు అవార్డులను కైవసం చేసుకున్నారు. ఆమె భర్త, మండలంలోని దుర్గాడ పశువైద్యశాల వైద్యుడు డాక్టర్‌ అయిరెడ్డి వీరప్రసన్నకుమార్‌ ఈ వివరాలను తెలిపారు.
  


 విజయవాడ (ఇంద్రకీలాద్రి) : దుర్గమ్మను దర్శించుకుంటే మనసుకు ఎంతో ధైర్యంగా ఉంటుందని నటి హేమ పేర్కొన్నారు. దసరా ఉత్సవాల్లో భాగంగా స్వర్ణకవచాలంకృత దుర్గాదేవిగా దర్శనమిచ్చిన దుర్గమ్మను శనివారం హేమ దర్శించుకున్నారు. అమ్మవారికి పట్టుచీర, పూలు, పండ్లు సమర్పించారు. దర్శనానంతరం ఆమెకు ఆలయ అధికారులు ప్రసాదాలు అందజేశారు.
 దసరా ఉత్సవాల్లో తొలిరోజు దుర్గమ్మను దర్శించుకుంటానని, ఆ ధైర్యంతోనే తాను సినిమా రంగంలో రాణిస్తున్నానన్నారు. మోహన్ బాబు సతీమణి కూడా నిర్మలాదేవి దుర్గమ్మను దర్శించుకున్నారు.
  


 కూకట్‌పల్లి కేపీహెచ్‌బీకాలనీ మూడవ ఫేజులో హేమ(22) అనే వివాహిత ఆత్మహత్య చేసుకుంది. ఇంట్లో ఎవరూ లేని సమయం చూసి ఉరివేసుకుని బలవన్మరణానికి పాల్పడింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు. పూర్తి వివరాలు తెలియాల్సి ఉంది.
 
  


 సినీ నటి హేమ
 
 రాజమండ్రి : పవర్‌ఫుల్ పోలీస్ ఆఫీసర్ పాత్రలో నటించాలని ఉందని ప్రముఖ సినీ నటి హేమ అన్నారు.  వీరలంకపల్లి శివారున ఉన్న శ్రీరామ్‌సాయి గోకులాన్ని శనివారం ఆమె సందర్శించారు. ఈ సందర్భంగా విలేకరులతో మాట్లాడుతూ ప్రస్తుతం తాను ప్రభుదేవా, తమన్నా హీరో హీరోయిన్‌లుగా మూడు భాషల్లో తెరకెక్కుతున్న చిత్రంలో, క్రిష్ రూపొందిస్తున్న బాలకృష్ణ 100వ సినిమాలో, కామెడీ యాక్టర్ సప్తగిరి హీరోగా పరిచయమవుతున్న చిత్రంలో విలన్ షేడ్ ఉన్న పాత్రలో, రాజ్‌తరుణ్ సినిమాలో అతనికి తల్లిగా నటిస్తున్నానన్నారు.
 ఇప్పటి వరకు సుమారు 450 సినిమాల్లో నటించిన తనకు ‘నువ్వు నాకు నచ్చావ్, మల్లీశ్వరి, అతడు, పెళ్లైన కొత్తలో, అష్టాచమ్మా, క్షణక్షణం’ పేరు తీసుకువచ్చాయన్నారు. భవిష్యత్తులో రాజమండ్రి పరిసర ప్రాంతాల్లో స్టూడియో ఏర్పాటు చేయాలని ఉందన్నారు. తన భర్త జాన్ కెమెరామెన్‌గా పనిచేస్తున్నారని, కుందనపు బొమ్మ సినిమాకు కెమెరామెన్‌గా పనిచేశారన్నారు.
 కుమార్తె ఇష పదవ తరగతి చదువుతోందన్నారు. తనకు ఎమ్మెల్యేగా పోటీ చేసే అభిప్రాయం లేదని, ప్రజలకు మంచి చేసే పార్టీ తరఫున పని చేస్తానన్నారు. ప్రజల్లో కూడా చైతన్యం రావాలన్నారు. అనంతరం గోకులంలో ఉన్న గోవులకు ఆమె స్వయంగా ఆహారపదార్థాలు తినిపించారు. ఆమె వెంట గోకులం నిర్వాహకులు పలివెల వీరరాఘవులు, రమాదేవి దంపతులు, సినీ హీరో గంగాధర్ ఉన్నారు.


