హైదరాబాద్, బిజినెస్‌ బ్యూరో: తలుపులు, కిటికీలకి సంబంధించిన యూపీవీసీ ప్రొఫైల్స్‌ తయారీ సంస్థ వేకా వచ్చే ఆరేళ్లలో కార్యకలాపాల విస్తరణపై రూ. 100 కోట్లు ఇన్వెస్ట్‌ చేయనుంది. ఇందులో భాగంగా ఈ ఏడాది రూ. 16 కోట్లు పెట్టుబడులు పెట్టనుంది. ఎన్‌సీఎల్‌–వేకాలో 100 శాతం వాటాలను కొనుగోలు చేసి కంపెనీని టేకోవర్‌ చేసిన సందర్భంగా వేకా ఏజీ జర్మనీ సీఈవో ఆండ్రియాస్‌ హార్ట్‌లీఫ్‌ ఈ విషయాలు తెలిపారు. జేవీలో వేకాకు గతంలో 50 శాతం వాటాలు ఉండగా, తాజాగా ఎన్‌సీఎల్‌ నుంచి మరో 50 శాతాన్ని కొనుగోలు చేసింది. టేకోవర్‌తో ప్రస్తుతం ఎన్‌సీఎల్‌ వేకా చైర్మన్‌గా ఉన్న అశ్విన్‌ దాట్ల ఇకపై డైరెక్టరుగా కొనసాగనుండగా, ఎండీగా యూఎస్‌ మూర్తి కొనసాగుతారు. ప్రణాళికల్లో భాగంగా వేకా ప్రధానంగా ఎక్స్‌ట్రూషన్‌పైన, ఎన్‌సీఎల్‌.. ఫ్యాబ్రికేషన్‌పైనా దృష్టి పెట్టనున్నట్లు ఈ సందర్భంగా అశ్విన్‌ వివరించారు. కంపెనీకి ప్రస్తుతం హైదరాబాద్‌లో 28 లైన్లతో ఒక ఎక్స్‌ట్రూషన్‌ ప్లాంటు, బెంగళూరులో ఫ్యాబ్రికేషన్‌ ప్లాంటు ఉన్నట్లు చెప్పారు. కంపెనీ గతేడాది రూ. 442 కోట్ల ఆదాయం ఆర్జించగా, 15 శాతం వార్షిక వృద్ధి అంచనా వేస్తున్నట్లు మూర్తి తెలిపారు.

దేశవాళీ వన్డే టోర్నమెంట్‌ విజయ్‌ హజారే ట్రోఫీ(Vijay Hazare Trophy 2024-25)లో ఆంధ్ర జట్టు అదరగొడుతోంది. గ్రూప్‌-‘బి’లో భాగంగా మేఘాలయతో పోరులో ఘన విజయం సాధించింది. తద్వారా ఈ సీజన్‌లో నాలుగో విజయం ఖాతాలో వేసుకుంది. ముంబై వేదికగా మంగళవారం జరిగిన మ్యాచ్‌లో ఆంధ్ర 10 వికెట్ల తేడాతో మేఘాలయ(Andhra vs Meghalaya )ను మట్టికరిపించింది.టాస్‌ ఓడి మొదట బ్యాటింగ్‌కు దిగిన మేఘాలయ జట్టు 48.2 ఓవర్లలో 223 పరుగులకు ఆలౌటైంది. ఓపెనర్‌ నిశాంత చక్రవర్తి (108 బంతుల్లో 101; 13 ఫోర్లు, 2 సిక్స్‌లు) సెంచరీతో చెలరేగగా... అర్పిత్‌ (90 బంతుల్లో 66; 8 ఫోర్లు, 1 సిక్స్‌) అర్ధశతకంతో రాణించాడు. దీంతో ఒకదశలో మేఘాలయ జట్టు 182/1తో పటిష్ట స్థితిలో కనిపించింది.యారా సందీప్‌ 5 వికెట్లతో అదరగొట్టాడుఅయితే ఆ తర్వాత ఆంధ్ర బౌలర్లు విజృంభించి వరుస విరామాల్లో వికెట్లు పడగొట్టారు. దీంతో మేఘాలయ బ్యాటర్లు ఒకరి వెంట ఒకరు పెవిలియన్‌కు క్యూ కట్టారు. ఆంధ్ర బౌలర్లలో యారా సందీప్‌ 28 పరుగులిచ్చి 5 వికెట్లతో అదరగొట్టగా... ఆంజనేయులు, మహీప్‌ కుమార్‌ రెండేసి వికెట్లు తీశారు. అనంతరం లక్ష్యఛేదనలో ఆంధ్ర 29.3 ఓవర్లలో వికెట్‌ నష్టపోకుండా 228 పరుగులు చేసింది.భరత్‌, అశ్విన్‌ అజేయ శతకాలుఆంధ్ర కెప్టెన్‌ శ్రీకర్‌ భరత్‌ (KS Bharat- 81 బంతుల్లో 107 నాటౌట్‌; 9 ఫోర్లు, 7 సిక్స్‌లు) సెంచరీతో విజృంభించాడు. మరో ఓపెనర్‌ అశ్విన్‌ హెబర్‌ (Ashwin Hebbar- 96 బంతుల్లో 108 నాటౌట్‌; 13 ఫోర్లు, 1 సిక్స్‌) కూడా ‘శత’క్కొట్టడంతో ఆంధ్ర జట్టు ఆడుతూ పాడుతూ లక్ష్యాన్ని ఛేదించింది. మేఘాలయ బౌలింగ్‌ను ఓ ఆటాడుకున్న భరత్‌... సిక్స్‌లతో చెలరేగిపోతే అశి్వన్‌ బౌండరీలతో హోరెత్తించాడు. వీరిద్దరూ పోటీపడి పరుగులు రాబట్టడంతో లక్ష్యం చిన్నబోయింది.రెండో స్థానంలోగత మ్యాచ్‌లో సర్వీసెస్‌పై అజేయ అర్ధశతకాలతో వికెట్‌ నష్టపోకుండానే జట్టును గెలిపించిన భరత్, అశ్విన్‌... ఈసారి కూడా దాన్ని పునరావృతం చేశారు. 5 వికెట్లు తీసిన సందీప్‌నకు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. గ్రూప్‌లో ఇప్పటి వరకు 5 మ్యాచ్‌లాడిన ఆంధ్ర జట్టు 4 విజయాలు, ఒక పరాజయంతో 16 పాయింట్లు ఖాతాలో వేసుకొని రెండో స్థానంలో కొనసాగుతోంది. తదుపరి మ్యాచ్‌లో శుక్రవారం మహారాష్ట్రతో ఆంధ్ర జట్టు తలపడుతుంది. చదవండి: సిగ్గుపడాలి!.. టీమిండియాకు ఇలాంటి ఆటగాడు అవసరమా?: ఇర్ఫాన్‌ పఠాన్‌

మెల్‌బోర్న్‌: భారత వెటరన్‌ స్పిన్నర్‌ అశ్విన్‌ బౌలింగ్‌లో జాగ్రత్తగా ఆడాల్సి ఉంటుందని, ఈసారి అతడు మ్యాచ్‌పై పట్టు బిగించకుండా చేస్తానని ఆ్రస్టేలియన్‌ స్టార్‌ బ్యాటర్‌ స్టీవ్‌ స్మిత్‌ అన్నాడు. కంగారూ గడ్డపై అశ్విన్‌కు మంచి రికార్డు లేదు. స్వదేశంలో 21.57 సగటు నమోదు చేస్తే ఆసీస్‌లో అది 42.15 మాత్రమే. అయితే గత రెండు బోర్డర్‌–గావస్కర్‌ సిరీస్‌లలో ఫామ్‌లో ఉన్న స్మిత్‌ను అదే పనిగా అవుట్‌ చేసి పైచేయి సాధించాడు. ఈ రెండు సిరీస్‌లలో అశ్విన్‌ అతన్ని క్రీజులో పాతుకుపోనీయకుండా ఐదుసార్లు పెవిలియన్‌ చేర్చాడు. దీనిపై ఆసీస్‌ పత్రికకు ఇచ్చిన ఇంటర్వ్యూలో స్మిత్‌ మాట్లాడుతూ ‘ఈసారి అలా జరగకుండా చూసుకోవాలి. అయితే అశ్విన్‌ మాత్రం ఉత్తమ స్పిన్నర్‌. తప్పకుండా తన ప్రణాళికలు తనకు ఉంటాయి. గతంలో అతని ఎత్తుగడలకు బలయ్యాను. నాపై అతనే ఆధిపత్యం కనబరిచాడు. ఇప్పుడలా జరగకుండా చూసుకోవాలంటే ఆరంభంలోనే అతను పట్టు బిగించకుండా దీటుగా ఎదుర్కోవాలి’ అని అన్నాడు. గత కొన్నేళ్లుగా తమ ఇద్దరి మధ్య ఆసక్తికర సమరమే జరుగుతోందన్నాడు. ఒకరు పైచేయి సాధిస్తే, మరొకరు డీలా పడటం జరుగుతుందని... ఐదు టెస్టుల్లో పది ఇన్నింగ్స్‌ల్లో ఇప్పుడు ఎవరూ ఆధిపత్యం కనబరుస్తారో చూడాలని స్మిత్‌ తెలిపాడు. అతన్ని బ్యాట్‌తో పాటు మానసికంగానూ దెబ్బకొట్టాలంటే ఆరంభంలోనే మంచి షాట్లతో ఎదురుదాడికి దిగాలని చెప్పాడు. 35 ఏళ్ల స్మిత్‌ టెస్టుల్లో 10 వేల పరుగుల మైలురాయికి 315 పరుగుల దూరంలో ఉన్నాడు. త్వరలో జరిగే ఐదు టెస్టుల బోర్డర్‌–గావస్కర్‌ ట్రోఫీలో అతను తనకెంతో ఇష్టమైన, అచ్చొచి్చన నాలుగో స్థానంలో బ్యాటింగ్‌ చేయనున్నాడు. ఇటీవలి కాలంలో స్మిత్‌ తరచూ ఓపెనర్‌గా బరిలోకి దిగి పూర్తిగా విఫలమయ్యాడు.

హిమాలయాల చెంత భారత టెస్టు క్రికెట్‌ ప్రదర్శన మరింత ఉన్నతంగా శిఖరానికి చేరింది...ధర్మశాలలో అంచనాలకు అనుగుణంగా చెలరేగిన మన జట్టు ప్రత్యర్థిని చావుదెబ్బ కొట్టి టెస్టు సిరీస్‌ను 4–1తో సగర్వంగా గెలుచుకుంది... 259 పరుగుల ఆధిక్యం అంటేనే టీమిండియా గెలుపు లాంఛనం అనిపించింది... కానీ ఇంగ్లండ్‌ కనీస స్థాయి పోరాటపటిమ కూడా ప్రదర్శించలేక చేతులెత్తేసింది. బజ్‌బాల్‌ ముసుగులో అసలు టెస్టును ఎలా ఆడాలో మరచిపోయిన ఆ జట్టు ఆటగాళ్లు గుడ్డిగా బ్యాట్లు ఊపి పేలవ షాట్లతో వేగంగా తమ ఓటమిని ఆహ్వానించారు. తన వందో టెస్టులో ఐదు వికెట్ల ప్రదర్శనతో అశ్విన్ ఈ మ్యాచ్‌ను  చిరస్మరణీయం చేసుకోగా...విజయంతో తమ వంతు పాత్ర పోషించిన కుర్రాళ్లంతా సంబరాలు చేసుకున్నారు. ఓటమితో మొదలైన ఈ ఐదు టెస్టుల సుదీర్ఘ సిరీస్‌కు ఇన్నింగ్స్‌ విజయంతో భారత్‌ ఘనమైన ముగింపునిచ్చింది.  ధర్మశాల: సొంతగడ్డపై టెస్టుల్లో భారత జట్టు తమ స్థాయి ఏమిటో మరోసారి చూపించింది. మూడో రోజే ముగిసిన చివరిదైన ఐదో టెస్టులో భారత్‌ ఇన్నింగ్స్, 64 పరుగుల తేడాతో ఇంగ్లండ్‌ను చిత్తు చేసింది. తొలి ఇన్నింగ్స్‌లో 259 పరుగులు వెనుకబడి శనివారం రెండో ఇన్నింగ్స్‌ ఆడిన ఇంగ్లండ్‌ 48.1 ఓవర్లలో 195 పరుగులకే కుప్పకూలింది. జో రూట్‌ (128 బంతుల్లో 84; 12 ఫోర్లు) టాప్‌ స్కోరర్‌గా నిలవగా, అశ్విన్ (5/77) ఐదు వికెట్లు పడగొట్టాడు. 7 వికెట్లతో పాటు కీలక పరుగులు చేసిన కుల్దీప్‌ యాదవ్‌ ‘ప్లేయర్‌ ఆఫ్‌ ద మ్యాచ్‌’గా నిలిచాడు. హైదరాబాద్‌లో జరిగిన తొలి టెస్టులో ఓడిన భారత్‌ తర్వాతి నాలుగు మ్యాచ్‌లు గెలిచి సిరీస్‌ను 4–1తో సొంతం చేసుకుంది. 2 డబుల్‌ సెంచరీలు సహా మొత్తం 712 పరుగులు సాధించిన యశస్వి జైస్వాల్‌కు ‘ప్లేయర్‌ ఆఫ్‌ ద సిరీస్‌’ అవార్డు లభించింది.   రూట్‌ మినహా...  వెన్నునొప్పితో ఇంగ్లండ్‌ రెండో ఇన్నింగ్స్‌ సమయంలో కెపె్టన్‌ రోహిత్‌ మైదానంలోకి దిగలేదు. దాంతో బాధ్యతలు తీసుకున్న బుమ్రా ఆలస్యం చేయకుండా రెండో ఓవర్‌లోనే అశ్విన్ కు బౌలింగ్‌ బాధ్యత అప్పగించాడు. అంతే...ఐదో బంతికి డకెట్‌ (2) అవుట్‌తో మొదలైన ఇంగ్లండ్‌ పతనం వేగంగా సాగింది. కొద్ది సేపటికి క్రాలీ (0) కూడా వెనుదిరగ్గా, ఒలీ పోప్‌ (19) కూడా ఎక్కువ సేపు నిలవలేదు. ఈ దశలో జానీ బెయిర్‌స్టో (31 బంతుల్లో 39; 3 ఫోర్లు, 3 సిక్స్‌లు), రూట్‌ మాత్రమే 56 పరుగుల భాగస్వామ్యంతో కొద్దిసేపు ప్రతిఘటించారు. ముఖ్యంగా అశ్విన్ బౌలింగ్‌లోనే మూడు సిక్సర్లతో బెయిర్‌స్టో దూకుడు ప్రదర్శించాడు. అయితే కుల్దీప్‌ తన తొలి ఓవర్లోనే బెయిర్‌స్టోను వికెట్ల ముందు దొరకబుచ్చుకోగా, స్టోక్స్‌ (2) పేలవ ఫామ్‌ కొనసాగింది. లంచ్‌ వరకే ఇంగ్లండ్‌ 5 వికెట్లు కోల్పోయింది. విరామం తర్వాత ఫోక్స్‌ (8)ను పడగొట్టి అశ్విన్ ఐదో వికెట్‌ను తన ఖాతాలో వేసుకున్నాడు. బుమ్రా ఒకే ఓవర్లో రెండు వికెట్లతో దెబ్బ కొట్టగా...తర్వాతి వికెట్‌ జడేజా ఖాతాలో చేరింది. మరో ఎండ్‌లో పోరాడుతున్న రూట్‌ ఇక లాభం లేదనుకొని ధాటిగా ఆడే ప్రయత్నం చేశాడు. ఈ క్రమంలో కుల్దీప్‌ బౌలింగ్‌లో కొట్టిన షాట్‌కు లాంగాన్‌ వద్ద బుమ్రా క్యాచ్‌ అందుకోవడంతో ఇంగ్లండ్‌ ఆట ముగిసింది.   టెస్టు క్రికెట్‌కు ప్రోత్సాహకాలు...  యువ ఆటగాళ్లు టెస్టు ఫార్మాట్‌పై మరింత శ్రద్ధ పెట్టేందుకు బీసీసీఐ కొత్త తరహా ప్రోత్సాహకాన్ని ప్రకటించింది. టెస్టులు రెగ్యులర్‌గా ఆడే ఆటగాళ్లకు మ్యాచ్‌ ఫీజుతో పాటు ‘టెస్టు క్రికెట్‌ ఇన్సెంటివ్‌ స్కీమ్‌’ పేరుతో భారీ మొత్తం అందించనుంది. 2022–23 సీజన్‌నుంచే దీనిని వర్తింపజేస్తారు. దీని ప్రకారం ఏడాదిలో భారత జట్టు ఆడే టెస్టుల్లో కనీసం సగానికి పైగా టెస్టులు ఆడితే రూ. 30 లక్షలు అందిస్తారు. 75 శాతం పైగా మ్యాచ్‌లు ఆడితే ఈ మొత్తం రూ.45 లక్షలు అవుతుంది. తుది జట్టులో లేని ప్లేయర్‌కు ఇందులో సగం లభిస్తుంది. ఉదాహరణకు భారత జట్టు ఏడాదిలో 10 టెస్టులో ఆడితే ఒక ఆటగాడు అన్ని మ్యాచ్‌లలోనూ బరిలోకి దిగితే అతనికి రూ.4.50 కోట్లు లభిస్తాయి. ఒక్కో మ్యాచ్‌ ఫీజు రూ.15 లక్షల ద్వారా వచ్చే రూ.1.50 కోట్లకు ఇది అదనం. సగంకంటే తక్కువ టెస్టులు ఆడితే ఇది వర్తించదు.    స్కోరు వివరాలు:  ఇంగ్లండ్‌ తొలి ఇన్నింగ్స్‌ 218; భారత్‌ తొలి ఇన్నింగ్స్‌ 477; ఇంగ్లండ్‌ రెండో ఇన్నింగ్స్‌: క్రాలీ (సి)  సర్ఫరాజ్‌ (బి) అశ్విన్ 0; డకెట్‌ (బి) అశ్విన్ 2; పోప్‌ (సి) యశస్వి (బి) అశ్విన్ 19; రూట్‌ (సి) బుమ్రా (బి) కుల్దీప్‌ 84; బెయిర్‌స్టో (ఎల్బీ) (బి) కుల్దీప్‌ 39; స్టోక్స్‌ (బి) అశ్విన్ 2; ఫోక్స్‌ (బి) అశ్విన్ 8; హార్ట్‌లీ (ఎల్బీ) (బి) బుమ్రా 20; వుడ్‌ (ఎల్బీ) (బి) బుమ్రా 0; బషీర్‌ (బి) జడేజా 13; అండర్సన్‌ (నాటౌట్‌) 0; ఎక్స్‌ట్రాలు 8; మొత్తం (48.1 ఓవర్లలో ఆలౌట్‌) 195. వికెట్ల పతనం: 1–2, 2–21, 3–36, 4–92, 5–103, 6–113, 7–141, 8–141, 9–189, 10–195. బౌలింగ్‌: బుమ్రా 10–2–38–2, అశ్విన్ 14–0–77–5, జడేజా 9–1–25–1, కుల్దీప్‌ 14.1–0–40–2, సిరాజ్‌ 1–0–8–0.  జిమ్మీ@ 700  ఇంగ్లండ్‌ పేస్‌ బౌలర్‌ జేమ్స్‌ అండర్సన్‌ టెస్టు క్రికెట్‌లో అత్యంత అరుదైన మైలురాయిని చేరుకున్నాడు. టెస్టుల్లో 700 వికెట్లు సాధించిన మూడో బౌలర్‌గా, తొలి పేసర్‌గా ఘనతకెక్కాడు. శనివారం కుల్దీప్‌ను అవుట్‌ చేయడంతో ఈ వికెట్‌ అతని ఖాతాలో చేరింది. అత్యధిక వికెట్ల జాబితాలో స్పిన్నర్లు మురళీధరన్‌ (800), షేన్‌ వార్న్‌ (708) మాత్రమే అతనికంటే ముందున్నారు. 41 ఏళ్ల 7 నెలల వయసులో తన 187వ టెస్టులో అతను ఈ రికార్డు నమోదు చేయడం విశేషం. మే 2003లో జింబాబ్వేపై అండర్సన్‌ తన తొలి టెస్టు ఆడాడు. 178 = 178  భారత జట్టు టెస్టు చరిత్రలో తొలి సారి విజయాలు, పరాజయాల సంఖ్య సమానంగా వచ్చింది. ఇప్పటివరకు మన విజయాలకంటే ఓటములే ఎక్కువగా ఉన్నాయి. భారత్‌ మొత్తం 579 టెస్టులు ఆడగా 222 మ్యాచ్‌లు ‘డ్రా’ గా ముగిసి మరో టెస్టు ‘టై’ అయింది.   36 అశ్విన్‌ ఇన్నింగ్స్‌లో 5 వికెట్లు పడగొట్టడం ఇది 36వ సారి. రిచర్డ్‌ హ్యాడ్లీ (36)ని సమం చేశాడు.    ‘ఒక టెస్టు గెలవాలంటే అన్నీ సరిగ్గా కుదరాలి. ఈ సారి మేం అలాగే చేయగలిగాం. కొందరు ఆటగాళ్లు ఏదో ఒక దశలో సిరీస్‌లో అందుబాటులో ఉండరని తెలుసు. టెస్టులు ఎక్కువగా ఆడకపోయినా ఈ కుర్రాళ్లందరికీ మంచి అనుభవం ఉంది. మ్యాచ్‌కు అనుగుణంగా వారిని వాడుకున్నాం. ఒత్తిడి ఎదురైనప్పుడు అంతా సరిగా స్పందించారు. ఇది సమష్టి విజయం. పరుగులు చేయడం గురించే చర్చిస్తాం కానీ టెస్టు గెలవాలంటే 20 వికెట్లు తీయాలి. మా బౌలర్లు దానిని చేసి చూపించారు. కుల్దీప్, యశస్వి గొప్పగా ఆడారు’   –రోహిత్‌ శర్మ, భారత కెప్టెన్ 

ధర్మశాల: టి20ల మెరుపులతో సంప్రదాయ టెస్టు సిరీస్‌లే కుదించబడుతున్నాయి. 3, 5 టెస్టుల సిరీస్‌ నుంచి 2, 3 టెస్టుల సిరీస్‌ లేదంటే అనామక జట్లయితే మొక్కుబడిగా ఏకైక టెస్టుతో ఐదు రోజుల ఆటను కానిచ్చేస్తున్నారు. మరోవైపు ఆటగాళ్లు కూడా ధనాధన్‌ ఆట మాయలో అసలైన ఫార్మాట్‌కు మంగళం పాడి లీగ్, పరిమిత ఓవర్ల ఫార్మాట్‌లతోనే కెరీర్‌ను కొనసాగిస్తున్నారు. ఇలాంటి తరుణంలో ఒక క్రికెటర్‌ 100వ టెస్టు ఆడటం ఆ ఆటగాడికే కాదు... ఇప్పుడు టెస్టు ఫార్మాట్‌కే మైలురాయిగా మారిందనడంలో అతిశయోక్తి లేదు. మరి ప్రత్యర్థి జట్ల నుంచి చెరొకరు 100వ టెస్టు ఆడటమైతే అనూహ్యం! ఆతిథ్య భారత్‌ నుంచి దిగ్గజ స్పిన్నర్‌ రవిచంద్రన్‌ అశ్విన్, ఇంగ్లండ్‌ బృందం నుంచి బెయిర్‌స్టోలకు రేపటి నుంచి ఇరు జట్ల మధ్య ధర్మశాలలో జరిగే ఐదో టెస్టు చిరస్మరణీయం కానుంది. ఈ ఇద్దరు 99 మ్యాచ్‌లాడి టెస్టు క్రికెట్‌కు అభి‘వంద’నం పలుకేందుకు సిద్ధమయ్యారు.  14వ భారత క్రికెటర్‌గా...   భారత క్రికెట్‌లోనే విజయవంతమైన సారథులుగా వెలుగొందిన అజహరుద్దీన్‌ (99), ధోని (90)లు కూడా 100 టెస్టులు ఆడలేకపోయారు. జహీర్‌ ఖాన్‌ (92) సైతం ‘వంద’ భాగ్యానికి నోచుకోలేకపోయాడు. కొందరికే సాధ్యమైన ఈ మైలురాయిని అందుకోవడానికి అశ్విన్ సిద్ధమయ్యాడు. ఇటీవలే 500 వికెట్ల క్లబ్‌లో చేరిన అశ్విన్ ... కుంబ్లే తర్వాత ఈ మైలురాయి అందుకున్న రెండో భారత బౌలర్‌గా రికార్డుల్లోకెక్కాడు. 2011లో వెస్టిండీస్‌పై ఢిల్లీ టెస్టులో అరంగేట్రం చేసిన అశ్విన్ 13 ఏళ్ల కెరీర్‌లో ఎన్నో ఘనతలు సాధించాడు. టెస్టుల్లో టీమిండియా ఘనవిజయాల్లో భాగమైన అశ్విన్ ... ధోని సారథ్యంలో తురుపుముక్కగా రాటుదేలాడు. 99 టెస్టులాడి 507 వికెట్లు పడగొట్టాడు. 35 సార్లు ఐదేసి వికెట్లు, 8 సార్లు 10 వికెట్లు పడగొట్టి ప్రత్యర్థి బ్యాటర్లను తిప్పేశాడు. వందో టెస్టు ఆడుతున్న 14వ భారత ఆటగాడిగా అశ్విన్‌ ఘనత వహిస్తాడు.  17వ ఇంగ్లండ్‌ ప్లేయర్‌ బెయిర్‌స్టో  ఇంగ్లండ్‌ వికెట్‌ కీపర్, బ్యాటర్‌ జానీ బెయిర్‌స్టో గురించి మనవాళ్లకి, ప్రత్యేకించి హైదరాబాద్‌ వాసులకి బాగా తెలుసు. సన్‌రైజర్స్‌ హైదరాబాద్‌ ఓపెనర్‌గా వార్నర్‌తో కలిసి మెరిపించాడు. టెస్టుల్లో నిలకడైన బ్యాటర్‌. 2012లో వెస్టిండీస్‌తో అరంగేట్రం చేసిన బెయిర్‌స్టో 99 టెస్టుల్లో 36.42 సగటుతో 5974 పరుగులు చేశాడు. ఇందులో 12 శతకాలు, 26 అర్ధ శతకాలున్నాయి. కీపర్‌గా 242 క్యాచ్‌ల్ని పట్టడంతో పాటు 14 స్టంపౌట్లు చేశాడు. వందోటెస్టు ఆడుతున్న స్టార్‌ వికెట్‌ కీపర్‌ ఈ ఘనతకెక్కనున్న 17వ ఇంగ్లండ్‌ క్రికెటర్‌. వన్డేల్లో వందో మ్యాచ్‌ కూడా ధర్మశాలలోనే ఆడిన బెయిర్‌స్టో ఇప్పుడు అక్కడే మరో 100కు సై అంటున్నాడు.   ఇది అతిపెద్ద సంబరం. ఎందుకంటే నా కెరీర్లో ఇది గమ్యాన్ని మించిన పయనం. ఎప్పటికీ ప్రత్యేకం. ఎన్నో ఎత్తుపల్లాల్ని చూశాను. ఎంతో నేర్చుకున్నాను. 2012లో సొంతగడ్డపై ఇంగ్లండ్‌తో జరిగిన టెస్టు సిరీస్‌ నా కెరీర్‌కు టర్నింగ్‌ పాయింట్‌. నాలుగు టెస్టుల్లో 52.64 సగటుతో 14 వికెట్ల పేలవ ప్రదర్శనతో విమర్శలెదుర్కొన్నా. కెరీర్‌ ఆరంభంలోనే పనైపోయిందనుకున్న ప్రతీసారి నన్ను నేను మార్చుకుంటూ సరికొత్త బౌలింగ్‌ అస్త్రాలతో ఇక్కడిదాకా ప్రయాణించడం గొప్ప అనుభూతిని ఇస్తోంది.  –అశ్విన్   ఇది నాకు భావోద్వేగానికి గురిచేసే మ్యాచ్‌. ప్రొఫెషనల్‌ క్రికెటర్‌ కావాలనే అందరూ కలలు కంటారు. నేనైతే ఆ కలల్ని నిజం చేసుకొని కెరీర్‌లో వందో ఆటకు రెడీ కావడం చాలా గొప్పగా అనిపిస్తుంది. 8 ఏళ్ల వయసులో తండ్రిని కోల్పోయిన నాకు నా తల్లే సర్వస్వం. అందుకే ఈ ఘనత ఆమెకే అంకితం. –బెయిర్‌స్టో    

అటో...ఇటో... కాదు! స్పిన్‌ ఎటు తిప్పుతుందో ఎవరికీ తెలియదు. దీంతో రాంచీ టెస్టు రసవత్తర ముగింపునకు చేరుకుంది. మూడో రోజు ఆటలో 13 వికెట్లు రాలితే... ఇందులో 12 స్పిన్‌ వలలోనే చిక్కాయి. ఈ నేపథ్యంలో భారత్‌ ముందు ఊరించే 192 పరుగుల లక్ష్యం ఉన్నప్పటికీ... ఇంకా 152 పరుగుల దూరం స్పిన్‌ టర్న్‌ దృష్ట్యా భారత్‌కు అంత సులభం కాదు. భారత బ్యాటర్లు స్పిన్‌కు నిలబడితే సిరీస్‌ 3–1తో మన సొంతమవుతుంది. ఇంగ్లండ్‌ స్పిన్నర్లు 10 వికెట్లు తీస్తే మాత్రం సిరీస్‌ 2–2తో సమమవుతుంది.    రాంచీ: మూడో రోజు పూర్తిగా స్పిన్‌ మలుపు తీసుకున్న నాలుగో టెస్టులో భారత్‌ పైచేయి సాధించింది. తొలి ఇన్నింగ్స్‌ ఆధిక్యం కోల్పోయిన టీమిండియా... ప్రత్యర్థి రెండో ఇన్నింగ్స్‌ను 150 పరుగుల్లోపే కూల్చేసింది. ఈ మ్యాచ్‌ గెలిచేందుకు, సిరీస్‌ చేజిక్కించుకొనేందుకు 192 పరుగుల లక్ష్యంతో బరిలోకి దిగిన ఆట ముగిసే సమయానికి భారత్‌ రెండో ఇన్నింగ్స్‌లో వికెట్‌ కోల్పోకుండా 40 పరుగులు చేసింది. రోహిత్‌ (24 బ్యాటింగ్‌), యశస్వి (16 బ్యాటింగ్‌) క్రీజులో ఉన్నారు. విజయానికి భారత్‌ 152 పరుగుల దూరంలో ఉంది.  మూడో రోజు ఆట సాగిందిలా...  ఓవర్‌నైట్‌ స్కోరు 219/7తో ఆదివారం తొలి ఇన్నింగ్స్‌ను కొనసాగించిన భారత్‌ 103.2 ఓవర్లలో 307 పరుగుల వద్ద ఆలౌటైంది. ధ్రువ్‌ జురెల్‌ (149 బంతుల్లో 90; 6 ఫోర్లు, 4 సిక్స్‌) అద్భుతమైన పోరాటం చేశాడు. ఓవర్‌నైట్‌ సహచరుడు కుల్దీప్‌ (131 బంతుల్లో 28; 2 ఫోర్లు)తో ఎనిమిదో వికెట్‌కు 76 పరుగులు జోడించిన జురెల్‌ తొలి అర్ధసెంచరీ సాధించాడు. వెంటనే జురెల్‌ సెల్యూట్‌ చేసి మాజీ సైనికుడు, కార్గిల్‌ యుద్ధంలో పాల్గొన్న  తన నాన్నకు ఈ అర్ధ సెంచరీ అంకితమిచ్చాడు. 253 స్కోరు వద్ద కుల్దీప్‌ అవుటైనా... అప్పు డే జట్టు ఆలౌట్‌ కాలేదు. ఆకాశ్‌దీప్‌ (9)తో తొమ్మి దో వికెట్‌కు 40 పరుగులు జతచేసి జట్టు స్కోరు 300 దాటాకే జురెల్‌ అవుటయ్యాడు. మూడో రోజు భారత్‌ 88 పరుగులు చేస్తే అందులో 68 పరుగులు జురెలే సాధించి టాప్‌స్కోరర్‌గా నిలిచాడు.   ఇంగ్లండ్‌ కూలిందిలా...  తొలి ఇన్నింగ్స్‌లో 46 పరుగులు ఆధిక్యం పొందిన ఇంగ్లండ్‌ లంచ్‌ తర్వాత రెండో ఇన్నింగ్స్‌ను ప్రారంభించింది. అయితే తొలి ఓవర్‌ నుంచే కెపె్టన్‌ రోహిత్‌ ఇంగ్లండ్‌ మెడకు అశ్విన్‌తో స్పిన్‌ ఉచ్చు బిగించాడు. ఇది ఐదో ఓవర్‌ నుంచి ఫలితాల్ని ఇవ్వడంతో ఇంగ్లండ్‌ కుదేలైంది. ఐదో ఓవర్లో అశ్విన్‌ ఓపెనర్‌ డకెట్‌ (15), పోప్‌ (0)లను వరుస బంతుల్లో పెవిలియన్‌ చేర్చాడు. మరో ఓపెనర్‌ క్రాలీ (91 బంతుల్లో 60; 7 ఫోర్లు) అశ్విన్, జడేజా, కుల్దీప్‌ల స్పిన్‌ త్రయానికి కాసేపు ఎదురునిలిచాడు. కానీ ఈ లోపే రూట్‌ (11)ను అశ్విన్, అర్ధ శతకం తర్వాత క్రాలీ, స్టోక్స్‌ (4) వికెట్లను కుల్దీప్‌ పడేశాడు. జడేజా కూడా బెయిర్‌ స్టో (30)ను అవుట్‌ చేయడం ద్వారా 120/6 స్కోరు వద్ద ఇంగ్లండ్‌ బ్యాటింగ్‌ బలగమంతా పెవిలియన్‌లో కూర్చుంది. మిగిలిన టెయిలెండర్లలో హార్ట్‌లీ (7), రాబిన్సన్‌ (0)లను కుల్దీప్‌ వెనక్కి పంపగా, అండర్సన్‌ (0)ను అవుట్‌ చేసిన అశ్విన్‌ ఇంగ్లండ్‌ రెండో ఇన్నింగ్స్‌కు 145 పరుగుల వద్ద తెరదించాడు. ఇంగ్లండ్‌ రెండో ఇన్నింగ్స్‌లో మొత్తం 10 వికెట్లు భారత స్పిన్నర్లకే (అశ్విన్‌ 5/51; కుల్దీప్‌ 4/22; జడేజా 1/56) దక్కడం విశేషం.   స్కోరు వివరాలు  ఇంగ్లండ్‌ తొలి ఇన్నింగ్స్‌: 353; భారత్‌ తొలి ఇన్నింగ్స్‌: 307; ఇంగ్లండ్‌ రెండో ఇన్నింగ్స్‌: క్రాలీ (బి) కుల్దీప్‌ 60; డకెట్‌ 15; పోప్‌ (ఎల్బీడబ్ల్యూ) (బి) అశ్విన్‌ 0; రూట్‌ (ఎల్బీడబ్ల్యూ) (బి) అశ్విన్‌ 11; బెయిర్‌స్టోక్‌ (సి) పటిదార్‌ (బి) జడేజా 30; స్టోక్స్‌ (బి) కుల్దీప్‌ 4; ఫోక్స్‌ (సి అండ్‌ బి) అశ్విన్‌ 17; హార్ట్‌లీ (సి) సర్ఫరాజ్‌ (బి) కుల్దీప్‌ 7; రాబిన్సన్‌ (ఎల్బీడబ్ల్యూ) (బి) కుల్దీప్‌ 0; బషీర్‌ (నాటౌట్‌) 1; అండర్సన్‌ (సి) జురెల్‌ (బి) అశ్విన్‌ 0; ఎక్స్‌ట్రాలు 0; మొత్తం (53.5 ఓవర్లలో ఆలౌట్‌) 145. వికెట్ల పతనం: 1–19, 2–19, 3–65, 4–110, 5–120, 6–120, 7–133, 8–133, 9–145, 10–145. బౌలింగ్‌: అశ్విన్‌ 15.5–0–51–5, జడేజా 20–5–56–1, సిరాజ్‌ 3–0–16–0, కుల్దీప్‌ 15–2–22–4. భారత్‌ రెండో ఇన్నింగ్స్‌: రోహిత్‌ శర్మ (బ్యాటింగ్‌) 24; యశస్వి (బ్యాటింగ్‌) 16; మొత్తం (8 ఓవర్లలో వికెట్‌ నష్టపోకుండా) 40. బౌలింగ్‌: రూట్‌ 4–0–17–0, హార్ట్‌లీ 3–0–22–0, బషీర్‌ 1–0–1–0.   

భారతీయ అమెరికన్‌ అశ్విన్‌ రామస్వామి జార్జియా చట్టసభ్యుడిగా ఎన్నికై రికార్డు సృష్టించనున్నారు. అమెరికాలోని జార్జియా సెనేట్ స్థానానికి పోటీ చేస్తున్న మొదటి జనరల్‌ జెడ్‌ (1997-2012 మధ్య పుట్టినవాళ్లు) భారతీయా అమెరికన్‌ అశ్విన్ రామస్వామి నిలిచారు. 34 ఏళ్ల క్రితం భారత్​ నుంచి అమెరికాకు వలస వెళ్లిన భారతీయ కుటుంబానికి చెందిన  24 ఏళ్ల  అశ్విన్‌..  జార్జియాలోని డిస్ట్రిక్ట్ 48 స్టేట్ సెనేట్ కోసం డెమోక్రాటిక్ పార్టీ తరఫున పోటీ చేస్తున్నారు. ప్రస్తుతం ఆ స్థానానికి రిపబ్లికన్ షాన్ స్టిల్‌ ప్రాతినిధ్యం వహిస్తున్నారు. అయితే.. తన రాష్ట్రమైన జార్జియాకు సేవ చేయాలన్న ఉద్దేశంతో తాను సెనెట్‌కు పోటీ చేస్తున్నట్లు అశ్విన్ రామస్వామి తెలిపారు. తనలా రాజకీయంగా ఎదగాలనుకునే ప్రతి ఒక్కరికీ మెరుగైన అవకాశాలు ఉండాలని పేర్కొన్నారు. 24 ఏళ్లకే  సాఫ్ట్‌వేర్‌ ఇంజినీర్‌గా, ఎన్నికల భద్రత, టెక్నాలజీతో పాటు పలు రంగాల్లో అశ్విన్‌ రామస్వామి పని చేశారు. అశ్విన్ రామస్వామి ఎన్నికైతే.. కంప్యూటర్‌ సైన్స్‌తో పాటు న్యాయవాద డిగ్రీ కలిగి ఉన్న ఏకైక జార్జియా చట్టసభ్యుడిగా రికార్డు సృష్టించనున్నారు. ఇక.. తన తల్లిదండ్రులు 1990లో తమిళనాడు నుంచి అమెరికా వచ్చారని అశ్విన్‌ తెలిపారు. తాను భారత, అమెరికా సంస్కృతులతో పెరిగిగానని.. తాను హిందువునని తెలిపారు. తనకు భారతీయ సంస్కృతిపై చాలా ఆసక్తి ఉందని.. తాను కాలేజీ సమయంలో సంస్కృతం కూడా నేర్చుకున్నట్లు  వెల్లడించారు. తాను రోజూ యోగా, ధ్యానం చేస్తూ ఉంటానని అశ్విన్‌ పేర్కొన్నారు. చదవండి: Alexei Navalny: నావల్నీ తల, ఒంటిపై కమిలిన గాయాలు

35 ఓవర్లలో 5.91 రన్‌రేట్‌తో 207 పరుగులు. పిచ్‌ను, ప్రత్యర్థిని లక్ష్య పెట్టకుండా ఇంగ్లండ్‌ మూడో టెస్టులోనూ తమ ‘బజ్‌బాల్‌’ మంత్రాన్ని చూపించింది. ఫలితంగా 445 పరుగుల భారీ స్కోరు కూడా భారత్‌కు సురక్షితం కాదనిపిస్తోంది. భారత గడ్డపై ఒక విదేశీ బ్యాటర్‌ ఆడిన అత్యుత్తమ ఇన్నింగ్స్‌లో ఒకటిగా నిలిచిపోయే శతకంతో ఓపెనర్‌ బెన్‌ డకెట్‌ చెలరేగాడు. దాంతో రెండు రోజుల ఆట తర్వాత రాజ్‌కోట్‌ టెస్టు సమంగా నిలిచింది. అశ్విన్‌ టెస్టుల్లో 500 వికెట్ల మైలురాయిని అందుకోవడం శుక్రవారం ఆటలో గుర్తుంచుకోదగ్గ మరో హైలైట్‌. మూడో రోజు ఇంగ్లండ్‌ను భారత బౌలర్లు ఎలా నిలువరిస్తారన్నదే ఆసక్తికరం.    రాజ్‌కోట్‌: భారత్‌తో మూడో టెస్టులో ఇంగ్లండ్‌ తొలి ఇన్నింగ్స్‌ దూకుడుగా సాగుతోంది. రెండో రోజు ఆట ముగిసే సమయానికి ఇంగ్లండ్‌ 2 వికెట్ల నష్టానికి 207 పరుగులు చేసింది. బెన్‌ డకెట్‌ (118 బంతుల్లో 133 బ్యాటింగ్‌; 21 ఫోర్లు, 2 సిక్స్‌లు) సెంచరీతో సత్తా చాటాడు. అంతకుముందు ఓవర్‌నైట్‌ స్కోరు 326/5తో ఆట కొనసాగించిన భారత్‌ 445 పరుగులకు ఆలౌటైంది. ధ్రువ్‌ జురేల్‌ (46), అశ్విన్‌ (37) ఎనిమిదో వికెట్‌కు 77 పరుగులు జత చేశారు. ఇంగ్లండ్‌ మరో 238 పరుగులు వెనుకబడి ఉంది.   కీలక భాగస్వామ్యం...  రెండో రోజు ఆరంభంలోనే భారత్‌ రెండు వికెట్లు కోల్పోయింది. ఓవర్‌నైట్‌ స్కోరుకు మరో ఐదు పరుగులు జోడించగానే ఒకే స్కోరు వద్ద కుల్దీప్‌ (4), జడేజా (112) వెనుదిరిగారు. ఈ దశలో అశ్విన్, జురేల్‌ భాగస్వామ్యం భారత్‌ను 400 పరుగులు దాటించింది. అశ్విన్‌ జాగ్రత్తగా ఆడగా, అరంగేట్ర ఆటగాడు జురేల్‌ కొన్ని దూకుడైన షాట్లతో ఆకట్టుకున్నాడు. అయితే తన తొలి మ్యాచ్‌లో అతను అర్ధ సెంచరీని చేజార్చుకున్నాడు. ఈ భాగస్వామ్యం తర్వాత చివర్లో బుమ్రా (28 బంతుల్లో 26; 3 ఫోర్లు, 1 సిక్స్‌) కొన్ని విలువైన పరుగులు జోడించాడు. శుక్రవారం 44.5 ఓవర్లు ఆడిన భారత్‌ మరో 119 పరుగులు జత చేసింది.  దూకుడే దూకుడు...  ఇన్నింగ్స్‌ ఆరంభంలో డకెట్‌ కాస్త తడబడ్డాడు. కానీ బుమ్రా వేసిన ఐదో ఓవర్లో రెండు ఫోర్లతో ధాటిని మొదలు పెట్టిన అతను ఏ బౌలర్‌నూ వదలకుండా చివరి వరకు దూకుడు కొనసాగించాడు. సెంచరీ వరకు కూడా ఒక్క తప్పుడు షాట్‌ లేకుండా అతని ఇన్నింగ్స్‌ అద్భుతమైన స్ట్రోక్‌లతో దూసుకెళ్లింది. టీ తర్వాత తొలి ఓవర్‌నుంచి స్పిన్నర్‌ కుల్దీప్‌తో బౌలింగ్‌ వేయించిన ప్రణాళిక ఫలించలేదు. కుల్దీప్‌ తొలి 4 ఓవర్లలో డకెట్‌ స్వీప్, రివర్స్‌ స్వీప్‌లతో 7 ఫోర్లు బాదడం విశేషం. సిరాజ్‌ ఓవర్లో కొట్టిన రెండు ఫోర్లతో 39 బంతుల్లోనే అతని అర్ధ సెంచరీ పూర్తయింది. మరో ఎండ్‌లో దాదాపు ప్రేక్షక పాత్రకే పరిమితమైన క్రాలీ (15)ని అవుట్‌ చేసి ఎట్టకేలకు అశ్విన్‌ ఈ భాగస్వామ్యాన్ని విడదీశాడు. తర్వాత వచ్చి న ఒలీ పోప్‌ (39; 5 ఫోర్లు, 1 సిక్స్‌) కూడా ఇంగ్లండ్‌ జోరును కొనసాగించాడు. అశ్విన్‌ ఓవర్లో వరుస బంతుల్లో 6, 4 కొట్టి 90ల్లోకి చేరుకున్న    డకెట్‌... సిరాజ్‌ ఓవర్లో బౌండరీతో 88 బంతుల్లోనే కెరీర్‌లో మూడో శతకాన్ని అందుకున్నాడు. చివరకు సిరాజ్‌ చక్కటి బంతికి పోప్‌ వికెట్ల ముందు దొరికిపోయాడు.   ఐదు పరుగులు పెనాల్టీ...  భారత బ్యాటర్లు నిబంధనలకు విరుద్ధంగా పిచ్‌పై పరుగెత్తడంతో అంపైర్లు చర్య తీసుకున్నారు. తొలి రోజు ఆటలో జడేజాను ఈ విషయంపై అంపైర్లు హెచ్చరించగా... రెండో రోజు అశ్విన్‌ కూడా అలాగే చేయడంతో భారత ఇన్నింగ్స్‌ 102వ ఓవర్లో 5 పరుగులు పెనాల్టిగా విధించారు. దాంతో ఇంగ్లండ్‌ ఇన్నింగ్స్‌ 5/0తో మొదలైంది.  స్కోరు వివరాలు  భారత్‌ తొలి ఇన్నింగ్స్‌: యశస్వి (సి) రూట్‌ (బి) వుడ్‌ 10; రోహిత్‌ (సి) స్టోక్స్‌ (బి) వుడ్‌ 131; గిల్‌ (సి) ఫోక్స్‌ (బి) వుడ్‌ 0; పటిదార్‌ (సి) డకెట్‌ (బి) హార్ట్‌లీ 5; జడేజా (సి) అండ్‌ (బి) రూట్‌ 112; సర్ఫరాజ్‌ (రనౌట్‌) 62; కుల్దీప్‌ (సి) ఫోక్స్‌ (బి) అండర్సన్‌ 4; జురేల్‌ (సి) ఫోక్స్‌ (బి) రేహన్‌ 46; అశ్విన్‌ (సి) అండర్సన్‌ (బి) రేహన్‌ 37; బుమ్రా (ఎల్బీ) (బి) వుడ్‌ 26; సిరాజ్‌ (నాటౌట్‌) 3; ఎక్స్‌ట్రాలు 9; మొత్తం (130.5 ఓవర్లలో ఆలౌట్‌) 445. వికెట్ల  పతనం: 1–22, 2–24, 3–33, 4–237, 5–314, 6–331, 7–331, 8–408, 9–415, 10–445.  బౌలింగ్‌: అండర్సన్‌ 25–7–61–1, వుడ్‌ 27.5–2– 114–4, హార్ట్‌లీ 40–7–109–1, రూట్‌ 16–3– 70–1, రేహన్‌ 22–2–85–2.   ఇంగ్లండ్‌ తొలి ఇన్నింగ్స్‌: క్రాసీ (సి) పటిదార్‌ (బి) అశ్విన్‌ 15; డకెట్‌ (బ్యాటింగ్‌) 133; పోప్‌ (ఎల్బీ) (బి) సిరాజ్‌ 39; రూట్‌ (బ్యాటింగ్‌) 9; ఎక్స్‌ట్రాలు 11; మొత్తం (35 ఓవర్లలో 2 వికెట్లకు) 207. వికెట్ల పతనం: 1–89, 2–182. బౌలింగ్‌: బుమ్రా 8–0–34–0, సిరాజ్‌ 10–1–54–1, కుల్దీప్‌ యాదవ్‌ 6–1–42–0, అశ్విన్‌ 7–0–37–1, జడేజా 4–0–33–0.   అశ్విన్‌ @ 500  ఇంగ్లండ్‌ ఓపెనర్‌ క్రాలీని అవుట్‌ చేయడం ద్వారా అశ్విన్‌ టెస్టుల్లో 500 వికెట్ల మైలురాయిని అందుకున్నాడు. తన 98వ టెస్టులో ఈ ఘనత సాధించిన అశ్విన్‌... ఓవరాల్‌గా 9వ ఆటగాడిగా, అనిల్‌ కుంబ్లే (619) తర్వాత రెండో భారత బౌలర్‌గా నిలిచాడు. మ్యాచ్‌లు, బంతుల పరంగా చూస్తే... అత్యంత వేగంగా 500 వికెట్ల మార్క్‌ను చేరిన బౌలర్లలో అశ్విన్‌ రెండో స్థానంలో నిలవడం విశేషం. 2011లో విండీస్‌పై టెస్టుల్లో అరంగేట్రం చేసిన అశ్విన్‌ ఇప్పటి వరకు ఇన్నింగ్స్‌లో 4 వికెట్లు 24 సార్లు... ఇన్నింగ్స్‌లో 5 వికెట్లు 34 సార్లు... మ్యాచ్‌ మొత్తంలో 10 వికెట్లు 8 సార్లు తీశాడు.  టెస్టు నుంచి తప్పుకున్న అశ్విన్‌  రాజ్‌కోట్‌ టెస్టులో అనూహ్య పరిణామం సంభవించింది. తన కుటుంబంలో ఏర్పడిన అత్యవసర పరిస్థితుల నేపథ్యంలో అశ్విన్‌ మూడో టెస్టు నుంచి మధ్యలోనే తప్పుకున్నాడు.    

రాంచీ: సయ్యద్‌ ముస్తాక్‌ అలీ ట్రోఫీ దేశవాళీ టి20 క్రికెట్‌ టోర్నమెంట్‌లో ఆంధ్ర జట్టు ఖాతాలో వరుసగా రెండో విజయం చేరింది. గుజరాత్‌ జట్టుతో జరిగిన గ్రూప్‌ ‘సి’ మ్యాచ్‌లో ఆంధ్ర జట్టు ఎనిమిది వికెట్ల తేడాతో ఘనవిజయం సాధించింది. టాస్‌ గెలిచి బ్యాటింగ్‌ ఎంచుకున్న గుజరాత్‌ 19.2 ఓవర్లలో 165 పరుగులకు ఆలౌటైంది. ఆర్య దేశాయ్‌ (35 బంతుల్లో 62 నాటౌట్‌; 3 ఫోర్లు, 5 సిక్స్‌లు) మెరుపు అర్ధ సెంచరీ చేశాడు. ఆంధ్ర బౌలర్లు స్టీఫెన్‌ (3/25), కావూరి సాయితేజ (2/45), కేవీ శశికాంత్‌ (2/22), మనీశ్‌ (2/47) గుజరాత్‌ జట్టును దెబ్బ తీశారు. అనంతరం 166 పరుగుల లక్ష్యాన్ని ఆంధ్ర జట్టు 17.4 ఓవర్లలో 2 వికెట్లు కోల్పోయి ఛేదించింది. కెపె్టన్‌ కోన శ్రీకర్‌భరత్‌ (41 బంతుల్లో 60; 3 ఫోర్లు, 4 సిక్స్‌లు), అశి్వన్‌ హెబ్బర్‌ (36 బంతుల్లో 53; 7 ఫోర్లు, 1 సిక్స్‌) ధాటిగా ఆడి తొలి వికెట్‌కు 10.2 ఓవర్లలో 87 పరుగులు జోడించారు. వీరిద్దరు అవుటయ్యాక విహారి (16 బంతుల్లో 24 నాటౌట్‌; 1 ఫోర్, 2 సిక్స్‌లు), రికీ భుయ్‌ (13 బంతుల్లో 26 నాటౌట్‌; 1 ఫోర్, 3 సిక్స్‌లు) ఆంధ్ర జట్టును విజయతీరానికి చేర్చారు. నేడు జరిగే తమ తదుపరి మ్యాచ్‌లో మణిపూర్‌ జట్టుతో ఆంధ్ర ఆడుతుంది.

న్యూఢిల్లీ: భారత్‌ పారిశ్రామిక రంగ ప్రముఖులు,  ఏషియన్‌ పెయింట్స్‌ నాన్‌–ఎగ్జిక్యూటివ్‌ డైరెక్టర్, మాజీ చైర్మన్‌ అశ్విన్‌ డానీ (81) తుది శ్వాస విడిచారు. 1968 నుండి ఏషియన్‌ పెయింట్స్‌తో డానీకి అనుబంధం ఉంది. కొంతకాలంగా అనారోగ్యంతో బాధపడుతున్నారు. కంపెనీలో వైస్‌ చైర్మన్‌ అండ్‌ మేనేజింగ్‌ డైరెక్టర్, నాన్‌–ఎగ్జిక్యూటివ్‌ వైస్‌ చైర్మన్, నాన్‌–ఎగ్జిక్యూటివ్‌ చైర్మన్‌తో సహా కంపెనీ బోర్డ్‌లో వివిధ హోదాల్లో ఆయన పనిచేశారు. 2018 నుండి 2021 మధ్య డానీ  ఏషియన్‌ పెయింట్స్‌ సంస్థకు, బోర్డ్‌కు చైర్మన్‌గా ఉన్నారు. డానీ తండ్రి సూర్యకాంత్‌ ఏషియన్‌ పెయింట్స్‌ సహ వ్యవస్థాపకుల్లో ఒకరు.  వివిధ ప్రభుత్వ– వాణిజ్య సంస్థల్లో డానీ కీలక బాధ్యతలు నిర్వహించారు. పలు అవార్డులు అందుకున్నారు. సీఎన్‌బీసీ–టీవీ 18 లైఫ్‌ టైమ్‌ అచీవ్‌మెంట్‌ అవార్డు, బిజినెస్‌ ఇండియా మ్యాగజైన్‌ బిజినెస్‌మెన్‌ ఆఫ్‌ ది ఇయర్‌ (2015), ఇండియన్‌ పెయింట్‌ అసోసియేషన్‌ లైఫ్‌టైమ్‌ అచీవ్‌మెంట్‌ అవార్డు, 2002లో ఇండియన్‌ ఇన్‌స్టిట్యూట్‌ ఆఫ్‌ మెటీరియల్స్‌ మేనేజ్‌మెంట్‌ నుండి కెమినార్‌ అవార్డు ఇందులో ఉన్నాయి. తాజా ఫోర్బ్స్‌ నివేదిక ప్రకారం, అశ్విన్‌ డానీ, ఆయన కుటుంబం 7.7 బిలియన్‌ డాలర్ల (సుమారు రూ. 64,000 కోట్లు) నికర విలువను కలిగి ఉంది. తద్వారా  ప్రపంచవ్యాప్తంగా 293వ స్థానంలో నిలిచారు.

ఏషియన్ పెయింట్స్ లిమిటెడ్‌ (Asian Paints) నాన్-ఎగ్జిక్యూటివ్ డైరెక్టర్, ప్రమోటర్ గ్రూప్ సభ్యుడు, బిలియనీర్ అశ్విన్ డాని (Ashwin Dani) 79 ఏళ్ల వయసులో కన్నుమూశారు. భారతదేశపు అతిపెద్ద పెయింట్‌ తయారీ కంపెనీ అయిన ఏషియన్ పెయింట్స్ నలుగురు సహ-వ్యవస్థాపకులలో ఒకరైన డాని మేనేజింగ్ డైరెక్టర్‌గా ఉన్నప్పుడు కంపెనీని కొత్త శిఖరాలకు తీసుకెళ్లిన ఘనత పొందారు. ఆసియాలోని అతిపెద్ద పెయింట్ కంపెనీలలో ఒకటిగా ఉన్న ఏషియన్ పెయింట్స్‌లో అశ్విన్‌ డాని 1968లో చేరారు. ఈ కంపెనీని అతని తండ్రి సూర్యకాంత్‌ డాని, మరో ముగ్గురు 1942లో స్థాపించారు. డాని కుమారుడు మాలావ్ కూడా కంపెనీ బోర్డులో సభ్యుడిగా ఉన్నారు.  ఫోర్బ్స్ ప్రకారం.. 2023 నాటికి అశ్విన్‌ డాని నికర విలువ 7.1 బిలియన్ డాలర్లు (రూ. 59 వేల కోట్లు). ఏషియన్ పెయింట్స్ హోమ్ పెయింటింగ్ సేవలతోపాటు ఇంటీరియర్ డిజైన్ సర్వీస్‌ను కూడా అందిస్తోంది. అశ్విన్‌ డాని కన్నుమూతతో గురువారం (సెప్టెంబర్ 28) ఏషియన్ పెయింట్స్ లిమిటెడ్ షేర్లు ట్రేడింగ్‌లో 4 శాతానికి పైగా పడిపోయాయి.

అశ్విన్  కాకుమణి, పవిత్ర మరిముత్తు, గౌరవ్‌ నారాయణన్  ప్రధాన పాత్రల్లో నటించిన చిత్రం ‘పిజ్జా 3’. మోహన్  గోవింద్‌ దర్శకత్వంలో సీవీ కుమార్‌ నిర్మించిన ఈ సినిమా జూలై 28న తమిళంలో విడుదలై, హిట్‌ సాధించింది. ఈ చిత్రాన్ని అదే పేరుతో కనెక్ట్‌ మూవీస్‌ ఎల్‌ఎల్‌పీపై ఎంఎస్‌ మురళీధర్‌ రెడ్డి, ఆశిష్‌ వేమిశెట్టి తెలుగు ప్రేక్షకుల ముందుకు తీసుకువస్తున్నారు. ‘‘హారర్‌ అండ్‌ థ్రిల్లర్‌గా రూపొందిన చిత్రం ‘పిజ్జా 3 ’’ అన్నారు నిర్మాతలు. 

భారత స్పిన్‌ ద్వయం రవిచంద్రన్‌ అశ్విన్‌-రవీంద్ర జడేజాల కోసం ఓ వరల్డ్‌ రికార్డు కాసుకు కూర్చుంది. ఈ స్పిన్‌ ద్వయం విండీస్‌తో జరుగుతున్న రెండో టెస్ట్‌ నాలుగో రోజు మరో 3 వికెట్లు పడగొడితే టెస్ట్‌ క్రికెట్‌లో అత్యధిక వికెట్లు పడగొట్టిన స్పిన్‌ ద్వయంగా రికార్డుల్లోకెక్కుతుంది. ఈ ఇద్దరు కలిసి ఇప్పటివరకు టెస్ట్‌ల్లో 49 మ్యాచ్‌ల్లో 498 వికెట్లు పడగొట్టారు. వీరికి ముందు భారత మాజీ స్పిన్‌ ద్వయం అనిల్‌ కుంబ్లే-హర్భజన్‌ సింగ్‌ 54 మ్యాచ్‌ల్లో 501 వికెట్లు పడగొట్టారు. టెస్ట్‌ క్రికెట్‌ చరిత్రలో అత్యధిక వికెట్లు సాధించిన స్పిన్‌ ద్వయం రికార్డు కుంబ్లే-భజ్జీ జోడీ పేరిట ఉంది. విండీస్‌తో నేటి మ్యాచ్‌లో అశ్విన్‌-జడేజా ఇద్దరు కలిసి మరో 3 వికెట్లు పడగొడితే, కుంబ్లే-భజ్జీ జోడీని వెనక్కునెట్టి టెస్ట్‌ల్లో అత్యధిక వికెట్లు తీసిన స్పిన్‌ ద్వయం రికార్డును వారి ఖాతాలో వేసుకుంటారు. ఓవరాల్‌గా టెస్ట్‌ల్లో అత్యధిక వికెట్లు పడగొట్టిన జోడీ రికార్డు ఇంగ్లండ్‌ ఫాస్ట్‌ బౌలింగ్‌ పెయిర్‌ జేమ్స్‌ ఆండర్సన్‌-స్టువర్ట్‌ బ్రాడ్‌ పేరిట ఉంది. వీరిద్దరు కలిసి 137 టెస్ట్‌ల్లో 1034 వికెట్లు పడగొట్టారు. వీరి తర్వాత షేన్‌ వార్న్‌-గ్లెన్‌ మెక్‌గ్రాత్‌ ద్వయం ఉంది. వీరు 104 మ్యాచ్‌ల్లో 1001 వికెట్లు సాధించారు. ఈ జాబితాలో ప్రస్తుతం కుంబ్లే-భజ్జీ జోడీ 11వ స్థానంలో.. అశ్విన్‌-జడేజా జోడీ 12వ స్థానంలో ఉన్నాయి.  ఇదిలా ఉంటే, రెండో టెస్ట్‌ మూడో రోజు ఆట ముగిసే సమయానికి విండీస్‌ తొలి ఇన్నింగ్స్‌లో 5 వికెట్ల నష్టానికి 229 పరుగులు చేసింది. కెప్టెన్‌ క్రెయిగ్‌ బ్రాత్‌వైట్‌ (75), తేజ్‌నరైన్‌ చంద్రపాల్‌ (33), కిర్క్‌ మెక్‌కెంజీ (32), జెర్మైన్‌ బ్లాక్‌వుడ్‌ (20), జాషువ డిసిల్వ (10) ఔట​్‌ కాగా.. అలిక్‌ అథనేజ్‌ (37), జేసన్‌ హోల్డర్‌ (11) క్రీజ్‌లో ఉన్నారు. భారత బౌలర్లలో జడేజా 2, ముకేశ్‌ కుమార్‌, సిరాజ్‌, అశ్విన్‌ తలో వికెట్‌ పడగొట్టారు.  అంతకుముందు భారత్‌ తొలి ఇన్నింగ్స్‌లో 438 పరుగులకు ఆలౌటైంది. 500వ అంతర్జాతీయ మ్యాచ్‌ ఆడుతున్న విరాట్‌ కోహ్లి (121) సెంచరీతో కదంతొక్కగా.. యశస్వి (57), రోహిత్‌ (80), జడేజా (61), అశ్విన్‌ (56)అర్ధసెంచరీలతో రాణించారు. విండీస్‌ బౌలర్లలో కీమర్‌ రోచ్‌, వార్రికన్‌ చెరో 3 వికెట్లు.. హోల్డర్‌ 2, గాబ్రియల్‌ ఓ వికెట్‌ పడగొట్టారు.

రోసీయూ (డొమినికా): వెస్టిండీస్‌తో ప్రారంభమైన తొలి టెస్టులో మొదటి రోజే భారత్‌ పైచేయి సాధించింది. తమ స్థాయికి తగ్గ ప్రదర్శనతో ప్రత్యర్థిని కుప్పకూల్చింది. భారత బౌలర్ల ధాటికి విండీస్‌ బ్యాటర్లు చేతులెత్తేశారు. తొలి రోజు టీ విరామ సమయానికి వెస్టిండీస్‌ తమ తొలి ఇన్నింగ్స్‌లో 8 వికెట్ల నష్టానికి 137 పరుగులు చేసింది. కెరీర్‌లో మొదటి టెస్టు ఆడుతున్న అలిక్‌ అతనజ్‌ (99 బంతుల్లో 47; 6 ఫోర్లు, 1 సిక్స్‌) మినహా అంతా విఫలమయ్యారు. అశ్విన్‌ 4 వికెట్లు పడగొట్టగా, జడేజాకు 2 వికెట్లు దక్కాయి.   టాస్‌ గెలిచి విండీస్‌ ముందుగా బ్యాటింగ్‌ ఎంచుకుంది. తొలి వికెట్‌కు 31 పరుగులు జత చేసి ఓపెనర్లు క్రెయిగ్‌ బ్రాత్‌వైట్‌ (20), తేజ్‌నారాయణ్‌ చందర్‌పాల్‌ (12) కుదురుకున్నట్లుగా అనిపించారు. అయితే 7 పరుగుల వ్యవధిలో వీరిద్దరిని అశ్విన్‌ అవుట్‌ చేసి దెబ్బ కొట్టాడు. శార్దుల్‌ తన తొలి ఓవర్లోనే రీఫర్‌ (2)ను వెనక్కి పంపగా, సిరాజ్‌ చక్కటి క్యాచ్‌కు బ్లాక్‌వుడ్‌ (14) అవుట్‌ కావడంతో లంచ్‌ సమయానికే స్కోరు 68/4కు చేరింది. మరో ఎండ్‌లో అలిక్‌ మాత్రమే ఆత్మవిశ్వాసంతో కనిపించాడు. సొంత మైదానంలో అతను కొన్ని చక్కటి షాట్లతో జట్టును ఆదుకున్నాడు. రెండో సెషన్‌లో భారత్‌ మరో 3 వికెట్లు తీయడంలో సఫలమైంది. డి సిల్వ (2) ప్రభావం చూపలేకపోగా, హోల్డర్‌ (18) వికెట్‌ సిరాజ్‌ ఖాతాలో చేరింది. ఐదు పరుగుల వ్యవధిలో జోసెఫ్‌ (4), అలిక్‌లను అశ్విన్‌ అవుట్‌ చేశాడు. జోసెఫ్‌ వికెట్‌తో అశ్విన్‌ అంతర్జాతీయ వికెట్ల సంఖ్య 700కు చేరడం విశేషం. యశస్వి, ఇషాన్‌ అరంగేట్రం   తొలి టెస్టులో భారత జట్టు ఇద్దరు కొత్త ఆటగాళ్లకు అవకాశం క ల్పించింది. ఊహించిన విధంగానే యశస్వి జైస్వాల్‌కు తొలి అంతర్జాతీయ మ్యాచ్‌ ఆడే అవకాశం లభించగా... వికెట్‌ కీపర్‌గా ఇప్పటికే 14 వన్డేలు, 27 టి20లు ఆడిన ఇషాన్‌ కిషన్‌ తొలిసారి టెస్టు క్రికెట్‌ బరిలోకి దిగాడు. భారత్‌ తరఫున టెస్టులు ఆడిన 306వ, 307వ ఆటగాళ్లుగా వీరిద్దరు నిలిచారు. భారత్‌ ఆడిన గత ఐదు టెస్టుల్లో కీపర్‌గా ఉన్న ఆంధ్ర ఆటగాడు కేఎస్‌ భరత్‌ స్థానంలో ఈసారి టీమ్‌ మేనేజ్‌మెంట్‌ ఇషాన్‌కు తుది జట్టులో చోటు ఇచ్చింది. జార్ఖండ్‌కు చెందిన ఇషాన్‌ 48 ఫస్ట్‌క్లాస్‌ మ్యాచ్‌లలో 38.76 సగటుతో 2985 పరుగులు చేశాడు. ముంబై ఆటగాడు యశస్వి గత రెండేళ్లుగా అన్ని ఫార్మాట్‌లలో సత్తా చాటుతూ సెలక్టర్ల దృష్టిని ఆకర్షించాడు. ఐపీఎల్‌లో మెరుపులు, దేశవాళీ వన్డేల్లో మెరుపు బ్యాటింగ్‌ మాత్రమే కాకుండా 15 ఫస్ట్‌క్లాస్‌ మ్యాచ్‌లలోనే 9 సెంచరీలతో 80.21 సగటుతో 1845  పరుగులు సాధించడం అతనికి అవకాశం క ల్పించింది. 

చెన్నై: వరుసగా మూడో విజయం సాధించి ఈ ఐపీఎల్‌ సీజన్‌లో ‘హ్యాట్రిక్‌’ నమోదు చేయాలని ఆశించిన నాలుగుసార్లు చాంపియన్‌ చెన్నై సూపర్‌ కింగ్స్‌ జట్టుకు నిరాశ ఎదురైంది. మాజీ విజేత రాజస్తాన్‌ రాయల్స్‌ సమష్టి ప్రదర్శనతో చెన్నై జట్టుకు వారి సొంత మైదానంలోనే షాక్‌ ఇచ్చిం ది. 2008 తర్వాత చెన్నై వేదికలో చెన్నై జట్టును రాజస్తాన్‌ ఓడించడం ఇదే తొలిసారి. టాస్‌ గెలిచి చెన్నై జట్టు ఫీల్డింగ్‌ ఎంచుకోగా... తొలుత బ్యాటింగ్‌కు దిగిన రాజస్తాన్‌ రాయల్స్‌ నిర్ణీ త 20 ఓవర్లలో 8 వికెట్లకు 175 పరుగులు సాధించింది. జోస్‌ బట్లర్‌ (36 బంతుల్లో 52; 1 ఫోర్, 3 సిక్స్‌లు) అర్ధ సెంచరీ చేయగా... దేవదత్‌ పడిక్కల్‌ (26 బంతుల్లో 38; 5 ఫోర్లు), అశ్విన్‌ (22 బంతుల్లో 30; 1 ఫోర్, 2 సిక్స్‌లు), హెట్‌మైర్‌ (18 బంతుల్లో 30 నాటౌట్‌; 2 ఫోర్లు, 2 సిక్స్‌లు) రాణించారు. ఆకాశ్‌ సింగ్, తుషార్‌ దేశ్‌పాండే, రవీంద్ర జడేజా రెండు వికెట్ల చొప్పున తీశారు. 176 పరుగుల లక్ష్యంతో బరిలోకి దిగిన చెన్నై జట్టు నిర్ణీ త 20 ఓవర్లలో 6 వికెట్లకు 172 పరుగులు చేసి ఓడిపోయింది. డెవాన్‌ కాన్వే (38 బంతుల్లో 50; 6 ఫోర్లు), అజింక్య రహానే (19 బంతుల్లో 31; 2 ఫోర్లు, 1 సిక్స్‌) కీలకదశలో అవుటవ్వగా... చివర్లో రవీంద్ర జడేజా (15 బంతుల్లో 25 నాటౌట్‌; 1 ఫోర్, 2 సిక్స్‌లు), ధోని (17 బంతుల్లో 32; 1 ఫోర్, 3 సిక్స్‌లు) మెరిపించి ఆరో వికెట్‌కు ఐదు ఓవర్లలో 59 పరుగులు జోడించినా చెన్నైను విజయతీరానికి చేర్చలేకపోయారు. డెవాన్‌ కాన్వే అవుటయ్యే సమయానికి చెన్నై స్కోరు 15 ఓవర్లలో 113/6. చెన్నై గెలవాలంటే 30 బంతుల్లో 63 పరుగులు చేయాలి. క్రీజులో జడేజా, ధోని ఉన్నారు. అశ్విన్‌ వేసిన ఇన్నింగ్స్‌ 16వ ఓవర్లో 4 పరుగులు... చహల్‌ వేసిన 17వ ఓవర్లో 5 పరుగులు వచ్చాయి. దాంతో చెన్నై విజయసమీకరణం 18 బంతుల్లో 54 పరుగులుగా మారింది. జంపా వేసిన 18వ ఓవర్లో ధోని, జడేజా 14 పరుగులు... హోల్డర్‌ వేసిన 19వ ఓవర్లో 19 పరుగులు రాబట్టారు. దాంతో చెన్నై నెగ్గడానికి చివరి ఓవర్లో 21 పరుగులు అవసరమయ్యాయి. చివరి ఓవర్‌ వేసేందుకు వచ్చిన సందీప్‌ శర్మ తొలి రెండు బంతులను వైడ్‌ వేశాడు. ఆ తర్వాతి బంతికి పరుగు ఇవ్వని సందీప్‌... తర్వాతి రెండు బంతులు ఫుల్‌టాస్‌ వేయడంతో వాటిని ధోని సిక్స్‌లుగా మలిచాడు. దాంతో చెన్నై గెలవడానికి 3 బంతుల్లో 7 పరుగులు చేయాలి. అయితే సందీప్‌ శర్మ వేసిన మూడు బంతుల్లో ధోని, జడేజా మూడు పరుగులే చేయడంతో చెన్నై ఓటమి పాలైంది. రాజస్తాన్‌ స్పిన్నర్లు అశ్విన్‌ (2/25), యజువేంద్ర చహల్‌ (2/27) కీలక వికెట్లు తీసి చెన్నైను కట్టడి చేశారు.   నిలబడి...తడబడి...: అంతకుముందు రాజస్తాన్‌ జట్టుకు ఓపెనర్లు శుభారంభం ఇవ్వలేకపోయారు. తుషార్‌ వేసిన ఇన్నింగ్స్‌ రెండో ఓవర్లో యశస్వి జైస్వాల్‌ (8 బంతుల్లో 10; 2 ఫోర్లు) భారీ షాట్‌కు ప్రయత్నించి మిడ్‌ ఆఫ్‌ వద్ద శివమ్‌ దూబే చేతికి చిక్కాడు. అనంతరం బట్లర్, దేవ్‌దత్‌ ఇన్నింగ్స్‌ను నిరి్మంచారు. స్పిన్నర్‌ తీక్షణ బౌలింగ్‌లో వీరిద్దరు దూకుడుగా ఆడారు. తీక్షణ వేసిన తొలి ఓవర్లో 10 పరుగులు... రెండో ఓవర్లో 17 పరుగులు పిండుకున్నారు. ఆ తర్వాత తుషార్‌ వేసిన ఇన్నింగ్స్‌ ఆరో ఓవర్లోని తొలి రెండు బంతులను దేవ్‌దత్‌ బౌండరీకి తరలించాడు. పవర్‌ప్లే ముగిసేసరికి రాజస్తాన్‌ 57/1తో నిలిచింది. పవర్‌ప్లే తర్వాత కూడా బట్లర్, దేవదత్‌ ధాటిగానే ఆడారు. మొయిన్‌ అలీ వేసిన ఎనిమిదో ఓవర్లో బట్లర్‌ వరుసగా రెండు సిక్స్‌లు కొట్టడంతో ఈ ఓవర్లో రాజస్తాన్‌ మొత్తం 18 పరుగులు సాధించింది. సాఫీగా సాగుతున్న రాజస్తాన్‌ ఇన్నింగ్స్‌ తొమ్మిదో ఓవర్లో తడబడింది. రవీంద్ర జడేజా మూడు బంతుల వ్యవధిలో దేవదత్‌ను, కెప్టెన్‌ సంజూ సామ్సన్‌ (0)ను పెవిలియన్‌కు పంపించాడు. అనంతరం నాలుగు ఓవర్లపాటు రాజస్తాన్‌ బ్యాటర్లు బట్లర్, అశ్విన్‌ ఆచితూచి ఆడారు. వీరిద్దరు ఈ నాలుగు ఓవర్లలో ఒక్క బౌండరీ కొట్టలేకపోయారు. ఆకాశ్‌ సింగ్‌ వేసిన ఇన్నింగ్స్‌ 15వ ఓవర్లో అశ్విన్‌ రెండు వరుస సిక్స్‌లు కొట్టాడు. అయితే ఇదే ఓవర్‌ చివరి బంతికి అశ్విన్‌ను ఆకాశ్‌ అవుట్‌ చేశాడు. దాంతో బట్లర్, అశ్విన్‌ 47 పరుగుల నాలుగో వికెట్‌ భాగస్వామ్యం ముగిసింది. 15 ఓవర్లు ముగిసేసరికి రాజస్తాన్‌ 135/4తో నిలిచింది. చివరి ఐదు ఓవర్లలో చెన్నై బౌలర్లు కట్టుదిట్టంగా బౌలింగ్‌ చేశారు. ప్రమాదకరంగా మారిన బట్లర్‌తోపాటు ధ్రువ్, హోల్డర్‌లను వెంటవెంటనే అవుట్‌ చేశారు. చివరి ఐదు ఓవర్లలో చెన్నై కేవలం 40 పరుగులిచ్చి 4 వికెట్లు తీసింది.  స్కోరు వివరాలు  రాజస్తాన్‌ రాయల్స్‌ ఇన్నింగ్స్‌: యశస్వి జైస్వాల్‌ (సి) శివమ్‌ దూబే (బి) తుషార్‌ దేశ్‌పాండే 10; బట్లర్‌ (బి) మొయిన్‌ అలీ 52; దేవదత్‌ పడిక్కల్‌ (సి) కాన్వే (బి) జడేజా 38; సంజూ సామ్సన్‌ (బి) జడేజా 0; అశ్విన్‌ (సి) మగాలా (బి) ఆకాశ్‌ సింగ్‌ 30; హెట్‌మైర్‌ (నాటౌట్‌) 30; ధ్రువ్‌ జురేల్‌ (సి) శివమ్‌ దూబే (బి) ఆకాశ్‌ సింగ్‌ 4; హోల్డర్‌ (సి) కాన్వే (బి) తుషార్‌ దేశ్‌పాండే 0; జంపా (రనౌట్‌) 1; ఎక్స్‌ట్రాలు 10; మొత్తం (20 ఓవర్లలో 8 వికెట్లకు) 175. వికెట్ల పతనం: 1–11, 2–88, 3–88, 4–135, 5–142, 6–167, 7–174, 8–175. బౌలింగ్‌: ఆకాశ్‌ సింగ్‌4–0–40–2, తుషార్‌ దేశ్‌పాండే 4–0–37–2, తీక్షణ 4–0–42–0, రవీంద్ర జడేజా 4–0–21–2, మొయిన్‌ అలీ 2–0–21–1, సిసాంద మగాలా 2–0–14–0.  చెన్నై సూపర్‌ కింగ్స్‌ ఇన్నింగ్స్‌: రుతురాజ్‌ గైక్వాడ్‌ (సి) యశస్వి (బి) సందీప్‌ శర్మ 8; డెవాన్‌ కాన్వే (సి) యశస్వి (బి) చహల్‌ 50;, అజింక్య రహానే (ఎల్బీడబ్ల్యూ) (బి) అశ్విన్‌ 31; శివమ్‌ దూబే (ఎల్బీడబ్ల్యూ) (బి) అశ్విన్‌ 8; మొయిన్‌ అలీ (సి) సందీప్‌ శర్మ (బి) జంపా 7;  రాయుడు (సి) హెట్‌మైర్‌ (బి) చహల్‌ 1; జడేజా (నాటౌట్‌) 25; ధోని (నాటౌట్‌) 32; ఎక్స్‌ట్రాలు 10; మొత్తం (20 ఓవర్లలో 6 వికెట్లకు) 172. వికెట్ల పతనం: 1–10, 2–78, 3–92, 4–102, 5–103, 6–113. బౌలింగ్‌: సందీప్‌ శర్మ 3–0–30–1, కుల్దీప్‌ సేన్‌ 2–0–8–0, హోల్డర్‌ 3–0–37–0, ఆడమ్‌     జంపా 4–0–43–1, అశ్విన్‌ 4–0–25–2, యజువేంద్ర చహల్‌ 4–0–27–2.    ఐపీఎల్‌లో నేడు  పంజాబ్‌ VS గుజరాత్‌ (రాత్రి గం. 7:30 నుంచి)  స్టార్‌ స్పోర్ట్స్, జియో సినిమాలో ప్రత్యక్ష ప్రసారం 

మనం నమ్ముకున్న ‘స్పిన్‌’ మంత్రం మనకే బెడిసి కొట్టింది. రెండో రోజు ఆటలో భారత్‌ తొలి ఇన్నింగ్స్‌ను కూల్చేసింది. ప్రత్యర్థి తొలి ఇన్నింగ్స్‌ స్కోరుకు పరుగు ముందే టీమిండియా ఆలౌటైంది. అక్షర్‌ పటేల్, అశ్విన్‌ ఆదుకోకుంటే మాత్రం పరిస్థితి ఇంకాస్త క్లిష్టంగా ఉండేది. టాపార్డర్‌ నుంచి మిడిలార్డర్‌ దాకా ప్రధాన బ్యాటర్లను లయన్‌ తిప్పేస్తుంటే ఆల్‌రౌండర్‌ అక్షర్‌ పటేల్‌ ఆపద్భాంధవుడి పాత్ర పోషించాడు.    న్యూఢిల్లీ: ఎవరి ఊహకు అందనంతగా స్పిన్‌ తిరుగుతోంది. మ్యాచ్‌ అనూహ్య మలుపులు తిరుగుతోంది. రెండు రోజుల్లోనే 21 వికెట్లు కూలాయి. ఇందులో 16 వికెట్లు స్పిన్నర్లవే! ప్రత్యేకించి రెండో రోజు ఆటలో పడిన 11 వికెట్లలో 10 వికెట్లు స్పిన్నర్లే పడేశారు. దీంతో ఢిల్లీ టెస్టు రసవత్తరంగా మారింది. మిగిలిన మూడు రోజుల ఆటలో గెలుపు ఎటు మళ్లుతుందో చెప్పలేని స్థితి! టీమిండియాకు ఎదురులేని ఢిల్లీ కోటలో   ఆస్ట్రేలియా ‘స్పిన్‌’తో ప్రతిదాడి చేసింది. దీంతో రెండో రోజు ఆటలో భారత్‌ తొలి ఇన్నింగ్స్‌లో 83.3 ఓవర్లలో 262 పరుగుల వద్ద ఆలౌటైంది. లోయర్‌ ఆర్డర్‌లో అక్షర్‌ పటేల్‌ (115 బంతుల్లో 74; 9 ఫోర్లు, 3 సిక్సర్లు) అర్ధసెంచరీతో ఆదుకున్నాడు. ఆసీస్‌ స్పిన్నర్లలో లయన్‌ (5/67) చెలరేగాడు. కున్‌మన్, మర్పీలకు రెండేసి వికెట్లు దక్కాయి. తర్వాత రెండో ఇన్నింగ్స్‌ ఆరంభించిన ఆస్ట్రేలియా ఆట ముగిసే సమయానికి 12 ఓవర్లలో వికెట్‌ కోల్పోయి 61 పరుగులు చేసింది. లయన్‌ ఉచ్చులో... ఓవర్‌నైట్‌ స్కోరు 21/0తో శనివారం ఆట కొనసాగించిన భారత్‌ 7 ఓవర్లపాటు బాగానే ఆడింది. కున్‌మన్‌ బౌలింగ్‌లో కేఎల్‌ రాహుల్‌ లాంగాన్‌ లో భారీ సిక్సర్‌ బాదాడు. ఇక ఓపెనర్లు కుదురుకున్నట్లే అనుకుంటున్న తరుణంలో లయన్‌ బౌలింగ్‌కు దిగాడు. తన రెండు వరుస ఓవర్లలో టాపార్డర్‌ను ఎల్బీడబ్ల్యూగా దెబ్బ మీద దెబ్బ తీశాడు. ముందుగా రాహుల్‌ (17; 1 సిక్స్‌)ను బోల్తా కొట్టించిన లయన్‌ తన మరుసటి ఓవర్లో కెప్టెన్‌ రోహిత్‌ శర్మ (32; 2 ఫోర్లు), 100వ టెస్టు ఆడుతున్న పుజారా (0)లను పెవిలియన్‌ చేర్చాడు. ఇంకో ఓవర్లో అయ్యర్‌ (4) ఆట ముగించడంతో భారత్‌ 66 పరుగులకే 4 ప్రధాన వికెట్లను కోల్పోయింది. కోహ్లి క్రీజులో ఉండటమే జట్టుకు కాస్త ఊరట కాగా 88/4 స్కోరు వద్ద తొలి సెషన్‌ ముగిసింది. అక్షర్‌ వీరోచితం లంచ్‌ తర్వాత కోహ్లి, జడేజా జాగ్రత్తగా ఆడటంతో భారత్‌ వంద పరుగులు పూర్తి చేసుకుంది. అనంతరం స్పిన్నర్లు మర్ఫీ, కున్‌మన్‌ కలిసి భారత్‌ను పెద్ద దెబ్బే కొట్టారు. జడేజా (26; 4 ఫోర్లు)ను మర్ఫీ, కోహ్లి (44; 4 ఫోర్లు)ని కున్‌మన్‌ వికెట్ల ముందు దొరకబుచ్చుకున్నారు. శ్రీకర్‌ భరత్‌ (6) లయన్‌ ఉచ్చులో చిక్కాడు. 139/7 స్కోరు వద్ద భారత్‌ పీకల్లోతు  కష్టాల్లో పడింది. అయితే అశ్విన్‌ (37; 5 ఫోర్లు) అండతో అక్షర్‌ జట్టును ఒడ్డున పడేశాడు. అక్షర్‌ 94 బంతుల్లో (6 ఫోర్లు, 2 సిక్సర్లు) అర్ధసెంచరీ సాధించాడు. దీంతో టీమిండియా... ఆసీస్‌ తొలి ఇన్నింగ్స్‌ స్కోరు దాకా వెళ్లగలిగింది. వార్నర్‌ కన్‌కషన్‌ ఆసీస్‌ స్టార్‌ ఓపెనర్‌ వార్నర్‌ రెండో టెస్టు మిగతా ఆటకు దూరమయ్యాడు. తొలిరోజు ఆటలోనే సిరాజ్‌ పదో ఓవర్లో వార్నర్‌ మోచేతికి గాయమైంది. కాసేపు ఫిజియో సేవలతో బ్యాటింగ్‌ చేశాడు. అయితే గాయం తీవ్రత దృష్ట్యా టెస్టు నుంచి తప్పుకోగా... కన్‌కషన్‌ (ఆటలో గాయమైతేనే) సబ్‌స్టిట్యూట్‌గా రెన్‌షాను తీసుకున్నారు. మూడో టెస్టుకల్లా వార్నర్‌ కోలుకునేది అనుమానంగానే ఉంది.   స్కోరు వివరాలు ఆస్ట్రేలియా తొలి ఇన్నింగ్స్‌: 263; భారత్‌ తొలి ఇన్నింగ్స్‌: రోహిత్‌ శర్మ (బి) లయన్‌ 32; రాహుల్‌ (ఎల్బీడబ్ల్యూ) (బి) లయన్‌ 17; పుజారా (ఎల్బీడబ్ల్యూ) (బి) లయన్‌ 0; కోహ్లి (ఎల్బీడబ్ల్యూ) (బి) కున్‌మన్‌ 44; అయ్యర్‌ (సి) హ్యాండ్స్‌కాంబ్‌ (బి) లయన్‌ 4; జడేజా (ఎల్బీడబ్ల్యూ) (బి) మర్ఫీ 26; శ్రీకర్‌ భరత్‌ (సి) స్మిత్‌ (బి) లయన్‌ 6; అక్షర్‌ (సి) కమిన్స్‌ (బి) మర్ఫీ 74; అశ్విన్‌ (సి) రెన్‌షా (బి) కమిన్స్‌ 37; షమీ (బి) కున్‌మన్‌ 2; సిరాజ్‌ (నాటౌట్‌) 1; ఎక్స్‌ట్రాలు 19; మొత్తం (83.3 ఓవర్లలో ఆలౌట్‌) 262. వికెట్ల పతనం: 1–46, 2–53, 3–54, 4–66, 5–125, 6–135, 7– 139, 8–253, 9–259, 10–262. బౌలింగ్‌: కమిన్స్‌ 13–2–41–1, కున్‌మన్‌ 21.3– 4–72–2, లయన్‌ 29–5–67–5, మర్ఫీ 18–2–53–2, హెడ్‌ 2–0–10–0. ఆస్ట్రేలియా రెండో ఇన్నింగ్స్‌: ఖాజా (సి) అయ్యర్‌ (బి) జడేజా 6; హెడ్‌ (బ్యాటింగ్‌) 39; లబుషేన్‌ బ్యాటింగ్‌ 16; మొత్తం (12 ఓవర్లలో వికెట్‌ నష్టానికి) 61. వికెట్ల పతనం: 1–23. బౌలింగ్‌: అశ్విన్‌ 6–1–26–0, షమీ 2–0–10–0, జడేజా 3–0–23–1, అక్షర్‌ 1–0–2–0.

