పద్ధతి మార్చుకో.. లేకపోతే నేనే రంగంలోకి దిగుతాఇందుకు రెండు నెలలే గడువుమంత్రి టీజీ భరత్‌కు టీడీపీ సీనియర్‌ నేత కేఈ ప్రభాకర్‌ హెచ్చరికకర్నూలు జిల్లా టీడీపీ మహానాడులో విభేదాలు బహిర్గతం కర్నూలు రూరల్‌: మంత్రి టీజీ భరత్‌ వ్యవహారశైలిపై టీడీపీ సీనియర్‌ నేత, మాజీ మంత్రి కేఈ ప్రభాకర్‌ ఫైర్‌ అయ్యారు. పద్ధతి మార్చుకోకపోతే తానే రంగంలోకి దిగి పని చెబుతానని హెచ్చరించారు. ఇందుకు రెండు నెలల గడువిస్తున్నట్లు చెప్పారు. గురువారం కర్నూలులో జిల్లా మహానాడు జరిగింది. ఈ కార్యక్రమానికి ఎంపీ బస్తిపాటి నాగరాజు, ఎమ్మెల్యేలు జయ నాగేశ్వరరెడ్డి, కేఈ శ్యామ్‌బాబు, బొగ్గుల దస్తగిరి, జిల్లా అధ్యక్షుడు పాలకుర్తి తిక్కారెడ్డి తదితరులు హాజరయ్యారు. మంత్రి టీజీ భరత్‌ గైర్హాజరవడంతో కేఈ ప్రభాకర్‌ అసంతృప్తి వ్యక్తం చేశారు.మంత్రి వ్యవహార శైలి ఏ మాత్రం బాగోలేదని.. నాయకులు, కార్యకర్తలకు అందుబాటులో ఉండడం లేదని ఆగ్రహం వ్యక్తం చేశారు. పార్టీ నాయకులు, కార్యకర్తలు వెళ్తే ఆధార్‌ కార్డు చూసి పనులు చేయడం ఏమిటని ప్రశి్నంచారు. కర్నూలు నియోజకవర్గం వారికి మాత్రమే పనులు చేయడం అన్యాయమన్నారు. మంత్రి తన పనితీరును మార్చుకోకపోతే రెండు నెలల్లో తానే డైరెక్ట్‌గా ఆయనను ఎదుర్కొనేందుకు రంగంలోకి దిగుతానని హెచ్చరించారు. కాగా, మంత్రిపై కేఈ ప్రభాకర్‌ విరుచుకుపడుతున్నా.. టీడీపీ జిల్లా అధ్యక్షుడు సహా ఆ పార్టీ ప్రజాప్రతినిధులెవ్వరూ నోరు మెదపకపోవడం గమనార్హం. మరోవైపు ఆ పార్టీ కార్యకర్తలు సైతం మహానాడును పట్టించుకోకపోవడంతో సభలో పెద్ద ఎత్తున ఖాళీ కుర్చిలు దర్శనమిచ్చాయి.పొత్తుతో కమ్యూనిస్టు పార్టీల్ని చిత్తు చేశాం.. టీడీపీకి ఇప్పుడా పరిస్థితి రాకుండా చూడండి⇒ నాడు టీడీపీ తెలివైన రాజకీయం చేయగలిగింది ⇒ పదవుల పంపకంలో నిష్పత్తి ఎక్కడ పాటిస్తున్నారు? ⇒ ఇలాంటి పరిస్థితి ఇంకా ఎంతకాలం .. ఇది కరెక్ట్‌ కాదు ⇒ జగ్గంపేట ఎమ్మెల్యే జ్యోతుల నెహ్రూ హాట్‌ కామెంట్స్‌సాక్షి ప్రతినిధి, కాకినాడ: ‘అప్పట్లో మనం తెలివిగా రాజకీయం చేసి ఉభయ కమ్యూనిస్టు పార్టీలను రాష్ట్రంలో నిరీ్వర్యం చేసేశాం. మన పార్టీతో పొత్తు పెట్టుకున్న కారణంగానే నాడు ఆ రెండు పార్టీలూ రాష్ట్రంలో శాశ్వతంగా నష్టపోయాయి. పొత్తుతో ఉభయ కమ్యూనిస్టు పార్టీలకు ఒకటో, రెండో పదవులు వచ్చి ఉండవచ్చు. ఆ తరువాత మాత్రం ఆ పార్టీలు రాష్ట్రంలో అడ్రస్‌ లేకుండా పోయాయి. ఇప్పుడు ఆ పరిస్థితి మన పార్టీకి రాకుండా రాష్ట్ర నాయకత్వం చూడాలి’ అని టీటీడీ బోర్డు సభ్యుడు, కాకినాడ జిల్లా జగ్గంపేట ఎమ్మెల్యే జ్యోతుల నెహ్రూ సంచలన వ్యాఖ్యలు చేశారు. కాకినాడలో గురువారం జరిగిన టీడీపీ జిల్లా మహానాడులో ఆయన చేసిన ఈ వ్యాఖ్యలు పెద్ద దుమారాన్నే రేపాయి.జనసేన, బీజేపీతో పొత్తు మనకే నష్టం ‘జనసేన, బీజేపీ పొత్తుతో రాష్ట్రంలో తెలుగుదేశం పార్టీ నిర్వీర్యమైపోతుంది. ఈ పరిస్థితిని అధిష్టానం ఇప్పుడు గుర్తించకపోతే టీడీపీ పరిస్థితి కూడా ఉభయ కమ్యూనిస్టు పార్టీల మాదిరిగానే తయారవుతుంది’ అని జ్యోతుల హెచ్చరించారు. ‘రాజకీయాల్లో కూటములుంటాయి. పార్టీలతో కలిసి పనిచేసే విధానం ఉంటుంది. టీడీపీ ఏర్పడిన తరువాత ఎన్నిసార్లు కూటములు ఏర్పడలేదు? ఎన్ని రాజకీయ పార్టీలతో కలవలేదు? ఎన్నిసార్లు బయటకు రాలేదు? పొత్తు నుంచి బయటకు వచి్చనప్పుడు మన పరిస్థితి ఏమిటో ఒక్కసారి చూడండి’ అని అన్నారు. ‘ఇది కరెక్ట్‌ కాదు. ఇలా ఎన్నాళ్లుంటుంది. ఆ పరిస్థితి తెలుగుదేశం పార్టీకి రాకుండా నాయకత్వం చూడాలి’ అని అన్నారు. నిష్పత్తి ప్రకారమే పదవులు టీడీపీ, జనసేన, బీజేపీ పొత్తు నిష్పత్తి ప్రకారమే పదవుల పంపకం జరగాలని నెహ్రూ అన్నారు. ఒక వ్యక్తికి రెండు పదవులు (జనసేన కాకినాడ జిల్లా అధ్యక్షుడు తుమ్మల బాబుకు కాకినాడ అర్బన్‌ డెవలప్‌మెంట్‌ అథారిటీ చైర్మన్‌ పదవి ఉండగా తాజాగా ఉమ్మడి తూర్పు గోదావరి జిల్లా కేంద్ర సహకార బ్యాంక్‌ చైర్మన్‌ పదవి కూడా ఇచ్చారు) ఇచ్చే పరిస్థితి న్యాయమా అని జ్యోతుల నిలదీశారు. ఒక పదవి ఉండగానే ఇక్కడ మరో పదవి ఇవ్వాల్సిన అవసరం ఎందుకు వచి్చందని ప్రశి్నంచారు. మెజార్టీ ఉన్న టీడీపీ పరిస్థితి ఏమిటని అన్నారు.టీడీపీలో ఎవరికిస్తారని అడగడం లేదని, పార్టీ నాయకులకు ఇవ్వాలని మాత్రమే కోరుతున్నానని చెప్పారు. టీడీపీ ఒక్కటే అధికారంలో లేదని, కూటమి ప్రభుత్వం అధికారంలో ఉందని, అన్నీ అందరూ కలిసి సమన్వయంతో కలిసి నడుపుకోవాలని సూచించారు. అసలు ఏ పార్టీకి ఎన్ని పదవులిచ్చారో ఒక్కసారి ఆలోచించాలని కోరారు. టీడీపీలో ద్వితీయ శ్రేణి నేతలు పార్టీ కోసం రూ.లక్షలు ఖర్చు పెట్టుకుని నాశనమైపోయారన్నారు. ‘మీకు ఏ పనీ పాటా లేదా’ అని ఇంట్లో వారి భార్యలు తిడుతున్నారన్నారు. కనీసం వారికి సమాధానం చెప్పడానికైనా ఏదో ఒక తోక (పదవి) తగిలించాలని నెహ్రూ విజ్ఞప్తి చేశారు.ఎమ్మెల్యేగా ఉన్నందుకు సిగ్గు పడుతున్నా⇒ నిధుల కేటాయింపులో ఎందుకీ వివక్ష ⇒ ప్రభుత్వం దృష్టికి తీసుకెళ్లినా పట్టించుకోలేదు ⇒ మినీ మహానాడులో మాడుగుల ఎమ్మెల్యే బండారు వ్యాఖ్యలునక్కపల్లి: ‘ఎమ్మెల్యేగా ఉన్నందుకు సిగ్గుపడుతున్నా. నియోజకవర్గంలో తిరగలేకపోతున్నా. ప్రజలకు సమాధానం చెప్పలేకపోతున్నా. ఏడాది నుంచి ఒక్క అభివృద్ధి పనీ చేయలేకపోయా. నిధుల కేటాయింపులో ఎందుకీ వివక్ష’ అంటూ అనకాపల్లి జిల్లా మాడుగుల టీడీపీ ఎమ్మెల్యే, మాజీ మంత్రి బండారు సత్యనారాయణమూర్తి తీవ్ర అసంతృప్తి, ఆక్రోశం వెళ్లగక్కారు. పాయకరావుపేట నియోజకవర్గం పరిధిలోని అడ్డురోడ్డులో గురువారం జరిగిన టీడీపీ జిల్లా మినీ మహానాడు వేదికపై జిల్లా పార్టీ అధ్యక్షుడి సమక్షంలోఇన్‌చార్జి మంత్రి కొల్లు రవీంద్ర, జిల్లా మంత్రి వంగలపూడి అనిత ఎదుట ఎమ్మెల్యే బండారు నిస్సహాయంగా చేసిన ప్రసంగం దుమారం రేపింది. బండారు మాట్లాడుతూ.. మాడుగుల, చోడవరం నియోజకవర్గాలు బాగా వెనుకబడి ఉన్నాయన్నారు. చంద్రబాబు ఆదేశిస్తేనే ఇక్కడికి వచ్చి పోటీ చేశానన్నారు. టీడీపీ, చంద్రబాబు, తనపై ఉన్న నమ్మకంతో మాడుగుల ప్రజలు 28 వేల ఓట్ల మెజార్టీతో గెలిపిస్తే ఏడాది పూర్తవుతున్నా ఒక్క అభివృద్ధి పనీ చేయలేకపోయాన­న్నారు. మంత్రులు, ప్రభుత్వంలో పలుకుబడి ఉన్నవారు వారి ప్రాంతాలకు అధిక శాతం నిధులు పట్టుకుపోతూ మాడుగుల, చోడవరం నియోజకవర్గాలకు అరకొరగా నిధులు కేటాయిస్తున్నారని ఆరోపించారు. జిల్లాలో ఆరు నియోజకవర్గాల్లో ఇద్దరు జనసేన పార్టీ వారైతే, టీడీపీ నుంచి గెలిచిన వారిలో ఒకరు స్పీకర్‌గా, మరొకరు హోంమంత్రిగా ఉన్నారన్నారు. మిగిలిన ఇద్దరిలో తాను, చోడవరం ఎమ్మెల్యే కేవీఎస్‌ఎన్‌ రాజు ఉన్నత పదవుల్లేకుండా నియోజకవర్గానికి మా­­త్ర­మే పరిమితమై పని చేయాల్సి వస్తోందని అసంతృప్తి వెళ్లగక్కారు. ఈ రెండు నియోజకవర్గాల్లో పెద్దేరు, రైవాడ జలాశయాలు ఉన్నాయని, వీటి మరమ్మతులకు నిధులు కేటాయించాలని ప్రభుత్వ పెద్దలను కోరితే పట్టించుకోలేదన్నారు. రాష్ట్రంలో మిగిలిన ప్రాంతాల్లో రిజర్వాయర్ల ఆధునికీకరణ, మరమ్మతులకు నిధు­లు కేటాయిస్తున్నట్టు పత్రికల్లో వార్తలు వచ్చాయన్నారు. ఇక్కడ మాత్రం నిధులివ్వట్లేదని, ఈ ని­యో­జకవర్గ ప్రజలు టీడీపీకి ఓట్లేయలేదా అని నిలదీశారు. ‘పోనీ.. మూడేళ్లపాటు నిధులివ్వలేమ­ని చెప్పేయండి. నేను నియోజకవర్గంలోకి వెళ్లి నాకు ఓట్లేసి గెలిపించిన ప్రజల కాళ్లావేళ్లాపడి ప్రాధేయపడతా’ అని ఆక్రోశం వెళ్లగక్కారు. మూ­డు నియోజకవర్గాల్లో విస్తరించి ఉన్న గోవాడ సుగర్‌ పరిశ్రమ మూతపడే స్థితికి చేరుకుందని, ఆధునికీకరణకు నిధులు విడుదల చేయాల్సి ఉందన్నారు.

సాక్షి, కాకినాడ: టీడీపీ ఎమ్మెల్యే జ్యోతుల నెహ్రూ సంచలన వ్యాఖ్యలు చేశారు. ఏపీలో కూటమి ఎన్నాళ్లు ఉంటుంది.. పార్టీ ఆవిర్భావం తర్వాత ఎన్ని పార్టీలతో పొత్తు పెట్టుకోలేదు.. కూటముల నుంచి ఎన్నిసార్లు బయటకు రాలేదు అంటూ ఆసక్తికర కామెంట్స్‌ చేశారు. ప్రభుత్వంలో పదవులు ఎవరికి ఇస్తున్నారు?. పార్టీ నిర్ణయాల వల్ల టీడీపీ నిర్వీర్యం అయిపోతుందని చెప్పుకొచ్చారు.టీడీపీ కాకినాడ జిల్లా మహానాడులో జగ్గంపేట ఎమ్మెల్యే జ్యోతుల నెహ్రూ మాట్లాడుతూ..‘కాకినాడ జిల్లాలో పదవులు ఏ పార్టీకి వెళ్లాయో ఆలోచించండి. మెజారిటీ ఉన్న తెలుగుదేశం పరిస్థితి ఏంటి?. ఒక వ్యక్తికి రెండు పదవులు అవసరమా?.(కుడా చైర్మన్, డీసీసీబీ చైర్మన్‌గా ఉన్న జనసేన జిల్లా అధ్యక్షుడు తుమ్మల బాబు). కూటమిలో పార్టీ నిర్ణయాల వల్ల టీడీపీ నిర్వీర్యం అయిపోతుంది. కూటమి ఎన్నాళ్లు ఉంటుంది.. పార్టీ ఆవిర్భావం తర్వాత ఎన్ని పార్టీలతో పొత్తు పెట్టుకోలేదు. ఎన్నిసార్లు బయటకు రాలేదు.టీడీపీతో పొత్తు వల్ల కమ్యూనిస్టు పార్టీలు నిర్వీర్యం అయిపోయాయి. అదే పరిస్థితి టీడీపీకి రాకుండా చూడాలి. నేను వాళ్లకు ఇవ్వకూడదు అని అనడం లేదు. మా నిష్పత్తి ప్రకారం టీడీపీకి కూడా ఇవ్వండి అంటున్నాను. ద్వితీయ శ్రేణి నేతలు తమ ఇంట్లో వారికి కూడా సమాధానం చెప్పలేకపోతున్నారు. మా వాటా పదవులు మాకు సక్రమంగా ఇవ్వండి’ అని డిమాండ్‌ చేశారు.

సాక్షి,విశాఖ : తిరుపతి తొక్కిసలాటలో చనిపోయిన వారిపై జగ్గంపేట టీడీపీ ఎమ్మెల్యే, టీటీడీ బోర్డు మెంబర్ జ్యోతుల నెహ్రూ సంచలన వ్యాఖ్యలు చేశారు. దైవ సన్నిధిలో అసువులు బాసడం ఒక రకంగా అదృష్టమని వ్యాఖ్యానించారు. చనిపోయిన వారిని ఉద్దేశించి మాట్లాడిన జ్యోతిల నెహ్రూ.. టీటీడీ చేతగానితనాన్ని సమర్ధించుకునే ప్రయత్నం చేయడంపై ప్రజలు ఆగ్రహం వ్యక్తం చేస్తున్నారు.

సాక్షి, గుంటూరు: ఇసుక పాలసీపై సొంత పార్టీలోనే అసంతృప్తి వ్యక్తమవుతోంది. ఇసుక పాలసీ అంత మంచిగా లేదని ఇసుక పాలసీపై ప్రభుత్వం పునరాలోచించాలని జగ్గంపేట టీడీపీ ఎమ్మెల్యే జ్యోతుల నెహ్రూ అన్నారు. బడ్జెట్‌పై చర్చ సందర్భంగా మాట్లాడిన జ్యోతుల.. ఇసుక విధానాన్ని వ్యతిరేకించారు. సామాన్యులకు అందే పరిస్థితి లేదని అసెంబ్లీలో ప్రస్తావించారు. ఇసుక పక్క రాష్ట్రాలకు పోతుందని మాట్లాడుతుండగానే డిప్యూటీ స్పీకర్ రఘురామకృష్ణంరాజు మైక్‌ కట్‌ చేసేశారు.తాను అందరికంటే సీనియర్‌నని.. మాట్లాడేందుకు కొంత సమయం ఇవ్వాలంటూ స్పీకర్‌ని జ్యోతుల నెహ్రూ రిక్వెస్ట్ చేశారు. అయినా కూడా ఆయన విజ్ఞప్తిని పట్టించుకోకుండా డిప్యూటీ స్పీకర్‌ మైక్‌ కట్‌ చేశారు. మైక్ లేకపోయినా తన ప్రసంగాన్ని జ్యోతుల కొనసాగించారు. రెండు నిమిషాల సమయం ఇవ్వాలంటూ మిగిలిన సభ్యులు చెప్పగా, జ్యోతుల నెహ్రూ ప్రసంగ సమయంలో రఘురామకృష్ణం రాజు అసహనం వ్యక్తం చేశారు.ఇదీ చదవండి: ఆంధ్రజ్యోతి రాధాకృష్ణకు విజయసాయిరెడ్డి సవాల్‌కాగా, కూటమి ప్రభుత్వం అమలు చేస్తున్న ఉచిత ఇసుక విధానం భవన నిర్మాణ రంగానికి శాపంగా మారింది. నిర్మాణ రంగంలో ప్రధానమైన ముడి సరకు ఇసుక. కూటమి ప్రభుత్వ విధానం పుణ్యమా అని.. పేరుకు ఉచితమే అయినా.. ఇసుక కోసం వస్తున్న వారిని అధికారం అండతో అక్రమార్కులు ఎక్కడికక్కడ నిలువు దోపిడీ చేస్తున్నారు. ముక్కుపిండి మరీ అధిక ధరలు వసూలు చేస్తున్నారు.ఒక యూనిట్‌ ఇసుకను రూ.5వేల నుంచి రూ.10 వేల వరకూ విక్రయిస్తూ సొమ్ము చేసుకుంటున్నారంటే ఇసుక దోపిడీ ఏ రీతిలో జరుగుతోందో అర్థం చేసుకోవచ్చు. ఆన్‌లైన్‌లో కంటే ఆఫ్‌లైన్‌లోనే ఇసుక విక్ర యాలు అధికంగా జరుగుతున్నాయి. కూటమి ప్రభుత్వం, అధికారులు చెబుతున్న మాటలకు, ఇసుక స్టాక్‌ పాయింట్ల వద్ద పరిస్థితికి ఏమాత్రం పొంతన ఉండటం లేదు. పలు ర్యాంపుల్లో రాత్రి వేళ యథేచ్ఛగా ఇసుక తవ్వుతూ వందలాది లారీల్లో ఇసుక అక్రమంగా తరలిస్తున్నారు.

సాక్షి, కాకినాడ: ఏపీలో ఉచిత గ్యాస్‌ సిలిండర్ల పథకం అమలుపై కూటమి నేతలు గుర్రుగా ఉ‍న్నారు. ఉచిత గ్యాస్‌ సిలిండర్‌ అంటూ డబ్బులు కట్టించుకోవడం ఏంటి? అని టీడీపీ జగ్గంపేట ఎమ్మెల్యే జ్యోతుల నెహ్రూ.. ప్రభుత్వాన్ని ప్రశ్నించారు. ఈ క్రమంలోనే ముఖ్మమంత్రి చంద్రబాబును దీనిపై ప్రశ్నిస్తానని కామెంట్స్‌ చేశారు.టీడీపీ ఎమ్మెల్యే జ్యోతుల నెహ్రు తాజాగా ఓ కార్యక్రమంలో మాట్లాడుతూ..‘ఉచిత గ్యాస్ సిలిండర్ల పథకం అమలును వ్యతిరేకిస్తున్నాను. లబ్ధిదారుల నుండి డబ్బులు కట్టించుకోవడం సరికాదు. ఉచితం అంటే ఉచితంగానే కనిపించాలి. ఇప్పటికే పౌరసరఫరాల శాఖకు రూ.2,800 కోట్లు ప్రభుత్వం చెల్లించింది. అలాంటప్పుడు సిలిండర్లు ఉచితంగా ఇవ్వాలి.. లేదంటే ఆ సొమ్ములు లబ్ధిదారుల ఖాతాలో వేయాలి.అంతేకానీ ఇలా చేయడం సరికాదు. సిలిండర్ కోసం డబ్బులు లేకపోతే సామాన్య ప్రజలు రూ.5,10 వడ్డీకి దళారుల వద్ద అప్పు చేయాల్సిన పరిస్ధితి ఉంటుంది. దళారులు బాగుపడటానికి అధికారులే ఈ వ్యవస్ధను పెట్టి ఉంటారని నేను అనుకుంటున్నాను. ఈ విషయంపై నిర్మోహమాటంగా నేను ముఖ్యమంత్రి చంద్రబాబును అడుగుతాను. చంద్రబాబు నిల్చోబెట్టి ఈ విధానాన్ని మారుస్తాను’ అంటూ కామెంట్స్‌ చేశారు.

ఈసారి తెలుగుదేశం నుంచి అసెంబ్లీకి ఎన్నికైన సీనియర్లకు అనూహ్యంగా ఎదురుదెబ్బ తగిలింది. మంత్రి పదవులపై ఆశలు పెట్టుకున్న సీనియర్లందరికీ చంద్రబాబు మొండి చెయ్యి చూపించారు. కాకినాడ జిల్లాలో ఇద్దరు నేతలు పదవులపై ఎన్నో ఆశలు పెట్టుకున్నారు. కాని కూటమి నుంచి గెలిచి మంత్రి పదవి తీసుకున్న ఆ నేత వల్ల వీరిద్దరి ఆశలకు గండి పడింది. ఇక పదవులు వస్తాయన్న నమ్మకమే లేకుండా పోయిందట వారిద్దరికీ. ఇంతకీ ఆ ఇద్దరు ఎమ్మెల్యేలు ఎవరు?కాకినాడ జిల్లాలో మాజీ డిప్యూటీ సీఎం నిమ్మకాయల చినరాజప్ప, జ్యోతుల నెహ్రూలు తెలుగుదేశం పార్టీలో పరిచయం అక్కర్లేని నాయకలు. 2014లో పెద్దాపురం నియోజకవర్గం నుండి మొదటిసారి గెలిచిన చినరాజప్ప డిప్యూటీ సిఎం హోదాలో హోం మంత్రిగా పని చేశారు. ఇక జగ్గంపేట ఎమ్మెల్యే జ్యోతుల నెహ్రూ.. 2009లో ప్రజారాజ్యం పార్టీ నుంచి పోటీ చేసి ఓడిపోయారు. 2014లో వైఎస్ఆర్ సిపి అభ్యర్థిగా పోటీ చేసి గెలిచారు..ఆ తర్వాత టీడీపీలో చేరిపోయారు. తాజా ఎన్నికల్లో రాజప్ప..నెహ్రూ మరోసారి గెలిచి.. టీడీపీ అధికారంలోకి రావడంతో మంత్రి పదవులపై ఆశలు పెట్టుకున్నారు. ఐతే ఈ ఎన్నికల్లో కూటమిలో భాగస్వామిగా ఉన్న జనసేన తరపున ఆ పార్టీ అధినేత పిఠాపురంలో పోటీ చేసి విజయం సాధించారు. ఆయనకు మంత్రి పదవి దక్కడంతో రాజప్ప, నెహ్రూ ఆశలకు గండి పడింది.పవన్‌కల్యాణ్.. నిమ్మకాయల చినరాజప్ప, జ్యోతుల నెహ్రూలది ఒకే సామాజికవర్గం కావడంతో.. సామాజిక సమీకరణాలతో చంద్రబాబు వీరిద్దరని దూరం పెట్టారు. అనేక మంది సీనియర్లతో పాటే వీరిద్దరికి కూడా పదవులు దక్కలేదు. అందుకే ఇద్దిరికీ నిరాశ ఎదురైంది. జ్యోతుల నెహ్రూకు మంత్రి కావాలని ఎప్పటి నుండో ఉన్న ఓకోరిక. అయితే జిల్లా టీడీపీని తన చేతుల్లో ఉంచుకున్న యనమల రామకృష్ణుడుతో ఉన్న రాజకీయ వైరం కారణంగా జ్యోతుల నెహ్రూ కల సాకారం కాలేదు. కనీసం ఈ ఎన్నికల్లో అయినా తన కల సాకారం అవుతుందని ఆయన భావించారు. కాని పవన్ కళ్యాణ్ రూపంలో మరోసారి జ్యోతుల మంత్రి పదవి కల.. కలగానే మిగిలిపోయింది.ఈ ఎన్నికల్లో తొలిసారి అసెంబ్లీకి ఎన్నికైన పది మందికి చంద్రబాబు మంత్రి పదవులు ఇచ్చారు. వీరితో పాటు రెండు మూడు సార్లు గెలిచిన మరో ఏడుగురికి కూడా తొలిసారి క్యాబినెట్‌ బెర్త్‌లు దక్కాయి. మరి కాకినాడ జిల్లాలోని జ్యోతుల నెహ్రూ కల ఎప్పటికైనా తీరుతుందా అనే చర్చ జరుగుతోంది.

ఆంధ్రప్రదేశ్‌లో పచ్చ పార్టీ తెలంగాణ కాంగ్రెస్‌లా తయారవుతోంది. ఓ జిల్లాలో సీనియర్లు వర్సెస్ జూనియర్లు అంటూ వార్ జరుగుతోంది. ఓ సీనియర్ నేత తనయుడు ఒకానొక పార్లమెంటరీ నియోజకవర్గానికి అధ్యక్షుడిగా వ్యవహరిస్తున్నారు. ఆయన తీసుకుంటున్న నిర్ణయాలు పార్టీలోని సీనియర్లకు నచ్చడంలేదని టాక్. జూనియర్లను ప్రోత్సహించడం అసలు సహించలేకపోతున్నారట. అందుకే ఆ నాయకుడు తమకొద్దని పార్టీ చీఫ్‌కు తేల్చి చెప్పేశారట. కాకినాడ టీడీపీలో రగులుకున్న మంటలు పక్క జిల్లాలకు కూడా వ్యాపించే ప్రమాదం ఉందంటున్నారు. సీనియర్ నాయకుడు జ్యోతుల నెహ్రూ తనయుడు నవీన్ కాకినాడ పార్లమెంటరీ నియోజకవర్గం టీడీపీ అధ్యక్షుడుగా ఉన్నారు. జగ్గంపేట మాజీ ఎమ్మెల్యే తనయుడుగా.. మాజీ జిల్లా పరిషత్ ఛైర్మన్‌గా నవీన్ సుపరిచితం. ఇటీవల కాలంలో పార్లమెంటరీ పార్టీ అధ్యక్షుడిగా నవీన్ అనుసరిస్తున్న విధానాలు కొందరు సీనీయర్ నేతలకు మింగుడు పడడం లేదని టాక్. ముఖ్యంగా అసెంబ్లీ నియోజకవర్గాల్లో ద్వితీయ శ్రేణీ నేతలను నవీన్ ప్రోత్సహిస్తున్నారని సీనియర్లు మండిపడుతున్నారు. అలా ప్రోత్సహించిన నేతలను తనకు అనుకూలంగా మలచుకుంటున్నారట. దీంతో నవీన్ నాయకత్వం తమకు వద్దని మరో నేతను నియమించాలంటూ కొందరు తమ బాస్‌కు విజ్ఞప్తి చేసినట్లు సమాచారం. సైకిల్ ఎక్కేది నేనే.! గతంలో రాష్ట్ర ప్రభుత్వ విధానాలను నిరసిస్తూ జగ్గంపేట నియోజకవర్గంలో నవీన్ రెండు నెలల పాటు పాదయాత్ర చేశారు. తొలుత ఈ పాదయాత్రకు యనమలతో పాటుగా పలువురు సీనియర్లు.. మాజీ ఎమ్మెల్యేలు సంఘీభావం తెలిపారు. ఆ తరువాత నవీన్ ముఖం చూడడమే మానేశారట. అంతేకాదు గత నెలలో పాదయాత్ర ముగింపు సందర్భంగా నవీన్‌ను కలవడానికి ఒక్క నేత కూడా రాలేదని సమాచారం. దీంతో ప్రభుత్వానికి వ్యతిరేకంగా నవీన్ నిర్వహించిన యాత్ర తుస్సు మన్నట్లు అయిందని పార్టీలోనే కామెంట్స్ వినిపిస్తున్నాయి. వచ్చే ఎన్నికల్లో తానే ఎంపీ అభ్యర్ధినని నవీన్ తన సన్నిహితులతో చెప్పుకుంటున్నారు. ఈ ప్రచారం యనమల రామకృష్ణుడు.. నిమ్మకాయల చినరాజప్ప వంటి సీనియర్లుకు రుచించడం లేదని టాక్. తండ్రి జగ్గంపేట నుండి ఎమ్మెల్యేగా.. కొడుకు కాకినాడ పార్లమెంట్ సీటుకు ఎలా పోటీ చేస్తారంటూ ప్రశ్నించుకుంటున్నారట. ఒకే ఇంట్లో ఇద్దరికి సీట్లు ఎలా ఇస్తారని చర్చించుకుంటున్నారట. మొత్తం మీద జ్యోతుల నెహ్రూ తనయుడు నవీన్ కాకినాడ జిల్లా పార్టీలో మంటలు రేపారు. ఒక వైపు జూనియర్లను ప్రోత్సహిస్తూ సీనియర్లకు కంటగింపుగా మారారు. మరోవైపు తండ్రీ, కొడుకులిద్దరూ పోటీ చేస్తున్నారనే సిగ్నల్స్ ఇవ్వడం ద్వారా అసమ్మతిని పెంచి పోషిస్తున్నారు. చూడాలి చివరకు ఏమవుతుందో..? -పొలిటికల్ ఎడిటర్, సాక్షి డిజిటల్ feedback@sakshi.com

సాక్షి, విశాఖపట్నం: ప్రేమించి పెళ్లి చేసుకున్న తమకు మాజీ ఎమ్మెల్యే జ్యోతుల నెహ్రూ నుంచి ప్రాణహాని ఉందని ఓ ప్రేమజంట ఆరోపిస్తోంది. తమను విడదీసేందుకు కుటుంబ సభ్యులు కూడా ప్రయత్నిస్తున్నారని చెబుతున్నారు. వివరాల్లోకెళ్తే.. తూర్పుగోదావరి జిల్లా జగ్గంపేటకు చెందిన అపర్ణ, విశాఖకు చెందిన రవికిరణ్‌ పదేళ్లుగా ప్రేమించుకుంటున్నారు. పెళ్లి చేసుకోవాలని ఐదేళ్లుగా ప్రయత్నిస్తున్నారు. ఈ విషయాన్ని అపర్ణ తల్లిదండ్రులకు తెలపగా వారు నిరాకరించారు. ఈ క్రమంలోనే వారు కూకట్‌పల్లి ఆర్యసమాజ్‌లో ప్రేమపెళ్లి చేసుకున్నారు. అపర్ణ​ కనిపించడం లేదంటూ తల్లిదండ్రులు తూర్పుగోదావరి గండేపల్లి పోలీస్‌ స్టేషన్‌లో ఫిర్యాదు చేశారు. మిస్సింగ్‌ కేసు నమోదు చేసుకున్న పోలీసులు అపర్ణను సంప్రదించగా, తాను సురక్షితంగా ఉన్నానని తెలిపింది. అయితే విచారణలో భాగంగా గండేపల్లి రావాలని పోలీసులు కోరారు. చదవండి: (అబ్బాయి కన్నా అమ్మాయి పెద్ద.. చివరికి ఏమైందంటే?) తల్లిదండ్రులనుంచి ఇబ్బంది కలుగుతోందని భావించిన ప్రేమజంట విశాఖలోని మహిళా చేతన ప్రతినిధులను సంప్రదించారు. ఈ విషయంలో జోక్యం చేసుకున్న జ్యోతుల నెహ్రూ తూర్పుగోదావరి జిల్లాకు పంపాలని చేతన కన్వినర్‌పై ఒత్తిడి తెచ్చారు. దీనిపై మహిళా చేతన కన్వినర్‌ కత్తి పద్మ మాట్లాడుతూ.. 'ప్రేమించి పెళ్లి చేసుకున్న యువతిని జగ్గంపేట రావాలని జ్యోతుల నెహ్రూ ఒత్తిడి చేయడం సరికాదు. నిజంగా ఆయనకు చట్టంఐ గౌరవం ఉంటే విశాఖపట్నం రావచ్చు. ఈ విషయంలో రాజకీయ ఒత్తిళ్లకు పాల్పడితే అంగీకరించే పరిస్థితి లేదు' అని కన్వినర్‌ కత్తి పద్మ అన్నారు.  ఈ విషయంపై అపర్ణను సం‍ప్రదించగా.. 'వివాహం విషయంలో మా బంధువులు బ్లాక్‌ మెయిల్‌ చేశారు. మాజీ ఎమ్మెల్యే జ్యోతుల నెహ్రూ మా కుటుంబానికి బంధువులు. ఆయన మాపై ఒత్తిడి తెస్తున్నారు. జగ్గంపేట గండేపల్లి పోలీస్‌ స్టేషన్‌కి వెళ్తే మాకు ప్రమాదం ఉంది' అని అపర్ణ తెలిపింది. 

జగ్గంపేట: మాజీ ఎమ్మెల్యే, టీడీపీ రాష్ట్ర ఉపాధ్యక్షుడు జ్యోతుల నెహ్రూ సోమవారం అస్వస్థతకు గురయ్యారు. పొలంలో ఉండగా సాయంత్రం ఆయనకు గుండెపోటు వచ్చింది. జగ్గంపేట నుంచి వైద్యులు హుటాహుటిన చేరుకుని, ప్రథమ చికిత్స చేశారు. పరిస్థితి విషమంగా ఉండడంతో జగ్గంపేటలోని ప్రైవేటు ఆసుపత్రికి తీసుకువచ్చారు. నెహ్రూకు డాక్టర్‌ రమేష్‌ ఆక్సిజన్‌ అందించి ఉపశమనం కల్పించారు. అనంతరం రాజమహేంద్రవరం బొల్లినేని ఆసుపత్రికి తరలించారు. ఆయన అపాయం నుంచి బయటపడ్డారని టీడీపీ నేతలు తెలిపారు.

జగ్గంపేట: జెడ్పీటీసీ, ఎంపీటీసీ ఎన్నికలను బహిష్కరించాలని టీడీపీ అధినేత చంద్రబాబు తీసుకున్న నిర్ణయాన్ని నిరసిస్తూ తూర్పుగోదావరి జిల్లా జగ్గంపేట మాజీ ఎమ్మెల్యే జ్యోతుల నెహ్రూ ఆ పార్టీ రాష్ట్ర ఉపాధ్యక్ష పదవికి శుక్రవారం రాజీనామా చేశారు.  మీడియాతో మాట్లాడుతూ ఎన్నికల్లో పోటీ చేస్తున్నప్పుడు గెలుపోటములు సహజమని, వాటికి సిద్ధపడి ముందుకు వెళ్లాలన్నారు. ఇందుకు విరుద్ధంగా ప్రతిపక్షంలో ఉన్న ప్రస్తుత తరుణంలో ఎన్నికల్లో పోటీకి దూరంగా ఉండాలని పార్టీ తీసుకున్న నిర్ణయం మనస్తాపం కలిగించిందని తెలిపారు. పార్టీకి సంబంధించిన రాష్ట్ర రాజకీయాల్లో కీలక పాత్ర పోషించడం ఇష్టం లేక తన పదవికి రాజీనామా చేశానని చెప్పారు. నియోజకవర్గంలో పార్టీ నాయకుడిగా, కార్యకర్తలకు అండగా ఉంటానని అన్నారు. తెలుగుదేశం పార్టీ క్యాడర్‌ చాలా చోట్ల గెలిచే అవకాశాలున్న తరుణంలో పార్టీ ఈ విధంగా నిర్ణయం తీసుకోవడం బాధించిందని ఆవేదన వ్యక్తం చేశారు.   పోటీ నుంచి తప్పుకోం  రావికమతం : పరిషత్‌ ఎన్నికలను బహిష్కరిస్తున్నట్టు తెలుగుదేశం పార్టీ అధినేత చంద్రబాబు ప్రకటించినంత మాత్రాన తాము ఎన్నికల బరిలోంచి తప్పుకోమని విశాఖ జిల్లా రావికమతం మండల టీడీపీ నాయకత్వం తేల్చి చెప్పింది. ఈ నేపథ్యంలో మేడివాడలో శుక్రవారం సాయంత్రం జరిగిన సమావేశంలో మాజీ ఎమ్మెల్యే కె.ఎస్‌.ఎన్‌.ఎస్‌.రాజు, నియోజకవర్గ టీడీపీ ఇన్‌చార్జి బత్తుల తాతయ్యబాబు మాట్లాడుతూ పార్టీ అభ్యర్థులు ఎన్నికల్లో పోటీలో ఉంటారని ధిక్కార స్వరం వినిపించారు.    

సాక్షి, హైదరాబాద్‌: పరిషత్‌ ఎన్నికలను బహిష్కరిస్తున్నానని టీడీపీ అధినేత చంద్రబాబు నాయుడు ప్రకటించిన కొన్ని గంటలకే పార్టీకి ఊహించని షాక్‌ తగిలింది. చంద్రబాబు నిర్ణయాన్ని పార్టీలోని సీనియర్‌ నాయకులు వ్యతిరేకించారు. అసంతృప్తి వెళ్లగక్కారు. ఈ నేపథ్యంలో జ్యోతుల నెహ్రూ పార్టీ రాష్ట్ర ఉపాధ్యక్ష పదవికి రాజీనామా చేస్తూ నిర్ణయం తీసుకున్నారు. ఈ మేరకు ఆయన చంద్రబాబు తీరుపై ఆగ్రహం వ్యక్తం చేశారు.  చంద్రబాబు ప్రకటించిన నిర్ణయానికి వ్యతిరేకంగా జ్యోతుల నెహ్రూ గళం విప్పారు. చంద్రబాబు నిర్ణయం నిరాశకు గురిచేసిందని పేర్కొన్నారు. పార్టీ నిర్ణయంతో విభేదిస్తున్నట్లు ప్రకటించారు. చంద్రబాబు నిర్ణయంపై మరో సీనియర్‌ నేత అశోక్‌ గజపతి రాజు తీవ్ర అసంతృప్తి వ్యక్తం చేశారు. కేడర్‌ అభిప్రాయాలు చంద్రబాబుకు పట్టవా? అంటూ అసహనం వ్యక్తం చేశారు. నిజమైన కార్యకర్తలకు పార్టీలో న్యాయం జరగడం లేదని అన్నారు. చదవండి: ఓటమి భయంతోనే బాబు ఎన్నికల బహిష్కరణ

సాక్షి, తూర్పుగోదావరి : ప్రత్తిపాడు ఎమ్మెల్యే పర్వత పూర్ణచంద్ర ప్రసాద్‌ టీడీపీ నేత జ్యోతుల నెహ్రూపై ఆగ్రహం వ్యక్తం చేశారు.  ‘అదృష్టం కొద్ది ఎమ్మెల్యే అయింది నువ్వు.. నేను కాదు. ఆనాడు తోట సుబ్బారావు వెనుక మావయ్య మావయ్య అంటూ ఫైల్స్ మోసావ్. ఆయనకు ఎంపీ సీటు రావడంతో తన వారిని కాదని నీకు ఎమ్మెల్యే సీటు ఇప్పించారు. తోట సుబ్బారావు వల్లే నీకు అదృష్టం కలిగింది. సీఎం వైఎస్ జగన్ మిమ్మల్ని నమ్మి సీటు ఇస్తే.. టీడీపీకి అమ్ముడు పోయి పార్టీని మోసం చేశారు’ అంటూ మండిపడ్డారు. (‘ఈటలను ఓడించకుంటే నా పేరు కౌశిక్‌ కాదు’) శుక్రవారం ఆయన మీడియాతో మాట్లాడుతూ.. ‘‘ సీఎం వైఎస్‌ జగన్ వల్లే నాకు ఎమ్మెల్యే పదవి వచ్చింది. రాష్ట్రంలో దేవాలయాలపై టీడీపీ దాడులు చేయించి ప్రభుత్వాన్ని అప్రతిష్టపాలు చేస్తోంది. జరుగుతున్న అవాంఛనీయ సంఘటనల వెనుక టీడీపీ నేతల హస్తం ఉందని ప్రభుత్వం వద్ద నివేదిక ఉంది. ముఖ్యమంత్రిని, ప్రభుత్వాన్ని ఎలా అప్రతిష్టపాలు చెయ్యాలని టీడీపీ ఇలాంటి కుయుక్తులు పన్నుతోంది. కుల,మతాలు అడ్డుపెట్టుకుని రాజకీయాలు చేద్దాం అంటే ఎప్పటికీ చెల్లు బాటు కాద’’ని అన్నారు.

