చిన్న కారు.. చిన్నబోతోందా? అవుననే అంటున్నాయి గణాంకాలు. భారతీయ ప్యాసింజర్‌ కార్ల రంగాన్ని పరుగెత్తించడంలో ఒకప్పుడు కీలక ‘ఇంజిన్ ’గా నిలిచిన చిన్న కార్ల అమ్మకాల్లో వేగం ఏటా తగ్గుతూ వస్తోంది. వీటి ఖరీదు ఏటా పెరుగుతూ వస్తుండడమే ఇందుకు కారణం. 2019–20లో ప్యాసింజర్‌ వాహన అమ్మకాలలో 46.5%గా ఉన్న చిన్న కార్ల వాటా 2023–24 నాటికి 27.7%కి వచ్చి చేరిందంటే పరిస్థితిని అర్థం చేసుకోవచ్చు. కొనసాగుతున్న ఈ క్షీణతపై దేశంలో అతిపెద్ద కార్ల తయారీ సంస్థ మారుతీ సుజుకీ ఇండియా ఆందోళన వ్యక్తం చేసింది. భారత వాహన పరిశ్రమకు పునాదిగా గతంలో నిలిచిన ఈ విభాగంలో డిమాండ్‌ను తిరిగి రేకెత్తించడానికి ప్రభుత్వం ప్రోత్సాహకాలు ఇవ్వాలని పిలుపునిచ్చింది. – సాక్షి, స్పెషల్‌ డెస్క్‌అంతవరకు ద్విచక్ర వాహనంతో తన కుటుంబాన్ని తీసుకెళ్లిన ఒక సామాన్యుడు.. చిన్న కారు కొనుక్కొని దాంట్లో తన కుటుంబాన్ని షికారుకో, ఊరికో వెళ్లడం ఒక ప్రెస్టీజ్‌గా భావించేవాడు. ధరలు కూడా తక్కువగా ఉండటంతో అప్పో సప్పో చేసి కారు కొనేసేవాడు. 5 ఏళ్ల కిందటి వరకు చిన్నకార్ల అమ్మకాలు ఇలాగే పెరిగాయి. కానీ, గత 5 ఏళ్లలో అనేక కారణాల వల్ల ధరలు పెరగడంతో చిన్న కార్ల అమ్మకాలకు పెద్ద బ్రేకే పడింది.భారీగా తగ్గిన చిన్నకార్ల వాటాదేశంలో 2018–19లో 15,53,598 చిన్నకార్లు అమ్ముడయ్యాయి. 2023–24లో ఈ సంఖ్య 11,68,592కి పడిపోయింది. మొత్తం ప్యాసింజర్‌ వాహనాల పరంగా చూస్తే.. 2018–19లో 33,77,389 అమ్ముడైతే.. 2023–24లో 42,18,746 వాహనాల అమ్మకాలు జరిగాయి. మొత్తం ప్యాసింజర్‌ వాహనాల్లో చిన్న కార్ల వాటా 46 నుంచి 27.7 శాతానికి తగ్గిపోయింది. ఇందులోనూ ఎంట్రీ లెవల్‌ కార్ల అమ్మకాలు భారీగా క్షీణిస్తున్నాయి. భారత ఆటోమొబైల్‌ తయారీదారుల సంఘం (సియామ్‌) లెక్కల ప్రకారం 2018–19లో ఎంట్రీ లెవల్‌ కార్లు (3.6 మీటర్ల వరకు పొడవు ఉండేవి) అన్ని కంపెనీలవి కలిపి దేశీయంగా 4,60,772 రోడ్డెక్కాయి. 2024–25లో ఈ సంఖ్య 1,33,397కు పడిపోయింది. భారత్‌లో అతిపెద్ద కార్ల తయారీ సంస్థ, ఈ విభాగంలో ఆధిపత్యం చెలాయిస్తున్న మారుతీ సుజుకీ కూడా అమ్మకాలు తగ్గినట్టు వెల్లడించింది. 2025 మే నెలలో ఆల్టో, ఎస్‌–ప్రెస్సో అమ్మకాలు.. గతేడాదితో పోలిస్తే 9,902 నుంచి 6,776 యూనిట్లకు పడిపోయాయి. క్రమంగా కనుమరుగు..చిన్న కార్ల అమ్మకాలను పునరుద్ధరించడానికి ప్రభుత్వ జోక్యం చాలా కీలకం. ద్విచక్ర వాహనాల నుంచి నాలుగు చక్రాల వాహనాలకు మారాలనుకునే మొదటిసారి కొనుగోలుదారులకు ప్రోత్సాహకాలు, పన్ను ప్రయోజనాలు ఇవ్వడం ద్వారా అమ్మకాలు మెరుగుపడే అవకాశం ఉంటుంది. కార్ల కొనుగోలు సమయంలో మూడు సంవత్సరాల థర్డ్‌–పార్టీ బీమా ఇప్పుడు తప్పనిసరి. పెద్ద కార్ల కొనుగోలుదారులకు ఇది భారం కాదు. కానీ, మొదటిసారి చిన్న కారు కొనే బడ్జెట్‌ కస్టమర్లను ఈ మొత్తం ఇబ్బంది పెడుతుంది. నియంత్రణ సంబంధ ప్రమాణాలను పాటిస్తూనే పోటీ ధరలను అందించడానికి, అమ్మకాల పరిమాణాన్ని పెంచడానికి వాహన తయారీ సంస్థలు కొత్త ఆవిష్కరణలు చేయాలని నిపుణులు అంటున్నారు. డిమాండ్‌ పెరిగేనా?ప్రస్తుత ఆర్థిక సంవత్సరంలో ఎంట్రీ–లెవల్‌ కార్లకు డిమాండ్‌ పెరుగుతుందని పరిశ్రమ ఆశిస్తోంది. సంవత్సరానికి రూ.12 లక్షల వరకు ఆదాయంపై పన్ను మినహాయిస్తూ ఇటీవల బడ్జెట్‌లో చేసిన ప్రతిపాదన కారణంగా ఈ ఆదాయ వర్గాలు ఎక్కువగా ఖర్చు చేస్తాయని కంపెనీలు ఆశిస్తున్నాయి. అంతేకాకుండా ఫిబ్రవరి, ఏప్రిల్, తాజాగా ఈ నెలలో రిజర్వ్‌ బ్యాంక్‌ వడ్డీ రేట్లను తగ్గించింది. తద్వారా లోన్లపై వడ్డీ భారం ఆ మేరకు తగ్గడం కస్టమర్లకు కలిసి వచ్చే అంశం. అయితే కొత్త మోడళ్లు భారం అని భావించే ఎంట్రీ లెవల్‌ కొనుగోలుదారులు పాత కార్లను ఎంచుకోవచ్చు. ఉదాహరణకు కొత్త మారుతీ ఆల్టో కే10 బేసిక్‌ వేరియంట్‌ ధర హైదరాబాద్‌ ఎక్స్‌షోరూమ్‌లో 2019లో సుమారు రూ.3.4 లక్షలు. 2025లో ఇది రూ.4.23 లక్షలకు చేరింది. అంటే ధర 25% పెరిగిందన్నమాట. కొత్త సబ్‌ కాంపాక్ట్‌ మోడళ్లకు వెచ్చించే ధరలో పెద్ద, మరిన్ని ఫీచర్లు కలిగిన పాత కార్లు ఇప్పుడు లభిస్తున్నాయి. జపాన్ ను అనుసరిస్తే..భారత్‌లో 1,000లో కేవలం 34 మంది వద్ద మాత్రమే ప్రస్తుతం కార్లు ఉన్నాయి. ఈ నేపథ్యంలో కార్ల అమ్మకాలు పెంచేందుకు.. కొనుగోలుదారులు ద్విచక్ర వాహనాల నుంచి కార్లకు అప్‌గ్రేడ్‌ అయ్యే విషయంలో ఇతర దేశాలు అనుసరిస్తున్న విధానాలను భారత ప్రభుత్వం అధ్యయనం చేయాల్సిన అవసరం ఉంది. కొనుగోలుదారులు కార్లకు అప్‌గ్రేడ్‌ అవ్వడానికి జపాన్ లో ‘కేయ్‌’ కార్లు సహాయపడ్డాయి. పెద్ద కార్లతో పోలిస్తే జపనీస్‌ కొనుగోలుదారులు కేయ్‌ మోడళ్లపై తక్కువ పన్ను, బీమా చెల్లిస్తున్నారు. దీనివల్ల యాజమాన్య ఖర్చులు తగ్గుతాయి. జపాన్ లో అమ్ముడవుతున్న అన్ని కార్లలో కేయ్‌ మూడవ వంతు కలిగి ఉన్నాయంటే మార్పు ఏ స్థాయిలో ఉందో అర్థం చేసుకోవచ్చు. కొనుగోలు సవాళ్లను పరిష్కరించడానికి చిన్న, పెద్ద కార్లను ప్రభుత్వం వేర్వేరుగా పరిగణించాలని నిపుణులు అంటున్నారు. ‘భారత్‌లో కార్ల కొనుగోళ్లు ఎక్కువగా రూ.12 లక్షలకుపైగా వార్షిక ఆదాయం ఉన్న 12% కుటుంబాలకే పరిమితం అయ్యాయి. మిగిలిన 88% మంది కుటుంబాలు చిన్న కారును కూడా సొంతం చేసుకోలేని స్థితిలో ఉన్నాయి’ అని మారుతీ సుజుకీ ఇండియా చైర్మన్‌ ఆర్‌.సి.భార్గవ కొద్ది రోజుల క్రితం చేసిన వ్యాఖ్యలు చర్చకు దారితీసిన సంగతి తెలిసిందే.

న్యూఢిల్లీ: పరిమాణం, మార్కెట్‌ వాటాలో భారత్‌లో అతిపెద్ద కార్ల తయారీ దిగ్గజం మారుతీ సుజుకీ ఇండియా ఎలక్ట్రిక్‌ వెహికిల్స్‌ (ఈవీ) విభాగంపై దృష్టి సారిస్తోంది. దేశీయ ఈవీ మార్కెట్లో కంపెనీ ఎంట్రీ కాస్త ఆలస్యం అయిన సంగతి తెలిసిందే. ‘ఈవీ మార్కెట్‌ను అధ్యయనం చేస్తున్నాం. మా పోటీదారుల ఉత్పత్తులు ఎలా పనిచేశాయో చూశాం. భారతీయ మార్కెట్‌కు ఏమి అవసరమో మాకు తెలుసు. అంతర్జాతీయంగా సుజుకీ కార్పొరేషన్‌కు ఎలక్ట్రిక్‌ వెహికిల్స్‌తోపాటు ఇతర అన్ని మోడళ్లకు ఉత్పత్తి కేంద్రంగా భారత్‌ ఉంటుంది. ఉత్పత్తిలో దాదాపు 50 శాతం జపాన్, యూరప్‌కు ఎగుమతి చేస్తాం’ అని సుజుకీ మోటార్‌ కార్పొరేషన్‌ ప్రెసిడెంట్, రిప్రజెంటేటివ్‌ డైరెక్టర్‌ తొషిహిరో సుజుకీ గురువారం వెల్లడించారు. భారత్‌ మొబిలిటీ ఎక్స్‌పో నేటి (జనవరి 17) నుంచి ప్రారంభం అవుతున్న సందర్భంగా ఆయన మీడియాతో మాట్లాడారు. చిన్న ఎలక్ట్రిక్‌ కార్లు.. ఎస్‌యూవీలపై ప్రధానంగా దృష్టి సారిస్తూ భారత ప్యాసింజర్‌ వాహన మార్కెట్లో 50 శాతం మార్కెట్‌ వాటాను.. అలాగే ఈవీ విపణిలో అగ్రశ్రేణి వాటాను పొందాలని చూస్తున్నట్లు తొషిహిరో సుజుకీ వెల్లడించారు. ఎస్‌యూవీలను కస్టమర్లు డిమాండ్‌ చేస్తున్నందున భారతీయ మార్కెట్లో ఎలక్ట్రిక్‌ ఎస్‌యూవీ ఈ–విటారాతో ఈవీ ప్రయాణం ప్రారంభం అవుతుందని ఆయన చెప్పారు. వినియోగానికి కాంపాక్ట్‌ ఈవీలు ఉత్తమంగా సరిపోతాయని సుజుకీ అన్నారు. ఈవీ విభాగంలో కంపెనీ నుంచి తదుపరి మోడల్‌ చిన్న కారు వచ్చే అవకాశం ఉందని ఆయన మాటలనుబట్టి సుస్పష్టం అవుతోంది. కస్టమర్‌ అవసరాలను అధ్యయనం చేస్తున్నామని, ఇంటర్నల్‌ కంబషన్‌ ఇంజన్‌ కార్లు ట్యాంక్‌ ఇంధనంతో దాదాపు 500 కిలోమీటర్ల పరిధిని ఇస్తాయని సుజుకీ తెలిపారు. ఈ దూరాన్ని ఆచరణ సాధ్యం చేయడానికి ఈ–విటారాను సన్నద్ధం చేస్తున్నట్టు చెప్పారు. భారత్‌ మండపం వేదికగా ఈ–విటారాను కంపెనీ శుక్రవారం (నేడు) ఆవిష్కరిస్తోంది. టాటా నెక్సాన్‌ ఈవీతో పాటు హ్యుండై క్రెటా ఎలక్ట్రిక్, ఎంజీ జడ్‌ఎస్‌ ఈవీలకు ఈ–విటారా పోటీ ఇవ్వనుంది. ఇంకా డిమాండ్‌ ఉంది.. అమ్మకాలు క్షీణిస్తున్నప్పటికీ భారత్‌లో చిన్న కార్లు నిలిచిపోవని సుజుకీ అన్నారు. ‘సుజుకీ కార్పొరేషన్‌ అనుబంధ సంస్థ మారుతీ సుజుకీ ఇండియా భారత్‌లో మార్కెట్‌ లీడర్‌గా ఉంది. ద్విచక్ర వాహనాల నుండి నాలుగు చక్రాల వాహనాలకు అప్‌గ్రేడ్‌ అయ్యే అవకాశం ఉన్న 100 కోట్ల మంది ప్రజలకు భవిష్యత్తులో ఇంకా సరసమైన చిన్న కార్లు అవసరం అని విశ్వసిస్తున్నాం. ఈ–విటారా పట్ల కస్టమర్ల నుండి అభిప్రాయాన్ని, ప్రతిస్పందనను అర్థం చేసుకుంటాం. ఆ తర్వాతే చిన్న ఎలక్ట్రిక్‌ కార్ల ప్రణాళికలతో ముందుకు సాగుతాం’ అని వివరించారు. కాగా, మారుతీ సుజుకీ ఇండియా 2024లో 3.24 లక్షల యూనిట్లను ఎగుమతి చేసింది. ఇప్పటి వరకు ఇదే అత్యధికం. ఎలక్ట్రిక్‌ యాక్సెస్‌ సైతం.. సుజుకీ మోటార్‌సైకిల్‌ ఇండియా ఎలక్ట్రిక్‌ స్కూటర్‌ ఈ–యాక్సెస్‌ను భారత్‌ మొబిలిటీ గ్లోబల్‌ ఎక్స్‌పో సందర్భంగా ఆవిష్కరిస్తోంది. సుజుకీ ఇప్పటికే భారత్‌లో పెట్రోల్‌ వర్షన్‌ యాక్సెస్‌–125 విక్రయిస్తోంది. భారతీయుడు కూడా సుజుకీ మోటార్‌ ప్రెసిడెంట్‌ కావచ్చు..మారుతీ సుజుకీ ఇండియా ఎండీ, సీఈవో ఎవరైనా కావొచ్చని, ఇక్కడ జాతీయత ఒక అంశం కాదని తొషిహిరో సుజుకీ అన్నారు. భారతీయుడు కూడా సుజుకీ మోటార్‌ కార్పొరేషన్‌ ప్రెసిడెంట్‌ పదవి చేపట్టవచ్చని స్పష్టం చేశారు. తన తండ్రి దివంగత ఒసాము సుజుకీ 40 సంవత్సరాల క్రితం భారత్‌ వచ్చారని, ఈ మార్కెట్‌ యొక్క అసలైన సామర్థ్యాన్ని ఎవరూ ఊహించలేదని వివరించారు. అయినప్పటికీ భారతదేశం మరియు ఇక్కడి ప్రజలపై ఆయనకు పూర్తి విశ్వాసం ఉందన్నారు. నేడు భారతీయ ఆటోమోటివ్‌ పరిశ్రమ ప్రపంచంలో మూడవ అతిపెద్ద మార్కెట్‌గా అభివృద్ధి చెందిందని గుర్తు చేశారు. 2003లో లిస్టింగ్‌ అయినప్పటి నుండి మారుతీ సుజుకీ ఇండియా చైర్మన్‌ అలాగే ఎండీ, సీఈవో పదవులను భారతీయ, జపాన్‌ ఎగ్జిక్యూటివ్‌లు అలంకరిస్తున్నారు.

న్యూఢిల్లీ: ఆటోమొబైల్‌ దిగ్గజం మారుతీ సుజుకీ ఇండియా గతేడాది అక్టోబర్‌తో పోలిస్తే ఈ ఏడాది అక్టోబర్‌లో ప్యాసింజర్‌ కార్ల ఉత్పత్తిని 16 శాతం తగ్గించింది. అయితే, యుటిలిటీ వాహనాల ఉత్పత్తిని 33 శాతం పెంచింది. అక్టోబర్‌లో ప్యాసింజర్‌ కార్ల ఉత్పత్తి 1,06,190 యూనిట్ల నుంచి 89,174 యూనిట్లకు తగ్గినట్లు స్టాక్‌ ఎక్సే్చంజీలకు కంపెనీ తెలిపింది. మరోవైపు, బ్రెజా, ఎర్టిగా, ఫ్రాంక్స్, జిమ్నీ, ఎక్స్‌ఎల్‌6 వంటి యుటిలిటీ వాహనాలతో పాటు టయోటా కిర్లోస్కర్‌ మోటర్స్‌కి సఫరా చేసే వాహనాల ఉత్పత్తిని 54,316 యూనిట్ల నుంచి 72,339 యూనిట్లకు పెంచినట్లు పేర్కొంది. మినీ కార్లు అయిన ఆల్టో, ఎస్‌–ప్రెసో మొదలైన వాటి ఉత్పత్తి 14,073 యూనిట్ల నుంచి 12,787 యూనిట్లకు తగ్గింది. అటు బాలెనో, సెలీరియో, డిజైర్, ఇగి్నస్, స్విఫ్ట్, వ్యాగన్‌ఆర్‌తో పాటు టయోటా కిర్లోస్కర్‌ మోటర్స్‌కి కూడా సరఫరా చేసే కాంపాక్ట్‌ కార్ల ఉత్పత్తి 90,783 నుంచి 75,007 యూనిట్లకు తగ్గింది.

ఆన్‌లైన్‌ గేమింగ్‌  కంపెనీలు, బీమా , తదితర కంపెనీలు షోకాజ్‌ నోటీసుల తరువాత తాజాగా  ఆటోమొబైల్ మేజర్ మారుతీ సుజుకి ఇండియాకి జీఎస్‌టీ షాక్‌ తగిలింది. వడ్డీ , పెనాల్టీలతో పాటు రివర్స్ ఛార్జ్ ప్రాతిపదికన నిర్దిష్ట సేవలపై పన్ను బాధ్యతకు సంబంధించి రూ. 139.3 కోట్లు చెల్లించాలంటూ జీఎస్‌టీ అధికారులు కంపెనీకి షోకాజ్‌ నోటిసులు పంపించారు. అయితే దీనిపై స్పందించిన మారుతి ఇప్పటికే చెల్లించిన పన్నుకు,  2017 జూలై -2022 ఆగస్టు వరకు నిర్దిష్ట సేవలపై రివర్స్ ఛార్జ్ విషయానికి సంబంధించిన నోటీసు అని కంపెనీ తెలిపింది.  "అడ్జుడికేటింగ్ అథారిటీ ముందు షోకాజ్ నోటీసుకు తమ జవాబును ఫైల్‌ చేయనున్నామని, అలాగే ఈ నోటీసు తమ ఆర్థిక, కార్యకలాపాలు లేదా ఇతర కార్యకలాపాలపై ఎటువంటి ప్రభావం ఉండదని కంపెనీ రెగ్యులేటరీ ఫైలింగ్‌ సమాచారాన్ని అందించింది. అలాగే  2006 జూన్ నుండి మార్చి 2011 మధ్య కాలంలో సెంట్రల్ ఎక్సైజ్ డిపార్ట్‌మెంట్ దాఖలు చేసిన అప్పీళ్లు కొట్టివేస్తూ పంజాబ్ అండ్‌ హర్యానా హైకోర్టు నుండి తమకు అనుకూలమైన ఉత్తర్వు లభించిందని కంపెనీ తెలిపింది.  దీనిపై జరిమానాను కూడా కోర్టు  తొలగించినట్టు వెల్లడించింది. డిపార్ట్‌మెంట్ అప్పీల్‌లో పెనాల్టీ తోకలిపి మొత్తం పన్ను  రూ. 57.2 కోట్లు. కాగా మారుతీ ఈ ఏడాది ఆగస్టు అత్యధిక నెలవారీ అమ్మకాల్లో1,89,082 యూనిట్లతో కీలక మైలురాయిని సాధించింది. వివిధ సబ్-సెగ్మెంట్ మోడల్‌లతో సహా దేశీయ విక్రయాలలో 1,58,678 యూనిట్లను నమోదు చేసింది.  తన మొత్తం లైనప్‌లో పూర్తి స్వదేశీకరణ లక్ష్యంగా పెట్టుకుంది. ప్యాసింజర్ వెహికల్ (PV) మార్కెట్ లీడర్‌గా ఉన్న మారుతి ఇప్పటికీ కొన్ని కీలకమైన భాగాలు, ముఖ్యంగా సెమీకండక్టర్ చిప్‌ల దిగుమతులపై ఆధారపడి ఉన్నప్పటికీ, దేశీయ ఎలక్ట్రానిక్స్ తయారీపై పట్టు సాధిస్తే,విదేశీ మార్కెట్లపై ఆధారపడటాన్ని తగ్గించుకోవచ్చని కంపెనీ విశ్వసిస్తోంది.

న్యూఢిల్లీ: ఈ ఏడాది పండుగల సీజన్‌లో రికార్డు స్థాయిలో అమ్మకాలు ఉంటాయని మారుతీ సుజుకీ ఇండియా, హ్యుందాయ్‌ మోటార్‌ ఇండియా అంచనా వేస్తున్నాయి. పరిశ్రమ వార్షిక అమ్మకాల్లో పండుగల సీజన్‌ వాటా సగటున 23–26 శాతంగా ఉందని మారుతీ సుజుకీ ఇండియా మార్కెటింగ్, సేల్స్‌ సీనియర్‌ ఎగ్జిక్యూటివ్‌ ఆఫీసర్‌ శశాంక్‌ శ్రీవాస్తవ మంగళవారం జరిగిన సియామ్‌ సదస్సులో తెలిపారు. ప్రస్తుత ఆర్థిక సంవత్సరంలో దేశవ్యాప్తంగా అన్ని కంపెనీలవి కలిపి 40.5–41 లక్షల యూనిట్లు అమ్ముడవుతాయని చెప్పారు. ఇందులో పండుగల సీజన్‌ వాటా 10 లక్షల యూనిట్లు ఉంటుందన్నారు. ప్యాసింజర్‌ వెహికిల్స్‌ పరిశ్రమ తొలిసారిగా 10 లక్షల యూనిట్ల మార్కును చేరుకుంటుందని వెల్లడించారు. ఇప్పటి వరకు దేశంలో 2021లో అత్యధికంగా పండుగల సీజన్‌లో 9.34 లక్షల యూనిట్లు నమోదయ్యాయని వివరించారు.   ఆ రెండూ జరగకపోతేనే..  ఓనమ్‌ విక్రయాల్లో 24 శాతం వృద్ధి సాధించామని శ్రీవాస్తవ పేర్కొన్నారు. గతేడాది 3.55 లక్షల యూనిట్లతో పోలిస్తే 2023 సెపె్టంబరులో 3.61 లక్షల యూనిట్ల హోల్‌సేల్‌ అమ్మకాలు ఆశిస్తున్నట్టు చెప్పారు. గ్రామీణ సెంటిమెంట్‌ను ప్రభావితం చేసే అధిక వడ్డీ రేట్లు, రుతుపవనాల లోటు వృద్ధికి అడ్డుకట్ట అని తెలిపారు. ఇవి రెండూ జరగకపోతే ఉపశమనం లభిస్తుందని అన్నారు. ‘వడ్డీ రేట్లు పెరగకూడదు. ఆహార ద్రవ్యోల్బణం ఎక్కువగా ఉంటే అవి పెరిగే అవకాశం ఉంది. ప్రస్తుతం మైనస్‌ 8 శాతంగా నమోదవుతున్న వర్షపాతం కారణంగా గ్రామీణుల మనోభావాలు దెబ్బతినకూడదు’ అని ఆయన పేర్కొన్నారు.   హుందాయ్‌ వృద్ధి 9 శాతం..  గతేడాదితో పోలిస్తే పండుగల సీజన్‌లో 9 శాతం వృద్ధి ఆశిస్తున్నట్టు హుందాయ్‌ మోటార్‌ ఇండియా సీవోవో తరుణ్‌ గర్గ్‌ తెలిపారు. ఈ ఏడాది అర్ధ భాగం విక్రయాల్లో ఎస్‌యూవీల వాటా 54 శాతం నమోదైందన్నారు. ఎక్స్‌టర్‌ రాకతో జూలై, ఆగస్ట్‌లో ఇది 64 శాతానికి ఎగసిందని చెప్పారు. వెయిటింగ్‌ పీరియడ్‌ తగ్గిందని, తద్వారా సమయానికి డెలివరీలు అందించేందుకు వీలవుతోందని చెప్పారు. బలమైన తాజా డిమాండ్‌ రాబోయే కాలానికి మంచి సూచిక అన్నారు. పరిస్థితులు సానుకూలంగా ఉన్నాయని వివరించారు.  

TopUpcomingCars: పండుగల సీజన్ సమీపిస్తున్నతరుణంలో భారత మార్కెట్లోకి కొత్త కార్లు హల్‌చల్‌ చేస్తున్నాయి. వినాయక చవితి దసరా, దీపావళి రోజుల్లో కొత్త వాహనాలను కొనుగోలు చేయడం ఆనవాయితీగా వస్తోంది. పండుగల సీజన్ కార్ల డిమాండ్‌ నేపథ్యంలో అనేక కంపెనీలు అత్యాధునిక ఫీచర్లు, బడ్జెట్‌, ఈవీ కార్లు ఇలా రకరకాల సెగ్మె​ంట్‌లలో కార్లను లాంచ్‌ చేస్తుంటారు. ఒకవేళ మీరు కూడా ఈ పండుగ సీజన్‌లో కొత్త కారును కొనుగోలు చేయాలనుకుంటున్నట్లయితే, రానున్న రాబోయే మోడళ్ల  కార్లను ఓసారి చూద్దాం! Maruti suzuki invicto మారుతి సుజుకి ఇండియా తన లీడర్ మోడల్ - మారుతి సుజుకి ఇన్విక్టో ఎమ్‌పివిని జీటా  ఆల్ఫా అనే రెండు వేరియేషన్లలో అందుబాటులో ఉంది. మారుతి ఇన్విక్టో ఎలక్ట్రిక్ ఇంజిన్‌తో సరిపోలిన 2.0-లీటర్ పెట్రోల్ మోటారును పొందుతుంది. ఎలక్ట్రిక్ మోటార్ 11 బిహెచ్‌పి ,206 ఎన్ఎమ్ టార్క్‌ను ఉత్పత్తి చేస్తుంది, ఐసిఇ వెర్షన్ 172 బిహెచ్‌పి మరియు 188 ఎన్ఎమ్ టార్క్‌ను కలిగి ఉంది.   ధర రూ. రూ. 24.79 లక్షలు 28.42 లక్షలు (ఎక్స్‌ షోరూం) Honda Elevate హోండా ఎలివేట్ వచ్చే నెల (  సెప్టెంబరు) లో దేశంలో  సేల్‌ కు రానుంది.హోండా ఎలివేట్  1.5L NA పెట్రోల్ ఇంజన్‌తో  6-స్పీడ్ MT , CVT అనే రెండు ట్రాన్స్‌మిషన్ ఆప్షన్స్‌లో లభ్యం. దీని ధర రూ. 10.50-17 లక్షలు ఉంటుందని అంచనా. ఇది హ్యుందాయ్ క్రెటా, కియా సెల్టోస్, మారుతి సుజుకి గ్రాండ్ విటారా, టయోటా అర్బన్ క్రూయిజర్ హైడర్, వోక్స్‌వ్యాగన్ టైగన్, స్కోడా కుషాక్, MG ఆస్టర్  లాంటివాటికి  గట్టి పోటీగా ఉండనుంది.   Citroen C3 Aircross  సిట్రోయెన్ సీ3 ఎయిర్‌క్రాస్: 7-సీటర్ SUVని కొనుగోలు చేయాలనుకుంటున్నట్లయితే, సిట్రోయెన్ C3 ఎయిర్‌క్రాస్  బెస్ట్‌ ఆప్షన్‌. బోల్డ్ స్టైలింగ్‌తో, బెస్ట్‌ ఇంటీరియర్‌తో వస్తోంది. అయితే ఇది  1.2L టర్బో-పెట్రోల్ కేవలం ఒక ఇంజన్ ఎంపిక మాత్రమే లభ్యం. దీని ధర రూ. 9-13 లక్షలు ఉంటుందని అంచనా. Toyota Rumion మరో 7-సీటర్ కారు టయోటా రూమియన్.  ఈమధ్యనే లాంచ్‌ అయినా ఈ కారు  త్వరలోనే కొనుగోలుకు అందుబాటులోకి రానుంది.  విజువల్ ఫ్రంట్‌లో కొన్ని మార్పులను కలిగి ఉంది. అలాగే రేడియేటర్ గ్రిల్ సవరించిన బంపర్‌తో కొత్తగానూ, అల్లాయ్ వీల్స్ కూడా తాజా డిజైన్‌ను కలిగి ఉన్నాయి. టయోటా లోగో మినహా లోపలి భాగంలో  అంతా సేమ్‌.  Tata Punch EV SUV  టాటా పంచ్ ఈవీ టియాగో ఈవీ తరహాలో ఇదే ఆర్కిటెక్చర్‌తో పంచ్ ఈవీని విడుదల చేయడానికి  టాటా మోటార్స్  సన్నాహాలు చేస్తోంది. ఇది  జిప్‌ట్రాన్ సాంకేతికతతో బానెట్ కింద ఉంచబడిన ఎలక్ట్రిక్ మోటారుతో  వస్తోంది. 350 కిమీల పరిధితో లాంచ్‌ కానుంది. దీని ధర రూ. 9-12 లక్షలు ఉంటుందని అంచనా. Tata Nexon facelift  ప్రమోషనల్ షూట్‌లో అందరి దృష్టినీ ఆకర్షించిన టాటా నెక్సాన్ ఫేస్‌లిఫ్ట్ ఇండియన్ మార్కెట్లో అమ్మకానికి సిద్ధంగా ఉంది. ఈ సంవత్సరం చివరి నాటికి ఇది మార్కెట్‌లోకి వస్తుందని తొలుత అనుకున్నప్పటికీ  పండుగ సీజన్‌లోనే దాదాపు అక్టోబరులోనే దీన్ని లాంచ్ చేస్తుందని తాజా అంచనా.దీని ధర రూ. 8-15 లక్షలు ఉంటుందని అంచనా. Volvo C40 Recharge వోల్వో సీ40 రీఛార్జ్ (VolvoC40)  XC40 రీఛార్జ్  SUV-కూపే వెర్షన్.  మెరుగు పర్చిన 78kWh బ్యాటరీ ప్యాక్‌తో,530కిమీ పరిధిని అందిస్తుంది. 408PSతో డ్యూయల్-మోటార్ AWD కారణంగా   4.7 సెకన్లలో 100kmph  వరకు దూసుకెళ్తుంది. అంచనా ధర  రూ. 60 లక్షలు (ఎక్స్-షోరూమ్) సెప్టెంబరు 4న లాంచింగ్‌  

హైదరాబాద్, బిజినెస్‌ బ్యూరో: నెక్సా రిటైల్‌ చైన్ల ద్వారా ఇప్పటి వరకు 20 లక్షల కార్లు రోడ్డెక్కాయని మారుతీ సుజుకీ ఇండియా ప్రకటించింది. ప్రీమియం కార్ల విక్రయాల కోసం 2015లో నెక్సా కేంద్రాలను కంపెనీ ప్రారంభించింది. బలేనో, ఇగ్నిస్, సియాజ్, ఎక్స్‌ఎల్‌6, గ్రాండ్‌ వితారా మోడళ్లు ఇక్కడ కొలువుదీరాయి. త్వరలో మార్కెట్లోకి రానున్న ఎస్‌యూవీలు ఫ్రాంక్స్, జిమ్నీ సైతం వీటి సరసన చేరనున్నాయి. ఇతర మోడళ్లను అరీనా ఔట్‌లెట్ల ద్వారా విక్రయిస్తున్నారు. హ్యుండై, టాటా మోటార్స్‌ విక్రయాల కంటే నెక్సా కేంద్రాల ద్వారా వచ్చే ఏడాది అధిక యూనిట్లను నమోదు చేయాలన్నది లక్ష్యమని కంపెనీ మార్కెటింగ్, సేల్స్‌ సీనియర్‌ ఎగ్జిక్యూటివ్‌ ఆఫీసర్‌ శశాంక్‌ శ్రీవాస్తవ తెలిపారు.   రెండవ స్థానం దిశగా.. తొలి 10 లక్షల యూనిట్లకు నాలుగేళ్లు, ఆ తర్వాతి 10 లక్షల యూనిట్లకు మూడేళ్ల సమయం పట్టిందని శశాంక్‌ వెల్లడించారు. ‘ప్రస్తుతం మారుతీ సుజుకీ అరీనా, హ్యుండై, టాటా మోటార్స్‌ తర్వాత నెక్సా నాల్గవ స్థానంలో ఉంది. వచ్చే ఏడాది రెండవ స్థానానికి చేరుతుంది. సంస్థ మొత్తం విక్రయాల్లో 47 శాతం వృద్ధితో నెక్సా వాటా 23 శాతం ఉంది. దేశీయ ప్యాసింజర్‌ కార్ల రంగంలో నెక్సా 10 శాతం వాటా కైవసం చేసుకుంది. ఈ ఔట్‌లెట్ల ద్వారా గత ఆర్థిక సంవత్సరంలో 2.55 లక్షల యూనిట్లు అమ్ముడయ్యాయి. 2022–23లో 3.7 లక్షల యూనిట్లు ఆశిస్తున్నాం. వచ్చే ఆర్థిక సంవత్సరంలో కొత్త మోడళ్లు, గ్రాండ్‌ వితారా కారణంగా నెక్సా నుంచి 6 లక్షల యూనిట్ల మార్కును చేరుకుంటాం’ అని వివరించారు.   పరిశ్రమ కంటే మెరుగ్గా.. 2023–24లో ప్యాసింజర్‌ వాహన పరిశ్రమ వృద్ధి 5–7.5 శాతం ఆశిస్తున్నామని శశాంక్‌ తెలిపారు. ‘పరిశ్రమలో ప్రస్తుత ఆర్థిక సంవత్సరంలో 38.9 లక్షల యూనిట్లు, 2023–24లో 41 లక్షల యూనిట్ల అమ్మకాలు నమోదు కావొచ్చు. ఆర్థిక వృద్ధి, రుతుపవనాల సరళి, గ్రామీణ మార్కెట్‌పై దాని ప్రభావం, వడ్డీ రేట్ల పెరుగుదల, నగదు లభ్యత స్థాయిలు, పరిస్థితులకు తగ్గట్టుగా వాహన తయారీ కంపెనీలు చేపట్టిన ధరల పెంపు వంటి అంశాల ఆధారంగా ఈ వృద్ధి ఆధారపడి ఉంటుంది. పరిశ్రమ కంటే మెరుగైన వృద్ధిని మారుతీ సుజుకీ ఆశిస్తోంది’ అని పేర్కొన్నారు.

సాక్షి, ముంబై:  ఆటోమొబైల్‌ దిగ్గజాలు మారుతీ సుజుకి ఇండియా, హ్యుందాయ్ మోటార్ ఇండియా , టాటా  కంపెనీలు తమ పలు  మోడళ్ల కార్లపై మార్చి మాసంలో భారీ తగ్గింపు లభిస్తోంది. కొత్త కారు కొనుగోలు చేయాలనుకుంటున్న వారికి ఇది చక్కటి అవకాశం.  మారుతి, హ్యుందాయ్‌, టాటా కార్లపై  ప్రస్తుతం లభిస్తున్న తగ్గింపు వివరాలను చూద్దాం.  (రూ. 32 వేల బెస్ట్‌ సెల్లింగ్‌ స్మార్ట్‌ఫోన్‌ కేవలం రూ. 1,999కే ) మారుతి కార్లపై డిస్కౌంట్లు మార్చిలో రూ. 52వేల  వరకు తగ్గింపుతో  మారుతి సుజుకి ఇగ్నిస్‌ను కొనుగోలు చేయవచ్చు.  అలాగే మారుతి  సియాజ్‌పై రూ. 28 వేల  వరకు తగ్గింపు లభ్యం. ఇక పాపులర్‌ కారు ఆల్టోపై రూ. 38వేలు, ఆల్టో కె10, ఎస్-ప్రెస్సోపై రూ. 49వేలు , వ్యాగన్ఆర్ కారు కొనుగోలుపై రూ. 64వేల  డిస్కౌంట్‌ అందిస్తోంది. ఇంకా స్విఫ్ట్ రూ. 54వేల దాకా, డిజైర్ మోడల్‌ కొనుగోలుపై రూ. 10 వేల వరకు  తగ్గింపును పొందవచ్చు. (ఐటీ మేజర్‌ను నడిపించిన ఈ ధీర వనితల్ని గుర్తుపట్టారా? వీరే లేకపోతే..!) అయితే మారుతి సుజుకి బాలెనో,  బ్రెజ్జా, గ్రాండ్ విటారా వంటి మోడళ్లపై ఎలాంటి తగ్గింపు లేదు. హ్యుందాయ్ కార్లపై డిస్కౌంట్లు మార్చిలో గ్రాండ్ ఐ10 నియోస్, ఐ20, ఆరా వంటి మోడళ్లపై హ్యుందాయ్ డిస్కౌంట్లనుఅందిస్తోంది. హ్యుందాయ్ గ్రాండ్ ఐ10 నియోస్ రూ.38 వేలు  దాకా,  పాపులర్‌  ఐ20పై రూ. 20 వేలు, హ్యుందాయ్ ఆరాపై రూ.33 వేల వరకు తగ్గింపును పొందవచ్చు. అయితే, క్రెటా, వెన్యూ, అల్కాజార్ , టక్సన్ వంటి SUV మోడళ్లపై ఎలాంటి తగ్గింపు లేదు. టాటా కార్లపై డిస్కౌంట్లు అత్యధికంగా అమ్ముడైన టాటా ప్యాసింజర్ వాహనం టాటా నెక్సాన్ మార్చిలో రూ. 3,000 కార్పొరేట్ తగ్గింపు ఉంది. టాటా హారియర్ ,టాటా సఫారిపై రూ.45వేల రకు తగ్గింపు ఉంది. దీంతోపాటు టాటా టియాగోపై సుమారు రూ. 28వేలు, టాటా టిగోర్‌పై రూ. 30వేల  వరకు తగ్గింపు ఉంది. టాటా ఆల్ట్రోజ్ రూ. 28 వేల దాకా తగ్గింపుతో కొనుగోలు చేయవచ్చు. 

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతీ సుజుకీ ఈకో వ్యాన్‌ సరికొత్త రికార్డు నమోదు చేసింది. తాజాగా 10 లక్షల యూనిట్ల అమ్మకాల మైలురాయిని చేరుకుంది. 2010లో భారత మార్కెట్లోకి ఈకో ప్రవేశించింది. 5, 7 సీట్లు, కార్గో, టూర్, అంబులెన్స్‌ వంటి 13 వేరియంట్లలో ఇది లభిస్తుంది. వ్యాన్స్‌ విభాగంలో 94 శాతం వాటా ఈకో కైవసం చేసుకుందని మారుతీ సుజుకీ ఇండియా మార్కెటింగ్, సేల్స్‌ సీనియర్‌ ఎగ్జిక్యూటివ్‌ ఆఫీసర్‌ శశాంక్‌ శ్రీవాస్తవ తెలిపారు. తొలి 5 లక్షల యూనిట్లకు ఎనమిదేళ్లు పట్టింది. మిగిలిన 5 లక్షల యూనిట్ల విక్రయాలు అయిదేళ్లలోపే పూర్తి చేశామన్నారు. 1.2 లీటర్‌ అడ్వాన్స్‌డ్‌ కె–సిరీస్‌ డ్యూయల్‌ జెట్, డ్యూయల్‌ వీవీటీ ఇంజన్‌తో ఈకో రూపుదిద్దుకుంది. మైలేజీ పెట్రోల్‌ వేరియంట్‌ లీటరుకు 20.2 కిలోమీటర్లు, ఎస్‌–సీఎన్‌జీ వేరియంట్‌ కేజీకి 27.05 కిలోమీటర్లు ఇస్తుందని కంపెనీ తెలిపింది.  

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతీ సుజుకీ స్పోర్ట్స్‌ యుటిలిటీ వెహికిల్స్‌ (ఎస్‌యూవీ) విభాగంపై దృష్టిసారించింది. ఈ సెగ్మెంట్లో 2023–24లో 33 శాతం వాటా చేజిక్కించుకోవడం ద్వారా తొలి స్థానాన్ని కైవసం చేసుకోవాలని లక్ష్యంగా చేసుకుంది. ప్రస్తుతం బ్రెజ్జా, గ్రాండ్‌ వితారా ఎస్‌యూవీలను కంపెనీ విక్రయిస్తోంది.  మార్చి నుంచి జిమ్నీ, ఫ్రాంక్స్‌ మోడళ్లు రోడ్డెక్కనున్నాయి. జిమ్నీ ఇప్పటికే 17,500 యూనిట్లు, ఫ్రాంక్స్‌ 8,500 యూనిట్ల బుకింగ్స్‌ను కైవసం చేసుకోవడం విశేషం. భారత ప్యాసింజర్‌ వాహన రంగంలో స్పోర్ట్స్‌ యుటిలిటీ వెహికిల్స్‌ వాటా 42.5 శాతం ఉంది. 2022–23లో ఇది 45 శాతానికి చేరుతుందన్న అంచనాలు ఉన్నాయి.  ఈ విభాగంలో మారుతీ సుజుకీ వాటా 11.5 శాతం. మొత్తం ప్యాసింజర్‌ వాహన పరిశ్రమలో సంస్థకు ఏకంగా 45 శాతం వాటా ఉంది. దీనిని 50 శాతానికి పెంచుకోవాలని కంపెనీ కృతనిశ్చయంతో ఉంది. 2023 జనవరిలో ఎస్‌యూవీల విపణిలో మారుతీ సుజుకీ 15 శాతం వాటా దక్కించుకుంది. స్పోర్ట్స్‌ యుటిలిటీ వెహికిల్స్‌ విభాగంలో 2021–22లో టాటా మోటార్స్‌కు 18 శాతం, మహీంద్రా అండ్‌ మహీంద్రాకు 15 శాతం వాటా ఉన్నట్టు సమాచారం.    

సాక్షి,ముంబై: దేశీయ అతిపెద్ద కార్ల తయారీ సంస్థ మారుతి సుజుకి  క్యూ3 ఫలితాల్లో అదరగొట్టింది. నికర లాభం రెట్టింపు కంటే ఎక్కువలాభాలను నమోదు చేసింది. అలాగే ఆదాయం కూడా 25 శాతం ఎగిసింది.  EBIT మార్జిన్ కూడా 350 బేసిస్ పాయింట్లు మెరుగుపడి 7.6 శాతానికి చేరుకుంది. లాభాల మార్జిన్ 380 బేసిస్ పాయింట్లు మెరుగుపడి 8.4 శాతంగా ఉంది. ప్యాసింజర్, హై ఎండ్‌  కార్ల బలమైన డిమాండ్, ఇటీవలి కాలంలో ధరల పెంపు నేపథ్యంలో మారుతీ గణనీయ లాభాలను సాధించింది. త్రైమాసిక ఏకీకృత నికర లాభంలో ఊహించిన దానికంటే మెరుగ్గా 129.55 శాతం జంప్‌ చేసింది. గత ఏడాదితో రూ.1,041.8 కోట్లతో పోలిస్తే, రూ.2,391.5 కోట్ల లాభాన్ని నమోదు చేసింది. కార్యకలాపాల ద్వారా వచ్చిన మొత్తం ఆదాయం రూ. 29,057.5 కోట్లను సాధించింది. గత  ఏడాది  23,253.3 కోట్ల వార్షిక ప్రాతిపదికన 24.96 శాతం పెరిగింది. జోరందుకున్న అమ్మకాలు, ముడి సరుకు ధర తగ్గడంతో లాభాల్లో పెరుగుదల నమోదైందని కంపెనీ తెలిపింది.  ఈ త్రైమాసికంలో  మొత్తం 465,911 వాహనాలను విక్రయించింది. గత ఏడాది ఇదే త్రైమాసికంలో 430,668 యూనిట్లు విక్రయించింది. దేశీయ అమ్మకాలు 403,929 యూనిట్లు  కాగా, ఎగుమతులు 61,982 యూనిట్లు. ఎలక్ట్రానిక్ విడిభాగాల కొరత ఈ త్రైమాసికంలో సుమారు 46,000 వాహనాల ఉత్పత్తిపై ప్రభావం చూపింది. ఇది మొత్తం 430,668 యూనిట్ల విక్రయాలకు వ్యతిరేకంగా ఉంది. అంతకుముందు సంవత్సరం ఇదే కాలంలో దేశీయంగా 365,673 యూనిట్లు , ఎగుమతి మార్కెట్లలో 64,995 యూనిట్లు ఉన్నాయని మారుతి రెగ్యులేటరీ ఫైలింగ్‌లో పేర్కొంది. ఈ త్రైమాసికంలో కంపెనీ రూ.27,849.2 కోట్ల నికర విక్రయాలను నమోదు చేసింది. అంతకు ముందు ఏడాది ఇదే కాలంలో నికర విక్రయాలు రూ.22,187.6 కోట్లుగా ఉన్నాయి. అలాగే మారుతీ సుజుకి 2022 ఏప్రిల్ నుండి డిసెంబర్ మధ్య కాలంలో అత్యధికంగా రూ. 81,679 కోట్ల నికర అమ్మకాలను నమోదు చేసింది, ఇది గత ఏడాది ఇదే కాలంలో రూ. 58,284.1 కోట్లుగా ఉంది. ఎఫ్‌వై22 మొదటి తొమ్మిది నెలల్లో రూ.1,927.4 కోట్ల నుంచి ఏడాది మొదటి తొమ్మిది నెలల నికర లాభం రూ.5,425.6 కోట్లకు పెరిగింది.

సాక్షి,ముంబై:  దేశీయ అతిపెద్ద కార్ల తయారీ సంస్థ  మారుతి సుజుకి  మరోసారి తన కస్టమర్లకు షాకింగ్‌ న్యూస్‌ చెప్పింది.  తన పాపులర్‌ మోడల్‌ గ్రాండ్‌ విటారా 11,177 కార్ల‌ను రీకాల్ చేస్తున్న‌ట్లు ప్ర‌క‌టించింది. ఈ కార్ల‌లో రేర్ సీట్ బెల్ట్ మౌంటింగ్ బ్రాకెట్స్ స‌మ‌స్య కారణంగా ఈ నిర్ణయం తీసుకున్నట్టు తెలిపింది.  గ‌త ఏడాది ఆగ‌స్టు ఎనిమిది నుంచి న‌వంబ‌ర్ 15 వ‌ర‌కు త‌యారైన గ్రాండ్ విటారా కార్ల‌ను రీకాల్ చేస్తున్న‌ట్లు వెల్ల‌డించింది. రేర్ సీట్ బెల్ట్ మౌంటింగ్ బ్రాకెట్ల‌లో స‌మ‌స్య త‌లెత్తింది. దూర ప్రాంతాల‌కు వెళ్లిన‌ప్పుడు రేర్ సీట్ బెల్ట్ లూజ్ అయ్యే అవ‌కాశం ఉంద‌ని, దానివ‌ల్ల పనితీరు దెబ్బ తింటుంద‌ని మారుతి తెలిపింది. గ‌త ఆగ‌స్టు – నవంబ‌ర్ మ‌ధ్య త‌యారైన గ్రాండ్ విటారా కార్లు కొనుగోలు చేసిన వినియోగ‌దారుల‌కు త‌మ డీల‌ర్ల ద్వారా స‌మాచారం అందుతుంద‌ని తెలిపింది. దెబ్బ తిన్న విడి భాగాల‌ను ఉచితంగా రీ ప్లేస్ చేస్తామ‌ని  మారుతి ప్రకటించింది. కాగా  ఎయిర్‌బ్యాగ్ లోపం కార‌ణంగా వివిధ మోడ‌ళ్ల‌కు చెందిన‌ 17,362 కార్లు ఇటీవల మారుతి రీకాల్ చేసింది. ముఖ్యంగా ఆల్టో కే10, ఎస్‌-ప్రెస్సో, ఈకో, బ్రెజా, బాలెనో, గ్రాండ్ విటారా మోడ‌ల్ కార్లు  ఉన్న సంగతి తెలిసిందే.   

సాక్షి, ముంబై:  భారతదేశపు అగ్రశ్రేణి కార్ల తయారీ సంస్థ మారుతీ సుజుకీ తన కస్టమర్లకు షాకింగ్‌ న్యూస్‌ చెప్పింది. పలు మోడళ్ల కార్లలో ఎయిర్‌బ్యాగ్ కంట్రోలర్‌లలో లోపం కారణంగా వేల కార్లను రీకాల్‌ చేస్తున్నట్టు ప్రకటించింది. డిసెంబర్ 2022 డిసెంబరు 8, 2023 జనవరి 12 మధ్య తయారు చేసిన 17,362 వాహనాలను రీకాల్ చేస్తున్నట్లు  మారుతి బుధవారం తెలిపింది.ఆల్టో కె10, ఎస్-ప్రెస్సో, ఈకో, బ్రెజ్జా, బాలెనో ,  గ్రాండ్ విటారా వంటి మోడళ్లు ప్రభావితమైనట్లు కంపెనీ రెగ్యులేటరీ ఫైలింగ్‌లో తెలిపింది. ఎయిర్‌బ్యాగ్ కంట్రోలర్‌లో లోపం కారణంగా 17,362 వాహనాలను రీకాల్ చేస్తున్నట్లు కంపెనీ ఈరోజు విడుదల చేసింది. ఈ వాహనాల్లో అవసరమైతే ఎయిర్‌బ్యాగ్ కంట్రోలర్‌ను ఉచితంగా తనిఖీ చేసి భర్తీ చేసేందుకు గాను ఈ రీకాల్ చేపట్టినట్టు వెల్లడించింది.  ఈ లోపం కారణంగా  వాహనం క్రాష్ అయినప్పుడు ఎయిర్‌బ్యాగ్‌లు, సీట్ బెల్ట్ ప్రిటెన్షనర్‌లు చాలా అరుదుగా పనిచేయకపోవచ్చని తెలిపింది. ప్రభావితమైన భాగాన్ని మార్చే వరకు వాహనాన్ని నడపవద్దని లేదా ఉపయోగించవద్దని వినియోగదారులకు సూచించింది. సంబంధిత  కార్‌ ఓనర్లకు తక్షణమే మారుతి సుజుకి అధీకృత వర్క్‌షాప్‌ల నుంచి సమాచారం వస్తుందని పేర్కొంది.  కాగా గత డిసెంబరులో సియాజ్, బ్రెజ్జా, ఎర్టిగా,ఎక్స్‌ఎల్‌ 6, గ్రాండ్ విటారా మోడల్స్‌ 9,125 యూనిట్లను ఫ్రంట్‌లైన్‌ సీట్ బెల్ట్‌లలోని లోపాలను సరిచేయడానికి రీకాల్ చేసింది.  

సాక్షి, ముంబై:  దేశీయ అతిపెద్ద కార్ల తయారీ దారు మారుతి సుజుకి తన  వినియోగదారులకు షాక్‌ ఇచ్చింది.  వచ్చే ఏడాది ఆరంభంలో  కార్ల ధరలు పెంచక తప్పదని  2021, డిసెంబరులో ప్రకటించిన మారుతీ సుజుకి ఇండియా  జనవరి 16 నుంచి కార్ల ధరల పెంపు అమల్లోకి వస్తుందని  రెగ్యులేటరీ ఫైలింగ్‌లో తెలిపింది.వెల్లడించింది.  దాదాపు అన్ని మోడళ్ల  కార్లపై సగటు పెరుగుదల 1.1 శాతంగా ఉంటుందని  తెలిపింది.    కఠినమైన ఉద్గార నిబంధనలకు అనుగుణంగా  అన్నో మోడళ్ల కార్లను అప్‌డేట్‌  చేయడం, ఉత్పత్తి ఖర్చులు పెరిగిన నేపథ్యంలో  పెంపు తప్పడలం లేదని కంపెనీ తెలిపింది. ఢిల్లీలోని ఎక్స్-షోరూమ్ ధరలపై ఇది వర్తిస్తుందని ప్రకటించింది.   దీంతో మారుతీ సుజుకీ లవర్స్‌ కారు కొనాలంటే మరింత ధర  పడనుంది.  మారుతి ఎంట్రీ-లెవల్ చిన్న కారు ఆల్టో నుండి SUV గ్రాండ్ విటారా వరకు రూ. 3.39 లక్షల నుండి రూ. 19.49 లక్షల (ఎక్స్-షోరూమ్ ఢిల్లీ) మధ్య వాహనాను విక్రయిస్తోంది. 

