అందాల కశ్మీరం ఉగ్రవాదులతో దశాబ్దాలుగా అగ్నిగుండంగా మారింది. 2000 నుంచి అక్కడ జరిగిన దాడులకు 700 మందికి పైగా భద్రతా సిబ్బంది, పౌరులు బలయ్యారు. వాటిలో ముఖ్యమైనవి.. 2000 మార్చి 21: అమెరికా అధ్యక్షుడు బిల్‌ క్లింటన్‌ భారత్‌లో పర్యటిస్తున్న వేళ టెర్రరిస్టులు చెలరేగిపోయారు. అనంత్‌నాగ్‌ జిల్లా చట్టీసింగ్‌పురా గ్రామంలో 36 మంది సిక్కులను కాల్చి చంపారు. ∙ 2000లోనే అమర్‌నాథ్‌ యాత్రికులపై పహల్గాం బేస్‌ క్యాంప్‌ వద్ద జరిగిన ఉగ్ర దాడిలో 32 మంది మరణించారు. ∙ 2001లో 13 మంది, 2002లో 11 మంది అమర్‌నాథ్‌ యాత్రికులను ఉగ్రవాదులు పొట్టన పెట్టుకున్నారు. ∙ 2001 అక్టోబర్‌ 1న జమ్మూ కశ్మీర్‌ అసెంబ్లీ ప్రాంగణంపై జరిగిన ఆత్మాహుతి దాడికి 36 మంది బలయ్యారు. ∙ 2002లో జమ్మూ–శ్రీనగర్‌ హైవేపై ఉగ్రవాదులు అమర్చిన మందుపాతర పేలి నలుగురు భద్రతా సిబ్బందితో పాటు 19 మంది మరణించారు. ∙ 2003లో పుల్వామా జిల్లా నందిమార్గ్‌లో 24 మంది కశ్మీరీ పండిట్లను ఉగ్రవాదులు పొట్టన పెట్టుకున్నారు. ∙2014: ఉరిలో ఆత్మాహుతి దాడికి దిగి 17 మంది సైనికులను పొట్టన పెట్టుకున్నారు. ∙2015: కథువా పోలీస్‌ స్టేషన్‌పై దాడిలో ఆరుగురు పోలీసులు మరణించారు. ∙2016: ఉరిలో సైనిక క్యాంపుపై దాడికి తెగబడి 18 మంది సిబ్బందిని పొట్టన పెట్టుకున్నారు. ∙2017లో అమర్‌నాథ్‌ యాత్ర నుంచి తిరిగొస్తున్న భక్తులపై కాల్పుల్లో 18 మంది మరణించారు. ∙2019: పుల్వామాలో సీఆరీ్పఎఫ్‌ కాన్వాయ్‌పై జరిగిన ఆత్మాహుతి దాడికి 40 మంది జవాన్లు బలయ్యారు. ∙2025 ఏప్రిల్‌ 22: బైసారన్‌లో 26 మంది పర్యాటకులను కాల్చిచంపారు.

శ్రీనగర్: బారాముల్లా ప్రాంతంలోని వాస్తవాధీన రేఖ సమీపంలో ముగ్గురు పాక్ తీవ్రవాదులు పాక్ ఆక్రమిత కశ్మీర్ నుంచి భారత భూభాగమైన యూరిలోకి చొరబడేందుకు ప్రయత్నించగా భారత సైన్యం, జమ్మూ కశ్మీర్ పోలీసులు, గూఢచారి ఏజెన్సీలు చేసిన జాయింట్ ఆపరేషన్‌లో ముగ్గురూ మృతి చెందినట్లు చినార్ కార్ప్స్  ఇండియన్ ఆర్మీ ఎక్స్(ట్విట్టర్) ద్వారా వెల్లడించింది. ఇండియన్ ఆర్మీ తెలిపిన వివరాల ప్రకారం బారాముల్లా వద్ద పాక్ ఆక్రమిత కశ్మీర్ నుంచి ముగ్గురు తీవ్రవాదులు వాస్తవాధీన రేఖను దాటుకుని యురి వైపుగా వస్తుండటాన్ని గమనించి సైనికులు అప్రమత్తమై కాల్పులు జరిపారని దాడిలో ముగ్గురు ఉగ్రవాదులు చనిపోగా ఇద్దరి మృతదేహాలను స్వాధీనం చేసుకున్నామన్నారు. పాకిస్తాన్ దళాలు మాపై కాల్పులు జరపడంతో మరో మృతదేహాన్ని క్యాప్చర్ చేయడం సాధ్యపడలేదని తెలిపారు.  మూడో మృతదేహాన్ని స్వాధీనం చేసుకునేందుకు వెళ్తుండగా పాక్ దళాలు కాల్పులు జరపడం 2021లో వాస్తవాధీన రేఖ వద్ద కాల్పులు విరమణకు చేసుకున్న ఒప్పందాన్ని ఉల్లంఘించడమేనని అన్నారు. యురి సెక్టార్‌లో ఇప్పటికీ ఆపరేషన్ కొనసాగుతోందని తెలిపారు.  Update Op Khanda, #Uri A Joint operation was launched today morning in Uri Sector. Contact established & firefight ensued. 03xTerrorists eliminated. 02xAK Rifles, 01xPistol, 07xHand Grenades, 01xIED and other war like stores along with Pak Currency Notes recovered. Joint… — Chinar Corps🍁 - Indian Army (@ChinarcorpsIA) September 16, 2023 ఇది కూడా చదవండి: మాటలు జాగ్రత్త.. విద్వేషాలను రెచ్చగొట్టకూడదు

శ్రీనగర్‌: జమ్మూ కశ్మీర్‌లోని బారాముల్లా జిల్లాలో సరిహద్దు దాటి భారత భూభాగంలోకి చొరబడేందుకు యత్నించిన ముగ్గురు ఉగ్రవాదులను భద్రతా బలగాలు మట్టుబెట్టాయి. హాత్‌లంగా ప్రాంతంలోని ఘటనా స్థలం నుంచి భారీస్థాయిలో ఆయుధాలు, మందుగుండు సామగ్రిని స్వాధీనం చేసుకున్నట్లు గురువారం సైన్యాధికారి చెప్పారు. హతమైన వారిలో ఒకరు పాకిస్తానీ అని, మిగతా వారి వివరాలు ఇంకా తెలియదని అధికారి పేర్కొన్నారు. ఉరీ సెక్టార్, గోహలన్‌ ప్రాంతాల్లో చొరబాట్లు జరగొచ్చనే ముందస్తు సమాచారం మేరకు సరిహద్దు వెంట గాలింపు పెంచామని, చివరకు ఇలా ఉగ్రవాదుల చొరబాట్లను అడ్డుకున్నామని లెఫ్టినెంట్‌ జనరల్‌ డీపీ పాండే చెప్పారు. మొత్తం ఆరుగురు చొరబాటుకు ప్రయత్నించారని, నలుగురు సరిహద్దు ఆవలే ఉండిపోయారని, ఇద్దరు సరిహద్దు దాటారని, ఎదురుకాల్పుల్లో మొత్తంగా ముగ్గురు హతమయ్యారని వివరించారు. భారత్‌లో ఉగ్రచర్యల్లో పిస్టళ్లను వాడే కొత్త పంథాను పాక్‌ అవలంభిస్తోందని కశ్మీర్‌ జోన్‌ ఐజీ విజయ్‌ కుమార్‌ చెప్పారు. ఈ ఏడాది 97 పిస్టళ్లను సైన్యం స్వాధీనం చేసుకుంది. ఈ ఏడాది నిరాయుధులైన పోలీసులను లక్ష్యంగా చేసుకుని జరిగిన ఉగ్రదాడుల్లో 85 శాతం ఘటనల్లో పిస్టళ్లనే వాడారని ఐజీ పేర్కొన్నారు. షోపియాన్‌లో మరో ఉగ్రవాది.. షోపియాన్‌ జిల్లాలో కేశ్వా గ్రామంలో భద్రతా బలగాలు జరిపిన ఎదురుకాల్పుల్లో అనాయత్‌ అష్రాఫ్‌ అనే ఉగ్రవాది మరణించాడు. అక్రమంగా ఆయుధాలను సమీకరిస్తూ, మాదక ద్రవ్యాల లావాదేవీలు కొనసాగిస్తున్నాడనే పక్కా సమాచారంతో సైన్యం అష్రఫ్‌ను అదుపులోకి తీసుకునే ప్రయత్నం చేసింది. లొంగిపోకుండా అష్రఫ్‌ సైన్యం పైకి కాల్పులు జరిపాడు. దీంతో సైన్యం జరిపిన కాల్పుల్లో అతను మృతిచెందాడు.  

ఘజియాబాద్‌: ‘అయిందేదో అయింది. ఏళ్లుగా భరించాం. ఇక ఊరుకునే ప్రసక్తే లేదు’అని ప్రధాని నరేంద్ర మోదీ వ్యాఖ్యానించారు. ఉగ్రవాదాన్ని ఉద్దేశించి ఆయన ఈ వ్యాఖ్యలు చేశారు. భారత్‌ లక్ష్యంగా జరుగుతున్న ఉగ్రకుట్రలకు తగిన గుణపాఠం చెప్పి తీరతామని స్ప ష్టం చేశారు. పుల్వామా, ఉడి ఘటనలను ఈ సందర్భంగా ప్రస్తావించారు. ఆదివారం ఇక్కడ జరిగిన కేంద్ర పారిశ్రామిక భద్రతా బలగాల (సీఐఎస్‌ఎఫ్‌) 50వ వ్యవస్థాపక దినోత్సవంలో  ప్రధాని ప్రసంగించారు. దేశ భద్రతను కాపాడుతున్న సీఐఎస్‌ఎఫ్‌ జవాన్ల కృషి అభినందనీయమని కొనియాడారు. స్వాతంత్య్రం అనంతరం దేశం కోసం ప్రాణాలర్పించిన 35 వేల మంది పోలీసుల్లో పాలమిలటరీ దళాలకు చెందిన వారు 4 వేల మంది ఉన్నారని పేర్కొ న్నారు. వీరి శౌర్యం, అంకితభావం ప్రజలందరికీ ఆదర్శనీయమని ప్రశంసించారు. ఉగ్రదాడులకు వ్యతిరేకంగా తమ ప్రభుత్వం కొన్ని కఠిన నిర్ణయాలు తీసుకుందని తెలిపారు. పుల్వామా ఉగ్రదాడికి వ్యతిరేకంగా పాకిస్తాన్‌లోని ఉగ్ర స్థావరాలపై వైమానిక దాడులకు పాల్పడిన విషయాన్ని ప్రస్తావించారు. దేశప్రజల మద్దతుతోనే ఇదంతా సాధ్యమైందని పేర్కొన్నారు. ఉగ్రవాదానికి వ్యతిరేకంగా తమ ప్రభుత్వం నూతన విధానాన్ని తీసుకొచ్చిందన్నారు. ఉగ్రదాడు లను సమర్థంగా ఎదుర్కొనేందుకు అధునాతన గాడ్జెట్లను కొనుగోలు చేస్తున్నామని చెప్పారు. ఇక వీఐపీ సంస్కృతిపై మోదీ విమర్శల వర్షం కురిపించారు. వీఐపీలకు భద్రతను అందించే సీఐఎస్‌ఎఫ్‌ బలగాలతో వారు వ్యవహరించే తీరు దారుణంగా ఉంటోం దన్నారు.  సీఐఎస్‌ఎఫ్‌ జవాన్ల గురించి ప్రజలకు తెలిసేలా వారి చరిత్ర, విధివిధానాలతో డిజిటల్‌ మ్యూజియాలను ఏర్పాటు చేయాలని సూచించారు.   ప్రజల ఆశీర్వాదం కోరుతున్నా: మోదీ న్యూఢిల్లీ: లోక్‌సభ ఎన్నికల షెడ్యూల్‌ విడుదలైన నేపథ్యంలో బీజేపీ నేతృత్వంలోని ఎన్డీయేను మరోసారి ఆశీర్వదించాల్సిందిగా ప్రజలను తాను కోరుతున్నానని ప్రధాని నరేంద్ర మోదీ తెలిపారు. ‘అందరితోపాటుగా, అందరి అభివృద్ధి అనే మా మార్గంలో వెళ్తూ మరోసారి మీ ఆశీర్వాదం కోరుతున్నా. గత 70 ఏళ్లలో నాటి ప్రభుత్వాలు తీర్చలేకపోయిన కనీస అవసరాలను మా ప్రభుత్వం తీర్చింది. ఇప్పుడు మనం మరింత బలమైన, వృద్ధి దాయకమైన, భద్రమైన ఇండియాను నిర్మించాలి’అని మోదీ ట్విట్టర్‌లో పేర్కొన్నారు. ఎన్డీయే ప్రభుత్వం ప్రవేశపెట్టిన పలు సంక్షేమ పథకాలను మోదీ ప్రస్తావించారు.

నోయిడా: బాలాకోట్‌ ఉగ్రదాడిపై ఆధారాలు చూపాలంటున్న ప్రతిపక్షాలపై ప్రధాని మోదీ మరోసారి విరుచుకుపడ్డారు. ఉగ్రమూకల ఏరివేత విషయంలో యూపీఏ ప్రభుత్వం ధైర్యం, తెగువ చూపలేకపోయిందని విమర్శించారు. కానీ ఎన్డీయే ప్రభుత్వం 2016లో సర్జికల్‌ స్ట్రైక్స్‌ ద్వారా ఉగ్రమూకలకు వారికి అర్థమయ్యే భాషలోనే గుణపాఠం చెప్పిందని వ్యాఖ్యానించారు. భారత్‌ ఇప్పుడు ‘కొత్తనీతి–సరికొత్త రీతి’తో ముందుకుపోతోందన్నారు.  ‘2008లో జరిగిన ముంబై మారణహోమాన్ని దేశం ఎన్నటికీ మర్చిపోదు. ఆ ఉగ్రదాడులకు భారత్‌ వెంటనే ప్రతిస్పందించి ఉంటే ప్రపంచం మొత్తం మనకు అండగా నిలిచేది. పాక్‌లో ఉగ్రసంస్థల పాత్రపై మనదగ్గర పక్కా ఆధారాలు ఉన్నాయి. కానీ అప్పటి ప్రభుత్వం ధైర్యం, తెగువ చూపలేకపోయింది. ఉగ్రదుశ్చర్యకు ప్రతీకారం తీర్చుకోవడానికి మన భద్రతాబలగాలు సిద్ధంగా ఉన్నప్పటికీ కేంద్రం మౌనం వహించింది’ అని అన్నారు. తెల్లవారుజామునే పాకిస్తాన్‌ ఏడ్చింది.. పాక్‌లోని బాలాకోట్‌లో జైషే ఉగ్రస్థావరంపై భారత వాయుసేన ఫిబ్రవరి 24న దాడిచేశాక తెల్లవారుజామున 5 గంటలకు ‘మోదీ మాపై దాడి చేశాడు’ అని పాక్‌ ఏడుపు అందుకుంది. దాడులతో ఇబ్బందిపెడుతూనే ఉండొచ్చనీ, ఇండియా ప్రతిస్పందించదని వాళ్లు భావిస్తున్నారు. 2014కు ముందున్న రిమోట్‌ కంట్రోల్‌ ప్రభుత్వం కారణంగానే శత్రువులకు ఈ అభిప్రాయం బలంగా ఏర్పడింది. ఉడీ ఘటన తర్వాత మన బలగాలు ఉగ్రవాదుల ఇళ్లలోకి దూరి వాళ్లను హతమార్చాయి. యూపీలోని కుర్జాలో, బిహార్‌లోని బుక్సారిన్‌లో రెండు థర్మల్‌ విద్యుత్‌ కేంద్రాలను ప్రధాని మోదీ శంకుస్థాపన చేశారు. ఈ సందర్భంగా మాట్లాడారు. 50ఏళ్ల పాత సామగ్రిని వాడటంతో విద్యుత్‌ ఉత్పత్తి వ్యయం యూనిట్‌కు రూ.10కు చేరుకుందని ప్రధాని తెలిపారు. కానీ సౌరశక్తి ద్వారా ఇప్పుడు యూనిట్‌ విద్యుత్‌ను రూ.2కే ఉత్పత్తి చేయొచ్చన్నారు. ఐదేళ్లలో మూడు దాడులు: రాజ్‌నాథ్‌ మంగళూరు: గత ఐదేళ్లలో భారత్‌ మూడు సార్లు దాడులు చేసిందని హోం మంత్రి రాజ్‌నాథ్‌  చెప్పారు. 2016లో ఉడి ఉగ్రవాద దాడి తర్వాత చేపట్టిన దాడి, ఇటీవల జరిపిన వైమానిక దాడుల గురించి వివరించిన రాజ్‌నాథ్‌ మూడో దాడి వివరాలు బయటపెట్టలేదు. శనివారం కర్ణాటక బీజేపీ కార్యకర్తల సమావేశంలో మాట్లాడారు. ఉడిలో నిద్రపోతున్న సైనికులపై ఉగ్రవాదులు దాడి జరిపి 17 మందిని చంపివేశారని, దీనికి ప్రతీకారంగా పీవోకే భారత్‌ తొలి మెరుపుదాడి చేసిందన్నారు. పుల్వామాలో సీఆర్‌పీఎఫ్‌ జవాన్లపై జరిగిన ఆత్మాహుతి దాడి తర్వాత వైమానిక దాడి జరిపి జైషే ఉగ్ర శిబిరాన్ని నాశనం చేసిందన్నారు. ఈ దాడులతో భారత్‌ బలహీన దేశం కాదని పాకిస్తాన్‌కు గట్టి సందేశం ఇచ్చామని వెల్లడించారు.

‘హిందూస్తాన్‌ అబ్‌ చుప్‌ నహి బైఠేగా. యే నయా హిందూస్తాన్‌ హై. యె ఘర్‌ మే గుసెగా భీ, ఔర్‌ మారేగా భీ’ (భారతదేశం ఇప్పుడు చేతులు కట్టుకొని కూర్చోదు. ఇది ఒకప్పటి భారతదేశం కాదు. ఇప్పుడు ఇంట్లోకి చొరబడటమే కాదు దెబ్బతీసి చూపిస్తాం).. ‘ఉడీ: ది సర్జికల్‌ స్ట్రైక్‌’ సినిమాలో అజిత్‌ ధోవల్‌ పాత్ర పోషించిన పరేశ్‌ రావల్‌  చెప్పిన డైలాగ్‌ ఇది.. 2016లో ఉడిలో భారత జవాన్లను టార్గెట్‌గా చేసుకొని ఉగ్రవాదులు పేట్రేగిపోయారు. ఈ ఘటనకు ప్రతీకారంగా భారత్‌ సైన్యం తొలిసారి పాకిస్థాన్‌ ఆక్రమిత కశ్మీర్‌లోని ఉగ్రవాద తండాలపై సర్జికల్‌ స్ట్రైక్స్‌ నిర్వహించింది. ఈ సర్జికల్‌ స్ట్రైక్స్‌ నేపథ్యంతో తెరకెక్కిన ‘ఉడీ’ సినిమా సంచలన విజయం సాధించింది.  40మంది జవాన్లను పొట్టనబెట్టుకున్న పూల్వామా ఉగ్రవాద దాడికి ప్రతీకారంగా మరోసారి పాక్‌కు బుద్ధి చెప్తూ సర్జికల్‌ స్ట్రైక్స్‌-2 నిర్వహించినట్టు భారత సైన్యం ప్రకటించింది. దీంతో ప్రతీకారంతో రగిలిపోతున్న భారతీయుల్లో ఆనందార్షాతిరేకాలు వ్యక్తమవుతున్నాయి. పలు చోట్ల యువత, ప్రజలు రోడ్లమీదకు వచ్చి సంబరాలు జరుపుకుంటున్నారు. ఇక, సోషల్‌ మీడియాలో, వాట్సాప్‌ లాంటి మెసేజింగ్‌ యాప్‌ల్లో సర్జికల్‌ స్ట్రైక్స్‌-2 గురించే చర్చ జరుగుతోంది. చాలామంది ‘ఉడీ’లో పరేశ్‌ రావల్‌ చెప్పిన డైలాగ్‌ను ఉటంకిస్తున్నారు. భారత్‌ ఒకప్పటిలా సైలెంట్‌గా ఉండదు.. మాతో పెట్టుకుంటే ఇంట్లోకి చొరబడి కొడతాం.. అంటూ ఈ సినిమా డైలాగులను చాలామంది వాట్సాప్‌ స్టేటస్‌లుగా, ఫేస్‌బుక్‌లో పోస్టులుగా పెట్టుకుంటున్నారు. భారత వైమానిక దళానికి, సైన్యానికి సెల్యూట్‌ చేస్తున్నారు. జవాన్లును ఆత్మాహుతి దాడిలో మట్టుబెట్టిన ఉగ్రవాదులకు ఇండియన్‌ ఎయిర్‌ఫోర్స్‌ పైలట్లు గట్టిగా బుద్ధి చెప్పారని ప్రశంసిస్తున్నారు. మరో విశేషమేమిటంటే.. సర్జికల్‌ స్ట్రైక్‌-2 గురించి కథనాలు వెలువడగానే.. టోరంటో వెబ్‌సైట్‌లో ‘ఉడీ’ సినిమా కోసం సెర్చ్‌ కోసం సెర్చ్‌ చేసిన వారి సంఖ్య అమాంతం పెరిగిపోయింది. నెలన్నర కింద విడుదలై.. బ్లాక్‌బస్టర్‌ హిట్‌ అయిన ఈ సినిమాను మళ్లీ చూసేందుకు నెటిజన్లు ఎగబడ్డారు.

సినిమాల కంటే కూడా ఒక ప్రముఖ ఫెయిర్‌నెస్‌ క్రీమ్‌ ప్రకటన ద్వారా ఎక్కువమందికి పరిచయమైన హీరోయిన్‌ యామి గౌతమ్‌. అయితే ఈ మధ్యకాలంలో ఈ ముద్దుగుమ్మ తరచుగా బాంబే హైకోర్టు బయట కనిపిస్తుంది. అది కూడా షాహీద్‌ కపూర్‌ కోసమంట. వీరిద్దరి మధ్య ఏమైనా వివాదాలు వచ్చాయా.. కోర్టుకెల్లేంత పెద్ద గొడవలు ఏం జరిగి ఉంటాయబ్బ అని ఆలోచిస్తున్నారా.. అయితే మీ ఆలోచనలకు అక్కడే ఫుల్‌స్టాప్‌ పెట్టండి. ఎందుకంటే యామి కోర్టుకు వెళ్తుంది విచారణ ఎదుర్కోవడానికి కాదు. తదుపరి చిత్రం ‘బట్టి గుల్‌ మీటర్‌ చలు’లో చేయబోయే లాయర్‌ పాత్ర కోసం ఈ అమ్మడు తరచు కోర్టుకు వెళ్తూ... లాయర్ల పనితీరు గురించి తెలుసుకుంటోంది. సినిమా అంటే ఎంత డెడికేషనో యామీకి! ప్రస్తుతం యామి.. శ్రీనారాయణ సింగ్ దర్శకత్వంలో, షాహిద్‌ కపూర్‌ హీరోగా రూపొందుతున్న ‘బట్టి గుల్‌ మీటర్‌ చలు’ సినిమాలో నటించనున్న సంగతి తెలిసిందే. ఈ సినిమాలో శ్రద్ధాకపూర్‌ మరో కీలక పాత్రలో కనిపించనున్నట్లు సమాచారం. చిన్నపట్టణాల్లో ఎదురయ్యే విద్యుత్‌ సమస్యల ఆధారంగా రూపొందనున్న ఈ చిత్రంలో యామి లాయర్‌గా కనిపించనుంది. ‘కోర్టు ప్రొసిడింగ్స్‌ ఎలా ఉంటాయి. ప్రాసిక్యూషన్‌ బాధితుల పట్ల ఎలా ప్రవర్తిస్తుందో స్వయంగా తెలుసుకోవాలనుకున్నాను. ఈ విషయంలో నాకు సహాయం చేయమని ఒక లాయర్‌ స్నేహితురాలిని కోరాను. ఇప్పుడైతే కోర్టుకు సెలవులు కానీ అదృష్టం కొద్ది నా లాయర్‌ స్నేహితురాలు మరికొందరు లాయర్లు కలిసి ఒక వెకేషన్‌ బెంచ్‌ సెషన్‌ను నిర్వహిస్తున్నారు. షూటింగ్‌ ప్రారంభమయ్యేలోపు నిజంగా కోర్టులో ఎలాంటి పరిస్థితులు ఉంటాయో తెలుసుకునేందుకు కోర్టుకు హాజరవుతున్నా’ని యామి చెప్పారు. ‘బట్టి గుల్‌ మీటర్‌ చలు’ కాక ఆదిత్య ధార్‌ దర్శకత్వంలో రూపొందుతున్న ‘ఉరి’ చిత్రంలో కూడా ఆమె నటించనున్నారు. 2016, సెప్టెంబర్‌లో ‘ఉరి సెక్టార్‌’లో జరిగిన సంఘటనల ఆధారంగా తెరెకెక్కనున్న ఈ చిత్రంలో యామి పవర్‌పుల్‌ ఇంటిలిజెన్స్‌ ఆఫీసర్‌ పాత్రలో కనిపించనుంది.

నస్పూర్‌(మంచిర్యాల): నస్పూర్‌ మండలం తీగల్‌పహాడ్‌ పంచాయతీ పరిధిలోని సంఘంమల్లయ్య పల్లెకు చెందిన పొనవేణి గట్టయ్యకు చెందిన 16 సబ్సిడీ గొర్రెలు మంగళవారం మృతి చెందాయి. ఎఫ్‌సీఐ గోదాముల వద్ద యూరియా కలిసిన నీటిని గొర్రెలు తాగడంతో తీవ్ర అస్వస్థతకు గురై మృతిచెందినట్లు బాధితుడు తెలిపాడు. గోదాముల్లో కింద పడిన యూరియాను పారవేయకుండా నీరుపోసి శుభ్రం చేయడంతో ఆ నీరు బయటకు వచ్చి నిలిచి ఉండడంతో గొర్రెలు తాగి చనిపోయాయని పేర్కొన్నాడు. గొర్రెలను మండల సహాయ పశు వైద్యురాలు పద్మ పరిశీలించారు. పరిహారం అందించి ఆదుకోవాలని బాధితుడు ప్రభుత్వాన్ని కోరాడు. మంగళవారం సాయత్రం మంచిర్యాల పశు వైద్యాధికారి ఎం.భూమయ్య, వైద్యులు సిద్దు పవార్, సంతోష్, పద్మలు గ్రామంలోని మిగతా గొర్రెలకు చికిత్స అందించారు. 

సాక్షి, హైదరాబాద్ ‌: యూరియా 50 కేజీల బస్తాకు కేంద్ర ప్రభుత్వం మంగళం పాడింది. ఇక నుంచి 2, 5, 10, 25, 45 కేజీల బస్తాలు అందుబాటులోకి రానున్నాయి. యూరి యా వాడకాన్ని తగ్గించేందుకే కేంద్రం ఈ నిర్ణయం తీసుకుందని, ఆ మేరకు చర్యలు తీసుకోవాలని కలెక్టర్లకు వ్యవసాయ శాఖ ముఖ్య కార్యదర్శి పార్థసారథి మంగళవారం లేఖ రాశారు. బస్తా పరిమాణం తగ్గిస్తే బస్తాకు 5 కేజీల చొప్పున వాడకం తగ్గుతుందని చెప్పారు. ఈ విషయమై జిల్లాల్లో ఎరువుల దుకాణాదారులకు అవగాహన కల్పించాలని, అందుకు ఎరువుల డీలర్లతో సమావేశం నిర్వహించాలని కోరారు. 

శ్రీనగర్‌ : జమ్మూ,కశ్మీర్‌లో భారత భద్రతా దళాలకు మరో భారీ విజయం లభించింది యురి సెక్టార్‌లో  భద్రతా బలగాలు - ఉగ్రవాదులకు మధ్య జరిగిన ఎదురుకాల్పుల్లో ఆరుగురు జైషే మహ్మద్ ఉగ్రవాదులు హతమయ్యారు. భారత్‌లోకి అక్రమంగా చొరబడేందుకు యత్నించిన ఉగ్రవాదులను... భద్రతా దళాలు మధ్యలోనే అడ్డుకుని మట్టుబెట్టాయి. జమ్మూ,కశ్మీర్‌ పోలీసులు, ఆర్మీ, పారా మిలటరీ బలగాలు సంయుక్తంగా నిర్వహించిన ఈ ఆపరేషన్‌లో ముందుగా  ఐదుగురు ఉగ్రవాదులు మరణించారు. అనంతరం తనిఖీలు నిర్వహించగా మరో ఉగ్రవాది.. జవాన్లపై కాల్పులు జరపడంతో ప్రతిగా జవాన్లు ఎదురు కాల్పులు జరపడంతో మరో ఉగ్రవాది మృతి చెందాడు. ఘటనా స్థలం నుంచి ఆయుధాలు స్వాధీనం చేసుకున్నారు. మరోవైపు కేంద్ర హోంమంత్రి రాజ్‌నాథ్‌ సింగ్‌...భద్రతా దళాలను అభినందించారు.

శ్రీనగర్‌: కశ్మీర్‌లోని ఉడీ సెక్టార్‌లో భద్రతా బలగాలు పాకిస్తాన్‌ బోర్డర్‌ యాక్షన్‌ టీమ్‌(బ్యాట్‌) చొరబాటు యత్నాన్ని భగ్నం చేసి ఇద్దరు ఉగ్రవాదులను మట్టుపెట్టాయి.  శనివారం అర్ధరాత్రి దాటిన తరువాత ఈ ఘటన జరిగినట్లు ఆర్మీ అధికార ప్రతినిధి తెలిపారు.  ఎల్‌వోసీ వెంట చొరబడటానికి ప్రయత్నించిన ఉగ్రవాదులను ఆర్మీ అడ్డుకోవడంతో ఇరు వర్గాల మధ్య కాల్పులు జరిగాయని, అందులో ఇద్దరు ఉగ్రవాదులు హతమయ్యారని తెలిపారు. చనిపోయిన ఉగ్రవాదుల వద్ద భారీగా ఆయుధాలు, మందుగుండు సామగ్రి లభ్యమైందని వెల్లడించారు.  

శ్రీనగర్‌: జమ్మూ కశ్మీర్‌లోని ఉడీ సెక్టార్లో హిజ్బుల్‌ టాప్‌ కమాండర్‌ అబ్దుల్‌ ఖయూం నజర్‌ను భారత బలగాలు మట్టుబెట్టాయి. గత 17 ఏళ్లలో దాదాపు 50కి పైగా హత్యలతో ప్రమేయమున్న నజర్‌ మరణంతో భద్రతా బలగాలు భారీ విజయం సాధించినట్లైంది. నియంత్రణ రేఖ వద్ద కశ్మీర్‌లోకి చొరబడేందుకు నజర్‌ ప్రయత్నిస్తుండగా.. ఎదురుకాల్పుల్లో అతను హతమైనట్లు సీనియర్‌ పోలీసు అధికారి ఒకరు చెప్పారు. ‘సరిహద్దు వెంట ఉడీ సెక్టార్‌లో లచిపొరా వద్ద మంగళవారం ఉదయం చొరబాటు యత్నాల్ని భద్రతా దళాలు భగ్నం చేసి నజర్‌ను హతమార్చాయి. ఇటీవల హిజ్బుల్‌ టాప్‌ కమాండర్లు వరుసగా భారత బలగాల చేతిలో మరణించడంతో.. ఆ సంస్థ కమాండర్‌గా బాధ్యతలు చేపట్టడం కోసం నజర్‌ పాకిస్తాన్‌ నుంచి కశ్మీర్‌లోకి చొరబడేందుకు ప్రయత్నించాడు’ అని బారాముల్లా సీనియర్‌ ఎస్పీ ఇంతియాజ్‌ హుస్సేన్‌ చెప్పారు. అనేక మంది ప్రజలు, పోలీసులతో పాటు భద్రతా సిబ్బందిని నజర్‌ హత్యచేశాడని, పలు పేలుళ్ల కేసుల్లో అతని ప్రమేయముంద న్నారు. సొపోర్‌ పట్టణానికి చెందిన నజర్‌.. హిజ్బుల్‌ కమాండర్‌ అబ్దుల్‌ మజీద్‌ దార్‌ హత్యతో 2003లో ఉగ్ర జీవితాన్ని మొదలుపెట్టాడు. హిజ్బుల్‌తో భేదాభిప్రాయాల నేపథ్యంలో 2015లో పీఓకేలోని ముజఫరాబాద్‌ ఉగ్ర శిబిరానికి వెళ్లి అగ్ర నేతలతో చర్చలు జరిపాడు. ఇటీవల కశ్మీర్‌లో వరుసగా టాప్‌ కమాండర్లు హతమైన నేపథ్యంలో హిజ్బుల్‌కు పునరుత్తేజం తెచ్చే బాధ్యతల్ని నజర్‌కు అప్పగించారు.

శ్రీనగర్‌: ఆర్మీ ఆదివారం ఉదయం ఉగ్రవాదులను ఏరివేసేందుకు భారీ ఆపరేషన్‌ను చేపట్టంది. జమ్మూకశ్మీర్‌  వాస్తవాధీన రేఖ (ఎల్‌వోసీ) సమీపంలోని యూరీ సెక్టార్‌లో ఉగ్రవాదులను మట్టుబెట్టే ఆపరేషన్‌ కొనసాగిస్తోంది.  ఎల్‌వోసీ సమీపంలోని కల్‌గాయ్‌ అడవిలో ముగ్గురు, నలుగురు ఉగ్రవాదులు మాటువేశారని నిఘా వర్గాలు సమాచారం అందించడం భద్రతా బలగాలు రంగంలోకి దిగాయి. ప్రస్తుతం ఉగ్రవాదులు, భద్రతాదళాల మధ్య భారీ ఎదురుకాల్పులు కొనసాగుతున్నాయని అధికార వర్గాలు తెలిపాయి. ఉగ్రవాదులను భద్రతా దళాలు రౌండప్ చేశాయని, ఉగ్రవాదులున్న ప్రాంతాన్ని తమ అధీనంలోకి తీసుకున్నాయని ఆర్మీ వర్గాలు తెలిపాయి. ప్రస్తుతం భారీ ఆపరేషన్‌ కొనసాగుతోందని, పెద్ద ఎత్తున గన్‌ఫైట్‌ జరుగుతోందని ఆ వర్గాలు వివరించాయి.  ఈ ఎన్‌కౌంటర్‌లో ఒక ఉగ్రవాది మృతిచెందాడు. ఇతర ఉగ్రవాదుల కోసం భద్రతా దళాల వేట కొనసాగుతోంది. కాగా, బరాముల్లా జిల్లాలోని షోపూర్‌లోని ఎస్బీఐ బ్యాంకు వద్ద ఉగ్రవాదులు గ్రనేడ్‌ దాడికి పాల్పడ్డారు. ఈ దాడిలో ముగ్గురికి గాయాలు అయ్యాయి.  


 అన్నదాతపై భారం మోపేందుకు రంగం సిద్ధం
 - వచ్చే నెల ఒకటో తేదీ నుంచి అమలు
 - పన్ను తగ్గించాలని కోరుతున్న రైతు సంఘాలు
 - పాత నిల్వల్ని పాత రేటుకే ఇవ్వాలని డిమాండ్‌
 
 సాక్షి, హైదరాబాద్‌: రైతులపై ఎరువుల భారం మోపేందుకు రంగం సిద్ధమైంది. వస్తు, సేవల పన్ను (జీఎస్‌టీ) నేపథ్యంలో ఖరీఫ్‌ సీజన్‌ ప్రారంభం నుంచే అన్ని రకాల ఎరువుల ధరలు పెరగనున్నాయి. ఇప్పటివరకు పన్నులు లేకుండా విక్రయిస్తున్న కొన్ని రకాల సూక్ష్మ పోషకాల ఎరువుల ధరలకు కూడా రెక్కలు రానున్నాయి. పెరిగిన ధరలు వచ్చేనెల ఒకటి నుంచి అమలవుతాయి. ఈ మేరకు ఎరువుల డీలర్లకు కేంద్ర ప్రభుత్వం నుంచి ఆదేశాలు వెళ్లాయి. మరోవైపు పాత నిల్వల్ని పాత రేటుకే పంపిణీ చేయాలని రైతు సంఘాలు డిమాండ్‌ చేస్తున్నాయి. ఈ నెలాఖరులోగా కొనుగోలు చేసే వాటికే పాత ధరలు ఉంటాయని కంపెనీలు చెబుతున్నాయి. ఇప్పటికే కనీస మద్దతు ధర లేక కొట్టుమిట్టాడుతున్న రైతులను ఎరువుల ధరల పెంపు మరిన్ని నష్టాల్లోకి నెట్టేయనుంది.
 
 ఇక యూరియా బస్తా రూ.315
 కేంద్ర ప్రభుత్వం అత్యధిక సబ్సిడీతో ఇచ్చే 50 కిలోల యూరియా బస్తాపై గరిష్టంగా రు.17.68 పెరగనుంది. ప్రస్తుతం యూరియా బస్తా రూ.298 ఉండగా జూలై ఒకటి నుంచి అది రూ.315.68 కానుంది. ఇప్పటి వరకు పన్నులు లేకుండా ఎరువుల్ని విక్రయించిన తమిళనాడు, పంజాబ్, హరియాణా, గుజరాత్‌ సైతం ఇకపై ఈ ధరకే విక్రయించాల్సి ఉంటుంది. డై అమోనియం పాస్పేట్‌ (డీఏపీ), కాంప్లెక్స్‌ ఎరువుల ధరలు కూడా పెరుగుతాయి. ప్రస్తుతం డీఏపీ బస్తా రూ.1,086.50 ఉండగా ఇకపై రూ.62 పెరిగి రూ.1,149 కానుందని కంపెనీలు చెబుతున్నాయి. డీలర్లు మాత్రం రు.76 పెరిగే అవకాశం ఉందని అంటున్నారు.
 
 ఈ ఎరువుల ధరల ఉత్పత్తి వ్యయం ఆయా కంపెనీల సామర్థ్యం, స్థాపనను అనుసరించి ఉంటుంది. ఇఫ్కో, క్రిబ్కో వంటి కంపెనీల ధరలు కాస్త తక్కువగా, మద్రాస్‌ ఫెర్టిలైజర్స్‌ వంటి వాటి ధరలు కొంత ఎక్కువగా ఉంటాయి. తెలంగాణలో వానాకాలానికి 8 లక్షల మెట్రిక్‌ టన్నులు, యాసంగికి రూ. 5.5 లక్షల మెట్రిక్‌ టన్నుల యూరియాను సరఫరా చేసేందుకు ప్రభుత్వం ప్రణాళిక రచించింది. అలాగే వ్యవసాయ సీజన్‌కు 2.5 లక్షల డీఏపీని సరఫరా చేయాలని లక్ష్యంగా ప్రకటించింది. ఈ లెక్కన పెరిగే ధరలతో రైతులపై రూ.82.27 కోట్ల అదనపు భారం పడనుంది.
 
 పురుగు మందులపై 18 శాతం పన్ను
 దుక్కుల్లో వేసే జింక్, మెగ్నీషియం, ఇతరత్రా సూక్ష్మపోషకాలు, బయో ఫెర్టిలైజర్ల ధరలు సగటున 5.7 శాతం పెరగనున్నాయి. క్రిమిసంహారక మందులపై ఏకంగా 18 శాతం పెరుగుతాయని అంచనా. ఎరువులు, పురుగు మందులు, సూక్ష్మపోషకాలు అన్నింటి ధరలు పెరగడంతో రాష్ట్రంలో రైతులపై దాదాపు రూ.200 కోట్ల అదనపు భారం పడనుందని అంచనా వేస్తున్నారు. ఎరువులపై విధించే 12 శాతం పన్నుల్లో కేంద్రానికి 5, రాష్ట్రానికి 7 శాతం వస్తుంది. దీంతో రాష్ట్ర ప్రభుత్వం నోరెత్తడం లేదని రైతు సంఘాల నేతలు విమర్శిస్తున్నారు. చెప్పులపై 12 శాతం పన్ను విధించినందుకు పశ్చిమబెంగాల్‌ ముఖ్యమంత్రి మమతా బెనర్జీ కేంద్రంతో పోరాడి తగ్గించుకున్నారని, రాష్ట్ర ప్రభుత్వం కనీసం కేంద్ర ఆర్థిక మంత్రికి లేఖ రాసి ఎరువులపై పన్ను తగ్గించేందుకు ఎందుకు ప్రయత్నించడం లేదని ప్రశ్నిస్తున్నారు.


 జమ్ము: పాకిస్తాన్‌ మరోసారి కాల్పులు విరమణ ఉల్లంఘనకు పాల్పడింది. అయితే పాకిస్తాన్‌కు భారత సైన్యం ధీటుగా సమాధానమిచ్చింది. జమ్ముకశ్మీర్‌లోని యురీ సెక్టార్‌లో పాకిస్తాన్‌ బోర్డర్‌ యాక్షన్‌ టీమ్‌కు చెందిన ఉగ్రవాదులు కాల్పులకు తెగబడింది. అప్రమత్తమైన భారత జవాన్లు పాక్‌ కాల్పులను సమర్థవంతంగా తిప్పికొట్టారు.
 ఈ కాల్పుల్లో ఇద్దరు ఉగ్రవాదులు హతమయ్యారు. పాక్‌ కాల్పులను భారత్‌ సైన్యం సమర్థవంతంగా తిప్పికొట్టినట్లు ఆర్మీ అధికారులు వెల్లడించారు. కాగా గతంలో పాక్‌ బోర్డర్‌ యాక్షన్‌ టీమ్‌ సభ్యులు పలుమార్లు జవాన్లతో పాటు భారత్‌ పోస్టులపై తెగబడ్డారు. అంతేకాకుండా భారత్‌ జవాన్ల దేహాలను అత్యంత కిరాతంగా చింధ్రం చేసిన విషయం తెలిసిందే.


 శ్రీనగర్‌ : జమ్ముకశ్మీర్‌లోని శ్రీనగర్‌ విమానాశ్రయంలో ఓ జవాను గ్రెనేడ్లతో రావడం కలకలం సృష్టించింది. ఉరీ సెక్టార్‌లోని నియంత్రణ రేఖ వద్ద విధులు నిర్వహించే ఓ జవాను సోమవారం ఢిల్లీ వెళ్లేందుకు శ్రీనగర్‌ ఎయిర్‌పోర్టుకు వచ్చాడు. విమానం ఎక్కబోతున్న అతడ్ని పోలీసులు తనిఖీ చేయగా.. అతని బ్యాగులో రెండు గ్రెనేడ్లను గుర్తించారు.
 దీంతో అప్రమత్తమైన అధికారులు అతడిని అరెస్టు చేసి విచారిస్తున్నారు. జవానును పశ్చిమ బెంగాల్‌కు చెందిన భూపాల్‌ ముఖియాగా పోలీసులు గుర్తించారు. ఆ గ్రెనేడ్లను జవాను ఢిల్లీలోని ఓ వ్యక్తికి అప్పజెప్పేందుకు వెళ్తున్నట్లు సమాచారం. అయితే ఈ విషయాన్ని అటు ఆర్మీగానీ, ఇటు పోలీసులు గానీ అధికారికంగా వెల్లడించలేదు. ఇందుకు సంబంధించి పూర్తి వివరాలు తెలియాల్సి ఉంది.


 న్యూఢిల్లీ: భారత సైనికులే లక్ష్యంగా వరుసగా ఉగ్రవాద దాడులు జరుగుతుండటం ఆందోళన కలిగిస్తున్నది. మొన్నటికి మొన్న పఠాన్‌కోట్‌ ఉగ్రవాద దాడి, ఉడీ ఉగ్రవాద దాడుల్లో పెద్ద ఎత్తున జవాన్లు ప్రాణాలు కోల్పోయారు. తాజాగా జమ్మూకశ్మీర్‌లోని నగ్రోటా ఉగ్రవాద దాడిలో ఏడుగురు జవాన్లు అమరులయ్యారు.
 
 దేశ రక్షణలో భాగంగా వరుస దాడుల్లో సైనికులు ప్రాణాలు కోల్పోతున్న అంశాన్ని ప్రతిపక్ష సభ్యులు బుధవారం పార్లమెంటులో లేవనెత్తారు. ఈ అంశంపై కాంగ్రెస్‌ నేత గులాం నబీ ఆజాద్‌  స్పందిస్తూ నగ్రోటా ఉగ్రవాద దాడిలో మరణించిన జవాన్లకు నివాళులర్పించాల్సిందిగా ప్రభుత్వాన్ని కోరినా వినిపించుకోలేదని, దీనిపై రక్షణమంత్రి సభలో ప్రకటన చేయలేదని విమర్శించారు. ఎంఐఎం అధినేత, హైదరాబాద్‌ ఎంపీ అసదుద్దీన్‌ ఒవైసీ మాట్లాడుతూ.. నిఘా వైఫల్యం కారణంగా పఠాన్‌ కోట్‌, ఉడీ ఉగ్రవాద దాడులు జరిగాయని, తాజాగా నగ్రోటా దాడి జరిగిందని, ఈ దాడులకు ఎవరు బాధ్యత వహిస్తారని ఆయన ప్రశ్నించారు.


 పాక్‌ ఆర్మీ చీఫ్‌ రహీల్‌ షరీఫ్‌ నోటిదురుసు..
 
 దిగిపోతున్న పాకిస్థాన్‌ ఆర్మీ చీఫ్‌ జనరల్‌ రహీల్‌ షరీఫ్‌ మంగళవారం భారత్‌కు వార్నింగ్‌ ఇచ్చాడు. కశ్మీర్‌ ఉద్రికత్తల విషయంలో తాము సంయమనంగా వ్యవహరించడాన్ని బలహీనతగా భావించవద్దని, అలా భావిస్తే ప్రమాదకరమైన పొరపాటేనని ఆయన అన్నారు. పదవీ నుంచి దిగిపోతున్న రహీల్‌ షరీఫ్‌ తన వారసుడైన కొత్త ఆర్మీ చీఫ్‌ జనరల్‌ కమర్‌ జావేద్‌ బజ్వాను ఆహ్వానిస్తూ రావాల్పిండి ఆర్మీ ప్రధాన కార్యాలయంలో నిర్వహించిన ఓ కార్యక్రమంలో మాట్లాడారు.
 
 ‘దురదృష్టవశాత్తు ఇటీవలికాలంలో ఆక్రమిత కశ్మీర్‌లో ప్రభుత్వ ప్రాయోజిత ఉగ్రవాదం పెరిగిపోయింది. భారత్‌ దురాక్రమణపూరిత చర్యలకు దిగుతుండటంతో ఈ ప్రాంతంలో శాంతిభద్రతలు ప్రమాదంలో పడ్డాయి’ అని షరీఫ్‌ అన్నారు. ‘మా సంయమనాన్ని బలహీనతగా భావిస్తే.. అది భారత్‌కు ప్రమాదకరమేనని నేను ఆ దేశానికి స్పష్టం చేయదలిచాను’ అని పేర్కొన్నారు. ఉడీ ఉగ్రవాద దాడి అనంతరం అణ్వాయుధ దేశాలైన భారత్‌-పాక్‌ మధ్య ఉద్రిక్తతలు పెరిగిపోయిన సంగతి తెలిసిందే. ఉడీ ఉగ్రవాద దాడి అనంతరం పాక్‌ ఆక్రమిత కశ్మీర్‌లో భారత సైన్యం సర్జికల్‌ స్ట్రైక్స్‌ నిర్వహించడం, అనంతరం సరిహద్దుల్లో వరుస కాల్పులతో ఉద్రిక్తతలు పెరిగిపోయిన సంగతి తెలిసిందే.
  


 అవలోకనం
 నేడు మనకున్న అత్యంత విశ్వసనీయత గల నేత మోదీయే. మరే ఇతర నేతా ఆత్మవిశ్వాసంతో దేశాన్ని ఇంతటి కల్లోలంలోకి విజయవంతంగా నడపలేరు. వచ్చే రెండున్నరేళ్లలో కూడా ఆయన తన జనాకర్షణను నిలబెట్టుకుంటారు. 2019 ఎన్నికల్లో ఆయన్ను ఓడించటం చాలా కష్టం. ఆయన చేపట్టిన చర్యలు చాలా వాటి పర్యవసానాలు ఈలోగానే వెల్లడి కావాలని  కోరుకుంటున్నాను. గొప్ప ఆలోచనతో పులకరించి పోవడమే గాక, దాని వివరాల పట్ల ఆసక్తి కూడా మన ప్రధానికి ఉన్నదా? లేదా? అనేది తేలడం ఆయనకూ, మనకూ కూడా మంచిది.
  
 యూరోపియన్ యూనియన్ ఏర్పాటు అనే భావనకే ఫ్రెంచి నేత జిస్‌కార్ డెస్టాంగ్ పులకరించి పోయేవాడుగానీ, దాని వివరాలు మాత్రం ఆయనకు విసు గెత్తించేవని అంటారు. కేంద్ర ప్రభుత్వం చేపట్టే చాలా అంశాలలో అదే ధోరణి కనిపిస్తున్నదేమోనని తరచూ నాకు అనుమానం కలుగుతుంటుంది. నరేంద్ర మోదీ నల్ల ధనంపై భారీ దాడిని ప్రారంభించిన తదుపరి గడచిన రెండు వారా లకు సంబంధించి రెండు వాస్తవాలను ఒప్పుకోవడం సమంజసం. ఒకటి  ఇంతటి అసౌకర్యం తర్వాత కూడా మోదీ తనకున్న విస్తృతమైన ప్రజా మద్దతును నిల బెట్టుకుంటున్నారు. రెండు నగదు కొరత వల్ల తలెత్తుతున్న ఆర్థిక సమస్యలు పేరు కుపోతూనే ఉన్నాయని వార్తా నివేదికలు తెలుపుతున్నాయి.
  
 అది సూరత్ నుంచే అయినా లేదా లూథియానా లేదా మొరాదాబాద్ వంటివే అయినా మన వస్తుతయారీ కేంద్రాలన్నిటి నుంచి వస్తున్న వార్తా నివే దికలన్నీ ఒకేలా ఉంటున్నాయి. వస్తుతయారీ యూనిట్లు తక్కువ ఉత్పత్తి సామ ర్థ్యంతో పని చేస్తున్నాయనో లేదా మూత పడ్డాయనో తెలుపుతున్నాయి. అవి తయారు చేసే వస్తువులకు గిరాకీ లేకపోవడమూ, ముడి పదార్థాల కొనుగోలుకు నగదు అంటుబాటులో లేకపోవడం అందుకు కారణం. అవి శ్రామికులను పనిలో కొనసాగించడానికి విముఖతను చూపడం, వలస కార్మికులను తొలగించడం లేదా వారి స్వస్థలాలకు పంపివేయడం సర్వత్రా కనిపిస్తున్న మరో సామాన్యాంశం. దీనికి సంబంధించిన సరైన గణాంక సమాచారం కోసం మనం ఇంకా వేచి చూడాల్సి ఉంది. అయినాగానీ ఘటనల నివేదికలు పరిస్థితిని సూచించే సంకే తాలు అయినట్లయితే డిసెంబర్‌లోనూ, కొత్త సంవత్సరంలోనూ ఇంకా పెద్ద సమస్య తలెత్తనున్నదని అనిపిస్తుంది.
  
 ఉద్దేశపూర్వకంగా కొని తెచ్చుకున్న ఈ అనిశ్చిత పరిస్థితిలో కూడా మోదీ జనాదరణ విస్తృతమైనదిగానూ, భారీగానూ ఉన్నదనేది నిర్వివాదాంశం. ఇందుకు కారణంఏమిటి? ఇది మోదీ పదవీ కాలం నట్ట నడుమకు చేరిన సమయం కూడా కాబట్టి ఆ విషయాన్ని పరిశీలిద్దాం. అద్భుతమైన పథకాలను ప్రారంభించడం, గొప్ప ప్రకటనలను చే యడమే ఇంతవరకు గడచిన మోదీ పాలనలో కనిపించే విశిష్ట లక్షణం. ఇవన్నీ ప్రజల దృష్టిని, ప్రత్యేకించి మీడియా దృష్టిని ఆకట్టుకున్నాయి. మేక్ ఇన్ ఇండియా, బుల్లెట్ ట్రైన్, స్మార్ట్ నగరాలు, స్వచ్ఛ భారత్, లక్ష్యిత దాడులు, పెద్ద నోట్ల రద్దు వగైరా.  ఇవన్నీ, ఇంకా ఇతరత్రా మోదీ చొరవ చూపిన అంశాలన్నిటిలో ఒకే పద్ధతి కనిపిస్తుంది. ఇవన్నీ గతంతో పూర్తిగా తెగతెంపులు చేసుకోవడానికి ప్రాతినిధ్యం వహిస్తాయి. పాతను, కృశించిపోతున్నదాన్ని తుంచి పారేసి, దాని స్థానంలో కొత్తదాన్ని, మరింత మెరుగైనదాన్ని తెస్తామని వాగ్దానం చేసేవి. అవి ఈ లక్ష్యాన్ని ఏ మేరకైనా సాధించాయా? వాటి నిజ పర్యవసానాలు ఏమిటి? కాలక్రమేణానే   అవి మనకు తెలుస్తాయి.
  
 ఒక ఉదాహరణను చూద్దాం. ఉడీ ఉగ్రదాడి తదుపరి జరిపిన లక్ష్యిత దాడులు... వాస్తవాధీన రేఖకు అవతల నుంచి పంపుతున్న వారు చేస్తున్న హింసా కాండకు ప్రతిస్పందనగా చేసినవి. ఆ తదుపరి మనం 20 మంది సైనికులను కోల్పోయాం. లక్ష్యిత దాడులకు ముందు సాపేక్షికంగా శాంతియుతంగా ఉండిన వాస్తవాధీన రేఖ ఆ తదుపరి భగ్గున మండుతుండటమే అందుకు ప్రధాన కారణం. తిరిగి కాల్పుల విరమణ నెలకొన్నదని మన రక్షణ మంత్రి అంటున్నారు. అయితే ఈలోగా 20 మంది భారత సైనికులను కోల్పోవాల్సి వచ్చింది. కాబట్టి లక్ష్యిత దాడులను జరపాలనేది మంచి నిర్ణయమేనా? ఈ ప్రశ్నకు ఏ విధంగా సమాధానం చెప్పినా అది జాతి వ్యతిరేకమైనదే అవుతుంది. కాబట్టి దీన్ని ఇంత టితో వదిలేద్దాం. ఏదేమైనా భారత సైనికుణ్ణి ఆరాధించవ లసిందే. అతడు తనం తట తానుగా ఆత్మబలిదానాలు చేయాల్సిందేనని నేనంటాను. సైనికుడు దేశం కోసం చేసిన త్యాగాల పట్ల మనకు పూజ్యభావం ఉన్నదే తప్ప, అతని ప్రాణాల పట్ల గౌరవం మాత్రం లేదు.
 
 ప్రధాని మోదీ గొప్ప ప్రకటనల పర్యవసానాల వల్ల ప్రయోజనాలు కలిగే దెవరికో, నష్టపోయేది ఎవరో మనకు కచ్చితంగా తెలియదు. చాలా వరకు ప్రకటనల తీరు ఇంతేనని చెప్పుకోవచ్చు. అయితే నల్ల ధనంపై చేపట్టిన లక్ష్యిత దాడి నిజ ఫలితాలు ఏమిటో తెలియడానికి మరింత ఎక్కువ సమయం పడుతుందనే మాట నిజమే. కానీ మనం దాదాపు లక్ష కోట్ల రూపాయలు ఖర్చుపెట్టి ప్రవేశపెట్టనున్న బుల్లెట్ ట్రైన్ మాటేమిటి? అణు సరఫరాదారుల గ్రూపులో (ఎన్‌ఎస్‌జీ) స్థానాన్ని సాధించడానికి మనం వెచ్చిస్తున్న దౌత్యశక్తి, ప్రధాని వ్యక్తిగత ప్రతిష్టల సంగ తేమిటి? వాటి పర్యవసానాలను గురించి అవసరమైనంత లోతైన విశ్లేషణ జరిపారా? నేనిక్కడ ఉద్దేశాలను ప్రశ్నించడం లేదు. కాకపోతే ముందుగా తుపాకీ పేల్చి, తర్వాత గురి చూడటం అనే వైఖరిని ప్రభుత్వం అవలంబిస్తున్నదేమోననే నా అనుమానం నిరాధారమైనదేనా? అని తెలుసుకోవాలనే నా కుతూ హలమంతా.
  