 అమీర్‌పేట: జాయింట్ కలెక్టర్‌ను అని నమ్మించి పలు మోసాలకు పాల్పడిన ఓ మహిళపై పోలీసులు పీడీయాక్ట్ కేసు నమోదు చేశారు. ఎస్‌ఆర్‌నగర్ ఇన్‌స్పెక్టర్ జి.వి.రమణగౌడ్ తెలిపిన వివరాలు.. శ్రీకాకుళం జిల్లాకు చెందిన తాండ్ర హేమ అలియాస్ శైలు,అలియాస్ రాణి,బుజ్జి అలియాస్ అలేఖ్యారెడ్డి,హేమలత బతుకుదెరువు కోసం నగరానికి వచ్చి సరూర్‌నగర్‌లో ఉండేది. కూలి పని చేసుకునే ఆమె ఎల్‌బీనగర్‌కు చెందిన రవీంద్రను వివాహం చేసుకుంది. కొద్ది కాలంపాటు అతడితో కాపురం చేసి ఇద్దరు పిల్లలకు జన్మనిచ్చిన హేమ భర్త వేధిసున్నాడంటూ ఎల్‌బీనగర్ పోలీస్‌స్టేషన్‌లో కేసుపెట్టింది.
 
 అనంతరం మోతీనగర్, బోరబండ ప్రాంతానికి వచ్చి జగదీష్‌ను రెండో పెళ్లి చేసుకుని అతడిపై కూడా కేసుపెట్టింది. తర్వాత పూర్ణచందర్‌ను మూడోపెళ్లి చేసుకుని అతనిపైనా కేసు పెట్టింది. చివరగా కరీంనగర్‌కు చెందిన కిశోర్‌ను నాలుగో పెళ్లి చేసుకుంది.ఆ తరువాత రంగారెడ్డి జిల్లా జాయింట్ కలెక్టర్,ఆర్.ఐగా పనిచేస్తున్నానని  పరిచయం చేసుకుని పలువురిని మోసం చేసింది. ప్రభుత్వ ఉద్యోగాలు ఇప్పిస్తానని చాలామంది వద్ద నుంచి భారీమొత్తంలో డబ్బులు వసూలు చేసిందని పోలీసులు తెలిపారు. చివరగా ఆస్తికోసం బంధువులు తనను చంపేందుకు ప్రయత్నిస్తున్నారంటూ పోలీసులకు ఫిర్యాదు చేసేందుకు వచ్చిన నిత్య పెళ్లి కూతురిని ఫిబ్రవరి 11న ఎస్‌ఆర్‌నగర్ పోలీసులు అరెస్టు చేశారు. అయితే తాజాగా ఆమెపై పీడీ యాక్ట్ కేసు నమోదు చేశామని ఇన్‌స్పెక్టర్ తెలిపారు. ఎల్‌బీనగర్, ఎస్‌ఆర్‌నగర్, జూబ్లీహిల్స్ స్టేషన్లలో ఏడు కేసులు ఉన్నాయన్నారు.
  
  


 మాచవరం (రాయవరం) : సినీ పరిశ్రమ ఆంధ్రప్రదేశ్‌కు తరలిరావాలన్నది తన కోరిక అని సినీ నటి హేమ చెప్పారు. తూర్పుగోదావరి జిల్లాలో సినీ పరిశ్రమ అభివృద్ధి కోసం జిల్లాలో స్టూడియో నిర్మాణం చేపట్టే ఆలోచనలో ఉన్నానని ఆమె తెలిపారు. శుక్రవారం రాయవరం మండలం మాచవరంలోని ద్వారంపూడి చౌదరారెడ్డి ఇంటికి వచ్చిన హేమ విలేకరులతో మాట్లాడారు. ఈ సందర్భంగా ఆమె తెలిపిన వివరాలు ఆమె మాటల్లోనే..
  
 స్థల సేకరణ పనిలో..
  రాజమండ్రి- రాజోలు మధ్యలో స్టూడియో నిర్మాణానికి అనుకూలమైన స్థలం సేకరించే పనిలో ఉన్నాను. జిల్లాలో సినిమా షూటింగ్స్‌కు అనుకూలమైన ప్రదేశాలు చాలా ఉన్నాయి. ఈ ప్రాంతంలో సినీపరిశ్రమ మరింత అభివృద్ధి చెందాలంటే స్థానికులు సినీపరిశ్రమలోని వ్యక్తుల విషయంలో మరింత గౌరవప్రదంగా ప్రవర్తించాలి. సినిమా పరిశ్రమ అభివృద్ధితో చాలామందికి ఉపాధి దొరుకుతుంది.  
  
 25 సంవత్సరాలు పూర్తయింది..
  సినీ రంగంలో ప్రవేశించి ఈ ఏడాదికి 25 ఏళ్లు పూర్తయింది. ఇన్నేళ్లుగా విరామం లేకుండా నటిస్తున్నందుకు గర్వంగా ఉంది. ఏడో తరగతి చదువుతుండగా సినిమాల్లో నటించే అవకాశం వచ్చింది. దాంతో చదువు మధ్యలోనే ఆపేసి సినిమా పరిశ్రమలో అడుగుపెట్టాను. భలేదొంగలు సినిమాలో తొలిసారి కెమెరా ముందు నిలబడ్డాను.
  