ఒకవైపు ఉమేశ్, ఉనాద్కట్‌ పదునైన పేస్‌... మరోవైపు అనుభవజ్ఞుడైన అశ్విన్‌ స్పిన్‌ తంత్రం... వెరసి రెండో టెస్టులో తొలి రోజే బంగ్లాదేశ్‌ కుప్పకూలింది. భారత బౌలింగ్‌ను సమర్థంగా ఎదుర్కోలేని ఆతిథ్య జట్టు కనీస స్కోరు కూడా సాధించలేక చతికిలపడింది. మోమినుల్‌ హక్‌ పోరాటం మినహా జట్టు బ్యాటింగ్‌లో చెప్పుకోదగ్గ విశేషమేమీ లేకపోయింది. గత టెస్టుతో పోలిస్తే అశ్విన్‌ మెరుగైన ప్రదర్శన ఇవ్వగా, ఉపఖండం పిచ్‌లపై ఉమేశ్‌ మళ్లీ సత్తా చాటాడు. పుష్కరకాలం తర్వాత టెస్టు ఆడిన ఉనాద్కట్‌ కూడా రెండు వికెట్లతో సంతృప్తిగా ముగించాడు. ఆపై టీమిండియా వికెట్‌ కోల్పోకపోయినా... ఆడిన 9 ఓవర్లలోనే ఎన్నో సార్లు బంతి అనూహ్యంగా స్పందించడంతో ఓపెనర్లు ఉత్కంఠభరిత క్షణాలను ఎదుర్కోవాల్సి వచ్చింది. దీనిని చూస్తే రెండో రోజు ఆట భారత బ్యాటింగ్‌కు సవాల్‌ విసిరేలా ఉంది. మిర్పూర్‌: భారత్‌తో గురువారం మొదలైన రెండో టెస్టులో బంగ్లాదేశ్‌ పేలవ బ్యాటింగ్‌ ప్రదర్శన కొనసాగింది. టాస్‌ గెలిచి బ్యాటింగ్‌ ఎంచుకున్న బంగ్లాదేశ్‌ 73.5 ఓవర్లలో 227 పరుగులకే ఆలౌటైంది. మోమినుల్‌ హక్‌ (157 బంతుల్లో 84; 12 ఫోర్లు, 1 సిక్స్‌) టాప్‌ స్కోరర్‌గా నిలవగా, మిగతా బ్యాటర్లంతా విఫలమయ్యారు. భారత్‌ బౌలర్లలో ఉమేశ్‌ యాదవ్, అశ్విన్‌ చెరో 4 వికెట్లు పడగొట్టారు. అనంతరం భారత్‌ ఆట ముగిసే సమయానికి 8 ఓవర్లలో వికెట్‌ కోల్పోకుండా 19 పరుగులు చేసింది.    షకీబ్‌ విఫలం... బంగ్లాదేశ్‌ ఇన్నింగ్స్‌లో 40 పరుగులకు పైగా నమోదైన భాగస్వామ్యాలు నాలుగు కాగా, అత్యధికం 48 మాత్రమే! ఇదీ ఆ జట్టు బ్యాటింగ్‌ పరిస్థితిని చూపిస్తోంది. ఒక్కో జోడీ నిలదొక్కుకునే ప్రయత్నంలో ఉండగానే భారత బౌలర్లు వికెట్‌ తీసి బంగ్లాకు కోలుకునే అవకాశం ఇవ్వలేదు. మొత్తంగా చూస్తే జట్టు ఇన్నింగ్స్‌ ఏ దశలోనూ భారీ స్కోరు దిశగా వెళ్లలేదు. ఓపెనర్లు నజ్ముల్‌ హొస్సేన్‌ (24), జాకీర్‌ హసన్‌ (15) ఆరంభంలో కొంత జాగ్రత్త ప్రదర్శించినా... అదీ ఎక్కువ సేపు సాగలేదు. ‘0’ వద్ద జాకీర్‌ ఇచ్చిన క్యాచ్‌ను వదిలేసినా దాని వల్ల భారత్‌కు పెద్దగా నష్టం జరగలేదు. జాకీర్‌ను అవుట్‌ చేసి ఉనాద్కట్‌ టెస్టుల్లో తొలి వికెట్‌ సాధించాడు. అదే స్కోరు వద్ద నజ్ముల్‌ కూడా అవుట్‌ కాగా... లంచ్‌ సమయానికి బంగ్లా స్కోరు 82/2కు చేరింది. అయితే విరామం తర్వాత తొలి బంతికే చెత్త షాట్‌ ఆడిన షకీబ్‌ (16) నిష్క్రమించాడు. మరోవైపు మోమిన్‌ మాత్రం పట్టుదలగా నిలబడి కొన్ని చక్కటి షాట్లతో పరుగులు రాబట్టే ప్రయత్నం చేశాడు. అతనికి కొద్ది సేపు ముష్ఫికర్‌ రహీమ్‌ (26) సహకరించాడు.అశ్విన్‌ ఓవర్లో ముష్ఫికర్‌ వరుసగా మూడు ఫోర్లు కొట్టడం సహా ఒక దశలో పది బంతుల వ్యవధిలో వీరిద్దరు ఆరు ఫోర్లు బాదడం విశేషం. ఈ జోడీని జైదేవ్‌ ఉనాద్కట్‌ విడదీయగా... సిరాజ్‌ ఓవర్లో వరుసగా 4, 6 కొట్టి దూకుడు ప్రదర్శించిన లిటన్‌ దాస్‌ (25) దానిని భారీ స్కోరుగా మలచడంలో విఫలమయ్యాడు. ఆ తర్వాత కొద్ది సేపటికి 78 బంతుల్లో మోమినుల్‌ అర్ధసెంచరీ పూర్తయింది. టీ బ్రేక్‌ తర్వాత ఒకదశలో బంగ్లా 213/5తో మెరుగైన స్థితిలోనే  ఉంది. అయితే భారత బౌలర్లు చెలరేగడంతో మరో 14 పరుగులకే ఆ జట్టు తర్వాతి ఐదు వికెట్లు కోల్పోయింది. అనంతరం ఎనిమిది ఓవర్ల ఆటలో భారత్‌ వికెట్‌ తీయడంలో బంగ్లాదేశ్‌ బౌలర్లు సఫలం కాలేకపోయారు. స్కోరు వివరాలు బంగ్లాదేశ్‌ తొలి ఇన్నింగ్స్‌: నజ్ముల్‌ (ఎల్బీ) (బి) అశ్విన్‌ 24; జాకీర్‌ (సి) రాహుల్‌ (బి) ఉనాద్కట్‌ 15; మోమినుల్‌ (సి) పంత్‌ (బి) అశ్విన్‌ 84; షకీబ్‌ (సి) పుజారా (బి) ఉమేశ్‌ 16; ముష్ఫికర్‌ (సి) పంత్‌ (బి) ఉనాద్కట్‌ 26; లిటన్‌ దాస్‌ (సి) రాహుల్‌ (బి) అశ్విన్‌ 25; మెహదీ హసన్‌ (సి) పంత్‌ (బి) ఉమేశ్‌ 15; నూరుల్‌ (ఎల్బీ) (బి) ఉమేశ్‌ 6; తస్కీన్‌ (సి) సిరాజ్‌ (బి) ఉమేశ్‌ 1; తైజుల్‌ (నాటౌట్‌) 4; ఖాలెద్‌ (సి) ఉనాద్కట్‌ (బి) అశ్విన్‌ 0; ఎక్స్‌ట్రాలు 11; మొత్తం (73.5 ఓవర్లలో ఆలౌట్‌) 227. వికెట్ల పతనం: 1–39, 2–39, 3–82, 4–130, 5–172, 6–213, 7–219, 8–223, 9–227, 10–227. బౌలింగ్‌: సిరాజ్‌ 9–1–39–0, ఉమేశ్‌ యాదవ్‌ 15–4–25–4, జైదేవ్‌ ఉనాద్కట్‌ 16–2–50–2, అశ్విన్‌ 21.5–3– 71–4, అక్షర్‌ 12–3–32–0.   భారత్‌ తొలి ఇన్నింగ్స్‌: రాహుల్‌ (బ్యాటింగ్‌) 3; గిల్‌ (బ్యాటింగ్‌) 14; ఎక్స్‌ట్రాలు 2; మొత్తం (8 ఓవర్లలో వికెట్‌ నష్టపోకుండా) 19. బౌలింగ్‌: తస్కీన్‌ 4–2–8–0, షకీబ్‌ 4–2–11–0.

అశ్విన్, నందితా శ్వేత జంటగా అనీల్‌ కన్నెగంటి దర్శకత్వంలో తెరకెక్కుతోన్న చిత్రం ‘హిడింబ’. శ్రీ విఘ్నేశ్‌ కార్తీక్‌ సినిమాస్‌ బ్యానర్‌పై శ్రీధర్‌ గంగపట్నం నిర్మిస్తున్న ఈ చిత్రం షూటింగ్‌ పూర్తి అయింది. దర్శక–నిర్మాతలు మాట్లాడుతూ–‘‘ఒక షాకింగ్‌ పాయింట్‌తో డిఫరెంట్‌ యాక్షన్‌ థ్రిల్లర్‌గా రూపొందిన చిత్రం ‘హిడింబ’. హై ఓల్టేజ్‌ యాక్షన్‌ సీక్వెన్సులు ఆడియన్స్‌ని థ్రిల్‌ చేస్తాయి. ఈ సినిమా కోసం అశ్విన్‌ సరికొత్తగా మేకోవర్‌ అయ్యారు. ఇప్పటికే విడుదలైన మా చిత్రం ఫస్ట్‌ లుక్, టీజర్‌కు మంచి స్పందన వచ్చింది’’ అన్నారు. మకరంద్‌ దేశ్‌పాండే, సిజ్జు, రాజీవ్‌ కనకాల, శ్రీనివాస రెడ్డి, ‘శుభలేఖ’ సుధాకర్, రఘు కుంచె ఇతర పాత్రలు పోషించిన ఈ చిత్రానికి కెమెరా: బి.రాజశేఖర్, సంగీతం: వికాస్‌ బడిసా. 

ఇండియన్‌ సినిమా వైవిధ్య కథా చిత్రాల కోసం తపిస్తోందని చెప్పవచ్చు. ముఖ్యంగా చారిత్రక, జానపద, పౌరాణిక, ఇతివృత్తాలపై దృష్టి సారిస్తుందా అని అనిపిస్తుంది. బాహుబలి, ఆర్‌ఆర్‌ఆర్‌ వంటి చిత్రాలు ఘన విజయాలు దీనికి కారణం కావచ్చు. అలాంటి చారిత్రక ఇతివృత్తంతో 1770 అనే పాన్‌ ఇండియా చిత్రానికి బీజం పడింది. దీనికి రాజమౌళి శిష్యుడు అశ్విన్‌ గంగరాజు దర్శకత్వం వహించబోతున్నారు. ప్రఖ్యాత రచయిత బకించంద్ర చటర్జీ రాసిన అనందమత్‌ నవల ఆధారంగా రూపొందనున్న ఈ చిత్రానికి బాహుబలి, ఆర్‌ఆర్‌ఆర్‌ చిత్రాల రచయిత విజయేంద్ర ప్రసాద్‌ కథ, కథనాలను అందిస్తున్నారు. దీనిని నిర్మాతలు శైలేంద్ర కువర్, సుజాయ్‌ కుట్టి, పి.కృష్ణకుమార్, సరజ్‌ శర్మ కలిసి ఎస్‌ఎస్‌ 1 ఎంటర్‌టైన్‌మెంట్, పీకే ఎంటర్‌టైన్‌మెంట్‌ బ్యానర్‌లపై నిర్మిస్తున్నారు. కాగా 75వ స్వాతంత్య్ర దినోత్సవ వేడుకలను జరుపుకుంటున్న సందర్భంగా ఈ చిత్రానికి సంబంధించి 150 ఏళ్లుగా ప్రపంచవ్యాప్తంగా ధ్వనిస్తున్న వందేమాతరం గీతంతో కూడిన టీజర్‌ను బుధవారం విడుదల చేశారు. ఈ చిత్రాన్ని తెలుగు, తమిళం, హిందీ, కన్నడం, మలయాళం, బెంగాలీ మొదలగు భాషల్లో పాన్‌ ఇండియా చిత్రంగా రూపొందిస్తున్నట్లు నిర్మాతలు తెలిపారు. నవరాత్రి సందర్భంగా ఈ చిత్రానికి సంబంధించిన ముఖ్య ప్రకటనను వెల్లడించనున్నట్లు తెలిపారు. అదే విధంగా ఈ చిత్రంలో నటించే తారాగణం, సాంకేతిక వర్గం దీపావళి సందర్భంగా వెల్లడించనున్నట్లు తెలిపారు. కాగా చిత్ర దర్శకుడు అశ్విన్, గంగరాజు తన యూనిట్‌ సభ్యులతో ప్రస్తుతం ప్రీ ప్రొడక్షన్‌ కార్యక్రవన ముఖ్య ప్రకటనను వెల్లడించనున్నట్లు తెలిపారు. అదే విధంగా ఈ చిత్రంలో నటించే తారాగణం, సాంకేతిక వర్గం దీపావళి సందర్భంగా వెల్లడించనున్నట్లు తెలిపారు. కాగా చిత్ర దర్శకుడు అశ్విన్, గంగరాజు తన యూనిట్‌ సభ్యులతో ప్రస్తుతం ప్రీ ప్రొడక్షన్‌ కార్యక్రమాలు నిర్వహిస్తున్నట్లు నిర్మాతలు తెలిపారు.

ముంబై: సీజన్‌లో ఒక విజయం తర్వాత ఒక పరాజయం... గత పది మ్యాచ్‌లలో ఇలాగే పడుతూ, లేస్తూ సాగుతున్న ఢిల్లీ క్యాపిటల్స్‌ అదే శైలిని కొనసాగించింది! తాజా ఫలితం అనంతరం సరిగ్గా సగం మ్యాచ్‌లలో విజయం, సగం పరాజయాలతో ఆ జట్టు ఇంకా ప్లే ఆఫ్స్‌ ఆశలు పదిలంగా ఉంచుకుంది. బుధవారం జరిగిన పోరులో క్యాపిటల్స్‌ 8 వికెట్లతో రాజస్తాన్‌ రాయల్స్‌పై నెగ్గింది. ముందుగా రాజస్తాన్‌ 20 ఓవర్లలో 6 వికెట్లకు 160 పరుగులు చేసింది. అశ్విన్‌ (38 బంతుల్లో 50; 4 ఫోర్లు, 2 సిక్స్‌లు) అర్ధ సెంచరీ చేయగా, దేవదత్‌ పడిక్కల్‌ (30 బంతుల్లో 48; 6 ఫోర్లు, 2 సిక్స్‌లు) రాణించాడు. అనంతరం ఢిల్లీ 18.1 ఓవర్లలో 2 వికెట్లకు 161 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ మిచెల్‌ మార్ష్‌ (62 బంతుల్లో 89; 5 ఫోర్లు, 7 సిక్స్‌లు), డేవిడ్‌ వార్నర్‌ (41 బంతుల్లో 52 నాటౌట్‌; 5 ఫోర్లు, 1 సిక్స్‌) అర్ధ సెంచరీలు సాధించారు. వీరిద్దరు రెండో వికెట్‌కు 144 పరుగులు జోడించి జట్టును గెలిపించారు.   రాణించిన పడిక్కల్‌... ప్రమాదకర బ్యాటర్‌ బట్లర్‌ (7)ను అవుట్‌ చేసి సకరియా ఢిల్లీకి శుభారంభం అందించగా, యశస్వి జైస్వాల్‌ (19) కూడా ఎక్కువసేపు నిలవలేదు. అయితే అనూహ్యంగా మూడో స్థానంలో వచ్చిన అశ్విన్‌ కొన్ని చక్కటి షాట్లతో ఆకట్టుకున్నాడు. శార్దుల్‌ ఓవర్లో రెండు ఫోర్లు కొట్టిన అతను, అక్షర్‌ ఓవర్లో వరుస బంతుల్లో 4, 6 బాదాడు. మరో ఎండ్‌లో పడిక్కల్‌ కూడా ధాటిని ప్రదర్శించాడు. అక్షర్‌ ఓవర్లో వరుస బంతుల్లో అతను రెండు సిక్సర్లు కొట్టాడు. 37 బంతుల్లో అశ్విన్‌ అర్ధ సెంచరీ పూర్తయింది. ఐపీఎల్‌ సహా టి20 క్రికెట్‌లో అతనికి ఇదే తొలి హాఫ్‌ సెంచరీ కావడం విశేషం. మూడో వికెట్‌కు పడిక్కల్‌తో 36 బంతుల్లో 53 పరుగులు జోడించిన అనంతరం అశ్విన్‌ వెనుదిరగ్గా...  సామ్సన్‌ (6), పరాగ్‌ (9) విఫలమయ్యారు.    శతక భాగస్వామ్యం... కేఎస్‌ భరత్‌ (0) మరోసారి విఫలమవ్వగా... వార్నర్, మార్ష్‌ కలిసి ఇన్నింగ్స్‌ను నడిపించారు. పవర్‌ప్లే ముగిసేసరికి ఢిల్లీ స్కోరు 38 పరుగులకు చేరింది. మార్ష్‌ దూకుడు కనబర్చగా, వార్నర్‌  నెమ్మదిగా ఆడాడు. కుల్దీప్‌ సేన్‌ ఓవర్లో రెండు సిక్సర్లు బాదిన మా చహల్‌ ఓవర్లో మరో భారీ సిక్స్‌తో 38 బంతుల్లో అర్ధ సెంచరీ చేశాడు. 79 బంతుల్లో 100 పరుగుల భాగస్వామ్యం నమో దైంది. వేగంగా ఆడుతూ సెంచరీ దిశగా దూసుకుపోయిన మార్ష్‌ ఆ అవకాశం చేజార్చుకున్నాడు. 18 బంతుల్లో 17 పరుగులు చేయాల్సిన స్థితిలో మా అవుటయ్యాడు. వార్నర్, పంత్‌ (13 నాటౌ ట్‌; 2 సిక్స్‌లు) కలిసి మిగతా పనిని పూర్తి చేశారు. స్కోరు వివరాలు   రాజస్తాన్‌ రాయల్స్‌ ఇన్నింగ్స్‌: యశస్వి (సి) లలిత్‌ (బి) మార్ష్‌ 19; బట్లర్‌ (సి) శార్దుల్‌ (బి) సకరియా 7; అశ్విన్‌ (సి) వార్నర్‌ (బి) మార్ష్‌ 50; పడిక్కల్‌ (సి) (సబ్‌) నాగర్‌కోటి (బి) నోర్జే 48; సామ్సన్‌ (సి) శార్దుల్‌ (బి) నోర్జే 6; పరాగ్‌ (సి) పావెల్‌ (బి) సకరియా 9; డసెన్‌ (నాటౌట్‌) 12; బౌల్ట్‌ (నాటౌట్‌) 3; ఎక్స్‌ట్రాలు 6; మొత్తం (20 ఓవర్లలో 6 వికెట్లకు) 160. వికెట్ల పతనం: 1–11, 2–54, 3–107, 4–125, 5–142, 6–146. బౌలింగ్‌: సకరియా 4–0–23–2, నోర్జే 4–0–39–2, శార్దుల్‌ 4–0–27–0, అక్షర్‌ 2–0–25–0, మా 3–0–25–2, కుల్దీప్‌ 3–0–20–0.   ఢిల్లీ క్యాపిటల్స్‌ ఇన్నింగ్స్‌: భరత్‌ (సి) సామ్సన్‌ (బి) బౌల్ట్‌ 0; వార్నర్‌ 52 (నాటౌట్‌); మార్ష్‌ (సి) కుల్దీప్‌ సేన్‌ (బి) చహల్‌ 89; పంత్‌ (నాటౌట్‌) 13; ఎక్స్‌ట్రాలు 7; మొత్తం (18.1 ఓవర్లలో 2 వికెట్లకు) 161. వికెట్ల పతనం: 1–0, 2–144. బౌలింగ్‌: బౌల్ట్‌ 4–0–32–1, ప్రసిధ్‌ 3–1–20–0, అశ్విన్‌ 4–0–32–0, కుల్దీప్‌ సేన్‌ 3.1–0–32–0, చహల్‌ 4–0–43–1. ఐపీఎల్‌లో నేడు ముంబై ఇండియన్స్‌ X చెన్నై సూపర్‌ కింగ్స్‌ వేదిక: ముంబై, రాత్రి గం. 7:30 నుంచి స్టార్‌ స్పోర్ట్స్‌–1లో ప్రత్యక్ష ప్రసారం.

కఠినమైన పిచ్‌పై భారత జట్టు రోజంతా నిలవలేకపోయింది. సఫారీ బౌలర్లు పరిస్థితులను సమర్థంగా వాడుకొని టీమిండియాను తొలి ఇన్నింగ్స్‌లో తక్కువ స్కోరుకే పరిమితం చేశారు. కేఎల్‌ రాహుల్, అశ్విన్‌ పట్టుదలగా ఆడినా ఇతర బ్యాటర్లు చేతులెత్తేశారు. అయితే ఆ తర్వాత మన బౌలర్లు కూడా ప్రభావం చూపడంతో 18 ఓవర్ల పాటు దక్షిణాఫ్రికా బ్యాటర్లు తీవ్రంగా ఇబ్బంది పడ్డారు. రెండో రోజూ ఇదే ఒత్తిడిని కొనసాగిస్తే భారత్‌ సాధించిన 202 పరుగులు కూడా విజయానికి బాటలు వేయవచ్చు. మూడేళ్ల క్రితం ఇదే మైదానంలో మొదటి ఇన్నింగ్స్‌లో 187 పరుగులు చేసి కూడా టీమిండియా గెలవగలగడం మానసికంగా ప్రేరణనిచ్చే అంశం! జొహన్నెస్‌బర్గ్‌: దక్షిణాఫ్రికాతో సోమవారం మొదలైన రెండో టెస్టులో భారత జట్టు తొలి ఇన్నింగ్స్‌లో 202 పరుగులకే ఆలౌటైంది. బ్యాటింగ్‌ వైఫల్యంతో మన ఇన్నింగ్స్‌ 63.1 ఓవర్లకే ముగిసింది. తాత్కాలిక కెప్టెన్‌ కేఎల్‌ రాహుల్‌ (133 బంతుల్లో 50; 9 ఫోర్లు) అర్ధ సెంచరీ సాధించగా... అశ్విన్‌ (50 బంతుల్లో 46; 6 ఫోర్లు) కీలక ఇన్నింగ్స్‌ ఆడాడు. సఫారీ బౌలర్లలో మార్కో జాన్సెన్‌ 31 పరుగులిచ్చి 4 వికెట్లు పడగొట్టడం విశేషం. ఒలీవియర్, రబడ చెరో 3 వికెట్లు తీశారు. అనంతరం ఆట ముగిసే సమయానికి దక్షిణాఫ్రికా వికెట్‌ నష్టపోయి 35 పరుగులు చేసింది. కీగన్‌ పీటర్సన్‌ (14 బ్యాటింగ్‌), డీన్‌ ఎల్గర్‌ (11 బ్యాటింగ్‌) క్రీజ్‌లో ఉన్నారు. ప్రస్తుతం దక్షిణాఫ్రికా మరో 167 పరుగులు వెనుకబడి ఉంది.   పుజారా, రహానే విఫలం... ఆట తొలి గంటలో 36 పరుగులు చేసిన భారత్‌ బ్రేక్‌ ముగిసిన వెంటనే తొలి బంతికే మయాంక్‌ అగర్వాల్‌ (26) వికెట్‌ను కోల్పోయింది. ఆపై మరో 13 పరుగుల తర్వాత జట్టుకు గట్టి దెబ్బ తగిలింది. ఫామ్‌లో లేని పుజారా (3), రహానే (0)లను ఒలీవియర్‌ వరుస బంతుల్లో పెవిలియన్‌ పంపించాడు. ఈ దశలో రాహుల్, విహారి (53 బంతుల్లో 20; 3 ఫోర్లు) కలిసి జాగ్రత్తగా ఆడటంతో తొలి సెషన్‌ తర్వాత భారత్‌ స్కోరు 53/3 వద్ద నిలిచింది. అయితే లంచ్‌ తర్వాత 9 పరుగుల వద్ద బవుమా క్యాచ్‌ వదిలేయడంతో బతికిపోయిన విహారి దానిని ఉపయోగించుకోలేకపోయాడు. రబడ బౌలింగ్‌లో అనూహ్యంగా లేచిన బంతిని విహారి ఆడబోగా, షార్ట్‌లెగ్‌లో వాన్‌ డర్‌ డసెన్‌ అద్భుత రీతిలో క్యాచ్‌ అందుకున్నాడు. అర్ధసెంచరీ సాధించిన వెంటనే రాహుల్‌ వెనుదిరగ్గా... పంత్‌ (17), శార్దుల్‌ (0) ప్రభావం చూపలేకపోయారు. అయితే అశ్విన్‌ పట్టుదలగా ఆడి జట్టు కుప్పకూలిపోకుండా కాపాడాడు. టీ విరామ సమయానికి 21 బంతులు ఆడిన అశ్విన్‌ 4 ఫోర్లతో 24 పరుగులు చేయడం విశేషం. మూడో సెషన్‌లో భారత్‌ ఇన్నింగ్స్‌ మరో 12.1 ఓవర్ల పాటు సాగింది. చూడచక్కటి షాట్లు ఆడిన అశ్విన్‌ అర్ధ సెంచరీ చేజార్చుకోగా, రబడ ఓవర్లో 2 ఫోర్లు, 1 సిక్స్‌ కొట్టిన బుమ్రా (14 నాటౌట్‌) భారత్‌ స్కోరును 200 పరుగులు దాటించాడు. ఆ తర్వాత దక్షిణాఫ్రికా ఓపెనర్‌ మార్క్‌రమ్‌ (7)ను ఆరంభంలోనే అవుట్‌ చేసి షమీ దెబ్బ కొట్టగా... ఎల్గర్, పీటర్సన్‌ మరో వికెట్‌ పడకుండా రోజును ముగించారు. బుమ్రా బౌలింగ్‌లో 12 పరుగుల వద్ద పీటర్సన్‌ మొదటి స్లిప్‌లోకి సులువైన క్యాచ్‌ ఇవ్వగా... కీపర్‌ పంత్‌ అడ్డుగా వెళ్లి దానిని అందుకునే ప్రయత్నంలో వదిలేయడంతో సఫారీ టీమ్‌ ఊపిరి పీల్చుకుంది. స్కోరు వివరాలు భారత్‌ తొలి ఇన్నింగ్స్‌: రాహుల్‌ (సి) రబడ (బి) జాన్సెన్‌ 50; మయాంక్‌ (సి) వెరీన్‌ (బి) జాన్సెన్‌ 26; పుజారా (సి) బవుమా (బి) ఒలీవియర్‌ 3; రహానే (సి) పీటర్సన్‌ (బి) ఒలీవియర్‌ 0; విహారి (సి) డసెన్‌ (బి) రబడ 20; పంత్‌ (సి) వెరీన్‌ (బి) జాన్సెన్‌ 17; అశ్విన్‌ (సి) పీటర్సన్‌ (బి) జాన్సెన్‌ 46; శార్దుల్‌ (సి) పీటర్సన్‌ (బి) ఒలీవియర్‌ 0; షమీ (సి అండ్‌ బి) రబడ 9; బుమ్రా (నాటౌట్‌) 14; సిరాజ్‌ (సి) వెరీన్‌ (బి) రబడ 1; ఎక్స్‌ట్రాలు 16; మొత్తం (63.1 ఓవర్లలో ఆలౌట్‌) 202.   వికెట్ల పతనం: 1–36, 2–49, 3–49, 4–91, 5– 116, 6–156, 7–157, 8–185, 9–187, 10–202.   బౌలింగ్‌: రబడ 17.1–2–64–3, ఒలీవియర్‌ 17–1–64–3, ఎన్‌గిడి 11–4–26–0, జాన్సెన్‌ 17–5–31–4, కేశవ్‌ మహరాజ్‌ 1–0–6–0.   దక్షిణాఫ్రికా తొలి ఇన్నింగ్స్‌: ఎల్గర్‌ (బ్యాటింగ్‌) 11; మార్క్‌రమ్‌ (ఎల్బీ) (బి) షమీ 7; పీటర్సన్‌ (బ్యాటింగ్‌) 14; ఎక్స్‌ట్రాలు 3; మొత్తం (18 ఓవర్లలో వికెట్‌ నష్టానికి) 35.   వికెట్ల పతనం: 1–14. బౌలింగ్‌: బుమ్రా 8–3–14–0, షమీ 6–2–15–1, సిరాజ్‌ 3.5–2–4–0, శార్దుల్‌ 0.1–0–0–0.

Vijay Hazare Trophy: Andhra Beat Himachal Pradesh Hyderabad Lost To Uttar Pradesh: దేశవాళీ వన్డే క్రికెట్‌ టోర్నమెంట్‌ విజయ్‌ హజారే ట్రోఫీలో ఆంధ్ర జట్టు వరుసగా రెండో విజయం నమోదు చేసింది. హిమాచల్‌ ప్రదేశ్‌తో ఆదివారం జరిగిన ఎలైట్‌ గ్రూప్‌ ‘ఎ’ లీగ్‌ మ్యాచ్‌లో ఆంధ్ర జట్టు 30 పరుగుల తేడాతో గెలిచింది. భారత జట్టు రిజర్వ్‌ వికెట్‌ కీపర్, ఆంధ్ర జట్టు కెప్టెన్‌ కోన శ్రీకర్‌ భరత్‌ ఈ మ్యాచ్‌లో ఆకాశమే హద్దుగా చెలరేగాడు. 109 బంతుల్లో 16 ఫోర్లు, 8 సిక్స్‌లతో 161 పరుగులు చేసి అజేయంగా నిలిచాడు. ఓపెనర్‌ అశ్విన్‌ హెబ్బార్‌ (132 బంతుల్లో 100; 10 ఫోర్లు) కూడా సెంచరీ సాధించాడు. ఆంధ్ర జట్టు తొలుత బ్యాటింగ్‌ చేసి నిర్ణీత 50 ఓవర్లలో 4 వికెట్లకు 322 పరుగులు సాధించింది. అనంతరం 323 పరుగుల లక్ష్యంతో బరిలోకి దిగిన హిమాచల్‌ ప్రదేశ్‌ జట్టు 46 ఓవర్లలో 292 పరుగులకు ఆలౌటైంది. ఆంధ్ర బౌలర్లలో గిరినాథ్‌ రెడ్డి నాలుగు వికెట్లు తీశాడు.  మళ్లీ ఓడిన హైదరాబాద్‌  మరోవైపు మొహాలీలో ఉత్తరప్రదేశ్‌తో జరిగిన గ్రూప్‌ ‘సి’ మ్యాచ్‌లో హైదరాబాద్‌ జట్టు ఏడు వికెట్లతో ఓడింది. తొలుత బ్యాటింగ్‌కు దిగిన హైదరాబాద్‌ 42.5 ఓవర్లలో 149 పరుగులకు ఆలౌటైంది. 150 పరుగుల లక్ష్యంతో బరిలోకి దిగిన ఉత్తరప్రదేశ్‌ 26 ఓవర్లలో 3 వికెట్లు కోల్పోయి 151 పరుగులు చేసి గెలిచింది.  చదవండి: Vijay Hazare Trophy MP VS CG: శతక్కొట్టాక రజనీ స్టైల్‌లో ఇరగదీసిన వెంకటేశ్‌ అయ్యర్‌

‘‘ఔట్‌ అండ్‌ ఔట్‌ యూత్‌ మూవీ ‘రౌడీ బాయ్స్‌’. చాలా కాలం తర్వాత మా బ్యానర్‌లో వస్తున్న యూత్‌ ఫిల్మ్‌ ఇది’’ అని నిర్మాత ‘దిల్‌’ రాజు అన్నారు. అనిత సమర్పణలో ఆదిత్య మ్యూజిక్‌తో కలసి శ్రీ వెంకటేశ్వర క్రియేషన్స్‌ బ్యానర్‌పై ‘దిల్‌’ రాజు, శిరీష్‌ నిర్మించిన చిత్రం ‘రౌడీ బాయ్స్‌’. శ్రీహర్ష కొనుగంటి దర్శకత్వం వహించారు. నిర్మాత శిరీష్‌ తనయుడు ఆశిష్‌ ఈ చిత్రంతో హీరోగా పరిచయమవుతున్నాడు. ఈ చిత్రం టీజర్‌ని విడుదల చేసిన అనంతరం ‘దిల్‌’ రాజు మాట్లాడుతూ–‘‘రౌడీ బాయ్స్‌’ సినిమాకి హీరో దేవిశ్రీ ప్రసాద్‌. కొత్త వాళ్లతో సినిమా చేస్తున్నప్పుడు ప్రేక్షకుల్ని థియేటర్స్‌కు రప్పించాలంటే మొదట అందర్నీ మెప్పించేది సంగీతమే. ఆశిష్‌ను హీరోగా లాంచ్‌ చేస్తున్నామని, మ్యూజిక్‌ చేయాలని అడిగితే వారం టైమ్‌ తీసుకుని ఓకే అన్నాడు. దేవిశ్రీ, నా జర్నీలో అన్ని సినిమాలు వేరు.. ఈ ‘రౌడీ బాయ్స్‌’ వేరు.  ఇద్దరి హీరోలకంటే అనుపమా పరమేశ్వరన్‌ పెద్దగా కనిపిస్తుందేమోనని అందరూ అనుకున్నారు. కానీ, తను బాగా చేసింది. దేవిశ్రీ తర్వాత ఈ సినిమాకి తనే సెకండ్‌ హీరో. దసరాకు సినిమాను విడుదల చేయడానికి ప్లాన్‌ చేస్తున్నాం’’ అన్నారు. ‘‘ఇటీవలే విడుదలైన మా సినిమా టైటిల్‌ సాంగ్, ఇప్పుడు విడుదలైన టీజర్‌ అందరికీ నచ్చిందనే అనుకుంటున్నాను’’ అన్నారు ఆశిష్‌. ‘‘రౌడీబాయ్స్‌’ లో మొత్తం 9 పాటలు ఉన్నాయి. పాటలన్నీ ఆడియన్స్‌కు ఫీస్ట్‌లా ఉంటాయి’’ అన్నారు హర్ష. ‘‘రౌడీ బాయ్స్‌’ కి మ్యూజిక్‌ అందించేందుకు ‘దిల్‌’ రాజుగారు అడిగిన వెంటనే ఓకే చెప్పాను. ఆశిష్‌ సినిమాకు మ్యూజిక్‌ అందించడం నా బాధ్యత. ఈ సినిమాకు మరో మ్యూజిక్‌ డైరెక్టర్‌ను తీసుకుని ఉంటే నేను ధర్నా చేసేవాణ్ణి. ‘రౌడీబాయ్స్‌’ సినిమాతో కాలేజీ డేస్‌ను గుర్తుచేసుకుంటారు.. యూత్‌ అంతా కలిసి నవ్వుకుంటూ ఈ సినిమాని ఎంజాయ్‌ చేస్తారు. ఆశిష్‌ నటన చూస్తే తొలి సినిమాకే ఇంత బాగా యాక్ట్‌ చేశాడేంటి? అనిపించింది. ఆశిష్, విక్రమ్‌ పోటాపోటీగా నటించారు’’ అన్నారు దేవిశ్రీ ప్రసాద్‌. చదవండి: కావ్య కోసం కొట్టుకున్న 'రౌడీ బాయ్స్‌'

Rowdy Boys Teaser released:  ప్రముఖ నిర్మాత దిల్‌రాజు కుటుంబంలో నుంచి ఒకరు హీరోగా పరిచయం అవుతున్న సంగతి తెలిసిందే. దిల్‌రాజు సోదరుడు, నిర్మాత శిరీష్‌ తనయుడు ఆశిష్‌ హీరోగా పరిచయం అవుతున్న చిత్రం ‘రౌడీ బాయ్స్‌’.ఇందులో అనుపమా పరమేశ్వరన్‌ హీరోయిన్‌.  హర్ష దర్శకత్వంలో శ్రీవెంకటేశ్వర క్రియేషన్స్‌ పతాకంపై దిల్‌రాజు ఈ చిత్రాన్ని నిర్మిస్తున్నారు. తాజాగా ఈ సినిమా టీజర్‌ను చిత్ర బృందం రిలీజ్‌ చేసింది. కాలేజ్‌ బ్యాక్‌ డ్రాప్‌లో సినిమా సాగుతుందని అర్ధమవుతుంది. రెండు వేర్వేరు కాలేజీల మధ్య గొడవ, హీరోయిన్‌ కోసం ఇద్దరు గొడవ పడటం వంటివి టీజర్‌లో చూపించారు. ఇక ఈ చిత్రానికి దేవీశ్రీ ప్రసాద్‌ సంగీతం అందించారు. త్వరలోనే ఈ సినిమా ప్రేక్షకుల ముందుకు రానుంది. 

లండన్‌: ఇంగ్లండ్‌తో జరిగిన తొలి టెస్టులో భారత జట్టు నలుగురు పేసర్లతో ఆడింది. రెండో టెస్టుకు వచ్చే సరికి శార్దుల్‌ గాయపడగా, అతని స్థానంలో స్పిన్నర్‌ రవిచంద్రన్‌ అశ్విన్‌కు అవకాశం దక్కవచ్చని అంతా భావించారు. కానీ ఈ సారి కూడా అదే నలుగురు పేసర్లు వ్యూహాన్ని టీమిండియా అనుసరించింది. అయితే అశ్విన్‌ను ఆడించేందుకు టీమ్‌ మేనేజ్‌మెంట్‌ దాదాపుగా సిద్ధపడగా...ఒక్కసారిగా వాతావరణంలో మార్పులు చోటు చేసుకోవడంతో అతడిని పక్కన పెట్టాల్సి వచ్చింది. ఈ విషయాన్ని అశ్విన్‌ స్వయంగా వెల్లడించాడు. టీమ్‌ ఫీల్డింగ్‌ కోచ్‌  ఆర్‌.శ్రీధర్‌తో అతను దీనిని పంచుకున్నాడు. ‘మ్యాచ్‌ జరిగే రోజుల్లో ముందస్తు వాతావరణ సూచన చూస్తే బాగా ఎండ కాస్తుందని, వేడి గాలులు వీస్తాయని ఉంది. మ్యాచ్‌ ఆడేందుకు నువ్వు సిద్ధంగా ఉండు అని నాతో టీమ్‌ మేనేజ్‌మెంట్‌ చెప్పింది కూడా. అయితే మ్యాచ్‌ రోజు మేం బ్రేక్‌ఫాస్ట్‌ చేయడానికి వచ్చినప్పుడు ఒక్కసారిగా చల్లగా మారిపోయి చినుకులు కురుస్తున్నాయి. దాంతో నాకు చోటు దక్కలేదు. వాతావరణం మన చేతుల్లో లేదు కదా’ అని అశ్విన్‌ వెల్లడించాడు.

లండన్‌: ప్రపంచ టెస్ట్ చాంపియ‌న్‌షిప్ (డబ్ల్యూటీసీ) 2021 ఫైనల్లో తేలిపోయిన టీమిండియా వెటరన్ స్పిన్నర్‌ రవిచంద్రన్‌ అశ్విన్‌.. ఇంగ్లండ్ గడ్డపై సత్తాచాటాడు. ప్రస్తుతం కౌంటీ క్రికెట్లో సర్రే తరఫున ఆడుతున్న అశ్విన్ ఒకే ఇన్నింగ్స్‌లో 6 వికెట్లతో చెలరేగాడు. సోమర్‌సెట్‌తో జరుగుతున్న మ్యాచ్‌లో రెండో ఇన్నింగ్స్‌లో 15 ఓవర్లు వేసిన యాష్.. 6 వికెట్లు తీసి ప్రత్యర్ధి నడ్డి విరిచాడు. అశ్విన్‌కి మరో స్పిన్నర్‌ డేనియల్ మోరియార్టీ (4 వికెట్లు) తోడవ్వడంతో సోమర్‌సెట్‌ 69 పరుగులకే కుప్పకూలింది. అశ్విన్ ధాటికి ముగ్గురు బ్యాట్స్‌మన్‌ మాత్రమే రెండంకెల స్కోర్ సాధించగా,  జె హిల్డ్రెత్ (14) టాప్ స్కోరర్‌గా నిలిచాడు.  ఇదిలా ఉంటే, జులై 11న (ఆదివారం) మొదలైన ఈ మ్యాచ్‌లో టాస్‌ గెలిచిన సోమర్‌సెట్‌, తొలుత బ్యాటింగ్‌ ఎంచుకుంది. హిల్డ్రెత్(107) శతకానికి మరో అయిదుగురు ఆటగాళ్లు 40లు సాధించడంతో సోమర్‌సెట్‌ తొలి ఇన్నింగ్స్‌లో 429 పరుగులకు ఆలౌటైంది. సర్రే బౌలర్లు జోర్డాన్‌ క్లార్క్‌, అమర్‌ విర్ధి చెరో 3 వికెట్లు పడగొట్టగా, డేనియల్‌ మోరియార్టీ 2, అశ్విన్‌, ఆర్‌ క్లార్క్‌ తలో వికెట్‌ దక్కించుకున్నారు. అనంతరం తొలి ఇన్నింగ్స్‌ ప్రారంభించిన సర్రే జట్టులో ఓపెనర్లు రోరీ బర్న్స్‌(50), స్టోన్‌మెన్‌(67) మాత్రమే రాణించడంతో కేవలం 240 పరుగులకే ఆలౌటైంది. సోమర్‌సెట్‌ బౌలర్లు జాక్ లీచ్ 6, వాన్ డెర్ మెర్వే 4 వికెట్లు పడగొట్టారు.  ఈ క్రమంలో రెండో ఇన్నింగ్స్‌ ఆరంభించిన సోమర్‌సెట్‌కు స్పిన్నర్లు అశ్విన్‌(6), మోరియార్టీ(4) చుక్కలు చూపించారు. వీరి ధాటికి సోమర్‌సెట్‌ రెండో ఇన్నింగ్స్‌లో 69 పరుగులకే చాపచుట్టేసింది. అనంతరం 259 పరుగుల లక్ష్యంతో బరిలోకి దిగిన సర్రే జట్టు కడపటి వార్తలందేసరికి 3 వికెట్ల నష్టానికి 81 పరుగులు చేసింది. క్రీజ్‌లో హషీమ్‌ ఆమ్లా(24), జేమీ స్మిత్‌(26) ఉన్నారు. సర్రే గెలుపునకు మరో 178 పరుగుల అవసరం ఉంది. కాగా, ఐసీసీ టెస్టు ఛాంపియన్‌షిప్‌ ముగిశాక టీమిండియా ఆటగాళ్లకు మూడు వారాల విరామం దొరకడంతో వారంతా కుటుంబాలతో కలిసి విహార యాత్రలో ఉన్నారు. అశ్విన్‌కు మాత్రం అనుకోకుండా కౌంటీ జట్టు సర్రే నుంచి ఆహ్వానం అందిండంతో ఆయన వెంటనే జట్టుతో చేరాడు. ఇంగ్లండ్‌తో ఐదు టెస్టుల సిరీసుకు ముందు ఈ కౌంటీ మ్యాచ్‌ ద్వారా మంచి ప్రాక్టీస్‌ దొరుకుతుందని భావించిన యాష్.. వెంటనే సర్రే జట్టు ఆహ్వానాన్ని అంగీకరించాడు.

దేశంలో కరోనా కల్లోలం కొనసాగుతూనే ఉంది.  రోజువారి రికార్డు స్థాయి కేసులతో వైరస్‌ వ్యాప్తి  కొనసాగుతోంది.  తాజాగా భారత్‌ ఆఫ్‌ స్పిన్నర్‌, ఆల్‌ రౌండర్‌ అశ్విన్‌ కుటుంబంలో కరోనా మహమ్మారి కలకలం సృష్టించింది. ఏకంగా ఇంట్లో ఉన్న పది మందికి వైరస్‌ సోకింది. ఈ విషయాన్ని అశ్విన్‌ భార్య ప్రీతి నారాయణన్‌  సోషల్‌ మీడియా ద్వారా వెల్లడించారు. అశ్విన్‌ కుటుంబ సభ్యులు ఈ శుక్రవారం కోవిడ్‌ పరీక్షలు చేసుకోగా.. పాజిటివ్‌ గా నిర్ధారణ అయ్యిందని ప్రీతి ట్వీట్‌ చేశారు.  ఇండియన్‌ ప్రీమియర్‌ లీగ్‌లో ఢిల్లీ క్యాపిటల్స్‌ తరఫున బరిలో ఉన్న అశ్విన్‌ గతవారం సీజన్‌ నుంచి తప్పుకున్న విషయం తెలిసిందే. ఈ నేపథ్యంలో ప్రీతి తమ అనుభవాలను  అటు ట్విటర్‌, ఇటు ఇన్‌స్టాలో షేర్‌ చేశారు.  గతవారంమంతా  ఒక పీడకలలా గడిచింది ‘‘మా ఇంట్లో ఉన్న పది మందికి కరోనా వైరస్‌ సోకింది. అందులో 6గురు పెద్దలు, 4 పిల్లలు ఉన్నారు.  పిల్లల కారణంగా అందరికీ ఈ మహమ్మారి  వ్యాపించింది. ప్రస్తుతం కుటుంబంలోని అందరూ వేర్వేరు ఇళ్లలో, ఆసుపత్రుల్లో చేరడంతో గతవారం మా కుటుంబానికి ఓ పీడకలలా గడిచింది. 5-8 రోజులు చాలా కష్టంగా గడిచాయి.  సాయం చేయడానికి అందరూ ఉ‍న్నా.. చేయలేని పరిస్థితి. ఇదో మాయదారి వైరస్‌. మానసిక ఆరోగ్యం కంటే శారీరక ఆరోగ్యం ద్వారానే  వేగంగా  కోలుకోగలమని  భావిస్తున్నాను. దయచేసి  జాగ్రత్తగా ఉండండి. ప్రతీ ఒక్కరూ టీకా తీసుకోండి,  టీకాతోనే మనం ,మన కుటుంబ సభ్యులు ఈ మహమ్మారితో పోరాడగలం‘‘ అంటూ ప్రీతి ట్వీట్‌ చేశారు. ఇదిలా ఉండగా.. ఢిల్లీ క్యాపిటల్స్‌ తరఫున ఆడుతున్న రవిచంద్రన్‌ అశ్విన్‌ ఈ ఐపీఎల్‌ సీజన్‌కు తాత్కాలిక విరామం ప్రకటిస్తున్నట్లు గత ఆదివారం ట్వీట్‌ చేసిన విషయం తెలిసిందే. ఈ ఐపీఎల్‌ 2021 సీజన్‌లో లీగ్‌ నుంచి తప్పుకున్న తొలి భారతీయ క్రికెటర్‌ అశ్విన్‌.  కరోనా సోకి కష్టకాలంలో ఉన్న తన కుటుంబ సభ్యులు మద్దతుగా ఉండేందుకు ఈ నిర్ణయం తీసుకున్నట్లు పేర్కొన్నాడు. ( చదవండి: తండ్రికి కరోనా పాజిటివ్‌.. ఐపీఎల్‌ వదిలి వెళ్లిన మాజీ ఆటగాడు ) Feeling ok enough to croak a tiny hi to all of you.6 adults and 4 children ended up testing+ the same week,with our kids being the vehicles of transmission - the core of my family,all down with the virus in different homes/hospitals..Nightmare of a week.1 of 3 parents back home. — Wear a mask. Take your vaccine. (@prithinarayanan) April 30, 2021

సాక్షి, హైదరాబాద్‌: ఒక వైపు ఐపీఎల్‌ సంబరం జరుగుతుండగా హైదరాబాద్ రంజీ జట్టులో తీవ్ర విషాదం చోటు చేసుకుంది. రంజీ జట్టు మాజీ క్రికెటర్, ఫాస్ట్ బౌలర్ అశ్విన్ యాదవ్(33) శనివారం గుండెపోటుతో కన్ను మూశారు. అశ్విన్‌ అకాలమరణంపై పలువురు క్రికెట్‌ ప్రముఖులు, అభిమానులు సంతాపం వ్యక్తం చేశారు. అశ్విన్‌కు భార్య, ముగ్గురు కుమారులున్నారు.  అశ్విన్ యాదవ్ మరణ వార్త  తనను దిగ్భ్రాంతి గురి చేసిందని భారత ఫీల్డింగ్ కోచ్ ఆర్ శ్రీధర్  ట్వీట్‌  చేశారు.   సరదాగా ఉండే అశ్విన్‌ ఇక లేడంటే నమ్మలేకపోతున్నానంటూ  మాజీ రంజీ ఆఫ్ స్పిన్నర్, విశాల్ శర్మ సంతాపం తెలిపారు. అశ్విన్ టీమ్ మ్యాన్ అని ఎపుడు జట్టు విజయం కోసం ఆరాటపడేవాడని గుర్తు చేసుకున్నారు. స్థానిక మ్యాచ్‌లలో ఎస్‌బిహెచ్ తరఫున అశ్విన్‌కు కెప్టెన్‌గా వ్యవహరించిన హైదరాబాద్ మాజీ ఓపెనర్ డేనియల్ మనోహర్  మాట్లాడుతూ అశ్విన్‌ ఇంత చిన్న వయసులో మనకి దూరంకావడం విచారకరమన్నారు. ఫాస్ట్ బౌలర్‌గా టీమ్‌కు అండగా ఉండేవాడు. ఫిట్‌నెస్‌కు ప్రాణమిచ్చే అశ్విన్‌కు గుండెపోటు రావడం షాకింగ్‌ ఉందన్నారు.  అశ్విన్ తన ఆటతో ఎపుడూ ఆకట్టుకునేవాడని, చిన్న వయస్సు నుండే వికెట్లు తీసే సామర్ధ్యం కలిగి ఉన్నాడని ఆండ్రూస్ స్కూల్ కోచ్‌గా పనిచేసిన నోయెల్ కార్ సంతాపం తెలిపారు. 2002లో సౌత్ జోన్ ఛాంపియన్‌షిప్‌లో రాష్ట్ర అండర్ -14 జట్టుకు 25 వికెట్లతో అత్యధిక వికెట్లు సాధించిన ఆటగాడు నిలిచాడంటూ నివాళులర్పించారు. కాగా కరియర్‌లో 14 ఫస్ట్ క్లాస్ మ్యాచ్‌లు ఆడిన అశ్విన్‌ యాదవ్‌ 34 వికెట్లు పడగొట్టాడు. రంజీ ట్రోఫీలో 2007 లో మొహాలిలో పంజాబ్‌తో రంజీ ట్రోఫీకి అరంగేట్రం చేశాడు. 2008-09 సీజన్‌లో ఉప్పల్ స్టేడియంలో ఢిల్లీపై 52 పరుగులకు 6 వికెట్లు తీశాడు. యాదవ్ చివరి సారిగా 2009లో ముంబైతో తన రంజీ మ్యాచ్ ఆడాడు.  రెండు టీ 20 మ్యాచ్‌లు కూడా ఆడాడు. Devastated to hear the news of #Ashwinyadav passing away. A Very jovial and fun loving guy, team man to the core, punched way above his skills as a fast bowler. I pray to God for strength to his family. #gonetooearly #OmShanti You will be missed. pic.twitter.com/0gIuOKZr6L — R SRIDHAR (@coach_rsridhar) April 24, 2021

ముంబై: ఫార్మాట్లకతీతంగా గత కొంత కాలంగా విశేషంగా రాణిస్తున్న టీమిండియా సీనియర్‌ స్పిన్నర్‌ రవిచంద్రన్‌ అశ్విన్‌ మరో అరుదైన రికార్డుకు చేరువలో ఉన్నాడు. టీ20 క్రికెట్‌లో ఇప్పటివరకు 249 వికెట్లు పడగొట్టిన అతను.. మరో వికెట్‌ తీస్తే అరుదైన 250 వికెట్ల క్లబ్‌లోకి చేరతాడు. అంతర్జాతీయ టీ20ల్లో 46 మ్యాచ్‌ల్లో 52 వికెట్లు, ఐపీఎల్‌లో 155 మ్యాచ్‌ల్లో 139 వికెట్లు, ఇతర టీ20ల్లో 58 వికెట్లు పడగొట్టిన అశ్విన్‌.. మొత్తంగా 249 వికెట్లు పడగొట్టాడు. ఇంటర్నేషనల్‌ క్రికెట్‌లో 4/8, ఐపీఎల్‌లో 4/34 అశ్విన్‌ అత్యుత్తమ ప్రదర్శనలుగా ఉన్నాయి. ప్రస్తుతం ఐపీఎల్‌లో ఢిల్లీ క్యాపిటల్స్‌కు ప్రాతినిధ్యం వహిస్తున్న 34 ఏళ్ల అశ్విన్‌..  ఐపీఎల్‌లో అత్యధిక వికెట్లు తీసిన బౌలర్ల జాబితాలో ఆరో స్థానంలో ఉన్నాడు. ఈ జాబితాలో వెటరన్‌ పేసర్‌ లసిత్‌ మలింగ 170 వికెట్లతో అగ్రస్థానంలో ఉండగా అమిత్‌ మిశ్రా(160), పియూశ్‌ చావ్లా(156), డ్వేన్‌ బ్రావో(154), హర్భజన్‌సింగ్‌(150) వరుసగా రెండు, మూడు, నాలుగు, ఐదు స్థానాల్లో ఉన్నారు. ఐపీఎల్‌ 2021లో భాగంగా గురువారం రాజస్థాన్‌ రాయల్స్‌తో జరిగే మ్యాచ్‌లో అశ్విన్‌ 250 వికెట్ల క్లబ్‌లో చేరే అవకాశం ఉంది. చదవండి: టీమిండియా కెప్టెన్‌కు అరుదైన గౌరవం

లండన్: ఈ ఏడాది అక్టోబర్‌లో జరగనున్న టీ20 ప్రపంచకప్‌ నేపథ్యంలో ఇంగ్లండ్ మాజీ స్పిన్నర్ మాంటీ పనేసర్ ఆసక్తికర వ్యాఖ్యలు చేశాడు. తాను టీమిండియా కెప్టెన్‌ విరాట్‌ కోహ్లినైతే టీ20 ప్రపంచకప్ జట్టులోకి చహల్, కుల్దీప్ యాదవ్‌లను అస్సలు తీసుకోనని, వారి స్థానాల్లో సీనియర్ స్పిన్నర్లు జడేజా, అశ్విన్‌లకు అవకాశం ఇస్తానంటూ వివాదాస్పద వ్యాఖ్యలు చేశాడు. స్పిన్నర్లకు స్వర్గధామమైన భారత పిచ్‌లపై చహల్-కుల్దీప్‌ల కంటే అనుభవజ్ఞులైన జడేజా-అశ్విన్‌లవైపు మొగ్గుచూపడమే భారత్‌కు మంచిదని, ఈ ఇద్దరు స్పిన్నర్లు ఆల్‌రౌండర్లనే విషయం మర్చిపోకూడదని ఆయన పేర్కొన్నాడు. పరిమిత ఓవర్ల ఫార్మాట్‌లో ప్రస్తుత భారత్‌ జట్టు అన్ని రంగాల్లో బలంగా కనిపిస్తున్నప్పటికీ.. స్పిన్నర్ల విభాగమే కాస్త కలవరపెడుతోందని ఆయన తెలిపాడు. గత కొంతకాలంగా పరిమిత ఓవర్ల ఫార్మాట్‌లో టీమిండియా స్పిన్నర్లుగా కుల్దీప్, చహల్ కొనసాగుతున్నారని, ఈ ఫార్మట్‌లో వీరి ప్రదర్శన అంత మెరుగ్గా లేకపోవడం వల్లనే తాను ఈ తరహా వ్యాఖ్యలు చేశానని పనేసర్‌ వెల్లడించాడు. గత 10 మ్యాచ్‌ల్లో చహల్‌ కేవలం 9 వికెట్లు మాత్రమే పడగొట్టగా, కుల్దీప్ ఆ మాత్రం ప్రభావం కూడా చూపలేకపోయాడన్నాడు. ఈ నేపథ్యంలోనే అశ్విన్-జడేజాలకు మరో అవకాశం ఇవ్వాలని టీమ్‌ మేనేజ్‌మెంట్‌కు ఆయన సూచించాడు. కాగా, ఈ ఏడాది ఐపీఎల్‌ సీజన్‌ చహల్, కుల్దీప్‌కు అగ్ని పరీక్షలాంటిదని, ఇందులో విఫలమైతే వారి టీ20 ప్రపంచకప్ బెర్త్‌లపై సందిగ్ధత నెలకొంటుందని అభిప్రాయపడ్డాడు. వెటరన్ స్పిన్నర్ హర్భజన్ సింగ్‌ కూడా టీమిండియాలోకి పునరాగమనం చేసే అవకాశం లేకపోలేదని ఆసక్తికర వ్యాఖ్యలు చేశాడు.  

దర్శకధీరుడు రాజమౌళి దగ్గర సహాయకుడిగా పని చేసిన అశ్విన్‌ గంగరాజు దర్శకత్వంలో తెరకెక్కుతున్న చిత్రం ఆకాశవాణి. ఎమ్‌ఎమ్‌ కీరవాణి తనయుడు కాలభైరవ సంగీతం అందిస్తున్నాడు. ఈ సినిమా టీజర్‌ను డైరెక్టర్‌ రాజమౌళి శుక్రవారం రిలీజ్‌ చేశాడు. పచ్చని ప్రకృతి మధ్యలోకి, స్వచ్ఛమైన గాలిని పీల్చే గిరిజనుల మధ్యలోకి మనల్ని తీసుకువెళ్తున్నట్లుగా ఉందీ టీజర్‌. చెట్టూపుట్టను నమ్ముకునే అడవి బిడ్డల కథలను, వ్యథలను కళ్లకు కట్టినట్లు చెప్పే ప్రయత్నమే ఈ సినిమా అనిపిస్తోంది. కరెంటు లేక అర్ధరాత్రి కూడా కాగడాలు పట్టుకుని నడవడం వారి పరిస్థితిని వివరిస్తోంది. చూడటానికి ఎంతో బాగున్న ఈ టీజర్‌లో ఇక్కడేదో తప్పు జరుగుతుంది శీను అన్న డైలాగ్‌ ఒక్కటే ఉంది. ఇక మర్రిచెట్టు ఊడలను పట్టుకుని ఊయలూగుతున్న బాలుడు, మరో ఊడకు రేడియో తగిలించడం చూస్తుంటే ఈ సినిమా మనల్ని గత స్మృతుల్లోకి లాక్కెళ్లడం ఖాయంగా కనిపిస్తోంది. అందుకే ఈ టీజర్‌పై ప్రశంసలు కురిపించకుండా ఉండలేకపోయాడు రాజమౌళి. "ఆ విజువల్స్‌ , మ్యూజిక్‌ ఎంతో కొత్తగా ఉన్నాయి‌. ఈ సినిమాతో అశ్విన్‌ ఎలాంటి మ్యాజిక్‌ చేస్తాడా అని ఆతృతగా ఎదురు చూస్తున్నా" అని పేర్కొన్నాడు. పద్మనాభరెడ్డి నిర్మిస్తున్న ఈ చిత్రానికి బుర్రా సాయిమాధవ్‌ సంభాషణలు అందిస్తున్నాడు. సురేశ్‌ రగుతు ఛాయాగ్రాహకుడిగా వ్యవహరిస్తుండగా, శ్రీకర్‌ ప్రసాద్‌ ఎడిటర్‌గా పని చేస్తున్నారు. చదవండి: ‘ఆర్‌ఆర్‌ఆర్’‌ క్లైమాక్స్‌ షూట్‌లో హాలీవుడ్‌ యాక్షన్‌ డైరెక్టర్‌ అనిల్‌ రావిపూడితో మహేశ్‌ మరో సినిమా

ఇండోర్‌: ఇతర సమీకరణాలపై ఆధారపడకుండా ఆంధ్ర క్రికెట్‌ జట్టు దర్జాగా విజయ్‌ హజారే ట్రోఫీ దేశవాళీ వన్డే టోర్నమెంట్‌లో క్వార్టర్‌ ఫైనల్లోకి దూసుకెళ్లింది. జార్ఖండ్‌తో ఆదివారం జరిగిన గ్రూప్‌ ‘బి’ చివరి లీగ్‌ మ్యాచ్‌లో గాదె హనుమ విహారి నాయకత్వంలోని ఆంధ్ర జట్టు ఏడు వికెట్ల తేడాతో ఘనవిజయం సాధించింది. జార్ఖండ్‌ నిర్దేశించిన 140 పరుగుల విజయలక్ష్యాన్ని ఆంధ్ర జట్టు కేవలం 9.5 ఓవర్లలో మూడు వికెట్లు కోల్పోయి ఛేదించడం విశేషం. ఓపెనర్లు అశ్విన్‌ హెబ్బర్‌ (18 బంతుల్లో 44; 4 ఫోర్లు, 4 సిక్స్‌లు), రికీ భుయ్‌ (27 బంతుల్లో 57 నాటౌట్‌; 5 ఫోర్లు, 4 సిక్స్‌లు) తొలి బంతి నుంచే జార్ఖండ్‌ బౌలర్ల భరతం పట్టారు. దాంతో 5.5 ఓవర్లలో తొలి వికెట్‌కు 82 పరుగులు జోడించాక అశ్విన్‌ అవుటయ్యాడు. ఆ తర్వాత వచ్చిన విహారి (2 బంతుల్లో 4; ఫోర్‌), నితీశ్‌ కుమార్‌ రెడ్డి (5 బంతుల్లో 15; 2 సిక్స్‌లు), నరేన్‌రెడ్డి (7 బంతుల్లో 16 నాటౌట్‌; ఫోర్, 2 సిక్స్‌లు) కూడా ఏమాత్రం దూకుడు తగ్గించకుండా ఆడటంతో ఆంధ్ర లక్ష్యం దిశగా బుల్లెట్‌ వేగంతో దూసుకుపోయింది. జార్ఖండ్‌ జట్టులోని భారత బౌలర్లు వరుణ్‌ ఆరోన్‌ 2 ఓవర్లలో 30 పరుగులు... షాబాజ్‌ నదీమ్‌ 2 ఓవర్లలో 26 పరుగులు సమర్పించుకున్నారు. అంతకుముందు జార్ఖండ్‌ జట్టు 46.2 ఓవర్లలో 139 పరుగులకే ఆలౌటైంది. ఆంధ్ర బౌలర్లు హరిశంకర్‌ రెడ్డి (4/30), షోయబ్‌ మొహమ్మద్‌ ఖాన్‌ (2/30), కార్తీక్‌ రామన్‌ (2/38) జార్ఖండ్‌ పతనాన్ని శాసించారు. ప్రణాళిక ప్రకారం... ఈ మ్యాచ్‌కు ముందు ఆంధ్ర ఎనిమిది పాయింట్లతో మూడో స్థానంలో ఉంది. క్వార్టర్‌ ఫైనల్‌ బెర్త్‌ నేరుగా దక్కాలంటే గ్రూప్‌ ‘టాపర్‌’గా నిలవాలి. ఈ నేపథ్యంలో రన్‌రేట్‌ మెరుగు పర్చుకోవడానికి ఆంధ్ర జట్టు టాస్‌ నెగ్గగానే ఛేజింగ్‌ చేయడానికే మొగ్గు చూపింది. జార్ఖండ్‌ను ముందుగా బ్యాటింగ్‌కు ఆహ్వానించింది. తొలుత ఆఫ్‌ స్పిన్నర్‌ షోయబ్‌ మొహమ్మద్‌ ఖాన్‌ ఇన్నింగ్స్‌ ఏడో ఓవర్లో ఓపెనర్‌ ఉత్కర్ష్‌ సింగ్‌ (19; 3 ఫోర్లు)ను వికెట్ల ముందు దొరకబుచ్చుకున్నాడు. ఆ తర్వాత జార్ఖండ్‌ 11 పరుగుల తేడాలో మరో మూడు వికెట్లను కోల్పోయింది. దాంతో 54 పరుగులకే నాలుగు వికెట్లు కోల్పోయి జార్ఖండ్‌ కష్టాల్లో పడింది. కెప్టెన్‌ ఇషాన్‌ కిషన్‌ (38; 3 ఫోర్లు) నిలదొక్కుకుంటున్న దశలో షోయబ్‌ అతడిని అవుట్‌ చేయడంతో జార్ఖండ్‌ కోలుకోలేకపోయింది. అనంతరం మీడియం పేసర్లు హరిశంకర్‌ రెడ్డి, కార్తీక్‌ రామన్‌ విజృంభించడంతో జార్ఖండ్‌ ఇన్నింగ్స్‌ 139 పరుగులవద్ద ముగిసింది. లక్ష్యం చిన్నది కావడంతో ఆంధ్ర బ్యాట్స్‌మెన్‌ ఆరంభం నుంచే ఎదురుదాడికి దిగారు. పది ఓవర్లలోపే లక్ష్యాన్ని ఛేదించి రన్‌రేట్‌ను మెరుగుపర్చుకున్నారు. ఈ మ్యాచ్‌ ముగిసిన తర్వాత ఆరు జట్లున్న గ్రూప్‌ ‘బి’లో ఆంధ్ర, తమిళనాడు, జార్ఖండ్, మధ్యప్రదేశ్‌ జట్లు 12 పాయింట్లతో సంయుక్తంగా అగ్రస్థానంలో నిలిచాయి. అయితే మెరుగైన రన్‌రేట్‌ కారణంగా ఆంధ్ర జట్టు (0.73) ‘టాప్‌’ ర్యాంక్‌లో నిలిచింది. తమిళనాడు (0.65), జార్ఖండ్‌ (0.29), మధ్యప్రదేశ్‌ (–0.46) వరుసగా రెండు, మూడు, నాలుగు స్థానాల్లో నిలిచాయి. గ్రూప్‌ ‘ఎ’ నుంచి గుజరాత్‌... గ్రూప్‌ ‘సి’ నుంచి కర్ణాటక క్వార్టర్‌ ఫైనల్‌ చేరాయి. గ్రూప్‌ ‘డి’ నుంచి ముంబై, ఢిల్లీ... గ్రూప్‌ ‘ఇ’ నుంచి సౌరాష్ట్ర, చండీగఢ్‌ క్వార్టర్‌ ఫైనల్‌ రేసులో ఉన్నాయి. వెంకటేశ్‌ అయ్యర్‌ 198 పంజాబ్‌తో జరిగిన గ్రూప్‌ ‘బి’ మ్యాచ్‌లో మధ్యప్రదేశ్‌ 105 పరుగుల తేడాతో గెలిచింది. మధ్యప్రదేశ్‌ ఓపెనర్‌ వెంకటేశ్‌ అయ్యర్‌ (146 బంతుల్లో 198; 20 ఫోర్లు, 7 సిక్స్‌లు) రెండు పరుగుల తేడాతో డబుల్‌ సెంచరీని చేజార్చుకున్నాడు. మధ్యప్రదేశ్‌ 50 ఓవర్లలో 3 వికెట్లకు 402 పరుగులు చేసింది. అనంతరం పంజాబ్‌ 42.3 ఓవర్లలో 297 పరుగులకు ఆలౌటై ఓడిపోయింది. పంజాబ్‌ ఓపెనర్‌ అభిషేక్‌ శర్మ (49 బంతుల్లో 104; 8 ఫోర్లు, 9 సిక్స్‌లు) మెరుపు సెంచరీ చేశాడు. తన్మయ్, తిలక్‌ వర్మ సెంచరీలు సూరత్‌: విజయ్‌ హజారే ట్రోఫీలో హైదరాబాద్‌ జట్టు విజయంతో లీగ్‌ దశను ముగించినా నాకౌట్‌ దశకు అర్హత సాధించలేకపోయింది. గోవా తో జరిగిన ఎలైట్‌ గ్రూప్‌ ‘ఎ’ చివరి లీగ్‌ మ్యాచ్‌లో హైదరాబాద్‌ రెండు పరుగుల తేడాతో నెగ్గింది. ముందుగా హైదరాబాద్‌ 50 ఓవర్లలో 6 వికెట్లకు 345 పరుగులు సాధించింది. ఓపెనర్లు తన్మయ్‌ అగర్వాల్‌ (150; 19 ఫోర్లు, సిక్స్‌), తిలక్‌ వర్మ (128, 9 ఫోర్లు, 5 సిక్స్‌లు) సెంచరీలతో కదంతొక్కారు. వీరిద్దరు తొలి వికెట్‌కు 264 పరుగులు జతచేయడం విశేషం. లిస్ట్‌–ఎ క్రికెట్‌లో హైదరాబాద్‌ తరఫున తొలి వికెట్‌కు ఇదే అత్యుత్తమ భాగస్వామ్యం. 2002లో గోవాపై అంబటి రాయుడు, వినయ్‌ కుమార్‌ తొలి వికెట్‌కు 196 పరుగులు జతచేశారు. 346 పరుగుల లక్ష్యంతో బరిలోకి దిగిన గోవా జట్టు 50 ఓవర్లలో 5 వికెట్లకు 343 పరుగులు సాధించి ఓడిపోయింది. ఓపెనర్‌ ఏక్‌నాథ్‌ కేర్కర్‌ (169 నాటౌట్‌; 19 ఫోర్లు, 2 సిక్స్‌లు), స్నేహల్‌ (112 బంతుల్లో 116; 15 ఫోర్లు) రెండో వికెట్‌కు 225 పరుగులు జోడించారు. ఏక్‌నాథ్‌ చివరిదాకా అజేయంగా ఉన్నా గోవాను గెలిపించలేకపోయాడు. 12 పాయింట్లతో గ్రూప్‌ ‘ఎ’లో హైదరాబాద్‌ మూడో స్థానంలో నిలిచింది. ‘శత’క్కొట్టిన దేవ్‌దత్, సమర్థ్‌ రైల్వేస్‌తో జరిగిన గ్రూప్‌ ‘సి’ మ్యాచ్‌లో కర్ణాటక 10 వికెట్ల తేడాతో నెగ్గింది. 285 పరుగుల లక్ష్యాన్ని కర్ణాటక 40.3 ఓవర్లలో వికెట్‌ కోల్పోకుండా ఛేదించింది. లిస్ట్‌–ఎ క్రికెట్‌ లో భారత గడ్డపై ఇదే అత్యధిక ఛేదన. దేవ్‌దత్‌ పడిక్కల్‌ (145 నాటౌట్‌; 9 ఫోర్లు, 9 సిక్స్‌లు), సమర్థ్‌ (130 నాటౌట్‌; 17 ఫోర్లు) అజేయ శతకాలు సాధించారు. అంతకుముందు ప్రథమ్‌ సింగ్‌ (129; 10 ఫోర్లు, 3 సిక్స్‌లు) సెంచరీ చేయడం తో రైల్వేస్‌ 9 వికెట్లకు 284 పరుగులు చేసింది. ఢిల్లీలో 7 నుంచి నాకౌట్‌ మ్యాచ్‌లు విజయ్‌ హజారే ట్రోఫీ నాకౌట్‌ మ్యాచ్‌లు ఈనెల 7 నుంచి ఢిల్లీలో జరగనున్నాయి. మొత్తం ఐదు ఎలైట్‌ గ్రూప్‌ల్లో ‘టాప్‌’లో నిలిచిన ఐదు జట్లు... ఆ తర్వాత రెండో స్థానంలో నిలిచిన రెండు అత్యుత్తమ జట్లు క్వార్టర్‌ ఫైనల్‌ చేరుకుంటాయి. చివరిదైన ఎనిమిదో బెర్త్‌ కోసం ఓవరాల్‌ ఎలైట్‌ గ్రూప్‌ల్లో ఎనిమిదో స్థానంలో నిలిచిన జట్టు, ప్లేట్‌ గ్రూప్‌ విజేత జట్టుతో 7న ఎలిమినేటర్‌ మ్యాచ్‌ ఆడుతుంది. ఈ మ్యాచ్‌లో గెలిచిన జట్టుకు చివరి క్వార్టర్‌ ఫైనల్‌ బెర్త్‌ ఖరారవుతుంది. ఈనెల 8, 9 తేదీల్లో క్వార్టర్‌ ఫైనల్‌ మ్యాచ్‌లు... 11న సెమీఫైనల్స్‌... 14న ఫైనల్‌ జరుగుతాయి.

దుబాయ్‌: తొలి డే–నైట్‌ టెస్టులో భారత్‌కు పరాభవం ఎదురైనప్పటికీ ర్యాంకుల పరంగా కెప్టెన్ ‌విరాట్‌ కోహ్లి ర్యాంక్‌లో ఎలాంటి మార్పు రాలేదు. అతను 888 రేటింగ్‌ పాయింట్లతో రెండో ర్యాంక్‌లో కొనసాగుతున్నాడు. అడిలైడ్‌ టెస్టులో కెప్టెన్ ‌ఇన్నింగ్స్‌ (74) ఆడిన కోహ్లి రెండు రేటింగ్‌ పాయింట్లను మెరుగు పర్చుకున్నాడు. అయితే ఈ మ్యాచ్‌లో విఫలమైన టాప్‌ ర్యాంకర్‌ స్మిత్‌ (911) పది రేటింగ్‌ పాయింట్లు కోల్పోయాడు. దీంతో అగ్రస్థానంలోనే కొనసాగుతున్న స్మిత్‌కు రెండో స్థానంలో ఉన్న కోహ్లికి వ్యత్యాసం తగ్గింది. అయితే తన భార్య ప్రసవం కోసం తదుపరి టెస్టులకు గైర్హాజరీ కానున్న నేపథ్యంలో కోహ్లి రేటింగ్‌ మారే అవకాశం ఉండదు. బౌలర్ల విభాగంలో భారత స్పిన్నర్‌ అశ్విన్ ‌ఒక స్థానాన్ని మెరుగుపర్చుకొని 9వ ర్యాంకుకు ఎగబాకాడు. ఆల్‌రౌండర్ల జాబితాలో జడేజా 3వ ర్యాంక్‌లో ఉన్నాడు. 

న్యూఢిల్లీ: గత ఏడాది ఐపీఎల్‌లో రాజస్తాన్‌తో జరిగిన మ్యాచ్‌లో కింగ్స్‌ ఎలెవన్‌ పంజాబ్‌ బౌలర్‌ రవిచంద్రన్‌ అశ్విన్‌ ‘మన్కడింగ్‌’ ద్వారా జాస్‌ బట్లర్‌ను రనౌట్‌ చేయడం తీవ్ర వివాదంగా మారిన సంగతి తెలిసిందే. తాను నిబంధనల ప్రకారమే చేశానని అశ్విన్‌ ఒకే మాటపై నిలబడగా...అది క్రీడా స్ఫూర్తినికి విరుద్ధమంటూ విమర్శలు వచ్చాయి. ఈ సారి 2020 ఐపీఎల్‌లో అశ్విన్‌ ఢిల్లీ క్యాపిటల్స్‌ జట్టు తరఫున ఆడనున్నాడు. దానికి హెడ్‌ కోచ్‌గా ఆసీస్‌ దిగ్గజం రికీ పాంటింగ్‌ వ్యవహరిస్తున్నాడు. ఇకపై అలాంటి ఘటన జరగదని, ఈ విషయంలో తాను అశ్విన్‌తో ‘గట్టిగా’ మాట్లాడతానని పాంటింగ్‌ వ్యా ఖ్యానించాడు. క్రీడా స్ఫూర్తికి విరుద్ధంగా ఎలాంటి ఘటనా జరగదని పాంటింగ్‌ హామీ ఇచ్చాడు. ‘మా జట్టు అలాంటి తరహా క్రికెట్‌ను ఆడబోవడం లేదు. నేను అశ్విన్‌ను కలవగానే అన్నింటికింటే ముందు ఇదే విషయంపై మాట్లాడతా. గత ఏడాది అతను మా జట్టుతో లేడు. అశ్విన్‌ అద్భుతమైన బౌలర్‌. ఈ ఘటన జరిగినప్పుడు నేను మా ఆటగాళ్లతో కూడా అది తప్పని చెప్పాను. అశ్విన్‌లాంటి స్థాయి ఆటగాడు అలా చేస్తే మరికొందరు అతడిని అనుసరిస్తారు. కాబట్టి ఇప్పుడు అతడిని కలిశాక దీనిపై చర్చిస్తా. నాకు తెలిసి అతను మళ్లీ తన చర్యను సమర్థించుకోవచ్చు. అయితే క్రీడా స్ఫూర్తికి మాత్రం ఇది పూర్తిగా విరుద్ధం. నేను, మా ఢిల్లీ క్యాపిటల్స్‌ టీమ్‌ మాత్రం అలాగే భావిస్తాం’ అని పాంటింగ్‌ వివరించాడు. అయితే అశ్విన్‌ తరహాలో ‘మన్కడింగ్‌’ ద్వారా బ్యాట్స్‌మన్‌ను అవుట్‌ చేయడం తప్పేమీ కాదంటూ ఎంసీసీ రూపొందించిన నిబంధనల కమిటీలో పాంటింగ్‌ కూడా సభ్యుడు కావడం విశేషం. మరో వైపు 2008లో సిడ్నీలో భారత్‌తో జరిగిన టెస్టు లో పలు మార్లు క్రీడా స్ఫూర్తికి వ్యతిరేకంగా వ్యవహరించిన పాంటింగ్, ఇప్పుడు క్రీడా స్ఫూర్తి మాటలు చెప్పడం హాస్యాస్పదమని భారత అభిమానులు అతనిపై విరుచుకు పడ్డారు.  

