సాక్షి,తిరుపతి: టీడీపీ నేత నారా లోకేష్‌ ‘యువ గళం’ పేరుతో చేపట్టబోయే యాత్రపై వ్యంగ్యాస్త్రాలు సంధించారు ఏపీ మంత్రి ఆర్కే రోజా. అది యువ గళమా లేక నారా గరళమా? అంటూ ఎద్దేవా చేశారు. కరోనా కష్ట కాలంలో పక్క రాష్ట్రంలో దాక్కున్నవారు ఇప్పుడు ఏం మొహం పెట్టుకొని పాదయాత్ర చేస్తారని నిలదీశారామె. తిరుపతి పర్యటనలో భాగంగా బుధవారం మీడియా సమావేశంలో మాట్లాడారు మంత్రి రోజా. టీడీపీకి ప్రతిపక్ష అర్హత కూడా లేదని విమర్శించారు మంత్రి రోజా. లోకేష్‌ దొంగదారిలో మంత్రి అయ్యాడు. నారా ఫ్యామిలీ ఏపీని అప్పుల్లో ముంచెత్తిందని విమర్శించారు. ‘ఏ రోజు ఏ షోకు వెళ్లని పవన్ కళ్యాణ్.. ఇవాళ అన్‌స్టాపబుల్ షోకి వెళ్ళాడు. చంద్రబాబు వెళ్ళిన తర్వాత ప్యాకేజీ తీసుకుని పవన్ కల్యాణ్ అక్కడకు వెళ్ళాడు. అలగా జనం, సంకర జాతి వంటి  పచ్చి బూతులు తిట్టిన బాలకృష్ణ హోస్ట్‌గా వ్యవహరిస్తున్న షోకి వెళ్ళాడు. పవన్ కళ్యాణ్ ప్యాకేజీ కోసం ఎంతకైనా దిగజారుతాడు. జనసేన కార్యకర్తలతో బీజేపీ, టీడీపీ జెండాలు మోయిస్తున్నారు. జనసేన కార్యకర్తలు ఇప్పటికైనా ఆలోచన చేయాలి. ప్రజలకు మంచి చేసే జగన్‌మోహన్‌రెడ్డి వెంట నడవండి. ప్రతిపక్షాలు.. కోడి గుడ్డుపై ఈకలు పీకే పని చేయకండంటూ హితబోధ చేశారామె. అర్హులు అందరికీ సంక్షేమ పథకాలు అందిస్తున్నాం. టీడీపీ హయాంలో 30 లక్షల మందికి పెన్షన్లు ఇస్తే..వైసీపీ అధికారంలోకి వచ్చిన తర్వాత 62లక్షల మందికి సంక్షేమ పథకాలు ఇస్తోంది. రెండున్నర లక్షల మందికి అదనంగా జనవరి నెలలో ఇస్తున్నారు అని మంత్రి రోజా తెలిపారు.  ఇదీ చదవండి: చంద్రబాబుకు పవన్‌ ఊడిగం చేస్తున్నాడు: మంత్రి అంబటి ఫైర్‌

సాక్షి, చిత్తూరు : వైఎస్సార్‌సీపీ అధ్యక్షుడు, ఏపీ ప్రతిపక్ష నేత వైఎస్‌ జగన్‌మోహన్‌ రెడ్డిపై జరిగిన హత్యాయత్నం అనంతరం టీడీపీ చేస్తున విమర్శలపై ఎమ్మెల్యే రోజా ఘాటుగా స్పందించారు. విజయపురం మండలం విద్య వనరుల కేంద్రంలోని అన్ని ప్రభుత్వ పాఠశాలలకు రోజా చారిటబుల్‌ ట్రస్ట్‌ ద్వారా 70 సీలింగ్‌ ఫ్యాన్లను అందజేశారు. అనంతరం మీడియాతో మాట్లాడుతూ.. చంద్రబాబు నాయుడు, క్యాబినేట్‌ మంత్రులు కడుపుకు అన్నం తింటున్నారా? గడ్డి తింటున్నారా అంటూ ఫైర్‌ అయ్యారు. ప్రతిపక్ష నేత వైఎస్‌ జగన్‌పై హత్యాయత్నం జరిగితే ఎంత వెటకారంగా, స్టుపిడ్‌గా మాట్లాడుతున్నారంటూ ధ్వజమెత్తారు. రాష్ట్రంలో ఒక తప్పు జరిగితే ఆ తప్పు వెనకున్న నేరస్థుడిని పట్టుకుని శిక్షించకుండా.. ఆ తప్పు ఎవరి మీద నెట్టేయాలని, ఎలా తప్పించుకోవాలని చంద్రబాబు చూస్తున్నారని మండిపడ్డారు. డీజీపీ ప్రెసెమీట్లను చూస్తుంటే అధికారులను ఏవిధంగా వాడుకుంటున్నాడో అర్థమవుతుందన్నారు. చంద్రబాబు చెబుతున్న ప్రతిమాట అబద్దమని నిరూపితమవుతూనే ఉందన్నారు. కత్తి జనవరి నుంచి హోటల్లోని ఉందని, అప్పటి నుంచి హోటల్‌ యజమాని హర్షవర్దన్‌ చౌదరి ఏం చేస్తున్నారంటూ ప్రశ్నించారు. ఆయన లోకేష్‌కు , చంద్రబాబు నాయుడుకు సన్నిహితుడని పేర్కొన్నారు. వైఎస్‌ జగన్‌ను అంతమొందించడానికి ఇది టీడీపీ చేసిన కుట్రేనని విమర్శించారు. ఆపరేషన్‌ గరుడ గురించి సిగ్గులేకుండా మాట్లాడుతన్న చంద్రబాబు.. శివాజీని అరెస్ట్‌ చేసి విచారణ చేపట్టాలన్నారు. ఆపరేషన్‌ గరుడ వెనుక ఉన్న వ్యక్తులెవరో బయటకి తీయాలని డిమాండ్‌ చేశారు. 

సాక్షి, తిరుపతి : ఆంధ్రప్రదేశ్‌ ముఖ్యమంత్రి చంద్రబాబు నాయుడుపై వైఎస్సార్‌ కాంగ్రెస్‌ పార్టీ ఎమ్మెల్యే ఆర్కే రోజా విమర్శలు గుప్పించారు. క్యాబినెట్‌ హోదా కలిగిన ఎమ్మెల్యేకే రక్షణ లేనిచోట ఇక ప్రజలకు రక్షణ ఎక్కడిదని ఆవేదన వ్యక్తం చేశారు. రాష్ట్రంలో ఏ ఒక్కరికి రక్షణ లేదనీ, మహిళల పరిస్థితి మరీ దారుణంగా ఉందన్నారు. కాగా, అరుకులోయ ఎమ్మెల్యే కిడారి సర్వేశ్వరరావుని మావోయిస్టులు ఆదివారం ఉదయం కాల్చి చంపిన విషయం తెలిసిందే. ఇక వ్యవసాయం దండగన్న చంద్రబాబు ఇప్పుడు అమెరికాలో వ్యవసాయంపై మాట్లాడతాననడం విడ్డూరంగా ఉందని రోజా ఎద్దేవా చేశారు. ప్రజాభిమానం జగన్‌కు జై అంటోంది.. వైఎస్‌ జగన్‌మోహన్‌ రెడ్డి పాదయాత్ర ప్రభంజనంలా సాగుతోందని ఎమ్మెల్యే రోజా ఆనందం వ్యక్తం చేశారు. వైఎస్‌ జగన్‌ అడుగులో అడుగేసి లక్షలాది జనం కదం తొక్కడంతో కృష్ణా బ్యారేజీ గడగడలాడిందనీ, గోదారి తీరం ఉప్పొంగిందనీ, విశాఖ తీరం పోటెత్తిందని వ్యాఖ్యానించారు. అన్ని ప్రాంతాల ప్రజలు వైఎస్‌ జగన్‌ సీఎం కావాలని కోరుకుంటున్నారని చెప్పారు. వైఎస్‌ జగన్‌ పాదయాత్రకు మద్దతుగా విజయపురం మండలంలో మంగళవారం రోజా పాదయాత్ర చేశారు. కాగా, ప్రజాసంకల్పయాత్రలో భాగంగా వైఎస్‌ జగన్‌ చేస్తున్న పాదయాత్ర సోమవారం విజయనగరం జిల్లాలోని కొత్త వలసలో 3000 కిలోమీటర్ల మైలురాయిని చేరుకున్న సంగతి తెలిసిందే.

ప్రముఖ సినీ నటుడు, మాజీ రాజ్యసభ సభ్యుడు మంచు మోహన్‌బాబు ఇంట్లో విషాదం నెలకొంది. ఆయన మాతృమూర్తి మంచు లక్ష్మమ్మ (85) గురువారం కన్ను  మూశారు. ఆమె కొంత కాలంగా అనారోగ్యంతో బాధపడుతున్నారు. తిరుపతిలోని ఓ ప్రైవేటు ఆసుపత్రిలో చికిత్స పొందుతున్న ఆమె గురువారం ఉదయం కన్నుమూశారు. లక్ష్మమ్మ భౌతికకాయాన్ని ఎ.రంగంపేట సమీపంలోగల శ్రీ విద్యానికేతన్‌ ప్రాంగణంలోని ఆమె నివాసానికి తరలించారు. విదేశాల్లో ఉన్న మోహన్‌బాబు, ఆయన కుటుంబ సభ్యులు లక్ష్మమ్మ మరణవార్త తెలియగానే హుటాహుటిన ఇండియాకి బయలుదేరారు. ‘‘మా నానమ్మ లక్ష్మమ్మగారు ఆ దేవుడి దగ్గరికి వెళ్లిపోయారు. మిమ్మల్ని ఎప్పటికీ మిస్సవుతాం నానమ్మా. ఈ సమయంలో మేం ఇండియాలో లేకపోవడం బాధ కలిగించింది. ఇది ఊహించని పరిణామం. ఆమె ఆత్మకు శాంతి కలగాలని మనస్ఫూర్తిగా కోరుకుంటున్నాను’’ అని ట్వీటర్‌ ద్వారా మంచు మనోజ్‌ పేర్కొన్నారు. లక్ష్మమ్మ అంత్యక్రియలు శుక్రవారం తిరుపతిలో జరుగుతాయి. సినీ నటి, ఎమ్మెల్యే రోజా లక్ష్మమ్మ భౌతికకాయానికి నివాళులు అర్పించారు.

విజయపురం : వైఎస్‌ జగన్‌మోహన్‌రెడ్డి అధికారంలోకి వచ్చిన వెంటనే ఉద్యోగులకు గుదిబండగా మారిన కాంట్రిబ్యూటరీ పెన్షన్‌ స్కీం(సీపీఎస్‌)ను రద్దు చేసి, ఓపీఎస్‌ను అమలు చేస్తామని వైఎస్సార్‌సీపీ రాష్ట్ర మహిళా అధ్యక్షురాలు, నగరి ఎమ్మెల్యే ఆర్‌కే రోజా అన్నారు. సీపీఎస్‌ రద్దు కోరుతూ ప్రభుత్వ ఉద్యోగులు చేపట్టిన చలో అసెంబ్లీని ప్రభుత్వం భగ్నం చేయడంపై బుధవారం ఆమె మీడియాతో మాట్లాడారు. చంద్రబాబు ప్రభుత్వం ఉద్యోగుల ద్రోహి అని.. ఇది రాష్ట్ర ప్రజలందరికీ తెలిసిన విషయమేనని విమర్శించారు.  సీపీఎస్‌ రద్దు కోరుతూ చలో అసెంబ్లీ ముట్టడికి వెళ్తున్న ఉద్యోగులను ఉగ్రవాదుల్లాగా కొట్టి ఈడ్చుకెళ్లి అరెస్టు చేయించడం దారుణమన్నారు. ఉద్యోగులపై సర్కారు దమనకాండను వైఎస్సార్‌సీపీ తీవ్రంగా ఖండిస్తోందని తెలిపారు. ఇదే చంద్రబాబు 2003లో సీపీఎస్‌ను తీసుకొచ్చారని, వాటిని రద్దు చేసే అవకాశం ఉన్నా పట్టించుకోవడం లేదని అన్నారు. ఉద్యోగస్తులను కొట్టడం చంద్రబాబుకు కొత్తేమి కాదని.. ఇది వరకే అంగన్‌వాడీ వర్కర్లను గుర్రాలతో తొక్కించారని గుర్తు చేశారు. వైఎస్‌ జగన్‌మోహన్‌రెడ్డి సీఎం కాగానే సీపీఎస్‌ రద్దు చేస్తామని, ఇది ఉద్యోగులు గుర్తించుకోవాలన్నారు.

►తెలంగాణ ఆవిర్భావం తర్వాత ఈ నాలుగేళ్లలో మహిళల సమస్యలను పరిష్కరించలేకపోయిన అధికార టి.ఆర్‌.ఎస్‌.పార్టీ వైఫల్యాలను మహిళలే ఎండగట్టాలని మంగళవారం హైదరాబాద్‌లో జరిగిన బి.జె.పి.మహిళా మోర్చా సమావేశంలో పిలుపునిచ్చిన ఆ పార్టీ రాష్ట్ర అధ్యక్షుడు కె.లక్ష్మణ్‌.. తెలంగాణ తొలి క్యాబినెట్‌లోనే మహిళలకు చోటు లేకపోవడం సిగ్గు చేటు అని అంటూ, ప్రధాని నరేంద్ర మోదీ.. దేశ రక్షణశాఖ మంత్రిగా, లోక్‌సభ స్పీకర్‌గా మహిళల్నే నియమించడాన్ని గుర్తు చేశారు. బి.జె.పి త్వరలోనే హైదరాబాద్‌లో ‘మహిళా సమ్మేళన్‌’ని నిర్వహించబోతోందని, కేంద్ర మంత్రి స్మృతీ ఇరానీ హాజరవుతున్నారని లక్ష్మణ్‌ తెలిపారు.  ►కేంద్ర యువజన వ్యవహారాలు, క్రీడల శాఖ ఇచ్చే ప్రతిష్టాత్మకమైన ‘టెన్జింగ్‌ నార్గే నేషనల్‌ అవార్డ్‌ 2017’కు ఎంపికైన తెలంగాణ యువతి బొడ్డపాటి ఐశ్వర్యకు సీఎం కేసీఆర్‌ ప్రత్యేక అభినందనలు తెలిపారు. భారతీయ నావికాదళంలో లెఫ్ట్‌నెంట్‌ కమాండర్‌గా ఉన్న ఐశ్వర్య.. గతంలో నారీ శక్తి అవార్డు, నావ్‌సేన అవార్డులను కూడా పొందారు. ► చిత్తూరు జిల్లా నగరి వైఎస్సార్‌సీపీ ఎమ్మెల్యే రోజాపై అభ్యంతరకరమైన వ్యాఖ్యలు చేసిన కృష్ణా జిల్లా పెనమలూరు టీడీపీ ఎమ్మెల్యే బోడె ప్రసాద్‌పై ఎఫ్‌.ఐ.ఆర్‌. నమోదు చెయ్యాలని మంగళవారం నాడు ఆదేశాలు జారీ చేసిన హైదరాబాద్‌ హైకోర్టు.. 2013 నాటి లలితా కుమారి కేసులో ఎఫ్‌.ఐ.ఆర్‌. నమోదు విషయమై సుప్రీంకోర్టు జారీ చేసిన నియమావళిని అనుసరించాలని కూడా ఈ సందర్భంగా పోలీసులకు సూచించింది. పత్రికా ప్రతినిధుల సమావేశంలో బోడె ప్రసాద్‌ అసభ్యకరమైన భాషలో తనను దూషించారని రెండు నెలల క్రితమే ఫిర్యాదు చేసినప్పటికీ పోలీసులు ఇప్పటి వరకు అతడిపై ఎఫ్‌.ఐ.ఆర్‌. నమోదు చేయలేదని రోజా హైకోర్టును ఆశ్రయించడంతో కోర్టు అతడిపై ఎఫ్‌.ఐ.ఆర్‌. నమోదుకు ఆదేశించింది.  ► కాంగ్రెస్‌ పార్టీ మాజీ అధ్యక్షురాలు సోనియా గాంధీ.. రష్యాలోని సెయింట్‌ పీటర్స్‌బర్గ్‌లో జరుగుతున్న రెండవ ‘యూరేషియన్‌ ఉమెన్స్‌ ఫోరమ్‌’లో పాల్గొనేందుకు బుధవారం నాడు ఢిల్లీ నుంచి బయల్దేరి వెళ్లారు. తన రెండు రోజుల పర్యటనలో భాగంగా సోనియా మొదట.. ‘మహిళల భద్రత, నిరంతర అభివృద్ధి’ అనే అంశంపై జరిగే ప్లీనరీ సెషన్‌లో పాల్గొని, ఆ తర్వాత.. యువతీ యువకుల నుంచి మహిళా సంక్షేమానికి, అభివృద్ధికి అవసరమైన ఆలోచనలు స్వీకరించే చర్చావేదికలో ప్రసంగిస్తారు.  ►జమ్మూకశ్మీర్‌లోని కుల్గామ్‌ జిల్లా, ఖాజీగండ్‌లో శనివారం నాడు  జరిగిన ఎన్‌కౌంటర్‌లో మరణించడానికి ముందు.. రెండేళ్ల క్రితమే తీవ్రవాద సంస్థ హిజ్బుల్‌ ముజాహిద్దీన్‌లో చేరిన 16 ఏళ్ల జాహిద్‌ అహ్మద్‌ మిర్‌ అలియాస్‌ హషీమ్‌.. ఒక ఇంట్లో దాక్కుని ఉన్న తనను భద్రతాదళాలు  చుట్టుముట్టి, ప్రాణాల మీద ఆశ ఉంటే లొంగిపొమ్మని హెచ్చరిస్తుండగా.. ఆ ఆఖరి నిమిషాల్లో అతడు తల్లికి ఫోన్‌ చేసి.. ‘‘అమ్మా నన్ను లొంగిపొమ్మంటున్నారు. ఏం చెయ్యమంటావు అని అడిగినప్పుడు ఆ తల్లి.. ‘‘వద్దు వద్దు.. తప్పించుకోగలిగితే తప్పించుకో. అంతే తప్ప లొంగిపోవాలన్న ఆలోచనలే రానీయకు’’ అని చెప్పిన ఆడియో టేప్‌ ఇప్పుడు సోషల్‌ మీడియాలో వైరల్‌ అవుతోంది. గత నెల బక్రీద్‌ రోజు ఫయాజ్‌ అహ్మద్‌ అనే పోలీస్‌ కానిస్టేబుల్‌ హత్యతో కూడా సంబంధం ఉన్న జాహిద్‌ అహ్మద్‌.. చనిపోయేముందు తన తల్లితో మాట్లాడిన ఫోన్‌ ఆడియో క్లిప్పును ఇప్పుడు కశ్మీర్‌లోని వేర్పాటువాదులు.. తల్లిదండ్రుల భావోద్వేగభరితమైన విజ్ఞప్తులకు తలవొగ్గి భద్రతాదళాలకు యువత లొంగిపోకుండా ఉండటం కోసం విస్తృత ప్రాచుర్యం కల్పిస్తున్నారు.  ►తొలిసారి ప్రసవించినవారు ఆన్‌లైన్‌లో షేర్‌ చేసుకుంటున్న తమ భయానకమైన అనుభవాలను చదివి గర్భిణులలో ఎక్కువ శాతం మంది సహజమైన ప్రసవాన్ని కోరుకోవడానికి జంకుతున్నారని ఇంగ్లండ్‌లోని ‘యూనివర్సిటీ ఆఫ్‌ హల్‌’లో సీనియర్‌ ఫెలో రీసెర్చ్‌గా పని చేస్తున్న క్యాట్రియోనా జోన్స్‌.. గతవారం జరిగిన ‘బ్రిటిష్‌ సైన్స్‌ ఫెస్టివల్‌’లో ప్రసంగిస్తున్నప్పుడు వెల్లడించారు. ఈ ‘హారర్‌ స్టోరీలు’ చదివి ‘టోకోఫోబియా’కు గురవుతున్న ఎందరో గర్భిణులు సిజేరియన్‌లకు మొగ్గుచూపుతున్నారనీ, అయితే.. ఆన్‌లైన్‌లో భయానక అనుభవాలతో పాటు.. అరకొరగా ఉండే అహ్లాదకరమైన అనుభవాలనే తమకు వర్తించుకుని గర్భిణులు భయపడ్డం మానేయాలని, బిడ్డకు జన్మనివ్వడం అనేది మరీ అంత ప్రాణాంతకం ఏమీ కాదని జోన్స్‌ సలహా ఇస్తున్నారు.  ► హాలీవుడ్‌ నటుడు, సినీ నిర్మాత, రెండు ఆస్కార్‌ల విజేత సీన్‌ పెన్‌ (58).. ‘మీ టూ’ ఉద్యమం.. సమాజంలో స్త్రీ, పురుషులను వేరు చేస్తోందనీ, వారి మధ్య అనుమానాలను, అపార్థాలను శత్రుత్వాన్ని పెంచి పోషిస్తోందనీ విమర్శించారు. అమెరికన్‌ ఎంటర్‌టైన్‌మెంట్‌ కంపెనీ ‘హులు’ నిర్మించి, ఈ నెల 14న ప్రారంభించిన ఎనిమిది ఎపిసోడ్‌ల అమెరికన్‌–బ్రిటిష్‌ డ్రామా వెబ్‌ టెలి విజన్‌ సిరీస్‌     ‘ది ఫస్ట్‌’లో తన సహనటి నటాషా మెకెల్హోన్‌తో పాటు నటిస్తున్న సీన్‌ పెన్‌.. ఆ సీరియల్‌ కథలో అంగారక గ్రహానికి ప్రమాదకరమైన ప్రయాణం చేసే శక్తిమంతమైన మహిళల గురించి తమను ఇంటర్వ్యూ చేస్తున్న మీడియా ప్రతినిధులతో మాట్లాడుతుండగా ‘మీ టూ’ ప్రస్తావన వచ్చినప్పుడు తన వ్యక్తిగతమైన అభిప్రాయాన్ని వ్యక్తం చేశారు.  ►బుధవారం (నిన్న) ఇండియా–పాకిస్తాన్‌ మధ్య దుబాయ్‌లోని స్పోర్ట్స్‌ క్లబ్‌లో ఆసియా కప్‌ క్రికెట్‌ వన్‌డే మ్యాచ్‌ మొదలవడానికి కొన్ని గంటల ముందు భారత టెన్నిస్‌ స్టార్, ఇప్పుడీ మ్యాచ్‌లో ఆడుతున్న పాకిస్తానీ ఆల్‌రౌండర్‌ షోయబ్‌ మాలిక్‌ భార్య అయిన సానియా మీర్జా తన సోషల్‌ మీడియా అకౌంట్‌ల నుంచి సైన్‌ అవుట్‌ అయ్యారు! ‘‘ఇక ఈ ఆట మొదలయ్యాక ఆరోగ్యకరంగా ఉండే మనిషి కూడా సిక్‌ అవుతారు. అలాంటి ఉంటాయి సోషల్‌ మీడియాలో కామెంట్లు. పైగా ఒక గర్భిణికి అసలే అవసరం లేని కామెంట్స్‌ అవి. ఒకటైతే గుర్తుపెట్టుకోండి. ఇది మ్యాచ్‌ మాత్రమే’’ అని ట్విట్టర్‌లో ఒక పోస్ట్‌ పెట్టి అదృశ్యం అయిపోయారు సానియా. 

చిత్తూరు : రాష్ట్రంలో రహదారుల పరిస్థితి ఎంత అధ్వానంగా ఉందో ప్రభుత్వానికి తెలపడం కోసం వైఎస్సార్‌ కాంగ్రెస్‌ పార్టీ ఎమ్మెల్యే ఆర్కే రోజా వినూత్న నిరసన తెలిపారు. మేళపట్టు గ్రామంలో నీటమునిగిన రోడ్డు మీద మహిళలతో కలిసి వరి నాట్లు వేశారు. తమ గ్రామంలో రోడ్లు దారుణంగా తయారయ్యాయని.. నీళ్లు నిలిచి పోయి కాలువలను తలపిస్తున్నాయని మేళపట్టు గ్రామ ప్రజలు చేసిన ఫిర్యాదు మేరకు రోజా ఇలా నిరసన తెలిపారు. ఈ సందర్భంగా ఆమె మాట్లాడుతూ తెలుగు దేశం పార్టీ అభ్యర్థి జెడ్పీటీసీ వెంకటరత్నం సొంత గ్రామం మేళపట్టులోనే రోడ్ల పరిస్థితి ఇలా ఉంటే ఇక రాష్ట్రవ్యాప్తంగా ఉన్న రహదారులు గురించి ప్రత్యేకంగా చెప్పాల్సిన అవసరం లేదన్నారు. చంద్రబాబు పాలనలో రహదారులు పరమ అధ్వానంగా తయారయ్యాయని విమర్శించారు. కానీ మంత్రి లోకేష్‌ మాత్రం రాష్ట్రంలో లక్షల కిలోమీటర్ల రోడ్లు నిర్మించినట్లు పచ్చి అబద్ధాలు చెబుతున్నారని ఆరోపించారు. గ్రామాలలోకి వచ్చి రోడ్ల పరిస్థితి చూసే ధైర్యం టీడీపీ నేతలకు లేదని మండిపడ్డారు. జిల్లా పరిషత్ సమావేశంలో అనేకసార్లు రోడ్ల దుస్టితి గురించి మాట్లాడినా పట్టించుకోలేదన్నారు. ఈ రోజు రోజా నగరిలో ఓ పెట్రోల్‌ బంక్‌ కార్యక్రమంలో పాల్గొన్నారు.

సాక్షి, తిరుపతి : రుణమాఫీ కాలేదని ఆత్మహత్య చేసుకున్న రామయ్య దంపతులది ప్రభుత్వ హత్యేనని వైఎస్సార్‌ కాంగ్రెస్‌ పార్టీ ఎమ్మెల్యే ఆర్కే రోజా ధ్వజమెత్తారు. మంగళవారం ఆమె మీడియాతో మాట్లాడుతూ.. ఎన్నికల్లో లబ్ధిపొందడానికే సీఎం చంద్రబాబు అబద్ధాల హామీలు ఇచ్చారని మండిపడ్డారు. ఏ ఒక్కరికీ రుణమాఫీ కాలేదని, ఈ హామీ వట్టి బూటకమని ఆగ్రహం వ్యక్తం చేశారు. మహిళల రుణాలు కూడా మాఫీ కాలేదని, ఈ బూటకపు హామీలతో అమాయక ప్రజలు నష్టపోయారని ఆవేదన వ్యక్తం చేశారు. సీఎం చంద్రబాబు కార్మిక ద్రోహిఅని, ఆయన పాలనలో చిత్తూరు, రేణిగుంట ఫ్యాక్టరీ, విజయపాల ఫ్యాక్టరీలు మూతబడ్డాయన్నారు. తిరుపతి ఆర్టీసీ గ్యారేజ్‌ మంచి గుర్తింపు పొందిందని, కార్మికుల పొట్టకొట్టడానికి చంద్రబాబు ప్రయత్నిస్తున్నారని మండిపడ్డారు. తిరుపతి ఆర్టీసీ గ్యారేజ్‌ను ఇతర జిల్లాలకు తరలించేయత్నం జరుగుతోందన్నారు. ఈ గ్యారేజ్‌ కార్మికులకు వైఎస్సార్‌సీపీ అండగా ఉంటుందని  రోజా స్పష్టం చేశారు. కర్నూలు జిల్లా ఆలూరు మండలం తుమ్మలబీడుకు చెందిన రామయ్య దంపుతులు రుణమాఫీ కాలేదని పురుగుల మందు తాగి ఆత్మహత్యకు పాల్పడ్డారు. ప్రభుత్వం చేస్తానన్న రుణమాఫీ కాకపోవడంతో పాటు తీసుకున్న అప్పుకు బ్యాంకు అధికారులు నోటీసులు జారీ చేయడంతో భార్యాభర్తలు ఆత్మహత్య చేసుకున్న ఘటన రాష్ట్ర వ్యాప్తంగా కలకలం రేపింది. చదవండి: రుణమాఫీ కాలేదని భార్యాభర్తల బలవన్మరణం

సాక్షి, చిత్తూరు : భారీ వర్షాలతో విపత్కర పరిస్థితుల్ని ఎదుర్కొంటున్న కేరళకు సహాయం చేయడానికి వైఎస్సార్‌ కాంగ్రెస్‌ పార్టీ కార్యకర్తలు ముందుకొచ్చారు. పార్టీ అధ్యక్షుడు వైఎస్‌ జగన్‌మోహన్‌ రెడ్డి పిలుపు మేరకు వారు సానుకూలంగా స్పందించారు. కేరళకు అండగా నిలవడానికి తమ వంతుగా విరాళాలు అందించారు. నగరి ఎమ్మెల్యే రోజా నేతృత్వంలో చిత్తూరులో ఒక్క రోజులోనే 10 లక్షల రూపాయలు, 14 టన్నుల బియ్యం, పప్పు ధాన్యాలు, చీరలు సేకరించారు. పుత్తూరు నుంచి 30 మందితో కూడిన పార్టీ బృందం..  సేకరించిన సరుకులు, నగదును తీసుకుని కేరళకు పయనమైందని రోజా తెలిపారు. కాగా, తన వంతు సహాయంగా నెల రోజుల వేతనాన్ని ప్రకటించి ఎమ్మెల్యే రోజా బాధితులకు బాసటగా నిలిచారు.

సాక్షి, హైదరాబాద్‌: తనపై అనుచిత వ్యాఖ్యలు చేసిన అధికార తెలుగుదేశం పార్టీ ఎమ్మెల్యే బోడె ప్రసాద్‌పై తాను ఇచ్చిన ఫిర్యాదు మేరకు కృష్ణా జిల్లా పెనమలూరు పోలీసులు కేసు నమోదు చేయకపోవడాన్ని సవాల్‌ చేస్తూ వైఎస్సార్‌సీపీ ఎమ్మెల్యే ఆర్కే రోజా దాఖలు చేసిన పిటిషన్‌పై ఉమ్మడి హైకోర్టు స్పందించింది. ఈ వ్యవహారంపై వివరాలను తమ ముందుంచాలని పోలీసులను హైకోర్టు ఆదేశించింది. తదుపరి విచారణను 10 రోజులకు వాయిదా వేసింది. ఈ మేరకు హైకోర్టు న్యాయమూర్తి జస్టిస్‌ ఎ.రాజశేఖర్‌రెడ్డి సోమవారం ఉత్తర్వులు జారీ చేశారు. తన ఫిర్యాదు ఆధారంగా బోడె ప్రసాద్‌పై కేసు నమోదు చేయకపోవడాన్ని రాజ్యాంగ విరుద్ధంగా ప్రకటించి, ఎమ్మెల్యేపై కేసు నమోదు చేసేలా పోలీసులను ఆదేశించాలని కోరుతూ గత వారం రోజా హైకోర్టులో పిటిషన్‌ దాఖలు చేసిన విషయం తెలిసిందే. ఈ వ్యాజ్యంపై సోమవారం జస్టిస్‌ ఎ.రాజశేఖరరెడ్డి విచారణ జరిపారు. ఈ సందర్భంగా పిటిషనర్‌ తరఫు న్యాయవాది పొన్నవోలు సుధాకర్‌రెడ్డి వాదనలు వినిపిస్తూ.. గత నెల 9న బోడె ప్రసాద్‌ విలేకరుల సమావేశం నిర్వహించి ఎమ్మెల్యే రోజాను ఇష్టమొచ్చినట్లు దూషిస్తూ మాట్లాడారన్నారు. దీనిపై గత నెల 14న పెనమూరు పోలీసులను ఆశ్రయించగా, ఫిర్యాదును తీసుకోవడానికి పోలీసులు నిరాకరించారన్నారు. దీంతో రిజిస్టర్‌ పోస్టు ద్వారా ఫిర్యాదు పంపగా, ఇప్పటి వరకు ఎలాంటి కేసు నమోదు చేయలేదని ఆయన కోర్టుకు నివేదించారు. ఈ వాదనలు విన్న న్యాయమూర్తి, ఈ వ్యవహారానికి సంబంధించి వివరాలను తమ ముందుంచాలని పోలీసులను ఆదేశించారు.  

ప్రకాశం : టీడీపీ అధ్యక్షుడు నారా చంద్రబాబు నాయుడు, ఆయన అనుచరగణం ఆంధ్రప్రదేశ్‌ రాష్ట్రాన్ని దోచుకుని సింగపూర్‌లో దాచుకుంటున్నారని వైఎస్సార్‌సీపీ ఎమ్మెల్యే ఆర్కే రోజా ఆరోపించారు. విలేకరులతో మాట్లాడుతూ..టీడీపీ మంత్రులు దిగజారి మాట్లాడుతున్నారు..వాళ్లు ఆడవారో మొగవారో తెలియటం లేదని ఎద్దేవా చేశారు. వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌ మోహన్‌ రెడ్డిపై కేసు పెట్టిన ఏడేళ్ల తర్వాత ఆయన సతీమణి వైఎస్‌ భారతిపై కేసు పెట్టడం ఒక కుట్ర అని ఆరోపించారు. బీజేపీ, కాంగ్రెస్‌లతో టీడీపీ కుమ్మక్కై విర్రవీగుతున్నారని మండిపడ్డారు. మీ ఇంట్లో వాళ్లను కూడా కోర్టుకు లాగే పరిస్థితి వస్తుందని హెచ్చరించారు. జగన్‌పై పెట్టిన కేసులు వీగిపోతున్నాయని..అది తట్టుకోలేకే భారతిపై రాద్ధాంతం చేస్తున్నారని తెలియజేశారు. బీజేపీతో కొట్లాడుతున్నట్లు నటిస్తూ టీడీపీ లోలోపల కుమ్మక్కు అయింది.. వైఎస్సార్‌సీపీ కేంద్ర ప్రభుత్వంపై లోక్‌సభలో అవిశ్వాసం పెడితే తీసుకోలేదు..టీడీపీ పెడితే తీసుకున్నారు..ఇదే కుమ్మక్కుకు నిదర్శనమన్నారు. కాంగ్రెస్‌ను ఓడించండి అన్న చంద్రబాబు..ఇప్పుడు కాంగ్రెస్‌ పార్టీ అధ్యక్షుడు రాహుల్‌ గాంధీని కౌగిలించుకుంటున్నారు..పదవుల కోసం గాడిద కాళ్లు కూడా పట్టుకునే రకం చంద్రబాబు అని తీవ్రంగా ఎద్దేవా చేశారు. పచ్చపత్రికల అండతో టీడీపీ రెచ్చిపోతుందని, భారతిపై కావాలని బురద జల్లుతున్నారని ఆరోపించారు. చంద్రబాబు ఇంట్లో వాళ్లను కూడా బయటకు లాగే రోజు వస్తుందని జోస్యం చెప్పారు. బాబుకు కౌంట్‌డౌన్‌ మొదలైందని వ్యాఖ్యానించారు. ఓటుకు నోటు కేసులో బాబు అడ్డంగా దొరికినా అరెస్ట్‌ చేయలేదు..టీడీపీ నేత సుజానా చౌదరీ బ్యాంకులకు డబ్బు ఎగ్గొట్టిన దొంగ..అలాంటి వారు కూడా భారతి గురించి మాట్లాడటం హాస్యాస్పదంగా ఉందన్నారు. వైఎస్‌ జగన్‌ ప్రజల తరపున పోరాటం చేస్తుంటే ఓర్వలేకనే చంద్రబాబు కుట్ర రాజకీయాలకు తెరలేపారని వ్యాఖ్యానించారు.

సాక్షి, హైదరాబాద్‌: తనపై అనుచిత వ్యాఖ్యలు చేసిన అధికార తెలుగుదేశం పార్టీ ఎమ్మెల్యే బోడే ప్రసాద్‌పై తాను ఇచ్చిన ఫిర్యాదు ఆధారంగా పెనమలూరు పోలీసులు కేసు నమోదు చేయకపోవడంపై వైఎస్సార్‌ కాంగ్రెస్‌ పార్టీ ఎమ్మెల్యే ఆర్‌.కె.రోజా హైకోర్టును ఆశ్రయించారు. బోడే ప్రసాద్‌పై కేసు నమోదు చేయకపోవడాన్ని రాజ్యాంగ విరుద్ధంగా ప్రకటించి, అతనిపై కేసు నమోదు చేసేలా పోలీసులను ఆదేశించాలని కోరుతూ ఆమె హైకోర్టులో పిటిషన్‌ దాఖలు చేశారు. ఇందులో హోం శాఖ ముఖ్య కార్యదర్శి, విజయవాడ పోలీస్‌ కమిషనర్, పెనమలూరు ఎస్‌హెచ్‌ఓలను ప్రతివాదులుగా పేర్కొన్నారు. అధికార పార్టీ నేతలు తన ప్రతిష్టను దెబ్బతీసేందుకు ప్రయత్నిస్తూ ఇష్టమొచ్చినట్లు వ్యాఖ్యలు చేస్తున్నారని రోజా తన పిటిషన్‌లో పేర్కొన్నారు. ఇందులో భాగంగా గత నెల 9న బోడే ప్రసాద్‌ విలేకరుల సమావేశం నిర్వహించి, తనను ఇష్టమొచ్చినట్లు దూషిస్తూ మాట్లాడారని తెలిపారు. మహిళ అన్న కనీస మర్యాద, గౌరవం లేకుండా నోటికొచ్చినట్లు మాట్లాడారన్నారు. ఈ నేపథ్యంలో తాను గత నెల 14న పెనమలూరు పోలీసులకు ఎమ్మెల్యే బోడే ప్రసాద్‌పై ఫిర్యాదు చేశానని, అయితే పోలీసులు ఆ ఫిర్యాదును తీసుకోలేదని ఆమె వివరించారు. ఈ వ్యాజ్యంపై సోమవారం హైకోర్టు విచారణ జరిపే అవకాశం ఉంది.

సాక్షి, అమరావతి: రాష్ట్రంలో బెల్టు షాపులను తొలగించేందుకు 15 రోజులు గడువు ఇస్తున్నామని, ఆలోగా ప్రభుత్వం స్పందించకపోతే మహిళలే రంగంలోకి దిగి ధ్వంసం చేస్తారని ఎమ్మెల్యే ఆర్‌కే రోజా హెచ్చరించారు. బెల్టుషాపులను తొలగించాలని డిమాండ్‌ చేస్తూ బుధవారం విజయవాడలోని రాష్ట్ర ఎక్సైజ్‌ శాఖ కమిషనర్‌ కార్యాలయం వద్ద మద్యం బాటిళ్లను ధ్వంసం చేసి ఆందోళన చేపట్టారు. బెల్టు షాపులను లేకుండా చేయడంతో పాటు, బడికి గుడికి, జాతీయ రహదారులకు సమీపంలో ఉన్న మద్యం దుకాణాలను తొలగించాలని కోరుతూ అంతకుముందు వైఎస్సార్‌సీపీ మహిళా విభాగం ఎక్సైజ్‌ శాఖ జాయింట్‌ కమిషనర్‌ చంద్రశేఖర్‌ నాయుడుకు వినతిపత్రం అందజేసింది. అనంతరం ఆర్‌కే రోజా మీడియాతో మాట్లాడుతూ మహిళల అభివృద్ధి కోసం చర్యలు తీసుకుంటామని ఎన్నికల ముందు చెప్పిన చంద్రబాబు అధికారంలోకి వచ్చిన తర్వాత లిక్కర్‌ అనే తుపాన్‌తో రాష్ట్రంలోని అన్ని వర్గాలను నాశనం చేస్తున్నారని మండిపడ్డారు. ఇంట్లో గృహ హింస జరగడానికి, మహిళలు, బాలికలపై అత్యాచారాలు, రోడ్డు ప్రమాదాలు జరగడానికి మద్యం ప్రధాన కారణమన్నారు. వాటిని నియంత్రించాల్సిన బాధ్యత సీఎంకు ఉన్నా పట్టించుకోకుండా అన్ని నేరాలకు బాధ్యుడయ్యారని విమర్శించారు. ఇన్ని చేస్తూ కూడా చంద్రబాబు సిగ్గు లేకుండా మహిళా సంక్షేమం అంటూ  విజయవాడ రోడ్లపై ర్యాలీ చేస్తున్నారని ధ్వజమెత్తారు. తన నియోజకవర్గమైన నగిరిలో చంద్రబాబు ఆయన బినామీలకు తప్పుడు దారిలో మద్యం లైసెన్స్‌ ఇచ్చారని ఆరోపించారు. చంద్రబాబు పెట్టిన మొదటి సంతకానికే దిక్కులేకుండా పోయిందని విమర్శించారు. సంతకం పెడితే నిమిషంలోనే అమలులోకి తెచ్చిన ఘనత దివంగత ముఖ్యమంత్రి వైఎస్‌ రాజశేఖరరెడ్డికే దక్కుతుందన్నారు. చంద్రబాబు చేసిన సంతకాలకు విలువ లేకుండా పోయిందన్నారు. కాల్‌మని, సెక్స్‌ రాకెట్, అత్యాచారాల నిందితులకు టీడీపీ పెద్దలు, ప్రభుత్వ పెద్దలు అండగా నిలుస్తున్నారని ధ్వజమెత్తారు. బెల్టు షాపుల వల్ల ఎక్కడపడితే అక్కడే మద్యం విక్రయాలు చేపడుతున్నందున మహిâýళలు, చిన్న పిల్లలపై అత్యాచారాలు పెరిగిపోయాయని పేర్కొన్నారు.  నేరస్థుల పట్ల సీఎం తీరుతోనే మహిళలపై అఘాయిత్యాలు  నేరస్థులను సీఎం చంద్రబాబు, ఆయన కుమారుడు లోకేశ్‌ ప్రోత్సహిస్తుండటం వల్లే రాష్ట్రంలో మహిళలపై అఘాయిత్యాలు జరుగుతున్నాయని ఆర్‌కే రోజా తీవ్ర స్థాయిలో ధ్వజమెత్తారు. విజయవాడలోని రాష్ట్ర పార్టీ కార్యాలయంలో బుధవారం జరిగిన వైఎస్సార్సీపీ మహిళా విభాగం రాష్ట్ర కార్యవర్గ సమావేశంలో ఆమె ప్రసంగించారు. ప్రభుత్వం అనుసరిస్తున్న మహిళా వ్యతిరేక విధానాల ఫలితంగా రాష్ట్రంలో మహిళలకు రక్షణ లేకుండా పోయిందన్నారు. వచ్చే ఎన్నికల్లో మహిళల మద్దతు కూడగట్టేలా పార్టీ మహిళా విభాగం పెద్ద ఎత్తున కృషి చేయాలని కోరారు. ముఖ్యంగా తెలుగుదేశం పాలనలో మహిళలకు రక్షణ లేకుండా పోయిన విషయంపై విస్తృతంగా ప్రచారం చేయాలన్నారు. అదే విధంగా పార్టీ అధినేత వైఎస్‌ జగన్‌మోహన్‌రెడ్డి మహిళల సంక్షేమానికి ప్రకటించిన ప«థకాలు, వారి రక్షణకు తీసుకునే చర్యలపై విస్తృతంగా ప్రచారం కల్పించాలని సూచించారు. గతంలో దివంగత ముఖ్యమంత్రి వైఎస్‌ రాజశేఖరరెడ్డి పాలనలో మహిళలు ఆర్థికంగా ఎలా అభివృద్ధి చెందారో తెలిజేయాలని కోరారు. మద్యం నియంత్రణ లేకపోవడంతోనే నేరాలు పెరుగుతున్నాయని ఆందోళన వ్యక్తం చేశారు. మహిళలకు భద్రత కరువైందని, ఆడవాళ్లు రోడ్డుపై ఒంటరిగా నడవాలంటే భయపడే పరిస్థితి నెలకొందని పలు జిల్లాల నుంచి హాజరైన మహిళలు ఆవేదన వ్యక్తం చేశారు. ఈ సమావేశంలో పాణ్యం ఎమ్మెల్యే గౌరు చరిత, అధికార ప్రతినిధి వాసిరెడ్డి పద్మ, శింగనమల నియోజకవర్గ సమన్వయకర్త పద్మావతి, కొల్లి నిర్మిలా కుమారి, కైలా జ్ఞానమణి, కృష్ణవేణి, తాతినేని పద్మావతి, బండి నాగపుణ్యశీల తదితరులు పాల్గొన్నారు.

సాక్షి, విజయవాడ : 15 రోజుల్లోగా రాష్ట్రంలోని అన్ని బెల్టు షాపులను తొలగించాలని వైఎస్సార్‌సీపీ ఎమ్మెల్యే ఆర్కే రోజా డిమాండ్‌ చేశారు. బెల్టు షాపులను తొలగించాలని కోరుతూ బుధవారం ఆమె ప్రసాదం పాడు ఎక్సైజ్‌ కార్యాలయంకు వెళ్లి కమిషనర్‌కు వినతిపత్రం అందిచారు. అనంతరం ఆమె విలేకరులతో మాట్లాడుతూ.. మద్యాన్ని కంట్రోల్‌ చేయాల్సిన బాధ్యతను చంద్రబాబు గాలికొదిలేశారని విమర్శించారు.  రాష్ట్రంలో విచ్చల విడిగా మద్యం అమ్మకాలు జరిగుతున్నాయని ఆరోపించారు. మహిళల సాధికారత దిశగా చంద్రబాబు సర్కార్‌ ఆలోచించడం లేదని విమర్శించారు. రాష్ట్రంలో చోటు చేసుకుంటున్న అన్ని నేరాలకు చంద్రబాబే కారణమని ఆరోపించారు. ప్రభుత్వం తరపున ఒక్క సంతకం పెడితే ఆ నిమిషం నుంచే ఏదైనా అమల్లోకి రావాలని, అది వైఎస్సార్‌సీపీతోనే సాధ్యమవుతుందన్నారు. కోర్టులను కూడా ఎక్సైజ్‌ అధికారులు తప్పుదోవ పట్టిస్తున్నారని ఆరోపించారు.

సాక్షి, హైదరాబాద్‌: ‘అసలు రాందాస్‌ అథవాలే ఎవరు? ఆయన మమ్మల్ని బీజేపీలోకి ఆహ్వానించడమేంటి? దాన్ని పచ్చ చానల్స్‌ హంగామా చేయడమేంటి? చూస్తుంటే.. ఇదంతా సీఎం చంద్రబాబు, ఆయన కుమారుడు లోకేశ్‌ పథకం ప్రకారం ఆడిన డ్రామాలా అన్పించడం లేదా?’ అని వైఎస్సార్‌సీపీ ఎమ్మెల్యే ఆర్కే రోజా ప్రశ్నించారు. హైదరాబాద్‌లోని పార్టీ కేంద్ర కార్యాలయంలో ఆదివారం ఆమె మీడియాతో మాట్లాడారు. రోజా ఏమన్నారంటే.. ‘తండ్రీకొడుకులు కేంద్ర మంత్రి అథవాలేతో మ్యాచ్‌ఫిక్సింగ్‌ చేసుకుని, ఆయనతో ప్రెస్‌మీట్‌ పెట్టించి ప్రకటన ఇప్పించారు... ఆయన అలా ప్రకటన చేయడం ఆలస్యం నారా లోకేశ్‌ ఇది కుట్రంటూ ట్వీట్‌ చేసేశారు.. ఆ మరుక్షణమే సీఎం చంద్రబాబు విలేకరుల సమావేశం పెట్టారు. నిజంగా ఇదంతా కుట్ర కాదా? ప్రతిపక్ష నేత వైఎస్‌ జగన్‌మోహన్‌రెడ్డిపై బురద జల్లడానికి చంద్రబాబు చేస్తున్న ప్రయత్నమే ఇది. బీజేపీ కాదుకదా.. ఏ పార్టీతోనూ పొత్తు లేకుండానే వచ్చే ఎన్నికల్లో ఒంటరిగా వెళ్తామని వైఎస్‌ జగన్‌ ప్రతి సభలోనూ పదేపదే చెబుతున్నారు’ అని రోజా గుర్తు చేశారు. అధికారం కోసం వైఎస్‌ జగన్‌ ఏ పార్టీతోనూ ఇప్పటివరకూ జత కట్టలేదని, పొత్తు పెట్టుకుని అధికారం చేజిక్కించుకోవాలని ఆరాటపడలేదని తెలిపారు.  దమ్ముంటే కెమెరా ముందుకు రా పప్పూ  చంద్రబాబు తన 1500 రోజుల దరిద్రపు పాలనపై ప్రజలు చర్చించుకోకుండా పక్కదారి పట్టించేందుకు డ్రామాకు తెరతీశారని రోజా అన్నారు. జగన్‌ బీజేపీలోకొస్తే బాగుంటుందని అథవాలే చేసిన ప్రకటన ఇందులో భాగమేనన్నారు. వెంటనే నిప్పు (చంద్రబాబు) ప్రెస్‌మీట్‌ పెట్టేశాడని, నిమిషాల్లోనే పప్పు (లోకేశ్‌) ఇది కుట్రంటూ ట్వీట్లు చేశాడని మండిపడ్డారు. లోకేశ్‌కు ధైర్యం ఉంటే తమ పార్టీ ఏం కుట్ర చేసిందో కెమెరాల ముందుకొచ్చి చెప్పాలన్నారు.  జనంలోకి వెళ్లలేక.. బురదజల్లుతారా?  మంచి చేసి ప్రజల మెప్పు పొందాలన్న ఆలోచన చంద్రబాబుకు ఎప్పుడూ లేదని, ఎదుటివారిపై బురదజల్లి, తన పచ్చమీడియాలో ప్రచారం చేసుకుని లబ్ధి పొందడమే ఆయనకు తెలిసిన విద్యని రోజా ధ్వజమెత్తారు. 1999, 2004, 2014 సంవత్సరాల్లో జరిగిన ఎన్నికల్లో బీజేపీతో కలిసే చంద్రబాబు ఎన్నికలకెళ్లారని గుర్తుచేశారు. ఒంటరిగా ఏనాడూ ఎన్నికల్లో పోటీ చేసిన చరిత్ర చంద్రబాబుకు లేదని ఎద్దేవా చేశారు. ఇలాంటి వ్యక్తికి జగన్‌ గురించి మాట్లాడే అర్హత ఎక్కడిదని ప్రశ్నించారు.    మేలు జరిగిందెవరికి?  చంద్రబాబు పాలనలో ఆయనకు, ఆయన కుమారుడికి, ఆయన మీడియా సంస్థలకు తప్ప ఇంకెవరికీ ప్రయోజనం కలగలేదని రోజా అన్నారు. ప్రజల సంపదను దోచుకోవడమే కాకుండా, టీటీడీ ఆస్తులూ కాజేసేందుకు పథకాలు వేశారని ఆమె మండిపడ్డారు. ఎన్నికలప్పుడు చేసిన వాగ్దానాల్లో 99 శాతం అమలు చేసినట్టు చెప్పుకుంటున్నారని, అదే నిజమైతే 2014 ఎన్నికల మేనిఫెస్టోను టీడీపీ వెబ్‌సైట్‌ నుంచి ఎందుకు తీసేశారో చెప్పాలన్నారు.   కరవుకు బ్రాండ్‌ అంబాసిడర్‌ చంద్రబాబు  కరవుకు బ్రాండ్‌ అంబాసిడర్‌ చంద్రబాబని, ఆయన ఎప్పుడొచ్చినా రైతుల జీవితాలు కరవుతో అల్లాడిపోతున్నాయని విమర్శించారు. గతంలో చంద్రబాబు 3,178 రోజులు పరిపాలించాడని, ఆ పాలన దరిద్రంగా ఉండబట్టే ప్రజలు పదేళ్లు ప్రతిపక్షంలో కూర్చోబెట్టారన్నారు. ఎస్సీ ఎస్టీ మహిళలపై అత్యాచారాలు, రాజ్యాంగాన్ని తుంగలో తొక్కడంలో రాష్ట్రాన్ని నెంబర్‌వన్‌గా చేయడమే చంద్రబాబు సాధించిన ఘనతని నిప్పులు చెరిగారు. చంద్రబాబుకు ధైర్యం ఉంటే పోలవరం అవినీతి, టీటీడీ అక్రమాలు, రాజధానిలో రైతుల భూములు దోచుకోవడం, ఓటుకు కోట్లు కేసుపై సీబీఐ విచారణ వేయించుకోవాలని సవాల్‌ చేశారు. గోదావరి పుష్కరాల్లో చనిపోయినవారికి ఇప్పటికీ న్యాయం చేయని పాలన బాబుదని ధ్వజమెత్తారు. పాఠశాలలకు సెలవైనా వనం– మనం పేరుతో పిల్లలను తీసుకెళ్లి పొట్టనబెట్టుకున్నారని మండిపడ్డారు. వైఎస్‌ జగన్‌ అధికారంలోకి వచ్చాక చంద్రబాబు అరాచకాలపై విచారణ జరుపుతామని, నష్టపోయినవారికి న్యాయం చేస్తామని చెప్పారు.

సాక్షి, విజయవాడ : వైఎస్సార్‌సీపీ ఎమ్మెల్యే రోజాపై టీడీపీ ఎమ్మెల్యే బోడె ప్రసాద్‌ చేసిన అనుచిత వ్యాఖ్యలపై వైఎస్సార్‌సీపీ నేతలు మండిపడ్డారు. కంకిపాడు పీఎస్‌లో బోడె ప్రసాద్‌పై ఫిర్యాదు చేసేందుకు వైఎస్సార్‌సీపీ నేతలు, అడ్వకేట్లు వెళ్లారు. పోలీసులు ఫిర్యాదు తీసుకోకుడా.. ఇది కంకిపాడు పీఎస్‌కు రాదని.. పెనమలురు పీఎస్‌కు వెళ్లాలని పోలీసులు సూచించారు. దీంతో నాయకులు పెనమలూరు పీఎస్‌లో ఫిర్యాదు చేసేందుకు అక్కడి వెళ్లి గంటలపాటు పడిగాపులు కాశారు. కొన్ని గంటలపాటు పీఎస్‌లోనే ఉన్నారు. అయినా కూడా ఫిర్యాదు తీసుకునేందుకు పోలీసులు నిరాకరించారు. బోడె ప్రసాద్‌పై ఎఫ్‌ఐఆర్‌ నమోదు చేయాలని వైఎస్సార్‌సీపీ నేతలు  డిమాండ్‌ చేస్తున్నారు. 

సాక్షి, విజయవాడ : టీడీపీ ఎమ్మెల్యేలు ఓటమి భయంతోనే వీధి రౌడీల్లా వ్యవహరిస్తున్నారని వైఎస్సార్‌సీపీ అధికార ప్రతినిధి సుధాకర్‌ బాబు ధ్వజమెత్తారు. సీఎం చంద్రబాబుది సింగపూర్‌ పర్యటన కాదు.. దొంగపూర్‌ పర్యటన అని ఆయన ఎద్దేవా చేశారు. మంగళవారం విజయవాడ పార్టీ కార్యాలయంలో సుధాకర్‌ బాబు మీడియాతో మాట్లాడారు. అంతేకాక టీడీపీ నేతలకు ఓటమి భయం పట్టుకుందన్నారు. అధికారం ఉందని ఇష్టమొచ్చినట్లు మాట్లాడుతున్నారని ఆయన మండిపడ్డారు.  ఎమ్మెల్యే రోజాపై పెనమలూరు టీడీపీ ఎమ్మెల్యే బోడె ప్రసాద్‌ మాట్లాడిన తీరుపై ఆయన నిప్పులు చెరిగారు. ‘బోడె ప్రసాద్‌ వాజమ్మలా మాట్లాడాడు. బోడె ప్రసాద్‌ ఇసుక దొంగ అని చిన్న పిల్లలు కూడా చెబుతారు. బోడె మిత్రుడు శ్రీకాంత్‌ కాల్‌మనీ, సెక్స్‌ రాకెట్‌ నిందితుడు. ఈ విషయం అప్పటి సీపీ గౌతమ్‌ సవాంగ్‌ స్వయంగా చెప్పారు. బోడె నీ ఇంట్లో ఆడవాళ్ళు ఐనా నీ ప్రెస్‌మీట్‌​ చూడగలరా? నోటి కొచ్చినట్లు అడ్డగోలుగా మాట్లాడడం కాదు. వీధి రౌడీలా, గూండాలా మాట్లాడుతావా? పెనమాలూరులోని ఇసుక దోపిడీని నిరూపిస్తాం. బోడె నీకు ఇంక 5,6 నెలల కాలమే ఉంది, గుర్తుంచుకో. బోడె ఇంటర్‌ పరీక్షల్లో వేరే వారితో దొంగ పరీక్ష రాయించిన ఘనుడువని ధ్వజమెత్తారు. సెక్స్‌, కాల్‌మనీ పనులు ఆపండి. బోడిమాటలు మాట్లాడటం ఆపు బోడె ప్రసాద్‌. ఓపెన్‌ టెన్త్‌ పరీక్షలో అడ్డంగా దొరికిపోయావు. శాసన సభ్యుడిగా కొనసాగే అర్హత బోడె ప్రసాద్‌కు లేదు. రోజాపై ఒక్క చెప్పు పడితే.. మీ నాయకుడిపై లక్షల చెప్పులు పడతాయి. దమ్ముంటే ఎమ్మెల్యే రోజా ప్రశ్నలకు సమాధానం చెప్పాలి. దోచుకున్న సొమ్మును విదేశాల్లో దాచుకుంటున్నారు. 52 నెలల పాలనలో 24 సార్లు విదేశాలకు వెళ్లారు. కనీసం 24 కోట్ల రూపాయల పెట్టుబడులైనా తీసుకొచ్చారా?  చంద్రబాబు నీ దొంగపూర్ పర్యటనల పేరుతో రాష్ట్రాన్ని నవ్వుల పాలు చేశావని’ వైఎస్సార్‌సీపీ నేత సుధాకర్‌ బాబు విమర్శించారు.

సాక్షి, విజయవాడ : నేడు దివంగత ముఖ్యమంత్రి, మహానేత వైఎస్‌ రాజశేఖరరెడ్డి 69వ జయంతి. ఈ సందర్భాన్ని పురస్కరించుకుని నగిరి ఎమ్మెల్యే రోజా వైఎస్సార్‌ సీపీ రాష్ట్ర కార్యలయంలో మాట్లాడారు. తెలుగు రాష్ట్రాల ప్రతి గుండే ఇప్పటికీ వైఎస్‌ రాజశేఖరరెడ్డిని తలుచుకుంటోందని రోజా అన్నారు. వైఎస్సార్‌ అనేది పేరు కాదు.. బ్రాండ్‌ అని తెలిపారు. విశ్వసనీయత, నమ్మకానికి మారు పేరు వైఎస్సార్‌ అని పేర్కొన్నారు. వైఎస్సార్‌ ప్రవేశపెట్టిన సంక్షేమ పథకాలను దేశంలోని ఏ ముఖ్యమంత్రి చేయలేదన్నారు. తొమ్మిదేళ్ల పాలనలనో ఆయన లేని లోటు స్పష్టంగా కనిపిస్తోందన్నారు. వైఎస్సార్‌లాగా సంక్షేమాన్ని అందించగలిగే, వైఎస్సార్‌ వారసత్వాన్ని నిలబెట్టగలిగే వ్యక్తి వైఎస్‌ జగన్‌ మోహన్‌ రెడ్డి మాత్రమేనని రోజా అన్నారు.  ముఖ్యమంత్రి చంద్రబాబుది దోచుకొని దాచుకునే నైజమని రోజా వ్యాఖ్యానించారు. బాబు అసమర్ధత సీఎం అని, విదేశీ పర్యటనలో పేరుతో దోచుకున్న డబ్బుని దాచి వస్తున్నారని తెలిపారు. ముఖ్యమంత్రి, టీడీపీ మంత్రులు దారుణంగా మాట్లాడుతున్నారని మండిపడ్డారు. యనమల రామకృష్ణుడు నువ్వు కూడా జగన్‌ని విమర్శిస్తావా.? నాలుగేళ్లు బీజేపీతో ఉండి ఇప్పుడు విమర్శలా.. అని దుయ్యబట్టారు. అఫిడవిట్‌ విషయంలో సుప్రీం కోర్టు ప్రశ్నిస్తే ఏం సమాధానం చెబుతారని ప్రశ్నించారు.   

పుత్తూరు: నగరి ఎమ్మెల్యే, వైఎస్సార్‌సీపీ రాష్ట్ర మహిళాధ్యక్షురాలు ఆర్‌కే రోజాపై అధికార టీడీపీకి చెందిన అల్లరిమూకలు దాడికి యత్నించాయి. పుత్తూరు ప్రభుత్వ ఆస్పత్రిలో నూతన భవనాలను బుధవారం ఎమ్మెల్యే రోజా ప్రారంభించారు. దీన్ని జీర్ణించుకోలేకపోయిన టీడీపీ నేతలు మద్యం మత్తులో ఎమ్మెల్యేపై దాడికి ప్రయత్నించాయి. టీడీపీ అల్లరిమూకల చర్యలతో ఆస్పత్రి ఆవరణలో భీతావహ వాతావరణం నెలకొంది. మరోవైపు దివంగత ఎమ్మెల్సీ గాలి ముద్దుకృష్ణమనాయుడు తనయుల మధ్య ఆధిపత్య పోరుకు ఆస్పత్రి నూతన భవనాల ప్రారంభోత్సవ కార్యక్రమం వేదికైంది. రాష్ట్రమంత్రి అమర్‌నాథ్‌ రెడ్డి సమక్షంలోనే ఇరువర్గాలు ఒకరిపై మరొకరు దాడికి ప్రయత్నించడంతో ఆ పార్టీ వర్గాలు విస్తుపోయాయి. పుత్తూరు ప్రభుత్వ ఆస్పత్రి దుస్థితిని తొలి అసెంబ్లీ సమావేశాల్లోనే ఎమ్మెల్యే రోజా ప్రభుత్వం దృష్టికి తీసుకెళ్లగా నూతన భవనాల కోసం రూ.1.75 కోట్లు మంజూరు చేసింది. ఆ భవనాల ప్రారంభోత్సవాన్ని అధికారులు బుధవారం ఏర్పాటు చేశారు. కార్యక్రమానికి ఎమ్మెల్యే రోజా అధ్యక్షత వహించగా, మంత్రి అమర్‌నాథ్‌ రెడ్డి, గాలి సరస్వతమ్మ ముఖ్య అతిథులుగా హాజరయ్యారు. వీరితో పాటు ముద్దుకృష్ణమనాయుడు ఇద్దరు కుమారులు గాలి భానుప్రకాష్, గాలి జగదీష్‌ వారి అనుచర వర్గాలతో భారీ సంఖ్యలో అక్కడికి చేరారు. ఎమ్మెల్యే రోజా పంచాయతీరాజ్‌ అతిథి గృహం నుంచి పాదయాత్రగా వేదిక వద్దకు చేరుకున్నారు. ఆ సమయంలో టీడీపీ నాయకులు దివంగత మద్దుకృష్ణమ పేరుతో నినాదాలు చేయగా, వైఎస్సార్‌సీపీ కార్యకర్తలు జై జగన్‌ అంటూ నినాదాలిచ్చారు. ఇంతలో టీడీపీకి చెందిన అల్లరి మూకలు మద్యం మత్తులో ఎమ్మెల్యే రోజాకు వ్యతిరేకంగా నినాదాలు చేస్తూ ఆమెను చుట్టుముట్టారు. ఒక దశలో చేతులు పైకెత్తి ఎమ్మెల్యేపై దాడికి దూసుకొచ్చారు. దీంతో ఎమ్మెల్యే రోజా గన్‌మాన్‌ తుపాకి గాలిలోకి ఎక్కుపెట్టి హెచ్చరించారు. మరో వైపు  గాలి భానుప్రకాష్‌ వర్గీయులు గాలి జగదీష్‌పైకి దూసుకు వచ్చారు.  ఎమ్మెల్యే రోజా గాలి జగదీష్‌ను తనవైపునకు రమ్మని రక్షణనిచ్చారు.  అల్లరి మూకలు రెచ్చగొట్టినా ఎమ్మెల్యే రోజా  సంయమనం పాటించి నేతలందరినీ సన్మానించి రాజనీతి ప్రదర్శించారు.  రాష్ట్రంలో చంద్రబాబు డ్రామా కంపెనీ  నాలుగేళ్లు బీజేపీతో అంటకాగి ఇప్పుడు దొంగదీక్షలు చేస్తూ చంద్రబాబునాయుడు ప్రభుత్వం కొత్తడ్రామాకు తెరసీందని ఎమ్మెల్యే ఆర్‌కే రోజా విమర్శించారు. పుత్తూరు ఆర్‌అండ్‌బీ అతిథిగృహంలో విలేకర్లతో మాట్లాడారు. ఈ సందర్భంగా ఆమె మాట్లాడుతూ కడపకు ఉక్కు ఫ్యాక్టరీ ఇవ్వాలని నాలుగేళ్లుగా పోరాడకుండా ఇప్పుడు రాజ్యసభ సభ్యుడు సీఎం రమేష్‌ చేత దొంగదీక్ష చేయించారని ఆరోపించారు. ఆయన చేసిన నిరాహారదీక్షకు సంబంధించి మెడికల్‌ రిపోర్టులను బహిర్గతం చేయాలని రోజా డిమాండ్‌ చేశారు. చేతనైతే ఎంపీలతో రాజీనామా చేయించి ఢిల్లీలో ఆమరణ నిరాహారదీక్షలు చేయాలని ఆమె చంద్రబాబునాయుడుకు సవాల్‌ విసిరారు. అలాకాకుండా చీకట్లో ప్రధానిమోదీ, అమిత్‌షా కాళ్లు పట్టుకుంటూ రాష్ట్రంలో దీక్షలు చేస్తే ప్రజలు నమ్మే పరిస్థితిలో లేరన్నారు.

