సీనియర్ హీరో అర్జున్‌ నటిస్తోన్న తాజా చిత్రం 'సీతా పయనం'. ఈ సినిమాకు ఆయనే దర్శకత్వం వహిస్తున్నారు. ఈ మూవీలో నిరంజన్‌ , అర్జున్‌ కుమార్తె ఐశ్వర్య అర్జున్‌ హీరో, హీరోయిన్లుగా నటిస్తున్నారు. ఈ చిత్రంలో అర్జున్ సర్జా‌ కీలక పాత్ర పోషిస్తున్నారు. మూవీ ప్రమోషన్లలో భాగంగా టీజర్‌ విడుదల చేశారు మేకర్స్. అయితే ఈ ఈవెంట్‌కు పుష్ప డైరెక్టర్ సుకుమార్‌ ముఖ్య అతిథిగా హాజరయ్యారు. ఆయనతో పాటు కన్నడ హీరో ఉపేంద్ర కూడా ఈవెంట్‌లో పాల్గొన్నారు.ఈ సందర్భంగా ఆయన కన్నడ హీరో ఉపేంద్రపై పుష్ప డైరెక్టర్‌ సుకుమార్‌ ప్రశంసలు కురిపించారు. ఆయన వల్లే నా సినిమాల్లో స్క్రీన్‌ ప్లే ఇంత కల్ట్‌గా ఉందని అన్నారు. ఎందుకంటే ఉపేంద్ర తెరకెక్కించిన ఓమ్, ఏ, ఉపేంద్ర లాంటి సినిమాలే నాకు ఆదర్శమని తెలిపారు. ఆడియన్స్‌కు పిచ్చి, మ్యాడ్‌ తెప్పించే కల్ట్‌ మూవీస్ ఆయన మనకిచ్చారు. ఆయనలా కేవలం 3 సినిమాలు తీస్తే ఏ డైరెక్టర్ అయినా రిటైర్ అయిపోవచ్చన్నారు. నేనైతే తప్పనిసరిగా రిటైర్ అయ్యేవాడినని సుకుమార్‌ నవ్వుతూ మాట్లాడారు. ఉపేంద్ర నుంచే స్క్రీన్‌ ప్లేను తాను తస్కరించానని సుకుమార్‌ అన్నారు.

కేజీఎఫ్ మూవీతో పాన్ ఇండియా స్టార్‌గా ఎదిగిన హీరో యశ్‌. శాండల్‌వుడ్ మాత్రమే కాదు.. దేశవ్యాప్తంగా యశ్‌కు గుర్తింపు తెచ్చుకున్నారు. ప్రశాంత్ నీల్ డైరెక్షన్‌లో వచ్చిన ఈ చిత్రాలు బాక్సాఫీస్ వద్ద సరికొత్త రికార్డులు సృష్టించాయి. కేజీఎఫ్, కేజీఎఫ్-2 బ్లాక్ బస్టర్‌ హిట్‌ కావడంతో యశ్‌కు ఫ్యాన్ ఫాలోయింగ్‌ ఓ రేంజ్‌లో పెరిగిపోయింది. ప్రస్తుతం యశ్ టాక్సిక్‌ మూవీలో నటిస్తున్నారు.అయితే ఈ కన్నడ హీరో మాతృమూర్తి పుష్ప అరుణ్ కుమార్‌ నిర్మాతగా రాణిస్తున్నారు. ఆమె తాజాగా నిర్మించిన చిత్రం కోతలవాడి. ఈ మూవీకి శ్రీరాజ్ దర్శకత్వం వహించారు. తాజాగా ఈ సినిమా టీజర్‌ను మేకర్స్ విడుదల చేశారు. ఈ సందర్భంగా ఈవెంట్‌కు హాజరైన యశ్ తల్లి పుష్పకి ఓ ఆసక్తికర ప్రశ్న ఎదురైంది. మీ కుమారుడితో మూవీ తీయాలనుకుంటే ఎలాంటి సినిమా తీస్తారు? అని ఆమెను మీడియా ప్రతినిధులు ప్రశ్నించారు.అయితే దీనికి ఆమె చెప్పిన సమాధానం అందరికీ నవ్వులు తెప్పించింది. అసలు నేను యశ్‌తో సినిమా చేయనని షాకింగ్‌ సమాధానమిచ్చింది. ఎందుకంటే అన్నం లేనివాడికి పెట్టాలి కానీ.. అన్నీ ఉన్నవాడికి పెడితే వాటి విలువ తెలియదంటూ ఆమె మాట్లాడింది. నేను చెప్పేది నిజమా? కాదా? అంటూ అక్కడున్నవారిని అడిగింది. వాడికి అన్నీ ఉన్నాయి.. సినిమా కావాలనుకుంటే వాడే తీసుకుంటాడు.. నేను యశ్‌తో ఎలాంటి సినిమా చేయనంటూ ఖరాఖండిగా చెప్పేసింది ఆయన మాతృమూర్తి పుష్ప అరుణ్‌కుమార్‌. దీనికి అక్కడున్నవారంతా కాస్తా ఆశ్చర్యానికి గురయ్యారు. అయితే కన్నడకు చెందిన ఆమె అయినప్పటికీ తెలుగులో అనర్గళంగా మాట్లాడడం విశేషం.

కేజీఎఫ్‌ (K.G.F Movie)తో పాన్‌ ఇండియా స్టార్‌ అయిపోయాడు యష్‌ (Yash). అభిమానులు ఈయనను వెండితెరపై చూసి మూడేళ్లవుతోంది. ప్రస్తుతం యష్‌.. టాక్సిక్‌: ఎ ఫేరీ టేల్‌ ఫర్‌ గ్రోన్‌ అప్స్‌ అనే సినిమా చేస్తున్నాడు. ఈ మూవీ వచ్చే ఏడాది రిలీజ్‌ కానుంది. అటు బాలీవుడ్‌లో రామాయణ సినిమాలో రావణుడిగా నటిస్తున్నాడు. తాజాగా ఇతడు బెంగళూరులో జరిగిన మనడ కదలు సినిమా ట్రైలర్‌ లాంచ్‌ ఈవెంట్‌కు హాజరయ్యాడు. యోగరాజ్‌ భట్‌ డైరెక్ట్‌ చేసిన ఈ మూవీ మార్చి 28న విడుదల కానుంది. తలపొగరు అనుకున్నారుట్రైలర్‌ రిలీజ్‌ అనంతరం యష్‌ మాట్లాడుతూ.. సినిమా ఇండస్ట్రీలో అడుగుపెట్టిన కొత్తలో అందరూ నాకు పొగరు అనుకునేవారు. ఎందుకంటే దర్శకులను నేను స్క్రిప్ట్‌ కాపీ అడిగేవాడిని. కథ నచ్చకపోతే, దానిపై నాకు నమ్మకం కుదరకపోతే సినిమా ఎలా చేయగలను? ముందు దాన్ని పూర్తిగా చదివి అర్థం చేసుకున్నాక సినిమా మొదలుపెడదాం అనుకునేవాడిని. అది కొందరికి నచ్చేది కాదు దీనివల్ల చాలా సినిమాలు కోల్పోయాను. అయితే మొగ్గిన మనసు సినిమా నిర్మాత నన్ను బలంగా నమ్మాడు. ఆయన వల్ల చివరి నిమిషంలో ఆ సినిమాలో జాయిన్‌ అయ్యాను. ఆ సినిమాయూనిట్‌పై ఇప్పటికీ గౌరవం..దర్శకుడు శశాంక్‌ కథ పూర్తిగా చెప్పడంతోపాటు నా పాత్ర గురించి కూడా వివరించాడు. ఇప్పటికీ ఆ ఇద్దరిపై, ఆ సినిమా యూనిట్‌ మొత్తంపై నాకు ఎనలేని గౌరవం ఉంది అని చెప్పుకొచ్చాడు. టాక్సిక్‌ గురించి అప్‌డేట్‌ అడగ్గా.. ఇది సందర్భం కాదని దాటవేశాడు. తమపై నమ్మకం ఉంచి ఓపిక పట్టమని కోరాడు. గీతూ మోహన్‌దాస్‌ దర్శకత్వం వహిస్తున్న టాక్సిక్‌ 2026 మార్చి 19న విడుదల కానుంది. ఇందులో నయనతార, హ్యూమా ఖురేషి, కియారా అద్వానీ, తారా సుతారియా, అచ్యుత్‌ కుమార్‌ ప్రధాన పాత్రలు పోషిస్తున్నారు.చదవండి: హీరో నితిన్‌పై హర్టయ్యా.. అవమానభారంతో షూటింగ్‌కు రానన్నా: అమృతం నటుడు

శాండల్‌వుడ్ సూపర్‌ స్టార్‌ శివరాజ్‌ కుమార్ ఇటీవల విదేశాలకు వెళ్లిన సంగతి తెలిసిందే. వైద్య చికిత్స కోసం ఆయన అమెరికా చేరుకున్నారు. అక్కడికి వెళ్లేముందు ‍అభిమానులకు సందేశం ఇచ్చారు. త్వరలోనే తిరిగి వస్తానన ఫ్యాన్స్‌తో చెప్పారు.ఇటీవల నాన్నకు క్యాన్సర్‌కు సంబంధించిన సర్జరీ పూర్తయిందని ఆయన కూతురు సోషల్ మీడియా వేదికగా వెల్లడించారు. శివరాజ్ కుమార్‌ కోసం ప్రార్థించిన ప్రతి ఒక్కరికీ ఆమె ధన్యవాదాలు తెలిపింది. త్వరలోనే అభిమానులతో నాన్న మాట్లాడతారని పేర్కొంది. కాగా.. అమెరికాలోని ఫ్లోరిడా రాష్ట్రం మియామీ క్యాన్సర్‌ ఆస్పత్రిలో ఆయనకు శస్త్ర చికిత్స నిర్వహించారు.తాజాగా శివరాజ్ కుమార్ ఓ వీడియోను విడుదల చేశారు. తన భార్యతో కలిసి ఆయన మాట్లాడారు. తాను క్యాన్సర్‌ నుంచి కోలుకున్నట్లు వెల్లడించారు. మీ అందరి అభిమానం వెలకట్టలేనిదని శివరాజ్ కుమార్ అన్నారు. న్యూ ఇయర్ వేళ ఫ్యాన్స్‌ను ఉద్దేశించి ఓ వీడియో సందేశం విడుదల చేశారు. ఈ సందర్భంగా అందరికీ ఆయన నూతన సంవత్సర శుభాకాంక్షలు తెలిపారు.శివరాజ్ కుమార్ మాట్లాడుతూ..'క్యాన్సర్ ఉందని తెలిసిన తర్వాత ఎవరికైనా భయం ఉంటుంది. ఆ భయం దూరం చేసేందుకు నా భార్య గీత, అభిమానులు ఎంతో సహకరించారు. వారందరికీ రుణపడి ఉంటా. నేను పూర్తి చేయాల్సిన సినిమాల కోసం ఎంతో కష్టపడ్డాను. కీమో థెరపీ చేయించుకుంటూనే '45' సినిమా షూటింగ్ పూర్తి చేశా. ఈ ప్రయాణంలో వైద్యులు అందించిన సహకారం మర్చిపోలేను' అని అన్నారు.కాగా.. శివ రాజ్‌కుమార్ చివరిసారిగా కన్నడ చిత్రం భైరతి రణగల్‌లో కనిపించారు. ఈ చిత్రం నవంబర్ 15న విడుదలైంది. ఆయన ప్రస్తుతం ఉత్తరకాండ, 45, భైరవనా కోనే పాటతో సహా పలు చిత్రాలలో నటిస్తున్నారు. అంతేకాకుండా రామ్ చరణ్ ఆర్‌సీ16లోనూ కనిపించనున్నారు. అంతేకాకుండా కన్నడలో పలు సూపర్ హిట్ చిత్రాలతో మెప్పించారు. #ShivarajKumar spoke after his surgery, explaining what had happened and expressing gratitude to all those who helped him to win this situation pic.twitter.com/NU41k5mLUD— Yogitha RJ (@iamyogitharj) January 1, 2025