చెన్నై: త‌మిళ‌ క‌మెడియ‌న్ అశ్విన్ రాజా త‌న ప్రేయసి విద్య శ్రీని పెళ్లాడాడు. బుధ‌వారం చెన్నైలో వీరి వివాహం సాంప్ర‌దాయ ప‌ద్ధ‌తిలో నిరాడంబ‌రంగా జ‌రిగింది. ఈ వేడుక‌కు ఇరు కుటుంబాలతో పాటు, అత్యంత స‌న్నిహితులు మాత్ర‌మే హాజ‌ర‌య్యారు. ప్ర‌స్తుతం వీరి పెళ్లి ఫొటోలు సోష‌ల్ మీడియాలో తెగ చ‌క్క‌ర్లు కొడుతున్నాయి. "చూడ‌ముచ్చ‌టైన జంట" అంటూ అభిమానులు అత‌డికి పెళ్లి శుభాకాంక్ష‌లు తెలుపుతున్నారు. కాగా గత నాలుగేళ్లుగా విద్య శ్రీ, అశ్విన్‌ ప్రేమించుకుంటున్న విషయం తెలిసిందే. (24న ప్రముఖ హాస్య నటుడి వివాహం) వీరి ప్రేమ‌కు పెద్ద‌లు అంగీకారం తెల‌ప‌డంతో ఇటీవ‌లే నిశ్చితార్థం కూడా జ‌రిగింది. చెన్నైకు చెందిన రాజశేఖర్ కుమార్తె విద్య శ్రీ. ఆమె అమెరికాలో పోస్ట్ గ్రాడ్యుయేషన్ పూర్తి చేసింది. ఇక వి.స్వామినాథ‌న్ కుమారుడైన అశ్విన్ 'బాస్ ఎంగిరా భాస్క‌ర‌న్' చిత్రంతో కోలీవుడ్‌కు ప‌రిచ‌య‌మ‌య్యాడు. ఆ తర్వాత న‌టించిన‌ ‘కుంకి’ సినిమా అత‌నికి మంచి పేరు తెచ్చిపెట్టింది. ఈ సినిమా నుంచి ఆయ‌న అభిమానులు అశ్విన్‌ను ప్రేమ‌గా "కుంకి అశ్విన్" అని పిలుచుకుంటున్నారు. (కూరగాయలు అమ్ముతున్న కమెడియన్‌)

చెన్నై: ప్రముఖ తమిళ హాస్య నటుడు అశ్విన్‌ రాజా(కుంకి అశ్విన్) ఓ ఇంటివాడు కాబోతున్నాడు. జూన్‌ 24న చెన్నైలో తన ప్రేయసి విద్యాశ్రీని పెళ్లాడబోతున్నాడు. కుటుంబ సభ్యులు, అత్యంత సన్నిహితుల మధ్య వీరి వివాహ వేడుక జరగనుంది. కాగా గత నాలుగేళ్లుగా విద్యాశ్రీ, అశ్విన్‌ ప్రేమించుకుంటుండగా, ప్రస్తుతం మూడు ముళ్ల బంధంతో ఒకటి కావాలని నిర్ణయించుకున్నట్లు సమాచారం. ఇటీవల నిశ్చితార్థం జరుపుకున్న ఈ జంట వివాహానికి ఇరు కుటుంబాలు అంగీకరించినట్లు తెలుస్తోంది. (ప్రవీణ్‌ సత్తారు దర్శకత్వంలో నాగార్జున) చెన్నైకు చెందిన రాజశేఖర్ కుమార్తె విద్యాశ్రీ. ఈమె అమెరికాలో పోస్ట్ గ్రాడ్యుయేషన్ పూర్తి చేసింది. అయితే ప్రస్తుతం కరోనా వైరస్‌ పరిస్థితుల్లో నిబంధనల ప్రకారం అన్ని జాగ్రత్తలు పాటిస్తూ కేవలం 20 మంది మాత్రమే పెళ్లికి హాజరు కానున్నట్లు సమాచారం. ఇక అశ్విన్..‌ లక్ష్మీ మూవీ మేకర్స్ నిర్మాతాల్లో ఒకరైన వి. స్వామినాథన్ కుమారుడు. హీరో ఆర్య నటించిన ‘బాస్‌ ఎంగిరా బాస్కరన్‌’ చిత్రంతో కోలీవుడ్‌లో అడుగుపెట్టాడు. ఆ తర్వాత దర్శకుడు ప్రభు సోలమన్‌ ‘కుంకి’ సినిమాలో నటించి మంచి పేరును సంపాదించారు. అప్పటి నుంచి తమిళ అభిమానులు అశ్విన్‌ రాజాను ప్రేమతో అశ్విన్‌ కుంకీ అని పిలుచుకుంటారు. (ఆరోగ్యానికే కాదు.. అందానికీ ఔషధమే)

కొలంబో: టెస్టుల్లో అత్యధిక వికెట్లు తీసిన రికార్డు (800) నెలకొల్పిన దిగ్గజ స్పిన్నర్‌ ముత్తయ్య మురళీధరన్‌ తన ఆఖరి టెస్టులో ఈ ఘనత నమోదు చేసాడు. 2010లో స్వదేశంలో భారత్‌తో జరిగిన ఈ సిరీస్‌కు ముందే తాను మొదటి టెస్టు మాత్రమే ఆడి రిటైర్‌ అవుతానని అతను ముందే ప్రకటించాడు. అప్పటికి అతని ఖాతాలో 792 వికెట్లు ఉన్నాయి. అయితే సహచరుడు సంగక్కర మాత్రం 800 మైలురాయిని వచ్చేవరకు ఆడాల్సిందేనని ఒప్పించే ప్రయత్నం చేశాడు. అవసరమైతే తర్వాతి టెస్టునుంచి విశ్రాంతి తీసుకొని లేదా మరుసటి సిరీస్‌ అయినా ఆడాల్సిందే తప్ప ఇలా తప్పుకోవద్దని మళ్లీ మళ్లీ చెప్పాడు. దీనిపై స్పందించిన మురళీ...‘నేను నిజంగా అత్యుత్తమ స్పిన్నర్‌నే అయితే ఒకే టెస్టులో 8 వికెట్లు తీస్తాను తప్ప ఇలా సాగదీయను’ అని బదులిచ్చాడు. చివరకు అతను అన్నట్లుగానే సరిగ్గా 8 వికెట్లు తీసి చరిత్రలో తన పేరు లిఖించుకున్నాడు. గురువారం భారత స్పిన్నర్‌ అశ్విన్‌తో జరిపిన ఇన్‌స్టాగ్రామ్‌ సంభాషణలో సంగక్కర ఇది వెల్లడించాడు.

అశ్విన్, అవికా గోర్‌ జంటగా నటించిన చిత్రం ‘రాజుగారి గది 3’. ఓక్‌ ఎంటర్‌టైన్మెంట్స్‌పై ఓంకార్‌ స్వీయదర్శకత్వంలో తెరకెక్కిన ఈ సినిమా రేపు విడుదలకానుంది. ఈ సందర్భంగా జరిగిన ప్రీ–రిలీజ్‌ వేడుకలో ప్రముఖ కెమెరామన్‌ ఛోటా కె. నాయుడు మాట్లాడుతూ– ‘‘ఈ చిత్రం సంచలన విజయం సాధిస్తుంది. సాంకేతిక అభివృద్ధి వల్ల నటీనటుల్లో బద్ధకం పెరిగిందని నేను చెప్పినట్లు ఓ దిన పత్రికలో వచ్చింది. నా ఉద్దేశం అది కాదు. సాంకేతికత పెరగడం వల్ల సాంకేతిక నిపుణుల పని కాస్త తేలికైందని నా అభిప్రాయం’ అన్నారు. ‘‘యాంకర్‌ నుంచి నేనీ స్థాయికి ఎదగడానికి కారణం నా తమ్ముళ్లు అశ్విన్, కల్యాణ్‌. చదువును కూడా మర్చిపోయి నా కెరీర్‌ కోసం కష్టపడ్డారు. నాకు జన్మనిచ్చింది మా అమ్మానాన్నలు అయితే.. నా సినీ కెరీర్‌కు జన్మనిచ్చింది నా తమ్ముళ్లే. ఈ సినిమాతో అశ్విన్‌ హీరోగా పరిచయం అవుతున్నాడు. కల్యాణ్‌ నిర్మాతగా త్వరలో ఓ సినిమా తెరకెక్కనుంది. ఈ సినిమాను తెలుగు రాష్ట్రాల్లో డిస్ట్రిబ్యూట్‌ చేస్తున్న వరంగల్‌ శ్రీనుగారి నమ్మకం నిజం అవుతుందని నమ్ముతున్నాను. మా నాన్నగారు గత ఏడాది చనిపోయారు. అందుకే నేను ఎక్కువగా తెల్ల దుస్తుల్లో కనిపిస్తున్నా. ఈ సినిమాతో అశ్విన్‌ను ప్రేక్షకులు హీరోగా అంగీకరించిన తర్వాత తిరిగి మామూలు దుస్తులు వేసుకుంటాను’’ అన్నారు ఓంకార్‌. ‘‘జీనియస్‌’ నుంచి ఇప్పటివరకు ఐదు సినిమాలు చేశాను. హీరోగా ఈ శుక్రవారం నా డ్రీమ్‌ను చూడబోతున్నాను’’ అన్నారు అశ్విన్‌. ‘‘ఇదివరకు ‘హుషారు’, ‘ఇస్మార్ట్‌ శంకర్‌’, ‘గద్దలకొండ గణేష్‌’ సినిమాలను డిస్ట్రిబ్యూట్‌ చేశాను. ఈ విజయాల వరుసలో ఈ చిత్రం కూడా చేరుతుంది’’ అన్నారు వరంగల్‌ శ్రీను.  

‘‘సినిమా రిలీజ్‌ అయిపోతే మార్చడానికి ఏమీ ఉండదు. కానీ సీరియల్స్‌ విషయానికి వస్తే గత ఎపిసోడ్‌లో జరిగిన తప్పులను ఎప్పటికప్పుడు సరిదిద్దుకోవచ్చు. టీవీ ద్వారానే పాపులారిటీ సంపాదించాను. అందుకే టాలీవుడా? బాలీవుడా? టీవీ ఇండస్ట్రీయా? అని అడిగితే ఎప్పుడూ టీవీకే నా ఓటు’’ అన్నారు అవికా గోర్‌. ‘చిన్నారి పెళ్లి కూతురు’ సీరియల్‌ ద్వారా గుర్తింపు పొంది హీరోయిన్‌గా మారారామె. ఓంకార్‌ దర్శకత్వంలో అశ్విన్‌ హీరోగా నటించిన ‘రాజుగారి గది 3’లో హీరోయిన్‌గా నటించారు అవికా. ఈ నెల 18న ఈ సినిమా రిలీజ్‌ కానుంది. ఈ సందర్భంగా అవికా మాట్లాడుతూ – ‘‘ఎక్కడికి పోతావు చిన్నవాడా’ సినిమా తర్వాత వరుసగా టీవీ షోలు, ఒక హిందీ సినిమా చేశాను. అందుకే తెలుగులో సినిమాలు చేయలేకపోయాను. పేరుకి చేశాం అనేట్టు సినిమా అంగీకరించడం నాకు ఇష్టం ఉండదు. ప్రస్తుతం ‘ఖత్రా’ అనే టీ షో చేస్తున్నాను. ఆ సమయంలో ఓంకార్‌గారు కలసి ‘రాజుగారి గది 3’ కథ చెప్పారు. ఈ సినిమాలో ముందు తమన్నాను అనుకున్నాం, డేట్స్‌ క్లాష్‌తో ఆమె తప్పుకున్నారు అని ముందే చెప్పారు. ఆయన కథ చెప్పడం పూర్తయ్యే సమయానికి భయపడిపోయాను. హారర్‌ సినిమాలు ఒక్కదాన్నే చూడటానికి భయపడుతుంటాను. ఫ్యామిలీ, ఫ్రెండ్స్‌ ఉంటేనే చూస్తాను. ఈ సినిమా షూటింగ్‌ స్టార్ట్‌ అయ్యాక పూర్తి మేకప్‌ వేసుకున్నాక నన్ను నేను అద్దంలో చూసుకుని,  భయపడ్డాను. మా నాన్నగారైతే ‘ఇదే నువ్వు’ అని ఆటపట్టించారు. ప్రేక్షకులు భయపడుతూనే విపరీతంగా నవ్వుతారు. అదే మా సినిమా హైలెట్‌. ప్రస్తుతం తెలుగు అర్థం అవుతోంది. నేర్చుకుంటున్నాను. సెట్లో పెద్ద పెద్ద టెక్నీషియన్స్‌తో వర్క్‌ చేయడం మంచి ఎక్స్‌పీరియన్స్‌. అలీగారి లాంటి లెజెండ్‌తో నటించడం మర్చిపోలేను. కుదిరితే బిగ్‌ బాస్‌ షో హోస్ట్‌ చేయాలనుంది కానీ బిగ్‌బాస్‌ హౌస్‌లోకి వెళ్లలేను. ఒక తెలుగు ప్రాజెక్ట్‌ కమిట్‌ అయ్యాను. త్వరలోనే ప్రకటిస్తాను’’ అన్నారు. అన్ని ఇండస్ట్రీల్లో తెలుగు ఇండస్ట్రీ బెస్ట్‌ అని నా అభిప్రాయం. ఇక్కడ ఉన్నంత ప్లానింగ్, పద్ధతి ఎక్కడా ఉండదు. జూలైలో సినిమా ప్రారంభించి అక్టోబర్‌లో వచ్చేస్తున్నాం. యాక్టర్‌గా నాకు మంచి ఎక్స్‌పీరియన్స్‌ ఇచ్చింది తెలుగు ఇండస్ట్రీయే.

దక్షిణాఫ్రికా తేలిగ్గా తలవంచలేదు. ముందు రోజే మూడు వికెట్లు కోల్పోయినా పట్టుదలగా నిలబడిన బ్యాట్స్‌మెన్‌ భారత బౌలింగ్‌ను నిరోధించారు. ఎల్గర్, డి కాక్‌ సెంచరీలతో సత్తా చాటి తమ జట్టును తక్షణ ప్రమాదం నుంచి తప్పించారు. వీరితో పాటు కెపె్టన్‌ డు ప్లెసిస్‌ కూడా కీలక ఇన్నింగ్స్‌ ఆడగా... సఫారీ జట్టు ఆలౌట్‌ కాకుండా రోజంతా నిలబడింది. ఆధిక్యానికి అవకాశం లేకపోయినా తొలిఇన్నింగ్స్‌ స్కోరు అంతరాన్ని మాత్రం బాగా తగ్గించింది. పేసర్లు పెద్దగా ప్రభావం చూపని చోట ఎప్పటిలాగే సొంతగడ్డపై నమ్ముకున్న స్పిన్నర్లే టీమిండియాను నడిపించారు. అశి్వన్‌ మరోసారి ఐదు వికెట్లతో మెరవడం, జడేజా 200 వికెట్ల మైలురాయిని చేరుకోవడం భారత కోణంలో శుక్రవారం ఆటలో చెప్పుకోదగ్గ విశేషాలు. అనూహ్య బౌన్స్‌తో పిచ్‌ ఇప్పటికే భిన్నంగా స్పందించడం మొదలైన నేపథ్యంలో నాలుగో రోజు సఫారీలు మరెన్ని పరుగులు జోడిస్తారో, ఆ తర్వాత భారత్‌ ఎలా ఆడుతుందో అనేది ఆసక్తికరం. విశాఖపట్నం నుంచి సాక్షి ప్రత్యేక ప్రతినిధి: భారత్‌తో జరుగుతున్న తొలి టెస్టులో దక్షిణాఫ్రికా జట్టు గట్టి పోరాటపటిమ ప్రదర్శించింది. శుక్రవారం 98 ఓవర్లు ఆడినా కేవలం 5 వికెట్లు మాత్రమే చేజార్చుకొని మెరుగైన ప్రదర్శన కనబర్చింది. మ్యాచ్‌ మూడో రోజు ఆట ముగిసే సమయానికి ఆ జట్టు తమ తొలి ఇన్నింగ్స్‌లో 8 వికెట్ల నష్టానికి 385 పరుగులు చేసింది. ఓపెనర్‌ డీన్‌ ఎల్గర్‌ (287 బంతుల్లో 160; 18 ఫోర్లు, 4 సిక్సర్లు), వికెట్‌ కీపర్‌ క్వింటన్‌ డి కాక్‌ (163 బంతుల్లో 111; 16 ఫోర్లు, 2 సిక్సర్లు) సెంచరీలు సాధించగా... కెపె్టన్‌ డు ప్లెసిస్‌ (103 బంతుల్లో 55; 8 ఫోర్లు, 1 సిక్స్‌) రాణించాడు. ఎల్గర్‌ ఐదో వికెట్‌కు ప్లెసిస్‌తో 115 పరుగులు, ఆరో వికెట్‌కు డి కాక్‌తో 164 పరుగులు జోడించాడు. ఒకే రోజు దక్షిణాఫ్రికా 346 పరుగులు నమోదు చేసింది. భారత బౌలర్లలో అశ్విన్‌ 5 వికెట్లు పడగొట్టగా, జడేజాకు 2 వికెట్లు దక్కాయి. ప్రస్తుతం దక్షిణాఫ్రికా మరో 117 పరుగులు వెనుకబడి ఉంది. తొలి సెషన్‌: తడబడి... నిలబడి... ఓవర్‌నైట్‌ స్కోరు 39/3 నుంచి తడబడుతూనే దక్షిణాఫ్రికా తమ ఇన్నింగ్స్‌ కొనసాగించింది. ఆట మొదలైన కొద్దిసేపటికి బవుమా (18)ను వికెట్ల ముందు దొరకబుచ్చుకొని ఇషాంత్‌ మూడో రోజు మొదటి దెబ్బ వేశాడు. కానీ మొదటి సెషన్‌ ముగిసేసరికి ఆ ఆనందం భారత ఆటగాళ్ల నుంచి దూరమైంది. ఎల్గర్, డు ప్లెసిస్‌ కలిసి ప్రశాంతంగా, చక్కటి సమన్వయంతో బ్యాటింగ్‌ చేశారు. పిచ్‌ బ్యాటింగ్‌కు అనుకూలంగా మారిపోవడం కూడా వారికి కలిసొచి్చంది. ఐదు బంతుల వ్యవధిలో మూడు ఫోర్లు కొట్టి ప్లెసిస్‌ దూకుడుగా ఆడే ప్రయత్నం చేశాడు. వేగంగా ఆడిన ఈ జోడీని విడగొట్టడంలో భారత బౌలర్లు విఫలమయ్యారు.  ఓవర్లు: 30, పరుగులు: 114, వికెట్లు: 1 రెండో సెషన్‌:  డి కాక్‌ దూకుడు లంచ్‌ తర్వాత కొద్ది సేపటికే 91 బంతుల్లో డు ప్లెసిస్‌ అర్ధసెంచరీ పూర్తవడంతో పాటు ఎల్గర్‌తో భాగస్వామ్యం వంద పరుగులు దాటింది. భారత శిబిరంలో అసహనం పెరిగిపోతున్న దశలో ఎట్టకేలకు అశి్వన్‌ బ్రేక్‌ ఇచ్చాడు. వ్యూహాత్మకంగా లెగ్‌ స్లిప్‌లో ఫీల్డర్‌ను ఉంచి బంతిని వేయగా డు ప్లెసిస్‌ నేరుగా అక్కడే ఉన్న పుజారా చేతుల్లోకి కొట్టాడు. అయితే తర్వాత వచ్చిన డి కాక్‌ కూడా ఎల్గర్‌కు చక్కటి సహకారం అందించాడు. ఈ క్రమంలో దక్షిణాఫ్రికా కీపర్‌ కొన్ని చూడచక్కటి షాట్లు ఆడాడు. అశి్వన్‌ ఓవర్లో వరుసగా రెండు ఫోర్లు కొట్టిన అతను, జడేజా వేసిన తర్వాతి ఓవర్లో వరుసగా 6, 4 బాదడం విశేషం. భాగస్వామ్యాన్ని పడగొట్టే ప్రయత్నంలో విహారి, రోహిత్‌లతో బౌలింగ్‌ వేయించినా లాభం లేకపోయింది. అశి్వన్‌ ఓవర్లో రెండు ఫోర్లు కొట్టి 79  బంతుల్లోనే హాఫ్‌ సెంచరీ మార్క్‌ను అందుకున్న డి కాక్‌... విహారి వేసిన తర్వాతి ఓవర్లోనూ మరో రెండు బౌండరీలు బాది ఆధిపత్యం ప్రదర్శించాడు. టీ విరామానికి అర గంట ముందే చీకటిగా మారడంతో ఫ్లడ్‌లైట్లలో మ్యాచ్‌ను కొనసాగించారు. అందుకే భారత్‌ కొత్త బంతిని తీసుకున్నా అంపైర్ల సూచన మేరకు వెంటనే పేసర్లతో బౌలింగ్‌ చేయించలేదు.  ఓవర్లు: 37, పరుగులు: 139, వికెట్లు: 1  మూడో సెషన్‌: అశ్విన్‌ మెరిసె... విరామం తర్వాత కూడా ఎల్గర్, డి కాక్‌ల జోరు కొనసాగింది. వీరిద్దరు భారత బౌలర్లను అలవోకగా ఎదుర్కొంటూ పరుగులు సాధించారు. కొత్త బంతితో ఇషాంత్, షమీ ఏమాత్రం ప్రభావం చూపకపోవడంతో రెండు వైపుల నుంచి అశ్విన్‌, జడేజాలే భారం మోశారు. ఎల్గర్‌ను అవుట్‌ చేసి భారత్‌ కాస్త ఊపిరి పీల్చుకుంది.అశ్విన్‌ ఓవర్లో వరుస బంతుల్లో 6, 4 బాదిన డి కాక్‌ 149 బంతుల్లో కెరీర్‌లో ఐదో సెంచరీని సాధించాడు. అయితే డి కాక్‌ను అవుట్‌ చేసి అశ్విన్‌ ప్రతీకారం తీర్చుకున్నాడు. ఆ తర్వాత ఫిలాండర్‌ (0)ను వెనక్కి పంపి అశి్వన్‌ ఐదు వికెట్ల ఘనతను పూర్తి చేసుకున్నాడు.  ఓవర్లు: 31, పరుగులు: 93, వికెట్లు: 3 ఆ రెండు క్యాచ్‌లు పట్టి ఉంటే... మూడో రోజు భారత జట్టు మైదానంలో బాగా తడబడింది.  రెండు క్యాచ్‌లు చేజారడం మ్యాచ్‌ గతిని మార్చేశాయి. 74 పరుగుల వ్యక్తిగత స్కోరు వద్ద జడేజా బౌలింగ్‌లో ఎల్గర్‌ ఇచి్చన క్యాచ్‌ను సాహా వదిలేశాడు. ఆ తర్వాత ఎల్గర్‌ మరో 86 పరుగులు జోడించాడు. విహారి బౌలింగ్‌లో 7 పరుగుల వద్ద డి కాక్‌ ఇచి్చన  క్యాచ్‌ను సిల్లీ పాయింట్‌లో రోహిత్‌ అందుకోవడంలో విఫలమయ్యాడు. సరైన సమయంలో కిందకు వంగడంలో రోహిత్‌ విఫలమయ్యాడు. ఇది మరో 104 పరుగులు నష్టాన్ని కలిగించింది. ఇద్దరూ సిక్సర్లతోనే... దక్షిణాఫ్రికా జట్టులో సెంచరీ సాధించిన ఇద్దరు బ్యాట్స్‌మెన్‌ కూడా సిక్సర్లతోనే వాటిని పూర్తి చేయడం విశేషం. అశి్వన్‌ బౌలింగ్‌లో స్లాగ్‌ స్వీప్‌తో ఎల్గర్‌ శతకం చేరగా... అశ్విన్‌ బౌలింగ్‌లోనే కవర్స్‌ మీదుగా సిక్సర్‌ బాది డి కాక్‌ ఆ మైలురాయిని అందుకున్నాడు. 2002లో పాకిస్తాన్‌పై పాంటింగ్, స్టీవ్‌ వా మాత్రమే ఇదే తరహాలో ఒకే ఇన్నింగ్స్‌లో  శతకాలు సాధించారు.   సూపర్‌ ఇన్నింగ్స్‌... భారత గడ్డపై ఒక విదేశీ బ్యాట్స్‌మన్‌ టెస్టుల్లో సాధికారికంగా బ్యాటింగ్‌ చేయడం చాలా అరుదు. సుదీర్ఘ సమయం పాటు క్రీజ్‌లో గడపడం, స్పిన్నర్ల పరీక్షకు ఎదురుగా నిలవడం అంత సులువు కాదు. అయితే దక్షిణాఫ్రికా ఓపెనర్‌ డీన్‌ ఎల్గర్‌ తన కెరీర్‌లోనే చెప్పుకోదగ్గ ఇన్నింగ్స్‌తో జట్టు కుప్పకూలిపోకుండా కాపాడాడు. 2015లో 0–3తో చిత్తుగా ఓడిన బృందంలో ఎల్గర్‌ కూడా సభ్యుడే. ఆ సిరీస్‌లో 7 ఇన్నింగ్స్‌లలో కేవలం 137 పరుగుల పేలవ ప్రదర్శనతో అతను వెనుదిరగ్గా... ఈ సారి తొలి ఇన్నింగ్స్‌లో అంతకంటే ఎక్కువ పరుగులు సాధించడం విశేషం. ఓపెనర్‌గా వచ్చి మూడు సందర్భాల్లో చివరి వరకు నాటౌట్‌గా నిలిచిన రెండో బ్యాట్స్‌మన్‌గా గుర్తింపు ఉన్న ఎల్గర్‌ అసలు సమయంలో తన సత్తాను ప్రదర్శించగలిగాడు. క్రీజ్‌లో ఉన్నంతసేపు ఏ దశలోనూ తడబడకుండా, పూర్తి ఆత్మవిశ్వాసంతో, బౌలర్లపై ఆధిపత్యం ప్రదర్శిస్తూ చక్కటి షాట్లు ఆడటం ఎల్గర్‌ ఇన్నింగ్స్‌లో కనిపించింది. ఇదే అతడిని ప్రత్యేకంగా నిలబెట్టింది. మ్యాచ్‌ రెండో రోజు అవతలి ఎండ్‌లో మూడు వికెట్లు పడ్డా, ఎల్గర్‌ మాత్రం ఒత్తిడికి లోను కాకుండా స్వేచ్ఛగా బ్యాట్‌ ఝళిపించాడు. జడేజా బౌలింగ్‌లో అతను బాదిన సిక్సరే అందుకు నిదర్శనం. శుక్రవారం రెండు సెంచరీ భాగస్వామ్యాల్లో కీలక పాత్రతో ఎల్గర్‌ జట్టును నడిపించాడు. 112 బంతుల్లో అతని అర్ధసెంచరీ పూర్తయింది. ఆ తర్వాత జడేజా వేసిన ఓవర్లో దూకుడు అతని ఆత్మవిశ్వాసాన్ని చూపించింది. ఈ ఓవర్లో ఎల్గర్‌ 2 భారీ సిక్సర్లు, ఒక ఫోర్‌ కొట్టడం విశేషం. షమీ ఓవర్లో రెండు ఫోర్లు కొట్టి 90ల్లోకి చేరుకున్న ఎల్గర్‌కు కెరీర్‌లో 12వ సెంచరీ సాధించేందుకు ఎక్కువ సమయం పట్టలేదు. సెంచరీ తర్వాత కూడా జోరు తగ్గించని ఎల్గర్‌ మరికొన్ని షాట్లతో అలరించాడు. ఏడు బంతుల వ్యవధిలో 3 ఫోర్లు కొట్టి 150 పరుగుల మైలురాయిని చేరుకున్నాడు. అయితే తన అత్యధిక స్కోరు 199ను అధిగమించి తొలి డబుల్‌ సెంచరీ మాత్రం నమోదు చేయలేకపోయాడు. జడేజా బౌలింగ్‌లో మిడ్‌ వికెట్‌ మీదుగా భారీ షాట్‌కు ప్రయత్నించగా బౌండరీ నుంచి వేగంగా దూసుకొచ్చిన పుజారా చక్కటి క్యాచ్‌ పట్టడంతో ఎల్గర్‌ చిరస్మరణీయ ఇన్నింగ్స్‌ ముగిసింది.    స్కోరు వివరాలు భారత్‌ తొలి ఇన్నింగ్స్‌: 502/7 డిక్లేర్డ్‌; దక్షిణాఫ్రికా తొలి ఇన్నింగ్స్‌: ఎల్గర్‌ (సి) పుజారా (బి) జడేజా 160; మార్క్‌రమ్‌ (బి) అశి్వన్‌ 5; బ్రూయిన్‌ (సి) సాహా (బి) అశి్వన్‌ 4; పీట్‌ (బి) జడేజా 0; బవుమా (ఎల్బీ) (బి) ఇషాంత్‌ 18; డు ప్లెసిస్‌ (సి) పుజారా (బి) అశ్విన్‌ 55; డి కాక్‌ (బి) అశ్విన్‌ 111; ముత్తుసామి (బ్యాటింగ్‌) 12; ఫిలాండర్‌ (బి) అశి్వన్‌ 0; మహరాజ్‌ (బ్యాటింగ్‌) 3; ఎక్స్‌ట్రాలు 17; మొత్తం (118 ఓవర్లలో 8 వికెట్లకు) 385 వికెట్ల పతనం: 1–14, 2–31, 3–34, 4–63, 5–178, 6–342, 7–370, 8–376. బౌలింగ్‌: ఇషాంత్‌ శర్మ 14–2–44–1, షమీ 15–3–40–0, అశి్వన్‌ 41–11–128–5, జడేజా 37–4–116–2, విహారి 9–1–38–0, రోహిత్‌ 2–1–7–0.   ►200 జడేజా టెస్టుల్లో 200 వికెట్లు పూర్తి చేసుకున్నాడు. 44వ టెస్టులో ఈ ఘనత సాధించిన అతను అందరికంటే వేగంగా ఈ మైలురాయిని అందుకున్న లెఫ్టార్మ్‌ బౌలర్‌గా రంగన హెరాత్‌ (47) రికార్డును సవరించాడు. ఓవరాల్‌గా భారత బౌలర్లలో 37 టెస్టుల్లోనే 200 వికెట్లు తీసిన అశి్వన్‌ మొదటి స్థానంలో ఉన్నారు.   ►27 అశి్వన్‌ కెరీర్‌లో ఇన్నింగ్స్‌లో 5 వికెట్లు పడగొట్టడం ఇది 27వ సారి. అతను అండర్సన్, బోథమ్‌ (27)లతో సమంగా నిలిచాడు. ఓవరాల్‌గా మరో ఆరుగురు మాత్రమే అశ్విన్‌కంటే ముందున్నారు.

గేమ్‌ ఫినిష్‌ చేశారు హీరోయిన్‌ తాప్సీ. మరి.. ఎలా ఆడారు? అనే విషయాన్ని మాత్రం వెండితెరపై చూడాల్సిందే. తాప్సీ ప్రధాన పాత్రలో అశ్విన్‌ శరవణన్‌ దర్శకత్వంలో ఎస్‌. శశికాంత్‌ నిర్మించిన చిత్రం ‘గేమ్‌ ఓవర్‌’. చక్రవర్తి రామచంద్ర సహ–నిర్మాత. ఈ సినిమా చిత్రీకరణ పూర్తయింది. జూన్‌ 14న విడుదల చేయాలనుకుంటున్నారు. ‘‘ఈ చిత్రకథ విన్నప్పుడు సరికొత్తగా ఉందనిపించింది. విజయం సాధించే చిత్రం అనిపించింది. ‘ఆనందోబ్రహ్మ’ తర్వాత నా చిత్రాలపై ప్రేక్షకులు పెట్టుకున్న నమ్మకాన్ని ఈ చిత్రం వమ్ము చేయదు’’ అన్నారు తాప్సీ. ‘‘సరికొత్త కథ, కథనాలతో తెలుగు, తమిళ భాషల్లో ఈ ‘గేమ్‌ ఓవర్‌’ చిత్రాన్ని నిర్మించాం. మా గత చిత్రాలు ‘లవ్‌ ఫెయిల్యూర్‌’, ‘గురు’ విజయాల సరసన ఈ చిత్రం కూడా నిలుస్తుందన్న నమ్మకం ఉంది’’ అన్నారు నిర్మాతలు. ‘‘ఈ చిత్రం తెలుగు ప్రేక్షకులను కూడా తప్పకుండా అలరిస్తుంది’’ అన్నారు దర్శకుడు అశ్విన్‌. ఈ చిత్రానికి సంగీతం: రోన్‌ ఏతాన్‌ యోహాన్, లైన్‌ ప్రొడ్యూసర్‌: ముత్తు రామలింగం.

హైదరాబాద్, బిజినెస్‌ బ్యూరో: మల్టీ బ్రాండ్‌ లగ్జరీ కార్‌ సబ్‌స్క్రిప్షన్‌ సర్వీసుల కంపెనీ కార్‌2డ్రైవ్‌ హైదరాబాద్‌లో తన సేవలను ప్రారంభించింది. సంప్రదాయ పద్ధతిలో కారు కొనుగోలుకు బదులు.. ఎటువంటి డౌన్‌ పేమెంట్, రిజిస్ట్రేషన్‌ చార్జీలు లేకుండా కేవలం చందా చెల్లించడం ద్వారా కస్టమర్‌ తనకు నచ్చిన కారును ఎంపిక చేసుకోవచ్చు. కారు డ్యామేజ్, రిపేర్లు, బీమా భారం అంతా కంపెనీదే. డ్రైవెన్‌ ప్రమోట్‌ చేస్తున్న కార్‌2డ్రైవ్‌ బెంగళూరులో కూడా సేవలు అందిస్తోంది. ఒక్కో కారు ఖరీదు రూ.1 కోటి పైనే ఉంటుందని డ్రైవెన్‌ ఎండీ అశ్విన్‌ జైన్‌ శుక్రవారమిక్కడ మీడియాకు చెప్పారు. ‘ప్రస్తుతం కంపెనీ వద్ద 145 లగ్జరీ కార్లున్నాయి. 500 సీసీ అపై సామర్థ్యమున్న సూపర్‌ ప్రీమియం 55 బైక్‌లు ఉన్నాయి’ అని వివరించారు.  కొత్తగా 3,000 వాహనాలు..  దీర్ఘకాలిక చందా, అద్దె విధానంలో కార్లను అందించేందుకు డ్రైవెన్‌ వచ్చే 12 నెలల్లో 3,000 కార్లను కొనుగోలు చేయనుంది. కస్టమర్‌ కోరిన మోడల్, ఫీచర్ల ఆధారంగా వాహనాన్ని అందజేస్తారు. ఈ విధానంలో రూ.3 లక్షల కారును సైతం వినియోగదారు ఎంచుకోవచ్చు. వాహనాల కొనుగోలుకు రూ.700 కోట్లు సమీకరించే పనిలో ఉన్నట్టు డ్రైవెన్‌ భాగస్వామి సయ్యద్‌ హుస్సేన్‌ వెల్లడించారు. ‘ఈ–వీ’ పేరుతో షేర్‌డ్‌ మొబిలిటీ సేవలను ఏప్రిల్‌లో ప్రారంభిస్తున్నట్టు చెప్పారు. వచ్చే 18 నెలల్లో ఆరు నగరాల్లో 30,000 ఎలక్ట్రిక్‌ ద్విచక్ర వాహనాలను ఇందుకోసం వినియోగిస్తామని పేర్కొన్నారు.  

బట్లర్‌ను ‘మన్కడింగ్‌’ ద్వారా అశ్విన్‌ ఔట్‌ చేయడం ఎంత వివాదం రేపిందో తెలిసిందే. అయితే కోల్‌కతా పోలీసులు దీనిలో మరో కోణాన్ని చూశారు. వెంటనే దానిని పోస్టర్‌గా మలచి ప్రజల్లో ‘ట్రాఫిక్‌ అవగాహన’ కోసం వాడుకునే ప్రయత్నం చేశారు. ‘ఆకుపచ్చ లైట్‌ రాక ముందే ముందుకు వెళ్లవద్దు, గీత దాటితే తప్పించుకోలేరు... అంటూ బెంగాలీలో వ్యాఖ్య రాసి ట్రాఫిక్‌ ఫోటో కూడా కలిపి పెట్టారు. దీనిపై స్పందన ఎలా ఉంటుందనేది ఆసక్తికరం. ఎందుకంటే 2017 చాంపియన్స్‌ ట్రోఫీ ఫైనల్లో బుమ్రా నోబాల్‌ కారణంగా బతికిపోయిన ఫఖర్‌ జమాన్‌ సెంచరీతో పాక్‌ను గెలిపించడంతో ఇదే తరహాలో జైపూర్‌ పోలీసులు పోస్టర్లు వేశారు. దేశం తరఫున ఆడే ఆటగాడికి మీరిచ్చే గౌరవం ఇదేనా అంటూ అప్పట్లో స్వయంగా బుమ్రా దీనిపై తీవ్ర అసంతృప్తిని వ్యక్తం చేయడంతో పోలీసులు వాటిని తొలగించాల్సి వచ్చింది.   

జైపూర్‌: ఐపీఎల్‌ మ్యాచ్‌లో రాజస్తాన్‌ బ్యాట్స్‌మన్‌ బట్లర్‌ను ‘మన్కడింగ్‌’ ద్వారా ఔట్‌ చేసి పంజాబ్‌ కెప్టెన్‌ రవిచంద్రన్‌ అశ్విన్‌ కొత్త వివాదాన్ని తెర మీదకు తెచ్చాడు. అతను నిబంధనల ప్రకారమే వ్యవహరించాడంటూ కొందరు మద్దతు పలుకుతుండగా... భారత టాప్‌ స్పిన్నర్‌ చేసింది తప్పేనంటూ మరికొందరు వ్యాఖ్యానించారు. అయితే తాజా ఘటనపై అశ్విన్‌ మాత్రం మొదటి నుంచీ ఒకే మాటకు కట్టుబడి ఉన్నాడు. తాను చేసిన దాంట్లో తప్పేమీ లేదని అతను మ్యాచ్‌ తర్వాత కూడా కుండబద్దలు కొట్టినట్లు మాట్లాడాడు. ‘నేను అలా ఔట్‌ చేయాలని వ్యూహం ఏమీ రచించుకోలేదు. అది అప్పటికప్పుడు జరిగిపోయిందంతే. నిబంధనలకు అనుగుణంగానే నేను వ్యవహరించాను. క్రీడా స్ఫూర్తి అనే మాటను ఎందుకు ముందుకు తెస్తున్నారో నాకు అర్థం కావడం లేదు. స్ఫూర్తికి విరుద్ధమని భావిస్తే నిబంధనలే మార్చేయండి. ఎప్పుడో 1987  ప్రపంచకప్‌లో జరిగిన ఘటనతో దీనిని పోల్చవద్దు. నాటి మ్యాచ్‌లో నేను గానీ బట్లర్‌ గానీ ఆడలేదు. బంతి వేసే సమయంలో కావాలని ఆలస్యం చేశాననే మాటను కూడా నేను అంగీకరించను. అతను అప్పటికే ముందుకు వెళ్లిపోయాడు’ అని అశ్విన్‌ వివరణ ఇచ్చాడు. 2012లో బ్రిస్బేన్‌లో జరిగిన వన్డేలో కూడా అశ్విన్‌ ఇదే తరహాలో తిరిమన్నెను ఔట్‌ చేయగా... భారత తాత్కాలిక కెప్టెన్‌ సెహ్వాగ్‌ తమ అప్పీల్‌ను వెనక్కి తీసుకోవడంతో తిరిమన్నె బ్యాటింగ్‌ కొనసాగించాడు. 2014లో ఎడ్జ్‌బాస్టన్‌లో జరిగిన వన్డేలో బట్లర్‌ను ఇదే రీతిలో సేననాయకే మన్కడింగ్‌ చేశాడు. మరోవైపు గతంలో జరిగిన ఐపీఎల్‌ కెప్టెన్ల సమావేశంలో మన్కడింగ్‌ చేయరాదంటూ నిర్ణయం తీసుకున్నామంటూ మాజీ చైర్మన్‌ రాజీవ్‌ శుక్లా గుర్తు చేయగా... అది నిబంధనలు మారక ముందు జరిగిన సమావేశమని బోర్డు అధికారి ఒకరు స్పష్టం చేశారు.   మన్కడింగ్‌ అంటే..: క్రికెట్‌ నిబంధనలు రూపొందించే ఎంసీసీ ప్రకారం... బౌలర్‌ బంతిని వేయడానికి సిద్ధమై, అతని చేతినుంచి ఇంకా బంతి వెళ్లక ముందే నాన్‌స్ట్రైకర్‌ క్రీజ్‌ దాటి బయటకు వస్తే బెయిల్స్‌ను పడగొట్టి బౌలర్‌ సదరు బ్యాట్స్‌మన్‌ ఔట్‌ కోసం అప్పీల్‌ చేయవచ్చు. ఇది సాంకేతికంగా రనౌట్‌ జాబితాలో వస్తుంది. 2017 అక్టోబర్‌ 1నుంచి అమల్లోకి వచ్చిన నిబంధనల ప్రకారం బౌలర్‌ బంతిని విసిరే లోగా ఏ సమయంలోనైనా నాన్‌స్ట్రైకర్‌ క్రీజ్‌ బయట ఉంటే ఔట్‌గానే పరిగణిస్తారు. నిబంధల ప్రకారం అశ్విన్‌ చేసింది సరైందే. క్రీడా స్ఫూర్తి ప్రకారం బ్యాట్స్‌మన్‌ను ఔటే చేసే ముందు ఒక సారి హెచ్చరిస్తే బాగుంటుందని అంటారు కానీ నిబంధనల్లో ఎక్కడా ముందుగా హెచ్చరించాలని లేదు. 1947లో సిడ్నీ టెస్టులో ఆసీస్‌ బ్యాట్స్‌మన్‌ బ్రౌన్‌ను భారత ఆల్‌రౌండర్‌ వినూ మన్కడ్‌ ఇలా ఔట్‌ చేయడంతో ‘మన్కడింగ్‌’ అని పేరు వచ్చింది.  అశ్విన్‌ చేసిన పని అతను ఎలాంటివాడో చెబుతుంది. పంజాబ్‌ జట్టు సభ్యుల కళ్లలోకి నేను చూసినప్పుడు అపరాధ భావం కనిపించింది. అలా చేయడం సరైందో కాదో అభిమానులే నిర్ణయిస్తారు.’  – రాజస్తాన్‌ కోచ్‌ ప్యాడీ ఆప్టన్‌  ఒక వ్యక్తిగా, కెప్టెన్‌గా అశ్విన్‌ చేసిన పని నిరాశ కలిగించింది. అశ్విన్‌ కావాలనే బంతి వేయకుండా ఆగిపోయాడు. దానిని డెడ్‌బాల్‌గా ప్రకటించాల్సింది. ఇది క్రీడాస్ఫూర్తికి విరుద్ధం.  – వార్న్, మాజీ క్రికెటర్‌  నిబంధనలు ఉన్నాయి. మైదానంలో కెమెరాలూ ఉన్నాయి. నాకు కుప్పలు తెప్పలుగా మెసేజ్‌లు పంపడం ఆపండి. ఏదైనా ఉంటే అశ్విన్‌ టైమ్‌లైన్‌లో చేసుకోండి. దీనికంటే నా సౌందర్యపోషణ గురించి, లిప్‌స్టిక్‌ షేడ్‌ గురించి అడుగుతున్నవారే నయం.’ – అశ్విన్‌ భార్య ప్రీతి అసహనం  క్రీడాస్ఫూర్తి గురించి అశ్విన్‌కు గుర్తు చేయాల్సిన అవసరం లేదు. అంతా రూల్స్‌ ప్రకారమే జరిగింది. ఏదైనా తప్పు ఉంటే అంపైర్లు, రిఫరీ చూసుకుంటారు. అశ్విన్‌కు నియమాలు ఏమిటో వాటిని ఎలా వాడుకోవాలో బాగా తెలుసు.’  – బీసీసీఐ 

న్యూఢిల్లీ: దేశంలోని ప్రతీ ఒక్కరు ఓటు వేసే విధంగా అవగాహన పెంచే కార్యక్రమానికి మద్దతు పలకాలంటూ ప్రధాని నరేంద్ర మోదీ క్రికెటర్లను కూడా భాగం చేస్తూ ట్వీట్‌ చేశారు. ఇందులో అశ్విన్, శిఖర్‌ ధావన్, భువనేశ్వర్‌ పేర్లు ఉన్నాయి. దీనిపై స్పందించిన అశ్విన్‌... ప్రజాస్వామ్య దేశంలో కీలకమైన ఓటును అందరూ వినియోగించి సరైన నేతను ఎన్నుకోవాలని పిలుపునిచ్చాడు. అయితే పనిలో పనిగా తన వైపు నుంచి మరో విజ్ఞప్తిని కూడా ప్రధానికి పంపాడు. ఐపీఎల్‌ కారణంగా వేర్వేరు నగరాల్లో ఉండాల్సి వస్తున్న తమ క్రికెటర్ల తరఫున అతను ట్వీట్‌ చేశాడు. ‘ఐపీఎల్‌లో ఆడుతున్న ప్రతీ క్రికెటర్‌ తాము ఎక్కడ ఉంటే అక్కడి నుంచే ఓటుహక్కును వినియోగించుకునే అవకాశం కల్పించాల్సిందిగా మీకు ప్రత్యేకంగా విజ్ఞప్తి చేస్తున్నాను’ అని ప్రధానికి అశ్విన్‌ ట్వీట్‌ చేశాడు. ఇలాంటి అంశంపై నిర్ణయం తీసుకోవాల్సిన ఎన్నికల సంఘం క్రికెటర్‌ విజ్ఞప్తిపై ఏమైనా స్పందిస్తుందో చూడాలి.    

రాజస్తాన్, పంజాబ్‌ మ్యాచ్‌లో బట్లర్‌ ఔట్‌ కొత్త వివాదాన్ని రేపింది. ఇన్నింగ్స్‌ 13వ ఓవర్‌ చివరి బంతికి ఈ ఘటన జరిగింది. బట్లర్‌ను అశ్విన్‌ ‘మన్కడింగ్‌’ ద్వారా ఔట్‌ చేయడమే దీనికి కారణం. అశ్విన్‌ బంతి వేయబోయే సమయానికే బట్లర్‌ క్రీజ్‌ వదిలి కాస్త ముందుకు వచ్చాడు. దాంతో వెంటనే చేతిని వెనక్కి తీసుకున్న అశ్విన్‌ బెయిల్స్‌ను పడగొట్టి అప్పీల్‌ చేశాడు. థర్డ్‌ అంపైర్‌ కూడా దానిని ఔట్‌గానే ప్రకటించడంతో బట్లర్‌ వెనుదిరగాల్సి వచ్చింది. ఈ క్రమంలో ఇద్దరి మధ్య తీవ్ర వాదోపవాదం కూడా చోటు చేసుకుంది. నిబంధనల (రూల్‌ 41.16) ప్రకారమైతే థర్డ్‌ అంపైర్‌ చేసింది సరైందే. కానీ సుదీర్ఘ కెరీర్‌లో ‘జెంటిల్‌మన్‌’గా గుర్తింపు ఉన్న అశ్విన్‌... ఎలాగైనా వికెట్‌ తీయాలనే ప్రయత్నంలో ఇలా చేయడం అందరినీ ఆశ్చర్యపరచింది. బంతిని వేసేందుకు ముందుకు వచ్చిన అశ్విన్‌ భుజాల వరకు చేతిని తెచ్చి అర క్షణం ఆగినట్లు రీప్లేలో కనిపించింది. బట్లర్‌ క్రీజ్‌ దాటేవరకు కావాలనే అతను వేచి చూసినట్లు అనిపించింది. ఇదే ఇప్పుడు తీవ్ర విమర్శలకు కారణమై అశ్విన్‌ క్రీడా స్ఫూర్తిని ప్రశ్నించేలా చేసింది.  ‘‘మన్కడింగ్‌ ఘటనపై అసలు చర్చే అనవసరం. అదేమీ కావాలని చేసింది కాదు. అలా జరిగిపోయిందంతే. నా బౌలింగ్‌ యాక్షన్‌ పూర్తి కాకముందే అతను క్రీజ్‌ వదిలాడు. ఈ విషయంలో నేను స్పష్టంగా ఉన్నా. ఇలాంటి చిన్న చిన్న విషయాలే మ్యాచ్‌ను మలుపు తిప్పుతాయి కాబట్టి బ్యాట్స్‌మన్‌ జాగరూకతతో ఉండటం అవసరం.’’  –అశ్విన్, పంజాబ్‌ కెప్టెన్‌    

అడిలైడ్‌: పట్టును మరింత బిగిస్తూ, పై చేయిని కొనసాగిస్తూ, ప్రత్యర్థి వికెట్లను ఒకదాని వెంట ఒకటి పడగొడుతూ అడిలైడ్‌ టెస్టులో భారత్‌ విజయం ముంగిట నిలిచింది. మ్యాచ్‌ను పూర్తి నియంత్రణలోకి తీసుకుని, ప్రత్యర్థికి పరాజయం తప్పదనే పరిస్థితి కల్పించింది. బ్యాట్స్‌మెన్‌ బాధ్యత నెరవేర్చడంతో 323 పరుగుల కఠిన లక్ష్యం విధించి... బౌలర్లు మరింత మెరుగ్గా రాణించడంతో నాలుగో రోజు ఆట ముగిసేసరికి 104 పరుగులకే 4 వికెట్లు పడగొట్టి ఆస్ట్రేలియాను ఆత్మరక్షణలోకి నెట్టింది. గెలవాలంటే కోహ్లి సేన ఆరు వికెట్లు పడగొట్టాల్సి ఉండగా, ఆతిథ్య జట్టు మరో 219 చేయాలి. క్రీజులో ఉన్న షాన్‌ మార్‌‡్ష (92 బంతుల్లో 31 బ్యాటింగ్‌; 3 ఫోర్లు), ట్రావిస్‌ హెడ్‌ (37 బంతుల్లో 11 బ్యాటింగ్‌; 1 ఫోర్‌) మినహా మరో స్పెషలిస్ట్‌ బ్యాట్స్‌మెన్‌ లేనందున ‘డ్రా’గా ముగించాలన్నా వారు సోమవారమంతా ఆడాల్సి ఉంటుంది. అశ్విన్‌ (2/44) స్పిన్‌తో పాటు, ప్రభావవంతంగా బంతులేస్తున్న షమీ (2/15), ఇషాంత్, బుమ్రాలను తట్టుకుని నిలవడం ఏమంత సులువు కాదు. కాబట్టి... కంగారూల కథ చివరి రోజు రెండో సెషన్‌లోపే ముగిసేలా కనిపిస్తోంది. అంతకుముందు 151/3తో ఆదివారం రెండో ఇన్నింగ్స్‌ కొనసాగించిన టీమిండియా 307 పరుగులకు ఆలౌటైంది. భారత్‌ చివరి 4 వికెట్లు 4 పరుగులకే చేజార్చుకుంది. ఓవర్‌నైట్‌ బ్యాట్స్‌మెన్‌ చతేశ్వర్‌ పుజారా (204 బంతుల్లో 71; 9 ఫోర్లు); అజింక్య రహానే (147 బంతుల్లో 70; 7 ఫోర్లు) అర్ధశతకాలతో కీలక ఇన్నింగ్స్‌ ఆడారు. రిషభ్‌ పంత్‌ (16 బంతుల్లో 28; 4 ఫోర్లు, 1 సిక్స్‌) ఎదురుదాడితో పరుగులు రాబట్టాడు. ఆసీస్‌ బౌలర్లలో లయన్‌ (6/122) ఆరు వికెట్లు పడగొట్టగా, స్టార్క్‌ (3/40)కు మూడు వికెట్లు దక్కాయి. అద‘రహానే’... టీమిండియా బ్యాటింగ్‌ ఆర్డర్‌లో కోహ్లి, పుజారా తర్వాత నమ్మదగ్గ బ్యాట్స్‌మన్‌ అయిన వైస్‌ కెప్టెన్‌ అజింక్య రహానే చాలా రోజుల తర్వాత చక్కటి ఇన్నింగ్స్‌ ఆడాడు. జట్టుకు బాగా అవసరమైన సమయంలో పుజారాతో కలిసి నాలుగో వికెట్‌కు 87 పరుగులు జోడించాడు. ఉదయం సెషన్‌ను వీరిద్దరూ నింపాదిగా ప్రారంభించారు. వ్యక్తిగత స్కోరు 40తో బరిలో దిగిన పుజారా కాసేపటికే అర్ధశతకం (140 బంతుల్లో) అందుకున్నాడు. 17 పరుగుల వద్ద ఉండగా అంపైర్‌ క్యాచ్‌ ఔట్‌ ఇచ్చినా సమీక్ష కోరి రహానే బయటపడ్డాడు. తర్వాత నుంచి అతడు వేగం పెంచాడు. అయితే, లంచ్‌కు కొద్దిగా ముందు పుజారాను లయన్‌ పెవిలియన్‌ పంపి ఈ భాగస్వామ్యాన్ని విడదీశాడు. అర్ధ శతకం (111 బంతుల్లో) పూర్తి చేసుకుని రహానే ఊపుమీదుండగా... సహకరించాల్సిన స్థితిలో రోహిత్‌శర్మ (1) మరింత పేలవంగా ఔటయ్యాడు. క్రీజు వదలి ముందుకొచ్చిన అతడు సిల్లీ పాయింట్‌లో సులువైన క్యాచ్‌ ఇచ్చాడు. పంత్‌ ఔటయ్యాక అశ్విన్‌ (5)ను స్టార్క్‌ పెవిలియన్‌కు పం పాడు. స్కోరును సాధ్యమైనంత పెంచే ఉద్దేశంతో రివర్స్‌ స్వీప్‌నకు యత్నించిన రహానే... స్టార్క్‌కు చిక్కాడు. తొలి బంతికే భారీ షాట్‌ ఆడబోయి షమీ (0) వెనుదిరిగాడు. ఏడు బంతుల వ్యవధిలో ఈ మూడు వికెట్లు పడిపోయాయి. ఇషాంత్‌ (0)ను పెవిలియన్‌ పంపి స్టార్క్‌ భారత్‌ ఇన్నింగ్స్‌కు తెరదించాడు. ఆసీస్‌... ఆపసోపాలు ఒకరికి ఇద్దరు బ్యాట్స్‌మెన్‌ నిలిస్తేనే ఛేదించగలిగే భారీ లక్ష్యంతో బరిలో దిగిన ఆస్ట్రేలియాకు ఇషాంత్‌ మొదటి ఓవర్లోనే చుక్కలు చూపాడు. రెండో బంతికే ఓపెనర్‌ అరోన్‌ ఫించ్‌ (11)ను వికెట్ల ముందు దొరకబుచ్చుకున్నాడు. కానీ, బ్యాట్స్‌మన్‌ సమీక్ష కోరగా నోబాల్‌గా తేలింది. తర్వాత వంతుగా వచ్చిన షమీ... ఇంకా కట్టుదిట్టంగా బంతులేశాడు. అశ్విన్‌కు 9వ ఓవర్లో బంతినివ్వడం ఫలితమిచ్చింది. అతడి బౌలింగ్‌లో ఫించ్‌ కీపర్‌కు క్యాచ్‌ ఇచ్చాడు. అయితే రీప్లేలో బంతి ఫించ్‌ బ్యాట్‌కు తాకలేదని తేలింది. ఫించ్‌ సమీక్ష కోరి ఉంటే బతికిపోయేవాడు! కంగారూలు 28/1తో టీకి వెళ్లారు. విరామం అనంతరం హారిస్‌ (26)ను వెనక్కు పంపి షమీ బ్రేక్‌ ఇచ్చాడు. మరోసారి క్రీజులో పాతుకుపోయేందుకు యత్నిస్తున్న ఉస్మాన్‌ ఖాజా (8)ను అశ్విన్‌ పెవిలియన్‌ చేర్చాడు. మార్‌‡్షకు కొద్దిసేపు తోడ్పాటు అందించిన హ్యాండ్స్‌కోంబ్‌(14)... షమీ బౌలింగ్‌లో పుల్‌ చేయబోయి మిడ్‌ వికెట్‌లో పుజారాకు క్యాచ్‌ ఇచ్చాడు. జట్టు 84/4తో నిలిచిన సందర్భంలో మార్‌‡్ష, హెడ్‌ జోడీ 12 ఓవర్లపైగా వికెట్‌ కాపాడుకుని రోజును ముగించింది. సోమవారం ఇదీ సీన్‌... అడిలైడ్‌లో 315 పరుగులే ఇప్పటివరకు ఆసీస్‌కు అత్యధిక ఛేదన. అది కూడా 1902లో ఇంగ్లండ్‌పై సాధించింది. 323 లక్ష్యాన్ని అందుకుని వారిప్పుడు ఈ రికార్డును తిరగరాయాలంటే సోమవారం మార్‌‡్ష, హెడ్‌ సామర్థ్యానికి మించి ఆడాలి. ఈ ఇద్దరు బ్యాట్స్‌మెన్‌లో మార్‌‡్ష టచ్‌లోకి వచ్చాడు. హెడ్‌ తొలి ఇన్నింగ్స్‌లో మంచి స్కోరు చేశాడు. వీరితో పాటు టిమ్‌ పైన్‌ ఒక సెషన్‌ అయినా నిలవాల్సి ఉంటుంది. భారత పేస్‌ త్రయం, ఆఫ్‌ స్పిన్నర్‌ అశ్విన్‌ను ఎదుర్కొంటూ ఇదేమంత సులువు కాదు. పంత్‌ పటాకా... భారత ఇన్నింగ్స్‌లో కాసేపే అయినా, రిషభ్‌ పంత్‌ ఆట హైలైట్‌గా నిలిచింది. లంచ్‌ నుంచి రాగానే పంత్‌... లయన్‌పై విరుచుకుపడి మూడు ఫోర్లు, సిక్స్‌ బాదాడు. స్వే్కర్‌ లెగ్‌ దిశగా అతడు కొట్టిన సిక్స్‌కు బంతి డగౌట్‌ రూఫ్‌పై పడింది. కానీ, మరుసటి ఓవర్‌ తొలి బంతికే లయన్‌ తన ఆట కట్టించాడు.    స్కోరు వివరాలు భారత్‌ తొలి ఇన్నింగ్స్‌: 250 ఆస్ట్రేలియా తొలి ఇన్నింగ్స్‌: 235   భారత్‌ రెండో ఇన్నింగ్స్‌: రాహుల్‌ (సి) పైన్‌ (బి) హాజల్‌వుడ్‌ 44; విజయ్‌ (సి) హ్యాండ్స్‌కోంబ్‌ (బి) స్టార్క్‌ 18; పుజారా (సి) ఫించ్‌ (బి) లయన్‌ 71; కోహ్లి (సి) ఫించ్‌ (బి) లయన్‌ 34; రహానే (సి) స్టార్క్‌ (బి) లయన్‌ 70; రోహిత్‌ శర్మ (సి) హ్యాండ్స్‌కోంబ్‌ (బి) లయన్‌ 1; పంత్‌ (సి) ఫించ్‌ (బి) లయన్‌ 28; అశ్విన్‌ (సి) హారిస్‌ (బి) స్టార్క్‌ 5; ఇషాంత్‌ (సి) ఫించ్‌ (బి) స్టార్క్‌ 0; షమీ (సి) హారిస్‌ (బి) లయన్‌ 0; బుమ్రా (0 నాటౌట్‌); ఎక్స్‌ట్రాలు 36; మొత్తం (106.5 ఓవర్లలో ఆలౌట్‌) 307. వికెట్ల పతనం: 1–63, 2–76, 3–147, 4–234, 5–248, 6–282, 7–303, 8–303, 9–303, 10–307. బౌలింగ్‌: స్టార్క్‌ 21.5–7–40–3; హాజల్‌వుడ్‌ 23–13–43–1; కమిన్స్‌ 18–4–55–0; లయన్‌ 42–7–122–6; హెడ్‌ 2–0–13–0. ఆస్ట్రేలియా రెండో ఇన్నింగ్స్‌: ఫించ్‌ (సి) పంత్‌ (బి) అశ్విన్‌ 11; హారిస్‌ (సి) పంత్‌ (బి) షమీ 26; ఖాజా (సి) రోహిత్‌ (బి) అశ్విన్‌ 8; షాన్‌ మార్‌‡్ష (31 బ్యాటింగ్‌); హ్యాండ్స్‌కోంబ్‌ (సి) పుజారా (బి) షమీ 14; హెడ్‌ (11 బ్యాటింగ్‌); ఎక్స్‌ట్రాలు 3; మొత్తం: (49 ఓవర్లలో 4 వికెట్లకు) 104. వికెట్ల పతనం: 1–28, 2–44, 3–60, 4–84. బౌలింగ్‌: ఇషాంత్‌ 8–3–19–0; బుమ్రా 11–5–17–0; అశ్విన్‌ 19–4–44–2; షమీ 9–3–15–2; విజయ్‌ 2–0–7–0. హారిస్‌ వికెట్‌ తీసిన  షమీ ఉత్సాహం

ప్రత్యర్థి బ్యాట్స్‌మెన్‌ అనుభవ లేమిని టీమిండియా బౌలర్లు సద్వినియోగం చేసుకోలేకపోయారు. అంతగా పేరు లేని వారిని అడ్డుకోలేకపోయారు. రోజంతా బంతులేసినా... పార్ట్‌టైమర్‌ హనుమ విహారితో పాటు ఆఖరికి కెప్టెన్‌ విరాట్‌ కోహ్లి సైతం రంగంలోకి దిగినా ఆలౌట్‌ చేయలేక పోయారు. ఫలితంగా ప్రాక్టీస్‌ మ్యాచ్‌లో క్రికెట్‌ ఆస్ట్రేలియా (సీఏ) ఎలెవెన్‌... భారత తొలి ఇన్నింగ్స్‌ స్కోరును అందుకుంది. అయితే... బుమ్రా, భువనేశ్వర్‌ బౌలింగ్‌కు దిగనందున మనం పూర్తిగా తేలిపోయామనడానికి వీల్లేదు.    సిడ్నీ: టీమిండియా బ్యాట్స్‌మెన్‌కు మంచి ప్రాక్టీస్‌నిచ్చిన సన్నాహక మ్యాచ్‌... బౌలర్లకు మాత్రం కొంత కఠినం గానే సాగుతోంది. శుక్రవారమంతా శ్రమించినా క్రికెట్‌ ఆస్ట్రేలియా (సీఏ) ఎలెవెన్‌ ఇన్నింగ్స్‌కు వారు ముగింపు పలకలేకపోయారు. ఓపెనర్లు డీ ఆర్సీ షార్ట్‌ (91 బం తుల్లో 74; 11 ఫోర్లు), మ్యాక్స్‌ బ్రయాంట్‌ (65 బంతుల్లో 62; 9 ఫోర్లు, 1 సిక్స్‌)ల దూకుడైన ఆరంభంతో పాటు వికెట్‌ కీపర్‌ హ్యారీ నీల్సన్‌ (106 బంతుల్లో 56 నాటౌట్‌; 4 ఫోర్లు), అరోన్‌ హార్డీ (121 బంతుల్లో 69; 8 ఫోర్లు, 1 సిక్స్‌) రాణించడంతో మూడోరోజు ఆట ముగిసే సమ యానికి ప్రత్యర్థి జట్టు 6 వికెట్ల నష్టానికి 356 పరుగులు చేసింది. భారత పేసర్లలో మొహమ్మద్‌ షమీ (3/67) ఫర్వాలేదనిపించగా, ఇషాంత్‌శర్మ (0/57), ఉమేశ్‌ యాదవ్‌ (1/81), జడేజా (0/37) ప్రభావం చూపలేకపోయారు. అశ్విన్‌ (1/63) పొదుపుగా బౌలింగ్‌ చేశాడు.  ముందు వారు... తర్వాత వీరు  తొలి వికెట్‌కు 114 పరుగులు జోడించి షార్ట్, బ్రయాంట్‌ సీఏ ఎలెవెన్‌కు శుభారంభమిచ్చారు. ముగ్గురు పేసర్లను సమర్థంగా ఎదుర్కొన్న వీరు ఓవర్‌కు ఆరు రన్‌రేట్‌తో పరుగులు రాబట్టారు. అశ్విన్‌ బంతినందుకుని బ్రయాంట్‌ను బౌల్డ్‌ చేయడంతో ఈ భాగస్వామ్యానికి తెరపడింది. కొద్దిసేపటికే షార్ట్‌ను షమీ వెనక్కుపంపాడు. జేక్‌ కార్డర్‌ (38), కెప్టెన్‌ వైట్‌మన్‌ (35) మూడో వికెట్‌కు 60 పరుగులు జోడించి ఇన్నింగ్స్‌ను నడిపించారు. అయితే, 21 పరుగుల వ్యవధిలో వీరిద్దరితో పాటు పరమ్‌ ఉప్పల్‌ (5), మెర్లో (3)లను ఔట్‌ చేసిన భారత్‌ పట్టు బిగించినట్లే కనిపించింది. 234/6తో నిలిచిన జట్టును ఏడో వికెట్‌కు అభేద్యంగా 122 పరుగులు జోడించి నీల్సన్, హార్డీ ఆదుకున్నారు. ప్రధాన బౌలర్లు ఈ భాగస్వామ్యాన్ని విడదీయలేకపోవడంతో హనుమ విహారితో పాటు కెప్టెన్‌ విరాట్‌ కోహ్లి కూడా బౌలింగ్‌కు దిగాడు. మ్యాచ్‌కు శనివారం ఆఖరి రోజు. సీఏ ఎలెవెన్‌ ఇన్నింగ్స్‌ను ఎంత త్వరగా ముగిస్తే మన బ్యాట్స్‌మెన్‌కు అంత ఎక్కువ ప్రాక్టీస్‌ దొరుకుతుంది.   లయన్‌తో పోలిక అనవసరం: అశ్విన్‌  ఆస్ట్రేలియా ఆఫ్‌ స్పినర్‌ నాథన్‌ లయన్‌తో తనను పోల్చడం పట్ల భారత ఆఫ్‌ స్పిన్నర్‌ రవిచంద్రన్‌ అశ్విన్‌ ఒకింత తీవ్రంగా స్పందించాడు. అశ్విన్‌ కొంతకాలంగా విదేశీ గడ్డపై టెస్టుల్లో విఫలమవుతున్నాడు. ఇదే సమయంలో లయన్‌ ఎక్కడైనా వికెట్లు తీస్తున్నాడు. ఈ నేపథ్యంలో ఇద్దరినీ పోల్చి చూడటం తగదని అశ్విన్‌ పేర్కొన్నాడు. తమ ఇద్దరి శైలి మధ్య వైరుధ్యాన్ని చెబుతూనే... దక్షిణాఫ్రికా పేసర్‌ ఫిలాండర్, భారత పేసర్‌ ఇషాంత్‌ శర్మల బౌలింగ్‌ ఒకేలా ఉండదు కదా? అని ఉదహరించాడు. లయన్, తాను ఒకేసారి కెరీర్‌ ప్రారంభించామని, తమ ఇద్దరి మధ్య చక్కటి సమన్వయం ఉందని, పరస్పరం గౌరవించుకుంటామని పేర్కొన్నాడు. అతడి నుంచి నేర్చుకునేది ఏముంటుందని ప్రశ్నించాడు. క్రికెట్‌ ఆస్ట్రేలియా ఎలెవెన్‌పై సన్నాహక మ్యాచ్‌లో టీమిండియా బౌలింగ్‌ బాగానే సాగిందని వివరించాడు. తొలి టెస్టు సమయానికి తాను గాడిన పడతానని తెలిపాడు. ఆసీస్‌ సిరీస్‌లో పిచ్‌లు ఫ్లాట్‌గా ఉంటాయని భావిస్తున్నానని అన్నాడు. అయినా, అప్రమత్తంగా ఉండాల్సిందేనని పేర్కొన్నాడు. బ్యాటింగ్, బౌలింగ్‌ రెండింట్లోనూ భాగస్వామ్యాలు ముఖ్యమని వివరించాడు. ఆస్ట్రేలియా జట్టు అంతర్గత సమస్యల గురించి తాము ఆలోచించడంలో అర్థం లేదని, తమ జట్టు బలంపైనే దృష్టి పెట్టినట్లు అశ్విన్‌ వెల్లడించాడు.   

న్యూఢిల్లీ: ఉనికి చాటేందుకు అటు సీనియర్లకు, సత్తా నిరూపించుకునేందుకు ఇటు కుర్రాళ్లకు మరో అవకాశం. ఢిల్లీ వేదికగా మంగళవారం నుంచే దేవధర్‌ ట్రోఫీ వన్డే టోర్నీ. టీమిండియా వన్డే జట్టులోకి పునరాగమనం ఆశిస్తున్న అజింక్య రహానే, రవిచంద్రన్‌ అశ్విన్, దినేశ్‌ కార్తీక్‌లకు ఈ టోర్నీ కీలకంగా మారనుంది. దీంతోపాటు న్యూజిలాండ్‌ పర్యటనకు వెళ్లనున్న భారత్‌ ‘ఎ’కు ఎంపికయ్యేందుకు కుర్రాళ్లకూ ఓ వేదిక కానుంది. మంగళవారం జరిగే తొలి లీగ్‌ మ్యాచ్‌లో భారత్‌ ‘ఎ’తో భారత్‌ ‘బి’ తలపడుతుంది. ఈ టోర్నీలో భాగంగా ప్రతి జట్టు రెండేసి మ్యాచ్‌లు ఆడుతుంది. ఫైనల్‌ 27న జరుగుతుంది. అశ్విన్, పృథ్వీ షా, కరుణ్‌ నాయర్, కృనాల్‌ పాండ్యా, మొహమ్మద్‌ సిరాజ్‌లతో కూడిన భారత్‌ ‘ఎ’ జట్టుకు దినేశ్‌ కార్తీక్‌ సారథిగా వ్యవహరించనున్నాడు. శ్రేయస్‌ అయ్యర్‌ ఆధ్వర్యంలోని ‘బి’ జట్టులో మయాంక్‌ అగర్వాల్, హనుమ విహారి, రోహిత్‌ రాయుడు, దీపక్‌ చహర్‌లకు స్థానం దక్కింది. రహానే కెప్టెన్‌గా ఉన్న ‘సి’ జట్టులో సురేశ్‌ రైనా, అభినవ్‌ ముకుంద్, శుబ్‌మన్‌ గిల్, ఆర్‌. సమర్థ్, వాషింగ్టన్‌ సుందర్‌ తదితర ఆటగాళ్లున్నారు.  

సాక్షి క్రీడావిభాగం: ఇటీవలి ఇంగ్లండ్‌ పర్యటనలో సౌతాంప్టన్‌లో నాలుగో టెస్టు...! ప్రత్యర్థి జట్టు స్పిన్నర్‌ మొయిన్‌ అలీ (5/63; 4/71) రెండు ఇన్నింగ్స్‌ల్లోనూ చెలరేగి భారత బ్యాటింగ్‌ ఆర్డర్‌ను కుప్పకూల్చాడు.ఇదే సమయంలో అతడి కంటే అన్ని విధాలా మెరుగైన టీమిండియా ఆఫ్‌ స్పిన్నర్‌ రవిచంద్రన్‌ అశ్విన్‌ విజృంభిస్తాడని అభిమానులు ఆశించారు. కానీ, అశ్విన్‌ (2/40; 1/84) తేలిపోయాడు. దీంతో అలీతో పోల్చుతూ అతడిపై విమర్శలు వచ్చాయి. పూర్తి ఫిట్‌గా లేడన్న వ్యాఖ్యలు వినిపించాయి. దీనికి తగ్గట్లే అతడిని తర్వాతి టెస్టు ఆడించలేదు. అనంతరం అశ్విన్‌ బెంగళూరులోని ఎన్‌సీఏలో పునరావాస శిబిరంలో చేరాడు. ఆ గతమంతా వదిలేస్తే ఇప్పుడు  సీనియర్‌ స్పిన్నర్‌ ఫిట్‌నెస్‌ సంతరించుకుని వెస్టిండీస్‌తో సిరీస్‌కు సిద్ధంగా ఉన్నాడు. ఈ నేపథ్యంలో సౌతాంప్టన్‌ టెస్టు వైఫల్యం, వన్డేలకు దూరం కావడం, కొంతకాలంగా తన ప్రదర్శనతో పాటు పలు అంశాలపై ఇంటర్వ్యూ ఇచ్చాడు. అఫ్గానిస్తాన్‌ ఆఫ్‌ స్పిన్నర్‌ ముజీబుర్‌ రెహ్మాన్‌ నుంచి కొత్త అస్త్రాన్ని నేర్చుకున్నానన్న ఆసక్తికర సంగతిని అందులో వివరించాడు. ఆ విశేషాలేమిటో చదవండి...!  సౌతాంప్టన్‌లో వైఫల్యంపై...  మూడో టెస్టులోనే సమస్య తలెత్తింది. సౌతాంప్టన్‌లో ఇబ్బందిపడింది వాస్తవమే. అయినా జట్టు గెలుపు కోసం కృషి చేశా. ఓడిపోవడంతో అందరి దృష్టి నా ప్రదర్శనపైనే పడింది. నా బౌలింగ్‌ ఏమంత దారుణంగా లేదు. క్రికెట్‌ గురించి అవగాహన ఉన్నవారికి ఈ విషయం తెలుస్తుంది. కానీ, ప్రత్యర్థి స్పిన్నర్‌తో పోల్చి నేను రాణించలేదని అంటున్నారు. శరీరం సహకరించి ఉంటే మెరుగ్గా ఆడేవాడినే కదా? సౌతాంప్టన్‌ పిచ్‌పై పగుళ్లను నా కంటే మొయిన్‌ అలీ ఎక్కువ సద్వినియోగం చేసుకున్నాడనే దానిని అంగీకరించను. ఇక్కడ ఇంగ్లండ్‌ బ్యాట్స్‌మెన్‌ స్పిన్‌ను ధాటిగా ఎదుర్కొన్న తీరును గమనించాలి. పైగా మా బ్యాటింగ్‌ సందర్భంగా రెండు ఇన్నింగ్స్‌లోనూ వారిదే పైచేయిగా ఉంది. మొత్తమ్మీద ఇంగ్లండ్‌లో నా బౌలింగ్‌ను గాయం ఇబ్బంది పెట్టలేదు. అయినా, ఇదంతా ఆటలో భాగం.  తాజా ఫిట్‌నెస్‌పై...  ఇంగ్లండ్‌ నుంచి వస్తూనే పరుగు సాధన చేశా. ఇప్పుడు ఎన్‌సీఏలో ఉన్నా. తొడ కండరాల గాయం నుంచి పూర్తిగా కోలుకున్నా.  బౌలింగ్‌ శైలిలో మార్పులపై...  గాలిలో బంతి వేగం (ఎయిర్‌ స్పీడ్‌)ను సరిచేసుకోవాలని భావించా. అందుకనే చేతులను స్వేచ్ఛగా కదుపుతూ బంతిని విసిరే నా పాత బౌలింగ్‌ శైలికి మారాను. ఈ మార్పు ఫలించింది. అనుకున్నది సాధించా. నాకు నేనే పెద్ద విమర్శకుడిని. ఏది సరైనదో నాకు తెలుసు. కాబట్టి ఇతరుల విమర్శలకు పెద్దగా ప్రాధాన్యం లేదు.    వన్డేల్లో చోటు కోల్పోయిన ఈ ఏడాదిపై...  నేను సానుభూతి కోరుకునే రకం కాదు. ఏం జరిగినా మన మంచికే అనుకుంటా. ఈ ఏడాదిలో నా గురించి నేను తెలుసుకున్నా. పరిస్థితులు అనుకూలంగా మారే వరకు ఓపిక పట్టాలి. అవకాశం వచ్చినప్పుడు మానసికంగా దృఢంగా ఉంటూ సద్వినియోగం చేసుకోవాలి. ఈ క్రమంలో శారీరకంగా ఫిట్‌గా ఉండటంపైనా దృష్టిపెట్టా. ప్రతి క్రికెటర్‌ కెరీర్‌లో ఇలాంటివి సహజమే. ఇంగ్లండ్‌ కౌంటీల్లో వన్డేలు ఆడటం నేనింకా పోటీలో ఉండేలా చేసింది.  బ్యాటింగ్‌ సామర్థ్యంపై...  గత 18 టెస్టు ఇన్నింగ్స్‌ల్లో ఒక్క అర్ధ శతకం కూడా చేయనిది వాస్తవమే. కానీ, నాలుగు సార్లు 30లు, రెండుసార్లు 20లు చేశా. రెండుసార్లు సహచరుల కారణంగా రనౌటయ్యా. జట్టు స్కోరే 200 ఉన్నప్పుడు నేను చేసిన 20లు, 30లు ప్రాధాన్యమైనవే అనేది గుర్తించాలి. అయితే, 30లను మరింత పెద్ద స్కోరుగా మలుచుకోవడంపై దృష్టిపెట్టాల్సి ఉంది.    ముజీబ్‌ నుంచి నేర్చుకోవడంపై...  ఐపీఎల్‌లో నాకు కూడా అతడినుంచి నేర్చుకునే అవకాశం కలిగింది. క్యారమ్‌ బాల్‌ సహా నేను వేసే బంతులన్నీ అతడు వేస్తాడు. ముజీబ్‌ నుంచి రివర్స్‌ అండర్‌ కటర్‌ వేయడం ఎలాగో నేను తెలుసుకున్నా. అది టి20ల్లో చాలా బాగా పనిచేస్తుంది.    ఆఫ్‌ స్పిన్నర్‌ల ప్రాధాన్యంపై...  ఈ అంశం రెండు వైపులా పదునున్న కత్తిలాంటిది. పరిమిత ఓవర్ల మ్యాచ్‌ల్లో వికెట్లు తీయడమే ముఖ్యం అనుకుంటున్నారు. దీంతో ఆఫ్‌ స్పిన్నర్లకు గడ్డు కాలం నడుస్తోంది. అయితే, ఇంగ్లండ్‌ పర్యటనలో మొయిన్‌ అలీ, ఇటీవలి ఆసియా కప్‌లో ముజీబ్, జడేజా, మెహదీ హసన్‌ రాణించిన సంగతిని మర్చిపోవద్దు.   పరిమిత ఓవర్ల క్రికెట్‌ కెరీర్‌పై...  తెల్ల బంతితో ఆడకపోవడంపై ఎలాంటి అసంతృప్తి లేదు. నాతో పాటు జడేజా స్థానంలో వచ్చిన కుల్దీప్, చహల్‌ అద్భుతంగా రాణిస్తున్నారు. ఇలాంటి మెరుగైన ఆరోగ్యకర పోటీ అనేది ఏ జట్టులోనూ లేదు. అవకాశం కోసం చూడడమే మేం చేయాల్సింది.   

ముంబై: ఆఫ్‌ స్పిన్నర్‌కు అప్పుడప్పుడు లెగ్‌ బ్రేక్స్‌ వేయగల సత్తా ఉంటే అది అదనపు బలమవుతుందని ‘బర్త్‌ డే బాయ్‌’ సచిన్‌ టెండూల్కర్‌ అన్నాడు. 45వ పుట్టిన రోజును ఘనంగా జరుపుకున్న అతను మీడియాతో ముచ్చటించాడు. ఆఫ్‌ స్పిన్నర్‌ అయిన అశ్విన్‌ ఇటీవల సందర్భాన్ని బట్టి లెగ్‌ బ్రేక్స్‌ వేస్తున్నాడు. దీనిపై సచిన్‌ మాట్లాడుతూ ‘వైవిధ్యమనేది ఇక్కడ ఆయుధమవుతుంది. ఎలాగంటే ఒకరికి రెండు, మూడు భాషలు బాగా తెలుసు. అయితే అతడు మరో నాలుగైదు భాషలు నేర్చుకుంటే మంచిదే. బహుభాష కోవిదుడవుతాడు. ఇక్కడ పరిజ్ఞానం పెరుగుతుందే తప్ప తగ్గదు కదా. అలాగే స్పిన్నర్లు వైవిధ్యం చూపగలిగితే వారి అమ్ములపొదిలోని అస్త్రాలు పెరుగుతాయి. అంతేగానీ అలా వేయడం తప్పు అనడం సమంజసం కాదు. ఇది బంతులు సంధించడంలో పురోగమనంగానే భావించాలి తప్ప... దోషంగా చూడకూడదు. ఇలాంటి దురభిప్రాయాల్నే మనం మార్చుకోవాలి. ఎందుకంటే ఆఫ్‌ స్పిన్నర్లు దూస్రాలతో పాటు గూగ్లీలు వేస్తే తప్పేంటి. దీన్ని ఎందుకు కాదనాలి’ అని అన్నాడు.  మారుతున్న కాలంతో పాటే క్రికెట్‌ కూడా మారుతోందన్నాడు. 1991, 92లోనే ఐపీఎల్‌ వచ్చివుంటే తన ఆట అలాగే ఉండేదన్నాడు. ఐపీఎల్‌నే చూసుకుంటే... ప్రారంభమైనప్పటికీ ఇప్పటికీ ఎంతో మార్పు చెందిందని చెప్పాడు. వన్డే ప్రపంచకప్‌ (2011) గెలిచిన రోజు ముంబైలో తన కారు టాప్‌పై అభిమానుల గంతులతో ఏర్పడిన సొట్టల్ని ‘హ్యాపీ డెంట్స్‌’గా అతను అభివర్ణించాడు.  