సాక్షి, విజ‌య‌వాడ‌: టీడీపీ నేతలు మ‌హానాడు వేదిక‌గా మాటల యుద్దానికి దిగారు. చంద్రబాబు ముందే టీడీపీ నేతలు చిన‌రాజ‌ప్ప‌, జ్యోతుల నెహ్రూ ఒకరినొకరు విమర్శించున్నారు. ఈ క్రమంలో చిన‌రాజ‌ప్ప‌  మాట్లాడుతూ.. కొంత మంది నేత‌లు అధికారం పోగానే పార్టీని వీడిపోయారని అన్నారు. తిరిగి వెళ్లిపోయిన వారిని పార్టీలోకి తీసుకోమని తెలిపారు. మాజీ మంత్ర‌లు, ఎమ్మెల్యేలు సైలెంట్ అయిపోయారని చె​ప్పారు. ప్ర‌భుత్వం అధికారంలో లేకుంటే పార్టీని ప‌ట్టించుకోరా అని ప్రశ్నించారు. ఎవ‌రు ఏ విధంగా వ్వ‌వ‌హారిస్తున్నారో చంద్ర‌బాబు గ‌మ‌నించాలని చినరాజప్ప అన్నారు. (‘రెండు కుటుంబాల గొడవను రాజకీయం చేస్తున్నారు’) చిన‌రాజ‌ప్ప వ్యాఖ్య‌ల‌ను టీడీపీ నేత జ్యోతులు నెహ్రూ తీవ్రంగా విబేధించారు. మైకులు ప‌ట్టుకొని మాట్లాడితే స‌రిపోదని విమర్శించారు. ముందు పార్టీ కేడర్‌కు న‌మ్మ‌కం క‌లిగించాలన్నారు. నాయ‌కుని చుట్టు ప్ర‌ద‌క్ష‌ణ చేస్తే నాయ‌క‌త్వం రాదని ఎద్దేవా చేశారు. పార్టీ కేడ‌ర్ చూట్టు ప్ర‌ద‌క్ష‌ణలు చేయాలన్నారు. చిన‌రాజ‌ప్ప మ‌రింత బాద్య‌త‌గా వ్య‌వ‌హరించాలన్నారు. ప‌దవులు రావ‌డమ‌నేది అదృష్టం మీద ఆధార‌ప‌డి ఉంటుందని తెలిపారు. తూర్పు గోదావ‌రి జిల్లా అధ్య‌క్షుడు ఎవ‌రో కూడా తెలియ‌ని ప‌రిస్థితిలో ఉన్నామన్నారు. జిల్లాలో తనకు తెలియ‌కుండానే పలు కార్యాక్ర‌మాలు నిర్వహిస్తున్నారని అసహనం వ్యక్తం చేశారు. జిల్లాకు రాష్ట్ర క‌మిటీ నాయ‌కులు వ‌స్తే క‌నీసం స‌మాచారం ఇవ్వ‌డం లేదని జ్యోతుల నెహ్రూ అన్నారు. (నిబంధనలు గాలికొదిలేసిన టీడీపీ నేతలు)

వరుస పంక్చర్లతో కుదేలైపోతున్న ‘సైకిల్‌’ సచిత్రమాలిక కళ్లెదుటే కనిపిస్తోంది. వికృత చేష్టలతో, అహంకార పూరిత నిర్ణయాలతో, రాష్ట్ర ప్రగతికి అడుగడుగునా అవరోధం కల్పించేలా వ్యవహరిస్తున్న అధినాయకత్వం ప్రజలకు మరింత దూరమవుతోంది. ఐసుగడ్డను ఢీకొని, ముక్కచెక్కలవుతూ, నడిసంద్రంలో మునిగిపోతున్నట్టుగా మారిన ‘తెలుగుదేశం’ నావను భవిష్యత్తీరాలకు చేర్చడానికి.. చుక్కాని పట్టి నడిపించే భావి నేత కనిపించడం లేదు. ఈ పరిస్థితుల్లో ఇంకా ఆ పార్టీలోనే ఉంటే తమ పుట్టి కూడా మునుగుతుందన్న భయంతో ‘తమ్ముళ్లు’ ఒక్కొక్కరుగా జారిపోతున్నారు. టీడీపీకి గుడ్‌బై చెప్పి, అత్యంత ప్రజాదరణతో వెలుగొందుతున్న వైఎస్సార్‌ కాంగ్రెస్‌ పార్టీలో చేరుతున్నారు. దీంతో జిల్లాలోని టీడీపీ ముఖ్యనేతలు దిక్కుతోచని స్థితిని ఎదుర్కొంటున్నారు. సాక్షి, రాజమహేంద్రవరం: పార్టీ నాయకులు ఒక్కొక్కరూ జారిపోతూండడంతో జిల్లాలో తెలుగుదేశం పార్టీ బేజారెత్తిపోతోంది. అధినేత చంద్రబాబు రెండు నాల్కల ధోరణితో విసుగు చెందుతున్న పలువురు ఎమ్మెల్యేలు, మాజీ ఎమ్మెల్యేలు ప్రజారంజక పాలన సాగిస్తున్న సీఎం వైఎస్‌ జగన్‌మోహన్‌రెడ్డి సమక్షంలో వైఎస్సార్‌ కాంగ్రెస్‌ పార్టీలో వరుసగా చేరుతున్నారు. ఈ పరిణామాలు చూస్తూ కూడా ఇంకా టీడీపీలో కొనసాగడమంటే తమ రాజకీయ భవిష్యత్తుకు తామే సమాధి కట్టుకున్నట్టు అవుతుందనే భయం తెలుగు తమ్ముళ్లలో స్పష్టంగా కనిపిస్తోంది. గత ఫిబ్రవరి నుంచి జారిపోతున్న నేతలను నిలబెట్టుకోలేక టీడీపీ ముఖ్యనేతలు తలలు పట్టుకుంటున్నారు. ఒకప్పుడు కంచుకోటగా ఉన్న జిల్లాలో వైఎస్సార్‌ సీపీ ఆవిర్భావం తర్వాత టీడీపీ బలహీనపడుతూ వచ్చింది. వైఎస్సార్‌ సీపీ ప్రభంజనం ఖాయమనే స్పష్టమైన సంకేతాలు సార్వత్రిక ఎన్నికల సమయంలోనే కనిపించాయి. కానీ అప్పటికంటే స్థానిక సంస్థల ఎన్నికలకు తెర లేచిన తరువాతే జిల్లాలో టీడీపీ నుంచి వలసలు ఎక్కువగా ఉండడం గమనార్హం. ఆవిర్భావం నుంచీ పార్టీలో ఉండి నరనరానా టీడీపీ రక్తమే ప్రవహిస్తోందని బహిరంగంగా చెప్పుకునే నేతలు కూడా బయటకు పోతున్న పరిస్థితులు ఆ పార్టీ అధిష్టానానికి ఒక పట్టాన మింగుడు పడటం లేదు. వలసలను నిరోధించలేక ఆ పార్టీ ముఖ్యనేతలు దిక్కులు చూస్తున్నారు. చదవండి: ఆ జిల్లాలో టీడీపీ దాదాపు ఖాళీ..! ► చంద్రబాబు అధికారంలో ఉన్నప్పుడు జిల్లా రాజకీయాలను శాసించిన త్రిమూర్తులుగా మాజీ మంత్రులు యనమల రామకృష్ణుడు, నిమ్మకాయల చినరాజప్ప, జ్యోతుల నెహ్రూ పేరొందారు. పార్టీ పుట్టి మునిగిపోతున్నా ఈ ముగ్గురూ ఏం చేయాలో తెలియక నిశ్చేష్టులై చూస్తున్నారు. టీడీపీలో చంద్రబాబు తరువాత నంబర్‌–2గా పేరొంది, తెర వెనుక పార్టీని నడిపించిన ఎమ్మెల్సీ యనమల రామకృష్ణుడు జిల్లాలో ప్రస్తుతం జరుగుతున్న పరిణామాలను కళ్లప్పగించి చూస్తున్నారే తప్ప కనీసం పార్టీ నేతలను నిలువరించలేకపోతున్నారు.  ►పార్టీని నమ్ముకున్నా నట్టేట ముంచేశారంటూ వైఎస్సార్‌ సీపీలో చేరి, తిరిగి ప్రలోభాలతో టీడీపీ పంచన చేరిన మాజీ ఎమ్మెల్యే జ్యోతుల నెహ్రూదీ అదే పరిస్థితి. వారానికో, 15 రోజులకో ఒకసారి కాకినాడలో మీడియాతో మాట్లాడటానికే ఆయన పరిమితమవుతున్నారే తప్ప టీడీపీకి కాయకల్ప చికిత్స చేయలేకపోతున్నారు.  ►సుదీర్ఘ కాలం టీడీపీ జిల్లా అధ్యక్షుడిగా పని చేసిన రికార్డుతో పాటు ఉప ముఖ్యమంత్రి, హోం మంత్రిగా పని చేశారు పెద్దాపురం ఎమ్మెల్యే నిమ్మకాయల చినరాజప్ప. జిల్లాలో పార్టీ పరిస్థితిపై ఆయన కూడా దాదాపు కన్నెత్తి చూడడం లేదు. ఆయన ప్రాతినిధ్యం వహిస్తున్న పెద్దాపురం, సొంత నియోజకవర్గం అమలాపురంలో కూడా పార్టీ ముఖ్య నేతలు వైఎస్సార్‌ సీపీలో చేరుతూ రాజప్పకు గట్టి షాక్‌ ఇస్తున్నారు. నాడు హోం మంత్రిగా పార్టీలో తన ప్రత్యర్థి, మాజీ ఎమ్మెల్యే తోట వర్గీయులను అమలాపురం పట్టణంలో వెతికి వెతికి మరీ కేసులలో ఇరికించి ఇబ్బందులు పాల్జేసిన నేపథ్యంలో.. వారందరూ ఇప్పుడు టీడీపీని వీడి రాజప్పకు షాక్‌ల మీద షాక్‌లు ఇస్తున్నారు. చదవండి: ఏబీవీ సస్పెన్షన్‌కు ఆధారాలున్నాయ్‌ ►తోట త్రిమూర్తులు వైఎస్సార్‌ సీపీలో చేరడంతో రామచంద్రపురంలో టీడీపీకి కోలుకోలేని దెబ్బ తగిలింది. ►ఇటు అమలాపురం పట్టణంలో కూడా తోట ప్రభావం, చినరాజప్పపై ఆగ్రహంతో గంగుమళ్ల కాసుబాబు, అరిగెల బుజ్జి తదితరులు మంత్రి పినిపే విశ్వరూప్‌ సమక్షంలో వైఎస్సార్‌ సీపీలో చేరారు. టీఎన్‌టీయూసీ నాయకుడు, నరనరానా టీడీపీని జీర్ణించుకున్న గల్లా రాము వంటి నాయకులు కూడా ఆ పార్టీని వీడి వైఎస్సార్‌ సీపీలోకి వచ్చేశారు. అమలాపురం 25వ వార్డు మాజీ కౌన్సిలర్‌ బండారు సత్యనారాయణ, అంబాజీపేట మార్కెట్‌ కమిటీ వైస్‌ చైర్మన్‌ బండారు లోవరాజు(చిన్ని) వైఎస్సార్‌ సీపీలో చేరారు.  ►కాకినాడ రూరల్‌ కరప మండల టీడీపీ నేత పుల్లా ప్రభాకరరావు, పండూరుకు చెందిన ట్యాంకర్స్‌ యూనియన్‌ అధ్యక్షుడు బావిశెట్టి వెంకటేశ్వరరావు మంత్రి కురసాల కన్నబాబు సమక్షంలో వైఎస్సార్‌ సీపీలో చేరారు.  ►తునిలో యనమల సోదర ద్వయం ఒంటెద్దు పోకడలతో విసుగెత్తిపోయిన టీడీపీ శ్రేణులు ప్రభుత్వ విప్, స్థానిక ఎమ్మెల్యే దాడిశెట్టి రాజాపై నమ్మకంతో వైఎస్సార్‌ సీపీలో చేరారు.  ► రామచంద్రపురం నియోజకవర్గం కాజులూరు మాజీ జెడ్పీటీసీ యాళ్ళ సూర్యప్రకాశరావు, మాజీ ఎంపీపీ వినకోటి శ్రీనివాస్‌ టీడీపీని వీడి ఎమ్మెల్యే వేణు సమక్షంలో వైఎస్సార్‌ సీపీలో చేరారు.  ►రాజమహేంద్రవరంలో బీఎస్పీ జిల్లా అధ్యక్షుడు, నగరపాలక సంస్థ స్టాండింగ్‌ కమిటీ మాజీ చైర్మన్‌ బర్రే కొండబాబు, బీసీ సంఘ నాయకుడు కడలి వెంకటేశ్వరరావులు సీఎం జగన్‌ సమక్షంలో; పెద్దాపురంలో టీడీపీ సీనియర్‌ నాయకుడు, మార్కెట్‌ కమిటీ మాజీ చైర్మన్‌ ముత్యాల రాజబ్బాయి పార్టీ కో ఆర్డినేటర్‌ దవులూరి దొరబాబు సమక్షంలో వైఎస్సార్‌ సీపీలో చేరారు.  ►కొత్తపేటలో మందపల్లి శనైశ్చర స్వామి దేవస్థానం మాజీ చైర్మన్‌ సలాది బాబ్జీ, రావులపాలెం మాజీ ఉప సర్పంచ్‌ కర్రి సుబ్బారెడ్డి, వేమగిరిలో వెలుగుబంటి వెంకటాచలం, దొంతంశెట్టి చినవీరభద్రయ్య, దళిత సంఘం నాయకుడు జంగా బాబురావు.. ఇలా టీడీపీ నేతలు అనేకమంది ఆ పార్టీ మనుగడ కష్టమనే భావనతో వైఎస్సార్‌ సీపీలో చేరుతున్నారు.  ►ఈ నేపథ్యంలోనే జిల్లాలోని మండల పరిషత్‌ ప్రాదేశిక నియోజకవర్గాల్లో అభ్యర్థులను కూడా నిలబెట్టలేక టీడీపీ చేతులెత్తేసింది. ఆ మేరకు వైఎస్సార్‌ సీపీకి 80 స్థానాలు ఏకగ్రీవమయ్యాయి. ఈ పరిణామాలన్నీ టీడీపీని కోలుకోలేని దెబ్బ తీశాయి.

సాక్షి, కిర్లంపూడి: సార్వత్రిక ఎన్నికలకు ముందే జిల్లాలో ఎమ్మెల్సీ ఎన్నికల కోడ్‌ అమల్లోకి వచ్చింది. ఉభయ గోదావరి జిల్లాల పట్టభధ్రుల నియోజకవర్గం ఎమ్మెల్సీ ఎన్నికలకు కేంద్ర ఎన్నికల సంఘం నోటిఫికేషన్‌ జారీ చేసి వారం రోజులు దాటింది. ఎన్నికల నియమావళి ప్రకారం అధికార యంత్రాంగం పని చేయాలి. రాజకీయ నాయకులు సైతం ఎన్నికల నియమావళిని తూ.చ తప్పకుండా పాటించాలి. సార్వత్రిక ఎన్నికలు వస్తాయని ముందుగానే భావించిన అధికార పార్టీ నేతలు పలు గ్రామాల్లో హడావుడి శంకుస్థాపనలు, ప్రారంభోత్సవాలు నిర్వహించారు. ఈ సందర్భంగా ఆయా గ్రామాల్లో అధికార పార్టీ ఎమ్మెల్యే జ్యోతుల నెహ్రూ, జెడ్పీ చైర్మన్‌ జ్యోతుల నవీన్‌ ఫ్లెక్సీలు ఏర్పాటు చేశారు. అయితే ఎన్నికలు నోటిఫికేషన్‌ రావడంతో మండలంలో చాలా గ్రామాల్లో అధికారులు ఆయా పార్టీల నాయకులకు సమాచారం అందించి ఫ్లెక్సీలు తొలగించాలని సూచించారు. కొందరు స్పందించకపోవడంతో పలు చోట్ల ఫ్లెక్సీలు తొలగించారు. కృష్ణవరం గ్రామంలో మాత్రం ఎన్నికల నియమావళికి విరుద్ధంగా అధికార పార్టీ నాయకులు పెట్టిన ఫ్లెక్సీలు తొలగించేందుకు ఎటువంటి చర్యలు తీసుకోలేదు. దీంతో గ్రామంలోని అధికార పార్టీ నాయకులకు అధికారులు కొమ్ము కాస్తున్నారని, అందువల్లే ఫ్లెక్సీలు తొలగించలేదని పలువురు గ్రామస్తులు ఆరోపిస్తున్నారు. ఇప్పటికైనా అధికారులు స్పందించి ఎన్నికల నియమావళిని అమలు చేయకపోతే ఎన్నికల రిటర్నింగ్‌ అధికారికి ఫిర్యాదు చేస్తామని స్థానికులు హెచ్చరిస్తున్నారు.   

సాక్షి, తూర్పు గోదావరి: టీడీపీ ఎమ్మెల్యే జ్యోతుల నెహ్రూపై కిర్లంపూడి పోలీస్‌ స్టేషన్‌లో రాజుపాలెం గ్రామ దళితులు ఫిర్యాదు చేశారు. గురువారం రాజుపాలెం గ్రామంలో జరిగిన జన్మభూమి సభలో ఎమ్మెల్యే తమను అవమానించారని, తమ మనోభావాలను కించపరిచేలా దూషించారని వారు ఆ ఫిర్యాదులో పేర్కొన్నారు. జన్మభూమి సభలో భాగంగా తమ గ్రామంలో జరిగిన అవినీతిపై విచారణ జరిపించాలని కోరినందుకు.. పోలీసులకు తమను సభ నుంచి గెంటేయాలని ఎమ్మెల్యే సూచించారని వారు మండిపడ్డారు. దళితులమనే చిన్న చూపుతోనే ఎమ్మెల్యే నెహ్రూ తన అగ్రకుల అహంకారం చూపించారని ఆవేదన వ్యక్తం చేశారు. ఎమ్మెల్యేపై ఎస్సీ, ఎస్టీ కేసు నమోదు చేయాలని రాజుపాలెం దళితులు డిమాండ్‌ చేస్తున్నారు. ఇక రాష్ట్రవ్యాప్తంగా జన్మభూమి సభల్లో టీడీపీ ప్రభుత్వ తీరుపట్ల నిరసన గళాలు వినిపిస్తునే ఉన్నాయి. సమస్యలపై ప్రశ్నించిన వారిని అడుగడుగునా టీడీపీ నాయకులు ఇబ్బందులకు, అవమానాలకు గురిచేస్తున్న విషయం తెలిసిందే.  

సాక్షి, కాకినాడ : ఐటీ దాడులపై జగ్గంపేట ఎమ్మెల్యే జ్యోతుల నెహ్రు తనయుడు జ్యోతుల నవీన్‌ కుమార్‌ వివరణ ఇచ్చారు. బుధవారం ఉదయం ఆయన కాకినాడలోని ఆదాయపన్ను శాఖ అదనపు కార్యాలయానికి వచ్చారు. ఈ సందర్భంగా జ్యోతుల నవీన్‌ మాట్లాడుతూ... గతంలో తమ ఉమ్మడి ఆస్తి అయిన గోదాముల విక్రయానికి సంబంధించి తక్కువగా చూపించిన సేల్‌ డీడ్‌ రిజిస్ట్రేషన్‌పై అధికారులు వివరణ అడిగారే తప్ప, ఎలాంటి దాడులు జరపలేదన్నారు. తమది వ్యవసాయ ఆధారిత కుటుంబం కావడం వల్ల గత కొంతకాలంగా ఐటీ రిటన్స్‌ పట్టించుకోలేదన్నారు. వాటిని కూడా చెల్లిస్తామని ఐటీ అధికారులకు సమాధానం ఇచ్చినట్లు నవీన్‌ పేర్కొన్నారు. కాగా జ్యోతుల నెహ్రు ఇంటిపై మంగళవారం మధ్యాహ్నం విశాఖకు చెందిన ఐటీ అధికారులు దాడి చేశారు. ఆయన స్వగ్రామం ఇర్రిపాక నివాసంలో ఐటీ శాఖాధికారులు సోదాలు నిర్వహించారు.

తూర్పుగోదావరి, జగ్గంపేట: జిల్లాకు చెందిన జగ్గంపేట ఎమ్మెల్యే జ్యోతుల నెహ్రూ ఇంటిపై మంగళవారం మధ్యాహ్నం విశాఖకు చెందిన ఐటీ అధికారులు దాడి చేశారు. ఆయన స్వగ్రామం ఇర్రిపాక నివాసంలో ఐటీ శాఖాధికారులు మంగళవారం మధ్యాహ్నం నుంచి సోదాలు నిర్వహించారు. అదే గ్రామంలో మరికొందరి ఇళ్లపై దాడులు జరిగినట్టు తెలిసింది. ఇందుకు సంబంధించిన వివరాలను బుధవారం వెల్లడించనున్నట్టు ఐటీ వర్గాల ద్వారా తెలిసింది.

సాక్షి ప్రతినిధి, తూర్పు గోదావరి, కాకినాడ : ఎంపీ తోట నరసింహం దత్తత గ్రామమది. ఆ పార్టీకి చెందిన సర్పంచే ప్రాతినిధ్యం వహిస్తున్నారు. కాకపోతే, ఎంపీ తోట నరసింహం అనుచరునిగా ఉంటున్నారు. ఇప్పుడదే కొంప ముంచింది. పార్టీ ఫిరాయించిన ఎమ్మెల్యే జ్యోతుల నెహ్రూకు కంటగింపుగా మారింది. ఎంపీ వెంట తిరుగుతున్నారని సర్పంచిపై కక్షగట్టారు. టీడీపీలోకి వచ్చిన దగ్గరి నుంచి అణగదొక్కుతున్నారు. ప్రతి పనికీ ఆటంకం కలిగిస్తున్నారు. గ్రామాభివృద్ధిని అడ్డుకుంటున్నారు. మంజూరైన అభివృద్ధి పథకాలు అమలు కాకుండా అడుగడుగునా అడ్డు తగులుతున్నారు. ఇళ్లు, పింఛన్లు, రుణాలు తదితర సంక్షేమ పథకాలు ఎంపీ అనుచరులకు ఇవ్వకుండా మొండిచేయి చూపుతున్నారు. గత రెండున్నరేళ్లుగా జరుగుతున్న వివక్షను భరించలేక బూరుగుపూడి సర్పంచి పాఠంశెట్టి సూర్యచంద్ర ఏకంగా ఆమరణ నిరాహార దీక్షకు దిగారు. జ్యోతుల నెహ్రూ తీరుకు నిరసనగా ఆరు రోజులపాటు దీక్ష చేశారు. చివరికి పోలీసులు భగ్నం చేశారే తప్ప ఎమ్మెల్యే కనీసం స్పందించలేదు. ♦ జగ్గంపేటకు చెందిన టీడీపీ నాయకుడు బండారు రాజా పరిస్థితి కూడా ఇంతే. ఎంపీ తోట నరసింహం అనుచరునిగా ఉన్న పాపానికి అడుగడుగునా వివక్ష చూపిస్తున్నారు. రెండున్నరేళ్లుగా వీరికి ఎమ్మెల్యే ఒక్క పని కూడా చేయలేదు. సరికదా పార్టీ వ్యవహారాల్లో కూడా దూరంగా ఉంచుతున్నారు. ♦ టీడీపీకి చెందిన మరో నేత తోట అయ్యన్న దాదాపు ఇదే పరిస్థితిని ఎదుర్కొంటున్నారు. ఎంపీ అనుచరునిగా నియోజకవర్గంలో కొనసాగుతుండటంతో  సంక్షేమ, అభివృద్ధి పథకాల విషయంలో ప్రాధాన్యం ఇవ్వకపోగా పార్టీ కార్యక్రమాలకు కూడా దూరంగా పెడుతున్నారు. వీరికెటువంటి సమాచారం ఇవ్వలేదు. రాజకీయంగా అణగదొక్కుతూనే ఉన్నారు. ♦ ఇలా చెప్పుకుని పోతే ఎంపీ తోట నరసింహం అనుచరులు అనేక మంది ఎమ్మెల్యే జ్యోతుల నెహ్రూ బాధితులుగా మిగిలిపోయారు. ఆయన పార్టీ ఫిరాయించిన దగ్గర నుంచి ఎంపీ అనుచరులకు గడ్డు పరిస్థితులు ఎదురవుతున్నాయి. చివరికీ, ఎమ్మెల్యే తీరుతో నిలబడలేక కొందరు వర్గాన్ని మార్చేశారు. మరికొందరు చెల్లాచెదురై మౌనంగా ఉన్నారు. సమయం కోసం వారంతా ఎదురు చూస్తున్నారు. ♦ గడిచిన ఎన్నికల్లో టీడీపీకి పెద్ద దిక్కుగా ఎంపీ తోట నరసింహం నిలిచారు. ఆ ఎన్నికల్లో వైఎస్సార్‌సీపీ తరపున జ్యోతుల నెహ్రూ ఎన్నికయ్యారు. ఆ తర్వాత స్వప్రయోజనాల కోసం ఎమ్మెల్యేగా గెలిపించిన  వైఎస్సార్‌సీపీకి వెన్నుపోటు పొడిచి టీడీపీలోకి జ్యోతుల నెహ్రూ జంపయ్యారు. ఒప్పందాలు, ప్రలోభాల నేపథ్యంలో జ్యోతుల నెహ్రూ టీడీపీలోకి వచ్చాక అప్పటికే టీడీపీలో ఉన్న అనేక మంది ఇబ్బందులకు గురయ్యారు. తనతోపాటు టీడీపీలోకి వచ్చిన వారికి పెద్దపీట వేసి, టీడీపీ పాత నేతలను దూరం పెట్టడం మొదలు పెట్టారు. ఇప్పటికే అనేక మంది టీడీపీకి దూరమై వైఎస్సార్‌సీపీలోకి చేరారు. మరికొందరు ఎంపీ తోట నరసింహం అనుచరులుగా కొనసాగుతూ వస్తున్నారు. ఆ పంథా ఎమ్మెల్యేకు నచ్చలేదు. ఉంటే తనతో ఉండాలి...లేదంటే చుక్కలే అన్నట్టుగా రాజకీయాలు నెరిపారు. ఇంకేముంది తోట నర్సింహం అనుచరులంతా టార్గెటయ్యారు. రెండున్నరేళ్లుగా పాత నేతలకే ఇక్కట్లు గడిచిన ఎన్నికల్లో టీడీపీకి కష్టపడి పనిచేసిన వారందరికీ జ్యోతుల నెహ్రూ పార్టీలోకి వచ్చాక ఇబ్బందులు మొదలయ్యాయి. తన అనుకూల వ్యక్తులకు తప్ప పార్టీ కోసం పనిచేసినవారికి మేలు చేయడం లేదన్న వాదనలున్నాయి. రానున్న ఎన్నికల నాటికి తాను మాత్రమే ఉండాలని, మరొకరికి నియోజకవర్గంలో పట్టు ఉండకూడదని, తనకు ఎదురు నిలిచే నాయకుడు లేకుండా చూసుకోవాలన్న ధోరణితో పక్షపాత రాజకీయాలకు శ్రీకారం చుట్టారు. ఇంకేముంది టీడీపీలో ఉన్న పాత వారందరికీ ఇక్కట్లు ప్రారంభమయ్యాయి. తనకు భవిష్యత్‌లో ఇబ్బందిగా తయారయ్యే అవకాశం ఉందన్న దూరదృష్టితో ఎంపీ తోట నరసింహం అనుచరుల్ని టార్గెట్‌ చేసినట్టు ఆ పార్టీలో చర్చ నడిచింది. అనుకున్నట్టుగా ఎంపీ కేడర్‌ను చెల్లాచెదురు చేయడంలో విజయం సాధించారన్న వాదనలున్నాయి. ఇక, కరుడుగట్టిన ఎంపీ అనుచరులు మాత్రం జ్యోతులకు సరెండర్‌ కాకుండా కొనసాగుతున్నారు. అలాంటి వారందరికీ సంక్షేమ, అభివృద్ధి పథకాలు అందకుండా కట్‌ చేశారన్న విమర్శలున్నాయి. ఏ ఒక్కరికీ ప్రాధాన్యత ఇవ్వకుండా మొండి చేయి చూపుతూ వస్తున్నారు. ఇళ్లు, పింఛన్లు, రుణాలు తదితర వాటిలో వివక్ష చూపిస్తూనే ఉన్నారు. అంతేకాకుండా పార్టీ కార్యక్రమాలకు దూరంగా పెడుతున్నారని చెబుతున్నారు. నియోజకవర్గంలో ఎంపీకి విలువ లేకుండా చేశారన్న చర్చ కూడా సాగుతోంది. ఈ విషయంలో ఎంపీ తోట నరసింహం ఎక్కడా బయట పడకుండా మౌనంగా ఉంటున్నారు. తన వర్గీయులకు జరుగుతున్న అన్యాయంపై బాధపడుతూ అంతర్గతంగా వ్యతిరేకిస్తున్నారే తప్ప జ్యోతులతో పోరాడేందుకు సాహసించడం లేదు. తాను గతంలో ప్రాతినిధ్యం వహించిన జగ్గంపేట నియోజకవర్గంలో క్యాడర్‌ చెల్లాచెదురు అవుతున్నా మౌనమే సమాధానంగా వ్యవహరిస్తున్నారు. మరీ, మున్ముందు బయటపడతారో...రానున్న ఎన్నికల్లో తగిన బుద్ధి చెబుతారో ఏమో గాని ప్రస్తుతానికి మాత్రం ఎంపీ అనుచరులంతా తీవ్ర ఆవేదనతో, అవమానంతో పార్టీలో కొనసాగుతున్నారు. 


 టోల్‌రుసుం కోసం అల్లుడి కారు ఆపినందుకు సిబ్బందిపై దాడి
 
 నిజాయతీగా టోల్‌ ఫీజు అడిగితే ఏకంగా జులుం ప్రదర్శించారు. మంగళవారం రాత్రి దాడులకు దిగారు. ఎమ్మెల్యే స్థాయిలో, అదీ సీనియారిటీ వెలగబెడుతున్న జ్యోతుల నెహ్రూ అయినా కొడుకును మందలించి ఉంటే హుందాగా ఉండేది. మహరాజా అని అభ్యర్థించుకుంటే మరి రెండు తన్నమన్నట్టుగా ప్లాజా సిబ్బందిపై బుధవారం మరింత రెచ్చిపోయి దాడులకు దిగడమే కాకుండా ఇద్దరు ఉద్యోగులను సస్పెండ్‌ చేయించారు. రక్షక భటులు కూడా పెద్దలకే కొమ్ముకాస్తూ చిన్నలపై చిర్రుబుర్రులాడారు.
 
 సాక్షి ప్రతినిధి, కాకినాడ: ప్రజా ప్రతినిధులైన జగ్గంపేట ఎమ్మెల్యే జ్యోతుల నెహ్రూ, జెడ్పీ చైర్మన్‌ జ్యోతుల నవీన్‌ కుమార్‌ బాధ్యత విస్మరించి దౌర్జన్యానికి పాల్పడ్డారు. తూర్పు గోదావరి జిల్లా కిర్లంపూడి మండలం కృష్ణవరం జాతీయ రహదారిపై ఉన్న టోల్‌ ప్లాజా వద్ద నెహ్రూ అల్లుడి కారును ఆపారని టోల్‌గేట్‌ సిబ్బందిపై అనుచరులతో దాడి చేయించారు. అంతటితో ఆగకుండా క్షమాపణ చెప్పేందుకు ఇంటికి వచ్చిన సిబ్బందిపై మరోసారి దాడి చేయించారు. టోల్‌గేట్‌ యాజమాన్యంతో ఇద్దరు సిబ్బందిపై వేటు వేయించారు. అధికార బలంతో చిరు ఉద్యోగులపై దాడులకు పాల్పడ్డ జ్యోతుల కుటుంబంపై సర్వత్రా విమర్శలు వెల్లువెత్తుతున్నాయి.
 
 గత రాత్రి బావమరిది సమక్షంలో దాడి
 జ్యోతుల నెహ్రూ అల్లుడు తోట బబ్బీ వాహనాన్ని మంగళవారం రాత్రి కృష్ణవరం టోల్‌ప్లాజా వద్ద టోల్‌ రుసుంకోసం ఆపారు. తన కారునే ఆపుతారా? అంటూ ఆయన టోల్‌ ప్లాజా సిబ్బందిపై చిందులు తొక్కారు. క్షణాల్లో బావమరిది, జెడ్పీ చైర్మన్‌ జ్యోతుల నవీన్‌ కుమార్‌ను రప్పించారు. కారును ఆపిన సిబ్బందిని అప్పగించాలంటూ నవీన్‌ ఉసిగొల్పడంతో అనుచరులు దౌర్జన్యకాండకు దిగారు.


 అమరావతి: అవసరం ఉన్నంతవరకూ వాడుకుని, ఆ తర్వాత కూరలో కర్వేపాకులా పక్కన పడేసే... టీడీపీ అధ్యక్షుడు చంద్రబాబు నాయుడి నైజం మరోసారి బయటపడింది. స్వార్థ ప్రయోజనాల కోసం వైఎస్‌ఆర్‌ కాంగ్రెస్‌ పార్టీ నుంచి ఫిరాయించిన నాయకుడి కోసం ఏళ్ల తరబడి పార్టీ జెండాను మోస్తున్న నేతలు బలవక తప్పలేదు. వైఎస్‌ఆర్‌ సీపీ నుంచి జగ్గంపేట ఎమ్మెల్యేగా ఎన్నికైన జ్యోతుల నెహ్రూ, ఆయన కుమారుడు నవీన్‌ కుమార్‌ జెడ్పీటీసీ సభ్యుడిగా ఎన్నికై అనంతరం టీడీపీలోకి ఫిరాయించిన విషయం తెలిసిందే.
 
 ఫిరాయింపు వేళ కుదుర్చుకున్న ఒప్పందానికి అనుగుణంగా నవీన్‌ను జిల్లా షరిషత్‌ చైర్మన్‌ పీఠంపై కూర్చోబెట్టేందుకు టీడీపీ... అందులో భాగంగా జెడ్పీ చైర్మన్‌ నామన రాంబాబును బలవంతంగా ఇప్పటికే టీడీపీ జిల్లా అధ్యక్షుడిగా నియమించారు. అనంతరం ఆయనను జెడ్పీ పీఠం నుంచి తప్పించేందుకు ఒత్తిడి తెచ్చారు. ఈ నేపథ్యంలో రాంబాబు నిన్న (ఆదివారం) రాజీనామా చేశారు. అయితే ఫిరాయింపు సమయంలో జ్యోతుల నెహ్రుకు మంత్రి పదవి ఆశ చూపి చివరకు ఆయన కుమారుడికి తాత్కాలిక జెడ్పీ చైర్మన్‌ పదవితో చంద్రబాబు సరిపెట్టారు. ఈ మేరకు రాష్ట్ర ప్రభుత్వం సోమవారం జీవో నెంబరు 473ను జారీ చేసింది.
 
 కాగా తూర్పుగోదావరి  తాత్కాలిక జిల్లా ప్రజా పరిషత్ ఛైర్మన్ గా జ్యోతుల నవీన్‌ను నియమిస్తూ ప్రభుత్వం ఆదేశాలు జారీ చేసిందని ఉప ముఖ్యమంత్రి నిమ్మకాయల చినరాజప్ప తెలిపారు. ఈనెల 15వ తేదీన జడ్పీ తాత్కాలిక ఛైర్మన్‌గా ఆయన బాధ్యతలు స్వీకరించనున్నారని వెల్లడించారు. అదేవిధంగా జడ్పీ వైస్ ఛైర్మన్‌గా నళినీకాంత్‌ను పార్టీ అధిష్టానం ఎంపిక చేసిందని చెప్పారు. ఆయన కూడా 15వ తేదీన పదవీ బాధ్యతలు స్వీకరిస్తారని అన్నారు.  అయితే జ్యోతుల నెహ్రు కుమారుడు నవీన్‌కు జడ్పీ చైర్మన్‌ పదవి ఇవ్వడంపై మంత్రి యనమల రామకృష్ణుడు సహా మెజార్టీ జెడ్పీటీసీల్లో అసంతృప్తి నెలకొంది.


 ► పార్టీలు మారినా ఫలితం లేదాయే : జ్యోతుల
 ► సిద్ధాంతకర్తనైనా గుర్తింపు రాకపోయే : గోరంట్ల
 ► ఇద్దరు సీనియర్‌ నేతల అంతర్మథనం
 ► జిల్లా టీడీపీలో అసమ్మతి సెగలు
 ► రాజీలు కుదిర్చినా ససేమిరా...
 
 ఒకరు పలు పార్టీలకు వ్యూహకర్త ... ఇంకొకరు తెలుగు దేశం పార్టీ ఆవిర్భావ సమయంలోనే పురుడు పోసిన సిద్ధాంత కర్త. ఇందులో ఒకరు జగ్గంపేట ఎమ్మెల్యే జ్యోతుల నెహ్రూ...ఇంకొకరు రాజమహేంద్రవరం శాసన సభ్యుడు గోరంట్ల బుచ్చయ్య చౌదరి. ఏ పార్టీలోనూ జ్యోతులకు స్థిరత్వం లేక చంచల స్వభావంతో ఎటు గాలివీస్తే అటు అడుగులు వేయడంతో ఆ అడుగులు ఎక్కడా బలంగా నిలదొక్కుకోలేని దుస్థితి. ‘ఉన్నది వదిలేవు ...లేనిది కోరేవు ... ఒక పొరపాటుకి యుగములు వగచేవు’ అంటూ ఓ సినీ రచయిత గీతా విలాపంలా తయారయింది  నెహ్రూ పరిస్థితి. ఇక గోరంట్ల వ్యథ మరో విధంగా ఉంది. టీడీపీ సిద్ధాంత కర్తల్లో ఒకరినైన నన్నా విస్మరించేదంటూ చిందులు తొక్కుతున్నారు. పార్టీ అధినేత ఎన్టీ రామారావునే అత్యంత క్రూరంగా బయటకు పంపించేసి ... ఆయన మరణానికి  కారణమైన ‘బాబు’ దగ్గరా ఆ సుద్దులంటూ ఆయన అనుచరులే గుసగుసలాడుకుంటున్నారు. వీరి ఎదుగుదలను వెనుకనుంచి అడ్డుకున్నది యనమలేనని అనుచర వర్గం ఆగ్రహంతో ఉంది.
 
 సాక్షి ప్రతినిధి, కాకినాడ :
 కొన్ని సందర్భాల్లో తీసుకునే నిర్ణయాలు కొందరు నేతలను అత్యున్నత స్థాయికి తీసుకుపోతుంటాయి. మరికొందరినైతే రాజకీయంగా అధఃపాతాళానికి నెట్టేస్తాయి. ఇందులో రెండో రకం నాయకుడిగా జగ్గంపేట ఎమ్మెల్యే జ్యోతుల నెహ్రూను చెప్పుకోవచ్చు. రాజకీయాల్లో మూడు దశాబ్దాల చరిత్ర కలిగి అపారమైన అనుభవం ఉన్న జ్యోతుల కూడా రాజకీయాల్లో ఒక దాని తరువాత మరొకటి తప్పటడుగులే వేశారు. టీడీపీ సైకిల్‌ చక్రాన్ని వదిలేసి ప్రజారాజ్యం పార్టీలో చేరి ఓటమి అనంతరం మహానేత వైఎస్‌ రాజశేఖర రెడ్డి ఆశయాలతో ముందడుగు వేస్తున్న వైఎస్‌ జగన్‌మోహన్‌రెడ్డి సమక్షంలో వైఎస్సార్‌ కాంగ్రెస్‌లో చేరారు. ఆ రోజు వైఎస్సార్‌ కాంగ్రెస్‌ పార్టీ పేరును జగ్గంపేటలోనే జగన్‌మోహన్‌రెడ్డి ప్రకటించి నెహ్రూకు అత్యధిక ప్రాధాన్యతనిచ్చారు. నమ్మి వచ్చిన నెహ్రూకు టిక్కెట్టు ఇచ్చి ఎమ్మెల్యేను చేశారు. జగన్‌మోహన్‌రెడ్డి అంతటితోనే సరిపెట్టకుండా  శాసనసభా పక్ష ఉప నేతను చేసి నెహ్రూ గౌరవాన్ని ఇనుమడింప జేశారు. ఇంతా చేస్తే టీడీపీకి ఫిరాయించేశారు. అందుకు మంత్రి పదవా లేక, ఇంకేమైనా ప్రలోభాలు కారణమయ్యాయో తెలియదుగానీ నమ్మి ఒక మెట్టుపైకి తీసుకువెళ్లిన పార్టీని నడిసంద్రంలో ముంచేశారు.
 