కన్నడ స్టార్‌ హీరో శివరాజ్‌కుమార్‌ అనారోగ్యంతో బాధపడుతున్నారంటూ నెట్టింట పలు కథనాలు చక్కర్లు కొడుతున్నాయి. అది నిజమేనని ధృవీకరించాడు శివరాజ్‌కుమార్‌. భైరతి రణగల్‌ అనే సినిమా ప్రమోషన్స్‌లో భాగంగా ఇంటర్వ్యూలకు హాజరవుతున్న ఆయన తన ఆరోగ్య పరిస్థితి గురించి మాట్లాడాడు.చికిత్స తీసుకుంటున్నా..'నేను కూడా మనిషినే కదా.. నాకు సమస్యలు వస్తుంటాయి. అలా ఓ అనారోగ్య సమస్య ఎదురైంది. మొదట దాని గురించి తెలిసి భయపడ్డాను. తర్వాత ధైర్యం తెచ్చుకుని పోరాడుతున్నాను.. ప్రస్తుతం చికిత్స తీసుకుంటున్నాను. చికిత్సలో భాగంగా ఇప్పటికే నాలుగు సెషన్లు పూర్తయ్యాయి. ఇప్పుడిప్పుడే కోలుకుంటున్నాను' అని తెలిపాడు. అయితే ఆయన దేని వల్ల సతమతమవుతున్నాడన్న విషయాన్ని మాత్రం బయటపట్టలేదు. ఇంకో రెండు సెషన్ల తర్వాత ఆయన అమెరికాలో సర్జరీ చేయించుకోనున్నాడని తెలుస్తోంది.సినిమాకాగా శివరాజ్‌కుమార్‌ గతేడాది జైలర్‌ మూవీలో అతిథి పాత్రలో అదరగొట్టాడు. ప్రస్తుతం అతడు నటించిన భైరతి రణగల్‌ మూవీ నవంబర్‌ 15న విడుదల కానుంది. రాహుల్‌ బోస్‌, చాయా సింగ్‌, దేవరాజ్‌ కీలక పాత్రల్లో నటించిన ఈ చిత్రం కన్నడతో పాటు హిందీ, తమిళ, తెలుగు, మలయాళ భాషల్లో రిలీజ్‌ కానుంది. ఇది శివరాజ్‌కుమార్‌ సూపర్‌ హిట్‌ మూవీ మఫ్టీకి ప్రీక్వెల్‌గా వస్తోంది.చదవండి: Urfi Javed: తృప్తికి డ్యాన్సే రాదు.. క్లాసులకు వెళ్లి నేర్చుకోవచ్చుగా!

కేజీఎఫ్‌ సినిమాతో పాన్ ఇండియా స్టార్‌గా గుర్తింపు తెచ్చుకున్న శాండల్‌వుడ్ హీరో యశ్. ప్రస్తుతం ఆయన టాక్సిక్‌ : ఎ ఫెయిరీ టేల్‌ ఫర్‌ గ్రోన్‌ అప్స్‌ అనే సినిమాలో నటిస్తున్నారు. ఈ మూవీ షూటింగ్ శరవేగంగా జరుగుతోంది. ఇటీవలే బెంగళూరు సమీపంలోని పీణ్య-జలహళ్లి దగ్గరలో కొత్త షెడ్యూల్ మొదలైంది.అయితే తాజాగా యశ్‌కి సంబంధించిన ఓ వీడియో నెట్టింట హల్‌చల్ చేస్తోంది. ఓ బర్త్‌ డే పార్టీకి హాజరైన కేజీఎఫ్ స్టార్‌ తనదైన స్టెప్పలతో హోరెత్తించారు. స్టార్ హీరో శివరాజ్‌కుమార్‌ హిట్‌ సాంగ్‌కు డ్యాన్స్‌తో అదరగొట్టారు. ఇది చూసిన ఫ్యాన్స్ రాకింగ్ స్టార్ అంటూ కామెంట్స్ పెడుతున్నారు. యశ్ డ్యాన్స్ చేసిన వీడియోను ఓ నెటిజన్‌ ట్విటర్‌లో పోస్ట్ చేయడంతో తెగ వైరలవుతోంది.వివాదంలో టాక్సిక్ టీమ్యశ్ నటిస్తోన్న టాక్సిక్‌ టీమ్ ఊహించని వివాదంలో చిక్కుకుంది. రీసెంట్‌గా బెంగళూరు సమీపంలోని పీణ్య-జలహళ్లి దగ్గరలో కొత్త షెడ్యూల్ మొదలైంది. రెండు రోజులు షూటింగ్ చేశారు. అయితే సెట్ నిర్మాణ కోసం అక్రమంగా వేలాది చెట్లు నరికేశారనే ఆరోపణలొచ్చాయి.ఈ విషయంపై కర్ణాటక అటవీశాఖ మంత్రి ఈశ్వర్ ఖండ్రే.. 'టాక్సిక్' మూవీ టీమ్ చెట్లు నరికేశారని చెప్పి ఆగ్రహం వ్యక్తం చేశారు. ఈ మేరకు ట్వీట్ చేయడంతో పాటు స్యయంగా ఆ ప్రదేశానికి వెళ్లి సందర్శించారు. చెట్ల‌ నరికివేతకు అనుమతించిన వ్యక్తులపై క్రమశిక్షణా చర్యలు తీసుకోవాలని అటవీశాఖ అధికారులను ఆదేశించారు. దీంతో షూటింగ్ అర్థంతరంగా నిలిచిపోయింది.Rocking Star @TheNameIsYash bringing all the energy, dancing to Century Star @NimmaShivanna 's hit "Tagaru Bantu Tagaru" at Yatharv’s birthday party.#YashBoss #Shivanna pic.twitter.com/pM1mM413NZ— Bhargavi (@IamHCB) October 31, 2024

కన్నడ హీరో కిచ్చా సుదీప్‌ పీఎంవో నుంచి వచ్చిన లేఖపై స్పందించారు. ఇలాంటి కష్ట సమయంలో అండగా నిలిచినందుకు ప్రధాని నరేంద్ర మోదీకి ధన్యవాదాలు తెలిపారు. మీ లేఖ నాలో ధైర్యాన్ని నింపిందని కిచ్చా సుదీప్ ట్విటర్ ద్వారా పోస్ట్ చేశారు.కాగా ఇటీవల కన్నడ స్టార్ కిచ్చా సుదీప్‌ మాతృమూర్తి సరోజా సంజీవ్ (86) కన్నుమూసింది. అనారోగ్యంతో బెంగళూరులోని ఓ ఆస్పత్రిలో చేరిన ఆమె తుదిశ్వాస విడిచింది. ఈ విషయం తెలుసుకున్న పలువురు సినీ ప్రముఖులు, అభిమానులు ఆమె మరణం పట్ల సంతాపం తెలిపారు. ఆమె మృతి పట్ల సంతాపం ప్రకటిస్తూ పీఎంవో నుంచి లేఖ కూడా వచ్చింది. తాజాగా ఆ లేఖకు హీరో సుదీప్ రిప్లై ఇచ్చారు. Honarable @PMOIndia @narendramodi ji, I am writing to sincerely thank you for this compassionate condolence letter. Your thoughtful words provide a source of comfort during this profoundly difficult time.Your empathy has touched my heart deeply, and I am truly grateful for your… pic.twitter.com/u4aeRF8Sw3— Kichcha Sudeepa (@KicchaSudeep) October 28, 2024

కన్నడ హీరో దర్శన్‌ ప్రస్తుతం బళ్లారి జైలులో ఉన్నారు. ఓ అభిమాని హత్య కేసులో అరెస్టయ్యారు. అయితే కన్నడ ఇండస్ట్రీలో ఆయనకు ఫ్యాన్ ఫాలోయింగ్ మాత్రం ఓ రేంజ్‌లో ఉంది. తాజాగా అతన్ని కలిసేందుకు ఓ అభిమాని వినూత్న రీతిలో ప్రయత్నించారు. టెడ్డీ బేర్ వేషంలో వచ్చి జైలు బయట కనిపించారు."మేము మీ కోసం ఎదురు చూస్తున్నాము" అని రాసి ఉన్న ప్లకార్డును జైలు బయట ప్రదర్శించాడు. అతన్ని శివమొగ్గలోని సాగర్‌కు చెందిన కార్తీక్‌గా గుర్తించారు. అయితే అభిమాన హీరోను కలిసేందుకు జైలు అధికారులు అనుమతి నిరాకరించారు. ఎందుకంటే కఠినమైన నిబంధనలే కారణంగా తెలుస్తోంది.కాగా.. రేణుకాస్వామి అనే అభిమాని హత్య కేసులో దర్శన్, అతని ప్రియురాలు పవిత్ర గౌడ ప్రస్తుతం జైలులో ఉన్నారు. వీరి బెయిల్ పిటిషన్‌ను బెంగళూరు సిటీ సివిల్ అండ్ సెషన్స్ కోర్టు (సిసిహెచ్) ఇవాళ మరోసారి తిరస్కరించిన సంగతి తెలిసిందే. అంతకుముందు పరప్పన అగ్రహార జైలులో ఉన్న దర్శన్‌ను భద్రతా కారణాల దృష్ట్యా బళ్లారికి తరలించారు.

సౌత్ ఇండియా సినిమా అవార్డుల వేడుక(సైమా) దుబాయ్‌లో జరుగుతోంది. సౌత్‌కు చెందిన వివిధ భాషలకు చెందిన సినీతారలు ఈ వేడుకల్లో పాల్గొన్నారు. బాలీవుడ్ తారలు ఐశ్వర్యరాయ్ సైతం సైమా ఈవెంట్‌లో మెరిశారు. అయితే ఈ వేడుకల్లో కన్నడ హీరో కిచ్చా సుదీప్ తనదైన స్టైల్లో కనిపించారు. ఈ సందర్భంగా సీసీఎల్‌ కొత్త సీజన్‌ను వేదికపై కిచ్చా సుదీప్ ప్రకటించారు.అయితే వేదికపై హైదరాబాద్‌కు చెందిన యాంకర్‌ పొరపాటున కన్నడను కన్నడ్‌ అంటూ సంభోధించారు. దీనిపై హీరో కిచ్చా సుదీప్ స్పందించారు. ముంబయి వాళ్లు అలా పిలిస్తే ఓకే.. కానీ నువ్వు హైదరాబాదీ అయి ఉండి ‍‍అలా పిలవడం కరెక్ట్‌ కాదు' అని సుదీప్ అన్నారు. దీంతో యాంకర్ వెంటనే సారీ చెప్పాడు. ఇకపై కన్నడ అని సంబోధించాలంటూ అతనికి కిచ్చా సూచించారు. దీనికి సంబంధించిన వీడియో సోషల్ మీడియాలో వైరల్‌గా మారింది. కాగా.. గతంలో 2022లో బెంగళూరులో జరిగిన ఓ ఈవెంట్‌కి హాజరైన సుదీప్ 'హిందీ జాతీయ భాష కాదు' అని అన్నారు. దీంతో అజయ్ దేవగన్ ఆగ్రహం వ్యక్తం చేస్తూ సుదీప్‌కి హిందీలో సమాధానమిచ్చాడు. దీంతో వీరిద్దరి మధ్య ట్విటర్‌లో వార్ జరిగింది. అయితే ఆ తర్వాత అనువాదంలో పొరపాటు జరిగిందంటూ అజయ్ దేవగణ్ ఈ వివాదానికి చెక్ పెట్టాడు. ఇక సినిమాల విషయానికొస్తే ప్రస్తుతం సుదీప్ మ్యాక్స్‌ చిత్రంలో కనిపించనున్నారు. Hello @ajaydevgn sir.. the context to why i said tat line is entirely different to the way I guess it has reached you. Probably wil emphasis on why the statement was made when I see you in person. It wasn't to hurt,Provoke or to start any debate. Why would I sir 😁 https://t.co/w1jIugFid6— Kichcha Sudeepa (@KicchaSudeep) April 27, 2022(ఇది చదవండి: గౌరవ డాక్టరేట్‌కు నో చెప్పిన కిచ్చా సుదీప్‌.. అభినందిస్తున్న ఫ్యాన్స్‌)కాగా.. ఈ ఏడాది సైమా అవార్డుల్లో టాలీవుడ్‌లో నాని హీరోగా నటించిన దసరా, హాయ్ నాన్న సినిమాలు సత్తా చాటాయి. ఉత్తమనటుడుగా నాని, ఉత్తమనటిగా కీర్తి సురేశ్ నిలిచారు. ఈ రెండు చిత్రాలకు కలిపి వివిధ విభాగాల్లో దాదాపు ఎనిమిది అవార్డులు వచ్చాయి. PRIDE OF KANNADA CINEMA ♥️It’s not kannad ,, it’s KANNADA 💥💥Boss on Fire mode @#SIIMA2024 ♥️#KicchaBOSS #MaxTheMovie#BRBFirstBlood pic.twitter.com/gWTUMik4s9— K R R I I S S H H ™ 𝕏 (@krriisshhtveezz) September 15, 2024

