హైదరా‘బాత్‌’.. క్యా హై!తమ గ్లోబల్‌ ఈవెంట్‌ మరింత ప్రజాదరణ పొందేలా చేయడానికి మిస్‌ వరల్డ్‌ పోటీ నిర్వాహకులు దేశంలోని సినీ రంగ ప్రముఖులకు ప్రత్యేక ఆహ్వానాలు పంపడం సాధారణమే. ఫ్యాషన్, గ్లామర్, సామాజిక సేవ అనే రంగాల సంగమంగా ఈ వేడుక సాగుతుంది కాబట్టి సినిమా రంగం తోడ్పాటును వారు ఎప్పుడూ ఆహా్వనిస్తారు. కొన్ని సందర్భాల్లో సెలబ్రిటీలు జడ్జీలుగా లేదా స్పెషల్‌ గెస్టులుగా కూడా పాల్గొంటారు. అయితే ఈ దఫా ఈవెంట్‌లో జడ్జిగా ఇప్పటివరకూ ఒక్క సోనూసూద్‌ పేరు తప్ప మరెవరి పేరూ వినిపించడం లేదు. అలాగే నగరం వేదికగా జరుగుతున్న ఈ పోటీల్లో నాగార్జున లాంటి ఒకరిద్దరు తప్ప టాలీవుడ్‌ సెలబ్రిటీల జాడ కనపడడం లేదు. ఇటీవలి కాలంలో పాన్‌ ఇండియా సార్లుగా పేరు తెచ్చుకున్న పలువురు టాలీవుడ్‌ నటులు ఈ పోటీల వైపు కన్నెత్తి చూస్తున్నట్టు గానీ, వీటి గురించి పన్నెత్తి మాట్లాడుతున్నట్టు గానీ లేదు. తుది పోటీలకు ఇంకా కేవలం 5 రోజులు మాత్రమే మిగిలి ఉన్న నేపథ్యంలో.. ఫైనల్స్‌లో అయినా టాలీవుడ్‌ తారలు సందడి చేస్తారని, నగర ప్రతిష్టను అంతర్జాతీయంగా ఇనుమడింపజేసే ఈవెంట్‌కు అదనపు జోష్‌ జత చేస్తారని ఆశిద్దాం.సాక్షి, హైదరాబాద్‌: ప్రపంచంలో అత్యంత ప్రతిష్టాత్మకమైన, అత్యంత పురాతనమైన అందాల పోటీ మిస్‌ వరల్డ్‌. ఈ పోటీలు మన దేశపు అతివల అందాన్ని మాత్రమే కాదు మేధస్సును, శక్తియుక్తులను ప్రపంచానికి అనేకసార్లు చాటి చెప్పాయి. ఈ పోటీలకు ఆతి«థ్యం ఇచ్చే అవకాశం తొలిసారి ఓ తెలుగు రాష్ట్రానికి, అందులోనూ తెలంగాణకు దక్కింది. గత కొన్నిరోజుల క్రితం ప్రారంభమైన ఈ పోటీలు వైభవోపేతంగా జరుగుతున్నాయి. వివిధ రకాల పోటీల్లో పాల్గొంటూ సుందరీమణులు సందడి చేస్తున్నారు. హైదరాబాద్‌లో ఇంత హల్‌చల్‌ జరుగుతున్నా.. టాలీవుడ్‌ మాత్రం అంత పట్టించుకున్నట్టు కనిపించడం లేదు. తెలుగు చలనచిత్ర పరిశ్రమకు చెందిన ప్రముఖుల నిరాసక్తత చర్చనీయాంశంగా మారుతోంది. నేరుగా మోడలింగ్, సినిమాలతో అనుబంధం కలిగి ఉండే ఈ పోటీల విషయంలో చిత్ర పరిశ్రమ తీరు ఆశ్చర్యకరంగా, ఒకింత ఆక్షేపణీయంగా కూడా ఉంది. బెంగళూరు.. బాలీవుడ్‌ సందడి ప్రపంచ సుందరి పోటీలు భారత్‌లో ఇంతకుముందు రెండుసార్లు జరిగాయి తొలుత బెంగళూరులో 1996లో జరగగా, 2024లో ముంబయిలో జరిగాయి. ఈ రెండు సందర్భాల్లోనూ మిస్‌ వరల్డ్‌ ఈవెంట్‌కు భారతీయ సినిమా పరిశ్రమ నుంచి విశేష మద్దతు లభించింది. తొలిసారి బెంగళూరులో జరిగిన పోటీల నిర్వహణ బాధ్యతలను బిగ్‌ బి అమితాబ్‌ బచ్చన్‌కు చెందిన ఏబీసీఎల్‌ తలకెత్తుకోగా.. బాలీవుడ్‌ నుంచి పలువురు తారాగణం తరలివచ్చి ఆ ఈవెంట్‌లో పాల్గొన్నారు. ముఖ్యంగా మన తొలి మిస్‌ వరల్డ్‌గా ప్రపంచ వ్యాప్తంగా పేరొందిన, బాలీవుడ్‌ స్టార్‌ ఐశ్వర్యా రాయ్‌ ప్రత్యేక ఆకర్షణగా నిలిచారు. ముంబై... స్టార్స్‌ జై ముంబైలో నిర్వహించిన మిస్‌ వరల్డ్‌ పోటీల నిర్వహణ బాధ్యతల్లో బాలీవుడ్‌ దర్శక నిర్మాత కరణ్‌ జోహార్, మేగన్‌ యంగ్‌ సంస్థలు పాలుపంచుకున్నాయి. అప్పుడు కూడా భారతీయ సినీ పరిశ్రమల నుంచి పలువురు ప్రముఖులు హాజరయ్యారు. బాలీవుడ్‌ నుంచి కరణ్‌ జోహార్‌తో పాటు దీపికా పదుకొణె, ఆలియా భట్‌..దక్షిణాది నుంచి మణిరత్నం, ప్రకాశ్‌ రాజ్, రమ్యకృష్ణ తదితరులు పాల్గొన్నారు. ఇక ఐశ్వర్యారాయ్, ప్రియాంకా చోప్రా, మానుషి చిల్లర్‌ వంటి మిస్‌ వరల్డ్‌ మాజీ విజేతలు ఆ పోటీలకు అదనపు ఆకర్షణ చేకూర్చారు. ఇక కృతిసనన్, పూజా హెగ్డే, సోనాక్షి సిన్హా, మన్నారా చోప్రా తదితర హీరోయిన్లతో పాటు నిర్మాత, దర్శకుడు సాజిద్‌ నడియాడ్‌వాలాలు న్యాయనిర్ణేతలుగా వ్యవహరించారు. ఈ పోటీలకు హాజరైన వారిలో బాలీవుడ్‌ చిన్నితెర ప్రముఖులు కూడా ఉండడం విశేషం. రుబీనా దిలైక్, అభినవ్‌ శుక్లా, దివ్యాంకా త్రిపాఠి, వివేక్‌ దహియా తదితర చిన్నితెర స్టార్స్‌ కూడా హాజరయ్యారు. బాలీవుడ్‌ గాయనీ గాయకులు నేహా కక్కర్, టోనీ కక్కర్‌లు, షాన్‌లు తమ సంగీత ప్రదర్శనలతో అలరించారు.

‘అమెరికా ఫస్ట్‌’అనే విధానంతో ప్రపంచ దేశాలపై ‘సుంకాల యుద్ధం’ ప్రకటించాడు అమెరికా అధ్యక్షుడు డోనాల్డ్‌ ట్రంప్‌. ఇప్పటికే వివిధ రంగాలపై భారీగా టారీఫ్‌ విధించిన ట్రంప్‌..ఇప్పుడు సినిమా రంగంపై విరుచుపడ్డాడు. అమెరికాలో కాకుండా ఇతర దేశాలలో నిర్మించిన చిత్రాలపై 100 శాతం సుంకం విధిస్తున్నట్లు ప్రకటించి సినిమా రంగానికి షాకిచ్చాడు. ట్రంప్‌ నిర్ణయం భారత సినీ పరిశ్రమపై ముఖ్యంగా టాలీవుడ్‌పై తీవ్ర ప్రభావం చూపే అవకాశం ఉందని సినీ పండితులు చెబుతున్నారు.గతకొన్నేళ్లుగా అమెరికాలో బాలీవుడ్‌, టాలీవుడ్‌ సినిమాకు మంచి డిమాండ్‌ ఉంది. అక్కడ భారీగా కలెక్షన్స్‌ రాబట్టే చిత్రాలలో టాలీవుడ్‌, బాలీవుడ్‌ చిత్రాలు అగ్రస్థానంలో ఉంటాయి. పటాన్‌, ఆర్‌ఆర్‌ఆర్‌, డంకీ, పుష్ప, జవాన్‌ లాంటి చిత్రాలు అక్కడ రికార్డు స్థాయిలో వసూళ్లను రాబట్టాయి. (చదవండి: దయలేని ట్రంప్‌.. ఈసారి సినిమాపై 100% సుంకం)ముఖ్యంగా తెలుగు సినిమాలకు ఉత్తర అమెరికాలో భారీ క్రేజీ ఉంది. ఇండియా కంటే ఒక్క రోజు ముందుగానే అక్కడ సినిమాను రిలీజ్‌ చేస్తారు. అక్కడ హిట్‌ టాక్‌ వస్తే.. ఇక్కడ కలెక్షన్స్‌ భారీగా పెరిగే అవకాశం ఉంటుంది. ఇప్పుడు ట్రంప్‌ వేసిన టారీఫ్‌ బాంబుకి అక్కడి డిస్ట్రిబ్యూషన్ వర్గాలు కుదేలు అవ్వడం ఖాయం అని సినీ విశ్లేషకులు అభిప్రాయపడుతున్నారు.ట్రంప్‌ చెప్పినట్లుగా విదేశీ చిత్రాలకు 100 శాతం సుంకం విధిస్తే.. ఒక మిలియన్‌ డాలర్‌కు సినిమాను కొనుగోలు చేసిన డిస్ట్రిబ్యూటర్‌ మరో మిలియన్‌ డాలర్‌ని టాక్సీగా చెల్లించాల్సి ఉంటుంది. అంటే డిస్ట్రిబ్యూటర్‌ రెట్టింపు ధరను చెల్లించి ఇండియన్‌ సినిమాలను కొనుగోలు చేయాలన్నమాట. ఈ భారం ప్రేక్షకుడిపై వేయాల్సి ఉంటుంది. లాభాల కోసం టికెట్‌ ధరను పెంచాల్సి వస్తుంది. ఇప్పుడున్న ధరకే ప్రేక్షకులు థియేటర్స్‌కి వెళ్లడం లేదు. ఇక ధరలు పెంచితే.. అమెరికాలో కూడా థియేటర్స్‌ ఖాలీ అవ్వడం ఖాయమని సినీ పండితులు అభిప్రాయపడుతున్నారు. ఇండియన్‌ సినిమాలను కొనుగోలు చేయాలంటే ఇప్పుడున్న రేటుకి రెట్టింపు చెల్లించాలి కాబట్టి..అక్కడి డిస్ట్రిబ్యూటర్స్‌ వెనుకడుగు వేస్తారు. అలాగే ఓటీటీలకు కూడా ట్రంప్‌ నిర్ణయం వర్తిసుందని చెబితే మాత్రం.. అమెజాన్‌, నెట్‌ఫ్లిక్స్‌ లాంటి సంస్థలు ఇండియన్‌ సినిమాలకు తక్కువ డబ్బులు చెల్లించే అవకాశం ఉంది. మొత్తంగా అమెరికా మార్కెట్‌ దృష్టిలో పెట్టుకొని భారీ బడ్జెట్‌తో తెరకెక్కుతున్న సినిమాలకు ట్రంప్‌ భారీ షాకిచ్చాడనే చెప్పాలి.పాన్‌ ఇండియా సినిమాపై ట్రంప్‌ ఎఫెక్ట్‌అమెరికా మార్కెట్‌ని దృష్టిలో పెట్టుకొని ఇప్పటికే భారీ బడ్జెట్‌తో కొన్ని చిత్రాలు తెరకెక్కుతున్నాయి. ప్రభాస్‌ ‘ది రాజా సాబ్‌’, ధనుష్‌ ‘కుబేర’, పవన్‌ కల్యాణ్‌ ‘హరిహర వీరమల్లు’, చిరంజీవి ‘విశ్వంభర’ తదితర చిత్రాలన్ని త్వరలోనే విడుదల కావాల్సి ఉంది. ఓవర్సిస్‌ బిజినెస్‌ని దృష్టిలో పెట్టుకొని ఈ చిత్రాలకు భారీగానే ఖర్చు పెడుతున్నారు. ఇప్పుడు ట్రంప్‌ విధించిన 100 శాతం సుంకం కారణంగా ఈ చిత్రాలకు జరిగే బిజినెస్‌లో తేడాలు వస్తాయి. ఓవర్సీస్‌లో తక్కువ ధరకు అమ్మాల్సి వస్తుంది. అలాగే ఓటీటీలో కూడా కొనుగోలు విషయంలో వెనకడుకు వేసే అవకాశం ఉంది. అయితే ట్రంప్‌ నిర్ణయాలు ఎప్పటికప్పుడు మారుతూ ఉంటాయి. సినిమా రంగంపై విధించిన వందశాతం టారీఫ్‌ విషయంలో ఆయన మరోసారి ఆలోచన చేస్తాడా? మనసు మార్చుకొని టారిఫ్‌ తగ్గిస్తాడా లేదా చూడాలి.

పాయల్‌ రాజ్‌పుత్‌ లీడ్‌ రోల్‌లో ఓ పాన్‌ ఇండియా మూవీ రూపొందనుంది. ఈ చిత్రానికి ముని దర్శకత్వం వహించనున్నారు. సినిమా టికెట్‌ ఎంటర్‌టైన్‌మెంట్స్‌– అర్జున్‌ ఆర్ట్స్‌పై రూపొందనున్న ఈ చిత్రం ఈ నెల 24న హైదరాబాద్‌లోప్రారంభం కానుంది. ‘‘పాయల్‌ రాజ్‌పుత్‌ మరో వైవిధ్యమైన పాత్రలో నటించనున్న చిత్రమిది. ఆమె క్యారెక్టర్‌లో పలు భావోద్వేగాలు ఉంటాయి’’ అని చిత్రబృందం పేర్కొంది.

న్యూఢిల్లీ, సాక్షి: నానాటికీ పెరిగిపోతున్న పర్యావరణ కాలుష్యంపై దేశ సర్వోన్నత న్యాయస్థానం ఆసక్తికర వ్యాఖ్యలు చేసింది. దీన్నొక పాన్‌ ఇండియా సమస్యగా అభివర్ణిస్తూ.. సోమవారం కేంద్ర ప్రభుత్వానికి కీలక ఆదేశాలు జారీ చేసింది. ఢిల్లీ మాత్రమే కాదు.. దేశంలో ఏయే నగరాల్లో అత్యధిక కాలుష్యం నమోదు అవుతుందో ఓ జాబితా అందించాలని ఆ ఆదేశాల్లో కేంద్రానికి స్పష్టం చేసింది.‘‘వాయుకాలుష్యం ఏయే నగరాల్లో తీవ్రంగా ఉందో ఓ జాబితా ఇవ్వండి. ఇది ముమ్మాటికీ పాన్‌ ఇండియా సమస్యే. కేవలం ఢిల్లీకి మాత్రమే మేం ఈ అంశాన్ని పరిమితం చేయాలని అనుకోవడం లేదు. అలా గనుక విచారణ జరిపితే జనాల్లోకి తప్పుడు సంకేతం వెళ్తుంది. అందుకే ఈ ఆదేశాలిస్తున్నాం’’ అని ఢిల్లీ కాలుష్యంపై దాఖలైన ప్రజా ప్రయోజన వ్యాజ్యం విచారణ జరుపుతున్న జస్టిస్‌ అభయ్‌ ఎస్‌ ఒకా, జస్టిస్‌ మన్మోహన్‌లతో కూడిన ధర్మాసనం కేంద్రాన్ని ఆదేశించింది. ఢిల్లీ-ఎన్‌సీఆర్‌ పరిధిలో కాలుష్య నియంత్రణకు కమిషనర్‌ ఫర్‌ ఎయిర్‌ క్వాలిటీ మేనేజ్‌మెంట్‌(CAQM) ఎలా ఉందో.. కాలుష్యం తీవ్రస్థాయిలో ఉన్న నగరాల్లో అలాంటి వ్యవస్థలు అవసరమని కోర్టు అభిప్రాయపడింది. ఇతర రాష్ట్రాల్లో అలాంటి వ్యవస్థలు ఏమైనా ఉన్నా తమ దృష్టికి తీసుకురావాలని కేంద్రానికి స్పష్టం చేసింది.దేశ రాజధానిలో కాలుష్యం తగ్గుముఖం పట్టడం కోసం గ్రేడెడ్ రెస్పాన్స్ యాక్షన్ ప్లాన్ విధానాన్ని దశలవారీగా అమలు చేస్తున్నారు. అయితే.. ఎన్సీఆర్‌ పరిధి వెలుపల నగరాలు ఈ విధానం పాటించడం లేదని, పంటలను తగలబెట్టడం ఇతర రాష్ట్రాలకూ ప్రధాన సమస్యగా ఉందని కోర్టు కమిషనర్లు ధర్మాసనం దృష్టికి తీసుకొచ్చారు. ఈ క్రమంలో.. పిల్‌ పరిధిని పెంచుతూ సుప్రీం కోర్టు తాజా ఆదేశాలిచ్చింది. గత నెలలో.. ఢిల్లీలో కాలుష్యం ప్రమాద స్థాయికి చేరింది. ఈ నేపథ్యంలో ఢిల్లీ ఎన్సీఆర్‌ పరిధిలో వాయుకాలుష్యాన్ని నవంబర్‌ 18వ తేదీ నుంచి సుప్రీం కోర్టు పర్యవేక్షిస్తోంది. అలాగే.. సీఏక్యూఎం ఆదేశాలు సక్రమంగా అమలు అవుతున్నాయో లేదో పరిశీలిస్తోంది. ఢిల్లీలో మళ్లీ GRAP-3ఢిల్లీలో సోమవారం వాయు కాలుష్యం మరోసారి ప్రమాదకర స్థాయికి చేరింది. దీంతో.. GRAP-3 విధానం కఠినంగా అమలు చేయాలని సీఏక్యూఎం ఆదేశించింది. ఈ విధానం ప్రకారం.. విద్యాసంస్థల తరగతులు హైబ్రిడ్‌ విధానంలో అమలు కానున్నాయి. అంటే.. ప్రాథమిక తరగతుల క్లాసులు ఆన్‌లైన్‌లో జరగనున్నాయి. ఇక.. నిత్యావసర వస్తువులకు చెందని డిజీల్‌ వాహనాలపై నిషేధం అమలు చేస్తారు.చదవండి👉🏼: అమిత్‌ షాజీ.. రాజధాని ఎలా మారిందో చూడండి!

‘‘సంబరాల ఏటిగట్టు’ తేజుకి 18వ సినిమా. అందరికీ ఒకటే మాట చెబుతున్నా. తేజు ఊచకోత ఎలా ఉంటుందో ఈ సినిమాతో చూడబోతున్నారు. ఔట్‌ స్టాండింగ్‌ విజువల్స్‌. డైరెక్టర్‌ రోహిత్‌ మొదటి సినిమా చేస్తున్నట్టుగా లేదు.. చాలా అద్భుతంగా తీస్తున్నాడు’’ అని రామ్‌ చరణ్‌ తెలిపారు. సాయిదుర్గా తేజ్‌ నటిస్తున్న తాజా చిత్రానికి ‘ఎస్‌వైజీ’(సంబరాల ఏటిగట్టు) అనే టైటిల్‌ని ఖరారు చేశారు. నూతన దర్శకుడు రోహిత్‌ కేపీ దర్శకత్వం వహిస్తున్న ఈ చిత్రంలో ఐశ్వర్య లక్ష్మి హీరోయిన్‌. ప్రైమ్‌షో ఎంటర్‌టైన్ మెంట్‌పై కె.నిరంజన్‌ రెడ్డి, చైతన్య రెడ్డి ఈ పాన్‌ ఇండియా ప్రాజెక్ట్‌ను నిర్మిస్తున్నారు. ఈ సినిమాని 2025 సెప్టెంబర్‌ 25 తెలుగు, తమిళం, హిందీ, కన్నడ, మలయాళంలో విడుదల చేయనున్నట్లు ప్రకటించారు మేకర్స్‌. గురువారం హైదరాబాద్‌లో నిర్వహించిన కార్యక్రమంలో ఈ మూవీ టైటిల్‌ టీజర్‌ని రామ్‌ చరణ్‌ విడుదల చేసి, మాట్లాడుతూ–‘‘తేజు ఈరోజు ఇక్కడ ఇలా నిలిచి ఉండటానికి కారణం అభిమానుల ఆశీర్వాదాలే. ఇది తనకి పునర్జన్మ. ఈ జన్మ అభిమానులే ఇచ్చారు. అంటే తను మా తేజ్‌ కాదు.. మీ తేజ్‌. తనపై ఇంత పెద్ద బడ్జెట్‌ పెడుతున్న నిర్మాతలు నిరంజన్, చైతన్యగార్లను చూస్తే సినిమా పట్ల వారికి ఉన్న ప్యాషన్‌ తెలిస్తోంది. ఈ చిత్రం బిగ్గెస్ట్‌ బ్లాక్‌ బస్టర్‌ కావాలి’’ అన్నారు. అల్లు అరవింద్‌ మాట్లాడుతూ–‘‘తేజు ఇండస్ట్రీకి వచ్చి పదేళ్లు అయిందంటే నమ్మశక్యంగా లేదు. మా విజయ దుర్గ అదృష్టవంతురాలు. తన పేరును తీసుకెళ్లి తన పేరులో పెట్టుకున్నాడు తేజు(సాయి దుర్గా తేజ్‌). అలాంటి కొడుకు ఉండటం అదృష్టం. తను మృత్యుంజయుడు’’ అని తెలిపారు. సాయి దుర్గా తేజ్‌ మాట్లాడుతూ–‘‘ఈ వేదికపై నేను ఉండటానికి కారణమైన మా ముగ్గురు మావయ్యలకి ఎప్పటికీ రుణపడి ఉంటాను. మీ(అభిమానులు) అందరి ప్రేమను ΄÷ందే అదృష్టం నాకు దక్కింది. బైక్‌ నడుపుతున్నప్పుడు నేను హెల్మెట్‌ ధరిస్తాను.. మీరు కూడా హెల్మెట్‌ ధరించాలి’’ అని కోరారు. ‘‘ఈ సినిమా చేసే అవకాశం ఇచ్చిన నిర్మాతలకు, తేజుగారికి ధన్యవాదాలు’’ అన్నారు రోహిత్‌ కేపీ. ‘‘సంబరాల ఏటిగట్టు’ చాలా కొత్తగా, అద్భుతంగా ఉంటుంది. ఈ సినిమాని మీరందరూ ఆశీర్వదిస్తారని కోరుకుంటున్నాను’’ అన్నారు చైతన్య రెడ్డి. ఈ కార్యక్రమంలో హీరోయిన్‌ ఐశ్వర్య లక్ష్మి, డైరెక్టర్స్‌ వైవీఎస్‌ చౌదరి, దేవా కట్టా, కిషోర్‌ తిరుమల, మారుతి, అనిల్‌ రావిపూడి, ప్రశాంత్‌ వర్మ, నిర్మాతలు టీజీ విశ్వప్రసాద్, ఎస్‌కేఎన్‌ మాట్లాడారు.

'ఈశ్వర్‌'లా వెండితెరపై అడుగుపెట్టి అభిమానుల చేత 'సాహో' అనిపించుకున్నాడు. నేడు ఇండియన్‌ బాక్సాఫీస్‌కు 'ఛత్రపతి'లా 'ఏక్‌ నిరంజన్‌' అయ్యాడు. కేవలం రూ.100 కోట్లకే పరిమితమైన తెలుగు చిత్ర పరిశ్రమ మార్కెట్‌ను ఏకంగా రూ.2 వేల కోట్లకు చేర్చి తెలుగోడి సత్తా ఏంటో బాలీవుడ్‌కు పరిచయం చేశాడు. తను పుట్టిన గడ్డపై ప్రకృతి కన్నేర్ర చేస్తే తనవంతుగా 'పౌర్ణమి' లాంటి వెలుగును అందింస్తాడు. సిల్వర్‌ స్క్రీన్‌పై పౌరుషంతో కదం తొక్కే 'మిర్చి'లాంటి కుర్రాడిగానే కనిపిస్తూనే అమ్మాయిల కలల రాకుమారుడిగా 'డార్లింగ్‌' అని పిలిపించుకుంటాడు. ప్రస్తుతం ఇండియన్‌ బాక్సాఫీస్‌లో 'సలార్‌' రూలింగ్‌ మాత్రమే జరుగుతుంది. ఇవాళ యంగ్‌ రెబల్‌ స్టార్‌ ప్రభాస్‌ పుట్టిన రోజు సందర్భంగా మరిన్ని విషయాలు మీ కోసం..ప్రభాస్‌ పూర్తి పేరు వెంకట సత్యనారాయణ ప్రభాస్‌ రాజు ఉప్పలపాటి. అందరూ ముద్దుగా ప్రభ, డార్లింగ్‌ అని పిలుస్తారు. చిన్నప్పటి నుంచి నటుడవ్వాలని ప్రభాస్‌ ఎప్పుడూ అనుకోలేదు. అయితే, ప్రభాస్‌ మంచి ఎత్తుతో పాటు చాలా గ్లామర్‌గా ఉండటంతో అందరూ ఆయన్ను 'హీరో... హీరో' అని పిలిచేవారట. కానీ సినిమాలంటే చాలా భయపడేవాడట. తనకు తెలిసిన మొదటి హీరో పెదనాన్న కృష్ణంరాజు. ఆయనకు ప్రభాస్‌ బిగ్‌ ఫ్యాన్‌ కూడా... ఓ రోజు భక్తకన్నప్ప సినిమా షూటింగ్‌ జరుగుతుంటే అక్కడికి ప్రభాస్‌ కూడా వెళ్లాడు.. అలా సినిమా సెట్‌లోని వాతావరణానికి అలవాటు పడ్డాడు. రోజూ పెదనాన్న కృష్ణంరాజు నటించిన సినిమాలు చూస్తూ అలా తన కూడా ఇండస్ట్రీలో అడుగుపెట్టాలని డిసైడ్‌ అయ్యాడు.వరుసగా ప్లాపులొచ్చినా మళ్లీ.. మళ్లీ తిరిగొచ్చాడుకృష్ణంరాజు వారసుడిగా 2002లో ఈశ్వర్ సినిమాతో ప్రభాస్ తెరంగేట్రం చేశాడు. ఈ సినిమా నటుడు విజయ్ కుమార్ కుమార్తె శ్రీదేవికి కూడా తెలుగులో తొలి సినిమా. ఈ సినిమా విజయం సాధించినా ఆ తర్వాత 2003లో విడుదలైన 'రాఘవేంద్ర' సినిమా పరాజయం పాలైంది. ఈ రెండు చిత్రాలతో నటన, హావభావాలతో ఆకట్టుకున్నాడనే ప్రశంసలు ప్రభాస్‌కు దక్కాయి. కానీ, చిత్రపరిశ్రమలో తన మార్క్‌ వేయలేకపోయాడు. దీంతో మూడో చిత్రంతో మంచి విజయం అందుకోవాలని చాలా ఆశలు పెట్టుకుని 2004లో త్రిష కాంబినేషన్‌తో 'వర్షం' తెరకెక్కించారు. సినిమా విడుదల తర్వాత పర్వాలేదనే టాక్‌ మాత్రమే వినిపించింది. దీంతో ఈ చిత్రం కూడా పోయిందని ప్రభాస్‌ అనుకున్నాడు. అయితే, వారం తర్వాత వర్షంలా కలెక్షన్స్‌ పెరిగాయి. ఆపై సూపర్‌ హిట్‌ టాక్‌తో బాక్సాఫీస్‌ వద్ద భారీ విజయాన్ని నమోదు చేశాడు. అలా ప్రభాస్‌ కెరియర్‌లో తొలి విజయాన్ని అందుకున్నాడు. ఆ తర్వాత ప్రభాస్ అడవి రాముడు, చక్రం సినిమాల్లో నటించాడు. ఈ రెండు చిత్రాలు అట్టర్‌ ఫ్లాప్స్‌ కావడంతో మళ్లీ వర్షం లాంటి సినిమాతో హిట్‌ కొట్టాలని ప్రభాస్‌ తపించాడు. అలాంటి సమయంలో ‘ఛత్రపతి’ (2005) బ్లాక్‌బస్టర్‌ కొట్టాడు. మళ్లీ రెండేళ్ల పాటు ఒక్క హిట్‌ లేదు. పౌర్ణమి, యోగి, మున్నా వరుసుగా మళ్లీ పరాజయాలే.. ఇలా ఇండస్ట్రీలో పడిపోయిన ప్రతిసారి తిరిగి తానేంటో నిరూపించుకున్నాడు. పూరి జగన్నాథ్‌ దర్శకత్వంలో 'బుజ్జిగాడు'తో డిఫరెంట్‌ మ్యానరిజాన్ని టాలీవుడ్‌కు పరిచయం చేశాడు. 'బిల్లా'తో తనలోని స్టైలిష్‌ లుక్‌ను పరిచయం చేసిన ప్రభాస్‌ ఏక్‌ నిరంజన్‌తో మరో కోణాన్ని పరిచయం చేశాడు. అలా డార్లింగ్‌, మిస్టర్‌ పర్‌ఫెక్ట్‌, మిర్చి చిత్రాలతో అదరగొట్టేశాడు. బాహుబలి కోసం ఒకేఒక్కడుబాహుబల సమయంలో ప్రతి హీరో ఏడాదికి రెండు సినిమాలు తీస్తున్నాడు. కానీ ప్రభాస్‌ మాత్రం 'బాహుబలి' కోసం జక్కన్నకి ఐదేళ్లు పూర్తి కాల్షీట్లు ఇచ్చేశాడు. అప్పుడు దేశంలో ఇదో సంచలనం. అన్ని రోజులపాటు మరో సినిమా ఒప్పుకోకుండా నిలబడిని ఏకైక హీరోగా ఆయన పేరుపొందాడు. ఆ సమయంలో అనుష్క,రానా,తమన్నా వంటి వారందరూ వేరే సినిమాలు చేశారు. ప్రభాస్‌ ఒక్కడే బాహుబలి మొత్తం అయ్యే వరకు ఒకే సినిమాకి పనిచేశాడు. ప్రభాస్‌ పడిన కష్టానికి ఫలితం దక్కింది. ఈ సినిమాతో పాన్‌ ఇండియా స్టార్‌గా ఎనలేని గుర్తింపు వచ్చింది. ఇక్కడి నుంచే ప్రభాస్‌ నటిస్తున్న ప్రతి సినిమా కోసం నార్త్‌ ఇండియా ప్రేక్షకులూ ఆసక్తితో ఎదురుచూస్తున్నారు. ఈ సినిమా తర్వాత వచ్చిన సాహో, రాధేశ్యామ్‌, ఆదిపురుష్,సలార్‌,కల్కి వంటి చిత్రాలు బాలీవుడ్‌లో దుమ్మురేపాయి. టాలీవుడ్‌కు ఏమాత్రం తగ్గకుండా అక్కడ కలెక్షన్లు రాబట్టాయి. ఎన్నో ఎళ్ల పాటు బాలీవుడ్‌ను శాసిస్తున్న ఖాన్‌ హీరోలను ప్రభాస్‌ వెనక్కు నెట్టేశాడు. ఈ క్రమంలో బాలీవుడ్‌ కింగ్‌ కిరీటాన్ని ప్రభాస్‌ ఎప్పుడో అందుకున్నాడు.ప్రభాస్‌కు స్నేహితులు.. ఆ రెండు సినిమాలు 20 సార్లు చూశాడుప్రభాస్‌కు అభిమాన హీరో కృష్ణంరాజు అయితే, షారుఖ్‌ఖాన్‌, సల్మాన్‌ఖాన్‌, రాబర్ట్‌ డి నిరో, జయసుధ, శ్రియ, త్రిష నటన అన్నా ఆయనకు చాలా ఇష్టం. తనకు దగ్గరైన దోస్తులు చాలామందే ఉన్నారు. వారిలో గోపిచంద్, అల్లు అర్జున్, రామ్‌ చరణ్‌, రానా దగ్గుబాటి, మంచు మనోజ్‌లు ప్రభాస్‌కు మంచి స్నేహితులు. అయితే, కెరియర్‌ పరంగా తనను అత్యున్నత స్థానంలో నిలబెట్టిన డైరెక్టర్‌గా రాజమౌళి అంటే ప్రభాస్‌కి ఎనలేని అభిమానం. ఆయన తర్వాత అంత ఇష్టమైన దర్శకుడు మరొకరు ఉన్నారు. బాలీవుడ్‌ దర్శకుడు రాజ్‌కుమార్‌ హిరాణీ. ఆయన సినిమాలను ప్రభాస్‌ చాలా ఎక్కువగానే ఇష్టపడతాడు. ఆయన డైరెక్ట్‌ చేసిన త్రీ ఇడియట్స్, ‘మున్నాభాయ్‌ ఎంబీబీఎస్‌ చిత్రాలను ఇరవైకి పైగా సార్లు చూసినట్లు ఓ ఇంటర్వ్యూలో చెప్పాడు.ప్రభాస్‌లో ఇవన్నీ ప్రత్యేకం► ప్రముఖ మ్యూజియం మేడమ్‌ టుసాడ్స్‌లో మైనపు విగ్రహం కలిగిన మొదటి దక్షిణాది స్టార్‌గా ప్రభాస్‌ గుర్తింపు పొందారు.► కేవలం 'బాహుబలి' ప్రాజెక్టు కోసం ఐదేళ్లు కేటాయించడం► ప్రభాస్‌ 2014లోనే తొలిసారి హిందీ సినిమాలో మెరిశారు. అజయ్‌ దేవగణ్‌, సోనాక్షి సిన్హా కలిసి నటించిన 'యాక్షన్‌ జాక్సన్‌'లో అతిథిగా కనిపించారు.► ప్రభాస్‌కు పుస్తకాలు చదవడం అంటే ఎక్కువ ఆసక్తి. ఆయన ఇంట్లో ఓ చిన్న లైబ్రెరీ కూడా ఉందట.► స్టార్‌డమ్‌ సొంతం చేసుకుని ఎన్నో ఏళ్లయినా ప్రభాస్‌ ప్రకటనలకు కాస్త దూరంగా ఉన్నారు. 2015లో తొలిసారి ఓ కారు ప్రచారంలో భాగంగా వాణిజ్య ప్రకటనలో నటించారు.► ప్రభాస్‌ ఖాతాలో వెయ్యి కోట్లు సాధించిన సినిమాలు రెండు ఉన్నాయి బాహుబలి2, కల్కి 2898AD ► బాహుబలి 2 సినిమా భారతీయ సినిమా చరిత్రలో మొదటి వెయ్యి కోట్లు దాటిన చిత్రం. ఈ సినిమా ప్రపంచవ్యాప్తంగా సుమారు 2000 కోట్లు వసూలు చేసింది.► మిర్చి సినిమాకు ఉత్తమనటుడిగా 2013లో నంది అవార్డు దక్కించుకున్న ప్రభాస్‌► ప్రభాస్ గత 20 ఏళ్లుగా ఏన్నోసేవా కార్యక్రమాలు చేశారు. తుఫాన్ లు, వరదలు వచ్చినప్పుడు, కొవిడ్ సమయంలో భారీ విరాళాలు ఇచ్చారు.► తన 1650 ఎకరాల ఖాజిపల్లి రిజర్వ్ ఫారెస్ట్ భూమిని దత్తత తీసుకొని తన తండ్రి పేరు మీద ఎకో పార్క్ కు కావాల్సిన అభివృద్ధి కార్యక్రమాలు చేపట్టారు.► ప్రభాస్‌ నటుడు కాకపోయుంటే..? హోటల్‌ రంగంలో స్థిరపడేవారు.► ప్రభాస్‌కు ఏపీలో శ్రీశైలం అంటే ఎంతో ఇష్టం► ఇష్టమైన పాట: 'వర్షం'లోని 'మెల్లగా కరగనీ రెండు మనసుల దూరం'

చరిత్ర గాని, పురాణాలు గాని... వీటిలో మనకు ఏమాత్రం నచ్చని విషయాల్ని మనకు నచ్చిన విధంగా ఓ కల్పిత కథను తయారు చేసుకుని ప్రేక్షకుడ్ని ఆనందింపజేయడాన్ని ఆల్టర్నేటివ్‌ హిస్టరీ అని అంటారు. ఉదాహరణకు హిట్లర్ని ఓ థియేటర్లో బంధించి కాల్చి హతమార్చడం, మహాభారతంలో కౌరవుల కుతంత్రాలను బట్టబయలు చేసి వాళ్లని నవ్వులపాలు చేయడం వంటివి. ఇలాంటి ప్రత్యామ్నాయ చరిత్ర కలిగిన కథలు మన అహాన్ని సంతృప్తిపరుస్తాయి కాబట్టి స్వతహాగానే వాటివైపు ఆకర్షితులవుతాం. సరిగ్గా అలాంటి కోవకు చెందినదే ‘మాయాబజార్‌’ సినిమా. ఈ చిత్రం లక్ష్యం కూడా అదే.మాయాబజార్‌ అను శశిరేఖా పరిణయంగా...వ్యాస భారతం ప్రకారం బలరాముడుకి శశిరేఖ అని పిలువబడే కూతురే లేదు. మాయాబజార్‌ నిజానికి శశిరేఖా పరిణయం అనే పేరుతో మన దగ్గర ప్రసిద్ధిగాంచిన ఓ కల్పిత జానపద కథ. దీని ఆధారంగా ‘మాయాబజార్‌’కి ముందు, తరువాత అనేక చిత్రాలు రూపొందినా కేవీ రెడ్డి రూపొందించిన ఈ ఒక్క సినిమా మాత్రమే అత్యంత ప్రజాదరణకు నోచుకుంది.‘మాయాబజార్‌’కు తొలుత చాలా పేర్లనే అనుకున్నారు. సినిమాలో ఘటోత్కచుడు పాత్రను ఎస్వీ రంగారావు చేశారు కాబట్టి ముందుగా ఈ సినిమా పేరును ఘటోత్కచుడు అని పెట్టాలని అనుకున్నారట. తర్వాత శశిరేఖా పరిణయం అని పేరు పెట్టారు. ఆ తర్వాత దానిని మాయాబజార్‌ అను శశిరేఖా పరిణయంగా మార్చారు. చివరికి విడుదలయ్యే సమయానికి అది ‘మాయాబజార్‌’గా మిగిలింది. ‘మాయాబజార్‌’ కథకు ఉన్న లక్ష్యం కేవలం శశిరేఖకు, అభిమన్యుడికి పెళ్లి చెయ్యటం కాదు... కొన్ని కారణాల వల్ల వంచించబడ్డ శశిరేఖ తల్లిదండ్రుల మనసు మార్చటం, కౌరవులను నవ్వులపాలు చేసి, వాళ్లని దండించబడటం ఈ కథలోని అంతిమ లక్ష్యం. కృష్ణుడు బలరాముడికి హితబోధ చేసినా, అభిమన్యుడు లక్ష్మణ కుమారుడితో యుద్ధానికి దిగినా శశిరేఖా పరిణయం సాధ్యమయ్యేది.. కానీ కథకున్న అంతిమ లక్ష్యం సాధ్యపడేది కాదు.చిన్న కథ... బలమైన స్క్రీన్‌ప్లేనిజానికి ‘మాయాబజార్‌’ కథ చాలా చిన్నది. అయితే బలమైన స్క్రీన్‌ ప్లేతో దీనిని రక్తి కట్టించారు దర్శకులు కేవీ రెడ్డి. ప్రథమార్ధం కేవలం నాటకీయత మాత్రమే ఉంటుంది. ఆ నాటకీయ పరిణామాలు ఇప్పటికీ సమకాలీన పరిస్థితుల్లానే అనిపిస్తాయి. అమ్మాయి–అబ్బాయి ప్రేమలో పడటం, ఆ ప్రేమకి తల్లిదండ్రులు అడ్డు చెప్పటం, తల్లి కూతుర్ని కొట్టడం, డబ్బు పోగానే ముఖం చాటేసే చుట్టాలు, తండ్రిని ప్రశ్నించే ధైర్యం లేని కూతురు... వంటివి ఇప్పటికీ ప్రతీ ఇంట్లో కనిపించేవే. ప్రేక్షకుడిని ఈ వాస్తవిక పరిస్థితులు ముందుగా కథతో కనెక్ట్‌ చేస్తాయి. ప్రథమార్ధమంతా లక్ష్యానికి పూర్తిగా దూరం చేసి, ఇక ఏ రకమైన ఆశ మిగలని స్థితికి తీసుకెళ్లి, ఘటోత్కచుడు ప్రవేశించడంతో వడివడిగా లక్ష్యాన్ని చేరుకునేలా చేస్తారు. పూర్తి విషాదం తర్వాత వచ్చే ఆనందానికి విలువ ఎక్కువ ఉంటుంది. కౌరవుల్ని ఏమీ చెయ్యలేం అనుకునే మాన సిక స్థితికి ప్రేక్షకుడ్ని తీసుకొచ్చి, తర్వాత వాళ్లని వెర్రివాళ్లని చేసి ఆడుకోవటం వల్ల వచ్చే కిక్కు మామూలుగా ఉండదు.ఎస్వీఆర్‌ మీదే ప్రమోషన్‌!66 ఏళ్ల క్రితం వచ్చిన ఈ సినిమాలోని సాంకేతికత గురించి ఇప్పటికీ చర్చించుకోవడానికి కారణం కెమెరామేన్‌ మార్కస్‌ బార్ట్‌ లీ. గ్రాఫిక్స్‌ లేని కాలంలో కెమెరా టెక్నిక్స్‌తో సృష్టించిన మాయాజాలానికి అప్పట్లో ప్రేక్షకులు నిశ్చేష్ఠు లయ్యారు. నిజంగా మాయ జరుగుతున్నట్టుగానే భావించారట. ముఖ్యంగా వివాహ భోజనంబు పాటలో లడ్డూలన్నీ నోట్లోకి సరాసరి వెళ్ళిపోవడం, ఆహార పాత్రలన్నీ వాటికవే కదలడం.. వంటి సీన్లకు మంత్రముగ్ధులయ్యారు. ఈ సినిమాలోనే ఎన్టీఆర్‌ మొదటిసారిగా శ్రీకృష్ణుడిగా కనిపించారు. అంతకు ముందు 1954లో వచ్చిన ‘ఇద్దరు పెళ్ళాలు’, 1956లో వచ్చిన ‘సొంతవూరు’ సినిమాల్లో కృష్ణుడిగా కనిపించినప్పటికీ, అవి పూర్తి స్థాయి కృష్ణుడి పాత్రలు కావు. ‘మాయాబజార్‌’ టైమ్‌లో ఎన్టీఆర్, ఏఎన్నార్‌ల మార్కెట్‌ కన్నా ఎస్వీఆర్‌ మార్కెట్‌ ఎక్కువ. జనాల్లో పాపులారిటీ కూడా ఎక్కువే. అందుకే రిలీజ్‌కు ముందు ఈ సినిమా ప్రమోషన్లను ఎస్వీఆర్‌ పేరు మీదే చేశారట.రెండు లక్షల బడ్జెట్‌తో...‘మాయాబజార్‌’ను సుమారు రెండు లక్షల బడ్జెట్‌తో నిర్మించారు. అప్పట్లో తెలుగులో వచ్చిన భారీ బడ్జెట్‌ సినిమా ఇదే. సాధారణంగా 30 వేల బడ్జెట్‌ను మించి సినిమాలు తీయడానికి అప్పట్లో నిర్మాతలు సాహసించేవారు కాదు. కానీ ‘మాయాబజార్‌’ను ప్రతిష్టాత్మకంగా తీసుకున్న విజయా ప్రొడక్షన్స్‌ ఖర్చుకు వెనకాడలేదు. తెలుగు, తమిళంలో ఒకేసారి తెరకెక్కిన తొలి సినిమా కూడా ఇదే. ఆ తరువాత ఈ సినిమాను హిందీ, బెంగాలీ, కన్నడ భాషల్లో డబ్‌ చేశారు. విడుదలైన అన్నిచోట్లా విజయాన్ని అందుకుంది. అంటే ఒక విధంగా ‘మాయాబజార్‌’ని తొలి పాన్‌ ఇండియా మూవీ అనొచ్చేమో. అందుకే నాటికైనా నేటికైనా మరెప్పటికైనా ‘మాయాబజార్‌’ అనేది ఓ గోల్డ్‌ మెమరీ. – ఇంటూరు హరికృష్ణ

ప్రస్తుతం పాన్‌ ఇండియా కథానాయకిగా మారిన నటి కీర్తీసురేశ్‌. ఎలాంటి పాత్రలోనైనా అవలీలగా నటించి మెప్పింగల నటి ఈ బ్యూటీ. అపజయాలు విజయాలకు సోపానం అంటారు. అది కీర్తీసురేశ్‌కు చాలా బాగా వర్తిస్తుంది. ఈమె తల్లి మేనక అప్పట్లో కథానాయకిగా మంచి పేరు తెచ్చుకున్నారు. తమిళియన్‌ అయిన ఈమె మలయాళ సినీ నిర్మాత సురేశ్‌ను ప్రేమించి పెళ్లి చేసుకున్నారు. అలా సినీ కుటుంబం నుంచి వచ్చిన కీర్తీసురేశ్‌ బాల నటిగానే చిత్ర పరిశ్రమకు పరిచయం అయ్యారు. ఈమె కథానాయకిగా నటించిన తొలి తమిళ చిత్రం ఇదు ఎన్న మాయం. ఈ చిత్రం నిరాశ పరిచింది. ఆ తరువాత నటించిన రజనీ మురుగన్‌, రెమో వంటి చిత్రాలు హిట్‌ కావడంతో కీర్తీసురేశ్‌కు తెలుగులోనూ అవకాశాలు రావడం మొదలెట్టాయి. అలా అక్కడ నటించిన మహానటి చిత్రం ఆమెను జాతీయ ఉత్తమ నటి అవార్డును అందించింది. ఇక ఇప్పుడు బాలీవుడ్‌లోనూ రంగప్రవేశం చేశారు. దీంతో కీర్తీసురేశ్‌ స్థాయి పెరగడంతో పాటు, వదంతులు అధికం అవుతున్నాయి. ఈ బ్యూటీ 20 ఏళ్ల వయసున్న ఓ నటుడి ప్రేమలో మునిగి తేలుతున్నట్లు తాజాగా వైరల్‌ అవుతున్న ప్రచారం. దీనిపై స్పందించిన కీర్తీసురేశ్‌ నటుడు విజయ్‌ చెప్పినట్లు వదంతులకు వివరణ ఇస్తే అది నిజం అవుతుందన్నారు. కాబట్టి దాన్ని పక్కన పెట్టేద్దాం అన్నారు. ఇకపోతే నటన గురించి విమర్శలను తాను స్వాగతిస్తానని, ఒక నటిగా అవి తనను మెరుగుపరుస్తానికి ఉపయోగపడతాయని కీర్తీసురేశ్‌ సమాధానం ఇచ్చారు. ఇకపోతే తెలుగు, తమిళం, హిందీ భాషల్లో నటిస్తూ బిజీగా ఉన్న ఈ భామ నటించిన ఉమెన్‌ సెంట్రిక్‌ కథా చిత్రం రఘుతాత ఆగస్ట్‌ 15వ తేదీన తెరపైకి రానుంది.

