బిగ్‌బాస్ 10: ముకేశ్ కోసం వర్షిణి త్యాగం.. కొత్త కెప్టెన్ ఎవరంటే?

ప్రస్తుతం రివార్డ్-రివేంజ్ టాస్క్.. బిగ్‌బాస్ హౌస్‌లో నడుస్తోంది. దేబ్జానీ కారణంగా కుటుంబాన్ని కలుసుకునే ఛాన్స్ కోల్పోయిన ముకేశ్.. వర్షిణి త్యాగంతో తిరిగి ఆ అవకాశం దక్కించుకున్నాడు. అలానే కొత్త కెప్టెన్‌గా వంశీ ఎన్నికయ్యాడు. ఇంతకీ 10వ సీజన్‌లో 61వ రోజైన శుక్రవారం(నవంబర్ 06) ఏం జరిగింది?(ఇదీ చదవండి: మేం విడాకులు తీసుకుని 14 ఏళ్లు.. కానీ ఇప్పటికీ: రేణు దేశాయ్)రివార్డ్, రివెంజ్ టాస్క్‌ల్లో గెలిచిన వంశీ, శ్వేత, త్రిగుణ్, దేబ్జానీ.. ఈ వారం నామినేషన్స్ నుంచి సేవ్ అయ్యారు. అలానే వచ్చేవారం తమ కుటుంబాలని కలుసుకునే అవకాశం దక్కించుకున్నారు. రివెంజ్‌కి గురవ్వని వాళ్ళు ఎలిమినేషన్ నుంచి సేవ్ అయితే ఫ్యామిలీలని కలుసుకోవచ్చని చెప్పిన బిగ్‌బాస్.. రామకృష్ణ, వర్షిణి, అమన్, ముకేశ్‌కి మరో ఛాన్స్ ఇస్తా అందులో ఎవరు గెలిస్తే.. వాళ్ళు తమ కుటుంబాన్ని కలుసుకోవచ్చని చెప్పాడు.వీళ్ల నలుగురిని ఇద్దరిద్దరుగా గేమ్ ఆడమని చెప్పిన బిగ్‌బాస్.. గెలిచిన జంటలో ఒక్కరే ఫ్యామిలీని కలుసుకోగలరని క్లారిటీ ఇచ్చాడు. ఈ టాస్క్ లో వర్షిణి –ముకేశ్, అమన్ – నరేశ్ ఆడారు. ఇందులో వర్షిణి – ముకేశ్ గెలిచారు. వాళ్ళు సరిగ్గా ఆడలేదని అందరూ నరేశ్ సంచాలక్ కావడంతో అతడితో గొడవ పడ్డారు. మరోవైపు ఇద్దరిలో ఎవరో ఒకర్ని డిసైడ్ చేసుకోమనడంతో వర్షిణి త్యాగం చేసి ముకేశ్, అతడి కుటుంబాన్ని కలుసుకునే అవకాశం దక్కేలా చేసి ఏడ్చేసింది.చివరకు కెప్టెన్ డీజే టాస్క్ ఇచ్చారు. కంటెండర్స్ నలుగురు ఉంటారు. మ్యూజిక్ ప్లే అవుతున్నంతసేపు మిగతా వాళ్ళు డాన్స్ చేయాలి. మ్యూజిక్ ఆగాక ఫస్ట్ ఎవరు గంటని అందుకుంటారో వాళ్ళు ఒక దండ తీసుకొని కెప్టెన్ ఎవరు కావాలనుకుంటున్నారో వాళ్ళ మెడలో దండ వేయాలి. కెప్టెన్సీ రేసులో త్రిగుణ్, వంశీ, శ్వేత, దేబ్జానీ ఉన్నారు. ఇంట్లో వాళ్ళకే కెప్టెన్ ఎంచుకునే ఛాన్స్ ఇచ్చారు. ఎక్కువ ఎవరికి దండలు పడతాయో వాళ్ళు కెప్టెన్ అవుతారు.(ఇదీ చదవండి: ‘ఆదిపురుష్‌’ తప్పులు.. ‘రామాయణం’ నేర్చుకున్న పాఠాలు?)