 నేడు మనకున్న అత్యంత విశ్వసనీయత గల నేత మోదీయే. మరే ఇతర నేతా ఆత్మవిశ్వాసంతో దేశాన్ని ఇంతటి కల్లోలంలోకి విజయవంతంగా నడపలేరు. వచ్చే రెండున్నరేళ్లలో కూడా ఆయన తన జనాకర్షణను నిలబెట్టుకుంటారు. 2019 ఎన్ని కల్లో ఆయన్ను ఓడించటం చాలా కష్టం. ఆయన చేపట్టిన చర్యలు చాలా వాటి పర్యవసానాలు ఈలోగానే వెల్లడి కావాలని నేను కోరుకుంటున్నాను. గొప్ప ఆలో చనతో పులకరించి పోవడమే గాక, దాని వివరాల పట్ల ఆసక్తి కూడా ఆయనకు ఉన్నదా? లేదా? అనేది తేలడం ఆయనకూ, మనకూ కూడా మంచిది.
  
 
 ఆకార్ పటేల్
 వ్యాసకర్త కాలమిస్టు, రచయిత
 ఈ-మెయిల్ : aakar.patel@icloud.com


 న్యూఢిల్లీ: ముస్లిం వ్యాపారవేత్త జీవితంలో చోటుచేసుకున్న సంఘటనల సమాహారంగా రూపొందుతోన్న మూవీ ‘రాయిస్’. ఈ మూవీలో బాలీవుడ్ బాద్‌షా హీరో కాగా, పాకిస్తాన్ నటి మహీరాఖాన్ ఈ మూవీతో ఇండస్ట్రీకి ఎంట్రీ ఇస్తున్న విషయం తెలిసిందే. ఉడీలో పాక్ ఉగ్రదాడుల తర్వాత దాయాది దేశానికి చెందిన ఆర్టిస్టులపై నిషేధం, వారు నటించిన మూవీలను విడుదలను అడ్డుకోవాలంటూ 'రాయిస్', 'ఏ దిల్ హై ముష్కిల్' లపై ఇటీవల పెనుదుమారం చెలరేగింది.
 
 తాజాగా ఈ మూవీకి సంబంధించి మహీరా కొన్ని విషయాలను తెలిపింది. తన తల్లికి బాలీవుడ్ ఎంట్రీ విషయం చెప్పగా ఆమె పెద్దగా షాక్ కాలేదని, అయితే స్టార్ హీరో షారుక్ సరసన నటిస్తున్నానని చెబితే నమ్మలేదని చెప్పింది. 'నువ్వు అబద్దం చెబుతున్నావు, ఎందుకంటే షారుక్ లాంటి అగ్రహీరో మూవీతో ఎంట్రీ ఛాన్స్ దక్కడం ఎవరికైనా కష్టమే' అన్న మా అమ్మ ఈ విషయాన్ని నమ్మిన వెంటనే ఉద్వేగానికి లోనై ఒక్కసారిగా ఏడ్చేసిందని నటి మహీరా చెప్పుకొచ్చింది. మోహసినా అనే పాత్రలో తాను రాయిస్ లో కనిపించనుంది. వచ్చే ఏడాది జనవరి 26న మూవీని విడుదల చేయాలని యూనిట్ భావిస్తోంది.


 పాక్ ఉగ్రవాదులు ఉడీలో సైనిక శిబిరంపై దాడిచేసి, భారత సైనికులను దారుణంగా హతమార్చిన విషయమై రాజ్యసభలో ప్రతిపక్ష నాయకుడు గులాం నబీ ఆజాద్ చేసిన వ్యాఖ్యలు తీవ్ర గందరగోళానికి దారితీశాయి. 500, 1000 రూపాయల నోట్లను రద్దుచేయడంలో ప్రభుత్వ తప్పుడు విధానం వల్ల ఇప్పుడు చనిపోతున్నవారిలో సగం మంది కూడా ఉడీ ఉగ్రదాడిలో మరణించలేదని గులాం నబీ రాజ్యసభలో వ్యాఖ్యానించారు. ప్రధానమంత్రి నరేంద్ర మోదీ సభకు వచ్చి సమాధానం చెప్పేవరకు సభను నడవనిచ్చేది లేదని ఆయన స్పష్టం చేశారు. అయితే.. ఈ సమయంలో సభలో తీవ్ర గందరగోళం నెలకొంది. ఒకవైపు కొంతమంది ప్రతిపక్ష సభ్యులు పోడియం వద్దకు వచ్చి తీవ్రస్థాయిలో నినాదాలు చేయడంతో గులాం నబీ ఏమన్నారో సరిగా అర్థం కాని పరిస్థితి ఏర్పడింది. 
  
  
 కానీ, కేంద్రమంత్రి వెంకయ్య నాయుడు మాత్రం ఆయన వ్యాఖ్యలపై తీవ్రస్థాయిలో మండిపడ్డారు. ప్రతిపక్ష నాయకుడు జాతిని అవమానిస్తున్నారని ఆయన అన్నారు. ఈ ఘటనను పాక్ ఉగ్రవాద దాడులతో ఆయన పోలుస్తున్నారని.. అందుకు ఆయన క్షమాపణ చెప్పి తీరాలని, ఈ వ్యాఖ్యలను రికార్డుల నుంచి తొలగించాలని డిమాండ్ చేశారు. అయితే తాను రికార్డులు పరిశీలించి తగిన చర్య తీసుకుంటానని సభాధ్యక్షుడు పీజే కురియన్ చెప్పారు. వెంకయ్య వ్యాఖ్యలతో మరింత ఆగ్రహానికి గురైన గులాం నబీ ఆజాద్.. ''మీరు పాకిస్థాన్‌లో పెళ్లిళ్లు, ఫంక్షన్లకు వెళ్లి వచ్చి, వాళ్లకు రెడ్ కార్పెట్లు పరుస్తారు, మీరు మాకు చెబుతారా.. పాకిస్థాన్ కాల్పులకు ప్రతిరోజూ గురయ్యే రాష్ట్రానికి చెందినవాడిని నేను. మీరు నాకు చెప్పాల్సిన అవసరం లేదు'' అని ఆయన అన్నారు. అయితే వెంకయ్య నాయుడు మాత్రం తన వాదనకు కట్టుబడి ఉండి.. గులాం నబీ ఆజాద్ వ్యాఖ్యలను రికార్డుల నుంచి తొలగించాలని, ఆయన క్షమాపణ చెప్పాలని పట్టుబట్టారు. ఈ గందరగోళం నడుమ రాజ్యసభ శుక్రవారానికి వాయిదా పడింది. 


 జమ్మూకశ్మీర్ లోని ఉడీ సైనిక స్థావరంపై దాడి పాకిస్థాన్ ఉగ్రవాద సంస్థ లష్కరే-ఈ-తొయిబా పనేనని వెల్లడైంది. పాకిస్థాన్ లోని గుజ్రాన్ వాలా పట్టణంలో వెలసిన పోస్టర్లు ఇందుకు సాక్షంగా నిలుస్తున్నాయి. ఉడీ దాడిలో హతమైన ఉగ్రవాది మహ్మద్ అనాస్ అలియాస్ అబూ సిరాఖా అంత్యక్రియలు సందర్భంగా నిర్వహించే ప్రత్యేక నమాజ్ కు రావాలంటూ స్థానికులను ఆహ్వానిస్తూ గుజ్రాన్ వాలాలో పోస్టర్లు వెలిశాయని 'ఇండియన్ ఎక్స్ ప్రెస్' వెల్లడించింది.
 
 'ఎంతో ధైరవంతుడైన మత పోరాటయోధుడు అబూ సిరఖా మహ్మద్ అనాస్.. ఆక్రమిత కశ్మీర్ లో ఉడీ బ్రిగేడ్ క్యాంపులో 177 మంది హిందూ సైనికులను నరకానికి పంపాడు. మతం కోసం అతడు ప్రాణత్యాగం చేశాడ'ని ఈ పోస్టర్లలో పేర్కొన్నారు. మహ్మద్ అనాస్ ఫొటోతో పాటు లష్కరే-ఈ-తొయిబా అధినేత హఫీజ్ మహ్మద్ సయీద్ చిత్రాన్ని పోస్టర్లతో ముద్రించారు. అనాస్ మృతదేహం లేకుండా అతడి అంత్యక్రియలు నిర్వహిస్తున్నట్టు పేర్కొన్నారు. గుజ్రాన్ వాలా పట్టణంలోని గిర్ జాఖ్ సమీపంలో బాదానుల్లా ప్రాంతంలో అంత్యక్రియలు జరపనున్నట్టు తెలిపారు.
 
 ఉడీ దాడి పాకిస్థాన్ ఉగ్రవాదుల పనేనని భారత్ చేస్తున్న వాదనకు ఈ పోస్టర్లు సాక్ష్యంగా నిలిచాయి. ఉడీ దాడితో సంబంధం లేదని బొంకుతున్న పాకిస్థాన్ దీనికి ఏం సమాధానం చెబుతుందో చూడాలి. అయితే పాకిస్థాన్ కే చెందిన జైషే-ఈ-మహ్మద్ ఉగ్రవాద సంస్థ ఉడీ దాడికి పాల్పడిందన్న అనుమానాన్ని ప్రాథమికంగా భారత్ వ్యక్తం చేసింది. తాజాగా వెలుగుచూసిన పోస్టర్లతో ఇది లష్కరే-ఈ-తొయిబా ఘాతుకంగా వెల్లడైంది. కుట్రదారులను గుర్తించడం, ఆధారాల సేకరణలో జాతీయ దర్యాప్తు సంస్థ(ఎన్ఐఏ) అధికారులు ఇప్పటివరకు స్పష్టమైన పురోగతి సాధించలేకపోయారు. ఉడీ దాడిలో హతమైన ఉగ్రవాదుల వద్ద రెండు జర్మనీ తుపాకులు దొరికాయి. అయితే వీటిలో ఒకటి పూర్తిగా ధ్వంసమైంది. మరో తుపాకీని ఫోరెన్సిక్ నిపుణులు పరీక్షిస్తున్నారు. ఘటనా స్థలంలో దొరికిన మందులు, ఆహార పొట్లాలు ఉగ్రవాదులు పాకిస్థాన్ కు చెందిన వారని నిర్ధారించినా.. వారు ఏ ఉగ్రవాద సంస్థకు చెందినవారో కచ్చితంగా నిర్దరణకు వచ్చే అవకాశం కల్పించలేకపోయాయి. ఉగ్రవాదులకు చొరబాటుకు సహకరించారనే ఆరోపణలతో అరెస్టు చేసిన అహసాన్ ఖుర్షీద్, ఫైసాల్ అవాన్ కూడా పరస్పర విరుద్ధ వాంగూల్మం ఇవ్వడంతో దర్యాప్తు ముందుకు సాగడం లేదని ప్రభుత్వ వర్గాలు అంటున్నాయి.
 
 ఈ నేపథ్యంలో గుజ్రాన్ వాలాలో వెలుగుచూసిన పోస్టర్లు సాక్ష్యంగా నిలబడతాయా, లేదా అనేది చర్చనీయాంశంగా మారింది. ఉడీ దాడిలో హతమైన మిగతా ముగ్గురు ఉగ్రవాదుల స్వస్థలాల్లో కూడా ఇదేవిధంగా పోస్టర్లు వెలిశాయో, లేదో తెలియదని 'ఇండియన్ ఎక్స్ ప్రెస్' పేర్కొంది. సెప్టెంబర్ 18న ఉడీ సైనిక స్థావరంపై ఉగ్రవాదులు జరిపిన దాడిలో 20 సైనికులు మృతి చెందారు. భద్రతా దళాలు జరిపిన కాల్పుల్లో నలుగురు ఉగ్రవాదులు హతమయ్యారు.


 తమ దేశం కూడా ఉగ్రవాద బాధిత దేశమేనని జపాన్ రాయబారి కెంజి హిరమట్సు అన్నారు. 19 మంది భారతీయ సైనికులు ప్రాణాలు కోల్పోయిన ఉడీ ఉగ్రదాడిని తమ దేశం ఖండిస్తోందని ఆయన తెలిపారు. ఉగ్రవాదంపై పోరాడాలంటే సమాచార మార్పిడి, నిఘా విషయాలు పంచుకోవడం చాలా ముఖ్యమన్నారు. ''ఉడీలో భారత సైనిక స్థావరంపై జరిగిన ఉగ్రదాడిని మేం తీవ్రంగా ఖండిస్తున్నాం. ఈ దాడిలో ప్రాణాలు కోల్పోయిన వారి కుటుంబాలకు ప్రగాఢ సానుభూతి తెలియజేస్తున్నాం'' అని హిరమట్సు చెప్పారు.
 
 జపాన్ కూడా ఉగ్రవాద బాధిత దేశమేనని ఆయన ఈ సందర్భంగా తెలిపారు. గత జూలై నెలలో జరిగిన ఢాకా ఉగ్రదాడిలో ఒక భారతీయ యువతితో పాటు ఏడుగురు జపనీయులు కూడా  మరణించారని ఆయన గుర్తుచేశారు. ఢాకాలోని హోలీ ఆర్టిసాన్ బేకరీలో జరిగిన ఉగ్రదాడిలో మొత్తం 29 మంది ప్రాణాలు కోల్పోయారు. అందుకే, ఉగ్రవాదంపై పోరాటంలో జపాన్, భారతదేశం కలిసి మెలిసి ఉండాలని.. నిఘా సమాచారాన్ని ఇచ్చిపుచ్చుకోవాలని హిరమట్సు తెలిపారు.


 ఇస్లామాబాద్: భారత్ తో చర్చలు జరిపేందుకు తాము సిద్ధంగా ఉన్నామని పాకిస్తాన్ ప్రధాని నవాజ్ షరీఫ్ అన్నారు. కశ్మీర్ సమస్యలను పరిష్కారించాలని భారత్ కూడా భావించినట్లయితే అందుకు తమకు ఏ అభ్యంతరం లేదని షరీష్ తెలిపారు. మూడో రోజుల పర్యటనలో భాగంగా అజర్ బైజాన్, బాకులో ఉన్న పాక్ ప్రధాని మీడియాతో మాట్లాడాతూ.. కశ్మీర్లో కొనసాగుతున్న హింస, ఇతర ముఖ్య సమస్యలపై చర్చించాలని పాక్ పలు పర్యాయాలు భారత్ కు ఆహ్వానం పంపినా ప్రయోజనం లేకపోయిందన్నారు.
 
 భారత్-పాక్ మధ్య అశాంతియుత వాతావరణం నెలకొనడానికి కశ్మీర్ అంశమే ప్రధాన కారణమని షరీష్ అభిప్రాయపడ్డారు. ఐక్యరాజ్యసమితి భద్రతా మండలి సూచన మేరకు భారత్ కూడా ఈ అంశాన్ని సీరియస్ గా తీసుకోవాలని చెప్పారు. ఉడీలోని భారత ఆర్మీ క్యాంపుపై జరిగిన ఉగ్రదాడికి పాకిస్తాన్ పనేనన్న భారత్ ఆరోపణలను మరోసారి కొట్టిపారేశారు. లైన్ ఆఫ్ కంట్రోల్(ఎల్వోసీ) వద్ద పాక్ ఎలాంటి చొరబాట్లకు యత్నించలేదన్నారు. ఉడీలో జరిగిన ఉగ్రదాడిలో 19 మంది భారత జవాన్లు అమరులైన విషయం తెలిసిందే.


 వాషింగ్టన్‌: తన భూభాగాన్ని స్వర్గధామంగా మార్చుకొని కార్యకలాపాలు నిర్వహిస్తున్న ఉగ్రవాదులందరినీ ఏరిపారేయాల్సిందేనని  పాకిస్థాన్‌కు అమెరికా మరోసారి స్పష్టం చేసింది. పాకిస్థాన్‌ భూభాగంలో పనిచేస్తున్న ఉగ్రవాద గ్రూపులన్నింటినీ అక్రమమైనవిగా గుర్తించి.. నిర్మూలించాలని సూచించింది. 'పాకిస్థాన్‌ భూభాగంలో పనిచేస్తున్న ఉగ్రవాద సంస్థలన్నింటిపై ఉక్కుపాదం మోపాల్సిందేనని మేం ఆ దేశాన్ని కోరుతూనే ఉన్నాం' అని అమెరికా విదేశాంగ డిప్యూటీ అధికార ప్రతినిధి మార్క్‌ టోనర్‌ శుక్రవారం విలేకరులకు తెలిపారు. ఉగ్రవాదులు, హింసాత్మక అతివాదుల కారణంగా పాకిస్థానే ఎక్కువగా నష్టపోయిందని ఆయన గుర్తుచేశారు. ఉగ్రవాద ముప్పుపై పోరాటంలో పాకిస్థాన్‌కు తాము సాయం అందిస్తామని, అయితే పాకిస్థాన్‌ భూభాగాన్ని తమకు స్వేచ్ఛాయుత ఆవాసంగా మార్చుకున్న ఉగ్రవాదులపై ఆ దేశం చర్య తీసుకోవాల్సిందేనని ఆయన స్పష్టంచేశారు.
 
 19 మంది సైనికులను పొట్టనబెట్టుకున్న ఉడీ ఉగ్రవాద దాడితో భారత్‌-పాకిస్థాన్‌ మధ్య ఉద్రిక్తతలు పెరిగిపోయిన సంగతి తెలిసిందే. దీంతో భారత సైన్యం పాక్‌లోని ఉగ్రవాద శిబిరాలపై సర్జికల్‌ దాడులు జరిపింది. ఈ నేపథ్యంలో ఉగ్రవాదులపై భారత సైన్యం జరిపిన దాడులను అమెరికా సమర్థించింది. ఉడీ దాడీ సీమాంతర ఉగ్రవాదానికి స్పష్టమైన నిదర్శనమని తేల్చిచెప్పిన అగ్రరాజ్యం... ఉగ్రవాద ముప్పుపై సైనిక చర్యలతో బదులు చెప్పాల్సిన అవసరముందంటూ భారత్‌ వైఖరిని సమర్థించింది.


 న్యూఢిల్లీ: 'ఒక వేళ యుద్ధం వస్తే కశ్మీర్ ఉంటుంది. అది కూడా భారత్ లోనే ఉంటుంది. కానీ పాకిస్థాన్ మాత్రం ఉండదు' అంటూ కశ్మీర్కు సంబంధించి దేశభక్తి పద్య రూపంలో పాక్కు చాలా స్ట్రాంగ్ ఇచ్చిన భారత ప్రాదేశిక సైనిక విభాగంలో పనిచేస్తున్న హెడ్ కానిస్టేబుల్ మనోజ్ ఠాకూర్కు బెదిరింపులు వస్తున్నట్లు తెలుస్తోంది. కొంతమంది ఉగ్రవాదులే కాకుండా, నేరుగా పాక్ పౌరుల్లో రాడికల్ వర్గానికి చెందినవారు ఆయనకు పరోక్షంగా హెచ్చరికలు చేస్తున్నట్లు తెలుస్తోంది. ఠాకూర్ని త్వరలోనే  చంపేస్తామని ఉగ్రవాదులు బెదిరిస్తున్నాంట.
 
 జమ్ముకశ్మీర్లోని ఉడీ సెక్టార్పై అనూహ్యంగా పాక్ ఉగ్రవాదులు దాడులు చేసి 18మంది వీర జవాన్లను బలితీసుకున్న విషయం తెలిసిందే. ఈ ఘటన జరిగిన సమయంలోనే హిమాచల్ ప్రదేశ్లోని కిన్నౌర్ ప్రాంతంలో భారత ప్రాదేశిక సైనిక విభాగంలో ప్రస్తుతం విధులు నిర్వహిస్తున్న మనోజ్ ఠాకూర్ ఉడీ ఘటనకు ఆగ్రహం వ్యక్తం చేస్తూ సింహం(భారత్) ఎవ్వరికీ భయపడదని, ఈ విషయం పాక్ తెలుసుకుంటే మంచిదంటూ వార్నింగ్ ఇచ్చాడు.
 
 గతంలో భారత్ పలుమార్లు పాక్ను యుద్ధంలో మట్టికరిపించిన సందర్భాలు గుర్తు చేశాడు. కశ్మీర్ ఎప్పటికీ భారత్ లోనే ఉంటుందని, మరోసారి యుద్ధం వస్తే పాక్ మిగలదని, కశ్మీర్ మాత్రం ఉంటుందంటూ ఒక దేశ భక్తి రూప పద్యంలో వీడియో ద్వారా వార్నింగ్ ఇచ్చాడు. ఈ వీడియో పెద్ద వైరల్ అయింది. దీనిని ఇప్పటికే లక్షల మంది వీక్షించారు. దీన్ని చూసిన ఉగ్రవాదులు, పాక్ లోని కొంతమంది రాడికల్ ప్రజలు ఠాకూర్ ను చంపేస్తామంటూ హెచ్చరిస్తున్నారని కథనాలు వస్తున్నాయి.


 న్యూఢిల్లీ: జమ్ముకశ్మీర్ లో జరిగిన ఉడీ ఉగ్రదాడులపై పాకిస్తాన్ ఆర్టిస్టులు ఒక్కొక్కరుగా నోరు విప్పుతున్నారు. తొలుత ఫవాద్ ఖాన్ ఉడీలో జరిగిన ఉగ్రదాడులను ఖండించగా.. ప్రస్తుతం పాకిస్తాన్ నటి మహీరాఖాన్ సోషల్ మీడియా ద్వారా ఈ ఘటనను వ్యతిరేకించింది. ఉడీలో పాక్ ఉగ్రదాడులు, అనంతరం భారత్ సర్జికల్ స్ట్రైక్స్ నిర్వహించడంతో దాయాది దేశాల మధ్య ఉద్రిక్త పరిస్థితులు తలెత్తడంతో పాక్ ఆర్టిస్టులపై నిషేధం విధించారు. మొదట ఫవాద్ ఖాన్ స్పందిస్తూ.. తన భార్యకు డెలివరీ ఉందని తాను మూడు నెలలుగా పాక్ లోనే ఉన్నానని, అయితే ఉగ్రదాడులు ఏ దేశం చేసినా తీవ్రంగా చర్యలు తీసుకోవాలని చెప్పాడు.
 
 భవిష్యత్తులో తమ పిల్లలు ఎక్కడ ఉన్నా ఒప్పుకుంటారు కానీ ఉగ్రదాడులు జరిగే ప్రాంతాల్లో ఉండాలని ఏ తల్లిదండ్రులు కోరుకోరని మహీరాఖాన్ తెలిపింది. ఇరుదేశాలు శాంతిని పాటించాలని, ఉగ్రదాడుల వల్ల ఎంతో ప్రాణనష్టం జరుగుతుందని ఆమె ఆందోళన వ్యక్తంచేసింది. గత ఐదేళ్లుగా నటిగా కొనసాగుతున్న తాను పాక్ గౌరవానికి భంగం వాటిల్లేలా ఎప్పుడూ ప్రవర్తించలేదని పేర్కొంది. ప్రస్తుతం షారుఖ్‌ ఖాన్‌ హీరోగా నటిస్తున్న 'రాయిస్‌' సినిమాతో పాక్ నటి మహీరాఖాన్ బాలీవుడ్‌కు పరిచయం కానుంది. పాక్ ఆర్టిస్టులపై నిషేధం విధించడంతో 'రాయిస్' మూవీ షూటింగ్ మధ్యలోనే మహీరా  పాక్ కు వెళ్లిపోయిన విషయం తెలిసిందే.
 
 ముస్లిం వ్యాపారవేత్త జీవితంలో చోటుచేసుకున్న సంఘటనల సమాహారంగా రూపొందుతోన్న ‘రాయిస్’  చిత్రంపై పాకిస్తాన్ లో ఇదివరకే ఆంక్షలు మొదలయ్యాయి. షారుఖ్ ఖాన్, మహీరా ఖాన్ జంటగా నటిస్తోన్న ‘రాయిస్’ను పాకిస్తాన్ లోనూ అధికారికంగా విడుదల చేయాలని దర్శకనిర్మాతలు భావిస్తుండగా.. సన్నీలియోన్, షారుక్ పై చిత్రీకరించిన ఆ ఐటం పాటపై పాక్ అభ్యంతరాలు లేవనెత్తడంతో అక్కడ ఈ పాటను కట్ చేసి మూవీ రిలీజ్ చేయనున్నారు.


 సర్జికల్ స్ట్రైక్స్‌ను ప్రశ్నిస్తున్న నాయకులపై భారత నాయకులపై ఉడీ ఉగ్రదాడి బాధితులు తీవ్రంగా మండిపడుతున్నారు. అసలు సర్జికల్ దాడులు చేయాల్సింది కూడా ఉగ్రవాదుల మీద కాదని, ముందుగా ఇలాంటి నాయకుల మీద అని అంటున్నారు. సర్జికల్ దాడులు జరిగాయా లేదా.. సైన్యం సరిహద్దుల్లో ఎప్పుడూ జరిపే కాల్పులనే అలా చిత్రీకరించిందా అంటూ కొందరు నాయకులు అనుమానాలు వ్యక్తం చేయడంతో ఉడీ ఉగ్రదాడిలో తమవాళ్లను కోల్పోయిన కుటుంబాల సభ్యులు తీవ్ర ఆగ్రహావేశాలకు లోనవుతున్నారు. ఉడీ ఉగ్రదాడిలో ప్రాణాలు కోల్పోయిన హవల్దార్ అశోక్ కుమార్ సింగ్ కుటుంబం కూడా ఈ నాయకుల మీద దాడులు చేయాలని ప్రధానమంత్రి నరేంద్ర మోదీని కోరుతోంది. 'సర్జికల్ దాడుల గురించి ప్రశ్నిస్తున్న నాయకులు ద్రోహులని అశోక్ కుమార్ సింగ్ భార్య సంగీతాదేవి అన్నారు.
 
 ఉగ్రవాదులు దేశంలోకి చొరబడటానికి ఇలాంటి నాయకులే కారణమని, అసలు సర్జికల్ దాడులు నిజంగానే జరిగాయని వీళ్లు ఎందుకు అర్థం చేసుకోరని ఆమె ప్రశ్నించారు. మన దేశానికి చెందిన నాయకులే భారత సైన్యం నిబద్ధతను ప్రశ్నించడం తనను ఎంతగానో బాధించిందని ఆమె చెప్పారు. పాకిస్థాన్ ఎప్పుడూ ఉగ్రవాద దేశమేనని, వాళ్లు మన దాడులను ప్రశ్నించడం మమూలే గానీ మనవాళ్లు కూడా వాళ్లలాగే మాట్లాడటం షాక్ కలిగించిందన్నారు. ఒక అమర సైనికుడి కుటుంబం ఎంత బాధపడుతుందో వాళ్లు ఎప్పటికీ అర్థం చేసుకోలేరని తెలిపారు. ఇలాంటి నాయకులకు విషమిచ్చి చంపాలని ఆగ్రహం వ్యక్తం చేశారు. ఢిల్లీ ముఖ్యమంత్రి అరవింద్ కేజ్రీవాల్‌తో పాటు కాంగ్రెస్ నాయకులు పి.చిదంబరం, సంజయ్ నిరుపమ్ కూడా సర్జికల్ దాడుల వీడియోలను బయట పెట్టాలని డిమాండ్ చేయడం, పాక్ పత్రికలలో వాళ్ల డిమాండ్లు పతాక శీర్షికలలో కనిపించడం తెలిసిందే.


 ఉడీలో ఉగ్రదాడి జరిగి.. 19 మంది సైనికులు మరణించినప్పటి నుంచి భారతీయుల రక్తం ఉడికిపోతోంది. సర్జికల్ స్ట్రైక్స్‌తో ఆ కోపం కొంతవరకు చల్లారింది. అయితే.. ఈలోపు పాక్ నటీనటులను నిషేధించడం, దానిమీద ఒక్కొక్కరు ఒక్కోలా వ్యాఖ్యలు చేయడంతో దీనిపై పెద్ద చర్చే జరిగింది. తాజాగా అంశంపై బాలీవుడ్ హీరో అక్షయ్ కుమార్ స్పందించాడు. పలు సినిమాల్లో సైనికుడి పాత్రలు, పోలీసు పాత్రలు పోషించిన అక్షయ్ కుమార్.. నిజ జీవితంలో ఒక సైనికాధికారి కొడుకు. అందుకే ఈ అంశంపై తీవ్రంగా స్పందించిన అతడు.. తన ఫేస్‌బుక్ పేజీలో ఒక వీడియో పోస్ట్ చేశాడు. అందులో అక్షయ్ చెప్పిన వివరాలు ఇలా ఉన్నాయి...
 
 ''ఈరోజు నేను సెలబ్రిటీలా మాట్లాడటం లేదు. ఒక సైనికుడి కొడుకుగా మాట్లాడుతున్నా. మన దేశవాసులే ఒకరితో ఒకరు వాదించుకుంటున్న విషయాన్ని కొంత కాలంగా టీవీ వార్తలు, వార్తాపత్రికలలో చూస్తున్నా. కొంతమంది సర్జికల్ స్ట్రైక్స్‌కు ఆధారాలు కావాలంటున్నారు. మరికొందరు కళాకారులను నిషేధించాలంటున్నారు. మరికొందరు అసలు యుద్ధం జరుగుతుందా లేదా అని భయపడుతున్నారు. మీ వాదనలన్నీ తర్వాత చేసుకోండి. ముందు.. సరిహద్దుల్లో మీకోసం ప్రాణాలు వదులుతున్న జవాన్ల గురించి ఆలోచించండి. ఉడీ ఉగ్రదాడులలో 19 మంది జవాన్లు వీరమరణం పొందారు. 24 ఏళ్ల నితిన్ కుమార్ బారాముల్లాలో ప్రాణత్యాగం చేశాడు. ఒక సినిమా విడుదల అవుతుందా లేదా.. ఒక కళాకారుడిపై నిషేధం ఉంటుందా లేదా అని వాళ్ల కుటుంబాలు ఏమైనా బాధపడుతున్నాయా? వాళ్ల ఆందోళన అంతా ఒక్కటే.. తమ భవిష్యత్తు ఏంటని. మనమంతా కూడా దాని గురించి ఆలోచించాలి. వాళ్ల భవిష్యత్తు భద్రంగా ఉండేలా చూడాలి. వాళ్లు మనల్ని కాపాడుతున్నారు కాబట్టే ఇక్కడ మీరు, నేను అంతా బతికి ఉన్నాం. వాళ్లు కాపాడకపోతేప.. హిందూస్థాన్ అనే దేశమే ఉండదు... జై హింద్'' అని ఆ వీడియోలో అక్షయ్ కుమార్ పేర్కొన్నాడు.


 ఉగ్రవాదం విషయంలో అంతర్జాతీయంగా ఏకాకిగా మిగిలిపోతున్న పాకిస్థాన్‌ ఎట్టకేలకు చర్యలకు ఉప్రకమించినట్టు కనిపిస్తోంది. పాక్‌ భూభాగంలోని ఉగ్రవాదులపై చర్యలు తీసుకోవాల్సిందేనని, లేకపోతే అంతర్జాతీయంగా ఏకాకి కావాల్సి వస్తుందంటూ ఆ దేశ ప్రధానమంత్రి నవాజ్‌ షరీఫ్‌ సైన్యాన్ని గట్టిగా హెచ్చరించారు. అదేవిధంగా పఠాన్‌కోట్‌ ఉగ్రవాద దాడిపై విచారణ త్వరగా పూర్తిచేయాలని, స్తంభించిపోయిన ముంబై దాడుల కేసు విచారణను తిరగదొడాలని ఆయన సైన్యానికి తేల్చిచెప్పినట్టు పాకిస్థాన్‌ ప్రధాన పత్రిక 'డాన్‌' వెల్లడించింది. భారత్‌-పాకిస్థాన్‌ మధ్య ఇటీవలి ఉద్రిక్త పరిణామాల నేపథ్యంలో పౌర ప్రభుత్వానికి-సైన్యానికి మధ్య కీలక సమావేశం జరిగిందని, ఈ సమావేశంలో అసాధారణరీతిలో ప్రభుత్వం సైన్యానికి పరుషమైన హెచ్చరికలు జారీచేసిందని ఈ భేటీలో పాల్గొన్న విశ్వసనీయవర్గాలను ఉటంకిస్తూ ఆ పత్రిక గురువారం వెల్లడించింది.    
 
 నిషేధిత ఉగ్రవాద గ్రూపులపై చర్యలు సహా కీలకాంశాల్లో ప్రభుత్వానికి అనుగుణంగా సైన్యం నడుచుకోవాలని షరీఫ్‌ ఈ భేటీలో స్పష్టం చేసినట్టు డాన్‌ పత్రిక పేర్కొంది. పఠాన్‌కోట్‌ ఉగ్రవాద దాడిపై దర్యాప్తు పూర్తిచేసేందుకు, ముంబై దాడుల కేసులో పునర్విచారణ జరిపేందుకు చర్యలు తీసుకోవాలని షరీఫ్‌ తేల్చిచెప్పినట్టు తెలిపింది. నిషేధిత లేదా అదుపులో లేని మిలిటెంట్‌ గ్రూపులపై లా ఎన్‌ఫోర్స్‌మెంట్‌ చర్యలు తీసుకుంటే.. అందులో సైనిక నిఘా ఏజెన్సీలు జోక్యం చేసుకోకూడదనే సందేశాన్ని ఈ సమావేశం ఇచ్చిందని, ఈ సందేశాన్ని సైనిక, నిఘా వర్గాలకు అందజేసేందుకు ఐఎస్‌ఐ చీఫ్‌ లెప్టినెంట్ జనరల్‌ రిజ్వాన్‌ అఖ్తర్‌, జాతీయ భద్రతా సలహాదారు నజర్‌ జంజువా నాలుగు ప్రావిన్సులలో పర్యటించనున్నారని ఆ పత్రిక వెల్లడించింది.
 
 జమ్ముకశ్మీర్‌లోని ఉడీ ఉగ్రవాద దాడి నేపథ్యంలో పాకిస్థాన్‌ను అంతర్జాతీయంగా దౌత్యపరంగా, ఆర్థికపరంగా ఏకాకిని చేయాలని భారత్‌ నిర్ణయించిన సంగతి తెలిసిందే. ఈ క్రమంలోనే పాక్‌లోని ఉగ్రవాద శిబిరాలపై భారత సైన్యం సర్జికల్‌ దాడులు జరుపడంతో ఇరుదేశాల సంబంధాలు ఉద్రిక్తంగా మారాయి. సార్క్‌ దేశాలు కూడా పాక్‌ తీరును నిరసిస్తూ.. ఆ దేశంలో సార్క్ సదస్సుకు హాజరుకాబోమని తేల్చిచెప్పాయి. ఈ నేపథ్యంలో అంతర్జాతీయంగా ఇరకాటంలో పడ్డ పాక్‌ ప్రభుత్వం ఈ మేరకు ఆదేశాలు ఇచ్చినట్టు భావిస్తున్నారు.


 అమితాబ్ బచ్చన్ చెప్పారంటే.. దేశమంతా వింటుంది. ఆయన ఏమైనా చేస్తే.. అందరూ అదే చేస్తారు. పోలియోను దేశం నుంచి తరిమికొట్టాలన్నా.. స్వచ్ఛభారత్ అభియాన్‌ను ముందుకు తీసుకెళ్లాలన్నా.. అన్నింటికీ ఆయన సేవలను ప్రభుత్వం వినియోగించుకుంటుంది. ఇప్పుడు ఆ పెద్దాయన మరోసారి తెరమీదకు వస్తున్నారు. ఈసారి భారత సైన్యం కోసం తన గళం విప్పుతున్నారు. ఉడీ ఉగ్రదాడిలో అసులువు బాసిన వీరసైనికులకు ఆ పాటను అంకితం ఇస్తున్నారు.
 
 బీజేపీ నాయకుడు తరుణ్ విజయ్ ఇటీవల సూపర్ స్టార్ అమితాబ్ బచ్చన్‌ను కలిసి.. దేశం కోసం ప్రాణత్యాగం చేసిన జవాన్ల కోసం ఒక పాట పాడాలని కోరారు. అమితాబ్‌ది చాలా విలక్షణమైన గొంతు. పాత కాలంలోనే ఆయన పాడిన 'మేరే అంగనేమే తుమ్హారా క్యా కామ్ హై' లాంటి పాటలు సూపర్ హిట్ అయ్యాయి. తరుణ్ విజయ్ అడిగిన వెంటనే అమితాబ్ సరేనన్నారు. అమరుల కోసం పాట పాడటం అంటే అంతకన్నా అదృష్టం ఏముంటుందని చెప్పారు.
 
 ఇంతకుముందు టి-20 ప్రపంచకప్‌లో భారత్ - పాకిస్థాన్ జట్ల మధ్య మ్యాచ్ జరిగినప్పుడు అమితాబ్ ముందుగా జాతీయగీతం పాడారు. కోట్లాది మంది ఆ మ్యాచ్‌తో పాటు అమితాబ్ పాటను కూడా లైవ్‌లో చూశారు. ఇప్పుడు ఆయన సైనికుల కోసం ప్రత్యేకంగా పాట పాడటం అంటే.. మరోసారి తన మ్యాజిక్ చూపిస్తారనే అభిమానులు ఆశిస్తున్నారు.


 ఇస్లామాబాద్: ఉడీ ఉగ్రదాడికి ప్రతీకారంగా పాక్ ఆక్రమిత కశ్మీర్ లో ఇండియన్ ఆర్మీ జరిపిన సర్జికల్ స్ట్రైక్స్ తర్వాత ఇరు దేశాల్లో ఉద్రిక్తతలు నెలకొన్న నేపథ్యంలో పాకిస్థాన్ ప్రధానమంత్రి నవాజ్ షరీఫ్ కీలక ప్రకటన చేశారు. బుధవారం పాకిస్థాన్ పార్లమెంట్ ను ఉద్దేశించి మాట్లాడిన ఆయన.. ఉడీ ఉగ్రదాడితో పాకిస్థాన్ కు ఎలాంటి సంబంధం లేదని పేర్కొన్నారు. ఉడీ దాడి జరిగిన కొద్ది గంటల్లోపే ఎలాంటి ఆధారాలు లేకుండా భారత్.. పాకిస్థాన్ ను నిందించిందని ఆక్షేపించారు.
 
 పాకిస్థాన్ ను శాంతికాముక దేశంగా అభివర్ణించిన నవాజ్.. తాము భారత్ తో యుద్ధం చేయాలని కోరుకోవడం లేదని స్పష్టం చేశారు. కీలకమైన కశ్మీర్ సహా ఇండియాతో నెలకొన్న అన్ని సమస్యలను శాంతియుతంగా పరిష్కరించుకోవాలని భావిస్తున్నట్లు సభకు చెప్పారు. అయితే తమ ప్రమేయం లేకుండా ఎదురయ్యే విపత్కర పరిస్థితులను తిప్పికొట్టేందుకు పాక్ సైన్యం సిద్ధంగా ఉందన్నారు.


 అమరవీరులైన భారత ఆర్మీ జవాన్లపై తను చేసిన వివాదాస్పద వ్యాఖ్యలకు సీనియర్ నటుడు ఓం పురి క్షమాపణ చెప్పుకున్నారు. ఆర్మీ తనను శిక్షించాలని, ఆర్మీ జోన్కు పంపించి యుద్ధం ఎలా చేయాలో నేర్పించాలని క్షమాపణ ప్రకటనలో తెలిపారు. భారత జవాన్లను ఎవరు ఆర్మీలో చేరమన్నారు? ఎవరు వారిని ఆయుధాలు పట్టుకోమన్నారంటూ ఓ న్యూస్ చానల్ చర్చాకార్యక్రమంలో ఓం పురి రెచ్చిపోయారు. అమరవీరులైన ఆర్మీ జవాన్లపై ఈ వివాదాస్పద వ్యాఖ్యలు చేసినందుకు ఓం పురిపై పోలీసు స్టేషన్లలో కేసు కూడా నమోదైంది. ఈ కేసు నమోదు అనంతరం ఓం పురికి తన తప్పు తెలుసొచ్చినట్టై వెంటనే ఆర్మీకి క్షమాపణ చెప్పారు. 
  
 తనది క్షమించరాని నేరమని, వెంటనే తనని శిక్షించమని ప్రాదేయపడ్డారు. మొదట తాను ఉడి ఉగ్రఘటనలో అమరవీరుల కుటుంబసభ్యులకు క్షమాపణ చెబుతానని చెప్పారు. ఒకవేళ వారు క్షమిస్తే, దేశాన్ని, ఆర్మీని క్షమాపణ కోరతానన్నారు. తనకు తాను కూడా ఓం పురి భారీ శిక్షే విధించుకున్నారు. తనని యుద్ద ప్రాంతంలోకి పంపాలని, దేశ రక్షణలో ఆర్మీజవాన్లకు సహకరిస్తానని చెప్పారు. ఆయుధాలను ఎలా వాడాలో ఆర్మీ తనకు నేర్పించాలని, ఎక్కడైతే ఆర్మీ జవాన్లు తమ ప్రాణాలను దేశానికి త్యాగం చేశారో ఆ ప్రాంతంలోకి తనను పంపించాలని ప్రాదేయపడ్డారు. క్షమించాలని మాత్రమే తాను కోరుకోవడం లేదని, తనను కచ్చితంగా శిక్షించాలని కోరుతున్నట్టు ఓం పురి తెలిపారు.
  
 పాకిస్తానీ నటులపై భారత్ మోషన్ పిక్చర్ ప్రొడ్యూసర్స్ అసోసియేషన్(ఐఎమ్పీపీఏ)నిషేధం విధించడంతో ఆయన ఆర్మీ జవాన్లపై అవమానకర వ్యాఖ్యలు చేశారు.ఈ వ్యాఖ్యలపై దేశమంతటా చర్చనీయాంశంగా మారాయి. పలువురు బాలీవుడ్ నటులు ఆయన వ్యాఖ్యలను ఖండించారు.  జవాన్లను ఎవరైనా ఆర్మీలో చేరమని బలవంతం పెట్టారా? అని ఓం పురి వ్యాఖ్యానించారు. 
  


 ఉడీ ఘటన అనంతరం పాకిస్తాన్ నటులపై భారత్ మోషన్ పిక్చర్ ప్రొడ్యూసర్స్ అసోసియేషన్(ఐఎమ్పీపీఏ) విధించిన నిషేధ నేపథ్యంలో ప్రముఖ నటుడు ఓం పురి వివాదాస్పద వ్యాఖ్యలు చేశారు. ఉడీ ఘటనలో అమరవీరులైన భారత సైన్యంపై ఆయన అవమానకర వ్యాఖ్యలు చేశారు. ఈ వ్యాఖ్యలు దేశవ్యాప్తంగా వివాదం రాజుకున్నాయి. పాకిస్తానీ నటులపై ఐఎమ్పీపీఏ తీసుకున్న నిషేధంపై ఓ ప్రముఖ న్యూస్ చానల్ చర్చ నిర్వహించింది. ఆ చర్చలో ఉడీ ఉగ్రదాడిలో అసువులు బాసిన 18 వీర జవాన్లపై  ఓం పురి వివాదాస్పద వ్యాఖ్యలు చేశారు.
  
 ఓం పురి చేసిన వ్యాఖ్యలు ఈ విధంగా ఉన్నాయి.." ఎవరు వారిని(భారత సైన్యాన్ని) ఆర్మీలో చేరమన్నారు? ఎవరు వారిని ఆయుధాలు పట్టుకోమన్నారు. మేమేమి జవాన్లను ఆర్మీలో చేరమని చెప్పలేదుగా.15 నుంచి 20 మానవ బాంబులు తయారుచేయండి. పాకిస్తాన్ను పేల్చడానికి వాటిని వాడండి. ఇజ్రాయిల్, పాలస్తీనా మాదిరి భారత్-పాకిస్తాన్లు కూడా యుగయుగాలుగా శత్రువులుగా మారలనుకుంటున్నారా?  కోట్లమంది ముస్లింలకు భారత్ పుట్టినిల్లు. భారత్-పాకిస్తాన్ విభజన అంటే కేవలం దేశాల విభజనే మాత్రమే కాదు, కుటుంబాలు విడిపోవడం కూడా. భారతీయుల కుటుంబసభ్యులు అక్కడ ఉన్నారు. అక్కడ వారు ఇక్కడా ఉన్నారు. సరిహద్దు కుటుంబాలు ఎలా యుద్ధం చేసుకుంటారు?. పాకిస్తాన్ నటులను, సెలబ్రిటీలపై నిజంగా నిషేధం విధించాలంటే, భారత ప్రభుత్వాన్ని వారి వీసాలు రద్దు చేయమనండి" అంటూ న్యూస్ చానల్ చర్చా కార్యక్రమంలో రెచ్చిపోయారు.
  
 ముందు కూడా పాకిస్తాన్ నటులకు ఆయన మద్దతిచ్చారు. వాలిడ్ వీసాతో వారు ఇక్కడ పనిచేస్తున్నారని, వారిని నిషేధించడం సరికాదన్నారు. పాకిస్తానీ నటులపై నిషేధం, పరిస్థితుల్లో మార్పు తేవన్నారు. దీంతో ఓం పురి వివాదాస్పద వ్యాఖ్యలు దేశవ్యాప్తంగా సంచలనం రేపుతున్నాయి. 


 ఫ్రాంకోయిస్ హోరో(43) ఉడీ ఉగ్రదాడిలో తీవ్రంగా గాయపడిన భారత సైనికుడు. ఢిల్లీలోని ఓ ఆసుపత్రిలో 22 రోజుల పాటు ప్రాణాలకోసం పోరాడి తుదిశ్వాస విడిచారు. హోరో మృతితో ఉడీ దాడిలో మృతి చెందిన భారత సైనికుల సంఖ్య 20 కు చేరింది. ఆయన అంత్యక్రియలను ఆదివారం స్వస్థలం జార్కండ్లోని లాలి గ్రామంలో నిర్వహించారు. హోరో మృతితో ఆయన కుటుంబసభ్యులు (తల్లి, భార్య, ఇద్దరు కూతుళ్లు) తీవ్ర విషాదంలో మిగిలిపోయారు. 
  
 హోరో అంత్యక్రియల సందర్భంగా లాలి గ్రామంలో ఉద్వేగభరిత వాతావరణం నెలకొంది. గ్రామస్తులు పాకిస్తాన్కు వ్యతిరేకంగా పెద్ద ఎత్తున నినాదాలు చేశారు. హోరో పెద్ద కూతురు అనూ మాట్లాడుతూ.. తండ్రి మరణానికి ప్రతీకారం తీర్చుకోవాలని, దానికి భారత్ చేపట్టిన సర్జికల్ దాడులు ఏ మాత్రం సరిపోవని అన్నారు.
  


 ప్రస్తుతం సరిహద్దులో భారత సైనికుల పరిస్థితి
 న్యూఢిల్లీ: భారత జవాన్లకు ప్రస్తుతం నిద్ర లేదు.. సెలవులు లేవు... సరిహద్దు భూభాగంలో నెలకొన్న పరిస్థితుల దృష్ట్యా దేశ జవాన్లు క్లిష్ట పరిస్థితులను ఎదుర్కొంటున్నారు. నియంత్రణ రేఖ వెంబడి పరిస్థితులు దినదిన గండంగా సాగుతున్నాయి. సైనికులు అప్రమత్తంగా ఉంటున్నారు. విధులను నిర్వర్తిస్తున్నారు. ఉడీ ఉగ్ర దాడి అనంతరం భారత్ జరిపిన సర్జికల్ స్ట్రైక్స్ వల్ల ఇరు దేశాల మధ్య ఉద్రిక్త పరిస్థితులు నెలకొన్నాయి. పాకిస్తాన్ నుంచి ఎప్పుడు, ఏ రకంగా ముప్పు వాటిల్లుతుందోనని అత్యంత హైఅలర్ట్‌తో భారత్ సైన్యం మెలుగుతోంది. ఖాళీ సమయాల్లో చేసే అన్ని పనులకు మన జవాన్లు చెక్ చెప్పారు.
  
  ఉన్నతాధికారుల ఆదేశాలను అనుసరించడమే ప్రస్తుతం వారి ముందున్న ప్రధాన విధి. సైనికులకు సెలవులు దొరకడం మాట అటుంచితే కనీసం సరిగా నిద్రపోవడానికి కూడా సమయం లేకుండా పోయింది. ఇదివరకు సైనికులు 6 గంటలు నిద్రపోయేవారు కానీ తాజా పరిస్థితుల్లో కనీసం 4 గంటలు కూడా నిద్రపోవడం లేదు. నిద్రాహారాలు మాని నియంత్రణ రేఖ వద్ద నిత్యం పెట్రోలింగ్ చేస్తూ సరిహద్దును కాపాడే పనిలో భారత ఆర్మీ పూర్తి స్థాయిలో నిమగ్నమైంది.


 కఠ్మాండు: సార్క్‌ సమావేశాలను నిర్వహించేలా సభ్య దేశాలతో చర్చలు జరుపుతామని కూటమి అధ్యక్ష దేశం నేపాల్‌  తెలిపింది. ఈ మేరకు అన్ని చర్యలు చేపడతామని విదేశాంగ మంత్రి ప్రకాశ్‌ శరణ్‌ మహత్‌ చెప్పారు. అన్ని సభ్య దేశాలు సున్నితంగా వ్యవహరిస్తూ ఇందులో పాల్గొనాలని కోరారు. సమావేశాలు నిర్వహించడానికి అవసరమైర సుహృద్భావ వాతావరణాన్ని నెలకొల్పాల్సిన బాధ్యత సభ్య దేశాలపై ఉందని పేర్కొన్నారు. అన్ని సభ్యదేశాలతో 19వ సార్క్ సదస్సు విజయవంతం చేసేందుకు సంప్రదింపులు జరుపుతామని తెలిపారు. తమ భూభాగాలను సరిహద్దు తీవ్రవాద కార్యకలాపాలకు వేదిక కాకుండా చూడాలని సభ్య దేశాలను నేపాల్ కోరింది.
 
 కశ్మీర్ లోని ఉడీ సైనిక స్థావరంపై ఉగ్రదాడి నేపథ్యంలో సార్క్ సదస్సులో పాల్గొనబోమని భారత్ ప్రకటించింది. మాల్దీవులు, బంగ్లాదేశ్, భూటాన్, అఫ్ఘానిస్థాన్, శ్రీలంక దేశాలు విరమించుకోవడంతో సదస్సు వాయిదా పడడం తెలిసిందే.


 జమ్మూకశ్మీర్: సైనిక స్థావరంపై ఉగ్రవాదుల దాడి నేపథ్యంలో ఉడీ బ్రిగేడ్ కమాండర్ను బదిలీ చేస్తూ ఆర్మీ నిర్ణయం తీసుకుంది. సెప్టెంబర్ 18 తెల్లవారుజామున ఉడీ సైనిక స్థావరంపై ఉగ్రవాదులు జరిపిన దాడిలో 19 మంది సైనికులు మృతి చెందిన విషయం తెలిసిందే.
 
 ఎల్ఓసీకి సమీపంలో ఉన్న ప్రతిష్టాత్మక సైనిక స్థావరంపై ఉగ్రవాదులు దాడి జరపడంలో భద్రతా బలగాల అలసత్వం కూడా ఉందనే విమర్శలు దేశవ్యాప్తంగా వినిపించాయి. దీనిపై విచారణ చేపట్టిన ఆర్మీ.. ఉడీ బ్రిగేడ్ కమాండర్ కే సోమశేఖర్ స్థానంలో 28 మౌంటెయిన్ డివిజన్కు చెందిన ఆఫిసర్కు బాధ్యతలు అప్పగించింది. అయితే దీనిపై మరింత సమాచారం ఇచ్చేందుకు ఆర్మీ అధికారులు నిరాకరించారు.
  


 వాషింగ్టన్: అణ్వాయుధాల వాడకం విషయంలో పాకిస్తాన్ నిగ్రహాన్ని పాటించాని అమెరికా సందేశాన్ని పంపింది. పాకిస్తాన్లో ఉన్న తీవ్రవాద సంస్థల మీద చర్యలు తీసుకోవాలని పాక్కు సూచించింది. అణ్వాయుధాలు కలిగిన దేశాలు, వాటి వాడకం విషయంలో నిగ్రహంతో ఉండాల్సిన బాధ్యత ఉందని యూఎస్ ఉప అధికార ప్రతినిధి మార్క్ టోనర్ అన్నారు.  పాక్ శాంతి భద్రతలకు విఘాతం కలిగిస్తే అణ్వాయుధాలను సైతం వాడడానికి సిధ్దంగా ఉన్నామని పాక్ రక్షణ మంత్రి ఖ్వాజా మహ్మద్ ఆసిఫ్ వ్యాఖ్యానించిన నేపథ్యంలో మార్క్ టోనర్ విలేకరులు అడిగిన ప్రశ్నకు పై విధంగా బదులిచ్చారు. భారత్, పాకిస్తాన్ మధ్య చోటు చేసుకుంటున్న ఉద్రిక్త పరిస్థితులను అమెరికా నిశితంగా పరిశీలిస్తోందన్నారు.
  
 ఉడీ ఉగ్రదాడుల అనంతరం జరుగుతున్న పరిణామాల తర్వాత తమ వద్ద అణ్వస్త్రాలు ఉన్న విషయాన్ని పాకిస్థాన్ పదే పదే బయటకు చెబుతున్న విషయం తెలిసిందే. భారతదేశంతో ఒకవేళ యుద్ధం అంటూ వస్తే వాటిని ఉపయోగించడానికి ఏ మాత్రం వెనకాడేది లేదని అంటోంది. తమ వద్ద ఉన్న అణ్వస్త్రాలు ఆటబొమ్మలేవీ కావని ఖ్వాజా మహ్మద్ ఆసిఫ్ అన్నారు. ''మా దగ్గర ఉన్న వ్యూహాత్మక ఆయుధాలను మా రక్షణ కోసమే తయారు చేశాం. ఈ ఆయుధాలు ఆటబొమ్మలు ఏమీ కావు. మా క్షేమానికి ఏమైనా ముప్పు ఉందనుకుంటే వాటిని వెంటనే ఉపయోగంలోకి తీసుకొస్తాం'' అని ఆసిఫ్ చెప్పారు.
 
 ఇప్పటికిప్పుడు యుద్ధం వస్తుందన్న భయం ఏమీ లేదని.. కానీ ఖురాన్‌లో అల్లా చెప్పినట్లు, 'గుర్రాలు ఎప్పుడూ సిద్ధంగా ఉండాలి' అని ఖ్వాజా మహ్మద్ ఆసిఫ్ అన్నారు. పాకిస్థాన్ మీద ఎప్పుడూ ఒత్తిడి ఉంటూనే ఉందని, అందువల్ల అవసరమైన వాటి కంటే ఎక్కువగా తమదగ్గర వ్యూహాత్మక ఆయుధాలు ఉన్నాయని చెప్పారు. ఈ విషయంలో తమదే ఆధిక్యం అన్న విషయానికి అంతర్జాతయంగా కూడా గుర్తింపు ఉందని చెబుతూ.. ఎవరైనా తమ గడ్డమీద అడుగుపెట్టినా, తమ అంతర్గత భద్రతకు ముప్పు తేవాలని చూసినా తమ రక్షణ కోసం ఆ ఆయుధాలను ఉపయోగించడానికి వెనుకాడబోమని అన్నారు. భారతదేశంతో యుద్ధం వస్తే పాకిస్థాన్ అణ్వాయుధాలు ఉపయోగిస్తుందా అన్న ప్రశ్నకు.. అది పరిస్థితులను బట్టి  ఆధారపడుతుందని, తమ ఉనికి ప్రమాదంలో పడితే తాము అన్నింటినీ ఉపయోగిస్తామని స్పష్టం చేశారు. అందులో భయపడాల్సింది ఏముందని ఎదురు ప్రశ్నించారు.
 
