Dussehra

ఫార్మింగ్టన్ హిల్స్ (అమెరికా): అమెరికాలోని మిచిగన్ రాష్ట్రంలో తెలంగాణ సంస్కృతి, సంప్రదాయాలు వెల్లివిరిశాయి. గ్లోబల్ తెలంగాణ అసోసియేషన్ (జీటీఏ) డెట్రాయిట్ చాప్టర్ ఆధ్వర్యంలో నాలుగోసారి నిర్వహించిన బతుకమ్మ, దసరా వేడుకలు ఘనంగా జరిగాయి. స్టూడియో సెంటర్‌లో నిర్వహించిన ఈ వేడుకల్లో సుమారు 1,800 మంది తెలుగు ప్రవాసులు పాల్గొన్నారు. భక్తి, సంప్రదాయం, సాంస్కృతిక ఐక్యతకు ఈ వేడుకలు ప్రతీకగా నిలిచాయి.బతుకమ్మ పండుగ భిన్న ప్రాంతాల్లో నివసిస్తున్న ప్రజలను ఒకే వేదికపైకి తీసుకొచ్చే సాంస్కృతిక వారధి అని నిర్వాహకులు పేర్కొన్నారు. బతుకమ్మ పాటలు, ఆటలతో అందరూ ఒకే లయలో మమేకమవుతూ తెలంగాణ సంస్కృతిని చాటిచెప్పారని తెలిపారు.రంగురంగుల బతుకమ్మలతో ప్రత్యేక ఆకర్షణమహిళలు, యువతులు పట్టుచీరలు, సంప్రదాయ లంగా వోణీలు ధరించి వేడుకలకు హాజరయ్యారు. పాల్గొన్నవారు తీసుకొచ్చిన వందలాది రంగురంగుల పూల బతుకమ్మలు ప్రత్యేక ఆకర్షణగా నిలిచాయి. గౌరీదేవికి, ప్రకృతి మాతకు సమర్పణగా పూలతో అందంగా పేర్చిన బతుకమ్మల చుట్టూ మహిళలు వలయాకారంలో తిరుగుతూ సంప్రదాయ పాటలు పాడి నృత్యాలు చేశారు. సమన్వయంతో సాగిన చప్పట్లు, అడుగులు, పాటలతో ప్రాంగణమంతా పండుగ వాతావరణం నెలకొంది. స్థానిక ఆలయ అర్చకుడి ఆధ్వర్యంలో సంప్రదాయ శమీ పూజ నిర్వహించడంతో వేడుకలు ఆధ్యాత్మికంగా ప్రారంభమయ్యాయి.విందు, ప్రత్యేక స్టాళ్లతో సందడివేడుకలకు హాజరైన వారందరికీ స్థానిక భారతీయ రెస్టారెంట్ ఆహా బిర్యానీ ప్రత్యేకంగా సిద్ధం చేసిన విందును అందించారు. సంప్రదాయ దుస్తులు, చీరలు, ఆభరణాల విక్రయ స్టాళ్లు సందర్శకులను ఆకట్టుకున్నాయి. రియల్ ఎస్టేట్, ఆర్థిక, విద్యా సేవలతో పాటు ఆధ్యాత్మిక రంగాలకు చెందిన సంస్థలు కూడా తమ సేవలను పరిచయం చేశాయి.వివిధ భారతీయ సంఘాలకు చెందిన ప్రముఖులు ఈ వేడుకల్లో పాల్గొన్నారు. మిచిగన్ రిపబ్లికన్ పార్టీ కోశాధికారి సన్నీ రెడ్డి హాజరయ్యారు. వివిధ వర్గాల ప్రజల భాగస్వామ్యం ప్రవాస భారతీయుల మధ్య ఐక్యత, పరస్పర సహకారానికి నిదర్శనంగా నిలిచింది.జీటీఏ ప్రతినిధుల సమన్వయంతో నిర్వహణజీటీఏ జాతీయ చైర్మన్ ప్రవీణ్ కేశిరెడ్డి నాయకత్వంలో, డెట్రాయిట్ చాప్టర్ అధ్యక్షుడు వెంకట్ వడ్నాల, బోర్డ్ ఆఫ్ ట్రస్టీస్ సభ్యులు మల్లికార్జున్ పడుకునే, మహేశ్ వెణుకదాసుల, ప్రేమ్ రెడ్డి చింతపల్లి, సుమ కల్వాల, జీటీఏ మహిళా విభాగానికి చెందిన సుష్మ పడుకునే, స్వప్న చింతపల్లి, దీప్తి చిత్రపు కార్యక్రమాల సమన్వయంలో కీలక పాత్ర పోషించారు. వాలంటీర్ల సహకారంతో వేడుకలను విజయవంతంగా నిర్వహించారు.ఉత్తమ బతుకమ్మ పోటీల విజేతలకు బహుమతులువేడుకల్లో భాగంగా నిర్వహించిన ఉత్తమ బతుకమ్మ పోటీల్లో విజేతలకు బహుమతులు అందజేశారు. ఈ కార్యక్రమంలో వర్కింగ్ కమిటీ, స్థానిక కార్యవర్గ సభ్యులు సత్యధీర్ గంగసాని, నవదీప్ వేంపటి, రవి పిన్నపురెడ్డి, యుగంధర్ భూమిరెడ్డి, కరుణాకర్ కందుకూరి పాల్గొన్నారు. ఎగ్జిక్యూటివ్, అడ్వైజరీ బాడీ సభ్యులు యాదగిరి ఇలేని, సాయినాథ్ లచ్చిరెడ్డిగారి, గోవర్ధన్ పిన్నంరెడ్డి, కృష్ణ ప్రసాద్ జలిగామ, అశోక్ వెలుదండి, బద్రీనారాయణ, రాహుల్ తోట, భాస్కర్ సిరికి, రామ్ పొన్నూరు, వెంకటరమణ కొత్త, కమల్ పిన్నపురెడ్డి, సంతోష్ కోట, వెంకటేశ్ మంచాల, సతీష్ ముప్పిడి తదితరులు బహుమతుల ప్రదాన కార్యక్రమంలో పాల్గొన్నారు.దాండియా నృత్యాలతో ముగిసిన సంబరాలుబతుకమ్మ వేడుకలతో ప్రారంభమైన సంబరాలు ఢోల్ వాయిద్యాల హోరు, దాండియా నృత్యాలతో ఉత్సాహభరితంగా ముగిశాయి. దసరా పండుగ స్ఫూర్తిని ప్రతిబింబిస్తూ నిర్వహించిన ఈ కార్యక్రమంలో ప్రవాస తెలుగువారు ఉత్సాహంగా పాల్గొని నృత్యాలు చేశారు. చెడుపై మంచి సాధించిన విజయానికి ప్రతీకగా దసరా సందేశాన్ని చాటుతూ వేడుకలు ముగిశాయి.స్పాన్సర్ల సహకారంఈ వేడుకలకు హరి కాకుమాను రియల్టీ, సామ్ జోవనోవ్స్కీ మార్ట్గేజ్ లెండర్స్, ది ట్యూటరింగ్ సెంటర్ ఆఫ్ బ్లూమ్‌ఫీల్డ్ హిల్స్, సోమిరెడ్డి లా గ్రూప్, ఆహా బిర్యానీ రెస్టారెంట్, డిలైట్ కన్సల్టింగ్ సర్వీసెస్, లివోనియా ఫ్యామిలీ ఫార్మసీ, ఐడీఎస్, స్మైల్ సెంటర్, కమ్యూనిటీ ఛాయిస్, ఆన్ ఇన్సూరెన్స్ గ్రూప్, కంఫర్ట్ కీపర్స్ తదితర సంస్థలు ప్రధాన స్పాన్సర్లుగా సహకరించాయి. ఇతర వ్యాపార సంస్థలు, కమ్యూనిటీ సభ్యులు కూడా విరాళాలు అందించారు.నిర్వాహక కమిటీ కృషి, వాలంటీర్ల అంకితభావం, స్పాన్సర్లు, దాతల సహకారం, తెలుగు సమాజం ఉత్సాహభరిత భాగస్వామ్యంతో బతుకమ్మ, దసరా వేడుకలు విజయవంతమయ్యాయి. విదేశీ గడ్డపై తెలంగాణ సంస్కృతి, సంప్రదాయాలను భావితరాలకు పరిచయం చేస్తూ తెలుగు వారందరినీ ఒక్కచోట చేర్చే వేడుకగా ఈ కార్యక్రమం నిలిచింది.

దసరాకు మన ఊళ్లో పులి వేషాలు వేస్తారు కదా? ఆ పులి ఆట పుట్టింది తెలుగు రాష్ట్రాల్లో కాదు. కర్ణాటక తీరప్రాంతంలో. దాని అసలు పేరు ‘పిలి వేషం’ లేదా ‘హులివేషం’. ఇది కర్ణాటకలోని దక్షిణ కన్నడ, ఉడిపి జిల్లా, అంటే పూర్వపు తుళునాడు ప్రాంతంలో పుట్టింది. చరిత్రకారుల ప్రకారం అనేక శతాబ్దాల క్రితం నుంచి ఈ ప్రాంతంలో పులివేషం ఉంది.మొదట్లో ఇది దసరాకు కట్టే వేషం కాదు. కృష్ణ జన్మాష్టమి, వినాయకచవితి పండగలప్పుడు మంగళూరు, ఉడిపి, మూడబిదిరి, కుందాపూర్‌ ఊళ్లలో వేసేవారు. తర్వాత దసరా సమయంలో దుర్గాదేవికి మొక్కుగా వేయడం మొదలైంది. ఎందుకంటే దుర్గాదేవి వాహనం పులి. పులివేషం వేసి ఆడడం అంటే అమ్మవారికి నైవేద్యం పెట్టడం లాంటిది.ఇప్పుడు దసరా నవరాత్రుల్లో చిన్నపిల్లలు, యువకులు పసుపు, నూనె, రంగులతో పులిలా మారి, తప్పెట దరువుకు ఆడుతూ ఊరంతా తిరుగుతారు. ఇది కేవలం ఆట కాదు, భక్తి, ప్రకృతి పట్ల గౌరవం.ఇదీ చదవండి: భూమికి బదులు మరో భూమి

బంగారం, వెండి ధరలు దసరా ధమాకా చూపించాయి. దసరా పండుగ జరిగిన ఈ వారంలో పసిడి ధరలు భారీగా దిగివచ్చాయి. దేశీయ మార్కెట్లో 100 గ్రాముల బంగారం ధర ఏకంగా రూ.55,600 పడిపోయింది. అదే తులానికి (10 గ్రాములు) రూ.5,560 తగ్గింది. ఇక వెండి ధరలు సైతం భారీగా క్షీణించాయి. ఈ వారంలో వెండి ధర కేజీకి రూ.15,000 మేర పతనమైంది.అక్టోబర్‌ 23న ఒక్కరోజే 24 క్యారెట్ల బంగారం ధర 10 గ్రాములకు రూ.1,900 పడిపోయి రూ.1,42,480కు చేరింది. ఆభరణాల తయారీకి ఉపయోగించే 22 క్యారెట్ల బంగారం ధర సైతం 10 గ్రాములకు రూ.1,750 తగ్గి రూ.1,30,600కు దిగివచ్చింది. వెండి ధరలు కూడా కేజీకి రూ.5000 మేర క్షీణించి రూ.2.20 లక్షల స్థాయికి వచ్చాయి.అంతర్జాతీయ మార్కెట్లో బలహీనతప్రపంచ బులియన్‌ మార్కెట్లో బంగారం ధరలు బలహీనపడటం దేశీయ మార్కెట్‌పైనా ప్రభావం చూపింది. ముడి చమురు ధరలు బ్యారెల్‌కు 114 డాలర్ల స్థాయిని దాటడంతో ద్రవ్యోల్బణంపై ఆందోళనలు పెరిగాయి. దీంతో వడ్డీ రేట్ల పెంపునకు సంబంధించిన అంచనాలు బలపడటం పసిడిపై ఒత్తిడి పెంచినట్లు తెలుస్తోంది. దేశీయ ఫ్యూచర్స్‌ మార్కెట్లోనూ ఎంసీఎక్స్‌ బంగారం ధర రూ.1.42 లక్షల స్థాయికి దిగువకు పడిపోయింది. అంతర్జాతీయ స్పాట్‌ మార్కెట్లో ఔన్స్‌ బంగారం ధర 4,000 డాలర్ల స్థాయికి చేరువైంది.దేశంలోని ప్రధాన నగరాల్లో బంగారం, వెండి ధరలు ఇలా..

సినిమా లవర్స్‌కి దసరా పండగ చాలా అప్‌డేట్స్‌ ఇచ్చింది. కొత్త పోస్టర్లు వచ్చాయి... పాటలు విడుదలయ్యాయి... పేర్లు షురూ చేసుకున్నాయి... రిలీజ్‌ డేట్స్‌ ఫిక్స్‌ చేసుకున్నాయి. ఇలా ‘పండగే పండగ’ అన్నమాట. ఇక ఆ అప్‌డేట్స్‌ గురించి తెలుసుకుందాం.పాటొచ్చింది→ శ్రీరాముడిగా రణ్‌బీర్‌ కపూర్, సీతగా సాయిపల్లవి నటించిన చిత్రం ‘రామాయణ’ (తెలుగులో ‘రామాయణం’). నితీష్‌ తివారీ దర్శకత్వంలో నమిత్‌ మల్హోత్రా, యశ్‌ నిర్మించారు. రెండు భాగాలుగా విడుదల కానున్న ‘రామాయణ పార్ట్‌ 1’ నవంబరు 5న విడుదలవుతోంది. భారతదేశం మినహా ప్రపంచవ్యాప్తంగా సోనీ పిక్చర్స్‌ ఈ సినిమాను డిస్ట్రిబ్యూట్‌ చేస్తుండగా, హిందీ మార్కెట్‌లో ధర్మ ప్రొడక్షన్స్‌ పంపిణీ చేస్తోంది. ఈ మూవీని తెలుగులో శ్రీ వెంకటేశ్వర క్రియేషన్స్‌పై ‘దిల్‌’ రాజు విడుదల చేస్తున్నారు. ‘రామాయణం’లో రావణుడిగా యశ్‌ నటించారు. దసరాను పురస్కరించుకుని రావణుడిగా యశ్‌ కనిపించే ప్రత్యేక వీడియోను విడుదల చేశారు మేకర్స్‌. హిందీలో ‘రైజ్‌ ఆఫ్‌ అసుర’, కన్నడలో ‘రావణ తాండవ’, తమిళ, తెలుగులో ‘రావణ తాండవం’ పేర్లతో ఈ వీడియోను రూపొందించారు. తెలుగు వెర్షన్‌కు రాకేందు మౌళి సాహిత్యం అందించగా, దేవిశ్రీ ప్రసాద్‌ ఆలపించారు. → శర్వానంద్‌ హీరోగా రూపొందుతోన్న పీరియాడిక్‌ యాక్షన్‌ డ్రామా ‘భోగి’. సంపత్‌ నంది దర్శకత్వంలో తెరకెక్కుతున్న ఈ చిత్రంలో అనుపమ పరమేశ్వరన్, డింపుల్‌ హయతి హీరోయిన్లుగా నటిస్తున్నారు. లక్ష్మీ రాధామోహన్‌ సమర్పణలో కేకే రాధామోహన్‌ నిర్మిస్తున్నారు. భీమ్స్‌ సిసిరోలియో సంగీతం అందించిన ఈ మూవీ నుంచి ‘అన్నయ్య పానం...’ అంటూ సాగే పాటను విడుదల చేశారు. ఐదుగురు చెల్లెళ్లపై ఒక అన్నయ్య చూపించే ప్రేమ, ఆ΄్యాయతలను హృద్యంగా ఆవిష్కరించే ఈ పాటలో శర్వానంద్, అనుపమ ప్రేమకథకు సంబంధించిన కొన్ని అందమైన క్షణాలను కూడా చూపించారు. చంద్రబోస్‌ సాహిత్యం అందించిన ఈ పాటను శ్రీకృష్ణ పాడారు. డేట్‌ఫిక్స్‌→ ఆదర్శ కుటుంబం ఎలా ఉంటుందో చూపిస్తాం అంటూ తన కుటుంబంతో కలిసి ఈ నెలాఖరున థియేటర్లలో సందడి చేయనున్నారు హీరో వెంకటేశ్‌. త్రివిక్రమ్‌ శ్రీనివాస్‌ దర్శకత్వంలో వెంకటేశ్, శ్రీనిధి శెట్టి జంటగా నారా రోహిత్, నివేదా పేతురాజ్, యువినా, రాజ్‌ ప్రజ్వల్, రావు రమేష్‌ తదితరులు కీలక పాత్రల్లో నటించిన చిత్రం ‘ఆదర్శ కుటుంబం – హౌస్‌ నెం. 47’!. ఈ నెల 30 ఈ చిత్రాన్ని రిలీజ్‌ చేయనున్నట్లు మేకర్స్‌ ప్రకటించారు. మధ్యతరగతి కుటుంబ జీవితంలోని సంఘటనలు, కుటుంబ సభ్యుల మధ్య ఉండే అనుబంధాలు, భావోద్వేగాలు, చమత్కారాలు, నవ్వులు... వీటికి అదనంగా యాక్షన్‌ని జోడించి, ఈ చిత్రాన్ని రూపొందించారు. మమత సమర్పణలో ఎస్‌. రాధాకృష్ణ ఈ చిత్రాన్ని నిర్మించారు. 2 సంగీతదర్శకుడిగా ‘రాకింగ్‌ స్టార్‌’ అనిపించుకున్న దేవిశ్రీ ప్రసాద్‌ సిల్కర్‌ స్క్రీన్‌పై రాక్‌ చేయడానికి రెడీ అయిన చిత్రం ‘ఎల్లమ్మ’. దేవిశ్రీ ప్రసాద్‌ని హీరోగా పరిచయం చేస్తూ ఈ చిత్రాన్ని ‘బలగం’ ఫేమ్‌ వేణు ఎల్దండి దర్శకత్వంలో ‘దిల్‌ రాజు’ సమర్పణలో శిరీష్‌ నిర్మిస్తున్నారు. 2027 మార్చి 5న ప్రపంచవ్యాప్తంగా ‘ఎల్లమ్మ’ని విడుదల చేయనున్నట్లు మేకర్స్‌ తెలిపారు. సాంస్కృతిక సంప్రదాయాల నేపథ్యంలో భావోద్వేగాలతో కూడిన కథాంశంతో రూపొందుతున్న ఈ చిత్రంలో ‘పర్షి’ అనే పాత్రలో దేవిశ్రీ కనిపించనున్నారు. దేవిశ్రీ ప్రసాద్‌ ఈ చిత్రంలో హీరోగా నటిస్తూ, సంగీతం అందిస్తున్నారు.కొత్త పోస్టర్‌గురూ→ నాగచైతన్య హీరోగా నటిస్తున్న చిత్రం ‘వృషకర్మ’. కార్తీక్‌ దండు దర్శకత్వం వహిస్తున్న ఈ సినిమాలో మీనాక్షీ చౌదరి హీరోయిన్‌గా నటిస్తున్నారు. బాపినీడు సమర్పణలో శ్రీ వెంకటేశ్వర సినీ చిత్ర, సుకుమార్‌ రైటింగ్స్‌పై బీవీఎస్‌ఎన్‌ ప్రసాద్‌ నిర్మిస్తున్నారు. ఈ చిత్రం డిసెంబరు 4న విడుదల కానుంది. దసరా పర్వదినాన్ని పురస్కరించుకుని ప్రత్యేక పోస్టర్‌ను విడుదల చేశారు మేకర్స్‌. ‘‘నాగచైతన్య కెరీర్‌లోనే అత్యధిక బడ్జెట్‌తో రూపొందుతున్న చిత్రం ఇది. ఈ మైథలాజికల్‌ అడ్వెంచరస్‌ థ్రిల్లర్‌లో చేస్తున్న సాహసోపేతమైన పాత్రకు తగినట్లుగా చైతన్య కొత్త లుక్‌లోకి మారారు’’ అని చిత్రబృందం పేర్కొంది. → లయ, అనురూప్‌ కటారి, ఆకాంక్ష త్యాగరాజన్‌ ప్రధాన పాత్రల్లో నటిస్తున్న చిత్రం ‘సన్‌ ఆఫ్‌ కనకదుర్గమ్మ’. దుర్గ ఫణిదర్‌ లంక దర్శకత్వంలో ఈ చిత్రాన్ని వాణి శంకర్, తిలోత్తమ నిర్మిస్తున్నారు. ఈ చిత్రం నుంచి ఓ పవర్‌ఫుల్‌ పోస్టర్‌ను నిర్మాతలు అశ్వనీదత్‌ , స్వప్న దత్‌ రిలీజ్‌ చేసి, చిత్రబృందానికి అభినందనలు తెలిపారు. ఈ పోస్టర్‌లో అమ్మవారిగా లయ పవర్‌ఫుల్‌గా కనిపిస్తున్నారు. ‘‘ఈ చిత్రకథ, కథనాలు, విజువల్స్, యాక్షన్‌.. అన్నీ హైలెట్‌గా ఉంటాయి. అమ్మవారిగా లయ కనిపించే సీన్స్‌ రోమాలు నిక్కబొడుచుకునేలా ఉంటాయి’’ అని యూనిట్‌ పేర్కొంది. → కన్నడ నటుడు భార్గవ్‌ హీరోగా, దర్శకుడిగా తెలుగు, కన్నడ భాషల్లో తెరకెక్కుతోన్న సినిమా ‘తొలిసారి మిమ్మల్ని చూసింది మొదలు’. ఇందులో ఆరియా మీనన్‌ కథానాయిక. బండి నాగరాజు నిర్మిస్తుండగా, మద్దినేని రమేష్‌ ఎగ్జిక్యూటివ్‌ ప్రొడ్యూసర్‌గా వ్యవహరిస్తున్నారు. జూబ్లీహిల్స్‌ ఎమ్మెల్యే నవీన్‌ యాదవ్‌ ఈ సినిమా పోస్టర్‌ని లాంచ్‌ చేసి, ‘‘ఈ సినిమా ఆటంకాలు లేకుండా పూర్తయి, ప్రేక్షకుల ముందుకొచ్చి మంచి విజయం సాధించాలి’’ అన్నారు. పేరుషురూ→ ఆది సాయికుమార్‌ హీరోగా నవరసన్‌ దర్శకత్వంలో ప్రశాంత్‌ జి. రుద్రప్ప నిర్మిస్తున్న చిత్రానికి ‘ఆది రుద్ర’ అనే టైటిల్‌ని ఫిక్స్‌ చేశారు. ‘‘దైవిక, అతీంద్రియ రహస్యాలు, ఉత్కంఠభరితమైన సస్పెన్స్‌ కలగలిసిన కథాంశంతో ఈ సినిమాను రూపొందిస్తున్నాం. 1960ల నుంచి 1990ల మధ్య కాలంలో ఈ కథ జరుగుతుంది. దైవత్వం, విశ్వాసం, ఆధ్యాత్మికత, అంతుచిక్కని రహస్యాలు, భావోద్వేగాల చుట్టూ సాగే ఈ చిత్రం ప్రేక్షకులకు మంచి అనుభూతినిచ్చేలా ఉంటుంది. ఆసక్తికరమైన కథాంశంతో రూపొందిస్తున్న ఈ ‘ఆది రుద్ర’ ఆది సాయికుమార్‌ కెరీర్‌లో విభిన్నమైన చిత్రంగా నిలిచిపోతుంది. పాన్‌ ఇండియా స్థాయిలో అత్యంత భారీ బడ్జెట్‌తో ఈ చిత్రాన్ని రూపొందిస్తున్నాం’’ అని దర్శక–నిర్మాతలు తెలిపారు. → సుమంత్‌ ప్రభాస్‌ హీరోగా ‘రాజు వెడ్స్‌ రాంబాయి’ ఫేమ్‌ సాయిలు కంపాటి దర్శకత్వంలో రూపొందుతున్న చిత్రానికి ‘బబ్లూ డబుల్‌ ఎక్స్‌ఎల్‌’ టైటిల్‌ ఖరారైంది. గహజీ ఎస్‌కే హీరోయిన్‌గా నటిస్తున్నారు. సోనాలి నారంగ్‌ సమర్పణలో పుస్కూర్‌ రామ్మోహన్‌ రావు, భరత్‌ ఎన్‌. నారంగ్‌ ఈ చిత్రాన్ని నిర్మిస్తున్నారు. ఈ చిత్రం పోస్టర్‌ని విడుదల చేశారు. పోస్టర్‌లో మంచిర్యాల పట్టణం, అక్కడి ప్రసిద్ధ క్లాక్‌ టవర్, చారిత్రక రాతి వంతెన, ఆలయ నిర్మాణ శైలి, ఇతర స్థానిక ప్రదేశాలు కనిపిస్తున్నాయి. దాంతో మంచిర్యాల టౌన్‌ ఈ కథకు కీలకం అని తెలుస్తోంది. ‘‘జెన్‌ జెడ్‌ ప్రేక్షకులను ఆకట్టుకునే ఎంటర్‌టైనర్‌గా ఈ చిత్రాన్ని రూపొందిస్తున్నాం’’ అని మేకర్స్‌ తెలిపారు.

బెంగళూరు: విజయదశమి పర్వదినాన్ని పురస్కరించుకుని నేడు (బుధవారం) మైసూర్ దసరా వేడుకల్లో జంబూసవారి కనువిందు చేయనుంది. ఈ ఘట్టంతో ఉత్సవాలు ముగియనున్నాయి. మైసూర్ ప్యాలెస్ నుంచి ప్రారంభమై బన్నీమండపం వరకు దాదాపు 5 కిలోమీటర్ల మేర ఈ శోభాయాత్ర సాగనుంది. ప్యాలెస్ బలరామ ద్వారం వద్ద బుధవారం మధ్యాహ్నం 1.36 నుంచి 1.56 గంటల మధ్య శుభ ముహూర్తంలో నంది ధ్వజానికి ప్రత్యేక పూజలు నిర్వహించి కర్ణాటక ముఖ్యమంత్రి డి.కె. శివకుమార్ ఈ మహోత్సవ ఊరేగింపును ప్రారంభించనున్నారు.ఈసారి జంబూ సవారిలో ప్రధాన ఆకర్షణగా నిలిచే 750 కిలోల బంగారు అంబారీని ‘ప్రశాంత’ అనే గజరాజు మొదటిసారి మోయనుంది. సుప్రీంకోర్టు మార్గదర్శకాల ప్రకారం 60 ఏళ్లు నిండిన 'అభిమన్యు' ఏనుగును బాధ్యతల నుంచి తప్పించడంతో ఈ మార్పు జరిగింది. ప్యాలెస్ ప్రాంగణంలో సాయంత్రం 4.10 నుంచి 4.35 గంటల మధ్య అంబారీలో కొలువుదీరిన చాముండేశ్వరి దేవి ఉత్సవ మూర్తికి ముఖ్యమంత్రి పుష్పార్చన సమర్పించనున్నారు. ఈ ఘట్టంలో ఉప ముఖ్యమంత్రి జి. పరమేశ్వర, ఎంపీ, రాజవంశీకుడు యదువీర్ కృష్ణదత్త చామరాజ ఒడయార్, జిల్లా ఇన్‌ఛార్జ్ మంత్రి యతీంద్ర సిద్ధరామయ్య తదితరులు పాల్గొననున్నారు.శోభాయాత్రలో కర్ణాటక సంస్కృతి, సంప్రదాయాలు ప్రతిబింబించేలా పలు జానపద కళారూపాలు, ప్రభుత్వ అభివృద్ధిని చాటేలా కేవలం 15 జిల్లాలకు చెందిన శకటాలు పాలుపంచుకుంటున్నాయి. త్రివిధ దళాలైన ఆర్మీ, నేవీ, ఎయిర్‌ఫోర్స్‌కు చెందిన శకటాలు ఈసారి ప్రత్యేక ఆకర్షణగా నిలవనున్నాయి. రాజవంశీకుడు యదువీర్ సాంప్రదాయబద్ధంగా ఉదయం 10 గంటల ప్రాంతంలో ప్యాలెస్‌లో 'విజయ యాత్ర' నిర్వహించి బన్నీ చెట్టుకు పూజలు చేయగా, ప్రసిద్ధ 'వజ్రముష్టి కాళగ' (కుస్తీ పోటీ) పలు కారణాల వల్ల ఆలస్యమైంది.ఇక ప్యాలెస్ ప్రాంగణంలోకి పాస్‌లు, టికెట్లు, గోల్డ్ కార్డులు ఉన్నవారికి మాత్రమే అనుమతి కల్పించారు. రాత్రి 7.30 గంటలకు బన్నీమండపం మైదానంలో కనులవిందుగా ‘టార్చ్‌లైట్ పరేడ్’,‘డ్రోన్ షో’ జరగనున్నాయి. నూతనంగా నియమితులైన గవర్నర్ సుధా యాదవ్ ఈ వేడుకలో గౌరవ వందనం స్వీకరించనుండగా, ముఖ్యమంత్రితో పాటు ఇతర మంత్రులు హాజరుకానున్నారు. ఈ ముగింపు కార్యక్రమానికి స్థానిక ఎమ్మెల్యే తన్వీర్ సేత్ అధ్యక్షత వహించనున్నారు. ఇదీ చదవండి: New York: ‘గర్బా’ నృత్యంలో మమ్దానీ జోష్‌!

ఛత్తీస్‌గఢ్‌లోని రాజ్‌నంద్‌గావ్‌ జిల్లాలో దసరా సందర్భంగా ఒక అరుదైన ఘటన చోటుచేసుకుంది. దసరా ఉత్సవాల్లో రాష్ట్రంలో ముఖ్య ఐపీఎస్‌ (IPS) అధికారిగా పేరుగాంచిన జిల్లా ఎస్‌పీ అంకితా శర్మ(Ankita Sharm) ప్రత్యేక ఆకర్షణగా నిలిచారు. దసరా రోజు నిర్వహించే ఆయుధ పూజలో పోలీసు యూనిఫాంలో కాకుండా సంప్రదాయ చీరకట్టులో కనిపించారు. సాంప్రదాయ శస్త్ర పూజ (ఆయుధ పూజ) నిర్వహించిన అనంతరం తుపాకీ చేతబూని, దాని సామర్థ్యాన్ని పరీక్షించేందుకు కాల్పులు జరిపారు. చీరకట్టులో కనిపించిన ఆమె వీడియో నెట్టింట తెగ వైరల్‌ అవుతోంది. 'లేడీ సింగం'గా ప్రసిద్ధి చెందిన అంకితా శర్మ నిబ్ధతతో కూడిన పోలీసు విధులకు, శాంతిభద్రతల పరిరక్షణకు పేరుగాంచారు. పబ్లిక్ ఇమేజ్‌తో సోషల్‌ మీడియాలోనూ ఆమె చురుగ్గా ఉంటూ తరచూ వార్తల్లో నిలుస్తుంటారు. తాజా వీడియోతో ఆమె ధైర్యసాహసాలను, నిర్భయ శైలి విశేషంగా నిలుస్తోంది. During the Shastra Puja event on Vijayadashami, SP Ankita Sharma of Rajnandgaon, Chhattisgarh, handled an AK-47 rifle and performed aerial firing with it. https://t.co/NrXtosmUuG— Treeni (@treeni) October 20, 2026 భారతదేశంలో దసరా నాడు ఆయుధాలను పూజించడం ఆనవాయితీ. ఇందులో భాగంగానే పోలీసు, భద్రతా బలగాలు కూడా ప్రతి ఏటా ఈ పూజను ఘనంగా నిర్వహిస్తుంటాయి. ఈ ఆచారంలో భాగంగానే అంకితా శర్మ రాజ్‌నంద్‌గావ్‌ పోలీసు లైన్స్‌లో జరిగిన కార్యక్రమంలో పూజలు నిర్వహించి, అనంతరం ఏకే-47 తుపాకీతో కాల్పులు జరిపినట్లు పలు నివేదికల ద్వారా తెలుస్తోంది. ఈ వీడియో ఆన్‌లైన్‌లో మిశ్రమ స్పందనను తెచ్చిపెట్టింది. చీరకట్టులో ఉన్నమహిళా అధికారి అసాల్ట్ రైఫిల్‌ను అత్యంత నైపుణ్యంతో హ్యాండిల్ చేయడం సోషల్‌ మీడియాలో చర్చనీయాంశమైంది. కొందరు వినియోగదారులు ఆమె ఆత్మవిశ్వాసాన్ని ప్రశంసించగా, మరికొందరు మాత్రం అగ్నిప్రమాద భద్రతా ప్రమాణాలు (ఫైర్‌ఆర్మ్ సేఫ్టీ)నిర్దేశిత షూటింగ్ రేంజ్ కాకుండా బయట కాల్పులు జరపడం ఎంతవరకు సమంజసం అని ఆందోళన వ్యక్తం చేశారు. ఈ చర్చ ద్వారా ఛత్తీస్‌గఢ్‌లో ఆమె పోలీసు సేవల గురించి మరోసారి అందరి దృష్టికి వచ్చింది.ఎవరీ అంకితా శర్మ అంకితా శర్మ ఛత్తీస్‌గఢ్‌ క్యాడర్‌కు చెందిన 2018 బ్యాచ్‌ ఐపీఎస్‌ అధికారి. ఛత్తీస్‌గఢ్‌లోని క్లిష్టమైన ప్రాంతాల్లో, నక్సల్స్ ప్రభావిత జిల్లాల్లో ఆమె తన పోస్టింగ్ కాలంలో నేరస్థులు, నక్సలైట్లకు వ్యతిరేకంగా పలు కఠినమైన ఆపరేషన్లకు నాయకత్వం వహించారు. ప్రజలతో ఆమెకున్న సత్సంబంధాలు, కఠినమైన పరిపాలనా నిర్ణయాలు ఆమెను పోలీసు శాఖలో 'లేడీ సింగం'గా నిలబెట్టాయి.ఇదీ చదవండి: భార్యను కొట్టానని నిరూపిస్తారా? ఆత్మహత్యకు ముందు సెల్ఫీ వీడియోమూడో ప్రయత్నంలో యూపీఎస్‌సీ విజయంఅంకితా శర్మ జూన్ 25, 1990న ఛత్తీస్‌గఢ్‌లోని దుర్గ్ జిల్లాలో జన్మించారు. 2017 యూపీఎస్‌సీ సివిల్ సర్వీసెస్ పరీక్షలో ఆలిండియా 203వ ర్యాంకు సాధించి సొంత రాష్ట్రమైన ఛత్తీస్‌గఢ్ క్యాడర్‌ను పొందారు. ఆమె మూడో ప్రయత్నంలో సివిల్స్ సాధించారు. మొదటి ప్రయత్నంలో మెయిన్స్ వరకు వెళ్లగా, రెండో ప్రయత్నంలో ప్రిలిమ్స్ కూడా క్లియర్ చేయలేకపోయారు.ఖైరాఘర్ తొలి మహిళా ఎస్పీఅంకితా శర్మ తన మొదటి పోస్టింగ్‌ను ఛత్తీస్‌గఢ్‌లోని భటపారాలో చేశారు. అలాగే రాయ్‌పూర్‌లోని ఆజాద్‌చౌక్‌లో సీఎస్పీగా కూడా సేవలు అందించారు. మే 2022లో ఖైరాఘర్‌ ఎస్పీగా నియమితులై, ఆ జిల్లాకు తొలి మహిళా ఎస్పీగా రికార్డు సృష్టించారు.

న్యూఢిల్లీ: హిందువులు దీపావళి పర్వదినాన్ని ఎంతో వేడుకగా జరుపుకుంటారు. ఈ పండుగ సమీపిస్తుండటంతో ఇళ్లలో అలంకరణలు, కొనుగోళ్ల సందడి మొదలవుతుంది. ఈ విశిష్టమైన దీపాల పండుగను ఈ ఏడాది నవంబర్ 8, ఆదివారం నాడు దేశవ్యాప్తంగా జరుపుకోనున్నారు. ఈ రోజున ప్రతి ఇంటా దీపాలు వెలిగించి, సిరిసంపదలనిచ్చే లక్ష్మీదేవిని భక్తిశ్రద్ధలతో ఆరాధిస్తారు.అమావాస్య తిథి వివరాలుదీపావళి పండుగను కార్తీక మాస అమావాస్య తిథి నాడు జరుపుకోవడం ఆనవాయితీ. జ్యోతిష లెక్కల ప్రకారం 2026లో అమావాస్య తిథి నవంబర్ 8న ఉదయం 11:27 గంటలకు ప్రారంభమై, మరుసటి రోజు అంటే నవంబర్ 9న మధ్యాహ్నం 12:31 గంటల వరకు కొనసాగుతుంది. లక్ష్మీ పూజను ప్రదోష కాలంలో అమావాస్య ఉన్న సమయంలోనే నిర్వహించడం శాస్త్రసమ్మతం కావడంతో, నవంబర్ 8వ తేదీ సాయంత్రమే దీపావళి లక్ష్మీ పూజను జరుపుకోవాలని పండితులు నిర్ణయించారు.లక్ష్మీ పూజకు శుభ ముహూర్తం నవంబర్ 8 సాయంత్రం లక్ష్మీదేవి, గణపతి పూజలకు అత్యంత అనుకూలమైన శుభ ముహూర్తం సాయంత్రం 05:54 నుండి రాత్రి 07:50 వరకు (సుమారు 1 గంట 56 నిమిషాలు) ఉండనుంది. ప్రదోష కాలం, స్థిర లగ్నం కలిసి వచ్చే ఈ సమయంలో పూజ చేయడం వల్ల వ్యాపారాలు కలసి వస్తాయని, కుటుంబాల్లో లక్ష్మీదేవి స్థిరనివాసం ఉంటుందని నమ్ముతారు. శాస్త్రోక్తంగా కలశ స్థాపన చేసి, తామర పువ్వులు, పండ్లు, నైవేద్యాలతో లక్ష్మీ-గణేశులను అర్చించి హారతి ఇస్తారు.ఐదు రోజుల దీపావళి వేడుకలుఉత్తరాదిన దీపావళి ఐదు రోజుల వేడుకగా సాగుతుంది. ఈ క్రమంలో నవంబర్ 6 (శుక్రవారం) నాడు ధంతేరస్ (ధన త్రయోదశి)తో వేడుకలు ప్రారంభమవుతాయి. అనంతరం నవంబర్ 7న నరక చతుర్దశి, నవంబర్ 8న దీపావళి/లక్ష్మీ పూజ జరుగుతాయి. ఆ తర్వాత నవంబర్ 10న గోవర్ధన పూజ, నవంబర్ 11న సోదర-సోదరీమణుల అనుబంధానికి ప్రతీక అయిన భాయ్ దూజ్ వేడుకలతో ఈ పండుగ సంబరాలు ముగుస్తాయి.ఇదీ చదవండి: New York: ‘గర్బా’ నృత్యంలో మమ్దానీ జోష్‌!

పండుగ సందర్బంగా భారీగా తగ్గిన బంగారం ధరలు.. నేడు (బుధవారం) స్థిరంగా ఉన్నాయి. దీంతో దేశంలోని ప్రధాన నగరాల్లో గోల్డ్ రేట్లలో ఎలాంటి మార్పు జరగలేదు. పసిడి ధరలు హైదరాబాద్, విజయవాడ, ముంబై, చెన్నై, బెంగళూరు, ఢిల్లీలలో ఎలా ఉన్నాయో.. ఈ కింద చూడవచ్చు.

న్యూఢిల్లీ: ఢిల్లీలోని పీతాంపురలో ‘శ్రీ కేశవ్ రామ్‌లీలా కమిటీ’ ఆధ్వర్యంలో జరిగిన దసరా వేడుకల్లో రావణుడు, కుంభకర్ణుడు, మేఘనాథుడి దిష్టిబొమ్మలతో పాటు 30 అడుగుల భారీ బొద్దింక దిష్టిబొమ్మను దహనం చేశారు. ఈ పరిణామం రాజకీయాల్లో తీవ్ర దుమారానికి దారితీసింది. ఈ చర్యపై ఢిల్లీ ఆమ్ ఆద్మీ పార్టీ అధ్యక్షుడు సౌరభ్ భరద్వాజ్ తీవ్రస్థాయిలో ఆగ్రహం వ్యక్తం చేశారు. ఇది హిందూ మత మనోభావాలను దెబ్బతీయడమేనని, వేల ఏళ్ల సనాతన సంప్రదాయాలను అపహాస్యం చేశారని ఆరోపిస్తూ ఢిల్లీ లెఫ్టినెంట్ గవర్నర్, పోలీస్ కమిషనర్‌లకు లిఖితపూర్వక ఫిర్యాదు చేశారు. ఈ కార్యక్రమానికి కారణమైన రామ్‌లీలా కమిటీ నిర్వాహకులతో పాటు బీజేపీ ఎమ్మెల్యే అశోక్ గోయల్, మంత్రి కపిల్ మిశ్రాలపై తక్షణమే ఎఫ్‌ఐఆర్ నమోదు చేయాలని ఆయన డిమాండ్ చేశారు.అయితే బొద్దింకల ద్వారా వ్యాపించే రోగాలపై ప్రజల్లో అవగాహన కల్పించేందుకే ఆ దిష్టిబొమ్మను దహనం చేసినట్లు ఈవెంట్ నిర్వాహకులు వివరణ ఇచ్చారు. ఓటర్ల జాబితాల సవరణకు సంబంధించి నిరసనలు తెలుపుతున్న ‘కాక్రోచ్ జనతా పార్టీ’ని ఉద్దేశించే ఈ పనిచేసినట్లు ప్రచారం జరగడంతో వివాదం మరింత రాజుకుంది. ఆప్ విమర్శలకు బీజేపీ నేత కపిల్ మిశ్రా ఘాటుగా కౌంటర్ ఇచ్చారు. దహనం చేసింది బొద్దింక దిష్టిబొమ్మనే అయినప్పటికీ దేశంలోని ‘రాజకీయ చెదపురుగులు’ బాధపడుతున్నాయని ఆయన ఎద్దేవా చేశారు. ప్రజల వద్ద వీటికి తగిన క్రిమిసంహారక మందు ఉందని, అశాంతికి చిహ్నమైన ఇలాంటి దేశ వ్యతిరేక శక్తుల పతనం తప్పదని ఆయన వ్యాఖ్యానించారు. ఇదీ చదవండి: రావణునితో పాటు ‘బొద్దింక’ దహనం.. దీప్కే కృతజ్ఞతలు!