న్యూఢిల్లీ: చిన్నా, పెద్ద తేడా లేకుండా అన్ని కార్లకు ఒకే పన్ను రేటు వర్తింపచేయడం సరికాదని ఆటోమొబైల్‌ దిగ్గజం మారుతీ సుజుకీ చైర్మన్‌ ఆర్‌సీ భార్గవ వ్యాఖ్యానించారు. పరిశ్రమ వృద్ధికి ఇలాంటి ధోరణి మంచిది కాదని ఆయన చెప్పారు. దేశీ ఆటో పరిశ్రమలో కీలక విభాగమైన చిన్న కార్లపై అత్యధికంగా నియంత్రణ నిబంధనలపరమైన భారం ఉంటోందని భార్గవ తెలిపారు. తయారీ రంగం వేగంగా వృద్ధి చెందితే దేశ ఆర్థిక వృద్ది రేటు కూడా అధికంగా ఉంటుందని ఆయన చెప్పారు. కానీ దురదృష్టవశాత్తూ ప్రభుత్వం ఎంతగా కృషి చేస్తున్నప్పటికీ క్షేత్ర స్థాయిలో విధానాలు పూర్తిగా అమలు కాకపోతుండటం వల్ల అలా జరగడం లేదని భార్గవ చెప్పారు. ‘పెద్ద కార్లతో పోలిస్తే చిన్న కార్లపై నియంత్రణపరమైన మార్పుల భారం చాలా ఎక్కువగా ఉంటోంది. ఇదే మొత్తం మార్కెట్‌ ధోరణులను మార్చేస్తోంది. ఇది కార్ల పరిశ్రమకు గానీ దేశానికి గానీ మంచిది కాదని భావిస్తున్నాను‘ అని ఆయన పేర్కొన్నారు. చిన్నా, పెద్ద కార్లకు ఒకే రకమైన పన్నును విధించడం సరికాదని ఆయన తెలిపారు. దాదాపు 50 శాతం స్థాయి పన్నుల భారంతో పరిశ్రమ వృద్ధిపై ప్రతికూల ప్రభావం పడుతోందని ఆయన తెలిపారు. ఏ దేశంలో కూడా ఇంత పన్నులతో ఆటోమొబైల్స్‌ వంటి పరిశ్రమ వృద్ధి చెందలేదని భార్గవ చెప్పారు. ప్రస్తుతం ఆటోమొబైల్స్‌పై వస్తు, సేవల పన్ను (జీఎస్‌టీ) 28 శాతంగా ఉండగా, వాహనం రకాన్ని బట్టి 1–22% వరకు సెస్సు అదనంగా ఉంటోంది. పూర్తిగా తయారైన రూపంలో (సీబీయూ) దిగుమతయ్యే కార్లపై కస్టమ్స్‌ సుంకం 60–100% వరకూ ఉంటోంది. ఆటో ఎక్స్‌పోలో మారుతీ ఎలక్ట్రిక్‌ కారు వాహన తయారీ దిగ్గజం మారుతీ సుజుకీ.. జనవరిలో జరిగే ఆటో ఎక్స్‌పో వేదికగా ఎలక్ట్రిక్‌ కాన్సెప్ట్‌ ఎస్‌యూవీని ప్రదర్శించనుంది. అలాగే రెండు సరికొత్త ఎస్‌యూవీలు సైతం కొలువుదీరనున్నాయి. మొత్తం 16 మోడళ్లు ప్రదర్శనకు రానున్నాయి. చదవండి: కొత్త సంవత్సరంలో టీవీ ప్రేక్షకులకు ఊహించని షాక్‌!

సాక్షి,ముంబై: దేశీయ కార్ల దిగ్గజం మారుతి సుజుకి డిసెంబరు నెలలో కూడా  కొన్ని ఎంపిక చేసిన కార్లపై డిస్కౌంట్‌ ధరలను ప్రకటించింది. ముఖ్యంగా వచ్చేఏడాది జనవరి నుంచి అన్ని మోడళ్లకార్ల ధరలను పెంచక తప్పదని ఇటీవల ప్రకటించిన తరువాత అందిస్తున్న ఈ తగ్గింపు ధరలకు ప్రాధాన్యత  లభిస్తోంది. స్విఫ్ట్‌, డిజైర్‌, వవ్యాగన్‌ ఆర్‌, సెలెరియో తోపాటు, న్యూజెన్‌ ఆల్టో, మారుతి అరేనా మోడళ్లపై  కొనుగోలు దారులు డిస్కౌంట్‌ ఆఫర్‌ను పొందివచ్చు. కార్పొరేట్ డిస్కౌంట్లు, ఎక్స్ఛేంజ్ ఆఫర్‌, క్యాష్‌ బ్యాక్‌ లాంటి ఆఫర్లుంటాయి. అలాగే నవంబరు నెలలో మాదిరిగానే ఎర్టిగా ఎమ్‌పివి. బ్రాండ్-న్యూ బ్రెజ్జా ఎస్‌యూవీలపై డిస్కౌంట్‌లు ఉండవు. మారుతి సుజుకి డిసెంబర్ 2022 నెలలో తన అరేనా లైన్ వాహన తగ్గింపును రూ. 52,000 వరకు అందిస్తోంది ఇటీవల విడుదల చేసిన మారుతి సుజుకి ఆల్టో కె10 మాన్యువల్ మోడల్స్‌పై రూ.52,000 వరకు  డిస్కౌంట్‌. ఏఎంటీ  మోడల్స్‌  రూ. 22వేలు, ఇటీవల విడుదలైన సీఎన్‌జీ మోడల్ కూడా రూ.45,100 తగ్గింపుతో అందుబాటులో ఉంది. సెలెరియో సీఎన్‌జీ రూ. 45,100, పెట్రోల్-మాన్యువల్ కార్లపై రూ. 36వేల వరకు తగ్గింపు అందు బాటులో ఉంది. ఏఎంటీ వెర్షన్‌పై  రూ. 21,000 తగ్గింపు లభ్యం. హై ఎండ్‌ వేరియంట్లపై  రూ. 42,000 వరకు తగ్గింపు ,  బేసిక్‌ మోడల్స్‌పై  17వేలు తగ్గింపు అందిస్తోంది.  మారుతి మాన్యువల్ ఎస్‌-ప్రెస్సో వేరియంట్‌లపై గరిష్టంగా రూ. 46,000, ఏఎంటీ  వేరియంట్‌లు రూ. 20వేలు, సీఎస్‌జీ వేరియంట్‌పై రూ. 45,100 తగ్గింపు లభిస్తుంది.  అలాగే స్విప్ట్‌ ఏఎంటీ, మాన్యువల్ మోడల్స్ రెండింటిలోనూ దాదాపు  రూ. 32వేలు తగ్గింపు.   

సాక్షి,ముంబై:  మారుతి సుజుకి ద్విచక్ర వాహన అనుబంధ సంస్థ సుజుకి మోటార్‌సైకిల్ ఇండియా సరికొత్త స్కూటర్‌ను ఇండియాలో  లాంచ్‌ చేసింది. బర్గ్‌మన్ స్ట్రీట్ ఈఎక్స్  పేరుతో దీన్ని తీసుకొచ్చింది. బర్గ్‌మన్ స్ట్రీట్‍కు అప్‍గ్రేడెడ్‍ వెర్షన్‍గా ఈ ఈఎక్స్ మోడల్‍ను  విడుదలచేసింది. లేటెస్ట్ టెక్నాలజీ,నయా ఫీచర్లతో ప్రీమియం లుక్‌లో ఆకట్టుకునేలా ఆవిష్కరించింది. (వాట్సాప్‌ అవతార్‌ వచ్చేసింది..మీరూ కస్టమైజ్‌ చేసుకోండి ఇలా!) ధర: సుజుకీ బర్గ్‌మన్ స్ట్రీమ్ ఈఎక్స్ ధరను రూ.1,12,300 (ఎక్స్-షోరూమ్, ఢిల్లీ)గా కంపెనీ నిర్ణయించింది. మారుతి సుజుకి బర్గ్‌మన్ స్ట్రీట్ స్టాండర్డ్ ఎడిషన్ స్కూటర్ ధర రూ. 89,900 (ఎక్స్-షోరూమ్, న్యూఢిల్లీ), సుజుకి బర్గ్‌మాన్ స్ట్రీట్ రైడ్ కనెక్ట్ ఎడిషన్ రూ. 93,300 (ఎక్స్-షోరూమ్, న్యూఢిల్లీ)కి అందుబాటులో ఉంది.మెటాలిక్ మ్యాట్ ప్లాటినమ్ సిల్వర్, మెటాలిక్ రాయల్ బ్రాంజ్, మెటాలిక్ మ్యాట్ బ్లాక్ కలర్ ఆప్షన్‍లలో ఈ స్కూటర్  లభ్యం. సుజుకీ బర్గ్‌మన్ స్ట్రీమ్ ఈఎక్స్  ఇంజీన్‌ ఫీచర్లు  ఎఫ్‍ఐ టెక్నాలజీతో పాటు ఎకో పర్ఫార్మెన్స్ ఆల్ఫా (SEP-a) ఇంజిన్‍తో  124cc  సీసీ  మోటార్‌ను అమర్చింది. ఇది  8.6PS గరిష్ట శక్తిని ,10Nm గరిష్ట టార్క్‌ను  అందిస్తుంది. ఆటో స్టాప్-స్టార్ట్ సిస్టమ్ ,సైలెంట్ స్టార్టర్ సిస్టమ్‌ ప్రత్యేకత అని కంపెనీ తెలిపింది. వెనుక 12 అంగుళాల వెడల్పైన, పెద్ద టైర్‌ను అమర్చింది.   సుజుకీ రైడ్ కనెక్ట్‌ బ్లూటూత్ డిజిటల్ ఎనేబుల్డ్ కన్సోల్‍తో కూడిన సుజుకీ రైడ్ కనెక్ట్ ఫీచర్ ను సుజుకీ బర్గ్‌మన్ స్ట్రీట్ ఈఎక్స్  మరో  ఫీచర్‌. ఇది స్మార్ట్‌ఫోన్‌ను సింక్ చేసే సౌలభ్యాన్ని రైడర్‌కు అందిస్తుంది. నావిగేషన్, ఇన్‍కమింగ్ కాల్స్, ఎస్ఎంఎస్‍లు, వాట్సాప్ అలెర్ట్స్‌  ఈ బైక్ డిస్‍ప్లేలో చూడవచ్చు. స్పీడ్ ఎక్సీడింగ్ వార్నింగ్, ఫోన్ బ్యాటరీ లెవల్స్‌ కూడా డిజిటల్ కన్సోల్‍లో కనిపిస్తాయి. ఆండ్రాయిడ్, ఐఓఎస్ స్మార్ట్ ఫోన్‍లను ఈ స్కూటర్ కన్సోల్‍కు బ్లూటూత్ ద్వారా కనెక్ట్ చేసుకోవచ్చు. ఇంకా  స్పీడ్ ఎక్సీడింగ్ వార్నింగ్, ఫోన్ బ్యాటరీ లెవెల్ లాంటి వివరాలు కూడా ఈ బైక్ డిజిటల్ కన్సోల్‍లో కనిపిస్తాయి. ఆండ్రాయిడ్, ఐఓఎస్ స్మార్ట్ ఫోన్‍లను ఈ స్కూటర్ కన్సోల్‍కు బ్లూటూత్ ద్వారా కనెక్ట్ చేసుకోవచ్చు. 

సాక్షి, ముంబై: దేశీయ కార్ల తయారీదారు మారుతీ సుజుకి తన కస్టమర్లకు షాకిచ్చింది. వచ్చే ఏడాది జనవరి నుంచి కార్ల ధరలను భారీగా పెంచేందుకు యోచిస్తోంది. ప్రధానంగా ద్రవ్యోల్బణం, నియంత్రణ అవసరాల నిమిత్తం 2023, జనవరి నుంచి ధరల పెంపు ఉంటుందని శుక్రవారం ప్రకటించింది. అలాగే ఎలక్ట్రిక్ కాంపోనెంట్స్ కొరత డిసెంబరు  కార్ల ఉత్పత్తిపై ప్రభావాన్ని చూపిస్తుందనే ఆందోళన వ్యక్తం చేసింది. (బెంజ్ కొత్త ఎలక్ట్రిక్ ఎస్‌యూవీ వచ్చేసింది: త్వరపడకపోతే..!) అమ్మకాలు పెరుగుతున్నప్పటికీ, ఎలక్ట్రిక్ కాంపోనెంట్స్ కొరత కారణంగా దేశీయ మోడళ్ల ఉత్పత్తిపై ప్రభావం చూపుతోంది. ద్రవ్యోల్బణం, ఖర్చుల నియంత్రణ ఈ నిర్ణయం తీసుకున్నట్టు తెలిపింది. ధరల పెరుగుదల 2023 జనవరిలో ఉంటుందని ప్రకటించింది. మోడల్‌ని బట్టి, ధర పెంపు ఉంటుందని ప్రకటించిన మారుతి పెంపు ఎంత శాతం అనేది ధృవీకరించలేదు.(లగ్జరీ కారు కొన్న కుమార్తెలు: గర్ల్‌ పవర్‌ అంటున్న మ్యూజిక్‌ డైరెక్టర్‌) కాగా నవంబర్ 2022లో మొత్తం అమ్మకాలలో 14 శాతం పెరుగుదల సాధించింది మారుతీ సుజుకి. గత ఏడాది ఇదే కాలంలో 1,39,18 యూనిట్లతో పోలిస్తే ఈ ఏడాది నవంబర్‌లో 1,59,044 యూనిట్లను విక్రయించింది. దేశీయ విక్రయాలు 1,35,055 యూనిట్లుగా ఉన్నాయి. కాంపాక్ట్ సెగ్మెంట్ (స్విఫ్ట్, సెలెరియో, ఇగ్నిస్, బాలెనో , డిజైర్) అమ్మకాలు గతేడాది నవంబర్‌లో 57,019 యూనిట్ల నుంచి 72,844 యూనిట్లకు పెరిగాయి. మిడ్-సైజ్ సెడాన్ సియాజ్ అమ్మకాలు 1,554 యూనిట్లుగా ఉండగా, యుటిలిటీ వెహికల్ సెగ్మెంట్ (విటారా బ్రెజ్జా, ఎస్-క్రాస్, ఎర్టిగా) అమ్మకాలు ఈ ఏడాది నవంబర్‌లో 32,563 యూనిట్లకు పెరిగాయి.  

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతీ సుజుకీ రెండేళ్లలో ప్యాసింజర్‌ వెహికల్స్‌ విభాగంలో 50 శాతం వాటాను అందుకోవచ్చని ధీమా వ్యక్తం చేస్తోంది. ప్రస్తుతం 42 శాతం వాటా ఉందని సంస్థ మార్కెటింగ్, సేల్స్‌ సీనియర్‌ ఎగ్జిక్యూటివ్‌ డైరెక్టర్‌ శశాంక్‌ శ్రీవాస్తవ తెలిపారు. మారుతీ కంపెనీ 2,250 నగరాల్లో తన కార్యకలాపాలను విస్తరించి ఉంది. దేశంలో 3,500వ ఔట్‌లెట్‌ను శుక్రవారం హైదరాబాద్‌లో ప్రారంభించిన సందర్భంగా మీడియాతో మాట్లాడారు. ‘మార్చి నాటికి కొత్తగా రెండు ఎస్‌యూవీలను పరిచయం చేస్తాం. ఎస్‌యూవీల్లో ప్రస్తుతం కంపెనీకి 14.5 శాతం వాటా ఉంది. దీనిని పెంచుకోవడం ద్వారా లక్ష్యాన్ని చేరుకుంటాం. కంపెనీ తొలి ఎలక్ట్రిక్‌ కారు 2024–25లో రంగ ప్రవేశం చేయనుంది. ఈవీల కంటే ముందుగా హైబ్రిడ్‌ కార్లకు ఆదరణ పెరుగుతుంది. చార్జింగ్‌ మౌలిక వసతులు ఉంటేనే వినియోగదార్లలో ఈవీల పట్ల విశ్వాసం ఉంటుంది. 2030 నాటికి ఈవీల వాటా 15–17 శాతానికి చేరుకోవచ్చని అంచనా. ఇక అమ్మకాల పరంగా హైదరాబాద్‌ మూడవ స్థానంలో ఉంది’ అని వివరించారు. మారుతీ సుజుకీ మొత్తం విక్రయాల్లో తమ వాటా 2 శాతమని వరుణ్‌ మోటార్స్‌ ఎండీ వరుణ్‌ దేవ్‌ వెల్లడించారు. భారత్‌లో ఇంత విస్తృత నెట్‌వర్క్‌ను సాధించిన ఏకైక కార్ కంపెనీగా మారుతీ సుజుకీ గుర్తింపు సంపాదించుకుంది. చదవండి: వచ్చే ఏడాదిలోనూ ఉద్యోగాల్లో కోతలు

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతీ సుజుకీ ప్రీమియం హ్యాచ్‌బ్యాక్‌ బలీనో, మల్టీపర్పస్‌ వెహికిల్‌ ఎక్స్‌ఎల్‌6 మోడళ్లను ఎస్‌–సీఎన్‌జీ వేరియంట్‌లో ప్రవేశపెట్టింది. ఈ వారం నుంచే విక్రయాలు ప్రారంభం కానున్నాయి. ఎక్స్‌షోరూంలో ధర రూ.8.28 లక్షల నుంచి రూ.12.24 లక్షల మధ్య ఉంది. సీఎన్‌జీ వేరియంట్‌లో 2021–22లో కంపెనీ వివిధ మోడళ్లలో 2.3 లక్షల యూనిట్లను విక్రయించింది. ప్రస్తుత ఆర్థిక సంవత్సరంలో ఇవి 4 లక్షల యూనిట్లకు చేరుకుంటాయని మారుతీ సుజుకీ సీనియర్‌ ఎగ్జిక్యూటివ్‌ డైరెక్టర్‌ శశాంక్‌ శ్రీవాస్తవ తెలిపారు. తాజా నిర్ణయంతో 16కుగాను 12 మోడళ్లలో సీఎన్‌జీ వేరియంట్లు ఉన్నాయని గుర్తు చేశారు. 1.23 లక్షల యూనిట్ల సీఎన్‌జీ వెహికిల్స్‌ కోసం ఆర్డర్లు ఉన్నాయని వెల్లడించారు. ఈ  విభాగంలో కంపెనీ ఉత్పత్తి సామర్థ్యం నెలకు 30–32 వేల యూనిట్లు. 2010 నుంచి ఇప్పటి వరకు భారత్‌లో కంపెనీకి చెందిన 11.4 లక్షల సీఎన్‌జీ వాహనాలు రోడ్డెక్కాయి. బలీనో, ఎక్స్‌ఎల్‌6 మోడళ్లను నెక్సా షోరూంల ద్వారా  మారుతీ సుజుకీ విక్రయిస్తోంది. చదవండి: ఎయిర్‌టెల్‌ బంపరాఫర్‌: ఒకే రీచార్జ్‌తో బోలెడు బెనిఫిట్స్‌, తెలిస్తే వావ్‌ అనాల్సిందే!

న్యూఢిల్లీ: ప్రస్తుత ఆర్థిక సంవత్సరం(2022–23) రెండో త్రైమాసికంలో కార్ల తయారీ దిగ్గజం మారుతీ సుజుకీ ఆకర్షణీయ ఫలితాలు సాధించింది. కన్సాలిడేటెడ్‌ ప్రాతిపదికన జులై–సెప్టెంబర్‌(క్యూ2)లో నికర లాభం నాలుగు రెట్లు జంప్‌చేసి రూ. 2,112 కోట్లను అధిగమించింది. గతేడాది(2021–22) ఇదే కాలంలో కేవలం రూ. 487 కోట్లు ఆర్జించింది. మొత్తం ఆదాయం సైతం రూ. 20,551 కోట్ల నుంచి రూ. 29,942 కోట్లకు ఎగసింది. ఈ కాలంలో కంపెనీ చరిత్రలోనే అత్యధికంగా 5,17,395 వాహనాలను విక్రయించింది. వీటిలో దేశీయంగా 4,54,200 వాహనాలను విక్రయించగా.. 63,195 యూనిట్లు  ఎగుమతి చేసింది. ఎలక్ట్రానిక్‌ పరికరాల కొరత కారణంగా ఉత్పత్తిలో 35,000 వాహనాలవరకూ ప్రభావం పడినట్లు మారుతీ వెల్లడించింది. ఇందువల్లనే గత క్యూ2 లోనూ మొత్తం వాహన విక్రయాలు 3,79,541 యూనిట్లకు పరిమితమైనట్లు ప్రస్తావించింది.  పండుగల ప్రభావం  ఎలక్ట్రానిక్‌ విడిభాగాల కొరత, కోవిడ్‌–19 సవాళ్లు గతంలో వృద్ధిని దెబ్బతీసినప్పటికీ ప్రస్తుతం పరిస్థితులు జోరందుకున్నట్లు వర్చువల్‌గా నిర్వహించిన విలేకరుల సమావేశంలో కంపెనీ చైర్మన్‌ ఆర్‌సీ భార్గవ పేర్కొన్నారు. ప్రధానంగా పండుగల సీజన్‌ అమ్మకాలకు జోష్‌నిస్తున్నట్లు తెలియజేశారు. దీంతో కస్టమర్ల పెండింగ్‌ ఆర్డర్లు 4.12 లక్షల యూనిట్లకు చేరినట్లు వెల్లడించారు. వీటిలో ఇటీవల ప్రవేశపెట్టిన గ్రాండ్‌ వితారా, కొత్త బ్రెజ్జా తదితర మోడళ్ల కోసమే 1.3 లక్షల ముందస్తు బుకింగ్స్‌ నమోదైనట్లు తెలియజేశారు. ఈ నేపథ్యంలో ఎలక్ట్రానిక్‌ విడిభాగాల లభ్యత, వ్యయ నియంత్రణ, ఉత్తమ ధరలు వంటి అంశాలపై దృష్టిపెట్టినట్లు వివరించారు. తద్వారా మెరుగైన మార్జిన్లు సాధించే వీలున్నట్లు పేర్కొన్నారు. ఈ ఏడాది తొలి అర్ధభాగం(ఏప్రిల్‌–సెప్టెంబర్‌)లో మొత్తం 9,85,326 వాహనాలు విక్రయించగా.. పూర్తి ఏడాదిలో 20 లక్షల యూనిట్ల అమ్మకాలు సాధించే లక్ష్యానికి కట్టుబడి ఉన్నట్లు భార్గవ తెలియజేశారు. గతేడాది ఏప్రిల్‌–సెప్టెంబర్‌ కాలంలో 7,33,155 వాహనాలను మాత్రమే విక్రయించింది. ఫలితాల నేపథ్యంలో మారుతీ షేరు ఎన్‌ఎస్‌ఈలో దాదాపు 6 శాతం జంప్‌చేసి రూ. 9,548 వద్ద ముగిసింది. ఇంట్రాడేలో రూ. 9,550 వద్ద 52 వారాల గరిష్టాన్ని తాకడం విశేషం! చదవండి: Elon Musk: ఎలాన్ మస్క్‌కు షాక్‌.. ట్విట్టర్‌లో యాడ్స్ బంద్‌!

సాక్షి,ముంబై: దేశీయ వాహన దిగ్గజం మారుతీ సుజుకీ  క్యూ2 ఫలితాల్లో అదరగొట్టింది. సెప్టెంబరు త్రైమాసికంలో  నికర లాభం 4 రెట్లు పెరిగి రూ.2,062 కోట్లకు చేరుకుందని కంపెనీ ఎక్స్ఛేంజ్ ఫైలింగ్‌లో తెలిపింది. సెప్టెంబర్ త్రైమాసికంలో గత ఏడాది ఇదే త్రైమాసికంలో రూ. 475.30 కోట్ల లాభంతో పోలిస్తే నాలుగు రెట్లు  ఎగిసింది. (షావోమి యూజర్లకు షాకింగ్‌ న్యూస్‌: ఆ సేవలిక బంద్‌!) గత ఏడాది ఇదే త్రైమాసికంలో అమ్మకాలు రూ.19,297.80 కోట్లనుంచి రూ.28,543.50 కోట్లకు వార్షిక ప్రాతిపదికన 47.91 శాతం వృద్ధి చెందాయి. ఆపరేటింగ్ ఎబిట్ గత ఏడాది త్రైమాసికంలో రూ.98.80 కోట్ల నుంచి 20.71 రెట్లు పెరిగి రూ.2,046.30 కోట్లకు చేరుకుంది. అలాగే  ఈ త్రైమాసికంలో ఎబిట్ మార్జిన్ 670 బేసిస్ పాయింట్లు పెరిగి 0.5 శాతం నుంచి 7.2 శాతానికి చేరుకుంది. ఖర్చు తగ్గింపు ప్రయత్నాలు, అనుకూలమైన విదేశీ మారకపు వైవిధ్యం తమకు లాభించిందని పేర్కొంది. అయితే ఎలక్ట్రానిక్ భాగాల కొరత కారణంగా ఈ త్రైమాసికంలో దాదాపు 35,000 వాహనాల ఉత్పత్తిపై ప్రభావం చూపిందని కంపెనీ తెలిపింది. ఈ  త్రైమాసికం ముగిసే సమయానికి 4.12 లక్షల వాహనాలు పెండింగ్‌లో ఉన్నాయని, వాటిలో 1.3 లక్షల వాహనాల ప్రీ-బుకింగ్‌లు ఇటీవల లాంచ్ చేసిన మోడళ్లకు సంబంధించినవేనని మారుతి వెల్లడించింది. ఈ ఫలితాల జోష్‌తో మారుతి సుజుకి షేరు ఆరుశాతం ఎగిసి  9,548  వద్ద ఇన్వెస్టర్లకు లాభాల పంట  పండించింది.

 సాక్షి, ముంబై:  దేశీయ స్టాక్‌మార్కెట్లు లాభాల్లో ముగిసాయి. అయితే  ఆరంభ లాభాలనుంచి వెనక్కి తగ్గిన సెన్సెక్స్‌ 60 వేల దిగువన స్థిరపడింది.   సెన్సెక్స్‌ 203 పాయింట్లు ఎగిసి 59959 వద్ద, నిఫ్టీ 50 పాయింట్ల లాభంతో 17786 వద్ద క్లోజ్‌ అయింది. వరుసగా రెండో సెషన్‌లోనూ విజయ పరంపరను కొనసాగించాయి. అయితే  గ్లోబల్  మార్కెట్ల ప్రతికూల సంకేతాలు, ప్రపంచ ఆర్థిక   మాంద్యం భయాలు  టెక్ దిగ్గజాలనిరాశాజనక ఫలితాలు సెంటిమెంట్‌ను దెబ్బతీశాయి. ఫలితంగా దేశీయ సూచీలు గరిష్ట స్థాయిలను  కోల్పోయాయి.. లాభాల జోష్‌తో మారుతి సుజుకి ఏకంగా 5 శాతం  ఎగిసింది. రిలయన్స్‌, అపోలో హాస్పిటల్స్‌,  ఎన్టీపీసీ, హీరోమోటా కార్ప్‌ భారీగా లాభపడగా, టెక్‌ ఎం, టాటా  స్టీల్‌, గ్రాసిం, సన్‌ ఫార్మా, దివీస్‌ లాబ్స్‌ నష్టపోయాయి. అటు డాలరు మారకంలో రూపాయికూడా  లాభాలను కోల్పోయి   82.47 స్థాయి వద్ద ముగిసింది.  

సాక్షి, ముంబై: దేశీయ వాహన తయారీ సంస్థ మారుతి సుజుకికి చెందిన ఫ్టాగ్‌షిప్‌ కారు మారుతి ఎస్‌-క్రాస్ కారును నిలిపివేసింది. గ్రాండ్‌ విటారాకు కంటే ముందు తీసుకొచ్చిన నెక్సా తొలి కారుఎస్‌-క్రాస్‌ను మారుతి నెక్సా వెబ్‌సైట్‌ నుంచి తొలగించింది. అంటే మార్కెట్‌నుంచి నిలివేసింది. 2015లో నెక్సా ఫస్ట్‌ అండ్‌  ఫ్లాగ్‌షిప్ కార్‌గా దీన్ని లాంచ్‌ చేసింది. (‘ప్లీజ్‌..కొనండి’ సేల్స్‌మేన్‌లా ఎలాన్‌ మస్క్‌ లేటెస్ట్‌ ట్వీట్‌​ సంచలనం) కాంపాక్ట్ ఎస్‌యూవీ గ్రాండ్ విటారా లాంచ్‌, ధర ప్రకటన తర్వాత మారుతి తన అధికారిక నెక్సా వెబ్‌సైట్ నుండి ఎస్‌-క్రాస్‌ను తీసివేసింది. గ్రాండ్ విటారా ఇప్పటికే 60వేల బుకింగ్‌లను పొందింది. దీనికి 28 వారాల కంటే ఎక్కువ వెయిటింగ్ పీరియడ్ ఉంది. తాజాగా మారుతి ఎస్‌-క్రాస్‌ ప్లేస్‌ను 2022 గ్రాండ్ విటారా ఎస్‌యూవీ ఆక్రమించింది. 1.6-లీటర్, 1.3-లీటర్ డీజిల్ ఇంజీన్ మాన్యువల్ ట్రాన్స్‌మిషన్‌తో S-క్రాస్ ముందుగా మార్కెట్లోకి వచ్చింది. తర్వాత డీజిల్‌ వెర్షన్‌ను ఆపేసి, 2020లో పెట్రోల్‌ వెర్షన్‌ను అందుబాటులోకి  తెచ్చింది. అయితే ఈ సెగ్మెంట్‌లో హ్యుందాయ్ క్రెటా, కియా సెల్టోస్‌ దూసుకుపోవడంతో S-క్రాస్ అమ్మకాలు బాగా తగ్గిపోయాయి. ఈ సంవత్సరం జూలై, ఆగస్టులో ఒక్క కారు కూడా విక్రయించలేకపోయారు. ఈ నేపథ్యంలో భారత్‌ మార్కెట్‌లో S-క్రాస్ అమ్మకాలు నిలిపివేస్తున్నట్టు మారుతి ప్రకటించింది. గ్రాండ్‌ విటారాతో మిడ్‌-సైజ్‌ ఎస్‌యూవీ మార్కెట్‌లో పట్టు నిలుపుకోవాలని మారుతి భావిస్తోంది. క్రెటా, సెల్టోస్‌కు రానున్న రోజుల్లో ఇది గట్టి పోటీ ఇస్తుందని మారుతి అంచనా వేస్తోంది. (క్లిక్ చేయండి: గ్రాండ్‌ విటారా లాంచ్‌.. స్టైలిష్‌ లుక్‌, మిగతా కంపెనీలకు గట్టి పోటీ గురూ!)

సాక్షి, ముంబై: దేశీయ టాప్‌ వాహన తయారీ సంస్థ  మారుతి సుజుకి  తన కస్టమర్ల కోసం భారీ ఫెస్టివ్‌ ఆఫర్లను అందిస్తోంది.  సీఎన్‌జీ  మోడల్‌ సహా,  పలు కార్ల మోడళ్లపై సుమారు రూ. 56,000 వరకు తగ్గింపును అందిస్తోంది. అరేనా షోరూమ్‌లు ఈ (అక్టోబర్) నెలలో తగ్గింపు ధరలకు  అందుబాటులో ఉంటాయి.  ఇందులో కార్పొరేట్, క్యాస్‌,  ఎక్స్చేంజ్  ఆఫర్‌ కూడా   ఉన్నాయి.  ముఖ్యంగా  మారుతీ సుజుకి ఆల్టో 800, స్విఫ్ట్‌ ,వ్యాగన్-ఆర్,  సెలెరియో, డిజైర్‌ సహా పలు  కార్లు ఇపుడు తగ్గింపు ధరల్లో  లభ్యం.  మారుతి సుజుకి డిజైర్ మారుతి సుజుకి  ఏఎంటీ వెర్షన్‌లపై రూ. 52,000 దాకా తగ్గింపు అందిస్తోంది. ఇందులో  రూ. 35,000 నగదు తగ్గింపు, రూ. 7,000 కార్పొరేట్ డిస్కౌంట్లు  రూ. 10,000 ఎక్స్చేంజ్ బోనస్‌లు ఉన్నాయి.  అలాగే మాన్యువల్ ట్రాన్స్మిషన్ మోడల్‌ కార్లపై రూ. 17,000  తగ్గింపు లభ్యం.  మారుతీ సుజుకి S-ప్రెస్సో రూ. 35,000 నగదు తగ్గింపు. రూ. 6,000 కార్పొరేట్, రూ. 15,000 ఎక్స్చేంజ్ ప్రోత్సాహకాలున్నాయి. మాన్యువల్ ట్రాన్స్‌మిషన్‌తో S Presso హై-రైడింగ్ హ్యాచ్‌బ్యాక్‌కు మొత్తం తగ్గింపును రూ. 56,000కి  తగ్గింపు లభిస్తుంది. అలాగే  S ప్రెస్సో AMT మోడల్‌లకు మొత్తం రూ. 46వేలు డిస్కౌంట్‌ లభ్యం. మారుతీ సుజుకి స్విఫ్ట్ అక్టోబర్ నెలలో, మారుతి సుజుకి స్విఫ్ట్ యొక్క ఆటోమేటిక్ ట్రాన్స్‌మిషన్ (AMT) వెర్షన్‌లు రూ. 47,000 మొత్తం ప్రయోజనాలకు అర్హమైనవి, స్విఫ్ట్ యొక్క మాన్యువల్ ట్రాన్స్‌మిషన్ వేరియంట్‌లు రూ. 30,000 విలువైన మొత్తం ప్రయోజనాలకు అర్హులు. ఆల్టో 800కి మొత్తం రూ. 36,000 తగ్గింపు ఉంటుంది. మారుతి సుజుకి వ్యాగన్-ఆర్ మారుతి సుజుకి డ్యూయల్‌జెట్ టెక్నాలజీతో వచ్చిన రెండు ఎకనామిక్ పెట్రోల్ కార్ల (1.0 ,1.2 లీటర్లు) వ్యాగన్ ఆర్‌ కొనుగోలుదారులు మాన్యువల్ లేదా ఆటోమేటిక్ ట్రాన్స్‌మిషన్ మోడల్‌లలో రూ. 31,000 ఆదా చేయవచ్చు. అదనంగా, మారుతీ రూ. 15,000 ధర తగ్గింపును కూడా అందిస్తోంది.  సీఎన్‌జీ బేస్ మోడల్‌, టాప్-టైర్ వేరియంట్‌పై రూ. 5000 తగ్గింపు. మారుతి సుజుకి ఆల్టో K10 కొత్తగా విడుదల చేసిన ఆల్టో కె10 బడ్జెట్ హ్యాచ్‌బ్యాక్ ఆటోమేటిక్ మరియు మాన్యువల్ వెర్షన్‌లపై రూ.39,500 తగ్గింపును అందిస్తోంది. ఇందులో రూ. 17,500 విలువైన రూ. 7,000 నగదు తగ్గింపు , రూ. 15,000 విలువైన ఎక్స్ఛేంజ్ బోనస్‌, కార్పొరేట్ రివార్డు ఉన్నాయి.

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతీ సుజుకీ ఇండియా నుంచి మధ్యస్థాయి స్పోర్ట్స్‌ యుటిలిటీ వెహికిల్‌ గ్రాండ్‌ విటారా భారత మార్కెట్లో అడుగుపెట్టింది. ఢిల్లీ ఎక్స్‌షోరూంలో ధర రూ.10.45 లక్షల నుంచి రూ.19.65 లక్షల మధ్య ఉంది. మైల్డ్‌ హైబ్రిడ్‌ టెక్నాలజీతో 1.5 లీటర్‌ పెట్రోల్‌ ఇంజన్‌ పొందుపరిచారు. ఆరు వేరియంట్లలో మాన్యువల్, ఆటోమేటిక్‌ మోడల్స్‌లో లభిస్తుంది. మైలేజీ వేరియంట్‌నుబట్టి లీటరుకు 21.1 కిలోమీటర్లు, స్ట్రాంగ్‌ హైబ్రిడ్‌ పవర్‌ట్రెయిన్‌ 27.97 కిలోమీటర్లు ఇస్తుందని కంపెనీ ప్రకటించింది. హ్యుందాయ్‌ క్రెటా, కియా సెల్టోస్, టాటా హ్యారియర్‌కు ఇది పోటీ ఇవ్వనుంది. 57 వేల పైచిలుకు బుకింగ్స్‌ నమోదయ్యాయని మారుతీ సుజుకీ ఇండియా ఎండీ, సీఈవో హిసాటీ టాకేయూచీ ఈ సందర్భంగా తెలిపారు. మారుతీ సుజుకీ, టయోటా సంయుక్తంగా ఈ కారును అభివృద్ధి చేశాయి. మారుతీ సుజుకీ సబ్‌స్క్రైబ్‌ విధానంలో నెలకు రూ.27 వేల చందాతో గ్రాండ్‌ విటారా సొంతం చేసుకోవచ్చు. చదవండి: Ration Card New Rules: కేంద్రం కొత్త నిబంధనలు.. ఇకపై వాళ్ల రేషన్‌ కార్డు కట్‌!

న్యూఢిల్లీ: మొత్తం ప్యాసింజర్‌ వాహనాల అమ్మకాల్లో చిన్న కార్ల వాటా తగ్గుతున్నప్పటికీ .. పరిమాణంపరంగా చూస్తే మాత్రం విక్రయాలు పెరుగుతాయని ఆటోమొబైల్‌ దిగ్గజం మారుతీ సుజుకీ సీనియర్‌ ఎగ్జిక్యూటివ్‌ డైరెక్టర్‌ (మార్కెటింగ్, సేల్స్‌) శశాంక్‌ శ్రీవాస్తవ తెలిపారు. గతంలో మొత్తం ప్యాసింజర్‌ వాహనాల మార్కెట్లో చిన్న కార్ల వాటా 45–46 శాతం వరకూ ఉండేదని, గతేడాది 38 శాతానికి పడిపోయిందని వివరించారు. ఎస్‌యూవీలు 40 శాతం వాటాను దక్కించుకున్నాయని శ్రీవాస్తవ చెప్పారు. అయితే సంఖ్యాపరంగా చూస్తే చిన్న కార్ల విభాగం ఇప్పటికీ భారీ స్థాయిలోనే ఉందన్నారు. గత ఆర్థిక సంవత్సరంలో 30.7 లక్షల కార్లు అమ్ముడు కాగా వాటిలో దాదాపు 40 శాతం వాటా హ్యాచ్‌బ్యాక్‌లదేనని (దాదాపు 12 లక్షలు), మరో 12.3 లక్షల ఎస్‌యూవీలు (సుమారు 40 శాతం) అమ్ముడయ్యాయని శ్రీవాస్తవ వివరించారు. ఆ రకంగా చుస్తే పరిమాణంపరంగా రెండింటికీ మధ్య భారీ వ్యత్యాసమేమీ లేదని పేర్కొన్నారు.   యువ జనాభా, కొత్తగా ఉద్యోగంలోకి చేరే యువత తొలిసారిగా కొనుగోలు చేసేందుకు చిన్న కార్లనే ఎంచుకునే అవకాశాలు ఉండటం ఈ విభాగానికి దన్నుగా ఉండగలదని ఆశిస్తున్నట్లు శ్రీవాస్తవ చెప్పారు. అయితే, ఈ విభాగం కొనుగోలుదారులు ఎక్కువగా అందుబాటు ధరకు ప్రాధాన్యమిస్తారని, అదే అంశం చిన్న కార్లకు కొంత సవాలుగా ఉంటోందని పేర్కొన్నారు. కొత్త ప్రమాణాలను పాటించాల్సి వస్తుండటం, కమోడిటీ ధరలు పెరుగుతుండటం, కొత్త ఫీచర్లను ప్రవేశపెట్టాల్సి వస్తుండటం తదితర అంశాల కారణంగా.. చిన్న కార్లు అందుబాటు రేటులో లభించడం తగ్గుతోందని ఆయన వివరించారు. ‘గత రెండు మూడేళ్లలో ఆదాయం కన్నా ఎక్కువగా వాహనాల ధరలు పెరిగిపోయాయి. దీంతో అందుబాటులో లభ్యతనేది తగ్గిపోయింది. అందుకే ఎస్‌యూవీలతో పోలిస్తే ఈ విభాగం వాటా తగ్గిందని భావిస్తున్నాం‘ అని శ్రీవాస్తవ వివరించారు. చదవండి: బిగ్‌ అలర్ట్: అమలులోకి ఆధార్‌ కొత్త రూల్‌..వారికి మాత్రం మినహాయింపు!

సాక్షి, ముంబై: మోస్ట్‌ ఎవైటెడ్‌ మారుతి సుజుకి ఆల్టో K10 2022 మోడల్‌ వచ్చేసింది. నేడు (గురువారం, ఆగస్టు 18) మారుతి సుజికి ఇండియా  లాంచ్‌ చేసింది.  మారుతి చల్‌ పడీ అంటూ ఆల్టో K10 2022 ను తీసుకొచ్చింది.  రెడ్‌ అండ్‌ బ్లూ రంగుల్లో  ఆవిష్కరించింది.  ఆల్టో K10 2022  కేవలం ప్రారంభ  రూ. 3, 99,000 గా కంపెనీ నిర్ణయించింది.  మొత్తం నాలుగు వేరియంట్లలో ఈ  న్యూ వెర్షన్‌ ఆల్టో K10 2022 లభించనుంది.  (ప్రత్యేక డిపాజిట్‌ స్కీమ్‌: లక్ష డిపాజిట్‌ చేస్తే దాదాపు లక్షా 28 వేలు!) మారుతి సుజుకి ఇప్పటికే కొత్త 2022 ఆల్టో కోసం బుకింగ్‌లను ప్రారంభించింది. ఆసక్తిగల కొనుగోలు దారులు  ఆల్టోను రూ. 11,000తో బుక్ చేసుకునే అవకాశాన్ని కల్పించింది. కొత్త మారుతి సుజుకి ఆల్టో కె10 మారుతి సుజుకి ఆల్టో 800 ఎంట్రీ లెవల్ హ్యాచ్‌బ్యాక్‌తో పాటు కొనుగోలుకు అందుబాటులో ఉంటుంది. (ఇది చదవండి: నా 30 ఏళ్ల అనుభవంలో తొలిసారి: ఎయిర్‌టెల్‌ చైర్మన్‌ ఆశ్చర‍్యం, ప్రశంసలు) కాగా మారుతి సుజుకి ఆల్టో భారతదేశంలో అత్యధికంగా అమ్ముడవుతున్న కార్లలో ఒకటి. కంపెనీ ఇప్పటి వరకు ఈ కారును 40 లక్షల యూనిట్లకు పైగా విక్రయించింది. ఆల్టో ఫస్ట్‌ జనరేషన్‌ 2000లో ఆల్టో 800గా లాంచ్‌ అయిన సంగతి తెలిసిందే.  కొత్త మారుతి సుజుకి ఆల్టో కె10కి రెనాల్ట్ నుండి మాత్రమే  పోటీ ఇస్తుందని మార్కెట్‌ వర్గాలు భావిస్తున్నాయి.  (రియల్‌మీ 5జీ ఫోన్‌, ఇయర్‌ బడ్స్‌ లాంచ్‌: ఇంత తక్కువ ధరలోనా సూపర్‌!)  

సాక్షి,ముంబై: మారుతి సుజుకి  తన పాపులర్‌ మోడల్‌ స్విఫ్ట్‌లో S-CNG వెర్షన్‌ను దేశంలో విడుదల చేసింది. హ్యాచ్‌బ్యాక్ కారు రెండు (VXi , ZXi) వేరియంట్‌లలో అందుబాటులో ఉంది. అంతేకాదు కిలోకి 30.90 కిలోమీటర్లతో  మోస్ట్‌పవర్‌ఫుల్‌, అద్భుతమైన ఇంధన సామర్థ్యమున్న హ్యాచ్‌బ్యాక్‌ కార్‌ అని కంపెనీ చెబుతోంది.  మారుతి కొత్త స్విఫ్ట్ వెర్షన్‌ ధరలు రూ. 7.77 లక్షల (ఎక్స్-షోరూమ్)నుండి ప్రారంభం. అలాగే నెలవారీ సబ్‌స్క్రిప్షన్ రుసుముతో రూ. 16,499తో (అన్ని కలుపుకొని)  ఈ కారును సొంతం చేసుకోవచ్చని మారుతి వెల్లడించింది.   కొత్త మారుతి సుజుకి స్విఫ్ట్ ఎస్‌-సీఎన్‌జీ  1.2L K-సిరీస్ డ్యూయల్ జెట్, డ్యూయల్ VVT ఇంజన్‌తో 6,000rpm వద్ద 76bhp, 4,300rpm వద్ద 98Nm టార్క్‌ను ఉత్పత్తి చేస్తుంది. 5-స్పీడ్ మాన్యువల్ యూనిట్‌తో మాత్రమే వచ్చింది. 2022 మారుతి సుజుకి స్విఫ్ట్ S-CNGలో డ్యూయల్ ఇంటర్ డిపెండెంట్ ఎలక్ట్రానిక్ కంట్రోల్ యూనిట్స్‌, (ECU) ఇంటెలిజెంట్ ఇంజెక్షన్ సిస్టమ్‌ను జోడించింది. తుప్పు ఎలాంటి లీకేజీ లేకుండాస్టెయిన్‌లెస్ స్టీల్ పైపులు, జాయింట్‌లతో ఈ మోడల్ మరింత సేఫ్టీగా ఉంటుందని కంపెనీ మారుతీ సుజుకి ఇండియా సీనియర్ ఎగ్జిక్యూటివ్ ఆఫీసర్ (మార్కెటింగ్ అండ్‌ సేల్స్) శశాంక్ శ్రీవాస్తవ  పేర్కొన్నారు.  

సాక్షి,ముంబై: మారుతి సుజుకి సరికొత్త ఆల్టో కె10 కోసం ఎదురుచూస్తున్నవారికి శుభవార్త. కొత్త ఆల్టో K10 బుకింగ్‌లను మారుతి సుజుకి బుధవారం ప్రారంభించింది. మారుతి ఎంట్రీ-లెవల్ హ్యాచ్‌బ్యాక్ తాజా వెర్షన్ సరికొత్త సేఫ్టీ ఫీచర్లు, కనెక్టివిటీ ఫీచర్లతో వస్తున్న కొత్త ఆల్టో కె-10 కస్టమర్లను ఆకట్టుకోనుంది. రూ. 11 వేలు చెల్లించి ఆల్టో కె10ని ప్రీ-బుక్ చేయవచ్చు.  మారుతి  అరేనా షోరూంలో, లేదా ఆన్‌లైన్‌లో గానీ ఈ కారును బుక్‌ చేసుకోవచ్చు. (సీనియర్ సిటిజన్లు, జర్నలిస్టులకు రైల్వే శాఖ గుడ్‌ న్యూస్‌?) మారుతీ సుజుకి ఇండియా లిమిటెడ్ సీనియర్ ఎగ్జిక్యూటివ్ ఆఫీసర్ (మార్కెటింగ్ & సేల్స్) శశాంక్ శ్రీవాస్తవ మాట్లాడుతూ, 4.32 మిలియన్లకు పైగా కస్టమర్లతో, ఆల్టో దేశంలో అత్యంత ప్రభావవంతమైన కార్ బ్రాండ్‌గా ఉందని చెప్పారు.. ఆల్టో కుటుంబాలు విపరీతంగా ఇష్టపడే, లెజెండరీ ఆల్టో యువ భారతదేశం ఆకాంక్షలతో అభివృద్ధి చెందిన దిగ్గజ బ్రాండ్‌కు నిదర్శనం. 22 సంవత్సరాల బలమైన బ్రాండ్ వారసత్వంతో, ఆల్టో గౌరవానికి విశ్వసనీయతకు చిహ్నం మాత్రమేకాదు తమకు చాలా విజయ వంతమైన  బ్రాండ్‌ అన్నారు. దేశంలో హ్యాచ్‌బ్యాక్ సెగ్మెంట్‌లో  పునర్నిర్వచించేలా, కస్టమర్ల ఆకాంక్షలకనుగుణంగా కొత్త ఆల్-న్యూ ఆల్టో K10 తీర్చి దిద్దామని మారుతి చీఫ్ టెక్నికల్ ఆఫీసర్ (ఇంజినీరింగ్) సీవీ  రామన్ అన్నారు. ఆధునిక డిజైన్, విశాలమైన క్యాబిన్, సాంకేతికతతో నడిచే, యూజర్ ఫ్రెండ్లీ ఇంటీరియర్‌పై ప్రత్యేక దృష్టి సారించామని వెల్లడించారు.  (వావ్‌...హోండా యాక్టివా 7జీ కమింగ్‌ సూన్‌..!) ఫీచర్లు, ధరపై అంచనాలు ఆల్టో K10 సరికొత్త డిజైన్, ప్లాట్‌ఫారమ్, ఇంటీరియర్ లేఅవుట్, ఫీచర్ లిస్ట్‌తో  రానుంది. కార్ టెక్ కనెక్ట్‌, టచ్‌స్క్రీన్ ఇన్ఫోటైన్‌మెంట్, మెరుగైన పనితీరు కోసం హార్ట్‌టెక్ ఆర్కిటెక్చర్‌తో రానుంది.  1,000 cc పెట్రోల్ ఇంజీన్‌తో రానుందని భావిస్తున్నారు. ఇక  ధరల విషయానికొస్తే, కొత్త మారుతి సుజుకి ఆల్టో కె10 ఎక్స్-షోరూమ్ ప్రారంభ ధర ఎస్-ప్రెస్సో  ధర  రూ. 4.25 లక్షల కంటే తక్కవనేగా ఉండనుందని అంచనా. కొత్త ఆల్టో కె10  ఆగస్టు 18 న అధికారికంగా లాంచ్‌ కానుంది.  ఇదికూడా చదవండి :  జియో మెగా ఫ్రీడం ఆఫర్‌, ఏడాది ఉచిత సబ్‌స్క్రిప్షన్

సాక్షి, ముంబై: దేశీయ అతిపెద్ద కార్ల తయారీ సంస్థ మారుతీ సుజుకి ఇండియా  'గెట్ రెడీ ఫర్ ఏ ఎక్సైటింగ్ సర్ప్రైజ్'  అంటూ  కస్టమర్లను ఊరిస్తోంది.  ఆగస్ట్ 18 నుండి 22, 2022 వరకు క్యాలెండర్‌ను బ్లాక్ చేసుకోమంటూ శుక్రవారం సోషల్‌ మీడియాద్వారా కోరింది.  దీంతో  మారుతి  థర్డ్‌ జనరేషన్‌ కాంపాక్ట్ హ్యాచ్‌బ్యాక్ కారు కొత్త 2022 ఆల్టోను ఆవిష్కరించే అవకాశం ఉందని  ఊహాగానాలు వెల్లువెత్తాయి. ఇండియలో అ‍త్యంత ప్రజాదరణ పొందిన కారుగా ఖ్యాతి దక్కించుకున్న ఆల్టోను కొత్త డిజైన్‌, అప్‌డేటెడ్‌ ఫీచర్లతో సరికొత్తగా లాంచ్‌ చేయనుంది. కొత్త తరం ఆల్టోకి సంబంధించిన  కొన్ని ఫోటోలు అనేక సోషల్ మీడియా ప్లాట్‌ఫారమ్‌లలో హల్‌ చల్‌ చేసిన సంగతి తెలిసిందే.  అయితే, కంపెనీ కొత్త ఆల్టో కోసం తుది లాంచ్ తేదీని నిర్ధారించలేదని  అధికారికంగా ప్రకటించకపోయినా,ఆగస్ట్  18 -22 మధ్య లాంచ్ అవుతుందని ఖచ్చితంగా తెలుస్తోంది.   కొత్త తరం ఆల్టో కి సంబంధించిన  కొన్ని ఫోటోలు అనేక సోషల్ మీడియా ప్లాట్‌ఫారమ్‌లలో  హల్‌ చల్‌ చేసిన సంగతి  తెలిసిందే. ఆటోమేటిక్ గేర్‌బాక్స్‌తో  వస్తున్న కొత్త 998cసీసీ ఆల్టో K10 ఇంజన్ అమర్చిందట.  ఇది  66 bhp శక్తిని, 89Nm టార్క్‌ను ఉత్పత్తి చేస్తుంది. అలాగే 2022 ఆల్టో యొక్క ప్రారంభ ధర రూ. 3.5 లక్షల (ఎక్స్-షోరూమ్) గా ఉంటుందని అంచనా ఇక మార్కెట్లో పోటీ విషయానికి వస్తే.  రెనాల్ట్ క్విడ్, టాటా టియాగో , డాట్సన్ రెడి-గో వంటి వాటికి గట్టిపోటీ ఇస్తుందని అంచనా.   ఇది కూడా చదవండి :  మహీంద్రాకు ఏమైంది? రెండోసారి ఆ కార్ల రీకాల్‌ ఐఫోన్‌ 11, ఐఫోన్‌ 12పై భారీ తగ్గింపు

సాక్షి, ముంబై: 2022 మొదటి అర్ధభాగంలో కార్ల అమ్మకాలు ప్రతికూల వృద్ధిని నమోదు చేశాయి. 2022 జనవరి- జూన్‌ వరకు అత్యధికంగా అమ్ముడైన కార్ల మోడల్స్‌లో మారుతి సుజుకి టాప్‌ లో నిలిచింది. ఈ ఏడాది విక్రయాల్లో టాప్‌-10 కార్లలో తొలి ఐదు స్థానాలను ఆక్రమించడం విశేషం. పాపులర్‌ మోడల్స్‌ వ్యాగన్‌-ఆర్‌, స్విఫ్ట్‌, బాలెనో, డిజైర్‌, ఆల్టో లాంటి మోడల్స్‌ ఉన్నాయి.  అయితే 2021 మొదటి అర్ధభాగంలో అమ్మకాలతో  ఈ ఏడాది ఇదే సమాయానికి అమ్మకాల్లో తగ్గుదల కనిపించింది. మారుతి సుజుకి స్విఫ్ట్, బాలెనో, ఆల్టో  లాంటి కార్లతోపాటు, టాటా ,  హ్యుందాయ్  మోడల్‌ అమ్మకాలు బాగా పడిపోయాయి.  టాప్ 10 బెస్ట్ సెల్లింగ్ కార్ల జాబితాలో మారుతి సుజుకి  ది వ్యాగన్ R, స్విఫ్ట్, డిజైర్, బాలెనో , ఆల్టోతో సేల్స్ చార్ట్‌లో అగ్రస్థానంలో ఉంది. వ్యాగన్ ఆర్ 20 శాతం వృద్ధితో 1,13,407 కార్లు అమ్ముడయ్యాయి. డిజైర్ 21 శాతం వార్షిక అమ్మకాలను నమోదు చేసింది.  ఐదు మోడళ్లలో, వరుసగా 91,177 యూనిట్లు, 85,929 యూనిట్లు, 74,892 యూనిట్లు,  68,660 కార్లను సేల్‌ చేఏసింది.  హ్యుందాయ్ గ్రాండ్ ఐ10 52,333 యూనిట్లను విక్రయాలతో ఆరవ స్థానంలో నిలిచింది. గత ఏడాదితో పోలిస్తే అమ్మకాలు  7 శాతం  క్షీణించాయి. గత ఏడాది ఇదే కాలంలో హ్యుందాయ్  56,286 యూనిట్లను విక్రయించింది. సెలెరియో, S-ప్రెస్సో వరుసగా 46,764 యూనిట్లు ,  34,123 యూనిట్లతో  మారుతి సుజుకి ఏడు, ఎనిమిదవ స్థానాలను కైవసం చేసుకుంది. మారుతి సుజుకి సెలెరియో 144 శాతం వృద్ధిని నమోదు చేయగా, ఎస్-ప్రెస్సో 4 శాతం వృద్ధిని నమోదు చేసింది. హ్యుందాయ్ i20 తొమ్మిదో ప్లేస్‌లో ఉంది.  గత సంవత్సరం 41,326 యూనిట్లతో పోలిస్తే 34,119 యూనిట్లను విక్రయించి, 17 శాతం ప్రతికూల వృద్ధిని నమోదు చేసింది. టాటా ఆల్ట్రోజ్‌ 28,808 యూనిట్లతో టాప్‌-10 లో నిలిచింది. దీని అమ్మకాలు కూడా 23 శాతం పడిపోయాయి..

