విశాఖపట్నం: కడపలో టీడీపీ అట్టహాసంగా నిర్వహించిన మహానాడు ఒక ఫార్స్‌లా ముగిసిందని శాసనమండలి ప్రతిపక్ష నేత బొత్స సత్యనారాయణ ఆగ్రహం వ్యక్తం చేశారు. విశాఖపట్నం క్యాంప్ కార్యాలయంలో మీడియాతో మాట్లాడుతూ ఎన్నికలకు ముందు చేసిన మోసంను, ఏడాది పాలన తరువాత మరోసారి ఈ మహానాడు ద్వారా మోసం చేసేందుకు ప్రయత్నించారని మండిపడ్డారు. మహానాడు ద్వారా ఈ రాష్ట్ర ప్రజలకు అధికార పార్టీగా తెలుగుదేశం ఏ చెప్పిందో స్పష్టం చేయాలని డిమాండ్ చేశారు. ఏడాది అసమర్థ పాలనలో వైఫల్యాలను కప్పిపుచ్చుకునేందుకు, సభ్యత మరిచి దారుణమైన భాషతో వ్యక్తిగత దూషణలు చేసేందుకే మహానాడును పరిమితం చేశారని ధ్వజమెత్తారు. చివరికి రాష్ట్రంలో పదోతరగతి పరీక్షలు రాసిన విద్యార్ధుల జవాబుపత్రాలను కూడా సరైన విధంగా మూల్యాంకనం చేయించలేని స్థాయికి విద్యాశాఖను తీసుకువెళ్ళిన ఘనత కూడా కూటమి ప్రభుత్వానికే దక్కుతుందని అన్నారు. ఈ చేతకాని ప్రభుత్వంలో విద్యార్దులకు సైతం దారుణమైన అన్యాయం జరగడం అత్యంత బాధాకరమని అన్నారు. ఇంకా ఆయనేమన్నారంటే....కడపలో మహానాడు పేరుతో తెలుగుదేశం పార్టీ పెద్ద డ్రామా ప్రదర్శించింది. కొత్త టెక్నిక్‌లతో లేనివి ఉన్నట్లుగా చూపించారు. ఏడాది కాలంలో ప్రజలకు ఏం చేశారో చెప్పుకోలేక, జిమ్మిక్కులతో ప్రజలను మభ్య పెట్టేందుకు మూడు రోజుల పాటు చాలా తాపత్రేయ పడ్డారు. ప్రతి రాజకీయ పార్టీకి ఆవిర్భావ దినం సందర్భంగా కార్యక్రమాలు చేసుకోవడం సహజం. అధికారంలో ఉన్న పార్టీ తాను చేసిన పనులను చెప్పుకుంటుంది. కానీ టీడీపీ మాత్రం అధికారంలో ఉండి, ఏడాది కాలంలో ప్రజలకు ఏం చేశారో చెప్పుకోలేక, వైఎస్సార్‌సీపీని ఆడిపోసుకుని ఆత్మస్తుతి-పరనిందకే పరిమితమయ్యారు. స్థాయిలేని వ్యక్తులతో సభ్యత లేకుండా మాట్లాడిన భాషను మొత్తం రాష్ట్ర ప్రజానీకం అంతా చూశారు.మహానాడు సాక్షిగా పథకాలపై ఎందుకు స్పష్టత ఇవ్వలేదు?మహనాడు సాక్షిగా ప్రజలకు హామీ ఇచ్చిన పథకాలను ఎప్పుడు, ఏ తేదీల్లో అమలు చేస్తామో ఎందుకు చెప్పలేక పోయారు? వైఎస్సార్‌సీపీ ప్రభుత్వంలో మేం ఏం చేశామో ఇప్పటికీ గట్టిగా చెప్పగలం. వైఎస్‌ఆర్‌ జిల్లా పేరును వైఎస్‌ఆర్‌ కడప జిల్లాగా మార్చుకున్నారు. గత ప్రభుత్వంలో ఎన్టీఆర్ జిల్లాగా విజయవాడ ప్రాంతంలో కొత్త జిల్లాను అప్పటి సీఎం వైఎస్‌ జగన్ ప్రకటించారు. మరి ఎన్టీఆర్‌ జిల్లాను కూడా ఎన్టీఆర్ విజయవాడ జిల్లాగా కూటమి ప్రభుత్వం మారుస్తుందా? ఈ రాష్ట్రానికి సేవలు అందించిన ముఖ్యమంత్రులకు ఇచ్చే గౌరవం ఇదేనా? ఇంత సంకుచితంగా సీఎం చంద్రబాబు ఎలా ఆలోచిస్తున్నారు?పదోతరగతి జవాబుపత్రాల మూల్యాంకనంపై సమీక్ష ఏదీ?