IPL 2022: ఢిల్లీ ఆశలు పదిలం

IPL 2022: Delhi Capitals beat Rajasthan Royals by eight wickets - Sakshi

8 వికెట్లతో రాజస్తాన్‌పై విజయం

గెలిపించిన మార్ష్‌ వార్నర్‌

అశ్విన్‌ అర్ధ సెంచరీ

ముంబై: సీజన్‌లో ఒక విజయం తర్వాత ఒక పరాజయం... గత పది మ్యాచ్‌లలో ఇలాగే పడుతూ, లేస్తూ సాగుతున్న ఢిల్లీ క్యాపిటల్స్‌ అదే శైలిని కొనసాగించింది! తాజా ఫలితం అనంతరం సరిగ్గా సగం మ్యాచ్‌లలో విజయం, సగం పరాజయాలతో ఆ జట్టు ఇంకా ప్లే ఆఫ్స్‌ ఆశలు పదిలంగా ఉంచుకుంది. బుధవారం జరిగిన పోరులో క్యాపిటల్స్‌ 8 వికెట్లతో రాజస్తాన్‌ రాయల్స్‌పై నెగ్గింది. ముందుగా రాజస్తాన్‌ 20 ఓవర్లలో 6 వికెట్లకు 160 పరుగులు చేసింది.

అశ్విన్‌ (38 బంతుల్లో 50; 4 ఫోర్లు, 2 సిక్స్‌లు) అర్ధ సెంచరీ చేయగా, దేవదత్‌ పడిక్కల్‌ (30 బంతుల్లో 48; 6 ఫోర్లు, 2 సిక్స్‌లు) రాణించాడు. అనంతరం ఢిల్లీ 18.1 ఓవర్లలో 2 వికెట్లకు 161 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ మిచెల్‌ మార్ష్‌ (62 బంతుల్లో 89; 5 ఫోర్లు, 7 సిక్స్‌లు), డేవిడ్‌ వార్నర్‌ (41 బంతుల్లో 52 నాటౌట్‌; 5 ఫోర్లు, 1 సిక్స్‌) అర్ధ సెంచరీలు సాధించారు. వీరిద్దరు రెండో వికెట్‌కు 144 పరుగులు జోడించి జట్టును గెలిపించారు.  

రాణించిన పడిక్కల్‌...
ప్రమాదకర బ్యాటర్‌ బట్లర్‌ (7)ను అవుట్‌ చేసి సకరియా ఢిల్లీకి శుభారంభం అందించగా, యశస్వి జైస్వాల్‌ (19) కూడా ఎక్కువసేపు నిలవలేదు. అయితే అనూహ్యంగా మూడో స్థానంలో వచ్చిన అశ్విన్‌ కొన్ని చక్కటి షాట్లతో ఆకట్టుకున్నాడు. శార్దుల్‌ ఓవర్లో రెండు ఫోర్లు కొట్టిన అతను, అక్షర్‌ ఓవర్లో వరుస బంతుల్లో 4, 6 బాదాడు. మరో ఎండ్‌లో పడిక్కల్‌ కూడా ధాటిని ప్రదర్శించాడు. అక్షర్‌ ఓవర్లో వరుస బంతుల్లో అతను రెండు సిక్సర్లు కొట్టాడు. 37 బంతుల్లో అశ్విన్‌ అర్ధ సెంచరీ పూర్తయింది. ఐపీఎల్‌ సహా టి20 క్రికెట్‌లో అతనికి ఇదే తొలి హాఫ్‌ సెంచరీ కావడం విశేషం. మూడో వికెట్‌కు పడిక్కల్‌తో 36 బంతుల్లో 53 పరుగులు జోడించిన అనంతరం అశ్విన్‌ వెనుదిరగ్గా...  సామ్సన్‌ (6), పరాగ్‌ (9) విఫలమయ్యారు.   

శతక భాగస్వామ్యం...
కేఎస్‌ భరత్‌ (0) మరోసారి విఫలమవ్వగా... వార్నర్, మార్ష్‌ కలిసి ఇన్నింగ్స్‌ను నడిపించారు. పవర్‌ప్లే ముగిసేసరికి ఢిల్లీ స్కోరు 38 పరుగులకు చేరింది. మార్ష్‌ దూకుడు కనబర్చగా, వార్నర్‌  నెమ్మదిగా ఆడాడు. కుల్దీప్‌ సేన్‌ ఓవర్లో రెండు సిక్సర్లు బాదిన మా చహల్‌ ఓవర్లో మరో భారీ సిక్స్‌తో 38 బంతుల్లో అర్ధ సెంచరీ చేశాడు. 79 బంతుల్లో 100 పరుగుల భాగస్వామ్యం నమో దైంది. వేగంగా ఆడుతూ సెంచరీ దిశగా దూసుకుపోయిన మార్ష్‌ ఆ అవకాశం చేజార్చుకున్నాడు. 18 బంతుల్లో 17 పరుగులు చేయాల్సిన స్థితిలో మా అవుటయ్యాడు. వార్నర్, పంత్‌ (13 నాటౌ ట్‌; 2 సిక్స్‌లు) కలిసి మిగతా పనిని పూర్తి చేశారు.