సాక్షి, ముంబై: మారుతితి సుజుకి గ్రాండ్ విటారాను ఎట్టకేలకు ఈ రోజు (జూలై 20)  ఇండియాలో పరిచయం  చేసింది.  అర్బన్ క్రూయిజర్, గ్లాంజా తరువాత టయోటా సుజుకి భాగస్వామ్యంతో తయారైన కొత్త మోడల్ ఎస్‌యూవీ గ్రాండ్‌ విటారా. 28 కిలోమీటర్ల మైలేజీ ఎస్‌యూవీగా కంపెనీ వెల్లడించడం ప్రత్యేక ఆకర్షణగా నిలుస్తోంది.  ఆసక్తిగల కొనుగోలుదారులు మారుతి డీలర్‌షిప్ వద్ద లేదా ఆన్‌లైన్‌లో రూ. 11,000తో ఈ కారును బుక్ చేసుకోవచ్చు.  2020  మారుతి సుజుకి గ్రాండ్‌ విటారా ఎస్‌యూవీ ధర రూ.9.50 లక్షల నుంచి రూ.16 లక్షల వరకు  ఉండనుంది.  డిజైన్‌, ఫీచర్లు, ఇంజన్‌ గ్రాండ్ విటారా ఎస్‌యూవీ కూడా టయోటా అర్బన్ క్రూయిజర్ హైరైడర్ ఎస్‌యూవీ మాదిరిగానే ఉన్నా. SUV క్రోమ్ స్ట్రిప్‌, ట్రైఎల్ఈడీ టెయిల్ లైట్ల పొడవైన బంపర్, స్పోర్టి ఎయిర్ డ్యామ్, పూర్తి-LED ప్రొజెక్టర్ హెడ్‌ల్యాంప్స్‌ స్పెషల్‌.  ప్రత్యేకమైన 17 అంగుళాల అల్లాయ్ వీల్స్ పొందుపర్చింది.  27.97km మైలేజీని అందజేస్తుందని  ‍కంపెనీ పేర్కొంది. ఫీచర్ల విషయానికి వస్తే,వెంటిలేటెడ్ సీట్లు, ఎలక్ట్రిక్ సన్‌రూఫ్, వైర్‌లెస్ ఆపిల్ కార్‌ప్లే,  ఆండ్రాయిడ్ ఆటో టచ్‌స్క్రీన్ ఇన్ఫోటైన్‌మెంట్ సిస్టమ్, హెడ్స్-అప్-డిస్‌ప్లే ఆటోమేటిక్ క్లైమేట్ కంట్రోల్, 360-డిగ్రీ కెమెరా , అనేక ఇతర స్మార్ట్ కార్ ఫీచర్లు ఇందులో ఉన్నాయి. అలాగూ ఆల్‌గ్రిప్ AWD సాంకేతికతను కూడా జోడించింది. AllGrip సిస్టమ్‌లో ఆటో, స్పోర్ట్, స్నో, లాక్‌ అనే నాలుగు మోడ్‌లు అందుబాటులో ఉంటుంది. ఏడబ్యూడీ టెక్నాలజీని అందించిన మారుతి సుజుకీ ఏకైక కారు గ్రాండ్‌ విటారా. ఎలక్ట్రానిక్ స్టెబిలిటీ ప్రోగ్రామ్, 6-ఎయిర్‌బ్యాగ్‌లు, ESP, హిల్-హోల్డ్ అసిస్ట్, వెనుక ప్రయాణీకులకు 3 పాయింట్ సీట్‌బెల్ట్‌లు, టైర్ ప్రెజర్ మానిటరింగ్ సిస్టమ్, ఆల్-వీల్ డిస్క్ బ్రేక్‌లు, హిల్ డిసెంట్ కంట్రోల్ లాంటి సెక్యూరిటీ ఫీచర్లున్నాయి.  మారుతి సుజుకి గ్రాండ్ విటారా రెండు ఇంజన్ ఆప్షన్లతో లభ్యం.  ఇందులో ఒకటి 1.5-లీటర్ TNGA అట్కిన్సన్ సైకిల్ ఇంజన్.  ఇది 92hp , 122Nm టార్క్‌ను, 79hp, 141Nm టార్క్‌ను ఉత్పత్తి చేస్తుంది. రెండోది 1.5-లీటర్ K15C మైల్డ్-హైబ్రిడ్ ఇంజన్‌తో అందుబాటులో ఉంటుంది.  కొత్త బ్రెజ్జా, XL6 , ఎర్టిగాలో ఇదే ఇంజన్‌ను అమర్చింది.ఇది 103hp , 137Nm టార్క్‌ను ఉత్పత్తి చేస్తుంది.    

న్యూఢిల్లీ: ప్యాసింజర్‌ కార్లలో ఆరు ఎయిర్‌బ్యాగ్స్‌ తప్పనిసరి ఉండాలన్న ప్రభుత్వ ప్రతిపాదనపై దేశీయ వాహన రంగ దిగ్గజం మారుతీ సుజుకీ ఇండియా స్పందించింది. ఈ నిర్ణయాన్ని పునఃపరిశీలించాలని సూచించింది. ఇప్పటికే తగ్గుతున్న చిన్న కార్ల మార్కెట్‌పై ప్రతిపాదిత నిబంధన తీవ్ర ప్రభావం చూపిస్తుందని సంస్థ చైర్మన్‌ ఆర్‌.సి.భార్గవ వెల్లడించారు. వాహన రంగంలో ఉద్యోగాలు కోల్పోయే ప్రమాదం ఉందని హెచ్చరించారు. ‘మూడేళ్లుగా చిన్న కార్ల విభాగం అమ్మకాలు తగ్గుతూ వస్తున్నాయి. ద్విచక్ర వాహనదారులు అప్‌గ్రేడ్‌ అయ్యే అవకాశాలను దెబ్బతీస్తుంది.  ధరలు దూసుకెళ్తుండడంతో మెట్రోయేతర ప్రాంతాల్లో విక్రయాలు తగ్గాయి. ఆరు ఎయిర్‌బ్యాగ్స్‌ తప్పనిసరి అయితే ధర రూ.20–25 వేల దాకా అధికం అవుతుంది. చిన్న కారు కొనుగోలుదార్లకు ఇది భారమే’ అని భార్గవ వివరించారు.    

హైదరాబాద్, బిజినెస్‌ బ్యూరో: వాహన తయారీ సంస్థ మారుతీ సుజుకీ ఎక్స్‌ఎల్‌6 కొత్త వెర్షన్‌ ధరను ప్రకటించింది. ఎక్స్‌షోరూంలో ధర వేరియంట్‌నుబట్టి రూ.11.3–14.5 లక్షల మధ్య ఉంది. మాన్యువల్, ఆటోమేటిక్‌ ట్రాన్స్‌మిషన్‌ ఆప్షన్స్‌తో 1.5 లీటర్‌ పెట్రోల్‌ ఇంజిన్‌ పొందుపరిచారు. ప్యాడిల్‌ షిఫ్టర్స్‌తో 6 స్పీడ్‌ ఆటోమేటిక్‌ ట్రాన్స్‌మిషన్, 75.8 కిలోవాట్‌ పవర్, వెంటిలేటెడ్‌ ఫ్రంట్‌ సీట్స్, నాలుగు ఎయిర్‌బ్యాగ్స్, టైర్‌ ప్రెజర్‌ మానిటరింగ్‌ సిస్టమ్, హిల్‌ హోల్డ్‌ అసిస్ట్‌తో ఎల్రక్టానిక్‌ స్టెబిలిటీ ప్రోగ్రామ్,  రిమోట్‌ ఆపరేషన్స్‌తో 40కిపైగా ఫీచర్లతో ఇన్‌బిల్ట్‌ సుజుకీ కనెక్ట్‌ వంటి హంగులు ఉన్నాయి.     చదవండి: వచ్చేస్తోంది..కియా ఎలక్ట్రిక్‌ కారు..మొదలుకానున్న బుకింగ్స్‌..ఎప్పుడంటే..?

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతీ సుజుకీ ఇండియా అన్ని రకాల మోడళ్ల ధరలను సవరించింది. మోడల్‌నుబట్టి 0.9–1.9 శాతం మేర ధర పెంచినట్టు కంపెనీ ప్రకటించింది. సోమవారం నుంచే కొత్త ధరలు అమలులోకి వచ్చాయని వివరించింది. తయారీ వ్యయం అధికం అయినందునే ఈ నిర్ణయం తీసుకున్నట్టు వెల్లడించింది. 2021 జనవరి నుంచి 2022 మార్చి మధ్య వాహన ధరలను మారుతీ సుజుకీ 8.8 శాతం పెంచింది.  స్టీల్, రాగి, అల్యూమినియం, ఇతర విలువైన లోహాలు రోజురోజుకూ ఖరీదు అవుతూనే ఉన్నాయి.    చదవండి: గ్రాండ్‌ ఎంట్రీ ఇవ్వనున్న ఎల్‌ఎంఎల్‌..! అది కూడా ఎలక్ట్రిక్‌ హైపర్‌ బైక్‌..!

పెరుగుతున్న ఇంధన ధరలు, పర్యావరణ ఆందోళనల కారణంగా...ప్రపంచవ్యాప్తంగా దిగ్గజ ఆటోమొబైల్‌ కంపెనీలు ఎలక్ట్రిక్‌ వాహనాలపై దృష్టి సారించాయి. ఇప్పటికే పలు కంపెనీలు ఆయా ఎలక్ట్రిక్‌ కార్లను మార్కెట్లలోకి రిలీజ్‌ చేశాయి. ఇక భారత్‌లో కూడా ఎలక్ట్రిక్‌ వాహనాల వాడకం కూడా ఊపందుకుంది. భారత ఆటోమొబైల్‌ మార్కెట్లను టార్గెట్‌ చేస్తూ పలు దిగ్గజ కంపెనీలు వినూత్న ఎలక్ట్రిక్‌ మోడళ్ల తయారీపై దృష్టి పెట్టాయి. కాగా టయోటా, మారుతి సుజుకి సంస్థలు ఒక అడుగు ముందుకేసి మిడ్‌సైజ్‌ ఎలక్ట్రిక్‌ ఎస్‌యూవీ కారును భారత్‌లో రిలీజ్‌ చేసేందుకు ప్రణాళికలను రచిస్తోన్నాయి. ఈ రెండు సంస్థలు సంయుక్తంగా రెండు ఎలక్ట్రిక్‌ కార్లను తయారుచేస్తున్నాయి.  డిజైన్‌ విషయానికి వస్తే..! టయోటా, మారుతి సుజుకి సంయుక్తంగా రూపొందించిన మిడ్‌సైజ్‌ ఎస్‌యూవీ ఎలక్ట్రిక్‌ కారు డిజైన్‌కు సంబంధించి పలు ఆసక్తికర విషయాలు బయటపడ్డాయి. ఈ వాహనం 2.7 మీటర్ల వీల్‌బేస్‌తో 4.3 మీటర్ల పొడవు ఉండవచ్చునని తెలుస్తోంది. అంటే భారత్‌లో అత్యధికంగా అమ్ముడవుతున్న ఈవీ టాటా నెక్సాన్ ఈవీ కంటే ఈ ఎలక్ట్రిక్ ఎస్‌యూవీ పెద్దదిగా ఉండే అవకాశం ఉంది. కొద్దిరోజుల క్రితం ఎంజీ మోటార్స్‌  లాంచ్‌ చేసిన  జెడ్‌ఎస్‌ ఈవీతో సమానమైన పరిమాణంలో ఉండవచ్చు. స్థానిక , అంతర్జాతీయ మార్కెట్ల కోసం, సుజుకి ఈ రెండు మోడళ్లను దాని గుజరాత్ ఫెసిలిటీలో నిర్మిస్తుందని సమాచారం. ఎలక్ట్రిక్ స్కేట్‌బోర్డ్ పొడవైన వీల్‌బేస్ కారణంగా, క్యాబిన్ మరింత విశాలంగా ఉండనుంది. సెక్యూర్డ్‌ బ్యాటరీ ప్యాకేజింగ్‌తో రానుంది.  మాడ్యులర్ eTNGA ప్లాట్‌ఫారమ్‌తో కూడిన డెడికేటెడ్ ఎలక్ట్రిక్ క్రాస్‌ఓవర్‌తో వచ్చే అవకాశం ఉంది.    ధర ఎంతంటే..? భారత్‌లో మిడ్‌సైజ్‌ ఎస్‌యూవీ వాహనాలు భారీ ఆదరణను పొందాయి. టయోటా, మారుతి సుజుకీ సంయుక్తంగా రూపొందిస్తోన్న మిడ్‌ సైజ్‌ ఎస్‌యూవీ భారత ఈవీ మార్కెట్లలో తొలి కారుగా నిలుస్తోంది. ఈ రెండు కంపెనీలు తయారు చేస్తోన్న కారు ధర రూ. 13 నుంచి 15 లక్షల(ఎక్స్‌షోరూమ్‌)గా ఉండనున్నట్లు తెలుస్తోంది.  రేంజ్‌ ఎంతంటే..? ఈ కారులో రెండు రకాల బ్యాటరీ వేరియంట్స్‌తో వచ్చే అవకాశం ఉంది. 48 కెడబ్ల్యుహెచ్ బ్యాటరీతో కూడిన సింగిల్ 140పీఎస్‌ శక్తిని, ఈ మోడల్ ఎలక్ట్రిక్ కారుని ఒకసారి ఛార్జ్ చేస్తే సుమారు 400 కిలోమీటర్ల రేంజ్ ఉంటుంది. 59 కెడబ్ల్యుహెచ్ బ్యాటరీ, 172 పీఎస్‌ శక్తిని ఉత్పత్తి చేస్తోంది. ఈ కారు సుమారు రియల్‌టైంలో 500 కిలోమీటర్ల రేంజ్ అందిస్తుందని సమాచారం.  చదవండి: కళ్లు చెదిరే లుక్స్‌తో హల్‌చల్‌ చేస్తోన్న మారుతి సుజుకి నయా కారు..! లాంచ్‌ ఎప్పుడంటే..?

2022 Maruti Suzuki Ertiga Facelift: ప్రముఖ ఆటోమొబైల్‌ దిగ్గజం మారుతి సుజుకీ త్వరలోనే అప్‌డేటెడ్‌ 2022 మారుతి సుజుకి ఎర్టిగా ఎంపీవీ ఫేస్‌లిఫ్ట్‌ మోడల్‌ను లాంచ్‌ చేయనుంది.ఈ కారుకు సంబంధించిన చిత్రాలు సోషల్‌మీడియాలో వైరల్‌గా మారాయి. 2022 మారుతి సుజుకి ఎర్టిగా ఎంపీవీ ఫేస్‌లిఫ్ట్‌ కారుకు సంబంధించిన ప్రీబుకింగ్స్‌ను కూడా కంపెనీ మొదలుపెట్టింది. రూ. 11 వేల టోకెన్‌ అమౌంట్‌ను చెల్లించి కొనుగోలుదారులు 2022 మారుతి సుజుకి ఎర్టిగా ఫేస్‌లిఫ్ట్‌ ఎడిషన్‌ బుక్‌ చేసుకోవచ్చును.  లాంచ్‌ ఎప్పుడంటే..! ఎంపీవీ వాహనాల్లో మారుతి సుజుకీ ఎర్టిగా భారీ ఆదరణనే పొందింది. ఇప్పుడు పలు మార్పులతో సరికొత్తగా మారుతి సుజుకీ  ఎర్టిగా కారును లాంచ్‌ చేసేందుకు మారుతి సుజుకీ సన్నాహాలను చేస్తోంది. ఈ నెల చివరలో 2022 మారుతి సుజుకీ ఎర్టిగా ఫేస్‌లిఫ్ట్‌ మోడల్‌ను కంపెనీ రిలీజ్‌ చేయనున్నట్లు తెలుస్తోంది.  2022 మారుతి సుజుకి ఎర్టిగా ఫేస్‌లిఫ్ట్‌ ఎడిషన్‌ నాలుగు వేరియంట్లలో రానున్నట్లు సమాచారం. సీఎన్‌జీ, 6-స్పీడ్‌ ఆటోమేటిక్‌ ట్రాన్స్‌మిషన్‌ కూడా కొనుగోలుదారులకు అందుబాటులో ఉండనున్నాయి.  ట్యాక్సీ సెగ్మెంట్ కోసం 2022 ఎర్టిగా  టూర్ వేరియంట్‌ను కూడా మారుతి సుజుకి ఇండియా అందిస్తోంది. ఇది పెట్రోల్, సీఎన్‌జీ ఎంపికలలో వస్తుంది, ఇది మాన్యువల్ ట్రాన్స్‌మిషన్‌తో రానుంది. 2022 మారుతి సుజుకి ఎర్టిగా పెరల్ ఆర్కిటిక్ వైట్, స్ప్లెండిడ్ సిల్వర్, మాగ్మా గ్రే, ఆబర్న్ రెడ్, ప్రైమ్ ఆక్స్‌ఫర్డ్ బ్లూ, పెరల్ డిగ్నిటీ బ్రౌన్, మిడ్‌నైట్ బ్లాక్ షేడ్స్ అనే ఏడు కలర్‌ ఆప్షన్స్‌తో కొనుగోలుదారులకు అందుబాటులో ఉండనుంది.  అప్‌డేటేడ్‌ డిజైన్‌తో..! 2022 మారుతి సుజుకీ ఎర్టిగా ఫేస్‌లిఫ్ట్‌ మోడల్‌ సరికొత్త డిజైన్‌తో రానుంది. కొత్త గ్రిల్‌, ఎల్‌ఈడీ ప్రొజెక్టర్ యూనిట్‌లతో, అప్‌డేటేడ్‌ హెడ్‌ల్యాంప్స్‌తో రిఫ్రెష్ లుక్‌ను పొందనుంది. ఇక ఫీచర్ల విషయానికొస్తే,....ఎర్టిగా స్మార్ట్‌ప్లే ప్రో టచ్ స్క్రీన్ ఇన్ఫోటైన్‌మెంట్ సిస్టమ్‌తో కొత్త 7-అంగుళాల డిస్‌ప్లేను పొందనుంది. రాబోయే మారుతి సుజుకి ఎర్టిగా ఫేస్‌లిఫ్ట్‌లో స్మార్ట్ హైబ్రిడ్ టెక్నాలజీతో జత చేశారు. నెక్స్ట్-జెన్ కే-సిరీస్ 1.5-లీటర్ డ్యూయల్ జెట్, డ్యూయల్ వీవీటీ ఇంజన్‌తో రానుంది. కొత్త పవర్‌ట్రెయిన్‌తో పాటు, మారుతి సుజుకి ప్యాడిల్ షిఫ్టర్‌లతో కూడిన అధునాతన 6-స్పీడ్ ఆటోమేటిక్ ట్రాన్స్‌మిషన్‌ను కూడా పరిచయం చేస్తోంది. చదవండి: అమ్మకాల్లో దూసుకెళ్తున్న మెర్సిడెస్‌ బెంజ్‌!

ప్రముఖ ఆటోమొబైల్‌ దిగ్గజం మారుతి సుజుకి వ్యాగన్‌ఆర్‌ పోర్ట్‌ఫోలియోలో సరికొత్త వేరియంట్‌ను లాంచ్‌ చేసింది. ఈ కారు వ్యాగన్‌ఆర్‌ టూర్‌ హెచ్‌3గా పిలవనున్నట్లు తెలుస్తోంది.  మారుతి సుజుకి వ్యాగన్‌ఆర్‌ టూర్‌హెచ్‌3 సరికొత్త డిజైన్‌తో రానుంది. ఈ కారులో హ్యాచ్‌బ్యాక్ బాడీ కలర్ బంపర్స్, వీల్ సెంటర్ క్యాప్ అండ్‌ బ్లాక్-అవుట్ ఓఆర్‌వీఎంను అమర్చారు. కారు ఇంటీరియర్ విషయానికి వస్తే...ఇందులో ఫ్రంట్ క్యాబిన్ ల్యాంప్స్, టికెట్ హోల్డర్‌తో డ్రైవర్ సైడ్ సన్‌వైజర్, ఫ్రంట్ అండ్‌ రియర్ హెడ్‌రెస్ట్ ఉన్నాయి. అంతేకాకుండా సైడ్ ఆటో డౌన్ ఫంక్షన్, మాన్యువల్ ఏసీ, వెనుక పార్శిల్ ట్రే, రిక్లైనింగ్ అండ్‌ ఫ్రంట్ స్లైడింగ్ సీట్లు కలిగిన ఫ్రంట్ పవర్ విండోలతో రానుంది.  గతంలో మారుతి సుజుకి పలు వేరియంట్లకు టూర్‌ వెర్షన్‌ మోడల్స్‌ను తీసుకొచ్చింది. ఇప్పుడు డిజైర్‌, ఎర్టిగా టూర్‌ వెర్షన్‌ మోడల్స్‌కు మారుతి సుజుకీ వ్యాగన్‌ఆర్‌ కూడా వచ్చి చేరింది. వ్యాగన్‌ఆర్‌ టూర్‌ హెచ్‌3 పెట్రోల్‌, సీఎన్‌జీ వేరియంట్లలో రానుంది.   పెట్రోల్‌ వేరియంట్‌ ధర రూ. 5.39 లక్షలు కాగా, సీఎన్‌జీ వేరియంట్‌ రూ. 6.34 లక్షలుగా ఉంది.  సేఫ్టీ విషయానికి వస్తే..! మారుతి సుజుకి వ్యాగన్‌ఆర్‌ టూర్‌ హెచ్‌3 కారులో డ్యూయల్ ఎయిర్‌బ్యాగ్‌లు, ఈబీడీ టెక్నాలజీతో ఎబీఎస్‌ బ్రేకింగ్‌ సిస్టమ్స్‌, స్పీడ్‌ లిమిటింగ్‌ ఫంక్షన్‌, రియర్‌ పార్కింగ్‌ సెన్సార్స్‌, సెంట్రల్‌ డోర్‌ లాకింగ్‌తో రానుంది.  ఇంజిన్‌ విషయానికి వస్తే..! మారుతి సుజుకి వ్యాగన్‌ఆర్‌ టూర్‌ హెచ్‌3 పెట్రోల్, సీఎన్‌జీ వేరియంట్లలో రానుంది. పెట్రోల్‌ పవర్ ట్రైన్‌తో..1.0-లీటర్, 3-సిలిండర్, K10C పెట్రోల్ ఇంజన్‌తో 5,500rpm వద్ద 64bhp శక్తిని, 3,500rpm వద్ద 89Nm గరిష్ట టార్క్‌ను ఉత్పత్తి చేయనుంది. ఇది మారుతి సుజుకి డ్యూయల్‌జెట్ సాంకేతికతను ఐడిల్ స్టార్ట్-స్టాప్ సిస్టమ్‌తో పొందుతుంది. దీంతో ఈ కారు 25.4km/l మైలేజ్‌ను అందిస్తుంది.  సీఎన్‌జీ వేరియంట్‌లో డ్యూయల్‌ జెట్‌ సాంకేతికత లేదు. ఈ వెర్షన్ 5,300rpm వద్ద 56bhp శక్తిని, 3,400rpm వద్ద 82Nm గరిష్ట టార్క్‌ను ఉత్పత్తి చేస్తుంది. 5-స్పీడ్ మ్యాన్యువల్ గేర్‌బాక్స్‌తో రానుంది. ఈ వేరియంట్‌ గరిష్టంగా 34.73km/kg మైలేజ్‌ను అందించనుంది.  చదవండి: హల్‌చల్‌ చేస్తోన్న టాటా మోటార్స్‌ కొత్త ఎలక్ట్రిక్‌ కారు..! లాంచ్‌ ఎప్పుడంటే..?

హైదరాబాద్, బిజినెస్‌ బ్యూరో: హైడ్రోస్టాటిక్‌ లాక్, ఇంధన కల్తీ కారణంగా వాహనాల ఇంజన్‌లో ఊహించని వైఫల్యాలు తలెత్తుతుంటాయి. ఇటువంటి సమస్యలు ఉత్పన్నమైతే మేమున్నామని భరోసా ఇస్తోంది మారుతి సుజుకీ ఇండియా. స్వల్ప మొత్తంతో కస్టమర్‌ కన్వీనియెన్స్‌ ప్యాకేజీని (సీసీపీ) ప్రకటించింది. సీసీపీ కింద ఆల్టో, వేగన్‌–ఆర్‌ మోడళ్లకైతే రూ.500 చెల్లించాలి. ఇంజన్‌ పాడైతే మారుతి సుజుకీ అధీకృత సర్వీస్‌ సెంటర్‌ తీసుకెళితే చాలు. ఎటువంటి ప్రశ్నలు వేయకుండా రిపేర్‌ చేసి ఇస్తారు. ‘రోడ్లపై వరద నీరు కారణంగా ఇంజన్‌ నిలిచిపోతోంది. అలాగే కల్తీ ఇంధన ప్రభావం కొన్నేళ్లుగా పెరుగుతోంది. ఇటువంటి సందర్భాల్లో కస్టమర్లకు సీసీపీ ఉపశమనం కలిగిస్తుంది’ అని కంపెనీ వెల్లడించింది. దేశవ్యాప్తంగా సంస్థకు 2,100 నగరాలు, పట్టణాల్లో 4,200లకుపైగా సర్వీస్‌ టచ్‌ పాయింట్స్‌ ఉన్నాయి. చదవండి:  మైలేజ్‌లో రారాజు..మారుతి సుజుకీ రికార్డుల హోరు..! 10 లక్షలకుపైగా..

దేశీయ ఆటోమొబైల్‌ దిగ్గజం మారుతీ సుజుకీ ఎస్‌-సీఎన్‌జీ వేరియంట్‌ వాహనాల అమ్మకాలు సరికొత్త మైలురాయిను తాకింది. భారత్‌లో ఏకంగా 10 లక్షల యూనిట్లకు పైగా ఎస్‌-సీఎన్‌జీ వేరియంట్‌ వాహనాలు అమ్ముడైనట్లు కంపెనీ ఒక ప్రకటనలో పేర్కొంది.  గ్రీన్‌ మొబిలిటీ లక్ష్యంగా..! గ్రీన్‌ మొబిలిటీ వైపు అడుగులు వేస్తూ మారుతి సుజుకి కంపెనీ పోర్ట్‌ఫోలియోలోని పలు మోడళ్లను సీఎన్‌జీ వేరియంట్స్‌గా మార్చింది. ఆల్టో, ఎస్-ప్రెస్సో, వ్యాగన్ఆర్, సెలెరియో, డిజైర్, ఎర్టిగా, ఈకో, సూపర్ క్యారీ , టూర్-ఎస్‌ మోడళ్లను సీఎన్‌జీ వేరియంట్స్‌గా  కొనుగోలుదారులకు అందుబాటులోకి తెచ్చింది. మారుతి సుజుకి ఎస్‌-సీఎన్‌జీ కార్లు మైలేజ్‌లో రారాజుగా నిలుస్తూ కొనుగోలుదారుల నుంచి భారీ ఆదరణను పొందాయి.  ఆటోమొబైల్‌ ఇండస్ట్రీలో అత్యధిక సీఎన్‌జీ మోడల్స్‌ను ఉత్పత్తి చేసిన కంపెనీగా మారుతి సుజుకీ నిలుస్తోందని మారుతి సుజుకీ ఇండియా లిమిటెడ్‌ మేనేజింగ్‌ డైరక్టర్‌ అండ్‌ సీఈవో కెనిచీ అయుకవా అన్నారు. అంతేకాకుండా గ్రీన్‌ మొబిలిటే లక్ష్యంగా, సురక్షితమైన, విశ్వసనీయమైన, మన్నికైన వాహనాలను అందించేందుకు సిద్దంగా ఉన్నామని అభిప్రాయపడ్డారు.  2016-17లో మారుతీ సుజుకి  3.5 లక్షల S-CNG విక్రయాల మైలురాయిని చేరుకుంది సీఎన్‌జీ  విస్తరణతో తక్కువ వ్యవధిలోనే 10 లక్షల మైలురాయిని అందుకుంది. కొద్ది రోజుల క్రితం ఎస్‌-సీఎన్‌జీ పోర్ట్‌ఫోలియో భాగంగా న్యూ డిజైర్‌ మోడల్‌ను కంపెనీ లాంచ్‌ చేసింది. సీఎన్‌జీ మోడళ్లలో సెలెరియో 35. 60 కిమీ/కేజీ, వ్యాగనఆర్‌ 34.05 కిమీ/కేజీ, ఆల్టో 31.59 కిమీ/కేజీ, ఎస్‌ ప్రెస్సో 31.20 కిమీ/కేజీ, డిజైర్‌ 31.12 కిమీ/కేజీ,  ఎర్టిగా 26.08 కిమీ/కేజీ, ఈకో 20.88 కిమీ/కేజీ మేర మైలేజ్‌ను అందిస్తున్నాయి.  చదవండి: అత్యధిక మైలేజ్‌ ఇచ్చే కారును లాంచ్‌ చేసిన మారుతి సుజుకీ..!

కొత్తగా కారు కొనుగోలు చేయాలనుకునే వారికి ఇది మంచి అవకాశం. ప్రముఖ కార్ల తయారీ కంపెనీ మారుతి సుజుకీ ఇండియా తాజాగా తన కార్లపై అదిరిపోయే ఆఫర్‌ ప్రకటించింది. కారు కొనుగోలుపై భారీగా తగ్గింపు అందిస్తోంది. హోలీ పండగ సందర్భంగా భారీగా ఆఫర్ ఇస్తున్నట్లు ప్రకటించింది. దేశంలో అతిపెద్ద వాహన తయారీ సంస్థ అయిన మారుతీ పాపుల‌ర్ మోడల్స్ అన్నింటిపై భారీ డిస్కౌంట్లు, పండుగ ఆఫ‌ర్లు ప్ర‌క‌టించింది. ఆల్టో, ఎస్‌-ప్రెసో, సెలెరియో, వేగ‌న్ఆర్‌, స్విఫ్ట్‌, డిజైర్‌, బ్రెజా మోడ‌ల్స్‌పై ఈ డిస్కౌంట్లు ల‌భించ‌నున్నాయి. మహీంద్రా, టాటా వంటి ఇతర తయారీ కంపెనీలు కూడా తమ కార్లపై డిస్కౌంట్ అందిస్తున్నాయి. మారుతి సుజుకి ఆల్టో మారుతి ఆల్టో(ఎస్టిడి)పై రూ.5,000 నగదు డిస్కౌంట్, రూ.3,000 కార్పొరేట్ డిస్కౌంట్ అందుబాటులో ఉన్నాయి. మారుతి ఆల్టో అత్యంత పాకెట్ ఫ్రెండ్లీ కార్లలో ఒకటి. ధీని ధర రూ.3.25 లక్షలతో ప్రారంభమవుతుంది. మారుతి సుజుకి సెలెరియో మారుతి సుజుకి సెలెరియో మాన్యువల్ వేరియెంట్లపై రూ.10,000 నగదు డిస్కౌంట్, కార్పొరేట్ డిస్కౌంట్ రూ.3,000, ఎక్స్ఛేంజ్ బోనస్ రూ.10,000 లభిస్తుంది. ఇంకా హ్యాచ్ బ్యాక్ గురించి మాట్లాడీతే.. మారుతి సుజుకి ఎస్-ప్రెస్సోపై రూ.15,000 భారీ నగదు డిస్కౌంట్, రూ.10,000 ఎక్స్ఛేంజ్ బోనస్, రూ.3,000 కార్పొరేట్ డిస్కౌంట్ పొందవచ్చు. మారుతి సుజుకి వ్యాగన్ ఆర్ మారుతి సుజుకి వ్యాగన్ఆర్ పై అతిపెద్ద డిస్కౌంట్ ఆఫర్ అందిస్తుంది. దీని మాన్యువల్ వేరియెంట్లు మార్చి 2022 వరకు 1.0-లీటర్ పెట్రోల్ వేరియెంట్లపై రూ.25,000, 1.2-లీటర్ పెట్రోల్ వేరియెంట్లపై రూ.20,000 నగదు డిస్కౌంట్ 'తో లభ్యం అవుతాయి. రూ.10,000 ఎక్స్ఛేంజ్ ఆఫర్, రూ.4,000 కార్పొరేట్ డిస్కౌంట్ అదనం. మారుతి సుజుకి స్విఫ్ట్ మారుతి సుజుకి స్విఫ్ట్ పై డిస్కౌంట్ల విషయానికి వస్తే, ఇది ఎల్ఎక్స్ ఐ వేరియెంట్లపై రూ.10,000, విఎక్స్ఐ & జెడ్ఎక్స్ఐ వేరియెంట్లపై రూ.20,000 నగదు డిస్కౌంట్, 10,000 ఎక్స్ఛేంజ్ బెనిఫిట్, రూ.3,000 కార్పొరేట్ డిస్కౌంట్ లభిస్తుంది. మారుతి సుజుకి డిజియర్ మారుతి సుజుకి డిజిర్ రూ.3,000 కార్పొరేట్ డిస్కౌంట్'తో పాటు క్యాష్ డిస్కౌంట్, ఎక్స్ఛేంజ్ బోనస్ కలిపి రూ.10,000 డిస్కౌంట్ అందిస్తుంది. ఈ డిస్కౌంట్ మాన్యువల్ వేరియెంట్ కార్ల కొరకు మాత్రమే అని గుర్తుంచుకోవాలి.  మారుతి సుజుకి వితారా బ్రెజ్జా మారుతి సుజుకి వితారా బ్రెజ్జా కారుపై రూ.5,000 నగదు డిస్కౌంట్, రూ.10,000 ఎక్స్ఛేంజ్ ఆఫర్, రూ.3,000 కార్పొరేట్ డిస్కౌంట్ లభిస్తుంది.  (చదవండి: మదుపరులకు శుభవార్త.. ఎల్ఐసీ ఐపీఓకు సెబీ ఆమోదం..!)

దేశీయ ఆటోమొబైల్‌ దిగ్గజం మారుతీ సుజుకి భారత మార్కెట్లలోకి సరికొత్త కాంపాక్ట్ సెడాన్ డిజైర్‌లో సీఎన్‌జీ వేరియంట్‌ను విడుదల చేసింది. ఇది భారత్‌లో మోస్ట్‌ ఫ్యూయల్‌ ఎఫిసియంట్‌ కారుగా నిలుస్తోందని కంపెనీ పేర్కొంది.  న్యూ డిజైర్‌ ఎస్‌-సీఎన్‌జీ గ్రీన్‌ మొబిలిటే లక్ష్యంగా మారుతి సుజుకీ పలు మోడళ్లను సీఎన్‌జీ వేరియంట్‌గా మారుస్తోంది. ఈ మోడల్‌తో మొత్తంగా 9 మోడల్‌ కార్లను సీఎన్‌జీ టెక్నాలజీతో జతచేసింది. మారుతి సుజుకీ  న్యూ డిజైర్‌ ఎస్‌- సీఎన్‌జీ వేరియంట్‌ ధర రూ. 8 లక్షల నుంచి ప్రారంభం కానుంది. హై-ఎండ్ వేరియంట్ జెడ్ఎక్స్ఐ రూ. 8.82 లక్షల వద్ద లభిస్తుందని కంపెనీ తెలిపింది. ఈ మోడల్ కోసం బుకింగ్స్ ప్రారంభించామని, కొనుగోలుదారులు డీలర్ల వద్ద రూ. 11,000 అడ్వాన్స్ రూపంలో చెల్లించి బుకింగ్ చేసుకోవచ్చని కంపెనీ పేర్కొంది. దేశీయంగా సీఎన్‌జీ వాహనాలకు పెరుగుతున్న డిమాండ్‌ను దృష్టిలో ఉంచుకుని కంపెనీ వరుసగా సీఎన్‌జీ మోడల్స్‌ను మార్కెట్లోకి తీసుకొస్తోంది. ప్రస్తుతం దేశీయ మార్కెట్లో డిజైర్ మోడల్‌కు వినియోగదారుల నుంచి అద్భుతమైన ఆదరణ ఉంది. కంపెనీ ఇప్పటికే మారుతి ఆల్టో, మారుతి ఎస్-ప్రెస్సో, వ్యాగన్ఆర్, మారుతీ ఎకో, మారుతీ సెలెరియో, ఎర్టిగా మోడళ్లను సీఎన్‌జీ వేరియంట్‌లో విక్రయిస్తోంది. ఈ జాబితాలో ఇప్పుడు డిజైర్‌ను కూడా తీసుకొచ్చింది ఇంజన్‌ విషయానికి వస్తే..! ఇంధన ధరల నుంచి ఉపశమనం కల్పిస్తూ మోస్ట్‌ ఫ్యూయల్‌  ఎఫిసియంట్‌ కారుగా న్యూ డిజైర్‌ ఎస్‌-సీఎన్‌జీ వేరియంట్‌ను కొనుగోలుదారులకు మారుతి సుజుకీ అందుబాటులోకి తెచ్చింది. కొత్త డిజైర్ ఎస్‌-సీఎన్‌జీ సాంకేతికతతో, కే-సిరీస్ డ్యూయల్ జెట్, డ్యూయల్ VVT 1.2L ఇంజన్‌ జతచేశారు. ఇది 57kW గరిష్ట శక్తిని, 98.5Nm గరిష్ట టార్క్‌ను అందించనుంది. ఈ కొత్త డిజైర్ ఒక కేజీకి 31.12 కిమీ మేర మైలేజీని అందిస్తోందని కంపెనీ పేర్కొంది. ఫీచర్స్‌లో సరికొత్తగా.. ఫీచర్ల పరంగా ఆండ్రాయిడ్ ఆటో, యాపిల్ కార్‌ప్లేతో పాటు ఆటోమెటిక్ క్లైమెట్ కంట్రోల్, డ్యుయెల్ ఫ్రంట్ ఎయిర్‌బ్యాగ్, బ్రేక్ అసిస్ట్ లాంటి అనేక అత్యాధునిక ఫీచర్లు ఇందులో ఉన్నాయని కంపెనీ వెల్లడించింది. చదవండి: క్రేజీ ఆఫర్‌..! పలు మహీంద్రా కార్లపై రూ. 3 లక్షల వరకు భారీ తగ్గింపు..!

Maruti, Quiklyz tie up for vehicle subscription: లీజింగ్‌ సబ్‌స్కిప్షన్‌ వేదిక క్విక్‌లీజ్‌తో వాహన తయారీ సంస్థ మారుతీ సుజుకీ భాగస్వామ్యం కుదుర్చుకుంది. నెలవారీ చందా ప్రాతిపదికన క్విక్‌లీజ్‌ వేదికగా మారుతీ సుజుకీ వాహనాలను వినియోగదార్లు తీసుకోవడానికి ఈ భాగస్వామ్యం తోడ్పడుతుంది. సబ్‌స్క్రైబ్‌ పేరుతో మారుతీ సుజుకీ 2020 జూలై నుంచి సబ్‌స్క్రిప్షన్‌పైన వాహనాలను సమకూరుస్తోంది. వైట్‌ ప్లేట్‌ లేదా బ్లాక్‌ ప్లేట్‌ సబ్‌స్క్రిప్షన్‌ను ఎంచుకోవచ్చు. వాహనం కస్టమర్‌ పేరునే నమోదు అవుతుంది. హైదరాబాద్‌తో సహా 20 నగరాల్లో ఈ సౌకర్యం ఉంది. 12-60 నెలల కాలపరిమితితో వాహనాన్ని తీసుకోవచ్చు. కాల పరిమితి ముగిసిన తర్వాత వాహనాన్ని వెనక్కి ఇవ్వడం లేదా అప్‌గ్రేడ్‌కూ అవకాశం ఉంది. ఎటువంటి ముందస్తు చెల్లింపు అవసరం లేదు. బీమా, నిర్వహణ ఖర్చులు కలుపుకుని నెలవారీ రుసుము రూ.11,000 నుంచి ప్రారంభం. క్విక్‌లీజ్‌ను మహీంద్రా ఫైనాన్స్‌ ప్రమోట్‌ చేస్తోంది. చందాపై వాహనాలను కస్టమర్లకు చేర్చడానికి ఏఎల్‌డీ ఆటోమోటివ్, మైల్స్, ఓరిక్స్‌తో ఇప్పటికే మారుతీ సుజుకీ చేతులు కలిపింది.   (చదవండి: 5 మిలియన్‌ టన్నుల హరిత హైడ్రోజన్‌ ఉత్పత్తి!)

ఇప్పటికే మన దేశంలో ఎలక్ట్రిక్ వాహనాల జోరు కొనసాగుతున్న మనకు తెలిసిందే. ప్రముఖ దిగ్గజ కంపెనీలతో సహ ఇతర స్టార్టప్ కంపెనీలు తమ వాహనాలను విడుదల చేసేందుకు సిద్దం అవుతున్నాయి. కొన్ని సంస్థ‌ల ఎల‌క్ట్రిక్ కార్లు, బైక్‌లు, స్కూట‌ర్లు ఇప్ప‌టికే మార్కెట్లోకి విడుదల అయ్యాయి. ప్రస్తుతం కార్ల అమ్మకాల్లో టాటా మోటార్స్ దూసుకొని వెళ్తుంది. ఈవీ రంగంలో కాస్త వెనుక బడిన దేశంలోనే అతిపెద్ద కార్ల త‌యారీ సంస్థ మారుతి సుజుకి(ఎంఎస్ఐ) కూడా ఎల‌క్ట్రిక్ వెహిక‌ల్(ఈవీ) సెగ్మెంట్‌లోకి అడుగు పెట్టేందుకు సిద్ధం అవుతుంది.  ట‌యోటా కిర్లోస్క‌ర్ మోటార్స్‌తో క‌లిసి గ్లోబ‌ల్ మిడ్ సైజ్ ఎల‌క్ట్రిక్ ఎస్‌యూవీని మారుతి సుజుకి అభివృద్ధిచేస్తున్నట్లు సమాచారం. ఈ ఎలక్ట్రిక్ కారుకి వైవై8 అనే కోడ్‌నేమ్ పెట్టాయి. ఇప్ప‌టివ‌ర‌కు మార్కెట్‌లోకి వ‌చ్చిన ఈవీ కార్ల కంటే చాలా శ‌క్తిమంత‌మైన ఎల‌క్ట్రిక్ కారుగా నిల్వనున్నట్లు సమాచారం. ఈ ఎలక్ట్రిక్ ఎస్‌యూవీని విదేశాలకు కూడా ఎగుమతి చేసేలా రూపొందిస్తున్నట్లు తెలుస్తుంది. దీనిని సుజుకికి చెందిన గుజరాత్ ప్లాంట్లో తయారు చేయనుంది. నివేదిక ప్రకారం.. వైవై8 4.2 మీటర్ల పొడవైన బాడి, పొడవైన 2,700 మీ.మీ వీల్ బేస్ ఉండనుంది. ఇందులో 48 కెడబ్ల్యుహెచ్ బ్యాటరీతో కూడిన సింగిల్ 138 హెచ్‌పీ మోటార్ ఉంటుంది. ఈ మోడల్ ఎలక్ట్రిక్ కారుని ఒకసారి ఛార్జ్ చేస్తే సుమారు 400 కిలోమీటర్ల రేంజ్ ఉంటుంది. 59 కెడబ్ల్యుహెచ్ బ్యాటరీ, 170 హెచ్‌పీ మోటార్ గల మోడల్ కారు 500 కిలోమీటర్ల రేంజ్ అందిస్తుందని సమాచారం.  మారుతి-ట‌యోటా అభివృద్ధి చేస్తున్న ఎల‌క్ట్రిక్ ఎస్‌యూవీ కారులో వినియోగించే భార‌త్‌లో త‌యారు చేసిన బ్యాట‌రీలే వాడనున్నారు. గుజ‌రాత్‌లోని లిథియం అయాన్ బ్యాట‌రీ మాన్యుఫాక్చ‌ర‌ర్ టీడీఎస్జీ ఈ బ్యాట‌రీలు త‌యారు చేస్తున్న‌ది. ఈ బ్యాట‌రీని సుజుకి మోటార్ కార్పొరేష‌న్‌, డెన్సో కార్పొరేష‌న్‌, తొషిబా కార్పొరేష‌న్ ఉమ్మ‌డిగా అభివృద్ది చేస్తున్నాయి. 2025లో మారుతి-ట‌యోటా వైవై8 ఎల‌క్ట్రిక్ వెహిక‌ల్ మార్కెట్లోకి రానున్న‌ది. ప్రస్తుతం రెండు కంపెనీలు కారు ధ‌ర త‌గ్గించ‌డంపైనే ఫోక‌స్ చేస్తున్నాయి. టాటా నెక్సాన్ ఈవీ, ఎంజీ మోటార్స్ జ‌డ్ఎస్ ఈవీ కంటే మారుతి-ట‌యోటా ఈవీ కారు ధ‌ర చాలా త‌క్కువ‌గా ఉంటుంద‌ని సమాచారం. ఈ కారు ధ‌ర రూ.13-15 ల‌క్ష‌లు ఉంటుంద‌ని అంచ‌నా.  (చదవండి: రయ్‌మంటూ దూసుకెళ్లిన రిలయన్స్‌..! డీలా పడ్డ టీసీఎస్‌..!)

Auto Sales In January 2022: దేశీయ ఆటో తయారీ కంపెనీల జనవరి వాహన విక్రయ గణాంకాలు అంతంత మాత్రంగానే నమోదయ్యాయి. ఈ 2022 ఏడాది తొలి నెలలో మారుతీ సుజుకీ, హ్యుందాయ్‌ మోటార్స్‌ వాహన అమ్మకాలు క్షీణించాయి. అయితే టాటా మోటార్స్, మహీంద్రా అండ్‌ మహీంద్రా, నిస్సాన్, స్కోడా అమ్మకాలు మెరుగుపడ్డాయి. ఇదే జనవరిలో ద్విచక్ర వాహన కంపెనీలైన బజాజ్‌ ఆటో, టీవీఎస్‌ మోటార్‌ అమ్మకాల్లో రెండెంకల క్షీణత నమోదైంది. మూడోదశ లాక్‌డౌన్‌ ప్రభావంతో వాణిజ్య వాహనాలకు డిమాండ్‌ తగ్గింది. ఫలితంగా అశోక్‌ లేలాండ్, ఎస్కార్ట్స్‌ అమ్మకాలు తగ్గాయి. సెమికండెక్టర్ల కొరత కొనసాగడంతో వాహన ఉత్పత్తి ఆశించిన స్థాయిలో జరగలేదని పరిశ్రమ వర్గాలు పేర్కొన్నాయి.    - మారుతీ సుజుకి ఇండియా జనవరిలో మొత్తం అమ్మకాలు 3.96 శాతం పడిపోయి 1,54,379 యూనిట్లకు చేరింది. గతేడాది 2021 జనవరిలో కంపెనీ 1,60,752 యూనిట్లను విక్రయించినట్లు కంపెనీ పేర్కొంది.   - ప్యాసింజర్‌ వాహనాల (పీవీ) విక్రయాల్లో టాటా మోటార్స్‌27 శాతం వృద్ధిని నమోదు చేసింది. గతేడాది జనవరిలో ఈ సంస్థ 59,866 కార్లను అమ్మగా.. ఈ 2022 జనవరిలో 76,210 యూనిట్లను అమ్మింది.  - ద్విచక్ర వాహన తయారీ కంపెనీ బజాజ్‌ ఆటో దేశీయ అమ్మకాలు 15 శాతం క్షీణించాయి. గతేడాది జనవరిలో 4.25 లక్షల వాహనాలను విక్రయించగా.., ఈ ఏడాది తొలి నెలలో 3.63 లక్షల యూనిట్లకు పరిమితమైంది.    చదవండి: ప్రభుత్వం చేయలేనిది.. టాటా గ్రూపు చేసి చూపింది

న్యూఢిల్లీ: ప్రస్తుత ఆర్థిక సంవత్సరం మూడో త్రైమాసికంలో కార్ల తయారీ దిగ్గజం మారుతీ సుజుకీ నిరుత్సాహకర ఫలితాలు ప్రకటించింది. కన్సాలిడేటెడ్‌ ప్రాతిపదికనలో నికర లాభం 48 శాతం క్షీణించి రూ. 1,042 కోట్లకు పరిమితమైంది. ఇందుకు అమ్మకాలు నీరసించడం, సెమీకండక్టర్‌ల కొరత, కమోడిటీల ధరలు పెరగడం ప్రభావం చూపాయి. గతేడాది(2020–21) ఇదే కాలంలో రూ. 1,997 కోట్లు ఆర్జించింది. మొత్తం ఆదాయం మాత్రం నామమాత్రంగా రూ. 218 కోట్లు తగ్గి రూ. 23,253 కోట్లకు చేరింది. మొత్తం వాహన అమ్మకాలు 13 శాతం నీరసించి 4,30,668 యూనిట్లను తాకాయి. గత క్యూ3లో 4,95,897 వాహనాలు విక్రయించింది. దేశీయంగా ఈ క్యూ3లో 3,65,673 వాహనాలను మారుతీ సుజుకీ విక్రయించింది. గతేడాది ఇదే కాలంలో 4,67,369 యూనిట్ల విక్రయాలు నమోదయ్యాయి. అయితే కంపెనీ చరిత్రలోనే అత్యధికంగా ఒక త్రైమాసికంలో 64,995 వాహనాలను ఎగుమతి చేసింది. గత క్యూ3లో ఈ సంఖ్య 28,528 యూనిటు. కాగా.. 2021 డిసెంబర్‌తో ముగిసిన 9 నెలల కాలంలో కంపెనీ నికర లాభం రూ. 3,148 కోట్ల నుంచి రూ. 2,004 కోట్లకు జారింది.  ఆదాయం మాత్రం రూ. 46,338 కోట్ల నుంచి రూ. 61,581 కోట్లకు జంప్‌చేసింది. కన్సాలిడేటెడ్‌ ఫలితాలివి.  ఫలితాల నేపథ్యంలో షేరు బీఎస్‌ఈలో 7% జంప్‌చేసి రూ. 8,601 వద్ద ముగిసింది. ఇంట్రాడేలో రూ. 8,662 వద్ద 52 వారాల గరిష్టాన్ని తాకింది.   చదవండి: ఎగుమతుల్లో హ్యుందాయ్‌ సంచలనం! ఎస్‌యూవీ కేటగిరీల్లో క్రెటా ఏకంగా..

హైదరాబాద్, బిజినెస్‌ బ్యూరో: వాహన తయారీ సంస్థ మారుతీ సుజుకీ సెలెరియో సీఎన్‌జీ వేరియంట్‌ను పరిచయం చేసింది. ధర ఢిల్లీ ఎక్స్‌షోరూంలో రూ.6.58 లక్షలు. ఎస్‌–సీఎన్‌జీ టెక్నాలజీతో కె–సిరీస్‌ 1.0 లీటర్‌ ఇంజన్‌ పొందుపరిచారు. మైలేజీ కేజీకి 35.6 కిలోమీటర్లు. ట్యాంక్‌ సామర్థ్యం 60 లీటర్లు. అంత క్రితం విడుదలైన సెలెరియో కార్లలో ఎస్‌–సీఎన్‌జీ వేరియంట్‌ యూనిట్ల వాటా 30 శాతముంది. మారుతి సుజుకీ ఖాతాలో 8 మోడళ్లకుగాను 9,50,000 యూనిట్ల ఎస్‌–సీఎన్‌జీ వాహనాలు ఇప్పటి వరకు అమ్ముడయ్యాయి. అయిదేళ్లలో సీఎన్‌జీ విక్రయాల్లో ఏటా 22 శాతం వృద్ధి సాధిస్తున్నట్టు మారుతి సుజుకీ సోమవారం తెలిపింది.  

ప్రముఖ ఆటోమొబైల్‌ దిగ్గజం మారుతి సుజుకీ ఆకర్షనీయమైన లుక్స్‌తో సరికొత్త మారుతి సుజుకీ బాలెనో ఫేస్‌లిఫ్ట్‌ 2022 ఎడిషన్‌ కారును త్వరలోనే లాంచ్‌ చేయనుంది. ఈ కారును వచ్చే నెల ఫిబ్రవరిలో లాంచ్‌ చేయనున్నట్లు తెలుస్తోంది. బాలెనోతోపాటుగా మారుతి సుజుకీ సెలెరియో సీఎన్జీ వేరియంట్‌ను కూడా లాంచ్‌ చేయనుంది.  న్యూ లుక్స్‌తో..! మారుతి సుజుకీ బాలెనో ఫేస్‌లిఫ్ట్‌ ఎడిషన్‌లో మెకానికల్‌ ఎలాంటి మార్పులు ఉండకపోవచ్చునని సమాచారం. అయితే డిజైన్‌, ఇంటిరీయర్స్‌ విషయంలో సరికొత్త మార్పులను జతచేసే అవకాశం ఉందని తెలుస్తోంది. మారుతి సుజుకీ బాలెనో ఫేస్‌లిఫ్ట్‌ 2022 ఎడిషన్‌లో భాగంగా ... భారీ గ్రిల్‌, న్యూ రాప్‌అరౌండ్‌ హెడ్‌ల్యాంప్స్‌, న్యూ ఎల్‌ ఈడీ డీఆర్‌ఎల్‌ సిగ్నేచర్స్‌, రివైజ్డ్‌ ఫ్రంట్‌ బంపర్‌, న్యూ ఫాగ్‌ ల్యాంప్స్‌, రియర్‌ సైడ్‌ రీడిజైన్ట్‌ టెయిల్‌ ల్యాంప్స్‌, న్యూ బంపర్‌, రివైజ్డ్‌ డిజైన్‌ టెయిల్‌ గేట్‌ వంటి ఫీచర్లతో రానుంది. న్యూ బాలెనో 2022 ఫేస్‌లిఫ్ట్‌ మోడల్‌ ఇంజిన్‌లో ఎలాంటి మార్పులు ఉండవు. 1.2-లీటర్ నేచురల్-ఆస్పిరేటెడ్ పెట్రోల్ ఇంజన్, మైల్డ్-హైబ్రిడ్ పెట్రోల్ ఇంజన్‌తో రానుంది. 5-స్పీడ్ మాన్యువల్ గేర్‌బాక్స్‌తో రానుంది.  చదవండి: అమెరికాలో అమెరికన్‌ కంపెనీకి దిమ్మదిరిగే షాక్‌..!