పదో తరగతి పరీక్షలు రాసి ఫెయిల్ అయిన విద్యార్ధులు రీ వెరిఫికేషన్ పెట్టుకుంటే వారికి ఏకంగా తొంబై మార్కులు వచ్చాయి. ఇటువంటి పరిస్థితిని ఎప్పుడైనా చూశామా? 16వేల మంది తమ పేపర్లను కరెక్షన్‌ చేయించుకుంటే దానిలో అధికశాతం అస్తవ్యస్తంగా పేపర్ల మూల్యాంకనం చేసినట్లుగా తేలింది. గతంలో ఏ నాడైనా అయిదు వేల కంటే ఎక్కువ మంది విద్యార్థులకి కరెక్షన్‌లో భిన్నంగా ఫలితాలు వచ్చాయా? మొదట ఇరవై మార్కులు వచ్చి, తరువాత రీవాల్యుయేషన్ తరువాత తొంబై మార్కులు వచ్చిన ఘటనలు ఎన్నడూ లేవు. దీనిని బట్టి చాలా దారుణంగా పదోతరగతి విద్యార్ధుల జవాబుపత్రాలను దిద్దారనేది అర్థమవుతోంది. రాష్ట్ర వ్యాప్తంగా పదోతరగతి పరీక్షల రీవాల్యుయేషన్‌పై చర్చ జరుగుతున్న నేపథ్యంలో ఇందులో ఎటువంటి తప్పులు చేశారో కనీసం సమీక్ష అయినా చేసుకున్నారా? గతంలో రోజుకు నలబై జవాబుపత్రాలను ఒకొక్కరికి ఇచ్చేవారు. కానీ తాజాగా వాల్యుయేషన్‌ చేసిన వారికి రోజుకు ఎన్ని జవాబుపత్రాలను దిద్దాలని ఇచ్చారో బయటపెట్టాలి. విద్యాశాఖ అసమర్థత కారణంగా విద్యార్ధులు ఎంత క్షోభకు గురయ్యారో అర్థం చేసుకోవాలి. ఈ వ్యవహారానికి బాధ్యులైన వారిపై ఏం చర్యలు తీసుకున్నారో బయటపెట్టాలి. ఈనాడు వంటి ఎల్లో మీడియా పత్రికల్లో ఈ వ్యవహారాన్ని వక్రీకరించేలా ఎందుకు కథనాలు రాయిస్తున్నారో చెప్పాలి.మీడియా ప్రశ్నలకు సమాధానం ఇస్తూ... ఉర్సాకు ఎంతకు భూములు ఇచ్చారో బయటపెట్టాలి. కారుచౌకగా కట్టబెడుతున్నారన్న మా ఆరోపణలను వాస్తవం కాదని దమ్ముంటే నిరూపించాలి.ఈ రోజు ఈనాడు పత్రికలో ఇరవై శాతం ఇలాగే రీవాల్యుయేషన్‌లో మార్కుల్లో తేడాలు రావడం సహజమన్నట్లుగా వచ్చిన కథనం పూర్తి అవాస్తవం. ఏ ఏడాది అయినా అయిదు వేల మంది కంటే ఎక్కువ విద్యార్ధులకు రీవాల్యుయేషన్‌లో మార్కుల్లో భారీ వ్యత్యాసాలు రాలేదు. ప్రతిఏటా కనీసం పద్నాలుగు రోజులు జవాబు పత్రాలను దిద్దేవారు. కానీ తాజాగా మాత్రం తొమ్మిది రోజుల్లోనే ఈ ప్రక్రియను పూర్తి చేశారు. జవాబు పత్రాలను దిద్దేవారిపై పనిఒత్తిడిని పెంచారు. వాల్యుయేషన్ సెంటర్లు, టీచర్లను పెంచకుండా ఎక్కువ జవాబుపత్రాలను దిద్దాలని ఇవ్వడం వల్లే ఇటువంటి ఫలితాలు వెలువడ్డాయి.మహానాడులో రైతుభరోసా ఎప్పుడు ఇస్తారో ప్రభుత్వంలోని వ్యవసాయశాఖ మంత్రి ఎందుకు ప్రకటించలేదు? అమ్మ ఒడి, ఆడబిడ్డ నిధి, నిరుద్యోగభృతి ఇలా కూటమి పార్టీలు ఇచ్చిన హామీలను ఎప్పుడు అమలు చేస్తారో తేదీలతో సహా ఎందుకు సంబంధిత మంత్రులు ఎందుకు వెల్లడించలేదు?ఏడాది కూటమి పాలనలో ప్రజలకు జరిగిన మోసాన్ని ఎత్తి చూపుతూ జూన్ 4వ తేదీన రాష్ట్రంలోని అన్ని నియోజకవర్గాల్లో 'వెన్నుపోటు దినం' కార్యక్రమాన్ని నిర్వహిస్తున్నాం. ప్రజలను కలుపుకుని ఆరోజు నిరసనలు, ర్యాలీలు నిర్వహించి, అధికారులకు వినతిపత్రాలు సమర్పించనున్నాం’ బొత్స తెలిపారు.

