సాక్షి, క్రైమ్‌: షాద్‌నగర్‌లో దారుణం జరిగింది. బలవంతంగా యువతి నుదట దిద్దిన సింధూరం!.. ఓ యువకుడిపాలిట మరణ శాసనమైంది. ప్రేమ పేరుతో తన కూతురిని వేధిస్తున్నాడంటూ ఓ యువకుడిని హతమార్చాడు ఓ తండ్రి. సినీ ఫక్కీలో పక్కా మర్డర్‌కు ప్లాన్ వేసి మరీ కిరాతకంగా ప్రాణం తీశాడు. బీహార్‌కు చెందిన కరుణాకర్‌ కుటుంబం.. రంగారెడ్డి జిల్లా కేశంపేట మండల పరిధిలో నివాసం ఉటూ చిన్నచిన్న పనులు చేసుకుంటూ జీవిస్తోంది. ఆగష్టు 29వ తేదీ నుంచి కరుణాకర్‌ కనిపించకుండా పోయాడు. దీంతో.. అతని సోదరుడు దీపక్‌ పోలీసులకు ఫిర్యాదు చేశాడు. మిస్సింగ్‌ కేసు నమోదు చేసుకుని దర్యాప్తు చేసిన పోలీసులకు దర్యాప్తులో షాకింగ్‌ విషయాలు తెలిశాయి.  రంజిత్‌ కుమార్‌ అనే వ్యక్తి ప్లాన్‌ ప్రకారమే కరుణాకర్‌ను హత్య చేశారని పోలీసులు దర్యాప్తు ద్వారా తేల్చారు. రంజిత్‌ కుమార్‌ కూతురిపై కరుణాకర్‌ ప్రేమ పేరుతో వేధింపులకు పాల్పడ్డాడు. ఈ క్రమంలో ఆమె నుదుటిపై సింధూరం కూడా దిద్ది ఆమెను ఇబ్బందికి గురి చేశాడు. ఈ విషయం బయటకు పొక్కితే తన పరువు పోతుందని రంజిత్‌ రగిలిపోయాడు. కరుణాకర్‌ను చంపేయాలని నిర్ణయించుకున్నాడు.  ఆగష్టు 15వ తేదీన కేశంపేట మండలంలోని నిడదవెళ్లి గ్రామం నుంచి జూలపల్లి వెళ్లే  రోడ్డులో ఉన్న వరి చేను దగ్గరికి పిలిపించుకున్నాడు. విచక్షణా రహితంగా కరుణాకర్‌పై దాడికి దిగాడు. కాళ్లు చేతులు కట్టేసి వరి చేను నీటి బురద లో తలకాయ ముంచి ఊపిరాడకుండా చేసి హత్య చేసి అదే బురదలో పాతిపెట్టి వెళ్లిపోయారు. దర్యాప్తు ద్వారా ఈ కేసును చేధించామని, ప్రధాన నిందితుడు రంజిత్‌తో పాటు అతనికి సహకరించిన వాళ్లనూ అరెస్ట్‌ చేశామని శంషాబాద్ డీసీపీ నారాయణరెడ్డి మీడియాకు  వెల్లడించారు. నిందితులపై 302, 201 ,34 ఐపీసీ సెక్షన్ల కింద కేసు నమోదు చేశారు. నిందితుల్లో ఇద్దరు మైనర్లు ఉండగా.. వాళ్లను జువైనల్‌ హోంకు తరలించినట్లు తెలిపారు. 