 హిల్లరీ ఆందోళన
 
 పాకిస్తాన్‌లో అణ్వాయుధాలు జీహాదీల చేతుల్లోకి వెళితే పెను ప్రమాదం తప్పదని అమెరికా అధ్యక్ష ఎన్నికల్లో పోటీ చేస్తున్న డెమోక్రటిక్ అభ్యర్థి హిల్లరీ క్లింటన్ భయాందోళనలు వ్యక్తం చేశారు. తద్వారా అణుఆత్మాహుతి దాడులు జరిగే అవకాశం ఉందన్నారు. ‘జీహాదీలు ప్రభుత్వంపై తిరుగుబాటు చేస్తారన్న భయంతో జీవిస్తున్నాం. వారు అణ్వాయుధాలు హస్తగతం చేసుకుంటారు. ఫలితంగా అణు ఆత్మాహుతి దాడులకు అవకాశం ఏర్పడుతుంది’ అని ఆందోళన వ్యక్తం చేసినట్టు ‘న్యూయార్క్ టైమ్స్’ పేర్కొంది.
 
 డెమోక్రటిక్ పార్టీ కంప్యూటర్ల హ్యాకింగ్ ద్వారా హిల్లరీ మాట్లాడిన ఆడియో సారాంశాన్ని పత్రిక వెల్లడించింది.గత ఫిబ్రవరిలో వర్జీనియాలో నిధుల సేకరణ సందర్భంగా ఆమె సన్నిహితులతో ఈ వ్యాఖ్యలు చేశారంది. భారత్‌తో ఉన్న శత్రుత్వంతో పాక్ అణ్వాయుధాలను అభివృద్ధి చేస్తోందని హిల్ల రీ పేర్కొన్నారు. రష్యా, చైనాతో పాటు పాక్, భారత్ అణ్వాయుధాల్లో పోటీపడుతున్నాయని... ఇది అత్యంత ప్రమాదకర పరిణామమని అన్నారు.


 పాకిస్థాన్ భూభాగంలో శిక్షణ పొందిన ఉగ్రవాదులు భారత్లో దాడులు చేస్తూ దేశ భద్రతకు సవాల్ విసురుతున్నారు. పాక్ ఉగ్రవాదులను ప్రోత్సహిస్తూ భారత్పై దాడులకు ఉసిగొల్పుతోంది. 2011లో అటల్ బిహారి వాజ్పేయి ప్రధానిగా ఉన్న సమయంలో ఉగ్రవాదులు సాక్షాత్తూ పార్లమెంట్పైనే దాడి చేశారు. అంతకుముందు, ఆ తర్వాత కూడా పాక్ నుంచి వచ్చిన ఉగ్రవాదులు దేశంలో పలు చోట్ల దాడులు చేశారు. వాజ్పేయి హయాంలో పోఖ్రాన్ అణుపరీక్షలు నిర్వహించారు. అలాగే కార్గిల్ యుద్ధంలో విజయం సాధించారు. కానీ పార్లమెంట్పై ఉగ్రదాడి అనంతరం వాజ్పేయి ప్రభుత్వం దూకుడుగా వ్యవహరించలేదన్న అభిప్రాయం వ్యక్తమైంది. నాడు అటల్ చేయలేనిది, నేడు ప్రధాని నరేంద్ర మోదీ చేసి చూపించారు. ఇటీవల జరిగిన ఉడీ ఉగ్రదాడికి మోదీ పాకిస్థాన్కు తగిన గుణపాఠం చెప్పారు. దేశ సరిహద్దులు దాటి పాక్ భూభాగంలోని ఉగ్రవాద శిబిరాలపై దాడులు చేయడానికి సైన్యానికి అనుమతిచ్చారు. భారత సైన్యం 40 మంది ఉగ్రవాదులను హతమార్చి, మరికొందరిని బందీలుగా పట్టుకుంది. తద్వారా ఉగ్రవాదాన్ని ఇక ఏమాత్రం ఉపేక్షించబోమని, దీటైన సమాధానం చెబుతామంటూ మోదీ ప్రభుత్వం పాక్కు వార్నింగ్ ఇచ్చింది.
 
 ఉడీ ఉగ్రదాడి తర్వాత ప్రధాని నరేంద్ర మోదీ వ్యూహాత్మకంగా వ్యవహరించారు. ప్రపంచ దేశాల మద్దతు కూడగట్టి పాకిస్థాన్ను ఏకాకిని చేయడంలో సఫలమయ్యారు. ఇక దక్షిణాసియా దేశాలు భారత్కు అండగా నిలిచి.. పాక్లో జరగాల్సిన సార్క్ సదస్సును బహిష్కరించాయి. ప్రపంచ దేశాల నుంచి పాక్కు ఆర్థికంగా, సైనికపరంగా సాయం అందకుండా చేసి, బలహీనపరచడానికి మోదీ ప్రభుత్వం వ్యూహరచన చేసింది. ఉడీ దాడిని మరచిపోమని చెప్పిన ప్రధాని మోదీ కేరళలో జరిగిన బీజేపీ జాతీయ మండలి సమావేశం వేదిక నుంచి పాకిస్థాన్కు గట్టి హెచ్చరిక చేస్తారని భావించారు. అయితే దేశ ప్రజలు, మీడియా ఊహించిన స్థాయిలో మోదీ స్పందించలేదు. ఉగ్రవాదాన్ని ప్రోత్సహించడంలో గాక పేదరికాన్ని నిర్మూలించడంలో, అభివృద్ధి సాధించడంలో పోటీ పడాల్సిందిగా పాక్కు సూచించారు. ఉడీ ఉగ్రదాడికి బదులు చెప్పడానికి మోదీ ప్రభుత్వం తగిన చర్యలు తీసుకోలేదనే విమర్శలు వ్యక్తమయ్యాయి. అయితే మోదీ మాటలతో గాక చేతలతో చూపించారు. దేశ ప్రజలు ఊహించిన దానికంటే మోదీ అసాధారణ నిర్ణయం తీసుకుని పాక్కు గట్టి జవాబు చెప్పారు.


 న్యూఢిల్లీ: జమ్మూకశ్మీర్‌లో ఉడీ సైనిక స్థావరంపై పాకిస్థాన్ ఉగ్రవాదులు జరిపిన దాడిలో వీర మరణం పొందిన సైనికుల సంఖ్య 19కి చేరింది. తీవ్రవాదుల దాడిలో తీవ్రగాయాలైన జవాను రాజ్కిషోర్ సింగ్ ఆస్పత్రిలో చికిత్స పొందుతూ శుక్రవారం తుదిశ్వాస విడిచారు.
 
 మృతి చెందిన సైనికుల వివరాలు..
 1. సుబేదార్ కర్నైల్ సింగ్(జమ్మూకశ్మీర్)
 2. హవిల్దార్ రవి పాల్(జమ్మూకశ్మీర్)
 3. హవిల్దార్ ఎన్ ఎస్ రావత్(రాజస్థాన్)
 4. సిపాయి జావ్రా ముండా(జార్ఖండ్)
 5. సిపాయి నైమాన్ కుజుర్(జార్ఖండ్)
 6. సిపాయి రాజేశ్ సింగ్(బిహార్)
 7. హవిల్దార్ అశోక్ కుమార్ సింగ్(బిహార్)
 8. నాయక్ ఎస్ కే విదార్థి(బిహార్)
 9. సిపాయి బిశ్వజిత్ గొరాయ్ (పశ్చిమ బెంగాల్)
 10. సిపాయి గంగాధర్ దులాయ్(పశ్చిమ బెంగాల్)
 11. లాన్స్ నాయక్ ఆర్ కే యాదవ్(ఉత్తరప్రదేశ్)
 12. సిపాయి హరిందర్ యాదవ్(ఉత్తరప్రదేశ్)
 13. సిపాయి గణేశ్ శంకర్(ఉత్తరప్రదేశ్)
 14. సిపాయి రాజేశ్ కేఆర్ సింగ్(ఉత్తరప్రదేశ్)
 15. లాన్స్ నాయక్ జి. శంకర్(మహారాష్ట్ర)
 16. సిపాయి టీఎస్ సోమనాథ్(మహారాష్ట్ర)
 17. సిపాయి ఉయికి జాన్రావు(మహారాష్ట్ర)
 18. కె. వికాస్ జనార్థన్
 19.రాజ్కిషోర్ సింగ్


 ఉడీ ఉగ్రదాడి దేశ ప్రజలకు తీవ్ర ఆగ్రహం, ఆవేశాన్ని కలిగించింది. ఉగ్రవాదాన్ని పోషిస్తున్న పాకిస్థాన్ వైఖరిని ఖండిస్తూ.. దాయాదికి తగిన గుణపాఠం చెప్పాలంటూ యావత్ భారతీయులు రగిలిపోయారు. సామాన్యుల నుంచి రాష్ట్రపతి, ప్రధాని వరకు మన జవాన్లకు అండగా నిలిచారు. ఉడీ దాడిలో వీరమరణం పొందిన జవాన్లకు దేశ ప్రజలు నివాళులు అర్పించి.. వారి కుటుంబాలకు అండగా నిలిచారు.
 
 వీర జవాన్లకు నివాళులు అర్పించడానికి గుజరాత్లోని సూరత్లో ఓ కార్యక్రమం నిర్వహించారు. వేదికపై కళాకారులు వీర జవాన్ల సేవలను కీర్తిస్తూ దేశ భక్తి గీతాలు పాడారు. స్థానికులు పెద్ద సంఖ్యలో ఈ కార్యక్రమానికి హాజరై వీర జవాన్ల సేవలను స్మరించుకున్నారు. భారీ మొత్తంలో డబ్బును కళాకారులకు ఇచ్చారు. మొత్తం కోటి రూపాయలకు పైగా డబ్బు పోగైంది. ఈ డబ్బును కళాకారులు, నిర్వాహకులు తీసుకోకుండా ఉదారత చాటుకున్నారు. ఉడీ దాడిలో మరణించిన జవాన్ల కుటుంబాలకు ఈ డబ్బును అందజేస్తామని కార్యక్రమ నిర్వాహకులు చెప్పారు. త్వరలో వారి కుటుంబాలను కలసి ఆర్థిక సాయం అందజేస్తామని తెలిపారు. సూరత్ ప్రజలు, కళాకారులు, నిర్వాహకుల ఉదారత అందరికీ స్ఫూర్తిదాయకం.


 ఉడీలో జరిగిన ఉగ్రదాడి చాలా దారుణమని, అలాంటి దాని తర్వాత ఇలాంటి ఉద్రిక్తతలు తలెత్తడం సహజమేనని అమెరికా తేల్చిచెప్పింది. ఈ అంశంపై అమెరికా విదేశాంగ శాఖ అధికార ప్రతినిధి జాన్ కిర్బీ స్పందించారు. భారత సైన్యం నిర్వహించిన నిర్దేశిత దాడుల (సర్జికల్ స్ట్రైక్స్) గురించి చూశామని, పరిస్థితిని జాగ్రత్తగా పరిశీలిస్తున్నామని ఆయన అన్నారు. భారత్, పాక్ సైన్యాలు ఒకరితో ఒకరు మాట్లాడుకుంటున్నారని భావిస్తున్నామని, ఉద్రిక్తతలను తగ్గించాలంటే ఇరువురి మధ్య కమ్యూనికేషన్ ఉండటం చాలా ముఖ్యమని చెప్పారు.
 
 ఉగ్రవాదం వల్ల ఈ ప్రాంతానికి ముప్పు పొంచి ఉందన్న విషయాన్ని అమెరికా పదే పదే చెబుతూనే ఉందని, ఉగ్రవాదానికి సరిహద్దులు లేవని, అందువల్ల లష్కరే తాయిబా జైషే మహ్మద్ లాంటి ఉగ్రవాద గ్రూపులను అణిచేయలని, వాటిపై తగిన చర్యలు తీసుకోవాలని కోరుతున్నట్లు జాన్ కిర్బీ చెప్పారు. అమెరికా విదేశాంగ శాఖ మంత్రి జాన్ కెర్రీ ఈనెల 27వ తేదీన భారత విదేశాంగ మంత్రి సుష్మాస్వరాజ్‌తో మాట్లాడారని, ఉడీ ఉగ్రదాడిని గట్టిగా ఖండిస్తున్నట్లు ఆయన చెప్పారని అన్నారు. ఉగ్రవాదం ఏ రూపంలో ఉన్నా దాన్ని తాము ఖండిస్తామని, దానివల్ల ఉద్రిక్తతలు తలెత్తకుండా చూసుకోవాలని తెలిపారు. ఈ దాడి గురించి తాను ప్రత్యకంగా చెప్పాలనుకోను గానీ... ఉడీ లాంటి ఉగ్రదాడుల వల్ల భారత్, పాక్‌ల మధ్య ఉద్రిక్తతలు పెరగడం సహజమేనని జాన్ కిర్బీ అన్నారు. ఉడీ లాంటి దాడులు చాలా భయంకరమైనవని చెప్పారు. ఈతరుణంలో భారత్, పాకిస్థాన్ రెండు దేశాలకూ తము ఇచ్చే సందేశం ఒకటేనని.. ఇరు దేశాల మధ్య చర్చలు పెరిగి, ఉద్రిక్తతలను మరింత పెంచే చర్యలు మానుకోవాలని సూచించారు.


 న్యూఢిల్లీ: ఉడి ఉగ్రదాడి నేపథ్యంలో భారత్ లక్షిత దాడులతో ముష్కరులను మట్టుబెట్టడం వరకు బాగానే ఉంది. కానీ ఈ దాడుల ప్రభావం ఎలా ఉండబోతోంది? ఒకవేళ భారత్- పాకిస్తాన్‌ల మధ్య యుద్ధం వస్తే పరిస్థితి ఏమిటి?  ఎలాంటి పరిణామాలు సంభవిస్తా యనే దానిపై అనేక అధ్యయనాలు జరిగాయి. వాటి ప్రకారం...
 ⇔ రెండు దేశాలు ఒక్కొక్కటి 15 కిలోటన్నుల హిరోషిమా అణుబాంబుతో సమానమైన  దాదాపు 100 అణ్వస్త్రాలను ప్రయోగిస్తే ఈ భూగోళాన్ని సంరక్షిస్తున్న ఓజోన్ పొరలో సగం నాశనమైపోతుంది. అదే జరిగితే అణు శీతాకాలం వచ్చి రుతుపవనాలను దెబ్బతీస్తుంది. ప్రపంచవ్యాప్తంగా వ్యవసాయం నాశనమైపోతుంది.
 ⇔ అణు బాంబులను ప్రయోగిస్తే రెండుదేశాలలో కలిపి మొదటి వారంలో 2.1 కోట్ల మంది మరణిస్తారు. రెండో ప్రపంచ యుద్ధంలో చనిపోయిన వారి సంఖ్యలో ఇది సగం. గాయాలు, విపరీతమైన రేడియోధార్మికత ప్రభావానికి లోనయ్యే వారి సంఖ్య దీనికి అదనం.
 ⇔ అణుయుద్ధం జరిగితే వచ్చే వాతావరణ మార్పుల వల్ల ప్రపంచవ్యాప్తంగా 200 కోట్ల మంది జనాభా ఆకలితో అలమటిస్తారని అంచనా.
  పాకిస్తాన్ అణు క్షిపణుల సామర్థ్యం
 పాకిస్తాన్ వద్ద 130 వరకు అణు వార్‌హెడ్స్ ఉన్నాయని అంచనా. పాకిస్థాన్ వద్ద ఉన్న అణ్వస్త్ర సహిత మధ్య శ్రేణి హతాఫ్ క్షిపణులతో భారత్‌లోని నాలుగు ప్రధాన నగరాలైన న్యూఢిల్లీ, ముంబై, బెంగళూరు, చెన్నైలను గురిపెట్టగలదని అంచనా. అలాగే ఘోరి క్షిపణులు 1,300 కి.మీ దూరాలను చేరుకోగలవు. అంటే ఢిల్లీ, జైపూర్, అహ్మదాబాద్, ముంబై, పునె, నాగపూర్, భోపాల్, లక్నోలు దాని రేంజ్‌లో ఉంటాయి. షహీన్ 2 రకం క్షిపణులు 2,500 కి.మీ లక్ష్యాలను ఛేదించగలవు. స్వల్ప శ్రేణి ఘజ్నవి క్షిపణులు 270 నుంచి 350 కి.మీల దూరాలలోని లక్ష్యాలను చేరుకోగలవు. అంటే లూధియానా, అహ్మదాబాద్, ఢిల్లీ శివార్లన్న మాట. ఇంకా షహీన్ 1 క్షిపణుల రేంజ్ 750 కి.మీలు. ఇవి లూథియానా, ఢిల్లీ, జైపూర్, అహ్మదాబాద్‌లను చేరుకోగలవు.
  భారత్ అణ్వస్త్ర సామర్థ్యం...
 భారత్ వద్ద పృధ్వి, అగ్ని అణు క్షిపణులున్నాయి. ఐఎన్‌ఎస్ అరిహంత్ సబ్‌మెరైన్ నుంచి కె-15 సాగరిక క్షిపణులను ప్రయోగించగలదు. ఇస్లామాబాద్, రావల్పిండి, లాహోర్, కరాచీ, నౌషెరాలోని సైనిక ప్రధాన కార్యాలయం సహా పాకిస్తాన్‌లోని ఏభాగాన్నైనా ఛేదించగలిగిన సామర్థ్యం గలిగినవి. అణువార్‌హెడ్‌లతో కూడిన పృథ్వి క్షిపణులు పాకిస్తాన్‌లోని లాహోర్, సియాల్‌కోట్, ఇస్లామాబాద్, రావల్పిండిని ఛేధించగలవు. అగ్ని క్షిపణులు 2,000 కి.మీ దూరాలను చేరుకోగలవు. ఇవి లాహోర్, ఇస్లామాబాద్, రావల్పిండి, పెషావర్, ముల్తాన్, కరాచీ, క్వెట్టా, గ్వదర్‌లను ఛేదించగలవు.


 ఉడీ ఘటనకు ప్రతీకారంగా భారత ఆర్మీ పీవోకేలోని పాక్ మిలిటెంట్ల స్థావరాలపై సర్జికల్ దాడులు నిర్వహించింది. అణ్వాయుధాలు వాడేందుకు ఆలోచించేది లేదన్న పాక్ వ్యాఖ్యల నేపథ్యంలో.. భారత్ జరిపిన ఈ మెరుపు (సర్జికల్) దాడుల అంశంపై తెరపైకి వచ్చింది. అసలు సర్జికల్ దాడులంటే ఏంటి? ఈ దాడుల ప్రణాళికేంటి? ఎందుకు? ఎప్పుడు నిర్వహిస్తారనేది ఓసారి చూస్తే..
 సర్జికల్ దాడులంటే ఏంటి?
 నిర్దేశిత లక్ష్యాలపై చాలా చురుకుగా దాడి చేసి శత్రువును మట్టుబెట్టడం, భారీగా నష్టం కలిగించటమే సర్జికల్ దాడి. అయితే సామాన్య ప్రజలకు, దాడి జరిగిన ప్రాంతాల్లో చుట్టుపక్కల పెద్దగా నష్టం జరగకుండా, కేవలం లక్ష్యాన్ని, అక్కడున్న శత్రవులను మట్టుపెట్టడం ఈ దాడుల్లో చాలా కీలకం. చాలా సందర్భాల్లో యుద్ధాన్ని నివారించేందుకు కూడా ఇటువంటి దాడులను చేస్తుంటారు. నియంత్రణ రేఖ (ఎల్వోసీ) గుండా పాక్ ప్రేరేపిత ఉగ్రవాదులు తరచూ చొరబాట్లు చేస్తున్న నేపథ్యంలో సర్జికల్ దాడుల ద్వారా పీవోకేలో ఉగ్రవాద కేంద్రాలను ఏరివేసేందుకు భారత్ ఈ ఆపరేషన్ చేపట్టింది. ఈ ఆపరేషన్‌లో పాల్గొనే బృందాలు ప్రత్యర్థి కళ్లుమూసి తెరిచేలోగానే మొత్తం పనిచక్కబెట్టుకుని వచ్చేస్తాయి. అప్పుడే ఆపరేషన్ విజయవంతం అయినట్లు.
  ఈ దాడులెలా చేస్తారు?
 సర్జికల్ దాడులు చేయటం చాలా వ్యూహాత్మకమైన ఆపరేషన్. సర్వీస్ ఇంటెలిజెన్స్ విభాగం, ఇంటెలిజెన్స్ బ్యూరో, రా (రీసెర్చ్ అండ్ అనాలసిస్ వింగ్), సాంకేతిక బృందాలు కలుపుకుని ఆర్మీలో ప్రత్యేకంగా శిక్షణ పొందిన బలగాలతో ఈ ఆపరేషన్ టీమ్‌లను ఏర్పాటుచేస్తారు. ప్రత్యర్థి ఎంత దూరంలో ఉన్నాడు? చుట్టుపక్కల పరిస్థితేంటి? ఎంత వేగంగా పని చక్కబెట్టుకోవచ్చు వంటి అంశాలపై వివిధ స్థాయీల్లో తీవ్రమైన చర్చ, ఈ భాగాల మధ్య సమన్వయం అవసరం.
 వీటన్నింటిపై స్పష్టత వచ్చాకే సర్జికల్ దాడులు మొదలవుతాయి. నిర్ణయించుకున్న ప్రణాళిక ప్రకారం లక్ష్యాలపై.. ఒక్క అడుగు కూడా లెక్కలో తేడా రాకుండా మెరుపువేగంతో దాడులు జరుగుతాయి. ఈ తతంగం జరుగుతున్నంతసేపు సీ4ఐఎస్‌ఆర్ (ఆదేశం, నియంత్రణ, సమాచారం, కంప్యూటర్లు, ఇంటెలిజెన్స్, నిఘా, గూఢచర్య విభాగాల సమన్వయం)తో ఈ ప్రత్యేక బృందాలు అనుసంధానమై ఉంటాయి. ప్రజలు నివసించే ప్రాంతాల్లోనూ సామాన్య జనానికి నష్టం జరగకుండా.. కేవలం లక్ష్యాన్ని మాత్రమే ధ్వంసం చేసేందుకు సర్జికల్ దాడులు నిర్వహిస్తారు. దాడులకు ముందే ప్రత్యర్థి వర్గంలోకి కోవర్టుల్లా ప్రవేశించి సేకరించే సమాచారం కూడా ఇలాంటి ఆపరేషన్లలో ప్రత్యేక భూమిక నిర్వహిస్తుంది.
  భారత్ బలమెంత?
 ఈ తరహా దాడులు చేయటంలో భారత్ వద్ద త్రివిధ దళాల్లో పలు ప్రత్యేక బృందాలున్నాయి. ఈ దాడుల్లో ప్రముఖ పాత్ర వైమానిక దళానిదే. భారత వైమానిక దళంలో కీలకమైన బృందాలున్నాయి. దీంతోపాటు భారత పారాచ్యూట్ రెజిమెంట్‌లోని శిక్షణ పొందిన పారాపైలట్లు ఇలాంటి ఆపరేషన్లు చేయటంలో ప్రత్యేకంగా శిక్షణ పొందారు. క్షేత్రస్థాయిలో శ్రతువుపై పోరాడటం కష్టంగా ఉన్నప్పుడుకూడా ఇటువంటి దాడులు నిర్వహిస్తారు. అటు నేవీ కూడా తమ మెరైన్ కమాండోస్ (మార్కోస్) ఈ తరహా దాడులు చేయటంలో దిట్ట అని పేర్కొంది. వైమానిక దళంలో ‘గరుడ’ దళం సామాన్యంగా ఇలాంటి దాడులకు శిక్షణ పొందుతుంది.
 ఈ దాడులు చాలా కష్టం: మాజీ ఆర్మీ అధికారి
 ‘సర్జికల్ దాడులను నిర్వహించటం అంత సులభమేం కాదు. లక్ష్యాలు స్థిరంగా ఉండొచ్చు. గమనంలో ఉండొచ్చు. వీటిని టార్గెట్ చేసేందుకు పక్కా ప్రణాళికతో ముందడుగేయాలి. ఆపరేషన్‌కు బయలుదేరేముందు బృందంలోని ప్రతి సిపాయికి ఆపరేషన్‌కు సంబంధించిన ప్రతి విషయాన్ని వివరంగా చెబుతారు. ఎవరి బాధ్యతను వారికి అప్పగిస్తారు. మనకేం నష్టం జరగకుండా ప్రత్యర్థిని మట్టుబెట్టి రావటం ఈ ఆపరేషన్ ప్రత్యేకత. అందుకే సర్జికల్ దాడులు చేసేందుకు ధైర్యం కావాలి’ అని రిటైర్డ్ లెఫ్టినెంట్ జనరల్ శంకర్ ప్రసాద్ తెలిపారు.
 ప్రపంచవ్యాప్తంగా ప్రముఖ సర్జికల్ దాడులు
 1. మయన్మార్‌లో భారత ఆపరేషన్: 2015, జూన్‌లో 70 మంది భారత కమాండోలు మయన్మార్ అడవుల్లో సర్జికల్ దాడులు నిర్వహించారు. ఈ దాడుల్లో 38 మంది నాగా మిలిటెంట్లు హతమవ్వగా ఏడుగురికి గాయాలయ్యాయి. జూన్4వ తేదీన మణిపూర్‌లో ఆర్మీ వాహనంపై దాడిచేసి 18 మంది జవాన్లను మట్టుబెట్టిన కాసేపటికే భారత్ ఈ దాడులు నిర్వహించింది.
 2. ఒసామా ఆపరేషన్, పాకిస్తాన్: 2011లో పాకిస్తాన్‌లోని అబోత్తాబాద్‌లో ఐఎస్‌ఐ భద్రతావలయంలోని ఓ ఇంటిపై (అల్‌కాయిదా చీఫ్ ఒసామా దాక్కున్నాడన్న పక్కా సమాచారంతో) అమెరికా బలగాలు మెరుపుదాడి చేశాయి. సీఐఏ ఆధ్వర్యంలో జరిగిన ఈ ఘటనకు ఆపరేషన్ నెప్ట్యూన్ స్పియర్ (ఆపరేషన్ జెరోనిమో అనికూడా) అని పేరుపెట్టారు.
 3. ఎంటెబీలో దాడి, ఉగాండా: ప్రపంచ సర్జికల్ దాడుల చరిత్రలో ఇది చాలా ప్రత్యేకం. 1979లో ఫ్రాన్స్ విమానాన్ని పాలస్తీనా విముక్తి ఉగ్రవాదులు ఉగాండాలోని ఎంటెబీలో హైజాక్ చేశారు. 100 మంది ఇజ్రాయిలీ కమాండోలు నిర్వహించిన ఈ ఆపరేషన్‌లో ఉగ్రవాదులందరూ, ముగ్గురు ప్రయాణికులు మృతిచెందగా.. మిగిలిన వారిని క్షేమంగా రక్షించారు.
 4. బే ఆఫ్ పిగ్స్ ఆక్రమణ: 1961లో క్యూబాలో ఫిడేల్ క్యాస్ట్రోను గద్దెదించేందుకు అప్పటి అమెరికా అధ్యక్షుడు జాన్ ఎఫ్ కెనడీ, సీఐఏ నేతృత్వంలో బే ఆఫ్ పిగ్స్ సమీపంలో ఈ ఆపరేషన్ జరిగింది. ఈ ఆపరేషన్‌లో 100 మంది అమెరికన్ సైనికులు చనిపోయారు. ఈ ఆపరేషన్ ద్వారా అనుకున్నది సాధించలేకపోవటం అమెరికాకు ఓ పీడకలగా మిగిలింది.
 5. ఆపరేషన్ ఈగల్ క్లా, ఇరాన్: 1979లో కొందరు ఇరానియన్ విద్యార్థులు.. తెహ్రాన్‌లో 53 మంది అమెరికన్లను బందీలుగా చేసుకున్నారు. దీంతో అప్పటి అమెరికా అధ్యక్షుడు జిమ్మీ కార్టర్ సీక్రెట్ మిషన్‌కు ఆదేశించారు. ఆపరేషన్ ఈగల్ క్లాగా వ్యవహరించిన ఈ ఘటనకూడా అమెరికాకు చేదు జ్ఞాపకాలనే మిగిల్చింది. బందీలను విడిపించే క్రమంలో అమెరికన్ సైనికులు ఇసుక తుపానులో చిక్కుకుపోయారు. ఓ హెలికాప్టర్ కూలిపోయింది.


 దౌత్యపరంగా పాకిస్తాన్‌ను ఏకాకిని చెయ్యడమనేది పైకి చెప్పినంత సులభం కాదు. అమెరికా వ్యూహాత్మక ప్రయోజనాలకు పావుగా ఉన్న పాకిస్తాన్‌పై చర్యలు తీసుకోవాలంటే మన విదేశీ విధానం తీవ్ర కసరత్తు చేయాల్సి ఉంది.
  
  ఉడీ సైనిక స్థావరంపై ఉగ్ర వాదుల దాడిలో 19 మంది భారత సైనికులు తమ ప్రాణా లను బలి చేసిన తర్వాత భారత్-పాకిస్తాన్ దేశాల మధ్య ఉద్రిక్తత పరాకాష్టకు చేరుకుంది. ఈ దాడి ఐక్య రాజ్యసమితి సాధారణ సభలో తీవ్ర చర్చకు తావిచ్చింది. కశ్మీర్‌లో భారత సైనికుల దాడిలో హతమైన హిజ్బుల్ ఉగ్రవాది బర్హాన్ వానిని ఐరాస సభలో పాకిస్తాన్ ప్రధాని నవాజ్ షరీఫ్ అమరుడిగా వర్ణించారు. అంతే కాకుండా కశ్మీరులో ప్రజలను వధించడం, అంధత్వానికి గురిచేయడం, గాయపర్చటం ద్వారా భారత భద్రతా బలగాలు మానవ హక్కులను ఉల్లంఘిస్తున్నాయని షరీఫ్ ఆరోపించారే తప్ప, సరిహద్దుల్లో చొరబాటు గురించి, పాక్ ఆక్రమిత కశ్మీరులో ఉగ్రవాద శిబిరాల మూసివేత విషయంలో తామేం చర్యలు తీసుకున్నా మన్న అంశంపై పల్లెత్తు మాట అనలేదు.
  
  ఈ రెండు అంశాలకు సంబంధించి తగు చర్య తీసు కుంటామంటూ వివిధ సందర్భాల్లో పాకిస్తాన్ ప్రభు త్వాలు వాగ్దానం చేస్తూవచ్చాయి. ప్రత్యేకించి కశ్మీర్ అధీన రేఖ  వద్ద ఉగ్రవాదుల కదలికలను అడ్డుకుంటా మని నాటి పాక్ అధ్యక్షుడు ముషారఫ్.. 2002లో పాక్‌ను సందర్శించిన అమెరికా విదేశాంగ శాఖ ఉప కార్యదర్శి రిచ్చర్డ్ ఆర్మిటేజ్‌కు వాగ్దానం చేశారు. ఆర్మి టేజ్ 2003లో మళ్లీ పాక్‌లో పర్యటించినప్పుడు కూడా ముషారఫ్ హామీ ఇస్తూ పీఓకేలోని ఉగ్రవాద శిబి రాలను మూసివేస్తామని చెప్పారు. కానీ ముషారఫ్ ఇచ్చిన ఆ వాగ్దానాలు ఏమయ్యాయి? భారత్‌కు పాక్ ఇచ్చిన హామీల విషయం సరే.. అమెరికన్ అత్యున్నతా దికారుల ముందు చేసిన వాగ్దానాలను కూడా పాకిస్తాన్ గౌరవించలేదు, బాధ్యతగా వ్యవహరించలేదు. వాటిని నేటికీ అమలు చేయలేదు. ప్రత్యేకించి ఈ అంశంపైనే వివిధ అంతర్జాతీయ వేదికలపై పాకిస్తాన్‌ను వేలెత్తి చూపాల్సిన అవసరం ఎంతైనా ఉంది.
  
  ఉడీ నేపథ్యంలో పూర్తి స్థాయి దాడి చేయటం నుంచి దౌత్యపరంగా పాకిస్తాన్‌ను ఒంటరిని చేయడం వరకు భారతప్రభుత్వం పలు చర్యలు చేపట్టనుందని పలువురు భావిస్తున్నారు. భారత పాకిస్తాన్ రెండు దేశాలూ అణ్వస్త్ర దేశాలే కాబట్టి యుద్ధం జరిగితే అపార నష్టం, అధిక మరణాలు చోటుచేసుకునే ప్రమాదం ఉన్నందున సైనిక చర్యకు తనదైన పరిమితులున్నాయి. పైగా, ఒకసారి సైనిక ఘర్షణ మొదలైతే, యుద్ధంలో మునిగిన రెండు దేశాలే కాకుండా ఇతర అగ్రరాజ్యాలు కూడా తమ అనుకూల దేశానికి మద్దతుగా కలిసివచ్చేం దుకు అవకాశాలున్నాయి. కాబట్టే పాకిస్తాన్‌ను దౌత్య పరంగా ఏకాకిని చేయడ మే ఉత్తమమని చాలామంది భావిస్తున్నట్లుంది. అయితే పాక్‌ను దౌత్యపర ఏకాకి  తనంలోకి నెట్టడం పైకి చెప్పినంత సులభం కాదు.
  
  ఆర్థిక ఆంక్షలు, వాణిజ్య నిబంధనలు విధించడం, అంతర్జాతీయ నిబంధనలను ఉల్లంఘిస్తున్న దేశానికి.. అంతర్జాతీయ కమ్యూనిటీ లేదా ఐరాసలోని అధిక దేశాలు ఆర్థిక సహాయాన్ని నిలిపివేయటం వంటి చర్య లను దౌత్యపరమైన ఏకాంతంగా చెబుతున్నారు. అయితే దౌత్యపరంగా పాక్‌ను ఏకాకిని చేయడానికి ముందుగా కొన్ని కఠిన వాస్తవాలను, చారిత్రిక సత్యా లను పరిగణించాల్సి ఉంది. ఆర్థికంగా సుస్థిరంగా ఉన్న పాకిస్తాన్ అటు అమెరికా ప్రయోజనాలకూ, ఇటు మొత్తం ఆగ్నేయాసియా సుస్థిరతకూ కీలకమైనది.
  
  సోవియట్ యూనియన్ 1979లో ఆప్ఘనిస్తాన్‌ను ఆక్రమించిన నాటినుంచి సోవియట్ విస్తరణవాదాన్ని అడ్డుకోవడానికి పాకిస్తాన్‌ని ఒక ప్రాబల్య ప్రాంతంగా అమెరికా గుర్తిస్తూ వచ్చింది. నాటి రీగన్ ప్రభుత్వం 1981లో పాకిస్తాన్‌కు 3.2 బిలియన్ డాలర్ల మేరకు ఆర్థిక, సైనిక సహాయ ప్యాకేజీని అందించింది. నాటి  నుంచి ఆప్ఘనిస్తాన్‌లో సైనికచర్యలకుగాను అమెరికా, దాని మిత్రులకు కీలకమైన సైనిక సామగ్రి సరఫరా దేశంగా పాకిస్తాన్ మారిపోయింది. ఉగ్రవాదాన్ని స్పాన్సర్ చేయడంలో పాకిస్తాన్ పాత్రను గుర్తిస్తున్నప్ప టికీ పాక్‌ను, అమెరికా తన కుడిభుజంగానే  చూస్తోంది.
  
  పైగా భారత్‌కు చిరకాలంగా మిత్రదేశంగా ఉన్న రష్యా విదేశీ విధానం గత ఏడాది కాలంగా పాకిస్తాన్      వైపు మొగ్గు చూపుతోంది. ఇరుదేశాలు సైనిక విన్యాసా లకు కూడా సిద్ధపడ్డాయి. అమెరికా-భారత్ మధ్య స్నేహం పెరుగుతున్న క్రమంలోనే ఈ పరిణామం నెలకొంది మరోవైపున తొలినుంచీ పాక్‌ను శాశ్వత మిత్ర దేశంగా పేర్కొంటున్న చైనా కూడా సైనిక దాడి జరిగితే తాను పాక్‌ను బలపరుస్తానని బహిరంగంగా ప్రకటించింది. అంటే  ప్రపంచ ఆధిపత్య శక్తులతో పాక్ నెరుపుతున్న సంబంధాలను జాగ్రత్తగా అంచనా వేయవలసి ఉంది. పాకిస్తాన్ పెంచి పోషిస్తున్న ఉగ్ర వాద సంస్థలపై, దాని అణు కార్యక్రమాలపై నిషేధం విషయంలో పలు అంతర్జాతీయ, ప్రాంతీయ వేదికలను సంప్రదించాల్సి ఉంది.
  
 మొత్తం మీద చూస్తే పాక్‌ను దౌత్యపరంగా ఏకాకి చేయడం అనేది పైకి చెప్పినంత సులభం కాదు. ప్రపంచ, రాజకీయ, ఆర్థిక, సైనిక సంక్లిష్టతల మధ్య ఈ అంశాన్ని ముందుపీటికి తీసుకురావటంలో భారత విదే శాంగశాఖ అత్యంత నైపుణ్యంగా వ్యవహరించవలసి ఉండటం అవశ్యం.
  
 - వ్యాసకర్త రిటైర్డ్ ఐపీఎస్ అధికారి,
 ఐక్యరాజ్యసమితి పూర్వ ప్రధాన భద్రతా సలహాదారు 
 మొబైల్: 08801-676660
  - కేసీ రెడ్డి


 ఊహించనిరీతిలో విస్మయపరచడంలో నరేంద్రమోదీని మించిన నాయకుడు లేరంటే అతియోశక్తి కాదేమో! సెప్టెంబర్‌ 18న 18మంది సైనికుల్ని పొట్టనబెట్టుకున్న ఉడీ ఉగ్రవాద దాడి నేపథ్యంలో పాక్‌ను ఇరకాటంలో నెట్టేందుకు దౌత్యపరమైన మార్గాల్లోనే ఎన్డీయే ప్రభుత్వం ముందుకు సాగుతోందని అందరూ భావించారు. సైనిక చర్యలాంటి తీవ్రమైన నిర్ణయాలు ఉండకపోవచ్చునని దేశ ప్రజలు కూడా నిర్ధారణకు వచ్చేలోపే.. అనూహ్యంగా సైన్యం పాకిస్థాన్‌ భూభాగంలోకి చొచ్చుకెళ్లి మరీ ఉగ్రవాద శిబిరాలపై ’సునిశిత దాడులు’ (సర్జికల్‌ స్ట్రైక్స్‌) జరిపింది.1990 నుంచి పాక్‌ మన దేశంలోకి ఉగ్రవాదాన్ని ఎగుమతి చేస్తున్నా.. ఇలాంటి దాడులు చేయడం ఇదే తొలిసారి కావడం గమనార్హం.      
 
 ఈ సైనిక చర్యల పర్యవసానం ఏమిటి? ప్రభావం ఎలా ఉండబోతున్నది? అన్నది ఇప్పటికిప్పుడు బేరీజు వేయలేం. కానీ, తన దౌత్య వ్యూహంలో భాగంగా రిస్క్‌ చేయడానికి వెనుకాడని ప్రధాని మోదీని మెచ్చుకోకుండా ఉండలేం. నిజానికి మోదీ ఇలాంటి అనూహ్య నిర్ణయాలు తీసుకోవడం ఇదేం కొత్త కాదు. 2014 మేలో ఆయన ప్రధానిగా తన ప్రమాణ స్వీకార వేడుకకు సార్క్‌ దేశాధినేతలతోపాటు పాక్‌ ప్రధాని నవాజ్‌ షరీఫ్‌ను కూడా ఆహ్వానించారు. దీనిని ఎవరూ పెద్దగా ఊహించలేకపోయారు. అనంతరం ఇరుదేశాల ద్వైపాక్షిక చర్చలను ముందుకు తీసుకెళ్లాలని ఇరునేతలు నిర్ణయించారు. మోదీ-షరీఫ్‌ మధ్య గొప్ప ’కెమిస్ట్రీ’ ఉండటంతో భారత్‌-పాక్‌ సంబంధాలు ఘననీయంగా మెరుగుపడతాయని అంతా భావించారు. కానీ కశ్మీర్‌లో మృతిచెందిన మిలిటెంట్‌ కమాండర్‌ బుర్హాన్‌ వనీని షరీఫ్‌ అమరుడు అని కీర్తించడం, పాకిస్థానీ స్వాతంత్య్ర దినమైన ఆగస్టు 14న అతనికి అంకితం ఇవ్వడంతో ఇరుదేశాలు సంబంధాలు దారుణంగా దెబ్బతిన్నాయి.
 
 కానీ, అంతకుముందు రెండేళ్లలో భారత్‌-పాక్‌ సంబంధాల్లో కొన్ని మెరుపులు, కొన్ని విస్మయాలు, కొన్ని ఎదురుదెబ్బలు ఉన్నాయి. 2014లో ఇరుదేశాల విదేశాంగ కార్యదర్శుల స్థాయి చర్చలు నిర్వహించాలని మోదీ ప్రభుత్వం భావిస్తే.. వెంటనే కశ్మీర్‌ వేర్పాటువాద హురియత్‌ నేతలతో సమావేశమై పాక్‌ హై కమిషనర్‌ అబ్బుల్‌ బాసిత్‌ షాక్‌ ఇచ్చాడు. బ్యాంకాక్‌లో 2015 డిసెంబర్‌లో ఎన్‌ఎస్‌ఏ స్థాయి సమావేశం జరుగగా.. ఆ తర్వాత వారానికే పారిస్‌లో ఊహించనిరీతిలో మోదీ-షరీఫ్‌ భేటీ అయ్యారు.
 
 ఇక రష్యా పర్యటన నుంచి తిరిగొస్తూ ఆఫ్గన్‌ మీదుగా లాహోర్‌లోని షరీఫ్‌ ఫామ్‌హౌజ్‌కు వెళ్లి ప్రధాని మోదీ ఏకంగా దేశాన్ని విస్మయ పరిచారు. షరీఫ్‌ మనవరాలి పెళ్లి విందులో పాల్గొని తన దౌత్య చతురతను చాటారు. నిజానికి మోదీ పాక్‌ విషయంలోనే కాదు అమెరికా విషయంలోనూ దూకుడుగా దౌత్యనీతిని అవలంబించారు. అమెరికా అధ్యక్షుడు ఒబామా కోసం పారిస్‌ వాతావరణ ఒప్పందాన్ని ఆమోదిస్తున్నట్టు ఇటీవల ప్రకటించి ఆయన అందరినీ విస్మయ పరిచారు. నిజానికి ఈ ఏడాది చివర్లోగానీ ఈ ఒప్పందాన్ని ఆమోదించబోమని మోదీ చైనాలో జీ20 సదస్సు సందర్భంగా పేర్కొన్న సంగతి తెలిసిందే.


 పాకిస్థాన్‌ భూభాగంలోకి ప్రవేశించి మరీ ఉగ్రవాదులన్ని ఏరివేసేందుకు భారత్‌ సైన్యం చేసిన ‘సునిశిత దాడుల’ (సర్జికల్‌ స్ట్రైక్స్‌)పై సర్వత్రా హర్షం వ్యక్తమవుతున్నది. పాకిస్థానీ ఉగ్రవాదులు జరిపిన ఉడీ దాడులో వీరమరణం పొందిన సైనికుల కుటుంబాలు ఈ దాడులపై సంతోషం వ్యక్తం చేశాయి. భారత్‌లో ఉగ్రవాద దాడులకు ప్రణాళికలు రచిస్తున్న హఫీజ్‌ సయీద్‌ లాంటి ఉగ్రవాద సూత్రధారుల్ని మట్టుబెట్టేందుకు కూడా భారత సైన్యం వ్యూహం రచించాలని వారు కోరారు.
 
 ఉడీ దాడిలో మరణించిన హవల్దార్‌ అశోక్‌కుమార్‌ సింగ్‌ భార్య సంగీతా దేవీ సైన్యం సర్జికల్‌ స్ట్రైక్స్‌పై ఆనందం వ్యక్తం చేశారు. లష్కరే తోయిబా స్థాపకుడు అయిన హఫీజ్‌ సయీద్‌కు కూడా బుద్ధి చెప్పాలని ఆమె డిమాండ్‌ చేశారు.
 
 ‘భారత్‌లో జరిగిన అనేక ఉగ్రవాద దాడులకు హఫీజ్‌ సయీదే సూత్రధారి. భారత సైన్యం అతన్ని లక్ష్యంగా చేసుకొని హతమార్చాలి. అతను లక్ష్యంగా ఇలాంటి దాడులు చేయాలి’ అని సంగీతాదేవి మీడియాతో పేర్కొన్నారు. మరో అమర సైనికుడు ఎస్‌కే విద్యార్థి భార్య స్పందిస్తూ సైన్యం దాడులపై హర్షం వ్యక్తం చేశారు. ఉడీ దాడులకు ముందే సైన్యం ఇలాంటి సాహసోపేతమైన నిర్ణయాలు తీసుకొని ఉంటే ఇంతమంది సైనికులు ప్రాణాలు పోయి ఉండేవి కావని ఆమె పేర్కొన్నారు.


 ఉడీ ఉగ్రదాడి నేపథ్యంలో సార్క్ సదస్సును బహిష్కరించాలంటూ భారత ప్రభుత్వం తీసుకున్న నిర్ణయాన్ని ప్రముఖ పారిశ్రామికవేత్త రతన్ టాటా ప్రశంసించారు. ''సార్క్ సమావేశాన్ని బహిష్కరించాలన్న భారత ప్రభుత్వ స్థిర నిర్ణయం, సభ్య దేశాలు కూడా అందుకు మద్దతివ్వడం చూస్తే చాలా గర్వంగా ఉంది'' అని ఆయన ట్వీట్ చేశారు. ఈ ట్వీట్‌కు ఇప్పటివరకు 10 వేల లైకులు రాగా, 6,800 మందికి పైగా దాన్ని రీట్వీట్ చేశారు.
 
 జమ్ము కశ్మీర్‌లోని ఉడీ ప్రాంతంలో భౄరత సైనిక శిబిరంపై పాకిస్థాన్ నుంచి వచ్చిన ఉగ్రవాదులు 18 మంది జవాన్లను పొట్టన పెట్టుకున్న దారుణ ఘటన తర్వాత భారత్ - పాకిస్థాన్‌ల మధ్య తీవ్ర ఉద్రిక్తతలు నెలకొన్నాయి. దాంతో సరిహద్దు ఉద్రిక్తతల నేపథ్యంలో సదస్సు నుంచి తప్పుకొంటున్నట్లు భారతదేశం ప్రకటించింది. ఆ వెంటనే బంగ్లాదేశ్, భూటాన్, అఫ్ఘానిస్థాన్ కూడా తాము సదస్సులో పాల్గొనేది లేదని తెలిపాయి. అయితే ఎలాగైనా సదస్సు నిర్వహించాలని ప్రస్తుతం సార్క్ అధ్యక్ష స్థానంలో ఉన్న నేపాల్ భావిస్తోంది.
  
 
 So proud of Indian govt's firm stand on bycot of SARC mtg & overwhelming support by member nations.
 — Ratan N. Tata (@RNTata2000) 28 September 2016
  
  


 తమ వద్ద అణ్వస్త్రాలు ఉన్న విషయాన్ని పాకిస్థాన్ పదే పదే బయటకు చెబుతోంది. భారతదేశంతో ఒకవేళ యుద్ధం అంటూ వస్తే వాటిని ఉపయోగించడానికి ఏ మాత్రం వెనకాడేది లేదని అంటోంది. ఈ విషయాన్ని పాక్ రక్షణ మంత్రి ఖ్వాజా మహ్మద్ ఆసిఫ్ ఈ విషయాన్ని స్పష్టం చేశారు. తమ వద్ద ఉన్న అణ్వస్త్రాలు ఆటబొమ్మలేవీ కావని ఆయన అన్నారు. ''మా దగ్గర ఉన్న వ్యూహాత్మక ఆయుధాలను మా రక్షణ కోసమే తయారు చేశాం. ఈ ఆయుధాలు ఆటబొమ్మలు ఏమీ కావు. మా క్షేమానికి ఏమైనా ముప్పు ఉందనుకుంటే వాటిని వెంటనే ఉపయోగంలోకి తీసుకొస్తాం'' అని జియో టీవీకి ఇచ్చిన ఒక ఇంటర్వ్యూలో ఆసిఫ్ చెప్పారు. ఈ ఇంటర్వ్యూ సెప్టెంబర్ 26వ తేదీన ప్రసారమైంది. ఉడీ ఉగ్రదాడి జరగడానికి ఒక్కరోజు ముందు.. అంటే సెప్టెంబర్ 17వ తేదీన కూడా ఇలాంటిదే మరో ఇంటర్వ్యూ ప్రసారమైంది.
 
 ఇప్పటికిప్పుడు యుద్ధం వస్తుందన్న భయం ఏమీ లేదని.. కానీ ఖురాన్‌లో అల్లా చెప్పినట్లు, 'గుర్రాలు ఎప్పుడూ సిద్ధంగా ఉండాలి' అని ఖ్వాజా మహ్మద్ ఆసిఫ్ అన్నారు. పాకిస్థాన్ మీద ఎప్పుడూ ఒత్తిడి ఉంటూనే ఉందని, అందువల్ల అవసరమైన వాటి కంటే ఎక్కువగా తమదగ్గర వ్యూహాత్మక ఆయుధాలు ఉన్నాయని చెప్పారు. ఈ విషయంలో తమదే ఆధిక్యం అన్న విషయానికి అంతర్జాతయంగా కూడా గుర్తింపు ఉందని చెబుతూ.. ఎవరైనా తమ గడ్డమీద అడుగుపెట్టినా, తమ అంతర్గత భద్రతకు ముప్పు తేవాలని చూసినా తమ రక్షణ కోసం ఆ ఆయుధాలను ఉపయోగించడానికి వెనుకాడబోమని అన్నారు. భారతదేశంతో యుద్ధం వస్తే పాకిస్థాన్ అణ్వాయుధాలు ఉపయోగిస్తుందా అన్న ప్రశ్నకు.. అది పరిస్థితులను బట్టి  ఆధారపడుతుందని, తమ ఉనికి ప్రమాదంలో పడితే తాము అన్నింటినీ ఉపయోగిస్తామని స్పష్టం చేశారు. అందులో భయపడాల్సింది ఏముందని ఎదురు ప్రశ్నించారు.


 భారత్ సహా నాలుగు దేశాలు తాము హాజరయ్యేది లేదని స్పష్టంగా చెప్పినా.. ప్రస్తుతం సార్క్ అధ్యక్ష స్థానంలో ఉన్న నేపాల్ మాత్రం.. సరైన సమయానికే ఈ సదస్సు నిర్వహించాలని భావిస్తోంది. ఇందుకు సభ్యదేశాలన్నీ సహకరించాలని గట్టిగా కోరింది. ఈ మేరకు బుధవారం రాత్రి తర్వాత నేపాల్ విదేశాంగ మంత్రిత్వ శాఖ ఒక ప్రకటన జారీచేసింది. నవంబర్ 9, 10 తేదీలలో ఇస్లామాబాద్‌లో సార్క్ సదస్సు జరిగేందుకు తగిన వాతావరణాన్ని ఏర్పరచాలని అందులో తెలిపింది.
 
 ఉడీ ఉగ్రదాడి నేపథ్యంలో ఈ సదస్సుకు హాజరయ్యేది లేదని భారతదేశం ముందుగా స్పష్టం చేసింది. ఆ తర్వాత వరుసపెట్టి బంగ్లాదేశ్, భూటాన్, అఫ్ఘానిస్థాన్ కూడా వివిధ కారణాలతో తాము ఇస్లామాబాద్‌లో జరిగే సదస్సుకు హాజరు కాబోమని తెలిపాయి. దాంతో ఇక ఆతిథ్య దేశం పాకిస్థాన్‌తో పాటు కేవలం శ్రీలంక, మాల్దీవులు, నేపాల్ మాత్రమే ఆ సదస్సులో పాల్గొనే పరిస్థితి ఏర్పడింది. అయితే అసలు ఏ ఒక్క సభ్య దేశం రాకపోయినా సదస్సు వాయిదా వేయాల్సిందే. ప్రస్తుత పరిస్థితిని తాము తీవ్రంగా పరిగణిస్తున్నామని నేపాల్ ప్రభుత్వం ఆ ప్రకటనలో తెలిపింది. అయితే, భారత ప్రయోజనాలకు విరుద్ధంగా నేపాల్ ఎందుకింతలా పట్టుబడుతోందన్న విషయం మాత్రం ఇంకా తెలియలేదు.


 వాషింగ్టన్: భారత జాతీయ భత్రతా సలహాదారు అజిత్ దోవల్ కు అమెరికా నేషనల్ సెక్యూరిటీ అడ్వైజర్ సుసన్ రైస్ ఫోన్ చేశారు. ఉడీ ఉగ్రవాద ఘటనను తీవ్రంగా ఖండించారు. ఈ విషయంలో  పాకిస్థాన్ను తగిన చర్యలు తీసుకోవాలని  కోరినట్లు ఆమె దోవల్కు తెలిపారు. లష్కరే తోయిబా, జైషే మహ్మద్ వంటి ఉగ్ర సంస్థలపై పాక్ కఠిన చర్యలు తీసుకుంటుందని తాము భావిస్తున్నట్టు ఆమె వెల్లడించారు.
 
 ఉడీ ఉగ్రదాడి అనంతరం అమెరికా అత్యున్నత అధికారి స్పందించడం ఇదే తొలిసారి. ఉగ్రవాద బాధిత దేశాలకు న్యాయం చేసేందుకు తమ పోరాటాన్ని మరింత ఉదృతం  చేస్తామనే ఒబామా సందేశాన్ని ఆమె దోవల్కు వివరించారు. ఉగ్రవాదులను ఒంటరి చేసేందుకు మరింత సహకారంతో కలిసి పనిచేసేందుకు ఆమెహామీ ఇచ్చారని ఫోన్ కాల్ వివరాలను అమెరికా అధ్యక్షుని అధికార ప్రతినిధి నెడ్ ప్రైస్ వెల్లడించారు.
  
  


 సోషల్ మీడియాలో తన భావాలను ఎప్పటికప్పుడు చెబుతూ, ట్విట్టర్ ఫేస్‌బుక్ లాంటి సామాజిక మాధ్యమాలే ఆయుధంగా ఉద్యమాలు నిర్మించిన ఢిల్లీ ముఖ్యమంత్రి అరవింద్ కేజ్రీవాల్‌కు ఆ ట్విట్టరే పెద్ద షాకిచ్చింది. ఉడీ ఉగ్రదాడిని కూడా రాజకీయాలకు వాడుకోవాలనుకున్న కేజ్రీవాల్‌పై ట్విట్టర్ జనాలు ఒక్కసారిగా విరుచుకుపడ్డారు. ఉడీ ఉగ్రదాడి నేపథ్యంలో ఒక జాతీయ పత్రికలో వచ్చిన కథనాన్ని ప్రస్తావిస్తూ.. ''అద్భుతమైన కథనం. ఉడీ దాడి విషయంలో అంతర్జాతీయంగా పాకిస్థాన్ కాదు, భారతదేశమే ఒంటరి అయిపోతున్నట్లు కనిపిస్తోంది'' అని ఆయన ట్వీట్ చేశారు. దీంతో ఒక్కసారిగా ట్విట్టర్‌ జనాలలో కలకలం రేగింది. పాకిస్థానీ పౌరులకు ఆయన ట్వీట్ ఒక ఆయుధంలా దొరికింది. భారతదేశం గురించి తమ ఆలోచనలను సమర్థించే నాయకుడు ఒకరు దొరికారని వాళ్లు సంబరపడ్డారు.
 