సాక్షి, విజయవాడ: తెలుగు దేశం పార్టీ ప్రతిష్టాత్మకంగా భావించే మహానాడులో ఆ పార్టీ వ్యవస్థాపకులు, మాజీ ముఖ్యమంత్రి నందమూరి తారక రామారావుకు ఘోర అవమానం జరిగింది. కార్యకర్తలను ఆకర్షించేందుకు మొక్కుబడిగా ఎన్టీఆర్‌ జపం చేసే చంద్రబాబు నాయుడు.. మహానాడులో ఆయనకు భారతరత్న ఇచ్చే విషయంలో ఒక్క మాట కూడా మాట్లాడలేదు!. ఆయన మనవడు చనిపోతే.. కనీసం వేదికపై సంతాపం కూడా వ్యక్తం చేయలేదు!!. కడప వేదికగా జరిగిన మహానాడులోనూ ఎన్టీఆర్‌కు భారతరత్న ఇవ్వాలనే తీర్మానం చంద్రబాబు చేయలేదు. దీంతో కార్యకర్తల్లో తీవ్ర అసంతృప్తి వ్యక్తమవుతోంది. అయితే చంద్రబాబు మాత్రం తనకు అనుకూలంగా ఎన్టీఆర్‌ ఏఐ వీడియోను తయారు చేశారు. ఇందులో ఎన్టీఆర్‌ మనసుకు, ఆయన ఉన్నప్పటి స్టేట్‌మెంట్లకు విరుద్ధంగా చంద్రబాబు పొడిగించుకున్నారు. భళా మనవడా.. అంటూ ఎన్టీఆర్‌ వారసుడు లోకేష్‌ అంటూ ఏఐ వీడియోలో చెప్పించుకుని ఆనంద పడ్డారు. ఇది కూడా తీవ్ర చర్చనీయాంశమై.. ట్రోలింగ్‌కూ దారి తీసింది. రాజకీయావసరం పడినప్పుడల్లా చంద్రబాబు ఎన్టీఆర్‌ పేరును వాడుకుంటారనేది తెలుగు రాష్ట్రాల్లో ఎవరికైనా తెలుసు. పలు సందర్భాల్లో కంటి తుడుపు చర్యగా ఎన్టీఆర్‌కు భారతరత్న ఇవ్వాలని పైకి మాట్లాడినప్పటికీ ఎలాంటి చర్యలు తీసుకోలేదు. ఇప్పుడు కేంద్రంలో అధికారంలో ఉన్న ఎన్డీయేలో టీడీపీ భాగమైనప్పటికీ ఎన్టీఆర్‌కు భారతరత్న ఇప్పించే విషయాన్ని చంద్రబాబు పట్టించుకోవడం లేదనే మాట వినిపిస్తోంది. ఇక, ఈ మహానాడుకు నందమూరి కుటుంబం పూర్తిగా దూరంగా ఉంది. నందమూరి ఫ్యామిలీ నుంచి ఒక్కరు కూడా మహానాడుకు హాజరు కాకపోవడం గమనార్హం. ఎన్టీఆర్‌ తనయుడు, టీడీపీ ఎమ్మెల్యే అయిన బాలకృష్ణ కూడా హాజరుకాలేదు(సినిమాలే ముఖ్యం అనుకున్నారేమో). అలాగే, నారా లోకేష్‌ యువగళం పాదయాత్ర సందర్బంగా నందమూరి తారకరత్న మృతిచెందిన విషయం తెలిసిందే. ఈ నేపథ్యంలో నారా లోకేష్‌.. తారకరత్న ప్రస్తావన కూడా తీసుకురాలేదు. కనీసం సంతాపం కూడా వ్యక్తం చేయకపోవడం గమనార్హం.