మరో డిఫరెంట్‌ స్టోరీతో ప్రేక్షకుల ముందుకొస్తున్నారు టాలీవుడ్ హీరో అశ్విన్ బాబు. ఆయన హీరోగా నటించిన తాజా చిత్రం శివం భజే. ఈ మూవీని అప్సర్ దర్శకత్వంలో తెరకెక్కించారు. ఇందులో దిగాంగన సూర్యవన్షి హీరోయిన్‌గా నటిస్తోంది. తాజాగా ఈ సినిమాకు సంబంధించిన ట్రైలర్‌ మేకర్స్ రిలీజ్ చేశారు. ఈ సందర్భంగా పాన్‌ ఇండియా సినిమాలపై అశ్విన్ బాబు ఆసక్తికర కామెంట్స్ చేశారు.అశ్విన్ బాబు మాట్లాడుతూ..'తెలుగులో చాలా పాన్ ఇండియా సినిమాలు వచ్చాయి. చాలా వరకు హిట్‌ అయ్యాయి. నేను మాత్రం ఎక్కువగా స్క్రిప్ట్‌ను నమ్ముతాను. కంటెంట్‌ మాత్రమే పాన్ ఇండియా అనుకుంటా. ఎందుకంటే హిడింబ చిత్రాన్ని మనకంటే హిందీలో ఎక్కువగా చూశారు. ఇది నేను ఊహించలేదు. శివం భజే పాన్ ఇండియా రిలీజ్ కాకపోయినా సరే.. సినిమా రీచ్‌ అయితే చాలు' అని అ‍న్నారు.ట్రైలర్ చూస్తే ఎన్ఐఏ గూఢచారి సంస్థకి చెందిన ఏజెంట్‌గా అశ్విన్ బాబు కనిపించనున్నారు. ఆగస్టు 1న ఈ చిత్రం థియేటర్లలో సందడి చేయనుంది. ఈ చిత్రంలో హైపరి ఆది, మురళి శర్మ, సాయిధీనా, బ్రహ్మజీ, తులసి, దేవి ప్రసాద్, షకలక శంకర్, ఇనయా సుల్తానా కీలక పాత్రలు పోషించారు. నాకు ప్యాన్ ఇండియా వద్దు.. సినిమా రీచ్ అయితే చాలు!Hero @imashwinbabu says, "I believe in only content!"💥💥#AshwinBabu #ShivamBhaje #TeluguFilmNagar pic.twitter.com/mFdt7s8Mfs— Telugu FilmNagar (@telugufilmnagar) July 23, 2024

‘రాజావారు రాణిగారు’మూవీతో ఇండస్ట్రీకి పరిచయమైన యంగ్ హీరో కిరణ్‌ ‍అబ్బవరం. 2019లో విడుదలైన ఈ రొమాంటిక్‌ స్టోరీగా వచ్చిన ఈ సినిమా ప్రేక్షకులను అలరించింది. ఈ మూవీలో రహస్య గోరఖ్ హీరోయిన్‌గా నటించారు. గతేడాది మీటర్, రూల్స్ రంజన్‌ చిత్రాలతో అలరించిన కిరణ్ ప్రస్తుతం క అనే మూవీతో అలరించేందుకు సిద్ధమయ్యారు. ఈ మూవీని పాన్ ఇండియా స్థాయిలో తెరకెక్కిస్తున్నారు. ఈ సినిమాకు సుజీత్ సందీప్ దర్శకత్వం వహిస్తున్నారు. తాజాగా ఇవాళ కిరణ్ అబ్బవరం బర్త్‌ డే సందర్భంగా క మూవీ టీజర్‌ను మేకర్స్ రిలీజ్ చేశారు.ఈ సందర్భంగా ఏర్పాటు చేసిన ఈవెంట్‌లో ఓ మీడియా ‍ప్రతినిధి ఆసక్తికర ప్రశ్న వేశాడు. తెలుగులో మీకు పెద్ద సక్సెస్‌ రాలేదు.. ఇలాంటి సమయంలో పాన్ ఇండియా మూవీని ఎంచుకోవడం ఎంతవరకు కరెక్ట్‌? అని ప్రశ్నించారు.దీనికి కిరణ్ స్పందిస్తూ.. 'నా దృష్టిలో పాన్ ఇండియా స్థాయి అంటే కేవలం కంటెంట్ మాత్రమే.. మొన్న వచ్చిన మలయాళ మూవీ మంజుమ్మెల్ బాయ్స్‌ను మనం పెద్ద హిట్ చేశాం. అందులో యాక్టర్ పేరు ఎవరికైనా తెలుసా సార్? అంతే కాదు కాంతార సినిమాకు ముందు రిషబ్ శెట్టి గురించి మనకు తెలుసా? ఇక్కడ ఫైనల్‌గా స్థాయి అంటే కంటెంట్‌ మాత్రమే సార్. నా స్థాయి పెద్దదా? చిన్నదా? అనేది నెక్ట్స్‌? మనం సినిమాలో కంటెంట్‌కు స్థాయి ఉందా లేదా అన్నదే మ్యాటర్. క అనే సినిమాలో కంటెంట్ ఉందని నేను నమ్ముతున్నా. కంటెంట్ ఉంటే సినిమాను మీరందరూ ఎక్కడికో తీసుకెళ్తారు. అందుకే ఇతర భాషల్లోనూ తీసుకొస్తున్నాం' అని అన్నారు. దీంతో ఇది చూసిన ఫ్యాన్స్ అతనికి గట్టిగానే ఇచ్చిపడేశారంటూ కామెంట్స్ చేస్తున్నారు.#KiranAbbavaram About PAN INDIA Release✅ STRONG Counter From #KiranAbbavaram 🔥🔥🔥🔥#KA pic.twitter.com/GYyeyhFJQq— GetsCinema (@GetsCinema) July 15, 2024

పాన్‌ ఇండియా సినిమాలకు కేరాఫ్‌గా నిలుస్తోంది టాలీవుడ్‌. ఇప్పటికే పలు యంగ్‌ హీరోలు తమ సినిమాలను పాన్‌ ఇండియా స్థాయిలో రిలీజ్‌ చేసేందుకు ప్లాన్‌ చేస్తున్నారు. ఆ లిస్ట్‌లోకి తాజాగా యంగ్‌ హీరో ఈశ్వర్‌ ప్రసాద్‌ కూడా చేరాడు. 4లెటర్స్ సినిమా ద్వారా హీరోగా పరిచయం అయిన ఈశ్వర్ ప్రసాద్.. తొలి సినిమాతోనే నటుడిగా మంచి గుర్తింపు తెచ్చుకున్నాడు. ఈయన సొంతూరు తిరుపతి. ప్రస్తుతం అమెరికాలో ఉంటున్నాడు. అయితే సినిమాలపై ఉన్న ఇష్టంతో ఇండస్ట్రీలోకి ఎంట్రీ ఇచ్చాడు. తొలి సినిమా బాక్సాఫీస్‌ వద్ద ఆశించిన స్థాయిలో విజయం సాధించనప్పటికీ.. ఈ‍శ్వర్‌కు మాత్రం మంచి పేరు తెచ్చిపెట్టింది. అయితే రెండో సినిమా కోసం చాలా సమయం తీసుకున్నాడు. పలు కథలు విని.. చివరకు ఓ పాన్‌ ఇండియా స్టోరీని ఓకే చేశాడు. జులై 11న తన బర్త్‌డే సందర్భంగా లుగు లో పీకాక్ ఇండియన్ సినిమా బ్యానర్ లో ఓ పాన్ ఇండియా సినిమా ను స్టార్ట్ చేస్తున్నట్టు ప్రకటించారు. భారీ బడ్జెట్‌తో తెరకెక్కుతున్న ఈ సినిమాకు సంబంధించిన మరిన్ని వివరాలను జులై 11న వెల్లడిస్తామని ఈశ్వర్‌ చెప్పారు.

అడివి శేష్‌ హీరోగా రూపొందుతోన్నపాన్‌ ఇండియన్‌ యాక్షన్‌ మూవీ ‘డెకాయిట్‌’. అడివి శేష్‌ ‘క్షణం’, ‘గూఢచారి’తో సహా పలు తెలుగు సినిమాలకు కెమెరామేన్‌గా చేసిన షానీల్‌ డియో ‘డెకాయిట్‌’తో డైరెక్టర్‌గా పరిచయం అవుతున్నారు. అన్నపూర్ణ స్టూడియోస్‌ సమర్పణలో సుప్రియ యార్లగడ్డ తెలుగు, హిందీ భాషల్లో ఈ చిత్రం నిర్మిస్తున్నారు. ఈ చిత్రంలో అడివి శేష్‌కి జోడీగా శ్రుతీహాసన్‌ నటిస్తున్నారు. ప్రస్తుతం హైదరాబాద్‌లో జరుగుతున్న ఈ మూవీ షూటింగ్‌లో జాయిన్‌ అయ్యారు శ్రుతీహాసన్‌. ఈ విషయాన్ని తెలియజేస్తూ... శేష్, శ్రుతి సరదాగా దిగిన ఫొటోను షేర్‌ చేశారు. ‘‘ఇద్దరు మాజీ ప్రేమికుల కథే ‘డెకాయిట్‌’. వారు తమ జీవితాలను మార్చడానికి వరుస దోపిడీలకు ప్రణాళిక రచిస్తారు. ఆ తర్వాత ఏం జరిగింది? అన్నది ఆసక్తిగా ఉంటుంది. హైదరాబాద్‌లో జరుగుతున్న షెడ్యూల్‌లో ముఖ్య తారాగణంపై కీలక సన్నివేశాలు, ఓ యాక్షన్‌ పార్ట్‌ను చిత్రీకరిస్తున్నాం’’ అన్నారు మేకర్స్‌. ఈ చిత్రానికి సహనిర్మాత: సునీల్‌ నారంగ్‌.

‘‘హాయ్‌ డార్లింగ్స్‌.. ఎలా ఉంది బుజ్జి, భైరవ గ్లింప్స్‌. ఎంజాయ్‌ చేశారా? ‘కల్కి..’లో అమితాబ్‌ సార్, కమల్‌ సార్‌తో పని చేసే అవకాశం ఇచ్చిన అశ్వినీదత్‌గారికి, నాగీ (నాగ్‌ అశ్విన్‌)కి థ్యాంక్స్‌. హోల్‌ ఇండియా ఇన్‌స్పైర్‌ అయ్యే అమితాబ్, కమల్‌గారు లాంటి గ్రేటెస్ట్‌ లెజెండ్స్‌తో పని చేసే అవకాశం నాకు రావడం నా అదృష్టం’’ అని హీరో ప్రభాస్‌ అన్నారు. ఆయన హీరోగా నటించిన పాన్‌ ఇండియన్‌ చిత్రం ‘కల్కి 2898 ఏడీ’. నాగ్‌ అశ్విన్‌ దర్శకత్వం వహించిన ఈ చిత్రంలో దీపికా పదుకోన్‌ హీరోయిన్‌. అమితాబ్‌ బచ్చన్, కమల్‌హాసన్, దిశా పటానీ కీలక పాత్రలు చేశారు. వైజయంతీ మూవీస్‌పై సి. అశ్వినీదత్‌ నిర్మించిన ఈ సినిమా జూన్‌ 27న విడుదలవుతోంది. కాగా బుధవారం హైదరాబాద్‌లో నిర్వహించిన ‘కల్కి స్పెషల్‌ క్రియేటివ్‌ ఈవెంట్‌’లో సినిమాలోని బుజ్జి (కారు) పాత్రను పరిచయం చేశారు. ఈవెంట్‌లో ఈ వాహనాన్ని ప్రభాస్‌ నడిపారు. అనంతరం ప్రభాస్‌ మాట్లాడుతూ– ‘‘నాగీ మూడేళ్లు నన్ను బుజ్జితో వేధించాడు. ఫైనల్లీ బుజ్జీని పరిచయం చేశాం. నేనేదో మన డార్లింగ్స్‌కి హాయ్‌ చెప్పి వెళ్లి΄ోదాం అనుకుంటే ఈ కార్లు.. ఫీట్లు ఏంటి సార్‌ (నవ్వుతూ). బుజ్జి సూపర్‌ ఎగ్జయిటింగ్‌. నేను కూడా ‘కల్కి’ టీజర్, సినిమా ఎప్పుడొస్తుందా అని ఎదురు చూస్తున్నాను. కమల్‌ సార్‌ ‘సాగర సంగమం’ సినిమా చూసి నాకలాంటి బట్టలు కావాలని మా అమ్మను అడిగాను.. అలాంటివి కుట్టించుకుని వేసుకున్నాను. ఇక ఈ వయసులో కూడా అశ్వినీదత్‌గారి ΄్యాషన్‌ చూసి ఆయన వద్ద ఎంతో నేర్చుకోవాలనిపిస్తుంది. నాకు తెలిసి 50 ఏళ్లుగా ఇండస్ట్రీలో ఉన్న నిర్మాత ఆయనొక్కరే. ఆయన కుమార్తెలు స్వప్న, ప్రియాంకలకు కూడా ఆయనలా ΄్యాషన్, ధైర్యం ఉంది. వాళ్లు పని చేసే విధానానికి మేమంతా స్ఫూర్తి ΄÷ందుతాం అని మా సిస్టర్స్‌కి చెబుతుంటాను’’ అన్నారు. ‘‘బుజ్జి కారుని ఎంతో కష్టపడి తయారు చేయించాం. ఇందుకోసం మహీంద్ర ఆటోమొబైల్‌ ఇంజినీర్స్‌ ఎంతో శ్రమించారు’’ అన్నారు నాగ్‌ అశ్విన్‌. నిర్మాతలు అశ్వినీ దత్, స్వ΄్నా దత్, ప్రియాంకా దత్, కృష్ణంరాజు సతీమణి శ్యామల పాల్గొన్నారు.

టాలీవుడ్ స్టార్ యాంకర్ శ్రీముఖి బంపర్ ఆఫర్ కొట్టేసింది. బుల్లితెరపై యాంకర్‌గా ఫుల్ బిజీగా ఉంటూనే.. అవకాశం దొరికినప్పుడల్లా సినిమాలు చేస్తూ వెండితెరపై కూడా శ్రీముఖి మెరిపిస్తుంది. తాజాగా ఆమె మరో క్రేజీ ఆఫర్ పెట్టేసిందని వార్తలు వస్తున్నాయి.  పాన్ ఇండియా స్టార్ సినిమాలో ఛాన్స్‌ దక్కించుకుందని ప్రస్తుతం   ఇండస్ట్రీ వర్గాల్లో హాట్ టాపిక్‌గా మారింది.  అల్లు అర్జున్- అట్లీ కాంబోలో పాన్ ఇండియా ​ రేంజ్‌లో ఒక సినిమా రాబోతుందని అది కూడా ఏప్రిల్‌ 8న బన్నీ పుట్టినరోజు సందర్భంగా అధికారికంగా ప్రకటన వస్తుందని ఈ మధ్య జోరుగు ప్రచారం జరుగుతుంది. ఈ బిగ్‌ ప్రాజెక్ట్‌లో శ్రీముఖి నటించనున్నట్లు సమాచారం. ఈ సినిమాలో  బన్నీకి చెల్లెలుగా ఆమె కనిపించనున్నట్లు తెలుస్తోంది. ఇప్పటికే వీరిద్దరూ త్రివిక్రమ్ డైరెక్షన్‌లో వచ్చిన జులాయిలో నటించి ఆకట్టుకున్న సంగతి తెలిసిందే. ఇప్పుడు మళ్లీ మరోసారి వెండితెరపై కనిపించనున్నారని ప్రచారం అయితే గట్టిగానే జరుగుతుంది.   మెగాస్టార్ చిరంజీవితో భోళా శంకర్ సినిమాలో కూడా  శ్రీముఖి నటించిన విషయం తెలిసిందే. ఈ సినిమాలో ఖుషీ నడుము సీన్ రీక్రియేట్ చేసి ప్రేక్షకులను మెప్పించింది. సోషల్‌ మీడియాలో ఫుల్‌ యాక్టివ్‌గా ఉండే శ్రీముఖి రెగ్యులర్‌గా ఫ్యాన్స్‌తో టచ్‌లో ఉంటుంది. అప్పుడప్పుడు ట్రెండీ డ్రెస్‌లతో ఫోజులు ఇస్తే కుర్రకారులో హీట్‌ పెంచుతుంది. కొద్దిరోజుల క్రితం యాంకర్ ప్రదీప్‌కు శ్రీముఖికి మధ్య ఏదో కెమిస్ట్రీ నడుస్తోందని వార్తలు వస్తే.. అలాంటి వాటికి చెక్ పెడుతూ తాము ఫ్రెండ్స్ మాత్రమేనని క్లారిటీ ఇచ్చిన విషయం తెలిసిందే. View this post on Instagram A post shared by Sreemukhi (@sreemukhi)

‘‘నేను కెరీర్‌ ఆరంభించినప్పుడు (2009లో హిందీ చిత్రం ‘లక్‌’తో  హీరోయిన్‌గా పరిచయం అయ్యారు) సోషల్‌ మీడియా లేదు.. ఓటీటీ ఫ్లాట్‌ఫామ్స్‌ లేవు. ఒకవేళ ఉండి ఉంటే నటిగా నేను చేసినవి ఇంకా ఎక్కువమంది ప్రేక్షకులు చూసి ఉండేవారు. అయినప్పటికీ కెరీర్‌ విషయంలో, నా అప్పటి దశ పరంగా నేను హ్యాపీగా ఉన్నాను’’ అని శ్రుతీహాసన్‌ అన్నారు. ఓ ఆంగ్ల పత్రికకు ఇచ్చిన ఇంటర్వ్యూలో పాన్‌ ఇండియా ఫిల్మ్ప్‌ గురించిన ప్రశ్న శ్రుతీకి ఎదురైంది. ఆ విషయం గురించి శ్రుతీహాసన్‌ మాట్లాడుతూ – ‘‘పదకొండేళ్ల క్రితమే నేను పాన్‌ ఇండియా స్టార్‌ని. అప్పట్లో నేను ఇచ్చిన ఇంటర్వ్యూలు చూస్తే పాన్‌ ఇండియా అనే పదాన్ని నేను అప్పుడే వాడాను. నాకు పాన్‌ ఇండియా ఫీవర్‌ లేదు. అయితే అన్ని రకాల భాషల్లో సినిమాలు చేశాను. ఇప్పుడు పాన్‌ ఇండియా అంటూ పోటీలో ఉన్న మేల్, ఫీమేల్‌ యాక్టర్లతో నన్ను నేను పోల్చుకోను. ఎందుకంటే కొన్నేళ్ల క్రితమే నేను పాన్‌ ఇండియా సినిమాలు చేసేశాను. కెరీర్‌ పరంగా నా విధానాన్ని నేను ఫాలో అయ్యాను. నన్ను ఎవరితోనైనా పోల్చితే నచ్చదు’’ అన్నారు. ఇక ప్రస్తుతం శ్రుతీహాసన్‌ చేస్తున్న సినిమాల విషయానికి వస్తే... అడివి శేష్‌తో ‘డెకాయిట్‌’ అనే సినిమాలో నటిస్తున్నారు. ఆమె నటించనున్న ఇంగ్లిష్‌ మూవీ ‘చెన్నై స్టోరీస్‌’ షూటింగ్‌ ఆరంభం కావాల్సి ఉంది.  

మలయాళ మెగాస్టార్ మమ్ముట్టి  నటిస్తున్న తాజా చిత్రం 'భ్రమయుగం'.. డైరెక్టర్‌ రాహుల్‌ సదాశివన్‌ ఈ చిత్రాన్ని పాన్‌ ఇండియా రేంజ్‌లో తెరకెక్కిస్తున్నాడు. మమ్ముట్టి  ఇటీవల నటించిన ప్రయోగాత్మక సినిమా 'కాదల్‌: ది కోర్‌'తో  మెప్పించాడు. ఇందులో మమ్ముట్టి స్వలింగ సంపర్కుడి(గే)గా కనిపిస్తాడు. ఇలా విభన్నమైన అంశాలతో సినిమాలు తీసి సూపర్‌ హిట్లు కొడుతున్న ఆయన త్వరలో 'భ్రమయుగం' చిత్రం ద్వారా తెరపైకి రానున్నాడు. తాజాగా విడుదలైన భ్రమయుగం టీజర్‌ పూర్తిగా బ్లాక్‌ అండ్‌ వైట్‌లో ఉంది. ఈ సినిమా నుంచి వచ్చిన మొదటి పోస్టర్‌తో పాటు  అన్నీ అంశాలు చాలా ప్రత్యేకంగానే ఉన్నాయి. భిన్నమైన హారర్‌ థ్రిల్లర్‌ కథతో రూపొందిన ఈ చిత్రంలో అర్జున్ అశోకన్, సిద్దార్థ్‌, భరతన్, అమల్దా లిజ్‌ నటించారు. మలయాళంతో పాటు తెలుగు, కన్నడ, మలయాళ, హిందీ భాషల్లో ఇదే ఏడాదిలో ఈ సినిమా విడుదల కానుంది. కానీ ప్రస్తుతం మాత్రం మలయాళ టీజర్‌ను చిత్ర యూనిట్‌ విడుదల చేసింది.

మలయాళ మెగాస్టార్ మమ్ముట్టి హీరోగా నటిస్తున్న పాన్‌ ఇండియా సినిమా 'భ్రమయుగం'. రాహుల్‌ సదాశివం దర్శకుడు. అర్జున్‌ అశోకన్‌, సిద్ధార్థ్‌ భరతన్‌, అమూల్దా లైజ్‌ తదితరులు కీలకపాత్రలు పోషిస్తున్నారు. క్రిస్టో జవీర్‌ సంగీతమందిస్తున్నారు.  (ఇదీ చదవండి: ఈ శుక్రవారం ఓటీటీల్లో 29 సినిమాలు రిలీజ్) ఆగస్టు 17 నుంచి ఒట్టపాలెం, కొచ్చి, అదిరపల్లి ప్రాంతాల్లో షూటింగ్ చేశామని, ప్రస్తుతం చిత్రీకరణ పూర్తయిందని దర్శకుడు చెప్పాడు. అయితే పాన్ ఇండియా సినిమా షూటింగ్ కేవలం రెండు నెలల్లో పూర్తిచేయడమంటే విశేషమనే చెప్పాలి. కొన్నాళ్ల ముందు ఫస్ట్‌ లుక్ పోస్టర్‌ విడుదల చేయగా విశేష స్పందన వచ్చిందని స్వయంగా దర్శకుడు చెప్పాడు.  ఈ క్రమంలోనే చిత్ర విడుదల కోసం అభిమానులు ఆసక్తిగా ఎదురుచూస్తున్నారని దర్శకుడు పేర్కొన్నారు. వైవిధ్య భరితమైన హారర్ థ్రిల్లర్‌ కథా చిత్రంగా 'భ్రమయుగం' ఉంటుందని దర్శకుడు చెప్పాడు. వచ్చేది ఏడాది ఈ చిత్రాన్ని థియేటర్లలోకి తీసుకురానున్నట్లు తెలిపారు. (ఇదీ చదవండి: కీర్తి సురేశ్ బర్త్ డే సెలబ్రేషన్స్.. హాజరైన ఆ నిర్మాత)

బిగ్‌ బి అమితాబ్‌ బచ్చన్‌ అభిమానులకు బర్త్‌ డే గిఫ్ట్‌ ఇచ్చింది ‘కల్కి 2898 ఏడీ’ టీమ్‌. బుధవారం (అక్టోబర్‌ 11) అమితాబ్‌ బచ్చన్‌ పుట్టినరోజు సందర్భంగా ‘కల్కి..’లో ఆయన గెటప్‌ ఇలా ఉంటుందంటూ లుక్‌ని విడుదల చేశారు మేకర్స్‌. ప్రభాస్‌ హీరోగా తెరకెక్కుతోన్న పాన్‌ ఇండియా చిత్రం ‘కల్కి 2898 ఏడీ’. ‘‘కొన్ని తరాలకు స్ఫూర్తిగా నిలిచిన లెజెండ్‌తో సినిమా చేయడం ఓ ఆశీర్వాదం. ఒక పెద్ద కల నెరవేరినట్లు అనిపిస్తోంది. పుట్టినరోజు శుభాకాంక్షలు సార్‌’’ అంటూ సోషల్‌ మీడియా వేదికగా ప్రభాస్‌ స్పందించారు. నాగ్‌ అశ్విన్‌ దర్శకత్వం వహిస్తున్న ఈ చిత్రంలో కమల్‌హాసన్, దీపికా పదుకోన్, దిశా పటానీ ఇతర కీలక పాత్రల్లో నటిస్తున్నారు. సి. అశ్వినీదత్‌ నిర్మిస్తున్నారు. ‘‘మైథాలజీ స్ఫూర్తితో సైన్స్‌ ఫిక్షన్‌గా రూపొందుతోన్న చిత్రం ‘కల్కి 2898 ఏడీ’. ఈ చిత్రాన్ని 2024 ప్రథమార్ధంలో విడుదల చేసేందుకు సన్నాహాలు చేస్తున్నాం’’ అని చిత్ర యూనిట్‌ పేర్కొంది.

లైకా ప్రొడక్షన్స్‌ నిర్మాత సుభాస్కరన్‌ భారీ బడ్జెట్ చిత్రాలను నిర్మించేందుకు ఇప్పటికే అడుగులు వేశారు. అతను రజనీకాంత్‌తో 2.0, విక్రమ్‌  పొన్నియన్ సెల్వన్ 1 & 2 వంటి అనేక బ్లాక్‌బస్టర్ చిత్రాలను నిర్మించారు. పొన్నియన్‌ సెల్వన్‌ ఫ్రాంచైజీ సాధించిన అద్భుతమైన విజయం తర్వాత, సుభాస్కరన్ సూపర్ స్టార్ రజనీకాంత్, కమల్ హాసన్, మోహన్ లాల్ వంటి స్టార్‌లతో ఆసక్తికరమైన ప్రాజెక్ట్‌లను తెరకెక్కించేదుకు ప్లాన్‌ చేశారు. లైకా ప్రొడక్షన్స్ నుంచి త్వరలో వస్తున్న పాన్-ఇండియన్ సినిమా  కమల్ హాసన్ ఇండియన్ 2. చిత్రీకరణ ఇప్పటికే దాదాపు పూర్తి అయింది. దీనికి ఎస్ శంకర్ డైరెక్ట్‌ చేశారు.  మరోవైపు, రజనీకాంత్ నటించిన  లాల్ సలామ్, తలైవర్ 170 కూడా అదే బ్యానర్‌ నుంచి వస్తున్నాయి. కోలీవుడ్‌లో భారీ విజయాలతో లైకా ప్రొడక్షన్స్‌కు మంచి గుర్తింపు ఉంది. దీంతో తాజాగా మాలీవుడ్‌లో తన ఫేట్‌ను పరీక్షించడానికి సిద్ధమవుతున్నారు. (ఇదీ చదవండి: ఎయిర్‌పోర్టులో ప్రభాస్‌ చెంపపై కొట్టిన యువతి.. వీడియో వైరల్‌) లైకా ప్రొడక్షన్స్‌ ఇటీవలే లూసిఫర్‌-2  చిత్రాన్ని ప్రకటించింది. ఇందులో మోహన్ లాల్, పృథ్వీరాజ్ సుకుమారన్ ప్రధాన పాత్రలు పోషించారు. ఈ చిత్రం పాన్-ఇండియన్ ప్రాజెక్ట్‌గా విడుదల కానుంది. సుభాస్కరన్ త్వరలో బాలీవుడ్, టాలీవుడ్‌లో కూడా సినిమాలను నిర్మించడానికి ప్లాన్‌ చేస్తున్నట్లు సమాచారం. ఇప్పటికే ప్రణాళికలను కూడా ఆయన ప్రారంభించారట.  మరో రెండు రోజుల్లో తెలుగు, హిందీ భాషల్లో కూడా సినిమాలు ప్రకటించే అవకాశం ఉంది. 

రెండు పాన్‌ ఇండియా సినిమాలు ఒకేరోజు థియేటర్లకు వస్తే.. ఏ సినిమా చూడాలి? అనేది ప్రేక్షకుల ముందుండే ప్రశ్న. ఏ సినిమాకి ఎక్కువ థియేటర్లు ఇవ్వాలి? అనేది ఎగ్జిబిటర్ల ముందుండే ప్రశ్న? ఏ సినిమాని ఏ ఏరియాకి ఎంత ఇచ్చి కొనాలి? అనేది డిస్ట్రిబ్యూటర్ల ముందుండే ప్రశ్న.. అసలు రెండు పెద్ద సినిమాలు ఒకేసారి రావడం కరెక్టేనా? బిజినెస్‌ ఎఫెక్ట్‌ అవుతుందేమో.. ఇది నిర్మాతలు, డిస్ట్రిబ్యూటర్లు,ప్రొడ్యూసర్లు.. ఇలా అందరి ముందుండే ప్రశ్న. శుక్రవారం వచ్చిన ‘సలార్‌’ విడుదల తేదీ (డిసెంబర్‌ 22) ప్రకటన ఈ ప్రశ్నలకు కారణమైంది. అదే రోజు షారుక్‌ ఖాన్‌ ‘డంకీ’ కూడా రిలీజ్‌ కానుంది. బాక్సాఫీస్‌ను ఢీ కొట్టడానికి రెడీ అవుతున్న ‘సలార్‌’, ‘డంకీ’... చిత్రాల్లో ఏది వసూళ్లను కొల్లగొడుతుంది? ఈ రెండింటి కారణంగా వేరే చిత్రాలు వాయిదా పడతాయా? ఓ లుక్కేద్దాం.   ఇండియన్‌ సినిమా బడా సూపర్‌ స్టార్స్‌ ప్రభాస్, షారుక్‌ ఖాన్‌ బాక్సాఫీస్‌ ఫైట్‌కి రెఢీ అయ్యారు. పాన్‌ ఇండియన్‌ స్టార్‌ ప్రభాస్‌ హీరోగా ‘కేజీఎఫ్‌’ ఫేమ్‌ ప్రశాంత్‌ నీల్‌ తెరకెక్కిస్తున్న ‘సలార్‌’లోని తొలి భాగం ‘సలార్‌: సీజ్‌ ఫైర్‌’ను డిసెంబరు 22న ప్రపంచవ్యాప్తంగా రిలీజ్‌ చేస్తున్నట్లుగా ఈ చిత్ర యూనిట్‌ శుక్రవారం ప్రకటించింది. నిజానికి 2022 ఏప్రిల్‌ 14న విడుదల చేయాలనుకుని, ఆ తర్వాత 2023 సెప్టెంబరు 28కి వాయిదా వేశారు. తాజాగా డిసెంబర్‌ 22 అంటున్నారు. ఇంకోవైపు మరో పాన్‌ ఇండియన్‌ స్టార్‌ షారుక్‌ ఖాన్‌ నటిస్తున్న తాజా చిత్రం ‘డంకీ’. హిందీలో ‘మున్నాభాయ్‌ ఎమ్‌బీబీఎస్‌’, ‘3 ఇడియట్స్, ‘పీకే’ వంటి బ్లాక్‌బస్టర్‌ ఫిల్మ్స్‌ తీసిన అగ్రశ్రేణి దర్శకుడు రాజ్‌కుమార్‌ హిరాణి ఈ సినిమాకు దర్శకుడు. షారుక్, రాజ్‌కుమార్‌.. ఈ ఇద్దరికీ విడివిడిగా రికార్డులు ఉండటంతో తొలిసారి ఇద్దరూ కలిసి చేస్తున్న ‘డంకీ’ చిత్రం పై మంచి అంచనాలున్నాయి. గౌరీ ఖాన్, రాజ్‌కుమార్‌ హిరాణి, జ్యోతిదేశ్‌ పాండే ఈ సినిమాను నిర్మిస్తున్నారు. కాగా 2022 ఏప్రిల్‌ 19న ‘డంకీ’ సినిమాను ప్రకటించిన రోజే విడుదల తేదీని (22 డిసెంబరు 2023) కూడా ప్రకటించారు. ఇప్పుడు ప్రభాస్‌ అండ్‌ టీమ్‌ ఇదే రోజున ‘సలార్‌’ విడుదలను నిర్ణయించడం ఇటు తెలుగు అటు హిందీతో పాటు పాన్‌ ఇండియా సినిమాలు కాబట్టి.. ఇతర భాషల ఇండస్ట్రీల్లోనూ చర్చనీయాంశమైంది. ఎవరి రికార్డులు వారివి... ‘బాహుబలి: ది కన్‌క్లూజన్‌’ తర్వాత ప్రభాస్‌ చేసిన ‘సాహో (2019)’, ‘రాధేశ్యామ్‌ (2022)’, ‘ఆదిపురుష్‌ (2023)’ చిత్రాలకు ఆశించిన ఫలితాలు రాలేదు. దీంతో ప్రభాస్‌కు ‘సలార్‌’ హిట్‌ కీలకంగా మారింది. ఇటు ‘జీరో (2018)’ రిజల్ట్‌తో షారుక్‌ ఖాన్‌ డీలా పడ్డప్పటికీ ఆ తర్వాత చేసిన రెండు సినిమాలు ‘పఠాన్‌’, ‘జవాన్‌’ బాక్సాఫీస్‌ వద్ద కొత్త రికార్డులను క్రియేట్‌ చేశాయి. ముఖ్యంగా ‘జవాన్‌’ చిత్రం కలెక్షన్స్‌లో హిందీ హయ్యెస్ట్‌ గ్రాసర్‌గా నిలిచిందని యూనిట్‌ పేర్కొంది. ఇవి షారుక్‌ ఖాన్‌ సూపర్‌ఫామ్‌ను స్పష్టం చేస్తున్నాయి. అలా అని ప్రభాస్, ప్రశాంత్‌ నీల్‌ సినిమాలనూ తక్కువ చేయలేం. ఎందుకంటే ప్రభాస్‌ ‘బాహుబలి: ది కన్‌క్లూజన్‌’ మొత్తం వసూళ్లను షారుక్‌ ఏ సినిమా కూడా ఇంకా అధిగమించలేదని ట్రేడ్‌ విశ్లేషకులు చెబుతున్నారు. అలాగే షారుక్‌ కెరీర్‌లో ఓ డిజాస్టర్‌గా నిలిచిన ‘జీరో’ రిలీజైన రోజున.. అంటే డిసెంబరు 21నే ‘కేజీఎఫ్‌: ఛాప్టర్‌ 1’ (యశ్‌ హీరోగా ప్రశాంత్‌ నీల్‌ దర్శకత్వంలో రూ΄÷ందింది) విడుదలై బ్లాక్‌బస్టర్‌గా నిలిచి, కొత్త రికార్డులను సృష్టించింది. ఇలా ప్రశాంత్‌ నీల్, షారుక్‌ ఖాన్‌ మరోసారి బాక్సాఫీస్‌ వద్ద ఢీ కొనడానికి రెడీ కావడం ఆసక్తికరమైన విశేషం. ఎవరి రికార్డులు వారికి ఉన్న నేపథ్యంలో తాజా ΄ోటీలో రికార్డ్‌ ఎవరిదనేది ఆసక్తికరంగా మారింది. ఫుల్‌ కన్‌ఫ్యూజన్‌ నో కన్‌ఫ్యూజన్‌..‘సలార్‌: సీజ్‌ ఫైర్‌’ను డిసెంబరు 22న విడుదల చేస్తున్నాం అంటూ ‘సలార్‌’ టీమ్‌ ప్రకటించింది. అయితే ‘సలార్‌’కు కన్‌ఫ్యూజన్‌ అక్కర్లేక΄ోవచ్చు కానీ 2023 క్రిస్మస్‌కు ఆల్రెడీ రిలీజ్‌ను కన్ఫార్మ్‌ చేసుకున్న తెలుగు చిత్రాల విడుదల విషయం ఇప్పుడు ఫుల్‌ కన్‌ఫ్యూజన్‌. డిసెంబరు 21న నాని ‘హాయ్‌ నాన్న’, 22న వెంకటేశ్‌ ‘సైంధవ్‌’, సుధీర్‌బాబు ‘హరోం హర’, 23న నితిన్‌ ‘ఎక్స్‌ట్రా’ చిత్రాలు విడుదలకు షెడ్యూల్‌ అయ్యాయి. ఇప్పుడు ‘సలార్‌’ ఎఫెక్ట్‌తో ఈ సినిమాల విడుదల వాయిదా పడే అవకాశం ఉంటుంది. ఒకవేళ అప్పుడు వాయిదా వేసి, సంక్రాంతికి వద్దామనుకుంటే ఆల్రెడీ పండగ బరిలో నాగార్జున ‘నా సామిరంగ’, మహేశ్‌బాబు ‘గుంటూరు కారం’, రవితేజ ‘ఈగల్‌’, విజయ్‌ దేవరకొండ ‘ఫ్యామిలీ స్టార్‌ (ప్రచారంలో ఉన్న టైటిల్‌), తేజా సజ్జా ‘హనుమాన్‌’ చిత్రాలతో పాటు అనువాద చిత్రాలు శివ కార్తికేయన్‌ ‘అయలాన్‌’, సుందర్‌. సి ‘అరణ్మణై 4’ ఉన్నాయి. అయితే ఒకేసారి ఇన్ని సినిమాలంటే థియేటర్ల సంఖ్య ప్రశ్నార్థకమవుతుంది... దాంతో పాటు వసూళ్లు కూడా షేర్‌ అయి΄ోతాయి కాబట్టి వీటిలో ఏదైనా వాయిదా పడే అవకాశమూ లేక΄ోలేదు. ఇక ప్రభాస్‌ నటిస్తున్న మరో చిత్రం ‘కల్కి 2098 ఏడి’ కూడా సంక్రాంతి బరిలో ఉంది. ఈ సినిమా వాయిదా పడే చాన్స్‌ ఉందని తెలుస్తోంది.   ‘సలార్‌’, ‘డంకీ’... ప్రకటించిన ప్రకారం డిసెంబర్‌ 22నే వస్తాయా? ఇవి వస్తే ఏ చిత్రాలు వెనక్కి వెళతాయి? సంక్రాంతి బరిలో నిలిచే చిత్రాలేంటి? అనేది తెలియాలంటే కొంత సమయం వేచి ఉండక తప్పదు.        ఆ తేదీకే ఎందుకు? ఓ సినిమా బాక్సాఫీస్‌ సరికొత్త రికార్డులను సృష్టించాలంటే సరైన రిలీజ్‌ డేట్‌ కూడా ముఖ్యం. ఇప్పుడు ‘సలార్‌’, ‘డంకీ’ చిత్రాలు డిసెంబరు 22ను ఎంచుకోవడం సరైనదే. ఎందుకంటే ఆ రోజు నుంచి వారాంతం ఆరంభమవుతుంది. సరిగ్గా క్రిస్మస్‌ సెలవులు కూడా మొదలవుతాయి. దీంతో ప్రేక్షకులు థియేటర్స్‌కు రావడం ఖాయం. ఒకవేళ ఈ చిత్రాలు హిట్‌ టాక్‌ తెచ్చుకుంటే.. న్యూ ఇయర్, ఆ తర్వాత సంక్రాంతి వరకూ ప్రదర్శనకు స్కోప్‌ ఉంటుంది. సంక్రాంతి సెలవుల టార్గెట్‌గా కొత్త చిత్రాలు వస్తాయి. అప్పుడు ‘సలార్‌’, ‘డంకీ’కి థియేటర్లు తగ్గే అవకాశం ఉంది. ఒకవేళ పండగ టైమ్‌లో వచ్చే చిత్రాలకన్నా ఈ రెండూ బంపర్‌ హిట్‌ టాక్‌ తెచ్చుకుంటే అప్పుడు సంక్రాంతి సెలవులను కూడా క్యాష్‌ చేసుకుంటాయి. ఈ చిత్రాల టాక్‌ ముందే తెలిసి΄ోతుంది కాబట్టి.. సంక్రాంతికి వచ్చే చిత్రాల్లో ఏదైనా వాయిదా పడే అవకాశం కూడా లేక΄ోలేదు.