దసరా పండుగ వచ్చిందంటే కొత్త బట్టలు, షాపింగ్, బహుమతులతో.. ఇంట్లో సందడి మొదలవుతుంది. ఆన్‌లైన్ షాపింగ్ సైట్లలో భారీ డిస్కౌంట్లు కనిపించడంతో చాలామంది అవసరానికి మించి ఖర్చు చేస్తుంటారు. క్రెడిట్ కార్డులు, లోన్స్ ద్వారా కొనుగోళ్లు చేయడం వల్ల.. తరువాత అప్పుల భారం పెరిగిపోతుంది. అందుకే.. పండుగను ఆనందంగా జరుపుకుంటూనే, మన ఆర్థిక పరిస్థితిని కూడా దృష్టిలో ఉంచుకోవాలి. ఇందుకోసం తప్పకుండా ఐదు నియమాలు పాటించడం మంచిది.50-30-20 బడ్జెట్ నియమంనెలవారీ ఆదాయాన్ని సరైన పద్ధతిలో విభజించుకోవడం చాలా ముఖ్యం. ఆదాయంలో 50 శాతం ఇంటి అద్దె, కిరాణా సరుకులు, ఈఎంఐలు వంటి అవసరాలకు, 30 శాతం షాపింగ్, వినోదం వంటి వ్యక్తిగత ఖర్చులకు, మిగిలిన 20 శాతం పొదుపు, పెట్టుబడులకు కేటాయించాలి. పండుగ సమయంలో కూడా ఈ బడ్జెట్‌ను దాటకుండా చూసుకోవాలి. డిస్కౌంట్లు ఉన్నాయని అవసరం లేని వస్తువులు కొనుగోలు చేయకుండా ఉంటే.. కొంత డబ్బు ఆదా అవుతుంది.క్రెడిట్ కార్డు వాడకంపై నియంత్రణపండుగ ఆఫర్ల సమయంలో.. క్రెడిట్ కార్డులతో కొనుగోళ్లు చేయడం సాధారణమే. కొనేటప్పుడు బాగానే ఉంటుంది, చెల్లించేటప్పుడు కష్టం అవ్వొచ్చు. కాబట్టి.. తిరిగి చెల్లించగలిగిన మొత్తానికి మాత్రమే క్రెడిట్ కార్డును ఉపయోగించడం మంచిది. క్రెడిట్ కార్డు పరిమితిలో 30 శాతం లోపే బకాయిని ఉంచుకోవడం మంచి అలవాటు. ఉదాహరణకు.. మీ కార్డు లిమిట్ రూ.3 లక్షలు ఉంటే, బకాయిని రూ.90 వేల లోపే ఉంచుకోవడానికి ప్రయత్నించాలి. బిల్లులను గడువులోగా చెల్లించడం వల్ల, అదనపు వడ్డీ భారం తగ్గడంతో పాటు క్రెడిట్ స్కోర్‌ తగ్గకుండా చూడవచ్చు.ఖర్చులకు ముందే బడ్జెట్ వేసుకోండిదసరా షాపింగ్‌కు వెళ్లే ముందే ఎంత ఖర్చు చేయాలనుకుంటున్నారో నిర్ణయించుకోవాలి. కొనాల్సిన వస్తువుల జాబితా తయారు చేసుకుని, నిజంగా అవసరమైన వాటికే ప్రాధాన్యత ఇవ్వండి. ఆఫర్లు కనిపిస్తున్నాయని వెంటనే కొనుగోలు చేయకుండా, ఆ వస్తువు అవసరమా కాదా అని ఆలోచించండి. ఖర్చు చేసిన ప్రతి రూపాయిని లెక్కలో ఉంచుకుంటే బడ్జెట్ దాటకుండా చూసుకోవచ్చు. పండుగ ముగిసే సమయానికి అప్పులు మిగలకుండా ఉండటమే లక్ష్యంగా పెట్టుకోవాలి.అత్యవసర నిధిని ఖర్చు చేయకండిఅనుకోకుండా వైద్య ఖర్చులు రావడం, ప్రమాదాలు జరగడం లేదా ఉద్యోగం కోల్పోవడం వంటి పరిస్థితులు ఎప్పుడైనా ఎదురుకావచ్చు. ఇలాంటి సమయాల్లో ఉపయోగపడేందుకు కనీసం మూడు నుంచి ఆరు నెలల కుటుంబ ఖర్చులకు సరిపడా డబ్బును అత్యవసర నిధిగా ఉంచుకోవాలి. ఉదాహరణకు.. నెలకు రూ.లక్ష ఖర్చవుతుంటే రూ.3 లక్షల నుంచి రూ.6 లక్షల వరకు ప్రత్యేకంగా దాచుకోవడం మంచిది. ఈ మొత్తాన్ని పండుగ షాపింగ్, బహుమతులు లేదా ఇతర అనవసర ఖర్చుల కోసం ఉపయోగించకూడదు.పొదుపు, పెట్టుబడులుఆదాయం వచ్చిన వెంటనే కొంత మొత్తాన్ని పొదుపు, పెట్టుబడుల కోసం పక్కన పెట్టుకోవడం మంచి అలవాటు. బ్యాంకు పొదుపు, ఫిక్స్‌డ్ డిపాజిట్లు, మ్యూచువల్ ఫండ్ SIPలు వంటి మార్గాల్లో మీ అవసరాలు, రిస్క్‌ను బట్టి పెట్టుబడులు పెట్టవచ్చు. వీలైతే నిర్ణయించిన మొత్తాన్ని ఆటోమేటిక్‌గా బదిలీ అయ్యేలా ఏర్పాటు చేసుకోండి. ఇలా చేయడం వల్ల క్రమం తప్పకుండా పొదుపు చేయగలుగుతారు. పండుగ ఖర్చుల కోసం దీర్ఘకాలిక పెట్టుబడులను ఆపేయడం లేదా వాయిదా వేయడం మంచిది కాదు.మొత్తం మీద.. దసరా పండుగను ఆనందంగా జరుపుకోవడానికి అనవసరంగా అప్పులు చేయాల్సిన అవసరం లేదు. ముందుగానే బడ్జెట్ వేసుకోవడం, క్రెడిట్ కార్డులను బాధ్యతగా ఉపయోగించడం, అత్యవసర నిధిని కాపాడుకోవడం, క్రమం తప్పకుండా పొదుపు చేయడం ద్వారా పండుగను ఆర్థిక ఒత్తిడి లేకుండా జరుపుకోవచ్చు. ఈ దసరా నుంచి మంచి ఆర్థిక అలవాట్లను ప్రారంభిస్తే భవిష్యత్తులో మీ కుటుంబ ఆర్థిక పరిస్థితి మరింత మెరుగుపడుతుంది.ఇదీ చదవండి: పండగ వేళ.. భారీగా తగ్గిన బంగారం ధర!

గుజరాత్‌లో నవరాత్రి వేడకలు గర్బా నృత్యాలతో కోలాహలంగా ఉంటాయి. కానీ అహ్మదాబాద్‌లోని షాహ్‌పూర్‌ మాత్రం ఇందుకు అత్యంత విభిన్నం. పురుషులు, స్త్రీలు అనే తారతమ్యం లేకుండా అందరు గర్బా నృత్యంలో పాల్గొంటారు. కానీ ఇక్కడ మాత్రం మగవాళ్లు స్త్రీల వేషధారణలో గర్బా నృత్యం ఆడటం విశేషం. ఇలా ఎందుకు చేస్తున్నారు?, ఈ ఆచారం వెనుక ఉద్దేశ్యం ఏంటి అంటే..దేవినవరాత్రులు ఒక్కోచోట ఒక్కో ఆచార వ్యవహారాలను పాటిస్తారు. కానీ అహ్మదాబాద్‌ మాత్రం ప్రాయశ్చిత్తం, క్షమాపణలsy అమ్మవారి వేడుకలు నిర్వహించడం విశేషం. ఇక్కడ మగవాళ్లు నవారాత్రుల్లోని ఎనిమిదవ రోజు మగవాళ్లు స్త్రీల వేషధారణలో గర్బా నృత్యం చేస్తారు. చిన్న పిల్లవాడి నుంచి అందరు చీరలు ధరించి ఈ గర్బా నృత్యంలో పాల్గొంటారు. ఈ ఆచారాన్ని 200 ఏళ్ల నాటి నుంచి పాటిస్తుండటం విశేషం. ఇంతకీ ఎందుకిలా అంటే..ఆచారం వెనుకున్న కథ..సుమారు 200 ఏళ్ల క్రితం 1872లో బరోట్‌ వంశానికి చెందిన సాధుమాత అత్యంత అందమైన మహిళ ఉండేది. ఆమె అందానికి మోహవశుడే అప్పటి పాలకుడు ఆమెను బలవంతంగా తీసుకురమ్మని సైనికులకు ఆదేశాలు పంపాడు. బరోట్‌ సమాజ సభ్యులు ఆమె ఇష్టానికి వ్యతిరేకంగా ఆమెను పంపించేందుకు ఇష్టపడకపోవడంతో. పెద్ద ఘర్షణ వాతావరణం ఏర్పడింది. చూస్తుండగానే అది కాస్తా తీవ్ర రూపం దాల్చింది. అది చూసి అందాల బొమ్మ తల్లిదండ్రలు కోపోద్రేకులై..ఇంత వినాశం కంటే తమ కూతురే చనిపోతే మంచిదని భావించారు. దాంతో ఆమె తల్లి మనసు రాయి చేసుకుని తన భర్తను పిలిచి ఒక్కవేటుతో కూతురుని హతమార్చమని చెబుతోంది. అలా సాధుమాత కన్నతల్లిదండ్రుల చేతుల్లోనే చనిపోతుంది. ఆనాటి నుంచి తమ కళ్లముందే పెరిగిన ఆమెను కాపాడుకోలేకపోయమనే బాధ బరోట్‌ వాసులను వెంటాడింది. అదీగాక ఆ అందాలరాశీ మరణానంతరం అక్కడ మగవాళ్లు, మగపిల్లలు చిన్న వయసులనే అకాలంగా మరణించడం ఎక్కువై వంశం క్షీణించిపోవడం ప్రారంభమైంది. ఆ సౌందర్యవతి శాపమే వెన్నాడుతుందని భావించారు అక్కడి ప్రజలు. దాంతో సాధుమాత గౌరవార్థం స్థాపించిన ‘సాదు మాత ని పోల్’ ఆలయ ప్రాంగణం వద్ద పురుషులంతా మగవాళ్ల అలంకరణలో గర్భా నృత్యం చేయడం ప్రారంభించారు. అప్పటి నుంచి మగవాళ్ల అకాల మరణాలు తగ్గిపోయాయి. దాంతో ప్రతి ఏడాది నవరాత్రి వేడుకల్లో ఎనిమిదో రోజున ఇలా సాదు మాత ని పోల్ స్త్రీల వేషధారణలో మగవాళ్లు గర్బా నృత్యం చేయడం ప్రారంభించారు. ఇది ఒకరకంగా ప్రాయశ్చిత్తం, క్షమాపణలు కోరుతూ చేసే ఆచారం. ఈ ఆచారం వెనుక స్త్రీల రక్షణను గుర్తు చేయడమే గాక, త్యాగం, క్షమాపణల విలువలను తెలియజేసే సంప్రదాయంగా చెప్పొచ్చు. విచిత్రం ఏంటంటే తరతరాలుగా అక్కడ బరోట్ వాసులు పాటించడం విశేషం. చదువుకుని వేరేప్రాంతాల్లో స్థిరపడినా..ఈ వేడుకు జరిగే సమయానికి తమ ప్రాంతానికి చేరుకుని ఈ సంప్రదాయన్ని పాటిస్తుంటారట. View this post on Instagram A post shared by Awesome Amdavad || Ahmedabad Previously || (@awesome.amdavad)ఇదీ చదవండి: నవరాత్రుల సమయంలోనే తెరుచుకునే అమ్మవారి ఆలయం..! రక్షగా నాగుపాము..

దసరా చివరకొచ్చేసింది. పండగ శుభాకాంక్షలు చెబుతూ తెలుగు కొత్త సినిమా టీమ్స్ పోస్టర్స్ రిలీజ్ చేశాయి. వీటిలో నాగచైతన్య వృషకర్మ, ప్రియదర్శి 'ఇడుపు కాయితం', శర్వానంద్ 'జార్జ్ క్రిష్', నితిన్ 'అలియాస్ రుక్మిణీ', కిరణ్ అబ్బవరం 'రియాలిటీ' తదితర చిత్రాలతో పాటు హుషారు 2, హైలెస్సో, బబ్లూ డబుల్‌ఎక్సెల్ చిత్రాలు ఉన్నాయి. సదరు పోస్టర్లపై మీరు ఓ లుక్కేసేయండి.(ఇదీ చదవండి: ఒకే ఫ్యామిలీలో వరస విషాదాలు.. ఏడాదిలో ముగ్గురు కన్నుమూత)

పండగపూట బంగారం ధరలు భారీగా తగ్గాయి. దీంతో 24 క్యారెట్ల 10 గ్రాముల బంగారం రేటు రూ.147170 వద్దకు చేరింది. 22 క్యారెట్ల ధర కూడా గణనీయంగా తగ్గింది. దేశంలోని ప్రధాన నగరాల్లో ఈ రోజు (మంగళవారం) గోల్డ్ రేటు ఎలా ఉందో ఈ కింద చూసేద్దాం.

ప్రముఖ టాలీవుడ్ నేపథ్య గాయకుడు, ఆస్కార్ అవార్డు గ్రహీత రాహుల్ సిప్లిగంజ్ దసరా సందర్భంగా కొత్త లగ్జరీ కారును సొంతం చేసుకున్నారు. టెస్లా (Tesla) కారు ఇంటికి తెచ్చుకున్నామంటూ రాహుల్‌ స్వయంగా ఇన్‌స్టాలో వెల్లడించారు. తన భార్య హరిణ్యతో కలిసి ఫోజులిచ్చిన ఫోటోలను షేర్‌ చేశారు. దీంతో ఫ్యాన్స్‌ ఈ దంపతులకు శుభాకాంక్షలు అందిస్తున్నారు."భగవంతుడి ఆశీస్సులతో ఈ ప్రత్యేక సందర్భంలో కొత్త వాహనం" (A New Vahanam on this special occasion) అంటూ ఇన్‌స్టాలో పోస్ట్‌ చేశారు. దీనిపై నెటిజన్లు అభినందలు తెలిపారు. కాగా రాహుల్ గ్యారేజ్‌లో ఇప్పటికే మెర్సిడెస్ బెంజ్, వోల్వో వంటి లగ్జరీ కార్లు ఉన్నాయి. రాహుల్ సిప్లిగంజ్ తన ప్రేయసి హరిణ్యను గత ఏడాది నవంబర్ 27న పెళ్లాడిన సంగతి తెలిసిందే. ఇదీ చదవండి: టీవీకేకు రూ.13.3 కోట్ల విరాళాలు, 99 శాతం ఆ ఇద్దరి నుంచే! View this post on Instagram A post shared by Rahul Sipligunj (@sipligunjrahul) ఇదీ చదవండి: నీటి బుడగ జీవితం గురించి బోధిస్తుండగానే ప్రాణం పోయింది!

లక్నో: ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ మహానవమి సందర్భంగా సోమవారం గోరఖ్‌పూర్‌లోని గోరఖ్‌నాథ్‌ ఆలయంలో కన్యాపూజ నిర్వహించారు. చిన్నారుల పాదాలను కడిగి, పూజలు చేసి, వారికి దుస్తులు, ప్రసాదం, దక్షిణ సమర్పించారు. బాలికలను శక్తి స్వరూపిణులుగా భావించి ఈ ఆచారాన్ని నిర్వహించారు. ఈ సందర్భంగా రాష్ట్ర ప్రజలు విజయదశమి వేడుకలను ఉత్సాహంగా జరుపుకోవాలని, అదే సమయంలో భద్రతను విస్మరించవద్దని యోగి ఆదిత్యనాథ్‌ సూచించారు. ప్రజలకు శాంతి, సౌభాగ్యం కలగాలని యోగి ఆకాంక్షించారు. దేశవ్యాప్తంగా భక్తిశ్రద్ధలతో జరుగుతున్న తొమ్మిది రోజుల శరన్నవరాత్రి ఉత్సవాల్లో భాగంగా ఈ పూజ నిర్వహించారు. నవరాత్రుల్లో దుర్గాదేవి తొమ్మిది రూపాలను ఆరాధించడం సంప్రదాయం.విజయదశమి వేడుకలపై యోగి ఆదిత్యనాథ్‌ ప్రజలకు సందేశమిస్తూ.. “రాష్ట్రంలోని ప్రతి ఒక్కరికీ నా విజ్ఞప్తి ఒక్కటే. పండుగను ఉత్సాహంగా జరుపుకోవాలి. అయితే వేడుకల సందడిలో భద్రతను నిర్లక్ష్యం చేయకూడదు. ఈ విషయాన్ని మనం గుర్తుంచుకోవాలి. చెడులు, దుర్గుణాల నుంచి విముక్తి పొందాలనే సందేశాన్ని కూడా విజయదశమి అందిస్తుంది” అని పేర్కొన్నారు. కన్యాపూజ ప్రాధాన్యంసనాతన సంప్రదాయాన్ని అనుసరించేవారికి కన్యాపూజ ఎంతో ప్రాముఖ్యమైనదని ముఖ్యమంత్రి వివరించారు. శరన్నవరాత్రుల్లోని నవమి తిథి సందర్భంగా జగజ్జనని భగవతీదేవి తొమ్మిదో రూపాన్ని ఆరాధిస్తారని తెలిపారు. ఆ రూపం భక్తులకు అన్ని రకాల సిద్ధులను ప్రసాదిస్తుందని సంప్రదాయ విశ్వాసమని చెప్పారు. వివాహం కాని బాలికలను పూజించడం ద్వారా మాతృశక్తిపై భక్తులు తమ గౌరవాన్ని చాటుకుంటారని వివరించారు.గోరఖ్‌నాథ్‌ ఆలయంలో కన్యాపూజ నిర్వహించే పవిత్ర సంప్రదాయంలో పాల్గొనే అవకాశం లభించడం తన అదృష్టమని యోగి ఆదిత్యనాథ్‌ అన్నారు. బాలికలకు పూజలు చేయడంతోపాటు సామూహిక విందు అయిన భండారాను ఏర్పాటు చేసినట్లు తెలిపారు. సనాతన సంప్రదాయంలో మాతృశక్తికి అత్యున్నత స్థానం ఉందని ఆయన పేర్కొన్నారు. ఏడాదిలో రెండుసార్లు నిర్వహించే వసంత నవరాత్రులు, శరన్నవరాత్రుల సందర్భంగా భగవతీదేవిని ఆరాధించడంతోపాటు మాతృశక్తిపై భక్తిని చాటుకుంటారని వివరించారు.దుర్గాపూజను దుర్గోత్సవం లేదా శారదోత్సవం అని కూడా పిలుస్తారు. మహిషాసురుడిపై దుర్గాదేవి సాధించిన విజయానికి గుర్తుగా ఈ పండుగను నిర్వహిస్తారు. నవరాత్రుల ముగింపులో వచ్చే విజయదశమి పదో రోజుగా ప్రసిద్ధి చెందింది. పండుగల సమయంలో భక్తి, ఉత్సాహంతోపాటు భద్రతకు ప్రాధాన్యం ఇవ్వాలన్న యోగి ఆదిత్యనాథ్‌ సూచన ఈ వేడుకల నేపథ్యంలో ప్రాధాన్యం సంతరించుకుంది. उत्तर प्रदेश के मुख्यमंत्री योगी आदित्यनाथ ने नवमी के शुभ अवसर पर गोरखपुर में कन्या पूजन किया। इस दौरान उन्होंने कन्याओं के पूजन के साथ उनका आशीर्वाद लिया। #YogiAdityanath #Mahanavami #KanyaPujan #ShardiyaNavratri #Gorakhpur https://t.co/IdetabtaHT— डीडी न्यूज़ (@DDNewsHindi) October 19, 2026

న్యూఢిల్లీ: ఈ ఏడాది దసరా (విజయదశమి) పండుగ తేదీ విషయంలో ప్రజల్లో కొంత అయోమయం నెలకొంది. ఆశ్వయుజ శుక్ల దశమి తిథి రెండు రోజుల పాటు రావడమే ఇందుకు ప్రధాన కారణం. ఉత్తర భారతదేశం, ఢిల్లీ తదితర ప్రాంతాల్లో అక్టోబర్ 20న దసరా వేడుకలు జరుపుకోవడానికి ప్రాధాన్యత ఇస్తుండగా, పశ్చిమ బెంగాల్‌లో దుర్గా పూజ సంప్రదాయాలు, సిందూర్‌ ఖేల్‌ విగ్రహ నిమజ్జనాల ప్రకారం అక్టోబర్ 21న విజయదశమి నిర్వహిస్తున్నారు.పంచాంగం లెక్కల ప్రకారం దశమి తిథి అక్టోబర్ 20 మధ్యాహ్నం ప్రారంభమై, అక్టోబర్ 21 మధ్యాహ్నం వరకు కొనసాగుతుంది. పూజలు నిర్వహించడానికి అక్టోబర్ 20 మధ్యాహ్నం విజయ ముహూర్తం అత్యంత శ్రేష్ఠమైనదిగా పండితులు పేర్కొన్నారు. ఉత్తర భారతదేశంలో రామ్‌లీలా ముగింపు సందర్భంగా రావణ, కుంభకర్ణ, మేఘనాథుల దిష్టిబొమ్మల దహనాన్ని అక్టోబర్ 20 సాయంత్రం సూర్యాస్తమయం తర్వాత స్థానిక వేడుకల ఏర్పాట్ల ఆధారంగా చేపట్టనున్నారు.చెడుపై మంచి సాధించిన విజయానికి ప్రతీకగా జరుపుకునే ఈ పండుగ రోజున ఆయుధ పూజ, వాహనాలు, వృత్తి పనిముట్లకు పూజలు చేయడం ఆచారంగా వస్తోంది. వ్యాపారులు లెక్కల పుస్తకాలకు పూజలు చేస్తారు. వీటితో పాటు శమీ (జమ్మి) వృక్షాన్ని పూజించడం ద్వారా విజయం, సౌభాగ్యం లభిస్తాయని ప్రజలు విశ్వసిస్తారు. ఇదీ చదవండి: తమిళనాట ​వర్ష బీభత్సం.. చెన్నై సహా పలు జిల్లాలకు ‘ఆరెంజ్ అలర్ట్’

ఉత్తరప్రదేశ్‌ రాజధాని లక్నోలో దసరా పండుగకు ముందు ఏర్పాటు చేసిన వివాదాస్పద పోస్టర్లు చర్చనీయాంశంగా మారాయి. భారత వ్యతిరేకులుగా పేర్కొన్న పలువురు రాజకీయ నాయకులు, అంతర్జాతీయ ప్రముఖుల ముఖాలను రావణుడి పది తలల్లో భాగంగా చిత్రించారు. వీరిలో అమెరికా వ్యాపారవేత్త, టెస్లా అధిపతి ఎలాన్‌ మస్క్‌ కూడా ఉండటం గమనార్హం.‘భారత్‌ విరోధి దశానన్‌ రావణ్‌’ అనే శీర్షికతో ఈ పోస్టర్లను రూపొందించారు. ఉత్తరప్రదేశ్‌లోని లక్నో నగరంలోని పలు కూడళ్ల వద్ద సనాతన్‌ రక్షా సంఘటన్‌ అనే సంస్థ వీటిని ఏర్పాటు చేసినట్లు సమాచారం. భారత ప్రయోజనాలను వ్యతిరేకిస్తున్నారని భావిస్తున్న వ్యక్తులను ఈ పోస్టర్లలో చూపించారు.రావణుడి ముఖాలుగా ఎవరెవరు?రామాయణంలో పది తలల రావణుడి రూపాన్ని ఆధారంగా చేసుకుని ఈ చిత్రాలను రూపొందించారు. దసరా సందర్భంగా రావణుడి దిష్టిబొమ్మలను దహనం చేయడం సంప్రదాయంగా వస్తోంది. ఈ నేపథ్యంలో వివిధ రంగాలకు చెందిన ప్రముఖులను రావణుడి రూపంలో చూపించారు.గ్యాంగ్‌స్టర్‌గా, రాజకీయ నాయకుడిగా పేరొందిన అతిక్‌ అహ్మద్‌ను రావణుడిగా చిత్రించారు. కాంగ్రెస్‌ నాయకుడు రాహుల్‌ గాంధీ, సమాజ్‌వాదీ పార్టీ అధినేత అఖిలేశ్‌ యాదవ్‌, ముఖ్తార్‌ అన్సారీ, అమెరికా బిలియనీర్‌ ఎలాన్‌ మస్క్‌, అమెరికా కాంగ్రెస్‌ సభ్యురాలు ఇల్హాన్‌ ఒమర్‌, బంగ్లాదేశ్‌కు చెందిన మహమ్మద్‌ యూనస్‌, పెట్టుబడిదారుడు జార్జ్‌ సోరోస్‌, న్యాయవాది ప్రశాంత్‌ భూషణ్‌ ముఖాలను కూడా పోస్టర్లలో చేర్చారు.టెస్లా, స్పేస్‌ఎక్స్‌ సంస్థలకు నాయకత్వం వహిస్తున్న మస్క్‌ ఇటీవల మరో కారణంతోనూ అంతర్జాతీయంగా వార్తల్లో నిలిచారు. టెస్లా రెండో తరం రోడ్‌స్టర్‌ స్పోర్ట్స్‌ కారును ఆయన గురువారం టెక్సాస్‌లోని స్పేస్‌ఎక్స్‌ పరీక్షా కేంద్రంలో ప్రదర్శించారు. ఆ ప్రదర్శనలో కారు వంపుగా ఉన్న ఎత్తైన ర్యాంప్‌పైకి ఎక్కి, తలకిందులుగా ప్రయాణించి, గాల్లోకి ఎగిరి, తిరిగి సురక్షితంగా దిగింది.టెక్‌క్రంచ్‌ కథనం ప్రకారం.. టెస్లా వాహన ఇంజినీరింగ్‌ విభాగాధిపతి లార్స్‌ మొరావీ వివరించిన మేరకు, కారును కొద్దిసేపు గాల్లోకి లేపి తిప్పేందుకు 600 లీటర్ల సంపీడిత గాలితో అనుసంధానించిన 10 థ్రస్టర్లను ఉపయోగిస్తున్నారు. అయితే, ఈ ప్రదర్శనతో కారు ఎక్కువసేపు గాల్లో ఎగరగలదని నిరూపితం కాలేదు.2017లో ప్రకటించిన ఈ కారు ఉత్పత్తిని 2028లో ప్రారంభిస్తామని మస్క్‌ చెబుతున్నారు. పనితీరు, థ్రస్ట్‌, రాకెట్‌ అనే మూడు నమూనాలను టెస్లా ప్రతిపాదించింది. వీటిలో మొదటి రెండు నమూనాలకు వరుసగా 50,000 డాలర్లు, 250,000 డాలర్ల ముందస్తు డిపాజిట్లతో బుకింగ్‌లు స్వీకరిస్తున్నారు. అదనపు థ్రస్టర్లు కలిగిన సింగిల్‌ సీటర్‌ రాకెట్‌ నమూనాను ఆహ్వానం ద్వారా మాత్రమే అందిస్తున్నారు. తుది విక్రయ ధరలను సంస్థ ఇంకా ప్రకటించలేదు.ఇదీ చదవండి: ఏపీలో ముగిసిన మున్సిపల్‌ ఎన్నికల నామినేషన్ల గడువు

కొన్ని శక్తిపీఠాల్లో దసరా నవరాత్రుల సందర్భంగా అరుదైన ఆచారాలను పాటిస్తారు. దసరా సందర్భంగా వివిధ ప్రాంతాల్లో కొన్ని విలక్షణమైన ఆచారాలను పాటిస్తారు. అలాంటి కొన్ని అరుదైన దసరా ఆచారాలు...అన్ని ప్రాంతాల్లోనూ దసరా వేడుకలను పదిరోజులు జరుపుకొంటారు. ఛత్తీస్‌గఢ్‌లోని బస్తర్‌లో మాత్రం దసరా వేడుకలను ఏకంగా డెబ్బయి ఐదు రోజుల పాటు జరుపుకొంటారు. ‘బస్తర్‌ దసరా’ అత్యంత సుదీర్ఘ దసరా వేడుకగా ప్రసిద్ధి పొందింది. ఈ ఆచారం పదిహేనో శతాబ్ది తొలినాళ్ల నుంచి ఇక్కడ కొనసాగుతోంది. కాకతీయ వంశానికి చెందిన పురుషోత్తమ దేవుడి కాలంలో 1408 నుంచి ఇక్కడ డెబ్బయి ఐదు రోజుల దసరా వేడుకలు మొదలయ్యాయని చెబుతారు. ఈ రోజుల్లో ఇక్కడ ఉన్న దంతేశ్వరీ ఆలయం వద్దకు చుట్టుపక్కల ఉన్న గ్రామదేవతలను ఊరేగింపుగా తీసుకువస్తారు. ఈ సందర్భంగా స్థానిక రాజవంశీకులతో గిరిజన నాయకులు, స్థానిక ప్రజలు సమావేశమవుతారు. ఈ సమావేశాన్ని ‘మురియా దర్బార్‌’ అంటారు. నవరాత్రుల చివరి రోజుల్లో భారీ కలపతో తయారుచేసిన రథాన్ని అడవిలో ఊరేగించడం ఇక్కడి ప్రత్యేకత. తమిళనాడు కులశేఖరపట్నంలో ఉన్న ముత్తారమ్మ ఆలయంలో దసరా నవరాత్రులలో ప్రత్యేక పూజలు జరపడమే కాకుండా, భక్తులు రకరకాల వేషాలు ధరిస్తారు. వేషాలతో వీథుల్లో సంచరిస్తూ భిక్షాటన చేసి, వచ్చిన డబ్బును అమ్మవారికి సమర్పిస్తారు. ఒడిశాలోని పూరీలో దసరా నవరాత్రుల సందర్భంగా ‘గొసాని’ జాతర జరుపుతారు. ఈ జాతరలో భాగంగా వీథుల్లో మహిషాసురమర్దని రూపంలో అమ్మవారి భారీ విగ్రహాలను ఏర్పాటు చేస్తారు. ముగింపు రోజున ఈ విగ్రహాలను జగన్నాథ ఆలయ సింహద్వారం వద్దకు తీసుకువచ్చి, పూజలు జరిపిన తర్వాత సముద్రంలో నిమజ్జనం చేస్తారు. కోల్‌కతాలో నవరాత్రి వేడుకలు ముగిశాక అమ్మవారి విగ్రహాలను నిమజ్జనానికి తరలించే ఊరేగింపులో మహిళలు ‘సిందూర్‌ ఖెళా’ ఆడతారు. ఈ వేడుక హోలీ పండుగను తలపిస్తుంది. ఊరేగింపులో పాల్గొనే మహిళలు ఒకరికొకరు ముఖాలకు సిందూరం పూసుకుంటారు. హిమాచల్‌ప్రదేశ్‌లోని కులులో దసరా వేడుకలు విభిన్నంగా జరుగుతాయి. మిగిలిన ప్రాంతాల్లో దసరా వేడుకలు విజయదశమితో ముగుస్తాయి. ఇక్కడ మాత్రం విజయదశమి రోజు నుంచే అసలు వేడుకలు మొదలవుతాయి. ఈ వేడుకలు ‘కులు దసరా’గా పేరు పొందాయి. కులు ప్రజలు ‘రఘునాథ్‌ జీ’గా శ్రీరాముడిని ప్రధానదైవంగా ఆరాధిస్తారు. దసరా రోజు నుంచి వారం రోజుల పాటు స్థానిక దేవతలను కులుమైదానంలో కొలువుదీర్చిన రఘునాథ్‌జీ వద్దకు ఊరేగింపుగా తీసుకువచ్చి జాతర జరుపుతారు. భారత ఉపఖండ ప్రాంతంలోనే కాకుండా, ప్రపంచవ్యాప్తంగా దసరా వేడుకలను హిందువులు ఘనంగా జరుపుకొంటారు. ఒక్కో ప్రాంతంలో వేడుకలు ఒక్కో తీరులో జరుగుతాయి. ఒక్కో ఆలయంలో ఒక్కోరకమైన వేడుకలు నిర్వహిస్తారు. ఒక్కో శక్తిపీఠంలో ఒక్కో రకమైన విలక్షణ ఆచారాలను పాటిస్తారు. ఆచార భేదాలు ఎన్ని ఉన్నా, అందరూ జగన్మాతను శక్తి స్వరూపంగానే ఆరాధిస్తారు. దసరావేడుకల్లో సర్వం శక్తిమయంగా కనిపిస్తుంది.ఇదీ చదవండి: అలా మొదలైంది..!∙ 1757... ఓ కార్నివాల్‌..