సాక్షి, తిరుపతి: చిత్తూరు జిల్లా నగరి నియోజకవర్గంలో తెలుగుదేశం పార్టీ నేతలు దాదాగిరికి దిగారు. పుత్తూరులో ప్రభుత్వ ఆసుపత్రి భవన ప్రారంభోత్సవ కార్యక్రమంలో పాల్గొనడానికి వచ్చిన వైఎస్సార్‌ కాంగ్రెస్‌ పార్టీ ఎమ్మెల్యే రోజాను ప్రోటోకాల్‌కు విరుద్ధంగా టీడీపీ కార్యకర్తలు అడ్డుకున్నారు. అంతే కాకుండా ఆమెపై దాడికి యత్నించారు. దీంతో వైఎస్సార్‌సీపీ కార్యకర్తలు వారిని అడ్డుకున్నారు. దీంతో అక్కడ గందరగోళ వాతావరణం నెలకొంది. మంత్రి ఆమర్నాథ్‌ రెడ్డి సమక్షంలోనే అధికార పార్టీ కార్యకర్తలు రెచ్చిపోవడం గమనార్హం.  అంతకు మందు రోజా మీడియాతో మాట్లాడుతూ.. ముఖ్యమంత్రి చంద్రబాబు నాయుడిపై ఆగ్రహం వ్యక్తం చేశారు.  సొంత జిల్లాలో రైతులను నట్టేట ముంచుతున్నారన్నారు. మొన్న టమోటా, ఇప్పుడు మామిడి రైతులు రోడ్డుపాలు అయ్యారన్నారు. మామాడికి గిట్టుబాటు లేక రైతులు రోడ్లెక్కారు. ఇది చంద్రబాబు సర్కారుకు సిగ్గు కాదా అన్నారు. రైతుల మీద చంద్రబాబుది దొంగ ప్రేమ అని మండిపడ్డారు.

సాక్షి, హైదరాబాద్‌: అధికార తెలుగుదేశం పార్టీకి ఓటమి భయం పట్టుకోవడం వల్లే ముందస్తు ఎన్నికలు వద్దని ప్రెస్‌మీట్లు పెట్టడంతో పాటుగా ట్వీట్లు చేస్తున్నారని వైఎస్సార్‌ కాంగ్రెస్‌ మహిళా విభాగం అధ్యక్షురాలు ఆర్‌.కె.రోజా ధ్వజమెత్తారు. ఆమె గురువారం పార్టీ కేంద్ర కార్యాలయంలో జరిగిన విలేకరుల సమావేశంలో మాట్లాడుతూ తమ పార్టీ అధ్యక్షుడు వైఎస్‌ జగన్‌మోహన్‌రెడ్డి చేస్తున్న ప్రజాసంకల్పం పాదయాత్ర 200 రోజులు పూర్తి చేసుకోవడమే కాక, ఆయన వెంట జనం ప్రభంజనంలాగా నడుస్తుండటంతో టీడీపీ నేతలకు కంటి మీద కునుకు కరవైందన్నారు. ఫ్లెక్స్‌ సంస్థపై వచ్చిన వార్తను ప్రస్తావిస్తూ... లోకేశ్‌ చేసిన ట్వీట్లు చూస్తే ఆయనకున్న పప్పు అనే బిరుదును సార్థకం చేసుకున్నట్లుందన్నారు. ఈ సంస్థ ఏర్పాటుకు కేంద్ర ప్రభుత్వమే పూర్తిగా రాయితీలు ఇస్తుందని, రాష్ట్ర ప్రభుత్వానికి ఏ మాత్రం సంబంధం లేకపోయినా ఏదో తమ ఘనతగా లోకేశ్‌ చెప్పుకుంటున్నారని ఆమె విమర్శించారు. అదిగో పులి అంటే ఇదిగో తోక అన్నట్లు రాష్ట్రంలో పెట్టుబడులపై ముఖ్యమంత్రి చంద్రబాబు, లోకేశ్‌ చెప్పుకుంటున్నారని, రూ. 20 లక్షల కోట్లు పెట్టుబడులుగా వచ్చినట్లు ప్రకటించారన్నారు. అయితే నాలుగేళ్లలో రాష్ట్రానికి వచ్చిన పెట్టుబడులు కేవలం రూ.16,933 కోట్లు మాత్రమేనన్నారు. లోకేశ్‌ను తొలుత పప్పు ఏదో అనుకున్నామని, ఇపుడాయన తెలివితేటలు చూస్తూంటే గన్నేరు పప్పు అనే విషయం చంద్రబాబుకు కూడా అర్థమై పోయిందన్నారు. తెలంగాణ సీఎం కేసీఆర్‌ కనకదుర్గమ్మకు ముక్కుపుడక ఇవ్వడానికి విజయవాడ వస్తే మంత్రి దేవినేని ఉమా ఆయనకు వంగి వంగి నమస్కారాలు పెట్టి సేవలందించారన్నారు. దేవినేని ప్రొటోకాల్‌ మంత్రిగా వ్యవహరించలేదని ఓటుకు కోట్లు కేసులో ఇరుకున్న తమ నేత చంద్రబాబుపై కేసులు రాకుండా కాళ్లు పట్టుకున్నట్లుగా ఉందని ఆమె వ్యాఖ్యానించారు. టీడీపీ నేత కళా వెంకటరావు జగన్‌కు లేఖ పేరుతో ఏవో పిచ్చి ప్రశ్నలు వేశారన్నారు. లక్ష కోట్లు అని పాతపాటే పాడారని, నాలుగేళ్లుగా కేంద్రంతో జత కట్టిన టీడీపీ వారు లక్ష కోట్లకు ఆధారాలు ఎందుకు తీసుకురాలేదో? చెప్పాలన్నారు. తన లక్ష కోట్ల ఆస్తిని చూపిస్తే అందులో పది శాతం ఇస్తే మిగతాది మీకే రాసిస్తానని జగన్‌ అసెంబ్లీలోనే సవాలు విసిరితే ముందుకు రాని టీడీపీ వారు ఇంకా అదే విమర్శలు చేయడం హాస్యాస్పదమన్నారు. కళా కనుక చర్చకు వస్తే ఆయన అడిగిన ప్రతి ప్రశ్నకు సమాధానం చెబుతామని, లేకుంటే ఆయన రాజకీయ సన్యాసం తీసుకుంటారా? అని రోజా ప్రశ్నించారు. రైతుల రుణాలను మాఫీ చేస్తానని మోసం చేసిన చంద్రబాబు ఇప్పుడు ఏరువాక అంటూ బయలుదేరారని, అయితే రైతులు ఆయనపై పోరువాకకు సిద్ధమవుతున్నారని హెచ్చరించారు. 2014–16లో మహిళలపై అత్యాచారాల్లో భారతదేశంలో ఆంధ్రప్రదేశ్‌ 9వ స్థానంలో ఉంటే ఇపుడు అది నాలుగో స్థానానికి చేరిందని ఇదీ చంద్రబాబు సాధించిన ఘనత అని ఎద్దేవా చేశారు. ఈరోజు సెక్స్‌ రాకెట్‌ అమరావతి నుంచి చికాగో వరకూ తీసుకు వెళ్లి తెలుగు వారి గౌరవాన్ని గంగలో కలిపారని ఆమె ఆవేదన వ్యక్తం చేశారు.    సీఎం రమేష్‌ దీక్ష చేస్తున్నది ఏ ప్రభుత్వంపైన నాలుగేళ్లు బీజేపీ ప్రభుత్వంతో అంటకాగిన టీడీపీకి ఇపుడే స్టీలు ఫాక్టరీ ఇప్పుడే గుర్తుకు వచ్చిందా అని రోజా ప్రశ్నించారు. అసలు ఎంపీ సీఎం రమేష్‌ ఎవరి ప్రభుత్వంపై దీక్ష చేస్తున్నారని ఆమె ఆశ్చర్యం వ్యక్తం చేశారు. చంద్రబాబుకు గత తొమ్మిదేళ్ల పాలనలో ఏనాడూ స్టీల్‌ప్లాంట్‌ గుర్తుకు రాలేదని దివంగత వైఎస్‌ రాజశేఖరరెడ్డి తన పాలనలో స్టీల్‌ ఫ్యాక్టరీకి ఉపక్రమిస్తే నానా యాగీ చేసింది చంద్రబాబేనని ఆమె దుయ్య బట్టారు. తమ పార్టీ ఎంపీ అవినాశ్‌రెడ్డి కడప ఉక్కు ఫ్యాక్టరీ గురించి 8 సార్లు పార్లమెంటులో మాట్లాడితే ఒక్క టీడీపీ ఎంపీ కూడా పట్టించుకోలేదన్నారు. రాష్ట్రంలో మంతెన, వీరమాచినేని డైటింగ్‌ గురించి చర్చ జరుగుతోందని ఇపుడు సీఎం రమేష్, బిటెక్‌ రవి దీక్ష చూశాక వారి డైటింగ్‌ గురించి కూడా మాట్లాడుకుంటున్నారని ఆమె ఎద్దేవా చేశారు.

పుత్తూరు: తెలుగుదేశం పార్టీకి చెందిన వెబ్‌సైట్ల ద్వారా ప్రచారం అవుతున్న వివరాలనే ఏబీఎన్‌ ఆంధ్రజ్యోతి యాజమాన్యం ఆదివారం సంచికలో సర్వే పేరుతో ప్రచురించిందని వైఎస్సార్‌ కాంగ్రెస్‌ పార్టీ మహిళా విభాగం రాష్ట్ర అధ్యక్షురాలు, నగరి ఎమ్మెల్యే ఆర్కే రోజా తేల్చి చెప్పారు. సోమవారం ఆమె చిత్తూరు జిల్లా పుత్తూరులో విలేకరులతో మాట్లాడుతూ.. నగరిలో వైఎస్సార్‌సీపీ గెలుస్తుందని ప్రచురించిన ఆంధ్రజ్యోతి సోమవారం మాత్రం నియోజకవర్గంలో ఎమ్మెల్యే రోజా పరిస్థితి బాగాలేదని ప్రచురించడంలో ఆంతర్యమేమిటని ప్రశ్నించారు. ముఖ్యమంత్రి చంద్రబాబునాయుడు, ఆయన కుమారుడు లోకేష్‌ ఆంధ్రజ్యోతి యాజమాన్యాన్ని తలంటడంతో నగరిలో ఒక్కరోజులో గెలుపు ఓటమిగా మారిపోయిందని ఆమె ఎద్దేవా చేశారు. రాష్ట్రంలోని 19 నియోజకవర్గాల్లో సర్వే చేసి టీడీపీ అధికారంలోకి వస్తుందని ప్రకటించడం హాస్యాస్పందంగా ఉందని, ఇది నీతిమాలిన సర్వే అని స్పష్టం చేశారు. ఆంధ్రజ్యోతి కార్యాలయాలకు ప్రభుత్వ భూములు, ప్రభుత్వ సొమ్ముతో ప్రకటనలు దోచిపెడుతున్నారు కాబట్టే ఆ పత్రికా యాజమాన్యం స్వామి భక్తి చూపిస్తోందని ధ్వజమెత్తారు. కార్యక్రమంలో వైఎస్సార్‌సీపీ బీసీ సెల్‌ రాష్ట్ర ప్రధాన కార్యదర్శి డీఎన్‌ ఏలుమలై, డీసీసీబీ డైరెక్టర్‌ దిలీప్‌రెడ్డి, రెడ్డివారి భాస్కర్‌రెడ్డి, రవిశేఖర్‌రాజు, ప్రతాప్, మైనార్టీ సెల్‌ రాష్ట్ర ప్రధాన కార్యదర్శి మాహీన్‌ పాల్గొన్నారు.

తిరుపతి రూరల్‌: తన స్వార్థం కోసం రాష్ట్ర ప్రయోజనాలను తాకట్టు పెడుతూ ముఖ్యమంత్రి చంద్రబాబునాయుడు ఊసరవెల్లి రాజకీయాలు చేస్తున్నారని వైఎస్సార్‌ కాంగ్రెస్‌ పార్టీ సీనియర్‌ నేత బొత్స సత్యనారాయణ దుయ్యబట్టారు. తన అవినీతిపై విచారణ జరగకుండా ఉండటం కోసమే బీజేపీకి చెందిన వారి బంధువులను సలహాదారులుగా పెట్టుకున్నారని, టీటీడీ బోర్డులో కూడా సభ్యులుగా నియమించారని విమర్శించారు. చంద్రగిరి ఎమ్మెల్యే డాక్టర్‌ చెవిరెడ్డి భాస్కర్‌రెడ్డి ఆధ్వర్యంలో నిర్వహించిన వైఎస్సార్‌ గ్రామీణ క్రికెట్‌ టోర్నమెంట్‌ ముగింపు సమావేశానికి హాజరైన బొత్స సత్యసత్యనారాయణ, ఎమ్మెల్యే ఆర్కే రోజా హాజరయ్యారు. ఈ సందర్భంగా బొత్స విలేకరులతో మాట్లాడుతూ.. రాష్ట్రంలో అధికార పార్టీ నేతలు ఎవరి స్థాయిలో వారు దోచుకుంటున్నారని, పంచభూతాలను సైతం వదలడం లేదని మండిపడ్డారు. దేశంలో ఎక్కడా లేని విధంగా రాష్ట్ర ప్రభుత్వం అధిక మొత్తంలో సెస్‌ను విధించి ప్రజలపై పెట్రోల్, డీజిల్‌ భారం భారీగా మోపుతోందని ఆరోపించారు. ప్రభుత్వం చేతకానితనంతో రాష్ట్రం అభివృద్ధిలో 20 ఏళ్లు వెనక్కిపోయిందని ఆవేదన వ్యక్తం చేశారు. బీజేపీతో పొత్తు ఉండదని, ఒంటరిగానే ప్రజల ముందుకు వెళ్తామని బొత్స సత్యనారాయణ స్పష్టం చేశారు.  చంద్రబాబు సీమ ద్రోహి: ఆర్కే రోజా రాయలసీమ అభివృద్ధికి గుండెకాయ వంటి కడప ఉక్కు పరిశ్రమ, మన్నవరం ప్రాజెక్టులను నిర్వీర్యం చేసి సీఎం చంద్రబాబు సీమద్రోహిగా నిలిచారని నగరి వైఎస్సార్‌సీపీ ఎమ్మెల్యే ఆర్కే రోజా అన్నారు. రాయలసీమ జిల్లాలకు చంద్రబాబు తీరని ద్రోహం చేస్తున్నారని దుయ్యబట్టారు. యువతకు ద్రోహం చేస్తున్న చంద్రబాబును తరిమికొట్టి.. నిరంతరం ప్రజలతో మమేకమవుతూ, వేలాది కిలోమీటర్లు పాదయాత్ర చేస్తున్న ప్రతిపక్ష నేత వైఎస్‌ జగన్‌మోహన్‌రెడ్డిని ముఖ్యమంత్రిని చేద్దామని పిలుపునిచ్చారు. ఈ సమావేశంలో వైఎస్సార్‌సీపీ చిత్తూరు పార్లమెంటరీ జిల్లా అ«ధ్యక్షుడు జంగాలపల్లి శ్రీనివాసులు, ఎమ్మెల్యే చెవిరెడ్డి భాస్కర్‌రెడ్డి పాల్గొన్నారు.

నగరి(నిండ్ర): నియెజగవర్గంలో టీడీపీ పాలనలో ఎలాంటి అబివృద్ధి జరగలేదని నగరి ఎమ్మెల్యే రోజా అన్నారు. వైఎస్సార్‌సీపీ నగరి బూత్‌ కమిటీ సమావేశంలో ఆమె మట్లాడుతూ నగరి నియోజకవర్గంలో అభివృద్ధి కార్యక్రమాలకు అధికార పార్టీ అడ్డుపడుతోందని విమర్శించారు. నగరి పట్టణంలో ఎలాంటి కార్యక్రమం చేపట్టాలన్నా అధికారులు, పార్టీ నాయకులు అడ్డుపడుతున్నారని తెలిపారు. నగరి వైద్యాశాల వద్ద బస్సు షెల్టర్‌ నిర్మాణం, తాగునీటి ఆర్‌ఓ ప్లాంట్ల నిర్మాణానికి, మండలంలో ఎంపీ విజయసాయి రెడ్డి నిధులతో పలు అభివృద్ధి కార్యక్రమాలు చేయడానికి టీడీపీ సర్పంచ్‌లు అనుమతి ఇవ్వలేదని, పుత్తూరు మండలంలోను ఇదే సమస్యగా ఉం దని తెలిపారు. దేశంలో ఏ రాష్ట్రంలో జరగని అవినీతి పాలన చేసిన ఘనత చంద్రబాబుకే దక్కిందని,  ఇక ప్రజ లు ఆయన్ను నమ్మే స్థితిలో లేరని చెప్పారు. ప్రత్యేక హోదా విషయాన్ని బంగాళాఖాతంలో కలిపిన సీఎంగా పేరుతెచ్చుకున్నారని తెలిపారు. ఎమ్మెల్యేలకు ప్రభుత్వం నిధులు కేటాయించకపోయినా తన వంతు ప్రజలకు సహాయం చేయడం తనకెంతో గర్వంగా ఉందని చెప్పారు. ఈ సమావేశంలో పార్టీ రాష్ట్ర ట్రేడ్‌ యూనియన్‌ నాయకులు కేజే కుమార్, చంద్రారెడ్డి, బుజ్జిరెడ్డి, తిరుమల రెడ్డి, హరిహరన్, సుధాకర్‌రెడ్డి, రమేష్‌రెడ్డి, పరుశురామ్, కృష్ణమూర్తి, ప్రదీప్‌ తదితరులు పాల్గొన్నారు.

నగరి (నిండ్ర) : పార్టీ పటిష్టతకు బూత్‌ కమిటీలు చురుగ్గా వ్యవహరించాలని ఎమ్మెల్యే ఆర్‌కే రోజూ దిశానిర్దేశం చేశారు. స్థానిక పార్టీ కార్యాలయంలో గురువారం  నగరి రూరల్‌ మండల బూత్‌ కమిటీ నేతలతో ఏర్పాటు చేసిన సమావేశంలో ఎమ్మెల్యే  మాట్లాడారు. నియెజకవర్గంలోని అన్ని మండలాల్లో పార్టీ పటిష్టతకు కమిటీలు సమన్వయంతో వ్యవహరించడం వల్ల పట్టు సాధించామని, రానున్న ఎన్నికలను దృష్టిలో ఉంచుకుని, మరింత చురుగ్గా వ్యవహరించాల్సిన అవసరాన్ని ఆమె ప్రధానంగా ప్రస్తావించారు. గ్రామాల్లో వైఎస్సార్‌సీపీ మద్దతుదార్ల పేర్లను ఓటర్ల జాబితా నుంచి తొలగిస్తున్నారని, ఆ విషయాలపై ప్రధానంగా దృష్టి కేంద్రీకరించాలని సూచించారు. కొత్తగా ఓటర్లను నమోదు చేయించడానికి కూడా మరింత చురుగ్గా వ్యవహరించాలని, దీనివల్ల పార్టీకి బలం చేకూరుతుందన్నారు. ఈ బాధ్యతలు తీసుకోవడంలో బూత్‌కమిటీలు శ్రద్ధ తీసుకోవాలన్నారు. అమలుకాని వాగ్దానాలతో మోసం చేసిన ప్రభుత్వ పెద్దల తీరుపై ప్రజలను మరింత చైతన్యం చేయడంతో పాటు,  అధికారంలోకి రాగానే వైఎస్సార్‌సీపీ అమలు చేయనున్న నవరత్న పథకాలపై విస్తృతంగా ప్రచారం చేసి, ప్రజల అభిమానం చూరగొనాలన్నారు. ఆ ప్రచారం నమ్మవద్దు.. నగరి వైఎస్సార్‌ సీపీ అభ్యర్ధిగా తనకు టికెట్‌ లేదని కొందరు సాగిస్తున్న ప్రచారాన్ని నమ్మవద్దని ఎమ్మెల్యే రోజా పార్టీ శ్రేణులను కోరారు. నేను పార్టీ అభివృద్ధికి కృషి చేస్తున్నా. స్థానిక సంస్థల ప్రజాప్రతినిధులు, శ్రేణులు పార్టీని మరింత పటిష్టం చేయాలనే తపనతోనే ఉన్నారు. తనపై తప్పుడు ప్రచారం చేయడం సరికాదని ఆమె హితవు పలికారు. రాష్ట్రంలో అధికార పార్టీని సూటిగా నిలదీసే వారిలో నేను కూడా ఒకరినని రోజా తెలిపారు. దీంతో తనపై అనవసరంగా తప్పుడు ప్రచారం సాగిస్తున్నారని అన్నారు. నా జీవితం పార్టీకే అంకితం. జగన్‌ అన్నకు తోడుగా ఉంటానని  స్పష్టం చేశారు. పార్టీ అధికారంలోకి రాగానే వైఎస్‌ జగన్‌మోహన్‌రెడ్డి నాయకత్వంలో  నగరి నియోజకవర్గంలో అభివృద్ధి అంటే ఎలా ఉంటుందో చూపిస్తానని అన్నారు. గెలుపే ధ్యేయం కావాలి.. నగరి నియోజగవర్గంలో పార్టీ నాయకులు కలిసికట్టుగా పనిచేయాలని వైఎస్సార్‌ సీపీ ట్రేడ్‌ యూనియన్‌ నాయకుడు కేజే.కుమార్‌ కోరారు. నగరి బూత్‌ కమిటీ సభ్యుల సమావేశంలో అయన మాట్లాడారు. గ్రామ స్థాయి నుంచి నాయకులు, కమిటీ సభ్యులు పార్టీ విజయానికి మరింత పట్టుదలతో పనిచేయాల్సిన అవసరం ఉందన్నారు. రానున్న ఎన్నికల్లో నగరిలో రోజాను మళ్లీ ఎమ్మెల్యేగా గెలిపించుకుని, రాష్ట్రంలో పార్టీని అధికారంలోకి తెచ్చుకోవాలన్నారు. వైఎస్‌ జగన్‌మోహన్‌రెడ్డిని సీఎం చేసుకోవాల్సిన చారిత్రాత్మక అవసరం ఉందన్నారు. టీడీపీ నాయకుల అరాచకాలను ప్రజలకు వివరించి మరింత చైతన్యం చేయాలన్నారు. నగరిలో ఇసుక మాఫియా, ఎర్రచందనం అక్రమ రవాణాతో పాటు అధికార దుర్వినియోగానికి పాల్పడుతున్న తీరుపై ప్రజలకు వివరించాలన్నారు. కార్యక్రమంలో నాయకులు బుజ్జిరెడ్డి, చంద్రారెడ్డి, హరిహరన్, సుధాకర్‌రెడ్డి, తిరుమలరెడ్డి, నాగయ్యనాయుడు, కృష్ణమూర్తి, పరుశురామ్, ప్రతీప్‌లు పాల్గొన్నారు.  

సాక్షి, పుత్తూరు : ముఖ్యమంత్రి చంద్రబాబు నాయుడు ఏం మాట్లాడుతున్నాడో తనకే తెలియడం లేదని వైఎస్సార్‌సీపీ ఎమ్మెల్యే రోజా ధ్వజమెత్తారు. శుక్రవారం జిల్లాలోని పుత్తూరులో వైఎస్సార్‌సీపీ బూత్‌ కమిటీ సమావేశం నిర్వహించారు. అనంతరం ఎమ్మెల్యే మీడియాతో మాట్లాడుతూ.. చంద్రబాబు మానసిక స్థితి సరిగాలేదని.. అందుకే నిన్న(మే10) ప్రెస్‌ మీట్‌లో ప్రతిపక్ష నాయకులు అధికారంలో ఉన్నప్పుడు ఏమి చేశారు అనడాన్ని బట్టే అర్థమౌతుందన్నారు. మేము ఎప్పుడు అధికారంలో ఉన్నామో చెప్పాలని ప్రశ్నించారు.. బాబు మతి భ్రమంచి మాట్లాడుతున్నారని ఎమ్మెల్యే రోజా విమర్శించారు. అందుకే ఏంమాట్లాడుతున్నాడో తనకే తెలియడం లేదన్నారు. నాలుగు సంవత్సరాలు బీజేపీతో పొత్తు పెట్టుకుని అన్నీ పదవులు అనుభవించారు. నేడు తన బినామీ ఏపీ ఎన్జీఓతో కర్ణాటక ఎన్నికల్లో కాంగ్రెస్‌కు ఓటేయండని చెప్పించి ఆ తర్వాత లేదని అనడాన్ని బట్టే అర్థమవుతుందన్నారు. తెలంగాణ ముఖ్యమంత్రిని అమరావతికి పిలిపించి 36 రకాల వంటలు వడ్డించి మన్ననలు పోందటానికి చిన్న చంద్రబాబు ప్రయత్నించారని ఎమ్మెల్యే రోజా విమర్శంచారు.

సాక్షి, హైదరాబాద్‌: మహిళల గురించి తెలుగుదేశం పార్టీ నేతలు సంస్కారహీనంగా మాట్లాడుతున్నారని వైఎస్సార్‌సీపీ అధికార ప్రతినిధి పద్మజ మండిపడ్డారు. ఆమె సోమవారం మీడియాతో మాట్లాడుతూ.. ఎమ్మెల్యే రోజాపై టీడీపీ నేతల వ్యాఖ్యలు సిగ్గుచేటన్నారు. కాల్‌మనీ కాలనాగులతో రోజాపై విమర్శలు చేయించారని ఆరోపించారు. అచ్చోసిన ఆంబోతుల్లా టీడీపీ నేతలు మాట్లాడుతున్నారని తీవ్ర స్థాయిలో ధ్వజమెత్తారు. అసమర్థ పాలనను కప్పిపుచ్చే ప్రయత్నం చేస్తున్నారన్నారు. ప్రశ్నించిన మహిళలపై ఎదురుదాడి చేయిస్తున్నారని ఆగ్రహం వ్యక్తం చేశారు. టీడీపీ ఎమ్మెల్యే ఓ దళిత మహిళను వివస్త్రను చేస్తే చర్యలు లేవన్నారు. నారాయణ కాలేజీల్లో మిస్టరీలుగా మిగిలిపోతున్న బాలికల ఆత్మహత్య కేసుల్లో మంత్రి నారాయణపై చర్యలు తీసుకోగలరా అని ఆమె ప్రశ్నించారు.    

సాక్షి, విజయవాడ : ఎమ్మెల్యే ఆర్కే రోజాపై టీడీపీ నేత బుద్ధా వెంకన్న చేసిన వ్యాఖ్యలను వైఎస్సార్‌ కాంగ్రెస్‌ పార్టీ అధికార ప్రతినిధి టీజేఆర్‌ సుధాకర్‌బాబు తీవ్రంగా ఖండించారు. బుద్ధిలేని బుద్ధా వెంకన్న నోరు అదుపులో పెట్టుకోవాలని హెచ్చరించారు. రాష్ట్రంలో జరుగుతున్న అన్యాయాలను ఎత్తిచూపితే.. కోడిగుడ్లతో కొట్టిస్తామంటారా? అని ఆయన మండిపడ్డారు. చంద్రబాబు దుష్ట​ పరిపాలనలో మహిళలు, చిన్నారులు నలిగిపోతున్నారని అన్నారు. ప్రజల పక్షాన తాము నిలబడితే.. ఓర్వలేక టీడీపీ నేతలు విమర్శలు చేస్తున్నారని విమర్శించారు. విదేశీ మహిళలతో లోకేశ్‌ అసభ్య ఫొటోలు ఉన్నాయని, ఇంట్లో పనివాళ్లతో అసభ్యంగా ప్రవర్తించినట్టు అభియోగాలు ఉన్నాయని పేర్కొన్నారు. దేనిపైనైనా తాము చర్చకు సిద్ధంగా ఉన్నామని టీజేఆర్‌ సుధాకర్‌బాబు అన్నారు.

సాక్షి, విశాఖపట్నం : సీఎం చంద్రబాబునాయడు అసమర్థనాయుకుడని వైఎస్సార్‌సీపీ ఎమ్మెల్యే ఆర్కే రోజా విమర్శించారు. తమ పార్టీ రాజ్యసభ ఎంపీ విజయసాయి రెడ్డి చేపట్టిన పాదయాత్రలో ఆమె పొల్గొని ప్రసంగించారు. చంద్రబాబుకు సమస్య వస్తే.. రాష్ట్ర సమస్యగా చిత్రీకరిస్తున్నారని, ఓటుకునోట్లు కేసు భయంతోనే ప్రత్యేక హోదా అంశాన్నినీరుగార్చరని మండిపడ్డారు. బీజేపీ లాలుచీలో భాగంగానే మహరాష్ట్ర ఎంపీ భార్యను టీటీడీ మెంబర్‌గా నియమించారని ఆరోపించారు. వైఎస్సార్‌సీపీ అధినేత వైఎస్‌ జగన్‌ మోహన్‌ రెడ్డి ప్రజా సంకల్పయాత్రకు సంఘీభావంగా విజయసాయిరెడ్డి పాదయాత్ర చేస్తున్న సంగతి తెలిసిందే. 

సాక్షి, విశాఖపట్నం:  దాచేపల్లి ఘటనపై ఏపీ సీఎం చంద్రబాబు చేసిన వ్యాఖ్యలపై వైఎస్సార్‌ సీపీ ఎమ్మెల్యే ఆర్కే రోజా ఆగ్రహం వ్యక్తం చేశారు. ఈ ఉదంతంలో వైఫల్యాన్ని కప్పిపుచ్చుకునేందుకు చంద్రబాబు ప్రయత్నిస్తున్నారని.. అందుకే విపక్షంపై విమర్శలు చేస్తున్నారని ఆమె మండిపడ్డారు. శనివారం విశాఖపట్నంలో ఆమె మీడియా సమావేశంలో మాట్లాడారు.        ముఖ్యమంత్రి వ్యాఖ్యలు సిగ్గు చేటు...  దాచేపల్లి ఘటనపై ఈ ఉదయం మీడియాతో సీఎం చంద్రబాబు చేసిన వ్యాఖ్యలపై ఎమ్మెల్యే రోజా స్పందించారు. ‘నెల వ్యవధిలో గుంటూరులో ఎన్నో అత్యాచార ఘటనలు జరిగాయి. ఎవరినైనా చంద్రబాబు పరామర్శించారా? వైసీపీ పోరాటం చెయ్యటం వల్లే ఇవాళ సీఎం దిగి రావాల్సిన పరిస్థితి వచ్చింది. అందుకే బాధితురాలిని పరామర్శించారు. మీ తప్పును కప్పిపుచ్చుకోవడానికి బాధితులను పక్కన కూర్చోబెట్టుకున్నారు. కానీ, బాధితురాలి వివరాలు చెప్పకూడదన్న నిబంధనలు కూడా తెలియదా?. పైగా వైఫల్యాన్ని కప్పిపుచ్చుకునేందుకు విపక్షంపైకి నెడుతున్నారు. ఆయన వ్యాఖ్యలు సిగ్గు చేటు. 55 ఏళ్ల వృద్ధుడ్ని పట్టుకోలేని దద్దమ్మ ప్రభుత్వం మీది. సుబ్బయ్యకు టీడీపీ  సభ్యత్వం ఇచ్చింది. స్వయంగా మీ ఎమ్మెల్యేనే అతనికి ఇంటికి కేటాయించారు. వీటికి ఏం సమాధానం చెబుతారు’ అని రోజా ప్రశ్నించారు.  ఇది కొత్తేం కాదు...  ‘రిషితేశ్వరి కేసులో సెటిల్‌ మెంట్‌ చేశారు. కాల్‌ మనీ సెక్స్‌ రాకెట్‌లో టీడీపీ నేతలు ఉండటంతో ఆ కేసును నీరుగార్చారు. గుంటూరు జడ్ఫీ చైర్‌పర్సన్‌ జానీమూన్‌కు అన్యాయం చేశారు. ఎమ్మార్వో వనజాక్షిపై దాడి కేసులో స్వయంగా సీఎం రంగంలోకి దిగి సెటిల్‌మెంట్లు చేశారు. ఐపీఎస్‌ అధికారి సుబ్రహ్మణ్యంపై దాడి కేసు ఏమైంది? ఏడీఆర్‌ రిపోర్ట్‌లో ఐదుగురు టీడీపీ ప్రజా ప్రతినిధుల పేర్లు ఉన్నాయి. చంద్రబాబు అధికారంలోకి రాగానే 800 కేసులకు పైగా కొట్టేశారు. ఇంక ప్రజలకు రక్షణ ఏది?’ అని ఆమె నిలదీశారు. టీడీపీ నేతల సంస్కారం ఏది? ‘ఆదాయం కోసం ఎక్కడపడితే అక్కడ అడ్డగోలుగా బెల్ట్‌ షాపులు పెట్టేశారు. వాటి మూలంగానే నేరాలు పెరిగిపోతున్నాయి. వైజాగ్‌లో బికినీ షో పెడితే వైసీపీ అడ్డుకుంది. పోలీస్‌ వ్యవస్థను నిర్వీర్యం చేసి ఇప్పుడు హోం మంత్రి సిగ్గు లేకుండా మాట్లాడుతున్నారు. ప్రశ్నిస్తే నాపై కొందరు టీడీపీ మహిళా నేతలు ఇష్టమొచ్చినట్లు మాట్లాడుతున్నారు. ఇదేనా వాళ్ల సంస్కారం?.. ముందు మహిళలను గౌరవించటం టీడీపీ నేతలు నేర్చుకోవాలి. అధికారంలోకి మద్యపాన నిషేధం అమలు చేస్తానని వైఎస్‌ జగన్‌ మొదటి నుంచి చెబుతున్నారు. ఆయన అధికారంలోకి వస్తేనే మహిళలకు రక్షణ ఉంటుంది’ అని ఎమ్మెల్యే రోజా చెప్పారు.

శృంగవరపుకోట : వైఎస్సార్‌సీపీ ఎమ్మెల్యే రోజా అక్రమ అరెస్టును నిరసిస్తూ ఎస్‌. కోటకు చెందిన ఒక అభిమా ని మండుటెండలో ఉదయం నుంచి  సాయంత్రం వరకూ నిరసన తెలిపారు. గుం టూరు జిల్లా దాచేపల్లిలో బాలికపై జరిగిన అత్యాచార ఘటనను నిరసిస్తూ శుక్రవారం వైఎస్సార్సీపీ ఎమ్మె ల్యే రోజా సహా పలువురు నాయకులు దాచేపల్లి వెళ్లి బాధిత కుటుంబాన్ని పరామర్శించి రోడ్డుపై బైఠాయించిన సంగతి తెలిసిందే. ఈ తరుణంలో గుంటూరు జీజీహెచ్‌ వద్ద పోలీసులు అప్రజాస్వామికంగా, దౌర్జన్యంగా రోజా సహా వైఎస్సార్సీపీ నేతలను అరెస్టు చేయడాన్ని నిరసిస్తూ ఎస్‌.కోటకు చెందిన వెలుచూరి కృష్ణారావు ఎస్‌.కోట దేవీ కూడలిలో శుక్రవారం వినూత్న నిరసన తెలిపారు. ఈ సందర్భంగా కృష్ణారావు మాట్లాడుతూ మహిళలు, బాలికలపై పైశాచికంగా దాడులు జరుగుతుంటే, మనం ప్రజాస్వామ్యంలో ఉన్నామా, నిరంకుశ రాజ్యంలో బతుకుతున్నామో తెలియని పరిస్థితి నెలకొందన్నారు. బాధిత కుటుంబానికి భరోసా ఇచ్చేందుకు వచ్చిన వైఎస్సార్సీపీ నేతలను అక్రమంగా అరెస్టు చేస్తున్న ప్రభుత్వం తీరు దుర్మార్గమని పేర్కొన్నారు. బాధిత కుటుంబాలకు న్యాయం చేయడంలో శ్రద్ధ చూపిస్తే సమాజం బాగుపడుతుందన్నారు.  

పట్నంబజారు (గుంటూరు): అన్యాయం జరిగినా ఆలకించలేదు.. బాలికపై అఘాయిత్యం జరిగినా మూడు రోజులు పాటు ప్రభుత్వ పెద్దలు బాధ్యతను విస్మరించారు.. చిన్నారికి జరిగిన అన్యాయానికి...ప్రభుత్వం న్యాయం చేసే వరకు ఉద్యమిస్తామని వైఎస్సార్‌ కాంగ్రెస్‌ పార్టీ శ్రేణులు గర్జించాయి. చిన్నారి కుటుంబాన్ని ఆదుకోవాలని రోడ్డెక్కాయి. దాచేపల్లిలో మానవ మృగం చేతిలో అత్యాచారానికి గురైన చిన్నారిని చూసేందుకు వైఎస్సార్‌ సీపీ  మహిళ విభాగం రాష్ట్ర అధ్యక్షురాలు, నగరి ఎమ్మెల్యే ఆర్కే రోజా గుంటూరు జీజీహెచ్‌కు వచ్చారు. గుంటూరు తూర్పు నియోజకవర్గ ఎమ్మెల్యే షేక్‌ మొహమ్మద్‌ ముస్తఫా, నర్సరావుపేట ఎమ్మెల్యే గోపిరెడ్డి శ్రీనివాసరెడ్డి, పార్టీ నగరాధ్యక్షుడు లేళ్ల అప్పిరెడ్డి, బీసీ విభాగం రాష్ట్ర అధ్యక్షుడు జంగా కృష్ణమూర్తి, తాడికొండ నియోజకవర్గ సమన్వయకర్త కత్తెర హెనీ క్రిస్టినా, రాష్ట్ర ప్రధాన కార్యదర్శి ఆతుకూరి ఆంజనేయులు, లీగల్‌ విభాగం గుంటూరు పార్లమెంటరీ అధ్యక్షుడు పోలూరి వెంకటరెడ్డి, పార్టీ నేతల పాదర్తి రమేష్‌గాంధీతో కలసి బాలికను పరామర్శించారు. కుటుంబ సభ్యులతో మాట్లాడి ధైర్యం చెప్పారు. జీజీహెచ్‌ సూపరింటెండెంట్‌ రాజు నాయుడు, ఆర్‌ఎంవో యనమల రమేష్‌ను   చిన్నారి ఆరోగ్య పరిస్థితులను అడిగి తెలుసుకున్నారు. మెరుగైన చికిత్సను అందజేసి, త్వరితగతిన కోలుకునేలా చూడాలని జీజీహెచ్‌ అధికారులును కోరారు. ఆసుపత్రి ఎదుట ఆందోళన చిన్నారిని పరామర్శించిన తరువాత జీజీహెచ్‌ నుంచి బయటకు వచ్చి ఎదుట రోడ్డుపై బైఠాయించి ధర్నాకు దిగారు. బాలిక కుటుంబానికి న్యాయం చేయాలని డిమాండ్‌ చేశారు. హోం మంత్రి చినరాజప్ప జీజీహెచ్‌కు వస్తున్నారన్న సమాచారం అందడంతో పోలీసులు అత్యుత్సాహం ప్రదర్శిస్తూ బలవంతంగా పార్టీ నేతలు, కార్యకర్తలను అక్కడ నుండి తొలగించే ప్రయత్నం చేయడంతో ఉద్రిక్త పరిస్థితులు నెలకొన్నాయి. కార్యకర్తలు కూడా తీవ్రంగా ప్రతిఘటించంతో తోపులాట జరిగింది. ఎమ్మెల్యే రోజా సొమ్మసిల్లడంతో పార్టీ నేతలు, కార్యకర్తలు పోలీసుల తీరుపై తీవ్ర ఆగ్రహం వ్యక్తం చేశారు. పోలీసులు వ్యవహరించిన తీరుపై ఎమ్మెల్యే రోజా కన్నీరు పెట్టారు. కార్యకర్తలు మంచినీరు అందజేసి  పక్కకు తీసుకునివచ్చారు. పోలీసుల ఓవర్‌యాక్షన్‌ వైఎస్సార్‌ సీపీ ఎమ్మెల్యే రోజాతో పార్టీ నేతలు జీజీహెచ్‌కు వస్తున్నారని తెలిసిన పోలీసులు భారీగా బలగాలను మోహరించారు. కాన్పుల వార్డులో చికిత్స పొందుతున్న చిన్నారిని చూసేందుకు వెళుతున్న నేతలను ఆ వార్డు ప్రధాన ద్వారం వద్ద అడ్డుకునే ప్రయత్నం చేయటంతో పార్టీ నేతలు, కార్యకర్తలు ప్రతిఘటించారు. ఎందుకు వెళ్లనివ్వరంటూ.. నెట్టుకుని లోపలికి వెళ్లారు. ప్రతిపక్ష ఎమ్మెల్యేలను, నేతలను అడ్డుకునే ప్రయత్నం చేసి అత్యుత్సాహం ప్రదర్శించిన పోలీసులపై సర్వత్రా విమర్శలు వ్యక్తమయ్యాయి. కార్యక్రమంలో వైఎస్సార్‌ సీపీ నేతలు, జెడ్పీటీసీ సభ్యులు కొలకలూరి కోటేశ్వరరావు, దేవళ్ల రేవతి, అంగడి శ్రీనివాసరావు, నూనె ఉమామహేశ్వరరెడ్డి, గనిక ఝాన్సీ రాణి, మేరువ నర్సిరెడ్డి, పరసా కృష్ణారావు, పసుపులేటి రమణ, ఆరుబండ్ల కొండారెడ్డి, సోమి కమల్, నిమ్మరాజు శారదలక్ష్మి, పానుగంటి చైతన్య, షేక్‌ గౌస్, షేక్‌ రబ్బాని, ఏటుకూరి విజయసారథి, మేరిగ విజయలక్ష్మి, జ్యోతి, స్వర్ణ, వడ్లమూడి రత్న, పార్టీ నేతలు, డివిజన్‌ అధ్యక్షులు, అనుబంధ విభాగాల అధ్యక్షులు పాల్గొన్నారు. 

సాక్షి, గుంటూరు: ఆడపిల్లలను కనడమే పాపమా.. అన్నట్టు దాచేపల్లిలో అత్యాచారానికి గురైన బాలిక తల్లిదండ్రులు దీనంగా చూస్తున్న చూపులు అందరి హృదయాలను కలచివేశాయని వైఎస్సార్‌సీపీ మహిళా విభాగం రాష్ట్ర అధ్యక్షురాలు, ఎమ్మెల్యే ఆర్‌కే రోజా ఆవేదన వ్యక్తం చేశారు. అత్యాచారానికి గురై గుంటూరు జీజీహెచ్‌ గైనకాలజీ విభాగంలో చికిత్స పొందుతున్న బాలికను శుక్రవారం రోజా పరామర్శించారు. అనంతరం మీడియాతో మాట్లాడారు. బాలికపై 55 ఏళ్ల మానవ మృగం చేసిన దాష్టీకం చూస్తుంటే కడుపు తరుక్కుపోయిందని అన్నారు. మనం అడవిలో ఉన్నామా.. ప్రజలు ఉండే సమాజంలో ఉన్నామో అర్థం కావడం లేదన్నారు. బాధితురాలు మగవాళ్లను చూస్తేనే భయంతో వణికిపోతోందని ఆవేదన వ్యక్తం చేశారు. తునిలో టీడీపీ ఎంపీటీసీ సంధ్య భర్త ఒక టీషాపు యజమాని కూతురిపై అత్యాచారయత్నం చేయడం దారుణమన్నారు.  చంద్రబాబు వెంటనే రాజీనామా చేయాలి  ‘‘రాష్ట్రంలో 40 రోజుల వ్యవధిలో 45 మంది ఆడపిల్లలపై అత్యాచారాలు జరిగాయి. చంద్రబాబు కంటే చేతగాని దద్దమ్మ సీఎం ఏ రాష్ట్రంలో అయినా ఉంటారా? చంద్రబాబు పరిపాలన వల్లే రాష్ట్రంలో నేరస్తులకు ధైర్యం వస్తోంది. రిషితేశ్వరి మృతి చెందిన వెంటనే ఫాస్ట్‌ట్రాక్‌ కోర్టు ఏర్పాటు చేసి నిందితులను శిక్షించి ఉంటే ఈరోజు ఇలా జరిగి ఉండేదే కాదు. మహిళా వ్యతిరేకి అయిన చంద్రబాబు రాజీనామా చేయాలి’’ అని రోజా డిమాండ్‌ చేశారు.  ప్రతి ఆడపిల్లకు జగన్‌ భరోసా  ‘‘డమ్మీ హోం మంత్రిని పెట్టుకుని చంద్రబాబు, నారా లోకేశ్‌ పోలీసు వ్యవస్థను భ్రష్టు పట్టిస్తున్నారు. పోలీసు వ్యవస్థను నిర్వీర్యం చేస్తున్న చంద్రబాబుపై పోలీసులంతా తిరగబడాలి. వైఎస్సార్‌సీపీ అధికారంలోకి వచ్చాక మహిళల గురించి తప్పుడు ఆలోచనలు చేస్తే ఉరికంబం ఎక్కించేలా ప్రభుత్వం చర్యలు తీసుకుంటుంది. ప్రతి ఆడపిల్లకు సొంత అన్న సీఎంగా ఉన్నాడని భరోసా కల్పించేలా జగన్‌ ప్రభుత్వం ఉండబోతోంది’’ అని రోజా తెలిపారు. బాధిత బాలికను పరామర్శించిన వారిలో ఎమ్మెల్యేలు షేక్‌ మహ్మద్‌ ముస్తఫా, డాక్టర్‌ గోపిరెడ్డి శ్రీనివాసరెడ్డి, వైఎస్సార్‌సీపీ బీసీ విభాగం రాష్ట్ర అధ్యక్షుడు జంగా కృష్ణమూర్తి, నేతలు లేళ్ల అప్పిరెడ్డి, కత్తెర హెన్రీ క్రిస్టినా తదితరులు ఉన్నారు.

సాక్షి, పామర్రు : మంత్రి దేవినేని ఉమపై వైఎస్సార్‌ కాంగ్రెస్‌ పార్టీ ఎమ్మెల్యే ఆర్‌కే రోజా ధ్వజమెత్తారు. ఆదివారం వైఎస్‌ జగన్‌ ప్రజాసంకల్పయాత్రలో భాగంగా పామర్రులో ఏర్పాటుచేసిన బహింరంగ సభలో ఆమె ప్రసంగించారు. హోదా కోసం రాజీనామా చేయని టీడీపీ నేతలు ప్రజాద్రోహులని ఆమె మండిపడ్డారు. ఏపీ సీఎం చంద్రబాబు తీరు తన ఇంట్లో దొంగతనం చేసి తానే పోలీస్‌ స్టేషన్‌లో ఫిర్యాదు చేసినట్లుందని విమర్శించారు. ప్రజలను మోసం చేయడానికే చంద్రబాబు ధర్మ పోరాటమని నాటాకాలు ఆడుతన్నారని ఆగ్రహం వ్యక్తం చేశారు. ‘మంత్రి దేవినేని ఉమ అసెంబ్లీలో.. జగన్‌మోహన్‌ రెడ్డీ పోలవరం ప్రాజెక్ట్‌ 2018లోపు పూర్తవుతోంది.. మీ సాక్షి పేపర్‌లో రాసుకో  అంటాడు. మరీ ఇప్పటివరకు పూర్తైన దాఖలాలు ఉన్నాయా’ అని రోజా నిలదీశారు. వైఎస్‌ జగన్‌ కృష్ణా జిల్లాలో అడుగుపెడితే కృష్ణమ్మ పరవళ్లు తొక్కినట్లు జనసమూహం స్వాగతం పలికిందని, దీనికి భయపడ్డ తెలుగు తమ్ముళ్లు ధర్మ దీక్ష అని దొంగ దీక్ష పెట్టారని దుయ్యబట్టారు. కృష్ణా జిల్లాకు చెందిన ఎన్టీఆర్‌ పిల్లను ఇస్తే.. ఆయనకే వెన్నుపోటు పొడిచి.. తెలుగు ఆత్మగౌరవాన్ని ఢిల్లీలో తాకట్టు పెట్టారని ధ్వజమెత్తారు. చంద్రబాబుకు బుద్ధి చెప్పాలంటే.. వైఎస్సార్, జగన్‌ అభిమానులు, ఎన్టీఆర్‌ అభిమానులు వైఎస్సార్‌ సీపీకి ఓటేయాలన్నారు. అది ఎలా ఉండాలంటే ఎవడు కొడితే దిమ్మతిరిగి మైండ్‌ బ్లాక్‌ అవుతోందో అలా పామర్రు ఓటర్లు ఉండాలన్నారు. డబ్బులకు అమ్ముడు పోయిన వ్యక్తులు కూడా వైఎస్‌ జగన్‌ గురించి మాట్లాడుతున్నారని, జగన్‌ బొమ్మపై గెలిచి మోసం చేసిన ఆ శాసనసభ్యురాలికి తగిన బుద్ధి చెప్పాలని పిలుపునిచ్చారు.  

వడమాలపేట : విద్యార్థులు ఏ రంగంలో  రాణించాలన్నా, సమాజం బాగుండాలన్నా గురువులే కీలకమని నగరి ఎమ్మెల్యే ఆర్‌కే రోజా అన్నారు. శనివారం పత్తిపుత్తూరు జిల్లాపరిషత్‌ ఉన్నత పాఠశాలలో కొత్తగా నిర్మించిన అదనపు భవనాలను ఆమె ప్రారంభించారు. ఈసందర్భంగా ఆమె మాట్లాడుతూ ప్రభుత్వ పాఠశాలల్లో చదివే పిల్లలు పేదకుటుంబాల నుంచి వచ్చిన వారేనని, వారిని ఉన్నతంగా తీర్చిదిద్దాల్సిన బాధ్యత ఉపాధ్యాయులు తీసుకోవాలన్నారు. అనంతరం ఆమె ప్రాథమిక పాఠశాలను పరిశీలించారు. భవనం శిథిలావస్థకు చేరుకుందని పాఠశాల పల్లంలో ఉండడం వల్ల వర్షం వస్తే నీళ్లు తరగతి గదులలోకి వస్తాయని గ్రామస్తులు ఫిర్యాదు చేశారు. సమస్యను పరిష్కరిస్తానని హామీ ఇచ్చారు.  అంగన్‌వాడీలకు 200 కుర్చీల పంపిణీ.. మండలం గ్రాంట్‌ నుంచి 43 అంగన్‌వాడీ కేంద్రాలకు 200 కుర్చీలను శనివారం ఎమ్మెల్యే ఆర్‌కే రోజా పంపిణీ చేశారు. అంగన్‌వాడీ కేంద్రాలకు పౌష్టికాహారం కోసం వచ్చే గర్భిణులు, బాలింతలు కిందకూర్చుని భోజనం చేయడానికి పడుతున్న  ఇబ్బందులను గుర్తించే వీటిని మండల గ్రాంట్‌ నుంచి అందజేస్తున్నట్లు తెలిపారు. అంగన్‌వాడీ టీచర్ల డ్రస్‌కోడ్, పనితీరు బాగుందని కితాబిచ్చారు.  చిన్నక్క మృతికి సంతాపం.. మండలంలోని పూడి గ్రామంలో వైఎస్సార్‌సీపీ నాయకుడు రామయ్య కుమార్తె చిన్నక్క మృతికి ఎమ్మెల్యే ఆర్‌కే రోజా సంతాపం తెలిపారు. శనివారం ఆమె పూడి గ్రామానికి చేరుకుని చిన్నక్క మృతదేహానికి పూలమాలలు వేసి నివాళులు అర్పించారు. కుటుంబ సభ్యులను పరామర్శించి తన ప్రగాఢ సంతాపాన్ని తెలియజేశారు.  కార్యక్రమాలలో ఎంపీపీ మురళీధర్‌రెడ్డి, ఎంపీడీఓ శ్రీలక్ష్మి, ఎంఈఓ పద్మావతి, సీడీపీఓ పద్మజారెడ్డి, ప్రధానోపాధ్యాయుడు జైమునీంద్రులు, సూపర్‌వైజర్‌ తులసీ, పత్తిపుత్తూరు సర్పంచ్‌ ఆవుల ప్రతిమ, ఎంపీటీసీ రంగనాథం, నాయకులు సదాశివయ్య, సుబ్రమణ్యంయాదవ్, మధన్‌మోహన్‌రెడ్డి, సుబ్రమణ్యంరెడ్డి, తులసీరామిరెడ్డి, హరిరెడ్డి, లోకేష్‌రెడ్డి, వెంకటరెడ్డి, రాజశేఖర్, నాగరాజు, అంగన్‌వాడీ టీచర్లు పాల్గొన్నారు.

సాక్షి, తిరుపతి : తన తల్లి మీద చేసిన వ్యాఖ్యలపై పవన్‌ కల్యాణ్‌ స్పందించడాన్ని ముఖ్యమంత్రి  చంద్రబాబు తప్పుపట్టడం దారుణమని వైఎస్సార్‌సీపీ ఎమ్మెల్యే ఆర్కే రోజా అన్నారు. ఆమె శనివారం  చిత్తూరు జిల్లా పుత్తూరులో విలేకరుల సమావేశంలో మాట్లాడుతూ..తెలుగు సినిమా ఇండస్ట్రీని భ్రష్టు పట్టించడానికి చంద్రబాబు కుట్ర పన్నారని ఆరోపించారు. ఎల్లో మీడియాను అడ్డుపెట్టుకొని ఇండస్ట్రీని బద్నామ్‌ చేయిస్తున్నారని ధ్వజమెత్తారు. ఇన్ని రోజులు హోదా రాకుండా చేసి ఇప్పుడు చంద్రబాబు ​దొం‍గ దీక్ష చేశారని ఎద్దేవా చేశారు. బాబు దీక్ష సందర్భంగా మోదీపై బాలకృష్ణ చేసిన వ్యాఖ్యలు అభ్యంతరకరంగా ఉన్నాయని ఎమ్మెల్యే రోజా పేర్కొన్నారు.

సాక్షి, అమరావతి: ముఖ్యమంత్రి చంద్రబాబు చేసినది దగా దీక్షని వైఎస్సార్‌ కాంగ్రెస్‌ పార్టీ ఎమ్మెల్యే ఆర్కే రోజా మండిపడ్డారు. కేసుల నుంచి తప్పించుకునేందుకు, ప్రజలను మాయ చేసేందుకు చేపట్టిన దొంగ దీక్షగా ఆమె అభివర్ణించారు. ఒక్క రోజు దీక్షకు రూ. 30 కోట్ల ప్రజాధనం దుర్వినియోగం చేయడమేంటని ప్రశ్నించారు. తమ పార్టీ అధినేత వైఎస్‌ జగన్‌మోహన్‌రెడ్డి ప్రజాసంకల్పయాత్రకు వస్తున్న ఆదరణ చూసి, తనకు రాజకీయ సమాధి తప్పదనే చంద్రబాబు దొంగ దీక్ష చేపట్టారని ఆమె విమర్శించారు. హైదరాబాద్‌లోని పార్టీ కేంద్ర కార్యాలయంలో శుక్రవారం ఆమె మీడియాతో మాట్లాడారు. తమ పార్టీ ఎంపీలవలే టీడీపీ ఎంపీలు రాజీనామాలు చేసి, చంద్రబాబు కూడా ఢిల్లీలో దీక్ష చేస్తే జాతీయ స్థాయిలో చర్చ జరిగేదని, కేంద్రంపై ఒత్తిడి పెరిగి ప్రత్యేక హోదా వచ్చేదని రోజా అభిప్రాయపడ్డారు. ప్రత్యేక హోదా ఆశలను సజీవంగా ఉంచింది జగన్‌ మాత్రమేఅని, దీని కోసం ఆయన నాలుగేళ్లుగా ఉద్యమాలు చేశారన్నారు.  ఆ చానళ్లకు మనసు రాలేదు రాష్ట్రంలో కొన్ని ప్రసార మాధ్యమాలు పూర్తిగా దిగజారిపోయాయని రోజా మండిపడ్డారు. తమ పార్టీ అధినేత  జగన్‌ ప్రాణాలకు తెగించి తొమ్మిది రోజుల పాటు నిరాహార దీక్ష చేసినపుడు, ఐదుగురు ఎంపీలు రాజీనామాలు చేసి, రాష్ట్ర భవిష్యత్‌ కోసం ఢిల్లీలో దీక్ష చేసినపుడు వాటిని చూపించడానికి ఆ చానళ్లకు మనసురా లేదన్నారు. ఉదయం అల్పాహారం తీసుకుని, రాత్రి భోజనం వేళ వరకూ దీక్ష చేసిన చంద్రబాబుకు ఎల్లో మీడియా ఇచ్చిన ప్రాధాన్యం చూస్తే ఆశ్చర్యం వేస్తోందన్నారు. తమ పార్టీ అధినేత జగన్‌ పాదయాత్రలో ప్రజా సమస్యలు తెలుసుకుని, ప్రభుత్వాన్ని నిలదీస్తుంటే దానిని చూపేందుకు ఈ చానల్స్‌కు సమయం లేదని ఆవేదన వ్యక్తం చేశారు. బాబు తనయుడు కొన్ని చానళ్లకు రూ.కోట్లు ఇచ్చి రాజకీయ ప్రత్యర్థుల ప్రతిష్టను దిగజారుస్తున్న విషయం ప్రజలు గమనిస్తున్నారని చెప్పారు. 

సాక్షి, హైదరాబాద్‌ : టీడీపీ అధ్యక్షుడు, ముఖ్యమంత్రి చంద్రబాబు నాయుడు ఒక్కరోజు దీక్షపై వైఎస్సార్‌ కాంగ్రెస్‌ పార్టీ ఎమ్మెల్యే రోజా తీవ్రస్థాయిలో మండిపడ్డారు. చంద్రబాబు చేస్తున్నది ధర్మ దీక్ష కాదని, కేవలం ఉపవాసం మాత్రమేనని ఆమె అన్నారు.  సీఎం చంద్రబాబు నాయుడు చిత్తశుద్ధితో ఢిల్లీలో దీక్ష చేసి ఉంటే ఏపీకి ప్రత్యేక హోదా వచ్చేదని రోజా వ్యాఖ్యానించారు. హైదరాబాద్‌లోని వైఎస్సార్‌ సీపీ కేంద్ర కార్యాలయంలో రోజా శుక్రవారం మీడియా సమావేశంలో మాట్లాడారు. ‘హోదా కోసం వైఎస్సార్‌ సీపీ ఎంపీలు... స్పీకర్‌ ఫార్మాట్‌లో రాజీనామాలు చేసి ఆమరణ దీక్షకు కూర్చుంటే బలవంతంగా ఈ ప్రభుత్వాలు దీక్షను భగ్నం చేశాయి. ఈ రోజు చంద్రబాబు చేస్తున్నది దొంగ దీక్ష. ఇదే దీక్ష ఢిల్లీలో చేసి ఉంటే ఉపయోగం ఉండేది. ఈ దొంగదీక్షకు రూ.30కోట్ల ప్రజాధనం వృధా. టీడీపీ ఎంపీలు రాజీనామా చేయకుండా స్పీకర్‌ లేని చూసి ...స్పీకర్‌ ఛాంబర్‌లో దొంగ నాటకాలు ఆడింది టీడీపీ ఎంపీలే. ఇక చంద్రబాబు ఏడాది తిండి ఖర్చు రూ.8కోట్లు. కేవలం పుల్కాలు, కూరగాయలు తినేవాడికి ఇంత బడ్జెట్‌ అవసరమా?. సీరియస్‌గా దీక్ష చేయాల్సిందిపోయి ఎన్టీఆర్‌ డూప్‌లు పెట్టుకుని దీక్షలో కామెడీ చేస్తున్నారు. ఎన్టీఆర్‌ లాంటి నేతను అవమానపరుస్తున్నారు. ప్రత్యేక హోదాకు సమాధి కట్టి, ప్యాకేజీ అంగీకరించిన చంద్రబాబు రాష్ట్ర ప్రయోజనాలను కేంద్రానికి తాకట్టు పెట్టారు. ఎన్టీఆర్‌ను పార్టీ నుంచి వెళ్లగొట్టి పార్టీని, ట్రస్ట్‌ భవన్‌ను లాక్కుని, ఎంపీలు, ఎమ్మెల్యేలను లాక్కుని...ఆఖరుకు ఎన్టీఆర్‌ మృతదేహాన్ని కూడా లాక్కున్నారు. ఇప్పుడు ఓట్ల కోసం ఎన్టీఆర్‌ ఫోటోకు దండ వేసి దండం ఎలా పెడుతున్నారు?. వైఎస్సార్‌ సీపీ ఎంపీలు ఆమరణ దీక్ష చేస్తే చూపించడానికి ఎల్లో మీడియాకు మనసులేదు. 30కోట్ల రూపాయల ప్రజాధనం ఖర్చుపెట్టి దీక్ష చేస్తుంటే ఎల్లో మీడియా కవరేజ్‌ చేస్తోంది. నిన్నటివరకూ పవన్‌ కల్యాణ్‌ను మోసిన ఎల్లో మీడియా ఇవాళ అతడిపై బురద జల్లుతోంది. చంద్రబాబు ఇచ్చే తాయిలాల కోసం ఎల్లోమీడియ రాష్ట్ర ప్రయోజనాలను మంటగలుపుతోంది. 25మంది ఎంపీలు రాజీనామా చేసి దీక్ష చేస్తే కేంద్రం దిగి వచ్చేది. ఇలాంటి దొంగ దీక్షలు, దగా దీక్షలు చేయాల్సిన అవసరం ఉండేదికాదు. చంద్రబాబు దీక్షను ప్రజలు నమ్మే పరిస్థితిలో లేరు. నాలుగేళ్ల నుంచి హోదాను బతికించిన వైఎస్‌ జగన్‌ వెంటే ప్రజలు ఉన్నారు. వైఎస్‌ జగన్‌...ఎంపీలు రాజీనామా చేస్తారు అని ప్రకటించగానే ప్రత్యేక హోదా అంటూ చంద్రబాబు దొంగ నాటకాలు ఆడుతున్నారు. ఓటుకు కోట్లు కేసులో లాబీయింగ్‌ కోసమే ఎంపీలు చేత రాజీనామా చేయించడం లేదు. పైసా ఖర్చు లేకుండా ప్రధాని మోదీ దీక్ష చేస్తే ...చంద్రబాబు మాత్రం రూ.30కోట్ల ఖర్చుతో దీక్ష చేశారు. ఇక రూ.200 కోట్లతో ఇల్లు కట్టుకుని దానికి కావాల్సిన బిల్లులన్నీ ప్రభుత్వ ఖజానా నుంచి చెల్లిస్తూ ప్రజా అవసరాలకు మాత్రం డబ్బు లేదంటున్నారు. ఇక ఎమ్మెల్యే బాలకృష్ణ మతి భ్రమించి మాట్లాడుతున్నారు.’ అని రోజా మండిపడ్డారు.