గేల్, ఫించ్, మిల్లర్, యువరాజ్, లోకేశ్‌ రాహుల్‌... బ్యాటింగ్‌ భారాన్ని మోసేందుకు ఈ స్టార్లు సరిపోతారా? అశ్విన్, అక్షర్, ఆండ్రూ టై బౌలింగ్‌తో ప్రత్యర్థిని  నిలవరించగలరా? సెహ్వాగ్, వెంకటేశ్‌ ప్రసాద్‌ల మార్గనిర్దేశం జట్టును టైటిల్‌ దిశగా తీసుకుపోగలదా? ఐపీఎల్‌ పదేళ్ల ప్రస్థానంలో పడుతూ లేస్తూ సాగిన కింగ్స్‌ ఎలెవన్‌ పంజాబ్‌ మరోసారి తమ  అదృష్టాన్ని పరీక్షించుకుంటోంది. లీగ్‌లో ఇప్పటి వరకు ముద్దూ ముచ్చట్లకే పరిమితమైన ప్రీతి జింటా మోముపై సంతోషం విరబూయాలంటే స్టార్లంతా చెలరేగాల్సిందే.    సాక్షి క్రీడా విభాగం:  ఐపీఎల్‌లో ఢిల్లీ డేర్‌డెవిల్స్‌లాగే పక్కనే ఉన్న మరో ఉత్తరాది జట్టు కింగ్స్‌ ఎలెవన్‌ పంజాబ్‌ది కూడా దాదాపు అదే పరిస్థితి. యువరాజ్‌ సింగ్‌ నాయకత్వంలో తొలి ఐపీఎల్‌లో సెమీస్‌ చేరిన ఆ జట్టు బెయిలీ కెప్టెన్సీలో 2014లో అత్యుత్తమంగా ఫైనల్‌ వరకు వెళ్లగలిగింది. ఆ తర్వాత రెండేళ్లు చివరి స్థానానికే పరిమితమై గత ఏడాది ఐదో స్థానంతో సరిపెట్టుకుంది. దాంతో ఫలితం మారాలంటే జట్టు మారాల్సిందేనంటూ ఒక్క అక్షర్‌ పటేల్‌ మినహా అందరినీ వదిలేసింది. ఆ తర్వాత వేలంలో కొందరిని  మళ్లీ తీసుకున్నా... మిగతా జట్లతో పోలిస్తే ఎక్కువ భాగం కొత్తవారు కనిపిస్తోంది పంజాబ్‌ టీమ్‌లోనే.     అనుకూలం...  కెప్టెన్‌గా గతంలో ఎప్పుడూ చెప్పుకోదగ్గ రికార్డు లేకపోయినా అశ్విన్‌ ఇప్పుడు జట్టును నడిపించబోతున్నాడు. సౌతిండియా ‘తలైవా’గా ఇప్పటివరకు గుర్తింపు ఉన్న అతను, ‘పాజీ’గా ఇప్పుడు పంజాబీ అభిమానుల ఆశలను నిలబెట్టాల్సి ఉంది. అయితే గతంలో కెప్టెన్‌గా ఉండటంతో పాటు సీనియర్‌ అయిన యువరాజ్‌ సింగ్‌ సలహాలు, మెంటార్‌గా సెహ్వాగ్‌ వ్యూహాలు అశ్విన్‌ పనిని సులువు చేస్తాయి. గేల్, మిల్లర్, ఫించ్‌ రూపంలో భారీ హిట్టర్లు ఉండటం జట్టుకు కలిసొచ్చే అంశం. దేశవాళీలో పరుగుల వరద పారించిన మయాంక్‌ అగర్వాల్‌తో పాటు టీమిండియా రెగ్యులర్‌ ఆటగాడు రాహుల్‌ కూడా మ్యాచ్‌ ఫలితాన్ని శాసించగలడు.   ప్రతికూలం: యువరాజ్‌ మెరుపులు ప్రదర్శించి చాలా కాలమైంది. అతను ఎంత వరకు జట్టుకు ఉపయోగపడగలడో చెప్పలేం. స్వయంగా అశ్విన్‌ భారత పరిమిత ఓవర్ల జట్టుకు దూరమైపోయాడు. అతని బౌలింగ్‌లో పదును తగ్గిందనేది వాస్తవం. మిల్లర్‌ సీజన్‌లో ఒక మ్యాచ్‌ మినహా ప్రతీ సారి పంజాబ్‌ను ఇబ్బంది పెట్టినవాడే. ఫించ్‌కు ప్రత్యామ్నాయంగా గేల్‌ అందుబాటులో ఉన్నా... అతని పరిస్థితి అంతంత మాత్రంగానే ఉంది.    జట్టు వివరాలు: అశ్విన్‌ (కెప్టెన్‌), కరుణ్‌ నాయర్, మనోజ్‌ తివారి, మయాంక్, అంకిత్, శరణ్, మయాంక్‌ డగర్, మోహిత్‌ శర్మ, అక్షర్‌ పటేల్, మంజూర్‌ దార్, పర్‌దీప్, యువరాజ్, ఆకాశ్‌దీప్‌ నాథ్, రాహుల్‌ (భారత ఆటగాళ్లు), ఫించ్, మిల్లర్, టై, డ్వార్‌షుస్, జద్రాన్, గేల్, స్టొయినిస్‌ (విదేశీ ఆటగాళ్లు).

బాల్‌ ట్యాంపరింగ్‌లో స్మిత్, వార్నర్, బాన్‌క్రాఫ్ట్‌ అడ్డంగా దొరకడంతో క్రీడాలోకం ఒక్కసారిగా భగ్గుమంది. క్షమించరాని నేరమంది. వారు చేసింది ఘోరమంది. శిక్షలు పడ్డాక... పశ్చాత్తాపంతో విలపిస్తుంటే అదే ‘లోకం’ అయ్యో పాపమంటోంది. సానుభూతి కురిపిస్తోంది.   న్యూఢిల్లీ: బాల్‌ ట్యాంపరింగ్‌లో తీవ్రమైన శిక్ష ఎదుర్కొంటున్న స్మిత్‌ విలాపం బహుశా అందర్ని కదిలిస్తోంది. దీంతో అప్పుడు ఛీ అన్నోళ్లే ఇప్పుడు కనికరించాలంటున్నారు. ఐదు రోజుల క్రితం  కెప్టెన్‌ స్మిత్‌పై ఐసీసీ కేవలం ఒక మ్యాచ్‌ సస్పెన్షన్‌ విధించడంతో భారత స్పిన్నర్‌ హర్భజన్‌ ఐసీసీది ద్వంద్వ నీతంటూ ధ్వజమెత్తాడు. అతనే ఇప్పుడు యూ టర్న్‌ తీసుకున్నాడు. ఆస్ట్రేలియా క్రికెటర్లు స్మిత్, వార్నర్‌ చేసిన నేరానికి విధించిన ఏడాది శిక్ష చాలా ఎక్కువని... ఏదో ఒక టెస్టు సిరీస్‌కో లేదంటే రెండు సిరీస్‌లకో వేటు వేయాల్సిందని భజ్జీ అన్నాడు. మరో భారత స్పిన్నర్‌ రవిచంద్రన్‌ అశ్విన్‌ కూడా ఆస్ట్రేలియన్లపై సానుభూతి చూపాడు. ‘ప్రపంచం మీ కన్నీళ్లు చూడాలనుకుంది... చూసింది. ఇప్పుడు చూశాక సంతోషించినట్లుంది. కానీ సానుభూతి అనేది పదంలా మాత్రమే కాకుండా నిజంగా చూపిస్తే బాగుంటుంది. దీనినుంచి బయటపడే ధైర్యాన్ని దేవుడు వారికివ్వాలి’ అని అశ్విన్‌ ట్వీట్‌ చేశాడు. మోసగాళ్లు, దోషులు అని పతాక శీర్షికల్లో నిందించిన దిన పత్రికలు కూడా ఇవేం శిక్షలంటూ రాశాయి. ‘దిస్‌ ఈజ్‌ బాల్‌ ట్యాంపరింగ్‌. నాట్‌ మర్డర్‌’ (ఇది బాల్‌ ట్యాంపరింగే... హత్య కాదు), అని, ‘డియర్‌ ఆస్ట్రేలియా దట్స్‌ ఎనఫ్‌ నౌ’ (ఆస్ట్రేలియా... ఇక చాలు) అని పత్రికలు ఆసీస్‌ ఆటగాళ్లపై నిందలు చాలించాలని కోరాయి. పాక్‌ కోచ్‌గా వ్యవహరిస్తున్న ఆస్ట్రేలియన్‌ మైకీ అర్థర్‌ మాట్లాడుతూ స్మిత్‌కు క్రికెటే లోకమని, ఆటకోసమే పరితపిస్తాడని... అతని కెరీర్‌లో ఇలాంటి ఘటన దురదృష్టకరమని అన్నారు. మళ్లీ పునరాగమనంలో మరింత కష్టపడతాడని... సుదీర్ఘకాలం జట్టుకు సేవలందిస్తాడని ఆశాభావం వ్యక్తం చేశారు. 

న్యూఢిల్లీ : ఇరానీ కప్‌ క్రికెట్‌ టోర్నమెంట్‌ను దృష్టిలో పెట్టుకుని టీమ్‌ను సెలెక్ట్‌ చేసిన బీసీసీఐ సీనియర్‌ స్పిన్నర్‌ అశ్విన్‌కు చోటు కల్పించింది. గాయంతో బాధపడుతున్న ఆల్‌రౌండర్‌ రవీంద్ర జడేజా స్థానాన్ని అశ్విన్‌ భర్తీ చేయనున్నాడు. గాయం కారణంగా దేవధర్‌ ట్రోఫీకి దూరమైన అశ్విన్‌ ప్రస్తుతం కోలుకోవడంతో రెస్టాఫ్‌ ఇండియా స్క్వాడ్‌కు ఎంపిక చేసినట్లు బీసీసీఐ ఒక ప్రకటనలో తెలిపింది. ఈ టీమ్‌కు కరుణ్‌ నాయర్‌ కెప్టెన్‌గా వ్యవహరించనున్నాడు. పృథ్వీ షా, మయాంక్‌ అగర్వాల్‌ వంటి యువ ఆటగాళ్లను జట్టులోకి తీసుకున్నారు. రెస్టాఫ్‌ ఇండియా జట్టు మార్చ్‌ 14 నుంచి 18 వరకు నాగపూర్‌లో జరగనున్న మ్యాచ్‌లో రంజీ ట్రోఫీ చాంపియన్స్‌తో తలపడనుంది. రెస్టాఫ్‌ ఇండియా జట్టు: కరుణ్‌ నాయర్(కెప్టెన్‌)‌, పృథ్వీ షా, అభిమన్యు ఈశ్వరన్‌, ఆర్‌. సమర్థ్‌, మయాంక్‌ అగర్వాల్‌, హనుమ విహారీ, కేఎస్‌ భరత్‌(వికెట్‌ కీపర్‌), అశ్విన్‌, జయంత్‌ యాదవ్‌, షాబాజ్‌ నదీమ్‌, అన్‌మోల్‌ప్రీత్‌ సింగ్‌, సిద్ధార్థ్‌ కౌల్‌, అంకిత్‌ రాజ్‌పుత్‌, నవ్‌దీప్‌ సైనీ, అతీత్‌     

న్యూఢిల్లీ: భారత సీనియర్‌ స్పిన్నర్‌ రవిచంద్రన్‌ అశ్విన్‌ గాయంతో దేవధర్‌ ట్రోఫీకి దూరమయ్యాడు. ఈ నెల 4 నుంచి 8 వరకు జరగనున్న ఈ వన్డే టోర్నీలో అతను భారత్‌ ‘ఎ’ జట్టు సారథిగా ఎంపికయ్యాడు. అయితే అతను దూరం కావడంతో షాబాజ్‌ నదీమ్‌ను జట్టులోకి తీసుకున్నారు. అంకిత్‌ బావ్నేకు ‘ఎ’ జట్టు పగ్గాలు అప్పగించారు.    

సాక్షి, స్పోర్ట్స్‌: ఇటీవల ఏదో జోక్ చేయబోయి టీమిండియా స్టార్ స్పిన్నర్ రవిచంద్రన్ అశ్విన్ చేతికి చిక్కి, దక్షిణాఫ్రికా మాజీ క్రికెటర్ హర్షల్ గిబ్స్ నోరు కరుచుకున్న విషయం తెలిసిందే. కానీ వారం కూడా గడవకముందే వీరి మధ్య స్నేహపూర్వక వాతావరణం ఏర్పడం, పరిస్థితుల్లో ఎంతో మార్పు రావడంతో క్రికెట్ అభిమానులు ఇది నమ్మలేకపోతున్నారు. నేడు గిబ్స్ జన్మదినం సందర్భంగా భారత బౌలర్ అశ్విన్ సఫారీ మాజీ ఆటగాడికి పుట్టినరోజు శుభాకాంక్షలు తెలిపాడు.  'మరెన్నో పుట్టిన రోజులు జరుపుకోవాలి గిబ్స్. ఈ ఏడాది నీకు కలిసిరావాలంటూ' అశ్విన్ ట్వీట్ చేశాడు. అందుకు ధన్యవాదాలు తెలుపుతూ గిబ్స్ ట్వీట్ ద్వారా బదులిచ్చాడు. మ్యాచ్‌ ఫిక్సర్‌ను సైతం తమ క్రికెటర్ క్షమించి శుభాకాంక్షలు తెలిపాడని టీమిండియా క్రికెట్ అభిమానులు కామెంట్ చేస్తున్నారు. గిబ్స్ ఫిక్సర్ అని తెలియక కొందరు అశ్విన్‌కు వ్యతిరేకంగా ట్వీట్లు చేస్తున్నారు. అశ్విన్ వర్సెస్ గిబ్స్.. తన కొత్త షూ ప్రత్యేకతలు, పరుగెత్తడంలో ఉండే సౌకర్యం గురించి చెబుతూ అశ్విన్‌ ఒక షూ వీడియో ట్వీట్‌ చేశాడు. వికెట్ల మధ్య, అవుట్‌ ఫీల్డ్‌లో అశ్విన్‌ చురుగ్గా పరుగెత్తలేడనే అంశాన్ని గుర్తు చేసే విధంగా ‘ఇకనైనా నువ్వు మరింత వేగంగా పరుగెత్తగలవని ఆశిస్తున్నా’ అంటూ ఒకింత వ్యంగ్యంతో గిబ్స్‌ వ్యాఖ్య వదిలాడు. అయితే దీనిపై వెంటనే స్పందించిన అశ్విన్‌.. నాకు తిండి పెట్టే మ్యాచ్‌లను ఫిక్స్‌ చేయకూడదనే నైతిక విలువలు పాటించడంలో మాత్రం చాలా అదృష్టవంతుడిని’ అని ఘాటుగా జవాబిచ్చాడు. దాంతో షాక్‌కు గురైన గిబ్స్‌... జోక్ చేశానని, దీన్ని ఇంతటితో వదిలేయమన్నాడు. తాను కూడా జోక్‌ చేశానని, నీతో కలసి డిన్నర్ చేస్తానని ట్వీట్ చేశాడు. గిబ్స్ ఓ ఫిక్సర్ 2000 ఏడాది భారత పర్యటనలో భాగంగా మ్యాచ్‌ ఫిక్సింగ్‌ కేసులో గిబ్స్‌ దోషిగా తేలి దాదాపు ఏడాదిపాటు నిషేధాన్ని ఎదుర్కొన్నాడు. తనకు 15000 డాలర్ల ఆఫర్ వచ్చిందని గిబ్స్ తన తప్పు ఒప్పుకున్న విషయం తెలిసిందే. Thanks bud 🤙 have a good day — Herschelle Gibbs (@hershybru) 23 February 2018

చెన్నై: పదునైన వ్యాఖ్యలతో దూస్రాలు సంధించడంలో అశ్విన్‌ తనకు తానే సాటి. తాజాగా అశ్విన్‌ దెబ్బకు దక్షిణాఫ్రికా మాజీ ఆటగాడు హెర్షల్‌ గిబ్స్‌ విలవిల్లాడాడు! ఏదో జోక్‌ చేయబోయిన అతను అనవసరంగా ఇరుక్కున్నాడు. వివరాల్లోకెళితే... తన కొత్త షూ ప్రత్యేకతలు, పరుగెత్తడంలో ఉండే సౌకర్యం గురించి చెబుతూ అశ్విన్‌ ఒక వీడియో ట్వీట్‌ చేశాడు. వికెట్ల మధ్య, అవుట్‌ ఫీల్డ్‌లో అశ్విన్‌ చురుగ్గా పరుగెత్తలేడనే అంశాన్ని గుర్తు చేసే విధంగా ‘ఇకనైనా నువ్వు మరింత వేగంగా పరుగెత్తగలవని ఆశిస్తున్నా’ అంటూ ఒకింత వ్యంగ్యంతో గిబ్స్‌ వ్యాఖ్య వదిలాడు. అయితే దీనిపై వెంటనే స్పందించిన అశ్విన్‌ ‘ఈ విషయంలో నీ అంత అదృష్టవంతుడిని కాదు కాబట్టి నిజంగానే వేగంగా పరుగెత్తలేను మిత్రమా. అయితే నాకు తిండి పెట్టే మ్యాచ్‌లను ఫిక్స్‌ చేయకూడదనే నైతిక విలువలు పాటించడంలో మాత్రం చాలా అదృష్టవంతుడిని’ అని ఘాటుగా జవాబిచ్చాడు. 2000 సంవత్సరంలో మ్యాచ్‌ ఫిక్సింగ్‌ కేసులో గిబ్స్‌ దోషిగా తేలి ఆరు నెలల పాటు నిషేధాన్ని ఎదుర్కొన్నాడు. దాంతో షాక్‌కు గురైన గిబ్స్‌... తన జోక్‌ను అశ్విన్‌ తప్పుగా భావించాడని, విషయాన్ని ఇంతటితో వదిలేస్తున్నట్లు మరో ట్వీట్‌ చేశాడు. దీనిపై మళ్లీ స్పందించిన అశ్విన్‌... తన ప్రత్యుత్తరం కూడా జోక్‌ మాత్రమే అంటూ, మున్ముందు కలిసి డిన్నర్‌ చేద్దామంటూ పిలిచాడు. 

సాక్షి, బెంగళూరు: పది సీజన్లు ముగించుకున్న ఇండియన్‌ ప్రీమియర్‌ లీగ్‌ (ఐపీఎల్‌) పదకొండో సీజన్‌ కోసం ఆటగాళ్ల వేలం ప్రారంభించింది. క్రికెట్‌ అభిమానుల్లో ఆసక్తిని, ఉత్కంఠను రెకెత్తిస్తున్న ఈ వేలంలో తొలి ఆటగాడిగా ఉన్న శిఖర్‌ ధావన్‌ను పాత జట్టు సన్‌రైజర్స్‌ హైదరాబాద్‌ సొంతం చేసుకుంది. ఈ వేలంలో ముంబై ఇండియన్స్‌, పంజాబ్‌, సన్‌రైజర్స్‌ జట్లు పోటీపడగా చివరికి సన్‌రైజర్స్‌ హైదరాబాద్‌ రూ.5.2 కోట్లకు ధావన్‌ను కొనుగోలు చేసి ధావన్‌పై నమ్మకాన్ని ఉంచింది. నిషేధం విదించక ముందు వరకు 8 సీజన్ల వరకు చెన్నై సూపర్‌ కింగ్స్‌ కు ఆడిన స్టార్‌ స్పిన్నర్‌ అశ్విన్‌ను ఆ ఫ్రాంచైజీ వదులుకుంది. వేలంలో 7.6 కోట్ల భారీ ధరకు కింగ్స్‌ ఎలెవన్‌ పంజాబ్‌ సొంతం చేసుకుంది. ముంబై ఇండియన్స్‌, పంజాబ్ జట్లు అశ్విన్‌ కోసం ఆసక్తి చూపాయి. అయితే సెహ్వాగ్‌ సూచనతో ప్రీతి జింతా అశ్విన్‌ను కొనుగోలు చేసి విలువైన ఆటగాడిని పంజాబ్‌కు తీసుకున్నారు.  

చెన్నై: బీసీసీఐ అండర్‌–23 సౌత్‌జోన్‌ వన్డే లీగ్‌లో ఆంధ్ర జట్టు వరుసగా రెండో విజయాన్ని నమోదు చేసింది. కర్ణాటకతో సోమవారం మ్యాచ్‌లో 6 వికెట్ల తేడాతో గెలుపొందింది. తొలి మ్యాచ్‌ సెంచరీ హీరో అశ్విన్‌ హెబర్‌ (121 బంతుల్లో 137 నాటౌట్‌; 13 ఫోర్లు, 4 సిక్సర్లు) ఈ మ్యాచ్‌లోనూ మరో భారీ శతకంతో జట్టుకు ఘనవిజయాన్ని అందించాడు. తొలుత కర్ణాటక నిర్ణీత 50 ఓవర్లలో 9 వికెట్లకు 324 పరుగులు చేసింది. దేవ్‌ పడిక్కల్‌ (112; 11 ఫోర్లు, 3 సిక్స్‌లు) సెంచరీతో పాటు... నిష్కల్‌ (67; 6 ఫోర్లు), భరత్‌ (65; 4 ఫోర్లు) అర్ధ సెంచరీలు చేయడంతో జట్టు భారీ స్కోరు సాధించింది. ఆంధ్ర బౌలర్లలో హరిశంకర్‌ రెడ్డి, కేవీ శశికాంత్‌ చెరో 3 వికెట్లు తీశారు. అనంతరం అశ్విన్‌ జోరుతో ఆంధ్ర 44.5 ఓవర్లలో 4 వికెట్లు కోల్పోయి 325 పరుగులు చేసింది. రికీ భుయ్‌ (52; 5 ఫోర్లు, 3 సిక్స్‌లు), చైతన్య (32 బంతుల్లో 61; 5 ఫోర్లు, 4 సిక్స్‌లు) అర్ధసెంచరీలతో ఆకట్టుకున్నారు. 

సెంచూరియన్‌: టీమిండియా స్పిన్నర్‌ రవి చంద్రన్‌ అశ్విన్‌ చెత్త రికార్డును మూటగట్టుకున్నాడు. దక్షిణాఫ్రికాతో రెండో టెస్టు రెండో ఇన్నింగ్స్‌లో అశ్విన్‌ వికెట్‌ తీయడానికి సంధించిన బంతులు 177(29.3 ఓవర్లు). తద్వారా విదేశీ పిచ్‌లపై రెండో ఇన్నింగ్స్‌లో వికెట్‌ తీయడానికి అశ్విన్‌ అత్యధిక బంతుల్ని తీసుకున్న అపప్రథను సొంతం చేసుకున్నాడు. ఓవరాల్‌గా చూస్తే ఇది అశ్విన్‌కు మూడో చెత్త ప్రదర్శనగా చెప్పొచ్చు. అంతకుముందు 2012లో అహ్మదాబాద్‌లో ఇంగ్లండ్‌తో జరిగిన టెస్టులో అశ్విన్‌ వికెట్‌ తీయడానికి 257 బంతులు అవసరం కాగా, 2011లో వెస్టిండీస్‌తో కోల్‌కతాలో జరిగిన మ్యాచ్‌లో వికెట్‌ తీయడానికి 215 బంతులు అవసరమయ్యాయి. ఈ మ్యాచ్‌లో 287 పరుగుల లక్ష్యాన్ని భారత్‌కు నిర్దేశించింది.  నాల్గో రోజు ఆటలో భాగంగా దక్షిణాఫ్రికా తన రెండో ఇన్నింగ్స్‌లో 258 పరుగుల వద్ద ఆలౌటైంది. 90/2 ఓవర్‌ నైట్‌ స్కోరుతో మంగళవారం ఇన్నింగ్స్‌ కొనసాగించిన సఫారీలు.. మరో 168 పరుగులు జోడించి మిగతా ఎనిమిది వికెట్లు కోల్పోయారు. దాంతో సఫారీలకు 286 పరుగుల ఆధిక్యం లభించింది. దక్షిణాఫ్రికా రెండో ఇన్నింగ్స్‌లో ఎన్‌గిడి చివరి వికెట్‌గా అశ్విన్‌ బౌలింగ్‌లో అవుటయ్యాడు.

న్యూఢిల్లీ: గడిచిన ఏడాది అంతర్జాతీయ క్రికెట్‌లో బ్యాటింగ్‌ పరంగా చూస్తే భారత కెప్టెన్‌ విరాట్‌ కోహ్లి, ఆస్ట్రేలియా కెప్టెన్‌ స్టీవ్‌ స్మిత్‌లు పరుగుల వరద సృష్టించిన సంగతి తెలిసిందే. అయితే 2017 స్పిన్నర్లకు కూడా బాగా కలిసొచ్చింది. కచ్చితంగా చెప్పాలంటే గతేడాది స్పిన్నర్స్‌కు సూపర్‌ ఇయర్‌గా నిలిచింది. టెస్టు క్రికెట్‌ చరిత్రలోనే ఎన్నడూ లేనంతగా స్పిన్నర్లు రెచ్చిపోయి వికెట్లు సాధించారు.  అంతర్జాతీయ టెస్టు క్రికెట్‌లో ఒక క్యాలెండర్‌ ఇయర్‌లో ఆరు వందలకు పైగా వికెట్లు సాధించిన ఘనతను స్పిన్నర్లు మొదటిసారి తమ ఖాతాలో వేసుకున్నారు. 2017లో స‍్పిన్నర్లు సాధించిన టెస్టు వికెట్లు 638. ఫలితంగా గతేడాది స్పిన్నర్లు సాధించిన  అత్యధిక వికెట్ల రికార్డు(584)ను బద్దలు కొట్టారు. ఓవరాల్‌గా స్పిన్నర్లు ఐదు వందలకు పైగా సాధించింది కేవలం ఐదుసార్లు మాత్రమే. 2001లో 521 టెస్టు వికెట్లను తీసిన స్పిన్నర్లు.. 2004లో 577 వికెట్లు సాధించారు. ఇక 2015లో 554 వికెట్లను తమ ఖాతాలో వేసుకున్నారు.గతేడాది అత్యధిక వికెట్లు సాధించిన స్పిన్నర్ల జాబితాలో నాథన్‌ లయాన్‌(63), అశ్విన్‌(56)లు తొలి రెండు స్థానాల్లో ఉన్నారు.

న్యూఢిల్లీ: సీనియర్‌ స్పిన్నర్లు అశ్విన్, రవీంద్ర జడేజాలిద్దరు దక్షిణాఫ్రికా పిచ్‌లకు అనుగుణంగా తమ బౌలింగ్‌ శైలి మార్చుకోవాలని భారత టెస్టు జట్టు వైస్‌ కెప్టెన్‌ రహానే సూచించాడు. జాతీయ టీవీ చానెల్‌కిచ్చిన ఇంటర్వ్యూలో అతను మాట్లాడుతూ ‘సొంతగడ్డపైనే కాదు విదేశాల్లోనూ వాళ్లిద్దరు విజయవంతం కావాలి. భారత పిచ్‌లపై ఎలా బౌలింగ్‌ వేయాలో వాళ్లకు బాగా తెలుసు. అలాగే విదేశీ పిచ్‌లపై కూడా తెలుసుకోవాలి. మొయిన్‌ అలీ (ఇంగ్లండ్‌), లయన్‌ (ఆసీస్‌) దేశం మారితే వాళ్ల శైలి మార్చుకుంటారు. భిన్నమైన శైలితో ఫలితాలు రాబడతారు’ అని అన్నాడు. కెప్టెన్‌ కోహ్లి, కోచ్‌ రవి శాస్త్రిలు జట్టులోని ఆటగాళ్లందరికీ మద్దతుగా ఉంటారని, బాగా రాణించేందుకు వెన్నుతట్టి ప్రోత్సహిస్తారని చెప్పుకొచ్చాడు.   

సాక్షి, హైదరాబాద్‌: భారత స్పిన్నర్లు రవిచంద్రన్‌ అశ్విన్‌, కేదార్‌ జాదవ్‌, హర్భజన్‌ సింగ్‌ల బౌలింగ్‌పై నిషేదం విధించాలని పాకిస్థాన్‌ అభిమానులు సోషల్‌ మీడియా వేదికగా ఐసీసీని డిమాండ్‌ చేస్తున్నారు. దీనికి కారణం పాక్‌ ఆల్‌రౌండర్‌ మొహమ్మద్‌ హఫీజ్‌ అనుమానస్పద బౌలింగ్‌పై మరోసారి నిషేదం విధించడమే. ఇక అంతర్జాతీయ క్రికెట్‌లో బౌలింగ్‌ చేయడానికి అతడిని గురువారం ఐసీసీ అనర్హుడిగా ప్రకటించిన విషయం తెలిసిందే. ఇటీవల అబుదాబి వేదికగా శ్రీలంకతో జరిగిన మూడో వన్డేలో హఫీజ్‌ బౌలింగ్‌ యాక్షన్‌పై అంపైర్లు సందేహం వ్యక్తం చేశారు. హఫీజ్‌ బంతులను వేసే సమయంలో తన మోచేతిని నిబంధనలు విరుద్దంగా వంచుతున్నాడని ఐసీసీ పేర్కొంది. ఇలా హఫీజ్‌ ఆఫ్‌స్పిన్‌ బౌలింగ్‌పై నిషేధం విధించడం ఇది మూడోసారి. 2014 డిసెంబర్‌లో తొలిసారి ఐదు నెలల నిషేధం ఎదుర్కొన్న హఫీజ్‌ తర్వాత 2015 జూన్‌లో వివాదాస్పద బౌలింగ్‌ యాక్షన్‌తో నిషేధం కారణంగా 12 నెలల పాటు బౌలింగ్‌ చేయలేదు. ఈ వార్త విన్న హఫీజ్‌ ట్విట్టర్‌ వేదికగా తన బాధను వ్యక్త పరిచాడు. ‘తన బౌలింగ్‌ శైలిని పూర్తిగా మార్చుకున్న తర్వాత కూడా ఐసీసీ నిషేదించడం బాధగా ఉంది. ఇది నన్ను ఎప్పటికి వెనుకడుగేయనివ్వదు. దేశం కోసం ఆడటానికి రెండు సార్లు ఎంతో కష్టపడి నా శైలిని మార్చుకున్నాను.ఇలానే మరింత కష్టపడి దేశం కోసం ఆడుతా’అని ట్వీట్‌ చేశాడు. ఇక పాక్‌ అభిమానులు హఫీజ్‌ను ప్రశంసిస్తూ త్వరలో ఐసీసీ నుంచి క్లీన్‌చీట్‌ అందుతోందని ఈ ఆల్‌రౌండర్‌కు మద్దతుగా నిలుస్తున్నారు. మరి కొందరు భారత బౌలర్ల యాక‌్షన్‌ కూడా నిబద్దనలకు విరుద్దంగా ఉందని వారిపై కూడా నిషేదం విధించాలని డిమాండ్‌ చేస్తున్నారు. అంతేగాకుండా జాదవ్‌, అశ్విన్‌, హర్భజన్‌ బౌలింగ్‌ యాక‌్షన్‌ చిత్రాలను సోషల్‌ మీడియాలో పోస్టు చేస్తూ ఐసీసీని ప్రశ్నిస్తున్నారు. I don't know kyn icc ko ya nazar nhe ata pic.twitter.com/Ubw6MecWGI — Amir Khan (@Amirkh3456) November 17, 2017

న్యూఢిల్లీ: సీనియర్‌ స్పిన్నర్లు రవిచంద్రన్‌ అశ్విన్, రవీంద్ర జడేజాలకు సెలక్షన్‌ కమిటీ మళ్లీ మొండిచేయి చూపింది. న్యూజిలాండ్‌తో జరిగే మూడు మ్యాచ్‌ల వన్డే సిరీస్‌కు వారిద్దరిని ఎంపిక చేయలేదు. ప్రస్తుతం అశ్విన్‌ (తమిళనాడు), రవీంద్ర జడేజా (సౌరాష్ట్ర) రంజీ ట్రోఫీలో తమ రాష్ట్ర జట్ల తరఫున మ్యాచ్‌లు ఆడుతున్నారు. ఆస్ట్రేలియాతో జరిగిన సిరీస్‌లో జట్టు సభ్యులైన బ్యాట్స్‌మన్‌ లోకేశ్‌ రాహుల్, పేస్‌ బౌలర్లు ఉమేశ్‌ యాదవ్, షమీలను కివీస్‌ సిరీస్‌ కోసం తప్పించారు. అయితే వికెట్‌ కీపర్, బ్యాట్స్‌మన్‌ దినేశ్‌ కార్తీక్, యువ పేసర్‌ శార్దుల్‌ ఠాకూర్‌లకు జట్టులో స్థానం కల్పించారు. ఓపెనర్‌ శిఖర్‌ ధావన్‌ తిరిగి వన్డే జట్టులోకి వచ్చాడు. తన భార్య అనారోగ్యం వల్ల అతను ఆస్ట్రేలియాతో జరిగిన వన్డే సిరీస్‌ ఆడలేదు. వెస్టిండీస్‌లో పర్యటించిన కార్తీక్‌ చివరి సారిగా చాంపియన్స్‌ ట్రోఫీలో భారత జట్టు సభ్యుడిగా ఉన్నాడు. 32 ఏళ్ల ఈ వికెట్‌ కీపర్‌ ఆసీస్‌తో ముగిసిన టి20 సిరీస్‌కు ఎంపికైనప్పటికీ... ఆడే అవకాశం రాలేదు. ఈ నెల 22న ముంబైలో జరిగే తొలి వన్డేతో కివీస్‌తో మూడు వన్డేల సిరీస్‌ ప్రారంభమవుతుంది. 25న పుణేలో రెండో వన్డే, 29న కాన్పూర్‌లో మూడో వన్డే జరుగుతాయి.   భారత వన్డే జట్టు: కోహ్లి (కెప్టెన్‌), రోహిత్‌ (వైస్‌ కెప్టెన్‌), ధావన్, రహానే, మనీశ్‌ పాండే, జాదవ్, దినేశ్‌ కార్తీక్, ధోని, పాండ్యా, అక్షర్, కుల్దీప్‌ యాదవ్, చహల్, బుమ్రా, భువనేశ్వర్‌ కుమార్, శార్దుల్‌ ఠాకూర్‌.

చెన్నై: భారత క్రికెట్‌ జట్టులోని ప్రధాన క్రికెటర్లలో చురుకుదనం కాస్త ‘తక్కువగా’ కనిపించే ఆటగాడిగా రవిచంద్రన్‌ అశ్విన్‌కు పేరుంది. కొంత మంది ఆటగాళ్లను మైదానంలో ఎక్కడ దాచాలో కూడా తెలీదు అంటూ  కెప్టెన్‌గా ఉన్న సమయంలో స్వయంగా ధోని కూడా ఈ విషయాన్ని పరోక్షంగా అనేక సార్లు ప్రస్తావించాడు. టెస్టుల్లో టాప్‌ స్పిన్నర్‌గా గుర్తింపు ఉన్నా... పరిమిత ఓవర్ల మ్యాచ్‌లలో కొన్నాళ్లుగా అశ్విన్‌ను పక్కన పెడుతున్న కారణాలలో ఇది కూడా ఒకటి. అయితే ఇప్పుడు అశ్విన్‌ ఫిట్‌నెస్‌లోనూ తన సత్తా చాటి దేనికైనా సిద్ధమే అంటూ సందేశం పంపించాడు. ఇటీవల భారత ఆటగాళ్లకు తప్పనిసరిగా మారిన కఠినమైన ‘యో యో’ టెస్టులో అశ్విన్‌ పాసయ్యాడు. బెంగళూరులోని జాతీయ క్రికెట్‌ అకాడమీలో తాను ఈ టెస్టుకు హాజరై సఫలమైనట్లు అశ్విన్‌ ట్విట్టర్‌లో వెల్లడించాడు. 20 మార్కుల ఈ టెస్టులో బీసీసీఐ ప్రమాణాల ప్రకారం కనీసం 16.1 మార్కులు స్కోరు చేయాల్సి ఉంటుంది. సీనియర్లు యువరాజ్, రైనాలాంటి వాళ్లు కూడా యో యో టెస్టులో విఫలమైన చోట అశ్విన్‌ ఆ లైన్‌ను దాటగలగటం విశేషం. రంజీ ట్రోఫీలో భాగంగా ఆంధ్రతో తొలి మ్యాచ్‌లో ఆడిన అశ్విన్‌... శనివారం నుంచి త్రిపురతో జరిగే మ్యాచ్‌ కోసం కూడా అందుబాటులో ఉన్నాడు. మరోవైపు మంగళవారం ప్రకటించిన తాజా ఐసీసీ టెస్టు బౌలర్ల ర్యాంకింగ్స్‌లో అశ్విన్‌ మూడు నుంచి నాలుగో స్థానానికి పడిపోయాడు. అశ్విన్‌ను అధిగమించి కగిసో రబడ మూడో స్థానానికి చేరాడు. అండర్సన్, రవీంద్ర జడేజా తొలి రెండు స్థానాల్లో కొనసాగుతున్నారు.   

వన్డేల్లో తన పునరాగమనంపై అంత తొందరేం లేదని, సమయం వచ్చినపుడు తప్పకుండా అవకాశం లభిస్తుందని భారత ఆఫ్‌స్పిన్నర్‌ రవిచంద్రన్‌ అశ్విన్‌ అన్నాడు. వన్డే ఫార్మాట్‌లో తన ప్రదర్శన మెరుగ్గానే ఉందని, మరీ తీసికట్టుగా ఏం లేదని అతను అభిప్రాయపడ్డాడు. ఏదో ఒకరోజు తిరిగి వన్డే జట్టులోకి వస్తానని ఆశాభావం వ్యక్తం చేశాడు. శ్రీలంక, ఆస్ట్రేలియాతో జరిగిన వన్డే సిరీస్‌లలో అశ్విన్‌ను ఎంపిక చేయలేదు. 


 తొలిసారి కౌంటీ క్రికెట్‌ బరిలోకి దిగిన భారత టాప్‌ స్పిన్నర్‌ రవిచంద్రన్‌ అశ్విన్‌ మొదటి మ్యాచ్‌లో రాణించాడు. వార్సెష్టర్‌షైర్‌ తరఫున ఆడుతున్న అశ్విన్‌... గ్లూసెస్టర్‌షైర్‌తో జరుగుతున్న మ్యాచ్‌ తొలి ఇన్నింగ్స్‌లో 94 పరుగులిచ్చి 3 వికెట్లు పడగొట్టాడు. ఈ సీజన్‌లో తమ జట్టు తరఫున మొత్తం నాలుగు మ్యాచ్‌లు కూడా ఆడాలని భావిస్తున్నట్లు అశ్విన్‌ చెప్పాడు. అతని నిర్ణయానికి బీసీసీఐ ఆమోదం తెలిపితే అశ్విన్, ఆస్ట్రేలియాతో వన్డే సిరీస్‌కు దూరమవుతాడు.  


 చెన్నై: సీనియర్‌ సహచరుడు ధోని బాటలోనే భారత స్పిన్నర్‌ రవిచంద్రన్‌ అశ్విన్‌ కూడా దుబాయ్‌లో క్రికెట్‌ అకాడమీ ఏర్పాటు చేయనున్నాడు. జనరేషన్‌ నెక్ట్స్‌ పేరుతో నిర్వహించే ఈ అకాడమీలో చిన్నారులకు శిక్షణ ఇస్తారు. ఇదే పేరుతో అశ్విన్‌కు చెన్నైలో ఇప్పటికే సొంత అకాడమీ ఉంది.
 
 అకాడమీ కోసం కోచింగ్‌కు సంబంధించిన ప్రత్యేక ప్రోగ్రామ్‌ను అశ్విన్‌ స్వయంగా రూపొందించడం విశేషం. ఈ నెల చివర్లో అకాడమీ ప్రారంభమవుతుంది. దీనికి డైరెక్టర్‌గా మాజీ క్రికెటర్, కెన్యా క్రికెట్‌ సీఈఓ కోబస్‌ ఒలివర్‌ను అశ్విన్‌ నియమించాడు.  


 పల్లెకెలె: భారత క్రికెట్‌ జట్టు అగ్రశ్రేణి ఆఫ్‌ స్పిన్నర్‌ రవిచంద్రన్‌ అశ్విన్‌ ఇంగ్లండ్‌లో జరిగే కౌంటీ క్రికెట్‌ చాంపియన్‌షిప్‌లో తొలిసారి ఆడనున్నాడు. అతను వొర్సెస్టర్‌షైర్‌ జట్టుకు ప్రాతినిధ్యం వహిస్తాడు. ‘శ్రీలంకతో టెస్టు సిరీస్‌ ముగియడంతో చతేశ్వర్‌ పుజారా కౌంటీల్లో నాటింగ్‌హమ్‌షైర్‌ జట్టు తరఫున మళ్లీ ఆడేందుకు వెళ్లనున్నాడు.
 
 అశ్విన్‌కు కూడా మేము అనుమతి ఇచ్చాం. వచ్చే ఏడాది ఇంగ్లండ్‌లో భారత జట్టు ఐదు టెస్టులు ఆడనుంది. కౌంటీల్లో ఆడటం ద్వారా అక్కడి పరిస్థితులపై వీరిద్దరికీ అవగాహన ఏర్పడుతుంది’ అని బీసీసీఐ సెలెక్షన్‌ కమిటీ చైర్మన్‌ ఎమ్మెస్కే ప్రసాద్‌ తెలిపారు.  


 ►విదేశీ గడ్డపై తొలిసారి 3–0తో క్లీన్‌ స్వీప్‌
 ►శ్రీలంకపై ఇన్నింగ్స్‌ 171 పరుగుల తేడాతో గెలుపు
 ►మూడో రోజే ముగిసిన చివరి టెస్టు
 ►అశ్విన్‌కు నాలుగు వికెట్లు  
 
 తమ టెస్టు క్రికెట్‌ చరిత్రలో భారత జట్టు చిరస్మరణీయ విజయాన్ని అందుకుంది. అతిరథ మహారథులెందరికో సాధ్యం కాని ఘనతను విరాట్‌ కోహ్లి సేన సాధించి చూపించింది. దశాబ్దాలుగా అందకుండా ఊరిస్తున్న విదేశీ గడ్డపై మూడు టెస్టుల సిరీస్‌ క్లీన్‌స్వీప్‌ను అదిరిపోయే రీతిలో  దక్కించుకుంది. సిరీస్‌లో చివరిదైన మూడో టెస్టును భారత్‌ మూడో రోజే ఇన్నింగ్స్‌ 171 పరుగుల తేడాతో చేజిక్కించుకుంది. అశ్విన్‌ స్పిన్‌ మాయకు తోడు షమీ పదునైన బంతులకు శ్రీలంక బ్యాటింగ్‌ ఆర్డర్‌ కకావికలమైంది. అలాగే వరుసగా ఎనిమిదో టెస్టు సిరీస్‌ను భారత్‌ తమ ఖాతాలో వేసుకుంది.  
 
 పల్లెకెలె: ఊహించిన ఫలితమే వచ్చింది. సిరీస్‌ ఆద్యంతం పూర్తి ఆధిపత్యం వహించిన టీమిండియా ఆఖరి టెస్టులో శ్రీలంకను మరింత వణికించింది. సోమవారం మూడోరోజు ఆటలో ఆతిథ్య జట్టు బ్యాట్స్‌మెన్‌ ఏమైనా పోరాడతారేమోనని భావించినా భారత బౌలింగ్‌ ధాటికి పేకమేడలా కుప్పకూలారు. కచ్చితంగా చెప్పాలంటే రెండున్నర రోజుల్లోనే లంక మ్యాచ్‌ను అప్పగించింది. దీంతో కోహ్లి సేన మూడో టెస్టులో ఇన్నింగ్స్‌ 171 పరుగుల తేడాతో నెగ్గింది. తద్వారా ఈ సిరీస్‌ను 3–0తో క్లీన్‌స్వీప్‌ చేసింది. విదేశాల్లో భారత్‌కు ఈ మాదిరి విజయాన్ని అందించిన తొలి కెప్టెన్‌గా విరాట్‌ కోహ్లి నిలిచాడు. గతంలో న్యూజిలాండ్‌పై భారత్‌ నాలుగు టెస్టుల సిరీస్‌ను 3–1తో నెగ్గింది. మరోవైపు ఇప్పటిదాకా జరిగిన మూడు మ్యాచ్‌లు కూడా ఐదు రోజుల పాటు సాగకపోవడం భారత్‌ ఆధిపత్యాన్ని చూపుతోంది.
 
 74.3 ఓవర్లపాటు సాగిన లంక రెండో ఇన్నింగ్స్‌ టీ విరామానికి కాస్త ముందు 181 పరుగుల వద్ద ముగిసింది. వికెట్‌ కీపర్‌ డిక్‌వెలా (52 బంతుల్లో 41; 5 ఫోర్లు), కెప్టెన్‌ చండిమాల్‌ (89 బంతుల్లో 36; 4 ఫోర్లు), మాజీ కెప్టెన్‌ మాథ్యూస్‌ (96 బంతుల్లో 35; 2 ఫోర్లు, 1 సిక్స్‌) మాత్రమే రాణించారు. స్పిన్నర్‌ అశ్విన్‌కు నాలుగు, షమీకి మూడు వికెట్లు దక్కాయి. హార్దిక్‌ పాండ్యాకు ‘మ్యాన్‌ ఆఫ్‌ ద మ్యాచ్‌’... రెండు సెంచరీలతో అదరగొట్టిన శిఖర్‌ ధావన్‌కు ‘మ్యాన్‌ ఆఫ్‌ ద సిరీస్‌’ అవార్డులు లభించాయి. ఇరు జట్ల మధ్య ఆదివారం నుంచి ఐదు వన్డేల సిరీస్‌ ప్రారంభమవుతుంది.
 
 ఓవర్‌నైట్‌ స్కోరు 19/1తో రెండో ఇన్నింగ్స్‌ కొనసాగించిన లంక మూడో ఓవర్‌లోనే రెండో వికెట్‌ కోల్పోయింది. అశ్విన్‌ బౌలింగ్‌లో కరుణరత్నే (16) క్యాచ్‌ ఇచ్చి అవుటయ్యాడు. ఆ తర్వాత షమీ ఎక్స్‌ట్రా బౌన్స్‌ బంతులతో విజృంభించి తన వరుస ఓవర్లలో పుష్పకుమార (1), కుశాల్‌ మెండిస్‌ (12)లను అవుట్‌ చేసి లంక పతనానికి బీజం వేశాడు. ఈ దశలో చండిమాల్, మాథ్యూస్‌ ఓర్పుగా భారత బౌలర్లను ఎదుర్కొన్నారు. ఎలాంటి భారీ షాట్‌లకు పోకుండా పూర్తి రక్షణాత్మకంగా ఆడి ఈ జోడి లంచ్‌ విరామానికి వెళ్లింది. దీంతో తొలి గంటలో మూడు వికెట్లు తీసిన భారత్‌ ఆ తర్వాత ఒక్క వికెట్‌ కూడా తీయలేకపోయింది.
 
 లంచ్‌ బ్రేక్‌ తర్వాత పది ఓవర్ల పాటు లంక ఇన్నింగ్స్‌ సజావుగానే సాగింది. కానీ 51వ ఓవర్‌లో నిదానంగా కుదురుకుంటున్న ఈ సీనియర్‌ ఆటగాళ్ల జోడీని కుల్దీప్‌ విడదీశాడు. చండిమాల్‌ షార్ట్‌ లెగ్‌లో ఇచ్చిన క్యాచ్‌ను రహానే పట్టేయడంతో ఐదో వికెట్‌కు 65 పరుగుల కీలక భాగస్వామ్యం ముగిసింది. మరో మూడు ఓవర్ల తర్వాత మాథ్యూస్‌ను అశ్విన్‌ ఎల్బీగా అవుట్‌ చేయడంతో లంక పోరాటం ఆశలు ఆవిరయ్యాయి. అటు డిక్‌వెలా కాస్త ధాటిగా ఆడినా మరో ఎండ్‌లో అతడికి సహకరించే వారు కరువయ్యారు. టెయిలెండర్లను అశ్విన్‌ చకచకా పెవిలియన్‌కు పంపడంతో పాటు డిక్‌వెలాను ఉమేశ్‌ యాదవ్‌ అవుట్‌ చేయడంతో రెండో సెషన్‌ ముగియక ముందే లంక వైట్‌వాష్‌కు గురైంది.
 
 ఈ సిరీస్‌ ద్వారా టీమిండియాకు మేలు చేసిన అంశమేదైనా ఉంటే అది హార్దిక్‌ పాండ్యా జట్టులోకి రావడం. ఈ మూడు మ్యాచ్‌ల్లో అతను పరిణతి చెందిన విధానం ఆకట్టుకుంది. మంచి ఆత్మవిశ్వాసాన్ని కనబరుస్తూ బంతితో పాటు బ్యాట్‌తోనూ చెలరేగి జట్టుకు ఉపయోగపడ్డాడు. ఇది జట్టుకు మంచి సమతూకాన్ని ఇచ్చింది. యువకులతో కూడిన మా జట్టు ఇదే ఆటతీరుతో మున్ముందు సిరీస్‌లలో కూడా ఆడుతుంది. మరో ఐదారేళ్ల పాటు జట్టుకు ఆడగలిగే ఆటగాళ్లు ఉన్నారు.                  
 –విరాట్‌ కోహ్లి, భారత కెప్టెన్‌
 
 ►1 విదేశీ గడ్డపై మూడు అంతకన్నా ఎక్కువ టెస్టు మ్యాచ్‌లతో నిర్వహించిన సిరీస్‌లో ప్రత్యర్థిని క్లీన్‌స్వీప్‌ చేయడం భారత్‌కు ఇదే తొలిసారి. ఇంటా బయట కలిపి ఓవరాల్‌గా ఐదోసారి.
 
 ► 1 తొలి ఇన్నింగ్స్‌లో మూడు సార్లు 300+ పరుగుల ఆధిక్యం సాధిండం భారత్‌కు ఇదే తొలిసారి.
 
 ► 9 శ్రీలంకలో భారత్‌ సాధించిన టెస్టు విజయాలు. ఇక్కడ మరే పర్యాటక జట్టు ఇన్ని విజయాలు సాధించలేదు.
 
 ► 2 విదేశీ గడ్డపై జరిగిన సిరీస్‌లో భారత బ్యాట్స్‌మెన్‌ అత్యధికంగా  ఐదు సెంచరీలు చేయడం ఇది రెండోసారి.


 ►ఫాలోఆన్‌ రెండో ఇన్నింగ్స్‌లో శ్రీలంక 209/2
 ►కుశాల్‌ మెండిస్‌ శతకం
 ►సెంచరీకి చేరువలో కరుణరత్నే
 ►తొలి ఇన్నింగ్స్‌లో   లంక 183 ఆలౌట్‌
 ►అశ్విన్‌కు ఐదు వికెట్లు
 
 ఊహించినట్టుగానే భారత బౌలర్లు తొలి ఇన్నింగ్స్‌లో శ్రీలంకను చుట్టేశారు. అశ్విన్‌ ధాటికి ఆ జట్టు కేవలం 183 పరుగులకే కుప్పకూలింది. అయితే 439 పరుగులు వెనకబడిన దశలో ఫాలోఆన్‌కు దిగాక లంక ఆటతీరులో మార్పు కనిపించింది. టెస్టు సిరీస్‌లో తొలిసారిగా ఆతిథ్య జట్టు పోరాడుతోంది. కుశాల్‌ మెండిస్, కరుణరత్నే భారత బౌలర్లపై ఎదురుదాడి చేసి క్రీజులో నిలిచారు. దీంతో తొలి సెషన్‌లో ఎనిమిది వికెట్లు తీయగలిగిన భారత్‌.. ఆ తర్వాత రెండు సెషన్లలో కేవలం రెండు వికెట్లను మాత్రమే పడగొట్టింది. మెండిస్, కరుణరత్నే మధ్య రెండో వికెట్‌కు ఏకంగా 191 పరుగులు జత చేరాయి. అయితే ఇంకా 230 పరుగులు వెనకబడి ఉన్న శ్రీలంక నాలుగోరోజు భారత బౌలర్ల ముందు ఏమేరకు నిలుస్తుందో వేచి చూడాలి.
 
 కొలంబో: తొలి టెస్టులో నాలుగు రోజుల్లోనే ఓటమిని అంగీకరించిన శ్రీలంక రెండో టెస్టులో మాత్రం అనూహ్య పోరాటాన్ని ప్రదర్శిస్తోంది. ఫాలోఆన్‌ ఆడుతున్న లంకను కుశాల్‌ మెండిస్‌ (135 బంతుల్లో 110; 17 ఫోర్లు), ఓపెనర్‌ కరుణరత్నే (200 బంతుల్లో 92 బ్యాటింగ్‌; 12 ఫోర్లు) వీరోచిత ఆటతీరుతో ఆదుకున్నారు. ఫలితంగా మూడో రోజు శనివారం ఆట ముగిసేసమయానికి ఆతిథ్య జట్టు 60 ఓవర్లలో 2 వికెట్లకు 209 పరుగులు చేసింది. ప్రస్తుతం క్రీజులో కరుణరత్నేతో పాటు పుష్పకుమార (2 బ్యాటింగ్‌) ఉన్నాడు. అయితే ఇన్నింగ్స్‌ ఓటమిని తప్పించుకోవడానికి లంక ఇంకా 230 పరుగులు వెనకబడి ఉంది. అంతకుముందు స్పిన్నర్‌ ఆర్‌.అశ్విన్‌ (5/69) మాయాజాలానికి శ్రీలంక తొలి ఇన్నింగ్స్‌లో 49.4 ఓవర్లలో 183 పరుగులకే కుప్పకూలింది. డిక్‌వెల్లా (48 బంతుల్లో 51; 7 ఫోర్లు, 1 సిక్స్‌) మినహా ఎవరూ రాణించలేదు. దీంతో భారత్‌కు 439 పరుగుల తొలి ఇన్నింగ్స్‌ ఆధిక్యం లభించింది. జడేజా, షమీలకు రెండేసి వికెట్లుదక్కాయి.
 
 సెషన్‌–1 వికెట్లు టపటపా
 మూడో రోజు బరిలోకి దిగిన లంకను స్పిన్నర్లు అశ్విన్, జడేజా ఆటాడుకున్నారు. తమ వైవిధ్యమైన బంతులతో కుదురుకోనీయకుండా దెబ్బతీశారు. ఓవర్‌నైట్‌ స్కోరుకు మరో 14 పరుగులు జోడించగానే లంక రెండు వికెట్లను కోల్పోయింది. ఆ తర్వాత డిక్‌వెల్లా, మాథ్యూస్‌ (26) జోడి కొద్దిసేపు పోరాడింది. అయితే అశ్విన్‌... మాథ్యూస్‌ను అవుట్‌ చేయడంతో ఐదో వికెట్‌కు 53 పరుగుల భాగస్వామ్యం ముగిసింది. వేగంగా ఆడిన డిక్‌వెల్లా 44 బంతుల్లో అర్ధ సెంచరీ పూర్తి చేశాడు. 42వ ఓవర్‌లో షమీ అతడిని బౌల్డ్‌ చేయడంతో లంక పోరాటం ముగిసినట్టయ్యింది. అశ్విన్‌కు తోడు జడేజా కూడా విరుచుకుపడటంతో వారి ఇన్నింగ్స్‌ స్వల్ప స్కోరుకే ముగిసింది.
 ఓవర్లు: 20.3, పరుగులు: 133, వికెట్లు: 8
 
 సెషన్‌–2 మెండిస్, కరుణరత్నే జోరు
 లంచ్‌ విరామం అనంతరం కెప్టెన్‌ కోహ్లి లంకను ఫాలోఆన్‌కు ఆహ్వానించాడు. అయితే మూడో ఓవర్‌లోనే ఉమేశ్‌ యాదవ్‌.. తరంగ (2)వికెట్‌ తీసి షాక్‌ ఇచ్చాడు. ఈ దశలో మెండిస్, కరుణరత్నే మాత్రం భారత బౌలర్ల సహనాన్ని పరీక్షించారు. ముఖ్యంగా మెండిస్‌ వన్డే తరహాలో దూకుడును ప్రదర్శిస్తూ స్వీప్‌షాట్లతో చెలరేగాడు. ఎనిమిదో ఓవర్‌లో మెండిస్‌ క్యాచ్‌ను ధావన్‌ అందుకోలేకపోయాడు. ఇక జడేజా వేసిన ఇన్నింగ్స్‌ 20వ ఓవర్‌లో మెండిస్‌ ఐదు బంతుల్లో నాలుగు ఫోర్లు బాది ఒత్తిడి పెంచాడు. దీంతో 53 బంతుల్లోనే అర్ధ సెంచరీ పూర్తయ్యింది. అటు కరుణరత్నే 83 బంతుల్లో ఈ ఫీట్‌ అందుకున్నాడు. ఓవర్‌కు నాలుగు పరుగుల చొప్పున రాబట్టిన ఈ జోడి మరో వికెట్‌ పడకుండా టీ విరామానికి వెళ్లింది.
 ఓవర్లు: 29, పరుగులు: 118, వికెట్లు: 1
 
 సెషన్‌–3 మెండిస్‌ శతకం
 టీ బ్రేక్‌ అనంతరం కూడా భారత బౌలర్లు చెమటోడ్చాల్సి వచ్చింది. ఎలాంటి పొరపాట్లకు తావీయకుండా జాగ్రత్తగా ఆడుతూ మెండిస్, కరుణరత్నే జోడి ముందుకుసాగింది. అయితే పరుగుల వేగం తగ్గింది. 120 బంతుల్లో మెండిస్‌ సెంచరీ సాధించాడు. ఈ దశలో పాండ్యాను బరిలోకి దించిన కోహ్లి వ్యూహం ఫలితాన్నిచ్చింది. ప్రమాదకరంగా మారిన ఈ జోడిని అతను 55వ ఓవర్‌లో విడదీశాడు. వికెట్‌ కీపర్‌ సాహా పట్టిన క్యాచ్‌తో మెండిస్‌ సూపర్‌ ఇన్నింగ్స్‌ ముగిసింది. అలాగే రెండో వికెట్‌కు 191 పరుగుల భారీ భాగస్వామ్యానికి బ్రేక్‌ పడింది. మరో ఐదు ఓవర్ల అనంతరం లంక మూడో రోజు ఆటను ముగించింది.
 ఓవర్లు: 31, పరుగులు: 91, వికెట్లు: 1
 
 ► 2 భారత్‌ తరఫున టెస్టుల్లో అత్యంత వేగంగా 150 వికెట్లు తీసిన రెండో బౌలర్‌.. తొలి లెఫ్టార్మ్‌ స్పిన్నర్‌గా జడేజా గుర్తింపు.


 కొలంబో: ఇప్పటికే ఎన్నో రికార్డులను సొంతం చేసుకున్న టీమిండియా ఆల్ రౌండర్ రవిచంద్రన్ అశ్విన్ మరో రికార్డును సొంతం చేసుకున్నాడు. శ్రీలంకతో జరుగుతున్న రెండో టెస్టు మొదటి ఇన్నింగ్స్ లో హాఫ్ సెంచరీ సాధించిన అశ్విన్.. టెస్టుల్లో రెండు వేల పరుగుల మార్కును చేరాడు. తద్వారా టెస్టుల్లో రెండు వేల పరుగుల్ని, 200 వికెట్లను వేగవంతంగా సాధించిన రెండో భారత్ ఆల్ రౌండర్ గా అశ్విన్ నిలిచాడు. ఓవరాల్ గా చూస్తే ఈ ఫీట్ ను వేగవంతంగా సాధించిన నాల్గో ఆల్ రౌండర్ అశ్విన్. అంతకుముందు ఇయాన్ బోథమ్(ఇంగ్లండ్), ఇమ్రాన్ ఖాన్(పాకిస్తాన్),కపిల్ దేవ్(భారత్)లు ఈ ఘనత ఫాస్ట్ గా సాధించిన ఆల్ రౌండర్లు.
 
 మరొకవైపు టెస్టుల్లో రెండు వేల పరుగులు, 250 వికెట్లు సాధించిన నాల్గో భారత క్రికెటర్ గా అశ్విన్ గుర్తింపు పొందాడు. కపిల్ దేవ్, హర్భజన్ సింగ్, అనిల్ కుంబ్లేలు అశ్విన్ కంటే ముందున్నారు. అయితే రెండు వేల పరుగులు, 275 వికెట్లు సాధించిన ఘనతను ఫాస్ట్ గా సాధించిన వారిలో అశ్విన్ దే తొలిస్థానం కావడం మరో విశేషం. ఇక్కడ రిచర్డ్ హ్యాడ్లీ రికార్డును అశ్విన్ అధిగమించాడు. హ్యడ్లీ 58 టెస్టుల్లో ఈ ఘనతను సాధించాడు. లంకేయులతో జరిగే రెండో టెస్టు ద్వారా అశ్విన్ 51వ టెస్టును ఆడుతున్నాడు. ప్రస్తుతం అశ్విన్ ఖాతాలో 2004 టెస్టు పరుగులు, 281 టెస్టు వికెట్లు ఉన్నాయి.
  
 
 Ravichandran Ashwin is part of quite an elite club in being the fourth fastest to reach the 2,000 runs - 200 wickets double in Tests #SLvInd pic.twitter.com/c4YaRDQqcl
 — ICC (@ICC) 4 August 2017


 రెండేళ్ల క్రితం గాలేలో శ్రీలంకతో తొలి టెస్టు ఆడే ముందు అశ్విన్‌ వేరు... ఆ తర్వాత అశ్విన్‌ వేరు. పరిస్థితులు పూర్తిగా అనుకూలంగా ఉన్నప్పుడు కొంత రాణిస్తాడనే గుర్తింపు ఉన్నా... అశ్విన్‌కు ఎలాంటి ప్రత్యేకత లేదు. అప్పటి వరకు ఆడిన 25 టెస్టుల్లో అతను 98 వికెట్లు మాత్రమే తీశాడు. భారత్‌ ఆడిన గత 13 టెస్టుల్లో అతడిని 7 మ్యాచ్‌లలో పక్కన పెట్టారు. దక్షిణాఫ్రికా, న్యూజిలాండ్, ఇంగ్లండ్, ఆస్ట్రేలియాలలో జరిగిన టెస్టుల్లో భారత్‌ ఇతర బౌలింగ్‌ ప్రత్యామ్నాయాలపై కూడా దృష్టి పెట్టింది. అయితే గాలే టెస్టు అశ్విన్‌ రాతను మార్చింది. ఈ మ్యాచ్‌లో తొలి రోజు ఆరు వికెట్లు సహా మొత్తం అతను 10 వికెట్లు పడగొట్టాడు. అంతే... ఆ తర్వాత అశ్విన్‌ బౌలింగ్‌కు ఎదురులేకుండా పోయింది.
 
 తర్వాతి 24 టెస్టుల్లో అతను ఏకంగా 151 వికెట్లు తీశాడు. టెస్టుల్లో భారత్‌ తరఫున అత్యధిక వికెట్లు తీసిన జాబితాలో అశ్విన్‌ ఇప్పుడు ఐదో స్థానానికి చేరుకున్నాడు. బుధవారం తన 50వ టెస్టు మ్యాచ్‌ బరిలోకి దిగనున్న అశ్విన్‌ కొన్ని జ్ఞాపకాలను పంచుకున్నాడు. ‘టెస్టు జట్టులో స్థానం సుస్థిరం చేసుకునే అవకాశాన్ని నాకు ఆనాడు గాలే టెస్టు ఇచ్చింది. ఇప్పుడు రెండేళ్ల తర్వాత మళ్లీ ఇక్కడికి రావడం చాలా ఆనందంగా ఉంది. క్రికెట్‌ ఆడటం మొదలు పెట్టిన రోజుల నుంచి చూస్తే 50 టెస్టు మ్యాచ్‌లు ఆడే అవకాశం రావడం నిజంగా గర్వకారణంగా భావిస్తున్నా. ఇకపై ఎన్ని మ్యాచ్‌లు ఆడినా అదంతా అదనంగా లభించే ఆనందమే’ అని అశ్విన్‌ వ్యాఖ్యానించాడు. మంచి రోజులు, చెడ్డ రోజులు క్రికెటర్‌ జీవితంలో భాగమని, అనుభవాలు పాఠాలు నేర్పుతాయన్న అశ్విన్‌... 2015తో పోలిస్తే ఆటగాడిగా తాను ఎంతో మెరుగయ్యానని చెప్పాడు. ఇకపై ఫలానాది సాధించాల్సి ఉందని తాను ఎలాంటి లక్ష్యాలు పెట్టుకోవడం లేదని ఈ ఆఫ్‌ స్పిన్నర్‌ వ్యాఖ్యానించాడు. భారత జట్టులో తీవ్రమైన పోటీ మధ్య చోటు నిలబెట్టుకోవడమే గొప్ప ఘనతగా అతను అభివర్ణించాడు.
 
 ‘నాకు నేను ఎలాంటి మైలురాళ్లు, రికార్డులు లక్ష్యంగా పెట్టుకోరాదని అనుభవం ద్వారా నేర్చుకున్నాను. గత ఘనతలపైనే సాగాలని ప్రయత్నిస్తే క్రికెట్‌ మిమ్మల్ని కింద పడేయడం ఖాయం. దానికంటే ఒక్కో మ్యాచ్‌పై దృష్టి పెట్టి ఆటను మరింత మెరుగుపర్చుకోవడం అవసరం. భారత జట్టులో చోటు దక్కించుకోవడం కంటే నిలబెట్టుకోవడం ఇంకా కష్టం. ఇతర జట్లు కొత్త ఆటగాళ్లకు ఎక్కువ అవకాశాలు ఇస్తాయి. మన దగ్గర మైదానం బయటినుంచి ఉండే ఒత్తిడి కూడా చాలా ఎక్కువ’ అని అశ్విన్‌ అభిప్రాయపడ్డాడు. అశ్విన్‌ 49 టెస్టుల కెరీర్‌లో 25.22 సగటుతో 275 వికెట్లు పడగొట్టాడు. ఇన్నింగ్స్‌లో 5 వికెట్లు 25 సార్లు తీయగా...మ్యాచ్‌లో 10 వికెట్లు 7 సార్లు పడగొట్టాడు.


 ‘‘ప్రేమకథలతో అమ్మాయిల మనసు దోచిన మన్మథుడు, కుటుంబ కథాచిత్రాలతో ప్రేక్షకులను మెప్పించిన అక్కినేని అందగాడు, ప్రయోగాత్మక చిత్రాలు–కొత్త కథలకు ఎప్పుడూ పట్టంకట్టే మా రాజుగారు అలియాస్‌ నాగార్జున మా సినిమాతో అక్టోబర్‌లో ప్రేక్షకుల ముందుకు వస్తారహో!!’’ అని ‘రాజుగారి గది–2’ టీమ్‌ ప్రకటించింది.నాగార్జున హీరోగా ఓంకార్‌ దర్శకత్వంలో పీవీపీ సినిమా, మ్యాట్నీ ఎంటర్‌టైన్‌మెంట్‌ సంస్థలు నిర్మిస్తున్న ఈ సినిమాను అక్టోబర్‌ 13న విడుదల చేయాలనుకుంటున్నారు.
 
 ‘‘ఇందులో నాగార్జున స్పెషల్‌ రోల్‌లో కనిపించనున్నారు. ‘రాజుగారి గది’ మంచి హిట్టవ్వడం, సీక్వెల్‌లో నాగార్జునగారు నటిస్తుండడంతో ప్రేక్షకుల్లో సినిమాపై అంచనాలు పెరిగాయి. వాటికి ఏమాత్రం తగ్గకుండా ఈ సినిమా ఉంటుంది. ‘రాజుగారి గది’ అక్టోబర్‌లో విడుదలై మంచి విజయం సొంతం చేసుకుంది. ఇప్పుడీ సీక్వెల్‌ను కూడా అక్టోబర్‌లోనే విడుదల చేస్తాం’’ అన్నారు చిత్రనిర్మాతలు. సమంత, సీరత్‌కపూర్, అశ్విన్, నరేశ్, ‘వెన్నెల’ కిశోర్, ప్రవీణ్‌ తదితరులు నటిస్తున్న ఈ సినిమాకు సంగీతం: ఎస్‌.ఎస్‌. తమన్, కళ: ఏఎస్‌ ప్రకాశ్, కెమెరా: దివాకరన్, మాటలు: అబ్బూరి రవి.


 న్యూఢిల్లీ: శ్రీలంకతో జరిగిన వన్డే సిరీస్‌ను ఇటీవల జింబాబ్వే జట్టు అనూహ్య ప్రదర్శనతో గెలిచిన విషయం తెలిసిందే. అయితే ఇలాంటి సంచలన ఫలితాలతో ప్రపంచ క్రికెట్‌ మరింత పటిష్టమవుతుందని స్పిన్నర్‌ అశ్విన్‌ అభిప్రాయపడ్డాడు.
  
 ‘లంకపై జింబాబ్వే విజయంతో ఓ విషయం రుజువయ్యింది. క్రికెట్‌లో ఎలాంటి జట్టయినా ఓడొచ్చు.. ఎవరైనా గెలవచ్చు. రేపు అఫ్ఘానిస్తాన్‌ కూడా ఏదో ఓ జట్టును ఓడిస్తుంది. ఇలాంటి ఫలితాలే క్రికెట్‌కు కావాలి. అలా అయితేనే క్రికెట్‌ భవిష్యత్‌ మరింత బావుంటుంది’ అని అశ్విన్‌ అన్నాడు.


 నార్త్‌ సౌండ్‌: పిచ్‌ నుంచి అందివచ్చిన అవకాశాన్ని సద్వినియోగం చేసుకున్న భారత స్పిన్నర్లు అశ్విన్‌ (3/28), కుల్దీప్‌ యాదవ్‌ (3/41)  వెస్టిండీస్‌ బ్యాటింగ్‌ ఆర్డర్‌ను కుప్పకూల్చారు. వీరికి హార్దిక్‌ పాండ్యా (2/32) కూడా జత కలవడంతో శుక్రవారం జరిగిన మూడో వన్డేలో భారత్‌ 93 పరుగులతో నెగ్గింది. దీంతో ఐదు వన్డేల సిరీస్‌లో 2–0తో ఆధిక్యంలో ఉంది. తొలి వన్డే వర్షంతో రద్దయిన విషయం తెలిసిందే.
 
 2014లో కూడా భారత స్పిన్నర్లు ఒకే వన్డేలో మూడు అంతకన్నా ఎక్కువ వికెట్లు తీశారు. భారత్‌ విసిరిన 252 పరుగుల లక్ష్యం కోసం బరిలోకి దిగిన విండీస్‌ 38.1 ఓవర్లలో 158 పరుగులకు ఆలౌట్‌ అయ్యింది. రెండో ఓవర్‌లో ప్రారంభమైన వికెట్ల పతనం తుదికంటా కొనసాగింది. జేసన్‌ మొహమ్మద్‌ (61 బంతుల్లో 40; 4 ఫోర్లు), రోవ్‌మన్‌ పావెల్‌ (43 బంతుల్లో 30; 5 ఫోర్లు) భారత బౌలర్లను కొద్దిసేపు ఎదుర్కొని ఆరో వికెట్‌కు 54 పరుగుల భాగస్వామ్యాన్ని అందించారు.
 
 స్కోరు వివరాలు
 భారత్‌ ఇన్నింగ్స్‌: 251/4; విండీస్‌ ఇన్నింగ్స్‌: లూయిస్‌ (బి) ఉమేశ్‌ 2; కైల్‌ హోప్‌ (సి) జాదవ్‌ (బి) పాండ్యా 19; షాయ్‌ హోప్‌ (సి అండ్‌ బి) పాండ్యా 24; చేజ్‌ (బి) కుల్దీప్‌ 2; జేసన్‌ మొహమ్మద్‌ ఎల్బీడబ్లు్య (బి) కుల్దీప్‌ 40; హోల్డర్‌ (స్టంప్డ్‌) ధోని (బి) అశ్విన్‌ 6; పావెల్‌ (సి) పాండ్యా (బి) కుల్దీప్‌ 30; నర్స్‌ (సి) ఉమేశ్‌ (బి) అశ్విన్‌ 6; బిషూ నాటౌట్‌ 4; కమిన్స్‌ ఎల్బీడబ్లు్య (బి) అశ్విన్‌ 1; విలియమ్స్‌ (బి) జాదవ్‌ 1; ఎక్స్‌ట్రాలు 23; మొత్తం (38.1 ఓవర్లలో ఆలౌట్‌) 158.  వికెట్ల పతనం: 1–9, 2–54, 3–58, 4–69, 5–87, 6–141, 7–148, 8–156, 9–157, 10–158. బౌలింగ్‌: భువనేశ్వర్‌ 5–0–19–0; ఉమేశ్‌ 7–0–32–1; పాండ్యా 6–0–32–2; కుల్దీప్‌ 10–1–41–3; అశ్విన్‌ 10–1–28–3; జాదవ్‌ 0.1–0–0–1.
 
  1భారత్‌ తరఫున వన్డేల్లో అత్యధిక సిక్సర్లు (208) బాదిన ఆటగాడిగా ధోని.
 13 భారత్‌ తరఫున వన్డేల్లో 150 వికెట్లు పూర్తి చేసిన 13వ బౌలర్‌గా అశ్విన్‌.
 
 నేను వైన్‌లాంటివాడిని
 వయస్సు పెరిగిన కొద్దీ నా ఆటతీరు మరింత మెరుగవుతోంది కాబట్టి నేను వైన్‌ లాంటివాడిని. గత ఏడాదిన్నర కాలం నుంచి మా టాప్‌ ఆర్డర్‌ అద్భుతంగా ఆడుతోంది దీంతో నాకు అవకాశం దొరికినప్పుడల్లా ఒత్తిడి లేకుండా పరుగులు సాధించగలుగుతున్నాను. ఇక మూడో వన్డేలో పిచ్‌ను బట్టి బ్యాటింగ్‌ చేశాను. పరుగులు కష్టమైన తరుణంలో మాకు భాగస్వామ్యం ముఖ్యంగా అనిపించింది. నాకైతే 250 పరుగులు చేయగలం అనిపించింది... అలాగే చేశాం కూడా. చివర్లో నాకు కేదార్‌ చక్కగా సహకరించాడు కాబట్టి ఈ స్కోరు సాధించగలిగాం. ఐపీఎల్‌లో చాలా మ్యాచ్‌లు ఆడిన కుల్దీప్‌ అంతర్జాతీయ స్థాయిలోనూ పరిస్థితిని అర్థం చేసుకుని రాణిస్తున్నాడు.     –ఎంఎస్‌ ధోని
 
 మార్పులకు అవకాశం ఉంది
 మా జట్టులో అవకాశం దొరకని ఆటగాళ్లు ఉన్నారు. అందుకే నాలుగో వన్డేలో మార్పుల కోసం చూస్తాం. మరోసారి మ్యాచ్‌లో అద్భుతంగా ఆడగలిగాం. ఉదయం పిచ్‌పై కాస్త తేమ ఉండటంతో టాస్‌ గెలవాలనుకున్నాం. విండీస్‌ అద్భుతంగా బౌలింగ్‌ చేసింది. అయినా 250 పరుగులు సాధించగలిగాం. రెండో ఇన్నింగ్స్‌లో వికెట్‌ కీలకంగా మారింది. మా బౌలర్లు వికెట్లు తీస్తూ ఒత్తిడి పెంచగలిగారు.
 –కెప్టెన్‌ విరాట్‌ కోహ్లి


 లండన్‌: భారత బౌలర్లపై ఎంతో నమ్మకంతో కెప్టెన్‌ విరాట్‌ కోహ్లి టాస్‌ గెలిచి ఫీల్డింగ్‌ ఎంచుకోగా.. బౌలర్లు మాత్రం చేతులెత్తేశారు. ఒక్క భువనేశ్వర్‌ తప్ప ఎవరూ అంచనాల తగ్గట్టు రాణించలేదు. మొదటినుంచి దూకుడుగా ఆడిన పాకిస్థాన్‌ జట్టు టీమిండియా శిబిరాన్ని ఆరంభంలోనే ఆశ్చర్యంలో ముంచెత్తించింది. ఫకర్‌ జమాన్‌ సెంచరీకితోడు.. చివర్లో దూకుడుగా హఫీజ్‌ అర్ధసెంచరీ చేయడంతో పాకిస్థాన్‌ 339 పరుగులు భారీ లక్ష్యాన్ని భారత్‌ ముందుంచింది.
 
 స్పిన్‌ బౌలింగ్‌లో 137 పరుగులు..
 పాకిస్థాన్‌ బ్యాట్స్‌మెన్‌ దూకుడును కట్టడి చేయడంలోనూ పరుగుల వరదకు అడ్డుకట్ట వేయడంలోనూ భారత స్పిన్‌ బౌలర్లు విఫలమయ్యారు. మిడిల్‌ ఓవర్లలో పరుగులు అడ్డుకుంటారనుకున్న స్పిన్నర్లు రవిచంద్రన్‌ అశ్విన్‌, రవీంద్ర జడ్డేజా.. ఇద్దరూ చేతులెత్తేశారు. అశ్విన్‌, జడ్డేజా కలిసి వేసిన 18 ఓవర్లో పాక్‌ బ్యాట్స్‌మెన్‌ 137 పరుగులు పిండుకోవడం.. పాక్‌ను పరిమిత లక్ష్యానికి నిలువరించాలన్న టీమిండియా ఆలోచనను భారీగా దెబ్బతీసింది. డేత్‌ ఓవర్‌ స్పెషలిస్ట్‌గా పేరొందిన బుమ్రా సైతం ఒత్తిడిని తట్టుకొని నిలబడలేకపోయాడు. తొమ్మిది ఓవర్లు వేసిన అతను ఏకంగా 68 పరుగులు సమర్పించుకున్నాడు. ఇందులో మూడు నోబాల్స్‌, ఐదు వైడ్లు ఉన్నాయి. 10 ఓవర్లలో భువీ ఓ వికెట్‌ తీసుకొని.. 44 పరుగులు ఇచ్చి.. పాక్‌ ఎదురుదాడిలోనూ తట్టుకొని నిలబడ్డాడు. ఇందులో రెండు మెయిడెన్‌ ఓవర్లు ఉన్నాయి. భువీకి కాస్తో-కూస్తో తోడుగా నిలిచింది హార్దిక్‌ పాండ్యా మాత్రమే. పాండ్యా 10 ఓవర్లలో ఓ వికెట్‌ తీసుకొని 53 పరుగులు ఇచ్చాడు.
  


 లండన్‌: చాంపియన్‌ ట్రోఫిలో భారత్‌ ఆడిన రెండు మ్యాచుల్లో అశ్విన్‌ తుది జట్టులో లేకపోయినా అది బౌలింగ్‌ పై అంతగా ప్రభావం చూప లేదని భారత మాజీ క్రికెటర్‌ అజిత్‌ అగార్కర్‌ అభిప్రాయపడ్డాడు. గత కొద్దీ కాలంగా భారత బౌలింగ్‌ విభాగం పేస్‌ బౌలర్లతో పటిష్టంగా ఉందన్నాడు.  టోర్నీకి ముందు కొంత మంది భారత ఆటగాళ్లు ఫామ్‌లో లేకపోయినా  అసలు పోరు మొదలయ్యే సరికి గాడిలో పడ్డారని అగార్కర్‌ పేర్కొన్నాడు. శ్రీలంక పై భారత్‌ ఓడినా టైటిల్‌ కోహ్లీ సేనదే అని ఆశాభావం వ్యక్తం చేశాడు.
 ఇంగ్లండ్‌ గడ్డపై బాల్‌ స్వింగ్‌ అవ్వకున్నా.. బంతులు వైవిధ్యంగా వేసే బూమ్రా, ఉమేశ్‌ యాదవ్‌లు జట్టుకు బలమన్నాడు. ఇక బ్యాటింగ్‌లో ఓపెనర్స్‌ శిఖర్‌ ధావన్‌, రోహిత్‌ శర్మలు అధ్భుతంగా రాణిస్తున్నారని కితాబిచ్చాడు. గత కొద్ది కాలంగా అంతగా ఆకట్టుకొని రోహిత్‌ ఫామ్‌లోకి రావడం జట్టుకు శుభపరిణామని అగార్కర్‌ తెలిపాడు. ఇక ఆదివారం భారత్‌- దక్షిణాఫ్రికా మ్యాచ్‌ ఇరు జట్లకు కీలకం అని అభిప్రాయపడ్డాడు. రెండు జట్లు బలంగా ఉన్నాయని, ఎవరూ రాణిస్తే వారినే విజయం వరిస్తుందని అగార్కర్‌ పేర్కొన్నాడు.


 న్యూఢిల్లీ: 2011 వన్డే వరల్డ్‌ కప్‌... ఆ రోజు బెంగళూరులో ఇంగ్లండ్‌తో కీలక మ్యాచ్‌. ఉదయమే భారత కోచ్‌ గ్యారీ కిర్‌స్టెన్‌ జట్టు సమావేశం ఏర్పాటు చేశారు. ఇంతలో నేనో మాట చెబుతాను అంటూ వీరేంద్ర సెహ్వాగ్‌లాంటి సీనియర్‌ క్రికెటర్‌ ముందుకు వస్తే ఎవరైనా ఏం ఆశిస్తారు? మ్యాచ్‌ రోజు వ్యూహాల గురించో, బలాలు, బలహీనతల గురించో మాట్లాడతాడని అంతా అనుకుంటారు. కానీ వీరూ రూటే సపరేటు... అందుకే మీటింగ్‌లో అతను తన బాధ చెప్పుకున్నాడు.
 
 ‘నిబంధనల ప్రకారం ఒక్కో క్రికెటర్‌కు ఆరు కాంప్లిమెంటరీ పాస్‌లు ఇస్తారని నాకు తెలిసింది. కానీ మనకు మూడే ఇస్తున్నారు. అందుకే దీనిపై నేను ప్రశ్నించాలని నిర్ణయించుకున్నా. టాస్‌కు ముందే మనకు లెక్క ప్రకారం పాస్‌లు ఇచ్చేయాలి. అవసరమైతే అవి అందేవరకు మ్యాచ్‌ కూడా ఆడవద్దు’ అంటూ ధారాళంగా చెబుతూ పోవడంతో జట్టు సభ్యులంతా అవాక్కయి అతని వైపు చూస్తూ ఉండిపోయారు. ఈ విషయాన్ని ఒక ఇంటర్వూ్యలో స్పిన్నర్‌ అశ్విన్‌ పంచుకున్నాడు. అసలు సెహ్వాగ్‌కు జట్టు సమావేశాలు అంటే ఇష్టం ఉండేది కాదని, బంతిని చూసి బాదడమే తప్ప వ్యూహాలు అనేది అతనికి నచ్చని విషయమంటూ అశ్విన్‌ గుర్తు చేసుకున్నాడు.


 ‘పెళ్లి చూపులు’ సినిమాలో హీరోయిన్‌ తండ్రిగా నటించిన దర్శకుడు అనీష్‌ కురువిల్లా, ‘అమృతం’ సీరియల్‌ ఫేమ్‌ శివన్నారాయణ నరిపెద్ది కీలక పాత్రధారులుగా వశిష్ట పారుపల్లిని దర్శకుడిగా పరిచయం చేస్తూ, లోకి ఫిలిమ్స్, బీయంజే స్టూడియోస్‌ సంస్థలు ఓ సినిమా నిర్మిస్తున్నాయి.
 
 అశ్విన్‌ హీరోగా పరిచయం అవుతున్న ఈ సినిమా ఫస్ట్‌ షెడ్యూల్‌ ఇటీవల హైదరాబాద్‌లో ముగిసింది. త్వరలో అమెరికాలోని న్యూయార్క్, మియామీ సిటీల్లో సెకండ్‌ షెడ్యూల్‌ షూటింగ్‌ చేయనున్నారు. ఈ చిత్రానికి సాహిత్యం: సర్వ సి. హెచ్, సంగీతం: వంశీ–హరి, నిర్మాత: సుదేష్, కథ, కథనం, మాటలు, దర్శకత్వం: వశిష్ట పారుపల్లి.