సృష్టి స్థితి లయలకు మూలం ఆదిపరాశక్తి. ఆమె జగజ్జనని. ఆమె సమస్త భువనాలకు అధినాయిక; సమస్త ప్రాణికోటికి అభయప్రదాత. జగన్మాత ఆరాధన అనాదిగా ఉంది. రాతియుగం నాటి ఆధారాలు ఇందుకు సాక్ష్యాలుగా నిలుస్తున్నాయి. సింధులోయ నాగరికత కాలంలో ‘లోకమాత’ ఆరాధన ఉండేది. వేదకాలంలో ఈ ఆరాధన మరికొంత వ్యాపించింది. ఋగ్వేదంలోని ‘దేవీసూక్తం’ జగన్మాత స్తోత్రమే! శరదృతు ప్రారంభంలో వచ్చే ఆశ్వయుజ శుక్లపక్ష పాడ్యమి నుంచి దశమి వరకు జగన్మాతను ఆరాధిస్తూ శరన్నవరాత్రులను జరుపుకొంటారు. చివరిరోజైన దశమినాడు దసరా పండుగ జరుపుకొంటారు. అందుకే వీటిని దసరా నవరాత్రులని కూడా అంటారు. భారత ఉపఖండంలో పలు శక్తిపీఠాలు ఉన్నాయి. వాటిలో ముఖ్యంగా పద్దెనిమిది శక్తిపీఠాలు ఉన్నాయి. ఇవి అత్యంత ప్రసిద్ధమైనవి. ‘తంత్ర చూడామణి’, ‘పీఠనిర్ణయ’ వంటి శాక్తేయ తంత్రశాస్త్ర గ్రంథాల ప్రకారం యాభైఒక్క శక్తిపీఠాలు ఉన్నాయి. ‘దేవీ భాగవతం’ ప్రకారం నూట ఎనిమిది శక్తిపీఠాలు ఉన్నాయి. నవరాత్రుల సందర్భంగా కొన్ని అరుదైన శక్తిపీఠాల గురించి, అరుదైన ఆచారాల గురించి తెలుసుకుందాం...శక్తిపీఠాల ఆవిర్భావంశక్తిపీఠాల ఆవిర్భావానికి మూలం పురాణాల్లోని ‘దక్షయజ్ఞం’ కథనంలో ఉంది. దక్షప్రజాపతి గొప్ప యజ్ఞాన్ని తలపెట్టాడు. ఆ యజ్ఞానికి ముక్కోటి దేవతలను, ఋషులను ఆహ్వానించాడు కాని, తన అల్లుడైన శివుడిని, కూతురైన సతీదేవిని ఆహ్వానించలేదు. పుట్టింటి మీద మమకారంతో పిలవకపోయినా యజ్ఞానికి వెళతానని సతీదేవి పట్టుబట్టింది. శివుడు వారిస్తున్నా, వినకుండా ఆమె ఒంటరిగా తండ్రి తలపెట్టిన యజ్ఞానికి వెళ్లింది. యజ్ఞానికి వచ్చిన కన్నకూతురిని దక్షుడు కనీసం పలకరించలేదు. దక్షుడికి భయపడి తల్లి కూడా ఆమెను దగ్గరకు తీసుకోలేదు. యజ్ఞంలో దక్షుడు దేవతలందరికీ హవిర్భాగాలు ఇచ్చి, శివుడికి మాత్రం ఇవ్వలేదు. శివుడికి హవిర్భాగం ఎందుకు ఇవ్వలేదని సతీదేవి నిలదీసింది. కూతురు తనను ప్రశ్నించడంతో దక్షుడు ఆగ్రహోదగ్రుడయ్యాడు. శివుడు శ్మశానవాసి, దిగంబరుడు, మెడలో కపాలమాల ధరిస్తాడు. భూతప్రేత పిశాచాలకు నాయకుడు. అలాంటివాడికి కూతురును ఇచ్చి తప్పు చేశానని, అమంగళుడైన శివుడికి యజ్ఞంలో హవిర్భాగం ఇచ్చి, మరో తప్పు చేయనని నిందించాడు. దక్షుడు శివుడిని దూషిస్తున్నా, దేవతలు, ఋషులు ఎవరూ అతడిని వారించలేదు. ఈ అవమానాన్ని తట్టుకోలేక సతీదేవి యాగాగ్నిలో ప్రాణత్యాగం చేసింది. సతీదేవి మరణవార్త విని శివుడు దుఃఖావేశాలతో ఊగిపోయాడు. తన జటాజూటం నుంచి ఒక జటను తీసి నేలకేసి కొట్టాడు. దాని నుంచి వీరభద్రుడు, భద్రకాళి ఉద్భవించారు. శివుడి ఆజ్ఞతో వీరభద్రుడు ప్రమధగణాలను వెంటబెట్టుకుని వెళ్లి, దక్షయజ్ఞంపై ఉప్పెనలా విరుచుకు పడ్డాడు. యజ్ఞవాటికలో పెను బీభత్సం సృష్టించి, దక్షుడి తలనరికేశాడు. దక్షుడి తల ఎగిరివెళ్లి యజ్ఞకుండంలో పడి దగ్ధమైపోయింది. ఈ బీభత్సానికి దేవతలు, ఋషులు హాహాకారాలు చేశారు. బ్రహ్మాది దేవతలు శివుడి వద్దకు వెళ్లి, ప్రార్థించారు. శివుడు శాంతించాడు. దేవతల కోరికపై దక్షుడిని పునర్జీవితుణ్ణి చేశాడు. అప్పటికే అతడి తల కాలిపోవడంతో దేవతలు అతడికి మేకతలను అమర్చారు. సతీవియోగ దుఃఖాన్ని భరించలేని శివుడు, ఆమె మృతదేహాన్ని తన భుజాలపై వేసుకుని, విశ్వమంతటా సంచరిస్తూ రుద్రతాండవం చేయడం ప్రారంభించాడు. శివుడి రౌద్రానికి సృష్టి అంతమయ్యే పరిస్థితి ఏర్పడింది. దేవతలు ఆందోళన చెందారు. వారంతా వెంటనే విష్ణువు వద్దకు వెళ్లి మొరపెట్టుకున్నారు. సతీదేవి శరీరం ఉన్నంత వరకు శివుడు సాధారణ స్థితిలోకి రాడని భావించిన విష్ణువు తన సుదర్శన చక్రాన్ని ప్రయోగించి, సతీదేవి శరీరాన్ని ఖండించాడు. సతీదేవి శరీర భాగాలు చెల్లాచెదురుగా నేల మీద పడ్డాయి. అవి పడిన ప్రదేశాల్లో శక్తిపీఠాలు వెలిశాయి.అరుదైన శక్తిపీఠాలువేదకాలంలో వ్యాప్తి మొదలైన శాక్తేయం పురాణయుగం నాటికి పూర్తిస్థాయి తాత్త్విక మార్గంగా రూపాంతరం చెందింది. ఆదిశంకరుల కాలానికి శాక్తేయం దక్షిణాచార, వామాచార మార్గాలుగా విభజన పొందింది. ఆదిశంకరాచార్యులు కొన్ని శక్తిపీఠాలలో శ్రీచక్ర స్థాపన చేయడం ద్వారా తాంత్రిక రూపంగా ఉన్న శాక్తేయానికి సాత్విక రూపాన్ని కల్పించారు. ఆదిశంకర విరచిత స్తోత్రం ప్రకారం అష్టాదశ శక్తిపీఠాలను అత్యంత ప్రధానమైనవిగా పరిగణిస్తారు. ఇవి మాత్రమే కాకుండా, కొన్ని అరుదైన శక్తిపీఠాలు కూడా ఉన్నాయి. వాటిలో విలక్షణమైన ఆచార సంప్రదాయాలు నేటికీ కొనసాగుతున్నాయి. అలాంటి కొన్ని అరుదైన శక్తిపీఠాల విశేషాలు...విమలా పీఠంవిమలాదేవి శక్తిపీఠం ఒడిశాలోని పూరీ క్షేత్రంలో ఉంది. పూరీలోని జగన్నాథ ఆలయ ప్రాంగణంలోనే నైరుతి దిశలో రోహిణీ కుండానికి సమీపంలో విమలాదేవి ఆలయం ఉంది. సతీదేవి నాభి భాగం ఇక్కడ పడిందని దేవీభాగవత కథనం. పూరీ జగన్నాథుడిని దర్శించుకోవడానికి వచ్చిన భక్తులు ముందుగా విమాలాదేవిని దర్శించుకోవడం ఇక్కడి ఆచారం. అంతేకాదు, ప్రతిరోజూ జగన్నాథుడికి సమర్పించే ఛప్పన్న నైవేద్యాలను ముందుగా విమలాదేవికి నివేదిస్తారు. విమలాదేవికి నివేదించిన తర్వాతే ఈ నైవేద్యం ‘మహాప్రసాదం’గా మారుతుందని నమ్ముతారు. పూరీలోని జగన్నాథ ఆలయంలో వైష్ణవ సంప్రదాయం ప్రకారం శాకాహార నైవేద్యాలను సమర్పిస్తారు. దసరా నవరాత్రులలోని సప్తమి, అష్టమి, నవమి రోజుల్లో మాత్రం వేకువ జామున విమలాదేవికి మత్స్య మాంస నైవేద్యాలను రహస్యంగా సమర్పిస్తారు. జగన్నాథ ఆలయం తెరిచి, ప్రాతః హారతి ఇచ్చేలోపునే ఈ తతంగాన్ని ముగిస్తారు. దసరా నవరాత్రుల సమయంలో విమలాదేవి ఉగ్రరూపంలో ఉంటుందని చెబుతారు. అందువల్ల ఈ రోజుల్లో అమ్మవారి దర్శనానికి మహిళలను అనుమతించరు.తారా పీఠంతారాదేవి శక్తిపీఠం పశ్చిమబెంగాల్‌లోని బీర్‌భూమ్‌ జిల్లా రాంపుర్‌హాట్‌ సమీపంలో ద్వారకానది ఒడ్డున ఉంది. తారాదేవి ఆలయంలో అత్యంత అరుదైన తాంత్రిక ఆచారాలు ఉన్నాయి. మహాశ్మశాన తంత్ర సాధనకు ఈ శక్తిపీఠం ప్రసిద్ధి పొందింది. సతీదేవి మూడో కన్ను ఇక్కడ పడిందని పురాణాల కథనం. ఆధునిక కాలంలో బామఖ్యాపగా పేరుపొందిన బామచరణ ఛటోపాధ్యాయ అనే సాధువు ఇక్కడ తారాదేవి సాధన చేసి, సిద్ధి పొందినట్లు ప్రతీతి. తారాపీఠం గర్భగుడిలో రెండు విగ్రహాలు ఉంటాయి. ఒకటి భక్తులకు నేరుగా కనిపించే శిలా విగ్రహం. ఇది శివుడికి పాలిస్తున్న తల్లిగా కనిస్తుంది. దీని వెనుకనే మూడడుగుల లోహ విగ్రహం తారాదేవి ఉగ్రరూపంలో ఉంటుంది. లోహవిగ్రహంపై నిత్యం ఎర్రని సిందూరాన్ని పూసి ఉంచుతారు. ఈ శక్తిపీఠంలో కొబ్బరికాయలు, పండ్లు వంటి వాటితో పాటు మద్య, మాంస నైవేద్యాలను నిత్యం సమర్పిస్తారు. ఈ ఆలయ ప్రాంగణంలో యాభైఒక్క శక్తిపీఠాల ప్రతిరూపాలు కూడా ఉన్నాయి.దక్షిణకాళీ పీఠందక్షిణకాళీ శక్తిపీఠం పశ్చిమబెంగాల్‌ రాజధాని కోల్‌కతాలోని కాళీఘాట్‌ ప్రాంతంలో ఉంది. హుగ్లీ నదీతీరంలో వెలసిన ఈ శక్తిపీఠంలో దక్షిణకాళిని భక్తులు ‘భవతారిణి’గా– అంటే, భవసాగరాన్ని దాటించే దేవతగా కొలుస్తారు. సతీదేవి కుడికాలి వేళ్లు ఈ ప్రదేశంలో పడ్డాయని పురాణ కథనం. ఈ ఆలయంలో కాళికాదేవి నల్లరాతి విగ్రహం ఉగ్రరూపంలో పెద్ద కళ్లతో, బయటకు చాపిన బంగారు నాలుకతో దర్శనమిస్తుంది.ఈ ఆలయంలో అరుదైన ఆచారాలు అమలులో ఉన్నాయి. ప్రతినెలా అమావాస్య రోజున ఈ ఆలయంలో ప్రత్యేక హోమాలు, రహస్య పూజలు చేస్తారు. అమ్మవారికి ఎరుపురంగు వస్త్రాలు, గాజులు సమర్పిస్తారు. ప్రతిరోజూ మధ్యాహ్న వేళ మాంస నైవేద్యాన్ని సమర్పిస్తారు. ఈ నైవేద్యం కోసం ప్రత్యేకంగా ఉల్లి, వెల్లుల్లి ఉపయోగించకుండా, అల్లం దట్టించి నేతితో వండిన మేకమాంసం వంటకాలను అమ్మవారికి నివేదిస్తారు. దసరా నవరాత్రి వేడుకలు, కాళికాపూజ పర్వదినం సందర్భంగా ఈ శక్తిపీఠంలో ప్రత్యేక పూజలు, హోమాలు జరుపుతారు.త్రిపురసుందరీ పీఠంత్రిపురసుందరీ శక్తిపీఠం త్రిపురలోని ఉదయపూర్‌లో ఉంది. ఈ శక్తిపీఠంలో అమ్మవారి విగ్రహం కూర్మపీఠంపై కనిపిస్తుంది. ఈ ఆలయం వెనుక ‘కల్యాణసాగర్‌’ అనే పెద్దచెరువు ఉంటుంది. అందులో వందలాది ఏళ్లనాటి తాబేళ్లు పెద్ద సంఖ్యలో ఉంటాయి. సతీదేవి ఎడమకాలి చిటికెన వేలు ఇక్కడ పడిందని పురాణ కథనం. త్రిపురసుందరీ దేవిని ఇక్కడి స్థానికులు త్రిపురేశ్వరిగా, మాతాబరిగా కొలుస్తారు. ఇక్కడ అమ్మవారికి దూద్‌పెడా వంటి సాత్విక నైవేద్యాలతో పాటు నిత్యం మాంస నైవేద్యాలను కూడా సమర్పిస్తారు. ఇక్కడ గర్భగుడిలో రెండు విగ్రహాలు ఉంటాయి. ఒకటి త్రిపురసుందరీ దేవి పెద్ద రాత్రి విగ్రహం, మరొకటి చిన్నరాతి విగ్రహం. చిన్నరాతి విగ్రహాన్ని భక్తులు ‘ఛొటొ మా’– అంటే, చిన్నతల్లిగా పూజిస్తారు. ఇక్కడ అమ్మవారిని షోడశి రూపంలో ఆరాధిస్తారు. ఆలయ ప్రాంగణంలో ప్రతిరోజూ మధ్యాహ్న నైవేద్యం కోసం జంతుబలులు జరుగుతాయి. భక్తులు ఈ ఆలయంలో పూజలు జరిపాక ఆలయం వెనుకనే ఉన్న కల్యాణసాగర్‌ చెరువులోని తాబేళ్లకు పేలాలు తినిపించడం ఆచారంగా వస్తోంది. స్థానిక జమాతియా తెగకు చెందిన గిరిజనులు ఏటా తమ గరియా పూజ వేడుకకు ముందుగా ఇక్కడి అమ్మవారిని దర్శించుకోవడం ఆచారంగా కొనసాగుతోంది. దసరా నవరాత్రులతో పాటు దీపావళి రోజున ఇక్కడ కాళీపూజ సందర్భంగా ప్రత్యేక హోమాలు, పూజలు జరుపుతారు.జ్వాలాముఖి పీఠంజ్వాలముఖి శక్తిపీఠం హిమాచల్‌ ప్రదేశ్‌ కాంగ్రా జిల్లాలోని శివాలిక్‌ పర్వతశ్రేణులపై ఉంది. జ్వాలాముఖి ఆలయంలో అమ్మవారి విగ్రహం ఉండదు. ఆలయం లోపలి రాతిపగుళ్ల నుంచి నిత్యం ఆరని తొమ్మిది జ్వాలలు మండుతూ ఉంటాయి. వీటినే అమ్మవారి ప్రతిరూపంగా భావించి పూజిస్తుంటారు. ఈ ప్రదేశంలో సతీదేవి నాలుక పడినట్లు పురాణాల కథనం. భక్తులు ఇక్కడి అమ్మవారికి రబ్డీ, ఇతర మిఠాయిలు, పటికబెల్లం, ఒకరకం ధాన్యపు పొడితో తయారుచేసే ‘సతోజా’ అనే నైవేద్యాన్ని సమర్పిస్తారు. ఎర్రని వస్త్రాలు, గాజులు కానుకలుగా సమర్పిస్తారు. మొక్కుకున్నవారు కొబ్బరికాయలు కొడతారు. చైత్రమాసంలో వచ్చే వసంత నవరాత్రుల్లోను, ఆశ్వయుజమాసంలో వచ్చే దసరా నవరాత్రుల్లోను ఈ శక్తిపీఠంలో ప్రత్యేక తాంత్రిక పూజలు, బలులు జరుపుతారు.బగళాముఖి పీఠంబగళాముఖి శక్తిపీఠం మధ్యప్రదేశ్‌లోని మాల్వా జిల్లా నల్ఖేడాలో లఖుందర్‌ నది ఒడ్డున శ్మశాన వాటిక నడిబొడ్డున ఉంది. పురాణాల్లో ఈ నదిని లక్ష్మణా నదిగా పేర్కొన్నారు. ఇక్కడి అమ్మవారు స్వయంభువుగా వెలసినట్లు భక్తులు విశ్వసిస్తారు. శ్రీకృష్ణుడి ఆదేశంపై ధర్మరాజు ఇక్కడ అమ్మవారిని ప్రతిష్ఠించినట్లు పురాణాలు చెబుతున్నాయి. ఈ శక్తిపీఠంలో అమ్మవారు త్రిశక్తి రూపంలో వెలసింది. ఇక్కడ బగళాముఖి విగ్రహానికి కుడివైపున మహాలక్ష్మి, ఎడమవైపున సరస్వతి విగ్రహాలు కనిపిస్తాయి. బగళాముఖిని పీతాంబరీదేవిగా కొలుస్తారు. ఈ ఆలయంలో అమ్మవారికి పసుపురంగు వస్త్రాలను, గాజులను, పువ్వులను, నైవేద్యాలను సమర్పిస్తారు. బగళాముఖిని స్తంభనశక్తికి అధిదేవతగా ఆరాధిస్తారు. కోర్టు వివాదాల్లో ఉన్నవారు, రాజకీయ నాయకులు ప్రత్యర్థులపై గెలుపు కోసం బగళాముఖికి ప్రత్యేక పూజలు జరుపుతారు. శత్రు నివారణ కోసం ఎండు మిరపకాయలతో హోమం జరుపుతారు. ఈ ఆలయం శ్మశాన వాటిక నడిబొడ్డున ఉండటం వల్ల ఇక్కడ తాంత్రిక పూజలు జరుపుతారు. ఈ ఆలయ ప్రాంగణంలో శతాబ్దాలుగా వెలుగుతున్న అఖండజ్యోతి ఉంది. ఈ అఖండజ్యోతిని దర్శించుకుంటే కష్టాలు తొలగిపోతాయని భక్తుల నమ్మకం. దసరా నవరాత్రులు, బగళాముఖి జయంతి రోజుల్లో ఇక్కడ విశేషంగా తాంత్రిక పూజలు జరుపుతారు.అష్టాదశ శక్తిపీఠాలులంకాయాం శాంకరీ దేవీ కామాక్షీ కంచికాపురేప్రద్యుమ్నే శృంఖలాదేవీ, చాముండీ క్రౌంచపట్టణేఅలంపురే జోగులాంబా శ్రీశైలే భ్రమరాంబికాకొల్హాపురే మహాలక్ష్మీ, మాధుర్యే ఏకవీరికాఉజ్జయిన్యాం మహంకాళీ పీఠికాయాం పురుహూతికా ఓఢ్యాయాం గిరిజాదేవీ మాణిక్యా దక్షవాటికే.హరిక్షేత్రే కామరూపా ప్రయాగే మాధవేశ్వరీ జ్వాలాయాం వైష్ణవీ దేవీ, గయా మాంగల్యగౌరికావారాణస్యాం విశాలాక్షీ కాశ్మీరేషు సరస్వతీఅష్టాదశ సుపీఠాని యోగినా మపి దుర్లభమ్‌.ఆదిశంకర విరచితమైన ఈ స్తోత్రం అష్టాదశ శక్తిపీఠాలను ప్రస్తావిస్తోంది. వీటిలో శాంకరీ పీఠం శ్రీలంకలోని త్రింకోమలిలో ఉంది. కామాక్షీ పీఠం తమిళనాడులోని కాంచీపురంలో ఉంది. శృంఖలాపీఠం పశ్చిమబెంగాల్‌లోని హుగ్లీలో ఉంది. చాముండీ పీఠం కర్ణాటకలోని మైసూరులో ఉంది. జోగులాంబ తెలంగాణలోని ఆలంపురంలో ఉంది. భ్రమరాంబికా పీఠం ఆంధ్రప్రదేశ్‌లోని శ్రీశైలంలో ఉంది. మహాలక్ష్మీ పీఠం మహారాష్ట్రలోని కొల్హాపూర్‌లో ఉంది. ఏకవీరికా పీఠం మహారాష్ట్రలోని మాహూర్‌లో ఉంది. మహాకాళీ పీఠం మధ్యప్రదేశ్‌లోని ఉజ్జయినిలో ఉంది. పురుహూతికా పీఠం ఆంధ్రప్రదేశ్‌లోని పిఠాపురంలో ఉంది. గిరిజా పీఠం ఒడిశాలోని జాజ్‌పూర్‌లో ఉంది. మాణిక్యాంబ పీఠం ఆంధ్రప్రదేశ్‌లోని ద్రాక్షారామంలో ఉంది. మాధవేశ్వరీ పీఠం ఉత్తరప్రదేశ్‌లోని ప్రయాగ్‌రాజ్‌లో ఉంది. వైష్ణవీపీఠం హిమాచల్‌ప్రదేశ్‌ కాంగ్రాలో ఉంది. మంగళగౌరీ పీఠం బిహార్‌లోని గయలో ఉంది. సరస్వతీ పీఠం పాక్‌ ఆక్రమిత కశ్మీర్‌ ప్రాంతంలో ఉంది.అరుదైన దసరా ఆచారాలుకొన్ని శక్తిపీఠాల్లో దసరా నవరాత్రుల సందర్భంగా అరుదైన ఆచారాలను పాటిస్తారు. దసరా సందర్భంగా వివిధ ప్రాంతాల్లో కొన్ని విలక్షణమైన ఆచారాలను పాటిస్తారు. అలాంటి కొన్ని అరుదైన దసరా ఆచారాలు...అన్ని ప్రాంతాల్లోనూ దసరా వేడుకలను పదిరోజులు జరుపుకొంటారు. ఛత్తీస్‌గఢ్‌లోని బస్తర్‌లో మాత్రం దసరా వేడుకలను ఏకంగా డెబ్బయి ఐదు రోజుల పాటు జరుపుకొంటారు. ‘బస్తర్‌ దసరా’ అత్యంత సుదీర్ఘ దసరా వేడుకగా ప్రసిద్ధి పొందింది. ఈ ఆచారం పదిహేనో శతాబ్ది తొలినాళ్ల నుంచి ఇక్కడ కొనసాగుతోంది. కాకతీయ వంశానికి చెందిన పురుషోత్తమ దేవుడి కాలంలో 1408 నుంచి ఇక్కడ డెబ్బయి ఐదు రోజుల దసరా వేడుకలు మొదలయ్యాయని చెబుతారు. ఈ రోజుల్లో ఇక్కడ ఉన్న దంతేశ్వరీ ఆలయం వద్దకు చుట్టుపక్కల ఉన్న గ్రామదేవతలను ఊరేగింపుగా తీసుకువస్తారు. ఈ సందర్భంగా స్థానిక రాజవంశీకులతో గిరిజన నాయకులు, స్థానిక ప్రజలు సమావేశమవుతారు. ఈ సమావేశాన్ని ‘మురియా దర్బార్‌’ అంటారు. నవరాత్రుల చివరి రోజుల్లో భారీ కలపతో తయారుచేసిన రథాన్ని అడవిలో ఊరేగించడం ఇక్కడి ప్రత్యేకత. తమిళనాడు కులశేఖరపట్నంలో ఉన్న ముత్తారమ్మ ఆలయంలో దసరా నవరాత్రులలో ప్రత్యేక పూజలు జరపడమే కాకుండా, భక్తులు రకరకాల వేషాలు ధరిస్తారు. వేషాలతో వీథుల్లో సంచరిస్తూ భిక్షాటన చేసి, వచ్చిన డబ్బును అమ్మవారికి సమర్పిస్తారు. ఒడిశాలోని పూరీలో దసరా నవరాత్రుల సందర్భంగా ‘గొసాని’ జాతర జరుపుతారు. ఈ జాతరలో భాగంగా వీథుల్లో మహిషాసురమర్దని రూపంలో అమ్మవారి భారీ విగ్రహాలను ఏర్పాటు చేస్తారు. ముగింపు రోజున ఈ విగ్రహాలను జగన్నాథ ఆలయ సింహద్వారం వద్దకు తీసుకువచ్చి, పూజలు జరిపిన తర్వాత సముద్రంలో నిమజ్జనం చేస్తారు. కోల్‌కతాలో నవరాత్రి వేడుకలు ముగిశాక అమ్మవారి విగ్రహాలను నిమజ్జనానికి తరలించే ఊరేగింపులో మహిళలు ‘సిందూర్‌ ఖెళా’ ఆడతారు. ఈ వేడుక హోలీ పండుగను తలపిస్తుంది. ఊరేగింపులో పాల్గొనే మహిళలు ఒకరికొకరు ముఖాలకు సిందూరం పూసుకుంటారు. హిమాచల్‌ప్రదేశ్‌లోని కులులో దసరా వేడుకలు విభిన్నంగా జరుగుతాయి. మిగిలిన ప్రాంతాల్లో దసరా వేడుకలు విజయదశమితో ముగుస్తాయి. ఇక్కడ మాత్రం విజయదశమి రోజు నుంచే అసలు వేడుకలు మొదలవుతాయి. ఈ వేడుకలు ‘కులు దసరా’గా పేరు పొందాయి. కులు ప్రజలు ‘రఘునాథ్‌ జీ’గా శ్రీరాముడిని ప్రధానదైవంగా ఆరాధిస్తారు. దసరా రోజు నుంచి వారం రోజుల పాటు స్థానిక దేవతలను కులుమైదానంలో కొలువుదీర్చిన రఘునాథ్‌జీ వద్దకు ఊరేగింపుగా తీసుకువచ్చి జాతర జరుపుతారు. భారత ఉపఖండ ప్రాంతంలోనే కాకుండా, ప్రపంచవ్యాప్తంగా దసరా వేడుకలను హిందువులు ఘనంగా జరుపుకొంటారు. ఒక్కో ప్రాంతంలో వేడుకలు ఒక్కో తీరులో జరుగుతాయి. ఒక్కో ఆలయంలో ఒక్కోరకమైన వేడుకలు నిర్వహిస్తారు. ఒక్కో శక్తిపీఠంలో ఒక్కో రకమైన విలక్షణ ఆచారాలను పాటిస్తారు. ఆచార భేదాలు ఎన్ని ఉన్నా, అందరూ జగన్మాతను శక్తి స్వరూపంగానే ఆరాధిస్తారు. దసరావేడుకల్లో సర్వం శక్తిమయంగా కనిపిస్తుంది.

దసరా పండగకు ఇంటికొచ్చిన కుమారుడు.. తల్లిదండ్రులతో ఆనందంగా గడపాల్సిన సమయంలో విగతజీవిగా మారాడు. తల్లిదండ్రుల కళ్లెదుటే ఒక్కసారిగా కుప్పకూలి గుండెపోటుతో ప్రాణాలు విడిచాడు. అల్లారుముద్దుగా పెంచుకున్న కొడుకు ఇక లేడన్న వార్తతో ఆ కుటుంబం శోకసంద్రంలో మునిగిపోయింది. ఖమ్మం జిల్లా వైరా మున్సిపాలిటీ పరిధిలోని గండగలపాడులో ఈ విషాద ఘటన చోటుచేసుకుంది.వైరా పదో వార్డు కౌన్సిలర్‌ కిన్నెర కృష్ణ, విజయ దంపతుల కుమారుడు రాఘవ్‌ (19) హైదరాబాద్‌లోని ఓ కళాశాలలో బీటెక్‌ మొదటి సంవత్సరం చదువుతున్నాడు. దసరా సెలవుల నేపథ్యంలో రెండు రోజుల క్రితమే ఇంటికి వచ్చాడు. శుక్రవారం ఉదయం ద్విచక్రవాహనంపై దుస్తులు విక్రయించే వ్యక్తి వారి ఇంటికి వచ్చాడు. తల్లి దుస్తులు చూస్తుండగా.. మంచంపై కూర్చున్న రాఘవ్‌ ‘నాన్నా.. నీకు ఈ చొక్కాలు బాగుంటాయి’ అంటూ తండ్రితో మాట్లాడుతూనే ఒక్కసారిగా కిందపడిపోయాడు.చికిత్సకు తరలించినా దక్కని ప్రాణంకుమారుడు అకస్మాత్తుగా కుప్పకూలడంతో కుటుంబ సభ్యులు తీవ్ర ఆందోళనకు గురయ్యారు. వెంటనే సీపీఆర్‌ చేసి ఆటోలో వైరాలోని ఓ ప్రైవేటు ఆసుపత్రికి తరలించారు. అయితే అప్పటికే గుండెపోటుతో మృతిచెందినట్లు వైద్యులు నిర్ధారించారు. కళ్లెదుటే ఆడుతూ పాడుతూ తిరిగిన కుమారుడు విగతజీవిగా మారడంతో తల్లిదండ్రులు కన్నీరుమున్నీరయ్యారు.‘నాన్నా.. తమ్ముడిని ఒక్కసారి చూడు’కుమారుడి మృతదేహం వద్ద తల్లి విజయ రోదనలు అక్కడున్న వారిని కలచివేశాయి. ‘కొడుకా.. ఒక్కసారి చూడురా’ అంటూ ఆమె విలపించింది. తమ్ముడి మృతదేహం వద్దకు రావాలని తండ్రి కృష్ణను కుమార్తె పిలుస్తూ.. ‘నాన్నా.. తమ్ముడిని ఒక్కసారి చూద్దువుగానీ.. రేపటి నుంచి చూడలేవు’ అంటూ కన్నీటిపర్యంతమైంది. అయితే విగతజీవిగా పడి ఉన్న బిడ్డను చూడలేకపోతున్నానంటూ కృష్ణ దుఃఖంలో మునిగిపోయాడు. చివరకు కుటుంబ సభ్యులు ఆయనను కుమారుడి మృతదేహం వద్దకు తీసుకురావడంతో దుఃఖం కట్టలు తెంచుకుంది.చిన్న వయసులోనే రాఘవ్‌ మృతిచెందడంతో గండగలపాడులో విషాదఛాయలు అలుముకున్నాయి. పలువురు ప్రజాప్రతినిధులు, స్థానిక నాయకులు రాఘవ్‌ మృతదేహానికి నివాళులర్పించి కుటుంబ సభ్యులను పరామర్శించారు.:::సాక్షి, వైరా(ఖమ్మం)

సమస్త ప్రాణుల్లో శక్తి రూపంలో ఉన్న దేవికి నమస్కారం అని అర్థం. ఈ ఒక్క΄పాదమే అమ్మవారి విశ్వరూపాన్ని మనకు తెలియజేస్తుంది. మనిషిలో ఆలోచించే శక్తి, పనిచేసే శక్తి, ప్రేమించే శక్తి, సృష్టించే శక్తి– ఇవన్నీ దైవశక్తి స్వరూపాలుగానే చూడవచ్చు. అందుకే ప్రతి జీవిని గౌరవించడం, ప్రకృతిని కాపాడటం, ఇతరుల పట్ల కరుణతో వ్యవహరించడం కూడా ఒక విధమైన అమ్మవారి ఆరాధనే.దుర్గాదేవి మనకు ధైర్యాన్ని ప్రసాదించే తల్లిగా, లక్ష్మీదేవి సంపదను, సౌభాగ్యాన్ని ప్రసాదించే తల్లిగా, సరస్వతీదేవి విద్య, జ్ఞానాలకు ప్రతీకగా కొలువబడతారు. మనిషి జీవితానికి ధైర్యం, సంపద, జ్ఞానం– మూడూ అవసరమే. అయితే సంపదకు జ్ఞానం తోడైతేనే అది సద్వినియోగమవుతుంది. జ్ఞానానికి ధైర్యం తోడైతేనే అది ఆచరణలోకి వస్తుంది. అందుకే అమ్మవారి ఆరాధన మనిషి జీవితాన్ని సమగ్రంగా తీర్చిదిద్దే ఒక ఆధ్యాత్మిక మార్గంగా భావించవచ్చు.‘‘సర్వమంగళ మాంగల్యే శివే సర్వార్థ సాధికే’’అమ్మవారు సర్వమంగళకరమైన తల్లి. మన జీవితంలోని శుభాన్ని, ధర్మాన్ని, మంగళాన్ని ప్రసాదించే శక్తి ఆమెదే అనే విశ్వాసం ఇందులో కనిపిస్తుంది.స్త్రీలోని శక్తిమన సంప్రదాయంలో తల్లిని, భార్యను, కుమార్తెను, గురుపత్నిని గౌరవించే ఆచారం ఉంది. ‘‘మాతృదేవోభవ’’ అని చెప్పిన సంస్కృతి మనది. ఒక కుటుంబాన్ని ప్రేమతో నడిపించడమే కాకుండా, కష్టకాలంలో కుటుంబానికి అండగా నిలిచే స్త్రీలో కూడా అమ్మవారి శక్తిని దర్శించవచ్చు. స్త్రీ అంటే బలహీనత కాదని, అవసరమైనప్పుడు ఆమె ధైర్యానికి, త్యాగానికి, సహనానికి, పోరాట స్ఫూర్తికి ప్రతిరూపం కాగలదని నవరాత్రి ఉత్సవం గుర్తుచేస్తుంది. అయితే స్త్రీని గౌరవించడం కేవలం నవరాత్రుల్లో కన్యాపూజ చేయడంతో పూర్తికాదు. ఆమెకు విద్య, స్వేచ్ఛ, భద్రత, గౌరవం కల్పించినప్పుడే అమ్మవారి తత్వాన్ని ఆచరించినట్లవుతుంది.బొమ్మల కొలువు – అంతరార్థంనవరాత్రుల్లో కొన్ని ప్రాంతాల్లో బొమ్మల కొలువును ఏర్పాటు చేస్తారు. చిన్నారులు, పెద్దలు కలిసి బొమ్మలను అలంకరించి, పూజలు చేసి, స్నేహితులను ఆహ్వానిస్తారు. ఇది కేవలం వినోదం కాదు. తరతరాలుగా వస్తున్న సంస్కృతి, కళ, కుటుంబ బంధాలను తరువాతి తరానికి అందించే ఒక అందమైన మార్గం. అలాగే బతుకమ్మ వంటి పుష్పోత్సవ సంప్రదాయాలు కూడా ప్రకృతితో మనిషికి ఉన్న అనుబంధాన్ని తెలియజేస్తాయి. పూలను పూజించడం ద్వారా ప్రకృతిలోని అందాన్ని, జీవశక్తిని గౌరవించే భావన మనలో పెరుగుతుంది.అమ్మవారి చేతిలోని త్రిశూలం మన దుర్గుణాలను ఛేదించాలి. ఆమె అభయహస్తం మనకు ధైర్యాన్ని ఇవ్వాలి. ఆమె కరుణ మన హృదయాలను మృదువుగా చేయాలి. ఆమె జ్ఞానం మన జీవితాలకు వెలుగునివ్వాలి. అమ్మవారిని ఆలయం లో మాత్రమే దర్శించకుండా, ప్రతి తల్లిలో, ప్రతి స్త్రీలో, ప్రతి జీవిలో ఉన్న శక్తిని గౌరవించగలిగినప్పుడే నవరాత్రి ఉత్సవానికి సార్థకత లభిస్తుంది.‘‘శక్తిని ఆరాధించడం అంటే మనలోని శక్తిని మేల్కొల్పుకోవడం; అమ్మను పూజించడం అంటే సృష్టిని, స్త్రీని, ప్రకృతిని గౌరవించడం.’’ అదే నవరాత్రుల అసలైన వైభవం. అదే అమ్మ తత్వం.– టి. వి.ఎల్‌. గాయత్రిఅమ్మవారి తత్వం అంటే శక్తి తత్వం. ఈ సృష్టిలో కదలికకు, జీవనానికి, వికాసానికి కారణమైన శక్తినే భారతీయ ఋషులు ‘శక్తి’గా దర్శించారు. పరబ్రహ్మ స్వరూపమైన శివుడు శక్తి లేకుండా నిశ్చలుడని, శక్తితోనే సృష్టి, స్థితి, లయలు జరుగుతాయని మన పురాణాలు వివరిస్తాయి. అందుకే అమ్మవారిని కేవలం ఒక దేవతగా మాత్రమే కాకుండా సమస్త సృష్టికి మూలమైన ఆదిశక్తిగా భారతీయ సంప్రదాయం భావిస్తుంది. అమ్మలో తల్లితనం ఉంది. కరుణ ఉంది. అవసరమైనప్పుడు అదే తల్లి ఉగ్రరూపం దాల్చి దుష్టశక్తులను సంహరిస్తుంది. ఒక చేతిలో అభయాన్ని, మరొక చేతిలో ఆయుధాన్ని ధరించిన అమ్మవారి రూపం మనకు ఒక గొప్ప సందేశాన్ని ఇస్తుంది. కరుణతో రక్షించడం ఎంత అవసరమో, అన్యాయాన్ని ఎదుర్కొనే ధైర్యం కూడా అంతే అవసరం. ‘‘యా దేవీ సర్వ భూతేషు శాంతి రూపేణ సంస్థితాం’’ అని చెప్పింది దేవీ సూక్తం. అంటే మన లోపలనే దేవి శాంతి రూపంలో ఉంటుందని. ఇలా దేవీసూక్తంలో చెప్పబడిన శక్తులన్నీ మనలో వున్నాయా లేవా అని మనం అంతర్ముఖ పరిశీలన చేసుకోవాలి. వాటిని సుగుణాలు అని అనవచ్చు. ఇవి శక్తుల రూపంలో వుంటాయి. మీ అంతట మీరే నాశనం చేసుకుంటే తప్ప వాటినెవ్వరూ నాశనం చేయలేరు. వీటిని ఆత్మసాక్షాత్కారం పొందిన వారు కుండలినీ జాగృతి ద్వారా మాత్రమే స్థిరపరచుకోగలరు. ఈ ప్రపంచం కలియుగ ప్రభావం నుండి రక్షింపబడాలంటే మీలో ఈ అధ్యాత్మిక ఉత్థానం ప్రధానం. ఈ అధ్యాత్మిక ఉత్థానం జరిగినప్పుడు అన్నిటికన్న ముందు ముఖ్యంగా ఆమె చేసే పని మనందరినీ రక్షించడం. మీరు ఎటువంటి ఆపదలో చిక్కుకున్నా, జీవితంలో ఎటువంటి అపాయకర పరిస్థితులను ఎదుర్కొంటున్నా, మిమ్మల్ని ఆమె రక్షిస్తుంది. మీ ప్రాణాలను కాపాడుతుంది. మీ శరీరాన్ని, అందులోని అన్ని అవయవాలను రక్షిస్తూ, మీ జీవితానికి కావలసిన సంపూర్ణ రక్షణ కల్పిస్తుంది. ఆమె సామ్రాజ్యంలో మీరు పూర్తి రక్షణ పొంది, దేనికీ వెరువరు.బ్రహ్మదేవుడు శ్రీ మార్కెండేయ మహర్షికి ఉపదేశించిన దేవికవచం అత్యంత శక్తి కలది. దీనిని నవరాత్రి పర్వ దినాలలోనే కాదు, ఎన్నో కష్టాలు, బాధలు, సమస్యల నివారణకు, ఉపశమనానికి పఠించవచ్చు. సూక్ష్మంగా చెప్పాలంటే మన శరీరంలోపల, బాహ్యపరంగా వున్న అన్ని అంగాంగాలను, మన చుట్టూ వున్న దిక్కులను, దిశలను ఒక్కొక్క దేవీ దేవతలు రక్షిస్తూ వుంటారు. మన మీద, లోపల, బాహ్యపరంగా దాడి చేస్తున్న ఈ దుష్టశక్తుల ప్రభావాల నుండి బయట పడడానికి సహజయోగులు దేవీ కవచం చదువుతూ తమ ధ్యానం ద్వారా ఆయా సంబంధిత దేవీ దేవతలను తమలోని కుండలినీ జాగృతి ద్వారా ప్రసన్నం చేసుకుని స్వాంతన పొందుతారు లేదా తత్‌ సంబంధమైన ‘బంధన్‌’ ప్రక్రియను ఉపయోగించుకుంటారు. వాస్తవానికి దేవి పూజలు కావాలని కోరుకోలేదు. కానీ దేవికి పూజలు చేయాల్సిన అవసరం భక్తులకు వుంది. అది ఒక విధంగా మనకు ఈ జన్మనిచ్చినందుకు ఆమెకు కృతజ్ఞతలు తెలుపుకోవటం వంటిది. తన భక్తులలో కొంతమందికి దేవి మీద నమ్మకం వుంటుంది కానీ చిత్తశుద్ధి వుండదు. కొందరికి పూర్తి విశ్వాసం ఉన్నా కానీ భగవంతుని యెడల తప్పులు చేస్తూనే వుంటారు. కొందరయితే దేవిపై చాలా భక్తితో వున్నట్లు ప్రవర్తిస్తారు. కానీ వారికి అంతర్గతంగా ఏమాత్రం ఆమె పైన నమ్మకం వుండదు. ఇటువంటి వారు దేవి అనుగ్రహానికి ఏమాత్రం పాత్రులు కాలేరు. అందుచేత ఆమె భక్తులు సద్గుణ సంపన్నులై ఉండాలి. మనం భక్తి ప్రపత్తులతో కొలిచే మన తల్లి సాక్షాత్తూ దుర్గా దేవి అనే విషయం నిస్సంశయంగా మన హృదయాంతరాళాలలో సంపూర్ణంగా స్థిరపడి వుండాలి. అప్పుడే మనిషిలోని దుష్ట లక్షణాలన్నీ నాశనం చేయబడి అతను ఆత్మ వికాసం పొంది మోక్ష్రప్రాప్తికి అర్హుడవుతాడు. అందుకనే శ్రీ ఆదిశంకరులు ఆదిశక్తిని ఆరాధించేవాడు. దుష్ట శక్తులను, రాక్షసశక్తులను సంహరించే శక్తియే నవరాత్రులలో మన పూజలందుకుంటున్న దుర్గాదేవి లేక కాళికాదేవి. మన అంతర్గత సూక్ష్మ శరీర వ్యవస్థలోని హృదయ చక్రంలో దుర్గాదేవి అధిస్థానదేవతగా నెలవై వుంటుంది. అమెయే జగన్మాత, జగదాంబ. ఈ సమస్త విశ్వం, సృష్టి ఆమెదే. మానవులు, దేవతలు లాగే, దానవులూ ఆమె సంతానమే. తనను నమ్ముకున్న భక్తులను, మానవులను రక్షించడం కోసం ఆమె తన మాతృప్రేమ వలన సంతానమయిన రాక్షసులతో పోరాడి వారిని వినాశనం చేయవలసి వచ్చింది. కానీ ఈ కలియుగంలో మీరు దుర్గాదేవి కానక్కరలేదు. మీరు ప్రశాంతచిత్తులై వుంటే చాలు. సహజయోగుల వలె పరివర్తన చెంది మీలో మీరు అంతర్ముఖంగా ప్రశాంతంగా వుంటే చాలు.ఎప్పుడైనా మన శరీరం వైరస్‌ లాంటి అనారోగ్య కారకులైన శక్తుల దాడికి గురైనప్పుడు మనలోని దుర్గా మాత తత్వం జాగృతమై తద్వారా ఈ రోగ నిరోధక శక్తులు వాటిని నిలువరిస్తాయి. ఈ కణాలే గణములుగా పేర్కొనబడ్డాయి. సహజయోగ ధ్యానసాధన ద్వారా మన అనాహత చక్రంలో నిద్రాణ స్థితిలో వున్న జగదాంబ శక్తి తత్వాన్ని ఎల్లప్పుడు చేతనా స్థితిలో వుంచుకోగలుగుతాము.వృక్షం ప్రాణ శక్తి, ప్రతికొమ్మకు, రెమ్మకు చేరి తిరిగి వెనుకకు చేరుతుంది. అదే రీతిగా ఇప్పుడు మీలో ఉన్న ఈ శక్తులు ఏవైతే మీకు సహాయకరిగా వున్నాయో, అవన్నీ కూడా పరాశక్తి అంతర్భాగాలే. మీరు కేవలం ఆ శక్తుల పనిముట్టు మాత్రమే అని గ్రహిస్తారు. అప్పుడు మీలో వున్న శక్తులు ఎన్నటికీ క్షీణించక సజీవంగా వుంటాయి. – డాక్టర్‌ ప్రతాని రాకేశ్, సహజ యోగ సాధకులు(దేశ విదేశాల నవరాత్రి పూజా సందర్భాలలోని పరమపూజ్య శ్రీ మాతాజీ నిర్మలాదేవి ప్రవచనాల ఆధారంగా) ఇదీ చదవండి: ఇది కదా మహిళా శక్తి! 350 మంది మహిళల వీర గర్బా..వీడియో వైరల్‌

పండుగ సీజన్‌లో కొత్త కారు కొనాలనుకుంటున్నారా? అయితే మారుతి సుజుకి కార్లపై అక్టోబర్‌లో అందుబాటులో ఉన్న ఆఫర్లను పరిశీలించవచ్చు. దేశీయ కార్ల మార్కెట్లో ప్రముఖ సంస్థగా ఉన్న మారుతి సుజుకి.. గ్రాండ్ విటారా, ఇన్విక్టో, ఎక్స్‌ఎల్6, జిమ్నీ, ఫ్రాంక్స్, ఇ-విటారా మోడళ్లపై వివిధ ప్రయోజనాలను అందిస్తోంది. మోడల్, వేరియంట్‌ను బట్టి నగదు తగ్గింపులు, పాత కారు మార్పిడిపై బోనస్‌లు, లాయల్టీ ప్రయోజనాలు, ఎక్స్‌టెండెడ్‌ వారంటీ వంటి ఆఫర్లు ఉన్నాయి.గ్రాండ్ విటారాపై అత్యధిక ప్రయోజనాలుమారుతి సుజుకి గ్రాండ్ విటారా కొనుగోలుదారులకు వేరియంట్‌ను బట్టి ఆఫర్లు మారుతున్నాయి. పెట్రోల్ సిగ్మా వేరియంట్‌పై గరిష్ఠంగా రూ.1.36 లక్షల వరకు ప్రయోజనాలు లభిస్తాయి. డెల్టా పెట్రోల్ వేరియంట్‌పై రూ.1.26 లక్షల వరకు, జీటా, ఆల్ఫా పెట్రోల్‌తో పాటు ఆల్‌-వీల్‌ డ్రైవ్ (AWD) వేరియంట్లపై రూ.1.15 లక్షల వరకు ప్రయోజనాలు అందుబాటులో ఉన్నాయి. జీటా, ఆల్ఫా, AWD వేరియంట్లకు ఐదేళ్ల ఎక్స్‌టెండెడ్‌ వారంటీ ప్యాకేజీ కూడా ఆఫర్‌లో భాగంగా ఉంది.స్ట్రాంగ్‌ హైబ్రిడ్‌ గ్రాండ్ విటారా కొనుగోలుదారులకు ప్రత్యేక ప్రయోజనాలు ఉన్నాయి. ఈ వేరియంట్లపై రూ.1.20 లక్షల వరకు ఇతర ఆఫర్లతో పాటు, అర్హత ఉన్న రాష్ట్రాల్లో రోడ్డు పన్ను మినహాయింపు లభించవచ్చు. రాష్ట్రాన్ని బట్టి ఈ పన్ను ప్రయోజనం రూ.1.85 లక్షల వరకు ఉండే అవకాశం ఉంది. అయితే రోడ్డు పన్ను మినహాయింపు అన్ని రాష్ట్రాల్లో ఒకే విధంగా వర్తించదు.గ్రాండ్ విటారా CNG వేరియంట్లలోనూ ప్రయోజనాలు ఉన్నాయి. డెల్టా CNGపై రూ.1 లక్ష వరకు, జీటా CNGపై రూ.90,000 వరకు ప్రయోజనాలు లభించే అవకాశం ఉంది. వేరియంట్‌, అర్హతను బట్టి ఈ మొత్తాలు మారవచ్చు.ఇన్విక్టోపై రూ.95,000 వరకు ఆఫర్‌ప్రీమియం ఎంపీవీ మారుతి సుజుకి ఇన్విక్టోపై రూ.95,000 వరకు ప్రయోజనాలు అందుబాటులో ఉన్నాయి. ఇందులో రూ.50,000 ఎక్స్ఛేంజ్‌ బెనిఫిట్‌, రూ.30,000 లాయల్టీ బోనస్‌, అర్హత ఉన్న కొనుగోలుదారులకు రూ.15,000 కార్పొరేట్‌ ఆఫర్‌ ఉన్నాయి.ఎక్స్‌ఎల్6పై రూ.61,000 వరకు బెనిఫిట్స్‌మారుతి ఎక్స్‌ఎల్6 పెట్రోల్‌ మాన్యువల్‌, ఆటోమేటిక్‌ వేరియంట్లపై రూ.61,000 వరకు ప్రయోజనాలు అందుబాటులో ఉన్నాయి. ఇందులో నగదు తగ్గింపు, పండుగ బుకింగ్‌ ఆఫర్‌, ఎక్స్ఛేంజ్‌ బెనిఫిట్‌, అదనపు ఎక్స్ఛేంజ్‌ బోనస్‌ వంటి అంశాలు ఉంటాయి. CNG వేరియంట్లపై రూ.50,000 వరకు ప్రయోజనాలు లభించవచ్చు.జిమ్నీపై రూ.35,000 నగదు తగ్గింపుఆఫ్‌-రోడింగ్‌ సామర్థ్యానికి పేరొందిన మారుతి జిమ్నీపై అన్ని వేరియంట్లకు రూ.35,000 వరకు నగదు తగ్గింపు అందుబాటులో ఉంది. అయితే దీనికి అదనపు ఎక్స్ఛేంజ్‌, లాయల్టీ లేదా కార్పొరేట్‌ బోనస్‌లు వర్తించవు.ఫ్రాంక్స్‌పై రూ.27,100 వరకు ప్రయోజనాలుమారుతి ఫ్రాంక్స్‌లో 1.0 లీటర్‌ టర్బో పెట్రోల్‌ వేరియంట్లకు గరిష్ఠంగా రూ.27,100 వరకు ప్రయోజనాలు లభిస్తాయి. 1.2 లీటర్‌ సాధారణ పెట్రోల్‌ వేరియంట్లపై రూ.22,100 వరకు, CNG వేరియంట్లపై రూ.15,000 వరకు ఆఫర్లు ఉన్నాయి. వీటిలో నగదు ప్రయోజనాలు, ఎక్స్ఛేంజ్‌ బోనస్‌లు, ఇతర అర్హత ఆధారిత ప్రోత్సాహకాలు ఉండవచ్చు. అయితే అన్ని వేరియంట్లకు ఒకే మొత్తంలో తగ్గింపు ఉండదు.ఈ-విటారాతో ఉచిత ఛార్జర్‌ఎలక్ట్రిక్‌ ఎస్‌యూవీ మారుతి ఈ-విటారా కొనుగోలుదారులకు రూ.30,000 వరకు ఎక్స్ఛేంజ్‌ ప్రయోజనంతో పాటు ఉచిత ఛార్జర్‌, ఇంటి వద్ద ఛార్జర్‌ ఇన్‌స్టాలేషన్‌ ప్యాకేజీ అందుబాటులో ఉంది. ఎలక్ట్రిక్‌ కారును తొలిసారి కొనుగోలు చేసేవారికి ఇంటి ఛార్జింగ్‌ ఏర్పాట్లపై అయ్యే ప్రారంభ ఖర్చును తగ్గించడంలో ఇది ఉపయోగపడుతుంది. అయితే ఛార్జర్‌, ఇన్‌స్టాలేషన్‌ ప్యాకేజీకి సంబంధించిన షరతులు, ఎక్స్ఛేంజ్‌ వాహనం వయసు, అర్హతలను ముందుగానే తెలుసుకోవాలి.పాత కారు ఉంటే అదనపు ప్రయోజనాలుపాత కారును మార్చి కొత్త మారుతి కారును కొనుగోలు చేసేవారికి ఎక్స్ఛేంజ్‌ బోనస్‌లు ఉపయోగపడవచ్చు. ఆరు సంవత్సరాల లోపు వయసున్న ఎక్స్ఛేంజ్‌ వాహనాలకు కొన్ని మోడళ్లపై అదనపు బోనస్‌ కూడా లభించవచ్చు. పాత మారుతి కారును ఇచ్చి మరో మారుతి కారును కొనుగోలు చేసే ప్రస్తుత కస్టమర్లకు లాయల్టీ ప్రయోజనాలు వర్తించే అవకాశం ఉంది.15 సంవత్సరాలకు పైబడిన వాహనాలకు స్క్రాపేజ్‌ పథకం కింద ప్రయోజనాలు లభించవచ్చని ఆఫర్‌ వివరాలు సూచిస్తున్నాయి. అయితే ఎక్స్ఛేంజ్‌ బోనస్‌, స్క్రాపేజ్‌ బోనస్‌ రెండింటినీ ఒకేసారి పొందడం సాధ్యం కాకపోవచ్చు. అర్హత ఉన్న కస్టమర్లు తమకు ఏ ఎంపిక వల్ల ఎక్కువ ప్రయోజనం కలుగుతుందో పోల్చి చూడాలి.