ముంబై: పోలీసు ఉద్యోగం అంటేనే ఎంతో బాధ్యతతో కూడుకున్నది. సమాజానికి రక్షణ కల్పించడంలో అత్యంత ముఖ్యమైనది. అందుకే ఎంతో మంది పోలీసుల పట్ల కృతజ్ఞతాభావంతో ఉంటారు. ముఖ్యంగా మహిళా పోలీసులంటే ఎక్కువ గరౌవం ఇస్తారు. అయితే ముంబై లాంటి మహానగరాల్లో మాత్రం పరిస్థితి కాస్త భిన్నంగా ఉటుంది. పోలీసులను కొందరు లెక్కచేయరు, గౌరవించరు. ఇప్పుడు అలాంటి ఘటనే జరిగింది. ముంబై లోకల్ రైలులో ప్రయాణించిన ఓ ఆకతాయి ప్రమాదకరంగా ఫుట్‌బోర్డుపైనే కూర్చున్నాడు. బాద్రా స్టేషన్‌లో విధులు నిర్వహిస్తున్న మహిళా పోలీసులను చూసి వేధించాడు. 'మేడం చాలా క్యూట్‌గా ఉన్నావ్‌' అంటూ ఈవ్‌ టీజ్‌ చేశాడు. ఆపై నోటికొచ్చింది వాగుతూ రెచ్చిపోయాడు. మహిళా పోలీసులను ఇతడు వేధించిన వీడియో సామాజిక మాధ్యమాల్లో వైరల్‌గా మారింది.  అయితే నిందితుడు దీన్ని సోషల్ మీడియాలో పోస్టు చేసేందుకు కావాలనే రికార్డు చేసినట్లు కన్పిస్తోంది. मुंबई पुलिस हमारी सेवा में साल के 365 दिन 24 घंटे रहती है ऐसे में महिला पुलिस के साथ मस्तान कंपनी नाम से सोशल मीडिया पर वीडियो डालकर कुछ लोग बदतिमीजी कर रहे है महिला का अपमान करने वाले और छेड़छाड़ करने वालो को सबक सिखाना चाहिए। @CMOMaharashtra @MumbaiPolice @Central_Railway pic.twitter.com/YsxRrOVKDw — जीवनधारा संघ ( NGO ) (@YOGibhai4091) March 13, 2023 ఈ వీడియోపై ముంబైకి చెందిన ఎన్‌జీఓ జీవధార సంఘ్ సీరియస్ అయింది. దీన్ని ట్విట్టర్‌లో షేర్ చేసి మహారాష్ట్ర సీఎం కార్యాలయం, ముంబై పోలీసులను ట్యాగ్ చేసింది. దేశంలోనే మహిళలకు సేఫ్ సిటీ అని ముంబైని పిలుస్తుంటారు, ఇలాంటి ఘటనలు జరిగితే నగర ప్రతిష్ఠ దెబ్బతింటుందని ఆవేదన వ్యక్తం చేసింది. ఆ ఆకతాయిపై కఠిన చర్యలు తీసుకుని ఇలాంటివి పునరావృతం కాకుండా చూడాలని కోరింది. చదవండి: 60 అడుగుల బోరుబావిలో పడిన చిన్నారి.. 44 అడుగులు తవ్విన రెస్క్యూ టీం

సాక్షి, హైదరాబాద్: వినాయక చవితి నుంచి నిమజ్జనం వరకు జరిగిన నవరాత్రి ఉత్సవాలపై నగర షీ– టీమ్స్‌కు చెందిన ప్రత్యేక బృందాల డేగకన్ను ఫలితంగా 240 మంది పోకిరీలు చిక్కినట్లు అదనపు సీపీ ఏఆర్‌ శ్రీనివాస్‌ సోమవారం ప్రకటించారు. నిమజ్జనం రోజుతో పాటు విగ్రహాలను ఏర్పాటు చేసిన మండపాల దగ్గరా షీ–టీమ్స్‌ నిఘా వేశాయి. మఫ్టీల్లో, రహస్య కెమెరాలతో ఉన్న ఈ బృందాలకు మహిళలు, యువతులను వేధిస్తున్న 240 మంది పోకిరీలు చిక్కారు. వీరిని పక్కా సాక్ష్యాలతో సంబంధిత కోర్టుల్లో హాజరుపరిచినట్లు ఏఆర్‌ శ్రీనివాస్‌ తెలిపారు. పోకిరీలకు కనిష్టంగా రెండు నుంచి గరిష్టంగా పది రోజుల వరకు జైలు శిక్ష విధించినట్లు చెప్పారు. షీ–టీమ్స్‌ కృషిని కొత్వాల్‌ సీవీ ఆనంద్‌ ప్రత్యేకంగా అభినందించారు.  