ప్రముఖ కార్ల తయారీ దిగ్గజం మారుతీ సుజుకీకి చెందిన బాలెనో కారు అమ్మకాల్లో దూసుకెళ్తుంది. మారుతి సుజుకి ప్రీమియం హ్యాచ్ బ్యాక్ బాలెనో ఈ ఏడాది 10లక్షల మైలు రాయిని దాటినట్లు కంపెనీ ఒక ప్రకటనలో పేర్కొంది. మారుతి సుజుకి హ్యాచ్ బ్యాక్ కారు మార్కెట్ వాటాలో 25 శాతం వాటాను కలిగి ఉంది. నెక్సా కస్టమర్ల కోసం ప్రత్యేకంగా తయారు చేసిన బాలెనో 248 నగరాల్లోని 399 అవుట్ లెట్ల ద్వారా విక్రయిస్తున్నారు. మారుతి సుజుకి బాలెనోను 2015 అక్టోబర్ నెలలో లాంచ్ చేశారు. ప్రారంభించిన ఒక సంవత్సరంలోనే 1 లక్ష యూనిట్లు అమ్ముడయ్యాయి.  ఈ మోడల్‌ 2018 నాటికి ఈ కారు విక్రయాలు 5 లక్షలు దాటేశాయి. ఆ తర్వాత ఐదులక్షల విక్రయాలను మూడేళ్లలోనే పూర్తి చేసుకోవడం విశేషం. "లాంఛ్ చేసినప్పటి నుంచి బాలెనో ప్రీమియం హ్యాచ్ బ్యాక్ సెగ్మెంట్ కార్లలో తన సత్తా చాటుతుంది. ఇది డిజైన్, భద్రత, ఆవిష్కరణలో కొత్త బెంచ్ మార్క్ క్రియేట్ చేసింది. 25 శాతానికి పైగా మార్కెట్ వాటాతో "బాలెనో" ప్రీమియం హ్యాచ్ బ్యాక్ విభాగంలో నాయకత్వం వహిస్తున్నట్లు" అని మారుతి సుజుకి ఇండియా లిమిటెడ్ సీనియర్ ఎగ్జిక్యూటివ్ డైరెక్టర్(మార్కెటింగ్ అండ్ సేల్స్) శశాంక్ శ్రీవాస్తవ తెలిపారు.  (చదవండి: 2021లో వచ్చిన బెస్ట్‌ సూపర్‌ స్మార్ట్‌ఫోన్స్‌ ఇవే..!) బాలెనో 1.2 లీటర్ డ్యూయల్ జెట్, సెగ్మెంట్-ఫస్ట్ స్మార్ట్ హైబ్రిడ్ టెక్నాలజీతో పనిచేసే డ్యూయల్ వీవీటి ఇంజిన్ కలిగి ఉంది. ఇది, ఐడిల్ స్టార్ట్-స్టాప్, సివిటి ట్రాన్స్ మిషన్ కలిగి ఉంది. పెట్రోల్ యూనిట్ 1.2-లీటర్ ఇంజిన్ రూపంలో 82 బిహెచ్‌పి, 113 ఎన్ఎమ్ టార్క్ ఉత్పత్తి చేస్తుంది. రెండవ పెట్రోల్ ఇంజన్ కొత్త 1.2-లీటర్ డ్యూయల్ జెట్ స్మార్ట్ హైబ్రిడ్ యూనిట్ రూపంలో ఉంది. ఇది 89 బిహెచ్‌పి & 113 ఎన్ఎమ్ టార్క్ అందిస్తుంది. (చదవండి: రైల్వే ప్రయాణికులకు అలర్ట్.. కొత్త రూల్స్ పాటించాల్సిందే!)

న్యూఢిల్లీ: సెమీకండక్టర్లు (చిప్‌) సరఫరాలో తీవ్ర జాప్యం వల్ల ఉత్పాదన దెబ్బతింటోందని కార్ల తయారీ దిగ్గజం మారుతీ సుజుకీ ఇండియా సీనియర్‌ ఎగ్జిక్యూటివ్‌ డైరెక్టర్‌ శశాంక్‌ శ్రీవాస్తవ తెలిపారు. దీనివల్ల కార్ల డిమాండ్‌పై తీవ్ర ప్రతికూల ప్రభావం పడే అవకాశం ఉందని ఆయన చెప్పారు. ప్రస్తుతానికైతే మార్కెట్లో డిమాండ్‌ బాగానే ఉందని, బుకింగ్‌లు కూడా మెరుగ్గానే ఉన్నాయని శ్రీవాస్తవ పేర్కొన్నారు. అయితే, కార్ల లభ్యత సమస్యగా మారిందని, వెయిటింగ్‌ పీరియడ్‌ గణనీయంగా పెరిగిపోయిందని వివరించారు.   ‘ఇలా సుదీర్ఘ సమయం పాటు వేచి ఉండాల్సి రావడం వల్ల డిమాండ్‌ ధోరణులపై ప్రతికూల ప్రభావాలు పడవచ్చేమో అన్న ఆందోళన నెలకొంది‘ అని శ్రీవాస్తవ పేర్కొన్నారు. అయితే, తాము ఎప్పటికప్పుడు కస్టమర్లతో మాట్లాడుతూనే ఉన్నందువల్ల బుకింగ్‌లేమీ రద్దు కావడం లేదని ఆయన చెప్పారు. ‘పరిస్థితి ఏమిటి, ఎప్పట్లోగా వాహనం అందుకోవచ్చు వంటి విషయాల గురించి ప్రతీ వారం దాదాపు ప్రతీ కస్టమర్‌ను సంప్రదించి, వివరిస్తున్నాం. చాలా మటుకు కస్టమర్లు అర్థం కూడా చేసుకుంటున్నారు‘ అని శ్రీవాస్తవ తెలిపారు. మోడల్, వేరియంట్‌ను బట్టి వెయిటింగ్‌ పీరియడ్‌ అనేది కొద్ది వారాలు మొదలుకుని నెలల దాకా ఉంటోంది. ప్రస్తుతం సెమీకండక్టర్ల సరఫరా కాస్త మెరుగుపడుతోందని శ్రీవాస్తవ వివరించారు. మారుతీకి ప్రస్తుతం 2.5 లక్షల యూనిట్ల ఆర్డర్లు పెండింగ్‌లో ఉన్నాయి. నవంబర్‌లో కంపెనీ ప్లాంట్లు .. ఉత్పత్తి సామర్థ్యాల్లో దాదాపు 80 శాతం మేర పనిచేశాయి.  (చదవండి: 900 మంది ఉద్యోగుల తొలగింపుపై హర్ష్ గోయెంకా కీలక వ్యాఖ్యలు!)

Here Are the Top 10 Best-Selling Cars From November: భారతదేశంలో కార్ల అమ్మకాల్లో మారుతి సుజుకి ఇండియా తన ఆధిపత్యాన్ని కొనసాగిస్తోంది. నవంబర్ నెలలో అత్యధికంగా అమ్ముడవుతున్న పది కార్ల జాబితాలో ఏడు స్థానాలను మారుతి సుజుకి ఇండియా ఆక్రమించింది. ఇండో-జపనీస్ కార్ల తయారీ కంపెనీ నవంబర్ నెలలో మొత్తంగా 9 శాతం అమ్మకాలు పడిపోయినప్పటికీ, జాబితాలో మాత్రం అగ్రస్థానంలో నిలిచింది. ఈ జాబితాలో మిగిలిన మూడు హ్యుందాయ్, కియా, టాటా మోటార్స్ కు చెందిన ఒక్కొక్క మోడల్ ఉన్నాయి. నవంబర్‌లో భారతదేశంలో ఎక్కువగా అమ్ముడైన టాప్ 10 కార్లు ఏంటో ఇప్పుడు తెలుసుకుందాం.. 1. మారుతి వ్యాగన్ఆర్ దేశంలో అత్యధికంగా అమ్ముడైన కార్ల జాబితాలో మారుతి సుజుకికి చెందిన వ్యాగన్ఆర్ అగ్రస్థానంలో నిలిచింది. మారుతి నవంబర్ 2021లో 16,853 యూనిట్ల వ్యాగన్ఆర్ కార్లను విక్రయించింది. ఇది నవంబర్ 2020లో విక్రయించిన 16,256 యూనిట్ల కంటే కొంచెం ఎక్కువ. 2. మారుతి స్విఫ్ట్ ఈ జాబితాలో మారుతి సుజుకికి వచ్చిన మారుతి స్విఫ్ట్ రెండవ స్థానంలో నిలిచింది. గ్లోబల్ ఎన్‌సీఏపీ క్రాష్ టెస్ట్‌లో తక్కువ రేటింగ్ పొందినప్పటికి అమ్మకాల పరంగా దూసుకెళ్లింది. మారుతి సుజుకి 2021 నవంబర్ నెలలో స్విఫ్ట్  14,568 యూనిట్లను విక్రయించింది. అయితే, గత సంవత్సరంతో పోలిస్తే అమ్మకాలు గణనీయంగా తగ్గాయి. మారుతి 2020 నవంబర్ నెలలో 18,498 యూనిట్ల స్విఫ్ట్ కార్లను విక్రయించింది. 3. మారుతి ఆల్టో ఈ జాబితాలో మూడవ స్థానంలో కూడా మారుతి సుజుకికి చెందిన మారుతి ఆల్టో నిలిచింది. ఇది అక్టోబర్ నెలలో అగ్ర స్థానాన్ని కలిగి ఉంది, కానీ ఈసారి దీనిని వ్యాగన్ఆర్ ఓడించింది. మారుతి సుజుకి 2021 నవంబర్ నెలలో  13,812 యూనిట్ల ఆల్టో కార్లను విక్రయించింది. ఇది గత ఏడాది ఇదే నెలలో విక్రయించిన 15,321 యూనిట్ల కంటే తక్కువ. 4. మారుతి విటారా బ్రెజ్జా విటారా బ్రెజ్జా, భారతీయ మార్కెట్లలోకి ప్రవేశించిన మొట్టమొదటి సబ్-కాంపాక్ట్ ఎస్యువీ కారు. మారుతీ గత నవంబర్ నెలలో 10,760 యూనిట్ల బ్రెజ్జాను విక్రయించింది, గత ఏడాది ఇదే కాలంలో విక్రయించగలిగిన 7.838 యూనిట్ల కంటే చాలా ఎక్కువ. మారుతి రాబోయే రోజుల్లో బ్రెజ్జా యొక్క ఫేస్‌లిఫ్ట్ వెర్షన్‌ను కూడా విడుదల చేయడానికి ప్లాన్ చేస్తోంది. అయితే, కార్‌మేకర్ ఇంకా నిర్దిష్ట లాంచ్ టైమ్‌లైన్‌ను వెల్లడించలేదు. 5. హ్యుందాయ్ క్రెటా ఈ జాబితాలో కనిపించిన మొదటి నాన్-మారుతి కారు హ్యుందాయ్ క్రెటా మాత్రమే. గత కొంత కాలంగా చిప్ సంక్షోభం ఉత్పత్తికి ఆటంకం కలిగిస్తున్నప్పటికీ హ్యుందాయ్ నవంబర్‌లో 10,300 యూనిట్ల క్రెటా కాంపాక్ట్ ఎస్యువీని విక్రయించింది. గతేడాది నవంబర్‌లో హ్యుందాయ్ క్రెటా 12,017 యూనిట్లను విక్రయించింది. 6. మారుతి బాలెనో దేశంలో అత్యధికంగా అమ్ముడైన కార్ల జాబితాలో 6వ స్థానంలో మారుతి బాలెనో నిలిచింది. మారుతి నవంబర్ 2020లో 17,872 యూనిట్లతో పోలిస్తే నవంబర్ 2021లో 9,931 యూనిట్ల బాలెనో కార్లను విక్రయించింది. ఈ కారు కూడా లాటిన్ ఎన్‌సీఏపీ క్రాష్ టెస్ట్‌లో తక్కువ రేటింగ్ పొందింది. 7. టాటా నెక్సన్ దేశంలో అత్యధికంగా అమ్ముడైన కార్ల టాప్-10 జాబితాలో నిలిచిన ఏకైక కారు టాటా మోటార్స్ నెక్సాన్ మాత్రమే. హ్యుందాయ్ వెన్యూ, కియా సోనెట్, మహీంద్రా ఎక్స్ యువి300 కార్ల నుంచి భారీ పోటీని ఎదుర్కొన్నప్పటికీ ఈ జాబితాలో 7వ స్థానంలో నిలిచింది. 2021 నవంబరులో టాటా 9,831 యూనిట్ల నెక్సన్ కార్లను విక్రయించింది. ఈ ఏడాది అక్టోబర్ నెలలో 10,096 యూనిట్లతో పోలిస్తే ఇది తక్కువ. 8. మారుతి ఈఈసీఓ ఈ జాబితాలో కనిపించిన ఏకైక వ్యాన్ మారుతి ఈఈసీఓ. మారుతి నవంబరులో 9,571 యూనిట్ల ఈకో కార్లను విక్రయించింది, ఇది సంస్థ నుంచి అత్యధికంగా అమ్ముడైన కార్లలో ఒకటిగా నిలిచింది. ఈ ఈఈసీఓ నాన్ కార్గో వేరియెంట్ల ధరలను మారుతి రూ.8,000 పెంచింది. ధరల పెంపు నవంబర్ 30 నుంచి అమల్లోకి వచ్చింది. 9. మారుతి ఎర్టిగా మారుతి ఎర్టిగా నవంబరులో ఏడు సీట్ల ఎంపివి విభాగంలో ఆధిపత్యం కొనసాగిస్తోంది. దేశంలో అత్యధికంగా అమ్ముడైన కార్ల టాప్-10 జాబితాలో ఇది 9వ స్థానంలో నిలిచింది. మారుతి సుజుకి నవంబరులో 8,752 యూనిట్ల ఎర్టిగా కార్లను విక్రయించింది, అక్టోబర్ నెలలో విక్రయించిన యూనిట్ల కంటే గణనీయమైన తగ్గుదలను నమోదు చేసింది.  10. కియా సెల్టోస్ దేశంలో అత్యధికంగా అమ్ముడైన కార్ల టాప్-10 జాబితాలో ఇది 10వ స్థానంలో కియా సెల్టోస్ నిలిచింది. 2020 నవంబరులో విక్రయించిన 9,205 యూనిట్లతో పోలిస్తే కియా నవంబర్ 2021లో 8,659 యూనిట్ల సెల్టోస్ ఎస్యూవీని విక్రయించింది.

మీరు రాబోయే కొత్త ఏడాదిలో కొత్త కారు కొనాలని చూస్తున్నారా? అయితే.. మీకు ఒక షాకింగ్ న్యూస్. దేశీయ ఆటో రంగ దిగ్గజం మారుతి సుజుకీ కార్ల ధరలను పెంచనున్నట్లు ప్రకటించింది. ఈ ఏడాదిలో వాహనాల ఉత్పత్తి వ్యయం గణనీయంగా పెరగడంతో కార్ల ధరలను పెంచాలనే నిర్ణయానికి వచ్చినట్లు ఆటోమేకర్ పేర్కొంది. వివిధ ఇన్ పుట్ ఖర్చులు పెరగడం వల్ల గత ఏడాది కాలంలో వాహనాల ఖర్చుపై ప్రతికూల ప్రభావం పడుతుందని మారుతి సుజుకి ఒక అధికారిక ప్రకటనలో తెలిపింది. వచ్చే ఏడాది జనవరి నుంచి తమ అన్ని మోడళ్ల ధరలను పెంచాలని యోచిస్తున్నట్లు కంపెనీ గురువారం తెలిపింది. అయితే, ధరల పెరుగుదల వివిధ మోడల్స్ బట్టి మారుతుందని తెలిపింది. కార్ల ధరల పెంపు మొదటిసారి కాదు, ఈ సంవత్సరం ప్రారంభంలో అతిపెద్ద కార్ల తయారీదారు దేశవ్యాప్తంగా కార్ల ధరలను రూ.34,000 వరకు పెంచింది. ముడి పదార్థాల ఖర్చులు పెరగడం, ఆటో పరిశ్రమ గత కొన్ని నెలలుగా కష్ట కాలాన్ని ఎదుర్కొంటున్నట్లు కంపెనీ పేర్కొంది. అలాగే, ఈ ఏడాది సెప్టెంబర్ నెలలో మారుతి సుజుకి ధరల పెంపును ప్రకటించింది. కార్ల తయారీదారు తన ఎంపిక చేసిన మోడల్స్ బట్టి ధరల పెంపు ₹1,000 నుంచి ₹22,500 వరకు ఉంది. ఇప్పటికే దెబ్బతిన్న పరిశ్రమను చిప్ కొరత, పెరుగుతున్న ముడి పదార్థాల ధరలు, కంటైనర్లు అందుబాటులో లేకపోవడం, అధిక షిప్పింగ్ రేట్లు ఇంకా దెబ్బతీస్తున్నాయని సంస్థ తెలిపింది. స్టీల్ & మెగ్నీషియం వంటి కీలక ముడి పదార్థాలకు లభ్యత లేకపోవడం కూడా పరిశ్రమపై ఎక్కువ ప్రభావం చూపిస్తున్నట్లు తెలిపింది. మారుతి సుజుకి ఇప్పటికే ధరల పెంపును ప్రకటించడంతో, ఇతర కార్ల తయారీదారులు కూడా ఇదే మార్గంలో నడవాలని చూస్తున్నాయి.  (చదవండి: కియా నుంచి మరో కొత్త కారు...! ఇది వస్తే గేమ్‌ ఛేంజరే..!)

కోవిడ్‌-19 రాకతో అనుకోని అతిథిలా వచ్చిన చిప్స్‌(సెమికండక్టర్స్‌) కొరత  ప్రపంచవ్యాప్తంగా పలు దిగ్గజ ఆటోమొబైల్‌ కంపెనీలకు భారీ నష్టాలనే మిగిల్చాయి. ఆయా కంపెనీల ఉత్పత్తి పడిపోవడంతో అమ్మకాల సంఖ్య భారీగా పడిపోయింది. చిప్స్‌ కొరతతో సతమతమవుతోన్న కంపెనీలో మారుతీ సుజుకీ కూడా చేరింది. చిప్స్‌ కొరతతో ఉత్పత్తి అంతంతే..! మారుతీ సుజుకీ ఈ ఏడాది నవంబర్‌లో మొత్తం 1,39,184 యూనిట్లను విక్రయించగా..గత ఏడాది నవంబర్‌ నెలలో 1,53,223 యూనిట్లను విక్రయించిన్నట్లు  మారుతి సుజుకీ ఒక  ప్రకటనలో పేర్కొంది. గ్లోబల్ చిప్ కొరత కారణంగా ఉత్పత్తి మందగించడంతో అమ్మకాల్లో  9.16 శాతం  తగ్గుదల వచ్చిన్నట్లు కంపెనీ వెల్లడించింది. ఈ ఏడాది నవంబర్‌ నెలలో  ఎలక్ట్రానిక్ విడిభాగాల కొరత వాహనాల ఉత్పత్తిపై స్వల్ప ప్రభావం చూపిందని కంపెనీ పేర్కొంది.గత నెలలో జరిగిన మొత్తం అమ్మకాలలో... దేశీయ విక్రయాల సంఖ్య 113,017 యూనిట్లుగా ఉండగా, ఇతర ఓఈఎమ్‌లకు 4774 యూనిట్లును విక్రయించినట్లు మారుతి సుజుకీ తెలిపింది.  చదవండి: దుమ్మురేపిన టాటా మోటార్స్‌..! కంపెనీకి కాసుల వర్షమే..! మినీ, కాంపాక్ట్ కార్ సెగ్మెంట్‌లో...అల్టో, ఎస్‌ ప్రెసో, బాలెనో, సెలెరియో, డిజైర్‌, ఈగ్నిస్‌,  స్విఫ్ట్‌, టూర్‌ ఎస్‌, వాగనార్‌ వంటి కార్లపై పలు ఆఫర్లను కలిగి ఉన్న  నవంబర్ 2021లో 74,492 యూనిట్లను విక్రయించింది, గత ఏడాది నవంబర్‌ నెలలో  98,969 యూనిట్లను అమ్మకాలను జరిపింది.  మొత్తంగా చూసుకుంటే ప్యాసింజర్ కార్ల విక్రయాలు 100,839 యూనిట్ల నుంచి 75,581 యూనిట్లుగా వరకు క్షీణించాయి. యుటిలిటీ వాహనాల విభాగంలో అమ్మకాలు పరవాలేదనిపించింది. ఎర్టిగా, జిప్సీ, ఎస్‌-క్రాస్ , విటారా బ్రెజ్జా, ఎక్స్‌ఎల్‌ఆర్‌తో సహా గత నెలలో 24,574 యూనిట్లను విక్రయించింది.  మరోవైపు నాన్‌ కార్గో ప్యాసింజర్‌ ఈకో వ్యాన్ విక్రయాలు నవంబర్‌లో 9,571 యూనిట్లకు పడిపోయింది.  గత ఏడాది క్రితం నవంబర్‌ నెలలో 11,183 యూనిట్లను మారుతి విక్రయించింది.  చదవండి: వినియోగంలో లేని బ్యాంక్‌ అకౌంట్లు, మగ్గుతున్న రూ.26,697 కోట్లు

ప్రముఖ ఆటోమొబైల్‌ దిగ్గజం మారుతి సుజుకీ ఇండియా ఈకో వ్యాన్‌లోని అన్ని వేరియంట్‌ ధరలను పెంచుతూ నిర్ణయం తీసుకుంది. సుమారు రూ. 8000 మేర పెంచినట్లు  మంగళవారం కంపెనీ ఒక ప్రకటనలో వెల్లడించింది. పెంపు ఎందుకంటే..! ఈకో మోడల్‌కు చెందిన అన్ని నాన్‌ కార్గో వేరియంట్లలో అదనంగా ప్యాసింజర్ ఎయిర్‌బ్యాగ్‌ను  మారుతి సుజుకీ ప్రవేశపెట్టింది. దీంతో ఈకో వ్యాన్‌లోని అన్ని నాన్-కార్గో వేరియంట్‌ల ధరలను పెంచాల్సి వచ్చినట్లు కంపెనీ పేర్కొంది. పెరిగిన ధరలు ఈరోజు (నవంబర్ 30) నుంచే అమల్లోకి వస్తుందని కంపెనీ రెగ్యులేటరీ ఫైలింగ్‌లో తెలిపింది. ఈకో ప్యాసింజర్ వెర్షన్ ధరలు రూ. 4.3 లక్షల నుంచి రూ. 5.6 లక్షలుగా ఉంది. అంబులెన్స్ ఈకో వెర్షన్ ధర రూ. 7.29 లక్షలుగా ఉంది. (ఎక్స్-షోరూమ్ ఢిల్లీ).ఈ ఏడాది సెప్టెంబర్‌లో  సెలెరియో మోడల్‌ మినహా మిగతా మోడళ్ల  ధరలను కంపెనీ సుమారు 1.9 శాతం వరకు పెంచింది.  చదవండి: ఓలాకు గట్టిపోటీ..! భారీ ప్రణాళికతో ఏథర్‌..!

మారుతి సుజుకి ఇండియా ఎట్టకేలకు కొత్త తరం సెలెరియోను నేడు (నవంబర్ 10, 2021న) భారతదేశంలో విడుదల చేసింది. మారుతి సుజుకి కార్లలో ఎక్కువ మంది ఇష్టపడే బడ్జెట్ కార్లలో సెలెరియో ఒకటి. దీని కోసం వినియోగదారులు ఆసక్తిగా ఎదురుచూస్తున్నారు. దీని ఎక్స్-షోరూమ్ ధర ₹4.99 లక్షల నుంచి ₹6.94 లక్షల మధ్య ఉంది. ఇది భారతదేశంలో ప్రారంభించిన రెండవ తరం సెలెరియో. దీని కోసం బుకింగ్ ఇప్పటికే ప్రారంభించింది, ఎవరైనా కంపెనీ అధికారిక వెబ్‌సైట్‌లో ఆన్‌లైన్‌లో బుక్ చేసుకోవచ్చు. ఇది కాకుండా, మీ సమీప డీలర్‌షిప్‌లో రూ.11,000 టోకెన్ మొత్తాన్ని చెల్లించి కూడా బుక్ చేసుకోవచ్చు. ఈ కారు నాలుగు వేరియంట్లలో లభిస్తుంది. పవర్ ఫుల్ ఇంజన్ పెరుగుతున్న పెట్రోలు ధరలతో ప్రజలు అల్లాడిపోతున్న వేళ ఎక్కువ మైలేజ్ ఇచ్చే కారును మారుతి సుజుకి ఇండియా తీసుకొని వచ్చింది. కొత్త సెలెరియో కారు రికార్ఢు స్థాయిలో లీటరు పెట్రోలుకు 26 కిలోమీటర్ల మైలేజీ ఇస్తుందంటూ సంచలన ప్రకటన చేసింది. ఇండియాలోనే అత్యధిక మైలేజీ ఇచ్చే పెట్రోలు కారు తమదేనంటూ ప్రకటించింది. ఈ కొత్త కారులో 1.0-లీటర్ డ్యూయల్ జెట్‌, డ్యూయల్ వీవీటీ కే10సీ పెట్రోలు ఇంజన్‌ను అమర్చారు. కొత్త-తరం మారుతి సుజుకి సెలెరియో సరికొత్త డిజైన్తో వస్తుంది. ఈ కారు కొత్త స్వెప్ట్-బ్యాక్ హెడ్‌ల్యాంప్‌లు, బ్లాక్ క్లాడింగ్, కొత్త ఫాగ్‌ల్యాంప్‌లతో కూడిన అగ్రెసివ్ ఫ్రంట్ బంపర్‌తో వస్తుంది.  సెలెరియో రెండు కొత్త షేడ్స్‌తో సహా 6 రంగులలో లభిస్తుంది. క్యాబిన్ విషయానికొస్తే.. కొత్త-జెన్ సెలెరియోలో కొత్త ఆల్-బ్లాక్ ఇంటీరియర్, రీడిజైన్ చేసిన డ్యాష్‌బోర్డ్‌ ఉంది. ఈ కారులో ఆడియో, టెలిఫోనీ కోసం మౌంటెడ్ కంట్రోల్‌లతో కూడిన కొత్త త్రీ-స్పోక్ టిల్ట్-అడ్జస్టబుల్ స్టీరింగ్ వీల్, పెద్ద ఇన్‌స్ట్రుమెంట్ క్లస్టర్ అనలాగ్ స్పీడోమీటర్, డిజిటల్ రెవ్ కౌంటర్ ఉన్నాయి. ఈ కారు సిల్వర్ యాక్సెంట్‌లతో కూడిన కొత్త ఎయిర్ కాన్ వెంట్‌లు, మాన్యువల్ ఎయిర్ కాన్ సిస్టమ్, 12వీ ఛార్జర్ కోసం రెండు పోర్ట్‌లు ఉన్నాయి. మధ్యలో స్మార్ట్‌ఫోన్ నావిగేషన్‌తో కూడిన 7-అంగుళాల స్మార్ట్ ప్లే స్టూడియో ఇన్ఫోటైన్‌మెంట్ సిస్టమ్‌ని కలిగి ఉంది. City life, now more stylish than ever! Introducing the #AllNewCelerio#DriveYourStyle #MarutiSuzuki #MarutiSuzukiArena pic.twitter.com/J12gq9kg32 — Maruti Suzuki Arena (@MSArenaOfficial) November 10, 2021 ఆటో గేర్ షిఫ్ట్ ఫీచర్ భద్రత పరంగా, AGS/AMT వేరియంట్‌లతో కూడిన ఫస్ట్-ఇన్-సెగ్మెంట్ హిల్ హోల్డ్ అసిస్ట్ ఫంక్షన్‌తో సహా 12కి పైగా సేఫ్టీ ఫీచర్లతో ఈ కారు వస్తుందని మారుతి తెలిపింది. ఇతర ఫీచర్లు డ్యూయల్ ఎయిర్‌బ్యాగ్‌లు, EBDతో కూడిన ABS, ఫ్రంట్ సీట్-బెల్ట్ రిమైండర్, హై-స్పీడ్ అలర్ట్ వంటివి ఇందులో ఉన్నాయి. ఈ కారులో 66 బిహెచ్పీ పవర్, 89 ఎన్ఎమ్ గరిష్ట టార్క్‌ ఉత్పత్తి చేయగల ఇంజన్‌ ఉంది. ఇందులో 5-స్పీడ్ మాన్యువల్ గేర్‌బాక్స్‌తో పాటు ఆటో గేర్ షిఫ్ట్ ఫీచర్ కూడా ఉంది. ఇది VXI AGS వేరియంట్ అత్యధికంగా 26.68 kmpl మైలేజ్ అందిస్తుంది. Zxi+MT వేరియంట్ 24.97 kmpl మైలేజ్ ఇస్తుందని కంపెనీ తెలిపింది.    (చదవండి: రక్షణలో రారాజు మహీంద్రా ఎక్స్‌యూ‌వి700)

పెరుగుతున్న పెట్రోలు ధరలతో ప్రజలు అల్లాడిపోతున్న వేళ చల్లని కబురు చెప్పింది మారుతి సూజుకి ఇండియా. డీజిల్‌ కారుని మించి మైలేజీ అందించే కొత్త కారుని మార్కెట్‌లోకి తేబోతున్నట్టు ప్రకటించింది. ఎంట్రీ లెవల్‌ హచ్‌బ్యాక్‌ మోడల్‌గా ఉన్న సెలెరియో ఫేస్‌లిఫ్ట్‌ వెర్షన్‌ని మార్కెట్‌లోకి తెచ్చేందుకు మారుతి రెడీ అయ్యింది. నవంబరు 10 నుంచి ఈ కొత్త సెలెరియో మోడల్‌ అడ్వాన్స్‌ బుకింగ్స్‌ ప్రారంభం అవుతున్నాయి. రూ.11,000 చెల్లించి ఈ కారుని బుక్‌ చేసుకోవచ్చు. అయితే బుకింగ్స్‌కి ముందు అదిరిపోయే న్యూస్‌ చెప్పింది మారుతి. కొత్త సెలెరియో కారు రికార్ఢు స్థాయిలో లీటరు పెట్రోలుకు 26 కిలోమీటర్ల మైలేజీ ఇస్తుందంటూ సంచలన ప్రకటన చేసింది. ఇండియాలోనే అత్యధిక మైలేజీ ఇచ్చే పెట్రోలు కారు తమదేనంటూ తేల్చి చెప్పింది. ఇప్పటి వరకు మారుతి స్విఫ్ట్‌, బాలెనో కార్లు 24 కి.మీల మైలేజీ ఇస్తున్నాయి. ప్రస్తుతం వీటినే అత్యధిక మైలేజీ ఇచ్చేవిగా పరిగణిస్తున్నాను. సెలెరియో వాటిని బీట్‌ చేయబోతుంది. సెలెరియో కారులో 1 లీటరు కే 10సీ డ్యూయల్‌ జెట్‌ వీవీటీ పెట్రోలు ఇంజన్‌ను అమర్చారు. ఆటోమేటిక్‌, మాన్యువల్‌ గేర్లలో ఈ కారు లభించనుంది. ఈ ఫేస్‌ లిఫ్ట్‌ వెర్షన్‌లో ఏడు వేరియంట్లు మార్కెట్‌లోకి రాబోతున్నాయి. టచ్‌ స్క్రీన్‌ ఇన్ఫోంటైన్‌మెంట్‌, యాపిల్‌ కార్‌ప్లే వంటి లేటెస్ట్‌ ఫీచర్లు కూడా ఉన్నాయి. సెలెరియా పెట్రోలు కారు ఎక్స్‌షోరూం కనిష్ట ధర రూ.4.50 లక్షల దగ్గర ప్రారంభం అవుతుండగా హైఎండ్‌ వేరియంట్‌ ధర రూ.6.00 లక్షలుగా ఉంది. కీలక సమయంలో మైలేజీ కారును మార్కెట్‌లోకి తెస్తూ హ్యుందాయ్‌ సాంట్రో, టాటా టియాగోలకు గట్టి సవాల్‌ విసిరింది మారుతి.

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతి సుజుకి.. ప్రీమియం హ్యాచ్‌బ్యాక్‌ సెలెరియో కొత్త వర్షన్‌ ముందస్తు బుకింగ్స్‌ ప్రారంభించింది. వినియోగదార్లు రూ.11,000 చెల్లించి ఈ వాహనాన్ని బుక్‌ చేయవచ్చు. స్టార్ట్‌–స్టాప్‌ టెక్నాలజీతో తదుపరి తరం కె–సిరీస్‌ ఇంజన్‌ పొందుపరిచారు. ఆటో గేర్‌ షిఫ్ట్‌ టెక్నాలజీతో ఇప్పటికే ఈ కారు ఆదరణ చూరగొందని కంపెనీ తెలిపింది. భారత్‌లో అత్యంత ఇంధన సామర్థ్యం గల పెట్రోల్‌ కారుగా సెలెరియో నిలవనుందని మారుతి సుజుకి చీఫ్‌ టెక్నాలజీ ఆఫీసర్‌ సి.వి.రమణ్‌ తెలిపారు.  

న్యూఢిల్లీ: పెరుగుతున్న పెట్రోలు ధరలు పెరుగుతుండటంతో ప్రజలు ప్రత్యామ్నాయం వైపు చూస్తున్నారు.  మరోవైపు ఎలక్ట్రిక్‌ వెహికల్స్‌ని ప్రభుత్వం ప్రోత్సహిస్తోంది. అయితే ఇండియాలో నంబర్‌ వన్‌ ఆటోమొబైల్‌ కంపెనీ మారుతి భిన్నమైన మార్గం ఎంచుకుంది.  సీఎన్‌జీకే మొగ్గు సీఎన్‌జీ మోడళ్ల సంఖ్యను పెంచాలని వాహన తయారీ దిగ్గజం మారుతీ సుజుకి నిర్ణయం తీసుకుంది. పెట్రోల్, డీజిల్‌ ధరలు పెరుగుతున్న నేపథ్యంలో సీఎన్‌జీ మోడళ్లకు గిరాకీ రావడంతో కంపెనీ సీఎన్‌జీ వైపు మళ్లింది.  మరిన్ని మోడల్స్‌ త్వరలో  కొత్తగా మరో నాలుగు మోడళ్లకు సీఎన్‌జీ శ్రేణిని విస్తరించనున్నట్టు సంస్థ మార్కెటింగ్, సేల్స్‌ సీనియర్‌ ఈడీ శశాంక్‌ శ్రీవాస్తవ వెల్లడించారు. ‘ప్రస్తుతం ఎనిమిది మోడళ్లకు సీఎన్‌జీ వేరియంట్స్‌ ఉన్నాయి. భవిష్యత్‌లో మరిన్ని సీఎన్‌జీ మోడల్స్‌ అందుబాటులోకి తెస్తాం. ప్రస్తుతం పెండింగ్‌లో 2.8 లక్షల యూనిట్లు ఉన్నాయి. ఇందులో 1.1 లక్షల యూనిట్లు సీఎన్‌జీ వేరియంట్లే. ఒక్కో కిలోమీటర్‌కు పెట్రోల్, డీజిల్‌ వాహనమైతే రూ.5 ఖర్చు అవుతోంది. అదే సీఎన్‌జీ అయితే రూ.1.7 మాత్రమే. దేశవ్యాప్తంగా 260 నగరాలు, పట్టణాల్లో 3,400 సీఎన్‌జీ స్టేషన్స్‌ ఉన్నాయి’ అని వివరించారు.  

దేశవ్యాప్తంగా ఇంధన ధరలు సెంచరీ దాటేసి... తగ్గేదేలే అంటూ.. పెరుగుతూనే ఉన్నాయి.  పెరుగుతున్న ఇంధన ధరలతో సామాన్యులకు చుక్కలు కన్పిస్తున్నాయి. ఇంధన ధరలు పెరగడంతో కొంత మంది వాహనదారులు ఎలక్ట్రిక్‌ వాహనాలపై మొగ్గుచూపుతున్నారు. కొందరైతే ఎలక్ట్రిక్‌ వాహనాలు ఫుల్‌ ఛార్జ్‌ అవ్వడానికి ఎక్కువ సమయం పడుతుందని చెప్పి సంప్రాదాయి శిలాజ ఇంధన వాహనాలనే కొనుగోలు చేస్తున్నారు. మనలో చాలా మంది మైలేజీ ఎక్కువ ఇచ్చే వాహనాలపైనే మొగ్గుచూపుతాం. అంతేందుకు ఎవరైనా కొత్త వాహనాలను కొనుగోలు చేస్తే మొదట మనం వారిని అడిగే ప్రశ్న...మైలేజ్‌ ఎంత ఇస్తుందని..? ఇంధన ధరల మోత తగ్గనప్పటికీ...మైలేజ్‌ ఎక్కువ ఇచ్చే వాహనాలను కొనుగోలు చేయడంతో కాస్తనైనా ఉపశమనం కలిగే వీలు ఉంది.  ఆటోమోటివ్ రీసెర్చ్ అసోసియేషన్ ఆఫ్ ఇండియా (ఏఆర్‌ఏఐ) స్టాండర్స్‌ ప్రకారం.. భారత మార్కెట్‌లో తక్కువ బడ్జెట్‌లో బెస్ట్‌ మైలేజ్‌ ఇచ్చే కార్లపై ఓ లుక్కేయండి. మార్కెట్లలోని టాప్‌-10  మైలేజ్‌ ఇచ్చే కార్లు ఇవే...! 1. హ్యుందాయ్ గ్రాండ్ ఐ 10 నియోస్ హ్యుందాయ్ గ్రాండ్ ఐ 10 నియోస్ డీజిల్ వేరియంట్ ఎంట్రీ లెవల్ హ్యాచ్‌బ్యాక్ విభాగంలో ఉత్తమ మైలేజీని అందిస్తోంది. గ్రాండ్ ఐ 10 నియోస్ ఎంట్రీ లెవల్ హ్యాచ్‌బ్యాక్ విభాగంలో డీజిల్ ఇంజిన్‌తో ఎక్కువ మైలేజ్‌ ఇచ్చే అతికొద్ది కార్లలో ఇది  ఒకటి. ARAI రికార్డుల ప్రకారం... డీజిల్ వేరియంట్ 25 kmpl వరకు మైలేజీ, పెట్రోల్ ఆటోమేటిక్ వేరియంట్21 kmpl మైలేజీను అందిస్తోంది.  2. మారుతి సుజుకి స్విఫ్ట్ మారుతి స్విఫ్ట్‌ పెట్రోల్‌ మాన్యువల్  వేరియంట్ 23 kmpl కంటే కొంచెం ఎక్కువ, ఆటోమేటిక్ వెర్షన్ 23.76 kmpl రేంజ్‌ను ఇస్తోంది. 3. హ్యుందాయ్ i20 ప్రీమియం హ్యాచ్‌బ్యాక్ విభాగంలో, హ్యుందాయ్ i20 అత్యంత ప్రజాదరణ పొందిన కార్లలో ఒకటి. ఈ కారులో అద్భుతమైన ఫీచర్సే కాకుండా గొప్ప మైలేజ్‌ ఈ కారు సొంతం. ARAI ప్రకారం...హ్యుందాయ్ i20 డీజిల్ వేరియంట్‌ 25.2 kmpl, పెట్రోల్ మాన్యువల్ ట్రాన్స్‌మిషన్‌ వేరియంట్‌ 20.35 kmpl రేంజ్‌ను ఇస్తోంది. 4. మారుతి బాలెనో ఇటీవలి కాలంలో  హ్యుందాయ్ ఐ 20 మైలేజీకు సమానంగా మారుతి బాలెనో అందిస్తోంది. ARAI ప్రకారం... బాలెనో పెట్రోల్ ఇంజన్‌తో 23. 87 kmpl రేంజ్‌ వస్తోంది. 5. హ్యుందాయ్ ఆరా సబ్-కాంపాక్ట్ సెడాన్ సెగ్మెంట్‌లో అత్యంత ప్రజాదరణ పొందిన కారుగా ఆరా నిలుస్తోంది. ARAI డేటా ప్రకారం...ఆరా డీజిల్ మాన్యువల్ వేరియంట్ 25 kmpl మైలేజీని అందిస్తుంది.సీఎన్‌జీ వేరియంట్‌ కిలోకు 28 కిలోమీటర్ల మైలేజీని అందిస్తుంది. 6.మారుతి డిజైర్ మారుతి డిజైర్‌ కూడా సబ్-కాంపాక్ట్ సెడాన్ విభాగంలో ఇది కూడా  అత్యంత ప్రజాదరణ పొందిన మోడల్‌. పెట్రోల్‌ మాన్యువల్ వేరియంట్ 23.26 kmpl మైలేజీ,  ఆటోమేటిక్ వెర్షన్ 24.12 kmpl మైలేజీను  అందిస్తోంది. 7. కియా సొనెట్ సబ్‌ కాంపాక్ట్‌ ఎస్‌యూవీ విభాగంలో అత్యధికంగా కొనుగోలు చేయబడిన మోడల్‌ కియా సోనెట్‌. ARAI సర్టిఫికేట్ ప్రకారం... సోనేట్‌ డీజిల్ వేరియంట్‌ 24 kmpl మైలేజీను,  పెట్రోల్ వేరియంట్‌ 18 kmpl ను అందిస్తోంది.  8. హ్యుందాయ్ వెన్యూ హ్యూందాయ్‌ వెన్యూ సుమారు 23.4 kmpl మైలేజీను అందిస్తోంది.  9. హ్యుందాయ్ క్రెటా మిడ్‌ రేంజ్‌ ఎస్‌యూవీ విభాగంలో హ్యుందాయ్ క్రెటాకు సాటి లేదు. క్రెటా డీజిల్‌ మాన్యువల్‌ వేరియంట్‌ 21 kmpl అందిస్తోంది. 10. హ్యూందాయ్‌ వెర్నా ప్రీమియం సెడాన్‌ విభాగంలో హ్యుందాయ్‌ వెర్నా డిజీల్‌ వేరియంట్‌ 25 కెఎమ్‌పీఎల్‌, పెట్రోల్‌ వేరియంట్‌ 18.4 కెఎమ్‌పీఎల్‌ను అందిస్తోంది. 

Maruti Suzuki Teases New Off Road Car: ఆఫ్ రోడ్స్‌ వాహనాల్లో మహీంద్రా థార్‌కు ఉన్న క్రేజ్‌ అంతా ఇంతా కాదు. మహీంద్రా థార్‌కు పోటీగా ప్రముఖ దిగ్గజ ఆటోమొబైల్‌ కంపెనీలు ఆఫ్‌​ రోడ్స్‌ ఎస్‌యూవీ కార్లపై ఫోకస్‌ పెట్టాయి. భారత మార్కెట్లలోకి థార్‌కు పోటీగా ప్రముఖ ఆటోమొబైల్‌ కంపెనీ ఫోర్స్‌ గుర్ఖా పేరుతో ఆఫ్‌ రోడ్‌ ఎస్‌యూవీని లాంచ్‌ చేసిన విషయం తెలిసిందే. తాజాగా మహీంద్రా థార్‌కు పోటీగా మారుతి సుజుకి భారత మార్కెట్లలోకి ‘జిమ్నీ’ పేరుతో ఆఫ్‌ రోడ్‌ ఎస్‌యూవీను త్వరలోనే లాంచ్‌ చేయనున్నట్లు తెలుస్తోంది.  మహీంద్రా థార్‌కు తీసిపోకుండా అదే స్టైల్‌తో జిమ్నీ రానుంది. మారుతి తీసుకువస్తోన్న ఆఫ్‌ రోడ్‌ ఎస్‌యూవీ కస్టమర్లను ఇట్టే కట్టిపడేస్తుంది. మారుతి సుజుకీ జిమ్నీకి సంబంధించిన టీజర్‌ను సోషల్‌ మీడియా హ్యాండిల్స్‌లో లాంచ్‌ చేసింది. అన్ని రకాల భూభాగాల్లో అడ్వెంచరస్‌ డ్రైవింగ్‌ అనుభూతిని వాహనదారులకు కచ్చితంగా అందిస్తోందని మారుతి సుజుకీ పేర్కొంది.  చదవండి: డావో ఎలక్ట్రిక్‌ స్కూటర్.. భలే ఉంది కదూ! ఇండియా నుంచి ఇతర దేశాలకు... మారుతి సుజుకీ జిమ్నీ ఎస్‌యూవీ 3 డోర్‌ వెర్షన్‌తో రానుంది. ఈ కారును హర్యానాలోని మాన్నేసర్‌లో ప్లాంట్‌లో తయారుచేశారు. ఇక్కడి నుంచే ఇతర దేశాలకు కూడా ఎగుమతికానుంది. భారతీయుల కోసం సపరేట్‌గా 5 డోర్‌ వెర్షన్‌తో రానున్నట్లు తెలుస్తోంది. వచ్చే ఏడాది నుంచి కొనుగోలుదారులకు అందుబాటులో ఉండనుంది.  ఇంజన్‌ విషయానికి వస్తే..! మారుతి సుజుకీ జిమ్నీ ఇంటర్నేషనల్‌ వెర్షన్‌ 1.4-లీటర్ మైల్డ్-హైబ్రిడ్ టర్బోచార్జ్డ్ పెట్రోల్ ఇంజిన్‌తో రానుంది. అయితే ఇండియన్‌ వెర్షన్‌ జిమ్నీ 1.5-లీటర్ కె 15 బి పెట్రోల్ ఇంజిన్‌ తో రానుంది. ఇక్కడ విశేషమేమిటంటే..విటారా బ్రెజ్జా, సియాజ్, ఎర్టిగా, ఎక్స్‌ఎల్ 6 మోడల్స్‌లో ఇదే ఇంజిన్‌ను మారుతి అమర్చింది. 6000 ఆర్‌పిఎమ్ వద్ద 103 బిహెచ్‌పి శక్తిని ఉత్పత్తి చేస్తుంది,  4400 ఆర్‌పిఎమ్ వద్ద 138 ఎన్ఎమ్ గరిష్ట టార్క్‌ను అందిస్తోంది.  ఈ ఎస్‌యూవీ 5-స్పీడ్ మాన్యువల్ గేర్‌బాక్స్‌తో పాటు ఆప్షనల్‌ 4-స్పీడ్ ఆటోమేటిక్ టార్క్ కన్వర్టర్ ట్రాన్స్‌మిషన్‌ గేర్‌బాక్స్‌లో కూడా అందుబాటులో ఉంది. కాగా ఈ కారు ధర ఇంకా తెలియాల్సి ఉంది.  చదవండి: రికార్డ్‌ సేల్స్‌, ప్రతిరోజు 400 అపార్ట్‌మెంట్ల రిజిస్ట్రేష‌న్లు

కార్ల అమ్మకాల్లో దేశంలోనే నంబర్‌ వన్‌గా ఉన్న మారుతి సుజూకి మరో అడుగు ముందుకు వేసింది. భవిష్యత్తులో తమ సంస్థకు అవసరమైన మానవ వనరులను అభివృద్ధి చేసే పనిపై ఫోకస్‌ పెట్టింది. ఆటోమోటివ్‌ రిటైల్‌ మార్కెట్‌ రీసెర్చ్‌ అంచనాల ప్రకారం దేశంలో ప్రతీ వెయ్యి మందికి కేవలం 36 కార్లు మాత్రమే అందుబాటులో ఉన్నాయి. ఒక్కసారి కోవిడ్‌ సంక్షోభం పూర్తిగా ముగిసి ఆర్థిక పరిస్థితి గాడిన పడితే కార్ల అమ్మకాలు ఊపందుకుంటాయని మార్కెట్‌ అనాలిసిస్టులు చెబుతున్నారు. దీంతో ఆటోమొబైల్‌ ఇండస్ట్రీకి అవసరమైన రీతిలో హ్యూమన్‌ రిసోర్స్‌ డెవలప్‌మెంట్‌పై మారుతి దృష్టి సారించింది. అందులో భాగంగా రిటైల్‌ మేనేజ్‌మెంట్‌ విత్‌ స్పెషలైజేషన్‌ ఇన్‌ ఆటోమోటివ్‌ రిటైల్‌ కోర్సును ప్రవేశ పెడుతోంది. మూడేళ్ల కోర్సు ఆటోమొబైల్‌ ఇండస్ట్రీకి సంబంధించి మూడేళ్ల డిగ్రీ కోర్సును అందివ్వాలని మారుతి నిర్ణయించింది. ఈ కోర్సులో పూర్తిగా  ఆటోమైబైల్‌ పరిశ్రమకు సంబంధించిన అంశాలనే సిలబస్‌లో పొందు పరచనుంది. మొదటి ఏడాది కేవలం తరగతి కోర్సుగా మిగిలిన రెండేళ్లు మారుతి ఆథరైజ్డ్‌ డీలర్‌షిప్‌ యూనిట్లలో ప్రాక్టికల్‌ తరగతులు నిర్వహిస్తారు.  యూనివర్సిటీ గ్రాంట్‌ కమిషన్‌ (యూజీసీ) నిబంధనలకు అనుగుణంగా ఈ కోర్సుని డిజైన్‌ చేసింది.  టాటా సహకారంతో  మారుతి సంస్థ అందిస్తోన్న మూడేళ్ల కొత్త కోర్సును మొదటగా టాటా ఇన్సిస్టిట్యూట్‌ ఆఫ్‌ సోషల్‌ సైన్సెస్‌ - స్కూల్‌ ఆఫ్‌ వొకేషనల్‌ ఎడ్యుకేషన్‌ (టీఐఎస్‌ఎస్‌-ఎస్‌వీఈ) ముంబై క్యాంపస్‌లో ప్రవేశపెడుతున్నారు. ఈ కోర్సుకు సంబంధించిన తొలి బ్యాచ్‌కి 2021 అక్టోబరు నుంచి క్లాసులు ప్రారంభం అవనుంది. కోర్సు పూర్తైన తర్వాత విద్యార్థుల యోగ్యతను బట్టి మారుతి లేదా ఇతర సంస్థలలో ఉద్యోగ అవకాశాలు ఉంటాయి. జపాన్‌ తరహా స్కిల్స్‌ ఆటోమోటివ్‌ ఇండస్ట్రీలో రిటైల్‌ సెక్టార్‌లో స్కిల్డ్‌ వర్కర్లు లభించడం లేదని, అందుకే ఇండస్ట్రీ అవసరాలకు తగ్గట్టుగా యువతకు ప్రత్యేక శిక్షణ ఇస్తున్నామని రుతి సుజూకి ఇండియా, ఎగ్జిక్యూటివ్‌ వైస్‌ ప్రెసిడెంట్‌, మనోజ్‌ అగర్వాల్‌ తెలిపారు. ఈ కోర్సులో జపాన్‌ తరహా వర్క్‌ కల్చర్‌, సాఫ్ట్‌ స్కిల్స్‌ని మన యూత్‌లో డెవలప్‌ చేయడం మా లక్ష్యమని ఆయన వివరించారు.   చదవండి : ఎలక్ట్రిక్ వాహనాలు కొనేవారికి కేంద్రం తీపికబురు!

Maruti Ciaz Sedan Car: ఇండియన్‌ మార్కెట్‌లో తనకు తిరుగు లేదని మరోసారి మారుతి నిరూపించుకుంది. మార్కెట్‌లో ఇతర కంపెనీల నుంచి తీవ్ర పోటీ నెలకొన్నా మరోసారి అగ్రస్థానాన్ని నిలబెట్టుకుంటున్నాయి మారుతి బ్రాండ్‌ నుంచి వస్తోన్న కార్లు. తాజాగా సెడా​న్‌ సెగ్మెంట్‌ అమ్మకాల్లో మారుతి సియాజ్‌ సంచలనం సృష్టించింది. ఎస్‌యూవీ పోటీని తట్టుకుని గత దశాబ్ధం కాలంగా ఇండియన్‌ మార్కెట్‌లో ఎస్‌యూవీ వెహికల్స్‌కే డిమాండ్‌ ఎక్కువగా ఉంటుంది. ఎంట్రీ లెవల్‌ కార్లను మినహాయిస్తే ఎస్‌యూవీలోనే ఎక్కువ అమ్మకాలు జరుగుతున్నాయి. ఇక సెడాన్‌ సెగ్మెంట్‌కి సంబంధించిన అమ్మకాల్లో ఎలాంటి మెరుపులు ఉండటం లేదు. అలాంటి తరుణంలో మారుతి మిడ్‌రేంజ్‌ సెడాన్‌ సియాజ్‌ సానుకూల ఫలితాలు సాధించింది.  అమ్మకాల్లో రికార్డ్‌ మారుతి సంస్థ 2014లో మిడ్‌ రేంజ్‌ సెడాన్‌గా సియాజ్‌ని మార్కెట్‌లో ప్రవేశ పెట్టింది. అప్పటి నుంచి ఇప్పటి వరకు దేశ వ్యాప్తంగా 3 లక్షలకు పైగా సియాజ్‌ కార్ల అమ్మకాలు జరిగాయి. పోటీ సంస్థలైన స్కోడా ర్యాపిడ్‌, హ్యుందాయ్‌ వెర్నా, ఫోక్స్‌వాగన్‌ వెంటోల నుంచి పోటీ ఉన్నా తన అధిపత్యాన్ని కొనసాగించింది. డీజిల్‌ ఆపేసినా  మారుతి సంస్థ 2014లో డీజిల్‌ వెర్షన్‌లో సియాన్‌ని మార్కెట్‌లోకి తెచ్చినప్పుడు భారీగానే అమ్మకాలు జరిగాయి. ఆ తర్వాత డీజిల్‌ వెర్షన్‌ ఆపేసి ఇప్పుడు పెట్రోల్‌ వెర్షన్‌లోనే సియాజ్‌ను అమ్ముతోంది. ఐనప్పటికీ సేల్స్‌ బాగానే ఉన్నాయి. ‘సియాజ్‌ మార్కెట్‌కి వచ్చినప్పటి నుంచి డిజైన్‌, స్టైల్‌, కంఫర్ట్‌ ఇలా అన్ని విభాగాల్లో కస్టమర్ల ఆదరణ చూరగొంది’ అని మారుతి మార్కెటింగ్‌ ఎగ్జిక్యూటివ్‌ డైరెక్టర్‌ శశాంక్‌ శ్రీవాత్సవ అన్నారు. 1.5 పెట్రోల్‌ ఇంజన్‌ ప్రస్తుతం మారుతి సియాజ్‌కి కారు 1.5 పెట్రోలు ఇంజన్‌ వెర్షన్‌లో లభిస్తోంది. 103 బ్రేక్‌ హార్స్‌ పవర్‌తో గరిష్టంగా 138 ఎన్‌ఎం టార్క్‌ని అందిస్తోంది. స్టాండర్డ్‌, ఆటోమేటిక్‌ గేర్‌ వెర్షన్లలో ఈ కారు మార్కెట్‌లో అందుబాటులో ఉంది. 510 లీటర్ల బూట్‌ స్పేస్‌, 2,650 గ్రౌండ్‌ క్లియరెన్సులు సియాజ్‌ ప్రత్యేకతలు. చదవండి : Ford: ప్లీజ్‌ మమ్మల్ని వదిలేసి వెళ్లొద్దు!