 ముంబై: టీమిండియా స్టార్ స్పిన్నర్ రవిచంద్రన్ అశ్విన్ గాయం కారణంగా తాజా ఐపీఎల్ సీజన్ కు దూరమయ్యాడు. ముంబైలో ఓ ఈవెంట్లో పాల్గొన్న అశ్విన్ పలు ఆసక్తికర విషయాలను వెల్లడించాడు. మాజీ కెప్టెన్ ధోనీ, ప్రస్తుత కెప్టెన్ కోహ్లీలలో ఎవరితో ఎక్కువగా కలిసిపోతారన్న దానిపై స్పందించాడు. కోహ్లీ అంటే తనకు కొన్ని సందర్భాలలో భయమని, ఫీల్డింగ్ సెట్ చేయడంలో ఇది స్పష్టంగా కనిపిస్తుందన్నాడు. కోహ్లీ చాలా దూకుడుగా వ్యవహరిస్తాడని, కొన్నిసార్లు తన వద్దకు వచ్చి పలానా పొజిషన్లో ఫీల్డర్ ను ఎందుకు తీసేశావ్ అని ప్రశ్నించాడని గుర్తుచేసుకున్నాడు. వ్యక్తిగతంగా గేమ్ ఆడుతున్నట్లు భావిస్తుంటాడని, అయితే తనకు కోహ్లీ, ధోనీలను కాపీ కొట్టే ఉద్దేశమే లేదని అశ్విన్ వ్యాఖ్యానించాడు.
 
 'దేశమంతా ధోనీనే మరింత కాలం కెప్టెన్ గా ఉండాలని కోరుకుంటున్నారు. నేను ధోనీ కెప్టెన్సీలో దాదాపు అయిదేళ్లు ఆడాను. చాలా అనుభవంతో, ఎంతో గొప్పగా నిర్ణయాలు తీసుకుంటాడు. జట్టులో ఆత్మవిశ్వాసాన్ని నింపుతాడు. టాస్ కు వెళ్లేముందు జట్టులోకి తీసుకోని ప్లేయర్ కు తగిన కారణాలు చూపించి సర్దిచెప్పే మనస్తత్వం ధోనీ సొంతం. ధోనీకి ఈ సందర్భంగా నా ధన్యవాదాలు చెబుతున్నాను' అని అశ్విన్ చెప్పుకొచ్చాడు. ధోనీ కెప్టెన్సీలో చెన్నై సూపర్ కింగ్స్ లో ఆడిన అశ్విన్, ఆ తర్వాత రైజింగ్ పుణే సూపర్ జెయింట్ తరఫున గత సీజన్ లో అతడి కెప్టెన్సీలోనే ఆడాడు. పుణేకు ప్రస్తుతం స్టీవ్ స్మిత్ కెప్టెన్ గా వ్యవహరిస్తున్నాడు.


 చెన్నై: రైజింగ్‌ పుణే జట్టుకు గాయంతో దూరమైన భారత దిగ్గజ స్పిన్నర్‌ రవిచంద్రన్‌ అశ్విన్‌ స్ధానంలో  18 ఏళ్ల తమిళ కుర్రాడు ఎంపికయ్యాడు. కొద్ది రోజుల క్రితం స్పోర్ట్స్‌ హెర్నియాతో బాధపడుతూ ఐపీఎల్‌కు అశ్విన్‌ దూరమైన విషయం తెలిసిందే. అశ్విన్‌ లోటు తీర్చేందుకు పుణే జట్టు  తమిళ యువ క్రికెటర్‌ ఆల్‌రౌండర్‌ వాషింగ్టన్‌ సుందర్‌ను ఎంపిక చేసింది. సుందర్‌ ఎడమ చేతి వాటం బ్యాట్స్‌మన్‌, కుడిచేతి స్పిన్ బౌలర్‌.   బంగ్లాలో జరిగిన అండర్‌-19 వరల్డ్‌కప్‌లో ఫైనల్‌కు చేరిన భారత్‌ జట్టులో సుందర్‌ కీలక ఆటగాడు. విజయ్‌హజారే, దేవధర ట్రోఫిల్లో తమిళనాడు విజయంలో కీలక పాత్ర పోశించాడు.
  
 అశ్విన్‌ స్థానానికి సుందర్‌ జమ్ముకశ్మీర్‌ ఆల్‌రౌండర్‌ పర్వేజ్‌ రసూల్‌తో పోటి పడ్డాడు. వీరిద్దరి మద్య పుణే జట్టు నెట్స్‌లో బౌలింగ్‌ పరీక్ష చేసింది. వీరు పణే కెప్టెన్‌ స్టీవ్‌ స్మిత్‌, మహేంద్ర సింగ్‌ ధోని, బెన్‌ స్ట్రోక్స్‌కు నెట్స్‌లో బౌలింగ్‌ చేశారు. సుందర్‌ కెప్టెన్‌ స్మిత్‌ వికెట్‌ పడగొట్టడంతో అవకాశం పొందాడు. ‘దిగ్గజ స్పిన్నర్‌ అశ్విన్‌ స్థానంలో ఎంపికవ్వడం చాలా సంతోషంగా ఉంది. నాకు ఎలాంటి అంచానాలు లేవు, అవకాశం వస్తే ఆడడానికి నేను సిద్దంగా ఉన్నాను. నెట్స్‌లో చాలసార్లు ధోనికి బౌలింగ్‌ చేశాను. ధోని చాలసార్లు నన్ను ప్రశంసించాడు. అతను చాల సలహాలు ఇచ్చాడు’.అని తన ఎంపికపై హర్షం వ్యక్తం చేశాడు. ఈ ఎంపికతో సుందర్‌ పుణే స్పిన్‌ విభాగంలోని ఇమ్రాన్‌ తాహీర్‌, ఆడమ్‌ జంపా, అంకత్‌ శర్మ, తమిళనాడు ఆటగాడు బాబా అపరజిత్‌ల సరసన చేరాడు. తమిళనాడు కోచ్‌ హ్రిషికేశ్‌ కనిత్కర్‌ ఆర్‌పీఎస్‌ జట్టు సహాకోచ్‌గా ఉండడం సుందర్‌ ఎంపికకు కలిసొచ్చింది.
  


 న్యూఢిల్లీ: భారత స్టార్‌ క్రికెటర్లు రవిచంద్రన్‌ అశ్విన్, లోకేశ్‌ రాహుల్, మురళీ విజయ్‌ గాయాల కారణంగా ఈ నెల 5న మొదలయ్యే ఐపీఎల్‌–10 సీజన్‌ నుంచి వైదొలిగారు. అశ్విన్‌ పుణే రైజింగ్‌ సూపర్‌ జెయింట్‌ తరఫున, రాహుల్‌ రాయల్‌ చాలెంజర్స్‌ బెంగళూరు తరఫున, విజయ్‌ పంజాబ్‌ కింగ్స్‌ ఎలెవన్‌ తరఫున ఆడాల్సి ఉంది.
 
 భుజం గాయం నుంచి ఇంకా కోలుకోని విరాట్‌ కోహ్లి (రాయల్‌ చాలెంజర్స్‌ బెంగళూరు)... గత తొమ్మిది నెలలుగా విరామం లేకుండా జాతీయ జట్టుకు ఆడుతున్న రవీంద్ర జడేజా (గుజరాత్‌ లయన్స్‌), ఉమేశ్‌ యాదవ్‌ (కోల్‌కతా నైట్‌రైడర్స్‌) ఆరంభంలోని కొన్ని మ్యాచ్‌లకు దూరంగా ఉండే అవకాశముంది. ‘నేను ఐపీఎల్‌లో ఆడటంలేదు. అధికారిక సమాచారాన్ని నా జట్టు రాయల్‌ చాలెంజర్స్‌ బెంగళూరు జట్టు వెల్లడిస్తుంది’ అని రాహుల్‌ తెలిపాడు. భుజానికి శస్త్ర చికిత్స చేయించుకోవడానికి రాహుల్‌ లండన్‌ వెళ్లనున్నట్లు సమాచారం.


 న్యూఢిల్లీ: ఆస్ట్రేలియా ఆటగాళ్లతో సిరీస్‌ ఆరంభానికి ముందు ఉన్న స్నేహభావం ఇప్పుడు లేదన్న వ్యాఖ్యలు వివాదాస్పదం కావడంతో భారత కెప్టెన్‌ విరాట్‌ కోహ్లి వివరణ ఇచ్చుకున్నాడు. అవి అందరిని ఉద్దేశించి చేసినవి కావని, కొంతమందితో తన స్నేహం ఎప్పటికీ కొనసాగుతుందని అన్నాడు. 2–1తో సిరీస్‌ గెలుచుకున్న అనంతరం మీడియా సమావేశంలో కోహ్లి ఆసీస్‌ జట్టుపై తన అసంతృప్తి వెళ్లగక్కిన విషయం తెలిసిందే. ‘మ్యాచ్‌ ముగిశాక మీడియా సమావేశంలో నేను చెప్పిన మాటలను కొందరు తప్పుగా అర్థం చేసుకుంటున్నారు. నేనేమీ మొత్తం ఆస్ట్రేలియా జట్టు గురించి మాట్లాడలేదు.
 
 ఆ జట్టులోని ఇద్దరు ముగ్గురి గురించే చెప్పాను. నాకు బాగా తెలిసిన వారితో.. బెంగళూరు జట్టులోని ఆసీస్‌ ఆటగాళ్లతో ఎప్పటిలాగే స్నేహంగా ఉంటాను. ఇందులో ఎలాంటి మార్పు ఉండదు’ అని వరుస ట్వీట్లతో కోహ్లి పేర్కొన్నాడు. ఇరు జట్ల మధ్య జరిగిన నాలుగు టెస్టుల సిరీస్‌ హోరాహోరీ ఆటతో పాటు మాటల తూటాలతో వివాదాస్పదంగా ముగిసిన విషయం తెలిసిందే.
 
 అలా మాట్లాడినందుకు సారీ: బ్రాడ్‌ హాడ్జ్‌
 మెల్‌బోర్న్‌: విరాట్‌ కోహ్లి భుజం నొప్పితో ధర్మశాల టెస్టులో ఆడకపోవడంతో.. ఐపీఎల్‌లో పాల్గొనేందుకే ఆ మ్యాచ్‌కు దూరంగా ఉన్నాడని ఆసీస్‌ మాజీ క్రికెటర్‌ బ్రాడ్‌ హాడ్జ్‌ ఆరోపించిన విషయం తెలిసిందే. ఈ కామెంట్స్‌తో గుజరాత్‌ లయన్స్‌ కోచ్‌గా తన హోదా ప్రమాదంలో పడే అవకాశం ఉండడంతో వెంటనే దిగివచ్చాడు. ‘ఎవరి మనసు నొప్పించాలనో నేనా వ్యాఖ్యలు చేయలేదు. ఐపీఎల్‌ను అవమానపరిచే ఉద్దేశం కూడా నాకు లేదు. చాలా ఏళ్లుగా ఆ లీగ్‌లో పాలుపంచుకుంటున్నందుకు సంతోషంగా ఉంది. నా వ్యాఖ్యలపై భారత అభిమానులు బాధపడి ఉంటే క్షమాపణలు చెబుతున్నాను. గతంలో చాలామంది క్రికెటర్లు తమ జాతీయ జట్లుకు దూరంగా ఉండి ఐపీఎల్‌కు సిద్ధమయ్యారు’ అని హాడ్జ్‌ ట్విట్టర్‌లో తెలిపాడు.
 
 క్షమాపణ దినోత్సవంగా నిర్వహించుకుందాం: అశ్విన్‌
 న్యూఢిల్లీ: బ్రాడ్‌ హాడ్జ్‌ క్షమాపణపై భారత ఆఫ్‌ స్పిన్నర్‌ ఆర్‌.అశ్విన్‌ వ్యంగ్యంగా స్పందించాడు. ‘ఈ ఏడాది నుంచి మార్చి 30ని అంతర్జాతీయ క్షమాపణ దినోత్సవంగా గుర్తుంచుకుందాం’ అని ట్వీట్‌ చేశాడు. ఈ ట్వీట్‌కు అభిమానుల నుంచి విశేషంగా స్పందన కనిపించింది. వేల సంఖ్యలో రిట్వీట్స్, లైక్స్‌ వచ్చాయి.


 ►నిర్విరామంగా బౌలింగ్‌ చేస్తున్న జడేజా
 ►ఈ సీజన్‌లో 4,106 బంతులు వేసిన బౌలర్‌
 ►భారత విజయాల్లో కీలక పాత్ర   
 
 ఒకవైపు అశ్విన్‌ రికార్డుల మీద రికార్డులు బద్దలు కొడుతుంటాడు. వరుసగా‘మ్యాన్‌ ఆఫ్‌ ద మ్యాచ్‌’, సిరీస్‌ అవార్డులు కొల్లగొడుతుంటాడు. కానీ రెండో ఎండ్‌ నుంచి బౌలింగ్‌ చేసే మరో స్పిన్నర్‌ రవీంద్ర జడేజా ఖాతాలో మాత్రం పెద్దగా వికెట్లు కనిపించవు. పరుగులివ్వకుండా పూర్తిగా కట్టి పడేసి, బ్యాట్స్‌మెన్‌పై ఒత్తిడి పెంచడమే అతని పనిలా కనిపించింది. కానీ ఇకపై జడేజా సహాయక పాత్రలోనే ఉండిపోయే బౌలర్‌గానే మిగిలిపోడు.
 
 అశ్విన్‌ను దాటి అతను వికెట్లు పడగొట్టడంలోనూ తనదైన ముద్ర చూపిస్తున్నాడు. బ్యాటింగ్‌తోపాటు అవసరమైతే అప్పుడప్పుడు కొన్ని ఓవర్లు బౌలింగ్‌ చేయగల క్రికెటర్‌గా మాత్రమే మొదట్లో జడేజాకు గుర్తింపు ఉండేది. ఇప్పుడు మ్యాచ్‌లో దాదాపు వంద ఓవర్లు వేయడమే కాదు... వరల్డ్‌ నంబర్‌వన్‌ బౌలర్‌గా కూడా అతను ఎదిగాడు. ఒకప్పుడు షరతులు వర్తిస్తాయి అన్నట్లుగా తనకు అనుకూలించే పిచ్‌పైనే రాణించగలడని జడేజా గురించి చెప్పే మాట. కానీ ఇప్పుడు పిచ్‌తో పని లేకుండా ఎలాంటి ప్రభావం చూపించగలడో అతను తాజాగా ఆస్ట్రేలియాతో సిరీస్‌లో నిరూపించాడు.  
 
 సాక్షి క్రీడా విభాగం : బెంగళూరు టెస్టులో రెండో ఇన్నింగ్స్‌లో అశ్విన్‌ 6 వికెట్లు తీసి భారత్‌ను గెలిపించాడు. కానీ ఆ వికెట్లకు ముందు జడేజా వేసిన బంతులు ఆసీస్‌ను ప్రమాదంలో పడేశాయి. ఆ ఇన్నింగ్స్‌లో బ్యాట్స్‌మెన్‌ జడేజా బౌలింగ్‌ను ఎదుర్కోలేక అల్లాడిపోయారు. నేరుగా స్టంప్‌పైకి దూసుకొచ్చిన ప్రతీ బంతి వారికి ప్రమాదకరంగా కనిపించింది. అదే ఒత్తిడి చివరకు వికెట్లు అర్పించుకునేలా చేసింది. జడేజా వేసిన 8 ఓవర్లలో 5 మెయిడిన్లు ఉండగా ఇచ్చినవి 3 పరుగులే! అంటే ఓవర్‌కు సగం పరుగుకంటే కూడా తక్కువ. మిగతా ముగ్గురు బౌలర్ల బౌలింగ్‌లో బౌండరీలు బాదిన కంగారూలు జడేజా బౌలింగ్‌లో ఒక్క ఫోర్‌ కూడా కొట్టలేకపోయారు. ఒకదాని తర్వాత మరొకటి... పిచ్‌పై ఒకే ప్రాంతం వద్ద ప్రతీ బంతిని అంతే కచ్చితత్వంతో వరుసగా వేయగలగడం చిన్న విషయం కాదు. కానీ జడేజాకు అది ఇప్పుడు మంచినీళ్ల ప్రాయంలా మారిపోయింది. సగటున 90 సెకన్లలోపే చకచకా ఓవర్‌ పూర్తి చేసే జడేజా ప్రత్యర్థికి ఊపిరి పీల్చుకునే అవకాశం కూడా ఇవ్వకుండా ఒత్తిడి పెంచడంలో ఘనాపాటి.
 
  హిర్వాణీ చలవతో...
 రాంచీ టెస్టులో జడేజా ఏకంగా 93.3 ఓవర్ల పాటు బౌలింగ్‌ చేశాడు. దాదాపు 27 ఏళ్ల క్రితం ఇంగ్లండ్‌పై ఓవల్‌లో భారత లెగ్‌ స్పిన్నర్‌ నరేంద్ర హిర్వాణీ వేసిన 94 ఓవర్లకంటే మూడు బంతులే తక్కువ. ఆసక్తికర విషయం ఏమిటంటే స్వదేశంలో ఈ సుదీర్ఘ సీజన్‌ (13 టెస్టులు)కు ముందు తన బౌలింగ్‌లో కొన్ని మార్పుల కోసం జడేజానే స్వయంగా హిర్వాణీ వద్దకు వెళ్లాడు. సాధారణంగా అంతర్జాతీయ క్రికెటర్లకు మ్యాచ్‌లో తప్ప నెట్స్‌లో బౌలింగ్‌ చేసే విషయంలో చాలా సార్లు సడలింపులు ఉంటాయి. కానీ హిర్వాణీ మాత్రం దీనికి ఒప్పుకోలేదు. అతను చేసిన మొదటి పని జడేజాతో సుదీర్ఘ సమయం పాటు నిరంతరాయంగా బౌలింగ్‌ చేయించడం. నేరుగా నెట్స్‌లో బ్యాట్స్‌మెన్‌కు బౌలింగ్‌ చేయకుండా సింగిల్‌ స్టంప్‌తో, బ్యాట్స్‌మన్‌ లేకుండా లెక్కలేనన్ని సంఖ్యలో జడేజా బంతులు వేశాడు. అదే అతడిని కచ్చితత్వంతో బౌలింగ్‌ చేసే విషయంలో రాటు దేల్చింది. వంద ఓవర్లు వేసినా లైన్‌ తప్పకపోవడం అసాధారణంగా చెప్పవచ్చు. బంతిని వేగంగా సంధించే విషయంలో, గ్రిప్‌ అంశంలో కూడా హిర్వాణీ సూచనలు జడేజాకు బాగా పనికొచ్చాయి.
 
 బ్యాట్స్‌మెన్‌ చేతులెత్తేశారు...
 అశ్విన్‌ తరహాలో జడేజా బౌలింగ్‌లోని సాంకేతిక నైపుణ్యాల గురించి మాట్లాడడు. మేధావి తరహాలో విశ్లేషించడం కూడా అతనికి తెలీదు. జడేజాకు తెలిసిందల్లా ప్రత్యర్థిపై మానసికంగా పైచేయి సాధించడం. బ్యాట్స్‌మెన్‌పై పదే పదే ఒత్తిడి పెంచి ఉచ్చులో బిగించడమే అతను చేసే పని. ఈ సీజన్‌లో నాలుగు జట్లతో జరిగిన టెస్టులలో కూడా అతను ప్రతీసారి కీలక బ్యాట్స్‌మెన్‌ వికెట్లు తీసి భారత్‌ను ముందంజలో నిలిపాడు. జడేజా బాధితుడిగా మారిన తర్వాత ఇంగ్లండ్‌ కెప్టెన్‌ అలిస్టర్‌ కుక్‌ అతనిపై ప్రశంసలు కురిపించకుండా ఉండలేకపోయాడు. రాంచీ టెస్టు రెండో ఇన్నింగ్స్‌లో స్మిత్‌ను అవుట్‌ చేసిన బంతి గురించి అయితే ఎంత చెప్పినా తక్కువే అవుతుంది. ఈ మ్యాచ్‌ రెండో ఇన్నింగ్స్‌లో 44 ఓవర్లలో కేవలం 54 పరుగులే ఇవ్వడం చూసిన కోహ్లి, ఇంత పొదుపైన బౌలింగ్‌ నేనెప్పుడూ చూడలేదంటూ సహచరుడిని అభినందించాడు. పనిలో పనిగా చెత్త పిచ్‌లపైనే వికెట్లు తీయగలడనే అపప్రథను కూడా జడేజా తొలగించుకున్నాడు.
 
 బౌలింగ్‌ మెషీన్‌...
 భారత గడ్డపై జట్టు విజయాల్లో స్పిన్నర్ల పాత్ర గురించి ప్రత్యేకంగా చెప్పనవసరం లేదు. ఈ సీజన్‌లో జడేజా ప్రదర్శన కెప్టెన్‌గా తనకు ఎంతగా కలిసొచ్చిందో కోహ్లికి బాగా తెలుసు. అందుకే ఒకవైపు ‘బౌలింగ్‌ యంత్రం’గా జడేజాను ప్రశంసిస్తూనే మరోవైపు జట్టు గెలుపు కోసం ఇలాంటి బౌలర్‌ను శ్రమ పెట్టక తప్పదంటున్నాడు. ఈ సీజన్‌లో రాంచీ టెస్టు వరకు జడేజా ఏకంగా 684.2 ఓవర్లు (4,106 బంతులు) బౌలింగ్‌ చేశాడు. ఇక బ్యాటింగ్‌లో చేసిన ఐదు అర్ధ సెంచరీలు అదనం. వీటికి తోడు అతని మెరుపు ఫీల్డింగ్‌ వల్ల జట్టుకు కలిగే ప్రయోజనం బోనస్‌. ఇంత భారం మోస్తూ కూడా గాయాలపాలు కాకుండా ఆడుతున్న తీరు చూస్తే జడేజా ఫిట్‌నెస్‌ స్థాయి అర్థమవుతుంది. ఇక మిగిలిన మరో టెస్టులోనూ తన వాడిని చూపిస్తే జడేజా కెరీర్‌లో ఈ ఏడాది చిరస్మరణీయంగా మిగిలిపోతుంది.
 
 జడేజా సింగిల్‌గా...
 దుబాయ్‌: అంతర్జాతీయ క్రికెట్‌ కౌన్సిల్‌ (ఐసీసీ) టెస్టు బౌలింగ్‌ ర్యాంకింగ్స్‌లో రవీంద్ర జడేజా తన అగ్రస్థానాన్ని (899 పాయింట్లు) నిలబెట్టుకున్నాడు. అయితే ఈసారి సంయుక్తంగా కాదు. సహచరుడు అశ్విన్‌ను వెనక్కి నెట్టి జడేజా తొలిసారి ఒక్కడే వరల్డ్‌ నంబర్‌వన్‌గా నిలిచాడు. రాంచీ టెస్టులో జడేజా 9 వికెట్లు పడగొట్టగా... రెండు వికెట్లే తీసిన అశ్విన్‌ (862) రెండో స్థానానికి పడిపోయాడు. మరో పాయింట్‌ సాధిస్తే 900 పాయింట్ల మార్క్‌ను దాటిన అరుదైన బౌలర్ల జాబితాలో జడేజాకు చోటు దక్కుతుంది.  మరోవైపు ఇదే టెస్టులో ‘డబుల్‌ సెంచరీ’తో చెలరేగిన చతేశ్వర్‌ పుజారా బ్యాట్స్‌మన్‌ ర్యాంకింగ్స్‌లో నాలుగు స్థానాలు ఎగబాకి రెండో స్థానానికి (861 పాయింట్లు) చేరుకున్నాడు. అతని కెరీర్‌లో ఇదే అత్యుత్తమ ర్యాంకింగ్‌ కావడం విశేషం. ఆసీస్‌ కెప్టెన్‌ స్టీవ్‌ స్మిత్‌ నంబర్‌వన్‌ స్థానంలో (941 పాయింట్లు) ఉన్నాడు.  
 
 2016–17 సీజన్‌లో జడేజా ప్రదర్శన
 టెస్టులు - 12
 ఇన్నింగ్స్‌-  24
 ఓవర్లు - 684.2
 మెయిడిన్లు - 175
 పరుగులు  -1,540
 వికెట్లు - 67
 సగటు - 22.98
 ఎకానమీ  - 2.25
 ఇన్నింగ్స్‌లో 5 వికెట్లు -  4
 మ్యాచ్‌లో 10 వికెట్లు  - 1


 దుబాయ్:ఆస్ట్రేలియాతో మూడో టెస్టులో విశేషంగా రాణించిన భారత్ స్పిన్నర్ రవీంద్ర జడేజా అంతర్జాతీయ టెస్టు ర్యాంకింగ్స్ లో తొలిసారి టాప్ స్థానంలో నిలిచాడు. ఇటీవల మరో భారత బౌలర్ రవి చంద్రన్ అశ్విన్ తో కలిసి సంయుక్తంగా అగ్రస్థానం సాధించిన జడేజా.. తాజా బౌలర్ల ర్యాంకింగ్స్ లో సింగిల్ గా ప్రథమ స్థానంలో నిలిచాడు. రాంచీ టెస్టు అనంతరం అశ్విన్ కంటే 37 రేటింగ్ పాయింట్లను అధికంగా సంపాదించిన జడేజా తొలి స్థానాన్ని ఆక్రమించాడు. తద్వారా టెస్టు క్రికెట్ చరిత్రలో అగ్రస్థానాన్ని దక్కించుకున్న మూడో భారత బౌలర్ గా జడేజా గుర్తింపు పొందాడు. బిషన్ సింగ్ బేడీ, అశ్విన్ ల తరువాత భారత్ నుంచి అగ్రస్థానం దక్కించుకున్న మూడో బౌలర్ జడేజా. ప్రస్తుతం జడేజా 899 రేటింగ్ పాయింట్లతో మొదటి స్థానంలో, అశ్విన్ 862 రేటింగ్ పాయింట్లతో రెండో స్థానంలో ఉన్నారు. ఆల్ రౌండర్ల జాబితాలో అశ్విన్ రెండో స్థానంలో, జడేజా మూడో స్థానంలో ఉన్నారు.
 
 మరొకవైపు బ్యాట్స్మన్ ర్యాంకింగ్స్ లో భారత టాపార్డర్ ఆటగాడు చటేశ్వర్ పుజారా రెండో స్థానాన్ని దక్కించుకున్నాడు. రాంచీ టెస్టులో డబుల్ సెంచరీ సాధించిన పుజారా ఆరో స్థానం నుంచి రెండో స్థానానికి ఎగబాకాడు. ఈ సిరీస్ లో భారత నుంచి సెంచరీ సాధించిన ఆటగాడు పుజరా తన ర్యాంకును మరింత మెరుగుపరుచుకుని ఇంగ్లండ్  స్టార్ ఆటగాడు జో రూట్ ను వెనక్కునెట్టాడు. ఆస్ట్రేలియా కెప్టెన్ స్టీవ్ స్మిత్(941 రేటింగ్ పాయింట్లు) తొలి స్థానంలో ఉండగా, పుజారా(861 రేటింగ్ పాయింట్లు) రెండో స్థానంలో నిలిచాడు. మరొకవైపు భారత కెప్టెన్ విరాట్ కోహ్లి మాత్రం ఐసీసీ టెస్టు ర్యాంకింగ్స్ లో నాల్గో స్థానానికే పరిమితమయ్యాడు. గతవారం టెస్టు ర్యాంకింగ్స్ లో మూడో స్థానం నుంచి నాల్గో స్థానానికి పడిపోయిన కోహ్లి అదే స్థానంలో కొనసాగుతున్నాడు.


 ⇒స్మిత్‌ సెంచరీ, మ్యాక్స్‌వెల్‌ అర్ధశతకం
 ⇒ఆస్ట్రేలియా తొలి ఇన్నింగ్స్‌ 299/4
 ⇒ఆకట్టుకున్న ఉమేశ్‌ భారత్‌తో మూడో టెస్టు
 
 రెండోటెస్టులో ఎదురైన ఘోర పరాజయానికి ఆస్ట్రేలియా దీటుగా బదులిచ్చింది. రాంచీలో భారత్‌తో ప్రారంభమైన మూడోటెస్టులో శుభారంభం చేసింది. డీఆర్‌ఎస్‌ వివాదంతో ఏమాత్రం ఏకాగ్రత చెదిరిపోని కెప్టెన్‌ స్మిత్‌ సిరీస్‌లో రెండో సెంచరీతో సత్తాచాటాడు. మరోవైపు మూడేళ్ల తర్వాత టెస్టు ఆడుతున్న మ్యాక్స్‌వెల్‌ కీలక ఇన్నింగ్స్‌తో ఆకట్టుకున్నాడు. దీంతో రాంచీ టెస్టులో ఆసీస్‌ భారీ స్కోరు వైపు దూసుకెళ్తోంది. మరోవైపు భారత బౌలర్లలో ఉమేశ్‌ యాదవ్‌ ‘రివర్స్‌ స్వింగ్‌’తో ఆకట్టుకున్నాడు.
 
 అయితే ఈ ట్రాక్‌పై స్పిన్‌ మంత్రం పారలేదు. భారత స్పిన్నర్లు అశ్విన్, జడేజా అంతంతమాత్రంగానే చెరో వికెట్‌తో రాణించారు. మరోవైపు ‘పులి మీద పుట్ర’లా భుజం గాయంతో భారత కెప్టెన్‌ కోహ్లి మైదానాన్ని వీడడం జట్టు యాజమానాన్ని కలవరపెడుతోంది. ఏదేమెనా ఈ టెస్టులో భారత్‌ పుంజుకోవాలంటే రెండోరోజు వీలైనంత త్వరగా ఆసీస్‌ను ఆలౌట్‌ చేసి భారత్‌ తమ తొలి ఇన్నింగ్స్‌లో భారీ స్కోరు సాధించాల్సి ఉంటుంది.
 
 రాంచీ: భారత్‌–ఆస్ట్రేలియా మధ్య జరుగుతున్న నాలుగు టెస్టుల బోర్డర్‌ గావస్కర్‌ సిరీస్‌లో భాగంగా రాంచీలో ప్రారంభమైన మూడోటెస్టులో ఆస్ట్రేలియా శుభారంభం చేసింది. తొలిసారి టెస్టు మ్యాచ్‌కు ఆతిథ్యమిస్తోన్న రాంచీ వికెట్‌పై కంగారూ జట్టు అద్భుతమైన బ్యాటింగ్‌ ప్రదర్శన చేసింది. గురువారం తొలిరోజు టాస్‌ నెగ్గి తొలుత బ్యాటింగ్‌కు దిగిన ఆసీస్‌ 90 ఓవర్లలో నాలుగు వికెట్లకు 299 పరుగులు చేసింది. కెప్టెన్‌ స్టీవెన్‌ స్మిత్‌ అజేయ సెంచరీ (244 బంతుల్లో 117 బ్యాటింగ్, 13 ఫోర్లు), ఆల్‌రౌండర్‌ గ్లెన్‌ మ్యాక్స్‌వెల్‌ అర్ధ శతకం (82 బ్యాటింగ్‌)తో ఆకట్టుకున్నారు. ఓపెనర్‌ మ్యాట్‌ రెన్‌షా (44) ఫర్వాలేదనిపించాడు. ఓ దశలో 140/4తో కష్టాల్లో పడిన జట్టును స్మిత్‌–మ్యాక్స్‌వెల్‌ జోడీ ఆదుకుంది. సుదీర్ఘంగా 47.4 ఓవర్లపాటు బ్యాటింగ్‌ చేసిన వీరిద్దరూ అభేద్యమైన ఐదో వికెట్‌కు 159 పరుగులు జోడించారు. భారత బౌలర్లలో ఉమేశ్‌ యాదవ్‌ (2/63) ఆకట్టుకున్నాడు. స్పిన్నర్లు రవిచంద్రన్‌ అశ్విన్‌ (1/78), రవీంద్ర జడేజా (1/80) ప్రభావం చూపించలేకపోయారు.  
 
 సెషన్‌ 1: సమం సమం
 టాస్‌ గెలిచి బ్యాటింగ్‌ ఎంచుకున్న ఆస్ట్రేలియా తుది జట్టులోకి కమిన్స్, మ్యాక్స్‌వెల్‌లను తీసుకోగా,  గాయంనుంచి కోలుకున్న భారత ఓపెనర్‌ విజయ్‌ మళ్లీ జట్టులోకి వచ్చాడు. ఆసీస్‌ ఓపెనర్లలో వార్నర్‌ (19) జాగ్రత్తగా ఆడే ప్రయత్నం చేయగా, రెన్‌షా మాత్రం దూకుడు ప్రదర్శించాడు. రెన్‌షా తన తొలి 24 పరుగులను 17 బంతుల వ్యవధిలో ఆరు బౌండరీలతోనే సాధించడం విశేషం. అయితే ఫామ్‌ కోల్పోయి ఇబ్బంది పడుతున్న వార్నర్, ఈ సారి జడేజాకు చిక్కాడు. ఫుల్‌టాస్‌ను వార్నర్‌ బలంగా బాదగా, రాకెట్‌ వేగంతో దూసుకొచ్చిన బంతిని జడేజా అద్భుత రిటర్న్‌ క్యాచ్‌తో అందుకున్నాడు. ఆ తర్వాత కొద్ది సేపటికే స్లిప్‌లో క్యాచ్‌ ఇచ్చి రెన్‌షా వెనుదిరిగాడు. ఆ వెంటనే షాన్‌ మార్‌‡్ష (2)ను అశ్విన్‌ పెవిలియన్‌ పంపించాడు. పుజారా క్యాచ్‌ పట్టిన అనంతరం అంపైర్‌ తిరస్కరించగా... రివ్యూ కోరిన భారత్‌ ఫలితం సాధించింది. మరో ఎండ్‌లో స్మిత్‌ మాత్రం తనదైన శైలిలో క్రీజ్‌లో పాతుకుపోయే ప్రయత్నం చేశాడు.
 ఓవర్లు: 30, పరుగులు: 109, వికెట్లు: 3
 
 సెషన్‌ 2: స్మిత్‌ జోరు
 లంచ్‌ తర్వాత కొద్ది సేపటికే బౌండరీ వద్ద బంతిని ఆపబోయి కోహ్లి గాయపడటంతో 40వ ఓవర్‌నుంచి రహానే కెప్టెన్సీ బాధ్యతలు నిర్వర్తించాడు. మరో వైపు ఆసీస్‌ కెప్టెన్‌ చక్కటి షాట్లతో దూసుకుపోయాడు. 104 బంతుల్లో స్మిత్‌ అర్ధ సెంచరీ పూర్తయింది. అయితే తర్వాతి బంతికే హ్యాండ్స్‌కోంబ్‌ (19)ను ఉమేశ్‌ చక్కటి బంతితో అవుట్‌ చేశాడు. ఈ దశలో జత కలిసిన స్మిత్, మ్యాక్స్‌వెల్‌ మళ్లీ ఆసీస్‌ ఇన్నింగ్స్‌ను నిలబెట్టే పనిలో పడ్డారు. దాదాపు రెండున్నరేళ్ల తర్వాత టెస్టు మ్యాచ్‌ ఆడుతున్న మ్యాక్స్‌వెల్‌ తన సహజసిద్ధమైన దూకుడును కట్టిపెట్టి స్మిత్‌ అండతో చక్కటి బ్యాటింగ్‌ ప్రదర్శన కనబర్చాడు. తాను ఎదుర్కొన్న 57వ బంతికి గానీ అతను తొలి ఫోర్‌ కొట్టలేదు.
 ఓవర్లు: 30, పరుగులు: 85, వికెట్లు: 1
 
 సెషన్‌ 3: ఆసీస్‌ హవా
 విరామం అనంతరం ఆస్ట్రేలియా దూసుకుపోయింది. భారత బౌలర్లు కొన్నిసార్లు చక్కటి బంతులు వేసి బ్యాట్స్‌మెన్‌ను ఇబ్బంది పెట్టే ప్రయత్నం చేసినా కంగారూలకు అది పెద్ద సమస్య కాలేదు. జడేజా బౌలింగ్‌లో మిడ్‌వికెట్‌ మీదుగా సిక్సర్‌ బాదిన మ్యాక్స్‌వెల్‌ 95 బంతుల్లో కెరీర్‌లో తొలి అర్ధ సెంచరీ పూర్తి చేసుకున్నాడు. మరో వైపు 90ల్లోకి వచ్చిన తర్వాత చాలా సేపు ఉత్కంఠక్షణాలు ఎదుర్కొన్న స్మిత్‌ ఎట్టకేలకు విజయ్‌ బౌలింగ్‌లో మిడాన్‌ మీదుగా ఫోర్‌ కొట్టి 227 బంతుల్లో సెంచరీ మార్క్‌ను అందుకున్నాడు. ఒకే సిరీస్‌లో కనీసం రెండు శతకాలు బాదిన తొలి ఆసీస్‌ కెప్టెన్‌గా, ఓవరాల్‌గా మూడో విదేశీ కెప్టెన్‌గా నిలిచాడు. 86 ఓవర్ల తర్వాత భారత్‌ కొద్ది బంతిని తీసుకున్నా... ఇద్దరు బ్యాట్స్‌మెన్‌ ఎలాంటి ప్రమాదం లేకుండా రోజును ముగించారు.
 ఓవర్లు: 30, పరుగులు: 105, వికెట్లు: 0
 
 కోహ్లికి గాయం  
 మూడో టెస్టు మ్యాచ్‌లో ఫీల్డింగ్‌ చేస్తూ భారత కెప్టెన్‌ విరాట్‌ కోహ్లి గాయపడ్డాడు. లంచ్‌ బ్రేక్‌ ముందు ఫీల్డింగ్‌ చేస్తుండగా కుడి భజానికి గాయమవడంతో మైదానాన్ని వీడాడు. మిడ్‌వికెట్‌లో బౌండరీ దిశగా దూసుకెళ్తున్న బంతిని ఆపడానికి ప్రయత్నించి గాయపడ్డాడు. వెంటనే భారత ఫిజియో పాట్రిక్‌ ఫర్హాత్‌.. కోహ్లికి తక్షణ వైద్య సేవలు అందించాడు. కోహ్లి గాయడడంతో భారత జట్టు వైస్‌ కెప్టెన్‌ అజింక్య రహానే కెప్టెన్‌గా వ్యవహరించాడు. 
 
 నోబాల్‌కు రివ్యూ!
 షాన్‌ మార్ష్ విషయంలో విజయవంతంగా అప్పీల్‌ చేసిన భారత్‌ మరో రెండు సందర్భాల్లో మాత్రం రివ్యూ విషయంలో తడబడింది. ఇషాంత్‌ బౌలింగ్‌లో మ్యాక్స్‌వెల్‌ (17 పరుగుల వద్ద) ఎల్బీ కోసం చేసిన అప్పీల్‌ను అంపైర్‌ తిరస్కరించగా, వెంటనే రివ్యూ కోరింది. అయితే రివ్యూలో అది నోబాల్‌గా తేలింది. దాంతో అవుట్‌కు ఎలాంటి అవకాశం లేకుండా పోయింది. అయితే 67 పరుగుల వద్ద అదే మ్యాక్స్‌వెల్‌ రివ్యూ విషయంలో భారత్‌ తప్పు చేసింది. జడేజా బౌలింగ్‌లో బంతి మ్యాక్సీ గ్లవ్‌కు తగిలి స్లిప్‌లో పడినా భారత్‌ దానిని గుర్తించలేదు. దాంతో రివ్యూ కోరలేదు. రీప్లేలు చూస్తే మ్యాక్స్‌వెల్‌ అవుటయ్యేవాడని తేలింది.  
 
  


 రాంచీ: నాలుగు టెస్టుల సిరీస్‌లో ప్రస్తుతం భారత్, ఆస్ట్రేలియాలు 1–1తో సమంగా నిలిచినప్పటికీ ప్రస్తుతం ఆతిథ్య జట్టుపైనే ఒత్తిడి ఉందని ఆస్ట్రేలియా స్పిన్నర్‌ నాథన్‌ లయన్‌ అన్నాడు. చూపుడు వేలికి అయిన గాయం మానుతోందని మూడో టెస్టు ఆడే తుది జట్టులో తాను ఉంటానన్నాడు.
 
 ఇప్పటివరకు జరిగిన రెండు టెస్టుల్లో మానసికంగా తమదే పైచేయిగా నిలి చిందని... ఇదే ఉత్సాహంతో ఒక్క మ్యాచ్‌ గెలిస్తే చాలు... బోర్డర్‌–గావస్కర్‌ ట్రోఫీని నిలబెట్టుకుంటామని చెప్పాడు. ‘ఉపఖండం పిచ్‌లపై అశ్విన్‌ ఎంత నేర్పుగా బౌలింగ్‌ చేస్తాడో గమనించాను. అందరికీ ఒకేలా బంతిని సంధించడు. క్రీజులో ఉన్న లెఫ్ట్, రైట్‌ హ్యాండ్‌ బ్యాట్స్‌మెన్‌కు తగినట్లుగానే అతని బంతి గమనం ఉంటుంది’ అని లయన్‌ వ్యాఖ్యానించాడు.


 బెంగళూరు: భారత స్పిన్నర్‌ అశ్విన్‌ బౌలింగ్‌లో షాట్లు ఆడటం అంత సులభం కాకపోయినా... బ్యాటింగ్‌లో తాను వెనక్కి తగ్గనని ఆస్ట్రేలియా ఓపెనర్‌ డేవిడ్‌ వార్నర్‌ చెప్పాడు. ఈ సిరీస్ లో ఇప్పటి వరకు జరిగిన రెండు టెస్టుల్లో అశ్విన్ చేతిలో  మూడుసార్లు వార్నర్ పెవిలియన్‌ చేరాడు. మరొకవైపు 13 టెస్టుల్లో తొమ్మిదిసార్లు అశ్విన్ బౌలింగ్ లో వార్నర్ అవుటయ్యాడు. దాంతో తన టెస్టు కెరీర్ లో ఒకే ఆటగాడ్ని అత్యధిక సార్లు అవుట్ చేసిన ఘనతను అశ్విన్ సాధించగా, అదే సమయంలో ఒకే బౌలర్ కు తన వికెట్ ను అత్యధిక సార్లు సమర్పించుకున్న అప్రథను వార్నర్ సొంతం చేసుకోవడం ఇక్కడ గమనార్హం.
 
 దీనిపై మాట్లాడుతూ ‘అశ్విన్‌ ప్రమాదకర బౌలర్‌. ఎవర్నినైనా ఔట్‌ చేయగలడు. కాబట్టి కాస్త జాగ్రత్తగా ఆడాలన్నాడు. ఇదిలా ఉంచితే పుజారా, కోహ్లిల స్లెడ్జింగ్‌పై స్పందించనని చెప్పాడు. బ్యాట్ల సైజును కుదించాలన్న మెరిల్‌బోన్‌ క్రికెట్‌ క్లబ్‌ (ఎంసీసీ) నిర్ణయంపై స్పందిస్తూ... ‘దాంతో పెద్ద ప్రభావమేమీ ఉండదు. ఎలాంటి మార్పు లొచ్చినా వాటిని మనం స్వాగతించాల్సిందే’ అని అన్నాడు.
 
  


 బెంగళూరు: భారత క్రికెట్‌ నియంత్రణ మండలి (బీసీసీఐ) వార్షిక అవార్డుల వేడుక బుధవారం ఘనంగా జరిగింది. భారత కెప్టెన్‌ విరాట్‌ కోహ్లి పాలీ ఉమ్రిగర్‌ అవార్డును, స్పిన్నర్‌ అశ్విన్‌ ‘దిలీప్‌ సర్దేశాయ్‌’ అవార్డును అందుకున్నారు. పాలీ ఉమ్రిగర్‌ అవార్డును మూడుసార్లు అందుకున్న ఏకైక క్రికెటర్‌గా కోహ్లి గుర్తింపు పొందాడు. భారత మహిళా క్రికెట్‌ జట్టు సారథి మిథాలీ రాజ్‌కు ‘బెస్ట్‌ ఉమన్‌ క్రికెటర్‌’ అవార్డు దక్కింది. రాజిందర్‌ గోయెల్, పద్మాకర్‌ శివాల్కర్‌లకు కల్నల్‌ సీకే నాయుడు జీవిత సాఫల్య పురస్కారం దక్కగా, శాంత రంగస్వామికి మహిళల కేటగిరీలో బీసీసీఐ జీవిత సాఫల్య పురస్కారం లభించింది.
 
 
 
 
 అవార్డు విజేతల జాబితా
 ►లాలా అమర్‌నాథ్‌ అవార్డు (రంజీ బెస్ట్‌ఆల్‌రౌండర్‌): జలజ్‌ సక్సేనా (మధ్యప్రదేశ్‌)
 ►లాలా అమర్‌నాథ్‌ అవార్డు (దేశవాళీ వన్డేల బెస్ట్‌ ఆల్‌రౌండర్‌): అక్షర్‌ పటేల్‌ (గుజరాత్‌)
 ►మాధవరావు సింధియా అవార్డు (రంజీల్లో అత్యధిక పరుగులు చేసిన బ్యాట్స్‌మన్‌): శ్రేయస్‌ అయ్యర్‌ (ముంబై)
 ►మాధవరావు సింధియా అవార్డు (రంజీల్లో అత్యధిక వికెట్లు తీసిన బౌలర్‌): షాబాజ్‌ నదీమ్‌ (జార్ఖండ్‌)
 ►ఎం.ఎ.చిదంబరం ట్రోఫీ (అండర్‌–23 విభాగంలో అత్యధిక పరుగులు చేసిన బ్యాట్స్‌మన్‌): జయ్‌ జి.బిస్తా (ముంబై)
 ►ఎం.ఎ.చిదంబరం ట్రోఫీ (అండర్‌–23 విభాగంలో అత్యధిక వికెట్లు తీసిన బౌలర్‌): సత్యజీత్‌ బచ్చవ్‌ (మహారాష్ట్ర)
 ►ఎన్‌కేపీ సాల్వే అవార్డు (అండర్‌–19 విభాగంలో అత్యధిక పరుగులు చేసిన బ్యాట్స్‌మన్‌): అర్మాన్‌ జాఫర్‌ (ముంబై)
 ►ఎన్‌కేపీ సాల్వే అవార్డు (అండర్‌–19 విభాగంలో అత్యధిక వికెట్లు తీసిన బౌలర్‌): నినద్‌ రథ్వా (బరోడా)
 ►రాజ్‌సింగ్‌ దుంగార్పూర్‌ అవార్డు (అండర్‌–16 విభాగంలో అత్యధిక పరుగుల చేసిన బ్యాట్స్‌మన్‌): అభిషేక్‌ శర్మ (పంజాబ్‌)
 ►రాజ్‌సింగ్‌ దుంగార్పూర్‌ అవార్డు (అండర్‌–16 విభాగంలో అత్యధిక వికెట్లు తీసిన బౌలర్‌): అభిషేక్‌ శర్మ (పంజాబ్‌);
 ►దేశవాళీ క్రికెట్‌లో బెస్ట్‌ అంపైర్‌ అవార్డు: నితిన్‌ మీనన్‌; దేశవాళీ టోర్నీలో ఉత్తమ ప్రదర్శన అవార్డు: ముంబై


 తొలిసారి టాప్‌ర్యాంకులో జడేజా
 
 దుబాయ్‌: భారత స్పిన్నర్‌ రవీంద్ర జడేజా తన కెరీర్‌లో తొలిసారి ఐసీసీ ర్యాంకింగ్స్‌లో టాప్‌ ర్యాంకుకు చేరుకున్నాడు. టెస్టు బౌలర్ల ర్యాంకుల్లో సహచరుడు అశ్విన్‌తో కలిసి సంయుక్తంగా అగ్రస్థానంలో నిలిచా డు. రెండో టెస్టు తొలి ఇన్నింగ్స్‌లో జడేజా 6 వికెట్లు పడగొట్టాడు. దీంతో ఒక స్థానాన్ని మెరుగుపర్చుకొని నంబర్‌వన్‌ ర్యాంకుకు ఎగబాకాడు. 2008 ఏప్రిల్‌లో కూడా ఇద్దరు బౌలర్లు స్టెయిన్‌ (దక్షిణాఫ్రికా), మురళీధరన్‌ (శ్రీలంక) అగ్రస్థానాన్ని పంచుకున్నారు.
 
 ఇద్దరు స్పిన్నర్లు  ఒకేసారి నంబర్‌వన్‌గా నిలవడం ఇదే తొలిసారి. బ్యాట్స్‌మెన్‌ ర్యాంకింగ్స్‌లో భారత సారథి విరాట్‌ కోహ్లి ఒక స్థానాన్ని కోల్పోయి మూడో ర్యాంకుకు పడిపోయాడు. ఇంగ్లండ్‌ ఆటగాడు జో రూట్‌ రెండో స్థానానికి చేరాడు. చతేశ్వర్‌ పుజారా ఐదు స్థానాల్ని మెరుగుపర్చుకొని ఆరో ర్యాంకుకు, రహానే రెండు స్థానాలు మెరుగుపర్చుకొని 15వ ర్యాంకుకు ఎగబాకారు.
 
 ఆస్ట్రేలియా సారథి స్టీవ్‌ స్మిత్‌ టాప్‌ ర్యాంకులో రికీ పాంటింగ్‌ రికార్డును అధిగమించాడు. పాంటింగ్‌ 76 మ్యాచ్‌ల పాటు అగ్రస్థానంలో ఉంటే స్మిత్‌ 77 మ్యాచ్‌ల పాటు టాప్‌ ర్యాంకులో నిలవడం విశేషం. ఆల్‌రౌండర్ల జాబితాలో బంగ్లాదేశ్‌ ఆటగాడు షకీబుల్‌ హసన్‌... అశ్విన్‌ను వెనక్కినెట్టి అగ్రస్థానానికి చేరాడు. దీంతో అశ్విన్‌ రెండు, జడేజా మూడో ర్యాంకులో కొనసాగుతున్నారు. 


 ►రెండో  టెస్టులో  భారత్  ఘన విజయం
 ►75 పరుగులతో  ఆస్ట్రేలియా చిత్తు  
 ►112 పరుగులకే  కుప్పకూలిన  కంగారూలు
 ►అశ్విన్ కు  6 వికెట్లు
 భారత్‌ కంగారూలను వెంటాడి వేటాడింది. పుణే పరాభవ భారంతో పెరిగిన కసిని కోహ్లి సేన బెంగళూరులో ప్రదర్శించింది. దుర్భేద్యంగా కనిపించిన తమ జట్టును దెబ్బ తీసిన ప్రత్యర్థిపై ఈసారి నిర్దాక్షిణ్యంగా విరుచుకుపడింది. ఊపిరి పీల్చుకోలేని విధంగా నలుగురు బౌలర్లతో దిగ్బంధనం చేసి ఆస్ట్రేలియాను కేవలం 35.4 ఓవర్లలో మడతెట్టేసింది. క్షణక్షణానికి మారుతున్న పిచ్‌పై ప్రతీ బంతిని ప్రాణ సంకటంలా ఎదుర్కొన్న స్మిత్‌ బృందం 188 పరుగులు చేయడం కూడా తమ వల్ల కాదన్నట్లుగా చేతులెత్తేసి మ్యాచ్‌ను అప్పగించేసింది.
 
 ఛేదనలో ఒక దశలో ఆసీస్‌ స్కోరు 42/1. అంతా వారికి అనుకూలంగానే సాగుతుందనిపించింది. అప్పుడొచ్చాడు అశ్విన్‌... ఎప్పుడైనా ప్రమాదకరంగా మారే అవకాశం ఉన్న తన ‘ప్రియమైన శత్రువు’ వార్నర్‌ను దెబ్బ తీసి దారి చూపించాడు. అంతే... ఆ తర్వాత ఆస్ట్రేలియా బ్యాట్స్‌మెన్‌ అలా ఆడటం, ఇలా అవుట్‌ కావడం ఆగకుండా సాగిపోయింది. సమీక్షలకు పునస్సమీక్షలకు కూడా ఎలాంటి అవకాశం లేకుండా మనోళ్లు కట్టి పడేశారు. 11 పరుగుల వ్యవధిలో చివరి ఆరు వికెట్లు కోల్పోయిన ఆసీస్‌ బేలగా మారిపోయింది.
 
 తొలి ఇన్నింగ్స్‌లో తమను దెబ్బ తీసిన నాథన్‌ లయన్‌ ఇచ్చిన క్యాచ్‌ను అందుకొని అశ్విన్‌ ఆకాశపు అంచుల్లోకి బంతిని విసిరిన అపురూప క్షణాన... ఎన్నో అరుదైన దృశ్యాలు... ఒక్కో ఆటగాడిలో ఎన్నో భావోద్వేగాలు... నాలుగు రోజులుగా మాటల తూటాలు... వివాదాలు, వ్యాఖ్యలు, విభిన్న హావభావాలు... ఈ టెస్టు గురించి ఏమని చెప్పగలం... తొలిరోజు 189 పరుగులకే ఆలౌటైన స్థితి నుంచి చివరకు ఆసీస్‌ను భారత్‌ చావుదెబ్బ కొట్టే వరకు ఎన్నో మలుపులు... చిన్నస్వామి మైదానం హోరెత్తుతుండగా, చివరకు టీమిండియానే ఈ పోటీలో సగర్వంగా నిలబడింది.  
 
 బెంగళూరు: బోర్డర్‌–గవాస్కర్‌ ట్రోఫీలో భారత్‌ మళ్లీ రేసులోకి వచ్చింది. సమష్టి వైఫల్యంతో ఆస్ట్రేలియా చేతిలో తొలి టెస్టులో చిత్తయిన భారత్, అదే సమష్టి ఆటతో రెండో మ్యాచ్‌లో ప్రత్యర్థిపై ప్రతీకారం తీర్చుకుంది. మంగళవారం ఇక్కడ ముగిసిన రెండో టెస్టులో భారత్‌ 75 పరుగుల తేడాతో ఆసీస్‌పై విజయం సాధించింది. 188 పరుగుల విజయలక్ష్యంతో రెండో ఇన్నింగ్స్‌ బరిలోకి దిగిన ఆస్ట్రేలియా 35.4 ఓవర్లలో 112 పరుగులకే కుప్పకూలింది. కెప్టెన్‌ స్టీవ్‌ స్మిత్‌ (48 బంతుల్లో 28; 3 ఫోర్లు)దే అత్యధిక స్కోరు. భారత స్పిన్నర్‌ రవిచంద్రన్‌ అశ్విన్‌ (6/41) మరోసారి చెలరేగి ఆసీస్‌ పతనాన్ని శాసించాడు. అంతకుముందు భారత్‌ తమ రెండో ఇన్నింగ్స్‌లో 274 పరుగులకు ఆలౌటైంది. చతేశ్వర్‌ పుజారా (221 బంతుల్లో 92; 7 ఫోర్లు) సెంచరీ చేజార్చుకోగా... హాజల్‌వుడ్‌ (6/67) తన అత్యుత్తమ బౌలింగ్‌ గణాంకాలు నమోదు చేశాడు. రెండు ఇన్నింగ్స్‌లలో కీలక అర్ధసెంచరీలు చేసిన కేఎల్‌ రాహుల్‌ ‘మ్యాన్‌ ఆఫ్‌ ద మ్యాచ్‌’గా నిలిచాడు. తాజా ఫలితంతో నాలుగు టెస్టుల సిరీస్‌లో ఇరు జట్లు 1–1తో సమంగా నిలిచాయి. మూడో టెస్టు ఈ నెల 16 నుంచి రాంచీలో జరుగుతుంది.
 
 సెషన్‌–1: చెలరేగిన ఆసీస్‌ పేసర్లు
 ఓవర్‌నైట్‌ స్కోరు 213/4తో నాలుగో రోజు రెండో ఇన్నింగ్స్‌ను కొనసాగించిన భారత్‌ను స్టార్క్, హాజల్‌వుడ్‌ ఇబ్బంది పెట్టారు. పుజారా, రహానే ఐదో వికెట్‌కు 118 పరుగులు జోడించిన తర్వాత స్టార్క్‌ దెబ్బ తీశాడు. 128 బంతుల్లో అర్ధ సెంచరీ పూర్తి చేసుకున్న రహానే (134 బంతుల్లో 52; 4 ఫోర్లు)ను అవుట్‌ చేసిన స్టార్క్, తర్వాతి బంతికే కరుణ్‌ నాయర్‌ (0)ను బౌల్డ్‌ చేశాడు. తర్వాతి ఓవర్లోనే పుజారాను, అశ్విన్‌ (4)ను హాజల్‌వుడ్‌ పెవిలియన్‌ పంపించాడు. ఉమేశ్‌ (1) అవుటైన తర్వాత చివర్లో ఇషాంత్‌ (6) సహకారంతో సాహా (37 బంతుల్లో 20 నాటౌట్, 2 ఫోర్లు, 1 సిక్స్‌) కొన్ని కీలక పరుగులు జత చేశాడు. 36 పరుగుల వ్యవధిలో భారత్‌ తమ చివరి 6 వికెట్లు కోల్పోయింది.
 ఓవర్లు: 25.1, పరుగులు: 61, వికెట్లు: 6
 
 సెషన్‌–2: కుప్పకూలిన ఆసీస్‌
 ఇషాంత్‌ తన మూడో ఓవర్లో చక్కటి బంతితో రెన్‌షా (5)ను అవుట్‌ చేసి భారత్‌కు శుభారంభం అందించాడు. అశ్విన్‌ బౌలింగ్‌లో దాదాపు ప్రతీ బంతికి ఇబ్బంది పడిన వార్నర్‌ (17) కాస్త సాహసం చేసి అతని బౌలింగ్‌లోనే ఒక భారీ సిక్స్‌ బాదాడు. కానీ అశ్విన్‌ తన తర్వాతి బంతికే వార్నర్‌ను ఎల్బీగా వెనక్కి పంపి కంగారూల పతనానికి శ్రీకారం చుట్టాడు. ఆ తర్వాత షాన్‌ మార్ష్(9) పని పట్టిన ఉమేశ్, రెండు ఓవర్ల తర్వాత స్మిత్‌ను దెబ్బ తీయడంతో ఆసీస్‌ కష్టాలు పెరిగాయి. మరోవైపు అసలే మాత్రం పరుగులు ఇవ్వకుండా జడేజా ప్రత్యర్థిని మరింత చికాకు పరిచాడు. అనంతరం అశ్విన్‌ వరుస ఓవర్లలో మిషెల్‌ మార్ష్ (13), వేడ్‌ (0)లను అవుట్‌ చేశాడు.
 ఓవర్లు: 27.5, పరుగులు: 101, వికెట్లు: 6
 
 సెషన్‌–3: ఖేల్‌ ఖతం
 విరామం తర్వాత పది నిమిషాలకే ఆస్ట్రేలియా ఆట ముగిసింది. ముందుగా స్టార్క్‌ (1)ను అశ్విన్‌ బౌల్డ్‌ చేయగా, జడేజా బౌలింగ్‌లో ఒకీఫ్‌ (2) అవుటయ్యాడు. అప్పటి వరకు పోరాడుతూ వచ్చిన హ్యాండ్స్‌కోంబ్‌ (67 బంతుల్లో 24; 2 ఫోర్లు) అసహనంతో భారీ షాట్‌కు ప్రయత్నించి సాహాకు చిక్కగా... తన బౌలింగ్‌లోనే నాథన్‌ లయన్‌ (2) ఇచ్చిన రిటర్న్‌ క్యాచ్‌ను అందుకొని అశ్విన్‌ విజయనాదం చేశాడు.
 ఓవర్లు: 7.5, పరుగులు: 11,వికెట్లు: 4
 
 ఇదో తీపి విజయం. కచ్చితంగా కెప్టెన్‌గా నాకు ఇదే అత్యుత్తమ మ్యాచ్‌. భావోద్వేగాల పరంగా కూడా జట్టులో అందరికీ ఈ టెస్టు గుర్తుండిపోతుంది. నన్ను ఒక్కడినే పడగొడితే చాలు గెలుస్తామని అనుకోవద్దు. ఇదంతా సమష్టి కృషి. రెండో రోజు తొలి సెషన్‌లో కేవలం 47 పరుగులు ఇవ్వడంతోనే మ్యాచ్‌ మలుపు తిరిగింది. మేం వారికి ఎక్కడా అవకాశం ఇవ్వలేదు. 150కు పైగా పరుగుల లక్ష్యం ఉంటే చాలు మాకు అవకాశం ఉంటుందని తెలుసు. కానీ ఇంత సునాయాసంగా అదీ 75 పరుగుల తేడాతో గెలుస్తామని అనుకోలేదు. ఎవరి కోసమో కాకుండా మా కోసం గెలిచి చూపించాలనుకున్నాం. ఎలాంటి స్థితి నుంచైనా గెలవగలమని నిరూపించాం. రాంచీలో కూడా జోరు కొనసాగిస్తాం. ఎప్పుడెప్పుడు ఆడాలా అని ఉన్న నాకు ఎనిమిది రోజులు విరామం ఉండటం కష్టంగా అనిపిస్తోంది.
 – విరాట్‌ కోహ్లి, భారత కెప్టెన్‌  
 
 ► 25  అశ్విన్‌ ఇన్నింగ్స్‌లో ఐదు వికెట్లు పడగొట్టడం ఇది 25వసారి. అందరికంటే వేగంగా (47 టెస్టులు) ఈ ఘనత సాధించిన ఆటగాడిగా రిచర్డ్‌ హ్యాడ్లీ (62 టెస్టుల్లో)ని అశ్విన్‌ అధిగమించాడు.  
 
 ► 1 ఒకే టెస్టులో నాలుగు ఇన్నింగ్స్‌లలో నలుగురు వేర్వేరు బౌలర్లు కనీసం 6 వికెట్లు పడగొట్టడం టెస్టు క్రికెట్‌ చరిత్రలో ఇదే తొలిసారి. ఈ మ్యాచ్‌లో లయన్, జడేజా, హాజల్‌వుడ్, అశ్విన్‌ దీనిని నమోదు చేశారు.
 
 ► 5  భారత్‌ తరఫున అత్యధిక వికెట్లు తీసిన బౌలర్ల జాబితాలో బిషన్‌ సింగ్‌ బేడి (266)ని దాటి అశ్విన్‌ (269) ఐదో స్థానానికి చేరుకున్నాడు.  కుంబ్లే, కపిల్, హర్భజన్, జహీర్‌ వరుసగా తొలి నాలుగు స్థానాల్లో ఉన్నారు. భారత గడ్డపైనే కేవలం 30 టెస్టుల్లో అతను 202 వికెట్లు తీయడం విశేషం.
 
 ►1  భారత్‌లో అత్యధిక పరాజయాలు ఎదుర్కొన్న విదేశీ జట్టుగా ఆస్ట్రేలియా(20) నిలిచింది. ఇంగ్లండ్‌ 19 మ్యాచ్‌లు ఓడింది.


 బెంగళూరు:  రెండో టెస్టులో ఆస్ట్రేలియా పై భారత్‌ అద్భుతమైన విజయం నమోదు చేయడంతో ప్రముఖ క్రీడాకారులు, సినీ తారలు కోహ్లి సేనపై ట్వీట్‌లతో ప్రశంసలు కురిపించారు. ఆసీస్‌ మాజీ కెప్టెన్‌ మైఖేల్‌ క్లార్క్‌ అశ్విన్‌ను పొగడ్తలతో ముంచెత్తారు. అశ్విన్‌ జీనియస్‌ అని, ఆరు వికెట్లు పడగొట్టి విజయంలో కీలక పాత్ర పోశించడం గొప్ప విషయం అన్నారు. భారత్‌ గొప్ప విజయం సాధించందని, జట్టుకు క్లార్క్‌ అభినందనలు తెలిపారు. భారత్‌లోని అతని అభిమానులందరిని ట్వీట్‌లతో భారత జట్టును అభినందించాలని సూచించారు. వాటే మ్యాచ్‌, వాటే సీరీస్‌ అని ట్వీట్టర్‌లో పేర్కొన్నారు.
 
 శ్రీలంక మాజీ కెప్టెన్‌ సంగాక్కర గ్రేట్‌ ఫైట్‌ అని, సంక్లిష్ట పరిస్థితుల్లో కెప్టెన్‌గా కోహ్లి సహచరులకు ఉత్సాహం కల్పించడం గొప్ప విషయమని ట్వీట్‌ చేశారు. భారత మాజీ కెప్టెన్‌ కపిల్‌దేవ్‌ ఈ మధ్యకాలంలో ఇది ఒక గొప్ప విజయమని, జట్టుకు అభినందనలు తెలుపుతూ.. ట్వీట్‌ చేశారు.  బాలీవుడ్‌ స్టార్‌ అమితాబ్‌ బచ్చన్‌ రియల్‌ ఛాంపియన్‌లని భారత జట్టును ప్రశంసిస్తూ ఒక ఫోటోను ట్వీట్‌ చేశారు. బెంగళూరులో జరిగిన రెండో టెస్టులో భారత్‌ ఆసీస్‌పై 75 పరుగుల తేడాతో విజయం సాధించింది.


 బెంగళూరు:భారత ప్రధాన స్పిన్నర్ రవి చంద్రన్ అశ్విన్ అద్భుతమైన క్యాచ్ తో అదుర్స్ అనిపించాడు. ఆస్ట్రేలియాతో రెండో టెస్టులో భాగంగా ఆదివారం ఆటలో అశ్విన్ చక్కటి క్యాచ్ అందుకున్నాడు. భారత స్పిన్నర్ రవీంద్ర జడేజా వేసిన 77 ఓవర్ నాల్గో బంతికి ఆసీస్ ఆటగాడు హ్యాండ్ స్కాంబ్ మిడ్ వికెట్ మీదుగా షాట్ ఆడబోయాడు. కానీ అక్కడ ఫీల్డింగ్ చేస్తున్న అశ్విన్  తన పైనుంచి వెళుతున్న బంతిని డైవ్ కొట్టి క్యాచ్ గా అందుకున్నాడు. అయితే ఆ బంతిని పట్టుకున్న తరువాత చేతుల్లోంచి జారిపోయింది.
  
 ఆ సమయంలో అత్యంత సమయ స్ఫూర్తితో వ్యవహరించిన అశ్విన్ ఆ బంతిని నేలపాలు కాకుండా చేశాడు. తొలుత తన చేతుల్లోంచి జారిన బంతి భుజాలను తాకుతూ రావడంతో అశ్విన్ చాకచక్యంగా వ్యవహరించి మళ్లీ తిరిగి క్యాచ్ గా అందుకున్నాడు. చివరకు తనపడ్డ కష్టం వృథా కాకపోవడంతో అశ్విన్ 'కమాన్' అంటూ బంతిని నేలకేసి కొట్టాడు. కాగా, ఈ క్యాచ్ ను అశ్విన్ అందుకునే క్రమంలో రెప్పపాటు కాలం ఊపిరిబిగపట్టి చూసిన భారత అభిమానులు చివరకు హమ్మయ్యా అంటూ సేదతీరారు.
 
 


 బెంగళూరు: టీమిండియా ప్రధాన స్పిన్నర్ రవి చంద్రన్ అశ్విన్ మరో రికార్డును సొంతం చేసుకున్నాడు. ఆస్ట్రేలియాతో ఇక్కడ జరుగుతున్న రెండో టెస్టులో డేవిడ్ వార్నర్ ను అవుట్ చేయడం ద్వారా అశ్విన్ ఖాతాలో మరో ఘనత చేరింది. ఈ మ్యాచ్  తొలి ఇన్నింగ్స్ లో అశ్విన్ సంధించిన బంతికి వార్నర్ బౌల్డ్ అయ్యాడు.. తద్వారా 12 టెస్టుల్లో ఎనిమిదిసార్లు అశ్విన్ బౌలింగ్ లో వార్నర్ అవుటయ్యాడు. దాంతో తన టెస్టు కెరీర్ లో ఒకే ఆటగాడ్ని అత్యధిక సార్లు అవుట్ చేసిన ఘనతను అశ్విన్ సాధించాడు. కాగా, అదే సమయంలో ఇక్కడ వార్నర్ కూడా చెత్త రికార్డును మూట గట్టుకున్నాడు. ఒకే బౌలర్ కు తన వికెట్ ను అత్యధిక సార్లు సమర్పించుకున్న అప్రథను సైతం వార్నర్ సొంతం చేసుకోవడం ఇక్కడ గమనార్హం.
 
 
 
 ఈ మ్యాచ్ తొలి ఇన్నింగ్స్ లో భాగంగా అశ్విన్ వేసిన 22.0 ఓవర్ తొలి బంతికి వార్నర్ బౌల్డ్ అయ్యాడు.  అశ్విన్ వేసిన ఆ బంతి లెగ్ స్టంప్ బయటపడి ఊహించని విధంగా వార్నర్ ఆఫ్ స్టంప్ ను ఎగరేసుకుపోయింది.దాంతో ఆస్ట్రేలియా  52 పరుగుల వద్ద తొలి వికెట్ ను నష్టపోయింది. 40/0 ఓవర్ నైట్ స్కోరుతో రెండో రోజు ఇన్నింగ్స్ ఆరంభించిన ఆసీస్ ఆదిలో భారత బౌలింగ్ ను ఎదుర్కోవడానికి ఇబ్బందులు పడింది. ప్రధానంగా అశ్విన్ బౌలింగ్ ను ఆచితూచి ఆడాల్సి వచ్చింది. అయినప్పటికీ వార్నర్ (33) ను అశ్విన్ పెవిలియన్ కు పంపి మంచి ఆరంభాన్నిచ్చాడు. భారత్ తన తొలి ఇన్నింగ్స్ లో 189 పరుగులకు ఆలౌటైన సంగతి తెలిసిందే.


 ► నేటి నుంచి భారత్, ఆస్ట్రేలియా తొలి టెస్టు
 ► ఉత్సాహంతో కోహ్లి సేన 
 ► తీవ్ర ఒత్తిడిలో కంగారూలు
 
 వేదిక ఏదైనా వరుసగా 19 టెస్టుల్లో పరాజయం దగ్గరికే రాలేదు. సొంతగడ్డపై అయితే గత 20 మ్యాచ్‌లలో 17 విజయాలు సాధించగా ఒక్క ఓటమి కూడా లేదు. నాలుగేళ్ల క్రితం ఇక్కడే కలిసికట్టుగా 53 వికెట్లు తీసి ఆసీస్‌ను చిత్తు చేయడంలో కీలక పాత్ర పోషించిన ఇద్దరు బౌలర్లు ఇప్పుడు ర్యాంకింగ్స్‌లో తొలి రెండు స్థానాల్లో ఉన్నారు. ఇక ఎదురులేని బ్యాటింగ్‌తో ప్రత్యర్థుల పని పడుతున్న ఆటగాడు ముందుండి నడిపిస్తుండగా జట్టులో ప్రతీ ఒక్కరు మరొకరితో పోటీ పడుతూ అద్భుత ప్రదర్శన ఇస్తున్నారు. ఇదీ వరల్డ్‌ నంబర్‌వన్‌ భారత్‌ తాజా స్థితి. ఈ జట్టు జోరును ఆపడం సాధ్యమా...
 
 ఎప్పుడో 13 ఏళ్ల క్రితం ఆస్ట్రేలియా జట్టు భారత గడ్డపై టెస్టు సిరీస్‌ గెలుచుకుంది. ఆ తర్వాత ఇక్కడ ఆడిన పది టెస్టుల్లో ఎనిమిది ఓడి అతి కష్టంగా రెండింటిలో ‘డ్రా’తో బయటపడింది. అనేక మంది దిగ్గజాలు ఉన్న నాటి ఆసీస్‌ జట్లు కూడా భారత్‌ ధాటికి నిలువలేకపోయాయి. ఇప్పుడు స్పిన్‌ పిచ్‌లపై ఆడటంలో ఏ మాత్రం అనుభవం లేని యువ ఆటగాళ్లను నమ్ముకొని ఆసీస్‌ భారత్‌లో అడుగు పెట్టింది. ఉపఖండంలో గత తొమ్మిది టెస్టుల్లో నూ చిత్తుగా ఓడిన ఆ జట్టు, అసలు నాలుగు మ్యాచ్‌ల సిరీస్‌లో అసలు ఏమాత్రమైనా నిలబడగలదా లేక పట్టుదలతో పోరాడుతుందా?
 
 పుణే: న్యూజిలాండ్, ఇంగ్లండ్, బంగ్లాదేశ్‌ తర్వాత ఇప్పుడు ఆస్ట్రేలియా వంతు వచ్చింది. సొంతగడ్డపై తిరుగులేని ప్రదర్శనతో వరుస విజయాలు సాధిస్తున్న జట్టుతో తలపడేందుకు ఇప్పుడు కంగారూల బృందం సన్నద్ధమైంది. భారత్, ఆస్ట్రేలియా మధ్య జరిగే నాలుగు టెస్టుల సిరీస్‌ లో భాగంగా నేడు (గురువారం) తొలి టెస్టు ప్రారంభమవుతుంది. భారత్‌ వరుసగా ఆరు టెస్టు సిరీస్‌లు గెలిచి ఊపు మీదుండగా, ఆసీస్‌ ఇటీవలే స్వదేశంలో పాకిస్తాన్‌ను చిత్తు చేసింది. అయితే అక్కడికంటే పూర్తి భిన్నమైన పరిస్థితుల్లో జరిగే ఈ మ్యాచ్‌లలో ఆసీస్‌ అదే తరహా ఆటతీరును ప్రదర్శించడం అంత సులువు కాదు. మరోవైపు జట్టులో ప్రతీ ఆటగాడు ఫామ్‌లో ఉండటంతో వరుస విజ యాలు సాధించిన కోహ్లి సేన మరో సిరీస్‌ను తమ ఖాతాలో వేసుకోవాలని పట్టుదలగా ఉంది. ఇరు జట్ల మధ్య భారత గడ్డపై 2013లో జరిగిన సిరీస్‌లో ఆసీస్‌ 0–4తో ఓడగా, ఆఖరిసారిగా ఈ రెండు జట్లు ఆస్ట్రేలియాలో 2014లో తలపడిన సిరీస్‌లో ఆసీస్‌ 2–0తో నెగ్గింది.
 
 ముగ్గురు స్పిన్నర్లతో...
 ఈ సీజన్‌లో ఆడిన మూడు టెస్టు సిరీస్‌లలో కూడా భారత్‌లో పిచ్‌లపై ఎలాంటి విమర్శలు రాలేదు. పూర్తిగా స్పిన్‌ పిచ్‌లను వాడుకొని ఫలితం సాధించారని ప్రశ్నించే అవకాశం లేకుండా అన్ని మైదానాల్లో అన్ని రకాల పరిస్థితుల్లో జట్టు విజయాలు అందుకుంది. జట్టులో అందరూ ఫామ్‌లో ఉండటంతో మరింత ఆత్మవిశ్వాసంతో ఈ సిరీస్‌కు భారత్‌ సిద్ధమైంది. విజయ్, రాహుల్, పుజారా, రహానేలతో బ్యాటింగ్‌ లైనప్‌ పటిష్టంగా ఉంది. కోహ్లి భీకర బ్యాటింగ్‌ విషయంలో మరో మాటకు తావు లేదు. వెస్టిండీస్‌ పర్యటన నుంచి చూస్తే గత 13 టెస్టుల్లో కోహ్లి 80కు పైగా సగటుతో 1,457 పరుగులు సాధించాడు. వరుసగా నాలుగు సిరీస్‌లలో ‘డబుల్‌ సెంచరీలు’ అతని ఖాతాలో ఉన్నాయి. హైదరాబాద్‌లో బంగ్లాదేశ్‌తో ఆడిన టెస్టులో కీపర్‌ సాహా కూడా అద్భుతంగా బ్యాటింగ్‌ చేశాడు. ఇక అశ్విన్, జడేజాల బ్యాటింగ్‌ విషయంలో కూడా ఎలాంటి సందేహాలు లేవు. గత టెస్టుతో పోలిస్తే ఈసారి స్పిన్‌ విభాగాన్ని మరింత పటిష్టం చేయాలని భారత్‌ భావిస్తోంది. అందుకే ఒక పేసర్‌ స్థానంలో జయంత్‌ యాదవ్‌ బరిలోకి దిగే అవకాశం ఉంది. ఇక మన స్పిన్‌ జంట మరోసారి ప్రత్యర్థిని కుప్పకూల్చేందుకు అస్త్రాలతో సిద్ధమైంది. ఐసీసీ ర్యాంకింగ్స్‌లో నంబర్‌వన్‌గా ఉన్న అశ్విన్, నంబర్‌టూ జడేజా మరోసారి భారత భాగ్యచక్రాన్ని పరుగెత్తించడంలో కీలక పాత్ర పోషించనున్నారు. గత 13 టెస్టుల్లో అశ్విన్‌ ఏకంగా 78 వికెట్లు తీయగా, 10 టెస్టుల్లో జడేజాకు 49 వికెట్లు దక్కాయి. జడేజా కెరీర్‌లో తీసిన 117 వికెట్లలో 96 భారత గడ్డపైనే వచ్చాయంటే అతను ఇక్కడ ఎంత ప్రమాదకరమో అర్థమవుతుంది.
 
 ఈ సిరీస్‌లో ఆస్ట్రేలియా జట్టు ఏమాత్రం పోటీ ఇవ్వాలన్నా, ప్రత్యర్థికి దీటుగా బరిలో నిలవాలన్నా ఇద్దరు ప్రధాన బ్యాట్స్‌మెన్‌పైనే అంతా ఆధారపడి ఉంది. ఓపెనర్‌ డేవిడ్‌ వార్నర్‌తో పాటు కెప్టెన్‌ స్టీవ్‌ స్మిత్‌లను ఆ జట్టు ప్రధానంగా నమ్ముకుంటోంది. భారత్‌లో వార్నర్‌ గత రికార్డు అంత గొప్పగా ఏమీ లేకపోయినా... ఐపీఎల్‌ అనుభవం, ఇటీవలి ఫామ్‌ వల్ల అతను ఈ సారి మరింత మెరుగ్గా ఆడగలడని ఆసీస్‌ భావిస్తోంది. గత కెప్టెన్‌ క్లార్క్‌లాగే స్మిత్‌కు కూడా స్పిన్‌ను సమర్థంగా ఎదుర్కోగల నైపుణ్యం ఉంది. అతను పట్టుదలగా క్రీజ్‌లో నిలబడగలిగితే ఆసీస్‌ అవకాశాలు మెరుగు పడతాయి. ఇటీవలే శ్రీలంక చేతిలో 0–3తో చిత్తుగా ఓడినప్పుడు కూడా మంచి ప్రదర్శన కనబర్చిన షాన్‌ మార్‌‡్ష స్పిన్‌ను బాగా ఆడగలడు. మరోవైపు భారత్‌తో పోలిస్తే ఆసీస్‌ స్పిన్‌ విభాగం బలహీనంగానే ఉంది. గతంలో ఇక్కడ ఆడినప్పుడు ప్రభావం చూపిన నాథన్‌ లియోన్‌తో పాటు ఓ కీఫ్‌లను ఆ జట్టులో ప్రధాన స్పిన్నర్లు. లెగ్‌ స్పిన్నర్‌ స్వెప్సన్‌కు అప్పుడే అవకాశం దక్కకపోవచ్చు కానీ పిచ్‌ను బట్టి మూడో స్పిన్నర్‌ అవసరమైతే అగర్‌ లేదా మ్యాక్స్‌వెల్‌కు చోటు లభి స్తుంది. మరోవైపు స్టార్క్, హాజల్‌వుడ్‌ రూపంలో ఆ జట్టులో ఇద్దరు బ లమైన పేసర్లు ఉం డటం కలిసొచ్చే అంశం.  
 
 తుది జట్లు (అంచనా)
 భారత్‌: కోహ్లి (కెప్టెన్‌), విజయ్, రాహుల్, పుజారా, రహానే, సాహా, అశ్విన్, జడేజా, జయంత్, ఉమేశ్, ఇషాంత్‌/భువనేశ్వర్‌.
 ఆస్ట్రేలియా: స్మిత్‌ (కెప్టెన్‌), వార్నర్, రెన్‌షా, షాన్‌ మార్‌ష, హ్యాండ్స్‌కోంబ్, మిషెల్‌ మార్ అగర్, వేడ్, స్టార్క్, కీఫ్, లియోన్, హాజల్‌వుడ్‌.
 
 ► నా కెప్టెన్సీ గురించి విశ్లేషించేందుకు ఇది సరైన సమయం కాదు. మరికొన్నేళ్ల తర్వాత కూడా నేను కెప్టెన్‌గానే ఉంటే అప్పుడు ఆలోచించవచ్చు. జట్టు బాగా ఆడినప్పుడే కెప్టెన్సీ కూడా బాగుంటుంది. అయితే నాయకుడినయ్యాక నా ఆట ఇంకా మెరుగు పడిందని మాత్రం చెప్పగలను. మా దృష్టిలో అన్ని సిరీస్‌లూ సమానమే. బంగ్లాదేశ్‌లాగే ఆస్ట్రేలియా జట్టును కూడా గౌరవిస్తాం. ఈ సీజన్‌లో అన్ని జట్లు మాకు గట్టిపోటీనే ఇచ్చాయి. ఈ వేసవి ఆరంభంలో భారత్‌లో పిచ్‌లు పొడిగా ఉండి స్పిన్‌కు అనుకూలించడం సహజం.  
 –విరాట్‌ కోహ్లి, భారత కెప్టెన్‌
 
 మాకు సంబంధించి ఇది కఠినమైన సిరీస్‌ కాబోతుందని తెలుసు. భారత జట్టులో 1 నుంచి 11 వరకు కూడా నాణ్యమైన ఆటగాళ్లు ఉన్నారు. 0–4తో సిరీస్‌ ఓడిపోతామని కొందరు చేసిన వ్యాఖ్యలకు నేను ప్రాధాన్యతనివ్వను. మా జట్టుకు భారత్‌కు గట్టి పోటీ ఇవ్వగల సామర్థ్యం ఉంది. సిరీస్‌ హోరాహోరీగా జరుగుతుంది. పేసర్‌ స్టార్క్‌ ఇక్కడా మా ప్రధాన ఆయుధం కాగలడు. శ్రీలంక సిరీస్‌ పరాజయం మాకు పాఠాలు నేర్పింది. ఈ సారి తగిన వ్యూహాలతో వచ్చాం.
 – స్టీవ్‌ స్మిత్, ఆస్ట్రేలియా కెప్టెన్‌  
 
 ► ఉదయం గం. 9.30 నుంచి స్టార్‌ స్పోర్ట్స్‌–1లో ప్రత్యక్ష ప్రసారం
 ► 25 భారత్‌లో పుణే 25వ టెస్టు వేదిక
 
 పిచ్, వాతావరణం 
 పుణే మైదానంలో ఇదే తొలి టెస్టు మ్యాచ్‌. పిచ్‌ బాగా పొడిగా కనిపిస్తోంది. తొలి రోజునుంచే బంతి టర్న్‌ అయ్యేందుకు అనుకూలం. కొంత రివర్స్‌ స్వింగ్‌కూ అవకాశం ఉంది.