విద్యార్థినులపై హెచ్‌ఎం అసభ్యకర ప్రవర్తన  మహబూబాబాద్‌ రూరల్‌: విద్యార్థినుల పట్ల అసభ్యకరంగా ప్రవర్తిస్తున్న ఓ హెచ్‌ఎంను పాఠశాలకు రావద్దని.. విద్యార్థుల తల్లిదండ్రులు, తండావాసులు వెళ్లగొట్టారు. మహబూబాబాద్‌ దూదియ తండాలోని ప్రభుత్వ ప్రాథమిక పాఠశాలలో హెచ్‌ఎం షేక్‌ సర్వర్‌ పాషా కొన్నిరోజులుగా తమతో అసభ్యంగా ప్రవర్తిస్తున్నాడని ఐదుగురు విద్యార్థినులు శుక్రవారం వారి తల్లిదండ్రులకు చెప్పారు. సోమవారం వారందరూ పాఠశాలకు చేరుకుని హెచ్‌ఎంను నిలదీశారు. పిల్లలకు విద్యాభోధన చేయాల్సిన అవసరం లేదని తేల్చిచెప్పారు. అయితే, తనను క్షమించమని, ఇంకోసారి ఇలాంటి తప్పు జరగకుండా పనిచేస్తానని ఉపాధ్యాయుడు చెప్పినట్లు గ్రామస్తులు తెలిపారు. అయితే.. కొన్ని రోజులుగా మద్యం తాగి పాఠశాలకు వచ్చి హెచ్‌ఎం తమను ఇబ్బందులకు గురి చేస్తున్నాడని విద్యార్థినులు ఆరోపించారు. గతంలోనూ ఇలాగే ప్రవర్తించాడని, ఇంట్లో చెబుతామంటే వద్దన్నాడని తెలిపారు. దీంతో విద్యార్థుల తల్లిదండ్రులు పర్వతగిరి జెడ్పీ హైస్కూల్‌ హెచ్‌ఎం రాందాస్‌కు ఫిర్యాదు చేశారు. దీనిపై విచారణ జరిపించిన డీఈఓ.. ఉపాధ్యాయుడు సర్వర్‌ పాషాను సస్పెండ్‌ చేశారు. (చదవండి: హాస్టల్‌లో కామాంధుడు.. విద్యార్థులకు వీడియోలు చూపించి..)

భోపాల్‌: ఈవ్‌ టీజింగ్‌ను ప్రతిఘటించిన మహిళపై ముగ్గురు బ్లేడుతో విచక్షణారహితంగా దాడిచేసి గాయపరిచారు. ముఖమంతా రక్తమోడుతున్న ఆమెకు ఆస్పత్రిలో 118 కుట్లువేసి చికిత్స చేశారు. భోపాల్‌లో జూన్‌ 9న జరిగిన ఈ ఘటన ఆలస్యంగా వెలుగుచూసింది. రాత్రిపూట భర్తతో కలిసి బైక్‌ మీద ఇంటికొస్తున్న మహిళపట్ల ఇద్దరుబాలురు, ఒక వ్యక్తి ఈవ్‌టీజింగ్‌కు పాల్పడ్డారు. ప్రతిఘటించిన ఆమె ముఖంపై 10 సెంటీమీటర్ల మేర లోతైన గాటు పెట్టి బ్లేడుతో పలుచోట్ల దాడిచేశారు. నిందితులను పోలీసులు అరెస్ట్‌చేశారు. నిందితులకు కఠిన శిక్ష పడేలా చూడాలని పోలీసు ఉన్నతాధికారులను సీఎం శివరాజ్‌ ఆదేశించారు. బాధితురాలిని సీఎం పరామర్శించి లక్ష ఆర్థికసాయం ప్రకటించారు. మున్సిపల్‌ అధికారులు ఒక నిందితుని ఇంటిని కూల్చివేశారు.   अन्याय का प्रतिकार करना अन्य लोगों के लिए प्रेरणा का कार्य है, इस नाते बहन सीमा अन्य महिलाओं के लिए प्रेरक भी हैं। उनके बेटा और बेटी पढ़ते हैं और उनके सहयोग के लिए भी कलेक्टर भोपाल को आवश्यक निर्देश दिये हैं। pic.twitter.com/BXQ5ywPCxG — Shivraj Singh Chouhan (@ChouhanShivraj) June 12, 2022