సాక్షి, అమరావతి: ప్రత్యేక హోదా కోసం వైఎస్సార్‌సీపీకి చెందిన ఐదుగురు ఎంపీలు ప్రాణాలను సైతం లెక్కచేయకుండా ఆమరణ దీక్ష చేస్తుంటే, టీడీపీ ఎంపీలు రాజీనామా చేసి ఎన్నికలకు వెళితే ఓడిపోతామన్న భయంతో వెన్నుచూపుతున్నారని ఎమ్మెల్యే ఆర్‌కే రోజా ధ్వజమెత్తారు. ప్రాణాలను పణంగా పెట్టి ఆమరణ దీక్ష కొనసాగిస్తున్న తమ పార్టీ ఎంపీలకు రాష్ట్ర ప్రజలంతా సంఘీభావం తెలియజేస్తుంటే, టీడీపీ నాయకులు సిగ్గులేకుండా మాట్లాడుతున్నారని దుయ్యబట్టారు. రోజా బుధవారం హైదరాబాద్‌లో వైఎస్సార్‌సీపీ కేంద్ర కార్యాలయంలో మీడియాతో మాట్లాడారు. ఎంపీల ఆమరణ దీక్షను కొవ్వు తగ్గించుకునే కార్యక్రమం అనడానికి టీడీపీ నాయకులకు సిగ్గులేదా? అని మండిపడ్డారు. నాలుగేళ్లుగా ప్రజల సొమ్మును దోచుకు తిన్న టీడీపీ ఎంపీలు, మంత్రులే కొవ్వుకు బ్రాండ్‌ అంబాసిడర్లని పేర్కొన్నారు.  హోదా ఉద్యమాన్ని నీరుగార్చే కుట్ర:‘‘ప్రజల పక్షాన ఒంటరి పోరాటం సాగిస్తున్న ఏకైక పార్టీ వైఎస్సార్‌సీపీ. ముఖ్యమంత్రి చంద్రబాబు లాగా నాటకాలాడడం, మాటలు మార్చడం మా పార్టీకి చేతకాదు. ప్రత్యేక హోదా కోసం రైల్‌రోకో చేపట్టిన మా పార్టీ నాయకులను, కార్యకర్తలను సివిల్‌ పోలీసులతో అరెస్టు చేయించడం ద్వారా ఉద్యమాన్ని నీరుగార్చేందుకు చంద్రబాబు కుట్ర పన్నారు. కేసుల నుంచి తప్పించుకోవడం, సొంత ప్రయోజనాల కోసం ప్రత్యేక ప్యాకేజీకి అంగీకారం తెలపడం ద్వారా చంద్రబాబు ఆంధ్రుల ఆత్మగౌరవాన్ని తాకట్టు పెట్టిన తెలుగు ద్రోహిగా మిగిలిపోయారు. ’’ అని రోజా మండిపడ్డారు.‘‘విశ్వవిఖ్యాత పప్పు సార్వభౌమ నారా లోకేశ్‌కు సూట్‌కేసు ఇస్తేగానీ ఫైల్‌పై సంతకం కావడం లేదు. దేశంలో ఏ రాష్ట్రానికీ రానన్ని నిధులు మన రాష్ట్రానికి వచ్చాయని చంద్రబాబు గతంలో పేర్కొన్నారు. ఆ నిధులన్నీ ఎక్కడ దాచారో చెప్పాలి. ?’’ అని రోజా నిలదీశారు. 

సాక్షి, న్యూఢిల్లీ : ఆంధ్ర​రాష్ట్రానికి ప్రత్యేక హోదా ఊపిరిలాంటిదని వైఎస్సార్‌ కాంగ్రెస్‌ పార్టీ గౌరవ అధ్యక్షురాలు వైఎస్‌ విజయమ్మ అన్నారు. ప్రత్యేక హోదా కోసం బీజేపీతో తాము పోరాటం చేస్తుంటే.. ఆ పార్టీతో లాలూచీ పడ్డామని కుటిల విమర్శలు చేస్తున్నారని టీడీపీ నేతలను తప్పుబట్టారు. ఢిల్లీలోని ఏపీ భవన్‌లో దీక్ష చేస్తున్న పార్టీ ఎంపీలకు మద్దతు తెలిపిన ఆమె.. ఎంపీలతో కలిసి దీక్షలో కూర్చున్నారు. ఈ సందర్భంగా వైఎస్‌ విజయమ్మ మాట్లాడారు. సాక్షాత్తూ పార్లమెంటులో ప్రధానమంత్రి ఇచ్చిన హామీకే విలువలేకుండా పోయిందని, ప్రధాని మోదీగారు ఇప్పటికైనా కళ్లు తెరిచి.. ఏపీకి ఇచ్చిన ప్రత్యేక హోదా హామీని నెరవేర్చాలని విజ్ఞప్తి చేశారు. చంద్రబాబు గతంలో తొమ్మిదేళ్లు, ఇప్పుడు నాలుగేళ్లు అధికారంలో ఉన్నా రాష్ట్రానికి చేసిందేమీ లేదని గుర్తుచేశారు. ప్రత్యేక హోదా కోసం ఎవరు నిజమైన పోరాటాన్ని చేస్తున్నారో గుర్తించాలని ప్రజలను కోరారు. హోదా కోసం ఇప్పటికైనా టీడీపీ ఎంపీలు రాజీనామా చేయాలని, కలిసికట్టుగా పోరాడితే ఫలితం దక్కుతుందన్నారు. ఇదే టీడీపీ ఎంపీలు నాలుగేళ్ల ముందు ఏం మాట్లాడారో గుర్తుతెచ్చుకొని.. ఇప్పుడు మాట్లాడాలని హితవు పలికారు. కేంద్ర ప్రభుత్వంపై 13సార్లు అవిశ్వాస తీర్మానానికి వైఎస్సార్‌సీపీ నోటీసులు ఇచ్చిందని గుర్తుచేశారు. అయినా అవిశ్వాసంపై చర్చ చేపట్టలేదని కేంద్ర ప్రభుత్వాన్ని తప్పుబట్టారు. ఏపీ అంటే కేంద్రానికి లెక్కలేనితనం ఉందని, ఇతర రాష్ట్రాలకు వేలకోట్లు ఇస్తూ.. ఏపీకి మాత్రం నిధులు ఇవ్వడం లేదని అన్నారు. పోలవరం ప్రాజెక్టు ఏపీ ప్రజలకు జీవనాడి అని, వైఎస్‌ఆర్‌ బతికి ఉంటే ఆ ప్రాజెక్టు ఏనాడో పూర్తయ్యేదని పేర్కొన్నారు. రాజీనామా చేసేవరకు వారిని తరిమికొట్టాలి! ప్రత్యేక హోదా కోసం ఏ రాజకీయ పార్టీ చేయని సాహసాన్ని వైఎస్‌ఆర్‌ కాంగ్రెస్‌ పార్టీ చేసిందని ఆ పార్టీ ఎమ్మెల్యే రోజా అన్నారు.  పార్టీ ఎంపీలు చేస్తున్న దీక్షలో పాల్గొన్న ఆమె ప్రసంగించారు. ఆనాడు ప్రధాని మోదీ రాష్ట్రానికి వస్తున్నారని... హోదా కోసం ​పోరాడుతున్న వైఎస్‌ జగన్‌ను చంద్రబాబు అరెస్టు చేయించారని గుర్తుచేశారు. బీజేపీతో కుమ్మక్కయి హోదా అంశాన్ని చంద్రబాబు నీరుగార్చారని మండిపడ్డారు. హోదా కోసం నాలుగేళ్లుగా పార్లమెంటులో పోరాడుతున్న వైఎస్సార్‌ సీపీ ఎంపీలు తాజాగా తమ పదవులకు రాజీనామా చేశారని, ప్రాణాలను సైతం లెక్కచేయకుండా ఆమరణ దీక్షకు దిగారని అన్నారు. రాష్ట్రానికి నిధులు ఇవ్వకుండా ఏపీని విస్మరిస్తున్న టీడీపీ-బీజేపీలకు కాంగ్రెస్‌ పార్టీకి పట్టిన గతే పడుతుందని ఆమె అన్నారు. చంద్రబాబు అఖిలపక్ష సమావేశం ఏకపక్షంగా మారిందని ఎద్దేవా చేశారు. అందరు కలిసికట్టుగా పోరాడితే ప్రత్యేక హోదా సాధ్యమవుతుందని అన్నారు. బీజేపీని కాపాడుకునేందుకే చంద్రబాబు రాజకీయాలు చేస్తున్నారని, తన అసమర్థతను కప్పిపుచ్చుకోవడానికే వైఎస్సార్‌సీపీపై బురద జల్లుతున్నారని మండిపడ్డారు. బాబు వస్తేనే జాబు వస్తుందని ఎన్నికల్లో హామీ ఇచ్చి చంద్రబాబు యువతను మోసం చేశారని అన్నారు. విపక్ష ఎమ్మెల్యేలకు మంత్రి పదవులిచ్చి ప్రజాస్వామ్యాన్ని అపహాస్యం చేశారని మండిపడ్డారు. రాజీనామా చేసేవరకు టీడీపీ ఎంపీలను తరిమికొట్టాలని ఏపీ ప్రజలకు ఆమె పిలుపునిచ్చారు.

రాష్ట్రానికి ప్రత్యేక హోదా కోసం ఢిల్లీలో వైఎస్సార్‌సీపీ ఎంపీలు చేపట్టిన ఆమరణ దీక్షకు సంఘీభావంగా జిల్లాలో ఆ పార్టీ నాయకులు చేపట్టిన రిలే నిరాహార దీక్షలు రెండో రోజైన ఆదివారమూ కొనసాగాయి. పట్టు సడలకుండా దీక్షల్లో పాల్గొని హోదా నినాదాన్ని హోరెత్తించారు. పార్టీ నాయకులకు జనం కూడా తోడు కావడంతో ఉద్యమం ఉద్ధృతమైంది. చిత్తూరు, సాక్షి : జిల్లాలో వైఎస్సార్‌ సీపీ నాయకులు చేపట్టిన దీక్షలు కొనసాగుతున్నాయి. ఆదివారం రిలే నిరాహార దీక్షలు, రాస్తారోకోలు, వంటా వార్పులతో నిరసన తెలియజేశారు. నగరి ఎమ్మెల్యే ఆర్‌కే.రోజా స్థానిక క్లాక్‌టవర్‌ సమీపంలో రిలే నిరాహార దీక్ష చేశారు. నగరి మున్సిపల్‌ చైర్‌పర్సన్‌ కేజే శాంతి, స్థానిక నాయకులు పాల్గొన్నారు. హోదాతోనే రాష్ట్రానికి భవిష్యత్‌ ఉంటుందని రోజా అన్నారు. తంబళ్లపల్లి నియోజకవర్గం బి.కొత్తకోటలో పెద్దిరెడ్డి ద్వారకనాథ్‌రెడ్డి ఆధ్వర్యంలో రిలే నిరాహార దీక్ష జరిగింది. దీక్ష అనంతరం జ్యోతిచౌక్‌లో రాస్తారోకో నిర్వహించారు. కుప్పం సర్కిల్‌లో జరిగిన రిలే నిరాహార దీక్షలో ఆ పార్టీ నాయకులు పాల్గొన్నారు. సత్యవేడు, నాగలాపురంలో జరిగిన దీక్షల్లో నియోజకవర్గ సమన్వయకర్త ఆదిమూలం పాల్గొన్నారు. చిత్తూరు గాం«ధీ సర్కిల్‌లో వైఎస్సార్‌ బీసీ, ఎస్సీ సెల్‌ యువజన విభాగం ఆధ్వర్యంలో రిలే నిరాహార దీక్ష చేపట్టారు. పార్టీ చిత్తూరు పార్లమెంటరీ జిల్లా అధ్యక్షుడు జంగాలపల్లి శ్రీనివాసులు, జ్ఞానజగదీశ్, పురుషోత్తంరెడ్డి పాల్గొన్నారు. పార్టీ మహిళా విభాగం జిల్లా అధ్యక్షురాలు గాయత్రీదేవి వంటావార్పు కార్యక్రమం చేపట్టారు. చంద్రగిరి నియోజకవర్గం తుమ్మలగుంటలో జరిగిన దీక్షలో ఎస్సీ సెల్‌ జిల్లా అధ్యక్షుడు దామినేటి కేశవులు పాల్గొన్నారు. ఈ దీక్షకు ఎస్సీ సెల్‌ రాష్ట్ర అధ్యక్షుడు  మేరుగ నాగార్జున సంఘీభావం తెలిపారు. శ్రీకాళహస్తి, రేణిగుంట, ఏర్పేడు మండలాల్లో ఆ పార్టీ నాయకులు రిలే నిరాహార దీక్ష చేపట్టారు. తిరుపతి ఎస్వీ యూనివర్సిటీలో వైఎస్సార్‌ విద్యార్థి విభాగం నాయకులు హరిప్రసాద్‌రెడ్డి ఆధ్వర్యంలో దీక్షలు జరిగాయి. ఆ పార్టీ కార్యకర్త వాసుమయ్య గుండు కొట్టుకొని టీడీపీ, బీజేపీ ఎంపీలకు పిండ ప్రదానం చేశారు. తుడా సర్కిల్‌లో మహిళలు రిలే నిరాహార దీక్ష చేపట్టారు. పలమనేరులో వైఎస్సార్‌ విద్యార్థి విభాగం ఆధ్వర్యంలో దీక్ష చేపట్టారు. జీడీ నెల్లూరు నియోజకవర్గం పెనుమూరు, వెదురుకుప్పం కార్వేటినగరం, ఎస్సార్‌పురం మండలాల్లో రిలే నిరాహారదీక్షలు నిర్వహించారు. పెనుమూరు, వెదురుకుప్పంలో జరిగిన దీక్షలకు మాజీ ఎంపీ జ్ఞానేంద్రరెడ్డి సంఘీభావం తెలిపారు. పుంగనూరు నియోజకవర్గంలో పుంగనూరు, రొంపిచెర్లలో రిలే నిరాహార దీక్షలు జరి గాయి. రొంపిచెర్లలో జరిగిన దీక్షకు మైనారిటీ విభాగం రాష్ట్ర కార్యదర్శి ఇబ్రహీంఖాన్‌ పాల్గొన్నారు. పుంగనూరులో రెడ్డెప్ప పాల్గొన్నారు. పూతలపట్టు నియోజకవర్గం తవణంపల్లిలో మండల నాయకులు వంటావార్పు, రిలే నిరాహార దీక్షలు చేపట్టారు. పీలేరులో జరిగిన వైఎస్సార్‌ విద్యార్థి విభాగం దీక్షకు పెద్దిరెడ్డి సుధీర్‌రెడ్డి సంఘీభావం తెలిపారు. మదనపల్లె అన్నమయ్య సర్కిల్‌లో వైఎస్సార్‌సీపీ నాయకులు వంటావార్పు కార్యక్ర మం నిర్వహించారు. కేంద్ర ప్రభుత్వానికి వ్యతిరేకంగా నినాదాలు చేశారు.

సాక్షి, తిరుపతి : ఆంధ్రప్రదేశ్‌ ప్రత్యేక హోదా కోసం ప్రాణత్యాగం చేసిన మునికోటి కుటుంబానికి వారం రోజుల్లో న్యాయం చేస్తామని చిత్తూరు జిల్లా కలెక్టర్‌ ప్రద్యుమ్న హామీ ఇచ్చారు. 2015 ఆగస్టు 9న, ప్రత్యేక హోదా ఉద్యమం తీవ్రంగా కొనసాగుతున్న సమయంలో తిరుపతికి చెందిన మునికోటి ఏపీ ప్రత్యేక హోదాకోసం బలిదానానికి సిద్ధపడ్డాడు. ఒంటికి నిప్పంటించుకొని ఆత్మత్యాగం చేశాడు. ఈ ఘటనపై ఏపీ ప్రభుత్వం తరపున అప్పటి మంత్రి బొజ్జల గోపాలకృష్ణారెడ్డి స్పందించారు. మృతుని కుటుంబానికి రూ.5లక్షలు ఎక్స్‌గ్రేషియా ప్రకటించించారు. అయితే ఈ హామీ కూడా ఎన్నికల సమయంలో తెలుగుదేశం పార్టీ ఇచ్చిన హామీల్లాగే మరుగున పడిపోయింది. మునికోటి కుటుంబాన్ని ఆదుకోవాలన్న సంగతే మర్చిపోయారు. అయితే ఏళ్లు గడిచినా మునికోటి కుటుంబానికి పరిహారం అందకపోవడంపై సాక్షి మీడియా వరుస కథనాలు ప్రచురించింది. వీటిపై స్పందించిన నగరి ఎమ్మెల్యే ఆర్‌కే రోజా, మునికోటి కుటుంబానికి తగిన న్యాయం చేయాలంటూ జిల్లా కలెక్టర్‌ను కోరారు. దీనిపై స్పందించిన కలెక్టర్‌ వారం రోజుల్లో మృతుడి కుటుంబాన్ని అన్ని విధాల ఆదుకుంటామని, వారం రోజుల్లో న్యాయం చేస్తామని హామీ ఇచ్చారు.

సాక్షి, శంషాబాద్‌: ఇండిగో ఫ్లైట్‌.. తిరుపతి నుంచి బుధవారం రాత్రి 8.50 గంటలకు బయల్దేరింది.. రాత్రి 10 గంటలకు శంషాబాద్‌ ఎయిర్‌పోర్టులో ల్యాండ్‌ అయింది... ఇంతలో ఒక్కసారిగా టైర్‌ పేలిపోయింది.. మంటలు వ్యాపించాయి.. పైలట్‌ అప్రమత్తంగా వ్యవహరించడంతో పెను ప్రమాదం తప్పింది! వెంటనే అగ్నిమాపక సిబ్బంది ఘటనా స్థలికి చేరుకుని మంటలార్పారు. ప్రయాణికుల్లో ఎమ్మెల్యే రోజాతోపాటు 70 మంది ప్రయాణికులున్నారు. ప్రమాదం సమయంలో విమానాన్ని సుమారు గంటపాటు రన్‌వేపైనే ఉంచారు. గేట్లు కూడా తెరవలేదు. దీంతో విమానంలోని ప్రయాణికులు ఆందోళనకు గురయ్యారు. ఏం జరుగుతుందో తెలియక ఎయిర్‌లైన్స్‌ సిబ్బందితో గొడవకు దిగారు.   విమానం పేలిపోతుందేమో అనుకున్నా: ఎమ్మెల్యే ఆర్‌కే రోజా సాక్షి, తిరుపతి: ‘శంషాబాద్‌ ఎయిర్‌పోర్ట్‌లో విమానం ల్యాండ్‌ కాగానే ఒక్కసారిగా పెద్ద శబ్దం వినిపించింది. ఆ వెంటనే పెద్ద ఎత్తున మంటలు కనిపించాయి. తర్వాత పెద్ద కుదుపుతో రన్‌వే పై ఆగిపోయింది. ఏమైందో అర్థం కాలేదు. విమానం పేలిపోతుందేమో అనుకున్నా. నేను, ఇతర ప్రయాణికులు వణికిపోయాం. అరగంట పాటు విమానం డోర్లు తీయలేదు. అగ్నిమాపక సిబ్బంది విమానాన్ని చుట్టుముట్టి మంటలను అదుపులోకి తెచ్చే ప్రయత్నం చేశార’ని నగరి ఎమ్మెల్యే ఆర్‌కే రోజా వెల్లడించారు.  బుధవారం రాత్రి పది గంటలకు తిరుపతి ఎయిర్‌ పోర్టు నుంచి ఇండిగో విమానంలో ఆమె హైదరాబాద్‌ బయలుదేరారు. ల్యాండ్‌ అయ్యే సమయంలో విమానం టైర్లు పేలిపోయినట్లు తెలిసిందని రోజా సాక్షికి వివరించారు. మంటలు చూసి ప్రయాణికులందరూ ఒక్క ఉదుటన కిందకు దిగాలని ప్రయత్నం చేసినా, ఎయిర్‌హోస్టెస్‌ నిరాకరించడంతో సాధ్యం కాలేదన్నారు. తిరుమల వెంకటేశ్వరస్వామి ఆశీస్సులు ఉండడంతో పెద్ద ప్రమాదం త్రుటిలో తప్పిందని వెల్లడించారు.

సాక్షి, హైదరాబాద్‌: ముఖ్యమంత్రి చంద్రబాబు నాయుడు మహిళా ద్రోహి, మహిళలకు మేలు చేసేందుకు ఆయనకు చేతులు రావని వైఎస్సార్‌సీపీ ఎమ్మెల్యే ఆర్కే రోజా ధ్వజమెత్తారు. ఆఖరి బడ్జెట్‌లో కూడా మహిళలకు మొండి చెయ్యి చూపించారని దుయ్యబట్టారు. హైదరాబాద్‌లోని వైఎస్సార్‌సీపీ కేంద్ర కార్యాలయంలో శనివారం ఆమె విలేకరులతో మాట్లాడుతూ.. డ్వాక్రా రుణాలు వడ్డీతో సహా మాఫీ చేస్తామన్న హామీలు ఏమయ్యాయని ప్రశ్నించారు. రుణమాఫీకి రూ. 14,200 కోట్లు కావాలని, కానీ ఇచ్చిన మాటను చివరి బడ్జెట్‌లో కూడా నెరవేర్చకపోవడం దుర్మార్గమన్నారు. వడ్డీ లేని రుణాలకు రూ. 2,400 కోట్లు అవసరమైతే..  రూ. 1,400 కోట్లు కేటాయించారని, అవి ఏ మూలకు సరిపోతాయని మండిపడ్డారు. బెల్ట్‌షాపులను దశల వారిగా ఎత్తేస్తామన్నారని, అయితే సుప్రీంకోర్టు తీర్పుకు విరుద్ధంగా జాతీయ రహదారుల వద్ద, అన్ని గ్రామాల్లో విచ్చల విడిగా మద్యం దుకాణాలు పెట్టి దోచు కుంటున్నారని రోజా ధ్వజమెత్తారు. ఆడపిల్ల పుడితే రూ. 30 వేలు వేస్తా మని బాబు గొప్పగా మహాలక్ష్మి పథకం ప్రవేశపెట్టాడని, పండం టి పథకం కింద గర్భిణులకు రూ.10 వేలు ఇస్తామన్నారని.. ఈ నాలుగేళ్లలో ఒక్క ఆడపిల్లకైనా డబ్బులు వేశారాని ఆమె నిలదీశారు. కళాశాల విద్యార్థినులకు ఐప్యాడ్‌లు, మహిళలకు సెల్‌ఫోన్‌లు, విద్యార్థినులకు సైకిళ్లు కొనిస్తానన్న హామీల్లో ఒక్కటీ ఆచరణకు నోచుకోలేదన్నారు. బాబు ఇంట్లో  ఆడవాళ్లు వ్యాపారాలు చేస్తే మహిళా సాధికారత సాధించినట్లేనా అని ప్రశ్నించారు. మహిళలపై పెరుగుతున్న అకృత్యాలు..  రాష్ట్రంలో మహిళలపై అత్యాచారాలు, హత్యలు విపరీతంగా పెరిగిపోతున్నాయని, ప్రపంచంలోనే మహిళల అక్రమ రవాణాలో ఏపీ రెండవ స్థానంలో ఉందని ఆమె ఆందోళన వ్యక్తం చేశారు.

సాక్షి, హైదరాబాద్‌: ఆంధ్రప్రదేశ్‌ బడ్జెట్‌ నిరాశజనకంగా ఉందని వైఎస్సార్‌సీపీ ఎమ్మెల్యే రోజా తెలిపారు. ఆమె శనివారం మీడియాతో మాట్లాడుతూ.. చివరి బడ్జెట్‌లోనూ మహిళలకు అన్యాయం చేశారన్నారు. మహిళల అక్రమ రవాణాలో రాష్ట్రం రెండో స్థానంలో ఉందన్నారు. చంద్రబాబు పాలనలో మహిళకు భద్రత కరువైందని ఆరోపించారు. ఎమ్మార్వో వనజాక్షిపై దాడి చేస్తే ఇప్పటి వరకు శిక్షల్లేవన్నారు. సీఎం నియోజక వర్గంలో మహిళను వివస్త్రను చేసినా పట్టించుకోలేదని ఆమె మండిపడ్డారు. బెల్టు షాపులను దశలవారీగా ఎత్తేస్తామన్న ముఖ్యమంత్రి హామీ ఏమైందన్నారు. మరో వైపు మహిళల కోటాలో లోకేష్‌కు మంత్రి పదవి ఇచ్చారని అన్నారు. లోకేష్‌ను మంత్రిని చేస్తే.. రాష్ట్రమంతటా ఉద్యోగాలిచ్చినట్లేనా అని ప్రశ్నించారు.

చిత్తూరు ఎడ్యుకేషన్‌: టీడీపీ నాయకులకు ప్రత్యేక హోదా కన్నా ప్యాకేజీలే ముఖ్యమని, కేంద్రంతో పోరాడే శక్తి లేక ప్రతి దానికీ రాజీపడిపోతున్నారని చిత్తూరు జిల్లా నగరి ఎమ్మెల్యే రోజా విమర్శించారు. ఆమె ఆదివారం మధ్యాహ్నం చిత్తూరులోని కలెక్టర్‌ బంగ్లాలో విలేకరులతో మాట్లాడారు. కేంద్ర బడ్జెట్‌ ప్రవేశపెట్టి 16 రోజులవుతుంటే కలుగులో దాగున్న సీఎం అన్ని పార్టీలు పొగబెట్టిన తర్వాత బయటకొచ్చి రాజీలేని పోరాటం చేస్తామని మేకపోతు గాంభీర్యం ప్రదర్శిస్తున్నారన్నారు. ఇప్పటివరకు ఆయన కాని, ఆయన పార్టీ ఎంపీలు, మంత్రులు  ఎన్‌డీఏ నుంచి వైదొలుగుతామని ఎందుకు చెప్పలేకపోతోందని నిలదీశారు. ప్యాకేజీతో ఉపయోగం లేదని నాడే జగన్‌మోహన్‌రెడ్డి చెప్పాగుర్తుచేశారు. హోదా ఇవ్వకపోతే ఎంపీలు రాజీనామాలు చేయడానికి సిద్ధంగా ఉండాలని పవన్‌ 2016లో చెప్పి, ఇప్పుడు రాజీనామాలు ఎందుకు అవిశ్వాస తీర్మానం పెట్టాలని కోరడం ఆయన రాజకీయ అపరిపక్వతకు నిదర్శనమన్నారు. 

వైఎస్‌ఆర్‌ జిల్లా , రాజంపేట: నేటి విద్యార్థులు తల్లిదండ్రుల కష్టాన్ని మరచిపోకుండా, పట్టుదల, క్రమశిక్షణతో విద్యను అభ్యసించి వారి ఆశయాలను నెరవేర్చాలని సినీనటి, ఎమ్మెల్యే ఆర్‌కే రోజా పేర్కొన్నారు. రాజంపేటలోని ఏఐటీఎస్‌లో గురువారం జరిగిన మహోత్సవ్‌ కార్యక్రమానికి ఆమె ముఖ్య అతిథిగా హాజరై మాట్లాడారు.   కన్నవారిని, చదువు చెప్పిన గురువును, చదివిన కళాశాలను మరచిపోరాదన్నారు. ప్రస్తుత పోటీ ప్రపంచంలో సక్సెస్‌ కావాలంటే నాణ్యమైన విద్యను అందించే ఏఐటీఎస్‌ లాంటి విద్యాసంస్థలో విద్యను అభ్యసించాలని పిలుపునిచ్చారు. అన్నమయ్య నడయాడిన ప్రాంతంలో ఏఐటీఎస్‌ అధినేత చొప్పా గంగిరెడ్డి ఇంజినీరింగ్‌ కళాశాలను స్థాపించడం వల్ల ఇక్కడ విద్యను అభ్యసించిన వారు ఎందరో దేశ, విదేశాలలో ఉన్నత స్థానాల్లో ఉన్నారని గుర్తుచేశారు. ఉమ్మడి రాష్ట్రంలో దివంగత సీఎం వైఎస్‌ రాజశేఖరరెడ్డి ఫీజురీయింబర్స్‌మెంట్‌ను తీసుకురావడం వల్ల ఎందరో పేదలకు ఉన్నత విద్యను అభ్యసించే అవకాశం లభించిందన్నారు. ప్రతి ఇంట ఆయనను తలుచుకోవాల్సిన అవసరం ఉందన్నారు. సంక్షేమ ఫలాలు అందించడంలో భాగంగా కుటుంబలో ఒకరికి ఉన్నత విద్యను అందించగలిగితే ఆ కుటుంబం ఆర్థికంగా బలోపేతమవుతుందనే ఉద్దేశంతో దివంగత సీఎం వైఎస్సార్‌ ఫీజురీయింబర్స్‌మెంట్‌ను తీసుకువచ్చారని గుర్తుచేశారు. రాష్ట్రం విడిపోయిన తర్వాత చదువుకున్న వారికి ఉద్యోగ అవకాశాలు తగ్గిపోయాయన్నారు. ఉద్యోగం దక్కక నిరుద్యోగులు ఆత్మహత్యలు చేసుకునే పరిస్థితులు నేడు నెలకొన్నాయని ఆమె ఆవేదన వ్యక్తం చేశారు. వైఎస్‌ పుట్టిన రాయలసీమలో తాను జన్మించడం అదృష్టంగా భావిస్తున్నానన్నారు. రాబోయే ఎన్నికల్లో విద్యార్థులు ముందుండి ప్రత్యేక హోదాను దృష్టిలో ఉంచుకోవాలన్నారు. ఎవరైతే సాధించగలరనే నమ్మకం ఉందో వారికే ఓటు వేయించేలా విద్యార్థులు కృషి చేయాలన్నారు. కులం కూడు పెట్టదు.. కష్టం కూడు పెడుతుంది: హాస్యనటుడు అలీ కులం కూడు పెట్టదని..కష్టపడితే భవిష్యత్తు ఉంటుందని ప్రముఖ సినీ హాస్య నటుడు అలీ అన్నారు. విద్యార్థి జీవితం చాలా విలువైనదన్నారు. అలాంటి జీవితం తనకు లేకుండా పోయిందన్నారు. చిన్నప్పుడే సినీ పరిశ్రమలో అడుగు పెట్టానన్నారు. విద్యార్థి జీవితం విలువలతో ఉన్నతంగా సాగితే జీవితానికి సార్థకత ఉంటుందన్నారు. తల్లిదండ్రులు పెట్టుకున్న ఆశలను వమ్ము చేయకుండా ముందుకు సాగాలన్నారు. తల్లిదండ్రుల పట్ల ప్రేమాభిమానాలు చూపాలన్నారు. నాకు అమ్మే సినిమా అన్నారు. చదువు ఉంటే సంస్కారం వస్తుందని, తాను జీవితంలోని అనుభవాలతో, ఎదుటివారిని చూసి ఆ సంస్కారం సంపాదించుకున్నానని చెప్పారు. అన్నమయ్య 108 అడుగుల విగ్రహానికి తన స్థలాన్ని ఇచ్చిన గొప్ప వ్యక్తి ఏఐటీఎస్‌ అధినేత గంగిరెడ్డి అని కొనియాడారు.  అనంతరం ఏఐటీఎస్‌ అధినేత చొప్పా గంగిరెడ్డి, రాయలసీమ విద్యాసంస్థల డైరెక్టర్‌ ఆనందరెడ్డి, ఏఐటీఎస్‌ వైస్‌చైర్మన్‌ చొప్పా ఎల్లారెడ్డి, ఏఐటీఎస్‌ ఈడీ చొప్పా అభిషేక్‌రెడ్డి, కళాశాల ప్రిన్సిపల్‌ నారాయణ పాల్గొన్నారు.

నగరి:టీడీపీ నాయకులే ఇష్టారీతిన ఇసుకను దోచుకుంటున్నారని వైఎస్సార్‌ సీపీ రాష్ట్ర మహిళాధ్యక్షురాలు, ఎమ్మెల్యే ఆర్‌కే రోజా ఆరోపించారు. బుధవారం ఆమె మండలంలోని మిట్టపాళెం వద్ద కుశస్థలి నది నుంచి అధిక సంఖ్యలో ట్రాక్టర్లు ఇసుకను తరలిస్తుండడాన్ని గమనించి, నదిలోకి వెళ్లారు. అక్కడి ట్రాక్టర్ల డ్రైవర్ల నుంచి రశీదులు తీసుకుని వివరాలు అడిగి తెలుసుకున్నారు. అనంతరం ఎమ్మెల్యే మాట్లాడుతూ నగరిలో ఇసుక రీచ్‌లు లేకపోయిన టీడీపీ నేతలు, కార్యకర్తల కోసం తహసీల్దార్‌ రీచ్‌లను సృష్టించి, దోచి పెట్టడమే పనిగా పెట్టుకున్నారని ఆరోపించా రు. ఇసుకను అధిక సంఖ్యలో తోడేసి తమిళనాడుకు, బెంగళూరుకు తరలిస్తున్నారని విమర్శించారు. నది లో ఇసుకను తోడివేతతో ఏర్పడిన గుంతల్లో పడి గ తంలో ఇద్దరు చిన్నారులు చనిపోయారన్నారు. అయినా అధికారులు వాటిని పట్టించుకోవడం లేదన్నారు.   పేదవారికి ఎవరికీ ఇసుకను ఉచితంగా అందించడం లేదన్నారు. టీడీపీ నాయకులకు సంపాదించి పెట్టడానికి మాత్రమే ఇసుకను అందిస్తున్నారన్నారు. తహసీల్దార్‌ ఇకనైనా వీటిని ఆపాలని, లేకుంటే ప్రజలతో కలిసి ధర్నా చేస్తామని ఎమ్మెల్యే హెచ్చరించారు. కార్యక్రమంలో మున్సిపల్‌ చైర్‌పర్సన్‌ కె.శాంతి, మాజీ చైర్మన్‌ కేజేకుమార్, నాయకులు బుజ్జిరెడ్డి, జయకృష్ణ తదితరులు పాల్గొన్నారు.

సాక్షి, చిత్తూరు: వైఎస్ఆర్‌ కాంగ్రెస్‌ పార్టీ అధికారంలోకి రాగానే సహకార రంగంలోని రెండు చక్కెర ఫ్యాక్టరీలను తెరిపిస్తామని వైఎస్‌ జగన్‌ మోహన్‌ రెడ్డి హామీ ఇచ్చారు. నగరి నియోజకవర్గంలో ప్రజాసంకల్పయాత్ర చేస్తున్న ఆయనను మంగళవారం ఎస్వీ షుగర్‌ ఫ్యాక్టరీ కార్మికులు, రైతులు కలిశారు. చెరకు ఫ్యాక్టరీ మూత వేయడంతో ఉపాధి కోల్పోయామని, 11 వేల మందికి జీతాలు లేక ఆర్థిక ఇబ్బందులు ఎదుర్కొంటున్నామని ఆవేదన వ్యక్తం చేశారు. గతంలో మూతపడిన ఈ ఫ్యాక్టరీలను వైఎస్‌ రాజశేఖరరెడ్డి తెరిపించారని తెలిపారు. రైతుల పరిస్థితి అగమ్యగోచరంగా ఉందని ఆవేదన వ్యక్తం చేశారు. వారి సమస్యలు సావధానంగా విన్న వైఎస్‌ జగన్‌ మనందరి ప్రభుత్వం అధికారంలోకి రాగానే చక్కెర ఫ్యాక్టరీలను తెరిపిస్తామని హామీ ఇచ్చినట్లు రైతులు తెలిపారు. దీంతో రైతులు హర్షం వ్యక్తం చేశారు.

సాక్షి, హైదరాబాద్‌ : వైఎస్‌ఆర్‌ కాంగ్రెస్‌ పార్టీ అధ్యక్షుడు వైఎస్‌ జగన్‌ మోహన్‌ రెడ్డి ప్రకటించిన నవరత్నాలు పథకాలపై ప్రజల్లో హర్షాతిరేకాలు వ్యక్తం అవుతున్నాయని ఎమ్మెల్యే రోజా అన్నారు. మంగళవారం ప్రజాసంకల్పయాత్ర చిత్తూరుజిల్లా చంద్రగిరి నియోజకవర్గం నుంచి నగరి నియోజకవర్గంలోకి ప్రవేశించింది. వైఎస్‌ జగన్‌ పాదయాత్రలో ఎమ్మెల్యే రోజా పాల్గొన్నారు. ఈ సందర్భంగా రోజా మీడియాతో మాట్లాడుతూ..చిత్తూరు జిల్లాకు చంద్రబాబు చేసింది ఏమీ లేదని ఆగ్రహం వ్యక్తం చేశారు. ఆయన చిత్తూరు జిల్లాలో పుట్టినందుకు అందరం సిగ్గుపడుతున్నామని విమర్శించారు. ‘బాబు పుణ్యమా అని ఇక్కడి చక్కెర ఫ్యాక్టరీలు మూత వేయించారు. జన్మభూమి కమిటీల పేరుతో కక్షసాధింపు చర్యలకు పాల్పడుతున్నారు. చంద్రబాబు ఎన్నికల ముందు ఇచ్చిన 600 హామీలు తుంగలో తొక్కారు. అన్ని వర్గాల ప్రజలు చంద్రబాబుపై పీకల దాకా కోపంతో ఉన్నారు. ఎన్నికలు వస్తున్నాయని అరకొరగా ఇల్లు మంజూరు చేస్తున్నారు. అది కూడా తెలుగు తమ్ముళ్లకు మాత్రమే. మహానేత వైఎస్‌ రాజశేఖరరెడ్డి మాదిరిగా వైఎస్‌ జగన్‌ కూడా నవ రత్నాల ద్వారా అన్ని వర్గాలకు భరోసా కల్పిస్తున్నారు. వైఎస్‌ఆర్‌ కుటుంబం ఒక్క మాట ఇస్తే మడమ తప్పరని ప్రజలు విశ్వసిస్తున్నారు. పిల్లలను చదవించే బాధ్యత వైఎస్‌ జగన్‌ తీసుకుంటున్నారు. మద్యం వల్ల చాలా కుటుంబాలు నాశనమవుతున్నాయి.ఇ ఎక్కడపడితే అక్కడ చంద్రబాబు మద్యాన్ని ఏరులై పారిస్తున్నారు.’ అని విమర్శించారు.

పుత్తూరు: జాబు రావాలంటే రాష్ట్రంలో బాబు పాలన అంతం కావాలని వైఎస్సార్‌సీపీ మహిళా విభాగం రాష్ట్ర అథ్యక్షురాలు, నగరి ఎమ్మెల్యే రోజా పిలుపునిచ్చారు. ఉద్యోగాల భర్తీ, నిరుద్యోగ భృతి ప్రత్యేక హోదా హామీలు అమలు చేయని రాష్ట్ర ప్రభుత్వ వైఖరికి నిరసనగా చెవిలో పూలతో పట్టణంలోని ఆరేటమ్మ ఆలయం నుంచి అంబేడ్కర్‌ సర్కిల్‌ వరకు ఆమె బుధవారం ర్యాలీ చేపట్టారు. ఈ సందర్భంగా ఆమె మాట్లాడుతూ ఇంటికో ఉద్యోగం లేకపోతే నిరుద్యోగ భృతి అని హామీ ఇచ్చిన చంద్రబాబు నిరుద్యోగులను నిలువునా ముంచారని ధ్వజమెత్తారు. జిల్లా నుంచి ముఖ్యమంత్రి చంద్రబాబు, నారా లోకేష్, అమర్‌నాధ్‌రెడ్డిలు మంత్రులుగా ప్రాతినిథ్యం వహిస్తున్నప్పటికీ వారు యువతకు ఉద్యోగాలు కల్పించలేని అసమర్థులని దెప్పిపొడిచారు. రాష్ట్రంలో ఖాళీగా ఉన్న 1.5 లక్షల ప్రభుత్వ ఉద్యోగాలు భర్తీ చేయకుండా సీఎం చంద్రబాబు యువతకు అన్యాయం చేస్తున్నారని రోజా విమర్శించారు. కొత్తగా ఉద్యోగాలు కల్పించకపోగా సుమారు 25 వేల కాంట్రాక్ట్, ఔట్‌సోర్సింగ్‌ ఉద్యోగులను తొలగించి వారి కుటుంబాలను వీధిన పడేసిన ఘనత బాబుకే దక్కుతుందన్నారు. ప్రత్యేక హోదా హామీని ఓటుకు నోటు కేసుతో తాకట్టు పెట్టి యువత ఆశలకు సజీవ సమాధి కట్టిన బాబు పాలనకు చరమ గీతం పాడేందుకు యువత ఉద్యమించాలని ఆమె పిలుపునిచ్చారు. లోకేష్‌కు జాబ్‌ వచ్చింది నిరుద్యోగులకు జాబ్‌ రాలేదు గాని ముఖ్యమంత్రి చంద్రబాబు కుమారుడు లోకేష్‌కు మాత్రం మంత్రి ఉద్యోగం వచ్చిందని పార్టీ యువజన విభాగం రాష్ట్ర అథ్యక్షుడు జక్కంపూడి రాజా ఎద్దేవా చేశారు. ప్రత్యేక హోదా అంశాన్ని ఓటు నోటు కేసుతో ఢిల్లీ పెద్దలకు తాకట్టు పెట్టి చంద్రబాబు నిరుద్యోగులను నట్టేట ముంచారని ఆరోపించారు. అంతకుమునుపు నిరుద్యోగులను వంచించిన రాష్ట్ర ప్రభుత్వంపై అంబేద్కర్‌ విగ్రహానికి వినతిపత్రం సమర్పించారు. విద్యార్థి విభాగం రాష్ట్ర అథ్యక్షుడు సలాం బాబు, యువజన విభాగం రాష్ట్ర ప్రధాన కార్యదర్శులు శ్యాంలాల్, ఇమామ్, యువజన విభాగం చిత్తూరు పార్లమెంటరీ నియోజకవర్గ అథ్యక్షుడు మధు, విద్యార్థి విభాగం జిల్లా అధ్యక్షుడు హరిప్రసాద్‌రెడ్డి, యువజన విభాగం రాష్ట్ర సంయుక్త కార్యదర్శి శ్రీకాంత్‌ రాయల్, బీసీ సెల్‌ రాష్ట్ర ప్రధాన కార్యదర్శి డీఎన్‌ ఏలుమలై పాల్గొన్నారు.

సాక్షి, చిత్తూరు : వైఎస్‌ జగన్‌మోహన్‌రెడ్డి పాదయాత్రకు వస్తున్న స్పందన ఓర్వలేకే ఏపీ సీఎం చంద్రబాబు ఇష్టమొచ్చినట్లు మాట్లాడుతున్నారని వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా తెలిపారు. చంద్రబాబు సొంత జిల్లా(చిత్తూరు)లో వైఎస్‌ జగన్‌ అడుగులు పడుతుంటే.. అవి చంద్రబాబు గుండెల్లో దిగుతున్నాయని ఆమె అన్నారు. ఆదివారం ఉదయం చిత్తూరులో ఆమె మీడియాతో మాట్లాడారు.  వార్డు మెంబర్‌గా కూడా గెలవని నారా లోకేష్‌ కోసం చంద్రబాబు దేవాలయాలన్నింటిని అప్రతిష్టపాలు చేస్తున్నారని ఆమె పేర్కొన్నారు. వనజాక్షి, పుష‍్కరాల తొక్కిసలాట విచారణ మాదిరిగానే.. దుర్గ గుడిలో తాంత్రిక పూజల వ్యవహారాన్ని పక్కదారి పట్టిస్తున్నారని.. ఈవోపై నెపం నెట్టేసి తప్పించుకునే యత్నాలు చేస్తున్నారని రోజా చెప్పారు. ‘‘పూజలు జరిగినట్లు సాక్షాత్తూ పాలక మండలే అంగీకరించింది. ఒక్క దుర్గ గుడిలోనే కాదు. ఇతర ఆలయాల్లో కూడా పూజలు చేశారు. హిందూ సాంప్రదాయాలను అవమానపరుస్తున్న చంద్రబాబుకు దేవుడే తగిన శాస్తి చేస్తాడు’’ అని ఆమె తెలిపారు.   ‘ఓటర్లు సిగ్గుపడాలి.. మత్స్యకారుల తాట తీస్తా’ అని చంద్రబాబు బెదిరించడం దారుణమని రోజా అన్నారు. ఇక ఓవైపు ప్రతిపక్ష నేత వైఎస్‌ జగన్‌ ప్రజల ఆశీర్వాదంతో ప్రజాసంకల్పయాత్ర ముందుకు కొనసాగిస్తుంటే... మరోవైపు ఏపీ సీఎం చంద్రబాబు మాత్రం పోలీసుల సహకారంతో జన్మభూమి కార్యక్రమాన్ని నిర్వహించుకుంటున్నారని ఆమె ఎద్దేవా చేశారు. ప్రజలకు ఇష్టం లేకపోయినా.. వారిని బలవంతం చేసి జన్మభూమికి తరలిస్తున్నారని రోజా చెప్పారు.

సాక్షి, నెల్లూరు: చంద్రబాబు సాగిస్తున్న అరాచక, రాక్షస పాలనకు చరమగీతం పాడేందుకు అంతా సన్నద్ధం కావాలని వైఎస్సార్‌ సీపీ ముఖ్యనేతలు పిలుపునిచ్చారు. అహంకార పూరితంగా పాల న సాగిస్తున్న చంద్రబాబుకు యువత బుద్ధి చెప్పాల్సిన తరుణం ఆసన్నమైందన్నారు. అందుకు సింహపురి నుంచే సింహనాదం మోగిద్దామంటూ సమరశంఖం పూరించారు. నెల్లూరు వీఆర్సీ సెంటర్‌లోని టౌన్‌హాల్‌లో ‘జగనన్న కోసం’ పేరిట శుక్రవారం నిర్వహించిన యువజన సదస్సుకు జిల్లా నలుమూలల నుంచి యువత పెద్దఎత్తున తరలివచ్చింది.  వైఎస్సార్‌ సీపీ మహిళా విభాగం అధ్యక్షురాలు, నగరి ఎమ్మెల్యే  రోజా మాట్లాడుతూ సింహం లాంటి వైఎస్‌ జగన్‌మోహన్‌రెడ్డికి తోడుగా సింహపురి గడ్డనుంచే పిడికిలి బిగించి చంద్రబాబుకు దిమ్మతిరిగేలాచేద్దామన్నారు. పార్టీ రీజినల్‌ ఇన్‌చార్జి సజ్జల రామకృష్ణారెడ్డి మాట్లాడుతూ చంద్రబాబు  అహంకారపూరితంగా సాగిస్తు న్న రాక్షస పాలనకు చరమగీతం పాడదామన్నారు. ఎంపీ మేకపాటి రాజమోహన్‌రెడ్డి మాట్లాడుతూ యువతకు అనేక అవకాశాలు ఇచ్చే ప్రత్యేక హోదాను చంద్రబాబు తాకట్టు పెట్టారని ధ్వజమెత్తారు. ఓటుకు నోటు కేసు నుంచి తప్పించుకునేందుకే ఇలా చేశారన్నారు. పార్టీ యువజన విభాగం జిల్లా అధ్యక్షుడు పి.రూప్‌కుమార్‌ యాదవ్‌ మాట్లాడుతూ యువత సత్తా ఏమిటో టీడీపీ ప్రభుత్వానికి చూపిస్తామన్నారు. పార్టీ సీఈసీ సభ్యులు ఎల్లసిరి గోపాల్‌రెడ్డి మాట్లాడుతూ నెల్లూరు జిల్లా వైఎస్సార్‌ సీపీకి కంచుకోటగా ఉందన్నారు.  నగరపాలక సంస్థ డిప్యూటీ మేయర్‌ ముక్కాల ద్వారకానాథ్‌ మాట్లాడుతూ జగన్‌మోహన్‌రెడ్డి సైనికులుగా ముందుకు కదులుదామన్నారు. గూడూరు నియోజవర్గ సమన్వయకర్త మేరిగ మురళి మాట్లాడుతూ మోసాలతో ఎంతోకాలం పాలించలేరనే విషయాన్ని చంద్రబాబు గ్రహించాలన్నారు. జెడ్పీ వైస్‌ చైర్మన్‌ పొట్టేళ్ల శిరీష మాట్లాడుతూ తెలుగుదేశం పార్టీకి మహిళలే గుణపాఠం చెబుతారన్నారు. సదస్సులో వైఎస్సార్‌ సీపీ యువజన విభాగం రాష్ట్ర అధ్యక్షుడు జక్కంపూడి రాజా, పార్టీ రాష్ట్ర కార్యదర్శి ఆనం విజయకుమార్‌రెడ్డి పాల్గొన్నారు. యువతకు పెద్దపీట : కాకాణి వైఎస్సార్‌ కాంగ్రెస్‌ పార్టీలో యువతకు ప్రత్యేక స్థానం ఉంటుందని సర్వేపల్లి ఎమ్మెల్యే, నెల్లూరు పార్లమెంటరీ జిల్లా అధ్యక్షుడు కాకాణి గోవర్ధన్‌రెడ్డి అన్నారు. నిరుద్యోగులకు ఉద్యోగాల సంగతి ఏమోకానీ చంద్రబాబు కుమారుడు లోకేష్‌కు మాత్రం మంత్రి పదవి ఇచ్చుకున్నారని ఎద్దేవా చేశారు. ఎన్ని తాంత్రిక పూజలు చేయించినా చంద్రబాబును ప్రజలు తరిమికొట్టే రోజు దగ్గరలోనే ఉందన్నారు. యువత మరింత ఉత్సాహంతో ముందుకు అడుగేసి జగన్‌మోహన్‌రెడ్డికి అండగా ఉండి పార్టీని గెలిపించుకుందా మని పిలుపునిచ్చారు. నెల్లూరు జిల్లాలో వైఎస్సార్‌ సీపీని తిరుగులేని శక్తిగా చేద్దామన్నారు. యువత వల్లే భవిష్యత్‌ : కిలివేటి యువత చేతిలోనే దేశ, రాష్ట్ర భవిష్యత్‌ ఉందని తిరుపతి పార్లమెంటరీ జిల్లా అధ్యక్షుడు, సూళ్లూరుపేట ఎమ్మెల్యే కిలివేటి సంజీవయ్య అన్నారు. వైఎస్సార్‌ సీపీలో యువతకు ప్రాధాన్యత ఇస్తున్నారన్నారు. విడిపోయిన రాష్ట్రానికి ప్రత్యేక హోదా వస్తే అన్ని రకాలుగా మేలు కలుగుతుందన్నారు. చంద్రబాబు మాత్రం హోదాకు అడ్డు తగులుతున్నారన్నారు. ప్రజల కోసం పోరాడుతున్న వైఎస్‌ జగన్‌మోహన్‌రెడ్డి కోసం అడుగులో అడుగేద్దామన్నారు. హోదా వద్దని, ప్రత్యేక ప్యాకేజీ చాలన్న చంద్రబాబుకు బుద్ధి చెబుదామన్నారు. ఎన్నికలకు ఎప్పుడొచ్చినా సిద్ధం : రామిరెడ్డి ఎన్నికలు ఎప్పుడొచ్చినా చంద్రబాబును ఎదుర్కొనేందుకు అం తా సిద్ధంగా ఉం డాలని కావలి ఎమ్మెల్యే రామి రెడ్డి ప్రతాప్‌కుమార్‌రెడ్డి పిలుపునిచ్చారు. సీఎం చంద్రబాబు ఎన్నో విధాలుగా యువతను మోసం చేస్తున్నారన్నారు. యువత భవితను దృష్టిలో ఉంచుకుని రాష్ట్రానికి ప్రత్యేక హోదా కోసం వైఎస్‌ జగన్‌మోహన్‌రెడ్డి పోరాటాలు సాగిస్తున్నారని చెప్పారు.         అరాచక పాలన సాగుతోంది : కోటంరెడ్డి రాష్ట్రంలో దుర్మార్గపు, అరాచక పాలన సాగుతోందని నెల్లూరు రూరల్‌ ఎమ్మెల్యే కోటంరెడ్డి శ్రీధర్‌రెడ్డి విమర్శించారు. వైఎస్‌ జగన్‌మోహన్‌రెడ్డి ఓట్ల కోసం అబద్ధాలు చెప్పే నాయకుడు కాదని, నిజాయితీ రాజకీయాలకు చిరునామాగా ఉన్నారని అన్నారు. ఈ విషయాన్ని తాము గర్వంగా చెప్పుకుంటున్నామన్నారు. ప్రతి ఒక్కరూ జగన్‌మోహన్‌రెడ్డిని చూసి గర్వపడుతున్నామన్నారు. రాబోయే ఎన్నికల్లో తెలుగుదేశం పార్టీ జెండా చిరగడం ఖాయమని, వైఎస్సార్‌ సీపీ జెండా ఎగరడం తథ్యమని అన్నారు. జగన్‌మోహన్‌రెడ్డికి ఒక్క అవకాశం ఇచ్చి చూద్దామనే చర్చ ప్రజల్లో జరుగుతోందన్నారు.       విజయమో.. వీర స్వర్గమో : అనిల్‌కుమార్‌ నిజాయితీగా రాజకీయాలు చేసే వైఎస్‌ జగన్‌మోహన్‌రెడ్డికి అండగా నిలిచి, రానున్న ఎన్నికల్లో వైఎస్సార్‌ సీపీని గెలిపిద్దామని నగర ఎమ్మెల్యే పి.అనిల్‌కుమార్‌ పిలుపునిచ్చారు. విజయమో.. వీర స్వర్గమో అనే విధంగా ముందుకు సాగుదామని యువతకు పిలుపునిచ్చారు. జగన్‌మోహన్‌రెడ్డిని దెబ్బకొట్టాలని ఎంతోమంది చూస్తున్నారన్నారు. మనమంతా కష్టపడి పార్టీని అధికారంలోకి తీసుకుని వద్దామన్నారు. ప్యాకేజీలకు అమ్ముడుపోయే కొందరు సినిమా వాళ్లు జగన్‌మోహన్‌రెడ్డిని విమర్శించడం సిగ్గుచేటన్నారు. చిరంజీవి తొమ్మిదేళ్లు కష్టంలో ఉంటే పట్టించుకోని ఒకాయన.. ఇప్పుడు మాత్రం అన్నకు ద్రోహం చేసిన వాళ్లను వదలనంటూ వస్తున్నారని ఎద్దేవా చేశారు. జగన్‌మోహన్‌రెడ్డి చేపట్టిన ప్రజాసంకల్ప యాత్రతో టీడీపీలో వణుకు పుడుతోందన్నారు. జగన్‌మోహన్‌రెడ్డికి నెల్లూరు జిల్లా అండగా ఉందనే విషయాన్ని రానున్న ఎన్నికల్లో నిరూపిస్తామన్నారు.                    ఘరానా మోసగాడు చంద్రబాబు : నల్లపరెడ్డి ఘరానా మోసగాడు సీఎం చంద్రబాబు అని వైఎస్సార్‌ సీపీ రాష్ట్ర ప్రధాన కార్యదర్శి, మాజీ మంత్రి నల్లపరెడ్డి ప్రసన్నకుమార్‌రెడ్డి అన్నారు. అన్ని వర్గాలను మోసం చేస్తున్న టీడీపీ ప్రభుత్వానికి యువతే బుద్ధి చెప్పాలని పిలుపునిచ్చారు. రానున్న ఎన్నికలలో యువత ప్రధాన భూమిక పోషించి తెలుగుదేశం పార్టీకి గుణపాఠం చెప్పాలన్నారు. త్వరలో జిల్లాకు రానున్న వైఎస్‌ జగన్‌మోహన్‌రెడ్డి పాదయాత్రను జయప్రదం చేయాలన్నారు. ఇదే ఉత్సాహంతో రాష్ట్ర వ్యాప్తంగా యువత అడుగు మందుకు వేయాలన్నారు.                          విజయం కానుకగా ఇద్దాం : బొమ్మిరెడ్డి జిల్లాలో వైఎస్సార్‌ సీపీకి తిరుగులేని మెజార్టీ తీసుకొచ్చి జగన్‌మోహన్‌రెడ్డికి కానుకగా ఇద్దామని జెడ్పీ చైర్మన్, వెంకటగిరి నియోజవర్గ సమన్వయకర్త బొమ్మిరెడ్డి రాఘవేంద్రరెడ్డి అన్నారు. ఇదే ఉత్సాహంతో రానున్న ఎన్నికలలో అందరం సమష్టిగా కష్టపడి అధికారంలోకి వద్దామన్నారు. ఎవరెన్ని కుట్రలు పన్నినా వైఎస్సార్‌ సీపీని గెలిపించుకుందామని పిలుపునిచ్చారు. ప్రజల దీవెనతో ముందుకు వెళదామన్నారు.

చిత్తూరు: చిత్తూరు జిల్లాలో పుట్టి ఈ జిల్లాకు ఒక్క పరిశ్రమ తేలేని దద్దమ్మ చంద్రబాబు అని వైఎస్సార్‌సీపీ ఎమ్మెల్యే రోజా ధ్వజమెత్తారు. సొంత జిల్లాను పట్టించుకోని ముఖ్యమంత్రి రాష్ట్రానికి ఏం చేస్తాడని ప్రశ్నించారు. శుక్రవారం ఇక్కడ విలేకరుల సమావేశంలో ఆమె మాట్లాడుతూ వచ్చే ఎన్నికల్లో విజయం వైసీపీదేనని స్పష్టం చేశారు. రాష్ట్రంలో మోసపూరిత పాలన జరుగుతోందని, నిరుద్యోగులకు భృతి ఇస్తామని చెప్పి చంద్రబాబు మోసం చేశారని, ప్రత్యేక హోదా తీసుకురాలేక కల్లబొల్లి కబుర్లు చెబుతున్నారని విమర్శించారు. ఓటుకు నోటు కేసులో తప్పించుకునేందుకు ఏపీని బాబు తాకట్టు పెట్టాడన్నారు. రాష్ట్రంలో జన్మభూమి కార్యక్రమాన్ని ప్రజలు వ్యతిరేకిస్తున్నారన్నారు. జయంతికి, వర్ధంతికి తేడా తెలీని పప్పుకి మంత్రి పదవి ఇచ్చారని ఎద్దేవా చేశారు. సోది సోమిరెడ్డి, కలెక్షన్ కింగ్ నారాయణలు రాష్ట్రాన్ని దోచుకుంటున్నారు.. దొడ్డిదారిలో మంత్రులైన వీరు పార్టీకి పెట్టిన పెట్టుబడులను ప్రజల నుంచి తిరిగి దోచుకుంటున్నారని ఆరోపించారు. నారాయణ విద్యాసంస్థల్లో విద్యార్థుల ఆత్మహత్యలు దారుణమని, వీరిపై కేసులు నమోదు చేయకుండా పోలీసులు అమ్ముడుపోతున్నారని అన్నారు. క్షుద్రపూజలు చేసి మళ్ళీ గెలవాలని చూస్తే ప్రజలు ఒప్పుకోరని చంద్రబాబును రోజా హెచ్చరించారు.

పుత్తూరు: అధికార పార్టీ నాయకులు బరితెగిస్తున్నారు. ప్రతిపక్ష పార్టీ వైపు చూస్తే చాలు శారీరకంగా, ఆర్థికంగా, మానసికంగా ఇబ్బందులకు గురిచేస్తూ రాక్షసానందం పొందుతున్నారు. గత నెలలో నగరి ఎమ్మెల్యే ఆర్‌కే రోజా తొరూరు పంచాయతీలో రచ్చబండ, పల్లెనిద్ర కార్యక్రమాన్ని నిర్వహించారు. ఇందులో భాగంగా ఆనంబట్టులో ఇంటింటికీ వైఎస్సార్‌ కుటుంబం నిర్వహించి గ్రామంలో పార్టీ జెండా ఆవిష్కరించారు. గ్రామం మొత్తం ఆమెకు బ్రహ్మరథం పట్టడాన్ని స్థానిక టీడీపీ నాయకులు జీర్ణించుకోలేకపోయారు. గ్రామంలో వైఎస్సార్‌సీపీ జెండాను పీకేయడంతో పాటు, ఇంటింటికీ అతికించిన వైఎస్సార్‌సీపీ స్టిక్కర్లను తొలగించాల్సిందేనని..లేదంటే అంతవరకు పింఛన్ల పంపిణీని నిలిపివేస్తున్నట్లు ప్రకటించారు. అలాగే ఎమ్మెల్యే ఆర్‌కే రోజా నిర్వహించిన రచ్చబండ కార్యక్రమానికి హాజరయ్యారనే అక్కసుతో ఇద్దరు సంఘమిత్రలను పింఛన్ల పంపిణీ విధుల నుంచి తొలగించారు. ఎంపీడీఓపె రోజా సీరియస్‌.. దీనిపై ఎమ్మెల్యే రోజా మంగళవారం ఎంపీడీఓ నిర్మలాదేవికి ఫోన్‌చేసి విషయాన్ని ప్రస్తావించారు. ఎంపీడీఓ నిర్లక్ష్యంగా సమాధానం చెప్పడంతో ఎమ్మెల్యే ఆగ్రహం వ్యక్తం చేశారు. తమవారిని ఇబ్బందులకు గురిచేస్తే చూస్తూ ఊరుకోబోనని తీవ్ర స్వరంతో హెచ్చరించారు. అనంతరం ఎంపీడీఓ నేరుగా వచ్చి ఎమ్మెల్యేకు సమాధానమిచ్చే ప్రయత్నం చేశారు. అందుకు ఎమ్మెల్యే మాట్లాడుతూ నాలుగేళ్లుగా రాని ఫిర్యాదులు ఇప్పుడు ఎలా వచ్చాయని నిలదీశారు. విచారణకు తొరూరుకు వచ్చేందుకు సిద్ధమేనా ? అని నిలదీయగా ఎంపీడీఓ నీళ్లు నమిలారు. తొలగించిన సంఘమిత్రలను తిరిగి విధుల్లోకి తీసుకోకుంటే ఎంపీడీఓగా మీపై వచ్చిన ఆరోపణలపై నేరుగా కలెక్టర్‌కు ఫిర్యాదు చేయాల్సి ఉంటుందన్నారు.