 విషయం ఏమిటంటే, ఇస్లామాబాద్‌లో నవంబర్ నెలలో నిర్వహించే సార్క్ సదస్సుకు హాజరు కాకూడదని భారతదేశం నిర్ణయించుకున్న తర్వాత.. అదే బాటలో అఫ్ఘానిస్థాన్, బంగ్లాదేశ్, భూటాన్ కూడా సదస్సును బహిష్కరించాయి. దాంతో ప్రస్తుతం సార్క్ అధ్యక్ష పదవిలో ఉన్న నేపాల్.. సదస్సు వేదికను మార్చాలని భావించడం పాకిస్థాన్‌ను మరింత ఇబ్బందిలోకి నెట్టేసింది. కానీ కేజ్రీవాల్ మాత్రం ఈ పరిస్థితికి పూర్తి భిన్నంగా వ్యవహరించడంతో భారతీయులతో పాటు ఇతర దేశాలలో వాళ్లు కూడా ఆయనను తీవ్రంగా విమర్శించారు. సార్క్ సదస్సుకు మోదీ రాకపోతే.. ఆయన బదులు కేజ్రీవాల్ రావచ్చుగా అని కొందరు అంటే, భారతీయులు అసలు కేజ్రీవాల్‌కు బుర్ర ఉందా.. ఆయనకు సలహాలు ఇచ్చేవాళ్లు ఎవరు అంటూ రకరకాలుగా మండిపడ్డారు. మరికొందరు తీవ్ర అసభ్య పదజాలంతో కూడా కేజ్రీవాల్‌ను దూషించారు.
  
 
 Excellent article. On Uri, rather than Pak, India seems to be getting isolated internationally
 
 https://t.co/u6wKBE20fP
 — Arvind Kejriwal (@ArvindKejriwal) September 27, 2016
  
  
 
 That whatever moment when Delhi, yes, Delhi CM, tweets an Indian article about India's isolation while India is trying to isolate Pakistan
 — Mehr Tarar (@MehrTarar) September 27, 2016
  
 
 If Modi doesn't want to attend #SAARCSummit at Islamabad then Pakistan MoFA should extend an official invitation to Mr. CM @ArvindKejriwal
 — Abdul Qadeer Khan (@PakDef_Patriot) September 28, 2016
  
  
 
 The only thing worse than this article is Kejriwal's endorsement of it. Utterly disgraceful https://t.co/iJAXwyzTOk
 — Minhaz Merchant (@minhazmerchant) September 27, 2016
  
 
 @ArvindKejriwal Seriously sir, shame on you. Thought u would keep politics aside on Nat'l interest, but u're shameless. @TheTribuneIndia
 — Devika (@Dayweekaa) September 27, 2016
  
  
 
 . @ArvindKejriwal You should be happy about this. You should use this to become PM & spread the famous "Ration card model" across India
 — The Masakadzas (@Nesenag) September 27, 2016
  
 
 @ArvindKejriwal OMG!Do you even understand what say? Either you are a foolish actor or a traitor.I wonder who are your advisers.Illiterates?
 — Dr ArvindChaturvedi (@ArvindChaturved) September 27, 2016
  
  
 
 By endorsing this article, @ArvindKejriwal has successfully achieved the Ranks of "Bharat tere tukde honge" Brigade.https://t.co/GIIufLV5kr
 — चार लोग (@WoCharLog) September 27, 2016


 ఎప్పుడూ అంతంతమాత్రంగానే ఉన్న భారత్-పాక్ సంబంధాలు ఉడీ ఉగ్రవాద దాడి తర్వాత మరింత క్షీణిస్తున్నాయి. అంతక్రితం పఠాన్‌కోట్ దాడి సమయంలో భారత్ స్పందించిన తీరు చూశాకైనా మారని పాకిస్తాన్ వైఖరిని ఉడీ దాడి మరింత ప్రస్ఫుటం చేసింది. కేంద్ర మంత్రులూ, వివిధ పార్టీల నాయకులకు మీడియా కూడా తోడై ‘ఏదో ఒకటి చేయకపోతే కుదరద’న్న అభిప్రాయాన్ని ప్రజల్లోకి బలంగా తీసుకెళ్లింది.
 
 ఈ నేపథ్యంలోనే కేంద్ర ప్రభుత్వం వరస చర్యలను ప్రకటి స్తున్నది. కేరళలోని కోజికోడ్‌లో  బీజేపీ జాతీయ మండలి సమావేశం సందర్భంగా శనివారం జరిగిన బహిరంగసభలో ప్రధాని నరేంద్ర మోదీ దౌత్యపరంగా పాక్‌ను ఏకాకి చేయడానికి ప్రయత్నిస్తామని ప్రతినబూనారు. ఆ తర్వాత పాక్‌ను ఏకాకిని చేయడానికి, దాన్ని ఇతరత్రా మార్గాల్లోనూ ఇరకాటంలో పెట్టడానికి చర్యలు ప్రారంభమయ్యాయి.
  
  పాకిస్తాన్‌తో 1960లో కుదిరిన సింధునదీ జలాల ఒప్పందం అమలును పునఃసమీక్షించాలన్న నిర్ణయం తీసుకున్నారు. అలాగే ఉగ్రవాదం సంగతి తేలేవరకూ సింధు నదీజలాల కమిషన్ సమావేశాలను నిలిపి వేస్తున్నట్టు ప్రభుత్వం ప్రకటించింది. ఆ వెంటనే పాకిస్తాన్‌కు ప్రస్తుతం మనం ఇస్తున్న అత్యంత సానుకూల దేశం(ఎంఎన్‌ఎఫ్) హోదాను తొలగించే అంశాన్ని పరిశీలించాలని నిర్ణయించారు. ఐక్యరాజ్యసమితి సమావేశాల్లో పాకిస్తాన్ ప్రధాని నవాజ్ షరీఫ్‌కు విదేశాంగ మంత్రి సుష్మా స్వరాజ్ దీటుగా జవాబిచ్చారు. తాము చెలిమిని కోరుతుంటే పాక్ పఠాన్‌కోట్, యుడీలతో జవాబిచ్చిందని ప్రపంచ దేశాల దృష్టికి తీసుకొచ్చారు.
  
  1971 యుద్ధంలో తూర్పు పాకిస్తాన్ విడివడి బంగ్లాదేశ్‌గా ఏర్పడిన నాటి నుంచీ రగిలిపోతున్న పాకిస్తాన్ ఏదో రకంగా భారత్‌ను ఇబ్బందుల్లోకి నెట్టాలని ప్రయత్నిస్తూనే ఉంది. కశ్మీర్‌లో తాజాగా ఏర్పడ్డ పరిస్థితులను సాకుగా తీసుకుని ఉడీలో దాడికి తెగబడి...అక్కడి పరిణామాలే అందుకు కారణం తప్ప తాము కాదని తప్పించుకోజూస్తున్నది. అయితే పాక్ ఏకాకవుతున్న జాడలు చిన్న గానే అయినా కనిపిస్తూనే ఉన్నాయి. ఇస్లామాబాద్‌లో జరగాల్సిన దక్షిణాసియా ప్రాంతీయ సహకార మండలి (సార్క్) సమావేశాలకు హాజరు కావడంలేదని మన దేశం ప్రకటించిన నేపథ్యంలో అవి వాయిదా పడతాయని బుధవారం నేపాల్ మీడియాలో కథనాలు వెలువడ్డాయి.
  
  మనకన్నా ముందే భూటాన్, బంగ్లాదేశ్, అఫ్ఘానిస్తాన్ దేశాలు పాక్ వైఖరికి నిరసనగా సార్క్ సమావేశాలను బహిష్కరి స్తున్నట్టు ప్రకటించాయి. ఎనిమిది సభ్య దేశాల్లో సగం దేశాలు గైర్హాజరు కావాలని నిర్ణయించుకోవడంతో సార్క్ సమావేశాలు వాయిదా పడటం మినహా గత్యం తరం లేదు. ప్రపంచంలో తాము ఏకాకులమవుతున్నామన్న కథనాల్లో నిజం లేదని పాకి స్తాన్ చేస్తున్న తర్కాన్ని ఈ పరిణామం ఎండగడుతుంది.
  
  అయితే సార్క్ సమావేశాల సంగతలా ఉంచి ఇతర చర్యలు ఆశించినంత ఫలి తాలనిస్తాయా అన్నది అనుమానమే. సింధు నదీ జలాల ఒప్పందంలోని క్లాజుల ప్రకారం దాన్నుంచి ఇరు దేశాల్లో ఏ ఒక్కటీ ఏకపక్షంగా వైదొలగడం సాధ్యం కాదు. దాన్లో మన వాటా జలాలను పూర్తిగా వినియోగించుకోలేక పాక్‌కే వదిలి పెడుతున్న విషయం వాస్తవమే అయినా దాన్ని సవరించుకోవడం ఇప్పటికిప్పుడు సాధ్య మయ్యే పనికాదు. రిజర్వాయర్లు నిర్మించడం భారీ వ్యయంతో కూడుకున్న పని. అందుకు ఏళ్లకేళ్లు పడుతుంది. దానివల్ల తక్షణ ఫలితాలు సమకూడవు. అయితే కమిషన్ సమావేశాలను నిలిపివేయాలన్న నిర్ణయం వల్ల అనిశ్చిత వాతా వరణం ఏర్పడుతుంది. దానివల్ల పాక్‌కు ఇబ్బందులు తప్పకపోవచ్చు.
  
  మన దేశం ఈ ఒప్పందాన్ని పునఃసమీక్షించాలని నిర్ణయించిన వెంటనే పాక్ విదేశాంగ శాఖ సలహాదారు సర్తాజ్ అజీజ్ ఉలిక్కిపడటాన్ని గమనిస్తే సింధు నదీ జలాలు ఆ దేశ ఆర్ధిక వ్యవస్థతో ఎంతగా ముడిపడి ఉన్నాయో అర్ధమవుతుంది. ఉగ్రవాద సంస్థ లష్కరే తొయిబా చీఫ్ హఫీజ్ మహమ్మద్ సయీద్ అయితే సింధు నదీజలాల్లో భాగమైన చీనాబ్ నదిపై ఉన్న ఆనకట్టలనుంచి భారీ పరిమాణంలో నీళ్లు విడుదల చేయడం లేదా అడ్డుకోవడం ద్వారా వాయువ్య పంజాబ్‌ను సర్వనాశనం చేయ డానికి భారత్ చూస్తున్నదని హెచ్చరించాడు. పాక్‌కు ఎంఎన్‌ఎఫ్ ప్రతిపత్తిని ఉప సంహరించడం వల్ల అక్కడి నుంచి మన దేశానికి జరిగే ఎగుమతులు ఆగిపోతాయి గనుక ఆ మేరకు ఎంతో కొంత నష్టం ఉంటుంది. పాక్‌కు మనం ఇచ్చినట్టుగా
  అది మనకు ఎంఎన్‌ఎఫ్ ప్రతిపత్తి ఇవ్వకపోయినా మన నుంచి అది దిగుమతి చేసుకునే సరుకుల విలువ ఎక్కువే ఉంది.
  
  ప్రస్తుతం మన దేశంనుంచి పాకిస్తాన్‌కు సాగు తున్న ఎగుమతులు దాదాపు 217 కోట్ల డాలర్లు. అక్కడి నుంచి దిగు మతులు50 కోట్ల డాలర్లు మించి లేవు. అంటే ద్వైపాక్షిక వాణిజ్యంలో ఒడి దుడుకులు ఏర్పడితే పాక్‌కన్నా మనమే ఎక్కువగా నష్టపోతాం.అయితే ఇందులో లాభనష్టాల సంగతలా ఉంచి ఆ చర్య వెనకున్న ఉద్దేశాలపై అందరి దృష్టి పడుతుంది. పాక్‌ను భారత్ అంటరాని దేశంగా ఎందుకు పరిగణిస్తున్నదన్న అంశంపై చర్చ జరుగుతుంది. వీటన్నిటితోపాటు భద్రతాపరంగా పటిష్టమైన చర్యలు అవసరమవుతాయి.
  
  2001లో పార్లమెంటుపై ఉగ్రవాద దాడి జరిగిన తర్వాత, 2008లో ముంబైపై ఉగ్రదాడి తర్వాత పాక్ భూభాగంలోని ఉగ్రవాద స్థావరాలపై దాడులు జరపాలని కొందరు సూచించారు. ఆ సమయాల్లో ప్రధానులుగా ఉన్న వాజపేయి, మన్మోహన్ సింగ్ త్రివిధ దళాధిపతులతో భేటీ అయ్యారు. దాడులు జరపడంలోని మంచి చెడ్డల సంగతలా ఉంచి మన దళాలకు అందుకు అవసరమైన హెలికాప్టర్లయినా, ఇతర రక్షణ సామగ్రి అయినా తగిన స్థాయిలో లేదని ఆ రెండుసార్లూ వెల్లడైంది. ఆ రెండు ఉదంతాలకూ మధ్య ఏడేళ్ల వ్యవధి ఉంటే ఇప్పుడు మరో ఎనిమిదేళ్లు గడిచాయి. అయినా ఇప్పటికీ రక్షణ సామగ్రి విషయంలో మన దళాలు వెనకబడే ఉన్నాయి. ఇది మంచిది కాదు. ఇలాంటి లోటుపాట్లన్నిటిపైనా కూడా దృష్టి సారిస్తే తప్ప మెరుగైన ఫలితాలు కలగవు.


 జమ్ముకశ్మీర్‌లోని ఉడీ ఉగ్రవాద దాడి నేపథ్యంలో పాకిస్థాన్‌పై భారత్‌ తీవ్రమైన కోపాన్ని ప్రదర్శిస్తోంది. ఇందులో భాగంగా నవంబర్‌లో పాకిస్థాన్‌లో జరగనున్న సార్క్‌ సదస్సు నుంచి తప్పుకొంటున్నట్టు ప్రకటించింది. దీంతో భారత్‌ దారిలోనే సాగుతూ బంగ్లాదేశ్‌, ఆఫ్గనిస్థాన్‌, భూటాన్‌ కూడా సార్క్‌ సదస్సును బహిష్కరించాయి. దీంతో ఇస్లామాబాద్‌లో జరగాల్సిన సార్క్‌ సదస్సు రద్దయ్యే పరిస్థితి నెలకొంది.
 
 
 18మంది సైనికుల్ని పొట్టనబెట్టుకున్న ఉడీ దాడి నేపథ్యంలో పాక్‌ను ఎంతమాత్రం ఉపేంక్షించరాదని మోదీ సర్కార్‌ నిర్ణయించింది. పాక్‌ను దౌత్యపరంగా ఏకాకిని చేసేందుకు వీలున్న అన్నీ మార్గాలను ఉపయోగించుకోవాలని నిర్ణయించింది. ఇందులో భాగంగా సింధు నది ఒప్పందంపై సమీక్ష నిర్వహించడంతోపాటు పాక్‌కు ఇచ్చిన అత్యంత ప్రాధాన్య దేశం హోదాను రద్దు చేయాలని నిర్ణయించింది. తాజాగా సార్క్‌ సదస్సును బహిష్కరించడం ద్వారా పాకిస్థాన్‌పై భారత్‌ ప్రాంతీయంగా ఆధిపత్యం సాధించింది. ఈ నిర్ణయం ద్వారా భారత్‌ దక్కిన సానుకూలతలు ఏమిటంటే..
 
 ప్రాంతీయ సహకారంలోనూ ఉగ్రవాద కోణాన్ని జోడించడం!
 'ప్రాంతీయ సహకారం, అనుసంధానత, సంప్రదింపుల విషయంలో భారత్‌ కట్టుబడి ఉంది. కానీ, ఇది ఉగ్రవాద రహిత వాతావరణంలోనే ముందుకు సాగుతుందని భావిస్తోంది'.. పాక్‌లో 19వ సార్క్‌ సదస్సును బహిష్కరిస్తూ విదేశాంగ శాఖ చేసిన ప్రకటన ఇది. ఈ ప్రకటన ద్వారా పాక్‌ పెంచిపోషిస్తున్న ఉగ్రవాదం ఒక్క భారత్‌కే కాదు.. దక్షిణాసియా ప్రాంతీయ సహకారానికి పెను ముప్పుగా మారిందనే విషయాన్ని మన దేశం తేల్చిచెప్పింది. ఒకప్పుడు భారత్‌-పాక్‌ ద్వైపాక్షిక చర్చల సందర్భంలోనే ఉగ్రవాద రహిత వాతావరణం ప్రస్తావన వచ్చేది. కానీ ఇప్పుడు ప్రాంతీయ చర్చల్లోనూ ఈ అంశాన్ని ప్రధాన అంశంగా భారత్‌ ముందుకు తెచ్చింది.
 
 పాక్‌ను ఇరుకునపెట్టడంలో భారత్‌కు కొత్త మిత్రులు!
 పాక్‌ను ప్రాంతీయంగా ఇరుకున పెట్టడంలో మోదీ ప్రభుత్వం దౌత్యపరంగా విజయం సాధించింది. ఇస్లామాబాద్‌లో జరిగే సార్క్‌ సదస్సులో ప్రధాని మోదీ పాల్గొంటారా? లేదా? అన్నది సందేహాస్పదంగా ఉండగానే బంగ్లాదేశ్‌, ఆఫ్గనిస్థాన్‌ ముందుకొచ్చి.. తాము ఆ దేశానికి వెళ్లబోమని తేల్చిచెప్పాయి. ఇప్పుడు భారత్‌ అధికారికంగా చెప్పడంతో బంగ్లా, ఆఫ్గన్‌తో మన పొరుగు దేశం భూటాన్‌ కూడా జతకలిసి.. పాక్‌కు షాకిచ్చింది.
 
 సార్క్‌ పునరుద్ధరణ!
 1985లో దక్షిణాసియాలోని ఎనిమిది సభ్యదేశాలతో ఏర్పాటైన సార్క్‌తో విస్తృత సంబంధాలు కొనసాగించేందుకు ఎన్డీయే సర్కారు తపిస్తున్నా.. పాకిస్థాన్‌ మాత్రం అడ్డుపుల్ల వేస్తోంది. సార్క్‌ ప్రతిష్టాత్మక ప్రాజెక్టులకు కొర్రిలు పెడుతోంది. ఈ నేపథ్యంలో పాకిస్థాన్‌ మినహాయించి ఇతర సార్క్‌ దేశాలతో సంబంధాలు పెంపొందించుకోవడం, పాక్‌ను బ్లాక్‌ చేసేలా సబ్‌-రిజినల్‌ కనెక్టివిటీని పెంచుకోవడానికి భారత్‌ ప్రయత్నిస్తోంది.
 
 రాజకీయంగా కీలకమే!
 సార్వత్రిక ఎన్నికల సందర్భంగా నరేంద్రమోదీ పాకిస్థాన్‌ను నియంత్రించడం గురించి ఎన్నో వ్యాఖ్యలు చేశారు. ప్రస్తుత పరిస్థితుల్లో ఆ హామీలపై నిలబడాల్సిన పరిస్థితి ఎన్డీయే ప్రభుత్వానిది. అంతేకాకుండా కీలకమైన ఉత్తరప్రదేశ్‌ ఎన్నికలు సమీపిస్తున్నాయి. ఈ నేపథ్యంలో దేశీయ ఒత్తిళ్లకు అనుగుణంగా పాక్‌పై కఠినంగా వ్యవహరించక తప్పదు. ఆ సంకేతాలు ఇచ్చే దిశగా మోదీ ప్రభుత్వం కృషి చేస్తున్నది.
 
 ఇక పాకిస్థాన్‌ను దౌత్యపరంగా ఏకాకిని చేయాలన్న విధానం కూడా అమలవుతున్నదన్న సంకేతాలను సార్క్‌ సదస్సు బహిష్కరణ ద్వారా భారత్‌ ఇచ్చినట్టు అయింది. దీనికితోడు బంగ్లా, ఆఫ్గన్‌ వ్యవహారాల్లో పాక్‌ జోక్యాన్ని నివారించి ఆ దేశాలను తనవైపు తిప్పుకోవడంలోనూ అడ్వాంటేజ్‌ సాధించింది. నిజానికి దక్షిణాసియాలో మిత్రదేశాలు కావాలని పాక్‌ కోరుకోవడం లేదు. చైనా, అమెరికా, సౌదీ అరేబియలతో దౌత్య సంబంధాలకే ఆ దేశం అధిక ప్రాధాన్యమిస్తోంది. అయినా సార్క్‌ సదస్సును నిర్వహించే అవకాశాన్ని పాక్ కోల్పోవడం నిజంగా ఆ దేశానికి నష్టమేనని విశ్లేషకులు అభిప్రాయపడుతున్నారు.


 న్యూఢిల్లీ: సింధు నది నుంచి తమ దేశానికి నీళ్లు రాకుండా భారత్ అడ్డుకుంటే చూస్తూ ఊరుకోబోమని పాకిస్థాన్ మాజీ అధ్యక్షుడు పర్వేజ్ ముషార్రఫ్ హెచ్చరించారు. ప్రతిఘటిచేందుకు సిద్ధంగా ఉంటామని ‘ఇండియా టుడే’ కు ఇచ్చిన ఇంటర్వ్యూలో చెప్పారు. నీళ్లపై నియంత్రణతో రెండు దేశాల మధ్య వివాదం మరింత ముదిరే అవకాశముందని అభిప్రాయపడ్డారు. భారత్ తో తలపడాలని తాము కోరుకోవడం లేదని, శాంతిప్రక్రియ ద్వారానే కశ్మీర్ సమస్య పరిష్కారమవుతుందని విశ్వసిస్తున్నామని పేర్కొన్నారు. పుట్టినరోజు పర్యటనలు ఎల్లప్పుడు సమస్యలను పరిష్కరించలేవని అన్నారు. భారత ప్రధాని నరేంద్ర మోదీ ప్రత్యేకంగా పాకిస్థాన్ వెళ్లి నవాజ్ షరీఫ్ కు జన్మదిన శుభాకాంక్షలు తెలిపిన నేపథ్యంలో ముషార్రఫ్ ఈ వ్యాఖ్య చేశారు.
 
 ప్రతిదానికి పాకిస్థాన్ ను నిందించడం సరికాదన్నారు. ఉడీ సైనిక స్థావరంపై జరిగిన ఉగ్రవాదుల దాడికి పాకిస్థాన్ కారణమంటూ రాజకీయ ప్రయోజనాల కోసమే ఆరోపణలు చేస్తున్నారని అన్నారు. ఐక్యరాజ్యసమితిలో సుష్మా స్వరాజ్ ప్రసంగం డాబుసరిగా ఉందని విమర్శించారు. సార్క్ సమావేశాల నుంచి భారత్ తప్పుకోవడం బాధాకరమని వ్యాఖ్యానించారు. భారత్ ప్రభావితం చేయడం వల్లే అప్ఘనిస్థాన్, బంగ్లాదేశ్ కూడా సార్క్ సదస్సుకు దూరమయ్యాయని ఆరోపించారు. బలూచిస్థాన్ లో పాకిస్థాన్ జాతీయ పతకాలను తగులబెట్టిన వారికి కఠిన శిక్షలు తప్పవని హెచ్చరించారు.


 మధ్యతరగతి నుంచి అత్యున్నత శిఖరాలకు ఎదిగిన భారత క్రికెటర్‌ మహేంద్రసింగ్‌ ధోనీ జీవితకథ ఆధారంగా తెరకెక్కిన సినిమా 'ఎంఎస్‌ ధోనీ: ద అన్‌టోల్డ్‌ స్టోరీ'. ఉడీ ఉగ్రవాద దాడి నేపథ్యంలో దాయాది దేశాలు భారత్‌-పాకిస్థాన్‌ మధ్య తారస్థాయిలో ఉద్రిక్తతలు నెలకొన్న నేపథ్యంలో ఈ సినిమాపై ఆ ప్రభావం పడింది. భారత్‌లోని పాకిస్థానీ నటులు వెంటనే దేశం విడిచివెళ్లిపోవాలని రాజ్‌ ఠాక్రే నేతృత్వంలోని ఎమ్మెన్నెస్‌ బెదిరిస్తున్న నేపథ్యంలో పాకిస్థాన్‌ ఏకంగా 'ధోనీ' సినిమాపై నిషేధం విధించింది.
 
 'ధోనీ' సినిమాను పాకిస్థాన్‌లో విడుదల చేయవద్దని ఆ దేశం డిస్ట్రిబ్యూటర్లు నిర్ణయించారని 'మిడ్‌ డే' పత్రిక తెలిపింది. పాక్‌లో ఈ సినిమాను పంపిణీ చేయడానికి ఎవరూ ముందుకురాలేదని, దీంతో పాక్‌లో ఈ సినిమా విడుదల కాకపోవచ్చునని విశ్వసనీయవర్గాలను ఉటంకిస్తూ ఆ పత్రిక తెలిపింది. ఇరుదేశాల మధ్య నెలకొన్న మాటల యుద్ధం, ఉద్రిక్తతల నేపథ్యంలో సినిమాలపై ప్రభావం ఉంటుందని, భారత సినిమాలు పాక్‌లో విడుదల అయ్యే అవకాశం లేదని ఐఎంజీసీ గ్లోబల్‌ ఎంటర్‌టైన్‌మెంట్‌ చైర్మన్‌ అహ్మద్‌ రషీద్‌ తెలిపారు. ఇక కశ్మీర్‌ సమస్య పరిష్కారమయ్యేవరకు భారత్‌ సినిమాలు పాక్‌లో విడుదల కాకుండా నిషేధించాలని లాహోర్‌ హైకోర్టులో ఇప్పటికే పిటిషన్‌ దాఖలైంది.


 పాకిస్థానీ నటీనటులు భారతదేశాన్ని వదిలిపెట్టి వెళ్లిపోవాలన్న తమ నిర్ణయాన్ని మహారాష్ట్ర నవ నిర్మాణ సమితి (ఎంఎన్ఎస్) మరోసారి స్పష్టం చేసింది. వ్యక్తిగతంగా తమకు ఏ ఒక్కరిపైనా ఎలాంటి ద్వేషం లేదని, కానీ.. కళను దేశాన్ని వేరు చేయడం సాధ్యం కాదని ఎంఎన్ఎస్ ప్రతినిధి అమే ఖోప్కర్ అన్నారు.
 
 పాక్ నటీనటులను భారతదేశంలో చాలా గౌరవిస్తారని చెబుతూ.. ప్యారిస్‌లోను, సిరియాలోను ఉగ్రదాడులు జరిగినప్పుడు ఈ పాక్ నటులంతా స్పందించి, బాధితులకు సంఘీభావంగా ట్వీట్లు చేశారని, మరి ఉడీలో ఉగ్రవాదులు దాడిచేసి భారతీయ సైనికుల ప్రాణాలను బలిగొన్నప్పుడు వీళ్ల నోళ్లు ఏమైపోయాయని ఖోప్కర్ ప్రశ్నించారు. అందుకే ఉంటున్న దేశమంటే గౌరవం లేని వాళ్లు ఇక్కడ ఉండాల్సిన అవసరం లేదని ఆయన స్పష్టం చేశారు.


 ఇటీవలి కాలంలో భారతదేశం వైపు అమెరికా మొగ్గు చూపుతున్నట్లే కనిపించినా, మరోవైపు పాకిస్థాన్‌కు కూడా సాయం చేస్తూనే ఉంటుంది. అలాంటిది అమెరికాలోని ప్రఖ్యాత పత్రిక వాల్‌స్ట్రీట్ జర్నల్ తొలిసారిగా పాకిస్థాన్‌ను హెచ్చరిస్తూ ఓ కథనం ప్రచురించింది. భారత ప్రధాని నరేంద్రమోదీ స్నేహహస్తం చాస్తున్నారని, దాన్ని నిరాకరిస్తే మాత్రం పాక్ ఓ పనికిమాలిన దేశంగా మిగిలిపోతుందని తెలిపింది. భారతదేశం వ్యూహాత్మకంగానే సహనం పాటిస్తోందని, కానీ దాన్ని అలుసుగా తీసుకుంటే నష్టపోయేది పాకిస్థానేనని వాల్‌స్ట్రీట్ జర్నల్ తెలిపింది. మోదీ ప్రస్తుతానికి సహనం పాటిస్తున్నారని, కానీ ఇస్లామాబాద్ ఈ వైఖరి ఎక్కువకాలం అవలంబించడం సరికాదని, అలా చేస్తే ఇప్పుడు ఉన్నదానికంటే పనికిరాని దేశంగా పాక్ మిగిలిపోతుందని చెప్పింది. సరిహద్దుల్లో ఉగ్రవాదులకు ఆయుధాల సరఫరాను పాక్ కొనసాగిస్తే, భారత ప్రధానమంత్రి దానికి గట్టిగా సమాధానం చెప్పగలరని తెలిపింది.
 
 ఉగ్రవాద విషయంలో భారత్ నైతిక విలువలను ఎప్పుడూ పాటిస్తూనే ఉందని, కానీ ఆ విషయాన్ని గట్టిగా చెప్పడానికి గతంలో ఉన్న కాంగ్రెస్, బీజేపీ ప్రభుత్వాలు ధైర్యం చేయలేకపోయాయని ఆ కథనం పేర్కొంది. ఆ వ్యూహాత్మక మౌనం వల్ల పాకిస్థాన్‌ ఎన్నిసార్లు దాడులకు పాల్పడినా.. ఆ ఉగ్రవాదానికి ఎప్పుడూ బాధ్యురాలిగా చేయలేదని కూడా తెలిపింది. ఇప్పటికిప్పుడు ఎలాంటి సైనిక చర్య తీసుకోకూడదన్న ప్రధాని మోదీ నిర్ణయాన్ని అమెరికన్ పత్రిక ప్రశంసించింది. దానికి బదులు పాకిస్థాన్‌ను అంతర్జాతీయంగా ఒంటరిని చేసే ప్రయత్నాలు చేస్తున్నారని తెలిపింది. 1960 నాటి సింధు నదీజలాల ఒప్పందాన్ని రద్దు చేయడం, మోస్ట్ ఫేవర్డ్ నేషన్ హోదాను తప్పించడం లాంటి చర్యల ద్వారా పాక్‌ను అణగదొక్కే ప్రయత్నాలపై ఆలోచిస్తున్నారని కథనంలో వివరించింది.
 
 ఉడీ ఉగ్రదాడి తర్వాత భారత విధాన నిర్ణేతలకు తీవ్రస్థాయిలో కోపం, చికాకు వచ్చాయని, దాంతో తక్షణం సైనిక చర్య తీసుకోవాలన్న ఒత్తిడులు కూడా వచ్చాయని ఆ పత్రిక చెప్పింది. భారీ సైనిక దాడి చేస్తే ప్రజల్లో ఉన్న ఆవేశం కూడా కొంతవరకు తగ్గుతుందని.. కానీ దానివల్ల భారత ప్రభుత్వ రాజకీయ, ఇతర ప్రయోజనాలు నెరవేరుతాయో లేదో మాత్రం అనుమానమేనని వాల్‌స్ట్రీట్ జర్నల్ పేర్కొంది.


 పాకిస్థాన్ సరికొత్త వాదన మొదలుపెట్టింది. జమ్ము కశ్మీర్‌లోని ఉడీ పట్టణంలో భారత ఆర్మీ శిబిరంపై దాడి చేసి 19 మంది సైనికులను పొట్టన పెట్టుకున్నది పాక్ వాళ్లు కారట.. భారతదేశమే దానికి కుట్రపన్ని మరీ ఆ పనిచేసిందని ఆ దేశ రక్షణ మంత్రి ఖ్వాజా ఆసిఫ్ అంటున్నారు. సెప్టెంబర్ 18 నాటి ఆ దాడి వెనుక పాకిస్థాన్ హస్తం ఉందనడానికి ఇంతవరకు ఎలాంటి ఆధారాలు లేవని ఆయన చెప్పారు. పాకిస్థాన్‌లోని ఉగ్రవాద సంస్థ జైషే మహ్మద్ పేరును కావాలనే వాళ్లు ప్రస్తావిస్తున్నారని, నిజానికి ఆ కుట్ర భారతదేశమే రచించిందని ఆరోపించారు.
 
 పాకిస్థాన్‌లో తయారైన మందులు, అక్కడే కొన్నట్లుగా రుజువైన రెడ్‌బుల్ క్యాన్లు వీటన్నింటినీ చూపించడమే కాక పాకిస్థాన్ రాయబారిని స్వయంగా పిలిపించి ఆ ఆధారాలను కూడా భారత్ ఆయనకు ఇచ్చిన విషయం తెలిసిందే. ఇంత జరిగినా, ఉడీ దాడిపై అంతర్జాతీయ సమాజం దృష్టిని మళ్లించేందుకు పాకిస్థాన్ ఇలాంటి పనికిమాలిన ఆరోపణలకు దిగింది. పాకిస్థాన్‌ను ఉగ్రవాద దేశంగా ప్రకటించాలంటూ అమెరికన్ కాంగ్రెస్‌లో ఒక బిల్లు కూడా చర్చలో ఉందన్న విషయాన్ని ఖ్వాజా ఆసిఫ్ వద్ద ప్రస్తావించగా.. నాలుగైదు గొంతుకలు లేచినంత మాత్రాన పాకిస్థాన్‌ను ఉగ్రవాద దేశంగా ప్రకటించడం సాధ్యం కాదని చెప్పారు.


 
 అబ్దుల్‌ బాసిత్‌కు సమన్లు
 
 ఉడీ దాడిపై ఆధారాలు అందజేత
 
 
 న్యూఢిల్లీ: ఉడీ ఉగ్రవాద దాడి నేపథ్యంలో దాయాది పాకిస్థాన్‌పై భారత్‌ తన దౌత్య దాడిని తీవ్రతరం చేసింది. ఢిల్లీలోని పాకిస్థాన్‌ హైకమిషనర్‌ అబ్దుల్‌ బాసిత్‌కు మంగళవారం సమన్లు జారీచేసింది. అంతేకాకుండా ఉడీ దాడిలో పాకిస్థాన్‌ హస్తాన్ని నిరూపించే ఆధారాలను అబ్దుల్‌ బాసిత్‌కు అందించింది.
 
 ’విదేశాంగ కార్యదర్శి ఎస్‌ జైశంకర్‌ అబ్దుల్‌ బాసిత్‌ను పిలిపించి మాట్లాడారు. సరిహద్దుల్లో (పాక్‌ ఉగ్రవాదుల) చొరబాట్లకు సహకరించిన ఇద్దరు గైడ్లను స్థానిక గ్రామస్తులు పట్టుకున్నారని, వారు ప్రస్తుతం పోలీసు కస్టడీలో ఉన్నారని బాసిత్‌కు తెలియజేశారు’అని విదేశాంగ అధికార ప్రతినిధి వికాస్‌ స్వరూప్‌ మంగళవారం ట్వీట్‌ చేశారు.
 
 ’ప్రాథమిక దర్యాప్తు ప్రకారం ఉడీలో దాడికి పాల్పడిన ఉగ్రవాదుల్లో ఒకడిని హఫీజ్‌ అహ్మద్‌గా గుర్తించారు. అతను పాకిస్థాన్‌ ముజఫరాబాద్‌లోని దర్భాంగ్‌కు చెందిన ఫిరోజ్‌ కొడుకు అని తేలింది’ అని ఆయన తెలిపారు. ఉడీలో దాడికి దిగిన మరో ఇద్దరిని మహ్మద్‌ కబీర్‌ అవాన్‌, బషారత్‌గా గుర్తించినట్టు తెలిపారు. భారత్‌కు వ్యతిరేకంగా పాకిస్థాన్‌ సీమాంతర ఉగ్రవాదులు దాడులు కొనసాగించడం ఎంతమాత్రం ఆమోదనీయం కాదని బాసిత్‌కు తేల్చి చెప్పినట్టు ఆయన పేర్కొన్నారు.
 
 పాక్‌ రాయబారి బాసిత్‌కు భారత్‌ సమన్లు జారీచేయడం ఇది రెండోసారి. ఉడీ ఉగ్రవాద దాడి నేపథ్యంలో సెప్టెంబర్‌ 21న కూడా ఆయనకు విదేశాంగ కార్యదర్శి సమన్లు జారీచేశారు. 18మంది సైనికుల్ని పొట్టనబెట్టుకున్న ఉడీ ఉగ్రవాద దాడి నేపథ్యంలో పాకిస్థాన్‌ను దౌత్యపరంగా అంతర్జాతీయంగా ఏకాకిని చేయాలని, ఆర్థికంగా, సైనికంగా దెబ్బకొట్టే వ్యూహాలు రచించాలని మోదీ ప్రభుత్వం నిర్ణయించిన సంగతి తెలిసిందే.


 
 ఒప్పందం నుంచి భారత్ ఏకపక్షంగా తప్పుకోలేదు
 
 ఇంటర్నేషనల్‌ కోర్టుకు వెళుతామని వ్యాఖ్య
 
 ఇస్లామాబాద్: సింధు నది జలాల పంపిణీ ఒప్పందం నుంచి తప్పుకోవాలన్న భారత్‌ నిర్ణయంపై పాకిస్థాన్‌ గగ్గోలు పెట్టింది. ఈ ఒప్పందాన్ని భారత్‌ ఉల్లంఘిస్తే.. తాము అంతర్జాతీయ న్యాయస్థానాన్ని ఆశ్రయిస్తామని పేర్కొంది. ఉడీ ఉగ్రవాద దాడి నేపథ్యంలో సింధు నదీ జలాలపై భారత్‌-పాకిస్తాన్‌ చర్చలను రద్దు చేయాలని మోదీ ప్రభుత్వం నిర్ణయించిన సంగతి తెలిసిందే. నెత్తురు, నీళ్లు కలిసి ప్రవహించలేవంటూ ఈ ఒప్పందంపై సమీక్షా సమావేశంలో ప్రధాని మోదీ పేర్కొన్న సంగతి తెలిసిందే.
 
 'అంతర్జాతీయ చట్టాల ప్రకారం భారత్‌ ఏకపక్షంగా  ఈ ఒప్పందం నుంచి తప్పుకోలేదు' అని పాకిస్థాన్‌ ప్రధాని నవాజ్‌ షరీఫ్‌ విదేశీ వ్యవహారాల సలహాదారు సర్తాజ్‌ అజిజ్‌ మంగళవారం పేర్కొన్నారు. పాక్‌ జాతీయ అసెంబ్లీని ఉద్దేశించి మాట్లాడిన ఆయన.. కార్గిల్‌ యుద్ధం, సియాచిన్‌ సంఘర్షణ సమయంలోనూ ఈ ఒప్పందాన్ని ఉల్లంఘించలేదని గుర్తుచేశారు. ప్రపంచబ్యాంకు మధ్యవర్తిత్వంతో కుదిరిన సింధు నది ఒప్పందాన్ని భారత్‌ ఏకపక్షంగా రద్దు చేయలేదని, ఒప్పందాన్ని రద్దుచేయడానికిగానీ, ఒప్పందం నుంచి తప్పుకోవడానికిగానీ ఎలాంటి నిబంధనలు లేవని, ఇది కుదరదని సర్తాజ్‌ అజిజ్‌ పేర్కొన్నారు.


 కాన్పూర్: ఇటీవల ఉడీ సెక్టార్‌లో ఉగ్రవాదుల దాడిలో అమరులైన జవాన్ల కుటుంబాలకు టెస్టుకెప్టెన్ విరాట్ కోహ్లి తన ప్రగాఢ సానుభూతిని తెలిపాడు. ఇలాంటి పిరికి చర్యలు దేశంలోని ప్రతి ఒక్కరి మనసును గాయపరుస్తాయని అన్నాడు. ‘నిరంతరం ఇలాంటి సంఘటనలు జరగడం దురదృష్టకరం. సైనికుల కుటుంబాల గురించి ఆలోచిస్తే ఆవేదనగా ఉంది. ఓ భారతీయుడిగా ఈ దుర్ఘటనలో నష్టపోరుున కుటుంబాలకు సానుభూతి తెలుపుతు న్నాను’ అని కోహ్లి తెలిపాడు.


 ఉడీ ఉగ్రవాద దాడి అనంతరం భారత్, పాకిస్తాన్‌ల మధ్య వాగ్యుద్ధం తీవ్ర స్థాయికి చేరి, అది యుద్ధ వాతావరణం దిశగా పోతున్నదని అందరూ అనుకుంటున్న సమయంలో రాఫెల్ యుద్ధ విమానాల ఒప్పందంపై భారత్-ఫ్రాన్స్ దేశాలు సంతకాలు చేశాయి. వాస్తవానికి ఇప్పుడు కుదిరిన ఒప్పందం లాంఛనమే. ప్రధాని నరేంద్ర మోదీ 17 నెలలక్రితం ఫ్రాన్స్ వెళ్లినప్పుడు ఇందుకు సంబంధించి సూత్ర ప్రాయమైన అంగీకారం కుదిరింది. ఇంకా వెనక్కు వెళ్తే 2012లో అప్పటి యూపీఏ ప్రభుత్వం రాఫెల్ యుద్ధ విమానాల కోసం వాటిని ఉత్పత్తి చేసే డసాల్ట్ సంస్థతో ఒప్పందం కుదుర్చుకుంది. మొత్తంగా రూ. 1.34 లక్షల కోట్ల వ్యయంతో 126 యుద్ధ విమానాలు కొనడం దాని సారాంశం.
  
  2015కల్లా 18 విమానాలను సమ కూరుస్తామని ఆ సందర్భంగా డసాల్ట్ సంస్థ పూచీపడింది. కానీ అందుకు సంబం ధించిన తదుపరి చర్చల్లో ప్రతిష్టంభన ఏర్పడింది. నేరుగా 18 విమానాలు అంద జేసి, మిగిలిన 108 విమానాలకు సంబంధించి సాంకేతిక పరిజ్ఞానాన్ని బదిలీచేసి బెంగళూరులోని హిందూస్థాన్ ఏరోనాటిక్స్(హెచ్‌ఏఎల్)లో వాటిని ఉత్పత్తిచేసేలా లెసైన్స్ ఇస్తామన్న సంస్థ మళ్లీ వెనక్కు తగ్గింది. నిరుడు ఏప్రిల్‌లో మోదీ ఫ్రాన్స్ పర్యటించినప్పుడు కదలిక వచ్చింది. పాత ఒప్పందం స్థానంలో కొత్త ఒప్పందం కుదుర్చుకోవాలని ఇరు దేశాలూ నిర్ణయించుకున్నాయి. గతంలో యూపీఏ ప్రభుత్వం నేరుగా డసాల్ట్‌తో ఒప్పందం కుదుర్చుకోగా... అందుకు భిన్నంగా మోదీ ఫ్రాన్స్ ప్రభుత్వంతో దీన్ని ముడిపెట్టారు. 36 విమానాలు అందజేయడం ఆ ఒప్పందం సారాంశం. వాటి విలువ రూ. 64,000 కోట్లుగా లెక్కేశారు.
  
  అయినా తుది ఒప్పందానికి ఇన్నాళ్ల సమయం పట్టింది. ఈ 17 నెలల బేరసారాల్లో ఇది ప్రస్తుతం రూ. 59,000 కోట్లకు చేరిందని రక్షణ మంత్రి మనోహర్ పరీకర్ ప్రకటిం చారు. ఇప్పుడు కూడా తొలి విమానం మరో రెండేళ్లకుగానీ అందదు. రక్షణ ఒప్పం దాలు ఎంత సంక్లిష్టమైనవో, అవి సాకారం కావడానికి ఎంత సుదీర్ఘ సమయం అవసరమవుతుందో దీన్నిబట్టి అర్ధం చేసుకోవచ్చు. అందువల్లే ఈ విషయంలో చాలా ముందుచూపు అవసరమవుతుంది. మరో పాతికేళ్లకు ఎలాంటి పరిస్థితులుం టాయో, వాటిని దీటుగా ఎదుర్కొనేందుకు మనం తీసుకోవలసిన చర్యలేమిటన్న అంశాల్లో స్పష్టమైన అవగాహన ఉండాలి. అందుకు అనుగుణంగా అడుగులేయాలి.
  
  ఎన్నో ఏళ్లుగా మన వైమానిక దళం యుద్ధ విమానాల కొరతను ఎదుర్కొం టున్నది. ఒకప్పుడు పాకిస్తాన్‌ను గడగడలాడించిన మిగ్-21, మిగ్-27 యుద్ధ విమానాలకు వయసు మీదపడింది. అవి తెల్ల ఏనుగుల్లా మారాయి. ఖర్చు బారెడు.. ప్రయోజనం మూరెడు అన్న చందంగా తయారైంది. పేరుకు వంద విమా నాలున్నాయన్న పేరే గానీ... వాటిలో ఏ సమయంలోనైనా దాదాపు 60కి మించి అందుబాటులో ఉండవు. మిగిలినవి ఎప్పుడూ మరమ్మతుల్లోనే ఉంటాయి. గతంలో మనతో పోలిస్తే ఎంతో వెనకబడి ఉన్న పాక్ కొన్నేళ్లుగా రక్షణ కొనుగోళ్లలో చురుగ్గా ఉంది. పాక్ సంగతి వదిలిపెట్టినా మొత్తంగా ప్రపంచవ్యాప్తంగానే ఈ కొనుగోళ్లు గణనీయంగా పెరిగాయి. ప్రతి దేశమూ రక్షణ అవసరాలపై చేస్తున్న వ్యయాన్ని బాగా పెంచింది. ఈ నేపథ్యంలో వైమానిక దళం వినతులపై ప్రభుత్వం దృష్టిసారించింది. 2000 సంవత్సరంలో యుద్ధ విమానాల కొనుగోలుకు నిర్ణయిం చాక ప్రపంచవ్యాప్తంగా ఉన్న పలు సంస్థలు వాటిని అమ్ముతామంటూ పోటీప డటం మొదలెట్టాయి.
  
  పోటీదారు ఉత్పత్తి చేసే యుద్ధ విమానాలతో పోలిస్తే తమ ఉత్పత్తులు అన్నివిధాలా మెరుగైనవని ఒప్పించే ప్రయత్నం చేశాయి. జాబితా నుంచి తమ దేశానికి చెందిన సంస్థను ప్రాథమిక దశలోనే తొలగించారని తెలుసు కున్నాక అమెరికా తీవ్ర నిరాశకు గురైంది. భారత్‌ను ఒప్పించడంలో విఫలమయ్యా రన్న అభిప్రాయం అమెరికా ప్రభుత్వానికి కలగడంతో భారత్‌లో తమ రాయ బారిగా ఉన్న తిమోతి రోమెర్‌ను పదవినుంచి తప్పించారన్న కథనాలు వచ్చాయి. చివరకు ఫ్రాన్స్ సంస్థ డసాల్ట్‌ను ఎంపిక చేశారని తెలిశాక బ్రిటన్, జర్మనీ, స్పెయిన్, ఇటలీ దేశాలకు చెందిన కన్సార్టియానికి కూడా తీవ్ర అసంతృప్తి కలిగింది. తాము ఉత్పత్తి చేసే యుద్ధ విమానాలతో పోలిస్తే రాఫెల్ ఏమంత మెరుగైంది కాదన్న ప్రచారాన్ని ప్రారంభించాయి.  
  
  అయితే ఇప్పుడు కుదిరిన ఒప్పందాన్ని మెచ్చుకుంటున్నవారున్నట్టే విమర్శి స్తున్నవారూ లేకపోలేదు. తక్షణం వినియోగంలోకొచ్చే విధంగా 36 యుద్ధ విమా నాలు మన అమ్ములపొదిలో చేరబోతున్నాయని నిరుడు మోదీ ప్రకటించారు. ఇప్పుడు పరీకర్ చెబుతున్న ప్రకారం తొలి విమానం రావడానికే మరో రెండేళ్లు పడుతుంది. వాస్తవానికి 36 యుద్ధ విమానాలూ మన వైమానిక దళ అవసరాలకు ఏమాత్రం సరిపోవు. కనీసం వంద విమానాల అవసరం ఉన్నదని అంటున్నారు. ఈ స్థితిలో గత 17నెలలుగా ఫ్రాన్స్ ఎటూ తేల్చకుండా నాన్చింది. సాంకేతిక పరిజ్ఞానాన్ని బదిలీ చేసేందుకు వెనకాడింది. అందువల్లే ఒక దశలో పరీకర్ విసుగు చెంది ప్రత్యామ్నాయ ప్రతిపాదనల వైపు మొగ్గుచూపారు.
  
  లాక్‌హీడ్ మార్టిన్, బోయింగ్ తదితర సంస్థల ప్రతినిధులతో చర్చలు జరిపారు. ఆ మూడు సంస్థలూ సాంకేతిక పరిజ్ఞానం బదిలీకి అంగీకరించాయి కూడా. వీటిలో ఏదో ఒక సంస్థను ఖరారు చేయడానికి అవసరమైన చర్యలు తీసుకుంటామని పరీకర్ అన్నారు. అయితే అనూహ్యంగా మళ్లీ రాఫెల్ రంగంలోకొచ్చింది. ఇందులో ఎన్నో అనుకూ లాంశాలు లేకపోలేదు. మన అవసరాలకు తగిన విధంగా విమానం డిజైన్‌లో మార్పులు చేసేందుకూ... ముఖ్యంగా లేహ్‌వంటి గడ్డకట్టే చలి ప్రాంతాల్లో కూడా అవి సమర్ధవంతంగా పనిచేసేందుకూ డసాల్ట్ చర్యలు తీసుకుంటున్నది. అలాగే పలు ఇతర సదుపాయాల కల్పనకు కూడా అంగీకరించింది. అయితే కీలకమైన సాంకేతిక పరిజ్ఞానం బదిలీ అలాగే ఉండిపోయింది. మన హెచ్‌ఏఎల్‌లోనే వాటిని ఉత్పత్తి చేసేలా ఒప్పించి ఉంటే ఎన్‌డీఏ సర్కారు నినాదం ‘మేక్ ఇన్ ఇండియా’ స్ఫూర్తి నెరవేరేది. రక్షణ అవసరాలు తరుముకొస్తున్న సంగతి వాస్తవమే అయినా ఈ విషయంలో మరింత పట్టుబట్టవలసింది.


 న్యూఢిల్లీ: భారత సైనిక స్థావరాలపై దాడులకు తెగబడుతున్న పాకిస్థాన్‌ పీచమణచడానికి సంప్రదాయక యుద్ధం చేయడం అంత సులువు కాకపోతే జల యుద్ధం చేయాలని పలు వర్గాల నుంచి నరేంద్ర మోదీ ప్రభుత్వానికి సూచనలు, సలహాలు వస్తున్నాయి. జల యుద్ధం అంటే ఇరు దేశాల మధ్య పారుతున్న నదుల పరివాహక ప్రాంతాల్లో జల వనరుల పంపిణీ ఒప్పందాన్ని రద్దు చేసుకోవడమే.
 
 ఈ నేపథ్యంలోనే ప్రధానమంత్రి నరేంద్ర మోదీ సోమవారం సింధు నదీ జలాల ఒప్పందంపై పలువురు ఉన్నతస్థాయి అధికారులతో చర్చించారు. ఆ ఒప్పందాన్ని మనం ఏకపక్షంగా రద్దు చేసుకోవచ్చా? ఏకపక్షంగా చేసుకున్నా అది ఎవరికి నష్టం, ఎవరికి లాభం? ఫలితంగా  ఇరు దేశాలు ఎలాంటి పర్యవసానాలను ఎదుర్కోవాల్సి వస్తుంది?
 
 భారత్, పాకిస్థాన్‌ దేశాల మధ్య ప్రసిద్ధ సింధూతోపాటు జీలం, చీనాబ్, సట్లేజ్, బియాస్, రావి అనే ఉప నదులు పారుతున్నాయి. ఈ నదీ జలాల పంపకం కోసం 1960లో ప్రపంచ బ్యాంకు మధ్యవర్తిత్వంతో ఇరుదేశాల మధ్య అంగీకారం కుదిరింది. పశ్చిమ ప్రాంతంలో ప్రవహిస్తున్న సింధూ, జీలమ్, చీనాబ్‌ నదుల జలాలను పాకిస్థాన్‌ ఎక్కువగా వాడుకుంటే, తూర్పున ప్రవహిస్తున్న సట్లేజ్, బియాస్, రవి నదుల జలాలను భారత్‌ ఎక్కువగా వినియోగించుకుంటోంది.
 
 ఈ ఆరు నదులు భారత భూభాగం నుంచే పోతున్నందున పాకిస్థాన్‌తో కుదుర్చుకున్న ‘సింధూ ఒప్పందం’ రద్దు చేసుకొని పాకిస్థాన్‌కు నదీ జలాలు వెళ్లకుండా నియంత్రించాలన్నది పలు వర్గాల నుంచి భారత ప్రభుత్వానికి అందుతున్న సూచన. తద్వారా పాకిస్థాన్‌ తీవ్రంగా దెబ్బతిని భారత్‌ దారికొస్తుందన్నది వారి వాదన. ఈ ఒప్పందం విషయంలో ఎప్పుడైనా వివాదం తలెత్తితే జోక్యం చేసుకునే అధికారం పరిమితంగానైనా ప్రపంచ బ్యాంకుకు ఉంది. సమస్య పరిష్కారం కోసం అంతర్జాతీయ ‘మధ్యవర్తి’ని ప్రపంచ బ్యాంకు నియమించవచ్చు. దీన్ని పట్టించుకోకుండా కూడా భారత్‌ ఒప్పందాన్ని రద్దు చేసుకోవచ్చు.
 
 అయితే ఈ ఆరు నదుల్లో నీటిని దిగువకు వదలకుండా నిల్వ చేసుకోవడానికి భారీ డ్యామ్‌లేవీ మన భూభాగంలో లేవు. వాటిని నిర్మించుకోవడానికి మనకు చాలాకాలమే పడుతుంది. ఒకవేళ నిర్మించినప్పటికీ నీటిని మనవైపు మళ్లించేందుకు ఆస్కారమే లేదు. ఇరుదేశాల సరిహద్దుల్లో వున్న భౌగోళిక పరిస్థితులే అందుకు కారణం. భారీ డ్యామ్‌లు నిర్మించుకున్నా కొంతకాలం మాత్రమే నీటిని దిగువకు విడుదల చేయకుండా ఆపగలంగానీ, ఎక్కువ సేపు ఆపలేం. డ్యామ్‌లు నిండితే వదలకుండా ఏం చేయలేం. ఢిల్లీలోని డిఫెన్స్‌ స్టడీస్‌ అండ్‌ అనాలసిస్‌లో పరిశోధన చేస్తున్న ఉత్తమ్‌ కుమార్‌ లాంటి వారు ఎంతో మంది అక్కడి భౌగోళిక పరిస్థితుల గురించి ఇదివరకే వివరించారు.
 
 పాక్‌తో సింధూ జల వనరుల పంపిణీ ఒప్పందాన్ని రద్దుచేసుకుంటే  బంగ్లా, నేపాల్‌ దేశాలతో మనం చేసుకున్న అంతర్జాతీయ ఒప్పందాల ప్రకారం ఆ దేశాలకు నీరివ్వలేం. వాటితో కూడా అంతర్జాతీయ వివాదాలను ఎదుర్కోవాల్సి వస్తుంది. దేన్ని ఖాతరు చేయకుండా తాత్కాలికంగానైనా పాక్‌కు నదుల జలాలను నిలిపేయాలకుంటే చైనా తక్షణమే రంగప్రవేశం చేస్తుంది. సింధూ, సట్లేజ్‌ నదులు టిబెట్‌ నుంచి పారుతున్నందున టిబెట్‌ చైనా ఆధీనంలో ఉండడం వల్ల అక్కడ ఆ నదులకు అడ్డుకట్ట వేస్తోంది. ఇటీవలనే ఈ విషయాన్ని చైనా స్పష్టం చేసింది కూడా.
 
 ఏ రకంగా చూసినా జల యుద్ధం అన్ని రకాలుగా భారత్‌కే నష్టం. అందుకనే భారత్, పాక్‌ మధ్య జరిగిన 1965, 1971, 1999 యుద్ధాలేవి ఈ జల వనరుల ఒప్పందంపై ప్రభావం చూపలేకపోయాయి.