సాక్షి ఎడ్యుకేషన్: దసరా పండుగను పురస్కరించుకుని టీజీపీఎస్సీ ఉద్యోగాలకు సన్నద్ధమవుతున్న అభ్యర్థులకు 'సాక్షి ఎడ్యుకేషన్' తరుపున శుభవార్త. పోటీ పరీక్షలకు తీవ్రంగా శ్రమిస్తున్న నిరుద్యోగుల కోసం టీజీపీఎస్సీ ఆన్‌లైన్ కోర్సులు మరియు టెస్ట్ సిరీస్‌లపై బంపర్ ఆఫర్లను ప్రకటిస్తూ ప్రత్యేక 'దసరా డిస్కౌంట్ సేల్' ను అందుబాటులోకి తీసుకొచ్చింది.ప్రభుత్వ ఉద్యోగమే లక్ష్యంగా చదువుతున్న అభ్యర్థులు తమ ప్రిపరేషన్‌ను మరింత సులభతరం చేసుకునేందుకు ఈ డిస్కౌంట్ సేల్ ఎంతగానో ఉపయోగపడుతుంది. ఈ ఆఫర్ ద్వారా నిపుణులైన ఫ్యాకల్టీ రూపొందించిన అత్యుత్తమ ఆన్‌లైన్ క్లాసులు, తాజా ఎగ్జామ్ ప్యాట్రన్‌కు అనుగుణంగా తయారుచేసిన టెస్ట్ సిరీస్‌లను అభ్యర్థులు చాలా తక్కువ ధరకే పొందవచ్చు. 👉పూర్తి వివరాలకు క్లిక్‌ చేయండి..

నవరాత్రుల వేడుకల్లో నార్త్‌ ఇండియాలో దాండియా, గర్బా వంటి నృత్య ప్రదర్శనలతో కోలహాలంగా ఉంటాయి. అయితే ఈసారి ఉత్తరప్రదేశ్‌లోని బుందేల్‌ ఖండ్‌లో జరిగిన గర్భా అందరి దృష్టిని అమితంగా ఆకర్షించింది. వీరనారుల్లా మహిళలు చేసిన గర్బా నృత్య ప్రదర్శన భక్తిభావం తోపాటు చక్కటి సందేశాన్ని కూడా ఇవ్వడం విశేషం. మొత్తం 15 మంది మహిళలతో కూడిన 'మా చండికా ఉత్సవ్ సమితి' నిర్వహించిన ఈ కార్యక్రమంలో సుమారు 350 మందిదాక మహిళలు, చిన్నారులు పాల్గొని కత్తులతో అద్భుతంగా గర్బా నృత్యం చేశారు. వాళ్లంతా భక్తిభావం, మహిళా సాధికారత, ఆత్మరక్షణ వంటి శక్తిమంతమైన సందేశాలతో నృత్య ప్రదర్శన ఇచ్చారు. సింపుల్‌గా చెప్పాలంటే రాణి లక్ష్మీబాయి ధైర్యసాహసాలను ప్రదర్శించారు ఆ నృత్యంలో. ముఖ్యంగా కత్తిసాము ప్రధాన ఆకర్షణగా నిలిచింది. ఈ మహిళలు తమ ప్రదర్శన ద్వారా స్త్రీత్వాన్ని ప్రదర్శిస్తూనే అనుచితన ప్రవర్తనను ఎదురించగలమని, అలాగే అవసరమైనప్పుడు తమను తాము రక్షించుకోగలమని బలమైన సందేశాన్ని ఇచ్చారు. అక్కడ వరుసగా తొమ్మిదో ఏట జరుగుతన్న ఈ గర్భా నృత్యం కోసం వాళ్లంతా పది రోజుల పాటు శిక్షణ తీసుకుని మరి పాల్గొనడం విశేషం. కాగా, పెద్దపెద్ద​ నగరాలకే పరిమితమైన ఈ నృత్యాన్ని గ్రామీణ ప్రాంతాలకు చేరువ చేయడమే లక్ష్యంగా ఈ ప్రదర్శన నిర్వహించినట్లు నిర్వాహకులు తెలిపారు. అందుకు సంబంధించిన వీడియో నెట్టింట వైరల్‌గా మారింది. #WATCH | 350+ Women Perform Garba With Swords In Uttar Pradesh's Mahoba, Send Message Of Empowerment #garba #uttarpradesh https://t.co/OAACBLgFtR— NDTV (@ndtv) October 14, 2026 ఇదీ చదవండి: ఒళ్లు గగుర్పొడిచే భక్తి విన్యాసం..! ఏకంగా 2,516 పదునైన మేకులపై పడుకుని..

దసరా సెలవులు వచ్చేశాయి. పూర్తిగా ఎంజాయ్‌ చేయాల్సిన టైమ్‌ ఇది. ఎంజాయ్‌ చేద్దాం. అల్లరి చేద్దాం. ఆడదాం పాడదాం. కాని ఈ నవ రాత్రుల రోజుల్లో కనీసం 9 మంచి పనులు పనికొచ్చే పనులు కూడా చేద్దాం. అప్పుడు సెలవుల్లో ఎంజాయ్‌ చేసినట్టు ఉంటుందీ సెలవులు ముగిశాక ‘ఇదిగో ఈ పనులు చేశాం’ అని స్కూల్లో గర్వంగా చెప్పుకునే వీలూ ఉంటుంది. సరే. ఏంటా పనులు?1. ‘విత్తన బాంబులు’ విసిరేద్దాంఈ సెలవుల్లో వీడియో గేమ్‌లో విలన్లను చంపడం కాదు.. రియల్‌ లైఫ్‌లో పర్యావరణాన్ని కాపాడే సూపర్‌ హీరోలా మారుదాం. కొంచెం మట్టి, కంపోస్ట్‌ ఎరువు కలిపి, అందులో చింతగింజలు, మునగ లేదా వేప విత్తనాలు పెట్టి చిన్న చిన్న లడ్డూల్లా చుట్టండి. వీటిని ‘సీడ్‌ బాల్స్‌’ అంటారు. ఎండబెట్టిన తర్వాత, మీరు ఊరికి వెళ్లే దారి లో లేదా ఖాళీ ప్రదేశాల్లో వీటిని విసిరేయండి. వచ్చే వర్షాకాలానికి అవి అందమైన చెట్లుగా మొలకెత్తుతాయి. పచ్చటి ప్రకృతిని సృష్టించిన క్రెడిట్‌ మీ ఖాతాలో పడుతుంది!2. ఫోన్‌ని జైల్‌లో వేయండిసెలవుల్లో ఏదో ఒక రోజు మీ ఇంట్లోని పెద్దవాళ్లతో ఒక క్రేజీ బెట్‌ కట్టండి. ఉదయం 9 నుండి సాయంత్రం 5 గంటల వరకు ఇంట్లో ఎవ్వరూ స్మార్ట్‌ఫోన్‌ ముట్టుకోకూడదు, టీవీ చూడకూడదు. ఆ టైమ్‌లో దాగుడు మూతలు, చెస్, ట్రేడ్, క్యారమ్స్‌ వంటి ఇండోర్‌ ఆటలు ఆడండి. ఫోన్‌ స్క్రీన్‌ చూడకుండా రోజంతా ఎంతలా ఎంజాయ్‌ చేయవచ్చో మీ పేరెంట్స్‌కు ప్రాక్టికల్‌గా చూపిస్తూ షాక్‌ ఇవ్వండి.3. వాయిస్‌ ఆఫ్‌ గ్రాండ్‌పేరెంట్స్‌తాతయ్య, నానమ్మ లేదా అమ్మమ్మల దగ్గర బోలెడన్ని కబుర్లు, కథలు ఉంటాయి. వాళ్లతో కూర్చుని కాసేపు ముచ్చటించండి. వాళ్లు చిన్నప్పుడు ఆడిన చిత్రమైన ఆటలు, తిన్న చిరుతిళ్లు, వాళ్ల చిన్ననాటి అల్లరి విశేషాలను మీ ఫోన్‌లో వాయిస్‌ రికార్డ్‌ చేయండి. వాళ్ల పాత జ్ఞాపకాలను ఒక చిన్న ‘ఆడియో బుక్‌’ లాగా మార్చండి. ఇది మీ ఫ్యామిలీకి ఒక లైఫ్‌టైమ్‌ మెమొరీగా మిగిలి΄ోతుంది.4. కిచెన్‌లో ‘ఫైర్‌లెస్‌’ మ్యాజిక్‌!ఈరోజు అమ్మకు వంటగదిలో రెస్ట్‌ ఇచ్చి, మీరే షెఫ్‌ టోపీ పెట్టుకోండి. స్టవ్‌ వెలిగించకుండా మీ చేతులతోనే టేస్టీ అండ్‌ హెల్తీ ఫుడ్‌ తయారు చేద్దాం. మొలకెత్తిన గింజలతో ప్రోటీన్‌ చాట్, పండ్ల ముక్కలతో కలర్‌ఫుల్‌ ఫ్రూట్‌ సలాడ్‌ లేదా చీజ్‌ బ్రెడ్‌ శాండ్‌విచ్‌ చేసి ఇంట్లో వాళ్లకు సర్వ్‌ చేయండి. మీలో ఎంత మంచి కుకింగ్‌ స్కిల్స్‌ ఉన్నాయో చూసి ఇంట్లో వాళ్లంతా మెచ్చుకోవాల్సిందే!5. ‘లిటిల్‌ బర్డ్స్‌’ వాటర్‌ బ్యాంక్‌!ఎల్‌నినో ఎండల తీవ్రతకు పక్షులు దాహంతో అల్లాడిపోతుంటాయి. ఇంట్లో ఉండే పాత మట్టి మూకుడు లేదా వెడల్పాటి ప్లాస్టిక్‌ డబ్బాను శుభ్రం చేసి, అందులో నీళ్లు నింపి మీ ఇంటి బాల్కనీలో లేదా టెర్రస్‌ పైన పెట్టండి. కుదిరితే పక్కనే కొన్ని గింజలు చల్లండి. రోజూ ఉదయాన్నే ఆ నీటిని మార్చడం ఒక అలవాటుగా చేసుకోండి. దాహం తీర్చుకోవడానికి వచ్చే పక్షుల కిలకిలరావాలు మీ ఉదయాన్ని ఎంతో హ్యాపీగా మారుస్తాయి.6. వేస్ట్‌ నుంచి బెస్ట్‌ క్రాఫ్ట్‌పాత న్యూస్‌ పేపర్లు, ΄్లాస్టిక్‌ బాటిళ్లు, ఐస్‌క్రీమ్‌ పుల్లలు, కార్డ్‌బోర్డ్‌ బాక్సులను సేకరించండి. యూ ట్యూబ్‌లో చూసి వాటితో పెన్‌స్టాండ్‌లు, పేపర్‌ బ్యాగ్స్, పిగ్గీ బ్యాంకులు లేదా దసరా బతుకమ్మ బొమ్మలు తయారు చేయండి. ప్లాస్టిక్‌ వాడకాన్ని తగ్గించి, మన ఇంట్లోని వేస్ట్‌ను బెస్ట్‌గా ఎలా మార్చవచ్చో మీ ఫ్రెండ్స్‌కు చూపించి ఇన్‌స్పైర్‌ చేయండి.7. ‘సీక్రెట్‌ మనీ బ్యాంక్‌’దసరా పండుగకు చుట్టాలు, పెద్దవాళ్లు మీకు ఇచ్చే ‘దసరా ఖర్చుల’ డబ్బులను ఒక చిన్న మట్టి హుండీ కొని, ఆ డబ్బునంతా అందులో దాచడం అలవాటు చేసుకోండి. సెలవులయ్యాక ఆ పొదుపు చేసిన డబ్బుతో మీకు కావలసిన మంచి స్టోరీ బుక్స్, ఇన్ఫర్మేటివ్‌ గేమింగ్‌ కిట్స్‌ లేదా డ్రాయింగ్‌ సెట్‌ కొనుక్కోండి. పొదుపులో ఉన్న కిక్‌ మీకే తెలుస్తుంది.8. డొనేషన్‌ డ్రైవ్‌!మీ బట్టల అల్మారాను సర్ది చిన్నవై΄ోయిన, చిరిగిపోకుండా మంచి కండిషన్‌లో ఉన్న బట్టలు, మీ పాత పుస్తకాలు, పక్కన పడేసిన టాయ్స్‌ను వేరు చేయండి. వాటిని నీట్‌గా ప్యాక్‌ చేసి, మీ పేరెంట్స్‌ సహాయంతో రోడ్డు పక్కన ఉండే పేదపిల్లలకు కాన్కగా ఇవ్వండి. వారి మొహంలో నవ్వును చూడటం కంటే పెద్ద పండుగ మరొకటి ఉండదు.9. నా డైరీ – నా దసరా జ్ఞాపకంఇది మీ ఫైనల్‌ టాస్క్‌. ఒక సరికొత్త వైట్‌ నోట్‌బుక్‌ తీసుకోండి. ఈ సెలవుల్లో మీరు పైన చెప్పిన పనులలో ఏమేం చేశారో, ఎక్కడెక్కడికి తిరిగారో రోజువారీగా అందులో డైరీ రూపంలో రాయండి. కుదిరితే మీరు చేసిన పనుల ఫోటోలు తీసి, ప్రింట్‌ తీయించి ఆ బుక్‌లో అంటించండి. మీ చేతిరాతతో ఒక వండర్‌ఫుల్‌ మెమొరీ బుక్‌ రెడీ అవుతుంది. దానిమీద ... సమ్మర్, దసరా సెలవుల్లో నా డైరీ అని అందంగా రాసి దాచుకోండి. ఏ ఇరవై ముప్పై ఏళ్ల తర్వాతో చూస్తే థ్రిల్‌ ఫీలవుతారు.స్కూల్‌ తెరిచాక మీ క్లాస్‌మేట్స్‌ అందరూ ఫోన్‌గేమ్స్‌లో ఏ లెవెల్‌కి వెళ్లారో మాట్లాడుతుంటే మీరు మాత్రం సమాజానికి ఉపయోగపడే, మీ క్రియేటివిటీని పెంచే పనులు ఎలా చేశారో సగర్వంగా చెప్పవచ్చు. లీడర్‌ అంటే అందరిలా వెనకాల నడిచేవాడు కాదు.. అందరికంటే భిన్నంగా ఆలోచించి ముందు నిలబడేవాడు. సో... సెలవుల్లో గ్యాడ్జెట్స్‌ పక్కన పెట్టి, క్రియేటివిటీతో దూసుకు΄ోదామా? హ్యాపీ అండ్‌ సేఫ్‌ దసరా!.ఇదీ చదవండి: క‘లిపి’ నేర్చుకుందాం..! ఆడుతూ..ఇతిహాసాలు వినేద్దాం ఇలా..!

దేవి నవరాత్రులు మొదలై..అప్పుడే నాలుగో రోజుకి చేరుకున్నాయి. దేశమంతట దసరా వేడుకలతో శోభాయమానంగా ఉంది. అ‍మ్మలుగన్న అమ్మ ఆ దుర్గమ్మను భక్తులంతా వివిధ రీతుల్లో కొలుచుకుంటూ భక్తిపారవశ్యంతో మునిగితేలుతున్నారు. ఎటుచూసినా భవాని దీక్షలు, నవరాత్రి ఉత్సవాలు. ఈ తరుణంలో ఓ మహిళ వినూత్న రీతీలో తన భక్తిని ప్రదర్శించింది. ఆమె అసాధారణ నవరాత్రి దీక్ష చూస్తే షాకవ్వాల్సిందే. దీన్ని చూసేందుకు జనాలంతా తండోపతండాలుగా తరలివస్తున్నారు. ఈ వింత భక్తి విన్యాసం ఎక్కడ చోటు చేసుకుందంటేఈ అద్భుత ఘటన బిహార్‌లో చోటు చేసుకుంది. బీహార్‌లోని సమస్తిపూర్ జిల్లాకు చెందిన 35 ఏళ్ల మధుమాల దేవి అనే మహిళ నవరాత్రి సందర్భంగా చేస్తున్న భక్తి ప్రక్రియ అందరి దృష్టిని అమితంగా ఆకర్షిస్తుంది. దుర్గాదేవి ఆరాధనలో భాగంగా మధుమాల ఏకంగా 2,516 పదునైన మేకులు అమర్చిన పడకపై పడుకుని నవరాత్రి దీక్ష చేస్తోంది. తన ఇంట్లోనే ఈ దీక్ష చేస్తోంది. ఆమె ఛాతీపై పవిత్రమైన కలశం ఉంచగా, పక్కనే త్రిశూలం కూడా ఉంది. ఆమె నవరాత్రి తొలి రోజు నుంచి ఆహారం, నీరు తీసుకోకుండా కఠిన ఉపవాసం చేస్తోంది. ఆమె దీక్షను వీక్షించేందుకు సమీప ప్రాంతాల నుంచి జనాలు తండోపతండాలుగా తరలి వస్తున్నారు. ఈ దీక్ష కోసమే ప్రత్యేకంగా మేకులతో చేసిన చెక్క పడకను తయారు చేశారట. ప్రతి మేకు ఐదు అంగుళలా పొడవుతో మొత్తం 32 కిలోలు ఉంటుందని కుటుంబసభ్యులు చెబుతున్నారు. ఆ మేకులపై పలుచని వస్త్రం పరిచి..దానిపై మధుమాల దేవి పడుకుంటుందట. ఈ దీక్ష సమయంలో దానిపైనే ఆమె శయనమట. ఈ విభిన్నమైన దుర్గా ఆరాధన అక్కడ చర్చనీయాంశమై ప్రజలలో ఆసక్తిని రేకెత్తించి ఆమె ఇంటికి క్యూ కట్టేలా చేసింది. ఇదిలా ఉండగా ఆమె భర్త రంజిత్ చౌరాసియా తన భార్య మధుమాల దేవికి అమ్మవారంటే మహా ఇష్టమని, ఆ తల్లిపై అపారమైన భక్తి విశ్వాసాలు ఉన్నాయని అన్నారు. రెండేళ్ల క్రితం ఆమెకు అమ్మవారికి సంబంధించిన కల వచ్చిందని అప్పటి నుంచి మరింత నమ్మకం ఏర్పడి ఇలా అమ్మవారిని ఆరాధిస్తోందని చెప్పారు. గతేడాది కూడా నవరాత్రి సమయంలో కలశం ఏర్పరిచి..తొమ్మిదిరోజుల పాటు పూజలు చేసినట్లు తెలిపారు. అలాగే తాము పూజించే దుర్గాదేవి విగ్రహం తమ ఇంటిలోపల భూమిలోనే దొరికిందని, దానికోసం ప్రత్యేకంగా ఆలయం ఏర్పాటు చేసి కొలుచుకుంటున్నట్లు తెలిపారు. ఇక తన భార్యకు మద్దతుగా తాను కూడా ఉపవాసం ఉన్నట్లు వెల్లడించారు. కాగా, ఈ దంపతులకు 14 ఏళ్ల కుమారుడు, 12 ఏళ్ల కుమార్తె ఉన్నారు.ఇదీ చదవండి: నవరాత్రులు మాదిరిగా..అక్కడ తొమ్మిది రోజుల శాకాహార వేడుక..!

దేవి నవరాత్రులు ప్రారంభం కాగానే..సహజంగానే సాత్విక ఆహారమే తీసుకుంటారు. ముఖ్యంగా తొమ్మిది రోజుల పాటు నియమ నిష్టలతో దుర్గాపూజ చేసేవారు..పూర్తిగా ఉల్లి, వెల్లుల్లి లేని శాకాహారమే తీసుకుంటారు. అచ్చం మనలానే ఇదే సమయంలో అక్కడ తొమ్మిది రోజుల కఠిన శాకాహార వేడుక జరుగుతుందట. అది కూడా ఎందుకోసమో తెలిస్తే విస్తుపోతారు. అందులోనూ పాశ్చాత్య దేశాల్లో చాలావరకు నాన్‌వెజ్‌ లేకుండా పండుగలు ఉండవు. అలాంటిది అక్కడ ఒక దేశంలో ఇలాంటి ఆచారం పాటిస్తారు. అది ఎందుకోసమో..ఆ పండుగ విశిష్టత తదితరాలు గురించి సవివరంగా చూద్దామా..!.ఈ వేడుకను థాయిలాండ్‌లోని ఫూకెట్‌ ద్వీపంలో ఉండే థాయి చైనీస్‌ సమాజం జరుపుకుంటుంది. నవ చక్రవర్తులను పూజించే ఉద్దేశ్యంతో ఈ వేడుకను జరుపుకుంటారు. అందుకోసం పాలు, గుడ్లు, వెల్లుల్లి, ఉల్లిపాయలు, మద్యం వంటి వాటిని ముట్టరు. అందువల్లే దీన్ని కఠినమైన శాకాహార వేడుకగా పిలుస్తారు. నిజానికి ఈ వేడుకల్లో పాల్గొని వారు కూడా మాంసాహారం తీసుకోవడం అనేది సాధ్యం కాదట. ఎందుకంటే రెస్టారెంట్లు, వీధి దుకాణాలు వంటి చోట్ల కూడా నాన్‌ వెజ్‌కి సంబంధించిన వంటకాలను విక్రయించవట. అందుకు గుర్తుగా పసుపు రంగు జెండాను ఎగరువేసి స్వచ్ఛందంగానే నాన్‌వెజ్‌ని విక్రయించవట. వాళ్లంతా కఠినమైన వీగన్‌ని అనుసరిస్తాయట. అంటే ఆయా రోజుల్లో కేవలం మొక్కల ఆధారిత ఆహారమే దొరుకుతుందట. అక్కడ దీన్ని ‘జే’ డైట్‌గా పిలుస్తారు. గో టెంగ్ స్తంభాన్ని నిలబెట్టే వేడుకతో ఈ పండుగ అధికారికంగా ప్రారంభమవుతుంది. తొమ్మిది మంది చక్రవర్తి దేవతలను భూమికి ఆహ్వానించే ప్రయత్నంలో, జుయ్ టుయ్ పుణ్యక్షేత్రం వంటి ప్రధాన చైనీస్ పుణ్యక్షేత్రాలలో ఒక పవిత్ర స్తంభాన్ని నిలబెడతారు. ఈ ఏడాది ఈ వేడుక అక్టోబర్‌ 9న జరిగిందట. అంతేగాదు ఈ వేడుకలో తీవ్రమైన భక్తిప్రదర్శనలు కూడా ఉంటాయట. అంటే..కత్తులు, కఠారులు, శూలాలతో ముఖాన్ని, శరీరాన్ని స్వయంగా పొడుచుకునే ప్రదర్శనలు కూడా ఉంటాయి. ఇలా చేస్తే దురదృష్టం దరిచేరదని వాళ్ల నమ్మకం. ఆ తర్వాత ఇవ్ కెంగ్‌గా పిలిచే వీధి ఊరేగింపులు ఉంటాయి. అలాగే మనచోట కనిపించే నిప్పులగుండం వంటి ఆచారాన్ని కూడా పాటిస్తారు. అయితే వీళ్లు వేడి బొగ్గులపై చెప్పులు లేకుండా నడవడం తోపాటు పదునైన కత్తుల నిచ్చెలపై ఎక్కడం వంటివి చేస్తారు. ఎక్కడ జరుగుతాయంటే..ఫూకెట్‌ టౌన్‌లోని జూయి టుయి మందిరం ఈ వేడుకలకు ప్రధాన కేంద్రం. అలాగే సమీపంలో ఉండే బాంగ్ నియో మందిరం లేదా బాంగ్ లియావో ఊరేగింపు వేడుకలకు ప్రసిద్ధి. లోర్ రోంగ్, సామ్ కాంగ్ ఆలయాల వద్ద పదునైన నిచ్చెన ఎక్కడం, అగ్నిపై నడవడం వంటి ఆచారాలు ఉంటాయి. ఈ ఏడాది ఈ వేడుకలు ఆక్టోబర్‌10 నుంచి ప్రారంభమై ఆక్టోబర్‌ 18తో ముగుస్తాయి. View this post on Instagram A post shared by Daniel Stables | Travel Writer (@danstabs) ఇదీ చదవండి: అమెరికా రాయబారి మెచ్చిన దుర్గా పూజ..! ఆ కారణంగానే స్పెషల్‌..

దేవి నవరాత్రుల సందడి మొదలైంది. యావత్తు భారతదేశం ఈ సమయంలో భక్తి పారవశ్యంతో ఆధ్యాత్మికతతో విలసిల్లుతుంది. ఎటు చూసినా.. పండుగ శోభతో మనోహరంగా ఉంటుంది. అందులోనూ ఈ దుర్గా పూజ కోల్‌కతాలో మరింత ప్రత్యేకం. అక్కడ దుర్గాపూజకు యునెస్కో గుర్తింపు లభించిన సంగతి తెలిసిందే. ఆ నేపథ్యంలోనే భారత్‌లోని అమెరికా రాయబారి సెర్గియో గోర్‌ ఈ వేడుకలను ప్రత్యేకంగా వీక్షించేందుకు కోల్‌కతాలో పర్యటించారు. అంతేగాదు ఈ పండుగపై తన అభిప్రాయాలను కూడా సోషల్‌ మీడియా ఎక్స్‌ పోస్ట్‌లో ఇలా పంచుకున్నారు. కోల్‌కతాకు తిరిగి రావడం ఆనందంగా ఉందని అన్నారు. ఈ పర్యటన సందర్భంగా నగరంలో కొన్ని అందమైన దుర్గా పూజ పండాల్‌లను సందర్శించి, ఈ వేడుకతో ముడిపడి ఉన్న సృజనాత్మకతను, సాముహిక స్ఫూర్తిని అనుభవించానని అన్నారు. ఈ పర్యటనలో గొప్ప ఆధ్యాత్మిక అనుభూతిని పొందానన్నారు. అంతేగాదు ఈ దుర్గాపూజ ప్రతి ఒక్కరికి ఎందుకింతో ప్రత్యేకమో అనుభవపూర్వకంగా అర్థమైందన్నారు. అలాగే అందరికీ దుర్గా పూజ శుభాకాంక్షలు తెలిపారు. ముఖ్యంగా ఈ వేడుకలో అమ్మవారి విగ్రహాలను తయారు చేయు విధానం, ఆ పూజలో దాగున్న సమాజ స్ఫూర్తి ఈ పండుగను మరింత ప్రత్యేకం చేశాయని నొక్కి చెప్పారు. అందుకే ఈ పండుగ జరుపుకుంటున్న ప్రతి ఒక్కరికీ దుర్గా పూజ శుభాకాంక్షలు అని రాసుకొచ్చారు అమెరికా రాయబారి సెర్గియో. Great to be back in Kolkata! Visited some beautiful pandals and experienced firsthand the incredible creativity, community spirit, and warmth. I can see why this celebration is so special. Happy Durga Puja to everyone celebrating! https://t.co/PsX4imUqhD— Ambassador Sergio Gor (@USAmbIndia) October 12, 2026ఇదీ చదవండి: నటి యామీ గౌతమ్ ధరించిన‌ కుర్తాసెట్‌.. అన్ని లక్షలా..!

మైసూరు: కర్ణాటకలోని ప్రసిద్ధ మైసూరు దసరా ఉత్సవాలను తిలకించేందుకు వెళ్లే పర్యాటకులకు హోటల్ యాజమాన్యాలు షాక్ ఇస్తున్నాయి. పండుగ రద్దీని ఆసరాగా చేసుకుని చివరి నాలుగు రోజుల్లో (అక్టోబర్ 18 నుంచి 21 వరకు) గదుల అద్దెలను ఏకంగా 20 నుంచి 25 శాతం పెంచుతున్నట్లు హోటల్ యజమానుల సంఘం ప్రకటించింది.ముఖ్యంగా విజయదశమి నాటి జంబూ సవారీ ఊరేగింపు స్పష్టంగా తిలకించగలిగే సయాజీ రావు రోడ్డులోని కొన్ని హోటళ్లు గదుల చార్జీలను ఏకంగా రెట్టింపు చేసేశాయి. నగరంలోని సుమారు 420 హోటళ్లు, హోమ్‌స్టేలలో ఉన్న 18,500 గదుల్లో ఇప్పటికే 70 శాతానికి పైగా ముందస్తుగానే బుక్ అయిపోగా, అక్టోబర్ 18 నాటికి నగరంలో ఒక్క గది కూడా ఖాళీగా దొరికే అవకాశం లేదని అసోసియేషన్ అధ్యక్షుడు సి నారాయణ గౌడ తెలిపారు.కేఎస్సార్టీసీ బస్సులు పండుగ చార్జీలు పెంచినందుకే తామూ రేట్లు పెంచాల్సి వచ్చిందని హోటల్ యజమానులు సమర్థించుకుంటున్నారు. మరోవైపు చాముండి కొండపై ఉత్సవాలు ప్రారంభమైన నాటి నుంచే నగరంలో పర్యాటకుల తాకిడి పెరిగి ట్రాఫిక్ స్తంభించిపోవడంతో కొద్ది కిలోమీటర్ల ప్రయాణానికే గంటల కొద్దీ సమయం పడుతోంది. వెరసి అటు ట్రాఫిక్ కష్టాలు, ఇటు గదుల ధరల బాదుడుతో సందర్శకుల జేబులు గుల్లవుతున్నాయి.ఇదీ చదవండి: 23 రాష్ట్రాలకు వాతావరణ శాఖ హెచ్చరిక.. తెలుగు రాష్ట్రాల్లో..

దసరా నవరాత్రుల వేళ ఇళ్లలో పండుగ సందడి నెలకొంది. అమ్మవారికి ప్రత్యేక పూజలు చేస్తూ భక్తులు భక్తిశ్రద్ధలతో నవరాత్రి ఉత్సవాలను నిర్వహిస్తున్నారు. ఈ క్రమంలో ప్రముఖ నిర్మాత దిల్ రాజు ఇంట్లోనూ దసరా వేడుకలు ప్రత్యేకంగా జరుగుతున్నాయి. ఆయన భార్య తేజస్విని వ్యాఘ తమ ఇంటి వద్ద అమ్మవారి మండపాన్ని ఏర్పాటు చేసి పూజలు నిర్వహించారు. ఈ మేరకు సోషల్‌ మీడియాలో షేర్‌ చేశారు. ఇప్పుడీ ఫొటోలు వైరల్‌ అవుతున్నాయి.నవరాత్రుల్లో మొదటి రోజు పూజ అనంతరం తేజస్విని తన కుటుంబ సభ్యులతో కలిసి అమ్మవారి మండపం వద్ద ఫొటోలు దిగారు. ఈ ఫొటోలను ఆమె సోషల్ మీడియాలో పంచుకున్నారు. ప్రస్తుతం ఈ చిత్రాలు నెటిజన్ల దృష్టిని ఆకర్షిస్తున్నాయి. సంప్రదాయబద్ధంగా అమ్మవారి పూజలు నిర్వహిస్తూ కుటుంబంతో కలిసి పండగను నిర్వహించుకున్న తేజస్విని ఫొటోలు సోషల్ మీడియాలో సందడి చేస్తున్నాయి.(ఇదీ చదవండి: ‘ఇరుముడి’ లాంటి సినిమా.. తండ్రీకొడుకుల సెంటిమెంట్‌కి 17 రెట్లు వసూళ్లు) View this post on Instagram A post shared by Tejaswini Vundavalli (@tejaswini_vygha)

భక్తి పారవశ్యం.. సంప్రదాయ నృత్యాలు.. రంగురంగుల వేడుకలు.. సంగీత హోరు.. ఇలా నవరాత్రి పండగ దేశవ్యాప్తంగా విభిన్న సంస్కృతులకు అద్దం పడుతుంది. గుజరాత్‌లో గర్బా, దాండియా నృత్యాలు ప్రత్యేక ఆకర్షణగా నిలిస్తే.. పశ్చిమ బెంగాల్‌లో దుర్గాపూజ వైభవం కనువిందు చేస్తుంది. కర్ణాటకలో రాజసం ఉట్టిపడే మైసూరు దసరా, హిమాచల్‌ప్రదేశ్‌లో ఆధ్యాత్మిక వాతావరణం భక్తులను ఆకట్టుకుంటాయి. 2026 నవరాత్రి సందర్భంగా దేశంలోని వివిధ ప్రాంతాల్లో పండగ సంబరాలను ఆస్వాదించాలనుకునే పర్యాటకుల కోసం థామస్ కుక్ ఇండియా, ఎస్‌ఓటీసీ ట్రావెల్ సంస్థలు 11 ప్రత్యేక గమ్యస్థానాలను సూచించాయి. అవేమిటో ఇప్పుడు చూద్దాం..అహ్మదాబాద్‌.. గర్బా వేడుకలకు కేంద్రంగుజరాత్‌లోని అహ్మదాబాద్‌ నవరాత్రి సంబరాలకు ప్రసిద్ధి చెందింది. నగరమంతా సంప్రదాయ వస్త్రధారణలో సందడి చేసే ప్రజలు, ప్రత్యక్ష సంగీత కార్యక్రమాలు, భారీ గర్బా వేడుకలతో పండగ వాతావరణం నెలకొంటుంది. సంప్రదాయ సామూహిక నృత్యాల నుంచి భారీ స్థాయిలో నిర్వహించే కార్యక్రమాల వరకు పర్యాటకులకు ఎన్నో అనుభవాలు ఎదురవుతాయి. పగటిపూట పాత నగరంలోని చారిత్రక ప్రాంతాలు, అందమైన హవేలీలు, సబర్మతి ఆశ్రమం, అడాలజ్ మెట్ల బావిని సందర్శించవచ్చు. కాలికో వస్త్ర మ్యూజియాన్ని చూడటంతో పాటు ఫాఫ్డా-జిలేబీ, ఖాఖ్రా, గుజరాతీ సంప్రదాయ భోజనాన్ని రుచి చూడవచ్చు. ఇక వడోదరలో సంప్రదాయ గర్బాకు ప్రత్యేక గుర్తింపు ఉంది. లక్ష్మీ విలాస్ ప్యాలెస్‌, బరోడా మ్యూజియం, ఈఎంఈ ఆలయ సందర్శనతో పర్యటనను మరింత ఆసక్తికరంగా మార్చుకోవచ్చు.హిమాచల్‌ప్రదేశ్‌.. ఆధ్యాత్మిక యాత్రకు..హిమాచల్‌ప్రదేశ్‌లో నవరాత్రులు భక్తిశ్రద్ధలతో సాగుతాయి. కాంగ్రా, చింత్‌పూర్ణి, నైనా దేవి ఆలయాలను ఈ సందర్భంగా అందంగా అలంకరిస్తారు. హిమాలయ పర్వతాల ప్రకృతి అందాల మధ్య దేవీ దర్శనం చేసుకోవాలనుకునేవారికి ఈ ప్రాంతం ప్రత్యేక అనుభూతిని అందిస్తుంది. కాంగ్రా కోట, చాముండా దేవి ఆలయాన్ని సందర్శించవచ్చు. పర్యటనను మరికొంత పొడిగించాలనుకునేవారు ధర్మశాల, మెక్‌లియోడ్ గంజ్ ప్రాంతాలకు వెళ్లవచ్చు. అక్కడి పర్వత దృశ్యాలు, బౌద్ధ మఠాలు, కేఫ్‌లు, ప్రకృతి అందాలను ఆస్వాదించవచ్చు.కోల్‌కతా.. దుర్గాపూజ వైభవానికి చిరునామాపశ్చిమ బెంగాల్‌ రాజధాని కోల్‌కతాలో నవరాత్రి వేడుకలు దుర్గాపూజతో ప్రత్యేక శోభను సంతరించుకుంటాయి. కళాత్మకంగా రూపొందించిన పూజా మండపాలు, అందంగా అలంకరించిన దుర్గామాత విగ్రహాలు, సంప్రదాయ ధాక్ వాయిద్యాల నడుమ నగరమంతా పండగ కళ కనిపిస్తుంది. సాయంత్రం వివిధ మండపాలను సందర్శించడం పర్యాటకులకు ప్రత్యేక అనుభూతిని అందిస్తుంది. పగటిపూట విగ్రహాల తయారీకి ప్రసిద్ధి చెందిన కుమార్టులిని సందర్శించవచ్చు. విక్టోరియా మెమోరియల్‌, భారతీయ మ్యూజియాన్ని చూడటంతో పాటు ఉత్తర కోల్‌కతాలోని చారిత్రక ప్రాంతాల్లో విహరించవచ్చు. హుగ్లీ నదీ తీరంలో సమయం గడపడం, దక్షిణేశ్వర్ కాళీమాత ఆలయాన్ని సందర్శించడం, మిష్టి దోయ్‌, సందేశ్ వంటి బెంగాలీ తీపి వంటకాలను రుచి చూడటం పర్యటనకు అదనపు ఆకర్షణలు.కచ్‌, రాజ్‌కోట్‌, ద్వారక.. గుజరాత్‌లో..కచ్‌ ప్రాంతంలో నవరాత్రి జానపద కళలు, సంగీతం, నృత్యాలు, సంప్రదాయ హస్తకళలతో ప్రత్యేకంగా కనిపిస్తుంది. తెల్లని రణ్‌ ప్రాంతంలో సూర్యోదయం లేదా సూర్యాస్తమయ దృశ్యాలను ఆస్వాదించవచ్చు. భుజోడి, నిరోనా గ్రామాల్లో చేనేత, ఎంబ్రాయిడరీ, రోగన్ చిత్రకళ వంటి సంప్రదాయ కళారూపాలను పరిచయం చేసుకోవచ్చు. భుజ్‌లోని ప్రాగ్ మహల్‌, ఐనా మహల్‌ కూడా సందర్శించదగిన ప్రాంతాలు. ఇక సౌరాష్ట్రలోని రాజ్‌కోట్‌లో గర్బా, డాండియా వేడుకలు కుటుంబాలు, స్థానిక సమాజాలను ఒక్కచోటకు చేరుస్తాయి. కబా గాంధీ నో డేలో, వాట్సన్ మ్యూజియం, జూబ్లీ గార్డెన్ సందర్శించవచ్చు. ద్వారకలో ద్వారకాధీశ ఆలయం, నాగేశ్వర జ్యోతిర్లింగం, బెట్ ద్వారక, రుక్మిణీదేవి ఆలయాలను దర్శించుకోవచ్చు. సముద్రతీరంలో సాయంత్రం విహరించడంతో పాటు స్థానిక మార్కెట్లలో సంప్రదాయ వస్తువులను కొనుగోలు చేయవచ్చు.భావ్‌నగర్‌, ఢిల్లీ.. రామ్‌లీలా వేడుకలకు..గుజరాత్‌లోని భావ్‌నగర్‌ ప్రశాంతమైన వాతావరణంలో నవరాత్రి వేడుకలను ఆస్వాదించాలనుకునేవారికి అనువైన ప్రాంతం. నీలంబాగ్ ప్యాలెస్‌, తఖ్తేశ్వర్ ఆలయం, బార్టన్ మ్యూజియం, గాంధీ స్మృతి సందర్శించవచ్చు. సమీపంలోని వెలావదర్ బ్లాక్‌బక్ జాతీయ ఉద్యానవనంలో వన్యప్రాణులను చూసే అవకాశం ఉంటుంది. గుజరాతీ, కథియావాడీ వంటకాలు ఈ ప్రాంత పర్యటనకు ప్రత్యేకతను జోడిస్తాయి. మరోవైపు దేశ రాజధాని ఢిల్లీలో గర్బా, డాండియా కార్యక్రమాలతో పాటు రామ్‌లీలా వేడుకలు జరుగుతాయి. ఎర్రకోట, హుమాయూన్ సమాధి, కుతుబ్ మినార్ వంటి చారిత్రక ప్రదేశాలను సందర్శించవచ్చు. పాత ఢిల్లీలోని రద్దీ మార్కెట్లు, వీధి ఆహారం, ఢిల్లీ హాట్‌లోని హస్తకళలు, ప్రాంతీయ వంటకాలను ఆస్వాదించవచ్చు. అక్షరధామ్ ఆలయ సందర్శనతో పర్యటనను మరింత ప్రత్యేకంగా మార్చుకోవచ్చు.మైసూరు, ముంబయి.. రాజసం నుంచి..కర్ణాటకలోని మైసూరులో దసరా ఉత్సవాలు రాజసానికి ప్రతీకగా నిలుస్తాయి. విద్యుద్దీపాలతో వెలిగిపోయే మైసూరు ప్యాలెస్‌, సాంస్కృతిక కార్యక్రమాలు, సంప్రదాయ ప్రదర్శనలు, భారీ ఊరేగింపు పండగకు ప్రత్యేక ఆకర్షణలు. చాముండి కొండపై ఉన్న చాముండేశ్వరి ఆలయం, దేవరాజ మార్కెట్‌, మైసూరు ఇసుక శిల్పాల మ్యూజియాన్ని సందర్శించవచ్చు. కరంజి సరస్సు వద్ద విహరించడంతో పాటు సమీపంలోని శ్రీరంగపట్నానికి వెళ్లవచ్చు. మైసూరు పాక్‌, దక్షిణ భారత సంప్రదాయ వంటకాలను రుచి చూడవచ్చు. మహారాష్ట్రలోని ముంబయిలో నవరాత్రి వేడుకలు నగరంలోని విభిన్న సంస్కృతులను ప్రతిబింబిస్తాయి. భారీ గర్బా, దాండియా కార్యక్రమాలతో పాటు స్థానిక ప్రాంతాల్లోనూ పండగ సంబరాలు జరుగుతాయి. గేట్‌వే ఆఫ్ ఇండియా, ఫోర్ట్‌, కాలా ఘోడా చారిత్రక ప్రాంతాలు, ఎలిఫెంటా గుహలను సందర్శించవచ్చు. కొలాబా కాజ్‌వే, లింకింగ్ రోడ్‌లో షాపింగ్ చేయడంతో పాటు మెరైన్ డ్రైవ్‌లో సూర్యాస్తమయాన్ని ఆస్వాదించవచ్చు. ఇలా ఒక్కో ప్రాంతం ఒక్కో ప్రత్యేకతతో నవరాత్రి పర్యటనను మరపురాని అనుభవంగా మార్చుకోవచ్చు.ఇదీ చదవండి: ధ్రువ్ రాఠీ వివాదం: విదేశీయులు భారత్‌లో నిరసనలు తెలుపవచ్చా?