సాక్షి, అనంతపురం: ఏపీలో మహిళలకు రక్షణ లేకుండాపోయిందని వైఎస్సార్‌ కాంగ్రెస్‌ పార్టీ ఎమ్మెల్యే రోజా ఆవేదన వ్యక్తం చేశారు. విశాఖలో ఓ మహిళను టీడీపీ నేతలు వివస్త్రను చేసి కొట్టారని గుర్తుచేశారు. ప్రజాసంకల్పయాత్రలో భాగంగా అనంతపురం జిల్లా ధనియాని చెరువు వద్ద వైఎస్సార్‌సీపీ అధినేత వైఎస్‌ జగన్‌ మహిళలతో ముఖాముఖి నిర్వహించారు. ఈ సందర్భంగా ఎమ్మెల్యే రోజా మాట్లాడారు. కాల్‌మనీ, ఎమ్మార్వో వనజాక్షిపై దాడి, రిషితేశ్వరి ఆత్మహత్య ఘటనలో చంద్రబాబు ప్రభుత్వం చర్యలు తీసుకొని ఉంటే ఇలాంటి పరిస్థితి వచ్చేది కాదని, మహిళలపై దాడులు జరిగేవి కావని అన్నారు. చంద్రబాబు మహిళా వ్యతిరేకి అని రోజా ధ్వజమెత్తారు. డ్వాక్రా రుణాల రద్దు చేస్తామని మహిళలను చంద్రబాబు మోసం చేశారని విమర్శించారు. కోడలు మగబిడ్డను కంటానంటే అత్త వద్దంటుందా అంటూ గతంలో చంద్రబాబు మహిళలను అవమానించారని గుర్తుచేశారు. మహిళలను పారిశ్రామికవేత్తలను చేస్తానని.. భార్య, కోడలిని పారిశ్రామికవేత్తలను చేశారని ఎద్దేవా చేశారు. చంద్రబాబు పాలన అంతం కోసం మహిళలు పంతం పట్టాలని రోజా అన్నారు. జగనన్న వస్తేనే మహిళలకు న్యాయం జరుగుతుందని చెప్పారు.

ప్రొద్దుటూరు టౌన్‌: స్కాముల చంద్రబాబు ప్రభుత్వాన్ని బంగాళఖాతంలో కలిపిన రోజే రాష్ట్రం బాగుంటుందని నగరి ఎమ్మెల్యే ఆర్‌కే రోజా అన్నారు. ప్రొద్దుటూరులో ఎమ్మెల్యే రాచమల్లు శివప్రసాదరెడ్డి 36 గంటల నిరాహారదీక్ష కు రోజా మంగళవారం సాయంత్రం సంఘీభావం తెలిపారు. ఈ సందర్భంగా ఆమె మాట్లాడుతూ ఇళ్లు, మరుగుదొడ్లు, ఇసుక, మ ద్యం విషయంలో టీడీపీ నాయకులు సిగ్గులేకుండా దోచుకోవడానికి తెగబడ్డారని చెప్పడానికి నిజంగా బాధేస్తోందన్నారు. ఎందుకంటే వైఎస్సార్‌ ప్రభుత్వాన్ని, బాబు ప్రభుత్వాన్ని చూస్తే అక్కడ అన్నీ స్కీంలు, ఇక్కడ అన్నీ స్కాంలని విమర్శించారు. ఫీజు రీయింబర్స్‌మెంట్, పేదలకు ఇళ్లు, డ్వాక్రా మహిళలకు పావలా వడ్డీ రుణాలు ఇలా అన్ని కుటుంబాల్లో సంతోషం నింపడానికి ఎన్నో పథకాలను వైఎస్సార్‌ అమలు చేశారన్నారు. చంద్రబాబు ప్రభుత్వంలో రాజధాని భూముల్లో స్కాం, పోలవరం అంచనాలు పెంపులో స్కాం, మరుగుదొడ్లు, ఇళ్ల నిర్మాణంలో స్కాం, వైజాగ్‌ భూముల్లో స్కాములేనన్నారు. ఈ స్కాముల ప్రభుత్వాన్ని తరిమికొట్టాలన్నారు. చంద్రబాబు ముఖ్యమంత్రి అవడం మన దురదృష్టం అయితే, రాచమల్లు మీ ఎమ్మెల్యే కావడం మీ ఆదృష్టమన్నారు. ప్రజా సమస్యలపై నిరంతరం పోరాడే మనసున్న నాయకుడు రాచమల్లు శివప్రసాదరెడ్డి అన్నారు. అన్నా అంటూ ఓట్లు వేసిన మీ అందరికీ ఎంత విధేయతగా ఉంటారో, నమ్మి నాయకత్వం ఇచ్చిన జగనన్నకు విశ్వాసపాత్రుడుగా ఉన్నారని కొనియాడారు. సంతలో పశువుల్లాగా ఎమ్మెల్యేలను చంద్రబాబు కొనుగోలు చేస్తున్నారని తెలిపారు. చంద్రబాబు ఇచ్చిన హామీల్లో భాగంగా ప్రతి పేద కుటుంబానికి 3 సెంట్ల స్థలంలో ఉచితంగా ఇల్లు కట్టించి ఇవ్వాలని ఎమ్మెల్యే ప్రాణత్యాగానికి సిద్ధమై దీక్ష చేస్తున్నారన్నారు. తన బాధ్యతను గుర్తు చేసుకుని ప్రతి సమస్యపై మీ కోసం పోరాటం చేస్తున్న విషయాన్ని చూసి సంతోషంగా ఉందన్నారు. 48 గంటలు భోజనం తినకుండా మీకోసం రాచమల్లు అన్న పోరాడుతున్నాడంటే, మనందరి కోసం జగనన్న ఎంత పోరాటం చేస్తున్నారో ఆలోచించాలన్నారు. భవిష్యత్తులో చంద్రబాబు మాయలో పడకుండా జగనన్న నిజాయితీని గుర్తించి రాజన్నరాజ్యం కోసం అందరూ కలిసిరావాలని కోరారు. దీక్ష ఇంతటితో ఆగిపోదని భవిష్యత్తులో న్యాయం జరిగేంత వరకు వైఎస్సార్‌సీపీ తరపున పోరాటం చేస్తూనే ఉంటామని పేర్కొన్నారు. కార్యక్రమంలో మైదుకూరు ఎమ్మెల్యే రఘురామిరెడ్డి, కడప ఎమ్మెల్యే అంజద్‌బాషా, ఆకేపాటి అమరనాథరెడ్డి తదితరులు పాల్గొన్నారు.

సాక్షి, విజయవాడ : టాలీవుడ్ కమెడియన్‌, నిర్మాత బండ్ల గణేష్‌పై వైఎస్సార్‌ కాంగ్రెస్‌ పార్టీ మహిళా నేతలు ఆగ్రహం వ్యక్తం చేస్తున్నారు. ఎమ్మెల్యే రోజాపై ఓ టీవీ ఛానెల్‌ నిర్వహించిన చర్చా కార్యక్రమంలో బండ్ల అనుచిత వ్యాఖ్యలు చేసిన విషయం తెలిసిందే. ఈ మేరకు బండ్లపై చర్యలు తీసుకోవాలని కోరుతూ శుక్రవారం విజయవాడ పోలీస్‌ కమీషనరేట్‌లో వారు ఫిర్యాదు చేశారు. వైసీపీ నేత బండి పుణ్యశీల నేతృత్వంలోని బృందం కమీషనర్‌ను కలిసి ఫిర్యాదును అందించి.. అనంతరం మీడియాతో మాట్లాడారు. బండ్ల గణేష్‌ కు ఆంధ్రా రాజకీయాలతో అసలు అవసరం ఏంటని? వారు ప్రశ్నించారు. మీడియాలో ఇష్టం వచ్చినట్లు మాట్లాడటం కాదని.. దమ్ముంటే విజయవాడ వచ్చి మాట్లాడాలని ఆమె సవాల్‌ విసిరారు. ఓ మహిళా నేతపై అసభ్యపదజాలం వ్యాఖ్యలు చేయటం దారుణమని.. తక్షణమే అతన్ని అరెస్ట్ చేయాలని పోలీస్‌ శాఖను ఆమె కోరారు. మహిళా శాసనసభ్యురాలిపై అనుచిత వ్యాఖ్యల అంశాన్ని తీవ్రంగా పరిగణించాలని ఆమె డీజీపీకి విజ్ఞప్తి చేశారు.  నటి మీరా చోప్రా, నటుడు సచిన్‌ జోషి గతంలో బండ్ల వ్యక్తిత్వం ఎలాంటి చెప్పటం చూశామని పుణ్యశీల గుర్తు చేశారు. తక్షణమే తన వ్యాఖ్యలను ఉపసంహరించుకుని ఎమ్మెల్యే రోజాకు క్షమాపణలు చెప్పాలని మహిళా నేతలు బండ్లను డిమాండ్ చేశారు.

సాక్షి, హైదరాబాద్‌ : ముఖ్యమంత్రి చంద్రబాబు నాయుడు పదవిని అడ్డం పెట్టుకొని పేదలు, చిరు వ్యాపారుల కడుపుకొడుతూ ఆయన కుటుంబ వ్యాపార సంస్థ హెరిటేజ్, ఇతర కార్పొరేట్‌ శక్తులకు ప్రజాధనాన్ని దోచి పెడుతున్నారని వైఎస్సార్‌ సీపీ ఎమ్మెల్యే ఆర్కే రోజా మండిపడ్డారు. దేశమంతా జీఎస్టీ అమలు చేస్తుంటే కాదేదీ దోపిడీకి అనర్హం అన్నట్లుగా రాష్ట్రంలో అదనంగా సీఎస్టీ (చంద్రబాబు సర్వీస్‌ ట్యాక్స్‌)ని కూడా వసూలు చేస్తున్నారని మండిపడ్డారు. రోజా బుధవారం పార్టీ కేంద్ర కార్యాలయంలో విలేకరులతో మాట్లాడారు. నోట్ల కట్టలకు, కార్పొరేట్‌ శక్తులకు పుట్టిన బిడ్డలా చంద్రబాబు పాలన సాగుతోందని విమర్శించారు. చౌక ధరల దుకాణాలను మాల్స్‌గా మార్చి హెరిటేజ్‌కు వాటాలున్న ఫ్యూచర్, వారికి సన్నిహితమైన రిలయన్స్‌ గ్రూపునకు అప్పగించే యత్నం చేస్తున్నారని విమర్శించారు. మాల్స్‌ వెనుక వేల కోట్ల డీల్‌... రాష్ట్రంలోని 28 వేల రేషన్‌ షాపుల ద్వారా గతంలో 9 నుంచి 10 సరుకులు పేదలకు అతి తక్కువ ధరకే అందించేవారని రోజా గుర్తు చేశారు. ఎన్టీఆర్‌ ప్రారంభించిన రెండు రూపాయలకే కిలో బియ్యం పథకాన్ని చంద్రబాబు అధికారంలోకి వచ్చాక ఎత్తివేస్తే.. దివంగత రాజశేఖరరెడ్డి అధికారంలోకి వచ్చాక సంతృప్త స్థాయిలో పేదలందరికీ సరుకులు అందించారని చెప్పారు. చంద్రబాబు అధికారంలోకి వచ్చాక రేషన్‌ షాపుల్లో బియ్యం మినహా మరేమీ ఇవ్వటం లేదని, ఇప్పుడు వీటిని కార్పొరేట్‌ మాల్స్‌కు అప్పగించే కుట్రకు తెరతీశారన్నారు. చంద్రన్న మాల్స్‌లో తక్కువ ధరకు సరుకులు ఇస్తామని ముఖ్యమంత్రి స్థానంలో ఉన్న వ్యక్తి పచ్చి అబద్ధాలు ఆడుతున్నారని విమర్శించారు. బహిరంగ మార్కెట్‌లో దొరికే నిత్యావసర సరుకులతో పోలిస్తే హెరిటేజ్, ఫ్యూచర్, రిలయన్స్‌ మాల్స్‌లలో దొరికే సరుకులకు నక్కకు, నాగలోకానికి ఉన్నంత తేడా ఉంటుందని రోజా తెలిపారు. కార్పొరేట్‌ మాల్స్‌లో 200 నుంచి 300 శాతం అధికంగా ధరలు ఉంటాయని పంచదార, గోధుమలు, తదితర సరుకుల ధరల వివరాలతో సహా వివరించారు. ఫ్యూచర్‌ గ్రూపు ఎటువంటి లాభాపేక్ష లేకుండా సరుకులను ఎందుకు తగ్గించి ఇవ్వాలనుకుంటోందని ప్రశ్నించారు. చంద్రబాబు అధికారంలోకి వచ్చాక రాష్ట్రంలో 21 రకాల పథకాలకు చంద్రన్న అని పేరు పెట్టుకున్నారని రోజా పేర్కొన్నారు. ప్రతి దానికీ చంద్రన్న పేరు పెట్టుకోవడానికి ఆయన తండ్రి ఆస్తిలో నుంచి వాటా తెచ్చి ఏమైనా ప్రజలకు ఇస్తున్నారా? అని రోజా సూటిగా ప్రశ్నించారు. ఐదు నెలల్లో ఆస్తులు 20 రెట్లు ఎలా పెరిగాయ్‌? పాలు, కూరగాయలు అమ్ముకుంటేనే చంద్రబాబు, లోకేష్‌ ఆస్తులు ఐదు నెలల్లో 20 రెట్లు పెరిగితే మరి గేదెలకు తిండిపెట్టి పాలు పట్టే మహిళలు, రైతులకు ఎన్ని రెట్లు ఆస్తులు పెరగాలని రోజా ప్రశ్నించారు. లోకేష్‌ను దొడ్డిదారిన మంత్రిని చేసినప్పటి నుంచీ చంద్రబాబు పూర్తిగా సూట్‌ కేసుల కోసమే పనిచేస్తున్నారని ఆరోపించారు. వర్థంతి, జయంతికి... రాష్ట్రానికి, దేశానికి తేడా తెలియని లోకేష్‌ను మంత్రిగా చేస్తే రాష్ట్రం ఏమైపోవాలని ప్రశ్నించారు. గత ఎన్నికల్లో మోదీ, చంద్రబాబుకు ఓట్లు వేయాలని ఊరూవాడా ప్రచారం చేసిన పవన్‌ కళ్యాణ్‌..  నేడు ప్రతిపక్ష నేత వైఎస్‌ జగన్‌మోహన్‌రెడ్డిని ఏ హక్కుతో ప్రశ్నిస్తున్నారని రోజా నిలదీశారు. కాపులు,  రైతులు, నిరుద్యోగులు, డ్వాక్రా మహిళలు, ప్రతి ఒక్కరికీ అన్యాయం చేసిన చంద్రబాబును ప్రశ్నించాల్సింది పోయి ఆయన  జగన్‌ను ప్రశ్నిస్తాననడం హాస్యాస్పదంగా ఉందన్నారు.

సాక్షి, హైదరాబాద్‌ : ముఖ్యమంత్రి చంద్రబాబు నాయుడుపై వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా తీవ్రస్థాయిలో ధ్వజమెత్తారు. రేషన్‌ షాపులను చంద్రబాబు సర్కార్‌ నిర్వీర్యం చేస్తోందని ఆమె మండిపడ్డారు.  బుధవారం హైదరాబాద్‌లోని పార్టీ కేంద్ర కార్యాలయంలో రోజా మీడియాతో మాట్లాడారు. చంద్రన్న విలేజ్‌ మాల్స్‌ పేరుతో చంద్రబాబు ప్రజలను దోచుకునేందుకు కుట్ర చేస్తున్నారని ఆమె విమర్శించారు. మళ్లీ ముఖ్యమంత్రి అవుతానో...లేదో అనే భయంతోనే 21 పథకాలకు చందన్న పేరు పెట్టించుకున్నారని ఎమ్మెల్యే రోజా ఎద్దేవా చేశారు. ఆహార భద్రత కల్పించేందుకే గత ప్రభుత్వాలు  ఏర్పాటు చేసిన చౌక దుకాణాలను చంద్రబాబు నిర్వీర్యం చేస్తున్నారని అన్నారు. పేదలపై ప్రేమతో నాడు  ఎన్‌టీ రామారావు రూ.2 కిలో బియ్యం ఇచ్చారని, చంద్ర బాబు ఈ పథకానికి తూట్లు పొడుస్తున్నారని ధ్వజమెత్తారు. కార్పొరేట్‌ శక్తులకు, నోట్ల కట్టలకు పుట్టిన బిడ్డగా ఈ ప్రభుత్వ పాలన ఉందని ఆమె అభివర్ణించారు. చంద్రన్న విలేజ్‌ మాల్స్‌ పేరుతో పేదల పొట్టి కొట్టి కార్పొరేట్‌ శక్తులకు పెడుతున్నారని ఆమె విమర్శించారు. చంద్రన్న విలేజ్‌ మాల్స్‌ ఏర్పాటును ఆమె తీవ్రంగా ఖండించారు. రాష్ట్రంలో ఈ నాలుగేళ్లలో రైతులకు గిట్టుబాటు ధర లేదని, సామాన్యులకు చౌకగా నిత్యావసర వస్తువులు అందడం లేదని రోజా విమర్శించారు. చంద్రబాబు పాలనలో ప్రజలు సర్వనాశనం అయ్యే పరిస్థితి నెలకొందన్నారు. సీఎం పదవి అడ్డుపెట్టుకొని.. దేశంలోనే ఏ ముఖ్యమంత్రి చేయని విధంగా సీఎం పదవిని అడ్డుపెట్టుకొని చిన్న చిన్న వ్యాపారుల పొట్టి కొట్టేందుకు చంద్రన్న విలేజ్‌ మాల్స్‌గా మార్చారని రోజా  మండిపడ్డారు. ఈ మాల్స్‌ స్వయంగా చంద్రబాబు కుటుంబానికి వాటాలు ఉన్న ఫ్యూచర్‌ గ్రూప్‌కు, వాళ్లకు సన్నిహిత సంబంధాలు ఉన్న రిలయన్స్‌ గ్రూప్‌లకు కట్టబెట్టారన్నారు. దీని అర్థం ఏంటని ఆమె ప్రశ్నించారు. ఈ మాల్స్‌ వల్ల ప్రజలకు ఉపయోగం ఉందా అని నిలదీశారు. రేషన్‌షాపులో గతంలో 9 రకాల సరుకులు ఇచ్చేవారని, వాటన్నింటిని రద్దు చేసి, తీరా తన దోపిడీని విస్తరింపజేసేందుకు కార్పొరేట్‌ కంపెనీలకు కట్టబెట్టారన్నారు. 5 నుంచి 35 శాతం తగ్గించి ఇస్తామని ప్రభుత్వం చెబుతుందని, ఈ రోజు ఫ్యూచర్‌ గ్రూప్‌ సంస్థ తన సంస్థకు లాభాలు లేకుండా పేదలకు ఎందుకు చౌకగా ఇస్తుందని ప్రశ్నించారు. గతంలో రిలయన్స్, ఫ్యూచర్‌ సంస్థలు వంద నుంచి 200 శాతం ప్రజల నుంచి గుంజుకున్నదన్నారు. రేషన్‌ షాపులను నిర్వీర్యం చేస్తున్నారని మండిపడ్డారు. రేషన్‌షాపుల్లో ప్రభుత్వమే నిత్యావసరాలు ఇస్తే పేదలకు లాభం ఉంటుందని, చంద్రన్న మాల్స్‌ పేరుతో వేల కోట్లు దండుకోవాలన్నదే టీడీపీ ధ్యేయమన్నారు. మీకు పేదలపై ప్రేమ, చిత్తశుద్ధి ఉంటే బహిరంగ మార్కెట్‌లో రేట్లు తగ్గింవచ్చు అన్నారు. పేదవాళ్లు ఏమైతే నాకేంటి అన్నట్లుగా చంద్రబాబు తాను, తన కొడుకు బాగుంటే చాలు అన్నట్లుగా వ్యవహరిస్తున్నారు. ధరల స్థిరీకరణ నిధి రూ.5 వేల కోట్లతో ఏర్పాటు చేస్తామని చెప్పిన చంద్రబాబు మాట తప్పారన్నారు. బాబు తన సీఎం పదవిని అడ్డుపెట్టుకొని దోచుకుంటున్నారన్నారు. 21 పథకాలకు చంద్రన్న పేర్లు చంద్రబాబును భవిష్యత్తులో మరిచిపోతారన్న భయం ఉందని, అందుకే ఈ నాలుగేళ్లలో 21 ప్రభుత్వ పథకాలకు చంద్రన్న పేరు పెట్టుకున్నారని రోజా విమర్శించారు. చంద్రబాబు తన తండ్రి ఖర్జురపు నాయుడు వాటా తీసుకొని వచ్చి ఇస్తున్నారా అని నిలదీశారు. అంతగా పేర్లు పెట్టుకోవాలంటే ప్రజలకు మేలు చేసిన ఎన్‌టీఆర్, ఇందిరాగాంధీ,  దివంగత ముఖ్యమంత్రి వైఎస్‌ రాజశేఖరరెడ్డి పేర్లు పెట్టుకోవాలి కానీ, ఇలా తన పేరు పెట్టుకోవడం ఎక్కడ చూడలేదన్నారు. భవిష్యత్తులో చంద్రబాబును పట్టించుకోరనే భయంతో ఇప్పుడే తన పేరుతో పథకాలు ప్రవేశపెట్టారన్నారు. చంద్రన్న కానుకలో నెయ్యి ఇస్తామన్నారు. ఆ నెయ్యిని హెరిటేజ్‌ కంపెనీ  నుంచి తెప్పించారన్నారు. చంద్రన్న చలివేంద్రాలకు హెరిటేజ్‌ నుంచి పెరుగు తెప్పించారన్నారు. భవిష్యత్తులో దోచుకోవడానికి అవకాశం ఉంటుందో? లేదో అన్న భయంతో చౌకదుకాణాలను రిలయన్స్‌ సంస్థకు ఇచ్చి దోచుకునే కుట్ర చేస్తున్నారన్నారు. తక్షణమే ఈ కార్పోరేట్‌ దోపిడీకి పుల్‌ స్టాఫ్‌పెట్టాలని, ప్రభుత్వమే గతంలో మాదిరిగా 10 రకాల సరుకులు రేషన్‌షాపుల్లో ఇవ్వాలని డిమాండ్‌ చేశారు. లేదంటే ప్రజా ఉద్యమం ఉధృతం చేస్తామని రోజా హెచ్చరించారు. ప్రజలకు మేలు చేసే ఆలోచన లేదు రాజకీయ అవగాహన లేని లోకేష్‌ను ఎమ్మెల్సీ చేసి ఆ తరువాత మంత్రిని చేశారో అప్పటి నుంచి ప్రతిది సూట్‌కేసు గురించే చంద్రబాబు పని చేస్తున్నారు తప్ప, ప్రజలకు మేలు చేయడం లేదని రోజా విమర్శించారు.  రాజధాని భూముల పేరుతో లక్షల కోట్లు సంపాదించారన్నారు. పోలవరంలో అవినీతి నెలకొందని,  పట్టిసీమలో రూ.350 కోట్లు దోచుకున్నారని కాగ్‌ రిపోర్టు ఇచ్చిందన్నారు. బొగ్గు, మట్టి, మద్యం, ఇసుక వ్యాపారాలతో వందల కోట్లు దోచుకున్నారని విమర్శించారు. పిల్లనిచ్చిన మామనే వెన్నుపొటు పొడిచిన నీకు ప్రజలను మోసం చేయడం ఓ లేక్కా అని ప్రశ్నించారు. ఎన్టీఆర్‌ సుజల స్రవంతి అన్న పేరు పెట్టి పేదలకు నీరు ఇవ్వలేకపోయావంటే మీ మామపై ఎంత ప్రేమ ఉందో ఇక్కడే తెలిసి పోయిందన్నారు. నీ లొసుగులన్ని బయట పెట్టి ప్రజల చేత తరిమికొట్టిస్తామని రోజా చంద్రబాబు ప్రభుత్వాన్ని హెచ్చరించారు.

సాక్షి, ఏలూరు : సినీనటుడు, జనసేన అధ్యక్షుడు పవన్‌ కల్యాణ్‌పై వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా తీవ్రస్థాయిలో విరుచుకుపడ్డారు. వైఎస్‌ఆర్‌ సీపీ నేతల బృందం గురువారం పోలవరం ప్రాజెక్ట్‌ నిర్మాణం పనుల పర్యవేక్షణకు వెళ్లిన విషయం తెలిసిందే. ఈ సందర్భంగా ఎమ్మెల్యే రోజా మాట్లాడుతూ.. ‘పవన్‌ కల్యాణ్‌ మాటలకు, చేతలకు పొంతన లేదు. చంద్రబాబు ఎప్పుడు అవినీతిలో ఇరుక్కున్నా.. తెరమీదకు పవన్‌ను తెచ్చి విషయాన్ని పక్కదోవ పట్టిస‍్తారు. పవన్‌ది జనసేన కాదు...భజన సేన. చంద్రబాబుది తల్లి టీడీపీ అయితే...పవన్‌ది పిల్ల టీడీపీ. అనుభవం లేని వ్యక్తి ముఖ్యమంత్రి అవకూడదని పవన్‌ అంటున్నారు. మరి పిల్లనిచ్చిన మామపై చెప్పులు విసిరి, వెన్నుపోటు పొడిచి సీఎం కావచ్చా? ఏ అర్హత లేకపోయినా ఎమ్మెల్యేగా గెలవని వ్యక్తిని ఎమ్మెల్సీ చేసి మంత్రి పదవి ఇవ్వొచ్చా?. అలాంటి వారికి పవన్‌ కల్యాణ్‌ భజన చేస్తారా?. అప్పుడు ఏమయ్యావ్‌ పవన్‌.. ఏ అనుభవం ఉందని చిరంజీవి, పవన్‌లు పార్టీలు పెట్టారు. పోలవరం అవినీతిలో చంద్రబాబు కూరుకుపోగానే రిజర్వేషన‍్ల అంశాన్ని తెరపైకి తెచ్చి నాటకాలు ఆడుతున్నారు. వైఎస్‌ జగన్‌ ప్రజాసంకల్పయాత్రకు మంచి స్పందన వస్తుండటంతో మళ్లీ వపన్‌ను తెచ్చి రెండ్రోజుల కార్యక్రమాలు పెట్టారు. మేం పోలవరం వస్తున్నామని తెలియగానే పచ్చ ఛానళ్లు, చంద్రబాబు కలిసి హడావుడిగా పవన్‌ను పోలవరానికి పంపించారు. ప్రశ్నిస్తామంటున్న వ్యక్తి పుష్కరాల్లో 29మంది చనిపోయినప్పుడు ఎక్కడ ఉన్నారు. దివాకర్‌ ట్రావెల్స్‌ బస్సు ప్రమాదంలో అమాయకులు చనిపోయినప్పుడు ఏమైయ్యాడు. ఏపీలో మహిళలపై అకృత్యాలు పెరుగుతున్నా ఎందుకు మాట్లాడరు. పవన్‌ గురించి ప్రతి ఒక్కరికి అర్థమైంది. అందుకోసమే పవన్‌ పార్టీ పెట్టాడు.. పవన్‌ ఉన్నది ప్రశ్నించడానికి కాదు...ప్యాకేజీల కోసం. చిరంజీవికి 18 సీట్లు వస్తే మధ్యలో వదిలేసిన షూటింగ్‌కు వెళ్లిపోయారు. పీఆర్పీని కాంగ్రెస్‌లో విలీనం చేస్తే ఎందుకు మాట్లాడలేదు. వినేవాడు వెర్రివాడు అయితే...చెప్పేవాడు చంద్రబాబు అన్నట్లు, బాబు స్క్రిప్ట్‌ ప్రకారం పవన్‌ మాట్లాడుతున్నారు. షూటింగ్‌ గ్యాప్‌ల్లో వచ్చి ఇతరులపై నిందలు వేయడం సరికాదు. ప్రజల్లో ఉండి, ప్రజల తరఫున పోరాడండి. పవన్‌ మాటలు వింటుంటే ఆశ్చర్యమేస్తోంది. అధికారం లేకపోయినా ఏమైనా చేయొచ్చంటున్నారు. అలా అయితే రుణమాఫీ చేయండి. డ్వాక్రా రుణాలు రద్దు చేయండి. అధికారం ఉంటేనే కొన్ని పనులు చేయగలమనే విషయం తెలియదా?. అది కూడా మనసు ఉంటేనే ప్రజల కోసం ఏమైనా చేసేది. పోలవరంపై చంద్రబాబు చేసిందేమీ లేదు పోలవరం ప్రాజెక్ట్‌ నిర్మాణంలో చంద్రబాబు చేసిందేమీ లేదు. వైఎస్‌ రాజశేఖరరెడ్డి హయాంలో తవ్విన కాల్వలపై పట్టిసీమ, పురుషోత్తపట్నం కట్టి కమీషన్లు దండుకుంటున్నారు. పోలవరం విషయంలో మేం చెప్పిందే జరిగింది. నేనే చెస్తానని చెప్పి చంద్రబాబు ఇప్పటివరకూ ఎందుకు ప్రాజెక్ట్‌ పూర్తి చేయలేదు. సబ్‌ కాంట్రాక్టర్లకు ఎందుకు దోచిపెడుతున్నారు. కొత్తగా మళ్లీ టెండర్లను ఎందుకు పిలుస్తున్నారు. లొసుగులు సరిచేయమని కేంద్రం అడిగితే ఎందుకు దుష్ప్రచారం చేస్తున్నారు. పోలవరం ప్రాజెక్ట్‌ను కేంద్రమే చేపట్టాలి. రైతులకు అన్యాయం జరగకుండా చూడాలి. చిరంజీవికి అన్యాయం చేసింది పవన్‌ కల్యాణే పవన్‌ వారసత్వం గురించి మాట్లాడటం సిగ్గుచేటు. సినిమాలకు వారసత్వం వర్తించదా?. రాజకీయాలకు మాత్రమే వారసత్వం వర్తిస్తుందా? చిరంజీవి లేకపోతే పవన్‌తో ఎవరైనా సినిమాలు తీసేవారా?. అది వారసత్వం కాదా?. ఇక చిరంజీవికి అన్యాయం చేసింది పవన్‌ కల్యాణే. చిరంజీవి ఎక్కడ ముఖ్యమంత్రి అవుతారో అని యువజన విభాగం బాధ్యతలు తీసుకున్న పవన్‌ ఆ పార్టీ 18 సీట్లు మాత్రమే గెలవడంతో అన్నను నడిరోడ్డుపై వదిలి వెళ్లిపోయాడు. పవన్‌ సపోర్ట్‌ చేస్తే చిరంజీవి పార్టీ నడిపేవారు. అన్నకు సపోర్ట్‌ చేయకుండా షూటింగ్‌లకు పోవడం వల్లే చిరంజీవి పీఆర్పీని కాంగ్రెస్‌లో విలీనం చేశారు. పవన్‌, చిరంజీవిపై ఆంధ్రజ్యోతిలో చంద్రబాబు అడ్డమైన రాతలు రాయించి పార్టీని విలీనం చేసే పరిస్థితి తెచ్చారు. అలాంటి వ్యక్తితో 2014లో పవన్‌ చేతులు కలిపారు. 2009లో అవినీతిపరుడైన చంద్రబాబు 2014లో గొప్పవ్యక్తి ఎలా అయ్యాడు. వైఎస్‌ఆర్‌, జగన్‌ గురించి మాట్లాడే అర్హత పవన్‌కు లేదు. డ్రామలాపి సినిమాలు తీసుకోవడం బెటర్‌. చంద్రబాబంటే ఎందుకంత ముద్దు గోద్రా అల్లర్ల సమయంలో నరేంద్ర మోదీని తిట్టిన తిట్టు తిట్టకుండా తిట్టిన చంద్రబాబు 2014లో బీజేపీతో పొత్తు పెట్టుకున్నారు. ఎలాగైనా గెలవాలని పవన్‌ కల్యాణ్‌ కాళ్లు పట్టుకున్నారు. విజయనగరంలో ఓ వ్యక్తి చనిపోతే పవన్‌ వెళ్లారు. మరి నారాయణ కాలేజీల్లో వందలమంది విద్యార్థులు చనిపోతున్నా ఎందుకు వెళ్లడం లేదు. నారాయణ, గంటా శ్రీనివాసరావు గురించి ఎందుకు మాట్లాడటం లేదు. పవన్‌కు చంద్రబాబు అంటే ఎందుకంత ముద్దు. చంద్రబాబు పవన్‌కు ఏం ప్యాకేజీలిస్తున్నారు. ముందుగా ఆ విషయాన్ని పవన్‌ స్పష్టం చేయాలి.’  అని అన్నారు. పవన్‌ కల్యాణ్‌ది జనసేన కాదు...భజన సేన : రోజా

పుట్టిన రోజూ పండగే అందరికీ.. మరి పుట్టింది ఎందుకో తెలిసేది ఎందరికి..అన్నాడో సినీకవి..నగరి ఎమ్మెల్యే ఆర్కే రోజా బర్త్‌డే వేడుకలు జరుపుకున్న తీరును గమనించిన వారెవరికైనా ఈ పాట ఇట్టే స్ఫురిస్తుంది. తన నియోజకవర్గంలో నిరుద్యోగ యువత ఉపాధి కల్పనకోసం శుక్రవారం జన్మదినం సందర్భంగా జాబ్‌ మేళా నిర్వహించి శెభాష్‌ అనిపించుకున్నారీమె.. జాబ్‌మేళాకు తరలివస్తున్న యువతను ఈ చిత్రంలో రోజా వెంట చూడవచ్చు.  పుత్తూరు:  ఎమ్మెల్యే రోజా జన్మదిన వేడుకలు.. ఎస్‌ఆర్‌ఎస్‌ ప్రభుత్వ డిగ్రీ కళాశాలలో జాబ్‌మేళాకు హాజరైన నిరుద్యోగులతో శుక్రవారం పుత్తూరు కిక్కిరిసిపోయింది.  ఉదయం స్థానిక డిగ్రీ కళాశాలలో వైఎస్సార్‌సీపీ రాష్ట్ర ప్రధాన కార్యదర్శి భూమన కరుణాకర్‌రెడ్డి ఎమ్మెల్యే రోజాకు జన్మదిన శుభాకాంక్షలు తెలుపుతూ పుష్పగుచ్ఛం అందించారు. కేక్‌ కట్‌ చేసి ఆమె జన్మదిన వేడుకలను ప్రారంభించారు. రోజా మాట్లాడుతూ ఇటీవల వైఎస్సార్‌ కుటుంబంలో పర్యటిస్తుంటే ప్రతి గ్రామం నుంచి నిరుద్యోగులు గోడు వెళ్లబోసుకున్న వైనాన్ని ప్రస్తావించారు. జన్మదినోత్సవం రోజున ఇతర సామాజిక కార్యక్రమాలను నిర్వహించడం కంటే ఉద్యోగ అవకాశాలను కల్పించాలని నిర్ణయిం చుకున్నానన్నారు. చెన్నై, బెంగళూరు, హైదరాబాద్‌ తదితర పట్టణాల్లో కంపెనీల ప్రతినిధులను సంప్రదించి జాబ్‌మేళా నిర్వహణకు కసరత్తు చేసినట్లు వివరించారు.  జాబ్‌మేళాకు హాజరై నిరుద్యోగుల నుంచి వివరాల నమోదు ప్రక్రియను ఆమె ప్రారంభిం చారు. నగరి రోడ్డులో  కస్తూరి కల్యాణమండపంలో వైఎస్సార్‌ కాంగ్రెస్‌ పార్టీ ఏర్పాటు చేసిన జన్మదిన వేడుకలకు ఆమె హాజరయ్యారు.  గంగాధర నెల్లూరు ఎమ్మెల్యే నారాయణస్వామి, వైఎస్సార్‌ కాంగ్రెస్‌ పార్టీ చిత్తూరు పార్లమెంట్‌ జిల్లా అ«ధ్యక్షుడు జంగాలపల్లి శ్రీనివాసులు, సత్యవేడు నియోజకవర్గ సమన్వయకర్త కోనేటి ఆదిమూలం ఎమ్మెల్యే రోజా దంపతులను సన్మానించారు.

సాక్షి, హైదరాబాద్‌: ప్రతిపక్షం లేకుండా తెలుగుదేశం ప్రభుత్వం అసెంబ్లీ సమావేశాలు నిర్వహిస్తున్న తీరు ఎన్టీఆర్‌ ట్రస్టు భవన్‌లో శిక్షణ తరగతుల్లా ఉన్నాయిగానీ శాసనసభ హూందాకు తగ్గట్టు లేవని వైఎస్సార్‌సీపీ ఎమ్మెల్యే ఆర్కే రోజా విమర్శించారు. రాబోయే ఎన్నికల్లో ప్రజలు ప్రతిపక్షంలో కూర్చోబెడతారని సీఎం చంద్రబాబుకు అర్థమైనందునే ప్రతిపక్షనాయకుడిగా ఎలా వ్యవహరించాలో తన కుమారుడు, మంత్రి లోకేశ్‌కు శిక్షణ ఇస్తున్నారని రోజా అన్నారు. హైదరాబాద్‌లోని పార్టీ ప్రధాన కార్యాలయంలో శుక్రవారం ఆమె మీడియాతో మాట్లాడారు. ప్రతిపక్ష నేత వైఎస్‌ జగన్‌మోహన్‌రెడ్డి అసెంబ్లీకి రాకపోవడంపై టీడీపీ నేతలు చేస్తున్న విమర్శలను ఆమె గట్టిగా తిప్పిగొట్టారు. అసెంబ్లీకి రాకుండా ప్రతిపక్షం భయపడి పారిపోయిందని సీఎం విమర్శించడంపై ఆమె స్పందిస్తూ..‘హైదరాబాద్‌ను పదేళ్లు ఉమ్మడి రాజధానిగా వినియోగించుకునే అవకాశం ఉన్నా ఓటుకు కోట్లు కేసులో అడ్డంగా దొరికిన చంద్రబాబు అమరావతిలో దాక్కున్నారు. దీన్ని పారిపోవటం అంటారు. బాబు అండ్‌ కో ప్రజాస్వామ్యాన్ని ఖూనీ చేస్తూ రాజ్యాంగాన్ని అపహాస్యం చేస్తుంటే ప్రజాస్వామ్యాన్ని కాపాడాలనే ఉద్దేశంతో జగన్‌ ప్రజల మధ్యలో ఉంటూ రచ్చబండ, పల్లెనిద్ర చేస్తున్నారు. జగన్‌ అసెంబ్లీకి వస్తుంటే చూసి భయపడుతున్నది చంద్రబాబే.  అక్రమాలను లెక్కలతో సహా చూపించి జగన్‌ నిలదీస్తారనే వణుకు టీడీపీని వెంటాడుతోంది. అందుకే గతేడాది, ఈ ఏడాది అసెంబ్లీ వర్షాకాల సమావేశాలు నిర్వహించలేదు’ అని విమర్శించారు.  స్పీకర్‌ యాక్టింగ్‌ దురదృష్టకరం: పార్టీ ఫిరాయించిన వారిపై స్పీకర్‌ కోడెల చర్యలు తీసుకోకుండా ఆ విషయం కోర్టు పరిధిలో ఉందంటూ యాక్టింగ్‌ చేయడం దురదృష్టకరమని రోజా విమర్శించారు.గతంలో తనను సస్పెండ్‌ చేసినపుడు సుప్రీం కోర్టు సింగిల్‌ జడ్జి తనకు అనుకూలంగా తీర్పునిస్తే.. సీఎం చంద్రబాబు, స్పీకర్, మంత్రి యనమల కలిసి అసెంబ్లీకి స్పీకరే సుప్రీం అన్నారన్న విషయం గుర్తుచేశారు.  ఫిరాయింపుదారులపై అనర్హత వేటు విషయానికి వచ్చే సరికి కోర్టు పరిధిలో ఉందని ఎందుకు చెబుతున్నారో వారే వివరించాలన్నారు. పార్టీ ఫిరాయించిన వారికి మంత్రి పదవులు ఇవ్వడం టీడీపీకే సిగ్గుచేటని విమర్శించారు. ప్యారడైజ్‌ పేపర్లపై అనుకూల పత్రికల్లో కథనాలు రాయించి దానిపై చంద్రబాబు మాట్లాడటం హాస్యాస్పదంగా ఉందని రోజా దుయ్యబట్టారు. ఈ విషయంలో జగన్‌ సవాల్‌ను సీఎం  స్వీకరించాలని డిమాండ్‌ చేశారు.   

వడమాలపేట : జిల్లాలో నగరి నియోజకవర్గం అభివృద్ధిలో నంబర్‌ వన్‌ అని ఎమ్మెల్సీ గాలి ముద్దుకృష్ణమనాయుడు చెప్పడం హాస్యాస్పదంగా ఉందని, అభివృద్ధి పనుల్లో కాదు అక్రమాల్లో నంబర్‌ వన్‌ అని నగరి ఎమ్మెల్యే ఆర్కే రోజా విమర్శించారు. శనివారం ఆమె వడమాలపేటలో విలేకరులతో మాట్లాడారు. నగరి నియోజకవర్గంలో సీఎం సహాయనిధి నుంచి ఏడు వందల మందికి ఆర్థికసాయం ఇప్పించినట్లు గొప్పలు చెప్పుకుంటున్నారని, అందులో సగం మంది కూడా అర్హులు లేరని విమర్శించారు.  దీనిపై తన దగ్గర సాక్ష్యాలు ఉన్నాయని, నిరూపిస్తే ఎమ్మెల్సీ పదవికి రాజీనామా చేస్తారా? అంటూ సవాలు విసిరారు. నియోజకవర్గంలో ఏ గ్రామానికి వెళ్లినా ప్రజలు సమస్యలతో ఇబ్బంది పడుతున్నారని తెలిపారు. ప్రతి పంచాయతీకి వెళదామని, 35 ఏళ్లుగా ఆయన చేసిన అభివృద్ధి ఏమిటో... మూడేళ్లలో తాను చేసిన అభివృద్ధి ఏమిటో ప్రజలే చెబుతా రని తెలిపారు. తాము ప్రతిపాదనలు పంపితే మం జూరైన రోడ్లను అధికారులను బెదిరించి రద్దు చేయిస్తున్నారని, ఇదేనా అభివృద్ధి అని ప్రశ్నించారు. మూడేళ్లుగా ఒక్కఇల్లు కూడా మంజూరు చేయలేదన్నారు.  చంద్రబాబునాయుడు తనకు రాజకీయ భిక్షపెట్టారని ఎమ్మెల్సీ చెబుతున్నారని, అంతకు పదింతలు పార్టీ కోసం తాను కష్టపడ్డానని తెలిపారు. ఆయనకు రాజకీయ భిక్షపెట్టిన రామారావుకు చంద్రబాబు వెన్నుపోటు పొడుస్తుంటే కాపాడారా? అని ప్రశ్నిం చారు. కాంగ్రెస్‌ పార్టీలోకి వెళ్లి చంద్రబాబును బూతులు తిట్టారని, అక్కడ మంత్రి పదవి ఇవ్వలేదని తిరిగి చంద్రబాబు పంచన చేరి ఆయన దేవుడంటున్నారని విమర్శించారు. అలాంటి వ్యక్తికి తనను విమర్శించే అర్హత లేదన్నారు.

సాక్షి, హైదరాబాద్‌ : ప్రతిపక్ష నేత వైఎస్‌ జగన్‌ మోహన్‌ రెడ్డి చేపట్టనున్న ప్రజా సంకల్ప యాత్రలో విధ్వంసం సృష్టించడానికి చంద్రబాబు నాయుడు సర్కార్‌ కుట్ర పన్నిందని ఎమ్మెల్యే రోజా తీవ్రస్థాయిలో ధ్వజమెత్తారు. ఆ కుట్రలను ప్రజలతో పాటు పోలీసులు తిప్పికొట్టాలని ఆమె అన్నారు. గురువారం ఎమ్మెల్యే రోజా వైఎస్‌ఆర్‌ కాంగ్రెస్‌ పార్టీ కేంద్ర కార్యాలయంలో మీడియా సమావేశంలో మాట్లాడారు. ‘ వైఎస్‌ జగన్‌ పాదయాత్ర టీడీపీ ప్రభుత్వానికి అంతిమ యాత్ర. పాదయాత్రకు భయపడే చంద్రబాబు ఎదురుదాడికి దిగారు. చంద్రబాబు పిల్లనిచ్చిన మామకే వెన్నుపోటు పొడిచిన చరిత్ర చంద్రబాబుది. ఆయన నరనరాన కుట్రలు, కుతంత్రాలే ఉన్నాయి. ఓటుకు కోట్లు కేసుతో చంద్రబాబు కేంద్ర ప్రభుత్వం వద్ద సాగిలపడ్డారు. తుని విధ్వంసం టీడీపీ పనేనని నివేదిక వచ్చింది. కాంగ్రెస్‌తో చేతులు కలిపి రాష్ట్రాన్ని నాశనం చేసింది నిజం కాదా?. చంద్రబాబు కుట్రలను ప్రజలు అర్థం చేసుకున్నారు. పాదయాత్రలో చంద్రబాబు చేస్తున్న మోసపూరిత విధానాలు, కుట్రలను వైఎస్‌ జగన్‌ ఈ సందర్భంగా ప్రజలకు వివరిస్తారు. ప్రతిపక్ష నేతగా పాదయాత్ర చేసే హక్కు జగన్‌కు ఉంది. 50ఏళ్లకే ఉద్యోగులను ఇంటికి పంపే బాబు కుట్రను వైఎస్‌ఆర్‌ సీపీ భగ్నం చేసింది. అప్పట్లో అలాంటిదేమీలేదన్న చంద్రబాబు ...ఇప్పుడు ఇద్దరు ఉద్యోగులను ఎందుకు సస్పెండ్‌ చేశారు?. తప్పులు చేయడం కేంద్రం కాళ్లు పట్టుకోవడం చంద్రబాబు నైజం.  వైఎస్‌ జగన్‌ ప్రజా సంకల్పాన్ని ప్రజలు విజయవంతం చేస్తారు. ప్రజా సంకల్పంతో టీడీపీకి కౌంట్‌డౌన్‌ మొదలైంది.’ అని రోజా హెచ్చరించారు. వైఎస్‌ జగన్‌ పాదయాత్ర టీడీపీ ప్రభుత్వానికి అంతిమ యాత్ర 

తిరుత్తణి (తమిళనాడు): వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి తలపెట్టిన ‘ప్రజా సంకల్పం’ విజయవంతం కావాలంటూ వైఎస్సార్‌సీపీ నేతలు బుధవారం పలు కార్యక్రమాలు నిర్వహించారు. ఎమ్మెల్యే చెవిరెడ్డి భాస్కర్‌రెడ్డి తుమ్మలగుంట నుంచి పాదయాత్ర చేసుకుంటూ తిరుత్తణికి చేరుకొని సుబ్రహ్మణ్యస్వామికి పూజలు నిర్వహించారు. అలాగే నగరి ఎమ్మెల్యే ఆర్కే రోజా చిత్తూరు జిల్లా అప్పలాయగుంటలోని ప్రసన్న వేంకటేశ్వరస్వామికి 1008 కొబ్బరికాయలు కొట్టారు. వివరాలు.. చంద్రగిరి నియోజకవర్గంలోని తుమ్మలగుంట నుంచి ఎమ్మెల్యే చెవిరెడ్డి భాస్కర్‌రెడ్డి చేపట్టిన పాదయాత్ర బుధవారం తమిళనాడులోని తిరుత్తణి ఆలయానికి చేరుకుంది.  వైఎస్సార్‌సీపీ చిత్తూరు జిల్లా అధ్యక్షుడు, గంగాధర నెల్లూరు ఎమ్మెల్యే నారాయణస్వామి బుధవారం ఈ పాదయాత్రలో పాల్గొని సంఘీభావం తెలిపారు. ఈ సందర్భంగా స్థానిక నాయకులు, అభిమానులు వారికి ఘన స్వాగతం పలికారు. దీంతో తిరుత్తణి నుంచి మూడు కిలోమీటర్ల దూరంలోని ఆలయానికి చేరుకోవడానికి దాదాపు మూడు గంటల సమయం పట్టింది. కుమారుడు మోహిత్‌రెడ్డి, ఎమ్మెల్యే నారాయణస్వామితో కలసి చెవిరెడ్డి దంపతులు వల్లీ దేవసేన సమేత సుబ్రహ్మణ్య స్వామిని దర్శించుకున్నారు.  ఈ సందర్భంగా వేద పండితులు వారిని ఆశీర్వదించి ప్రసాదాలు అందజేశారు. అనంతరం ఆలయం వెలుపలకు వచ్చిన చెవిరెడ్డి మీడియాతో మాట్లాడారు. ఎన్నికల సందర్భంగా ఇచ్చిన 600 హామీల్లో ఒక్కటి కూడా నెరవేర్చకుండా రాష్ట్ర ప్రజలందరినీ చంద్రబాబు మోసం చేశారని ఆగ్రహం వ్యక్తం చేశారు. ఈ నేపథ్యంలో అన్ని వర్గాల ప్రజలను కలుసుకొని.. వారి కష్టాలు తెలుసుకునేందుకు తమ పార్టీ అధినేత వైఎస్‌ జగన్‌మోహన్‌ రెడ్డి పాదయాత్ర తలపెట్టారని వివరించారు. ఈ యాత్ర విజయవంతం కావాలనే ఆకాంక్షతో తిరుత్తణి సుబ్రమణ్యస్వామి ఆలయం వరకు పాదయాత్ర చేసినట్లు తెలిపారు. వెంకన్న ఆశీస్సుల కోసం.. సాక్షి, తిరుమల/వడమాలపేట: ప్రజాసంకల్పం విజయవంతం కావాలని, వైఎస్‌ జగన్‌కు ఆయురారోగ్యాలు ప్రసాదించాలని అప్పలాయగుంట ప్రసన్న వేంకటేశ్వరస్వామికి ఎమ్మెల్యే ఆర్కే రోజా బుధవారం 1008 కొబ్బరికాయలు కొట్టారు. ఈసందర్భంగా ఆమె మాట్లాడుతూ.. తమ పార్టీ అధినేత వైఎస్‌ జగన్‌కు వెంకన్న ఆశీస్సులు మెండుగా ఉండాలని కోరుకున్ననట్లు తెలిపారు. ఎంపీపీ మురళీధర్‌రెడ్డి, జెడ్పీటీసీ సురేష్‌రాజు, పార్టీ నేతలు కేజే కుమార్, దిలీప్‌రెడ్డి, మాహీన్, లలిత, రంగనాథం తదితరులు పాల్గొన్నారు. వైఎస్సార్‌సీపీ యువజన విభాగం రాష్ట్ర ప్రధాన కార్యదర్శి ఇమామ్‌ ఆధ్వర్యంలో 600 మందికిపైగా యువజన, విద్యార్థి నాయకులు తిరుపతి నుంచి కాలినడకన తిరుమలకు చేరుకున్నారు. అలిపిరి వద్ద 3 వేల కొబ్బరికాయలు సమర్పించారు. భూమన అభినయ్, పాలగిరి ప్రతాప్‌రెడ్డి తదితరులు పాల్గొన్నారు.  

తమ పార్టీ అధినేత వైఎస్‌ జగన్‌ మోహన్‌రెడ్డి తలపెట్టిన ప్రజా సంకల్పం పాదయాత్ర విజయవంతం కావాలని ఆకాంక్షిస్తూ అప్పలాయగుంట ప్రసన్న వేంకటేశ్వరస్వామి ఆలయం వద్ద నగరి ఎమ్మెల్యే ఆర్కేరోజా బుధవారం 1008 కొబ్బరి కాయలు కొట్టారు. ప్రజాక్షేమం కోరే జగన్‌కు ఆశీస్సులివ్వాలని వెంకన్నను ప్రార్ధించినట్లు చెప్పారు.

సాక్షి, తిరుపతి: వైఎస్‌ఆర్‌సీపీ అధినేత వైఎస్‌ జగన్‌మోహన్‌ రెడ్డి ప్రజా సంకల్ప యాత్ర పేరుతో పాదయాత్ర చేయనున్నవిషయం తెలిసిందే. నవంబర్‌ 6వ తేదిన ఇడుపులపాయ నుంచి పాదయాత్ర మొదలవుతుంది. అధినేత జగన్‌ తలపెట్టిన ప్రజా సంకల్ప యాత్ర విజయవంతం కావాలని ఎమ్మెల్యే రోజా అప్పలయగుంట గుడిలో కొబ్బరి కాయలు కొట్టి పూజలు చేశారు. ఈ సందర్భంగా ఆమె మాట్లాడుతూ.. సీఎం చంద్రబాబు తన ఆస్తులను పెంచుకున్నారు.. కుమారుడికి మంత్రి పదవి, కోడలికి ఆస్తులు, భార్యకు హౌస్‌ కట్టించారని ఎద్దేవా చేశారు.  వైఎస్‌ జగన్‌ పాదయాత్ర అంటే బాబుకు భయం పట్టుకుందని ఎమ్మెల్యే రోజా అన్నారు.  3,000 కిలోమీటర్ల తన యాత్రలో దారి పొడవునా 45 లక్షల మందిని ప్రత్యక్షంగా కలుసుకునే అవకాశం ఉంటుందని వైఎస్‌ జగన్‌ చెప్పిన విషయం తెలిసిందే.

వడమాలపేట : అధికార పార్టీ నాయకులు డబ్బులు దోచుకోవడానికే ఇరిగేషన్‌ పనులు పెడుతున్నారని నగరి ఎమ్మెల్యే ఆర్కే రోజా విమర్శించారు. వడమాలపేటలో శనివారం ఎమ్మెల్యే విలేకరులతో మాట్లాడుతూ గ్రామాల్లో కనీస సౌకర్యాలు లేవని, రోడ్లు అధ్వానంగా ఉన్నాయని వాటి గురించి పట్టించుకోకుండా డబ్బులు దోచుకునే పనిలో అధికారపార్టీ వారు ఉన్నారని ఆరోపించారు. అభివృద్ధి పనులకు తాము ప్రతిపాదనలు పంపితే వారు అడ్డుకుం టున్నారని, వారైనా చేస్తారా ? అంటే అదీ లేదని ఆమె ఆవేదన వ్య క్తం చేశా రు. అభివృద్ధి ప్రకటనలకే పరి మితమైందని, వాస్తవ పరిస్థితులు భి న్నంగా ఉన్నాయని ఆమె విమర్శించారు.  మీ ఊరు – మీ ఎంపీ కార్యక్రమం పార్లమెంటు శీతాకాల సమావేశాలు ముగిసిన తరువాత తన పార్లమెంట్‌ పరిధిలో మీ ఊరు – మీ ఎంపీ కార్యక్రమం నిర్వహించనున్నట్లు చిత్తూరు ఎంపీ శివప్రసాద్‌ తెలిపారు. పార్టీలు ఎన్నికల సమయంలోనేనని, తరువాత అందరూ కలసి అభివృద్ధికి కృషి చేయాలని చెప్పారు. ప్రజలు సమస్యల పరిష్కారం కోసం నాయకులు, పార్టీలతో నిమిత్తం లేకుండా తనను కలవవచ్చునని, అవసరమైతే కలెక్టర్‌ దృష్టికి తీసుకువెళ్లి సమస్యల పరిష్కారానికి కృషి చేస్తానని తెలిపారు. పార్లమెంట్‌ పరిధిలోని ఎస్సీ, ఎస్టీ కాలనీల్లో ఉన్న 510 అంగన్‌వాడీ కేంద్రాలకు రూ.50 లక్షలతో ఇంటర్‌నెట్, టీవీలను ఏర్పాటు చేయనున్నట్లు తెలిపారు.  అలాగే పలు పంచాయతీల్లో చెత్తను ఎత్తడానికి ట్రాక్టర్లను కూడా ఎంపీ నిధులతో పంపిణీ చేస్తున్నట్లు చెప్పారు. 

సాక్షి, హైదరాబాద్‌: నారాయణ, శ్రీచైతన్య, ఇతర కార్పొరేట్‌ కళాశాలల్లో విద్యార్థుల మరణాలకు సీఎం చంద్రబాబే పూర్తి బాధ్యత వహించాలని వైఎస్సార్‌సీపీ మహిళా విభాగం అధ్యక్షురాలు, ఎమ్మెల్యే ఆర్‌.కె.రోజా స్పష్టం చేశారు. కార్పొరేట్‌ విద్యాసంస్థల ర్యాంకుల దాహానికి విద్యార్థులు నిత్యం బలవుతున్నా అధికా రాన్ని అడ్డు పెట్టుకుని విద్యార్థుల బలవన్మర ణాలను ఆత్మహత్యలుగా చిత్రీకరిస్తూ తల్లిదం డ్రులకు కడుపు కోత మిగులుస్తున్నారని మండిపడ్డారు. విద్యార్థులు పిట్టల్లా రాలిపోతున్నా సీఎంకి పట్టదా అని నిలదీశారు. మంగళవారం పార్టీ కేంద్ర కార్యాలయంలో ఆమె విలేకరులతో మాట్లాడారు.  మూడున్నరేళ్లుగా ఆ విద్యాసంస్థలపై ఎలాంటి చర్యలు తీసుకోలేదంటే అది ముఖ్యమంత్రి బాధ్యతారాహిత్యం కాదా? అని రోజా ప్రశ్నించారు. విద్యార్థుల మరణాలను ఆపలేని ముఖ్యమంత్రి ఉంటే ఎంత? ఊడితే ఎంత? అని ఆగ్రహం వ్యక్తం చేశారు. 40 మంది విద్యార్థులు మరణించాక కానీ కార్పొరేట్‌ కాలేజీల యాజమాన్యాలతో సమావేశం నిర్వహించాలన్న ఆలోచన చంద్రబాబుకు రాలేదా? అని ప్రశ్నించారు.  తల్లిదండ్రుల కడుపుకోత చంద్రబాబుకు కనిపించడం లేదా..? అని ప్రశ్నించారు. ఈ మరణ మృదంగానికి మంత్రివర్గంలోని ఇద్దరు మంత్రులే కారణమన్నారు. ఇంతమంది విద్యార్థులు చనిపోయాక కూడా గంటా తన పదవికి రాజీనామా చేయకపోవడం సిగ్గు చేటన్నారు. ‘చంద్రబాబు బినామీ కనుకనే నారాయణ కళాశాలకు గంటా వెళ్లలేదా? లేక తన కుమారుడే స్వయంగా నారాయణ అల్లుడు కనుక సగం వాటా వస్తుందని వెళ్లలేదా?’ అని ప్రశ్నించారు.  మంత్రివర్గం నుంచి గంటా, నారాయణలను బర్తరఫ్‌ చేయాలని డిమాండ్‌ చేశారు. రూ. 25 లక్షల పరిహారం చెల్లించాలి సచివాలయంలో తన ఫోటోపై చెత్త వేస్తేనే సీనియర్‌ ఐఏఎస్‌ అధికారిణి ఉదయలక్ష్మితో విచారణ జరిపించిన చంద్రబాబు.. విద్యార్థుల మరణాలపై విచారణకు ఆదేశించక పోవడం శోచనీయమని రోజా విమర్శించారు. మరణించిన విద్యార్థుల కుటుం బాలకు రూ. 25 లక్షల ఎక్స్‌గ్రేషియా చెల్లించాలన్నారు. విద్యార్థుల ఆత్మహత్యలపై ఎమ్మెల్యే రోజా ఏమన్నారో చూడండి 

పుంగనూరు టౌన్‌ : తెలుగుదేశం పాలనలో అభివృద్ధి ఎక్కడా కనిపించడం లేదని వైఎస్సార్‌సీపీ మహిళావిభాగం అధ్యక్షురాలు, నగరి ఎమ్మెల్యే ఆర్‌.కే.రోజా విమర్శించారు. శనివారం పుంగనూరులో ఆమె వైఎస్సార్‌సీపీ రాష్ట్ర ప్రధాన కార్యదర్శి, ఎమ్మెల్యే పెద్దిరెడ్డి రామచంద్రారెడ్డితో కలసి విలేకరులతో మాట్లాడారు. పేదవాడికి నిత్యావసరాలు అందజేసే రేషన్‌ వ్యవస్థ టీడీపీ పాలనలో పూర్తిగా నిర్వీర్యమైపోయిందన్నారు. బియ్యం తప్ప మరే ఇతర నిత్యావసరాలు రేషన్‌షాపుల్లో ఇవ్వడం లేదని తెలిపారు. దోమలపై దండయాత్ర పేరుతో కోట్లాది రూపాయలు భోంచేశారని ఆరోపించారు. రాష్ట్రంలో పల్లె, పట్టణం అనే తేడా లేకుండా ప్రజలు విషజ్వరాలతో బాధపడుతున్నారని, రాష్ట్రాన్ని అనారోగ్యాంధ్రప్రదేశ్‌గా చేసిన ఘనత చంద్రబాబుదేనని విమర్శించారు. మంత్రి నారా లోకేష్‌ ప్రతి సమావేశంలోనూ లక్షల కిలోమీటర్ల సీసీరోడ్లు అంటూ ప్రకటనలిస్తున్నారని, సీఎం సొంత జిల్లాలోనే ఇప్పటికీ కొన్ని గ్రామాలకు మట్టిరోడ్లు లేకపోవడం దౌర్భాగ్యమని తెలిపారు. విద్యాశాఖ మంత్రి గంటా శ్రీనివాసరావు తన వియ్యంకుడనో, టీడీపీ ఫైనాన్సియర్‌ అనో చూడకుండా నారాయణ విద్యాసంస్థల్లో జరుగుతున్న విద్యార్థుల ఆత్మహత్యలపై పూర్తి స్థాయిలో విచారణ జరిపి, నిబంధనలకు విరుద్ధంగా ఉంటే విద్యాసంస్థలను సీజ్‌ చేయాలన్నారు. చంద్రబాబు అధికారంలోకి వస్తే అతివృష్టి లేకపోతే అనావృష్టి సహజమని, మూడేళ్లు వర్షాలు లేక కరువుతో బాధపడితే, నేడు వరదలతో నష్టపోయే పరిస్థితి దాపురించిందని తెలిపారు. పబ్లిసిటీ పిచ్చిని పక్కన పెట్టి ప్రజలు, రాష్ట్రం గురించి సీఎం ఆలోచించకపోతే టీడీపీని బంగాళాఖాతంలో కలిపేందుకు ప్రజలం దరూ సిద్ధంగా ఉన్నారని చెప్పారు.