 న్యూఢిల్లీ: అస్థిర ప్రభుత్వాలు, ఉగ్రవాదం, అవినీతి యంత్రాంగం.. ఒక దేశానికి ఎన్ని అవలక్షణాలుండాలో అంతకుమించే ఉన్న పాకిస్థాన్ ఆర్థిక శక్తిగా కొనసాగుతుండటానికి ప్రధాన కారణం.. సింధూ నదీ జలాలు. పాక్ జీవనాడి అయిన ఈ నదీ జలాలపై 56 ఏళ్ల కిందట చేసుకున్న ఒప్పందాలను రద్దు చేసుకోవాలని లేదా పునఃసమీక్షించుకోవాని భారత ప్రభుత్వం భావిస్తోంది. ఈ క్రమంలోనే ప్రధాని నరేంద్ర మోదీ సోమవారం 'సింధు నదీ జలాల ఒప్పందం'పై పలువురు ఉన్నతస్థాయి అధికారులతో చర్చించారు. భేటీ అనంతరం జలవనరుల శాఖ అధికారులు మీడియాతో మాట్లాడుతూ.. ప్రభుత్వ నిర్ణయాలు త్వరలోనే అందరికీ వెల్లడిస్తామని వ్యాఖ్యానించారు. కాగా ఇదే సమావేశంలో ప్రధాని మోదీ.. 'భారత్,పాక్ల మధ్య నెత్తురూ, నీళ్లూ ఒకేసారి ప్రవహించలేవు'అని అన్నట్లు విశ్వసనీయంగా తెలిసింది.
 
 సెప్టెంబర్ 18నాటి ఉడీ ఉగ్రదాడి అనంతరం దౌత్యపరంగా, వ్యూహాత్మకంగా పాకిస్థాన్ కు గట్టిగా బుద్ధి చెబుతామని ప్రకటించిన మోదీ ప్రభుత్వం ఆమేరకు 1960నాటి సింధూ నదీ జలాల ఒప్పందంపై దృష్టిసారించింది. సోమవారంనాటి ఉన్నతస్థాయి భేటీలో జాతీయ భద్రతా సలహాదారు అజిత్ దోవల్, విదేశాంగ శాఖ కార్యదర్శి ఎస్.జైశంకర్, కేంద్ర జల వనరుల మంత్రిత్వ శాఖ శశిశేఖర్, ఇతర ఉన్నతాధికారులు పాల్గొన్నారు. ఈ సమావేశంలో చర్చించిన అంశాలను తిరిగి క్యాబినెట్ భేటీలో చర్చించిన తరువాతే సింధూ జలాల ఒప్పందంపై ప్రధాని తుది నిర్ణయాన్ని వెల్లడిస్తారు. ఆ తర్వాత ఇదే విషయాన్ని పాకిస్థాన్ తో చర్చిస్తారు.
 
 పాక్ను మనం కొడితే.. చైనా మనని కొడుతుంది!
 పాక్ జీవనాడిపై దెబ్బ కొడితే ఆ దేశం కకావికలం కావడం ఖాయం. ప్రపంచంలోనే అద్భుతమైన నీటిపారుదల వ్యవస్థల్లో ఒకటైన సింధూ డెల్టాయే పాకిస్థాన్ కు ఆదరువు. పలు ఫ్రావిన్స్ లను సస్యశామలం చేసే సింధూ నది.. కరాచీ సమీపంలో అరేబియా సముద్రంలో కలుస్తుంది. సింధుతోపాటు దీని ఉపనదులైన జీలం-చినాబ్‌-బియాస్‌-రావి-స‌ట్లెజ్ నదులపై 1960లో నాటి భారత్ పాక్ ప్రధానులు జవహర్ లాల్ నెహ్రూ, అయూబ్ ఖాన్ లు ఒప్పందం కుదుర్చుకున్నారు. తద్వారా తూర్పు నదులైన బియాస్, రావీ, సట్లెజ్ నదులపై భారత్‌కు, పశ్చిమ నదులైన సింధు, చీనాబ్, జీలంపై పాక్‌కు నియంత్రణ లభించింది.  లు ఒప్పందాన్ని కుదుర్చుకున్నాయి. తూర్పు నదులైన బియాస్, రావీ, సట్లెజ్ నదులపై భారత్‌కు, పశ్చిమ నదులైన సింధు, చీనాబ్, జీలంపై పాక్‌కు నియంత్రణ లభించింది.
 
 అయితే సింధూ ప్రారంభస్థానం చైనాలో ఉన్నందున భారత్ తీసుకోబోయే ఎలాంటి నిర్ణయానికైనా అడ్డుపడే అవకాశం ఆ దేశానికి ఉంది. తన ఆధీనంలోని సింధు జలాలను భారత్ లోకి రానీయకుండా చైనా అడ్డుకుంటే ప్రస్తుతం మనం వాడుకుంటున్న 36 శాతం నీళ్లు కూడా దక్కకుండా పోతాయి. అంతేకాదు తన స్నేహితుడు పాకిస్థాన్ పై భారత చర్యకు ప్రతీకారంగా చైనా బ్రహ్మపుత్ర ప్రవాహాన్ని కూడా అడ్డుకునే అవకాశాలున్నాయి. చైనాగానీ బ్రహ్మపుత్ర జలాలను అడ్డుకుంటే తూర్పు, ఈశాన్య రాష్ట్రాలతోపాటు బంగ్లాదేశ్ ఘోరంగా దెబ్బతింటాయి. అదీగాక భారత్- పాకిస్థాన్-చైనాలు సంయుక్తంగా ఇప్పటివరకు ఎలాంటి అంతర్జాతీయ జల ఒప్పందాలు చేసుకోలేదు.
 
 కశ్మీర్ నీట మునగటం ఖాయం
 సింధూ జలాలను ఉన్నపళంగా అడ్డుకుంటే గనుక భారత్.. అంతర్జాతీయ నదీ జలాల చట్టాలను ఉల్లంఘించినట్లవుతుంది. పాక్ ను ఒంటరి చేయాలనే నిర్ణయాన్ని సమర్థించేవారి విశ్వాసాన్ని కూడా కోల్పోయేప్రమాదం ఉంటుంది. అన్నింటికంటే ముఖ్యంగా సింధూ జలాలను సరైన పద్ధతిలో మళ్లించలేకపోతే కశ్మీర్ మొత్తం నీట మునుగుతుంది. కాబట్టి ఇప్పటికిప్పుడే నదీ జలాల అడ్డుకట్ట ఉండదు. అయితే ఒప్పందాలను మాత్రమే రద్దు చేసుకుని పాక్ పై ఒత్తిడిపెంచాలని భారత్ భావిస్తోంది.


 న్యూఢిల్లీ: అంతర్జాతీయ సమాజంలో పాకిస్థాన్ను ఒంటరి చేయాలనకుంటున్న భారత్కు ఆ విషయం ఒక కలగానే మిగిలిపోతుందని పాక్కు చెందిన దౌత్యవేత్త ఒకరు అన్నారు. పాక్ ను ఒంటిరి చేయాలని చూస్తే భారత్ తానంతట తాను ఒంటరి అవ్వాలనుకోవడమే అని విమర్శించారు. పాక్ తో యుద్ధం చేయాలని భారత్ అనుకోదని, అలా చేస్తే ఆ దేశ ఆర్థిక వ్యవస్థ పూర్తిగా పతనం అవుతుందని వారికి తెలుసని అందుకే ప్రస్తుతం యుద్ధం జరిగే అవకాశం లేదని చెప్పారు. ఈ మేరకు ఓ కథనాన్ని పాక్ కు చెందిన డాన్ పత్రికలో ఆ దౌత్య వేత్త పేరు ప్రకటించకుండా వెల్లడించింది.
 
 ఉడీ ఉగ్రదాడి అనంతరం పాకిస్థాన్ ఉగ్రవాద దేశం అని ప్రపంచ వ్యాప్తంగా ఎక్కడ ఉగ్రవాద దాడి జరిగిన దాని మూలాలు పాక్ లోనే ఉన్నాయని, ఆ దేశాన్ని అంతర్జాతీయ సమాజంలో ఒంటరిని చేస్తామని ప్రధాని నరేంద్రమోదీ ఘాటుగా స్పందించిన విషయం తెలిసిందే. ఈ నేపథ్యంలో భారత్ అసలు యుద్ధాన్ని ఎంచుకోదని పాక్ కు చెందిన పలువురు దౌత్యవేత్తలు ధీమా వ్యక్తం చేసినట్లు ఆ కథనం వెల్లడించింది. 'యుద్ధం ఉండబోదు. ఇప్పటికే ఇరు దేశాలు వాస్తవ పరిస్థితిని గుర్తించాయి. రెండు దేశాల ఆర్థిక వ్యవస్థ కుప్పకూలుతుందనే నిర్ణయానికి వచ్చాయి. అందుకే యుద్ధాన్ని ఇండియా ఎంచుకోదు' అని ఓ దౌత్య వేత్త అన్నట్లు పాక్ డాన్ పత్రిక కథనాన్ని వెలువరించింది.


 న్యూఢిల్లీ: ఉడీ తరహా దాడిని అడ్డుకునేలా సరైన చర్యలు తీసుకోవడంలో ప్రధాని మోదీ విఫలమయ్యారని కాంగ్రెస్ పార్టీ విమర్శించింది. ఉగ్రవాదాన్ని ఉక్కు పిడికిలితో నిర్మూలిస్తామన్న మోదీ ఎన్నికల వాగ్దానం మోసపూరితమని తేలిపోయిందంటూ కాంగ్రెస్ అధికార ప్రతినిధి సూర్జేవాలా విమర్శించారు. కొజికోడ్ సభలో ఉగ్రవాదాన్ని ఎదుర్కొనేందుకు తీసుకునే చర్యల్ని వెల్లడించడంలో మోదీ విఫలమయ్యారన్నారు. తన వాగ్బాణాలతో మోదీ పాక్‌ను నాశనం చేశారంటూ కాంగ్రెస్ సీనియర్ నేత దిగ్విజయ్ ట్వీట్ చేశారు.


 ♦ ఉడీ ఘటనపై దేశమంతా ఆగ్రహం
 ♦ కశ్మీర్‌కు శాంతి, ఐకమత్యంతోనే పరిష్కారం
 ♦ మన్‌కీ బాత్‌లో ప్రధాని మోదీ
  న్యూఢిల్లీ: ఉడీ ఘటన దేశం మొత్తాన్ని కలచివేసిందని.. దాడికి పాల్పడిన వారిపై  ప్రతీకారం తీర్చుకుంటామని ప్రధాన మంత్రి నరేంద్ర మోదీ పునరుద్ఘాటించారు.  మాసాంతపు రేడియో కార్యక్రమం ‘మన్‌కీ బాత్’ సందర్భంగా ప్రధాని దేశాన్ని ఉద్దేశించి మాట్లాడారు. ఉడీ ఘటనలో అమరులైన 18 మంది జవాన్లకు నివాళులర్పిస్తూ కార్యక్రమాన్ని ప్రసంగించిన ప్రధాని.. ఇది వారి కుటుంబాలకు జరిగిన నష్టం మాత్రమే కాదని.. యావద్భారతంలో ఆగ్రహజ్వాలలు ఎగసిపడుతున్నాయన్నారు. 1965లో పాకిస్తాన్‌తో యుద్ధం సందర్భంగా దేశవ్యాప్తంగా ఇలాంటి పరిస్థితులే కనిపించాయన్నారు. జాతీయవాదం ఉవ్వెత్తున ఎగసిపడి.. ప్రతి ఒక్కరూ దేశం కోసం ఏదో చేయాలని సిద్ధమయ్యారని గుర్తుచేశారు. అప్పుడు లాల్ బహదూర్ శాస్త్రి ప్రజల ఆవేశాన్ని సరైన మార్గంలో వినియోగించేందుకు ‘జై జవాన్, జై కిసాన్’ నినాదాన్ని ఇచ్చారని.. దీని ద్వారా సామాన్య ప్రజలు కూడా దేశం కోసం పనిచేసేందుకు స్ఫూర్తి పొందారన్నారు. మహాత్మాగాంధీ కూడా స్వాతంత్య్రోద్యమ సమయంలో నిర్మాణాత్మకమైన కార్యాచరణ ద్వారానే మార్గదర్శనం చేశారన్నారు. ఉడీ ఘటనకు ఆర్మీ చేతల్లో  సమాధానం చెబుతుందన్నారు.
 శాంతితోనే ‘కశ్మీర్’కు పరిష్కారం
 రెండు నెలలుగా కశ్మీర్‌లో నెలకొన్న పరిస్థితులతో అక్కడి ప్రజానీకం తీవ్రంగా ఇబ్బందుల పాలయ్యారు. దేశ వ్యతిరేక శక్తులను వారు ఇప్పుడిప్పుడే అర్థం చేసుకుంటున్నారు. వారికి వాస్తవం బోధపడుతున్న కొద్దీ ఇలాంటి దుష్టశక్తుల నుంచి దూరమై శాంతివైపు మరలుతున్నారన్నారు. ‘తల్లిదండ్రులు తమ పిల్లలను విద్యాలయాలకు పంపాలనుకుంటున్నారు. రైతు తను పండించిన దాన్ని మార్కెట్‌కు తీసుకెళ్లాలనుకుంటున్నాడు. ఆర్థిక కార్యకలాపాలు మొదలవ్వాలి. కొన్ని రోజులుగా మళ్లీ సాధారణ పరిస్థితులు నెలకొంటున్నాయి. శాంతి, ఐకమత్యం, సామరస్యం ద్వారా వారి సమస్యకు పరిష్కారం లభిస్తుందని నేను బలంగా విశ్వసిస్తున్నాను’ అని మోదీ తెలిపారు. అటు భద్రతా దళాలు కూడా ఆయుధాలు, అధికారాలను శాంతి భద్రతలకోసమే వినియోగించుకుని శాంతియుత వాతావరణానికి సహకరించాలన్నారు.
  పారాలింపిక్స్ విజేతలకు శుభాకాంక్షలు
 ఇటీవల జరిగిన పారాలింపిక్స్‌లో భారత్ తరపున పతకాలు గెలిచిన భారత అథ్లెట్లకు ప్రధాన మంత్రి శుభాకాంక్షలు తెలిపారు.  రెండేళ్ల క్రితం ప్రారంభించిన ‘స్వచ్ఛ్ భారత్’ కార్యక్రమం విజయవంతం అవుతోందని.. ప్రజల్లో స్వచ్ఛతపై అవగాహన పెరిగిందన్నారు. ప్రధాని అధికారిక నివాసాన్ని 7 రేస్‌కోర్సు రోడ్ నుంచి లోక్‌కల్యాణ్ మార్గ్‌కు మార్చటంపై సానుకూలంగా స్పందించారు.


 న్యూఢిల్లీ: ఉడీ దాడికి బాధ్యులైనవారిని వదిలిపెట్టే ప్రసక్తేలేదని ప్రధానమంత్రి నరేంద్రమోదీ మరోసారి స్పష్టం చేశారు. ఆదివారం మన్ కీ బాత్ రేడియో కార్యక్రమం ద్వారా దేశ ప్రజలతో ముచ్చటించిన మోదీ.. ఉడీ దాడిలో మరణించిన జవాన్లకు నివాళులర్పించారు. ఈ విషయంలో సైన్యం మాట్లాడదని.. తన పరాక్రమాన్ని చూపిస్తుందన్నారు.
 
 ఇటీవల పారాలింపిక్స్లో పతకాలు సాధించిన భారత క్రీడాకారులు దేశం గర్వించేలా  చేశారని మోదీ అభినందించారు. పారాలింపిక్స్లో మరింత ప్రతిభ కనబరిచేలా ప్రభుత్వం చర్యలు తీసుకుంటుందన్నారు. ఇటీవల గుజరాత్లో తన పుట్టినరోజు వేడుకలు నిర్వహించిన దివ్యాంగుల గురించి ప్రస్తావించిన మోదీ.. అది తనకు ఉద్వేగపూరితమైన, అద్భుతమైన అనుభవమని వెల్లడించారు.
 
 స్వచ్ఛ భారత్ కార్యక్రమాన్ని ప్రారంభించిన అనంతరం ప్రజలకు పరిశుభ్రతపై మరింత అవగాహన పెరిగిందని మోదీ తన ప్రసంగంలో పేర్కొన్నారు. స్వచ్ఛతా హెల్ప్లైన్ నంబర్గా 1969 ను మోదీ ఈ సందర్భంగా ప్రకటించారు. గ్రామీణ భారతంలో ఇప్పటివరకు 2.48 కోట్ల టాయ్లెట్లను నిర్మించామని.. వచ్చే ఏడాది మరో 1.5 కోట్ల టాయ్లెట్లను నిర్మించనున్నట్లు మోదీ తెలిపారు. తీవ్రవాదాన్ని వ్యతిరేకిస్తుండటం పట్ల కశ్మీరీ ప్రజలను మోదీ అభినందించారు. గాంధీ జయంతి నుంచి దీపావలి మధ్య కాలంలో దేశ ప్రజలు ఖాదీ వస్త్రాలను కొనుగోలు చేయాలని పిలుపునిచ్చారు.
  


 ఊడి/శ్రీనగర్: జమ్మూకశ్మీర్లోని ఊడి సెక్టార్ పై ఉగ్రదాడి పాకిస్థాన్ సైన్యానికి తెలిసే జరిగిందని నిరూపించేలా మరోసాక్ష్యం వెలుగులోకొచ్చింది. ఉగ్రదాడికి పాల్పడి బలగాల కాల్పుల్లో హతమైన ఉగ్రవాదుల నుంచి స్వాధీనం చేసుకున్న వస్తువుల్లో రెండు జపాన్ కు చెందిన వైర్ లెస్ సెట్ లు లభ్యం అయ్యాయని జాతీయ దర్యాప్తు సంస్థ తెలిపింది. వాటిపై 'బిల్కుల్ నయా'(బ్రాండ్ న్యూ) అనే పేరిట రాసి ఉందని చెప్పారు. ఐసీఓఎం అనే తయారీ సంస్థ నుంచి వీటిని కొనుగోలు చేశారని ప్రస్తుతం జాతీయ దర్యాప్తు సంస్థ (ఎన్ఐఏ) ఆధారాలు సంపాధించింది.
 
 అయితే వాస్తవానికి 'ఏ దేశంలోనైనా వైర్ లెస్ సెట్లు కేవలం రక్షణ సంస్థలకు మాత్రం అమ్ముతారు. ఇలాంటివి ఇప్పటికే పాకిస్థాన్ లో విక్రయిస్తున్నారనే విషయాన్ని మేం తెలుసుకుంటున్నాం. ఈ విషయాన్ని త్వరలోనే పాక్ అధికారులకు అధికారికంగా చేరవేస్తాం' అని హోంశాఖ అధికారి ఒకరు తెలిపారు. ఉగ్రవాదుల నుంచి మొత్తం 48 వస్తువులు బలగాలు స్వాధీనం చేసుకొని ఎన్ఐఏకు అప్పగించగా వాటిని పరిశీలన చేస్తోంది. అందులో మ్యాపులు, ముందుగుండు సామాగ్రి ఇతర వస్తువులు లభించాయి.


 అవలోకనం
 భారత జాతీయ ప్రయోజనాల సంరక్షకులం మనమేనన్నట్టుగా మీడియాలో చాలా మందిమి నటిస్తుంటాం. కానీ రేటింగ్‌లకు మించిన ప్రయోజనాలేవీ మీడియాకు లేవు. మన యాంకర్‌లు ప్రదర్శించే ఆగ్రహావేశంలో చాలా వరకు ప్రేక్షకులు, దేశం కోరుకుంటున్నది అదేనని నమ్మడం వల్ల కలిగేదే. దేశం యుద్ధానికి దిగడం గురించి చర్చిస్తున్న సమయంలోనే, సమాజంలో పేరున్న ఒకరు తన కుమార్తెను హత్యగావించడానికి కూడా మీడియా అంతే ప్రాధాన్యం ఇస్తుంది. మీడియా వాళ్లు తమను తామే అంతగా పట్టించుకోరు. కాబట్టి ప్రభుత్వమూ పట్టించుకోకూడదు.
  
  ఉగ్రవాదం విషయంలో పాకిస్తాన్‌తో భారత్ ఉద్దేశపూర్వకంగానే మెతకగా ఉంటోందని నమ్మేవారు చాలా కాలంగా ఉన్నారు. మన దేశంపై ఉగ్రవాద దాడి జరిగినప్పుడు హింసాత్మకంగా ప్రతిస్పందించాలని వారి అభిప్రాయం. ముంబై దాడులలోవలే పాకిస్తానీల ప్రమేయం ఉన్నదని ప్రత్యక్షంగా వెల్లడైన సందర్భా లలో కూడా భారత్ ప్రతి చర్యకు పాల్పడలేదు. నేను ప్రస్తావిస్తున్న ఈ బృందం దృష్టిలో అది తప్పు. ఆ దాడితో సంబంధం ఉన్న తమ  పౌరులను పాక్ విచారిం చడం సరిపోదని, భారత్ ఇంకా ఎక్కువ చేయాలని వారి ఆలోచన.
  
 మన ప్రభుత్వ క్రియారాహిత్యం ఉద్దేశపూర్వకమైనదని, పిరికితనమని, ప్రతీకారం తీర్చుకోవడానికి అవకాశం ఉన్నదని వారి భావన. భారత్‌లో ఉగ్రవాద దాడులు జరుగుతున్నా యుద్ధానికి దిగరాదనే ఈ విధానాన్ని ‘వ్యూహాత్మక సంయమనం’ అంటారు. సంక్షోభాన్ని విషమింపజేయరాదని భావించడం ద్వారా భారత్ ఉద్దేశపూర్వకంగా తన ఆగ్రహాన్ని దిగుకుంటోందని ఈ సిద్ధాంతం చెబు తుంది. లాభనష్టాలను బేరీజు వేసి చూస్తే తేలే నిర్ధారణలు యుద్ధానికి అను కూలంగా లేకపోవడమే అందుకు కారణం. 2001లో జైషే మొహమ్మద్ పార్లమెం టుపై దాడికి పాల్పడినప్పుడు అటల్ బిహారీ వాజ్‌పేయి, 2008లో లష్కరే తోయిబా ముంబై దాడులకు బరి తెగించినప్పుడు మన్మోహన్‌సింగ్ ఈ మార్గం వైపే మొగ్గు చూపారు.
  
 ప్రధాని నరేంద్ర మోదీ చాలాకాలంగా ఏదో ఒకటి చేసి తీరాలనే ఈ బృందంలో ఒకరుగా ఉన్నారు. ఉడీ దాడి తదుపరి, తిప్పికొడతామన్న తన మునుపటి వాగ్దానాలకు ఆయన దూరంగా జరిగినట్టు లేదా తాను చేసి చూపుతానన్న క్రియాత్మక ప్రతిస్పందనకు తటపటాయిస్తున్నట్టు కనిపిస్తున్నారు. ఇందుకు చాలానే కారణాలు ఉండవచ్చు. ప్రధాని బాధ్యతలను స్వీకరించిన తర్వాత మునుపు తనకు తెలియని ఎన్నో విషయాలను ఆయన నేర్చుకుని ఉండటం అందుకు కారణం కావచ్చు. కారణం ఏదైనా, ఆయన తన మద్దతుదార్ల నుంచి తీవ్ర విమర్శలను ఎదుర్కొంటున్నారు. నిజానికి వారి దృష్టిలో మోదీ అత్యంత గౌరవనీయుడు. అయితే పాక్ సమస్యతో సతమతమయ్యే నేటి రోజులు అందుకు భిన్నమైనవి. విమర్శనాత్మక వ్యాఖ్యలు చేస్తున్నవారు మోదీ తన వాగ్దానాలను నెరవేర్చడం లేదని భావిస్తున్నారు. ఆయన ఏం చేయాలి?
  
 ప్రధానిగా మోదీకి ఉన్న సమాచారం ఈ విషయంపై వ్యాఖ్యానాలు చేస్తున్న వారి వద్ద  లేదు. సాయుధ దళాలు, జాతీయ భద్రతా సలహాదారు, ఆర్థిక మంత్రి త్వశాఖల నివేదికలు ఆయన వద్ద ఉన్నాయి. అలాగే ఈ సంఘర్షణ యుద్ధంగా విస్తరిస్తే విదేశాల్లో కలిగే ప్రభావం ఎలా ఉంటుందనే దానిపై విదేశాంగ శాఖ నివేదిక, అది దేశంలో అంతర్గతంగా కలుగజేసే ప్రభావం గురించిన హోంశాఖ, గూఢచార వ్యవస్థల నివేదికలు కూడా ఆయన వద్ద ఉన్నాయి. భారత్‌కు ఎంచు కోడానికి అందుబాటులో ఉన్న అవకాశాలు ఏమిటనే  దానికి సంబంధించిన అత్యు న్నత స్థాయి వివరాలను తెలుసుకునే అవకాశం అతి కొద్ది మందికే ఉంటుంది.
  
 వీటన్నిటినీ పరిగణనలోకి తీసుకుని మోదీ చేయాల్సిన పని ఒక్కటే...  మీడియాను పట్టించుకోవడం మానే యడమే. నేను ముందే చెప్పినట్టు ఆయనకు ఉన్న సమాచారం దానికి లేదు. అయినా, ఆయనకు సలహాలు ఇవ్వకుండా, దిశా నిర్దేశన చేయకుండా...  చెప్పినట్టు చేయకుంటే దుమ్మెత్తి పోయకుండా మనల్ని ఆపగలిగే దేమీ లేదు. భారత జాతీయ ప్రయోజనాల సంరక్షకులం మనమేనన్న  ట్టుగా మనలో చాలా మందిమి నటిస్తుంటాం. కానీ రేటింగ్‌లకు మించిన ఉన్నత ప్రయోజనాలేవీ మీడియాకు లేవు. మనం  అందుకు భిన్నంగా  చెప్పుకున్నా నిజం మాత్రం అదే. మన యాంకర్‌లు ప్రదర్శించే ఆగ్రహావేశంలో చాలా వరకు ప్రేక్ష కులు, వారికి కొనసాగింపుగా దేశమూ కోరుకుంటున్నది అదేనని నమ్మడం వల్ల కలిగేదే. అది చాలా అర్థవంతమైనదే అయినా... దేశం యుద్ధానికి దిగడమనే అంశాన్ని గురించి చర్చిస్తున్న సమయంలోనే, సమాజంలోని ఒక ప్రముఖ వ్యక్తి తన కుమార్తెను హతమార్చిన ఘటనకు కూడా మీడియా అంత ప్రాధాన్యం ఇస్తుంది. మీడియా వాళ్లు తమను తామే అంతగా పట్టించుకోరు. కాబట్టి ప్రభుత్వం కచ్చితంగా పట్టించుకోకూడదు.
  
 ఇక మోదీ చక్కగా విస్మరించగలిగిన రెండో అంశం, సామాజిక మాధ్యమాల్లో ఏం జరుగుతోందనేది. సామాజిక మాధ్యమాలకు సంబంధించి మోదీ ఒక చాంపియన్. ఆయనకు రెండు కోట్ల మంది ట్విటర్ ఫాలోయర్లున్నారు. దాన్ని ఆయన అద్భుతంగా ఉపయోగించుకున్నారు. సంప్రదాయక మీడియాకు తన పట్ల ఉన్న లేదా ఉన్నదనుకున్న పక్షపాత వైఖరిని తలకిందులు చేయడానికి సోషల్ మీడియా తోడ్పడిందని నిజంగానే ఆయన విశ్వసిస్తున్నారు. అయినా, ఆయన తన అనుయాయుల నుంచి ఆగ్రహాన్ని ఎదుర్కోవాల్సి వస్తోంది. ఆయనను యుద్ధానికి దిగమని ముల్లుగర్రతో పొడిచినట్టు... ఒకప్పటి కటువైన ప్రకటనల లింకులను వారు పోస్ట్ చేస్తున్నారు.
  
 ఉడీ దాడిపై తొలి స్పందన తదుపరి మోదీ రెండు లేదా మూడు రోజుల పాటూ ట్వీటింగ్ చేయకుండా గడిపేశారు. ఇలాంటి సమయాల్లో ఆయన ఇంకా ఎక్కువ సమయం కూడా దానికి దూరంగా ఉండగలగాలి. ఎట్టకేలకు ఈ దుమారం ఎలాగూ సద్దుమణిగి పోయేదే. కాబట్టి సామాజికమాధ్యమాల నుంచి, మీడియా నుంచి అందే అరకొర సమాచారంతో ఒక తీవ్ర చర్యను పరిగణనలోకి తీసుకోవడం తెలివితక్కువ పని అవుతుంది. నేను పని చేసిన ఒక వార్తా సంస్థ కొన్ని వారాల క్రితం నన్ను ‘దేశ వ్యతిరేకి’ అని ఆరోపించింది. ఉడీ ఉగ్రదాడి జరిగేసరికి నేను విదేశాల్లో ఉన్నాను. చానళ్లు అత్యుగ్ర రూపం దాల్చిన తొలి రెండు రోజులను నేను చూడలేకపోయాను. మా నాన్న నా గురించి ఆందోళన చెంది, ఫోన్‌లో అది వ్యక్తం చేశారు. వాస్తవం, టీవీ సెట్లో జరిగేదానికి భిన్నమైనదని నేనాయనకు చెప్పాను. స్విచ్ ఆఫ్ చేస్తే సరి, అదే పోతుంది. మోదీకైనా నేను చెప్పేది అదే.
  
 ఆకార్ పటేల్,
  వ్యాసకర్త కాలమిస్టు, రచయిత  aakar.patel@icloud.com


 కోజికోడ్: ఉడీ ఉగ్రదాడి అనంతరం తొలిసారిగా బహిరంగ సభలో మాట్లాడిన ప్రధాని మోదీ పాకిస్థాప్ పై నిప్పులు చెరిగారు. 18 మంది జవాన్లను పోగొట్టుకున్న ఉడీ ఘటనను భారత్ ఎన్నటికీ మర్చిపోదని అన్నారు. బీజేపీ జాతీయ కౌన్సిల్ సమావేశంలో భాగంగా శనివారం కేరళలోని కోజికోడ్ లో ఏర్పాటుచేసిన కార్యకర్తల సభలో ఆయన మాట్లాడారు.
 
 'పాకిస్థాన్ ప్రజలారా.. ఇండియా గడ్డ నుంచి మీతో మాట్లాడుతున్నా.. చరిత్ర మొదలు 1947 వరకు మీ పూర్వీకులు ఇక్కడి నేలకు నమస్కరించినవారేనని గుర్తుంచుకోండి. విడిపోయిన తర్వాత మీ పాలకులు ఏ విధంగా మారిపోయారో ఒక్కసారి గమనించండి. గడిచిన కొద్ది నెలల్లో ఒక్క కశ్మీర్ లోనే 110 మంది టెర్రరిస్టులు చనిపోయారు. వీళ్లందరూ ఎవరి బిడ్డలు? ప్రస్తుతం భారత్ నుంచి అన్ని దేశాలకు ఇంజనీర్లను పంపుతున్నాం. కానీ మీ దేశం(పాకిస్థాన్) ఏం చేస్తోంది? ఉగ్రవాదులను పంపుతోంది.. ప్రపంచాన్ని ఛిన్నాభిన్నం చేయాలనుకుంటోంది. పాక్ అన్నదమ్ములారా.. మీతో కలిసి యుద్ధం చేయడానికి భారత్ సిద్ధంగా ఉంది. రండి.. పేదరికంపై, ఆకలిదప్పులపై యుద్ధం చేద్దాం. అప్పుడు పాకిస్థాన్, ఇండియాల్లో ఎవరు గెలుస్తారో చూద్దాం..' అని మోదీ ఆవేశపూరితంగా ప్రసంగించారు. ఉగ్రవాదులూ చెవులు రెక్కించి వినండి.. ఉరీ ఘటనను మేం మర్చిపోం. అని హెచ్చరికలు జారీచేశారు.
 
 ఇంకా.. '21వ శతాబ్ధంలో అద్భుతాలు సాధించాలనే దిశగా ఆసియా దేశాలన్నీ కలలు కంటున్నాయి. ఒకేఒక్క దేశంతప్ప! ఆ దేశం(పాకిస్థాన్) వల్ల ఒక్క భారతేకాదు ఆసియా దేశాలన్నీ ఇబ్బందులు ఎదుర్కొటున్నాయి. పాకిస్థాన్ ను నిందిస్తున్నాయి. ఆ దేశం తీరు ఎలా ఉంటుందో చూడండి.. ప్రస్తుతం పాకిస్తాన్ ఆధీనంలో కశ్మీర్ లోని కొంత భాగం(పీవోకే), బలూచిస్థాన్, గిల్గిట్ లు ఉన్నాయి కదా, వాటినైనా సరిగ్గా పరిపాలిస్తున్నారా? అక్కడి ప్రజల సమస్యలు తీరుస్తున్నారా? అలా చెయ్యకపోగా వాళ్ల(పాకిస్థాన్ కన్ను) మన కశ్మీర్ పై పడింది. పాకిస్థాన్ కు నేను గట్టిగా చెప్పదలుచుకున్నా.. పీవోకే, గిల్గిట్, బలూచ్ లలో ఇకపై మీ ఆటలు సాగవని హెచ్చరిస్తున్నా'అని మోదీ అన్నారు.


 ఉడి ఉగ్రదాడి ఘటన భారత్-పాకిస్తాన్ల మధ్య తీవ్ర చిచ్చును రేపింది. ఓవైపు పాకిస్తానీ నటీనటులు, ఆర్టిస్టులను భారత్ విడిచిపోవాలని అల్టిమేటం జారీ కాగా.. మరోవైపు పాకిస్తాన్కు సంబంధించిన ఏ ప్రోగ్రామ్లను ప్రసారం చేయకూడదని జిందగీ చానల్ నిర్ణయించింది. జిందగీ చానల్లో ప్రసారమయ్యే పాకిస్తానీ షోలన్నింటిన్నీ ప్రసారం చేయకుండా ఆపివేయడానికి ప్లాన్ చేస్తున్నామని జీమీడియా నెట్వర్క్ చైర్మన్, రాజ్యసభ ఎంపీ సుభాష్ చంద్ర వెల్లడించారు. అదేవిధంగా పాకిస్తాన్కు చెందిన నటులందరినీ భారత్ విడిచిపోవాలని కూడా ఆదేశించారు.  ఐక్యరాజ్య సమితి జనరల్ అసెంబ్లీ సమావేశంలో పాక్ ప్రధాని నవాజ్ షరీఫ్ చేసిన అనుచిత వ్యాఖ్యల అనంతరం సుభాష్ చంద్ర ఈ నిర్ణయం ప్రకటించారు. 
  
 జమ్మూ కశ్మీర్ వేర్పాటు వాది బుర్హన్ వానిని యువ నాయకుడిగా నవాజ్ షరీఫ్ కీర్తించడంతో పాటు, కశ్మీర్ అంశాన్ని లేవనెత్తడంతో భారత్ మండిపడింది. నవాజ్ షరీఫ్ ప్రసంగాన్ని తీవ్రంగా ఖండిస్తూ, ట్విట్టర్ ద్వారా సుభాష్ చంద్ర తన అభిప్రాయాన్ని వెల్లడించారు.  పాకిస్తాన్, ఈజిప్ట్, టర్కీల నుంచి హిందీ, ఉర్దూ ప్రోగ్రామ్లను టెలివిజన్ చానలె జిందగీ ప్రసారం చేస్తోంది. దీనిలో జిందగీ గుల్జార్ హై, హమ్సఫర్ వంటి షోలు పాకిస్తాన్ నుంచి ప్రసారం అవుతున్నాయి. ఈ ప్రోగ్రామ్లన్నింటినీ టెలికాస్ట్ చేయడం ఆపివేస్తామని సుభాష్ చంద్ర తెలిపారు. మరోవైపు పాకిస్తాన్ నటీనటులు, ఆర్టిస్టులు 48 గంటల్లో ఇండియా వదిలి వెళ్లి పోవాలని మహారాష్ట్ర నవనిర్మాణ సేన అల్టిమేటం జారీచేసింది. 


 ఇస్లామాబాద్‌: పాకిస్థాన్‌తో కలిసి గిల్గిట్‌-బాల్టిస్తాన్‌లో తాను సంయుక్త సైనిక విన్యాసాలు నిర్వహిస్తున్నట్టు వస్తున్న వార్తలను రష్యా తోసిపుచ్చింది. పాకిస్థాన్‌ ఆక్రమిత కశ్మీర్‌లో ఉన్న గిల్గిట్‌-బాల్టిస్తాన్‌ భారత భూభాగమేనని, ఈ ప్రాంతంలో సంయుక్త సైనిక విన్యాసాలు నిర్వహించడంపై భారత్‌ అభ్యంతరం వ్యక్తం చేసిన నేపథ్యంలో రష్యా వివరణ ఇచ్చింది. సమస్యాత్మక, సున్నితమైన ప్రాంతాల్లో పాక్‌తో కలిసి సైనిక విన్యాసాలు నిర్వహించబోమని ఢిల్లీలోని రష్యా రాయబార కార్యాలయం స్పష్టం చేసింది.
 
 ప్రచ్ఛన్న యుద్ధం నాటి శత్రువైన పాకిస్థాన్‌తో కలిసి రష్యా తొలిసారిగా సంయుక్త సైనిక విన్యాసాలు నిర్వహించబోతున్నది. ఇందుకోసం రావల్పిండికి రష్యా సైనలు తరలివచ్చాయి. అయితే, గల్గిట్‌-బాల్టిస్తాన్‌ పరిధిలో ఉన్న రట్టు పర్వత ప్రాంతాల్లో ఉన్న పాక్‌ సైనిక స్కూల్‌లో ఈ సంయుక్త డ్రిల్స్‌ ఉంటాయని రష్యా ప్రభుత్వ వార్తాసంస్థ టీఏఎస్‌ఎస్‌ (టాస్‌) కథనాన్ని ప్రచురించింది.
 
 ఈ కథనం భారత్‌ను తీవ్ర ఆందోళనకు గురిచేసింది. సమస్యాత్మకమైన ఈ ప్రాంతంలో రష్యాతో కలిసి సైనిక విన్యాసాలు నిర్వహిస్తే అది దాయాది దేశానికి దౌత్యపరమైన విజయం అవుతుంది. దీంతో అప్రమత్తమైన భారత్‌ గిల్గిట్‌-బాల్టిస్తాన్‌ భారత భూభాగమేనని స్పష్టం చేసింది. ఉడీ ఉగ్రవాద దాడి నేపథ్యంలో పాక్‌తో కలిసి ఇలాంటి చర్యకు దిగడంపై రష్యాకు తమ ఆందోళన వ్యక్తం చేసినట్టు విదేశాంగ కార్యదర్శి వికాస్‌ స్వరూప్‌ ప్రకటించారు. దీంతో ఢిల్లీలోని రష్యా రాయబారా కార్యాలయం వెంటనే ఓ ప్రకటన విడుదల చేసింది. పీవోకేలో సంయుక్త సైనిక విన్యాసాలు ఉండబోవని స్పష్టం చేసింది. కేవలం చేరట్‌ ప్రాంతంలోనే డ్రిల్స్‌ ఉంటాయని, ఈ విషయంలో వచ్చిన కథనాలన్నీ తప్పుడువేనని తేల్చిచెప్పింది. దీంతో టాస్‌ కూడా తన కథనంలో పీవోకే ప్రస్తావనను తొలగించి.. కథనాన్ని ప్రచురించింది.


 లండన్: కశ్మీర్ లోని ఉరీ సైనిక స్థావరంపై దాడిచేసి 18 మంది జవాన్లను చంపిన ఉగ్రవాదులు పాకిస్థానీలే అని జాతీయ దర్యాప్తు సంస్థ(ఎన్ఐఏ) పలు ఆధారాలు సేకరించింది. ఆ మేరకు ఉరీ దాడిలో పాల్గొన్న ఉగ్రవాదుల డీఎన్ఏ నమూనాలు, వేలిముద్రలు, దాడికి ఉపయోగించిన ఆయుధాలు, ఆహార పదార్థాలు ఇతరత్రా వివరాలన్నింటినీ పూసగుచ్చినట్లు పాకిస్థాన్ హైకమిషనర్ అబ్దుల్ బాసిత్కు సమర్పించింది. ఆ వివరాలను ఇస్లామాబాద్ కు చేరవేసిన ఆయన తమ ప్రభుత్వ సమాధానం కోసం ఎదురుచూస్తున్నారు. ఈలోపే అసలు ఉరీ దాడి ఎందుకు జరిగిందో తనదైన శైలిలో భాష్యం చెప్పారు పాక్ ప్రధాని నవాజ్ షరీఫ్.
 
 ఐక్యరాజ్యసమితి సాధారణ అసెంబ్లీ సమావేశాల్లో పాల్గొని నేరుగా లండన్ వెళ్లిన నవాజ్ శుక్రవారం విలేకరులతో మాట్లాడారు. గడిచిన రెండు నెలలుగా కశ్మీర్ లో నెలకొన్న ఉద్రిక్తతలకు కొనసాగింపుగానే ఉరీ ఉగ్రదాడి జరిగిఉండొచ్చని అన్నారు. 'భారత సైన్యం అణిచివేతతో ఎంతో మంది కశ్మీరీలు తమ ఆప్తులను కోల్పోయారు. లెక్కకుమించి యువకులు కళ్లు పోగొట్టుకున్నారు. దీనికి ప్రతీకారంగానే ఉరీలో దాడి జరిగింది. ఎప్పటిలాగే భారత్.. పాకిస్థాన్ వైపే వేలెత్తిచూపుతోంది. సరైన ఆధారాలు లేకుండా పాకిస్థాన్ ను నిందించడం ఆ (భారత్)దేశానికున్న చారిత్రక అలవాటు. ఉరీలో చనిపోయిన నలుగురు ఉగ్రవాదులు పాకిస్థాన్ లో తయారైన గ్రెనేడ్లు, ఆహారం వినియోగించారని ఆరోపిస్తున్నారు. కానీ రెండు నెలల కిందట బుర్హాన్ వని చనిపోయినప్పటి నుంచి ఇరుదేశాల మధ్య ఎలాంటి సంబంధాలు ఎనసాగటంలేదని గుర్తుంచుకోవాలి' అని షరీఫ్ వ్యాఖ్యానించారు.
 
 ఉరీలో దాడికి పాల్పడింది ముమ్మాటికీ పాకిస్థానీలేనని అందుకు సంబంధించిన ఆధారాలన్నింటినీ పాక్ ముందు ఉంచేందుకు సిద్ధంగా ఉన్నామని భారత విదేశాంగ శాఖ కార్యదర్శి వికాస్ స్వరూప్ చెప్పారు. దాడిలో పాల్గొన్న ఉగ్రవాదులను భారత సైన్యం మట్టుపెట్టిన కొద్ది గంటలకే వారి నుంచి సేకరించిన డీఎన్ఏ నమూనాలు, ఇతరత్రా ఆధారాలను ఢిల్లీలోని పాక్ కమిషనర్ కు అందించారు. పఠాన్ కోట్ సహా ఇతర దాడుల్లోనూ పాక్ హస్తం ఉందనే ఆధారాలు సైతం సమర్పించారు. వీటిపై ఇస్లామాబాద్ అధికారికంగా స్పందించాల్సిఉంది. ఈలోపే నవాజ్ షరీఫ్ భాష్యం చెప్పడంతో ఉరీదాడిపై పాక్ అభిప్రాయం వెల్లడైనట్లైంది.


 న్యూఢిల్లీ: ప్రధాని నరేంద్ర మోదీ త్రివిధ దళాల అధిపతులతో సమావేశమయ్యారు. శనివారం ఢిల్లీలోని ప్రధాని అధికార నివాసం లోక్ కల్యాణ్ మార్గ్ 7లో ఈ భేటీ జరిగింది.
 
 ఈ సమావేశంలో ఆర్మీ చీఫ్ జనరల్ దల్బీర్ సింగ్, ఎయిర్ చీఫ్‌ మార్షల్ అరుప్ రహ, నౌకదళం ఉప అధిపతి వైస్ అడ్మిరల్ కేబీ సింగ్తో పాటు జాతీయ భద్రత సలహాదారు అజిత్ దోవల్ పాల్గొన్నారు. నౌకదళం చీఫ్ అడ్మిరల్ సునీల్ లంబా ఢిల్లీలో లేకపోవడంతో ఆయన బదులు కేబీ సింగ్ వచ్చారు. యురిలో సైనిక స్థావరంపై ఉగ్రవాద దాడి నేపథ్యంలో ప్రధాని మోదీ పరిస్థితిని సమీక్షించారు. ఈ దాడికి బదులిచ్చే విషయంపై ప్రధాని మోదీ చర్చించారు.


 అమర సైనికులకు జడ్జిల నివాళులు
 మచిలీపట్నం : 
 కశ్మీర్‌లోని సైనిక స్థావరంపై ఉగ్రవాదులు దాడి చేసి సైనికులను పొట్టనబెట్టుకోవడం హేయమైన చర్య అని జిల్లా ప్రధాన న్యాయమూర్తి వై.లక్ష్మణరావు అన్నారు. ఉడీ సైనిక స్థావరంపై దాడిలో ప్రాణాలు కోల్పోయిన జవాన్ల ఆత్మకు శాంతి కలగాలని కోరుతూ శుక్రవారం జిల్లా కోర్టులో న్యాయమూర్తులు కొవ్వొత్తులు వెలిగించి నివాళులర్పించారు. ఇలాంటి సంఘటనలు జరగడం బాధాకరమన్నారు.   కార్యక్రమంలో పలువురు న్యాయమూర్తులు, న్యాయవాదులు పాల్గొన్నారు. 
  


 కశ్మీర్ ప్రాంతంలోని ఉరి ఆర్మీ క్యాంపుపై చెలరేగిన ఉగ్రవాదులు, ఆ దాడిని స్వాతంత్ర్య దినోత్సవం రోజే చేయాలని ప్లాన్ చేశారట. రెడ్ ఫోర్ట్పై ప్రధాని నరేంద్రమోదీ జాతినుద్దేశించి ప్రసంగిస్తుండగా ఈ దాడికి పాల్పడాలని ఉగ్రవాదులు వ్యూహాలు పన్నారని ఆర్మీ ఉన్నతాధికారులు వెల్లడించారు. కానీ ఆ టెర్రర్ అటాక్ను ఆర్మీ తిప్పికొట్టిందని చెప్పారు. ఎల్ఒసి మాయన్ ప్రాంతంలోని ఉరి సమీపంలో జైషే-ఇ-మహ్మద్కు చెందిన ఫిదాయీన్ స్కాడ్లోని నలుగురు సభ్యులను ఆర్మీ హతమార్చింది. దీంతో అప్పుడు విఫలమైన ఈ ఉగ్రదాడిని అదే టెర్రర్ గ్రూపు సెప్టెంబర్ 18న ఉరిలోని ఆర్మీస్థావరంపై జరిపారు. నిద్రపోతున్న ఆర్మీ జవాన్లపై విచక్షణారహితంగా కాల్పులకు తెగబడ్డారని అధికారులు పేర్కొన్నారు.
  
 కళ్లు మూసి తెరిచేలోపు 18 మంది ఆర్మీ జవాన్లను పొట్టనబెట్టుకున్నారు. ఆర్మీ క్యాంపుకు దగ్గర్లోని దట్టమైన అడవులను,   మొక్కజొన్న పంటలను అవకాశంగా మలుచుకుని మిలిటెంట్లు ఈ ఘాతుకానికి తెగబడట్టు ఆర్మీ అధికారులు వెల్లడించారు. ఈ భీకరమైన దాడి చేసిన వారు కూడా అచ్చం ఆర్మీ వాళ్ల లాగా హైయిర్ కట్ను కలిగిఉండి, నీటుగా సేవ్ చేసుకుని వచ్చారు. ఎవరికి అనుమానం రాకుండా ఉండేందుకు ఉగ్రవాదులు ఇలా తయారైనట్టు ఆర్మీ అధికారులు తెలిపారు. దాడిలో పాల్గొన్న నలుగురు ఉగ్రవాదులను మట్టుపెట్టిన భారతసైన్యం వారి నుంచి నాలుగు ఏకే 47 రైఫిళ్లు, నాలుగు అండర్ బ్యారెల్ గ్రెనేడ్ లాంచర్లు, ఇతర ఆయుధాలు స్వాధీనం చేసుకుంది. ఉగ్రవాదులు ఇంకా ఎవరైనా ఉన్నారా అన్న అనుమానంతో ఉరి చుట్టుపక్కల ప్రాంతాలను భద్రతా బలగాలు జల్లెడ పట్టాయి. ఈ ఘటనపై ఎన్ఐఏ ప్రస్తుతం విచారణ కొనసాగిస్తోంది.
  


 భారత స్వాతంత్రదిన వేడుకలు జరిగే ఆగస్టు 15 నాడే ఉరీ లో ఉగ్రదాడి జరిపేందుకు ప్రయత్నాలు జరిగినట్లు ఆర్మీవార్గాలు చెప్తున్నాయి. భారత ప్రధాని నరేంద్ర మోదీ దేశ ప్రజలనుద్దేశించి ప్రసంగించే సమయంలోనే దాడులు జరపాలని ముష్కరులు యత్నించారని, అయితే అప్రమత్తమైన ఆర్మీ బలగాలు వారి ప్రయత్నాన్ని తిప్పికొడుతూ  జెయిషే మహమ్మద్ కు చెందిన ఫిడాయీన్ జట్టులోని నలుగురు సభ్యులను ఉరీ సమీపంలోని మయాన్ ప్రాంతంలో మట్టుబెట్టడంతో వారి ప్రయత్నాలు విఫలమైనట్లు పేర్కొన్నారు. అయితే అదే ఉగ్రవాద సంస్థ సభ్యులు మరో ప్రయత్నంగా సెప్టెంబర్ 16 రాత్రి  ఉరీ ప్రాంతంలోని ఆర్మీ బ్రిగేడ్ లోకి చొరబాటు ప్రారంభించి, 18 తెల్లవారు జామున 4 గంటల సమయంలో దాడి చేసి, రెండో ప్రయత్నంలో విజయవంతమైనట్లు ఆర్మీ అధికారులు అనుమానిస్తున్నారు.
 
 మిలిటెంట్లు దట్టమైన అడవుల్లోని సాయుధదళాల సమీపానికి చేరుకునేందుకు  మొక్క జొన్న పంటచేలను ఆధారంగా చేసుకొని ఉండొచ్చని ఆర్మీ అధికారులు చెప్తున్నారు. అయితే సాయుధ పోరాటానికి సిద్ధమైన ఈ ప్రత్యేక ఫిడాయీన్ సభ్యులు ఆర్మీ హెయిర్ స్టైల్ తో పాటు, గెడ్డం నున్నగా గీసుకొని ఉన్నారని.. ఈ ప్రయత్నం..స్థానికులకు టెర్రర్ అనుమానం రాకుండా ఆర్మీ క్యాంపు వద్దకు చేరుకునేందుకుకే అయి ఉండొచ్చని ఆర్మీ వర్గాలు ధృవీకరిస్తున్నాయి. ఆర్మీ బ్రిగేడ్ ప్రధాన కార్యాలయానికి కేవలం కొన్ని మీటర్ల దూరంలో ఉన్న 10 డోగ్రా యూనిట్ ఆర్మీ క్యాంపులోకి చొరబడ్డ ఉగ్రవాదుల దాడి వెనుక అంతర్గత పాత్ర కూడా ఉండొచ్చన్న అనుమానాన్నీ తోసిపుచ్చలేమని సైన్యాధికారి ఒకరు చెప్తున్నారు.


 ఇస్లామాబాద్: ఉగ్రవాదం, కశ్మీర్ లే ప్రధానాంశాలుగా పాకిస్థాన్ ప్రధాని నవాజ్ షరీఫ్ ఐక్యరాజ్యసమితి సర్వసభ్య సమావేశంలో చేసిన ప్రసంగంపై విపక్షాలు మండిపడుతున్నాయి. షరీఫ్ అమలుచేస్తోన్న అస్పష్ట విదేశాంగ విధానంతో పాక్ అంతర్జాతీయ సమాజంలో ఏకాకిగా మారుతున్నదని పార్లమెంట్ లో ప్రతిపక్ష నేత సయీద్ ఖుర్షీద్ షా అన్నారు. ఈ మేరకు ఆయన గురువారం ఒక ప్రకటన విడుదలచేశారు.
 
 కీలకమైన రక్షణ, విదేశాంగ వ్యవహారాల్లో స్పష్టమైన విధానం లేకుండా ఎప్పటికప్పుడు అన్నట్లుగా వ్యవహరించడం దారుణమని షా విమర్శించారు. విదేశాంగ శాఖ మంత్రి సర్తాజ్ అజీజ్ కు షరీఫ్ ఎనలేని ప్రాధాన్యం ఇస్తుండటాన్ని ప్రస్తావిస్తూ అన్నీ తెలిసిన వాడిని (Mr know all) నమ్ముకుంటే ప్రధానికి దుస్థితి తప్పదని వ్యాఖ్యానించారు. (కశ్మీర్‌పై మళ్లీ నోరుపారేసుకున్న షరీఫ్!)
 
 పాకిస్థాన్ ను ఉగ్రవాద దేశంగా గుర్తించాలంటూ అమెరికన్ కాంగ్రెస్ లో చర్చజరగడానికి కారణం షరీఫ్ వైఫల్యమేనని, భారత్ కారణంగా పాకిస్థాన్ ఎదుర్కొటున్న సమస్యలను ఐరాసాలో ప్రస్తావించడంలో ఆయన విఫలం అయ్యారని ఖుర్షీద్ షా పేర్కొన్నారు. ముఖ్యమైన అంశాల్లో ప్రతిపక్షాల అభిప్రాయాలను పరిగణలోకి తీసుకోకపోవడాన్ని పార్లమెంటులో లేవనెత్తుతామని అన్నారు.


 న్యూఢిల్లీ: సరిహద్దుల గుండా టెర్రరిజాన్ని భారత్‌లోకి ఎగుమతి చేస్తున్న పాకిస్థాన్‌ను పీచమణచడం ఎలా? ప్రత్యక్షంగా సంప్రదాయ యుద్ధానికి దిగాల్సిన అవసరం లేకుండా పాకిస్థాన్‌ దానంతట అదే స్వయంగా దిగివచ్చేలా చేయడం ఎలా? కశ్మీర్‌లో లాగా యావత్‌ పాకిస్థాన్‌లో కల్లోల పరిస్థితులను సృష్టించి ఆ దేశాన్ని కాళ్ల బేరానికి తీసుకరాలేమా? ఈ దిశగా కొంతమంది భారతీయ నిపుణులు యోచిస్తున్నారు.
 
 
 పాకిస్థాన్‌ పరిపాలన వ్యవస్థను మూడు రకాలుగా విభజించవచ్చు. ఒకటి పాక్‌ సైన్యం, రెండు పాక్‌ ప్రభుత్వం, మూడు పాక్‌ ప్రజలు. విడివిడిగా ఈ మూడు విభాగాల్లో చిచ్చు పెట్టవచ్చు. పాక్‌ సైనిక జనరళ్లందరు పార్ట్‌టైమ్‌ సైనికులు, ఫుల్‌టైమ్‌ వ్యాపారస్థులు. వారిలో 90 శాతం మందికి సొంతంగా బ్యాంకులు, కార్పొరేట్‌ సంస్థలు, ఇతర వ్యాపార సంస్థలు ఉన్నాయి. పైకి రాజకీయ నాయకులు ప్రభుత్వాన్ని నడిపినట్లుగా కనిపిస్తుంది కానీ అక్కడి ప్రభుత్వాన్ని నిజంగా నడిపేది ఆర్మీ జనరళ్లే. ఈ విషయం మనకు నవాజ్‌ షరీష్, అప్పటి పాక్‌ ఆర్మీ చీఫ్‌ ముషార్రఫ్‌ మధ్య చోటుచేసుకున్న పరిణామాలే అందుకు నిదర్శనం.
 