ప్రముఖ ఆటోమేకర్ మారుతి సుజుకి ఇండియా లిమిటెడ్ భారత మార్కెట్‌లో అమ్మకాల విషయంలో దూసుకెళ్తుంది. ఆగస్టులో మొత్తం 1,30,699 యూనిట్ల అమ్మకాలను నమోదు చేసినట్లు మారుతి సుజుకి ప్రకటించింది. ఇందులో 1,05,775 యూనిట్ల దేశంలో అమ్మితే, 4,305 యూనిట్ల ఇతర ఓఈఎంలకు అమ్మినట్లు పేర్కొన్నారు. అలాగే, ఆగస్టులో 20,619 యూనిట్లను ఎగుమతి చేసింది. ఎలక్ట్రానిక్ కాంపోనెంట్ల కొరత కారణంగా ఆగస్టులో అమ్మకాల మీద ప్రభావం పడినట్లు మారుతి సుజుకి ఒక అధికారిక ప్రకటనలో వివరించింది. కాంపోనెంట్ల కొరత ప్రతికూల ప్రభావాన్ని ఎదుర్కోవడానికి సాధ్యమైన అన్ని చర్యలు తీసుకున్నట్లు ఆటోమేకర్ పేర్కొంది.(చదవండి: నిరుద్యోగులకు అమెజాన్ తీపికబురు!) కోవిడ్-19 మహమ్మారి కారణంగా 2020 ఆగస్టులో అమ్మకాలు తీవ్రంగా దెబ్బతిన్నట్లు కంపెనీ తెలిపింది. మారుతి సుజుకి ఇండియా ఆగస్టు 2020 లో 1,24,624 యూనిట్లను అమ్మినట్లు పేర్కొంది. మినీ సబ్ సెగ్మెంట్ గత ఏడాది ఇదే నెలలో 19,709 యూనిట్లు అమ్మితే, 2021 ఆగస్టులో 20,461 యూనిట్ల అమ్మకాలను జరిపినట్లు పేర్కొంది. యుటిలిటీ వెహికల్స్ సెగ్మెంట్ కూడా గత ఏడాది ఇదే కాలంతో పోలిస్తే అమ్మకాల్లో పెరుగుదలను నమోదు చేసింది. గత ఏడాది ఇదే నెలలో 21,030 యూనిట్లతో పోలిస్తే ఈ ఏడాది 2021 ఆగస్టులో సంస్థ 24,337 యూనిట్లను విక్రయించింది. ఈ సెగ్మెంట్ లో ఎర్టిగా, ఎస్-క్రాస్, వితారా బ్రెజ్జా, ఎక్స్ ఎల్ 6, జిప్సీ వంటి మోడల్స్ ఉంటాయి. 

న్యూఢిల్లీ: దేశంలోని అతిపెద్ద కార్ల తయారీ సంస్థ మారుతి సుజుకి ఇండియా కొనుగోలు దారులకు షాక్ ఇచ్చింది. మరోసారి కార్ల ధరలను పెంచుతూ కీలక నిర్ణయం తీసుకుంది. తయారీ, నిర్వహణ, ముడిసరకుల వ్యయాలు పెరగడం వల్ల వచ్చే నెల నుంచి అన్నీ మోడల్స్ ధరలను పెంచనున్నట్లు మారుతి సుజుకి తెలిపింది. "గత ఏడాది కాలంలో ఇన్ పుట్ ఖర్చులు పెరగడం వల్ల వివిధ వాహనాల ధరలు ప్రభావితం అవుతున్నాయి" అని కంపెనీ బీఎస్‌ఈ ఫైలింగ్‌లో పేర్కొంది.  మోడల్ బట్టి ధరల పెరుగుదలలో వ్యత్యాసం ఉండే అవకాశం ఉంది. "సెప్టెంబర్ 2021లో విడుదల చేసే అన్నీ మోడల్స్ ధరల పెరగనున్నట్లు" మారుతి సుజుకి ఇండియా తెలిపింది. ప్రస్తుతం కంపెనీ ఎంట్రీ లెవల్ హ్యాచ్ బ్యాక్ ఆల్టో(ధర రూ.2.99 లక్షల) నుంచి ఎస్-క్రాస్(ధర రూ.12.39) మోడల్స్ వరకు విక్రయిస్తుంది. ఈ ఏడాది జనవరి నుంచి ఇప్పటి వరకు నాలుగు సార్లు వాహన ధరలను పెంచింది.(చదవండి: ‘కూ’ కోటి యూజర్ల రికార్డ్‌)

దేశంలోని అతిపెద్ద కార్ల తయారీ సంస్థ మారుతి సుజుకిపై కాంపిటీషన్ కమిషన్ ఆఫ్ ఇండియా(సీసీఐ) 27 మిలియన్ డాలర్ల(₹200 కోట్ల) జరిమానా విధించింది. 2019లో మారుతి తన డీలర్లను వారు అందించే డిస్కౌంట్లను పరిమితం చేయాలని బలవంతం చేస్తుందనే వచ్చిన ఆరోపణలను కాంపిటీషన్ కమిషన్ ఆఫ్ ఇండియా(సీసీఐ) పరిశీలిస్తుంది. మారుతి సుజుకి చర్య వల్ల డీలర్ల మధ్య పోటీని సమర్థవంతంగా అణచివేస్తుంది, డీలర్లు స్వేచ్ఛగా పనిచేస్తే వినియోగదారులు తక్కువ ధరలకు కార్లను పొందే అవకాశం ఉంటుందని రాయిటర్స్ నివేదించింది.(చదవండి: రూ.9 వేలకే రియల్‌మీ ట్రిపుల్ రియర్ కెమెరా స్మార్ట్‌ఫోన్‌) దర్యాప్తు తర్వాత సీసీఐ జారీ చేసిన ఒక ఉత్తర్వులో ఇక నుంచి అటువంటి విధానాలకు పాల్పడకుండా "నిలిపివేయాలి/విరమించుకోవాలని" మారుతిని కోరింది. అలాగే, జరిమానాను 30 రోజుల్లోగా డిపాజిట్ చేయాలని కంపెనీని కోరింది. ఈ విషయంపై మారుతి సుజుకి యాజమాన్యం ఇంకా స్పందించలేదు. దీంతో మారుతి సుజుకి షేర్లు నేడు పడిపోయి బిఎస్ఈలో ₹6,835.00(0.23%) వద్ద ఉన్నాయి. దేశంలో అతిపెద్ద కార్ల తయారీ సంస్థ మొత్తం ఉత్పత్తి సంవత్సరానికి 58 శాతం పెరిగి 1,70,719 యూనిట్లకు చేరుకుంది. ఏడాది క్రితం కాలంలో కంపెనీ మొత్తం 1,07,687 యూనిట్లను ఉత్పత్తి చేసిందని మారుతి సుజుకి ఇండియా(ఎంఎస్ఐ) రెగ్యులేటరీ ఫైలింగ్ లో తెలిపింది.

మీరు కొత్తగా కారు కొనాలని అనుకుంటున్నారా? అయితే మీకో శుభవార్త. కొనుగోలు దారులకు మారుతీ సుజుకీ ఇండియా కళ్లు చెదిరే ఆఫర్లను ప్రకటించింది. అరీనా, నెక్సా డీలర్‌ షిప్‌లలో మారుతి వాహనాలపై క్యాష్‌ డిస్కౌంట్‌, ఎక్సేంజ్‌ బోనస్‌ తో పాటు కార్పొరేట్‌ బెన్ ఫిట్స్‌ ను ఈ నెల చివరి వరకు సొంతం చేసుకోవచ్చని ఆ సంస్థ ప్రతినిధులు తెలిపారు.   దేశంలో అతిపెద్ద కార్ల తయారీ కంపెనీ మారుతీ ఉత్పత్తి సామర‍్ధ్యాన్ని పెంచడమే కాదు భారీ ఆఫర్లు ప్రకటించి ఆటో మొబైల్‌ ఇండస్ట్రీలో తమకు సాటెవ్వరూ లేరని నిరూపిస్తుంది. తాజాగా మారుతీ తన కంపెనీ వాహనాలపై భారీ ఆఫర్లను ప్రకటించింది. ఆ ఆఫర్లు ఎలా ఉన్నాయో ఇప్పుడు తెలుసుకుందాం? మారుతి సుజుకి ఆల్టో 800 మారుతి సుజికీ ఆల్టో 800పై ప్రస్తుత ప్రారంభ ధర రూ.2.99లక్షలు ఉండగా.. ఆ ధరపై (డిస్కౌంట్‌ వర్త్‌) క్యాష్‌ డిస్కౌంట్‌ తో కలిపి రూ.43,000వరకు తగ్గించనుంది.   మారుతి సుజుకి ఎస్‌ - ప్రెస్సో మారుతి సుజుకి ఎస్‌- ప్రెస్సో ప్రారంభ ధర రూ.3.78 లక్షలు ఉండగా రూ. 48,000 వరకు బెన్ఫిషియల్‌ ఆఫర్‌ను అందిస్తుంది మారుతి సుజికి స్విఫ్ట్‌  మారుతి స్విఫ్ట్‌ ప్రారంభ ధర రూ.5.81లక్షలు ఉండగా.. ఆ కారుపై ఎక్ఛేంజ్‌ ఆఫర్‌ను కలుపుకొని రూ.49,000 వరకు డిస్కౌంట్‌ను అందిస్తుంది మారుతి సుజికి ఎస్‌ క్రాస్‌  మారుతి సుజికీ ఎస్‌ క్రాస్‌ కారు ప్రారంభ ధర రూ.8.39లక్షలు ఉండగా  ఆ కారుపై పర్చేస్‌ బెన్ఫిటిక్స్‌ కింద రూ.57,500వరకు డిస్కౌంట్‌ పొందవచ్చు. 

న్యూఢిల్లీ: దేశంలో అతిపెద్ద కార్ల తయారీ కంపెనీ మారుతీ సుజుకీ ఉత్పత్తి సామర్థ్యాన్ని పెంచింది. గత నెలలో 1,70,719 కార్లను తయారీ చేసింది. గతేడాది జులైలో 1,07,687 యూనిట్లను ఉత్పత్తి చేసింది. వార్షిక ప్రాతిపదికన ఉత్పత్తి సామర్థ్యంలో 58 శాతం వృద్ధి నమోదయిందని కంపెనీ రెగ్యులేటరీ ఫైలింగ్‌లో తెలిపింది.  ఏడాది క్రితంతో పోలిస్తే వాహన తయారీ గణాంకాలలో పెరుగుదల ఉన్నప్పటికీ ఈ పోలిక అర్ధవంతమైనది కాదని.. ఎందుకంటే గతేడాది జులైలో కరోనా అంతరాయం కారణంగా విక్రయాలు చాలా తక్కువ స్థాయిలో జరిగాయని తెలిపింది. 2018 జులైతో పోలిస్తే ఈ ఏడాది జులైలోని ఉత్పత్తి సామర్థ్యం తక్కువేనని పేర్కొంది. ఈ ఏడాది జులైలో 1,67,825 ప్యాసింజర్‌ వాహనాలను ఉత్పత్తి చేయగా.. గతేడాది జులైలో ఇవి 1,05,345 యూనిట్లుగా ఉన్నాయి. మోడళ్ల వారీగా చూస్తే.. ఈ ఏడాది జులైలో ఆల్టో, ఎస్‌ప్రెస్సో 24,899 కార్లు తయారయ్యాయి. గతేడాది ఇదే నెలలో వీటి సంఖ్య 20,638గా ఉన్నాయి. వ్యాగన్‌ఆర్, సెలెరియో, ఇగ్నిస్, స్విఫ్ట్, బాలెనో, డిజైర్‌ వంటి కాంపాక్ట్‌ కార్లు 55,390 యూనిట్ల నుంచి 90,604 యూనిట్లకు పెరిగాయి. అదేవిధంగా జిప్సీ, ఎర్టిగా, ఎస్‌–క్రాస్, విటారా బ్రెజా, ఎక్స్‌ఎల్‌6 వంటి యుటిలిటీ వాహనాలు 19,130 నుంచి 40,094 యూనిట్లకు వృద్ధి చెందాయి. లైట్‌ కమర్షియల్‌ వెహికిల్స్‌ ఉత్పత్తి గత నెలలో 2,894 యూనిట్లు కాగా.. క్రితం ఏడాది జులైలో ఇవి 2,342 యూనిట్లుగా ఉన్నాయి.   చదవండి: మనదేశంలో ఏ బ్రాండ్‌ స్మార్ట్ ఫోన్ ను ఎక్కువగా కొంటున్నారో మీకు తెలుసా?

ప్రముఖ కార్ల తయారీ సంస్థ మారుతీ సుజుకీ సరికొత్తగా వ్యాగన్‌ఆర్‌ ఎక్స్‌ట్రా ఎడిషన్‌ను మార్కెట్లలోకి లాంచ్‌ చేసింది. ఈ కారు 1L లేదా 1.2L ఇంజిన్, ట్రాన్స్‌మిషన్ ఆప్షన్‌లతో లభ్యమవుతుందని తెలుస్తోంది. వ్యాగన్‌ఆర్‌ ఎక్స్‌ట్రా కారు లిమిటిడెట్‌ ఎడిషన్‌గా వస్తున్నట్లు తెలుస్తోంది. ఇది స్టాండర్డ్‌ వ్యాగన్‌ఆర్‌ వేరియంట్‌కు 13 కొత్త అప్‌గ్రేడ్‌లతో రానుంది. కారు ఇంటీరియర్స్‌, ఎక్స్‌టిరియర్స్‌ గణనీయంగా మార్పులు ఉన్నట్లు తెలుస్తోంది. వ్యాగన్‌ఆర్‌ కారును సుమారు రూ. 22,990 అదనంగా చెల్లించడంతో అప్‌గ్రేడ్‌ అవుతుంది. కారులో స్టైలింగ్‌లో భాగంగా కారు వెనుక బంపర్‌ ప్రొటెక్టర్‌, సైడ్‌ స్కర్ట్‌, వీల్‌ ఆర్చ్‌ క్లాడింగ్‌, బాడీసైడ్‌ మౌల్డింగ్‌, ఫాగ్‌ ల్యాంప్‌ గార్నిష్‌, అప్పర్‌ గ్రిల్‌ క్రోమ్‌ గార్నిష్‌, వెనుక డోర్‌కు క్రోమ్‌ గార్నిష్‌, నంబర్‌ ప్లేట్‌ సరికొత్తగా అమర్చారు. అంతేకాకుండా డిజిటల్ ఎయిర్ ఇన్‌ఫ్లేటర్, ట్రంక్ ఆర్గనైజర్,  కార్ ఛార్జర్ ఎక్స్‌టెండర్ సౌకర్యాలను కలిగి ఉంది.  మారుతి సుజుకి వ్యాగన్ఆర్ రెండు ఇంజన్ ఆప్షన్‌లతో వస్తుంది. 1.0 లీటర్ త్రీ సిలిండర్ ఇంజిన్ 67 బిహెచ్‌పి సామర్థ్యంతో 90 ఎన్ఎమ్‌ టార్క్‌ను ఉత్పత్తి చేస్తోంది. ఫోర్‌ సిలిండర్‌ పెట్రోల్‌ 1.2 లీటర్‌ ఇంజన్‌ 82 బీహెచ్‌పీ సామర్థ్యంతో 113 ఎన్ఎమ్‌ టార్క్‌ను ఉత్పత్తి చేయనుంది. భద్రత పరంగా కారులో ఈబీడీ (ఎలక్ట్రానిక్ బ్రేక్ ఫోర్స్ డిస్ట్రిబ్యూషన్) తో డ్రైవర్ ఎయిర్‌బ్యాగ్, ఏబీఎస్‌ (యాంటీ-లాక్ బ్రేకింగ్ సిస్టమ్), స్పీడ్ అలర్ట్ సిస్టమ్, ఫ్రంట్ సీట్ బెల్ట్స్ రిమైండర్, రియర్ పార్కింగ్ సెన్సార్‌లను అమర్చారు. 

దేశంలోని ప్రముఖ కార్ల తయారీ సంస్థ టాటా మోటార్స్ తన ప్యాసింజర్ వాహనాల ధరలను వేరియంట్, మోడల్ బట్టి సగటున 0.8 శాతం ఆగస్టు 3 నుంచి పెంచనున్నట్లు ప్రకటించింది. అంతేగాక, ఆటోమేకర్ 31 ఆగస్టు, 2021 వరకు అన్ని రిటైల్ ధరలపై రక్షణను కూడా అందిస్తోంది. "టాటా మోటార్స్ ఇటీవల తన వినియోగదారులు, డీలర్లు, సరఫరాదారుల ప్రయోజనాలను రక్షించడానికి సమగ్రమైన 'బిజినెస్ అజిలిటీ ప్లాన్'ను ఏర్పాటు చేసినట్లు" అని ఒక ప్రకటనలో తెలిపింది. పీటీఐ నివేదిక ప్రకారం, స్టీల్, ఇతర విలువైన లోహాల ధరలు భారీగా పెరగడంతో కార్ల తయారీ వ్యయాన్ని భర్తీ చేయాడానికి ఆటోమేకర్ లక్ష్యంగా పెట్టుకున్న నేపథ్యంలో ప్రయాణీకుల వాహన ధరలను పెంచినట్లు పేర్కొంది. ముంబైకి చెందిన ఆటో మేజర్ టియాగో, నెక్సన్, హారియర్, సఫారీ వంటి ప్రయాణీకుల వాహనాలను దేశీయ మార్కెట్లో విక్రయిస్తుంది. ఈ నెల ప్రారంభంలో, దేశంలోని అతిపెద్ద కార్ల తయారీసంస్థ మారుతి సుజుకి ఇండియా ఇన్ పుట్ ఖర్చుల భారాన్ని తగ్గించడానికి హ్యాచ్ బ్యాక్ స్విఫ్ట్, సీఎన్ జి వేరియెంట్ల ధరలను ₹15,000 వరకు పెంచింది. అదేవిధంగా, హోండా మోటార్స్ ఆగస్టు నుంచి భారతదేశంలో తన మొత్తం మోడల్ శ్రేణి ధరలను పెంచనున్నట్లు ప్రకటించింది. ఎందుకంటే పెరిగిన కమోడిటీ ధరలను భర్తీ చేయాలని కార్ల తయారీ సంస్థలు చూస్తున్నాయి.

టోక్యో:: జపాన్‌కు చెందిన ప్రముఖ కార్ల తయారీ సంస్థ సుజుకి మోటార్ కార్పోరేషన్‌ కీలక నిర్ణయం తీసుకుంది. భారత్‌లో ఎలక్ట్రిక్‌ వాహనాలపై పెరుగుతున్న ఆదరణకు అనుగుణంగా 2025 నాటికి భారత్‌లో ఎలక్ట్రిక్ వాహనాలను మార్కెట్లోకి ప్రవేశపెట్టేందుకు చర్యలు తీసుకుంటుంది. తొలి ఎలక్ట్రిక్‌ వాహనాన్ని  భారత్‌లో లాంచ్‌ చేయాలని దేశంలో విడుదల చేయనున్నట్లు కంపెనీ ఒక నివేదికలో పేర్కొంది. మారుతి భాగస్వామ్యంతో భారత్‌లో సుజుకి చలామణీ అవుతున్న విషయం తెలిసిందే. నివేదిక ప్రకారం.. కంపెనీ తీసుకున్న నిర్ణయంతో కాంపాక్ట్ కార్ల విభాగంలో జపనీస్ కార్ల తయారీ సంస్థ సుజుకీ ఎలక్ట్రిక్ మొబిలిటీ వాహనాలు వృద్ధికి మరింత సహాయపడనుంది. భారత ఆటోమొబైల్స్‌ రంగంలో మారుతి సుజుకీ అతిపెద్ద వాహన తయారీ సంస్థగా నిలిచింది. భారత్‌లో మారుతి సుజుకీ అమ్మకాలు ఎక్కువగా ఆల్టో, వాగన్ఆర్, బాలెనో, స్విఫ్ట్ వంటి చిన్న కాంపాక్ట్ కార్లు ఆధిపత్యాన్ని చెలాయిస్తున్నాయి.  భారత్‌లో ఫస్ట్‌ బోణీ...! ఎలక్ట్రిక్‌ వాహనాన్ని తొలుత భారత మార్కెట్‌లో రిలీజ్‌చేయాలని సుజుకీ భావిస్తోంది. తరువాత జపాన్‌, యూరప్‌ వంటి ఇతర దేశాల్లో విడుదల చేయనున్నట్లు తెలుస్తోంది. మారుతి సుజుకీ వాగన్‌ఆర్‌ వాహనాలను ఈవీగా పరీక్షిస్తున్నట్లు తెలుస్తోంది. కాగా ఈ పరీక్షలపై మారుతి సుజుకీ  అధికారికంగా ధృవీకరించలేదు. మారుతి సుజుకీ ఎక్కువగా సీఎన్జీ వాహన శ్రేణులపై ఎక్కువగా దృష్టిపెట్టింది. భారత ప్రభుత్వం 2030 నాటికి కార్లలో కనీసం 30% ఎలక్ట్రిక్ వాహనాలు ఉండేలా ప్రణాళికలను రూపొందించింది. అంతేకాకుండా ప్రజలు ఎలక్ట్రిక్‌ వాహనాలను కొనుగోలు చేసేందుకు భారీగా ప్రోత్సాహాకాలను ప్రకటించింది.

ముంబై: దేశంలోనే అతిపెద్ద కార్ల తయారీ సంస్థ మారుతి సుజుకీ కీలక నిర్ణయం తీసుకుంది.  విక్రయాలను పెంచడం కోసం మారుతి సుజుకీ శ్రేణిలోని కొన్ని కారు మోడళ్లపై భారీ ఆఫర్లను ప్రకటించింది. మారుతి తన కస్టమర్లకు  క్యాష్‌ డిస్కౌంట్‌, ఎక్స్ఛేంజ్ బోనస్, కార్పొరేట్ డిస్కౌంట్ల కింద ఆఫర్లను అందించనుంది. ఆల్టో,  స్విఫ్ట్, ఈకో  అనేక రకాల కార్లపై డిస్కౌంట్ అందుబాటులో ఉంది. కాగా ఏర్టిగా మోడల్‌కు సంబంధించి ఏలాంటి రాయితీ ప్రకటించలేదు. కాగా ఈ ఆఫర్‌ జూలై 31 వరకు కస్టమర్లకు అందుబాటులో ఉంటుందని కంపెనీ పేర్కొంది. మారుతి సుజుకీ డిస్కౌంట్‌ను అందిస్తోన్న కారు మోడళ్లు ఇవే.. మారుతి ఆల్టో కస్టమర్లు సుమారు రూ. 15000 వరకు ఎక్సేఛేంజ్‌ బోనస్‌, రూ. 3000 కార్పొరేట్‌ బోసన్‌ను అందించనుంది. కాగా మారుతి ఆల్టో పెట్రోల్‌ ఇంజన్‌ మోడల్‌కు సుమారు రూ. 25 వేల వరకు క్యాష్‌ డిస్కౌంట్‌ను అందించనుంది.  మారుతి సెలేరియో, సెలేరియో ఎక్స్‌  మారుతి సెలేరియో, సెలేరియో ఎక్స్‌ మోడళ్ల కొనుగోలుపై సుమారు రూ. 15,000 వరకు ఎక్సేఛేంజ్‌ బోనస్‌, రూ. 3,000 కార్పొరేట్‌ బోసన్‌ను ప్రకటించింది. కాగా ఈ మోడళ్లకు ఏలాంటి క్యాష్‌ డిస్కౌంట్‌ను అందించడం లేదు. మారుతి డిజైర్‌ మారతి డిజైర్‌ మోడల్‌ కొనుగోలుపై సుమారు రూ. 20,000 వరకు ఎక్సేఛేంజ్‌ బోనస్‌, రూ. 10,000 క్యాష్‌ డిస్కౌంట్‌ను ప్రకటించింది. మారుతి ఈకో మారుతి ఈకో మోడళ్ల కొనుగోలుపై సుమారు రూ. 15,000 వరకు ఎక్సేఛేంజ్‌ బోనస్‌, రూ. 3,000 కార్పొరేట్‌ బోసన్‌, రూ. 10,000 క్యాష్‌ డిస్కౌంట్‌ను అందించనుంది. మారుతి ఎస్-ప్రెస్సో పెట్రోల్ ఇంజన్ మోడల్‌కు రూ .25 వేల నగదు తగ్గింపు, సిఎన్‌జి మోడల్‌కు  రూ .10,000 నగదు తగ్గింపుతో కొనుగోలు చేయవచ్చు. వాటితో పాటుగా రూ .15 వేల ఎక్స్ఛేంజ్ బోనస్, రూ .3,000 కార్పొరేట్ డిస్కౌంట్ అందించనుంది.  మారుతి స్విఫ్ట్ స్విఫ్ట్‌పై సుమారు రూ .20,000 ఎక్స్ఛేంజ్ బోనస్ , రూ .4,000 కార్పొరేట్ డిస్కౌంట్‌ అందుబాటులో ఉంది. స్విఫ్ట్‌ ఎల్‌ఎక్స్‌ఐ మోడల్‌కు 10,000 రూపాయల నగదు తగ్గింపు, జెడ్‌ఎక్స్ఐ, జెడ్‌ఎక్స్ఐ + వేరియంట్లకు రూ. 15,000 తగ్గింపు, స్విఫ్ట్ విఎక్స్ఐ మోడల్‌కు సుమారు . 30,000 నగదు తగ్గింపును ప్రకటించింది. మారుతి విటారా బ్రెజ్జా మోడళ్ల కొనుగోలుపై సుమారు రూ. 20,000 వరకు ఎక్సేఛేంజ్‌ బోనస్‌, రూ. 4,000 కార్పొరేట్‌ బోసన్‌, రూ. 15,000 క్యాష్‌ డిస్కౌంట్‌ను అందించనుంది. మారుతి వాగన్-ఆర్ పెట్రోల్ ఇంజన్ మోడల్‌కు రూ .15 వేల నగదు తగ్గింపుతో, సిఎన్‌జి ఇంజన్ మోడళ్లకు రూ .5 వేల నగదు తగ్గింపుతో లభిస్తుంది. అంతేకాకుండా, కార్పొరేట్ డిస్కౌంట్ రూ. 15,000, ఎక్స్ఛేంజ్ బోనస్  రూ .3,000 ను అందిస్తోంది.

సాక్షి, ముంబై: కోవిడ్-19 మహమ్మారి బెడద దేశీయ అతిపెద్ద కార్ల తయారీ సంస్థ మారుతి సుజుకిని పట్టి పీడిస్తోంది. ఈ ఆర్థిక సంవత్సరంలో కరోనా మహమ్మారి కారణంగా  అమ్మకాలతో  భారీగా దెబ్బతిన్నాయి. దీంతో  క్యు4 లో ఫలితాలు మార్కెట్‌ అంచనాలను అందుకోలేకపోయాయి.  2021 ఆర్ధిక సంవత్సరంలో  25.1 శాతం క్షీణితతో నికర లాభం రూ .4,229.7 కోట్లుగా ఉందని కంపెనీ మంగళవారం వెల్లడించింది. అలాగే ఆదాయం 7.2శాతం క్షీణించి  రూ.66562 కోట్లకి పరిమితమైంది. మరోవైపు కంపెనీ బోర్డు ఒక్కో షేరుకు రూ .45 మధ్యంతర డివిడెండ్ ప్రకటించింది. (ఫ్లిప్‌కార్ట్‌ బిగ్‌ సేవింగ్‌ డేస్‌సేల్‌: భారీ ఆఫర్లు) జనవరి-మార్చి త్రైమాసికంలో కంపెనీ నికర లాభం ఏకంగా 10శాతం క్షీణత నమోదు చేసింది. 9.7 శాతం తగ్గి1,166.10 కోట్లకు చేరుకోగా, నికర అమ్మకాలు 33.6 శాతం పెరిగి రూ .22,958 కోట్లకు చేరుకున్నాయి. వాహన విడిభాగాల ధరలు పెరగడం, రూపాయి మారకపు విలువ, నిర్వహణేతర ఆదాయం తగ్గిపోవడం వంటి కారణాలతో ఈ క్షీణత నమోదైనట్లు  కంపెనీ చెప్పింది.  కరోనా, సంబంధిత  ఆంక్షల నేపథ్యంలో అమ్మకాలు 6.7 శాతం క్షీణించి 14,57,861 వాహనాలకు చేరుకున్నాయి. 2018-19 ఆర్థిక సంవత్సరంతో పోలిస్తే అమ్మకాలు 21.7 శాతం తగ్గాయి. దేశీయ అమ్మకాలు 6.8 శాతం క్షీణించి 13,61,722 యూనిట్లకు చేరుకోగా, ఎగుమతులు 5.9 శాతం తగ్గి 96,139 యూనిట్లకు చేరుకున్నాయి. నికర అమ్మకాలు ఈ ఏడాదిలో 66,562.10 కోట్ల రూపాయలుగా ఉండగా, అంతకుముందు సంవత్సరంతో పోలిస్తే 7.2 శాతం తక్కువ.  (కరోనా రెండో దశ : స్వల్పంగా తగ్గిన పాజిటివ్‌ కేసులు) చదవండి :  సుజుకి హయాబుసా క్రేజ్: ఆ వేరియంట్‌ ఔట్‌ ఆఫ్‌ స్టాక్‌!

సాక్షి, ముంబై: కార్ల విక్రయాల్లో వరుసగా నాలుగో ఏడాది మారుతీ సుజుకీ సత్తా చాటింది. గడిచిన ఆర్థిక సంవత్సరం(2020–21)లో జరిగిన కార్ల అమ్మకాల్లో తొలి ఐదు స్థానాలను మారుతీ కంపెనీ మోడళ్లే దక్కించుకున్నాయి. ఈ ఐదు మోడళ్లలో స్విఫ్ట్‌ కారు అత్యధికంగా అమ్ముడై తొలి స్థానాన్ని దక్కించుకుంది.(రెండో దశకు ఎయిరిండియా విక్రయం) 2020–21 ఏడాదిలో మొత్తం 1.72 లక్షల స్విఫ్ట్‌ కార్లు అమ్ముడుపోయాయి. ఈ తర్వాత స్థానాల్లో వరుసగా ఇదే కంపెనీకి చెందిన బాలెనో(1.63 లక్షలు), వేగనార్‌(1.60 లక్షలు), ఆల్టో(1.59 లక్షలు), డిజైర్‌(1.28 లక్షలు) మోడళ్లు నిలి చాయి.  5 మోడళ్లు మొత్తం అమ్మకాలు ప్యాసింజర్‌ కార్ల విక్రయాల్లో 30 శాతాన్ని ఆక్రమించాయి. ఇతర కంపెనీల నుంచి పోటీ ఉన్నప్పటికీ.., మారుతీ సుజుకీ చెందిన ఐదు ప్యాసింజర్‌ వాహన మోడల్స్‌ తొలి ఐదు స్థానాలను దక్కించుకోవడం గర్వంగా ఉందని కంపెనీ ఎగ్జిక్యూటివ్‌ డైరెక్టర్‌ శ్రీవాస్తవ తెలిపారు. (అంచనాలను మించిన పరోక్ష పన్నులు)

దేశంలో అత్యంత అధికంగా అమ్ముడవుతున్న బ్రాండ్లలో మారుతి స్విఫ్ట్ ప్రధానంగా చెప్పవచ్చు. ఈ కారు మోడల్ మార్కెట్లోకి విడుదలై 15 సంవత్సరాలు గడిచినప్పటికీ ఇంకా సేల్స్ లో టాప్ గేర్ లో కొనసాగుతోంది. మారుతి సుజుకి ఇండియా 2021 స్విఫ్ట్ ఫేస్‌లిఫ్ట్‌ను ఫిబ్రవరి విడుదల చేసింది. దీని ప్రారంభ ధర రూ.5.73 లక్షలకు(ఎక్స్-షోరూమ్, ఢిల్లీ) విడుదల చేసింది. టాప్-ఆఫ్-లైన్ వేరియంట్ రూ.8.41 లక్షలకు(ఎక్స్-షోరూమ్, ఢిల్లీ) లభిస్తుంది. 2021 మారుతి సుజుకి స్విఫ్ట్ సరికొత్త నెక్స్ట్-జెన్ కె-సిరీస్ డ్యూయల్-జెట్, డ్యూయల్-వివిటి పెట్రోల్ ఇంజిన్‌తో వస్తుంది. 2021 మారుతి సుజుకి స్విఫ్ట్ ఫేస్‌లిఫ్ట్ మధ్యలో బోల్డ్ హారిజాంటల్ క్రోమ్ తో సరికొత్త మెష్ గ్రిల్‌ను పొందుతుంది. ఎల్‌ఈడీ డీఆర్‌ఎల్‌లు, ఎల్‌ఈడీ టెయిల్ లాంప్స్, 15-అంగుళాల ప్రెసిషన్-కట్ అల్లాయ్ వీల్స్ ఉన్న ఎల్‌ఈడీ ప్రొజెక్టర్ హెడ్‌ల్యాంప్‌లు అవుట్‌గోయింగ్ మోడల్ నుంచి ముందుకు తీసుకెళ్లబడ్డాయి. 1.2 లీటర్ కె-సిరీస్ పెట్రోల్, 1.3 లీటర్ డీడీఐఎస్ డీజిల్ ఇంజిన్లను కొత్త స్విఫ్ట్‌లోనూ వాడారు. మారుతి సుజుకి ఇండియా 2021 స్విఫ్ట్ ఎంటి 23.20 కిలోమీటర్లు, 2021 స్విఫ్ట్ ఎఎమ్‌టి 23.76 కిలోమీటర్లు మైలేజీ ఇస్తుందని పేర్కొంది. భారత్‌లో అత్యధికంగా అమ్ముడవుతున్న టాప్-5 కార్లలో ఒకటిగా స్విఫ్ట్ నిలిచింది. మార్కెట్ షేర్‌లో 35 శాతం వాటా దీనిదే కావడం విశేషం. ఇక ఈ కారు ఫైనాన్స్ విషయానికి వస్తే కనిస్టంగా రూ.1,28,759 డౌన్ పేమెంట్ చెల్లించి కారును సొంతం చేసుకోవచ్చు. అంతేకాదు మార్కెట్లో బ్యాంకులు అత్యల్పంగా 7 నుంచి 9 శాతం మధ్యలో కార్ల వడ్డీ రేట్లతో లోన్లను అందిస్తున్నారు. ఈ లెక్కన 5 సంవత్సరాల కాల వ్యవధికి సుమారు రూ.10 వేల వరకూ ఈఎంఐ చెల్లించాల్సి ఉంటుంది. చదవండి: డేంజర్ జోన్‌లో వాట్సప్‌ యూజర్లు!

న్యూఢిల్లీ: ఏప్రిల్ 1 నుంచి కారు, ద్విచక్ర వాహనాల ధరలు పెరగనున్నాయి. అల్యూమినియం, ప్లాస్టిక్ వంటి ముడి సరకు ధరలు, వస్తువుల ఖర్చులు పెరగడం వల్ల కార్లు, ద్విచక్ర వాహనాల ధరలు పెంచుతున్నట్లు మార్కెట్ వర్గాలు పేర్కొన్నాయి. ఈ ఖర్చుల పెరుగుదల వల్ల ఇప్పటికే జనవరిలోనే వాహనాల ధరలు పెరిగాయి. కేవలం స్వల్ప సమయంలోనే రెండో సారి ధరలు పెరగనున్న నేపథ్యంలో కొనుగోలుదారులు ఏ విధంగా స్పందిస్తారు అనే దానిపై కంపెనీలు ఆందోళన చెందుతున్నాయి.  దేశంలోని అతిపెద్ద కార్ల తయారీ సంస్థ మారుతి సుజుకి ఇండియా ఇప్పటికే వివిధ మోడల్స్, వేరియంట్ల ధరల పెంచుతున్నట్లు ప్రకటించింది. వివిధ ఇన్పుట్ ఖర్చులు పెరగడం వలన వాహనా తయారీకి అయ్యే ఖర్చు పెరుగుతుందని మారుతి సుజుకి పేర్కొంది. అందువల్ల, ఏప్రిల్‌లో కస్టమర్ల మీద అదనపు భారం పడే అవకాశం ఉండనున్నట్లు కంపెనీ పేర్కొంది. నిస్సాన్ కూడా కొత్త ఎస్‌యూవీల ధరలను పెంచాలని నిర్ణయించింది. నిస్సాన్, డాట్సన్ సిరీస్‌లోని వివిధ వేరియంట్ల ధరలను విడివిడిగా పెంచనున్నట్లు నిస్సాన్ ప్రకటించింది. ఇతర కంపెనీలు కూడా వాహనాల ధరలను సమీక్షిస్తున్నాయి. త్వరలోనే ధరల పెరుగుదల గురించి సంస్థలు ప్రకటించే అవకాశం ఉంది. ప్రత్యక్ష ఇన్పుట్ ఖర్చులు మాత్రమే కాకుండా ఇంధన, సరుకు రవాణా ఖర్చులు పెరగడంతో కంపెనీలపై భారం పడుతోంది. డీజిల్ రిటైల్ ధరలు రికార్డు స్థాయిలో పెరగడంతో కంపెనీలు రవాణా, ఇతర మౌలిక సదుపాయాల ఖర్చులు పెరిగాయి. ఈ కారణాల వల్ల బైక్ కంపెనీ ధరలను ఏప్రిల్ నుంచి పెంచనున్నాయి. ఇప్పటికే ఖర్చులు పెరుగుతున్న నేపథ్యంలో ద్విచక్ర వాహన ధరలను పెంచుతున్నట్లు హీరో మోటోకార్ప్ పేర్కొంది. కస్టమర్లపై ఎక్కువ భారం పడకుండా ఉండటానికి తయారీ ఖర్చులను తగ్గించే ప్రయత్నం చేయనున్నట్లు హీరో మోటోకార్ప్ వెల్లడించింది. అలాగే ప్రీమియం బైక్స్‌పై కూడా ఈ ప్రభావం పడుతుంది. రాయల్ ఎన్‌ఫీల్డ్ కొత్తగా ఇటీవల తీసుకొచ్చిన ఇంటర్‌సెప్టర్ 650, కాంటినెంటల్ జీటీ 650 కొత్త వేరియంట్ ధరలు 2 శాతం పెరిగాయి. చదవండి: వన్‌ప్లస్‌ 9 సిరీస్ స్మార్ట్‌ఫోన్ ఉచితంగా పొందండిలా!

న్యూఢిల్లీ: మీరు ఈ కొత్త ఏడాదిలో కొత్త కారు కొనాలనుకుంటున్నారా? అయితే.. మీకు ఒక షాకింగ్ న్యూస్. దేశీయ ఆటో రంగ దిగ్గజం మారుతి సుజుకీ కార్ల ధరలను పెంచింది. గత నెలలో ప్రకటించిన విదంగానే ఇప్పుడు తమ వివిధ మోడళ్ల ధరలను పెంచేసింది. మారుతి సుజుకి కార్ల ధరలను దేశవ్యాప్తంగా రూ.34,000 వరకు పెంచింది. కొత్తగా పెరిగిన ధరలు వెంటనే దేశవ్యాప్తంగా అమల్లోకి వస్తాయని సంస్థ పేర్కొంది. ధరల ప్రధాన కారణం పెరిగిన ఉత్పాదక వ్యయాలు అని స్పష్టం చేసింది.  కరోనా మహమ్మారి ప్రభావం తర్వాత డిసెంబర్ నెలలో మారుతి కార్ల అమ్మకాలు 20 శాతం మేర పెరిగినట్టు సంస్థ ప్రకటించింది. మొత్తంగా చెప్పాలంటే ఈ ఏడాది కొత్త కారు కొనేవారు అదనంగా మరింత సొమ్మును చెల్లించాలి. కార్ల తయారీదారి మారుతి సుజుకి పెరిగిన ధరల వివరాలను అధికారిక జాబితాను పంచుకోకపోయిన, కొన్ని పెరిగిన కారు ధరల వివరాలు బయటకి వెలువడ్డాయి. ఈ నివేదికల ప్రకారం, మారుతి సుజుకి పెరిగిన కార్ల జాబితా ఈ క్రింది విదంగా ఉంది.  మారుతి సుజుకి టూర్ ఎస్: రూ.5,061 వరకు మారుతి సుజుకి ఎస్-ప్రెస్సో: రూ.7,000 వరకు మారుతి సుజుకి విటారా బ్రెజ్జా: రూ.10,000 వరకు మారుతి సుజుకి డిజైర్: రూ.12,500 వరకు మారుతి సుజుకి ఆల్టో 800: రూ.14,000 వరకు మారుతి సుజుకి సెలెరియో: రూ.19,400 వరకు మారుతి సుజుకి వాగన్-ఆర్: రూ.23,200 వరకు మారుతి సుజుకి ఈకో: రూ.24,200 వరకు మారుతి సుజుకి స్విఫ్ట్: రూ.30,000 వరకు మారుతి సుజుకి ఎర్టిగా: రూ.34,000 వరకు

చెన్పై, సాక్షి: రుతుపవనాలు, రబీ పంటలు, చౌక రుణాల నేపథ్యంలో గ్రామీణ ప్రాంతాల నుంచి కార్ల విక్రయాలు పెరిగినట్లు ఆటో పరిశ్రమ వర్గాలు పేర్కొంటున్నాయి. పండుగల సందర్భంగా ఇటీవల కార్ల విక్రయాలు 10-15 శాతం స్థాయిలో్ పుంజుకున్నట్లు తెలియజేశాయి. పట్టణ ప్రాంతాలతో పోలిస్తే గ్రామాల నుంచి డిమాండ్‌ అధికంగా కనిపిస్తున్నట్లు వెల్లడించాయి. అక్టోబర్‌ 16న మొదలైన పండుగల సీజన్‌ నవంబర్‌ చివరి వారం వరకూ కొనసాగినట్లు తెలియజేశారు. గతేడాదితో పోలిస్తే.. ఈ పండుగల సీజన్‌లో 10-11 శాతం అధికంగా 2.33 లక్షల కార్లను విక్రయించినట్లు మారుతీ సుజుకీ ఇండియా ఎగ్జిక్యూటివ్‌ డైరెక్టర్‌ శశాంక్‌ శ్రీవాస్తవ పేర్కొన్నారు. ఇది గత 4-5 ఏళ్లలో అధికమని చెప్పారు. వీటిలో 40 శాతం గ్రామీణ ప్రాంతాల నుంచే నమోదైనట్లు వెల్లడించారు. గ్రామ ప్రాంతాల నుంచి తొలిసారి కార్లు కొంటున్నవారి వాటా 5 శాతం పెరిగి 54 శాతాన్ని తాకినట్లు తెలియజేశారు. పట్టణాలలో అయితే ఈ సంఖ్య 48 శాతానికి చేరినట్లు చెప్పారు. ప్రధానంగా ఈకో వ్యాన్లు, ఆల్టో, వ్యాగన్‌ ఆర్ వంటి చిన్న కార్లకు డిమాండ్‌ పెరిగినట్లు పేర్కొన్నారు.  రేనాల్ట్‌ సైతం నవరాత్రి రోజులలో 5,000 కార్లు, ధన్‌తేరాస్‌, దీపావళిలలో 3,000 కార్లు చొప్పున విక్రయించినట్లు రేనాల్ట్‌ ఇండియా ప్రతినిధులు పేర్కొన్నారు. గ్రామీణ ప్రాంతాల నుంచి కోవిడ్‌-19కు ముందు స్థాయితో పోలిస్తే 50 శాతం డిమాండ్‌ కనిపించినట్లు తెలియజేశారు. గ్రామీణవాసులు, రైతులకు ప్రత్యేక పథకాలు ప్రకటించడంతో ఇది సాధ్యపడినట్లు వెల్లడించారు. తొలిసారి కారు కొనుగోలుదారులు, ఇతరులతో కలిపి క్విడ్‌, ట్రైబర్‌లకు డిమాండ్‌ పెరిగినట్లు పేర్కొన్నారు. గతేడాదితో పోలిస్తే 7 శాతం పెరిగిన వర్షపాతంతో రబీ పంటల దిగుబడి 6 శాతం అధికంగా 152 మిలియన్‌ టన్నులకు చేరినట్లు విశ్లేషకులు తెలియజేశారు. దీనికితోడు ప్రభుత్వం రబీ పంటలకు మద్దతు ధరను పెంచడంతో ఖరీఫలోనూ పంటలసాగు 95 మిలియన్లు పెరిగి 1100 మిలియన్‌ హెక్టార్లకు చేరినట్లు వివరించారు.

న్యూఢిల్లీ: దసరా పండగ సందర్భంగా అక్టోబర్‌లో వాహనాల విక్రయాలు జోరుగా సాగాయి. కొత్త వస్తువుల కొనుగోళ్లకు శుభకరంగా పరిగణించే నవరాత్రుల్లో అమ్మకాలు భారీగా నమోదయ్యాయని ఆటోమొబైల్‌ వర్గాలు వెల్లడించాయి. దిగ్గజ సంస్థలు మారుతీ సుజుకీ ఇండియా, హ్యుందాయ్‌ రెండంకెల స్థాయిలో వృద్ధి సాధించాయి. మారుతీ సుజుకీ ఇండియా (ఎంఎస్‌ఐ) విక్రయాలు సుమారు 20 శాతం వృద్ధితో 1,72,862 యూనిట్లుగా నమోదయ్యాయి. మినీ కార్ల అమ్మకాలు తగ్గినప్పటికీ స్విఫ్ట్, సెలీరియో వంటి కాంపాక్ట్‌ కార్లు, ఎస్‌–క్రాస్‌ వంటి యుటిలిటీ వాహనాల అమ్మకాలు పెరిగాయి. అటు హ్యుందాయ్‌ మోటార్‌ ఇండియా  నెలవారీగా అత్యుత్తమ గణాంకాలు నమోదు చేసింది. అక్టోబర్‌లో విక్రయాలు 13 శాతం పెరిగి 56,605 యూనిట్లకు చేరాయి. చివరిసారిగా 2018 అక్టోబర్‌లో హ్యుందాయ్‌ అత్యధికంగా 52,001 యూనిట్లు విక్రయించింది. ‘అక్టోబర్‌ గణాంకాలు వ్యాపార పరిస్థితులపరంగా సానుకూల ధోరణులకు శ్రీకారం చుట్టాయి. మరింత మెరుగైన పనితీరు కనపర్చగలమని ధీమాగా ఉన్నాం‘ అని హ్యుందాయ్‌ మోటార్‌ ఇండియా డైరెక్టర్‌ తరుణ్‌ గర్గ్‌ తెలిపారు. ఇక హోండా కార్స్‌ ఇండియా అమ్మకాలు 8 శాతం పెరిగి 10,836 యూనిట్లకు చేరాయి. మార్కెట్‌ సెంటిమెంట్‌కి తగ్గట్టుగా, తమ అంచనాలకు అనుగుణంగా అక్టోబర్‌లో సానుకూల ఫలితాలు సాధించగలిగామని హోండా కార్స్‌ ఇండియా సీనియర్‌ వైస్‌ ప్రెసిడెంట్‌ రాజేశ్‌ గోయల్‌ చెప్పారు. నవరాత్రుల్లో అమ్మకాలు.. అక్టోబర్‌ మధ్యలో నవరాత్రులు మొదలైనప్పట్నుంచి వాహనాల విక్రయాలు పుంజుకున్నాయి. నవరాత్రుల్లో మారుతీ సుజుకీ అమ్మకాలు 27 శాతం పెరిగి 96,700 యూనిట్లకు చేరాయి. గతేడాది ఇదే వ్యవధిలో మారుతీ సుమారు 76,000 వాహనాలు విక్రయించింది. ఇక హ్యుందాయ్‌ మోటార్‌ ఇండియా అమ్మకాలు కూడా 28 శాతం పెరిగి 26,068 యూనిట్లుగా నమోదయ్యాయి. టాటా మోటార్స్‌ విక్రయాలు ఏకంగా 90 శాతం వృద్ధితో 5,725 యూనిట్ల నుంచి 10,887 యూనిట్లకు పెరిగాయి. సమీప భవిష్యత్తుపై పరిశ్రమ వర్గాలు విశ్వాసం వ్యక్తం చేస్తున్నాయి.

సాక్షి, ముంబై : భారతదేశపు అతిపెద్ద కార్ల తయారీ సంస్థ మారుతి సుజుకి ఇండియా లిమిటెడ్ (ఎంఎస్‌ఐఎల్) ఎంట్రీ లెవల్ కారు ఆల్టో మరోసారి అమ్మకాల్లో నంబర్ వన్‌ స్థానాన్ని కొట్టేసింది. "ఆల్టో’’ వరుసగా 16 వ సంవత్సరం కూడా భారతదేశంలో నంబర​ వన్‌ అమ్మకపు కారుగా నిలిచిందని మారుతి  ప్రకటించింది. 40 లక్షల యూనిట్ల  సంచిత అమ్మకాల మరో గొప్ప మైలురాయిని అధిగమించామని గురువారం వెల్లడించింది. 76 శాతం భారతీయుల తొలి ఎంపిక తమ కారేనని కంపెనీ ఒక ప్రకటనలో తెలిపింది.  భారతదేశపు తొలి ఎంట్రీ లెవల్ కారు ఆల్టో బీఎస్-6 నిబంధనలకు అనుగుణంగా  సరికొత్త  భద్రతా  ఫీచర్లతో కూడి ఉందని పేర్కొంది. ఇందుకు చాలా సంతోషంగా ఉందని మరే ఇతర భారతీయ కారు సాధించని అమ్మకపు రికార్డు తమ కారు సృష్టించిందని ఎంఎస్‌ఐఎల్ ఎగ్జిక్యూటివ్ డైరెక్టర్ (మార్కెటింగ్సే అండ్‌ సేల్స్) శశాంక్ శ్రీవాస్తవ  తెలిపారు.  కాగా సెప్టెంబర్ 2000లో లాంచ్‌ అయిన మారుతి సుజుకి ఆల్టో ప్రస్తుతం 2.95 లక్షల రూపాయల (ఢిల్లీలో ఎక్స్-షోరూమ్) నుంచి 4.36 లక్షల రూపాయల మధ్య అందుబాటులో ఉంది.

సాక్షి, ముంబై : దేశంలోని అతిపెద్ద కార్ల తయారీ సంస్థ మారుతి సుజుకి ఇండియా (ఎంఎస్‌ఐ)  కరోనా , లాక్‌డౌన్‌ సంక్షోభంతో భారీ నష్టాలను నమోదు చేసింది. జూన్ 30తో ముగిసిన ఈ ఆర్థిక సంవత్సరం మొదటి త్రైమాసికంలో 249.4 కోట్ల రూపాయల నికర నష్టాన్ని నమోదు చేసింది. గత ఏడాది ఇదే క్వార్టర్‌లో  1,435.5 కోట్ల రూపాయల నికర లాభాన్ని ఆర్జించింది.  ఆదాయం 79 శాతం క్షీణించి, 4,106.5 కోట్లకు చేరుకోగా, 2019 జూన్‌లో 19,720 కోట్ల రూపాయల ఆధాయాన్ని సాధించామని బుధవారం విడుదల చేసిన ఫలితాల్లో ఎంఎస్‌ఐ తెలిపింది. జూన్ త్రైమాసికం అపూర్వమైందనీ, మొత్తం త్రైమాసికంలో ఉత్పత్తి కేవలం రెండు వారాల పనికి సమానమని కంపెనీ రెగ్యులేటరీ ఫైలింగ్‌లో పేర్కొంది. అయితే ఎనలిస్టుల అంచనాలను అధిగమించింది.   మారుతి నికర అమ్మకాలు రూ .3,677.5 కోట్లకు తగ్గాయి. అంతకుముందు ఏడాది ఇదే కాలంలో రూ .18,735.2 కోట్లు. మొదటి త్రైమాసికంలో మొత్తం 76,599 వాహనాలను విక్రయించగా, దేశీయ మార్కెట్లో అమ్మకాలు 67,027 యూనిట్లు, ఎగుమతులు 9,572 యూనిట్లు. గత ఆర్థిక సంవత్సరం మొదటి త్రైమాసికంలో కంపెనీ 4,02,594 యూనిట్లను విక్రయించింది.  కోవిడ్‌-19 మహమ్మారి కారణంగా, ఇది కంపెనీ చరిత్రలో ఇదొక అసాధారణమైన త్రైమాసికమని కంపెనీ పేర్కొంది. లాక్‌డౌన్‌ నిబంధనల కారణంగా అమ్మకాలు, ఉత్పత్తి నిలిచిపోయాయని తెలిపింది. మే నెల చివరిలో మాత్రమే చిన్నగా కార్యకలాపాలను ప్రారంభిచినట్టు తెలిపింది. ముఖ్యంగా వినియోగదారులు, సప్లయ్‌  చెయిన్‌ అంతటా ఉద్యోగులు, ఇతరుల ఆరోగ్యం, భద్రతకు ప్రాధాన్యత ఇచ్చినట్టు వెల్లడించింది.  మొత్తం త్రైమాసికం కేవలం రెండు వారాల రెగ్యులర్ పనికి సమానమనీ  ప్రస్తుత త్రైమాసిక ఫలితాలను ఈ కోణంలో చూడాలని కంపెనీ తెలిపింది.  కాగా ఒక దశాబ్దం తరువాత నష్టాలను నమోదు చేయడం ఇదే మొదటిసారి. దీంతో  మారుతి  సుజుకి దాదాపు 2 శాతం నష్టంతో కొనసాగుతోంది. 