 ఆ ప్రభ ఏదీ...?
 ఆవిర్భావం నుంచి ఉన్న టీడీపీని వీడకుండానైనా ఉండాల్సింది. ఎంతకాలం తాను ఆ పార్టీలో ఉన్నా సొంత పార్టీలో ప్రత్యర్థి యనమల రామకృష్ణుడు ఉన్నంత కాలం ఇక మంత్రి పదవి అనేది అందని ద్రాక్ష అనే నిర్థారణకు వచ్చి టీడీపీని వీడి బయటకు వచ్చేశారు. ఆ పార్టీని వీడి బయటకు వస్తే వచ్చారు, ఆ తరువాత వైఎస్సార్‌ కాంగ్రెస్‌ పార్టీలో చేరి మంచి నిర్ణయమే తీసుకున్నారని నేతలు అభిప్రాయపడ్డారు. అటువంటి పార్టీని కాదనుకుని నెహ్రూ బయటకు వెళ్లి మరో తప్పటుడుగు వేశారు. వైఎస్సార్‌ కాంగ్రెస్‌ పార్టీ సారథిగా జిల్లాలో ఏమూలకు వెళ్లినా ప్రజలు, పార్టీ నేతలు వెన్నంటి నిలిచేవేవారు. అటు నియోజకవర్గంలో ఇటు జిల్లా అంతటా చక్రం తిప్పే పరిస్థితి. అటువంటిది తిరిగి టీడీపీకి వెళ్లాక నియోజకవర్గ నాయకుడిగానే మిగిలిపోయారు. మెట్ట ప్రాంతంలో ఏలేరు కోసం ఎన్నో ఉద్యమాలు చేసిన నెహ్రూ అదే ఏలేరుకు నీరు సరఫరా చేసే పురుషోత్తపట్నం ప్రాజెక్టుకు పిఠాపురంలో సీఎం శంకుస్థాపన కార్యక్రమంలో అందరిలో ఒకరిగా మిగిలిపోయారు. అందరికంటే చివర్లో మాట్లాడే అవకాశం ఇచ్చినప్పుడే నెహ్రూ స్థాయిని ఏ రకంగా తగ్గించేశారోనని ఆ రోజే మెట్ట నేతల మధ్య గుసగుసలు వినిపించాయి.
 
 పాపం సిద్ధాంతకర్త...?
 నెహ్రూ పరిస్థితి ఇలా ఉండగా మంత్రి పదవి రాలేదని పార్టీ పదవికి రాజీనామా చేసిన ఎమ్మెల్యే బుచ్చయ్య చౌదరిని బుజ్జగించేందుకు ఉప ముఖ్యమంత్రి చినరాజప్ప సోమవారం చేసిన యత్నాలు బెడిసికొట్టాయి. గోరంట్లకు మద్ధతుగా నగరపాలక సంస్థ సమావేశాన్ని బహిష్కరించిన  టీడీపీ కార్పొరేటర్లు రెండు రోజుల్లో రాజీనామాలకు కూడా సిద్ధపడతామని ప్రకటించడం వెనుక ఆంతర్యమేమిటై ఉంటుందా అని పార్టీలో చర్చ నడుస్తోంది. మంత్రి పదవిపై ఆశలు పెంచుకుని నిరాశ చెందిన మరో ఎమ్మెల్యే తోట త్రిమూర్తులను విలేకర్లు కలిసిన సందర్భంలో ఆయన కాస్త వేదాంత «ధోరణిలో మాట్లాడినట్టుగా కనిపించింది. ‘మంత్రి పదవి ఆశిస్తాం, కానీ అధినేత పెట్టుకున్న ప్రమాణాలకు ఫిట్‌ అవ్వలేకపోయి ఉండవచ్చునని’ చెప్పుకు రావడం గమనార్హం. బాబు తీరుపై కొందరు బయటపడగా ... లోలోన అంతర్గతంగా గుర్రుగా ఉన్న మరికొందరు భవిష్యత్తులో ఎలా స్పందిస్తారో వేచి చూడాల్సిందే.
 
 నీడలా యనమల
 టీడీపీలో మంత్రి కాకుండా అడ్డుపడ్డ నాయకుడే తాజా మంత్రివర్గ విస్తరణలో సైతం మోకాలడ్డటంతో తాను తీసుకున్న తప్పుడు నిర్ణయాలు ఎంత పనిచేశాయనే నిర్వేదం తప్ప నెహ్రూ చేయగలిగిందేముంటుందని అనుచరులే సముదాయించుకుంటున్నారు. పార్టీ మారిన దగ్గర నుంచి ఆయన నియోజకవర్గ రాజకీయాలకే పరిమితమైపోయారు. జిల్లా స్థాయిలో టీడీపీ కార్యక్రమాలు జరిగినా నలుగురిలో ఒకరిగానే మిగిలే వారు. ఈ రకంగా ఒక దాని వెంట మరొకటి వేసిన తప్పటడుగులు మూడు దశాబ్దాల రాజకీయ అనుభవం కలిగిన నేత ఉనికినే సవాల్‌ చేశాయి. నెహ్రూలో ఉన్న మునుపటి పోరాట పటిమ ఇప్పుడు కూడా ఉంటాదనుకుంటే పొరపాటే. వయస్సు కూడా ఇందుకు సహకరించాలి. తాజా విస్తరణలో ఛాన్స్‌ వస్తేగిస్తే పూర్వపు ప్రాభవాన్ని తిరిగి పొందవచ్చునన్న నెహ్రూ ఆశలపై చంద్రబాబు నీళ్లు చల్లడంతో రాజకీయ భవిష్యత్తు అంధకారమై నిర్వేదంలో ఉన్నారంటున్నారు. నెహ్రూను బుజ్జగించేందుకు గోదావరి అర్బన్‌ డెవలప్‌మెంట్‌ అథారిటీ లేదా రాష్ట్ర కార్పొరేషన్‌ చైర్మన్‌ ఆశ పెడుతున్నారని పార్టీలో చర్చ నడుస్తోంది. ఈ పదవులేవీ తమ నాయకుడి ప్రతిష్టను పెంచలేవనే అభిప్రాయంతో జ్యోతుల అనుచరవర్గం అభిప్రాయపడుతోంది. పదవుల పందేరంపై భగ్గుమంటున్న రాజమహేంద్రవరం రూరల్‌ ఎమ్మెల్యే గోరంట్ల బుచ్చయ్య చౌదరి సహా రాష్ట్రంలో పలువురు నేతల స్పందనలను గమనిస్తూ  కిం కర్తవ్యం ఏమిటా అని నెహ్రూ అనుచరవర్గం తర్జనభర్జనపడుతోంది.


 ♦ మోకాలొడ్డినపార్టీ సీనియర్లు
 ♦ రెంటికీ చెడ్డరేవడిగా జ్యోతుల
 ♦ ఆయన అనుచరుల్లో అయోమయం
 
 సాక్షి ప్రతినిధి, కాకినాడ :  మంత్రివర్గ విస్తరణలో జిల్లాకు సంబంధించి ఎలాంటి మార్పులు, చేర్పులు చోటుచేసుకోలేదు. జిల్లా నుంచి కేబినెట్‌లో ప్రాతినిధ్యం వహిస్తున్న ఉప ముఖ్యమంత్రి నిమ్మకాయల చినరాజప్ప, ఆర్థిక మంత్రి యనమల రామకృష్ణుడు మంత్రివర్గంలో యథాతథంగా కొనసాగనుండడంతో కొత్తవారికి నో ఛాన్స్‌ బోర్డు పెట్టేశారు. శనివారం అర్ధరాత్రి వరకూ మంత్రి వర్గ విస్తరణౖపై కసరత్తు చేసిన ముఖ్యమంత్రి చంద్రబాబు జిల్లాలో పాతవారిని కొనసాగించాలని నిర్ణయం తీసుకున్నారు. జిల్లాలో మంత్రి పదవి కోసం ఆశావహులు ఎక్కువగా ఉండటం, సామాజిక సమీకరణల నేపథ్యంలో కొత్తగా ఎవరికి ఇచ్చినా తేనెపుట్టను కదిలించినట్టవుతుందన్న ఉద్దేశ్యంతోనే ఈ నిర్ణయం తీసుకున్నట్టు తెలిసింది. మెట్ట ప్రాంతంలో తలపండిన రాజకీయ నాయకులుగా ముద్ర పడిన జగ్గంపేట ఎమ్మెల్యే జ్యోతుల నెహ్రూకు చంద్రబాబు మొండిచేయి చూపించారు.
 
 వైరి వర్గమే కొరివి పెట్టిందా...?
 చిరకాల కోరికైన మంత్రి పదవి ఈసారి కూడా నెహ్రూకు దూరమైంది. వైఎస్సార్‌ కాంగ్రెస్‌ పార్టీలో ఒక వెలుగు వెలిగిన నెహ్రూ మంత్రి పదవి కోసమే టీడీపీలోకి ఫిరాయించినట్టు చెప్పుకుంటూ వచ్చారు. విస్తరణలో బెర్త్‌ ఖాయమని అనుచరులు విస్తృతమైన ప్రచారం కూడా చేసుకున్నారు. నియోజకవర్గం నుంచి ముఖ్య అనుచరులతోపాటు పలువురు పార్టీ కార్యకర్తలు, శ్రేణులు కూడా శనివారం విజయవాడ తరలివెళ్ళారు. తీరా చంద్రబాబు వద్ద సీన్‌ రివర్స్‌ అయింది. గతంలో టీడీపీలో ఉన్నప్పటి నుంచీ నెహ్రూకు రాజకీయంగా వైరి వర్గంగా ఉన్న యనమల రామకృష్ణుడు తెర వెనుక జరిపిన మంత్రాంగం ఫలితంగానే నెహ్రూ ఆశలు ఆవిరయ్యాయని పలువురు భావిస్తున్నారు.
 
  నమ్మి టిక్కెట్‌ ఇచ్చి, ఎమ్మెల్యేను చేసిన వైఎస్సార్‌ పార్టీని కాదని ప్రలోభాలతో పార్టీ ఫిరాయించినా చివరకు ఫలితం దక్కలేదని నెహ్రూ వర్గం డీలా పడింది. అధిష్టానానికి నమ్మిన బంటుగా ఉన్న ఉప ముఖ్యమంత్రి చినరాజప్పను మార్చి అదే సామాజిక వర్గానికి చెందిన నెహ్రూకు మంత్రి పదవి కట్టబెడతారని విస్త్రృతమైన ప్రచారం జరిగింది. కానీ రాజప్పను కదిపి నెహ్రూకు పట్టం కడితే పార్టీ శ్రేణుల నుంచి తీవ్ర వ్యతిరేకత వ్యక్తమవుతుందని బాబు వెనుకడుగు వేశారు.
 
 కాపు సామాజిక వర్గం నుంచి నెహ్రూ, రామచంద్రాపురం నుంచి ఎమ్మెల్యే తోట త్రిమూర్తులు, క్షత్రియ సామాజిక వర్గం నుంచి పిఠాపురం ఎమ్మెల్యే వర్మ, ఎస్సీ సామాజిక వర్గం నుంచి గొల్ల పల్లి సూర్యారావు, కమ్మ సామాజిక వర్గం నుంచి గోరంట్ల బుచ్చయ్య చౌదరి మంత్రి పదవులు ఆశించారు. సామాజిక సమతూకంలో భాగంగా ఒకిరికి ఇచ్చి మరొకరికి ఇవ్వకపోతే కొత్త సమస్యలు వచ్చిపడతాయని యనమల తదితర నాయకులు సూచించడంతో విస్తరణలో జిల్లా నుంచి ఎటువంటి మార్పులు చేర్పులు లేకుండా పూర్వ స్థితినే కొనసాగించారు. పార్టీని కాదనుకుని రెండు పార్టీలు మారి నిన్నగాక మొన్న తిరిగి వచ్చిన నెహ్రూకు మంత్రి పదవి ఇస్తే సీనియర్లు  ఏమైపోతారని నెహ్రూ వ్యతిరేకవర్గం గట్టి వాదనను వినిపించింది.
 
 ప్యాకేజీ పాత్ర ఎంత...?
 పార్టీ ఫిరాయించిన సందర్భంలోనే నెహ్రూకు మంత్రి పదవి విషయంలో చంద్రబాబు నిర్ధిష్టమైన హామీ ఏమీ ఇవ్వలేదన్న వాదన ఉంది. పార్టీ మారడం వెనుక ప్యాకేజీయే కీలకపాత్ర పోషించిందని అప్పట్లో ప్రచారం జరిగింది. అందుకు తగ్గట్టుగానే ఇప్పుడు మంత్రి వర్గ విస్తరణలో నెహ్రూకు స్థానం లభించలేదంటున్నారు. నెహ్రూతో పాటు వైఎస్సార్‌ సీపీ నుంచి టీడీపీకి ఫిరాయించిన పలువురు ఎమ్మెల్యేలకు స్థానం దక్కినప్పటికీ నెహ్రూకు దక్కకపోవడంతో ఆయన వర్గం తీవ్ర నిరాశ నిస్పృహకు లోనయ్యారు. ఈ పరిణామాలు పార్టీలో ఎక్కడకు దారితీస్తాయన్నది వేచి చూడాల్సిందే.


 సాక్షి ప్రతినిధి, కాకినాడ : రాజకీయ విలువలకు తిలోదకాలిచ్చి.. స్వీయ ప్రయోజనాలే పరమావధిగా.. అధికార దాహంతో వైఎస్సార్‌సీపీ నుంచి ఫిరాయించిన ముగ్గురు జిల్లా నేతలపై విమర్శలు వెల్లువెత్తుతున్నాయి. ఆ పార్టీ నుంచి ఎమ్మెల్యేలుగా, ఎమ్మెల్సీగా ఎన్నికైన జ్యోతుల నెహ్రూ, వరుపుల సుబ్బారావు, ఆదిరెడ్డి అప్పారావులు.. అధికార తెలుగుదేశం పార్టీలోకి ఫిరాయించిన సంగతి తెలిసిందే. టీడీపీ ప్రలోభాల వలలో పడి.. దానికి అభివృద్ధి ముసుగు తొడిగి.. ఓటేసిన తమను వంచించారని ప్రజలు ఆరోపిస్తున్నారు. ఫిరాయించే ముందు.. వైఎస్సార్‌సీపీతో దక్కిన పదవులకు రాజీనామా చేయాలనే నైతికతను కూడా పాటించకపోవడం.. విలువలను తుంగలో తొక్కడమేనన్న అభిప్రాయం వినిపిస్తోంది. టీడీపీలో తమను తొక్కేస్తున్నారని చెబుతూ ఈ ముగ్గురు నేతలూ అప్పట్లో వైఎస్సార్‌సీపీలోకి వచ్చారు. పెద్దపీట వేసి, పదవులు ఇచ్చిన ఆ పార్టీని కాదని.. ఆ ముగ్గురు నేతలూ మళ్లీ అదే సైకిల్‌పై సవారీ చేస్తున్న తీరు చూసి జనం విస్తుపోతున్నారు.
 
 గోరంట్లతో విభేదాలు తప్పవా?
 ఎమ్మెల్సీ ఆదిరెడ్డి అప్పారావు భార్య వీరరాఘవమ్మ గతంలో టీడీపీ హయాంలో రాజమహేంద్రవరం మేయర్‌గా పని చేశారు. ఆమె పదవీ కాలం పూర్తయ్యాక అప్పారావు టీడీపీ నుంచి వైఎస్సార్‌ సీపీలోకి వచ్చారు. జిల్లా నుంచి ఆ పార్టీ తరఫున ఎమ్మెల్సీగా ఎన్నికైన తొలి నాయకుడు ఆయన. ఈ పదవీ కాలం ఇంకా రెండేళ్లుంది. అయినప్పటికీ ఎమ్మెల్సీని చేసిన వైఎస్సార్‌సీపీని కాదని, అదురూ బెదురూ లేకుండా సైకిలెక్కేశారు. ఎమ్మెల్సీ పదవికి మించిన గౌరవం,∙హోదా ఆయనకు అక్కడ లభించాయా అంటే అవేమీ కనుచూపు మేరలో కూడా అక్కడ కనిపించడం లేదు. అప్పారావుపై భగ్గుమనే రాజమహేంద్రవరం రూరల్‌ ఎమ్మెల్యే గోరంట్ల బుచ్చయ్య చౌదరి టీడీపీలోనే ఉన్నారు. ఆయన అక్కడుండగా టీడీపీలో అప్పారావుకు  రాజకీయ భవిష్యత్తు ఒక భ్రాంతేనని తెలుగు తమ్ముళ్లు బహిరంగంగానే చర్చించుకుంటున్నారు. ఫిరాయించడానికి ముందే వైఎస్సార్‌సీపీ ద్వారా లభించిన ఎమ్మెల్సీ పదవికి రాజీనామా చేయాలన్న నైతికత ఉన్నత విద్యావంతుడైన అప్పారావుకు లేకపోవడాన్ని విజ్ఞులు ప్రశ్నిస్తున్నారు. తనవెంట 6 వేల మంది వచ్చారని అప్పారావు చెబుతున్నారు. వారిలో ఆయన వద్ద అప్పులు తీసుకున్నవారే ఎక్కువగా ఉన్నారని పలువురు అంటున్నారు. వాస్తవంగా ఒకరిద్దరు మాత్రమే కొద్దోగొప్పో ప్రభావంతమైన ద్వితీయ శ్రేణి నేతలున్నారని, మిగిలినవారి పరిస్థితి తమకు తెలియనిది కాదని గోరంట్ల వర్గం అంటోంది. అప్పారావు పునరాగమనంతో తమకు కొత్తగా కలిసివచ్చేదేమైనా ఉందంటే అది పార్టీలో అంతర్గత కుమ్ములాటలేనని తమ్ముళ్ల మధ్య ఆసక్తికరమైన చర్చ జరుగుతోంది.
 
 జగ్గంపేటకే పరిమితమైన జ్యోతుల
 మరో ఫిరాయింపు నేత∙జ్యోతుల నెహ్రూ. రాష్ట్ర మంత్రి కావాలన్నది ఆయన చిరకాల కోరిక. గతంలో టీడీపీలో ఉన్న సమయంలో ఆ పదవి ఆయనకు రానివ్వకుండా మంత్రి యనమల రామకృష్ణుడు అడ్డుపడ్డారు. నెహ్రూ వెంట తిరిగేవారిని ఎవరినడిగినా ఈ మాట చెబుతారు. తన రాజకీయ ఎదుగుదలకు యనమల ఆటంకంగా మారారన్న ఉద్దేశంతో నెహ్రూ.. అప్పట్లో టీడీపీని వీడి ప్రజారాజ్యం పార్టీలోకి వెళ్లారు. ఆ పార్టీ అదృశ్యమైన తరువాత వైఎస్సార్‌సీపీలో చేరారు. అటువంటిది మళ్లీ టీడీపీలోకి ఎలా వెళ్లారో అర్థం కావడం లేదని ఆయన అభిమానులే అంటున్నారు. అభివృద్ధి కోసమే పార్టీ మారాల్సి వచ్చిందని నెహ్రూ అనుచరులు కొందరు చెబుతూంటారు. కానీ, ‘సైకిల్‌’ ఎక్కాక ఈ నాలుగు నెలల్లో నియోజకవర్గానికి ఏం సాధించారనే ప్రశ్నకు వారివద్ద సమాధానం లేదు. వాస్తవానికి ఈ నాలుగు నెలల్లో కనబరిచింది అధికార దర్పమే. పోలవరం కాలువను ఆనుకుని నిరుపేదల ఇళ్లస్థలాలు, పక్కా ఇళ్లు సాధించలేకపోయారని స్థానికులు మండిపడుతున్నారు. మరోపక్క నెహ్రూ చిరకాల కోరిక అయిన మంత్రి పదవిపై కనీస గ్యారంటీ లభించలేదనే చెబుతున్నారు. వైఎస్సార్‌సీపీలో ఉండగా పార్టీ జిల్లా పగ్గాలతో పాటు అసెంబ్లీలో పార్టీ ఉపనేతగా తన వాణి వినిపించే నెహ్రూ.. టీడీపీలోకి ఫిరాయించాక జగ్గంపేటకే పరిమితమైపోవాల్సి వచ్చిందని అనుచరగణం ఆవేదన చెందుతోంది.
 కుమారుడికి దక్కని
 
 జెడ్పీ చైర్మన్‌ గిరీ
 వైఎస్సార్‌సీపీలో ఉన్నప్పుడు జెడ్పీ ప్రతిపక్ష నేతగా పని చేసిన జ్యోతుల నెహ్రూ కుమారుడు నవీన్‌కు టీడీపీలో చేరితే జెడ్పీ చైర్మన్‌ పదవి ఇస్తారనే ప్రచారం కూడా జరిగింది. నెహ్రూకు మంత్రి పదవి, కుమారుడికి జెడ్పీ చైర్మన్‌ లేదా కార్పొరేషన్‌ చైర్మన్‌ పదవి ఇస్తారని అప్పట్లో చెప్పుకున్నారు. చివరికి వీటిలో ఏ ఒక్కటీ ఇంతవరకూ వారికి దక్కనేలేదు. గత ఎన్నికల్లో వైఎస్సార్‌సీపీ టిక్కెట్టుపై ప్రత్తిపాడు ఎమ్మెల్యేగా వరుపుల సుబ్బారావు గెలుపొందారు. ఆయన ఎక్కడ కనిపించినా వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ‘సుబ్బన్నా’ అంటూ ఆప్యాయంగా పిలిచేవారు. గౌరవంగా చూసేవారు. ఎంతోమంది నేతలను కాదనుకుని ఇచ్చిన మాటకు కట్టుబడి జగన్‌మోహన్‌రెడ్డి టిక్కెట్టు ఇచ్చి సుబ్బారావును ఎమ్మెల్యేను చేశారు. అటువంటి సుబ్బారావు కూడా టీడీపీ ప్రలోభాలతో పార్టీ ఫిరాయించడంపై విమర్శలు వస్తున్నాయి.
 
 విలువలకు కట్టుబడి..
 ఈ ముగ్గురితో పోలిస్తే రాజకీయాల్లో జూనియర్లు, తొలిసారి ఎమ్మెల్యేలు అయిన వంతల రాజేశ్వరి, దాడిశెట్టి రాజాలు.. అధికార టీడీపీ నుంచి అనేక ప్రలోభాలు వచ్చినా తప్పటడుగు వేయకుండా నిలిచారు. వీరిద్దరూ తమ నియోజకవర్గాల్లో అధికార పార్టీ నుంచి ప్రతికూల పరిస్థితులు ఎదురవుతున్నా వైఎస్సార్‌సీపీకే కట్టుబడి నిలవడం విశేషం.


 ఆయన పార్టీ మారడం సిగ్గుచేటు
 వైఎస్సార్ సీపీ యువజన విభాగం రాష్ట్ర అధ్యక్షుడు జక్కంపూడి రాజా
 
 కాకినాడ : తమ పార్టీ టిక్కెట్‌పై నెగ్గిన జగ్గంపేట ఎమ్మెల్యే జ్యోతుల నెహ్రూ ఏ మాత్రం సిగ్గు లేకుండా తెలుగుదేశం పార్టీలోకి చేరారని వైఎస్సార్ సీపీ యువజన విభాగం రాష్ట్ర అధ్యక్షుడు జక్కంపూడి రాజా ఆరోపించారు. శుక్రవారం తూర్పుగోదావరి జిల్లా కిర్లంపూడిలో పెద్దాపురం నియోజకవర్గ వైఎస్ఆర్ కాంగ్రెస్ పార్టీ ఇన్‌చార్జి తోట సుబ్బారావు నాయుడును జక్కంపూడి రాజా మర్యాద పూర్వకంగా కలిశారు.
 ఈ సందర్భంగా ఆయన విలేకరులతో మాట్లాడుతూ... జ్యోతులు నెహ్రూ 2004లో టీడీపీ తరఫున, 2009 ప్రజారాజ్యం పార్టీ తరఫున పోటీ చేసి ఓడిపోయారని గుర్తు చేశారు. దివంగత ముఖ్యమంత్రి, మహానేత డాక్టర్ వైఎస్ రాజశేఖరరెడ్డి తనయుడు, వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి 2014 ఎన్నికల్లో పార్టీ టిక్కెట్ ఇచ్చి గెలిపించడమే కాక శాసనసభ డిప్యూటీ ఫ్లోర్ లీడర్‌ బాధ్యతలు అప్పగించారని చెప్పారు. అలాగే పార్టీ జిల్లా అధ్యక్షునిగా కూడా బాధ్యతలు అప్పగిస్తే డబ్బు, అధికారానికి ఆశపడి జోత్యుల పార్టీ మారారని విమర్శించారు.
 
 జ్యోతులకు రాబోయే రోజుల్లో ప్రజలే బుద్ధి చెప్పడానికి సిద్ధంగా ఉన్నారన్నారు. గ్రూపు, వర్గ రాజకీయాలతో ఆయన పార్టీని కలుషితం చేశారని.. ఈ సందర్భంగా జోత్యులపై జక్కంపూడి రాజా నిప్పులు చెరిగారు. 2014 ఎన్నికల్లో తూర్పు గోదావరి జిల్లాలో వైఎస్ఆర్ కాంగ్రెస్ పార్టీ ఓటమికి జ్యోతుల నెహ్రూనే కారణం అని రాజా పేర్కొన్నారు.
 ఆయన నిష్ర్కమణ తమ పార్టీకి శుభపరిణామమన్నారు. ఎందరు నాయకులు వెళ్లినా ప్రజలు మాత్రం వైఎస్ జగన్ వెంటే ఉన్నారని రాజా స్పష్టం చేశారు. వైఎస్ఆర్ కుటుంబాన్ని నమ్ముకున్నవారిని ఎంత ఎత్తుకైనా తీసుకెళ్తారనడానికి తన తండ్రి, మాజీ మంత్రి జక్కంపూడి రామ్మోహనరావే ఓ నిదర్శమన్నారు. 
 నాన్న గారి ఆరోగ్యం అనుకూలించక పోయినా చివరి వరకూ నాటి ముఖ్యమంత్రి వైఎస్ఆర్ తన మంత్రివర్గంలో ప్రధానమైన రోడ్లు, భవనాలు, ఎక్సైజ్ శాఖ మంత్రిగా తన తండ్రిని కొనసాగించారని గుర్తు చేసుకున్నారు. జగన్ తనపై ఉంచిన నమ్మకాన్ని వమ్ము చేయకుండా 2019 ఎన్నికల్లో వైఎస్ఆర్ కాంగ్రెస్ పార్టీ విజయదుందుభి మోగించేందుకు యువజన విభాగం సారథిగా ప్రత్యేక పాత్ర పోషిస్తానన్నారు. పార్టీ సేవాదళ్ రాష్ట్ర ప్రధాన కార్యద ర్శి సుంకర చిన్ని, పలువురు పార్టీ నాయకులు జక్కంపూడి రాజా వెంట ఉన్నారు.


    ఒకే పార్టీలో మెట్టప్రాంత నేతలు
    పైకి కలసిన ఎంపీ తోట, ఎమ్మెల్యే జ్యోతుల, ఇన్‌చార్జి చంటిబాబు
    లోలోన రాజకీయ భవిష్యత్ కోసం పైఎత్తులు
    గ్రామస్థాయిలో కేడర్‌లో అయిష్టత
    తామరాడలో ఎంపీ, ఎమ్మెల్యే వర్గాల ఘర్షణ
    పోలీసు పికెట్ ఏర్పాటు
  
 జగ్గంపేట : రైలు పట్టాలు కలుస్తాయా... ఉత్తర దక్షిణ ధ్రువాలు కలుస్తాయా... అంటే కలువవని చిన్న కుర్రాడయినా చెబుతాడు. ఏపీలో ప్రతిపక్షాన్ని దెబ్బతీయాలనే ఏకైక లక్ష్యంతో ఉన్న చంద్రబాబు నాయుడు ఆ చిన్నకుర్రాడికి సైతం ఉన్న ఇంగిత జ్ఞానం లేకుండా వ్యవహరిస్తున్నారు. వైఎస్సార్ సీపీ ఎమ్మెల్యేలను తెలుగుదేశం పార్టీలో ఎడాపెడా చేర్చుకుంటూ పోతున్నారు. అయితే ఆయన ఇంద్రజలానికి ఎమ్మెల్యేలు ఆకర్షితులవుతున్నారు కానీ వారి అనుచరులు మాత్రం కలవలేకపోతున్నారు. తూర్పుగోదావరి జిల్లాలోని జగ్గంపేట, ప్రత్తిపాడు నియోజకవర్గాల నుంచి వైఎస్సార్ సీపీ ఎమ్మెల్యేలు జ్యోతుల నెహ్రూ, వరుపుల సుబ్బారావు అధికార పార్టీ తీర్థం పుచ్చుకున్నారు. ప్రత్తిపాడులో టీడీపీ జిల్లా అధ్యక్షుడు పర్వత చిట్టిబాబు మృతి వరుపులకు కాస్త కలిసొచ్చింది. అయితే జగ్గంపేటలో పరిస్థితి మాత్రం భిన్నంగా ఉంది. ఆ నియోజకవర్గంలో రెండు దఫాలుగా ఎమ్మెల్యేగా పనిచేసి ఒక సారి మంత్రి హోదాను పొందిన తోట నరసింహం ప్రస్తుతం టీడీపీ కాకినాడ ఎంపీగా ఉన్నారు. ఆయన అనుచరులు నియోజకవర్గంలో తమ పట్టు నిలుపుకునేందుకు చూస్తున్నారు. మరోవైపు టీడీపీ టికెట్‌పై రెండు సార్లు పోటీచేసి ఓటమి చెందిన నియోజకవర్గ ఇన్‌చార్జి జ్యోతుల చంటిబాబు పార్టీలో సానుభూతితో కేడర్‌ను నిలుపుకుంటూ నియోజకవర్గంలో తనకంటూ ఒక ప్రత్యేక స్థానాన్ని ఏర్పాటు చేసుకున్నారు.
 తాజాగా మెట్టప్రాంతంలో తనకంటూ ప్రత్యేక రాజకీయ శైలి కలిగిన జ్యోతుల నెహ్రూ ఎమ్మెల్యే హోదాలో  టీడీపీలో చంద్రబాబు సమక్షంలో చేరారు. దాంతో నియోజకవర్గంలో మూడు వర్గాలయ్యాయి. నేతలు పైకి పెదాలపై చిరునవ్వులను చిందిస్తూ కలిసి ఉన్నామని చెబుతున్నప్పటికీ భవిష్యత్తులో కేడర్‌ను నిలుపుకోకపోతే దెబ్బతింటామని ఎత్తులకు పైఎత్తులు వేసుకుంటూ పోతున్నారు. అంబేడ్కర్ జయంతి సందర్భంగా గురువారం జగ్గంపేట, గండేపల్లి మండలాల్లో ముగ్గురు నేతలు కలిసి పాల్గొన్నారు. ఎవరి అనుచరులు వారి వెంటే ఉండడం చర్చనీయాంశం అయింది.
 గ్రామస్థాయిలో టీడీపీ కార్యకర్తలు కొత్తగా వైసీపీ నుంచి వచ్చిన వారిని కలుపుకునేందుకు అయిష్టత వ్యక్తం చేస్తున్నారు. దానికి కిర్లంపూడి మండలం తామరాడ గ్రామంలో ఎంపీ తోట నరసింహం, ఎమ్మెల్యే జ్యోతుల నెహ్రూ వర్గాల మధ్య బుధవారం రాత్రి జరిగిన ఘర్షణలే అద్దంపడుతున్నాయి.  గతంలో పంచాయతీ భవన నిర్మాణానికి ఎంపీ నరసింహం శంకుస్థాపన చేసిన శిలాఫలకాన్ని ఆ గ్రామ సర్పంచ్, ఎమ్మెల్యే అనుచరుడు తొలగించి లోపల ఏర్పాటు చేయించారు. ఆ శిలాఫలకాన్ని యధాస్థానంలో ఉంచాలని ఎంపీ వర్గం పట్టుపట్టగా పోలీసు స్టేషన్ వరకు వ్యవహారం వెళ్లింది. దాంతో కిర్లంపూడి ఎస్సై బీవీ రమణ ఆధ్వర్యంలో పోలీసు పికెట్ ఏర్పాటు చేశారు.


 అడ్డూఅదుపూ లేని ‘పచ్చ’నోట్ల ప్రవాహం
  
  సాక్షి ప్రత్యేక ప్రతినిధి: అధికార తెలుగుదేశం పార్టీ మళ్లీ ప్రలోభాల పర్వానికి తెరతీసింది. నైతిక విలువలన్నింటికీ తిలోదకాలిచ్చి రకరకాల ప్రలోభాలతో ప్రతిపక్ష ఎమ్మెల్యేలను కొనుగోలు చేసే ప్రయత్నాలు మళ్లీ మొదలుపెట్టింది. స్వయంగా ముఖ్యమంత్రి చంద్రబాబు నాయుడు రంగంలోకి దిగి ప్రలోభాల పర్వంలో నిమగ్నం కావడం పట్ల సర్వత్రా విస్మయం వ్యక్తమవుతోంది. ప్రతిపక్ష ఎమ్మెల్యేలకు భారీ స్థాయిలో ఆఫర్లు ఎరవేస్తున్నారు. రూ.30 కోట్లకుపైగా నగదు, రాజధానిలో విలువైన భూములు, పదవులను ఎర చూపుతున్నారు. గతంలో ఎనిమిది మంది ఎమ్మెల్యేలను కొనుగోలు చేసిన తరహాలోనే మరోసారి ప్రయత్నాలను ముమ్మరం ప్రారంభించారు.
 
  వైఫల్యాల నుంచి మళ్లించేందుకే
  ఎన్నికల సమయంలో ఇచ్చిన హామీల అమలులో ఘోరంగా విఫలమైన అధికార పార్టీ.. దాన్నుంచి ప్రజల దృష్టిని మరల్చడం కోసం ఫిరాయింపులను ప్రోత్సహిస్తోందన్న విమర్శలు వినిపిస్తున్నాయి. రుణమాఫీ పేరుతో రైతులను, డ్వాక్రా మహిళలను మోసం చేశారు. ఇంటికో ఉద్యోగం పేరుతో నిరుద్యోగులను నిండా ముంచారు. కొత్తగా ఒక్క ఉద్యోగం కూడా ఇవ్వకపోగా ఉన్న ఉద్యోగాలను తొలగిస్తున్నారు. అవినీతితో అన్ని రంగాలనూ భ్రష్టుపట్టించారు. అప్రతిష్ట మూటగట్టుకున్నారు. పరువు పూర్తిగా పోవడంతో వీటి నుంచి ప్రజల దృష్టిని మళ్లించడం కోసం అవినీతి సొమ్మును వెదజల్లి ఫిరాయింపులను ప్రోత్సహిస్తున్నారు.
 
 సమర్థుడినని, తాను వస్తే రాజధానిని సింగపూర్ చేస్తా, బీజింగ్ చేస్తానంటూ కబుర్లు చెప్పిన చంద్రబాబు అధికారంలోకి వచ్చి రెండేళ్లవుతున్నా ఇప్పటివరకు రాజధానిలో చిన్న భవనం కూడా కట్టలేని పరిస్థితి. కేవలం డిజైన్లు విడుదల చేస్తూ కాలం వెళ్లబుచ్చుతున్నారు. రైతులు, యువకులు, ఉద్యోగులు.. ఇలా అన్ని వర్గాల్లో ప్రభుత్వంపై తీవ్ర వ్యతిరేకత వ్యక్తమవుతోంది. అందుకే రెండేళ్ల నుంచి వెనకేసిన అవినీతి డబ్బుతో ప్రతిపక్ష ఎమ్మెల్యేలను ప్రలోభపెట్టి కొనుగోలు చేయడానికి ప్రయత్నాలు చేస్తున్నారు.
 
  అభివృద్ధి కాదు... డ్రామా
  ‘మమ్మల్ని చూసి వస్తున్నారు. మేము చేస్తున్న అభివృద్ధిని చూసి ఎమ్మెల్యేలు మా పార్టీలోకి వస్తున్నారు’ అంటూ ప్రచారం చేస్తున్నారు. అయితే.. ‘అభివృద్ధిపై మీకు అంత నమ్మకం ఉంటే.. మీరు ఏమన్నా అభివృద్ధి చేశామని అనుకుంటే మీ పార్టీలో చేర్చుకున్న ఎమ్మెల్యేల చేత రాజీనామా చేయించి, తిరిగి ఎన్నికల్లో పోటీ చేయించండి’ అని వైఎస్సార్‌సీపీ సవాల్ విసురుతోంది. దానిపై స్పందించడానికి అధికార పార్టీ సాహసించడం లేదు. దానిని బట్టే ఈ 22 నెలల్లో ఎలాంటి అభివృద్ధీ జరగలేదని అర్థమవుతోందని విశ్లేషకులంటున్నారు. నిజంగానే అభివృద్ధి చేశామని అధికార పార్టీకి నమ్మకముంటే ప్రలోభ పెట్టి పార్టీలో చేర్చుకున్న ఎమ్మెల్యేల చేత రాజీనామా చేయించి ఎన్నికల్లో తిరిగి పోటీ చేయించవచ్చు కదా అని అంటున్నారు.
 
  సాక్షాత్తూ శాసనసభ సాక్షిగా అధికార పార్టీ అనేక అడ్డదారుల్లో బయటపడాలని చూసింది. ప్రభుత్వంపై ప్రతిపక్ష వైఎస్సార్‌సీపీ అవిశ్వాస తీర్మానం పెడితే గత సాంప్రదాయాలకు విరుద్ధంగా అదే రోజు చర్చ చేపట్టి ఫిరాయింపు ఎమ్మెల్యేలను గైర్హాజరు చేయించి, ప్రతిపక్ష పార్టీ తన సభ్యులకు విప్ జారీ చేసే అవకాశం లేకుండా చేసింది. సభ్యులంతా డివిజన్‌కు పట్టుబడుతున్నా మూజువాణి ఓటుతో తప్పించుకుంది. స్పీకర్‌పై అవిశ్వాసం పెట్టిన సందర్బంలోనూ ఇలాగే పలాయనం చిత్తగించింది. ఇపుడు ద్రవ్య వినిమయ బిల్లు విషయంలోనూ ప్రతిపక్ష వైఎస్సార్‌సీపీ ఓటింగ్ కోరుతోంది. సభ్యులందరికీ విప్ జారీ చేసింది.
 
 అయితే, టీడీపీ నాయకత్వం మందబలంతో రాజ్యాంగ వ్యవస్థలను కూడా మేనేజ్ చేసుకుని తప్పించుకునే ప్రయత్నం చేస్తోంది. అభివృద్ధిపై నమ్మకం ఉంటే ఫిరాయింపు ఎమ్మెల్యేల చేత రాజీనామా చేయించి ఎన్నికలను ఎదుర్కోవాలి. లేదంటే అవిశ్వాస తీర్మానాలనన్నా నిబంధనల ప్రకారం ధైర్యంగా ఎదుర్కోవాలి. అలా చేయడం లేదు కాబట్టి అధికార పక్షం చేస్తున్న ‘అభివృద్ధి వాదం’ ఉత్తడొల్లేనని తేలిపోతుంది. ఎన్నికలకు వెళ్దాం రండి అని సవాలు చేయడంతోపాటు ప్రభుత్వంపై అవిశ్వాస తీర్మానం కూడా పెట్టిందంటే ప్రతిపక్ష వైఎస్సార్‌సీపీకి ప్రజల్లో మద్దతుపై నమ్మకం ఉండబట్టేనని విశ్లేషకులంటున్నారు.
 
  తప్పు చేస్తూ ప్రతిపక్షంపై దుష్ర్పచారం
  అధికార పక్షం ఒకవైపు ప్రలోభాల పర్వం యథేచ్ఛగా కొనసాగిస్తూనే రకరకాల దుష్ర్పచారాలకు దిగుతుండడం గమనార్హం. ప్రతిపక్ష ఎమ్మెల్యేలు అధికార పార్టీలోకి ఫిరాయిస్తుండడానికి రకరకాల పేర్లు పెడుతున్నారు. నియోజకవర్గ అభివృద్ధి కోసమని, కార్యకర్తల అభీష్టమని, రాష్ర్ట ప్రభుత్వం చేస్తున్న అభివృద్ధిని చూసి వస్తున్నారని ఇలా రకరకాల ప్రచారాలు చేస్తున్నారు. అలాగే అనుకూల మీడియాలోనూ దుష్ర్పచారాలకు తెరతీశారు. ఉన్నవి లేనట్లు... లేనివి ఉన్నట్లు భ్రమింపజేసే ప్రయత్నం చేస్తున్నారు. ఇవన్నీ తప్పించుకోవడానికి ఆడుతున్న నాటకమని వైఎస్సార్‌సీపీ అంటోంది.
 
 ఇటీవల పీఏసీ చైర్మన్ పదవి ప్రతిపక్ష పార్టీలోని సీనియర్ మోస్ట్ ఎమ్మెల్యేకు ఇవ్వలేదు కాబట్టి కాపు సామాజిక వర్గానికి అన్యాయం జరిగిందని, అందువల్లే ఆయన అలకబూనారని, తీవ్ర అసంతృప్తితో ఉన్నారని పనిగట్టుకుని ప్రచారం చేస్తున్నారు. ఇలాంటి గోబెల్స్ ప్రచారంలో అందెవేసిన అధికారపార్టీ నాయకులకు.. వారి అనుకూల మీడియా యథాశక్తి సహకరిస్తోంది. వైఎస్సార్‌సీపీ సీనియర్ నాయకుడు జ్యోతుల నెహ్రూకు అన్యాయం జరిగినట్లుగా పచ్చ మీడియాలో గోబెల్స్ ప్రచారం జరుగుతోంది. ఆయన అసంతృప్తితో ఉన్నట్లు ప్రచారం చేస్తున్నారు. జ్యోతుల నెహ్రూ అసంతృప్తితో ఉండే అవకాశమే లేదు.
 