 ముషారఫ్‌ గాల్లో ఉండగానే (విమానంలో ప్రయాణిస్తుండగానే) ఆయన్ని పదవి నుంచి నవాజ్‌ షరీఫ్‌ తొలగించడం, విమానం దిగిదిగగానే నవాజ్‌ షరీఫ్‌ను ముషారఫ్‌ అరెస్ట్‌ చేయించి తానే దేశాధ్యక్షుడిగా ప్రకటించుకున్న విషయం తెల్సిందే. పాక్‌లో సైనిక జనరళ్లకున్నన్ని వ్యాపారాల్లో సగం కూడా అక్కడి రాజకీయ నాయకులకు లేవంటే ఆశ్చర్యం వేస్తోంది. ఈ రెండు కీలక విభాగాలను భారత్‌ దెబ్బతీయాలంటే వారి పూర్తి వ్యాపార కార్యకలాపాలను స్తంభింపచేయాలి.
 వారి సరకు బయటి ప్రపంచంలో విక్రయించకుండా, బయటి ప్రపంచం సరకు వారి మార్కెట్లోకి వెళ్లకుండా అడ్డుకోవాలి. ఇది అంత పెద్ద కష్టమేమి కాదు. వారి ఎగుమతి మార్కెట్లతోని భారత్‌ పోటీ పడాలి. అవసరమైన సబ్సిడీలకు సైతం మన సరకులను చేరవేయాలి. ఈ సబ్సిడీల మొత్తం ఆర్థిక విలువ సంప్రదాయక యుద్ధంలో నాలుగు యుద్ధ విమానాలకు అయ్యే ఖర్చుకాదు. అలాగే మనం పాకిస్థాన్‌తో అన్ని వ్యాపార, రవాణా ఒప్పందాలను రద్దు చేసుకోవాలి.
 
 పాక్‌తో వ్యాపార సంబంధాలు పెట్టుకోకుండా అంతర్జాతీయ సమాజంపై దౌత్యపరంగా ఒత్తిడి తేవాలి. అసరమైన మన పెద్ద మార్కెట్‌ను అడ్డు పెట్టుకోవాలి. పాకిస్థాన్‌తో వ్యాపారం చేస్తారా లేక భారత్‌తో వ్యాపారం చేస్తారా? అన్న విషయాన్ని తేల్చుకోవాల్సిందిగా అన్ని దేశాలపై ఒత్తిడి తీసుకరావాలి. ప్రపంచీకరణ చట్టాలు, ఒప్పందాలు అందుకు అడ్డుపడితే, ప్రభుత్వాలతో కాకుండా కంపెనీలతోనే బేరాలు పెట్టుకోవాలి. మెక్‌డొనాల్డ్, కోక్, పెప్సీ లాంటి కంపెనీలను భారత్‌ మార్కెట్‌ కావాలా, పాకిస్థాన్‌ మార్కెట్‌ కావాలో తేల్చుకోమని చెప్పి దారికి తెచ్చుకోవచ్చు. పాక్‌తో సంబంధాలను తెగతెంపులు చేసుకోకపోతే చైనా నుంచి ఎలాంటి దిగుమతులు, ముఖ్యంగా ఎలక్ట్రానిక్‌ పరికరాలను అనుమతించే ప్రసక్తే లేదని చైనాను బెదిరించాలి.
 
 ఇలా వ్యాపారలావాదేవీలను దెబ్బతీస్తే, పాక్‌ మిలటరీ, రాజకీయ నాయకుల వెన్నుముకలిరగడంతోపాటు సగం దేశం కుప్పకూలిపోతుంది. అదే సమయంలో పాక్‌ సైన్యాన్ని మునివేళ్లపై నిలబెట్టేందుకు అటు అఫ్ఘాన్‌ వైపు నుంచి ఇటు భారత్‌ వైపు నుంచి పాక్‌ సరిహద్దుల్లో భారీ ఎత్తున భద్రతా బలగాలను మోహరించాలి. ఇటీవల కాలంలో ప్రపంచంలోకెల్లా ఎక్కువ ఆయుధాలను కొనుగోలు చేస్తున్న భారత్‌ మరిన్ని ఆయుధాలను కొనాలి. ప్రధానంగా భారత్‌ ఆయుధ సంపత్తిని పెంచుకునేందుకు ఆయుధాలను కొనుగోలు చేయడం లేదు. కాలంతీరిపోయిన ఆయుధాల స్థానంలో భర్తీ చేసుకుంటున్నాం. అదే సమయంలో పాకిస్థాన్‌కు యుద్ధ విమానాలు, జలాంతర్గాములు, ఇతర ఆయుధాలు విక్రయించకుండా రఫెల్, బోఫోర్స్‌ లాంటి కంపెనీలపై కూడా భారత్‌ ఒత్తిడి తీసుకరావాలి.
 
 అదే సమయంలో విద్యా, ఉపాధి అవకాశాల పేరిట పాకిస్థాన్‌ యువతను భారత్‌ ఆకర్షించాలి. ప్రజాస్వామ్య వ్యవస్థలో అభివృద్ధి ఎలా ఉంటుందో వారికి అనుభవపూర్వకంగా చూపించాలి. టెర్రరిజమ్‌వైపు యువతను రెచ్చగొడుతున్న పాక్‌లాంటి వ్యవస్థపై తిరుగుబాటు చేసేలా వారిని ప్రోత్సహించాలి. వీటన్నింటికీ పక్కా వ్యూహంతో ముందుకు కదలాలి. (‘పాకిస్థాన్‌పై భారత్‌ ఎలా యుద్ధం చేయాలి’ అనే అంశంపై టీవీ యాంకర్లు, రాజకీయ నాయకులు ఎవరికి తోచిన అభిప్రాయాలు వాళ్లిస్తున్న నేపథ్యంలో రిలయెన్స్‌ ఇండస్ట్రీస్‌ గ్రూప్‌ సీఈవో, 11 ఏళ్ల పాటు భారత సైన్యంలో పనిచేసిన రామన్‌ వ్యక్తం చేసిన అభిప్రాయాలే ఇందులో ఎక్కువగా ఉన్నాయి).


 ఉరీ: పాకిస్థాన్ సరిహద్దులోని ఉరీ సైనిక స్థావరంపై ఉగ్రవాదుల దాడికి సంబంధించి సంచలన విషయాలు వెలుగులోకి వస్తున్నాయి. పాక్ నుంచి వచ్చి పకడ్బందీగా దాడిచేసి 18 మంది భారత జవాన్లను అంతంచేసిన ముష్కరులకు ఇంటిదొంగలు సాయం చేశారని జాతీయ దర్యాప్తు సంస్థ(ఎన్ఐఏ) దర్యాప్తులో తేలింది. ఉరీ ఆర్మీ క్యాంప్ లో సరుకురవాణా కూలీలు, ప్లంబర్లు, ఎలక్ట్రిషిన్లుగా పనిచేస్తున్నవారిలో కొందరు స్థావరానికి సంబంధించిన కీలకమైన సమాచారాన్ని ఉగ్రవాదులకు చేరవేడంతోపాటు ముష్కరుల తరఫున గూఢచర్యం కూడా నిర్వహించినట్లు తెలిసింది. (తప్పక చదవండి: ఉరీ దాడి ఇలా జరిగింది)
 
 ఉరీ ఉగ్రదాడి కేసును దర్యాప్తు చేస్తోన్న ఎన్ఐఏ గురువారం కొందరు కూలీలను అదుపులోకి తీసుకుని ప్రశ్నించినట్లు ఆర్మీ వర్గాలు తెలిపాయి. ఉరీ లోని 12వ పదాధిదళాల క్యాంప్ లో దాదాపు 40 మంది సరుకురవాణా కూలీలు పనిచేస్తున్నారు. జవాన్లు, అధికారులకు అవసరమయ్యే నిత్యావసరాలు, ఇతర సరుకులు తీసుకొచ్చే వీరంతా ప్రైవేటు వ్యక్తులే కావడం గమనార్హం. రోజూ వస్తూ పోయే ఈ పోర్టర్లకు క్యాంప్ లోపలి ఆవరణలో ఎక్కడెక్కడ ఏముందో కొట్టిన పిండి. పోర్టర్లు తీసుకొచ్చిన నిత్యావసరాలను నిలువ చేసే వంటశాలకు సమీపంలోనే ఉగ్రవాదులు లోపలికి ప్రవేశించడాన్ని బట్టిచూస్తే.. ఆ మార్గం ఇంటిదొంగలు సూచించిందే అయిఉంటుందని ఎన్ఐఏ అనుమానిస్తోంది. ఉగ్రవాదులు రావడానికి ముందు ఇంటిదొంగలైన ఇద్దరు గూఢచారులు.. పాక్ సరిహద్దులోని కొండల నుంచి అటవీమార్గం గుండా ఉరీ సైనిక స్థావరం వరకు రెండుమూడుసార్లు రెక్కీ నిర్వహించినట్లు తెలిసింది. అది ఉగ్రవాదులకు పూర్తిగా సురక్షితమైన మార్గమని నిర్ధారించుకున్న తర్వాతే జైషే తన తోడేళ్లను రంగంలోకి దింపింది.
 
 పోర్టర్లపై సుప్రీంకోర్టు సంచలన వ్యాఖ్యలు
 ఉరీ ఉగ్రదాడి జరగడానికి మూడు రోజుల ముందు సైనిక శిబిరంలో పనిచేస్తోన్న సరుకురవాణా కూలీల(పోర్టర్ల)ను ఉద్దేశించి సుప్రీంకోర్టు సంచలన వ్యాఖ్యలు చేసింది. పోర్టర్లతో ఎక్కువ పనిచేయిస్తూ తక్కువ జీతాలు ఇస్తున్నారంటూ ఆర్మీ అధికారులపై ఆగ్రహం వ్యక్తం చేసింది. 'పోర్టర్లేమైనా పశువులా?' అని ప్రశ్నించింది. కీలకమైన సైనిక స్థావరంలో తక్కువ జీతానికి పనిచేసే ఈ పోర్టర్లకు ఉగ్రవాద సంస్థలు ఎక్కువ డబ్బును ఎరగాచూపి తమకు అనుకూలంగా పనిచేయించుకున్నట్లు తెలుస్తోంది.


 – కేంద్ర మాజీ మంత్రి కోట్ల సూర్యప్రకాశ్‌ రెడ్డి
  
 కర్నూలు(ఓల్డ్‌సిటీ): కేంద్ర ప్రభుత్వ మెతక వైఖరితోనే యూరి ఘటన చోటు చేసుకుందని కేంద్ర మాజీ మంత్రి కోట్ల జయసూర్యప్రకాశ్‌రెడ్డి ఆరోపించారు. గురువారం రాత్రి డీసీసీ అధ్యక్షుడు పి.లక్ష్మిరెడ్డి ఆధ్వర్యంలో జిల్లా కాంగ్రెస్‌ నాయకులు పార్టీ కార్యాలయం నుంచి కొవ్వొత్తులతో ర్యాలీ నిర్వహించారు. అనంతరం తెలుగుతల్లి విగ్రహం వద్ద ప్రదర్శన జరిపారు. యూడీ ఘటనలో అమరులైన జవానులకు నివాళులు అర్పించి, జోహార్లు తెలిపారు. ఈ సందర్భంగా కోట్ల మాట్లాడుతూ.. దేశ రక్షణ విధుల్లో ఉన్న వీర సైనికులు మతి చెందడం బాధాకరమన్నారు. జెడ్పీ మాజీ చైర్మన్‌ ఆకెపోగు వెంకటస్వామి, మాజీ ఎమ్మెల్యే మదనగోపాల్, నగర కాంగ్రెస్‌ అధ్యక్షుడు సర్దార్‌ బుచ్చిబాబు, ఉపాధ్యక్షుడు వేణుగోపాల్‌రెడ్డి, వై.వి.రమణ, ప్రధాన కార్యదర్శులు పెద్దారెడ్డి, ఎం.పి.తిప్పన్న, కార్యదర్శులు పాల్గొన్నారు.
  


 వాళ్లు బందూకు పడితే... మనం ముద్ద తినగలుగుతున్నాం. వాళ్లు పహారా కాస్తుంటే... మనం నిద్రపోగలుగుతున్నాం. వాళ్లు తూటాలను ఎదుర్కొంటే... మనం జీవితాన్ని గడపగలుగుతున్నాం. వాళ్ల తల్లితండ్రులు వారిని యుద్ధక్షేత్రానికి పంపితే... మనం మన పిల్లలను స్కూళ్లకు పంపగలుగుతున్నాం. విజయమో, వీర స్వర్గమో అని యుద్ధంలోకి దిగిన మన భరతమాత ముద్దుబిడ్డలపై పిరికిపందలు చాటుదెబ్బ తీశారు. వాళ్లకు జరిగిన అన్యాయం ఇప్పటికీ మనమే భరించలేకపోతుంటే... మరువలేకపోతుంటే... మనకే కన్నీళ్లు ఆగలేకపోతుంటే... ఈ వీరజవాన్ల కుటుంబాలు ఎంతగా ఆవేదనతో రగిలిపోతున్నాయో!
 
 తెలుగు పాఠకులందరూ కొద్దిరోజులుగా పడుతున్న మనోవేదన ఒక్కటే. ‘ఆ కుటుంబాలకి మేమున్నాము’ అని చెప్పుకోలేకపోతున్న ఆవేదన. ఇదే ఆ కుటుంబాలకు శక్తినిచ్చే.. ధైర్యం నింపే... మనోబలాన్ని అందించే... తెలుగు ప్రార్థన. ఆ వీర కుటుంబాలకు మనమంతా అందించే సలామ్. దానికి మీరే సాక్షి.
  
  
 యూరీ సెక్టార్‌లో జరిగిన ఉగ్రదాడి దిగ్భ్రాంతి కలిగించింది. ఉగ్రవాద దాడిలో బలైన వీర జవాన్లకు సెల్యూట్ చేస్తున్నాను. వారి ఆత్మకు శాంతి కలగాలని కోరుకుంటున్నాను. అమర వీరులైన ఈ సైనికుల కుటుంబాలకు నా ప్రగాఢ సానుభూతి.
 - వై.యస్. జగన్‌మోహన్ రెడ్డి (సెప్టెంబర్ 18న, ట్విట్టర్‌లో...)
  
 అన్న బాటలో తమ్ముడూ రెడీ!
 సిపాయి జావ్రా ముండా, వయసు 35 ఏళ్లు
 జార్ఖండ్ ఖుటీ జిల్లా మెర్లా గ్రామానికి చెందిన జావ్రా వయసు 35 ఏళ్లు. మూడేళ్లుగా కశ్మీర్‌లో సిపాయిగా సేవలందిస్తున్నారు. మెర్లా గ్రామవాసుల రక్తంలోనే ఆ పవర్ ఉంది. దేశభక్తి ఉంది. ఆ గ్రామంలో మూడు తరాలుగా సిపాయిలుగా పనిచేస్తున్నవారున్నారు. జావ్రాకు తమ్ముడు 18 ఏళ్ల దావుద్ మాట్లాడుతూ ‘‘నేను ప్రస్తుతం బీఏ చదువుతున్నాను. వచ్చే నెలలో...  ఆర్మీ సెలక్షన్స్ ఉన్నాయట. సైన్యంలో చేరేందుకు రాంచీ వెళ్తా. ముందుగా నా అన్న చావుకు శత్రుసైన్యాలపై ప్రతీకారం తీర్చుకోవాలి’’ అంటున్నాడు.  
    
 అదే చివరి ఫొటో...
 సిపాయి రాకేశ్ సింగ్, వయసు 28
 బిహార్ రాష్ట్రం కైమూర్ లోల్లా బాద్ధా గ్రామస్థుడు రాకేశ్‌సింగ్. మొన్న మే నెలలో సెలవులకు రాగానే తన భార్య కిరణ్ ఖుష్‌వాహానూ, కొడుకు హర్షిత్‌నూ అస్సాంలోని కామాఖ్య దేవాలయానికి తీసుకెళ్లాడు సిపాయి రాకేశ్ సింగ్. ఇంటి దగ్గరికి వచ్చే వారందరికీ దేవాలయంలో వాళ్లు దిగిన ఫోటోలను చూపిస్తూ కన్నీళ్లు పెట్టుకుంటున్నాడు తండ్రి హరిహర్ సింగ్. ఇక ఆయన తల్లి రాజ్‌కవల్ దేవి కన్నీళ్లు ఆగడం లేదు. ‘‘మా వాడు మరణించాడు. ఈ పని చేసిన వాడికి మనం దీటుగా సమాధానం ఇవ్వాలి’’ అంటూ ప్రభుత్వాన్ని కోరుతున్నాడు రాకేశ్ పెద్దన్న బజ్‌రంగీ సింగ్.
    
 చూపు తెప్పించండి ! అప్పుడూ..
 హవల్దార్ అశోక్ కుమార్ సింగ్, వయసు 44 ఏళ్లు
  బిహార్‌లోని భోజ్‌పూర్ వాస్తవ్యుడు హవల్దార్ అశోక్ కుమార్ సింగ్. వాళ్ల నాన్న జగ్‌నారాయణ్ సింగ్ వయసు 78 ఏళ్లు. గత 20 ఏళ్లుగా ఆయనకు కళ్లు కనిపించడం లేదు. ‘‘నాకు కాస్త చూపు తెప్పించండి. నన్ను సరిహద్దుల్లో వదిలేయండి. చూపు అంటే లేదు గానీ ఓపిక ఉంది. శత్రువులతో పోరాడే శక్తి ఉంది. నన్ను కాస్త అక్కడ వదిలేస్తే... నా కొడుకు మరణానికి ప్రతీకారం చేస్తా’’ అంటున్నాడు ఎనభైలకు చేరువవుతున్న జగ్‌నారాయణ్. ఆయన కుటుంబంలో ఇది మొదటి విషాదం కాదు. 1986లో కూడా జగ్‌నారాయణ్ సింగ్ పెద్ద కొడుకు కమ్టా సింగ్ కూడా బికనీర్‌లో జరిగిన ఒక బాంబు పేలుడులో మృతిచెందారు. ఈ కుటుంబం నుంచి చాలా మంది దేశసేవలో నిమగ్నమై ఉన్నారు. వాళ్లంతా శత్రువుకు తగిన శాస్తి చేయడం కోసం ఇప్పుడు రగిలిపోతున్నారు.
    
  
 దసరాకు వస్తానన్న వాడు... ఇక రాడు!
 నాయక్ సునీల్ కుమార్ విద్యార్థి, వయసు 40 ఏళ్లు
 ‘‘నా కొడుకు వచ్చే దసరా పండగకు వస్తానన్నాడు. ఇక రాడు. దేశం కోసం తన ప్రాణాలనే త్యాగం చేశాడు. ఇది బాధాకరమైన అంశమే. కానీ అదే సమయంలో నాకు గర్వకారణం కూడా. ఇంకొక్క బాధ కూడా ఉంది. అయితే వాడి ప్రాణత్యాగం వృథా కాకూడదు. శత్రువుకు తగిన గుణపాఠం నేర్పాలి. ఇదే నేను కోరేది’’ అంటున్నారు సునీల్ కుమార్ విద్యార్థి తండ్రి మథురా యాదవ్. అతడిది బొక్నారీ గ్రామం, గయ జిల్లా, బిహార్ రాష్ట్రం.  
  
 నాన్న.. గుండె దిటవు చేసుకొనేదెలా?
 సిపాయి రాజేశ్ కుమార్ సింగ్, వయసు 33 ఏళ్లు
 ఉత్తరప్రదేశ్, జావున్‌పూర్ జిల్లా, భాకూర్ గ్రామం లోని ఉమేంద్ర తన సోదరుడు రాజేశ్‌కుమార్ నుంచి ఏదైనా కాల్ వస్తుందేమోనంటూ ఎదురుచూస్తున్నారు. అదే సమయంలో అతడి మరణవార్త వచ్చింది. ‘‘ఇరవై రోజులుగా రాజేశ్ నుంచి ఏదైనా సమాచారం కోసం వేచి చేస్తున్నాను. ఈ సమయంలో నా సోదరుడు అమరుడయ్యాడనే వార్త వినాల్సి వచ్చింది. కొడుకు గురించిన వార్త విన్నప్పట్నుంచీ మా నాన్న దిగులుగా ఉన్నాడు. అసలే ఆయన గుండెజబ్బు మనిషి. ఆయన ఈ వార్త విని, ఎలా సంబాళించుకుంటారో అని బెంగగా ఉంది’’ అన్నారు ఉమేంద్ర.
    
 వాడి ఏటీఎం కార్డూ ఇచ్చేశాడు!
 సిపాయి హరీందర్ యాదవ్, వయసు 26 ఏళ్లు
 ‘‘హరీందర్ అంటేనే బాధ్యతకు మారుపేరు. మాది ఉమ్మడి కుటుంబం. హరీందర్ భార్య, అతడి ఇద్దరు కొడుకులతో పాటు మేం నలుగురు అన్నదమ్ములం కలిసి ఉమ్మడి కుటుంబంలా జీవిస్తున్నాం. అతడి కొడుకులూ చాలా చిన్నవాళ్లు. పెద్దవాడు రోహిత్‌కు నాలుగేళ్లు. చిన్నవాడు రాజ్‌కు రెండేళ్లు. మా నలుగురు అన్నదమ్ముల్లో హరీందర్ ఒక్కడే సైన్యంలో పనిచేస్తున్నాడు. అతడు ఎంత మంచివాడూ, ఎంత బాధ్యత గల వాడంటే... అతడి ఏటీఎమ్ కార్డు కూడా మాకు ఇచ్చేశాడు. కొన్నేళ్లుగా అది నా దగ్గరే ఉంది’’ అంటూ హరీందర్ ఔన్నత్యం గురించి మాట్లాడుతున్నారు అతడి సోదరుడు నాగేంద్ర. హరీందర్‌ది గాయిన్ దేవ్‌పూర్, ఘాజీపూర్ జిల్లా, ఉత్తర ప్రదేశ్.  
  
 అతని భార్య నిండు గర్భిణి...
 లాన్స్‌నాయక్ రాజేశ్ కుమార్ యాదవ్, వయసు 35 ఏళ్లు
 ‘‘నా సోదరుడు రాజేశ్ మృతి చెందిన విషయం నా తల్లికీ, అతడి భార్యకూ తెలియనివ్వకూడదని మేమంతా ప్రయత్నించాం. మా ఇంటికి వచ్చేవారిని వద్దన్నాం. కారణం... నా తల్లి సిమారియా దేవి గుండె జబ్బు మనిషి. ఈ వార్త విని ఏమైపోతుందో తెలియదు. ఇక రాజేశ్ భార్య పార్వతీదేవి ఎనిమిది నెలల గర్భిణి. అందుకే వాళ్లిద్దరినీ కాపాడుకునేందుకు శతవిధాల ప్రయత్నించాం. కానీ కొందరి వల్ల చివరకు ఈ వార్త వాళ్లిద్దరికీ తెలిసింది. దుఃఖంతో కుప్పకూలిపోయారు.  వెంటనే మేం చేయాల్సి వచ్చిన పని... అంబులెన్స్‌ను ఏర్పాటు చేయమని జిల్లా పాలన అధికారులను కోరడమే’’ అంటూ విలపిస్తూ చెబుతున్నారు వికేశ్ యాదవ్. వీళ్లది యూపీలోని బలియా జిల్లా, దుబార్ధా గ్రామం.  
    
 నన్ను సైన్యంలోకి తీసుకోండి!
 సిపాయి నయిమన్ కుజూర్, వయసు 30 ఏళ్లు
 ‘‘నా భర్తను చంపిన వాళ్ల పట్ల ప్రభుత్వం కఠినంగా వ్యవహరించాలి. ఒక భార్యగా  నాకెంతో దుఃఖంగా ఉంది. కానీ, నేనొక సైనికుడి భార్యనైనందుకు గర్వంగా ఉంది. ఒకవేళ అవకాశం ఉంటే నన్ను సైన్యంలోకి తీసుకోండి. నేను సైనికురాలిగా మారేందుకు సంసిద్ధంగా ఉన్నాను’’ అంటోంది బీనా. ఆమె సిపాయి నయిమన్ కుజూర్ భార్య. వీళ్లది జార్ఖండ్‌లోని గుమ్లా జిల్లా చైన్‌పూర్ గ్రామం. నయిమన్ సోదరుల్లో ఒక్కరు మినహా అంతా సైన్యంలో పనిచేస్తున్నారు. సోదరుల స్ఫూర్తితోనే చిన్నవాడైన నయిమన్ సైన్యంలో చేరారు.
  
 చెల్లిపెళ్లి విషయం మాట్లాడుతుండగా...
 సిపాయి గణేశ్ శంకర్, వయసు 34 ఏళ్లు
 ఉత్తరప్రదేశ్... సంత్ కబీర్‌నగర్ జిల్లా, ఘూరాపల్లి గ్రామంలో గణేశ్ శంకర్ చెల్లెలైన ఇంద్రావతి పెళ్లి ఏర్పాట్లు ఎలా ఉండాలి, ఆ పెళ్ళి ఎంత ఆనందంగా చేయాలో అందరూ చర్చించుకుంటున్నారు. అదే సమయంలో గణేశ్ అమరుడైనట్లు వార్త వచ్చింది. ‘‘గోరఖ్‌పూర్ వాసితో ఇంద్రావతి నిశ్చితార్థం జరిగింది. అంతలో పిడుగుపాటు లాంటి ఈ వార్త...’’ అంటూ భోరుమన్నారు గణేశ్ సోదరుడు సురేశ్ చంద్ర యాదవ్. ‘‘నిజానికి నేనో చిన్నపాటి రైతునైనా... కుటుంబానికి అండ గణేశే’’ అంటూ బావురుమన్నారు సురేశ్. ‘‘అక్టోబర్ నెలలో జరిగే చెల్లి పెళ్లి కోసం వాడు ఎప్పుడు రావాలో చెప్పాలనుకున్నాం. కానీ ఇంతలోనే ఈ ఘోరం జరిగిపోయింది. అమరవీరుడైన మా గణేశ్ భార్య గుడియా, వాడి పిల్లలైన తొమ్మిదేళ్ళ అమృత, ఏడేళ్ల అంకిత్, నాలుగేళ్ల కృషి పరిస్థితి ఏమిటో ఇప్పుడు ఆలోచించుకుంటేనే ఆందోళనగా ఉంది’’ అంటూ కళ్లనీళ్లు పెట్టుకున్నారు ఆయన సోదరుడు సురేశ్.
    
 ఒక వీరుడు మరణిస్తే...
 సుబేదార్ కర్నైల్ సింగ్, వయసు 46 ఏళ్లు
 జమ్మూ-కాశ్మీర్ రాష్ట్రంలోని షిబుచాక్ ప్రాంతానికి చెందినవాడు. వాళ్ల కుటుంబంలో ఆర్మీలో చేరిన మొదటి వ్యక్తి ఆయనే. ఆర్మీలో చేరాలనేది కర్నైల్ సింగ్ చిన్నప్పటి కల. తోటి పిల్లలతో ఆడుకునేటప్పుడు కూడా తల మీద టోపీ పెట్టుకొని ఓ కర్రపుల్లను గన్‌గా పట్టుకొని సరిహద్దుల్లో కాపాలా కాసే సైనికుడి ఆటనే ఇష్టపడేవాడు. ‘పెద్దయ్యాక సైన్యంలో చేరి దేశాన్ని కాపాడతా’ అని చెప్పేవాడట. అనుకున్నట్టుగానే పద్ధెనిమిదేళ్లకే మిలిటరీలో చేరాడు. కలలు కన్నట్టుగానే దేశాన్ని కాపాలాకాసే జవానయ్యాడు. వీర జవానుగా మిగిలిపోయాడు. విషాదం ఏమిటంటే.. కర్నైల్‌సింగ్ కుటుంబానికి ఆర్థిక ఆధారం ఆయనే. కర్నైల్‌సింగ్‌కు అన్‌మోల్, అరుణ్, శివమ్ అని ముగ్గురు కొడుకులు. కానీ, కర్నైల్ సింగ్ కుటుంబంలోని గొప్పతనం ఏమిటంటే, వీరుడైన తమ ఇంటి పెద్ద చనిపోయాడని ఆ కుటుంబం కుప్ప కూలి పోలేదు. ఆ వ్యక్తి స్థానంలో ఈ ఇంటి నుంచి ఇంకో వీర జవానును సైన్యంలోకి పంపడానికి సమాయత్తమవుతోంది.  
    
 ఇక మాట్లాడ్డం కుదరదేమో అన్నాడు!
 సిపాయి గంగాధర్ దలూయ్, వయసు 23 ఏళ్లు
 పశ్చిమ బెంగాల్‌లోని జమునా బలాయ్‌కి చెందినవాడు గంగాధర్. వాళ్ళది పేద కుటుంబం. పిల్లలను బాగా చదివించాలని ఉన్న చేనూ చెలక అమ్మి, హౌరాలోని మంచి కాలేజ్‌లో చేర్పించాడు గంగాధర్ తండ్రి ఓంకార్‌నాథ్ దలూయ్. చిన్నప్పటి నుంచి ఆటలంటే అమితమైన ఆసక్తి గంగాధర్‌కు. ప్రతి ఆటలో గెలుపే. జుమునా బలాయ్‌లోని మురికివాడలో ఉన్న రెండుగదుల ఇరుకు ఇంట్లో.. ముందు గదిలోని చెక్క షెల్ఫ్‌ల మీద గంగాధర్ గెలుచుకున్న మెమొంటోలే అన్నీ. ఆ యువ జవాను జ్ఞాపకాలను తడిగా ఉంచడానికన్నట్టేమో అవన్నీ మెరుస్తూ కనిపిస్తాయ్. ‘వచ్చే వారం నుంచి చాలా బిజీగా ఉంటాను.. మాట్లాడ్డం కుదరదేమో.. మీరేం కంగారు పడకండి’ అని చెప్పాడు. అన్నట్టుగానే అదే ఆఖరు ఫోన్ అయింది’ అంటూ ఏడుస్తోంది గంగాధర్ తల్లి శిఖా దలూయ్.
    
 ఆ న్యూస్ కూడా అదే ఫోన్ నుంచి...
 సిపాయి బిశ్వజిత్ ఘోరాయ్, వయసు 22 ఏళ్లు
 పశ్చిమ బెంగాల్‌లోని దక్షిణ 24 పరగణాల జిల్లా గంగాసాగర్ వాస్తవ్యుడు. అతనికి ఒక అన్న, ఒక చెల్లెలు. బిశ్వజిత్ సమీప బంధువులు ఇద్దరు ఆర్మీలో పనిచేస్తున్నారు. వాళ్ల స్ఫూర్తితోనే రెండున్నరేళ్ల కిందట ఆర్మీలో చేరాడు. నిజానికి బిశ్వజిత్‌ను బాగా చదివించాలనేది అతని తల్లితండ్రుల కల. అతని చదువు కోసం ఉన్న కొద్ది భూమినీ తాకట్టు పెట్టారు. బిశ్వజిత్ ఆలోచనలు వేరుగా ఉన్నాయి. డిగ్రీలో చేరాడు కానీ ఆర్మీలో జాయిన్ అయ్యే ప్రయత్నాలూ కొనసాగించాడు. ఫస్టియర్‌లో ఉన్నప్పుడే ఆర్మీ నుంచి కాల్ లెటర్ వచ్చింది. అది తెలిసి అతని తల్లితండ్రులు అవాక్కయ్యారు. సరేలే కొడుకు ఇష్టపడుతున్నాడు కదా అని సర్దుకున్నారు. మొదటి నెల జీతంతో సోదరి బుల్టీకి సెల్‌ఫోన్ కొనిపెట్టాడు బిశ్వజిత్. ఆ ఫోన్ ద్వారే సోదరుడి మరణవార్త వినాల్సి వచ్చింది. ‘మాకు జరిగిన నష్టం ఇంకెవరికీ ఎదురు కాకూడదు’ అంది బాధ నిండిన గొంతుతో బుల్టీ.
    
  
 ఆ కుటుంబానికి దిక్కెవరు?
 హవల్దార్ నింబ్‌సింగ్ రావత్, వయసు 48 ఏళ్లు
 రాజస్థాన్‌లోని రాజ్వా ప్రాంతానికి చెందినవాడు. ఆరావళి పర్వతప్రాంతంలోని మారుమూల గ్రామం అది. ఇరవై రోజుల కిందటే యూరీకి ట్రాన్స్‌ఫర్ అయింది. నింబ్‌సింగ్‌కు భార్య రోడీ దేవి, కూతుళ్లు - పదిహేనేళ్ల ఆశ, పదమూడేళ్ల దీప, పదేళ్ల నిషా, ఏడేళ్ల పాయల్, అయిదేళ్ల కొడుకు చందన్ ఉన్నారు. ఆయనకు ముగ్గురు అన్నదమ్ములు. ఉమ్మడి కుటుంబం. నింబ్‌సింగ్ ఆర్మీ ఉద్యోగమే ఆ ఇంటికి ఆధారం. యూరీ దాడి కంటే వారం ముందే భార్య రోడీతో ఫోన్‌లో మాట్లాడాడట. నెట్‌వర్క్ సరిగ్గా లేకపోవడంతో ఎక్కువ సేపు మాట్లాడలేకపోయాడని వాపోతోంది రోడీదేవి. ‘ఇప్పుడు నాకూ, నా పిల్లలకూ దిక్కేది? పిల్లలను ఎలా చదివించాలి? ఈ ఆడపిల్లల పెళ్లి ఎట్లా చేయాలి? ప్రభుత్వం మా ఇంట్లో ఎవరికైనా ఉద్యోగం ఇచ్చి ఆదుకుంటే, మా జీవితాలేమైనా గట్టెక్కుతాయి’ అని రోదిస్తోంది రోడీ దేవి.
    
  
 ఆ పసివాడికి ఇదేమీ తెలీదు!
 లాన్స్‌నాయక్ చంద్రకాంత్ గలాడే, వయసు 27 ఏళ్లు
 మహారాష్ట్రలోని సతారాలోని జషి గ్రామస్థుడు చంద్రకాంత్. టెన్త్ వరకు చదివాడు. రెండేళ్ల కిందటే యూరీ పోస్టింగ్ వచ్చింది. అయితే చంద్రకాంత్ ఇద్దరన్నలు కేశవ్, మాంజాబాపు కూడా ఆర్మీలోనే ఉన్నారు. చంద్రకాంత్ భార్య నిషా భర్త మరణవార్తతో షాక్‌కి గురైంది. ఇప్పటికీ తేరుకోలేదు. చంద్రకాంత్‌కి ఇద్దరు కొడుకులు. పెద్దవాడికి నాలుగేళ్లు. తండ్రికి అంతిమ సంస్కారాలు జరుగుతుంటే, వాకిట్లో పిల్లలతో ఆడుకుంటున్నాడు. ఆ స్థితిలో పసివాడిని చూసి ద్రవించని హృదయం లేదు. రెండో పిల్లాడికి మూడు నెలలే. తల్లి ఒడిలో కేరింతలు కొడుతున్నాడు. ‘దాడి కంటే రెండు రోజుల ముందే ఫోన్ చేశాడు... చిన్నోడి బర్త్‌డేకి తప్పకుండా వస్తానని. మా ఇంట్లోని గేదెలు, మేకలంటే వల్లమాలిన ప్రేమ వాడికి. ఫోన్ చేసినప్పుడల్లా అడుగుతాడు అవి ఎలా ఉన్నాయని. మొన్నా అడిగాడు. ఆ తర్వాత రెండు రోజులకే ఫోన్ వచ్చింది వాడు పోయాడని. టైస్టుల దాడికి ఇలా ఎంతమంది ప్రాణాలు పోవాలి ఇంకా? ఇప్పటికైనా ప్రభుత్వం పాకిస్థాన్‌కు గట్టిగా బుద్ధి చెప్పాలి’ అంది చంద్రకాంత్ తల్లి సూలాబాయి.
    
  
 ఎంతమందికి ఈ గర్భశోకం!
 సిపాయి టీఎస్ సందీప్, వయసు 25 ఏళ్లు
 మహారాష్ట్రలోని నాసిక్ జిల్లాలో ఖండగలి గ్రామస్థుడు. నలుగురు సంతానంలో సందీపే ఆఖరివాడు. రెండున్నర నెలల కిందటే జమ్ము-కశ్మీర్‌కి ట్రాన్స్‌ఫర్ అయ్యాడు. జమ్ము-కశ్మీర్‌కి వెళ్లే ముందే సొంతూరికి వచ్చిపోయాడు. దీపావళికి వస్తానని మాటిచ్చాడు. ఆ టైమ్‌కల్లా అబ్బాయికి మంచి సంబంధం చూసి పెట్టాలనీ సందీప్ తల్లితండ్రులు నిర్ణయించుకున్నారు. సందీప్ తండ్రి సోమ్‌నాథ్ చిన్న రైతు. తనకున్న మూడు ఎకరాల భూమిలో ఉల్లిపంట వేశాడు. ఉల్లి ధర పడిపోవడంతో డీలాపడ్డ రైతుల్లో సోమ్‌నాథ్ ఒకరు. ఆ దెబ్బకు ఆయనకు గుండెపోటు కూడా వచ్చింది. కానీ ఇప్పుడు కొడుకు పోయాడన్న వార్తతో మనిషి జీవచ్ఛవమే అయ్యాడు అని చెప్తున్నాడు సందీప్ బావ ధ్యానేశ్వర్ చావంకే. ‘ఇంకా ఇలా ఎంతమంది తల్లితండ్రులు చేతికందిన కొడుకులను పోగొట్టుకొని జీవచ్ఛవాల్లా బతకాలి? ప్రభుత్వం ఇప్పటికైనా మేల్కొనాలి. భవిష్యత్తులో ఇలాంటి సంఘటనలు జరగవని భరోసా ఇవ్వాలి’ అంటాడు.
    
  
 దీనికి పరిష్కారం చూపండి!
 సిపాయి వికాస్ జాన్‌రావ్ ఉయ్‌కే, వయసు 26 ఏళ్లు
 మహారాష్ట్రలోని అమరావతి జిల్లా నందగావ్ పట్టణవాసి. వికాస్ తండ్రి జాన్‌రావు కూడా ఆర్మీలో పనిచేసి రిటైరయ్యాడు. తండ్రిలాగే తనూ ఆర్మీలో చేరి దేశసేవ చెయ్యాలనేది వికాస్ కోరిక, లక్ష్యం కూడా. ఇందుకు తండ్రి ఒప్పుకోలేదు. అయినా పట్టువీడకుండా ప్రయత్నించి ఆర్మీలో సెలెక్ట్ అయ్యాడు వికాస్. ఒప్పుకోక తప్పలేదు జాన్‌రావుకి. మిలటరీలో వచ్చే జీతంతో చెల్లెలి పెళ్లికీ తన వంతు ఆర్థిక సహాయం అందించాడు. ప్రతి నెలా తప్పకుండా పదివేలు తల్లితండ్రులకు పంపేవాడు. ఈ దుస్సంఘటన జరగడానికి 20 రోజుల ముందే తల్లితండ్రుల దగ్గరకు వచ్చివెళ్లాడట. యూరీలో జవాన్ల మీద టైస్టు దాడి జరిగి తమ కొడుకు వికాస్ చనిపోయాడన్న విషయం టీవీ స్క్రోలింగ్‌లో వచ్చేదాకా వికాస్ కుటుంబానికి తెలియలేదు. స్క్రోలింగ్‌లో చూసుకొని జిల్లా ఎస్‌పి, కలెక్టర్‌కి ఫోన్ చేస్తే కాని నిర్ధారణకు రాలేకపోయారు. ‘ఈ చర్యకు ప్రతిచర్యగా పాకిస్తాన్ మీద దాడి చేయడం గొప్ప విషయం కాదు.. ఈ సమస్యకు పరిష్కారమూ కాదు. ఇలాంటి చర్యలు మళ్లీ జరగకుండా... దీటైన, వివేకవంతమైన జవాబు చెప్పడం, పరిష్కారం చూపడం అవసరం’ అంటాడు జాన్‌రావు.  
  
 ఆ పసిగుడ్డు పరిస్థితి ఏంటి?
 సిపాయి వికాస్ జనార్దన్, వయసు 26 ఏళ్లు
 మహారాష్ట్రలోని యావత్‌మల్ జిల్లా పూరద్ నెరాద్‌కు చెందినవాడు. వికాస్ 2008లో ఆర్మీలో జాయిన్ అయ్యాడు. ఆర్నెల్ల కిందట యూరీ క్యాంప్‌కి ట్రాన్స్‌ఫర్ అయ్యాడు. రెండేళ్ల కిందటే పెళ్లయింది. భార్య స్నేహ. నాలుగు నెలల కూతురు ఉన్నారు. వికాస్‌కి ఓ తమ్ముడు. యూరీ ఉగ్రవాద దాడిలో గాయపడి  చికిత్స పొందుతూ మొన్న సోమవారం ఉదయం ప్రాణాలు విడిచాడు వికాస్. తల్లితండ్రులు, భార్య కన్నీరుమున్నీరవుతున్నారు.


 ఉడీ: ఉడీ దాడిలో 18మంది జవానులు అమరవీరులు కావడానికి గల కారణాన్ని జాతీయ దర్యాప్తు సంస్ధ(ఎన్ఐఏ) అధికారులు కనుగొన్నారు. క్యాంపు లోపల గల రెండు గార్డు పోస్టుల మధ్య సమన్వయ లోపమే మూల్యం చెల్లించేలా చేసిందని ఎన్ఐఏ నిర్ధారించినట్లు సమాచారం. ఈ ఘటనపై పూర్తి విచారణను చేపట్టిన ఎన్ఐఏ బృందం సంబంధిత అంశాలను డాక్యుమెంటేషన్ చేస్తోంది. ఆర్మీ క్యాంపు చుట్టూ ఉన్న ఫెన్సింగ్ లో లోపాలు కూడా ఉగ్రదాడికి ఉపయోగపడినట్లు ఎన్ఐఏ విచారణలో తేలినట్లు తెలిసింది.
 
 పేరు చెప్పడానికి ఇష్టపడని ఓ అధికారి తెలిపిన వివరాల ప్రకారం.. పాక్ ఆక్రమిత కశ్మీర్ నుంచి నలుగురు ఉగ్రవాదులు సెప్టెంబర్ 16/17 మధ్య రాత్రి హాజీ పీర్ పాస్ గుండా సుఖ్ దార్ గ్రామానికి చేరుకున్నారు. ఎత్తైన ప్రదేశంలో సుఖ్ దార్ గ్రామం నుంచి క్యాంపు డిజైన్, జవానుల కదలికలను గమనించడానికి పుష్కలంగా అవకాశం ఉంది. ఈ అవకాశాన్ని వినియోగించుకున్న ఉగ్రవాదులకు క్యాంపు ఫెన్సింగ్ కు దగ్గరగా ఉన్న ఎత్తైన గడ్డి వరంలా మారింది.
 
 అదను చూసుకుని గడ్డి చాటున నక్కుతూ ఫెన్సింగ్ ను తొలగించుకుని క్యాంపులోకి చొరబడినట్లు చెప్పారు. సెక్యూరిటీ నిబంధనల ప్రకారం క్యాంపుకు చుట్టూ ఉన్న గడ్డిని ఎప్పటికప్పుడు తొలగించాల్సివున్నా చేయకపోవడం, కీలకమైన ప్రాంతాల్లో భద్రతకు సంబంధించిన పరికరాలను ఉంచకపోవడం కూడా ఉగ్రవాదులకు లాభించింది తెలిపారు. క్యాంపు లోపల రెండు గార్డు పోస్టులు ఉగ్రవాదుల చొరబాటును గుర్తించకలేకపోయాయని చెప్పారు.
 
 దాడికి ముందు ఒక రోజు పాటు ఉడీ పట్టణంలో జరిగిన కాల్ డేటా(సంభాషణలు)వివరాలను జమ్మూకశ్మీర్ పోలీసులు సేకరించినట్లు చెప్పారు.కాల్ డేటా వివరాలను పాక్షికంగా పరీక్షించిన పోలీసులు అనుమానిత కాల్స్ వివరాలను, మరణించిన ఉగ్రవాదుల డీఎన్ఏ రిపోర్టులను ఎన్ఐఏకు అప్పగించినట్లు తెలిపారు. ఉగ్రవాదుల శవాలకు పట్టణానికి దగ్గరలోని శ్మశానంలో అంత్యక్రియలు చేయించినట్లు పేర్కొన్నారు.
 
 చనిపోయిన మిలిటెంట్ల నుంచి స్వాధీనం చేసుకున్ జీపీఎస్ లు, ఆయుధాలను ఎన్ఐఏ క్షుణ్ణంగా తనిఖీ చేస్తున్నట్లు వెల్లడించారు. క్యాంపు నుంచి ఆధారాలు సేకరించిన ఎన్ఐఏ బృందంలో కొందరు క్యాంపు చుట్టుపక్కల గ్రామాల ప్రజలను విచారించనున్నట్లు చెప్పారు. మిలిటెంట్లను గుర్తించిన అనంతరం పాకిస్తాన్ కు అధికారికంగా ఆ వివరాలను పంపనున్నట్లు తెలిపారు.
  


 ఉడీ ఉగ్రవాద దాడితో రగిలిపోతున్న భారత సైన్యం అప్పుడే ప్రతీకారం తీర్చుకుందా? పాకిస్థాన్‌లో ఓ భారీ కోవర్ట్‌ ఆపరేషన్‌ నిర్వహించి 20 మంది పాకిస్థానీ ఉగ్రవాదుల్ని ఏరిపారేసిందా? అంటే తాజాగా 'క్వింట్‌.కామ్‌' లో ప్రచురితమైన ఓ కథనం ఔననే అంటోంది.
 
 ఈ కథనం ప్రకారం భారత ఆర్మీకి చెందిన అత్యున్నత పారా మిలిటరీ యూనిట్లు రెండు పాకిస్థాన్ ఆక్రమిత కశ్మీర్‌ (పీవోకే)లో ఓ రహస్య ఆపరేషన్‌ నిర్వహించాయి. 18 మంది సైనికుల్ని పొట్టనబెట్టుకున్న ఉడీ ఉగ్రవా దాడి జరిగిన రెండు రోజుల తర్వాత.. సెప్టెంబర్‌ 20-21 అర్ధరాత్రి ఈ ఆపరేషన్‌ జరిగింది. హెలికాప్టర్లలో 18 నుంచి 20 సైనికులు పీవోకేలో అడుగుపెట్టి.. ఉగ్రవాద స్థావరాలపై దాడులు చేశాయి. ఈ దాడుల్లో కనీసం 20 మంది పాకిస్థానీ ఉగ్రవాదులు హతమయ్యారు.
 
 అయితే, 'క్విట్‌.కామ్‌' ప్రచురించిన ఈ ప్రత్యేక కథనాన్ని అటు రక్షణశాఖ అధికారులుగానీ, ప్రభుత్వ వర్గాలు కానీ ధ్రువీకరించడం లేదు. అయినప్పటికీ తమ కథనం ప్రామాణికమైనదేనని, ఆర్మీలోని విశ్వసనీయ వర్గాలను ఉటంకిస్తూ ఈ ఆపరేషన్‌ నిజంగానే జరిగిందని 'క్వింట్‌.కామ్‌' స్పష్టం చేయడం గమనార్హం. ఆర్మీలోని ఉన్నత వర్గాలు స్పందిస్తే తప్ప.. ఈ కథనం ప్రామాణికమైనదని నమ్మలేమని నిపుణులు అభిప్రాయపడుతున్నారు.


 న్యూఢిల్లీ: కశ్మీర్‌లోని ఉడి సైనిక స్థావరంపై పాక్ టెర్రరిస్టులు జరిపిన దాడి నేపథ్యంలో పాకిస్థాన్‌పై భారత్ బాంబులు కురిపిస్తుందా? పాక్ భూభాగంలోకి చొచ్చుకుపోయి లక్షిత టెర్రరిస్టు శిబిరాలను పేల్చి వేస్తుందా? వ్యూహాత్మక దాడులు జరుపుతుందా? వాస్తవాధీన రేఖ వద్ద నుంచి నిర్దిష్ట కాల పరిమితిగల యుద్ధం చేస్తుందా? లేదా అంతర్జాతీయ సమాజం ముందు పాక్ గుడ్డలూడదీసి దోషిగా నిలబెడుతుందా? అదే సమయంలో ఎప్పటిలాగే దౌత్యపరమైన యుద్ధం కొనసాగిస్తుందా? అన్న ప్రశ్నలు అన్ని వర్గాల్లో తలెత్తాయి.
 
  ఈ ప్రశ్నలను కాసేపు పక్కన పెడితే ప్రధాన మంత్రి నరేంద్ర మోదీకి పాకిస్థాన్ పట్ల వ్యక్తిగతంగా ఎలాంటి అభిప్రాయాలున్నాయో ఒక్కసారి పరిశీలించాల్సిన అవసరం ఉంది. పాకిస్థాన్ పక్కలో ఉన్న శత్రు దేశమని, అబద్ధాలు ఆడడంలో అది ఆరితేరిన దేశమని టీవీ జర్నలిస్ట్ రజత్ శర్మకు 2011లో ఇచ్చిన ఇంటర్వ్యూలో నరేంద్ర మోదీ స్పష్టంగా చెప్పారు. ముంబైపై 26-11 దాడులు జరిగినప్పుడే పాకిస్థాన్‌కు సైనిక దళాలను పంపించి ఉండాల్సిందని, తనకే అధికారం ఉంటే కచ్చితంగా అదే పని చేశేవాడినని ఆయన అన్నారు. పాక్ దాడులకు తెగబడినప్పుడల్లా అమెరికా వద్దకు పరుగెత్తుకెళ్లడం ఏమిటీ? అని కూడా కేంద్రం వైఖరిని హేళన చేశారు.  ఇప్పటికైనా పాకిస్థాన్‌కు ప్రేమలేఖలు రాయడాన్ని ఆపండంటూ అప్పటి యూపీఏ ప్రభుత్వాన్ని ఆయన గట్టిగా విమర్శించారు.
 
  ఇప్పుడు తన నాయకత్వంలోనే కేంద్ర ప్రభుత్వం నడుస్తున్నప్పుడు నరేంద్ర మోదీ ఎందుకు పాక్ పట్ల కఠిన వైఖరిని అవలంభించలేక పోతున్నారు? ప్రేమ లేఖలు ఆపమని చెప్పిన పెద్ద మనిషి పాక్ ప్రధాని నవాజ్ షరీఫ్ ఇంట్లో జరిగిన పెళ్లికి వెళ్లొచ్చి మెత్తపడ్డారా? ప్రజల్లో తలెత్తుతున్న ప్రశ్నలను ఆయన ఎలా అర్థం చేసుకుంటున్నారు? పాక్‌తో ఇప్పుడు సంప్రదాయక యుద్ధం చేయలేమని, అందుకు ఇది సమయం కాదని రక్షణ వర్గాలు నరేంద్ర మోదీకి స్పష్టం చేసినట్లు సమాచారం. అలా అని పాక్ భూభాగంలోకి చొచ్చుకుపోయి నిర్దిష్ట టెర్రరిస్టు శిబిరాలను ధ్వంసం చేసే శక్తి సామర్థ్యాలు కూడా మన రక్షణ రంగానికి లేవని కూడా తేల్చారట. అన్ని అంశాలను పరిశీలించాక ఎప్పటిలాగే దౌత్యపరమైన యుద్ధం కొనసాగించాలనే నిర్ణయానికి మోదీ వచ్చారని వినికిడి.
 
  భారత్, పాక్‌లు రెండుగా చీలిపోయిన నాటి నుంచి దౌత్య యుద్ధం చేస్తున్నాంగదా? ఇంకెంతకాలం అలాంటి యుద్ధం చేస్తాం? అప్పటికైనా లేదా ఎప్పటికైనా పాకిస్థాన్ దారికి వస్తుందన్న విశ్వాసం ఉందా? కశ్మీర్  సమస్యను శాశ్వతంగా పరిష్కరించేందుకు చిత్తశుద్ధి ఎలాగు లేదు. అది భారత్ అంతర్గత సమస్యని సరిపెడుతున్నప్పుడు పాకిస్థాన్ ముష్కర మూకలను అణచివేయడంలోనైనా చిత్తశుద్ధి చూపాలికదా? ఇంతవరకు చేస్తున్న దౌత్య యుద్ధం కూడా పక్కా వ్యూహంతో జరగలేదని చరిత్రనే తెలియజేస్తోంది. ఒకప్పుడు పాకిస్థాన్‌ను అమెరికా లాంటి పాశ్చాత్య దేశాలతోపాటు పలు ఇస్లామిక్ దేశాలు వెనకేసుకు వచ్చేవి. ప్రస్తుతం చైనా మినహా మరో దేశం పాక్ పక్షాన నిలబడే అవకాశమే లేదు. ఈ మారిన ప్రపంచ పరిస్థితుల్లో పాక్ పట్ల మన పంథా కూడా మారాలికదా!
 - ఓ సెక్యులరిస్ట్ కామెంట్


 దేశం కోసం ప్రాణాలర్పించిన వీర సైనికులు వాళ్లు. జమ్ముకశ్మీర్‌లోని ఉడీలో ఉగ్రవాదులు దొంగదెబ్బ తీయడంతో అసువులు బాసారు. కానీ వారి కుటుంబాలకు పరిహారం అందించి ఆదుకోవడంలోనూ పలు రాష్ట్ర ప్రభుత్వాలు తమ రాజకీయ బుద్ధిని చాటుకున్నాయి. ఉడీ దాడిలో అమరులైన బిహార్‌కు చెందిన జవాన్ల కుటుంబాలకు నితీశ్‌ సర్కారు ఐదు లక్షల పరిహారం ప్రకటించింది. మీ ముష్టి పరిహారం మాకొద్దు అంటూ సైనికుల కుటుంబాలు దానిని నిరాకరించాయి. 'నా భర్త ఏమీ తప్పతాగి డ్రైనేజ్‌లో పడి చనిపోలేదు' అంటూ అమర జవాన్‌ అశోక్‌ కుమార్‌ భార్య నితీశ్‌ సర్కారు పరిహారాన్ని ఘాటుగా తిరస్కరించారు. దీంతో ప్రభుత్వం పరిహారాన్ని రూ. 11 లక్షలకు పెంచింది.
 
 ఇక పశ్చిమ బెంగాల్‌కు చెందిన మమతా బెనర్జీ సర్కారైతే అమర జవాన్ల కుటుంబాలకు కేవలం రూ. 2 లక్షల పరిహారం ప్రకటించింది. ఎంతో ఉదార హృదయంతో సైనికుల కుటుంబాలకు ఓ హోంగార్డు ఉద్యోగాన్ని ఇస్తానని ప్రకటించింది. దీంతో పరిహారాన్ని అమర జవాన్ల కుటుంబాలు నిర్దంద్వంగా తిరస్కరించాయి.
 
 
 మమత సర్కారు తీరుపై నెటిజన్లు అగ్గి మీద గుగ్గిలమవుతున్నారు. గత ఏడాది మక్కా యాత్ర ప్రమాదంలో చనిపోయిన బాధితుడికి రూ. 10 లక్షల పరిహారం ప్రకటించిన మమత సర్కారు అమరుల కుటుంబాలకు రూ. 2 లక్షలు ప్రకటించడంపై నెటిజన్లు భగ్గుమన్నారు. సీఎంగారు అమరులేమీ బిచ్చాగాళ్లు కాదని ఘాటుగా పేర్కొంటున్నారు. దేశంలోని కుహనా లౌకికవాదానికి, కుహనా రాజకీయాలకు ఇది అద్దం పడుతున్నదని మండిపడుతున్నారు. 'అమరులేమీ బిచ్చాగాళ్లు కాదు' అన్న యాష్‌ట్యాగ్‌తో నెటిజన్లు మమత సర్కారుపై ఆగ్రహం వ్యక్తం చేస్తున్నారు.       


 న్యూఢిల్లీ: ఐక్యరాజ్యసమితిలో పాకిస్థాన్ ప్రధాని నవాజ్ షరీఫ్ చేసిన ప్రసంగం గర్హనీయమని బీజేపీ జాతీయ ప్రధాన కార్యదర్శి రాంమాధవ్‌ అన్నారు. నవాజ్ షరీఫ్ చేసిన ప్రసంగం పాకిస్థాన్ అధినేతగా చేసినట్టు లేదని, హిజ్బుల్ ముజాహిద్దీన్ సుప్రీంకమాండర్ గా మాట్లాడినట్టు ఉందని ఘాటుగా వ్యాఖ్యానించారు. బుర్హాన్ వాని వంటి తీవ్రవాద కమాండర్ల తరపున బహిరంగంగా ఆయన ప్రచారం చేస్తున్నారని దుయ్యబట్టారు. పాకిస్థాన్ ను తీవ్రవాద దేశంగా ప్రకటించాలని రాంమాధవ్ డిమాండ్ చేశారు.
 
