TV
కర్రతో ఈవ్‌ టీజర్లపై శివంగిలా యువతి దూకి..
వేధింపులకు గురిచేయాలని ప్రయత్నించిన ఇద్దరు వ్యక్తులకు ఓ యువతి తగిన బుద్ధి చెప్పింది. శివంగిలా వారిపై దూకి దుమ్ము దులిపింది.
లక్నో: వేధింపులకు గురిచేయాలని ప్రయత్నించిన ఇద్దరు వ్యక్తులకు ఓ యువతి తగిన బుద్ధి చెప్పింది. శివంగిలా వారిపై దూకి దుమ్ము దులిపింది. ఎంతలా అంటే ఆమె కోపానికి భయపడి ఏ ఒక్కరు ఆమెను ఆపే సాహసం చేయలేదు. వివరాల్లోకి వెళితే..లక్నోలో స్కూటర్‌పై ఓ యువతి వెళుతుండగా బైక్‌పై వెళుతున్న ఇద్దరు వ్యక్తులు ఆమెను ఫాలో అవుతూ అసభ్యంగా ప్రవర్తించేందుకు ప్రయత్నించారు.
అనకూడని మాటలు అన్నారు. దీంతో చిర్రెత్తిపోయిన ఆ యువతి వెంటనే తన స్కూటీని ఆపేసి ఓ సెక్యూరిటీ గార్డు నుంచి కర్ర లాగేసుకుని వాళ్లను చిత్తుగా కొట్టింది. ఆమె దాడి చేసే తీరు చూసి భయంతో ఏ ఒక్కరు కూడా ఆమెను ఆపే ప్రయత్నం చేయలేదు. వారిని చితక్కొట్టిన ఆ యువతి అనంతరం మహిళా పోలీసుల హెల్ప్‌లైన్‌ నంబర్‌ 1090కు ఫోన్‌ చేసి వారిని పట్టించింది.