ప్రముఖ కన్నడ హీరో, అర్జున్‌ సర్జా మేనల్లుడు ధ్రువ సర్జా హీరోగా తెరకెక్కుతున్న పాన్‌ ఇండియా చిత్రం మార్టిన్‌. ఈ సినిమాను పవర్‌ఫుల్‌ యాక్షన్‌ మూవీగా రూపొందిస్తున్నారు. ఈ చిత్రానికి ఏపీ అర్జున్ దర్శకత్వం వహిస్తున్నారు. ఈ మూవీకి అర్జున్ సర్జా కథను అందించారు. తాజాగా మార్టిన్‌ మూవీ ట్రైలర్‌ను మేకర్స్ రిలీజ్ చేశారు. ట్రైలర్ చూస్తే స్పై యాక్షన్‌ థ్రిల్లర్‌గానే ఈ మూవీని తెరకెక్కించినట్లు తెలుస్తోంది. పాకిస్తాన్‌తో యుద్ధం నేపథ్యంలో రూపొందించిన సన్నివేశాలు అద్భుతంగా ఉన్నాయి. ఇందులో విజువల్స్, యాక్షన్‌ సినీ ప్రియులను తెగ ఆకట్టుకుంటున్నాయి. ఈ సినిమాను అక్టోబర్‌ 11న ప్రేక్షకుల ముందుకు తీసుకురానున్నారు. కన్నడతో పాటు హిందీ, తెలుగు, తమిళం, మలయాళం, బెంగాలీతో సహా ప్రపంచవ్యాప్తంగా 13 భాషల్లో విడుదల చేయనున్నారు.

స్క్రీన్‌పై హీరోగా మెప్పించే దర్శన్‌ నిజ జీవితంలో మాత్రం కరడుగట్టిన విలన్‌గా మారాడు. తన ప్రియురాలు పవిత్ర గౌడను వేధిస్తున్నాడన్న నెపంతో తన గ్యాంగ్‌తో కలిసి అభిమాని రేణుకాస్వామిని అతి దారుణంగా చంపాడు. ఈ నేరాన్ని కప్పిపుచ్చేందుకు ప్రయత్నించాడు. కానీ సీసీ కెమెరాల్లో అడ్డంగా దొరికిపోవడంతో ఇప్పుడు జైల్లో ఊచలు లెక్కపెడుతున్నాడు.ఒక్కసారి ఆ బంధంలో..ఈ కేసు విషయంలో అందరూ దర్శన్‌ను దుమ్మెత్తిపోస్తుండగా యాంకర్‌ హేమలత మాత్రం హీరోకు మద్దతుగా నిలబడింది. ఇక నా వల్ల కావడం లేదు. ఎవరు ఏమైనా అనుకోని.. ఒకరిపై మనం పెంచుకున్న ప్రేమకు, స్నేహానికి ఎల్లప్పుడూ రుణపడి ఉంటాం. ఒక్కసారి స్నేహం అనే బంధంలో ఇరుక్కున్నాక దాని నుంచి బయటకు రాలేము. అప్పుడు, ఇప్పుడే కాదు.. భవిష్యత్తులోనూ ఆ బంధాన్ని వదిలేయాలని అనుకోము. ఆ గౌరవం అలాగే..జరిగిన ఘటన గురించి ఏమని మాట్లాడాలో కూడా అర్థం కావడం లేదు. చట్టం తన పని తాను చేసుకుపోతుంది. కానీ మీ(దర్శన్‌) మీద ఉన్న ప్రేమ, గౌరవం మాత్రం ఎప్పటికీ అలాగే ఉంటుంది. దయచేసి రేణుకాస్వామిని హీరో చేయడం ఆపండి అని రాసుకొచ్చింది. ఇన్‌స్టాగ్రామ్‌లో షేర్‌ చేసిన ఈ పోస్టుకు దర్శన్‌తో కలిసి ఉన్న ఫోటోను జత చేసింది.చదవండి: ప్రియుడితో బిగ్‌బాస్‌ బ్యూటీ బ్రేకప్.. అందుకే అలా చేశారా?

'సలార్' రిలీజ్ టైంలో ఓ కన్నడ స్టార్ హీరో ఆసక్తికర వ్యాఖ్యలు చేశాడు. ఈ సినిమాకు భయపడేది లేదని అన్నాడు. దీంతో ఇతడు ఎవరబ్బా అని తెలుగు ప్రేక్షకులు మాట్లాడుకున్నారు. రీసెంట్‌గా ఇతడు హీరోగా నటించిన 'కాటేరా' సినిమా హిట్ అయింది. ఇప్పుడు ఈ స్టార్ హీరో ఇంట్లో గొడవలు జరుగుతున్నాయట. అది కూడా ఓ హీరోయిన్ వల్ల. ఒక్క వీడియోనే దీనికి కారణమని అంటున్నారు.  అసలేం జరిగింది? కన్నడలో స్టార్ హీరో దర్శన్. ఇతడిని అభిమానులు ముద్దుగా డి-బాస్ అని పిలుస్తుంటారు. ఎప్పుడూ ఏదో ఓ అనవసరమైన కామెంట్స్ చేస్తూ వివాదాల్లో ఉంటాడు. అలాంటిది ఇప్పుడు ఇతడి సంసారంలో చిచ్చు రేగినట్లు తెలుస్తోంది. ఇదంతా కూడా పవిత్ర గౌడ అనే హీరోయిన్.. ఇన్ స్టాలో ఓ వీడియో పోస్ట్ చేయడంతో వచ్చింది. '10 ఏళ‍్ల రిలేషన్‌షిప్ ఇది. ఎప్పటికీ ఇలానే ఉండిపోవాలని కోరుకుంటున్నాను. థ్యాంక‍్యూ దర్శన్' అని వీడియో దిగువన క్యాప్షన్ పెట్టింది. (ఇదీ చదవండి: 'సలార్' నటుడికి కోర్టు నోటీసులు.. కారణం అదే?) స్టార్ హీరో భార్య వార్నింగ్ అయితే చాన్నాళ్ల నుంచి దర్శన్-పవిత్ర గౌడ మధ్య ఏదో ఉందని కన్నడ ఇండస్ట్రీలో రూమర్స్ వస్తూనే ఉన్నాయి. కానీ వాటిని పెద్దగా పట్టించుకోలేదు. కాకపోతే తాజాగా పోస్ట్ చేసిన వీడియోలో హీరో దర్శన్‌తో పవిత్ర గౌడ.. సన్నిహితంగా ఉన్న ఫొటోలు కూడా కొన్ని ఉన్నాయి. వీటిని చూసి నెటిజన్స్ అవాక్కయ్యారు. ఇక దర్శన్ భార్య విజయలక్ష్మి మరింత సీరియస్ అయిందట. ఏకంగా సెట్‌కి వెళ్లి మరీ పవిత్ర గౌడకు వార్నింగ్ ఇచ్చిందట. ఇకపై దర్శన్‌తో కనిపించొద్దని పవిత్ర గౌడకు గట్టిగానే విజయలక్ష్మి చెప్పిందట. ప్రస్తుతం ఈ విషయం కన్నడ ఇండస్ట్రీలో చర్చనీయాంశంగా మారిపోయింది. ఈ విషయం మీద అవసరమైతే లీగల్ యాక్షన్ కూడా తీసుకుంటానని పవిత్రని దర్శన్ భార్య హెచ్చరించిందట. ఇందులో నిజానిజాలు ఏంటనేది తెలియాల్సి ఉంది.  (ఇదీ చదవండి: మాజీ భార్యతో డేటింగ్‌.. నేను మారిపోయా: నటుడు) View this post on Instagram A post shared by 𝙋𝙖𝙫𝙞𝙩𝙝𝙧𝙖 𝙂𝙤𝙬𝙙𝙖 (@pavithra_gowda_7)

పొగరు సినిమాతో తెలుగు ప్రేక్షకులకు దగ్గరైన కన్నడ హీరో ద్రువ సర్జా. ప్రస్తుతం ఈయన కేడీ-ది డెవిల్‌ చిత్రంలో నటిస్తున్నారు. ఈ సినిమా కోసం దాదాపు 18 కేజీల బరువు తగ్గారాయన. ఈ విషయాన్ని స్వయంగా ద్రువ సర్జా సోషల్‌ మీడియా ద్వారా వెల్లడించారు. కేవలం నెల రోజుల వ్యవధిలో 18కేజీలు తగ్గాను. కేడీ-ది డెవిల్‌ సినిమాతో మీ ముందుకు వస్తున్నాను. మీ అందరి ప్రేమ, ఆశీస్సులు కావాలి అంటూ ట్వీట్‌ చేశారు. ఈ క్రమంలో ద్రువ సర్జా పాత ఫోటోలకు, ఇప్పడు చాలా వేరియేషన్‌ కనిపిస్తుందంటూ నెటిజన్లు ప్రశంసలతో ముంచెత్తుతున్నారు. సినిమా కోసం ఎంతలా కష్టపడ్డాడో ఒక్క లుక్‌తో అర్థమవుతుందంటూ కామెంట్స్‌ చేస్తున్నారు. కాగా షోమ్యాన్‌ ప్రేమ్స్‌ దర్శకత్వం వహిస్తున్న ఈ సినిమా కన్నడతో పాటు వివిధ భాషల్లో విడుదల కానుంది. 

ఇటీవల తనపై జరిగిన దాడిపై కన్నడ స్టార్‌ హీరో దర్శన్‌ తొలిసారి స్పందించాడు. దర్శన్‌ హీరోగా నటించిన లేటెస్ట్‌ మూవీ ‘క్రాంతి’ సినిమాలో రెండవ పాటను ఇటీవల కర్ణాటకలోని హోస్పేట్‌లో విడుదల చేశారు. ఈ కార్యక్రమానికి హాజరైన దర్శన్‌ స్టేజీపై అభిమానులకు అభివాదం చేస్తున్న సమయంలో ఓ వ్యక్తి అతడిపై చెప్పు విసిరిన సంగతి తెలిసిందే. దీంతో ఈ ఘటనను ఖండిస్తూ కన్నడ హీరో సుదీప్‌ అసహనం వ్యక్తం చేశాడు. అలాగే ఇలాంటి దాడులు సహించలేనివి అంటూ శివరాజ్‌ కుమార్‌ మండిపడ్డారు. చదవండి: నటి జయప్రదకు షాక్‌, మాజీ ఎంపీపై నాన్‌ బెయిలబుల్‌ వారెంట్‌ అలాగే మరో నటుడు ధనుంజయ్‌, రమ్యలు సైతం దీనిపై స్పందిస్తూ దర్శన్‌కు మద్దతుగా నిలిచారు. దీంతో ఇలాంటి ఈ క్లిష్ట పరిస్థితిలో తనకు అండగా నిలిచిన తన స్నేహితులకు దర్శన్‌ ధన్యవాదాలు తెలిపారు. ఈ మేరకు ఆయన ఇన్‌స్టాగ్రామ్‌లో పోస్ట్‌ షేర్‌ చేస్తూ.. ‘‘ఈ సమయంలో నాకంటే కూడా నా సహ నటీనటులు ఎక్కువగా బాధపడుతున్నారని అర్థమైంది. ఇలాంటి ఘటనలు ఒక మనిషిని బలహీనపరచవు. మరింత దృఢంగా మారుస్తాయి. మన సొంత కన్నడ నేలపైనే గతంలో ఇలాంటి ఎన్నో సంఘటనలను చూశాం. చదవండి: తొలిసారి కూతురిని చూసి ఎమోషనలైన సింగర్‌ రేవంత్‌, వీడియో వైరల్‌ ఈ క్లిష్ట సమయంలో నాకోసం నిలబడి, నాకు మద్దతు ఇచ్చిన స్నేహితులు, నటీనటులకు కృతజ‍్క్షతుల. సినిమా ఈవెంట్‌ను పక్కదారి పట్టించడానికి ప్రయత్నించిన వాళ్లకూ ధన్యవాదాలు. ఒక కార్యక్రమాన్ని నాశనం చేయడానికి వంద మంది వ్యక్తులు ఉంటే.. కొన్ని వేల మంది సెలబ్రిటీలు రంగంలోకి దిగుతారని నేను మొదటి నుంచే చెబుతున్నాను. అదే జరిగింది. నాపై పలువురు వ్యక్తులు కనబరుస్తోన్న ప్రేమాభిమానాలకు ఎప్పటికీ రుణపడి ఉంటా’ అంటూ దర్శన్‌ రాసుకొచ్చాడు. కాగా ఈ కార్యక్రమం ప్రారంభానికి ముందు దర్శన్‌, పునీత్‌ రాజ్‌కుమార్‌ అభిమానులు గొడవ పడ్డారని, కాబట్టి పునీత్‌ అభిమానే ఇలా చేశారని వార్తలు వచ్చాయి.  View this post on Instagram A post shared by Darshan Thoogudeepa Shrinivas (@darshanthoogudeepashrinivas)