కవిన్, అపర్ణా దాస్, మోనికా చిన్నకోట్ల, ఐశ్వర్య, భాగ్యరాజ, వీటీవీ గణేష్‌ కీలక పాత్రల్లో నటించిన చిత్రం ‘దా... దా...’. గణేష్‌ కె. బాబు దర్శకత్వం వహించారు. ఎస్‌. అంబేత్‌ కుమార్‌ సమర్పణలో రూపొందిన ఈ చిత్రం తమిళంలో హిట్‌ అయింది. ఈ సినిమా ‘పా... పా...’ పేరుతో తెలుగులో విడుదల కానుంది. నీరజ సమర్పణలో పాన్‌ ఇండియా మూవీస్, జేకే ఎంటర్‌టైన్మెంట్స్‌పై ఎంఎస్‌ రెడ్డి తెలుగులో రిలీజ్‌ చేస్తున్నారు. ‘‘యూత్‌ఫుల్, లవ్, ఫ్యామిలీ ఎంటర్‌టైనర్‌గా రూపొందిన చిత్రం ‘పా... పా...’. త్వరలో ట్రైలర్‌ విడుదల చేయనున్నాం. కొత్త తరహా చిత్రాలను ఆదరించే తెలుగు ప్రేక్షకులు ‘పా...పా...’ని కూడా హిట్‌ చేస్తారనే నమ్మకం ఉంది’’ అన్నారు ఎంఎస్‌ రెడ్డి. ఈ చిత్రానికి కెమెరా: కె. ఎళిల్‌ అరసు, సంగీతం: జెన్‌ మార్టిన్, సహనిర్మాతలు: శ్రీకాంత్‌ నూనెపల్లి, శశాంక్‌ చెన్నూరు.

తంతిరం సినిమా అక్టోబర్ 6న వరల్డ్ వైడ్‌గా విడుదల కానుంది... శ్రీకాంత్ గుర్రం, ప్రియాంక శర్మ ,అవినాష్ వెలందరు, శ్రీనివాసమూర్తి తదితరులు సినిమాలో నటించారు. ఈ చిత్రానికి ముత్యాల మెహర్ దీపక్ దర్శకత్వం వహించగా శ్రీకాంత్ కంద్రగుల (SK ) నిర్మాతగా ఉన్నారు. ఈ మధ్య చిన్న సినిమా, పెద్ద సినిమా అని లేకుండా కంటెంట్ ఉంటే చాలు సూపర్‌ హిట్‌ స్థానాన్ని దక్కించుకుంటున్నాయి. ఈ క్రమంలోనే రూపొందించిన సినిమానే తంతిరం. తాజాగా ఈ సినిమా ట్రైలర్ విడుదలైంది. దీనికి అద్భుతమైన స్పందన వస్తోంది. (ఇదీ చదవండి: Chiranjeevi : మెగాస్టార్‌ చిరంజీవి 45 ఏళ్ల సినీ ప్రస్థానం.. రామ్‌ చరణ్‌ ఎమోషనల్‌ పోస్ట్‌) ఈ సినిమా హర్రర్ అంశాలతో కూడిన కుటుంబ కథా చిత్రంగా, భార్యాభర్తల మధ్య ఒక ఆత్మ ప్రవేశిస్తే వారి దాంపత్య జీవితం ఎలా అనేది ఒక అందమైన ప్రేమకథతో తెర‌కెక్కిన‌ సైకలాజికల్ థ్రిల్లర్ ఇది.  ఆద్యంతం ఉత్కంఠ రేకెత్తిస్తూ ర‌క్తి క‌ట్టిస్తుంది. థ్రిల్లింగ్ కాన్సెప్టుతో న‌వ‌త‌రం నటీన‌టుల‌తో తీసిన సినిమా కంటెంట్ మాత్రమే నమ్మిన ప్రొడ్యూసర్ సినిమా కోసం ఎక్కడ కాంప్రమైజ్ అవ్వకుండా సినిమా బండి బ్యానర్ పైన దీనిని తెరకెక్కించారు. సెన్సార్ కార్యక్రమాలు పూర్తిచేసుకున్న ఈ సినిమా U/A సర్టిఫికెట్ను అందుకుంది. ఆడియో రైట్స్ దక్కించుకున్న సరిగమ సంస్థ ఈరోజు జ్యూక్ బాక్స్ ద్వారా ఆడియో రిలీజ్ చేసింది. భారీ అంచనాలు ఉన్న ఈ సినిమా రైట్స్ కోసం ఓటీటీ సంస్థలు కూడా ఇప్పటికే పోటీ పడుతున్నాయి. ఈ సినిమా ట్రైలర్‌కు నార్త్ ఇండియాలో కూడా మంచి స్పందన లభిస్తోంది. పాన్ ఇండియా లెవెల్‌లో ఐదు భాషల్లో విడుదలవుతున్న ఈ సినిమా రిలయన్స్ సంస్థ గ్రాండ్‌గా అక్టోబర్ 6న రిలీజ్ చేయడానికి సిద్ధమయింది.

టాలీవుడ్ దర్శకధీరుడు రాజమౌళి మరో సినిమాను ప్రకటించారు. ఆర్ఆర్ఆర్ తర్వాత రాజమౌళి సమర్పణలో ఈ చిత్రాన్ని తెరకెక్కిస్తున్నట్లు ట్వీట్ చేశారు. ఆర్ఆర్ఆర్‌ సినిమాతో తెలుగుస్థాయిని ప్రపంచానికి చాటిచెప్పన దర్శకధీరుడు తాజాగా చేసిన ట్వీట్‌ తెగ వైరలవుతోంది. భారతీయ సినిమా రంగంపై వస్తున్న బయోపిక్‌ను సమర్పించనున్నట్లు ట్వీట్‌లో పేర్కొన్నారు.  గత రెండు రోజులుగా రాజమౌళి నుంచి ఓ భారీ ప్రకటన  చేయనున్నారంటూ సోషల్ మీడియాలో వార్తలొచ్చిన సంగతి తెలిసిందే. అందరూ  ఊహించినట్లుగానే ఓ భారీ సినిమాను ప్రజెంట్‌ చేస్తున్నట్లు వెల్లడించారు. భారతీయ సినిమా చరిత్రను తెలియజేస్తూ మేడ్ ఇన్ ఇండియా అనే చిత్రాన్ని ఎస్ఎస్ రాజమౌళి సమర్పిస్తున్నారు. ఈ చిత్రానికి నితిన్ కక్కర్ దర్శకత్వం వహిస్తుండగా.. వరుణ్ గుప్తా, ఎస్ఎస్ కార్తికేయ నిర్మిస్తున్నారు. ఈ విషయాన్ని ప్రకటిస్తూ ఓ వీడియోను రిలీజ్ చేశారు రాజమౌళి. ఈ మేరకు ఆయన ట్వీట్ చేశారు.  రాజమౌళి ట్వీట్‌లో రాస్తూ.. 'నేను మొదట కథనం విన్నప్పుడు.. అది భావోద్వేగంగా నన్ను కదిలించింది. బయోపిక్‌ని రూపొందించడం చాలా కష్టం. కానీ భారతీయ సినిమా పితామహుడు గురించి ఆలోచించడం మరింత సవాలుతో కూడుకున్నది. మా అబ్బాయిలు అందుకు సిద్ధంగా ఉన్నారు. ఇలాంటి సినిమాను సమర్పిస్తున్నందుకు నాకెంతో గర్వంగా ఉంది.' అంటూ ఓ వీడియోను పోస్ట్ చేశారు. ఈ మూవీని పాన్‌ ఇండియా రేంజ్‌లో తెరకెక్కించనున్నారు.  ఫాదర్‌ ఆఫ్‌ ఇండియన్ సినిమా అంటే మనకు గుర్తొచ్చే పేరు దాదాసాహెబ్ ఫాల్కే. అతనిని భారత సినిమా పితామహుడు అని పిలుస్తారు. 1913లో విడుదలైన రాజా హరిశ్చంద్ర ఆయన నిర్మించిన తొలి ఇండియన్ సినిమా. ఆయన బయోపిక్‌ను సినిమాగా తెరకెక్కిస్తున్నట్లు తెలుస్తోంది. అయితే రాజమౌళి తన నెక్ట్స్‌ మూవీ మహేశ్‌ బాబుతో చేయనున్నారు. యాక్షన్‌ అడ్వంచర్‌గా రూపొందించనున్నట్లు తెలిసిందే. కానీ అందరూ ఈ సినిమా గురించే ప్రకటన చేస్తారని అనుకున్నారు.  When I first heard the narration, it moved me emotionally like nothing else. Making a biopic is tough in itself, but conceiving one about the FATHER OF INDIAN CINEMA is even more challenging. Our boys are ready and up for it..:) With immense pride, Presenting MADE IN INDIA… pic.twitter.com/nsd0F7nHAJ — rajamouli ss (@ssrajamouli) September 19, 2023

హీరో నిఖిల్‌ సిద్ధార్థ వియత్నామ్‌లో వాలిపోయారు. ఏదో వెకేషన్‌కి వెళ్లుంటారేమో అనుకుంటే పొరబడినట్టే. తన తాజా పాన్‌ ఇండియా చిత్రం ‘స్వయంభూ’ కోసం నెల రోజులు ప్రత్యేక శిక్షణ తీసుకునేందుకు వియత్నామ్‌ వెళ్లారాయన. భరత్‌ కృష్ణమాచారి దర్శకత్వం వహించనున్న మూవీ ‘స్వయంభూ’. ఠాగూర్‌ మధు సమర్పణలో భువన్, శ్రీకర్‌ ఈ చిత్రాన్ని నిర్మించనున్నారు. యుద్ధం నేపథ్యంలో రూపొందనున్న ఈ సినిమాలో యోధునిగా కనిపించనున్నారు నిఖిల్‌. ఈ పాత్రకు సంబంధించి ఆయుధాలు, మార్షల్‌ ఆర్ట్స్, గుర్రపు స్వారీలో శిక్షణ తీసుకుంటున్నారు. సైగాన్‌లోని కొంతమంది బిగ్గెస్ట్‌ స్టంట్‌ మాస్టర్‌లు ‘స్వయంభూ’ యూనిట్లో భాగంగా ఉండి యాక్షన్‌ సీక్వెన్స్‌ల కోసం నిఖిల్‌కి శిక్షణ ఇస్తారు. నెల రోజుల పాటు శిక్షణ తీసుకోనున్నారు నిఖిల్‌. ఈ చిత్రానికి సంగీతం: రవి బస్రూర్, కెమెరా: మనోజ్‌ పరమహంస, సహనిర్మాతలు: విజయ్‌ కామిశెట్టి, జీటీ ఆనంద్‌.

అరుంధతితో తిరుగులేని విజయాన్ని అందుకున్న అనుష్క… జేజెమ్మగా ప్రేక్షకుల మదిలో నిలిచిపోయింది. ఆ సినిమా ఆమె సినీ జీవితానికే ఓ మలుపుగా చెప్పుకోవచ్చు.. ఆ తర్వాత బాహుబలి ఫ్రాంచైజ్‌తో ఆమెకు పాన్‌ ఇండియా హీరోయిన్‌గా గుర్తింపు దక్కింది. ఇలా టాలీవుడ్‌ నుంచి పాన్ ఇండియా వరకు బాక్సాఫీస్ దగ్గర భారీ విజయాలను అందుకుంది. కానీ సైజ్‌ జీరో సినిమా నుంచి చాలా గ్యాప్ తీసుకొని నవీన్ పోలిశెట్టితో కలిసి మిస్ శెట్టి మిస్టర్ పోలిశెట్టి సినిమా చేసింది. ఈ మూవీ త్వరలో విడుదల కానుంది. (ఇదీ చదవండి: 'జైలర్‌'కు భారీగా లాభాలు.. రజనీకి మరో చెక్‌ ఇచ్చిన నిర్మాత.. ఎంతో తెలుసా?) ఇదిలా ఉండగా అనుష్క శెట్టి మరో ఇంట్రెస్టింగ్ ప్రాజెక్టులో జాయిన్ అయింది. మలయాళ చిత్ర సీమ నుంచి వస్తున్న ఫాంటసీ హారర్ డ్రామా 'కథనార్ – ది వైల్డ్ సోర్సెరర్' సినిమా ఫస్ట్ గ్లింప్స్‌ను తాజాగ మేకర్స్ రిలీజ్ చేశారు. ఇందులో జాతీయ అవార్డు అందుకున్న మలయాళ టాప్‌ హీరో జయసూర్య ప్రధాన పాత్రలో నటిస్తున్నారు. ఆయన పుట్టినరోజు సందర్భంగా ఈ గ్లింప్స్‌ను రిలీజ్ చేశారు. ఈ సినిమాలో అనుష్క శెట్టి కూడా ప్రధాన పాత్రలో నటిస్తున్నట్టు అధికారికంగా మేకర్స్‌ వెల్లడించారు. (ఇదీ చదవండి: నేనూ ఒకమ్మాయిని ప్రేమించాను.. కానీ ఆమె మరో హీరోతో .. : విజయ్‌ సేతుపతి) ఈ మూవీకి రోజిన్ థామస్ దర్శకత్వం వహిస్తున్నారు. అతీంద్రియ శక్తులు ఉన్నాయని నమ్మే కేరళ పూజారి కడమత్తత్తు కథనార్ కథల ఆధారంగా ఈ సినిమా తెరకెక్కిస్తున్నారు.  మొత్తం 14 భాషల్లో ఈ సినిమాను రిలీజ్‌ చేస్తున్నారు. రెండు భాగాలుగా తెరకెక్కుతున్న ఈ చిత్రం. వచ్చే ఏడాది (2024)లో పార్ట్‌-1 విడుదల కానుందని వెల్లడించారు. సుమారు రెండు నిమిషాల పాటు ఉన్న ఈ గ్లింప్స్‌ వెన్నులో వణుకు పుట్టించేలా విజువల్స్‌ ఉన్నాయి. 

‘‘ఇప్పటివరకు ఎన్నో వైవిధ్యమైన పాత్రలు చేశాను. ప్రేక్షకులు ఆదరిస్తూ వచ్చారు.. వారి ఆదరాభిమానాలతోనే నేనీ స్థాయికి వచ్చాను’’ అని హీరో విశాల్‌ అన్నారు. అధిక్‌ రవిచంద్రన్‌ దర్శకత్వంలో విశాల్, రీతూ వర్మ జంటగా నటించిన చిత్రం ‘మార్క్‌ ఆంటోని’. ఎస్‌జే సూర్య, సునీల్, సెల్వ రాఘవన్‌ ముఖ్య పాత్రల్లో నటించారు. ఎస్‌. వినోద్‌ కుమార్‌ నిర్మించిన ఈ సినిమా సెప్టెంబర్‌ 15న పాన్‌ ఇండియా స్థాయిలో రిలీజ్‌ కానుంది. కాగా నేడు విశాల్‌ పుట్టినరోజు. ఈ సందర్భంగా ఆయన మాట్లాడుతూ– ‘‘ఈ పుట్టినరోజు నాకెంతో ప్రత్యేకం. ఎందుకంటే ‘మార్క్‌ ఆంటోని’ వంటి వైవిధ్యమైన సినిమాతో ప్రేక్షకుల ముందుకు రాబోతున్నాను. ఇప్పటివరకు నేను చేసిన సినిమాలన్నీ ఒక ఎత్తు అయితే ఇది మరో ఎత్తు. ఇందులో రెండు విభిన్నమైన పాత్రలు చేశా. ఈ సినిమా ప్రేక్షకులకు మంచి అనుభూతినిస్తుంది’’ అన్నారు.

రవితేజ హీరోగా నటిస్తున్న తాజా పాన్‌ ఇండియా చిత్రం ‘టైగర్‌ నాగేశ్వరరావు’. వంశీ దర్శకత్వం వహిస్తున్న ఈ చిత్రంలో నూపుర్‌ సనన్‌ (నటి కృతీ సనన్‌ చెల్లెలు), గాయత్రీ భరద్వాజ్‌ హీరోయిన్లు. ‘ది కాశ్మీర్‌ ఫైల్స్, కార్తికేయ 2’ వంటి వరుస విజయాలు అందుకున్న అభిషేక్‌ అగర్వాల్‌ ఈ చిత్రాన్ని నిర్మిస్తున్నారు. ఈ మూవీలో సారా పాత్రలో నటిస్తున్నారు నూపుర్‌. ‘టైగర్‌ లవ్‌ సారా’ అంటూ సోమవారం నూపుర్‌ ఫస్ట్‌ లుక్‌ను విడుదల చేశారు మేకర్స్‌. ‘‘రవితేజ కెరీర్‌లో అత్యధిక బడ్జెట్‌తో తెరకెక్కుతోన్న చిత్రం ‘టైగర్‌ నాగేశ్వరరావు’. అక్టోబర్‌ 20న సినిమాని రిలీజ్‌ చేస్తాం’’ అని యూనిట్‌ పేర్కొంది. అనుపమ్‌ ఖేర్, రేణూ దేశాయ్‌ నటిస్తున్న ఈ చిత్రానికి సంగీతం: జీవీ ప్రకాష్‌ కుమార్, కెమెరా: ఆర్‌. మది, సమర్పణ: తేజ్‌ నారాయణ్‌ అగర్వాల్, సహనిర్మాత: మయాంక్‌ సింఘానియా. Nothing makes me feel more proud than to launch my sister’s first PAN INDIA film Poster!🥹🧿❤️ #TigerNageswaraRao Meet our TIGER'S LOVE ❤️ Introducing @NupurSanon as the lovely Sara from the GRAND WORLD of #TigerNageswaraRao 🥷 WORLDWIDE HUNT begins from October 20th 🐯🔥… pic.twitter.com/hlyGMVv9ly — Kriti Sanon (@kritisanon) August 28, 2023

కన్నడ స్టార్‌ శివ రాజ్‌కుమార్‌ అక్టోబర్‌లో ‘ఘోస్ట్‌’ సినిమాతో థియేటర్లకు రానున్నారు. ఆయన హీరోగా నటించిన తాజా చిత్రం ‘ఘోస్ట్‌’. శ్రీని (బీర్బల్‌) దర్శకత్వంలో సందేశ్‌ నాగరాజ్‌ పాన్‌ ఇండియా స్థాయిలో ఈ సినిమాని నిర్మించారు. ఈ చిత్రాన్ని తెలుగు, కన్నడ, హిందీ, తమిళ, మలయాళ భాషల్లో అక్టోబర్‌ 19న విడుదల చేయనున్నట్లు ప్రకటించారు. ‘‘హై ఓల్టేజ్‌ యాక్షన్‌ థ్రిల్లర్‌గా ‘ఘోస్ట్‌’ రూపొందింది. అక్టోబర్‌ రెండో వారం నుంచి దేశవ్యాప్తంగా ఈ సినిమా స్పెషల్‌ ప్రీమియర్స్‌ ప్లాన్‌ చేస్తున్నాం’’ అని చిత్ర యూనిట్‌ పేర్కొంది. 

మలయాళ స్టార్ హీరో దుల్కర్ సల్మాన్ నటించిన  'కింగ్ ఆఫ్ కోతా' పాన్‌ ఇండియా రేంజ్‌లో ఆగష్టు 24న విడుదలకు సిద్ధంగా ఉంది. ఇప్పటికే ఈ చిత్రం నుంచి రిలీజైన సాంగ్స్, ట్రైలర్ ప్రేక్షకులను విశేషంగా ఆకట్టుకున్నాయి. రిలీజ్ డేట్ దగ్గరపడుతుండటంతో ఈ సినిమా ప్రీ రిలీజ్ ఈవెంట్‌ను హైదరాబాద్‌లో తాజాగ జరిపారు. ఈ కార్యక్రమానికి న్యాచురల్ స్టార్ నాని, రానా దగ్గుబాటి ముఖ్య అతిథిలుగా హాజరయ్యారు.  (ఇదీ చదవండి: వడివేలు ఏం అడుగుతాడో నాకు తెలుసు: సినీ నటి) ఈ కార్యక్రమంలో పాన్‌ ఇండియా హీరో గురించి నాని చేసిన వ్యాఖ్యలు వైరల్‌ అవుతున్నాయి. ఆ ఈవెంట్‌లో పాన్‌ ఇండియా గురించి నాని ఇలా చెప్పుకొచ్చాడు. 'మనందరం ఇప్పుడు పాన్  ఇండియా మూవీస్‌ అంటున్నాం. ఆ పదం నాకు పెద్దగా నచ్చదు. కానీ, నాకు తెలిసిన యాక్టర్స్‌లో పాన్‌ ఇండియా యాక్టర్‌ ఎవరైనా ఉన్నారంటే అది దుల్కర్‌ మాత్రమే. ఎందుకంటే ఓ హిందీ దర్శకుడు దుల్కర్‌ కోసం కథ రాసుకుంటాడు. ఓ తెలుగు దర్శకుడు తన కోసం కథ రాసుకుంటాడు. ఓ తమిళ దర్శకుడు కూడా దుల్కర్‌ కోసం స్క్రిప్ట్‌ రాసుకుంటాడు. ఓ మలయాళ దర్శకుడూ అతని కోసం కథ రాస్తాడు. ఓ పాన్  ఇండియా యాక్టర్‌కు నిజమైన నిర్వచనం ఇదే' అని అన్నారు నాని.  దీంతో టాలీవుడ్‌లో ఉండే పాన్‌ ఇండియా హీరోల ఫ్యాన్స్‌ అందరూ నానిపై ఫైర్‌ అవుతున్నారు. దుల్కర్‌ మంచి నటుడే... పాన్‌ ఇండియా రేంజ్‌ను అందుకునే అర్హత ఆయనకు ఉంది. అందులో ఎలాంటి సందేహం లేదని తెలుపుతూనే నాని వ్యాఖ్యలను పలువురు తప్పుబడుతున్నారు. దుల్కర్‌ మాత్రమే పాన్‌ ఇండియా హీరో అని ఎలా చెబుతావ్‌ నాని అంటూ ఓ రేంజ్‌లో టాలీవుడ్‌ హీరోల ఫ్యాన్స్‌ కామెంట్లు చేస్తున్నారు. పాన్‌ ఇండియా రేంజ్‌కి ఎప్పటికీ చేరుకోలేడు కాబట్టే నానికి  ఆ పదం పెద్దగా నచ్చదని అంటున్నారు.  (ఇదీ చదవండి: మీ గౌరవం ఏంటో తెలుసుకోండి.. అలా అయితే జీవించనక్కర్లేదు: సమంత) సౌత్‌ ఇండియా ప్రస్తుత టాప్‌ హీరోల్లో అందరికంటే ముందుగా బాలీవుడ్‌లో జెండా పాతిన ప్రభాస్‌.. ఆ తర్వాత రామ్‌ చరణ్‌, జూ.ఎన్టీఆర్‌, అల్లు అర్జున్‌ వీళ్లందరూ గల్లీ హీరోలు అనుకుంటున్నావా..? అంటూ నానిపై నెటిజన‍్లు ఫైర్‌ అవుతున్నారు. 'అసలు నాని ఎవడు.. ? ఒకరికి పాన్‌ ఇండియా హీరో అని గుర్తింపు ఇవ్వడానికి.. సినిమాలు చూసేది మేము. గుర్తింపు ఇవ్వాల్సింది మేము. ఇలాంటి ఆటిట్యూడ్‌ వ్యాఖ్యలతో పాటు కొంచెం నోటిదూల తగ్గించుకుంటే మంచిది.' అని వారు సలహా ఇస్తున్నారు. 

‘‘మనందరం ఇప్పుడు పాన్  ఇండియా మూవీస్‌ అంటున్నాం. ఆ పదం నాకు పెద్దగా నచ్చదు. కానీ, నాకు తెలిసిన యాక్టర్స్‌లో పాన్‌ ఇండియా యాక్టర్‌ ఎవరైనా ఉన్నారంటే అది దుల్కర్‌ మాత్రమే. ఎందుకంటే ఓ హిందీ దర్శకుడు దుల్కర్‌ కోసం కథ రాసుకుంటాడు. ఓ తెలుగు దర్శకుడు తన కోసం కథ రాసుకుంటాడు. ఓ తమిళ దర్శకుడు కూడా దుల్కర్‌ కోసం స్క్రిప్ట్‌ రాసుకుంటాడు. ఓ మలయాళ దర్శకుడూ అతని కోసం కథ రాస్తాడు. ఓ పాన్  ఇండియా యాక్టర్‌కు నిజ మైన నిర్వచనం ఇదే’’ అన్నారు నాని. దుల్కర్‌ సల్మాన్ , ఐశ్వర్యా లక్ష్మి జంటగా నటించిన చిత్రం ‘కింగ్‌ ఆఫ్‌ కోత’. అభిలాష్‌ జోషి దర్శకత్వంలో జీ స్టూడియోస్, వేఫేరర్‌ ఫిల్మ్స్‌ నిర్మించిన ఈ చిత్రం ఈ నెల 24న విడుదల కానుంది. ఈ సందర్భంగా హైదరాబాద్‌లో జరిగిన ఈ సినిమా ప్రీ రిలీజ్‌ ఈవెంట్‌కు ముఖ్య అతిథిగా హాజరైన నాని మాట్లాడుతూ– ‘‘దుల్కర్‌ ‘ఓకే బంగారం’ సినిమాలో నా వాయిస్‌ ఉంది. తన జర్నీలో నా భాగస్వామ్యం కూడా ఉన్నట్లు నేను ఫీలవుతున్నాను. ‘సీతారామం’తో తను తెలుగు ప్రేక్షకుల మనసు గెల్చుకున్నాడు. ఈ సినిమాతో ఆ ప్రేమ నెక్ట్స్‌ లెవల్‌కు వెళ్లాలని కోరుకుంటున్నాను. ‘కింగ్‌ ఆఫ్‌ కోత’ పెద్ద విజయం సాధించాలి. ’’ అన్నారు. హీరో రానా మాట్లాడుతూ–‘‘దుల్కర్‌ ఓ వైల్డ్‌ యాక్షన్  ఫిల్మ్‌ చేశాడంటే నాకు చాలా ఎగ్జయిటింగ్‌గా ఉంది’’ అన్నారు. దుల్కర్‌ సల్మాన్  మాట్లాడుతూ–‘‘ నా కెరీర్‌లో బిగ్గెస్ట్‌ ఫిల్మ్‌ ‘కింగ్‌ ఆఫ్‌ కోత’. నాలుగు భాషల్లోనూ నేనే డబ్బింగ్‌ చెప్పాను’’ అన్నారు. ‘‘ఈ సినిమాలో దుల్కర్‌ కొత్తగా కనిపిస్తారు’’ అన్నారు జీ స్టూడియోస్‌ వైస్‌ ప్రెసిడెంట్‌ నిమ్మకాయల ప్రసాద్‌. ఈ కార్యక్రమంలో హీరోయిన్ ్స ఐశ్వర్యా లక్ష్మి, అనిఖా సురేంద్రన్ , నటుడు షబ్బీర్, నిర్మాత ‘స్రవంతి’ రవికిషోర్‌ తదితరులు పాల్గొన్నారు.

చాలామంది హీరోయిన్స్ ప్రభాస్ తో సినిమా అనగానే కనీసం కథ కూడా వినకుండా ఓకే చెప్పేస్తారు. ఇప్పుడంటే పాన్‌ ఇండియా స్టార్‌ అయ్యాడు కానీ.. గతంలో కేవలం తెలుగు సినిమాలు చేసినప్పుడు కూడా చాలా మంది హీరోయిన్లకి అతను స్పెషల్‌. అయితే ప్రభాస్ ఎందుకు స్పెషల్ అనే దానికి కూడా స్పెషల్ కారణం ఉంది. అదేంటంటే ప్రభాస్ బిహేవియర్. సినిమా ఇండస్ట్రీ లో ఎవ్వరి గురించి గాసిపింగ్ చెయ్యకుండా,అందరితో మర్యాదగా నడుచుకుంటాడు ప్రభాస్. అందుకే అతనికి డార్లింగ్ అనే పర్ఫెక్ట్ పెట్ నేమ్ కూడా సెట్ అయ్యింది. హీరోయిన్స్ కి కూడా ప్రభాస్ చాలా రెస్పెక్ట్ ఇస్తాడట. (చదవండి: ‘ఆదిపురుష్‌’ ఎఫెక్ట్‌..‘సలార్‌’పై ప్రభాస్‌ కీలక నిర్ణయం) అంతే కాదు ప్రభాస్ కి ఫుడ్ అంటే చాలా ఇష్టం. అందుకే రకరకాల ఫుడ్స్ వేరే వేరే ప్లేసెస్ నుంచి ఫ్లైట్ లో కూడా తెప్పించుకుంటాడు. అయితే ప్రభాస్ ఆ ఫుడ్ ని తను తిని ఎంజాయ్ చెయ్యడమే కాదు, తనతో పాటు ఉండేవాళ్ళకి కూడా వడ్డిస్తాడు. ఆ లిస్ట్ లో కో యాక్టర్స్ తో పాటు హీరోయిన్స్ కూడా ఉంటారు. అంతే కాదు హైదరాబాద్ లో షూటింగ్ అయితే హీరోయిన్స్ కి కూడా ప్రభాస్ ఇంటి నుంచి కూడా అప్పుడప్పుడు స్పెషల్ క్యారేజ్ వస్తుంది. దానికి సంబంధించిన పిక్స్ ఆయా హీరోయిన్స్ సోషల్ మీడియా అకౌంట్స్ లో కూడా పోస్ట్ చేసేవారు. (చదవండి: వాళ్లు ఎన్నో మాటలన్నారు.. ఆ డబ్బుతోనే కుటుంబాన్ని పోషించా: అబ్బాస్‌) ప్రభాస్‌ గురించి చెప్పమంటే అతనితో నటించిన హీరోయిన్లు అంతా ముందుగా చెప్పేది అతను వడ్డించే భోజనం గురించే. ఆంధ్రాలో దొరికే అన్ని రకాల నాన్-వెజ్ వంటకాల్ని తన హీరోయిన్ల కోసం వండిస్తాడట ప్రభాస్‌.  ఆ మధ్య స్టార్‌ హీరోయిన్‌ శృతిహాసన్‌ కూడా ఇదే విషయాన్ని చెప్పింది. ప్రభాస్‌ అంటే తనకు ప్రేమ, భోజనం రెండూ గుర్తొస్తాయని చెప్పింది. సలార్‌ షూటింగ్‌ సమయంలో శృతికి రకరకాల వంటకాల రుచి చూపించాడట. ఇంటి నుంచి ప్రత్యేకమైన భోజనం తెప్పించి స్వయంగా వడ్డించాడట.  నేటితరం హీరోల్లో ఈ క్వాలిటీ చాలా తక్కువమందికి ఉంటుంది. మర్యాద ఇస్తూ,కడుపునిండా తినేంత వరకు వదిలిపెట్టని హీరోలు అరుదు. అలా ఒక యూనీక్ క్వాలిటీ తో స్పెషల్ గా ఉంటాడు ప్రభాస్. అందుకే చాలామంది హీరోయిన్స్ ప్రభాస్ అంటే స్పెషల్ ఎఫెక్షన్ తో ఉంటారు. ఇంకా కరెక్ట్ గా చెప్పాలంటే డార్లింగ్ అంటే పడి చస్తారు.

రవితేజ హీరోగా నటిస్తున్న పాన్‌ ఇండియా చిత్రం ‘టైగర్‌ నాగేశ్వరరావు’. వంశీ దర్శకత్వం వహిస్తున్న ఈ చిత్రంలో నూపుర్‌ సనన్, గాయత్రీ భరద్వాజ్‌ హీరోయిన్లుగా నటిస్తున్నారు. తేజ్‌ నారాయణ్‌ అగర్వాల్‌ సమర్పణలో అభిషేక్‌ అగర్వాల్‌ ఆర్ట్స్‌పై అభిషేక్‌ అగర్వాల్‌ నిర్మిస్తున్నారు. ఈ చిత్రాన్ని దసరా కానుకగా అక్టోబర్‌ 20న రిలీజ్‌ చేయనున్నట్లు గతంలో ప్రకటించారు మేకర్స్‌. అయితే ఈ సినిమా విడుదల ఆలస్యమయ్యే అవకాశం ఉందనే ఊహాగానాలు మొదలయ్యాయి. ఈ నేపథ్యంలో ‘టైగర్‌ నాగేశ్వరరావు’ విడుదలలో ఎలాంటి మార్పు లేదని, ముందుగా ప్రకటించినట్లు దసరాకి అక్టోబర్‌ 20నే విడుదల చేస్తామనీ చిత్రబృందం ఓ ప్రకటన రిలీజ్‌ చేసింది. ‘‘టైగర్‌ నాగేశ్వరరావు’ చిత్రం అక్టోబర్‌ 20న విడుదల కావడం లేదంటూ కొన్ని శక్తులు వదంతులు వ్యాప్తి చేస్తున్నాయి.  ఆ వదంతులను నమ్మవద్దు. మీకు (ప్రేక్షకులు) అత్యుత్తమ సినిమా అనుభూతిని అందించడానికి మేము కృషి చేస్తున్నాం. అక్టోబరు 20 నుంచి బాక్సాఫీస్‌ వద్ద టైగర్‌ వేట ప్రారంభమవుతుంది’’ అని మేకర్స్‌ తెలియజేశారు. ఈ చిత్రానికి సహనిర్మాత: మయాంక్‌ సింఘానియా, సంగీతం: జీవీ ప్రకాష్‌ కుమార్, కెమెరా: ఆర్‌ మది.

‘నిర్మలా కాన్వెంట్‌’ (2016)లో లీడ్‌ రోల్‌ చేసి, ‘పెళ్లి సందడి’ (2021)తో హీరోగా మంచి మార్కులు తెచ్చుకున్నారు నటుడు శ్రీకాంత్‌ తనయుడు రోషన్‌ మేకా. ఇప్పుడు పర్ఫెక్ట్‌ ప్లానింగ్‌తో హీరోగా సినిమాలు సైన్‌ చేశారు. రోషన్‌ ఒకేసారి రెండు పాన్‌ ఇండియా చిత్రాలు అంగీకరించడం విశేషం. కన్నడ దర్శకుడు నందకిశోర్‌ దర్శకత్వంలో రోషన్‌–మోహన్‌లాల్‌ కాంబినేషన్‌లో రూపొందనున్న పాన్‌ ఇండియా చిత్రం షూటింగ్‌ ఈ నెలాఖరులో ఆరంభం కానుంది. తండ్రీ–కొడుకుల అనుబంధం నేపథ్యంలో పీరియాడికల్‌ యాక్షన్‌ మూవీగా రూపొందనుంది. రోషన్‌ నటించనున్న మరో పాన్‌ ఇండియా చిత్రం వైజయంతీ మూవీస్‌–స్వప్నా సినిమా బేనర్లపై రూపొందనుంది. నూతన దర్శకుడు ప్రదీప్‌ అద్వైతం ఈ చిత్రాన్ని తెరకెక్కించనున్నారు.

'తొలి పాన్‌ ఇండియా బాలల చిత్రం ‘లిల్లీ’. ఈ సినిమాకి తెలుగుతో పాటు తమిళ, కన్నడ, మలయాళం, హిందీ భాషల్లోనూ మంచి స్పందన వస్తోంది. మా చిత్రాన్ని ఇండియాలోని అన్ని పాఠశాలల విద్యార్థులకు చూపించాలనేది మా లక్ష్యం' అని డైరెక్టర్‌ శివమ్‌ అన్నారు. బేబీ నేహా, బేబీ ప్రణతి రెడ్డి, మాస్టర్‌ వేదాంత్‌ వర్మ తదితరులు నటించిన బాలల చిత్రం ‘లిల్లీ’. శివమ్‌ దర్శకత్వంలో కె. బాబురెడ్డి, సతీష్‌ కుమార్‌ .జి నిర్మించిన ఈ సినిమా శుక్రవారం (జూలై 7న) పాన్‌ ఇండియా స్థాయిలో విడుదలైంది. ఈ సందర్భంగా శివమ్‌ మాట్లాడుతూ– 'కృష్ణా జిల్లాలోని పెదమద్దాలి నా స్వస్థలం. డైరెక్టర్‌ కావాలనుకుని 13ఏళ్ల కిందట హైదరాబాద్‌ వచ్చా. రైటర్‌గా, అసిస్టెంట్‌ డైరెక్టర్‌గా, యాడ్‌ ఫిల్మ్‌ మేకర్‌గా చేశాను. మణిరత్నంగారి ‘అంజలి’ స్ఫూర్తితో చిన్న పిల్లలతో ఓ సినిమా చేద్దామని ‘లిల్లీ’ కథ రాశాను. నేనే డైరెక్టర్‌గా, నిర్మాతగా ఈ సినిమాని స్టార్ట్‌ చేశాను. నా కాన్సెప్ట్, ఔట్‌పుట్‌ బాబురెడ్డిగారికి నచ్చడంతో ‘లిల్లీ’ని తెలుగు, తమిళ, కన్నడ, మలయాళం, హిందీ భాషల్లో చేద్దామన్నారు. ఈ చిత్రంలో నటించిన పిల్లలందరూ కడపకు చెందిన కొత్తవారే. ఈ సినిమాని రిలయన్స్‌ ఎంటర్‌టైన్‌మెంట్‌ పాన్‌ ఇండియా స్థాయిలో విడుదల చేసింది. నేను డైరెక్టర్‌ అయ్యేందుకు ప్రోత్సహించిన మా నాన్న నాంచారయ్య, అమ్మ వెంకటలక్ష్మి, నా భార్య సుధా శక్తి, ఫ్రెండ్స్‌కి, చాన్స్‌ ఇచ్చిన బాబురెడ్డిగారికి కృతజ్ఞతలు. గోపురం బ్యానర్‌లోనే నాలుగు సినిమాలు సైన్‌ చేశాను' అన్నారు. 