బిగ్‌బాస్ 10: ముకేశ్‌పై దేబ్జానీ ప్రతీకారం.. త్రిగుణ్ ఎమోషనల్

ఫ్యామిలీ వీక్ కోసం ఇప్పటినుంచే బిగ్‌బాస్ గేమ్ స్టార్ట్ చేశాడు. ఎవరి కుటుంబం.. హౌస్‌లోకి రావాలో నిర్ణయించుకోవడంలో భాగంగా కంటెస్టెంట్స్ మధ్య గేమ్స్ పెట్టి టెన్షన్ పెంచేశాడు. ఇంతకీ బిగ్‌బాస్ 10లో 60వ రోజైన గురువారం(నవంబర్ 05) అసలేం జరిగింది? ఈ పోటీలో ఎవరు ఎవరిపై గెలిచి ప్రతీకారం తీర్చుకున్నారు?(ఇదీ చదవండి: కీరవాణి ఇంట్లో పెళ్లి సందడి షురూ.. ఫొటోలు వైరల్)గేమ్ పూర్తయిన తర్వాత త్రిగుణ్‌తో నీతూ గొడవ పడింది. తనని మోసం చేశారని సీరియస్ అయింది. ఈ గొడవ తర్వాత గేమ్‌లో గెలిచిన వంశీకి వచ్చే వారం ఫ్యామిలీ వీక్ ఉంటుందని బిగ్‌బాస్ ప్రకటించాడు. అలానే వర్షిణి ఫ్యామిలీ ఫొటో క్రష్ చేయమని చెప్పాడు. దీంతో వర్షిణి తన కుటుంబం ఫొటో పట్టుకొని ఏడ్చింది. అమన్‌ త్రిగుణ్‌తో నీ పేరే రాశానని చెప్పడంతో అలా ఎలా రాస్తాడు? నా కూతురు వస్తే మొదట తనే ఎత్తుకుంటా అన్నాడు. ఇలా చేయడం నాకు ఏదోలా ఉంది అని త్రిగుణ్.. శివ్, నరేశ్‌తో ఇదంతా చెప్పుకొని బాధ పడ్డాడు.ఇక బిగ్‌బాస్ మరో పోటీ కోసం ఐదుగురిని ఎంచుకోమన్నాడు. దీంతో త్రిగుణ్, దేబ్జానీ, రాంప్రసాద్, నరేశ్, శివ్ ఆటకు రెడీ అయ్యారు. గేమ్‌లో భాగంగా గార్డెన్‌ ఏరియాలోని ఓ బంతిని తీసుకుని ఓ కేసులో నుంచి విసిరి మరో చోట నుంచి పరుగున వెళ్లాలి. తర్వాత గోల్ చేయాలి. ఇది చేసిన వాళ్లు ఓ బల్బ్‌ని తీసుకొని వెలిగించాలి. ఈ పోటీలో ఐదుగురు.. సపోర్ట్స్‌ని ఎంచుకోవాలి. దీంతో త్రిగుణ్ సుధీర్‌ని, శివ్ శ్వేతని, దేబ్జానీ అమన్‌ని, రాంప్రసాద్‌ ముకేశ్‌ని, నరేశ్‌ వంశీని తీసుకున్నారు. రివేంజ్‌ తీసుకోవాల్సిన వారి పేరు రాయాలనుకుంటే రాయొచ్చు అని బిగ్‌బాస్ చెప్పడంతో త్రిగుణ్, రాంప్రసాద్, నరేశ్‌.. అమన్‌ పేరు, దేబ్జానీ ముకేశ్ పేరు రాసింది.సంచాలకురాలు వర్షిణి.. బంతి విసిరితే పోటీలో ఉన్న ఐదుగురిలో సదరు బంతి దొరికిన వాళ్లు.. దాన్ని తీసుకుని సొరంగం గుండా వచ్చి బాస్కెట్ బంతిని గోల్‌లో వేయాలి. కరెక్ట్‌గా వేసిన వాళ్లకి ఐదు అవకాశాలు, సరిగా వేయకపోతే సంచాలకురాలు మరొకరికి బంతి అందజేస్తుంది. వాళ్లు మూడు అవకాశాల్లో వేయాలి. ఎవరూ తనకు సపోర్ట్ చేయడం లేదని అనడంతో దేబ్జానీకి అంతా అవకాశమిస్తారు. ఈమె సపోర్టర్ అమన్ సరిగా బంతిని వేయలేకపోతాడు. తర్వాత శివ్, త్రిగుణ్‌ని ఆపడానికి దేబ్జానీ, నరేశ్ కష్టపడతారు. చివరకు త్రిగుణ్‌, శివ్‌కి టై అవుతుంది. చివరగా త్రిగుణ్ విజేతగా నిలుస్తాడు.