కన్నడ హీరో దర్శన్‌కు చేదు అనుభవం ఎదురైంది. సాంగ్‌ లాంఛ్‌ కోసం వెళ్లిన అతడిపై ఓ వ్యక్తి చెప్పు విసరడం దారుణంగా అవమానించాడు. ఆదివారం 'క్రాంతి' సినిమా ప్రమోషన్స్‌లో భాగంగా కర్ణాటకలోని హోస్పేట్‌లో సాంగ్‌ లాంఛ్‌ కార్యక్రమానికి హాజరయ్యాడు దర్శన్‌. స్టేజీపై నిలబడి అభిమానులకు అభివాదం చేస్తున్న సమయంలో అతడిపై ఓ వ్యక్తి చెప్పు విసిరాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఈ ఘటనపై కన్నడ స్టార్‌ శివరాజ్‌కుమార్‌ ఆవేదన వ్యక్తం చేశాడు. 'నిన్న జరిగిన చర్య నా మనసును బాధించింది. ఎవరూ మానవత్వాన్ని మరిచి ఇలాంటి అమానవీయ ఘటనలకు పాల్పడవద్దని కోరుతున్నాను. అభిమానంతో ప్రేమను చూపించండి. అంతేకానీ ద్వేషం, అగౌరవం కాదు'' అంటూ ఓ వీడియో షేర్‌ చేశాడు. కాగా దర్శన్‌ ఇటీవల అదృష్ట దేవతపై చేసిన అనుచిత వ్యాఖ్యల కారణంగానే ఈ దాడి జరిగినట్లు తెలుస్తోంది. 'అదృష్ట దేవత ప్రతిసారీ తలుపు తట్టదు. తలుపు తట్టినప్పుడే చేయి పట్టుకుని బెడ్‌రూమ్‌లోకి లాక్కెల్లి దుస్తులు విప్పేయాలి. అప్పుడు ఆమె ఎక్కడికీ వెళ్లదు' అని దర్శన్‌ చేసిన కామెంట్లు ఎంతగానో వివాదాస్పదమయ్యాయి. అదృష్ట దేవతను లక్ష్మీ దేవతగా భావిస్తారు. శ్రీ విష్ణుమూర్తి భార్య అయిన లక్ష్మీదేవిపై అంత నీచంగా ఎలా మాట్లాడతావంటూ అతడిపై దారుణమైన ట్రోల్స్‌ వచ్చాయి. Keeping all the hate things aside 🥹 Chappali alli hodiddu wrong 😑 I feel sorry for @dasadarshan sir 💔 Never expected this for an KFI star#Kranti #DBoss #Hospete #KicchaSudeep pic.twitter.com/IP3yl22FAn — Rohan Kiccha (@imrohxn_) December 18, 2022 ನೆನ್ನೆ ಹೊಸಪೇಟೆಯಲ್ಲಿ ದರ್ಶನ್ ಅವರ ಮೇಲೆ ನಡೆದ ಕೃತ್ಯ ನನ್ನ ಮನಸ್ಸಿಗೆ ನೋವುಂಟು ಮಾಡಿದೆ. ಈ ರೀತಿಯ ಅಮಾನವೀಯ ಘಟನೆ ಒಂದೇ ಮನೆಯವರಂತಿರುವ ಎಲ್ಲರಿಗೂ ನೋವುಂಟು ಮಾಡುತ್ತದೆ. ಮನುಷ್ಯತ್ವ ಮರೆತು ಯಾರೂ ಈ ರೀತಿಯ ಕೃತ್ಯಗಳನ್ನು ನಡೆಸಬಾರದು ಎಂದು ವಿನಂತಿಸುತ್ತೇನೆ ಅಭಿಮಾನದಿಂದ ಪ್ರೀತಿಯನ್ನು ತೋರಿ; ದ್ವೇಷ ಅಗೌರವವನ್ನಲ್ಲ ನಿಮ್ಮ ಶಿವಣ್ಣ pic.twitter.com/34eJfpdmKk — DrShivaRajkumar (@NimmaShivanna) December 19, 2022 చదవండి: బేబీ బంప్‌తో ఉపాసన, ఫోటోలు వైరల్‌ అమ్మ ఆత్మహత్య చేసుకుంది: ఆదిరెడ్డి ఎమోషనల్‌

కన్నడ స్టార్‌ హీరో ఉపేంద్ర ఆసుపత్రిలో చేరిన సంగతి తెలిసిందే. ఓ సినిమా షూటింగ్‌లో ఉన్న ఆయన శ్వాస తీసుకోవడంలో ఇబ్బంది పడటంతో వెంటనే హాస్పిటల్‌కి తరలించారు. దీంతో ఉపేంద్ర ఆరోగ్యంపై రకరకాల కథనాలు వెలువడ్డాయి.తన ఆరోగ్యంపై అభిమానులు ఆందోళన చెందుతుండడంతో స్వయంగా ఉపేంద్ర ఓ వీడియోను రిలీజ్‌ చేశారు.ట్రీట్‌మెంట్‌ తీసుకున్న వెంటనే తిరిగి షూటింట్‌లో పాల్గొన్నాడయన. ప్రస్తుతం తాను ఆరోగ్యంగానే ఉన్నానని, ఎవరూ ఆందోళన చెందాల్సి అవసరం లేదని తెలిపారు. షూటింగ్‌ లొకేషన్‌లో దుమ్ము ఎక్కువగా ఉండటంతో కాస్త ఇబ్బంది పడ్డానని, అందుకే దగ్గర్లోని హాస్పిటల్‌కి వెళ్లి వచ్చినట్లు వివరించారు. కాగా ప్రస్తుతం ఉపేంద్ర వరుస సినిమాలతో ఫుల్‌ బిజీగా ఉన్నారు. ‘కబ్జా’, ‘త్రిశూలం’, ‘యూఐ’ వంటి సినిమాల్లో ఆయన నటిస్తున్నారు.  Amidst rumours that Kannada actor #Upendra has been hospitalized due to sudden illness, the actor himself clarified that he is doing fine and is continuing to shoot for #UI pic.twitter.com/4AEHwkDovg — FilmKraft (@FilmKraft24) November 25, 2022 ನಾನು ಆರಾಮಾಗಿ ಇದ್ದೀನಿ ಯಾರು ಭಯಪಡುವ ಅವಶ್ಯಕತೆ ಇಲ್ಲ Upendra | uppi | SK news Kannada #uppi #upendra #sknewskannada #sknews #kannada #media #socialmedia #Karnatakanews #viralnews #news #viral YouTube :-https://t.co/H8vCtVxQEU pic.twitter.com/rw4iHZ8xL3 — SK News Kannada (@SKNewsKannada) November 24, 2022

బాక్సాఫీస్‌ సంచలనం సృష్టించిన మూవీ 'కాంతార'. భాషతో సంబంధం లేకుండా వసూళ్ల సునామీ సృష్టిస్తోంది. రిషబ్‌ శెట్టి స్వీయ దర్శకత్వంలో తెరకెక్కిన సినిమా విడుదలై 50 రోజులు అయినా థియేటర్లలో క్రేజ్‌ ఏమాత్రం తగ్గట్లేదు. తాజాగా వసూళ్ల పరంగా మరో రికార్డ్ సాధించింది. ప్రపంచవ్యాప్తంగా  రూ.400 కోట్ల (గ్రాస్‌) వసూళ్లను రాబట్టింది. కర్ణాటకలో కేజీయఫ్‌-2 రికార్డును అధిగమించి రూ.168.50 కోట్ల వసూళ్లతో దూసుకెళ్తోంది. (చదవండి: ఓటీటీకి 'కాంతార'.. ఆ వివాదం వల్లే ఆలస్యమవుతోందా ?) తెలుగు రాష్ట్రాల్లో ఏకంగా రూ.60 కోట్లు, తమిళనాడులో రూ.12.70 కోట్లు, కేరళలో 19.20 కోట్లు, ఓవర్సీస్‌లో రూ.44.50 కోట్లు వసూళ్లు రాబట్టింది. బాలీవుడ్‌లో అ‍యితే ఇప్పటివరకూ రూ.96 కోట్లు వచ్చినట్లు ప్రముఖ సినీ విశ్లేషకుడు తరుణ్‌ ఆదర్శ్‌ ట్వీట్ చేశారు. ప్రస్తుతం సినీ ప్రేక్షకులు అందరూ ఓటీటీలో ఎప్పుడొస్తుందా అని అభిమానులు ఆసక్తిగా ఎదురు చూస్తున్నారు. తెలుగులో డబ్‌ అయి, అత్యధిక వసూళ్లు సాధించిన టాప్‌-5 చిత్రాల జాబితాలో నిలిచింది. మొదటి స్థానంలో ‘కేజీయఫ్‌2’ రూ.185 కోట్ల టాప్‌లో ఉండగా, ఆ తర్వాత 2.ఓ (రూ.100కోట్లు), రోబో (రూ.72కోట్లు), కాంతార (రూ.60) ఐ (రూ.57కోట్లు) ఉన్నాయి. ‘KANTARA’ CROSSES ₹ 400 CR WORLDWIDE… #Kantara territory-wise breakup… Note: GROSS BOC… ⭐️ #Karnataka: ₹ 168.50 cr ⭐️ #Andhra / #Telangana: ₹ 60 cr ⭐️ #TamilNadu: ₹ 12.70 cr ⭐️ #Kerala: ₹ 19.20 cr ⭐️ #Overseas: ₹ 44.50 cr ⭐️ #NorthIndia: ₹ 96 cr ⭐️ Total: ₹ 400.90 cr pic.twitter.com/CmBQbLrZvf — taran adarsh (@taran_adarsh) November 22, 2022