నగరి: పట్ణణ పరిధిలో నూతనంగా ప్రారంభించిన ప్రభుత్వ బాలికల జూనియర్‌ కళాశాలలో లక్ష రూపాయల వ్యయంతో వాటర్‌ ప్లాంటును ఎమ్మెల్యే ఆర్కే రోజా ఏర్పాటు చేశారు. శుక్రవారం ఉదయం ఆమె ఆ ప్లాంటును ప్రారంభించారు. అధ్యాపకులు, ఉపాధ్యాయులు ఆమెను సత్కరించారు. ఈ సందర్భంగా ఆమె మాట్లాడుతూ కళాశాల ప్రారంభించిన సమయంలో తాగునీటి వసతి కల్పిస్తానని హామీ ఇచ్చానని, ఆ మేరకు మాట నిలబెట్టుకున్నానని చెప్పారు. వాటర్‌ ప్యూరిఫయర్, ఆర్వో ప్లాంటు ఏర్పాటు చేశామని తెలిపారు. అదనపు మరుగుదొడ్లు కూడా త్వరలో నిర్మిస్తామన్నారు. ప్రిన్సిపాల్‌ రఘుపతి, మునిసిపల్‌ చైర్‌పర్సన్‌ కే.శాంతి, మాజీ చైర్మన్‌ కేజే కుమార్‌ పాల్గొన్నారు.

కడప కార్పొరేషన్‌: కువైట్‌లో నవరత్నాల సభ విజయవంతమైన సందర్భంగా నగరి ఎమ్మెల్యే రోజాను వైఎస్సార్‌ సీపీ కువైట్‌ కమిటీ సభ్యులు ఘనంగా సత్కరించారు. పుష్పగుచ్ఛాలు, జ్ఞాపిక అందజేసి ధన్యవాదాలు తెలిపారు. కువైట్‌లోని సూక్‌ ముబారాకియా ప్రాంతంలోని అరబిక్‌ హోటల్‌లో నిర్వ హించిన అభినందన సభలో గల్ఫ్‌ కన్వీనర్‌ బీహెచ్‌ ఇలియాస్, కువైట్‌ కన్వీనర్‌ ముమ్మడి బాలిరెడ్డి మాట్లాడారు. కువైట్‌లో వైఎస్సార్‌ సీపీ ఆధ్వర్యంలో చేస్తున్న కార్యక్రమాలను వారు వివరించారు. కార్యక్రమంలో కో కన్వీనర్‌ ఎంవీ నరసారెడ్డి, గవర్నింగ్‌ కౌన్సిల్‌ సభ్యులు రెహమాన్‌ ఖాన్, ప్రధాన కోశాధికారి నాయని మహేశ్వర్‌రెడ్డి, ఆకుల ప్రభాకర్‌రెడ్డి, రమణ యాదవ్, ఎన్‌.చంద్ర శేఖర్‌ రెడ్డి పాల్గొన్నారు.


 
 కాకినాడ ప్రచారంలో ఓటర్లు ఎమ్మెల్యే రోజా పిలుపు
 
 కాకినాడ: ఇచ్చిన హామీల్లో ఏ ఒక్కటీ అమలుచేయని చంద్రబాబుకు ఎన్నికల్లో సరైన గుణపాఠం చెప్పాలని  కాకినాడ ఓటర్లకు వైఎస్‌ఆర్‌సీపీ ఎమ్మెల్యే ఆర్కే రోజా పిలుపునిచ్చారు. కాకినాడ మున్సిపల్‌ కార్పొరేషన్‌ ఎన్నికల్లో భాగంగా 31, 32వ డివిజన్లలో శనివారం ఆమె ప్రచారం నిర్వహించారు. ఇంటింటికి వెళ్లి వైఎస్‌ఆర్‌ కాంగ్రెస్‌ పార్టీకే ఓటు వేయాలని ప్రజలను కోరారు.
 
 అనంతరం నిర్వహించిన బహిరంగ సభలో ఆమె మాట్లాడుతూ చంద్రబాబు పాలన తీరుపై నిప్పులు చెరిగారు. బుద్ధిలేని కుమారునికి మంత్రి పదవి ఇప్పించుకున్న చంద్రబాబు.. లక్షలాది యువతలో ఏ ఒక్కరికీ ఉద్యోగం కల్పించలేదని విమర్శించారు. ఎవరు కొడితే దిమ్మతిరిగి మైండ్‌ బ్లాంక్‌ అవుతుందో వారే కాకినాడ ఓటర్లు అనే తరహాలో చంద్రబాబుకు బుద్ధి చెప్పాలని సూచించారు.


 - వైఎస్సార్‌సీపీ ఎమ్మెల్యే ఆర్‌కే రోజా ధ్వజం
 - చంద్రబాబు రాక్షసానందం పొందుతున్నారు
 - రాష్ట్రంలో శాంతిభద్రతలను గాలికి వదిలేశారు
 
 పుత్తూరు: రాష్ట్రంలో చంద్రబాబు నాయుడు ప్రభుత్వం హత్యా రాజకీయాలను ప్రోత్సహిస్తోందని వైఎస్సార్‌సీపీ ఎమ్మెల్యే ఆర్కే రోజా ఆరోపించారు. ఈ మేరకు ఒక ప్రకటన విడుదల చేశారు. గురువారం నంద్యాలలో శిల్పా చక్రపాణిరెడ్డిపై జరిగిన హత్యాయత్నాన్ని ఆమె ఖండించారు. నడిరోడ్డుపై కత్తులు, తుపాకులతో టీడీపీ నాయకులు చెలరేగుతుంటే అణచివేయాల్సిన పోలీసులు వారిని బుజ్జగించడం సిగ్గుచేటని మండిపడ్డారు. అర్హత లేని వారికి గన్‌మెన్‌ సౌకర్యం కల్పించడమే కాకుండా వారిని ప్రతిపక్షాలపైకి, ప్రజలపైకి ఉసిగొల్పి సీఎం చంద్రబాబు నాయుడు రాక్షసానందం పొందుతున్నారని దుయ్యబట్టారు.
 
 ఎన్నికల కోడ్‌ అమల్లో ఉండగా టీడీపీ నాయకులకు తుపాకులు, బుల్లెట్లు ఎక్కడి నుంచి వచ్చాయని రోజా ప్రశ్నించారు. కర్నూలు జిల్లాలో నారాయణరెడ్డి హత్య, ప్రకాశం జిల్లాలో గొట్టిపాటి రవికుమార్, కరణం బలరాం వర్గాల మధ్య జరిగిన దాడుల్లో ఇద్దరు చనిపోయినా ఆ కేసులు ఇంతవరకూ అతీగతీ లేకుండా పోయాయన్నారు. చంద్రబాబు అధికారంలోకి వచ్చాక రాష్ట్రంలో శాంతిభద్రతలను గాలికి వదిలేశారని ధ్వజమెత్తారు. హత్య, అత్యాచారం కేసుల్లో నిందితులను కాపాడేందుకు 120 జీవోలను జారీ చేసిన చంద్రబాబుకు హైకోర్టు మొట్టికాయలు వేసినా బుద్ధిరాలేదని విమర్శించారు. రాష్ట్రంలో మళ్లీ ఫ్యాక్షన్‌  హత్యలకు జరగడానికి చంద్రబాబు ప్రభుత్వం ఆజ్యం పోస్తోందన్నారు. చంద్రబాబుకు, టీడీపీ నాయకులకు బుద్ధి చెప్పాలని ప్రజలకు పిలుపునిచ్చారు.


 నంద్యాల: నంద్యాల ఉప ఎన్నికల ప్రచారం చివరి దశకు చేరుకోవడంతో అక్కడి రాజకీయాలు రసవత్తరంగా మారుతున్నాయి. టీడీపీ, వైఎస్‌ఆర్‌సీపీ నేతల మధ్య మాటల తూటాలు పేలుతున్నాయి. ఎమ్మెల్యే రోజా శనివారం నంద్యాల ఉప ఎన్నిక ప్రచారంలో భాగంగా గోస్పాడులో మాట్లాడుతూ.. సీఎం చంద్రబాబు నాయుడు, మంత్రి  భూమా అఖిల ప్రియలపై ధ్వజమెత్తారు. జగన్‌ను అన్న ప్రాసన రోజున గన్ పట్టుకున్నారన్న చంద్రబాబు వ్యాఖ్యలపై ఆమె మండిపడ్డారు.  చంద్రబాబు నీది నోరా? లేక తాటి మట్టా అంటూ తీవ్రస్థాయిలో విరుచుకుపడ్డారు.
  
 ఎన్నికల్లో ఇచ్చిన 600 హామీలు ఏమయ్యాయని.. వాటిని మరచి మళ్లీ సిగ్గులేకుండా హామీలు ఇస్తున్నారన్నారు. శవాలపై రాజకీయాలు చేసేది చంద్రబాబే అని పేర్కొన్నారు. జగన్‌కు చంద్రబాబులా వెన్నుపోటు రాజకీయాలు తెలయదన్నారు. ఒకవేళ జగన్.. చంద్రబాబులా చేసి ఉంటే ఇప్పటికే సీఎం అయ్యి ఉండేవారన్నారు. తన పార్టీ ఎమ్మెల్యేలతో రాజీనామా చేయించి తిరిగి గెలిచిన చరిత్ర జగన్‌ది అని తెలిపారు. అదీ రాయలసీమ పౌరుషం అంటే.. చంద్రబాబు ఉన్నాడు సిగ్గు, శరం లేకుండా రాజకీయం చేస్తున్నారంటూ మండిపడ్డారు.
 
 నంద్యాలలో భూమా నాగిరెడ్డిని హింసించి అతనిపై రౌడీ షీట్‌లు తెరిపించి ఎస్సీ, ఎస్టీ కేసులు పెట్టారని పేర్కొన్నారు. చివరికి మంత్రి పదవి ఆశ చూపి పార్టీలో చేర్చుకుని ఇవ్వకుండా మనోవేదనకు గురిచేసి ఆయన గుండె పోటుతో చనిపోవడానికి చంద్రబాబే కారణం అని నిప్పులు చెరిగారు. ఆయన చనిపోయిన తరువాత ఉపఎన్నికలు వస్తే.. ఆయన చావును రాజకీయం చేస్తున్నది ఎవరో చెప్పాలని ప్రశ్నించారు.
 
 2019 ఎన్నికల్లో జగన్ సీఎం కావడం ఖాయం అని ఈ ఉపఎన్నికల్లో నంద్యాల గడ్డ వైఎస్ఆర్ సీపీ అడ్డా అనే విధంగా ఈ ఉప ఎన్నికల్లో శిల్పాను గెలిపించాలని ఎమ్మెల్యే రోజా అన్నారు. చంద్రబాబు రాయలసీమ ద్రోహి అని, నంద్యాల ఎన్నికల్లో టీడీపీని ఓడించి వారికి తగిన బుద్ది చెప్పాలని రోజా ప్రజలకు పిలుపునిచ్చారు .
 


 
 వైఎస్సార్‌ సీపీ ఎమ్మెల్యే రోజా
 
  
 
 సాక్షి, హైదరాబాద్‌: ప్రజాకోర్టులో చంద్రబాబు మోసాల్ని ప్రశ్నించిన తమ అధినేతపై అధికారపార్టీ నేతలు విరుచుకుపడటం హాస్యాస్పదంగా ఉందని వైఎస్సార్‌ సీపీ ఎమ్మె ల్యే ఆర్కే రోజా విమర్శించారు. ఏమాత్రం నైతిక విలువల్లేని టీడీపీ నేతలకు వైఎస్‌ జగన్‌ను విమర్శించే హక్కే లేదన్నారు. తండ్రిని చంపిన ఔరంగజేబు, గాంధీని చంపిన గాడ్సేలకంటే నీచమైన వ్యక్తి చంద్రబాబు అని పిల్లనిచ్చిన మామ ఎన్టీఆరే స్వయంగా చెప్పాక.. ఇక ఎవరెన్ని చెప్పినా తక్కువేనన్నారు.
 
 వైఎస్సార్‌సీపీ కేంద్ర కార్యాలయంలో శుక్రవారం ఆమె విలేకరులతో మాట్లాడారు. జగన్‌పై టీడీపీ నేతలు చేసిన వ్యాఖ్యలపట్ల ప్రతిస్పందించారు. 600 హామీలిచ్చి ప్రజలందర్నీ మోసం చేసిన బాబులాంటి వ్యక్తిని... నంద్యాల ఓటర్లు న్యాయమూర్తి స్థానంలో కూర్చొని, ఉరితీయాలని తీర్పు చెప్పినా తప్పులేదని ప్రతిపక్షనేత అనడంలో ఏం తప్పుందని ప్రశ్నించారు. తప్పు చేసినవారికి కోర్టులో న్యాయమూర్తి శిక్షవేస్తే... ప్రజాకోర్టులో ప్రజలే తీర్పిస్తారిని అన్నారు.
  
 
 కుట్రలకు బ్రాండ్‌ అంబాసిడర్‌
 
 సీఎం చంద్రబాబు కుట్రలకు బ్రాండ్‌ అంబాసిడర్‌ అని, గుంటనక్క, ఊసరవెల్లి అనేందుకు బాబుకే పేటెంట్‌ రైట్స్‌ ఉన్నాయని, రాష్ట్రంలో చిన్న పిల్లాడినడిగినా చెబుతారని రోజా అన్నారు. గతంలో తొమ్మిదేళ్ల పాలనలో బాబు రాయలసీమను ఏవిధంగా మోసగించారో.. మళ్లీ ఇప్పుడెలా సర్వనాశనం చేస్తున్నారో వివరించారు. తాము అధికారంలోకొస్తే ప్రజాభీష్టం మేరకు కేసీకెనాల్‌కు తుంగభద్ర నుంచి సరిపడా నీరందేలా స్థిరీకరణ చేపడతామని జగన్‌ హామీ ఇచ్చారని, కానీ బాబు ఇది అవసరమా? అని అడ్డుపడుతున్నారని ధ్వజమెత్తారు. రోజా చనిపోయిందంటూ కొందరు సామాజిక మాధ్యమాల్లో శ్రద్ధాంజలి పెడుతున్నారని.. వీళ్లసలు మనుషులేనా? అన్నారు. ఉన్మాదికి ప్యాంటు, షర్టు వేస్తే చంద్రబాబన్నారు. ఉన్మాదుల్లా ప్రవర్తిస్తున్న మంత్రులు, ఎమ్మెల్యేలకు నంద్యాల ప్రజలు గుణపాఠం చెప్పాలని పిలుపునిచ్చారు. 
 
 
 
  


 - కుతంత్రాలకు ఆయన బ్రాండ్‌ అంబాసిడర్‌
 - నైతిక విలువలులేని టీడీపీ నేతలా జగన్‌ను విమర్శించేది?
 - అధికార పార్టీపై వైఎస్సార్‌సీపీ ఎమ్మెల్యే ఆర్కే రోజా ఫైర్‌
 
 హైదరాబాద్‌: ముఖ్యమంత్రి చంద్రబాబు నాయుడును ప్రజాకోర్టులో నిలదీసిన వైఎస్‌ జగన్‌ మోహన్‌రెడ్డిపై తెలుగుదేశం పార్టీ మంత్రులు, నేతలు విమర్శించడాన్ని వైఎస్సార్‌సీపీ ఎమ్మెల్యే రోజా ఖండించారు. నైతిక విలువలు లేని టీడీపీ నేతలకు జగన్‌ గురించి మాట్లాడే అర్హతలేదని, అసలు కుట్రలు, కుతంత్రాలకు బ్రాండ్‌ అంబాసిడర్‌ చంద్రబాబేనన్న విషయం గుర్తుంచుకుంటే మంచిదని హితవుపలికారు. హైదరాబాద్‌లోని వైఎస్సార్‌సీపీ కేంద్ర కార్యాలయంలో ఆమె మీడియాతో మాట్లాడారు.
 
 ‘ రాయలసీమకు నీళ్లు ఇవ్వాలనే సంకల్పంతో నాటి సీఎం వైఎస్సార్‌ పనిచేశారు. కానీ ఆయన ప్రతి ప్రయత్నానికి చంద్రబాబు అడ్డుపడ్డారు. ఇవాళ అదే చంద్రబాబు.. నేనే సీమకు నిళ్లిచ్చానని చెప్పుకోవడం హాస్యాస్పదం. నంద్యాలలో జగన్‌ ఏమన్నారు? 600 హామీలిచ్చి అన్ని వర్గాల ప్రజలను మోసం చంద్రబాబును.. పబ్లిసిటీ పిచ్చితో 29 మంది పుష్కర భక్తులను చంపేసిన చంద్రబాబును న్యాయమూర్తులుగా ప్రజలే శిక్షించాలని అన్నారు. ఇదేదో తప్పైనట్లు, చంద్రబాబేదో మంచివారైనట్లు టీడీపీ నేతలు మాట్లాడటం సిగ్గుచేటు’ అని రోజా వ్యాఖ్యానించారు.
 
 ‘;పురాణాల్లో రావణుడిని చూశాం. చరిత్రలో తండ్రిని చంపిన ఔరంగజేబును, మహాత్ముడిని పొట్టనబెట్టుకున్న గాడ్సేను చూశాం. ఆ కోవకు చెందిన వ్యక్తే చంద్రబాబు. ఎన్టీఆర్‌కు వెన్నుపోటు పొడవటం మొదలు.. అడ్డొచ్చిన కుటుంబసభ్యులపై సొంత మీడియాతో బురదజల్లించడం, చీకట్లో చిదంబరం కాళ్లు పట్టుకోవడం, కాంగ్రెస్‌తో కుమ్మక్కై వైఎస్‌ జగన్‌పై కేసులు బనాయించడం, ఇటీవలి కాలంలో 20 మంది ఎమ్మెల్యేలను కొనుక్కోవడం, వైఎస్సార్‌సీపీ నాయకులను అతిదారుణంగా చంపించడం.. ఇలా చెప్పుకుంటూ పోతే చంద్రబాబు, ఆయన పార్టీ నేతల పాపాలకు అంతే ఉండదు. శవాలమీద రాజకీయపునాదులు నిర్మించుకున్న టీడీపీ నేతలకు వైఎస్‌ జగన్‌ను విమర్శించే అర్హతే లేదు’ అని రోజా అన్నారు.


 విజయవాడ: ముఖ్యమంత్రి చంద్రబాబు నాయుడుపై వైఎస్‌ఆర్‌ సీపీ ఎమ్మెల్యే రోజా తీవ్రస్థాయిలో ధ్వజమెత్తారు. ఆమె సోమవారమిక్కడ మీడియా సమావేశంలో మాట్లాడుతూ టీడీపీ పాలనలో మహిళలు అభద్రతాభావంతో ఉన్నారన్నారు. ఒకపక్క రాష్ట్రంలో మహిళలను వేధిస్తూ.. మరోవైపు మహిళా సాధికారత అంటూ చంద్రబాబు వల్లమాలిన ప్రేమ నటిస్తున్నారని ఎమ్మెల్యే రోజా ఆరోపించారు.
 మహిళను రక్షించడంలో ఘోరంగా విఫలమైన చేతకాని ప్రభుత్వాన్ని నడుపుతున్న  చంద్రబాబు ఏం మొహం పెట్టుకుని మహిళలకు రాఖీ శుభాకాంక్షలు చెబుతారని ప్రశ్నించారు. రాష్ట్రంలో సూదిగాళ్ల పాలన నడుస్తుందని విమర్శించారు. చంద్రబాబు పాలనలో మహిళలు అర్ధరాత్రి కాదు.. పట్ట పగలు కూడా నడవలేయపోతున్నారని ఆగ్రహం వ్యక్తం చేశారు. రాష్ట్రంలో కాలకేయుల ఆగడాలు రోజురోజుకు పెచ్చుమీరుతున్నాయని ఆమె ధ్వజమెత్తారు.
 
 కంత్రీ కేబినెట్‌ మంత్రులు ఉన్నారు
 ‘దేశంలోనే నలుగురు మంత్రులపై లైంగిక ఆరోపణలున్నాయని తేలితే అందులో ఇద్దరు మన రాష్ట్రానికి చెందిన మంత్రులుండటం సిగ్గు చేటు. ఒక మహిళా కేంద్ర మంత్రిని కూడా వేధించిన చరిత్ర ఈ ప్రభుత్వంలో ఉన్న నాయకులుండటం దౌర్భాగ్యం. ఉత్తరాంధ్రకు చెందిన ఓ మంత్రి నిత్యం మహిళా ఉద్యోగులను వేధిస్తున్నా చంద్రబాబుకు చీమ కుట్టినట్టు కూడా లేదు.  మహిళలను హింసించేవారిని టీడీపీ పెద్దలు వెనకేసుకు వస్తున్నారు. చంద్రబాబు మంత్రులంతా కంత్రీలు, ఎమ్మెల్యేలంతా కాలకేయుళ్లు.
 
 ఎస్టీ, ఎస్టీ, బీసీ విద్యార్థినులు మెస్‌ చార్జీలు పెంచమని విశాఖలో పోరాడితే జుట్టు పట్టి లాగారు. తుందురులో ఆక్వా ఫుడ్‌ ఫ్యాక్టరీకి వ్యతిరేకంగా నినదించిన మహిళలను బట్టలు చించి కొట్టారు. అంగన్‌వాడీ మహిళలను బ్లౌజులు చినిగిపోయేలా కొట్టారు. విజయవాడ కాల్‌మనీ సెక్స్‌రాకెట్‌తో బెదిరించి ఎంతో మంది అమాయక మహిళలను వ్యభిచారంలోకి దించేశారు. దానికి కారణమైన బోండా ఉమ,బుద్ధా వెంకన్న వంటి వారిని వెనకకేసుకు రావడమేనా మహిళా సాధికారత. కార్యకర్తల స్థాయి నుంచి మంత్రుల వరకు నిత్యం మహిళలను హింసిస్తున్నారు. దీనికి టీడీపీ మహిళా నాయకులు కూడా మినహాయింపు కాదు.
 
 గుంటూరు, చిత్తూరు జిల్లాల్లోనూ టీడీపీ మహిళా నాయకులపై దాడులు చేసినా చంద్రబాబులో చలనం లేదు. జానీమూన్‌ వంటి వారు మీడియా ముందుకొచ్చి తమపై జరుగుతున్న వేధింపులపై చెప్పినా ఫలితం లేదు. ఇక నారాయణ కాలేజీలో 25 మంది అమ్మాయిలు ఆత్మహత్య చేసుకుంటే ఒక్క కేసు నమోదు చేయలేదు. మంత్రి నారాయణను కూడా భర్తరఫ్‌ చేయకుండా కొనసాగించడం దారుణం. ఆయనిచ్చే డబ్బుతో రాజకీయం చేస్తున్నాడు. ఇలాంటి ప్రభుత్వాన్ని దించే దిశగా మహిళలు కంకణ బద్దులు కావాలి. నరకాసురుడిని వధకు కాళికామాతలుగా రావాలి.’  అని పిలుపునిచ్చారు.
 
 కాటన్‌రాయుడు మాట్లాడేంటి?
 ‘ఎన్నికల సమయంలో ఎన్నో హామీలిచ్చి చంద్రబాబు అధికారంలోకి రాగానే గజినిలా మరిచిపోయారు. ఎంతమందికి రుణమాఫీ చేశారు. ఇళ్లు కట్టించారు. ఏ జిల్లాలో చేనేత పార్కులు ఏర్పాటు చేశారో శ్వేతపత్రం విడుదల చేయాలి. ముడి సరుకులతో పాటు ఉత్పత్తులను అమ్ముకోవడానికి అవకాశం లేకుండా పోయింది. విదేశాల నుంచి 18మందిని తీసుకు వచ్చి వాళ్ల భోజనానికి రూ.18 లక్షలు ఖర్చు చేసిన చంద్రబాబు ఇక్కడ చేనేతలు పడుతున్న కష్టం కనపడలేదు.
 చేనేతలకు నేనే బ్రాండ్‌ అంబాసిడర్‌ అంటున్న పవన్‌ కళ్యాణ్‌ చేనేతల సమస్యలపై ఎందుకు స్పందించడంలేదు. కాటమరాయుడు సినిమా రిలీజ్‌ సందర్భంలో తాను కాటన్‌రాయుడునని పవన్‌ పబ్లిసిటీ చేసుకున్నారు. వైఎస్‌ జగన్‌ మాటిస్తే వైఎస్‌ రాజశేఖర్‌రెడ్డి మాటిచ్చినట్లే. మాట తప్పరు, మడం తిప్పరు. వైఎస్‌ఆర్‌ సీపీ అధికారంలోకి రాగానే చేనేత సమస్యలను పరిష్కరిస్తారు.’ అని హామీ ఇచ్చారు
  


 - ఫిరాయింపుదారులతో రాజీనామా చేయించండి
 - సంప్రదాయాల గురించి అఖిలప్రియ మాట్లాడటం విడ్డూరం
 - నంద్యాల ప్రచారంలో ఎమ్మెల్యే ఆర్కే రోజా విసుర్లు
 
 నంద్యాల: తెలుగుదేశం పార్టీ నిండా ‘పప్పు’ బ్యాచ్‌లు ఉన్నాయని వైఎస్సార్‌సీపీ ఎమ్మెల్యే ఆర్కే రోజా ఎద్దేవా చేశారు. ఆ నాయకులంతా అమరావతిలో కూర్చొని ‘పప్పు’  తాలింపు వేసుకోవడం ఆపి, పార్టీ మారిన 20 మంది ఎమ్మెల్యేలతో రాజీనామా చేయించాలని సవాలు విసిరారు.
 
 నంద్యాల ఉప ఎన్నికలో భాగంగా శనివారం ఎమ్మెల్యే రోజా, దివంగత నాయకుడు నారాయణరెడ్డి సతీమణి శ్రీదేవి తదితరులు పట్ణంలో ప్రచారం నిర్వహించారు. ఈ సందర్భంగా ఏర్పాటుచేసిన మీడియా సమావేశంలో మాట్లాడిన రోజా.. టీడీపీకి బుద్ధిచెప్పడానికి ప్రజలు సిద్ధంగా ఉన్నారని అన్నారు.
 
 నంద్యాలతో వైఎస్సార్‌సీపీ నిర్వహించిన బహిరంగ సభ విజయవంతం కావడంతో టీడీపీ నాయకులకు మతిభ్రమించిందని, అందుకే అక్రమ మార్గాల్లో ప్రచారాన్ని అడ్డుకునే ప్రయత్నం చేస్తున్నారని రోజా ఆరోపించారు. వైఎస్సార్‌సీపీ అభ్యర్థి శిల్పా మోహన్‌ రెడ్డికి వ్యతిరేకంగా కొందరికి డబ్బులు ఇచ్చి టీడీపీ నేతలు ధర్నాలు చేయిస్తున్నారని ఆక్షేపించారు.
 
 ‘కాల్‌మనీ సెక్స్‌రాకెట్‌, డ్వాక్రా మహిళలకు వెన్నుపోటు‌.. ఇలా ప్రతి విషయంలోనూ చంద్రబాబు మహిళలను మోసగిస్తున్న సంగతి మంత్రి అఖిలప్రియకు తెలియదా? సంప్రదాయాల గురించి అఖిలప్రియ మాట్లాడటం ఆశ్చర్యంగా ఉంది. శోభానాగిరెడ్డి చనిపోయినప్పుడు కనీసం చూడటానికైనా చంద్రబాబు వచ్చారా? ఆమెకు తల్లిదండ్రుల కంటే పదవులే ముఖ్యమయ్యాయి’ అని రోజా అన్నారు.
 
 అబద్ధాలు చెప్పడంలో బాబు దిట్ట: శ్రీదేవి
 పచ్చి అబద్ధాలు చెబుతూ ప్రజలను మోసగించడంలో చంద్రబాబునాయుడు దిట్ట అని దివంగత వైఎస్సార్‌సీపీ నేత నారాయణరెడ్డి భార్య శ్రీదేవి మండిపడ్డారు. తెలుగుదేశం పార్టీకి బుద్ధిచెప్పే సమయం వచ్చిందని, నంద్యాల నుంచే పచ్చ పార్టీ పతనం మొదలవుతుందని ఆమె అ‍న్నారు.


 తిరుపతి: తెలుగుదేశం మంత్రులు సిగ్గులేకుండా మాట్లాడుతున్నారని వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా మండిపడ్డారు. టీడీపీ మంత్రుల వ్యాఖ్యలు దెయ్యాలు వేదాలు వల్లించినట్లు ఉంటున్నాయని ఎద్దేవా చేశారు. మంత్రులనే ఇంగిత జ్ఞానం లేకుండా మాట్లాడుతున్నారంటూ టీడీపీ నేతలపై  ఆమె నిప్పులు చెరిగారు. నందిగామ ఎమ్మెల్యే చనిపోతే వైఎస్‌ఆర్‌ సీపీ పోటీపెట్టలేదని తెలిపారు. నైతికత గురించి మాట్లాడే టీడీపీ నేతలు నంద్యాలలో వైఎస్‌ఆర్‌ సీపీ ఎమ్మెల్యే మరణిస్తే మాత్రం ఎందుకు పోటీపెడుతున్నారని ప్రశ్నించారు. తెలుగుదేశం నేతలకు నైతికత, సంప్రదాయాల గురించి మాట్లాడే అర్హత లేదన్నారు. మరణించిన భూమా నాగిరెడ్డి ఏ పార్టీ ఎమ్మెల్యేనో స్పీకర్‌ కోడెలను అడిగితే ఆయనే చెప్తారని పేర్కొన్నారు.
 
 వైఎస్‌ఆర్‌ సీపీ నేతలకు నీతులు చెప్పే సోమిరెడ్డి, 21 మంది ఫిరాయించిన ఎమ్మెల్యేలతో రాజీనామా చేయించి నీతుల మాట్లాడితే బాగుంటుందని హితవు పలికారు. పదవుల కోసం తల్లిలాంటి పార్టీని మారిన చరిత్ర ఆదినారాయణ రెడ్డి, అమర్‌నాథ్‌ రెడ్డిలదని విమర్శించారు. అచ్చెన్నాయుడు మనిషి పెరిగాడు కానీ బుర్ర పెరగలేదని ఎద్దేవా చేశారు. తనకు అనుకూలంగా లేని 120 మంది కళింగ ఉద్యోగులను కక్షపూరితంగా పలు ప్రాంతాలకు బదిలీ చేయించిన వ్యక్తి అచ్చెన్నాయుడు అని విమర్శించారు. కులాల పేరుతో రాజకీయాలు చేసేది చంద్రబాబేనని మండిపడ్డారు.  అధికారం కోసం 32కులాల మధ్య చిచ్చుపెట్టారని విమర్శంచారు.  కులం చూసే ఏపీ డీజీపీ సాంబశివరావుకు పూర్తి స్థాయిలో అధికారాలు, బాధ్యతలు అప్పగించలేదన్నారు.
 
 ఆగస్టు మూడో తేదీ నుంచి వైఎస్‌ జగన్‌మోహన్‌రెడ్డి నంద్యాలలో పర్యటిస్తారని తెలిపారు. టీడీపీ నేతలు చేసే ప్రతి మాటకు సమాధానం చెబుతారన్నారు. నంద్యాల ప్రజలు తెలుగుదేశం నాయకుల డ్రామాలను గమనిస్తున్నారని, ఉప ఎన్నికల్లో కచ్చితంగా బుద్ధి చెబుతారని పేర్కొన్నారు. పార్టీ మారిన నేతలను తిరిగి పార్టీలో చేర్చుకొనే ఉద్దేశం అధినేతకు లేదని, పార్టీ మారిన నేతలు తిరగి వస్తామని అడిగినా వైఎస్‌ జగన్‌మోహన్‌రెడ్డి అంగీకరించలేదని తెలిపారు.


 తిరుపతి: తూర్పు గోదావరి జిల్లా కిర్లంపూడిలో పోలీస్‌ రాజ్యం నడుస్తోందని వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా విమర్శించారు. చంద్రబాబు సర్కార్‌ నిరంకుశంగా వ్యవహరిస్తోందని ఆమె ధ్వజమెత్తారు. ఎమ్మెల్యే రోజా బుధవారమిక్కడ మాట్లాడుతూ.. ‘పరిస్థితి చూస్తుంటే మనం పాకిస్తాన్‌లో ఉన్నామా?...భారత్‌లో ఉన్నామా? అనే అనుమానం కలుగుతోంది.
 కాంగ్రెస్‌ పాలనలో చంద్రబాబు చంద్రబాబు పాదయాత్ర నిర్వహించారని, అప్పుడు ఇలానే వ్యవహరించి ఉంటే చంద్రబాబు పరిస్థితి ఎలా ఉండేది.’ అని ప్రశ్నించారు. అలాగే డ్రగ్స్‌ కేసుపై ఎమ్మెల్యే రోజా స్పందిస్తూ ‘సినీ నటులం అద్దాల మేడలో ఉన్నాం. అద్దాల మేడపై రాయి వేస్తే తిరిగి నిర్మించుకోవడం కష్టం. డ్రగ్స్‌ వ్యవహారంలో నిజమైన దోషులను శిక్షించండి. విచారణ పేరుతో అందరినీ వేధించడం సరికాదు.’ అని అన్నారు.


 స్పీకర్‌ తీరుపై ఎమ్మెల్యే రోజా
  
 సాక్షి, అమరావతి: ఎంతో గౌరవప్రదంగా భావించే స్పీకర్‌ హోదాలో ఉన్న కోడెల శివప్రసాదరావు టీడీపీ ఎమ్మెల్యేలతో కలిసి మాక్‌ ఓటింగ్‌లో పాల్గొనడం దారుణమని వైఎస్సార్‌ కాంగ్రెస్‌ పార్టీకి చెందిన ఎమ్మెల్యే ఆర్కే రోజా విమర్శించారు. అసెంబ్లీలో సోమవారం రాష్ట్రపతి ఎన్నికల్లో తన ఓటు హక్కును వినియోగించుకున్న అనంతరం వైఎస్సార్‌సీపీ ఎమ్మెల్యేలు గిడ్డి ఈశ్వరి, గౌరు చరితారెడ్డి, పుష్ప శ్రీవాణి, సునీల్, రాజన్నదొరలతో కలిసి ఆమె మీడియాతో మాట్లాడారు.
 
 గతంలో స్పీకర్లుగా పని చేసిన నాదెండ్ల మనోహర్, సురేష్‌రెడ్డిలు ఎన్నడూ పార్టీ మీటింగ్‌లకు హాజరైన దాఖలాలు లేవని చెప్పారు. 


 తిరుపతి : వైఎస్‌ఆర్‌ కాంగ్రెస్‌ పార్టీ అధ్యక్షుడు వైఎస్‌ జగన్‌ మోహన్‌ రెడ్డి ప్రకటించిన 9 హామీలపై టీడీపీ సవాల్‌ను తాము స్వీకరిస్తున్నామని ఆ పార్టీ ఎమ్మెల్యే ఆర్కే రోజా అన్నారు. వైఎస్‌ జగన్‌ ప్రకటించిన పథకాలపై ఎలాంటి అనుమానాలు అవసరం లేదని, ఒకవేళ అనుమానం ఉంటే చంద్రబాబును తక్షణమే రాజీనామా చేయమనాలని, ఆ పథకాలను ఎలా చేసి చూపిస్తారో జగన్‌ నిరూపిస్తారని ఆమె పేర్కొన్నారు. ఎమ్మెల్యే రోజా మంగళవారం తిరుపతి ప్రెస్‌క్లబ్‌లో మీడియా సమావేశంలో మాట్లాడుతూ..‘ టీడీపీ బుర్రపెట్టి ఆలోచిస్తే..  2019 నాటికి...10 లక్షల కోట్ల బడ్జెట్‌లో వైఎస్‌ జగన్‌ చెప్పిన పథకాలన్నీ కచ్చితంగా అమలు అవుతాయి.
 
 మంత్రి యనమల రామకృష్ణుడు వెంటనే అసెంబ్లీని సమావేశపరిస్తే లెక్కలతో సహా వైఎస్‌ జగన్‌ సమాధానం చెబుతారు. ఇప్పటివరకూ టీడీపీ వైఎస్‌ జగన్‌ మోహన్‌ రెడ్డిని చూసి మాత్రమే భయపడేదని, అయితే ఇప్పుడు ప్రశాంత్‌ కిషోర్‌ను చూసి కూడా వణికిపోతున్నారని అర్థం అవుతోంది. అయినా మా పార్టీ ఎవరి సలహాలు తీసుకుంటే టీడీపీకి ఎందుకు?.  నరేంద్ర మోదీ గత ఎన్నికల్లో ప్రశాంత్‌ కిషోర్‌ సలహాలు తీసుకున్నారు. అయితే ఆయనకు నాయకత్వం లోపించే సలహాలు తీసుకున్నారా?. మరి అలాంటి మోదీతో జతకట్టి ఎన్నికలకు ఎందుకు వెళ్లారు. ఎన్నికల్లో గెలుస్తామని చంద్రబాబుకు నమ్మకం, నాయకత్వ లక్షణాలు ఉంటే పవన్‌ కల్యాణ్‌ కాళ్లు ఎందుకు పట్టుకున్నారో చెప్పాలి.
 తండ్రీకొడుకులు నిప్పా...తుప్పా?
 చంద్రబాబు అనుభవనం రాష్ట్రాన్ని దోచుకోవటానికే పనికి వచ్చింది. మహిళల గురించా ఆయన మాట్లాడేది. కేబినెట్‌లో ఇద్దరు మహిళలు మాత్రమే ఉన్నారు. ఆ మంత్రులను కూడా చంద్రబాబు తీసేశారు. మహిళలను గౌరవించడం ముందు ఆయనే నేర్చుకోవాలి. రాష్ట్ర మహిళల మానప్రాణాలు రక్షించలేకపోతున్నారు. ఎక్కడికక్కడ మద్యం షాపులు పెట్టి తాళిబొట్టు తెంచుతున్నారు. ఓటుకు కోట్లు కేసులో చంద్రబాబు అడ్డంగా దొరికిపోయి విజయవాడకు పారిపోయారు. ఇక ఆయన కుమారుడు లోకేశ్‌ చూస్తే కామెడీ ఆర్టిస్ట్‌ గుర్తొస్తారు. ప్రతిదానికి లోకేష్‌ సవాల్‌ అంటారు.
 
 ఆయన యాష్‌ ట్రేకు ఎక్కువ, డస్ట్‌బిన్‌కు తక్కువ. దమ్ము, ధైర్యం ఉంటే ఇసుక దోపిడీ, విశాఖ భూ కుంభకోణం, మద్యం వ్యాపారస్తులకు ఇచ్చిన లైసెన్స్‌ల అవకతవకలు బయటపడాలంటే సీబీఐ విచారణకు సిద్ధం కావాలి. మీ నాన్న ప్రతిపక్షంలో ఉన్నప్పుడు ఔటర్‌ రింగ్‌ రోడ్డు, పరిటాల రవి హత్య కేసులో ఆరోపణలు వస్తే దమ్మున్న మొనగాడు కాబట్టే వైఎస్‌ రాజశేఖరరెడ్డి సీబీఐ విచారణ వేశారు. తండ్రీకొడుకులు తుప్పు కాదు నిప్పు అని అనుకుంటే సీబీఐ విచారణకు సిద్ధం కావాలి. లోకేశ్‌ ఇంకోసారి సవాల్‌ విసిరితే.. డిక్కీ బలిసిన కోడి చికెన్‌ షాప్‌ ముందుకెళ్లి తొడ కొడితే ఏం అవుతుందో పప్పుకు కూడా అదే పరిస్థితి ఎదురు అవుతుంది’ అని అన్నారు.
 
 సోమిరెడ్డిది సోది...
 ఇక నెల్లూరు ప్రజలు ఛీకొట్టి తరిమేసిన సోమిరెడ్డి చంద్రశేఖర్‌ రెడ్డిని చంద్రబాబు నాయుడు పక్కన పెట్టుకుని మంత్రి పదవి ఇచ్చారని రోజా అన్నారు. సోమిరెడ్డి చెప్పేదంతా సోదేనని, అడ్డదిడ్డంగా మాట్లాడుతున్నారు కాబట్టే ఆయనకు చంద్రబాబు మంత్రిపదవి కట్టబెట్టారని ఎద్దేవా చేశారు.


 సాక్షి, హైదరాబాద్‌: ముఖ్యమంత్రి చంద్రబాబు మహిళల జీవితాలతో చెలగాట మాడుతున్నారని వైఎస్సార్‌సీపీ ఎమ్మెల్యే, పార్టీ మహిళా అధ్యక్షురాలు ఆర్కే రోజా మండిపడ్డారు. మంగళవారం పార్టీ కేంద్ర కార్యాలయంలో మీడియాతో మాట్లాడుతూ.. రాష్ట్రంలోని ప్రజలకు తిండి, నీళ్లు, పనులు లేక అల్లాడుతుంటే.. చంద్రబాబు మాత్రం తాగినోళ్లకు తాగినంత బీరు.. బారు అంటూ గడపగడపకూ మద్యాన్ని తీసుకెళ్తున్నారని ఆగ్రహం వ్యక్తం చేశారు. మంత్రి జవహర్‌ బీరును హెల్త్‌ డ్రింక్‌గా ప్రకటించడంపై రోజా మండిపడ్డారు. అవి తాగే కేబినెట్‌లో ఇలాంటి నిర్ణయాలు తీసుకుంటున్నారా? అంటూ ధ్వజమెత్తారు.
 
 మహిళల తాళిబొట్లు తెగినా పర్లేదు.. కమీషన్లు కావాలి, ఖజానా నిండాలనే బాబు బారు పాలసీలను తీసుకురావడం దురదృష్టకరమన్నారు. జనావాసాలు, స్కూళ్లు, గుళ్ల వద్ద మద్యం షాపులు పెట్టాలనుకుంటే తమ పార్టీ చూస్తూ ఊరుకోదని, అవన్నీ పగలగొట్టే కార్యక్రమం చేస్తామని హెచ్చరించారు. అవసరమైతే మహిళల కోసం జైలుకు వెళ్లేందుకు కూడా తాము సిద్ధమన్నారు. హెరిటేజ్‌ వ్యాన్‌లోని ఎర్రచందనం దుంగలమీద బాబు మాట్లాడకపోతే ఇకనుంచి ఆయన్ను ఎర్రచంద్రం అని పిలవడం ఖాయమని ఎద్దేవా చేశారు.


 ► చంద్రబాబు, గంటా ఆయన నోరు నొక్కేశారు
 ► విష్ణుకుమార్‌రాజు నోరు వెంకయ్యతో మూయించారు
 ► వైఎస్సార్‌సీపీ ఎమ్మెల్యే ఆర్‌కే రోజా వ్యాఖ్యలు
 
 గోపాలపట్నం (విశాఖ పశ్చిమ): విశాఖలో భూకబ్జాల అవినీతిలో రాష్ట్ర మంత్రి అయ్యన్నకు భాగం పంచారని ఎమ్మెల్యే ఆర్‌కే రోజా ఆరోపించారు. ఆరువేల ఎకరాల భూములు దోచేశారని, దీనిపై సీబీఐ విచారణ చేపట్టాలని డిమాండ్‌ చేసిన ఆయన ఇపుడు మౌనం దాల్చడం ఏమిటని ప్రశ్నించారు. విశాఖ విమానాశ్రయంలో గురువారం ఆమె మీడియాతో మాట్లాడారు. విశాఖలో కోట్ల విలువైన భూకుంభకోణంపై ప్రస్తావించారు. భూ కుంభకోణాలపై ఆరోపణలు చేసిన మంత్రి అయ్యన్నపాత్రుడుని ముఖ్యమంత్రి చంద్రబాబు, మంత్రి గంటా శ్రీనివాసరావు, మంత్రి లోకేష్‌ అవినీతి సొమ్ముతో నోరునొక్కి మ్యాచ్‌ ఫిక్సింగ్‌ చేసుకున్నారన్నారు.
 
 వేల ఎకరాల భూములు దోచేశారని వ్యాఖ్యలు చేసిన బీజేపీ శాసనసభా పక్షనేత విష్ణుకుమార్‌రాజును కేంద్ర మంత్రి వెంకయ్యనాయుడుతో ఒత్తిడి తెచ్చి చంద్రబాబు ఆపారని ఆరోపించారు. అయ్యన్నపాత్రుడు గంటాపై ఆరోపణలు చేశాక గంటా కూడా తన నిర్దోషిత్వాన్ని నిరూపించుకోడానికి సీబీఐ విచారణకు తానూ సిద్ధమేనని ప్రకటించారని తెలిపారు. బయటకు అలా చెప్పి అయ్యన్నతో మ్యాచ్‌ ఫిక్సింగ్‌ చేసుకున్నారని మండిపడ్డారు. ఆరువేల ఎకరాలు దోచేశారని అయ్యన్న వ్యాఖ్యలు చేస్తే టీడీపీ ప్రభుత్వం అంతకాదు... రెండు మూడు వందల ఎకరాలు ఉంటుందని చెప్పడం సిగ్గుచేటన్నారు. భూ దోపిడీలపై వైఎస్సార్‌ సీపీ అధినేత జగన్‌మోహన్‌రెడ్డి విశాఖలో సేవ్‌ విశాఖ పేరిట ధర్నాకు దిగడంతో దీనినుంచి బయటపడేందుకే సిట్‌ విచారణ చేయిస్తున్నారన్నారు. సీబీఐ విచారణ కాకుండా సిట్‌తో దర్యాప్తు చేయించడం వల్ల ఎలాంటి ప్రయోజనం ఉండదన్నారు. పెందుర్తి ఎమ్మెల్యే బండారు సత్యనారాయణమూర్తి ఇటీవల రాజ్యసభ సభ్యుడు విజయసాయిరెడ్డిపై చేసిన వ్యాఖ్యలను రోజా ఖండించారు.  
 
 ఘనస్వాగతం:  అంతకుముందు ఎమ్మెల్యే రోజాకు విశాఖ విమానాశ్రయంలో ఘన స్వాగతం పలి కారు. వైఎస్సార్‌సీపీనగర అధ్యక్షురాలు పసుపు లేటి ఉషాకిరణ్‌తో పాటు అనేక మంది నాయకులు  ఆమెకు స్వాగతం చెప్పారు.


 కాకినాడ: కాపులను సీఎం చంద్రబాబు మోసం చేస్తుంటే పవన్‌ కళ్యాణ్‌ ఎందుకు ప్రశ్నించడం లేదని వైఎస్సార్‌ సీపీ ఎమ్మెల్యే ఆర్కే రోజా నిలదీశారు. గురువారం నిర్వహించిన వైఎస్సార్ సీపీ తూర్పుగోదావరి జిల్లా ప్లీనరీలో ఆమె పాల్గొన్నారు. ఈ  సందర్భంగా మాట్లాడుతూ... ‘ప్రశ్నిస్తానన్న మొనగాడు ఎక్కడికి వెళ్లాడు. చేనేతకు బ్రాండ్‌ అంబాసిడర్‌ని చెప్పుకున్న పెద్ద మనిషి జీఎస్టీ భారం గురించి ఎందుకు నోరు మెదపడం లేదు. లబ్బర్‌ సింగో, గబ్బర్‌ సింగో ఆయనే తేల్చుకోవాలి. ప్రజల శ్రేయస్సే ముఖ్యమనుకుంటే ప్రభుత్వాలను నిలదీయాల’ని అన్నారు.
 
 గిరిజనుల అనారోగ్యంపై వివాదస్పద వ్యాఖ్యలు చేసిన ఆరోగ్య శాఖ మంత్రి కామినేని శ్రీనివాస్‌.. టీడీపీ ఎమ్మెల్యేనో, బీజేపీ ఎమ్మెల్యేనో అర్థం కావడం లేదని రోజా వ్యాఖ్యానించారు. ఓట్ల కోసం కొండలు ఎక్కుతారు కానీ గిరిజనులకు నీళ్లు ఇవ్వరా అని ప్రశ్నించారు. మంత్రి యనమల రామకృష్ణుడిని విషంపూసిన కత్తిగా వర్ణించారు. ప్రజలు ఛీత్కరించినా దొడ్డిదారిన మంత్రి అయ్యారని ఎద్దేవా చేశారు.


 ► ఒక మైదానమూ లేదు
 ► క్రీడలకు ప్రోత్సాహంలో చెవిరెడ్డి ఆదర్శం
 ► ఎమ్మెల్యే రోజా వెల్లడి
 
 తిరుపతి సెంట్రల్‌: తాను, తన ప్రభుత్వం గొప్ప అంటూ ప్రగల్బాలు పలుకుతున్న సీఎం చంద్రబాబు హయాంలో ఒక క్రీడాకారుడినైనా సిద్ధం చేశారా? అని వైఎస్సార్‌సీపీ మహిళా విభాగం రాష్ట్ర అధ్యక్షురాలు, నగరి ఎమ్మెల్యే ఆర్కే రోజా ప్రశ్నించారు. టీడీపీ హయాంలో క్రీడాభివృద్ధికి తూట్లు పడ్డాయన్నారు. తుమ్మలగుంటలో జరుగుతున్న వైఎస్సార్‌ గ్రామీణ క్రికెట్‌ పోటీలను ఎమ్మెల్యే రోజా శుక్రవారం సందర్శించారు. పది క్రీడామైదానాల్లోని క్రీడాకారులను కలుస్తూ, వారిని ఉత్సాహపరిచేలా కాసేపు క్రికెట్‌ ఆడారు.
 
 అనంతరం విలేకరుల సమావేశంలో రోజా మాట్లాడుతూ గ్రామంలోని యువత పక్కదారి పట్టకుండా, క్రీడలవైపు వారిని మళ్లించి, ప్రోత్సహిం చాల్సిన ప్రభుత్వం పూర్తిగా చేతులెత్తేసిందన్నారు. గ్రామాల్లో ప్రతిభగల యువతకు కొదవలేకున్నా వారిని వెన్ను తట్టి ప్రోత్సహించలేక పోవడం ప్రభుత్వం చేతకానితనానికి నిదర్శనం అన్నా రు. మూడేళ్లలో ఒక్క క్రీడామైదానాన్ని, ఒక స్పోర్ట్స్‌ అకాడమీని నిర్మించలేని దౌర్భాగ్య స్థితిలో చంద్రబాబు, ఆయన ప్రభుత్వం ఉందన్నారు.
 
 క్రీడాభివృద్ధికి మూడేళ్లలో ఒక్క పైసా నిధులు ఖర్చు పెట్టని పరిస్థితిలో 2019లో రాష్ట్రంలో ప్రతిష్టాత్మంగా ఒలంపిక్స్‌ క్రీడలను నిర్వహిస్తామని చంద్రబాబు చెప్పడం హాస్యాస్పదంగా ఉందన్నారు. సీఎంగా ఉన్న చంద్రబాబు చేయలేని పని, ప్రతిపక్ష ఎమ్మెల్యే చెవిరెడ్డి భాస్కర్‌రెడ్డి చేసి చూపిస్తున్నారని కొనియాడారు. చెవిరెడ్డిని ప్రతి ఒక్కరూ ఆదర్శంగా తీసుకోవాలన్నారు. విద్యార్థులు విద్యకే పరిమితం కాకుండా క్రీడల్లోనూ, రాజకీయాల్లోనూ రాణించేలా ఎదగాలని అభిప్రాయపడ్డారు. ఆ దిశగా ప్రభుత్వం చర్యలు తీసుకోవాలని సూచించారు.
 
 
 
 
 


 చంద్రబాబుపై ధ్వజమెత్తిన ఎమ్మెల్యే ఆర్‌కే రోజా
 సాక్షి, హైదరాబాద్‌: ప్రత్యేక హోదా వల్ల ఆంధ్రప్రదేశ్‌ రాష్ట్రానికి ప్రయోజనం ఏమీ లేకపోతే 15 ఏళ్ల పాటు కావాలని ఎందుకు కోరారు? టీడీపీ మేనిఫెస్టోలో ఎందుకు పెట్టారు? అని వైఎస్సార్‌ కాంగ్రెస్‌ ఎమ్మెల్యే, పార్టీ మహిళా విభాగం రాష్ట్ర అధ్యక్షురాలు ఆర్‌.కె.రోజా సీఎం చంద్రబాబును  ప్రశ్నిం చారు. ఆమె మంగళవారం పార్టీ కేంద్ర కార్యాలయంలో జరిగిన విలేకరుల సమావేశంలో మాట్లాడుతూ.. తిరుపతి వెంకన్న సాక్షిగా నరేంద్ర మోదీ, పవన్‌ కళ్యాణ్, చంద్రబాబు ముగ్గురూ ఒట్టు పెట్టుకుని హోదా ఇస్తామని చెప్పి భగవంతుడికే పంగనామాలు పెట్టారని మండిపడ్డారు.
 
  హోదా వల్ల ఎలాంటి ప్రయోజనం లేకపోతే అసెంబ్లీ లో రెండుసార్లు తీర్మానాలు ఎందుకు చేశా రు? చంద్రబాబు అధికారంలోకి వచ్చిన తరువాత 2014 జూన్‌ 20న జరిగిన తొలి అసెంబ్లీ సమావేశంలో గవర్నర్‌కు రాసిచ్చిన ప్రసంగంలో రాష్ట్రానికి పదేళ్లు కాదు, 15ఏళ్లు హోదా ఇవ్వాలని కేంద్రాన్ని కోరడమైనది అని ఎందుకు పేర్కొన్నారు? ఏపీ పునర్‌ వ్యవస్థీకరణ చట్టంలోని నిబంధనలను అనుసరించి 15 సంవత్సరాల కాలా నికి పారిశ్రామిక పోత్సాహకాలు, రాయితీలు మంజూరు చేయాల్సిందిగా కేంద్ర ప్రభుత్వాన్ని కోరుతున్నట్లు గవర్నర్‌ చదివిన ప్రసంగంలోనే ఎందుకు పొందుపర్చారు? అని రోజా ప్రశ్నిస్తూ నాటి ప్రసంగం ప్రతిలోని వివరాల్ని చదివి వినిపించారు. హోదాతో లాభం ఏమిటంటున్న బాబు తన పార్టీ నేతలైన సుజనా చౌదరి, గల్లా జయదేవ్, జీవీఎస్‌ ఆర్‌ ఆంజనేయులు, సీఎం రమేష్‌ను అడిగితే ఆ ప్రయోజనాలేమిటో చెబుతారన్నారు. వీరంతా హోదాగల రాష్ట్రాల్లో పెట్టుబడులు ఎందుకు పెడుతున్నారో అడగాలన్నారు.


 చిత్తూరు: ముఖ్యమంత్రి చంద్రబాబునాయుడు నవనిర్మాణ దీక్ష పేరుతో నయవంచన చేస్తున్నారని వైఎస్‌ఆర్‌ కాంగ్రెస్‌ పార్టీ ఎమ్మెల్యే ఆర్కే రోజా మండిపడ్డారు. నారావారి నయవంచన తెలిసే ఈ దీక్షకు ప్రజలు వెళ్లలేదని పేర్కొన్నారు. వైఎస్‌ఆర్‌ కాంగ్రెస్‌ పార్టీ కార్యకర్తలపై అక్రమ కేసులు బనాయిస్తున్నారని ఆమె మండిపడ్డారు.
 
 చీకట్లో చిదంబరం కాళ్లు పట్టుకున్న నైజం చంద్రబాబుదే రోజా దుయ్యబట్టారు. సోనియాను ఎదిరించినందుకే నాడు వైఎస్‌ జగన్‌ జైలుకు వెళ్లాల్సి వచ్చిందని అన్నారు. చిత్తూరు జిల్లాలోని గంగాధర నెల్లూరులో వైఎస్‌ఆర్‌ కాంగ్రెస్‌ పార్టీ ప్లీనరీ జరిగింది. ఈ ప్లీనరీకి పెద్దిరెడ్డి రామచంద్రారెడ్డి, ఆర్కే రోజా, పార్టీ నేతలు తదితరులు పాల్గొన్నారు. ఎన్నికల్లో సమయంలో చంద్రబాబు ఇచ్చిన 600 హామీల్లో ఏ ఒక్కటి కూడా అమలు చేయలేదని, మళ్లీ ఇప్పుడు నవనిర్మాణ దీక్ష పేరుతో ఆయన నయవంచన చేస్తున్నారని వైఎస్‌ఆర్‌సీపీ ఎమ్మెల్యే పెద్దిరెడ్డి రామచంద్రారెడ్డి విమర్శించారు.


 ⇔ టీడీపీపై ధ్వజమెత్తిన వైఎస్సార్‌సీపీ ఎమ్మెల్యే రోజా
 ⇔ ప్రజా సమస్యలపై ప్రధానిని ప్రతిపక్షనేత జగన్‌ కలిస్తే తప్పేంటి?
 
 సాక్షి, హైదరాబాద్‌: రాష్ట్ర ప్రతిపక్ష నేత వైఎస్‌ జగన్‌మోహన్‌రెడ్డి దేశ ప్రధాని నరేంద్ర మోదీని కలిస్తే టీడీపీ నేతలకు ఎందుకంత ఉలికిపాటు? అసలు ప్రతిపక్ష నేత ప్రజా సమస్యలపై ప్రధానిని కలిస్తే తప్పేంటి? అని వైఎస్సార్‌ కాంగ్రెస్‌ మహిళా విభాగం అధ్యక్షురాలు, ఎమ్మెల్యే ఆర్‌.కె.రోజా ప్రశ్నించారు. ఆమె గురువారం పార్టీ కేంద్ర కార్యాలయంలో విలేకరులతో మాటాడారు. పరిపాలనను చంద్రబాబు గాలికి వదిలేసినం దువల్ల ప్రజలు పడుతున్న అష్టకష్టాలను దూరం చేసేందుకు తమ అధినేత జగన్‌ ప్రధాని వద్దకు వెళ్లారని తెలిపారు. ఈ విషయాన్ని పత్రికా ప్రకటన రూపంలో తెలియజేసినా టీడీపీ నేతలు మాత్రం భయంతో వణికి పోతున్నారని, కేసుల మాఫీ కోసమే కలిశారంటూ మంత్రులు వంకర కూతలు కూస్తున్నారని మండిపడ్డారు.
 
  పుత్రశోకంలో ఉన్న మంత్రి నారాయణ కుటుంబానికి అండగా ఉండకుం డా జగన్‌పై పనిగట్టుకుని విమర్శలు చేయడంపై ప్రజలు చీదరించుకుం టున్నారని చెప్పారు. తనపై ఉన్న కేసులను ధైర్యంగా ఎదుర్కొంటున్న నాయకుడు జగన్‌ అని, కేసుల కోసం కేంద్రం కాళ్లు మొక్కే అలవాటు చంద్రబాబుకే ఉందని విమర్శించారు. గతంలో చీకట్లో చిదంబరాన్ని కలసిన ఘనత బాబుదేనని రోజా విమర్శించారు.


 తెలుగుదేశం పార్టీ నేతలు ప్రధాని నరేంద్రమోదీని తిట్టేందుకు ధైర్యం చాలక తమ పార్టీ అధినాయకుడిపై విమర్శలు చేస్తున్నారని చిత్తూరు జిల్లా నగరి ఎమ్మెల్యే ఆర్కే రోజా మండిపడ్డారు. ఓటుకు కోట్లు కేసులో అడ్డంగా దొరికిపోయానన్న భయం చంద్రబాబును ఇంకా వెంటాడుతోందని చెప్పారు. మంత్రి నారాయణ కుమారుడు చనిపోతే ఆ కుటుంబానికి అండగా ఉండాల్సిన సమయంలో.. తెలుగుదేశం పార్టీ నేతలు జగన్‌ను విమర్శించడంలో బిజీగా ఉన్నారని, వాళ్ల తీరు చూసి ప్రజలు చీదరించుకుంటున్నారని ఆమె చెప్పారు.
 
 ప్రతిపక్ష నాయకుడిగా ప్రధానమంత్రి మోదీని జగన్ కలిస్తే.. తెలుగుదేశం పార్టీ నేతలకు ఎందుకంత ఉలికిపాటని రోజా ప్రశ్నించారు. చంద్రబాబులా చీకట్లో చిదంబరం కాళ్లు పట్టుకునే రకం కాదని, జగన్ స్వయంగా పట్టపగలే ఎంపీలతో కలిసి వెళ్లి చంద్రబాబు అవినీతిపై ప్రధానికి అన్ని ఆధారాలు ఇచ్చారని ఆమె చెప్పారు. అమెరికాలో ఉన్న చంద్రబాబు టెన్షన్‌తో ఏం చేయాలో తెలియక తమ పార్టీ నేతలతో దీనిపై విమర్శలు చేయిస్తున్నారన్నారు.


 పుత్తూరు: అధికార పార్టీ ప్రలోభాలకు లొంగకుండా పార్టీ నిర్ణయానికి కట్టుబడిన వైఎస్సార్‌సీపీ కౌన్సిలర్లకు నగరి ఎమ్మెల్యే ఆర్‌కే రోజా ప్రత్యేక అభినందనలు తెలిపారు. హైదరాబాద్‌ నుంచి ఆమె  సాక్షితో ఫోన్లో మాట్లాడుతూ మంగళవారం జరిగిన పుత్తూరు మున్సిపల్‌ చైర్మన్‌ ఎన్నికల్లో ప్రతిపక్షపార్టీ కౌన్సిలర్లంతా ఏకతాటిపై నిలబడడంపై హర్షం వ్యక్తం చేశారు. తమకు పదవులపై వ్యామోహం లేదని, అందుకే ప్రజాస్వామ్యాన్ని, ప్రజాతీర్పును గౌరవించామన్నారు.
 
 ఇదే ఒరవడిని కొనసాగించి అధికారపార్టీ సాగిస్తున్న ప్రజాకంఠక పాలనపై పోరాటం చేయాలని ఎమ్మెల్యే రోజా కౌన్సిలర్లకు పిలుపునిచ్చారు. భవిష్యత్తు వైఎస్‌ జగన్‌మోహన్‌రెడ్డి సారథ్యంలోని వైఎస్సార్‌సీపీదేనని ఆమె ఆశాభావం వ్యక్తం చేశారు. పెచ్చరిల్లుతున్న అధికార పార్టీ దారుణాలను ప్రజలు గమనిస్తున్నారని టీడీపీకి త్వరలోనే చరమగీతం పాడతారన్నారు.