 ఇక్కడ గెలిస్తే చిరకాలం గుర్తుండిపోతుంది
 ♦ అవసరమైతే స్లెడ్జింగ్‌ కూడా చేస్తాం
 ♦  కోహ్లి, అశ్విన్‌ కోసం వ్యూహాలున్నాయి
 ♦ సవాల్‌కు సిద్ధమన్న ఆసీస్‌ కెప్టెన్‌ స్మిత్‌
 
 భారత గడ్డపై ఆడిన గత మూడు సిరీస్‌లలో చిత్తుగా ఓటమి... ఉప ఖండంలో వరుసగా తొమ్మిది టెస్టులలో పరాజయం... ముంబైలో అడుగు పెట్టే సమయానికి ఆస్ట్రేలియా జట్టును వెంటాడుతున్న తాజా రికార్డు ఇది. అటు వైపు ప్రత్యర్థి భారత్‌ను చూస్తే 19 మ్యాచ్‌లుగా పరాజయమే లేదు. వరుసగా ఆరు సిరీస్‌ విజయాలు... టెస్టుల్లో అగ్రశ్రేణి జట్లు దక్షిణాఫ్రికా, ఇంగ్లండ్‌లు కూడా పోటీ ఇవ్వకుండా తలవంచాయి. ఇలాంటి స్థితిలో ఆసీస్‌ కెప్టెన్‌ స్టీవ్‌ స్మిత్‌ అద్భుతాన్ని ఆశిస్తున్నాడు. భారత్‌ను ఓడించగలమని నమ్ముతున్నాడు. నాలుగేళ్ల క్రితం క్లీన్‌స్వీప్‌కు గురైన జట్టులో సభ్యుడైన తాను, నాటి చేదు జ్ఞాపకాలను తుడిచేయాలని కోరుకుంటున్నాడు!
 
 ముంబై: భారత్‌తో సిరీస్‌ అంటే తమకు అతి పెద్ద సవాల్‌ అని, అయితే దానిని ఎదుర్కొనేందుకు తాము సిద్ధంగా ఉన్నట్లు ఆస్ట్రేలియా కెప్టెన్‌ స్టీవ్‌ స్మిత్‌ వ్యాఖ్యానించాడు. రాబోయే ఆరు వారాల కఠిన పర్యటన కోసం తామంతా ఎంతో ఎదురు చూస్తున్నామని అతను చెప్పాడు. మంగళవారం జట్టు కోచ్‌ డారెన్‌ లీమన్‌తో కలిసి స్మిత్‌ మీడియాతో ముచ్చటించాడు. బోర్డర్‌–గవాస్కర్‌ ట్రోఫీలో భాగంగా భారత్, ఆసీస్‌ జట్ల మధ్య జరిగే నాలుగో టెస్టుల సిరీస్‌లో తొలి మ్యాచ్‌ ఈ నెల 23న పుణేలో మొదలవుతుంది. అంతకు ముందు ఈ నెల 17నుంచి 19 వరకు జరిగే మూడు రోజుల మ్యాచ్‌లో భారత్‌ ‘ఎ’తో ఆస్ట్రేలియా తలపడుతుంది.
 
  ఈ సిరీస్‌లో తమ విజయావకాశాలు, ప్రత్యర్థి బలాబలాల గురించి అతను సుదీర్ఘంగా మాట్లాడాడు. ‘ఇది అంత సులువైన సిరీస్‌ కాదని మాకందరికీ బాగా తెలుసు. అయితే ఈ సవాల్‌ను అధిగమించాలని పట్టుదలగా ఉన్నాం. భారత గడ్డపై ఆడటం చాలా కష్టమైన విషయం. కాబట్టి ఈ సిరీస్‌కు ఎంతో విలువ ఉంది. ఇక్కడ మేం ఏదైనా అద్భుతం చేయగలిగితే అది మా జీవితంలో అత్యుత్తమ క్షణంగా నిలిచిపోతుంది. 10–20 ఏళ్ల తర్వాత కూడా వెనక్కి తిరిగి చూసుకొని దీని గురించి గర్వంగా చెప్పుకోవచ్చు’ అని స్మిత్‌ అభిప్రాయ పడ్డాడు.
 
 పేసర్లపై నమ్మకం...
 భారత్‌కు రావడానికి ముందు ఆస్ట్రేలియా జట్టు దుబాయ్‌లో స్పిన్‌ పిచ్‌లపై సన్నద్ధమైంది. ఇంగ్లండ్‌ మాజీ స్పిన్నర్‌ మాంటీ పనెసర్‌తో పాటు భారత మాజీ ఆల్‌రౌండర్‌ శ్రీధరన్‌ శ్రీరామ్‌ను స్పిన్‌ కన్సల్టెంట్‌లుగా నియమించుకొని ప్రత్యేకంగా సాధన చేసింది. అయితే స్పిన్‌తో పాటు తమ పేస్‌ బౌలర్లు స్టార్క్, హాజల్‌వుడ్‌ కూడా ఈ పర్యటనలో కీలకం కానున్నారని స్మిత్‌ చెప్పాడు. ‘భారత గడ్డపై రివర్స్‌ స్వింగ్‌ కూడా ప్రధాన పాత్ర పోషిస్తుంది. ఈ విషయంలో స్టార్క్, హాజల్‌వుడ్‌లకు మంచి పట్టుంది. బలమైన బ్యాటింగ్‌ లైనప్‌ ఉన్న భారత్‌ను వారు ఇబ్బంది పెట్టగలరు’ అని స్మిత్‌ విశ్వాసం వ్యక్తం చేశాడు. ఇక్కడి పరిస్థితులకు అనుగుణంగా బౌలింగ్‌ చేసేందుకు తమ స్పిన్నర్లు కూడా తీవ్రంగా శ్రమిస్తున్నట్లు అతను వెల్లడించాడు.
 
 వారి జోరును ఆపుతాం...
 భారత టెస్టు విజయాల్లో కోహ్లి, అశ్విన్‌ పాత్ర గురించి ప్రత్యేకంగా చెప్పనవసరం లేదు. ఆసీస్‌కు కూడా వారిద్దరినుంచే పెద్ద ముప్పు పొంచి ఉంది. అయితే ఆ ఇద్దరి కోసం తాము ప్రత్యేకంగా వ్యూహాలు రూపొందిస్తున్నామని స్మిత్‌ వెల్లడించాడు. ‘కోహ్లిలాంటి స్టార్‌ బ్యాట్స్‌మన్‌ కోసం మా వద్ద ప్రణాళిక ఉంది. దాని గురించి ఇప్పుడే చర్చించదల్చుకోలేదు. అశ్విన్‌ను ఎదుర్కోవడం చాలా కష్టమని తెలుసు. అయితే అతనిపై ఎదురు దాడి చేసేందుకు మా బ్యాట్స్‌మెన్‌ అంతా సిద్ధమయ్యారు. ఈ ఇద్దరిని నిరోధించగలిగితేనే మా పని సులువవుతుంది’ అని స్మిత్‌ అభిప్రాయం వ్యక్తం చేశాడు. గత ఏడాది శ్రీలంక చేతిలో చిత్తుగా ఓడిన తర్వాత కెప్టెన్‌గా తన ఆలోచనా ధోరణిలో చాలా మార్పు వచ్చిందని... అందు వల్ల దూకుడుగా ఆడే తమ ఆటగాళ్ల సహజమైన బ్యాటింగ్‌ శైలిని మార్చే ప్రయత్నం చేయనని స్మిత్‌ అన్నాడు. ఆత్మరక్షణా ధోరణిలో ఆడటం మొదలు పెడితే మొదటికే మోసం వస్తుందని, కాబట్టి సానుకూల దృక్పథంతో బ్యాటింగ్‌ చేస్తామని అతను చెప్పుకొచ్చాడు.
 
 అందుకు మేం రెడీ...
 భారత్, ఆస్ట్రేలియా సిరీస్‌ అంటే మాటల యుద్ధం జరగకుండా ఉండదు. ఈ సారి కూడా స్లెడ్జింగ్‌ వల్ల తమకు ‘మంచి’ జరుగుతుందని భావిస్తే తన ఆటగాళ్లను అడ్డుకోనని స్మిత్‌ పరోక్షంగా చెప్పాడు. ‘మైదానంలో ఒక్కో ఆటగాడు తనదైన తరహాలో ఆడతాడు. వారు మాటలతో ప్రత్యర్థిని కవ్వించాలని చూస్తే, దాని వల్ల వారిలోని అత్యుత్తమ ఆట బయటకు వస్తుందని భావిస్తే వారు దానిని కొనసాగించవచ్చు. చివర్లో మన ఆట వల్లే విజయవంతం అవుతామనే విషయం మరచిపోవద్దు’ అని స్మిత్‌ స్పష్టం చేశాడు.


 ► ఏకైక టెస్టులో భారత్‌ ఘన విజయం 
 ► 208 పరుగులతో బంగ్లాదేశ్‌ చిత్తు
 ► చివరి రోజు 65.3 ఓవర్ల పాటు పోరాటం 
 ► చెరో 4 వికెట్లు తీసిన జడేజా, అశ్విన్‌
 
 ఊహించిన ఫలితమే వచ్చింది. కాకపోతే కాస్త ఆలస్యంగా. బలహీన ప్రత్యర్థిని తొందరగా చుట్టేద్దామని భారత్‌ భావించినా... ఆట ఐదో రోజు రెండు సెషన్ల వరకు సాగింది. ఎట్టకేలకు ఆఖరి రోజు 65.3 ఓవర్ల పోరాటం అనంతరం బంగ్లాదేశ్‌ తలవంచింది. స్పిన్, పేస్‌ కలగలిసి కొట్టిన దెబ్బకు ఆ జట్టు కోలుకోలేకపోయింది. సొంతగడ్డపై భారత్‌ తన హవా కొనసాగిస్తూ మరో విజయాన్ని తమ ఖాతాలో వేసుకుంది. వరుసగా ఆరో టెస్టు సిరీస్‌ సొంతం. కెప్టెన్‌గా పరాజయమనేదే లేకుండా వరుసగా 19 టెస్టులు. సొంతగడ్డపై సీజన్‌లో ఆడిన 9 టెస్టుల్లో ఎనిమిదో గెలుపు. కోహ్లి నాయకత్వంలో టీమిండియా జోరు కొనసాగుతూనే ఉంది. హైదరాబాద్‌ వేదికగా టెస్టు బేబీలను చిత్తు చేసి మన బృందం ఇదే ఉత్సాహంతో మరి కొద్ది రోజుల్లో ఆస్ట్రేలియా జట్టుకు సవాల్‌ విసిరేందుకు సై అంటోంది.
 
 హైదరాబాద్‌: న్యూజిలాండ్, ఇంగ్లండ్‌ల తర్వాత భారత్‌ చేతిలో మట్టికరవడం బంగ్లాదేశ్‌ వంతు అయింది. ముందుగా బ్యాటింగ్, ఆ తర్వాత స్పిన్‌తో పాటు పేస్‌ బౌలింగ్‌ కూడా తమ వంతు పాత్ర పోషించడంతో బంగ్లాదేశ్‌తో జరిగిన ఏకైక టెస్టులో భారత్‌కు భారీ విజయం దక్కింది. ఉప్పల్‌లోని రాజీవ్‌గాంధీ అంతర్జాతీయ స్టేడియంలో సోమవారం ముగిసిన ఈ మ్యాచ్‌లో భారత్‌ 208 పరుగుల తేడాతో బంగ్లాదేశ్‌ను ఓడించింది. ఓవర్‌నైట్‌ స్కోరు 103/3తో చివరి రోజు ఆట ప్రారంభించిన బంగ్లా తమ రెండో ఇన్నింగ్స్‌లో 250 పరుగులకు ఆలౌటైంది. మహ్ముదుల్లా (149 బంతుల్లో 64; 7 ఫోర్లు) అర్ధ సెంచరీ సాధించగా, మిగతా వారంతా విఫలమయ్యారు. బంగ్లా తమ రెండో ఇన్నింగ్స్‌లో 100.3 ఓవర్లు ఆడగలగడం విశేషం. స్పిన్నర్లు అశ్విన్, జడేజాలకు చెరో 4 వికెట్లు దక్కగా, మిగతా రెండు వికెట్లు పేసర్‌ ఇషాంత్‌ శర్మకు లభించాయి. డబుల్‌ సెంచరీ సాధించిన కోహ్లికే ‘మ్యాన్‌ ఆఫ్‌ ద మ్యాచ్‌’ అవార్డు దక్కింది.
 
 సెషన్‌–1: కీలక ఆటగాళ్లు పెవిలియన్‌కు
 చివరి రోజు 90 ఓవర్ల పాటు పోరాడి మ్యాచ్‌ను ‘డ్రా’ చేసుకుందామనే ఆశతో బరిలోకి దిగిన బంగ్లాదేశ్‌కు మూడో ఓవర్లోనే ఎదురు దెబ్బ తగిలింది. జడేజా వేసిన ఈ ఓవర్లో షకీబ్‌ అల్‌ హసన్‌ (22) పెవిలియన్‌ చేరాడు. ఆఫ్‌ స్టంప్‌పై కచ్చితత్వంతో వేసిన ఈ బంతి టర్న్, బౌన్స్‌ కారణంగా అనూహ్యంగా దూసుకొచ్చి షకీబ్‌ గ్లవ్స్‌కు తగిలిన అనంతరం షార్ట్‌ లెగ్‌ ఫీల్డర్‌ చేతుల్లో పడింది. ఈ దశలో మహ్ముదుల్లా, ముష్ఫికర్‌ (23) కలిసి ఆదుకునే ప్రయత్నం చేశారు. జడేజా ఓవర్లో వరుసగా రెండు ఫోర్లు కొట్టిన మహ్ముదుల్లా కొద్ది సేపటికే 115 బంతుల్లో అర్ధ సెంచరీ పూర్తి చేసుకున్నాడు. అయితే కీలక సమయంలో నిర్లక్ష్యమైన ఆటతీరుతో కెప్టెన్‌ తన జట్టును మరింత కష్టాల్లో పడేశాడు. అశ్విన్‌ బౌలింగ్‌లో ముందుకు దూసుకొచ్చి షాట్‌ ఆడిన ముష్ఫికర్‌ మిడాఫ్‌లో జడేజాకు సునాయాస క్యాచ్‌ ఇచ్చాడు. మరోవైపు అశ్విన్‌ ఓవర్లోనే మహ్ముదుల్లా ఫోర్, సిక్స్‌ బాది దూకుడు ప్రదర్శించాడు.
 ఓవర్లు: 31, పరుగులు: 99, వికెట్లు: 2
 
 సెషన్‌–2: బంగ్లా పతనం
 లంచ్‌ వరకు జాగ్రత్తగా వికెట్‌ను కాపాడుకున్న షబ్బీర్‌ రహమాన్‌ (22) విరామం తర్వాత కొద్ది సేపటికే ఇషాంత్‌ బౌలింగ్‌లో వికెట్ల ముందు దొరికిపోయాడు. దాంతో 51 పరుగుల ఆరో వికెట్‌ భాగస్వామ్యానికి తెర పడింది. కీలకమైన మహ్ముదుల్లా వికెట్‌ కూడా ఇషాంత్‌కే దక్కింది. అతని షార్ట్‌ పిచ్‌ బంతిని పుల్‌షాట్‌ ఆడబోయిన మహ్ముదుల్లా లాంగ్‌లెగ్‌లో భువనేశ్వర్‌కు క్యాచ్‌ ఇచ్చాడు. ఆ తర్వాత బంగ్లా ఇన్నింగ్స్‌ ముగియడానికి ఎంతో సేపు పట్టలేదు. కొద్ది సేపు పోరాడిన మెహదీ హసన్‌ (23)తో పాటు తైజుల్‌ (6)లను జడేజా పెవిలియన్‌ పంపించగా, తస్కీన్‌ (1)ను చివరి వికెట్‌గా అవుట్‌ చేసి అశ్విన్‌ భారత్‌కు విజయాన్ని అందించాడు.
 ఓవర్లు: 33.3, పరుగులు: 48, వికెట్లు: 5
 
 రెండు సార్లు రివ్యూ
 బంగ్లాదేశ్‌ ఆఖరి వికెట్‌ అవుట్‌ సమయంలో కాస్త డ్రామా చోటు చేసుకుంది. అశ్విన్‌ బౌలింగ్‌లో తస్కీన్‌ ఆడిన బంతి ఫీల్డర్‌ చేతుల్లో పడింది. భారత్‌ అప్పీల్‌ చేయడంతో ముందుగా క్యాచ్‌ అవుట్‌గా భావించిన అంపైర్‌ ఎరాస్మస్, దానిని థర్డ్‌ అంపైర్‌ను నివేదించారు. రీప్లేలో బంతి బ్యాట్‌కు తగల్లేదని తేలడంతో థర్డ్‌ అంపైర్‌ నాటౌట్‌ అని ప్రకటించేశారు కూడా. అయితే ఈ సమయంలో కోహ్లి ఎల్బీడబ్ల్యూ కోసం రివ్యూ కోరాడు. మరోసారి రీప్లేలు చూసిన తర్వాత బంతి స్టంప్‌కు తగులుతోందని తేలడంతో తస్కీన్‌ అవుట్‌ కావడం... భారత జట్టులో సంబరాలు షురూ అయిపోయాయి.
 
 ► 19 కోహ్లి నాయకత్వంలో భారత్‌ వరుసగా 19 టెస్టుల్లో ఓటమి లేకుండా కొనసాగుతోంది. గతంలో గావస్కర్‌ (18) పేరిట ఉన్న రికార్డును కోహ్లి సవరించాడు.
 
 ► 6 భారత్‌కు ఇది వరుసగా ఆరో సిరీస్‌ విజయం. గతంలో ధోని కెప్టెన్‌గా ఉన్న సమయంలో జట్టు వరుసగా ఐదు సిరీస్‌లు గెలిచింది.
 
 ► 15 కెప్టెన్‌గా కోహ్లికి 23 టెస్టుల్లో ఇది 15వ విజయం.
 
 ► 2 ఇంగ్లండ్‌ (2012లో) తర్వాత భారత్‌లో రెండు ఇన్నింగ్స్‌లలోనూ వందకు పైగా ఓవర్లు ఆడిన రెండో పర్యాటక జట్టుగా బంగ్లాదేశ్‌ నిలిచింది.
  


 గెలుపు బాటలో భారత్‌
 బంగ్లాదేశ్‌ విజయలక్ష్యం 459 ప్రస్తుతం 103/3
  స్పిన్నర్ల జోరు మొదలు
 
 సొంతగడ్డపై భారత్‌ విజయ యాత్రలో మరో మ్యాచ్‌ చేరడానికి రంగం సిద్ధమైంది. పది వికెట్లు కూల్చే లక్ష్యంలో ఇప్పటికే ముగ్గురిని పెవిలియన్‌ పంపించిన టీమిండియా ప్రత్యర్థి పతనానికి శ్రీకారం చుట్టింది. పిచ్‌ స్పిన్‌కు అనుకూలించడం ప్రారంభమైపోయింది, వాతావరణం సమస్యా లేదు... మన విజయాన్ని అడ్డుకోగలిగే సామర్థ్యం ఉన్న ఆటగాడూ అటు వైపు లేడు. మిగిలిన ఏడు వికెట్ల లాంఛనాన్ని ఎంత త్వరగా ముగిస్తారన్నదే తేలాల్సి ఉంది.
 
 భారత గడ్డపై తొలిసారి టెస్టు ఆడే అవకాశం దక్కించుకున్న బంగ్లాదేశ్‌కు టెస్టు చరిత్రలో ఎవరూ అందుకోలేని లక్ష్యం ఎదురుగా ఉంది. తొలి ఇన్నింగ్స్‌లో స్ఫూర్తిదాయక ప్రదర్శన చూపినా... రెండో సారి అదే తరహాలో ఆడటం అంత సులువు కాదు. ప్రధాన బ్యాట్స్‌మెన్‌ నిష్క్రమించిన నేపథ్యంలో మరో 90 ఓవర్లు ఆడి మ్యాచ్‌ను కాపాడుకోవడం వారికి శక్తికి మించిన పనే కానుంది. వెరసి బంగ్లాదేశ్‌కు
 ఈ టెస్టు ఒక పాఠంగా మిగిలిపోవచ్చు.  
 
 హైదరాబాద్‌: బంగ్లాదేశ్‌తో జరుగుతున్న ఏకైక టెస్టు మ్యాచ్‌లో భారత్‌ గెలుపు దిశగా సాగుతోంది. 459 పరుగుల అతి భారీ లక్ష్యంతో రెండో ఇన్నింగ్స్‌ బరిలోకి దిగిన బంగ్లాదేశ్‌ మ్యాచ్‌ నాలుగో రోజు ఆదివారం ఆట ముగిసే సమయానికి 3 వికెట్లు కోల్పోయి 103 పరుగులు చేసింది. షకీబుల్‌ హసన్‌ (21 బ్యాటింగ్‌), మహ్ముదుల్లా (9 బ్యాటింగ్‌) క్రీజ్‌లో ఉన్నారు. బంగ్లా విజయం కోసం మరో 356 పరుగులు చేయాల్సి ఉంది. చివరి రోజు ఇది దాదాపు అసాధ్యం కాబట్టి ఆ జట్టు ‘డ్రా’ కోసం ప్రయత్నించవచ్చు. కానీ ఇప్పటికే అశ్విన్, జడేజాలకు పట్టు చిక్కిన నేపథ్యంలో భారత్‌ విజయానికి చేరువైనట్లే.
 
 అంతకుముందు ఉదయం బంగ్లాదేశ్‌ తమ తొలి ఇన్నింగ్స్‌లో 388 పరుగులకు ఆలౌటైంది. కెప్టెన్‌ ముష్ఫికర్‌ రహీమ్‌ (262 బంతుల్లో 127; 16 ఫోర్లు, 2 సిక్సర్లు) సెంచరీ పూర్తి చేసుకున్నాడు. భారత్‌కు 299 పరుగుల భారీ ఆధిక్యం లభించింది. బౌలర్లకు కాస్త విశ్రాంతి ఇవ్వాలనే ఉద్దేశంతో కోహ్లి సేన ఫాలోఆన్‌ ఇవ్వకుండా మళ్లీ బ్యాటింగ్‌ చేయడానికే ఆసక్తి చూపించింది. తమ రెండో ఇన్నింగ్స్‌లో ధాటిగా ఆడుతూ 29 ఓవర్లలో 4 వికెట్లకు 159 పరుగుల వద్ద డిక్లేర్‌ చేసింది. చతేశ్వర్‌ పుజారా (58 బంతుల్లో 54 నాటౌట్‌; 6 ఫోర్లు, 1 సిక్స్‌) అర్ధసెంచరీ సాధించాడు.
 
 సెషన్‌–1: ముగిసిన బంగ్లా ఆట
 ఓవర్‌నైట్‌ స్కోరు 322/6తో ఇన్నింగ్స్‌ కొనసాగించిన బంగ్లాదేశ్‌కు మొదటి ఓవర్లోనే ఎదురు దెబ్బ తగిలింది. భువనేశ్వర్‌ వేసిన నాలుగో బంతిని ఆడలేక మెహదీ హసన్‌ (51) క్లీన్‌బౌల్డయ్యాడు. కొద్ది సేపటికే తైజుల్‌ (10) కూడా వెనుదిరిగాడు. ఈ దశలో 87 పరుగుల వద్ద ఉన్న ముష్ఫికర్‌కు తస్కీన్‌ (8) కాసేపు అండగా నిలిచి సెంచరీ చేయడానికి సహకరించాడు. ఇషాంత్‌ బౌలింగ్‌లో భారీ సిక్స్‌ కొట్టిన తర్వాత అదే ఓవర్లో ముష్ఫికర్‌ ఎల్బీడబ్ల్యూ కోసం భారత్‌ రివ్యూ చేసినా ఫలితం ప్రతికూలంగానే వచ్చింది. ఆ వెంటనే ఉమేశ్‌ బౌలింగ్‌లో ఫైన్‌లెగ్‌ దిశగా ఫోర్‌ కొట్టి శతకం అందుకున్న ముష్ఫికర్‌... అశ్విన్‌ ఓవర్లో వరుసగా ఫోర్, సిక్స్‌ బాదాడు. అయితే తస్కీన్‌ను జడేజా అవుట్‌ చేయగా, ముష్ఫికర్‌ను అవుట్‌ చేసి అశ్విన్‌ 250వ వికెట్‌ను తన ఖాతాలో వేసుకున్నాడు. విరామానికి ముందు భారత్‌ ఒక ఓవర్‌ ఆడింది.
 ఓవర్లు: 23.5, పరుగులు: 66,వికెట్లు: 4 (బంగ్లాదేశ్‌)
 ఓవర్లు: 1, పరుగులు: 1, వికెట్లు: 0 (భారత్‌)
 
 సెషన్‌–2: భారత్‌ దూకుడు
 భారీ ఆధిక్యం ఉన్నా, ఫాలోఆన్‌ ఇవ్వకుండా బ్యాటింగ్‌కు దిగిన భారత్‌ ఊహించినట్లుగానే ఆరంభం నుంచి ధాటిగా ఆడింది. తస్కీన్‌ బౌలింగ్‌లో విజయ్‌ (7), రాహుల్‌ (10) తొందరగానే నిష్క్రమించినా, భారత్‌ ఎక్కడా జోరు తగ్గించలేదు. పుజారా, కోహ్లి (40 బంతుల్లో 38; 2 ఫోర్లు, 1 సిక్స్‌) వేగంగా పరుగులు రాబట్టారు. షకీబ్‌ ఓవర్లో భారీ సిక్స్‌ కొట్టిన కోహ్లి, అదే ఓవర్లో మరో షాట్‌కు ప్రయత్నించి షార్ట్‌ మిడ్‌ వికెట్‌లో క్యాచ్‌ ఇచ్చాడు. 4 పరుగుల వద్ద షకీబ్‌ రిటర్న్‌ క్యాచ్‌ వదిలేయడంతో బతికిపోయిన రహానే (28; 2 ఫోర్లు, 1 సిక్స్‌) కూడా జోరుగా ఆడాడు. అయితే షకీబ్‌ బౌలింగ్‌లోనే అతను వెనుదిరిగాడు. అదే ఓవర్లో జడేజా (16 నాటౌట్‌) ఇచ్చిన క్యాచ్‌ను మెహదీ వదిలేయగా, భారత్‌కు 11 పరుగులు వచ్చాయి. రెండో సెషన్‌ చివరి ఓవర్లో 57 బంతుల్లో పుజారా అర్ధసెంచరీ పూర్తయింది. టీ విరామం ప్రకటించగానే భారత్‌ ఇన్నింగ్స్‌ను డిక్లేర్‌ చేసింది. భారత్‌ రెండో ఇన్నింగ్స్‌లో 5.48 రన్‌రేట్‌తో పరుగులు సాధించడం విశేషం.
 ఓవర్లు: 28, పరుగులు: 158: వికెట్లు: 4
 
 సెషన్‌–3: స్పిన్‌ తిరిగింది...
 టెస్టు మ్యాచ్‌ను కాపాడుకునే లక్ష్యంతో బ్యాటింగ్‌కు దిగిన బంగ్లాదేశ్‌ జట్టు భారత స్పిన్‌ ఉచ్చులో చిక్కింది. క్రీజ్‌లో ఇద్దరు లెఫ్ట్‌ హ్యాండర్లు ఉండటంతో కొత్త బంతిని అశ్విన్‌ చేతిలో పెట్టి కోహ్లి ఫలితం పొందాడు. అశ్విన్‌ బౌలింగ్‌లో బంతి తమీమ్‌ ఇక్బాల్‌ (3) బ్యాట్‌ను తాకుతూ గల్లీలో ఉన్న కోహ్లి చేతుల్లో పడింది. అయితే ముందుగా భారత ఆటగాళ్లంతా ఎల్బీ కోసం అప్పీల్‌ చేసినా, ఆ వెంటనే కోహ్లి క్యాచ్‌ కోసం రివ్యూకు వెళ్లాడు. సమీక్షలో భారత్‌కు అనుకూలంగా రావడంతో బంగ్లా తొలి వికెట్‌ కోల్పోయింది. ఈ దశలో సర్కార్, మోమినుల్‌ (63 బంతుల్లో 27; 3 ఫోర్లు) కలిసి  జాగ్రత్తగా ఆడారు. ఈ జోడి రెండో వికెట్‌కు 60 పరుగులు జోడించి నిలదొక్కుకుంటున్న దశలో భారత్‌ మళ్లీ దెబ్బ వేసింది. జడేజా, అశ్విన్‌ల బౌలింగ్‌లో స్లిప్‌లో రహానే రెండు క్యాచ్‌లు అందుకోవడంతో సర్కార్, మోమినుల్‌ నాలుగు పరుగుల వ్యవధిలో వెనుదిరిగారు. ఆ తర్వాత మహ్ముదుల్లా, షకీబ్‌ 10.5 ఓవర్ల పాటు జాగ్రత్తగా ఆడి మరో వికెట్‌ పడకుండా రోజును ముగించారు.
 ఓవర్లు: 35, పరుగులు: 103, వికెట్లు: 3
 
 
 ►1  అత్యంత వేగంగా 250 వికెట్లు పడగొట్టిన బౌలర్‌గా అశ్విన్‌ (45 టెస్టులు) నిలిచాడు. గతంలో ఆస్ట్రేలియా పేసర్‌ డెన్నిస్‌ లిల్లీ (48 టెస్టుల్లో) పేరిట ఉన్న రికార్డును అతను సవరించాడు. భారత్‌ తరఫున 250 వికెట్లు తీసేందుకు కుంబ్లేకు 55 టెస్టులు పట్టా యి. అశ్విన్‌ టెస్టుల్లోకి అడుగు పెట్టిన దగ్గరి నుంచి అతనికంటే ఎక్కువ వికెట్లు కూడా ఎవరూ తీయలేకపోవడం విశేషం. 5 ఏళ్ల 95 రోజుల్లో అతను ఈ ఘనత సాధించాడు.  
 
 ► 1  ఒకే టెస్టులో ఇరు జట్ల కెప్టెన్లు, వికెట్‌ కీపర్లు సెంచరీలు చేయడం ఇదే మొదటిసారి కావడం విశేషం. కోహ్లి, సాహా, ముష్ఫికర్‌ ఈ మ్యాచ్‌లో శతకాలు బాదారు.


 మెరుపు వేగంతో చెలరేగిపోయి చేసిన పరుగులు కావవి... ప్రత్యర్థి బౌలర్లపై విరుచుకుపడి ఊచకోత కోసిన ఇన్నింగ్స్‌ కాదది... టెస్టుల్లోనూ వేగమే మంత్రంగా కనిపిస్తున్న ఈ రోజుల్లో అత్యంత సంయమనంతో సాగిన అసలైన టెస్టు బ్యాటింగ్‌ ప్రదర్శన ఇది. కోహ్లి సంచలనాల ముందు, అశ్విన్‌ అద్భుత ప్రదర్శనల ముందు భారత టెస్టు విజయాల్లో విజయ్‌ పాత్ర కాస్త కనిపించకుండా పోతోంది గానీ ఓపెనర్‌గా అతను ఇస్తున్న ఆరంభాలు జట్టు జైత్రయాత్రలో కీలకంగా మారాయనేది వాస్తవం. ఈసారి కూడా ఎలాంటి హడావిడి లేకుండా తన ముద్దుపేరు ‘మాంక్‌’కు తగినట్లుగా ప్రశాంతంగా అతను తన పని తాను చేసుకుంటూ పోయాడు.
 
 ఓపిక, క్రీజ్‌లో పాతుకుపోవాలన్న పట్టుదల, సరైన బంతి కోసం ఎంత సేపయినా వేచి ఉండే తత్వం ఓపెనర్‌ ప్రాథమిక లక్షణాలు. గురువారం ఆటలో కూడా విజయ్‌ ఈ క్రమశిక్షణను బాగా పాటించాడు. మొదట్లో పిచ్‌ పేసర్లకు కాస్త అనుకూలిస్తుండటంతో జాగ్రత్తగా ఆడిన అతను,  కుదురుకున్న తర్వాత ఆరు బంతుల వ్యవధిలో మూడు ఫోర్లతో 14 పరుగులు రాబట్టి జోరు పెంచాడు. అతను కొట్టిన 12 బౌండరీలు ఆత్మవిశ్వాసంతో సాధికారికంగా కొట్టినవే. ముఖ్యంగా రబ్బీ ఓవర్‌లో కపిల్‌దేవ్‌ను గుర్తు చేసేలా అతను కొట్టిన నటరాజ స్టయిల్‌ షాట్‌ ఇన్నింగ్స్‌కే హైలైట్‌గా నిలిచింది.
 
 మురళీ విజయ్‌ కెరీర్‌లో మొదటి ఐదేళ్లలో ఆడింది 12 టెస్టులే... జట్టుతో పాటు ఉండటం, రెగ్యులర్‌ ఆటగాళ్ల స్థానంలో అప్పుడప్పుడు ఒక్కో టెస్టు అతనికి దక్కాయి. 2012లో కనీసం ఒక్క టెస్టు కూడా అవకాశం దక్కించుకోలేని విజయ్‌కు అదృష్టవశాత్తూ తొలిసారి పూర్తి స్థాయిలో ఆడే అవకాశం దక్కింది. 2013లో ఆస్ట్రేలియాతో జరిగిన ఈ సిరీస్‌లో అతను తన సత్తాను నిరూపించుకున్నాడు. అందుకు హైదరాబాదే వేదికైంది. ఈ మ్యాచ్‌లో 167 పరుగులు చేసిన విజయ్, తర్వాతి మ్యాచ్‌లోనే మరో సెంచరీ బాది ఓపెనర్‌గా తన స్థానం దాదాపు సుస్థిరం చేసుకున్నాడు. వ్యక్తిగత సమస్యలతో మధ్యలో కొంత ఇబ్బంది పడ్డా... నాటి నుంచి నేటి మరో హైదరాబాద్‌ సెంచరీ వరకు నాలుగేళ్ల కాలంలో విజయ్‌ విజయవంతమైన ఓపెనర్‌గా ఎదిగాడు. ముఖ్యంగా గత రెండేళ్ళలో అతని గణాంకాలు చాలా బాగున్నాయి. ముఖ్యంగా ఆసీస్‌కు ఎదురొడ్డి నిలిచిన 2014–15 సిరీస్‌లో 53, 99, 144, 80 లాంటి స్కోర్లు సాధించడం విజయ్‌కే చెల్లింది. విజయ్‌ విలువేమిటో ఆ పర్యటన చూపించింది. ఏప్రిల్‌ 1న పుట్టిన విజయ్, ఒకప్పుడు ఫూల్‌ అనిపించుకోవడం తనకు ఇష్టం లేదంటూ 17 ఏళ్ల వయసులో తనను తాను వెతుక్కుంటూ ఇల్లు వదిలి వెళ్లాడు. ఢక్కామొక్కీలు తిన్న తర్వాత జీవితంలో లక్ష్యాన్ని నిర్దేశించుకొని అతను ఎదిగిన తీరు, భారత క్రికెట్‌లో అత్యుత్తమ టెస్టు ఓపెనర్లలో ఒకడిగా నిలవడం ఒక సినిమా కథకంటే తక్కువేమీ కాదు.
 
 అప్పుడు అవుటై ఉంటే...
 ఇన్నింగ్స్‌ 19వ ఓవర్లో విజయ్‌ను రనౌట్‌ చేయడంలో బంగ్లా విఫలమైంది. మెహదీ బౌలింగ్‌లో స్క్వేర్‌లెగ్‌ దిశగా ఆడిన విజయ్‌ పరుగు కోసం ప్రయత్నించి మళ్లీ వెనక్కి తగ్గాడు. అప్పటికే పుజారా దాదాపు ఈ వైపు వచ్చేయడంతో విజయ్‌ ముందుకు వెళ్లాల్సిన పరిస్థితి వచ్చింది. చక్కటి ఫీల్డింగ్‌తో బంతిని ఆపిన రబ్బీ దానిని నాన్‌ స్ట్రైకింగ్‌ ఎండ్‌లో ఉన్న బౌలర్‌ మెహదీ వైపు విసిరాడు. అప్పటికే చాలా దూరం ఉన్న విజయ్‌ తప్పించుకునే అవకాశం కూడా లేదు. కానీ ఒత్తిడిలో బౌలర్‌ దానిని అందుకోలేకపోయాడు. దాంతో లైఫ్‌ లభించిన విజయ్‌ సెంచరీ వరకు దూసుకెళ్లాడు.


 ముంబై: భారత  క్రికెట్ జట్టు విజయాల్లో కీలక పాత్ర పోషిస్తున్న ఆఫ్ స్పిన్నర్ రవి చంద్రన్ అశ్విన్ పై మాజీ కెప్టెన్ సచిన్ టెండూల్కర్ ప్రశంసల వర్షం కురిపించాడు. అటు బౌలింగ్లోనూ, ఇటు బ్యాటింగ్లోనూ సత్తా చాటుతూ అశ్విన్ కీలక ఆటగాడిగా పరిణితి చెందాడన్నాడు. అశ్విన్ తరహా ఆల్ రౌండ్ ప్రదర్శనతో భారత జట్టు బలం పెరిగిందన్నాడు.అశ్విన్ ఏడు, ఎనిమిది స్థానాల్లో బ్యాటింగ్ కు వచ్చిన నాలుగు టెస్టు సెంచరీలు చేయడాన్ని సచిన్ ఈ సందర్భంగా ప్రస్తావించాడు. ఇది మన బ్యాటింగ్ బలాన్ని చూపెడుతుందన్నాడు.
  
 'గడిచిన రెండేళ్లలో అశ్విన్లో బాగా మార్పు వచ్చింది. అతని బౌలింగ్ ను మార్చుకుంటూ కీలక బౌలర్గా ఎదిగాడు. అదే క్రమంలో అతని బ్యాటింగ్ను కూడా మార్చుకున్నాడు. అశ్విన్తో ఎక్కువగా ప్రయోగాలు చేయడమే అతనిలో మార్పుకు కారణమని నేను అనుకుంటున్నా'అని సచిన్ తెలిపాడు. భారత్ లోనే కాదు.. విదేశాల్లో కూడా అశ్విన్ రాణించే రోజులు త్వరలోనే వస్తాయని సచిన్ ఆశాభావం వ్యక్తం చేశాడు. ప్రస్తుతం ఎంతో పరిణితి చెందిన అశ్విన్.. విదేశాల్లో కూడా తిరుగులేని స్పిన్నర్గా గుర్తింపు పొందుతాడన్నాడు.
 
 మనం దూకుడైన క్రికెట్ను, అటాకింగ్ క్రికెట్ను ఆడుతూ విజయాలను సొంతం చేసుకోవడం ఆనందంగా ఉందన్నాడు. ఇక్కడ జట్టు సమష్టిగా జట్టు విజయాలు సాధించడం అభినందించదగ్గ విషయమన్నాడు. దాంతో పాటు జట్టుకు నిలకడైన ఒక సారథిగా విరాట్ కోహ్లి తగిన న్యాయం చేస్తున్నాడని కొనియాడాడు.


 భారత గడ్డపై బంగ్లాదేశ్‌
 హైదరాబాద్‌ చేరుకున్న జట్టు
 
 హైదరాబాద్‌:  దాదాపు 18 ఏళ్ల క్రితం బంగ్లాదేశ్‌ జట్టు మొదటి సారి టెస్టు మ్యాచ్‌ బరిలోకి దిగింది. తమకు టెస్టు హోదా దక్కడంలో కీలక పాత్ర పోషించిన భారత్‌తోనే తొలి పోరులో బంగ్లా తలపడింది. ఢాకాలో నాలుగు రోజుల్లో ముగిసిన ఈ టెస్టులో భారత్‌ 9 వికెట్లతో ఘన విజయం సాధించింది. ఇరు జట్ల మధ్య జరిగిన ఐదు టెస్టు సిరీస్‌లకు కూడా బంగ్లానే వేదికగా నిలిచింది. ఇప్పుడు మొదటిసారి బంగ్లాదేశ్‌ భారత గడ్డపై టెస్టు మ్యాచ్‌ ఆడేందుకు సిద్ధమైంది. ఈ నెల 9నుంచి హైదరాబాద్‌లోని రాజీవ్‌గాంధీ అంతర్జాతీయ స్టేడియంలో భారత్, బంగ్లాదేశ్‌ ఏకైక టెస్టు మ్యాచ్‌ జరుగుతుంది. ముష్ఫికర్‌ రహీమ్‌ నాయకత్వంలోని బంగ్లా బృందం ఈ టెస్టులో పాల్గొనేందుకు గురువారం హైదరాబాద్‌ చేరుకుంది. వరల్డ్‌ కప్‌లాంటి ఐసీసీ టోర్నీలో తప్ప వన్డే, టి20 ఫార్మాట్‌లలో కూడా భారతగడ్డపై ద్వైపాక్షిక సిరీస్‌లలో గతంలో బంగ్లా తలపడలేదు. ఇరు జట్ల మధ్య ఇప్పటి వరకు 8 టెస్టు మ్యాచ్‌లు జరగ్గా... భారత్‌ 6 గెలిచింది. మరో 2 ‘డ్రా’గా ముగిశాయి. టెస్టుకు ముందు బంగ్లాదేశ్‌ ఈ నెల 5, 6 తేదీల్లో భారత్‌ ‘ఎ’ జట్టుతో రెండు రోజుల ప్రాక్టీస్‌ మ్యాచ్‌ కూడా ఆడుతుంది.
 
 మమ్మల్ని మేం నిరూపించుకుంటాం...
 భారత గడ్డపై తొలిసారి ఆడుతున్నా, తాము అత్యుత్తమ ప్రదర్శన కనబర్చగలమని బంగ్లాదేశ్‌ కెప్టెన్‌ ముష్ఫికర్‌ రహీమ్‌ విశ్వాసం వ్యక్తం చేశాడు. ఈ టెస్టును చారిత్రక మ్యాచ్‌గా తాము భావించడం లేదని అతను అన్నాడు. ‘భారత్‌లో కూడా మేం బాగా ఆడగలమని ప్రపంచానికి చూపించదలిచాం. మళ్లీ ఎన్నేళ్ల తర్వాత ఇక్కడ టెస్టు ఆడతామో ఇప్పడైతే తెలీదు కానీ భారత్‌ మమ్మల్ని మళ్లీ మళ్లీ ఆహ్వానించేలా మెరుగైన ఆటతీరు కనబరుస్తాం’ అని ముష్ఫికర్‌ చెప్పాడు. బౌలర్లకు అనుభవం తక్కువగా ఉన్నా...ఇటీవలి కాలంలో తమ బ్యాటింగ్‌ ప్రదర్శన చాలా బాగుందని, దానినే పునరావృతం చేస్తామని అతను అన్నాడు. టెస్టులో అశ్విన్, జడేజాలను బౌలింగ్‌ను ఎదుర్కోవడం అంత సులువు కాదని రహీమ్‌ అభిప్రాయం వ్యక్తం చేశాడు. ‘ప్రస్తుతం ప్రపంచ క్రికెట్‌లో వీరిద్దరిది అత్యుత్తమ జోడి. ఇక్కడి పరిస్థితుల్లో వారి బౌలింగ్‌లో ఆడటం పెద్ద సవాల్‌లాంటిది’ అని అతను విశ్లేషించాడు. అయితే తమ ప్రధాన బ్యాట్స్‌మెన్‌ తమీమ్, ఇమ్రుల్, మహ్ముదుల్లా, సర్కార్‌ స్పిన్నర్లను సమర్థంగా ఎదుర్కొన్న విషయాన్ని ముష్ఫికర్‌ గుర్తు చేశాడు. 


 చెన్నై: భారత ఆఫ్‌స్పిన్నర్‌ రవిచంద్రన్‌ అశ్విన్‌కు సొంతగడ్డపై కొత్త అనుభవం ఎదురైంది. మూడో వన్డే తర్వాత అతను కోల్‌కతా నుంచి సోమవారం చెన్నై చేరుకున్నాడు. అయితే జల్లికట్టు వివాదం కారణంగా రోడ్లన్నీ స్థంభించిపోవడంతో అక్కడినుంచి తన కారులో ఇంటికి చేరుకోవడం అసాధ్యంగా కనిపించింది. దాంతో అశ్విన్‌ మెట్రో రైల్‌ను ఆశ్రయించాల్సి వచ్చింది. ఎయిర్‌పోర్ట్‌ నుంచి తన ఇల్లు ఉన్న వెస్ట్‌ మాంబళంకు అతను ట్రైన్‌లో ప్రయాణించాడు.
 
 సహచర ప్రయాణీకులు కూడా అశ్విన్‌ తమతో పాటు రైలులో రావడంతో ఒక్కసారిగా ఆశ్చర్యానికి లోనయ్యారు. ‘ఇలాంటి పరిస్థితులే మనల్ని ప్రజా రవాణా వ్యవస్థను వాడేటట్లు చేస్తాయి. నన్ను భద్రంగా తీసుకెళ్లిన ఎయిర్‌ పోర్ట్‌ పోలీసులకు కృతజ్ఞతలు’ అని అశ్విన్‌ ట్వీట్‌ చేశాడు.  
  


 టి20 జట్టులో అమిత్‌మిశ్రా, రసూల్‌   
 
 న్యూఢిల్లీ: ఇంగ్లండ్‌తో జరిగే టి20 సిరీస్‌ కోసం ఇంతకు ముందే ప్రకటించిన భారత జట్టులో రెండు మార్పులు చోటు చేసుకున్నాయి. ఆఫ్‌ స్పిన్నర్‌ అశ్విన్, ఆల్‌రౌండర్‌ రవీంద్ర జడేజాలకు ఈ సిరీస్‌ నుంచి విశ్రాంతినిస్తున్నట్లు బీసీసీఐ ప్రకటించింది. వీరి స్థానాల్లో లెగ్‌స్పిన్నర్‌ అమిత్‌ మిశ్రా, ఆల్‌రౌండర్‌ పర్వేజ్‌ రసూల్‌లను జట్టులోకి ఎంపిక చేశారు. భారత టీమ్‌ మేనేజ్‌మెంట్‌తో చర్చించిన తర్వాత సెలక్షన్‌ కమిటీ ఈ నిర్ణయం తీసుకున్నట్లు బోర్డు వెల్లడించింది.
 
 జట్టులో ఇప్పటికే చహల్‌ రూపంలో మరో లెగ్‌స్పిన్నర్‌ ఉండగా, మిశ్రాను కూడా ఎంపిక చేశారు. న్యూజిలాండ్‌తో వన్డే సిరీస్‌లో ‘మ్యాన్‌ ఆఫ్‌ ద టోర్నీ’గా నిలిచినా, ఇంగ్లండ్‌తో ఒక్క మ్యాచ్‌లో కూడా మిశ్రాకు అవకాశం దక్కలేదు. కెరీర్‌లో 8 టి20లు ఆడి 14 వికెట్లు తీసిన అతను, ఈ ఫార్మాట్‌లో భారత్‌ ఆడిన ఆఖరి సిరీస్‌ (అమెరికాలో వెస్టిండీస్‌తో) లో కూడా జట్టులో సభ్యుడిగా ఉన్నా డు. జమ్మూ కశ్మీర్‌ నుంచి భారత్‌కు ప్రాతినిధ్యం వహిం చిన తొలి ఆటగాడిగా గుర్తింపు పొందిన రసూల్‌ టీమిం డియా తరఫున ఏకైక వన్డేను రెండున్నరేళ్ల క్రితం ఆడాడు. 


 ముంబై:మరికొద్ది రోజుల్లో ఇంగ్లండ్తో జరిగే మూడు ట్వంటీ 20ల సిరీస్కు భారత ఆల్ రౌండర్లు రవి చంద్రన్ అశ్విన్, రవీంద్ర జడేజాలకు విశ్రాంతి నిచ్చారు. ఇప్పటికే ఇంగ్లండ్ తో భారత్ సుదీర్ఘ సిరీస్ ఆడిన నేపథ్యంలో ఈ ఇద్దరూ స్టార్ స్పిన్నర్లకు విశ్రాంతినిస్తూ భారత క్రికెట్ కంట్రోల్ బోర్డు(బీసీసీఐ) సెలక్షన్ కమిటీ నిర్ణయం తీసుకుంది. వీరి స్థానంలో మరో ఇద్దరు స్పిన్నర్లు అమిత్ మిశ్రా, పర్వేజ్ రసూల్లకు చోటు కల్పించారు.ఈ మేరకు సోమవారం జరిగిన సెలక్షన్ లో మిశ్రా, రసూల్ లు స్థానం దక్కించుకున్నారు.
  
 ఇంగ్లండ్ తో టెస్టు సిరీస్ కు మిశ్రాను ఎంపిక చేసినా, అతనికి ఒక టెస్టు మ్యాచ్ లో మాత్రమే ఆడాడు. ఆ తరువాత అతనికి ఇంగ్లండ్ తో మిగతా టెస్టు సిరీస్లో, వన్డే సిరీస్లో ఆడే అవకాశం దక్కలేదు. ఇక ఇంగ్లండ్ తో ట్వంటీ 20 సిరీస్ మిగిలి ఉండటంతో ఈ వెటరన్ను మరోసారి పరీక్షించదలచిన సెలక్టర్లు ఆ మేరకు అతనికి స్థానం కల్పించారు.
 
 మరొకవైపు జమ్మూ కశ్మీర్కు చెందిన పర్వేజ్ రసూల్కు తదుపరి టీ 20 సిరీస్లో ఎంపిక చేశారు. ఇప్పటివరకూ ఒక వన్డే మాత్రమే ఆడిన ఆల్ రౌండర్ రసూల్ కు మరొకసారి అవకాశం ఇచ్చేందుకు మొగ్గు చూపారు. 2014, జూన్ లో బంగ్లాదేశ్తో జరిగిన వన్డే మ్యాచ్ ద్వారా రసూల్ అంతర్జాతీయ అరంగేట్రం చేశాడు. అప్పుడు రెండు వికెట్లతో రసూల్ ఫర్వాలేదనిపించాడు. జనవరి 26వ తేదీ నుంచి ఇంగ్లండ్-భారత జట్ల మధ్య మూడు ట్వంటీ 20 సిరీస్ ఆరంభం కానుంది.


 అంతర్జాతీయ క్రికెట్‌ మండలి (ఐసీసీ) టెస్టు బౌలర్ల ర్యాంకింగ్స్‌లో భారత స్పిన్నర్లు రవిచంద్రన్‌ అశ్విన్, రవీంద్ర జడేజా వరుసగా తొలి రెండు స్థానాల్లో కొనసాగుతున్నారు. ఆదివారం విడుదల చేసిన తాజా ర్యాంకింగ్స్‌లో అశ్విన్‌ 887 పాయింట్లతో టాప్‌ ర్యాంక్‌లో, జడేజా 879 పాయింట్లతో రెండో స్థానంలో ఉన్నాడు. పేస్‌ బౌలింగ్‌ విభాగంలో డేల్‌ స్టెయిన్‌ను నాలుగో స్థానానికి నెట్టి ఆస్ట్రేలియా పేస్‌ బౌలర్‌ హాజల్‌వుడ్‌ మూడో స్థానానికి చేరుకున్నాడు.


 కోహ్లికి కెప్టెన్సీ బాధ్యతలు అందించేందుకు ఇదే సరైన సమయమని ధోని భావించి ఉంటాడని భారత బౌలర్‌ అశ్విన్‌ అభిప్రాయపడ్డాడు. ధోని కెరీర్‌ అద్భుతంగా సాగిందని, గొప్ప గొప్ప కెప్టెన్లు కూడా అతని నుంచి నాయకత్వ పాఠాలు నేర్చుకోవచ్చని అతను అన్నాడు. ధోని సాధించిన ఘనతలను మరొకరు అందుకోవడం చాలా కష్టమని అశ్విన్‌ చెప్పాడు.
 
 ధోని బాటలో కోహ్లి కూడా విజయవంతమవుతాడని విశ్వాసం వ్యక్తం చేసిన ఈ ఆఫ్‌ స్పిన్నర్‌... కెప్టెన్సీ నుంచి తప్పుకోవడం ధోని వ్యక్తిగత నిర్ణయమని, దానిపై తాను వ్యాఖ్యానించనని అన్నాడు.


 సిడ్నీ:అసాధారణ బ్యాటింగ్ తో ఇప్పటికే క్రికెట్లో పలు రికార్డులను సొంతం చేసుకున్న భారత స్టార్ క్రికెట్ విరాట్ కోహ్లి పేరు..ఇప్పుడు ప్రపంచ వ్యాప్తంగా మార్మోగిపోతోంది. ఇటీవల ప్రపంచ అత్యుత్తమ ఆటగాళ్లతో కూడిన క్రికెట్ ఆస్ట్రేలియా(సీఏ) వన్డే జట్టుకు కెప్టెన్ ఎంపికైన కోహ్లి.. అదే దేశానికి చెందిన దిగ్గజ బౌలర్ గ్లెన్ మెక్ గ్రాత్ టెస్టు జట్టులో కూడా సారథిగా ఎంపికయ్యాడు.
  
 ఈ ఏడాదికి గాను మెక్గ్రాత్ ఎంపిక చేసిన  తన టెస్టు జట్టులో కోహ్లికి నాయకత్వ బాధ్యతలను అప్పజెప్పాడు.  దాంతోపాటు అంతర్జాతీయ క్రికెట్ మండలి(ఐసీసీ) క్రికెటర్ ఆఫ్ ద ఇయర్ అవార్డు గెలుచుకున్న భారత్ ఆల్ రౌండర్ రవి చంద్రన్ అశ్విన్ కూడా మెక్ గ్రాత్ జట్టులో స్థానం దక్కించుకున్నాడు.
 
 12 మందితో కూడిన మెక్ గ్రాత్ టెస్టు జట్టులో ఇంగ్లండ్ ఆటగాళ్లు జో రూట్, బెన్ స్టోక్స్, స్టువర్ట్ బ్రాడ్, జానీ బెయిర్ స్టోలు ఉండగా, న్యూజిలాండ్ జట్టు నుంచి కేన్ విలియమ్సన్ చోటు దక్కించుకున్నాడు. ఇక పాకిస్తాన్ నుంచి స్పిన్నర్ యాసిర్ షా, దక్షిణాఫ్రికా నుంచి పేసర్ రబడాలకు చోటు దక్కించుకున్నారు. మరొకవైపు ముగ్గురు ఆసీస్ ఆటగాళ్లను మాత్రమే తన జట్టులో మెక్ గ్రాత్  ఎంపిక చేశాడు. డేవిడ్ వార్నర్, స్టీవ్ స్మిత్, మిచెల్ స్టార్క్లను ఆసీస్ జట్టు నుంచి మెక్ గ్రాత్ తీసుకున్నాడు. కేవలం ప్రపంచ వ్యాప్తంగా ఉన్న క్రికెటర్ల గౌరవంలో భాగంగానే దిగ్గజ ఆటగాళ్లు తమ జట్టులను ఎంపిక చేసే సంగతి తెలిసిందే.


 చెన్నై: అంతర్జాతీయ క్రికెట్‌లో 2016 ఏడాదిని చిరస్మరణీయం చేసుకున్న భారత స్పిన్నర్‌ రవిచంద్రన్‌ అశ్విన్‌ వ్యక్తిగత జీవితాన్ని కూడా అంతే ఆనందంగా ముగించాడు. ఈ నెల 21న అతని భార్య ప్రీతి నారాయణన్‌ రెండో పాపకు జన్మనిచ్చింది. ఈ విషయాన్ని కాస్త ఆలస్యంగా నాలుగు రోజుల తర్వాత ప్రీతి ట్విట్టర్‌ ద్వారా సరదా వ్యాఖ్యలతో ప్రకటించింది. ‘ఈ నెల 21న మాకు క్యారమ్‌ బేబీ 2 పుట్టింది. రాష్ట్రంలో తుఫాను, చెన్నైలో చివరి టెస్టు ముగిసే వరకు ఆమె వేచి చూసింది.
 
 భారత్‌ మ్యాచ్‌ గెలిచిన సమయంలోనైతే చేపాక్‌లోనే పాప పుడుతుందేమోననిపించింది. అయితే ఆమె తర్వాతి రోజు ఈ ప్రపంచంలోకి వచ్చింది. దీని కారణంగా అశ్విన్‌ ‘క్రికెటర్‌ ఆఫ్‌ ద ఇయర్‌’గా ఎంపికైన సంతోషకర క్షణాలనుంచి దృష్టి మళ్లరాదని భావించాను. అందుకే ఇప్పుడు చెబుతున్నాను’ అని ప్రీతి వెల్లడించింది. అశ్విన్‌కు ఇప్పటికే ఏడాదిన్నర వయసున్న ‘అఖీరా’ అనే అమ్మాయి ఉంది.  


 చెన్నై: 2016.. భారత క్రికెటర్‌ రవిచంద్రన్‌ అశ్విన్‌కు అద్భుతమైన సంవత్సరమనే చెప్పాలి. ఈ ఏడాది ఐసీసీ క్రికెటర్‌ ఆఫ్‌ ది ఇయర్‌గా, ఐసీసీ టెస్ట్‌ క్రికెటర్‌ ఆఫ్‌ ది ఇయర్‌గా అరుదైన పురస్కారాలను అశ్విన్‌ అందుకున్నాడు. టెస్టు క్రికెట్‌లో వరల్డ్‌ నంబర్‌ వన్‌ ఆల్‌రౌండర్‌గా, టెస్టుల్లో నంబర్‌ 1 బౌలర్‌గా నిలిచాడు. అంతేకాదండోయ్‌ అశ్విన్‌కు ఈ ఏడాది తండ్రిగా మరోసారి ప్రమోషన్‌ లభించింది. అశ్విన్‌ భార్య ప్రితీ  చెన్నైలో ఈ నెల 21న రెండో బిడ్డకు జన్మనిచ్చింది. ఆ మరునాడే నగరంలోని చెపాక్‌ స్టేడియంలో జరిగిన ఐదో టెస్టులో భారత్‌ సంచలన విజయం సాధించింది.
 
 అయితే, తమకు బిడ్డ పుట్టిన విషయాన్ని ప్రితీ ట్విట్టర్‌లో సింబాలిక్‌గా చెప్పింది. కేవలం లవ్‌ సింబల్‌ మాత్రమే ఆమె ట్వీట్‌ చేసింది. తాజాగా ఈ విషయాన్ని చాలా తెలివిగా ప్రితీ వెల్లడించింది. క్రికెటర్‌ ఆఫ్‌ ద ఇయర్‌ అవార్డు అందుకున్న సందర్భంగా ధోనీ పేరును అశ్విన్‌ ప్రస్తావించకపోవడంపై ధోనీ అభిమానులు ట్విట్టర్‌లో అశ్విన్‌పై మండిపడుతున్న సంగతి తెలిసిందే. అయితే, ఇలాంటి పోస్టుల్లో తన భార్యను దయచేసి ట్యాగ్‌ చేయవద్దని, ఆమె కీలక పనుల్లో మునిగి ఉందని అశ్విన్‌ తెలిపాడు.
 
 
 ఆ కీలక పని ఏమిటంటే తమ రెండో బిడ్డ ఆలనాపాలనా చూసుకోవడమేనంటూ ప్రితీ తెలివిగా వెల్లడించింది. ఈ నెల 21న తాను పండంటి ఆడబిడ్డకు జన్మనిచ్చానని, అయితే, తుఫాను కారణంగా ఐదురోజులు అన్నీ బంద్‌ ఉండటం, ఆ తర్వాత చెపాక్‌ స్టేడియంలో టెస్టు మ్యాచ్‌ ఉండటంతో చెప్పలేకపోయానని, ఇంతలోనే బిడ్డ పుట్టిన రెండోరోజే అశ్విన్‌కు క్రికెటర్‌ ఆఫ్‌ ది ఇయర్‌ పురస్కారం వచ్చిందని, దాని నుంచి దృష్టి మళ్లించడం ఇష్టంలేక తాను ఇన్నిరోజులు చెప్పలేదని ట్విట్టర్‌లో యాక్టివ్‌గా ఉండే ప్రితీ అశ్విన్ పేర్కొంది.


 2016ను విజయవంతంగా ముగించిన భారత్‌
 మూడు ఫార్మాట్‌లలో చిరస్మరణీయ విజయాలు
 అన్నింటిలో విరాట్‌ కోహ్లి హవా   
 విశ్వరూపం... ఏడాది కాలంగా విరాట్‌ కోహ్లి ప్రదర్శనను వర్ణించడానికి మాటలు సరిపోవడం లేదు. అతని ప్రశంసకు పదాలు కరువైపోతున్నాయి. ఒకటా, రెండా ఎన్ని అద్భుత ఇన్నింగ్స్‌లు. అతను ఆడిన షాట్‌లు, తీసిన పరుగులు, గెలిపించిన మ్యాచ్‌లు.. భారత్‌ జైత్రయాత్రలో ఎక్కడైనా కోహ్లి ముద్ర కనిపించింది. అన్నీ తానే అయి ఒంటి చేత్తో అందించిన విజయాలు కొన్నైతే... ముందుండి సహచరులను నడిపిస్తూ, వారిని ప్రోత్సహిస్తూ అందించిన ఫలితాలు మరికొన్ని. మూడు ఫార్మాట్‌లలోనూ 2016లో కోహ్లి సాగించిన పరుగుల విధ్వంసం అంతా ఇంతా కాదు. ఏకంగా మూడు డబుల్‌ సెంచరీలు సాధించి 75.93 సగటుతో టెస్టుల్లో అతను పరుగులు సాధించాడు. వన్డేల్లో మరో మూడు శతకాలతో   92.37 సగటుతో అతను సరిగ్గా 100 స్ట్రైక్‌రేట్‌తో పరుగులు చేయడం విశేషం. 30 పరుగుల సగటును కూడా మెరుగ్గా భావించే టి20ల్లో కోహ్లి సగటుఏకంగా 106.83 ఉందంటే ఆశ్చర్యం కలుగుతుంది. ఈ ఫార్మాట్‌లో 140.26 స్ట్రైక్‌రేట్‌తో పరుగులు చేసిన తీరు చూస్తే అతను ఏ రేంజ్‌లో రెచ్చిపోయాడో అర్థమవుతుంది. ఇక 2016 ఐపీఎల్‌లోనూ ఈ సూపర్‌మ్యాన్‌ 16 మ్యాచ్‌లలో 4 శతకాలు సహా 973 పరుగులు చేయడం విశేషం.
 
 కాలగర్భంలో మరో ‘క్రికెట్‌ ఏడాది’ కలిసిపోయింది. ప్రపంచవ్యాప్తంగా పలు చిరస్మరణీయ క్షణాలను ముద్రించిన 2016 సంవత్సరం భారత జట్టుకు కూడా బాగా అచ్చొచ్చింది. టీమిండియా ఎప్పటిలాగే అభిమానులను ఆనందపరుస్తూ, ఆశలు రేపుతూ, అక్కడక్కడ అయ్యో అనిపిస్తూ ఈ ఏడాదిలోనూ కొన్ని మధుర జ్ఞాపకాలతో ముగించింది. టెస్టుల్లో పరాజయం లేకుండా అప్రతిహత యాత్రతో ప్రపంచ నంబర్‌వన్‌ కిరీటం, టి20ల్లో ఆసియా కప్‌లో అగ్రస్థానంతో పాటు పలు వ్యక్తిగత ప్రదర్శనలు ఎప్పటికీ గుర్తుండిపోయేలా చేశాయి. అయితే ఫార్మాట్‌ మారినా, తేదీలు మారినా అలుపెరుగని శ్రామికుడిలా పరుగుల సంపద సృష్టించిన విరాట్‌ కోహ్లికే నిస్సందేహంగా ఈ సంవత్సరం చెందుతుంది. అతని అమేయ ప్రదర్శన, గణాంకాల ముందు ఇతర ఆటగాళ్లు ప్రదర్శించిన చక్కటి ఆట కూడా సూర్యుని ముందు దివిటీలా మారిపోతే... రికార్డులు తలవంచుకొని పక్కకు తప్పుకున్నాయి. మరోవైపు బౌలింగ్‌లో అశ్విన్‌ హవా కొనసాగింది. సుదీర్ఘ కాలం తర్వాత అంతర్జాతీయ క్రికెట్‌లో భారత్‌ బ్రాండ్‌ గుర్తుంచుకునేలా చేసిన 2016లో మన టీమ్‌ మెరుపులను గుర్తు చేసుకుంటే...               – సాక్షి క్రీడా విభాగం
 
 2016 సంవత్సరంలో 12 టెస్టు మ్యాచ్‌లు ఆడితే... 9 విజయాలు, 3 ‘డ్రా’లతో పరాజయం అన్న మాటే లేదు. 13 వన్డేల్లో 7 విజయాలు, 6 పరాజయాలు.  21 టి20 మ్యాచ్‌లు ఆడితే 15 మ్యాచ్‌లలో గెలుపు అందుకోగా... 5 మ్యాచ్‌లలోనే ఓటమి ఎదురైంది. మరో మ్యాచ్‌లో మాత్రం ఫలితం తేలలేదు. ఎన్నో అంచనాల మధ్య బరిలోకి దిగిన తర్వాత సొంతగడ్డపై టి20 ప్రపంచ కప్‌ కాస్త నిరాశను మిగల్చడం మినహా... ఓవరాల్‌గా ఈ ఏడాదిని భారత క్రికెట్‌ జట్టు విజయవంతమైన రీతిలో ముగించింది. గాయాలు, ఫిట్‌నెస్‌ సమస్యలు లేదా జట్టు వ్యూహాల్లో భాగంగా ఒక్కో సందర్భంలో ఒక్కో కీలక ఆటగాడు ఎవరైనా జట్టుకు దూరమైనా... అతని స్థానంలో వచ్చిన మరో ఆటగాడు ఆ అవకాశాన్ని అందిపుచ్చుకొని సత్తా చాటడం ఇటీవలి కొన్నేళ్లలో లేని విధంగా భారత జట్టులో కనిపించిన సానుకూల పరిణామం. టీమిండియా టెస్టు కెప్టెన్‌గా కోహ్లి, పరిమిత ఓవర్లలో నాయకుడిగా ధోని తమదైన శైలిలో జట్టును నడిపించారు.
 
 టెస్టులు
 ►వెస్టిండీస్‌ గడ్డపై జరిగిన నాలుగు టెస్టుల సిరీస్‌ను భారత్‌ 2–0తో గెలుచుకుంది. నాలుగో టెస్టు వర్షం కారణంగా దాదాపు పూర్తిగా తుడిచి పెట్టుకుపోగా, రెండో టెస్టులో భారత్‌కు 304 పరుగుల భారీ ఆధిక్యం దక్కినా, రోస్టన్‌ ఛేజ్‌ అసమాన పోరాటంతో విండీస్‌ ఓటమిని తప్పించుకుంది. అశ్విన్‌ ‘మ్యాన్‌ ఆఫ్‌ ద సిరీస్‌’గా నిలిచాడు.
 
 ►సొంతగడ్డపై జరిగిన మూడు టెస్టుల సిరీస్‌లో భారత్‌ 3–0తో న్యూజిలాండ్‌ను చిత్తుగా ఓడించింది. చివరి టెస్టులో విజయంతో వరల్డ్‌ నంబర్‌వన్‌ ర్యాంక్‌ ఖాయం కావడంతో గావస్కర్‌ చేతుల మీదుగా కోహ్లి గదను అందుకున్నాడు. మరోసారి అశ్విన్‌ ‘మ్యాన్‌ ఆఫ్‌ ద సిరీస్‌’ అయ్యాడు.
 
 ►భారత్‌లోనే ఇంగ్లండ్‌తో జరిగిన ఐదు టెస్టుల సిరీస్‌ను టీమిండియా 4–0తో సొంతం చేసుకుంది. తొలి టెస్టు మాత్రమే డ్రాగా ముగియగా, ఆ తర్వాత వరుసగా నాలుగు మ్యాచ్‌లు భారత్‌ వశమయ్యాయి. భారత టెస్టు చరిత్రలోనే గొప్ప విజయాల్లో ఇది ఒకటిగా నిలిచిపోయింది. ఈ సిరీస్‌లో పరుగుల వరద (655) పారించిన కోహ్లి ‘మ్యాన్‌ ఆఫ్‌ ద సిరీస్‌’ అవార్డును అందుకున్నాడు.
 
 
 ► ఏడాదిలో అత్యధిక పరుగులు: కోహ్లి (1215), పుజారా (836), రహానే (653).
 ► అత్యధిక వికెట్లు: అశ్విన్‌ (72), జడేజా (43), షమీ (29)
 ► టెస్టుల్లో అరంగేట్రం: జయంత్‌ యాదవ్, కరుణ్‌ నాయర్‌.
 
 
 వన్డేలు
 ►ఆస్ట్రేలియాతో వారి గడ్డపై జరిగిన ఐదు వన్డేల సిరీస్‌ను భారత్‌ 1–4తో కోల్పోయింది. తొలి నాలుగు వన్డేలూ వరుసగా గెలిచి ఆసీస్‌ జయభేరి మోగించగా, చివరి మ్యాచ్‌లో మనీశ్‌ పాండే అద్భుత సెంచరీతో భారత్‌ క్లీన్‌స్వీప్‌ కాకుండా తప్పించుకోగలిగింది. అయితే 2 సెంచరీలు సహా 441 పరుగులు చేసిన రోహిత్‌ శర్మ ‘మ్యాన్‌ ఆఫ్‌ ద సిరీస్‌’గా నిలిచాడు.
 
 ►దాదాపు మొత్తం జూనియర్‌ ఆటగాళ్లను తీసుకొని జింబాబ్వేకు వెళ్లిన కెప్టెన్‌ ధోని మూడు వన్డేల సిరీస్‌ను 3–0తో గెలిపించాడు. ఏ మ్యాచ్‌లోనూ భారత్‌కు కనీస పోటీ కూడా ఎదురు కాలేదు. వరుసగా 9, 8, 10 వికెట్ల తేడాతో విజయాలు దక్కాయి. 196 పరుగులు చేసిన కేఎల్‌ రాహుల్‌కు ‘మ్యాన్‌ ఆఫ్‌ ద సిరీస్‌’ అవార్డు దక్కింది.
 
 ►భారత్‌లోనే న్యూజిలాండ్‌తో జరిగిన ఐదు వన్డేల సిరీస్‌ను భారత్‌ 3–2తో సొంతం చేసుకుంది. ఇరు జట్లు చెరో రెండు మ్యాచ్‌లు నెగ్గి 2–2తో సమంగా నిలవగా... విశాఖపట్నంలో జరిగిన చివరి వన్డేలో కివీస్‌ 79 పరుగులకే కుప్పకూలి 190 పరుగులతో చిత్తుగా ఓడింది. 15 వికెట్లు పడగొట్టిన అమిత్‌ మిశ్రా ‘మ్యాన్‌ ఆఫ్‌ ద సిరీస్‌’ అవార్డును గెలుచుకున్నాడు.
 
 ► ఏడాదిలో అత్యధిక పరుగులు: కోహ్లి (739), రోహిత్‌ (564), ధావన్‌ (287).
 ►అత్యధిక వికెట్లు: జస్‌ప్రీత్‌ బుమ్రా (17), అమిత్‌ మిశ్రా (15), ఉమేశ్‌ (15).
 ►వన్డేల్లో అరంగేట్రం: బరీందర్‌ శరణ్, రిషి ధావన్, గుర్‌కీరత్‌ సింగ్, జస్‌ప్రీత్‌ బుమ్రా, యజువేంద్ర చహల్, కరుణ్‌ నాయర్, కేఎల్‌ రాహుల్, ఫైజ్‌ ఫజల్, హార్దిక్‌ పాండ్యా, జయంత్‌ యాదవ్‌.
 
 టి20లు
 ►ప్రపంచకప్‌తో పాటు దానికి ముందు సన్నాహకంగా గతంతో పోలిస్తే ఈ ఏడాది భారత్‌ ఎక్కువ సంఖ్యలో (21) అంతర్జాతీయ టి20 మ్యాచ్‌లు ఆడింది.
 
 ►ఆస్ట్రేలియా గడ్డపై జరిగిన మూడు మ్యాచ్‌ల సిరీస్‌ను భారత్‌ 3–0తో గెలుచుకొని కంగారూలకు షాక్‌ ఇచ్చింది. ఆద్యంతం ఆధిక్యం కనబర్చిన మన జట్టు ప్రత్యర్థికి కోలుకునే అవకాశం ఇవ్వకుండా వన్డే సిరీస్‌ పరాజయానికి ప్రతీకారం తీర్చుకుంది. మూడు అర్ధ సెంచరీలు చేసిన కోహ్లి ‘మ్యాన్‌ ఆఫ్‌ ద సిరీస్‌’గా నిలిచాడు.
 
 ►సొంతగడ్డపై శ్రీలంకతో జరిగిన మూడు మ్యాచ్‌ల సిరీస్‌ను భారత్‌ 2–1తో సొంతం చేసుకుంది. తొలి మ్యాచ్‌లో అనూహ్య రీతిలో 101కే కుప్పకూలి విమర్శలు ఎదుర్కొన్న మన జట్టు, తర్వాతి రెండు మ్యాచ్‌లలో సత్తా చాటింది. అశ్విన్‌ ‘మ్యాన్‌ ఆఫ్‌ ద సిరీస్‌’గా నిలిచాడు.  
 
 ► తొలిసారి టి20 ఫార్మాట్‌లో నిర్వహించిన ఆసియా కప్‌లో ధోని సేన విజేతగా నిలిచింది. లీగ్‌ దశలో ఆడిన నాలుగు మ్యాచ్‌లను అజేయంగా ముగించిన టీమిండియా ఫైనల్లో బంగ్లాదేశ్‌ను 8 వికెట్లతో చిత్తు చేసింది. ఈ టోర్నీలో పాకిస్తాన్‌తో జరిగిన మ్యాచ్‌లో 5 వికెట్ల తేడాతో భారత్‌ ఘన విజయం సాధించింది.
 
 ► మొదటిసారి భారత్‌లో నిర్వహించిన ప్రపంచ కప్‌లో భారత్‌ సెమీఫైనల్‌ వరకు చేరగలిగింది. లీగ్‌ తొలి మ్యాచ్‌లో న్యూజిలాండ్‌ చేతిలో అనూహ్య ఓటమి తర్వాత వరుసగా పాకిస్తాన్, బంగ్లాదేశ్, ఆస్ట్రేలియాలపై గెలిచి సెమీస్‌ చేరిన టీమిండియా, అక్కడ వెస్టిండీస్‌ చేతిలో పరాజయం పాలైంది. బంగ్లాదేశ్‌తో మ్యాచ్‌లో ఆఖరి ఓవర్లో తీసిన మూడు వికెట్లు, ఆసీస్‌పై కోహ్లి ఆడిన అద్భుత ఇన్నింగ్స్, ధోనితో కలిసి చేసిన ఛేజింగ్‌ అభిమానులకు గుర్తుండిపోయాయి. అయితే సెమీస్‌లో కీలక సమయంలో అశ్విన్‌ వేసిన నోబాల్‌తో బతికిపోయిన సిమన్స్, ఆ తర్వాత చెలరేగి భారత్‌ను ఓడించడం అభిమానులకు తీవ్ర నిరాశను కలిగించింది. తిరుగులేని ఆటతీరు కనబర్చిన కోహ్లినే ‘మ్యాన్‌ ఆఫ్‌ ద సిరీస్‌’ పురస్కారానికి ఎంపికయ్యాడు.
 
 ► జింబాబ్వేలో జరిగిన మూడు మ్యాచ్‌ల సిరీస్‌ను భారత్‌ 2–1తో గెలుచుకుంది. తొలి మ్యాచ్‌లో ఊహించని విధంగా చివరి బంతికి ధోని ఫోర్‌ కొట్టలేకపోవడంతో భారత్‌ ఓడిపోగా... ఆ తర్వాత కోలుకొని మిగతా రెండు మ్యాచ్‌లు గెలుచుకుంది. బరీందర్‌ శరణ్‌ ‘మ్యాన్‌ ఆఫ్‌ ద సిరీస్‌’గా నిలిచాడు.
 
 ► తొలిసారి అమెరికా గడ్డపై క్రికెట్‌ ఆడిన భారత జట్టు వెస్టిండీస్‌తో రెండు మ్యాచ్‌లో సిరీస్‌ను 0–1తో కోల్పోయింది. తొలి మ్యాచ్‌లో రాహుల్‌ శతకం సాధించినా, ఒక పరుగుతో జట్టు ఓటమిపాలు కాగా... రెండో మ్యాచ్‌ వర్షం కారణంగా అర్ధాంతరంగా రద్దయింది.
 
 ► టెస్టుల్లో భారత్‌ తరఫున ట్రిపుల్‌ సెంచరీ సాధించిన రెండో ఆటగాడిగా కరుణ్‌ నాయర్‌ నిలిచాడు. చెన్నైలో ఇంగ్లండ్‌తో జరిగిన ఐదో టెస్టులో అతను 303 పరుగులు చేసి అజేయంగా నిలిచి చరిత్రలో తన పేరు లిఖించుకున్నాడు. 2016 ఏడాదిలో భారత్‌కు సంబంధించి ఇదో ప్రత్యేక క్షణం.
 
 ► ఐపీఎల్‌–2016ను డేవిడ్‌ వార్నర్‌ సారథ్యంలోని సన్‌రైజర్స్‌ హైదరాబాద్‌ జట్టు గెలుచుకుంది. ఫైనల్లో హైదరాబాద్‌ 8 పరుగులతో రాయల్‌ చాలెంజర్స్‌ బెంగళూరును ఓడించింది.
 
 
 
 ► ఏడాదిలో అత్యధిక పరుగులు: కోహ్లి (647), రోహిత్‌ (497), ధావన్‌ (301).
 ► అత్యధిక వికెట్లు: జస్‌ప్రీత్‌ బుమ్రా (28), అశ్విన్‌ (23), నెహ్రా (18).
 ►టి20ల్లో అరంగేట్రం: జస్‌ప్రీత్‌ బుమ్రా, హార్దిక్‌ పాండ్యా, పవన్‌ నేగి, యజువేంద్ర చహల్, రిషి ధావన్, మన్‌దీప్‌ సింగ్, కేఎల్‌ రాహుల్, జైదేవ్‌ ఉనాద్కట్, ధావల్‌ కులకర్ణి, బరీందర్‌ శరణ్‌.
 ►మహిళల క్రికెట్‌ విషయానికొస్తే హర్మన్‌ప్రీత్‌ కౌర్‌ సారథ్యంలోని భారత జట్టు వరుసగా ఆరోసారి ఆసియా కప్‌ విజేతగా నిలిచింది. బ్యాంకాక్‌లో జరిగిన టి20 ఫార్మాట్‌ ఆసియా కప్‌ ఫైనల్లో భారత్‌ 17 పరుగుల తేడాతో పాకిస్తాన్‌పై గెలిచింది. ఫైనల్లో మిథాలీ రాజ్‌ అజేయ అర్ధ సెంచరీ సాధించి భారత విజయంలో కీలకపాత్ర పోషించింది. హర్మన్‌ప్రీత్‌ ఆస్ట్రేలియా మహిళల బిగ్‌బాష్‌ లీగ్‌లో సిడ్నీ థండర్‌ జట్టుకు ప్రాతినిధ్యం వహించగా... స్మృతి మంధన తొలిసారి ప్రకటించిన ‘ఐసీసీ టీమ్‌ ఆఫ్‌ ది ఇయర్‌’లో భారత్‌ నుంచి చోటు సంపాదించింది.


 న్యూఢిల్లీ: ఇటీవల అంతర్జాతీయ క్రికెట్ మండలి(ఐసీసీ) క్రికెటర్ ఆఫ్ ద ఇయర్ అవార్డు గెలుచుకున్న భారత ప్రధాన స్పిన్నర్ రవి చంద్రన్ అశ్విన్పై ఇప్పుడు విమర్శల వర్షం కురుస్తోంది. ఐసీసీ క్రికెటర్ ఆఫ్ ద ఇయర్ అవార్డును అశ్విన్ గెలుచుకోవడం గర్వకారణమే  అయినా, ఆ తరువాత అతను చేసిన ట్వీట్ మాత్రం టీమిండియా పరిమిత ఓవర్ల కెప్టెన్ మహేంద్ర సింగ్ ధోని అభిమానులకు ఆగ్రహం తెప్పించింది. ఆ అవార్డును గెలుచుకోవడానికి టెస్టు కెప్టెన్ విరాట్ కోహ్లి, ప్రధాన కోచ్ అనిల్ కుంబ్లే, ఫిట్నెస్ కోచ్ శంకర్ బసూ, భార్య ప్రీతిలే కారణమంటూ అశ్విన్ ట్వీట్ చేయడం ధోని అభిమానుల ఆగ్రహానికి కారణమైంది. విదేశాల్లో అశ్విన్ పేలవమైన  ఫామ్లో ఉన్నప్పుడు అతనికి మద్దతుగా నిలిచిన ధోని ఇప్పుడు ఏమయ్యాడంటూ పలువురు ట్వీట్లలో విమర్శలు గుప్పించారు.
  
 'నీకు కఠినమైన పరీక్ష ఎదురైనప్పుడు అండగా నిలిచిన ధోని భాయ్ని మరిచిపోయావా?అని ఒక అభిమాని ప్రశ్నించగా, అసలు ధోని గురించి ఏమి మాట్లాడలేదే?'అని మరో అభిమాని ప్రశ్నించాడు. కాగా, తాను అశ్విన్ అభిమానినంటూ పేర్కొన్న ఒక యువకుడు మాత్రం తీవ్రంగా తప్పుబట్టాడు. ఇలా అండగా నిలిచి కెరీర్కు అభివృద్ధికి ఎంతగానో సాయపడిన ధోనిని మరిచిపోవడం క్షమించరానిదంటూ ఆవేదన వ్యక్తం చేశాడు. ధోని నేతృత్వంలో అంచెలంచెలుగా ఎదిగిన అశ్విన్.. ఇప్పుడు కోహ్లి సారథ్యంలో ఫలితాల్ని సాధిస్తున్నాడనే విషయం అతను గ్రహిస్తే బాగుంటుందని మరొక అభిమాని నిలదీశాడు. ఇక్కడ కచ్చితంగా ధోనికి ధన్యవాదాలు తెలపాలంటూ అశ్విన్ కు హితబోధ చేశాడు.