 465 చిత్రాల్లో నటించా..
  ఇంతవరకూ 465 సినిమాల్లో నటించాను. ప్రస్తుతం పది సినిమాలతో బిజీగా ఉన్నాను. శ్రీను దర్శకత్వంలో  రాజోలులో చిత్రీకరణ జరుగుతున్న సినిమాలో కీలకపాత్ర పోషిస్తున్నాను. ప్రముఖ దర్శకుడు వి.వి.వినాయక్ దర్శకత్వంలో అఖిల్ హీరోగా నటిస్తున్న సినిమాలో కామెడీ పాత్రలో, కరెంట్ చిత్ర దర్శకుడు ప్రతాప్ దర్శకత్వంలో రూపుదిద్దుకుంటున్న చిత్రంలో సెంటిమెంట్ టచ్ ఉన్న ‘అమ్మ’ పాత్రలోనూ నటిస్తున్నాను.
  
 పోలీసాఫీసర్‌గా నటించాలని ఉంది
  నాకు చిన్నప్పటి నుంచి పోలీసాఫీసర్ అవ్వాలని ఉండేది. చదువు ఆపేసి మధ్యలో నటనలోకి వచ్చేశాను. కనీసం పోలీసాఫీసర్ పాత్రలో నటించి ఆ ముచ్చట తీర్చుకోవాలని ఉంది. ఏడాది క్రితం వరకు హాస్య పాత్రల్లోనే నటించాను. ఆ తర్వాత విభిన్న తరహా అవకాశాలు వస్తున్నాయి. అతడు, అష్టాచమ్మా, మల్లీశ్వరి, నువ్వునాకునచ్చావ్ చిత్రాలు మంచి గుర్తింపు తీసుకువచ్చాయి.  
  
 ‘మా’లో విభేదాలు లేవు
  ‘మా’ ఎన్నికల్లో పోటాపోటీ వాతావరణం నెలకొన్న విషయం వాస్తవమే. కానీ అది ఎన్నికల వరకే. ఇతర విషయాల్లో అందరం ఒకటిగానే ఉంటున్నాం.


 హైదరాబాద్ : నటకిరీటి రాజేంద్రప్రసాద్ ప్యానల్ సభ్యుడు, నటుడు శివాజీ రాజా తనను వ్యక్తిగతంగా దూషించారని సినీ నటి హేమ ఆరోపించారు. ఈ విషయంపై తనకు న్యాయం చేయాలని దర్శకరత్న దాసరి నారాయణరావుని కలిశానని ఆమె ఆదివారం తెలిపారు. తనకు క్షమాపణ చెప్పేంత సంస్కారం శివాజీరాజాకు ఉందని అనుకోవటం లేదని హేమ అన్నారు. తనపై వ్యక్తిగతంగా దూషణలు చేసినందుకే శివాజీ రాజాపై ఫైర్ అవ్వాల్సి వచ్చిందని ఆమె చెప్పారు. మూవీ ఆర్ట్స్ అసోసియేషన్ ఎన్నికల్లో భాగంగా శివాజీ రాజా నటుడు రాజేంద్రప్రసాద్ కి మద్దతిస్తున్నారన్న విషయం తెలిసిందే. సాధారణ ఎన్నికల మాదిరిగానే సినీ ఎన్నికల నేపథ్యంలో వ్యక్తిగత దూషణలు చేసుకోవడం ప్రేక్షకులను ఆశ్చర్యానికి లోనుచేస్తుంది.
 పోలీస్ స్టేషన్ లో ఫిర్యాదు చేయడానికి శనివారం వెళ్లిన సంగతి నిజమేనన్నారు. అందువల్ల ఇంట గెలిచి రచ్చ గెలవాలని శివాజీ రాజాపై తాను స్పందించాల్సి వచ్చిందని హేమ పేర్కొన్నారు. 'మా'  తరపున నాగేంద్రబాబు బిల్డింగ్ కొన్న విషయంపై నేను మాట్లాడాను. ప్రస్తుతం ఆ బిల్డింగ్ అమ్మితే రూ.30 లక్షలు కూడా రావని తాను చెప్పానన్నారు. దాంతో హేమకు మాట్లాడటం రాదు, ఆమెకు ఏం తెలియదని శివాజీ రాజా వ్యాఖ్యానించడం సంస్కారం కాదన్నారు.