స్కోరు వివరాలు  
రాజస్తాన్‌ రాయల్స్‌ ఇన్నింగ్స్‌: యశస్వి (సి) లలిత్‌ (బి) మార్ష్‌ 19; బట్లర్‌ (సి) శార్దుల్‌ (బి) సకరియా 7; అశ్విన్‌ (సి) వార్నర్‌ (బి) మార్ష్‌ 50; పడిక్కల్‌ (సి) (సబ్‌) నాగర్‌కోటి (బి) నోర్జే 48; సామ్సన్‌ (సి) శార్దుల్‌ (బి) నోర్జే 6; పరాగ్‌ (సి) పావెల్‌ (బి) సకరియా 9; డసెన్‌ (నాటౌట్‌) 12; బౌల్ట్‌ (నాటౌట్‌) 3; ఎక్స్‌ట్రాలు 6; మొత్తం (20 ఓవర్లలో 6 వికెట్లకు) 160.
వికెట్ల పతనం: 1–11, 2–54, 3–107, 4–125, 5–142, 6–146.
బౌలింగ్‌: సకరియా 4–0–23–2, నోర్జే 4–0–39–2, శార్దుల్‌ 4–0–27–0, అక్షర్‌ 2–0–25–0, మా 3–0–25–2, కుల్దీప్‌ 3–0–20–0.  

ఢిల్లీ క్యాపిటల్స్‌ ఇన్నింగ్స్‌: భరత్‌ (సి) సామ్సన్‌ (బి) బౌల్ట్‌ 0; వార్నర్‌ 52 (నాటౌట్‌); మార్ష్‌ (సి) కుల్దీప్‌ సేన్‌ (బి) చహల్‌ 89; పంత్‌ (నాటౌట్‌) 13; ఎక్స్‌ట్రాలు 7; మొత్తం (18.1 ఓవర్లలో 2 వికెట్లకు) 161.
వికెట్ల పతనం: 1–0, 2–144.
బౌలింగ్‌: బౌల్ట్‌ 4–0–32–1, ప్రసిధ్‌ 3–1–20–0, అశ్విన్‌ 4–0–32–0, కుల్దీప్‌ సేన్‌ 3.1–0–32–0, చహల్‌ 4–0–43–1.

ఐపీఎల్‌లో నేడు
ముంబై ఇండియన్స్‌ X చెన్నై సూపర్‌ కింగ్స్‌
వేదిక: ముంబై, రాత్రి గం. 7:30 నుంచి స్టార్‌ స్పోర్ట్స్‌–1లో ప్రత్యక్ష ప్రసారం.

Read latest Sports News and Telugu News | Follow us on FaceBook, Twitter, Telegram