ప్రభాస్‌ హీరోగా తెరకెక్కుతోన్న పాన్‌ ఇండియా చిత్రం ‘ప్రాజెక్ట్‌ కె’ అరుదైన ఘనత సాధించింది. కాలిఫోర్నియాలోని శాన్‌ డియాగోలో నిర్వహించనున్న ‘శాన్‌ డియాగో కామిక్‌–కాన్‌ 2023’ వేడుకలో ‘ప్రాజెక్ట్‌ కె’ సినిమా టైటిల్, ట్రైలర్, సినిమా విడుదల తేదీని లాంచ్‌ చేయనున్నారు. నాగ్‌ అశ్విన్‌ దర్శకత్వం వహిస్తున్న ఈ చిత్రంలో దీపికా పదుకోన్‌ హీరోయిన్‌. అమితాబ్‌ బచ్చన్, కమల్‌హాసన్, దిశా పటానీ కీలక పాత్రల్లో నటిస్తున్నారు. అశ్వనీదత్‌ ఈ సినిమా నిర్మిస్తున్నారు. నాగ్‌ అశ్విన్‌ మాట్లాడుతూ– ‘‘ఇండియా గొప్ప కథలకు, సూపర్‌ హీరోలకు నిలయం. మా ‘ప్రాజెక్ట్‌ కె’ సినిమా, కథ గురించి ప్రపంచ ప్రేక్షకులకు పరిచయం చేయడానికి ‘శాన్‌ డియాగో కామిక్‌–కాన్‌ 2023’ సరైన వేదిక అని భావిస్తున్నాం’’ అన్నారు. ‘‘శాన్‌ డియాగో కామిక్‌–కాన్‌ 2023’లో లాంచ్‌ అవుతున్న తొలి భారతీయ చిత్రంగా ‘ప్రాజెక్ట్‌ కె’ చరిత్ర సృష్టించనుంది. ప్రపంచపటంలో భారతీయ సినిమాను చూడాలని కోరుకునే భారతీయ ప్రేక్షకులందరికీ ఇది గర్వకారణం’’ అన్నారు అశ్వనీదత్‌. ఈ నెల 20న ప్రారంభమయ్యే ‘శాన్‌ డియాగో కామిక్‌–కాన్‌ 2023’లో కమల్‌హాసన్, ప్రభాస్, దీపికా పదుకోన్, నాగ్‌ అశ్విన్‌ తదితరులు పాల్గొంటారు.

టైటిల్: లిల్లీ నటీనటులు: బేబీ నేహా, బేబి ప్రణతిరెడ్డి, మాస్టర్‌ వేదాంత్‌ వర్మ తదితరులు నిర్మాణ సంస్థ: గోపురం స్టూడియోస్‌ నిర్మాతలు: కె. బాబురెడ్డి, సతీష్‌ కుమార్‌.జి సంగీతం: ఆంటో ఫ్రాన్సిస్‌ కథ-దర్శకత్వం: శివమ్‌ విడుదల తేదీ: జూలై 07 ప్రస్తుతం ఎక్కడ చూసినా సరే పాన్ ఇండియా సినిమాల హవా నడుస్తోంది. స్టార్ హీరోల దగ్గర నుంచి మీడియం రేంజ్ హీరోల వరకు ఈ ప‍్రయత్నాలు చేస్తున్నారు. అయితే ఇప్పుడు పాన్ ఇండియా వైడ్ అదృష్టాన్ని పరీక్షించుకునేందుకు ఓ చిన్న పిల్లల చిత్రం రెడీ అయిపోయింది. 'లిల్లీ' పేరుతో తీసిన ఈ మూవీ.. జూలై 07న థియేటర్లలోకి రానుంది. ఈ సందర్భంగా ప్రీమియర్స్ వేశారు. మరి ఈ సినిమా ఎలా ఉంది? ఏంటనేది ఇప్పుడు రివ్యూలో చూద్దాం. కథేంటి? లిల్లీ (బేబీ నేహా), దివ్య (ప్రణతి రెడ్డి), గూగుల్‌ (వేదాంత్‌ వర్మ) క్లాస్‌మేట్స్‌. ఓ రోజు వాళ్లంతా ఆడుకుంటున్నప్పుడు సడన్‌గా ముక్కు నుంచి రక్తం రావడంతో దివ్య కళ్లు తిరిగి కిందపడిపోతుంది.  పిల్లలందరూ దివ్యకు ఏమైందో అని కంగారు పడుతూ దివ్యను పెంచిన మామయ్య దేవాకు(రాజ్‌వీర్‌) చెప్తారు. పాపను హాస్పిటల్‌కి తీసుకెళ్లిన దేవాకు ఓ భయంకరమైన నిజం తెలుస్తుంది. అసలు దివ్యకు ఏమైంది? లిల్లీ , వేదాంత్‌లు దివ్య కోసం ఏం చేశారు? చిన్న చిన్న పనులు చేసుకుని రోజులు గడుపుకునే దేవా.. పాపకి వచ్చిన కష్టాన్ని ఎలా తొలగించాడు? అనేది స్టోరీ.  ఎలా ఉందంటే?  ఐదు భాషల్లో పాన్‌ ఇండియా పిల్లల సినిమాగా 'లిల్లీ' తీశారు. గోపురం స్టూడియోస్‌ పతాకంపై బాబురెడ్డి, సతీష్‌ కుమార్‌లు నిర్మించిన ఈ చిత్రంతో శివమ్‌ నూతన దర్శకునిగా పరిచయమయ్యాడు. కడపలాంటి రూరల్‌ ఏరియాలో ఈ సినిమా కథ మొత్తాన్ని తీశారు. పూర్తిగా చిన్నపిల్లలు నటించిన ఇలాంటి చిత్రం తెలుగులో గత కొన్నేళ్లలో రాలేదనే చెప్పాలి. సినిమాను చూస్తున్నంతసేపు దర్శకుడు శివమ్‌ తన మొదటి చిత్రాన్నే ఇంతటి ఎమోషనల్‌ పాయింట్‌ను ఎందుకు ఎంచుకున్నాడో అనిపిస్తుంది. ఈ చిన్నపిల్లల కథలో అంత డెప్త్ ఉంది. అలాగే చిన్నపిల్లల స్నేహం ఎంత పవిత్రంగా ఉంటుందో చూపించే ప్రయత్నంలో విజయం సాధించాడు.  ఎవరెలా చేశారు? చిన్న పిల్లలే ప్రధాన పాత్రధారులుగా తీసిన ఈ సినిమాలో అందరూ కొత్తవాళ్లే నటించారు. అయితే వాళ్ల నుంచి ఎమోషన్ బాగానే రాబట్టినప్పటికీ.. ఫస్టాప్ నెమ్మదిగా ఉండటం సినిమాకు మైనస్ అయింది. 'లిల్లీ' మూవీ ఫొటోగ్రఫీ బాగుంది. సింగర్ వాగ్దేవి పాటిన రెండు పాటలు బాగున్నాయి. చూసిన వాళ్లకు ఇవి నచ్చేస్తాయి. అయితే సినిమా మొత్తం పిల్లలతోనే తీశారు కాబట్టి ఇది పెద్దవాళ్లకు కనెక్ట్ కావడం కొంచెం కష్టం. ఏదేమైనా సరే అందరూ కొత్తవాళ్లు, అదికూడా పిల్లలతో తీసిన ఈ చిత్రబృందం ఆలోచన ప్రశంసనీయం.

తెలుగు స్టార్ హీరోలు 'పాన్ ఇండియా' జపం చేస్తున్నారు. ప్రభాస్ నుంచి నిఖిల్ వరకు ఈ ప్రయత్నాల‍్లో ఫుల్ బిజీ బిజీ. ఈ తరహా సినిమాలు చేస్తున్నారు గానీ హిట్స్ మాత్రం చాలా తక్కువ. మరోవైపు పాన్ ఇండియా సినిమాలు నెలకు ఒకటి రావడమే గగనమైపోయిన ఈ రోజుల్లో.. ఏకంగా ఓ నెలంతా అలాంటి చిత్రాలే వస్తే? బాక్సాఫీస్ కి బ్యాండ్, మూవీ లవర్స్ కి పండగ గ్యారంటీ. మీకు సినిమాలంటే బాగా పిచ్చి ఉండి, ఓ మంచి మూవీ కోసం వెయిట్ చేస్తుంటే మాత్రం సెప్టెంబరు వరకు ఆగండి. ఎందుకంటే పాన్ ఇండియాతోపాటు సరైన మాస్ చిత్రాలన్నీ అదే నెలలో విడుదలకు సిద్ధమైపోతున్నాయి. ఒకటి రెండు కాదు ఏకంగా వారానికొకటి చొప్పున నాలుగుకి పైనే బరిలో ఉన్నాయి. వీటితోపాటు తెలుగు సినిమా ఒకటి, డబ్బింగ్ మూవీ మరొకటి లైన్ లో ఉన్నాయి. ఆ లిస్ట్ ఏంటో ఓసారి చూసేద్దాం. (ఇదీ చదవండి: వారం గడిచింది.. 'ఆదిపురుష్' కలెక్షన్స్ ఎన్ని కోట్లు?) ప్రభాస్ ఊరమాస్! 'బాహుబలి' తర‍్వాత అలాంటి హిట్ ఎప్పుడు పడుతుందా? రచ్చ ఎప్పుడు చేద్దామా అని ప్రభాస్ ఫ్యాన్స్ చాలా వెయిటింగ్. అయితే  దీని తర్వాత థియేటర్లలోకి వచ్చిన 'సాహో', 'రాధేశ్యామ్', 'ఆదిపురుష్' చిత్రాలు వందల కోట్లు సాధించాయి గానీ హిట్ కొట్టలేకపోయాయి. ఇప్పుడు అభిమానుల ఆశలన్నీ ప్రశాంత్ నీల్ తీస్తున్న ఊరమాస్ మూవీ 'సలార్'పైనే. సెప్టెంబరు 28న ఇది రిలీజ్ కానుంది. ఇది హిట్ టాక్ తెచ్చుకుంటే చాలు బాక్సాఫీస్ రికార్డులు గల్లంతవడం, సరికొత్తవి నమోదు కావడం పక్కా. రౌడీ హీరో ఈసారైనా? విజయ్ దేవరకొండ పాన్ ఇండియా వైడ్ మరోసారి తన అదృష్టం పరీక్షించుకునేది ఈ సెప్టెంబరులోనే. అదే నెల 1వ తేదీన 'ఖుషి' చిత్రం రిలీజ్ కానుంది. ఇది హిట్ కావడం విజయ్ కి చాలా ముఖ్యం. ఎందుకంటే 'లైగర్'తో ఇండస్ట్రీని దున‍్నేస్తా అదీఇదీ అని గతేడాది ఓ రేంజు ఎలివేషన్స్ ఇచ్చుకున్నాడు. కట్ చేస్తే ఆ మూవీ బొక్కాబోర్లా పడింది. ఇప్పుడు హిట్ కొడితే ఓకే లేదంటే మాత్రం విజయ్ కి కష్టాలు తప్పవు. (ఇదీ చదవండి: ఓటీటీలోకి సూపర్‌హిట్ 'గురక సినిమా'.. అస్సలు మిస్సవ్వొద్దు!) షారుక్ కొట్టాల్సిందే! 2018లో 'జీరో' ఫ్లాప్ కావడంతో షారుక్ పునరాలోచనలో పడిపోయాడు. దాదాపు ఐదేళ్లపాటు బిగ్ స్క్రీన్ కి దూరమయ్యాడు. ఈ ఏడాది జనవరిలో 'పఠాన్'తో వేరే లెవల్ కమ్ బ్యాక్ ఇచ్చాడు. వరల్డ్ వైడ్ రూ.1000 కోట్లకు పైగా కలెక్షన్స్ సాధించి బాద్ షాలో పస తగ్గలేదని నిరూపించాడు. ఇప్పుడు దాన్ని నిలబెట్టుకోవాలంటే మరో హిట్ కచ్చితంగా కావాలి. ఇప్పుడది 'జవాన్'తో వచ్చేలా కనిపిస్తుంది. తమిళ దర్శకుడు అట్లీ తీస్తున్న ఈ పాన్ ఇండియా మూవీని దేశభక్తి ప్లస్ యాక్షన్ బ్యాక్ డ్రాప్ తో తీశారు. సెప్టెంబరు 7న రానున్న ఈ చిత్రానికి ఏ మాత్రం పాజిటివ్ టాక్ వచ్చినా వసూళ్లు సునామీ గ్యారంటీ. రామ్ ఈసారి మాత్రం! రామ్ పేరు చెప్పగానే అందరికీ 'ఇస్మార్ట్ శంకర్' గుర్తొస్తుంది. దీని తర్వాత రెడ్, ద వారియర్ చిత్రాలు చేశాడు గానీ పెద్దగా ప్రయోజనం లేకుండా పోయాయి. దీంతో ఒకేసారి హిట్ కొట్టడంతో పాటు పాన్ ఇండియా లెవల్లో తన అదృష్టాన్ని పరీక్షించుకునేందుకు సిద్ధమైపోయాడు. బోయపాటి దర్శకత్వంలో రామ్ నటిస్తున్న సినిమాని ఫుల్ మాస్ ఎలిమెంట్స్ తో తీస్తున్నారు. దసరాకు విడుదల చేయాలనుకున్నారు గానీ ఇప్పుడు దాని విడుదల తేదీ మార‍్చారు. సెప్టెంబరు 15న థియేటర్లలోకి తీసుకురాబోతున్నారు.   ఈ సినిమాలు కూడా! ఇలా పైన చెప్పినట్లు సెప్టెంబరులోని నాలుగు వారాల్లో నాలుగు పెద్ద సినిమాలు రెడీగా ఉన్నాయి. వీటితో పాటు 'డీజే టిల్లు 2' మూవీ సెప్టెంబరు 15న రిలీజ్ కానుంది. ఈ మధ్యే షూటింగ్ పూర్తి చేసుకున్న 'చంద్రముఖి 2' కూడా ఇదే నెలలో వచ్చే అవకాశముందని అంటున్నారు. డేట్ ఫిక్స్ అయితే గానీ క్లారిటీ రాదు. సో అదనమాట విషయం. సెప్టెంబరు రావడానికి మరో రెండు నెలల సమయం ఉంది. కాబట్టి దొరికిన ఈ టైంలో హైప్ పెంచుకోండి. ఎందుకైనా మంచిది ఏ మూవీకి వెళ్లి ఎలా సెలబ్రేట్ చేసుకోవాలో ఇప్పుడే ఓ ప్లాన్ రెడీ చేసి పెట్టుకోండి! (ఇదీ చదవండి: శుక్రవారం ఒక్కరోజే ఓటీటీల‍్లోకి 28 సినిమాలు!)

'మీ హీరో ఇప్పుడు పాన్ ఇండియా స్టార్ అయ్యాడేమో.. మా హీరో చాలా ఏళ్ల క్రితమే పాన్ ఇండియా స్టార్ అయ్యాడురా'.. తెలుగు రాష్ట్రాల్లోని సినీ అభిమానుల మధ్య ఇలాంటి గొడవ ఎప్పటికప్పుడు జరుగుతూనే ఉంటుంది. పాన్ ఇండియా సినిమాల వల్ల టాలీవుడ్ క్రేజ్ ఎక్కడికో వెళ్లిపోయింది. వందల కోట్ల కలెక్షన్స్ ని కళ్లప్పగించి చూస్తున్నారు. హీరోలని తోపు తురుము అని అంటూ ఫ్యాన్స్ భుజాలేగరేస్తున్నారు. కానీ 'పాన్ ఇండియా' అనే ట్యాగ్ వల్ల మన హీరోలు ఎన్ని‍ కష్టాలు పడుతున‍్నారో తెలుసా? 'పాన్ ఇండియా' అంటే ఏంటి? ఒక్కో ప్రాంతంలో ఒక్కో సంప్రదాయం ఉంటుంది. ఆయా రాష్ట్రాల కల్చర్ ప్రకారం సినిమాలు వస్తుంటాయి. కానీ దేశంలో ఉన్న అందరికీ నచ్చేలా తీసేవే పాన్ ఇండియా సినిమాలు. 20-30 ఏళ్ల క్రితం ఇలాంటి సినిమాలు వచ్చేవి కానీ అప్పట్లో 'పాన్ ఇండియా' అనే పేరు గట్రా ఏం లేదు. ఇప్పుడు టెక్నాలజీ పెరిగిన తర్వాత ఓ పదం ఉండాలి కాబట్టి 'పాన్ ఇండియా' అని పెట్టారేమో! (ఇదీ చదవండి: ఒక్క నిమిషంలో 20 చీరలు.. ఆలియా అసలు ఎలా!?) 'బాహుబలి'తో షురూ తెలుగు సినిమా చరిత్ర చాలా పెద్దది కానీ మన దగ్గర తప్పితే మన సినిమాలు బయట ప్రపంచానికి తెలిసినవి చాలా తక్కువ. ఎ‍ప్పుడైతే రాజమౌళి 'బాహుబలి' తీసి, వందల కోట్లు వసూళ్ల రుచి చూపించాడో టాలీవుడ్ పేరు మార్మోగిపోయింది. ఆ తర్వాత పలువురు దర్శకులు ఆ దిశగా ప్రయత్నాలు చేసినప్పటికీ 'పుష్ప', 'ఆర్ఆర్ఆర్' లాంటివి మాత్రం అదిరిపోయే రేంజు విజయాలు అందుకున్నాయి. 'పాన్ ఇండియా' వల్ల కష్టాలు పాన్ ఇండియా సినిమాలు.. టాలీవుడ్ క్రేజుని ఎక్కడికో తీసుకెళ్తున్నాయని మనం సంబరపడిపోతున్నాం. కానీ మంచితో పాటు చెడు ఉన్నట్లు.. క్రేజ్ తోపాటు ఇవి కొత్త కష్టాల్ని తీసుకొస్తున్నాయి. ఎందుకంటే ఒకసారి పాన్ ఇండియా స్టార్ అనే ట్యాగ్ వచ్చి చేరితో సదరు హీరోలు భూమ్మీద నిలబడరు. కాదు కాదు అభిమానులు ఆ అవకాశం ఇవ్వరు. అంచనాలు పెంచేసుకుంటారు. ఇలా ఒకటి రెండు కాదు చాలానే సమస్యలు.. మన పాన్ ఇండియా హీరోలకు ఎదురవుతున్నాయి. (ఇదీ చదవండి: క్షమాపణలు చెప్పిన 'ఆదిపురుష్' టీమ్!) వెతుకులాట ఎక్కువవుతోంది! పాన్ ఇండియా సినిమాలు చేయడం చాలా సులభమేమోనని అందరూ అనుకుంటారు. కానీ అది చాలా అంటే చాలా కష్టమైన విషయం. పాన్ ఇండియా సబ్జెక్ట్ ని డీల్ చేయగలిగే దర్శకుడు దొరకాలి. అందుకు తగ్గ స్టోరీ సెట్ కావాలి. ఆ కథ.. దేశవ్యాప్తంగా అందరు ప్రేక్షకులకు నచ్చేలా ఉండాలి. మళ్లీ అలాంటి సినిమాకు చిన్న బడ్జెట్ లు సరిపోవు. కొన్నిసార్లు స్టోరీ సింపుల్ గా ఉన్నాసరే భారీతనం ఎక్కువుండాలనే ఆరాటంతో చాలా సినిమాలు బోల్తా కొట్టేస్తున్నాయి. కన్ఫ్యూజన్‌ కన్ఫ్యూజన్ హీరోగా ఓ ఇండస్ట్రీకే పరిమితమైతే ఎలాంటి సినిమాలు చేసినా ఇబ్బంది ఉండదు. ఫ్లాప్ అయినా పెద్దగా ఆలోచించకుండా మరో సినిమా చేసుకోవచ్చు. ఒక్కసారి పాన్ ఇండియా స్టార్ అయిపోతే మాత్రం కథల కోసం ఏళ్లకు ఏళ్లకు వెతుక్కోవాల్సి వచ్చింది. ఒకవేళ తొందరపడి సినిమాలు చేస్తే అవి ఫెయిలవుతుంటాయి. బాహుబలి తర్వాత ప్రభాస్ సినిమాలకు కలెక్షన్స్ వస్తున్నాయి గానీ హిట్ అనే మాట వినిపించట్లేదు. 'కేజీఎఫ్' యష్ ది మరో కథ. 'కేజీఎఫ్ 2' వచ్చి ఏడాదవుతున్నాసరే మరో సినిమా ఓకే చేయలేనంత కన్ఫ్యూజన్ లో పడిపోయాడు. సక్సెస్-రెమ్యునరేషన్ తిప్పలు! పాన్ ఇండియా హీరోగా క్రేజ్ రాగానే సదరు హీరోగారి రెమ్యునరేషన్ అమాంతం పెరిగిపోతుంది. దీంతో చిన్న నిర్మాతలు అతడికి దగ్గరికి వెళ్లరు. ఉదాహరణగా చెప్పుకుంటే ప్రభాస్.. బాహుబలికి ముందు రూ.10 కోట్లలోపే రెమ్యునరేషన్ తీసుకునేవాడు! ఇ‍ప్పుడు రూ.100 కోట్లకు పైనే తీసుకుంటున్నాడు. పాన్ ఇండియా ట్యాగ్ రాగానే సరిపోదు. సక్సెస్ ని కొనసాగిస్తేనే మార్కెట్ లో నిలబడతారు. లేదంటే ఎంత వేగంగా వచ్చారో అంతే వేగంగా దుకాణం సర్దేస్తారు. ఇలా చెప్పుకుంటే పోతే పాన్ ఇండియా హీరోలకు బోలెడన్నీ కష్టాలే కష్టాలు! (ఇదీ చదవండి: చరణ్-ఉపాసన బిడ్డకు ఆ నంబర్ సెంటిమెంట్!?)

‘‘ఆదిపురుష్‌’ చిత్రాన్ని ఆదివారం వరకు ప్రపంచవ్యాప్తంగా కోటి మంది ప్రేక్షకులు చూశారు. అందుకే ఈ ప్రెస్‌మీట్‌ని రామకోటి ఉత్సవం అని పిలిచాం. రామ నామాన్ని ప్రతి గడపకు చేర్చాలన్నదే యూనిట్‌ ఆలోచన. ఆ ప్రయత్నంలో విజయం సాధించడం సంతోషంగా ఉంది’’ అని సహ నిర్మాత వివేక్‌ కూచిభొట్ల అన్నారు. ప్రభాస్‌ శ్రీరాముడిగా, కృతీసనన్‌ సీత పాత్రలో నటించిన చిత్రం ‘ఆదిపురుష్‌’. ఓం  రౌత్‌ దర్శకత్వం వహించిన ఈ సినిమా ఈ నెల 16న పాన్‌ ఇండియా స్థాయిలో విడుదలైంది. ఈ చిత్రాన్ని పీపుల్‌ మీడియా ఫ్యాక్టరీ పతాకంపై నిర్మాత టీజీ విశ్వప్రసాద్‌ తెలుగులో రిలీజ్‌ చేశారు. ఈ సందర్భంగా సోమవారం హైదరాబాద్‌లో ‘రామ జయం, రఘురామ జయం’ పేరుతో నిర్వహించిన సక్సెస్‌ మీట్‌లో మైత్రీ మూవీ డిస్ట్రిబ్యూటర్‌ శశిధర్‌ రెడ్డి మాట్లాడుతూ– ‘‘ఆదిపురుష్‌’ చిత్రాన్ని నైజాంలో దాదాపు 500 స్క్రీ¯Œ ్సకి పైగా రిలీజ్‌ చేశాం. తొలి రోజు నైజాంలో 13.65 కోట్లు, రెండో రోజు దాదాపు 8 కోట్లు వసూళ్లు వచ్చాయి’’ అన్నారు. ఈ కార్యక్రమంలో పాటల రచయిత రామజోగయ్య శాస్త్రి, మాటల రచయిత భీమ్‌ శ్రీనివాస్‌ మాట్లాడారు.

భక్తి రసాత్మక చిత్రాలు అరుదుగా వస్తుంటాయి. అలాగే కొన్ని కమర్షియల్‌ చిత్రాల్లో దేవుడి ప్రస్తావన ఉంటుంది. ప్రస్తుతం భక్తి నేపథ్యంలో, దేవాలయాలు ప్రధానాంశంగా కొన్ని చిత్రాలు రానున్నాయి. ‘కేరాఫ్‌ టెంపుల్‌’ అంటూ రానున్న ఆ చిత్రాల్లో కొన్ని ‘పాన్‌ ఇండియా’ స్థాయిలో విడుదల కానున్నాయి. మరి.. దేవుడు అంటేనే యూనివర్శల్‌. అన్ని భాషలవారికీ నప్పే కథాంశాలతో రానున్న ఈ చిత్రాల గురించి తెలుసుకుందాం. ఇటు రామాయణం.. అటు విష్ణుతత్వం ప్రభాస్‌ అంటే రెబల్‌ స్టార్‌. మాస్‌ పాత్రల్లోనే దాదాపు చూశాం. అందుకు భిన్నంగా సౌమ్యుడిగా కనిపించనున్నారు ప్రభాస్‌. ‘ఆదిపురుష్‌’లో రాముడిగా వెండితెరపై కరుణ కూడా కురిపించబోతున్నారు. ఈ పాత్రను ప్రభాస్‌ ఎగ్జయిటింగ్‌గా చేశారు. ప్రభాస్‌ని రాముడిగా చూడటానికి అభిమానులు, ప్రేక్షకులు అంతే ఎగ్జయిటింగ్‌గా ఉన్నారు. ఓమ్‌ రౌత్‌ దర్శకత్వం వహించిన ఈ చిత్రంలో సీతగా కృతీ సనన్‌ నటించారు. రామాయణ ఇతిహాసం నేపథ్యంలో గుల్షన్‌ కుమార్, టీ సిరీస్‌ సమర్పణలో భూషణ్‌ కుమార్, క్రిషన్‌ కుమార్, ఓమ్‌ రౌత్, ప్రసాద్‌ సుతారియా, రెట్రోఫిల్స్‌ రాజేష్‌ నాయర్, యూవీ క్రియేషన్స్‌ వంశీ, ప్రమోద్‌ నిర్మించిన ఈ చిత్రం ఈ నెల 16న తెలుగు, హిందీ, తమిళ, మలయాళం, కన్నడ భాషల్లో విడుదల కానుంది. ఇక ‘ఆదిపురుష్‌’తో ఓవైపు శ్రీరాముడి గాథని ప్రేక్షకులకు చెబుతున్న ప్రభాస్‌.. మరోవైపు విష్ణు తత్వాన్ని కూడా బోధించనున్నారు. నాగ్‌ అశ్విన్‌ దర్శకత్వంలో ఆయన హీరోగా నటిస్తున్న తాజా చిత్రం ‘ప్రాజెక్ట్‌ కె’. బిగ్‌ బి అమితాబ్‌ బచ్చన్‌ ముఖ్య పాత్ర పోషిస్తున్న ఈ చిత్రంలో దీపికా పదుకోన్‌ కథానాయికగా నటిస్తున్నారు. తెలుగులో ఆమెకు ఇదే మొదటి చిత్రం. సైన్స్‌ ఫిక్షన్‌గా రూపొందుతున్న ఈ చిత్రం విష్ణు తత్వం, విష్ణు ఆధునిక అవతారం నేపథ్యంలో సాగుతుందని నిర్మాత అశ్వినీదత్‌ ఓ సందర్భంలో పేర్కొన్నారు. భారీ బడ్జెట్‌తో అశ్వినీదత్‌ నిర్మిస్తున్న ఈ పాన్‌ ఇండియా చిత్రం వచ్చే ఏడాది జనవరి 12న విడుదల కానుంది. గుడి కోసం రుద్రకాళేశ్వర్‌ రెడ్డి రుద్రకాళేశ్వర్‌ రెడ్డి ఓ గుడి కోసం పెద్ద మైనింగ్‌ మాఫి యాకి ఎదురు తిరుగుతాడు. ఒక సామాన్య కుర్రాడు మాఫియాని ఢీ కొనడం అంటే చిన్న విషయం కాదు. మరి గుడిని కాపాడటానికి రుద్రకాళేశ్వర్‌ ఏం చేశాడు? అనేది ‘ఆదికేశవ’లో చూడాలి. రుద్రకాళేశ్వర్‌ రెడ్డిగా వైష్ణవ్‌ తేజ్‌ నటిస్తున్నారు. మైనింగ్‌ బ్యాక్‌డ్రాప్‌లో ఒక ఊర్లో శివుడి గుడి చుట్టూ ఈ చిత్రకథ సాగుతుందని టీజర్‌ చూస్తే అర్థమవుతుంది. ‘ఇంత తవ్వేశారు.. ఆ గుడి జోలికి మాత్రం రాకండయ్యా.. శివుడికి కోపం వస్తే ఊరికి మంచిది కాదు’ అంటూ ఆలయ పూజారి చెప్పే డైలాగ్‌ని బట్టి చూస్తే శివుడు, గుడి చుట్టూ ఈ కథ సాగుతుందని స్పష్టమవుతోంది. శ్రీలీల హీరోయిన్‌గా నటిస్తున్న ఈ చిత్రాన్ని శ్రీకర స్టూడియోస్‌ సమర్పణలో సూర్యదేవర నాగవంశీ, ఎస్‌. సాయి సౌజన్య నిర్మిస్తున్నారు. ఈ సినిమా జూలైలో ప్రేక్షకుల ముందుకు రానుంది.   భైరవకోనలో ఏం జరిగింది? సందీప్‌ కిషన్‌ నటించిన తాజా చిత్రం ‘ఊరు పేరు భైరవకోన’. వీఐ ఆనంద్‌ దర్శకత్వం వహించిన ఈ చిత్రంలో వర్షా బొల్లమ్మ, కావ్యా థాపర్‌ హీరోయిన్లు. సూపర్‌ నేచురల్‌ ఫ్యాంటసీ, సస్పెన్స్‌ థ్రిల్లర్, అడ్వెంచరస్‌ మూవీగా ‘ఊరు పేరు భైరవకోన’ రూపొందింది. భైరవకోనలోని ఓ గుడి నేపథ్యంలో ఈ చిత్రం సాగుతుందని తెలుస్తోంది. ‘శ్రీ కృష్ణ దేవరాయల కాలంలో చెలా మణిలో ఉన్న గరుడ పురాణానికి, ఇప్పటి గరుడ పురాణానికి నాలుగు పేజీలు తగ్గాయి’, ‘గరుడ పురాణంలో మాయమైపోయిన ఆ నాలుగు పేజీలే ఈ భైరవ కోన’ అనే డైలాగ్స్‌తో ఇటీవల ఈ మూవీ టీజర్‌ విడుదలైంది. అనిల్‌ సుంకర సమర్పణలో రాజేష్‌ దండా నిర్మించిన ఈ సినిమా తెలుగు, తమిళ భాషల్లో రిలీజ్‌ కానుంది.   అంజనాద్రి కోసం.. ‘జాంబిరెడ్డి’ వంటి హిట్‌ మూవీ తర్వాత హీరో తేజా సజ్జ– డైరెక్టర్‌ ప్రశాంత్‌ వర్మ కాంబినేషన్‌లో రూపొందిన పాన్‌ ఇండియా చిత్రం ‘హను–మాన్‌’. హనుమంతుని శక్తులను పొందిన హీరో హనుమంతుని జన్మస్థలంగా పేర్కొంటున్న అంజనాద్రి కోసం ఎలా పోరాటం చేశాడు? అనే కథాంశంతో రూపొందిన చిత్రం ‘హను–మాన్‌’. ‘‘ఇండియన్‌ రియల్‌ సూపర్‌ హీరో హనుమంతుడి స్ఫూర్తితో అంజనాద్రి అనే ఊహాత్మక ప్రపంచం నేపథ్యంలో ఈ సినిమా రూపొందింది’’ అని చిత్ర యూనిట్‌ పేర్కొంది. అమృతా అయ్యర్‌ కథానాయికగా నటించిన ఈ చిత్రంలో వరలక్ష్మీ శరత్‌ కుమార్‌ కీలక పాత్ర చేశారు. చైతన్య సమర్పణలో కె. నిరంజన్‌ రెడ్డి నిర్మించిన ఈ చిత్రం తెలుగు, హిందీ, మరాఠీ, తమిళం, కన్నడ, మలయాళం, ఇంగ్లిష్, స్పానిష్, కొరియన్, చైనీస్, జపనీస్‌తో సహా పలు భారతీయ భాషల్లో విడుదల కానుంది.   ఇవే కాదు.. మరికొన్ని సినిమాలు కూడా పురాణాలు, దేవాలయాలు, ఇతిహాసాల కథలతో రూపొందుతున్నాయి.

తెనాలి: తెలుగు సినిమా రేంజ్‌ పెరిగింది.. పాన్‌ ఇండియా స్థాయికి ఎదిగింది. అందివచ్చిన టెక్నాలజీతో దర్శక నిర్మాతలు వెండితెరపై అద్భుతాల్ని ఆవిష్కరిస్తున్నారు. అదే బాటలో నవతరం సత్తాను చాటుతోంది. వినూత్న ఆలోచనలు, సరికొత్త ప్రయోగాలతో కొత్త ట్రెండ్‌ను సృష్టిస్తున్నారు. అవార్డుల పోటీలోనూ ముందంజలో ఉంటున్నారు. ‘గతం’ సినిమా మేకర్స్‌ దీనికి నిదర్శనం. డార్క్‌ మిస్టరీ థ్రిల్లర్‌గా తీసిన ‘ఐడీ’తో ప్రతిష్టాత్మక దాదాసాహెబ్‌ ఫిల్మ్‌ ఫెస్టివల్‌లో అవార్డును గెలుచుకున్నారు. సినిమా నిర్మాతల్లో ఒకరైన హర్ష ప్రతాపనేని తెలుగు వాడు...తెనాలి వాడు కావడం విశేషం! విడుదల కాకముందే అవార్డు ఓటీటీ బ్లాక్‌ బస్టర్‌ మూవీ ‘గతం’ మేకర్స్‌ రూపొందించిన రెండో తెలుగు సినిమా ‘ఐడీ’. టాలీవుడ్‌, హాలీవుడ్‌ టెక్నీషియన్లు పనిచేశారు. చిత్రోమ్‌ ఎంటర్‌టైన్‌మెంట్స్‌ బ్యానర్‌పై తీసిన సినిమాకు కిరణ్‌రెడ్డి కొండమడుగుల దర్శకత్వం వహించారు. హర్ష ప్రతాపనేని, సృజన్‌ యరబోలుతో కలసి సుభాష్‌ రావాడ, భార్గవ పోలుదాసు నిర్మాతలుగా వ్యవహరించారు. భార్గవ పోలుదాసు, రాకేట్‌ గలేటే ప్రధాన పాత్రల్లో నటించారు. ‘క్షణం’, ‘గూఢచారి’ సినిమాల ఫేం శ్రీచరణ్‌ పాకాల సంగీతం సమకూర్చారు. హాలీవుడ్‌ డీపీ హోరాసియో మార్టినెజ్‌ సినిమాటోగ్రఫీ అందించగా, కాటెరినా ఫిక్కార్డో ప్రొడక్షన్‌ డిజైన్‌ పనులను పర్యవేక్షించగా, ఛోటా కె.ప్రసాద్‌ ఎడిటింగ్‌ చేశారు. విడుదల కాకముందే ఈ సినిమా దాదాసాహెబ్‌ ఫాల్కే ఫిల్మ్‌ ఫెస్టివల్‌లో అత్యున్నత గౌరవాన్ని అందుకుంది. విమర్శకుల ప్రశంసలు పొందిన కన్నడ చిత్రం ‘చార్లీ 777’ను వెనక్కునెట్టి, ‘బలగం’, ‘సీతారామం’ వంటి తెలుగు సినిమాలకు దీటుగా ‘ఐడీ’ సినిమా దాదాసాహెబ్‌ ఫాల్కే అవార్డును గెలుచుకుంది. మరోవైపు ఫిల్మ్‌ ఫెస్టివల్‌ సర్క్యూట్‌లో సంచలనం సృష్టిస్తోంది. ఇప్పటివరకు దాదాపు 37 అవార్డుల్ని అందుకుంది. 31 అఫీషియల్‌ సెలక్షన్స్‌ను సాధించి, 5 ఆనరబుల్‌ మెన్షన్స్‌ను అందుకుంది. నాలుగు నామినేషన్లను పొందింది. త్వరలో కెనడీయన్‌ స్క్రీన్‌ అవార్డు (ఆస్కార్‌ తరహాలో)లకు క్వాలిఫైయింగ్‌ ఫెస్టివల్‌ అయిన ప్రముఖ ఓక్‌విల్లే ఫెస్టివల్స్‌ ఆఫ్‌ ఫిల్మ్‌ అండ్‌ ఆర్ట్‌లో ప్రదర్శించనున్నారు. అంతర్జాతీయ అవార్డు వేడుకల్లో సత్తా చాటిన ‘బలగం’ సినిమా దాదాసాహెబ్‌ ఫిల్మ్‌ ఫెస్టివల్‌లో ‘ఉత్తమ సంగీతం’ అవార్డును అందుకోగా, ‘సీతారామం’ సినిమా ‘ఉత్తమ చిత్రం’గా అవార్డును అందుకుంది. ఐడీ చిత్రం ‘ఉత్తమ ఎడిటింగ్‌’అవార్డును గెలుచుకుంది. వినూత్న కథాంశం ‘మీరు ఒక రోజు నిద్రలేచాక, మిమ్మల్ని ఎవరూ గుర్తించకపోతే...’అనే విచిత్రమైన ఆలోచన ఐడీ సినిమా కథాంశం. సహ నిర్మాతగా వ్యవహరించిన హర్ష ప్రతాపనేని తండ్రి పి.వి. గణేష్‌ స్వస్థలం తెనాలి సమీపంలోని జంపని. ప్రస్తుతం అసిస్టెంట్‌ కమిషనర్‌ ఆఫ్‌ పోలీస్‌ (ఏసీపీ)గా ఖమ్మంలో చేస్తున్నారు. తల్లి మంజులాదేవి గృహిణి. తండ్రి ఉద్యోగం కారణంగా వివిధ ప్రదేశాల్లో చదివిన హర్ష, హైదరాబాద్‌లో బీటెక్‌ చేశాడు. ఒక్లహామా స్టేట్‌ యూనివర్సిటీలో ఎంఎస్‌ చేసి, అమెరికాలోని ప్రతిష్టాత్మక జేపీ మోర్గాన్స్‌ ఛేజ్‌ బ్యాంక్‌లో సీనియర్‌ సాఫ్ట్‌వేర్‌ ఇంజినీరుగా చేస్తున్నారు. చదివే రోజుల్లో క్లాస్‌మేట్‌ కిరణ్‌తో కలసి లఘుచిత్రాలు తీసిన హర్ష, ఉద్యోగంలో కొనసాగుతూనే కిరణ్‌తో కలిసి ‘గతం’ సినిమా తీశారు. సహ నిర్మాత, సహ దర్శకుడు, సహ రచయితగా వ్యవహరించాడు. గతం విజయంతో ఇప్పుడు ‘ఐడీ’తో మళ్లీ ప్రేక్షకుల ముందుకు రానున్నారు.