 హైదరాబాద్ : డాక్టర్లు, హాస్పటల్ అంటే  భయంతోనే చక్రి హాస్పటల్కు వెళ్లలేదని నటి హేమ అన్నారు. ఆరోగ్యం గురించి శ్రద్ధ తీసుకోవాలని తాను చాలాసార్లు అన్నయ్యకు చెప్పేదాన్ని అని,... ఇదే విషయాన్ని వదిన (శ్రావణి)తో చాలాసార్లు అన్నట్లు ఆమె తెలిపారు. ఇటీవల ఎర్రబస్సు ఆడియోలో కలిసినప్పుడు అన్నయ్యను హాస్పటల్ కి తీసుకు వెళుతున్నానని, సర్జరీ చేయిద్దామనుకుంటున్నట్లు... ఇకనుంచి గ్లామర్ గా కనిపిస్తారంటూ వదిన చెప్పిందని హేమ తెలిపారు.
 చక్రి మరణవార్తను తాను నమ్మలేదని...ఈ విషయాన్ని సుమారు పదిమందికి ఫోన్ చేసి మరి నిర్ధారణ చేసుకున్నట్లు హేమ చెప్పారు. వైద్య పరీక్షలు చేయించుకోవాలని చక్రి కుటుంబ సభ్యులు చెప్పినా... రేపు వెళదామంటూ చెప్పారని ఇంతలోనే ఈ ఘటన చోటుచేసుకోవటం దురదృష్టకరమన్నారు. ఆరోగ్యం గురించి శ్రద్ధ తీసుకోవటం చాలా అవసరమని హేమ అన్నారు.
 
 నిజానికి సినీ రంగంలోకి అడుగుపెట్టిన తొలి నాళ్లలో చక్రి ఓమాదిరిగా వుండేవాడు. అయితే ఆ తర్వాత ఆహార అలవాట్లలో మార్పు, సినీ పరిశ్రమలో తీరికలేని పనులు అతని శరీరంపై తీవ్ర ప్రభావం చూపించాయి. దానికి తోడు చక్రికి మంచి భోజనప్రియుడనే పేరుంది. అది కూడా తోడవడంతో తక్కువ కాలంలో బాగా లావయిపోయాడు.
 
 లైపోసెక్షన్‌ లాంటి చికిత్స చేయించుకోవాలని భావించినా ఎందుకో భయపడ్డాడని అతని సన్నిహితులు చెప్తుంటారు. చనిపోవడానికి కొన్ని గంటల ముందు కూడా అర్ధరాత్రి వరకు రికార్డింగ్‌ పనుల్లో అతను బిజీగా వున్నట్లు తెలుస్తోంది. రికార్డింగ్‌ పూర్తయిన తర్వాత బాగా పొద్దుపోయిన సమయంలో ఇంటికి వచ్చి నిద్రపోయారు. అయితే నిద్రలోనే తీవ్రమైన గుండెపోటుకు గురై..తుది శ్వాస విడిచినట్టు డాక్టర్లు చెప్తున్నారు.


 మనవద్ద ఉన్నదేదైనా ఇతరులకు ఇచ్చేస్తూ పోతే చివరకు మనమే లేమిలో కూరుకుపోతాం. డబ్బుదస్కాలకు, ఆస్తిపాస్తులకు ఈ సూత్రం వర్తిస్తుంది. అయితే ఇతరులకు పంచే కొద్దీ పెరిగేది, మనల్ని మరింత ఉన్నతులుగా తీర్చిదిద్దేదీ ఒకటుంది. అదే.. విద్య. దీనిని గుర్తిస్తున్న ‘సిటీ’జనులు వాలంటరీ టీచింగ్‌పై మక్కువ పెంచుకుంటున్నారు. తమ విజ్ఞానాన్ని విద్యార్థులకు పంచడానికి ఆరాటపడుతున్నారు.
  
 జీతభత్యాలు లేకున్నా, తమ విలువైన సమయాన్ని బోధన కోసం వెచ్చిస్తూ అమూల్యానుభవాలను పోగు చేసుకుంటున్నారు. స్వచ్ఛంద బోధన చేస్తున్న వారిలో సాఫ్ట్‌వేర్ ఇంజనీర్ల మొదలుకొని గృహిణుల వరకు వివిధ నేపథ్యాలకు చెందిన వారు ఎందరో ఉన్నారు. భావితరానికి మార్గదర్శకులుగా ఉంటున్న వీరి అనుభవాలు వారి మాటల్లోనే..
  
 ఆసక్తి ఉంటే చాలు...
 ఇప్పుడిప్పుడే నగరంలో స్వచ్ఛంద ఉపాధ్యాయ విధులపై ఆసక్తి పెరుగుతోంది.  విభిన్న వృత్తి వ్యాపకాల్లో బిజీగా ఉండే వారు సైతం వాలంటరీ టీచింగ్‌కు సై అంటున్నారు.  ‘‘మేం కొన్ని నెలల క్రితమే సిటీలోని ప్రభుత్వ పాఠశాలల్లో టీచ్ ఫర్ చేంజ్ కార్యక్రమాన్ని ప్రారంభించాం. ఇది పూర్తిగా వాలంటరీ టీచర్ల మీదే ఆధారపడిన కార్యక్రమం తొలుత 10 స్కూళ్లను ఎంచుకున్నాం. అయితే యువత నుంచి వచ్చిన స్పందన అనూహ్యంగా ఉండడంతో...  ఏడాదిలోపు 100 స్కూల్స్‌కు మా సేవలు విస్తరింపజేయాలనుకుంటున్నాం’’అని టీచ్ ఫర్ చేంజ్ (www.teachforchange.in, www.facebook.com/teachforchange.officia) ప్రోగ్రామ్ నిర్వాహకులు చైతన్య చెప్పారు.  
  