ప్రతిపక్షంలో ఉండగా తెలుగుదేశం పార్టీ అధినేత నారా చంద్రబాబు నాయుడు రాజమండ్రిలో ఒక సభ పెట్టారు. సూపర్‌ సిక్స్‌ అంటూ కొన్ని ఎన్నికల హామీలను ప్రకటించిన తరువాత ఆయన ‘‘అదిరిందా తమ్ముళ్లూ.. అదిరిందా’’ అని ఒకటికి రెండుసార్లు అడిగి మరీ చప్పట్లు కొట్టించుకున్నారు. తాజాగా ఇప్పుడు కడపలో జరిగిన మహానాడులోనూ వాటిని ప్రస్తావించారు. అలాగే.. పాలన అదురుతోందా? రాజమండ్రిలో చెప్పినవన్నీ అమలు చేస్తున్నాం కదా. ప్రజలంతా అదిరిపోతున్నారా? అని కార్యకర్తలను అడగాలి కదా! కానీ ఎందుకో మరి చంద్రబాబు నాయుడు, ఆయన కుమారుడు లోకేశ్‌లు ఆ సాహసం మాత్రం చేయలేకపోయారు!. ఎందుకు జరుగుతోందో? ఏమి సాధించాలని అనుకుంటున్నారో తెలియకుండా సాగిన మహానాడు బహుశా ఇదేనేమో!.సాధారణంగా మహానాడు కార్యక్రమాల్లో విధానాలపై చర్చ జరిగేది. పాలనలోని మంచిచెడు గురించి మాట్లాడుకునే వారు. ఇప్పుడలా కాదు.. స్వోత్కర్ష, గప్పాలు కొట్టుకోవడం, అతిశయోక్తులతో ప్రసంగాలు ఒకవైపు, అంతా లోకేశ్‌ మయం అన్నట్లుగా మరోవైపు ఈ సభ జరిగింది. లోకేశ్‌ నా తెలుగు కుటుంబం అని సొంత లోగోని ఏర్పాటు చేసుకోవడం, ఆయన కొత్తగా కనిపెట్టినట్లు చెప్పుకుంటున్న ఆరు శాసనాలు ప్రచారం కోసం ఈ సభలు జరుగుతున్నట్లు అనిపిస్తుంది. ఇప్పటికే ఇటు ప్రభుత్వంలోనూ, అటు పార్టీలోనూ పెత్తనం చేస్తున్న సంగతి తెలిసిందే. కారణం ఏమైనప్పటికీ ముఖ్యమంత్రి పదవికి అంత తొందరేముందని అంటూనే పార్టీ అధిష్టానం ఏ బాధ్యత అప్పగించినా స్వీకరిస్తానని చెప్పడం ద్వారా ఆయన మనసులోని మాట చెప్పకనే చెప్పినట్లయింది.జనసేన అధినేత, ఉప ముఖ్యమంత్రి పవన్ కళ్యాణ్ పదిహేనేళ్లు చంద్రబాబు ముఖ్యమంత్రిగా ఉండాలని ఒకటికి, రెండుసార్లు అనడం ద్వారా లోకేశ్‌కు బ్రేక్ వేశారు. ఉప ముఖ్యమంత్రి పదవి ఆలోచన వచ్చింది కానీ, దానికి పవన్ కళ్యాణ్, జనసేన కేడర్‌ సుముఖంగా లేరని చెబుతున్నారు. పవన్ స్థాయి తగ్గినట్లవుతుందని వారి బాధ. దీనిని గమనిస్తే, వారిద్దరి మధ్య ఇంకా డీల్ కుదరలేదేమో అన్న సందేహం వస్తుంది. ఈ సంగతి పక్కన బెడితే చంద్రబాబు స్పీచ్ అంతా ఎప్పటి మాదిరి అసత్యాలు, అర్ధసత్యాలు, జగన్ ప్రభుత్వంపై విద్వేషపూరిత వ్యాఖ్యలతో పేలవంగా సాగింది. రాజమండ్రిలో ఆయన చేసిన వాగ్దానాలను పూర్తిగా విస్మరించినట్టు కనిపిస్తోంది. పెన్షన్ రూ.వెయ్యి పెంచడం, గ్యాస్ సిలిండర్ల పథకం అరకొర అమలు మినహా మిగిలిన హామీలను ఎందుకు అమలు చేయలేకపోయారో వివరించాలి కదా!. పోనీ ఫలానా అభివృద్ది సాధించామని చెప్పగలిగారా? నిరుద్యోగ యువతకు నెలకు మూడు వేలు, స్కూల్‌కు వెళ్లే ప్రతీ విద్యార్ధికి రూ.15 వేలు, ప్రతి రైతుకు ఏటా రూ.20 వేలు, ప్రతి మహిళకు నెలకు రూ.1500, మహిళలకు ఉచిత బస్ ప్రయాణం సూపర్ సిక్స్ లో ప్రధానంగా ఉన్నాయి.