గ్లోబల్ స్టార్ రామ్ చరణ్, తన స్నేహితుడు విక్రమ్ రెడ్డి ఇటీవలే వి మెగా పిక్చర్స్ పేరుతో కొత్త బ్యానర్‌ ప్రారంభించిన సంగతి తెలిసిందే. కొత్తవారికి ఎక్కువ అవకాశాలు కల్పించాలనే ఉద్దేశంతో ఈ బ్యానర్‌ ప్రారంభించినట్లు వెల్లడించారు.   తాజాగా ఈ బ్యానర్‌లో తొలి చిత్రాన్ని అనౌన్స్ చేశారు మేకర్స్. వి మెగా పిక్చర్స్, అభిషేక్ అగర్వాల్ ఆర్ట్స్ సంయుక్తంగా నిర్మిస్తున్నట్లు ప్రకటించారు. ఈ విషయాన్ని రామ్ చరణ్ ట్వీట్ చేశారు.  (ఇది చదవండి: 'శాకుంతలం' సినిమాకు ఇంటర్నేషనల్‌ అవార్డులు.. నెటిజన్స్‌ ట్రోలింగ్‌) వీర్ సావర్కర్ 140వ జయంతి సందర్భంగా  పాన్ ఇండియా మూవీని ప్రకటిస్తున్నందుకు గర్వంగా ఉందంటూ ట్వీట్‌లో పేర్కొన్నారు. కార్తికేయ సిరీస్‌తో సూపర్ హట్స్ సొంతం చేసుకున్న యంగ్ హీరో నిఖిల్ సిద్ధార్థ్ హీరోగా.. 'ది ఇండియా హౌస్‌' అనే చిత్రాన్ని అనౌన్స్ చేశారు. ఈ సందర్భంగా చిత్ర టీజర్‌ను రిలీజ్ చేశారు.  ఈ చిత్రంతో రామ్ వంశీ కృష్ణ దర్శకుడిగా పరిచయమవుతున్నారు. ది కశ్మీర్ ఫైల్స్ నటుడు అనుపమ్ ఖేర్ కూడా ఈ చిత్రంలో నటిస్తున్నారు.లండన్‌లో స్వాతంత్య్రం రాకముందు ఏం జరిగిందనే నేపథ్యంలో ది ఇండియా హౌస్‌ను తెరకెక్కిస్తున్నారు.  (ఇది చదవండి: కేఎల్ రాహుల్‌పై దారుణ ట్రోల్స్.. గట్టిగానే కౌంటరిచ్చిన అతియా శెట్టి!) On the occasion of the 140th birth anniversary of our great freedom fighter Veer Savarkar Garu we are proud to announce our pan India film - THE INDIA HOUSE headlined by Nikhil Siddhartha, Anupam Kher ji & director Ram Vamsi Krishna! Jai Hind!@actor_Nikhil @AnupamPKher… pic.twitter.com/YYOTOjmgkV — Ram Charan (@AlwaysRamCharan) May 28, 2023

ఇండస్ట్రీలో పాన్‌ ఇండియా ట్రెండ్‌ కనిపిస్తోంది. సినిమాలు దేశవ్యాప్తంగా పలు భాషల్లో విడుదలవుతున్నాయి. దీంతో అన్ని భాషలవారికీ అనుగుణంగా ఉండే కథలను ఎంచుకుంటున్నారు. కథలు మాత్రమే కాదు.. టైటిల్‌ కూడా పాన్‌ ఇండియాకి సూట్‌ అయ్యేలా ఉండాలని ప్రయత్నం  చేస్తున్నారు. ఒకే టైటిల్‌తో అన్ని భాషల్లో ఓ చిత్రం విడుదలైతే అది ఆడియన్స్‌కు మరింత చేరువ అవుతుందని ప్రత్యేకంగా  చెప్పక్కర్లేదు. ఈ క్రమంలో కొందరు టాప్‌ స్టార్స్‌ నటిస్తున్న చిత్రాల టైటిల్స్‌పై చర్చ జరుగుతోంది. ‘ఫలానా టైటిల్‌ అనుకుంటున్నారట’ అని వైరల్‌గా ఉన్న టైటిల్స్‌ ‘పాన్‌ ఇండియా టైటిల్‌’లా ఉన్నాయి. మరి.. ఫైనల్‌గా ఆ టైటిల్స్‌నే  ఫైనలైజ్‌ చేస్తారో? లేదో చెప్పలేం కానీ.. చర్చల్లో ఉన్న ఆ టైటిల్స్‌ గురించి మాత్రం చెప్పుకుందాం.  రాజా డీలక్స్‌?  ప్రస్తుతం ‘సలార్‌’, ప్రాజెక్ట్‌ కె’ వంటి భారీ యాక్షన్‌ సినిమాలు  చేస్తున్నారు ప్రభాస్‌. కేవలం యాక్షన్‌ జానర్‌కే పరిమితం కాకుండా కాస్త కామెడీ తరహా పాత్రల్లో కూడా ప్రభాస్‌ నటించాలను కుంటున్నారని తెలుస్తోంది. ఇందులో భాగంగానే  దర్శకుడు మారుతితో ఓ సినిమా చేస్తున్నారు ప్రభాస్‌. పీపుల్స్‌ మీడియా ఫ్యాక్టరీ నిర్మిస్తున్న ఈ సినిమా షూటింగ్‌ తుది దశకు చేరుకుంది. హారర్‌ అండ్‌ కామెడీ బ్యాక్‌డ్రాప్‌లో రూపొందుతున్న ఈ సినిమా కథ రాజా డీలక్స్‌ అనే థియేటర్‌లో జరుగుతుందని, అందుకే ఈ సినిమాకు ‘రాజా డీలక్స్‌’ అనే టైటిల్‌ను ఫిక్స్‌ చేయాలనుకుంటున్నారని సమాచారం. ఒకవేళ ఈ చిత్రాన్ని ఇతర భాషల్లో విడుదల చేయాలనుకుంటే.. అప్పుడు టైటిల్‌ మార్చే అవసరం లేకుండా పోతుంది.  గుంటూరు కారమా? ఊరికి మొనగాడా?  మహేశ్‌బాబు హీరోగా త్రివిక్రమ్‌ దర్శకత్వంలో ఓ సినిమా తెరకెక్కుతున్న సంగతి తెలిసిందే. ఇందులో పూజా హెగ్డే, శ్రీలీల హీరోయిన్లు. ఎస్‌. రాధాకృష్ణ నిర్మిస్తున్న ఈ చిత్రం వచ్చే జనవరి 13న విడుదల కానుంది. ఫస్ట్‌ లుక్‌ కూడా విడుదలైంది. ఇక ఈ చిత్రానికి ‘అయోధ్యలో అర్జునుడు’, ‘ఊరికి మొనగాడు’, ‘పల్నాటి పోటుగాడు’, ‘అమరావతికి అటు ఇటు’, ‘గుంటూరు కారం’ టైటిల్స్‌ తెరపైకి వచ్చాయి. ఎక్కువగా ‘గుంటూరు కారం’, ‘ఊరికి మొనగాడు’ వినిపిస్తున్నాయి. సూపర్‌స్టార్‌ కృష్ణ నటించిన హిట్‌ చిత్రాల్లో ‘ఊరికి మొనగాడు’ ఒకటి అని తెలిసిందే. కాగా ఈ నెల 31న కృష్ణ బర్త్‌ డే సందర్భంగా టైటిల్‌ ప్రకటించే చాన్స్‌ ఉంది. మరి, ఇక్కడ పేర్కొన్న టైటిల్స్‌లో ఏదో ఒకటి ఉంటుందా? వేరే టైటిల్‌ని ఫిక్స్‌ చేస్తారా? అనేది చూడాలి.  దేవర?  ‘జనతా గ్యారేజ్‌’ తర్వాత ఎన్టీఆర్, కొరటాల శివ కాంబినేషన్‌లో మరో సినిమా రూపొందుతున్న విషయం తెలిసిందే. ఇందులో జాన్వీ కపూర్‌ హీరోయిన్‌. ఓ లీడ్‌ రోల్‌ను సైఫ్‌ అలీఖాన్‌ చేస్తున్నారు. కాగా ఈ సినిమాకు ‘వస్తున్నా!’, ‘దేవర’ టైటిల్స్‌ను చిత్ర యూనిట్‌ పరిశీలిస్తోందనే టాక్‌ తెరపైకి వచ్చింది. ఈ నెల 20న ఎన్టీఆర్‌ బర్త్‌ డే సందర్భంగా ఈ సినిమా టైటిల్, ఫస్ట్‌ లుక్‌ను అధికారికంగా ప్రకటిస్తారట. కె. హరికృష్ణ, మిక్కిలినేని సుధాకర్‌ నిర్మిస్తున్న ఈ చిత్రం ఏప్రిల్‌ 5న రిలీజ్‌ కానుంది. వీరే కాదు.. మరికొందరు స్టార్స్‌ చిత్రాల టైటిల్స్‌పైనా చర్చ జరుగుతోంది. ప్రేక్షకులను ఆకర్షించే విషయాల్లో ‘టైటిల్‌’ ఒకటి. ఆ విషయాన్ని, కథనీ దృష్టిలో పెట్టుకుని టైటిల్స్‌ పెడుతుంటారు. ఇప్పుడు పాన్‌ ఇండియా రేంజ్‌ని కూడా దృష్టిలో పెట్టుకోవాలి. ఇక ఫ్యాన్స్‌ గురించి చెప్పాలంటే టైటిల్‌ పవర్‌ఫుల్‌గా ఉంటే వారికి కిక్కే కిక్కు. 

రాఘవుడిగా ప్రభాస్‌, జానకిగా కృతీ సనన్‌ నటించిన చిత్రం ఆదిపురుష్‌. రావణుడిగా సైఫ్‌ అలీ ఖాన్‌, లక్ష్మణుడిగా సన్నీ సింగ్‌, హనుమంతుడిగా దేవదత్త నటించారు. ఓం రౌత్‌ దర్శకత్వం వహిస్తున్న ఈ సినిమా ట్రైలర్‌ను మంగళవారం విడుదల చేశారు. రాముడి గెటప్‌లో ప్రభాస్‌ పర్ఫెక్ట్‌గా సూటయ్యాడు. సీతను రావణుడు అపహరించుకుపోవడం, శబరి ఎంగిలి పళ్లు రాముడు తినడం, సంజీవని పర్వతాన్ని హనుమంతుడు పెకిలించడం, లంకను తోకతో అంటించడం, సముద్రంలో బండరాళ్లు వేసి లంకకు దారి ఏర్పరచడం వంటి ఎన్నో ముఖ్యమైన ఘట్టాలను ట్రైలర్‌లో చూపించారు. 'నా ప్రాణమే జానకిలో ఉంది', 'మనం జన్మతో కాదు చేసే కర్మతో చిన్నాపెద్ద అవుతాం', 'నాకోసం పోరాడొద్దు, వేల సంవత్సరాల తర్వాత తల్లులు మీ వీరగాథలు చెప్తూ పిల్లల్ని పెంచాలి. ఆరోజు కోసం పోరాడండి.. పోరాడతారా? అయితే దూకండి ముందుకు.. అహంకారం రొమ్ము చీల్చి ఎగురుతున్న విజయ ధ్వజాన్ని పాతండి' అంటూ ప్రభాస్‌ నోటి వెంట వచ్చిన డైలాగులకు థియేటర్లలో విజిల్స్‌ పడటం ఖాయం. 'రాఘవ నన్ను పొందడానికి శివధనస్సును విరిచారు, ఇప్పుడు రావణుడి గర్వాన్ని విరిచేయాలి' అని జానకి చెప్పే డైలాగులు బాగున్నాయి. రామాయణం ఆధారంగా రూపొందిన ఈ సినిమాను భూషణ్‌ కుమార్‌, ఓం రౌత్‌, ప్రసాద్‌ సుతారియా, క్రిషణ్‌ కుమార్‌, రాజేశ్‌ నాయర్‌, వంశీ, ప్రమోద్‌లు నిర్మించారు. జూన్‌ 16న ఆదిపురుష్‌ ప్రపంచవ్యాప్తంగా విడుదల కానుంది. ఈ చిత్రానికి అజయ్‌ అతుల్‌ సంగీతం అందిస్తుండగా కార్తీక్‌ పల్నానీ సినిమాటోగ్రాఫర్‌గా వ్యవహరిస్తున్నాడు. ఇకపోతే గతంలో రిలీజ్‌ చేసిన టీజర్‌లో గ్రాఫిక్స్‌, విజువల్స్‌ అస్సలు బాగోలేదని పాన్‌ ఇండియా సినిమా అని చెప్పి ఇంత నాసిరకమైన గ్రాఫిక్స్‌ ఏంటని దారుణమైన ట్రోలింగ్‌ జరిగింది. దీంతో మేకర్స్‌  మళ్లీ రీషూట్స్‌ చేసి గ్రాఫిక్స్‌, విజువల్స్‌ ఎఫెక్ట్‌తో సరికొత్తగా ముందుకు వచ్చారు. మరి ఈ ట్రైలర్‌కు ఎలాంటి రెస్పాన్స్‌ వస్తుందో చూడాలి! చదవండి: లగ్జరీ డూప్లెక్స్‌ కొనుగోలు చేసిన సమంత

ఉమ్మడి గుంటూరు జిల్లాలోని స్టువర్టుపురానికి చెందిన ఒకనాటి గజదొంగ టైగర్‌ నాగేశ్వరరావు. పెద్దలను కొట్టి పేదలకు పంచిన రాబిన్‌హుడ్‌గా ఫ్యాన్‌ పాలోయింగ్‌ కలిగిన నేరస్తుడు. పోలీసు అధికారులకు ముందుగా చెప్పి జైలు నుంచి తప్పించుకున్న ‘టైగర్‌’. పట్టుకోలేరంటూ సవాల్‌ చేసి మరీ నేరాలు చేసిన తెంపరి. పోలీస్‌ ఎన్‌కౌంటర్‌లో హతమయ్యాక వివిధ ప్రాంతాల నుంచి వచ్చిన అభిమాన జనంతో ఆయన అంతిమ యాత్రకు మూడు రోజులు పట్టింది. మృతి చెందిన 43 ఏళ్లకు నాగేశ్వరరావు జీవిత కథ సినిమాగా ప్రేక్షకుల ముందుకు రానుంది. గజదొంగ హీరోయిజమే ఈ పాన్‌ఇండియా సినిమాకు ప్రేరణ. ‘మాస్‌ మహరాజ్‌’ రవితేజ ఈ చిత్ర హీరో.  గుంటూరు డెస్క్‌ : విజయవాడ– చైన్నె రైలు మార్గంలో బాపట్ల సమీపంలో ఉంటుంది స్టువర్టుపురం. 1874 సెటిల్‌మెంట్‌ చట్టం ప్రకారం ఏర్పడిన గ్రామం. వివిధ ప్రాంతాల్లో దొంగతనాలకు పాల్పడేవారిని, ఇతర నేరస్తులను గుర్తించి నిఘా ఉంచేందుకని ఇక్కడ నివాసం కల్పించారు. అప్పటి మద్రాస్‌ ప్రెసిడెన్సీ హోం సభ్యుడు హెరాల్డ్‌ స్టువర్ట్‌ పేరుతో గ్రామానికి నామకరణం చేశారు. నేరాల్లో ఆరితేరిన వారు ముఠాలుగా వివిధ రాష్ట్రాల్లో దోపిడీ, దొంగతనాలకు పాల్పడేవారు. స్టువర్టుపురం దొంగలంటేనే జనంలో ఒకరకమైన భీతి ఉండేది. టైగర్‌ నాగేశ్వరరావు తెర పైకి వచ్చాక ఆ గ్రామం పేరు మరింతగా కలకలం రేపింది. తోటి దొంగలకు హీరోగా, పేదలకు ఆపద్బాంధవుడిగా, పోలీసులకు కొరకరాని కొయ్యగా తయారయ్యాడు. దొంగతనాలు వారసత్వంగా కలిగిన కుటుంబంలో ఇద్దరు అన్నల తర్వాత గరిక నాగేశ్వరరావు జన్మించాడు. జనన సంవత్సరం 1953–56 మధ్య. సోదరులు ప్రసాద్‌, ప్రభాకర్‌. వీరి చిన్నతనంలోనే తల్లి చనిపోయింది. మరికొన్నేళ్లకు తండ్రినీ కోల్పోయారు. తండ్రి బాటలోనే దొంగతనాలు చేస్తున్న ప్రభాకర్‌ ఆచూకీ కోసం ప్రయత్నించి విఫలమైన పోలీసులు, సోదరుడైన నాగేశ్వరరావును తీసుకెళ్లి, తీవ్రంగా హింసించారు. ఏ నేరం చేయకుండానే పోలీసుల చిత్రహింసలు అనుభవించిన 15 ఏళ్ల నాగేశ్వరరావు తండ్రి, అన్న బాటలోనే నేరస్తుల జత కట్టాడు. 1970లో తమిళనాడు వెళ్లి మారుపేర్లతో నివాసముంటూ దొంగతనాలు ఆరంభించాడు. అన్న ప్రభాకర్‌ జైలు నుంచి విడుదలై వచ్చాక అతడి ముఠాలో పని చేయసాగాడు. ‘ఆంధ్రా టైగర్‌రా’... ఒక పర్యాయం తమిళనాడు పోలీసులు అన్నదమ్ములను అరెస్టు చేశారు. తిరువాళ్లూరు జైలులో ఉన్న నాగేశ్వరరావును అప్పటి ఐజీ అరుళ్‌ విచారించారు. తనను చిత్రహింసలు పెడితే రెండు రోజుల్లో జైలు నుంచి పారిపోతానని నాగేశ్వరరావు ఐజీతో స్పష్టంగా చెప్పాడు. అన్న వద్దని చెప్పినా వినకుండా, సబ్‌జైలు నుంచి పోలీసులను కొట్టి మరీ పరారయ్యాడు. తనను వెతుక్కుంటూ స్టువర్టుపురం వచ్చిన పోలీసులనూ కొట్టాడు. ‘వచ్చే నెలలో మద్రాస్‌ సిటీలోనే నేరం చేస్తాను... దమ్ముంటే పట్టుకోమను’ అంటూ వారిని పంపేశాడు. అన్నట్టుగానే మద్రాస్‌ సిటీలో వరుసగా మూడు నెలలు దొంగతనాలు చేసి పోలీసులను ముప్పుతిప్పలు పెట్టాడు. విసుగెత్తిపోయిన ఐజీ అరుళ్‌ నిజంగా వాడు ‘ఆంధ్రా టైగర్‌రా’ అన్నాడు. అప్పట్నుంచి నాగేశ్వరరావు ఇంటి పేరు టైగర్‌ అయింది. ఏపీ, తమిళనాడు, కర్నాటక రాష్ట్రాల్లోని పలు ప్రాంతాల్లో 15 ఏళ్లపాటు దొంగతనాలు, దోపిడీలకు పాల్పడిన టైగర్‌ నాగేశ్వరరావు పోలీసులకు సింహస్వప్నంగా మారాడు. 1974లో జరిగిన బనగానపల్లె బ్యాంకు దోపిడీ అందులో ఒకటి. పోలీస్‌స్టేషనుకు అత్యంత సమీపంలో ఉండే బ్యాంకును నాగేశ్వరరావు ముఠా కొల్లగొట్టింది. సేఫ్‌ను పగులగొట్టి వెంట తీసుకెళ్లారు. గ్రామాన్ని చుట్టుముట్టిన పోలీసులకు ప్రభాకరరావు దొరికాడు మినహా నాగేశ్వరరావు ఆచూకీ దొరకలేదు. ఒక బిస్కట్‌ కంపెనీ అధినేత, అప్పటి హోంశాఖ సహాయమంత్రి వియ్యంకుడి కుటుంబాన్ని దారికాచి దోచారు. పట్టుకునేందుకు పోలీసుల వ్యూహం ... తలనొప్పిగా మారిన నాగేశ్వరరావును ఎలాగైనా మట్టుపెట్టాలని పోలీస్‌ శాఖలోని కొందరు అధికారులు సిద్ధమయ్యారు. మరొక దొంగ ఇచ్చిన సమాచారంతో నాగేశ్వరరావు తరచూ ఒక మహిళ ఇంటికి వచ్చి వెళుతుంటాడని తెలుసుకున్నారు. డబ్బాశ చూపారు. పాలల్లో మత్తుమందు కలిపి, తమకు సంకేతం ఇవ్వాలని, లేకుంటే తనను చంపేస్తామని బెదిరించారు. భయపడిపోయిన ఆ మహిళ తర్వాత నాలుగు రోజులకు 1980 మార్చి 24న తెల్లవారుజామున ఇంటికి వచ్చిన నాగేశ్వరరావుకు పోలీసులు చెప్పినట్టే మత్తుమందు కలిపిన పాలు తాగించింది. మత్తులో నిద్రపోతున్న అతడిపై పోలీసు అధికారి తుపాకీ కాల్పులు జరిపాడు. ఎన్‌కౌంటరులో హతమైనట్టు ప్రకటించారు. శవపరీక్ష నిమిత్తం చీరాల ప్రభుత్వ ఆసుపత్రికి తరలించారు. అక్కడ్నుంచి ఆరంభమైన అంతిమయాత్ర స్టువర్టుపురం కాలనీకి చేరేందుకు మూడురోజులు పట్టిందట! మూడు రాష్ట్రాల్నుంచి ఎందరో అభిమానులు ఆ యాత్రలో పాల్గొన్నారు. చదువులు, వైద్యం, పెళ్లిళ్లకు సాయం ... ఇన్ని దొంగతనాలు, దోపిడీలు చేసినా నాగేశ్వరరావు మిగుల్చుకుంది ఏమీ లేదంటారు. పోలీసులకు దొరక్కుండా ఉండేందుకు చీరాల, చుట్టుపక్కల పల్లెల్లోనే తలదాచుకునే వాడు. ఆశ్రయం ఇచ్చినవారికి, సహాయం కోరిన ఇతరులకు ఆర్థిక సహాయం చేసేవాడు. ముఖ్యంగా పిల్లల చదువులు, వైద్యం, పెళ్లిళ్లకు తప్పకుండా సాయం చేసేవాడు. పొగాకు కంపెనీ యజమాని అరాచకంపై మహిళల్ని పోరుబాటకు సిద్ధం చేయటమే కాదు... అతడికి వత్తాసుగా వచ్చిన ఎస్‌ఐపైనా మహిళలతో దాడి చేయించాడు. మహిళలంటే గౌరవం... మేం ఒకప్పుడు దొంగతనాలు చేసినా, మహిళలంటే మాకెంతో గౌరవం...ఒంటరిగా ఉన్నా బంగారం, డబ్బు దోచుకునేవాళ్లం మినహా ఎలాంటి అకృత్యాలకు పాల్పడేవాళ్లం కాదు... నేటికాలంలో ఆడవాళ్లపై జరుగుతున్న ఘోరాలు వింటుంటే బాధ కలుగుతోంది. నా సోదరుడు నాగేశ్వరరావు ఆర్థికసాయం కూడా చేసేవాడు. సినిమా తీస్తున్నారు. నన్ను కూడా వివరాలు అడిగారు. – గరిక ప్రభాకరరావు, నాగేశ్వరరావు సోదరుడు సుదీర్ఘ పరిశోధన చేశాం... ‘దొంగాట’ సినిమా చేసేటపుడు ఒక పెద్దాయన ద్వారా టైగర్‌ నాగేశ్వరరావు గురించి తెలిసింది. దొంగైనా అతడు రాబిన్‌హుడ్‌ అని చెప్పటంతో ఆసక్తి కలిగింది. వైవిధ్యమైన సినిమాలు, అందులోనూ ఏదైనా బయోపిక్‌ కూడా తీయాలనుకున్న నాకు, అతడి జీవితంలోని కమర్షియల్‌ ఎలిమెంట్‌ నచ్చింది. అప్పట్నుంచి పరిశోధన మొదలైంది. ఎన్నో ఆసక్తిదాయకమైన అంశాలతో సినిమా తీస్తున్నాం. – వంశీకృష్ణ, సినీదర్శకుడు

ఫిల్మ్‌ ఇండస్ట్రీలో హీరో, హీరోయిన్స్ జీవితాలే కాదు..డైరెక్టర్స్ జీవితాలు కూడా హిట్స్, ప్లాప్స్ మీదే ఆధారపడి ఉంటాయి. హిట్ సినిమాలు, బ్లాక్ బస్టర్ మూవీస్ తెరకెక్కించిన డైరెక్టర్ అయినా ఒక ప్లాప్ మూవీతో ఫేడ్ అవుట్ అయిపోతాడు. మళ్లీ మరో సినిమాతో సక్సెస్ అందుకుంటేనే ఆ డైరెక్టర్స్ కి ఆఫర్స్ వస్తాయి. లేకపోతే అంతే సంగతులు. ఆచార్య లాంటి డిజాస్టర్ తీసిన కొరటాల సేమ్ స్టిట్యూవేషన్ లో ఉన్నాడు. అందుకే ఎన్టీఆర్ 30 తో తన ఎంటో చూపించాలనుకుంటున్నాడు. కొరటాల శివ తను తీసే సినిమాలో కమర్షియల్ ఎలిమెంట్స్ తో పాటు సోషల్ మేసేజ్ కూడా ఉండేలా చూసుకుంటాడు. మిర్చి తో డైరెక్టర్ గా కెరీర్ స్టార్ట్ చేసిన కొరటాల శివ ...డెబ్యూ మూవీతోనే మాస్ డైరెక్టర్ ఇమేజ్ సొంతం చేసుకున్నాడు. కొరటాల రైటర్ కావటంతో ...మిర్చి సినిమాలో ప్రభాస్‌ డైలాగ్స్ ప్రేక్షకులకి బాగా కనెక్ట్ అయ్యాయి.ఇక యాక్షన్ అండ్ ఎలివేషన్ సీన్స్ లో డైరెక్టర్ గా తన స్టైల్ ఏంటో చూపించాడు కొరటాల.  ఆ తర్వాత మహేశ్‌ తో శ్రీమంతుడు...ఎన్టీఆర్ తో జనతా గ్యారేజ్ తెరకెక్కించి డైరెక్టర్ గా కొరటాల హ్యాట్రిక్ అందుకున్నాడు. కొరటాల సినిమా అంటే మెసేజ్ తో పాటు..హీరో ఎలివేషన్స్ ..అండ్ యాక్షన్‌ సీన్స్ ఓ రేంజ్ లో ఉంటాయని...శ్రీమంతుడు, జనతా గ్యారేజ్ ప్రూవ్ చేశాయి.  జనతా గ్యారేజ్ తర్వాత కొరటాల శివ మహేశ్‌ తో తెరకెక్కించిన సినిమా భరత్ అను నేను. ఈ సినిమాలో సూపర్ స్టార్ మహేశ్‌ ను ముఖ్యమంత్రిగా చూపించాడు.  పొలిటికల్ బ్యాక్ డ్రాప్‌ లో తెరకెక్కించిన ఈ సినిమా మహేశ్‌ ఫ్యాన్స్ కి మాత్రమే కాదు..సినీ అభిమానులందరికీ మంచి కిక్ ఇచ్చింది. తన కథ...కథనాలతో తెరకెక్కిస్తున్న సినిమాలు బాక్సాఫీస్ దగ్గర హిట్ కావటంతో...కొరటాల తనదైన శైలిలో ఈ సారి మెగాస్టార్ చిరంజీవి ఆచార్య ప్లాన్ చేశాడు. ఈ సినిమా విషయంలో కొరటాల అంచనాలు తలకిందులైయ్యాయి. మెగాస్టార్ కెరీర్ లోనే ఆచార్య బిగ్గెస్ట్ డిజాస్టర్ గా నిలిచింది.  ఆచార్య ప్లాప్ కావటంతో కొరటాల తీవ్ర విమర్శలు ఎదుర్కోవాల్సి వచ్చింది. ఇక చిరంజీవి అయితే చాలా సార్లు ఆచార్య ప్లాప్ కావటానికి డైరెక్టర్ కొరటాల శివ కారణమంటూ ఇన్ డైరక్ట్ గా కామెంట్స్ చేశాడు. ఇక ఆచార్య సినిమాకి మ్యూజిక్ అందించిన మణిశర్మ కూడా బ్యాక్ గ్రౌండ్ మ్యూజిక్ కొరటాల కోరినట్లే ఇచ్చానని ఓ ఇంటర్వ్యూలో చెప్పుకొచ్చాడు. ఆచార్య సినిమా షూటింగ్ స్టేజ్ లో ఉన్నప్పుడే ..కొరటాల ఎన్టీఆర్ 30 కమిట్ అయ్యాడు.  ఇక ఆర్‌ఆర్‌ఆర్‌ తర్వాత ఎన్టీఆర్ ఇమేజ్ మారిపోయింది. గ్లోబల్ స్టార్ గా ఎదిగాడు.ఇక కొరటాల తో ఎన్టీఆర్ మూవీ ఉండదనే మాట కూడా వినిపించింది. అయితే ఎన్టీఆర్ కొరటాల పై ఉన్న నమ్మకంతో ఇచ్చిన మాటకి అలాగే ఫిక్స్ అయ్యాడు. కాకపోతే పాన్ ఇండియా మూవీ తీయాలని కండీషన్ పెట్టాడు. దీంతో కొరటాల ముందు అనుకున్న స్టోరీ కాకుండా యూనివర్శల్ అప్పీల్ ఉండే స్టోరీని రెడీ చేశాడట.  పిరియాడికల్ బ్యాక్ డ్రాప్‌ లో ఓ పిక్షనల్ యాక్షన్‌ స్టోరీ సిద్దం చేసినట్లు తెలుస్తోంది. తన కథ పై కొరటాల ఎంత నమ్మకంగా ఉన్నాడనేది...ఎన్టీఆర్ 30 మూవీ ఓపెనింగ్ లో మాట్లాడిన కాన్ఫిడెన్స్ చూస్తే అర్ధమవుతుంది.  ఎన్టీఆర్ తన చేతిలో పెట్టిన గ్లోబల్ స్టార్ ఇమేజ్ కి డ్యామేజ్ చేయకుండా...డైరెక్టర్ గా కొరటాల ప్రూవ్ చేసుకోవాల్సిన సమయం ఇది. పైగా పాన్ ఇండియా మూవీ తెరకెక్కించటం కొరటాలకు ఇదే ఫస్ట్ టైమ్‌.. ఓ విధంగా చెప్పాలంటే కొరటాల శివ ఇమేజ్ కి మించి తనపై బరువు వేసుకున్నాడు. కానీ సెట్స్ పై ఎలాంటి టెన్షన్ పడకుండా ముందుగానే అంత సిద్దం చేసుకున్నట్లు తెలుస్తుంది. అందుకే కొరటాల ఎన్టీఆర్ 30 మూవీ ఓపెనింగ్ చాలా నమ్మకంగా తన కెరీర్ లోనే బెస్ట్ మూవీగా ఈ సినిమా తెరకెక్కిస్తానని చెప్పగలిగాడని ఇండస్ట్రీలు వర్గాలు చెబుతున్నాయి. కొరటాల..తను చెప్పిన మాట నిలబెట్టుకున్నాడా లేదా అనే విషయం తెలియాలంటే ....వచ్చే ఏడాది ఏప్రిల్ 5 వరకు ఆగాల్సిందే.

విశ్వక్‌ సేన్‌ హీరోగా నటించిన తొలి పాన్‌ ఇండియా చిత్రం ‘దాస్‌ కా ధమ్కీ’ రిలీజ్‌కి రెడీ అయ్యింది. ఉగాది సందర్భంగా ఈ నెల 22న ఈ సినిమాని విడుదల చేయనున్నట్లు యూనిట్‌ ప్రకటించింది. విశ్వక్‌ హీరోగా నటించడంతో పాటు దర్శకత్వం వహించారు. వన్మయే క్రియేషన్స్, విశ్వక్సేన్‌ సినిమాస్‌పై కరాటే రాజు (విశ్వక్‌ సేన్‌ తండ్రి) నిర్మించిన ఈ చిత్రంలో నివేదా పేతురాజ్‌ హీరోయిన్‌గా నటించారు. రిలీజ్‌ డేట్‌ ప్రకటించి, విడుదల చేసిన పోస్టర్‌లో క్లాస్‌తో పాటు మాస్‌ లుక్‌లో కనిపించారు విశ్వక్‌ సేన్‌. ‘‘దాస్‌ కా ధమ్కీ’ని తెలుగుతో పాటు తమిళ, మలయాళం, హిందీ భాషల్లో విడుదల చేస్తున్నాం. ఇప్పటివరకు విడుదల చేసిన మూడు పాటలు చార్ట్‌ బస్టర్స్‌ అయ్యాయి. థియేట్రికల్‌ ట్రైలర్‌ సినిమాపై అంచనాలు పెంచింది’’ అని చిత్రబృందం పేర్కొంది. ఈ చిత్రానికి కెమెరా: దినేష్‌ కె. బాబు, సంగీతం: లియోన్‌ జేమ్స్‌.   (ఫొటో గ్యాలరీ కోసం ఇక్కడ క్లిక్ చేయండి)

తమిళ బడా వ్యాపారవేత్త అరుళ్ శరవణన్ హీరోగా అవతారమెత్తిన విషయం తెలిసిందే.  53 ఏళ్ల శరవణన్‌ గతేడాది ‘ది లెజెండ్‌’ అనే పాన్‌ ఇండియా చిత్రంతో సినీ ఇండస్ట్రీలోకి అడుగుపెట్టాడు. దాదాపు 60 కోట్ల బడ్జెట్‌తో రిచ్‌గా తెరకెక్కించిన ఈ చిత్రం బాక్సాఫీస్‌ వద్ద దారుణంగా బోల్తా పడింది. 50వ ఏటా హీరోగా మారిన శరవణన్‌పై ఎన్నో ట్రోల్స్‌ కూడా వచ్చాయి. ఆయనే స్వయంగా నటించి, నిర్మించిన ఈ సినిమాకి స్టార్ టెక్నికల్ టీమ్‌ను నియమించాడు. ఇదిలా ఉంటే ఇప్పుడు ఈ మూవీ డిజిటల్‌ స్ట్రీమింగ్‌కి రెడీ అయ్యింది. విడుదలైన ఏడు నెలల తర్వాత ఈ సినిమా ఓటీటీలోకి రావడం గమనార్హం. చదవండి: సినీ పరిశ్రమలో మరో విషాదం, ప్రముఖ హీరో కన్నుమూత గతేడాది జూలైలో విడుదలైన ఈ సినిమా తాజాగా ఓటీటీలోకి వచ్చింది. ఈ మూవీ డిజిటల్‌ హక్కులను ప్రముఖ ఓటీటీ సంస్థ డిస్నీప్లస్‌ హాట్‌స్టార్‌ సొంతం చేసుకుంది. ఈ నేపథ్యంలో ఈ రోజు(మార్చి 3న) ఈ చిత్రాన్ని అందుబాటులోకి తీసుకురానుంది. శుక్రవారం మధ్యాహ్నం 12:30 గంటల నుంచి ది లెజెండ్‌ హాట్‌స్టార్‌ స్ట్రీమింగ్‌ అయ్యేందుకు సిద్ధంగా ఉంది. కాగా ఇందులో శరవణన్ సరసన లక్ష్మిరాయ్, బాలీవుడ్‌ బ్యూటీ, పాపులర్ మోడల్ ఊర్వశి రౌటేలా హీరోయిన్లుగా నటించారు.  శరవణన్ స్వయంగా నటించి, నిర్మించిన ఈ సినిమాని జేడీ-జెర్రీ దర్శకద్వయం తెరకెక్కించగా.. రఘువరన్ బిటెక్ ఫేమ్ ఆర్. వేల్రాజ్ సినిమాటోగ్రఫీ, హారిస్ జయరాజ్ సంగీతం అందించారు. చదవండి: కాబోయే భార్య ఫొటో షేర్‌ చేసిన మంచు మనోజ్‌ Streaming Blasting from 12:30PM⚡️ 💥💫✨#Legend streaming in @DisneyPlusHS from Today 12.30 PM#LegendinDisneyHotstar#Tamil #Telugu #Malayalam #Hindi @yoursthelegend #Legend #TheLegend #LegendSaravanan @DirJdjerry @Jharrisjayaraj @thinkmusicindia @onlynikil #NM pic.twitter.com/FmRgRncylT — Legend Saravanan (@yoursthelegend) March 3, 2023

రియల్‌ బాక్సర్‌ రితికా సింగ్‌ ఇరుది చుట్రు చిత్రం ద్వారా కథానాయకిగా రంగ ప్రవేశం చేసిన విషయం తెలిసిందే. తమిళం, హిందీ భాషల్లో రూపొందిన ఆ చిత్రం జాతీయ ఉత్తమ నటి అవార్డులు తెచ్చిపెట్టింది. కాగా అదే చిత్రంతో తెలుగులోనూ పరిచయమైన రితికా సింగ్‌ తమిళ్‌లో శివలింగ, ఓ మై కడవులే తదితర చిత్రాల్లో నటించి గుర్తింపు తెచ్చుకుంది. కాగా తాజాగా ఇన్‌ కార్‌ అనే పాన్‌ ఇండియా చిత్రంలో కథానాయకిగా ప్రధాన పాత్రను పోషించింది. ఇన్‌ బాక్స్‌ పిక్చర్స్‌ పతాకంపై అంజుమ్‌ ఖురేషి, సాజిత్‌ ఖీరేషీ నిర్మించిన ఈ చిత్రానికి హర్షవర్ధన్‌ దర్శకత్వం వహించారు. నిర్మాణ కార్యక్రమాలు పూర్తి చేసుకుని మార్చి 3వ తేదీన హిందీ, తమిళం, తెలుగు, కన్నడం, మలయాళం మొదలగు ఐదు భాషల్లో సిద్దమైన ఈ చిత్రాన్ని తమిళనాడులో స్టూడియో గ్రీన్‌ సంస్థ ద్వారా కేఈ జ్ఞానవేల్‌ రాజా విడుదల చేస్తున్నారు. ఈ సందర్భంగా శనివారం రాత్రి చెన్నైలో మీడియా సమావేశాన్ని నిర్వహించారు. దర్శకుడు హర్షవర్ధన్‌ మాట్లాడుతూ.. తన బంధువుల జీవితంలో జరిగిన యదార్థ సంఘటన ఆధారంగా తెరకెక్కించిన కథా చిత్రం ఇన్‌ కార్‌ అని చెప్పారు. ఈ చిత్రంలో నటించిన తర్వాత తాను కొన్ని రోజులపాటు ఆ పాత్ర నుంచి బయటపడలేక పోయానని చెప్పారు. ఈ చిత్రంలో నటించే అవకాశం కల్పించిన దర్శకుడికి కృతజ్ఞతలు చెప్పుకుంటున్నానని నటి రితికా సింగ్‌ పేర్కొన్నారు. (ఫొటో గ్యాలరీ కోసం ఇక్కడ క్లిక్ చేయండి)

టాలీవుడ్‌ యంగ్‌ హీరో సందీప్‌ కిషన్‌ నటించిన తాజా చిత్రం మైఖేల్‌. యాక్షన్‌ ఎంటర్‌టైనర్‌గా విడుదలైన ఈ సినిమాలో సందీప్‌కు జోడీగా దివ్యాంశ కౌశిక్‌ నటించింది. విజయ్‌ సేతుపతి, వరలక్ష్మీ శరత్‌కుమార్‌ కీలక పాత్రల్లో నటించారు.రంజిత్‌ జయకోడి దర్శకత్వం వహించిన ఈ సినిమా ఈనెల3న విడుదలైంది. చాన్నాళ్లుగా సరైన హిట్‌ కోసం ఎదురుచూస్తున్న సందీప్‌కు మైఖేల్‌ కూడా నిరాశ పరిచిందనే చెప్పొచ్చు. పాన్‌ ఇండియా స్థాయిలో భారీ అంచనాల మధ్య విడుదలైన ఈ చిత్రం ‍ప్రేక్షకులను ఆశించిన స్థాయిలో మెప్పించలేకపోయింది. దీంతో నెల కూడా గడవక ముందే ఈ సినిమా ఇప్పుడు ఓటీటీలోకి వచ్చేసింది. ప్రముఖ ఓటీటీ ప్లాట్‌ఫాం ఆహాలో నేడు(శుక్రవారం)నుంచే స్ట్రీమింగ్‌ అవుతుంది. దీనికి సంబంధించిన అఫీషియల్‌ అనౌన్స్‌మెంట్‌ కూడా వచ్చేసింది. మరి థియేటర్లలో ఈ సినిమాను మిస్‌ అయినవాళ్లు ఇప్పుడు ఓటీటీలో చూసేయండి మరి.    Roses are red but soaked in blood. The Ultimate Gangsters Love story!! 🔥⚡#MichaelOnAHA Streaming Now ▶️ https://t.co/OJuM7oP6SN pic.twitter.com/TZHVcEseRl — ahavideoin (@ahavideoIN) February 23, 2023

సందీప్‌ కిషన్‌ హీరోగా నటించిన తొలి పాన్‌ ఇండియా చిత్రం మైఖేల్‌. రంజిత్ జయకోడి దర్శకత్వం వహించిన ఈ సినిమాలో దివ్యాంశ కౌశిక్‌ హీరోయిన్‌గా నటించింది. విజయ్‌ సేతుపతి, వరలక్ష్మీ శరత్‌ కుమార్‌ కీలక పాత్రలు పోషించారు.   భారీ అంచనాల మధ్య ఫిబ్రవరి 3న విడుదలైన ఈ చిత్రం బాక్సాఫీస్‌ వద్ద ఆశించిన స్థాయిలో కలెక్షన్స్‌ని రాబట్టుకోలేకపోయింది.ఎన్నో అంచనాల మధ్య విడుదలైన ఈ మూవీ అనుకున్నంతగా సక్సెస్ అయితే కాలేదు. థియేటర్లలో ఓ మోస్తారుగా విడుదలైన ఈ సినిమా ఇప్పుడు డిజిటల్‌ స్ట్రీమింగ్‌కు రెడీ అయ్యింది. 'మైఖేల్' డిజిటల్ స్ట్రీమింగ్ రైట్స్‌ను 'ఆహా' ఓటీటీ వేదిక సొంతం చేసుకుంది. ఈ నెల 24న ఈ సినిమా ఆహాలోకి రానుంది.దీనికి సంబంధించిన అఫీషియల్‌ అనౌన్స్‌మెంట్‌ కూడా వచ్చేసింది.  The non-stop action entertainer Michael is all ready to set your screens on fire. Ready ga undandi picchekinche action tho rabothunnadu mana Michael.#MichaelOnAHA Premieres Feb 24. @sundeepkishan @VijaySethuOffl @Divyanshaaaaaa @menongautham @jeranjit @SamCSmusic @Dir_Lokesh pic.twitter.com/3573UmkClD — ahavideoin (@ahavideoIN) February 17, 2023

‘గురు’ సినిమా ఫేమ్‌ రితికా సింగ్‌ ప్రధాన పాత్రలో నటించిన పాన్‌ ఇండియా చిత్రం ‘ఇన్‌ కార్‌’. హర్షవర్థన్‌ దర్శకత్వం వహించారు. ఇన్‌ బాక్స్‌ పిక్చర్స్‌పై అంజుమ్‌ ఖురేషి, సాజిద్‌ ఖురేషి నిర్మించిన ఈ చిత్రం మార్చి 3న తెలుగు, తమిళ, కన్నడ, మలయాళ, హిందీ భాషల్లో విడుదల కానుంది. ఆయా భాషల ట్రైలర్స్‌ని శుక్రవారం విడుదల చేశారు. ‘‘సర్వైవల్‌ క్రైమ్‌ థ్రిల్లర్‌ డ్రామా ‘ఇన్‌ కార్‌’. వాస్తవ ఘటనల ఆధారంగా రూపొందిన చిత్రమిది. కాలేజీకి వెళ్లే ఓ అమ్మాయిని గుర్తు తెలియని దుండగులు కిడ్నాప్‌ చేస్తారు. ఏకాంత ప్రదేశానికి తీసుకెళ్లి ఆమెపై అత్యాచారం చేయాలనుకుంటారు. వారి బారి నుంచి తప్పించుకోవడానికి ప్రయత్నించిన ఆమెను వారు తీవ్రంగా గాయపరుస్తారు. ఆ తర్వాత ఆమె పోరాటం చేసి, వారి నుంచి ఎలా తప్పించుకుంది? అనేది చిత్రకథ’’ అని యూనిట్‌ పేర్కొంది. సందీప్‌ గోయత్, మనీష్‌ ఝంజోలియా, జ్ఞాన్‌ ప్రకాష్‌ కీలక పాత్రల్లో నటించిన ఈ చిత్రానికి కెమెరా: మిథున్‌ గంగోపాధ్యాయ. 