 నవాజ్ షరీఫ్ గురించి, పాకిస్థాన్ ప్రభుత్వం భారత్ చెబుతున్నదంతా వాస్తవేమని ఐక్యరాజ్యసమితిలో షరీఫ్ ప్రసంగం ద్వారా తేలిపోయిందన్నారు. తీవ్రవాదాన్ని పాక్ ప్రోత్సహిస్తోందన్న విషయం మరోసారి రుజువైందన్నారు. ఉడీ ఉగ్రదాడి కుట్రదారులను చట్టం ముందు నిలబెట్టేందుకు దౌత్యపరంగా పాకిస్థాన్ పై ఒత్తిడి తెస్తామన్నారు. ఇందులో భాగంగా ప్రయత్నలు మొదలు పెట్టినట్టు చెప్పారు. ఉడీ ఉగ్రదాడి కుట్రదారులను వదిలిపెట్టే సమస్య లేదని స్పష్టం చేశారు.
 
 ఐక్యరాజ్యసమితిలో నవాజ్ షరీఫ్ చేసిన ప్రసంగం హాస్యాస్పదంగా ఉందని కాంగ్రెస్ సీనియర్ నాయకుడు అభిషేక్ సింఘ్వి అన్నారు. ప్రపంచంలోనే అత్యధికంగా తీవ్రవాదాన్ని ఎగుమతి చేస్తూ ఉగ్రవాదులను ప్రశంసించేలా మాట్లాడడం శోచనీయమన్నారు. ఈవిధంగా మాట్లాడడం వల్ల తమ మీద తామే జోక్ విషయాన్ని పాకిస్థాన్ గుర్తించలేకపోతోందని ఎద్దేవా చేశారు.


 న్యూఢిల్లీ:  పాకిస్థాన్ హై కమిషనర్ అబ్దుల్ బాసిత్ కు భారత విదేశాంగ కార్యదర్శి జై శంకర్ సమన్లు జారీ చేశారు. భారత్ కు వ్యతిరేకంగా పాక్ భూభాగంలో సాగుతున్న చర్యలను వెంటనే ఆపాలని ఆయన పాక్ ను డిమాండ్ చేశారు. పాకిస్థాన్ హైకమిషనర్ ను ప్రధాన మంత్రి నివాసానికి ఆహ్వానించి ఆయనతో చర్చలు జరిపారు. ఆ సమావేశానికి కేంద్ర హోం మంత్రి రాజ్ నాథ్ సింగ్, రక్షణ మంత్రి మనోహర్ పారికర్, నితిన్ గడ్కారీ లు హాజరయ్యారు.
 
 ఉరి ఘటనలో ఉగ్రవాదులు ఉపయోగించిన గన్ లు, గ్రెనేడ్లు, ఇతర ఆయుధాలపై పాకిస్థాన్ గుర్తులున్నాయని, వాటి ఆధారాలను బాసిత్ కు అందించారు. ఈ విషయాన్ని భారత్ చాలా తీవ్రంగా పరిగణిస్తున్నట్లు బాసిత్ కు తెలిపారు. పాకిస్థాన్ గతంలో చేసుకున్న ఒప్పందాలకు కట్టుబడి ఉండాలని భారత్ పాక్ కు స్పష్టం  చేసిందని  భారత విదేశాంగ శాఖ ఓ ప్రకటనలో తెలిపింది.


 న్యూఢిల్లీ: ఉడీ తరహా దాడులు పునరావృతం కాకుండా చర్యలు చేపడతామని రక్షణ మంత్రి మనోహర్ పరీకర్ తెలిపారు. మాటలు చెప్పడానికి కంటే చేతల్లో చేసి చూపించడానికే తాను ప్రాధాన్యం ఇస్తానని అన్నారు. ఏదో పొరపాటు కారణంగానే ఉడీ దాడికి అవకాశం ఏర్పడివుంటున్న అనుమానాన్ని ఆయన వ్యక్తం చేశారు. పొరపాటును సరిదిద్దుకుంటామని, భవిష్యత్ లో ఇలాంటి దాడులు జరగకుండా చూసుకుంటామన్నారు.
 
 ‘మొత్తానికి ఎక్కడో పొరపాటు జరిగింది. నేను వివరాల్లోకి వెళ్లదలుచుకోలేదు. ఇది చాలా సున్నిత విషయం. జరిగిన పొరపాటును సరిదిద్దుకుని పునరావృతం కాకుండా చూసుకుంటాం. ఎక్కడ పొరపాటు జరిగిందనేది కచ్చితంగా కనుక్కుంటాం. మరోసారి ఇలా జరగకుండా చూసుకుంటామ’ని పరీకర్ అన్నారు.
 
 తప్పులు చేయకుండా ఉండడం, వందశాతం కచ్చితత్వంతో పనిచేయడం తన జీవన విధానమని చెప్పారు. ఉడీ తరహా దాడులు మళ్లీమళ్లీ జరగబోవని దేశ ప్రజలకు హామీయిచ్చారు. జమ్మూకశ్మీర్ లోని ఉడీ సైనిక స్థావరంపై ఆదివారం విదేశీ ఉగ్రవాదులు జరిపిన దాడిలో 18 మంది సైనికులు వీర మరణం పొందగా, 20 మంది వరకు గాయపడ్డారు.


 న్యూఢిల్లీ: ప్రధానమంత్రి నరేంద్ర మోదీ నివాసంలో బుధవారం అత్యున్నత స్థాయి సమావేశం జరుగుతోంది. ఈ సమావేశానికి కేంద్ర హోంమంత్రి రాజ్నాథ్ సింగ్, అరుణ్ జైట్లీ, సుష్మా స్వరాజ్, నితిన్ గడ్కరీ తదితరులు హాజరయ్యారు.  ఉడి ఉగ్రదాడి, తాజా పరిణామాలపై ఈ భేటీలో చర్చ జరుపుతున్నట్లు సమాచారం. ఇందుకు సంబంధించి పూర్తి వివరాలు తెలియాల్సి ఉంది.
 
  


 న్యూఢిల్లీ: కశ్మీర్‌లోని ఉడి సెక్టార్‌పై టెర్రరిస్టుల దాడి సృష్టించిన వేడితో భారత్, పాకిస్థాన్‌ దేశాల మధ్య భారీగా మాటల యుద్ధం కొనసాగుతోంది. టెర్రరిజాన్ని నిర్మూలించి పాకిస్థాన్‌ను దారికి తీసుకొచ్చే సత్తావున్న నాయకుడిగా 2014 పార్లమెంట్‌ ఎన్నికల ప్రచారం సందర్భంగా పేరు తెచ్చుకున్న ప్రధాన మంత్రి నరేంద్ర మోదీకి ఇప్పుడు అసలైన అగ్ని పరీక్ష ఎదురైంది. సరిహద్దుల గుండా టెర్రరిజాన్ని ప్రోత్సహిస్తున్న పాకిస్థాన్‌కు ఎలా బుద్ధి చెప్పాలన్న అంశంపై ఆయన సంబంధిత రంగాల నిపుణులను, సలహాదారులతో సమాలోచనలు సాగిస్తున్నారు.
 
 పాకిస్థాన్‌కు శాశ్వతంగా గుణపాఠం చెప్పేందుకు సమాలోచనలతో కాలయాపన చేయడం కంటే కదన రంగానికి కాలు దువ్వడమే మంచిదనే వాదన కూడా ప్రభుత్వ వర్గాల్లో ఎక్కువగా వినిపిస్తోంది. ‘పాకిస్ధాన్‌తో స్నేహం కోసం నరేంద్ర మోదీ పదే పదే ప్రయత్నించి అలసిపోయారు. శాంతి కోసం ప్రయత్నించినప్పుడల్లా వారు టెర్రరిస్టు దాడులతో సమాధానం ఇచ్చారు. ఇక పాకిస్థాన్‌తో సంబంధాలు మునుపటిలా ఉండవు’ అని కేంద్ర చట్ట, న్యాయ శాఖ మంత్రి రవిశంకర్‌ ప్రసాద్‌ చేసిన వ్యాఖ్యలు కూడా ప్రభుత్వ వర్గాల ధోరణిని సూచిస్తున్నాయి.
 
 పాకిస్తాన్‌పై భారత్‌ యుద్ధం చేసేందుకు మెజారిటీ దేశ ప్రజల మద్దతు కూడా ఉందని ‘ప్యూ రిసెర్చ్‌ సెంటర్‌’ ఇటీవల నిర్వహించిన సర్వే వెల్లడించిన విషయం తెల్సిందే. సాయుధ దళాలతోనే టెర్రరిజాన్ని అణచివేయాలని 62 శాతం మంది ప్రజలు తమ సర్వేలో అభిప్రాయపడ్డారని ఆ సెంటర్‌ సోమవారం నాడు ప్రకటించింది. ప్రభుత్వం ఏదో ఒకటి చేయాలని, ప్రత్యక్ష కార్యాచరణకు దిగాలని దేశ ప్రజలు కోరుకుంటున్నారని కార్గిల్‌ యుద్ధం సందర్భంగా భారత ఆర్మీ చీఫ్‌గా పనిచేసిన రిటైర్డ్‌ జనరల్‌ వేద్‌ ప్రకాష్‌ మాలిక్‌ వ్యాఖ్యానించారు.
 
 ఏదిఏమైనా న్యూయార్క్‌లో ఈ వారంలో జరుగనున్న ఐక్యరాజ్యసమితి సర్వసభ్య సమావేశాన్ని ఉపయోగించుకొని ప్రపంచం ముందు పాకిస్థాన్‌ను దోషిగా నిలబెట్టాలని, దౌత్యపరంగా ఒంటరిదాన్ని చేసేందుకు అన్ని రకాలుగా కృషి చేయాలని, ముఖ్యంగా ముందుగా పాకిస్థాన్‌తోని అన్ని వాణిజ్య, జల ఒప్పందాలను రద్దు చేసుకోవాలని నిపుణులు, సలహాదారులు ప్రధానికి సూచిస్తున్నట్లు తెలుస్తోంది.
 గత పార్లమెంట్‌ ఎన్నికలకు ముందు పాకిస్థాన్‌ పట్ల అప్పటి యూపీఏ ప్రభుత్వం మెతక వైఖరిని అవలంభిస్తోందని ఆరోపించిన నరేంద్ర మోదీ ‘మీరు బలహీనులా?’ అంటూ ప్రభుత్వ నాయకత్వాన్ని ఉద్దేశించి ట్వీట్‌ చేశారు. మరి ఇప్పుడు బలమైన నాయకుడిగా ఆవిర్భవించిన మోదీ ఎలాంటి నిర్ణయం తీసుకుంటారన్న విషయంపై అందరి దృష్టి కేంద్రీకృతమై ఉంది.


 పాట్నా: ఉగ్రరక్కసి దురాఘతానికి బలైన భారత జవాన్ల కుటుంబ పరిస్థితులు అనూహ్యంగా ప్రశ్నార్థకంగా మారాయి. చనిపోయిన ఒక్కో జవాను కుటుంబంలో ఒక్కో గాథ. మొత్తం కొడుకులందరనీ ఆర్మీకి పంపించి దేశంకోసం కడుపుకోతను అనుభవించిన తండ్రి గాథ ఒకటయితే.. అదే కొడుకును పోగొట్టుకొని కాస్తంత బాధ కాస్తంత ఆవేశాన్ని, ఏమీ చేయలేని నిస్సహాయతన వ్యక్తం చేసి ఆర్మీ అంటేనే అసహ్యించుకునే పరిస్థితికొచ్చిన ఓ తండ్రిది మరో గాధ.
 
 మరో వైపు, ఎప్పుడో ఒకసారి వచ్చి వెళుతూ దూరంగా శత్రుమూకలతో పోరాడే తమ తండ్రుల ఆశయాలు ఎలాగైనా నెరవేర్చాలనే ఆలోచనతో చదువుబాటలో సాగుతున్న చిన్నారుల ఆశయాలు.. అయితే దురదృష్టవశాత్తు ఉగ్రవాదులు జరిపిన దాడి తమ వీర తండ్రుల ప్రాణాలు తీయడమే కాదు.. వారి లక్ష్యాలను సైతం బలహీనపడేలా చేసింది. మనోధైర్యాన్ని సన్నగిల్లేలా చేసింది. ఆ గమ్యాన్ని చేరుకుంటామో లేదో.. తమ కుటుంబానికి ఇక అండగా ఎవరుంటారో అని ఆ పసి హృదయాలు తల్లడిల్లుతున్నాయి.
 
 గత ఆదివారం యూరీ సెక్టార్లోని ఆర్మీ ప్రధాన క్యాంపుపై ఉగ్రవాదులు దాడి చేయడంతో 18మంది సైనికులు చనిపోయారు. వీరిలో గయకు చెందిన మథుర యాదవ్ కుమారుడు నాయిక్ సునీల్ కుమార్ ఉన్నాడు. అతడి అంత్యక్రియల సందర్భంగా మథుర యాదవ్ మాట్లాడుతూ దాడి ఘటనకు సంబంధించి భారత్ గట్టి చర్యలు తీసుకోకుంటే తన కొడుకులెవ్వరినీ మరోసారి భారత ఆర్మీలో చేర్పించబోనంటూ ఆయన ఆగ్రహం వ్యక్తం చేశారు.
 
 ఎట్టి పరిస్థితుల్లో భారత్ పాక్ ఉగ్రవాదుల విషయంలో కఠిన చర్యలు తీసుకోవాల్సిందేనని అన్నారు. కాగా, సునీల్ కుటుంబమంతా ఆయన మరణంతో విషాదంలో మునిగిపోయింది. ఆయనకు ఆరతి(13), ఆన్షికా(8) అనే ఇద్దరు కూతుర్లు ఉన్నారు. వారిద్దరు పరీక్షలు హాజరైన తర్వాతే తండ్రి అంత్యక్రియలకు హాజరయ్యారు. దీనిపై ప్రశ్నించగా ఎలాంటి అవాంతరాలు ఎదురైనా పరీక్షలను పక్కకు పెట్టొద్దని, పరీక్షల విషయంలో అస్సలు రాజీపడవొద్దని తన తండ్రి చెప్పేవాడని చెప్పారు.
 
 ఐఐటీలో ఏరోనాటికల్ ఇంజినీరింగ్ చేయించడం తన తండ్రి కల అని, అలాగే, చెల్లెల్ని డాక్టర్ గా చూడటం లక్ష్యం అని ఆరతి చెప్పింది. మరోపక్క, తన కొడుకు చనిపోయాడన్న బాధలో ఆర్మీపై తాత ఆగ్రహం వ్యక్తం చేయగా 'నాకు అవకాశం ఇస్తే ఆర్మీలో కూడా జాయిన్ అవుతాను. నా తండ్రిని చూసి గర్వపడతాను. ఎందుకంటే ఆయన చనిపోలేదు. దేశం కోసం జీవితాన్ని త్యాగం చేశారు. ఎలాగైనా ఢిల్లీలోని ఐఐటీలో చేరాలని ఉంది.. కానీ ఇప్పుడు నెరవేరుతుందో లేదో నాకు తెలియదు' అంటూ ఆరతి కాస్తంత బాధతో చెప్పింది. ఇలాంటి కుటుంబాలను సంబంధిత రాష్ట్ర ప్రభుత్వాలుగానీ, కేంద్ర ప్రభుత్వంగానీ బాధ్యత తీసుకుంటే బావుంటుంది.


 కర్నూలు : యూరి దాడి ఘటన హేయమైన చర్య అని విశ్వహిందూ పరిషత్తు (వీహెచ్‌పీ)రాష్ట్ర అధ్యక్షుడు నందిరెడ్డిసాయిరెడ్డి అన్నారు. భారతసైనికులను పొట్టనబెట్టుకున్న ఉగ్ర పాకిస్థాన్‌కు గట్టి బుద్ధి చెప్పాలన్నారు. మంగళవారం విశ్వహిందూ పరిషత్తు, బజరంగ్‌దళ్‌ ఆధ్వర్యంలో స్థానిక కలెక్టరేట్‌ ఎదుట ఉన్న మహాత్మాగాంధీ విగ్రహం  వద్ద పాకిస్థాన్‌ ప్రధాన మంత్రి నవాజ్‌షరీఫ్‌ దిష్టిబొమ్మ ను దహనం చేసి నిరసన తెలి పారు.  
 
 ఈ సందర్భంగా నందిరెడ్డి సాయిరెడ్డి మాట్లాడుతూ భారతదేశంలోని ప్రశాంతతను భంగం కలిగించడమే పాకిస్థాన్‌ లక్ష్యంగా మారిందన్నారు. వీహెచ్‌పీ జిల్లా గౌరవాధ్యక్షుడు సోమిశెట్టి వెంకట్రామయ్య మాట్లాడుతూ  మన సైన్యాన్ని ఎదుర్కొవటం చేతగాక దొడ్డిదారిలో పొరుగుదేశం దాడులకు పాల్పడుతుందన్నారు.  ఉగ్రవాదుల పట్ల కఠినంగా వ్యవహరించాలని కోరుతూ  జేసీ –2 రామస్వామికి వినతిపత్రం అందజేశారు. కార్యక్రమంలో వీహెచ్‌పీ జిల్లా ఉపాధ్యక్షుడు కిష్టన్న, నగర కార్యదర్శి భానుప్రకాష్, బజరంగ్‌దళ్‌ రాష్ట్ర ప్రముఖ్‌ వేద ప్రకాష్, నగర ప్రముఖ్‌ రామకృష జిల్లా అధ్యక్షుడు నరసింహుడు పాల్గొన్నారు.


 న్యూఢిల్లీ: పాకిస్థాన్ మాజీ అధ్యక్షుడు పర్వేజ్ ముషార్రఫ్ పుండుమీద కారం చల్లినట్లు మాట్లాడాడు. కశ్మీర్లో ఎవరు దాడి చేసిన తమనే(పాకిస్థాన్నే) బాధ్యులుగా చేయడం భారత్ కు అలవాటైపోయిందని అన్నారు. యూరీ సెక్టార్లో దాడికి సంబంధించి తమపై భారత్ ఎలాంటి మిలిటరీ చర్యలు తీసుకున్నా ఎప్పుడంటే అప్పుడు తాను(పాకిస్థాన్) ఎంపిక చేసుకున్న ప్రాంతంలో దాడులు చేయగలదని భారత్ను హెచ్చరించాడు. ప్రస్తుత దాడులకు సంబంధించి భారత్ మిలటరీ యాక్షన్ తో ప్రతీకారం తీల్చుకోవాల్సిందే అంటున్న డీజీఎంవో, డిఫెన్స్ మినిస్టర్ ఒక్కసారి జరుగుతున్న పరిణామాలు ఏమిటో అర్థం చేసుకుంటే మంచిదంటూ వ్యాఖ్యానించారు.
 
 'ఇప్పుడు మీరు (భారత్) మీకు నచ్చిన చోటును ఎంపిక చేసుకొని దాడి చేస్తే మేం కూడా మాకు నచ్చిన చోట, నచ్చిన సమయంలో దాడి చేస్తాం' అంటూ ఆయన లండన్ లోని తన నివాసం నుంచి ఓ మీడియాతో రెచ్చగొట్టే వ్యాఖ్యలు చేశారు. పాక్ ఆర్మీ సహాయంతోనే జైషే ఈ మహ్మద్ సంస్థ యూరీ స్థావరంపై దాడులకు దిగిందన్న భారత్ వ్యాఖ్యలను తాము అంగీకరించబోమంటూ కొట్టి పారేశారు. 'దాడి జరిగిన గంటల్లోనే పాక్పై ఆరోపణలు చేసేందుకు ఆయన వద్ద ఏం ఆధారాలు ఉన్నాయో నాకు తెలియదు. కశ్మీర్ లో దాడి జరిగిన ప్రతిసారి పాకిస్థాన్ను నిందించడం ఇండియాకు అలవాటైపోయింది' అంటూ ముషార్రఫ్ వ్యాఖ్యానించాడు.
 
 దాడికి పాల్పడిన ఆయుధాలు, పేలుడు సామాగ్రి మొత్తం పాక్ నుంచే వచ్చినట్లు ఆధారాలు ఉన్నాయి కదా అని ప్రశ్నించగా ప్రపంచంలోని ఏ ప్రాంతంలో నుంచైనా ఎవరైనా ఆయుధాలు కొనుగోలు చేసుకోవచ్చని తాఫీగా సెలవిచ్చాడు. ఆయుధాలు అక్కడివే అయినా.. ఆ దాడికి పాల్పడినవారు పాక్ నుంచే వచ్చారనడానికి ఆధారాలు లేవు కదా అంటూ ఎదురు ప్రశ్నించారు. జైషే ఈ మహ్మద్ అనేది పాకిస్థాన్లో నిషేధించిన ఓ సంస్థ అని, ప్రస్తుతం పాక్లో పనిచేయడం లేదంటూ సమాధానం ఇచ్చారు.


 పుంగనూరు  టౌన్‌ : కశ్మీర్‌లోని యూరి సైనిక శిబిరంపై పాక్‌ ఉగ్రవాదులు జరిపిన దాడిలో అశువులు బాసిన జవాన్లకు మంగళవారం మున్సిపల్‌ సిబ్బంది, లయన్స్‌ క్లబ్‌ సంయుక్తంగా నివాళులర్పించారు. పట్టణంలో కొవ్వొత్తుల ప్రదర్శన నిర్వహించారు. జవాన్ల ఆత్మశాంతి కోసం మౌనం పాటించారు. లయన్స్‌ జిల్లా డయాబెటిక్‌ చైర్‌పర్సన్‌ డాక్టర్‌ శివ మాట్లాడుతూ భారత్‌పై పాక్‌ ఉగ్రవాద చర్యలను ప్రోత్సహించడం దారుణమన్నారు. కేంద్ర ప్రభుత్వం కఠిన నిర్ణయాలు తీసుకుని భవిష్యత్తులో ఇలాంటి ఘటనలు పునరావృతం కాకుండా చూడాలని కోరారు. ఈ కార్యక్రమంలో మున్సిపల్‌ కమిషనర్‌ లోకేష్‌వర్మ, వైస్‌ చైర్మన్‌ ఆవుల అమరేంద్ర , లయన్స్‌ క్లబ్‌ సభ్యులు వరదారెడ్డి, సుట్లూరు శ్రీనివాసులు, ముత్యాలు, సరస్వతమ్మ, గిరిధర్, ఇంతియాజ్, ప్రభాకర్‌నాయుడు, గోపాలకృష్ణ, సమాఖ్య సభ్యులు, కౌన్సిలర్లు పాల్గొన్నారు.
  


 ముంబై: వీరమరణం పొందిన అమర జవాన్ల సేవలను కొనియాడడంతోనే సరిపెట్టకుండా వారి కుటుంబాలను ఆర్థికంగా ఆదుకునేందుకు ముందుకు రావాలని బాలీవుడ్ హీరో అక్షయ్ కుమార్ కోరాడు. మాతృభూమి రక్షణ కోసం ప్రాణాలను త్యాగం చేసిన వారి కుటుంబాలకు చేతనైనంత సహాయం చేయడం మనందరి బాధ్యత అని పేర్కొన్నాడు.
 
 ‘సైనికులు అందించిన సేవలకు పతకాలు ఇచ్చి గౌరవించడం మంచిదే. ఈ గౌరవాలు అందుకోవడానికి అన్నివిధాల వారు అర్హులు. కానీ డబ్బు కూడా వారికి చాలా అవసరం. మనం కాస్త ప్రాక్టికల్ గా ఆలోచించాలి. ఆర్థికంగా తన వంతు సాయం చేయాలని నిర్ణయించుకున్నాను. ప్రతి ఒక్కరు ఈ విధంగా ముందుకు రావాల’ని అక్షయ్ కుమార్ కోరారు. యూరి ఉగ్రవాదుల దాడిలో అమరులైన సైనికుల కుటుంబాలకు ఆర్థికంగా చేయూత అందించాలని విజ్ఞప్తి చేశాడు. ఆర్మీ అంటే ఇష్టపడే అక్షయ్ కుమార్.. బాబి, రుస్తుం, ఎయిర్ లిఫ్ట్, స్పెషల్ 26 వంటి దేశభక్తి కలిగిన సినిమాల్లో నటించాడు.


 న్యూఢిల్లీ : కేంద్ర మంత్రివర్గం బుధవారం అత్యవసరంగా సమావేశం కానుంది. ప్రధానమంత్రి మోదీ అధ్యక్షతన కేంద్ర మంత్రివర్గం భేటీ కానుంది. యురీ ఉగ్రదాడి, పాక్‌ను దౌత్యపరంగా దెబ్బతీయడం సహా తాజా పరిణామాలపై కేంద్ర కేబినెట్ దృష్టి సారించనుంది. పాక్‌పై యుద్ధం చేయాలని దేశవ్యాప్తంగా డిమాండ్లు వెల్లువెత్తుతున్న వేళ... పాకిస్థాన్ విషయంలో ఎలాంటి నిర్ణయం తీసుకోవాలనే అంశాన్ని కేబినెట్ చర్చించనుంది.
 
 మరోవైపు పాకిస్థాన్‌ను క్షమించే ప్రసక్తే లేదని బీజేపీ నేత రామ్‌ మాధవ్ అన్నారు. పాకిస్థాన్‌కు బహుముఖ స్థాయిలో సమాధానం ఇవ్వడం జరుగుతుందన్నారు. ఇప్పటికే దౌత్యపరంగా చర్యలు చేపట్టినట్లు చెప్పారు. పాకిస్తాన్ ఒక బాధ్యతారాహిత్య దేశమన్నారు. ఉగ్రవాద దాడులను సమర్ధవంతంగా తిప్పికొడతామని ప్రధాని చెప్పారని రాం మాధవ్ పేర్కొన్నారు‌.


 న్యూఢిల్లీ: పాకిస్థాన్ కు గుణపాఠం చెప్పాల్సిన సమయం ఆసన్నమైందని విశ్వహిందూ పరిషత్(వీహెచ్ పీ) పేర్కొంది. దాయాది దేశంపై దాడి చేసి పాక్ ఆక్రమిత కశ్మీర్ తిరిగి తెచ్చుకోవాలని వీహెచ్ పీ అంతర్జాతీయ సంయుక్త కార్యదర్శి సురేంద్ర కుమార్ జైన్ అన్నారు. పాకిస్థాన్ తో యుద్ధానికి పార్లమెంట్ లో తీర్మానం ఆమోదించడానికి ఇదే సరైన సమయమని పేర్కొన్నారు.
 
 ‘పాకిస్థాన్ పై భారత్ దాడి చేయాలి. పీఓకేను స్వాధీనం చేసుకోవాలి. ఇది భారత న్యాయమైన హక్కు. పాక్ ఆక్రమిత కశ్మీర్ మనదే. దీనికి అనుగుణంగా పార్లమెంట్ లో తీర్మానం ఆమోదించాల’ని జైన్ వ్యాఖ్యానించారు. యూరి సైనిక స్థావరంపై ఉగ్రవాదుల దాడి నేపథ్యంలో పాకిస్థాన్ వ్యతిరేకంగా ప్రపంచవ్యాప్తంగా స్పందన వ్యక్తమవుతోందని చెప్పారు. పాకిస్థాన్ ఇప్పుడు ఒంటరైందని, పొరుగుదేశంపై దండెత్తడానికి ఇదే సరైన సమయమన్నారు.


 న్యూఢిల్లీ/వాషింగ్టన్: అంతర్జాతీయ సమాజంలో దాయదిని ఏకాకినిచేసి ఏకిపారేయాలనుకుంటోన్న భారత్, పాకిస్థాన్ లు అమెరికా గడ్డపై తలపడనున్నాయి. బలూచిస్థాన్ పై భారత ప్రకటన వెలువడినప్పటి నుంచి ఇరు దేశాల మధ్య తీవ్రతరమైన ఉద్రిక్తత.. యూరి ఉగ్రదాడితో తారాస్థాయికి చేరింది. అదే వేడిలో భారత్, పాక్ లు బుధవారం నుంచి న్యూయార్క్ లో ప్రారంభంకానున్న ఐక్యరాజ్యసమితి సాధారణ అసెంబ్లీ సమావేశాల్లో దౌత్యయుద్ధాన్ని చేయనున్నాయి.
 
 ప్రధాని నరేంద్ర మోదీ గౌర్హాజరు కారణంగా విదేశాంగ మంత్రి సుష్మా స్వరాజ్ భారత బృందానికి సారథ్యం వహించనున్నారు. పాకిస్థాన్ తరఫున ఆ దేశ ప్రధాని నవాజ్ షరీఫ్ రంగంలోకి దిగుతున్నారు. నవాజ్ 20న(బుధవారం), సుష్మా 26న(సోమవారం) ఐరాస అసెంబ్లీ సమావేశంలో మాట్లాడనున్నారు. ఎవరెవరు ఎలాంటి ఎత్తుగడలతో యుద్ధం చేయనున్నారంటే..
 
 భారత్: కశ్మీర్ లోని యూరి సైనిక స్థావరంపై ఆదివారం (సెప్టెంబర్ 18న) జరిగిన ఉగ్రదాడి ముమ్మాటికి పాక్ ప్రభుత్వ, సైనిక ప్రోద్బలంతోనే జరిగిందని, అందుకు తగిన ఆధారాలను ప్రపంచం ముందుంచనుంది. యూరి దాడి ఒక్కటేకాదు గతంలో పఠాన్ కోట్, అంతకు ముందు ముంబై తదితర కీలక దాడుల్లో పాక్ ప్రమేయం ఉందనే విషయాన్ని బలంగా వాదించనుంది. అదేక్రమంలో బలూచిస్థాన్, పాక్ ఆక్రమిత కశ్మీర్ లో కొనసాగుతోన్న మానవ హక్కుల హననాన్ని భారత్ హైలైట్ చేయనుంది. ఏ కోణంలో చూసినా పాకిస్థాన్ ఉగ్రవాదులకు స్థావరంగా, ఉగ్రకార్యకలాపాల అడ్డాగా ఉన్నందున దానిని ఉగ్రవాద దేశంగా గుర్తించి, అంతర్జాతీయ సమాజం నుంచి వెలి వేయాలని భారత్ వాదించనుంది.
 
 పాకిస్థాన్: కశ్మీర్ లో అశాంతి అంశాన్ని హైటైట్ చేయడం ద్వారా భారత్ ను ఇరుకునపెట్టాలన్నది పాక్ ప్రధాన లక్ష్యం. ఉగ్రదాడుల విషయంలో భారత్ చెబుతున్నవన్నీ కట్టుకథలేనని పాకిస్థాన్ మొదటి నుంచి వాదిస్తోంది. బుధవారం నాటి నవాజ్ షరీఫ్ ప్రసంగంలో.. ఇటీవల కశ్మీర్ ఆందోళనల్లో చనిపోయిన(80 మంది)వారి గురించిన ప్రస్తావనతోపాటు కశ్మీర్ స్వయంప్రతిపత్తిపై గతంలో ఐరాసలో చేసిన తీర్మానాల అమలుకు పట్టుపట్టే అవకాశం ఉంది.
 
 అఫ్ఘానిస్థాన్: మారిన పరిస్థితుల దృష్ట్యా భారత్ కు దగ్గరైన అఫ్ఘానిస్థాన్ ఈసారి ఐక్యరాజ్య సమితి సమావేశాల్లో భారత్ కు వెన్నుదన్నుగా నిలవనుంది. ఆ దేశాధ్యక్షుడు హమీద్ కర్జాయ్.. పాక్ పేరును ప్రస్తావించకుండా అది చేసేస్తోన్న పనులను ఎండగట్టనున్నారు.
 
 సార్క్ బహిష్కరణ: దక్షిణ ఆసియా దేశాల కూటమి(సార్క్) నుంచి వైదొలగాలని భారత్ ప్రాథమికంగా నిర్ణయించుకుంది. భారత్ నిర్ణయాన్ని సమర్థిస్తూ బంగ్లాదేశ్,అఫ్ఘానిస్థాన్ లు సైతం సార్క్ నుంచి వెలుపలికి రానున్నట్లు ఈ దేశ ప్రతినిధులు ప్రకటించారు.
 
 పాక్తో పోరుకు భారత్ వ్యూహమిదే..
 
 ఆర్థికపమైన అంశాలు: ప్రస్తుతం భారత్, పాక్ ల మధ్య కొనసాగుతోన్న వ్యాపార, వాణిజ్యాలన్నింటినీ రద్దుచేసుకోవడం, పాక్ సరుకుల దిగుమతిని ఆపేయడం, పాక్ తో వ్యాపార సంబంధాలు రద్దుచేసుకునేలా ఇతర దేశాలపై ఒత్తిడి పెంచడం లాంటి చర్యలను భారత్ తన వ్యూహంలో భాగంగా అమలుచేయనున్నట్లు తెలిసింది.
 
 సైనిక పరంగా: ఇన్నాళ్ల వ్యవహార శైలికి భిన్నంగా భారత సైన్యం పాక్ ఆక్రమిత కశ్మీర్ లో పరిమిత యుద్ధం చేయనుంది. పీఓకేలోని ఉగ్రస్థావరాలపై తరచూ దాడులు చేయడంతోపాటు చొరబాట్లను ప్రోత్సహిస్తోన్న పాక్ ఆర్మీ స్థావరాలను కూడా టార్గెట్ చేయాలని నిర్ణయించినట్లు సమాచారం. అదే సమయంలో సరిహద్దుల్లో గస్తీని ముమ్మరం చేయనున్నారు.
 
 దౌత్యపరమైన వ్యూహం: పాకిస్థాన్ తో సంబంధాలన్నింటినీ తెంచుకోవడంతోపాటు ఆ దేశంలో రాయబారిని వెనక్కి పిలిపించాలని భారత్ భావిస్తోంది. దీనితోపాటు యూరి సహా ఇతర ఉగ్రదాడుల్లో పాక్ ప్రమేయానికి సంబంధిచిన అన్ని ఆధారాలను సమర్పించి, దర్యాప్తునకు ప్రేరేపించేలా దాయాదిపై ఒత్తిడి పెంచాలని నిర్ణయించుకున్నట్లు తెలిసింది.


 18 మంది సైనికుల్ని పొట్టనబెట్టుకున్న యూరి ఉగ్రవాద దాడి నేపథ్యంలో దాయాది పాకిస్థాన్‌ కు దీటుగా జవాబు చెప్పేందుకు భారత్‌ సన్నద్ధమవుతున్న తరుణంలోనే ఆ దేశం మరోసారి రెచ్చగొట్టే చర్యలకు దిగింది. యూరి సెక్టర్‌లో దాయాది సైన్యం కాల్పుల విరమణ ఒప్పందానికి తూట్లు పొడిచింది. చిన్నస్థాయి ఆయుధాలతో భారత ఆర్మీ పోస్టు లక్ష్యంగా 20 రౌండ్లు కాల్పులు జరిపింది. దీంతో భారత సైన్యం దీటుగా బదులు ఇచ్చింది.
 
 కాగా, యూరి సెక్టర్‌లో మంగళవారం భారీ ఎన్‌కౌంటర్‌ జరిగింది. లాచిపుర ప్రాంతంలో దాడులకు దిగిన ఉగ్రవాదులను భారత సైన్యం ఏరిపారేసింది. ఈ ఎన్‌కౌంటర్‌లో పదిమంది ఉగ్రవాదులు మరణించినట్టు సమాచారం. ఈ ఘటనకు సంబంధించిన మరిన్ని వివరాలు తెలియాల్సి ఉంది.
 
 యూరి ఉగ్రవాద దాడితో రగిలిపోతున్న భారత్‌.. 26/11 ముంబై దాడుల అనంతరం పాకిస్థాన్‌ను ఏవిధంగా అయితే అంతర్జాతీయంగా ఇరకాటంలో పెట్టిందో ఇప్పుడు కూడా అదేవిధంగా పాక్‌ ను ఏకాకిని చేయాలని నిశ్చయించింది. దౌత్యపరంగా, ఆర్థికంగా, సైనికంగా పాక్‌ కు దీటుగా బదులు చెప్పేందుకు వ్యూహం రచించాలని ప్రధాని నరేంద్రమోదీ నేతృత్వంలో జరిగిన ఉన్నతస్థాయి సమావేశంలో నిర్ణయించింది. భారత భూభాగంలో ఉగ్రవాద దాడులను ప్రేరేపిస్తున్న పాకిస్థాన్‌ తీరును అంతర్జాతీయంగా ఎండగట్టేందుకు కేంద్ర ప్రభుత్వం సన్నద్ధమవుతున్న తరుణంలో సరిహద్దుల్లో మళ్లీ పాక్‌ సైన్యం కాల్పుల విరమణ ఉల్లంఘనకు పాల్పడటం గమనార్హం.
 
 యూరి ఉగ్రవాద దాడి నేపథ్యంలో జమ్మూకశ్మీర్‌ లోని పరిస్థితిపై కేంద్ర హోంమంత్రి రాజ్‌నాథ్‌ సింగ్‌ మంగళవారం ఉన్నతస్థాయి సమీక్షా సమావేశం నిర్వహించారు.


 న్యూఢిల్లీ: కాశ్మీర్‌లోని యురి సెక్టార్‌లో ఆదివారం నాడు సైనిక శిబిరంపై పాకిస్థాన్‌ టెర్రరిస్టులు దాడి జరిపి భారత ప్రభుత్వానికి పెను సవాల్‌ను విసిరిన విషయం తెల్సిందే. ఈ సవాల్‌ను భారత్‌ ఎలా ఎదుర్కోవాలి? భారత్‌పై పరోక్ష యుద్ధాన్ని సాగిస్తున్న పాకిస్థాన్‌కు ఎలా బుద్ధి చెప్పాలి? పాకిస్థాన్‌పై ప్రత్యక్ష సంప్రదాయక యుద్ధానికి దిగితే ఎలాంటి పరిణామాలు సంభవిస్తాయి? ఈ ఆఖరి ప్రశ్న సోమవారం ప్రధాని నరేంద్ర మోదీ నాయకత్వంలో జరిగిన కేబినెట్‌ సమావేశంలో కూడా చర్చకు రాకపోలేదు.
 
 సంప్రదాయక యుద్ధంలో పాకిస్థాన్‌పై మనదే పైచేయన్న విషయం మనకే కాదు, అటు పాకిస్థాన్‌కు కూడా తెలుసు. అయినప్పటికీ అది ఊహించినంత ఈజీ కాదు. పాకిస్థాన్‌ రాజకీయాల్లో క్రియాశీలక పాత్ర వహించే అక్కడి సైన్యం పర్యవసానాలను పక్కన పెట్టి మనపై యుద్ధం చేయడానికి ఏ మాత్రం వెనకాడదు. మనం పాకిస్థాన్‌పై సంప్రదాయక యుద్ధం చేయాలంటేనే ఐక్యరాజ్యసమితి మొదలుకొని అమెరికా వరకు పలు దేశాల అనుమతి లేదా మద్దతు మనకు కావాలి. పాకిస్థాన్‌ టెర్రరిజానికి వ్యతిరేకంగా ఇటీవల మాట్లాడుతున్న అమెరికా పాక్‌పై యుద్ధానికి మద్దతిచ్చే అవకాశం ఏ మాత్రం లేదు.
 
 అంతేకాకుండా సంప్రదాయక యుద్ధంలో మనకన్నా బలమైన చైనా మనల్ని వ్యతిరేకించడమే కాకుండా పాక్‌తో వ్యూహాత్మక భాగస్వామ్యాన్ని కొనసాగిస్తున్నందున ఆ దేశానికి అండగా నిలబడే అవకాశం లేకపోలేదు. సంప్రదాయక యుద్ధం వల్ల ఇరువైపుల ప్రాణ, ఆస్తి నష్టాలు సంభవించడమే కాకుండా పలు జాతీయ, అంతర్జాతీయ పరిణామాలకు దారితీస్తుంది. ఇంకా ఊహించని పరిణామాలు కూడా చోటు చేసుకోవచ్చు. పాకిస్థాన్‌ తరహాలోనే మనం కూడా ఆ దేశంపైనా పరోక్ష యుద్ధాన్నే కొనసాగిస్తే?
 
 ఇది కూడా సాధ్యమయ్యే పనికాదు. పాకిస్తాన్‌లో కొన్ని తరాలుగా టెర్రరిస్టు సంస్థలు వేళ్లూనుకొని ఉన్నాయి. పాక్‌కు వ్యతిరేకంగా ఏ టెర్రరిస్టు సంస్థలు మన భూభాగంలో లేవు. బెలూచిస్థాన్‌ విముక్తి కోసం పరోక్ష యుద్ధానికి దిగుతామంటే అక్కడ నుంచి వచ్చి ఇక్కడ శిక్షణ, సహాయ సహకారాలు పొందేందుకు వేలాది మంది మిలిటెంట్లు లేదా టెర్రరిస్టులు సిద్ధంగా ఉన్నారు. అదే చేయాలనుకుంటే ఎన్నో ఏళ్లు వ్యూహాత్మకంగా వ్యవహరిస్తూ రావాలి. అంతకంటే ముందు కాశ్మీరు విముక్తిని కోరుకోని మనం బలూచిస్థాన్‌ విముక్తిని మాత్రం నైతికంగా ఎలా కోరుకుంటాం?
 
 పాకిస్థాన్‌తో జరిపిన సంప్రదాయక యుద్ధాల్లో కన్నా పాకిస్థాన్‌ జరిపిన పరోక్ష యుద్ధంలోనే భారత్‌ సైనికులు ఎక్కువ మరణించారన్న విషయంలో సందేహం లేదు. నరేంద్ర మోదీ ప్రభుత్వం అధికారంలోకి వచ్చాక పఠాన్‌కోట్, పాంపోర్, యురి లాంటి అతిపెద్ద టెర్రరిస్టు దాడులు జరిగాయి. మరి పాకిస్థాన్‌కు బుద్ది చెప్పడం ఎలా? ఊహించని విధంగా పాక్‌ భూభాగంలోకి చొచ్చుకుపోయి ఎంపిక చేసిన టెర్రరిస్టు శిబిరాలను నామరూపాలు లేకుండా నిర్మూలించడమే అందుకు మార్గం. పాకిస్థాన్‌లోకి జొరబడి అంతర్జాతీయ టెర్రరిస్టు ఒసామా బిన్‌లాడెన్‌ను తుదముట్టించిన అమెరాకా స్పెషల్‌ కమాండో ఆపరేషన్, ఇరాక్‌లో సద్ధాంకు వ్యతిరేకంగా అమెరికా నిర్వహించిన స్పెషల్‌ ఆపరేషన్‌ కమాండ్‌ తరహా ఆపరేషన్లు మనమూ నిర్వహించాలి.
 
 అందుకు అలాంటి అమెరికా తరహా కమాండో వ్యవస్థను లేదా బ్రిటన్‌ తరహా స్పెషల్‌ ఫోర్సెస్‌ డైరెక్టర్‌ వ్యవస్థ మనమూ ఏర్పాటు చేసుకోవాలి. దాన్ని ఇప్పటికిప్పుడు ఏర్పాటు చేయలేం. కొన్నేళ్లు పడుతుంది. అయినా సరే అదే ఉత్తమమైన మార్గమని మాజీ ప్రత్యేక సైనిక దళాల అధికారి లెఫ్ట్‌నెంట్‌ జనరల్‌ హర్దెవ్‌ లిడ్డర్, ప్రత్యేక సైనిక దళాల మాజీ అధికారి, ఇన్‌ఫర్మేషన్‌ సిస్టమ్స్‌ మాజీ డీజీ లెఫ్ట్‌నెంట్‌ జనరల్‌ ప్రకాష్‌ కటోచ్, నేషనల్‌ సెక్యూరిటీ పత్రిక మాజీ సంపాదకుడు సైకత్‌ దత్తా అభిప్రాయపడ్డారు. ఇలాంటి ప్రత్యేక ఆపరేషన్లను నిర్వహించే శక్తి సామర్థ్యాలు మన పారా మిలిటరీ దళాల్లో 1.9,10, 21 బెటాలియన్లకు ఉన్నాయి. వాటిలో 9, 10 దళాలకు శ్రీలంకలో ఎలీటీటీఈ తీవ్రవాడులకు వ్యతిరేకంగా సుదీర్ఘ పోరాటం జరిపిన అనుభవం కూడా ఉంది.
 
 ఇలాంటి దళాలతోపాటు వైమానిక దళాల నుంచి కొన్ని దళాలను ఎంపిక చేసుకొని ప్రత్యేక ఆపరేషన్‌ కమాండ్‌ వ్యవస్థను ఏర్పాటు చేసుకోవచ్చు. ఇలాంటి వ్యవస్థ బ్రిటన్‌లో ప్రధాన మంత్రి నాయకత్వంలోని సంక్షోభ నివారణ కమిటీ ఆధ్వర్యంలో నడుస్తోంది. మనం ప్రధాన మంత్రి కార్యాలయం ఆధ్వర్యంలో నడుస్తున్న జాతీయ భద్రతా సలహాదారు ఆధ్వర్యంలో దీన్ని ఏర్పాటు చేయవచ్చు. అయితే ఈ వ్యవస్థకు ప్రత్యేకమైన ఇంటెలిజెన్స్‌ వ్యవస్థ అవసరం. మన దేశంలో ప్రస్తుతం ఇంటెలిజెన్స్‌ బ్యూరో, రీసెర్చ్‌ అండ్‌ అనాలసిస్‌ వింగ్, నేషనల్‌ టెక్నికల్‌ రిసెర్చ్‌ ఆర్గనైజేషన్‌ అనే మూడు సంస్థలు ఉన్నాయి. ఈ సంస్థలు కూడా ఒక్క మంత్రిత్వ శాఖ కింద కాకుండా వేర్వేరు మంత్రిత్వ శాఖల ఆధ్వర్యంలో పనిచేస్తున్నాయి.


 న్యూఢిల్లీ: పాకిస్థాన్.. ఓ బాధ్యతారాహిత్యమైన దేశమని బీజేపీ ప్రధాన కార్యదర్శి రాంమాధవ్ విమర్శించారు. పాకిస్థాన్ ఉగ్రదాడిని సమర్థవంతంగా తిప్పి కొడతామని ప్రధాని నరేంద్ర మోదీ ప్రకటించారని తెలిపారు. తగిన సమయంలో పాకిస్థాన్ కు బుద్ధి చెప్తారని అన్నారు. దౌత్యపరంగా పాకిస్థాన్ ను ఏకాకిని చేస్తామని చెప్పారు.
 
 సరిహద్దులో కాల్పుల విరమణ ఉల్లంఘనకు తగిన రీతిలో జవాబిస్తామన్నారు. జమ్మూకశ్మీర్ లోని యూరి సైనిక స్థావరంపై నలుగురు ఉగ్రవాదులు దాడి పాల్పడి రెండు రోజులు గడవకముందే సరిహద్దులో పాకిస్థాన్ కాల్పుల విరమణ ఉల్లంఘనకు పాల్పడిన నేపథ్యంలో ఆయన ఈ విధంగా స్పందించారు.


 న్యూయార్క్‌: పాకిస్థాన్‌ విదేశాంగ కార్యదర్శి న్యూయార్క్‌లో నిర్వహించిన మీడియా సమావేశంలో ఓ భారతీయ టీవీచానెల్‌ జర్నలిస్టుకు ఓ చేదు అనుభవం ఎదురైంది. ఎన్డీటీవీ జర్నలిస్టు పట్ల కొంత దురుసుగా ప్రవర్తిస్తూ.. ’ఇస్‌ ఇండియన్‌కో నికాలో’ (ఈ భారతీయుడ్ని వెళ్లగొట్టండి) అంటూ బయటకు పంపించారు.
 
 జమ్మూకశ్మీర్‌లోని యూరిలో తాజా ఉగ్రవాద దాడితో భారత్‌-పాకిస్థాన్‌ మధ్య సంబంధాలు దారుణంగా దెబ్బతిన్న నేపథ్యంలో ఈ ఘటన జరిగింది. ఐక్యరాజ్య సమితి జనరల్‌ అసెంబ్లీ సమావేశాల నేపథ్యంలో న్యూయార్క్‌లోని రూజ్‌వెల్ట్‌ హోటల్‌లో పాక్‌ విదేశాంగ కార్యదర్శి ఐజాజ్‌ అహ్మద్‌ చౌదరి మీడియా సమావేశం నిర్వహించారు. ఈ సమావేశంలో భారతీయ జర్నలిస్టులెవరినీ అనుమతించలేదు. ఈ సమావేశానికి హాజరైన ఎన్డీటీవీ జర్నలిస్టు నమ్రత బ్రార్‌ను బయటకు పంపించారు. అంతేకాకుండా 18మంది సైనికుల్ని పొట్టనబెట్టుకున్న యూరి ఉగ్రవాద దాడిపై భారతీయ పాత్రికేయులు అడిగిన ప్రశ్నలకు పాక్‌ నాయకత్వం జవాబు దాటవేసింది.
 
 న్యూయార్క్‌లో ఉన్న పాక్‌ ప్రధాని నవాజ్‌ షరీఫ్‌ భారతీయ విలేకరుల ప్రశ్నలను పూర్తి తోసిపుచ్చుతూ.. వారిని ఏమాత్రం పట్టించుకోనట్టు వ్యవహరించారు. మరోవైపు మాత్రం జమ్ముకశ్మీర్‌ లో మానవహక్కుల ఉల్లంఘన జరుగుతోందని, ఈ విషయంలో జోక్యం చేసుకోవాలని అమెరికా విదేశాంగ మంత్రి జాన్‌ కెర్రీ, బ్రిటన్‌ ప్రధాని థెరిసా మేలతో సమావేశాల్లో మొసలి కన్నీరు కార్చారు.


 న్యూఢిల్లీ: యూరి సైనిక స్థావరంపై దాడికి పాల్పడిన పాకిస్థాన్ ను దెబ్బకు దెబ్బకు తీయాలని బీజేపీ ఎంపీ, కేంద్ర హోంశాఖ మాజీ కార్యదర్శి ఆర్కే సింగ్ అన్నారు. యూరి ఘటన తరహాలో పాకిస్థాన్ పై దాడి చేయాలని సూచించారు. ప్రతీకార దాడి చేసేంతవరకు ఇస్లామాబాద్ ఇలాంటి దాడులకు పాల్పడుతూనే ఉంటుందన్నారు. భారత్ కు వ్యతిరేకంగా పాకిస్థాన్ చాలా ఏళ్లుగా కుట్రలు కొనసాగిస్తూనే ఉందని ఆరోపించారు. భవిష్యత్ లోనూ దాయాది దేశం కుట్రలు కొనసాగుతాయని పేర్కొన్నారు.
 
 'మనం దెబ్బకు దెబ్బ తీయనంత కాలం పాకిస్థాన్ తీరు మారదు. మనకు జరిగిన నష్టం వారికి జరిగితే పాకిస్థాన్ కళ్లు తెరుస్తుంద'ని సింగ్ వ్యాఖ్యానించారు. కశ్మీర్ లోని యూరి సైనిక స్థావరంపై నలుగురు ఉగ్రవాదులు జరిపిన దాడిలో 18 మంది సైనికులు వీరమరణం పొందిన నేపథ్యంలో ఆయన ఈ విధంగా స్పందించారు.


 న్యూఢిల్లీ: యురిలో సైనిక స్థావరంపై ఉగ్రవాదదాడి ఘటనపై విచారణ చేయడానికి జాతీయ దర్యాప్తు సంస్థ (ఎన్ఐఏ) రంగంలోకి దిగింది. ఈ దాడి ఘటనపై ఎన్ఐఏ కేసు నమోదు చేసింది. ఎన్ఐఏ బృందం ఆధారాలు సేకరించడానికి త్వరలో యురికి వెళ్లనుంది. భద్రత దళాల కాల్పుల్లో హతమైన జైషే మహ్మద్ గ్రూపునకు చెందిన నలుగురు ఉగ్రవాదుల నుంచి డీఎన్ఏ నమూనాలను సేకరించనుంది.
 
 జమ్ము కశ్మీర్లో యూరి సైనిక స్థావరంపై ఉగ్రవాదులు చేసిన దాడిలో 20 మంది జవాన్లు వీరమరణం పొందగా, మరో 20 మంది తీవ్రంగా గాయపడిన సంగతి తెలిసిందే. భద్రత దళాలు నలుగురు ఉగ్రవాదులను మట్టుబెట్టాయి. ఈ దాడి వెనుక పాకిస్థాన్కు సంబంధముందని ఆధారాలు లభించాయి.


 యురి ఉగ్రవాద దాడిమీద ఫేస్‌బుక్‌ చర్చలో అభ్యంతరకరమైన వ్యాఖ్యలు చేసినందుకు ఓ విద్యార్థిని అలీగఢ్ ముస్లిం విశ్వవిద్యాలయం బహిష్కరించింది. అతడు జమ్ము కశ్మీర్ రాష్ట్రానికి చెందినవాడు. అతడు చేసిన వ్యాఖ్యలపై తమకు ఫిర్యాదు అందిందని అలీగఢ్ సీనియర్ ఎస్పీ రాజేష్ పాండే చెప్పారు. ఈ వ్యవహారంపై ప్రాథమికంగా ఆధారాలు లభించడంతో.. దీనిపై విచారణ జరపాల్సిందిగా యూనివర్సిటీ వర్గాలను తాము కోరామని ఆయన తెలిపారు.
 
 దీనిపై విచారణ జరిపిన అనంతరం అతడే ఆ వ్యాఖ్యలు చేసినట్లు నిర్ధారణ కావడం, అవి అభ్యంతరకరంగా ఉండటంతో అతడిని యూనివర్సిటీ నుంచి బహిష్కరించారు. ఈ మొత్తం వ్యవహారంపై సివిల్ లైన్స్ పోలీసు స్టేషన్‌లో కేసు కూడా నమోదు చేసినట్లు ఎస్ఎస్పీ తెలిపారు. కశ్మీర్‌లోని బారాముల్లా ప్రాంతంలో గల యురి పట్టణంలో ఉగ్రవాదులు ఆర్మీ క్యాంపుపై చేసిన దాడిలో 20 మంది భారతీయ సైనికులు అసువులు బాసిన విషయం తెలిసిందే.


 న్యూయార్క్: పాకిస్థాన్ ప్రధాని నవాజ్ షరీఫ్ యురి ఉగ్రదాడి ఘటనపై మాట్లాడేందుకు నిరాకరించారు. ప్రస్తుతం అమెరికా పర్యటనలో షరీఫ్.. యురిదాడి గురించి మీడియా ప్రతినిధులు అడిగిన ప్రశ్నలకు సమాధానం దాటవేశారు. ఈ దుశ్చర్యపై ఆయన ఎలాంటి వ్యాఖ్యా చేయలేదు. ఈ విషయంపై మాట్లాడేందుకు తాను సిద్ధంగా లేనని చెప్పారు.
 
 సోమవారం మీడియా సమావేశంలో భారత్కు చెందిన ఓ జాతీయ టీవీ ఛానెల్ ప్రతినిధి యురిదాడి గురించి ప్రశ్నించగా, పాక్ ప్రధాని అసహనం వ్యక్తం చేశారు. మీడియా ప్రతినిధిని సమావేశం నుంచి బయటకు పంపాల్సిందిగా తన సిబ్బందిని ఆదేశించారు. దీంతో ఆయన్ను సమావేశం నుంచి బయటకు పంపారు. ఇక షరీఫ్ విదేశీ వ్యవహారాల సలహాదారు సర్తాజ్ అజీజ్ కూడా యురి ఘటనపై మాట్లాడేందుకు నిరాకరించారు.
 