ఇవి కాకుండా షణ్ముక వ్యూహం అంటూ, ఎన్నికల ప్రణాళిక పేరుతో దాదాపు 200 హామీలు ఇచ్చారు. జూన్‌లో తల్లికి వందనం, ఆగస్టులో ఉచిత బస్ ప్రయాణం అమలు చేస్తామని అంటున్నారే తప్ప, ఈ సంవత్సరం అంతా ఎందుకు ఇవ్వలేదో, అది తమ వైఫల్యమో కాదో చంద్రబాబు మాట మాత్రం చెప్పలేకపోయారు. అన్నదాత సుఖీభవ కింద కేంద్రంతో సంబంధం లేకుండా రూ.20 వేలు ఇస్తామని తమ మేనిఫెస్టోలో రాసినప్పటికీ, ఇప్పుడు కేంద్రం ఇచ్చే డబ్బుతో కలిసి మూడు విడతలుగా ఇస్తామని అంటున్నారు. వేరే హామీలలో వలంటీర్ల కొనసాగింపు, బీసీలకు ఏభై ఏళ్లకే పెన్షన్ వంటివి చాలానే ఉన్నాయి. ఎల్లో మీడియాలో కవరేజీకి అవసరమైన డైలాగులు మాత్రం చెప్పారనిపిస్తుంది. రాష్ట్రం దశ, దిశ మార్చే విధంగా అవసరమైన విధానాలు రూపొందిస్తామని చంద్రబాబు ఇప్పుడు చెప్పడం ఏమిటి?.గత మహానాడు అనండి, పార్టీ సభ అనండి.. లేదా తాము విడుదల చేసిన మేనిఫెస్టోలో చెప్పిన విధానాలు కాకుండా కొత్త విధానాలు ఏం తీసుకువస్తారు?. అంటే మేనిఫెస్టోలోని అంశాలన్నిటినీ గాలికి వదలివేసినట్లేనా!. కార్యకర్తల ద్వారా రాజకీయ పాలన చేస్తారట. ఈ ఏడాది కాలం టీడీపీ కార్యకర్తలు, నేతలు సాగించిన అరాచకాలు, ఎమ్మెల్యేలు చేసిన దందాలు సరిపోలేదని భావిస్తున్నారా? లేక అవినీతి పథకాలతో కార్యకర్తల జేబులు నింపుతారా!. గతంలో జన్మభూమి కమిటీల మాదిరి వారు ప్రజలపై పెత్తనం చేస్తూ సంపాదించుకోవచ్చని చెబుతున్నారా?. ఆ డబ్బుతో ఎన్నికలలో గెలవవచ్చన్నది వీరి ఉద్దేశమా?.గత ముఖ్యమంత్రి జగన్ ఆయా స్కీములలో కులం, మతం, పార్టీ, ప్రాంతం ఏవీ చూడవద్దని అధికారులకు చెబితే, ఎంతో సీనియర్ అయిన చంద్రబాబు మాత్రం సంకుచిత ధోరణితో టీడీపీ కార్యకర్తలకే పనులు చేయమని చెప్పడం సముచితమేనా!. వైఎస్సార్‌సీపీ పాలనలో అవినీతి జరిగిందని.. గాడి తప్పిన నేతలను, అధికారులను శిక్షిస్తామని ఆయన అంటున్నారు. అవినీతిని సహించబోమని, అవినీతిపై పోరాడిన పార్టీ తెలుగుదేశం అని ఆయన చెబితే సభికులు చెవిలో పూలు పెట్టుకుని విని ఉండాలి. జగన్ ప్రభుత్వ హయాంలో చంద్రబాబుపై, కొందరు అప్పటి మంత్రులపైన అవినీతి కేసులు ఆధార సహితంగా వచ్చాయి కదా!. అప్పటి దర్యాప్తు అధికారులు చూపించిన ఆధారాలు సరైనవా? కావా? అన్నవాటిపై చంద్రబాబు కానీ, మరే టీడీపీ నేత అయినా మాట్లాడారా!. అవన్ని ఎందుకు టీడీపీ ఖాతాలోకి అక్రమ సొమ్ము చేరిందని ఆరోపణలు వచ్చాయి.అలాగే కేంద్ర ప్రభుత్వ సీబీటీడీనే చంద్రబాబు కార్యదర్శి ఇంటిలో సోదాలు జరిపి రూ.