 స్కూల్‌డేస్ గుర్తొస్తున్నాయి..
 బోయినపల్లి ప్రభుత్వ ప్రాథమిక పాఠశాలలో నాలుగో తరగతి విద్యార్థులకు పాఠాలు చెబుతున్నా. నా క్లాస్‌లో 50 మంది దాకా స్టూడెంట్స్ ఉన్నారు. నేను వెళ్లగానే పిల్లలంతా లేచి గుడ్మార్నింగ్ టీచర్ అని విష్ చేస్తుంటే మా స్కూల్ డేస్ గుర్తొస్తున్నాయి. ఇంగ్లిష్ పాఠాలతో పాటు పిల్లలకు ప్రవర్తన, పరిశుభ్రతలనూ తెలియజేస్తున్నా. మొదట వారానికి ఒకరోజు వెళతానని మాట ఇచ్చా. అయితే, ఈ వ్యాపకానికి ఎంతగా అలవాటు పడ్డానంటే, ఇప్పుడు వారానికి నాలుగైదు రోజులు వెళుతున్నా. టీచింగ్‌ని అద్భుతమైన జాబ్ అని ఎందుకంటారో ఇప్పుడర్థమవుతోంది.
  -హేమ, గృహిణి. బోయినపల్లి.
  
 ఇప్పుడిప్పుడే తెలుసుకుంటున్నా..
 వీకెండ్స్‌లో ఫిలింనగర్ ప్రభుత్వ పాఠశాలలో ఎనిమిదో తరగతి పిల్లలకు పాఠాలు చెబుతున్నా. బస్తీ పిల్లలను హ్యాండిల్ చేయడం, వాళ్లకు అర్థమయ్యేలా విషయాలు చెప్పడం అంత తేలిక కాదు. ఒక్కో సెక్షన్‌లో 70 మంది వరకు పిల్లలుంటారు. వారి ఆహారం, అలవాట్లు చూశాక నాలో మరింత పట్టుదల పెరిగింది. నా వల్ల ఒక్క స్కూడెంట్ బాగుపడినా చాలు కదా అనుకున్నా. మొదట్లో పిల్లలు సరిగా మాట వినడం లేదని కొంత డిజప్పాయింట్ అయినా, ఇప్పుడిప్పుడే వారిని మచ్చిక చేసుకోవడం ఎలాగో తెలుసుకుంటున్నా.                   
 - నివేదిత, ఐటీ అనలిస్ట్, కొండాపూర్.
  
 పని ఒత్తిడి హుష్‌కాకి...
 వీకెండ్స్‌లో క్లాస్‌రూమ్‌లోకి అడుగుపెడుతూనే ఒక రిలాక్స్‌డ్ ఫీలింగ్ కలుగుతుంది. పిల్లల నవ్వు ముఖాలు, వారు మనపై చూపే ప్రేమతో అన్ని ఒత్తిళ్లూ మటుమాయమవుతాయి. వారితో నవ్వుతున్నాం, ఆడుతున్నాం.. సింపుల్‌గా పిల్లల్లా మారిపోతున్నాం.  ‘టీచ్ ఫర్ చేంజ్’ ద్వారా వాలంటరీ టీచింగ్‌కు అవకాశం వచ్చినప్పుడు చాలా ఉద్వేగంగా అనిపించింది. ప్రస్తుతం కుకట్‌పల్లి ప్రభుత్వ ప్రాథమిక పాఠశాలలో నాలుగో తరగతి విద్యార్థులకు చదువు చెబుతున్నా.
  
 బెంజమిన్ ఫ్రాంక్లిన్ చెప్పిన ‘చెప్పు.. మరచిపోతా. బోధించు.. గుర్తుంచుకుంటా. నేర్పు.. లీనమవుతా’ మాటలను నేను విశ్వసిస్తాను. హడావుడిగా చెప్పేసి, అంతే స్పీడ్‌గా మరచిపోయే పద్ధతికి వ్యతిరేకంగా పిల్లలను కూడా ఇన్‌వాల్వ్ చేసే టీచింగ్ మెథడ్స్‌నే ఫాలో అవుతున్నా. వీకెండ్స్‌లో ఎక్కడెక్కడో గడిపి టైమ్ వృథా చేయడం కంటే సమాజానికి మేలు చేయడం సబబు కదా.
 - వై.అశోక్, జూనియర్ మేనేజర్, జీఎంఆర్ ఎయిర్‌పోర్ట్ డెవలపర్స్ లిమిటెడ్.