 ఎందుకంటే జ్యోతుల నెహ్రూ ఇప్పటికే అటు పార్టీలోనూ, ఇటు సభలోనూ కీలకమైన నేతగా అనేక బాధ్యతలు నిర్వర్తిస్తున్నారు. వైఎస్సార్‌సీపీ శాసనసభాపక్ష ఉపనేతగా ఉన్నారు. బిజినెస్ అడ్వయిజరీ కమిటీలో ప్రతిపక్షనేత జగన్‌తో కలసి ఆయన కూడా సభ్యుడిగా ఉన్నారు. అన్నిటికీ మించి పార్టీ అత్యున్నత విధాన నిర్ణాయక కమిటీ అయిన పొలిటికల్ అఫైర్స్ కమిటీలో సభ్యుడు. వీటన్నిటితో పాటు పార్టీ జిల్లా అధ్యక్షుడిగా కూడా ఆయన బాధ్యతలు నిర్వర్తిస్తున్నారు. ఇన్ని కీలకమైన బాధ్యతల్లో ఉండడం వల్ల పీఏసీ చైర్మన్‌గా కేంద్రీకరించి పనిచేయలేనని ఆయనే స్వయంగా పార్టీ నాయకత్వం దృష్టికి తీసుకువచ్చారని కూడా పార్టీ వర్గాలు పేర్కొంటున్నాయి. అయినా పీఏసీ చైర్మన్‌గా ఉన్న నేతనే మంత్రిపదవి ఎరవేసి అధికారపార్టీ ఆకర్షించింది. అలాంటపుడు పీఏసీ పదవో లేదా మరొకటో ఈ ఫిరాయింపులకు కారణం కాదని అర్థమవుతోంది. ఇదంతా పథకం ప్రకారం అధికార పార్టీ ఆడుతున్న నాటకం తప్ప మరొకటి కాదు.
  
  విలువలకు తిలోదకాలు
  ఒక పార్టీ గుర్తుపై గెలిచిన ఎమ్మెల్యే పార్టీ మారదలచుకుంటే ముందు ఆ పార్టీకి రాజీనామా చేయడం, పదవికి రాజీనామా చేయడం సాంప్రదాయం. కానీ, ఫిరాయింపు నిరోధక చట్టాన్ని అపహాస్యం చేస్తూ వేరే పార్టీ గుర్తుపై గెలిచిన ఎమ్మెల్యేలతో రాజీనామా చేయించకుండా పార్టీలో చేర్చుకోవడం, విలువలకు తిలోదకాలివ్వడం పట్ల విస్మయం వ్యక్తమవుతోంది. నలభై ఏళ్ల రాజకీయ అనుభవజ్ఞుడినని, తనను ప్రపంచమంతా గౌరవిస్తోంది అని చెప్పుకునే చంద్రబాబు ఇలాంటి దిగజారుడు రాజకీయాలకు పాల్పడడం పట్ల విమర్శలు వెల్లువెత్తుతున్నాయి. అయితే చంద్రబాబుకు ఇలాంటివి మామూలేనని విశ్లేషకులంటున్నారు.
 
 తెలంగాణ ఎమ్మెల్సీ ఎన్నికల్లో నామినేటెడ్ ఎమ్మెల్యేకు డబ్బులిస్తూ ఆడియో, వీడియో టేపుల్లో అడ్డంగా దొరికిన చంద్రబాబు ఏపీలో కూడా అలాంటి వ్యవహారాలు చేయకుండా ఉంటారా? అని వారు ప్రశ్నిస్తున్నారు. ఓటుకు కోట్లు వ్యవహారంలో చంద్రబాబు స్వయంగా రంగంలో దిగిన విషయాన్ని గుర్తు చేస్తున్నారు. వేరే పార్టీ ఎమ్మెల్యేలను ప్రలోభాలకు గురిచేస్తూ చంద్రబాబు.. రాజకీయాల్లో విలువలను అథఃపాతాళానికి తీసుకెళ్లారని ప్రతిపక్ష వైఎస్సార్‌సీపీ నేతలు విమర్శిస్తున్నారు.
  
  సీనియర్లతో చర్చించే నిర్ణయం
  పీఏసీ చైర్మన్‌గా ఎవరిని ఎంపిక చేయాలనే దానిపై వైఎస్సార్‌సీపీలో సీనియర్లతో చర్చించి నిర్ణయం తీసుకున్నారని ఆ పార్టీ వర్గాలంటున్నాయి. ప్రభుత్వ పథకాలలో విపరీతమైన అవకతవకలు జరుగుతుండడం, నిధులు పక్కదారి పట్టించడం వంటివి జరుగుతున్న నేపథ్యంలో ఆర్థిక విషయాలలో మంచి పట్టు ఉన్న, ఫోకస్డ్‌గా ఉండే వ్యక్తి అయితే బాగుంటుందని అధినాయకత్వం ఆలోచించినట్లు పార్టీ వర్గాలంటున్నాయి.
 
 గవర్నర్ ప్రసంగానికి ధన్యవాదాలు తెలిపే తీర్మానంపై చర్చ సందర్భంగానూ, బడ్జెట్ పద్దులపై చర్చ సందర్భంగానూ ఎమ్మెల్యే బుగ్గన రాజేంద్రనాథ్ రెడ్డికి ఆర్థిక విషయాలలో మంచి అవగాహన ఉందన్న విషయం వెల్లడయ్యింది. సభలో ఆకట్టుకునే రీతిలో ప్రసంగించడం నాయకత్వాన్ని ఆకర్షించింది. ఆర్థిక అంశాలలో కేంద్రీకరించి పనిచేయగలగడంతోపాటు కంప్ట్రోలర్ అండ్ ఆడిటర్ జనరల్ (కాగ్)తోనూ సమన్వయం చేసుకునే నేర్పు ఉన్న వ్యక్తిగా గుర్తించింది. అవకతవకలకు పాల్పడుతున్న అధికార పార్టీని బుగ్గన రాజేంద్రనాథ్‌రెడ్డి ఇరుకున పెట్టగలుగుతాడని పార్టీ నాయకత్వం భావించింది. అందుకే పీఏసీ చైర్మన్ బాధ్యతలకు బుగ్గనను ఎంపిక చేసినట్లు వైఎస్సార్సీపీ వర్గాలంటున్నాయి.


 హైదరాబాద్ : వైఎస్ఆర్ కాంగ్రెస్ పార్టీ గుర్తుపై గెలిచి, పార్టీ ఫిరాయించిన ఎనిమిది మంది ఎమ్మెల్యేలపై చర్చలు తీసుకోవాలని స్పీకర్ కోడెల శివప్రసాదరావును కోరినట్లు  వైఎస్ఆర్ ఎల్పీ డిప్యూటీ ఫ్లోర్ లీడర్ జ్యోతుల నెహ్రు తెలిపారు. వారిపై తక్షణమే వేటు వేయాలని స్పీకర్కు ఫిర్యాదు చేసినట్లు ఆయన చెప్పారు. స్పీకర్ను కలిసిన అనంతరం వైఎస్ఆర్ సీపీ ఎమ్మెల్యేలు అసెంబ్లీ మీడియా పాయింట్ వద్ద విలేకర్లతో మాట్లాడారు. విధివిధానాల బట్టి నిర్ణయం తీసుకుంటామని స్పీకర్ తెలిపారని జ్యోతుల నెహ్రు పేర్కొన్నారు.
 
 ఎమ్మెల్యేలపై చర్యలతో ప్రజాస్వామ్యాన్ని స్పీకరే రక్షించాలని, ఆయన నిష్పక్షపాతంగా వ్యవహరిస్తారని తాము భావిస్తున్నామన్నారు. అలా జరిగితే రాజకీయాల్లో  నీతి, నిబద్ధత అంటూ సెల్ఫ్ డబ్బా కొట్టుకునే చంద్రబాబుకు కనువిప్పు కలుగుతుందని తాము భావిస్తున్నామన్నారు. స్పీకర్ తగు నిర్ణయం తీసుకుంటే అది చంద్రబాబుకు చెంపపెట్టు అవుతుందని జ్యోతుల నెహ్రు అన్నారు.  ఎమ్మెల్యేలపై అనర్హత వేటు వేస్తే అసెంబ్లీ సెగ్మెంట్లకు ఉప ఎన్నికలు వస్తాయన్నారు. ఉప ఎన్నికలు వస్తే ప్రజల మనోభావాలు తెలుస్తాయని ఆయన పేర్కొన్నారు.
 
 కొందరు ఎమ్మెల్యేలు వైఎస్ఆర్ కాంగ్రెస్ పార్టీకి ద్రోహం చేశారని జ్యోతుల నెహ్రు వ్యాఖ్యానించారు. ఇందుకు సంబంధించి (వాయిస్, వీడియో రికార్డులు, ఫోటోలు) అన్ని ఆధారాలను స్పీకర్కు అందచేశామన్నారు. వైఎస్ఆర్ సీపీకి స్పీకర్ న్యాయం చేస్తారని తాము భావిస్తున్నామన్నారు. ఈ రోజు నుంచి ప్రారంభం అయ్యే బడ్జెట్ సమావేశాల్లో సమస్యలపై దేనికి ఇచ్చే ప్రాధాన్యత దానికి ఇచ్చుకుంటూ వెళతామన్నారు. ముందుగా ప్రభుత్వం మీద అవిశ్వాస తీర్మానం పెట్టాలని భావిస్తున్నట్లు చెప్పారు. పార్టీ ఫిరాయించిన ఎమ్మెల్యేలపై స్పీకర్ తీసుకునే నిర్ణయం బట్టి ఆయనపై అవిశ్వాసం పెట్టాలా వద్దా అనే దానిపై ఆలోచిస్తామన్నారు.


 కాకినాడ: ఆంధ్రప్రదేశ్ ముఖ్యమంత్రి చంద్రబాబు నాయుడుకు దమ్ముంటే తమ పార్టీ ఎంపీలతో కలిసి కేంద్రంపై ఒత్తిడి తేవాలని వైఎస్ఆర్ కాంగ్రెస్ పార్టీ నేత జ్యోతుల నెహ్రు డిమాండ్ చేశారు. తూర్పుగోదావరి జిల్లా కాకినాడలో మంగళవారం ఆయన మీడియాతో మట్లాడారు. కేంద్ర రైల్వే, సాధారణ బడ్జెట్ లో రాష్ట్రానికి అన్యాయం జరిగిందని ఆయన ఆరోపించారు. స్వప్రయోజనాల కోసం ఆంధ్రప్రదేశ్ ముఖ్యమంత్రి చంద్రబాబు నాయుడు రాష్ట్రాన్ని తాకట్టు పెడుతున్నారని వ్యాఖ్యానించారు. రాష్ట్ర ప్రయోజనాలను కాపాడటం కోసం వైఎస్ఆర్ సీపీ రాజీలేని పోరాటం చేస్తోందని పేర్కొన్నారు.
 
 అన్ని రాజకీయ పార్టీలను కలుపుకుని కేంద్ర ప్రభుత్వంపై ఒత్తిడి తీసుకురావడానికి ఢిల్లీకి వెళ్తామని ఆయన తెలిపారు. రాష్ట్ర ప్రయోజనాల కోసం కేంద్ర ప్రభుత్వం ఒత్తిడి తెచ్చేందుకు సీఎం చంద్రబాబు నాయకత్వం వహిస్తే వైఎస్ఆర్ సీపీ మద్ధతు పలుకుతుందని స్పష్టంచేశారు. ఈ విషయంపై రానున్న అసెంబ్లీ సమావేశంలో ప్రభుత్వంపై కచ్చితంగా ఒత్తిడి తీసుకొస్తామన్నారు.


 చంద్రబాబు చేస్తున్నది ఒక రకంగా రాజకీయ వ్యభిచారమేనని వైఎస్ఆర్‌సీపీ ఎమ్మెల్యే జ్యోతుల నెహ్రూ మండిపడ్డారు. మంగళవారం మధ్యాహ్నం ఆయన మీడియాతో మాట్లాడారు. ఆంధ్రప్రదేశ్‌లో వైఎస్ఆర్‌సీపీ రోజురోజుకూ బలోపేతం అవుతోందని, దాన్ని నిర్వీర్యం చేయడానికి వాళ్లు ఇలాంటి నీచానికి దిగజారుతున్నారని మండిపడ్డారు.ఇలాంటి జిమ్మిక్కులు చేసి ఒకరిద్దరిని ప్రలోభపెట్టి పార్టీని బలహీనపరచాలన్న దురాలోచన చేస్తున్నారన్నారు. ఎంతగా నువ్వు ఇలాంటి కార్యక్రమాలు చేస్తే అంతగా నీ పార్టీ కుప్పకూలిపోతుందని హెచ్చరించారు. చంద్రబాబు పాలన మీద, ఆయన మీద ఎవరికీ నమ్మకం లేదని.. ఆ విషయం అందరికీ తెలుసని అన్నారు. తెలంగాణలో టీడీపీ కొట్టుకుపోయిందని, ఈ విషయం జీహెచ్ఎంసీ ఎన్నికల్లో తేటతెల్లం అయ్యిందని చెప్పారు. ఈ ప్రాంతంలో ఉన్న ఆంధ్ర, తెలంగాణ ఓటర్లందరూ టీఆర్ఎస్‌కే పట్టంగట్టారని, జీహెచ్‌ఎంసీలో చంద్రబాబుకు వచ్చిన బలం.. ఏకో నారాయణ అని ఎద్దేవా చేశారు. ఆరోజు ఆయన గగ్గోలు పెట్టారని, కేసీఆర్ ప్రభుత్వం అన్యాయంగా, అక్రమంగా తమ మనుషులను తీసుకుంటోందన్నారని గుర్తు చేశారు. మరి వైఎస్ఆర్సీపీ నుంచి నెగ్గిన ఎమ్మెల్యేలను నీతిమాలిన రాజకీయంతో ఎలా తీసుకుంటారని ప్రశ్నించారు.
 
 ఇక తమ పార్టీ నుంచి వెళ్లిన పెద్ద మనుషులు అక్కడ ఏం చూసి వెళ్లారని అడిగారు. పాలన సక్రమంగా ఉందని వెళ్లారా, ఎన్నికల హామీలు నెరవేరుస్తున్నారని వెళ్లారా అని ప్రశ్నించారు. రైతు రుణాల పరిస్థితి ఏంటో, రైతులు చంద్రబాబు పాలనను ఎంతగా వ్యతిరేకిస్తున్నారో అందరికీ తెలుసన్నారు. బీసీలు, ఎస్సీలు, ఎవరినీ సంతృప్తి పరచలేని అసమర్థ పాలనపై ఏ నమ్మకంతో వెళ్లారని అడిగారు. కేవలం దొంగ కేసులు, అవినీతి సూట్‌కేసులు.. ఈ రెండు ప్రలోభాలకే లొంగి వెళ్లినట్లు కనిపిస్తోందని జ్యోతుల నెహ్రూ అన్నారు. ప్రజలు నూటికి నూరుశాతం జగన్ మోహన్ రెడ్డిని, పార్టీని నమ్ముతున్నారని, ఎప్పుడు ఎన్నికలు వస్తాయా, ఎప్పుడు జగన్ మోహన్ రెడ్డిని సీఎం చేద్దామా అని చూస్తున్నారని ఆయన చెప్పారు.


 హైదరాబాద్: అసెంబ్లీ కమిటీ హాల్లో మంగళవారం ఆంధ్రప్రదేశ్ ప్రివిలేజ్ కమిటీ భేటీ అయింది. ఈ భేటీలో ప్రధానంగా వైఎస్ఆర్సీపీ ఎమ్మెల్యే ఆర్కే రోజా సస్పెన్షన్, ఇతర అంశాలపై చర్చకు వచ్చినట్టు తెలుస్తోంది. చైర్మన్ గొల్లపల్లి సూర్యారావు అధ్యక్షతన సమావేశమైన ఈ కమిటీలో వైఎస్సార్ కాంగ్రెస్ పార్టీ శాసన సభాపక్ష ఉప నేత జ్యోతుల నెహ్రు, వైఎస్సార్‌సీపీ ఎమ్యెల్యే పెద్దిరెడ్డి రామచంద్రారెడ్డి, డీసీ గోవిందరెడ్డి తదిదరులు పాల్గొన్నారు.  ఈ సందర్భంగా ఎమ్మెల్యే రోజా సస్పెన్షన్పై మండలి బుద్ధప్రసాద్కు ఇచ్చిన నివేదిక.. ప్రివిలేజ్ కమిటీకి అందిందనీ, నివేదిక కాపీలను మాకివ్వలేదని జ్యోతుల నెహ్రు అన్నారు.
 
 గతంలో ఇతర ఎమ్మెల్యేలు ఇచ్చిన ప్రివిలేజ్ నోటిసులనే పరిశీలించామన్నారు. వైఎస్ఆర్సీపీ ఎమ్మెల్యేలు ఇచ్చిన నోటీసులు.. ప్రివిలేజ్ కమిటీకి రావడం లేదని చైర్మన్ను అడిగామని చెప్పారు. ఏపీ అసెంబ్లీ స్పీకర్ కోడెల శివప్రసాదరావుతో మాట్లాడి అన్నిపార్టీలు ఇచ్చిన ఎమ్మెల్యేల నోటీసులు.. ప్రివిలేజ్ కమిటీకి వచ్చేలా చేయాలని కోరామన్నారు. వచ్చే నెల 4న ఎమ్మెల్యే రోజా సస్పెన్షన్పై ప్రివిలేజ్ కమిటీ మరోసారి భేటీ అయ్యే అవకాశం ఉందని జ్యోతుల నెహ్రు వెల్లడించారు.


 జీఎన్‌ఎస్‌ఎస్ 29వ ప్యాకేజీకి అంత పెంపా?
 మండిపడిన జ్యోతుల నెహ్రూ
  
  సాక్షి, హైదరాబాద్ : గాలేరు-నగరి సుజల స్రవంతి ప్రాజెక్టు నిర్మాణంలో 29వ ప్యాకేజీ పనుల వ్యయం పెంపుపై తక్షణం ఒక శ్వేతపత్రాన్ని విడుదల చేయాలని వైఎస్సార్‌సీపీ శాసనసభాపక్షం ఉపనేత జ్యోతుల నెహ్రూ డిమాండ్ చేశారు. ఎమ్మెల్యే దాడిశెట్టి రాజాతో కలిసి ఆయన బుధవారం విలేకరుల సమావేశంలో మాట్లాడుతూ... ముఖ్యమంత్రికి అతి సన్నిహితుడైన టీడీపీ నేత సీఎం రమేష్‌కు ప్రయోజనం చేకూర్చేందుకే ఈ నిర్ణయం తీసుకున్నారని ధ్వజమెత్తారు. వాస్తవంగా 29వ ప్యాకేజీ తొలి అంచనా వ్యయం రూ.12 కోట్లు కాగా, ఏకంగా రూ.110 కోట్లకు పెంచడం దోపిడీ కాక మరేమిటని ప్రశ్నించారు.
 
 ఈ ప్యాకేజీలో డిజైన్ మార్పు లేకపోయినా ఎందుకు వ్యయం పెరిగిందన్నారు.  జీవో నెంబర్-22 ప్రకారం సాగునీటి ప్రాజెక్టులన్నింటి వ్యయం విషయంలోనూ ఇలాగే దోపిడీ జరిగిందని దుయ్యబట్టారు. మొత్తం ఏపీలో 40 ప్యాకేజీల అంచనా వ్యయం రూ.11,229 కోట్లుగా ఉంటే దానిని టీడీపీ ప్రభుత్వం ఏకంగా రూ.24,700 కోట్లకు పెంచేసిందని తెలిపారు. తెరవెనుక చినబాబు ఆదేశిస్తే తెరముందు పెద్దబాబు (చంద్రబాబు) మంత్రివర్గాన్ని అడ్డం పెట్టుకుని పెంపు నిర్ణయాలు తీసుకున్నారని ఆరోపించారు.
 
 అందుకు అనుగుణంగా సాగునీటి శాఖ మంత్రి దేవినేని ఉమామహేశ్వరరావు ఫైలు సిద్ధం చేస్తున్నారని చెప్పారు. ఈ పెంపులో వారు రూ.6,000 కోట్లు దోచుకోవడానికి అవకాశం కలిగిందన్నారు. ఈ దోపిడీ ప్రయత్నాన్ని ఇప్పటికైనా ఆపేయకపోతే వైఎస్సార్‌సీపీ తీవ్రస్థాయిలో ఆందోళన చేస్తుందని హెచ్చరించారు. పట్టిసీమలాగే ఫాస్ట్‌ట్రాక్ ప్రాజెక్టులాగా గాలేరు-నగరి, హంద్రీనీవా ప్రాజెక్టులను కూడా పూర్తి చేయాలని సంకల్పించి తామేదో కొంత వ్యయం పెంచితే దానికి తాము రాధ్దాంతం చేస్తున్నట్లు దేవినేని తేలిగ్గా చెప్పడం విడ్డూరమన్నారు. ఇనుము రేట్లు తగ్గాయని, సిమెంటు రేట్లు మాత్రమే కొద్దో గొప్పో పెరిగాయని, అంతమాత్రానికి మూడు రెట్లు వ్యయం పెంచుతారా? ఇదేమి దోపిడీ అని నెహ్రూ ప్రశ్నించారు.


 హైదరాబాద్ : ఆంధ్రప్రదేశ్ సర్కార్ అడ్డగోలు దోపిడీకి పాల్పడుతోందని వైఎస్ఆర్ కీంగ్రెస్ పార్టీ ఎమ్మెల్యే జ్యోతుల నెహ్రు నిప్పులు చెరిగారు. ఆయన బుధవారం పార్టీ కార్యాలయంలో మీడియా సమావేశంలో మాట్లాడారు. ప్రాజెక్టుల అంచనాలు పెంచేసి వేలకోట్ల దోపిడీకి చంద్రబాబు శ్రీకారం చుట్టారని జ్యోతుల నెహ్రు ధ్వజమెత్తారు. కేబినెట్ ఆమోదం పేరుతో రూ.6వేల కోట్ల దోపిడీకి తెర తీశారని ఆయన మండిపడ్డారు. ఇద్దరు ప్రభుత్వ ప్రధాన కార్యదర్శులు తిరస్కరించినా... దారుణంగా దోచుకునేందుకు ఏపీ కేబినెట్ సిద్ధమైందని జ్యోతుల నెహ్రు విమర్శించారు.
 
 నిబంధనలకు విరుద్ధమైన  కార్యక్రమాన్ని తాము ఒప్పుకోమని ఇద్దరు సీఎస్లు చెప్పినప్పటికీ, మందబలాన్ని ఉపయోగించుకుని దోపిడీకి పాల్పడటం దారుణమన్నారు. చంద్రబాబు తన అనుచరులకు లబ్ధి చేకూర్చడమే ఈ దోపిడీ ఉద్దేశమన్నారు. ఆ దోపిడీని ప్రశ్నించిన తాము అభివృద్ధి నిరోధకులమంటూ అసత్యాలు ప్రచారం చేస్తున్నారని ఆయన అన్నారు. రాజకీయ అంచనాల పెంపుపై తక్షణమే శ్వేతపత్రం విడుదల చేయాలన్నారు. నీటి పారుదల శాఖ మంత్రి దేవినేని ఉమ ఇకనైనా గొప్పలు చెప్పుకోవడం మానేసి వాస్తవాలు వెల్లడించాలని జ్యోతుల నెహ్రు డిమాండ్ చేశారు.


 కాకినాడ: ఆంధ్రప్రదేశ్ ముఖ్యమంత్రిగా వైఎస్ రాజశేఖర్ రెడ్డి పనిచేసిన కాలంలోనే ఆర్టీసీని బలోపేతం చేశారని వైఎస్ఆర్ సీపీ ఎమ్మెల్యేలు రవీంద్రనాథ్ రెడ్డి, జ్యోతుల నెహ్రు శనివారం తెలిపారు. అధికార తెలుగుదేశం పార్టీ ఆర్టీసీని ప్రైవేటు సంస్థలకు దారదత్తం చేసేందుకు కుట్రపన్నుతోందని వారు ఆరోపించారు. వైఎస్ జగన్మోహన్ రెడ్డి అధికారంలోకి రాగానే ఆర్టీసీని ప్రభుత్వంలో విలీనం చేసేందుకు తొలి సంతకం చేస్తారని ఎమ్మెల్యేలు తెలిపారు. ఆర్టీసీ ఎన్నికల్లో వైఎస్ఆర్ ఆర్టీసీ మజ్దూర్ యూనియన్ను గెలిపించాలని కోరారు.
  


  పిఠాపురం : కాపు ఉద్యమం ద్వారా బీసీలకు ఎలాంటి అన్యాయం జరగనివ్వమని వైఎస్సార్ సీపీ జిల్లా అధ్యక్షుడు జ్యోతుల నెహ్రూ అన్నారు. తమ సామాజిక వర్గమైన కాపులను బీసీల్లో చేర్చాలని అడుగుతున్నామే తప్ప బీసీ సోదరులకు ప్రస్తుతం ఉన్న రిజర్వేషన్లలో మార్పు చేయమనడం లేదని స్పష్టం చేశారు. పిఠాపురం పార్టీ కార్యాలయంలో బుధవారం ఆయన విలేకరులతో మాట్లాడుతూ మాజీ మంత్రి ముద్రగడ పద్మనాభం చేపట్టిన కాపు ఉద్యమానికి అదే సామాజిక వర్గానికి చెందిన వ్యక్తిగా తప్పక తన పూర్తి మద్దతు ఉంటుందని, అలాగే వైఎస్సార్‌సీపీ తరఫున సంపూర్ణ మద్దతు ప్రకటిస్తున్నామని  చెప్పారు.
  
  ప్రస్తుతం బీసీ, ఎస్సీ, ఎస్టీలకు వర్తింపచేస్తున్న రిజర్వేషన్లలో ఎలాంటి మార్పులూ చేయకుండా కాపు సామాజిక వర్గానికి జనాభా ప్రాతిపదికన అదనంగా రిజర్వేషన్లు అడుగుతున్నామన్నారు. ఒకరికి అన్యాయం జరగడానికి కాపు సామాజిక వర్గం ఎప్పుడూ ఒప్పుకోదని ఆయన స్పష్టం చేశారు. ఈ సామాజిక వర్గంలో అనేక ఇబ్బందులు ఎదుర్కొంటున్న నిరుపేదలకు న్యాయం చేయాలన్నదే కాపు ఉద్యమ లక్ష్యమని పేర్కొన్నారు. పార్టీలకతీతంగా చేపట్టిన కాపు ఉద్యమం తమ హక్కును సాధించుకోవడం ఖాయమని జ్యోతుల పేర్కొన్నారు.
  
  
  27న కాకినాడలో వైఎస్సార్ సీపీ యువభేరి
  ఈనెల 27న కాకినాడలో వైఎస్సార్‌సీపీ ఆధ్వర్యంలో యువభేరి నిర్వహిస్తున్నామని, పార్టీ అధినేత వైఎస్ జగన్‌మోహన్‌రెడ్డి హాజరవుతారని జ్యోతుల తెలిపారు. 21న నిర్వహించాల్సిన యువభేరి అనివార్యకారణాల వల్ల వాయిదా పడిందన్నారు. అన్ని నియోజకవర్గాల నుంచీ పార్టీలకతీతంగా ఉన్నత విద్యావంతులు యువభేరికి హాజరయ్యేలా ప్రతి నాయకుడూ, కార్యకర్తా పనిచేయాలన్నారు. విద్యార్థి  సమస్యలు, ఉపాధి అవకాశాలపై ప్రశ్నించగలిగే విద్యావంతులం తా యువభేరికి వచ్చి సమస్యలను తెలియజేయాలని కోరా రు. పిఠాపురం మాజీ ఎమ్మెల్యే, వైఎస్సార్‌సీపీ కన్వీనర్ పెం డెం దొరబాబు మాట్లాడుతూ యువభేరి విజయవంతానికి అందరూ కృషి చేయాలన్నారు. పార్టీ రాష్ట్ర విద్యార్థి విభాగం సభ్యుడు మధుసూదన్‌రెడ్డి, పార్టీ జిల్లా ఆర్గనైజింగ్ సెక్రటరీ కురుమళ్ల రాంబాబు, పార్టీ నేతలు గండేపల్లి బాబీ, అబ్బిరెడ్డి రామచంద్రారెడ్డి, కారే శ్రీనివాసరావు, మొగిలి అయ్యారావు, ఆనాల సుదర్శన్, జ్యోతుల సతీష్ తదితరులు పాల్గొన్నారు.
  


 తుని(తూ.గో): త్వరలో  జిల్లాలో జరిగే కాపునాడు సదస్సను అడ్డుకునేందుకు ప్రభుత్వం కుట్ర చేస్తోందని  వైఎస్ఆర్సీపీ ఎమ్మెల్యే జ్యోతుల నెహ్రు విమర్శించారు. తునిలో జరిగే కాపునాడు సదస్సుకు  వైఎస్సార్ సీపీ అండగా ఉంటుందని ఆయన స్పష్టం చేశారు.
  
 ఆదివారం పలువురు కాపునాడు నాయకులు జ్యోతుల నెహ్రును కలిశారు. ఈ సందర్భంగా మాట్లాడిన ఆయన.. కాపునాడు ఉద్యమానికి వైఎస్సార్ సీపీ పూర్తి మద్దుతుగా నిలుస్తుందని పేర్కొన్నారు.


 కాకినాడ: తప్పనిసరి పరిస్థితుల్లోనే ఆంధ్రప్రదేశ్ శాసన సభ స్పీకర్ కోడెల శివప్రసాద్ రావు పై నోటీసులు ఇచ్చామని వైఎస్ఆర్సీపీ ఎమ్మెల్యే జ్యోతుల నెహ్రూ అన్నారు. పాలక పక్షానికి మద్దతుగా స్పీకర్ ఏకపక్ష ధోరణితో వ్యవహరిస్తున్నారని తెలిపారు. మా అవిశ్వాస తీర్మానంతోనైనా స్పీకర్లో మార్పు వస్తుందని ఆశ పడుతున్నామన్నారు.
  
 మా నోటీసుతో స్పీకర్ తీరు పై చర్చించే అవకాశం దొరుకుతుందని జ్యోతుల నెహ్రూ తెలిపారు. శాసన సభ వ్యవహారాలను ఎన్టీఆర్ భవన్కు తాకట్టు పెడుతున్నట్టుగా కనిపిస్తుందని మండిపడ్డారు. 


 హైదరాబాద్‌:  ఆంధ్రప్రదేశ్‌ అసెంబ్లీ సమావేశాల్లో భాగంగా గురువారం ఉదయం జరిగిన బీఏసీ (శాసనసభ వ్యవహారాల సలహా కమిటీ) సమావేశంలో 15 అంశాలపై చర్చించాలని బీఏసీలో లేవనెత్తామని వైఎస్‌ఆర్‌సీపీ ఎమ్మెల్యే జ్యోతుల నెహ్రు చెప్పారు. ఐదురోజుల పాటు అసెంబ్లీ సమావేశాలు జరగాలని నిర్ణయం తీసుకోగా.. తాము ఎక్కువ రోజులు నడపాలని కోరామని ఆయన అన్నారు.
 
 తమతో పాటు బీజేపీ కూడా సమావేశాలు పొడిగించాలని కోరినట్టు జ్యోతుల చెప్పారు. అయితే ఏపీ అసెంబ్లీ సమావేశాలను అధికార పార్టీ టీడీపీ మాత్రం కేవలం 5 రోజులే సభను పరిమితం చేసిందన్నారు. ఈ విషయంలో ఆంధ్రప్రదేశ్‌ ప్రభుత్వం ఏకపక్షంగా వ్యవహరించిందని జ్యోతుల నెహ్రు విమర్శించారు.


 హైదరాబాద్: ప్రజలను పీడించి, వేధింపులకు గురిచేసిన కాల్ మనీ వ్యవహారంపై ఆంధ్రప్రదేశ్ అసెంబ్లీ సమావేశాల్లో చర్చిస్తామని వైఎస్ఆర్ సీఎల్పీ ఉపనాయకుడు జ్యోతుల నెహ్రూ చెప్పారు.  వైఎస్ఆర్ సీపీ అధ్యక్షుడు వైఎస్ జగన్మోహన్ రెడ్డి అధ్యక్షతన పార్టీ కేంద్ర కార్యాలయం హైదరాబాద్ లోటస్పాండ్లో బుధవారం వైఎస్ఆర్ సీఎల్పీ సమావేశం జరిగింది. అసెంబ్లీలో అనుసరించాల్సిన వ్యూహంపై ఈ సమావేశంలో చర్చించారు. సమావేశానంతరం వైఎస్ఆర్ సీపీ ఎమ్మెల్యేలు, ఎమ్మెల్సీలతో కలసి జ్యోతుల నెహ్రూ, పిల్లి సుభాష్ చంద్రబోస్ మీడియాతో మాట్లాడారు. ఏం చెప్పారంటే..
 
 కాల్ మనీ కేసుపై అసెంబ్లీ సమావేశాల్లో చర్చిస్తాం
 
 నిరుద్యోగ సమస్యలను, ఉద్యోగులు ఎదుర్కొంటున్న సమస్యలపై ప్రభుత్వాన్ని నిలదీస్తాం
 
 వీఆర్ఏ, అంగన్వాడీ, ఆశా వర్కర్ల సమస్యలను ప్రస్తావిస్తాం
 
 విచ్చలవిడి కల్తీమద్యం అమ్మకాలు, అమాయకులు చనిపోయిన ఘటనపై చర్చిస్తాం
 
 ఏపీలో మద్యపాన నిషేధం కోసం డిమాండ్ చేస్తాం
 
 గిరిజనుల మనుగడుకు నష్టం వాటిల్లేలా ఉన్న బాక్సైట్ విధానాన్ని మార్చాలి
 
 రైతులకు గిట్టుబాటు ధరలు కల్పించాలని డిమాండ్ చేస్తాం
 
 ఆకాన్నంటుతున్న నిత్యావసర సరుకుల ధరలను నియంత్రించాలి
 
 ప్రజా సమస్యలన్నింటీపై చర్చ జరిగి పరిష్కారం చూపేంతవరకు అసెంబ్లీ సమావేశాలు జరగాలి
 
 శాసనమండలిలోనూ ప్రభుత్వాన్ని నిలదీస్తాం


 హైదరాబాద్: ఆంధ్రప్రదేశ్లో రైతులు తీవ్ర ఇబ్బందుల్లో ఉన్నారని వైఎస్ఆర్ సీపీ నేత జ్యోతుల నెహ్రూ అన్నారు. చంద్రబాబు సర్కార్ రుణమాఫీని అమలు చేయకపోవడం వల్లే రైతులకు ఈ దుస్థితి ఏర్పడిందని విమర్శించారు.
 
 ప్రభుత్వం వెంటనే రైతులను ఆదుకోవాలని జ్యోతుల నెహ్రూ డిమాండ్ చేశారు. రాష్ట్ర వ్యాప్తంగా అన్ని మండల కేంద్రాల్లో ధాన్యం కొనుగోలు కేంద్రాలను ప్రారంభించాలని చెప్పారు. వరి క్వింటాల్కు 300 రూపాయలు బోనస్ ఇవ్వాలని జ్యోతుల నెహ్రూ కోరారు.


 హైదరాబాద్ : ప్రత్యేక హోదాల శకం ముగిసిందని కేంద్ర ఆర్థిక మంత్రి జైట్లీ అనడం పచ్చి మోసమని వైఎస్ఆర్ సీపీ డిప్యూటీ ఫ్లోర్ లీడర్ జ్యోతుల నెహ్రూ అన్నారు. శుక్రవారం హైదరాబాద్లో జ్యోతుల నెహ్రూ మాట్లాడుతూ... జైట్లీ వ్యాఖ్యలు పరోక్షంగా ఏపీకి ప్రత్యేకహోదా ఇవ్వబోమన్నట్లు ఉన్నాయన్నారు.
 ప్రత్యేక హోదాకు, 14వ ఆర్థిక సంఘానికి ముడిపెట్టడం సరికాదని ఆయన అభిప్రాయడ్డారు. ప్రత్యేక హోదాపై కేబినెట్ సమావేశంలో నిర్ణయం తీసుకోవచ్చని కేంద్ర ప్రభుత్వానికి సూచించారు. ఆంధ్రప్రదేశ్ ప్రజలు ప్రాణత్యాగాలు చేసుకుంటున్నా.. చంద్రబాబు వైఖరిలో మాత్రం మార్పు లేదని జ్యోతుల నెహ్రూ మండిపడ్డారు.
  


 రాజమండ్రి: ప్రత్యేక హోదాపై ప్రధాని నరేంద్రమోదీ తప్పించుకునే ధోరణిలో మాట్లాడారని వైఎస్ఆర్ కాంగ్రెస్ పార్టీ నేత జ్యోతుల నెహ్రూ ఆరోపించారు. ప్రధాని మోదీ ప్రసంగంలో ఆ ఏపీకి నిధులిస్తామని ఎక్కడా చెప్పలేదని అన్నారు.
 
 హోదా ఇవ్వకపోయినా దానికి తగిన స్థాయిలో హామీ ఇస్తారని ప్రజలు ఆశించారని చెప్పారు. వ్యక్తిగత ప్రాబల్యం కోసం ప్రజాధనం దుర్వినియోగం చేశారని, ఇదంతా ప్రధాని మోదీ, ముఖ్యమంత్రి చంద్రబాబు ఆడిన అంతర్నాటకంలా కనిపిస్తుందని చెప్పారు. యమునా నది నుంచి నీరు తెచ్చి సరిపెట్టుకోమని అన్నారని ఆగ్రహం వ్యక్తం చేశారు.


 గుంటూరు: ఇచ్చిన హామీలను అమలు చేయడంలో ముఖ్యమంత్రి చంద్రబాబునాయుడు ఘోర వైఫల్యం చెందారని వైఎస్ఆర్ సీపీ ఎమ్మెల్యే జ్యోతుల నెహ్రూ అన్నారు. రాష్ట్రం దుర్భిక్షంలో ఉంటేనే తన దుష్టపన్నాగాలు అమలవుతాయని చంద్రబాబునాయుడు కుట్రలు చేస్తున్నారని ఆగ్రహం వ్యక్తం చేశారు. ఆంధ్రప్రదేశ్ ప్రత్యేక హోదా సాధించేందుకు వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి చేస్తున్న నిరవధిక నిరాహార దీక్ష ఐదో రోజుకు చేరుకున్న విషయం తెలిసిందే. ఈ నేపథ్యంలో జ్యోతుల మాట్లాడుతూ రైతుల దుస్థితిని ఆయుధంగా వాడుకుని, వారికి భ్రమలు కల్పించి చంద్రబాబునాయుడు మోసం చేశారని చెప్పారు.
 
 యువతను కూడా ఉద్యోగాలిస్తామని.. నిరుద్యోగ ఉదృతి భృతి ఇస్తామని, ఇంటికో ఉద్యోగం ఇస్తామని చెప్పి మోసం చేశారని అన్నారు. ప్రత్యేక హోదా పక్కకు పెట్టి ప్రత్యేక ప్యాకేజీ గురించి చంద్రబాబునాయుడు మాట్లాడుతున్నారని, అది తెచ్చి ఎవరికి పెడతారని ప్రశ్నించారు. ప్రాజెక్టుల విషయంలో కూడా చంద్రబాబునాయుడు ఘోర తప్పిదాలకు పాల్పడ్డారని, తనకు ఎక్కడ లంఛాలు రావో అని పోలవరం పక్కకు పెట్టేశారని, దానిని కేంద్ర ప్రభుత్వానికి ఇస్తానని అంటున్నారని చెప్పారు.
 
 కేంద్ర ప్రభుత్వం ఆర్థిక సహాయం లేకుంటే పోలవరం పూర్తి కాదనే విషయం ప్రతి ఒక్కరికీ తెలుసని అన్నారు. పోలవరం కాలువ వైఎస్ తవ్విస్తే దానిని ప్రారంభించి తానేదో గొప్పలు సాధించినట్లుగా చంద్రబాబు చెప్పుకుంటున్నాడని ఆయన చేసిందేమీ లేదని ఆరోపించారు. వైఎస్ జగన్ ఆరోగ్యం క్షీణిస్తుందని, అయినా దీక్ష కొనసాగించి ప్రత్యేక హోదా సాధిస్తామని చెప్పారు. ఓటుకు నోటు కేసుల కుంభకోణంలో ఇరుక్కుని చంద్రబాబునాయుడు రాష్ట్ర ప్రజల భవిష్యత్తును కేంద్రం వద్ద తాకట్టు పెట్టారని చెప్పారు.
 
 
  


 న్యూఢిల్లీ: ప్రత్యేక హోదా కోసం వైఎస్ జగన్ మోహన్ రెడ్డి చేపట్టిన నిరవధిక నిరాహార దీక్షతో ఆంధ్రప్రదేశ్ ప్రభుత్వం కళ్లు తెరవాలని, కేంద్రంపై ఒత్తిడి తేవాలని వైఎస్సార్ సీపీ నేత జ్యోతుల నెహ్రూ డిమాండ్ చేశారు. శుక్రవారం ఆయన విలేకరులతో మాట్లాడుతూ... ప్రత్యేక హోదా అవసరం లేదన్నట్టుగా మంత్రులు విమర్శలు చేస్తున్నారని మండిపడ్డారు.
 
 టీడీపీ నాయకులు ప్యాకేజీలు తెచ్చుకుని జేబులు నింపుకోవాలని చూస్తున్నారని ఆరోపించారు. విభజన హామీలు అమలు కాకపోవడం కేంద్రం చేతగానితనమే అని ధ్వజమెత్తారు. పోలవరం ప్రాజెక్టుపై ఎమ్మెల్సీ సోము వీర్రాజు చేసిన వ్యాఖ్యలకు టీడీపీ జవాబు చెప్పాలని డిమాండ్ చేశారు.


 ఏలూరు : పశ్చిమగోదావరి జిల్లా ప్రత్తిపాడు మండలం యూజేపురంలో గండేపల్లి ప్రమాద బాధితులకు వైఎస్ఆర్ సీపీ ఆర్థికసాయం అందించింది. మృతుల కుటుంబాలకు రూ.50 వేల చొప్పున, గాయపడిన వారికి రూ.5 వేల చొప్పున వైఎస్ఆర్ సీపీ నేత జ్యోతుల నెహ్రూ వారికి చెక్కులు అందజేశారు. జ్యోతులనెహ్రూతో పాటు ఎమ్మెల్యే వరుపుల సుబ్బారావు కూడా ఈ చెక్కుల పంపిణీ కార్యక్రమంలో పాల్గొన్నారు.