రెండు వేల కోట్ల అక్రమాలు జరిగినట్లు ప్రకటించిందా? లేదా?. ఆదాయ పన్ను శాఖ ఎందుకు నోటీసు ఇచ్చింది?. వాటి గురించి ఎన్నడైనా చంద్రబాబు వివరణ ఇచ్చారా!. కాకపోతే ఆయనకు మేనేజ్ మెంట్ స్కిల్‌ ఉంది కనుక ఆ కేసులు ముందుకు వెళ్లకుండా చూడగలిగారు. జగన టైమ్ లో హత్యా రాజకీయాలు జరిగాయట. ఎక్కడ ఏ చిన్న ఘటన జరిగినా, పార్టీ రంగు పులిమి రాజకీయం చేసిన సంగతి ఆయన ఆత్మకు తెలియదా!. మాచర్ల వద్ద హత్యకు గురైన ఒక టీడీపీ కార్యకర్త కుమారుడికి ప్రభుత్వ ఉద్యోగం ఇవ్వాలని నిర్ణయించడం సరైనదేనా?. అది కొలమానం అయితే ఈ మహానాడులో ప్రసంగాల ప్రకారం వెయ్యి మందికి పైగా హత్యలకు గురయ్యారని చెప్పారు కదా!. మరి ఆ వెయ్యి మందికి కూడా ప్రభుత్వ ఉద్యోగాలు ఇస్తారా?. నిజానికి మాచర్ల హత్య కూడా వ్యక్తిగత కక్షలతో జరిగినదే. కాని రాజకీయ లబ్దికోసం టీడీపీ గేమ్ ఆడిందని అంటారు. కూటమి అధికారంలోకి వచ్చాక ఎంతమంది వైఎస్సార్‌సీపీ కార్యకర్తలు హత్యలకు గురయ్యారు?. ఎందరు పోలీసుల వేధింపులు ఎదుర్కుంటున్నారు.మహిళలు, చిన్నారులపై జరుగుతున్న ఘోరాల మాటేమిటి!. తెనాలిలో దళిత, ముస్లిం యువకులు ముగ్గురిని పోలీసులు బహిరంగంగా అరికాళ్లపై ఇష్టారాజ్యంగా కొట్టడమే టీడీపీ ప్రభుత్వ విధానమా?. ఇక అక్రమ కేసుల సంగతి సరే సరి. ఇన్ని చేస్తూ జగన్ ప్రభుత్వంలో అది జరిగింది.. ఇది జరిగింది అంటూ అసత్యాలు, అర్ధ సత్యాలు వల్లే వేస్తున్నారు. ఇక లోకేష్ చెబుతున్న ఆరు శాసనాలు మరీ విడ్డూరంగా ఉన్నాయనిపిస్తుంది. తెలుగు జాతి విశ్వ ఖ్యాతి అంటూ పేర్కొన్న అంశంలో 1984లో ఎన్టీఆర్‌ను పదవి నుంచి దించేస్తే ఢిల్లీ పెద్దల మెడలు వంచి మళ్లీ సీఎం పదవి చేపట్టారని అన్నారు. బాగానే ఉంది. మరి 1995లో స్వయంగా అల్లుడు అయిన చంద్రబాబే ఎందుకు ఎన్టీఆర్‌ను పదవిచ్యుతిడిని చేశారు కదా? చంద్రబాబును అప్పట్లో ఎన్టీఆర్‌ ఎన్ని విధాలుగా దూషించారన్నది కూడా విశ్వ విఖ్యాతమైనవే కదా!.తెలుగుదేశంలో యువతకు పెద్దపీట వేసే యువగళం అన్నారు. అభ్యంతరం లేదు. వారిష్టం. స్త్రీ శక్తి మూడో శాసనమని తెలిపారు. ఎన్టీఆర్‌ మహిళలకు సమాన ఆస్తి హక్కు ఇస్తే, చంద్రబాబు వారికి ఆర్థిక స్వాతంత్ర్యం తెచ్చారట. అదేమిటో? మరి ఆడబిడ్డ నిధి, ఈ ఏడాది తల్లికి వందనం ఎందుకు ఇవ్వలేదు? పేదల సేవలో సోషల్ ఇంజినీరింగ్ అనేది మరో శాసనమట. వృద్దులకు రూ.నాలుగు వేలు ఫింఛన్‌ ఇస్తున్నారు. దాంతోనే పేరికం పోతుందా!. పీ-4 పేరుతో పేదలను పెట్టుబడిదారులకు వదలి వేయడం తెలుగుదేశం పాలసీగా మారింది కదా!.2029 నాటికి పేదరికం లేకుండా చేస్తామని చంద్రబాబు చేస్తున్న ప్రకటనలకు ఉండే విలువ ఎంతో తెలియదు. అన్నదాతకు అండగా ఉండటం మరో శాసనం అని చెప్పారు. వారికి ఇవ్వవలసిన రూ.