 ఎన్నికల రణరంగంలో సినీ తారల తళుకులు తూర్పు గోదావరి జిల్లా రాజకీయ చరి త్రకు ఓ ప్రత్యేకతను సంతరించి పెడుతున్నాయి. ఎక్కడి నుంచో వచ్చి ఇక్కడ పోటీ చేసి, విజయాన్ని సొంతం చేసుకున్న తారలు ఉన్నారు. గోదావరి వాసులు కళాకారులను ఆదరిస్తారనడానికి ఆ విజయాలే తార్కాణం. కాగా ఇక్కడి నుంచి బరిలో నిలిచి అదష్టాన్ని పరీక్షించుకోవాలని ఆశ పడ్డ వారిలో నిరాశే మిగిలిన వారూ ఉన్నారు. గతంలో జరిగిన ఎన్నికల్లో జిల్లాలోని వివిధ నియోజక వర్గాల నుంచి బరిలో ఉండి గెలిచిన వారు, ఓడిన వారు, అదష్టాన్ని పరీక్షించుకోవాలనుకుంటున్న వారి వివరాలు
  
  జమున
  సినీ తారల తళుకు బెళుకులతో సీట్లు సాధించాలనే లక్ష్యంతో కాంగ్రెస్ పార్టీ 1989 ఎన్నికల్లో రాజమండ్రి పార్లమెంటు స్థానం నుంచి ప్రముఖ నటి జూలూరి జమునను బరిలోకి దింపింది. ఆ ఎన్నికల్లో విజయం సాధించిన జమున 1989 నుంచి 1991 వరకూ ఎంపీగా కొనసాగారు. 1991లో పోటీచేసి ఓడిపోయారు.
  
  కృష్ణంరాజు
 పశ్చిమగోదావరి జిల్లా మొగల్తూరుకు చెందిన కృష్ణంరాజు బీజేపీ నుంచి 1998లో కాకినాడ ఎంపీగా గెలిచి, విదేశీ వ్యవహారాల సహాయమంత్రిగా కొనసాగారు. 1999లో ఓడిపోయారు. 2004లో నర్సాపురం నుంచి ఎంపీగా నెగ్గారు. 2009లో పీఆర్‌పీ తరఫున రాజమండ్రి ఎంపీగా పోటీ పడి ఓడిపోయారు.
  
  మురళీమోహన్
  రాజమండ్రి లోక్‌సభ స్థానానికి మురళీమోహన్ స్థానికుడు కాకపోయినా 2009 ఎన్నికల్లో కాంగ్రెస్‌ను సినీ గ్లామర్‌తో ఎదుర్కోవాలని టీడీపీ అధినేత చంద్రబాబు నాయుడు ఆయనను అభ్యర్థిగా నిలుపగా ఓటమి పాలయ్యారు. 2014 ఎన్నికల్లో మరోసారి అదృష్టాన్ని పరీక్షించుకోవాలనుకుంటున్నారు.
  
  జయప్రద
  పై నటులందరూ స్థానికేతరులుగా ఉండి ఈ ప్రాంతంలో బరిలో నిలిచారు. కానీ రాజమండ్రి ఆడపడుచు జయప్రద మరో రాష్ట్రంలో ఎన్నికల గోదాలో దిగి విజయాలు సాధించారు. 1962లో రాజమండ్రిలో పుట్టిన జయప్రద చిన్ననాడే నగరం వదిలి వెళ్లి పోయారు. 1994లో టీడీపీలో చేరిన జయప్రద ఎన్టీఆర్ మరణానంతరం పార్టీని వీడారు. తర్వాత ఉత్తరప్రదేశ్ రాష్ట్రంలోని రాంపూర్ పార్లమెంటు నియోజక వర్గం నుంచి 2004, 2009 ఎన్నికల్లో విజయం సాధించారు. అక్కడ వ్యక్తిగత, రాజకీయపరమైన ప్రతిష్టను దెబ్బతీసే విధంగా పలు విమర్శలు ముప్పిరిగొన్నా తట్టుకుని నిలబడ్డారు.
  