పోటీలో గెలవడంతో త్రిగుణ్ ఫ్యామిలీ వీక్‌కి సెలక్ట్ అవుతాడు. త్రిగుణ్, అమన్ ఫ్యామిలీ ఫొటో పట్టుకొని నా కూతురు వస్తే మొదట నువ్వే ఎత్తుకుంటా అన్నావ్.. అలాంటి నువ్వే నా ఫ్యామిలీ రాకూడదని నా పేరు రాశావ్.. అది నేను తీసుకోలేకపోతున్నా.. నీతో ఎమోషనల్‌గా కనెక్ట్ అయ్యా నువ్వు ఇలా చేశావ్ తీసుకోలేకపోతున్నా అని చెప్పి భావోద్వేగానికి గురయ్యాడు. ఇక బిగ్‌బాస్ మరో టాస్క్ పెట్టి ముగ్గురే ఆడాలని చెప్పగా దేబ్జానీ, నరేశ్, నీతూ ఆడారు. ఇందులో గెలిచిన దేబ్జానీ.. ముకేశ్‌కి ఫ్యామిలీ వీక్ తీసేస్తూ ప్రతీకారం తీర్చుకున్నానని చెప్పింది. దీంతో ముకేశ్.. ఈ పని ఇంకెవరు చేసినా ఏడ్చేవాడిని. నువ్వు కాబట్టి ఏడ్వడం లేదు. అయినా సరే నీ ఫ్యామిలీ వస్తే నేనే వెళ్లి ఆహ్వానిస్తానని చెప్పాడు. అలా గురువారం ఎపిసోడ్ ముగిసింది.(ఇదీ చదవండి: 'రామాయణ' తొలిరోజు కలెక్షన్ ఎన్ని కోట్లు?)

బిగ్‌బాస్‌లో నామినేషన్ల రచ్చ.. ‘గేమ్‌ కోసం ఇంతలా దిగజారాలా..?’

బిగ్‌బాస్‌ తెలుగు సీజన్‌ 10లో తొమ్మిదో వారం నామినేషన్ల ప్రక్రియ హౌస్‌లో మరోసారి రచ్చ రేపింది. నిన్నటి ఎపిసోడ్‌లో ముకేశ్‌ గౌడ్‌, వర్షిణి ప్రధానంగా టార్గెట్‌ అయ్యారు. నామినేషన్ల సందర్భంగా పాత గొడవలు మళ్లీ తెరపైకి రావడంతో ఇంటి సభ్యుల మధ్య మాటల యుద్ధం జరిగింది. అసలు నిన్నటి ఎపిసోడ్‌లో ఏం జరిగిందంటే..నరేష్‌ను టార్గెట్‌ చేసిన వర్షిణితొమ్మిదో వారం నామినేషన్లలో వర్షిణి.. నరేష్‌ను టార్గెట్‌ చేసింది. హోటల్‌ టాస్క్‌ సమయంలో ఝాన్సీ డబ్బులు అడిగినా నరేష్‌ ఇవ్వలేదని ప్రశ్నించింది. దేబ్జానీ చెప్పిన కారణంగానే అతడు డబ్బులు ఇవ్వలేదని ఆరోపించింది. దీనికి నరేష్‌ గట్టిగా బదులిచ్చాడు. డబ్బులు తనవని, వాటిని ఇచ్చిన తర్వాత ఎలా ఖర్చు చేసుకోవాలనేది తన ఇష్టమని గతంలోనే చెప్పానని గుర్తుచేశాడు. అదే విషయాన్ని పదేపదే ప్రస్తావించాల్సిన అవసరం లేదని ఇది రియాలిజీ షో అని విషయం గుర్తుపెట్టుకోవాలని అసహనం వ్యక్తం చేశాడు.వర్షిణిపై రామ్‌ ప్రసాద్‌ ఆరోపణలుఆ తర్వాత రామ్‌ ప్రసాద్‌ వర్షిణిని నామినేట్‌ చేశాడు. బయటకు స్నేహంగా ఉంటూ లోపల మరోలా వ్యవహరిస్తోందని, తన అవసరాల కోసం నరేష్‌ను ఉపయోగించుకోవడం అనడం సరికాదని ఆరోపించాడు. తామిద్దరం పరస్పరం సహాయం చేసుకున్నామని అందులో ఒకరిని మరొకరు ఉపయోగించుకోవడం ఏముందని రామ్‌ ప్రసాద్‌ వర్షిణిని ప్రశ్నించాడు.