 ►విద్యుత్‌ బిల్లులు చెల్లించని వారిపై కేసులు పెడితే   ఉద్యమిస్తాం
 ►ముఖ్యమంత్రి తీరుపై  ఎమ్మెల్యే రోజా ధ్వజం
 
 పుత్తూరు: నగరి నియోజకవర్గం మీద ముఖ్యమంత్రి చంద్రబాబునాయుడు మొదటి నుంచి కూడా కక్ష సాధింపులకు పాల్పడుతున్నారని నగరి ఎమ్మెల్యే రోజా ఆరోపించారు. బుధవారం పుత్తూరు ఆర్‌అండ్‌బీ అతిథి గృహంలో ఆమె విలేకరులతో మాట్లాడారు. విద్యుత్‌ బిల్లులు చెల్లించాలం టూ ప్రభుత్వం దళితులను వేధించడాన్ని ఎమ్మెల్యే రోజా ఆక్షేపించారు. గత ప్రభుత్వ హయాం నుంచి దళిత, గిరిజన గృహాలకు 50 యూనిట్ల వరకు ఉచిత విద్యుత్‌ సౌకర్యం ఉందని గుర్తు చేశారు. చంద్రబాబు నాయుడు ప్రభుత్వం 50 నుంచి 70 యూనిట్లకు పెంచా మని ఆర్భాటపు ప్రకటనలిస్తూ క్షేత్రస్థాయిలో మాత్రం వారిని బిల్లులు చెల్లించాలని వేధించడాన్ని ఆమె తప్పుపట్టారు.
 
 కరెంట్‌బిల్లు చెల్లించని దళితులు, గిరిజ నులపై రాష్ట్రప్రభుత్వం కేసులు నమోదుచేస్తే ఉద్యమించాల్సి ఉంటుందని హెచ్చరించారు. జిల్లావ్యాప్తంగా తాగునీటి ఎద్దడి పొంచి ఉన్న సమయంలో ముఖ్యమంత్రి చంద్రబాబు ఆర్‌డబ్ల్యూఎస్, ఇతర ఇంజినీరింగ్‌ అధికారులను కుప్పంకు డిప్యుటేషన్‌పై పంపడం సరికాదన్నారు.   మొదటిసారి ప్రకటించిన కరువు మండలాల జాబితాలో నగరి నియోజకవర్గం మొత్తానికి చోటు కల్పించకపోవడమే అందుకు ఉదాహరణ అన్నారు.
 
 ఎంపీడీవోలు, జేబీ కమిటీలతో కుమ్మక్కై అనర్హులకు సామాజిక భద్రతా పింఛన్లను కట్టబెడుతున్నారని ఆమె మండిపడ్డారు. నియోజకవర్గంలో నెలకొన్న ప్రత్యేక పరిస్థితుల దృష్ట్యా కుప్పానికి తరలించిన అధికారులను వెంటనే యథాస్థానానికి పంపించే విధంగా కలెక్టర్‌ చొరవ తీసుకోవాలన్నారు. సమావేశంలో వైఎస్సార్‌సీపీ బీసీ సెల్‌ రాష్ట్ర ప్రధాన కార్యదర్శి డీఎన్‌ ఏలుమలై, నాయకులు రవిశేఖర్‌రాజు, దిలీప్‌రెడ్డి, ప్రతాప్, నారాయణ బాబు, మాహీన్, వడమాలపేట ఎంపీపీ మురళీధర్‌రెడ్డి, జెడ్పీటీసీ సభ్యులు సురేష్‌రాజు తదితరులు  పాల్గొన్నారు.


 చంద్రబాబుకు ఎమ్మెల్యే రోజా ప్రశ్న
 ఇంటి నిర్మాణంపై శ్వేతపత్రం విడుదల చేయాలని డిమాండ్‌
 ఆయన అధికారంలోకి ఎప్పుడు వచ్చినా వరుస కరువే
 
 తిరుమల:‘‘చంద్రబాబు అధికారం చేపట్టి మూడేళ్లయినా ఒక్క పేద వాడి కూడా ఇల్లు కట్టలేదు. పేద, బడుగు వర్గాలు నిలువ నీడలేక దుర్భర జీవితాలు అనుభవిస్తున్నారు. ఇలాంటి తరుణంలో విడిపోయిన రాష్ట్రంలో విలాసవంతమైన బహుళ అంతస్తుల భవంతిని చంద్రబాబు నిర్మించుకున్నారు. ఏపీకి సీఎంగా ఉంటూ హైదరాబాద్‌లో ఇల్లెందుకు కట్టారో చెప్పాలి?’’ అంటూ వైఎస్సార్‌సీపీ నగరి ఎమ్మెల్యే ఆర్‌కే రోజా డిమాండ్‌ చేశారు. గురువారం ఆమె తిరుమల శ్రీవారిని దర్శించుకున్నారు. అనంతరం మీడియాతో మాట్లాడారు. రాష్ట్రం విడిపోయిన తర్వాత కనీస సౌకర్యాల్లేని అమరావతికి అందరినీ బెదిరించి రప్పించారని, అయితే, సాక్షాత్తు సీఎం తిరిగి హైదరాబాద్‌లో కొత్త భవంతి నిర్మించడంలో ఆంతర్యమేమన్నారు.
 
 వచ్చే  ఎన్నికల్లో ఓడిపోతామనే ఉద్దేశంతోనే ముందు జాగ్రత్తగా ఇల్లు నిర్మించుకున్నారన్నారు.  ఏటా రూ.33 లక్షల మాత్రం ఆదాయం లభిస్తోందనీ, తన చేతికి వాచీ, ఉంగరాలు కూడా లేవని బీద ఏడుపులు ఏడ్చే చంద్రబాబుకు కోట్లాది రూపాయల ఖర్చుతో విలాసమైంతన భవంతిని ఎలా కట్టారని ఎద్దేవా చేశారు. దేశంలోని ముఖ్యమంత్రుల్లో నంబన్‌వన్‌ ఆస్తిపరుడు చంద్రబాబే అని ఇండియాటుడే ఇటీవలే ఓ కథనంలో వెల్లడించిందని స్పష్టం చేశారు.  దేశంలోనే అతిపెద్ద అవినీతిపరుడు కూడా చంద్రబాబేనని సర్వేలు చెబుతున్నాయని రోజా గుర్తు చేశారు. ‘‘బాబు వస్తేనే  జాబు వస్తుంది’’ అని ఊదరగొట్టిన ఆయన చివరకు తన కుమారుడు లోకేష్‌కి మంత్రి పదవి కట్టబెట్టి, రాష్ట్రంలోని యువతకు మొండి చేయి చూపారన్నారు. చంద్రబాబు ఎప్పుడు అధికారం చేపట్టినా కరువే ఉందని, ఈ సారి కూడా అలాంటి పరిస్థితులు ఉండటం దౌర్భాగ్యమన్నారు. అవినీతి లో కూరుకుపోయిన చంద్రబాబు తీరును ఢిల్లీ స్థాయిలో ఎండగడుతున్న వైఎస్సార్‌సీపీ అధ్యక్షుడు వైఎస్‌ జగన్మోహన్‌రెడ్డికి అనేక  ఇళ్లు ఉన్నాయంటూ ఓర్వలేక లేనిపోని విధంగా టీడీపీ అనుకూల మీడియా ద్వారా దుష్ప్రచారం చేయించడం బాధాకరమన్నారు.
 
 ప్రతిపక్ష పార్టీలో గెలిచిన ఎమ్మెల్యేలకు మంత్రి పదవులు కట్టబెట్టి, ప్రజాస్వామ్యాన్ని ఖూనీ చేసిన నీచమైన చరిత్ర చంద్రబాబుదేనన్నారు. స్పీకర్‌ కూడా తన హోదాను మరచి తెలుగుదేశంపార్టీ కార్యకర్తలా వ్యవహరిస్తుండం తగదన్నారు. గవర్నర్‌ సైతం అలాంటివారి చేత మంత్రులుగా ప్రమాణం చేయించడం బాధాకరన్నారు. నీతిమాలిన రాజకీయాలుచేసే చంద్రబాబును రాష్ట్రం నుంచి తరిమికొట్టే రోజులు దగ్గరపడ్డాయని రోజా హెచ్చరించారు.


 నారాయణ, గంటాను వెంటనే బర్తరఫ్‌ చేయండి: రోజా డిమాండ్‌  
 
 సాక్షి, అమరావతి: ఏటా ఫస్ట్‌ ర్యాంక్, సెకండ్‌ ర్యాంక్‌ అంటూ గొప్పలు చెప్పుకునే నారాయణ విద్యాసంస్థ.. విద్యార్థుల ఆత్మహత్యలు, ప్రశ్నప్రతాల లీకేజీ వంటి అక్రమాల్లోనూ ఫస్ట్‌ ర్యాంకే సంపాదిస్తోందని వైఎస్సార్‌సీపీ ఎమ్మెల్యే ఆర్కే రోజా ఎద్దేవా చేశారు. రాష్ట్రంలో ఇష్టానుసారం విద్యా వ్యాపారం చేసుకోమని గంటా శ్రీనివాస్, నారాయణకు సీఎం చంద్రబాబు మంత్రి పదవులు కట్టబెట్టారని విమర్శించారు. దీంతో ఇద్దరు వియ్యంకులూ కలసి అనేక అక్రమాలకు పాల్పడుతూ విద్యార్థుల భవిష్యత్‌తో ఆడుకుంటున్నారని మండిపడ్డారు.
 
 ర్యాంక్‌ల కోసం లక్షలాది మంది విద్యార్థుల జీవితాలను నాశనం చేసే అధికారం వారికి ఎవరిచ్చారని నిలదీశారు. సీఎం చంద్రబాబుకు చిత్తశుద్ధి ఉంటే వెంటనే నారాయణ, గంటాను మంత్రి పదవుల నుంచి తొలగించి, ప్రశ్నపత్రాల లీకేజీపై సమగ్ర దర్యాప్తు చేయించాలని డిమాండ్‌ చేశారు. ఈవిధంగా చేయలేని పక్షంలో బాధ్యత వహిస్తూ సీఎం చంద్రబాబు రాజీనామా చేయాలని డిమాండ్‌ చేశారు.


 అమరావతి: ఆంధ్రప్రదేశ్‌ రాజధాని రౌడీయిజానికి అడ్డాగా మారిందని ఎమ్మెల్యే రోజా విమర్శించారు. సోమవారం ఉదయం అసెంబ్లీ మీడియాపాయింట్‌ వద్ద మాట్లాడిన రోజా.. 'లా అండ్‌ ఆర్డర్‌ను తనలా ఎవరూ కంట్రోల్‌ చేయలేరని అసెంబ్లీలో చెప్పే చంద్రబాబు.. ఇప్పుడు రౌడీయిజానికి అండగా నిలుస్తున్నారు' అని మండిపడ్డారు.
 
 ఆర్టీఏ అంశంలో సెటిల్మెంట్‌ చేయడం ద్వారా సీఎం.. 'చీప్‌ మినిస్టర్‌' అనిపించుకున్నారని రోజా ఎద్దేవా చేశారు. గతంలో వనజాక్షి, జానిమూన్‌ విషయంలోనూ సీఎం ఇదే విధంగా సెటిల్మెంట్‌ చేశారని ఆమె గుర్తు చేశారు. బస్సు ప్రమాదం ఘటన సందర్భంగా జగన్‌ ఎలాంటి తప్పు చేయలేదు కాబట్టి సారీ చెప్పలేదని, ఇప్పుడు తప్పు చేసి కూడా 'మేం సారీ చెప్పం' అని బోండా ఉమ నిస్సిగ్గుగా చెబుతున్నారని రోజా అన్నారు.
 
 టెంపరరీ డీజీపీ ప్రతిపక్షంపై కేసులు పెట్టడంలో ముందున్నారని, ప్రజలను కాపాడటంలో మాత్రం ఆయనకు శ్రద్ధ లేదని రోజా విమర్శించారు. రాష్ట్రంలో నారావారి నరకపాలన కొనసాగుతుందని, రౌడీయిజాన్ని అరికట్టడానికి చేతగాని ముఖ్యమంత్రి చంద్రబాబు రాజీనామా చేయాలని ఆమె డిమాండ్‌ చేశారు.


 అమరావతి: అగ్రిగోల్డ్‌ వ్యవహారంలో నిజానిజాలు బయటకు రాకుండా సభలో తమ గొంతు నొక్కుతున్నారని ప్రతిపక్ష నేత, వైఎస్‌ఆర్‌ కాంగ్రెస్‌ పార్టీ అధ్యక్షుడు వైఎస్‌ జగన్‌ మోహన్‌ రెడ్డి అన్నారు. అసెంబ్లీ పదినిమిషాలు వాయిదా అనంతరం ఆయన మీడియా ప్రతినిధులతో చిట్‌చాట్‌ నిర్వహించారు. మంత్రి ప్రత్తిపాటి పుల్లారావు భూముల కొనుగోలు వ్యవహారానికి సంబంధించి ఆధారాలను సభముందు ఉంచేందుకు ప్రయత్నిస్తుంటే... తన ప్రయత్నాన్ని అధికారపక్ష సభ్యులు అడ్డుకుంటున్నారన్నారు. సభలో పుల్లారావు భూముల కొనుగోలుపై తాను ఆధారాలు ప్రవేశపెట్టాక, తర్వాత వాళ్ల దగ్గర గొప్ప ఆధారాలుంటే సభలో ఇవ్వొచ్చన్నారు. ఇద్దరి వాదనలు విన్నాక తప్పెవరిదో ప్రజలే నిర్ణయిస్తారని వైఎస్‌ జగన్‌ పేర్కొన్నారు. అయితే ఆ అవకాశాన్ని స్పీకర్‌ తమకు ఇవ్వడం లేదన్నారు.
 
 నీటి కుళాయిల దగ్గర సవాళ్ల మాదిరిగా విసురుతున్న సవాళ్లకు అర్థం లేదన్నారు. ఇదే సభలో గతంలో తాను విసిరిన సవాల్‌కు ప్రభుత్వం పారిపోయిందని వైఎస్‌ జగన్‌ అన్నారు. తనపై కేసులకు సంబంధించి విసిరిన సవాల్‌కు ప్రభుత్వం నోరు విప్పలేదన్న విషయాన్ని ఆయన ఈ సందర్భంగా గుర్తు చేశారు. నిజాలు బయటకు వస్తే మంత్రి పుల్లారావు సహా అధికార పార్టీ నేతల బండారం బయటపడుతుందనే భయం పట్టుకుందన్నారు. అందుకే తాను మాట్లాడటానికి ప్రయత్నిస్తే మైక్‌ కట్‌ చేస్తున్నారన్నారు. సభను ముందుకు తీసుకెళ్లాల్సిన స్పీకర్‌ ఆ పని చేయడం లేదని, సభ విలువలను, గౌరవాన్ని దిగజార్చుతున్నారని వైఎస్‌ జగన్‌ అన్నారు.


 అమరావతి: ఆంధ్రప్రదేశ్‌లో అరాచకం రాజ్యమేలుతోందని వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా ధ్వజమెత్తారు. ప్రజా సమస్యలపై చర్చ జరగకుండా అధికారపక్ష సభ్యులు వైఎస్‌ జగన్‌పై వ్యక్తిగత దూషణలు చేస్తూ సభను అడ్డుకుంటున్నారని ఆమె అన్నారు. ప్రత్యేక హోదా, కరువు, అగ్రిగోల్డ్‌ బాధితుల సమస్యల సహా ఏ ఒక్క అంశాన్ని ప్రభుత్వం చర్చకు అనుమతించలేదని రోజా ఈ సందర్భంగా గుర్తు చేశారు.  చర్చ జరిగితే తమ బాగోతం బయటపడుతుందనే భయం అధికార పక్షానికి పట్టుకుందన్నారు. అందుకే ప్రతిసారి అధికారపక్ష సభ్యులు వ్యక్తిగత దూషణలకు దిగుతున్నారన్నారు.  
 
 ఓటుకు కోట్లు కేసు ఛార్జిషీటులో ముఖ్యమంత్రి చంద్రబాబు పేరు ప్రస్తావన, సుప్రీంకోర్టు నోటీసులపై చర్చించాలంటూ తాము వాయిదా తీర్మానం ఇస్తే...దానిపై చర్చించకుండా... అదో పనికిమాలిన కేసు అని, దాని గురించి మాట్లాడాల్సిన అవసరం లేదని ఒకరు, పక్క రాష్ట్రంలో జరిగినదాన్ని తీసుకు వచ్చిన ఏపీ అసెంబ్లీలో ఎలా మాట్లాడతారు అని మరొకరు మాట్లాడుతున్నారని ఎమ్మెల్యే రోజా అన్నారు. స్పీకర్‌ తమకు తండ్రిలాంటివారని, ఆయనపై తమకు గౌరవం ఉందన్నారు.
 ఇక ఓటుకు కోట్లు కేసులో చంద్రబాబు నాయుడు అడ్డంగా బుక్కయ్యారని, ఆడియో, వీడియో టేపుల్లో ఆయన దొరికిపోయారన్నారు. బ్రీఫ్‌డ్‌ మి అన్న వాయిస్‌ చంద్రబాబుదే అని ఫోరెన్సిక్‌ పరీక్షల్లో తేలిందని, చంద్రబాబు డబ్బులిచ్చారని రేవంత్‌ రెడ్డి స్వయంగా చెప్పారని రోజా పేర్కొన్నారు.


 వైఎస్సార్‌సీపీ ఎమ్మెల్యే ఆర్కే రోజా
 సాక్షి, అమరావతి: ప్రభుత్వ అవినీతి, వైఫల్యాలు ప్రజలకు తెలుస్తున్నాయనే భయంతో ‘సాక్షి’ గొంతును నొక్కడానికి శాసనసభను వాడుకోవాలని తెలుగుదేశం ప్రభుత్వం చూస్తోందని నగరి వైఎస్సార్‌సీపీ ఎమ్మెల్యే ఆర్కే రోజా విమర్శించారు. టీడీపీ అసెంబ్లీని ఎన్టీఆర్‌ భవన్‌లా మార్చి బ్లాక్‌మెయిల్‌ రాజకీయాలు చేస్తోందన్నారు. ఆమె గురువారం అసెంబ్లీ మీడియా పాయింట్‌ వద్ద విలేకరులతో మాట్లాడుతూ... అగ్రిగోల్డ్‌ అంశాన్ని పక్కదారి పట్టించి ‘సాక్షి’పై నిందలు వేస్తూ కక్ష సాధించే విధంగా ప్రభుత్వం వ్యవహరించిన తీరు ప్రజలంతా గమనిస్తున్నారన్నారు.
 
 ఎప్పుడో జరిగిన మహిళా పార్లమెంట్‌ సమావేశాల వివాదాన్ని ఇప్పుడు చర్చకు తీసుకువచ్చి గౌరవ స్పీకర్‌ని ‘సాక్షి’ అవమానించినట్లుగా చిత్రీకరిస్తున్నారని తప్పుబట్టారు. స్పీకర్‌ మాటలను ఒక్క ‘సాక్షి’ మాత్రమే కాకుండా అన్ని జాతీయ మీడియా సంస్థలు ఈ అంశాన్ని ప్రచురించి, ప్రసారం చేసాయని, అయినా కేవలం ఒక్క సాక్షినే లక్ష్యంగా చేసుకొని మాట్లాడుతున్నారంటే నిజాలు ప్రజలకు తెలుస్తున్నాయనే భయమే దీనికి కారణమని విమర్శించారు.


 గూంటూరు: గోళ్లపాడు సర్పంచ్‌ కుమారి విషయంలో ప్రోటోకాల్‌ ఉల్లంఘన జరిగిందని వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా అన్నారు. ఈ విషయంపై స్పీకర్‌ కోడెల క్షమాపణ చెప్పాలని డిమాండ్‌ చేశారు. లేదంటే సర్పంచ్‌ కుమారి విషయంలో రాష్ట్ర వ్యాప్తంగా ఉద్యమం చేస్తామని ఆమె హెచ్చరించారు.
 
 ప్రశ్నించే ప్రజాప్రతినిధులను నిర్బంధించడం హేయం అని ఆమె అన్నారు. రాష్ట్రంలో అటవిక పాలన జరుగుతోందని ఆవేదన వ్యక్తం చేశారు. మహిళా సాధికారిత సభ జరిగిన చోటే ఎస్టీ సర్పంచ్‌ను అవమానించారని అన్నారు. మరో వైఎస్‌ఆర్‌ కాంగ్రెస్‌ పార్టీ ఎమ్మెల్యే గిడ్డి ఈశ్వరీ మాట్లాడుతూ రాష్ట్రంలో ఎస్సీ, ఎస్టీలను అధికార పార్టీ నేతలు అవమానిస్తున్నారని ఆవేదన వ్యక్తం చేశారు. అసెంబ్లీలో కూడా తమ గొంతునొక్కుతున్నారని ఆగ్రహం వ్యక్తం చేశారు.


 ⇒ రాజకీయ కక్షతోనే ఎమ్మెల్యే రోజాపై సస్పెన్షన్‌కు కమిటీ సిఫార్సు
 ⇒ వైఎస్సార్‌సీపీ ఎమ్మెల్యేలు విశ్వేశ్వరరెడ్డి, పుష్పా శ్రీవాణి ధ్వజం
 
 సాక్షి, అమరావతి: వైఎస్సార్‌ సీపీ నగరి ఎమ్మె ల్యే ఆర్కే రోజాను మరో ఏడాదిపాటు సస్పెండ్‌ చేయాలని ప్రివిలేజ్‌ కమిటీ సిఫార్సు చేయడం అత్యంత దురదృష్టకరమైన విషయమని ఉరవకొండ ఎమ్మెల్యే విశ్వేశ్వరరెడ్డి అన్నారు. ఈ నిర్ణయం ప్రివిలేజ్‌ కమిటీ గౌరవాన్ని దిగజారుస్తుందన్నారు. కక్షసాధింపు, రాజ కీయ వ్యతిరేకతతో చేసిన సిఫార్సులుగా ప్రజ లు భావిస్తున్నారన్నారు. సంవత్సరం నాలుగు నెలలపాటు ఆమె సస్పెన్షన్‌ పూర్తయ్యాక మరోసారి ఏడాదిపాటు పొడిగించాలనే సిఫార్సులు ఇంత ఆలస్యంగా రావడం దురుద్దేశ పూరితమైనవన్నారు.
 
 విజయవాడ వైఎస్సార్‌ సీపీ జిల్లా కార్యాలయంలో శనివారం ఆయన విలేకరులతో మాట్లాడారు. ‘‘కాల్‌మనీ సెక్స్‌ రాకెట్‌ విషయంలో ప్రభుత్వానికి చాలా చెడ్డ పేరు వచ్చింది. ఆ కేసులో ఎమ్మెల్యేలు, ఎమ్మెల్సీల పేర్లున్నాయి. ఇవన్నీ గతంలో సభలో చర్చకు రాబోతున్న సమయంలో ఎమ్మెల్యే రోజా గొంతునొక్కాలనే ఉద్దేశంతో ఏడాదిపాటు సస్పెన్షన్‌ వేటేశారు. ఆమెను ఎదుర్కొనే ధైర్యంలేక పిరికి పందల్లాగా మరో ఏడాది సస్పెండ్‌ చేసేందుకు ప్రభుత్వం ఆలోచన చేస్తోంది. దీన్ని తక్షణమే విరమించు కోవాలి’’ అని సూచించారు. ప్రివిలేజ్‌ కమిటీ ముందు విచారం వ్యక్తం చేసినా మనస్ఫూర్తి గా విచారం వ్యక్తం చేయలేదని కమిటీ చెప్పడం దారుణమన్నారు.
 
 ఎమ్మెల్యే రోజా చేసిన తప్పేంటి?
 ఎమ్మెల్యే రోజా చేయని తప్పునకు 14 నెలలపాటు శిక్ష అనుభవించారని, అసలామె చేసిన తప్పేంటని కురుపాం ఎమ్మెల్యే పుష్పా శ్రీవాణి ప్రభుత్వాన్ని ప్రశ్నించారు. ‘‘టీడీపీ ప్రభుత్వంలో తహశీల్దార్‌ వనజాక్షిపై ఎమ్మెల్యే చింతమనేని ప్రభాకర్‌ విచక్షణారహితంగా దాడి చేయడాన్ని ఖండించినందుకా? ర్యాగిం గ్‌కు బలైపోయిన రిషితేశ్వరి కుటుంబానికి అండగా ఉన్నందుకా? ‘కాల్‌మనీ సెక్స్‌రాకెట్‌’ విషయంలో మహిళలపై చేసిన దారుణాల గురించి ప్రశ్నించినందుకా? వైజాగ్‌లో బీచ్‌ ఫెస్టివల్‌లో బికినీషోలు అడ్డుకున్నందుకా? ఎందుకు? మరో ఏడాది సస్పెండ్‌ చేయాలని చూస్తున్నారు?’’ అని ప్రభుత్వాన్ని నిలదీ శారు. మహిళా ఎమ్మెల్యేను చూసి   బాబు ఇంతగా  భయపడతారని అనుకోలేదన్నారు.


 ఒంగోలు : ముఖ్యమంత్రి చంద్రబాబు నాయుడు మరోసారి రాష్ట్ర ప్రజలను మోసం చేశారని వైఎస్‌ఆర్‌ కాంగ్రెస్‌ పార్టీ ఎంపీ వైవీ సుబ్బారెడ్డి ధ్వజమెత్తారు. కేంద్ర జీడీపీ కంటే రాష్ట్ర జీడీపీ ఎక్కువగా ఉందని చెప్పడం, చంద్రబాబు దిగజారుడు మోసానికి నిదర్శనమన్నారు. 2018 నాటికి వెలిగొండ ప్రాజెక్ట్‌ పూర్తి చేస్తామన్న ముఖ్యమంత్రి... ఆ ప్రాజెక్ట్‌ పూర్తి అయ్యేందుకు రూ.2800 కోట్లు అవసరం ఉంటే... బడ్జెట్‌లో మాత్రం రూ.200 కోట్లే కేటాయించారన్నారు.
 బడ్జెట్‌ సాక్షిగా చంద్రబాబు ప్రత్యేక హోదాను సమాధి చేశారని వైవీ సుబ్బారెడ్డి మండిపడ్డారు. ఎమ్మెల్యే రోజాపై చంద్రబాబుకు ఎందుకంత వ్యక్తగత కక్ష అని ఆయన సూటిగా ప్రశ్నించారు. రోజాను ఇప్పటికే ఏడాదిపాటు అసెంబ్లీకి దూరం చేసిన ప్రభుత్వం మరోసారి కుట్రకు తెర లేపుతోందని ఆయన అన్నారు. రోజా సస్పెన్షన్‌పై న్యాయపోరాటం చేస్తామని సుబ్బారెడ్డి స్పష్టం చేశారు.
 
 కాగా ఎమ్మెల్యే రోజాను మరో ఏడాది పాటు ఏపీ శాసనసభ నుంచి సస్పెండ్‌ చేయాలని శాసనసభ ప్రివిలేజ్‌ కమిటీ సిఫార్సు చేసిన విషయం తెలిసిందే. టీడీపీ సభ్యుడు గొల్లపల్లి సూర్యారావు అధ్యక్షతన ఏర్పాటైన ప్రివిలేజ్‌ కమిటీ మార్చి 4న సమావేశమై రూపొందించిన నివేదికను గురువారం శాసనసభకు సమర్పించారు. కాల్‌మనీ సెక్స్‌ రాకెట్‌పై అసెంబ్లీలో  ప్రభుత్వాన్ని గట్టిగా నిలదీసినపుడు.. ఆమె ప్రవర్తనను తప్పు పడుతూ 2015, డిసెంబర్‌ 18న శాసనసభ నుంచి ప్రివిలేజ్‌ కమిటీకి పంపకుండానే నేరుగా సస్పెండ్‌ చేశారు.


 శాసనసభకు ప్రివిలేజ్‌ కమిటీ నివేదిక సమర్పణ
 సాక్షి,  అమరావతి: వైఎస్సార్‌సీపీ ఎమ్మెల్యే  ఆర్‌.కె.రోజాను మరో ఏడాది పాటు ఏపీ శాసనసభ నుంచి సస్పెండ్‌ చేయాలని శాసనసభ ప్రివిలేజ్‌ కమిటీ సిఫార్సు చేసింది. టీడీపీ సభ్యుడు గొల్లపల్లి సూర్యారావు అధ్యక్షతన ఏర్పాటైన ప్రివిలేజ్‌ కమిటీ మార్చి 4న సమావేశమై రూపొందిం చిన నివేదికను గురువారం శాసనసభకు సమర్పించారు. ప్రతిపక్ష ఎమ్మెల్యే రోజాను ఇప్పటికే ఒక ఏడాది సస్పెండ్‌ చేసిన విషయం తెలిసిందే.  కాల్‌మనీ సెక్స్‌ రాకెట్‌పై అసెంబ్లీలో  ప్రభుత్వాన్ని గట్టిగా నిలదీసినపుడు.. ఆమె ప్రవర్తనను తప్పు పడుతూ 2015, డిసెంబర్‌ 18న శాసనసభ నుంచి ప్రివిలేజ్‌ కమిటీకి పంపకుండానే నేరుగా సస్పెండ్‌ చేశారు.
 
  ఏడాది సస్పెన్షన్‌ ముగిసినందున ఆమె ఈ నెల 6వ తేదీ నుంచి ప్రారంభమైన శాసనసభకు హాజరవుతున్నారు. ఈతరుణంలో మళ్లీ మరో ఏడాది ఆమెను సభలో నుంచి సస్పెండ్‌ చేయాలని ప్రివిలేజ్‌ కమిటీ సిఫార్సు చేసింది. ఎమ్మెల్యే రోజా గతేడాది ఏప్రిల్‌ 6న కమిటీ ముందు హాజరయ్యారని, తన ప్రవర్తనకు రోజా మనస్ఫూర్తిగా విచారం వ్యక్తం చేయలేదని, బేషరతుగా క్షమాపణ చెప్పలేదని కమిటీ తన నివేదికలో పేర్కొంది.  అయితే ఏడాది సస్పెన్షన్‌ను ఏ తేదీ నుంచి అమలు చేయాలనే అంశాన్ని శాసనసభకే వదలి వేస్తున్నట్లు తెలిపింది.


 ఎంపీ మేకపాటి ధీమా
 ⇒ వైఎస్‌ అడుగుజాడల్లో నడిస్తే ప్రజలు ఆదరిస్తారు
 ⇒ వైఎస్‌ జగన్‌ని ముఖ్యమంత్రిని చేయాలి
 ⇒ ఘనంగా వైఎస్సార్‌సీసీ ఆవిర్భావ వేడుకలు  
 
 సాక్షి, హైదరాబాద్‌: ‘‘దివంగత ముఖ్యమంత్రి వైఎస్‌ రాజశేఖరరెడ్డి అడుగుజాడల్లో నడిస్తే ప్రజలు తప్పనిసరిగా ఆదరిస్తారు. పార్టీ శ్రేణులు అప్రమత్తంగా ఉండి పోరాడితే ఎన్నికల్లో కచ్చితంగా విజయం సాధిస్తాం. ఆంధ్రప్రదేశ్‌లో 2019 ఎన్నికల్లో వైఎస్సార్‌ కాంగ్రెస్‌ పార్టీ గెలుపు చారిత్రక అవసరం. వైఎస్‌ జగన్‌మోహన్‌రెడ్డిని ముఖ్యమంత్రిని చేయాల్సిన ఆవశ్యకత ఎంతైనా ఉంది. లేనిపక్షంలో ఏపీలో ప్రజాస్వామ్యం మంట గలిసిపోతుంది’’ అని వైఎస్సార్‌సీపీ పార్లమెంటరీ పార్టీ నేత, నెల్లూరు ఎంపీ మేకపాటి రాజమోహన్‌రెడ్డి చెప్పారు. వచ్చే ఎన్నికల్లో పార్టీ వైపు నుంచి ఒక్క చిన్న పొరబాటు కూడా జరగకుండా జాగ్రత్తలు తీసుకోవాలని సూచించారు. వైఎస్సార్‌సీపీని స్థాపించి ఆరేళ్లు పూర్తయి 7వ వసంతంలోకి అడుగుపెడు తున్న సందర్భంగా ఆదివారం హైదరాబాద్‌లోని పార్టీ కేంద్ర కార్యాలయంలో ఆవిర్భావ సభ నిర్వహించారు. ఈ సందర్భంగా మేకపాటి రాజమోహన్‌రెడ్డి ప్రసంగిస్తూ... ముఖ్యమంత్రి చంద్రబాబు అప్రజాస్వామికంగా వ్యవహరిస్తున్నారని విమర్శించారు.  
 
 ‘‘వాస్తవానికి 2014లోనే వైఎస్సార్‌సీపీ అధికారంలోకి రావాల్సి ఉండగా, కొన్ని స్వీయ పొరపాట్లకుతోడు చంద్రబాబు ఇచ్చిన హామీలను నమ్మి ప్రజలు మోసపోయి టీడీపీకి ఓట్లేశారు. చంద్రబాబు మోసాలను ప్రజలు గుర్తించారు. వచ్చే ఎన్నికల్లో వైఎస్సార్‌సీపీని కచ్చితంగా ఆదరిస్తారు. ఉత్తరప్రదేశ్‌ ఎన్నికల్లో బీజేపీ భారీ విజయం సాధించినందుకు ప్రధాని నరేంద్రమోదీని వైఎస్సార్‌సీపీ తరపున అభినందిస్తున్నాం. ప్రధానమంత్రి, ముఖ్యమంత్రి స్థానాల్లో ఉండేవారు ప్రజాస్వామికంగా వ్యవహరించాలి. ఏపీకి ప్రత్యేక హోదా కల్పిస్తామంటూ రాష్ట్ర విభజన సమయంలో ఇచ్చిన హామీని అమలు చేయాలని కోరుతున్నాం. వైఎస్సార్‌సీపీలో యువకులే ఎక్కువగా ఉన్నారు కనుక పార్టీకి మున్ముందు మంచి భవిష్యత్తు ఉంది. పార్టీని అధికారంలోకి తీసుకురావాల్సిన బాధ్యత యువతపై ఉంది’’ అని రాజమోహన్‌రెడ్డి పిలుపునిచ్చారు.
 
 జగన్‌ గొప్ప పోరాట యోధుడు
 వైఎస్‌ రాజశేఖరరెడ్డి లేని లోటును తీర్చేందుకు నేనున్నానంటూ భరోసా ఇచ్చి ముందుకొచ్చిన వైఎస్‌ జగన్‌మోహన్‌రెడ్డి గొప్ప పోరాట యోధుడని ఎమ్మెల్యే ఆర్‌కే రోజా అన్నారు. జగన్‌ సారథ్యంలోని పార్టీలో ఉన్నందుకు అందరమూ గర్వపడుతున్నామని చెప్పారు. వచ్చే ఎన్నికల్లో వైఎస్‌ జగన్‌ విజయాన్ని ఎవరూ ఆపలేరని పార్టీ ప్రధాన కార్యదర్శి లక్ష్మీపార్వతి చెప్పారు. పార్టీ ఆవిర్భావ వేడుకల్లో తొలుత వైఎస్సార్‌సీపీ జెండాను మేకపాటి ఆవిష్కరించారు. ఈ కార్యక్రమంలో సీనియర్‌ నేత బొత్స సత్యనారాయణ, జగన్‌ రాజకీయ కార్యదర్శి సజ్జల రామకృష్ణారెడ్డి, పార్టీ తెలంగాణ అధ్యక్షుడు గట్టు శ్రీకాంత్‌రెడ్డి, ఎమ్మెల్యే ఆళ్ల రామకృష్ణా రెడ్డి, పార్టీ ప్రధాన కార్యదర్శులు కె.శివకుమార్, కొండా రాఘవరెడ్డి, మతీన్, బోయినపల్లి శ్రీనివాస రావు, ఇతర నేతలు బి.గురునాథ్‌రెడ్డి, అమృతాసాగర్, తోపుదుర్తి ప్రకాశ్‌రెడ్డి, డాక్టర్‌ ప్రపుల్లరెడ్డి, పుత్తా ప్రతాప్‌రెడ్డి, డి.శ్రీధర్‌రెడ్డి, జి.మహేందర్‌రెడ్డి, బొడ్డు సాయినాథ్‌రెడ్డి, విశ్వనాథాచారి, తదితరులు పాల్గొన్నారు. ఈ సందర్భంగా జగన్‌ సీఎం అయ్యేంత వరకు ఎన్ని కష్టాలైనా ఎదుర్కొంటామంటూ ఎమ్మెల్యే ఆర్‌కే రోజా  నేతలు, కార్యకర్తలతో ప్రతిజ్ఞ చేయించారు. మరోవైపు పార్టీ ఆవిర్భావ వేడుకలు ఇరు రాష్ట్రాల్లో ఘనంగా జరిగాయి. ఈ సందర్భంగా పెద్ద ఎత్తున సేవా కార్యక్రమాలను నిర్వహించారు.


 హైదరాబాద్‌: వైఎస్సార్‌ కాంగ్రెస్‌ పార్టీ  ఆవిర్భావ దినోత్సవ వేడుకలు ఇక్కడి పార్టీ కేంద్ర కార్యాలయంలో, ఏపీ వ్యాప్తంగా ఘనంగా జరిగాయి. ఎంపీ మేకపాటి రాజమోహన్ రెడ్డి పార్టీ జెండాను ఆవిష్కరించారు. వైఎస్ఆర్ సీపీ ఎమ్మెల్యే ఆర్కే రోజా మీడియాతో మాట్లాడుతూ.. రాజన్న రాజ్యం తీసుకొచ్చేందుకు ప్రయత్నించాలని ఆమె పిలుపునిచ్చారు. వైఎస్ఆర్ ఆశయాలకు అనుగుణంగా స్వర్ణాంధ్రప్రదేశ్‌ సాధించుకుందామని ప్రతిజ్ఞ చేయించారు. ఇక్కడ జరిగిన వేడుకల్లో పార్టీ ఎంపీ మేకపాటి రాజమోహన్ రెడ్డి, బొత్స సత్యనారాయణ, లక్ష్మీపార్వతీ, తదితరులు పాల్గొన్నారు.
 ఈ సందర్భంగా పార్టీ అధినేత వైఎస్ జగన్ మోహన్ రెడ్డి పార్టీ నేతలకు, కార్యకర్తలకు ట్విట్టర్లో అభినందనలు తెలిపారు. ప్రతి పేదవాడి కళ్లల్లో సంతోషం చూసే తరుణం మరెంతో దూరంలో లేదని, ఏడాదిలో అందరం ఆ లక్ష్యాన్ని చేరుకుంటామని ధీమా వ్యక్తం చేశారు. గర్వంగా, ఆత్మసంతృప్తితో అందరం పనిచేసుకుంటూ ఎల్లకాలం ఇలాగే కొనసాగాలని అభిలషించారు.
 
 
 వైఎస్ఆర్ జిల్లాలో సంబరాలు అంబరాన్నంటాయి. రాయచోటిలో ఎమ్మెల్యే గడికోట శ్రీకాంత్ రెడ్డి వైఎస్ విగ్రహానికి పూలమాలవేసి, అనంతరం కేక్ కట్ చేశారు. రైల్వేకోడూరులోని పార్టీ ఆఫీసులో ఎమ్మెల్యే కొరముట్ల నివాసులు పార్టీ జెండా ఎగురవేసి కార్యకర్తలతో కలిసి ఆవిర్భావ వేడుకల్లో పాల్గొన్నారు. బద్వేల్ మండలం బయనపల్లె క్రాస్ వద్ద పార్టీనేత వెంకటసుబ్బయ్య, శింగనమల వెంకటేశ్వర్లు, జయసుబ్బారెడ్డిలు వైఎస్ఆర్ సీపీ జెండా ఆవిష్కరించి పలు కార్యక్రమాలు చేపట్టారు. చిత్తూరు జిల్లా నారాయణవనంలో నేతలు ఆదిములం, సుదర్శన్ రెడ్డిలు పార్టీ జెండాను ఆవిష్కరించి స్వీట్లు పంపిణీ చేశారు. తిరుపతి ఎస్వీయూలో విద్యార్థి విభాగం జిల్లా అధ్యక్షుడు హరిప్రసాద్ రెడ్డి ఆధ్వర్యంలో వైఎస్ఆర్ సీపీ ఆవిర్భావ దినోత్సవ సంబరాలు జరిగాయి. అనంతపురం పట్టణంలో పార్టీ నేత శంకర్ నారాయణ, మైనార్టీ నేత నదీమ్ అహ్మద్, రాయదుర్గంలో మాజీ ఎమ్మెల్యే కాపు రామచంద్రారెడ్డి ఆధ్వర్యంలో, కల్యాణదుర్గంలో గ్రంథాలయ సంస్థ మాజీ చైర్మన్ ఎల్.ఎం.మోహన్‌రెడ్డిలు జెండా ఎగురవేసి, వైఎస్ విగ్రహానికి పాలాభిషేకం చేశారు. విజయవాడలో వైఎస్ విగ్రహానికి పూలమాల వేసి వెల్లంపల్లి శ్రీనివాస్, గౌతమ్‌రెడ్డిలు పార్టీ ఆవిర్భావ వేడుకల్లో పాల్గొన్నారు.
 
 
 ప్రకాశం జిల్లా ఒంగోలులోని పార్టీ ఆఫీసులో బాలినేని నివాస్ రెడ్డి, బత్తుల బ్రహ్మానందరెడ్డి, కేవీ రమణారెడ్డి, చుండురి రవి, సింగరాజు వెంకట్రావులు, చీరాలలో డా.అమృతపాణిలు పార్టీ వేడుకలను నిర్వహించారు. తూర్పుగోదావరి జిల్లా రాయుడుపాలెంలో పార్టీ యువజన విభాగం రాష్ట్ర కార్యదర్శి లింగం రవి ఆధ్వర్యంలో వృద్ధులకు పండ్లు, రొట్టెలు, చిన్నారులకు స్వీట్లు పంపిణీ చేశారు. నెల్లూరులో ఎంపీ వైవీ సుబ్బారెడ్డి, జిల్లా అధ్యక్షుడు కాకాని గోవర్ధన్ రెడ్డి, కోటంరెడ్డి శ్రీధర్ రెడ్డి ఆధ్వర్యంలో, కృష్ణా జిల్లా గుడివాడలో ఎమ్మెల్యే కొడాలి నాని ఆధ్వర్యంలో, పశ్చిమగోదావరి జిల్లా పాలకొల్లు గాంధీ బొమ్మ సెంటర్‌లో, గోపాలపురం నియోజకవర్గాల్లో అన్ని మండలాల కన్వినర్ల ఆధ్వర్యంలో పార్టీ జెండా ఆవిష్కరించి స్వీట్లు పంపిణీ చేసుకున్నారు. శ్రీకాకుళంలోని పార్టీ ఆఫీసులో ధర్మాన ప్రసాదరావు, రెడ్డి శాంతి, రాజాంలో ఎమ్మెల్యే కంబాల జోగులు, పాలకొండలో ఎమ్మెల్యే వి.కళావతి, ఆముదాలవలసలోని పార్టీ ఆఫీసులో మాజీ మంత్రి తమ్మినేని సీతారామ్ వైఎస్ఆర్ సీపీ జెండా ఆవిష్కరించి, కేక్ కట్ చేసి వేడుకలు నిర్వహించారు.
 
 భద్రాద్రి కొత్తగూడెం జిల్లా పినపాక మండలం బయ్యారం క్రాస్ రోడ్డు వద్ద తెలంగాణ వైఎస్ఆర్ సీపీ కార్యదర్శి కొల్లు వెంకటరెడ్డి, జిల్లా నేతలు పురుషోత్తం, అహ్మద్ హుస్సేన్, ఉప్పల్ రెడ్డిలు దివంగత ముఖ్యమంత్రి వైఎస్ఆర్ విగ్రహానికి పాలాభిషేకం చేసి పూలమాలలు వేశారు.
 
 


 హైదరాబాద్‌: వైఎస్సార్ కాంగ్రెస్ పార్టీలో ఉన్నందుకు గర్వపడుతున్నామని ఎమ్మెల్యే ఆర్కే రోజా అన్నారు. వైఎస్ జగన్ మోహన్ రెడ్డి నేతృత్వంలో పనిచేయడం అదృష్టంగా భావిస్తున్నామని చెప్పారు. వైఎస్సార్ సీపీ కేంద్ర కార్యాలయంలో జరిగిన ఆవిర్బావ దినోత్సవంతో ఆమె పాల్గొన్నారు.
 
 ఈ సందర్భంగా మాట్లాడుతూ... వైఎస్ రాజశేఖరరెడ్డి ప్రతి కుటుంబానికి పెద్ద కొడుకుగా సంక్షేమ పథకాలు అమలు చేశారని ప్రశంసించారు. ఆయనలేని లోటును పూడ్చేందుకు జగనన్న ప్రయత్నిస్తున్నారని చెప్పారు. చిన్నవయసులోనే ఎన్నో పోరాటాలు చేసి ప్రజలకు చేరువయ్యారని అన్నారు.
 
 రాజన్న రాజ్యం తీసుకొచ్చేందుకు ప్రయత్నించాలని ఆమె పిలుపునిచ్చారు. వైఎస్ఆర్ ఆశయాలకు అనుగుణంగా స్వర్ణాంధ్రప్రదేశ్‌ సాధించుకుందామని ప్రతిజ్ఞ చేయించారు. ఎన్ని కష్టాలు ఎదురైనా ఎదుర్కొందామని, ఇంతకుముందు జరిగింది ఒక లెక్క ఇక నుంచి జరగబోయేది మరో లక్క అని పేర్కొన్నారు. జగనన్నను అన్యాయంగా జైలుకు పంపించిన వారిని ఓట్లతో కుల్లబొడుద్దామని ఎమ్మెల్యే రోజా అన్నారు.


 విజయనగరం : రాష్ట్రం​లో చంద్రబాబు ప్రభుత్వాన్ని కూల్చివేయాలని ఎమ్మెల్యే రోజా పిలుపు ఇచ్చారు. శనివారం విజయనగరంలో ఆమె విలేకరులతో మాట్లాడారు. తన తోడేళ్లను కాపాడుకునేందుకు ముఖ‍్యమంత్రి చంద్రబాబు నాయుడు ఆడవాళ్ల మాన ప్రాణాలను ఫణంగా పెడుతున్నారని ఆరోపించారు. అలాగే దళిత మంత్రితో కాళ్లు పట్టించుకున్న చంద్రబాబు మహిళలకు ఏం న్యాయం చేస్తారని ప్రశ్నించారు.
  
 పేరుకే తప్ప మహిళా మంత్రులకు ఎలాంటి అధికారాలు లేవని, మహిళల సంక్షేమాన్ని గాలి కొదిలేస్తే ప్రజలు తాటతీస్తారన్న సంగతిని చంద్రబాబు గుర్తుంచు కోవాలన్నారు.  రాబోయే బడ్జెట్ సమావేశంలో డ్వాక్రా మహిళలకు రూ.10 వేల కోట్లు, మహాలక్ష్మి పథకానికి నిధులు విడుదల చేయాలని ఆమె డిమాండ్‌ చేశారు.


 రోజా వ్యవహారంపై జగన్‌ సూటి ప్రశ్న
 
 సాక్షి, అమరావతి: తమ శాసనసభ్యురాలు ఆర్‌.కె.రోజాను ఎన్నిసార్లు శిక్షిస్తారని ప్రతిపక్ష నేత వైఎస్‌ జగన్‌మోహన్‌ రెడ్డి సూటిగా ప్రశ్నించారు. మంగళవారం అసెంబ్లీ వాయిదా పడిన తరువాత లాబీల్లో విలేకరులు ‘రోజాను మళ్లీ సస్పెండ్‌ చేయాలని అధికారపక్షం అంటోది... కదా!’ అని జగన్‌ వద్ద ప్రస్తావించినపుడు  ‘ఆమెను ఇప్పటికే ఒక ఏడాది పాటు సస్పెండ్‌ చేసి సభకు రాకుండా చేశారు.  ఏడాది శిక్షాకాలం పూర్తయి కూడా ఆరు నెలలు దాటింది కూడా... మళ్లీ ఇపుడు కొత్త దానికి శిక్ష అంటున్నారు. ఇలా ఎన్నిసార్లు శిక్షి స్తారు... ఒక ఆడపడుచును, మహిళా ఎమ్మెల్యేను ఇలా శిక్షించాలని చూడ్డం ధర్మమేనా?’ అని జగన్‌ వ్యాఖ్యానించారు.
 
 ఏదైనా కేసులో జీవితౖ ఖెదు విధించిన వారికి కూడా పలు అంశాలను పరిగణనలోకి తీసుకుని శిక్షాకాలాన్ని తగ్గిస్తారని, అలాంటిది ఏడాది పాటు సస్పెన్షన్‌ కాలం పూర్తయిన తరువాత మళ్లీ శిక్షిస్తామనడం ఎక్కడైనా ఉందా అని ఆయన ప్రశ్నించారు. కాల్‌మనీ సెక్స్‌ కుంభకోణంపై ఆరోజు సభలో తామంతా మాట్లాడామని, రోజా చివర్లో మాట్లాడారని జగన్‌ అన్నారు. రెండు హత్యలకు శిక్ష వేసినపుడు ఆ శిక్షా కాలం పూర్తయిన తరువాత, మళ్లీ రెండో హత్యకు కూడా శిక్ష అనుభవించాలని అన్నట్లుగా ఉందని జగన్‌ అన్నారు. అధికారపక్షం చూపిస్తున్న వీడియోలు తప్పని, అవి ఒరిజినల్‌ కావని రోజా చెబుతున్నా ఆ విషయంలో ఎందుకు స్పందించడం లేదని వైఎస్‌ జగన్‌ ప్రశ్నించారు. 


 ‘హాయ్‌ ఫిజిక్స్‌’ అంటూ పలకరించిన రోజా
 
 సాక్షి, అమరావతి: కామర్స్‌లో ఫిజిక్స్‌ ఉంటుందని, కామర్స్‌ కూడా మేథమెటిక్సేనని చెప్పి విజయవాడ పశ్చిమ నియోజకవర్గం ఎమ్మెల్యే జలీల్‌ఖాన్‌ వార్తల్లోకెక్కిన సంగతి తెలిసిందే. సామాజిక మాధ్యమాల్లో ఇప్పటికీ దానిపై విసు్తృతంగా ప్రచారం జరుగుతోంది. తాజాగా మంగళవారం అసెంబ్లీ లాబీల్లో జలీల్‌ఖాన్‌ ఫిజిక్స్‌ హాట్‌టాపిక్‌ అయింది. అసెంబ్లీకి వచ్చిన జలీల్‌ఖాన్‌ ఉదయం 11 గంటల సమయంలో వైఎస్సార్‌ కాంగ్రెస్‌ పార్టీ ఎమ్మెల్యేలు ఉన్న లాబీల్లోకి వచ్చారు. ఆయన్ను చూసిన వైఎస్సార్‌సీపీ ఎమ్మెల్యే ఆర్కే రోజా ‘హాయ్‌ ఫిజిక్స్‌’ అంటూ పలకరించారు. దీంతో ఆయన అక్కడే ఆగిపోయారు.
 
 రోజాతో పాటు మిగతా మహిళా ఎమ్మెల్యేలు విశ్వసరాయి కళావతి, పుష్పశ్రీవాణి, వంతెల రాజేశ్వరి, గిడ్డి ఈశ్వరి తదితరులు ఆయన దగ్గరకు వచ్చారు. ‘మేము ధర్నాలు చేసినా, పోలీసులు అరెస్టులు చేసినా మాకు అంత పాపులారిటీ రాలేదు, మీరు కామర్స్‌లో ఫిజిక్స్‌ ఉంటుందని చెప్పగానే మీకు ఎవరూ ఊహించనంత పాపులారిటీ వచ్చింది..’ అంటూ రోజా ఛలోక్తి విసిరారు. దీనికి జలీల్‌ఖాన్‌ స్పందిస్తూ... ‘సీదాగా చెబితే ఏ మీడియా వాళ్‌లైనా సరిగా చూపిస్తారా? ఉల్టాగా చెబితేనే వేస్తారు..’ అంటూ వ్యాఖ్యానించారు.
 
 ఇంతలో వైఎస్సార్‌ కాంగ్రెస్‌ ఎమ్మెల్యేలు జంకె వెంకటరెడ్డి, అనిల్‌ కుమార్‌ యాదవ్‌లు వచ్చి అన్నా బీకాంలో ఫిజిక్స్‌తో మీరు నేషనల్‌ ఫిగర్‌ అయ్యా రన్నా అంటూ జోకు వేశారు. దీనికాయన స్పందిస్తూ.. ‘నేను మాట్లాడింది అంతా వెయ్యలేదు. అయినా మీడియా వాళ్లు వాళ్లకేం కావాలో అదే వేసుకుంటారు. మనం మాట్లాడింది ఎడిట్‌ చేస్తారు..’ అని అన్నారు. దీనికి అనిల్‌ కుమార్‌ స్పందిస్తూ... ‘భవిష్యత్తులో బీకాంలో ఫిజిక్స్‌ పెట్టొచ్చేమోలే అన్నా...మీ సీఎం అమరావతిని సింగపూర్‌ చేస్తా, అది చేస్తా,  ఇదిచేస్తా అని చెబుతారుకదా...దానికంటే ఇదేమీ తప్పుకాదులే..’ అంటూ నవ్వులు పూయించారు. తర్వాత ఎమ్మెల్యే ముస్తఫాను పలకరించిన జలీల్‌ఖాన్‌ తాను మళ్లీ ఎన్నికల్లో పోటీ చేస్తానని, పవన్‌ కళ్యాణ్‌మీద అయినా పోటీ చేసి గెలుస్తానని నవ్వుతూ అంటూ అక్కడినుంచి వెళ్లిపోయారు.


 స్పీకర్‌కు తెలియకుండా, ఆయనకు సమాచారం లేకుండా అసెంబ్లీ వీడియో అసలు బయటకు ఎలా వచ్చిందని వైఎస్ఆర్‌సీపీ ఎమ్మెల్యే ఆర్కే రోజా అన్నారు. అసెంబ్లీలో ఆమె మీడియాతో మాట్లాడుతూ తన సస్పెన్షన్ గురించి మంత్రి యనమల రామకృష్ణుడు ఇచ్చిన లీకులపై ప్రస్తావించారు. అసలు తానెందుకు క్షమాపణ చెప్పాలని.. తాను చేశానంటున్న వ్యాఖ్యల ఫుటేజిని స్పీకర్‌కు తెలియకుండా మీడియాకు లీక్ చేసిన కాల్వ శ్రీనివాసులుపై చర్యలు ఎందుకు తీసుకోవడం లేదని ప్రశ్నించారు. ఆయనపై చట్టపరమైన చర్యలు తీసుకోవాల్సి ఉండగా.. దాన్ని పట్టించుకోకుండా ఆ లీకేజి వీడియోల ఆధారంగా తనపై చర్యలు ఎలా తీసుకుంటారని అడిగారు.
 
 అలాగే వైఎస్ జగన్ మోహన్ రెడ్డిని దూషించినవారిపై చర్యలు ఎందుకు తీసుకోలేదని కూడా నిలదీశారు. గతంలో తాను మాట్లాడిన అంశాలన్నింటినీ అక్కడక్కడ కట్ చేసి, దాన్ని ఒక వీడియోగా తయారుచేసి విడుదల చేశారని ఆమె చెప్పారు. అలా కాకుండా పూర్తి వీడియోను విడుదల చేయాలని, అప్పుడు నిజానిజాలేంటో ప్రజలకు తెలుస్తాయని అన్నారు. అలాగైతే తాను రెండేళ్లు కాదు.. మూడేళ్లయినా సస్పెన్షన్‌కు సిద్ధమని తెలిపారు. తన పోరాటం అంతా మహిళల ఆత్మగౌరవం కోసమేనని అన్నారు.


 మహిళా ఎమ్మెల్యేల ఆత్మీయ పలకరింపు
 
 సాక్షి, అమరావతి: వైఎస్సార్‌ సీపీ ఎమ్మెల్యే ఆర్‌కే రోజా ఏడాది తర్వాత రాష్ట్ర శాసనసభలోకి అడుగుపెట్టారు. నూతన రాజధాని అమరావతిలో నిర్మించిన తాత్కాలిక అసెంబ్లీ భవనంలో సోమవారం శాసనసభ తొలి సమావేశాలు ప్రారంభమయ్యాయి. ఈ సమావేశాలకు రోజా హాజరవుతారా? లేదా? అనే ఉత్కంఠ నెలకొన్న నేపథ్యంలో ఆమె ఉదయం సభకు హాజరై గవర్నర్‌ ప్రసంగాన్ని శ్రద్ధతో ఆలకించారు. ఆమెను సభలోకి రానివ్వకుండా అడ్డుకుంటారని పుకార్లు వ్యాపించడంతో నాలుగో నెంబర్‌ గేటు వద్ద ఉదయం నుంచే మీడియా ప్రతినిధులు, ఫొటో గ్రాఫర్లు పెద్దఎత్తున గుమికూడారు.
 
 తుదకు ఆమె తన సహచర ఎమ్మెల్యేలతో కలసి బస్సు దిగి సభలోకి నేరుగా వెళుతున్నా పోలీసుల నుంచి ఎటువంటి అభ్యంతరం వ్యక్తం కాలేదు. మీడియా ప్రతినిధులు కొందరు ఉభయ కుశలోపరి ప్రశ్నలు వేశారు. గవర్నర్‌ ప్రసంగం తర్వాత ఆమెను సభలో పలువురు మహిళా శాసనసభ్యులు ఆత్మీయంగా పలకరించారు. పలువురు మహిళా దినోత్సవ శుభాకాంక్షలు తెలిపారు. రోజాను 2015 డిసెంబర్‌లో అసెంబ్లీ నుంచి సస్పెండ్‌ చేసిన విషయం తెలిసిందే. ఏడాది పాటు సస్పెన్షన్‌ విధించడంపై పౌరసమాజం నుంచి తీవ్ర నిరసనలు వ్యక్తమైనా, కోర్టు ఉత్తర్వులతో సభలోకి ప్రవేశించేందుకు రోజా ప్రయత్నించినా ప్రభుత్వం ససేమిరా అనడంతో ఇంత కాలం ఆగాల్సి వచ్చింది.


 ⇒ మరో ఏడాదిపాటు పొడిగించాలని ప్రివిలేజస్‌ కమిటీ నిర్ణయం!
 ⇒ మరికొందరు ఎమ్మెల్యేలపైనా సస్పెన్షన్‌ వేటుకు రంగం సిద్ధం
 ⇒ రాష్ట్రానికి ప్రత్యేక హోదా కావాలని గట్టిగా డిమాండ్‌ చేసినందుకట!
 
 సాక్షి, అమరావతి:  అసెంబ్లీ నుంచి ఇప్పటికే ఏడాది పాటు సస్పెన్షన్‌కు గురైన వైఎస్సార్‌ కాంగ్రెస్‌ పార్టీ ఎమ్మెల్యే ఆర్‌.కె.రోజాను మరింత ఇబ్బంది పెట్టేందుకు ప్రభుత్వ పెద్దలు పావులు కదుపుతున్నారు. ప్రస్తుతం ఆమె సస్పెన్షన్‌ గడువు పూర్తయినా, మరో ఏడాది పాటు సభకు రాకుండా చేయాలనే కుట్రలో భాగంగా మళ్లీ ఏడాది పాటు సస్పెన్షన్‌లో ఉంచాలని ఏపీ శాసనసభా ప్రివిలేజస్‌ కమిటీ నిర్ణయించినట్లు ప్రభుత్వ పెద్దల నుంచి ఓ వర్గం మీడియాకు లీకులు అందాయి. శనివారం అమరావతిలోని కొత్త అసెంబ్లీలో తొలిసారిగా సమావేశమైన కమిటీ ఈ మేరకు నిర్ణయం తీసుకుందని అధికార పక్షం లీకులిచ్చింది. ప్రత్యేక హోదా సాధన కోసం పాత అసెంబ్లీలో పట్టుబట్టిన పలువురు ఎమ్మెల్యేలను కూడా ఆరు నెలల పాటు శాసనసభ నుంచి సస్పెండ్‌ చేయాలని కూడా ఈ కమిటీ తన నివేదికలో పేర్కొన్నట్లు సమాచారం.
 
 ఈ మేరకు సిద్ధం చేసిన నివేదికను శాసనసభ స్పీకర్‌ కోడెల శివప్రసాద్‌రావుకు సమర్పించినట్లు తెలిసింది. ఈ నివేదిక ఈ నెల 7వ తేదీన సభ ముందుకు రావచ్చని భావిస్తున్నారు. కమిటీ చైర్మన్‌ గొల్లపల్లి సూర్యారావు అధ్యక్షతన జరిగిన సమావేశానికి అందరూ టీడీపీ సభ్యులే హాజరయ్యారు. వైఎస్సార్‌ కాంగ్రెస్‌ నుంచి ఏకైక సభ్యుడు పెద్దిరెడ్డి రామచంద్రారెడ్డికి అసెంబ్లీ సిబ్బంది కేవలం ఒక్క రోజు ముందు అదీ సాయంత్రం ఫోన్‌ చేసి శనివారం ప్రివిలేజస్‌ కమిటీ సమావేశం జరుగుతోందని సమాచారం ఇచ్చారు. ఇంత తక్కువ వ్యవధిలో సమాచారం ఇవ్వడం వల్ల తాను రాలేక పోతున్నానని ఆయన వారికి చెప్పారని తెలిసింది. దీంతో సమావేశంలో ఉన్న టీడీపీ సభ్యులు వారికి నచ్చిన రీతిలో నివేదిక సిద్ధం చేశారని సమాచారం.
 
 రోజా వివరణతో సంతృప్తి చెందలేదట..
 దేశ వ్యాప్తంగా సంచలనం సృష్టించిన విజయవాడ కాల్‌మనీ సెక్స్‌ రాకెట్‌ వ్యవహారంపై రోజా గట్టిగా మాట్లాడినందుకు 2015 డిసెంబర్‌ 18వ తేదీన ఆమెపై ఏడాది పాటు అసెంబ్లీకి హాజరు కాకుండా సస్పెన్షన్‌ వేటు వేశారు. అప్పట్లో ఈ ఘటన రాష్ట్రాన్ని కుదిపి వేసింది. ఆ తర్వాత  సుప్రీంకోర్టులో ఆమె న్యాయ పోరాటం చేశారు. రోజా ఇచ్చే లేఖను పరిగణనలోకి తీసుకుని మూడు నెలల్లోపు నిర్ణయం తీసుకోవాలని అసెంబ్లీ స్పీకర్‌ను సుప్రీంకోర్టు అప్పట్లో నిర్దేశించింది. ఆ మేరకు ఆమె లేఖ ఇచ్చిన తర్వాత ప్రివిలేజస్‌ కమిటీ ఎదుట హాజరై వివరణ కూడా ఇచ్చారు. అయితే ఎలాగైనా సస్పెన్షన్‌ కొనసాగించాలని పట్టుదలతో ఉన్న ముఖ్యనేత ఆ మేరకు సూచనలు చేసినట్లు సమాచారం.