సాక్షి ప్రతినిధి, విజయవాడ: దసరా దేవీ శరన్నవరాత్రి మహోత్సవాలకు శ్రీ దుర్గామల్లేశ్వర స్వామివార్లు కొలువుదీరిన బెజవాడ ఇంద్రకీలాద్రి సర్వాంగ సుందరంగా ముస్తాబైంది. ఆదివారం నుంచి ప్రారంభమయ్యే దసరా ఉత్సవాలు 20వ తేదీ వరకు కొనసాగుతాయి. ఉత్సవాలలో తొలిరోజైన ఆదివారం దుర్గమ్మ శ్రీబాలా త్రిపుర సుందరీదేవిగా భక్తులకు దర్శనమిస్తారు. తెల్లవారుజామున అమ్మవారికి సుప్రభాత సేవ, అనంతరం స్నపనాభిషేకం, విశేష అలంకరణ, పూజా కార్యక్రమాలు జరుగుతాయి. అనంతరం.. ఉ.8 గంటల నుంచి భక్తులను అమ్మవారి దర్శనానికి అనుమతిస్తారు. మొదటిరోజు ఆదివారం కావడంతో పెద్దఎత్తున భక్తులు విచ్చేస్తారని ఆలయ అధికారులు అంచనా వేస్తున్నారు. విద్యుద్దీపాల ధగధగలు..ఉత్సవాల్లో భాగంగా అమ్మవారి ప్రధాన ఆలయంతో పాటు మహా మండపం, మల్లేశ్వర స్వామివారి ఆల­యం, రాజగోపురం, ఘాట్‌రోడ్డుతో పాటు చైనావాల్, కొండ దిగువన కనకదుర్గనగర్‌లను విద్యుత్‌ దీపాలతో అలంకరించారు. అమ్మవారిని దర్శించుకునేందుకు విచ్చేసే భక్తుల సౌకర్యార్థం కెనాల్‌రోడ్డులోని వినాయకుడి గుడి నుంచి క్యూలైన్లు ఏర్పాటుచేశారు. రద్దీ అధికమైతే వీఎంసీ కార్యాలయం, సీతమ్మ వారి పాదాల వద్ద ఏర్పాటుచేసిన కంపార్టుమెంట్లలోకి భక్తులను తరలిస్తారు. ఇక హైదరాబాద్, తెలంగాణ వైపు నుంచి విచ్చేసే భక్తుల కోసం ఈ ఏడాది కుమ్మరిపాలెం వరకు క్యూలైన్లు ఏర్పాటుచేసింది. వీవీఐపీలు, ప్రముఖుల రాక..ఈ ఏడాది దసరా ఉత్సవాలకు పలువురు వీవీఐపీలు, ప్రముఖులు విచ్చేస్తున్న నేపథ్యంలో పోలీసు బందోబస్తును పటిష్టంగా ఏర్పాటుచేస్తున్నారు. ఈ ఉత్సవాలకు రాష్ట్రం నలుమూలల నుండే కాకుండా తెలంగాణ, కర్ణాటక ప్రాంతాల నుండి అమ్మవారి దర్శనానికి అధిక సంఖ్యలో విచ్చేస్తారు. దీంతో.. నగరానికి విచ్చేసే భక్తుల భద్రత దృష్ట్యా సుమారు 3,130 మంది పోలీసు అధికారులు, సిబ్బందితో పోలీసు బందోబస్తును ఏర్పాటుచేస్తున్నారు. బూమ్‌ బ్యారియర్లు, యా­క్సె­స్‌ కంట్రోలర్స్‌ ఏర్పాటు, క్షేత్రస్థాయి పరిశీలన కోసం 30 డ్యాష్‌బోర్డులతో అధునాతన కంట్రోల్‌ రూ­మ్, క్యూలైన్లలో భక్తుల కదలికలు, పార్కింగ్‌ స్థలాలు, ఆర్టీసీ, రైల్వే ప్రయాణికుల రద్దీని ఏఐ కెమెరాలు, డ్రోన్లు, ఏఎన్‌పీఆర్‌ సిస్టమ్, డిజిటల్‌ ట్విన్స్‌ పరిజ్ఞానంతో నిరంతరం పర్యవేక్షిస్తారు. మొత్తం టెంపుల్‌ పరిసర ప్రాంతాల్లో 40 పార్కింగ్‌ పాయింట్లను ఏర్పాట్లుచేశారు. సామాన్య భక్తుల సౌకర్యార్థం కొండపైన ఓం టర్నింగ్‌ వద్ద వాహనాల పార్కింగ్‌కు అనుమతి ఇవ్వడంలేదు. పాస్‌ ఉన్న వాహనాలు ఓం టర్నింగ్‌ వరకు వెళ్లి అక్కడ డ్రాప్‌ చేసిన అనంతరం కిందకు వెళ్లిపోయేలా ఏర్పాట్లు చేశారు.నేటి అలంకారం శ్రీబాలా త్రిపుర సుందరీదేవి..శరన్నవరాత్రి మహోత్సవాల్లో మొదటి రోజు శ్రీ కనకదుర్గ అమ్మవారు శ్రీ బాలా త్రిపుర సుందరీదేవిగా భక్తులకు దర్శనమిస్తారు. బాలాదేవి ఎంతో మహిమాన్వితమైనది. శ్రీ బాలా మంత్రం సమస్త దేవి మంత్రాల్లో ముఖ్యమైనది. అందుకే శ్రీవిద్యోపాసకులకు మొట్టమొదట బాలా మంత్రాన్ని ఉపదేశిస్తారు. మహా త్రిపుర సుందరీదేవి నిత్యం కొలువై ఉండే పవిత్రమైన శ్రీచక్రంలో మొదటి ఆమ్నాయంలో ఉండే మొదటి దేవత శ్రీబాలా త్రిపుర సుందరీదేవి. అందుకే ముందుగా బాలాదేవి అనుగ్రహం పొందితేనే శ్రీమహా త్రిపురసుందరీదేవి అనుగ్రహాన్ని పొందగలం. దసరా ఉత్సవాల్లో భక్తులకు పూర్ణఫలం అందించే అమ్మవారు శ్రీ బాలా త్రిపుర సుందరీదేవి.

సాక్షి, హైదరాబాద్‌: దసరా పండుగ సందర్భంగా శనివారం నుంచి రాష్ట్రంలోని విద్యాసంస్థలకు సెలవులు ప్రకటించారు. ఈనెల 10వ తేదీ నుంచి 22వ తేదీ వరకు అన్ని స్థాయిల్లోని ప్రభుత్వ పాఠశాలలకు దసరా సెలవులు ఇవ్వనున్నట్టు విద్యా శాఖ వర్గాలు వెల్లడించాయి.2026–27 విద్యా కేలండర్‌లో ప్రకటించిన మేరకు ఈనెల 23న ప్రభుత్వ పాఠశాలలు, 22న జూనియర్‌ కళాశాలలు పునఃప్రారంభమవుతాయని తెలిపాయి.

సాక్షి, అమరావతి: రాష్ట్రంలోని పాఠశాలలకు దసరా సెలవులు ఈ నెల 10వ తేదీ (శనివారం) నుంచి ప్రారంభం కానున్నాయి. పా­ఠశాల విద్యాశాఖ 2026–27 విద్యా సంవత్సరం కేలండర్‌ ప్రకారం దసరా సెలవులు ఈ నెల 12 నుంచి 21వ తేదీ వరకు ప్రకటించా­రు. అయితే, ఈనెల 10న రెండో శనివారం, మరుసటిరోజు ఆదివారం కావడంతో రెండురోజులు ముందే సెలవులు వచ్చినట్టయింది. పాఠశాలలు అక్టోబర్‌ 22న పునఃప్రారంభం అవుతాయి.

సాక్షి ప్రతినిధి, విజయవాడ: దసరా శరన్నవరాత్రి ఉత్సవాల్లో భాగంగా ఈ నెల 14న రాష్ట్రపతి ద్రౌపది ముర్ము ఇంద్రకీలాద్రిపై కొలువైన కనకదుర్గమ్మను దర్శించుకోనున్నారు. ఈ మేరకు రాష్ట్రపతి పర్యటన షెడ్యూల్‌ ఖరారైంది. రాష్ట్రపతి ముర్ము 14వ తేదీ రాత్రి 7.30 గంటలకు ఇంద్రకీలాద్రికి చేరుకుంటారు. సుమారు 20 నిమిషాలు దుర్గగుడిలో గడుపుతారు. రాష్ట్రపతి పర్యటన నేపథ్యంలో 14న అమ్మవారికి జరిగే వైదిక కార్యక్రమాలకు ఎటువంటి లోటుపాట్లు లేకుండా తీసుకోవాల్సిన జాగ్రత్తలపై దేవస్థాన వైదిక కమిటీ సమావేశమై చర్చించింది.

న్యూఢిల్లీ: దసరా పండుగ ప్రారంభం కానుండటంతో దేశంలోని పలు రాష్ట్రాల్లో పాఠశాలలకు సెలవులు ప్రకటించారు. దసరా, దుర్గాపూజ, విజయదశమి, లక్ష్మీపూజ తదితర పండుగల సందర్భంగా వివిధ రాష్ట్రాలలో సెలవులు ఇలా ఉన్నాయి.ఢిల్లీ: అక్టోబర్ 20న దసరా/విజయదశమి సందర్భంగా పాఠశాలలకు సెలవు ఉంటుంది. అక్టోబర్ 26న వాల్మీకి జయంతి సందర్భంగా కూడా సెలవు ఉంటుంది.ఉత్తరప్రదేశ్: అక్టోబర్ 20న దసరా సందర్భంగా పాఠశాలలకు సెలవు ప్రకటించారు.బిహార్: అక్టోబర్ 5న జితియా వ్రతం సందర్భంగా సెలవు ఉంటుంది. దుర్గాపూజ సందర్భంగా అక్టోబర్ 17 నుంచి 21 వరకు పాఠశాలలు మూసివేయనున్నారు.పశ్చిమ బెంగాల్: అక్టోబర్ 10న మహాలయ/దేవీపక్షం సందర్భంగా సెలవు ఉంటుంది. దుర్గాపూజ, లక్ష్మీపూజ సందర్భంగా అక్టోబర్ 15 నుంచి 26 వరకు పాఠశాలలకు సెలవులు ఉంటాయి.ఒడిశా, అసోం: దుర్గాపూజ సందర్భంగా అక్టోబర్ 17 నుంచి 21 వరకు పాఠశాలలకు సెలవులు ప్రకటించారు.హర్యానా: అక్టోబర్ 20న దసరా, అక్టోబర్ 26న మహర్షి వాల్మీకి జయంతి, అక్టోబర్ 29న కర్వాచౌత్ సందర్భంగా సెలవులు ఉంటాయి.కర్ణాటక: దసరా సెలవులు అక్టోబర్ 3 నుంచి 21 వరకు కొనసాగనున్నాయి. అక్టోబర్ 22న పాఠశాలలు తిరిగి ప్రారంభమవుతాయి.తెలంగాణ: అక్టోబర్ 10 నుండి అక్టోబర్ 22 వరకుఆంధ్రప్రదేశ్: అక్టోబర్ 12 నుండి అక్టోబర్ 21 వరకుదేశవ్యాప్తంగా అక్టోబర్ 20న దసరా/విజయదశమి సందర్భంగా పాఠశాలలకు సెలవు ఉంటుంది.అలాగే నవంబర్ 8న దీపావళి/కాళీపూజ సందర్భంగా దేశవ్యాప్తంగా పాఠశాలలకు సెలవు ఉండనుంది. అయితే పాఠశాలల సెలవుల తేదీలు రాష్ట్ర ప్రభుత్వాలు, విద్యాశాఖల నిర్ణయాల ప్రకారం మారే అవకాశం ఉన్నందున విద్యార్థులు తమ పాఠశాల అధికారిక సెలవుల జాబితాను కూడా పరిశీలించడం మంచిది.

దసరా.. చెడుపై మంచి సాధించిన విజయానికి ప్రతీకగా దేశవ్యాప్తంగా జరుపుకునే పండుగ. మూల సూత్రం ఒక్కటే అయినప్పటికీ, ప్రాంతీయ ఆచార వ్యవహారాలు, సంప్రదాయాలు ఈ వేడుకలకు ప్రత్యేకమైన శోభను చేకూరుస్తాయి. ఈ పవిత్ర పర్వదినాన ఒక్కో రాష్ట్రం తన గొప్ప సాంస్కృతిక వారసత్వాన్ని ఘనమైన ఊరేగింపుల నుండి ప్రత్యేకమైన పూజా విధానాల దాకా చాటిచెబుతుంది. ఈ ఏడాది అక్టోబర్‌ 20న దసరాను జరుపుకోనున్నారు.1. కోల్‌కతా (దుర్గా పూజ)కోల్‌కతాలో దసరా అనేది దుర్గా పూజతో ముడిపడివుంది. మహిషాసురుడిపై దుర్గాదేవి సాధించిన విజయానికి గుర్తుగా ఇక్కడ అత్యంత వైభవంగా ఉత్సవాలు నిర్వహిస్తారు. నగరం మొత్తం వినూత్నమైన థీమ్స్‌తో అందంగా అలంకరించిన మండపాలతో కళకళలాడుతుంది. భక్తులు సాంస్కృతిక ప్రదర్శనలు, సంప్రదాయ నృత్యాలు, విందుల్లో పాల్గొంటారు. చివరి రోజున విగ్రహ నిమజ్జనంతో ఈ వేడుకలు ముగుస్తాయి. ఇందులో ముఖ్యమైన ఆచారం సిందూర్‌ ఖేలా. విజయదశమి రోజున వివాహిత మహిళలు ఒకరి ముఖానికి మరొకరు సింధూరం పూసుకుంటూ సంతోషంగా ఈ ఆచారాన్ని నిర్వహిస్తారు.2. అహ్మదాబాద్ దసరా (రావణ దహనం)అహ్మదాబాద్‌లో రావణ దహనం అత్యంత ప్రధానమైన వేడుకగా సాగుతుంది. రావణుడు, మేఘనాథుడు, కుంభకర్ణుడి భారీ దిష్టిబొమ్మలను ఇక్కడ దగ్ధం చేస్తారు. సాంస్కృతిక ప్రదర్శనలు, సంగీతం, నృత్యాల మధ్య సాగే ఈ కార్యక్రమాన్ని తిలకించేందుకు భారీగా జనం తరలివస్తారు. ఈ దిష్టిబొమ్మల దహనం చెడుపై మంచి సాధించిన విజయానికి ప్రతీకగా నిలుస్తుంది.3. ఢిల్లీ దసరా (రామ్‌లీలా, రావణ దహనం)ఢిల్లీలో దసరా అనగానే రామాయణ ఘట్టాలను కళ్ళకు కట్టే రామ్‌లీలా నాటక ప్రదర్శనలు గుర్తుకువస్తాయి. ఈ నాటకాల ముగింపుగా రావణాసురుడి భారీ దిష్టిబొమ్మలను తగులబెడతారు. బాణసంచా వెలుగులు, సాంస్కృతిక కార్యక్రమాలు, మేళాల నడుమ వేలాది మంది ప్రేక్షకుల సమక్షంలో ఈ ఉత్సవాలు అట్టహాసంగా సాగుతాయి.4. పంజాబ్ దసరాపంజాబ్‌లో దసరా వేడుకలు భక్తి శ్రద్ధలతో ముడిపడి ఉంటాయి. భక్తులు ఉపవాసాలు ఉంటారు. రాత్రి జాగరణలలో భక్తి గీతాలు ఆలపిస్తారు, భండారాలు పేరిట సమాజ విందులు ఏర్పాటు చేస్తారు. రాష్ట్రంలోని పలు ప్రాంతాలలో శక్తిమాత ఆరాధన, ఊరేగింపులు, ప్రత్యేక ప్రార్థనలతో ఈ పర్వదినాన్ని జరుపుకుంటారు.5. ఛత్తీస్‌గఢ్ (బస్తర్ దసరా)ఛత్తీస్‌గఢ్‌లో దాదాపు 75 రోజుల పాటు సాగే బస్తర్ దసరా ఎంతో విశిష్టమైనది. ఈ వేడుకలు దంతేశ్వరి దేవి ముంగిట నిర్వహిస్తారు. ప్రతీకాత్మకంగా దివాన్‌కు అధికార బదిలీ వంటి గిరిజన ఆచారాలు ఇందులో ఉంటాయి. ఊరేగింపులు, సంప్రదాయ నృత్యాలు, పురాతన ఆయుధాల పూజలతో పాటు పాట్ జాతర, భారీ రథయాత్ర వంటి ఘట్టాలు ఇందులో విశేషం. గిరిజన సంస్కృతి, స్థానిక దేవతలతో పాటు ప్రకృతిని, భూమిని ఆరాధించే జీవన విధానం ఇందులో స్పష్టంగా కనిపిస్తుంది.6. చెన్నై(బొమ్మల కొలువు)చెన్నైలో దసరా సందర్భంగా బొమ్మల కొలువు ఏర్పాటు చేయడం ప్రధాన సంప్రదాయంగా కొనసాగుతున్నది. మెట్ల వరుసలపై పౌరాణిక గాథలు, నిత్య జీవిత సన్నివేశాలను తెలిపే వివిధ రకాల బొమ్మలను ప్రదర్శిస్తారు. ఈ సందర్భంగా సాంస్కృతిక ప్రదర్శనలు, కథలు చెప్పడం, ప్రసాదాల పంపిణీ వంటివి జరుగుతాయి.7. కులు దసరాహిమాచల్ ప్రదేశ్‌లో జరుపుకునే కులు దసరా వారం రోజుల పాటు సాగే సుప్రసిద్ధ ఉత్సవం. ఊరేగింపులు, సంప్రదాయ సంగీతం, నృత్యాలకు ఇది పెట్టింది పేరు. మిగిలిన ప్రాంతాలతో పోలిస్తే ఇది భిన్నంగా విజయదశమి నాడే మొదలై ఆ తర్వాత కొనసాగుతుంది. స్థానిక ఆరాధ్య దైవమైన రఘునాథుడిని ఘనంగా ఊరేగిస్తారు. ఈ వేడుకను వీక్షించడానికి దేశవ్యాప్తంగా పర్యాటకులు, భక్తులు తరలివస్తారు.భారతదేశంలో జరిగే విభిన్న దసరా వేడుకలు మన దేశ సంస్కృతికి అద్దం పడతాయి. చెడుపై మంచి సాధించే విజయం అనే మూల సందేశం ఒక్కటే అయినా, భౌగోళిక ఆచారాలు ఈ పండుగకు కొత్త రంగులను అద్దుతాయి. కోల్‌కతా దుర్గాపూజ వైభవం మొదలుకుని పంజాబ్ భక్తిభావం వరకు.. దసరా మన దేశాన్ని ఉన్నత విలువలతో ఏకం చేస్తుంది.

సాక్షి, హైదరాబాద్‌: దసరా పండుగ సందర్భంగా TGSRTC కీలక నిర్ణయం తీసుకుంది. 9,10,16,17 తేదీల్లో ప్రయాణికుల రద్దీ దృష్ట్యా ప్రత్యేక బస్సులు నడుపనున్నట్లు పేర్కొంది. మెుత్తంగా 7వేల ప్రత్యేక బస్సులు నడపనున్నట్లు ప్రకటన విడుదల చేసింది. ప్రయాణికులు ఈ సౌకర్యాన్ని వినియోగించుకోవాలని తెలిపింది. అదే విధంగా ప్రయాణికుల రద్దీ దృష్ట్యా బస్టాండ్లలో ప్రత్యేక వసతులు ఏర్పాటు చేయనున్నట్లు పేర్కొంది.

పెద్ద పండుగ వచ్చేస్తోంది. దసరా షాపింగ్‌కు నగరాల నుంచి పట్టణాల వరకు సందడి మొదలైంది. మరోవైపు ఆన్‌లైన్‌ షాపింగ్‌ సంస్థలు కూడా భారీ డిస్కౌంట్లతో కస్టమర్లను ఆకర్షించేందుకు సిద్ధమయ్యాయి. మొబైళ్లు, టీవీలు, ల్యాప్‌టాప్‌లు, గృహోపకరణాల నుంచి దుస్తులు, ఫ్యాషన్‌, బ్యూటీ ప్రొడక్టుల వరకు పెద్ద ఎత్తున ఆఫర్లు రానున్నాయి. అయితే తెరపై కనిపించే ‘70 శాతం, 80 శాతం, 90 శాతం డిస్కౌంట్‌’ చూసి వెంటనే కార్ట్‌లో వేసుకోవడం మాత్రం నిజంగానే మంచిదా?. అమెజాన్‌ గ్రేట్‌ ఇండియన్‌ ఫెస్టివల్‌ అక్టోబర్‌ 8న ప్రారంభం కానుంది. స్మార్ట్‌ఫోన్లు, ఎలక్ట్రానిక్స్‌, టీవీలు, ఫ్యాషన్‌, బ్యూటీ, హోమ్‌ అండ్‌ కిచెన్‌ తదితర విభాగాల్లో ఏడాదిలోనే తక్కువ ధరలతో డీల్స్‌ ఉంటాయని అమెజాన్‌ ప్రకటించింది. ఎస్‌బీఐ క్రెడిట్‌, డెబిట్‌ కార్డులు, అర్హత ఉన్న ఈఎంఐ లావాదేవీలపై 10 శాతం ఇన్‌స్టంట్‌ డిస్కౌంట్‌ కూడా ప్రకటించింది. ప్రైమ్‌ సభ్యులకు అదనపు ప్రయోజనాలు ఉంటాయి ఫ్లిప్‌కార్ట్‌ బిగ్‌ బిలియన్‌ డేస్‌ కూడా ఇదే సమయంలో మొదలవుతోంది. ప్లస్‌, వీఐపీ సభ్యులు, అర్హత ఉన్న కస్టమర్లకు అక్టోబర్‌ 8 నుంచే ఎర్లీ యాక్సెస్‌ ఉండగా.. సాధారణ కస్టమర్లకు అక్టోబర్‌ 9 నుంచి సేల్‌ ప్రారంభమవుతుంది. మొబైళ్లు, ల్యాప్‌టాప్‌లు, ఎలక్ట్రానిక్స్‌, గృహోపకరణాలు, ఫ్యాషన్‌ తదితర విభాగాల్లో ధర తగ్గింపులు, ఎక్స్ఛేంజ్‌, నో-కాస్ట్‌ ఈఎంఐ వంటి ఆఫర్లు ఉంటాయి.ఫ్యాషన్‌ కొనుగోళ్లకు మింత్రా బిగ్‌ ఫ్యాషన్‌ ఫెస్టివల్‌ కూడా అక్టోబర్‌ 8 నుంచి ప్రారంభం కానున్నట్లు తాజా సమాచారం. మింత్రా ఇన్‌సైడర్లకు అక్టోబర్‌ 7 నుంచే ఎర్లీ యాక్సెస్‌ ఉంటుందని నివేదికలు చెబుతున్నాయి. దుస్తులు, ఫుట్‌వేర్‌, యాక్సెసరీస్‌, బ్యూటీ తదితర విభాగాల్లో ఆఫర్లు ఉండనున్నాయి. ఏజియో.. ఇప్పటికే ఆఫర్లుఫ్యాషన్‌ కేటగిరీలో ఏజియోలోనూ పండుగ ఆఫర్లు కొనసాగుతున్నాయి. ఏజియో అధికారిక సేల్‌ పేజీ ప్రకారం అక్టోబర్‌ 7 నుంచి 18 వరకు ఆల్‌స్టార్‌ సేల్‌ ఉండనుంది. సెలెక్టెడ్‌ ఏజియో ఎక్స్‌క్లూజివ్‌ బ్రాండ్లపై అక్టోబర్‌ 6 వరకు 50–90 శాతం వరకు తగ్గింపులు ఉన్నట్లు సంస్థ పేర్కొంది. అంటే దుస్తులు కొనాలనుకునేవారు ఒక్క ప్లాట్‌ఫారమ్‌నే నమ్మకుండా.. ఒకే బ్రాండ్‌, ఒకే మోడల్‌ను రెండు మూడు సైట్లలో చూసి ధర పోల్చుకోవడం మంచిది.ఆఫ్‌లైన్‌లోనూ ఆఫర్లే!షాపింగ్‌ మాల్స్‌, ఎలక్ట్రానిక్స్‌ స్టోర్లలోనూ పండుగ ఆఫర్లు ఇప్పటికే మొదలయ్యాయి. ఉదాహరణకు క్రోమాలో సెప్టెంబర్‌ 25 నుంచి అక్టోబర్‌ 24 వరకు కొన్ని ఉత్పత్తులపై ఫ్లాట్‌ 10 శాతం, ఎంపిక చేసిన ప్రీమియం స్మార్ట్‌ఫోన్లపై 7 శాతం తగ్గింపుతో పాటు బ్యాంక్‌ క్యాష్‌బ్యాక్‌, ఎక్స్ఛేంజ్‌ ప్రయోజనాలు ఉన్నాయి. రిలయన్స్‌ డిజిటల్‌లోనూ ఫెస్టివ్‌ డీల్స్‌ కొనసాగుతున్నాయి. అక్టోబర్‌ 2 నుంచి 13 వరకు కొన్ని బ్యాంకుల క్రెడిట్‌ కార్డులపై లావాదేవీ మొత్తాన్ని బట్టి ఇన్‌స్టంట్‌ డిస్కౌంట్‌ అందిస్తోంది. కొన్ని సందర్భాల్లో ₹10,000–₹49,999 కొనుగోళ్లపై 7.5 శాతం, అధిక విలువైన కొనుగోళ్లపై ఫ్లాట్‌ డిస్కౌంట్లు ఉన్నాయి. అందుకే ఆన్‌లైన్‌లో ధర చూసి.. అదే వస్తువు సమీపంలోని షోరూమ్‌లో ఎంతకు ఇస్తున్నారో కూడా తెలుసుకోవాలి. కొన్ని సందర్భాల్లో స్టోర్‌ ఆఫర్‌, బ్యాంక్‌ ఆఫర్‌, ఎక్స్ఛేంజ్‌ కలిపితే ఆఫ్‌లైన్‌ ధరే తక్కువగా రావచ్చు.నిజంగానే 80 శాతం తగ్గిందా?ఇదే అత్యంత ముఖ్యమైన విషయం. సేల్‌లో ‘80 శాతం ఆఫ్‌’ అని కనిపిస్తే.. అసలు ధరను చూసి మురిసిపోవద్దు. మీరు చెల్లించాల్సిన **ఫైనల్‌ ధర** ఎంత అన్నదే ముఖ్యం. ఉదాహరణకు రూ.10,000 ఎంఆర్పీ ఉన్న వస్తువును రూ.7,000కు ఇస్తూ.. ‘30 శాతం ఆఫ్‌’ అని చూపిస్తే అది పెద్ద డీల్‌ కాకపోవచ్చు. అదే వస్తువు కొన్ని వారాల క్రితం రూ.6,800కే దొరికిందా? అనేది తెలుసుకోవాలి. అందుకే కొనుగోలు చేయాలనుకున్న వస్తువులను ఇప్పుడే వాచ్‌లిస్ట్‌లో పెట్టుకుని ధరను గమనించండి. సేల్‌ రోజు కనిపించే ధరతో పోల్చితే నిజంగా ఎంత తగ్గిందో వెంటనే అర్థమవుతుంది.కార్డు ఆఫర్‌ పేరుతో ఎక్కువ ఖర్చు చేయొద్దు‘క్రెడిట్‌ కార్డుపై 10 శాతం డిస్కౌంట్‌’ అని కనిపించినంత మాత్రాన అది అందరికీ వర్తించదు. కనీస కొనుగోలు విలువ, గరిష్ఠ డిస్కౌంట్‌, ఈఎంఐ నిబంధనలు, ఎంపిక చేసిన ఉత్పత్తులు వంటి షరతులు ఉండొచ్చు. అలాగే ఒక ఆఫర్‌తో మరో ఆఫర్‌ను కలపడానికి వీలుందా? క్యాష్‌బ్యాక్‌ వస్తుందా? లేక ఇన్‌స్టంట్‌ డిస్కౌంటేనా? ముందే చెక్‌ చేయాలి. కొన్ని బ్యాంక్‌ ఆఫర్లు ఇతర డిస్కౌంట్లతో కలపడానికి వీల్లేదని రిలయన్స్‌ డిజిటల్‌ నిబంధనలు కూడా స్పష్టం చేస్తున్నాయి.ఎక్స్ఛేంజ్‌.. నో కాస్ట్‌ ఈఎంఐ.. జాగ్రత్త!పాత ఫోన్‌ ఇచ్చి కొత్త ఫోన్‌ కొనేటప్పుడు చూపించే ఎక్స్ఛేంజ్‌ విలువను మాత్రమే చూడకండి. మీ పాత పరికరానికి బయట మార్కెట్‌లో ఎంత వస్తుందో కూడా తెలుసుకోండి. ఎక్స్ఛేంజ్‌ బోనస్‌ పేరుతో ఇచ్చే ప్రయోజనం నిజంగా అదనపు లాభమా కాదా లెక్కించండి. నో-కాస్ట్‌ ఈఎంఐ విషయంలోనూ ఇదే జాగ్రత్త. నెలకు ఎంత కట్టాలి అన్నదానికంటే మొత్తం చెల్లింపు ఎంత అవుతుందో, ప్రాసెసింగ్‌ ఫీజు లేదంటే ఇతర ఛార్జీలు ఉన్నాయో చూడాలి.ఆ టెన్షన్‌ పక్కన పెట్టండిసేల్‌లో అత్యంత ప్రమాదకరమైన ట్రిక్‌ ఇదే. ‘ఇంకో 10 నిమిషాల్లో ఆఫర్‌ ముగుస్తుంది’, ‘చివరి రెండు పీసులు’, ‘ధర మళ్లీ పెరుగుతుంది’ వంటి సందేశాలు కనిపించవచ్చు. నిజంగా అవసరం లేని వస్తువును ఇలాంటి తొందరలో కొనొద్దు. అవసరమైన వస్తువులు, బహుమతులు, ఇంటి అవసరాలు అంటూ జాబితా చేసుకోండి. ఒక్కో వస్తువుకు గరిష్ఠ బడ్జెట్‌ నిర్ణయించండి. ఆ పరిమితి దాటితే డీల్‌ ఎంత ఆకర్షణీయంగా కనిపించినా వదిలేయడం మంచిది.దసరా షాపింగ్‌ కోసం ‘స్మార్ట్‌ చెక్‌లిస్ట్‌’కొనాలనుకున్న వస్తువు ధరను ఇప్పటి నుంచే గమనించండి.కనీసం రెండు మూడు ప్లాట్‌ఫారమ్‌లలో ధర పోల్చండి.డిస్కౌంట్‌ శాతాన్ని కాకుండా ఫైనల్‌ ధరను చూడండి.బ్యాంక్‌ ఆఫర్‌కు ఉన్న కనీస కొనుగోలు, గరిష్ఠ డిస్కౌంట్‌ నిబంధనలు చదవండి.ఎక్స్ఛేంజ్‌ విలువను బయట మార్కెట్‌ ధరతో పోల్చండి.నో-కాస్ట్‌ ఈఎంఐలో మొత్తం చెల్లింపు, ఫీజులు చెక్‌ చేయండి.రిటర్న్‌, రీప్లేస్‌మెంట్‌, వారంటీ నిబంధనలు చదవకుండా ఆర్డర్‌ చేయొద్దు.అవసరం లేని వస్తువును ‘డీల్‌’ పేరుతో కొనొద్దు.అసలు డిస్కౌంట్‌ ఎక్కడుందో చూడండి!ఈ దసరా షాపింగ్‌లో పోటీ కస్టమర్‌–షాప్‌ మధ్య కాదు.. కస్టమర్‌ డబ్బు ఎక్కడ తక్కువ ఖర్చవుతుందన్నదే అసలు లెక్క. అమెజాన్‌, ఫ్లిప్‌కార్ట్‌, మింత్రా, ఏజియో వంటి ఆన్‌లైన్‌ ప్లాట్‌ఫారమ్‌లతో పాటు క్రోమా, రిలయన్స్‌ డిజిటల్‌ వంటి ఆఫ్‌లైన్‌ స్టోర్లలోనూ ధరలు, బ్యాంక్‌ ఆఫర్లు, ఎక్స్ఛేంజ్‌ ప్రయోజనాలు పోల్చిన తర్వాతే నిర్ణయం తీసుకుంటే.. దసరా డిస్కౌంట్‌ నిజమైన సేవింగ్‌గా మారుతుంది.

అక్టోబర్ 2026లో పండుగలు ఎక్కువగా ఉండటంతో బ్యాంకులకు పది రోజుల కంటే ఎక్కువ సెలవులు రానున్నాయి. దుర్గాపూజ, దసరా, విజయదశమి, లక్ష్మీపూజ, కర్వా చౌత్ వంటి పండుగలతో పాటు రెండో, నాలుగో శనివారాలు, ఆదివారాలు కూడా బ్యాంకులు మూసి ఉంటాయి. అయితే ఈ సెలవులు అన్ని రాష్ట్రాల్లో ఒకేలా ఉండవు. పండుగలను బట్టి ఒక్కో రాష్ట్రం, నగరంలో వేర్వేరు తేదీల్లో బ్యాంకులకు సెలవులు ఉంటాయి. కాబట్టి.. బ్యాంకులకు వెళ్లి చేయాల్సిన ముఖ్యమైన పనులు ఉంటే ముందుగానేసెలవులను చెక్ చేసుకోవడం మంచిది.సెలవుల జాబితాఅక్టోబర్ 2: గాంధీ జయంతి - దేశవ్యాప్తంగా బ్యాంకులకు సెలవు.అక్టోబర్ 10: మహాలయ అమావాస్య - బెంగళూరు, కోల్‌కతాలో సెలవు. ఇదే రోజు రెండో శనివారం.అక్టోబర్ 17: మహా సప్తమి - అగర్తలలో సెలవు.అక్టోబర్ 19: దుర్గాపూజ / మహాష్టమి / మహానవమి - పలు రాష్ట్రాలు, నగరాల్లో బ్యాంకులకు సెలవు.అక్టోబర్ 20: దసరా / విజయదశమి - అనేక ప్రాంతాల్లో బ్యాంకులు మూసి ఉంటాయి.అక్టోబర్ 21: విజయదశమి / దుర్గాపూజ - అగర్తలా, బెంగళూరు, గ్యాంగ్‌టక్, గువాహటి, కొచ్చి, కోల్‌కతా, తిరువనంతపురం మొదలైన ప్రాంతాల్లో సెలవు.అక్టోబర్ 22,23: దుర్గాపూజ / దసైన్ - గ్యాంగ్‌టక్‌లో బ్యాంకులకు సెలవు.అక్టోబర్ 24: నాలుగో శనివారం - దేశవ్యాప్తంగా బ్యాంకులు మూసి ఉంటాయి.అక్టోబర్ 26: లక్ష్మీపూజ / మహర్షి వాల్మీకి జయంతి / యాక్సెసిబిలిటీ డే - కొన్ని ప్రాంతాల్లో సెలవు.అక్టోబర్ 29: కర్వా చౌత్ - సిమ్లాలో బ్యాంకులకు సెలవు.అక్టోబర్ 31: సర్దార్ వల్లభ్‌భాయ్ పటేల్ జయంతి - అహ్మదాబాద్‌లో సెలవు.ఆదివారాలు: అక్టోబర్‌లో వచ్చే అన్ని ఆదివారాల్లో బ్యాంకు శాఖలు సాధారణంగా పనిచేయవు.ఈ సెలవుల కారణంగా బ్యాంక్ బ్రాంచ్ సేవలు అందుబాటులో ఉండకపోయినా, డిజిటల్ బ్యాంకింగ్ సేవలు మాత్రం కొనసాగుతాయి. ఇంటర్నెట్ బ్యాంకింగ్, మొబైల్ బ్యాంకింగ్, యూపీఐ, డెబిట్, క్రెడిట్ కార్డులు, అలాగే ఏటీఎం సేవలు సాధారణంగా పనిచేస్తాయి. కాబట్టి తప్పకుండా బ్యాంకుకు వెళ్లి చేయాల్సిన పనులు మాత్రమే వాయిదా పడతాయి.ఇదీ చదవండి: రేషన్ కార్డుదారులకు బిగ్ షాక్.. 1.58 కోట్ల కార్డులు రద్దు?

దసరా వచ్చిందంటే చాలు.. పెద్ద సినిమాలు క్యూ కడతాయి. ముఖ్యంగా టాలీవుడ్‍లో సంక్రాంతి సినిమాల తర్వాత అంతటి క్రేజ్ ఉన్న పండుగ ఇదే. ఈ పండుగకు సరిగ్గా నెలకు పైగా సమయం మాత్రమే ఉంది. పండుగ సీజన్ దగ్గరపడుతున్న కొద్దీ టాలీవుడ్‌లో ఈసారి దసరా సెలవులకు పెద్ద సినిమాల హడావుడి లేనట్లే కనిపిస్తోంది. ఈ ఏడాది దసరా బాక్సాఫీస్ వద్ద టాలీవుడ్ ‍అగ్ర హీరోలు తప్పుకున్నట్లు స్పష్టంగా తెలుస్తోంది. మెగాస్టార్‌ చిరంజీవి, బాలయ్య, నాగార్జున, వెంకటేశ్‌ లాంటి అగ్రతారలు ఈ విజయదశమి పోటీ నుంచి తప్పుకున్నారు. కేవలం విజయ్ దేవరకొండ మాత్రమే ఈ పండుగ బరిలో నిలవనున్నట్లు కనిపిస్తోంది. ఆయన హీరోగా వస్తోన్న రణబాలి డేట్‌ ఫిక్స్ చేశారు మేకర్స్. అక్టోబర్ 16న ఈ సినిమా రిలీజ్ కానుందని అఫీషియల్‌గా ప్రకటించారు.విశ్వంభరపై వీడని సస్పెన్స్..ఈ ఏడాది సంక్రాంతికి రిలీజ్ కావాల్సిన మెగాస్టార్ విశ్వంభర కోసం అభిమానులు ఎంతో ఆసక్తిగా ఎదురు చూస్తున్నారు. ఈ దసరాకైనా రిలీజ్‌ అయితే బాగుంటుందని ఫ్యాన్స్‌ భావిస్తున్నారు. అయితే ఇప్పటి వరకు ఎలాంటి అధికారిక ప్రకటనైతే రాలేదు. నెల రోజుల సమయం మాత్రమే ఉండడంతో విశ్వంభర విజయదశమికి వస్తుందా? లేదా? అనే విషయంలో క్లారిటీ లేదు. మరికొద్ది రోజులు ఆగితే కానీ ఈ విషయంలో స్పష్టత వచ్చేలా లేదు. రాబోయే రోజుల్లోనైనా విశ్వంభరపై క్లారిటీ వస్తుందేమో వేచి చూడాల్సిందే. అయితే ఈ విజువల్ వండర్‌ను ఎలాగైనా దసరా కానుకగా విడుదల చేయాలని మేకర్స్ భావిస్తున్నారు. ఇటీవలే ఓటీటీ హక్కుల వ్యవహారం కూడా ఒక కొలిక్కి వచ్చింది.దసరా బరిలో బాలయ్య నిలుస్తాడా?టాలీవుడ్‌ అగ్ర హీరో నందమూరి బాలయ్య సైతం దసరా బరిలో నిలుస్తాడని టాక్ వినిపిస్తోంది. బాలకృష్ణ హీరోగా, గోపీచంద్ మలినేని దర్శకత్వంలో తెరకెక్కిస్తున్నారు. ఈ సినిమా వచ్చేనెల దసరా బరిలో నిలుస్తుందో లేదో తెలియాలంటే మరికొద్ది రోజులు వేచి చూడాల్సిందే. ఈ సినిమాను దసరాకే రిలీజ్ చేయాలని లక్ష్యంగా పెట్టుకున్నప్పటికీ.. రాబోయే షూటింగ్ షెడ్యూల్స్ పూర్తయ్యాక రిలీజ్ విషయంపై పూర్తి క్లారిటీ రానుంది.ముందుగానే ఆదర్శ కుటుంబం..దసరా కంటే ముందుగానే వెంకీమామ- త్రివిక్రమ్ కాంబోలో వస్తోన్న ఆదర్శ కుటుంబం రిలీజ్ కానుంది. ఈ మూవీ వచ్చేనెల 2న గాంధీ జయంతి కానుకగా రిలీజ్ కానుంది. ఈ విషయాన్ని ఇప్పటికే అఫీషియల్‌గా ప్రకటించారు మేకర్స్. దీంతో దసరా బరి నుంచి వెంకీమామ తప్పుకున్నట్లే. బాక్సాఫీస్ వద్ద కనిపించని సందడి..ఈ ఏడాది దసరా బాక్సాఫీస్ వద్ద పెద్దగా సందడి కనిపించడం లేదు. విజయ్ దేవరకొండ రణబాలి మాత్రమే బాక్సాఫీస్ వద్ద బరిలో నిలవనుంది. తెలుగు ‍అగ్రహీరోల సినిమాలు ఈ విజయదశమికి లేకపోవడం సినీ ప్రియులను నిరాశకు గురి చేస్తోంది. దీంతో రణబాలి మాత్రమే దసరా బాక్సాఫీస్‌ను శాసించేలా కనిపిస్తోంది. ఈ చిత్రంలో విజయ్‌కు జోడీగా ఆయన సతీమణి రష్మిక మందన్నా నటించింది. వీరిద్దరి పెళ్లి తర్వాత వస్తోన్న తొలి సినిమా రణబాలి కావడం విశేషం.