ఇరవై వేలు ఇంతవరకు ఎందుకు ఇవ్వలేదు? చివరి శాసనం కార్యకర్తే అధినేత అని పేర్కొన్నారు. వారిని సొంతకాళ్లపై నిలబడేలా ఆర్థికంగా బాగు చేస్తారట. అంటే ప్రభుత్వ సొమ్మును వారికి దోచిపెడతామని పరోక్షంగా చెప్పడమే కదా అని వైఎస్సార్‌సీపీ నేతలు వ్యాఖ్యానిస్తున్నారు. అన్నిటినీ మించి టీడీపీ పేదల పార్టీ అట. ఆ పేదల పార్టీకి ఒక్క రోజులో సుమారు రూ.22 కోట్ల విరాళం వచ్చిందట. ఈ సందర్భంగా గతంలో జరిగిన ఒక సంఘటన గుర్తుకు వస్తుంది.1987 మహానాడు విజయవాడ కృష్ణా తీరంలో జరిగింది. అందులో ఒక హుండీ పెట్టారు. విరాళాలు ఇవ్వదలిచిన వారు అందులో వేయవచ్చని ప్రకటించారు. ఆ హుండీ వద్దకు ఎవరూ వెళ్లినట్లు కనిపించలేదు. కాని తెల్లవారే సరికల్లా భారీ మొత్తాలు వచ్చాయని ప్రకటించేవారు. ఇందులో మతలబు ఏమిటని అప్పట్లో కథనాలు వచ్చాయి. మరి ఇప్పుడు నిజంగానే అభిమానులు, పార్టీ నేతలు విరాళాలు ఇస్తుంటే మంచిదే. ఏది ఏమైనా వైఎస్ జగన్ సొంత ప్రాంతమైన కడపలో మహానాడు పెట్టి చంద్రబాబు, లోకేశ్‌లు తమ అహం చల్లబరుచుకుని ఉండవచ్చు కానీ, రాయలసీమకు గానీ, రాష్ట్ర ప్రజలకు కానీ.. ఈ మహానాడు వల్ల ఒరిగింది ఏమిటి అన్న దానికి జవాబు దొరుకుతుందా?. అందుకే జగన్ ఒక మాట అన్నారు. మేనిఫెస్టోలోని అంశాలను అమలు చేస్తే హీరోయిజం కాని, కడపలో మహానాడు పెడితే హీరోయిజం ఏముందని అడిగారు. దానికి ఎవరు సమాధానం ఇవ్వగలరు!.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి, అమరావతి: కడప టీడీపీ మహానాడు ఆద్యంతం తన కుమారుడు లోకేశ్‌ని తన వారసుడిగా చూపించేందుకు చంద్రబాబు తాపత్రయపడ్డారు. లోకేశ్‌ బాగా చదువుకున్నవాడని, అన్ని విషయాలు తెలిసినవాడంటూ ఆయన గురించే తన ప్రతి ప్రసంగంలోనూ చెప్పి పార్టీ నాయకులు, కార్యకర్తలకు ఆయనే భవిష్యత్తు నాయకుడని పరోక్షంగా చెప్పారు.మాములుగా అయితే మహానాడులో ఎప్పుడూ వివిధ అంశాలపై తీర్మానాలు ప్రవేశపెట్టి వాటిపై చర్చించడం ఆనవాయితీగా జరిగేది. కానీ, ఈ మహానాడులో తీర్మానాలు దాదాపు పక్కకుపోయాయి. లోకేశ్‌ని గొప్పవాడిగా చూపించే క్రమంలో సూపర్‌ సిక్స్‌ హామీల తరహాలో సూపర్‌ సిక్స్‌ శాసనాలంటూ పాత అంశాలకే కొత్త పేర్లు పెట్టి ఆయనతో చెప్పించారు. మొదటి రోజు చర్చంతా ఆయన చెప్పిన అంశాలపైనే జరిగేలా చూశారు. ఈ శాసనాలు లోకేశ్‌ ఆలోచనలని, వీటి ద్వారా టీడీపీకి వచ్చే 40 ఏళ్ల వరకూ రూట్‌ మ్యాప్‌ రూపొందించినట్లు నమ్మించే ప్రయత్నం చేశారు. చంద్రబాబు తాను మాట్లాడిన ప్రతి సందర్భంలోనూ ఈ శాసనాలు లోకేశ్‌ రూపొందించాడని, ఇవి అతని ఘనతేనని, వాటిని అందరూ పాటించాలని చెప్పుకొచ్చారు.