సాక్షి, సిటీబ్యూరో: ఈవ్‌ టీజర్ల ఆగడాలు రోజురోజుకూ పెరిగిపోతున్నాయి. మహిళలు, అమ్మాయిలను నడి రోడ్డు మీదే అసభ్య పదజాలంతో దూషించడం, ఫోన్, సోషల్‌ మీడియాలలో వేధిస్తున్నారు. 319 మంది ఈవ్‌ టీజర్లకు, వారి కుటుంబ సభ్యుల సమక్షంలో సైబరాబాద్‌ షీ టీమ్స్‌ కౌన్సెలింగ్‌ ఇచ్చాయి. వీరిలో 98 మంది మైనర్లే ఉన్నారు. 19–24 ఏళ్ల వయస్కులు 112 మంది ఉండగా.. 25–35 ఏళ్ల వాళ్లు 92 మంది, 36–50 ఏళ్ల వయస్సు వారు 17 మంది ఉన్నారు. గత రెండు నెలలో సైబరాబాద్‌ షీ టీమ్‌కు వివిధ మాధ్యమాల ద్వారా 355 ఫిర్యాదులు అందాయి. వీటిలో అత్యధికంగా 299 ఫిర్యాదుల వాట్సాప్‌ ద్వారా చేయగా.. ట్విటర్‌లో 8 మంది, హ్యాక్‌ ఐలో 7 మంది, ఈ–మెయిల్‌ ద్వారా 5 మంది, ఉమెన్‌ సేఫ్టీ వింగ్‌ ద్వారా 36 మంది, భౌతికంగా 30 మంది ఫిర్యాదు చేశారు. ఫోన్‌లో మహిళలను వేధించే ఆకతాయిలే ఎక్కువ. గత రెండు నెలలలో 141 పిటీషన్లు ఈ తరహావే కావటం గమనార్హం. ఆ తర్వాత బ్లాక్‌ మెయిల్‌ చేస్తున్నారని 34 మంది, సోషల్‌ మీడియాలో 33, బెదిరింపులు 33, స్టాల్కింగ్‌ 35 మంది, పెళ్లి చేసుకుంటానని మోసం పోయిన మహిళలు 19 మంది, అసభ్యప్రవర్తన 31, వాట్సాప్‌లో వేధింపులు 11, కామెంట్లు 7 మంది, రహస్యంగా మహిళల ఫొటోలు, వీడియోల చిత్రీకరణ 3, పని ప్రదేశాలలో వేధింపులు 3, ప్రేమ సమస్యలు 2, ఫ్లాషింగ్‌ 2 మంది మహిళా బాధితులున్నారు.  7 బాల్య వివాహాలకు చెక్‌..  గత రెండు నెలల వ్యవధిలో సైబరాబాద్‌ కమిషనరేట్‌లో 7 బాల్య వివాహాలను షీ టీమ్‌లు అడ్డుకున్నాయి. 81 కేసులను నమోదు చేశాయి. వీటిలో 18 క్రిమినల్‌ కేసులు కాగా.. 63 పెట్టీ కేసులున్నాయి. బస్టాప్స్, రైల్వే స్టేషన్లు, మాల్స్, కాలేజీలు వంటి బహిరంగ ప్రదేశాలలో 1,003 డెకాయ్‌ ఆపరేషన్లను నిర్వహించారు. ఆయా ప్రాంతాలలో 248 మంది రెడ్‌ హ్యాండెడ్‌గా పట్టుబడగా.. వీటిలో 117 పెట్టీ కేసులను నమోదు చేశారు. మిగిలిన ఆకతాయిలను కౌన్సెలింగ్‌కు పంపించారు. సైబరాబాద్‌ కమిషనరేట్‌ పరిధిలో రాత్రి సమయాల్లో నిర్వహించిన డెకాయ్‌ ఆపరేషన్లలో 75 మంది రెడ్‌ హ్యాండెడ్‌గా పట్టుబడ్డారు. ఉమెన్‌ అండ్‌ చిల్డ్రన్‌ సేఫ్టీ వింగ్, సైబరాబాద్‌ షీ టీమ్‌ సంయుక్తంగా కలిసి కౌన్సెలింగ్‌ ఇచ్చాయి.