కౌలాలంపూర్, అక్టోబర్ 4:
భారతీయ అసోసియేషన్ ఆఫ్ మలేషియా (BAM) ఆధ్వర్యంలో, మలేషియాలోని అన్ని భారతీయ సమాజాలు కలసి ఘనంగా “దసరా • బతుకమ్మ • దీపావళి 2025” మహోత్సవాన్ని టానియా బ్యాంక్వెట్ హాల్, బ్రిక్ఫీల్డ్స్ లో నిర్వహించాయి.ఈ వేడుకకు ముఖ్య అతిథిగా ఈటల రాజేందర్ గారు లోక్‌సభ సభ్యుడు, హాజరై ఆశీస్సులు అందించారు. అలాగే భారత హైకమిషనర్ మరియు మలేషియా ప్రభుత్వ ప్రతినిధులు పాల్గొని వేడుకకు విశిష్టతను తీసుకువచ్చారు. అతిథులు మాట్లాడుతూ – “ఈ వేడుక తెలుగు వారికే పరిమితం కాకుండా భారత దేశం నలుమూలల నుంచి వచ్చిన ప్రతి భారతీయుడు ఐక్యంగా జరుపుకున్న ఒక గొప్ప సాంస్కృతిక మహోత్సవం. నిజంగా కన్నుల పండుగగా నిలిచింది” అని అభినందించారు.సాంప్రదాయ నృత్యాలు, సాంస్కృతిక ప్రదర్శనలు, పాటలు, పండుగ ప్రత్యేకతలతో కూడిన కార్య‌క్ర‌మాలు ప్రేక్షకులను అలరించాయి. ఈ వేడుకలో మలేషియాలో నివసిస్తున్న అన్ని భారతీయ NRIలు విశేషంగా పాల్గొని BAM మహోత్సవాన్ని విజయవంతం చేశారు.BAM ప్రధాన కమిటీ సభ్యులు* చోప్పరి సత్య – అధ్యక్షుడు* భాను ముత్తినేని – ఉపాధ్యక్షుడు* రవితేజ శ్రీదశ్యం – ప్రధాన కార్యదర్శి, IT మరియు PR కమ్యూనికేషన్* రుద్రాక్షల సునీల్ కుమార్ –కోశాధికారి * గజ్జడ శ్రీకాంత్ – సంయుక్తకోశాధికారి * రుద్రాక్షల రవికిరణ్ కుమార్ – యువజన నాయకుడు* గీత హజారే – మహిళా సాధికారత నాయకురాలు* సోప్పరి నవీన్ – కార్యవర్గ సభ్యుడు* యెనుముల వెంకట సాయి – కార్యవర్గ సభ్యుడు* అపర్ణ ఉగంధర్ – కార్యవర్గ సభ్యుడు* సైచరణి కొండ – కార్యవర్గ సభ్యుడు* రహిత – కార్యవర్గ సభ్యుడు* సోప్పరి రాజేష్ – కార్యవర్గ సభ్యుడు* పలకలూరి నాగరాజు – కార్యవర్గ సభ్యుడుBAM అధ్యక్షుడు చోప్పరి సత్య మాట్లాడుతూ:
“ఈ వేడుకను విజయవంతం చేయడంలో సహకరించిన భారత హైకమిషన్, మలేషియా ప్రభుత్వ అధికారులు, అతిథులు, స్పాన్సర్లు, కమిటీ సభ్యులు మరియు మలేషియాలోని భారతీయ సమాజానికి మనఃపూర్వక కృతజ్ఞతలు” అని తెలిపారు

చిత్ర పరిశ్రమలో సినిమాల విడుదలకు సంక్రాంతి సరైన పండగ అని ప్రత్యేకించి చెప్పక్కర్లేదు. పందెం కోళ్లులాగా సంక్రాంతి బరిలో నిలిచేందుకు హీరోలు, దర్శక–నిర్మాతలు తెగ ఆసక్తి చూపుతుంటారు. ఈ కారణంగానే సంక్రాంతికి భారీపోటీ ఉంటుంది. సంక్రాంతి తర్వాత దసరా, దీపావళి పండగలు తమ సినిమాల విడుదలకు మంచి సమయం అని మేకర్స్‌ ఆలోచన. ఈ ఏడాది దసరా, దీపావళి పండగలు అక్టోబరులోనే రావడం విశేషం. సో.. సినిమా ప్రేమికులకు ఈ నెల సినిమాల పండగే అని చెప్పాచ్చు.ఈ నెల ఆరంభంలో ‘ఇడ్లీ కొట్టు, కాంతారా: చాప్టర్‌ 1’ వంటి డబ్బింగ్‌ సినిమాలు విడుదలయ్యాయి. ఇక ఈ నెలలోనే రవితేజ ‘మాస్‌ జాతర’, సిద్ధు జొన్నలగడ్డ ‘తెలుసు కదా’, ప్రియదర్శి ‘మిత్ర మండలి’, ప్రదీప్‌ రంగనాథన్‌ ‘డ్యూడ్‌’, కిరణ్‌ అబ్బవరం ‘కె.ర్యాంప్‌’, సాయికుమార్, అనసూయ ‘అరి’, రక్షిత్‌ అట్లూరి ‘శశివదనే’ వంటి పలు తెలుగు సినిమాలు ప్రేక్షకుల ముందుకు రానున్నాయి. అదే విధంగా ప్రభాస్‌ ‘బాహుబలి’ రెండు భాగాలు కలిపి. ‘బాహుబలి: ది ఎపిక్‌’గా ఆడియన్స్‌ ముందుకు రానుంది. ఇవి మాత్రమే కాదు... ఇంకా పలు చిత్రాలు విడుదల కానున్నాయి. ఆ వివరాల్లోకి వెళదాం.బాహుబలి: ది ఎపిక్‌ తెలుగు సినిమా ఖ్యాతిని ప్రపంచవ్యాప్తంగా చాటి చెప్పిన చిత్రం ‘బాహుబలి’. ప్రభాస్‌ హీరోగా, అనుష్క, తమన్నా హీరోయిన్లుగా, రానా, రమ్యకృష్ణ, సత్యరాజ్, నాజర్‌ ముఖ్య తారలుగా నటించారు. ఎస్‌ఎస్‌ రాజమౌళి దర్శకత్వం వహించారు. శోభు యార్లగడ్డ, ప్రసాద్‌ దేవినేని నిర్మించిన ‘బాహుబలి: ది బిగినింగ్‌’ 2015 జూలై 15న, ‘బాహుబలి 2: ది కన్‌క్లూజన్‌’ 2017 ఏప్రిల్‌ 28న రెండు భాగాలుగా విడుదలై, బ్లాక్‌బస్టర్‌గా నిలవడంతో పాటు పలు రికార్డులు, రివార్డులు సాధించింది.‘బాహుబలి: ది బిగినింగ్‌’ విడుదలై పదేళ్లయిన సందర్భంగా ఈ చిత్రాన్ని మరోసారి ప్రేక్షకుల ముందుకు తీసుకొస్తున్నారు మేకర్స్‌. తొలి, ద్వితీయ భాగాలను కలిపి ‘బాహుబలి: ది ఎపిక్‌’ పేరుతో ఈ నెల 31న రిలీజ్‌ చేస్తున్నారు. ఇండియాలోనే కాదు... ఇంటర్‌నేషనల్‌ వైడ్‌గా ఈ చిత్రాన్ని రీ–రిలీజ్‌ చేస్తున్నారు. ఈ సినిమా టీజర్‌ని ఇప్పటికే విడుదల చేయగా అద్భుతమైన స్పందన వచ్చింది. ఇక సినిమా ఎన్ని గంటలు ఉంటుంది? ఎలాంటి రికార్డులు సొంతం చేసుకుంటుంది? అనే వివరాలు తెలియాలంటే విడుదల వరకూ వేచి చూడాలి.థియేటర్లలో జాతర రవితేజ హీరోగా నటించిన చిత్రం ‘మాస్‌ జాతర’. భాను భోగవరపు దర్శకత్వం వహించారు. రవితేజ నటించిన 75వ చిత్రం కావడంతో ఈ సినిమాపై ఇటు ఇండస్ట్రీ వర్గాల్లో, అటు ప్రేక్షకుల్లో క్రేజ్‌ నెలకొంది. పైగా ‘ధమాకా’ (2022) వంటి బ్లాక్‌బస్టర్‌ మూవీ తర్వాత హీరో రవితేజ, హీరోయిన్‌ శ్రీలీల ‘మాస్‌ జాతర’లో రెండోసారి జోడీగా నటించారు. శ్రీకర స్టూడియోస్‌ సమర్పణలో సితార ఎంటర్‌టైన్ మెంట్స్, ఫార్చ్యూన్‌ ఫోర్‌ సినిమాస్‌పై సూర్యదేవర నాగవంశీ, సాయి సౌజన్య నిర్మించారు. పలుమార్లు విడుదల వాయిదా పడుతూ వచ్చిన ఈ సినిమా ఫైనల్‌గా ఈ నెల 31 ప్రేక్షకుల ముందుకు వస్తోంది.‘‘రవితేజ నుంచి అభిమానులు, ప్రేక్షకులు కోరుకునే విందు భోజనంలాంటి మాస్‌ ఎంటర్‌టైనర్‌గా ‘మాస్‌ జాతర’ రూపొందింది. అన్ని వర్గాల ప్రేక్షకులు మెచ్చేలా ఈ చిత్రాన్ని మలిచారు భాను భోగవరపు. ‘ధమాకా’ చిత్రానికి అద్భుతమైన మ్యూజిక్‌ అందించిన భీమ్స్‌ సిసిరోలియో మరోసారి రవితేజ ఎనర్జీకి ఏమాత్రం తగ్గకుండా ‘మాస్‌ జాతర’ కోసం సూపర్‌ మ్యూజిక్‌ అందించారు. మా సినిమా థియేటర్లలో అసలు సిసలైన మాస్‌ పండగను తీసుకురాబోతోంది’’ అని చిత్రబృందం పేర్కొంది. మనసు హత్తుకునే తెలుసు కదా! ‘డీజే టిల్లు, టిల్లు స్క్వేర్‌’ చిత్రాల ఫేమ్‌ సిద్ధు జొన్నలగడ్డ హీరోగా నటించిన తాజా చిత్రం ‘తెలుసు కదా’.ఈ సినిమాలో రాశీ ఖన్నా, శ్రీనిధీ శెట్టి హీరోయిన్లుగా నటించగా, వైవా హర్ష కీలక పాత్రపోషించారు. స్టైలిస్ట్‌ నీరజ కోన ఈ చిత్రం ద్వారా దర్శకురాలిగా పరిచయవుతున్నారు. పీపుల్‌ మీడియా ఫ్యాక్టరీపై టీజీ విశ్వప్రసాద్, టీజీ కృతీ ప్రసాద్‌ నిర్మించిన ఈ సినిమా ఈ నెల 17న విడుదల కానుంది.‘‘మోస్ట్‌ ఎవైటెడ్‌ మ్యూజికల్‌ రొమాంటిక్‌ ఎంటర్‌టైనర్‌ ‘తెలుసు కదా’. మనసుని హత్తుకునే కథ, స్వచ్ఛమైన ప్రేమ, అనుబంధాల నేపథ్యంలో ఈ చిత్రకథ సాగుతుంది. అద్భుతమైన భావోద్వేగాలు, వినోదాలు ప్రేక్షకులని అలరిస్తాయి. నీరజ కోన యునిక్‌ కాన్సెప్ట్‌తో తెరకెక్కించారు. సినిమా చాలా అద్భుతంగా వచ్చింది. ఇటీవల విడుదల చేసిన మా మూవీ టీజర్‌కు అద్భుతమైన స్పందన వచ్చింది. తమన్‌ మ్యూజిక్‌ మా సినిమాకి అదనపు ఆకర్షణగా నిలుస్తుంది’’ అని మేకర్స్‌ తెలిపారు. ప్రేమ, వినోదాల ర్యాంప్‌ ‘ఎస్‌ఆర్‌ కళ్యాణ మండపం, వినరో భాగ్యము విష్ణుకథ, క’ చిత్రాల ఫేమ్‌ కిరణ్‌ అబ్బవరం హీరోగా నటించిన తాజా చిత్రం ‘కె ర్యాంప్‌’. జైన్ ్స నాని రచన, దర్శకత్వంలో తెరకెక్కిన ఈ సినిమాలో యుక్తి తరేజా హీరోయిన్‌గా నటించారు. హాస్య మూవీస్, రుద్రాంశ్‌ సెల్యులాయిడ్‌ బ్యానర్‌లపై రాజేశ్‌ దండ, శివ బొమ్మకు నిర్మించిన ఈ సినిమా ఈ నెల 18న విడుదల కానుంది.‘‘లవ్, రొమాన్ ్స, యాక్షన్, ఫన్‌తో కంప్లీట్‌ ఎంటర్‌టైనర్‌గా రూపొందిన చిత్రం ‘కె–ర్యాంప్‌’. కిరణ్‌ అబ్బవరం కెరీర్‌లో ఈ చిత్రం మరో ఫ్రెష్‌ అటెంప్ట్‌ అవుతుంది. అన్ని వర్గాల ప్రేక్షకులను అలరించే వాణిజ్య అంశాలు మా సినిమాలో ఉన్నాయి. ఇప్పటికే విడుదలైన మా టీజర్‌ సినిమా మీద మరిన్ని అంచనాలు పెంచింది.. ఆ అంచనాలకు ఏ మాత్రం తగ్గకుండా మా చిత్రం ఉంటుంది. చేతన్‌ భరద్వాజ్‌ సంగీతం మా మూవీకి ప్లస్‌ అవుతుంది’’ అని చిత్రయూనిట్‌ పేర్కొంది. నవ్వులు పంచే మిత్ర మండలి ‘బలగం, కోర్ట్‌’ చిత్రాల ఫేమ్‌ ప్రియదర్శి హీరోగా నటించిన తాజా చిత్రం ‘మిత్ర మండలి’. నూతన దర్శకుడు విజయేందర్‌ ఎస్‌. దర్శకత్వం వహించారు. సోషల్‌ మీడియాలో ట్రెండింగ్‌గా మారిన నిహారిక ఎన్‌ఎం ఈ చిత్రం ద్వారా హీరోయిన్‌గా పరిచయమవుతున్నారు. బ్రహ్మానందం, రాగ్‌ మయూర్, ప్రసాద్‌ బెహ్రా ప్రధాన పాత్రలుపోషించారు. బీవీ వర్క్స్‌(బన్నీ వాసు) సమర్పణలో సప్త అశ్వ మీడియా వర్క్స్, వైరా ఎంటర్‌టైన్మెంట్స్‌పై కల్యాణ్‌ మంతిన, భాను ప్రతాప, డా. విజయేందర్‌ రెడ్డి తీగల నిర్మించిన ఈ సినిమా ఈ నెల 16న విడుదల కానుంది.‘‘స్నేహం ప్రధానంగా నడిచే కథతో రూపొందిన చిత్రం ‘మిత్ర మండలి’. ప్రేక్షకులు మనస్ఫూర్తిగా నవ్వుకునేలా ఈ సినిమా ఉంటుంది. ఏ ఒక్కర్ని కూడా మా చిత్రం నిరుత్సాహపరచదు. ఆర్‌ఆర్‌ ధృవన్‌ సంగీతం అందించిన ఈ సినిమా నుంచి ఇప్పటికే విడుదల చేసిన పాటలకు మంచి స్పందన వచ్చింది’’ అంటూ పేర్కొన్నారు మేకర్స్‌.తండ్రీ కొడుకుల అనుబంధం ‘పలాస 1978, నరకాసుర, ఆపరేషన్‌ రావణ్‌’ వంటి చిత్రాలతో ప్రేక్షకుల్లో తనకంటూ ప్రత్యేక గుర్తింపు సొంతం చేసుకున్నారు రక్షిత్‌ అట్లూరి. ఆయన హీరోగా నటించిన తాజా చిత్రం ‘శశివదనే’. సాయి మోహన్‌ ఉబ్బన దర్శకత్వం వహించిన ఈ సినిమాలో కోమలి ప్రసాద్‌ హీరోయిన్‌. తమిళ నటుడు శ్రీమాన్‌ కీలక పాత్రపోషించారు. గౌరీ నాయుడు సమర్పణలో ఏజీ ఫిల్మ్స్‌ కంపెనీ, ఎస్‌.వి.ఎస్‌ స్టూడియోస్‌పై అహితేజ బెల్లంకొండ, అభిలాష్‌ రెడ్డి గోడల నిర్మించారు.ఈ సినిమా ఈ నెల 10న ప్రేక్షకుల ముందుకు వస్తోంది. ‘‘తండ్రీ కొడుకుల అనుబంధం, భావోద్వేగాల నేపథ్యంలో రూపొందిన చిత్రం ‘శశివదనే’. ఇలాంటి కథా నేపథ్యం ఉన్న చిత్రం ఇదివరకు రాలేదు. కుటుంబ సమేతంగా చూడదగ్గ సినిమా ఇది. ప్రేక్షకులను నిరాశపరచదు. ఓ మంచి సినిమా చూశామనే అనుభూతితో ప్రేక్షకులు థియేటర్‌ నుంచి బయటకు వస్తారు’’ అని చిత్రయూనిట్‌ పేర్కొంది. దీపావళికి డ్యూడ్‌ ‘ప్రేమలు’ వంటి అద్భుతమైన విజయం తర్వాత ప్రదీప్‌ రంగనాథన్, మమిత బైజు జంటగా నటించిన చిత్రం ‘డ్యూడ్‌’. ఈ సినిమాలో శరత్‌ కుమార్‌ కీలక పాత్రపోషించారు. ఈ మూవీ ద్వారా కీర్తీశ్వరన్‌ డైరెక్టర్‌గా పరిచయం అవుతున్నారు. మైత్రీ మూవీ మేకర్స్‌పై నవీన్‌ యెర్నేని, వై. రవిశంకర్‌ నిర్మించిన ఈ సినిమా ఈ నెల 17న తెలుగు, తమిళ, హిందీ, మలయాళ, కన్నడ భాషల్లో విడుదలవుతోంది. ‘‘రొమాంటిక్‌ ఎంటర్‌టైనర్‌గా రూపొందిన చిత్రం ‘డ్యూడ్‌’. న్యూ ఏజ్‌ కథాంశంతో పూర్తి స్థాయి వినోదాత్మకంగా తెరకెక్కిన ఈ మూవీ యువతరంతో పాటు అన్ని వర్గాల ప్రేక్షకులను అలరిస్తుంది. సాయి అభ్యంకర్‌ అందించిన అద్భుతమైన మ్యూజిక్‌ ఆడియన్స్‌ని అలరిస్తుంది’’ అని చిత్రయూనిట్‌ పేర్కొంది.సమాజానికి సందేశం సాయి కుమార్, అనసూయ భరద్వాజ్, వినోద్‌ వర్మ, శ్రీకాంత్‌ అయ్యంగార్‌ ముఖ్య తారలుగా నటించిన చిత్రం ‘అరి’. ‘మై నేమ్‌ ఈజ్‌ నో బడీ’ అనేది ఉపశీర్షిక. ‘పేపర్‌ బాయ్‌’ మూవీ ఫేమ్‌ జయశంకర్‌ దర్శకత్వం వహించారు. ఆర్వీ సినిమాస్‌ పతాకంపై రామిరెడ్డి వెంకటేశ్వర రెడ్డి (ఆర్‌వీ రెడ్డి) సమర్పణలో శ్రీనివాస్‌ రామిరెడ్డి, డి. శేషురెడ్డి మారంరెడ్డి, నాయుడు నిర్మించిన ఈ సినిమా ఈ నెల 10న విడుదల కానుంది. ఈ చిత్రాన్ని ఏషియన్‌ సురేష్‌ డిస్ట్రిబ్యూషన్‌ సంస్థ రిలీజ్‌ చేస్తోంది. ‘‘మా సినిమా ద్వారా సమాజానికి ఒక మంచి సందేశం ఇవ్వనున్నాం. అన్ని వర్గాల ప్రేక్షకుల్ని మెప్పించే వాణిజ్య అంశాలున్న మా చిత్రం విజయం సాధిస్తుందనే నమ్మకం ఉంది’’ అని చిత్రబృందం తెలిపింది. పోలీస్‌ కానిస్టేబుల్‌ ‘కొత్త బంగారు లోకం’ మూవీ ఫేమ్‌ వరుణ్‌ సందేశ్‌ హీరోగా నటించిన తాజా చిత్రం ‘కానిస్టేబుల్‌’. ఆర్యన్‌ సుభాన్‌ ఎస్‌.కె. దర్శకత్వం వహించారు. ఈ సినిమా ద్వారా మధులిక వారణాసి హీరోయిన్‌గా పరిచయమవుతున్నారు. జాగృతి మూవీ మేకర్స్‌ పై బలగం జగదీష్‌ నిర్మించిన ఈ సినిమా ఈ నెల 10న ప్రేక్షకుల ముందుకొస్తోంది. ఈ చిత్రంలో వరుణ్‌ సందేశ్‌పోలీస్‌ కానిస్టేబుల్‌ పాత్రపోషించారు.సుభాష్‌ ఆనంద్‌ సంగీతం అందించిన ఈ చిత్రం నుంచి ‘కానిస్టేబుల్‌..’ అంటూ సాగే టైటిల్‌ సాంగ్‌ని హైదరాబాద్‌ మాజీపోలీస్‌ కమిషనర్‌ సీవీ ఆనంద్‌ చేతుల మీదుగా విడుదల చేసిన సంగతి తెలిసిందే. పైన పేర్కొన్న సినిమాలే కాదు.. మరికొన్ని చిత్రాలు కూడా ఈ నెలలో విడుదలకు ముస్తాబవుతున్నాయి. – డేరంగుల జగన్‌ మోహన్‌

సాక్షి, హైదరాబాద్‌: దసరా సందర్భంగా ప్రజలందరికీ శుభాకాంక్షలు తెలిపారు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌. ఈ విజయ దశమి నాడు తెలంగాణ ప్రజలందరికీ తాము చేపట్టే పనులలో సకల విజయాలు కలగాలని ఆకాంక్షించారు.మాజీ మంత్రి, బీఆర్‌ఎస్‌ ఎమ్మెల్యే కేటీఆర్‌ ట్విట్టర్‌ వేదికగా..‘చెడుపై మంచి, అధర్మంపై ధర్మం సాధించిన విజయమే విజయ దశమి. దసరా అంటేనే తెలంగాణ ప్రజలకు ఒక ప్రత్యేక పండగ. తమ సొంత ఊళ్ళల్లో, సొంత ప్రదేశాలలో ఇంటిల్లిపాదులు ఎంతో ఆనందోత్సాహాలతో జరుపుకునే గొప్ప వేడుక దసరా. బంధుమిత్రులు, శ్రేయోభిలాషులు కలుసుకొని తమ కష్టసుఖాలు పంచుకునే ఆత్మీయ సంబురం దసరా.ఈ విజయ దశమి నాడు తెలంగాణ ప్రజలందరికీ తాము చేపట్టే పనులలో సకల విజయాలు.. ఆయురారోగ్యాలు, అష్ట ఐశ్వర్యాలు చేకూరాలని ఆ జగన్మాతను ప్రార్ధిస్తున్నాను. రాష్ట్ర ప్రజలందరికీ దసరా శుభాకాంక్షలు’ అని వీడియో పోస్టు చేశారు. చెడుపై మంచి, అధర్మంపై ధర్మం సాధించిన విజయమే విజయ దశమి.దసరా అంటేనే తెలంగాణ ప్రజలకు ఒక ప్రత్యేక పండగ. తమ సొంత ఊళ్ళల్లో, సొంత ప్రదేశాలలో ఇంటిల్లిపాదులు ఎంతో ఆనందోత్సాహాలతో జరుపుకునే గొప్ప వేడుక దసరా. బంధుమిత్రులు, శ్రేయోభిలాషులు కలుసుకొని తమ కష్టసుఖాలు పంచుకునే ఆత్మీయ సంబురం దసరా.… pic.twitter.com/o0k5tk9OW6— KTR (@KTRBRS) October 2, 2025

దేశవ్యాప్తంగా దసరా వేడుకలు ఘనంగా సాగుతున్నాయి. వివిధ రాష్ట్రాల్లో సంప్రదాయ నృత్యాలు, అమ్మవారి అవతారాలకు ప్రత్యేక పూజలు, రావణ దహనం.. ఇలా ఉత్సాహంగా జరుపుకుంటున్నారు. ఈ ఉత్సవాలను చూడటానికి విదేశీ పర్యాటకులు కూడా భారీ సంఖ్యలో వస్తున్నారు. ఈ తరుణంలో ఓ ఎన్నారై జంట చేసిన పాడు పనిపై తీవ్ర విమర్శలు వెల్లువెత్తుతున్నాయి. గర్భా అనేది గుజరాతీ సంప్రదాయ నృత్యం. ప్రధానంగా నవరాత్రి ఉత్సవాల సమయంలో హైలైట్‌ అవుతుంటుంది. ఇది దేవీ దుర్గాను ఆరాధిస్తూ.. వృత్తాకారంగా(సర్కిల్‌) నృత్యం చేస్తుంటారు. గర్భా నృత్యం భక్తి, ఉత్సాహం, సామూహిక ఆనందాన్ని ప్రతిబింబించే కళారూపం. అలాంటి నృత్యంలో పాల్గొన్న ఓ జంట ముద్దులతో నలుగురిలో హద్దులు దాటేసింది.గుజరాత్‌ వడోదరలో జరిగిన గర్బా వేడుకలో ఓ ఎన్నారై జంట చేసిన పని సోషల్ మీడియాలో వైరల్ అయ్యింది. యునైటెడ్‌ వే గర్భా పేరిట నిర్వహించిన వేడుకల్లో.. ప్రతీక్ పటేల్ అనే వ్యక్తి, తన భార్యతో కలిసి గర్భా చేస్తూ అత్యుత్సాహంలో ముద్దులు పెట్టుకున్న వీడియో ఆన్‌లైన్‌లో చక్కర్లు కొట్టింది. అది కాస్త వైరల్‌​ కావడంతో సనాతన్ సంత్ సమితి తీవ్రంగా స్పందించింది. ధార్మిక భావాలను దెబ్బతీశారంటూ ఆ జంటపై అటలదారా పోలీస్ స్టేషన్లో ఫిర్యాదు చేసింది. దీంతో కేసు నమోదు అయ్యింది. అయితే విమర్శల నేపథ్యంలో ఆ జంట స్పందించింది. చేసిన పనికి లిఖితపూర్వక క్షమాపణ ఇచ్చింది. ఇది మా తప్పే. ఇంతలా విమర్శలు వస్తాయని అనుకోలేదు అంటూ ఓ ప్రకటన విడుదల చేసింది. గత 16 సంవత్సరాలు ప్రతీక్‌ ఆస్ట్రేలియాలో ఉంటున్నాడు. ఆయనకు భార్యా, ఇద్దరు పిల్లలు ఉన్నట్లు సమాచారం. తాజా వీడియోపై విమర్శల నేపథ్యంలో ఆ జంట దేశం విడిచి వెళ్లిపోయినట్లు తెలుస్తోంది.The NRI couple has issued a formal apology after their kissing video at a Garba event in Vadodara went viral.The couple were called to the police station, they are Australian nationals of Indian origin. They issued a written apology.#GarbaControversypic.twitter.com/GiaLSsLY6V— ShingChana😯 (@BaanwraDil) September 28, 2025

సాక్షి, అమలాపురం/అమలాపురం టౌన్‌: కోనసీమ అనగానే ప్రకృతి అందాలు, పర్యాటక కేంద్రాలకే కాదు.. సంస్కృతీ సంప్రదాయాలకు.. ఆధ్యాత్మికతకు పెట్టింది పేరు. సంక్రాంతి వస్తే పల్లె ముస్తాబవుతుంది. నింగిలోని ఇంద్ర ధనస్సులు ‘ప్రభ’లుగా మారి నేలన నడయాడతాయి. తీర్థాలతో ఈ ప్రాంతం హోరెత్తుతుంది. ఇక దసరా వస్తే చెడీ తాలింఖానా ప్రదర్శన.. అమ్మవార్ల వాహనాల ఊరేగింపులతో జనజాతరగా మారిపోతుంది. ఒకప్పుడు స్వాతంత్య్ర పోరాట స్ఫూర్తితో నేర్చుకున్న ఈ చెడీ తాలింఖానా వీర విద్య రానురానూ ప్రజల సంప్రదాయ కళలలో ఒక భాగమైంది. శతాబ్దాల చరిత్ర అజ్ఞాతం ముగిసిన తరువాత జమ్మి చెట్టు మీద ఉన్న పాండవుల ఆయుధాలు చేతులకు వచ్చినట్టుగా ఇక్కడ దసరాకు ముందు దాచి ఉంచిన కత్తులు కొత్తగా పదునెక్కుతాయి. బరిసెలు బయటకు వస్తాయి. రాత్రి వేళల్లో అగ్గిబరాటాలు నిప్పులు కక్కుతాయి. లేడి కొమ్ములు, పొడవాటి కర్రలు కళాత్మకంగా తిరుగుతుంటాయి. ఆపై అమ్మవారి ఊరేగింపులతో కోనసీమలో దసరా కొత్త పుంతలు తొక్కుతుంది.దసరా ఉత్సవాలు కర్ణాటకలోని మైసూరు తరువాత కోనసీమ జిల్లా కేంద్రమైన అమలాపురంలో ఇంచుమించు రెండు శతాబ్దాల నుంచి జరుగుతున్నాయంటే అతిశయోక్తి కాదు. ప్రాచీన యుద్ధాలను తలపించే చెడీ తాలింఖానా వీరత్వానికి మారుపేరుగా నిలుస్తోంది. శతాబ్దాల చరిత్ర ఉన్న తాలింఖానాకు నేటికీ ఆదరణ చెక్కు చెదరలేదు. కర్రలు, కత్తులు, లేడి కొమ్ములతో వారు చేసే ప్రదర్శన ప్రేక్షకులను గగుర్పాటుకు గురి చేస్తాయి. యువకుల నుంచి వృద్ధుల వరకూ వయోభేదం మరచి చేసే తాలింఖానా విన్యాసాలు వీక్షకులను మంత్రముగ్ధులను చేస్తాయి. అన్ని వీధులు ఈ ప్రదర్శనలతో నిండిపోతాయి. ఇంచుమించు నెల రోజుల ముందు నుంచే ఈ ప్రదర్శనకు అవసరమైన శిక్షణ పొందుతారు. కొత్త తరం కూడా ఈ విద్యా ప్రదర్శనకు ఉత్సాహంగా ముందుకు రావడం విశేషం.మంత్రముగ్ధులను చేసేలా..దసరా ఉత్సవాలలో భాగంగా పురవీధుల్లో చెడీతాలింఖానా ప్రదర్శన జరుగుతుంది. ఈ ఏడాది అక్టోబరు 2వ తేదీ రాత్రి అంతా ఈ కార్యక్రమం జరుగనుంది. వీధుల్లో యువకులు, పెద్దలు ప్రాచీన యుద్ధవిన్యాసాలను తలపించేలా ప్రదర్శించే చెడీ తాలింఖానా విద్య ఉద్విగ్నభరితంగా సాగుతుంది. కళ్లకు గంతలు కట్టుకుని మనిషి మీద, కంఠం, నుదిటిపై, పొత్తి కడుపుల మీద కొబ్బరి కాయలు, కూరగాయలు పెట్టి నరకడం వంటి విన్యాసాలు తాలింఖానాలో ముఖ్య ఘట్టాలు. అగ్గిబరాటాలు, లేడికొమ్ములు, పట్టాకత్తులు వేగంగా.. చురుగ్గా కదుపుతూ యువకులు చేసే విన్యాసాలు రాచరిక యుద్ధ సన్నాహాలను తలపిస్తాయి. ఈ ప్రదర్శనలో ఏమాత్రం ఏమరు పాటు జరిగినా ప్రాణాలకు ప్రమాదం. అయినా కూడా అత్యంత ధైర్య సాహసాలతో శిక్షణ పొందిన ఆరేళ్ల చిన్నారుల నుంచి అరవై ఏళ్ల వృద్ధుల వరకు చేసే ప్రదర్శన మంత్రముగ్ధులను చేస్తుంది. సాఫ్ట్‌వేర్‌ ఉద్యోగులైనా, ఎన్‌ఆర్‌ఐలైనా ఈ ప్రదర్శనలో పాల్గొనేందుకు రెక్కలు కట్టుకుని వాలిపోతుంటారు.అమలాపురంలో చెడీ తాలింఖానా విద్య ప్రదర్శన వెనుక స్వాతంత్య్ర పోరాట స్ఫూర్తి ఉందని స్థానికులు చెబుతుంటారు. బ్రిటిష్‌ సేనలతో పోరాడే భారతీయుల్లో ఐక్యత కోసం బాలగంగాధర్‌ తిలక్‌ దసరా, వినాయక చవితి ఉత్సవాలను ప్రోత్సహించారు. ఈ విద్య స్థానికంగా 1835 కొంకాపల్లిలో మొదలైంది. అయితే దసరా వేడుకలలో 1856లో మహిపాల వీధిలో రైతుబిడ్డ, స్వాతంత్య్ర సమరయోధుడు అబ్బిరెడ్డి రామదాసు ఈ విద్యకు అంకురార్పణ చేశారు. ఇది ఇక్కడ ప్రారంభమై 190 సంవత్సరాలు అవుతోంది. అప్పటి నుంచి ఈ ప్రదర్శన నిర్విఘ్నంగా సాగుతోంది. వీటితో పాటు గండువీధి మైనర్స్‌ పార్టీ, నల్లా వీధి, శ్రీరామపురం మైనర్స్‌ పార్టీ, రవణం మల్లయ్య వీధి తాలింఖానా ప్రదర్శనలకు దశాబ్దాల చరిత్ర ఉంది. చెడీ తాలింఖానా ప్రదర్శనతో పాటు పట్టణానికి చెందిన ఏడు వీధులలో కొలువు తీరిన వాహనాలను ఊరేగింపులో ప్రదర్శిస్తారు. బాజాభజంత్రీలు, డప్పు వాయిద్యాలు, శక్తి వేషధారణలు, కోయడ్యాన్సులు, బుట్టబొమ్మలు, మ్యూజికల్, తీన్‌మార్‌ బ్యాండ్‌లు, విద్యుత్‌ దీపాలంకరణలతో వాహనాలు ముందుకు సాగుతాయి.కొంకాపల్లి ఏనుగు అంబారీ వాహనం, ఆంజనేయస్వామి వాహనం, మహిపాలవీధి రాజహంస, గండువీధి శేషశయన, రవణం వీధి మహిషాసుర మర్దిని, రవణం మల్లయ్యవీధి గరుడ విష్ణు, నల్లా వీధి శ్రీవిజయ దుర్గమ్మవారు వాహనం, శ్రీరామపురం హంస, శ్రీకృష్ణుడు, వినాయక వాహనాలు పురవీధుల్లో ఊరేగింపుగా వెళతాయి. జిల్లా నుంచే కాకుండా రాష్ట్రంలోని పలు ప్రాంతాల నుంచి, తెలంగాణా ప్రాంతం నుంచి కూడా ఈ ఉత్సవాలను తిలకించేందుకు అమలాపురానికి తరలివస్తారు. తరతరాలుగా నిర్వహిస్తున్నాం దశాబ్దాల కాలం నుంచి అమలాపురంలో ఈ ప్రదర్శన జరుగుతోంది. మా తాతలు మాకు వారసత్వంగా అందించారు. మేము మా వారసులకు ఈ విద్యను అందిస్తాం. ఈ ప్రాచీన విద్యను ప్రభుత్వాలు గుర్తించాల్సి ఉంది. – పనస బుజ్జి, నిర్వహకుడు, కొంకాపల్లి, అమలాపురం రోజుకు ఎనిమిది గంటల శిక్షణదసరాకు ముందు ఆయుధ పూజ చేసిన తరువాత సాయంత్రం 6 నుంచి అర్ధరాత్రి 2 గంటల వరకు శిక్షణ ఇస్తాం. రోజుకు 150 నుంచి 250 మంది వరకు గురువుల వద్ద శిక్షణ పొందుతారు. ఎక్కువగా చిన్నారులు, యువత రావడం వల్ల భవిష్యత్‌లో కూడా ఈ ప్రదర్శన నిరి్వఘ్నంగా సాగుతుందనే ఆశ మాకుంది. – అబ్బిరెడ్డి మల్లేష్, నిర్వాహకుడు, మహిపాల వీధి, ఎన్‌ఆర్‌ఐ (అమెరికా)

నార్త్‌లో దాండియా కల్చర్‌ బాగుంటుంది. చిన్నప్పుడు మేం ముంబైలో ఉండేవాళ్లం. దసరా టైమ్‌లో మా కమ్యూనిటీలో దాండియా ఆడేవాళ్లు. అలా మా అపార్ట్‌మెంట్‌వాళ్లతో కలిసి లైట్‌గా దాండియా చేసిన గుర్తు ఉంది. కానీ పెద్దయ్యాక దాండియా ఆడలేదు. అయితే చేయాలని ఉంది.పండగ అంటే ఫ్యామిలీ రీ యూనియన్‌ అని నా ఫీలింగ్‌. నా చిన్నప్పుడు మా బంధువులందరం కలిసి పండగ జరుపుకునేవాళ్లం. అందరూ కలిసి పండగ వంటలు చేయడం చాలా బాగుండేది. అయితే పై చదువులు, కెరీర్‌... వీటివల్ల రాను రాను ఆ సందడి తగ్గిపోయింది. ఇప్పుడైతే వర్క్‌లో బిజీ అయ్యాను కదా... షూటింగ్స్, ప్రమోషన్స్‌ ఉంటాయి కాబట్టి పండగ సమయంలో ఇంటి దగ్గర ఉండటం తగ్గిపోయింది. ఆ పాతరోజులను తలచుకుంటూ ఉంటాను.‘‘అపజయం ఎదురైనప్పుడు జీవితం ఆగిపోయింది అనుకుంటే మనం ఆగిపోతాం... ఆ అపజయాన్ని విజయానికి మెట్టుగా మార్చుకుంటే ముందుకు సాగిపోతాం’’ అంటున్నారు శ్రీనిధి శెట్టి. అందాల పాటీల్లో ‘మిస్‌ సుప్ర నేషనల్‌ ఇండియా’ కిరీటం దక్కించుకోవడం నుంచి, ‘మిస్‌ స్మైల్‌’... వరకు పలు టైటిల్స్‌ శ్రీనిధి సొంతం. తొలి చిత్రం ‘కేజీఎఫ్‌’తో హీరోయిన్‌గా విజయవంతంగా కెరీర్‌ మొదలుపెట్టిన శ్రీనిధి శెట్టి ఇప్పుడు ఫుల్‌ బిజీ. ‘‘ప్రతి స్త్రీ అమ్మవారిలా ఓ శక్తి స్వరూపిణి’’ అంటూ ‘దసరా’ సందర్భంగా ‘సాక్షి’తో శ్రీనిధి శెట్టి(Srinidhi Shetty) ప్రత్యేకంగా పంచుకున్న విశేషాలు.⇒ మా మంగళూరులో చాలా టెంపుల్స్‌ ఉన్నాయి. నవరాత్రి సమయంలో గుడిలో జరిగే పూజలు చాలా వైభవంగా ఉంటాయి. ఈ దసరా టైమ్‌లో వీలైనప్పుడల్లా గుడికి వెళుతుంటాను. మైసూర్‌లో నవరాత్రి పూజలను ఘనంగా చేస్తారు. మైసూర్‌ ప్యాలెస్‌ని బాగా డెకరేట్‌ చేస్తారు. జాతర జరుగుతుంది. స్టాల్స్‌ పెడతారు. ‘మైసూర్‌ దసరా’ చాలా పాపులర్‌. ఈ పండగ సమయంలో సిటీ మొత్తం జనాలతో కిటకిటలాడిపోతుంది.⇒ ‘ఫాస్టింగ్‌’ అనేది సైంటిఫికల్లీ, ట్రెడిషనల్లీ మంచిది అని నా అభి్రపాయం. అయితే నవరాత్రి టైమ్‌లో ఉపవాసం ఉండను. కానీ నాన్‌ వెజ్‌కి దూరంగా ఉంటాను. నెలలో రెండుసార్లు ఏకాదశి వస్తుంది కదా... అప్పుడు ఉపవాసం ఉంటాను. ఏకాదశి వస్తోందంటే చాలు... ‘నువ్వు ఫాస్టింగ్‌ ఉండాలి’ అని నా బాడీ నాకు గుర్తు చేస్తుంది. నా మైండ్‌ అలా ట్యూన్‌ అయిపోయింది. ⇒ చెడుపై మంచి గెలవడం అనేది దసరా థీమ్‌. ఒక చెడు ఉంటేనే మంచి జరుగుతుంది. అపజయాలను నేను ఇలానే భావిస్తాను. ఫెయిల్యూర్‌ ఎదురైతేనే కదా సక్సెస్‌ కోసం ప్రయత్నం చేస్తాం. సో... ఫెయిల్యూర్స్‌ని చెడుగా భావించను. చెడుని అంతం చేయడానికి అమ్మవారు ఏం చేసిందో మనందరికీ తెలుసు. అలాగే మనకు ఎదురయ్యే ఫెయిల్యూర్స్‌ని ఎదుర్కోవడానికి మనం సిద్ధంగా ఉండాలి. కొందరు మహిళలు సపోర్ట్‌ని ఆశిస్తారు. కానీ మనకు మనమే సపోర్ట్‌ సిస్టమ్‌ అవ్వాలి. మన శక్తిని మనం గుర్తించగలగాలి. నాకు ఏదైనా చెడు ఎదురైందనుకోండి అది నా ‘స్టెప్పింగ్‌ స్టోన్‌’ అని నమ్ముతాను. జీవితం లో ఎదురయ్యే సవాల్‌ని అలా అనుకుంటే సక్సెస్‌ అయిపోతాం.⇒ స్త్రీలు ఇంటిల్లిపాదినీ చూసుకోవాలి. అది చాలా పెద్ద బాధ్యత. అయితే అందరి బాగోగులు చూస్తూ చాలామంది మహిళలు తమ గురించి పట్టించుకోరు. కానీ మన గురించి కూడా మనం పట్టించుకోవాలి. ఇన్నర్‌గా మనం హ్యాపీగా ఉంటే చుట్టూ ఉన్నవాళ్లను మనం ఇంకా హ్యాపీగా ఉంచగలుగుతాం. ఇంకో ముఖ్యమైన విషయం ఏంటంటే... అందర్నీ హ్యాపీగా ఉంచడమే మన పని అని ఫిక్స్‌ అయిపోకండి. మనం హ్యాపీగా, హెల్తీగా ఉండటం కూడా ముఖ్యం.చదవండి: ఈ టిప్స్‌ పాటిస్తే పండగ వేళ మెరిసిపోవడం ఖాయం!⇒ జీవితంలో ‘పాజిటివిటీ’ చాలా ముఖ్యం. ఒక పని చేసే ముందు ‘ఇది మనవల్ల అవుతుంది. చేసి తీరతాం’ అని పాజిటివ్‌గా ఆలోచించాలి. ఆ పాజిటివిటీ మనల్ని చాలా దూరం తీసుకెళుతుంది. చదువుకునే అమ్మాయిలకు, ఉద్యోగం చేసుకునేవారికి నేను చెప్పేదేంటంటే... ఏ విషయంలోనూ ‘నా వల్ల కాదు’ అనుకోకండి. స్త్రీలు తలచుకుంటే చేయలేనిదేం ఉండదు. పాజిటివ్‌ గా ఆలోచించండి. అంతా మంచే జరుగుతుంది. చెడు ఆలోచనలను దూరం పెట్టండి. ఆటోమేటిక్‌గా మంచి దగ్గరవుతుంది. ఈ పద్ధతి ఫాలో అయితే జీవితం కష్టంగా ఉండదు... తేలికగా సాగిపోతుంది’’ అని చె΄్పారు. – డి.జి. భవాని

భోపాల్‌: మధ్యప్రదేశ్‌లోని ఇండోర్‌లో రాజా రఘువంశీ హత్య కేసులో అరెస్టయిన అతని భార్య సోనమ్ రఘువంశీ(24) మళ్లీ వార్తల్లో నిలిచారు. మేఘాలయలో హనీమూన్ సందర్భంగా భర్తను హత్య చేసినట్లు ఆరోపణలు ఎదుర్కొంటున్న సోనమ్ రఘువంశీ దిష్టిబొమ్మను దసరా రోజున దహనం చేయకుండా చూడాలని మధ్యప్రదేశ్ హైకోర్టు రాష్ట్ర ప్రభుత్వాన్ని ఆదేశించింది.సోనమ్ రఘువంశీ తల్లి దసరా రోజున తన కుమార్తె దిష్టిబొమ్మను దహనం చేయకుండా చూడాలని, ఈ తరహా బహిరంగ అవమానకర చర్యలకు ఎవరూ పాల్పడకుండా ఆపాలని కోరుతూ దాఖలు చేసిన పిటిషన్‌ను కోర్టు విచారించింది. పిటిషనర్ తన కుటుంబంపై చట్టవిరుద్ధమైన లేదా రాజ్యాంగ విరుద్ధమైన చర్యలు జరగకుండా చూడాలని కోర్టును కోరారు. దీనిపై విచారణ జరిపిన జస్టిస్ ప్రణయ్ వర్మ మాట్లాడుతూ.. పిటిషనర్ దాఖలు చేసిన అభ్యర్థన చూస్తుంటే.. విజయదశమి నాడు రావణుని దిష్టిబొమ్మకు బదులుగా పిటిషనర్ కుమార్తె దిష్టిబొమ్మను దహనం చేయాలని ఎవరో ప్రతిపాదించినట్లు స్పష్టంగా తెలుస్తున్నదన్నారు. అయితే అది సరికాదని, అలా చేయడం భారతదేశం లాంటి ప్రజాస్వామ్య దేశంలో పూర్తిగా ఆమోదయోగ్యం కాదని వ్యాఖ్యానించారు.పిటిషనర్ కుమార్తె ఒక క్రిమినల్ కేసులో నిందితురాలిగా ఉన్నప్పటికీ, ఆమె దిష్టిబొమ్మ దహనానికి అనుమతినివ్వబోము. ఇది ఖచ్చితంగా పిటిషనర్‌తో పాటు ఆమె కుమార్తె, కుటుంబ సభ్యుల ప్రాథమిక హక్కులను ఉల్లంఘించినట్లవుతుందని జస్టిస్ ప్రణయ్ వర్మ అన్నారు. అలాగే రావణుడి దిష్టిబొమ్మ స్థానంలో ఎవరైనా పిటిషనర్ కుమార్తె లేదా మరే ఇతర వ్యక్తి దిష్టిబొమ్మను దహనం చేయకుండా చూసుకోవాలని కోర్టు రాష్ట్ర అధికారులను కోర్టు ఆదేశించింది. ఇటువంటి చర్యలు చట్ట నియమాలకు విరుద్ధమని, ఇది పిటిషనర్ కుటుంబపు ప్రతిష్టను శాశ్వతంగా దెబ్బతీస్తుందని కోర్టు పేర్కొంది.