సాక్షి, ముంబై : భారతదేశపు అతిపెద్ద కార్ల తయారీ సంస్థ మారుతి సుజుకికి హ్యుందాయ్ షాకిచ్చింది. హ్యుందాయ్ క్రెటా అత్యధికంగా అమ్ముడైన కారుగా నిలచింది. దీంతో  ఇప్పటిదాకా ఈ జాబితాలో టాప్ లో నిలిచిన మారుతిని వెనక్కి నెట్టివేసింది.  2020 మేలో అత్యధికంగా అమ్ముడైన కారుగా  హ్యుందాయ్ క్రెటా స్థానాన్ని దక్కించుకుంది. (వాహన అమ్మకాలు రివర్స్‌గేర్‌లోనే..) హ్యుందాయ్ కొత్తగా ప్రారంభించిన క్రెటా 2020, మే నెలలో 3212 యూనిట్ల విక్రయాలతో భారతదేశంలో అత్యధికంగా అమ్ముడైన కారుగా అవతరించింది. కాగా మారుతి సుజుకి ఎర్టిగా (ఎంపీవీ) రెండవ స్థానంలో నిలిచింది. అయితే  అమ్మకాల పరంగా ఆల్టో, డిజైర్ , స్విఫ్ట్ వంటి మోడళ్లతో పోలిస్తే ఎర్టిగా ఎక్కువ ఆదరణను నోచుకుంది.  (మారుతి కూడా : బై నౌ.. పే లేటర్‌) కాగా కరోనా వైరస్, లాక్ డౌన్ కారణంగా ఆటో మొబైల్ పరిశ్రమ అమ్మకాలు పూర్తిగా పడిపోయి కుదేలైన సంగతి తెలిసిందే. సడలించిన నిబంధనలతో తిరిగి కార్యక్రమాలను ప్రారంభించినప్పటికీ  విక్రయాలు ఇంకా వేగం పుంజుకోలేదు. ఈ క్రమంలోనే మారుతీ సుజుకీ విక్రయాల్లో ఏకంగా 89శాతం తగ్గుదల నమోదైంది. గతేడాది మే నెల 1,25,552 యూనిట్ల విక్రయాలతో పోలిస్తే గత నెలలో 13,888 యూనిట్లను మాత్రమే  విక్రయించింది. 

సాక్షి, న్యూఢిల్లీ:  దేశీ అతిపెద్ద కార్ల దిగ్గజం మారుతి సుజుకి ఇండియా  కరోనా వైరస్‌,  లాక్‌డౌన్‌ సంక్షోభం నుంచి క్రమంగా  కోలుకుంటోంది.  గత మాసంలో జీరో అమ్మకాలతో కుదేలైన మారుతి తాజాగా ఆన్‌లైన్‌ విక్రయాల్లో జోరందుకుంది. ఈ నేపథ్యంలో మారుతి సుజుకి ఇప్పటికే 5000 ఆన్‌లైన్ బుకింగ్‌లను సాధించింది. అలాగే 2300 కార్లను  డీలర్లకు పంపించింది. నిబంధనల మేరకు కార్లను ఆయా వినియోగదారులకు వారం రోజుల్లో  డెలివరీ చేస్తామని మారుతి సుజుకి ప్రకటించింది. భారతదేశంలో 2500 టచ్ పాయింట్లను కలిగి ఉన్న మారుతి సుజుకి తన మూడవ వంతు అవులెట్లలో కార్యకలాపాలను తిరిగి ప్రారంభించినట్టు  తెలిపింది. (మారుతీ లాభం 28 శాతం డౌన్‌) కోవిడ్‌-19 మహమ్మారి, లాక్‌డౌన్‌  ఆంక్షల కారణంగా మూసివేసిన 1900 వర్క్‌షాప్‌లు తిరిగి కార్యకలాపాలు ప్రారంభించాయని సంస్థ ఆర్థిక ఫలితాల ప్రకటన సందర్భంగా మారుతి సుజుకి చైర్మన్ ఆర్‌సి భార్గవ వెల్లడించారు. ఆన్‌లైన్ బుకింగ్  ప్లాట్‌ఫారమ్‌ల కొనుగోళ్లపై  దృష్టి పెట్టిన తమకు భారీ మద్దతు లభిస్తోందని  తెలిపారు.  అయితే చాలా నగరాలు ఇప్పటికీ రెడ్ లేదా ఆరెంజ్ జోన్ల పరిధిలో ఉన్నందున డెలివరీలు ఇంకా ప్రారంభం కాలేదు, అయితే  ఈ నెలలో తిరిగి కార్యకలాపాలను ప్రారంభించిన మానేసర్   ప్లాంట్‌నుంచి 2300 కార్లను పంపించామన్నారు. (కరోనా : అయ్యయ్యో మారుతి!) చదవండి : ‘పీఏం కేర్స్‌’ కేటాయింపులపై చిదంబరం సందేహం కరోనా ప్యాకేజీ : మాల్యా స్పందన

న్యూఢిల్లీ: దేశీయ వాహన దిగ్గజం మారుతీ సుజుకీ ఇండియా నికర లాభం గత ఆర్థిక సంవత్సరం(2019–20) నాలుగో త్రైమాసిక కాలంలో 28 శాతం తగ్గింది. అంతకు ముందటి ఆర్థిక సంవత్సరం (2018–19) క్యూ4లో రూ.1,831 కోట్లుగా ఉన్న నికర లాభం గత క్యూ4లో రూ.1,322 కోట్లకు తగ్గిందని మారుతీ సుజుకీ తెలిపింది. అమ్మకాలు తగ్గడం, ప్రమోషన్‌ వ్యయాలు పెరగడం, తరుగుదల వ్యయాలు కూడా అధికం కావడంతో నికర లాభం తగ్గిందని వివరించింది. నికర అమ్మకాలు రూ.21,473 కోట్ల నుంచి 15 శాతం క్షీణించి రూ.18,208 కోట్లకు తగ్గాయని పేర్కొంది. ఒక్కో ఈక్విటీ షేర్‌కు రూ. 60 డివిడెండ్‌ను ప్రకటించింది. ► గత క్యూ4లో మొత్తం కార్ల అమ్మకాలు 16 శాతం తగ్గి 3.85 లక్షలకు చేరాయి. ► పూర్తి ఆర్థిక సంవత్సరం పరంగా చూస్తే, 2018–19లో రూ.7,651 కోట్లుగా ఉన్న నికర లాభం గత ఆర్థిక సంవత్సరంలో 26 శాతం క్షీణించి రూ.5,678 కోట్లకు తగ్గింది.   ► నికర అమ్మకాలు రూ.86,069 కోట్ల నుంచి రూ.75,661 కోట్లకు తగ్గాయి.   ► ఫలితాల నేపథ్యంలో బీఎస్‌ఈలో మారుతీ షేర్‌ 1.8 శాతం లాభంతో రూ.5,035కు పెరిగింది. ఉద్యోగాలు, వేతనాల్లో కోత లేదు: గత ఏడాది నుంచి వాహన పరిశ్రమ సుదీర్ఘ సంక్షోభాన్ని ఎదుర్కొంటొందని, కరోనా ప్రభావం ఉన్నప్పటికీ ఉద్యోగాల్లో, వేతనాల్లో ఎలాంటి కోత విధించలేదని మారుతీ సుజుకీ ఇండియా చైర్మన్‌ ఆర్‌.సి. భార్గవ వ్యాఖ్యానించారు.

న్యూఢిల్లీ: కరోనా వైరస్‌ కట్టడికి ఉద్దేశించిన లాక్‌డౌన్‌ దెబ్బతో మూతబడిన వ్యాపార కార్యకలాపాలను ఆటోమొబైల్‌ సంస్థలు క్రమంగా పునఃప్రారంభిస్తున్నాయి. మారుతీ సుజుకీ, హ్యుందాయ్, ఫోక్స్‌వ్యాగన్, మహీంద్రా, హోండా కార్స్‌ మొదలైన వాటి బాటలోనే మరికొన్ని సంస్థలు కూడా షోరూమ్‌లు తెరవడంతో పాటు ఆన్‌లైన్‌లో అమ్మకాలు చేపడుతున్నాయి. తాజాగా ఆడి ఇండియా, రెనో తదితర కంపెనీలు ఈ జాబితాలో చేరాయి. ఆడి ఇండియా: కస్టమర్లు ఇంటి నుంచి కదలకుండానే వాహన కొనుగోలు, సర్వీసింగ్‌ వంటి సేవలు పొందేందుకు వీలుగా ఆన్‌లైన్‌ సేల్స్, సర్వీస్‌ కార్యకలాపాలు ప్రారంభించింది.   రెనో: ఫ్రాన్స్‌ ఆటోమొబైల్‌ దిగ్గజం రెనో భారత్‌లో తమ కార్పొరేట్‌ ఆఫీస్‌ను, కొన్ని డీలర్‌షిప్‌లు.. సర్వీస్‌ సెంటర్లను పునఃప్రారంభించింది. కొత్త భద్రతా ప్రమాణాలకు అనుగుణంగా 194 షోరూమ్స్, వర్క్‌షాప్‌లను తిరిగి తెరిచినట్లు రెనో ఇండియా కార్యకలాపాల విభాగం సీఈవో వెంకట్రామ్‌ మామిళ్లపల్లె తెలిపారు. బజాజ్‌ ఆటో: మూడో ఫేజ్‌ లాక్‌డౌన్‌ నిబంధనల సడలింపు నేపథ్యంలో దేశవ్యాప్తంగా వివిధ ప్రాంతాల్లో డీలర్‌షిప్‌లు, సర్వీస్‌ సెంటర్లను మే 4 నుంచి క్రమంగా తెరుస్తున్నట్లు సంస్థ వెల్లడించింది. హీరో: పంజాబ్, బీహార్‌లోని ప్లాంట్లను పునఃప్రారంభించినట్లు హీరో సైకిల్స్‌ వెల్లడించింది. మొత్తం సామర్థ్యంలో 30 శాతం మేర ఉత్పత్తి మొదలుపెట్టినట్లు వివరించింది. అలాగే స్వల్ప సిబ్బందితో కార్పొరేట్‌ ఆఫీస్‌ను కూడా తెరిచినట్లు సీఎండీ పంకజ్‌ ఎం ముంజల్‌ చెప్పారు.

న్యూఢిల్లీ: కరోనా వైరస్‌ కట్టడిపరమైన లాక్‌డౌన్‌ సహా పలు కారణాలతో కుదేలైన ఆటోమొబైల్‌ రంగం మళ్లీ పుంజుకునే ప్రయత్నాల్లో పడింది. వేసవి సీజన్‌ అమ్మకాలకు సిద్ధమవుతోంది. దేశవ్యాప్తంగా క్రమంగా ఆంక్షలు సడలిస్తుండటంతో ఇప్పటిదాకా మూతబడిన షోరూమ్‌లను, నిల్చిపోయిన ఉత్పత్తిని కంపెనీలు పునఃప్రారంభిస్తున్నాయి. దేశవ్యాప్తంగా 600 డీలర్‌షిప్‌లను తిరిగి ప్రారంభించినట్లు కార్ల తయారీ దిగ్గజం మారుతీ సుజుకీ ఇండియా (ఎంఎస్‌ఐ) బుధవారం వెల్లడించింది. వాహనాల డెలివరీలు కూడా మొదలుపెట్టినట్లు వివరించింది. అలాగే, వాహన కొనుగోలు ప్రక్రియను సులభతరం చేసేలా అవుట్‌లెట్స్‌ కొత్త ప్రమాణాలు అమలు చేస్తున్నట్లు, డిజిటల్‌ సౌలభ్యాన్ని సైతం అందుబాటులోకి తెచ్చినట్లు సంస్థ ఈడీ (మార్కెటింగ్, సేల్స్‌ విభాగం) శశాంక్‌ శ్రీవాస్తవ తెలిపారు. ‘గత కొద్ది రోజులుగా దేశవ్యాప్తంగా సుమారు 600 డీలర్‌షిప్‌లను తెరవగలిగాం. మిగతా ప్రాంతాల్లోనూ అవసరమైన అనుమతుల కోసం డీలర్లు దరఖాస్తు చేసుకున్నారు‘ అని వివరించారు. ఇప్పటికే 55 వాహనాలు డెలివరీ కూడా చేసినట్లు చెప్పారు. కంపెనీకి దేశవ్యాప్తంగా 1,960 నగరాలు, పట్టణాల్లో 3,080 డీలర్‌షిప్‌లు ఉన్నాయి. తాజాగా తెరిచిన వాటిల్లో 474 ఏరీనా అవుట్‌లెట్స్, 80 నెక్సా డీలర్‌షిప్‌లు, 45 వాణిజ్య వాహనాల అవుట్‌లెట్స్‌ ఉన్నాయని శ్రీవాస్తవ చెప్పారు. కార్లకు డోర్‌ స్టెప్‌ డెలివరీ సేవలు కూడా అందిస్తున్నట్లు చెప్పారు. ఉత్పత్తి మొదలు.. దేశవ్యాప్తంగా తమ ఫ్యాక్టరీలన్నింటిలోనూ కార్యకలాపాలు ప్రారంభించినట్లు ద్విచక్ర, త్రిచక్ర వాహనాల తయారీ సంస్థ టీవీఎస్‌ వెల్లడించింది. హోసూరు, మైసూరు, నాలాగఢ్‌లోని ఫ్యాక్టరీల్లో కార్యకలాపాలు మొదలుపెట్టినట్లు ఒక ప్రకటనలో వివరించింది. అటు, మారుతీ సుజుకీ తమ మానెసర్‌ ప్లాంటులో ఉత్పత్తిని మే 12 నుంచి ప్రారంభించనున్నట్లు తెలిపింది.  ఇక లగ్జరీ కార్ల దిగ్గజం మెర్సిడెస్‌–బెంజ్‌ సైతం పుణేలోని చకన్‌ ప్లాంట్‌లో ఉత్పత్తి ప్రారంభించినట్లు వెల్లడించింది. మహారాష్ట్ర ప్రభుత్వ సూచనల మేరకు పరిమిత సంఖ్యలో సిబ్బందితో మొదలుపెట్టినట్లు వివరించింది. కొన్ని ప్రాంతాల్లో డీలర్‌షిప్‌లు కూడా కార్యకలాపాలు పునఃప్రారంభించినట్లు పేర్కొంది. ఇక యుటిలిటీ వాహనాల తయారీ సంస్థ ఇసుజు మోటార్స్‌ ఇండియా సైతం ఆంధ్రప్రదేశ్‌లోని శ్రీసిటీ ప్లాంటులో కార్యకలాపాల పునఃప్రారంభానికి ప్రభుత్వం నుంచి అనుమతులు వచ్చినట్లు వెల్లడించింది. తయారీకి సంబంధించిన సన్నాహాలు మొదలుపెట్టినట్లు ఒక ప్రకటనలో తెలిపింది.   ఎన్‌ఫీల్డ్‌ ప్లాంట్‌ ప్రారంభం చెన్నై: ఐచర్‌ మోటార్స్‌కు చెందిన రాయల్‌ ఎన్‌ఫీల్డ్‌ సంస్థ.. తమిళనాడు రాజధాని చెన్నై సమీపంలో ఉన్న ఒరగాడమ్‌ తయారీ యూనిట్‌లో కార్యకలాపాలను బుధవారం ప్రారంభించింది. ఈ సంస్థకు చెన్నైలోని ఒరగాడమ్‌తోపాటు, తిరువొత్తియార్, వల్లమ్‌ వడగల్‌ వద్ద కూడా ప్లాంట్లు ఉన్నాయి. తొలుత ఒరగాడమ్‌ ప్లాంట్‌లో కొద్ది మంది సిబ్బందితో ఒకే షిఫ్ట్‌గా పనులు ప్రారంభించినట్టు సంస్థ ప్రకటించింది. తిరువొత్తియార్, వడగల్‌ ప్లాంట్లలో క్రమంగా కార్యకలాపాలను ప్రారంభిస్తామని తెలిపింది.  షోరూ ములు పాక్షికంగా కార్యకలా పాలు మొదలయ్యా యని,  10 రోజుల్లో దాదాపు 300 షోరూమ్‌లు షురూ అవుతాయని  కంపెనీ ఒక ప్రకటనలో పేర్కొంది. అదే బాటలో హ్యుందాయ్‌..   వివిధ రాష్ట్రాల్లో 250 దాకా కంపెనీ డీలర్‌షిప్‌లు కార్యకలాపాలు పునఃప్రారంభించినట్లు హ్యుందాయ్‌ మోటార్‌ ఇండియా కూడా వెల్లడించింది. ఈశాన్య రాష్ట్రాలు, కేరళ, కర్ణాటక, ఉత్తరాఖండ్‌ తదితర ప్రాంతాల్లో ఇవి ఉన్నాయని పేర్కొంది. కంపెనీకి దేశవ్యాప్తంగా సుమారు 500 పైచిలుకు డీలర్‌షిప్‌లు ఉన్నాయి. ‘రెండు రోజులుగా వాహనాల  డెలివరీలు కూడా మొదలుపెట్టాం. పెండింగ్‌ బుకింగ్స్‌ చాలా ఉన్నాయి. డీలర్ల దగ్గరున్న నిల్వలు వీటికి సరిపోతాయి‘ అని సంస్థ డైరెక్టర్‌ (సేల్స్, మార్కెటింగ్‌) తరుణ్‌ గర్గ్‌ తెలిపారు. మిగతా ప్రాంతాల్లోని డీలర్లు కూడా అనుమతుల కోసం దరఖాస్తు చేసుకున్నారని, రాగానే కార్యకలాపాలు ప్రారంభిస్తారని వివరించారు. కరోనా కష్టకాలంలో కొనుగోలుదారులు ఈఎంఐల గురించి ఆందోళన చెందకుండా కొన్ని కార్ల మోడల్స్‌పై ఈఎంఐ అష్యూరెన్స్‌ పేరిట ప్రత్యేక ఆఫర్‌ ఇస్తున్నామని గర్గ్‌ చెప్పారు. హోండాకు సిబ్బంది సమస్యలు.. తయారీ కార్యకలాపాలు ప్రారంభించేందుకు సిబ్బంది కొరత సమస్యగా మారిందని హోండా కార్స్‌ ఇండియా (హెచ్‌సీఐఎల్‌) తెలిపింది.  రాజస్థాన్‌లోని తపుకరా ప్లాంట్‌కి అనుమతులు గతవారమే వచ్చినా ప్రయాణాలపై ఆంక్షలతో కార్మికులు రావడానికి ఇబ్బందులు ఉన్నాయని వివరించింది. వచ్చే వారం కార్యకలాపాలు మొదలుపెట్టే ప్రణాళికల్లో ఉన్నట్లు పేర్కొంది. అలాగే అనుమతులు, సిబ్బంది కొరత సమస్యలను అధిగమించాకా గ్రేటర్‌ నోయిడా ప్లాంటులోనూ ఉత్పత్తి ప్రారంభించగలమని హెచ్‌సీఐఎల్‌ సీనియర్‌ వైస్‌ ప్రెసిడెంట్‌  రాజేశ్‌ గోయల్‌ తెలిపారు. అటు, డీలర్‌షిప్‌ల్లో కొన్ని తిరిగి తెరుచుకున్నట్లు వివరించారు.

సాక్షి, ముంబై : దేశంలోని అతిపెద్ద కార్ల తయారీ సంస్థ మారుతి సుజుకి ఇండియా (ఎంఎస్‌ఐ) కార్యకలాపాలను తిరిగి ప్రారంభించింది. కరోనావైరస్, లాక్‌డౌన్‌ మూసివేసిన 600 డీలర్‌షిప్‌లను తిరిగి తెరిచినట్లు బుధవారం తెలిపింది. వాహనాల డెలివరీలను కూడా ప్రారంభించింది. దీనికి సంబంధించిన స్టాక్ తమ దగ్గర వుందని సంస్థ వెల్లడించింది. ప్లాంట్ల కార్యకలాపాలు ప్రస్తుతానికి ఇంకా మొదలుకాలేదని ప్రకటించింది.  (కరోనా : అయ్యయ్యో మారుతి!) కోవిడ్-19 మహమ్మారి కారణంగా వాహనాల కొనుగోలుకు సమగ్ర ప్రామాణిక ఆపరేటింగ్ విధానాన్ని (ఎస్ఓపీ) ఏర్పాటు చేశామని  తెలిపింది. అలాగే డిజిటల్ మౌలిక సదుపాయాలను బలోపేతం చేశామని ఆటో మేజర్ తెలిపింది. దేశవ్యాప్తంగా 600 డీలర్‌షిప్‌లను తెరిచామని ఎంఎస్‌ఐ ఎగ్జిక్యూటివ్ డైరెక్టర్, మార్కెటింగ్ అండ్ సేల్స్ శశాంక్ శ్రీవాస్తవ  చెప్పారు. గత కొన్ని రోజులుగా 55 యూనిట్లతో ఇప్పటికే కార్ల డెలివరీలను కంపెనీ ప్రారంభించిందని తెలిపారు. సంబంధిత అనుమతులు తప్పనిసరైన రాష్ట్రాల్లో డీలర్లు అనుమతి కోసం దరఖాస్తు చేసుకున్నారన్నారు. మొత్తం అమ్మకపు నెట్‌వర్క్‌లో కార్యకలాపాలను ప్రారంభంపై ప్రశ్నించినపుడు  ఆయా రాష్ట్ర ప్రభుత్వాల నుండి ఎంత త్వరగా ఆమోదం వస్తుందనే దానిపై ఆధారపడి వుంటుందని శ్రీవాస్తవ స్పష్టం చేశారు. (కారు.. జీరో) కంపెనీ సీఎండీ కెనిచి ఆయుకావా మాట్లాడుతూ కరోనా కట్టడికి సంబంధించి పూర్తి భద్రత, పరిశుభ్రత, శానిటైజేషన్ చర్యలను విధిగా అమలు చేస్తున్నామని వెల్లడించారు. కొనుగోలు సమయలో షోరూమ్‌లను సందర్శించాల్సిన అవసరం లేకుండా వినియోగదారులకు సహాయపడేలా డిజిటల్ ప్రక్రియను కంపెనీ ఏర్పాటు చేసిందన్నారు. వాహనాల డెలివరీకి కూడా షోరూమ్‌లకు రావాల్సిన అవసరం లేకుండానే ఇంటివద్దకే పంపే ఏర్పాటు చేసినట్టు తెలిపారు. అంతేకాకుండా డీలర్‌షిప్‌లు టెస్ట్ డ్రైవ్ వాహనాలను పూర్తి స్టెరిలైజేషన్‌ను చేపడతాయని చెప్పారు. కాగా దేశంలోని 1960 నగరాలు, పట్టణాల్లో సుమారు 3080 డీలర్‌షిప్‌లున్న ఈ సంస్థ 474 అరేనా అవుట్‌లెట్‌లు, 80 నెక్సా డీలర్‌షిప్‌లు, 45 వాణిజ్య వాహనాల అమ్మకపు దుకాణాలను తెరవగలిగింది. లాక్ డౌన్ ఆంక్షలు కారణంగా కార్యకలాపాలు నిలిచిపోవడంతో ఏప్రిల్ నెలలో ఒక్క కారును కూడా విక్రయించలేకపోయింది.  (పెట్రోపై పన్ను బాదుడు)

సాక్షి, ముంబై : కరోనా వైరస్ కల్లోల ఫలితాలు ఒక్కొక్కటిగా వెలుగులోకి వస్తున్నాయి. లాక్‌డౌన్  కారణంగా  ఆర్థిక  కలాపాలు పూర్తిగా స్థంభించిపోవడంతో  దిగ్గజాలుసైతం కకావికల మవుతున్నాయి. దీనికి భారతదేశపు అతిపెద్ద కార్ల తయారీ సంస్థ మారుతి సుజుకి ఇండియా లిమిటెడ్ (ఎంఎస్ఐఎల్) తాజా ఉదాహరణగా నిలిచింది.  ఏప్రిల్‌లో దేశీయ మార్కెట్లో ఎలాంటి విక్రయాలను నమోదు చేయలేదు. కరోనా వైరస్ మహమ్మారి వ్యాప్తిని అరికట్టేందుకు లాక్‌డౌన్ ఆంక్షలతో మారుతి ఆఫీసులకు తాళాలు పడ్డాయి.ప్లాంట్లు మూత పడ్డాయి. ఉత్పత్తి నిలిచిపోయింది. మార్చి 24 నుండి దేశ ప్రజంతా లాక్‌డౌన్ నిబంధనలను కఠినంగా అమలు చేసేందుకు ఇళ్లకే పరిమితమయ్యారు. దీంతో  ఒక్క కారు  కూడా  విక్రయానికి నోచుకోలేదు. (లాక్‌డౌన్‌ పొడిగింపుపై ఇన్ఫీ మూర్తి స్పందన) ఏప్రిల్ 2020లో దేశీయ మార్కెట్లో ఎంఎస్ఐఎల్ అమ్మకాలు శూన్యమని మారుతి శుక్రవారం నాటి రెగ్యులేటరీ ఫైలింగ్ లో తెలిపింది. ప్రభుత్వ ఆదేశాలకు అనుగుణంగా అన్ని ఉత్పత్తి సౌకర్యాలు మూసివేయడంతో అమ్మకాలు లేవని తెలిపింది. ఏప్రిల్‌లో ఇతర ఒరిజినల్ పరికరాల తయారీ సంస్థ (ఓఇఎం) అమ్మకాలు కూడా లేవని  అయితే కంపెనీ 632 యూనిట్లను ఎగుమతి చేసినట్టు  మారుతి వెల్లడించింది. కాగా లాక్‌డౌన్ నేప‌థ్యంలో మారుతి సుజుకి కంపెనీ జూన్ 30వ తేదీ వ‌ర‌కు కార్ల ఉచిత స‌ర్వీస్‌, ఎక్స్‌టెండెడ్ వారంటీ తేదీల గ‌డువును పొడిగించిన‌ట్లు గ‌తంలోనే తెలిపింది. (ఒక నెలలో ఇంత లాభం గత పదేళ్లలో ఇదే తొలిసారి)

న్యూఢిల్లీ: దేశీయ అతిపెద్ద కార్ల తయారీ సంస్థ మారుతీ సుజుకీ ఇండియా తన వాహన ధరలను పెంచనున్నట్లు ప్రకటించింది. వచ్చే ఏడాది ఆరంభం నుంచి ఈ పెంపు అమల్లోకి రానుందని తెలియజేసింది. పెరిగిన ఉత్పత్తి వ్యయాన్ని ఇక నుంచి కస్టమర్లకు బదలాయించక తప్పదని, గడిచిన ఏడాది కాలం నుంచి ధరల భారం ప్రతికూల ప్రభావాన్ని చూపుతోందని స్టాక్‌ ఎక్స్చేంజిలకు ఇచ్చిన సమాచారంలో పేర్కొంది. ఈ నేపథ్యంలో 2020 జనవరి నుంచి పెరిగే ధరలు మోడల్‌ ఆధారంగా  ఉండనున్నట్లు వివరించింది. ప్రస్తుతం సంస్థ ఎంట్రీ లెవెల్‌ స్మాల్‌ కార్‌ ఆల్టో నుంచి ప్రీమియం మల్టీ పర్పస్‌ వాహనం ఎక్స్‌ఎల్‌6 వరకు విక్రయిస్తోంది. వీటి ధరల శ్రేణి రూ. 2.89 లక్షల నుంచి రూ. 11.47 లక్షల వరకు ఉంది.

సాక్షి, న్యూఢిల్లీ : ఆటోమొబైల్‌ సేల్స్‌ తగ్గుముఖం పడుతూ ఆర్థిక మందగమనంపై భయాలను పెంచుతుంటే వచ్చే ఏడాది జనవరి నుంచి వివిధ కార్ల మోడల్స్‌పై ధరలను పెంచనున్నట్టు మారుతి సుజుకి ప్రకటించింది. ముడిపదార్ధాల ధరలు పెరగడంతో కార్ల ధరలను పెంచడం​ అనివార్యమైందని వివరణ ఇచ్చిన కంపెనీ ఏ వాహనాలపై ధరలను పెంచుతుందనే వివరాలు వెల్లడించలేదు. పలు ముడిపదార్ధాల ధరలు పెరగడంతో గత ఏడాదిగా తమ వాహనాలపై ప్రతికూల ప్రభావం చూపుతోందని కార్ల ధరలు పెంచాల్సిన ఆవశ్యకతను వివరిస్తూ మారుతి సుజుకి సెబీకి సమాచారం అందించింది. ముడిపదార్ధాల ధరలు పెరగడంతో వాహన ధరల పెంపు ద్వారా కొంత భారాన్ని వినియోగదారులపై మోపడం తప్పడం లేదని, జనవరి 2020 నుంచి వివిధ మోడల్స్‌పై పన్ను భారం విభిన్నంగా ఉంటుందని మారుతి పేర్కొంది.కాగా అక్టోబర్‌ మినహా ఇటీవల  పలు మాసాల్లో ఆటోమొబైల్‌ సేల్స్‌ గణనీయంగా పడిపోవడం ఆటోమొబైల్‌ పరిశ్రమలో సంక్షోభానికి దారితీసిన సంగతి తెలిసిందే. అమ్మకాలు పడిపోవడంతో పలు దిగ్గజ కంపెనీలు కొన్ని ప్రాంతాల్లో తమ ప్లాంట్లను తాత్కాలికంగా మూసివేసిన పరిస్థితీ ఎదురైంది.

న్యూఢిల్లీ: దేశీ కార్ల తయారీ దిగ్గజం మారుతీ సుజుకీ ఇండియా (ఎంఎస్‌ఐ).. అక్టోబర్‌ నెల కార్ల ఉత్పత్తిలో 20.7 శాతం కోతను విధించింది. గతనెల్లో 1,19,337 యూనిట్లకే పరిమితమైంది. అంతక్రితం ఏడాది అక్టోబర్‌లో 1,50,497 యూనిట్లను సంస్థ ఉత్పత్తి చేసింది. ఏడాది ప్రాతిపదికన భారీ ఉత్పత్తి కోతను విధించి వరుసగా 9వ నెల్లోనూ అవుట్‌పుట్‌ను తగ్గించినట్లు స్టాక్‌ ఎక్సే్ఛంజీలకు ఇచ్చిన సమాచారంలో వెల్లడించింది. ప్యాసింజర్‌ వాహన ఉత్పత్తి 20.85 శాతం తగ్గింది.

న్యూఢిల్లీ: దేశంలో వాహన విచ్ఛిన్నం, రీసైక్లింగ్‌ యూనిట్ల ఏర్పాటు నిమిత్తం నూతన జాయింట్‌ వెంచర్‌ (జేవీ)ను నెలకొల్పినట్లు మారుతీ సుజుకీ ఇండియా (ఎంఎస్‌ఐ), టయోటా సుషో సంస్థలు బుధవారం ప్రకటించాయి. మారుతీ సుజుకీ టయోసు ఇండియా ప్రైవేట్‌ లిమిటెడ్‌ (ఎంఎస్‌టీఐ) పేరిట ఏర్పాటు చేసిన ఈ జేవీలో ఎంఎస్‌ఐకు 50 శాతం వాటా, టయోటా సుషో గ్రూప్‌ కంపెనీలకు మిగిలిన 50 శాతం వాటా ఉన్నట్లు వెల్లడించాయి. కాలం చెల్లిన వాహనాలను సేకరించి వాటిని విచ్ఛిన్నం చేయడం ఎంఎస్‌టీఐ బాధ్యత కాగా, ప్రపంచవ్యాప్తంగా ఆమోదం పొందిన నాణ్యత, పర్యావరణ ప్రమాణాలకు అనుగుణంగా ఘన, ద్రవ వ్యర్థ పదార్థాల నిర్వహణను కొత్త జేవీ చేపడుతుంది. 2020–21 నాటికి నోయిడా, ఉత్తర ప్రదేశ్‌ల్లో యూనిట్లను ఏర్పాటు చేయనున్నామని, నూతన జేవీతో వనరుల పూర్తిస్థాయి వినియోగం జరగనుందని ఎంఎస్‌ఐ ఎండీ, సీఈఓ కెనిచి ఆయుకవా అన్నారు. నోయిడా ప్లాంట్‌ సామర్థ్యం నెలకు 2,000 వాహనాలుగా వెల్లడించారు.

న్యూఢిల్లీ: పండుగల సీజన్‌ నేపథ్యంలో ఆటో రంగం అమ్మకాలు ఆశాజనకంగా ఉన్నాయి. ఈ రంగంలోని దిగ్గజ కంపెనీలైన మారుతీ సుజుకీ ఇండియా వంటి సంస్థలు అమ్మకాల్లో పురోగతిని చూపాయి. దాదాపు 7 నెలల అనంతరం మారుతీ 4.5 శాతం వృద్ధి రేటుతో సానుకూల సంకేతాలను ఇచి్చంది. ప్యాసింజర్, వాణిజ్య విక్రయాలు గతంతో పోలి్చతే అక్టోబర్‌లో మెరుగ్గా ఉన్నాయని ఎం అండ్‌ ఎం చీఫ్‌ (సేల్స్‌ అండ్‌ మార్కెటింగ్, ఆటోమోటివ్‌ డివిజన్‌) విజయ్‌ రామ్‌ నక్రా అన్నారు. పండుగల సీజన్‌ అమ్మకాల్లో ఒక్కసారిగా పెరుగుదల కనిపించినట్లు టీకేఎం డిప్యూటీ మేనేజింగ్‌ డైరెక్టర్‌ ఎన్‌ రాజా వెల్లడించారు. నెమ్మదించిన ఆటో రంగంలో ఆశాజనక వాతావరణం అలముకుందని హెచ్‌సీఐఎల్‌ సీనియర్‌ వైస్‌ ప్రెసిడెంట్, డైరెక్టర్‌ (సేల్స్‌ అండ్‌ మార్కెటింగ్‌) రాజేష్‌ గోయెల్‌ వెల్లడించారు.   క్యూ5, క్యూ7 ధరలను తగ్గించిన ఆడీ జర్మనీకి చెందిన ప్రముఖ లగ్జరీ కార్ల తయారీ కంపెనీ ‘ఆడి’.. తన పాపులర్‌ ఎస్‌యూవీలైన ‘క్యూ5, క్యూ7’ ధరలను తగ్గించింది. గతంలో రూ. 55.8 లక్షలుగా ఉన్న క్యూ5 ధరను రూ. 49.99 లక్షలకు తగ్గించింది. క్యూ7 పెట్రోల్‌ వెర్షన్‌ ధరను రూ. 68.99 లక్షలకు, డీజిల్‌ వెర్షన్‌ ధరను రూ. 71.99 లక్షలకు తగ్గించినట్లు ప్రకటించింది.

న్యూఢిల్లీ: దేశీ కార్ల తయారీ దిగ్గజం మారుతీ సుజుకీ ఇండియా (ఎంఎస్‌ఐ) తాజాగా భారీ డిస్కౌంట్లను ప్రకటించింది. మోడల్‌ ఆధారంగా రూ. 1.12 లక్షల వరకు తగ్గింపు ఇస్తున్నట్లు బుధవారం వెల్లడించింది. విటారా బ్రెజా, స్విఫ్ట్, డిజైర్, సియాజ్‌ కార్లకు ఈ స్థాయి వరకు డిస్కౌంట్‌ వర్తిస్తుందని వివరించింది. విటారా బ్రెజాకు కస్టమర్‌ ఆఫర్‌ రూ. 50,000, ఎక్సే్ఛంజ్‌ ఆఫర్‌ రూ. 20,000, కార్పొరేట్‌ ఆఫర్‌ రూ. 10,000, ఐదేళ్ల వారెంటీ కలుపుకుని మొత్తంగా రూ. 1.01 లక్షల వరకు డిస్కౌంట్‌ ఉన్నట్లు తెలియజేసింది. ఇదే తరహాలో అన్ని వాహనాలకు ఆఫర్‌ ఉన్నట్లు స్పష్టంచేసింది. ఆల్టో, ఆల్టో కే10 పెట్రోల్‌ వేరియంట్లకు రూ.65,000 వరకు ఆఫర్‌ ప్రకటించింది. స్విఫ్ట్‌ పెట్రోల్‌ వేరియంట్‌కు రూ. 50,000 డిస్కౌంట్‌.. డీజిల్‌ వేరియంట్‌కు రూ.77,700 డిస్కౌంట్‌ ఇస్తోంది. డిజైర్‌ పెట్రోల్‌ వేరియంట్‌కు రూ. 30,000 తగ్గింపు.. డీజిల్‌ వేరియంట్‌కు రూ. 20,000 డిస్కౌంట్‌ ప్రకటించింది. ఈకో సెవన్‌ సీటర్‌ డిస్కౌంట్‌ రూ. 25,000 ఉండగా.. బాలెనో, సియాజ్‌ కార్లకు ఆఫర్‌ వర్తిస్తుందని ప్రకటించింది.

న్యూఢిల్లీ: ఆటోమొబైల్‌ విక్రయాలు పడిపోవడంతో దేశంలోనే అతిపెద్ద కారు తయారీ సంస్థ మారుతి సుజుకి ఇండియా సంచలన నిర్ణయం తీసుకుంది. ఈనెల 7, 9 తేదీల్లో ప్రయాణీకుల వాహనాలను రూపొందించే గురుగ్రామ్‌, మనేసర్‌ ప్లాంట్లను మూసివేయాలని మారుతి సుజుకి నిర్ణయించింది. ఈ రెండు రోజుల్లో ఉత్పత్తి కార్యకలాపాలను పూర్తిగా నిలిపివేస్తామని కంపెనీ బుధవారం బొంబాయి స్టాక్‌ ఎక్స్ఛేంజ్‌కు సమాచారం అందించింది. మారుతి సుజుకి నిర్ణయంతో కంపెనీ షేర్లు 2.36 శాతం మేర నష్టపోయాయి. కాగా గత ఏడాది ఆగస్ట్‌లో మొత్తం వాహన విక్రయాలు 1,68,725 కాగా ఈ ఏడాది ఆగస్ట్‌లో అమ్మకాలు 32.7 శాతం పతనమై 1,11,370 వాహనాలకే పరిమితమయ్యాయి. మరోవైపు ఆగస్ట్‌లోనూ అన్ని కంపెనీల ఆటోమొబైల్‌ విక్రయాలు తగ్గడంతో ఆర్థిక మందగమనంపై ఆందోళనలు రెట్టింపయ్యాయి.

ముంబై: రాష్ట్రాల్లో పన్నులు అధికంగా ఉన్నాయని, ఫలితంగా కార్ల ధరలు పెరుగుతున్నాయని మారుతీ సుజుకీ ఇండియా చైర్మన్‌ ఆర్‌.సి. భార్గవ ఆవేదన వ్యక్తం చేశారు. ఉదాహరణకు పెట్రోల్‌పై రాష్ట్రాలు భారీగా పన్నులు విధిస్తున్నాయని, కొన్ని రాష్ట్రాలు రోడ్డు ట్యాక్స్‌ను బాగా పెంచాయని, ఫలితంగా కార్ల ధరలపై రాష్ట్రాల పన్ను భారం ప్రభావం చూపుతోందని పేర్కొన్నారు. ఇతర రాష్ట్రాలతో పోల్చితే, రోడ్డు ట్యాక్స్‌ పెంచిన రాష్ట్రాల్లో కార్ల అమ్మకాలు భారీగా తగ్గాయని వివరించారు. రాష్ట్రాలు తోడ్పాటునందించాలి.... తయారీ రంగంలో తమ పాత్ర విషయమై రాష్ట్రాలు తగిన విధంగా వ్యవహరించాలని భార్గవ సూచించారు. లేకుంటే 5 లక్షల కోట్ల డాలర్ల ఆర్థిక వ్యవస్థగా భారత్‌ అవతరించాలన్న ప్రధాని నరేంద్ర మోదీ స్వప్నం సాకారం కావడం కష్టమని ఆయన స్పష్టం చేశారు. ఇక్కడ జరిగిన కంపెనీ వార్షిక సాధారణ సమావేశంలో ఆయన మాట్లాడారు. తయారీ రంగం వృద్ధి చెందడానికి రాష్ట్రాల ప్రభుత్వాలు ఇతోధికంగా తోడ్పడాలని ఆయన సూచించారు.

న్యూఢిల్లీ: మారుతీ సుజుకీ ఇండియా(ఎంఎస్‌ఐ).. తన అధునాతన మల్టీ పర్పస్‌ వెహికిల్‌ (ఎంపీవీ)ని బుధవారం మార్కెట్లోకి ప్రవేశపెట్టింది. ‘ఎక్స్‌ఎల్‌ 6’ పేరిట విడుదలైన ఈ కారు ధరల శ్రేణి రూ. 9.79 లక్షలు–11.46 లక్షలు (ఎక్స్‌షోరూం)గా ప్రకటించింది. ప్రోగ్రెసివ్‌ స్మార్ట్‌ హైబ్రిడ్‌ సిస్టమ్, లిథియం–అయాన్‌ బ్యాటరీ కలిగి.. 1.5 లీటర్ల పెట్రోల్‌ ఇంజిన్‌తో అందుబాటులోకి వచ్చింది. ఫైవ్‌ స్పీడ్‌ మాన్యువల్, 4–స్పీడ్‌ ఆటోమేటిక్‌ ట్రాన్స్‌మిషన్‌ ఆప్షన్లు ఈ కొత్త ఎంపీవీలో ఉన్నట్లు కంపెనీ వెల్లడించింది. దేశవ్యాప్తంగా ఉన్న నెక్సా ప్రీమియం రిటైల్‌ చైన్ల ద్వారా ఈ వాహనాన్ని కొనుగోలుచేయవచ్చని కంపెనీ వివరించింది. ఈ నూతన కారు విడుదలతో.. బీఎస్‌–6 ప్రమాణాలకు అనుగుణంగా మారుతీ నుంచి విడుదలైన మొత్తం కార్ల సంఖ్య ఏడుకు చేరింది.

న్యూఢిల్లీ: దేశీ ప్యాసింజర్‌ వాహన (పీవీ) విక్రయాలు మరింత నీరసించాయి. జూలైలో  మొత్తం పీవీ అమ్మకాలు రెండంకెల క్షీణతను నమోదుచేశాయి. హోండా కార్స్‌ ఇండియా విక్రయాలు ఏకంగా 49 శాతం క్షీణించగా.. ఈ విభాగంలో మార్కెట్‌ లీడరైన మారుతీ సుజుకీ ఇండియా అమ్మకాలు 36 శాతం తగ్గాయి. అశోక్‌ లేలాండ్‌ విక్రయాలు 29 శాతం పడిపోయాయి. వినియోగదారుల సెంటిమెంట్‌ దెబ్బతిన్న కారణంగా ఆటో రంగం అమ్మకాలు పడిపోతూ వస్తున్నాయని ఎం అండ్‌ ఎం చీఫ్‌ సేల్స్‌ అండ్‌ మార్కెటింగ్‌ (ఆటోమోటివ్‌ డివిజన్‌) వీజయ్‌ రామ్‌ నక్రా అన్నారు. కొనుగోళ్లు వాయిదా పడిన నేపథ్యంలో విక్రయాలు తగ్గాయని హెచ్‌సీఐఎల్‌ సీనియర్‌ వైస్‌ ప్రెసిడెంట్‌ రాజేష్‌ గోయల్‌ వ్యాఖ్యానించారు. అధిక బీమా, ద్రవ్యలభ్యత కొరత, వర్షాకాలం ఆలస్యం కావడమే ఇందుకు కారణమని టయోటా కిర్లోస్కర్‌ మోటార్‌ డిప్యూటీ ఎండీ ఎన్‌ రాజా అన్నారు.

హైదరాబాద్, బిజినెస్‌ బ్యూరో: వాహన తయారీ దిగ్గజం మారుతి సుజుకి మాస్‌ మార్కెట్‌ లక్ష్యంగా రూపొందించిన చిన్న ఎస్‌యూవీ ‘ఎస్‌–ప్రెస్సో’ త్వరలో రోడ్డెక్కనుంది. సెప్టెంబరులో ఈ కారు విడుదలకు కంపెనీ సన్నాహాలు చేస్తోంది. గ్రేటర్‌ నోయిడాలో గతేడాది జరిగిన ఆటో ఎక్స్‌పో సందర్భంగా మారుతి సుజుకి కాన్సెప్ట్‌ కారును ప్రదర్శించింది. కంపెనీ నుంచి ఇదే అతి చిన్న ఎస్‌యూవీ కావడం గమనార్హం. కాంపాక్ట్‌ ఎస్‌యూవీ వితారా బ్రెజ్జా కంటే ఇది చిన్నగా ఉంటుంది. తక్కువ బడ్జెట్‌లో ఎస్‌యూవీ కోరుకునేవారికి ఇది బెస్ట్‌ చాయిస్‌గా నిలుస్తుందని కంపెనీ భావిస్తోంది. బీఎస్‌–6 ప్రమాణాలతో 1.2 పెట్రోల్‌ ఇంజన్, 5 స్పీడ్‌ మాన్యువల్‌ గేర్‌బాక్స్‌తో రూపుదిద్దుకుంది. ఆటోమేటెడ్‌ మాన్యువల్‌ ట్రాన్స్‌మిషన్‌ (ఏఎంటీ) మోడల్‌ కూడా రానుంది. సీఎన్‌జీ వేరియంట్‌ను సైతం రానున్న రోజుల్లో ప్రవేశపెట్టనుంది. బేస్‌ వేరియంట్‌ రూ.5 లక్షల లోపు ఉండే అవకాశముంది. వేరియంట్‌నుబట్టి ధర రూ.8 లక్షల దాకా ఉండొచ్చు. యువతను దృష్టిలో పెట్టుకుని మోడర్న్‌ స్టైలింగ్, క్యాబిన్‌ ఫీచర్లతో ఆకట్టుకోనుంది. ఆధునిక టచ్‌ స్క్రీన్‌ డిస్‌ప్లే, ఎయిర్‌బ్యాగ్, ఏబీఎస్‌ వంటివి అదనపు హంగులు.

న్యూఢిల్లీ: మారుతీ సుజుకి ఇండియా తన పాపులర్‌ కాంపాక్ట్‌ సెడాన్‌ డిజైర్‌ కారు ధరను రూ.12,690 మేర పెంచినట్లు ప్రకటించింది. ఈ పెంపు గురువారం నుంచే అమల్లోకి వచ్చింది. నూతన భద్రతా ప్రమాణాలు, ఉద్గార నిబంధనలకు అనుగుణంగా ఈ కారును రూపొందించాల్సి రావడం వల్ల పెంపు నిర్ణయం తీసుకున్నట్లు వివరించింది. పెట్రోల్, డీజిల్‌ వెర్షన్లలో ఏఐఎస్‌–145 భద్రతా ప్రమాణాలను పాటిస్తున్నట్లు నియంత్రణ సంస్థలకు ఇచ్చిన సమాచారంలో తెలిపింది. నూతన ధరల అమలు తరువాత ఢిల్లీ–ఎన్‌సీఆర్‌లో ఈ కారు ధరల శ్రేణి రూ.5,82,613–రూ.9,57,622 కాగా, అంతక్రితం రూ.5,69,923 నుంచి రూ.9,54,522 శ్రేణిలో ఉంది.

న్యూఢిల్లీ: బీఎస్‌–6 ఉద్గార నిబంధనలకు అనుగుణంగా ఉన్న వ్యాగన్‌ఆర్‌ కారును శుక్రవారం మార్కెట్లోకి ప్రవేశపెట్టినట్లు మారుతీ సుజుకీ ఇండియా (ఎంఎస్‌ఐ) ప్రకటించింది. నూతన ప్రమాణాలతో కూడిన 1.2 లీటర్ల పెట్రోల్‌ ఇంజిన్‌ కారు ధరల శ్రేణి రూ.5.15 లక్షల నుంచి రూ.5.96 లక్షలుగా నిర్ణయించింది. అయితే, ఢిల్లీ–ఎన్‌సీఆర్‌లో మోడల్‌ ఆధారంగా ధరల శ్రేణి రూ.5.10 లక్షల నుంచి రూ.5.91 లక్షలుగా కాగా.. మునుపటి వెర్షన్‌తో పోల్చితే అన్ని ప్రాంతాల్లో ఈ నూతన వ్యాగన్‌ఆర్‌ బీఎస్‌–6 కారు ధర రూ.16,000 వరకు పెరిగినట్లు తెలిపింది. కేవలం 1.2 లీటర్ల పెట్రోల్‌ ఇంజిన్‌లో మాత్రమే నూతన వెర్షన్‌ అందుబాటులో ఉన్నట్లు స్పష్టంచేసింది. మరోవైపు 1–లీటర్‌ పెట్రోల్‌ ఇంజిన్‌ వ్యాగన్‌ఆర్‌ ధరల్లో కూడా మార్పులు చేసింది. ఢిల్లీ–ఎన్‌సీఆర్‌లో ఈ మోడల్‌ ధరల శ్రేణి రూ.4.34 లక్షల నుంచి రూ.5.33 లక్షలు కాగా, మిగిలిన ప్రాంతాల్లో ధరల శ్రేణి రూ.4.39 లక్షల నుంచి రూ.5.38 లక్షలకు సవరించింది. ప్రీమియం హ్యాచ్‌బ్యాక్‌ స్విఫ్ట్‌ పెట్రోల్, డీజిల్‌ ఇంజిన్‌ కార్లు ఇప్పుడు ఏఐఎస్‌–145 భద్రతా నిబంధనలకు అనుగుణంగా ఉన్నట్లు పేర్కొంది.

న్యూఢిల్లీ: వాహన దిగ్గజం, మారుతీ సుజుకీ ఇండియా గత నెలలో వాహన ఉత్పత్తిని 18 శాతం తగ్గించింది. ఈ కంపెనీ వాహనాల ఉత్పత్తి లో కోత విధించడం ఇదివరుసగా నాలుగో నెల. మారుతీ సుజుకీ ఇండియా ఈ మేరకు స్టాక్‌ ఎక్సే్ఛంజ్‌లకు నివేదించింది. వివరాలివీ... ♦ గత ఏడాది మేలో ఈ కంపెనీ 1,84,612 వాహనాలను తయారు చేసింది. ♦ ఈ ఏడాది మేలో మాత్రం వాహనాల ఉత్పత్తి 18% తగ్గి 1,51,188కు  పరిమితమైంది ♦ తేలిక రకం వాణిజ్య వాహనం సూపర్‌ క్యారీ మినహా అన్ని సెగ్మెంట్లలలో అన్ని మోడళ్ల వాహన తయారీ తగ్గిపోయింది.   ♦ ఆల్టో, స్విఫ్ట్, డిజైర్‌లతో కూడిన ప్రయాణికుల వాహన ఉత్పత్తి 1,82,571 నుంచి 19 శాతం తగ్గి 1,48,095కు తగ్గిపోయింది.   ♦ మినీ సెగ్మెంట్‌ వాహన తయారీ 42 శాతం తగ్గి 23,874కు పరిమితమైంది. ♦ కాంపాక్ట్‌ సెగ్మెంట్‌ కార్లతయారీనీమారుతీ తగ్గించింది. గత ఏడాది మేలో 93,641గా ఉన్న ఈ విభాగం కార్ల తయారీ ఈ ఏడాది మేలో 10% తగ్గి 84,705కు చేరింది.   ♦ యుటిలిటి వెహికల్స్‌ ఉత్పత్తి 25,571 నుంచి 3 శాతం తగ్గి 24,748కు పడిపోయింది.   ♦ వ్యాన్‌ల తయారీ 16,819 నుంచి 35 శాతం క్షీణించి 10,934కు పరిమితమైంది. ♦ మే నెలలోనే కాకుండా ఈ ఏడాది ఏప్రిల్, మార్చి నెలల్లో కూడా మారుతీ కంపెనీ తన అన్ని ప్లాంట్లలో వాహన తయారీలో 10 శాతం కోత విధించింది. ఇక ఈ ఏడాది ఫిబ్రవరిలో వాహనాల తయారీని 8 శాతం మేర తగ్గించింది.  విక్రయాలపై ప్రభావం ఉండబట్టే... ఇటీవల కాలంలో వాహన విక్రయాలు అంతంతమాత్రంగానే ఉన్నాయి. డిమాండ్‌ మందగించటంతో పలు కంపెనీలు ఉత్పత్తిలో కోత విధిస్తున్నాయి. మహీంద్రా అండ్‌ మహీంద్రా కంపెనీ అయితే ఏకంగా తన ప్లాంట్లన్నింటినీ 13 రోజుల పాటు మూసేసింది. మార్కెట్‌ డిమాండ్‌ సర్దుబాటు నిమిత్తం ప్లాంట్లన్నింటినీ కొన్ని రోజులు మూసేయక తప్పలేదని ఈ కంపెనీ పేర్కొంది. ఈ ఏడాది ఏప్రిల్‌లో ప్రయాణికుల వాహన విక్రయాలు 17 శాతం తగ్గాయి. ఇది దాదాపు ఎనిమిదేళ్ల కనిష్ట స్థాయి. నిధుల కొరత సమస్యకు తోడు సెంటిమెంట్‌  బలహీనంగా ఉండటంతో వాహన విక్రయాలు తగ్గుతున్నాయి. పండుగల సీజన్‌ వరకూ ఇదే ధోరణి కొనసాగుతుందని, పండుగల సీజన్‌లో అమ్మకాలు పుంజుకునే అవకాశాలున్నాయని వాహన కంపెనీలు ఆశిస్తున్నాయి.  

న్యూఢిల్లీ: మారుతి సుజుకీ ఇండియా తాజాగా ‘ఎర్టిగా’ మోడల్‌లో 1.5 లీటర్‌ డీజిల్‌ ఇంజిన్‌ కారును మార్కెట్లోకి ప్రవేశపెట్టింది. ఇప్పటిదాకా 1.3 లీటర్‌ డీజిల్‌ ఇంజిన్‌ వేరియంట్‌ అందుబాటులో ఉండగా... ఇంజిన్‌ సామర్థ్యాన్ని మరింత పెంచి ఈ వేరియంట్‌ను విడుదల చేశారు. ఈ నూతన కారు ధరల శ్రేణి రూ.9.86 లక్షల నుంచి రూ.11.20 లక్షలు.   ప్రతి లీటరుకు 24.20 కిలోమీటర్ల మైలేజీ ఇస్తుందని కంపెనీ ప్రకటించింది. కస్టమర్ల అవసరాలను విశ్లేషించి ఈ తదుపరి తరం ఎర్టిగాను విడుదలచేసినట్లు కంపెనీ సీనియర్‌ ఎగ్జిక్యూటివ్‌ డైరెక్టర్‌ (మార్కెటింగ్‌ అండ్‌ సేల్స్‌) ఆర్‌.ఎస్‌.కల్సి చెప్పారు. గతేడాది నవంబర్‌ నుండి ఈ ఏడాది ఏప్రిల్‌ మధ్యకాలంలో ఈ మోడల్‌ అమ్మకాలు 40,000 యూనిట్లుగా కంపెనీ వెల్లడించింది.   