రిషబ్ శెట్టి ఇప్పుడు ఎక్కడ విన్నా అదే పేరు వినిపిస్తోంది. కాంతార మూవీలో ఒక్కసారిగా పాన్ ఇండియా స్థాయిలో క్రేజ్ సంపాందించుకున్నారు రిషబ్ శెట్టి. కన్నడలో విడుదలైన ఈ చిత్రం కేవలం మౌత్‌ టాక్‌తో అన్ని భాషల్లోనూ బాక్సాఫీస్‌ను శాసిస్తోంది. కాంతార అద్భుతమైన విజయంలో ప్రముఖుల ప్రశంసలు అందుకుంది. కానీ.. రిషబ్ బ్యాక్‌ గ్రౌండ్ ఏంటి? అసలు సినిమాల్లోకి రాకముందు ఆయన ఏం చేశారు?  అనే విషయాలపై ఇటీవల ఓ ఇంటర్వ్యూలో పలు ఆసక్తికర విషయాలను రిషబ్ వెల్లడించారు. (చదవండి: సౌత్ సినిమాలు చూసి నవ్వుకునేవారు.. యశ్ సంచలన కామెంట్స్) సినిమాల్లో అరంగేట్రానికి ముందు అనేక ఉద్యోగాలు చేసినట్లు రిషబ్ శెట్టి తెలిపారు. తన అవసరాల కోసం నాన్నను ఎప్పుడూ డబ్బు అడగలేదని వెల్లడించారు.రిషబ్ శెట్టి నటుడిగా తన ప్రారంభ దశను గుర్తుచేసుకున్నాడు. మొదట క్లాప్ బాయ్‌గా, అసిస్టెంట్ డైరెక్టర్‍గా పనిచేశానని చెప్పారు.  రిషబ్ శెట్టి మాట్లాడుతూ.. 'నేను నటుడిని కావాలనుకున్నా. కానీ పరిశ్రమలో నాకు ఎటువంటి పరిచయాలు లేవు. ఎలా అప్రోచ్ అవ్వాలనేది నా ఆలోచన. అందుకే నేను ఒక కన్నడ నటుడి కథను చదివా. అతను అసిస్టెంట్ డైరెక్టర్‌గా ప్రారంభించి.. హీరోగా ఎలా మారాడనే దాని గురించి చదివాను. నా చదువు తర్వాత ఫిల్మ్ మేకింగ్‌పై షార్ట్‌టర్మ్ కోర్సు చేశా. ఆపై అసిస్టెంట్ డైరెక్టర్‌గా పని చేసి.. ఏడేళ్ల తర్వాత నటన వైపు మొగ్గు చూపా.' అని అన్నారు.  (చదవండి: విశ్వక్‌ సేన్‌- అర్జున్‌ వివాదం..యంగ్‌ హీరోపై చర్యలు తప్పవా?) కూలీ పనులకు వెళ్లేవాన్ని: రిషబ్ శెట్టి నటుడిగా అరంగేట్రానికి ముందు చాలా పనులు చేశానని వెల్లడించారు. డిగ్రీ చదివేటప్పుడు సినిమా చూసేందుకు నాన్నను డబ్బులు అడగలేక.. కూలీ పనులకు వెళ్లేవాడినని చెప్పారు.  2004 నుంచి 2014లో నా మొదటి డైరెక్షన్ చేసేవరకు 10 ఏళ్లపాటు వాటర్ క్యాన్‌లు అమ్మడం, రియల్ ఎస్టేట్, హోటల్స్‌లో పనిచేసినట్లు వెల్లడించారు. సినీ ఇండస్ట్రీలో రిషబ్ శెట్టి ప్రయాణం: చదువుకునే సమయంలో సినిమాల్లో అవకాశాల కోసం ప్రయత్నించినట్లు వెల్లడించారు. సినీ పరిశ్రమలో క్లాప్ బాయ్, స్పాట్ బాయ్, అసిస్టెంట్ డైరెక్టర్‌గా పనిచేశారు. తుగ్లక్ అనే చిత్రంలో తన మొదటి పాత్రను పోషించారు. 2016లో రక్షిత్ శెట్టి హీరోగా రిషబ్ తొలి దర్శకత్వం వహించిన చిత్రం రికీ విడుదలై బాక్సాఫీస్ వద్ద యావరేజ్ టాక్ అందుకుంది. ఆపై అదే ఏడాది దర్శకత్వ వహించిన మరో చిత్రం కిరిక్ పార్టీ మూవీ  హిట్‌గా నిలిచింది. 

కేజీఎఫ్ హీరో యశ్ గురించి ప్రత్యేకంగా చెప్పాల్సిన అవసరం లేదు. అంతలా స్టార్ గుర్తింపు తీసుకొచ్చింది ఆ చిత్రం. ఆ సినిమాతో ఏకంగా పాన్‌ ఇండియా స్టార్‌గా ఎదిగిపోయాడు. తాజాగా ముంబైలో జరిగిన ఓ ఇంటర్వ్యూలో సినిమాలపై ఆసక్తికర విషయాలు వెల్లడించారు. గతంలో సౌత్ సినిమాలను చూసి ఉత్తరాది ప్రజలు ఎగతాళి చేసేవారని అన్నారు.  (చదవండి: బ్రహ్మస్త్ర-2లో కేజీఎఫ్‌‌ హీరో.. కరణ్ జోహార్‌ క్లారిటీ..!) కానీ ప్రస్తుతం సౌత్ సినిమాలు బాక్సాఫీస్‌ను శాసిస్తున్నాయని తెలిపారు. అయితే ఇండియాను ప్రముఖంగా బాలీవుడ్ చిత్ర పరిశ్రమగా మాత్రమే  పరిగణించేవారని వెల్లడించారు. దక్షిణాది సినిమాలు హిందీ చిత్రాలతో పోటీపడాలంటే కష్టతరంగా భావించేవారు. కానీ రాజమౌళి మూవీ బాహుబలి తర్వాత ఇది పూర్తిగా మారిపోయిందని యశ్ అన్నారు.  రాజమౌళి తెరకెక్కించిన ‘బాహుబలి’ తర్వాతే ఉత్తరాది వాళ్లు దక్షిణాది చిత్రాలపై మక్కువ పెంచుకున్నారని తెలిపారు. సౌత్‌ సినిమాకు ఇంతలా ప్రాచుర్యం సొంతం చేసుకుందంటే ప్రధాన కారణం జక్కన్నే అని యశ్‌ అన్నారు. ‘కేజీయఫ్‌’తో ప్రపంచవ్యాప్తంగా గుర్తింపు తెచ్చుకున్న ఆయన తాజాగా ముంబయిలో జరిగిన ఓ కార్యక్రమంలో దక్షిణాది చిత్రాలపై ఆసక్తికర వ్యాఖ్యలు చేశారు. యశ్ మాట్లాడుతూ.. '10 సంవత్సరాల క్రితమే డబ్బింగ్ చిత్రాలు బాగా ప్రాచుర్యం పొందాయి. కానీ మొదట్లో అందరూ భిన్నమైన అభిప్రాయాలతో చూడటం ప్రారంభించారు. సౌత్ సినిమాలంటే జనాలు ఎగతాళి చేసేవారు. 'ఇదేం యాక్షన్ .. అందరూ అలా ఎగిరిపోతున్నారు' అని నవ్వుకునేవారు. కానీ చివరికి వారు కళారూపాన్ని అర్థం చేసుకోవడం ప్రారంభించారు. అంతే కాకుండా దక్షిణాది సినిమాలు తక్కువ ధరకు అమ్ముడయ్యేవి. రాజమౌళి తెరకెక్కించిన ‘బాహుబలి’తో మా చిత్రాలు ప్రాచుర్యంలోకి వచ్చాయి. ఇప్పుడు సౌత్‌ సినిమాలను అందరూ గుర్తిస్తున్నారు.' అని అన్నారు. కేజీయఫ్‌-3’ గురించి మాట్లాడుతూ.. ఆ ప్రాజెక్ట్‌ ఇప్పుడే ఉండదని, అది పట్టాలెక్కడానికి చాలా సమయం పడుతుందని, ప్రస్తుతానికి వేరే ప్రాజెక్ట్‌లపై తన దృష్టి ఉందని, త్వరలోనే కొత్త సినిమా వివరాలు ప్రకటిస్తానని అన్నారు. (చదవండి: పారితోషికం రెట్టింపు చేసిన కేజీఎఫ్‌ బ్యూటీ!)

రిషబ్‌ శెట్టి  హీరోగా, దర్శకుడిగా తెరకెక్కించిన కన్నడ బ్లాక్ బస్టర్ చిత్రం ‘కాంతార’. ఈ మూవీ బాక్సాఫీస్‌ వద్ద ప్రభంజనం సృష్టించింది. సెప్టెంబర్ 30న కన్నడలో రిలీజైన ఈ చిత్రాన్ని తెలుగులో  అక్టోబర్ 15న విడుదల చేశారు. తాజాగా చిత్ర యూనిట్ సక్సెస్ టూర్ ప్రారంభించింది. ఇందులో భాగంగా ముంబయి చేరుకున్న రిషబ్‌ శెట్టి సినిమాకు సంబంధించిన పలు విశేషాలను అభిమానులతో పంచుకున్నారు. అలాగే కాంతారపై వస్తున్న పలు విమర్శలకు ఆయన సమాధానమిచ్చారు.  (చదవండి: ఇది అసలు ఊహించలేదు.. కాంతార హీరో రిషబ్ శెట్టి) రిషబ్‌ శెట్టి మాట్లాడుతూ..'వాటిపై ఎలాంటి కామెంట్స్‌ చేయాలనుకోవడం లేదు. అందరికీ సొంత అభిప్రాయాలు ఉంటాయి. వంద శాతం మా సినిమాపై ప్రశంసల వర్షం కురిపిస్తున్నారు. ఈ  సినిమా ఎంతలా ప్రజాదరణ సొంతం చేసుకుందన్నది మీ అందరికీ తెలుసు. కాబట్టి నెగెటివ్‌ కామెంట్స్‌కు ప్రేక్షకులే సమాధానమిస్తారు.'అని అన్నారు. హిందీలో కాంతార రీమేక్..: కాంతార మూవీని హిందీలో రీమేక్‌ చేస్తే ఎవరు హీరోగా నటిస్తే బాగుంటుందని ఓ అభిమాని ప్రశ్నించారు. దీనికి రిషబ్‌ బదులిస్తూ..'కాంతార’ సంస్కృతి, సంప్రదాయానికి సంబంధించిన సినిమా. ఈ చిత్రంలో పాత్రను పోషించాలంటే అక్కడి ప్రజల సంస్కృతిని అర్థం చేసుకోవాలి. బాలీవుడ్‌లో చాలామంది స్టార్‌ హీరోలంటే నాకు ఇష్టం. రీమేక్‌లపై నాకు పెద్దగా ఆసక్తి లేదు' అని సమాధానమిచ్చారు. బాలీవుడ్‌లోనూ రిలీజైన ఈ చిత్రం వసూళ్లతో దూసుకెళ్తోంది.