 సాక్షి క్రీడావిభాగం
 రవిచంద్రన్‌ అశ్విన్‌ మంచినీళ్ల ప్రాయంలా వరుస పెట్టి వికెట్లు తీయడం కొత్త కాదు. ప్రత్యర్థి బ్యాట్స్‌మెన్‌కు సింహస్వప్నంలా మారి కొత్త కొత్త రికార్డులు సృష్టించడం కూడా అతనికి ఇప్పుడు వాకింగ్‌కు వెళ్లినంత సాధారణంగా మారిపోయింది. తాజాగా వచ్చిన ‘ఐసీసీ క్రికెటర్‌ ఆఫ్‌ ద ఇయర్‌’ అవార్డు కూడా అతని అబ్బురపరిచే గణాంకాలకు లభించిన మరో గౌరవం. కానీ అశ్విన్‌ అంటే సాధారణ బౌలర్‌ మాత్రమే కాదు. అతడు ఒక జీనియస్‌. అతని ఖాతాలో వచ్చి పడిన ప్రతీ వికెట్‌ వెనక ఒక కథ ఉంటుంది. సాధారణంగా టీమ్‌ సమావేశాల్లో, కోచ్‌ చెప్పే సూచనలతో అమలు చేసే వ్యూహాలకు అశ్విన్‌ తన సొంత ఇంజనీరింగ్‌ బుర్రను జోడిస్తాడు. ఒక మంచి బ్యాట్స్‌మన్‌ను అవుట్‌ చేయాలంటే ఎంతగా శ్రమించాలో అంతగా హోంవర్క్‌ చేసి మైదానంలోకి అడుగు పెడతాడు. తాను వేసే ప్రతీ బంతి తన ఆఖరి బంతి అన్నంత కసితో బౌలింగ్‌ చేస్తాడు. గత ఏడాది సంగక్కరను నాలుగు ఇన్నింగ్స్‌లలో నాలుగు సార్లు అవుట్‌ చేయడం అయినా... ఇంగ్లండ్‌తో సిరీస్‌లో రూట్‌ స్లిప్‌లో క్యాచ్‌ ఇచ్చే బలహీనతను గుర్తించి దానికి తగినట్లుగా బంతిని సంధించడం అయినా... వారిని అవుట్‌ చేయడంలో అతను చెప్పిన విశ్లేషణ అబ్బురపరుస్తుంది. అవసరానికి, పరిస్థితులకు తగినట్లుగా అతను తనను తాను మలచుకున్న తీరు అశ్విన్‌ను ప్రత్యేకంగా నిలబెడుతుంది.
 
 ముందు బ్యాట్స్‌మన్‌గా మొదలు పెట్టి, ఆ తర్వాత కాస్త మీడియం పేస్‌ బంతులు వేయగలిగిన బౌలర్, ఇప్పుడు ప్రపంచంలోనే అత్యుత్తమ ఆఫ్‌స్పిన్నర్‌లలో ఒకడిగా ఎదిగాడు. తన మార్క్‌నుంచి రనప్‌ మొదలు పెట్టడం నుంచి మ్యాచ్‌ ముగిసే వరకు తాను ప్రతీ బంతి ఎలా వేశాడో మైండ్‌లో ఫిక్స్‌ చేసుకోగలిగిన అశ్విన్, వేలాది గంటల నెట్‌ ప్రాక్టీస్‌కంటే విలువైన పాఠాలు మ్యాచ్‌నుంచే నేర్చుకుంటాడు. స్కూల్‌ స్థాయి క్రికెట్‌లోనే తనకు ఫలానా విధంగా ఫీల్డింగ్‌ కావాలంటూ కోచ్‌తో వాదన పెట్టుకున్న అశ్విన్‌కు తన తెలివితేటలపై అపార నమ్మకం ఉంది. జిమ్‌లో ఎన్ని గంటలు గడిపినా సహచరులతో పోలిస్తే మైదానంలో చురుగ్గా మారలేనని గుర్తించిన అతను, ఆటకు అవసరం కాబట్టి వికెట్ల మధ్య పరుగెత్తడంలో ప్రత్యేక కోచ్‌ను పెట్టుకొని మరీ సాధన చేశాడు. ఒక దశలో వరుసగా ఆరు టెస్టుల్లో అతడికి అవకాశం దక్కని సమయంలోనూ నేను అత్యుత్తమ బౌలర్‌గా ఎదుగుతాను అంటూ తన యాక్షన్‌ను మార్చుకొని మరీ సంచలనాలకు శ్రీకారం చుట్టడం అశ్విన్‌కే సాధ్యమైంది. బౌలింగ్‌లో అద్భుతాలు సృష్టిస్తున్న సమయంలోనూ నాకెందుకీ బ్యాటింగ్‌ తలనొప్పి అన్నట్లుగా అతను దూరం జరిగిపోలేదు. బ్యాటింగ్‌ను కూడా అంతే ప్రేమించాడు. అదే స్థాయిలో కష్టపడి ఇప్పుడు బ్యాట్స్‌మన్‌గా కూడా అవతలి జట్టుకు చెమటలు పట్టిస్తున్నాడు. క్రికెట్‌కు సంబంధించిన ప్రతీ సూక్ష్మమైన అంశంపై అతనికి పట్టుంది. తాను మ్యాచ్‌ ఆడని సమయంలో టీవీలో చాలా ఎక్కువగా క్రికెట్‌ చూస్తాడు. అది జింబాబ్వే ఆడుతున్న సిరీస్‌ అయినా సరే. ఏదో సరదా కోసమో, పేపర్లో ఫొటో కోసమో కాకుండా ఆటపై ఇష్టంతో ఇటీవలే చెన్నైలో అతను టెన్నిస్‌ బాల్‌ క్రికెట్‌ ఆడాడు. అక్కడ కూడా అంతర్జాతీయ మ్యాచ్‌ ఆడినంత సీరియస్‌గా తన దూస్రాలతో బ్యాట్స్‌మెన్‌ను అవుట్‌ చేయడమే లక్ష్యంగా శ్రమించాడు. నా ఆట తప్ప నేనేమీ పట్టించుకోను అంటూ చెప్పుకునే టైపు క్రికెటర్‌ కాదు అతను. అతను పత్రికలు చదువుతాడు.
 
 నిర్మొహమాటంగా తన అభిప్రాయాలు వెల్లడిస్తాడు. అది పిచ్‌పై వచ్చిన విమర్శలపై అయినా, చకింగ్‌ గురించైనా, లేదంటే హర్భజన్‌తో పోలిక అయినా సరే. తాజాగా ముంబై టెస్టులో తన కెప్టెన్‌పై అండర్సన్‌ చేసిన వ్యాఖ్యలపై అతనితోనే నేరుగా తలపడటం అశ్విన్‌ ముక్కుసూటితనాన్ని చూపిస్తుంది. మీడియా సమావేశంలో కూడా డొంకతిరుగుడు లేకుండా స్పష్టంగా జవాబివ్వడంలో అశ్విన్‌ తర్వాతే ఎవరైనా. ట్విట్టర్‌ను ఏదో నామ్‌కే వాస్తేగా వాడకుండా దానిని సమర్థంగా వినియోగించే భారత క్రికెటర్‌ అశ్విన్‌ ఒక్కడే. ఎంతటి కీర్తి కనకాదులు వచ్చిన తర్వాత కూడా ఇతర తమిళనాడు క్రికెటర్ల తరహాలో హై క్లాస్‌ ఏరియాలోకి మారకుండా అతను తన పాత లొకాలిటీలో, అదే ఇంట్లో ఇప్పటికీ ఉంటున్నాడు. అసంఖ్యాకమైన చెన్నైయిన్‌లలాగే రజినీకాంత్, కమల్‌హాసన్‌లతో పాటు ఇళయరాజా సంగీతాన్ని ఇష్టపడే ఈ స్టార్‌ ఆటగాడు భారత క్రికెట్‌పై వేసిన ముద్ర ప్రత్యేకం.


 ► ఈ యేటి మేటి క్రికెటర్‌గా అశ్విన్‌ ఎంపిక
 ► టెస్టుల్లోనూ అత్యుత్తమ ప్లేయర్‌ పురస్కారం
 ► వన్డే జట్టు సారథిగా విరాట్‌ కోహ్లి
 ► ఐసీసీ వార్షిక అవార్డుల ప్రకటన
 
 దుబాయ్‌: ఈ ఏడాది అన్ని ఫార్మాట్లలోనూ అత్యద్భుత ప్రతిభ చూపిన భారత ఆఫ్‌ స్పిన్నర్‌ రవిచంద్రన్‌ అశ్విన్‌ అంతర్జాతీయ క్రికెట్‌ మండలి (ఐసీసీ) వార్షిక అవార్డుల్లో డబుల్‌ బొనాంజాతో అరుదైన గౌరవం దక్కించుకున్నాడు. ప్రతిష్టాత్మక ‘క్రికెటర్‌ ఆఫ్‌ ద ఇయర్‌’గానే కాకుండా ‘ఉత్తమ టెస్టు క్రికెటర్‌’గానూ ఎంపికయ్యాడు. ఐసీసీ అత్యుత్తమ ఆటగాడిగా నిలిచినందుకు అశ్విన్‌... సర్‌ గ్యారీ సోబర్స్‌ ట్రోఫీ అందుకోనున్నాడు. భారత్‌ నుంచి ఈ ఘనత సాధించిన మూడో క్రికెటర్‌గా అశ్విన్‌ నిలిచాడు. గతంలో రాహుల్‌ ద్రవిడ్‌(2004), సచిన్‌ టెండూల్కర్‌(2010) ఈ ట్రోఫీ అందుకున్నారు. మరోవైపు ద్రవిడ్‌(2004) అనంతరం ఒకే ఏడాది ఇలా రెండు ముఖ్య అవార్డులను గెల్చుకున్న రెండో భారత ఆటగాడిగానూ అశ్విన్‌ రికార్డులకెక్కాడు.
 
 ప్రపంచ వ్యాప్తంగా గతంలో కలిస్‌(దక్షిణాఫ్రికా–2005), పాంటింగ్‌(ఆస్ట్రేలియా–2006), సంగక్కర (శ్రీలంక–2012), మైకేల్‌ క్లార్క్‌ (ఆస్ట్రేలియా–2013), మిచెల్‌ జాన్సన్‌(ఆస్ట్రేలియా–2014), స్టీవ్‌ స్మిత్‌ (ఆస్ట్రేలియా–2015) ఈ ఫీట్‌ సాధించారు. ఈ అవార్డుల ప్రకటన కోసం గతేడాది సెప్టెంబర్‌ 14 నుంచి ఈ ఏడాది సెప్టెంబర్‌ 20వరకు ప్రదర్శనలను పరిగణలోకి తీసుకున్నా రు. ఈ అవార్డులపై ఓటింగ్‌ జరిగింది. ఈ కాలంలో 30 ఏళ్ల అశ్విన్‌ ఎనిమిది టెస్టులు ఆడి 48 వికెట్లు తీయడంతోపాటు 336 పరుగులు సాధించాడు. 19 టి20ల్లో 27 వికెట్లు తీశాడు. అంతేకాకుండా 2015, 2016 సీజన్‌లను టెస్టుల్లో నంబర్‌వన్‌ బౌలర్‌గా ముగించాడు. ఐసీసీ చీఫ్‌ ఎగ్జిక్యూటివ్‌ డేవిడ్‌ రిచర్డ్‌సన్, బీసీసీఐ అధ్యక్షుడు ఠాకూర్‌ కూడా అశ్విన్‌కు శుభాకాంక్షలు తెలి పారు. ఐసీసీ టెస్టు జట్టులో భారత కెప్టెన్‌ కోహ్లికి స్థానం దక్కలేదు. ఈ సెప్టెంబరులో ఓటింగ్‌ ముగిసిన తర్వాత కోహ్లి 964 పరుగులు చేయడంతో అతని పేరును ఈ అవార్డు ఎంపికకు  పరిశీలించలేదు.
 
 తొలిసారి ప్రవేశపెట్టిన మహిళల విభాగం అవార్డుల్లో వన్డే, టి20ల్లో ఉత్తమ క్రికెటర్‌గా సుజీ బేట్స్‌ (న్యూజిలాండ్‌) ఎంపికైంది. తద్వారా ఈ ఘనత సాధించిన తొలి మహిళా క్రికెటర్‌గా రికార్డు సృష్టించింది. ఆమె ఏడు వన్డేల్లో 472 పరుగులు చేసి, 8 వికెట్లు తీసింది.  
 
 స్పిరిట్‌ ఆఫ్‌ క్రికెట్‌ అవార్డు మిస్బాకు..
 ఆటగాళ్లలో స్ఫూర్తిని నింపి ఈ ఏడాది ఆరంభంలో జట్టును టెస్టుల్లో నాలుగో స్థానం నుంచి నంబర్‌వన్‌గా నిలిచేలా చేసిన పాకిస్తాన్‌ టెస్టు కెప్టెన్‌ మిస్బా వుల్‌ హక్‌ తమ దేశం నుంచి తొలిసారిగా ఈ అవార్డును దక్కించుకున్నాడు.
 
 ఎరాస్మస్‌కు డేవిడ్‌ షెఫర్డ్‌ ట్రోఫీ
 దక్షిణా ఫ్రికాకు చెందిన మారి యస్‌ ఎరాస్మస్‌ ఉత్తమ అంపైర్‌గా నిలిచి షెఫర్డ్‌ ట్రోఫీని అందుకోనున్నారు.
 
 ఏడాది కాలంగా అత్యుత్తమంగా రాణిస్తున్న ఆటగాళ్లతో  కలిపి ఐసీసీ టెస్టు, వన్డే జట్లను ఎంపిక చేసింది. ఇందులో చోటు దక్కించుకున్న ఆటగాళ్ల వివరాలు...
 
 ఐసీసీ టెస్టు జట్టు: కుక్‌ (కెప్టెన్‌ – ఇంగ్లండ్‌), వార్నర్, స్మిత్, వోజెస్, స్టార్క్‌ (ఆస్ట్రేలియా), విలియమ్సన్‌ (న్యూజిలాండ్‌), రూట్, బెయిర్‌స్టో, స్టోక్స్‌ (ఇంగ్లండ్‌), అశ్విన్‌ (భారత్‌), రంగన హెరాత్‌ (శ్రీలంక), స్టెయిన్‌ (దక్షిణాఫ్రికా).
 
 ఐసీసీ వన్డే జట్టు: కోహ్లి (కెప్టెన్‌–భారత్‌), వార్నర్, స్టార్క్, మిషెల్‌ మార్‌‡్ష (ఆస్ట్రేలియా), డి కాక్, డివిలియర్స్, రబడ, ఇమ్రాన్‌ తాహిర్‌ (దక్షిణాఫ్రికా), రోహిత్‌ శర్మ, రవీంద్ర జడేజా (భారత్‌), జోస్‌ బట్లర్‌ (ఇంగ్లండ్‌), సునీల్‌ నరైన్‌ (వెస్టిండీస్‌).
 
 వన్డేల్లో ఉత్తమ ఆటగాడిగా డి కాక్‌
 దక్షిణాఫ్రికా వికెట్‌ కీపర్‌ క్వింటన్‌ డి కాక్‌ ఓటింగ్‌ పీరియడ్‌లో ఆడిన 16 వన్డేల్లో 793 పరుగులు చేశాడు. ఇందులో నాలుగు సెంచరీలున్నాయి. వికెట్‌ కీపర్‌గా 15 మందిని అవుట్‌ చేశాడు.
 
 టి20ల్లో ఉత్తమ ప్రదర్శన అవార్డు
 ఈ ఏడాది జరిగిన టి20 ప్రపంచకప్‌ ఫైనల్లో ఇంగ్లండ్‌పై వెస్టిండీస్‌ క్రికెటర్‌ కార్లోస్‌ బ్రాత్‌వైట్‌ చివరి ఓవర్‌లో వరుసగా నాలుగు సిక్సర్లు కొట్టి జట్టును గెలిపించాడు. ఈ అవార్డు గెల్చుకున్న తొలి విండీస్‌ క్రికెటర్‌గా రికార్డు నెలకొల్పాడు.
 
 ఐసీసీ ఎమర్జింగ్‌ క్రికెటర్‌గా ముస్తఫిజుర్‌
 మూడు వన్డేల్లో ఎనిమిది వికెట్లు, 10 టి20ల్లో 19 వికెట్లు తీసిన బంగ్లాదేశ్‌ పేసర్‌ ముస్తఫిజుర్‌... తమ దేశం నుంచి ఐసీసీ వార్షిక అవార్డును అందుకుంటున్న తొలి ఆటగాడిగా నిలిచాడు.
 
 అసోసియేట్‌ జట్ల ఉత్తమ క్రికెటర్‌గా...
 అఫ్ఘానిస్తాన్‌ వికెట్‌ కీపర్‌ షహజాద్‌ ఆడిన 16 వన్డేల్లో 699 పరుగులు చేశాడు. 17 టి20 మ్యాచ్‌ల్లో 301 పరుగులు... ఇంటర్‌ కాంటినెంటల్‌ మ్యాచ్‌ల్లో 301 పరుగులు సాధించాడు. అఫ్ఘానిస్తాన్‌ నుంచి తొలిసారిగా ఈ ఘనత సాధించిన ఆటగాడయ్యాడు.
 
 ఐసీసీ నుంచి ఈ గొప్ప గౌరవాన్ని పొందినందుకు సంతోషంగా ఉంది. సచిన్, ద్రవిడ్‌ అనంతరం ఐసీసీ క్రికెటర్‌ ఆఫ్‌ ద ఇయర్‌గా నిలవడం చాలా గొప్పగా ఉంది. ఈ సందర్భంగా చాలామందికి కృతజ్ఞతలు చెప్పుకోవాల్సి ఉంది. ఎన్నో సవాళ్లను ఎదుర్కొని ఈ దశకు చేరుకున్నాను. ముఖ్యంగా జట్టు సభ్యులు, సహాయక సిబ్బంది ఎంతగానో ప్రోత్సహించారు. ఇక నా కుటుంబానికి ఈ అవార్డును అంకితం చేస్తున్నాను. ధోని రిటైర్మెంట్‌ అనంతరం ఏర్పడిన సంధి కాలాన్ని యువ కెప్టెన్‌ కోహ్లి నేతృత్వంలో అద్భుతంగా అధిగమించాం.
 – అశ్విన్‌
  


 ► దూసుకుపోతున్న రవీంద్ర జడేజా
 ► టెస్టుల్లో చెలరేగిన ఆల్‌రౌండర్‌
 ► జట్టులో కీలక సభ్యుడిగా ఎదిగిన వైనం
 
 దాదాపు మూడేళ్ల క్రితం భారత మాజీ స్పిన్నర్‌ సునీల్‌ జోషి హైదరాబాద్‌ రంజీ జట్టుకు కోచ్‌గా ఉన్నారు. ఆ సమయంలో భారత జట్టులో రెగ్యులర్‌ లెఫ్టార్మ్‌ స్పిన్నర్‌గా చోటు ఖాయం చేసుకున్న ప్రజ్ఞాన్‌ ఓజా నిలకడగా రాణిస్తున్నాడు. అయితే అప్పటికే జడేజా ఆటను చూసిన జోషి... ‘నీ బౌలింగ్‌ను మరింత మెరుగు పర్చుకో. ఈ కుర్రాడు దూసుకొస్తున్నాడు జాగ్రత్త’ అని ఓజాను హెచ్చరించారు. కొన్నాళ్లకే అది నిజమైంది. జడేజా తనకు అందివచ్చిన ప్రతీ అవకాశాన్ని ఉపయోగించుకోవడంతో ఓజా భారత జట్టుకు దూరం కావాల్సి వచ్చింది. తన చివరి టెస్టులో ‘మ్యాన్‌ ఆఫ్‌ ద మ్యాచ్‌’గా నిలిచిన తర్వాత కూడా ఓజా మళ్లీ టెస్టు జట్టులోకి రాలేకపోగా... జడేజా లేకుండా మన టెస్టు టీమ్‌ కనిపించని పరిస్థితి ఇప్పుడు వచ్చేసింది.
 
 ఆస్ట్రేలియాతో 17.45 సగటుతో 24 వికెట్లు... దక్షిణాఫ్రికాపై 10.82 సగటుతో 23 వికెట్లు... ఇంగ్లండ్‌పై 25.84 సగటుతో 26 వికెట్లు... భారత టెస్టు జట్టులోకి ఎంపికైన గత నాలుగేళ్లలో సొంతగడ్డపై టెస్టు సిరీస్‌లలో జడేజా బౌలింగ్‌ ప్రదర్శన ఇది. టెస్టు క్రికెట్‌లో మూడు అత్యుత్తమ జట్లు అనదగిన ప్రత్యర్థులపై అతను చెలరేగిపోయాడు. ఈ మూడు సిరీస్‌లలోనూ టీమిండియా సాగించిన విజయ యాత్రలో కీలక భాగమయ్యాడు. మరో ఎండ్‌లో అశ్విన్‌ గంపెడు వికెట్లు తీసినా... బ్యాట్స్‌మెన్‌పై ఒత్తిడి పెంచి ఆ వికెట్లు దక్కేలా చేయడంలో మళ్లీ జడేజాదే ప్రధాన పాత్ర.  
 
 ‘కచ్చితత్వం’...బౌలింగ్‌కు సంబంధించి జడేజాకు ఇటీవల ఇది పర్యాయపదంగా మారిపోయింది. తన ఓవర్లో ఆరు బంతులను కూడా తాను అనుకున్నట్లు ఒకే చోట నేరుగా వికెట్‌పైకి బౌలింగ్‌ చేయగల సత్తా జడేజాలో ఉంది. అదీ ఊహకందని వేగంతో చకచకా బంతులు విసరడంతో బ్యాట్స్‌మన్‌ కోలుకునే అవకాశం కూడా ఉండదు. ఇదే అతని బలం కూడా. ‘ప్రతీ బంతిలో వైవిధ్యం చూపించాల్సిన అవసరం లేదు. టెస్టుల్లో కచ్చితత్వమే ముఖ్యం. అలాంటి బౌలింగ్‌తో ప్రపంచంలో ఏ పిచ్‌పైనైనా అతను వికెట్లు తీయగలడు. ఇంత కచ్చితత్వంతో బంతులు వస్తుంటే ఏదో ఒక దశలో బ్యాట్స్‌మన్‌ తప్పులు చేసేస్తాడు’ అని చెన్నై టెస్టు అనంతరం జడేజా బౌలింగ్‌ను కెప్టెన్‌ కోహ్లి విశ్లేషించాడు. ఈ సిరీస్‌లో సరిగ్గా అదే జరిగింది. జడేజా రెండో ఎండ్‌లో ఒత్తిడి పెంచడం వల్లే అశ్విన్‌కూ వికెట్లు దక్కాయని కెప్టెన్‌ కూడా అంగీకరించాడు. చివరకు అశ్విన్‌కంటే 17 ఓవర్లు తక్కువే వేసి అతని కంటే (30.25) ఎంతో మెరుగైన సగటుతో కేవలం 2 వికెట్లు మాత్రమే తక్కువ తీసి విజయవంతంగా ఇంగ్లండ్‌తో సిరీస్‌ను జడేజా ముగించాడు. స్పిన్‌ను చాలా బాగా ఆడతాడని పేరున్న మైకేల్‌ క్లార్క్‌ గత ఆస్ట్రేలియా సిరీస్‌లో ఐదు సార్లు జడేజా బౌలింగ్‌లో అవుట్‌ కాగా... భారత గడ్డపై అడుగు పెట్టక ముందు లెఫ్టార్మ్‌ స్పిన్నర్లపై 98 సగటుతో పరుగులు చేసి, తన 243 ఇన్నింగ్స్‌ల కెరీర్‌లో 14 సార్లు మాత్రమే అలాంటి బౌలర్లకు అవుటైన కుక్, ఈ సిరీస్‌లో రవీంద్ర తంత్రానికి ఏకంగా రికార్డు స్థాయిలో ఆరుసార్లు పెవిలియన్‌ చేరాడు!
 
 ఏ పిచ్‌ అయినా ఓకే...
 జడేజా 25 టెస్టుల కెరీర్‌లో ఒక మ్యాచ్‌లో మినహా అతను వికెట్‌ తీయని టెస్టు లేదు. అయితే కేవలం పూర్తిగా స్పిన్‌కు అనుకూలమైన పిచ్‌లపైనే ‘దుమ్ము రేపుతాడని’ జడేజాపై ముద్ర పడింది. గత ఏడాది భారత జట్టులో పునరాగమనానికి ముందు సొంత మైదానం రాజ్‌కోట్‌లో మూడు రంజీ ట్రోఫీ మ్యాచ్‌లలో ఆరు వరుస ఇన్నింగ్స్‌లలో అతను ఐదేసి వికెట్లు పడగొట్టడం ఈ విమర్శలను పెంచింది. చివరకు రంజీ ట్రోఫీ మ్యాచ్‌లను తటస్థ వేదికలపై నిర్వహించాలని బీసీసీఐ తీసుకున్న నిర్ణయానికి జడేజానే పరోక్ష కారణం అని కూడా వినిపించింది. అయితే ఈ సిరీస్‌లో అతను దానిని పటాపంచలు చేశాడు. ముఖ్యంగా చెన్నైలో ఎలాంటి సహకారం లేకుండా బ్యాట్స్‌మెన్‌కు అనుకూలించిన పిచ్‌పై సత్తా చాటాడు. నిజానికి ఐదో టెస్టుకు ముందు జడేజా అత్యుత్తమ ప్రదర్శన ప్రపంచంలోని ఫాస్టెస్ట్‌ పిచ్‌లలో ఒకటైన డర్బన్‌లో వచ్చిందంటే అతను పూర్తిగా పిచ్‌ను నమ్ముకున్న బౌలర్‌ కాదని అర్థమవుతుంది. జడేజా వద్ద పదునైన, తనకే ప్రత్యేకమైన అస్త్రాలు, దూస్రాలు లాంటివి ప్రత్యేకంగా ఏమీ లేవు. బ్యాట్స్‌మన్‌ బలహీనతను గుర్తించి దానికి అనుగుణంగా బౌలింగ్‌ చేయడమే అతనికి తెలిసిన విద్య. ఇందుకోసం అతను తీవ్రంగా సాధన చేస్తాడు. ‘జడేజా చాలా కష్టపడతాడని నాకర్థమైంది. నాకు ఇలాంటి పరాభవం కొత్త అనుభవం. నా బలహీనతను గుర్తించి అతను దానికే కట్టుబడి బౌలింగ్‌ చేయడంతో ఎదుర్కోలేకపోయాను. జడేజాను అభినందించక తప్పదు’... అతని బారిన పడ్డ కుక్‌ ఎలాంటి గాంభీర్యానికి చోటు ఇవ్వకుండా తన మనసు విప్పి చెప్పిన మాట ఇది. అతి వేగంగా రెండు నిమిషాలలోపు, వీలైతే నిమిషంన్నరకే తన ఓవర్‌ పూర్తి చేయగల నైపుణ్యం అతని సొంతం. దీని వల్ల ఓవర్‌రేట్‌ కలిసొచ్చి ఇంగ్లండ్‌తో సిరీస్‌లో రెండు సార్లు భారత్‌ రోజులో 90కు పైగా ఓవర్లు వేసేందుకు వీలు కల్పించింది. ఆ రెండు సందర్భాల్లోనూ ఇంగ్లండ్‌ చివరి ఓవర్లోనే వికెట్‌ కోల్పోయి పతనం దిశగా సాగింది.
 
 రాక్‌స్టార్‌...
 ఒకప్పుడు ఐపీఎల్‌ తెచ్చిన గుర్తింపుతో వన్డే, టి20 స్పెషలిస్ట్‌గానే ముద్ర వేయించుకున్న జడేజా, ఇప్పుడు టెస్టు జట్టులో కీలక భాగంగా మారాడు. రంజీ ట్రోఫీలో ఏకంగా మూడు ట్రిపుల్‌ సెంచరీలతో కదం తొక్కిన అతని బ్యాటింగ్‌ ప్రతిభ ఇప్పుడు టెస్టుల్లోనూ జట్టుకు అదనపు బలంగా మారింది. రెండేళ్ల క్రితం లార్డ్స్‌ టెస్టులో జట్టు విజయానికి కారణమైన అర్ధసెంచరీని ఎవరూ మరచిపోలేరు. విరామం అన్నదే లేకుండా వరుసగా ఓవర్లు వేయడంతో పాటు మైదానంలో ఉరకలెత్తే ఉత్సాహం ‘జడ్డూ’ సొంతం. రజనీకాంత్‌ లెవల్లో సరదా జోక్‌లకు కేంద్రం అయి ‘సర్‌’ అంటూ సహచరులతో పిలిపించుకునే జడేజా మెరుపు ఫీల్డింగ్‌ ఎన్నో మ్యాచ్‌లను మలుపు తిప్పింది. చెన్నైతో చివరి టెస్టుకు ముందు జడేజా స్వల్ప గాయంతో బాధ పడ్డాడు. దాంతో మేనేజ్‌మెంట్‌ హడావిడిగా అప్పటికప్పుడు అక్షర్‌ పటేల్‌ను పిలిపించుకుంది. కానీ మ్యాచ్‌ ఆడతానని, ఆడి గెలిపిస్తానన్నట్లుగా అతను చూపించిన పట్టుదల ముందు గాయం చిన్నబోయింది. గుర్రపు స్వారీని అమితంగా ఇష్టపడే ఈ రాజ్‌పుత్‌ వీరుడు భారత్‌ తరఫున రాబోయే సిరీస్‌లలో కూడా రేసు గుర్రంలా దూసుకుపోవడం ఖాయం.
 
 రెండో ర్యాంక్‌కు జడేజా... చెన్నై టెస్టులో పది వికెట్లు తీసిన రవీంద్ర జడేజా
 ఐసీసీ టెస్టు బౌలర్ల ర్యాంకింగ్స్‌లో రెండో స్థానానికి దూసుకెళ్లాడు. అతని కెరీర్‌లో ఇదే అత్యుత్తమ ర్యాంక్‌ కావడం విశేషం. మరోవైపు అశ్విన్‌ తన టాప్‌ ర్యాంక్‌ను నిలబెట్టుకున్నాడు. 1974 తర్వాత (బిషన్‌ సింగ్‌ బేడి, బీఎస్‌ చంద్రశేఖర్‌) ఇద్దరు భారత బౌలర్లు తొలి రెండు స్థానాల్లో నిలవడం ఇదే తొలిసారి. ఆల్‌రౌండర్‌ ర్యాంకుల్లో కూడా అశ్విన్‌ మొదటి స్థానంలో, జడేజా మూడో స్థానంలో ఉన్నారు.
 
 ‘జెవెన్‌’ అంబాసిడర్‌గా...
 క్రీడా ఉత్పత్తుల సంస్థ ‘జెవెన్‌’కు రవీంద్ర జడేజా ప్రచారకర్తగా వ్యవహరిస్తాడు. బుధవారం బెంగళూరులో జరిగిన ఒక కార్యక్రమంలో ఈ వివరాలు ప్రకటించారు. టెన్నిస్‌ స్టార్‌ మహేశ్‌ భూపతి ‘జెవెన్‌’ సంస్థలో భాగస్వామి. ఈ సందర్భంగా మాట్లాడుతూ ‘2017లో విదేశాల్లో జరిగే సిరీస్‌లలో కూడా మా జట్టు బాగా ఆడుతుందనే విశ్వాసంతో ఉన్నా. విదేశీ గడ్డపై కేవలం పర్యాటకులుగానే మిగిలిపోతామని ఉన్న విమర్శను తొలగించేం దుకు ప్రయత్నిస్తాం’ అని అతను వ్యాఖ్యానించాడు


 ►ట్రిపుల్‌ సెంచరీ చేసిన నాయర్‌
 ► అశ్విన్, జడేజా అర్ధ సెంచరీలు
 ► తొలి ఇన్నింగ్స్‌లో 759/7 డిక్లేర్డ్‌
 ► టెస్టుల్లో భారత్‌కిదే అత్యధిక స్కోరు
 ► ఇంగ్లండ్‌ రెండో ఇన్నింగ్స్‌ 12/0
 
 బ్యాటింగ్‌ దిగ్గజం సచిన్‌ టెండూల్కర్‌కే సాధ్యం కాని ఫీట్‌ అది.. ఇప్పటి దాకా భారత టెస్టు క్రికెట్‌ చరిత్రలో ఒక్కరంటే ఒక్కరే సాధించిన రికార్డు.. ఎంతో మంది మేటి బ్యాట్స్‌మెన్‌ కలలు కన్నా అందుకోలేని విన్యాసమది.. అలాంటి అరుదైన ట్రిపుల్‌ సెంచరీని యువ బ్యాట్స్‌మన్‌ కరుణ్‌ నాయర్‌ సాధించాడు. అదీ ఆడుతున్న మూడో టెస్టులోనే కావడం విశేషం. అంతేకాదు తన తొలి సెంచరీనే ట్రిపుల్‌గా మలుచుకున్న తొలి భారత ఆటగాడయ్యాడు. ఈ సిరీస్‌లో ఈ మ్యాచ్‌కు ముందు అతడు చేసిన స్కోర్లు 4, 13 మాత్రమే.. ఈ స్థితిలో ఎవరైనా ఈ ఆటగాడి గురించి ఎక్కువగా ఊహిస్తారా? కానీ ఎవరి అంచనాలకు అందకుండా ఈ కర్ణాటక స్టార్‌ అనూహ్య రీతిలో సాగించిన విజృంభణక్రికెట్‌ పండితులనే ఆశ్చర్యపరిచింది. కుటుంబసభ్యుల సమక్షంలో అసమాన ఆటను ప్రదర్శించి ఈ టెస్టును చిరస్మరణీయం చేసుకున్నాడు. మరోవైపు ఈ మరపురాని ఆటతీరుకు తోడు అశ్విన్, జడేజా అర్ధ సెంచరీలు సాధించడంతో భారత జట్టు తమ టెస్టు చరిత్రలోనే అత్యధిక పరుగుల రికార్డునూ తమ ఖాతాలో వేసుకుంది..
 
 
 చెన్నై: ఇంగ్లండ్‌తో జరుగుతున్న చివరి టెస్టులో భారత జట్టు రికార్డుల మోత మోగించింది. తన అరంగేట్ర సిరీస్‌లోనే  కరుణ్‌ నాయర్‌ (381 బంతుల్లో 303 నాటౌట్‌; 32 ఫోర్లు, 4 సిక్సర్లు) ఇంగ్లండ్‌ బౌలర్లను ఊచకోత కోస్తూ అజేయంగా ట్రిపుల్‌ సెంచరీ సాధించాడు.  ఎప్పటిలాగే భారత టెయిలెండర్లు అశ్విన్‌ (149 బంతుల్లో 67; 6 ఫోర్లు, 1 సిక్స్‌), జడేజా (55 బంతుల్లో 51; 1 ఫోర్, 2 సిక్స్‌లు) మెరుగైన ఆటతో ఆకట్టుకోవడంతో భారత్‌ తమ తొలి ఇన్నింగ్స్‌లో 190.4 ఓవర్లలో ఏడు వికెట్లకు 759 పరుగులకు డిక్లేర్‌ చేసింది. తమ టెస్టు చరిత్రలో భారత్‌కు ఇదే అత్యధిక స్కోరు. ద్విశతకం పూర్తి చేసుకున్న అనంతరం వన్డే తరహాలో రెచ్చిపోయిన నాయర్‌ 75 బంతుల్లోనే తన చివరి 103 పరుగులను సాధించడం విశేషం. అంతేకాకుండా సోమవారం ఒక్కరోజే తను 245 బంతుల్లోనే 232 పరుగులు సాధించడం అతని జోరును సూచిస్తోంది. జడేజా కూడా ఇదే స్థాయి జోరు చూపడంతో భారత ఇన్నింగ్స్‌లో పరుగులు వేగంగా వచ్చాయి. అలాగే అశ్విన్‌తో కలిసి నాయర్‌ ఆరో వికెట్‌కు 181 పరుగులు జత చేయగా, జడేజాతో కలిసి ఏడో వికెట్‌కు 138 పరుగులు అందించాడు. బ్రాడ్, డాసన్‌లకు రెండేసి వికెట్లు దక్కాయి. అనంతరం 282 పరుగులు వెనకబడిన దశలో తమ రెండో ఇన్నింగ్స్‌ ఆరంభించిన ఇంగ్లండ్‌ సోమవారం ఆట ముగిసే సమయానికి 5 ఓవర్లలో వికెట్‌ నష్టపోకుండా 12 పరుగులు చేసింది. క్రీజులో కుక్‌ (3 బ్యాటింగ్‌), జెన్నింగ్స్‌ (9 బ్యాటింగ్‌) ఉన్నారు.
 
 సెషన్‌ – 1     తొలి సెంచరీ పూర్తి
 391/4 ఓవర్‌నైట్‌ స్కోరుతో మూడో రోజు ఆట ప్రారంభించిన భారత్‌ జోరును కనబరిచింది. చక్కటి నిలకడను ప్రదర్శిస్తూ కరుణ్, విజయ్‌ ఆటతీరు సాగింది. డాసన్‌ బౌలింగ్‌లో భారీ సిక్స్‌ బాదిన కరుణ్‌.. స్టోక్స్‌ బౌలింగ్‌లో మరో చక్కటి బౌండరీతో 185 బంతుల్లో కెరీర్‌తో తొలి శతకాన్ని అందుకున్నాడు. ఆ తర్వాత ఓవర్‌లోనే విజయ్‌ (76 బంతుల్లో 29; 4 ఫోర్లు) డాసన్‌ బౌలింగ్‌లో వికెట్ల ముందు దొరికిపోయాడు. విజయ్‌ రివ్యూ కోరినా ఫలితం లేకపోయింది. వీరిద్దరి మధ్య ఐదో వికెట్‌కు 63 పరుగులు జత చేరాయి. అనంతరం నాయర్‌కు ఫామ్‌లో ఉన్న అశ్విన్‌ జత కలవడంతో ఇంగ్లండ్‌ బౌలర్లకు కష్టాలు ప్రారంభమయ్యాయి. ఆరంభంలో డిఫెన్స్‌కు ప్రాధాన్యత ఇచ్చిన అశ్విన్‌ పరుగుల ఖాతా తెరిచేందుకు 20 బంతులు తీసుకున్నాడు.
 ఓవర్లు: 27, పరుగులు: 72, వికెట్లు: 1
 
 సెషన్‌ – 2       నాయర్, అశ్విన్‌ జోరు
 లంచ్‌ విరామం అనంతరం భారత బ్యాటింగ్‌లో జోరు కనిపించింది. మూడో ఓవర్‌లో కరుణ్‌ ఫోర్‌ బాదగా ఐదో ఓవర్‌లో అశ్విన్‌ సిక్సర్‌తో భారత్‌కు తొలి ఇన్నింగ్స్‌ ఆధిక్యాన్ని అందించాడు. ఆ తర్వాతి ఓవర్లలోనూ ఇద్దరు బౌండరీల వర్షం కురిపిస్తూ సాగారు. రషీద్‌ వేసిన 155వ ఓవర్‌లో నాయర్‌ రివర్స్‌ స్వీప్‌ ఆడగా ఇంగ్లండ్‌ క్యాచ్‌ అప్పీల్‌కు వెళ్లింది. అయితే థర్డ్‌ అంపైర్‌ తిరస్కరించడంతో వారికి నిరాశే మిగిలింది. 115 బంతుల్లో అశ్విన్‌ సిరీస్‌లో నాలుగో అర్ధ సెంచరీని సాధించాడు. టీ బ్రేక్‌కు ముందు ఓవర్‌లో జెన్నింగ్స్‌ ఎల్బీ అవుట్‌ నిర్ణయాన్ని అశ్విన్‌ సవాల్‌ చేయగా రివ్యూలో అనుకూలంగా వచ్చింది. ఈ సెషన్‌ను వీరిద్దరు ఆటగాళ్లు ఓవర్‌కు నాలుగు పరుగుల చొప్పున సాధించారు. ఓవర్లు: 30, పరుగులు: 119, వికెట్లు: 0
 
 సెషన్‌ – 3  నాయర్‌ తుఫాన్‌ ఇన్నింగ్స్‌
 టీ బ్రేక్‌ అయిన రెండో ఓవర్‌లో మరోసారి ఫోర్‌తో నాయర్‌ తన సెంచరీని డబుల్‌గా మార్చాడు. అయితే కొద్దిసేపటికే అశ్విన్‌.. బ్రాడ్‌ బౌలింగ్‌లో అవుటయ్యాడు. మరుసటి ఓవర్‌లో నాయర్‌ ఇచ్చిన క్యాచ్‌ను రూట్‌ వదిలేసాడు. ఇక జడేజా వచ్చీ రాగానే బ్యాట్‌కు పనిచెప్పాడు. బాల్‌ బౌలింగ్‌లో వరుసగా సిక్స్, ఫోర్‌ బాదాడు. అటు నాయర్‌ కూడా మేనేజిమెంట్‌ నుంచి వచ్చిన ఆదేశాలతో ఇన్నింగ్స్‌లో దూకుడు చూపించాడు. రషీద్‌ వేసిన ఇన్నింగ్స్‌ 185వ ఓవర్‌లో ఓ సిక్స్, రెండు ఫోర్లు బాదాడు. ఆ తర్వాత జడేజా సిక్సర్‌తో భారత్‌ టెస్టుల్లో అత్యధిక స్కోరును అందుకుంది. 52 బంతుల్లో జడేజా అర్ధ సెంచరీ చేసిన అనంతరం డాసన్‌ బౌలింగ్‌లో అవుటయ్యాడు. ఆ తర్వాతే నాయర్‌ బౌండరీతో అరుదైన ట్రిపుల్‌ సాధించడంతో కెప్టెన్‌ కోహ్లి తమ ఇన్నింగ్స్‌ను డిక్లేర్‌ చేశాడు. అనంతరం ఇంగ్లండ్‌ 5 ఓవర్లలో వికెట్‌ నష్టపోకుండా రెండో ఇన్నింగ్స్‌లో 12 పరుగులు చేసింది.
 భారత్‌ ఓవర్లు: 25.4, పరుగులు: 177, వికెట్లు: 2
 ఇంగ్లండ్‌: 5, పరుగులు 12, వికెట్లు 0 వికెట్‌ కోల్పోకుండా) 12.
 
 
 ఫోర్‌.. ఫోర్‌.. ఫోర్‌
 కరుణ్‌ నాయర్‌ అద్భుత బ్యాటింగ్‌లో మరో అరుదైన ఫీట్‌ నమోదైంది. మామూలుగా ఏ ఆటగాడైనా సెంచరీకి అతి సమీపంలో ఉన్నప్పుడు సింగిల్‌ తీసేందుకు ప్రాధాన్యమిస్తాడే కానీ బౌండరీ కొట్టాలని ఏమాత్రం ప్రయత్నించడు. అయితే కరుణ్‌ ఒక్కసారి కాదు తన ‘మూడు’ సెంచరీలను ఇలాగే చేయడం విశేషం. 99 పరుగుల వద్ద ఫుల్‌ డెలివరీని ఆఫ్‌ సైడ్‌లో, 197 పరుగుల వద్ద కవర్స్‌ వైపు, 299 వద్ద పాయింట్‌ వైపు బౌండరీ కొట్టి అజేయంగా తన రికార్డు ఇన్నింగ్స్‌ను అందుకున్నాడు.
 
 1 కెరీర్‌ మొదలయ్యాక తక్కువ ఇన్నింగ్స్‌ (3)లోనే ట్రిపుల్‌ సెంచరీ చేసిన తొలి ఆటగాడిగా చరిత్ర సృష్టించాడు.
 
 2 భారత్‌ నుంచి ట్రిపుల్‌ సెంచరీలు సాధించిన రెండో ఆటగాడు కరుణ్‌. గతంలో సెహ్వాగ్‌ రెండు సార్లు ట్రిపుల్‌ సాధించాడు.
 
 3  ప్రపంచ టెస్టు క్రికెట్‌లో తన తొలి సెంచరీనే ట్రిపుల్‌ సెంచరీగా మలిచిన మూడో బ్యాట్స్‌మన్‌ నాయర్‌
 
 
 
 కరుణ్‌ను అభినందిస్తున్న కోహ్లి ఇతర సభ్యులు


 ‘‘నా కూతురు 6వ తరగతి చదువుతోంది. ముద్దుగా ‘మా అమ్మ ఎక్కడ’ అంటుంటాను. ఏ తండ్రికైనా కూతురుతో ప్రత్యేక అనుబంధం ఉంటుంది. ఈ చిత్రంలో నాది అటువంటి పాత్ర కావడంతో తల్లిదండ్రులు అందరూ తమను తాము చూసుకుంటు న్నారు’’ అన్నారు రావు రమేశ్‌. బండి భాస్కర్‌ దర్శకత్వంలో బెక్కం వేణుగోపాల్‌ నిర్మించిన ‘నాన్న నేను నా బాయ్‌ఫ్రెండ్స్‌’లో హీరోయిన్‌ హెబ్బా పటేల్‌ తండ్రిగా రావు రమేశ్‌ నటించారు.
 ఈ 16న రిలీజైన ఈ సినిమా గురించి ఆయన మాట్లాడుతూ – ‘‘ఐదేళ్ల వరకూ ఇలాంటి తండ్రి పాత్ర రాదంటుంటే హ్యాపీగా ఉంది. హెబ్బా, తేజస్వి, అశ్విన్, పార్వతీశం, నోయెల్‌ బాగా నటించారు. ‘దిల్‌’ రాజు సలహాలు వెలకట్టలేనివి. సమష్టి కృషి ఫలితమే ఈ చిత్ర విజయం. ప్రతి సినిమాలోనూ దర్శకుడు చెప్పినట్టు నటిస్తా. మా నాన్నగారి (రావు గోపాలరావు)తో సహా ఎవర్నీ ఇమిటేట్‌ చేయడానికి ప్రయత్నించను. ప్రస్తుతం ‘ఓం నమో వేంకటేశాయ’, ‘కాటమ రాయుడు’, ‘దువ్వాడ జగన్నాథమ్‌’ తదితర చిత్రాల్లో నటిస్తున్నా’’ అన్నారు.


 భారీ విజయమే భారత్‌ లక్ష్యం
 4–0పై కోహ్లి సేన దృష్టి ∙పరువు కాపాడుకునే ప్రయత్నంలో ఇంగ్లండ్‌
 నేటి నుంచి చెన్నైలో చివరి టెస్టు ∙ఉ.గం.9.30 నుంచి స్టార్‌స్పోర్ట్స్‌–1లో లైవ్‌
 
 విరాట్‌ కోహ్లి మరో 135 పరుగులు చేస్తే ఒక సిరీస్‌లో అత్యధిక పరుగులు చేసిన భారత ఆటగాడవుతాడు. అశ్విన్‌ మరో 9 వికెట్లు పడగొడితే ఒక సిరీస్‌లో అత్యధిక వికెట్లు తీసిన భారత బౌలర్‌గా నిలుస్తాడు. ఇవి మన స్టార్‌ ఆటగాళ్లు చేరుకోగలిగే మైలురాళ్లు. భారత్‌ గెలిస్తే తొలిసారి ఇంగ్లండ్‌ను 4–0తో చిత్తు చేసినట్లవుతుంది. 2011 నాటి సిరీస్‌ ఓటమికి లెక్క సరిపోతుంది. భారత టెస్టు చరిత్రలో రెండోసారి ప్రత్యర్థిని 4–0తో ఓడించిన జట్టుగా కోహ్లి సేన నిలుస్తుంది. మ్యాచ్‌ గెలిచినా, ‘డ్రా’ అయినా మన జట్టు వరుసగా 18వ మ్యాచ్‌ను ఓటమి లేకుండా ముగించిన కొత్త రికార్డు నమోదవుతుంది.
 
 టెస్టు సిరీస్‌లో భారత్‌ చెలగాటం ఇంగ్లండ్‌కు ప్రాణసంకటంలా మారింది. వరుస విజయాల జోరుతో మరో మ్యాచ్‌ నెగ్గాలని, రికార్డులు బద్దలు కొట్టాలని టీమిండియా పట్టుదలగా ఉండగా... సిరీస్‌ కోల్పోయాక కనీసం పరువు దక్కించుకునేందుకు ఇంగ్లండ్‌ పోరాడుతోంది. ఇప్పటికే సమష్టి వైఫల్యంతో దెబ్బతిన్న ఇంగ్లండ్‌... ‘వర్దా’ తర్వాత సొంతగడ్డపై అశ్విన్‌ రూపంలో రానున్న పెను తుపానును ఎదుర్కోగలదా!  
 
 చెన్నై: ‘వర్దా’ తుపాను తర్వాత నెలకొన్న ప్రశాంతత మధ్య భారత్, ఇంగ్లండ్‌ సిరీస్‌లో ఐదో టెస్టుకు చెపాక్‌లో రంగం సిద్ధమైంది. ఎన్నో ప్రతికూలతల మధ్య మ్యాచ్‌ నిర్వహణ కోసం చిదంబరం స్టేడియం సిబ్బంది తీవ్రంగా శ్రమించడంతో అనుకున్న ప్రకారం నేటి (శుక్రవారం) నుంచి చివరి టెస్టు జరగనుంది. ఇప్పటికే 3–0తో సిరీస్‌ నెగ్గి తిరుగులేని ఆధిక్యం కనబరిచిన భారత్‌ దీనిని మరింత పెంచుకోవాలని భావిస్తోంది. భారత్‌లో అడుగు పెట్టిన నాటినుంచి విజయానికి ఆమడ దూరంలో నిలిచిన ఇంగ్లండ్‌ ఒత్తిడి లేకుండా ఆడి కాస్త మెరుగ్గా సిరీస్‌ ముగించాలని ఆశిస్తోంది. ప్రస్తుత ఫామ్‌ ప్రకారం ఈ టెస్టును ఆ జట్టు ‘డ్రా’గా ముగించగలిగినా వారికి గెలుపుతో సమానమే!
 
 మార్పుల్లేకుండానే...
 విరాట్‌ కోహ్లి టెస్టు కెప్టెన్‌ అయ్యాక గాయం కారణంగా గానీ, వ్యూహాల వల్ల గానీ ప్రతీ టెస్టు మ్యాచ్‌కు తుది జట్టులో కనీసం ఒక మార్పు అయినా జరిగింది. అయితే పెళ్లి తర్వాత జట్టుతో చేరిన ఇషాంత్‌ శర్మకు కనీసం ఒక మ్యాచ్‌లోనైనా అవకాశం ఇవ్వాలని భావిస్తే తప్ప... తొలిసారి కోహ్లి నేతృత్వంలో ఎలాంటి మార్పు లేకుండా జట్టు బరిలోకి దిగవచ్చు. తొమ్మిదో స్థానంలో వచ్చే ఆటగాడు కూడా సెంచరీ చేయగల స్థాయిలో ఉన్న భారత జట్టుకు ఎలాంటి బ్యాటింగ్‌ సమస్యలు లేవు. కోహ్లి తిరుగులేని ఆటకు విజయ్, పుజారా సహకారం ఉంటోంది. లోకేశ్‌ రాహుల్‌ నుంచి మాత్రం ఇప్పటి వరకు చెప్పుకోదగ్గ ఇన్నింగ్స్‌ రాలేదు. గత మ్యాచ్‌లో విఫలమైన అతని కర్ణాటక సహచరుడు కరుణ్‌ నాయర్‌ మెరుగ్గా ఆడితేనే మున్ముందు మరిన్ని అవకాశాలు లభిస్తాయి. బౌలింగ్‌లో మన స్పిన్నర్లు అశ్విన్, జడేజా, జయంత్‌ ఎదురు లేకుండా సాగుతున్నారు. ఇక్కడా కొత్త రికార్డులు కొల్లగొట్టడానికి వీరు సిద్ధమయ్యారు. ఆరంభంలో పిచ్‌ సీమర్లకు అనుకూలిస్తే ఉమేశ్, భువనేశ్వర్‌ మంచి ప్రభావం చూపించగలరు. మొత్తంగా వరుస విజయాలు ఇచ్చిన ఆత్మవిశ్వాసం టీమ్‌లో తొణికిసలాడుతోంది. ఈ జట్టును ఆపడం ప్రత్యర్థికి అంత సులువు కాదు.
 
 కోలుకుంటారా...
 నిజానికి ఇంగ్లండ్‌ భారత గడ్డపై అడుగు పెట్టినప్పుడు ఆ జట్టు ఇంత పేలవంగా ఆడుతుందని ఎవరూ ఊహించలేదు. దక్షిణాఫ్రికా, న్యూజిలాండ్‌లతో పోలిస్తే టెస్టు స్పెషలిస్ట్‌ టీమ్‌ కావడం, భారత్‌లో కూడా గతంలో మెరుగైన రికార్డు ఉండటం వల్ల గట్టి పోటీ తప్పదనిపించింది. కానీ కోహ్లి సేన దూకుడు ముందు కుక్‌ బృందం తేలిపోయింది. ఇప్పుడు సిరీస్‌ ముగింపునకు వచ్చిన సమయంలోనైనా ఆ టీమ్‌ కాస్త గట్టిగా నిలబడితే మెరుగైన ఫలితం రాబట్టవచ్చు. రూట్‌ మినహా ఎవరూ బ్యాటింగ్‌లో రాణించలేకపోయారు. కుక్‌ ఆట కూడా ఆశించిన స్థాయిలో లేకపోగా, స్టోక్స్‌ గత రెండు టెస్టుల్లోనూ బ్యాటింగ్‌లో విఫలమయ్యాడు. ఈ క్యాలెండర్‌ ఇయర్‌లో అత్యధిక పరుగులు చేసిన బెయిర్‌స్టో ఆట జట్టుకు పెద్దగా ఉపయోగపడలేదు. మొయిన్‌ అలీ కూడా విఫలం కావడం జట్టును దెబ్బ తీసింది. కనీసం ఇద్దరు బ్యాట్స్‌మెన్‌ పట్టుదలగా ఆడాల్సి ఉంది. గత రెండు మ్యాచ్‌లలో ఒక్క వికెట్‌ కూడా తీయలేకపోయిన అండర్సన్‌ గాయంతో ఈ టెస్టుకు దూరమయ్యాడు. అతని స్థానంలో మూడో స్పిన్నర్‌గా లియామ్‌ డాసన్‌ వస్తాడు. మ్యాచ్‌ రోజు ఉదయం ఫిట్‌నెస్‌ టెస్టులో నెగ్గితే వోక్స్‌ స్థానంలో బ్రాడ్‌ జట్టులోకి రానున్నాడు. సిరీస్‌లో 22 వికెట్లు తీసిన రషీద్‌కు మెరుగైన ప్రదర్శన ఇచ్చేందుకు మరో అవకాశం వచ్చింది.
 
 తుది జట్ల వివరాలు (అంచనా)
 భారత్‌: కోహ్లి (కెప్టెన్‌), రాహుల్, విజయ్, పుజారా, నాయర్, పార్థివ్, అశ్విన్, జడేజా, జయంత్, ఉమేశ్, భువనేశ్వర్‌/ఇషాంత్‌. ఇంగ్లండ్‌: కుక్‌ (కెప్టెన్‌), జెన్నింగ్స్, రూట్, అలీ, బెయిర్‌స్టో, స్టోక్స్, బట్లర్, డాసన్, రషీద్, బాల్, బ్రాడ్‌/ వోక్స్‌.
 
 ⇒ 13  ఈ మైదానంలో ఆడిన 31 టెస్టులలో భారత్‌ 13 గెలిచింది
 
 ⇒ 3  ఇక్కడ 8 టెస్టులు ఆడిన ఇంగ్లండ్‌ 3 గెలిచి, 4  ఓడింది.
 
 మా జట్టేమీ అజేయమైనది కాదు. ఈ విజయాలు ఒక దశ మాత్రమే. రాబోయే 7–8 ఏళ్ల పాటు అత్యుత్తమ జట్టుగా ఆధిపత్యం ప్రదర్శించడంలో భాగంగా సాగుతున్న ప్రక్రియ ఇది. ప్రపంచంలో ఇంకా చాలా చోట్ల ఆడాల్సి ఉందని నాకు తెలుసు.  సిరీస్‌ సాధించినా దూకుడు తగ్గించం. 4–0తో గెలవాలని మేం పట్టుదలగా ఉన్నాం. నాకు అవకాశం లభిస్తే 2018లో జరిగే ఇంగ్లండ్‌ సిరీస్‌కు ముందు కనీసం నెల రోజులు కౌంటీల్లో ఆడి అక్కడి పిచ్‌లు, వాతావరణానికి అలవాటు పడాలని భావిస్తున్నా.    –విరాట్‌ కోహ్లి, భారత కెప్టెన్‌
 
 మా ప్రయత్నంలో లోపం లేదు. కొన్ని తప్పుడు నిర్ణయాలు తీసుకున్నాను. ఓడినప్పుడు సహజంగానే విమర్శలు వస్తాయి. వేగంగా సాగిపోయే క్రికెట్‌లో ప్రతీకారం అనే మాటను నేను నమ్మను. 2014 సిరీస్‌ జరిగి కూడా చాలా రోజులైనట్లు అనిపిస్తోంది. నా ఇన్నేళ్ల కెరీర్‌లో ఎప్పుడూ మ్యాచ్‌కు ముందు నెట్‌ ప్రాక్టీస్‌ జరగని రోజు లేదు. అయితే ఎంతో మంది ప్రాణాలు కోల్పోయిన చోట మా ప్రాక్టీస్‌ ముఖ్యం కాదు. మహా అయితే మేం హోటల్‌æనుంచి స్టేడియంకు వస్తున్నాము. చుట్టూ పరిస్థితి చూస్తే మేం ఎంత అదృష్టవంతులమో అనిపిస్తుంది.     – కుక్, ఇంగ్లండ్‌ కెప్టెన్‌  
 
 జో రూట్‌ సపరేటు...  
 తుపాను కారణంగా మైదానం చిత్తడిగా ఉండటంతో గురువారం కూడా ఇరు జట్ల ఆటగాళ్లు నెట్‌ ప్రాక్టీస్‌లో పాల్గొనలేకపోయారు. అయితే ఇంగ్లండ్‌ ప్రధాన బ్యాట్స్‌మన్‌ జో రూట్‌ మాత్రం తన సన్నాహాలకు బ్రేక్‌ వేయలేదు. అందుకోసం అతను మరో ‘దారి’ని వెతుక్కున్నాడు. చెన్నై గల్లీల్లోకి దూరి తన సాధన కొనసాగించాడు. స్టేడియం సమీపంలో ఉన్న సిమెంట్‌ రోడ్డుపైన అతను సహాయక సిబ్బందితో కలిసి సుదీర్ఘ సమయం పాటు సీరియస్‌గా సాధన చేయడం విశేషం.
 
 పిచ్, వాతావరణం
 చెన్నై నగరంలో వర్షం తగ్గుముఖం పట్టి గురువారం బాగా ఎండకాసింది. అయితే బొగ్గులతో ఆరబెట్టిన తర్వాత కూడా పిచ్‌పై కాస్త తేమ ఉంది. దాంతో ఆరంభంలో సీమ్‌కు సహకరించవచ్చు. కానీ మ్యాచ్‌ సాగినకొద్దీ ఇది స్పిన్‌కు అనుకూలంగా మారిపోతుంది. టెస్టు జరిగే రోజులు భారీ వర్ష సూచన లేకున్నా ఆకాశం మేఘావృతమై ఉండటంతో చినుకులు పడే అవకాశం ఉంది.
  


 ముంబై టెస్టులో రెండో రోజు ఆటలో ఆధిక్యం భారత్, ఇంగ్లండ్ మధ్య దోబూచులాడింది. ముందుగా చేతిలో ఉన్న ఐదు వికెట్లతో ఇంగ్లండ్ తాము ఆశించిన రీతిలో 400 పరుగుల మార్క్‌ను చేరుకోగా... ఆ తర్వాత భారత బ్యాట్స్‌మెన్ కూడా గట్టిగా నిలబడి జట్టుకు శుభారంభం అందించారు. తొలి సెషన్‌ను ఇంగ్లండ్, చివరి సెషన్‌ను భారత్ సొంతం చేసుకోగా, రెండో సెషన్‌ను ఇరు జట్లూ పంచుకున్నారుు. అటు బట్లర్, ఇటు విజయ్ బ్యాటింగ్ ఆటలో హైలైట్‌గా నిలవగా, ఎప్పటిలాగే తనకు అలవాటైన రీతిలో మరోసారి ‘ఇన్నింగ్‌‌సలో ఐదు వికెట్ల ఘనత’ను  అశ్విన్ తన జేబులో వేసుకున్నాడు. 
  
  తమ బ్యాటింగ్ బలగం స్థాయికి తగినట్లుగా భారత్ మూడో రోజు కూడా సత్తా చాటితే ఆట ముగిసే సరికి ఆధిక్యం మన సొంతం కావచ్చు. అప్పుడు తర్వాతి రెండు రోజుల ఆట ఆసక్తికరంగా మారిపోతుంది. ఒకవేళ మ్యాచ్ ఆరంభానికి ముందు అంచనా వేసినట్లుగా మూడో రోజు నుంచే బంతి అనూహ్యంగా తిరిగినా... ప్రత్యర్థి జట్టులో దానిని సమర్థంగా ఉపయోగించుకునే స్థాయి నాణ్యమైన స్పిన్నర్ లేకపోవడం మన జట్టుకు అనుకూలాంశం. మొత్తంగా శనివారం జరగబోయే ఆట నాలుగో టెస్టు, సిరీస్ ఫలితాన్ని తేల్చే అవకాశం ఉంది.  
  
  భారత్ 146/1 
   రాణించిన మురళీ విజయ్  
   ఇంగ్లండ్ తొలి ఇన్నింగ్‌‌సలో 400 ఆలౌట్ 
   6 వికెట్లు తీసిన అశ్విన్   
  
  ముంబై: ఇంగ్లండ్‌తో జరుగుతున్న నాలుగో టెస్టులో భారత్ తమ తొలి ఇన్నింగ్‌‌సను మెరుగైన రీతిలో ఆరంభించింది. శుక్రవారం రెండో రోజు ఆట ముగిసే సమయానికి భారత్ 52 ఓవర్లలో వికెట్ నష్టానికి 146 పరుగులు చేసింది. అర్ధ సెంచరీ సాధించిన మురళీ విజయ్ (169 బంతుల్లో 70 బ్యాటింగ్; 6 ఫోర్లు, 2 సిక్సర్లు), చతేశ్వర్ పుజారా (102 బంతుల్లో 47 బ్యాటింగ్; 6 ఫోర్లు) క్రీజ్‌లో ఉన్నారు. వీరిద్దరు రెండో వికెట్‌కు ఇప్పటికే అభేద్యంగా 107 పరుగులు జోడించారు. రాహుల్ (24) తొలి వికెట్‌గా వెనుదిరిగాడు. ఇంగ్లండ్ స్కోరుకు భారత్ మరో 254 పరుగులు వెనుకబడి ఉంది. 
  
   అంతకుముందు 288/5 పరుగుల ఓవర్‌నైట్ స్కోరుతో ఆట ప్రారంభించిన ఇంగ్లండ్ తమ తొలి ఇన్నింగ్‌‌సలో 400 పరుగులకు ఆలౌటైంది. జాస్ బట్లర్ (137 బంతుల్లో 76; 6 ఫోర్లు, 1 సిక్స్) కీలక ఇన్నింగ్‌‌స ఆడాడు. రవిచంద్రన్ అశ్విన్ (6/112) చెలరేగగా, రవీంద్ర జడేజాకు మిగిలిన 4 వికెట్లు దక్కాయి. 
  
  అశ్విన్ మాయ...
  అశ్విన్ ఇన్నింగ్‌‌సలో 5 వికెట్లు పడగొట్టడం ఇది 23వ సారి. దీంతో అతను కపిల్ దేవ్ (23) రికార్డును సమం చేశాడు. కేవలం 43 టెస్టుల్లోనే అశ్విన్ ఈ ఘనత సాధించడం విశేషం. ఎక్కువ సార్లు ఇన్నింగ్‌‌సలో ఐదు వికెట్లు తీసిన భారత బౌలర్లలో కుంబ్లే (35), హర్భజన్ సింగ్ (25) మాత్రమే అశ్విన్‌కంటే ముందు ఉన్నారు. ఓవరాల్‌గా సిడ్నీ బార్‌న్‌‌స మాత్రమే అశ్విన్ కంటే వేగంగా 27 టెస్టుల్లో రికార్డును నమోదు చేశాడు. ఈ ఒక్క ఏడాదే అశ్విన్ 7 సార్లు ఇన్నింగ్‌‌సలో ఐదు వికెట్లు పడగొట్టాడు. భారత్‌లో ఆడిన 26 టెస్టుల్లోనే అశ్విన్ 18 సార్లు ఇన్నింగ్‌‌సలో ఐదు వికెట్లు తీయడం మరో విశేషం. 2016లో ఇప్పటికే 48 వికెట్లు తీసిన అశ్విన్, భారత గడ్డపై ఒక క్యాలెండర్ ఇయర్‌లో ఎక్కువ వికెట్లు పడగొట్టిన భారత స్పిన్నర్‌గా ఎరాపల్లి ప్రసన్న (46) పేరిట 1969 నుంచి ఉన్న రికార్డును 
  తిరగరాశాడు. 
  
  చరిత్ర ఏం చెబుతోంది?
  ఈ సిరీస్‌లోని గత రెండు టెస్టుల్లో ఇరు జట్ల ప్రదర్శనను పరిగణనలోకి తీసుకోకుండా చూస్తే ముంబైలో టెస్టు రికార్డు ఆసక్తికరంగా కనిపిస్తుంది. ఇంగ్లండ్‌కు ఈ మైదానం బాగా కలిసొచ్చింది. ఆ జట్టు వాంఖెడే స్టేడియంలో ఆడిన గత రెండు టెస్టులలోనూ గెలిచింది. వాటిలో రెండు సార్లు తొలి ఇన్నింగ్‌‌సలో 400 స్కోరు చేసింది. 2006లోనైతే సరిగ్గా 400 పరుగులే చేసింది. పోలిక న్యాయం కాదు గానీ నాడు కూడా ఆశ్చర్యకరంగా దక్షిణాఫ్రికాలో పుట్టి ఇంగ్లండ్‌కు ఆడిన ఓపెనర్ స్ట్రాస్ సెంచరీ చేశాడు! ఈ మైదానంలో 400 పరుగులు చేసిన తర్వాత నిశ్చింతగా ఉండవచ్చని గణాంకాలు చెబుతున్నారుు. ఈ మ్యాచ్‌కు ముందు 1975 నుంచి ఇక్కడ మొత్తం 14 టెస్టులు జరిగారుు. వీటిలో ఒక్కసారి మాత్రమే 400 పరుగులు చేసి కూడా భారత్, వెస్టిండీస్ చేతిలో ఓడింది. అది మినహా మిగిలిన 13 టెస్టులలో తొలి ఇన్నింగ్‌‌సలో 400 పరుగులు చేసిన జట్లు 6 సార్లు గెలవగా, మరో 7 మ్యాచ్‌లు డ్రాగా ముగిశారుు. ఉపఖండంలో ఆడిన మ్యాచ్‌లలో తొలి ఇన్నింగ్‌‌సలో 400 పరుగులు చేసిన తర్వాత ఇంగ్లండ్ ఒక్కసారి కూడా టెస్టు ఓడిపోలేదు. అరుుతే 2000 నుంచి చూస్తే ప్రత్యర్థి 400కు పైగా చేసినా... ఇతర జట్లకంటే ఎక్కువ సార్లు (8) మ్యాచ్‌లు గెలవగలిగిన రికార్డు మాత్రం భారత్‌దే. మరి ఈ సారి ఫలితం ఎలా ఉండబోతోందో. 
  
  సెషన్-1: బట్లర్ జోరు 
  రెండో రోజు ఆరంభంలోనే ఇంగ్లండ్ వికెట్ కోల్పోయింది. అశ్విన్ వేసిన మూడో ఓవర్లో స్టోక్స్ (92 బంతుల్లో 31; 3 ఫోర్లు) వివాదాస్పద రీతిలో అవుటయ్యాడు. స్టోక్స్ డిఫెన్‌‌స ఆడబోగా, బంతి కీపర్‌కు తగులుతూ వెళ్లి స్లిప్‌లో కోహ్లి చేతిలో పడింది. భారత్ అప్పీల్‌ను అంపైర్ ఆక్సెన్‌ఫోర్డ్ తిరస్కరించడంతో కోహ్లి రివ్యూ కోరాడు. టీవీ రీప్లేలు చూసిన అనంతరం బంతి బ్యాట్‌ను దాటే సమయంలో దిశ మళ్లిందని నిర్ధారించిన మూడో అంపైర్ అవుట్‌గా ప్రకటించారు. అయితే హాక్ ఐ లో ‘అల్ట్రా ఎడ్‌‌జ’ గుర్తించిన శబ్దాన్ని బట్టి అంపైర్ శంషుద్దీన్ నిర్ణయం తీసుకోవడం వివాదానికి కారణమైంది. అదే సమయంలో బ్యాట్ కూడా నేలకు తగలడం వల్లే శబ్దం వచ్చిందని భావించిన స్టోక్స్, నిరాశగా వెనుదిరిగాడు. మరోవైపు బట్లర్ మాత్రం వేగంగా ఆడి చకచకా పరుగులు రాబట్టాడు. అయితే తక్కువ వ్యవధిలో వోక్స్ (11), రషీద్ (4)లను అవుట్ చేసి జడేజా, భారత్‌కు మరో రెండు వికెట్లు అందించాడు. అనంతరం 106 బంతుల్లో అర్ధ సెంచరీ పూర్తి చేసుకున్న బట్లర్‌కు జేక్ బాల్ (60 బంతుల్లో 31; 4 ఫోర్లు) చక్కటి సహకారం అందించాడు. ఎట్టకేలకు 121 ఓవర్ల తర్వాత భారత్ కొత్త బంతిని తీసుకుంది. 
  ఓవర్లు: 31, పరుగులు: 97, వికెట్లు: 3 (ఇంగ్లండ్)
  
  సెషన్-2: రాహుల్ విఫలం
  లంచ్ తర్వాత కొద్దిసేపటికే ఇంగ్లండ్ ఇన్నింగ్‌‌స ముగిసింది. తొమ్మిదో వికెట్‌కు బట్లర్‌తో కలిసి 54 పరుగులు జోడించిన బాల్‌ను అశ్విన్ అవుట్ చేసి ఈ జోడీని విడదీశాడు. అశ్విన్ ఓవర్లో భారీ సిక్సర్ కొట్టిన అనంతరం బట్లర్... జడేజా వేసిన తర్వాతి ఓవర్ తొలి బంతికే మరో భారీ షాట్ ఆడబోరుు వెనుదిరిగాడు. భారత ఓపెనర్లు విజయ్, రాహుల్ (41 బంతుల్లో 24; 4 ఫోర్లు) జాగ్రత్తగా ఇన్నింగ్‌‌స మొదలు పెట్టారు. రాహుల్ కొన్ని చక్కటి షాట్లు ఆడగా, ఫామ్‌లో వచ్చేందుకు ప్రయత్నించిన విజయ్, ఓపిగ్గా బంతులను ఎదుర్కొన్నాడు. అరుుతే మెరుగైన ఆరంభాన్ని మళ్లీ వృథా చేస్తూ రాహుల్ వికెట్ చేజార్చుకున్నాడు. అలీ బంతిని డ్రైవ్ చేయడంలో విఫలమై రాహుల్ బౌల్డయ్యాడు. రషీద్ ఓవర్లో ఫోర్, సిక్స్‌తో విజయ్ వేగం పెంచాడు. 
  ఓవర్లు: 5.1, పరుగులు: 15, వికెట్లు: 2 (ఇంగ్లండ్)
  ఓవర్లు: 22, పరుగులు: 62, వికెట్లు: 1 (భారత్)
  
  సెషన్-3: భారత్‌దే పైచేయి
  విరామం తర్వాత విజయ్, పుజారా ప్రత్యర్థి బౌలర్లకు ఎలాంటి అవకాశమూ ఇవ్వలేదు. క్రీజ్‌లోకి పాతుకుపోయిన వీరిద్దరు చక్కటి సమన్వయంతో ఆడారు. 45 పరుగుల వద్ద విజయ్‌ను స్టంప్ చేసేందుకు వచ్చిన అవకాశాన్ని బెయిర్‌స్టో వృథా చేశాడు. అండర్సన్ ఓవర్లో పుజారా వరుసగా రెండు బౌండరీలు బాదగా... అలీ బౌలింగ్‌లో థర్డ్‌మ్యాన్ దిశగా ఫోర్ కొట్టి 126 బంతుల్లో విజయ్ హాఫ్ సెంచరీ మార్క్‌ను చేరుకున్నాడు. ఈ భాగస్వామ్యాన్ని విడదీసేందుకు కుక్ ఎన్ని ప్రయత్నాలు చేసినా లాభం లేకపోయింది. రాహుల్ అవుటైన తర్వాత విజయ్, పుజారా 38 ఓవర్లు మెరుగైన బ్యాటింగ్ ప్రదర్శన కనబర్చడంతో రెండో రోజును కోహ్లి సేన సంతృప్తికరంగా ముగించగలిగింది. రెండో రోజు బంతి చెప్పుకోదగ్గ రీతిలో స్పిన్, బౌన్‌‌స అయినా... ఇంగ్లండ్ ప్రధాన స్పిన్నర్లు అలీ, రషీద్ పెద్దగా ప్రభావం చూపలేకపోయారు. 
  ఓవర్లు: 30, పరుగులు: 84, వికెట్లు: 0 (భారత్)
  
  స్కోరు వివరాలు
  ఇంగ్లండ్ తొలి ఇఇన్నింగ్స్: కుక్ (స్టంప్డ్) పార్థివ్ (బి) జడేజా 46; జెన్నింగ్‌‌స (సి) పుజారా (బి) అశ్విన్ 112; రూట్ (సి) కోహ్లి (బి) అశ్విన్ 21; అలీ (సి) నాయర్ (బి) అశ్విన్ 50; బెరుుర్‌స్టో (సి) ఉమేశ్ (బి) అశ్విన్ 14; స్టోక్స్ (సి) కోహ్లి (బి) అశ్విన్ 31; బట్లర్ (బి) జడేజా 76; వోక్స్ (సి) పార్థివ్ (బి) జడేజా 11; రషీద్ (బి) జడేజా 4; బాల్ (సి) పార్థివ్ (బి) అశ్విన్ 31; అండర్సన్ (నాటౌట్) 0; ఎక్స్‌ట్రాలు 4; మొత్తం (130.1 ఓవర్లలో ఆలౌట్) 400.
  
  వికెట్ల పతనం: 1-99; 2-136; 3-230; 4-230; 5-249; 6-297; 7-320; 8-334; 9-388; 10-400.
  
  బౌలింగ్:  భువనేశ్వర్ 13-0-49-0; ఉమేశ్ 11-2-38-0; అశ్విన్ 44-4-112-6; జయంత్ 25-3-89-0; జడేజా 37.1-5-109-4. 
  
  భారత్ తొలి ఇన్నింగ్స్:  రాహుల్ (బి) అలీ 24; విజయ్ (బ్యాటింగ్) 70; పుజారా (బ్యాటింగ్) 47; ఎక్స్‌ట్రాలు 5; మొత్తం (52 ఓవర్లలో వికెట్ నష్టానికి) 146. 
  
  వికెట్ల పతనం: 1-39.
  
  బౌలింగ్: అండర్సన్ 8-4-22-0; వోక్స్ 5-2-15-0; అలీ 15-2-44-1; రషీద్ 13-1-49-0; బాల్ 4-2-4-0; స్టోక్స్ 4-2-4-0; రూట్ 3-1-3-0. 


 తడబడిన భారత బ్యాటింగ్  
 ఆదుకున్న అశ్విన్, జడేజా  
 భారత్ 271/6  
 ఇంగ్లండ్‌తో మూడో టెస్టు 
 ఇంగ్లండ్‌ను తక్కువ స్కోరుకే పరిమితం చేసిన తర్వాత మన జట్టు అలవోకగా భారీ ఆధిక్యం అందుకోగలదని అంతా అనుకుంటే ప్రత్యర్థి రివర్స్‌లో దెబ్బ కొట్టింది. మరో భారీ స్కోరు సాధించే దిశగా పునాది వేసుకొని రెండో రోజే కోహ్లి సేన పట్టు చేజిక్కించుకోగలదని భావిస్తే అచ్చం మన ఆట కూడా వారినే అనుసరించింది. రుణం తీర్చుకున్నట్లు ఇంగ్లండ్ కూడా క్యాచ్‌లు వదిలేసి కాస్త అవకాశం ఇచ్చినా దానిని పూర్తి స్థారుులో ఉపయోగించుకోలేక రెండో రోజు భారత బ్యాటింగ్‌లో అనూహ్య తడబాటు కనిపించింది.
 
 కోహ్లి, పుజారా 75 పరుగుల భాగస్వామ్యంతో జట్టు ముందుకు దూసుకుపోతున్న సమయంలో ఎనిమిది పరుగుల వ్యవధిలో పడిన మూడు వికెట్లు ఒక్కసారిగా జోరుకు బ్రేక్‌లు వేశారుు. ఆపద్బాంధవుడు కోహ్లి కూడా నిష్క్రమించిన దశలో మన జట్టు మరో 79 పరుగులు వెనుకబడి ఉంది. ఆధిక్యం దక్కడం సంగతి తర్వాత, దానిని కోల్పోయే ప్రమాదం కనిపించింది. అరుుతే ఆల్‌రౌండర్ పదానికి న్యాయం చేస్తూ అశ్విన్, జడేజా అజేయంగా 67 పరుగులు జోడించి ఆదుకున్నారు. ఈ ఇద్దరితో పాటు జయంత్ కూడా కలిసి ఎంత ఆధిక్యం అందిస్తారనేదే మూడో రోజు కీలకం.
 మొహాలీ: ఇంగ్లండ్‌తో జరుగుతున్న మూడో టెస్టులో భారత జట్టు తొలి ఇన్నింగ్‌‌స ఆధిక్యానికి మరో 13 పరుగుల దూరంలో నిలిచింది. చక్కటి బౌలింగ్‌కు తోడు రెండు అద్భుత ఫీల్డింగ్ ప్రదర్శనలు  ఇంగ్లండ్‌కు ఆధిక్యంపై ఆశలు రేపినా... చివరకు భారత్ రెండో రోజును మెరుగైన స్థితిలోనే ముగించింది. ఆదివారం ఆట ముగిసే సమయానికి భారత్ తమ తొలి ఇన్నింగ్‌‌సలో 6 వికెట్లకు 271 పరుగులు చేసింది. అశ్విన్ (82 బంతుల్లో 57 బ్యాటింగ్; 8 ఫోర్లు), రవీంద్ర జడేజా (59 బంతుల్లో 31 బ్యాటింగ్; 3 ఫోర్లు, 1 సిక్సర్) క్రీజులో ఉన్నారు. అంతకు ముందు కోహ్లి (127 బంతుల్లో 62; 9 ఫోర్లు), పుజారా (104 బంతుల్లో 51; 8 ఫోర్లు) బాధ్యతాయుతంగా ఆడి అర్ధసెంచరీలు చేశారు. ప్రస్తుతం భారత జట్టు ఇంగ్లండ్ తొలి ఇన్నింగ్స్ స్కోరుకు కేవలం 12 పరుగులు మాత్రమే వెనుకబడి ఉంది. ఇంగ్లండ్ బౌలర్లలో ఆదిల్ రషీద్ 3, స్టోక్స్ 2 వికెట్లు తీశారు. అంతకుముందు 268/8తో తొలి ఇన్నింగ్‌‌సను కొనసాగించిన ఇంగ్లండ్ జట్టు మరో 3.5 ఓవర్లలోనే మిగతా రెండు వికెట్లను కోల్పోరుు 283 పరుగులవద్ద ఆలౌటైంది. ఆధిక్యం దాదాపుగా ఖాయమైపోరుునా, మూడో రోజు మిగిలిన నాలుగు వికెట్లతో సాధ్యమైనన్ని ఎక్కువ పరుగులు సాధించాలని భారత్ పట్టుదలగా ఉంది.
 సెషన్ 1: విజయ్ విఫలం
 రెండోరోజు ఆరంభంలోనే షమీ ఇంగ్లండ్‌కు షాకిచ్చాడు. తాను వేసిన మొదటి బంతికే రషీద్ (4)ను అవుట్ చేసిన అతను కొద్ది సేపటికే బ్యాటీ (1)ను కూడా పెవిలియన్ పంపించి ఇంగ్లండ్ ఇన్నింగ్‌‌సను ముగించాడు. అనంతరం పార్థివ్ పటేల్ (85 బంతుల్లో 42; 6 ఫోర్లు), విజయ్ (12) భారత ఇన్నింగ్‌‌సను ప్రారంభించారు. ఎనిమిదేళ్ల తర్వాత టెస్టు బరిలోకి దిగిన పార్థివ్ ఆత్మవిశ్వాసంతో, ఎలాంటి ఒత్తిడి లేకుండా ఆడాడు. వరుసగా రెండు ఫోర్లతో వోక్స్ బౌలింగ్‌లో జోరు కనబరిచాడు. మరో ఎండ్‌లో 11 పరుగుల వద్ద బట్లర్ క్యాచ్ వదిలేయడంతో బతికిపోరుున విజయ్, ఎక్కువ సేపు నిలవలేకపోయాడు. మరుసటి ఓవర్‌లోనే స్టోక్స్ బౌలింగ్‌లో కీపర్‌కు క్యాచ్ ఇచ్చి పెవిలియన్ చేరాడు. తర్వాత మరో వికెట్ పడకుండా పుజారా, పార్థివ్ జాగ్రత్త పడ్డారు.
 ఓవర్లు: 25.5, పరుగులు: 75, వికెట్లు: 3
 ఇంగ్లండ్: ఓవర్లు: 3.5, పరుగులు: 15, వికెట్లు: 2
 భారత్: ఓవర్లు: 22, పరుగులు: 60, వికెట్లు: 1
  
 సెషన్ 2: భారత్ ఆధిపత్యం
 లంచ్ విరామానంతరం ఆరంభంలోనే భారత్ పార్థివ్ వికెట్‌ను కోల్పోరుుంది. ఈ దశలో పుజారా, కోహ్లి కలిసి జాగ్రత్తగా ఆడుతూ ఇన్నింగ్‌‌సను నిర్మించారు. అడపాదడపా బౌండరీలు బాదుతూ స్ట్రరుుక్ రొటేట్ చేశారు. స్టోక్స్ బౌలింగ్‌లో రెండు వరుస ఫోర్లతో పుజారా వేగం పెంచాడు. 35 పరుగుల వ్యక్తిగత స్కోరు వద్ద స్టోక్స్ వేసిన రెండో బంతి... పుజారా బ్యాట్‌కు తగిలి లెగ్‌సైడ్‌లోకి వెళ్లింది. అరుుతే దానిని అందుకోవడంలో కీపర్ బెరుుర్‌స్టో విఫలమయ్యాడు. అనంతరం 100 బంతుల్లో పుజారా అర్ధసెంచరీ పూర్తరుుంది. ఈ సెషన్‌లో వీరిద్దరు 75 పరుగుల భాగస్వామ్యాన్ని నెలకొల్పారు.
 ఓవర్లు: 29, పరుగులు: 88, వికెట్లు: 1
 సెషన్ 3: ఆ ఇద్దరు ఆదుకున్నారు
 148/2తో పటిష్ట స్థితిలో ఉన్న భారత్ టీ విరామం తర్వాత కష్టాల్లో పడింది. రషీద్ వేసిన రెండో బంతికే పుజారా భారీ షాట్‌కు ప్రయత్నించి సెషన్ ఆరంభంలోనే వికెట్ పారేసుకోగా... అతని మరుసటి ఓవర్లోనే రహానే (0) డకౌట్ అయ్యాడు. తర్వాత కోహ్లితో సమన్వయ లోపంతో తొలి టెస్టు ఆడుతున్న కరుణ్ నాయర్ (4) రనౌటయ్యాడు. బట్లర్ కళ్లు చెదిరే ఫీల్డింగ్ ఇంగ్లండ్‌కు ఈ వికెట్‌ను అందించింది. ఈ దశలో కోహ్లికి అశ్విన్ చక్కటి సహకారం అందించాడు. వీరిద్దరు వేగంగా ఆడి ఆరో వికెట్‌కు 10 ఓవర్లలో 48 పరుగులు జోడించారు. అరుుతే 111 బంతుల్లో అర్ధ సెంచరీ పూర్తి చేసుకున్న కొద్ది సేపటికి స్టోక్స్ బౌలింగ్‌లో కోహ్లి ఇచ్చిన క్యాచ్‌ను బెరుుర్‌స్టో అందుకోవడంతో ఈ భాగస్వామ్యానికి తెరపడింది. అనంతరం అశ్విన్, జడేజా కలిసి ప్రత్యర్థి జోరుకు అడ్డుకట్ట వేశారు. చకచకా పరుగులు సాధిస్తున్న ఈ జోడీని విడదీసేందుకు ఇంగ్లండ్ ఎన్ని ప్రయత్నాలు చేసినా లాభం లేకపోరుుంది. ఇంగ్లండ్ కొత్త బంతిని తీసుకున్నా...నాలుగు ఓవర్లలో భారత్ 21 పరుగులు రాబట్టింది. ఈ క్రమంలో అశ్విన్ 77 బంతుల్లోనే హాఫ్ సెంచరీ మార్క్‌ను అందుకున్నాడు.
 ఓవర్లు: 33, పరుగులు: 123, వికెట్లు: 4
 ►2 టెస్టుల్లో ఒకే ఏడాది 500 పరుగులు చేసి 50 వికెట్లు పడగొట్టిన రెండో భారత ఆటగాడు అశ్విన్. గతంలో కపిల్‌దేవ్ రెండు సార్లు ఈ ఘనత సాధించాడు.