 చంద్రబాబు పరిపాలన పిచ్చి తుగ్లక్ పాలనలా ఉందని వైఎస్ఆర్సీపీ శాసనసభా పక్ష ఉపనాయకుడు జ్యోతుల నెహ్రూ మండిపడ్డారు. తూర్పుగోదావరి జిల్లా కాకినాడలో ఆయన మీడియాతో మాట్లాడారు. చంద్రబాబుకు ధైర్యముంటే నీటి సంఘాల ఎన్నికలను ప్రజాస్వామ్యబద్ధంగా నిర్వహించాలని అన్నారు. నీటి సంఘం ఎన్నికల్లో 75 శాతం టీడీపీపై వ్యతిరేకత రాకపోతే.. తాను రాజకీయాల నుంచి తప్పుకొంటానని ఆయన సవాలు చేశారు.
 
 సాగునీటి సంఘాల ఎన్నికలపై రైతులు న్యాయపోరాటం చేయడానికి సిద్ధంగా ఉన్నారన్నారు. పట్టిసీమ పంపులు ఎక్కడున్నాయో తెలియకుండానే టీడీపీ సంబరాలు చేసుకోవడం విడ్డూరమని ఎద్దేవా చేశారు. గండేపల్లి రోడ్డు ప్రమాద ఘటనలో శవ రాజకీయాలు చేసింది ఆర్థికమంత్రి యనమల రామకృష్ణుడేనని జ్యోతుల ఆరోపించారు. పుష్కరాల తొక్కిసలాటకు చంద్రబాబు కారణమనే అక్కడి మృతులకు రూ. 10 లక్షల వంతున పరిహారం ఇచ్చారన్నారు.


 హైదరాబాద్: నదుల అనుసంధానం ఇప్పుడు కాదు ఎప్పుడో జరిగిందని వైఎస్సార్ సీపీ నేత జ్యోతుల నెహ్రూ తెలిపారు. కృష్ణా, గోదావరి అనుసంధానం చేశామని టీడీపీ నాయకులు సంబరాలు చేసుకుంటున్న నేపథ్యంలో ఆయన స్పందించారు. ఏలూరు దగ్గర కృష్ణా, గోదావరి నదుల అనుసంధానం ఎప్పుడో జరిగిందని గుర్తు చేశారు.
 
 మహానేత వైఎస్ రాజశేఖర రెడ్డి ప్రారంభించిన ప్రాజెక్టుల ఫలితాలను తమవిగా టీడీపీ ప్రచారం చేసుకుంటోందని మండిపడ్డారు. మోసపూరిత ప్రకటనలతో ప్రజలను మోసం చేస్తున్నారని విమర్శించారు.  మాయాల గారడీ ప్రభుత్వం ప్రజలను పాలిస్తోంది, దానికి నాయకుడు మహా మాంత్రికుడు అని ఎద్దేవా చేశారు. వాస్తవాలకు దగ్గర ఆలోచన చేయాలని, ప్రభుత్వాన్ని సమర్థవంతంగా నడిపించాలని సూచించారు. రైతాంగానికి ఎగనామం పెట్టే పనులు చేయొద్దని హితవు పలికారు.


 వైఎస్సార్‌సీపీ శాసనసభాపక్ష ఉపనాయకుడు జ్యోతుల నెహ్రూ ధ్వజం
 సాక్షి, హైదరాబాద్: పట్టిసీమ ఎత్తిపోతల పథకాన్ని ధనార్జన కోసం చేపట్టారే తప్ప ప్రజల కోసం కాదని వైఎస్సార్ కాంగ్రెస్ పార్టీ శాసనసభాపక్ష ఉపనాయకుడు జ్యోతుల నెహ్రూ ధ్వజమెత్తారు. ముఖ్యమంత్రి చంద్రబాబుకు పట్టిసీమతో వచ్చే రూ.1300 కోట్ల ముడుపులపైనే తప్ప నీటిపైన ఆసక్తి లేదని విమర్శించారు. నదుల అనుసంధానికి వైఎస్సార్‌సీపీ వ్యతిరేకం కాదని, అందుకు ప్రభుత్వం అనుసరిస్తున్న విధానంపైనే అభ్యంతరమని స్పష్టంచేశారు.
 
 గతంలోనే తమ పార్టీ నాయకుడు జగన్‌మోహన్‌రెడ్డి ఈ విషయాన్ని చెప్పారని, తాము అదే వైఖరికి కట్టుబడి ఉన్నామని తెలిపారు.పట్టిసీమ ప్రాజెక్టుపై బుధవారం అసెంబ్లీలో స్వల్ప వ్యవధి చర్చను ప్రారంభిస్తూ జ్యోతుల నెహ్రూ అధికార పార్టీ వైఖరిపై విరుచుకుపడ్డారు. వృధాగా పోతున్న గోదావరి జలాలను వినియోగంలోకి తేవడానికి ఎవ్వరికీ అభ్యంతరం లేదని, దాన్ని ఉపయోగించే విధానంపైనే అభ్యంతరమని చెప్పారు. 13 జిల్లాల నీటి సమగ్రత కాపాడుకోవాలనుకున్నప్పుడు గోదావరి, కృష్ణ, నాగావళి, వంశధార, గాలేరు-నగరి ప్రాజెక్టులను త్వరితగతిన పూర్తి చేయాలన్నారు.
 
 కానీ అధికారపక్షం పట్టిసీమలో వచ్చే రూ.1300 కోట్లపై ఆసక్తితో దానికే ప్రాధాన్యం ఇస్తోందని విమర్శించారు.ఓ వైపు రాష్ట్రం ఇబ్బందుల్లో ఉందంటూ ఈ వ్యయం ఎందుకని ప్రశ్నించారు. ఈ ఖర్చును పోలవరం ప్రాజెక్టుపై పెడితే ఆ మొత్తాన్ని రీయింబర్స్ చేస్తానని కేంద్రం చెబుతున్నా ఏం ఆశించి పట్టిసీమకు ప్లాన్ చేశారని నిలదీశారు. కృష్ణా నదిని కర్ణాటకకు, గోదావరి నదిని మహారాష్ట్రకు అప్పగించిన ఫలితమే నీటి కొరత కాదా? అని ప్రశ్నించారు.ఆల్మట్టి, నారాయణపూర్ డ్యాం ఎవరి పాలనలో కట్టారో చెప్పాలని నిలదీశారు.
 
 ‘‘పులిచింతల ప్రాజెక్టుకు రూ.200 కోట్లు ఖర్చు పెడితే 40 టీఎంసీల నీటి నిల్వ సామర్థ్యం వస్తుంది. కానీ తాత్కాలిక ప్రాజెక్టు పట్టిసీమపై అధిక  ఆసక్తి చూపిస్తూ వైఎస్సార్ హయాంలో చేపట్టిన పులిచింతలకు రూ.200 కోట్లు ఖర్చు పెట్టకుండా నిర్వీర్యం చేస్తున్నారు. పట్టిసీమవల్ల గోదావరి జిల్లాలకు నష్టం ఉండదని, గోదావరి డెల్టా రైతులు త్యాగధనులనీ అంటున్నారు.వందేళ్ల సైక్లింగ్‌ను చూడండి వాస్తవం మీకే బోధ పడుతుంది. ఈసారి తొలకరికే నీళ్లు ఇవ్వలేని స్థితి ఏర్పడింది’’ అని నెహ్రూ వివరించారు. నదుల అనుసంధానికి శ్రీకారం చుట్టిందే దివంగత నేత వైఎస్ రాజశేఖరరెడ్డి అని చెప్పారు.
 
 (ఈదశలో ముఖ్యమంత్రికి, నెహ్రూకి మధ్య సంవాదం నడిచింది). ప్రజాస్వామ్యాన్ని అవహేళన చేయవద్దని, గోదావరి-కృష్ణా నదుల అనుసంధానం చేస్తే రాయలసీమకు నీళ్లు వస్తాయనే ఆలోచన చేసిందే వైఎస్సార్ అని, జలయజ్ఞాన్ని చేపట్టిందే అందుకని వివరించారు. పోలవరం జాతీయ ప్రాజెక్టును పూర్తి చేస్తే సీమకు నీళ్లు ఇవ్వొచ్చన్నారు. రాయలసీమకు కేటాయించిన నిధులెన్నని ప్రశ్నించారు.
 
 పోలవరం ప్రాజెక్టుపై రూ.200 కోట్లే ఖర్చు పెట్టడాన్ని తప్పుబట్టారు. నీటి ప్రాజెక్టులపై ప్రభుత్వ చిత్తశుద్ధిని శంకిస్తున్నామన్నారు. (మళ్లీ సీఎం అడ్డుతగిలి రాయలసీమ నీటి ప్రాజెక్టులకు వ్యయం చేసిన మొత్తాలను వివరించారు. హంద్రీ నీవాకు రూ.665.66 కోట్లు, గాలేరు-నగరికి రూ.267.70 కోట్లు ఖర్చు చేసినట్టు చెప్పారు)
  
 పూర్తికాని ప్రాజెక్టు జాతికి అంకితమా?
 పట్టిసీమ ప్రాజెక్టును దశల వారీగా పూర్తి చేస్తామని ఓ వైపు చెప్తూనే... పూర్తి కాని ప్రాజెక్టును జాతికి అంకితం చేసిన ఘనత ఈ ముఖ్యమంత్రికే దక్కిందని నెహ్రూ విమర్శించారు. ‘‘ఎక్కడయినా ప్రాజెక్టు పూర్తయిన తర్వాత 20 శాతమో, 30 శాతమో, 50 శాతమో నీళ్లు వదిలిన తర్వాత జాతికి అంకితం చేస్తారు. కానీ అసంపూర్తి ప్రాజెక్టును జాతికి అంకితం చేస్తారా?’’ అంటూ ఫోటోలను సభకు చూపారు. ప్రభుత్వ చిత్తశుద్ధి ఏమిటో ఇక్కడే బయటపడుతోందని, ఇది రాయలసీమను, రాష్ట్ర ప్రజల్ని మోసం చేయడమేనని ధ్వజమెత్తారు.
 
 కుడికాల్వ సామర్థాన్ని కూడా బాగా కుదించి తవ్వుతున్నారని, దీనివల్ల భవిష్యత్‌లో ఇబ్బందులు వస్తాయని తెలిపారు. పూర్తి స్థాయిలో కాలువల నిర్మాణం చేపట్టాలని డిమాండ్ చేశారు. ఒక బక్కెట్ నీళ్లను కృష్ణా నదిలో పోసి అదే నదుల అనుసంధానం అనుకోమంటారా? అని నిలదీశారు. ‘‘పోలవరం నాలుగేళ్లలో పూర్తయితే.. ఈలోపు తాత్కాలిక పద్ధతిలో నీటిని తరలించలేమా? అలాచేస్తే నిధుల దుర్వినియోగం జరిగేది కాదు.
 
 శాశ్వత ప్రయోజనాన్ని కలిగించే పులిచింతలను, పోతిరెడ్డిపాడును పక్కనబెట్టి, తాత్కాలిక ప్రాజెక్టు పట్టిసీమకు ప్రాధాన్యం ఇస్తారా? ఇదేనా మీ చిత్తశుద్ధి? సీమకు నీళ్లు ఇచ్చే పద్ధతి ఇదేనా? సమగ్రంగా నీళ్లు ఇవ్వాలన్నదే మా పార్టీ విధానం’’ అని చెప్పారు. ప్రాజెక్టుల కోసం బస్సు యాత్ర చేసింది కూడా తమ పార్టీయేనన్నారు.
  
 టీడీపీకి తోకపార్టీ : నెహ్రూ ఓ దశలో బీజేపీని టీడీపీకి తోకపార్టీ అన్నందుకు ఆ పార్టీ శాసనసభ్యులు ఏ.సత్యనారాయణ, విష్ణుకుమార్ రాజు అభ్యంతరం తెలిపారు. నెహ్రూ తన వ్యాఖ్యలను వెనక్కు తీసుకోవాలని డిమాండ్ చేశారు. చంద్రబాబు సైతం ఈ వ్యాఖ్యపై అభ్యంతరం తెలిపారు. పట్టిసీమ విధాన ప్రకటనపై జరిగిన చర్చలో మంత్రులు అచ్చన్నాయుడు, దేవినేని ఉమ, గోరంట్ల బుచ్చయ్య చౌదరి, ఆకుల సత్యనారాయణ తదితరులు మాట్లాడారు. నెహ్రూ మాట్లాడుతున్నంతసేపూ అధికార పక్ష సభ్యులు అడ్డుతగులుతూనే వచ్చారు.


 హైదరాబాద్: ఆంధ్రప్రదేశ్ అసెంబ్లీ సమావేశాల్లో మూడోరోజు బుధవారం అధికార టీడీపీ, ప్రతిపక్ష వైఎస్ఆర్ సీపీ సభ్యుల మధ్య ప్రాజెక్టులపై వాడివేడి చర్చసాగింది. ముఖ్యంగా పట్టిసీమ ప్రాజెక్టుపై అధికార, విపక్షాల మధ్య వాగ్వాదం జరిగింది. వైఎస్ఆర్ సీపీ శాసనసభ పక్షం ఉపనేత జ్యోతుల నెహ్రూ ప్రభుత్వ వైఫల్యాలను ఎండగట్టగా, అధికార పార్టీ సభ్యులు ఎదురుదాడికి దిగారు. దివంగత మహానేత వైఎస్ఆర్పై ఆరోపణలు చేశారు. దీనిపై వైఎస్ఆర్ సీపీ సభ్యులు అభ్యంతరం వ్యక్తం చేశారు.
 
 పూర్తికాకుండానే పట్టిసీమ ప్రాజెక్టును జాతికి ఎలా అంకితమిస్తారని వైఎస్ఆర్ సీపీ శాసనసభ పక్షం ఉపనేత జ్యోతుల నెహ్రూ ప్రభుత్వాన్ని ప్రశ్నించారు. ఇది కేవలం ధనార్జన కోసం చేపట్టిన ప్రాజెక్టు అని విమర్శించారు.  ఏపీ ముఖ్యమంత్రి చంద్రబాబు నాయుడు రాయలసీమ ప్రజలను మోసం చేస్తున్నారని దుయ్యబట్టారు. పోలవరం ప్రాజెక్టు ద్వారా రాయలసీమకు నీళ్లు అందించి శాశ్వత పరిష్కారం చూపించాలని డిమాండ్ చేశారు. పట్టిసీమపై వాస్తవాలు చెప్పాలని, రాయలసీమ ప్రజలను మభ్యపెట్టరాదని హితువు పలికారు. ప్రాజెక్టుల నిర్మాణం కోసం వైఎస్ఆర్ తపించారని, చంద్రబాబుకు చిత్తుశుద్ధిలేదని జ్యోతుల నెహ్రూ విమర్శించారు.
 
 పట్టిసీమ ప్రాజెక్టు అన్నది దశల వారీ పూర్తి అవుతుందని మంత్రి చెప్పారు.. చెబుతూనే ఉన్నారు. పట్టిసీమ పూర్తి కాకుండానే పట్టిసీమ ఎత్తిపోతల పథకాన్ని జాతికి ఎలా అంకితం చేశారో చెప్పాలని ఈ సందర్భంగా డిమాండ్ చేశారు. అని దానికి సంబంధించిన పత్రాలను అసెంబ్లీలో చూపిస్తూ.. ప్రజాస్వామ్యానికి చిత్తశుద్ధి లేదని చెప్పడానికి పట్టిసీమే నిదర్శనమని ఎద్దేవా చేశారు.
 
 'రాయలసీమ ప్రజలను మోసం చేయాలని చూస్తున్నారు. ఆగస్టు 15 కల్లా కృష్ణానదిలోకి నీరు వదులుతామని చెప్పారు. ఇప్పటికీ కాలేదు. రూ.450 కోట్లు ఇస్తే రాయలసీమ ప్రాజెక్టులు పూర్తి అవుతాయి. పట్టిసీమ ద్వారా నీళ్ల తరలింపు దుర్మార్గం. సాంకేతిక పరిజ్ఞానం మన దగ్గర ఉన్నా కూడా ఎందుకు వినియోగించలేదు' అని ప్రశ్నించారు.
 
 చర్చలో పాల్గొన్న చంద్రబాబు వైఎస్ఆర్ సీపీ నాయకులపై అసహనం వ్యక్తం చేశారు.  చంద్రబాబు ఎదురుదాడి చేస్తూ దివంగత ముఖ్యమంత్రి వైఎస్ఆర్పై ఆరోపణలు చేశారు. దీనిపై వైఎస్ఆర్ సీపీ సభ్యులు అభ్యంతరం వ్యక్తం చేశారు. ఓ దశలో అధికార పార్టీ సభ్యుల అరుపులు, కేకలతో సభలో గందరగోళ పరిస్థితి ఏర్పడింది. మధ్యాహ్నం తర్వాత సభ రేపటికి వాయిదాపడింది.


 హైదరాబాద్: దివంగత ముఖ్యమంత్రి వైఎస్ఆర్ ఎన్నో ప్రాజెక్టులు ప్రారంభించారని  వైఎస్ఆర్ సీపీ శాసనసభ పక్షం ఉపనేత జ్యోతుల నెహ్రూ అన్నారు. ఆంధ్రప్రదేశ్ అసెంబ్లీలో బుధవారం ప్రాజెక్టులపై చర్చలో నెహ్రూ మాట్లాడుతూ.. ప్రాజెక్టుల నిర్మాణం కోసం వైఎస్ఆర్ తపించారని చెప్పారు.
 
 కరువు ప్రాంతమైన రాయలసీమకు నీళ్లు అందించేందుకు వైఎస్ఆర్ ఎంతో కృషిచేశారని నెహ్రూ అన్నారు. ఏపీ ముఖ్యమంత్రి చంద్రబాబు నాయుడు రాయలసీమ ప్రజలను మోసం చేస్తున్నారని దుయ్యబట్టారు. రాయలసీమకు నీళ్లు ఇవ్వాలంటూ వైఎస్ఆర్ బస్సు యాత్ర చేపట్టారని గుర్తు చేశారు. టీడీపీ ప్రభుత్వం పులివెందులకు 2 టీఎంసీలు ఇచ్చామంటున్నారని, ఈ నీళ్లు ఎక్కడి నుంచి ఇచ్చారని, వైఎస్ఆర్ చేసిన కృషి వల్లే నీళ్లు ఇవ్వగలిగారని నెహ్రూ పేర్కొన్నారు. పోలవరం ప్రాజెక్టు ద్వారా రాయలసీమకు నీళ్లు అందించి శాశ్వత పరిష్కారం చూపించాలని డిమాండ్ చేశారు. పట్టిసీమపై వాస్తవాలు చెప్పాలని, రాయలసీమ ప్రజలను మభ్యపెట్టరాదని హితువు పలికారు. ఈ సమయంలో అధికార పార్టీ సభ్యుల అరుపులు, కేకలతో సభలో గందరగోళ పరిస్థితి ఏర్పడింది.   వైఎస్ఆర్ సీపీ నాయకులపై చంద్రబాబు ఎదురుదాడి చేశారు. దివంగత ముఖ్యమంత్రి వైఎస్ఆర్పై ఆరోపణలు చేశారు. దీనిపై వైఎస్ఆర్ సీపీ సభ్యులు అభ్యంతరం వ్యక్తం చేశారు.


 హైదరాబాద్: అసెంబ్లీ లాబీలో ఉన్న దివంగత ముఖ్యమంత్రి వైఎస్ రాజశేఖర రెడ్డి ఫోటోను ఎవరికీ చెప్పకుండా తొలగించడాన్ని తీవ్రంగా నిరసిస్తున్నామని వైఎస్సార్ కాంగ్రెస్ పార్టీ నాయకుడు జ్యోతుల నెహ్రూ అన్నారు. బుధవారం ఆయన శాసనసభలో మాట్లాడుతూ... మానవతావాదిగా గుర్తింపు పొందిన వైఎస్సార్ ఫోటోను తొలగించడం దారుణమన్నారు.
 
 ఆయన ఫోటోను యధాస్థానంలో పెట్టాలని డిమాండ్ చేశారు. మహానేత చేపట్టిన ప్రాజెక్టులు పూర్తయితే కరువు కోరల నుంచి రాష్ట్రం బయట పడుతుందన్నారు. కరువు పరిస్థితులపై అసెంబ్లీలో వాయిదా తీర్మానం ఇవ్వాల్సిన అవసరం ఉందని పేర్కొన్నారు. కరువు, తాగునీటి సమస్య, ఆత్మహత్యలపై చర్చించేందుకు వైఎస్సార్ సీపీ నేడు వాయిదా తీర్మానం ఇచ్చింది.


 హైదరాబాద్: బీఏసీ సమావేశంలో తమ ఎజెండాను స్పష్టంగా చెప్పామని వైఎస్సార్ సీపీ నాయకుడు జ్యోతుల నెహ్రూ తెలిపారు. అసెంబ్లీ సమావేశాలు 15 రోజుల పాటు నిర్వహించాలని ప్రభుత్వాన్ని కోరామని వెల్లడించారు. సోమవారం ఆయన అసెంబ్లీలో మాట్లాడుతూ... కనీసం మూడు రోజులైనా పెంచాలని కోరినా ప్రభుత్వం ఒప్పుకోలేదన్నారు.
 
 ప్రత్యేక హోదా అంశాన్ని వెంటనే చర్చకు చేపట్టాలని ఆయన డిమాండ్ చేశారు. నిత్యావసర ధరల పెరుగుదలతో పాటు పలు ప్రజాసమస్యలపై చర్చించాలంటే కనీసం 15 రోజుల పాటు అసెంబ్లీ సమావేశాలు నిర్వహించాలన్నారు. దురాలోచనతో తాము ప్రభుత్వాన్ని ఇబ్బంది పెట్టడం లేదని స్పష్టం చేశారు.


 రాజమండ్రి : రాజమండ్రి నగరంలో వైఎస్ఆర్ సీపీ నేతల అరెస్ట్పై ఆ పార్టీ శాసనసభ ఉప నేత జ్యోతుల నెహ్రు మండిపడ్డారు.  శనివారం తూర్పు గోదావరి జిల్లా రాజమండ్రిలో జ్యోతుల నెహ్రు మాట్లాడుతూ... ప్రత్యేక హోదా కోసం వైఎస్ఆర్ సీపీ నేతల చేపట్టిన బంద్ నేపథ్యంలో ఆ పార్టీ నేతలను అరెస్ట్ చేయడాన్ని ఆయన ఖండించారు. ఈ అరెస్టులపై న్యాయ విచారణ జరపాలని ఆయన ప్రభుత్వాన్ని డిమాండ్ చేశారు. బంద్ విజయవంతం అయిందనే దురుద్దేశంతో సర్కార్ అణిచివేత ధోరణి అవలంభిస్తోందని ఆరోపించారు. వైఎస్ఆర్ సీపీ నేతలు, కార్యకర్తలను ఇబ్బందిం పెడితే ఊరుకోమని జ్యోతుల నెహ్రు స్పష్టం చేశారు.
 విభజన నేపథ్యంలో ఆంధ్రప్రదేశ్ రాష్ట్రానికి ప్రత్యేక హోదా ఇవ్వడంపై కేంద్రం నిమ్మకు నీరెత్తినట్లు వ్యవహరిస్తుంది. ఈ నేపథ్యంలో రాష్ట్రానికి ప్రత్యేక హోదా ఇవ్వాలని వైఎస్ఆర్ సీపీ అధ్యక్షుడు వైఎస్ జగన్ మోహన్ రెడ్డి పలుమార్లు ప్రధాని మోదీని కలసి విజ్ఞప్తి చేశారు. అయినా కేంద్రం మాత్రం ఈ విషయాన్ని పట్టించుకోవడం లేదు. దాంతో వైఎస్ఆర్ కాంగ్రెస్ పార్టీ ఆగస్టు 29వ తేదీన బంద్కు పిలుపునిచ్చిన సంగతి తెలిసిందే. దాంతో బంద్ నిర్వహిస్తున్న ఆ పార్టీ నేతలను ఎక్కడికక్కడ అరెస్ట్ చేస్తున్నారు. ఈ నేపథ్యంలో జ్యోతుల నెహ్రుపై విధంగా స్పందించారు.


 కాకినాడ: ఆంధ్రప్రదేశ్కు ప్రత్యేక హోదా కోసం వైఎస్ఆర్ సీపీ చేపట్టనున్న బంద్ కు వామపక్షాలు మద్ధతు పలకడం సంతోషంగా ఉందని ఆ పార్టీ సీనియర్ నేత జ్యోతుల నెహ్రూ అన్నారు.గురువారం పట్టణంలోని మీడియాతో ఆయన మాట్లాడారు. రాష్ట్ర ముఖ్యమంత్రి చంద్రబాబు నాయుడు ఈ బంద్ను నిర్వీర్యం చేసేందుకు తనవంతు ప్రయత్నం చేస్తున్నారని ఆయన ఆరోపించారు. ప్రత్యేక హోదా సంజీవని కాకపోతే ఎన్నికల ముందు చంద్రబాబు ఎందుకు హామీ ఇచ్చినట్లు అని ఆయన ప్రశ్నించారు. మోసపూరిత విధానంతో వచ్చిన అధికారాన్ని కాపాడుకోవడం కోసం బాబు రాష్ట్ర ప్రజలను మోసం చేస్తున్నారని ఆయన ఆగ్రహం వ్యక్తం చేశారు.


 హైదరాబాద్: అసెంబ్లీ లాంజ్లో దివంగత ముఖ్యమంత్రి వైఎస్ఆర్ ఫొటోతో సహా మిగిలినవారి ఫొటోలు కూడా తిరిగి ఆయా స్థానాల్లో ఏర్పాటు చేయాలని వైఎస్ఆర్ సీఎల్పీ ఉపనేత జ్యోతుల నెహ్రు ప్రభుత్వాన్ని డిమాండ్ చేశారు. ఈ అంశంపై శుక్రవారం వైఎస్ఆర్ సీపీ ఎమ్మెల్యేలు... స్పీకర్ కోడెల శివప్రసాద్రావుతో సమావేశమైయ్యారు. అనంతరం జ్యోతుల నెహ్రు విలేకర్లతో మాట్లాడుతూ... దీనిపై త్వరలోనే ఓ నిర్ణయం తీసుకుంటామన్న స్పీకర్ సమాధానంతో తమకు అసంతృప్తితో ఉన్నట్లు చెప్పారు. 
 అసెంబ్లీ ఆధునీకరణ పనులు జరుగుతున్నందునే ఆ ఫొటోలన్నీ పక్కన పెట్టామని స్పీకర్ చెప్పారు. అయితే ఎప్పట్లోగా తిరిగి ఆ ఫొటోలు ఏర్పాటు చేస్తారని తాము అడిగిన ప్రశ్నకు స్పీకర్ దాటవేత ధోరణితో వ్యవహరించారని జ్యోతుల నెహ్రు ఆరోపించారు. అసెంబ్లీ సమావేశాల్లో ప్రజాసమస్యలను పక్కదోవపట్టించేందుకు టీడీపీ రాజకీయ ఎత్తుగడను అనుసరించిందని విమర్శించారు. ప్రజాసమస్యలపై తెలుగుదేశం పలాయనం చిత్తగించేలా వ్యవహరిస్తోందన్నారు. ప్రభుత్వ చీఫ్ విప్ కాల్వ శ్రీనివాసులు తన స్థాయి దిగజారి వ్యవహరిస్తున్నారని జ్యోతుల నెహ్రు అన్నారు.


 హైదరాబాద్: ఏపీ ఎమ్మెల్యేలను 3 రోజుల పాటు పర్యటనలకు తీసుకెళ్లాలన్న స్పీకర్ నిర్ణయాన్ని వ్యతిరేకిస్తున్నామని వైఎస్సార్ సీపీ నేత జ్యోతుల నెహ్రూ తెలిపారు. ఈ యాత్రకు వెళ్లకూడదని తమ పార్టీ ఎమ్మెల్యేలంతా నిర్ణయించారని చెప్పారు. శుక్రవారం ఆయన విలేకరులతో మాట్లాడుతూ... రాష్ట్ర పరిస్థితులు బాలేదని చెబుతూనే ఇలా విహారయాత్రలకు వెళ్లడం ఎంతవరకు సమంజసమని ప్రశ్నించారు.
 
 అసెంబ్లీ వర్షాకాల సమావేశాలు కేవలం 5 రోజుల్లో ముగించాలన్న నిర్ణయానికి తాము వ్యతిరేకమన్నారు. కనీసం 20 రోజులైన సమావేశాలు నిర్వహించాలని డిమాండ్ చేశారు. అనేక ప్రజా సమస్యలపై ప్రజా సమస్యలపై అసెంబ్లీలో చర్చించాల్సిన అవసరముందని తెలిపారు. ప్రజా సమస్యలపై తన వైఖరిని అసెంబ్లీలో వెల్లడించాల్సిన బాధ్యత ప్రభుత్వంపై ఉందన్నారు.


 హైదరాబాద్: ఆంధ్రప్రదేశ్ సీఎం చంద్రబాబునాయుడుది కోతల ప్రభుత్వమే కానీ చేతల ప్రభుత్వం కాదని వైఎస్ఆర్సీపీ ఎమ్మెల్యే, శాసనసభ పక్ష ఉపనేత జ్యోతుల నెహ్రు, ఎమ్మెల్సీ పిల్లి సుభాష్ చంద్రబోస్ మండిపడ్డారు. 10 లక్షల మందికి పింఛన్లు ఎగనామం పెట్టిన ప్రభుత్వం, 16 లక్షల మందికి రేషన్ కార్డుల్లో కోత విధించిందన్నారు.
 హుద్ హుద్ తుపాను వల్ల లక్షలాది ఇళ్లు నేలమట్టం అయినా కొత్తవి మంజూరు చేసింది కేవలం వేలల్లో మాత్రమే అని తెలిపారు. రైతు ఆత్మహత్యలకు చంద్రబాబే పూర్తి బాధ్యత వహించాలన్నారు. రైతుల ఆత్మహత్యలను సుప్రీం కోర్టు, హైకోర్టు సుమోటోగా స్వీకరించాలని విజ్ఞప్తి చేశారు.


 రాజమండ్రి: ఆంధ్రప్రదేశ్ రాష్ట్రంలో గోదావరి పుష్కరాలు మొదలైన తొలిరోజే తొక్కిసలాట జరిగిన సంగతి తెలిసిందే. అయితే ఈ తొక్కిసలాట ఘటనను మరిపించేందుకు అభినందన సభలు ఏర్పాటు చేయడంపై వైఎస్ఆర్ కాంగ్రెస్ పార్టీ ఎమ్మెల్యే జ్యోతుల నెహ్రు మండిపడ్డారు.
 
 ఆదివారం ఆయన విలేకరులతో మాట్లాడుతూ.. పుష్కరాలు విజయవంతం అయ్యాయని ఎలా చెబుతారని సూటిగా ప్రశ్నించారు. ఈ ఘటనపై సుప్రీంకోర్టు జడ్జితో విచారణ జరిపించాలని జ్యోతుల నెహ్రు డిమాండ్ చేశారు.


 రాజమండ్రి: గోదావరి పుష్కరాల సందర్భంగా ఆంధ్రప్రదేశ్ ప్రభుత్వం చేసిన ఏర్పాట్లపై వైఎస్ఆర్ సీపీ ఎమ్మెల్యే జ్యోతుల నెహ్రూ విమర్శించారు. ఏపీ ప్రభుత్వ తీరుతో పుష్కరాలకు వస్తున్న భక్తులు ఇబ్బంది పడుతున్నారని చెప్పారు.
 
 శుక్రవారం రాజమండ్రిలో జ్యోతుల నెహ్రూ విలేకరులతో మాట్లాడారు. పుష్కరాల్లో ఆధ్యాత్మిక ప్రవచనాలు వినిపించడం లేదని, అంతా చంద్రజపంగా మారిందని ఆరోపించారు.


 రాజమండ్రి: గోదావరి పుష్కరాల్లో భక్తులపై పోలీసులు అతి ఉత్సాహం ప్రదర్శిస్తున్నారని వైఎస్ఆర్ కాంగ్రెస్ పార్టీ ఎమ్మెల్యే జ్యోతుల నెహ్రు ఆరోపించారు. శుక్రవారం రాజమండ్రిలో జ్యోతుల నెహ్రు కుటుంబ సభ్యులతో కలసి పుష్కర స్నానం ఆచరించారు. అనంతరం జ్యోతుల నెహ్రు విలేకర్లతో మాట్లాడారు. పుష్కరాలలో అధికారుల వైఖరిపై మండిపడ్డారు. అధికారులు పనితీరు చేతులు కాలాక ఆకులు పట్టుకున్న చందంగా ఉందని విమర్శించారు.
 ప్రస్తుతం అధికారులు చేపడుతున్న చర్యలు పుష్కరాల ప్రారంభ సమయంలో కూడా తీసుకుని ఉంటే అంతటి ఘోరం జరిగేది కాదన్నారు.పుష్కరాల్లో ఆంధ్రప్రదేశ్ ముఖ్యమంత్రి చంద్రబాబు తన ముద్ర వేసుకోవడానికి యత్నించి విఫలమయ్యారని జ్యోతుల నెహ్రు ఈ సందర్భంగా ఎద్దేవా చేశారు. గోదావరి పుష్కరాల ప్రారంభం సందర్భంగా తూర్పు గోదావరి జిల్లా రాజమండ్రి నగరంలోని కోటగుమ్మం పుష్కర ఘాట్ వద్ద భక్తుల తొక్కిసలాట జరిగింది. ఈ ఘటనలో 27 మంది మరణించిన సంగతి తెలిసిందే.   


 రాజమండ్రి: గోదావరి పుష్కర యాత్రికుల కోసం వైఎస్ రాజశేఖర్ రెడ్డి ఫౌండేషన్ ఉచిత సేవలు అందిస్తోంది. ఇందులో భాగంగా పాలు, తాగునీరు, వైద్య సేవలు అందిస్తున్నారు. రాజమండ్రి నగరంలో పలు చోట్ల ఫౌండేషన్ శిబిరాలు ఏర్పాటు చేశారు. సహాయ శిబిరాల్లో ప్రత్యేకంగా యాత్రికుల కోసం లాకర్లను అందుబాటులో ఉంచారు. సహాయ శిబిరాలను వైఎస్సార్సీపీ ఎమ్మెల్యే జ్యోతుల నెహ్రూ, ఎమ్మెల్సీ ఆదిరెడ్డి సందర్శించారు.


 వైఎస్సార్‌సీపీ జిల్లా అధ్యక్షుడు జ్యోతుల నెహ్రూ
  కిర్లంపూడి :పుష్కరాల ప్రారంభం సందర్భంగా రాజమండ్రి పుష్కర ఘాట్‌లో జరిగిన తొక్కిసలాట మరణాలకు బాధ్యత వహిస్తూ చంద్రబాబునాయుడు ముఖ్యమంత్రి పదవికి రాజీనామా చేయాలని వైఎస్సార్‌సీపీ శాసనసభాపక్ష ఉపనేత, జిల్లా అధ్యక్షుడు జ్యోతుల నెహ్రూ డిమాండ్ చేశారు. ఏ మాత్రం నైతిక విలువలున్నా ఆయన తక్షణమే పదవి నుంచి తప్పుకోవాలన్నారు. కిర్లంపూడి మదీనా జామియా మసీదులో పార్టీ నాయకులు తూము కుమార్, కుర్ల చినబాబు ఆధ్వర్యంలో బుధవారం రాత్రి జరిగిన ఇఫ్తార్ విందులో జ్యోతుల ముఖ్య అతిథిగా పాల్గొని, ప్రత్యేక ప్రార్థనలు చేశారు.
  
  ముస్లింలకు రంజాన్ శుభాకాంక్షలు తెలిపారు. రంజాన్ మాసం ముస్లింలకు ఎంతో పవిత్రమైన నెల అని, నియమనిష్టలతో వారు ఉపవాస దీక్షలు చేయడం అభినందనీయమని అన్నారు. గోదావరి పుష్కరాల్లో అమాయక భక్తులు ప్రాణాలు కోల్పోడానికి ముఖ్యమంత్రి చంద్రబాబే ప్రధాన కారణమని అన్నారు. ప్రపంచంలో తన ఇమేజ్‌ను కాపాడుకోవడం కోసం చేసిన ప్రయత్నంలో ఆయన చేసిన తప్పిదంవల్లే తొక్కిసలాట చోటు చేసుకుందన్నారు. గవర్నర్‌కు ఉన్న విస్తృత అధికారాలను ఉపయోగించి గాడి తప్పిన ప్రభుత్వాన్ని పక్కనపెట్టి, పుష్కర పర్యవేక్షణ బాధ్యతను అధికారులకు అప్పగించాలని, పుష్కరాలకు వచ్చిన భక్తుల మనోభావాలు దెబ్బతినకుండా పుష్కరాలను విజయవంతం చేయాలని జ్యోతుల డిమాండ్ చేశారు.
  
   ఈ కార్యక్రమంలో జెడ్పీ ప్రతిపక్ష నేత జ్యోతుల నవీన్‌కుమార్, జెడ్పీటీసీ సభ్యుడు వీరంరెడ్డి కాశింబాబు, వైఎస్సార్‌సీపీ బీసీ విభాగం కార్యదర్శి కర్రి సూర్యనారాయణమూర్తి(దత్తుడు), జిల్లా సంయుక్త కార్యదర్శి జంపన సీతారామచంద్రవర్మ, మాజీ జెడ్పీటీసీ సభ్యుడు తూము చినబాబు, కంచుమర్తి రాఘవ, భూపాలపట్నం ప్రసాద్, గౌతు చిన్న, గుడాల రాంబాబు, కాల దొంగబాబు, నీలం శ్రీను తదితరులు పాల్గొన్నారు.
  


 రాజమండ్రి:టీడీపీ ప్రభుత్వ అక్రమాలపై నిలదీస్తే ఎమ్మెల్యేలపై కేసులు పెడుతున్నారని వైఎస్ఆర్ సీఎల్పీ ఉపనాయకుడు జ్యోతుల నెహ్రూ విమర్శించారు. దీనిలో భాగంగానే తమ పార్టీ ఎమ్మెల్యే భూమా నాగిరెడ్డిని అరెస్టు చేశారన్నారు.
  
 భూమాకు ఏమి జరిగినా ముఖ్యమంత్రి చంద్రబాబు నాయుడే బాధ్యత వహించాలన్నారు. చంద్రబాబు చేతిలో డీజీపీ రాముడు కీలుబొమ్మగా మారిపోయారని జ్యోతుల ఎద్దేవా చేశారు.


 వాయుగుండం, రోడ్డు ప్రమాదాల్లో మృతుల కుటుంబాలకు పరామర్శ
 కాకినాడ: వైఎస్సార్ కాంగ్రెస్ పార్టీ అధ్యక్షుడు, ప్రతిపక్షనేత వైఎస్ జగన్‌మోహన్‌రెడ్డి జూలై 2, 3 తేదీల్లో తూర్పు, విశాఖ జిల్లాల్లో పర్యటిస్తారని పార్టీ తూర్పు గోదావరి జిల్లా అధ్యక్షుడు, శాసనసభాపక్ష ఉపనేత జ్యోతుల నెహ్రూ చెప్పారు. సోమవారం కాకినాడలో ఆయన విలేకరుల సమావేశంలో మాట్లాడుతూ.. వైఎస్ జగన్ రెండున రాజమండ్రి చేరుకుని అక్కడి నుంచి రంపచోడవరం నియోజకవర్గంలోని సూరంపాలెం వెళ్లి ఇటీవల రోడ్డు ప్రమాదంలో మృతి చెందిన ఆ ప్రాంతవాసుల కుటుంబాలను పరామర్శిస్తారన్నారు.
 
 అనంతరం ఇటీవల వాయుగుండం కారణంగా మరణించిన మత్స్యకార కుటుంబాలను పరామర్శించేందుకు కాకినాడ, కాకినాడరూరల్ నియోజకవర్గాల్లో పర్యటిస్తారన్నారు. రాత్రికి కాకినాడలో బస చేసి 3వ తేదీ ఉదయం తుని నియోజకవర్గంలోని పెరుమాళ్లపురం వెళ్లి బాధిత మత్స్యకారులను, అక్కడి నుంచి విశాఖ జిల్లా యలమంచిలి నియోజకవర్గంలోని అచ్యుతాపురం వెళ్లి ధవళేశ్వరం వద్ద తూఫాన్ వ్యాన్ గోదావరిలో పడి మృతి చెందిన వారి బంధువులను పరామర్శిస్తారన్నారు. విలేకరుల సమావేశంలో మాజీ ఎమ్మెల్యే ద్వారంపూడి చంద్రశేఖరరెడ్డి, జెడ్పీ మాజీ చైర్మన్ చెల్లుబోయిన వేణు తదితరులు పాల్గొన్నారు.


 కాకినాడ: ఆంధ్రప్రదేశ్ ఉప ముఖ్యమంత్రి నిమకాయల చినరాజప్పపై వైఎస్ఆర్ సీఎల్పీ ఉపనాయకుడు జ్యోతుల నెహ్రూ మండిపడ్డారు. వైఎస్ఆర్ సీపీ అధ్యక్షుడు వైఎస్ జగన్ మోహన్ రెడ్డి రాష్ట్రాభివృద్దిని అడ్డుకుంటున్నారంటూ చినరాజప్ప వ్యాఖ్యానించడం సరికాదని జ్యోతుల నెహ్రూ విమర్శించారు.
 
 ప్రభుత్వం అవలంభిస్తున్న ప్రజా వ్యతిరేక విధానాలను మాత్రమే వైఎస్ జగన్ అడ్డుకుంటున్నారని జ్యోతుల నెహ్రూ అన్నారు. ఓటుకు కోట్లు వంటి టీడీపీ నీచ సంస్కృతిని వైఎస్ జగన్ వ్యతిరేకిస్తున్నారని చెప్పారు.