ప్రస్తుతం అందరి నోటా మార్మోగుతున్న సినిమా పేరు 'కాంతార'. కన్నడలో చిన్న సినిమాగా వచ్చి బాక్సాఫీస్‌ను షేక్ చేస్తోంది. ఈ చిత్ర దర్శకుడు, హీరో రిషబ్ శెట్టి పేరు ఒక్కసారిగా దేశవ్యాప్తంగా మార్మోగిపోతోంది. అయితే ఈ సినిమాకు వస్తున్న ఆదరణ చూసి ఆ హీరో ఎవరు? ఆయన గత చరిత్ర ఏంటి? అని సినీ ప్రేక్షకులు నెట్టింట్లో వెతుకుతున్నారు. అతని గురించి ఎవరికీ తెలియని ఇంట్రెస్టింగ్ విషయాలు ఒక్కసారి తెలుసుకుందాం. రిషబ్ శెట్టి నేపథ్యం: కాంతార హీరో రిషబ్ శెట్టి అసలు పేరు ప్రశాంత్ శెట్టి. కర్ణాటకలోని కుందాపూర్‌లో 1983 జులై 7న ఆయన జన్మించారు. హిందూ కుటుంబంలో పుట్టిన అతని తండ్రి పేరు భాస్కర్ శెట్టి. తల్లి పేరు లక్ష్మి శెట్టి. రిషబ్‌  ప్రవీణ్ శెట్టి అనే సోదరుడు ఉన్నాడు. రిషబ్ కెరీర్ విషయానికొస్తే ఫిలిం డైరెక్షన్‌లో డిప్లొమా చేసిన ఆయన కన్నడ దర్శకుడు ఏ.ఎం.ఆర్ రమేష్ వద్ద అసిస్టెంట్‌గా చేరారు. అతను తెరకెక్కించిన ‘సైనైడ్’ చిత్రానికి అసిస్టెంట్ డైరెక్టర్‌గా పని చేశారు. అలా ఆయన సినీ జీవితం ప్రారంభమైంది. (చదవండి: ‘కాంతార’ మూవీపై కంగనా రనౌత్‌ ఆసక్తికర వ్యాఖ్యలు) సినిమా అంటే ఫ్యాషన్: రిషబ్ శెట్టి పలు టీవీ సిరీస్‌ల్లోనూ పనిచేశారు. ఆ సమయంలో ఆర్థికంగా ఇబ్బందులు ఎదుర్కొన్నారు. ఇంట్లో వాళ్లు ఈ పని మానేసి ఏదైనా మంచి ఉద్యోగం చేసుకోమని సలహాలు ఇచ్చినా పట్టించుకోలేదు. ఆయనకున్న ఫ్యాషన్‌తో సినిమా రంగంలోనే కొనసాగారు. రిషబ్ 2010లో నటుడిగా కెరీర్ ప్రారంభించారు. 'నామ్ ఓరీలి ఒండినా' అనే చిత్రంలో పెద్దగా ప్రాధాన్యత లేని రోల్‌లో నటించారు. ఆ తర్వాత రక్షిత్ శెట్టి నటించిన 'తుగ్లక్'లోనూ కనిపించారు. ఇలా చిన్న చిన్న పాత్రలు చేసే అవకాశాలు నామమాత్రంగానే వచ్చినా ఎక్కడా వెనకడుగు వేయలేదు. నటన కంటే దర్శకత్వంపైనే ఆసక్తి : కానీ ‍అదే సమయంలో రిషబ్‌కు దర్శకత్వంపై ఆసక్తి ఏర్పడింది. ఓ వైపు సినిమాల్లో నటిస్తూనే మరోవైపు డైరెక్షన్ చేసే ప్రయత్నాలు మొదలెట్టారు. అలా 2017లో రక్షిత్ శెట్టి ఆయనకు ఓ అవకాశం ఇచ్చారు. రిషబ్ డైరెక్షన్‌లో వచ్చిన మొదటి సినిమా 'రిక్కీ' 2016లో విడుదలైంది. ఈ మూవీలో హరిప్రియ హీరోయిన్‌గా నటించగా.. బాక్సాఫీస్ వద్ద ఫర్వాలేదనిపించింది.  (చదవండి: త్వరలో 'కాంతార' హీరో రిషబ్‌ శెట్టితో సినిమా: అల్లు అరవింద్‌) ఆ తర్వాత చేసిన ‘కిరిక్ పార్టీ’ మూవీ రిషబ్ కెరీర్‌లో బ్లాక్‌బస్టర్‌గా నిలిచింది. ఇక రిషబ్ వెనక్కి తిరిగి చూడాల్సిన అవసరం రాలేదు. ఈ చిత్రంలో కూడా రక్షిత్ శెట్టి హీరోగా నటించగా.. రష్మిక మందన్నా ఈ సినిమాతో సినీ రంగ ప్రవేశం చేసింది. ప్రస్తుతం ఈ ముద్దుగుమ్మ నేషనల్ క్రష్‌గా పాపులర్ అయింది. ఆయనకు నటుడిగా ‘బెల్ బాటమ్’ మూవీ మంచి గుర్తింపును తీసుకొచ్చింది. ఈ చిత్రానికి సీక్వెల్ కూడా రూపొందిస్తున్నారు. ఆ సినిమాకు జాతీయ అవార్డు:  రిషబ్ శెట్టి తెరకెక్కించిన మూడో చిత్రం 'సర్కారీ హిరియా ప్రాథమిక షాలే కాసరగడ్'. 2018లో వచ్చిన ఈ సినిమా ఉత్తమ బాలల చిత్రం కేటగిరీలో రిషబ్‌కు నేషనల్ అవార్డు వరించింది. ఈ మూవీకి నిర్మాత కూడా అతనే. అంతే కాకుండా ఫిలిం ఫేర్ అవార్డు, ఐఫా అవార్డు, సైమా అవార్డులు కూడా కైవసం చేసుకుంది.  అయితే కాంతార హీరో ఓ టాలీవుడ్‌ సినిమాలో కూడా నటించారన్న సంగతి ఎక్కువ మందికి తెలియదు. ఈ ఏడాది తాప్సీ ప్రధాన పాత్రలో తెరకెక్కిన 'మిషన్ ఇంపాజిబుల్' చిత్రంలో ఖలీల్ పాత్రలో నటించారు. రిషబ్‌కు 2017లో ప్రగతి శెట్టిని వివాహం చేసుకున్నారు. ఈ జంటకు ఇద్దరు పిల్లలు కూడా ఉన్నారు. అతను ప్రస్తుతం నిర్మాతగా ఒక చిత్రం, దర్శకుడిగా మరో మూవీ చేస్తున్నారు. ఇప్పటికే ఆ ప్రాజెక్టులను అధికారికంగా ప్రకటించారు కూడా.

కన్నడ స్టార్‌ హీరో దర్శన్‌పై పోలీసు కేసు నమోదైంది. దర్శన్‌  బెదిరిస్తున్నాడని, అతడి వల్ల తనకు ప్రాణహాని ఉందంటూ ప్రముఖ నిర్మాత పోలీసులను ఆశ్రయించాడు. దీంతో దర్శన్‌పై కెంగేరి పోలీస్‌ స్టేషన్‌లో కేసు నమోదైంద. వివరాల్లోకి వెళితే.. భరత్‌ విష్ణుకాంత్‌ అనే నిర్మాత భగవాన్‌ శ్రీకృష్ణ పరమాత్మ అనే చిత్రాన్ని నిర్మిస్తున్నాడు. ఇందులో నటుడు ధృవన్‌ లీడ్‌ రోల్‌ పోషిస్తున్నాడు. అయితే కరోనా, లాక్‌డౌన్‌ వల్ల ఈ సినిమా షూటింగ్‌ మధ్యలోనే ఆగిపోయింది. ప్రస్తుతం తన వద్ద డబ్బు లేకపోవడంతో నిర్మాత సినిమాను పూర్తి చేయలేకపోయాడు. చదవండి: లలిత్‌ మోదీతో డేటింగ్‌.. మాజీ ప్రియుడితో మీడియాకు చిక్కిన సుష్మితా, వీడియో వైరల్‌ ఇదే విషయాన్ని ప్రొడ్యూసర్‌ ధృవన్‌కు వివరించాడు. ఒకవేళ డబ్బు సర్ధుబాటు అయితే గనుక తాను సినిమాను తిరిగి ప్రారంభిస్తానని మాట కూడా ఇచ్చాడట. కానీ ఆ విషయాన్ని పట్టించుకొని ధృవన్‌ స్టార్‌ హీరో అయిన దర్శన్‌కు చెప్పుకుని వాపోయాడు. అనంతరం దర్శన్‌.. నిర్మాత భరత్‌కు ఫోన్‌ చేసి సినిమాను ఎలాగైన పూర్తి చేయాలని, లేదంటే తీవ్ర పరిణామాలు ఎదుర్కొంటావంటూ బెదిరింపులకు దిగాడు. దీంతో భయపడిన భరత్‌ పోలీసులను ఆశ్రయించి హీరో దర్శన్‌, నటుడు ధృవన్‌ వల్ల తనకు ప్రాణహాని ఉందని ఫిర్యాదు చేశాడు. వారిపై పటిషన్‌ దాఖలు చేసి దానితో పాటు దర్శన్‌ మాట్లాడిన ఆడియో క్లిప్‌ను కూడా పోలీసులకు అందజేశాడు. చదవండి: నటుడికి గుండెపోటు, వెంటిలేటర్‌పై చికిత్స అందిస్తున్న వైద్యులు కాగా ఆడియోలో దర్శన్‌, నిర్మాతతో.. ‘వెంటనే సినిమాను పూర్తి చేయాలని, లేదంటే ఏదైనా జరగొచ్చు. నేను తలుచుకుంటే కనబడకుండా పోతావ్‌. నేను ఏదైనా చెప్పే చేస్తాను. నిన్ను ఎక్కడా కనిపించకుండా చేయగలను’ అంటూ నిర్మాతను భయపెట్టడం.. దీంతో నిర్మాత లాక్‌డౌన్‌ తర్వాత సినిమాను ప్రారంభిస్తానని చెప్పుకురాడం ఆడియోలో క్లియర్‌ ఉంది. ఇక ఈ ఆడియో ఆధారంగా పోలీసులు దర్శన్‌, నటుడు ధృవన్‌పై కేసు నమోదు చేసి దర్యాప్తు చేస్తున్నారు. కాగా శాండల్‌వుడ్‌ స్టార్‌ హీరో అయిన దర్శన్‌కు కన్నడలో విపరీతమైన ఫ్యాన్స్‌ ఫాలోయింగ్‌. ఇక ఆయనను ఫ్యాన్స్‌ డిబి బాస్‌ అని పిలుచుకుంటారనే విషయం తెలిసిందే.

‘దియా’ ఫేం, కన్నడ యంగ్‌ హీరో పృథ్వీ అంబర్‌ ఇంట తీవ్ర విషాదం చోటు చేసుకుంది. ఆయన తల్లి సుజాత కన్నుమూశారు. కొంతకాలం హృదయ సంబంధిత సమస్యలతో బాధపడుతున్న ఆమె ఆరోగ్యం బెంగళూరులోని ఓ ఆసుపత్రిలో చికిత్స పొందుతుంది. ఈ క్రమంలో శుక్రవారం ఆరోగ్యం విషమించడంతో ఆమె తుదిశ్వాస విడిచారు. తల్లి మరణంతో పృథ్వీ ఇంట విషాద చాయలు నెలకొన్నాయి. ఆమె మృతిపట్ల కన్నడ టీవీ, సినీ నటీనటులు సంతాపం తెలుపుతు పృథ్వీ కుటుంబ సభ్యులను పరామర్శిస్తున్నారు. చదవండి: పూరీ దంపతుల విడాకులపై అంబర్‌ పేట్‌ శంకరన్న క్లారిటీ! కాగా పృథ్వీ పలు టీవీ సీరియల్స్‌లో నటించి గుర్తింపు పొందాడు. 2008 ‘రాథా కల్యాణ’ సీరియల్‌తో నటుడిగా పరిచమైన పృథ్వీ ఆ తర్వాత అంచెలంచెలుగా ఎదుగుతూ హీరో అయ్యాడు. 2014లో వచ్చిన ‘బరికే’ అనే తుళు సినిమాతో వెండితెర ఎంట్రీ ఇచ్చిన పృథ్వీ 2020లో వచ్చిన ‘దియా’ సినిమాతో హీరో అయ్యారు. ఈ సినిమా తెలుగులోనూ ‘దియా’ పేరుతో రిలీజై మంచి విజయాన్ని సొంతం చేసుకుంది. హీరోగా పృధ్వీ నటనకు మంచి మార్కులు పడ్డాయి.  చదవండి: లలిత్‌ మోదీ కంటే ముందు 9 మందితో సుష్మితా డేటింగ్‌, వారెవరంటే!

ఇటీవల గోవా పర్యటనకు వెళ్లిన కన్నడ హీరో దిగంత్‌ మంచలే ప్రమాదానికి గురయ్యాడు. ఈ ప్రమాదంలో తీవ్రంగా గాయపడ్డ అతడు ప్రస్తుతం బెంగళూరులోని మణిపాల్‌ ఆసుపత్రిలో చికిత్స పొందుతున్నాడు. ఇటీవల భార్య ఐంద్రిత రేతో గోవా పర్యటనకు వెళ్లిన అతడు అక్కడ బీచ్‌లో జంప్‌ చేస్తుండగా గాయపడ్డాడు. దీంతో అతడికి గోవాలో ప్రాథమిక చికిత్స అందించిన అనంతరం మెరుగైన వైద్యం కోసం ప్రత్యేక విమానంలో బెంగళూరుకు తరలించారు. చదవండి: పూజాకు నిర్మాతలు షాక్‌, ఆ బిల్లులు కట్టమని చేతులెత్తేశారట! అయితే ప్రమదానికి గల కారణాలు ఇంకా తెలియాల్సి ఉంది. ‘వాన’ చిత్రంలో కీ రోల్‌ పోషించిన దిగంత్‌కు అడ్వెంచర్స్‌ చేయడం అంటే ఆసక్తి. దీంతో తరచూ అతడు సైకిలింగ్‌, ట్రెక్కింగ్‌,  సముంద్రంలో స్క్యూబా డైవింగ్‌ చేస్తుంటాడు. అంతేకాదు ఈ వీడియోలను తరచూ తన సోషల్‌ మీడియా ఖాతాలో షేర్‌ చేస్తుంటాడు. కాగా గాలిపాట, హౌస్‌ఫుల్‌ వంటి చిత్రాలతో గుర్తింపు పొందిన దిగంత్‌ ఇటీవల నటించిన గాలిపాట 2 మూవీతో ఆగష్టు 12న విడుదలకు సిద్ధమవుతుంది. ప్రస్తుతం తెలుగులో అడివి శేష్‌ నటించిన ‘ఎవరు’ కన్నడ రీమేక్‌లో నటిస్తున్నాడు.