 ► ఒక్క రోజులో 11 వికెట్లు
 ► ఫాలోఆన్ దిశగా ఇంగ్లండ్
 ► అశ్విన్ ఆల్‌రౌండ్ ప్రదర్శన
 ► రెండో టెస్టుపై పట్టు బిగించిన భారత్ 
 టెస్టుల్లో నంబర్‌వన్ ఆల్‌రౌండర్ ర్యాంక్‌కు అసలైన అర్హత తనకే ఉందని భారత క్రికెటర్ అశ్విన్ నిరూపించాడు. బ్యాటింగ్ చేయడానికి కష్టంగా ఉన్న పిచ్‌పై అద్భుత ఇన్నింగ్‌‌స ఆడి అర్ధసెంచరీ చేయడంతో పాటు... తనకు అనుకూలంగా ఉన్న పిచ్‌పై ప్రతి బంతికీ ఇంగ్లండ్ బ్యాట్స్‌మెన్‌కు చుక్కలు చూపించాడు. ఫలితంగా ఇంగ్లండ్‌తో రెండో టెస్టులో రెండో రోజుకే భారత్ పూర్తిగా పట్టు సాధించింది.
 తొలి టెస్టు తర్వాత అంతులేని ఆత్మవిశ్వాసంతో కనిపించిన ఇంగ్లండ్ జట్టు వైజాగ్‌లో డీలా పడింది. భారత బ్యాట్స్‌మెన్‌ను నిలువరించలేక బౌలర్లు చేతులెత్తేస్తే... స్పిన్‌ను ఆడటానికి ఆ జట్టు బ్యాట్స్‌మెన్ బ్రేక్ డ్యాన్సే చేయాల్సి వస్తోంది. ఇప్పటికే సగం వికెట్లు కోల్పోరుున పర్యాటక జట్టు ఇక ఫాలోఆన్ తప్పించుకోవాలంటే అద్భుతం జరగాల్సిందే. 
 విశాఖపట్నం నుంచి సాక్షి క్రీడా ప్రతినిధి
 ఊహించినట్లే జరుగుతోంది.... అరంగేట్ర టెస్టు ద్వారా విశాఖపట్నం భారత జట్టుకు శుభారంభాన్ని ఇవ్వబోతోంది. రెండో రోజు సాయంత్రం నుంచే బంతి తిరుగుతుండటంతో ఇంగ్లండ్‌తో రెండో టెస్టులో భారత్ విజయంపై ఆశలు పెంచుకుంది. డాక్టర్ వైఎస్ రాజశేఖరరెడ్డి ఏసీఏ-వీడీసీఏ స్టేడియంలో జరుగుతున్న ఈ మ్యాచ్‌లో రెండో రోజు ఏకంగా 11 వికెట్లు నేలకూలారుు. శుక్రవారం ఆట ముగిసే సమయానికి ఇంగ్లండ్ తొలి ఇన్నింగ్‌‌సలో 49 ఓవర్లలో 5 వికెట్లకు 103 పరుగులు చేసింది. జో రూట్ (98 బంతుల్లో 53; 6 ఫోర్లు) మినహా ప్రధాన బ్యాట్స్‌మెన్ అంతా విఫలమయ్యారు. స్టోక్స్ (12 బ్యాటింగ్), బెరుుర్‌స్టో (12 బ్యాటింగ్) క్రీజులో ఉన్నారు. భారత బౌలర్లలో అశ్విన్ రెండు వికెట్లు తీసుకోగా... షమీ, జయంత్ యాదవ్ ఒక్కో వికెట్ పడగొట్టారు.
 అంతకుముందు భారత్ తొలి ఇన్నింగ్‌‌సలో 129.4 ఓవర్లలో 455 పరుగులకు ఆలౌటరుుంది. కెప్టెన్ విరాట్ కోహ్లి (267 బంతుల్లో 167; 18 ఫోర్లు) రెండోరోజు ఎక్కువసేపు నిలబడకపోరుునా... అశ్విన్ (95 బంతుల్లో 58; 6 ఫోర్లు) నాణ్యమైన ఇన్నింగ్‌‌స ఆడాడు. తొలి టెస్టు ఆడుతోన్న జయంత్ యాదవ్ (84 బంతుల్లో 35; 3 ఫోర్లు) కూడా రాణించాడు. అశ్విన్, జయంత్ ఎనిమిదో వికెట్‌కు 64 పరుగులు జోడించడం విశేషం. ఇంగ్లండ్ బౌలర్లలో మొరుున్ అలీ, అండర్సన్ మూడేసి వికెట్లు తీసుకోగా... రషీద్‌కు రెండు వికెట్లు దక్కారుు. ప్రస్తుతం ఇంగ్లండ్ తొలి ఇన్నింగ్‌‌సలో 352 పరుగులు వెనుకబడి ఉంది. ఫాలోఆన్ తప్పిం చుకోవాలంటే కుక్ బృందం మరో 153 పరుగులు చేయాలి.
 సెషన్ 1: అశ్విన్ నిలకడ
 రెండో రోజును అశ్విన్, కోహ్లి ధాటిగానే ప్రారంభించారు. ఇద్దరూ అడపాదడపా బౌండరీలతో నిలకడగా ఆడారు. అశ్విన్ 17 పరుగుల వ్యక్తిగత స్కోరు వద్ద ఇచ్చిన క్యాచ్‌ను స్టోక్స్ వదిలేశాడు. అరుుతే మొరుున్ బౌలింగ్‌లో తర్వాతి బంతికే కోహ్లి ఇచ్చిన క్యాచ్‌ను స్లిప్స్‌లో స్టోక్స్ అద్భుతంగా అందుకున్నాడు. మరో మూడు ఓవర్ల తర్వాత భారత్‌కు మరో షాక్ తగిలింది. మొరుున్ బౌలింగ్‌లో సాహా, జడేజా మూడు బంతుల వ్యవధిలో ఎల్బీగా అవుటయ్యారు. సాహా అవుట్ నిర్ణయాన్ని భారత్ రివ్యూ చేసినా ఫలితం లేకపోరుుంది. తొలి టెస్టు ఆడుతున్న జయంత్ యాదవ్ రూపంలో అశ్విన్‌కు మంచి సహకారం లభించింది. వీళ్లిదరూ జాగ్రత్తగా ఆడుతూనే మధ్యలో బౌండరీలతో పరుగులు రాబట్టారు. మూడు వికెట్లు పడ్డా... ఈ సెషన్‌లో అశ్విన్ నిలకడ, పరుగులు వేగంగా రావడం వల్ల భారత్‌దే పైచేరుుగా కనిపించింది.  ఓవర్లు: 29 పరుగులు: 98 వికెట్లు: 3
 సెషన్ 2: భారత్ ఆలౌట్
 లంచ్ తర్వాత మొరుున్ బౌలింగ్‌లో బౌండరీతో అశ్విన్ 86 బంతుల్లో అర్ధసెంచరీ పూర్తి చేసుకున్నాడు. అదే జోరులో మరో బౌండరీ కొట్టిన అశ్విన్.. స్టోక్స్ బౌలింగ్‌లో కీపర్‌కు క్యాచ్ ఇచ్చి అవుటయ్యాడు. మరో ఎండ్‌లో నాణ్యమైన ఇన్నింగ్‌‌స ఆడిన జయంత్ యాదవ్ భారీ షాట్ కొట్టబోరుు క్యాచ్ ఇచ్చాడు. ఉమేశ్ యాదవ్ రెండు ఫోర్లు, షమీ ఒక సిక్సర్‌తో వేగంగా ఆడారు. రషీద్ బౌలింగ్‌లో ఉమేశ్ అవుట్ కావడంతో భారత ఇన్నింగ్‌‌సకు తెరపడింది. అనంతరం ఇన్నింగ్‌‌స ప్రారంభించిన ఇంగ్లండ్‌కు మూడో ఓవర్లోనే షాక్ తగిలింది. షమీ కళ్లు చెదిరే బంతితో కుక్‌ను బౌల్డ్ చేశాడు. హమీద్, రూట్ ఆచితూచి ఆడారు. దీంతో ఏడో ఓవర్‌లో గానీ ఇంగ్లండ్‌కు బౌండరీ రాలేదు. రూట్ అడపాదడపా బౌండరీలు కొట్టినా హమీద్ పూర్తిగా ఆత్మరక్షణలో ఆడాడు. ఈ ఇద్దరూ జాగ్రత్తగా ఆడటంతో మరో వికెట్ పడకుండా సెషన్ ముగిసింది.
 ఓవర్లు: 26.4 పరుగులు: 74 వికెట్లు: 4
 భారత్: 10.4 ఓవర్లు, 40 పరుగులు, 3 వికెట్లు
 ఇంగ్లండ్: 16 ఓవర్లు, 34 పరుగులు, 1 వికెట్
 సెషన్ 3: భారత బౌలర్ల హవా
 టీ తర్వాత కొద్దిసేపటికే రూట్‌తో సమన్వయ లోపంతో హమీద్ రనౌట్ అయ్యాడు. ధోని స్టరుుల్‌లో సాహా బంతిని వెనకకు విసిరి రనౌట్ చేశాడు. భారత స్పిన్నర్లను సమర్థంగా ఎదుర్కొన్న రూట్ బౌండరీలతో వేగం పెంచాడు. కానీ అశ్విన్ బౌలింగ్‌లో డకెట్ బౌల్డ్ కావడంతో మరోసారి ఇంగ్లండ్ తడబడింది. 91 బంతుల్లో అర్ధసెంచరీ పూర్తి చేసుకున్న రూట్... అశ్విన్ బౌలింగ్‌లో ఎదురుదాడి ప్రయత్నం చేసి అవుటయ్యాడు. కొత్త బౌలర్ జయంత్ యాదవ్ తన రెండో ఓవర్లోనే మొరుున్ అలీని అవుట్ చేశాడు. తొలుత అంపైర్ అవుట్ ఇవ్వకపోరుునా రివ్యూ అడిగి భారత జట్టు వికెట్ సాధించింది. స్టోక్స్, బెరుుర్‌స్టో కలిసి జాగ్రత్తగా ఆడి భారత్‌కు మరో వికెట్ ఇవ్వకుండా సెషన్‌ను ముగించారు. ఓవర్లు: 33 పరుగులు: 69 వికెట్లు: 4
 నేడా..? రేపా..?
 విశాఖ టెస్టులో రెండో రోజు ముగిసేసరికి భారత జట్టు విజయం దాదాపుగా ఖాయమైంది. ఇక ఈ మ్యాచ్‌ను ఇంగ్లండ్ జట్టు ఆఖరి రోజు వరకు తీసుకెళ్లడం కూడా కష్టమే. ప్రస్తుతం ఇంగ్లండ్ ఫాలోఆన్ తప్పించుకోవాలంటే మరో 153 పరుగులు చేయాలి. క్రీజులో ఉన్న ఇద్దరు తప్ప స్పెషలిస్ట్ బ్యాట్స్‌మెన్ ఎవరూ లేరు. ప్రస్తుతం బంతి తిరుగుతున్న విధానం చూస్తే మూడోరోజు మరింత స్పిన్ తిరిగే అవకాశం కనిపిస్తోంది. అశ్విన్‌తో పాటు కొత్త స్పిన్నర్ జయంత్ కూడా ఇంగ్లండ్ బ్యాట్స్‌మెన్‌ను ఇబ్బంది పెడుతున్నాడు. కాబట్టి మూడో రోజు ఉదయం సెషన్‌లోనే ఇంగ్లండ్ ఆలౌటయ్యే అవకాశం కనిపిస్తోంది. ఒకవేళ భారత్‌కు 250 పైచిలుకు ఆధిక్యం లభిస్తే ఇంగ్లండ్‌ను ఫాలోఆన్ ఆడించవచ్చు. అంతకంటే తక్కువ ఆధిక్యం వస్తే భారత్ రెండో ఇన్నింగ్‌‌స ఆడే అవకాశం లేకపోలేదు. ఫాలోఆన్ ఆడిస్తే ఒకవేళ ఇంగ్లండ్ జట్టు రెండో ఇన్నింగ్‌‌సలో పోరాడి భారత్‌కు ఏ 150 పరుగుల లక్ష్యం నిర్దేశించినా ఆఖరి రోజు వరకూ ఆట వెళుతుంది. అప్పుడు స్పిన్ పిచ్‌పై అది ఛేదించడానికి కష్టపడాలి. అరుుతే అశ్విన్ జోరు చూస్తుంటే భారత్‌కు మంచి ఆధిక్యం లభించి ఫాలోఆన్ ఆడించే అవకాశాలే ఎక్కువగా కనిపిస్తున్నారుు. అదే జరిగితే మ్యాచ్ శనివారమే ముగిసినా ఆశ్చర్యపోనవసరం లేదు. ఒకవేళ ఇంగ్లండ్ పోరాడినా నాలుగో రోజు ఆదివారం నాటికి మ్యాచ్‌లో ఫలితం వచ్చే అవకాశం ఉంది. కోహ్లి ఎలాంటి నిర్ణయం తీసుకున్నా ప్రస్తుతం భారత్ విజయం ఖాయమే అనిపిస్తోంది. అరుుతే ఇది నేడే పూర్తవుతుందా? లేక రేపా అనేదే తేలాలి. 
 ► 2 ఆసియా ఖండంలో ఇంగ్లండ్ కెప్టెన్ కుక్ పేస్ బౌలర్ బౌలింగ్‌లో బౌల్డ్ కావడం ఇది రెండోసారి మాత్రమే. 2006లో భారత్‌పై తన అరంగేట్ర టెస్టు మ్యాచ్‌లో తొలిసారి అతను ఇర్ఫాన్ పఠాన్ బౌలింగ్‌లో   బౌల్డయ్యాడు.
 ► 8 భారత్‌పై ఆడిన 12 ఇన్నింగ్‌‌సలో రూట్ ఎనిమిదిసార్లు 50 అంతకంటే ఎక్కువ పరుగులు చేశాడు. ఏ జట్టుపై కూడా రూట్ ఈస్థారుులో నిలకడగా రాణించలేదు.


 విశాఖ:ఇంగ్లండ్ తో ఇక్కడ జరుగుతున్న రెండో టెస్టులో టీమిండియా టెస్టు కెప్టెన్ విరాట్ కోహ్లి(167;267 బంతుల్లో 18 ఫోర్లు) ఐదో వికెట్ గా వెనుదిరిగాడు. ఈ మ్యాచ్ తొలి ఇన్నింగ్స్ లో భారీ శతకం సాధించిన కోహ్లి.. ఇంగ్లండ్ స్పిన్నర్ మొయిన్ అలీ బౌలింగ్ లో అవుటయ్యాడు. స్లిప్ లో ఫీల్డింగ్ చేస్తున్న బెన్ స్టోక్స్ కు క్యాచ్ ఇచ్చి విరాట్ పెవిలియన్ చేరాడు. అయితే అంతకుముందు బంతిలో రవి చంద్రన్ అశ్విన్ తృటిలో అవుటయ్యే ప్రమాదం నుంచి తప్పించుకున్నాడు.
 
 సరిగ్గా అలీ వేసిన 100 ఓవర్ రెండో బంతికి అశ్విన్ ఇచ్చిన క్యాచ్ ను స్టోక్స్ వదిలేశాడు. ఆ క్రమంలోనే సింగిల్ వచ్చింది. ఆ మరుసటి బంతికి విరాట్ ను అలీ అవుట్ చేశాడు. సరిగ్గా స్లిప్ లో ఫీల్డింగ్ చేస్తున్న స్టోక్స్ మరోసారి ఎటువంటి తప్పిదం చేయకుండా ఆ క్యాచ్ ను పట్టుకున్నాడు. దాంతో డబుల్ సెంచరీ చేస్తాడనుకున్న విరాట్ పెవిలియన్కు చేరాడు. భారత స్కోరు 351 పరుగుల వద్ద విరాట్ తొలి ఇన్నింగ్స్ ముగిసింది.
 
  


 అన్ని విభాగాల్లో పటిష్టంగా ఇంగ్లండ్
 ఇకపై భారత్ వ్యూహం మార్చాల్సిందే
 ఐదే ఐదు రోజులు... భారత్ నేలకు దిగింది. బంగ్లాదేశ్ లాంటి జట్టు చేతిలోనే మూడు రోజుల్లో ఓడిపోరుున జట్టు మనకు కనీసం పోటీ ఇస్తుందా అనే భావన నుంచి... ఇకపై అప్రమత్తంగా లేకపోతే ఓడిపోవాలేమో అనే సందేహం వచ్చేసింది. తొలి టెస్టులో ఇంగ్లండ్ జట్టు అద్భుతంగా ఆడింది. ఒక రకంగా భారత జట్టు ఇన్నాళ్లూ సొంత గడ్డపై ప్రత్యర్థుల్ని ఎలా ఏడిపిస్తోందో.. ఈసారి ఇంగ్లండ్ మనల్ని అలా ఏడిపించేసింది. మొత్తానికి కష్టపడి తొలి టెస్టును ‘డ్రా’ చేసుకున్న భారత్ ఇకపై వ్యూహాన్ని పూర్తిగా మార్చాలి. అదే సమయంలో మరింత అప్రమత్తంగా ఆడాలి. ఎందుకంటే ఇంగ్లండ్‌పై గెలవడం అంత ఈజీ కాదని తొలి టెస్టుతో అర్థమైపోరుుంది. 
 క్రీడావిభాగం కోహ్లి కెప్టెన్ అయ్యాక సొంతగడ్డపై టెస్టు మ్యాచ్‌ల్లో భారత్ ఒక్క టాస్ కూడా ఓడిపోలేదు. టాస్ గెలిచిన ప్రతిసారీ భారత్ బ్యాటింగ్ చేసింది. భారత్‌లో ఏ వేదికలో క్రికెట్ ఆడినా ఆఖరి రెండు రోజులు స్పిన్ ట్రాక్‌లు ఉంటారుు కాబట్టి... నాలుగో ఇన్నింగ్‌‌సలో ఆడాల్సిన ప్రమాదం తప్పేది. కానీ ఇంగ్లండ్‌తో తొలి టెస్టులో సీన్ రివర్స్ అరుుంది. ఒకవేళ ఈ మ్యాచ్‌లో భారత్ టాస్ గెలిచి ఉంటే ఫలితం మరోలా ఉండేది. అరుుతే టాస్ అనేది ఎవరి చేతుల్లోనూ ఉండదు. కాబట్టి ప్రతికూల పరిస్థితుల్లో ఎలా అనే అంశంపై భారత్ దృష్టి పెట్టాలి. నిజానికి టాస్ కలిసి రావడం ఒక్కటే కాదు... ఇంగ్లండ్ అన్ని విభాగాల్లోనూ అద్భుతంగా ఆడింది.
 అందరూ ఫామ్‌లో...
 ఇంగ్లండ్ జట్టు ఈ సిరీస్ కోసం 19 ఏళ్ల కుర్రాడు హమీద్‌ను తీసుకొచ్చింది. తను స్పిన్ బాగా ఆడతాడనే కారణంతోనే చిన్న వయసులోనే అరంగేట్రం చేరుుంచారు. తనకు లభించిన అవకాశాన్ని ఆ కుర్రాడు అద్భుతంగా వినియోగించుకున్నాడు. రెండు ఇన్నింగ్‌‌సలోనూ ఆకట్టుకున్నాడు. ఇక కుక్ కూడా భారత్‌లో తనకు అలవాటైన ఆటతీరుతో అదరగొట్టాడు. ముఖ్యంగా రెండో ఇన్నింగ్‌‌సలో ఆఖరి రోజు పిచ్‌పై సెంచరీని పూర్తి చేసుకున్నాడు. జో రూట్ మరోసారి తన విలువను నిరూపించుకుంటే... మొరుున్ అలీ ఉపఖండంలో సరిగా ఆడలేడనే అపప్రదను తొలగించుకున్నాడు. ఆల్‌రౌండర్ స్టోక్స్ బ్యాటింగ్ కూడా కొంత ఆశ్చర్యపరిచింది. ఓవరాల్‌గా ఇంగ్లండ్ బ్యాట్స్‌మెన్ అందరూ మంచి ఫామ్‌లో కనిపిస్తున్నారు. ఎలాంటి పిచ్‌పై అరుునా అశ్విన్ బౌలింగ్‌ను ఆడటం అంత సులభం కాదు. కానీ ఈ మ్యాచ్‌లో అశ్విన్ బౌలింగ్‌లో అలవోకగా పరుగులు చేశారు. ఇంగ్లండ్ స్పిన్నర్లు కూడా ఆశించిన రీతిలో బౌలింగ్ చేశారు. ముఖ్యంగా ఆదిల్ రషీద్ బాగా ఆకట్టుకున్నాడు. అనుభవం లేకపోరుునా జఫర్ అన్సారీ... ఎంతో కొంత అనుభవం ఉన్న మొరుున్ అలీ కూడా బాగా బౌలింగ్ చేశారు. స్పిన్ బాగా ఆడతారనే పేరున్న భారత బ్యాట్స్‌మెన్‌నే ఈ స్పిన్ త్రయం వణికించింది.
 మన కూర్పు సంగతేంటి?
 నిజానికి తొలి టెస్టుకు తుది జట్టు ఎంపికలో భారత్ సరైన వ్యూహం అవలంభించలేదనే భావించాలి. ముగ్గురు స్పిన్నర్లు పనికొచ్చే పిచ్ మీద ఆడుతున్నప్పుడు పేసర్లకు పెద్దగా పని ఉండదు. అలాంటప్పుడు హార్దిక్ పాండ్యాను తుది జట్టులోకి తీసుకుని ఉంటే బ్యాటింగ్ విభాగం కూడా మరింత బలంగా కనిపించేది. ఆట పరంగా తొలి టెస్టులో భారత్‌కు కూడా కొన్ని సానుకూల అంశాలు ఉన్నారుు. విజయ్, పుజారా తొలి ఇన్నింగ్‌‌సలో అద్భుతంగా ఆడారు. రెండో ఇన్నింగ్‌‌సలో కోహ్లి ప్రతికూల పరిస్థితుల్లో తన శైలికి భిన్నంగా నాణ్యమైన టెస్టు ఆటతీరు కనబరిచాడు. రహానే రెండు ఇన్నింగ్‌‌సలోనూ విఫలమైనా... తను నైపుణ్యం ఉన్న క్రికెటర్ కాబట్టి ఆందోళన చెందాల్సిన అవసరం లేదు. ఇక అశ్విన్ బ్యాటింగ్ ఈ మ్యాచ్‌లో అత్యద్భుతం. ఆల్‌రౌండర్ అనే పదానికి తను అర్హుడని గతంలోనే నమ్మకం కుదిరినా... ఈ మ్యాచ్‌లో బ్యాటింగ్ ద్వారా తన స్థారుుని మరింత పెంచుకున్నాడు. ఓవరాల్‌గా ఆటతీరు పరంగా భారత్‌ను పెద్దగా ఇబ్బంది పెట్టే అంశాలు లేవు. అరుుతే రెండో ఇన్నింగ్‌‌సలో ప్రతికూల పరిస్థితుల్లో మనవాళ్లు పడ్డ తడబాటు ఇంగ్లండ్ జట్టు ఆత్మవిశ్వాసాన్ని పెంచుతుందనడంలో సందేహం లేదు.
 స్పిన్ పిచ్‌లే పరిష్కారమా?
 నిజానికి భారత్‌లో టెస్టు అంటే నాలుగో రోజు ఉదయం సెషన్ నుంచే బంతి గిర్రున తిరగాలి. కానీ ఈసారి రాజ్‌కోట్‌లో బంతి కాస్త ఆలస్యంగా తిరగడం మొదలైంది. ఐదో రోజు ఆఖరి సెషన్‌లో బాగా ప్రభావం కనిపించింది. రాజ్‌కోట్‌లో జరిగిన తొలి టెస్టు కావడం వల్ల ఆ రాష్ట్ర సంఘం పెద్దగా రిస్క్ తీసుకుని ఉండకపోవచ్చు. అందుకే తొలి మూడు రోజులు పూర్తిగా బ్యాటింగ్‌కు అనుకూలించేలా ట్రాక్‌ను రూపొందించారు. నిజానికి భారత బలం స్పిన్. కాబట్టి పూర్తిగా స్పిన్ ట్రాక్‌లు వేసి మూడో రోజు నుంచే బంతి తిరుగుతుంటే మనకు అనుకూలంగా ఫలితాలు రావచ్చు. కాబట్టి రాబోయే నాలుగు టెస్టులకు స్పిన్ ట్రాక్‌లు సిద్ధం చేయాలనే ఆదేశాలు ఇప్పటికే వెళ్లి ఉండొచ్చు. రెండో టెస్టు జరిగే వైజాగ్ ఇటీవల కాలంలో స్పిన్నర్లకు స్వర్గధామంలా మారింది. ముఖ్యంగా న్యూజిలాండ్‌తో జరిగిన ఆఖరి వన్డే చూస్తే ఈ పిచ్‌పై స్పిన్నర్లు తప్ప మాట్లాడటానికి మరో అంశం ఉండదు. ఒకవేళ అదే తరహా పిచ్ వైజాగ్‌లో ఈ టెస్టుకు ఎదురైతే భారత్ అసలు బలమేంటో బయటకు వస్తుంది. ఒకవేళ అలాంటి వికెట్ ఎదురైనా ఇంగ్లండ్ గెలవడమో, డ్రా చేసుకోవడమో చేసిందంటే... భారత్ తీవ్రమైన ఒత్తిడిలోకి వెళ్లడం ఖాయం. ఏమైనా రెండో టెస్టుకు ముందు భారత్ మరింత కష్టపడాలి. అటు వ్యూహాల్లో, ఇటు ఆటతీరులోనూ మార్పులు చేసుకోవాలి. లేకపోతే... నాలుగేళ్ల క్రితం నాటి పరాభవాన్ని మళ్లీ చూడాల్సి వస్తుంది. 
 ఇంగ్లండ్‌కు సౌలభ్యం...
 జట్టు కూర్పు విషయంలో మనతో పోలిస్తే ఇంగ్లండ్‌కు మరింత సౌలభ్యత ఉంది. ముగ్గురు పేసర్లు, ముగ్గురు స్పిన్నర్లతో బరిలోకి దిగే అవకాశం ఉండటం... ఈ ఆరుగురిలో ఇద్దరు నిఖార్సైన ఆల్‌రౌండర్లు కావడం వల్ల జట్టు కూర్పు విషయంలో ఆ జట్టు భారత్‌తో పోలిస్తే మెరుగ్గా ఉంది. ఇక రెండో టెస్టుకు అండర్సన్ అందుబాటులోకి వస్తే ఆ జట్టు బౌలింగ్ మరింత బలపడుతుంది. వోక్స్ స్థానంలో అండర్సన్‌ను ఆడిస్తారు. అరుుతే కుక్‌ను బాగా ఆనందపరిచిన విషయం స్పిన్నర్ల ప్రదర్శన. ముఖ్యంగా భారత స్పిన్నర్లు బంతిని సరిగా స్పిన్ చేయలేకపోరుున పిచ్‌పై ఇంగ్లండ్ త్రయం ఆకట్టుకున్నారు. ఇది ఆ జట్టులో కొత్త ఉత్సాహాన్ని నింపింది.


 ఇంగ్లండ్‌తో తొలి టెస్టును ‘డ్రా’ చేసుకున్న భారత్  ఆఖరి వరకూ పోరాడిన కోహ్లి
 అండగా నిలిచిన అశ్విన్, జడేజా  రెండో టెస్టు 17 నుంచి వైజాగ్‌లో 
 లక్ష్యం పెద్దది... కాబట్టి గెలవడం సాధ్యం కాదు... 53 ఓవర్ల పాటు నిలబడితే మ్యాచ్‌ను డ్రా చేసుకోవచ్చు. తొలి ఇన్నింగ్‌‌సలో అందరూ బాగానే ఆడారు... అటు ఐదో రోజు ఉదయం సెషన్‌లో ఇంగ్లండ్ బ్యాట్స్‌మెన్ కూడా బాగా ఆడారు. కాబట్టి ఇది అసాధ్యమేమీ కాదు... ఇలాంటి స్థితిలో రెండో ఇన్నింగ్‌‌స మొదలుపెట్టిన భారత్... వరుసగా వికెట్లు కోల్పోతూ ఓ దశలో ఓటమి ప్రమాదంలో పడింది. నమ్ముకున్న బ్యాట్స్‌మెన్ అంతా నిరాశపరిచినా... అశ్విన్, జడేజాల సహకారంతో కోహ్లి పోరాడటంతో భారత్ గట్టెక్కింది. ఇంగ్లండ్‌తో తొలి టెస్టును డ్రా చేసుకుని టీమిండియా ఊపిరి పీల్చుకుంది. 
 రాజ్‌కోట్: పిచ్ చుట్టూ ఫీల్డర్ల మోహరింపు.... స్పిన్నర్లు వేసే బంతులను ఆడేందుకు బ్రేక్ డ్యాన్‌‌స చేసే బ్యాట్స్‌మెన్... భారత్‌లో జరిగే టెస్టు మ్యాచ్‌ల్లో ఆఖరి రోజు ఆటలో ఇలాంటి దృశ్యాలు కనిపించడం సాధారణమైపోరుుంది. ప్రత్యర్థిని స్పిన్‌తో ఉక్కిరిబిక్కిరి చేసి మ్యాచ్‌లు గెలవడం భారత్‌కు అలవాటుగా మారింది. అరుుతే ఈసారి సీన్ రివర్స్ అరుుంది. ఇంగ్లండ్ జట్టు సంచలన ఆటతీరుతో భారత్‌ను ఆఖరి నిమిషం వరకూ వణికించింది. భారత్‌కు అలవాటైన శైలిలో ఆడిన కుక్ సేన తొలి టెస్టును పూర్తి ఆధిపత్యంతో ‘డ్రా’ చేసుకుంది. సౌరాష్ట్ర క్రికెట్ సంఘం (ఎస్‌సీఏ) స్టేడియంలో జరిగిన ఈ మ్యాచ్‌లో ఆదివారం ఆఖరి రోజు 310 పరుగుల విజయలక్ష్యంతో బరిలోకి దిగిన భారత్... ఆట ముగిసే సమయానికి రెండో ఇన్నింగ్‌‌సలో 52.3 ఓవర్లలో ఆరు వికెట్లకు 172 పరుగులు చేసింది. కెప్టెన్ కోహ్లి (98 బంతుల్లో 49 నాటౌట్; 6 ఫోర్లు) చివరి దాకా పోరాడి మ్యాచ్‌ను డ్రా చేయగలిగాడు. అశ్విన్ (53 బంతుల్లో 32; 6 ఫోర్లు), రవీంద్ర జడేజా (33 బంతుల్లో 32 నాటౌట్; 6 ఫోర్లు) కెప్టెన్‌కు అండగా నిలబడ్డారు. ఇంగ్లండ్ స్పిన్నర్ రషీద్ మూడు వికెట్లు తీశాడు.
 అంతకుముందు ఇంగ్లండ్ రెండో ఇన్నింగ్‌‌సలో 75.3 ఓవర్లలో మూడు వికెట్లకు 260 పరుగుల వద్ద ఇన్నింగ్‌‌సను డిక్లేర్ చేసింది. ఇంగ్లండ్ ఓపెనర్, కెప్టెన్ కుక్ (243 బంతుల్లో 130; 13 ఫోర్లు) సెంచరీ సాధించగా... హమీద్ (177 బంతుల్లో 82; 7 ఫోర్లు, 1 సిక్సర్) ఆకట్టుకున్నాడు. ఈ ఇద్దరూ తొలి వికెట్‌కు ఏకంగా 180 పరుగులు జోడించడం విశేషం. స్టోక్స్ (29 నాటౌట్) కూడా రాణించాడు. భారత బౌలర్లలో అమిత్ మిశ్రాకు రెండు వికెట్లు లభించగా... అశ్విన్ ఒక వికెట్‌తో సంతృప్తి పడ్డాడు. తొలి ఇన్నింగ్‌‌స ఆధిక్యం 49 పరుగులు కలుపుకుని ఇంగ్లండ్‌కు మొత్తం 309 పరుగుల ఆధిక్యం లభించడంతో భారత్‌కు 310 పరుగుల లక్ష్యం ఎదురరుుంది. ఇంగ్లండ్ ఆల్‌రౌండర్ మొరుున్ అలీకి ‘మ్యాన్ ఆఫ్ ద మ్యాచ్’ అవార్డు లభించింది. ఐదు టెస్టుల సిరీస్‌లో రెండు జట్లు ప్రస్తుతం 0-0తో సమఉజ్జీగా ఉన్నారుు. రెండో టెస్టు ఈ నెల 17 నుంచి విశాఖపట్నంలో జరుగుతుంది.
 సెషన్ 1: ఓపెనర్ల జోరు
 ఇంగ్లండ్ ఓవర్‌నైట్ బ్యాట్స్‌మెన్ కుక్, హమీద్ నిలకడగా ఆడారు. 122 బంతుల్లో కుక్ అర్ధసెంచరీ పూర్తి చేసుకున్నాడు. ఓపెనర్లిద్దరూ అడపాదడపా బౌండరీలతో మంచి భాగస్వామ్యాన్ని నిర్మిస్తూ వెళ్లారు. ఓ ఎండ్‌లో కుక్ వేగం పెంచగా... రెండో ఎండ్‌లో హమీద్... మిశ్రా బౌలింగ్‌లో బౌలర్‌కే క్యాచ్ ఇచ్చి అవుటయ్యాడు. తన మరుసటి ఓవర్లోనే మిశ్రా... రూట్‌ను కూడా అవుట్ చేశాడు. రెండు వికెట్లు వెంటవెంటనే పడ్డా...కుక్ ఏ మాత్రం తడబడకుండా ఆడాడు. ఈ క్రమంలోనే 194 బంతుల్లో తన 30వ టెస్టు శతకం చేశాడు.
 ఓవర్లు: 29 పరుగులు: 97 వికెట్లు: 2
 సెషన్ 2: భారత్ తడబాటు
 లంచ్ తర్వాత కుక్ మరికొంత వేగం పెంచాడు. వేగంగా పరుగులు చేసే ప్రయత్నంలో అశ్విన్ బౌలింగ్‌లో లాంగాఫ్‌లో క్యాచ్ ఇచ్చి అవుటయ్యాడు. దీంతో ఇంగ్లండ్ వెంటనే ఇన్నింగ్‌‌సను డిక్లేర్ చేసింది. భారత్ రెండో ఇన్నింగ్‌‌స  రెండో ఓవర్లోనే వోక్స్ బౌలింగ్‌లో గంభీర్ సున్నాకే అవుటయ్యాడు. తొలి మూడు ఓవర్ల పాటు భారత్ ఒక్క పరుగు కూడా చేయలేదు. పుజారా, విజయ్ ఇద్దరూ ఆత్మరక్షణ ధోరణిలో ఆడారు. 13 పరుగుల వద్ద విజయ్, 10 పరుగుల వద్ద పుజారా ఇచ్చిన క్యాచ్‌లను ఇంగ్లండ్ ఫీల్డర్లు వదిలేశారు.   పుజారా అవుట్ కావడంతో ఇంగ్లండ్ ఈ సెషన్‌లోనూ ఆధిపత్యం ప్రదర్శించింది.
 ఓవర్లు: 27.3 పరుగులు: 98 వికెట్లు: 3
 
 సెషన్ 3: ఆఖర్లో ఉత్కంఠ
 టీ తర్వాత ఐదో ఓవర్లో విజయ్‌ను కూడా రషీద్ అవుట్ చేశాడు. ఆ తర్వాతి ఓవర్లోనే రహానే కూడా అలీ బౌలింగ్‌లో బౌల్డయ్యాడు. దీంతో కోహ్లి, అశ్విన్ కలిసి మరింత జాగ్రత్తగా ఆడారు. ఉన్నంతసేపు స్పెషలిస్ట్ బ్యాట్స్‌మన్ కంటే నిలకడగా ఆడిన అశ్విన్... అన్సారీ బౌలింగ్‌లో రూట్‌కు క్యాచ్ ఇచ్చి అవుటయ్యాడు. సాహా రెండు ఫోర్లు కొట్టినా రషీద్ బౌలింగ్‌లో అతనికే క్యాచ్ ఇచ్చి వెనుదిరిగాడు. దీంతో భారత్ ఆరో వికెట్ కోల్పోరుుంది. అప్పటికి మరో 26 నిమిషాల ఆట మిగిలి ఉంది. ఈ దశలో కోహ్లి జతగా వచ్చిన జడేజా బాగా ఆడాడు. నిజానికి ఈ సమయంలో మరో వికెట్ పడితే మ్యాచ్ చేజారేదే. అరుుతే జడేజా, కోహ్లి ద్వయం కలిసి ఆ ప్రమాదం జరగకుండా చేసుకున్నారు. ఆఖరి ఓవర్‌లో మూడు బంతులు వేశాక ఇక ఫలితం రాదు కాబట్టి ఇరు జట్ల కెప్టెన్లు మ్యాచ్‌ను డ్రాగా ముగించేందుకు అంగీకరించారు.
 ఓవర్లు: 34.3 పరుగులు: 123 వికెట్లు: 4
 ► 5   భారత్‌లో కుక్ చేసిన సెంచరీలు. భారత్‌లో అత్యధిక సెంచరీలు చేసిన విదేశీ ఆటగాడిగా కుక్ రికార్డు సృష్టించాడు.
 ► 12   మ్యాచ్ మూడో ఇన్నింగ్‌‌సలో కుక్ చేసిన సెంచరీల సంఖ్య. సంగక్కర రికార్డును సమం చేశాడు. అలాగే ఇంగ్లండ్ తరఫున అత్యధిక సెంచరీలు చేసిన కెప్టెన్‌గా గూచ్ (11) పేరిట ఉన్న రికార్డును అధిగమించాడు.
 ► 12   స్వదేశంలో వరుసగా 12 విజయాల తర్వాత భారత్ ఓ మ్యాచ్‌ను డ్రా చేసుకుంది. చివరిసారిగా 2012లో ఇంగ్లండ్ జట్టుతో డ్రా తర్వాత భారత్ ఇక్కడ ఆడిన అన్ని మ్యాచ్‌లూ గెలిచింది.
 ► 5   ఏడాదిలో వెరుు్య పరుగులు పూర్తి చేయడం కుక్‌కు ఇది ఐదోసారి. సచిన్ (6) తర్వాత స్థానంలో కుక్ ఉన్నాడు. హేడెన్, పాంటింగ్, సంగక్కర, లారా, కలిస్ కూడా ఐదు సార్లు ఏడాదిలో వెరుు్య పరుగులు చేశారు.


 ఆఫ్ స్పిన్నర్ హర్భజన్ సింగ్ 
 న్యూఢిల్లీ: ఏ బౌలర్‌కై నా కఠినమైన పిచ్‌లపై బౌలింగ్ చేస్తేనే అసలు మజా ఉంటుందని సీనియర్ ఆఫ్ స్పిన్నర్ హర్భజన్ సింగ్ అభిప్రాయపడ్డాడు. ఇంగ్లండ్‌తో జరుగుతున్న తొలి టెస్టు తొలి రోజు ఆటలో భారత బౌలింగ్ తీరుపై తను స్పందించాడు. స్పిన్నర్ అశ్విన్ 46 ఓవర్లు వేసి 167 పరుగులు ఇచ్చిన విషయం తెలిసిందే. ‘ట్రాక్ మనకు సవాల్ విసురుతున్నప్పుడు బౌలింగ్ చేయడంలోనే మజా ఉంటుంది. ఈ పరిస్థితిలో లైన్ అండ్ లెంగ్‌‌తకు కట్టుబడి విభిన్నంగా బంతులు వేసేందుకు ప్రయత్నించాలి. ఇక్కడ వికెట్లు తీసేందుకు పడే కష్టంతోనే ఓ బౌలర్‌లోని నైపుణ్యం అంతా బయటపడుతుంది.
 
 రూట్, స్టోక్స్, మొరుున్ అలీ అద్భుత ఆటగాళ్లు. ఇప్పటిదాకా యువ జట్టుతో కూడిన ఇంగ్లండ్ మెరుగ్గానే ఆడింది. అరుునా టెస్టు ఇంకా ప్రారంభంలోనే ఉంది. అప్పుడే భారత బౌలర్లను తీసివేయలేం. రెండో ఇన్నింగ్‌‌సలో అశ్విన్, జడేజా రాణిస్తారనే అనుకుంటున్నాను. నాకై తే మన జట్టు 3-0తో సిరీస్ గెలుస్తుందనే అనిపిస్తోంది’ అని హర్భజన్ అన్నాడు. అలాగే భారత టెస్టు జట్టు తరఫున తాము సృష్టించిన రికార్డులను అశ్విన్, జడేజా అధిగమిస్తే సంతోషమేనని చెప్పాడు.


 భారత్ బలం... ఇంగ్లండ్ బలహీనతా ఇదే
 ముగ్గురు స్పిన్నర్లతో బరిలోకి కోహ్లి సేన  
  
 మిగిలిన అన్ని జట్లతో పోలిస్తే భారత్ ఏ జట్టుకై నా టెస్టుల్లో జవాబు బాకీ ఉందంటే అది ఇంగ్లండ్‌కే. భారత్‌కు స్వదేశంలో ఓటమిని రుచి చూపించిన ఇంగ్లండ్ ఎనిమిదేళ్లుగా పైచేరుు సాధిస్తూనే ఉంది. అందుకే ఈసారి దీనిని ప్రతీకార సిరీస్‌గా భావిస్తున్నారు. దీనిని దృష్టిలో ఉంచుకుని రెండో ఆలోచన లేకుండా... ఐదు టెస్టులు జరగబోయే వేదికలన్నింటిలోనూ స్పిన్ పిచ్‌లు సిద్ధం చేయబోతున్నారు. మన బలం, ఇంగ్లండ్ బలహీనతా స్పిన్. తాజాగా బంగ్లాదేశ్‌తో జరిగిన రెండో టెస్టులో ఒకే సెషన్‌లో స్పిన్నర్లకు పది వికెట్లు ఇచ్చేసిన ఇంగ్లండ్ ఈ స్పిన్ గుండంలో చిక్కుకోకుండా గట్టెక్కాలంటే తమ స్థారుుకి మించి ఆడాల్సి ఉంటుంది. ఇటు మన స్పిన్ త్రయం కుక్ సేనను చుట్టేసేందుకు సిద్ధమవుతుంటే... అటు ఇంగ్లండ్ నాణ్యమైన స్పిన్నర్ లేక తలపట్టుకుంది.  
  
 క్రీడావిభాగం : యుద్ధమైనా, ఆటైనా... మన బలం ఏంటో తెలుసుకుని బరిలోకి దిగిన వాడు గట్టిగా నిలబడతాడు. ప్రత్యర్థి బలహీత కూడా తెలిసిన వాడు విజయం సాధిస్తాడు. ఇంగ్లండ్‌తో సిరీస్‌కు ముందు భారత బృందం కూడా ఇలాగే ఆలోచించింది. వారి బలహీతను దృష్టిలో ఉంచుకుని పిచ్‌లు తయారు చేరుుస్తోంది. జట్టు ఎంపికలో కూడా స్పిన్నర్లకు ప్రాధాన్యత ఇచ్చారు. ముగ్గురు స్పిన్నర్లతో ప్రతిసారీ జట్టును ఎంపిక చేసే సెలక్టర్లు ఈసారి నలుగురితో జట్టును ప్రకటించారు. ముగ్గురు స్పిన్నర్లతో బరిలోకి దిగేందుకు వీలుగా, ఆ సమీకరణానికి తగ్గట్లుగా వనరులను అందుబాటులోకి తెచ్చారు. ఈ సిరీస్ అంతటా దాదాపుగా ప్రతి మ్యాచ్‌లోనూ భారత్ ముగ్గురు స్పిన్నర్లతో ఆడే అవకాశం ఉంది. రెండో పేసర్‌గా ఆల్‌రౌండర్ హార్ధిక్ పాండ్యా ఉంటాడు కాబట్టి ముగ్గురు స్పిన్నర్లతో ఆడినా జట్టు సమీకరణం సరిగ్గా కుదరొచ్చు.
 
 అప్పట్లో అజహర్...
 ఇంగ్లండ్‌పై గెలవాలంటే ముగ్గురు స్పిన్నర్లతో ఆడటమే ఉత్తమం అని 1992-93 సీజన్‌లోనే అజహరుద్దీన్ చూపించాడు. కుంబ్లే (లెగ్ స్పిన్), రాజేశ్ చౌహాన్ (ఆఫ్ స్పిన్), వెంకటపతి రాజు (లెఫ్టార్మ్ స్పిన్)లతో ముగ్గురు స్పిన్నర్లను రంగంలోకి దించి, గూచ్ నేతృత్వంలోని ఇంగ్లండ్‌ను 3-0తో క్లీన్ స్వీప్ చేశారు. ఈసారి కూడా భారత్‌కు సరిగ్గా అలాంటి కూర్పు దొరికింది. ఆ ముగ్గురు స్పిన్నర్ల తర్వాత మళ్లీ అలాంటి కూర్పే దొరకడం కూడా ఇప్పుడే. ఈసారి అశ్విన్ (ఆఫ్ స్పిన్), జడేజా (లెఫ్టార్మ్ స్పిన్), అమిత్ మిశ్రా (లెగ్ స్పిన్) రూపంలో మూడు రకాల బౌలర్లు అందుబాటులో ఉన్నారు. కాబట్టి మరోసారి అజహర్ తరహా వ్యూహంతో ఇంగ్లండ్‌ను చుట్టేయాలనేది భారత జట్టు ఆలోచన.
 
 హోమ్‌వర్క్ చేశారు
 న్యూజిలాండ్‌తో టెస్టు సిరీస్ తర్వాత భారత బృందం అశ్విన్, జడేజాలకు విశ్రాంతి ఇచ్చింది. కివీస్‌తో వన్డే సిరీస్ ముఖ్యమే అరుునా ఈ ఇద్దరూ ఇంగ్లండ్‌తో సిరీస్‌కు తాజాగా బరిలోకి దిగాలనేది జట్టు ఆలోచన. ఈ సిరీస్‌కు భారత్ ఎంత ప్రాముఖ్యత ఇచ్చిందనే దానికి ఇదే నిదర్శనం. ఈ ఇద్దరు స్పిన్నర్లు కూడా విశ్రాంతి సమయంలో ఖాళీగా కూర్చోలేదు. అశ్విన్ ఓ కొత్త తరహా బంతి కోసం ప్రయత్నం చేశాడు. అలాగే ఇంగ్లండ్ బ్యాట్స్‌మెన్ వీడియోలు చూశాడు. ముఖ్యంగా కుక్, రూట్ ఇద్దరే ఇంగ్లండ్‌కు కీలకం కాబట్టి, ఈ ఇద్దరిపై అశ్విన్ ఎక్కువగా దృష్టి కేంద్రీకరించాడని సమాచారం. ఇక జడేజా కూడా పూర్తి స్థారుులో ఈ సిరీస్ కోసం హోమ్‌వర్క్ చేశాడు. ఈ ఇద్దరితో పాటు అమిత్ మిశ్రా కూడా తుది జట్టులో ఉండే అవకాశం ఉంది. న్యూజిలాండ్‌తో వన్డే సిరీస్‌లో ప్రదర్శన, ముఖ్యంగా వైజాగ్ వన్డేలో తీసిన ఐదు వికెట్లు అమిత్ మిశ్రా ఆత్మవిశ్వాసాన్ని పెంచి ఉంటాయనడంలో సందేహం లేదు. కాబట్టి భారత్ తమ ‘స్పిన్’ అస్త్రంతో  పూర్తి స్థారుులో సిద్ధంగా ఉంది. ఒకవేళ ఈ ముగ్గురిలో గాయం లేదా మరేదైనా కారణంతో ఎవరైనా అందుబాటులో లేకపోతే నాలుగో స్పిన్నర్‌గా జయంత్ యాదవ్ అందుబాటులో ఉన్నాడు.
  
 నాలుగేళ్లలో మారిపోరుుంది
 ఇంగ్లండ్ జట్టు 2012లో భారత్‌లో పర్యటించే సమయంలోనూ స్పిన్ గురించి ఇలాంటి చర్చే జరిగింది. అరుుతే ఆ సిరీస్‌ను అనూహ్యంగా గెలుచుకుంది. అప్పటి లైనప్‌తో పోలిస్తే ఇప్పుడు రెండు జట్లలోనూ మార్పులు వచ్చారుు. నాలుగేళ్ల క్రితం అశ్విన్ జట్టులో ఉన్నాడు. నాలుగు టెస్టుల్లో కలిసి 14 వికెట్లు తీశాడు. నాడు భారత్‌కు మరో స్పిన్నర్ ప్రజ్ఞాన్ ఓజా. తను ఆ సిరీస్‌లో 20 వికెట్లు తీశాడు. అరుుతే ఈ ఇద్దరూ ఆశించిన స్థారుులో వేగంగా వికెట్లు తీయలేకపోయారు. ఇదే సమయంలో అటు ఇంగ్లండ్ స్పిన్నర్లు మనవాళ్లకంటే మెరుగైన ప్రదర్శన కనబరిచారు. స్వాన్ 20, పనేసర్ 17 వికెట్లు తీశారు. నిజానికి భారత్ స్పిన్నర్లు, ఇంగ్లండ్ స్పిన్నర్లు సమానంగా వికెట్లు తీసినా... కీలక సమయంలో, విజయానికి అవసరమైన వికెట్లు తీయడంతో ఇంగ్లండ్ స్పిన్నర్లు సక్సెస్ సాధించారు. అరుుతే ఈ నాలుగేళ్లలో పరిస్థితి మారింది. అశ్విన్ ఇప్పుడు ఓ డైనమైట్‌లా తయారయ్యాడు. మిగిలిన ఇద్దరూ ఫామ్‌లో ఉన్నారు. అటు ఇంగ్లండ్ మాత్రం గ్రేమ్ స్వాన్ రిటైరైన తర్వాత మరో నాణ్యమైన స్పిన్నర్‌ను వెతకడంలో విఫలమైంది. పనేసర్ కూడా కనుమరుగయ్యాడు. ప్రస్తుతం తుది జట్టులో ఉంటారని భావిస్తున్న స్పిన్నర్లకు పెద్దగా అనుభవం లేకపోవడం కూడా ఇంగ్లండ్‌కు కొంత మేరకు ప్రతికూలం.
 
 ఇంగ్లండ్ పరిస్థితి ఏమిటంటే...
 ఇంగ్లండ్ కూడా పిచ్ స్వభావాన్ని బట్టి అవసరమైతే ముగ్గురు స్పిన్నర్లతో బరిలోకి దిగడానికి సిద్ధమై వచ్చింది. ఆ జట్టుకు ప్రధాన స్పిన్నర్ మొరుున్ అలీ. తను తొలుత బ్యాట్స్‌మన్‌గానే కెరీర్ ప్రారంభించాడు. కాబట్టి వారికి ఆల్‌రౌండర్‌గా తన సేవలు అందుబాటులో ఉంటారుు. దీంతో జట్టు కూర్పు విషయంలో వారు పెద్దగా ఆలోచించాల్సిన పనిలేదు. అరుుతే ప్రస్తుతం మొరుున్ అలీ ఫామ్ అంతగా బాగోలేదు. బంగ్లాదేశ్‌తో రెండు టెస్టుల సిరీస్‌లో తను 11 వికెట్లు తీశాడు. ఒక ఇన్నింగ్‌‌సలో ఐదు వికెట్లు సాధించాడు. అరుుతే ఢాకాలో పూర్తి స్థారుులో స్పిన్‌కు అనుకూలించిన పిచ్‌పై తను విఫలమయ్యాడు. అలాగే లెగ్ స్పినర్ ఆదిల్ రషీద్ కూడా ఇంగ్లండ్ ప్రణాళికల్లో కీలకం. తను కూడా బంగ్లాదేశ్‌లో విఫలమయ్యాడు. తను రెండు టెస్టుల్లో ఏడు వికెట్లు మాత్రమే తీశాడు. ఇక బంగ్లాదేశ్‌లో అరంగేట్రం చేసిన జఫర్ అన్సారీ లెఫ్టార్మ్ స్పిన్నర్. తన తొలి మ్యాచ్‌లో స్పిన్ వికెట్‌పై పెద్దగా ప్రభావం చూపలేకపోయాడు. అరుుతే తను కూడా ఆల్‌రౌండర్ కావడం కొంత మేరకు ఇంగ్లండ్‌కు అదనపు బలం. ఓవరాల్‌గా ఇంగ్లండ్ కూడా భారత్ తరహాలో మూడు రకాల స్పిన్నర్లతో బరిలోకి దిగుతుంది.  అరుుతే ఈ ముగ్గురూ పూర్తి స్థారుులో ఫామ్‌లో లేకపోవడం ఆందోళన కలిగించే అంశం. వీరితో పాటు హసీబ్ అహ్మద్ రూపంలో మరో లెగ్‌స్పిన్నర్ అందుబాటులో ఉన్నాడు. డకెట్, బ్యాటీ కూడా స్పిన్‌లో సహకరించలగులుతారు.
 
 భారత బ్యాట్స్‌మెన్‌ను తమకు ఉన్న స్పిన్ వనరులతో నియంత్రించడం కష్టం అని ఇంగ్లండ్‌కు తెలుసు. అందుకే ఈ సిరీస్ కోసం ప్రత్యేకంగా పాకిస్తాన్ మాజీ దిగ్గజం సక్లైన్ ముస్తాక్‌ను సలహాదారుగా పిలిపించుకున్నారు. తనకు కేవలం 15 రోజుల వీసా లభించడంతో తొలి మూడు టెస్టుల వరకూ అందుబాటులో ఉంటాడు. గతంలో కూడా అడపాదడపా ఉపఖండంలో సిరీస్‌లకు ఇలా పాత తరం స్పిన్నర్లను సలహాదారుగా వాడుకున్నారు. ఇటీవల పాకిస్తాన్‌తో యూఏఈలో జరిగిన సిరీస్‌లోనూ సకై ్లన్ ఇంగ్లండ్ జట్టుతో పాటు పని చేశారు. ఆ సిరీస్‌లో కొంత వరకు ఫలితం సాధించగలిగారు. మరి భారత గడ్డపై ఇంగ్లండ్ స్పిన్నర్లు ఏ మేరకు రాణిస్తారో చూడాలి. వాళ్ల రాణింపుపైనే ఈ సిరీస్ ఫలితం ఆధారపడి ఉంటుంది.


 అమిత్ మిశ్రా... నిజానికి అంతర్జాతీయ క్రికెట్‌లోకి ధోని కంటే ముందు వచ్చాడు. దాదాపు 13 ఏళ్ల క్రితం తను తొలి వన్డే ఆడాడు. కానీ ఇప్పటికీ అతను ఆడిన వన్డేల సంఖ్య 36. అలా అని తనేమైనా ఫెరుులయ్యాడా?అంటే లేదు. 4.72 ఎకానమీతో పొదుపుగా బౌలింగ్ చేయడంతో పాటు 64 వికెట్లు తీశాడు. మరో 15 రోజుల్లో తనకు 34 ఏళ్లు నిండుతారుు. నిజానికి ఇది ఓ క్రికెటర్ రిటైర్‌మెంట్‌కు దగ్గరైన వయసు. కానీ మిశ్రా అలా కనిపించడం లేదు. రోజు రోజుకూ మరింత చురుగ్గా తయారవుతున్నాడు. ఒక రకంగా సుదీర్ఘ కెరీర్‌లో తన నైపుణ్యానికి తగిన గుర్తింపు మిశ్రాకు దక్కలేదు.
 అనిల్ కుంబ్లే రిటైరైన తర్వాత మారిన పరిణామాలు, కూర్పులతో మరో లెగ్ స్పిన్నర్‌కు తుది జట్టులో చోటు దక్కడం కష్టమైంది. ఆఫ్ స్పిన్నర్ అశ్విన్, ఆల్‌రౌండర్‌గా జడేజా లేదా మరో స్పిన్ ఆల్‌రౌండర్ కారణంగా లెగ్ స్పిన్నర్‌కు అవకాశం లేకపోరుుంది. నిజానికి ఈ సిరీస్‌లోనూ అశ్విన్‌కు విశ్రాంతి ఇవ్వకపోరుు ఉంటే మిశ్రా తుది జట్టులో ఉండేవాడు కాదేమో. ఇంతటి క్లిష్ట స్థితిలో కూడా తనకు లభించిన ప్రతి చిన్న అవకాశాన్నీ సద్వినియోగం చేసుకుంటున్న మిశ్రాకు ఇంతకాలానికై నా గుర్తింపు లభించింది. కానీ మిశ్రా రాబోయే మ్యాచ్‌ల్లో కూడా తుది జట్టులో ఉంటాడా అనేదే అసలు ప్రశ్న.
 
 సాక్షి క్రీడావిభాగం  షేన్ వార్న్, అనిల్ కుంబ్లే రిటైరైన తర్వాత అంతర్జాతీయ క్రికెట్‌లో లెగ్ స్పిన్నర్ల వైభవం కాస్త తగ్గిందనే చెప్పుకోవాలి. కానీ మొహాలీ వన్డేలో టేలర్, రోంచీ అవుటైన బంతులు, విశాఖపట్నంలో నీషమ్ అవుటైన బంతిని చూస్తే లెగ్ స్పిన్ కళను మిశ్రా బతికిస్తున్నాడని అనిపించింది. ఈ మూడు బంతులూ అద్భుతాలే. న్యూజిలాండ్‌తో వన్డే సిరీస్ తర్వాత మరోసారి అమిత్ మిశ్రా గురించి చర్చ మొదలైంది. వైజాగ్ వన్డేలో తను ఐదు వికెట్లు తీయడం ద్వారా... స్పిన్‌కు సహకరించే పిచ్‌లపై తన అవసరం ఎంత ఉందో మరోసారి చూపించాడు. రాబోయే ఇంగ్లండ్ సిరీస్‌లో భారత్ ముగ్గురు స్పిన్నర్లతో ఆడితే మిశ్రా కచ్చితంగా తుది జట్టులో ఉంటాడు. ఒకవేళ ఇద్దరు స్పిన్నర్లే చాలనుకుంటే మరోసారి బెంచ్‌కే పరిమితం కావలసి వస్తుందేమో అనే ఆందోళన ఉంది. అరుుతే వన్డేల్లో ప్రదర్శన ద్వారా తను కచ్చితంగా టెస్టుల్లో తుది జట్టులోనూ రేసులోకి వచ్చాడు.
 వికెట్ల స్పెషలిస్ట్
 జట్టుకు అవసరమైన సందర్భంలో వికెట్ తీయాలంటే మిశ్రా ఉండాలి. ‘మిశ్రాకు బంతి ఇస్తే కచ్చితంగా వికెట్ తీస్తాడు’ అన్ని స్థారుుల క్రికెట్‌లోనూ తనకు ఈ పేరు ఉంది. వన్డేల్లో మధ్య ఓవర్లలో బ్యాట్స్‌మెన్ భారీ షాట్లకు వెళ్లకుండా నెమ్మదిగా ఆడే సమయంలో వికెట్లు తీయడంలో తను నిపుణుడు. 2014లో బంగ్లాదేశ్‌లో జరిగిన టి20 ప్రపంచకప్‌లో మిశ్రా 10 వికెట్లు తీశాడు. అశ్విన్ 11 వికెట్లు తీయగా... రెండో స్థానం మిశ్రాదే. కానీ రెండేళ్ల పాటు తనకు మరో టి20 మ్యాచ్ ఆడే అవకాశం రాలేదు. స్వదేశంలో జరిగిన టోర్నీలోనూ తనను తీసుకోలేదు. జింబాబ్వేలో ద్వితీయశ్రేణి ఆటగాళ్లతో సిరీస్ ఆడిన సమయంలో మాత్రమే తనకు మళ్లీ అవకాశం వచ్చింది. నిజానికి దీనికి ఎవరినీ తప్పుబట్టలేం. మిశ్రా ఫీల్డింగ్‌లో బాగా నెమ్మది. బ్యాటింగ్‌లోనూ లోయర్ ఆర్డర్‌లో పెద్దగా ఉపయోగపడడు. ఈ రెండు కారణాల వల్ల తను కాస్త వెనకబడ్డ మాట వాస్తవం. అందుకే గత ఏడాది కాలంలో తను ఈ రెండు అంశాలపై దృష్టి పెట్టాడు. ఇప్పుడు కాస్త మెరుగయ్యాడు. నిజానికి తన బ్యాటింగ్ ఇంకాస్త మెరుగుపడితే కచ్చితంగా తను తుది జట్టులో ఉంటాడు. తన కెరీర్‌లో మిశ్రా ఐదు వన్డేల సిరీస్‌లో పూర్తిగా ఐదు మ్యాచ్‌లు ఇప్పటికి రెండుసార్లు మాత్రమే ఆడాడు. రెండు సందర్భాల్లోనూ ఒకసారి 18 వికెట్లు, ఒకసారి 15 వికెట్లు తీశాడు. ఐదు మ్యాచ్‌ల సిరీస్‌లో భారత్ తరఫున అత్యధిక వికెట్ల రికార్డుల జాబితాలో తొలి రెండు స్థానాలు మిశ్రావే. ఈ గణాంకం చాలు... తనకు పూర్తి స్థారుులో అవకాశం లభిస్తే ఏం చేయగలడో చెప్పడానికి.
 ఆశావహ దృక్పథం...
 నిజానికి జట్టుతో పాటే తిరుగుతూ తుది జట్టులో అవకాశం రాకుండా నెలలు నెలలు గడపడం చాలా కష్టం. మ్యాచ్‌లో లేకపోరుునా పూర్తిగా ఫిట్‌నెస్‌తో ఉండాలి. ఎప్పుడు అవకాశం వచ్చినా కచ్చితంగా రాణించాలనే ఒత్తిడి ఉంటుంది. మానసికంగా కూడా ఇది చాలా కష్టం. అరుునా మిశ్రా నిరాశపడకుండా వేచి చూశాడు. ‘నా చేతుల్లో లేని అంశం గురించి నేనెప్పుడూ ఆలోచించను. నా ఫిట్‌నెస్‌ను, బ్యాటింగ్‌ను మెరుగుపరుచుకోవడమే నా చేతుల్లో ఉంది. అది తప్ప వేరే ఏదీ ఆలోచించను. అవకాశం వచ్చినప్పుడు నా పూర్తి సామర్థ్యంతో జట్టుకు ఉపయోగపడటమే క్రికెటర్‌గా నా లక్ష్యం’ అని మిశ్రా చెప్పాడు. ఆశావహ దృక్పథంతో ముందుకు వెళ్లడం వల్ల ఆత్మవిశ్వాసం కోల్పోకుండా ఇప్పటికీ అవకాశం దొరికిన ప్రతిసారీ మెరుస్తున్నాడు.
 అన్ని చోట్లా నిలకడ...
 కెరీర్ ఆరంభం నుంచి మిశ్రా ఫామ్‌లో లేడనో, సరిగా ఆడటం లేదనో మాట ఇప్పటివరకూ వినపడలేదు. రంజీల్లో హరియాణా జట్టుకు దశాబ్దానికి పైగా వెన్నెముకలా నిలిచాడు. అలాగే ఐపీఎల్‌లో మూడుసార్లు హ్యాట్రిక్ తీసిన ఒకే ఒక్క బౌలర్‌గా ఘనత సాధించాడు. భారత టెస్టు జట్టులోనూ ఏనాడూ నిరాశపరచలేదు. 2015లో శ్రీలంకలో జరిగిన సిరీస్‌లో ముగ్గురు స్పిన్నర్ల వ్యూహంతో ఆడాలని కోహ్లి భావించడం మిశ్రాకు కలిసొచ్చింది. ఆ సిరీస్‌లో అశ్విన్‌కు ధీటుగా రాణించి 15 వికెట్లు తీశాడు. అప్పటి నుంచి జట్టుతో పాటే ఉన్నా... తుది జట్టులో అవకాశాలు పెద్దగా రాలేదు. నిజానికి మిశ్రా టాలెంట్‌ను భారత్ పూర్తిగా ఉపయోగించుకోలేదు. వయసు దృష్ట్యా తను మహా అరుుతే మరో మూడు, నాలుగేళ్లు ఆడతాడేమో. కాబట్టి కెరీర్ చివరి దశలో అరుునా తనకు అవకాశాలు పెరిగితే... అది భారత క్రికెట్‌కే మేలు చేస్తుంది.
 కుంబ్లే ప్రోత్సాహం
 నిజానికి మిశ్రా కెరీర్ ఆలస్యం కావడానికి కుంబ్లే కూడా ఓ కారణం. కుంబ్లే బాగా ఆడుతున్న సమయంలోనే మిశ్రా కెరీర్ కూడా మొదలైంది. ఇద్దరు లెగ్ స్పిన్నర్లకు అవకాశం ఉండదు కాబట్టి సహజంగానే అవకాశాలు రాలేదు. 2008లో మొహాలీలో ఆస్ట్రేలియాతో టెస్టు మ్యాచ్ సందర్భంగా కుంబ్లే అనారోగ్యం కారణంగా మిశ్రాకు తొలిసారి టెస్టు మ్యాచ్ ఆడే అవకాశం లభించింది. ఆ మ్యాచ్‌లో తన తొలి ఇన్నింగ్‌‌సలోనే ఐదు వికెట్లు తీసి సత్తా చాటి ప్రపంచం దృష్టిని ఆకర్షించాడు. ఆ తర్వాత అదే సిరీస్‌లో తర్వాతి మ్యాచ్‌తోనే కుంబ్లే అంతర్జాతీయ క్రికెట్‌కు వీడ్కోలు పలికాడు. దీంతో మిశ్రాకు ఇక తిరుగులేదని భావించారు. కానీ మూడేళ్లలోనే పరిస్థితి మారిపోరుుంది. అశ్విన్ శకం మొదలైంది. అప్పటినుంచి ముగ్గురు స్పిన్నర్లు ఆడితే తప్ప మిశ్రాకు తుది జట్టులో చోటు లేని పరిస్థితి. ఇన్నాళ్ల తర్వాత మళ్లీ కుంబ్లే కోచ్‌గా డ్రెస్సింగ్‌రూమ్‌లోకి వచ్చాడు. ఒక లెగ్ స్పిన్నర్ బాధను మరో లెగ్ స్పిన్నర్ బాగా అర్థం చేసుకుంటాడన్నట్లు... మిశ్రా పరిస్థితి కోచ్‌కు అర్థమైంది. న్యూజిలాండ్‌తో టెస్టు సిరీస్‌లో మూడు మ్యాచ్‌లకూ మిశ్రా డ్రెస్సింగ్‌రూమ్‌కే పరిమితమయ్యాడు. ‘ఆందోళన వద్దు. నీకూ సమయం వస్తుంది’ అని కుంబ్లే ధైర్యం చెప్పాడట. కోచ్ సలహాలు తన బౌలింగ్ శైలిలోనూ మార్పులు తెచ్చాయని చెప్పాడు. ‘ఫీల్డర్లను ఎలా సెట్ చేసుకోవాలి, బంతుల్లో మార్పులు లాంటి విషయాలతో పాటు మానసికంగా దృఢంగా తయారు కావడానికి కుంబ్లే సలహాలు ఉపయోగపడ్డారుు. అలాగే బ్యాటింగ్‌లో మెరుగుపడటం ఎందుకు కీలకమో వివరించాడు. అనిల్ భాయ్ సలహాలు నాలో ఎంతో మార్పు తెచ్చారుు’ అని మిశ్రా చెప్పాడు.


 ఐసీసీ టెస్టు ర్యాంకింగ్‌‌
 దుబాయ్: ఐసీసీ టెస్టు ర్యాంకుల్లో అశ్విన్ జోరు కొనసాగుతోంది. జట్టు ర్యాంకుల్లో భారత్‌దే టాప్ ర్యాంకు కాగా... బౌలింగ్, ఆల్‌రౌండర్ ర్యాంకుల్లో రవిచంద్రన్ అశ్విన్ అగ్రస్థానంలోనే కొనసాగుతున్నాడు. 115 రేటింగ్ పారుుంట్లతో భారత్ టాప్ ర్యాంకులో ఉండగా, చిరకాల ప్రత్యర్థి పాకిస్తాన్ (111), ఆస్ట్రేలియా (108) వరుసగా రెండు, మూడు స్థానాల్లో ఉన్నారుు.
 
 ఇటీవల టెస్టు కెరీర్‌లో 200 వికెట్లు పడగొట్టిన అశ్విన్ 900 రేటింగ్ పారుుంట్లతో నంబర్‌వన్ ర్యాంకులో కొనసాగుతున్నాడు. స్టెరుున్ (దక్షిణాఫ్రికా, 878) రెండు, అండర్సన్ (ఇంగ్లండ్, 853) మూడో స్థానాల్లో ఉన్నారు. రవీంద్ర జడేజా (805) ఏడో ర్యాంకుతో టాప్-10లో కొనసాగుతున్నాడు. ఆల్‌రౌండర్ల ర్యాంకుల్లోనూ అశ్విన్‌దే టాప్ ర్యాంకు. జడేజా ఐదో స్థానంలో ఉన్నాడు.
  


 దుబాయ్: ఐసీసీ టెస్టు ర్యాంకింగ్స్లో టీమిండియా అగ్రస్థానాన్ని నిలబెట్టుకుంది. బౌలర్ల జాబితాలో భారత ఆఫ్ స్పిన్నర్ రవిచంద్రన్ అశ్విన్ నెంబర్ వన్ ర్యాంక్ను కాపాడుకున్నాడు. టెస్టు ర్యాంకింగ్స్ తాజా జాబితాను బుధవారం ఐసీసీ విడుదల చేసింది.
 
 భారత్ 115 రేటింగ్ పాయింట్లతో నెంబర్ వన్ స్థానంలో ఉండగా, పాకిస్థాన్ (111), ఆస్ట్రేలియా (108) రెండు, మూడు స్థానాల్లో నిలిచాయి. ఆ తర్వాత వరుసగా ఇంగ్లండ్, దక్షిణాఫ్రికా, శ్రీలంక, న్యూజిలాండ్, వెస్టిండీస్, బంగ్లాదేశ్ ఉన్నాయి.
 
 న్యూజిలాండ్తో సిరీస్లో రాణించిన 200 వికెట్ల క్లబ్లో చేరిన అశ్విన్ నెంబర్ వన్ ర్యాంక్లో కొనసాగుతున్నాడు. సౌతాఫ్రికా స్పీడ్స్టర్ డేల్ స్టెయిన్, ఇంగ్లండ్ బౌలర్ జేమ్స్ ఆండర్సన్ వరుసగా రెండు, మూడు స్థానాల్లో ఉన్నారు. ఆల్ రౌండర్ల జాబితాలోనూ అశ్విన్ టాప్లో ఉండగా, మరో భారత స్పిన్నర్ జడేజా ఐదో స్థానంలో నిలిచాడు. ఇక బ్యాట్స్మెన్ జాబితాలో భారత ఆటగాడు అజింక్యా రహానె ఆరో ర్యాంక్ సాధించాడు. పుజారా, విరాట్ కోహ్లీ వరుసగా 15, 17 స్థానాల్లో ఉన్నారు.
  


 సమష్టిగా రాణించిన భారత ఆటగాళ్లు
 కివీస్‌పై అన్ని రంగాల్లో ఆధిపత్యం
 మరో 10 టెస్టులకు రెడీ 
 
 సొంతగడ్డపై భారత జట్టు మళ్లీ తిరుగులేని ప్రదర్శనతో మరో సిరీస్‌ను తమ ఖాతాలో వేసుకుంది. న్యూజిలాండ్‌పై మూడు టెస్టుల్లోనూ కోహ్లి సేన సంపూర్ణ ఆధిపత్యం ప్రదర్శించింది. ఓవరాల్‌గా అశ్విన్ ప్రదర్శనతోనే మన జట్టు సిరీస్ గెలిచినట్లుగా కనిపిస్తున్నా... ఇతర బౌలర్లు, బ్యాట్స్‌మెన్ కూడా తమదైన కీలక పాత్ర పోషించారు. గత దక్షిణాఫ్రికా సిరీస్‌తో పోలిస్తే ఈ సారి పిచ్‌లపై పెద్దగా చర్చ జరగకపోవడం కూడా మరో మంచి పరిణామం. స్వదేశంలో వరుసగా మరో 10 టెస్టులు ఆడాల్సి ఉంది. భారత్‌లో క్రితం సారి ఆడినప్పుడు సిరీస్ నెగ్గిన ఇంగ్లండ్, వైట్‌వాష్‌కు గురైన  ఆస్ట్రేలియా జట్లు ఇక్కడ పర్యటించబోతున్నారుు. ఈ నేపథ్యంలో కివీస్‌తో క్లీన్‌స్వీప్ విజయం మన టీమ్ ఆత్మవిశ్వాసాన్ని అమాంతం పెంచేసిందనడంలో సందేహం లేదు. 
  
 సాక్షి క్రీడా విభాగం
 197 పరుగులు, 178 పరుగులు, 321 పరుగులు... న్యూజిలాండ్‌తో మూడు టెస్టుల్లో భారత్ గెలిచిన పరుగుల తేడా ఇది. తొలి టెస్టులో మొదటి రోజు కాస్త తడబడటం మినహా, ఎక్కడా మన జట్టు వెనుకంజ వేయలేదు. ముగ్గురు ఆటగాళ్లు గాయాలతో దూరమైనా, వారి స్థానంలో వచ్చినవారు తమ పాత్రను సమర్థంగా పోషించారు. ఫలితంగా ఆ ఆటగాళ్ల లోటు తెలియకపోగా, ఇక ముందు సుదీర్ఘ సీజన్‌లో ప్రత్యామ్నాయాలు అందుబాటులో ఉన్నాయని కూడా తెలిసింది. ‘ఇది టీమ్ గేమ్. ఇక్కడ ఎలా ఆడాలో మా ఆటగాళ్లు సరిగ్గా అలాగే ఆడారు. గణాంకాల్లో చూస్తే కొందరి ప్రదర్శన చిన్నగా కనిపించవచ్చు. కానీ మ్యాచ్‌లను గెలిపించడంలో వాటి పాత్ర ఎంతో ముఖ్యమైంది. వ్యక్తిగత ప్రదర్శనకంటే ఈ సిరీస్ విజయాన్ని జట్టు విజయంగానే చూడాలి’ అని కెప్టెన్ కోహ్లి వ్యాఖ్యానించడం ఈ సిరీస్‌లో సమష్టితత్వాన్ని చూపిస్తోంది.
  
 బౌలర్లు ముందుండి...
 భారత జట్టు బౌలింగ్ ప్రదర్శనలో నిస్సందేహంగా అశ్విన్‌కు నూటికి నూరు మార్కులు పడతారుు. మూడు సార్లు ఇన్నింగ్‌‌సలో ఐదు వికెట్లు, రెండు సార్లు మ్యాచ్‌లో పది వికెట్ల ప్రదర్శన అసాధారణం. ప్రత్యర్థి బ్యాట్స్‌మెన్‌కు ఊపిరి పీల్చుకునే అవకాశం ఇవ్వకుండా అతను చెలరేగాడు. మొత్తం 60 వికెట్లలో అతను తీసిన 27 సిరీస్‌ను శాసించారుు. అశ్విన్‌కు అండగా మరో ఎండ్‌లో జడేజా కూడా కివీస్‌ను తన కచ్చితత్వంతో తీవ్రంగా ఇబ్బంది పెట్టాడు. మొత్తం 14 వికెట్లు తీయడంతో పాటు రెండు సార్లు బ్యాటింగ్‌లోనూ కూడా ఆదుకున్నాడు. వీరిద్దరి నిలకడతో మూడో స్పిన్నర్‌ను ఆడించాల్సిన అవసరమే రాలేదు. కోల్‌కతా టెస్టులో భువనేశ్వర్ అద్భుత ప్రదర్శన (5/48) మరచిపోలేనిది. భారత్‌లో వికెట్‌పై కూడా ఒక పేసర్ మ్యాచ్ ఫలితాన్ని మార్చగలడని నిరూపించాడు. కెప్టెన్ తనపై ఉంచిన నమ్మకాన్ని కొంత వరకు షమీ నిలబెట్టాడు. వికెట్లపరంగా గొప్పగా కనిపించకపోరుునా... కీలక సమయంలో రివర్స్ స్వింగ్‌తో అతను సత్తా చాటాడు. పెద్దగా బౌలింగ్ చేసే అవకాశం రాకపోవడంతో ఉమేశ్ యాదవ్ మెరుపులు ఎక్కడా కనిపించలేదు. మొత్తంగా ప్రధాన బౌలర్లంతా తమ బాధ్యతను చక్కగా నిర్వర్తించడంతో బౌలింగ్ కోణంలో కొత్తగా ఆలోచించాల్సిన అవసరం లేకపోరుుంది.
  
 పుజారా టాప్
 ఈ సిరీస్‌కు ముందు పుజారా స్ట్రైక్‌రేట్‌పై చాలా చర్చ జరిగింది. వేగంగా ఆడమంటూ తాను సూచించానని కోహ్లి కూడా  చెప్పాడు. అరుుతే ఇప్పుడు ఒకే దెబ్బతో పుజారా అన్నింటికీ సమాధానం ఇచ్చాడు. మూడు అర్ధ సెంచరీల తర్వాత సెంచరీతో అతను సిరీస్‌లో టాపర్ (373 పరుగులు)గా నిలిచాడు. ఇండోర్‌లో 147  బంతుల్లోనే చేసిన సెంచరీ ఆ మార్పును కూడా చూపించింది. నిలకడకు మారుపేరుగా మారిన రహానే (347) కూడా కీలక పాత్ర పోషించాడు. చివరి టెస్టులో చేసిన 188 పరుగులు అతని కెరీర్‌లో బెస్ట్‌గా చెప్పవచ్చు. సిరీస్ ఆరంభంలో తడబడినా డబుల్ సెంచరీ కోహ్లి విలువను మరోసారి చూపించింది. ఈ సిరీస్‌తో కెరీర్ నిలబెట్టుకున్న ఆటగాడు ఎవరైనా ఉన్నారంటే అది రోహిత్ శర్మనే. అనుక్షణం విమర్శలతో ఒత్తిడిలో నిలిచిన అతను మూడు మ్యాచుల్లోనూ కనీసం అర్ధసెంచరీ చేసి... కెప్టెన్, కోచ్ నమ్మకాన్ని నిలబెట్టాడు. కోల్‌కతా టెస్టులో రెండు అర్ధసెంచరీలతో సాహా ప్రధాన బ్యాట్స్‌మెన్‌గా ఎదిగాడు. ఓపెనర్‌గా విజయ్ ఆశించిన స్థారుులో రాణించకపోరుునా, సుదీర్ఘ సీజన్‌లో మంచి ఆరంభాలు ఇవ్వగల సామర్థ్యం అతనిలో ఉంది. గాయాలతో దూరమైన రాహుల్, ధావన్ ఆడిన ఏకై క టెస్టులో పెద్దగా ప్రభావం చూపలేదు. అరుుతే వీరి స్థానంలో వచ్చిన గంభీర్ అనుభవం మున్ముందు జట్టుకు మరింత ఉపయోగపడవచ్చు. రెండో ఇన్నింగ్‌‌సలో అతను చేసిన అర్ధసెంచరీ గంభీర్ రెండేళ్ల తర్వాత కూడా ఇంకా వెనుకబడిపోలేదని చూపించింది.
 
 ముందుంది ఇంగ్లండ్...
 కివీస్‌తో వన్డే సిరీస్ తర్వాత ఇంగ్లండ్ జట్టు మన గడ్డపై అడుగు పెడుతోంది. 2012లో ఆ టీమ్ 2-1తో సిరీస్ గెలిచింది. కివీస్ సులువుగానే తలవంచినా సాంప్రదాయ టెస్టుల్లో ఎలాంటి వేదికలోనైనా ఇంగ్లండ్ బలమైన జట్టే. నాడు సిరీస్ ఓడిన టీమ్ నుంచి ప్రస్తుత భారత జట్టులో ఆరుగురు ఆటగాళ్లు ఉన్నారు. నాడు పుజారా టాప్‌స్కోరర్‌గా నిలవగా... కోహ్లి, అశ్విన్ విఫలమయ్యారు. జడేజా, ఉమేశ్ ఒక్కో టెస్టు ఆడగా, గంభీర్ ఫర్వాలేదనిపించాడు. దాదాపు ప్రస్తుత జట్టే ఇంగ్లండ్‌తో కూడా తలపడే అవకాశం ఉంది. మరి మన టీమ్ ఇదే జోరును కొనసాగిస్తుందా చూడాలి.