సాక్షి, న్యూఢిల్లీ : వచ్చే ఏడాది ఏప్రిల్‌ 1 నుంచి డీజిల్‌ కార్లను విక్రయించబోమని అతిపెద్ద కారు తయారీ కంపెనీ మారుతి సుజుకి ఇండియా స్పష్టం చేసింది. ప్రజల నుంచి డిమాండ్‌ భారీగా పడిపోవడంతో తాము 2020, ఏప్రిల్‌ 1 నుంచి డీజిల్‌ కార్ల అమ్మకాన్ని చేపట్టడంలేదని మారుతి సుజుకి చైర్మన్‌ ఆర్‌సీ భార్గవ పేర్కొన్నారు. కాగా 1500 సీసీ పైబడిన డీజిల్‌ కార్లను మాత్రం విక్రయించేందుకు కంపెనీ మొగ్గుచూపుతోంది. మారుతి ఇటీవల లాంఛ్‌ చేసిన బాలెనో ఇదే కేటగిరీకి చెందిన వాహనం కావడం గమనార్హం. కేవలం 1500 సీసీ డీజిల్‌ వాహనానికే భవిష్యత్‌ ఉందని, మార్కెట్‌ డిమాండ్‌కు అనుగుణంగా డీజిల్‌ వాహనాల తయారీపై తాము ఓ నిర్ణయం తీసుకుంటామని భార్గవ వెల్లడించారు. బీఎస్‌ 5 ప్రమాణాలు అమల్లోకి వస్తే 1500 సీసీ లోపు డీజిల్‌ ఇంజన్‌లకు ఆదరణ ఉండదని మారుతి భావిస్తోంది. బీఎస్‌ 4 వాహనాల విక్రయం, రిజిస్ర్టేషన్‌కు 2020 మార్చి 31ని డెడ్‌లైన్‌గా ప్రభుత్వం నిర్ధారించిన సంగతి తెలిసిందే. బీఎస్‌ 6 ప్రమాణాలతో కూడిన వాహనాలకు గిరాకీ పెరుగుతుందని తదనుగుణంగా తమతో పాటు డీలర్లు సమిష్టిగా పనిచేసి ధరలు నిలకడగా ఉండేందుకు పూనుకోవాలని అన్నారు. గడువులోగా తాము తమ 16 మోడళ్లను అప్‌డేట్‌ చేస్తామని ఆయన చెప్పుకొచ్చారు. ఎన్నికల నేపథ్యంలో పెట్రో ధరల విషయంలో అనిశ్చితి నెలకొందని అభిప్రాయపడ్డారు.

న్యూఢిల్లీ: మారుతీ సుజుకీ ఇండియా తన ప్రీమియం హ్యాచ్‌బ్యాక్‌ ‘బాలెనో’ కారు నూతన వేరియంట్లను సోమవారం మార్కెట్లోకి ప్రవేశపెట్టింది. బీఎస్‌ సిక్స్‌ ఉద్గార నిబంధనలకు అనుగుణంగా రూపొందించిన పెట్రోల్‌ ఇంజిన్‌ కారు ధరల శ్రేణి రూ.5.58 లక్షల నుంచి రూ.8.9 లక్షలుగా ప్రకటించింది. వీటితో పాటు స్మార్ట్‌ హైబ్రిడ్‌ టెక్నాలజీతో మరో రెండు అధునాతన వేరియంట్లను కంపెనీ విడుదలచేసింది. 1.2 లీటర్ల డ్యుయల్‌ జెట్, డ్యుయల్‌ వీవీటీ పెట్రోల్‌ ఇంజిన్‌ ధర రూ.7.25 లక్షలు కాగా, జీటా వేరియంట్‌ ధర రూ.7.86 లక్షలు. ఈ కార్లు లీటరుకు 23.87 కిలో మీటర్ల మైలేజీ ఇస్తాయని సంస్థ ప్రకటించింది. ఈ సందర్భంగా ఎంఎస్‌ఐ సీనియర్‌ ఎగ్జిక్యూటివ్‌ డైరెక్టర్‌ (మార్కెటింగ్‌ అండ్‌ సేల్స్‌) ఆర్‌.ఎస్‌.కల్సి మాట్లాడుతూ.. ‘అధునాతన, మెరుగైన, పర్యావరణ స్నేహపూర్వక సాంకేతికత కలిగిన ఉత్పత్తులను అందించడం కోసం నిరంతరం కృషి చేస్తున్నాం. ఇందులో భాగంగానే బీఎస్‌ సిక్స్‌ ఉద్గార నిబంధనలకు తగిన, స్మార్ట్‌ హైబ్రిడ్‌ టెక్నాలజీ బాలెనోను విడుదలచేశాం. దేశంలోనే తొలి ఈ తరహా టెక్నాలజీ కలిగిన ప్రీమియం హ్యాచ్‌బ్యాక్‌ కారు ఇది. మారుతున్న వినియోగదారుల అభిరుచులకు తగిన విధంగా ఉందని భావిస్తున్నాం’ అని అన్నారు. ఇక బాలెనో మోడల్‌ 2015లో విడుదల కాగా, ఇప్పటివరకు 5.5 లక్షల యూనిట్ల అమ్మకాలు నమోదయ్యాయి. గత ఆర్థిక సంవత్సరంలోనే 2 లక్షల యూనిట్లను విక్రయించింది. అగ్రస్థానంలో ‘ఆల్టో’  ఇప్పటికే అనేక సార్లు బెస్ట్‌ సెల్లింగ్‌ మోడల్‌గా నిలిచిన మారుతీ ‘ఆల్టో’..  2018–19  ఏడాది ప్యాసింజర్‌ వెహికిల్‌ అమ్మకాల జాబితాలో మళ్లీ అగ్రస్థానాన్ని దక్కించుకుంది. ఆటోమొబైల్స్‌ తయారీ సంస్థల సమాఖ్య సియామ్‌ గణాంకాల ప్రకారం.. గతేడాదిలో ఆల్టో వాహన విక్రయాలు 2,59,401 యూనిట్లుగా ఉన్నాయి. అంతక్రితం ఏడాది (2017–18) అమ్మకాలు 2,58,539 యూనిట్లు. ఇక టాప్‌ 10 విక్రయాల జాబితాలో 2,53,859 యూనిట్లతో డిజైర్‌ రెండో స్థానంలో నిలిచింది. ప్రీమియం హ్యాచ్‌బ్యాక్‌ స్విఫ్ట్‌ 2,23,924 యూనిట్లతో మూడవ స్థానంలో ఉండగా.. బాలెనో 2,12,330 యూనిట్లతో 4వ స్థానంలో ఉంది. 

న్యూఢిల్లీ: సుమారు 35 ఏళ్ల పాటు చౌక మల్టీపర్పస్‌ వాహనంగా (ఎంపీవీ) వాహనదారులకు చేరువయిన మారుతీ ఓమ్ని వ్యాన్‌ ఇకపై కనుమరుగు కానుంది. ఓమ్ని తయారీని నిలిపివేయాలని ఆటోమొబైల్‌ దిగ్గజం మారుతీ సుజుకీ నిర్ణయించినట్లు తెలుస్తోంది. వాహనదారులు తమ అవసరాలకు అనుగుణంగా ఎలా కావాలంటే అలా మార్చుకునేందుకు ఓమ్ని చాలా అనువుగా ఉంటోందని తెలిసిందే. మార్కెట్లోకి వచ్చి 35 ఏళ్లయినా ఇప్పటికీ ఓమ్ని వ్యాన్స్‌కి ఆదరణేమీ తగ్గలేదు. అమ్మకాలు కూడా కొనసాగుతూనే ఉన్నాయి. అయితే, వాహనాల భద్రతా/కాలుష్య ప్రమాణాలకు సంబంధించి కొంగొత్త నిబంధనలు అమల్లోకి వస్తున్న నేపథ్యంలో ఓమ్ని వ్యాన్‌ తయారీ నిలిపివేయాలని మారుతీ నిర్ణయించుకున్నట్లు సంబంధిత వర్గాలు తెలిపాయి. తమ తొలి కారు 800ను ప్రవేశపెట్టిన ఏడాది తర్వాత 1984లో ఓమ్ని వ్యాన్‌ను మారుతీ ప్రవేశపెట్టింది.   యాంటీలాక్‌ బ్రేకింగ్‌ సిస్టం (ఏబీఎస్‌), ఎయిర్‌బ్యాగ్స్, బీఎస్‌ 6 ప్రమాణాలు మొదలైనవాటిని తప్పనిసరిగా చేస్తూ ప్రభుత్వం నిబంధనలు చేసిన నేపథ్యంలో పలు వాహనాల తయారీ సంస్థలు అమ్మకాలు బాగానే ఉన్నప్పటికీ పాత కాలం నాటి మోడల్స్‌ నిలిపివేస్తున్నాయి. లేదా పూర్తి స్థాయిలో అప్‌గ్రేడ్‌ చేసి ప్రవేశపెడుతున్నాయి. ఆ క్రమంలోనే మారుతీ కూడా ప్రస్తుతం కొత్త భద్రతాప్రమాణాలకు అనుగుణంగా కొన్ని మోడల్స్‌ను అప్‌డేట్‌ చేస్తోంది. మల్టీపర్పస్‌ వెహికల్‌ ’ఈకో’ వాహనానికి సంబంధించి కొత్త ఫీచర్స్‌తో అప్‌డేటెట్‌ వెర్షన్‌ను ఇటీవలే ప్రవేశపెట్టింది. రివర్స్‌ పార్కింగ్‌ అసిస్టెన్స్, కో–డ్రైవర్‌ సీట్‌ బెల్ట్‌ రిమైండర్‌ లాంటివి ఈ ఫీచర్స్‌లో ఉన్నాయి. 

న్యూఢిల్లీ: మారుతీ సుజుకీ ఇండియా కంపెనీ మల్టీపర్పస్‌ వెహికల్, ఈకోలో అప్‌డేటెడ్‌ వేరియంట్‌ను మార్కెట్లోకి తెచ్చింది. రివర్స్‌ పార్కింగ్‌ అసిస్ట్, కో డ్రైవర్‌ సీట్‌ బెల్ట్‌ రిమైండర్‌ తదితర భద్రత ఫీచర్లతో(ఇవి స్టాండర్డ్‌) ఈ కొత్త వేరియంట్‌ను అందుబాటులోకి తెచ్చామని మారుతీ సుజుకీ తెలిపింది. స్పీడ్‌ అలెర్ట్‌ సిస్టమ్, ఏబీఎస్, ఎయిర్‌బ్యాగ్‌ వంటి అదనపు ఫీచర్లు కూడా ఉన్నాయని పేర్కొంది. ప్రస్తుతం  ఈకో కారు ధర రూ.3.37 లక్షల నుంచి రూ.6.33 లక్షల రేంజ్‌(ఎక్స్‌ షోరూమ్, ఢిల్లీ)లో ఉందని, ఫీచర్లను బట్టి కొత్త వేరియంట్‌ ధర ప్రస్తుత ధర కంటే రూ.400–23,000 అధికమని వివరించింది. 

న్యూఢిల్లీ: దేశీ ఆటోమొబైల్‌ దిగ్గజం మారుతీ సుజుకీ ఇండియా... ఇగ్నిస్‌ మోడల్‌లో 2019 ఎడిషన్‌ను బుధవారం మార్కెట్లోకి ప్రవేశపెట్టింది. జూలై 1 నుంచి అమలుకానున్న ప్యాసింజర్‌ వాహనాల కొత్త భద్రతా నిబంధనలకు అనుగుణంగా ఈ కారును రూ పొందించినట్లు కంపెనీ పేర్కొంది. అతివేగాన్ని హెచ్చరించే వ్యవస్థ, రివర్స్‌ పార్కింగ్‌ అసిస్టెన్స్, డ్రైవర్‌ పక్కన ఉన్న వ్యక్తి సీట్‌ బెల్ట్‌ పెట్టుకోకపోతే రిమైండ్‌ చేయడం వంటి భద్రతా ఫీచర్లతో విడుదలైన ఈ హచ్‌బ్యాక్‌ ధరల శ్రేణి రూ.4.79లక్షలు నుంచి 7.14 లక్షలుగా ప్రకటించింది. ఈ సందర్భంగా సంస్థ  సీనియర్‌ ఎగ్జిక్యూటివ్‌ డైరెక్టర్‌ (మార్కెటింగ్‌ అండ్‌ సేల్స్‌) ఆస్‌.ఎస్‌.కల్సి మాట్లాడుతూ.. ‘ప్రయాణికులకు మెరుగైన భద్రతను అందించాలనే లక్ష్యంతో అత్యధిక సేఫ్టీ ఫీచర్లను ఈ కారులో సమకూర్చాం. ఇతర వేరియంట్లలో కూడా ఇదే తరహా ఫీచర్స్‌ను అందిస్తాం’ అని తెలిపారు. 

న్యూఢిల్లీ: దేశీ కార్ల తయారీ దిగ్గజం ‘మారుతి సుజుకీ ఇండియా’ తన పాపులర్‌ కాంపాక్ట్‌ ఎస్‌యూవీ ‘విటారా బ్రెజా’ మొత్తం విక్రయాలు 4 లక్షల యూనిట్ల మైలురాయికి చేరుకున్నట్లు ప్రకటించింది. ఈ కారు విడుదలైన మూడేళ్లలోనే ఇంతటి అమ్మకాలను నమోదుచేసినట్లు తెలిపింది. ప్రస్తుత ఆర్థిక సంవత్సరంలో సగటున నెలవారీగా 7 శాతం వృద్ధిరేటుతో 14,675 యూనిట్లు అమ్ముడైనట్లు వివరించింది. ‘ఈ ఎస్‌యూవీ డిజైన్, ఫీచర్స్‌ కస్టమర్ల అభిరుచులకు సరిగ్గా సరిపడే విధంగా ఎప్పటికప్పుడు మెరుగుపడుతుండడం వల్లనే ఈస్థాయి విక్రయాలు నమోదయ్యాయి’ అని మారుతీ సీనియర్‌ ఎగ్జిక్యూటివ్‌ డైరెక్టర్‌ (మార్కెటింగ్, సేల్స్‌) ఆర్‌.ఎస్‌.కల్సి చెప్పారు. 

న్యూఢిల్లీ: మారుతీ సుజుకీ ఇండియా (ఎంఎస్‌ఐ).. తన వ్యాగన్‌–ఆర్‌ శ్రేణిలో నూతన వెర్షన్‌ను బుధవారం మార్కెట్లోకి ప్రవేశపెట్టింది. ఈ కారును ‘బిగ్‌ న్యూ వ్యాగన్‌ఆర్‌’గా అభివర్ణించిన సంస్థ.. 1.2 లీటర్ల పెట్రోల్‌ ఇంజిన్‌తో పాటు మరో ఆప్షన్లో భాగంగా 1–లీటర్‌ ఇంజిన్‌ను కూడా అందుబాటులో ఉంచింది. 1.2 లీటర్‌ ఇంజిన్‌ కారు ధరల శ్రేణి రూ.4.89 లక్షలు–రూ.5.69 లక్షలు. 1–లీటర్‌ ఇంజిన్‌ ధరల శ్రేణి రూ.4.19 లక్షలు–రూ.4.69 లక్షలు కాగా, ఈ విభాగంలోని ఆటోమేటెడ్‌ గేర్‌ షిఫ్ట్‌ ధర రూ.5.16 లక్షలు. హై టెన్షన్‌ స్టీలును వాడడం వల్ల నూతన వేరియంట్లో శబ్దం, కుదుపులు తక్కువగా ఉంటాయని కంపెనీ తెలిపింది. ‘ఈ కారు కేవలం ఫ్యామిలీనే కాకుండా, యువ కొనుగోలుదారులను కూడా మంచి చాయిస్‌ కానుంది.’ అని సంస్థ సీఈఓ కెనిచి అయుకవా మాట్లాడుతూ..  వ్యాఖ్యానించారు.  జీఎస్‌టీ గణనీయంగా తగ్గాలి: ప్రస్తుతం ఆటోమొబైల్స్‌పై 28% జీఎస్‌టీ రేటు, ఇందుకు అదనంగా 15% సెస్‌ అమల్లోఉండగా.. ఇవి తగ్గాల్సిన అవసరం ఉందని కెనిచి అయుకవా అన్నారు. జీఎస్‌టీ తగ్గడం వల్ల పరిశ్రమ మరింత వేగంగా అభివృద్ధి చెందుతుందని అభిప్రాయపడ్డారు. 

న్యూఢిల్లీ: వచ్చే ఆర్థిక సంవత్సరంలో రెండు సరికొత్త మోడళ్లను భారత మార్కెట్‌లోకి విడుదల చేయనున్నట్లు మారుతి సుజుకి ఇండియా (ఎంఎస్‌ఐ) ప్రకటించింది. 2019–20 ఆర్థిక సంవత్సరంలో 2 సరికొత్త ఉత్పత్తులను అందించనున్నట్లు సంస్థ చైర్మన్‌ ఆర్‌సి భార్గవ వెల్లడించారు. ఈ ఏడాది మార్చిలోపు ఒక మోడల్‌ను భారత మార్కెట్‌లో ప్రవేశపెట్టనున్నట్లు చెప్పారయన. ఈ అంశంపై మాట్లాడుతూ.. ‘నూతన భద్రతా నిబంధనలకు అనుగుణంగా నూతన మోడళ్లలో ఎయిర్‌ బ్యాగ్స్, సీట్‌ బెల్ట్‌ రిమైండర్, రివర్స్‌ పార్కింగ్‌ సెన్సార్స్‌ వంటి ఫీచర్లను ఏర్పాటు చేస్తున్నాం. ఈ ఏడాది జూన్‌ నాటికి ఈ ప్రక్రియ పూర్తవుతుంది. ఎన్నికల సమయంలో కార్ల కొనుగోలు అధికంగా ఉంటుందనే విషయం ఇప్పటికే నిరూపితమైంది. ఈ నేపథ్యంలో నూతన మోడళ్లపై దృష్టిసారించాం.’ అని వ్యాఖ్యానించారు. ఈయన ప్రకటన అనంతరం.. ప్రీమియం కార్‌ నెక్సా, మరో సాధారణ మోడల్‌లో నూతన కార్లు విడుదల ఉండవచ్చని పరిశ్రమ వర్గాలు అంచనావేశాయి.   

న్యూఢిల్లీ: దేశీ ప్యాసింజర్‌ వాహన (పీవీ) అమ్మకాల్లో మారుతీ సుజుకీ ఇండియా (ఎంఎస్‌ఐ) టాప్‌ గేర్‌లో దూసుకుపోతోంది. పీవీ విభాగంలో మార్కెట్‌ లీడర్‌గా కొనసాగుతున్న ఈ సంస్థ.. సెప్టెంబరు అమ్మకాల్లో మరో రికార్డును సొంతం చేసుకుంది. సొసైటీ ఆఫ్‌ ఇండియన్‌ ఆటోమొబైల్‌ మాన్యుఫాక్చరర్స్‌ (సియామ్‌) వెల్లడించిన తాజా గణాంకాల ప్రకారం.. గత నెల పీవీ విక్రయాల టాప్‌ 10 జాబితాలో ఏకంగా 7 వాహనాలు ఈ కంపెనీకి చెందినవే ఉన్నట్లు వెల్లడైంది. ప్రీమియం హచ్‌బ్యాక్‌ స్విఫ్ట్‌ అమ్మకాలు 22,228 యూనిట్లు కాగా, సెప్టెంబర్‌లో అత్యధికంగా అమ్ముడైన పీవీలలో ఈ కారు నెంబర్‌ వన్‌ స్థానాన్ని సొంతంచేసుకుంది. గతేడాది విక్రయాలు 13,193 యూనిట్లుగా నమోదైయ్యాయి. ఆ తరువాత స్థానంలో నిలిచిన హచ్‌బ్యాక్‌ ఆల్టో అమ్మకాలు 21,719 యూనిట్లుగా నమోదుకాగా, అంతకుముందు ఏడాది సేల్స్‌ 23,830 యూనిట్లుగా సియామ్‌ వెల్లడించింది. ఇక మూడవ స్థానంలో నిలిచిన కాంపాక్ట్‌ సెడాన్‌ డిజైర్‌ అమ్మకాలు 21,296 యూనిట్లుగా నమోదయ్యాయి. 18,631 యూనిట్ల విక్రయాలతో బాలెనో 4వ స్థానంలో ఉండగా.. కాంపాక్ట్‌ ఎస్‌యూవీ విటారా బ్రెజ్జా 14,425 యూనిట్లతో 5వ స్థానంలో నిలిచింది. 13,252 యూనిట్ల విక్రయాలతో వాగన్‌ ఆర్‌ 6వ స్థానంలో, 9,208 యూనిట్ల విక్రయాలతో సెలెరియో 10వ స్థానంలో నిలిచాయి. ఏడవ స్థానంలో హ్యుందాయ్‌ కంపెనీకి చెందిన కాంపాక్ట్‌ హచ్‌బ్యాక్‌ గ్రాండ్‌ ఐ20 నిలిచింది. సెప్టెంబర్‌లో 12,380 యూనిట్లు అమ్ముడయ్యాయి. 11,224 యూనిట్లతో గ్రాండ్‌ ఐ10 ఎనిమిదవ స్థానానికి చేరింది. 11,000 యూనిట్ల విక్రయాలతో క్రెటా 9వ స్థానంలో నిలవడం ద్వారా, టాప్‌ 10లో హ్యుందాయ్‌ కార్ల జాబితా మూడుకు చేరింది. 

న్యూఢిల్లీ: మారుతీ సుజుకీ ఇండియా (ఎంఎస్‌ఐ) ఏడాదిన్నర కిందట విడుదల చేసిన డిజైర్‌ అప్‌డేటెడ్‌ వెర్షన్‌ అమ్మకాల్లో మరో మైలురాయిని అధిగమించింది. సరిగ్గా 17 నెలల కిందట మార్కెట్‌లో అందుబాటులోకి వచ్చిన ఈ సబ్‌ కాంపాక్ట్‌ సెడాన్‌ కారు అమ్మకాలు 3 లక్షలు మించినట్లు కంపెనీ ప్రకటించింది. గతేడాది మే నెలలో మూడవ జనరేషన్‌ డిజైర్‌గా మార్కెట్‌లో విడుదలైన ఈ కారు.. అంతకుముందు వెర్షన్‌ కంటే 28 శాతం అధిక అమ్మకాలతో దూసుకుపోతున్నట్లు సంస్థ ఎగ్జిక్యూటివ్‌ డెరైక్టర్‌ (మార్కెటింగ్, సేల్స్‌) ఆర్‌.ఎస్‌. కల్సి చెప్పారు. మొత్తం సేల్స్‌లో 25 శాతం అమ్మకాలు నూతన ఫీచర్లు కలిగిన హైఎండ్‌ కార్లు కాగా.. దాదాపు 20 శాతం అమ్మకాలు ఆటోమేటిక్‌ వేరియంట్‌వి ఉన్నట్లు వెల్లడించారు.

న్యూఢిల్లీ: ఆటోమొబైల్‌ సంస్థలు భవిష్యత్‌ తరం వాహనాలను రూపొందించేందుకు తోడ్పడేలా స్పష్టమైన, స్థిరమైన విధానాలు అవసరమని మారుతీ సుజుకీ ఇండియా ఎండీ కెనిచి అయుకావా తెలిపారు. దిగ్గజ ఆటోమొబైల్‌ సంస్థలు, పరికరాల తయారీ సంస్థలు.. టెక్నాలజీపై భారీ స్థాయిలో పెట్టుబడులు పెట్టాల్సి ఉంటుందని.. ఈ నేపథ్యంలో స్వల్పకాలిక, మధ్య కాలిక, దీర్ఘకాలిక ప్రభుత్వ విధానాలపై స్పష్టత ఉంటే ఉపయోగపడగలదని ఆయన చెప్పారు. భారతీయ ఆటోమొబైల్‌ పరికరాల తయారీ సంస్థల సమాఖ్య (ఏసీఎంఏ) వార్షిక సదస్సులో పాల్గొన్న సందర్భంగా కెనిచి ఈ విషయాలు వివరించారు.  ఇంధన భద్రత లక్ష్యాలను సాధించాలంటే టెక్నాలజీ విషయంలో భారత్‌ తటస్థ విధానాన్ని పాటించాల్సి ఉంటుందని ఆయన పేర్కొన్నారు. ఎలక్ట్రిక్‌ వాహనాలు, హైబ్రీడ్స్, సీఎన్‌జీ, మెథనాల్, ఇథనాల్‌ మొదలైన ఇంధనాలను ఉపయోగించే వాహనాలన్నింటినీ పరిగణనలోకి తీసుకోవాల్సి ఉంటుందన్నారు. కొత్త టెక్నాలజీలను అభివృద్ధి చేసేందుకు, తగిన మౌలికసదుపాయాలను కల్పించేందుకు ప్రభుత్వపరంగా తోడ్పాటు అవసరమని చెప్పారు.    

న్యూఢిల్లీ: ఆటోమొబైల్‌ సంస్థల వాహనాల విక్రయాలు ఆగస్టులో మిశ్రమంగా నమోదయ్యాయి. దేశీయంగా మారుతీ సుజుకీ ఇండియా, హ్యుందాయ్‌ అమ్మకాలు తగ్గగా.. టాటా మోటార్స్, మహీంద్రా అండ్‌ మహీంద్రా వాహనాల విక్రయాలు పెరిగాయి. కేరళలో వరదల పరిస్థితి వాహనాల డిమాండ్‌పై ప్రతికూల ప్రభావం చూపినట్లు మార్కెట్‌ వర్గాలు తెలిపాయి. ఆగస్టులో దేశీయంగా మారుతీ ప్యాసింజర్‌ వాహనాల (పీవీ) 2.8 శాతం క్షీణించి 1,52,000 నుంచి  1,47,700 యూనిట్లకు తగ్గాయి.  అటు హ్యుందాయ్‌ మోటార్‌ ఇండియా అమ్మకాలు కూడా దాదాపు 2.8% 47,103 యూనిట్లకు క్షీణించాయి. గతేడాది ఆగస్టులో హ్యుందాయ్‌ 45,801 కార్లను విక్రయించింది.  టాటా మోటార్స్‌ వాహనాల అమ్మకాలు మాత్రం 28 శాతం పెరిగి 14,340 యూనిట్ల నుంచి 18,420 యూనిట్లకు, మహీంద్రా అండ్‌ మహీంద్రా ఎంఅండ్‌ఎం విక్రయాలు 15 శాతం వృద్ధితో 39,615 నుంచి  45,373 యూనిట్లకు చేరాయి.  ఫోర్డ్‌ ఇండియా అమ్మకాలు 7,777 యూనిట్ల నుంచి 8,042 పెరగ్గా, హోండా కార్స్‌ ఇండియా ఆగస్టులో 17,020 కార్లను విక్రయించింది. ద్విచక్ర వాహనాల విభాగంలో టీవీఎస్‌ మోటార్‌ కంపెనీ దేశీయ అమ్మకాలు 2 శాతం వృద్ధితో 2,70,544 నుంచి 2,75,688కి చేరాయి.   హీరో మోటోకార్ప్‌ విక్రయాలు 0.92 శాతం పెరిగాయి. మొత్తం 6,85,047 మోటార్‌సైకిళ్లు, స్కూటర్లు విక్రయించింది. గతేడాది ఆగస్టులో సంస్థ మొత్తం 6,78,797 యూనిట్లు విక్రయించింది. అశోక్‌లేలాండ్‌ అమ్మకాలు 27 % అప్‌ హిందూజా గ్రూపునకు చెందిన ఫ్లాగ్‌షిప్‌ కంపెనీ అశోక్‌ లేలాండ్‌ వాహన అమ్మకాలు 27% పెరిగాయి. ఆగస్టులో 17,386 యూనిట్ల అమ్మకాలు నమోదైనట్లు కంపెనీ వెల్లడించింది. అంతకుముందు ఏడాది ఇదే నెలలో 13,637 యూనిట్లను విక్రయించి ంది. మధ్య, భారీ వాణిజ్య వాహనాల విభాగంలో 24 శాతం వృద్ధిరేటును సాధించింది. 

న్యూఢిల్లీ: నడిరోడ్డుపైన ఒక్కసారిగా కారు ఆగిపోతే కలిగే అసౌకర్యాన్ని తమ కస్టమర్ల దరిచేరనివ్వకుండా చూడాలని మారుతీ సుజుకీ ఇండియా లిమిటెడ్‌ (ఎంఎస్‌ఐఎల్‌) భావిస్తోంది. ఇందుకోసం కారు ఎక్కడ ఆగిపోయినా వెంటనే వాలిపోయే తక్షణ సహాయ బృందాలను శుక్రవారం ప్రారంభించింది. క్విక్‌ రెస్పాన్స్‌ టీం (క్యూఆర్‌టీ) పేరిట ఇక నుంచి ద్విచక్ర వాహనాలపై తమ బృందాలు సేవలందిస్తాయని కంపెనీ ప్రకటించింది. మొదటి దశలో దేశవ్యాప్తంగా మొత్తం 250 నగరాలలో 350 బైక్‌ల ద్వారా శీఘ్ర సేవలను ప్రారంభించినట్లు సంస్థ మేనేజింగ్‌ డైరెక్టర్, సీఈఓ కెనిచి అయుకవా ప్రకటించారు. 2020 నాటికి ఈ సేవలను 500 నగరాల్లో అందించాలని లక్ష్యంగా పెట్టుకున్నట్లు తెలిపారు. వారంటీ లేని వాహనాలకు రూ.450–రూ.575 వరకు విజిటింగ్‌ చార్జీ వసూలు చేస్తున్నట్లు కంపెనీ వివరించింది. రహదారిపై సహాయం కోసం సగటున నెలకు 10,000 కాల్స్‌ వస్తున్నట్లు ఎంఎస్‌ఐఎల్‌ ఎగ్జిక్యూటివ్‌ డైరెక్టర్‌ (సర్వీస్‌) పార్థో బెనర్జీ తెలిపారు. 

న్యూఢిల్లీ: గత నెలలో అత్యధికంగా అమ్ముడైన ప్యాసింజర్‌ వాహనంగా దేశీ ఆటోమొబైల్‌ దిగ్గజం మారుతీ సుజుకీ ఇండియా  కాంపాక్ట్‌ సెడాన్‌ కారు డిజైర్‌ అగ్రస్థానంలో నిల్చింది. ఈ క్రమంలో మారుతీకే చెందిన ఎంట్రీ లెవెల్‌ చిన్న కారు ఆల్టోను అధిగమించింది. సియామ్‌ గణాంకాల ప్రకారం జులైలో డిజైర్‌ అమ్మకాలు 25,647గా ఉన్నాయి. గతేడాది ఇదే నెలలో డిజైర్‌ విక్రయాలు 14,703 కాగా, అప్పట్లో అయిదో బెస్ట్‌ సెల్లింగ్‌ మోడల్‌గా నిల్చింది. మరోవైపు, గత జూలైలో 26,009 విక్రయాలతో నంబర్‌వన్‌ స్థానంలో నిల్చిన ఆల్టో అమ్మకాలు తాజాగా 23,371కు తగ్గడంతో రెండో స్థానానికి పరిమితమైంది. ఇక మారుతీకే చెందిన స్విఫ్ట్‌ మూడో బెస్ట్‌ సెల్లింగ్‌ మోడల్‌గా నిల్చింది. విక్రయాలు 13,738 యూనిట్ల నుంచి 19,993 యూనిట్లకు పెరిగాయి. అటు 17,960 యూనిట్లతో బాలెనో నాలుగో స్థానంలో, వాగన్‌ఆర్‌ అయిదో స్థానంలో (14,339 వాహనాలు), ఎస్‌యూవీ విటారా బ్రెజా ఆరో స్థానంలో (14,181 యూనిట్లు) ఉన్నాయి. ఇక హ్యుందాయ్‌ మోటార్‌ ఇండియా  మూడు మోడల్స్‌తో రెండో స్థానంలో ఉంది. ఎలీట్‌ఐ20 మోడల్‌ (10,822 యూనిట్లు), గ్రాండ్‌ఐ10 (10,775 యూనిట్లు), ఎస్‌యూవీ క్రెటా (10,423 కార్లు) వరుసగా 7,8,9 స్థానాల్లో ఉన్నాయి. కొత్త కాంపాక్ట్‌ సెడాన్‌ కారు అమేజ్‌తో హోండా కార్స్‌ ఇండియా తొలిసారిగా టాప్‌ 10 జాబితాలో చోటు దక్కించుకుంది.

ముంబై: ప్రముఖ వాహన తయారీ సంస్థ మారుతీ సుజుకీ ఇండియా నుంచి మిడ్‌ సైజ్‌ సెడాన్‌ సియాజ్‌ అధునాతన వెర్షన్‌ సోమవారం విడుదలైంది. 1.5 లీటర్ల కే15 పెట్రోల్‌ ఇంజిన్‌ కలిగిన ఈకారు.. లిథియం–అయాన్‌ బ్యాటరీ ఉన్నటువంటి నూతన తరం హైబ్రిడ్‌ టెక్నాలజీతో రూపొందిందని సంస్థ తెలియజేసింది. ఇంతకుముందు వెర్షన్‌లో 1.4 లీటర్ల పెట్రోల్‌ ఇంజిన్‌ ఉండగా.. తాజా వెర్షన్‌లో ఇంజిన్‌ సైజ్‌ ఇంకాస్త పెరిగింది. అధునాతన, హరిత సాంకేతికతకు తమ కంపెనీ ప్రాధాన్యమిస్తోందని వెల్లడించిన సుజుకీ ఇండియా ఎండీ, సీఈఓ కెనిచీ అయుకవా.. ఇందుకు అనుగుణంగానే నూతన సియాజ్‌ వెర్షన్‌ను రూపొందించినట్లు చెప్పారు. ‘కస్టమర్ల అభిలాషకు తగిన విధంగా ఉన్నటువంటి ఈ కారు మాన్యువల్, ఆటోమేటిక్‌ వేరియంట్లలో లభిస్తోంది. మాన్యువల్‌ వేరియంట్‌ ధరల శ్రేణి రూ.8.19 లక్షలు – రూ.9.97 లక్షలు కాగా, ఆటోమేటిక్‌ వేరియంట్‌ రూ.9.8 లక్షలు– రూ.10.97 లక్షలుగా ఉంది. లీటరుకు 21.56 కిలో మీటర్ల మైలేజ్‌ వస్తుంది.’ అని చెప్పారాయన.   రూ.160 కోట్ల పెట్టుబడి: నూతన పెట్రోల్‌ ఇంజిన్, సంబంధిత టెక్నాలజీ అభివృద్ధి కోసం కంపెనీ రూ.160 కోట్ల పెట్టుబడి పెట్టినట్లు సీనియర్‌ ఎగ్జిక్యూటివ్‌ డైరెక్టర్‌ (మార్కెటింగ్‌ అండ్‌ సేల్స్‌) ఆర్‌ ఎస్‌ కల్సి వెల్లడించారు. 2014లో విడుదలైన తొలి సియాజ్‌ ఇప్పటివరకు 2,20,000 యూనిట్లు అమ్ముడైనట్లు తెలిపారు. డీజిల్‌ వేరియంట్‌ కొనసాగుతుంది 1.3 లీటర్ల డీజిల్‌ ఇంజిన్‌ కలిగిన ఇంతకుముందు వెర్షన్‌ ఇకమీదట కూడా కొనసాగుతుందని మారుతీ సుజుకీ వెల్లడించింది. ఈ వేరియంట్‌ ధర రూ.9.19 లక్షలు– రూ.10.97 లక్షలుగా ఉన్నట్లు తెలిపింది.

న్యూఢిల్లీ: పెరిగిన ముడివస్తువుల ధరల భారాన్ని తగ్గించుకునే దిశగా దేశీ ఆటోమొబైల్‌ దిగ్గజం మారుతీ సుజుకీ ఇండియా తమ కార్ల రేట్లను పెంచింది. వివిధ మోడల్స్‌పై రూ. 6,100 దాకా (ఎక్స్‌ షోరూం ఢిల్లీ) ధరలను పెంచినట్లు, ఇది గురువారం నుంచే అమల్లోకి వచ్చినట్లు కంపెనీ తెలిపింది. పెరిగిన కమోడిటీల రేట్లు, పంపిణీ వ్యయాలు, విదేశీ మారకం రేట్లపరంగా ప్రతికూల పరిస్థితులు మొదలైన సవాళ్లను కొంత అధిగమించేందుకు ఈ నిర్ణయం తీసుకున్నట్లు పేర్కొంది. ఎంట్రీ లెవెల్‌ ఆల్టో 800 నుంచి మధ్య స్థాయి సెడాన్‌ సియాజ్‌తో పాటు మారుతీ సుజుకీ వివిధ మోడల్స్‌ను విక్రయిస్తోంది. వీటి ధరలు రూ. 2.51 లక్షల నుంచి రూ. 11.51 లక్షల దాకా (పెంపునకు ముందు) ఉన్నాయి. మరోవైపు, సెప్టెంబర్‌ నుంచి వాహనాల రేట్లను 4 శాతం దాకా పెంచనున్నట్లు లగ్జరీ కార్ల తయారీ సంస్థ మెర్సిడెస్‌ బెంజ్‌ వెల్లడించింది. పెరిగిపోతున్న ముడివస్తువుల ధరలు, విదేశీ మారకంపరమైన ఒడిదుడుకులు ఇందుకు కారణమని పేర్కొంది. మోడల్‌ను బట్టి సెప్టెంబర్‌ 1 నుంచి రేట్లు 4 శాతం దాకా పెరుగుతాయని మెర్సిడెస్‌ బెంజ్‌ ఇండియా ఎండీ రోలాండ్‌ ఫోల్గర్‌ తెలిపారు. సెడాన్‌ కార్ల నుంచి ఎస్‌యూవీల దాకా సుమారు రూ.27.86 లక్షల నుంచి రూ. 1.94 కోట్ల శ్రేణిలో మెర్సిడెస్‌ బెంజ్‌ కార్ల ధరలు ఉన్నాయి. మహీంద్రా అండ్‌ మహీంద్రా, టాటా మోటార్స్, హోండా కార్స్‌ ఇండియా మొదలైన కంపెనీలు కూడా రేట్లు ఈ నెలలోనే పెంచనున్నట్లు ప్రకటించిన సంగతి తెలిసిందే.

సాక్షి, న్యూఢిల్లీ: ఆటోదిగ్గజం మారుతి సుజుకి దేశంలో భారీ ఎత్తున కార్లను రీకాల్‌ చేస్తోంది. ఎయిర్‌ బాగ్స్‌లో లోపాల కారణంగా  కొత్త జనరేషన్‌ స్విఫ్ట్‌, డిజైర్‌ కార్లను వెనక్కి తీసుకుంటోంది.   ఈ మేరకు మారుతి ఒక  ప్రకటన విడుదల చేసింది. మే 7నుంచి జులై 5, 2018 మధ్య ఉత్పత్తి అయిన  మొత్తం 1279 కార్లను పరీక్షిస్తున్నట్టు తెలిపింది. 2018, జులై 25నుంచి  ఈ రీకాల్‌  ప్రారంభమవుతుందని ప్రకటించాంది. మారుతి సుజుకి దేశంలో కొత్త తరం స్విఫ్ట్ ,  డిజైర్ మోడళ్ల కార్లలో లోపాలను  తనిఖీ చేయడానికి ఈ  రీకాల్  చేపట్టినట్టు కంపెనీ తెలిపింది.  566 స్విఫ్ట్ , 713 డిజైర్ కార్లను వెనక్కి  తీసుకుంటోంది.  సంబంధిత వాహన యజమానులను మారుతి సుజుకి డీలర్లు  సంప్రదించనున్నారని తెలిపింది.  వారికి ఉచితంగా  ఆయా భాగాలను ఉచితంగా   అందిస్తామని వెల్లడించింది.  అలాగే అధికారిక మారుతి సుజుకి వెబ్‌సైట్‌లో చెక్‌ చేసుకోవాలని కార్ల యజమానులను కంపెనీ కోరింది.

న్యూఢిల్లీ: మారుతీ సుజుకీ ఇండియా లిమిటెడ్‌ (ఎంఎస్‌ఐఎల్‌) సరికొత్త మైలురాయిని అధిగమించింది. గురుగ్రామ్, మానెసర్‌ ప్లాంట్ల నుంచి ఉత్పత్తి అయిన వాహనాల సంఖ్య 2 కోట్లకు చేరుకున్నట్లు కంపెనీ ప్రకటించింది.1983 నుంచి ఉత్పత్తిని కొనసాగిస్తున్న ఈ సంస్థ 34 ఏళ్ల 6 నెలలకాలంలో ఈ ఘనతను సాధించినట్లు తెలిపింది. ఇంతటి రికార్డును సాధించిన తొలి దేశీయ కంపెనీగా చరిత్ర సృష్టించినట్లు సంస్థ మేనేజింగ్‌ డైరెక్టర్‌ – సీఈఓ కెనిచి అయుకవా వెల్లడించారు. ప్రస్తుతం 16 మోడ    ల్‌ కార్లను కంపెనీ ఉత్పత్తి చేస్తోంది. ప్రపంచవ్యాప్తం గా 100 దేశాలకు ఎగుమతులు కొనసాగిస్తోంది.

న్యూఢిల్లీ: సుజుకీ మోటార్‌ కంపెనీ తన వాహనాల్లో లిథియమ్‌–అయాన్‌ బ్యాటరీలను అమర్చాలని భావిస్తోంది. మరీ ముఖ్యంగా తన భారత్‌ విభాగమైన మారుతీ సుజుకీ ఇండియా విక్రయించే ప్రీమియం కార్లలో వీటిని అమర్చాలని చూస్తోంది. హ్యాచ్‌బ్యాక్‌ కారు స్విఫ్ట్, దీని కన్నా ఖరీదైన మోడళ్లలో సాంప్రదాయిక లెడ్‌ బ్యాటరీల స్థానంలో దీర్ఘకాలం పనిచేసే లిథియమ్‌–అయాన్‌ బ్యాటరీలను తీసుకురావడానికి కంపెనీ ప్రయత్నిస్తోందని విశ్వసనీయ వర్గాలు తెలిపాయి. లిథియమ్‌–అయాన్‌ బ్యాటరీల వల్ల వ్యయం తగ్గుతుందని కంపెనీ అంచనా వేస్తున్నట్లు పేర్కొన్నాయి. కాగా తొషిబా, డెన్సో కంపెనీల భాగస్వామ్యంతో సుజుకీ రూ.1,152 కోట్లతో గుజరాత్‌లో బ్యాటరీ తయారీ ప్లాంటు ఏర్పాటు చేస్తోన్న విషయం తెలిసిందే. ఇందులో తయారయ్యే బ్యాటరీలను కేవలం కార్లలోనే కాకుండా సుజుకీ మోటార్‌ మార్కెట్‌లోకి తీసుకురానున్న ఎలక్ట్రిక్‌ టూవీలర్లలోనూ ఉపయోగిస్తారు. కంపెనీ 2020 కల్లా ఎలక్ట్రిక్‌ టూవీలర్‌ను తీసుకురావాలని లక్ష్యంగా నిర్దేశించుకుంది.

న్యూఢిల్లీ: దిగ్గజ కార్ల తయారీ కంపెనీ ‘మారుతీ సుజుకీ ఇండియా’.. దేశీ ప్యాసింజర్‌ వాహన విభాగంలో తన ఆధిపత్యాన్ని కొనసాగిస్తోంది. ప్రస్తుత ఆర్థిక సంవత్సరపు తొలి త్రైమాసికంలో (ఏప్రిల్‌–జూన్‌) 52.54 శాతం వాటాతో అగ్రస్థానాన్ని కైవసం చేసుకుంది. టాటా మోటార్స్‌ మార్కెట్‌ వాటా పరంగా హోండా కార్స్‌ను వెనక్కునెట్టి నాల్గో స్థానాన్ని దక్కించుకుంది. ఆటోమొబైల్‌ మ్యానుఫ్యాక్చరర్స్‌ సమాఖ్య (సియామ్‌) ప్రకారం.. ఏప్రిల్‌– జూన్‌ మధ్యకాలంలో మొత్తం దేశీ ప్యాసింజర్‌ వాహన అమ్మకాలు 19.91 శాతం వృద్ధితో 7,28,483 యూనిట్ల నుంచి 8,73,501 యూనిట్లకు పెరిగాయి. మారుతీ విక్రయాలు 24.93 శాతం వృద్ధితో 4,58,967 యూనిట్లకు ఎగశాయి. మార్కెట్‌ వాటా 50.43 శాతం నుంచి 52.54 శాతానికి చేరింది. దీంతో ఇది అగ్రస్థానంలో నిలిచింది. హ్యుందాయ్‌ మోటార్‌ ఇండియా అమ్మకాలు 10.28 శాతం వృద్ధితో 1,37,114 యూనిట్లకు పెరిగినా.. మార్కెట్‌ వాటా మాత్రం 17 శాతం నుంచి 15.69 శాతానికి తగ్గింది. దీంతో ఇది రెండో స్థానంలోనే ఉంది. మహీంద్రా అండ్‌ మహీంద్రా అమ్మకాలు 60,539 యూనిట్లుగా నమోదయ్యాయి. విక్రయాల్లో 8.52 శాతం వృద్ధి కనిపించినా.. మార్కెట్‌ వాటా మాత్రం 7.65 శాతం నుంచి 6.93 శాతానికి క్షీణించింది. దీంతో ఇది మూడో స్థానంలో నిలిచింది. టాటా మోటార్స్‌ విక్రయాల్లో ఏకంగా 48.5 శాతం వృద్ధి నమోదయ్యింది. అమ్మకాలు 39,708 యూనిట్ల నుంచి 58,969 యూనిట్లకు పెరిగాయి. సంస్థ మార్కెట్‌ వాటా 5.45 శాతం నుంచి 6.75 శాతానికి ఎగసింది.

న్యూఢిల్లీ: కొత్త ఆర్థిక సంవత్సరం వాహన పరిశ్రమకు శుభారంభాన్నిచ్చింది. ఆటోమొబైల్‌ కంపెనీలు వాటి ఏప్రిల్‌ నెల విక్రయాల్లో మంచి వృద్ధిని నమోదుచేశాయి. మారుతీ సుజుకీ, మహీంద్రా అండ్‌ మహీంద్రా, టాటా మోటార్స్‌ ఏకంగా రెండంకెల వృద్ధి సాధించాయి. హ్యుందాయ్‌ అమ్మకాల్లో ఒక అంకె వృద్ధి నమోదు కాగా... ఫోర్డ్‌ ఇండియా విక్రయాల్లో మాత్రం క్షీణత కనిపించింది.   ♦  దిగ్గజ కార్ల తయారీ కంపెనీ మారుతీ సుజుకీ ఇండియా (ఎంఎస్‌ఐ) దేశీ వాహన అమ్మకాలు ఏప్రిల్‌ నెలలో 1,64,978 యూనిట్లు. గతేడాది ఇదే నెలలోని 1,44,492 యూనిట్ల విక్రయాలతో పోలిస్తే 14.2 శాతం వృద్ధి నమోదయ్యింది. కాంపాక్ట్‌ విభాగం కార్ల బలమైన అమ్మకాలు దీనికి ప్రధాన కారణంగా నిలిచింది. ♦  మహీంద్రా అండ్‌ మహీంద్రా (ఎంఅండ్‌ఎం) దేశీ వాహన విక్రయాలు ఏప్రిల్‌లో 19.34 శాతం వృద్ధితో 37,889 యూనిట్ల నుంచి 45,217 యూనిట్లకు ఎగశాయి. ‘2017–18 ఆర్థిక సంవత్సరంలో మంచి వృద్ధిని సాధించాం. ఇప్పుడు 2018–19 ఆర్థిక సంవత్సరాన్ని కూడా బలమైన విక్రయాలతో ప్రారంభించాం. అటు ప్యాసింజర్, ఇటు కమర్షియల్‌ రెండు వాహన విభాగాల్లోనూ అమ్మకాలు బాగున్నాయి’ అని ఎంఅండ్‌ఎం ప్రెసిడెంట్‌ (ఆటోమోటివ్‌ విభాగం) రాజన్‌ వదేరా తెలిపారు. ♦ టాటా మోటార్స్‌ దేశీ వాహన విక్రయాలు ఏకంగా 86 శాతం పెరిగాయి. ఇవి 28,844 యూనిట్ల నుంచి 53,511 యూనిట్లకు ఎగశాయి. అలాగే కంపెనీ ప్యాసింజర్‌ వాహన అమ్మకాలు 34 శాతం పెరిగాయి. ఇవి 12,827 యూనిట్ల నుంచి 17,235 యూనిట్లకు చేరాయి. మార్కెట్‌లో సవాళ్లున్నప్పటికీ టియాగో, టిగోర్, నెక్సాన్, హెక్సా వంటి మోడళ్లకున్న బలమైన డిమాండ్‌ కారణంగా ఏప్రిల్‌లో ఈ అమ్మకాలు సాధించగలిగామని టాటా మోటార్స్‌ ప్రెసిడెంట్‌ (ప్యాసింజర్‌ వెహికల్స్‌ బిజినెస్‌ యూనిట్‌) మయాంక్‌ పరీఖ్‌ తెలిపారు. ♦  హ్యుందాయ్‌ మోటార్‌ ఇండియా దేశీ వాహన విక్రయాల్లో 4.4 శాతం వృద్ధి నమోదయ్యింది. ఇవి 44,758 యూనిట్ల నుంచి 46,735 యూనిట్లకు పెరిగాయి. ♦  ఫోర్డ్‌ ఇండియా దేశీ వాహన అమ్మకాలు మాత్రం 2.49 శాతం క్షీణతతో 7,618 యూనిట్ల నుంచి 7,428 యూనిట్లకు తగ్గాయి. ♦  టూవీలర్ల విభాగంలో టీవీఎస్‌ మోటార్‌ తన మొత్తం వాహన అమ్మకాల్లో 24 శాతం వృద్ధిని ప్రకటించింది. ఇవి 3,04,795 యూనిట్లుగా ఉన్నాయి. ఇక కంపెనీ దేశీ టూవీలర్ల విక్రయాలు 17.6 శాతం వృద్ధితో 2,05,522 యూనిట్ల నుంచి 2,41,604 యూనిట్లకు చేరాయి.

న్యూఢిల్లీ: మారుతీ సుజుకీ ఇండియా, మహీంద్రా అండ్‌ మహీంద్రా, టాటా మోటార్స్‌ వంటి కంపెనీలు వాటి ఫిబ్రవరి నెల దేశీ విక్రయాల్లో రెండంకెల వృద్ధిని ప్రకటించాయి. బజాజ్‌ ఆటో, రాయల్‌ ఎన్‌ఫీల్డ్, టీవీఎస్‌ మోటార్, హీరో మోటొకార్ప్‌ వంటి టూవీలర్‌ కంపెనీల వాహన అమ్మకాల్లోనూ బలమైన వృద్ధి కనిపించింది.  ►మారుతీ దేశీ వాహన అమ్మకాలు 14.2 శాతం వృద్ధితో 1,37,900 యూనిట్లకు పెరిగాయి. ఇక కంపెనీ మొత్తం వాహన అమ్మకాలు 15 శాతం వృద్ధితో 1,30,280 యూనిట్ల నుంచి 1,49,824 యూనిట్లకు చేరాయి. ​​​​​​​►మహీంద్రా అండ్‌ మహీంద్రా దేశీ విక్రయాలు 20 శాతం పెరుగుదలతో 40,526 యూనిట్ల నుంచి 48,473 యూనిట్లకు చేరాయి.   ​​​​​​​►వాణిజ్య, ప్యాసింజర్‌ వాహన విభాగాల్లోని బలమైన విక్రయాల కారణంగా టాటా మోటార్స్‌ దేశీ అమ్మకాలు 38 శాతం వృద్ధి చెందాయి. ఇవి 58,993 యూనిట్లుగా నమోదయ్యాయి. టియాగో, టిగోర్, నెక్సాన్, హెక్జా వంటి కొత్త ప్రొడక్టుల డిమాండ్‌ వల్ల 45 శాతం వృద్ధిని సాధించామని టాటా మోటార్స్‌ ప్రెసిడెంట్‌ (ప్యాసింజర్‌ వెహికల్స్‌ విభాగం) మయాంక్‌ పరీఖ్‌ తెలిపారు. టాటా మోటార్స్‌ ప్యాసింజర్‌ వాహన అమ్మకాలు 45 శాతం వృద్ధితో 12,272 యూనిట్ల నుంచి 17,771 యూనిట్లకు పెరిగాయి.   ​​​​​​​►ఫోర్డ్‌ ఇండియా మొత్తం విక్రయాలు స్వల్పంగా తగ్గి 23,965 యూనిట్లకు పరిమితం అయ్యాయి. అయితే దేశీ విక్రయాలు మాత్రం 8.43 శాతం వృద్ధితో 8,338 యూనిట్ల నుంచి 9,041 యూనిట్లకు పెరిగాయి.  ​​​​​​​►టయోటా కిర్లోస్కర్‌ మోటార్‌ దేశీ అమ్మకాలు 3 శాతం పెరిగాయి. ఇవి 11,864 యూనిట్లుగా నమోదయ్యాయి.   వాణిజ్య వాహన విక్రయాల జోరు  వాణిజ్య వాహన విక్రయాలకు వస్తే.. హిందూజా గ్రూప్‌ అశోక లేలాండ్‌ మొత్తం విక్రయాలు 29 శాతం పెరిగాయి. ఇవి 18,181 యూనిట్లుగా నమోదయ్యాయి. అలాగే మహీంద్రా వాణిజ్య వాహన అమ్మకాలు 28 శాతం వృద్ధితో 16,383 యూనిట్ల నుంచి 20,946 యూనిట్లకు పెరిగాయి. ‘స్థిరమైన డిమాండ్‌ కారణంగా అటు పర్సనల్, ఇటు కమర్షియల్‌ రెండు వాహన విభాగాల్లోనూ మంచి విక్రయాలను సాధించగలిగాం. ఇదే ట్రెండ్‌ మార్చిలోనూ కొనసాగుతుందని అంచనా వేస్తున్నాం’ అని మహీంద్రా అండ్‌ మహీంద్రా ప్రెసిడెంట్‌ (ఆటోమోటివ్‌ విభాగం) రాజన్‌ వడేరా తెలిపారు. టాటా మోటార్స్‌ దేశీ వాణిజ్య వాహన విక్రయాలు 36 % వృద్ధితో 30,407 యూనిట్ల నుంచి 41,222 యూనిట్లకు పెరిగాయి.     టూవీలర్‌ రయ్‌..రయ్‌..  టూవీలర్‌ వాహన విభాగంలోనూ బలమైన వృద్ధి నమోదయ్యింది. బజాజ్‌ ఆటో మొత్తం విక్రయాలు 31 శాతం వృద్ధితో 2,73,513 యూనిట్ల నుంచి 3,57,883 యూనిట్లకు పెరిగాయి. దేశీ అమ్మకాలు 35 శాతం వృద్ధి చెందాయి. ఇవి 1,59,109 యూనిట్ల నుంచి 2,14,023 యూనిట్లకు పెరిగాయి. ఐషర్‌ మోటార్స్‌కు చెందిన టూవీలర్‌ విభాగం రాయల్‌ ఎన్‌ఫీల్డ్‌ మొత్తం విక్రయాలు 25 శాతం వృద్ధితో 73,077 యూనిట్లకు చేరాయి. గతేడాది ఇదే నెలలో కంపెనీ 58,439 యూనిట్లను విక్రయించింది.  రెనో డస్టర్‌ ధర తగ్గింది..  ప్రముఖ వాహన తయారీ కంపెనీ ‘రెనో ఇండియా’ తాజాగా తన ఎస్‌యూవీ ‘డస్టర్‌’ ధరను తగ్గించింది. ధర తగ్గింపు రూ.29,746– రూ.1,00,761 శ్రేణిలో ఉంటుందని, ఈ నిర్ణయం తక్షణం అమల్లోకి వస్తుందని కంపెనీ తెలిపింది. దీంతో ఇప్పుడు డస్టర్‌ పెట్రోల్‌ వేరియంట్‌ ధర రూ.7.95 లక్షలు నుంచి ప్రారంభమౌతోంది. ఇక దీని గరిష్ట ధర రూ.9.95 లక్షలుగా ఉంది. కాగా ఇదివరకు పెట్రోల్‌ వేరియంట్‌ ధర శ్రేణి రూ.8.5 లక్షలు– రూ.10.24 లక్షలుగా ఉంది. డీజిల్‌ వేరియంట్‌ విషయానికి వస్తే.. దీని ప్రస్తుత ధర రూ.8.95 లక్షలు– 12.79 లక్షల మధ్యలో ఉంది. ఇదివరకు ఈ వేరియంట్‌ ధర శ్రేణి రూ.9.45 లక్షలు–13.79 లక్షలుగా ఉంది. అన్ని ధరలు ఎక్స్‌షోరూమ్‌వి. 