 జేపీ తూర్పారపట్టిన వీడియో సోషల్‌ మీడియాలో హల్‌చల్‌  
 
 సాక్షి, అమరావతి: రాష్ట్రంలో సంస్కార హీనమైన రాజకీయం, పరిపాలన మనం చూస్తున్నామంటూ లోక్‌సత్తా పార్టీ వ్యవస్థాపక అధ్యక్షుడు జయప్రకాష్‌నారాయణ చేసిన వ్యాఖ్యల వీడియో రెండు రోజులుగా సోషల్‌ మీడియాలో హల్‌చల్‌ చేస్తోంది. పేస్‌బుక్‌ వీడియో పోస్ట్‌కు వేల సంఖ్యలో లైక్‌లు వచ్చాయి. ఫిబ్రవరి నెలలో రాష్ట్రంలో జాతీయ మహిళా పార్లమెంట్‌ సదస్సులో పాల్గొనేందుకు విజయవాడకు వచ్చిన వైఎస్సార్‌ సీపీ ఎమ్మెల్యే రోజాను పోలీసులు అదుపులోకి తీసుకొని హైదరాబాద్‌లో వదిలివేసిన సంఘటనపై జేపీ చేసిన కొన్ని వ్యాఖ్యల వీడియో అది. ‘రాష్ట్రంలో రాజ్యాంగ విరుద్ధమైన పరిపాలన మాత్రమే కాదు.. చట్టాన్ని చేతుల్లోకి తీసుకున్న గూండాగిరి పరిపాలన మాత్రమే కాదు... ఒక సంస్కార హీనమైన పరిపాలనకు నిదర్శనం ఇది.
 
 గతంలో తమిళనాడులో ఇలాంటివి వింటుండేవాడ్ని. మన ఉమ్మడి ఆంధ్రప్రదేశ్‌లో ఎన్ని తప్పులున్నా ఇలాంటి దుర్మార్గం లేదు. మన భావప్రకటన స్వేచ్ఛకు అడ్డుపడే పరిస్థితి లేదు’ అని జేపీ ఆ వీడియోలో వ్యాఖ్యానించారు. సమాజంలో అత్యధికులు అమాయకులు కాబట్టి అధికారంలో ఉన్నప్పుడు ఏం చెప్పినా ఖామోస్‌ అనుకుంటారు కాబట్టి తమ మాట చెల్లుతుంది... తమకు పెద్ద బాకాలున్నాయని పాలకులు గడుసుగా మాట్లాడుతున్నారన్నారు.


 ⇒ బాబుకు ఎమ్మెల్యే ఆర్‌కే రోజా ప్రశ్న
 ⇒ మంత్రివర్గం చూడాల్సిన వీడియోలు చాలా ఉన్నాయని ఎద్దేవా
 
 గాంధీనగర్‌ (విజయవాడ సెంట్రల్‌):  కేబినెట్‌ సమావేశంలో రోడ్డు ప్రమాద ఘటన బాధితులను విపక్ష నేత వైఎస్‌ జగన్‌మోహన్‌రెడ్డి పరామర్శించడానికి సంబంధించిన వీడియోలను చూశామని చెబుతున్న సీఎం చంద్రబాబు మంత్రివర్గం అసలు చూడాల్సిన వీడియాలు చాలానే ఉన్నాయని వైఎస్సార్‌సీపీ నగరి ఎమ్మెల్యే ఆర్‌.కె.రోజా ఎద్దేవా చేశారు.
 
 ‘రాష్ట్రంలో ఏ సీఎం చేయని దౌర్భాగ్యమైన పని.. ఎమ్మెల్సీ ఎన్నికల్లో రేవంత్‌రెడ్డిని పంపించి రూ.5 కోట్లతో ఎమ్మెల్యేను కొంటూ పట్టుబడిన వీడియోలను చూడాలి. ‘మా వాళ్లు బ్రీఫ్డ్‌మీ’ అంటూ అందరి పరువు తీసిన వ్యక్తి కేబినెట్‌ హెడ్‌గా ఏవిధంగా పనికొస్తాడు? మీలాంటి వాళ్లు మాకెందుకంటూ కేబినెట్‌ లో తీర్మానం చేయండి. గోదావరి పుష్కరాల్లో పబ్లిసిటీ పిచ్చితో తొక్కిసలాటకు కారణమై 29 మందిని చంపేశా రు. కేబినెట్‌ ఆ వీడియో చూడాలి..’ అని రోజా అన్నారు.
 
 శుక్రవారం పార్టీ జిల్లా కార్యాలయంలో ఆమె విలేకరుల తో మాట్లాడారు. ‘చింతమనేని ప్రభాకర్‌ ఇసుకను అడ్డ దిడ్డంగా దోచుకుంటుంటే అడ్డుకున్న తహశీల్దార్‌ వనజా క్షిని ఆయన ఏవిధంగా కొట్టాడో ఆ వీడియోలు చూడండి. అలాగే చింతమనేనిని అరెస్ట్‌ చేయాలని కేబినెట్‌ తీర్మానం చేస్తే ప్రజలు హర్షిస్తారు. టీడీపీకే చెందిన గుంటూరు జెడ్పీ చైర్మన్, మైనార్టీ మహిళ జానీమూన్‌.. మంత్రి రావెల కిషోర్‌బాబు వల్ల తన కుటుంబానికి ప్రాణ గండం ఉందని బోరున విలపిం చారు. అందువల్ల ఆయన్ను బర్తరఫ్‌ చేయాలని కేబినెట్‌లో తీర్మానిస్తే ప్రజలు హర్షిస్తారు..’ అని రోజా అన్నారు. నారాయణ కాలేజీలో తమ పిల్లలు చనిపో తుంటే ఆ తల్లులు కడుపుకోతతో  ఏడు స్తున్న వీడియోలు కూడా చూడాలన్నారు. రోడ్డు ప్రమాద బాధిత కుటుంబాలకు అండగా నిలిచేందుకు వచ్చిన జగన్‌ తీరును ఖండిస్తున్నామని కేబినెట్‌ తీర్మానం చేయడం సిగ్గుమాలిన రాజకీయాలకు నిదర్శనమని ఎద్దేవాచేశారు.
 
 ‘లోకేష్‌కు అండగా ఉన్నాడని కాల్‌మనీ సెక్స్‌రాకెట్‌ కేసులో ఎమ్మెల్సీ బుద్దా వెంకన్నను కాపాడింది మీరు కా దా? ఆ రాకెట్‌లో 200 సీడీలు దొరికితే సీపీ గౌతంసవాంగ్‌ ఆ సీడీలు ఎందుకు కేబినెట్‌కు ఇవ్వలేదు? వాటి మీద చర్చ ఎందుకు జరగలేదు?’ అని రోజా నిలదీశారు.‘మీ మనవడిని ఎత్తుకుని ముద్దాడాడని పది మంది మృతికి కారణమైన దివాకర్‌ ట్రావెల్స్‌ అధినేత, ఎంపీ జె.సి.దివా కర్‌రెడ్డిని కాపాడుతున్నారా?’ అని చంద్రబాబును రోజా ప్రశ్నించారు. తక్షణమే దివాకర్‌ ట్రావెల్స్‌ యాజ మాన్యంపై కేసు నమోదు చేయాలని డిమాండ్‌ చేశారు.
 
 కలెక్టర్, డాక్టర్‌పై చర్యలు తీసుకోండి..
 వైఎస్‌ జగన్‌ భుజం మీద చేయి వేసి లాగిన కలెక్టర్‌పై, చేతిలో ఉన్న పేపర్స్‌ లాక్కున్న డాక్టర్‌పై చర్యలు తీసుకోవాలని రోజా డిమాండ్‌ చేశారు. ప్రతిపక్ష నాయకుడు తన బాధ్యత నిర్వర్తిస్తుంటే ఆ పనికి విఘాతం కలిగించిన కలెక్టర్, డాక్టర్‌పై విచారణ చేపట్టాలన్నారు.
 


 న్యాయమూర్తికి తెలిపిన రోజా తరఫు న్యాయవాదులు
 
 గన్నవరం : తమ క్లయింట్‌కు ప్రాణహాని ఉందని, ఎట్టి పరిస్థితుల్లోనూ తమ ప్రైవేట్‌ కేసును విచారణకు స్వీకరించాలని వైఎస్సార్‌సీపీ ఎమ్మెల్యే ఆర్‌కే రోజా తరఫు న్యాయవాదులు న్యాయమూర్తిని కోరారు. జాతీయ మహిళా పార్లమెంటుకు హాజరయ్యేందుకు గత నెల 11న గన్నవరం ఎయిర్‌పోర్టుకు వచ్చిన తనను పోలీసులు అక్రమంగా నిర్బంధించి, బలవంతంగా హైదరాబాద్‌ తరలించిన ఘటనపై గన్నవరం అదనపు కోర్టులో రోజా దాఖలు చేసిన ప్రైవేట్‌ కేసు విచారణార్హతపై న్యాయ మూర్తి డి.షర్మిల ముందు శుక్రవారం వాదనలు జరిగాయి.
 
 ఈ కేసును ఈ నెల 24వ తేదీకి వాయిదా వేశారు. ఈ సందర్భంగా శుక్రవారం ఉదయం  రోజా తన లాయర్లు, పార్టీనేతలతో కలిసి కోర్టుకు చేరుకున్నారు.


 అక్కిరెడ్డిపాలెం(గాజువాక): అనారోగ్యంతో మృతి చెందిన గుడివాడ రోజా రమణీ బాయి కుటుంబాన్ని వైఎస్సార్‌ సీపీ ఎమ్మెల్యే ఆర్‌.కె.రోజా ఆదివారం మిందిలోని వారి స్వగృహంలో పరామర్శించారు. రోజా రమణీ బాయి చిత్రపటానికి పూలమాల వేసి నివాళులర్పించారు. ఆమె భర్త, వైఎస్సార్‌ సీపీ సీఈసీ సభ్యుడు గుడివాడ అప్పలరామ్మూర్తిని కలిసి తన ప్రగాఢ సానుభూతిని తెలిపారు. అనంతరం వైఎస్సార్‌ సీపీ జిల్లా అధ్యక్షుడు గుడివాడ అమర్‌నాథ్‌తో అతని నివాసంలో సమావేశమయ్యారు.
 
 పార్టీ చేపడుతున్న కార్యక్రమాలు, త్వరలో రానున్న కార్పొరేషన్‌ ఎన్నికలు తదితర అంశాలపై చర్చించారు. ఆమె వెంట పాడేరు ఎమ్మెల్యే గిడ్డి ఈశ్వరి, రాష్ట్ర అధికారి ప్రతినిధి కొయ్య ప్రసాదరెడ్డి, నగర మహిళా అధ్యక్షురాలు పసుపులేటి ఉషాకిరణ్, పార్టీ గాజువాక సమన్వయకర్త తిప్పల నాగిరెడ్డి, రాష్ట్ర కార్యదర్శి రొంగలి జగన్నాథం తదితరులు పాల్గొన్నారు.
  


 విశాఖపట్నం: చంద్రబాబు కేబినెట్‌ రావణాసురులతో నిండిపోయిందని వైఎస్సార్ సీపీ ఎమ్మెల్యే ఆర్కే రోజా విమర్శించారు. మహిళలపై వేధింపుల కేసుల్లో ఉన్న నలుగురిలో ఇద్దరు మంత్రులు దేవినేని ఉమ, అచ్చెన్నాయుడు.. చంద్రబాబు మంత్రివర్గంలో ఉన్నారని తెలిపారు. వేల కోట్ల రూపాయాలు ఎగ్గొట్టినా సుజనా చౌదరి కేంద్రంలో, రూ. వందల కోట్లు ఎగ్గొట్టినా గంట శ్రీనివాసరావుకు రాష్ట్ర కేబినెట్ లో మంత్రి పదవులు ఇచ్చారని దుయ్యబట్టారు.
 
 ల్యాండ్ పూలింగ్ పేరుతో బావబామ్మర్ది గంట, నారాయణ దోచుకున్నారని ఆరోపించారు. వారిద్దరి ఆస్తులపై సీబీఐ విచారణ జరిపించాలని డిమాండ్ చేశారు. విశాఖను చంద్రబాబు సర్వనాశనం చేస్తున్నారని మండిపడ్డారు. డ్రగ్స్, గంజాయికి విశాఖ అడ్డాగా మారిందని ఆవేదన వ్యక్తం చేశారు. రాష్ట్రంలో అత్యధికంగా లిక్కర్‌ షాపులు విశాఖలోనే ఉన్నాయని తెలిపారు. బెల్ట్ షాపులు పెట్టి మరీ మద్యం అమ్ముతున్నారని మండిపడ్డారు. మంత్రి అయ్యన్నపాత్రుడు దగ్గరుండి గంజాయి సాగు చేయిస్తున్నారని ఆరోపించారు. ఇంత జరుగుతున్నా పోలీసులు పట్టించుకోవడం లేదన్నారు. ప్రజాస్వామ్యమా, రౌడీ రాజ్యామా అని ప్రశ్నించారు.
 
 టీడీపీ మంత్రులకు దోపిడీపై ఉన్న శ్రద్ధ విశాఖ రైల్వే జోన్ సాధనపై లేదని విమర్శించారు. ఓటుకు కోటు కేసు నుంచి బటయపడేందుకు చంద్రబాబు ప్రత్యేక హోదా, ప్రత్యేక రైల్వే జోన్ ను కేంద్రం కాళ్ల దగ్గర తాకట్టు పెట్టారని అన్నారు. ప్రత్యేక రైల్వే జోన్‌ కోసం వైఎస్సార్ సీపీ జిల్లా అధ్యక్షుడు గుడివాడ అమర్‌ నాథ్ చేపట్టబోతున్న పాదయాత్రకు అందరూ మద్దతు ఇవ్వాలని ఎమ్మెల్యే రోజా విజ్ఞప్తి చేశారు. రాష్ట్రంలో కరువుతో రైతులు, వ్యవసాయ కూలీలు అల్లాడుతున్నా సీఎం చంద్రబాబు పట్టించుకోవడం ధ్వజమెత్తారు.


 తిరుమల: ఒత్తిడికి తలొగ్గి పనిచేయాల్సి వస్తోందని పోలీస్ అధికారులు చెప్పడం బాధాకరమని నగరి ఎమ్మెల్యే ఎమ్మెల్యే ఆర్కే రోజా అన్నారు. తనను క్షమాపణ అడిగే ముందు వారు ప్రవర్తించిన తీరును గుర్తు చేసుకోవాలని కోరారు. గన్‌ మెన్లను నల్లబ్యాడ్జీలతో నిరసర తెలపమనం సరికాదన్నారు. సీఎం చంద్రబాబు ఇంటి వద్ద వసతులు లేక ఎండలో మగ్గుతున్న పోలీసులు నిరసన తెలపాలని సూచించారు.
 
 పోలీసులపై చింతమనేని ప్రభాకర్‌ దాడి చేసినప్పుడు అధికారుల సంఘం ఏం చేసిందని ప్రశ్నించారు. పుష్కరాల్లో అనేక మంది మరణిస్తే ఆ తప్పంతా పోలీసుల వైఫల్యమేనని చంద్రబాబు అన్నప్పుడు పోలీసు అధికారుల సంఘం ఏమైపోయిందని అడిగారు. తనను క్షమాపణ కోరే ముందు రాజధానిలో పోలీసుల అవస్థలపై నిరసన తెలపాలని ఎమ్మెల్యే రోజా అన్నారు.
 
 


 విజయవాడ: తాము ఎవరికీ బానిసలం కాదని, ప్రజలకు మాత్రమే బానిసలమని ఆంధ్రప్రదేశ్‌ పోలీసు అధికారుల సంఘం అధ్యక్షుడు శ్రీనివాసరావు అన్నారు. నగరి ఎమ్మెల్యే ఆర్కే రోజా తమపై చేసిన వ్యాఖ్యలను ఖండిస్తున్నామని చెప్పారు. ఎమ్మెల్యే రోజా చేసిన వ్యాఖ్యలు తమ మనోభావాలను దెబ్బతీసేలా ఉన్నాయని పేర్కొన్నారు. సీఎం చంద్రబాబుకు బానిసలా వ్యవహరించిన డీజీపీ సాంబశివరావు.. మహిళగా, ఎమ్మెల్యేగా తన హక్కులకు భంగం కలిగించారని మంగళవారం విజయవాడలో ఎమ్మెల్యే రోజా విమర్శించారు.
 
 కాగా, విజయవాడలో నిర్వహించిన జాతీయ మహిళా పార్లమెంట్‌ సదస్సులో పాల్గొనకుండా తనను అక్రమంగా నిర్బంధించి బలవంతంగా హైదరాబాద్‌కు తరలించిన ఉదంతంలో డీజీపీ సాంబశివ రావుతో పాటు మరో ఐదుగురు పోలీసు అధికారులపై కృష్ణా జిల్లా గన్నవరం జూనియర్‌ అదనపు సివిల్‌ జడ్జి కోర్టులో ఎమ్మెల్యే ఆర్కే రోజా మంగళవారం ప్రైవేటు కేసు దాఖలు చేశారు. తన హక్కులకు భంగం కలిగించిన వీరిపై చర్యలు తీసుకోవాలని పిటిషన్ లో కోరారు.


 ⇒ గన్నవరం న్యాయస్థానంలో ఎమ్మెల్యే ఆర్కే రోజా ప్రైవేటు కేసు
 ⇒ మరో ఐదుగురు పోలీసు అధికారులపైనా ఫిర్యాదు
 ⇒ మహిళా సదస్సులో పాల్గొనకుండా అడ్డుకున్నారు, బెదిరించారు
 ⇒ మహిళగా, ఎమ్మెల్యేగా నా హక్కులకు భంగం కలిగించారు
 
 గన్నవరం (విజయవాడ): విజయవాడలో నిర్వహించిన జాతీయ మహిళా పార్లమెంట్‌ సదస్సులో పాల్గొనకుండా తనను అక్రమంగా నిర్బంధించి బలవంతంగా హైదరాబాద్‌కు తరలించిన ఉదంతంలో డీజీపీ సాంబశివ రావుతో పాటు మరో ఐదుగురు పోలీసు అధికారులపై వైఎస్సార్‌ సీపీ ఎమ్మెల్యే ఆర్కే రోజా ప్రైవేటు కేసు దాఖలు చేశారు. ఈ మేరకు ఎమ్మెల్యే రోజా మంగళవారం కృష్ణా జిల్లా గన్నవరం జూనియర్‌ అదనపు సివిల్‌ జడ్జి కోర్టుకు స్వయంగా వచ్చి కేసు వేశారు. ఈ నెల 11న తనను గన్నవరం విమానాశ్ర యంలో బెదిరించి సదస్సుకు హాజరు కాకుం డా అడ్డుకోవడం ద్వారా ఓ మహిళగా, ఎమ్మెల్యేగా తన హక్కులకు భంగం కలిగించారని పిటిషన్‌లో రోజా పేర్కొన్నారు.
 
 అందుకు బాధ్యులైన డీజీపీ, విజయవాడ నగర పోలీస్‌ కమిషనర్‌ గౌతమ్‌ సవాంగ్, ఎయిర్‌పోర్టు ఏసీపీ రాజీవ్‌ కుమార్, నార్త్‌ జోన్‌ ఏసీపీ శ్రావణి, సీఐలు సహేరాబేగం, గౌస్‌ బేగ్‌లపై చర్యలు తీసుకోవాలని కోరారు. వైఎస్సార్‌ సీపీ లీగల్‌ సెల్‌ రాష్ట్ర అధ్యక్షుడు పి.సుధాకర్‌ రెడ్డి, వైఎస్సార్‌ టీయూసీ రాష్ట్ర అధ్యక్షుడు పి.గౌతమ్‌రెడ్డి, న్యాయవాదులు సునీత, రాజశేఖర్, సాయిరాం, గుంటూరు జిల్లా లీగల్‌ సెల్‌ కన్వీనర్‌ పోలూరి వెంకటరెడ్డి, వైఎస్సార్‌ సీపీ వైద్య విభాగం రాష్ట్ర అధ్యక్షుడు డాక్టర్‌ దుట్టా రామచంద్రరావు, కృష్ణా జిల్లా పరిషత్‌ ఫ్లోర్‌ లీడర్‌ తాతినేని పద్మావతితో కలిసి ఎమ్మెల్యే రోజా మంగళవారం ఉదయం 10.30కి గన్నవరం కోర్టుకు వచ్చారు.
 
 మహిళా ఎమ్మెల్యే హక్కులకు భంగం..
 కోర్టు కాల్‌వర్క్‌ అనంతరం న్యాయమూర్తి డి.షర్మిలకు సీఆర్‌పీసీ సెక్షన్‌ 190, 200 కింద ప్రైవేటు కేసు నమోదు నిమిత్తం రోజా తన ఫిర్యాదు పత్రాలను దాఖలు చేశారు. ఆమె తరఫున సీనియర్‌ న్యాయవాది సుధాకర్‌రెడ్డి కోర్టులో వాదనలను వినిపించారు. జాతీయ మహిళా పార్లమెంట్‌ సదస్సుకు ఎమ్మెల్యే రోజాను ఆహ్వానించిన తర్వాత పాల్గొన కుండా అడ్డుకోవడం ద్వారా ఆమె హక్కులకు భంగం కలిగించే విధంగా పోలీసులు అవ మానించారని న్యాయవాది సుధాకర్‌రెడ్డి తెలిపారు. ఎమ్మెల్యే రోజా హక్కులకు భంగం కలిగించిన పోలీసు అధికారులపై సెక్షన్‌ 341, 342, 365, 367 ఐపీసీ, 120 (బి) ఐపీసీ కింద కేసు దాఖలు చేయాలని కోరారు. వాదనల అనంతరం తదుపరి విచారణను న్యాయమూర్తి డి.షర్మిల మార్చి 3వ తేదీకి వాయిదా వేశారు. రాష్ట్రంలోని మహిళలకు రక్షణ కల్పించడంలో పోలీస్‌ యంత్రాంగం పూర్తిగా విఫలమైందని ఎమ్మెల్యే రోజా ఆగ్రహం వ్యక్తంచేశారు.


 విజయవాడ: మహిళా సదస్సు వచ్చిన తనను అక్రమంగా నిర్బధించడంపై వైఎస్సార్‌ సీపీ నగరి ఎమ్మెల్యే ఆర్‌కె రోజా మంగళవారం గన్నవరం కోర్టులో ప్రైవేటు కేసు దాఖలు చేశారు. పోలీసులు తనను చట్టవిరుద్ధంగా అడ్డుకున్నారని పిటిషన్‌ లో పేర్కొన్నారు. పిటిషన్‌ ను విచారణకు స్వీకరించిన కోర్టు తదుపరి విచారణను మార్చి 3కు వాయిదా వేసింది.
 
 మహిళా సాధికారిత సదస్సుకు తనను ఆహ్వానించి నిర్బంధించడం దారుణమని ఎమ్మెల్యే రోజా పేర్కొన్నారు. తనకు జరిగిన అవమానంపై న్యాయపోరాటం చేస్తానని అంతకుముందు విలేకరుల సమావేశంలో చెప్పారు. ఈ నెల 11 మహిళా పార్లమెంటు సదస్సుకు హాజరయ్యేందుకు వచ్చిన ఎమ్మెల్యే రోజాను పోలీసులు అడ్డుకుని గన్నవరం విమానాశ్రయం నుంచి బలవంతంగా హైదరాబాద్ తరలించిన సంగతి తెలిసిందే.


 విజయవాడ: మహిళా సదస్సును మహానాడులా నిర్వహించారని వైఎస్సార్‌ సీపీ ఎమ్మెల్యే ఆర్కే రోజా విమర్శించారు. మహిళా సాధికారతను సీఎం చంద్రబాబు కిట్టీ పార్టీలా మార్చేశారని మండిపడ్డారు. మంగళవారం ఉదయం ఆమె విలేకరులతో మాట్లాడుతూ... మహిళా సదస్సు జరిగిన తీరును జాతీయ మీడియా ఏకిపారేసిందని చెప్పారు. భజనపరులనే సదస్సును అనుమతించారని ఎద్దేవా చేశారు.
 
 చంద్రబాబు పాలన హిట్లర్‌ ను తలపిస్తోందని వాపోయారు. మహిళా సదస్సుకు తనను ఆహ్వానించి అవమానించారని ఆవేదన వ్యక్తం చేశారు. తనకు జరిగి అవమానంపై న్యాయపోరాటం చేస్తానని ప్రకటించారు. చంద్రబాబు రాక్షస పాలనపై పోరాటం చేయాలని మహిళలకు పిలుపునిచ్చారు.
 
 
 ఎమ్మెల్యే రోజా ఇంకేం మాట్లాడారంటే...
 
 పోలీసులను చంద్రబాబు బౌన్సర్లుగా వాడుకుంటున్నారు
 
 పోలీసులను అడ్డుపెట్టుకుని మమ్మల్ని అణగతొక్కుతున్నారు
 
 మహిళా సదస్సు సాక్షిగా నాకు అవమానం జరిగింది
 
 స్సీకర్‌ పంపిన ఆహ్వానం మేరకు సదస్సుకు వచ్చిన నన్ను అక్రమంగా నిర్బంధించారు
 
 మహిళా ఎమ్మెల్యే అని చూడకుండా నిర్బంధించిన తీరును చూసి దేశం నివ్వెరపోయింది
 
 మహిళా ఎమ్మెల్యేల పట్ల వ్యవహరించే తీరు ఇదేనా?
 
 వెంకయ్య కూతురు, కేసీఆర్‌ కూతురు, చంద్రబాబు కోడలు.. వీళ్లకే ప్రాధాన్యత ఇచ్చారు
 
 కార్పొరేట్‌ మహిళా సదస్సా, కామన్‌ మహిళా సదస్సా
 
 స్పీకర్‌ రెండు ఇన్విటేషన్లు పంపితేనే వచ్చాను
 
 మహిళా సమస్యలపై మాట్లాడే హక్కు నాకు లేదా?
 
 నేను ఈ రాష్ట్రంలో పుట్టలేదా? నాకు ఇక్కడ ఇళ్లు లేవా?
 
 మీకు నచ్చకపోతే వేరే రాష్ట్రంలో వదిలేస్తారా?
 
 ఇక్కడ ఉండే హక్కు మాకు లేదా?
 
 డీజీపీ కనుసన్నల్లో ఇలాంటి దారుణం జరగడం బాధాకరం
 
 చట్టప్రకారం నడుచుకోవాల్సిన డీజీపీ ఇలా చేయడం బాధాకరం
 
 చంద్రబాబుకు బానిసలా డీజీపీ పనిచేయడం దురదృష్టకరం
 
 డీజీపీ చట్టవ్యతిరేకంగా వ్యవహరిస్తే ప్రజల దృష్టిలో విలన్‌ గా ఉండిపోయే అవకాశముంది
 
 కుంటిసాకులతో నన్ను నిర్బంధించిన విధానం చాలా తప్పు
 
 నా ట్రాక్‌ రికార్డు చూసి నిర్బంధించమని చెప్పానని చంద్రబాబు అంటున్నారు
 
 పదేళ్లు టీడీపీలో ఉన్నప్పుడు ట్రాక్‌ రికార్డు గుర్తుకురాలేదా?
 
 ఏదైనా ప్రభుత్వాలు కూల్చిన ట్రాక్ రికార్డు ఉందా?
 
 నా ఇంట్లో బాంబులు పేలిన ట్రాక్‌ రికార్డు ఉందా?
 
 ఇంట్లోకి వారిపై కాల్పులు జరిపిన ట్రాక్‌ రికార్డు ఉందా?
 
 ఏ ట్రాక్‌ రికార్డు చూసి నన్ను నిర్బంధించమని డీజీపీకి చెప్పారు
 
 నాకు జరిగిన అవమానాలపై న్యాయం పోరాటం చేయాలని నిర్ణయించుకోవడం జరిగింది
 
 తమకు జరిగిన అన్యాయాలపై సామాన్య మహిళలు తిరబడాలన్నఉద్దేశంతో న్యాయపోరాటానికి సిద్ధపడ్డాను
 
 బాబు హయాంలో 11 శాతం నేరాలు పెరిగాయని పోలీసు రికార్డులే చెబుతున్నాయి
 
 చంద్రబాబు, డీజీపీ ఉన్న విజయవాడలోనే 70 రేప్‌ లు జరిగాయి
 
 కర్నూలులో మహిళపై టీడీపీ నేతలు గ్యాంగ్‌ రేప్‌ చేస్తే డీజీపీ ఎందుకు చర్యలు తీసుకోలేదు?
 
 బాధిత మహిళ డీజీపీ కార్యాలయం చుట్టూ తిరిగినా పట్టించుకోలేదు
 
 మహిళా సమస్యలపై పోరాటం చేయకపోతే ఎమ్మెల్యేగా ఉండడమే నేను వేస్ట్‌
 
 మహిళల కోసం అడుగడుగునా పోరాటం చేయడం వల్లే నాపై కక్ష సాధిస్తున్నారు
 
 మహిళల పోరాటానికి జగనన్న అండగా ఉంటాడు
 
 మహిళకు హోం మంత్రి ఇచ్చిన నాయకుడు వైఎస్ఆర్
 
 మహిళలకు ఐదు ఎంపీ సీట్లు ఇచ్చిన మహిళాపక్షపాతి జగనన్నను చూశాం
 
 చంద్రబాబు రావణసుర పాలనపై అందరూ పోరాటం చేయాలి
 
 
 సంబంధిత కథనాలు ఇక్కడ చదవండి..
 నిస్సిగ్గుగా అరాచకం
 నన్ను.. చంపేస్తారేమో
 ప్రతిపక్షంపై నిర్బంధాలేమిటి?
  
 ఆహ్వానించి నిర్బంధిస్తారా?


 గుంటూరు: ప్రతిపక్షంపై సీఎం చంద్రబాబు కక్ష కట్టారని వైఎస్సార్ సీపీ అధికార ప్రతినిధి అంబటి రాంబాబు ఆరోపించారు. జాతీయ మహిళా పార్లమెంట్‌ సదస్సులో పాల్గొనకుండా తమ పార్టీ ఎమ్మెల్యే ఆర్కే రోజాను అడ్డుకోవడమే ఇందుకు నిదర్శనమని చెప్పారు. రోజా పట్ల పనిగట్టుకుని కక్షపూరితంగా వ్యవహరిస్తున్నారని దుయ్యబట్టారు. సదస్సుకు ఆహ్వానించి అడ్డగించి అవమానపరుస్తారా అని ప్రశ్నించారు. మీరు తప్పుచేస్తే తప్పని చెప్పకూడదా అని నిలదీశారు.
 
 టీడీపీ హాయాంలో మహిళలకు అడుగడుగునా అవమానాలు ఎదురవుతున్నారని వాపోయారు. మంత్రి తనను వేధిస్తున్నారని జడ్పీ చైర్‌ పర్సన్‌ కన్నీళ్లు పెట్టినా పట్టించుకోరా అని సూటిగా ప్రశ్నించారు. ‘మీ అరాచకాలను పట్టించుకోవద్దా.. మీకు వ్యతిరేకంగా వార్తలు రాస్తే అమ్ముడు పోయినట్టా. మీడియా మీకు అమ్ముడు పోలేదని అక్కసు వెళ్లగక్కుతున్నారు. ప్రచారం కోసం చంద్రబాబు పాకులాడుతున్నారు. పత్రికలపై ఆయన మాట్లాడిన తీరు సరికాద’ని అంబటి రాంబాబు అన్నారు. దేశంలో ఏ వ్యవస్థనైనా భ్రష్టు పట్టించగల శక్తి ఉన్న నాయకుడు చంద్రబాబు అని ధ్వజమెత్తారు. మహిళా సాధికారత పెంచే విధంగా వ్యవహరించాలని హితవు పలికారు.
  
  


 మహిళా సదస్సు నిర్వహణపై  భూమన కరుణాకర రెడ్డి ధ్వజం
 
 సాక్షి, హైదరాబాద్‌: మహిళా సాధికారత అంటూ చంద్రబాబు ప్రభుత్వం నిర్వహించిన మహిళా పార్లమెంట్‌ ఓ కిట్టీ పార్టీలాగా జరిగిందని వైఎస్సార్‌ కాంగ్రెస్‌ పార్టీ రాష్ట్ర ప్రధాన కార్యదర్శి భూమన కరుణాకరరెడ్డి విమర్శించారు. పారిశ్రామిక రంగంలోని మహిళలతో వేదికను నింపి.. గొప్పగా నిర్వహించామని చెప్పకోవడం దౌర్భాగ్యమని ఆయన ధ్వజమెత్తారు. సోమవారం పార్టీ కేంద్ర కార్యాలయంలో ఆయన విలేకరులతో మాట్లాడుతూ.. సదస్సులో ఒక్క డ్వాక్రా మహిళ గొంతన్నా వినిపించిందా? దేశంలో మహిళలకు జరుగుతున్న అన్యాయాలకు వ్యతిరేకంగా పోరాడుతున్నవారు ఒక్కరైనా కనిపించారా?
 
 కనీసం ఒక్కటైనా ఉపయోగపడే చర్చ జరిగిందా? అని చంద్రబాబును ప్రశ్నించారు. కేవలం తన అనుచరవర్గం, తమ కుటుంబీకులకు సంబంధించిన వారి హడావుడితో, మహిళా సదస్సును టీడీపీ పార్టీ ఇంటి కార్యక్రమంగా నిర్వహించారని అన్నారు. ఈ సదస్సుకు మహిళల రోదన అంతా బ్యాక్‌గ్రౌండ్‌ మ్యూజిక్‌లా మారిందని, ఎమ్మెల్యే రోజా కన్నీళ్లను పన్నీరులా చల్లుకున్నారని మండిపడ్డారు. సదస్సు నిర్వాహకుడు, స్పీకర్‌ కోడెల శివప్రసాదరావు.. ప్రతిపక్షం విషం చిమ్మటానికి ప్రయత్నిస్తోందనటాన్ని భూమన తీవ్రంగా వ్యతిరేకించారు. కడివెడు విషంలో చిటికెడు పాలు కలపడానికి వైఎస్సార్‌సీపీ సదస్సుకు వచ్చిందని చెప్పారు. టీడీపీ ఎంపీ కుమార్తె చంద్రబాబుకు వ్యతిరేకంగా తిరుపతిలో నిరసన తెల్పిన విషయాన్ని గుర్తుచేశారు. టీఆర్‌ఎస్‌ ఎంపీ కవిత.. దూబగుంట రోశమ్మ ప్రస్తావన తీసుకురాగానే నిర్వాహకుల ముఖాలన్నీ కందగడ్డలుగా మారిపోయాయని భూమన చెప్పారు.
 
 కార్పొరేట్‌ కార్పెట్ల కింద పాలన..
 రాష్ట్రంలో చంద్రబాబు పాలన కార్పొరేట్‌ కార్పెట్‌ల కింద నుంచి కొనసాగుతోందని భూమన ఎద్దేవా చేశారు. అన్ని వర్గాల ప్రజలను మోసపూరిత హామీలతో వంచించి ప్రచార ఆర్భాటాలతో పాలన సాగిస్తున్నారని ధ్వజమెత్తారు.


 మహిళలపై స్పీకర్‌ వ్యాఖ్యలను సమర్థ్ధించిన సీఎం
 జాతీయ మీడియా అమ్ముడుపోయిందంటూ వ్యాఖ్యలు
 
 ⇒ కోడెల పాజిటివ్‌గా చెబితే నెగిటివ్‌ ప్రచారం చేశారని మండిపాటు
 ⇒ మహిళా పార్లమెంట్‌ సదస్సు విజయవంతమైతే ఏదేదో రాస్తారా?
 
 సాక్షి, అమరావతి : ‘స్పీకర్‌ కోడెల శివప్రసాద్‌రావు మాటల్లో తప్పేముంది.. ఎక్కడ తప్పుంది? ఆయన భావ వ్యక్తీకరణలో తేడా ఉంది.. స్పీకర్‌నే అప్రతిష్ఠపాలు చేస్తారా? స్పీకర్‌ స్థానానికి గౌరవం ఇవ్వరా? ఆయన మహిళల గురించి పాజిటివ్‌గా చెబితే మీరు నెగిటివ్‌గా రాసి ఇష్యూ చేస్తారా? హద్దులు అందరికీ ఉన్నాయి. దాటితే అందరూ బాధ్యులే. నేషనల్‌ మీడియా కూడా ఇష్టం వచ్చినట్లు రాసింది. దాన్ని కూడా డబ్బులు పెట్టి కొనేశారు’ అని రాష్ట్ర ముఖ్యమంత్రి ఎన్‌ చంద్రబాబునాయుడు ధ్వజమెత్తారు. సోమవారం సచివాలయంలో ఏర్పాటు చేసిన విలేకరుల సమావేశంలో ఆయన మాట్లాడారు.
 
 మహిళా పార్లమెంట్‌ సదస్సుకు సోషల్‌ మీడియా ద్వారా మంచి స్పందన వచ్చిందని, 7,71,74,960 మందిని ప్రభావితం చేశామన్నారు. సదస్సుకు ఎమ్మెల్యే రోజాను ఆహ్వానించి, తీరా ఆమెను రానివ్వకుండా పోలీసుల ద్వారా అడ్డుకోవడం ఏమిటని ప్రశ్నించగా ‘ఏం చెప్పారు.. మేమొచ్చి గొడవ చేస్తామన్నారు. పోలీసులకు ఆ సమాచారం ఉంటే యాక్ట్‌ చేయరా? రభస చేస్తాం అంటే వదిలి పెడతారా.. లేకుంటే పోలీసులపై మేం చర్యలు తీసుకోమా? అందుకే వారి పని వారు చేశారు. మహిళా పార్లమెంట్‌ను డిస్ట్రబ్‌ చేయటానికి అన్ని ప్రయత్నాలు చేశారు. తుని ఘటనతో ప్రతిష్ట పోగొట్టారు, వైజాగ్‌లో రిపబ్లిక్‌ డే రోజున ప్రజలను రెచ్చగొట్టే ప్రయత్నం చేశారు. తిరుపతిలో సైన్స్‌ కాంగ్రెస్‌ను అడ్డుకునే యత్నం చేశారు. ఇలా ప్రతి దానినీ అడ్డుకుంటున్నారు.
 
 అధికారంలో ఉన్నప్పుడు కాంగ్రెస్‌ రాష్ట్రాన్ని భ్రష్టు పట్టించింది. అధికారంలో ఉన్నది తెలుగుదేశం పార్టీ, మంత్రులు తెలుగుదేశం పార్టీ వారు, తెలుగుదేశం ప్రభుత్వం పెట్టిందనే సెన్స్‌ కూడా లేకుండా రాశారు. సైకిల్‌ టీడీపీది, టీడీపీకి ప్రజలు ఓట్లు వేశారు. ఇది తప్పు ఎలా అవుతుంద’ని ప్రశ్నించారు. ‘డెలిగేట్స్‌ ఆవులిస్తే నిదురపోతున్నారని రాశారు. మీకు ఆవులింతలు రావా? నెగటివ్‌గా రాయాలని కొందరిలో జీర్ణించుకుపోయింది. డెక్కన్‌ క్రానికల్‌ కూడా, జాతీయ మీడియా కూడా వ్యతిరేకంగా రాసింది. అసత్య ప్రచారం చేసింద’ని తీవ్ర వ్యాఖ్యలు చేశారు.
 
  ఇంతకూ కోడెల ఏమన్నారంటే..
 జాతీయ మహిళా పార్లమెంట్‌ సదస్సు ప్రారంభానికి ముందు బుధవారం విజయవాడలోని ప్రెస్‌క్లబ్‌లో ఏపీడబ్ల్యూ జే ఆధ్వర్యంలో విలేకరుల సమావేశం జరిగింది. ఈ సందర్భంగా మహిళల భద్రతపై విలేకరులు అడిగిన వివిధ ప్రశ్నలకు రాష్ట్ర శాసనసభ సభాపతి డాక్టర్‌ కోడెల శివప్రసాద్‌ సమాధానమిస్తూ.. ‘ఒక వెహికల్‌ కొన్నారనుకోండి. ఇంట్లో, షెడ్‌లో పెడితే యాక్సిడెంట్లు జరగవు కదా.. అదే బజారుకు పోతే, రోడ్డు ఎక్కితేనే యాక్సిడెంట్‌ జరిగే అవకాశాలుంటాయి. 50 కిలోమీటర్ల తక్కువ స్పీడులో పోతే యాక్సిడెంట్లు అయ్యేందుకు తక్కువ అవకాశాలుంటాయి. 100 కిలోమీటర్ల స్పీడులో వెళితే యాక్సిడెంట్లు పెరుగుతాయి.
 
 అలాగే ఆడ పిల్లలు హౌస్‌ వైఫ్‌లా గతంలోలా ఉంటే వాళ్లమీద  ఏమీ జరగవు. ఎక్సెప్ట్‌ డిస్క్రిమినేషన్‌ (లింగ వివక్ష లేకపోతే). వాళ్లు ఇప్పుడు చదువుతున్నారు. ఉద్యోగాలు చేస్తున్నారు. వ్యాపారాలు చేస్తున్నారు. దే ఆర్‌ ఎక్స్‌పోజ్‌డ్‌ టు సొసైటి. అలా ఎక్స్‌పోజ్‌ అయినప్పుడు ఇలాంటివి జరుగుతాయి. ఈవ్‌టీజింగ్‌ కావచ్చు, హరాస్‌మెంట్‌ కావచ్చు. అట్రాసిటీస్‌ కావచ్చు. రేప్స్‌ కావచ్చు. కిడ్నాప్స్‌ కావచ్చు. పెరుగుతున్నాయి. ఇళ్లలో నుంచి బయటకు పోకపోతే జరగవు’ అన్నారు.  
 
 మద్దతివ్వకపోతే వైఎస్సార్‌ జిల్లాను అభివృద్ధి చేయలేను: సీఎం  
 వైఎస్సార్‌ జిల్లా స్థానిక సంస్థల ఎమ్మెల్సీ ఎన్నికల్లో మద్దతివ్వకపోతే అక్కడ అభివృద్ధి పనులు చేయలేనని ముఖ్యమంత్రి చంద్రబాబు నాయుడు చెప్పారు. విజయవాడ శేషసాయి కల్యాణ మండపంలో సోమవారం వైఎస్సార్‌ జిల్లా టీడీపీ జెడ్పీటీసీలు, ఎంపీటీసీలు, ముఖ్య నేతలతో ఆయన సమావేశమయ్యారు. మీడియాను అనుమతించకుండా నిర్వహించిన ఈ సమావేశంలో కడప స్థానిక సంస్థల ఎమ్మెల్సీ స్థానాన్ని ఎలా గెలుచుకోవాలనే అంశంపై చర్చించారు. ప్రతిపక్ష నేత జగన్‌మోహన్‌రెడ్డిపై ఆరోపణలు చేయాలని పార్టీ నేతలకు సూచించారు. ఒక్క వైఎస్సార్‌ జిల్లా స్థానిక సంస్థల ఎమ్మెల్సీ స్థానం పోయినా తనకు వచ్చే ఇబ్బంది లేదని, కానీ అభివృద్ధి కావాలంటే తనను బలపరచా లన్నారు. సమావేశంలో కడప జిల్లా ఇన్‌ఛార్జి మంత్రి గంటా శ్రీనివాసరావు, ఎంపీలు జేసీ దివాకర్‌రెడ్డి, సీఎం రమేష్, జిల్లా నేతలు పాల్గొన్నారు.
 
 


 విజయవాడ : ఆంధ్రప్రదేశ్ ముఖ్యమంత్రి చంద్రబాబునాయుడు మరోసారి తన ఆక్రోశాన్ని వెల్లగక్కారు. విజయవాడలో సోమవారం మీడియాతో మాట్లాడుతూ జాతీయ మీడియా సంస్థలపై దుమ్మెత్తిపోశారు. మహిళా పార్లమెంటేరియన్ల సదస్సుకు వస్తున్న ఎమ్మెల్యే రోజాను అడ్డుకోవడాన్ని ఆయన సమర్థించుకున్నారు.
  ( చదవండి : ఎమ్మెల్యే రోజాపై నిస్సిగ్గుగా అరాచకం )
 మూడు రోజుల జాతీయ మహిళా పార్లమెంట్‌ సదస్సుపై జాతీయ మీడియా సంస్థలు పెద్ద హడావుడి చేశాయని మండిపడ్డారు. డబ్బులతో అందర్నీ కొనేశారని చంద్రబాబు సంచలన వ్యాఖ్యలు చేశారు. మహిళ సదస్సు బాగా జరిగితే కొన్ని జాతీయ పత్రికలు నెగిటివ్‌గా రాశారని అసహనం వ్యక్తం చేశారు. స్పీకర్‌ కోడెల శివప్రసాదరావు మహిళలపై చేసిన వ్యాఖ్యలను కూడా సీఎం తనదైన స్టైల్‌లో సమర్థించారు. ఆయన చేసిన వ్యాఖ్యల్లో తప్పేంలేదని కేవలం ఎక్స్‌ప్రెషన్‌ ప్రాబ్లమేనన్నారు. స్పీకర్‌ వ్యాఖ్యలను వక్రీకరించారని మీడియాపై బాబు ఫైర్‌ అయ్యారు.    
 ( చదవండి : మహిళలపై స్పీకర్‌ కోడెల వ్యాఖ్యలు )
 
 వైఎస్సార్‌ కాంగ్రెస్ పార్టీ ఎమ్మెల్యే రోజాను పోలీసులు అడ్డుకోవడంలో ఎలాంటి తప్పు లేదన్నారు. సదస్సులో గొడవ చేస్తారన్న ఉద్దేశంతో అడ్డుకున్నామని చెప్పారు. పోలీసులు ఆమెను అనుమతించివుంటే పరిణామాలు మరో విధంగా ఉండేవన్నారు. అప్పుడు పోలీసులపై చర్యలు తీసుకోవాల్సి ఉండేదని అందుకే ముందస్తుగా అడ్డుకున్నారన్నారు.
  


 హైదరాబాద్: చంద్రబాబు పాలనలో ఏ ఒక్కరు సంతోషంగా లేరని వైఎస్సార్ సీపీ ప్రధాన కార్యదర్శి భూమన కరుణాకరరెడ్డి అన్నారు. రెండున్నరేళ్ల పాలనలో చంద్రబాబు చేసిందేమిటని సూటిగా ప్రశ్నించారు.
 
 సోమవారం పార్టీ కేంద్ర  కార్యాలయంలో ఆయన విలేకరులతో మాట్లాడుతూ... జాతీయ పార్లమెంట్ మహిళా సదస్సును ఓ కిట్టీ పార్టీగా మార్చేశారని విమర్శించారు. ఎమ్మెల్యే ఆర్కే రోజా కన్నీళ్లతో మహిళా సదస్సులో పన్నీరు చల్లే ప్రయత్నం చేశారని మండిపడ్డారు. అన్యాయం జరిగిన ఒక్క మహిళ గురించిచైనా చర్చ జరిగిందా అని ప్రశ్నించారు. సదస్సును సీఎం చంద్రబాబు తనకు అనుకూలంగా మార్చుకునే ప్రయత్నం చేశారని ఆరోపించారు.
 
 సంబంధిత కథనాలు చదవండి:
 ఎమ్మెల్యే రోజాను అడ్డుకోవడంపై వైఎస్‌ జగన్‌ స్పందన
 ప్రతిపక్షంపై నిర్బంధాలేమిటి?
 నన్ను.. చంపేస్తారేమో
 నిస్సిగ్గుగా అరాచకం
  
  


 విజయవాడ: మహిళా పార‍్లమెంట్‌ సభ‍్యుల సదస్సుకు హాజరయ‍్యేందుకు వెళుతున‍్నఎమ్మెల‍్యే ఆర్కే రోజాను ఎయిర్‌పోర్టులో పోలీసులు అడ్డుకోవడం దారుణమని, అప్రజాస్వామికమని కాంగ్రెస్‌ నేత మల్లాది విష‍్ణు, కె. శివాజి పేర‍్కొన్నారు. సోమవారం ఉదయం వారిక‍్కడ మీడియాతో మాట్లాడుతూ రోజాను అడ్డుకోవడం మహిళలందరినీ అవమానించడమేనన్నారు. కేవలం టీడీపీకి అనుకూలంగా ఉన‍్న వారినే మహిళా పార‍్లమెంట్‌ సభ‍్యుల సదస్సుకు ఆహ్వానించడం దారుణమని, మహిళా సమస‍్యలపై పోరాటం చేస్తున‍్న సోనియాగాంధీ, మేధా పాట‍్కర్‌, బృందా కారత్‌ తదితరులను ఎందుకు ఆహ్వానించలేదని వారు ప్రశ్నించారు. 


 రోజా సంఘటనపై జయప్రకాశ్‌ నారాయణ స్పందన
 
 సాక్షి, అమరావతి: ప్రజాస్వామ్య పాలన కోసం మనం రాసుకున్న రాజ్యాంగం ఆంధ్రప్రదేశ్‌లో అమలవుతోందా అని లోక్‌సత్తా పార్టీ వ్యవస్థాపక అధ్యక్షుడు జయప్రకాశ్‌ నారాయణ అనుమానం వ్యక్తం చేశారు. ప్రత్యేక హోదా డిమాండ్‌తో ఇటీవల విశాఖపట్నంలో క్యాండిల్‌ ర్యాలీలో పాల్గొనేందుకు వెళ్లిన ప్రతిపక్ష నేత వైఎస్‌ జగన్‌మోహన్‌రెడ్డిని ఎయిర్‌పోర్టులోనే నిర్బంధించి వెనక్కి పంపడం, జాతీయ మహిళా పార్లమెంట్‌ సదస్సులో పాల్గొనేందుకు వెళుతున్న వైఎస్సార్‌ సీపీ ఎమ్మెల్యే ఆర్‌.కె.రోజాను గన్నవరం విమానాశ్రయంలోనే ప్రభుత్వం అడ్డుకోవడం వంటి వరుస సంఘటనలపై ఆయన తీవ్రంగా స్పందించారు.
 
 ఆయన ఆదివారం ‘సాక్షి’తో మాట్లాడుతూ ప్రభుత్వపరంగా ఏర్పాటు చేసిన జాతీయ మహిళా పార్లమెంట్‌ సదస్సులో సామాన్య వ్యక్తిని పాల్గొనకుండా అడ్డుకున్నా పెద్ద తప్పుగా పరిగణించాల్సి ఉంటుందన్నారు. అలాం టిది ప్రజలెన్నుకున్న మహిళా ప్రజాప్రతినిధిని ఆ సదస్సులో పాల్గొనకుండా అడ్డుకోవడం ఏమిటని ప్రశ్నించారు. ఇతరులను కించపరిచేలా ప్రవర్తించారని  ఎమ్మెల్యే రోజా కానీ, ఇంకెవరైనా కానీ అనుకుంటే న్యాయపరంగా వారిపై పరువు నష్టం దావా వేసుకునే వెసులుబాటు ఉందని చెప్పారు. ఇలాంటి పరిణామాలు వ్యక్తిగతంగా ముఖ్యమంత్రి చంద్రబాబుకు, రాష్ట్ర ప్రభుత్వానికి, చివరికి రాష్ట్రానికే చెడ్డపేరు తెస్తాయని ఆవేదన వ్యక్తంచేశారు. రాష్ట్రంలో పోలీసులు సైతం రాజును మించిన రాజభక్తిని ప్రదర్శిస్తున్నారని ఆయన విమర్శించారు.


 – వైఎస్‌ఆర్‌సీపీ రాష్ట్ర ప్రధాన కార్యదర్శి బీవై రామయ్య  
 – ముఖ్యమంత్రి చంద్రబాబుది దుర్మార్గపు పాలన: ఎమ్మెల్యే ఐజయ్య 
  
 కల్లూరు (రూరల్‌): జాతీయ మహిళా పార్లమెంట్‌ సదస్సుకు ఆహ్వానించి.. ఎమ్మెల్యే ఆర్‌కె రోజాను  అవమానించడం దారుణమని.. ఈ ఘటనపై ముఖ్యమంత్రి చంద్రబాబు, స్పీకర్‌ కోడెల శివప్రసాద్‌రావు వెంటనే క్షమాపణ చెప్పాలని వైఎస్‌ఆర్‌సీపీ రాష్ట్ర ప్రధాన కార్యదర్శి బీవై రామయ్య డిమాండ్‌ చేశారు. స్థానిక కృష్ణకాంత్‌ ప్లాజాలోని వైఎస్‌ఆర్‌ కాంగ్రెస్‌ పార్టీ జిల్లా కార్యాలయంలో ఆదివారం విలేకరుల సమావేశం నిర్వహించారు. ఈ సందర్భంగా బీవై రామయ్య మాట్లాడుతూ.. మహిళలు కన్నీరుపెడితే ఏ రాష్ట్రం సుభిక్షంగా ఉండదన్నారు.  చంద్రబాబు పాలనలో వర్షాలు లేక రైతులు అన్నమో రామచంద్ర అంటూ కన్నీరు పెడుతున్నారని ఆవేదన వ్యక్తం చేశారు. రాష్ట్రం సుభిక్షంగా ఉండాలంటే చంద్రబాబు పోవాలని.. వైఎస్‌ఆర్‌సీపీ అధినేత  వైఎస్‌ జగన్‌మోహన్‌రెడ్డి రావాలని చెప్పారు.
  
 నందికొట్కూరు ఎమ్మెల్యే ఐజయ్య మాట్లాడుతూ.. చంద్రబాబు  అధికారంలోకి రాగానే మహిళలు, దళితుల వ్యతిరేకిగా ముద్రవేసుకున్నారన్నారు. అంగన్‌వాడీ వర్కర్లు, కార్యకర్తలు జీతాలు పెంచాలని ఆందోళనకు దిగితే మహిళలని చూడకుండా పోలీసులతో ఈడ్చిపడేసి అరెస్ట్‌ చేయించారని మండిపడ్డారు. రాజకీయంగా ఎదుర్కోవడం చేతకాకనే ఎమ్మెల్యే రోజాను అవమానించారన్నారు.  వైఎస్‌ఆర్‌సీపీ ఎమ్మెల్యేలంటే ముఖ్యమంత్రి చంద్రబాబుకు, టీడీపీ నేతలకు గౌరవం లేదని ఆవేదన వ్యక్తం చేశారు.
  
 వైఎస్‌ఆర్‌సీపీ మహిళా విభాగం జిల్లా అధ్యక్షురాలు శౌరీలు విజయకుమారి మాట్లాడుతూ.. టీడీపీ పాలనలో మహిళలను చిన్నచూపు చూస్తున్నారని ఆగ్రహం వ్యక్తం చేశారు. తహసీల్దార్‌ వనజాక్షిపై టీడీపీ ఎమెల్యే చింతమనేని దాడి చేస్తే  ముఖ్యమంత్రి చంద్రబాబు ఎందుకు చర్యలు తీసుకోలేదో సమాధాన చెప్పాలని ప్రశ్నించారు. సమావేశంలో వైఎస్‌ఆర్‌సీపీ రాష్ట్ర లీగల్‌ సెల్‌ ప్రధాన కార్యదర్శి కర్నాటి పుల్లారెడ్డి, రైతు విభాగం జిల్లా ప్రధాన కార్యదర్శి భాస్కర్‌రెడ్డి, వైఎస్‌ఆర్‌టీయూసీ నగర అధ్యక్షుడు కటారి సురేష్, నాయకులు సూరి, ఉమాదేవి, పద్మ పాల్గొన్నారు.
  


 కృష్ణా :
 వైఎస్‌ఆర్‌సీపీ ఎమ్మెల్యే రోజా పట్ల పోలీసులు వ్యవహరించిన తీరు మహిళా లోకానికే అవమానమని ఎమ్మెల్యే కొడాలి నాని పేర్కొన్నారు. రోజాపై దాడి యావత్‌ మహిళలపై దాడిగా భావించాలన్నారు. సాక్షాత్తు ఎమ్మెల్యేల హక్కులనే కాలరాస్తు  సదస్సులు నిర్వహించే హక్కు ప్రభుత్వానికి లేదని కొడాలి నాని మండిపడ్డారు.


 హైదరాబాద్‌: జాతీయ మహిళా పార్లమెంటు సదస్సుకు ఆహ్వానించి మరీ పార్టీ ఎమ్మెల్యే రోజాను అడ్డుకోవడాన్ని వైఎస్‌ఆర్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డి తీవ్రంగా తప్పుబట్టారు. ఒక మహిళా ఎమ్మెల్యే పట్ల ప్రభుత్వమే ఇలా వ్యవహరిస్తే.. ఇక సమాజంలోని సామాన్య మహిళలకు రక్షణ ఎలా లభిస్తుందని ఆయన నిలదీశారు.
  
 
 If the Govt can treat an MLA in such a way, what safety do women have in this society? Having invited and then-
 — YS Jagan Mohan Reddy (@ysjagan) 12 February 2017
 ఆహ్వానించి మరీ ఎమ్మెల్యే రోజాను అడ్డుకోవడమంటే.. జాతీయ మహిళా పార్లమెంటు సదస్సును అపహాస్యం పాలు చేయడమేనని ఆయన మండిపడ్డారు. ఎమ్మెల్యే రోజాకు జరిగిన అన్యాయంపై పోరాడుతామని, ఈ అంశాన్ని అన్ని వేదికల్లోనూ లేవనెత్తుతామని వైఎస్‌ జగన్‌ ట్విట్టర్‌లో స్పష్టం చేశారు.
 
 - restraining her from attending, they made a mockery of the National Women's Parliament. We will move all appropriate forums on this issue
 — YS Jagan Mohan Reddy (@ysjagan) 12 February 2017
 మహిళా పార్లమెంటు సదస్సుకు ఆహ్వానంపై వెళుతున్న వైఎస్సార్సీపీ ఎమ్మెల్యే ఆర్‌కె రోజాను శనివారం గన్నవరం విమానాశ్రయంలో పోలీసులు అడ్డగించిన సంగతి తెలిసిందే. ఆ తర్వాత అత్యంత బలవంతంగా ఆమెను పోలీసులు హైదరాబాద్‌ తరలించారు.
  
 సంబంధిత వార్తలు చదవండి 
  
 ఎమ్మెల్యే రోజా నిర్బంధం, విజయవాడ తరలింపు
  
 ఆహ్వానించి నిర్బంధిస్తారా?
  
 ఎమ్మెల్యే రోజాను అరెస్ట్ చేయడం అక్రమం
 
 
 నిస్సిగ్గుగా అరాచకం
 
 
 నన్ను.. చంపేస్తారేమో
  
 
  


 రాజమండ్రి : రాష్ట్రంలో అప్రజాస్వామిక పాలన నడుస్తోందని వైఎస్సార్‌ కాంగ్రెస్ పార్టీ ఎమ్మెల్యే చెవిరెడ్డి భాస్కర్‌రెడ్డి ఆరోపించారు. రాజమండ్రిలో ఆదివారం ఆయన మీడియాతో మాట్లాడుతూ ఏపీ ప్రభుత్వ తీరుపై తీవ్రస్థాయిలో ధ్వజమెత్తారు.
 
 (చదవండి : నిస్సిగ్గుగా అరాచకం )
 
 ఆంధ్రప్రదేశ్‌ను ఆఫ్గనిస్థాన్‌లా మార్చేస్తున్నారని ఆగ్రహం వ్యక్తం చేశారు. మహిళా పార్లమెంటేరియన్ల సదస్సులో పాల్గొనేందుకు వెళ్తున్న ఎమ్మెల్యే రోజాపై దాడి చేయడం దుర్మార్గపు చర్యని అన్నారు. యావత్‌ మహిళా లోకానికి అవమానం జరిగినట్టేనని చెవిరెడ్డి చెప్పారు. 


 మీడియా ఎదుట విలపించిన రోజా
 ⇒ నన్ను చంపేస్తే నా పిల్లలకు దిక్కెవరు?
 ⇒ సదస్సుకు ఆహ్వానించి పోలీసులతో నిర్బంధిస్తారా?
 ⇒ స్పీకర్‌ కోడలి ఆర్తనాదాలు ఫేస్‌బుక్‌లో అప్‌లోడ్‌ చేస్తే తప్పా?
 ⇒ మహిళల హక్కుల్ని స్పీకరే హరిస్తే ఎవరికి చెప్పాలి
 ⇒ ప్రభుత్వానికి అనుకూలంగా మాట్లాడితే అవకాశమిస్తామని డీజీపీ అనడం దారుణం
 సాక్షి, అమరావతి: ‘‘తెలుగుదేశం ప్రభుత్వం నుంచి నాకు ప్రాణహాని ఉంది. నన్ను చంపేయరని గ్యారంటీ లేదు.’’ అని వైఎస్సార్‌ కాంగ్రెస్‌ పార్టీ నగరి ఎమ్మెల్యే ఆర్కే రోజా ఆందోళన వ్యక్తం చేశారు. తనను జాతీయ మహిళా పార్లమెంటుకు ఆహ్వానించి ఉద్దేశ్యపూర్వకంగానే అడ్డుకున్నారని ఆమె ఆరోపించారు. గన్నవరం ఎయిర్‌పోర్టులో పోలీసులు కారులో ఎక్కించుకుని సదస్సుకు హాజరు కాకుండా అరెస్టు చేయడం చూస్తే మహిళలకు ఆంధ్రప్రదేశ్‌లో ఎలాంటి రక్షణ ఉందో అర్ధం చేసుకోవచ్చని అన్నారు. తనను అరెస్టుచేసి సదస్సుకు రాకుండా అడ్డుకున్న ఘటనపై శనివారం లోటస్‌పాండ్‌లోని వైఎస్సార్‌ కాంగ్రెస్‌ పార్టీ కేంద్ర కార్యాలయంలో మీడియాకు వివరించారు.
 (చదవండి : ఎమ్మెల్యే రోజా నిర్బంధం )
 మహిళా పార్లమెంటు జరుగుతున్న రోజున తనను ఆ సదస్సుకు రానివ్వకుండా అడ్డుకోవడం అత్యంత దురదృష్టకరమైన రోజని రోజా అన్నారు. రాష్ట్రంలో ఒక ఎమ్మెల్యేకే రక్షణ లేకుండా పోతే ఇక సామాన్య మహిళలకు ఎలాంటి రక్షణ ఉంటుందని సూటిగా ప్రశ్నించారు. ‘‘నేనేమైనా ఉగ్రవాదినా? నా వద్ద బాంబులున్నాయా? కత్తులున్నాయా? ఏమీ లేకుండానే ఆహ్వానం పంపించి ఎందుకు అరెస్టు చేశారు? నేనంటే చంద్రబాబుకు, స్పీకర్‌కు ఎందుకంత భయం’’ అని రోజా ప్రశ్నించారు.  ప్రజల మాన ప్రాణాలకు రక్షణగా ఉండాల్సిన పోలీసులు ముఖ్యమంత్రికి తొత్తులుగా మారి తన అరెస్టు విషయంలో అత్యుత్సాహం ప్రదర్శించారని ఆరోపించారు. ఇంకా ఆమె ఏమన్నారంటే..
 