 కాకినాడ: ఓటుకు కోట్లు కేసు నుంచి బయటపడడం గురించి ఆలోచిస్తూ రాష్ట్రంలో పాలనను ఏపీ సీఎం చంద్రబాబు గాలికి వదిలేశారని వైఎస్సార్ సీపీ నాయకుడు జ్యోతుల నెహ్రూ విమర్శించారు. ఖరీఫ్ ప్రారంభమైనా రైతుల గురించి చంద్రబాబు పట్టించుకోవడం లేదని ఆవేదన వ్యక్తం చేశారు. కేంద్రం పెంచిన మద్దతుధరకు అదనంగా రూ.200 కలిపి ఏపీ సర్కారు ఇవ్వాలని డిమాండ్ చేశారు.
 
 మత్స్య సంపద ద్వారా కోట్లాది రూపాయలు ఆర్జిస్తున్న ప్రభుత్వం... మత్స్యకారులు చనిపోతే రూ. 4 లక్షల పరిహారం మాత్రమే ఇవ్వడం సరికాదన్నారు. హుద్ హుద్ తుపాను కారణంగా చనిపోయిన వారికి రూ. 5 లక్షల చొప్పున ఇచ్చిన ప్రభుత్వం ఇప్పుడు మత్స్యకారులు చనిపోతే రూ. లక్ష కోత ఎందుకు పెట్టిందని జ్యోతుల ప్రశ్నించారు.


 హైదరాబాద్: తెలంగాణలో రేవంత్ రెడ్డి వ్యవహారం లాగానే ఏపీ స్థానిక సంస్థల ఎమ్మెల్సీ ఎన్నికల్లోనూ సీఎం చంద్రబాబు అక్రమాలకు పాల్పడుతున్నారని వైఎస్సార్ కాంగ్రెస్ పార్టీ నాయకుడు జ్యోతుల నెహ్రూ ఆరోపించారు. పట్టిసీమ వంటి ప్రాజెక్టు ద్వారా వచ్చిన అవినీతి సొమ్ముతో అక్రమాలు చేస్తున్నారని ధ్వజమెత్తారు. ఎన్నికల ప్రధానాధికారి భన్వల్ లాల్ ను కలిసిన తర్వాత ఆయన విలేకరులతో మాట్లాడారు.
 
 సంతలో పశువులను కొన్నట్టుగా ఎంపీటీసీలను టీడీపీ కొనుగోలు చేస్తోందని ఆరోపించారు. బలం లేకపోయినా కర్నూలు, ప్రకాశం జిల్లా స్థానిక సంస్థల ఎమ్మెల్సీ ఎన్నికల్లో టీడీపీ ఎందుకు పోటీకి దిగిందని ప్రశ్నించారు. 30 మంది వైఎస్సార్ సీపీ ఎంపీటీసీలను భయపెట్టి, ప్రలోభపెట్టి క్యాంప్ కు తీసుకెళ్లారని అన్నారు. దీనిపై కేంద్ర ఎన్నికల సంఘానికి ఫిర్యాదు చేస్తామని, న్యాయపోరాటం కొనసాగిస్తామని జ్యోతుల నెహ్రూ తెలిపారు.


 హైదరాబాద్: ఓటుకు కోట్లు వ్యవహారం నుంచి బటయపడేందుకు దిక్కుమాలిన రాజకీయాలు చేయడానికి ఏపీ చంద్రబాబు వెనుకాడడం లేదని వైఎస్సార్ సీపీ నాయకుడు జ్యోతుల నెహ్రూ విమర్శించారు. ఫెడరల్ వ్యవస్థలో ఉన్నట్టుగా ఆయన వ్యవహరిస్తున్నారని ధ్వజమెత్తారు. ఓటుకు కోట్లు కేసులో ముద్దాయిగా ఉన్న మత్తయ్యను కాపాడేందుకు ఏపీ డీజీపీని గవర్నర్ వద్దకు పంపడం చూస్తుంటే ఎంతగా దిగజారిపోయారో అర్థమవుతోందని అన్నారు.
 
 ఈ కేసుతో ఏపీ ప్రభుత్వానికి సంబంధం ఏమిటని ఆయన ప్రశ్నించారు. ఇది తెలంగాణ ప్రభుత్వానికి, టీడీపీకి సంబంధించిన అంశమని పేర్కొన్నారు. ఒక తప్పు కప్పిపుచ్చుకోవడానికి తప్పుమీద తప్పు చేస్తున్నారని ఆరోపించారు. ప్రజలు వాస్తవాలు గ్రహించారని, అందుకే చంద్రబాబు మాటలు నమ్మడం లేదన్నారు.
 
 వైఎస్సార్ సీపీ కార్యాలయం సోమవారం ఆయన విలేకరులతో మాట్లాడారు. ఆదాయం పెంచుకునేందుకు రైతులపై భారం మోపాలని టీడీపీ సర్కారు భావిస్తోందని, ఇందులో భాగంగా నీటి తీరువా రెండింతలు చేసేందుకు ప్రయత్నిస్తోందని జ్యోతుల నెహ్రూ ఆరోపించారు. ఈ నిర్ణయం వ్యవసాయానికి గొడ్డలిపెట్టు అని వ్యాఖ్యానించారు.


 హైదరాబాద్ : ప్రజా ప్రతినిధుల సంఖ్యను బట్టి దామాషా పద్ధతిలో ఎమ్మెల్సీ స్థానాలను కేటాయిస్తే రాజకీయ బేరసారాలు ఆగిపోతాయని ఆంధ్రప్రదేశ్ ముఖ్యమంత్రి చంద్రబాబు నాయుడు తూర్పు గోదావరి జిల్లా పర్యటనలో చేసిన వ్యాఖ్యలకు కట్టుబడి వ్యవహరించాలని వైఎస్సార్ కాంగ్రెస్ శాసనసభాపక్ష ఉప నేత జ్యోతుల నెహ్రూ డిమాండ్ చేశారు. స్థానిక సంస్థల్లో టీడీపీకి బలం లేని జిల్లాల్లో కూడా పార్టీ అభ్యర్థులను ప్రకటించడం చూస్తే ఆంధ్రప్రదేశ్‌లో కూడా ఎందరు రేవంత్‌రెడ్డిలను ప్రజా ప్రతినిధుల కొనుగోలుకు పురమాయిస్తారోనని నెహ్రూ అనుమానం వ్యక్తం చేశారు. ఆయన శనివారం పార్టీ కేంద్ర కార్యాలయంలో జరిగిన విలేకరుల సమావేశంలో మాట్లాడుతూ.. చంద్రబాబు ధర్మోపన్యాసాలు వల్లిస్తే చాలదని ఆచరించి చూపాలన్నారు. ఆయా పార్టీలకు శాసనసభలో ఉన్న ఎమ్మెల్యేల సంఖ్యను బట్టి ఎమ్మెల్సీ పదవులను కేటాయించాలని చంద్రబాబు అన్నారని, ప్రస్తుతం స్థానిక సంస్థల నుంచి శాసనమండలికి జరుగబోతున్న ఎన్నికల్లో ఆయా పార్టీలకు బలం ఉన్న చోటే పోటీ చేద్దామని నెహ్రూ ఆయనకు విజ్ఞప్తి చేశారు.
 
 తమకు గాని, తమ పార్టీ అధ్యక్షుడికి గాని సంతలో పశువుల్లా ప్రజా ప్రతినిధులను కొనుగోలు చేయాలన్న ఆలోచన ఏమాత్రం లేదని ప్రజాస్వామ్యంపై నమ్మం, గౌరవం ఉన్న పార్టీగా తాము అందుకు కట్టుబడి ఉంటామన్నారు. మంచి సంప్రదాయాన్ని నెలకొల్పేందుకు బాబు ముందుకు వచ్చి టీడీపీకి బలం ఉన్న జిల్లాల్లోనే కౌన్సిల్ అభ్యర్థులను పోటీ చేయిస్తే మంచిదని పేర్కొన్నారు. ప్రస్తుత స్థానిక సంస్థల ఎమ్మెల్సీ ఎన్నికల్లో కృష్ణా, విశాఖ జిల్లాల్లో రెండు పదవులున్నా విడివిడిగా నోటిఫికేషన్ జారీ చేయడాన్ని నెహ్రూ తప్పు పడుతూ దీనిపై తాము న్యాయస్థానాలను ఆశ్రయించామన్నారు. ఒకే గ్రూప్‌గా నోటిఫికేషన్ వచ్చినట్లయితే టీడీపీ, వైఎస్సార్‌సీపీలకు చెరొక స్థానం వచ్చే పరిస్థితి ఉండేదని ఇపుడలా కాకుండా చేశారని ఆయన దుయ్యబట్టారు.


 కాకినాడ: జిల్లాలో స్థానిక సంస్థల కోటాలో జరిగే ఎమ్మెల్సీ స్థానానికి తమ పార్టీకి తగిన సంఖ్యాబలం లేనందునే  పోటీకి దూరంగా ఉంటున్నట్లు  వైఎస్సార్‌సీపీ డిప్యూటీ ఫ్లోర్ లీడర్  జ్యోతుల నెహ్రూ స్పష్టం చేశారు. టీడీపీ అధికార దాహం ఇంకా తీరడం లేదని.. బలం లేకున్నా కర్నూలు, ప్రకాశం జిల్లాల్లో పోటీ చేస్తుందని ఎద్దేవా చేశారు.  ఇది మంచి సంప్రదాయం కాదన్నారు.
  
 తెలుగుదేశం ఎమ్మెల్యే బొండా ఉమామహేశ్వరరావు రాజకీయాల్లో బుడ్డోడని ఒక ప్రశ్నకు సమాధానంగా చెప్పారు.పాలమూరు ప్రాజెక్టు విషయంలో తమ పార్టీ అధ్యక్షుడు వైఎస్ జగన్ మోహన్ రెడ్డిపై లేనిపోని ఆరోపణలు చేస్తున్నారని జ్యోతుల నెహ్రూ మండిపడ్డారు.


 విశాఖ/తూర్పుగోదావరి: ధవళేశ్వరం బ్యారేజీ వద్ద జరిగిన ప్రమాద ఘటనలో మృతుల కుటుంబాలకు 5 లక్షల రూపాయల ఎక్స్గ్రేషియా ప్రకటించాల్సిందిగా వైఎస్ఆర్సీపీ నేత బొత్స సత్యనారాయణ, వైఎస్సార్‌సీపీ ప్రధాన కార్యదర్శి ధర్మాన ప్రసాదరావు, ఆ పార్టీ శాసనసభా పక్ష ఉపనేత జ్యోతుల నెహ్రూ ఏపీ ప్రభుత్వాన్ని డిమాండ్ చేశారు.  శనివారం వారు మీడియాతో మాట్లాడారు. రోడ్డు భద్రతపై ప్రభుత్వం దృష్టి సారించాలని  వైఎస్ఆర్సీపీ నేతలు చెప్పారు. ఈ ప్రమాద ఘటనకు ప్రభుత్వ నిర్లక్ష్యమే కారణమని వారు మండిపడ్డారు.
 
 కాగా,  తూర్పు గోదావరి జిల్లాలోని ధవళేశ్వరం బ్యారేజీ వద్ద ఘోర ప్రమాదం జరిగిన విషయం తెలిసిందే. వేగంగా వెళ్తున్న క్రూజర్(తుఫాన్) వాహనం అదుపుతప్పి ధవళేశ్వరం బ్యారేజీపై నుంచి గోదావరి నదిలో బోల్తాపడింది. ఈ ఘటనలో 22 మంది దుర్మరణం చెందారు. మృతుల్లో 9మంది మహిళలు, ఆరుగురు చిన్నారులు ఉన్నారు.


 తూర్పుగోదావరి (గోకవరం): ఓటుకు  నోటు వ్యవహారాన్ని, రెండు తెలుగు రాష్ట్రాల మధ్య సమస్యగా చిత్రించేందుకు సీఎం చంద్రబాబు ప్రయత్నిస్తున్నారని వైఎస్సార్సీపీ శాసనసభాపక్ష ఉపనేత జ్యోతుల నెహ్రూ అన్నారు. తూర్పు గోదావరి జిల్లా గోకవరం మండలం రంపయర్రంపాలెంలో కల్తీ కల్లు మృతుల కుటుంబాలను ఆయన సోమవారం పరామర్శించారు. అనంతరం విలేకర్లతో మాట్లాడారు. ఇటీవల తెలంగాణ ఎమ్మెల్సీ ఎన్నికలకు ఎమ్మెల్యేలను కొనుగోలు చేసేందుకు చంద్రబాబు రూ.90 కోట్లు ఖర్చు పెట్టేందుకు సిద్ధపడి,  రాష్ట్రంలో బీద అరుపులు అరుస్తున్నారని ఎద్దేవా చేశారు.
 
 కోట్లు ఖర్చు పెట్టి ఎమ్మెల్యేలను బేరమాడడాన్ని ప్రజలందరూ ప్రత్యక్షంగా గమనించారనే విషయాన్ని చంద్రబాబు గుర్తుంచుకోవాలన్నారు. తాను చేసిందే నీతి అని పదేపదే చెప్పే చంద్రబాబు ఏం సమాధానం చెబుతారని ప్రశ్నించారు. ఇలాంటి కుటిల రాజకీయాలకు తెలుగు ప్రజలను బలి చేయవద్దని జ్యోతుల ఈ సందర్భంగా చంద్రబాబును కోరారు. రేవంత్‌రెడ్డి ఉదంతం తెలంగాణలో జరిగింది కాబట్టి టీడీపీ అధినేతగా చంద్రబాబు దీనికి బాధ్యత వహించాలని డిమాండ్ చేశారు. అంతే కానీ.. రేవంత్ విషయంలో ఆంధ్రప్రదేశ్ ప్రజానీకాన్ని రెచ్చగొట్టడం తగదని అన్నారు.


 * బలమున్న చోటే ఎమ్మెల్సీ స్థానాల్లో పోటీకి సిద్ధమా?: జ్యోతుల
 * అటెండర్‌తో జగన్‌కు ఆహ్వానమా
 సాక్షి, హైదరాబాద్: ప్రజాప్రతినిధుల సంఖ్యను బట్టి దామాషా పద్ధతిలో ఎమ్మెల్సీ స్థానాల్ని కేటాయిస్తే రాజకీయ బేరసారాలు ఆగిపోతాయంటూ చేసిన వ్యాఖ్యలకు సీఎం చంద్రబాబు కట్టుబడాలని వైఎస్సార్ కాంగ్రెస్ శాసనసభాపక్షం ఉప నేత జ్యోతుల నెహ్రూ డిమాండ్ చేశారు.
 
 పార్టీ కేంద్ర కార్యాలయంలో శనివారం విలేకరులతో మాట్లాడారు.  ఆయా పార్టీలకు శాసనసభలో ఉన్న ఎమ్మెల్యేల సంఖ్యను బట్టి ఎమ్మెల్సీ పదవులను కేటాయించాలని చంద్రబాబు అన్నారని, ఇందుకు అనుగుణంగానే స్థానిక సంస్థల నుంచి శాసనమండలికి జరగనున్న ఎన్నికల్లో బలమున్న చోటే పోటీ చేద్దామన్నారు.  స్థానిక సంస్థల్లో టీడీపీకి బలం లేని జిల్లాల్లో కూడా అభ్యర్థులను ప్రకటించారంటే ప్రజాప్రతినిధుల కొనుగోలుకు బాబు...ఎందరు రేవంత్‌రెడ్డిలను పురమాయిస్తారోనని అనుమానం వ్యక్తం చేశారు.
 
 ప్రస్తుత స్థానిక సంస్థల శాసనమండలి ఎన్నికల్లో కృష్ణా, విశాఖ జిల్లాల్లో రెండు పదవులున్నా విడివిడిగా నోటిఫికేషన్ జారీ చేయడాన్ని తప్పు పడుతూ దీనిపై న్యాయస్థానాలను ఆశ్రయించామన్నారు. చంద్రబాబు తనకు కేంద్రంలో ఉన్న పలుకుబడితో ఒక గ్రూపుగా ఎమ్మెల్సీ పదవులకు ఎన్నికల నోటిఫికేషన్ జారీ చేయడానికి బదులుగా విడివిడిగా చేయించారని విమర్శించారు.
  
 కుటుంబ వ్యవహారంలా భూమిపూజ  
 నవ్యాంధ్ర  రాజధాని భూమిపూజ కార్యక్రమం చంద్రబాబు కుటుంబ కార్యక్రమం మాదిరిగా సాగిందంటూ నెహ్రూ ఆగ్రహం వ్యక్తం చేశారు. దీనిని తీవ్రంగా ఖండిస్తున్నామన్నారు. వైఎస్సార్‌సీపీ ఉపనేతనైన తనకు ఆహ్వానమే రాలేదన్నారు. ప్రతిపక్ష నేత  జగన్‌మోహన్‌రెడ్డికి శుక్రవారం సాయంత్రం ఓ అటెండర్ వచ్చి ఆహ్వానం కార్డును అందజేయడం శోచనీయమన్నారు.
 
 కనీసం ప్రభుత్వ ప్రధాన కార్యదర్శితో గాని, లేదా సంబంధిత ప్రిన్సిపల్ కార్యదర్శితోనైనా ఫోన్ చేయించి ఉండాల్సిందన్నారు. రెండు రోజుల ముందే కార్డు పంపితే  జగన్ వస్తాడేమోననుకున్నారని, ఆయన్ను రాకుండా చేయడానికే చివరి నిమిషంలో పంపినట్లుందన్నారు.  ప్రభుత్వ వైఖరిపై తాను వ్యక్తిగతంగా శాసనసభాహక్కుల నోటీసు ఇస్తామన్నారు.
  


 హైదరాబాద్: ఆంధ్రప్రదేశ్ ముఖ్యమంత్రి నారా చంద్రబాబునాయుడు రాజధాని భూమిపూజను 'కుటుంబ ఫంక్షన్'గా మార్చేశారని వైఎస్సార్సీపీ డిప్యూటీ ఫ్లోర్ లీడర్ జ్యోతుల నెహ్రూ అన్నారు. శనివారం ఆయన మీడియాతో మాట్లాడారు. అసెంబ్లీలో డిప్యూటీ ఫ్లోర్ లీడర్ అయిన తనకు భూమిపూజ ఆహ్వానం రాలేదని మండిపడ్డారు. ఆ కార్యక్రమానికి ప్రతిపక్ష నాయకుడిని కూడా సీఎం కానీ, సీఎస్ కానీ ఆహ్వానించలేదు. దీన్ని బట్టి చంద్రబాబుది నీచ సంస్కృతి ఏంటో తెలుస్తుందన్నారు.
 
 శుక్రవారం సాయంత్రం చంద్రబాబు నాయుడు భూమిపూజ కార్యక్రమానికి అటెండర్తో కార్డు పంపించి చేతులు దులుపుకున్నారని ఆవేదన వ్యక్తం చేశారు. ఆ విషయంపై సభాహక్కుల ఉల్లంఘన నోటీసు కూడా ఇస్తామని జ్యోతుల ఈ సందర్భంగా తెలియజేశారు. సమైక్య ఉద్యమకారుల్ని కూడా భూమి పూజకు ఆహ్వానించకపోవడం దారుణమని జ్యోతుల మండిపడ్డారు.
 
 అదే విధంగా స్థానిక సంస్థల ఎమ్మెల్సీ ఎన్నికల గురించి కూడా జ్యోతుల మాట్లాడారు. బలం లేని చోట్ల చంద్రబాబు అభ్యర్థులను పోటీలో ఎందుకు నిలుపుతున్నట్లో సమాధానం చెప్పాలని డిమాండ్ చేశారు. ఆ ఎన్నికల్లో ఎంతమంది రేవంత్ రెడ్డిలను వదిలి ఓటర్లను కొనుగోలు చేయాలనుకుంటున్నారో చంద్రబాబు వెల్లడించాలన్నారు. రెండు స్థానాలే ఉన్నా విశాఖ, కృష్ణా జిల్లాల్లో వేర్వేరుగా నోటిఫికేషన్లు ఇప్పించటంపై చంద్రబాబు దురుద్దేశం మరోసారి బయట పడిందని జ్యోతుల నెహ్రూ అన్నారు.
 
 ఇదంగా గత సంప్రదాయాలకు విరుద్ధమని.. దీనిపై ఇప్పటికే కోర్టును కూడా ఆశ్రయించామని ఆయన అన్నారు. రేవంత్ రెడ్డి విషయంలో చంద్రబాబు నాయుడు నీతిమంతంగా మాట్లాడుతుండటం చాలా హాస్యాస్పదంగా ఉందని జ్యోతుల నెహ్రూ అన్నారు.


 రాజమండ్రి: రేవంత్రెడ్డి వ్యవహారంలో జోక్యం చేసుకోవాలని వైఎస్ఆర్ సీపీ ఎమ్మెల్యే, శాసనసభ పక్ష ఉప నేత జ్యోతుల నెహ్రు కేంద్ర ప్రభుత్వాన్ని డిమాండ్ చేశారు. మంగళవారం రాజమండ్రిలో జ్యోతుల నెహ్రు మాట్లాడారు. ఈ కేసులో ముఖ్యమంత్రి చంద్రబాబును ఏ 1 ముద్దాయిగా పెట్టాలన్నారు. ఈ వ్వవహారాన్ని అవసరమైతే సీబీఐకి అప్పగించాలని ప్రభుత్వానికి విజ్ఞప్తి చేశారు. రేవంత్రెడ్డి వ్యవహారంలో చంద్రబాబు ఇప్పటి వరకు ఎందుకు స్పందించడం లేదని ప్రశ్నించారు. ఈ వ్యవహారంపై వైఎస్ఆర్ సీపీ తరఫున పోరాటం చేస్తామన్నారు.  
  


 గుంటూరు(మంగళగిరి): ప్రజాస్వామ్యంపై ఏమాత్రం గౌరవమున్నా చంద్రబాబు సీఎం పదవికి రాజీనామా చేయాలని వైఎస్సార్‌సీపీ డిప్యూటీ ఫ్లోర్ లీడర్ జ్యోతుల నెహ్రూ అన్నారు. నీతి, నిజాయతీ ఉంటే చంద్రబాబు నాయుడు ముఖ్యమంత్రి పదవితో పాటు పార్టీ అధ్యక్ష పదవికి తక్షణం రాజీనామా చేసి రాజకీయాల నుంచి వైదొలగాలని ఆయన డిమాండ్ చేశారు. టిడిపి ఏడాదిపాలన వైఫల్యాలను ఎండ గట్టేందుకు వైఎస్సార్‌సీపీ అధినేత వైఎస్ జగన్ మోహన్‌రెడ్డి ఈనెల 3, 4 చేపట్టనున్న సమరదీక్ష స్థలంలో ఏర్పాట్లును నెహ్రూ సోమవారం పరిశీలించారు. అనంతరం మాట్లాడుతూ చంద్రబాబును దగ్గరగా చూసిన అనుభవం తనకుందని రాజకీయాల్లో ధన సంప్రదాయానికి తెరలేపిన మొదటి నాయకుడు చంద్రబాబు మాత్రమేనన్నారు.
 
 రాజకీయాల్లో తనకంటే నీతిమంతుడు లేడని ప్రగల్భాలు పలికే చంద్రబాబు తన పార్టీ శాసనసభ్యుడు చేత మరో సభ్యుడును కొనుగోలు చేయించే స్థాయికి చేరారంటే ఆపార్టీ నాయకులు ఇక నుంచైనా జగన్‌మోహన్‌రెడ్డి గురించి మాట్లాడే ముందు ఆలోచించుకోవాలన్నారు. ఇంత నీచ రాజకీయం ఆధారాలతో సహా బయటకు వచ్చాక కూడా తెలుగుదేశం నేతల బుకాయింపులు చేయడం వారి నికృష్ట రాజకీయాలకు పరాకాష్ట అని దుయ్యబట్టారు. ఏడాది కాలంలో ప్రజలకు ఏమి చేశారని విజయోత్సవసభలు, అసలు రాష్ట్ర నిర్మాణమే చేయకుండా దీక్షలెందుకని ప్రశ్నించారు. ప్రజాస్వామ్యంలో ప్రతిపక్షనేతగా ప్రభుత్వ వైఫల్యాలను ఎండగట్టి ప్రజలకు తెలియజేసి ప్రభుత్వంపై ఒత్తిడి తేవాల్సిన బాధ్యత తమపై వుంద ని అందుకే సమరధీక్ష చేస్తున్నామన్నారు. రాజధాని నిర్మాణం చేయలేరు.. ప్రజలకిచ్చిన వాగ్దానాలు అమలు చేయరు చేసేది దోపిడి మాత్రమేనన్నారు.. ఆ దోపిడీకి దోవలు వెదుకుతూ పరిపాలన సాగించడం తప్ప సంవత్సరకాలంలో ప్రజలకు చేసిందేమీలేదన్నారు. రాష్ట్రంలో పోలీస్ వాహనాలు 2500 కొనుగోలు చేస్తే ఒక్కో వాహనానికి చినబాబు రూ.లక్ష చొప్పున వసూలు చేశారని ఆరోపణలు వినిపిస్తున్నాయన్నారు.


 గుంటూరు/విజయవాడ: తెలంగాణ టీడీపీ ఎమ్మెల్యే రేవంత్ రెడ్డి అరెస్ట్ ఘటన రాజకీయాలకు గొడ్డలి పెట్టులాంటిదని వైఎస్సార్సీపీ ఎమ్మెల్యే జ్యోతుల నెహ్రు పేర్కొన్నారు. సోమవారం ఆయన మీడియాతో మాట్లాడారు. రేవంత్రెడ్డి వ్యవహారంలో ఆంధ్రప్రదేశ్ ముఖ్యమంత్రి చంద్రబాబు నాయుడుపై సీబీఐ విచారణ జరపాలని డిమాండ్ చేశారు. అంతేకాక రాజకీయాల్లో ధన ప్రభావం చంద్రబాబుతోనే మొదలైందని విమర్శించారు. రేవంత్తో కథ నడిపించిన చంద్రబాబుపై చర్య తీసుకోవాలని జ్యోతుల నెహ్రు డిమాండ్ చేశారు.


 హైదరాబాద్: ఆత్మస్తుతి పరనిందలా టీడీపీ మహానాడు జరిగిందని వెస్సార్సీపీ డిప్యూటీ ఫ్లోర్ లీడర్ జ్యోతుల నెహ్రూ అన్నారు. ఈ మహానాడులో వారి మాటలు గమనిస్తే టీడీపీ వదిలిపెట్టి వెళ్లే నాయకులను, కార్యకర్తలను నిలబెట్టుకోవాలనే తాపత్రయం కనిపించిందని చెప్పారు. ప్రజలకు ఏం చేస్తారో చెప్పకుండా.. ఊకదంపుడు ఉపన్యాసాలతో ముగించారని విమర్శించారు. ప్రతిపక్షాన్ని విమర్శించడమే మహానాడు ఉద్దేశమా అని ఆయన ప్రశ్నించారు. ఏపీలో మహానాడు పెడితే ప్రజలు తిరగబడతారని హైదరాబాద్లో పెట్టారని ఎద్దేవా చేశారు.


 కాకినాడ: పోలవరం ప్రాజెక్టు నిర్వాసితులను బలవంతంగా ఖాళీ చేయించడంపై వైఎస్ఆర్ కాంగ్రెస్ పార్టీ నాయకుడు జ్యోతుల నెహ్రూ ఆగ్రహం వ్యక్తం చేశారు. గిరిజన మహిళలను జుట్టుపట్టుకుని బయటకు ఈడ్చుకురావడం అన్యాయమని ఆయన అన్నారు. నూతన భూసేకరణ చట్టం అమల్లోకి వస్తున్న తరుణంలో ప్రభుత్వం దురుద్దేశపూరితంగా ఈ ఘటనకు పాల్పడిందని ఆరోపించారు.
 
 ఈ చట్టం అమల్లోకి వస్తే ముంపు బాధితులకు 4 రెట్లు పరిహారం ఇవ్వాల్సి వస్తుందన్న భయంతోనే దౌర్జన్యానికి దిగిందన్నారు. పోలవరం ముంపు బాధితులపై ఇలాంటి దాడులు ఆపకపోతే వైఎస్ఆర్ సీపీ ప్రతిఘటిస్తుందని హెచ్చరించారు. పోలవరం ముంపు బాధితులకు పునరావాస కేంద్రాల వద్దే సారవంతమైన భూములు ఇవ్వాలని ఆయన డిమాండ్ చేశారు.


 రంపచోడవరం: వైఎస్ఆర్ సీపీ కార్యకర్తలపై అక్రమ కేసులు పెడితే సహించేదిలేదని పార్టీ నేత జ్యోతుల నెహ్రూ హెచ్చరించారు. బుధవారం  రంపచోడవరంలో జరిగిన వైఎస్ఆర్ సీపీ విస్తృతస్థాయి సమావేశంలో పార్టీ ఎమ్మెల్యేలు, ఎమ్మెల్సీలు పాల్గొన్నారు.
 
 పోలవరం ముంపు మండలాల నిర్వాసితులకు పట్టిసీమ ప్యాకేజీని అమలు చేయాలని జ్యోతుల నెహ్రూ డిమాండ్ చేశారు. అధికారులు వేధింపులు మానుకుని, ప్రజాస్వామ్యబద్ధంగా పనిచేయాలని అన్నారు. పెన్షన్ల విషయంలో ప్రభుత్వం మానవతాదృక్పధంతో వ్యవహరించాలని కోరారు.


 రాజమండ్రి: పట్టిసీమ ప్రాజెక్టుకు సంబంధించిన నిధులపై శ్వేతపత్రం విడుదల చేయాలని వైఎస్ఆర్ కాంగ్రెస్ పార్టీ నేత జ్యోతుల నెహ్రూ డిమాండ్ చేశారు. పట్టిసీమ ప్రాజెక్టుకు సంబంధించి చంద్రబాబుకు రూ.300 కోట్లు క్విక్ బ్యాక్ ముట్టాయని ఆరోపించారు. ఇరిగేషన్ ప్రాజెక్టుల నిర్వహణ తీరుపై ప్రభుత్వ వైఖరిని ప్రజలకు తెలియజేసేందుకే తమ పార్టీ అధినేత వైఎస్ జగన్మోహన్రెడ్డి బస్సుయాత్ర చేపడుతున్నారని తెలిపారు.


 రాజమండ్రి: వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి బుధవారం పార్టీ జిల్లా అధ్యక్షుడు జ్యోతుల నెహ్రు కుటుంబాన్ని పరామర్శించారు. ఈరోజు ఉదయం ఆయన  హైదరాబాద్ నుంచి విమానంలో మధురవాడ చేరుకుని అక్కడ నుంచి రోడ్డు మార్గంలో జగ్గంపేట  మీదగా ఇర్రిపాక వెళ్లారు. ఇటీవల నెహ్రు సోదరుడు సత్తిబాబు గుండెపోటుతో మరణించిన విషయం తెలిసిందే.  ఈ సందర్భంగా వైఎస్ జగన్తో పాటు పార్టీ నేతలు విజయసాయి రెడ్డి, చెవిరెడ్డి భాస్కర్ రెడ్డి తదితరులు జ్యోతుల నెహ్రును పరామర్శించారు.


 ఏపీ ముఖ్యమంత్రి చంద్రబాబు నాయుడు తాను విపక్షంలో ఉండగా స్పీకర్ను దారుణంగా విమర్శించారని వైఎస్ఆర్సీపీ డిప్యూటీ ఫ్లోర్ లీడర్ జ్యోతుల నెహ్రూ మండిపడ్డారు. చంద్రబాబు విమర్శలకు అప్పటి డిప్యూటీ స్పీకర్ కుతూహలమ్మ కన్నీరు పెట్టుకున్నారని ఆయన గుర్తుచేశారు. ప్రస్తుత స్పీకర్ కోడెల శివప్రసాదరావు బాధ్యతారహితంగా వ్యవహరిస్తున్నారని జ్యోతుల అన్నారు. గతంలో స్పీకర్ పదవిలో ఉన్నవారు నిబద్ధతతో వ్యవహరించి ఆ పదవికే వన్నెతెచ్చారని, కానీ ఈ స్పీకర్ మాత్రం ఏకపక్ష ధోరణితో వ్యవహరిస్తున్నారని ఆయన చెప్పారు.
 
 చంద్రబాబు ప్రతిపక్షంలో ఉన్నప్పుడు ఆయన చేస్తే తప్పు కాదు గానీ.. ఇప్పుడు తాము అంటే తప్పు అయ్యిందా అని జ్యోతుల నిలదీశారు. స్పీకర్ ఇప్పటికైనా తన మనసు మార్చుకుని వ్యవహరించాలని సూచించారు. చంద్రబాబు బెదిరింపులకు తాము భయపడేది లేదని, పట్టిసీమ ప్రాజెక్టును ఎట్టి పరిస్థితుల్లోనూ కట్టనిచ్చేది లేదని స్పష్టం చేశారు. పట్టిసీమపై చంద్రబాబు పునరాలోచించుకోకుంటే.. ఓ మహోద్యమానికి మీరే కారకులు అవుతారని తెలిపారు.


 హైదరాబాద్ : శాసనసభను సమన్వయం చేసే బాధ్యతను చీఫ్ విప్ కాల్వ శ్రీనివాసులు మర్చిపోయారని వైఎస్ఆర్ సీపీ ఎమ్మెల్యే జ్యోతుల నెహ్రు అన్నారు.  పది నిమిషాల వాయిదా అనంతరం అసెంబ్లీ ప్రారంభమైంది.  334 రూల్ పార్టీలతో సంబంధం లేదని జ్యోతుల నెహ్రు అన్నారు. చీఫ్ విప్గారు కిరికిరి పెట్టడానికి చూస్తున్నారని ఆయన వ్యాఖ్యానించారు. దీనిపై కాల్వ శ్రీనివాసులు స్పందిస్తూ తనపై చేసిన వ్యాఖ్యలను జ్యోతుల నెహ్రు వెనక్కి తీసుకోవాలని డిమాండ్ చేశారు.


 హైదరాబాద్: గత సంప్రదాయాలను కొనసాగించేలా బడ్జెట్ సమావేశాల్ని కనీసం 40 రోజులపాటు నిర్వహించాలని ప్రతిపక్ష నేత జగన్‌మోహన్‌రెడ్డి చేసిన ప్రతిపాదనల్ని శాసనసభా వ్యవహారాల సలహా సంఘం(బీఏసీ)లో అసలు పట్టించుకోలేదని వైఎస్సార్‌సీపీ శాసనసభాపక్ష ఉపనేత జ్యోతుల నెహ్రూ ఆవేదన వ్యక్తం చేశారు. ఇందుకు అటు ప్రభుత్వం ఇటు సభాపతి నిర్ద్వంద్వంగా తోసిపుచ్చి ప్రజాసమస్యలపై బాధ్యతారాహిత్యంగా వ్యవహరించారని ఆయన దుయ్యబట్టారు. చిన్న రాష్ట్రంలో చాలా చిన్న సమస్యలే ఉంటాయని బీఏసీలోనూ బుల్‌డోజ్ చేసే ధోరణితో అధికారపక్షం వ్యవహరించిందన్నారు. ఇది దానినైజాన్ని తెలియజేస్తుందన్నారు. అసెంబ్లీ మీడియా పాయింట్‌లో వైఎస్సార్‌సీపీ విప్ గడికోట శ్రీకాంత్‌రెడ్డి, పార్టీ ఎమ్మెల్యేలు అంజాద్ బాషా, కిడారి సర్వేశ్వరరావు, ముత్యాలనాయుడు, జయరామయ్యలతో కలసి జ్యోతుల విలేకరులతో మాట్లాడారు.
 
 రాష్ట్రంలో ప్రజలెదుర్కొంటున్న సమస్యలపై తాము 16 అంశాలతో స్పీకర్‌కు నోట్ ఇచ్చామని, టీడీపీ కూడా 13 అనుకూల అంశాలతో నోట్ ఇచ్చిందని, అయితే ఒకే అంశాన్ని(రేషన్ కార్డుల పంపిణీ) రెండుసార్లు రాసి బాధ్యతారాహిత్యంగా ప్రవర్తించిందన్నారు. గత సమావేశాల్లోనూ తనకు జవాబు చెప్పే అవకాశం లేకుండా చేశారని, అప్పుడు మీడియా ద్వారా చెప్పాల్సివచ్చిందనే విషయాన్ని ప్రతిపక్ష నేత జగన్ బీఏసీలో ప్రస్తావించారని, ఈసారైనా గత పోకడల్ని అనుసరించవద్దని కోరారని, అయితే అధికార పక్షం నిర్లక్ష్యంగా వ్యవహరించి మందబలాన్ని ప్రదర్శించడం దారుణమని ఆయన మండిపడ్డారు. బిల్లుల్ని పాస్ చేయించుకోవడానికి మధ్యాహ్నమూ సభను నడుపుతామని చెప్పారేకానీ, ప్రజాసమస్యలపై చర్చిద్దామనే విషయానికి మాత్రం కేటాయించిన సమయానికే లోబడి ఉంటుందని బీఏసీలో చెప్పారన్నారు. విభజన చట్టంలో హామీలు, రైతు ఆత్మహత్యలు, కరువు ప్రాంతాల్లో సహాయచర్యలు, తాగునీటి సమస్య, పట్టిసీమ లిఫ్ట్ ఇరిగేషన్, పోలవరం ప్రాజెక్టు పూర్తి, తదితరాలపై చర్చించేం దుకు  గడువు పెంచాలని కోరితే ఏకపక్షంగా సభను నడుపుతామనే సంకేతాలిచ్చేలా ప్రవర్తించారని జ్యోతుల ధ్వజమెత్తారు.
 
 టీడీపీ కరపత్రం చదివినట్లుంది: గడికోట
 గవర్నర్ ప్రసంగంలో ప్రజలకు ఏవిధంగా భరోసా కల్పిస్తామనే విషయాలను పక్కనపెట్టి ఆయనతో టీడీపీ కరపత్రం చదివించినట్లుందని వైఎస్సార్‌సీపీ శాసనసభాపక్ష విప్ గడికోట శ్రీకాంత్‌రెడ్డి మండిపడ్డారు. వైఎస్సార్(కడప) జిల్లాలో 48 మండలాలు తీవ్ర కరువుతో అల్లాడుతున్నాయని ఆ జిల్లా ప్రజలపై కక్షపూరితంగా వ్యవహరించొద్దని కోరారు. అంజాద్ బాషా మాట్లాడుతూ గవర్నర్ ప్రసంగంలో మైనార్టీల ఊసే లేదని, సినిమా స్క్రిప్ట్ మాదిరిగా  ఉందని విమర్శించారు.


 జగ్గంపేట :నూతన సంవత్సరంలో ప్రజలు సుఖసంతోషాలతో ఉండాలని వైఎస్సార్ సీపీ జిల్లా అధ్యక్షుడు, ఎమ్మెల్యే జ్యోతుల నెహ్రూ ఆకాంక్షించారు. జగ్గంపేట మండలం ఇర్రిపాక గ్రామంలో నెహ్రూ దంపతులు నిర్మించిన వేంకటేశ్వరస్వామివారి ఆలయం వద్ద గురువారం నూతన సంవత్సర వేడుకలు నిర్వహించారు. ఎమ్మెల్యే జ్యోతుల నెహ్రూ, జెడ్పీ ప్రతిపక్షనేత జ్యోతుల నవీన్‌కుమార్  పాల్గొని కేక్ కట్ చేసి, నూతన సంవత్సర శుభాకాంక్షలు తెలిపారు.
  
  ఉదయం స్వామివారికి లక్షబిల్వార్చన, సాయంత్రం శ్రీనివాస కళ్యాణ వేడుకల్లో నెహ్రూ, మణి దంపతులు, కుటుంబ సభ్యులు పాల్గొన్నా రు. ఈ సందర్భంగా నెహ్రూ, నవీన్‌కుమార్‌ను  అభిమానులు తీసుకొచ్చిన గజ మాలలతో ముంచెత్తారు. జ్యోతుల నెహ్రూ కుటుంబ సభ్యులు లక్ష్మీదేవి, అవినాష్ నెహ్రూ, తోట బబ్బి, సునీత, జ్యోతుల సుబ్బారావు, కుటుంబ సభ్యులు తదితరులు పాల్గొన్నారు. జిల్లాలోని పలు ప్రాంతాల నుంచి పార్టీ నాయకులు కర్రి పాపారాయుడు, గిరిజాల స్వామినాయుడు, మిండగుదిటి మోహన్, చిట్టిబాబు, వేణుగోపాలరావు, రామసత్యనారాయణ, మాకినీడి గాంధీ తదితరులు హాజరై జ్యోతులకు శుభాకాంక్షలు తెలిపారు.
  
  గోపాలపురంలో..
  రావులపాలెం : నూతన సంవత్సరం ఆరంభం సందర్భంగా కొత్తపేట ఎమ్మెల్యే చిర్ల జగ్గిరెడ్డిని నాయకులు, కార్యకర్తలు, అభిమానులు, అధికారులు కలిసి శుభాకాంక్షలు తెలిపారు. ఎమ్మెల్యే జగ్గిరెడ్డి స్వగ్రామైన రావులపాలెం మండలం గోపాలపురానికి గురువారం నియోజకవర్గంలో కొత్తపేట, రావులపాలెం, ఆత్రేయపురం, ఆలమూ రు మండలాల నుంచే కాక జిల్లాలో వివిధ ప్రాంతాల నుంచి వివిధ ప్రభుత్వశాఖల అధికారులు, ఉద్యోగులు, వైఎస్సార్ సీపీ నాయకులు, కార్యకర్తలు, అభిమానులు తరలివచ్చారు. ప్రతి ఒక్కరినీ ఆయన అప్యాయంగా పలకరించారు. అనంతరం కేక్ కట్ చేసి శుభాకాంక్షలు తెలిపారు.
  