పుట్టి పెరిగింది తమిళనాడులో అయినా నటిగా తెలుగు చిత్రాలతో గుర్తింపు తెచ్చుకున్న నటి దీప్శిక. తాజాగా మైఖెల్‌ చిత్రంతో కోలీవుడ్‌ ప్రేక్షకులను పలకరింంది. సందీప్‌ కిషన్‌ కథానాయకుడుగా నటించిన ఈ చిత్రంలో విజయ్‌ సేతుపతి ముఖ్య పాత్ర పోషించారు. అదేవిధంగా దర్శకుడు గౌతమ్‌ మీనన్‌ ప్రధాని పాత్ర పోషించారు. నటి దివ్యాంశ కౌశిక్‌ కథానాయకిగా నటించిన ఈ సినిమాలో దీప్శిక కీలక పాత్రలో నటించారు. రంజిత్‌ జయక్కొడి తెరకెక్కించిన ఈ చిత్రం ఇటీవలే పాన్‌ ఇండియా స్థాయిలో విడుదలై సక్సెస్‌ఫుల్‌గా ప్రదర్శింబడుతోంది. ఈ సందర్భంగా నటి దీప్శిక తన ఆనందాన్ని పంచుకుంటూ చెన్నైలో పుట్టి పెరిగి చదువుకున్న తాను తమిళ చిత్రాల్లో నటిస్తుండగానే తెలుగులో అవకాశం వచ్చిందని తెలిపింది. అలా ఇప్పుడు అక్కడ అరడజను చిత్రాల్లో నటిస్తున్నట్లు తెలిపారు. ఇందులో తాను పోషింన జెనీఫర్‌ పాత్రకు ప్రేక్షకుల నుంచి ప్రశంసలు లభిస్తున్నాయని చెప్పారు. ఇందుకు దర్శకుడు రంజిత్‌ జయక్కొడికి కృతజ్ఞతలు చెప్పుకుంటున్నానన్నారు. నిజానికి ఈ పాత్రను వేరే ప్రముఖ నటి చేయాల్సి ఉందని, అయితే కొన్ని అనివార్య కారణాల వల్ల ఆమె వైదొలగడంతో దర్శకుడు తనకు అవకాశం కల్పించారని చెప్పారు. ఇందులో గౌతమ్‌ మీనన్‌ సరసన నటించడం మంచి అనుభవంగా పేర్కొన్నారు. ప్రస్తుతం తమిళంలో ఒక చిత్రంలో హీరోయిన్‌గా నటిస్తున్నానని దానికి సంబంధింన వివరాలు త్వరలోనే వెలువడతాయని చెప్పారు. అదేవిధంగా తెలుగులో ఉద్వేగం అనే చిత్రంలో కూడా నటిస్తున్నట్లు తెలిపారు. అదేవిధంగా తాను నటించిన రమణ కల్యాణం చిత్రం త్వరలో విడుదలకు సిద్ధమవుతుందని ఇది తెలుగు, తమిళం, కన్నడం, హిందీ భాషల్లో రూపొందినట్లు చెప్పారు. అదేవిధంగా తెలుగులో నటుడు రవితేజ నిర్మిస్తున్న చిత్రంలో కూడా హీరోయిన్‌గా  నటిస్తున్నట్లు దీప్శిక వెల్లడించారు.  

ప్రముఖ నృత్య దర్శకురాలు బృందా గోపాల్‌ డైరెక్షన్‌లో రూపొం దినపాన్‌ ఇండియా చిత్రం ‘థగ్స్‌’. ఈ చిత్రం ద్వారా నిర్మాత, డిస్ట్రిబ్యూటర్‌ శిబు తమీన్స్  కుమారుడు హ్రిదు హరూన్‌ హీరోగా  పరిచయమవుతున్నారు.  హెచ్‌ఆర్‌ పిక్చర్స్‌ బ్యానర్‌  సమర్పణలో జియో  స్టూడియోస్‌తో కలిసి శిబు నిర్మించారు. ఈ చిత్రం  తెలుగులో ‘కోనసీమ థగ్స్‌’ పేరుతో విడుదలకానుంది. శామ్‌ సీఎస్‌ సంగీతం  అందించిన ఈ చిత్రంలోని ‘వీర శూర మహంకాళి వస్తోందయ్యా...’ అంటూ సాగే ఈపాటని విడుదల చేశారు. వనమాలి సాహిత్యం అందించిన ఈ గీతాన్ని కాలభైరవపాడారు.  

పాన్‌ ఇండియా ‘సెలబ్రిటీ క్రికెట్‌ లీగ్‌’ (సీసీఎల్‌)  సందడి మళ్లీ మొదలు  కాబోతుంది. ఈ నెల 18 నుంచి సీసీఎల్‌ ప్రారంభం కానుంది. ఎనిమిది చలన చిత్ర పరిశ్రమలకు చెందిన బిగ్గెస్ట్‌ స్టార్స్‌ జట్లు పోటీపడనున్నాయి. రాయ్‌పూర్, బెంగళూరు, హైదరాబాద్, జోధ్‌పూర్,  త్రివేండ్రం, జైపూర్‌ నగరాలు 19 గేమ్‌లకు ఆతిథ్యం ఇవ్వనున్నాయి.   సీసీఎల్‌ జట్లు ఇవే.. సల్మా న్  ఖా న్  బ్రాండ్‌ అంబాసిడర్‌గా రితేష్‌ దేశ్‌ముఖ్‌ కెప్టె న్ గా ముంబై హీరోస్, ఆర్య కెప్టెన్‌గా చెన్నై రైనోస్, వెంకటేష్‌ కో ఓనర్‌– అఖిల్‌ కెప్టెన్‌గా తెలుగు వారియర్స్, మనోజ్‌ తివారీ కెప్టె న్ గా భోజ్‌పురి దబాంగ్స్, మోహన్‌ లాల్‌ కో ఓనర్‌గా కుంచాకో బోప న్  కెప్టె న్ గా కేరళ స్ట్రైకర్స్, బోనీ కపూర్‌ కో ఓనర్‌గా జిసుసేన్‌ గుప్త  కెప్టన్‌గా బెంగాల్‌ టైగర్స్, సుదీప్‌ కెప్టె న్ గా కర్ణాటక బుల్డోజర్స్, సోనూసూద్‌ కెప్టెన్‌గా పంజాబ్‌ దే షేర్‌. 

విలక్షణమైన నటనతో ఆకట్టుకుంటున్నారు విజయ్‌ సేతుపతి. కోలీవుడ్‌, టాలీవుడ్‌లోనే కాకుండా పాన్‌ ఇండియా స్థాయిలో రాణిస్తున్నాడు. అయితే అతన్ని మాత్రం  పాన్‌ ఇండియా స్టార్‌ అంటే ఫైర్‌ అవుతున్నాడు.  నన్ను పాన్‌ ఇండియా స్టార్‌ అని పిలవకండి అని అసహనం వ్యక్తం చేస్తున్నాడు.  తాజాగా ఆయన ఓ ఇంటర్వ్యూలో మాట్లాడుతూ.. ‘నేను కేవలం నటుడిని మాత్రమే. దయచేసి నన్ను పాన్‌ ఇండియా స్టార్‌ అని పిలవకండి. ఆ ట్యాగ్ నాకు ఇబ్బందిగా అనిపిస్తోంది. కొన్ని సార్లు ఒత్తిడికి కూడా గురి చేస్తోంది. మళ్లీ చెబుతున్నా..నేను కేవలం నటుడిని మాత్రమే. అన్ని భాషల్లో నటించాలనుకుంటున్నాను. ఎక్కడ అవకాశం వచ్చినా వెళ్లి నటిస్తాను’ అన్నారు. 96 సినిమాతో తెలుగు ప్రేక్షకులకు బాగా దగ్గరయ్యాడు విజయ్‌ సేతుపతి. ఆ తర్వాత సైరా, ఉప్పెన, మాస్టర్‌, విక్రమ్‌ చిత్రాలతో టాలీవుడ్‌లో కూడా అభిమాన దళాన్ని ఏర్పాటు చేసుకున్నాడు. ఆయన నటించిన మైఖేల్‌ చిత్ర ఇటీవల ప్రేక్షకుల ముందుకు వచ్చింది. ప్రస్తుతం బాలీవుడ్‌లో మేరి క్రిస్మస్‌ చిత్రంలో నటిస్తున్నాడు. 

స్టార్ హీరోలే పాన్ ఇండియా సినిమాలు చేయటానికి వెనకడుగు వేస్తుంటే.. కుర్ర హీరోలు మాత్రం టాలీవుడ్ హద్దులు దాటుతున్నారు. పాన్ ఇండియా హీరోలం అనిపించుకోటానికి తహ తహ లాడిపోతున్నారు. ప్రయత్నిస్తే పోయేది ఏముంది చెప్పు..మహా అయితే మరో సారి ట్రై చేస్తాం అనుకుంటు..పాన్ ఇండియా సినిమాలు చేస్తున్నారు. ఒకేసారి తెలుగుతో పాటు..ఇతర భాషల్లో విజయం సాధించాలి అనుకుంటున్న ఈ హీరోలపై ఓ లుక్కేయండి మేజర్ మూవీతో పాన్ ఇండియా సినిమా చేసాడు అడివి శేష్. ఇక కార్తికేయా 2 తో నిఖిల్ కూడా పాన్ ఇండియా విజయం అందుకున్నాడు. ఇప్పుడు మరికొందరు యువ హీరోలు కూడా ..పాన్ ఇండియా సినిమాలతో లక్ పరిక్షించుకోబోతున్నారు. సందీప్ కిషన్ మైఖేల్ సినిమాతో వస్తున్నాడు. ఈ మూవీ తెలుగు,తమిళ్,హిందీ,కన్నడ,మలయాళ భాషలలో రిలీజ్ కాబోతుంది. నాని శ్యామ్ సింగరాయ్ సౌత్‌లోని అన్ని భాషల్లో రిలీజ్ అయింది. ఈ సారి ‘దసరా’తో మాత్రం పాన్ ఇండియా ప్రయత్నం చేస్తున్నాడు. సౌత్ భాషలతో పాటు హిందీలో కూడా ఈ మూవీ రిలీజ్ కాబోతుంది. అలాగే కళ్యాణ్ రామ్ ఫస్ట్ పాన్ ఇండియా సినిమాగా డెవిల్ సినిమా రాబోతుంది. విశ్వక్ సేన్ రెండో సారి మెగాఫోన్ పట్టుకొని దాస్ క ధమ్కీ మూవీ రూపొందించాడు. ఈ సారి తనను తాను దర్శకుడిగా,హీరోగా పాన్ ఇండియా రేంజ్లో ప్రమోట్ చేసుకుంటున్నాడు. కుర్ర హీరో తేజా సజ్జా,దర్శకుడు ప్రశాంత్ వర్మ కాంబినేషన్లో రాబోతున్న హనుమాన్ కూడా పాన్ ఇండియా రిలీజ్ కాబోతుంది. మరోవైపు టాలీవుడ్‌ స్టార్‌ హీరోలు మాత్రం ఇక్కడ సత్తా చాటుతున్నా.. పాన్‌ ఇండియాపై మాత్రం ఫోకస్‌ పెట్టడం లేదు. వరుస విజయాలతో దూసుకెళ్తున్న సూపర్‌ స్టార్‌ మహేశ్‌ బాబు..ఇప్పటి వరకు పాన్ ఇండియా హిట్ కోసం ట్రై చేయలేదు. త్రివిక్రమ్ కాంబో సినిమా కూడా..తెలుగులో మాత్రమే రిలీజ్ కాబోతుందట. అలాగే పలువురు సీనియర్ హీరోల సినిమాలు కూడా స్వచ్చంగా తెలుగులోనే విడుదల అవుతున్నాయి. అయితే యువ హీరోలు మాత్రం పాన్ ఇండియా రిలీజులపై జోరు చూపిస్తున్నారు.

నటుడు సందీప్‌ కిషన్‌ కథానాయకుడిగా నటించిన తాజా చిత్రం మైఖేల్‌. దివ్యాంష కౌషిక్‌ హిరోయిన్‌గా చేస్తున్నారు. విజయ్‌ సేతుపతి, గౌతమ్‌ మీనన్, టాలీవుడ్‌ నటుడు వరుణ్‌ సందేశ్, అయ్యప్ప శర్మ, అనసయ భరద్వాజ్, వరలక్ష్మి శరత్‌ కువర్‌ తదితరులు ముఖ్యపాత్రలు పోషించారు. రంజిత్‌ జయక్కొడి దర్శకత్వం వహించిన ఈ చిత్రాన్ని భరత్‌ చౌదరి, పుష్కర్‌ రామ్మోహన్‌ రావు సంయుక్తంగా నిర్మించారు. శ్యాం సీఎస్‌ సంగీతాన్ని, కిరణ్‌ కౌశిక్‌ చాయాగ్రహణం అందించారు. నిర్మాణ కార్యక్రమాలు పూర్తి చేసుకున్న ఈ చిత్రం తమిళం, తెలుగు, కన్నడం, మలయాళం, హిందీ భాషల్లో పాన్‌ ఇండియాచిత్రంగా ఫిబ్రవరి 3వ తేదీ విడుదలకు సిద్ధమవుతోంది. ఈ సందర్భంగా చిత్ర యూనిట్‌ స్థానిక చెట్‌పేట్‌లోని లేడీ అండ్‌ స్కల్‌ ఆవరణలో మీడియాసమావేశాన్ని నిర్వహింంది. దర్శకుడు రంజిత్‌ జయక్కొడి మాట్లాడుతూ.. తనకు ఎలాంటి సమస్యలు తలెత్తకుండా ఈ చిత్రాన్ని ఈ స్థాయికి తీసుకొచ్చింది నిర్మాతలేనని పేర్కొన్నారు. ఈ చిత్రంలో మైఖేల్‌ పాత్రకు ఎలాంటి ఎమోషనల్, డైలాగులు లేకుండా రూపొందించాలని భావించామన్నారు. దానికి నటుడు సందీప్‌ కిషన్‌ అద్భుతంగా నటించారన్నారు. అదేవిధంగా యాక్షన్‌ సన్నివేశాలు శక్తివంతంగా ఉండటానికి ఫైట్‌ మాస్టర్‌ చాలా శ్రమించారన్నారు. ఇందులో ఒక క్యామియో పాత్ర ఉందని దానికి అన్ని భాషలకు తెలిసిన నటుడు అవసరమయ్యారని దీంతో తన మిత్రుడు విజయ్‌ సేతుపతిని నటించమని కోరగా ఆయన వెంటనే అంగీకరించాలని చెప్పారు. చిత్ర కథానాయకుడు సందీప్‌ కిషన్‌ మాట్లాడుతూ.. ఈ చిత్రంపై మంచి అంచనాలు నెలకొనడం సంతోషంగా ఉందన్నారు. నిర్మాత భరత్‌ చౌదరినే తమకు ఉద్వేగాన్ని కలిగించారన్నారు. తమ కలను ఇప్పుడు మైఖేల్‌గా మార్చింది కూడా ఆయనేనని పేర్కొన్నారు. సంగీత దర్శకుడు శ్యామ్‌ సీఎస్‌ ఈ చిత్రం కోసం కఠినంగా శ్రమించారని అన్నారు. దర్శకుడు రంజిత్‌ జయక్కొడి మం వ్యక్తిత్వం కలిగిన వ్యక్తి అని, ఆయనతో కలిసి పని చేయడం సంతోషంగా ఉందన్నారు. విజయ్‌ సేతుపతి మంచి మిత్రుడు అని సందీప్‌ కిషన్‌ పేర్కొన్నారు.

‘బాహుబలి’తో తెలుగు సినిమాలో మార్పు వచ్చింది. అప్పటివరకూ మన తెలుగు సినిమా తెలుగు ప్రేక్షకులకు నచ్చితే చాలన్నట్లు ఉండేది. అయితే ‘బాహుబలి’ తర్వాత తెలుగు సినిమా పాన్‌ ఇండియా రేంజ్‌కి ఎదిగింది. అందుకే ప్రస్తుతం ‘పాన్‌ కథ’లకే ఇండస్ట్రీ మొగ్గు చూపుతోంది. ఈ ఏడాది తెలుగు నుంచి దాదాపు డజనుకి పైగా ‘పాన్‌ ఇండియా’ చిత్రాలు రానున్నాయి. ఇక ఈ ‘పాన్‌ కథా చిత్రమ్‌’ వివరాలు తెలుసుకుందాం. ‘ధమాకా’, ‘వాల్తేరు వీరయ్య’ (రవితేజ కీ రోల్‌ చేశారు) చిత్రాల సక్సెస్‌ జోష్‌లో ఉన్న రవితేజ చేస్తున్న తాజా చిత్రాల్లో  ‘టైగర్‌ నాగేశ్వరరావు’ ఒకటి. స్టూవర్టుపురం దొంగగా చెప్పుకునే టైగర్‌ నాగేశ్వరరావు జీవితం ఆధారంగా ఈ సినిమాను తెరకెక్కిస్తున్నారు దర్శకుడు వంశీ. 1970 బ్యాక్‌డ్రాప్‌లో రూపొందుతున్న ఈ పాన్‌ ఇండియా చిత్రం ఈ ఏడాదే రిలీజ్‌  కానుంది. అలాగే రవితేజ హీరోగా నటిస్తున్న మరో చిత్రం ‘రావణాసుర’ కూడా పాన్‌ ఇండియా రిలీజ్‌ అని తెలుస్తోంది. సుధీర్‌ వర్మ దర్శకత్వంలో రూపొందుతున్న ఈ సినిమా ఏప్రిల్‌ 7న విడుదల కానుంది. మరోవైపు ‘బాహుబలి’ పాన్‌ ఇండియా సక్సెస్‌ తర్వాత ప్రభాస్‌ చేసే ప్రతి సినిమా పాన్‌ ఇండియా రేంజ్‌లో ప్రేక్షకుల ముందుకు వస్తున్న సంగతి తెలిసిం§ó.. ఈ ఏడాది మూడు పాన్‌ ఇండియా చిత్రాలతో ప్రభాస్‌ రానున్నారు. ప్రస్తుతం ప్రభాస్‌ హీరోగా ‘కేజీఎఫ్‌’ ఫేమ్‌ ప్రశాంత్‌ నీల్‌ దర్శకత్వంలో రూపొందుతున్న ‘సలార్‌’, దర్శకుడు ఓం రౌత్‌ తెరకెక్కించిన మైథలాజికల్‌ ఫిల్మ్‌ ‘ఆదిపురుష్‌’ ఈ ఏడాదే ప్రేక్షకుల ముందుకు రానున్నాయి. జూన్‌ 16న ‘ఆదిపురుష్‌’, సెప్టెంబరు 28న ‘సలార్‌’ రిలీజ్‌కి రెడీ అవుతున్నాయి. ఈ సినిమాలే కాకుండా ప్రభాస్‌ హీరోగా మారుతి దర్శకత్వంలో ‘రాజా డీలక్స్‌’ (అధికారిక ప్రకటన రావాల్సి ఉంది) అనే సినిమా రూపొందుతున్న సంగతి తెలిసిందే. ఈ చిత్రం కూడా ఈ ఏడాదే పాన్‌ ఇండియా రిలీజ్‌గా థియేటర్స్‌లోకి వస్తుందనే టాక్‌ వినిపిస్తోంది. ఇక హీరో మహేశ్‌బాబు తాజా చిత్రం పాన్‌ ఇండియా రిలీజ్‌ కానుంది. ‘అతడు’, ‘ఖలేజా’ చిత్రాల తర్వాత హీరో మహేశ్‌బాబు, దర్శకుడు త్రివిక్రమ్‌ కాంబినేషన్‌లో రూపొందుతున్న సినిమా ఇది. ఫ్యామిలీ అండ్‌ ఎమోషనల్‌ యాక్షన్‌ డ్రామాగా రూపొందుతున్న ఈ సినిమా షూటింగ్   హైదరాబాబాద్‌లో జరుగుతోంది. ఆగస్టు 11న ఈ చిత్రాన్ని రిలీజ్‌ చేసేలా సన్నాహాలు చేస్తున్నారు. ఇక పవన్‌ కల్యాణ్‌ నుంచి కూడా ఓ పాన్‌ ఇండియా చిత్రం రానుంది. క్రిష్‌ దర్శకత్వంలో పవన్‌ హీరోగా నటిస్తున్న పీరియాడికల్‌ ఫిల్మ్‌ ‘హరిహర వీరమల్లు’. 17వ శతాబ్దం నేపథ్యంలో తెరకెక్కుతోన్న ఈ చిత్రం వేసవిలో రిలీజ్‌ కానున్నట్లు తెలుస్తోంది. మరోవైపు శంకర్‌ దర్శకత్వంలో హీరో రామ్‌చరణ్‌ ఓ పాన్‌ ఇండియా మూవీ చేస్తున్నారు. రాజకీయాలు, ఐఏఎస్‌ ఆఫీసర్ల నేపథ్యంతో కూడిన ఈ యాక్షన్‌ ఫిల్మ్‌ ఈ ఏడాదే థియేటర్స్‌లోకి రానుంది. ఇంకోవైపు ఆల్రెడీ ‘పుష్ప: ది రైజ్‌’తో పాన్‌ ఇండియా సక్సెస్‌ కొట్టిన అల్లు అర్జున్‌ ఇదే సినిమాకు కొనసాగింపుగా వస్తున్న ‘పుష్ప: ది రూల్‌’ సినిమాతో ప్రస్తుతం బిజీగా ఉన్నారు. దర్శకుడు సుకుమార్‌ తెరకెక్కిస్తున్న ‘పుష్ప: ది రూల్‌’ చిత్రం ఈ ఏడాది చివర్లో రిలీజ్‌ కానున్నట్లు తెలుస్తోంది. ఇక శ్రీకాంత్‌ ఓదెల దర్శకత్వంలో నాని హీరోగా నటించిన విలేజ్‌ బ్యాక్‌డ్రాప్‌ మాస్‌ ఫిల్మ్‌ ‘దసరా’ కూడా పాన్‌ లిస్ట్‌లో ఉంది. ఈ చిత్రం మార్చి 30న రిలీజ్‌ కానుంది. ‘శాకుంతలం’తో సమంత కూడా పాన్‌ ఇండియా జాబితాలో చేరారు. దేవ్‌ మోహన్‌ ఓ లీడ్‌ రోల్‌ చేసిన ఈ మైథలాజికల్‌ లవ్‌స్టోరీకి గుణశేఖర్‌ దర్శకుడు. ఈ చిత్రం ఫిబ్రవరి 17న రిలీజ్‌ కానుంది. ఇంకోవైపు హీరో రామ్, దర్శకుడు బోయపాటి శ్రీను కాంబినేషన్‌లో పాన్‌ ఇండియా స్థాయిలో ఓ హై ఓల్టేజ్‌ యాక్షన్‌ ఫిల్మ్‌ రూపొందుతోంది. అలాగే అఖిల్‌ హీరోగా సురేందర్‌రెడ్డి తెరకెక్కిస్తున్న స్టైలిష్‌ యాక్షన్‌ మూవీ ‘ఏజెంట్‌’ వేసవి రిలీజ్‌కి రెడీ అవుతోంది. శివ నిర్వాణ దర్శకత్వంలో విజయ్‌దేవర కొండ–సమంతల పాన్‌ ఇండియా ప్రేమకథా చిత్రం ‘ఖుషి’ ఈ ఏడాది వెండితెరపై ప్రేమ కురిపించనుంది. అలాగే రంజిత్‌ జయకొడి దర్శకత్వంలో సందీప్‌ కిషన్‌ హీరోగా చేసిన గ్యాంగ్‌స్టర్‌ ఫిల్మ్‌ ‘మైఖేల్‌’ వచ్చే నెల 3న రిలీజ్‌ కానుంది. సాయిధరమ్‌తేజ్‌ హీరోగా కార్తీక్‌ దండు దర్శకత్వంలో రూపొందిన మిస్టిక్‌ థ్రిల్లర్‌ ‘విరూపాక్ష’ ఏప్రిల్‌ 21న విడుదల కానుంది. వరుణ్‌ తేజ్‌ కూడా పాన్‌ క్లబ్‌లో చేరారు. తెలుగు, హిందీ భాషల్లో శక్తీకాంత్‌ దర్శకత్వంలో వరుణ్‌ ఓ పాన్‌ మూవీ కమిట్‌ అయ్యారు. ఇక ‘గూఢచారి’కి సీక్వెల్‌గా అడివి శేష్‌ చేస్తున్న ‘గూఢచారి 2’ కూడా పాన్‌ ఇండియా రిలీజే. ఇంకా గ్యారీ బీహెచ్‌ దర్శకత్వంలో నిఖిల్‌ చేసిన స్పై థ్రిల్లర్‌ ‘స్పై’, తేజా సజ్జా హీరోగా దర్శకుడు ప్రశాంత్‌ వర్మ తీసిన అడ్వెంచరస్‌ మైథలాజికల్‌ ఫిల్మ్‌ ‘హను మాన్‌’ (మే 12న రిలీజ్‌) తదితర చిత్రాలు పాన్‌ ఇండియా రిలీజ్‌లుగా ఈ ఏడాదే రానున్నాయి.

సాక్షి, హైదరాబాద్‌: కంటెంట్‌ ఉన్న సినిమాలు దేశమంతా ఆడుతున్నప్పుడు కంటెంట్‌ ఉన్న నాయకుడు ఎందుకు హిట్‌ కాలేడంటూ తెలంగాణ ఐటీ శాఖ మంత్రి కేటీఆర్‌ ఆసక్తికర వ్యాఖ్యలు చేశారు. దర్శకుడు దశరథ్‌ రాసిన కథారచన పుస్తకావిష్కరణ సోమవారం ప్రసాద్‌ ల్యాబ్‌లో నిర్వహించారు. ఈ కార్యక్రమానికి కేటీఆర్‌ ముఖ్యఅతిధిగా హాజరై కీలక వ్యాఖ్యలు చేశారు. తనకు సినిమాతో పాటు క్రియేటివ్‌ కంటెంట్‌ అంటే కేటీఆర్‌ ఇష్టమన్నారు. ప్రతి రోజూ 11 నుంచి 12 పేపర్లు చదువుతానని చెప్పారు. కరోనా టైంలో కేసీఆర్‌ మాట్లాడేటపుడు అందరూ టీవీలకు అతుక్కుపోయేవారని అన్నారు. అంతర్జాతీయ సినిమాకు హైదరాబాద్‌ వేదికగా మారాలని ఆకాంక్షించారు. ప్రస్తుతం దేశంలో తెలుగు సినిమాల హవా నడుస్తోంది. మేం కూడా పాన్‌ ఇండియాకు వెళ్తున్నాం. కంటెంట్‌ ఉన్న సినిమా దేశమంతా ఆడుతోంది. అలాంటిది కంటెంట్‌ ఉన్న తెలుగు నాయకుడు పాన్‌ ఇండియాకు వెళ్లలేరా?. కంటెంట్‌ ఉంటే ఎవరైనా పాన్‌ ఇండియా లీడర్‌ అవుతారని మంత్రి కేటీఆర్‌ వ్యాఖ్యానించారు.

బహుబలితో పాన్ ఇండియా స్టార్ ఇమేజ్ తెచ్చుకున్నాడు ప్రభాస్. ఆ తర్వాత వందల కోట్ల సినిమాలకే కేరాఫ్ అడ్రస్‌గా మారాడు. వరసగా ఈ పాన్ ఇండియా సినిమాలు చేస్తూ..బిజీగా మారిపోయాడు. ప్రస్తుతం ప్రభాస్‌ ప్రశాంత్ నీల్ దర్శకత్వంలో సలార్ చేస్తున్నాడు. ఈ మూవీ రెండు భాగాలుగా ఉండబోతున్నట్టు టాక్ వినిపిస్తుంది. అలాగే నాగ్ అశ్విన్ దర్శకత్వంలో ప్రాజెక్ట్‌ కే మూవీ కూడా షూటింగ్ జరుపుకుంటుంది. ఓం రౌత్ దర్శకత్వంలో ఆదిపురుష్ ...కూడా పూర్తి చేశాడు. ఈ సినిమాలన్ని ప్రభాస్ ఇమేజ్‌ను కాపాడేలా వందల కోట్ల బడ్జెట్లో రాబోతున్నాయి. అయితే..బాహుబలితో..బిగ్ ఇమేజ్ సొంతం చేసుకున్న డార్లింగ్..తర్వాతి సినిమాలతో..నిలబెట్టుకోలేకపోయాడు. సుజీత్ దర్శకత్వంలో అంచానాలతో వచ్చిన ‘సాహో’అశించిన విజయం సాధించలేదు. ప్రేమ కావ్యం రాధేశ్యామ్ అయితే పూర్తిగా నిరాశ పరించింది. అందుకే తర్వాతి సినిమాలతో తన పాన్ ఇమేజ్ కాపాడుకునే ప్రయత్నంలో ఉన్నాడు. అయితే..సంక్రాంతికి రిలీజ్ అనుకున్న ఆదిపురుష్ టీజర్..రెబల్ స్టార్‌ ఆశల మీద నీళ్లు చల్లేసింది. టీజర్ మీద ..ఎవరు ఉహించనటువంటి విమర్శలు వచ్చాయి. గ్రాఫిక్స్ నాసిరకంగా ఉన్నయంటూ...సోషల్ మీడియాలో ట్రోల్స్ కు గురియింది. తర్వాత జూన్‌ నెలకు ఈ మూవీ వాయిదా పడిన మ్యాటర్ తెలిసిందే. అయితే..ఇప్పుడు రెబల్ స్టార్ మాత్రం తర్వాత బ్లాక్ బస్టర్‌తోనే రావాలని ఫిక్స్ అయ్యాడట. .అందుకోసం..ఆదిపురుష్‌ ను మరింత ఆలస్యంగా తీసుకురాబోతున్నాడట ముందుగా కెజియఫ్ లాంటి బ్లాక్ బస్టర్‌ తెరకెక్కించిన దర్శకుడు ప్రశాంత్‌ నీల్ దర్శకత్వంలో నటిస్తున్న సలార్ మూవీతో రావాలి అనుకుంటున్నాడట ప్రభాస్. అలాగే చక చక నాగ్ అశ్విన్ కాంబో మూవీ ప్రాజెక్ట్‌ కే షూటింగ్‌ కూడా పూర్తి చేయాలని ఫిక్స్ అయ్యాడట. ఇక ఆదిపురుష్ మూవీని..2024 లో రిలీజ్ అయ్యేలా ప్లాన్ చేసుకున్నాడట. అప్పటి వరకు..ఆదిపురుష్‌ గ్రాఫిక్‌కు మరింత నాణ్యత తెచ్చేలా ..ఓం రౌత్ కు హుకుం  జారి చేసాడట. ఇలా తర్వాతి సినిమాతో ఓ బిగ్ హిట్ పక్కాగా నమోదు చేయలి అని  డిసైడ్ అయ్యాడట రెబల్ స్టార్. మరి ప్రభాస్‌ ప్లాన్‌ ఏ మేరకు వర్కౌట్‌ అవుతుందో చూడాలి. 

బాహుబలి లాంటి ఒక్క చిత్రం పాన్ ఇండియా విజయం సాధిస్తే.. అదే ఫీట్ మళ్లీ మళ్లీ రిపీట్ అవుతుందా అంటే..తర్వాత వచ్చిన కొన్ని చిత్రాలు సమాధానం చెప్పాయి. వందల కోట్ల వసూళ్లు సాధించి సంచలన విజయం సాధించాయి. సౌత్ ,నార్త్ ను ఒక్కటి చేసేలా పాన్ ఇండియా హిట్ కొట్టాయి.  2022లో కూడా ఆ సీన్‌ రిపీట్‌ అయింది.  ఈ ఏడాదంతా బాక్సాఫీస్‌ వద్ద పాన్‌ ఇండియా జాతర కొనసాగింది. అంచానాలతో వచ్చి వెయ్యి కోట్ల కొల్లగొట్టిన చిత్రాలు..ఏ మాత్రం ఊహించకుండా నాలుగు వందల కోట్లకు పైగా వసూళ్లు సాధించిన చిత్రాలు ఉన్నాయి. మరి ఈ ఇయర్ సౌత్ నార్త్ అనే ఎళ్లలు చేరిపేసిన ఆ చిత్రాలపై ఓ లుక్కేయండి. ‘బహుబలి’ సిరీస్‌ సినిమాలతో టాలీవుడ్‌ సత్తాను ప్రపంచానికి తెలియజేశాడు రాజమౌళి. ఆయన ఈ ఏడాది మరో పాన్‌ ఇండియా చిత్రం ‘ఆర్‌ఆర్‌ఆర్‌’తో ప్రేక్షకులను పలకరించాడు. యంగ్‌ టైగర్‌ ఎన్టీఆర్‌, మెగాపవర్‌స్టార్‌ రామ్‌ చరణ్‌ నటించిన ఈ మూవీ మార్చి 25న విడుదలై, అంచనాలకు తగ్గట్టుగానే బాక్సాఫీస్‌ వద్ద వందల కోట్లను రాబట్టింది. రూ. 550 కోట్లతో నిర్మించిన ఈ చిత్రం.. దాదాపు రూ.1100 కోట్లకు పైగా వసూళ్ల రాబట్టి చరిత్ర సృష్టించింది.  ఇక ఈ ఏడాది రూ.1000 కోట్లకు పైగా వసూళ్లను రాబట్టిన మరో చిత్రం ‘కేజీయఫ్‌ 2’.  కన్నడ స్టార్‌ యశ్‌, ప్రశాంత్‌ నీల్‌ కాంబినేషన్‌లో 2018లో వచ్చిన ‘కేజీయఫ్‌’ ఎంతటి ఘన విజయం సాధించిందో అందరికి తెలిసిందే. ఆ చిత్రానికి కొనసాగింపుగా వచ్చిన చిత్రమే కేజీయఫ్‌ 2. ఈ ఏడాది ఏప్రిల్‌ లో విడుదలైన ఈ చిత్రం.. ఇండియన్‌ బాక్సాఫీస్‌ని షేక్‌ చేసింది. అంచనాలకు మించి రూ.1200 కోట్లను కొల్లగొట్టి ఔరా అనిపించింది.  బహుబలి సాధించిన విజయం స్పూర్తితో..మణి రత్నం పొన్నియిన్ సెల్వన్ చిత్రాన్ని రూపొందించాడు. మల్టీస్టారర్ గా వచ్చిన ఈ మూవీ..ఇటు సౌత్ తో పాటు నార్త్ ఆడియన్స్ ను కూడా ఆకట్టుకుంది.నాలుగు వందల యాభై కోట్లు కొల్లగొట్టింది. అలాగే యూనివర్సల్‌ స్టార్‌ కమల్‌ హాసన్‌ కూడా ఈ ఏడాది ‘విక్రమ్‌’తో బాక్సాఫీస్‌పై తన విశ్వరూపాన్ని చూపించాడు. పలుమార్లు వాయిదా పడిన ఈ చిత్రం జూన్‌ 3 విడుదలై పాన్‌ ఇండియా ప్రేక్షకుల మనసులను దోచు​కుంది. ప్రపంచవ్యాప్తంగా  ఈ చిత్రం రూ.450కోట్లకు పైగా వసూళ్లను రాబట్టి కమల్‌ హాసన్‌ సత్తాని మరోసారి ప్రపంచానికి తెలియజేసింది.  ఈ ఇయర్ లో సౌత్ ఆడియన్స్ ను మెస్మరైజ్ చేసి..నార్త్ లో కనికట్టుచేసిన మూవీ..కాంతార. ఇది ఎవరు ఉహించని విజయం..సర్పైజింగ్ సక్సెస్. నాలుగు వందల కోట్ల కు పైగా కలెక్షన్లు రాబట్టింది. మరోవైపు బాలీవుడ్ చిత్రం..బ్రహ్మస్త్ర కూడా..పాన్ ఇండియా హిట్ కొట్టింది. హిందీ ఆడియన్స్ ను ఆకట్టుకొని..దక్షణాది ప్రేక్షకుల ప్రేమను కూడా గెలుచుకుంది. తెలుగు లాంగ్వెజ్ లో ఇరువై కోట్లకు పైగా గ్రాస్ రాబట్టింది .అన్ని భాషల్లో కలుపుకొని..నాలుగు వందల కోట్లకు పైగా కొల్లగొట్టింది.ఇలా ఈ చిత్రాలన్ని..ఎళ్లలు దాటి విజయం సాధించాయి..వందల కోట్ల చిత్రాల  జాబితాలోకి చేరాయి.

ప్రస్తుతం పాన్‌ ఇండియా చిత్రాల హవా నడుస్తోంది. భారీ బడ్జెట్‌, స్టార్‌ నటీనటులు అనే సంబంధం లేకుండ కంటెంట్‌ ఉన్న చిత్రాలకు ప్రేక్షకులు బ్రహ్మారథం పడుతున్నారు. బాషతో సంబంధం లేకుండ సౌత్‌ సినిమాలకు నార్త్‌లో సైతం విశేష ఆదరణ లభిస్తోంది. ఇందుకు ఇటీవల విడుదలైన కాంతార చిత్రమే ఉదాహరణ. ఈ ప్రాంతీయ సినిమా వచ్చిన ఈ కన్నడ మూవీ దేశవ్యాప్తంగా సంచలన విజయం సాధించింది. దీంతో పాన్‌ ఇండియా అనే అంశం ప్రస్తుతం బాలీవుడ్‌లో చర్చనీయాంశమైంది. చదవండి: వాల్తేరు వీరయ్య: కేక పుట్టిస్తున్న రవితేజ ఫస్ట్‌లుక్‌ టీజర్‌ ఈ నేపథ్యంలో కాంతార మూవీపై స్టార్‌ డైరెక్టర్‌ అనురాగ్‌ కశ్చప్‌ చేసిన వ్యాఖ్యలు హాట్‌టాపిక్‌ నిలిచాయి. సైరత్ మూవీ విజయం మరాఠి ఇండస్ట్రీని నాశనం చేసిందని గతంలో ఆ మూవీ డైరెక్టర్‌ నాగరాజు మంజులే చేసిన వ్యాఖ్యలను అనురాగ్‌ గుర్తు చేశాడు. ప్రాంతీయ సినిమాలు, సొంత కథల సినిమాలు మంచి విజయం సాధించినప్పటికీ.. వాటి సక్సెస్‌ కారణంగా ఇండస్ట్రీ నాశనమైపోతుందంటూ సంచలన వ్యాఖ్యలు చేశాడు. అలాగే ప్రస్తుతం ఇండస్ట్రీలో పాన్‌ ఇండియా కల్చర్‌ హవా కొనసాగుతుందని, దానివల్ల బాలీవుడ్‌ ఇండస్ట్రీ నాశనమైపోతుందన్నాడు.    చదవండి: అంజలి పెళ్లి చేసుకుందా? క్లారిటీ ఇచ్చిన హీరోయిన్‌ ఈ మేరకు ఆయన మాట్లాడుతూ.. ‘‘ప్రస్తుతం ఇండస్ట్రీలో పాన్‌ ఇండియా చిత్రాల హవా నడుస్తోంది. దీంతో ఈ ట్రెండ్‌పైనే బాలీవుడ్‌ దర్శక-నిర్మాతలు దృష్టిపెడుతున్నారు. ఇప్పుడు ఇదే బాలీవుడ్‌ను నాశనం చేస్తోంది. పుష్ప, కేజీయఫ్‌ 2, కాంతార వంటి చిత్రాలు దేశవ్యాప్తంగా బ్లాక్‌బస్టర్‌ హిట్‌ అయ్యిండోచ్చు. కానీ అలాంటి సినిమాలు బాలీవుడ్‌లో వర్కౌట్‌ కావు. వాటినే కాపీ కొట్టి పాన్‌ ఇండియా సినిమాలుగా తీయాలని చూస్తే మాత్రం బాలీవుడ్‌కు భారీ నష్టం తప్పుదు. ప్రస్తుతం బాలీవుడ్‌కు కావాల్సింది పాన్‌ ఇండియా సినిమాలు కాదు. ఇండస్ట్రీకి ధైర్యం చెప్పే సినిమాలు కావాలి. కథల్లో ఎప్పుడూ కొత్తదనం ఉండాలి.. అప్పుడే సినిమాలు హిట్‌ అవుతాయి’’ అని అనురాగ్‌ పేర్కొన్నాడు.  

సత్యదేవ్, డాలీ ధనంజయ, సత్యరాజ్‌ ప్రధాన పాత్రల్లో ఈశ్వర్‌ కార్తీక్‌ దర్శకత్వంలో ఓ మూవీ తెరకెక్కుతోంది. ఎస్‌ఎన్‌.రెడ్డి (పద్మజ ఫిల్మ్స్‌), బాల సుందరం–దినేష్‌ సుందరం (ఓల్డ్‌టౌన్‌ పిక్చర్స్‌) నిర్మిస్తున్న ఈ సినిమా రెండో షెడ్యూల్‌ జరుపుకుంటోంది. దర్శక–నిర్మాతలు మాట్లాడుతూ–‘‘ఫైనాన్షియల్‌ క్రైమ్‌ యాక్షన్‌ థ్రిల్లర్‌గా రూపొందుతోన్నపాన్‌ ఇండియా చిత్రమిది. 2023 ఫిబ్రవరి మొదటివారంతో షూటింగ్‌ పూర్తవుతుంది. తెలుగు, కన్నడ, తమిళం, హిందీ, మలయాళం భాషల్లో వేసవిలో సినిమాని విడుదల చేయనున్నాం’’ అన్నారు. ఈ చిత్రానికి సహ నిర్మాత: సుమన్‌ ప్రసార బాగే, కెమెరా: మణికంఠన్‌ కృష్ణమాచారి. 