 విజయవాడలో సదస్సు పెట్టి..
 ‘‘నేరాలు తీవ్రంగా పెరుగుతున్న విజయవాడలో మహిళా సదస్సు పెట్టారు. అక్కడికి నేను వెళితే ఉగ్రవాదిలాగా నిర్బంధించారు. ఇది ప్రజల డబ్బుతో నిర్వహిస్తున్న సదస్సు. ప్రజాప్రతినిధిగా పాల్గొనే హక్కు నాకు ఉంది. అయినా అడ్డుకున్నారంటే ఈ ప్రభుత్వ దుర్మార్గం ఎలా ఉందో చెప్పుకోవచ్చు. ఎందుకయ్యా చంద్రబాబు, స్పీకర్‌గారు నేనంటే అంత భయం? ప్రతిపక్షం అనేది ఎప్పుడూ ప్రభుత్వం చేసే తప్పులను ఎత్తిచూపుతూనే ఉంటుంది. దీనికి భయపడి మహిళలను అడ్డుకుంటారా? అసెంబ్లీలో మహిళా సమస్యలపై మాట్లాడితే అడ్డుకున్నారు. కాల్‌మనీ సెక్స్‌రాకెట్‌లో మహిళలను వ్యభిచార కూపంలో దించుతుంటే అసెంబ్లీలో గళమెత్తినందుకు నన్ను నిబంధనలకు విరుద్ధంగా ఏడాదిపాటు సస్పెం డ్‌ చేశారు, ఇప్పుడు జరుగుతున్న మహిళా సదస్సులో నేను పాల్గొంటే ఎక్కడ మహిళా సమస్యలపై మాట్లాడతానోనని భయపడి అడ్డుకున్నారు. రాష్ట్రంలో జరిగే ప్రతి అత్యాచారం, దాడుల వెనక ఎవరో ఒకరు తెలుగుదేశం నేత ఉన్నారు.
 
 ఇంట్లో కోడలు ఆర్తనాదాలు గుర్తుకు రాలేదా?
 మహిళా సాధికారత అంటూ పార్లమెంటు నిర్వహిస్తున్న స్పీకర్‌...తన సొంత కోడలిని వేధింపులకు గురిచేయడం ఏ తరహా మహిళా సాధికారతో చెప్పాలి. స్పీకర్‌ తన కోడలిపై వ్యవహరించిన తీరుపై ఆమె చేసిన ఆర్తనాదాల వీడియోను ఫేస్‌బుక్‌లో అప్‌లోడ్‌ చేస్తే తప్పా? ఇంట్లో ఆర్తనాదాలు, అమరావతిలో  నీతులు మాట్లాడతావా?. రెండు రోజుల క్రితమే కారు షెడ్‌లో ఉండాలి, మహిళలు ఇంట్లో ఉండాలని స్పీకర్‌ మాట్లాడిన తీరు మహిళా లోకాన్ని బాధించింది. మహిళా పార్లమెంటులో ఒక్క మహిళ బాధనైనా విన్నారా? మహిళలకు జరుగుతున్న అన్యాయాలను ప్రశ్నించారా? భజన చేయించు కోవడానికా మీరు పిలిచింది...ఒక వనజాక్షినో, రిషితేశ్వరి తల్లినో, జానీమూన్‌నో పిలిచి మాట్లాడించి ఉంటే బాగుండేది.
 
 నన్ను చంపేస్తే నా పిల్లలకు దిక్కెవరు?
 మహిళా పార్లమెంటు నిర్వహించే నైతిక హక్కు చంద్రబాబుకు, స్పీకర్‌కు లేనే లేదు. అసెంబ్లీలో మాట్లాడితే రూల్సుకు విరుద్ధంగా సస్పెండ్‌ చేసే వీళ్లు రేపు అమరావతిలో జరిగే అసెంబ్లీలో ఏం చేస్తారోనని భయంగా ఉంది. ప్రతిపక్ష ఎమ్మెల్యేలకు రక్షణ లేదు. నన్ను పోలీసులు కారులో ఎక్కించి నా సెల్‌ఫోన్‌ తీసుకున్నారు. నా గన్‌మెన్‌ను దించేశారు...ఇక నన్ను చంపెయ్యరని గ్యారంటీ ఏముంది? నేనే చనిపోతే నా పిల్లలకు దిక్కెవరు? విజయవాడలో నిర్వహిస్తున్న జాతీయ మహిళా పార్లమెంటు తెలుగుదేశం మహానాడులా ఉందిగానీ, మహిళా సదస్సులా లేదు. కనీసం ఆ పోస్టర్లలో ఒక్క మహిళ ఫొటో అయినా ఉందా? సీఎం చంద్రబాబు, స్పీకర్, కేంద్రమంత్రి వెంకయ్యనాయుడు  ఫొటోలున్నాయి...ఇదేనా మీ మహిళా సాధికారత?
 
 గిరిజన ఎమ్మెల్యేలన్న గౌరవం కూడా లేదు
 విదేశాల నుంచి వచ్చేవారికి ఫ్‌లైట్‌లు బుక్‌ చేశారు. పెద్ద పెద్ద హోటళ్లలో రూములు ఇచ్చారు. కానీ ఆంధ్రప్రదేశ్‌కు చెందిన మహిళలను, స్కూలు విద్యార్థినులను సంతల్లో పశువుల్లాగా ప్రొక్‌లైనర్లలో ఎక్కించుకుని వెళతారా? ఇదేనా మహిళా పార్లమెంటు? (విద్యార్థినులను పొక్లైనర్లలో తీసుకెళుతున్న దృశ్యాలను మీడియాకు చూపించారు.) ఇవన్నీ చూస్తుంటే ఒక్క శాతం కూడా మహిళా సాధికారత సాధించలేరు. ముఖ్యమంత్రి కేసీఆర్‌ కుమార్తె కవితను పిలిచారు. చంద్రబాబు కోడలు, లోకేష్‌ భార్య అయిన నారా బ్రాహ్మణిని పిలిచారు. వెంకయ్యనాయుడు కూతురు దీపా వెంకట్‌ను, కోడెల శివప్రసాదరావు కూతురు విజయలక్ష్మిని పిలిచి మాట్లాడించారు. మీకు భజన చేయించుకోవడానికా వీళ్లందరినీ పిలిచింది? మీకు నిజాయితీ ఉంటే బృందాకారత్‌నో, సామాజిక ఉద్యమకారిణి మేథాపాట్కర్‌నో పిలిచి మాట్లాడించి ఉండాల్సింది. ఆ ధైర్యం మీకు లేదు.
 ( చదవండి  : నిస్సిగ్గుగా అరాచకం )
 
 వెంకయ్య కూతురు, నారాబ్రహ్మణి తదితరులను ఏ హోదాతో పిలిచారు?  వైఎస్సార్‌ కాంగ్రెస్‌ పార్టీ గౌరవాధ్యక్షురాలు విజయమ్మను ఎందుకు పిలవలేదు? నాకు మణికొండ, నగరి రెండు చిరునామాలకు రెండు ఇన్విటేషన్లు పంపించారు. ఒకవేళ సదస్సుకు రాకపోయి ఉంటే మహిళల సమస్యలపై చిత్తశుద్ధిలేదని బురద జల్లుతారు. వస్తే ఇలా అడ్డుకున్నారు. నాపై అంటే గౌరవం లేదు, కనీసం మా పార్టీలో నలుగురు గిరిజన ఎమ్మెల్యేలు ఉన్నారు. వారికి కనీసం ఫోన్‌ చేసైనా మహిళా పార్లమెంటుకు రమ్మని పిలిచారా? ఇదేనా మీ మహిళా సాధికారత? బాబు రెండున్నరేళ్ల పాలనలో మహిళలపై జరిగిన అన్యాయాలు, అక్రమాలపై రాయాలంటే పెద్ద గ్రంథమే రాయాల్సి వస్తుంది. త్వరలో వీరికి ప్రజలే బుద్ధి చెబుతారు. డ్వాక్రా రుణ మాఫీ అన్నారు కానీ మాఫీ చెయ్యకుండా మహిళా సంఘాలను నిర్వీర్యం చేశారు, బాబొస్తే జాబొస్తుందని చెప్పి,  ఫీజు రీయింబర్స్‌మెంట్‌తో చదివిన అమ్మాయిలకు ఉద్యోగాలు ఇవ్వలేదు. ఈరోజు నాకు అన్యాయం జరిగింది..రేపు మీ చెల్లికో, తల్లికో జరుగుతుంది...అందుకే అందరం కలిసి ప్రభుత్వాన్ని ప్రశ్నించి, ప్రభుత్వం మెడలు వంచి, మహిళల హక్కులను కాపాడాల్సిన అవసరం ఉంది.
 
 కన్నీటి పర్యంతమైన రోజా
 మహిళా పార్లమెంటుకు వెళుతున్న తనను నిర్బంధించిన నేపథ్యంలో ఆర్కే రోజా ఆద్యంతం కన్నీటి పర్యంతమయ్యారు. మీడియా సమావేశంలో  ఉద్విగ్నంగా మాట్లాడుతూనే బోరున విలపించారు. ఒక మహిళ పట్ల పోలీసులు వ్యవహరించే తీరు ఇదా? వాళ్లు ఏం చేస్తారో తెలియదు, సెల్‌ఫోన్‌ లేదు, గన్‌మెన్‌ను దించేశారు. ఈ పరిస్థితుల్లో పోలీసుల మధ్య వెళ్లడం ఎలా ఉంటుందో ఊహించారా అంటూ కన్నీళ్లు పెట్టుకున్నారు. ఈ ప్రభుత్వంలో తనకు అస్సలు రక్షణ లేదని, తనకు ఏమైనా జరిగితే తన పిల్లల పరిస్థితి ఏమిటని? గద్గద స్వరంతో ప్రశ్నించారు. ఈ ప్రభుత్వ హయాంలో రాష్ట్రంలో మహిళలపై జరిగిన అన్నిరకాల దాడులకు సంబంధించిన వివరాలను మీడియా ప్రతినిధులకు రోజా అందజేశారు.  
 
 ప్రతిపక్షంలో ఉన్నప్పుడు వైఎస్‌ అణగదొక్కాలని చూడలేదు..
 వైఎస్‌ రాజశేఖర్‌రెడ్డి నిజంగా మగాడే...ఆ విషయం గట్టిగా చెప్పగలను. వైఎస్‌ ముఖ్యమంత్రిగా ఉన్నప్పుడు నేను ప్రతిపక్ష పార్టీలో ఉన్నాను. పలు సమస్యలపై గళమెత్తాను. కానీ నన్ను ఏనాడూ వైఎస్‌ అణగదొక్కాలని చూడలేదు, ఒక మహిళా నాయకురాలిగా మాత్రమే చూశారు. అదే ఇప్పటి ముఖ్యమంత్రి చంద్రబాబు నాచేత పదేళ్లపాటు పార్టీలో గాడిద చాకిరి చేయించుకుని,  నేను ఎన్నికల్లో టీడీపీ తరఫున పోటీ చేస్తే ఒక్క పైసా ఇవ్వకుండా రెడ్డి కులస్తురాలినని ఓడించిన నీచ సంస్కృతి. నేను ఐదునెలల గర్భిణిగా ఉన్నప్పుడు కూడా తెలుగుదేశం పార్టీ తరఫున బొబ్బిలి ఉప ఎన్నికలో పాల్గొన్నాను...కానీ ఆ కృతజ్ఞత కూడా బాబుకు లేదు. ఇలాంటి సెంటిమెంట్లన్నీ చంద్రబాబుకు ఉండవు. బాబుకు అనుకూలంగా తీర్పులు వస్తే కోర్టులు గొప్పవి. మాకు అనుకూలంగా వస్తే మాత్రం లెక్క చేయరు. అచ్చెన్నాయుడు, బుచ్చయ్యచౌదరి, బోండా ఉమా కంటే నేనేమైనా ఎక్కువ మాట్లాడానా...నా లాంటి మహిళా శాసనసభ్యురాలికే అసెంబ్లీలో ఈ విధమైన పరిస్థితి ఉంటే సాధారణ మహిళలకు ఈ ప్రభుత్వాన్ని  ప్రశ్నించే ధైర్యం ఉంటుందా?


 ఎమ్మెల్యే రోజాపై సర్కారు నిరంకుశం.. మహిళా పార్లమెంట్‌కు రాకుండా అడ్డగింత
 
 ⇒ రెండు ఆహ్వానాలు.. నాలుగు అవమానాలు...
 ⇒ దలైలామా వస్తున్నారని... ప్రత్యేకంగా తీసుకెళ్తామని..
 ⇒ గన్నవరం విమానాశ్రయంలో హైడ్రామా
 ⇒ బలవంతంగా పోలీసు వాహనంలో తరలింపు
 ⇒ విజయవాడ అంటూ గుంటూరువైపు పయనం
 ⇒ పేరేచర్ల వద్ద వాహనం దూకి సాయం కోసం రోజా అర్థింపు
 ⇒ జనాన్ని బెదిరించి తిరిగి వాహనంలో కుక్కిన ఖాకీలు
 ⇒ కిందపడిపోయిన ఎమ్మెల్యేను వాహనం వరకు ఈడ్చివేత
 ⇒ ఆమె రోజా కాదు నక్సలైట్‌ అంటూ అబద్ధాలు..
 ⇒ హైదరాబాద్‌ నివాసం వద్ద రోజాను వదలివెళ్లిన పోలీసులు
 దారుణం.. దుర్మార్గం..అమానవీయం.. అత్యంత హేయం..మధ్యయుగాలనాడు కూడా ఇలాంటి నిర్బంధం కనీవిని ఎరగం...జనం చూస్తారన్న భయం లేదు... ఛీత్కరిస్తారన్న వెరపు లేదు..మహిళా పార్లమెంటు సదస్సులో పాల్గొనేందుకు వచ్చిన ఓ మహిళా ఎమ్మెల్యే పట్ల దుర్మార్గంగా వ్యవహరించారు..తాలిబాన్‌ పాలనే మెరుగన్నట్లు ప్రభుత్వం, పోలీసులు...అరాచకం సృష్టించారు.మహిళా సాధికారత పేరుతో కోట్లు వెచ్చించి నిర్వహిస్తున్న సదస్సు సాక్షిగా..అందులో పాల్గొనేందుకు వచ్చిన మహిళా ఎమ్మెల్యే పట్ల ప్రభుత్వం అత్యంత అమానుషంగా వ్యవహరించింది. మహిళా సమస్యలపై మాట్లాడే గొంతును కర్కశంగా నులిమే ప్రయత్నం చేసింది.మహిళా పార్లమెంటుకు ఎమ్మెల్యే రోజాను ఆహ్వానించిన ప్రభుత్వం.. విమానాశ్రయంలోనే పోలీసులను మోహరించి, అడ్డగించింది.కారణం చెప్పకుండా.. నిర్బంధించి.. వ్యక్తిగత సిబ్బందిని దూరం చేసి.. వాహనాలు మార్చుతూ, జిల్లాలు తిప్పుతూ.. బెదిరిస్తూ.. హైదరాబాద్‌కు తరలించడం చూసి రాష్ట్రమంతా నివ్వెరపోయింది..మహిళల పట్ల తాము ఎంత కర్కశంగా వ్యవహరించగలమో మహిళా ఎమ్మెల్యే రోజా విషయంలో వ్యవహరించిన తీరుతో బాబు సర్కారు మరోమారు రుజువు చేసుకుంది..
 
 సాక్షి నెట్‌వర్క్‌ : మహిళా పార్లమెంటు సదస్సుకు ఆహ్వానంతో వెళుతున్న వైఎస్సార్సీపీ ఎమ్మెల్యే ఆర్‌కె రోజాను శనివారం గన్నవరం విమానాశ్రయంలో పోలీసులు అడ్డగించారు. ఆ తర్వాత అత్యంత దుర్మార్గంగా, బలవంతంగా హైదరాబాద్‌ తరలించారు. రెండు ఇన్విటేషన్లు పంపిన ప్రభుత్వం విమానాశ్రయంలో రోజాను అదుపులోకి తీసుకుని హైడ్రామా నడిపించింది. దలైలామా వస్తున్నారని కాసేపు.. ప్రత్యేక వాహనంలో తరలిస్తున్నామని కాసేపు... నిరీక్షించేలా చేసి కనీసం ఎక్కడికి తీసుకుపోతున్నారో కూడా చెప్పకుండా వెనుకమార్గం గుండా పోలీసు వాహనంలో తరలించారు. విజయవాడలో మీకు కేటాయించిన వసతికి తీసుకెళ్తున్నామని చెబుతూ గుంటూరు జిల్లా మీదుగా ఆమెను హైదరాబాద్‌ తరలించారు.
 (చదవండి  : నన్ను.. చంపేస్తారేమో )
 తనను నిర్బంధించి తరలిస్తున్న సంగతిని సామాజిక మాధ్యమాల ద్వారా తెలియ జేసేందుకు యత్నించిన రోజా ఫోన్‌ను పోలీసులు లాగేసుకుని దురుసుగా ప్రవర్తించారు. ప్రభుత్వ నిరంకుశ పోకడలను నిరసిస్తూ వాహనం నుంచి దిగేందుకు యత్నించిన ఆమెను వాహనంలోకి  ఈడ్చేశారు. తోపులాటలో ఆమె వాహనం నుంచి కిందపడిపోయినా.. గాయాలవుతున్నా కర్కశ ఖాకీలు లెక్కచేయలేదు. దురుసుగా వాహనంలోకి నెట్టేశారు. ఆమె ఏ నేరం చేశారని ప్రశ్నించిన స్థానికులనూ బెదిరించారు. అసలు ఆమె రోజా కాదు నక్సలైట్‌ అని అబద్దపు వ్యాఖ్యలూ చేశారు. దారులు మారుస్తూ.. ముందుకుసాగారు. పోలీసు వాహనాన్ని అడ్డుకుని తమ నాయకురాలిని కాపాడుకునేందుకు ప్రయత్నించిన వైఎస్సార్సీపీ శ్రేణులను, అభిమా నులను చెదరగొడుతూ రోజాను హైదరాబాద్‌లోని ఆమె నివాసం వద్ద విడిచిపెట్టారు.
 
 సామాజిక మాధ్యమంలో రోజా చేసిన వ్యాఖ్యల వల్లే ఆమెను జాతీయ మహిళా పార్లమెంటుకు హాజరు కాకుండా అడ్డుకుని వెనక్కు పంపేశామని డీజీపీ సాంబశివ రావు పేర్కొనడం చూసి జనం నివ్వెరపోతున్నారు. రాష్ట్రంలో మహిళలపై జరుగుతున్న అరాచకాలకు రోజాను నిర్బంధించిన తీరు అద్దం పడుతోందని విశ్లేషకులంటున్నారు. వినాశకాలే విపరీత బుద్ధిః అని వ్యాఖ్యానిస్తున్నారు.. శనివారం రాష్ట్రంలో తీవ్ర సంచలనం సృష్టించిన రోజా నిర్బంధం, తరలింపు వ్యవహారం ఎలా సాగిందంటే...
 
 విమానాశ్రయంలోనే నిర్బంధం..
 విజయవాడలో నిర్వహిస్తున్న జాతీయ మహిళా పార్లమెంట్‌ సదస్సులో రెండోరోజు చర్చా గోష్టిలో పాల్గొనాలని స్పీకర్‌ కోడెల శివ ప్రసాదరావు కొన్నిరోజుల క్రితం నగరి ఎమ్మెల్యే రోజాకు ఆహ్వానపత్రం పంపారు. దీంతో ఆమె హైదరాబాద్‌ నుంచి శనివారం ఉదయం 8గంటలకు గన్నవరం విమానాశ్రయం చేరుకున్నారు.కానీ రోజాను అడ్డుకునేందుకు ప్రభుత్వం విమానాశ్రయంలోనే హైడ్రామాకు తెరతీసింది. కొత్త టెర్మినల్‌ భవనం నుంచి బయటకు వస్తున్న రోజాను ఏసీపీ రాజీవ్‌కుమార్‌ నేతృత్వంలో పోలీసులు అడ్డుకున్నారు. ఢిల్లీ వెళ్లేందుకు బౌద్ధుల ఆధ్యాత్మికగురువు దలైలామా వస్తున్నందున అరగంట పాటు లాంజ్‌రూమ్‌లో విశ్రాంతి తీసుకోవాల్సిందిగా ఆమెను కోరారు. పోలీసుల విజ్ఞప్తి మేరకు రోజా లాంజ్‌రూమ్‌ వద్దకు వెళ్లారు.
 
 కానీ ఆమెను దాదాపు గంటకుపైగా బయటకు రానీయకుండా పోలీసులు అక్కడే నిర్భదించారు. రోజా కోసం  వైఎస్సార్‌సీపీ కృష్ణా జిల్లా  మహిళా విభాగం అధ్యక్షురాలు కైలే జ్ఞానమణి పంపించిన కారును పోలీసులు అనుమతించలేదు. అనంతరం ప్రభుత్వం ఏర్పాటు చేసిన వాహనంలో విజయవాడలో బస ఏర్పాటు చేసిన హోటల్‌కు పంపిస్తామని రోజాకు చెప్పారు. అందుకు ఆమె నిరాకరించినప్పటికీ మహిళా సీఐతో పాటు పలువురు సిబ్బంది ఆమెను పోలీసు వాహనం లోకి  ఎక్కించి పాత టెర్మినల్‌ వైపు తీసుకువెళ్లారు. ఆమెతోపాటు వాహనం ఎక్కిన పార్టీ యువజన విభాగం రాష్ట్ర ప్రధాన కార్యదర్శి అశోక్‌యాదవ్, వ్యక్తిగత సిబ్బందిని పాత టెర్మినల్‌ గేటు వద్ద దించి వేశారు. ఒక్క రోజాను మాత్రమే వాహనంలో విజయవాడ వైపుగా తీసుకువెళ్లారు. మీడియా కంట పడకుండా టెర్మినల్‌ ముందువైపు కాకుండా వెనుక నుండి తరలించారు. విమానాశ్రయంలో ఉన్న వైఎస్సార్‌సీపీ నేతలెవరూ తమ వాహనాన్ని అనుస రించకుండా పోలీసులు పథకం ప్రకారం వ్యవహరించారు. వైఎస్సార్‌సీపీ నేతల సెల్‌ ఫోన్‌లను, కారు తాళాలను లాక్కున్నారు.
 
 అంతా గోప్యమే...
 విమానాశ్రయం నుంచి బయటకు వచ్చిన తరువాత కూడా పోలీసులు హైడ్రామా కొనసాగించారు. రోజాను ప్రభుత్వం విజయవాడలో ఏర్పాటు చేసిన బసకు తీసుకువెళ్తామని చెప్పిన పోలీసులు అందుకు విరుద్ధంగా వ్యవహరించారు. వాహనాన్ని విజయవాడ మీదుగా గుంటూరు వైపు తీసుకువెళ్లారు. తనను ఎక్కడికి తీసుకువెళ్తున్నారని ఆమె ప్రశ్నించినప్పటికీ బదులివ్వలేదు. వాహనాన్ని జాతీయరహదారి మీదున్న బైపాస్‌ రోడ్డులోకి మళ్లించారు. అంకిరెడ్డిపాలెం, నల్లపాడు మీదుగా పేరేచర్ల జంక్షన్‌ మీదుగా హైదరాబాద్‌ వైపు సాగారు..
 
 కిందపడ్డా కనికరించని పోలీసులు..
 వెళ్తున్న మార్గాన్ని బట్టి తనను హైదరాబాద్‌కు తరలిస్తున్నట్లు రోజా గుర్తించారు. దాంతో గుంటూరు జిల్లా పేరేచర్లలో స్పీడ్‌ బ్రేకర్‌ వద్ద వేగం తగ్గగానే వాహనం దిగేందుకు ప్రయత్నించారు. తనను పోలీసులు కిడ్నాప్‌ చేసి తీసుకెళుతున్నారని పెద్దగా కేకలు వేశారు. దాంతో స్థానికులు ఉలిక్కిపడి భారీగా అక్కడకు చేరుకున్నారు.  స్థానికులు తిరగబడకముందే జారుకోవాలని పోలీసులు రోజా పట్ల అమానుషంగా వ్యవహరించారు. మహిళా ఎమ్మెల్యే అని కూడా చూడకుండా ఆమెను బలవంతంగా రోడ్డుపై ఈడ్చుకుంటూ లాక్కెళ్లి వాహనంలో పడేశారు. తనను వదిలిపెట్టాలని రోజా కన్నీటి పర్యంతమైనప్పటికీ పోలీసులు కనికరించలేదు. వాహనం వద్దకు రాబోతున్న స్థానికులను పోలీసులు లాఠీలు ఝళిపిస్తూ చెదరగొట్టి భయానక వాతావరణం సృష్టించారు.  
 
 రోజా కాదు నక్సలైట్‌ అంటూ వ్యాఖ్యలు..
 రోజాను బలవంతంగా ఎందుకు తరలిస్తున్నారని ప్రశ్నించిన స్థానిక మహిళలపై పోలీసులు ఆగ్రహం వ్యక్తంచేశారు. అక్కడ గుమికూడిన స్థానిక మహిళలతో ‘ఆమె రోజా కాదు.. నక్సలైటు’ అంటూ పోలీసులు వ్యాఖ్యానించడంతో కలకలం చెలరేగింది. అసలు అక్కడ ఏం జరుగుతోందో కొంతసేపు అర్థం కాని స్థితి ఏర్పడింది. కళ్లెదురుగా రోజా కనిపిస్తున్నా ఆమె నక్సలైట్‌ అని పోలీసులు చెప్పడం స్థానికులను విభ్రాంతికి గురిచేసింది. రోజాపై ప్రభుత్వం ఏస్థాయిలో కక్ష సాధింపు చర్యలకు పాల్పడుతోందో దీనిని బట్టి అర్థమవుతోందని పలువురు చర్చించుకోవడం కనిపించింది. ఎక్కువ సేపు ఉంటే స్థానికుల నుంచి ప్రతిఘటన తప్పదని భావించిన పోలీసులు వాహనాన్ని మేడికొండూరు మీదుగా సత్తెనపల్లి వైపు మళ్లించారు.
 
 దారులు మళ్లిస్తూ: రోజాను పిడుగురాళ్ల పోలీసు స్టేషన్‌కు తరలిస్తున్నారనే సమాచారంతో వైఎస్సార్‌ సీపీ నాయకులు, కార్యకర్తలు, మీడియా ప్రతినిధులు అక్కడికి  చేరుకున్నారు. రోజాను తీసుకెళుతున్న పోలీసు వాహనాల కాన్వాయ్‌ మధ్యాహ్నం 12.50గంటలకు పిడుగురాళ్లకు చేరుకుంది. కానీ అక్కడ వైఎస్సార్‌ సీపీ నేతలు ఉండటంతో పోలీసులు వాహనాన్ని అపకుండా వేగంగా  దాచేపల్లి వైపు మళ్లించారు. ఏం జరుగుతుందో వైఎస్సార్‌ సీపీ నేతలు తెలుసుకునే లోపే పోలీసు వాహనాలు పిడుగురాళ్ల దాటాయి. సత్తెనపల్లి డీఎస్పీ మధుసూదనరావు ఆధ్వర్యాన పోలీసులు రోజాను పిడుగురాళ్ల మీదుగా దాచేపల్లి వైపు తీసుకెళ్లారు. సమాచారం తెలుసుకున్న వైఎస్సార్‌ సీపీ నేతలు కాసు మహేష్‌రెడ్డి, జంగా కృష్ణమూర్తిలతోపాటు దాదాపు 300 మంది కార్యకర్తలు దాచేపల్లిలో రోడ్డుపై బైఠాయించారు. రోజాను విడిచిపెట్టాలని రాస్తారోకోకు దిగారు.
 
 విషయం తెలుసుకున్న పోలీసులు శాంతినగరం వద్ద తమ వాహనాలను కొంత సేపు నిలిపివేశారు. వాహనాలను వెనక్కు తిప్పి తుమ్మల చెరువు వద్దకు చేరుకున్నారు.  అనంతరం మళ్లీ వాహనాలను వెనక్కు తిప్పి దాచేపల్లి వైపు వెళ్లారు. దీంతో రోజాను హైదరాబాద్‌ తరలిస్తున్నారని వైఎస్సార్‌ సీపీ నేతలు గుర్తించారు. కాసు మహేష్‌రెడ్డి, జంగా కృష్ణమూర్తి, ఇతర నేతలు, కార్యకర్తలు దాచేపల్లి పోలీసుస్టేషన్‌ వద్ద రోడ్డుపై బైఠాయించి రాస్తారోకోకు దిగారు. ఆందోళన ఉధృతిని గుర్తించిన పోలీసులు భారీగా మోహరించారు. నాయకులు, కార్యకర్తలను బలవంతంగా పోలీసు స్టేషన్‌కు తరలించారు. తద్వారా రోజాను తరలిస్తున్న పోలీసు వాహనాలను ఎవ్వరూ అడ్డగించకుండా కట్టడి చేశారు. ఆ తరువాత పది నిముషాలకు రోజాను తీసుకువెళ్తున్న పోలీసు వాహనాలు  దాచేపల్లి మీదుగా హైదరాబాద్‌ వైపు దూసుకువెళ్లాయి.
 
 పొందుగల వద్ద ఉన్న అంతర్రాష్ట్ర  సరిహద్దు చెక్‌పోస్టు దాటించే వరకు గురజాల, సత్తెనపల్లి డీఎస్పీలు, సీఐలు ఆ వాహనాల వెన్నంటే ఉన్నారు. రోజాను బలవంతంగా తరలిస్తున్న దృశ్యాలను చిత్రీకరిస్తున్న మీడియా ప్రతినిధులపై పోలీసులు తీవ్ర ఆగ్రహావేశాలు వ్యక్తం చేశారు.  కాగా, ఎయిర్‌పోర్టులో నిర్బంధించి.. వ్యక్తిగత సిబ్బంది లేకుండా.. ఎటువైపు తీసుకుపోతున్నారో కూడా చెప్పకుండా తరలిస్తున్నా ఎమ్మెల్యే రోజా  ధైర్యాన్ని కోల్పోలేదు. ఆ సమయంలో ఆమె పోలీస్‌ వాహనంలో నుంచే మాట్లాడుతూ తన మొబైల్‌ ఫోన్‌ ద్వారా సెల్ఫీ వీడియోలు తీసి మీడియాకు పంపించారు.
 
 సామాజిక మాధ్యమంలో వ్యాఖ్యలు నేరమా!
 వైఎస్సార్‌ కాంగ్రెస్‌ ఎమ్మెల్యే ఆర్‌.కె.రోజాను విమానాశ్రయంలోనే నిర్బంధించి వెనక్కి పంపేయడానికి రాష్ట్ర డీజీపీ ఎన్‌.సాంబశివరావు చెబుతున్న కారణాలు సరైనవిగా అనిపించడం లేదని విశ్లేషకులంటున్నారు. రోజా సామాజిక మాధ్యమంలో జాతీయ మహిళా పార్లమెంటు నిర్వాహకులు స్పీకర్‌ కోడెల శివప్రసాద్‌రావుపై వ్యతిరేక వ్యాఖ్యలు చేశారని, అందు వల్లనే ఆమెను సదస్సుకు వెళ్లకుండా అరెస్టు చేయాల్సి వచ్చిందని వైఎస్సార్‌ కాంగ్రెస్‌ నేతలతో డీజీపీ చెప్పారు. వాస్తవానికి రోజా ఫేస్‌బుక్‌లో చేసిన వ్యాఖ్యలు చూస్తే అవేమీ అభ్యంతరకరమైనవి కానే కావని విశ్లేషకులంటున్నారు. కోడెల శివప్రసాదరావు కోడలు తనకు జరిగిన అన్యాయంపై ఆవేదన వ్యక్తం చేస్తూ మాట్లాడిన ఉదంతం విడియో కొద్ది రోజులుగా సామాజిక మాధ్యమాల్లో సంచలనం సృష్టిస్తోంది. ఆ వీడియోను ఆమె తన ఫేస్‌బుక్‌లో అప్‌లోడ్‌ చేస్తూ ఈ కింది వ్యాఖ్యలు చేశారు.
 
 ‘చిత్తశుద్ధి లేని శివపూజలేల....’
 ‘‘ఇంట్లో కోడలిని వేధించే వాళ్లు... రోడ్డెక్కినా మహిళ ఆర్తనాదాన్ని వినని వాళ్లు... అసెంబ్లీ చరిత్రలో ఎన్నడూ లేనంత నిరంకుశంగా మహిళా ఎమ్మెల్యేను ఏడాది పాటు సస్పెండ్‌ చేసినోళ్లు... బండి షెడ్లో ఉండాలి. ఆడది ఇంట్లో ఉండాలి అనే పనికిమాలిన సిద్ధాంతాలను మాట్లాడే వాళ్లూ...వీళ్లా  మహిళా పార్లమెంటును నిర్వహించేది... వీళ్లా  మహిళా సాధికారత కోసం మాట్లాడేది.. ఎంత మాట. ఎంత మాట...’’ ఈ వ్యాఖ్యల్లో సాటి మహిళ ఆవేదనకు స్పందించి చేసిన  మాదిరిగా ఉన్నాయి తప్పితే ఎక్కడా అభ్యంతరకరంగా లేవని విశ్లేషకులంటున్నారు. పైగా కొద్ది రోజులుగా పలు రాజకీయ పక్షాలు కూడా మహిళా పార్లమెంటు నిర్వహణ తీరుపై తప్పు పడుతూ విమర్శలు చేస్తున్నాయి. అవన్నీ తప్పు కానపుడు డీజీపీకి రోజా సోషల్‌ మీడియా చేసిన వ్యాఖ్యలు తప్పుగా అనిపించడం చూస్తే మనం ప్రజా స్వామ్యంలో ఉన్నామా! లేక నియంతల యుగంలో ఉన్నామా? అన్న అనుమానాలు కలుగక మానవు.


 
 నిప్పులు చెరిగిన వైఎస్సార్‌సీపీ నేతలు  
 
 రోజాను అవమానించిన వారిపై చర్యలు తీసుకోవాలి
 
 డీజీపీకి వినతిపత్రం
 
 సాక్షి, అమరావతి: జాతీయ మహిళా పార్లమెంట్‌కు వైఎస్సార్‌సీపీ ఎమ్మెల్యే ఆర్‌కే రోజాను ఆహ్వానించి, నిర్బంధించి అవమానిస్తారా? అని ఆ పార్టీ నేతలు ధ్వజమెత్తారు. గన్నవరం ఎయిర్‌పోర్టులో రోజాను పోలీసులు నిర్బంధించడాన్ని నిరసిస్తూ వైఎస్సార్‌సీపీ నాయకులు శనివారం విజయవాడలో బందరు రోడ్డు నుంచి డీజీపీ కార్యాలయం వరకు పాదయాత్ర నిర్వహించారు. పార్టీ సీనియర్‌ నేత, మాజీ మంత్రి కొలుసు పార్థసారథి, ఎమ్మెల్యేలు గిడ్డి ఈశ్వరి, గౌరు చరిత, మాజీ ఎమ్మెల్యేలు జోగి రమేష్, వెల్లంపల్లి శ్రీనివాస్, వైఎస్సార్‌ కాంగ్రెస్‌ ట్రేడ్‌ యూనియన్‌ రాష్ట్ర అధ్యక్షుడు పి.గౌతంరెడ్డి, వైఎస్సార్‌సీపీ మహిళా విభాగం రాష్ట్ర ప్రధాన కార్యదర్శి వరుదు కల్యాణి తదితరులు డీజీపీ నండూరి సాంబశివరరావును కలిసి, బాధ్యులపై చర్యలు తీసుకోవాలని కోరుతూ వినతిపత్రం అందజేశారు.
 
 అనంతరం డీజీపీ కార్యాలయం వద్ద రోడ్డుపై కొద్దిసేపు ఆందోళనకు దిగారు. కాగా సోషల్‌ మీడియాలో రోజా చేసిన వ్యాఖ్యల దృష్ట్యా ఆమెను  ఎయిర్‌పోర్టులో అదుపులోకి తీసుకున్నామని డీజీపీ సాంబశివరావు చెప్పారు. మహిళా పార్లమెంట్‌లో వివాదాస్పద వ్యాఖ్యలు చేయబోనని రోజా హామీ ఇస్తే.. సదస్సుకు అనుమతించే విషయాన్ని పరిశీలిస్తామన్నారు.  డీజీపీ వ్యాఖ్యలపై వైఎస్సార్‌సీపీ నాయకులు అభ్యంతరం వ్యక్తం చేశారు. కాగా సీపీఎం నేత మధు,సీపీఐ నేతలు నారాయణ, రామకృష్ణ, జనచైతన్య వేదిక రాష్ట్ర అధ్యక్షుడు వి.లక్ష్మణరెడ్డి ప్రభుత్వ తీరును తీవ్రంగా ఖండించారు.


 చౌటుప్పల్‌/ దామరచర్ల : వైఎస్సార్‌ కాం గ్రెస్‌ పార్టీ ఎమ్మెల్యే రోజాపై ఏపీ పోలీ సులు జులుం ప్రదర్శించారు. ఆమెను ప్రత్యేక బందోబస్తు నడుమ జిల్లా మీదు గా హైదరాబాద్‌కు 1.20 గంటల్లోనే తరలించారు. శనివారం మహిళా పార్లమెంట్‌ సదస్సుకు హాజరయ్యేందుకు వెళ్లిన రోజాను ఏపీ పోలీసులు అరెస్ట్‌ చేశా రు. ఏపీలో వైఎస్సార్‌ సీపీ, ఇతర ప్రజా సంఘాల ఆందోళన నేపథ్యంలో గుట్టుచప్పుడు కాకుండా ఆమెను తరలించినట్టు తెలుస్తోంది. పార్టీ కార్యకర్తలు అడ్డుకుంటారని ఇంటెలిజెన్స్‌ నివేదికల నేపథ్యంలో రోజా వాహనానికి వెనుకా ముందు మూడు వాహనాలతో పోలీసులు కాన్వాయిగా ఉండి అనుసరించారు.
 
 ఆమె వాహనం వెనుక వస్తున్న ఏపీ మీడియా ప్రతినిధులను సరిహద్దు రాష్ట్రం గుంటూరు జిల్లా దాచేపల్లి మం డలం వద్ద పోలీసులు నిలిపి వేశారు. స్థానిక పోలీసులకు సైతం సమాచారం ఇవ్వలేదు. చౌటుప్పల్‌ మండలం పంతంగి టోల్‌గేట్‌ వద్ద పాత్రికేయులను చూసిన రోజా కారును ఆపే ప్రయత్నం చేయగా.. మహిళా కానిస్టేబుళ్లు ఆమెను నిలువరించారు. అంతకంటే ముందు టోల్‌ఫ్లాజా సమీపంలోనే ఎస్కార్ట్‌ వాహనాలు వేగాన్ని నియంత్రించకుండానే వెళ్లాయి.   పాత్రికేయులు  ఆపేందుకు అనుమతించాలని కోరినా వినిపించుకోలేదు.  ఎమ్మెల్యే బయటకు కన్పించకుండా ఇన్నోవాకు ఉన్న అద్దాలకు తెరలు వేశారు.


 సాక్షి, హైదరాబాద్‌: అమరావతిలో జరుగుతున్న మహిళా సదస్సులో పాల్గొనడానికి వెళ్తున్న ఏపీ ఎమ్మెల్యే రోజాను అడ్డుకోవడం సరికాదని ఏఐసీసీ కార్యదర్శి వి.హనుమంతరావు అన్నారు. శనివారం ఆయన ఇక్కడ విలేకరులతో మాట్లాడుతూ మహిళా సాధికారత పట్ల ఏపీ సీఎం చంద్రబాబునాయుడుకు ఉన్న చిత్తశుద్ధి ఇదేనా అని ప్రశ్నించారు.
 
 కేవలం ప్రచారం, ఓట్ల కోసమే చంద్రబాబు ఇలాంటి సదస్సు నిర్వహించుకుంటున్నారన్నారు. మహిళలకు జరుగుతున్న అన్యాయాల గురించి మాట్లాడుతున్న ఎంపీ కవిత, రాష్ట్రంలో తన తండ్రి కేసీఆర్‌ కేబినెట్‌లో మహిళలకు స్థానమెందుకు లేదో చెప్పాలన్నారు. మహిళా సాధికారత గురించి మాట్లాడుతున్న కేంద్ర మంత్రి వెంకయ్యనాయుడుకు పక్క రాష్ట్రంలోని కేబినెట్‌లో మహిళలు లేరనే విషయం తెలియదా అని ప్రశ్నించారు.


 ⇒ ప్రతి సందర్భంలోనూ ఆమే టార్గెట్
 ⇒ ఆహ్వానించి.. మరీ అవమానమా?
 ⇒ మహిళలకు ఇదేనా మీరిచ్చే ప్రోత్సాహం
 ⇒ పోలీసులతో కిడ్నాప్ చేయించటం ఏమిటి!
 ⇒ విశాఖలో ప్రతిపక్ష నేతనూ ఇలాగే అడ్డుకున్నారు
 ⇒ సొంత ప్రచారం తప్ప.. ఈ సదస్సు వల్ల ఏ ప్రయోజం లేదు
 ⇒ వైఎస్ఆర్ సీపీ ఎమ్మెల్యే బుగ్గన రాజేంద్రనాథ్ రెడ్డి
  
 హైదరాబాద్: మహిళా సాధికారతకు తాము కృషి చేస్తున్నామని, వాళ్లకు సామాజిక, రాజకీయ, ఆర్థిక ప్రోత్సాహం ఇవ్వడానికే మహిళా పార్లమెంటు సదస్సు నిర్వహిస్తున్నట్లు చెబుతున్న ప్రభుత్వం.. ఒక మహిళా ఎమ్మెల్యేను ఆహ్వానించి మరీ పోలీసులతో కిడ్నాప్ చేయించడం ఏంటని పీఏసీ చైర్మన్, వైఎస్ఆర్‌సీపీ ఎమ్మెల్యే బుగ్గన రాజేంద్రనాథ్ రెడ్డి మండిపడ్డారు. నగరి ఎమ్మెల్యే ఆర్కే రోజాను గన్నవరం విమానాశ్రయంలోనే అడ్డుకుని అక్కడినుంచి పోలీసులతో బలవంతంగా తరలించిన వైనాన్ని తీవ్రంగా తప్పుబడుతూ ఆయన శనివారం హైదరాబాద్‌లోని పార్టీ ప్రధాన కార్యాలయంలో మీడియాతో మాట్లాడారు. ఒక శాసనసభ్యురాలిని ఆహ్వానించి, కమిటీలో సభ్యురాలిగా కూడా పెట్టి వచ్చినప్పుడు హాజరయ్యేందుకు కూడా అవకాశం లేకుండా కిడ్నాప్ చేసినట్లు తీసుకెళ్లడం ఏంటని ప్రశ్నించారు. ఫోన్‌లో కెమెరా ఆన్ చేసుకుని మాట్లాడుతుంటే వెనకాల నుంచి పోలీసులు ఆ ఫోన్‌ను కూడా లాగేసుకున్నారని, దానికి విజువల్స్ రూపంలో సాక్ష్యాలున్నాయని చెప్పారు. అసలిది ప్రజాస్వామ్యమేనా, భారతదేశంలోనే ఉన్నామా అని ప్రశ్నించారు. ఇంట్లో పెళ్లికి ఆడవాళ్లను పిలిపించుకుని, అదే పెళ్లికి వాళ్లను రాకుండా మధ్యలో ఆపేస్తే ఎంత చూడముచ్చటగా ఉంటుందో ఇది అలాగే ఉందని విమర్శించారు. శాసనసభ్యురాలిని అసలు ఎందుకు రానివ్వడం లేదని, మీ భయానికి కారణం ఏంటని సూటిగా ప్రశ్నించారు. 
  
 ఇంతకుముందు కూడా రోజాను అసెంబ్లీలో ఏవో వ్యాఖ్యలు చేశారన్న ఆరోపణతో సంవత్సరం పాటు సస్పెండ్ చేశారని, కోర్టు నుంచి ఆదేశాలు తీసుకొచ్చినా, మార్షల్స్‌ను పెట్టి కనీసం అసెంబ్లీ ప్రాంగణంలోకి కూడా రానివ్వకుండా ఆపారని అన్నారు. విశాఖపట్నంలో సీఐఐ సదస్సు జరుగుతుంటే, అదే రోజు వైఎస్ జగన్ మోహన్ రెడ్డిని సివిల్ పోలీసులు రన్ వే దగ్గరే ఆపేసి అటు నుంచి అటే మళ్లీ బలవంతంగా హైదరాబాద్‌కు పంపేశారని, అసలు ఎందుకంత భయపడుతున్నారని అడిగారు. ఒకరిద్దరు వ్యక్తులు వస్తేనే ఇంత భయపడాల్సిన అవసరం ఏముందని, మీలో ఏవో లోపాలు లేకపోతే భయం ఎందుకని అన్నారు. అన్ని రంగాల్లో మహిళలను పాల్గొనేందుకు ఉత్తేజపరచడానికి సదస్సు నిర్వహిస్తున్నామన్నారని, ఇదేనా ఉత్తేజపరచడమని నిలదీశారు. ఏదో నియంత పాలన ఉన్న దేశాల్లో జరుగుతున్నట్లుగా ఇక్కడ ఉందని, పోలీసు శాఖను ఇంత దారుణంగా ఎవరైనా వాడుకుంటారా అని అడిగారు. 
  
 సెల్ఫ్ ప్రమోషన్ కోసమే సదస్సు
 ఈ సదస్సు వల్ల లాభం ఏంటంటే.. రాష్ట్ర ప్రయోజనాల ముసుగులో  కేవలం సెల్ఫ్ ప్రమోషన్ మాత్రమేనని బుగ్గన విమర్శించారు. ఈ సదస్సులు కేవలం వ్యక్తిగత స్వార్థం కోసమే నిర్వహిస్తున్నారని చెప్పారు.  ఏమైనా అంటే తాము నిజాయితీగా ఉన్నామంటున్నారని, అమరావతిని చూస్తే అక్కడ చేసేదంతా రియల్ ఎస్టేట్ వ్యాపారమేనని ఎద్దేవా చేశారు. ఎక్కడైనా ప్రాజెక్టులలో కమీషన్లు తీసుకోవడం విన్నాం గానీ, కేవలం కమీషన్ల కోసమే కట్టినది పట్టిసీమ ప్రాజెక్టు అని మాజీ ఎంపీ ఉండవల్లి అరుణ్ కుమార్ విమర్శించిన విషయాన్ని గుర్తుచేశారు. పుష్కరాలకు 3500 కోట్లు ఖర్చుపెట్టామంటున్నారని, ఆ డబ్బుతో లెట్రిన్లు కట్టారా అని ప్రశ్నించారు. 
  
 అసలు సర్పంచి నుంచి ఎమ్మెల్యే వరకు ఎవరినైనా పనిచేయనిస్తున్నారా అని, ఏమైనా అంటే జన్మభూమి కమిటీలు అంటున్నారని మండిపడ్డారు. వితంతువులకు పింఛను కావాలంటే ఆ కమిటీ వాళ్లు లంచాలు తీసుకుంటున్నారని, రుణాలలో కూడా పర్సంటేజిలు అడుగుతున్నారని.. ఇలా అవినీతిని క్షేత్రస్థాయికి తీసుకెళ్లిపోయారని చంద్రబాబు ప్రభుత్వంపై విమర్శలు గుప్పించారు. నిజంగా మనం సరిగా పాలన చేస్తే ఫొటోలు జేబులో పెట్టుకోవక్కర్లేదని, అవి ప్రజల హృదయాల్లో ఉంటాయని చెప్పారు. ఇప్పుడు చేస్తున్న పనులకు ప్రభుత్వం నూరుశాతం మూల్యం చెల్లించుకోవాల్సిన పరిస్థితి వస్తుందని అన్నారు. ప్రజలకు అన్నిరకాలుగా ఇబ్బందులు కలిగించి, వాటిని తారస్థాయికి తీసుకెళ్తేనే గతంలోనూ విప్లవాలు వచ్చాయని, ఇప్పుడు కూడా అదే పరిస్థితి ఉందని తెలిపారు. ఓటు ద్వారా ప్రజలు నూటికి నూరుశాతం ఆ వ్యతిరేకతను చూపిస్తారని అన్నారు. 
  
  
 గవర్నర్ కు ఫిర్యాదు చేస్తాం..
 మీడియా ప్రశ్నలకు సమాధానం..
 ఎమ్మెల్యే రోజా సదస్సుకు వస్తే.. వివాదాస్పదం అవుతుందని పోలీసులు అంటున్నారని ఓ విలేకరి ప్రశ్నించగా.. ఊహను ప్రభుత్వం ఏ రకంగా పరిగనలోకి తీసుకుంటారని బుగ్గన ప్రశ్నించారు. మీలో భయం ఉండబట్టే ఇలాంటి పనులు చేస్తున్నారని, ఈ విషయంపై గవర్నర్ కు ఫిర్యాదు చేస్తామని ఆయన తెలిపారు. రెండున్నరేళ్ల నుంచి వ్యక్తిగత కక్షలతో వైఎస్ఆర్ సీపీ ఎమ్మెల్యేలను లక్ష్యంగా చేసుకోవటం దారుణమన్నారు.
  
  
 (చదవండి: టోల్ గేటును ఢీ కొట్టిన ఏపీ పోలీసులు)
  


 మహిళా లోకం కన్నెర్ర
 - ఎమ్మెల్యే రోజా పట్ల ప్రభుత్వ తీరుపై సర్వత్రా నిరసన
 - త్వరలోనే తగిన మూల్యం చెల్లించుకోక తప్పదని హెచ్చరిక
 - చంద్రబాబు బేషరతుగా క్షమాపణ చెప్పాలని డిమాండ్‌
  
 కర్నూలు(అర్బన్‌): ఎక్కడ స్త్రీలు గౌరవింపబడతారో, అక్కడ దేవతలు కొలువై ఉంటారనేది శాస్త్రం. అయితే మన రాష్ట్రంలో మాత్రం స్త్రీలకు కనీస గౌరవం కూడా దక్కడం లేదనేందుకు ఎమ్మెల్యే ఆర్‌కే రోజా పట్ల ప్రభుత్వం వ్యవహరించిన తీరు అద్దం పడుతోంది. రాష్ట్ర ప్రభుత్వం నిర్వహిస్తున్న మహిళా పార్లమెంటేరియన్ల సాధికార సదస్సుకు రోజాను ప్రభుత్వమే ఆహ్వానించి అవమానించిన ఘటనపై నారీ లోకం ఆగ్రహం వ్యక్తం చేస్తోంది. ఓ ఫ్యాక‌్షనిస్టు, టెర్రరిస్టును అరెస్ట్‌ చేసిన విధంగా సదస్సు జరిగే ప్రాంగణంలోకి అడుగు పెడుతున్న ఆమెను పోలీసులు అదుపులోకి తీసుకొని ఎక్కడికి తీసుకెళ్తున్నారో కూడా చెప్పకుండా హైదరాబాద్‌కు తరలించడం భావ స్వేచ్ఛను హరించడమేనని మహిళలు తీవ్ర ఆందోళన వ్యక్తం చేస్తున్నారు.
  
 రాష్ట్రంలో తెలుగుదేశం ప్రభుత్వం అధికారంలోకి వచ్చినప్పటి నుంచి మహిళలకు రక్షణ కరువైందనే అభిప్రాయం వ్యక్తమవుతోంది. చాలీచాలని జీతాలతో కడుపులు ఎలా నింపుకోవాలని అంగన్‌వాడీ కార్యకకర్తలు ధర్నాలు చేస్తే మహిళలనే కనీస విచక్షణ లేకుండా పోలీసులు లాఠీ ఝలిపించి పలువురిని గాయపరిచన ఘటన గతంలో కర్నూలులో చోటు చేసుకుంది. చంద్రబాబు అధికారంలోకి వచ్చిన తర్వాత మహిళలపై దాడులు అనేకం చోటు చేసుకుంటున్నాయని, అడ్డుకోవాల్సిన పోలీసులే ప్రేక్షక పాత్ర వహించడంతో దాడులు పునరావృతం అవుతున్నాయనే ఆరోపణలు వినిపిస్తున్నాయి.
  
 మహిళల హక్కులను కాల రాస్తున్నారు
 చంద్రబాబు రాష్ట్రంలో మహిళల హక్కులను కాల రాస్తున్నారు. మహిళా పార్లమెంటేరియన్ల సదస్సుకు ఎమ్మెల్యే రోజాను ఆహ్వానించి, అవమానించడం దారుణం. మహిళా సాధికార సదస్సులో ఎవరి భావాలను వారు వ్యక్తపరిచే హక్కు ఉంది. రోజాను అనధికారికంగా అరెస్ట్‌ చేసి హైదరాబాద్‌కు తీసుకురావడంలో పోలీసులు అత్యుత్సాహం ప్రదర్శించారు. స్పీకర్‌ కోడెల శివప్రసాద్, ముఖ్యమంత్రి చంద్రబాబు ప్రోద్బలంతోనే ఇదంతా జరిగింది.
 – శౌరీలు విజయకుమారి, వైఎస్సార్‌సీపీ మహిళా విభాగం జిల్లా అధ్యక్షురాలు
  
 చంద్రబాబు క్షమాపణ చెప్పాలి
 ఒక మహిళ అని చూడకుండా ఎమ్మెల్యే రోజా పట్ల ప్రభుత్వం, పోలీసులు  వ్యవహరించిన తీరు పట్ల ముఖ్యమంత్రి చంద్రబాబు బేషరతుగా రాష్ట్రంలోని మహిళలందరికి క్షమాపణ చెప్పాలి. రోజా పేరు వింటే చంద్రబాబుకు భయం పట్టుకుంది. వేదికపై మహిళా నేతల ఫొటోలు మచ్చుకైనా కనిపించకపోవడం పురుషాహంకార సమాజానికి నిదర్శనం.
 – పట్నం రాజేశ్వరి, మహిళా కాంగ్రెస్‌ జిల్లా అధ్యక్షురాలు
  
 పోలీసులు పచ్చ చొక్కాలు వేసుకుంటే సరి
 రాష్ట్రంలో మహిళలను అవమానించడం చంద్రబాబు ప్రభుత్వానికి కొత్తేమి కాదు. అధికారంలో ఉన్నామనే అహంతో తాము ఏమి చేసినా చెల్లుతుందనుకోవడం భ్రమ. జాతీయ సదస్సుకు ఇతర రాష్ట్రాలు, దేశాల నుంచి అతిథులను ఆహ్వానించిన ప్రభుత్వం మన రాష్ట్రానికి చెందిన మహిళా ప్రజా ప్రతినిధిని అవమానించడం క్షమించరాని విషయం. జరిగిన ఘటనపై పూర్తి స్థాయిలో విచారణ జరిపి బాధ్యులపై కఠిన చర్యలు తీసుకోవాలి.
 – అలివేలమ్మ, ఐద్వా జిల్లా కార్యదర్శి 
  
 మహిళలు తిరగబడే రోజు వస్తుంది
 ముఖ్యమంత్రి చంద్రబాబునాయుడు తీరు పట్ల మహిళలు తిరగబడే రోజు దగ్గర్లోనే ఉంది. ఒక మహిళా ఎమ్మెల్యేకే రక్షణ కరువైతే సామాన్యుల పరిస్థితి ఏంటి? మహిళలకు సంబంధించిన సదస్సుకు హాజరవుతున్న ఎమ్మెల్యే ఆర్‌కే రోజా తమ ప్రభుత్వ బండారాన్ని ఎక్కడ బయట పెడుతుందోననే భయంతోనే చంద్రబాబు పోలీసులను ఉసిగొలిపి అనధికారికంగా అరెస్ట్‌ చేయించారు. ఒక్క గొంతు నొక్కినంత మాత్రానా వాస్తవం ప్రజల్లోకి పోకుండా అడ్డుకోలేరు.
 - నాగేశమ్మ, ఏపీ మహిళా సంఘం జిల్లా కార్యదర్శి 
  


 గుంటూరు: జాతీయ మహిళా సదస్సుకు వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజాను ఆహ్వానించి.. మరీ నిర్బంధించిన ఏపీ ప్రభుత్వం తీరును ఆ పార్టీ అధికార ప్రతినిధి అంబటి రాంబాబు తీవ్ర తప్పబట్టారు. రోజాను ఆహ్వానించి మరీ అవమానించారని ఆయన మండిపడ్డారు. సీఎం చంద్రబాబు కోడలు బ్రాహ్మణితో మహిళా సదస్సులో మాట్లాడించి.. ఎమ్మెల్యే అయిన రోజాను ఎందుకు నిర్బంధించారని ఆయన ప్రశ్నించారు.
 
 ఈ సదస్సు మహిళల గౌరవాన్ని పెంచడానికి ఉపయోగపడేది కాదని ఈ చర్యతో తేలిపోయిందన్నారు. చంద్రబాబు పోలీసు వ్యవస్థను జేబు సంస్థగా వాడుకోవడం మంచిది కాదని హితవు పలికారు. వెంకయ్యనాయుడు డోలు నాయుడుగా మారిపోయారని ఎద్దేవా చేశారు. చంద్రబాబు, మోదీ గురించి డోలు కొట్టడమే వెంకయ్య పని అని పేర్కొన్నారు.
 
  


 కృష్ణా జిల్లా : వైఎస్సార్ కాంగ్రెస్‌ పార్టీ ఎమ్మెల్యే ఆర్‌కె రోజాను అరెస్ట్‌ చేయడం అక్రమమని వైఎస్సార్‌సీపీ సీనియర్‌ నేత కొలుసు పార్థసారథి అన్నారు. విజయవాడలో శనివారం ఆయన మీడియాతో మాట్లాడుతూ రోజాను తక్షణమే విడుదల చేయాలని డిమాండ్ చేశారు. లేకుంటే ప్రభుత్వం తగిన మూల్యం చెల్లించుకోక తప్పదని హెచ్చరించారు.
 
 మహిళా పార్లమెంటేరియన్ల సదస్సుకు వైఎస్‌​ఆర్సీపీ ఎమ్మెల్యే ఆర్కే రోజాను ఆహ్వానించి గన్నవరం ఎయిర్ పోర్టులోనే పోలీసులు నిర్బంధించిన విషయం తెలిసిందే. ప్రభుత్వ తీరుపై వైఎస్సార్‌ కాంగ్రెస్ పార్టీ నేతలు తీవ్రస్థాయిలో ఆగ్రహం వ్యక్తం చేస్తున్నారు. ఎమ్మెల్యే రోజాను ప్రభుత్వమే కిడ్నాప్‌ చేసిందని మాజీ ఎమ్మెల్యే వెల్లంపల్లి శ్రీనివాస్‌ ధ్వజమెత్తారు. ఆమెకు ఏమైనా జరిగితే పోలీసులు, సీఎం చంద్రబాబుదే బాధ్యత వహించాలన్నారు. మహిళా సదస్సుకు ఓ మహిళా ఎమ్మెల్యేను ఆహ్వానించి అడ్డుకోవడం దారుణమన్నారు. రోజా నిర్బంధం మహిళా లోకంపై దాడి అని వెల్లంపల్లి అభివర్ణించారు.
 
 ఎమ్మెల్యే రోజాను పోలీసులు ఆధీనంలోకి తీసుకోవడంపై వైఎస్సార్‌సీపీ నేతలు రాష్ట్ర డీజీపీ సాంబశివరావును కలవనున్నారు. దీనిపై నేతలు డీజీపీకి ఫిర్యాదు చేయనున్నారు. వైఎస్సార్‌సీపీ రాష్ట్ర మహిళా ప్రధాన కార్యదర్శి వరుదు కల్యాణి మాట్లాడుతూ చంద్రబాబు ప్రభుత్వానికి ఈవెంట్‌ మేనేజ్‌మెంట్‌పై ఉన్న శ్రద్ధ మహిళలపై లేదన్నారు. మహిళా ప‍్రజాప్రతినిధులను అవమానించడం, సమావేశాలను అడ్డుకోవడంపై ఆమె మం‍డిపడ్డారు. మహిళల పట్ల ప్రభుత్వానికి ఉన్న చులకన భావం బయటపడిందని కల్యాణి విమర్శించారు.
 
 సంబంధిత వార్తలు చదవండి. 
 1. ఎమ్మెల్యే రోజా నిర్బంధం
 2.తెలియని రోజా ఆచూకీ!


 
 పోలీసులు అదుపులోకి తీసుకున్న వైఎస్ఆర్‌సీపీ ఎమ్మెల్యే రోజా ఆచూకీ తెలియడం లేదు. గుంటూరు జిల్లా మేడికొండూరు దాటిన తర్వాత నుంచి ఫోన్‌కు కూడా అందుబాటులో లేకుండా పోయారు. పేరేచర్ల జంక్షన్ వద్ద పోలీసులు ఆమె పట్ల దురుసుగా ప్రవర్తించినట్లు తెలిసింది. మధ్యలో ఒకచోట రోజా పెద్దగా కేకలు పెట్టారని, రక్షణ కోసం పోలీసు వాహనం నుంచి కిందకు దిగేందుకు కూడా ప్రయత్నించారని కొందరు అంటున్నారు. ఆ ప్రయత్నంలో ఆమె కింద పడిపోయారని, కన్నీళ్లు కూడా పెట్టుకున్నారని చెబుతున్నారు. ఆ సమయంలో పోలీసులు బలవంతంగా ఆమెను మళ్లీ వాహనంలోకి తోసేశారని సమాచారం. తన పట్ల పోలీసుల దుష్ప్రవర్తనపై రోజా కన్నీళ్లు పెట్టుకున్నారు.
  
 విజయవాడలో బస చేయాల్సిన హోటల్‌కు తీసుకెళ్తున్నామని చెప్పి ఆమెను తీసుకెళ్లినట్లు తెలుస్తోంది. మేడికొండూరు పోలీసు స్టేషన్‌కు తీసుకెళ్తున్నట్లు చెప్పినా, తీరా అక్కడ చూస్తే ఆమె లేరు. మళ్లీ రోజాను సత్తెనపల్లి వైపు తీసుకెళ్తున్నట్లు సమాచారం అందింది. ఎక్కడో గన్నవరం విమానాశ్రయం నుంచి ఇప్పుడు సత్తెనపల్లి వరకు అంటే.. దాదాపు 90 కిలోమీటర్లకు పైగా దూరం ఒక మహిళా ఎమ్మెల్యేను ఎందుకు తీసుకెళ్లాల్సి వచ్చిందన్న ప్రశ్నలకు మాత్రం సమాధానం దొరకట్లేదు. 
 
 పోలీసులే రోజాను కిడ్నాప్ చేసి ఉంటారని వైఎస్ఆర్‌సీపీ నేతలు ఆరోపిస్తున్నారు. ఈ వ్యవహారంపై డీజీపీ సాంబశివరావును కలిసేందుకు నాయకులు వెళ్తున్నారు. మహిళా పార్లమెంటు సదస్సుకు హాజరయ్యేందుకు గన్నవరం విమానాశ్రయానికి చేరుకున్న రోజాను పోలీసులు అక్కడే అడ్డుకుని అదుపులోకి తీసుకున్న విషయం తెలిసిందే. ఆ తర్వాత ఆమెను ఎక్కడకు తీసుకెళ్తున్నదీ కూడా చెప్పకుండా పోలీసు వాహనంలో తరలించారు.