  ఎల్లవరంలో..
  అడ్డతీగల : నూతన సంవత్సరంలో ఏజెన్సీలో ప్రజలు సుఖసంతోషాలతో ఉండాలని రంపచోడవరం ఎమ్మెల్యే వంతల రాజేశ్వరి ఆకాంక్షించారు. అడ్డతీగల మండలం ఎల్లవరంలో గురువారం నూతన సంవత్సరం వేడుకల్లో ఎమ్మెల్యే రాజేశ్వరి, వైఎస్సార్ సీపీ యువజన విభాగం అధ్యక్షుడు అనంత ఉదయభాస్కర్ (బాబు) పాల్గొన్నారు. ఈ సందర్భంగా వారు కేక్ కట్ చేసి శుభాకాంక్షలు తెలిపారు. వివిధ శాఖల నుంచి అధికారులు, సిబ్బంది ఎమ్మెల్యేను కలిసి నూతన సంవత్సర శుభాకాంక్షలు తెలిపారు. రంపచోడవరం ఎంపీపీ అరగాటి సత్యనారాయణరెడ్డి, జెడ్పీటీసీ సభ్యురాలు పత్తిగుళ్ల భారతి, పార్టీ మండల కన్వీనర్ మంగరౌతు వీరబాబు, జగ్గారావుదొర, ఆదివాసీ హక్కుల వేదిక రాష్ట్ర అధ్యక్షుడు బోండ్ల వరప్రసాదరావు తదితరులు ఎమ్మెల్యే రాజేశ్వరి, అనంత బాబుకు పుష్పగుచ్ఛాలు అందజేసి శుభాకాంక్షలు తెలిపారు.
  
  తునిలో..
  తుని : తుని పట్టణంలో శాంతినగర్‌లోని వైఎస్సార్ సీపీ కార్యాలయంలో జరిగిన వేడుకల్లో ఎమ్మెల్యే దాడిశెట్టి రాజా పాల్గొని కేక్ కట్ చేశారు. ఈ సందర్భంగా ఆయన ప్రజలకు నూతన సంవత్సర శుభాకాంక్షలు తెలిపారు. పలువురు అభిమానులు, కార్యకర్తలు, నాయకులు పాల్గొని ఎమ్మెల్యే రాజాకు పుష్పగుచ్ఛాలు అందజేసి శుభాకాంక్షలు తెలిపారు. అలాగే పలు శాఖల అధికారులు పాల్గొని ఎమ్మెల్యేకు జ్ఞాపిక అందజేశారు.
  


 
 ముఖ్యమంత్రి తీరు హుందాగా లేదు: జ్యోతుల నెహ్రూ
 
 సాక్షి, హైదరాబాద్: శాసనసభ శీతాకాల సమావేశాల్లో ముఖ్యమంత్రి చంద్రబాబు నాయుడు హుందాగా వ్యవహరించలేదని వైఎస్సార్ సీపీ శాసనసభా పక్షం ఉపనేత జ్యోతుల నెహ్రూ విమర్శించారు. ప్రతిపక్షనేత వైఎస్ జగన్‌మోహన్‌రెడ్డి ఎంతో హుందాగా వ్యవహరించి ప్రజా సమస్యలను సభలో ప్రస్తావిస్తే అధికారపక్షం ఎదురుదాడికి దిగి ఆరోపణలు చేయడమే పనిగా పెట్టుకుందన్నారు. జ్యోతుల నెహ్రూ బుధవారం పార్టీ కేంద్ర కార్యాలయంలో విలేకరులతో మాట్లాడారు. కొత్త రాజధాని నిర్మాణానికి తమ పార్టీ వ్యతిరేకం అంటూ టీడీపీ చేస్తున్న దుష్ర్పచారాన్ని ఖండించారు. రాయలసీమకు మంచినీరు ఇవ్వాలంటే తాము అడ్డుపడుతున్నట్లుగా ప్రభుత్వం అసత్య ప్రచారం చేస్తోందన్నారు. గాలేరు-నగరి, హంద్రీ-నీవా ప్రాజెక్టులపై టీడీపీ ప్రభుత్వం ఎందుకు శ్రద్ధ వహించడం లేదని ప్రశ్నించారు. దివంగత సీఎం వైఎస్ రాజశేఖరరెడ్డి హయాంలో చేపట్టిన ప్రాజెక్టులు పూర్తయితే ఆయనకు మంచి పేరు వస్తుందోనన్న భయంతో బాబు వ్యవహరిస్తున్నారని ధ్వజమెత్తారు.
  
 బాబును పొగడటానికే అసెంబ్లీ: గడికోట, విశ్వేశ్వర్‌రెడ్డి
 
 సీఎం చంద్రబాబునాయుడును పొగుడుతూ ప్రతిపక్ష నేత జగన్‌మోహన్‌రెడ్డిని దూషించడానికే శాసనసభా సమావేశాలు నిర్వహించినట్లుగా ఉందని వైఎస్సార్‌సీపీ ఎమ్మెల్యేలు గడికోట శ్రీకాంత్‌రెడ్డి, వై.విశ్వేశ్వర్‌రెడ్డి ధ్వజమెత్తారు. అసెంబ్లీ మీడియా పాయింట్ వద్ద వారు మాట్లాడుతూ, రాష్ట్రంలో ముఖ్యంగా రాయలసీమలో నెలకొన్న తీవ్ర కరువు పరిస్థితులపై అసెంబ్లీలో చర్చించడానికి తాము ఎంత పట్టు పట్టినా సాధ్యం కాలేదన్నారు.
 
 ప్రభుత్వం పారిపోయింది: ఎస్వీ, బుడ్డా
 
 అసెంబ్లీ సమావేశాలు ఎక్కువ రోజులు నిర్వహిస్తే ప్రజా సమస్యలపై ప్రతిపక్షం అడిగే ప్రశ్నలకు సమాధానం చెప్పాల్సి ఉంటుందని రాష్ట్ర ప్రభుత్వం భయపడి పారిపోయిందని వైఎస్సార్‌సీపీ ఎమ్మెల్యేలు ఎస్వీ మోహన్‌రెడ్డి, బుడ్డా రాజశేఖరరెడ్డిలు ధ్వజమెత్తారు. సాధారణంగా 10 నుంచి 15 రోజులు జరిగే శాసనసభ శీతాకాల సమావేశాలను టీడీపీ ప్రభుత్వం ఈ దఫా ఐదు రోజులకే పరిమితం చేసిందన్నారు.
  


 ఆంధ్రప్రదేశ్ అసెంబ్లీ సమావేశాల్లో వైఎస్ జగన్ మోహన్ రెడ్డి ముఖ్యమంత్రిలా హుందాగా వ్యవహరిస్తే.. సీఎం చంద్రబాబు మాత్రం విపక్షనేతలా వ్యవహరించారని వైఎస్సార్సీపీ డిప్యూటీ ఫ్లోర్ లీడర్ జ్యోతుల నెహ్రూ ఎద్దేవా చేశారు. రాజధాని ఏర్పాటుకు వైఎస్ఆర్సీపీ వ్యతిరేకం కాదని, తమపై టీడీపీ నేతలు చేస్తున్న దుష్ప్రచారాన్ని ఖండిస్తున్నామని ఆయన అన్నారు. రాయలసీమ తాగునీటి విషయంలో తాము అడ్డుపడుతున్నామంటూ ప్రభుత్వం దుష్ప్రచారం చేస్తోందని మండిపడ్డారు.
 
 గాలేరు-నగరి, హంద్రీ నీవా ప్రాజెక్టులపై చంద్రబాబు సర్కారు ఎందుకు దృష్టి సారించడంలేదని ఆయన ప్రశ్నించారు. పట్టిసీమ ఎత్తిపోతల పథకం కేవలం టీడీపీ నేతల కమిషన్ల కోసమే ప్రతిపాదిస్తున్నారని ఆరోపించారు. పట్టిసీమ ఎత్తిపోతల పూర్తయితో మన చేత్తో మనకళ్లు పొడుచుకున్నట్లే అవుతుందని ఆయన అన్నారు. దివంగత ముఖ్యమంత్రి వైఎస్ రాజశేఖరరెడ్డి హయాంలో చేపట్టిన ప్రాజెక్టులు పూర్తయితే ఆయనకు మంచిపేరు వస్తుందన్న దుర్బుద్ధితో చంద్రబాబు వ్యవహరిస్తున్నారని జ్యోతుల నెహ్రూ ఆరోపించారు.


 హైదరాబాద్ : సామాజిక కార్యకర్తల ముసుగులో  పచ్చచొక్కాల వారిని నియమిస్తున్నారని వైఎస్‌ఆర్ కాంగ్రెస్‌ శాసనసభా పక్ష ఉప నేత జ్యోతుల నెహ్రు అన్నారు.  పచ్చచొక్కాల వారిని నియమించి  గ్రామీణ వ్యవస్థను నిర్వీర్యం చేస్తున్నారని ఆయన మంగళవారం సభలో విమర్శించారు. ప్రభుత్వం వేస్తున్న కమిటీలు రాజ్యాంగబద్దంగా లేవన్నారు.  ప్రభుత్వ తీరును నిరసిస్తూ వైఎస్ఆర్ సీపీ ఎమ్మెల్యేలు ...సభ నుంచి వాకౌట్ చేశారు.
 
  


 హైదరాబాద్ : ముఖ్యమైన సమస్యలు చర్చించడానికి శాసనసభ సమావేశాలను 15రోజుల పాటు పెంచాలని వైఎస్ఆర్ సీపీ నేత జ్యోతుల నెహ్రు డిమాండ్ చేశారు. రాష్ట్ర రైతాంగం, ఆత్మహత్యలు, కరువు, రుణమాఫీ, కనీస మద్దతు ధర సమస్యలను రాష్ట్ర రైతాంగం ఎదుర్కొంటుందని ఆయన గురువారమిక్కడ అన్నారు. రాష్ట్రంలో అన్ని వర్గాల ప్రజలు అనేక ఇబ్బందులను ఎదుర్కొంటున్నారని జ్యోతుల నెహ్రు అన్నారు. ప్రజా సమస్యలపై శాసనసభలో చర్చించాలని ఆయన పేర్కొన్నారు. కాగా అసెంబ్లీ సమావేశాలు ఈనెల 26వరకూ కొనసాగనున్నాయి.
 
  


 వైఎస్సార్‌సీపీఎల్పీ ఉపనేత జ్యోతుల నెహ్రూ 
  సాక్షి, హైదరాబాద్: రైతులు, డ్వాక్రా మహిళల రుణాలు మాఫీ చేస్తానని హామీ ఇచ్చి మాట తప్పిన ఏపీ సీఎం చంద్రబాబుకు రాష్ట్రాన్ని పాలించే హక్కు ఎంత మా త్రం లేదని, ఏమాత్రం చిత్తశుద్ధి ఉన్నా తన పదవికి రాజీనామా చేయాలని వైఎస్సార్‌సీపీ శాసనసభాపక్షం ఉపనేత జ్యోతుల నెహ్రూ డిమాండ్ చేశారు. మంగళవారం పార్టీ కేంద్ర కార్యాల యంలో ఆయన మాట్లాడుతూ తొలుత చెప్పిన విధంగా రూ. 87 వేల కోట్ల వ్యవసాయ రుణాలతోపాటు, డ్వాక్రాలోని ప్రతి మహిళ రుణం పూర్తిగా మాఫీ చేసిననాడే ఆయనకు పదవిలో కొనసాగే అర్హత ఉంటుందన్నారు.
  
 వ్యవసాయ రుణాలన్నీ మాఫీ చేస్తానని తొలుత చెప్పిన చంద్రబాబు క్రమంగా వాటిని కుదించుకుంటూ వచ్చారని దుయ్యబట్టారు. రుణ మాఫీకి సంబంధించి జారీ చేసిన పత్రాల్లో ఒక రైతుకు రూ.3.15లు మాత్రమే మాఫీ అయితే మరో రైతుకు కేవలం రూ.95లు మాత్రమే రద్దయ్యాయని చెప్పారు. ఇంకొక రైతు రూ.60 వేల రుణం తీసుకుంటే అందులో స్కేల్ ఆఫ్ ఫైనాన్స్ ప్రకారం రూ.13 వేలు రద్దుకు మాత్రమే అర్హత ఉందని తేలుస్తూ, అది కూడా ఐదు విడతలుగా మాఫీ చేస్తామనడం విచిత్రమని వ్యాఖ్యానించారు.


 ఏపీ ముఖ్యమంత్రి చంద్రబాబు నాయుడు తక్షణమే రాజీనామా చేయాలని వైఎస్ఆర్సీఎల్పీ డిప్యూటీ ఫ్లోర్ లీడర్ జ్యోతుల నెహ్రూ డిమాండ్ చేశారు. ఆంధ్రప్రదేశ్ రాష్ట్రాన్ని పాలించే నైతిక హక్కు చంద్రబాబుకు లేదని ఆయన మండిపడ్డారు. ప్రజలకు ఇచ్చిన వాగ్దానాల్లో ఏ ఒక్కదాన్నీ ఆయన ముఖ్యమంత్రి అయిన తర్వాత నెరవేర్చలేదని నెహ్రూ చెప్పారు.
 
 రైతుల రుణాలన్నింటినీ మాఫీ చేస్తామని ఎన్నికలకు ముందు చెప్పిన ఆయన.. ఇప్పుడు రుణాలు కట్టేసేయండంటూ ఉచిత సలహాలు ఇస్తున్నారని అన్నారు. రైతులు రుణాలు కట్టలేని పరిస్థితుల్లో ఉన్నారన్న విషయం చంద్రబాబుకు తెలియదా అని నెహ్రూ ప్రశ్నించారు.


 కాకినాడ: ఉనికి కోల్పోతామన్న భయంతోనే తమ పార్టీ ఎమ్మెల్యేలపై రౌడిషీట్లు తెరిచే సంస్కృతికి అధికార టీడీపీ దిగజారిందని వైఎస్సార్ సీపీ నాయకుడు జ్యోతుల నెహ్రు విమర్శించారు. ఉనికి చాటుకోవాల్సిన అవసరం తమ పార్టీకి లేదన్నారు. వైఎస్ జగన్మోహన్ రెడ్డి బలమైన రాజకీయ నేతగా రాష్ట్ర ప్రజల హృదయాల్లో స్థానం సంపాదించారని అన్నారు.
 
 టీడీపీకి దమ్ముంటే సంపూర్ణ వ్యవసాయ, డ్వాక్రా రుణమాఫీ నిరుద్యోగ భృతి పథకాలను ఏవిధంగా అమలు చేస్తారనే దానిపై శ్వేతపత్రం విడుదల చేయాలని డిమాండ్ చేశారు.


 రుణ మాఫీ అంటూ ఊరించి పేద రైతులు, మహిళలను ఉసూరుమనిపించిన తెలుగుదేశం పార్టీ సర్కారుపై వైఎస్సార్ సీపీ సమరశంఖం పూరించింది. పేదలకు అండగా నిలబడి, వారి పక్షాన పోరాటానికి శ్రీకారం చుట్టింది. బుధవారం జిల్లావ్యాప్తంగా తహశీల్దార్ కార్యాలయాల వద్ద ధర్నాలు నిర్వహించి ధర్మాగ్రహం వ్యక్తం చేసింది. పేదలను దగా చేస్తే పుట్టగతులుండవని ప్రభుత్వాన్ని హెచ్చరించింది. ఈ ధర్నాల్లో రైతులు, మహిళలు, ప్రజలు స్వచ్ఛందంగా భాగస్వాములయ్యారు. పల్లెల నుంచి పట్టణాలకు కదంతొక్కారు. తహశీల్దార్ కార్యాలయాల వద్ద బైఠాయించి ప్రభుత్వంపై మండిపడ్డారు.  ‘రుణాలు చెల్లించొద్దు.. నాదీ భరోసా’ అంటూ నాడు నమ్మబలికి నేడు నయవంచనకు తెగబడిన ముఖ్యమంత్రి చంద్రబాబునాయుడి తీరుపై ధ్వజమెత్తారు.బాబుకు బుద్ధిచెప్పేందుకు ప్రజలు సిద్ధం
  
  ఈ ధర్నాలు ఆరంభం మాత్రమే వైఎస్సార్ సీపీ జిల్లా అధ్యక్షుడు జ్యోతుల
  జగ్గంపేట :  రుణాల మాఫీ పేరుతో అధికారాన్ని చేజిక్కించుకుని ఇప్పుడు గుంతనక్క మాదిరిగా ఇచ్చిన హామీల నుంచి తప్పించుకునేందుకు యత్నిస్తున్న ముఖ్యమంత్రి చంద్రబాబు నాయుడుకి బుద్ధి చెప్పేందుకు ప్రజలు సిద్ధంగా ఉన్నారని శాసనసభలో వైఎస్సార్ సీపీ డిప్యూటీ ఫ్లోర్‌లీడర్, పార్టీ జిల్లా అధ్యక్షుడు జ్యోతుల నెహ్రూ స్పష్టం చేశారు. బుధవారం జగ్గంపేట సెంటర్‌లో జ్యోతుల నెహ్రూ ఆధ్వర్యంలో రుణమాఫీని బేషరతుగా అమలు చేయాలని డిమాండ్ చేస్తూ ధర్నా జరిగింది. ఈ ధర్నాకు భారీ సంఖ్యలో మహిళలు, రైతులు తరలివచ్చారు. వీరినుద్దేశించి జ్యోతుల మాట్లాడుతూ  బాబుకు బుద్ధిచెప్పేందుకు ఈ ధర్నాలు ఆరంభం మాత్రమేనని, అంతం కాదని పేర్కొన్నారు. రైతాంగాన్ని, ఆడపడుచులను రుణమాఫీ పేరుతో చంద్రబాబు వంచించారని ధ్వజమెత్తారు.
  
  డ్వాక్రా రుణాల మాఫీ హామీకి తూట్లు పొడిచి సంఘానికి రూ.లక్ష ఇస్తామని  నమ్మబలికిన ఆయనను మహిళలు విశ్వసించడం లేదని పేర్కొన్నారు. రైతులకు సుమారు 89 వేల కోట్ల రూపాయల రుణాలను మాఫీ చేయాల్సి ఉండగా రూ.43 వేల కోట్ల రూపాయల రుణాలను మాఫీ చేస్తామని హామీ ఇచ్చిన ఆయన బడ్జెట్‌లో కేవలం రూ.5 కోట్ల నిధులు మాత్రమే కేటాయించారని విమర్శించారు. తీరా చూస్తే కేవలం కోటి రూపాయల మూలధనంతో రైతు సాధికార సంస్థను ఏర్పాటు చేసి చేతులు దులుపుకున్నారని దుయ్యబట్టారు. జాబు కావాలంటే బాబు రావాలని ప్రచారం చేసుకున్న ఆయన ఇప్పుడు ఉద్యోగాలు తీసే పనిలో పడ్డారని మండిపడ్డారు. వైఎస్సార్ సీపీ మహిళలు, రైతుల పక్షాన పోరాడుతుదని స్పష్టం చేశారు. జనవరి 6,7 తేదీలలో ఉభయ గోదావరి జిల్లాల సమస్యలపై తమ నాయకుడు జగన్‌మోహన్‌రెడ్డి పెద్ద ఎత్తున రిలే నిరాహార దీక్ష చేపట్టనున్నట్టు ప్రకటిం చారు. కార్యక్రమంలో ఆయన తనయుడు, జెడ్పీ ప్రతిపక్ష నేత జ్యోతుల నవీన్‌కుమార్ తదితర పార్టీ నాయకులు పాల్గొన్నారు.
  
  ఇది నయవంచక పాలన : ఎమ్మెల్సీ ఆదిరెడ్డి
  ప్రకాశ్‌నగర్ (రాజమండ్రి) : అధికారంలోకి వస్తే రుణమాఫీ అమలు చేస్తానని చెప్పిన టీడీపీ అధినేత చంద్రబాబు నాయుడు గద్దెనెక్కిన తర్వాత మాయమాటలతో ప్రజలను మోసం చేశారని, నయవంచక పాలన సాగిస్తున్నారని వైఎస్సార్ కాంగ్రెస్ పార్టీ నేత ఎమ్మెల్సీ ఆదిరెడ్డి అప్పారావు దుయ్యబట్టారు. ‘బాబు దగాలు.. జనం దిగాలు’ అనే నినాదంతో రాజమండ్రిలో బుధవారం సబ్ కలెక్టర్ కార్యాలయం ఎదుట ఆదిరెడ్డి ఆధ్వర్యంలో ధర్నా జరిగింది. ఈ సందర్భంగా ఎమ్మెల్సీ మాట్లాడుతూ అమలు సాధ్యం కాని హామీలు గుప్పించి తెలుగుదేశం పార్టీ అధికారంలోకి వచ్చిందని మండిపడ్డారు. నగరపాలక సంస్థలో వైఎస్సార్ సీపీ ఫ్లోర్ లీడర్ మేడపాటి షర్మిల మాట్లాడుతూ వైఎస్సార్ సీపీ ప్రజా సమస్యలపై ముందుండి పోరాడుతుందని స్పష్టం చేశారు. కార్యక్రమంలో ఆదిరెడ్డి వాసు మాట్లాడుతూ ప్రభుత్వ విధానాలపై ధ్వజమెత్తారు. దర్నాలో ముందుగా తెలుగుదేశం పార్టీ ప్రజలను మోసం చేస్తున్న తీరును ఇంద్రజాలం కళాకారులు ప్రదర్శించారు. అలాగే దివంగత ముఖ్యమంత్రి వై.ఎస్.రాజశేఖరరెడ్డి వేషధారణ ఆకట్టుకుంది. సాంస్కృతిక కార్యక్రమాలు జరిగాయి. ధర్నా అనంతరం డిమాండ్లతో కూడిన వినతి పత్రాన్ని సబ్ కలెక్టర్ విజయరామరాజుకు అందజేశారు. కార్యక్రమంలో పార్టీ రాజమండ్రి రూరల్ కో ఆర్డినేటర్ ఆకుల వీర్రాజు, మాజీ ఎమ్మెల్యే రౌతు సూర్యప్రకాశరావు, నేతలు ఆర్.వి.వి. సత్యనారాయణచౌదరి, రావిపాటి రామచంద్రరావు, అడపా శ్రీహరి, పోలు కిరణ్‌రెడ్డి, నగరపాలక సంస్థలో పార్టీ చీఫ్ విప్ నాగేంద్ర తదితరులు పాల్గొన్నారు.
  


 జగ్గంపేట :ఆచరణ సాధ్యం కాని హామీలను ప్రజలకు గుప్పించి అధికారం చేపట్టిన టీడీపీ అధినేత చంద్రబాబు ఐదు నెలల పాలనలో 50 మోసాలు చేశారని వైఎస్సార్ కాంగ్రెస్ జిల్లా అధ్యక్షుడు, శాసనసభాపక్ష ఉపనేత  జ్యోతుల నెహ్రూ ఆరోపించారు. బాబు దగాని నిరసిస్తూ ఈ నెల 5న మండల కేంద్రాల్లో నిర్వహించే ధర్నాలను విజయవంతం చేయాలని పిలుపునిచ్చారు. ‘ఐదు నెలలు-యాభై మోసాలు, బాబు దగాలు... జనం దిగాలు’ పేరిట చేపట్టే ధర్నా పోస్టర్‌లను ఆదివారం రాత్రి జగ్గంపేటలో ఆయన ఆవిష్కరించారు. ఈ సందర్భంగా మాట్లాడుతూ వ్యవసాయ రుణాల మాఫీపై పూటకో కట్టుకథ అల్లుతూ చంద్రబాబు కాలం గడపడంతో రైతులు తీవ్ర ఇబ్బందులు ఎదుర్కొంటున్నారన్నారు.
  
  రుణ మాఫీ అవుతుందో లేదో తెలియని అయోమయంతో పాటు ప్రస్తుతం పెట్టుబడులకు కూడా రుణాలు పొందలేని గడ్డు స్థితిలో ఉన్నారన్నారు. డ్వాక్రా రుణాలకు సంబంధించీ అదే తరహా పిట్టకథలు చెబుతున్నారని, పేదల పింఛన్ల మీద పగ పట్టారని, రేషన్ కార్డులను తీసివేశారని ఆరోపించారు. ప్రభుత్వ ప్రజా వ్యతిరేక విధానాలు, దగా, మోసం, దుర్మార్గాలకు వ్యతిరేకంగా చేపట్టే ధర్నాలో ప్రతి ఒక్కరూ పాల్గొనాలని, తమ నాయకుడు జగన్ మోహన్‌రెడ్డి పిలుపు మేరకు కార్యక్రమం విజయవంతానికి సహకరించాలని కోరారు. జెడ్పీ ప్రతిపక్ష నేత జ్యోతుల నవీన్‌కుమార్, సర్పంచ్ కొలిపే ప్రసన్నరాణి, వైస్ ఎంపీపీ మారిశెట్టి భద్రం, పార్టీ నాయకులు నీలాద్రిరాజు, జీను మణిబాబు, సోమవరం రాజు, ఒమ్మి రఘురామ్, తోలుగంటి గోవిందరెడ్డి, కింగం రమణ, రాంబాబు,ప్రసాద్ తదితరులు పాల్గొన్నారు.
  


 సాక్షి, హైదరాబాద్: ప్రతిపక్ష ఎమ్మెల్యేలపై అక్రమ కేసులు బనాయించడం, రౌడీషీట్లు పెట్టడం ఏపీ సీఎం చంద్రబాబు రాక్షసపాలనకు అద్దం పడుతోందని వైఎస్సార్‌సీపీ శాసనసభాపక్ష ఉపనేత జ్యోతుల నెహ్రూ ధ్వజ మెత్తారు. పార్టీ కేంద్ర కార్యాలయంలో ఆయన మాట్లాడుతూ రాష్ట్రంలో చంద్రబాబు రౌడీ రాజ్యాన్ని స్థాపించాలని చూస్తున్నారన్నారు. ఆ ప్రయత్నాన్ని తమ పార్టీ తీవ్రంగా ప్రతిఘటిస్తుందని హెచ్చరించారు.
 
 తమ ఎమ్మెల్యేలు భూమా నాగిరెడ్డి, చెవిరెడ్డి భాస్కరరెడ్డి, ఆర్‌కె రోజాపై అక్రమ కేసులు పెట్టి వేధించడం పట్ల ఆయన తీవ్ర అభ్యంతరం తెలిపారు. చంద్రబాబు ముఖ్యమంత్రిగా పదవి చేపట్టిన నాటి నుంచీ ప్రతిపక్షాన్ని నిర్మూలించాలని చూస్తున్నారని జ్యోతుల అన్నారు. చెవిరెడ్డి భాస్కరరెడ్డిపై అట్రాసిటీ కేసు పెట్టారని, దైవ కార్యక్రమంలో పాల్గొనడానికి వెళ్లిన మహిళా ఎమ్మెల్యే ఆర్‌కె రోజా అడ్డుకోవడమే కాకుండా ఆమెపైనే కేసు పెట్టడం దురదృష్టకరమన్నారు.


 హైదరాబాద్: రాష్ట్రంలో పరిపాలన రాక్షస పాలనను గుర్తు చేస్తోందని వైఎస్ఆర్ కాంగ్రెస్ పార్టీ శాసనసభ పక్ష ఉపనేత జ్యోతుల నెహ్రూ అన్నారు. తమ పార్టీ ఎమ్మెల్యే భూమా నాగిరెడ్డిపై హత్యాయత్నం కేసు నమోదు చేయడం ప్రజాస్వామ్యానికే గొడ్డలిపెట్టని ఆయన అభివర్ణించారు. శనివారం హైదరాబాద్లో జ్యోతుల నెహ్రూ మాట్లాడుతూ...  ప్రతిపక్ష పార్టీని నిర్వీర్యం చేయాలనే ప్రయాత్నంలో భాగంగానే భూమా నాగిరెడ్డిపై కేసు నమోదు చేశారని ఆరోపించారు. మీ తప్పులను వేలేత్తి చూపిన మా పార్టీ వారిపై అక్రమకేసులు బనాయిస్తారా?  ఇది రాక్షసపాలన కాక మరేమంటారని వెల్లడించాలని అధికార టీడీపీని డిమాండ్ చేశారు.
 ఒక విద్యార్థి మృతికి విజయవాడ సెంట్రల్ ఎమ్మెల్యే బోండా ఉమా కుమారుడు సిద్దార్ద కారకుడంటూ మీడియాలో కథనాలు వచ్చిన తర్వాతే అతడిపై పోలీసులు కేసు నమోదు చేశారని ఆయన గుర్తు చేశారు. ఇది వాస్తవం కాదా అని జ్యోతుల నెహ్రు సూటిగా ప్రశ్నించారు. అయినా మీకు వైఎస్ఆర్ కాంగ్రెస్ పార్టీ అంటే ఎందుకంత భయమో అర్థం కావడం లేదని చంద్రబాబును ఉద్దేశించి జ్యోతుల నెహ్రు వ్యాఖ్యానించారు.


  పిఠాపురం :వాకతిప్ప బాణసంచా తయారీ కేంద్ర ప్రమాద బాధితులకు ప్రతిపక్ష నేత జగన్‌మోహన్‌రెడ్డి ఏమీ చేయలేదని విమర్శలు చేస్తున్న పిఠాపురం ఎమ్మెల్యే ఎస్‌వీఎస్‌ఎన్ వర్మ చరిత్ర హీనుడిగా మిగిలిపోక తప్పదని వైఎస్సార్‌సీపీ జిల్లా అధ్యక్షుడు, జగ్గంపేట ఎమ్మెల్యే  జ్యోతుల నెహ్రూ విమర్శించారు. శనివారం ఆయన ప్రమాద బాధితులకు ఆర్థిక సాయం అందజేసిన సందర్భంగా మాట్లాడుతూ ఎమ్మెల్యే వర్మతీరుపై మండిపడ్డారు. పదవి రాక ముందు చిన్న, పెద్ద అనే తేడా లేకుండా బాధితులకు వేలాది రూపాయలు పంపిణీ చేసి, పదవి రాగానే బాధితులకు పైసా విదల్చకపోవడంలో మర్మ మేమిటో వర్మకే తెలియాలని ఆయన దుయ్యబట్టారు.
  
  పదవి కోసం ప్రజలను ఆకట్టుకునేందుకు బాధితులను ఓదార్చినట్టు నటించిన సంగతి తేటతెల్లమైందన్నారు. ప్రతిపక్షనేత ఎందుకు వస్తారో, ఏం చేస్తారో తెలియని అమాయక స్థితిలో ఉండి వర్మ నోటికొచ్చినట్టు మాట్లాడుతుంటే ప్రజలు చూస్తు ఊరుకోరన్నారు. జగన్‌మోహన్‌రెడ్డి రాగానే బాధితులు ప్రభుత్వ నిర్వాకాన్ని ఎక్కడ బయటపెడతారోనన్న భయంతో వారిని లోపలపెట్టి గేట్లు వేయించిన నీచ రాజకీయ నేతగా వర్మ చరిత్రలో నిలిచి పోతారన్నారు. తెలుగుదేశం ప్రభుత్వం ఏర్పడిన తర్వాత జరిగిన పలు ప్రమాదాల్లో బాధితులకు రూ.5 లక్షలు పరిహారం ఇచ్చారని, ఇక్కడ మాత్రం కేవలం రూ.2 లక్షలకే ప్రకటించడం తగదన్నారు. ప్రజాగ్రహంతో దిగివచ్చి మళ్లీ దానిని రూ.3 లక్షలకు పెంచడం పాలకుల చేతగానితనానికి నిదర్శనంగా నెహ్రూ అభివర్ణించారు.
  
  సొంతంగా ఒక్క రూపాయి కూడా విదల్చని వర్మ జగన్‌మోహన్‌రెడ్డిని విమర్శించేందుకు సాహసించడం విడ్డూరంగా ఉందన్నారు. దహన సంస్కారాలకు ఇచ్చిన రూ.5 వేలు కూడా తమ సొంత సొమ్ము ఇచ్చినట్టు వర్మ చెప్పుకోవడంపై ప్రజలు ముక్కున వేలేసుకుంటున్నారన్నారు. వైఎస్సార్ సీపీ పిఠాపురం నియోజకవర్గ కన్వీనర్ పెండెం దొరబాబు, జెడ్పీటీసీ మాజీ సభ్యుడు రావు చిన్నారావు మాట్లాడుతూ జరిగిన సంఘటనకు చలించిన జగన్‌మోహన్‌రెడ్డి బాధితులను పరామర్శించి, అన్ని ప్రాంతాలు పూర్తిగా పరిశీలించి వారికి ఆసరాగా నిలబడతానని మాట ఇచ్చారన్నారు. దానిని నిలబెట్టుకునేందుకు బాధితులకు ఒక్కొక్కరికి రూ.50వేలు ఇచ్చేందుకు ముందుకు వచ్చారని, వాటిని పంపిణీ కూడా చేశామని తెలిపారు.  
  


 సాక్షి, హైదరాబాద్: అస్వస్థతకు గురై ఆసుపత్రిలో చికిత్స పొందుతున్న ఏపీ వైసీపీ శాసన సభాపక్ష ఉపనేత జ్యోతుల నెహ్రూను పార్టీ అధ్యక్షుడు వైఎస్ జగన్‌మోహన్‌రెడ్డి బుధవారం ఫోన్‌లో పరామర్శించారు. నెహ్రూ అనారోగ్యానికి గురికావడంతో మూడు రోజుల క్రిత ం కాకినాడలోని ఓ ప్రైవేట్ ఆసుపత్రిలో చేరారు. నెహ్రూ ఆరో గ్య పరిస్థితిని తెలుసుకోని, త్వరగా కోలుకోవాలని జగన్ ఆకాంక్షించారు.


  కాకినాడ :అస్వస్థతతో బాధపడుతున్న వైఎస్సార్ కాంగ్రెస్ శాసనసభాపక్ష ఉపనేత, పార్టీ జిల్లా అధ్యక్షుడు జ్యోతుల నెహ్రూను ఆయన చికిత్స పొందుతున్న కాకినాడ సేఫ్ ఆస్పత్రిలో మంగళవారం వివిధ రాజకీయపక్షాల నేతలు పరామర్శించారు. రాష్ట్ర ఉపముఖ్యమంత్రి, హోం శాఖ  మంత్రి నిమ్మకాయల చినరాజప్ప, ఎమ్మెల్సీ బొడ్డు భాస్కర రామారావు, ఎమ్మెల్యేలు చిర్ల జగ్గిరెడ్డి, వనమాడి కొండబాబు, వైఎస్సార్ సీపీ సీజీసీ సభ్యులు కుడుపూడి చిట్టబ్బాయి, జక్కంపూడి విజయలక్ష్మి,  మాజీ ఎంపీ గిరిజాల వెంకటస్వామినాయుడు, పార్టీ రాష్ట్ర కార్యదర్శి జక్కంపూడి రాజా, వైద్య విభాగం కన్వీనర్ డాక్టర్ యనమదల మురళీకృష్ణ, పార్టీ రాజమండ్రి పార్లమెంట్ కో-ఆర్డినేటర్ బొడ్డు అనంత వెంకటరమణ చౌదరి, వివిధ నియోజకవర్గాల కో-ఆర్డినేటర్లు బొంతు రాజేశ్వరరావు, కొండేటి చిట్టిబాబు, జిల్లా అధికార ప్రతినిధి పి.కె. రావు, రాష్ట్ర సేవాదళ్ కార్యదర్శి సుంకర చిన్ని, ఆకుల వీర్రాజు, మేడపాటి అనిల్‌రెడ్డి, నక్కా రాజబాబు, కిర్లంపూడి దత్తుడు, లింగం రవి తదితరులు ఆయనను పరామర్శించారు.
  


 కాకినాడ ఆస్పత్రిలో చేరిక.. పలువురి పరామర్శ
 
 కాకినాడ : వైఎస్సార్ కాంగ్రెస్ పార్టీ శాసనసభా పక్ష ఉపనాయకుడు, పార్టీ జిల్లా అధ్యక్షుడు జ్యోతుల నెహ్రూ సోమవారం స్వల్ప అస్వస్థతకు గురయ్యారు. జ్వరంతో బాధపడుతున్న ఆయనను కాకినాడలోని సేఫ్ ఆస్పత్రికి తరలించారు. అక్కడి వైద్యులు ఆయనకు చికిత్స అందిస్తున్నారు. జ్యోతుల నెహ్రూను ప్రత్తిపాడు, రంపచోడవరం ఎమ్మెల్యేలు వరుపుల సుబ్బారావు, వంతల రాజేశ్వరి, మాజీ ఎమ్మెల్యేలు ద్వారంపూడి చంద్రశేఖరరెడ్డి, పెండెం దొరబాబు, జడ్పీ మాజీ ఛైర్మన్ చెల్లుబోయిన వేణు, పార్టీ జిల్లా యువజన, వాణిజ్యవిభాగాల కన్వీనర్లు అనంత ఉదయభాస్కర్, కర్రి పాపారాయుడు, రాష్ట్ర యువజన విభాగం సభ్యులు వాసిరెడ్డి జమీలు, నాయకులు అత్తిలి సీతారామస్వామి, గొల్లపల్లి బుజ్జి, అత్తులూరి సాయిబాబు, అత్తులూరి నాగబాబు, మాకినీడి గాంధీ, భూపాలపట్నం ప్రసా ద్, మారిశెట్టి భద్రం, వీరంరెడ్డి కాశిబాబుఆస్పత్రికి వచ్చి కలిసి పరామర్శించారు.


 సాక్షి, రాజమండ్రి : నాయకులు, కార్యకర్తలు అందరం సమన్వయంతో పనిచేసి వైఎస్సార్ సీపీని పటిష్టం చేద్దామని ఆ పార్టీ  శాసనసభాపక్ష ఉపనేత, జిల్లా అధ్యక్షుడు జ్యోతుల నెహ్రూ పిలుపునిచ్చారు. ఆదివారం రాజమండ్రి ఆర్‌అడ్‌బీ అతిథి గృహంలో ఆయన విలేకరులతో మాట్లాడారు. పార్టీని పటిష్టం చేసేందుకు ఈ నెల 19 నుంచి నియోజకవర్గాల వారీగా సమీక్షలు నిర్వహిస్తున్నామని, ఇప్పటికే 15 నియోజకవర్గాల్లో వాటిని పూర్తిచేశామని వెల్లడించారు. ఇకపై పార్టీ నిర్మాణంపై దృష్టిపెట్టి ఆ దిశగా నిర్ణయాలు తీసుకుంటామని చెప్పారు.  మండలస్థాయి నుంచి జిల్లా స్థాయి వరకూ కమిటీల నియామకాలను నెలాఖరులోగా పూర్తిచేస్తామని,  గ్రామ, వార్డు స్థాయి కమిటీలను కూడా ఆ తరువాత నియమిస్తామని చెప్పారు.  జిల్లాలో రైతాంగ సమస్యలను తెలుగుదేశం ప్రభుత్వం గాలికొదిలేసిందని ధ్వజమెత్తారు. రెండు నియోజకవర్గాలకు సాగునీరు అందించే ఏలేరు ఆధునికీకరణను ప్రభుత్వం మరుగునపడేసిందని విమర్శించారు.  
  
  కేఎస్‌ఈజెడ్‌పై మాటమార్చారు
  కాకినాడ సెజ్(కేఎస్‌ఈజెడ్)ను ప్రతిపక్షంలో ఉన్నప్పుడు టీడీపీ వ్యతిరేకించిందని, ఇప్పుడు దానికి అనుకూలంగా మాట్లాడుతుందని, ఇదేం వైఖరి అని ప్రశ్నించారు. జిల్లాలోనే ఉన్న ఆర్థిక మంత్రి కేఎస్‌ఈజెడ్‌కు కొత్త ప్రాజెక్టులు వస్తున్నాయంటూ కొత్త పల్లవి అందుకోవడం విడ్డూరంగా ఉందని ఎద్దేవా చేశారు.  సెజ్‌ల వల్ల రైతులు భూములు కోల్పోతున్నారంటూ గగ్గోలు పెట్టిన  నాటి నేతలేనా వీళ్లంటూ ఎత్తిచూపారు. గోదావరి పుష్కరాల నిర్వహణకు ప్రభుత్వం రూ.131 కోట్లు కూడా ఇవ్వదని, కేవలం రూ.31 కోట్లు చెల్లించి మిగిలిన రూ. 100 కోట్లు దేవాదాయ శాఖ ఆదాయంలో ఖర్చు చేసే ఆలోచనలో ఉందని విమర్శించారు.  
  
  ఇసుక దందాపై సీబీఐ విచారణ అవసరం
  ఇసుక అక్రమాలపై సీబీఐ విచారణ జరిపించాలని జ్యోతుల డిమాండ్ చేశారు. ఈ అవినీతిలో అధికారపార్టీ నేతలకూ ప్రమేయం ఉందని విమర్శించారు. సీతానగరం మండలంలో వెలు గు చూసిన అక్రమాల్లో అమాయకులు బలి కాకుండా అసలైన అక్రమార్కులను పట్టుకుని శిక్ష వేయించేలా కలెక్టర్ చర్యలు తీసుకోవాల న్నారు. ఇసుక అక్రమాల విషయంలో పత్రికల పాత్ర అభినందనీయమన్నారు. సమావేశంలో ఎమ్మెల్సీ ఆదిరెడ్డి అప్పారావు, సీజీసీ సభ్యురాలు జక్కంపూడి విజయలక్ష్మి, మాజీ ఎమ్మె ల్యే రౌతు సూర్యప్రకాశరావు, మాజీ ఎంపీ గిరజాల వెంకట స్వామినాయుడు, పార్టీ రాష్ట్ర కార్యదర్శి జక్కంపూడి రాజా, రాజమండ్రి కార్పొరేషన్ ఫ్లోర్ లీడర్ మేడపాటి షర్మిల, డిప్యూటీ ఫ్లోర్ లీడర్ గుత్తుల మురళీధర్ పాల్గొన్నారు. అనంతరం పార్టీ సేవాదళ్ రాష్ట్ర కార్యదర్శి సుంకర చిన్ని నెహ్రూను కలుసుకున్నారు.
  