న్యూఢిల్లీ: దేశీ ప్యాసింజర్‌ వాహన విక్రయాలు డిసెంబర్‌లో మిశ్రమంగా నమోదయ్యాయి. దిగ్గజ కార్ల తయారీ కంపెనీ మారుతీ సుజుకీ ఇండియా (ఎంఎస్‌ఐ) సహా హోండా కార్స్‌ ఇండియా (హెచ్‌సీఐఎల్‌) వాహన అమ్మకాల్లో బలమైన వృద్ధి కనిపించింది. ఇవి రెండంకెల వృద్ధితో 2017కి బై బై చెప్పాయి. మరొకవైపు హ్యుందాయ్‌ మోటార్‌ ఇండియా వాహన విక్రయాల్లో స్వల్ప వృద్ధి నమోదు కాగా, మహీంద్రా(ఎంఅండ్‌ ఎం) ప్యాసింజర్‌ అమ్మకాల్లో క్షీణత కనిపించింది. మారుతీ దేశీ విక్రయాలు 12.1% వృద్ధితో 1,06,414 యూనిట్ల నుంచి 1,19,286 యూనిట్లకు ఎగశాయి. స్విఫ్ట్, డిజైర్, బాలెనో వంటి కార్లకు అధిక డిమాండ్‌ దీనికి కారణం.  హెచ్‌సీఐఎల్‌ దేశీ అమ్మకాలు  26% మేర పెరిగాయి. 10,071 యూనిట్ల నుంచి 12,642 యూనిట్లకు చేరాయి. హ్యుందాయ్‌ మోటార్‌ ఇండియా దేశీ అమ్మకాలు 40,057 యూనిట్ల నుంచి 40,158 యూనిట్లకు స్వల్పంగా పెరిగాయి. ఏడాది మొత్తంగా చూస్తే కంపెనీ దేశీ విక్రయాల్లో 5.4 శాతం వృద్ధి నమోదయ్యింది. ఇవి 5,00,539 యూనిట్ల నుంచి 5,27,320 యూనిట్లకు ఎగశాయి. స్కార్పియో, ఎక్స్‌యూవీ 500, బొలెరో, వెరిటో, జైలో సహా మహీంద్రా ప్యాసింజర్‌ వాహన విక్రయాలు 7% క్షీణించాయి.  16,799 యూనిట్ల నుంచి 15,543 యూనిట్లకు తగ్గాయి. అయితే దేశీ విక్రయాలు 7% వృద్ధితో 34,411 యూనిట్లతో 36,979 యూనిట్లకు పెరిగాయి. కంపెనీ                        దేశీ వాహన విక్రయాలు              వృ/క్షీ                                  2017                 2016     మారుతీ సుజుకీ            1,19,286          1,06,414           12 హోండా కార్స్‌                12,642             10,071           26 హ్యుందాయ్‌                   40,158             40,057          –– మహీంద్రా                      36,979             34,411            7

న్యూఢిల్లీ: దేశీ దిగ్గజ కార్ల తయారీ కంపెనీ ‘మారుతీ సుజుకీ ఇండియా’ వాహన ధరలు పెంచనుంది. జనవరి నుంచి పలు మోడళ్లపై 2 శాతం వరకు ధరల్ని పెంచుతున్నట్లు తెలిపింది. ఉత్పత్తి వ్యయాల పెరుగుదల పెంపునకు ప్రధాన కారణమని పేర్కొంది. కాగా కంపెనీ ఆల్టో 800 నుంచి ఎస్‌–క్రాస్‌ వరకు పలు మోడళ్లను మార్కెట్‌లో విక్రయిస్తోంది. వీటి ధరలు రూ.2.45 లక్షలు నుంచి రూ.11.29 లక్షల శ్రేణిలో ఉన్నాయి. అన్ని ధరలు ఎక్స్‌షోరూమ్‌ ఢిల్లీవి. 

న్యూఢిల్లీ: సినిమాల రీమేక్‌ తెలుసుకదా? పాత సినిమాను మళ్లీ  తీస్తారు. ఇక్కడ కథ దాదాపు మారకపోవచ్చు. కానీ డైరెక్టర్, హీరో, హీరోయిన్, ఇతర నటీనటులు మాత్రం కొత్త వాళ్లుంటారు. అలాగే కొత్త సాంకేతికత అందుబాటులోకి వచ్చింది కనక దాని సాయంతో సినిమాను మంచి క్వాలిటీతో తీస్తారు. పాత సినిమా అందరికీ తెలిసే ఉంటుంది. అప్పుడు దాన్ని మళ్లీ తీస్తున్నారనే వార్త వస్తే అది వెంటనే ఆడియన్స్‌కు  చేరిపోతుంది. హైప్‌ క్రియేట్‌ అవుతుంది. ఇదంతా ఎందుకంటే... ఇటీవల కాలంలో వాహన తయారీ కంపెనీలూ ఇదే విధానాన్ని అనుసరిస్తున్నాయి. పాత బ్రాండ్ల వెంటపడుతున్నాయి. కొత్త ప్రొడక్టులకు పాత బ్రాండ్‌ పేరు తగిలించి మార్కెట్‌లోకి తీసుకువస్తున్నాయి.   దిగ్గజ వాహన తయారీ కంపెనీ మారుతీ సుజుకీ ఇండియా తన హ్యాచ్‌బ్యాక్‌ కారు ‘బాలెనో’ను మళ్లీ మార్కెట్‌లో లాంచ్‌ చేసింది. హైదరాబాద్‌కు చెందిన మస్తాన్‌వలీ ఈ మధ్యే ఆ కారు కొన్నాడు. అది పాత బ్రాండ్‌ కదా? ఎందుకు కొన్నావు? అని స్నేహితులు అడిగితే.. మెరుగైన నాణ్యతతో, ప్రీమియం ఫీచర్లతో కంపెనీ కారును మార్కెట్‌లోకి తీసుకువచ్చిందని, అందుకే కొన్నానని సమాధానమిచ్చాడు. ఇక్కడ మస్తాన్‌వలీ ఒక్కడే కాదు!! ఆయనలాగా చాలా మంది ఆ బ్రాండ్‌ వాహనాలను కొన్నారు. కంపెనీలు ఇదే అంశంతో వ్యాపారాన్ని వృద్ధి చేసుకోవాలని చూస్తున్నాయి. కొత్త ఫీచర్లతో పాత బ్రాండ్లను మళ్లీ తీసుకువస్తే వాటికి ఆదరణ ఉంటోందని కంపెనీలు భావిస్తున్నాయి. పాత బ్రాండ్లతో ప్రయోజనాలు: ఆటోమొబైల్‌ కంపెనీలకు పాత బ్రాండ్లతో రెండు ప్రధానమైన ప్రయోజనాలున్నాయి. అందులో మొదటిది పబ్లిసిటీ. కొత్త బ్రాండ్‌ను ఆవిష్కరిస్తే.. దాన్ని కస్టమర్లకు చేరువ చేయడానికి చాలా ఖర్చు చేయాల్సి వస్తుంది. పాత బ్రాండ్లకు అవసరం లేదు. రెండోది కాలం. కొత్త మోడల్‌ కస్టమర్లను ఆకర్షించాలంటే కొంత కాలం పడుతుంది. అదే పాత బ్రాండ్లు అయితే అందరికీ తెలిసే ఉంటాయి. మళ్లీ వాటిని మార్కెట్‌లోకి తీసుకువస్తే వెంటనే వినియోగదారులకు కనెక్ట్‌ అవుతాయి.  కొత్తవి క్లిక్‌ అవుతాయా? కంపెనీలకు ఇక్కడ ఇంకో సమస్య ఉంది. సక్సెస్‌ అయితే ఓకే. కాకపోతే!!. దాని గురించి మరచిపోవాలి. అలాగే ఆ బ్రాండ్‌ కంపెనీపై కొంతమేర ప్రతికూల ప్రభావం చూపుతుంది. జఫ్రీస్‌  ఈక్విటీ రీసెర్చ్‌ అండ్‌ స్ట్రాటజీ సర్వే ప్రకారం.. 2014–17 మధ్యకాలంలో టూవీలర్‌ విభాగంలో 26 కొత్త మోడళ్ల ఆవిష్కరణల్లో కేవలం ఒక్కటే విజయవంతమయ్యింది. ఇక ఫోర్‌వీలర్‌ విభాగానికి వస్తే సక్సెస్‌ రేటు 35కి 8గా ఉంది.  భారత్‌లోనూ ఇదే ట్రెండ్‌: పాత బ్రాండ్ల పునరుద్ధరణ అంతర్జాతీయంగా ఎప్పటి నుంచో ఉంది. భారత్‌లో ఇటీవలే ఈ ట్రెండ్‌ మొదయ్యింది. ‘కొన్ని బ్రాండ్లుంటాయి. అవి ప్రస్తుతం మార్కెట్‌లో ఉండకపోవచ్చు. కానీ కస్టమర్లకు బాగా గుర్తుంటాయి. ఇలాంటి వారి కోసం కంపెనీలు పాత బ్రాండ్లను మరిన్ని ప్రత్యేకతలతో మళ్లీ మార్కెట్‌లోకి తీసుకువస్తున్నాయి’ అని డెలాయిట్‌ ఇండియా సీనియర్‌ డైరెక్టర్‌ కుమార్‌ కందస్వామి తెలిపారు. శాంత్రో మళ్లీ వస్తోంది!! హ్యుందాయ్‌ మోటార్‌ ఇండియా తన శాంత్రో బ్రాండ్‌ను మళ్లీ 2018లో మార్కెట్‌లోకి తీసుకురావాలని ప్రయత్నిస్తోంది. దీంతో ఎంట్రీ లెవెల్‌ విభాగంలో జెండా ఎగరవేయాలని కంపెనీ భావిస్తోంది.  రాయల్‌ ఎన్‌ఫీల్డ్‌ కొత్త ఇంటర్‌సెప్టర్‌ రాయల్‌ ఎన్‌ఫీల్డ్‌ కంపెనీ ఇంటర్‌సెప్టర్‌ను మళ్లీ మార్కెట్‌లో ఆవిష్కరించింది. ‘పాపులర్‌ పాత బైక్స్‌ కస్టమర్లపై బాగా ప్రభావం చూపి ఉంటాయి. దాన్ని అందిపుచ్చుకోవడానికి ప్రయత్నిస్తున్నాం. ఇంటర్‌సెప్టర్‌ 1960–70 నాటి బైక్‌. అమెరికన్‌ మార్కెట్‌ను దృష్టిలో ఉంచుకొని దీన్ని రూపొందించారు. మేమిప్పుడు సరికొత్త ఇంటర్‌సెప్టర్‌ను ఆవిష్కరించాం’ అని రాయల్‌ ఎన్‌ఫీల్డ్‌ స్ట్రాటజీ హెడ్‌ మార్క్‌ వెల్స్‌ తెలిపారు.  పాత బ్రాండ్లతో లాభమా? నష్టమా? పాత బ్రాండ్లను తీసుకురావడం వల్ల లాభనష్టాలు రెండూ ఉన్నాయి. పాపులర్‌ అయిన పాత బ్రాండ్లను మళ్లీ తీసుకురావడం గొప్ప విషయం కాదు. బ్రాండ్ల రూపకల్పన, అభివృద్ధికి ఈ చర్య వ్యతిరేకం. ఆటోమొబైల్‌ పరిశ్రమలో బ్రాండ్లు అనేవి ప్రత్యేకమైన శకానికి సంబంధించి ఉంటాయి. గతకాలపు అభిరుచులను గుర్తుకు చేస్తాయి. ‘కంపెనీలు కొత్త బ్రాండ్లు తీసుకువచ్చినా కస్టమర్లు ఆదరిస్తారు. దానికి పలు ఉదాహరణలున్నాయి. వ్యయాల తగ్గుదలను దృష్టిలో ఉంచుకుంటే పాత బ్రాండ్లను పునరుద్ధరించొచ్చు’ అని హరీశ్‌ బిజూర్‌ కన్సల్టెన్స్‌ వ్యవస్థాపకుడు హరీశ్‌ బిజూర్‌ తెలిపారు. ‘కొన్ని మోడళ్ల వల్ల కంపెనీలు వెలుగులోకి వస్తాయి. కొన్ని సందర్భాల్లో బ్రాండ్లు.. కంపెనీ పేరును గుర్తుకు తెస్తాయి. ఇలాంటి బ్రాండ్లను కంపెనీలు పునరుద్ధరిస్తే ఫలితం ఉంటుంది’ అని బ్రాండ్‌ కన్సల్టెన్సీ సంస్థ ఎక్స్‌పీరియల్‌ ఫౌండర్‌ అవీక్‌ చటోపాధ్యాయ్‌ అభిప్రాయపడ్డారు.    


 మే 16న మార్కెట్‌లోకి
 న్యూఢిల్లీ: దిగ్గజ కార్ల తయారీ కంపెనీ ‘మారుతీ సుజుకీ ఇండియా’ తాజాగా తన ప్రముఖ కాంపాక్ట్‌ సెడాన్‌ కారు ‘డిజైర్‌’లో మూడవ జనరేషన్‌ను ఆవిష్కరించింది. ఈ సరికొత్త డిజైర్‌ కార్లు మే 16న మార్కెట్‌లోకి రానున్నవి. వీటి ద్వారా కంపెనీ కాంపాక్ట్‌ సెడాన్‌ విభాగంలో మళ్లీ వృద్ధిని నమోదుచేయాలని లక్ష్యంగా పెట్టుకుంది.
 2015–16 ఆర్థిక సంవత్సరంలో 4,40,735 యూనిట్లుగా ఉన్న కాంపాక్ట్‌ సెడాన్‌ విభాగపు కార్ల విక్రయాలు 2016–17 ఆర్థిక సంవత్సరంలో 8.65 శాతం తగ్గుదలతో 4,02,608 యూనిట్లకు క్షీణించాయి. ఇదే సమయంలో మారుతీ డిజైర్‌ అమ్మకాలు 15 శాతం క్షీణతతో 2,34,242 యూనిట్ల నుంచి 1,99,878 యూనిట్లకు తగ్గాయి. ఒకవైపు విక్రయాలు తగ్గినప్పటికీ కాంపాక్ట్‌ సెడాన్‌ విభాగపు అమ్మకాల్లో డిజైర్‌ 50 శాతం వాటాను ఆక్రమించింది.
 
 ఏజీఎస్‌ ఫీచర్‌తో రానున్న కొత్త డిజైర్‌ వెర్షన్‌ 1.2 లీటర్‌ పెట్రోల్‌ ఇంజిన్, 1.3 లీటర్‌ డీజిల్‌ ఇంజిన్‌ అనే రెండు వేరియంట్ల రూపంలో కస్టమర్ల అందుబాటులో ఉంటుందని మారుతీ సుజుకీ పేర్కొంది. కాగా కంపెనీ ఇప్పటిదాకా 13.81 లక్షల యూనిట్ల డిజైర్‌ కార్లను విక్రయించింది. మారుతీ సుజుకీ తన డిజైర్‌ మోడల్‌ను 2008 మార్చిలో మార్కెట్‌లోకి తీసుకువచ్చింది. డిజైర్‌కు పోటీగా ఇటీవలే హ్యుందాయ్‌ మోటార్స్‌ ఇండియా తన ఎక్సెంట్‌లో కొత్త అప్‌గ్రేడ్‌ వెర్షన్‌ ఆవిష్కరించింది. అలాగే టాటా మోటార్స్‌ కూడా టిగోర్‌ను తీసుకువచ్చింది. ఇవే కాక డిజైర్‌ మోడల్‌ హోండా అమేజ్, ఫోర్డ్‌ యాస్పైర్, ఫోక్స్‌వ్యాటన్‌ అమియో వంటి వాహనాల నుంచి పోటీ ఎదుర్కోనుంది.


 న్యూఢిల్లీ : బీఎస్-3 వాహనాలపై నిషేధం విధిస్తున్నట్టు ఇటీవలే కార్ల కంపెనీలకు సుప్రీం కోర్టు షాకిచ్చిన తర్వాత, కేంద్రప్రభుత్వం సైతం మరో ఝలకిచ్చింది. ఫాస్టర్‌ అడాప్షన్‌ అండ్‌ మ్యాన్యుఫాక్చరింగ్‌ ఆఫ్‌ హైబ్రీడ్‌ అండ్‌ ఎలక్ట్రిక్‌ వెహికల్స్‌ (ఎఫ్‌ఏఎంఈ) స్కీమ్ కింద తేలికపాటి హైబ్రిడ్ వాహనాలకు ఇచ్చే సబ్సిడీలను ఉపసంహరిస్తున్నట్టు తెలిపింది. ఈ  ప్రోత్సహకాల ఉపసంహరణ దేశీయ ఆటో దిగ్గజం మారుతీ సుజుకీ ఇండియాపై ఎక్కువగా దెబ్బ కొట్టనుంది. తేలికపాటి హైబ్రిటీ టెక్నాలజీతో రూపొందిన కంపెనీ పాపులర్ మోడల్స్, మల్టి యుటిలిటీ వెహికిల్ ఎర్టిగా, మిడ్ సైజ్డ్ సెడాన్ సియాజ్ లు ఈ స్కీమ్ కింద లబ్ది పొందుతూ వస్తున్నాయి.
  
 స్మార్ట్ హైబ్రిడ్ టెక్నాలజీని ఉపయోగిస్తూ ఎర్టిగా, సియాజ్ మోడల్స్ ఒక్కో వెహికిల్ పై మారుతీ సుజుకీ రూ.13వేల వరకు లబ్ది పొందుతోంది.  దేశంలో ఎలక్ట్రిక్ వాహనాల వాడకం పెరుగుతుండటంతో 2015 ఏప్రిల్ లో  ఈ స్కీమ్ ను లాంచ్ చేశారు. 2017 ఏప్రిల్ 1 నుంచి ఎఫ్‌ఏఎంఈ స్కీమ్ కింద తేలికపాటి హైబ్రిడ్ టెక్నాలజీలకు ఇస్తున్న ప్రోత్సహకాలను విత్ డ్రా చేసుకుంటున్నట్టు భారీ పరిశ్రమల శాఖ ఓ ప్రకటన జారీచేసింది. మొత్తం హైబ్రిడైజేషన్ గా మారడానికి తేలికపాటి హైబ్రిడ్ టెక్నాలజీ తొలి అడుగని, ఈ టెక్నాలజీతో వాహనాలు అందించడాన్ని కొనసాగిస్తామని,  ప్రోత్సహకాల ఉపసంహరణ కంపెనీపై ప్రభావం పడుతుందని తాము భావించడం లేదని మారుతీ సుజుకీ అధికార ప్రతినిధి చెప్పారు.   
  


 న్యూఢిల్లీ: దేశంలోనే అతి పెద్ద కార్ల తయారీ సంస్థ మారుతి సుజుకి  ఇండియా ....కాంపాక్ట్‌ ఎస్‌యూవీ  విటారా బ్రెజ్జా అమ్మకాల్లో దూసుకుపోతోంది. అర్బన్‌  కాంపాక్ట్‌ ఎస్‌యూవీ విటారా బ్రెజ్జా దేశీయ మార్కెట్లో లక్ష సంచిత అమ్మకాలు మైలురాయిని అధిగమించిందని మారుతి ప్రకటించింది.  పూర్తి దేశీయ పరిజ్ఞానంతోనే  రూపొందించిన  బ్రెజ్జా రికార్డ్‌ క్యుములేటివ్‌ సేల్స్ తో మరోసారి తన ప్రత్యేకతను చాటుకుంది.
 
 మారుతి సుజుకి గొప్ప పేరుతెచ్చిన  వాహనం బ్రెజ్జా అని , వినియోగదారులు ఒక కాంపాక్ట్ ఎస్యూవీ నుండి ఆశించే అన్ని పారామీటర్స్‌ కలిగిఉందని  మారుతి  ఎగ్జిక్యూటివ్ డైరెక్టర్ మార్కెటింగ్ మరియు సేల్స్ ఆర్ఎస్ కల్సి ఒక ప్రకటనలో తెలిపారు. 2017 అక్టోబర్ తరువాత భారతదేశంలో  మొట్టమొదటి కారుగా  నిలవనుందని  పేర్కొన్నారు.
  
 స్పోర్టి అండ్‌ గ్లామర్స్‌ లుక్స్ తో, మంచి ఇంధన సామర్థ్యంతో  గత ఏడాది మార్చిలో లాంచ్‌ అయిన  విటారా బ్రెజ్జా.. కాంపాక్ట్‌ ఎస్‌యూవీ మార్కెట్లో సంచలనం సృష్టించింది.  లాంచ్‌ అయిన కేవలం 11  నెలల కాలంలోనే సుమారు రెండు లక్షల కంటే ఎక్కువ బుకింగ్‌లను సాధించింది. 1.3 లీటర్ల డీడీఐఎస్‌ డిజిల్‌ ఇంజిన్‌, 88.5 బీహెచ్‌పీ పవర్‌తో 190ఎన్‌ఎం టార్క్‌తో 5 స్పీడ్‌ గేర్‌బాక్స్‌, డిజల్‌ లీటరుకు 24.3 కిలోమీటర్ల మైలేజీ  బ్రెజ్జా ప్రధాన ఫీచర్లుగా ఉన్నాయి.
  


 రూ.1,500–రూ.8,014 వరకూ పెంపు
 న్యూఢిల్లీ: మారుతీ సుజుకీ ఇండియా కార్ల ధరలు పెరిగాయి. అన్ని మోడళ్ల కార్ల ధరలను రూ.1,500 రూ.8,014 (ఎక్స్‌ షోరూమ్, ఢిల్లీ)వరకూ పెంచుతున్నట్లు మారుతీ సుజుకీ ఇండియా తెలిపింది. కమోడిటీ, రవాణా, నిర్వహణ వ్యయాలు పెరగడంతో ధరలను పెంచక తప్పడం లేదని వివరించింది. ఈ కంపెనీ రూ.2.45 లక్షల ధర ఉన్న ఆల్టో 800 నుంచి రూ.12.03 లక్షలు ధర ఉన్న ఎస్‌–క్రాస్‌ మోడల్‌  వరకూ వివిధ రకాల మోడళ్లను విక్రయిస్తోంది.
 
 గత ఏడాది ఆగస్టులో ఈ కంపెనీ కొన్ని రకాల మోడళ్ల కార్ల ధరలను రూ.1,500 నుంచి రూ.5,000 రేంజ్‌లో పెంచింది. కాంపాక్ట్‌  ఎస్‌యూవీ విటారా బ్రెజా ధరను రూ.20,000, ప్రీమియమ్‌ హ్యాచ్‌బాక్‌ బాలెనో ధరను రూ.10,000 చొప్పున పెంచింది. గత ఏడాది పలు వాహన కంపెనీలు–హ్యుందాయ్‌ మోటార్‌  ఇండియా, మహీంద్రా అండ్‌  మహీంద్రా, నిస్సాన్, టయోటా, రెనో, మెర్సిడెస్‌–బెంజ్‌ ఇండియా, టాటా మోటార్స్‌లు తమ కార్ల ధరలను పెంచాయి.


 దేశంలోనే అతిపెద్ద కార్ల తయారీ సంస్థ మారుతీ సుజుకీ విశ్లేషకులు అంచనాలను అధిగమించింది. 2016-17 ఆర్థిక సంవత్సరం జూన్తో ముగిసిన తొలి త్రైమాసిక ఫలితాల్లో నికర లాభాలు 23 శాతం జంప్ అయి, రూ.1,486.2 కోట్లగా నమోదుచేసింది. గతేడాది ఇదే క్వార్టర్లో ఈ లాభాలు రూ.1,208.1 కోట్లగా ఉన్నాయి. రెవెన్యూలు 11.6 శాతం ఎగిసి, రూ.14,655 కోట్లగా రికార్డు చేసింది.
  
 అయితే రూ.15,133 కోట్ల అమ్మకాలతో కేవలం రూ.1,197 కోట్లను మాత్రమే మారుతీ సుజుకీ నికర లాభాలు నమోదవుతాయని ఎన్డీటీవీ నిర్వహించిన మార్కెట్ విశ్లేషకుల పోల్ లో తేలింది. ఈ అంచనాలను అధిగమించి, మారుతీ సుజుకీ తన లాభాల్లో దూసుకెళ్లింది.  కంపెనీ సంపాదించిన ఇతరత్రా ఆదాయాలు లాభాలు పెరగడానికి దోహదంచేశాయని కంపెనీ పేర్కొంది.
 టర్నోవర్ ఎక్కువగా ఉండటం, ముడి సరుకుల వ్యయాల తగ్గుదల, నాన్-ఆపరేటింగ్ ఆదాయాలు పెరగటం,తక్కువ తరుగుదల ఇవన్నీ జూన్ త్రైమాసికంలో లాభాలు పెరగడానికి దోహదం చేశాయని కంపెనీ తన ఫైలింగ్లో తెలిపింది. జూన్ త్రైమాసికంలో ఇతరాత్ర ఆదాయలు 134 శాతం పెరిగి, రూ.483 కోట్లగా నమోదయ్యాయి.
 
 అయితే రెవెన్యూ ముందస్తు అంచనాలను మారుతీ మిస్ చేసింది. వాల్యుమ్ గ్రోత్ తక్కువగా ఉండటంతో రెవెన్యూ అంచనాలను కంపెనీ మిస్ అయినట్టు మారుతీ పేర్కొంది. మనేసర్లోని సుబ్రోస్ లిమిటెడ్ ప్లాంట్లో నెలకొన్న ప్రమాద కారణంగా ఆ ప్లాంట్ను తాత్కాలికంగా మూసివేయడంతో, కంపెనీ 10 వేల యూనిట్ల ఉత్పత్తిని కోల్పోయిందని వెల్లడించింది. దీంతో వాల్యుమ్ గ్రోత్ పడిపోయిందని నివేదించింది.
 జూన్ క్వార్టర్లో కంపెనీ 3.84 లక్షల వాహనాలను విక్రయించినట్టు మారుతీ పేర్కొంది. గతేడాది ఇదే త్రైమాసికంలో ఈ అమ్మకాలు 3.41 లక్షల యూనిట్లుగా ఉన్నాయి. ఏడాది బేసిక్గా ఎగుమతులు 27 శాతం పడిపోయినా.. దేశీయ అమ్మకాలు 5.4 శాతం పెరిగినట్టు తన ఫలితాల్లో మారుతీ నివేదించింది.


 న్యూఢిల్లీ : ప్యాసింజర్ కార్ల తయారీ దిగ్గజం మారుతీ సుజుకి మిడ్ సైజ్ ప్రీమియం సెడాన్ సియాజ్‌, దేశీయ మార్కెట్లో దూసుకెళ్తోంది. లక్ష క్యూములేటివ్ అమ్మకాల మైలురాయిని జూన్ లో చేధించినట్టు మారుతీ సుజుకి ఇండియా ప్రకటించింది. ఈ కారును ఆవిష్కరించిన రెండేళ్లలో ఈ మైలురాయిని తాకినట్టు కంపెనీ తెలిపింది. 2014 అక్టోబర్ లో ఈ కారును దేశవ్యాప్తంగా విడుదలచేశారు. అప్పటినుంచి 2016 జూన్ వరకు 1,00,272 యూనిట్ల సియాజ్ మోడల్ అమ్ముడుపోయినట్టు మారుతీ సుజుకి ఇండియా(ఎమ్ఎస్ఐ) ఓ ప్రకటన రిలీజ్ చేసింది.
 ఏ3 ప్లస్ సెగ్మెట్ లో అత్యధికంగా అమ్మకాలు నమోదవుతున్న సెడాన్ గా సియాజ్ ఉందని ఎమ్ఎస్ఐ మార్కెటింగ్ అండ్ సేల్స్ ఎగ్జిక్యూటివ్ డైరెక్టర్ ఆర్ ఎస్ కల్సి చెప్పారు. ప్రీమియం సెడాన్ రంగంలో 40శాతం మార్కెట్ షేరును సొంతంచేసుకున్నట్టు వెల్లడించారు. 2016లో మొదటి ఐదు నెలల్లో.. సగటు నెల అమ్మకాలు 5వేల యూనిట్లకు పైగా నమోదయ్యాయని ఎమ్ఎస్ఐ తెలిపింది. ఈ కారులో వాడిన ఎస్ హెచ్ వీఎస్ లాంటి టెక్నాలజీ ఆవిష్కరణలు కస్టమర్లను ఎక్కువగా ఆకట్టుకుంటున్నాయని కల్సి పేర్కొన్నారు.
 పెట్రోల్, డీజిల్ ఎస్ హెచ్ వీఎస్ ఆప్షన్లలో సియాజ్ మార్కెట్లో అందుబాటులో ఉంది. గంటకు 28.09కిలోమీటర్ ఫ్యూయల్ ఎకనామీని సియాజ్ అందిస్తోంది. రూ.7.53 లక్షల నుంచి రూ.9.94లక్షల (ఎక్స్ షోరూం ఢిల్లీ) మధ్య ఈ మోడల్ ధరలు ఉన్నాయి. ఆఫ్రికా, సౌత్ అమెరికా, సెంట్రల్ అమెరికా, మిడిల్ ఈస్ట్, ఆసియన్, సార్క్ దేశాలకు ఈ మోడల్ ను ఎగుమతి చేస్తున్నారు. 2016 జూన్ చివరి కల్లా 18వేల యూనిట్లు ఎగుమతులు నమోదయ్యాయి.


 న్యూఢిల్లీ: గుజరాత్‌లో ఏర్పాటు చేయబోతున్న ప్లాంట్‌లో కాంట్రాక్ట్ ప్రాతిపదికన 30 ఏళ్ల దాకా వాహనాల తయారీకి సంబంధించి సుజుకీ మోటార్ గుజరాత్(ఎస్‌ఎంజీ)తో ఒప్పందం కుదుర్చుకునే ప్రతిపాదనను మారుతీ సుజుకీ ఇండియా (ఎంఎస్‌ఐ) బోర్డు ఆమోదించింది. దీనికి నియంత్రణ సంస్థలు, మైనారిటీ షేర్‌హోల్డర్ల ఆమోదం లభించాల్సి ఉంటుంది.
 
 పలు మార్పులకు లోనైన తర్వాత రూపుదిద్దుకున్న ఈ కొత్త ఒప్పందం ప్రకారం ఎస్‌ఎంజీ.. లాభనష్టాలు లేని ప్రాతిపదికన వాహనాలను తయారు చేసి, ఎంఎస్‌ఐకి అందిస్తుంది.
  


 న్యూఢిల్లీ : దేశీ అతిపెద్ద కార్ల తయారీ కంపెనీ మారుతీ సుజుకీ ఇండియా తన కార్ల ధరలను దాదాపు రూ.9,000 వరకు పెంచింది. డీలర్ మార్జిన్‌లో స్వల్ప మార్పే ధరల పెరుగుదలకు కారణం. ఇటీవల కొత్తగా మార్కెట్‌లోకి తీసుకొచ్చిన ఎస్-క్రాస్ ధరను మాత్రం అలాగే ఉం చింది. పెరిగిన కార్ల ధరలు ఆగస్ట్ 11 నుంచి అమలులోకి వచ్చాయని మారుతీ సుజుకీ ఇండియా అధికార ప్రతినిధి తెలిపారు. ప్రస్తుతం మారుతీ దేశీ కార్ల మార్కెట్ వాటా 45 శాతంగా ఉంది. కంపెనీ విక్రయించే కార్ల ధరలు రూ.2.25 లక్షల నుంచి రూ.13.74 లక్షల (ఢిల్లీ ఎక్స్ షోరూమ్) మధ్యలో ఉన్నాయి.


  క్యూ1లో రూ. 1,193 కోట్లు
  
  న్యూఢిల్లీ : ప్రస్తుత ఆర్థిక సంవత్సరం తొలి త్రైమాసికంలో ఆటోమొబైల్ దిగ్గజం మారుతి సుజుకీ ఇండియా నికర లాభం (స్టాండెలోన్ ప్రాతిపదికన) ఏకంగా 56 శాతం పెరిగి రూ. 1,193 కోట్లుగా నమోదైంది. వాహన విక్రయాలు పెరగడం, విదేశీ మారక విలువలు సానుకూలంగా ఉండటంతో పాటు వ్యయ నియంత్రణ చర్యలు సత్పలితాలిస్తుండటం దీనికి దోహదపడినట్లు సంస్థ తెలిపింది. క్రితం ఆర్థిక సంవత్సరం క్యూ1లో కంపెనీ నికర లాభం రూ. 762 కోట్లే. ఇక, తాజా క్యూ1లో అమ్మకాలు 18 శాతం వృద్ధి చెంది రూ. 11,074 కోట్ల నుంచి రూ. 13,078 కోట్లకు పెరిగాయి.
 
 ఈ ఏడాది తొలి త్రైమాసికంలో మారుతి సుజుకీ ఇండియా వాహన విక్రయాలు సుమారు 14 శాతం పెరిగి 3,41,329 యూనిట్లుగా నమోదయ్యాయి. గత ఆర్థిక సంవత్సరం ఇదే వ్యవధిలో 2,99,894 వాహనాలను సంస్థ విక్రయించింది. దేశీయంగా అమ్మకాలు 13 శాతం వృద్ధి చెందాయి. 2,70,643 యూనిట్ల నుంచి 3,05,694 యూనిట్లకు పెరిగాయి. బీఎస్‌ఈలో మంగళవారం సంస్థ షేరు సుమారు అర శాతం పెరిగి రూ. 4,196 వద్ద ముగిసింది.


 హైదరాబాద్: మారుతీ సుజుకీ కంపెనీ ఆషాఢం సందర్భంగా ఆకర్షణీయమైన ఆఫర్లనందిస్తోంది. వావ్! ఆషాఢం దమాకా పేరుతో ఈ ఆఫర్లనందిస్తున్నామని మారుతీ సుజుకీ ఇండియా ఒక ప్రకటనలో తెలిపింది. ఈ నెల 31లోపు ఏదైనా మారుతీ కారు(ఎంపిక చేసిన మోడళ్ల)ను కొనుగోలు చేసిన వారికి ఒక స్క్రాచ్‌కార్డ్‌ను ఇస్తామని కంపెనీ తెలంగాణ, ఆంధ్రప్రదేశ్ రీజనల్ మేనేజర్ మునీష్ బాలి పేర్కొన్నారు. కొనుగోలుదారులు రూ. 34,000 విలువైన మూడు ఖచ్చితమైన బహుమతులు గెల్చుకునే అవకాశముందని తెలిపారు. అంతేకాకుండా బంపర్ డ్రాలో కొత్త స్విఫ్ట్ డీజిల్ కారు గెల్చుకునే అవకాశముందని వివరించారు.


 న్యూఢిల్లీ:  దేశీయ మార్కెట్లో మారుతీ సుజుకీ వ్యాగన్ ఆర్ కారు 15 లక్షల అమ్మకాల మైలురాయిని సాధించింది. వినియోగదారుల అభిరుచులకనుగుణంగా ఎప్పటికప్పుడు ఈ మోడల్‌లో మార్పులు, చేర్పులు చేయడం, విజయవంతమైన మార్కెటింగ్ విధానాల  ద్వారా ఈ ఘనతను సాధించామని కంపెనీ వైస్ ప్రెసిడెంట్(మార్కెటింగ్) మనోహర్ భట్ చెప్పారు.
 
 ఈ మోడల్‌ను 2000 సంవత్సరంలో మార్కెట్లోకి తెచ్చామని, భారత్‌లో విక్రయమవుతున్న అత్యుత్తమ 5 బ్రాండ్లలో ఒకటిగా నిలిచిందని పేర్కొన్నారు. 2010-11లో ఈ మోడల్‌లో సీఎన్‌జీ వేరియంట్‌ను అందుబాటులోకి తెచ్చామని తెలిపారు. గతనెలలో అత్యధికంగా అమ్ముడైన కార్లలో వ్యాగన్ ఆర్ మూడో స్థానంలో నిలిచిందని సియామ్(సొ సైటీ ఆఫ్ ఇండియన్ ఆటోమొబైల్స్ మాన్యుఫాక్చరర్స్) వెల్లడించిందని పేర్కొన్నారు. గత ఆర్థిక సంవత్సరంలో 1,56,000 కార్లను విక్రయించామని,  ఈ ఆర్థిక సంవత్సరం ఇప్పటివరకూ 93 వేలకు పైగా కార్లను అమ్మామని చెప్పారు.  కాగా ఈ కంపెనీ మోడళ్లు- మారుతీ 800, ఆల్టోలు ఒక్కోటి 25 లక్షలకు పైగా అమ్ముడయ్యాయి.


 ►క్యూ1లో రూ.762 కోట్ల నికర లాభం; 21% అప్
 ►ఆదాయం రూ.11,074 కోట్లు;11 శాతం వృద్ధి
 ►అమ్మకాల్లో 12.6% పెరుగుదల..
 ►త్వరలో మిడ్‌సైజ్ సెడాన్ సియాజ్, ఎల్‌సీవీ, కాంపాక్ట్ ఎస్‌యూవీ...
 న్యూఢిల్లీ: దేశీ కార్ల తయారీ దిగ్గజం మారుతీ సుజుకీ ఇండియా ఆకర్షణీయమైన ఫలితాలను నమోదు చేసింది. ఈ ఏడాది తొలి త్రైమాసికం(2014-15)లో రూ.762 కోట్ల నికర లాభాన్ని ఆర్జించింది. అంతక్రితం ఏడాది ఇదే కాలంలో రూ.632 కోట్లతో పోలిస్తే లాభం 21% ఎగబాకింది. అమ్మకాలు పుంజుకోవడం, వ్యయ నియంత్రణ, ఫారెక్స్ రాబడులు ఇందుకు ప్రధానంగా దోహదం చేశాయి. కాగా, కంపెనీ మొత్తం ఆదాయం 11% వృద్ధితో రూ.9,995 కోట్ల నుంచి రూ.11,074 కోట్లకు పెరిగింది.
  
 అమ్మకాల జోరు...
 ‘సన్నగిల్లిన వినియోగదారుల విశ్వాసం, అధిక ద్రవ్యోల్బణం ఇతరత్రా పలు ప్రతికూలాంశాలతో గతేడాది ఆర్థిక వ్యవస్థ దెబ్బతింది. అయితే, ఈ ఏడాది సార్వత్రిక ఎన్నికల తర్వాత సుస్థిర ప్రభుత్వం కొలువుదీరడంతో వినియోగదారుల్లో విశ్వాసం మళ్లీ పుంజుకుటోంది. తొలిసారి కారు కొనుగోలు చేసేవాళ్లు పెరిగారు. దీంతో కంపెనీ టాప్ సెల్లింగ్ మోడల్ అయిన ఆల్టో అమ్మకాలు క్యూ1లో 30 వేల మార్కును అధిగమించాయి’ అని మారుతీ చీఫ్ ఫైనాన్షియల్ ఆఫీసర్(సీఎఫ్‌ఓ) అజయ్ సేథ్ పేర్కొన్నారు. కాగా, ఏప్రిల్-జూన్ క్వార్టర్‌లో కంపెనీ మొత్తం 2,99,894 వాహనాలను విక్రయించింది.
 
 క్రితం ఏడాది ఇదే కాలంతో పోలిస్తే 12.6 శాతం వృద్ధి నమోదైంది. దేశీయంగా 2,70,643 వాహనాలు(10.3% వృద్ధి) అమ్ముడవగా... 29,251 వాహనాలను(38.7% వృద్ధి) ఎగుమతి చేసింది.  క్యూ1లో మాతృసంస్థ సుజుకీ మోటార్ కార్పొరేషన్‌కు రూ.689 కోట్లను రాయల్టీ రూపంలో చెల్లించినట్లు ఆయన వెల్లడించారు. కాగా, ప్రస్తుత 2014-15 ఏడాదిలో రూ.4,000 కోట్ల పెట్టుబడులను వెచ్చించనున్నట్లు అజయ్ సేథ్ చెప్పారు. ఫలితాల నేపథ్యంలో కంపెనీ షేరు గురువారం బీఎస్‌ఈలో ధర 1.07 శాతం నష్టంతో రూ.2,525 వద్ద స్థిరపడింది.
  
 కొత్త కార్ల క్యూ...: దేశీ మార్కెట్లో తమ వాటాను మరింత పటిష్టం చేసుకునేందుకు మారుతీ కొత్త కార్ల విడుదలకు సమాయత్తమవుతోంది. వచ్చే 12 నెలల్లో మిడ్‌సైజ్ సెడాన్ సియాజ్, ఎల్‌సీవీ(లైట్ కమర్షియల్ వెహికల్), కాంపాక్ట్ ఎస్‌యూవీ(స్పోర్ట్స్ యుటిలిటీ వెహికల్)తో తదితర వాహనాలను ప్రవేశపెట్టనున్నట్లు మారుతీ వైస్ ప్రెసిడెంట్ రాహుల్ భారతి వెల్లడించారు. ఇప్పుడున్న మోడళ్లను మరింత మెరుగుపరచనున్నట్లు కూడా ఆయన పేర్కొన్నారు.


  లండన్: భారత దేశపు అత్యంత విలువైన బ్రాండ్‌గా టాటా గ్రూప్ అవతరించింది. బ్రాండ్ ఫైనాన్స్ సంస్థ రూపొందించిన ఈ గ్లోబల్ టాప్ 500  బ్రాండ్ జాబితాలో 2,110 కోట్ల డాలర్ల విలువతో టాటా గ్రూప్ తన అగ్రస్థానాన్ని(భారత్ వరకూ) ఈ ఏడాది కూడా నిలుపుకుంది. గత ఏడాది 39వ స్థానంలో ఉన్న టాటా బ్రాండ్ ఈ ఏడాది 34వ స్థానానికి ఎగబాకింది.  ఈ జాబితాలో  భారత కంపెనీలు గత ఏడాది ఆరు ఉండగా, ఈ ఏడాది ఈ సంఖ్య 5కు పడిపోయింది. ఒక్క టాటా మినహా మిగిలిన నాలుగు సంస్థల ర్యాంక్‌లు ఈ ఏడాది తగ్గాయి. అంతర్జాతీయ జాబితాలోని ఇతర భారత కంపెనీలు ఎస్‌బీఐ (347వ స్థానం), ఎయిర్‌టెల్(381), రిలయన్స్ ఇండస్ట్రీస్(413), ఇండియన్ ఆయిల్(474), ఈ జాబితాలో ఈ ఏడాది చోటు దక్కించుకోలేని కంపెనీగా ఐటీసీ నిలిచింది.
  మూడోసారీ యాపిలే
  ఇక ఈ జాబితాలో 10,500 కోట్ల డాలర్లతో యాపిల్ బ్రాండ్ మొదటి స్థానాన్ని చేజిక్కించుకుంది. అగ్రస్థానంలో యాపిల్ నిలవడం ఇది వరుసగా మూడో ఏడాది.   7,900 కోట్ల డాలర్లతో శామ్‌సంగ్ రెండో స్థానం సాధించింది. ఆ తర్వాతి స్థానాల్లో గూగుల్, మైక్రోసాఫ్ట్, వెరిజాన్, జీఈ, ఏటీఅండ్‌టీ, అమెజాన్, వాల్‌మార్ట్, ఐబీఎంలు నిలిచాయి. ఇక అత్యంత శక్తివంతమైన అంతర్జాతీయ బ్రాండ్‌గా ఫెరారి నిలిచింది. ఈ గ్లోబల్ జాబితాలో అమెరికా బ్రాండ్లు ఎక్కువగా(185) ఉన్నాయి.


  న్యూఢిల్లీ: విస్తరణలో భాగంగా గుజరాత్‌లో ఏర్పాటు చేయతలపెట్టిన తయారీ ప్లాంట్‌ను మాతృ సంస్థ సుజుకీ మోటార్(జపాన్)కు అప్పగించేందుకు మంగళవారం సమావేశమైన మారుతీ సుజుకీ బోర్డు నిర్ణయించింది. ఇందుకు అనుగుణంగా సుజుకీ గుజరాత్ ప్రైవేట్ లిమిటెడ్ పేరుతో కొత్త సంస్థను సుజుకీ మోటార్ ఏర్పాటు చేయనుంది. తొలి దశలో భాగంగా ఏడాదికి లక్ష కార్ల తయారీ సామర్థ్యంతో ప్లాంట్‌ను ఏర్పాటు చేయనున్నట్లు సుజుకీ మోటార్ కార్పొరేషన్ చైర్మన్ ఒసాము సుజుకీ చెప్పారు.
 ఆపై సామర్థ్యాన్ని 2.5 లక్షలకు పెంచనున్నట్లు తెలిపారు. దీర్ఘకాలంలో 7.5 లక్షల వాహన తయారీ సామర్థ్యాన్ని అందుకోనున్నట్లు వెల్లడించారు. ఏప్రిల్‌లోగా సుజుకీ గుజరాత్‌ను ఏర్పాటు చేస్తామని, ఇది అన్‌లిస్టెడ్ కంపెనీగా ఉంటుందని తెలిపారు.
 
  లాభదాయకం!
  గుజరాత్‌లో సామర్థ్య విస్తరణ కోసం మారుతీ 2011లో మేసానాకు దగ్గర్లో 700 ఎకరాల భూమిని కొనుగోలు చేసింది. ఇందుకు రూ. 250 కోట్లను వెచ్చించింది. ఇక్కడ రూ. 4,000 కోట్ల పెట్టుబడితో ప్లాంట్‌ను ఏర్పాటు చేసేందుకు 2012లో ప్రణాళికలు వేసింది. అయితే మార్కెట్ పరిస్థితులు అనుకూలించక ప్లాంట్ యోచనను వాయిదా వేసింది. కాగా, సుజుకీ మోటార్... ఇటీవల 100% అనుబంధ కంపెనీ ద్వారా ప్లాంట్ ఏర్పాటుకు ముందుకు రావడంతో మారుతీ బోర్డు ఇందుకు అంగీకరించింది. స్థలాన్ని లీజుకి ఇవ్వనున్నట్లు తెలిపింది.
 
 ఈ ప్లాంట్‌లో మారుతీ కోసమే సుజుకీ గుజరాత్ సంస్థ వాహనాలను తయారు చేసి, తయారీ ధరకే మారుతీకి విక్రయిస్తుందని ఒసాము వివరించారు. దీంతో కంపెనీకి ఆర్థికపరమైన లబ్ది చేకూరుతుందని మారుతీ చైర్మన్ ఆర్‌సీ భార్గవ పేర్కొన్నారు. తద్వారా అమ్మకాలు, మార్కెటింగ్, పరిశోధన, అభివృద్ధి వంటి కార్యకలాపాలను పటిష్టపరచుకునేందుకు వీలు చిక్కుతుందని చెప్పారు.
 
  మార్కెట్లకు నచ్చలేదు...
  క్యూ3 ఫలితాల తరువాత బీఎస్‌ఈలో మారుతీ షేరు ధర 2.5% పుంజుకుని రూ. 1,750కు చేరింది. అయితే గుజరాత్ ప్లాంట్ విషయాన్ని కంపెనీ వెల్లడించాక ఒక్కసారిగా 8%(రూ. 138) పతనమై రూ. 1,563 వద్ద ముగిసింది.  ఒక దశలో కనిష్టంగా రూ. 1,541ను తాకింది.
  
   నికర లాభం 36% అప్
  మారుతీ సుజుకీ నికర లాభం క్యూ3లో 36% ఎగసి రూ. 681 కోట్లను తాకింది. గతేడాది(2012-13) ఇదే కాలంలో రూ. 501 కోట్లను మాత్రమే ఆర్జించింది. అత్యధిక శాతం విడిభాగాలను స్థానికంగా తయారు చేయడం, విదే శీ మారక లాభాలు, వ్యయాల అదుపు లాభాల వృద్ధికి దోహదపడినట్లు కంపెనీ తెలిపింది. ఆదాయం మాత్రం 3% క్షీణించి రూ. 10,620 కోట్లకు చేరింది.


  గువహటి: మారుతి సుజుకి కంపెనీ అన్ని మోడళ్ల కార్ల ధరలను రూ.3,000 నుంచి రూ.10,000 వరకూ పెంచుతోంది. ఈ పెరిగిన ధరలు వచ్చే నెల మొదటి వారం నుంచి అమల్లోకి వస్తాయని మారుతి సుజుకి ఇండియా(ఎంఎస్‌ఐ) సీఓఓ(మార్కెటింగ్ అండ్ సేల్స్) మయంక్ పరీక్ చెప్పారు. రూపాయి పతనం కారణంగా ధరలు పెంచుతున్నామని పేర్కొన్నారు. ధరలు ఎప్పుడో పెంచాల్సిందని, కానీ భరించగలిగే స్థాయి వరకూ భరించగలిగామని, ఇక భరించలేని స్థాయికి చేరడంతో  ధరలు పెంచక తప్పడం లేదని వివరించారు. మారుతి కంపెనీ రూ. 2.35 లక్షల నుంచి రూ.10.21 లక్షల రేంజ్‌లో ఉన్న వాహనాలను విక్రయిస్తోంది. కరెన్సీ ఒడిదుడుకుల కారణంగా ఈ ఏడాది జనవరిలోనే ఈ కంపెనీ ధరలను రూ.20,000 వరకూ పెంచింది.
  
  ఒక్క మారుతీ కంపెనీయే కాకుండా పలు వాహన కంపెనీలు కూడా రూపాయి పతనం కారణంగా ధరలను పెంచాయి. హ్యుందాయ్, టయోటా, జనరల్ మోటార్స్ తదితర కంపెనీలు ధరలను పెంచాయి. టాటా మోటార్స్ కంపెనీ కూడా ధరలను పెంచాలని యోచిస్తోంది.
  


 భారీగా క్షీణించిన వాహనాల అమ్మకాలను తట్టుకునేందుకు భారత దేశపు అతిపెద్ద కార్ల ఉత్పత్తి కంపెనీ మారుతి సుజుకి ఇండియా మార్కెట్లోకి కొత్తగా 'స్టింగ్రే'ను విడుదల చేసింది. మార్కెట్లో దీని బేసిక్ మోడల్ ధర 4.10 లక్షలు (ఢిల్లీలో ఎక్స్ షోరూం ధర). స్ట్రింగ్రే మార్కెట్ లోకి విడుదల చేయడం ద్వారా అమ్మకాలలో గణనీయమైన ప్రగతి సాధించాలని మారుతీ లక్ష్యంగా పెట్టుకుందని మారుతి సుజుకీ ఇండియా ఎండీ, సీఈఓ కెనిచీ అయుకవా వెల్లడించారు. 
  
 998 సీసీ కెపాసిటీ పెట్రోల్ ఇంజన్ తో మూడు రకాల కార్లు మార్కెట్లో లభ్యమవుతాయని తెలిపారు. వీటి ధర 4.10 లక్షల నుంచి 4.67 లక్షల మధ్య ఉంటుందన్నారు. మారుతి సుజుకీ వెల్లడించిన గణాంకాల ప్రకారం అమ్మకాలు 7.4 శాతం క్షీణించాయి. మారుతి కార్ల అమ్మకాలు తొమ్మిది నెలల కనిష్టస్థాయికి చేరుకున్నాయి. జూలై 2012 కార్ల అమ్మకాలు 1,41,646 ఉండగా, ఈ సంవత్సరం అమ్మకాలు 1,31,163గా నమోదయ్యాయి. 


 మారుతి సుజుకీ ఇండియా వచ్చే ఏడాది ఆరంభంలో తన కొత్త మోడల్ కారును మార్కెట్లో ప్రవేశపెట్టనుంది. హుందయ్ త్వరలో గ్రాండ్ ఐ 10 కారును విడుదలచేయనున్న నేపథ్యంలో దానికి పోటీగా మారుతి కొత్త మోడల్ కారు తయారుచేస్తోంది. మార్కెట్లో పోటీని తట్టుకుని తమ వాటా పెంచుకునేందుకు మారుతి ఈదిశగా అడుగులు వేస్తోంది.
 
 తాము విడుదల చేయబోయే కొత్త మోడల్ వేగనార్ ఆర్, స్విఫ్ట్కు మధ్యలో ఉంటుందని మారుతి సుజుకీ ఇండియా వర్గాలు వెల్లడించాయి. దీన్ని వచ్చే ఏడాది జరగనున్న ఆటో ఎక్స్పోలో ప్రదర్శించనున్నారు. ఫిబ్రవరి 6 నుంచి 12 వరకు గ్రేటర్ నోయిడాలో ఆటో ఎక్స్పో జరగనుంది. మారుతి స్విఫ్ట్కు పోటీగా గ్రాండ్ ఐ 10 కారును సెప్టెంబర్ 3న విడుదల చేయాలని హుందయ్ భావిస్తోంది.