  బాబూమోహన్
 ఎన్టీఆర్ టీడీపీ స్థాపించిన తర్వాత పార్టీలో చేరి మెదక్ జిల్లా ఆంధోల్ నుంచి ఎమ్మెల్యేగా ఎన్నికైన ప్రముఖ హాస్యనటుడు బాబూమోహన్ ఎన్టీఆర్ మరణానంతరం లక్ష్మీ పార్వతి నాయకత్వంలోని ఎన్టీఆర్ టీడీపీలో చేరారు. 1996 ఎన్నికల్లో అమలాపురం ఎస్సీ రిజర్వుడు స్థానం నుంచి పార్లమెంటు స్థానానికి పోటీ చేసి ఓడిపోయారు.
 ఈ ఎన్నికల్లో టీడీపీ ఓట్లు చీల్చి, ఆ పార్టీ అభ్యర్థి బాలయోగి పరాజయానికి కారకులయ్యారని ప్రచారం సాగింది. బాబూమోహన్ 1.43 లక్షల ఓట్లు పొంది మూడోస్థానంలో నిలిచారు. 1998లో ముమ్మిడివరం అసెంబ్లీ నియోజకవర్గ ఉప ఎన్నికలోనూ పోటీ చేసిన బాబూ మోహన్ అప్పుడూ ఓటమినే చవి చూశారు.
 
 హేమ
 సినిమా రంగంలో తనకంటూ ప్రత్యేక గుర్తింపు తెచ్చుకున్న నటి హేమ ఈ ఎన్నికల్లో తన అదృష్టాన్ని పరీక్షించుకోబోతున్నారు. విభిన్న పాత్రలతో ప్రేక్షకులను మెప్పించిన ఆమె పొలిటికల్ పాత్రలోకి ప్రవేశిస్తున్నారు. తన సొంత జిల్లా తూర్పుగోదావరి నుంచి జై సమైక్యాంధ్ర పార్టీ తరపున ఎన్నికల బరిలోకి దిగుతున్నారు. ఈ ఎన్నికల్లో మండపేట అసెంబ్లీ నియోజకవర్గం నుంచి హేమ పోటీ చేస్తున్నారు.


 ప్రేమ గురించి పరులతో చెప్పుకోకూడదు. అలాగే మన ప్రేమ గురించి పరులు చెప్పుకోకూడదు అనే పాయింట్‌తో తెరకెక్కిన చిత్రం ‘ఫస్ట్ లవ్’. మహేంద్ర, అమితారావ్ జంటగా నటించారు. అంబటి గోపి దర్శకుడు. సత్యనారాయణ మంగలిపల్లి, నాగరాజు మంగలిపల్లి నిర్మాతలు. ఈ నెల 27న ఈ చిత్రం విడుదల కానుంది. ఈ సందర్భంగా దర్శకుడు మాట్లాడుతూ- ‘‘ప్రేమను రహస్యంగా ఎందుకు ఉంచాలి అనేది ఇందులో ప్రధానాంశం. చక్కని సందేశం ఉంటుంది. అన్ని వయసులవారికీ కనెక్ట్ అయ్యే సినిమా ఇది’’ అని చెప్పారు. ఇటీవల విడుదలైన పాటలకు స్పందన బావుందని నిర్మాతలు తెలిపారు. జయప్రకాష్‌రెడ్డి, నాగినీడు, కొండవలస, ప్రభాస్‌శ్రీను, అన్నపూర్ణ, హేమ తదితరులు ఇతర పాత్రలు పోషించిన ఈ చిత్రానికి కెమెరా: రాఘవ నూలేటివీర, సంగీతం: జీవన్ థామస్.
  


  మఠంపల్లి, న్యూస్‌లైన్: జిల్లాలో నూతనంగా ప్రవేశపెట్టిన గ్రామ దర్శనం కార్యక్రమాన్ని శుక్రవారం కలెక్టర్ చిరంజీవులు మఠంపల్లి మండలం రఘునాథపాలెంలో లాంఛనంగా ప్రారంభించారు. ఉదయం 10.30గంటలకు గ్రామానికి చేరుకున్న కలెక్టర్ ముందుగా అంగన్‌వాడీ కేంద్రం-1ని సందర్శించారు. అక్కడ పిల్లలకు అందిస్తున్న పౌష్టికాహారం, పాల ప్యాకెట్లను పరిశీలించారు. అయితే, అంగన్‌వాడీ కేంద్రంలో 20మంది పిల్లలున్నట్టు రికార్డుల్లో ఉండగా, కేంద్రానికి ఏడుగురు మాత్రమే హాజరయ్యారు.
  
  దీంతో కలెక్టర్ అంగన్‌వాడీ సూపర్‌వైజర్ హేమాదేవిని ప్రశ్నించారు. పూర్తిస్థాయిలో పిల్లలు కేంద్రానికి వచ్చేలా చర్యలు తీసుకోవాలని ఆదేశించారు. తర్వాత గ్రామంలో తిరిగి వీధులను పరిశీలిస్తూ పంచాయతీ కార్యాలయానికి చేరుకున్నారు. అక్కడ 15శాఖల అధికారులు, సిబ్బందితో సమీక్ష సమావేశం నిర్వహించారు.
  