 రాజమండ్రి: రాష్ట్రంలో ఇసుక అక్రమాలపై సీబీఐతో విచారణ జరిపించాలని వైఎస్ఆర్ కాంగ్రెస్ పార్టీ డిప్యూటీ ఫ్లోర్ లీడర్ జ్యోతుల నెహ్రు ప్రభుత్వాన్ని డిమాండ్ చేశారు. ఆదివారం రాజమండ్రిలో నెహ్రు మాట్లాడుతూ... రాష్ట్రంలో ఇసుక అక్రమ రవాణ యధేచ్చగా సాగుతుందని ఆరోపించారు. శాండ్ మాఫియాను అరికట్టడంలో ప్రభుత్వ ఘోరంగా విఫలమైందని అన్నారు. పోలవరం విషయంలో కేంద్రంపై ఒత్తిడి తీసుకురావడంలో చంద్రబాబు ప్రభుత్వం విఫలమైందని ఎద్దేవా చేశారు. అలాగే ఏలేరు ఆధునికీకరణకు కూడా ప్రభుత్వం మొండి చేయి చూపిందని విమర్శించారు.


  సాక్షి, రాజమండ్రి :పార్టీని ముందుకు నడిపే బాధ్యత మీదే అని వైఎస్సార్ కాంగ్రెస్ పార్టీ జిల్లా అధ్యక్షుడు జ్యోతుల నెహ్రూ కార్యకర్తలతో అన్నారు.  రాజమండ్రి నియోజకవర్గ కార్యకర్తల విస్తృత స్థాయి సమావేశం స్థానిక మంగళవారపుపేటలోని  గంటా గనిరాజు కళ్యాణ మండపంలో ఎమ్మెల్సీ ఆదిరెడ్డి అప్పారావు అధ్యక్షతన శనివారం జరిగింది. ముఖ్య అతిథిగా పాల్గొన్న జ్యోతుల మాట్లాడుతూ ‘మీకు ఏ కష్టం వచ్చినా జ్యోతుల ఉన్నాడని గుర్తు చేసుకోండి’ అని కార్యకర్తలకు ధైర్యం చెప్పారు. గ్రామ, వార్డు స్థాయిల్లో పార్టీని బలోపేతం చేసేందుకు కార్యకర్తలు కీలక పాత్ర పోషించాల్సిన అవసరం ఉందన్నారు.  అధ్యక్షోపన్యాసంలో ఆదిరెడ్డి మాట్లాడుతూ  ప్రభుత్వ వైఫల్యాలను ఎండగడుతూ పార్టీకి దిశా నిర్దేశం చేస్తామన్నారు.
  
  జిల్లా మాజీ అధ్యక్షుడు కుడుపూడి చిట్టబ్బాయి, మాజీ చైర్మన్ చెల్లుబోయిన వేణుగోపాల కృష్ణ. మాజీ ఎమ్మెల్యే రౌతు సూర్యప్రకాశ రావు, గత ఎన్నికల్లో రాజమండ్రి ఎంపీగా పోటీ చేసిన బొడ్డు వెంకట రమణచౌదరి, పార్టీ జిల్లా ప్రచార కార్యదర్శి రావూరి వెంకటేశ్వరరావు మాట్లాడుతూ రుణమాఫీ పేరుతో చంద్రబాబు రైతులను, మహిళలను మోసం చేశారన్నారు.  ప్రత్తిపాడు ఎమ్మెల్యే వరుపుల సుబ్బారావు, మాజీ ఎమ్మెల్యే గిరజాల వెంకట స్వామినాయుడు, వివిధ జిల్లా సెల్‌ల కన్వీనర్లు కర్రి పాపారాయుడు, శెట్టిబత్తుల రాజబాబు, కొండేటి చిట్టిబాబు, గారపాటి ఆనంద్, రాజమండ్రి రూరల్ కన్వీనర్ ఆకుల వీర్రాజు, రాష్ట్ర ఎస్సీ సెల్ సభ్యుడు మాసా రాం జోగ్, నగరపాలక సంస్థ ఫ్లోర్ లీడర్ మేడపాటి షర్మిలారెడ్డి, ఆదిరెడ్డి వాసు, రావిపాటి రామచంద్రరావు, నక్కా రాజ బాబు, కార్పొరేటర్లు, మాజీ కార్పొరేటర్లు పాల్గొన్నారు. అంతకు ముందు నెహ్రూకు పూర్ణకుంభంతో స్వాగతం పలికారు. నెహ్రూ, చిట్టబ్బాయిలను ఘనంగా సత్కరించారు.
  


  కాకినాడ: అధికార తెలుగుదేశం పార్టీ నేతలు, ప్రభుత్వం నుంచి ఎలాంటి దాడులు, బెదిరింపులు, ఒత్తిళ్లు ఎదురైనా ఏ ఒక్కరూ భయపడాల్సిన పనిలేదని, పార్టీ తరఫున తాము రక్షణ కవచంలా నిలుస్తామని వైఎస్సార్ సీపీ జిల్లా అధ్యక్షుడు జ్యోతుల నెహ్రూ పార్టీ శ్రేణులకు భరోసా ఇచ్చారు. కాకినాడ గొడారిగుంటలో నియోజకవర్గ కోఆర్డినేటర్, మాజీ ఎమ్మెల్యే ద్వారంపూడి చంద్రశేఖరరెడ్డి ఆధ్వర్యంలో ఏర్పాటైన సిటీ నియోజకవర్గ సమీక్షలో ఆయన పాల్గొని మాట్లాడారు. ప్రస్తుతం చంద్రబాబు హయాంలో ప్రత్యర్థ పార్టీలపై జరుగుతోన్న కక్షసాధింపుల వంటి నీచ సంస్కృతిని మున్నెన్నడూ చూడలేదన్నారు. ప్రజల తరఫున పోరాడే జగన్‌తో భవిష్యత్‌లో తన మనుగడకు ప్రమాదం ఉందని భయంతో టీడీపీ ఉందన్నారు. వైఎస్సార్ సీపీని నిర్మాణాత్మకమైనదిగా తీర్చిదిద్దుదామన్నారు.
  
  కాకినాడ పార్లమెంటరీ నియోజకవర్గ పార్టీ పరిశీలకులు, ఎమ్మెల్యే ముత్యాలనాయుడు మాట్లాడుతూ గతంలో జగన్‌ను జైలులో నిర్బధించిన సోనియా నేతృత్వంలోని కాంగ్రెస్ నామరూపాలు లేకుండా పోయిందన్నారు. తెలుగుదేశానికి అదే గతి పడుతుందన్నారు. ప్రత్తిపాడు ఎమ్మెల్యే వరుపుల సుబ్బారావు మాట్లాడుతూ చంద్రబాబు ఇచ్చిన మాటను అమలు చేయకుండా రుణమాఫీపై ముఖం చాటేశారన్నారు. మాజీ ఎమ్మెల్యే పెండెం దొరబాబు మాట్లాడుతూ రానున్న కార్పొరేషన్ ఎన్నికలను ప్రతిష్టాత్మకంగా తీసుకోవాలన్నారు. జడ్పీ మాజీ ఛైర్మన్, కాకినాడరూరల్ కోఆర్డినేటర్ చెల్లుబోయిన వేణు మాట్లాడుతూ కార్యకర్తలకు అండగా ఉంటామన్నారు. జిల్లా ఎస్సీసెల్ ఛైర్మన్ శెట్టిబత్తుల రాజబాబు మాట్లాడుతూ జ్యోతుల నెహ్రూ వంటి పోరాటతత్వం కలిగిన నాయకుడన్నారు. జిల్లా ప్రచారకమిటీ కన్వీనర్ రావూరి వెంకటేశ్వరరావు, నాయకులు అత్తిలి సీతారామస్వామి, వైఎస్సార్ సీపీ కాకినాడ నగర కన్వీనర్ ఆర్‌వీజేఆర్ కుమార్ మాట్లాడారు.
  
  పవన్‌కల్యాణ్ ఎక్కడ?: ద్వారంపూడి
  అన్యాయాన్ని ప్రశ్నిస్తానంటూ ఎన్నికల ముందు ప్రసంగాలతో ఊదరగొట్టిన సినీనటుడు పవన్ కల్యాణ్ ఇప్పుడు ఎక్కడ ఉన్నారని మాజీ ఎమ్మెల్యే ద్వారంపూడి చంద్రశేఖరరెడ్డి నిలదీశారు. చంద్రబాబుకు మద్దతుగా ఎన్నికల ప్రచారం చేసిన ప్రతి ప్రాంతంలోను పవన్ అన్యాయాన్ని ప్రశ్నిస్తాను అంటూ వ్యాఖ్యలు చేశారని.. ఇప్పుడు రైతు, డ్వాక్రా రుణాలు రద్దు సహా చంద్రబాబు హామీలు ఏ ఒక్కటి అమలు కావడం లేదని, ఈ అన్యాయాన్ని ఆయన ఎందుకు ప్రశ్నించడం లేదని అన్నారు. సమావేశంలో తొలిత వైఎస్ చిత్రపటానికి పూలమాలలు వేసి నివాళులు అర్పించారు.
  
  చివరగా పార్టీ జిల్లా అధ్యక్షుడిగా నియమితులై తొలిసారిగా కాకినాడ వచ్చిన జ్యోతుల నెహ్రూను సన్మానించారు. సమావేశంలో రంపచోడవరం ఎమ్మెల్యే వంతల రాజేశ్వరి, జిల్లా యువజన విభాగం కన్వీనర్ అనంత ఉదయభాస్కర్, వైఎస్సార్ సీపీ మండలపేట కోఆర్డినేటర్ గిరిజాల వెంకటస్వామినాయుడు, పార్టీ నగర అధ్యక్షుడు ఆర్‌వీజేఆర్ కుమార్ , రాష్ట్ర కార్యదర్శి గుండా వెంకటరమణ, జిల్లా వక్ఫ్‌కమిటీ అధ్యక్షుడు అబ్దుల్‌బషీరుద్దీన్, రాష్ట్ర యువజన విభాగం సభ్యులు వాసిరెడ్డి జమీలు, కాకినాడ కార్పొరేషన్ మాజీ డిప్యూటీ మేయర్ పసుపులేటి వెంకటలక్ష్మి, పార్టీ నాయకులు దొంగ రామసత్యనారాయణ తదిత రులు పాల్గొన్నారు.  
  


  కాకినాడ రూరల్: వైఎస్సార్‌సీపీ అధినేత జగన్‌మోహన్‌రెడ్డిని సీఎంను చేయడమే లక్ష్యంగా తాను జిల్లాపార్టీ నాయకత్వాన్ని చేపట్టినట్లు పార్టీ జిల్లా అధ్యక్షుడు జ్యోతుల నెహ్రూ అన్నారు. బుధవారం సాయంత్రం శశికాంత్‌నగర్‌లోని సహకారశ్రీ నిలయంలో కాకినాడ రూరల్ నియోజకవర్గ పార్టీ కోఆర్డినేటర్ చెల్లుబోయిన వేణుగోపాలకృష్ణ ఆధ్వర్యంలో కాకినాడ రూరల్ నియోజకవర్గం కార్యకర్తలు, నాయకులతో ఏర్పాటు చేసిన సమీక్షలో ఆయన మాట్లాడారు. సుశిక్షితులైన కార్యకర్తలను తయారు చేయడమే తమ లక్ష్యం అన్నా రు.
  
  ప్రతి నియోజకవర్గంలో గుండె ధైర్యం ఉన్న ముగ్గురు కార్యకర్తలుంటే 30 వేల మంది కార్యకర్తలను తయారు చేసుకోవచ్చనే సిద్ధాంతాన్ని నమ్మిన వ్యక్తిగా జిల్లా పార్టీని బలోపేతానికి కృషి చేస్తానని చెప్పారు. ఏ కార్యకర్తకు అన్యాయం జరిగినా ఒక్క ఫోన్ చేస్తే చాలని, ఆ కార్యకర్త తరఫున న్యాయం కోసం పోరాడతామన్నారు. ఈ సందర్భంగా జిల్లా అధ్యక్షుడు జ్యోతుల నెహ్రూ, సీజీసీ స భ్యుడు కుడుపూడి చిట్టబ్బాయిలను సన్మా నించారు. ఎమ్మెల్యేలు వంతల రాజేశ్వరి, వరుపుల సుబ్బారావు, ఎస్సీసెల్ అధ్యక్షులు శెట్టిబత్తుల రాజబాబు, రెడ్డి రామసత్యనారాయణ, మిండగుదిటి మోహన్, కొండేటి చిట్టిబాబు, అత్తిలి సీతారామస్వామి, రావూరి వెంకటేశ్వరరావు, పబ్బినీడి సత్యనారాయణ మాట్లాడారు.
  


 ముమ్మిడివరం: ‘మీ అండదండలతో వైఎస్సార్ కాంగ్రెస్ పార్టీని నిర్ణయాత్మక రాజకీయ పార్టీగా తీర్చుదిద్దుతా’నని జిల్లా వైఎస్సార్ కాంగ్రెస్ పార్టీ జిల్లా అధ్యక్షుడు జ్యోతుల నెహ్రూ ఉద్ఘాటించారు. దానికి ప్రతి కార్యకర్త కార్యోన్ముఖులు కావాలని కోరారు. ముమ్మిడివరం నియోజకవర్గ వైఎస్సార్ సీపీ కార్యకర్తల విస్తృత స్థాయి సమావేశం సోమవారం నియోజకవర్గ కోఆర్డినేటర్ గుత్తుల సాయి అధ్యక్షతన స్ధానిక కోకోనట్ మర్చంట్ అసోిసియేషన్ హలులో జరిగింది. ఈసందర్భంగా నెహ్రూ  మాట్లాడుతూ మూడునెలలు తిరక్కుండానే  చంద్రబాబు ప్రభుత్వం ప్రజల విశ్వాసం కోల్పోయిందన్నారు. టీడీపీ నాయకులు వైఎస్సార్ సీపీ కార్యకర్తలను వేధిస్తే జిల్లా పార్టీ నాయకత్వం మీకు అండగా ఉంటుందన్నారు.
  
 అవసరమైతే వీధి పోరాటాలకైనా సిద్ధమన్నారు. పీఏసీ సభ్యుడు పిల్లి సుభాష్ చంద్రబోస్ మాట్లాడుతూ శుష్క వాగ్దానాలతో అధికారంలోకి వచ్చిన చంద్రబాబు అధికారంలోకి వచ్చిన మూడునెలల్లోనే ప్రజా విశ్వాసం కోల్పోయారన్నారు. రంపచోడవరం ఎమ్మెల్యే వంతల రాజేశ్వరి, జిల్లా ఎస్సీసెల్ కన్వీనర్ శెట్టిబత్తుల రాజబాబు, జెడ్పీ మాజీ చైర్మన్ చెల్లుబోయిన వేణు, అమలాపురం కో ఆర్డినేటర్ గొల్ల బాబూరావు మాట్లాడుతూ కల్లబొల్లి హామీలతో ప్రజలను మోసగించి చంద్రబాబు అధికారాన్ని దక్కించుకున్నారన్నారు. వైఎస్ సంక్షేమ పాలన కోసం ప్రజలు ఎదురు చూస్తున్నారన్నారు.
 
 పార్టీ జిల్లా ప్రచారకర్త రావూరి వెంకటేశ్వరావు చ ంద్రబాబు పాలనపై వ్యంగ్యాస్త్రాలు విసురుతూ కార్యకర్తలను ఉత్తేజ పరిచారు. రాష్ట్ర కార్యదర్శి జీవీ రమణ,సీజీసీ సభ్యుడు కుడుపూడి చిట్టబ్బాయి,  జిల్లా యువత అధ్యక్షుడు ఎ.అనంత ఉదయ భాస్కర్, పి.గన్నవరం కో ఆర్డినేటర్ కొండేటి చిట్టిబాబు, జిల్లా కో ఆర్డినేటర్ మిండగుదిటి మోహన్, జిల్లా వాణిజ్య విభాగం కన్వీనర్ కర్రి పాపారాయుడు, దొంగ రామసత్యనారాయణ,  జిల్లా స్టీరింగ్ కమిటీ సభ్యులు పెన్మత్స చిట్టిరాజు,పెయ్యల చిట్టిబాబు, మండల కన్వీనర్లు జగతా పద్మనాభం, విత్తనాల వెంకటరమణ, కాళే రాజబాబు, దడాల బుజ్జిబాబు తదితరులు పాల్గొన్నారు.


 సాక్షి, న్యూఢిల్లీ: ఎన్నికల ముందు ఇచ్చిన హామీల ఎగవేతకు టీడీపీ అధినేత, ఏపీ ముఖ్యమంత్రి చంద్రబాబు దొడ్డిదారులు వెతుకుతున్నారని వైఎస్సార్‌సీపీ శాసనసభాపక్ష ఉప నేత జ్యోతుల నెహ్రూ ధ్వజమెత్తారు. ఆయన గురువారం ఢిల్లీలో విలేకరులతో మాట్లాడారు.ఒక ఉత్పాదక వ్యయంగా ఖర్చు పెట్టాల్సిన ఫీజు రీయింబర్స్‌మెంటు గానీ, వయో వృద్ధులను ఆదుకోవడం కోసం ఇచ్చే పెన్షన్ల విషయంలో గానీ ప్రభుత్వ తీరు సక్రమంగా లేదని దుయ్యబట్టారు.
  
 సీనియర్ మంత్రులను కూడా పక్కన పెట్టి చంద్రబాబు తన సామాజిక వర్గానికి చెందిన నేతలకే పెద్దపీట వేస్తున్నారని ఆరోపించారు.  ‘‘పెన్షన్ల కోసం రూ. 2,882 కోట్లు అవసరమైతే బడ్జెట్‌లో రూ. 1,338 కోట్లు కేటాయించారు. ఫీజు రీయింబర్స్‌మెంటుకు రూ. 4,300 కోట్లు అవసరం కాగా 2040 కోట్లు మాత్రమే కేటాయించారు. ఆహార సబ్సిడీకి రూ. 4,173 కోట్లు అవసరం కాగా కేవలం రూ. 2,318 కోట్లు కేటాయించారు. ఇది వృద్ధులు, విద్యార్థులు, పేదలకు మొండిచేయి చూపించే ప్రయత్నమే ’’ అని నె్రహూ దుయ్యబట్టారు.


 హైదరాబాద్ : ప్రతిపక్ష నేతలను  అవమానపరిచేందుకు అధికార పక్షం ప్రయత్నిస్తోందని వైఎస్ఆర్ ఎల్పీ నేత జ్యోతుల నెహ్రు అన్నారు. యనమల రామకృష్ణుడు... ప్రతిపక్ష నేత వైఎస్ జగన్ మోహన్ రెడ్డిని అవమానపరిచేలా అన్ పార్లమెంటరీ పదాలు ఉపయోగించారని ఆయన అన్నారు. తాము ప్రజల ద్వారా ఎన్నికైన ప్రజాప్రతినిధులమని జ్యోతుల స్పష్టం చేశారు.
  
 దొడ్డిదారిన మంత్రి పదవులు తెచ్చుకోలేదన్నారు. యనమల క్షమాపణ చెప్పాలని జ్యోతుల నెహ్రు డిమాండ్ చేశారు. అటువంటి పదాలను రికార్డుల నుంచి తొలగించాలన్నారు. సభ సాంప్రదాయం పాటించి చర్చ జరపాలన్నారు.  ఆ తర్వాత సంపూర్ణంగా సహకరించేందుకు తాము సిద్ధంగా ఉన్నామన్నారు.


 సభకు వచ్చి క్షమాపణలు చెప్పినప్పటి నుంచి అమలు
  సాక్షి, హైదరాబాద్: వైఎస్సార్‌సీపీ ఎమ్మెల్యేలు ఆర్.శివప్రసాదరెడ్డి, మణిగాంధీపై సస్పెన్షన్‌ను ఎత్తివేశారు. తమ పార్టీ సభ్యుల మీద విధించిన సస్పెన్షన్‌ను తొల గించాలంటూ ప్రతిపక్ష పార్టీ ఉప నేత జ్యోతుల నెహ్రూ బుధవారం సభలో స్పీకర్‌కు చేసిన విజ్ఞప్తికి సానుకూలంగా స్పందించారు. సభ్యులు క్షమాపణలు చెబితే సస్పెన్షన్ తొలగించడానికి అభ్యంతరం లేదని శాసనసభ వ్యవహారాల శాఖ మం త్రి యనమల రామకృష్ణుడు చెప్పారు. ఈమేరకు షరతులతో కూడిన తీర్మానాన్ని సభ ఆమోదించింది. సభ్యులు అందుబాటులో లేకపోవడంతో, వారు సభకు వచ్చి క్షమాపణ చెప్పిన వెంటనే సస్పెన్షన్ తొలగిపోతుందని స్పీకర్ చెప్పారు.


 కాకినాడ : వైఎస్సార్ కాంగ్రెస్ జిల్లా అధ్యక్షునిగా నియమితులయ్యాక తొలిసారి ఆదివారం జిల్లాకు వచ్చిన ఆ పార్టీ శాసనసభాపక్ష ఉపనేత, జగ్గంపేట ఎమ్మెల్యే జ్యోతుల నెహ్రూకు ఘన స్వాగతం లభించింది. వివిధ ప్రాంతాల్లో ఆయనను పార్టీ శ్రేణులుపూలమాలలతో ముంచెత్తారు. జ్యోతుల హైదరాబాద్ నుంచి ఉదయం జగ్గంపేట నియోజకవర్గంలోని స్వగ్రామమైన ఇర్రిపాక చేరుకున్నారు. రంపచోడవరం ఎమ్మెల్యే వంతల రాజేశ్వరి, పార్టీ జిల్లా వాణిజ్య విభాగం కన్వీనర్ కర్రి పాపారాయుడు, పలువురు నేతలు, కార్యకర్తలు ఆయనను కలిసి అభినందించారు. అనంతరం అన్నవరం వెళ్లిన జ్యోతులకు ప్రత్తిపాడు ఎమ్మెల్యే వరుపుల సుబ్బారావు, పార్టీ యువజన విభాగం జిల్లా అధ్యక్షుడు అనంత ఉదయ భాస్కర్, నియోజకవర్గ నాయకులు, కార్యకర్తలు స్వాగతం పలికారు.
  
  ఎమ్మెల్యేలు వంతల రాజేశ్వరి, వరుపుల సుబ్బారావుతో కలిసి జ్యోతుల సత్యదేవుని దర్శించుకున్నారు. అక్కడి నుంచి కత్తిపూడి, గొల్లప్రోలు, పిఠాపురం మీదుగా కాకినాడ చేరుకున్న ఆయనకు సర్పవరం జంక్షన్ వద్ద మాజీ ఎమ్మెల్యే ద్వారంపూడి చంద్రశేఖరరెడ్డి, వివిధ నియోజకవర్గాల కో ఆర్డినేటర్లు చెల్లుబోయిన వేణు, ఆకుల వీర్రాజు, రెడ్డి వీరవెంకటసత్యప్రసాద్, తోట సుబ్బారావునాయుడు, కాకినాడ సిటీ అధ్యక్షుడు ఆర్‌వీజేఆర్ కుమార్ తదితరులు స్వాగతం పలికారు.
  
  పెద్ద ఎత్తున బాణా సంచాకాల్చి జ్యోతులను పూలమాలలతో ముంచెత్తారు. అనంతరం జ్యోతుల జేఎన్‌టీయూ, భానుగుడి, టూ టౌన్, మెయిన్‌రోడ్ మీదుగా బాలాజీచెరువు సెంటర్‌కు చేరుకుని దివంగత ముఖ్యమంత్రి వైఎస్ రాజశేఖరరెడ్డి విగ్రహం వద్ద ఆయన చిత్రపటానికి పూలమాలలు వేసి నివాళులు అర్పించారు. అనంతరం జిల్లా పరిషత్ కార్యాలయానికి చేరుకున్నారు. ఆయన వెంట పార్టీ జిల్లా ప్రచార, ఎస్సీ సెల్, రైతు విభాగం కన్వీనర్లు రావూరి వెంకటేశ్వర్లు, శెట్టిబత్తుల రాజబాబు, రెడ్డి రాధాకృష్ణ, పార్టీ జిల్లా అధికార ప్రతినిధి కొమ్మిశెట్టి బాలకృష్ణ, పి.గన్నవరం నియోజకవర్గ నాయకుడు విప్పర్తి వేణుగోపాలరావు తదితరులున్నారు.
  


 సాక్షి, కాకినాడ :పోలవరం ప్రాజెక్టు నిర్మాణం ఆలస్యమవుతుం దనే సాకుతో గోదావరికి ఇరువైపులా ఒక్కొక్కటి రూ.2 వేల కోట్లతో ప్రతిపాదించిన లిఫ్ట్ ఇరిగేషన్ ప్రాజెక్టుల ను అడ్డుకోకపోతే ‘గోదావరి జిల్లాలు’ ఏడారిగా మిగి లిపోతాయని శాసనసభ ఉపనేత, జగ్గంపేట ఎమ్మెల్యే జ్యోతుల నెహ్రూ ఆందోళన వ్యక్తం చేశారు. ఇప్పటికే గోదావరిపై తెలంగాణలో 11 లిఫ్ట్ ఇరిగేషన్ ప్రాజెక్టుల నిర్మాణం తుదిదశకు చేరుకున్నాయని, ఇవి పూర్తయితే ఏకంగా 71 క్యూసెక్కుల నీటిని కోల్పోనున్నామన్నారు. ప్రస్తుతం గోదావరిపై మరో రెండు లిఫ్ట్‌లు తలపెడితే సెప్టెంబర్ నుంచి చుక్క నీరు కూడా వచ్చే అవకాశం ఉండదని, తద్వారా రెండో పంటకు నీరుండదని హె చ్చరించారు. జెడ్పీ చైర్మన్ నామన రాంబాబు అధ్యక్షతన ఆదివారం జరిగిన జెడ్పీ సర్వసభ్య సమావేశంలో ఇరిగేషన్, వ్యవసాయం, ఆర్‌డబ్ల్యూఎస్, ఉపాధి హా మీ, గ్రామీణాభివృద్ధి శాఖలపై వాడీవేడిగా చర్చ సాగిం ది.
  
  నెహ్రూ మాట్లాడుతూ గోదావరిపై లిఫ్ట్‌ల నిర్మాణాన్ని అడ్డుకునేందుకు తీర్మానం చేయాలని పట్టుబట్ట గా, ఈ నెల 28న ప్రత్యేక సమావేశం ఏర్పాటు చేసి, చర్చిద్దామని జెడ్పీ చైర్మన్ హామీ ఇచ్చారు. ఇంకా పుష్క ర ఎత్తిపోతల పథకం 60 శాతం పనులు కూడా పూర్తి కాలేదని నెహ్రూ అన్నారు. విద్యుత్ శాఖాధికారుల నిర్లక్ష్యం వల్ల ఏడు గంటలు కూడా సరఫరా ఇవ్వడం లేద న్నారు. ఇతర లిఫ్ట్ ఇరిగేషన్ ప్రాజెక్టుల వల్ల రైతులకు పూర్తి స్థాయిలో ప్రయోజనం చేకూరడం లేదన్నారు. ఈ సీజన్‌లో కేవలం 195 మి.మీ. మాత్రమే నమోదైందన్నారు. కనీవినీ ఎరుగని కరువును ఎదుర్కోబోతున్నామన్నారు. ముందస్తు కార్యాచరణ లేకపోవడం వల్ల రైతులు తీవ్రంగా నష్టపోయారన్నారు. ఇరిగేషన్, వ్యవసాయ, విద్యుత్ శాఖలు సమన్వయంతో  పనిచేస్తే రై తులకు మేలు జరుగుతుందన్నారు.
  
  నూతన విత్తనాన్ని సరఫరా చేయడం, ఆరుతడి పంటలను ప్రోత్సహించ డం వంటి చర్యలు చేపట్టాలన్నారు. డెల్టా ఆధునికీకర ణ కోసం ఒక పంటకాలాన్ని త్యాగం చేయడంపై రైతులకు అవగాహన కల్పించాలన్నారు. డీఆర్డీఏ పీడీ చంద్ర శేఖరరాజు మాట్లాడుతూ జిల్లాలో ఇప్పటివరకు 3.98 లక్షల మందికి సంబంధించి ఆధార్ లింకప్ పూర్తయిందన్నారు. ఇంకా 60 వేల మందిని అనుసంధానం చేయాల్సి ఉందన్నారు. నెహ్రూ స్పందిస్తూ.. పరిశీలన లో అనర్హులెందరిని గుర్తించారో చెప్పాలని డిమాండ్ చేశారు. రాజకీయ నాయకుల్లా అధికారులు ఉపన్యాసాలివ్వడం సరికాదన్నారు. రేషన్‌కార్డులను అనుసంధానం చేయడం ద్వారా ఏటా రూ.100 కోట్లకుపైగా ఆదా కానుందని కలెక్టర్ నీతూ ప్రసాద్ చెప్పగా, ఆ సొ మ్ముతో మరిన్ని ప్రజోపయోగ కార్యక్రమాలు చేయాల ని సభ్యులు సూచించారు.
  
  డ్వామా పీడీ పి.భవాని మా ట్లాడుతూ ఉపాధిహామీ పనులపై గ్రామ సమాచార బో ర్డులు ప్రదర్శించనున్నట్టు చెప్పారు. ఎమ్మెల్యే వరుపుల సుబ్బారావు మాట్లాడుతూ స్టేట్ ఫస్ట్‌లో ఉన్నామంటూ గొప్పలకు పోకుండా ప్రతీ ఇంటికీ మరుగుదొడ్డి నిర్మాణంపై దృష్టి పెట్టాలన్నారు. నాగరికతకు అద్దంపట్టే మ రుగుదొడ్ల నిర్మాణంపై నిర్లక్ష్యంతగదని ఎమ్మెల్యే గోరం ట్ల బుచ్చయ్య చౌదరి అన్నారు. కలెక్టర్ మాట్లాడుతూ గత వారం మనమే రాష్ర్టంలో మొదటి స్థానంలో ఉండేవారమని, ఇప్పుడు ప్రకాశం ఉందన్నారు. సర్పంచ్‌లు భాగస్వాములైతే జిల్లాలో లక్ష మరుగుదొడ్లు నిర్మించ డం కష్టం కాదన్నారు. ప్రతీ ఇంటికీ మరుగుదొడ్డి తప్పనిసరిగా నిర్మించేలా చర్యలు తీసుకోవాలని  ఉప ము ఖ్యమంత్రి, హోం మంత్రి నిమ్మకాయల చినరాజప్ప అధికారులను ఆదేశించారు. జేడీఏ విజయ్‌కుమార్ మాట్లాడుతూ జిల్లాలో తీవ్ర వర్షాభావ పరిస్థితులు ఉన్నమాట వాస్తవమేనన్నారు. 29 వేల హెక్టార్లలో ప్ర త్యామ్నాయ పంటలకు విత్తనాలు సిద్ధం చేశామన్నారు. రైతులకు రూ.4 వేల కోట్ల రుణాలు మాఫీ కానున్నాయ న్నారు.
  
  ఈ జీఓ 174లో తక్షణమే సవరణ చేయాలని కొత్తపేట ఎమ్మెల్యే చిర్ల జగ్గిరెడ్డి డిమాండ్ చేశారు. 13వ ఆర్థిక సంఘం నిధులు రాక మరమ్మతులు కూడా చేపట్టలేదని ఆర్‌డబ్ల్యూఎస్ ఎస్‌ఈ నందారావు చెప్పగా, ఏజెన్సీలో పర్యటించి పైపులైన్లకు మరమ్మతులు చేపట్టాలని ఎమ్మెల్యే వంతల రాజేశ్వరి కోరారు. తమ ప్రాంతాల్లో కార్యక్రమాలు చేపట్టడం లేదని ఖమ్మం నుంచి తూర్పు గోదావరిలో విలీనమైన చింతూరు, వీఆర్‌పురం, కూనవరం జెడ్పీటీసీలు సోయపు అరుణ, ముత్యాల కుసుమాంబ, ఎడవల్లి కన్యకాపరమేశ్వరి సభలో ఆవేదన వ్యక్తం చేశారు. ఫైనల్ నోటిఫికేషన్ రాగానే ఆయా ప్రాంతాల్లో పర్యటించి సమస్యల పరిష్కారానికి కృషి చేస్తామని కలెక్టర్ హామీ ఇచ్చారు. ఎంపీ పండుల రవీంధ్రబాబు, ఎమ్మెల్యే పిల్లి అనంతలక్ష్మి, డీసీసీబీ చైర్మన్ వరుపుల రాజా, డీసీఎంఎస్ చైర్మన్ కేవీవీ సత్యనారాయణరెడ్డి, జిల్లా గ్రంథాలయ సంస్థ చైర్మన్ అల్లు బాబీ పాల్గొన్నారు.
  


 కాకినాడ(తూర్పుగోదావరి జిల్లా): రౌడీలను ప్రోత్సహించే లక్షణం చంద్రబాబు నాయుడుకే ఉందని జగ్గంపేట ఎమ్మెల్యే, వైఎస్సార్ సీపీ శాసనసభాపక్ష ఉపనేత జ్యోతుల నెహ్రూ ఆరోపించారు. ఎదుట వ్యక్తిపై ధైర్యంగా మాట్లాడే దమ్ము చంద్రబాబుకు లేదని, అందుకే తన పక్కనున్న నేతలతో విమర్శలు చేయిస్తారని అన్నారు. రేపు బడ్జెట్‌పై శాసనసభలో తమ నాయకుడు వైఎస్ జగన్మోహన్ రెడ్డి మాట్లాడనున్న నేపథ్యంలోనే చంద్రబాబు ఢిల్లీ వెళ్తున్నారని అన్నారు.
 
 ప్రజా సమస్యలపై చర్చ జరగకుండా అసెంబ్లీని పక్కదోవ పట్టించేందుకే ముఖ్యమంత్రి చంద్రబాబు టీడీపీ ఎమ్మెల్యేలను ప్రతిపక్షంపైకి ఉసిగొల్పుతున్నారని వైఎస్సార్ సీపీ నాయకులు నిన్న ఆరోపించారు.


 హైదరాబాద్: కేబినెట్ నిర్ణయాల్లో బేలతనం కనిపిస్తోందని వైఎస్సార్ సీపీ డిప్యూటీ లీడర్ జ్యోతుల నెహ్రూ అభిప్రాయపడ్డారు. కేబినెట్ తీసుకునే నిర్ణయాల్లో స్పష్టత లేదన్నారు. సోమవారం వైఎస్సార్ సీపీ కార్యాలయంలో మీడియాతో మాట్లాడిన జ్యోతుల నెహ్రూ.. ఆంధ్రప్రదేశ్ ప్రజల ఆశలపై టీడీపీ ప్రభుత్వం నీళ్లు చల్లిందని మండిపడ్డారు. వ్యవసాయ బడ్జెట్ లో రుణాల మాఫీ ఉందా?లేదా?అనేది టీడీపీ స్పష్టం చేయాలన్నారు. వ్యవసాయ బడ్జెట్ పేరుతో ప్రజలను ఊరించడానికి చేస్తున్న మరో ప్రయత్నమే రుణమాఫీ అంశమన్నారు. రాష్ట్రానికి 24 గంట కరెంటు కూడా ఒక బూటకమని విమర్శించారు.
  
 అలా ఇవ్వడానికి అల్లా అద్భుత దీపం ఏమైనా ఉందా?అని నిలదీశారు. నదీజలాలు అందుబాటులో ఉంటాయి కాబట్టి ఉత్పత్తి ఆశాజనకం అనుకోవచ్చని, అయితే విద్యుత్ సేకరణ ఎలా చేస్తారో చెప్పకుండా నిరంతర విద్యుత్ ఎలా ఇస్తారని ప్రశ్నించారు. వ్యవసాయ రుణాల రీషెడ్యూల్ కు, రుణ మాఫీకి సంబంధం లేదని ఈ సందర్భంగా గుర్తు చేశారు. దీనిపై ప్రభుత్వ పెద్దలు ఎలాంటి స్పష్టత ఇవ్వలేకపోతున్నారని ఎద్దేవా చేశారు.


 హైదరాబాద్: రాష్ట్ర ముఖ్యమంత్రి చంద్రబాబు నాయుడు రైతురుణ మాఫీపై వంచనకు పాల్పడుతున్న నేపథ్యంలో వైఎస్ఆర్ కాంగ్రెస్ పార్టీ చేపట్టిన నరకాసుర వధ కార్యక్రమం ఆంధ్రప్రదేశ్లో గ్రామగ్రామాన విజయవంతమైందని ఆ పార్టీ డిప్యూటీ ఫ్లోర్ లీడర్ జ్యోతుల నెహ్రూ వెల్లడించారు. గురువారం హైదరాబాద్లో జ్యోతుల నెహ్రూ విలేకర్లసమావేశంలో మాట్లాడుతూ... నరకాసుర వధ కార్యక్రమానికి పెద్ద ఎత్తున రైతాంగం, మహిళాలోకం కదిలి వచ్చిందని తెలిపారు.
 
 ఆర్థిక మంత్రి యనమల తన స్థాయిని దిగజారి మాట్లాడుతున్నారని నెహ్రూ ఆరోపించారు. దొడ్డి దారిన మంత్రి అయిన మీరా తమ పార్టీ అధ్యక్షుడు వైఎస్ జగన్ను విమర్శించేది అని యనమలను ప్రశ్నించారు. ప్రజలు మిమ్మల్ని రెండుసార్లు ఓడించారని యనమలను ఉద్దేశించి అన్నారు. ప్రజలు అలా ఎందుకు ఓడించారో ఇప్పటికైనా తెలుసుకోవాలని యనమలకు నెహ్రూ సూచించారు. తమ పార్టీ అధ్యక్షుడు వైఎస్ జగన్ను విమర్శించడమే ఆంధ్రప్రదేశ్ మంత్రులు పనిగా పెట్టుకున్నారని ఆరోపించారు.   తమ నాయకుడిపై సదరు మంత్రులు హద్దులు మీరి మాట్లాడడం తగదని అన్నారు. టీడీపీ నేతలు సొంత డబ్బా, అలాగే వారి నాటకాలు చూస్తుంటే నవ్వోస్తోందని నెహ్రూ ఈ సందర్భంగా ఎద్దేవా చేశారు. ఎన్నికల నేపథ్యంలో ఇచ్చిన హామీలను అమలు చేస్తే తామే సన్మానం చేస్తామని టీడీపీ నేతలకు వైఎస్ఆర్ సీపీ ఫ్లోర్ లీడర్ నెహ్రూ సవాల్ విసిరారు.
 
 రైతులు, డ్వాక్రా మహిళల రుణాలు మాఫీ చేస్తామని హామీ ఇచ్చి.. అధికారంలోకి వచ్చాక చంద్రబాబు ప్రభుత్వం వంచనకు పాల్పడుతుంది వైఎస్ఆర్ కాంగ్రెస్ పార్టీ ఆరోపించింది. ఈ నేపథ్యంలో నేటి (గురువారం) నుంచి మూడు రోజుల పాటు ఆంధ్రప్రదేశ్లోని గ్రామ గ్రామాన నరకాసుర వధ కార్యక్రమం నిర్వహించాలని వైఎస్ఆర్ సీపీ అధ్యక్షుడు వైఎస్ జగన్ బుధవారం పిలుపు నిచ్చిన సంగతి తెలిసిందే. ఈ నేపథ్యంలో ఆంధ్రప్రదేశ్ రాష్ట్రంలోని గ్రామగ్రామాన నరకాసుర వధ కార్యక్రమాన్ని వైఎస్ఆర్ సీపీ నిర్వహించింది.


 సీతానగరం : పూర్తిస్థాయిలో రుణమాఫీ చేస్తామని తప్పుడు వాగ్ధానాలు చేసి రైతులను ప్రభుత్వం మోసం చేసిందని జగ్గంపేట ఎమ్మెల్యే, వైఎస్సార్ సీపీ శాసనసభాపక్ష ఉపనేత  జ్యోతుల నెహ్రూ ఆరోపించారు. బుధవారం పురుషోత్తపట్నంలోని పుష్కర ఎత్తిపోతల పథకం నుంచి సాగునీరు విడుదల అనంతరం సీతానగరం మదర్ థెరిస్సా సెంటర్‌లోని వైఎస్ రాజశేఖర్‌రెడ్డి విగ్రహానికి ఆయన పూలమాలలు వేసి నివాళులు అర్పించారు. ఈ సందర్భంగా జగ్గంపేట ఎమ్మెల్యే నెహ్రూ మాట్లాడుతూ రైతులను ఎన్నికల ముందు రుణాలు చెల్లించవద్దని చెప్పిన టీడీపీ ఇప్పుడు రుణ మాపీ కంటితుడుపుగా ఇచ్చిందన్నారు.
  
  రూ. 80వేల కోట్లు రైతులు రుణాలు పొందారని, ప్రస్తుతం ప్రభుత్వం కేవలం రూ.30 కోట్లు మాత్రమే మాఫీ చే స్తున్నారన్నారు. డ్వాక్రా మహిళలకు పూర్తిగా రుణమాఫీ చేస్తామని ఇప్పుడు షరతులు విధిస్తున్నారన్నారు. జగన్ ఇచ్చిన మాట తప్పని వ్యక్త అని ఆయన అన్నారు. ైరె తుల రుణమాఫీ సాధ్యం కాదన్నారని తెలిసి జగన్ హామీ ఇవ్వలేదన్నారు. మండల కన్వీనర్ పెదపాటి డాక్టర్‌బాబు, రైతులు ఎమ్మెల్యేను శాలువ కప్పి సత్కరించారు. మాజీ జెడ్పీటీసీ సభ్యుడు వలవల రాజా, మాజీ ఎంపీటీసీ సభ్యుడు ముళ్ల సుబ్బారావు, ఈత గణేష్ నాయుడు, చీకట్ల వీర్రాజు, ద్వారంపూడి రామకృష్ణ, కోలా మాణిక్యాలరావు, జొన్నల పెదఅబ్బులు పాల్గొన్నారు