అటు జీఎస్‌టీ రేట్ల తగ్గింపు, ఇటు దసరా నవరాత్రులు ఆటోమొబైల్‌ దిగ్గజం మారుతీ సుజుకీ ఇండియాకి బాగా కలిసొచ్చాయి. నవరాత్రులు ప్రారంభమైనప్పటి నుంచి గురువారం సాయంత్రం 6 గంటల వరకు కంపెనీ 75,000 పైచిలుకు వాహనాలను విక్రయించింది. చిన్న కార్లలో కొన్ని వేరియంట్ల డెలివరీ కోసం నిరీక్షించే పరిస్థితి కూడా నెలకొందని సంస్థ సీనియర్‌ ఎగ్జిక్యూటివ్‌ ఆఫీసర్‌ పార్థో బెనర్జీ తెలిపారు.ప్రస్తుతం రోజుకు 80,000 పైచిలుకు ఎంక్వైరీలు వస్తున్నాయని, ఇది సాధారణంగా వచ్చే 40,000–45,000 ఎంక్వైరీలకు రెట్టింపని వివరించారు. రోజుకు సుమారు 18,000 బుకింగ్స్‌ నమోదవుతున్నాయన్నారు. ‘నవరాత్రులు ప్రారంభమయ్యాక గురువారం సాయంత్రం 6 గం.ల సమయానికి 75,000 వాహన విక్రయాలు నమోదయ్యాయి. రోజు ముగిసే సరికి ఇది 80,000 యూనిట్లకు పెరుగుతుందని భావిస్తున్నాం‘ అని పార్థో బెనర్జీ తెలిపారు. పండుగ సీజన్‌లో చిన్న కార్లపై గణనీయంగా ఆసక్తి నెలకొందని ఆయన చెప్పారు.ఎంట్రీ లెవెల్‌ కార్ల సెగ్మెంట్‌లో దేశవ్యాప్తంగా బుకింగ్స్‌ 50 శాతం పెరిగాయని పేర్కొన్నారు. జీఎస్‌టీ రేట్ల తగ్గింపు కోసం కొనుగోలుదారులు ఎంతో ఆసక్తిగా ఎదురుచూశారని, అప్‌గ్రేడ్‌ కావడానికి ఇదే సరైన సమయమని బెనర్జీ వివరించారు. ఉత్పత్తిని ఒక్కసారిగా పెంచడానికి లేనందున బ్రెజా, డిజైర్, బాలెనో లాంటి కార్లలో కొన్ని వేరియంట్లను నాలుగైదు రోజుల తర్వాత సత్వరం సరఫరా చేసే అవకాశం ఉండదన్నారు.ఇదీ చదవండి: చెప్పులు ధరించి డ్రైవింగ్‌ చేస్తే చలానా!?

ఫ్యాన్స్‌కు దసరా ట్రీట్‌ రెడీ చేస్తున్నారు హీరో ప్రభాస్‌. ఫ్యాంటసీ అండ్‌ హారర్‌ కామెడీ జానర్‌లో ప్రభాస్‌ నటిస్తున్న తొలి చిత్రం ‘ది రాజాసాబ్‌’. ఈ చిత్రంలో నిధీ అగర్వాల్, మాళవికా మోహనన్, రిద్ధీ కుమార్‌ హీరోయిన్లుగా నటిస్తుండగా, సంజయ్‌ దత్‌ ఓ లీడ్‌ రోల్‌ చేస్తున్నారు. ప్రస్తుతం ఈ సినిమా షూటింగ్‌ శరవేగంగా జరుగుతోంది. ఇటీవల హైదరాబాద్‌లో వేసిన ఓ సెట్‌లో ప్రభాస్‌ పరిచయ పాట చిత్రీకరణ జరిగింది.కాగా, ఈ సినిమా తదుపరి షెడ్యూల్‌ గ్రీస్‌ దేశంలో జరుగుతుందని, అక్కడ ప్రభాస్‌తో పాటు లీడ్‌ హీరోయిన్స్‌ పాల్గొనగా కొన్ని పాటల చిత్రీకరణ జరుగుతుందని తెలిసింది. ఇటీవలే ఈ చిత్రదర్శకుడు మారుతి అక్కడి లొకేషన్స్‌ను పరిశీలించి వచ్చారు. ఇక ఈ దసరా పండక్కి, ‘ది రాజాసాబ్‌’ సినిమా ట్రైలర్‌ విడుదల కానుందని తెలిసింది.ఈ ట్రైలర్‌ సెన్సార్‌ పనులు కూడా పూర్తయ్యాయని, నిడివి మూడు నిమిషాలకు పైనే ఉంటుందని సమాచారం. ఇలా ఈ దసరా పండక్కి ఫ్యాన్స్‌కి విజువల్‌ ట్రీట్‌ ఇవ్వనున్నారు ప్రభాస్‌. పీపుల్‌ మీడియా ఫ్యాక్టరీ పతాకంపై టీజీ విశ్వప్రసాద్, కృతీ ప్రసాద్‌ నిర్మిస్తున్న ఈ సినిమా సంక్రాంతి సందర్భంగా జనవరి 9న రిలీజ్‌ కానుంది. ఈ సినిమాకు సంగీతం: తమన్‌.

సాక్షి ప్రతినిధి, విజయవాడ/ఇంద్రకీలాద్రి (విజయ­వాడ పశ్చిమ)/శ్రీశైలం టెంపుల్‌: దసరా నవ­రాత్రి ఉత్సవాలకు ఇంద్రకీలాద్రి ముస్తాబైంది. సోమవా­రం నుంచి అక్టోబర్‌ 2 వరకు 11 రోజుల పాటు జరిగే ఈ ఉత్సవాల్లో అమ్మవారు 11 అలంకారాల్లో దర్శనం ఇవ్వనున్నారు. అమ్మవారి దర్శనం తొలి­రోజు మినహా రోజూ ఉదయం 4 గంటలకు ప్రారంభమై రాత్రి 11 గంటల వరకు కొనసాగుతుంది. ఈ ఉత్సవాలకు వచ్చే భక్తులకు ఎలాంటి అసౌకర్యం కలగకుండా అధికారులు విస్తృతంగా ఏర్పాట్లు చేశారు. అక్టోబర్‌ 2 విజయ దశమి రోజు సాయంత్రం 5 గంటలకు కృష్ణా నదిలో తెప్పోత్సవం నిర్వహించనున్నారు. కాగా, అమ్మవారు సోమవారం శ్రీబాలా త్రిపురసుందరీదేవిగా దర్శన­మివ్వను­న్నారు.శైలపుత్రి అలంకారంలో శ్రీశైల భ్రామరిదసరా మహోత్సవాల్లో భాగంగా సోమవారం శ్రీశైలం భ్రమరాంబాదేవి శైలపుత్రి అలంకారంలో భక్తులకు దర్శనమిస్తారు.

ఢిల్లీలో ప్రతి ఏటా రామ్‌లీలా నాటక ప్రదర్శన ఎంతో వైభోవపేతంగా జరుతుందన్న సంగతి తెలిసిందే. ప్రతి ఏడాది ఈ నాటకంలో ప్రముఖులు, సెలబ్రిటీలు, నటులు ఇందులో తమ కళా నైపుణ్యాన్ని ప్రదర్శించి అదరమో అని బిరుదుల అందుకుంటుంటుంది. ఈసారి కూడా అలానే నటులు, గాయకులతోపాటు రాజకీయ నాయకులు కూడా పాల్లొనడం విశేషం. ఈ ఏడాది ఢిల్లీలోని ఎర్రకోట మైదానంలో రామ్‌లీలకు సంబంధించిన లవ్‌కుశ అనే నాటికను ప్రదర్శించనున్నారు. అందులోని పరుశురాముడి పాత్రలో బీజేపీ ఎంపీ , భోజ్‌పురి నటుడు మనోజ్‌ తివారీ నటించనున్నారు. విఘ్ణువు ఆరవ అవతారంగా భావించి పరుశురాముడిలా ఒదిగిపోనున్నారు ఎంపీ తివారీ. ఆయన గతేడాది కూడా ఇదే పాత్రలో ఒదిగిపోయి ప్రశంసలందుకున్నారు. పౌరాణిక పురాణాల ప్రకారం పరుశురాముడు కలియుగం చివరిలో కల్కి గురువుగా కనిపిస్తాడని చెబుతుంటారు. ఇక రాముడి పాత్రలో నటుడు కిన్షుక్‌ వైద్య, నటుడు ఆర్య రావణుడి పాత్రను పోషిస్తున్నారు. అలాగే గాయకుడు శంకర్‌ సాహ్నే గతేడాది పోషించిన పాత్రలోనే ఒదిగిపోనున్నారు. రామ్‌లీలా నాటక విశిష్టత..యునెస్కో జాబితాలో కూడా ఈ రామలీలా నాటకం చోటుదక్కించుకుంది. యునెస్కో ఇంటాంగిబుల్ కల్చరల్ హెరిటేజ్ వెబ్‌సైట్ ప్రకారం..అక్షరాల రామాయణ ఇతిహాసానికి సంబంధించిన రాముడి నాటిక ఇది. ఇందులో కథనం, పారాయణం, సంభాషణలు ఉంటాయి. ఇది ఉత్తర భారతదేశం అంతటా దసరా పండుగ సందర్భంగా ప్రదర్శించడం జరుగుతుంది. ప్రతి ఏడాది శరదృతువులో ఈ నాటకంను ప్రదర్శిస్తారు. దీన్ని తులసీదాస్‌ విరచిత రామచరిత మానస్‌ ఆధారంగా రూపొందిస్తారు. ఇక ప్రపంచంలోనే అతి పురాతనమైన రామ్‌లీల నాటిక వారణాసిలోని చిత్రకూట్‌ రామ్‌లీల ప్రదర్శితమవుతోంది. ఇక్కడ ఇది సుమారు 485 సంవత్సరాల క్రితం నుంచి ప్రదర్శిస్తున్నారట.(చదవండి: బలాన్నిచ్చే బతుకమ్మ ఫలహారం)

చౌటుప్పల్‌ రూరల్‌: ప్రభుత్వం దసరా సెలవులు ప్రకటించడంతో పాటు ఆదివారం బతుకమ్మ పండుగ ఉండడంతో హైదరాబాద్‌లో నివాసముంటున్నవారు.. శనివారం సాయంత్రం నుంచి స్వగ్రామాలకు పయనమయ్యారు. దీంతో హైదరాబాద్‌ – విజయవాడ జాతీయ రహదారిపై వాహనాల రద్దీ పెరిగింది.వాహనాలు భారీగా రావడంతో హైవేపై వాహనాలు నెమ్మదిగా ముందుకు సాగాయి. పంతంగి టోల్‌ప్లాజాలో శనివారం సాయంత్రం వాహనాలు కిక్కిరిశాయి. విజయవాడ వైపు వెళ్లే మార్గంలో ఎనిమిది విండోల ద్వారా వాహనాలను టోల్‌ సిబ్బంది పంపించారు.

అఖిలాండకోటి బ్రహ్మాండ నాయకుడైన శ్రీమహావిష్ణువు వైకుంఠాన్ని వీడి వచ్చి, భూలోక వైకుంఠమైన వేంకటాద్రిపై కొలువుదీరాడు. కన్యామాసం (చాంద్రమానం ప్రకారం ఆశ్వీయుజ మాసం) శ్రవణా నక్షత్రం రోజున శ్రీవేంకటేశ్వరస్వామిగా అర్చారూపంలో ఇక్కడ స్వయంభువుగా వెలశాడు. శ్రీవేంకటేశ్వరుడు ఉత్సవ ప్రియుడు, అలంకార ప్రియుడు, నైవేద్య ప్రియుడు, భక్తజన వల్లభుడు. కోరినవారి కొంగుబంగారమై కోరికలను ఈడేర్చే శ్రీవేంకటేశ్వరుని వైభోగం న భూతో న భవిష్యతి! వేంకటాచల క్షేత్రం పై వెలసిన శ్రీనివాసుడు బ్రహ్మదేవుని పిలిచి, లోక కళ్యాణం కోసం తనకు ఉత్సవాలు నిర్వహించాలని ఆజ్ఞాపించాడట! ఆయన ఆజ్ఞ ప్రకారం బ్రహ్మదేవుడు శ్రవణా నక్షత్రం నాటికి ముగిసేలా తొమ్మిదిరోజుల పాటు ఉత్సవాలు నిర్వహించాడట! తొలిసారిగా బ్రహ్మదేవుడు ఈ ఉత్సవాలను నిర్వహించడం వల్ల బ్రహ్మోత్సవాలుగా ప్రసిద్ధి పొందాయని ప్రతీతి.దసరా నవరాత్రులు జరిగే కన్యామాసంలో శ్రీవేంకటేశ్వరుడు అర్చామూర్తిగా ఆవిర్భవించిన శ్రవణా నక్షత్ర శుభ ముహూర్తాన చక్రస్నానం నాటికి తొమ్మిది రోజుల ముందుగా నవరాత్రి బ్రహ్మోత్సవాలను ప్రారంభించడం అనాదిగా వస్తున్న ఆచారం. సూర్యచంద్ర మాసాల్లో ఏర్పడే వ్యత్యాసం వల్ల ప్రతి మూడేళ్లకు ఒకసారి అధిక మాసం వస్తుంది. ఇందులో భాగంగా కన్యామాసం (అధిక భాద్రపదం)లో వార్షిక బ్రహ్మోత్సవం, దసరా నవరాత్రులలో (ఆశ్వయుజం)లో నవరాత్రి బ్రహ్మోత్సవం నిర్వహించటం కూడా ఆనవాయితీగా కొనసాగుతోంది. వైఖానస ఆగమశాస్త్ర ప్రకారం, వైదిక ఉపచారాల ప్రకారం ధ్వజస్తంభంపై గరుడ ధ్వజపటాన్ని ఎగురవేస్తారు. ధ్వజారోహణం, బలి ఆచారాలు, మహారథోత్సవం, శ్రవణానక్షత్రంలో చక్రస్నానం, ధ్వజావరోహణం వంటివి ఈ ఉత్సవాల్లోనే నిర్వహిస్తారు.నవరాత్రి ఉత్సవాలు మాత్రం వైదిక ఆచారాలు (ధ్వజారోహణం, ధ్వజావరోహణం) లేకుండా ఆగమోక్తంగా అలంకార ప్రాయంగా నిర్వహిస్తారు. ఎనిమిదో రోజున మహారథం (చెక్కరథం) బదులు ఇదివరకు వెండిరథాన్ని ఊరేగించేవారు. 1996వ సంవత్సరం నుంచి టీటీడీ తయారు చేయించిన స్వర్ణరథంపై స్వామివారి ఊరేగింపు జరుగుతూ వస్తోంది. 2012లో పాత స్వర్ణరథం స్థానంలో కొత్త స్వర్ణరథం అందుబాటులోకి వచ్చింది.అంకురార్పణతో ఆరంభంశ్రీవేంకటేశ్వర స్వామివారి బ్రహ్మోత్సవాలు అంకురార్పణ కార్యక్రమంతో ప్రారంభమవుతాయి. శ్రీవారి సర్వసేనాధిపతి విష్వక్సేనుడు వసంత మండపానికి బ్రహ్మోత్సవాల ప్రారంభానికి ముందురోజు రాత్రి మేళతాళాలతో చేరుకుంటారు. నిర్ణీత పునీత దేశంలో భూదేవి ఆకారంలోని లలాట, బాహు, స్తన ప్రదేశాల నుంచి మట్టిని తీసుకుని ఊరేగింపుగా ఆలయానికి చేరుకుంటారు. దీన్నే ‘మృత్సంగ్రహణం’ అంటారు. యాగశాలలో ఈ మట్టితో నింపిన తొమ్మిది పాలికలలో శాలి, వ్రీహి, యవ, ముద్గ, మాష, ప్రియంగు మొదలగు నవ ధాన్యాలను పోసి ఆ మట్టిలో మొలకెత్తించే పని ప్రారంభిస్తారు. ఈ కార్యక్రమానికంతా సోముడు (చంద్రుడు) అధిపతి. శుక్లపక్ష చంద్రునిలా పాలికలలో నవ ధాన్యాలు సైతం దినదినాభివృద్ధి చెందేలా ప్రార్థిస్తారు. నిత్యం నీరుపోసి అవి పచ్చగా మొలకెత్తేలా జాగ్రత్త పడతారు. అంకురాలను ఆరోపింప చేసే కార్యక్రమం కాబట్టి దీనినే అంకురార్పణ అంటారు.ధ్వజారోహణంఅంగరంగ వైభవంగా నిర్వహించే బ్రహ్మోత్సవాలకు సకల దేవతామూర్తులను ఆహ్వానిస్తారు. స్వామివారి వాహనం గరుడుడు కాబట్టి, ఒక కొత్తవస్త్రం మీద గరుడుని బొమ్మ చిత్రీకరిస్తారు. దీన్ని ‘గరుడ ధ్వజపటం’ అంటారు. దీన్ని ధ్వజస్తంభం మీద కట్టేందుకు నూలుతో చేసిన కొడితాడును సిద్ధం చేస్తారు. ఉత్సవ మూర్తులైన మలయప్ప, శ్రీదేవి, భూదేవి సమక్షంలో గోధూళి లగ్నమైన మీన లగ్నంలో కొడితాడుకు కట్టి పైకి ఎగురవేస్తారు. ధ్వజస్తంభం మీద ఎగిరే గరుడ పతాకమే సకల దేవతలకు స్వామివారి బ్రహ్మోత్సవాలకు ఆహ్వానపత్రం. అష్ట దిక్పాలకులు, భూత, ప్రేత, యక్ష, రాక్షస, గంధర్వగణాలకు ఇదే ఆహ్వానం. ఈ ఆహ్వానాన్ని అందుకుని ముక్కోటి దేవతలు స్వామివారి బ్రహ్మోత్సవాలు జరిగే తొమ్మిది రోజులు కొండమీదే కొలువుదీరి ఉత్సవాలను తిలకించి ఆనందిస్తారని పురాణాలు చెబుతున్నాయి.పెద్దశేషవాహనంమొదటిరోజు రాత్రి శ్రీదేవి భూదేవి సమేత శ్రీ మలయప్ప స్వామివారు ఏడుతలల స్వర్ణ శేషవాహనంపై (పెద్ద శేషవాహనం) తిరుమాడ వీథులలో భక్తులను అనుగ్రహిస్తారు. ఆదిశేషుడు శ్రీహరికి మిక్కిలి సన్నిహితుడు. రామావతారంలో లక్ష్మణుడుగా, ద్వాపరయుగంలో బలరాముడుగా శ్రీమన్నారాయణుడికి మిక్కిలి సన్నిహితంగా ఉన్నవాడు శేషుడు. భూభారాన్ని వహించేది శేషుడే! శేషవాహనం ముఖ్యంగా దాస్యభక్తికి నిదర్శనం. ఆ భక్తితో పశుత్వం తొలగి మానవత్వం, దాని నుండి దైవత్వం, ఆపై పరమపదం సిద్ధిస్తాయి.చిన్నశేషవాహనంశ్రీవారి బ్రహ్మోత్సవాల్లో 2వ రోజు ఉదయం శ్రీమలయప్ప స్వామివారు ఐదు తలల చిన్నశేష వాహనంపై ఊరేగుతూ భక్తులకు దర్శనమిస్తారు. పురాణ ప్రాశస్త్యం ప్రకారం చిన్నశేషుడిని వాసుకిగా భావిస్తారు. శ్రీవైష్ణవ సంప్రదాయానుసారం భగవంతుడు శేషి, ప్రపంచం శేషభూతం. శేషవాహనం ఈ శేషిభావాన్ని సూచిస్తుంది. చిన్నశేష వాహనాన్ని దర్శిస్తే భక్తులకు కుండలినీ యోగసిద్ధిఫలం లభిస్తుందని ప్రతీతి.హంస వాహనంశ్రీవారి బ్రహ్మోత్సవాల్లో 2వ రోజు రాత్రి శ్రీమలయప్ప స్వామివారు వీణాపాణియై హంసవాహనంపై సరస్వతిమూర్తి అవతారంలో దర్శనమిస్తారు. బ్రహ్మ వాహనమైన హంస పరమహంసకు ప్రతీక. హంసకు ఒక ప్రత్యేకత ఉంది. అది పాలను, నీళ్లను వేరుచేయగలదు. అంటే మంచిని, చెడును గ్రహించి వేరుచేయగల అపురూపమైన శక్తిగలదని అర్థం. అందుకే ఉపనిషత్తులు హంసను పరమేశ్వరునిగా అభివర్ణిస్తున్నాయి. శ్రీవారు హంస వాహనాన్ని అధిరోహించి దర్శనమివ్వడం ద్వారా భక్తులలో అహంభావాన్ని తొలగించి దాసోహభావాన్ని కలిగిస్తాడు.సింహ వాహనంశ్రీవారి బ్రహ్మోత్సవాల్లో 3వ రోజు ఉదయం శ్రీమలయప్ప స్వామివారు సింహవాహనంపై ఊరేగుతూ భక్తులకు దర్శనమిస్తారు. శ్రీవారి దశావతారాల్లో నాలుగవది నరసింహ అవతారం కావడం సింహం గొప్పదనాన్ని తెలియజేస్తోంది. యోగశాస్త్రంలో సింహాన్ని బలానికి, వేగానికి ప్రతీకగా భావిస్తారు. భక్తుడు సింహబలం అంతటి భక్తిబలం కలిగినప్పుడు భగవంతుడు అనుగ్రహిస్తాడు అని ఈ వాహనసేవలోని అంతరార్థం.ముత్యపుపందిరి వాహనంశ్రీవారి బ్రహ్మోత్సవాల్లో 3వ రోజు రాత్రి శ్రీ మలయప్పస్వామివారు ముత్యపుపందిరి వాహనంపై ఊరేగుతూ భక్తులకు దర్శనమిస్తారు. జ్యోతిషశాస్త్రం చంద్రునికి ప్రతీకగా ముత్యాలను తెలియజేస్తుంది. శ్రీకృష్ణుడు ముక్కుపై, మెడలో ముత్యాల ఆభరణాలు ధరించినట్టు పురాణాల్లో ఉంది. ముత్యపుపందిరి వాహనంలో స్వామివారిని దర్శించినా, స్తోత్రం చేసినా సకల శుభాలు కలుగుతాయని పురాణాలు చెబుతున్నాయి. చల్లని ముత్యాలపందిరి కింద నిలిచిన శ్రీనివాసుని దర్శనం తాపత్రయాలను పోగొట్టి, భక్తుల జీవితాలకు చల్లదనాన్ని సమకూర్చుతుంది.కల్పవృక్ష వాహనంశ్రీవారి బ్రహ్మోత్సవాల్లో భాగంగా 4వ రోజు ఉదయం శ్రీమలయప్ప స్వామివారు ఉభయ దేవేరులతో కలిసి కల్పవృక్ష వాహనంపై ఆలయ నాలుగు మాడ వీథుల్లో విహరించి భక్తులకు దర్శనమిస్తారు. క్షీరసాగర మథనంలో ఉద్భవించిన విలువైన వస్తువుల్లో కల్పవృక్షం ఒకటి. కల్పవృక్షం నీడన చేరిన వారికి ఆకలి దప్పులుండవు. పూర్వజన్మ స్మృతి కూడా కలుగుతుంది. ఇతర వృక్షాలు తమకు కాసిన ఫలాలను మాత్రమే ప్రసాదిస్తాయి. అలాకాక కల్పవృక్షం కోరుకున్న ఫలాలన్నింటినీ ప్రసాదిస్తుంది. కల్పవృక్ష వాహన దర్శనం వల్ల కోరిన వరాలను శ్రీవారు అనుగ్రహిస్తారని భక్తుల విశ్వాసం.సర్వభూపాల వాహనంశ్రీవారి బ్రహ్మోత్సవాల్లో భాగంగా 4వ రోజు రాత్రి శ్రీదేవి, భూదేవి సమేత మలయప్ప స్వామివారు సర్వభూపాల వాహనంపై భక్తులకు అభయమిస్తారు. సర్వభూపాల అంటే విశ్వానికే రాజు అని అర్థం. అంటే శ్రీవారు సకల దిక్పాలకులకు రాజాధిరాజు అని భావం. తూర్పుదిక్కుకు ఇంద్రుడు, ఆగ్నేయానికి అగ్ని, దక్షిణానికి యముడు, నైరుతికి నిరృతి, పశ్చిమానికి వరుణుడు, వాయవ్యానికి వాయువు, ఉత్తరానికి కుబేరుడు, ఈశాన్యానికి పరమేశ్వరుడు అష్టదిక్పాలకులుగా విరాజిల్లుతున్నారు. వీరందరూ స్వామివారిని తమ భుజస్కంధాలపై, హృదయంలో ఉంచుకుని సేవిస్తారు. తద్వారా వారి పాలనలో ప్రజలు ధన్యులవుతారు అనే సందేశాన్ని ఈ వాహనాన్ని అధిరోహించడం ద్వారా స్వామివారు తెలియజేస్తున్నారు.మోహిని అవతారంబ్రహ్మోత్సవాలలో 5వ రోజు ఉదయం శ్రీవారు మోహినీరూపంలో శృంగార రసాధిదేవతగా భాసిస్తూ దర్శనమిస్తారు. పక్కనే స్వామి దంతపుపల్లకిపై వెన్నముద్ద కృష్ణుడై మరో రూపంలో అభయమిస్తాడు. ప్రపంచమంతా తన మాయావిలాసమని, తనకు భక్తులైనవారు ఆ మాయను సులభంగా దాటగలరని మోహినీ రూపంలో ప్రకటిస్తున్నారు.గరుడ వాహనంశ్రీవారి బ్రహ్మోత్సవాల్లో 5వ రోజు రాత్రి గరుడవాహనంలో జగన్నాటక సూత్రధారియైన శ్రీమలయప్ప స్వామివారు తిరుమాడ వీథుల్లో నింపాదిగా ఊరేగుతూ భక్తులందరికీ తన దివ్యమంగళరూప దర్శనమిస్తారు. పౌరాణిక నేపథ్యంలో 108 వైష్ణవ దివ్యదేశాలలోనూ గరుడసేవ అత్యంత ప్రాముఖ్యాన్ని సంతరించుకుంది. దాస్యభక్తితో కొలిచే భక్తులకు తాను దాసుడినవుతానని గరుడవాహనం ద్వారా స్వామివారు తెలియజేస్తున్నారు. మానవులు జ్ఞానవైరాగ్య రూపాలైన రెక్కలతో విహరించే గరుడుని దర్శిస్తే సర్వపాపాలు తొలగుతాయని స్వామివారు భక్తకోటికి తెలియజెబుతున్నారు.హనుమంత వాహనంశ్రీవారి బ్రహ్మోత్సవాల్లో భాగంగా 6వ రోజు ఉదయం శేషాచలాధీశుడు రాముని అవతారంలో తన భక్తుడైన హనుమంతునిపై ఊరేగి భక్తులకు దర్శనమిస్తాడు. హనుమంతుడు భగవత్‌ భక్తులలో అగ్రగణ్యుడు. గురుశిష్యులైన శ్రీరామ హనుమంతులు తత్త్వవివేచన తెలిసిన మహనీయులు కావున ఈ ఇరువురినీ చూసిన వారికి వేదాలతత్త్వం అవగతమవుతుంది.స్వర్ణ రథంశ్రీవారి బ్రహ్మోత్సవాల్లో భాగంగా 6వ రోజు సాయంత్రం 4 గంటలకు శ్రీదేవి, భూదేవి సమేత శ్రీమలయప్ప స్వామి స్వర్ణరథాన్ని అధిరోహించి భక్తులను అనుగ్రహిస్తాడు. స్వర్ణరథం స్వామికి అత్యంత ప్రీతిపాత్రమైంది. ద్వాపరయుగంలో శ్రీకృష్ణుడు రథగమనాన్ని వీక్షించిన ద్వారకా ప్రజలకు ఎంతో ఆనందం కలిగింది. స్వర్ణరథంపై ఊరేగుతున్న శ్రీనివాసుడిని చూసిన భక్తులకు కూడా అలాంటి సంతోషమే కలుగుతుంది.గజవాహనంశ్రీవారి బ్రహ్మోత్సవాల్లో భాగంగా 6వ రోజు రాత్రి వేంకటాద్రీశుడు గజవాహనంపై తిరువీథుల్లో ఊరేగుతూ భక్తులకు అభయమిస్తాడు. శ్రీవారిని గజేంద్రుడు మోస్తున్నట్టు భక్తులు కూడా నిరంతరం శ్రీనివాసుని హృదయంలో పెట్టుకుని శరణాగతి చెందాలని ఈ వాహనసేవ ద్వారా తెలుస్తోంది.సూర్యప్రభ వాహనంశ్రీవారి బ్రహ్మోత్సవాల్లో 7వ రోజున ఉదయం సూర్యప్రభ వాహనంపై శ్రీమన్నారాయణుడు తిరుమాడవీథుల్లో విహరిస్తూ భక్తులను కటాక్షిస్తారు. సూర్యుడు తేజోనిధి, సకల రోగ నివారకుడు. ప్రకృతికి చైతన్యప్రదాత. వర్షాలు, వాటి వల్ల పెరిగే చెట్లు, చంద్రుడు, అతని వల్ల పెరిగే సముద్రాలు మొదలైనవన్నీ సూర్యతేజం వల్లనే వెలుగొందుతున్నాయి. సూర్యప్రభవాహనంపైన శ్రీనివాసుని దర్శనం వల్ల ఆరోగ్య, విద్య, ఐశ్వర్య, సంతాన లాభాలు భక్తకోటికి సిద్ధిస్తాయి.చంద్రప్రభ వాహనంశ్రీవారి బ్రహ్మోత్సవాల్లో 7వ రోజు రాత్రి శ్రీమలయప్పస్వామివారు చంద్రప్రభవాహనంపై విహరిస్తూ తన రాజసాన్ని భక్తులకు చూపుతారు. చంద్రుడు శివునికి శిరోభూషణమైతే ఇక్కడ శ్రీహరికి వాహనంగా ఉండడం విశేషం. చంద్రోదయం కాగానే కలువలు వికసిస్తాయి. సాగరుడు ఉప్పొంగుతాడు. చంద్రప్రభ వాహనంపై స్వామిని చూడగానే భక్తుల మనసు ఉప్పొంగుతుంది. భక్తుల కళ్లు విప్పారతాయి. హృదయాలలో ఆనందం ఉప్పొంగుతుంది. ఆధ్యాత్మిక, అధిభౌతిక, అధిదైవికమనే మూడు తాపాలను ఇది నివారిస్తుంది.రథోత్సవంగుర్రాల వంటి ఇంద్రియాలను మనసు అనే కళ్లెంతో అదుపు చేసే విధంగానే, రథం వంటి శరీరాన్ని రౌతు అయిన ఆత్మ ద్వారా అదుపు చేయాలని తత్త్వ జ్ఞానాన్ని స్వామివారు ఎనిమిదో రోజు ఉదయం తన రథోత్సవం ద్వారా తెలియజేస్తారు. స్వామివారి రథసేవలో పాల్గొన్న వారికి పునర్జన్మ ఉందని భక్తుల విశ్వాసంఅశ్వవాహనంశ్రీవారి బ్రహ్మోత్సవాల్లో 8వ రోజు రాత్రి శ్రీమలయప్పస్వామివారు అశ్వవాహనంపై విహరించి భక్తులను అనుగ్రహిస్తారు. ఉపనిషత్తులు ఇంద్రియాలను గుర్రాలుగా వర్ణిస్తున్నాయి. ఆ గుర్రాలను అధిరోహించిన పరమాత్మ ఇంద్రియాలను నియమించే నియామకుడు అని కృష్ణయజుర్వేదం తెలుపుతోంది. స్వామి అశ్వవాహనారూఢుడై కల్కి అవతారంలో తన స్వరూపాన్ని ప్రకటిస్తూ భక్తులను కలిదోషాలకు దూరంగా ఉండాలని తన అవతారంతో ప్రబోధిస్తున్నాడు.చక్రస్నానంశ్రీవారి బ్రహ్మోత్సవాల్లో చివరిదైన 9వ రోజు ఉదయం చక్రస్నానం వేడుకగా జరుగుతుంది. చక్రస్నానం యజ్ఞాంతంలో ఆచరించే అవభృథస్నానమే. ముందుగా ఉభయ దేవేరులతో కలిసి శ్రీవారి సరసన ఉన్న చక్రత్తాళ్వార్లకు పాలు, పెరుగు, నెయ్యి, తేనె, చందనంతో అర్చకులు అభిషేకం చేస్తారు. ఈ అభిషేక కైంకర్యాన్ని అందుకుని చక్రత్తాళ్వారు ప్రసన్నుడవుతాడు. చక్రస్నానం సమయంలో అధికారులు, భక్తులందరూ పుష్కరిణిలో స్నానం చేసి యజ్ఞఫలాన్ని పొందుతారు.ధ్వజావరోహణంచక్రస్నానం జరిగిన రోజు సాయంత్రం ఆలయంలోని ధ్వజస్తంభం మీద దేవతామూర్తులను ఆహ్వానిస్తూ ఎగరవేసిన ధ్వజపటాన్ని అవరోహణం చేస్తారు. తొమ్మిది రోజుల పాటు నిర్వహించిన ఉత్సవ సంబరాలు వీక్షించి ఆనందించిన దేవతామూర్తులకు ఈ విధంగా వీడ్కోలు చెబుతూ బ్రహ్మోత్సవాలను ముగిస్తారు.శ్రీవారి వాహన సేవల వివరాలు 24–09–2025సాయంత్రం 05:43 నుండి 6.15 గంటల మధ్య మీన లగ్నంలో ధ్వజారోహణం, రాత్రి 9 గంటలకు పెద్ద శేష వాహనం.25–09–2025ఉదయం 8 గంటలకు చిన్న శేష వాహనం, మధ్యాహ్నం 1 నుండి 3గంటల వరకు స్నపనం, రాత్రి 7 గంటలకు హంస వాహనం26–09–2025ఉదయం 8 గంటలకు సింహ వాహనం మధ్యాహ్నం 1 గంటకు స్నపనం, రాత్రి 7 గంటలకు ముత్యపు పందిరి వాహనం27–09–2025ఉదయం 8 గంటలకు కల్పవృక్ష వాహనంమధ్యాహ్నం 1 గంటకు స్నపనం, రాత్రి 7 గంటలకు సర్వభూపాల వాహనం28–09–2025ఉదయం 8 గంటలకు మోహినీ అవతారం, సాయంత్రం 6:30 నుండి గరుడ వాహనం29–09–2025 ఉదయం 8 గంటలకు హనుమంత వాహనం సాయంత్రం 4 గంటలకు స్వర్ణ రథంరాత్రి 7 గంటలకు గజ వాహనం30–09–2025ఉదయం 8 గంటలకు సూర్యప్రభ వాహనంరాత్రి 7 గంటలకు చంద్రప్రభ వాహనం01–10–2025ఉదయం 7 గంటలకు రథోత్సవంరాత్రి 7 గంటలకు అశ్వ వాహనం02–10–2025ఉదయం 6 నుండి 9 వరకు చక్రస్నానం రాత్రి 8:30 నుండి 10 గంటల వరకు ధ్వజావరోహణం.

సాక్షి, అమరావతి: రాష్ట్రంలోని పాఠశాలలకు ఈనెల 22 నుంచి దసరా సెలవులు ప్రారంభమవుతాయని విద్యాశాఖ మంత్రి నారా లోకేశ్‌ తెలిపారు. ఈ మేరకు శుక్రవారం ‘ఎక్స్‌’లో ఆయన పోస్టుచేశారు. ఈ సెలవులు సోమవారం నుంచే ఇవ్వాలని ఉపాధ్యాయులు కోరుతున్న విషయాన్ని టీడీపీ గ్రాడ్యుయేట్‌ ఎమ్మెల్సీలు తన దృష్టికి తీసుకొచ్చారని, వారి కోరిక మేరకు ఈనెల 22 నుంచి అక్టోబరు 2 వరకు దసరా పండుగ సెలవులు ఇవ్వాలని నిర్ణయించినట్లు ఆయన పేర్కొన్నారు. ఇదే అంశంపై గత కొన్ని రోజులుగా ఉపాధ్యాయ సంఘాలు విజ్ఞప్తి చేసినా విద్యాశాఖ మంత్రిగాని, అధికారులుగాని స్పందించలేదు. అలాగే, ఎస్జీటీల ఆఫ్‌లైన్‌ కౌన్సెలింగ్‌ సాధ్యంకాదనితేల్చిచెప్పిన లోకేశ్‌ గంట వ్యవధిలోనే ఎమ్మెల్సీల సూచన మేరకు ఆఫ్‌లైన్‌ కౌన్సెలింగ్‌ చేపడతామని ప్రకటించారు. స్పౌజ్‌ కేటగిరీలో అంతర్‌ జిల్లా బదిలీలను కూడా ఉపాధ్యాయ సంఘాలు కోరినా పట్టించుకోని లోకేశ్‌.. ఎమ్మెల్సీలు కోరగానే బదిలీలు చేపడుతున్నట్లు ప్రకటించారు.