  ఈ సందర్భంగా గ్రామస్తులు మాట్లాడుతూ గృహనిర్మాణ శాఖలో అనేక అవకతవకలు జరుగుతున్నాయని చెప్పారు. దీంతో వారిపై చర్య తీసుకోవాలని ప్రత్యేకాధికారిని కలెక్టర్ ఆదేశించారు. అదేవిధంగా గ్రామంలో ప్రత్యేకాధికారి, తహసీల్దార్, ఎంపీడీఓలు మూడు టీములుగా ఏర్పడి పారిశుద్ధ్యం, రేషన్ దుకాణాలు, హౌసింగ్, ఉపాధిహామీ, అంగన్‌వాడీ, తాగునీటి సరఫరా, విద్య, వైద్యం, పశువైద్యం తదితర అంశాలపై నెలకొన్న సమస్యలను సేకరించారు.
  
  వారు సేకరించిన వివరాలను కలెక్టర్ సమీక్ష  సమావేశంలో అధికారుల ద్వారా గ్రామస్తులకు చదివి విని పించారు. ఈ సందర్భంగా కలెక్టర్ మాట్లాడుతూ గ్రామంలో సేకరించిన సమస్యలను అధికారులు వారం రోజుల్లో పరిష్కరించేందుకు చర్యలు తీసుకోవాలని ఆదేశించారు. గ్రామాల్లో జరుగుతున్న గ్రామ దర్శనం కార్యక్రమంలో ప్రజలు రాజకీయాలకతీతంగా అధికారులు సమస్యలపై ఫిర్యాదు చేయాలని కలెక్టర్ విజ్ఞప్తి చేశారు. అన్ని శాఖల అధికారులు మధ్యాహ్నం రెండు నుంచి నాలుగు గంటల వరకు గ్రామంలోని సమస్యలపై సమీక్ష నిర్వహిస్తారని చెప్పారు. ఆ రోజు అధికారులు సేకరించిన సమస్యలను తాను అదేరోజు సాయంత్రం 5నుంచి 6గంటల మధ్య వీడియో కాన్ఫరెన్స్‌లో పర్యవేక్షిస్తానని తెలిపారు. కార్యక్రమంలో సర్పంచ్ కల్యాణి, పీఏసీఎస్ చైర్మన్ ఎలియాస్‌రెడ్డి, ఏడీఏ యల్లయ్య, తహసిల్దార్ దేవెళ్ల సత్యనారాయణ, ఎంపీడీఓ జె.వెంకటేశ్వరరావు, సూపరింటెండెంట్ కృష్ణమూర్తి, ఏఓ మల్లికార్జున్‌రావు, ఏఈలు విజయ్‌కుమార్, కోటయ్య, యుగంధర్‌రావు, వైద్యాధికారులు జమున, భూక్యా రమేష్, ఏపీఎం దుర్గాప్రసాద్, ఐసీడీఎస్ సూపర్‌వైజర్ హేమాదేవి, మండల కో ఆర్డినేటర్ తులసీరాంనాయక్, ఆర్‌ఐ శైలజ పాల్గొన్నారు.
  


 సినీనటికి హేమకు అసభ్యకర ఎస్ఎంఎస్ లు పంపిన వ్యక్తిని మాదాపూర్ పోలీసులు అరెస్ట్ చేశారు. గత కొద్దికాలంగా ఓ వ్యక్తి అసభ్యకరంగా సెల్ ఫోన్ మెసేజ్ లు పంపుతున్నట్టు  హేమ మాదాపూర్ పోలీస్ స్టేషన్ లో ఫిర్యాదు చేశారు. నవంబర్ 25 తేదిన హేమ చేసిన ఫిర్యాదు మేరకు.. మెసేజ్ లు వస్తున్న ఫోన్ నెంబర్ పై మాదాపూర్ పోలీసులు నిఘా పెట్టారు. 
  
 ఫోన్ నెంబర్ ఆధారంగా నల్గొండ జిల్లా సూర్యాపేటకు చెందిన మధుగా పోలీసులు గుర్తించారు. ఫిర్యాదు చేసిందనే సమచారం తెలుసుకున్న నిందితుడు కొద్ది రోజల నుంచి ఫోన్ స్విచాఫ్ చేసినట్టు పోలీసులు తెలిపారు. నిందితుడు ఫోన్ నెంబర్ ఆధారంగా చేసుకుని కాల్ డేటాను సేకరించి.. మధును పట్టుకున్నామని మదాపూర్ ఇన్స్ పెక్టర్ తెలిపారు.
  
 పదవ తరగతి ఫెయిల్ అయిన మధుపై గతంలో ఇలాంటి కేసులు నమోదయ్యాయని తెలిసింది. నిందితుడిని పూర్తిగా విచారించిన తర్వాత సైబర్ క్రిమినల్ యాక్ట్ ప్రకారం కేసు నమోదు చేయనున్నట్టు తెలిసింది. నిందితుడి వివరాలు తెలియాల్సి ఉంది.