ముకేశ్‌ వ్యాఖ్యలపై శివ ఆగ్రహంముకేశ్‌ గతంలో చేసిన వ్యాఖ్యలు ఈ నామినేషన్లలో మరోసారి చర్చకు వచ్చాయి. దేబ్జానీ వెనుక శివ తిరుగుతున్నాడనే అర్థం వచ్చేలా ముకేశ్‌ మాట్లాడటంపై శివ తీవ్రంగా స్పందించాడు. ఒక మహిళ గురించి అలాంటి వ్యాఖ్యలు చేయడం ఏమిటని ప్రశ్నించాడు. గేమ్‌లో మూడు స్టార్ల కోసం ఇంతలా దిగజారాలా అంటూ నిలదీశాడు. ముకేశ్‌ వ్యాఖ్యలపై త్రిగుణ్‌ కూడా ఆగ్రహం వ్యక్తం చేశాడు. ఝాన్సీ( రైతుబిడ్డ)ని కూడా అన్యాయంగా పంపించేలా చేసింది ముకేశ్‌నే అని మండిపడ్డాడు. వ్యక్తిత్వం, ప్రవర్తనే ముఖ్యం..దేబ్జానీ కూడా ముకేశ్‌ ప్రవర్తనను తప్పుబట్టింది. టాస్కుల్లో వేగం, బ్యాలెన్స్‌ కంటే వ్యక్తిత్వం, ప్రవర్తనే ముఖ్యమని చెప్పింది. ముకేశ్‌ను ఉద్దేశించి తీవ్ర వ్యాఖ్యలు చేస్తూ నామినేట్‌ చేసింది. అతడి మాటలతో తాను బాధపడ్డానని చెప్పింది. దీంతో నామినేషన్ల ప్రక్రియలో మరోసారి హౌస్‌ వాతావరణం వేడెక్కింది.(ఇదీ చదవండి: అల్లు అరవింద్‌తో నటించాలని ఉంది: నటి జయసుధ)

'పోరా మతిమరుపు'.. ఈసారి నామినేషన్లు ఎలా జరిగాయి?

రోహిత్ ఎలిమినేట్ కావడంతో ఆదివారం ఎపిసోడ్ ముగిసింది. నామినేషన్ ప్రక్రియతో సోమవారం ఎపిసోడ్ మొదలైంది. ఈ వారం బిగ్‌బాస్ హౌస్‌లో 'రివార్డ్ అండ్ రివెంజ్' ఉండనుంది. ఇందులో భాగంగా ప్రతి ఇంటి సభ్యుడికి ఇద్దరిని నామినేట్ చేయొచ్చు. నామినేట్ చేయాలనుకున్న ఇద్దరి ఫోటోలను ఫైర్ పిట్‌లో వేసి ప్రక్రియని పూర్తి చేయాలి. కెప్టెన్‌గా ఉన్న త్రిగుణ్‌ని మాత్రం ఎవరూ నామినేట్ చేయకూడదు అని బిగ్‌బాస్ స్పష్టం చేశాడు. ఇంతకీ 57వ రోజైన సోమవారం(నవంబర్ 02) అసలేం జరిగింది?(ఇదీ చదవండి: ‘మెగా’ ఇంట్లో పెళ్లి బాజాలు​.. ఈ నెల 5న ఎంగేజ్‌మెంట్‌!?)మొదటగా వచ్చిన వంశీ.. ముకేశ్‌ని నామినేట్ చేశాడు. ఝాన్సీ మీ వల్ల చాలా బాధ పడింది. తను ఏడవటానికి మీరే కారణం. ఇలాంటి షోలో మీరు మాట్లాడే మాటలు నేను అస్సలు ఊహించలేదు. ఒక వ్యక్తిని రాడ్ తీసుకుని ఇలా కొట్టాలి, అలా చేయాలి అని మీ అసభ్యకరమైన మాటలు విన్నప్పుడు నాకు చాలా బాధ అనిపించింది. మీరు మాట్లాడే మాటలను చూసి బయటివాళ్లు ఏమనుకుంటారు? దయచేసి కళ్లు తాగిన కోతిలా ప్రవర్తించకండి. ప్రతి విషయంలోనూ అందరి మీదకు వెళ్లడం, అవసరం లేని చోట రెచ్చిపోవడం లాంటివి తగ్గించుకోండి అని కారణాలు చెప్పాడు.