సినిమా-వీఎఫ్‌ఎక్స్‌ ఈ రెండింటిని విడివిడిగా చూడలేం. గ్రాఫిక్స్‌తో తెరపై వండర్స్‌ క్రియేట్‌ చేయొచ్చు. కానీ ఒక్కోసారి మితిమీరిన గ్రాఫిక్స్‌ కూడా సినిమాకు పనిచేయవు. ఆదిపురుష్‌ విషయంలో సరిగ్గా ఇదే జరిగింది. బ్రహ్మస్త్ర సినిమాలోనూ గ్రాఫిక్స్‌ డామినేట్‌ చేశాయి. ఈ క్రమంలో అసలు సినిమా సక్సెస్‌లో గ్రాఫిక్స్‌ ప్రాముఖ్యత ఏంటి? భారీ బడ్జెట్‌ సినిమా అంటే హై లెవల్‌లో గ్రాఫిక్స్‌ ఉండాల్సిందేనా? బాక్సాఫీస్‌ వద్ద గ్రాఫిక్స్‌ క్రియేట్‌ చేసే మ్యాజిక్‌ ఏంటి? తెలుసుకుందాం.. ప్రభాస్‌ హీరోగా ఓం రౌత్‌ దర్శకత్వంలో తెరకెక్కుతున్న ఆదిపురుష్‌ చిత్రంపై ముందు నుంచి భారీ అంచనాలు నెలకొన్నాయి. కానీ టీజర్‌ రిలీజ్‌ తర్వాత ఊహించని రీతిలో విమర్శల పాలైందీ సినిమా. ఇందులో రాముడు, రావణుడు, హనుమంతుడి పాత్రలను చూపించిన విధానంపై సర్వత్రా వ్యతిరేకత వచ్చింది. టీజర్ రిలీజ్ తర్వాత  రామాయణాన్ని తప్పుదోవ పట్టిస్తున్నారని విపరీతంగా ట్రోల్స్ వచ్చాయి. ఆ గ్రాఫిక్స్, విజువల్స్ కూడా అస్సలు బాగోలేవని, పాన్‌ ఇండియా స్థాయిలో సినిమాను తీస్తున్నప్పుడు ఇలా నాసీరకమైన గ్రాఫిక్స్‌ ఏంటని నెటిజన్లు దారుణంగా విమర్శించారు. దీంతో వెనక్కి తగ్గిన మేకర్స్‌ మళ్లీ రీ షూట్స్ చేసి గ్రాఫిక్స్‌, విజువల్‌ ఎఫెక్ట్‌తో కొత్తగా ప్లాన్‌ చేసుకుంటున్నారు. ఇదే క్రమంలో టాలీవుడ్‌ నుంచి వచ్చిన మరో మైథాలాజికల్‌ సినిమా హనుమాన్‌కు అదిరిపోయే రెస్పాన్స్‌ వచ్చింది. తేజ సజ్జా హీరోగా, ప్రశాంత్‌ వర్మ దర్శకత్వంలో రూపొందుతున్న ఈ సినిమా టీజర్‌ ఇటీవలె విడుదలై అందరి దృష్టిని ఆకర్షిస్తోంది. అందులోని వీఎఫ్‌ఎక్స్‌ సైతం విజువల్‌ వండర్‌లా ఉందని నెటిజన్లు అభిప్రాయపడుతున్నారు. సినిమాకు పెద్ద హీరో, బడ్జెట్‌ కంటే కంటెంట్‌, స్క్రీన్‌ ప్లే చాలా ముఖ్యమని అభిప్రాయపడుతున్నారు. ఇక మరో భారీ బడ్జెట్‌ సినిమా బ్రహ్మస్త్ర. రణ్‌బీర్‌,ఆలియా హీరో,హీరోయిన్లుగా నటించిన ఈ సినిమా కూడా బాలీవుడ్‌ మినహా మిగతా భాషల్లో ఆశించినంత సక్సెస్‌​ కాలేదు. కంటెంట్‌కి గ్రాఫిక్స్‌ తోడవ్వాలి కానీ గ్రాఫిక్స్‌కే కంటెంట్‌ వచ్చి చేరింది అన్న విమర్శలు వచ్చాయి.  ఈ క్రమంలో వీఎఫ్‌క్స్‌పై ఇంత భారీగా ఖర్చుపెట్టడం సినిమా రిజల్ట్‌పై ఎంత వరకు ప్రభావం చూపుతుంది అన్న చర్చ మొదలైంది. ఈ అంశంపై ఓ ప్రముఖ వీఎఫ్‌ఎక్స్‌ కంపెనీ యజమాని రాజీవ్‌ చిలకా మాట్లాడతూ.. ''స్క్రిప్ట్‌ విషయంలో సరైన అవగాహన లేక పదేపదే మార్చుతూ దానికనుగుణంగా వీఎఫ్‌ఎక్స్‌ మార్చితే బడ్జెట్‌ కూడా అంతకంతకూ పెరుగుతుంది. ఆదిపురుష్‌ మూవీకి సంబంధించి మేకర్స్‌ చాలా తొందరపడ్డారు. ప్రీ-ప్రొడక్షన్‌కి సరైన సమయం ఇవ్వలేదని  భావిస్తున్నా. ప్రభాస్‌ లాంటి పాన్‌ ఇండియా స్టార్‌తో సినిమా అంటే చాలా అంచనాలు ఉంటాయి. అయితే భారీ బడ్జెట్‌తో సినిమా తీస్తున్నప్పుడు దానికి తగినంత సమయం ఇవ్వకపోతే ఆశించినంత రిజల్ట్‌ రాదని గుర్తుపెట్టుకోవాలి.  ఈ మధ్య కాలంలో ఆర్‌ఆర్‌ఆర్‌, తన్హాజీ: ది అన్‌సంగ్ వారియర్, భుజ్: ది ప్రైడ్ ఆఫ్ ఇండియా, రన్‌వే వంటి సినిమాలు భారీ బడ్జెట్‌తోనే నిర్మించారు. వీఎఫ్‌ఎక్స్‌ కూడా బాగానే వాడారు. కానీ కంటెంట్‌కి, విజువల్స్‌కి మ్యాచ్‌ అయ్యింది కాబట్టి ఆ సినిమాలు బాక్సాఫీస్‌ వద్ద సక్సెస్‌ అయ్యాయి. కానీ వాళ్లలాగే మనమూ గ్రాఫిక్స్‌ ప్రధానంగా సినిమా తీద్దాం అనుకుంటే ఒక్కోసారి ఆదిపరుష్‌ లాగా ఎదురుదెబ్బలు తగులుతుంటాయి. సినిమా బడ్జెట్ ఎప్పుడూ ఒకేలా ఉండాల్సిన అవసరం లేదు. ఫిల్మ్ మేకింగ్ అనేది క్రియేటివ్‌ ప్రాసెస్‌. మేకర్స్‌ అనుకున్నదానికంటే ఒక్కోసారి బడ్జెట్‌ ఎక్కువ అవ్వొచ్చు.. లేదా తక్కువ అవ్వొచ్చు. బడ్జెట​ అంటే కంటెంట్‌ అన్నది చాలా ముఖ్యం అని అందరూ తెలుసుకోవాలి'' అంటూ చెప్పుకొచ్చారు. 

పాన్‌ ఇండియా సినిమాలపై యంగ్‌ హీరో అడివి శేష్‌ ఆసక్తికర వ్యాఖ్యలు చేశారు. పాన్‌ ఇండియా సినిమా అనేది కథలో ఉండాలి కానీ.. ఇమేజ్‌ ఉంది కదా అని పాన్‌ ఇండియా మూవీ చేయకూడదన్నారు. తాను ఎప్పటికీ ఇక్కడే (తెలుగు) నుంచే  ఇండియన్‌ సినిమా చేస్తానని చెప్పారు. శైలేష్‌ కొలను దర్శకత్వం వహించిన ‘హిట్‌’కి సీక్వెల్‌గా తెరకెక్కిన చిత్రం ‘హిట్‌ 2’. అడివి శేష్, మీనాక్షి చౌదరి జంటగా నటించారు. హీరో నాని సమర్పణలో ప్రశాంతి తిపిర్నేని నిర్మించిన ఈ సినిమా డిసెంబర్‌ 2న విడుదలకానుంది. ఈ సినిమా ట్రైలర్‌ విడుదల కార్యక్రమంలో అడివి శేష్‌ మాట్లాడుతూ– ‘‘హిట్‌’ సిరీస్‌లో రెండో పార్ట్‌ చాలా కీలకం. ‘హిట్‌ 3’లోనూ నేను ఉన్నాను. ‘హిట్‌ 2’ని పాన్‌ ఇండియా వైడ్‌గా రిలీజ్‌ చేయాలని ఉత్తరాది ప్రేక్షకులు అడుగుతున్నారు.. నానీగారితో మాట్లాడి పాన్‌ ఇండియన్‌ రేంజ్‌లో విడుదల చేయాలని ఫిక్స్‌ అయ్యాం. అన్నపూర్ణ బ్యానర్‌లో నేను చేయబోతున్న రెండు సినిమాలు పాన్‌ ఇండియా స్థాయిలో ఉంటాయి. ‘హిట్‌ 2’ హిందీ వెర్షన్‌ కాస్త ఆలస్యంగా రిలీజవుతుంది’’ అన్నారు. ‘‘చెడు మీద మంచి ఎలా గెలుస్తుందనేది ఈ సినిమాలో చూపించాం. ‘హిట్‌ 3’ని భారీగా ప్లాన్‌ చేస్తున్నాం’’ అన్నారు డైరెక్టర్‌ శైలేష్‌ కొలను. నటీనటులు మీనాక్షి చౌదరి, పావని, శ్రీనాథ్‌ మాగంటి తదితరులు మాట్లాడారు.    

ఇప్పుడు చారిత్రక కథా చిత్రాల ట్రెండ్‌ నడుస్తోందని చెప్పవచ్చు. ఇలాంటి చిత్రాలు వచ్చి చాలా కాలం అయ్యింది. ఆ తరువాత టాలీవుడ్‌ స్టార్‌ దర్శకుడు రాజమౌళి ఆ తరహా చిత్రాలకు ఊతమిచ్చారని చెప్పవచ్చు. బాహుబలి, ఆర్‌ఆర్‌ఆర్‌ చిత్రాలే ఇందుకు ఉదాహరణ. తాజాగా మణిరత్నం పొన్నియిన్‌ సెల్వన్‌ వంటి భారీ చారిత్రక కథా చిత్రాన్ని తెరకెక్కించి సక్సెస్‌ అయ్యారు. ఈ చిత్రాన్ని రూపొందించడానికి దర్శకుడు రాజమౌళినే స్ఫూర్తి అని మణిరత్నం స్వయంగా పేర్కొన్నారు. కాగా ఇప్పుడు ఈ దర్శకుల వరుసలో మరో స్టార్‌ డైరెక్టర్‌ శంకర్‌ చేరనున్నట్లు వార్తలు సామాజిక మాధ్యమాల్లో వైరల్‌ అవుతున్నాయి. ఇప్పటికే బ్రహ్మాండ చిత్రాలకు కేరాఫ్‌ శంకర్‌ అనే ముద్ర వేసుకున్నారాయన. ప్రస్తుతం కమలహాసన్‌ కథా నాయకుడిగా ఇండియన్‌ –2, అలాగే టాలీవుడ్‌ స్టార్‌ హీరో రామ్‌చరణ్‌తో ఒక భారీ చిత్రాన్ని చేస్తూ బిజీగా ఉన్న శంకర్‌ తదుపరి ఒక చారిత్రక కథా చిత్రాన్ని హ్యాండిల్‌ చేయడానికి సిద్ధమవుతున్నట్లు సమాచారం. ఇందులో నటుడు సూర్య కథానాయకుడిగా నటించనున్నట్లు ప్రచారం జరుగుతుంది. వేల్పారి అనే చారిత్రక కథా చిత్రాన్ని రూ.వెయ్యి కోట్ల బడ్జెట్‌లో తెరకెక్కించడానికి శంకర్‌ సిద్ధం అవుతున్నట్లు సమాచారం. మదురై పార్లమెంట్‌ సభ్యుడు ఎస్‌.వెంకటేశన్‌ రాసిన నవల ఆధారంగా ఈ చిత్రాన్ని రూపొందించనున్నారని, దీనికి సంబంధించిన ఫ్రీ ప్రొడక్షన్స్‌ కార్యక్రమాలు ఇప్పటికే మొదలైనట్లు ప్రచారం జరుగుతోంది. చేర, చోళ, పాండియన్‌ రాజుల తరువాత తరం రాజైన నేర్పాలి. రాజు ఇతివృత్తమే శంకర్‌ దర్శకత్వం వహించనున్నారని టాక్‌. అయితే దీనికి సంబంధించిన అధికారిక ప్రకటన వెలువడలేదన్నది గమనార్హం.  India is waiting for #RC15 🔥#RamCharanpic.twitter.com/cU9yGvDZex — South Cinemas™ (@SouthCinemas_) August 3, 2022

దేశంలోనే అతి పెద్ద లాజిస్టిక్‌ కంపెనీల్లో ఒకటైన వీఆర్‌ఎల్‌ వ్యవస్థాపకుడు విజయ్‌ శంకేశ్వర్‌ బయోపిక్‌గా రూపొందిన చిత్రం ‘విజయానంద్‌’. విజయ్‌ శంకేశ్వర్‌ పాత్రలో నిహాల్‌ నటించిన ఈ చిత్రానికి రిషికా శర్మ దర్శకత్వం వహించారు. ఆనంద్‌ శంకేశ్వర్‌ నిర్మించిన ఈ పాన్‌ ఇండియా మూవీని డిసెంబర్‌ 9న విడుదల చేయనున్నట్లు చిత్రబృందం ప్రకటించింది. ‘‘తన తండ్రిపై ఆధారపడకుండా విజయ్‌ శంకేశ్వర్‌ సొంత తెలివితేటలతో లారీల వ్యాపారంలోకి ఎలా ప్రవేశించారు? ఆ తర్వాత క్రమంగా ఎదుగుతూ ఓ పెద్ద లాజిస్టిక్‌ కంపెనీకి అధినేత ఎలా అయ్యారు? అనే నేపథ్యంలో ఈ సినిమా ఉంటుంది. తెలుగు, తమిళ, కన్నడ, మలయాళ, హిందీ భాషల్లో ఈ సినిమాను రిలీజ్‌ చేస్తున్నాం’’ అని చిత్రయూనిట్‌ పేర్కొంది. ఈ చిత్రానికి సంగీతం: గోపీ సుందర్, కెమెరా: కీర్తన్‌.    

పాన్‌ ఇండియా స్టార్‌ ప్రభాస్‌ రాముడి పాత్రలో నటిస్తున్న చిత్రం ‘ఆదిపురుష్‌’. బాలీవుడ్ దర్శకుడు ఓం రౌత్‌ ఈ చిత్రాన్ని తెరకెక్కిస్తున్నారు. మైథలాజికల్‌ ఫిల్మ్‌గా రూపొందుతున్న ఈ మూవీని సంక్రాంతి విడుదల చేసేందుకు చిత్రబృందం ప్లాన్ చేస్తోంది. కానీ తాజాగా ఈ సినిమాపై సోషల్ మీడియాలో ఓ టాక్ తెగ వైరలవుతోంది. ఈ చిత్రం సంక్రాంతి బరి నుంచి తప్పుకున్నట్లు తెలుస్తోంది. వచ్చే ఏడాది సమ్మర్‌లో విడుదల చేసేందుకు చిత్రబృందం ప్లాన్‌ చేస్తున్నట్లు సమాచారం. దీనిపై సంబంధించిన ప్రముఖ సినీ క్రిటిక్ తరణ్ ఆదర్శ్ ట్వీట్‌ తెగ వైరలవుతోంది.   (చదవండి: Prabhas: ఆదిపురుష్‌ స్పెషల్‌ పోస్టర్‌ రిలీజ్‌.. యుద్ధ వీరుడిలా ప్రభాస్‌ లుక్‌) తరణ్ ఆదర్శ్ తన ట్వీట్‌లో.. 'పెద్ద మూవీ వాయిదా పడింది. మేకర్స్ క్లారిటీ కోసం వేచి ఉండండి' అంటూ పోస్ట్ చేశారు. ఈ పోస్ట్ వైరల్ కావడంతో ప్రభాస్ ఫ్యాన్స్‌ కామెంట్స్ చేస్తున్నారు. దీంతో ట్విటర్‌లో ఆదిపురుష్ ట్యాగ్‌తో ట్రెండింగ్‌ అవుతోంది. కాగా.. ఈ మూవీలో సీతగా కృతీసనన్‌, లక్ష్మణుడిగా సన్నీసింగ్‌, రావణుడి పాత్రలో సైఫ్‌ అలీఖాన్‌ నటిస్తున్నారు.  ఇప్పటికే విడుదలైన పోస్టర్‌లు, టీజర్‌ సినిమాపై విపరీతమైన అంచనాలు క్రియేట్ చేశాయి. అందులో ప్రభాస్‌ రాముడి గెటప్‌లో అదిరిపోయాడు.  The biggie is postponed??? Awaiting a clarification/confirmation from the makers. — taran adarsh (@taran_adarsh) October 30, 2022

ఒకప్పుడు కర్ణాటక రాష్ట్రానికే పరిమితం అయిన కన్నడ చిత్ర పరిశ్రమ ఇప్పుడు పాన్‌ ఇండియా స్థాయిలో దుమ్మురేపుతోంది. కేజీఎఫ్, కేజీఎఫ్‌–2, విక్రాంత్‌ రోణా, చార్లీ 777  కాంతార తదితర చిత్రాలు ఇతర పరిశ్రమలను కన్నడం వైపు తిరిగి చూసేలా చేశాయి. 2022లో ఈ 5 చిత్రాలు కలిపి రూ.1,851 కోట్ల వసూళ్ల దాటి వసూలు చేసి సినీ ట్రేడ్‌ వర్గాలను విస్మయానికి గురి చేశాయి. కాగా తాజాగా కలల చిత్ర ప్రసాద్‌ నుంచి మరో పాన్‌ ఇండియా చిత్రం రాబోతుంది. దీని పేరు కేడీ ది డెవిల్‌. ప్రముఖ చిత్ర నిర్మాణ సంస్థ కేడీఎం ప్రొడక్షన్స్‌ నిర్మిస్తున్న నాలుగవ చిత్రం ఇది. అదేవిధంగా కర్ణాటక నేపథ్యంలో తెరకెక్కిస్తున్న తొలి పాన్‌ ఇండియా చిత్రం ఇదే అవుతుందని నిర్మాతలు పేర్కొన్నారు. ధృవ సర్జా కథానాయకుడిగా నటిస్తున్న ఈ చిత్రానికి ప్రేమ్‌ దర్శకత్వం వహిస్తున్నారు. ఈ చిత్ర వివరాలను దర్శకుడు వెల్లడిస్తూ.. మంచి ఉన్న చోట చెడు కూడా ఉంటుందన్నారు. ఉదాహరణకు రాముడు ఉన్న కాలంలోనే రావణుడు ఉన్నాడని పేర్కొన్నారు. యాక్షన్, సెంటిమెంట్, వినోదం వంటి జనరంజకమైన అంశాలతో రూపొందిస్తున్న చిత్రం కేడీ ది డెవిల్‌ అని తెలిపారు. కాగా కన్నడం, తెలుగు, తమిళం, మలయాళం హిందీ భాషల్లో రూపొందిస్తున్న ఈ చిత్ర టీజర్‌ ఆవిష్కరణ కార్యక్రమాన్ని ఇటీవల బెంగుళూరులో భారీఎత్తున నిర్వహించినట్లు నిర్మాత తెలిపారు. ఇందులో బాలీవుడ్‌ నటుడు సంజయ్‌దత్‌ తదితర ప్రముఖులు పాల్గొన్నారు. కాగా ఈ చిత్రం తమిళనాడు విడుదల హక్కులను ఉదయనిధి స్టాలిన్‌కు చెందిన రెడ్‌జెయింట్‌ మూవీస్‌ సంస్థ పొందినట్లు తెలిపారు. చదవండి: Kiran Abbavaram Tweet: కిరణ్ అబ్బవరం ట్వీట్.. దారుణంగా నెటిజన్స్ ట్రోల్స్

తమిళసినిమా: ఒకప్పుడు కర్ణాటక రాష్ట్రానికే పరిమితం అయిన కన్నడ త్ర పరిశ్రమ ఇప్పుడు పాన్‌ ఇండియా స్థాయిలో దుమ్మురేపుతోంది. కేజీఎఫ్, కేజీఎఫ్‌–2, విక్రాంత్‌ రోణా, చార్లీ 777, కాంతార తదితర చిత్రాలు ఇతర పరిశ్రమలను కన్నడం వైపు తిరిగి చూసేలా చేశాయి. 2022లో ఈ 5 చిత్రాలు కలిపి రూ.1,851 కోట్ల వసూళ్లు చేసి సినీ ట్రేడ్‌ వర్గాలను విస్మయానికి గురి చేశాయి. కాగా తాజాగా కన్నడ చిత్ర పరిశ్రమ నుంచి మరో పాన్‌ ఇండియా చిత్రం రాబోతుంది. దీని పేరు కేడీ ది డెవిల్‌. ప్రముఖ చిత్ర నిర్మాణ సంస్థ కేడీఎం ప్రొడక్షన్స్‌ నిర్మిస్తున్న నాలుగవ చిత్రం ఇది. అదేవిధంగా కర్ణాటక నేపథ్యంలో తెరకెక్కిస్తున్న తొలి పాన్‌ ఇండియా చిత్రం ఇదే అవుతుందని నిర్మాతలు పేర్కొన్నారు. ధృవ సర్జా కథానాయకుడిగా నటిస్తున్న ఈ చిత్రానికి ప్రేమ్‌ దర్శకత్వం వహిస్తున్నారు. ఈ చిత్ర వివరాలను దర్శకుడు వెల్లడిస్తూ.. మంచి ఉన్న చోట చెడు కూడా ఉంటుందన్నారు. ఉదాహరణకు రాముడు ఉన్న కాలంలోనే రావణుడు ఉన్నాడని పేర్కొన్నారు. యాక్షన్, సెంటిమెంట్, వినోదం వంటి జనరంజకమైన అంశాలతో రపొందిస్తున్న చిత్రం కేడీ ది డెవిల్‌ అని తెలిపారు. కాగా కన్నడం, తెలుగు, తమిళం, మలయాళం హిందీ భాషల్లో రూపొందిస్తున్న ఈ చిత్ర టీజర్‌ ఆవిష్కరణ కార్యక్రమాన్ని ఇటీవల బెంగుళూరులో భారీఎత్తున నిర్వహించినట్లు నిర్మాత తెలిపారు. ఇందులో బాలీవుడ్‌ నటుడు సంజయ్‌దత్‌ తదితర ప్రముఖులు పాల్గొన్నారు. కాగా ఈ చిత్రం తమిళనాడు విడుదల హక్కులను ఉదయనిధి స్టాలిన్‌కు చెందిన రెడ్‌జెయింట్‌ మూవీస్‌ సంస్థ పొందినట్లు తెలిపారు.

‘మళ్లీ రావా’, ‘ఏజెంట్ సాయి శ్రీనివాస ఆత్రేయ’ వంటి విజయవంతమైన బ్లాక్‌బస్టర్‌ల తర్వాత స్వధర్మ్ ఎంటర్‌టైన్‌మెంట్ ఇప్పటికే తన మూడో సినిమా ‘మసూద’ను ప్రకటించింది.  హారర్-డ్రామా నేపథ్యంలో తెరకెక్కిన  ఈ చిత్రం  నవంబర్ 11న విడుదల కానుంది. ఈ సందర్భగా చిత్ర నిర్మాత రాహూల్ యాదవ్ నక్క మాట్లాడుతూ ‘మనం ఒక మంచి హారర్ డ్రామాను చూసి చాలా కాలం అయ్యింది. మంచి హార్రర్ చిత్రాలలో  మసూద ఒకటిగా నిలుస్తుందని నా గట్టి నమ్మకం.  ఇప్ప‌టి వ‌ర‌కు విడుద‌లైన టీజ‌ర్‌కి, పోస్ట‌ర్స్‌కి మంచి రెస్పాన్స్ వ‌చ్చింది.ఈ చిత్రాన్ని తెలుగుతో పాటు హిందీ, త‌మిళంలో కూడా ఒకేసారి విడుద‌ల చేయ‌డానికి  ప్లాన్ చేస్తున్నాం.  అతి త్వరలో ఇతర  వివరాలను తెలియజేస్తాం.  అన్నారు. సంగీత, తిరువీర్, కావ్య కళ్యాణ్ రామ్, శుభలేఖ సుధాకర్, అఖిలా రామ్, బాంధవి శ్రీధర్, సత్యం రాజేష్, సత్య ప్రకాష్, సూర్యారావు, సురభి ప్రభావతి, కృష్ణతేజ తదితరులు ఈ చిత్రంలో నటిస్తున్నారు.

పాన్‌ ఇండియా స్టార్‌ ప్రభాస్, బాలీవుడ్‌ స్టార్‌ సంజయ్‌ దత్‌(అభిమానులు ముద్దుగా సంజూభాయ్‌ అని పిలుస్తారు) స్క్రీన్‌ షేర్‌ చేసుకోనున్నారా? అంటే అవుననే అంటున్నాయి ఫిల్మ్‌నగర్‌ వర్గాలు. ప్రభాస్‌ హీరోగా మారుతి దర్శకత్వంలో ‘రాజాడీలక్స్‌’ (ప్రచారంలో ఉన్న టైటిల్‌) అనే సినిమా తెరకెక్కనున్న సంగతి తెలిసిందే. పీపుల్స్‌ మీడియా ఫ్యాక్టరీపై టీజీ విశ్వప్రసాద్‌ నిర్మించనున్న ఈ సినిమా రెగ్యులర్‌ షూటింగ్‌ త్వరలో స్టార్ట్‌ కానుంది. అయితే ఈ మూవీలోని ఓ కీలక పాత్ర కోసం సంజయ్‌ దత్‌ను సంప్రదించారట మారుతి. హారర్‌ అండ్‌ కామెడీగా తెరకెక్కనున్న ఈ సినిమాలో సంజయ్‌ దత్‌ నటిస్తారా? లేదా? వేచిచూడాలి. టీజర్‌ రెడీ...   ప్రభాస్‌ హీరోగా నటించిన మరో చిత్రం ‘ఆదిపురుష్‌’. ఓం రౌత్‌ దర్శకత్వం వహించిన ఈ చిత్రం వచ్చే ఏడాది జనవరి 12న విడుదల కానుంది. కాగా ఈ సినిమా టీజర్‌ని అక్టోబరు 2న విడుదల చేయనున్నారని టాక్‌. మైథలాజికల్‌ బ్యాక్‌డ్రాప్‌లో రూపొందిన ఈ చిత్రంలో రాముడిగా ప్రభాస్, సీతగా కృతీసనన్, లక్ష్మణుడిగా సన్నీసింగ్, రావణుడిగా సైఫ్‌ అలీఖాన్‌ నటించారు.

రామాయణం, మహాభారతం.. ఇలా మన పురాణాల ఆధారంగా ఇప్పటికే ఎన్నో సినిమాలు వచ్చాయి. నాటితరం నటీనటులు చేసిన సినిమాలను ప్రేక్షకులు ఆదరించారు. ఇప్పుడు నేటి తరం వంతు. పురాణాల ఆధారంగా పాన్‌ ఇండియా సినిమాలు వెండితెరపై ఆవిష్కృతం కానున్నాయి. ఆ ‘పాన్‌ పురాణం’ విశేషాలు తెలుసుకుందాం. వెండితెరపై ప్రభాస్‌ కటౌట్‌ ఉందంటే ఆడియయన్స్‌ థియేటర్స్‌కు వచ్చేస్తారు. పాన్‌ ఇండియా స్టార్‌గా పాపులర్‌ అయిన ప్రభాస్‌ లేటెస్ట్‌గా ‘ఆదిపురుష్‌’ అనే మైథలాజికల్‌ ఫిల్మ్‌ చేశారు. ఈ చిత్రంలో రాముడు పాత్రలో ప్రభాస్, సీతగా కృతీ సనన్, లక్ష్మణుడిగా సన్నీ సింగ్, రావణుడిగా సైఫ్‌ అలీఖాన్‌ నటించారు. ఓం రౌత్‌ దర్శకత్వం వహించిన ఈ చిత్రం జనవరి 12న రిలీజ్‌ కానుంది. మరోవైపు సమంత నటించిన తొలి మైథలాజికల్‌ మూవీ ‘శాకుంతలం’. గుణశేఖర్‌ దర్శకత్వంలో రూపొందిన ఈ ప్రేమకావ్యంలో శకుంతల పాత్రలో సమంత, దుష్యంతుడి పాత్రలో మలయాళ నటుడు దేవ్‌ మోహన్‌  నటించారు. ఈ సినిమా షూటింగ్‌ పూర్తయింది. ఇక గుణశేఖర్‌ దర్శకత్వంలోనే రానున్న మరో మైథలాజికల్‌ ఫిల్మ్‌ ‘హిరణ్య కశ్యప’. ఇందులో టైటిల్‌ రోల్‌లో రానా నటిస్తారు. మరోవైపు మహాభారతం ఆధారంగా సినిమా చేయాలన్నది తన డ్రీమ్‌ అని రాజమౌళి  పలు సందర్భాల్లో చెప్పారు. సో... మహాభారతం ఆధారంగా రాజమౌళి దర్శకత్వంలో ఓ భారీ మల్టీస్టారర్‌ వచ్చే అవకాశం ఉంది. ఇక బాలీవుడ్‌ నిర్మాతలు మధు మంతెన, నమిత్‌ మల్హోత్రాలతో కలిసి టాలీవుడ్‌ అగ్ర నిర్మాతల్లో ఒకరైన అల్లు అరవింద్‌ రామాయణం ఆధారంగా ఓ మూవీ ప్లాన్‌ చేశారు. అలాగే వ్యాపారవేత్త బీఆర్‌ శెట్టి దాదాపు వెయ్యి కోట్ల బడ్జెట్‌తో మహాభారతం ఆధారంగా సినిమా తీయాలను కుంటున్నారు. అలాగే మలయాళ ఫిల్మ్‌ మేకర్‌ ఆర్‌.ఎస్‌ విమల్‌ ‘సూర్యపుత్ర మహావీర్‌ కర్ణ’ను ప్రకటించారు. ఈ సినిమా టైటిల్‌ రోల్‌లో విక్రమ్‌ నటిస్తారనే ప్రచారం జరుగుతోంది. 

తమిళ వ్యాపారవేత్త అరుళ్ శరవణన్ హీరోగా అవతారమెత్తిన విషయం తెలిసిందే.  53 ఏళ్ల శరవణన్‌ ఇటీవల ‘లెజెండ్‌’అనే పాన్‌ ఇండియా చిత్రంతో సినీ ఇండస్ట్రీలోకి అడుగుపెట్టాడు. దాదాపు 60 కోట్ల బడ్జెట్‌తో రిచ్‌గా తెరకెక్కించిన ఈ చిత్రం బాక్సాఫీస్‌ వద్ద దారుణంగా బోల్తా పడింది. అంతే కాదు శరవణన్‌పై ఎన్నో ట్రోల్స్‌ కూడా వచ్చాయి. హీరో కాదు కదా కనీసం సైడ్‌ క్యారెక్టర్‌ చేయడానికి కూడా శరవరణన్‌ పనికిరాడని నెటిజన్స్‌ విమర్శించారు. భారీ నష్టంతో పాటు విమర్శలు కూడా రావడంతో ఇక శరవణన్‌ సినిమాల జోలికి రాకుండా తన వ్యాపారాలను మాత్రమే చూసుకుంటాడని అంతా భావించారు. కానీ అందరి అంచనాలను తిప్పికొడుతూ తాజాగా శరవరణన్‌ సంచలన నిర్ణయం తీసుకున్నాడు. ఆయన మరో సినిమాకు సిద్దమవుతున్నాడు. (చదవండి: నయనతార ఆస్తుల విలువ ఎంతో తెలుసా?) కోలీవుడ్‌ సమాచారం ప్రకారం.. శరవణన్‌ నుంచి త్వరలోనే కొత్త సినిమా ప్రకటన రాబోతుందట. ఈ సారి రొమాంటిక్‌ యాక్షన్‌ ఎంటర్‌టైనర్‌తో ప్రేక్షకులను పకరించబోతున్నాడట. ఇప్పటికే ఓ కొత్త దర్శకుడితో చర్చలు జరిపి, కథను ఫైనల్‌ చేశారట. త్వరలోనే గ్రాండ్‌గా అనౌన్స్‌ చేయబోతున్నారు. అన్నట్లు.. ఇది కూడా పాన్‌ ఇండియా చిత్రమేనట. మరి దీనికి లేటు వయసు హీరో ఎన్ని కోట్లు ఖర్చు పెడతాడో చూడాలి.

తమిళసినిమా: ఈ ఆధునిక యుగంలో ప్రేక్షకుల అభిరుచి మారుతూ వస్తోంది. అందుకు తగ్గట్టుగా దర్శక నిర్మాతలు కథలపై ప్రత్యేక శ్రద్ధ వహించాల్సిన పరిస్థితి. అయితే దర్శకుడు శంకర్‌ తన చిత్రాల కథల విషయంలో మొదటి నుంచి జాగ్రత్తలు తీసుకుంటున్నారు. జెంటిల్‌మెన్‌ నుంచి 2.ఓ చిత్రం వరకు ఈయన చిత్రాలు ఒకదానికొకటి భిన్నంగా ఉన్నాయన్నది తెలిసిందే. ప్రస్తుతం తెలుగులో రా మ్‌చరణ్‌ కథానాయకుడిగా చేస్తున్న చిత్రంతో పాటు తమిళంలో కమలహాసన్‌ హీరోగా ఇండియన్‌–2 చిత్రాన్ని చేస్తున్నారు. వీటి తరువాత పొన్నియన్‌ చిత్ర హిందీ రీమేక్‌కు సిద్ధం అవుతారని సమాచారం. ఆ తరువాత రూ. 1000 కోట్ల బడ్జెట్‌లో ఒక చారిత్రక కథా చిత్రాన్ని తెరకెక్కించే ఆలోచనలో ఉన్నట్లు తాజా సమాచారం. లోక్‌సభ సభుయడు ఎస్‌.వెంకటేశ్‌ చారిత్రక నేపథ్యంలో రాసిన నేర్పాలి నవలను చిత్రంగా తెరకెక్కించడానికి సన్నాహాలు చేస్తున్నట్లు కోలీవుడ్‌ వర్గాల టాక్‌. దీని స్క్రీన్‌ప్లేను వెంకటేశ్, శంకర్‌ రెడీ చేస్తున్నట్టు సమాచారం. దీనిని రూ.1000 కోట్ల బడ్జెట్‌తో తెరకెక్కించనున్నట్లు ప్రచారం జరుగుతోంది. కాగా ఈ క్రేజీ చిత్రంలో సూర్య కథానాయకుడుగా నటించనున్నట్లు తెలుస్తోంది. ప్రస్తుతం ఈయన బాలా దర్శకత్వంలో వణంగాన్‌ చిత్రం, శివ దర్శకత్వంలో తాను 42వ చిత్రం చేస్తున్నారు. వీటితో పాటు వెట్రిమారన్‌ దర్శకత్వంలో వాడివాసల్‌ చేయాల్సి ఉంది. ఆ తరువాత శంకర్‌ దర్శకత్వంలో నటించే అవకా శం ఉందని టాక్‌. ఇలాంటి చారిత్రక కథా చిత్రాలు కోలీవుడ్‌లో వచ్చి చాలా కాలమే అయ్యింది. తెలుగులో బాహుబలి, ఆర్‌ఆర్‌ఆర్‌ చిత్రాలు రూపొంది సంచలన విజయం సాధించాయి. వాటి ఇన్సిఫిరేషన్‌తోనే శంకర్‌ ఈ చిత్రాన్ని రూపొందించాలని నిర్ణయించుకున్నట్లు సమాచారం. దీనికి సంబంధించిన అధికారిక ప్రకటన వెలువడాలంటే ఇంకా చాలా టైమ్‌ ఉంది.

సాక్షి,న్యూఢిల్లీ: కాంగ్రెస్ అధ్యక్ష పదవికి మరికొన్ని రోజుల్లో ఎన్నికలు జరగనున్న నేపథ్యం‍లో ఆ పార్టీ రాజ్యసభా పక్షనేత మల్లికార్జున్ ఖర్గే ఆసక్తికర వ్యాఖ్యలు చేశారు. అధ్యక్ష పదవిని రాహుల్ గాంధీనే చేపట్టేందుకు తమవంతు ప్రయత్నం చేస్తామన్నారు. ఆయనలా దేశవ్యాప్తంగా ఆదరణ గల నేతలెవరూ కాంగ్రెస్‌లో లేరని స్పష్టం చేశారు. కాంగ్రెస్ పార్టీ అధ్యక్ష బాధ్యతలు చేపట్టే వ్యక్తికి కశ్మీర్ నుంచి కన్యాకుమారి వరకు, గుజరాత్ నుంచి పశ్చిమ బెంగాల్ వరకు మద్దతు ఉండాలని ఖర్గే అన్నారు. దేశవ్యాప్తంగా అందరూ ఆమెదించేలా, అత్యంత జనాదరణ కలిగిన నేత అయి ఉండాలన్నారు. పార్టీలో రాహుల్ మినహా అలాంటి వ్యక్తులెవరూ లేరని ఖర్గే అభిప్రాయం వ్యక్తం చేశారు. అందుకే అధ్యక్ష ఎన్నికలకు ముందే చాలా మంది నేతలు రాహుల్ గాంధీనే పార్టీ పగ్గాలు చేపట్టాలని విజ్ఞప్తి చేస్తున్నారని చెప్పారు.  అధ్యక్ష బాధ్యతలు చేపట్టేందుకు రాహుల్ సుముఖంగా లేరని ప్రచారం జరుగుతన్న తరుణంలో ఈ విషయంపై ఖర్గే స్పందించారు. ఆయన సుముఖంగా లేకపోయినా పార్టీ నేతలమంతా కలిసి విజ్ఞప్తి చేస్తామన్నారు. పార్టీ కోసం, దేశం కోసం, ఆర్‌ఎస్‌ఎస్-బీజేపీపై పోరాటం చేసేందుకు పగ్గాలు చేపట్టాలని కోరతామన్నారు. అవసరమైతే బలవంతం చేస్తామన్నారు. అందరం ఆయన వెనకాలే ఉండి ఒప్పించే ప్రయత్నం చేస్తామన్నారు. 2019 సార్వత్రిక ఎన్నికల్లో కాంగ్రెస్ ఘోర పరాభవం అనంతరం అధ్యక్ష పదవికి రాజీనామా చేశారు రాహుల్ గాంధీ. ఆ తర్వాత తాత్కాలిక అధ్యక్షురాలిగా సోనియా గాంధీ బాధ్యతలు చేపట్టారు. నూతన అధ్యక్షుడి కోసం ఎన్నికలు ఎప్పుడో జరగాల్సి ఉన్నా.. వివిధ కారణాల వల్ల వాయిదా పడుతూ వస్తున్నాయి. చివరకు సెప్టెంబర్‌లో ఎన్నికలు నిర్వహించేందుకు పార్టీ సిద్ధమవుతోంది. అయితే ఈసారి కూడా మళ్లీ వాయిదా పడే అవకాశాలున్నాయని పార్టీ వర్గాలు తెలిపాయి. కొన్నివారాల పాటు ఆలస్యమవుతాయని పేర్కొన్నాయి. చదవండి: మాజీ ఎమ్మెల్యే ఇంట్రెస్టింగ్‌ కామెంట్స్‌.. ఆజాద్‌ రాజీనామా అందుకేనా?

న్యూఢిల్లీ: అత్యంత వేగవంతమైన 5జీ టెలికం సర్వీసులు వచ్చే రెండు, మూడేళ్లలో దాదాపు దేశమంతటా అందు బాటులోకి రాగలవని కేంద్ర టెలికం శాఖ మంత్రి అశ్విని వైష్ణవ్‌ తెలిపారు. మిగతా దేశాలతో పోలిస్తే భారత్‌లో మొబైల్‌ సేవలు అత్యంత చౌకగా లభిస్తున్నాయని, 5జీ వచ్చాక కూడా అదే ధోరణి కొనసాగగలదని భావిస్తున్నట్లు ఆయన పేర్కొన్నారు. ‘పరిశ్రమలోకి రూ. 2.5-3 లక్షల కోట్ల పెట్టుబడులు రాగలవని అంచనా వేస్తున్నాం. ఉద్యోగాల కల్పనకు కూడా ఇది తోడ్పడుతుంది. వచ్చే 2-3 ఏళ్లలో దేశవ్యాప్తంగా చాలా ప్రాంతాల్లో 5జీ సేవలు అందుబాటులోకి వస్తాయని అంచనా వేస్తున్నాం‘ అని వైష్ణవ్‌ వివరించారు. టెలికం కంపెనీలు 5జీకి అవసరమైన మౌలిక సదుపాయలను ఏర్పాటు చేసుకోవడంలో నిమగ్నమయ్యాయని చెప్పారు. అక్టోబర్‌ కల్లా వీటిని ప్రవేశపెట్టొచ్చని, ఆ తర్వాత అత్యంత వేగంగా విస్తరించే అవకాశం ఉందని పేర్కొన్నారు. కేబుళ్లు, మొబైల్‌ టవర్ల ఏర్పాటుకు (ఆర్‌వోడబ్ల్యూ) అనుమతుల ప్రక్రియకు గతంలో 343 రోజులు పట్టేసేదని, సంస్కరమల ఊతంతో గతేడాది జూలై నాటికి ఇది సగటున 16 రోజులకు తగ్గిందని ఆయన చెప్పారు.  