 ద్వైపాక్షిక చర్చల కోసం పాక్ ప్రధాని అమెరికా వెళ్లారు. అమెరికా విదేశాంగ శాఖ మంత్రి జాన్ కెర్రీతో సమావేశమయ్యారు. ఈ సమావేశంలో షరీఫ్ కశ్మీర్ అంశాన్ని చర్చించారు. కశ్మీర్ సమస్య పరిష‍్కారంలో అమెరికా జోక్యం చేసుకోవాలని షరీఫ్ కోరినట్టు ఐక్యరాజ్య సమితిలో పాక్ దూత మలీహా లోధి చెప్పారు. అమెరికా పర్యటనలో షరీఫ్ న్యూజిలాండ్ ప్రధానితో కూడా భేటీ అయ్యారు.
 
 జమ్ము కశ్మీర్లో యూరి సైనిక స్థావరంపై ఉగ్రవాదులు చేసిన దాడిలో 20 మంది జవాన్లు వీరమరణం పొందగా, మరో 20 మంది తీవ్రంగా గాయపడిన సంగతి తెలిసిందే. భద్రత దళాలు నలుగురు ఉగ్రవాదులను మట్టుబెట్టాయి. యురిదాడిని ప్రపంచ దేశాలు ముక్తకంఠంతో ఖండించాయి. 


 ఇస్లామాబాద్: పాకిస్థాన్ ఆర్మీ చీఫ్ జనరల్ రహీల్ షరీఫ్ రెచ్చగొట్టే వ్యాఖ్యలు చేశారు. ఎలాంటి సవాలుకైనా తాము సిద్ధమన్నారు. ప్రత్యక్షంగా పరోక్షంగా వచ్చే ప్రమాదాలను ఎదుర్కొనేందుకు తమ దేశ సైన్యం సిద్ధంగా ఉందంటూ వ్యాఖ్యానించారు. జమ్ముకశ్మీర్ లో జరుగుతున్న దారుణ పరిణామాలు ప్రపంచానికి తెలియకుండా ఉండేందుకు, ప్రపంచ దృష్టిని మళ్లించేందుకు ఢిల్లీ ప్రభుత్వం చేసిన ఆడిన ఆట అని ప్రధాని నవాజ్ షరీఫ్ సలహాదారు సర్తాజ్ అజీజ్ ఆరోపణలు చేసిన మరుసటి రోజే ఆర్మీ చీఫ్ ఈ వ్యాఖ్యలు చేయడం ప్రాధాన్యం సంతరించుకుంది.
 
 'భారత్లో ఎలాంట పరిణామాలు జరుగుతున్నాయో.. అవి మా దేశ రక్షణపై ఎలాంటి ప్రభావం చూపిస్తుందోనన్న విషయాన్ని చాలా స్పష్టంగా గమనిస్తున్నాం. ప్రత్యక్షంగా, పరోక్షంగా ఎలాంటి సవాలునైనా, ప్రమాదాన్నైనా ఎదుర్కొనేందుకు మా సైన్యం సిద్ధంగా ఉంది' అంటూ రహీల్ రెచ్చగొట్టే వ్యాఖ్యలు చేశారు. యూరీ సెక్టార్ పై దాడిలో పాక్ ప్రమేయం ఉందన్న భారత్ ఆరోపణలు ఆధారం లేనివని, బాధ్యతారహితంగా చేసినవని కూడా సర్తాజ్ అజీజ్ వ్యాఖ్యానించిన విషయం తెలిసిందే.


 భారత సైనిక శిబిరంపై దాడికి తెగబడిన ఉగ్రవాదులు అచ్చం భారతీయ సైనికుల్లాగే కనిపించడానికి చాలా ప్రయత్నాలు చేశారు. శుభ్రంగా గెడ్డం గీసుకోవడంతో పాటు, జుట్టును కూడా పొట్టిగా కత్తిరించుకున్నారు. వాళ్లంతా 20 ఏళ్ల దగ్గర వయసులోనే ఉన్నారని వాళ్ల మృతదేహాలకు పోస్టుమార్టం చేసిన వైద్యులు తెలిపారు. ఎముకల మందం, బరువు ఆధారంగా ఈ నిర్ణయానికి వచ్చారు. దాడి జరిగిన ప్రాంతానికి 50 కిలోమీటర్ల దూరంలో ఉగ్రవాదుల మృతదేహాలను ఖననం చేశారు. వాళ్ల ప్రేవులు, గుండె భాగంలో మొత్తం 169 బుల్లెట్లు దిగాయి. వాళ్ల ఆయుధాల మీద కూడా బుల్లెట్ల వల్ల ఏర్పడిన రంధ్రాలు కనిపించాయి. ఉగ్రవాదుల వద్ద ప్రోటీన్లు బాగా ఎక్కువగా ఉండే 26 చాక్లెట్ రాపర్లు, ఆరు రెడ్ బుల్ క్యాన్లు, మూడు ఖాళీ ఓఆర్ఎస్ ప్యాకెట్లు, కొన్ని మందులు కనిపించాయి. అన్నింటి మీద 'మేడిన్ పాకిస్థాన్' అనే ముద్రలు స్పష్టంగా ఉన్నాయి.
 
 యురి ప్రాంతంలో గొర్రెలు కాసుకునే ముగ్గురు వ్యక్తులను దర్యాప్తు సంస్థలు ప్రశ్నించాయి. ఉగ్రవాదులు ఈ ప్రాంతానికి చేరుకోడానికి వాళ్లు సహకరించారన్న అనుమానంతో వారిని ప్రశ్నించారు. ఎల్‌ఓసీకి 6 కిలోమీటర్ల దూరంలో ఉన్న గల్వామా, రఫియాబాద్, ముజఫరాబాద్ ప్రాంతాల లొకేషన్లతో కూడిన జీపీఎస్ పరికరాన్ని కూడా దర్యాప్తు సంస్థలు స్వాధీనం చేసుకున్నాయి. ముజఫరాబాద్ నగరం పాక్ ఆక్రమిత కశ్మీర్‌లో ఉంది. జైషే మహ్మద్ అధినేత మౌలానా మసూద్ అజహర్ తరచు ఇక్కడి ప్రజలకు ఆడియో క్లిప్‌ల ద్వారా సందేశాలు పంపుతుంటాడు. ఉగ్రవాదులకు సాయం చేసేలా వారిని రెచ్చగొడుతుంటాడు. జీపీఎస్‌లో ముందుగానే ఫీడ్ చేసిన వివరాలను బట్టి చూస్తే.. ఉగ్రవాదులు దాడికి ముందు పాకిస్థాన్‌లో ఉన్న విషయం కూడా స్పష్టమవుతోందని ఇంటెలిజెన్స్ బ్యూరో సీనియర్ అధికారి ఒకరు తెలిపారు.


 అంతర్జాతీయ సమాజం ముందు ఏకాకిని చేద్దాం
 * యూరి దాడి సంఘటనల్ని రాష్ట్రపతికి వివరించిన ప్రధాని
 * ప్రధాని ఆధ్వర్యంలోని ఉన్నతస్థాయి భేటీలో నిర్ణయం
 * త్వరలో ఆధారాల్ని పాక్‌కు అందజేయనున్న భారత్
 * ఇప్పటికిప్పుడు దాడి ఉద్దేశం లేదు: అధికార వర్గాలు
 * యూరి దాడి ఘటనలో 18కి చేరిన మృతుల సంఖ్య
 
 న్యూఢిల్లీ: ఉగ్ర పాకిస్తాన్‌ను అంతర్జాతీయ సమాజం ముందు దోషిగా నిలబెట్టి ఏకాకిని చేసేందుకు వ్యూహాత్మకంగా, జాగ్రత్తగా, బహుళ అంచెల విధానంతో ముందడుగు వేయాలని భారత్ నిర్ణయించింది.పాక్ ప్రోత్సాహంతో సాగుతున్న ఉగ్రవాదంపై చర్యలు తీసుకొనేలా తగినన్ని ఆధారాలు సమర్పించి, ఆ దేశాన్ని ప్రపంచంలో ఒంటరి చేసేలా ఒత్తిడి పెంచేందుకు సిద్ధమైంది.
 
 ఈ మేరకు ప్రధాని నరేంద్ర మోదీ అధ్యక్షతన  సోమవారం జరిగిన ఉన్నతస్థాయి భేటీలో నిర్ణయించినట్లు సమాచారం. ఐక్యరాజ్యసమితి వంటి అంతర్జాతీయ వేదికలపై పాక్ ఉగ్రనీతిని బయట పెట్టాలని భేటీలో తీర్మానించారు. ఉగ్రవాదులు వాడిన పాక్ తయారీ ఆయుధాలు, ఆహారం, శక్తినిచ్చే పానీయాలు, భారత్‌లో ప్రవేశించేందుకు ఉపయోగించిన జీపీఎస్ పరికరాల్ని పాక్‌కు అందచేసి ఆ దేశాన్ని గట్టిగా నిలదీయనుంది. ఈ బాధ్యతను సైనిక కార్యకలాపాల డెరైక్టర్ జనరల్‌కు అప్పగించారు. యూరి ఉగ్రదాడి అనంతరం ఎలా ముందుకెళ్లాలన్న అంశంపై చర్చించేందుకు నిర్వహించిన ఈ కీలక సమావేశంలో హోం మంత్రి రాజ్‌నాథ్ , రక్షణ మంత్రి పరీకర్, ఆర్థిక మంత్రి జైట్లీ, జాతీయ భద్రత సలహాదారు అజిత్ దోవల్, ఆర్మీ చీఫ్ దల్బీర్ సింగ్‌తో పాటు ఇతర ఉన్నతాధికారులు పాల్గొన్నారు. దాడి అనంతరం కశ్మీర్ లోయలో తాజా పరిస్థితిని అధికారులు ప్రధానికి వివరించారు.
 
 పాక్‌లోని ఉగ్రవాద స్థావరాలపై సైనిక చర్య జరపాలన్న డిమాండ్ నేపథ్యంలో ఈ భేటీ ప్రాధాన్యం సంతరించుకుంది. దాడి సూత్రధారుల్ని శిక్షించకుండా వదిలిపెట్టబోమంటూ ఆదివారం ప్రధాని చెప్పడంతో ఉగ్రస్థావరాలపై భారత్ దాడి చేయొచ్చన్న ఊహాగానాలకు తెరలేచింది. అయితే ఎలాంటి తొందరపాటు చర్యకూ ప్రభుత్వం సిద్ధంగాలేదని ఉన్నత వర్గాల సమాచారం. ఇప్పటికిప్పుడు అలాంటి చర్య ఏదీ ఉండదని, పూర్తిస్థాయి వ్యూహరచన, సహకారం, అన్ని అనుకూలతల్ని పరిశీలించి, అందర్నీ సంప్రదించాకే చర్యకు ముందడుగు వేయాలనే నిర్ణయానికి వచ్చారని ఆ వర్గాలు తెలిపాయి. గతేడాది జూన్‌లో మణిపూర్‌లో ఎన్‌ఎస్‌సీఎన్-కే తీవ్రవాదులు 18 మంది సైనికుల్ని చంపిన అనంతరం భారత ఆర్మీ మయన్మార్ సరిహద్దులు దాటి వెళ్లి చేసిన దాడి చేయడం తెలిసిందే. అన్ని అనుకూలతలు పరిశీలించాకే వారం తర్వాత ఈ దాడి జరిపారు.
 
 అవతలివైపు దూకుడుగా వ్యవహరించేది పాక్ అని, అందువల్లే తొందరపాటు చర్య ఉండదనేది సమాచారం. తీవ్ర భావావేశాలు, ఆగ్రహాన్ని పరిగణనలోకి తీసుకుని ఎలాంటి చర్య ఉండదని విదేశాంగ  సహాయ మంత్రి వీకే సింగ్ కూడా స్పష్టం చేశారు. మరోవైపు యూరి ఉగ్రదాడి పరిణామాలపై రాష్ట్రపతి ప్రణబ్‌కు ప్రధాని మోదీ వివరించారు. ఉన్నత స్థాయి భేటీ తర్వాత రాష్ట్రపతి భవన్‌లో ప్రణబ్‌ను కలిశారు. యూరి దాడిపై తగిన సమయంలో,  తగిన చోట గుణపాఠం చెబుతామని ఆర్మీ పేర్కొంది.  
  
 రాజ్‌నాథ్  ఆధ్వర్యంలో సమీక్ష
 సరిహద్దులతో పాటు జమ్మూ కశ్మీర్‌లో భద్రతా పరిస్థితిపై హోం మంత్రి రాజ్‌నాథ్ నేతృత్వంలో రక్షణ మంత్రి పరీకర్, ఉన్నత భద్రతా అధికారులు ప్రత్యేకంగా చర్చించారు. నియంత్రణ రేఖ, కశ్మీర్ లోయలో తాజా పరిస్థితిని భద్రతా సలహాదారు దోవల్, ఆర్మీ చీఫ్, హోం, రక్షణ, పారా మిలటరీ దళాల ఉన్నతాధికారులు రాజ్‌నాథ్‌కు వివరించారు.
  
 మరొక జవాను మృతి..
 యూరి దాడిలో ప్రాణాలు కోల్పోయిన వీర సైనికుల సంఖ్య 18కి చేరింది. గాయపడ్డ సిపాయ్ కె.వికాస్ జనార్ధన్‌ను హెలికాప్టర్‌లో ఢిల్లీ ఆర్మీ రీసెర్చ్ అండ్ రిఫరల్ ఆస్పత్రికి తరలించగా చికిత్సపొందుతూ మరణించారు. జవాన్ల భౌతిక కాయాలకు శ్రీనగర్‌లో కశ్మీర్ సీఎం మెహబూబా, ఆర్మీ, పోలీసు అధికారులు ఘనంగా నివాళులర్పించారు. అమర జవాన్లలో ఇద్దరు కశ్మీరీలు కాగా, యూపీ(4), బిహార్(3), మహారాష్ట్ర(4), పశ్చిమ బెంగాల్(2), జార్ఖండ్(2), రాజస్తాన్(1)కు చెందినవారు ఉన్నారు.
  
 అమెరికా సాయం కోరిన పాక్
 న్యూయార్క్: భారత్, పాకిస్తాన్ మధ్య ఉద్రిక్తతల పరిష్కారానికి సాయం చేయాలని పాకిస్తాన్ ప్రధాని నవాజ్ షరీఫ్ అమెరికాను అర్థించారు. ఆయన అమెరికా విదేశాంగ మంత్రి  కెర్రీతో సమావేశమై కశ్మీర్‌లో మానవ హక్కుల ఉల్లంఘనలను  లేవనెత్తారు. కశ్మీర్‌లో 107 మందికి పైగా ప్రజల్ని చంపేశారని, వేయి మంది గాయాలపాలయ్యారని, ప్రభుత్వ ప్రమేయంతోనే అక్కడ మానవ హక్కుల ఉల్లంఘన జరుగుతోందని ప్రధాని చెప్పినట్లు పాకిస్తాన్ ప్రకటన విడుదల చేసింది.  ఐరాస 71వ సాధారణ సమావేశాలకు హాజరయ్యేందుకు షరీఫ్ అమెరికా వచ్చారు.
  
 యూరికి ఒక రోజు ముందే ఉగ్రవాదులు
 యూరి దాడిపై పూర్తి స్థాయి విచారణను ఆర్మీ మొదలుపెట్టింది. నిర్ణీత కాలవ్యవధిలో విచారణ పూర్తవుతుందని అధికార వర్గాలు పేర్కొన్నాయి. వాస్తవాధీన రేఖ దాటిన అనంతరం తొలుత కనిపించిన ఆర్మీ స్థావరం, భద్రతా సంస్థపై దాడి చేసేందుకు ఉగ్రవాదులు చొరబడ్డారని అధికార వర్గాలు అంచనాకు వచ్చాయి. దాడికి దారితీసిన అన్ని లోపాల్ని పరిశీలించడంతో పాటు... అసలు దాడిని నివారించే పరిస్థితి ఉందా? అన్నదానిపైనా విచారణ కొనసాగుతుంది.
 
 ఇకపై  తీసుకోవాల్సిన జాగ్రత్తలు, సరిహద్దు వెంట సైనిక స్థావరాల్లో బలగాల మార్పు చేర్పులపై కూడా కమిటీ సూచనలు చేయనుంది. మరోవైపు ప్రాథమిక విచారణ ప్రకారం... దాడికి కనీసం ఒక రోజు ముందే ఉగ్రవాదులు యూరికి  చేరుకున్నారని తేలింది. ఎప్పుడూ గడ్డం గీసుకునే ఉగ్రవాదులకు(ఆత్మాహుతి దళం)... ఒక రోజు కంటే ఎక్కువ పొడవైన గడ్డం ఉండడంతో ఈ అంచనాకు వచ్చారు.
  
 సైనిక చర్యే ఉత్తమం
 వాషింగ్టన్: ఉగ్రవాదం అణచివేతకు సైనిక శక్తి వినియోగం సరైందని ఐదింట మూడింతలకు పైగా భారతీయులు తెలిపారని అమెరికాకు చెందిన ‘ప్యూ రీసెర్చ్ సెంటర్’ సర్వేలో తేలింది. సర్వే ప్రకారం.. చాలా మంది పాక్‌పై మోదీ అనుసరిస్తున్న  విధానాలపై అసంతృప్తి వ్యక్తం చేశారు. భారత్‌కు ఐసిస్ ప్రధాన ముప్పు కానుందని 52 శాతం మంది ఆందోళన వ్యక్తం చేశారు. ప్రపంచవ్యాప్తంగా ఉగ్రవాదాన్ని ఓడించేందుకు సైనిక శక్తిని ఉపయోగించడం ఉత్తమమని 62 శాతం మంది చెప్పారు. పాక్ పట్ల మోదీ విదేశాంగ విధానాన్ని 22 శాతమే ఆమోదించగా... రక్షణ రంగంలో మరింత ఖర్చు పెట్టాలని చాలా మంది చెప్పారు. ఈ ఏడాది ఏప్రిల్ 7 నుంచి మే 24 మధ్యలో మొత్తం 2,464 మందిని సర్వే చేశారు.


  
 యూనివర్సిటీ క్యాంపస్‌: జమ్మూకశ్మీర్‌లోని యూరీ సెక్టార్‌లో పాకిస్తాన్‌ సైన్యం భారత సైనికులను ఊచకోత కోయడంపై విద్యార్థి లోకం ఆగ్రహించింది. వైఎస్సార్‌ విద్యార్థి విభాగం జిల్లా అధ్యక్షుడు వి.హరిప్రసాద్‌రెడ్డి ఆధ్వర్యంలో విద్యార్థులు సోమవారం బాలాజీకాలనీలోని జ్యోతిరావు పూలే సర్కిల్‌ వద్ద ఆందోళన చేశారు. ప్రాణాలు కోల్పోయిన భారత సైనికులకు నివాళి అర్పించారు. మౌనం పాటించారు. పాకిస్తాన్‌ జాతీయ పతాకాన్ని తగలబెట్టే ప్రయత్నం చేశారు. పాకిస్తాన్‌ ఉగ్రవాదులకు వ్యతిరేకంగా నినాదాలు చేశారు. పాకిస్తాన్‌ దిష్టిబొమ్మ తగలబెట్టే ప్రయత్నం చేశారు. ఈ ప్రయత్నాలను పోలీసులు అడ్డుకున్నారు. పోలీసులకు, విద్యార్థులకు మధ్య తోపులాట చోటుచేసుకుంది. హరిప్రసాద్‌రెడ్డి మాట్లాడుతూ భారతదేశానికి శాంతియుత దేశంగా పేరుందని, అలాంటి దేశంపై పాకిస్తాన్‌ ఉగ్రవాద చర్యలను ప్రోత్సహించడం దారుణమని పేర్కొన్నారు. కేంద్ర ప్రభుత్వం ఈ ఘటనపై స్పందించి, తగు చర్యలు తీసుకోవాలని కోరారు. ఈ కార్యక్రమంలో విద్యార్థి నాయకులు మురళీధర్, నరేంద్ర, ప్రదీప్, నవీన్‌గౌడ్, హేమంత్‌కుమార్‌ రెడ్డి, సతీష్‌రెడ్డి, మునికుమార్, సాయి, మూలాలి, అభిషేక్, సిద్దిక్‌ పాల్గొన్నారు
  
  


 అలిగర్ : యూరీ ఆర్మీ బేస్ క్యాంప్పై జరిగిన ఉగ్రదాడిపై అభ్యంతరకర కామెంట్లను ఫేస్బుక్లో పోస్టు చేసినందుకు ఓ విద్యార్థుడిని యూనివర్సిటీ నుంచి బహిష్కరించారు. అలిగర్ ముస్లి యూనివర్సిటీ(ఏఎంయూ)లో ఆర్గనిక్ కెమిస్ట్రీలో మాస్టర్స్ను అభ్యసిస్తున్న కశ్మీరీ విద్యార్థుడు ముదాస్సర్ యూసఫ్ యూరీ ఉగ్రదాడిపై అనుచిత వ్యాఖ్యలు చేశాడు. ఈ విషయాన్ని సీరియస్గా తీసుకున్న ఏఎంయూ వైస్ ఛాన్సరల్ లెప్టినెంట్ జనరల్ జమీర్ ఉద్దీన్ షా, ఆ విద్యార్థుడిని యూనివర్సిటీ నుంచి బహిష్కరిస్తున్నట్టు ప్రకటించారు. జాతివ్యతిరేకంగా ఎలాంటి అసహన ఘటనలు తావెత్తకుండా ఉండేందుకు లిప్టినెంట్ జనరల్ షా ఈ నిర్ణయం తీసుకున్నట్టు యూనివర్సిటీ అధికార ప్రతినిధి పేర్కొన్నారు.
  
 సెంటిమెంట్లను దెబ్బతీసేవిధంగా ఈ కామెంట్లను పోస్టు చేసినందుకు వైస్ చాన్సలర్కు ముదాస్సర్ యూసఫ్ ఆదివారమే క్షమాపణ చెప్పుకున్నాడు. కానీ ఈ విషయం చాలా సున్నితమైనది కారణంగా యూనివర్సిటీ అధికారులు విద్యార్థుడిని యూనివర్సిటీ నుంచి తొలగించాలని నిర్ణయించినట్టు అధికార వర్గాలు పేర్కొన్నాయి. ఆ విద్యార్థుడిపై కఠిన చర్యలు తీసుకోవాలని డిమాండ్ చేస్తూ వైస్ ఛాన్సలర్కు బీజేపీ లోక్సభ సభ్యులు లేఖ రాశారు. ఆదివారం వేకువ జామున కశ్మీర్లోని యూరీ బేస్ క్యాంపుపై జరిగిన ఈ దాడిలో 18 మంది భారత సైన్యం మృతిచెందిన సంగతి తెలిసిందే. ఈ ఘటనను భారత్తో పాటు యావత్ ప్రపంచం తీవ్రంగా ఖండిస్తోంది. ఘటనకు పాల్పడిన వారిని ఎట్టి పరిస్థితులో వదిలేది లేదని భారత ప్రభుత్వం హెచ్చరికలు కూడా జారీచేసింది. 


 న్యూఢిల్లీ: జమ్ము కశ్మీర్  యూరి లోని ఆర్మీబేస్ క్యాంపు కార్యాలయంపై  ఉగ్రదాడి అనంతర పరిణామాలపై  ప్రధాని నరేంద్రమోదీ సోమవారం  సాయంత్రం  రాష్ట్ర్రపతి భవన్ లో  ప్రణబ్ ముఖర్జీతో సమావేశమయ్యారు. ఉగ్రదాడి, అనంతర పరిణమాలపై  మోదీ రాష్ట్ర్రపతికి  వివరించారని  అధికార వర్గాలు వెల్లడించాయి.
 
 అంతకు ముందు ప్రధాని కేంద్ర హోం మంత్రి రాజ్ నాథ్ సింగ్, ఆర్థిక మంత్రి అరుణ్ జైట్లీ, రక్షణ మంత్రి మనోహర్ పారికర్, జాతీయ భద్రతా సలహాదారు అజిత్ దోవల్ , ఆర్మీ చీఫ్ దల్బీర్ సింగ్, హోం, రక్షణ శాఖ  సీనియర్ అధికారులతో కలిసి పరిస్థితిపై చర్చించారు.
 
  


 న్యూఢిల్లీ: జమ్మూకశ్మీర్‌లో యూరి సైనిక స్థావరంపై పాకిస్థాన్ ఉగ్రవాదులు జరిపిన దాడిలో సైనికులు కోల్పోవడంపై కలచివేసిందని టీమిండియా మాజీ క్రికెటర్ వీరేంద్ర సెహ్వాగ్ పేర్కొన్నాడు. యూరిపై ఉగ్రదాడి గురించి తెలియగానే తన గుండె పగిలినంతపనైందని వ్యాఖ్యానించాడు. దాడికి తెగబడిన వారు తిరుబాటుదారులు కాదని, ఉగ్రవాదులని అన్నాడు. ఉగ్రవాదానికి తగినవిధంగా సమాధానం చెప్పాలని ట్విట్టర్ లో పేర్కొన్నాడు.
 
 మాతృభూమికి సేవ చేస్తున్న సైనికులను ఉగ్రవాదులు పొట్టనపెట్టుకోవడం చాలా బాధకరమని అన్నాడు. సైనికులకు కుటుంబం, పిల్లలు ఉంటారని వారిని ఈ విధంగా చూడాల్సి రావడం కలచివేస్తుందని ట్వీట్ చేశాడు. అమర జవాన్ల మృతదేహాలతో కూడిన శవపేటికల ఫొటోను ట్విట్టర్ లో పోస్ట్ చేశాడు.
 
 17 lives.
 They had a family,they had a son,they had a daughter.
 They were serving our motherland.
 Pains to see this. pic.twitter.com/65WeRRhgI5
 — Virender Sehwag (@virendersehwag) 19 September 2016


 అది పశ్చిమబెంగాల్ లోని ఓ మారుమూల గ్రామం. అక్కడ ఓ జంట తమ బిడ్డ కడసారి చూపు కోసం కన్నీరుమున్నీరవుతూ.. కళ్లలో ఒత్తులు వేసుకొని ఎదురుచూస్తోంది. చేతికి అందివచ్చిన చెట్టు అంత బిడ్డ ఉగ్రవాదులతో పోరులో వీరమరణం పొందడంతో తల్లడిల్లుతున్న ఆ తల్లిదండ్రుల్ని ఓదార్చడం గ్రామస్తులు ఎవరి వల్ల కావడం లేదు. ముష్కర దాడిలో ప్రాణాలు కోల్పోయిన ఆర్మీ జవాను డీ దలియా (22) తల్లిదండ్రుల విషాదమిది.
 
 జమ్ముకశ్మీర్ లోని యూరిలో ఉగ్రవాదుల దాడిలో ప్రాణాలు కోల్పోయిన 18 మంది సైనికుల్లో దలియా ఒకరు. ఆ వీరజవాను కడసారి చూపుకోసం ఎదురుచూస్తున్న తల్లిదండ్రులు మీడియా మాట్లాడుతూ తీవ్ర ఆవేదన వ్యక్తం చేశారు. తమ కొడుకు మృతికి కారణమైన వారిని కఠినంగా శిక్షించాలని వారు డిమాండ్ చేశారు. 'నా కొడుకు వయస్సు 22 ఏళ్లే. ఇప్పటికీ జూనియర్ జవాను. సాధారణంగా సీనియర్ జవాన్లను పంపేచోటికి నా కొడుకు ఎందుకు పంపించారు' అంటూ తండ్రి ప్రశ్నించారు. తల్లి మాట్లాడుతూ 'గురువారం నా కొడుకు ఫోన్‌ చేశాడు.  మాపై బాంబులు వేస్తున్నారు. మమ్మల్ని వారు చంపుతున్నారు. మేం వెళ్లిపోతున్నామని చెప్పాడు' అని చెప్పింది. మహారాష్ట్రలోని అమరావతిలో కూడా జవాను యుకే జన్ రావు (27) కడసారి చూపు కోసం కుటుంబసభ్యులు విషాదంలో ఎదురుచూస్తున్నారు. యూరి ఉగ్రవాద దాడిలో మరణించిన 18మంది సైనికుల కుటుంబాల్లో విషాదఛాయలు నెలకొన్నాయి.  
  


 గన్నవరం: కశ్మీర్‌లోని యూరి సైనిక స్థావరంపై పాకిస్తాన్ ఉగ్రవాదులు చేసిన దాడిని భారత్ ప్రభుత్వం తీవ్రంగా పరిగణిస్తోందని, ఈ దుశ్చర్యకు పాల్పడిన వారిపై కఠిన చర్యలు తీసుకునేందుకు సిద్ధంగా ఉందని కేంద్ర పట్టణాభివృద్ధి, సమాచార ప్రసార శాఖల మంత్రి ఎం.వెంకయ్యనాయుడు ప్రకటించారు. ఐక్యరాజ్య సమితి చొరవ తీసుకుని ఉగ్రవాదాన్ని ప్రోత్సహిస్తున్న పాకిస్తాన్‌ను టెర్రరిస్టుల దేశంగా ప్రకటించాలని కోరారు. కృష్ణాజిల్లా, ఉంగుటూరు మండలం, ఆత్కూరు గ్రామంలోని స్వర్ణభారత్ ట్రస్టులో ఆయన సోమవారం విలేకరులతో మాట్లాడారు.
 
 పాక్ ఉగ్రవాద చర్యలను వెంకయ్య తీవ్రంగా ఖండించారు. యూరి సెక్టార్‌లో జరిగిన ఈ దాడిలో 18మందికిపైగా భారత సైనికులు మృతి చెందడం విచారకరమన్నారు. పాకిస్తాన్ టెర్రరిజాన్ని ప్రోత్సహిస్తూ, శిక్షణ, నిధులు ఇవ్వడం ద్వారా భారతదేశాన్ని బలహీనపర్చేందుకు కుయుక్తులు పన్నిందని ఆగ్రహం వ్యక్తం చేశారు. పొరుగు దేశమైనందున మంచి స్నేహ సంబంధాలు ఉండలనే సదుద్దేశంతో గత యూపీఏ ప్రభుత్వం, ప్రస్తుత ఎన్డీఏ ప్రభుత్వం ప్రయత్నించాయని గుర్తుచేశారు. ప్రధాని నరేంద్రమోదీ ఒక అడుగు ముందుకేసి పాకిస్తాన్ ప్రధానిని ప్రమాణ స్వీకారానికి ఆహ్వానించడంతో పాటు ప్రొటోకాల్‌ను పక్కనపెట్టి లాహోర్ జరిగిన పాక్ ప్రధాని కుటుంబ కార్యక్రమంలో పాల్గొన్నారని పేర్కొన్నారు.
 
 అయితే పాక్ తీవ్రవాదాన్ని ప్రోత్సహించడం సరికాదని హితవుపలికారు. భారత్‌లో అంతర్భాగమైన కశ్మీర్‌లో దుశ్చర్యలకు దిగి, సైనికులను పొట్టనపెట్టుకోవడం క్షమించరాని నేరమన్నారు. ప్రపంచ దేశాలు పాక్ చర్యలను ముక్తకంఠంతో ఖండించాలని కోరారు. దీనిని టైస్టు దేశంగా ప్రకటించి, అన్ని రకాల సహాయ సహకారాలను నిరాకరించాలని కోరారు. అప్పుడే పాక్ తన దుష్టయత్నాలను మానుకుంటుందని వెంకయ్య ఆశాభావం వ్యక్తం చేశారు.


 ముంబై: శివసేన మరోసారి ప్రధాన మంత్రి నరేంద్రమోదీ పై తీవ్ర స్థాయిలో మండిపడింది. మోదీ పనితీరు గత కాంగ్రెస్ పాలన కంటే దారుణంగా ఉందని అందుకే  ఉగ్రవాదులు రెచ్చిపోతున్నారని శివసేన అధికార పత్రిక సామ్నాలో విమర్శించింది. మోదీ అంతర్జాతీయంగా పాకిస్థాన్ చర్యలను ఎండగట్టడంలో విఫలమయ్యారని ఆరోపించింది.
 
 కశ్మీర్ లో నిరంతరం పాకిస్థాన్ జెండా ఎగరడం, అనుకూల నినాదాలు వినిపిస్తుండటం పరిపాటిగా మారిందని పేర్కొంది. పఠాన్ కోట్ దాడి అనంతరం సరైన చర్యలు తీసుకోకపోవడమే యురీ ఘటనకు కారణమని స్పష్టం చేసింది. ఉగ్రదాడికి సాక్షాలను అంతర్జాతీయంగా చూపినా లాభం ఉండదని ఒసామా బిన్ లాడెన్ ను ఏరివేసేందుకు అమెరికా పాక్ లో చేసిన దాడిని గుర్తు చేసింది. భారత్  తన సైన్యాలను పాక్ పై ప్రయోగించాలని డిమాండ్ చేసింది.
  


 జమ్ముకశ్మీర్ లోని యూరిలో ఉగ్రవాదుల దాడి నేపథ్యంలో దాయాది పాకిస్థాన్ ను ఎలా ఎదుర్కోవాలనే విషయమై ప్రధానమంత్రి నరేంద్రమోదీ తన కేబినెట్ సీనియర్ మంత్రులతో భేటీ అయ్యారు. 18 సైనికులను అమానుషంగా పొట్టనబెట్టుకున్న యూరి ఉగ్రవాద దాడి నేపథ్యంలో పాకిస్థాన్ కు అన్ని విధాలా గట్టి జవాబు చెప్పాలనే డిమాండ్ దేశ ప్రజల నుంచి వినిపిస్తోంది.
 
 ఈ నేపథ్యంలో పాకిస్థాన్ ను గట్టి దెబ్బతీసేందుకు ఈ సమావేశంలో కీలక నిర్ణయం తీసుకున్నట్టు అధికార వర్గాల సమాచారం. అన్ని అంతర్జాతీయ వేదికల మీద దాయాది తీరును ఎండగట్టాలని, దౌత్యపరంగా ఆ దేశాన్ని ఏకాకిని చేయడమే సత్వర లక్ష్యంగా పెట్టుకోవాలని నిర్ణయించినట్టు సమాచారం. ప్రధాని మోదీ అధ్యక్షతన జరిగిన ఈ సమీక్షా సమావేశంలో కేంద్రమంత్రులు రాజ్ నాథ్ సింగ్‌, అరుణ్ జైట్లీ, మనోహర్ పరీకర్, జాతీయ భద్రతా సలహాదారు అజిత్ దోవల్, ఆర్మీ చీఫ్ జనరల్ దల్బీర్ సింగ్ సుహాగ్ తోపాటు ప్రధాని కార్యాలయం, రక్షణ, హోం మంత్రిత్వశాఖ సీనియర్ అధికారులు పాల్గొన్నారు.
 
 ప్రతి అంతర్జాతీయ వేదికపైనా పాక్ ను దౌత్యపరంగా ఏకాకిని చేయాలని, ఇందులో భాగంగా ఉగ్రదాడుల్లో పాకిస్థాన్ పోషిస్తున్న పాత్రను అంతర్జాతీయంగా బట్టబయలు చేసేలా స్పష్టమైన ఆధారాలు సేకరించాలని ఈ సమావేశంలో నిర్ణయించారు. ముఖ్యంగా త్వరలో జరగనున్న ఐక్యరాజ్యసమితి జనరల్ అసెంబ్లీ సమావేశాల్లో దాయాదికి గట్టి బుద్ధి చెప్పాలని నిశ్చయించినట్టు సమాచారం. పాక్ ను కార్నర్ చేసేందుకు అందుబాటులో ఉన్న ఇతర ప్రత్యామ్నాయాలపై కూడా ఈ సమావేశంలో చర్చించినప్పటికీ, వాటిని మరింతగా చర్చించి సమగ్ర నిర్ణయం తీసుకోవాలని నిర్ణయించినట్టు అధికార వర్గాలు తెలిపాయి.


 న్యూఢిల్లీ: జమ్మూకశ్మీర్‌లో యూరి సైనిక స్థావరంపై పాకిస్థాన్ ఉగ్రవాదులు జరిపిన దాడిలో వీర మరణం పొందిన సైనికుల సంఖ్య 18కి చేరింది. సిపాయి కె. వికాస్ జనార్థన్.. ఢిల్లీలోని ఆర్ ఆండ్ ఆర్ ఆస్పత్రిలో చికిత్స పొందుతూ సోమవారం తుదిశ్వాస విడిచారు. ఉగ్రదాడిలో మృతి చెందిన సిపాయిల సంఖ్య 20కి చేరిందని వచ్చిన వార్తలను రక్షణశాఖ సహాయ మంత్రి సుభాష్ భామ్రి తోసిపుచ్చారు. క్షతగాత్రుల్లో ఎక్కువ మందికి కాలిన గాయాలయ్యాయని చెప్పారు. వీరిలో ముగ్గురిని మెరుగైన చికిత్స కోసం ఢిల్లీ ఆస్పత్రికి తరలించినట్టు వెల్లడించారు. మిగతావారికి కశ్మీర్ లోనే చికిత్స అందిస్తున్నట్టు తెలిపారు.
 
 మృతి చెందిన సైనికుల వివరాలు..
 1. సుబేదార్ కర్నైల్ సింగ్(జమ్మూకశ్మీర్)
 2. హవిల్దార్ రవి పాల్(జమ్మూకశ్మీర్)
 3. హవిల్దార్ ఎన్ ఎస్ రావత్(రాజస్థాన్)
 4. సిపాయి జావ్రా ముండా(జార్ఖండ్)
 5. సిపాయి నైమాన్ కుజుర్(జార్ఖండ్)
 6. సిపాయి రాజేశ్ సింగ్(బిహార్)
 7. హవిల్దార్ అశోక్ కుమార్ సింగ్(బిహార్)
 8. నాయక్ ఎస్ కే విదార్థి(బిహార్)
 9. సిపాయి బిశ్వజిత్ గొరాయ్ (పశ్చిమ బెంగాల్)
 10. సిపాయి గంగాధర్ దులాయ్(పశ్చిమ బెంగాల్)
 11. లాన్స్ నాయక్ ఆర్ కే యాదవ్(ఉత్తరప్రదేశ్)
 12. సిపాయి హరిందర్ యాదవ్(ఉత్తరప్రదేశ్)
 13. సిపాయి గణేశ్ శంకర్(ఉత్తరప్రదేశ్)
 14. సిపాయి రాజేశ్ కేఆర్ సింగ్(ఉత్తరప్రదేశ్)
 15. లాన్స్ నాయక్ జి. శంకర్(మహారాష్ట్ర)
 16. సిపాయి టీఎస్ సోమనాథ్(మహారాష్ట్ర)
 17. సిపాయి ఉయికి జాన్రావు(మహారాష్ట్ర)
 18. కె. వికాస్ జనార్థన్


 యూరి సైనిక స్థావరంపై ఉగ్రవాదులు జరిపిన విచక్షణారహిత కాల్పులను పలువురు తీవ్రంగా ఖండిస్తున్నారు. యోగా గురు బాబా రాందేవ్ సైతం ఈ ఉగ్ర ఘాతుకంపై తీవ్ర స్థాయిలో స్పందించారు. పాక్ ఆక్రమిత కశ్మీర్లోకి భారత సైన్యం చొచ్చుకుని వెళ్లి, పాకిస్తాన్ తీవ్రవాద శిక్షణా శిబిరాలను నాశనం చేయాలని సైన్యానికి పిలుపునిచ్చారు. బుద్ధ, యుద్ధ రెండింటి సహకారంతో ప్రధాని మోదీ ఉగ్రవాదులకు తగిన బుద్ధి చెప్పాలని ఆయన ట్వీట్ చేశారు. ఆదివారం వేకువ జామున నలుగురు పాక్ ముష్కరులు యూరి సైనిక స్థావరంపై విచక్షణరహితంగా కాల్పులకు తెగబడ్డారు. 
  
 ఈ ఘటనలో 18 మంది సైనికులు మరణించారు. ఈ ఘటనను భారత్తో పాటు ప్రపంచ దేశాలు తీవ్రంగా ఖండిస్తున్నాయి. పాకిస్తానే ఈ ఉగ్ర దాడికి పురిగొల్పిందని, ఎట్టిపరిస్థితుల్లోనూ ఈ చర్యకు పాల్పడిన వారిని వదిలేది లేదని భారతీయ జనతా పార్టీ(బీజేపీ) హెచ్చరించింది. ఇటువంటి దాడులకు భారత్ భయపడబోదని స్పష్టం చేసింది. సోషల్ మీడియాలో సైతం ఈ దాడిపై తీవ్రస్థాయిలో స్పందనలు వస్తున్నాయి. పాకిస్తాన్కు వ్యతిరేకంగా మిలటరీ చర్యలను పెంచాలని, దౌత్య మార్గాలను వదులుకోవాలని డిమాండ్లు వెల్లువెత్తుతున్నాయి. 
 
 Now it's time to enter illegally occupied Kashmir region and destroy all the Pakistan organised terror training camps #UriAttack
 — Swami Ramdev (@yogrishiramdev) September 19, 2016


 కోల్ కతా: జమ్మూకశ్మీర్ లోని యూరి సైనిక స్థావరంపై ఉగ్రవాదులు దాడికి పాల్పడడాన్ని పశ్చిమ బెంగాల్ ముఖ్యమంత్రి మమతా బెనర్జీ తీవ్రంగా ఖండించారు. ముష్కరుల దాడిలో వీర మరణం పొందిన సైనికులకు ప్రగాఢ సంతాపం ప్రకటించారు. తమ రాష్ట్రానికి చెందిన బిశ్వజిత్ గొరాయ్, గంగాధర్ దులాయ్ అనే సైనికులు అమరుడయ్యారని తెలిపారు.
 
 ‘యూరి ఉగ్రదాడిలో 17 మంది సైనికులు వీర మరణం పొందారు. ఈ బాధను వెల్లడించడానికి మాటలు రావడం లేదు. అమరజవాన్లను జోహార్లు. వారి కుటుంబాలకు ప్రగాఢ సానుభూతి’  అని మమతా బెనర్జీ ట్వీట్ చేశారు. అమరవీరుల త్యాగాన్ని జాతి స్మరించుకుంటోందని పేర్కొన్నారు. హౌరా జిల్లాలోని జమునాబాలియా గంగాధర్ స్వస్థలం. బిశ్వజిత్.. 24 పరణాల జిల్లాలోని గంగాసాగర్ ప్రాంతానికి చెందిన వారు.
 
 No words can take away the pain of the 17 families who lost their loved ones in #Uri. India's brave soldiers, salutes.
 
 — Mamata Banerjee (@MamataOfficial) 19 September 2016


 18 మంది సైనికుల్ని పొట్టనబెట్టుకున్న యూరి ఉగ్రవాద దాడి యావత్ భారతాన్ని దిగ్భ్రాంత పరిచింది. పాకిస్థాన్ నుంచి వచ్చిన ముగ్గురు ఆత్మాహుతి దళ ఉగ్రవాదులు తలపెట్టిన ఈ నరమేధంలో మరో 18మంది జవాన్లు గాయపడ్డారు. ఈ అమానుష హింసాత్మక ఘాతుకంపై భారత్ తోపాటు యావత్ ప్రపంచం ఆగ్రహం, ఆక్రోశం వ్యక్తం చేస్తున్న నేపథ్యంలో ఓ భారతీయ సైనికుడు భావోద్వేగంగా ఆలపించిన దేశభక్తి గీతం వీడియో ఇప్పుడు ఇంటర్నెట్ ను కుదిపేస్తున్నది.
 
 'కశ్మీర్ ఉంటుంది కానీ, పాకిస్థానే ఉండదు' (కశ్మీర్ తో హోగా, లేకిన్ పాకిస్తాన్ నహి హోగా' అంటూ వీరోచితంగా కవితాగానం చేస్తూ.. తనతోపాటు బస్సులో ప్రయాణిస్తున్న సాటి సైనికులను ఉత్సాహపరుస్తున్న ఈ వీడియో చూపరుల రోమాలను నిక్కబొడిచేలా చేస్తోంది. దేశభక్తి నరనరాన జీర్ణించుకున్న సైనికుల మొక్కవోనీ త్యాగాలను కీర్తిస్తూ సాగిన ఈ కవితను విశ్వహిందూ పరిషత్ (వీహెచ్ పీ) యువ వక్త అయిన సాధ్వీ బాలికా సరస్వతి రచించారు.
 
 'సింహాల పిల్లలు తోడేళ్లకు భయపడవు. భారతదేశ పరంపర వల్లే కానీ పాకిస్థాన్ కు సొంతంగా గుర్తింపు లేదు' అంటూ వీరోచితంగా సాగిన ఈ వీడియోను ఇప్పుడు వేలమంది తిలకిస్తున్నారు. 'పాకిస్థాన్ శ్రద్ధగా విను. యుద్ధమంటూ వచ్చిందంటే నీ నామరూపాలు ఉండవు. కశ్మీర్ ఉంటుందని కానీ పాకిస్థానే ఉండదు' అంటూ సాగిన ఈ వీడియోను ఎప్పుడు రికార్డు చేశారో తెలియదు కానీ, యూరి ఉగ్రవాద దాడి అనంతరం భారత సైనికులు రగిలిపోతున్న నేపథ్యంలో ఆన్ లైన్ లో దర్శనమివ్వడంతో ఒక్కసారిగా వైరల్ గా మారిపోయింది.


 ముంబై: జమ్మూకశ్మీర్ లోని యూరి పట్టణంలో విదేశీ ఉగ్రమూకలు సాగించిన మారణకాండ జాతియావత్తను నివ్వెరపరించింది. సైనిక స్థావరాలను లక్ష్యంగా ముష్కరులు చేసిన దాడిలో 20 మంది సైనికులు వీరమరణం పొందారు. మారణహోమం సృష్టించిన నలుగురు ఉగ్రవాదులను భద్రతా బలగాలు హతమార్చాయి. ఉగ్రదాడిని జాతియావత్తు ముక్తకంఠంతో ఖండించింది. బాలీవుడ్ ప్రముఖులు కూడా ఈ కిరాతక దాడిని తీవ్రంగా ఖండించారు. అమరజవానులకు జోహార్లు అర్పించారు. తమ సందేశాలను ట్విట్టర్ లో పోస్ట్ చేశారు.
 
 బాధతో పాటు కోపం కూడా వస్తోందని సీనియర్ నటుడు అమితాబ్ బచ్చన్ వ్యాఖ్యానించారు. ఎటువంటి కవ్వింపు లేకుండగానే మన సైనికులు ప్రాణాలు కోల్పోవడం బాధ కలిగించిందన్నారు. ఇటువంటి దాడులు పునరావృతం కాకుండా ప్రభుత్వం గట్టి చర్యలు చేపడుతుందున్న నమ్మకాన్ని ఆయన వ్యక్తం చేశారు. ‘యూరి సైనిక స్థావరంపై దాడి పిరికిపందల చర్య. అమరవీరుల కుటుంబాలకు నా ప్రగాఢ సానుభూతి. దాడికి పాల్పడిన ఉగ్రవాదులను త్వరలోనే శిక్షిస్తారని ఆశిస్తున్నాన’ని షారూఖ్ ఖాన్ ట్వీట్ చేశాడు. మాతృభూమి కోసం పోరాడుతూ ప్రాణాలు వదిలిన అమర జవాన్లకు రితేశ్ దేశ్ముఖ్ ప్రగాఢ సంపతాపం ప్రకటించాడు.
 
 ‘స్వర్గం మండింది. కశ్మీర్ గుండె పగిలింది. సుందర పట్టణం యూరిపై ఉగ్రదాడి కలచివేసింద’ని దర్శకుడు శేఖర్ కపూర్ ట్వీట్ చేశారు. ఉగ్రవాదుల దాడిలో అమరులైన సిపాయిల ఆత్మకు శాంతి కలగాలని రేణుకా సహాని ప్రార్థించారు. యూరిలో ఉగ్రదాడిని తనను ఎంతోగానే కలచివేసిందని అలియా భట్ పేర్కొంది. పిరికి పందలకు మన సైనికులకు గట్టి హెచ్చరిక జారీ చేసినట్టయిందని బాబీ డియోల్ అన్నాడు. మధు భండార్కర్, అద్నాన్ సమీ, ఈషా గుప్తా, అనుష్క శర్మ, అమీషా పటేల్, నేహా శర్మ, రణదీప్ హుడా తదితరులు ట్విట్టర్ ద్వారా సంతాపం తెలిపారు.
 
 T 2383 - Among the jubilation of #PINK .. a prayer for the jawans that lost their life in #UriAttack .. extremely sad, but angry too !!
 — Amitabh Bachchan (@SrBachchan) 18 September 2016
 
 Saddened to hear of the cowardly attack in Uri. Prayers for the families of our martyred soldiers. & may the terrorists b punished soon!
 — Shah Rukh Khan (@iamsrk) 18 September 2016
 
 Can't believe it.. Sooo disturbed by the #UriAttacks!!!! Heart goes out to the families of all or brave jawans sacrificed their lives!!!!!
 — Alia Bhatt (@aliaa08) 19 September 2016
 
 The soldier above all others prays for peace,for its him who must suffer & bear deepest wounds & scars of war-Douglas MacArthur #UriAttacks
 — Anushka Sharma (@AnushkaSharma) 19 September 2016
 
 Deeply saddened & angered by the mindless #UriAttack . Prayers for the Martyrs & their beloved families.
 — Adnan Sami (@AdnanSamiLive) 18 September 2016


 న్యూఢిల్లీ: ప్రధాని నరేంద్ర మోదీ అత్యున్నత స్థాయి సమావేశం ఏర్పాటు చేసి యురిదాడి ఘటనపై సమీక్షిస్తున్నారు. సోమవారం ప్రధాని తన అధికారం నివాసం రేసు కోర్సు రోడ్డు 7లో మంత్రులు, అధికారులతో భేటీ అయ్యారు.
 
 హోం మంత్రి రాజ్నాథ్ సింగ్, రక్షణ మంత్రి మనోహర్ పారికర్, ఆర్థిక మంత్రి అరుణ్ జైట్లీ, జాతీయ భద్రత సలహాదారు అజిత్ దోవల్, ఆర్మీ చీఫ్ దల్బీర్ సింగ్ తదితరులు ఈ సమావేశంలో పాల్గొన్నారు. జమ్ము కశ్మీర్లో యురి సైనికస్థావరంపై పాకిస్థాన్ ఉగ్రవాదులు దాడిచేసిన సంగతి తెలిసిందే. ఈ దాడిలో 20 మంది జవాన్లు వీరమరణం పొందగా, సైనికులు నలుగురు ముష్కరులను హతమార్చారు. ఈ దాడిని కేంద్రం తీవ్రంగా పరిగణిస్తోంది. ఏ చర్యలు తీసుకోవాలన్నదానిపై ప్రధాని అత్యున్నత స్థాయి సమావేశంలో నిర్ణయిస్తారు.
  


 న్యూఢిల్లీ: లైన్ ఆఫ్ కంట్రోల్(ఎల్ఓసీ)కి సమీపంలో ఉన్న ఆర్మీ క్యాంపును రక్షించుకోవడంలో సైన్యం విఫలమైందని కాంగ్రెస్ సీనియర్ నాయకుడు దిగ్విజయ్ సింగ్ అన్నారు. యూరిలో సైనిక స్థావరంపై జరిగిన ఉగ్రదాడిలో 20 మంది జవాన్లు మృతి చెందిన నేపథ్యంలో ఆయన సోమవారం ట్విట్టర్లో స్పందించారు. గతంలో ఇండియన్ ఎయిర్లైన్స్ విమానం హైజాక్ సందర్భంగా ఉగ్రవాది మసూద్ అజర్ను విడుదల చేసి.. ఎన్డీఏ ప్రభుత్వం భద్రత విషయంలో రాజీపడిందని దిగ్విజయ్ సింగ్ విమర్శించారు. యూరి ఉగ్రదాడి మసూద్ అజర్ నేతృత్వంలోని జైషే మహ్మద్ ఉగ్రసంస్థ ఆధ్వర్యంలో జరిగినట్లు అధికారులు అనుమానిస్తున్న విషయం తెలిసిందే. 
  
 పాక్ ప్రభుత్వ సహకారంతో జైషే మహ్మద్ ఉగ్రసంస్థ ఈ దాడికి పాల్పడి ఉండవచ్చు అని, అయితే తమ క్యాంప్ను రక్షించుకోవడంలో సైన్యం విఫలమైందనే విషయాన్ని కూడా చూడాలని దిగ్విజయ్ ట్వీట్ చేశారు. యురి అమరులకు నివాళులు అర్పించిన ఆయన.. అంతర్జాతీయంగా పాక్ను ఒంటరిని చేసేలా భారత ప్రభుత్వం కృషి చేయాలన్నారు.
  Masood Azhar's Jaish e Mohammad behind the attack. Of course with full connivance of Pakistan Establishment.— digvijaya singh (@digvijaya_28) September 19, 2016Should also look at the failure of the Army to protect its Army Camp near the LOC.— digvijaya singh (@digvijaya_28) September 19, 2016


 న్యూఢిల్లీ: యూరి సైనిక స్థావరంపై దాడికి పాల్పడిన ఉగ్రవాదులు ఉపయోగించిన మ్యాప్ ఒకటి భారత అధికారులకు చిక్కింది. ఆఫ్గనిస్తాన్, ఉత్తర పాకిస్తాన్ లలో ఉపయోగించే పాష్తో భాషలో ఉన్న ఆ మ్యాప్ను అధికారులు విశ్లేషించారు. దాడికి సంబంధించి ఉగ్రవాదులు ముందుగా రూపొందించుకున్న ప్లాన్ ఆ మ్యాప్ ద్వారా వెల్లడైనట్లు తెలుస్తోంది.
  
 ఉగ్రవాదులు ముందుగా ఆయుధాలు లేని ట్రూప్లను లక్ష్యంగా చేసుకొని దాడులు జరపాలని ప్లాన్ చేశారు. ఆ తరువాత బ్రిగేడ్ అడ్మినిస్ట్రేటీవ్ బ్లాక్ సమీపంలో ఉన్న మెడికల్ యూనిట్ను లక్ష్యంగా చేసుకున్నట్లు తెలుస్తోంది. చివరికి ఆత్మాహుతికి పాల్పడి వీలైనంత ప్రాణనష్టం కలిగించాలనేది ఉగ్రవాదుల టార్గెట్గా ఉందని మ్యాప్ ద్వారా వెల్లడైంది. జైషే మహ్హద్ ఉగ్రవాద సంస్థకు అనుబంధంగా పనిచేస్తున్న సిపా-ఎ-సహబ పాకిస్తాన్(ఎస్ఎస్పీ) ఈ దాడిలో కిలకంగా వ్యవహరించినట్లు అధికారులు గుర్తించారు.
  
 ప్లాన్ ప్రకారం ముందుగా అడ్మినిస్ట్రేటీవ్ బ్లాక్లో ఇంధన ట్యాంకుల నుంచి డీజిల్ను బ్యారెల్స్లోకి నింపుతున్న నిరాయుధ సైనికులను లక్ష్యంగా చేసుకొని ఉగ్రవాదులు దాడి జరిపారు. ఇక్కడ 3 నిమిషాల వ్యవధిలో 17 గ్రెనేడ్లను ఉగ్రవాదులు విసిరినట్లు అధికారులు వెల్లడించారు. దీంతో అక్కడ ఉన్న డీజిల్ డంప్, టెంట్లకు మంటలంటుకొని 13 మంది సైనికులు సజీవదహనం కాగా 32 మందికి తీవ్రగాయాలయ్యాయని తెలిపారు. 
  
 ఊహించని విధంగా తీవ్రమైన మంటలు చెలరేగడంతో అప్పటికప్పుడు టార్గెట్ను మార్చుకున్న ఉగ్రవాదులు నేరుగా సైనికుల శిబిరాల వైపు కదిలారు. ఆ సమయంలో అక్కడ ఉన్న 19 ఏళ్ల డోంగ్రా యూనిట్ సైనికుడు.. ఓ తీవ్రవాదిని హతమార్చాడు. మిగిరిన ముగ్గురు ఉగ్రవాదులను నిలువరించే ప్రయత్నంగా అతడి తలలోకి బుల్లెట్ దూసుకెళ్లినట్లు అధికారులు వెల్లడించారు.  అనంతరం సైనిక శిబిరాల్లో సేఫ్ పొజిషన్ తీసుకున్న ముగ్గురు ఉగ్రవాదులను సైనికులు కాల్చిచంపారు.