తర్వాత వర్షిణిని నామినేట్ చేశాడు. మీ వల్ల చాలాసార్లు రాత్రిపూట నిద్రకు అంతరాయం కలుగుతోంది. ఇప్పటికే ఎన్నోసార్లు వార్నింగ్స్ ఇచ్చినా మీరు మాత్రం మారడం లేదు. ఇది ఒక పాయింట్. ఇక రెండోది మీ పర్సనాలిటీ గురించి. మీరు పర్సనాలిటీ గురించి ఇంతగా మాట్లాడుతున్నారు కాబట్టి మీ నుంచి నేను ఇలాంటిది ఊహించలేదు. తొలివారంలో రాంప్రసాద్ విషయంలో మీరు హర్ట్ అయ్యారు. ఆ విషయాన్ని ఇంతకాలం మనసులో పెట్టుకుని, నిన్న కార్డుపై రాసి బయటపెట్టాల్సిన అవసరం ఏముంది? మీరు తప్పులని గుర్తించే వ్యక్తి అయితే, కనీసం ఒక్కసారైనా ఆయన్ని నామినేట్ చేసి ఉండాలి కదా? అని వర్షిణిని ప్రశ్నించాడు.సుధీర్ తన మొదటి నామినేషన్ వంశీకి వేశాడు. మిథిలేష్ సూట్‌కేస్ తీసుకుని వెళ్లినప్పుడు మీరు నా పక్కనే కూర్చున్నారు. ఆ రోజు మనమందరం డబ్బు కోసం రాలేదు, పేరు సంపాదించుకోవడం కోసమే వచ్చామని చెప్పుకున్నాం. కానీ మీరు మాత్రం ఒక 20 లక్షలో, 25 లక్షలో ఇచ్చి ఉంటే నేను కూడా వెళ్లిపోయేవాడిని కదా డార్లింగ్ అని నాతో అన్నారు. అంటే మీకు డబ్బు ముఖ్యమా? పేరు ముఖ్యమా? అని అడిగాడు. తర్వాత సుధీర్ రెండో నామినేషన్ అమన్‌కి వేశాడు. హోటల్ టాస్క్‌లో స్టార్స్ విషయంలో చాలామంది నీ దగ్గరకు వచ్చి నన్ను స్టార్ ఇవ్వమని అడుగుతున్నారని, వెంటనే రోహిత్ దగ్గరకు వెళ్లి ఆ స్టార్ నీ దగ్గరే పెట్టుకో అని ఇచ్చేశావు. ఆ టైంలో నువ్వు నీ ఫ్రెండ్‌షిప్‌ నిరూపించుకోవాలని అలా చేశావని అనిపించింది. కానీ నిన్న నువ్వే అతన్ని ఈ హౌస్ నుంచి వెళ్లిపోవాలని చెప్పావ్. ఆ ఒక్కటి ఫ్రెండ్‌షిప్ పరంగా నాకు నచ్చలేదని కారణాలు చెప్పాడు.(ఇదీ చదవండి: నన్ను ముందుకు నడిపిస్తోంది జ్యోతికనే)శ్వేత ముకేశ్‌ని నామినేట్ చేసింది. బాల్ టాస్క్ రాంప్రసాద్‌ను కన్విన్స్ చేయడానికి బదులుగా తన సపోర్టర్స్ దగ్గరకు వెళ్లి నిజాయితీగా అడిగితే గేమ్ ఫలితం మరోలా ఉండేదేమోనని చెప్పింది. తర్వాత అమన్‌ని నామినేట్ చేసింది. మొదటినుంచి అమన్ తనకు సపోర్ట్ చేస్తున్నాడని, తాను కూడా అమన్‌కు పాజిటివ్, నెగిటివ్ రెండూ చెబుతూ గేమ్‌ మెరుగుపరుచుకోవడానికి ప్రయత్నిస్తున్నానని తెలిపింది. తర్వాత నీతూ మాస్టర్ వర్షిణి, వంశీలని నామినేట్ చేసింది.ముకేశ్ మొదటగా వంశీని నామినేట్ చేశాడు. మీ గేమ్ జీరో.. త్రిగుణ్‌కి పప్పెట్ అయిపోయి ఆడుతున్నారు కానీ మీ గేమ్ ఏం లేదు. టెంపర్ టెంపర్ అని వంశీని ముకేశ్ పిలుస్తుంటే.. పోరా మతి మరుపు అని ముకేశ్‌పై వంశీ సెటైర్ వేశాడు. అలా వీళ్లిద్దరి మధ్య గొడవ జరిగింది. తర్వాత ముకేశ్.. దేబ్జానీని నామినేట్ చేశాడు. ఇక రామకృష్ణ ముకేశ్‌, నీతూని నామినేట్ చేశాడు. నరేశ్.. అమన్‌, వర్షిణిని నామినేట్ చేశాడు. అలా సోమవారం ఎపిసోడ్ ముగిసింది.(ఇదీ చదవండి: ప్రేమించి పెళ్లి చేసుకున్న తెలుగు సీరియల్ జంట)