ఇండియన్‌ సినిమా వైవిధ్య కథా చిత్రాల కోసం తపిస్తోందని చెప్పవచ్చు. ముఖ్యంగా చారిత్రక, జానపద, పౌరాణిక, ఇతివృత్తాలపై దృష్టి సారిస్తుందా అని అనిపిస్తుంది. బాహుబలి, ఆర్‌ఆర్‌ఆర్‌ వంటి చిత్రాలు ఘన విజయాలు దీనికి కారణం కావచ్చు. అలాంటి చారిత్రక ఇతివృత్తంతో 1770 అనే పాన్‌ ఇండియా చిత్రానికి బీజం పడింది. దీనికి రాజమౌళి శిష్యుడు అశ్విన్‌ గంగరాజు దర్శకత్వం వహించబోతున్నారు. ప్రఖ్యాత రచయిత బకించంద్ర చటర్జీ రాసిన అనందమత్‌ నవల ఆధారంగా రూపొందనున్న ఈ చిత్రానికి బాహుబలి, ఆర్‌ఆర్‌ఆర్‌ చిత్రాల రచయిత విజయేంద్ర ప్రసాద్‌ కథ, కథనాలను అందిస్తున్నారు. దీనిని నిర్మాతలు శైలేంద్ర కువర్, సుజాయ్‌ కుట్టి, పి.కృష్ణకుమార్, సరజ్‌ శర్మ కలిసి ఎస్‌ఎస్‌ 1 ఎంటర్‌టైన్‌మెంట్, పీకే ఎంటర్‌టైన్‌మెంట్‌ బ్యానర్‌లపై నిర్మిస్తున్నారు. కాగా 75వ స్వాతంత్య్ర దినోత్సవ వేడుకలను జరుపుకుంటున్న సందర్భంగా ఈ చిత్రానికి సంబంధించి 150 ఏళ్లుగా ప్రపంచవ్యాప్తంగా ధ్వనిస్తున్న వందేమాతరం గీతంతో కూడిన టీజర్‌ను బుధవారం విడుదల చేశారు. ఈ చిత్రాన్ని తెలుగు, తమిళం, హిందీ, కన్నడం, మలయాళం, బెంగాలీ మొదలగు భాషల్లో పాన్‌ ఇండియా చిత్రంగా రూపొందిస్తున్నట్లు నిర్మాతలు తెలిపారు. నవరాత్రి సందర్భంగా ఈ చిత్రానికి సంబంధించిన ముఖ్య ప్రకటనను వెల్లడించనున్నట్లు తెలిపారు. అదే విధంగా ఈ చిత్రంలో నటించే తారాగణం, సాంకేతిక వర్గం దీపావళి సందర్భంగా వెల్లడించనున్నట్లు తెలిపారు. కాగా చిత్ర దర్శకుడు అశ్విన్, గంగరాజు తన యూనిట్‌ సభ్యులతో ప్రస్తుతం ప్రీ ప్రొడక్షన్‌ కార్యక్రవన ముఖ్య ప్రకటనను వెల్లడించనున్నట్లు తెలిపారు. అదే విధంగా ఈ చిత్రంలో నటించే తారాగణం, సాంకేతిక వర్గం దీపావళి సందర్భంగా వెల్లడించనున్నట్లు తెలిపారు. కాగా చిత్ర దర్శకుడు అశ్విన్, గంగరాజు తన యూనిట్‌ సభ్యులతో ప్రస్తుతం ప్రీ ప్రొడక్షన్‌ కార్యక్రమాలు నిర్వహిస్తున్నట్లు నిర్మాతలు తెలిపారు.

Rajendra Prasad First Look Released From Sasana Sabha: వైవిధ్యమైన పాత్రలతో ఎప్పటికప్పుడు ప్రేక్షకులను అలరించే అతికొద్ది నటుల్లో డా. రాజేంద్ర ప్రసాద్ ఒకరు. ఆయన తాజాగా నటించిన చిత్రం 'శాసన సభ'. ఇందులో ఇంద్రసేన, ఐశ్వర్య రాజ్‌ జంటగా నటించగా, సోనియా అగర్వాల్‌, పృథ్వీరాజ్ ముఖ్య పాత్రలు పోషించారు. వేణు మడికంటి దర్శకత్వం వహించిన ఈ సినిమా పాన్‌ ఇండియాగా తెలుగు, తమిళం, మలయాళం, కన్నడ, హిందీ భాషల్లో తెరకెక్కుతోంది. ప్రముఖ పారిశ్రామిక వేత్తలైన తులసీ రామ్‌ సాప్పని, షణ్ముగం సాప్పని ఈ చిత్రాన్ని నిర్మిస్తున్నారు. అయితే తాజాగా ఈ సినిమాకు సంబంధించిన ఆసక్తిర అప్‌డేట్‌ను ఇచ్చింది చిత్రబృందం. ఆగస్ట్‌ 15 స్వాతంత్య్ర దినోత్సవం సందర్భంగా రాజేంద్ర ప్రసాద్ ఫస్ట్‌ లుక్‌ పోస్టర్‌ను సోమవారం విడుదల చేసింది మూవీ యూనిట్. ఈ సినిమాలో ఎమ్మెల్యే నారాయణ స్వామిగా రాజేంద్ర ప్రసాద్‌ కనిపించనున్నారు. ''ఈ మూవీ పాన్‌ ఇండియా చిత్రంగా రూపొందిన పొలిటికల్‌ థ్రిల్లర్‌. యూనివర్శల్ కథాంశంతో తెరకెక్కిన ఈ సినిమాలో సీనియర్‌ నటుడు రాజేంద్ర ప్రసాద్‌ ఎమ్మెల్యే నారాయణ స్వామిగా నటిస్తున్నారు. చదవండి: బిగ్‌బాస్‌ బ్యూటీకి లైంగిక వేధింపులు.. ఆవేదనతో పోస్ట్‌ 1947లో పుట్టుక.. స్వాతంత్య్ర దినోత్సవం రోజునే మరణించిన నటి విలువలు, నిజాయితీ కలిగిన జాతీయ నాయకుడుగా ఆయన రోల్‌ ఎంతో అద్భుతంగా ఉంటుంది. ఇప్పటివరకు ఆయన కెరీర్‌లో చేయనటువంటి విభిన్నమైన పాత్ర ిది. ఈ సినిమాకు ఆయన పాత్రే హైలెట్‌గా నిలుస్తుంది. అలాగే మా సినిమాకు కేజీఎఫ్‌ ఫేమ్ రవి బస్రూర్‌ సంగీతం అందిస్తున్నారు. ఇటీవల రిలీజైన మోషన్‌ పోస్టర్‌కు మంచి స్పందన లభించింది. అన్ని వర్గాల ప్రేక్షకులను మా చిత్రం ఆకట్టుకుంటుందనే నమ్మకం ఉంది'' అని నిర్మాతలు తెలిపారు.  చదవండి: థియేటర్లలో 4 చిత్రాలు, ఓటీటీలో ఎన్నో.. Wishing all a very happy Independence Day #IndiaAt75 - Team #Sasanasabha #IndraSena #RajendraPrasad #VenuMadikanti #ShanmugamSappani #Thulasiramsappani @RaviBasrur #AishwaryaRaj @soniya_agg @sapbrofilms @kaanistudio #HappyIndependenceDay pic.twitter.com/D9FVJxuxTs — Ramesh Bala (@rameshlaus) August 15, 2022

ఈ ఏడాది స్టార్టింగ్‌ నుంచే బుట్టబొమ్మ పూజా హెగ్డేకు వరుస షాక్స్‌ ఎదురవుతున్నాయి.ఆమె కనిపించిన ప్రతి సినిమా బాక్సఫీస్ దగ్గర బోల్తా పడింది. పాన్ ఇండియా మూవీ రాధేశ్యామ్, కోలీవుడ్ వెళ్లి చేసిన బీస్ట్ మూవీ, ఆ తర్వాత మెగా మల్టీస్టారర్ ఆచార్య.. అన్ని కూడా పూజా స్పీడ్ కు సడన్ బ్రేక్స్ వేసిన సినిమాలే.కెరీర్ బిగినింగ్ లోనూ ఇలాంటి ఫేజ్ ను చూసింది పూజ. అయితే అప్పుడు తన కెరీర్ గురించి భయపడింది. కాని ఇప్పుడు తగ్గేదేలేదు అంటోంది బుట్టబొమ్మ. అరవింద సమేత, మహర్షి, అల వైకుంఠపురములో, మోస్ట్ ఎలిజిబుల్ బ్యాచ్‌ లర్ లాంటి బ్లాక్ బస్టర్స్ తో తన కెరీర్ కు ఇప్పటికిప్పుడు వచ్చిన ముప్పు ఏం లేదనే ధైర్యంతో పూజా దూసుకెళ్తోంది.  ప్రస్తుతం పూజ పాన్ ఇండియా హీరోయిన్ ఇమేజ్ కోసం ప్రయత్నిస్తోంది. డిఫరెంట్ ఇండస్ట్రీస్ లో బిగ్ ప్రాజెక్ట్స్ చేయాలనుకుంటోంది. అందుకే చాలా అంటే చాలా బిజీగా పరులుగు తీస్తోంది.బాలీవుడ్ లో సర్కస్, కభీ ఈద్ కభీ దివాళి, టాలీవుడ్ లో పూరి డైరెక్ట్ చేస్తోన్న పాన్ ఇండియా ఫిల్మ్ జనగణమన, అలాగే త్రివిక్రమ్ దర్శకత్వంలో మహేష్ బాబు నటించే చిత్రంలో నటించనుంది.శాండల్ వుడ్ లో కేజీయఫ్ 2 తర్వాత రాఖీభాయ్ నటించే నెక్ట్స్ ప్రాజెక్ట్ లోనూ, కోలీవుడ్ లో సూర్యతో కొత్త సినిమాలోనూ కనిపించబోతోంది.

రాజమౌళి దర్శకత్వంలో వచ్చిన భారీ మల్టీస్టారర్‌ చిత్రం ఆర్‌ఆర్‌ఆర్‌ పాన్‌ ఇండియా మార్కెట్‌లో వసూళ్ల వర్షం కురిపించింది. కమల్‌ హాసన్‌ విక్రమ్‌ కూడా మల్టీస్టారర్‌గా వచ్చి.. కోలీవుడ్‌ ఇండస్ట్రీ హిట్‌గా నిలిచింది. అయితే ఇప్పుడు ఈ ట్రెండ్ పై హీరోయిన్స్ కూడా ఇంట్రెస్ పెడుతున్నట్లు కనిపిస్తోంది. ముఖ్యంగా సమంత పాన్ ఇండియా మల్టీస్టారర్ సెట్ చేస్తూ ముందుకెళ్తోంది.  కోలీవుడ్ వరకు వెళ్లి అక్కడ నయనతారతో, కణ్మణి రాంబో కతిజా(కేఆర్‌కే) చేసింది. సమంత.ఒకే ఫ్రేమ్ లో ఇద్దరు లేడీ సూపర్ స్టార్స్ కనిపించడంతో ఆ  సినిమా ఏకంగా ఈ ఏడాది కోలీవుడ్ బిగ్గెస్ట్ హిట్స్ లో ఒకటి గా నిలిచింది. అందుకే సేమ్ సీన్ ను బాలీవుడ్ లోనూ రిపీట్ చేయాలనుకుంటోంది సమంత.అక్కడి లీడింగ్ లేడీ తాప్సీతో కలసి పాన్ ఇండియా మూవీ చేయనుంది సమంత. కొద్ది రోజుల క్రితమే ఈ క్రేజీ కాంబినేషన్ లో సినిమా అంటూ రూమర్ వచ్చింది. ఇప్పుడు అదే వార్త నిజమైంది. (చదవండి: రామ్‌పై బాలయ్య సెంటిమెంట్ ను అప్లై చేస్తున్న బోయపాటి!) ప్రస్తుతానికి తాప్సీ బ్యానర్ లో సమంత నటించే చిత్రానికి సంబంధించి స్టోరీ రెడీ అవుతోంది. అయితే ఈ సినిమాలో తాను కూడా ఓ కీలకమైన పాత్రలో నటించేందుకు సిద్ధం అంటోంది తాప్సీ. త్వరలోనే పూర్తి వివరాలు వెల్లడిస్తానంటోంది. సౌత్ నుంచి బాలీవుడ్ కు వెళ్లి అక్కడ స్టార్ డమ్ అందుకుంది తాప్సీ. ప్రస్తుతం రాజ్ కుమార్ హిరాణీ దర్శకత్వంలో షారుఖ్ హీరోగా తెరకెక్కుతున్న డంకీలో హీరోయిన్ గా నటిస్తోంది. ఇప్పుడు తాప్సీ దారిలోనే సమంత కూడా బాలీవుడ్ లో తనకంటూ ప్రత్యేకమైన ముద్ర కోసం ప్రయత్నిస్తోంది.  

కొందరు దర్శకులకు, కొన్ని సెంటిమెంట్స్ ఉంటాయి. అయితే వాటిని బయటికి చెప్పరు. సింపుల్ గా సైలెంట్ గా ఫాలో అయిపోతుంటారు. ఊరమాస్ డైరెక్టర్ బోయపాటి శ్రీను ఇప్పుడు కొత్త సెంటిమెంట్ ను ఫాలో అవుతున్నాడు. ఆ సెంటిమెంట్ ను రామ్ నటించే పాన్ ఇండియా మూవీకి అప్లై చేస్తున్నాడు.   బోయపాటి మిగతా హీరోలతో తెరకెక్కించే సినిమాలు వేరు. బాలయ్యతో చేసే మూవీస్ వేరు. అందుకే వీరిద్దరి కాంబినేషన్ లో సినిమా వచ్చిన ప్రతీసారి ఇండస్ట్రీ షేక్ అయింది. అయితే బాలయ్యతో ఎప్పుడు బోయపాటి సినిమా చేసినా నట సింహాన్ని డ్యూయర్ రోల్ చూసి బాక్సాఫీస్ ను బద్దలు కొడతూ వచ్చాడు. (చదవండి: కొత్త సినిమాలతో కళకళలాడుతున్న ఓటీటీ వరల్డ్‌) ముందు వచ్చిన సింహా ఆ తర్వాత వచ్చిన లెజెండ్, ఈ మధ్యే వచ్చిన అఖండలో బాలయ్యకు డ్యూయల్ రోల్స్ ఇచ్చాడు బోయపాటి. అయితే ఇతర హీరోలతో బోయ వర్క్ చేసినప్పుడు మాత్రం ఈ ఫార్ములా అప్లై చేయడు. దాంతో ఈ మధ్య కాలంలో ఒక్క సరైనోడు విషయంలో తప్పితే ప్రతీసారి ఫెయిల్యూర్ అవుతూనే వచ్చాడు. ఆఖరికి అఖండ ముందు రిలీజైన వినయ విధేయ రామాలో కూడా చరణ్ ను సింగిల్ రోల్ లో చూపించి పరాజయాన్ని అందుకున్నాడు బోయ. అఖండ తర్వాత రామ్ మూవీతో పాన్ ఇండియా మార్కెట్ లోకి అడుగు పెడుతున్నాడు బోయపాటి. ఈసారి అస్సలు రిస్క్ తీసుకోదలచుకోవడం లేదు ఈ మాస్ డైరెక్టర్. అందుకే రామ్ మూవీ కోసం బాలయ్య సెంటిమెంట్ ను అప్లై చేస్తున్నాడట బోయపాటి. కొత్త చిత్రంలో ఎనర్జిటిక్ స్టార్ ను డ్యూయల్ రోల్ లో నటింపజేస్తున్నాడట. ఇదే రూమర్ నిజం కావాలని రామ్ ఫ్యాన్స్ బలంగా కోరుకుంటున్నారు.

Tammareddy Bharadwaja Shocking Comments On Pan India Movies: అడివి శేష్‌ నటించిన మేజర్‌ మూవీపై ప్రముఖ నిర్మాత తమ్మారెడ్డి భరద్వాజ్‌ ప్రశంసలు కురిపించాడు. మేజర్‌ సినిమా చూసిన ఆయన ఓ వీడియో విడుదల చేశాడు. ‘‘నిన్ననే మేజర్‌ సినిమా చూశాను. సినిమా చాలా బాగా తీశారు. నటీనటులందరూ చక్కగా నటించారు. నిర్మాణ విలువలు కూడా బాగున్నాయి. చిత్రబృందం మొత్తానికి నా అభినందనలు’ అని చెప్పుకొచ్చారు. అనంతరం పాన్‌ ఇండియా చిత్రాలపై స్పందించారు.   ‘‘ఈ మధ్య మనం ఎక్కువగా పాన్‌ ఇండియా ప్రాజెక్ట్‌, పాన్‌ ఇండియా సినిమా అని చెబుతున్నాం. నిజంగా చెప్పాలంటే మేజర్‌ పాన్‌ ఇండియా కథ. అయితే కొంతమంది ‘మాది పాన్‌ ఇండియా ప్రాజెక్ట్‌. బడ్జెట్‌ భారీగా అయ్యింది, లాస్‌లు వస్తున్నాయి కాబట్టి మేము సినిమా టికెట్‌ రేట్లు పెంచుకునేలా అవకాశం కల్పించండి’ అని ముఖ్యమంత్రులను కోరారు. అలాంటి పాన్‌ ఇండియా ప్రాజెక్ట్‌లకు మేజర్‌ సినిమా ఏమాత్రం తీసిపోదు. చదవండి: పక్షవాతం బారిన స్టార్‌ సింగర్‌.., లైవ్‌ వీడియో వైరల్‌ టెక్నికల్‌, క్వాలిటీపరంగా సినిమా చాలా బాగుంది. ఈ చిత్రాన్ని కేవలం రూ. 25 కోట్లలోపే పూర్తి చేశారు. పాన్ ఇండియా సినిమాగా రిలీజ్ చేసి మంచి విజయం సాధించారు. మరి మిగిలిన ప్రాజెక్ట్‌లకు ఎందుకు వందల కోట్లు ఖర్చు చేస్తున్నారు. మేజర్‌ లాంటి చిత్రానికి ఖర్చు అవ్వలేదు మీకు ఎందుకు అవుతుంది? నిర్మాతలు, హీరోలు ఆలోచించాలి. షూటింగ్‌ అని చెప్పి క్యారవాన్‌లో కూర్చుంటున్నారా? సినిమా చేస్తే ప్యాషన్‌తో చేయాలి. సమయాన్ని వేస్ట్ చేసి డబ్బులని వృథా చేస్తున్నారు’’ అని ఆయన వ్యాఖ్యానించారు. చదవండి: Vignesh Shivan-Nayanthara: ‘ఆ కంగారులో చూసుకోలేదు క్షమించండి’

దొంగతనాలు ఎలా చేయాలో నేర్చుకుంటున్నారు రవితేజ. ఈ మెళకువలన్నీ ‘టైగర్‌ నాగేశ్వరరావు’ సినిమా కోసమే. స్టూవర్టుపురం దొంగ టైగర్‌ నాగేశ్వరరావు జీవితం నేపథ్యంలో ఈ చిత్రం రూపొందుతోంది. ఇందులో నాగేశ్వరరావు పాత్రను రవితేజ చేస్తున్నారు. ఈ పాత్ర కోసం తన బాడీ లాంగ్వేజ్‌ని మార్చుకున్నారు. అలాగే సంభాషణలు పలికే తీరు కూడా వినూత్నంగా ఉంటుంది. రవితేజ నటిస్తున్న ఈ తొలి పాన్‌ ఇండియా చిత్రానికి వంశీ దర్శకత్వం వహిస్తున్నారు. ప్రస్తుతం ఈ చిత్రానికి సంబంధించిన నైట్‌ షూట్‌ జరుగుతోంది. ఈ సెట్‌లో జరుగుతున్న సందడి తాలూకు వీడియోను రవితేజ షేర్‌ చేశారు. నాగేశ్వరరావు రాత్రిపూట చేసే దొంగతనానికి సంబంధించిన సీన్స్‌ని చిత్రీకరిస్తున్నారని సమాచారం. రవితేజ సరసన నూపుర్‌ సనన్, గాయత్రీ భరద్వాజ్‌ హీరోయిన్లుగా నటిస్తున్న ఈ చిత్రానికి అభిషేక్‌ అగర్వాల్‌ నిర్మాత.

‘‘పాత రోమ్‌ నగరం గుర్తుందా మిత్రుడా! ఇద్దరు గ్లాడియేటర్స్‌ తలపడతారు, ఓడినవాడు చస్తాడు గెలిచినవాడు మాత్రమే బ్రతుకుతాడు.. బతికుంటే అలాంటి ఒక గెలుపుతో బతికుండాలి. చచ్చినాకూడా అలాంటి వాడి చేతిలో చచ్చాము అనే గర్వంతో చావాలి...’’. ఇటువంటి పవర్‌ఫుల్‌ డైలాగ్‌లు ఉన్న  ‘జ్వాల’’ చిత్ర టీజర్‌ను  శుక్రవారం యంగ్‌ హీరో రానా దగ్గుబాటి సోషల్‌ మీడియా ట్విటర్ ద్వారా  విడుదల చేశారు.  బేస్‌ వాయిస్‌తో తెరమీద కనిపించే సన్నివేశాలను గురించి విశ్లేషిస్తూ బ్యాక్‌గ్రౌండ్‌లో ఓ మనిషి కథలా చెప్తూ ఉంటారు. ‘సాహో’ ఫేమ్‌ అరుణ్‌ విజయ్, ‘బిచ్చగాడు’ ఫేమ్‌ విజయ్‌ ఆంటోని టీజర్‌లో పోటాపోటీగా నటించారు.  అక్షర హాసన్‌ కీలక పాత్రలో నటించారు. ‘జ్వాల’ పాన్‌ఇండియా చిత్రాన్ని అమ్మ క్రియేషన్స్‌ టి.శివ సమర్పిస్తుండగా శర్వాంత్‌రామ్‌ క్రియేషన్స్‌ పతాకంపై జవ్వాజి రామాంజనేయులు, షిరిడిసాయి మూవీస్‌ పతాకంపై యం.రాజశేఖర్‌ రెడ్డి నిర్మించారు.  రష్యా, కజకిస్తాన్, ఉజ్బెకిస్తాన్, స్విట్జర్లాండ్, కలకత్తాలతో పాటు అనేక దేశాల్లో షూటింగ్‌ జరుపుకుంది. అరుణ్‌విజయ్, విజయ్‌ ఆంటోనీ, అక్షరహాసన్‌ల కెరీర్‌లోనే తెరకెక్కిన భారీబడ్జెట్‌ చిత్రం  ‘జ్వాల’. ఈ చిత్రాన్ని  నవీన్‌ దర్శకత్వం వహించారు. ప్రకాశ్‌రాజ్, రైమాసేన్, నాజర్‌ తదితరులు ముఖ్యపాత్రల్లో నటించిన ఈ చిత్రానికి కెమెరా– కె.ఎ.బచ్చ, ఎడిటర్‌– వెట్రికృష్ణన్, సంగీతం– నటరాజన్‌ శంకరన్‌ పీ.ఆర్‌.వో– శివమల్లాల.

‘‘ఇప్పుడు పాన్‌ ఇండియా సినిమా అని మాట్లాడుకుంటున్నాం. అయితే ఇంతకుముందు దక్షిణాది సినిమాలు హిందీలో అనువాదమై, టీవీల్లో వచ్చేవి. వాటిని ప్రేక్షకులు ఎంజాయ్‌ చేశారు. ఇప్పుడు పాన్‌ ఇండియా స్థాయిలో విడుదల కావడంవల్ల థియేటర్లలో చూసి ఆనందిస్తున్నారు. ప్రస్తుతం ఒక సినిమా పలు భాషల్లో విడుదలవుతోంది కాబట్టి అందరూ చూసే వీలు ఉంటోంది. అందుకే ఇప్పుడు సినిమాకి భాష లేదు.. సినిమా అంటే ఎమోషన్‌’’ అన్నారు రకుల్‌ ప్రీత్‌ సింగ్‌. దక్షిణాది సినిమాలు ఇతర భాషల్లో అభినందనలు పొందడం గురించి రకుల్‌ ఈ విధంగా అన్నారు. సౌత్‌.. నార్త్‌ రెండూ కలిస్తే ఇంకా అద్భుతాలు చేయొచ్చని కూడా ఈ బ్యూటీ అన్నారు. ఇదిలా ఉంటే.. స్టార్‌ హీరోయిన్లు కొందరు వెబ్‌ సిరీస్‌లు కూడా చేస్తున్నారు. మరి.. మీ ఓటీటీ ఎంట్రీ ఎప్పుడు? అనే ప్రశ్న రకుల్‌ ముందుంచితే – ‘‘ఎగ్జయిటింగ్‌ ప్రాజెక్ట్‌ వస్తే తప్పకుండా చేస్తా. ఓటీటీలో కూడా మంచి కంటెంట్‌ వస్తోంది’’ అన్నారు. చదవండి 👇 సింగర్‌ దారుణ హత్య, ప్రాణాలు తీసే ముందు 10 నిద్ర మాత్రలు లవర్స్‌తో వచ్చిన మాజీ హృతిక్‌ దంపతులు, ఫొటోలు వైరల్‌

కేజీయఫ్‌-2 హిట్‌తో దర్శకుడు ప్రశాంత్‌ నీల్‌ పేరు మళ్లీ దేశవ్యాప్తంగా మారుమోగిపోయింది. ఆయనతో సినిమా చేయడానికి స్టార్‌ హీరోలు క్యూ కడుతున్నారు. కానీ ప్రశాంత్‌ మాత్రం ఆచి తూచి వ్యవహరిస్తూ.. పాన్‌ ఇండియా చిత్రాలనే టార్గెట్‌గా పెట్టుకున్నాడు. ప్రస్తుతం ఆయన పాన్‌ ఇండియా స్టార్‌ ప్రభాస్‌తో ‘సలార్‌’చిత్రాన్ని తెరకెక్కిస్తున్నాడు. ఆ తర్వాత యంగ్‌ టైగర్‌ ఎన్టీఆర్‌తో సినిమా చేయబోతున్నాడు. దీనికి సంబంధించిన అధికారిక ప్రకటన కూడా వచ్చేసింది. ఇదిలా ఉంటే తాజాగా ఓ రూమర్ సౌత్ మొత్తం చెక్కర్లు కొడుతోంది.  సలార్‌, ఎన్టీఆర్‌ చిత్రాల తర్వాత ప్రశాంత్‌ నీల్‌ మరో టాలీవుడ్‌ హీరోతోనే పాన్‌ ఇండియా చిత్రాన్ని తెరకెక్కించబోతున్నాడట. ఆ హీరో ఎవరో కాదు.. నేచురల్‌ స్టార్‌ నాని. ఈ వార్తల్లో ఎంతవరకు నిజముందో తెలియదు కానీ.. టాలీవుడ్‌లో మాత్రం జోరుగా ప్రచారం జరుగుతోంది. అయితే నానిపై ఈ మధ్య కాలంలో చాలా రూమర్స్‌ వస్తున్నాయి. మహేశ్‌ బాబు, త్రివిక్రమ్‌ కాంబినేషన్‌లో రాబోతున్న చిత్రంలో నాని కూడా నటిస్తున్నాడని టాక్‌. అలాగే వంశీ పైడిపల్లి దర్శకత్వంలో విజయ్‌ నటిస్తున్న మూవీలోనూ నాని విలన్‌గా చేయబోతున్నట్లు ప్రచారం సాగుతోంది. వీటిల్లో ఏది నిజమో, ఏది గాసిప్ అనేది నానీనే చెప్పాలి. ప్రస్తుతం నాని ‘అంటే సుందరానికి..’ రిలీజ్ ప్రమోషన్స్ లో బిజీగా ఉన్నాడు.

పాన్ ఇండియా లెవల్లో స్టార్ డమ్ అందుకోవడం ఒక ఎత్తు. ఆ తర్వాత ఆ స్టార్ డమ్ ను నిలబెట్టుకోవడం మరో ఎత్తు. బాహుబలి సిరీస్ తర్వాత ప్రభాస్ పాన్ ఇండియా మార్కెట్ లో వరుస ఫ్లాప్స్ ఇచ్చాడు. ఇప్పుడు తప్పులు సరిదిద్దే పనుల్లో పడ్డాడు. అందుకే మిగితా పాన్ ఇండియా హీరోలు అలెర్ట్ అయ్యారు. ఎన్టీఆర్‌, రామ్‌చరణ్‌, యశ్ సేఫ్ సైడ్ చూసుకుంటున్నారు. పాన్ ఇండియా హీరోలుగా వెలిగిపోయేందుకు చేయాల్సిన ప్రయత్నాలు అన్ని చేస్తున్నారు. కేజీయఫ్ సిరీస్ తో పాన్ ఇండియా స్టార్ గా మారిపోయాడు కన్నడ నటుడు యశ్.రాఖీభాయ్ క్యారెక్టర్ లో యశ్ కనిపించిన తీరు, అతని నటన, పాన్ ఇండియా ఆడియెన్స్ ను ఉర్రూతలూగించింది. కేజీయఫ్ 2 తో కలిసొచ్చిన ఇండియా వైడ్ ఫ్యాన్ ఫాలోయింగ్ కాపాడుకునేందుకు మరోసారి రాఖీభాయ్ క్యారెక్టర్ ను రిపీట్ చేస్తున్నాడు. త్వరలోనే కేజీయఫ్ 3తో తిరిగొస్తానంటున్నాడు. ఆర్ ఆర్ ఆర్ చేస్తున్నప్పుడే ఆ సినిమా రేంజ్ ను ఎక్స్ పెక్ట్ చేసి,అందుకు తగ్గట్లే పాన్ ఇండియా మూవీస్ ను లైనప్ లో పెట్టాడు రామ్ చరణ్.ఇప్పటికే మాస్టర్ డైరెక్టర్ శంకర్ మేకింగ్ లో భారీ యాక్షన్ చిత్రం చేస్తున్నాడు. గౌతమ్ తిన్ననూరితో మూవీ లైనప్ లో ఉంది.ఇప్పుడు వీటితో పాటు తమిళ దర్శకుడు లోకేష్ కనగరాజ్ తో మూవీ చేయాలనుకుంటున్నాడు చరణ్. ఖైదీ,మాస్టర్, విక్రమ్ లాంటి యాక్షన్ మూవీస్ తో  నయా ట్రెండ్ సెట్ చేసాడు లోకేష్.గన్స్ అండ్ బిర్యానీ కాన్సెప్ట్ ను మిక్స్ చేస్తూ వరుసగా బ్లాక్ బస్టర్స్ అందుకుంటున్నాడు.ఇప్పుడు ఇదే ట్రెండ్ ను రామ్‌ చరణ్‌ కంటిన్యూ చేస్తూ లోకేష్ మేకింగ్ లో తాను కూడా యాక్షన్ హీరోగా కనిపించాలనకుంటున్నాడు ఆర్ ఆర్ ఆర్ తర్వాత యంగ్ టైగర్ చేయాల్సిన సినిమా ఎప్పుడో ఫిక్స్‌ అయిపోయింది. కొరటాలశివతో  తారక్ పాన్ ఇండియా మూవీ లాక్ అయింది.ఈ తర్వాత ప్రశాంత్‌ నీల్‌ దర్శకత్వంలో ఎన్టీఆర్‌ సినిమా చేయబోతున్నాడు. దీనిపై అధికారిక ప్రకటన కూడా వచ్చేసింది. 

Siddharth Shocking Comments On KGF 2, Pan India: కేజీయఫ్‌ 2 మూవీని పాన్‌ ఇండియా అని పిలుస్తుంటే ఫన్నీగా అనిపిస్తుందంటూ హీరో సిద్ధార్థ్‌ షాకింగ్‌ కామెంట్స్‌ చేశాడు. సిద్ధార్థ్‌ తాజాగా నటించిన వెబ్‌ సిరీస్‌ ‘ఎస్కేప్‌ లైవ్‌’ త్వరలోనే విడుదల కానుంది. ఈ నేపథ్యంలో తన వెబ్‌ సిరీస్‌ ప్రమోషన్‌లో భాగంగా ఓ జాతీయ మీడియాతో ముచ్చటించిన సిద్ధార్థ్‌ ఈ సందర్భంగా కేజీయఫ్‌2 సక్సెస్‌, ‘పాన్‌ ఇండియా’ కాన్సెప్ట్‌పై ఆసక్తికర వ్యాఖ్యలు చేశాడు. చదవండి: ఆ సీన్స్‌తో మళ్లీ రిలీజవుతున్న ఆర్‌ఆర్‌ఆర్‌ మూవీ! ఈ మేరకు సిద్ధార్థ్‌ మాట్టాడుతూ.. ‘పాన్‌ ఇండియా.. ఈ పదం వినడానికి చాలా ఫన్నీగా ఉంది. 15 ఏళ్ల నుంచి వివిధ భాషల్లో సినిమాలు చేస్తున్నాను. ఏ భాషల్లో చేస్తే ఆ భాషకు డబ్బింగ్‌ నేనే చెప్పుకునే వాడిని. తమిళ సినిమాల్లో చేస్తే తమిళియన్‌గా, టాలీవుడ్‌లో చేస్తే అచ్చమైన తెలుగు అబ్బాయిలా.. అలాగే ఇప్పుడు హిందీలో భగత్‌ సింగ్‌కు కూడా. అయితే, నా వరకు వాటిని ఇండియన్‌ సినిమాలు అని పిలవడమే నాకు ఇష్టం. ఎందుకంటే పాన్‌ ఇండియా అంటుంటే నాకు అగౌరవంగా అనిపిస్తుంది’ అంటూ చెప్పుకొచ్చాడు. అలాగే తాను ఈ వ్యాఖ్యలు ఎవరిని ఇబ్బంది పెట్టడాలని అనడం లేదన్నాడు. ‘పరిశ్రమలో అధిక ప్రాధాన్యత ఉన్న బాలీవుడ్‌ ఇండస్ట్రీ నుంచి విడుదలైన ఓ హిందీ సినిమా అత్యధిక ప్రేక్షాకదరణ పొందితే దానిని హిందీ సినిమా అనే అంటారు. కానీ, ప్రాంతీయ సినిమాలకు విషయానికి వస్తే అలా ఎందుకు ఉండదు. ప్రాంతీయ చిత్రాలకు విశేషమైన ఆదరణ లభించి, భారీ విజయం సాధిస్తే వాటిని ఎందుకు పాన్‌ ఇండియా అని పిలవడం? భారతీయ చిత్రం అనొచ్చు కదా. లేదా కేజీయఫ్‌ జర్నిని గౌరవించి కన్నడ సినిమా అని చెప్పొచ్చు. చదవండి: తెలుగు ఫిలిం చాంబర్‌పై నిర్మాత సంచలన వ్యాఖ్యలు లేదా ఆ సినిమా క్రియేట్‌ చేసిన ఇంపాక్ట్‌ని దృష్టిలో ఉంచుకుని ఇండియన్‌ సినిమా అని పిలవచ్చు. కాబట్టి పాన్‌ ఇండియా సినిమా అని కాకుండా ఇండియన్‌ ఫిలిం అని చెప్పండి. పాన్‌ అంటే ఏమిటో కూడా నాకు అర్థం కావడం లేదు. ఆ పదం చాలా ఫన్నీగా ఉంది’ అంటూ సిద్ధార్థ్‌ అభిప్రాయపడ్డాడు. అయితే గతంలో కూడా సిద్ధార్థ్‌ పాన్‌ ఇండియా పదంపై ఇలాంటి వ్యాఖ్యలు చేసిన సంగతి తెలిసిందే. ఇక్కడ చేసేవి అన్ని భారతీయ చిత్రాలే అయినప్పుడు పాన్‌ ఇండియా అని ఎందుకంటున్నారని, అలా అయితే 15 ఏళ్ల క్రితమే రోజా అనే పాన్‌ ఇండియా సినిమా రాలేదా? మణిరత్నం డైరెక్ట్‌ చేసిన ఈ సినిమాను ప్రతి ఒక్కరూ చూశారని వ్యాఖ్యానించాడు.      var request = 'https://www.sakshi.com/knowwidget/kwstr_4231450453.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Lata Bhagwan Kare To Be Made As Pan India Movie: భర్త భగవాన్‌ ఆరోగ్యం క్షీణించడంతో మెరుగైన వైద్యం అందించడానికి ఎస్‌కె మారథాన్‌ రేస్‌లో పాల్గొని, గెలిచిన 65ఏళ్ల లతా కారే జీవితం ఆధారంగా తెరకెక్కిన చిత్రం ‘లతా భగవాన్‌ కారే’. నవీన్‌ దేశబోయిన దర్శకత్వంలో ఎర్రబోతు కృష్ణ మరాఠీలో ఈ చిత్రం నిర్మించారు. ఈ సినిమా 67వ జాతీయ ఉత్తమ చిత్రం అవార్డును దక్కించుకొంది. మరాఠీలో ‘లతా భగవాన్‌ కారే’ చిత్రాన్ని రూపొందించిన తెలుగు దర్శక-నిర్మాతలు ఇప్పుడు తెలుగు, తమిళ, కన్నడ, మలయాళం, హిందీ భాషల్లో పాన్‌ ఇండియా స్థాయిలో ఈ సినిమాని నిర్మించనున్నారు.  విలేకరుల సమావేశంలో నవీన్‌ దేశబోయిన మాట్లాడుతూ.. ‘‘లతా భగవాన్‌ జీవితంలో జరిగిన కథ ఇది. ఈ సినిమా కథని పాఠ్యపుస్తకాల్లో ప్రచురించాలని మరాఠీ ప్రభుత్వం ఆదేశాలు జారీ చేసింది. ‘లతా భగవాన్‌ కారే’ చిత్రం రీమేక్‌ను పాన్‌ ఇండియా స్థాయిలో రిలీజ్‌ చేస్తాం. అలాగే ఇంకో వినూత్నమైన సబ్జెక్టుతో మరో సినిమా చేస్తున్నాను’’ అన్నారు. ‘‘త్వరలో షూటింగ్‌ ప్రారంభిస్తాం’’ అని ఎర్రబోతు కృష్ణ తెలిపారు. ఉప్పల్‌ ఎమ్మెల్యే సుభాష్‌ రెడ్డి, రాజకీయ నాయకుడు డా. కంచర్ల చంద్రశేఖర్‌ రెడ్డి, ఈ చిత్రంలో లీడ్‌ రోల్‌ చేయనున్న లతా కారే, సునీల్‌ కారే ఈ సమావేశంలో పాల్గొన్నారు.    చదవండి: కమల్‌ హాసన్‌ చిత్రంలో సూర్య.. ఫ్యాన్స్‌కు పూనకాలే Lata Bhagwan Kare | Official Teaser | 17 Jan ६५ वर्षाच्या स्त्रीची संघर्षगाथा !!#Releasing17Jan#LataBhagwanKare #TrueStory #65Years @naveendeshboina pic.twitter.com/yyD5s9HsoG — Lata Bhagwan Kare (@kare_lata) December 24, 2019

నటుడు విశాల్‌ కథానాయకుడుగా నటిస్తున్న పాన్‌ ఇండియా చిత్రం షూటింగ్‌ గురువారం ఉదయం చెన్నైలో పూజా కార్యక్రమంతో ప్రారంభమైంది. మార్క్‌ ఆంటోనీ పేరుతో తెరకెక్కుతున్న ఈ చిత్రాన్ని తమిళం, తెలుగు, మలయాళం, కన్నడం, హిందీ భాషలలో మినీ స్టూడియోస్‌ పతాకంపై ఎస్‌.వినోద్‌కుమార్‌ నిర్మిస్తున్నారు. ఈయన ఇంతకుముందు విశాల్‌ హీరోగా ఎనిమీ చిత్రాన్ని నిర్మించారు. ఆదిక్‌ రవిచంద్రన్‌ దర్శకత్వం వహిస్తున్నారు. లాఠీ చిత్రాన్ని పూర్తి చేసిన విశాల్‌ నటిస్తున్న 33వ చిత్రం ఇది. ఆయనకు జంటగా నటి రీతూ వర్మ, ప్రతినాయకుడిగా ఎస్‌.జె.సూర్య నటిస్తున్నారు. జీవీ ప్రకాష్‌కుమార్‌ సంగీతాన్ని, అభినందన్‌ రామానుజన్‌ చాయాగ్రహణం అందిస్తున్నాయి.    

ఈమధ్య కాలంలో చిత్ర పరిశ్రలో పాన్‌ ఇండియా అన్న పదం బాగా ట్రెండ్‌ అవుతోంది. ఇటీవలి కాలంలో ఆర్‌ఆర్‌ఆర్‌, పుష్ప, కేజీఎఫ్‌ సినిమాలు పాన్‌ ఇండియా చిత్రాలుగా విడుదలై ఎంతటి ఘన విజయాన్ని సాధించాయో ప్రత్యేకంగా చెప్పాల్సిన పనిలేదు. ఇక పాన్‌ ఇండియా పదంతో అటు నార్త్‌ వర్సెస్‌ సౌత్‌ హీరోలకు మాటల యుద్దం నడుస్తున్న సంగతి తెలిసిందే. తాజాగా ఇదే అంశంపై హీరో సిద్దార్థ్‌ స్పందించాడు. పాన్‌ ఇండియా అన్నది  అగౌరవకరమైనది, అదో  నాన్సెన్స్‌ అంటూ సంచలన వ్యాఖ్యలు చేశాడు. 'ఇక్కడ చేసేవి అన్ని భారతీయ చిత్రాలే అయినప్పుడు పాన్‌ ఇండియా అని ఎందుకంటున్నారు? 15ఏళ్ల క్రితమే రోజా అనే పాన్‌ ఇండియా సినిమా రాలేదా? మణిరత్నం డైరెక్ట్‌ ఈ సినిమాను ప్రతి ఒక్కరూ చూశారు. రీసెంట్‌గా నా స్నేహితులు కేజీఎఫ్‌ సినిమా తీశారు. వాళ్లను చూసి గర్వపడుతున్నాను. సినిమాను నచ్చిన భాషలో చూసే హక్కు ప్రేక్షకులకు ఉంటుంది. అందుకే పాన్‌ ఇండియా అన్న పదం తీసేసి ఇండియన్‌ సినిమా అని పేరు పెట్టాలి. లేదా ఏ భాషలో తీస్తే ఆ భాషతోనే పిలవాలి. ఒక సినిమా గొప్పగా రావాలంటే ఎంతోమంది టెక్నీషయన్లు కావాలి. వారికి భాషా భేదం ఉండదు. కంటెంట్ బాగుంటే ఏ సినిమా అయినా,ఏ భాషలో అయినా హిట్ అవుతుంది.దానికి పాన్ ఇండియా అని చెప్పి బిల్డప్ ఇవ్వాల్సిన అవసరం లేదు' అంటూ ఘాటుగా స్పందించాడు. ప్రస్తుతం సిద్దార్థ్‌  చేసిన ఈ కామెంట్స్‌ కలకలం రేపుతున్నాయి.