Actor Arjun Sarja Tests Positive For COVID-19: దేశంలో కరోనా మళ్లీ విజృంభిస్తుంది. సినీ ఇండస్ట్రీని సైతం కరోనా వదలడం లేదు. ఇప్పటికే కరీనా కపూర్‌, అమృతా అరోరా సహా పలువురు సెలబ్రిటీలు కోవిడ్‌ బారిన పడ్డారు. తాజాగా యాక్షన్‌ కింగ్‌ అర్జున్‌ సర్జాకు సైతం కరోనా పాజిటివ్‌ అని నిర్థారణ అయ్యింది. ఈ విషయాన్ని స్వయంగా ఆయనే సోషల్‌ మీడియా ద్వారా వెల్లడించారు. 'నాకు కరోనా పాజిటివ్‌ అని తేలింది. వైద్యుల సూచనల మేరకు అన్ని జాగ్రత్తలు పాటిస్తూ ఐసోలేషన్‌లో ఉన్నాను. కొన్ని రోజులుగా నన్ను కలిసిన వాళ్లంతా టెస్టులు చేయించుకోవాలని కోరుతున్నాను. నేను బాగానే ఉన్నాను. దయచేసి అందరూ జాగ్రత్తగా ఉండండి. మాస్క్‌ తప్పనిసరిగా ధరించండి' అంటూ అర్జున్‌ తన ఇన్‌స్టాగ్రామ్‌ స్టోరీలో రాసుకొచ్చారు.  చదవండి: పార్టీలతో హల్‌చల్‌.. బీటౌన్‌లో కరో(రీ)నా టెన్షన్‌

సాధారణంగా ఓ వ్యక్తికి సమాజంలో గుర్తింపు, హోదా వచ్చిదంటే చాలు.. వారు ఇక సెలెబ్రిటీ అయిపోతారు. హోదాని దృష్టిలో పెట్టుకొని, తమకంటే తక్కువ స్థాయిగల వారితో మాట్లాడడానికే నిరాకరిస్తారు. చిత్రపరిశ్రమలో అయితే ఇది మరీ ఎక్కువ. ఒక్క సినిమా తీసి హిట్‌ కొడితే చాలు.. ఇక ఆ హీరో చరిత్రే మారిపోతుంది. ఉండే ఇల్లు మొదలు... చేసే స్నేహం వరకు అన్ని మారిపోతాయి. గతం మర్చిపోయి కొత్త జీవితాన్ని ఎంజాయ్‌ చేస్తారు. తన ఎదుగుదలకు సహకరించిన వారితో పాటు, చిన్ననాటి స్నేహితులను కూడా మర్చిపోతారు. కానీ కన్నడ స్టార్‌ హీరో దర్శన్‌ మాత్రం ఇందుకు విరుద్దం. చిన్ననాటి స్నేహితులతో పాటు, తనను స్కూల్‌కు తీసుకెళ్లిన ఆర్టీసీ డ్రైవర్‌ని కూడా మర్చిపోలేదు. తాజాగా ఆయన చిన్నతనంలో తనను స్కూల్‌కు తీసుకెళ్లిన ఆర్టీసీ డ్రైవర్ ఇంటికి వెళ్లి అందరిని ఆశ్చర్యపరిచాడు. ఆ ఆర్టీసీ డ్రైవర్‌ నిన్న (మార్చి 22)80వ పుట్టిన రోజు జరుపుకున్నాడు. ఈ విషయం హీరో దర్శన్‌ దృష్టికి వెళ్లింది. ఎప్పటి నుంచో తనను కలుద్దామనుకున్న దర్శన్‌.. ఇదే మంచి సమయం అనుకొని బర్త్‌డే రోజు ఆయన ఇంటికి వెళ్లి సర్‌ప్రైజ్‌ చేశాడు. ఆయనకు పుష్పగుచ్ఛం ఇచ్చి పుట్టినరోజు శుభాకాంక్షలు తెలియజేశాడు. ఇందుకు సంబంధించిన పోటోలను దర్శన్‌ తన సోషల్‌ మీడియా ఖాతా ద్వారా అభిమానులతో పంచుకున్నాడు. దర్శన్‌ చేసిన పనిపై నెటిజన్లు ప్రశంసలు కురిపిస్తున్నారు. దర్శన్‌ రియల్‌ హీరో అని  కామెంట్లు చేస్తున్నారు.  Sarathi meets the real sarathi who used to be KSRTC bus route driver of Our school, today Meet & wished him on his 80th birthday and took his blessings pic.twitter.com/prEQOd4ZZk — Darshan Thoogudeepa (@dasadarshan) March 22, 2021

బెంగళూరు: చిత్ర పరిశ్రమల్లో కరోనా కలకలం సృష్టిస్తోంది. రోజురోజుకు మహమ్మారి బారిన పడుతున్న నటీనటుల సంఖ్య పెరుగుతోంది. ఇప్పటికే ఉత్తరాది, దక్షిణాది చిత్ర పరిశ్రమకు చెందిన పలువురు సెలబ్రిటీలకు కరోనా పాజిటివ్‌ వచ్చిన విషయం తెలిసిందే.  తాజాగా కన్నడ హీరో చిరంజీవి సర్జా సోదరుడు హీరో ధ్రువ సర్జా ఆయన భార్య ప్రేరణ శంకర్‌లు కూడా కరోనా బారిన పడ్డారు. ఈ విషయాన్ని ధ్రువ సర్జా సోషల్‌ మీడియాలో వేదికగా ప్రకటించాడు. వారిలో తేలికపాటి కరోనా లక్షణాలు కనిపించడంతో కోవిడ్‌ పరీక్షలు చేయించుకోగా పాజిటివ్‌ వచ్చినట్లు బుధవారం ట్వీట్‌ చేశాడు. (చదవండి: ‘నువ్వు లేకుండా ఉండలేం.. వచ్చేయ్‌’) ‘నాకు, నా భార్యకు పాజిటివ్‌ వచ్చింది. మాలో తేలికపాటి కరోనా లక్షణాలు ఉన్నందున బెంగుళూరులోని ఆసుపత్రిలో చేరాలని నిర్ణయించుకున్నాం. మేము త్వరలోనే కోలుకుని పూర్తి ఆరోగ్యంతో తిరిగి వస్తామని ఆశిస్తున్నాను. అయితే గత కొద్దిరోజులుగా ఎవరైతే మమ్మల్ని కలిశారో వారంతా కోవిడ్‌ పరీక్షలు చేయించుకోవాలని విజ్ఞప్తి చేస్తున్నాం’ అంటూ ధ్రువ ట్వీట్‌ చేశాడు. ఆయన సోదరుడు హీరో చిరంజీవి సర్జా జూన్‌ 7వ తేదీన మరణించిన విషయం తెలిసిందే. చిరంజీవి సర్జా మరణంతో విషాదంలో ఉన్న వారి కుటుంబ సభ్యులకు ఇది మరో చేదు వార్త. (చదవండి: కరోనా: ఆసుపత్రిలో చేరిన ప్రముఖ నిర్మాత)