సాక్షి, హైదరాబాద్‌: బతుకమ్మ, దసరా పండుగల సందర్భంగా ప్రజలకు రవాణాపరంగా ఇబ్బందులు తలెత్తకుండా తెలంగాణ రోడ్డు రవాణా సంస్థ (టీజీఎస్‌ఆర్టీసీ) చర్యలు చేపట్టింది. ఇందుకోసం రాష్ట్రవ్యాప్తంగా 7,754 స్పెషల్‌ బస్సులు నడిపేందుకు ప్రణాళిక సిద్ధం చేసింది. వీటిలో 377 స్పెషల్‌ సర్వీసులకు ముందస్తు రిజర్వేషన్‌ సౌకర్యాన్ని కల్పించింది. ఈ నెల 20 నుంచి అక్టోబర్‌ 2 వరకు ఈ ప్రత్యేక బస్సులను నడపనుంది. ఈ నెల 30న సద్దుల బతుకమ్మ, అక్టోబర్‌ 2న దసరా పండుగలను దృష్టిలో పెట్టుకుని ఈ నెల 27 నుంచే చాలామంది సొంతూళ్లకు వెళ్లే అవకాశం ఉండటంతో ఆర్టీసీ ఈ ప్రత్యేక బస్సులను అందుబాటులోకి తీసుకురానుంది. తిరుగు ప్రయాణానికి సంబంధించి అక్టోబర్‌ 5, 6 తేదీల్లోనూ రద్దీకి అనుగుణంగా బస్సులను ఏర్పాటు చేయనుంది.ఈ ప్రత్యేక బస్సులను హైదరాబాద్‌లోని ఎంజీబీఎస్, జేబీఎస్‌తోపాటు ప్రయాణికుల రద్దీ ఎక్కువగా ఉండే కేపీహెచ్‌బీ కాలనీ, ఉప్పల్‌ క్రాస్‌ రోడ్స్, ఉప్పల్‌ బస్టాండ్, దిల్‌సుఖ్‌నగర్, ఎల్బీనగర్, ఆరాంఘర్‌ తదితర ప్రాంతాల నుంచి నడిపిస్తారు. హైదరాబాద్, సికింద్రాబాద్‌ నుంచి ఆంధ్రప్రదేశ్, కర్ణాటక, మహారాష్ట్రలకు ఈ బస్సులు నడుపుతోంది. దసరా స్పెషల్‌ బస్సుల్లో ధరల సవరణ..: దసరా స్పెషల్‌ బస్సుల్లో రాష్ట్ర ప్రభుత్వం జీవో నంబర్‌ 16 ప్రకారం టికెట్‌ ధరలను సవరించనున్నారు. తిరుగు ప్రయాణంలో ఖాళీగా వచ్చే బస్సులకు అయ్యే కనీస డీజిల్‌ ఖర్చుల మేరకు ఈ సవరణ ఉంటుంది. ఈ నెల 20 నుంచి 30 వరకు, అక్టోబర్‌ 1, 5, 6 తేదీల్లో నడిపే స్పెషల్‌ బస్సుల్లోనే సవరణ చార్జీలు అమల్లో ఉంటాయి. ఆయా రోజుల్లో తిరిగే రెగ్యులర్‌ సర్వీసుల చార్జీల్లో ఎలాంటి మార్పు ఉండదు. ప్రయాణికులకు సకల సౌకర్యాలు ‘బతుకమ్మ, దసరా పండుగల దృష్ట్యా ప్రజలకు సురక్షితమైన ప్రయాణాన్ని అందించడానికి సంస్థ సిద్ధంగా ఉంది. గత దసరా కంటే ఈసారి అదనంగా 617 ప్రత్యేక బస్సులను ఏర్పాటు చేశాం. ఎల్బీనగర్, ఉప్పల్, ఆరాంఘర్, కేపీహెచ్‌బీ, సంతోష్ నగర్‌ తదితర ప్రాంతాల్లో ప్రయాణికుల సౌకర్యార్థం షామియానాలు, కుర్చీలు, తాగునీరు తదితర వసతులతోపాటు పబ్లిక్‌ అడ్రస్‌ సిస్టంను ఏర్పాటు చేయాలని క్షేత్రస్థాయి అధికారులకు ఇప్పటికే ఆదేశాలు జారీచేశాం. ప్రతి రద్దీ ప్రాంతంలో పర్యవేక్షణ అధికారులను నియమిస్తున్నాం. ప్రయాణికుల రద్దీని బట్టి వారు ప్రత్యేక బస్సులు అందుబాటులో ఉంచుతారు’అని ఆర్టీసీ ఎండీ వీసీ సజ్జనార్‌ తెలిపారు.వైట్‌ నంబర్‌ ప్లేట్‌ గల ప్రైవేట్‌ వాహనాల్లో ప్రయాణించి ఇబ్బందులు పడొద్దని సూచించారు. టీజీఎస్‌ఆర్టీసీలో ఎంతో అనుభవం గల డ్రైవర్లు ఉన్నారని, వారు ప్రయాణికులను సురక్షితంగా గమ్యస్థానాలకు చేరవేస్తారని తెలిపారు. ప్రత్యేక సర్వీసుల్లో ముందస్తు రిజర్వేషన్‌ను సంస్థ అధికారిక వెబ్‌సైట్‌ ్టజటట్టఛిbuట. జీn లో చేసుకోవాలని సూచించారు. దసరా స్పెషల్‌ సర్వీసులకు సంబంధించి పూర్తి సమాచారం కోసం టీఎస్‌ఆర్టీసీ కాల్‌ సెంటర్‌ నంబర్లు 040–69440000, 040–23450033ను సంప్రదించాలని తెలిపారు.

సాక్షి, హైదరాబాద్‌: తెలంగాణ వ్యాప్తంగా ప్ర భుత్వ, ప్రైవేటు పాఠశాలలకు ఈ నెల 21 నుంచి అక్టోబర్‌ 3వ తేదీ వరకూ ప్రభుత్వం దసరా సెలవులు ప్రకటించింది. జూనియర్‌ కా లేజీలకు ఈనెల 28 నుంచి అక్టోబర్‌ 5వ తేదీ వరకూ సెలవులు ఉంటాయి. దసరా సెలవు ల్లో ప్రైవేటు స్కూళ్లు, కాలేజీల్లో ఎలాంటి తరగతులు నిర్వహించవద్దని ప్రభుత్వం ఆదేశించింది. ఇందుకు విరుద్ధంగా వ్యవహరించే సంస్థలపై కఠిన చర్యలు తీసుకుంటామని హెచ్చరించింది. దసరా సెలవుల్లో అవసరమైన పునఃశ్చరణకు విద్యార్థులను సన్నద్ధం చేయాలని విద్యాశాఖ సూచించింది. ప్రతీ విద్యారి్థకి కొంత హోం వర్క్‌ ఇవ్వాలని స్పష్టం చేసింది.

న్యూఢిల్లీ: దేశంలో దసరా సంబరాలు అత్యంత వైభవంగా పూర్తయ్యాయి. నవరాత్రుల్లో వివిధ ఆలయాల్లో భక్తుల సందడి కనిపించింది. Ravan army dancing on havan karenge 😂😂 Punjabi Ramleela 🔥 pic.twitter.com/H4fEbj5gtu— Harpreet (@harpreet4567) October 11, 2024దసరా వేడుకల్లో నిర్వహించిన రావణ దహనానికి సంబంధించిన పలు వీడియోలు సోషల్‌ మీడియాలో తెగ వైరల్‌ అవుతున్నాయి. ఇవి యూజర్లను తెగ నవ్విస్తున్నాయి. लड़किया एग्जाम के 2 दिन पहले - बहुत डर लग रहा है पता नहीं क्या होगा ।लड़के जब उनका अंत नजदीक हो - pic.twitter.com/cf1gwSQx8R— Desi Bhayo (@desi_bhayo88) October 12, 2024ఒక వీడియోలో రావణుని వేషంలో ఉన్న వ్యక్తి గుట్కా తింటున్నట్లు కనిపిస్తాడు. మరో వీడియోలో రావణుడు బుల్లెట్ బైక్‌ను నడుపుతూ కనిపిస్తున్నాడు.RAVAN SPOTTED DOING FOOD DELIVERY 😂This #Dussehra we’re making sure Ravan pays for his sins by delivering happiness for a change 🔥magicpin X Ravan fighting evil of high food delivery charges 👺 pic.twitter.com/zpzwsvMuXm— magicpin (@mymagicpin) October 11, 2024ఇంకొక వీడియోలో రావణ వేషధారి నటి సప్నా చౌదరి పాటకు నృత్యం చేస్తూ కనిపిస్తున్నాడు. ఈ వైరల్ వీడియోలను చూసినవారు మళ్లీమళ్లీ వీటిని చూస్తున్నారు.हजारों रावण आते हैं, एक पुतले को जलता हुआ देखने 😔 pic.twitter.com/g3DZQXGm5g— ज़िन्दगी गुलज़ार है ! (@Gulzar_sahab) October 12, 2024చెడుపై మంచి సాధించిన విజయానికి గుర్తుగా చేసుకునే దసరా గడిచిపోయినప్పటికీ, సోషల్ మీడియాలో ఇప్పటికీ దసరా సంబరాలు సందడి చేస్తున్నాయి. ఈ వీడియోలను చూసినవారు తెగ నవ్వుకుంటున్నారు.This Ravan has my vote. He got a vibe on “Sharara” song. Ramleela pic.twitter.com/f6Lq0Fq8d6— Harpreet (@harpreet4567) October 12, 2024సోషల్‌ మీడియాలో వైరల్‌ అయిన ఒక వీడియోలో సీత అపహరణ సమయంలో సన్యాసి వేషంలో వచ్చిన రావణుడు ఒక సినిమాలోని పాటకు నృత్యం చేస్తూ అలరిస్తున్నాడు.जेल में चल रही थी रामलीला🏹माता सीता को खोजने निकले वानर बने दो कैदी..🐒अब तक नहीं लौटे...🤔#Haridwarjail #Ramleela #Uttarakhand #VijayaDashami #HappyDussehra #विजयादशमी #दशहरा जय श्री राम🚩 pic.twitter.com/P9P8dBAJTT— Sanjeev 🇮🇳 (@sun4shiva) October 12, 2024మరో వీడియోలో రావణుని దిష్టిబొమ్మ నోటి నుండి మంటలు వెలువటమే కాకుండా, తలపై నుండి నిప్పులు ఎగజిమ్మడం ఎంతో ఫన్నీగా కనిపిస్తుంది. ఇది కూడా చదవండి: తిరుమల శ్రీవారి దర్శనానికి పెరిగిన భక్తుల రద్దీ..

సాక్షి ప్రతినిధి, విజయవాడ/వన్‌టౌన్‌(విజయవాడపశ్చిమ): ఇంద్రకీలాద్రిపై దసరా ఉత్సవాలు చివరి దశకు చేరాయి. తొమ్మిదో­రోజు శుక్రవారం మహిషాసురమర్ధని రూపంలో అమ్మవారు దర్శనమిచ్చారు. ఇక ఈ ఉత్సవాలు శనివారం పూర్ణాహుతితో ముగియనున్నాయి. ఈ ఏడాది ఉత్సవాల్లో మూలానక్షత్రం నుంచి భక్తుల రద్దీ కొనసాగుతూనే ఉంది. ఉత్తరాంధ్ర నుంచి వచ్చే భక్తుల సంఖ్య బాగా పెరిగింది. ముందస్తు అంచనాలకు అనుగుణంగా ఈ ఏడాది పెద్ద సంఖ్యలో భక్తులు అమ్మవారిని దర్శించుకుంటారని అంచనా వేసినప్పటికీ గత ఏడాదితో పోల్చుకుంటే భక్తుల సంఖ్య తగ్గింది. ఇప్పటికి దాదాపు 7 లక్షల నుంచి 7.5 లక్షల మంది భక్తులు అమ్మవారిని దర్శించుకొన్నట్లు ఆలయ వర్గాలు తెలిపాయి. మహర్నవమి సందర్భంగా తరలి వచ్చిన భక్తులు నగరోత్సవంలో అమ్మవారిని దర్శించుకుని తరించారు. పట్టువ్రస్తాలు సమర్పించిన టీటీడీ కనకదుర్గమ్మకు టీటీడీ తరఫున శుక్రవారం పట్టు వస్త్రాలు సమర్పించారు. టీటీడీ అధికారులకు, దుర్గమ్మ దేవస్థానం ఈవో కేఎస్‌ రామారావు, సిబ్బంది, అర్చకులు స్వాగతం పలికారు. మేళతాళాలతో సంప్రదాయ బద్ధంగా అమ్మవారి అంతరాలయానికి తోడ్కొని వెళ్లారు. మహిషాసురమర్థిని అలంకారంలో ఉన్న దుర్గమ్మకు పట్టు వ్రస్తాలు సమర్పించారు. ప్రత్యేక పూజలు నిర్వహించిన అనంతరం టీటీడీ అధికారులకు ఈవో రామారావు అమ్మవారి చిత్రపటం, శేష వస్త్రం, ప్రసాదం అందజేశారు. నేడు తెప్పోత్సవం దసరా ఉత్సవాల ముగింపు సందర్భంగా విజయదశమి రోజు కనకదుర్గాదేవికి కృష్ణానదిలోని దుర్గాఘాట్‌లో సాయంత్రం 5 గంటలకు శ్రీగంగా, దుర్గ అమ్మవార్ల సమేత మల్లేశ్వరస్వామి తెప్పోత్సవానికి అన్ని ఏర్పా­ట్లు చేసినట్లు అధి­కారులు తెలిపారు. ఈ కమనీయ దృశ్యాలను భక్తులు వీక్షించేందుకు వీలుగా ప్రత్యేకంగా గుర్తించిన పది ప్రాంతాల్లో ఎల్‌ఈడీలను ఏర్పాటు చేసినట్లు చెప్పారు. చివరిరోజు అమ్మవారిని దర్శించుకొనేందుకు పెద్ద సంఖ్యలో భక్తులు వచ్చే అవకాశం ఉంది.

కలిదిండి(కై కలూరు): దసరా ఉత్సవాల్లో ఎటువంటి అశ్లీల, అసభ్యకర నృత్యాలు చేయకూడదని జిల్లా ఎస్సీ పదేపదే హెచ్చరిస్తున్నా కొందరు కమిటీ సభ్యులు మాటవినడం లేదు. ఏలూరు జిల్లా కోట కలిదిండిలో 30వ వార్షికోత్సవ దసరా మహోత్సవాలు జరుగుతున్నాయి. మంగళవారం రాత్రి మ్యూజికల్‌ నైట్‌, డాన్స్‌ బేబీ డాన్స్‌ ఏర్పాటు చేశారు. ఇదే మండలం పోతుమర్రు పంచాయతీ గొల్లగూడెం నుంచి 10 మంది మైనర్‌ యువకులు కార్యక్రమాన్ని తిలకించడానికి కోట కలిదిండి వచ్చారు. డాన్సులను సెల్‌ఫోన్‌లలో చిత్రీకరిస్తుండగా కమిటీ సభ్యులు సెల్‌ఫోన్లు లాక్కున్నారు. పడమటి ప్రేమ్‌సాగర్‌ అనే యువకుడుని కొట్టారు. దీనిపై పోలీసులకు సమాచారం ఇవ్వడంతో గొడవ సద్దుమణిగింది. ప్రేమసాగర్‌ తల్లి పడమటి వెంకటరమణ తాగిన మైకంలో తన బిడ్డను పేటేటి సత్యనారాయణ, గంధం వాసు, చిట్టూరి పరుశురాం, సుబ్బారావులు కొట్టారని కలిదిండి పోలీసులకు మంగళవారం ఫిర్యాదు చేసింది. తన కుమారుడితో పాటు మరో యువకుడిని బంధించి హింసించారని సెల్‌ఫోన్లు లాక్కున్నారని ఫిర్యాదులో పేర్కొంది. అనంతరం కొడుకును కై కలూరు ప్రభుత్వాసుపత్రిలో చికిత్స చేయించి ఇంటికి తీసుకువెళ్లింది. దోషులను కఠినంగా శిక్షించాలని కోరింది.నృత్యాలు వీడియా ఇప్పటిది కాదువాస్తవానికి ఈ నెల 5న అదే స్టేజీమీద మ్యూజికల్‌ నైట్‌లో నృత్యాలు జరిగినట్లు ఉన్న వీడియో సామాజిక మాధ్యమాల్లో చక్కర్లు కొడుతోంది. దీనిపై ఏలూరు డీఎస్పీ, సీఐలు విచారణ చేస్తున్నారు. నిర్వాహకులపై యువకులపై దాడి, అసభ్యకర నృత్యాల ప్రదర్శనపై కేసుల నమోదుకు పోలీసులు సన్నద్ధమవుతున్నట్లు తెలిసింది. దీనిపై కలిదిండి ఎస్సై వేంకటేశ్వరరావును వివరణ కోరగా మంగళవారం గొడవ జరిగిన మాట వాస్తవమేనని అందుకు బాధ్యులైన వారిపై విచారించి కేసులు నమోదు చేస్తామన్నారు. సామాజిక మాధ్యమాల్లో వైరలవుతున్న అసభ్యకర నృత్యాలు వీడియో ఇప్పటిది కాదని ఆయన స్పష్టం చేశారు.

సాక్షి ప్రతినిధి, విజయవాడ/ఇంద్రకీలాద్రి(విజయవాడ పర్పింమ): ఇంద్రకీలాద్రిపై దుర్గమ్మ సన్నిధిలో దసరా మహోత్సవాలు వైభవంగా జరుగుతున్నాయి. శరన్నవరాత్రి ఉత్సవాల్లో భాగంగా శనివారం మూడోరోజు అన్నపూర్ణాదేవీ అలంకారంలో అమ్మవారు భక్తులకు దర్శనం ఇచ్చారు. తెల్లవారుజామున 4 గంటల నుంచే భక్తులు పెద్ద సంఖ్యలో అమ్మవారిని దర్శించుకున్నారు. సెలవుల నేపథ్యంలో ఆదివారం నుంచి భక్తుల రద్దీ పెరిగే అవకాశం ఉందని అధికారులు భావిస్తున్నారు. దర్శనానికి వచ్చే వీఐపీలు తమకు నిర్దేశించిన సమయంలోనే రావాలని కలెక్టర్‌ డాక్టర్‌ సృజన, ఎన్టీఆర్‌ జిల్లా పోలీస్‌ కమిషనర్‌ రాజశేఖరబాబు విజ్ఞప్తి చేశారు. దుర్గమ్మకు మంగళ సూత్రాల సమర్పణ ప్రకాశం జిల్లా కొండేపికి చెందిన చిరువ్యాపారి కళ్లకుంట అంకులయ్య, రాజేశ్వరి దంపతులు దుర్గమ్మకు బంగారు మంగళ సూత్రాలు తయారు చేయించారు. రూ.18 లక్షలు విలువ చేసే 203 గ్రాముల బంగారు మంగళ సూత్రాలను శనివారం సమర్పించారు. అలాగే గుంటూరుకు చెందిన చేబ్రోలు పుల్లయ్య అనే భక్తుడు 5.7 కిలోల వెండితో తయారు చేసిన హంస వాహనాన్ని శనివారం జగన్మాతకు సమర్పించారు. ఈ సందర్భంగా ఈవో కె.ఎస్‌.రామారావు దాతలను అభినందించారు. కనులవిందుగా నగరోత్సవం దసరా మహోత్సవాల్లో భాగంగా ఆది దంపతుల నగరోత్సవం నయనమనోహరంగా సాగింది. ఉత్సవమూర్తులతో మల్లేశ్వరాలయం దిగువన ఉన్న మహామండపం నుంచి ప్రారంభమైన నగరోత్సవంలో అర్చకులు, పండితులు, కళాకారులు, అధికారులు పాల్గొని సేవలందించారు. కళావేదికపై ఏర్పాటు చేసిన సాంస్కృతిక కార్యక్రమాలు ఆకట్టుకున్నాయి. నేటి అలంకారం.. శ్రీలలితా త్రిపుర సుందరీదేవిఇంద్రకీలాద్రి­(విజయవా­డపశ్చిమ): శ్రీదుర్గా మల్లేశ్వర స్వామి వార్ల దేవస్థా­నంలో జరుగుతున్న దసరా ఉత్సవాల్లో నాలు­గోరోజైన ఆదివారం అమ్మవారు శ్రీ లలితా త్రిపుర సుందరీదేవిగా భక్తుల­కు దర్శనమివ్వ­నున్నా­రు. శ్రీచక్ర అధిష్టాన శక్తిగా, పంచదశాక్షరీ మహా మంత్రాధిదేవతగా వేం చేసి ఆరాధించే భక్తులను, ఉపాసకులను అనుగ్రహిస్తుంది. శ్రీలక్ష్మీదేవి, శ్రీ సరస్వతిదేవి ఇరువైపులా వింజామరలతో సేవి­స్తూ ఉండగా, చిరు మందహాసంతో, వాత్స­ల్య­రూపిణి­గా చెరుకుగడను చేత పట్టుకుని శ్రీ లలితా త్రిపుర సుందరీదేవిగా దర్శనమివ్వనున్నది.ద్వారకా తిరుమల నుంచి పట్టువ్రస్తాలు దసరా ఉత్సవాల్లో భాగంగా అమ్మవారికి పట్టువ్రస్తాలను సమర్పించేందుకు ద్వారకా తిరుమల దేవస్థానం ఈవో మూర్తి, ఆలయ అర్చకులు ఇంద్రకీలాద్రికి విచ్చేశారు. మంగళవాయిద్యాల నడుమ ఆలయానికి చేరుకుని అమ్మవారిని దర్శించుకుని పట్టువ్రస్తాలను సమర్పించారు. అనంతరం ఆయనకు, దేవస్థాన అర్చకులకు, దుర్గగుడి దేవస్థానం తరఫున ఈవో కె.ఎస్‌.రామారావు అమ్మవారి ప్రసాదాలను అందచేశారు.

సాక్షి ప్రతినిధి, నల్లగొండ: దసరాకు మంత్రివర్గ విస్తరణ ఉంటుందని చర్చ జరుగుతున్న నేపథ్యంలో జిల్లా నుంచి కోమటిరెడ్డి రాజగోపాల్‌రెడ్డికి మంత్రి పదవి ఖాయమని ఆయన అనుచరులు ధీమా వ్యక్తం చేస్తున్నారు. గతంలోనూ మంత్రివర్గ విస్తరణ జరుగుతుందన్న చర్చ బయటకు రావడంతో రాజగోపాల్‌రెడ్డికి మంత్రి పదవి వస్తుందన్న ప్రచారం జోరుగా సాగింది. అప్పుడు విస్తరణ జరగలేదు. ఇటీవల సీఎం రేవంత్‌రెడ్డి, ఉప ముఖ్యమంత్రి మల్లు భట్టి విక్రమార్క, మంత్రి నలమాద ఉత్తమ్‌కుమార్‌రెడ్డి ఢిల్లీ వెళ్లిన సందర్భంలోనూ మంత్రివర్గ విస్తరణపైనే అధిష్టానంతో చర్చించారని వార్తలు వచ్చాయి. అప్పటికప్పుడు నిర్ణయం వెలువడకపోయినా దసరాకు ముందు మంత్రివర్గ విస్తరణ ఉంటుందని కాంగ్రెస్‌ వర్గాల్లో ఊగాహానాలు జోరందుకున్నాయి. దీంతో మంత్రి వర్గంలో రాజగోపాల్‌రెడ్డికి బెర్త్‌ ఖాయమనే చర్చ మళ్లీ మొదలైంది.ప్రభుత్వం ఏర్పడినప్పటి నుంచి..మునుగోడు ఎమ్మెల్యే కోమటిరెడ్డి రాజగోపాల్‌రెడ్డి కాంగ్రెస్‌ ప్రభుత్వం ఏర్పడిన నాటి నుంచి మంత్రి పదవి వస్తుందని భావిస్తూ వస్తున్నారు. కానీ, మొదట్లో ఉమ్మడి జిల్లా నుంచి తన సోదరుడైన కోమటిరెడ్డి వెంకట్‌రెడ్డికి, ఉత్తమ్‌కుమార్‌రెడ్డికి మంత్రి పదవులు వచ్చాయి. ఆ తర్వాత మంత్రి వర్గ విస్తరణలో రాజగోపాల్‌రెడ్డికి తప్పకుండా అవకాశం దక్కుతుందని జోరుగా చర్చ సాగింది. అయితే పది నెలలు అవుతున్నా మంత్రివర్గ విస్తరణ జరగనే లేదు. మంత్రివర్గ విస్తరణ అంశం తెరపైకి వచ్చిన ప్రతిసారి రాజగోపాల్‌రెడ్డి పేరు ప్రస్తావనకు వస్తోంది.ఎంపీ ఎన్నికల సందర్భంలో అధిష్టానం హామీపార్లమెంట్‌ ఎన్నికల సమయంలో కాంగ్రెస్‌ ఢిల్లీ, రాష్ట్ర అధిష్టానం తనకు మంత్రి పదవి ఇస్తామని హామీ ఇచ్చినట్లుగా రాజగోపాల్‌రెడ్డి పలు సందర్భాల్లో చెప్పుకొచ్చారు. రాహుల్‌గాంధీ ప్రధాని కావాలంటే రాష్ట్రం నుంచి ఎక్కువ మంది ఎంపీలను గెలిపించాలని అధిష్టానం, రాష్ట్ర పార్టీ నేతలు, ముఖ్యమంత్రి కలిసి నిర్ణయించారు. అభ్యర్థుల ఎంపికతోపాటు వారి గెలుపు బాధ్యతలను జిల్లాల్లోని ముఖ్య నేతలకు అప్పగించారు. అందులో భాగంగా భువనగిరి ఎంపీగా చామల కిరణ్‌కుమార్‌రెడ్డిని గెలిపించే బాధ్యతను మునుగోడు ఎమ్మెల్యే కోమటిరెడ్డి రాజగోపాల్‌రెడ్డికి సీఎం రేవంత్‌రెడ్డి అప్పగించారు. ఆ సమయంలో ఎంపీని గెలిపిస్తే మంత్రి పదవి ఇస్తామని అధిష్టానం హామీ ఇచ్చినట్లుగా చర్చ జరిగింది. మొత్తానికి భువనగిరి ఎంపీగా చామల కిరణ్‌కుమార్‌రెడ్డిని దగ్గరుండీ గెలిపించారు. అప్పటి నుంచి మంత్రి పదవి కచ్చితంగా వస్తుందని రాజగోపాల్‌రెడ్డి భావించినా ఇంతవరకు మంత్రివర్గ విస్తరణ మాత్రం జరగలేదు. అయితే, దసరాకు మంత్రివర్గ విస్తరణ జరుగుతుందని పెద్ద ఎత్తున చర్చ సాగుతోంది. ఈ నేపధ్యంలో అధిష్టానం హామీ మేరకు రాజగోపాల్‌రెడ్డికి బెర్త్‌ దక్కుతుందా అన్న చర్చ మళ్లీ జోరందుకుంది.హోం మంత్రి పదవి ఇవ్వాలని..!ప్రభుత్వం ఏర్పడిన తర్వాత ఇటు ప్రతిపక్ష, అటు అధికార పక్షాల మధ్య పోటాపోటీగా అసెంబ్లీలో చర్చలు జరిగాయి. ఆ తర్వాత ప్రభుత్వ వేదికలతోపాటు రాజకీయ వేదికల్లోనూ పెద్ద ఎత్తున అధికార, ప్రతిపక్షాలు పోటా పోటీగా విమర్శలు చేసుకున్నాయి. రాష్ట్రాన్ని అప్పుల పాలు చేశారని అధికార పక్షం, పాలన చేత కాక గత ప్రభుత్వంపై ఆరోపణలు చేస్తుందని ప్రతిపక్షం విమర్శలు చేసుకుంటున్నాయి. ఈ క్రమంలోనే తనకు హోంమంత్రి పదవి ఇవ్వాలని, తాను హోంమంత్రి అయితేనే కేసీఆర్‌ను సమర్థంగా ఎదుర్కొంటానని రాజగోపాల్‌రెడ్డి పలు సమావేశాల్లోనూ చెప్పుకొచ్చారు.ఎస్టీ కోటాలో బాలునాయక్‌కు!ఎస్టీ లంబాడా కోటాలో దేవరకొండ ఎమ్మెల్యే బాలునాయక్‌కు మంత్రి పదవి వస్తుందని చర్చ సాగుతోంది. రాష్ట్రంలో ఆదివాసీ గిరిజన కోటాలో సీతక్కకు అధిష్టానం అవకాశం కల్పించింది. లంబాడా కోటాలో మరొక మంత్రి పదవి ఇస్తారన్న చర్చ సాగుతోంది.

సాక్షి ప్రతినిధి, విజయవాడ: ఎన్టీఆర్‌ జిల్లా విజయవాడలోని ఇంద్రకీలాద్రిపై వేంచేసిన శ్రీ దుర్గా మల్లేశ్వర స్వామివార్ల ఆలయంలో దసరాను పురస్కరించుకుని శ్రీ దేవీ శరన్నవరాత్రి ఉత్సవాలను ఘనంగా నిర్వహించేందుకు అన్ని ఏర్పాట్లు పూర్తయ్యాయి. గురువారం(3వ తేదీ) నుంచి ఈ నెల 12వ తేదీ వరకు జరిగే ఉత్సవాల్లో అమ్మవారు వివిధ అలంకారాల్లో భక్తులకు దర్శనమిస్తారు. ఉత్స­వాల్లో అమ్మ­వారి దర్శనం ఉదయం 3–4 గంటల మధ్యలో ప్రారంభమై రాత్రి 11 గంటల వరకు కొనసాగుతుంది. దర్శనానికి ఈ ఏడాది సుమారు 15 లక్షల మందికి పైగా భక్తులు వస్తారని ఆలయ అధికారుల అంచనా. మూలానక్షత్రం రోజు సరస్వతి అలంకారంలో అమ్మవారిని 2.5 లక్షల మందికి పైగా దర్శించుకునే అవకాశం ఉంది. 5 క్యూలైన్‌ల ద్వారా భక్తులకు దర్శనం కల్పిస్తున్నారు. వీఐపీలకు ప్రత్యేక క్యూలైన్‌లు ఏర్పాటు చేస్తున్నారు. దివ్యాంగుల కోసం ప్రత్యేక సౌకర్యాలు కల్పిస్తున్నారు. భక్తులకు రోజూ ఉదయం అల్పాహారం, మధ్యాహ్నం అన్న ప్రసాదం అందిస్తారు. క్యూలైన్‌లో భక్తులకు వాటర్‌ ప్యాకెట్లతో పాటు, చిన్న పిల్లలకు పాలు, బిస్కెట్‌లు పంపిణీ చేస్తారు. భక్తుల కోసం 25 లక్షల లడ్డూలను సిద్ధం చేశారు. ఆలయ పరిసరాలను విద్యుత్‌ దీపాలతో అలంకరించారు. 12న విజయ దశమిని పురస్కరించుకుని సాయంత్రం కృష్ణా నదిలో తెప్పోత్సవం నిర్వహిస్తారు. ఉత్సవాల నిర్వహణలో పాల్గొనే అన్ని శాఖల అధికారులతో ఎన్టీఆర్‌ జిల్లా కలెక్టర్‌ సృజన బుధవారం తుమ్మలపల్లి కళాక్షేత్రంలో సమీక్షించారు. భక్తులకు ఎలాంటి అసౌకర్యం కలగకుండా ఇంద్రకీలాద్రిపై అన్ని ఏర్పాట్లు చేసినట్లు కలెక్టర్‌ తెలిపారు.నేడు శ్రీబాలాత్రిపుర సుందరీదేవిగా దుర్గమ్మఇంద్రకీలాద్రి (విజయవాడ పశ్చిమ): దసరా మహోత్సవాల్లో తొలి రోజైన గురువారం విజయవాడలోని ఇంద్రకీలాద్రిపై కొలువై ఉన్న దుర్గమ్మ శ్రీబాలా త్రిపుర సుందరీదేవిగా భక్తులకు దర్శ­నమిస్తారు. బాలాదేవి ఎంతో మహిమాన్వి­తమైనది. శ్రీబాలా మంత్రం సమస్త దేవీ మంత్రాల్లోకి ముఖ్యమైనది. విద్యో­పాసకులకు మొట్టమొదటిగా బాలా మంత్రాన్ని ఉపదేశిస్తారు.

పండుగల పూట.. మొన్న నూనె.. ఇవాళ మరో మంట

సాక్షి, అమరావతి: రాష్ట్రంలోని అన్ని పాఠశాలలకు ఈ నెల 3 నుంచి 13వ తేదీ వరకు దసరా సెలవులు ఇస్తున్నట్లు పాఠశాల విద్యాశాఖ డైరెక్టర్‌ విజయ రామరాజు మంగళవారం ఓ ప్రకటనలో తెలిపారు. తిరిగి పాఠశాలలు ఈ నెల 14న పునఃప్రాంరంభమవుతాయని పేర్కొన్నారు.వాస్తవానికి ఈ నెల 4వ తేదీ నుంచి దసరా సెలవులు ప్రకటించినప్పటికీ ఉపాధ్యాయుల విజ్ఞప్తి మేరకు మార్పులు చేశారు. అయితే, బుధవారం గాంధీ జయంతి కావడంతో మరో రోజు సెలవు కలిసి వచ్చింది. అన్ని జూనియర్‌ కాలేజీలకు సైతం ఈ నెల 3 నుంచి 13 వరకు దసరా సెలవులు ఇస్తున్నట్లు ఇంటర్‌ విద్యా మండలి కార్యదర్శి కృతికా శుక్లా మరో ప్రకటనలో పేర్కొన్నారు.

విజయవాడ, సాక్షి: దసరాకు APSRTC ప్రత్యేక బస్సులు నడపాలని నిర్ణయించింది. అక్టోబర్ 4 నుంచి 20వ తేదీ మధ్య 6,100 సర్వీసులు నడపనుంది. సాధారణ ఛార్జీలతోనే దసరా స్పెషల్ బస్సులు నడపనున్నట్లు.. అలాగే ముందస్తుగా రాను,పోను రిజర్వేషన్లు చేసుకున్న వారికి 10 శాతం రాయితీ సౌకర్యం కల్పి‍ంచనున్నట్లు తెలిపింది.

వినాయక చవితి పండుగ వేడుక ముగించుకొని, బై..బై. గణేశా అంటూ గణనాథుని నిమజ్జన కార్యక్రమం అలా ముగిసిందో లేదో మరో పండుగు సందడి మొదలైంది. అదే సరదాల దసరా పండుగ. దేశవ్యాప్తంగా దసరా పండుగను ఉత్సాహంగా జరుపుకోవడానికి రెడీ అయిపోతున్నారు. మరి ఈ ఏడాది దసరా పండుగ ఏ రోజు వచ్చిందో తెలుసా? ముహూర్తం ఎపుడు? తెలుసుకుందాం రండి.దసరా పండుగ, శుభ సమయం చెడుపై మంచి సాధించిన విజయానికి ప్రతీకగా ప్రతీ ఏడాది దసరా పండుగను జరుపుకుంటారు. ఈ ఏడాది అశ్వినీ మాసంలోని శుక్ల పక్షం, దశమి రోజున అక్టోబరు 12న విజయ దశమి వచ్చింది. 2వ తేదీనుంచి శరన్నవరాత్రులు ఆరంభం కానున్నాయి. అమ్మల గన్నయమ్మ ముగ్గురమ్మల మూలపుటమ్మ దుర్గా భవాని మహిషాసురుడిని సంహరించి ప్రజలకు శాంతిని చేకూర్చింది. అందుకే ఇది విజయదశమి అయిందని పెద్దలు చెబుతారు. అలాగే శ్రీరామడు రావణుడిని తుదముట్టించడం ద్వారా అధర్మంపై ధర్మం గెలిచిన రోజు కనుక విజయ దశమి అయిందని మరో కథనంలో చెబుతారు. విజయదశమి నాడు రావణ దహనం చేసి సంబరాలు చేసుకుంటారు. ద‌శ‌మి రోజు శ‌మీ పూజ‌, రావ‌ణ ద‌హ‌నంతో పాటు పాలపిట్ట‌ను ద‌ర్శించుకోవ‌డం ఆన‌వాయితీగా వస్తుంది. ద‌స‌రా రోజు పాలపిట్ట‌ క‌నిపిస్తే శుభ‌సూచికంగా భావిస్తారు. పాండ‌వులు అర‌ణ్య‌, అజ్ఞాత వాసాల‌ను ముగించుకుని, శమీ వృక్షంలో దాచిపెట్టిన ఆయుధాలను తిరిగి స్వాధీనం చేసుకున్న రోజుగా కూడా చెబుతారు. ఈ క్రమంలో జమ్మి చెట్టుకు పూజలు కూడా నిర్వహిస్తారు. దుర్గమ్మ ఎదుట జమ్మి చెట్టును పూజించి ఆ జమ్మి ఆకులను ఇంటికి తీసుకువెళ్లి అందరికీ పంచిపెట్టి అలాయ్ బలాయ్ తీసుకుంటారు. ఇంటి ఆడపడుచులకు కూడా ప్రేమగా పంచుతారు.ముహూర్తం: గణేష్‌ చతుర్థి తరువాత అంతే ఉత్సాంగా నవరాత్రులు వేడుక చేసుకునేపండుగ దసరా పండుగ. ఆశ్వయుజ శుద్ధ పాడ్యమి నుండి ఆశ్వయుజ శుద్ధ నవమి వరకు తొమ్మిది రోజులపాటు దేవీ నవరాత్రుల్లో వివిధ రూపాల్లో అత్యంత భక్తిశ్రద్దలతో అమ్మవారిని పూజిస్తారు. పంచాంగం ప్రకారం, ఈ ఏడాది అశ్వినీ మాసం శుక్ల పక్ష తిథి అక్టోబర్ 12 వ తేదీన ఉదయం 10.58 గంటలకు ప్రారంభమవుతుంది. మరుసటి రోజు అంటే అక్టోబర్ 13 వ తేదీన ఉదయం 9:08 గంటలకు ముగుస్తుంది. మధ్యాహ్నం పూజ సమయం మధ్యాహ్నం 1:17 నుండి 3:35 వరకు ఉండనుంది.

సాక్షి, హైదరాబాద్‌: రాష్ట్రంలోని స్కూళ్లకు అక్టోబర్‌ 2 నుంచి 14 వరకూ దసరా సెలవులను విద్యాశాఖ ప్రకటించింది. పాఠశాలలు తిరిగి 15వ తేదీన తెరుచుకుంటాయని పేర్కొంది. సెలవుల తర్వాత సమ్మెటివ్‌ అసెస్‌మెంట్‌ పరీక్ష నిర్వహిస్తారు. దీనికి సంబంధించిన హోంవర్క్‌ ఇవ్వాలని అధికారులు అన్ని పాఠశాలలప్రధానోపాధ్యాయులకు సూచించారు.

ఇంద్రకీలాద్రి(విజయవాడపశ్చిమ): విజయవాడ ఇంద్రకీలాద్రిపై వచ్చే నెల 3 నుంచి 12వ తేదీ వరకు నిర్వహించనున్న దసరా ఉత్సవాల్లో ప్రత్యేక ఆర్జిత సేవా టికెట్లు భక్తులకు అందుబాటులో వచ్చాయి. దసరా ఉత్సవాల్లో అమ్మవారికి ప్రత్యేకంగా ఖడ్గమాలార్చన, కుంకుమార్చన, శ్రీచక్రనవార్చన, చండీహోమాలను నిర్వహిస్తారు. ఆయా టికెట్ల ధరలను దేవస్థానం ఖరారు చేయగా, ఆన్‌లైన్‌తో పాటు దేవస్థానం ఆవరణలోని టికెట్‌ కౌంటర్, మహామండపం దిగువన టోల్‌ఫ్రీ నంబర్‌ కౌంటర్‌లో టికెట్లు అందుబాటులో ఉండనున్నాయి. ప్రత్యేక ఖడ్గమాలార్చనకు రూ. 5,116, ప్రత్యేక కుంకుమార్చనకు రూ. 3 వేలుగా నిర్ణయించారు. మూలా నక్షత్రం రోజున నిర్వహించే ప్రత్యేక కుంకుమార్చన టికెట్‌ ధర రూ. 5 వేలు. ఇక ప్రత్యేక శ్రీచక్రనవార్చనకు టికెట్‌ ధర రూ. 3 వేలు, ప్రత్యేక చండీహోమం టికెట్‌ ధర రూ. 4 వేలుగా నిర్ణయించారు. ఇక ఉత్సవాలను పురస్కరించుకుని నిర్వహించే వేద విద్వత్‌ సభ అక్టోబర్‌ 10న, అర్చన సభ 11న నిర్వహించాలని వైదిక కమిటీ నిర్ణయించింది. దసరా ఉత్సవాల నేపథ్యంలో అమ్మవారికి విశేష అలంకారాలు, ప్రత్యేక పూజలు, నివేదనలు, వేద సభ, అర్చక సత్కారం వంటి వైదిక కార్యక్రమాలపై వైదిక కమిటీ సభ్యులతో ఈవో రామారావు గురువారం సమావేశం నిర్వహించారు.

స్టార్ హీరోల సినిమాలు ఒకే రోజు రిలీజ్ కావడం ఎప్పటినుంచి ఉన్నదే. సంక్రాంతి టైంలో అయితే ముగ్గురు, నలుగురు హీరోలు కూడా తమ తమ మూవీస్‍‌ని బరిలో దింపుతుంటారు. కానీ ఇప్పుడు మాత్రం తమిళ ఇండస్ట్రీలో అలాంటి ఓ పోటీకే సూర్య, రజినీకాంత్ సిద్ధమయ్యారు కానీ ఇది సదరు చిత్ర పరిశ్రమకి ప్లస్ కావడం కంటే మైనస్ అయ్యే ఛాన్సులే ఎక్కువగా ఉన్నాయి.రీజనల్ సినిమాల మధ్య పోటీ ఉన్న పెద్ద పోయేదేం లేదు. కానీ పాన్ ఇండియా స్థాయిలో రిలీజ్ చేద్దామని అనుకున్నప్పుడు సోలో రిలీజ్ డేట్స్ చూసుకోవడం ఉత్తమం. ఇప్పుడు సూర్య 'కంగువ', రజినీకాంత్ 'వేట్టాయాన్' సినిమాల రిలీజ్ డేట్స్ చూస్తుంటే అయోమయంగా ఉంది. ఎందుకంటే తమిళ ఇండస్ట్రీ నుంచి వస్తున్న భారీ బడ్జెట్ పీరియాడికల్ మూవీ 'కంగువ'. రూ.1000 కోట్ల వసూళ్లు దాటేస్తాం అని నిర్మాత ధీమాగా ఉన్నారు. ఈ క్రమంలోనే దసరా కానుకగా అక్టోబరు 10న థియేటర్లలోకి వస్తున్నట్లు చెప్పారు.(ఇదీ చదవండి: ఈ వారం ఓటీటీల్లోకి ఏకంగా 18 సినిమాలు.. ఆ మూడు స్పెషల్)అదే తేదీకి రజినీకాంత్ 'వేట్టాయాన్' కూడా రిలీజ్ అవుతుందని తాజాగా పోస్టర్ రిలీజ్ చేసి మరీ ప్రకటించారు. సూర్య నుంచి మొదటి పాన్ ఇండియా మూవీ ఇది. కాబట్టి అంచనాలు గట్టిగానే ఉంటాయి. మరోవైపు రజినీకాంత్‌ మూవీ అంటే నేషనల్ వైడ్ మంచి ఫాలోయింగ్ ఉంటుంది. ఇందులో అమితాబ్ బచ్చన్ కూడా నటిస్తున్నారు కాబట్టి హిందీ రిలీజ్ కూడా పక్కా. కాబట్టి ఒకేరోజున ఇద్దరికీ వసూళ్ల పరంగా దెబ్బపడే అవకాశముంది.తెలుగులో పాన్ ఇండియా మూవీస్ రిలీజ్ అవుతున్నాయి కానీ దాదాపుగా సోలో గానే రిలీజ్ ప్లాన్ చేస్తున్నారు. ఆ టైంలో వేరే సినిమాలు ఏమైనా ఉన్నా సరే పోటీ నుంచి తప్పుకొంటున్నారు. ఇదే పద్ధతి తమిళ దర్శకనిర్మాతలు కాస్త ఆలోచిస్తే మంచిది. లేదంటే ఇండస్ట్రీకి మైనస్ అయ్యే ఛాన్సులే ఎక్కువ!(ఇదీ చదవండి: ప్రభాస్ లేకుండా 'బాహుబలి'ని ఊహించలేం: సీఎం రేవంత్ రెడ్డి)