మరిన్ని వార్తలు

12-05-2022
May 12, 2022, 08:28 IST
ఐపీఎల్‌ 2022 సీజన్‌లో రాజస్తాన్‌ రాయల్స్‌ బౌలర్‌ యజ్వేంద్ర చహల్‌ సూపర్‌ ఫామ్‌లో ఉ‍న్నాడు. బుధవారం ఢిల్లీ క్యాపిటల్స్‌తో జరిగిన...
12-05-2022
May 12, 2022, 08:01 IST
ఐపీఎల్‌ 2022లో ఢిల్లీ క్యాపిటల్స్‌ క్యాపిటల్స్‌ 8 వికెట్లతో రాజస్తాన్‌ రాయల్స్‌పై నెగ్గింది. ఈ విజయంతో ఢిల్లీ క్యాపిటల్స్‌ తమ...
11-05-2022
May 11, 2022, 22:16 IST
ఇండియన్‌ ప్రీమియర్‌ లీగ్‌ చరిత్రలో రాజస్థాన్‌ రాయల్స్‌ ఆల్‌రౌండర్‌ రవిచంద్రన్‌ అశ్విన్‌ అరుదైన ఘనత సాధించాడు. 2022 సీజన్‌లో భాగంగా...
11-05-2022
11-05-2022
May 11, 2022, 18:42 IST
ఐపీఎల్‌ 2022 సీజన్‌లో ఇవాళ (మే 11) మరో హై ఓల్టేజీ పోరు జరుగనుంది. విధ్వంసకర వీరులతో నిండిన రాజస్థాన్‌...
11-05-2022
May 11, 2022, 17:39 IST
మిస్టర్‌ 360 డిగ్రీస్‌ ఆటగాడు, సౌతాఫ్రికన్‌ లెజెండరీ బ్యాటర్‌ ఏబీ డివిలియర్స్‌.. తన మాజీ ఐపీఎల్‌ జట్టు రాయల్‌ ఛాలెంజర్స్‌...
11-05-2022
May 11, 2022, 16:45 IST
Ravindra Jadeja Likely To Be Ruled Out: ఐపీఎల్ 2022 సీజన్‌ నుంచి చెన్నై సూపర్ కింగ్స్‌ తాజా...
11-05-2022
May 11, 2022, 13:52 IST
సీఎస్‌కే యాజమాన్యం, ఆల్‌రౌండర్‌ రవీంద్ర జడేజాల మధ్య విబేధాలు ఉన్నట్లుగా వార్తలు వస్తున్నాయి. ధోని స్థానంలో జట్టును నడిపించడంలో విఫలమైన...
11-05-2022
May 11, 2022, 12:36 IST
ఐపీఎల్ 2022 సీజన్‌లో ప్లే ఆఫ్‌ చేరిన తొలి జట్టుగా గుజరాత్‌ టైటాన్స్‌ నిలిచింది. లక్నో సూపర్‌ జెయింట్స్‌తో జరిగిన...
11-05-2022
May 11, 2022, 09:03 IST
ఐదుసార్లు ఐపీఎల్‌ చాంపియన్స్‌గా నిలిచిన ముంబై ఇండియన్స్‌ ఐపీఎల్‌ 2022 సీజన్లో మాత్రం దారుణ ప్రదర్శన కనబరుస్తోంది. ఇప్పటికే ముంబై...
11-05-2022
May 11, 2022, 08:23 IST
ఐపీఎల్‌ 2022లో భాగంగా లక్నో సూపర్‌ జెయింట్స్‌తో జరిగిన మ్యాచ్‌లో గుజరాత్‌ టైటాన్స్‌ 62 పరుగుల తేడాతో ఘన విజయం...
11-05-2022
May 11, 2022, 05:29 IST
పుణే: పాయింట్ల పట్టికలో తొలి రెండు స్థానాల్లో ఉన్న జట్ల మధ్య పోరు... ఎవరిది పైచేయి అవుతుందో తేల్చే మ్యాచ్‌లో...
10-05-2022
10-05-2022
May 10, 2022, 18:31 IST
ఐపీఎల్‌-2022లో హార్ధిక్‌ పాండ్యా సారథ్యంలోని గుజరాత్‌ టైటాన్స్‌ అద్భుతంగా రాణిస్తోంది. ఈ ఏడాది సీజన్‌లో ఇప్పటివరకు ఆడిన 11 మ్యాచ్‌ల్లో...
10-05-2022
May 10, 2022, 18:10 IST
ఐపీఎల్‌ 2022 సీజన్‌లో అన్నాదమ్ముల జట్లు రెండోసారి ఎదురెదురుపడనున్నాయి. హార్ధిక్‌ పాండ్యా నాయకత్వం వహిస్తున్న గుజరాత్‌ టైటాన్స్‌.. కృనాల్‌ పాండ్యా...
10-05-2022
May 10, 2022, 17:46 IST
ఐపీఎల్‌-2022లో ఢిల్లీ క్యాపిటల్స్ పవర్‌ హిట్టర్‌ రోవ్‌మెన్‌ పావెల్‌ అద్భుతంగా రాణిస్తున్నాడు. ఆరంభ మ్యాచ్‌లలో పావెల్‌ విఫలమైనా.. తర్వాత మ్యాచ్‌ల్లో...
10-05-2022
May 10, 2022, 16:47 IST
వెస్టిండీస్‌ విధ్వంసకర ఆటగాడు షిమ్రన్‌ హెట్‌మైర్‌ తండ్రైన సంగతి తెలిసిందే. దీంతో ఐపీఎల్‌-2022లో రాజస్తాన్‌ రాయల్స్‌కు ప్రాతినిధ్యం వహిస్తున్న హెట్‌మైర్‌...
10-05-2022
May 10, 2022, 14:41 IST
ఐపీఎల్‌ 2022 సీజన్‌లో ఇప్పటివరకు జరిగిన మ్యాచ్‌ల్లో అత్యుత్తమ ప్రదర్శన కనబర్చిన టాప్‌ టు జట్ల మధ్య ఇవాళ (మే...
10-05-2022
May 10, 2022, 13:30 IST
టీమిండియా ఆటగాళ్లంతా ప్రస్తుతం ఐపీఎల్‌ 2022 సీజన్‌లో బిజీగా ఉన్నారు. ఆఖరి అంకానికి చేరుకున్న ఐపీఎల్‌ 15వ సీజన్‌ మే...
10-05-2022
May 10, 2022, 13:30 IST
విమర్శకులకు కౌంటర్‌ ఇచ్చిన బుమ్రా.. నేను వాటిని అసలు లెక్కచేయను!



 

Read also in:
Back to Top