శాండల్‌వుడ్‌ను శాసిస్తున్న నలుగురు హీరోలు, అందులో ఇద్దరు అన్నదమ్ములు, మరో ముగ్గురు నిర్మాతలు.. గురువారం ఉదయం ఒక్కసారిగా ఉలిక్కిపడ్డారు. ఐటీ అధికారులు ఉరుములేని పిడుగులా ఊడిపడే వరకు ఏం జరగబోతోందో అర్థం కానంత గుట్టుగా ఐటీ శాఖ ఆపరేషన్‌ చేపట్టింది. హీరోల ఇళ్లల్లో రాత్రి పొద్దుపోయేవరకు సోదాలు సాగాయి. తదుపరి పరిణామాలేమిటో అని శాండల్‌వుడ్‌ హీరోల అభిమానుల్లో కలవరం నెలకొంది.   సాక్షి,బెంగళూరు: రాజకీయ నేతలను టార్గెట్‌ చేసుకుని దాడులు చేసిన ఐటీ శాఖ రూటు మార్చి శాండల్‌వుడ్‌పై భారీ దాడులకు నాంది పలికింది. ప్రముఖ హీరోలు శివరాజ్‌కుమార్, ఆయన తమ్ముడు పునీత్‌ రాజ్‌కుమార్, తాజా హిట్‌ మూవీ కేజీఎఫ్‌ హీరో యశ్, మరో సీనియర్‌ హీరో కిచ్చ సుదీప్‌ల నివాసాలు, వారి బంధువుల ఇళ్లపై ఐటీ అధికారులు గురువారం ఉదయం నుంచే దాడులు చేపట్టారు. శాండల్‌వుడ్‌ నిర్మాతలు రాక్‌లైన్‌ వెంకటేశ్, సీఆర్‌ మనోహర్, విజయ్‌ కిరంగదూరు, డిస్ట్రిబ్యూటర్‌ జయణ్ణ ఇళ్లపైనా దాడులు నిర్వహించారు. భారీ బడ్జెట్‌ చిత్రాల నిర్మాణం, వాటి కలెక్షన్‌లు, పన్ను ఎగవేత అనుమానాల వల్లే ఐటీ అధికారులు సోదాలకు పాల్పడినట్లు శాండల్‌వుడ్‌లో చర్చించుకుంటున్నారు. బుధవారమే సెర్చ్‌ వారంట్‌ సోదాల నిమిత్తం బుధవారమే కోర్టు నుంచి ఐటీ అధికారులు సెర్చ్‌ వారంట్‌ తెచ్చుకున్నారు. 15 రోజుల క్రితమే బెంగళూరు, పణజి, చెన్నై, హైదరాబాద్, అమరావతితదితర ప్రాంతాల నుంచి వచ్చిన సుమారు 200 మంది ఐటీ అధికారులు ఈ దాడులకు కార్యాచరణను సిద్ధం చేసినట్లు తెలిసింది. ఎక్కడా కూడా ఈ విషయం లీక్‌ కాకుండా పక్బందీ ప్రణాళికలు రచించారు. అనూహ్య దాడులతో సినీరంగంలో గుబులు నెలకొంది.  పునీత్‌ రాజ్‌కుమార్‌ నివాసంలో   సదాశివనగరలోని పునీత్‌ రాజ్‌కుమార్‌ నివాసంపై సోదాలు జరిపి కొన్ని డాక్యుమెంట్లను పరిశీలించినట్లు తెలిసింది. ఇటీవల పునీత్‌ రాజ్‌కుమార్‌ నటించిన అన్ని చిత్రాలు దాదాపుగా విజయవంతం అయ్యాయి. దీనికితోడు ఆయన పీఆర్‌కే అనే ఆడియో కంపెనీ కూడా ప్రారంభించారు. కొద్ది రోజుల్లో నటసార్వభౌమ అనే చిత్రాన్ని కూడా విడుదల చేసేందుకు సన్నాహాలు చేస్తున్నారు. సోదాల సమయంలో భారీగా వజ్రాభరణాలు, బంగారు ఆభరణాలు లభించినట్లు ఈ నేపథ్యంలో వాటిని లెక్క గట్టేందుకు ముగ్గురు బంగారు పరిశోధకులను పిలిపించారు. సుమారు నలుగురు అధికారులు బృందం ఆయన నివాసంలో సోదాలు నిర్వహించారు. ఐటీ అధికారులు అడిగిన ప్రశ్నలకు పునీత్‌ సమాధానాలిచ్చారు.  శివరాజ్‌కుమార్‌ నివాసంలో   మాన్యత టెక్‌పార్కు సమీపంలోని శివరాజ్‌కుమార్‌ ఇంటిలో సోదాలు జరిపారు. ఒక మహిళా అధికారి చేత శివరాజ్‌కుమార్‌ సతీమణి గీతను కూడా విచారించినట్లు తెలిసింది.  ఉదయం 8 గంటలకు సోదాలు ప్రారంభమయ్యాయి. ఆరుగురు అధికారులు సోదాలు నిర్వహించారు. ఇటీవల కాలంలో ఆయన నటించిన సంభావనే, విలన్‌ చిత్రాలకు సంబంధించిన వివరాలు అధికారులు తెలుసుకున్నారు.  యశ్, భార్య, బంధువుల ఇళ్లలో   కేజీఎఫ్‌ చిత్రం ద్వారా దేశవ్యాప్తంగా పేరు సంపాదించిన యశ్‌కు చెందిన నాగరభావిలోని నివాసంపై, కత్రిగుప్పేలో ఉన్న మరో ఇంటిపై కూడా సోదాలు చేశారు. ఆయన సోదరి, మామ ఇళ్లపై కూడా సోదాలు నిర్వహించారు. యశ్‌ మామను అధికారులు రహస్య ప్రాంతానికి కారులో తీసుకెళ్లి మరీ విచారణ చేపట్టారు. యశ్‌ సతీమణి రాధిక పండిత్‌కు చెందిన గాయత్రి నగర్‌ నివాసంలో కూడా అధికారులు సోదాలు చేశారు.  ఎన్‌జీఈఎఫ్‌లోని ఆ చిత్ర నిర్మాత విజయ్‌ కిరంగదూర్‌ ఇళ్లలోనూ గాలింపు జరిపారు.   ముంబయి నుంచి యశ్‌ రాక   తాను నటించిన కేజీఎఫ్‌ చిత్రం ప్రమోషన్‌లో భాగంగా ముంబై వెళ్లిన యశ్‌.. ఐటీ సోదాల విషయం తెలుసుకుని హుటాహుటినా బెంగళూరుకు చేరుకున్నారు. సోదాలు వల్ల తన ఇంట్లో ఫోన్లు అన్నింటిని అధికారులు స్విచ్ఛాఫ్‌ చేశారు. ఇంట్లో పరిస్థితి ఏంటో ఎలా ఉందో కూడా తనకు తెలియదని చెప్పారు. టీవీల ద్వారానే తన ఇంట్లో ఐటీ అధికారులు దాడి చేసినట్లు తెలుసుకున్నట్లు చెప్పారు. ప్రజాస్వామ్యంలో ప్రతిఒక్కరూ చట్టానికి తలొంచాల్సిందేనని తెలిపారు.  మైసూరు నుంచి సుదీప్‌   మైసూరు నుంచి షూటింగ్‌ను రద్దు చేసుకుని వచ్చి న సుదీప్‌ మీడియాతో మాట్లాడుతూ తాను ఎలాం టి తప్పు చేయలేదని తెలిపారు. తనపై వ్యక్తిగత కక్షతో ఎవరూ దాడులు చేయడం లేదని, కేవలం మూడు సినిమాలకు సంబంధించి మాత్రమే ఐటీ అధికారులు సోదాలు చేస్తున్నట్లు తెలిసిందని చెప్పారు.  నిర్మాతల నివాసాల్లో  = నగరంలోని మహాలక్ష్మి లేఔట్‌లో ఉన్న బడా నిర్మాత రాక్‌లైన్‌ వెంకటేశ్‌ ఇంటిలో ఐటీ అధికారులు సోదాలు చేశారు. ఆయన ఇంటిని, కారును కూడా క్షుణ్ణంగా వెతికారు. 8 మంది అధికారుల బృందం ఆయనను ప్రశ్నల వర్షం కురిపించింది. ఆయన ఇంట్లో లభించిన బంగారాన్ని కొలిచేందుకు ప్రత్యేకంగా తూక పరికరాన్ని తెప్పించారు. ఆయన సతీమణి, కుమారుడు, కోడలు, మనమవళ్లను కూడా ప్రశ్నించారు. = చిత్ర నిర్మాత, జేడీఎస్‌ ఎమ్మెల్సీ సీఆర్‌ మనో హర్‌ ఇళ్లు, ఆఫీసులపై సోదాలు జరిపి కీలక డాక్యుమెంట్లు స్వాధీనం చేసుకున్నారు.   =జేపీ నగరలోని సుదీప్‌ ఇంట్లో అధికారులు ఉదయం 8 గంటల నుంచి సోదాలు చేశారు. ఆ సమయంలో సుదీప్‌ మైసూరులో సినిమా షూటింగ్‌లో ఉన్నారు. అధికారులు సూచనల మేరకు హుటాహుటిన మైసూరు నుంచి తిరిగి వచ్చారు. ఆయన నివాసంలో పలు రికార్డులు, బ్యాంకు స్టేట్‌మెంట్ల వివరాలను పరిశీలించారు.

సాక్షి, బెంగళూరు : తనపై అత్యాచారానికి పాల్పడ్డాడని కన్నడ హీరోపై ఓ యువతి పోలీసులను ఆశ్రయించింది. హోంబణ్ణ చిత్ర హీరో సుబ్రహ్మణ్య కూల్‌ డ్రింక్‌లో మత్తుమందు కలిపి తనపై అత్యాచారం చేసినట్టు 23 ఏళ్ల యువతి బసవగుడి మహిళా పోలీస్‌ స్టేషన్‌లో ఫిర్యాదు చేసింది. బాధితురాలి కథనం ప్రకారం.. రాజాజీనగర్‌కు చెందని యువతి, సుబ్రహ్మణ్య  రెండేళ్ల నుంచి ప్రేమించుకుంటున్నారు. వీరద్దరి పెళ్లికి పెద్దలు కూడా అంగీకరించారు. అయితే చిత్ర షూటింగ్‌ ముగిసిన తర్వాత పెళ్లి చేసుకుందామని సుబ్రహ్మణ్య మాట ఇచ్చాడు. ఈ క్రమంలో నవంబర్‌ 1న తన అక్క ఇంట్లో పార్టీ ఉందని చెప్పి ఆ యువతిని సుబ్రహ్మణ్య ఇంటికి పలిచాడు. అక్కడ మత్తుమందు కలిపిన కూల్‌ డ్రింక్‌ ఇచ్చి యువతిపై అత్యాచారం చేశాడు. ఆ తర్వాత యువతి నిలదీయడంతో త్వరలో పెళ్లి చేసుకుందామని నమ్మబలికాడు. కానీ ఇపుడు పెళ్లి చేసుకోకుండా తప్పించుకు తిరుగుతుండటంతో యువతి పోలీసులకు ఫిర్యాదు చేసింది. సబ్రహ్మణ్య పరారీలో ఉన్నాడు. కేసు నమోదు చేసుకున్న పోలీసులు అతని కోసం గాలింపు చేపడుతున్నారు.


 బొమ్మనహళ్లి : బహుభాషా నటుడు కిచ్చ సుదీప్‌ మంగళవారం సంచలన నిర్ణయం తీసుకున్నారు. ఇక పైన పుట్టినరోజు వేడుకలను జరుపుకోవడం లేదని చెప్పారు. తన పుట్టినరోజునాడు ఎంతో మంది అభిమానులు బెంగళూరు, రాష్ట్రం పలుప్రాంతాల నుంచి ఎంతో వ్యవ ప్రయాసలతో వస్తుంటారని, వారి అభిమానానికి ఎప్పటికీ రుణపడి ఉంటానని హీరో సుదీప్‌ అన్నారు.
 
 సెప్టెంబర్‌ 2వ తేదీన తన పుట్టినరోజని, ఆ రోజు ఘనంగా వేడుకలను జరపాలని కొందరు బలవంతం చేస్తున్నారని చెప్పారు. అలాంటి పనులేమీ చేయవద్దని అన్నారు. నా కోసం తీసుకొని వచ్చే పూలదండలు, స్వీట్లు, బాణాసంచాలు, ఇలాంటి వాటికి డబ్బులు వృథాగా ఖర్చు చేయకుండా,  ఆ డబ్బులతో పేదలకు ఒక్క పూట కడుపునిండా భోజనం పెట్టిఆకలి తీర్చాలని సుదీప్‌ తన ట్విట్టర్‌ ఖాతాలో పిలుపునిచ్చారు.
 
 ఈ విషయంలో అభిమానులు తనను అర్థం చేసుకోవాలని కోరారు. బుధవారం కన్నడ హ్యాట్రిక్‌ హీరో శివరాజ్‌ కుమార్‌ పుట్టినరోజు కూడా ఉంది. కానీ ఇటీవలే ఆయన తల్లి పార్వతమ్మ రాజ్‌కుమార్‌ మరణించడంతో పుట్టినరోజు వేడుకలు జరుపుకోరాదని నిర్ణయించారు.
  
 
 A small request to all my friends,,
 Hope my words r respected.
 Much luv,,
 Kichcha. https://t.co/c2ogH7lehe
 — Kichcha Sudeepa (@KicchaSudeep) 11 July 2017


 సాక్షి, బెంగళూరు : తనకు రాజకీయాల్లోకి వచ్చే ఆలోచన లేదని, ప్రస్తుతం సినిమాల్లో సంతోషంగా ఉన్నానని నటుడు శివరాజ్‌కుమార్‌ అన్నారు. శుక్రవారం హాసన్ నగరంలో కళ్యాణ్‌ జువెలరీ ప్రారంభోత్సవం సందర్భంగా అక్కడికి వచ్చిన శివరాజ్‌కుమార్‌ మీడియాతో మాట్లాడుతూ... తాను రాజకీయాల్లోకి వస్తున్నట్లు వస్తున్న వార్తలు అన్నీ వదంతులేనని అందులో నిజం లేదని అన్నారు.
 
 అలాంటిది ఏమైనా ఉంటే మొదట మీడియాకే చెబుతానని అన్నారు. తాను ప్రస్తుతం కళ్యాణ్‌ జువెలరి ప్రచారకర్తగా ఉన్నానని చెప్పారు. ఏఐసీసీ ఉపాధ్యక్షుడు రాహుల్‌గాంధీ తన తల్లి మృతి చెందిన సందర్భంగా తమను పరామర్శించడానికి వచ్చారని, ఇందులో ఎటువంటి రాజకీయం లేదన్నారు.


 బెంగళూరు: డాక్టర్ రాజ్‌కుమార్ ద్విపాత్రాభినయంలో నటించిన అలనాటి చిత్రం ‘బబ్రువాహన గల్ఫ్‌లో కూడా సందడి చేయనుంది.  హుణసూరు కృష్టమూర్తి నిర్దేశకత్వంలో 70వ దశకంలో రూపొందించిన ఈ చిత్రం కన్నడ సినిమా రంగంలో కొత్త చరిత్రను సృష్టించిన విషయం విధితమే.
 తిరిగి ఈ చిత్రాన్ని డిజిటల్ టెక్నాలజీ ద్వారా రంగుల్లోకి మార్చి కన్నడ కంఠీరవుడు డాక్టర్ రాజ్‌కుమార్ జయంతి సందర్భంగా ఏప్రిల్ 22న రాష్ట్రవ్యాప్తంగా విడుదల చేసారు. ఈ నేపథ్యంలో ఈ సినిమాను ఇప్పటి తరం అభిమానులు సైతం బ్రహ్మరథం పడుతున్నారు.
 త్వరలో ఈ సినిమా మరో అరుదైన ఘనతను సొంతం చేసుకోబోతుంది. విదేశాల్లో ఉన్న కన్నడ సినిమా అభిమానుల కోరిక మేరకు బబ్రువాహన సినిమాను గల్ఫ్ దేశాలైన దుబాయ్,షార్జా,అబుదాబి,ఓమన్,మస్కత్,సోహార్ తదితర దేశాలలో విడుదల చేయనున్నామని చిత్రవర్గాలు తెలిపాయి.