నిజానికి ఈ శాసనాల్లో ఏమాత్రం కొత్తదనంలేదు. యువత, మహిళలు, రైతులు, పేదలు, కార్యకర్తలకు మేలు చేయడం, తెలుగుజాతిని గొప్పగా నిలబెట్టడమే ఈ శాసనాలు. ఏ రాజకీయ పార్టీ అయినా వీటి గురించే చెప్పడం సాధారణమైన విషయం. ఎందుకంటే సమాజంలో ఉన్నది ఈ వర్గాలే. ఏం చేసినా ఆ వర్గాల కోసమే చేయాలి. అలాంటప్పుడు ఇందులో లోకేశ్‌ గొప్పదనం ఏమిటో పార్టీ శ్రేణులెవరికీ అర్థంకాలేదు. ఏదో ఒక కొత్త పదం వాడాలి కాబట్టి శాసనాలు అనే పదం వాడినట్లు కనబడుతోంది తప్ప అందులో కొత్త అర్థంకానీ, కొత్త విషయం కానీ లేదని వారంటున్నారు. లోకేశ్‌ కోసం డిమాండ్ల డ్రామా.. మరోవైపు.. లోకేశ్‌ని పార్టీ వర్కింగ్‌ ప్రెసిడెంట్‌ చేయాలని పలువురు నేతలు అదే పనిగా డిమాండ్‌ చేశారు. కూటమి ప్రభుత్వంలో అర్జెంటుగా తనకు ఉన్నత పదవి కావాలని కోరుకుంటున్న లోకేశ్‌ అది కుదరకపోవడంతో తెలంగాణలో కేటీఆర్‌ తరహాలో ఇక్కడ తాను వర్కింగ్‌ ప్రెసిడెంట్‌ పదవి తీసుకుంటారని సీనియర్‌ నేతలు చెబుతున్నారు. అంటే.. ఆయన పదవి వ్యవహారం ఎప్పుడో నిర్ణయమైపోయింది. కానీ, ఇప్పుడు అందరి ఆమోదంతో దాన్ని ఇచ్చినట్లు చూపించాలి కనుక సీనియర్‌ నాయకులతో ఆయనకు వర్కింగ్‌ ప్రెసిడెంట్‌ ఇవ్వాలని డిమాండ్లు చేయించారు. సోమిరెడ్డి చంద్రమోహన్‌రెడ్డి, ధూళిపాళ నరేంద్ర, పయ్యావుల కేశవ్‌ వంటి వారిని లోకేశ్‌ దూరం పెట్టడంతో వారు ఆయన్ను ఎలాగైనా ప్రసన్నం చేసుకునేందుకు మహానాడులో ఆయనకు అనుకూలంగా డిమాండ్లు చేసినట్లు కనబడుతోంది. మరోవైపు.. మహానాడులో అడుగడుగునా లోకేశ్‌ ఫొటోలను అత్యంత ప్రాధాన్యంగా ముద్రించారు. రామ్మోహన్‌తో రాజకీయ తీర్మానం.. యనమలకు ఝలక్‌.. చివరిగా.. కేంద్రమంత్రి కింజరాపు రామ్మోహన్‌నాయుడితో రాజకీయ తీర్మానం చేయించారు. రాజకీయ తీర్మానాన్ని ఎప్పుడూ సీనియర్‌ నేతతో చేయించడం ఆనవాయితీ. గతంలో యనమల రామకృష్ణుడు ఈ తీర్మానాన్ని ప్రతిపాదించే వారు. కానీ, ఇప్పుడు రామ్మోహన్‌తో ఈ తీర్మానం చేయించి సీనియర్ల అవసరంలేదని చెప్పకనే చెప్పారు.తేలిపోయిన తీర్మానాలు.. ఇక రెండో రోజు రాజకీయ తీర్మానం సహా 15 అంశాలపై తీర్మానాలు చేసినా వాటిలో ఏమాత్రం పస లేకుండాపోయింది. వీటిలో ఒక్క­టి తెలంగాణ తీర్మానం ఉండగా మిగిలినవన్నీ ఏపీకి సంబంధించినవే. తెలుగుజాతి–విశ్వఖ్యాతి, రాష్ట్రం–విధ్వంసం నుంచి పునర్నిర్మాణం వైపు అడుగులు, రాష్ట్రాభివృద్ధి కేంద్ర సహకారం, అభివృద్ధి వికేంద్రకరణ, ఉత్తరాంధ్ర అభివృద్ధి, రాయలసీమ అభివృద్ధి–రాయలసీమ డిక్లరేషన్, అమరావతి అభివృద్ధి వికేంద్రీకరణ, యోగాంధ్రప్రదేశ్, మౌలిక సదుపాయాల కల్పనతో మారనున్న రాష్ట్ర ముఖచిత్రం, రహ­దా­రులు, పోర్టులు, ఎయిర్‌పోర్టు అభివృద్ధి, విద్యుత్‌ రంగంలో విప్లవాత్మక మార్పులు, సమ­గ్ర సాగనీటి ప్రణాళికతో ఉజ్వల ప్రగతి వంటి తీర్మా­నాలు చేసి వాటిపై అసత్యాలు, మాయమా­టలు చెబుతూ నేతలు ప్రసంగించారు.

సాక్షి అనంతపురం : టీడీపీది మహా నాడు కాదు... దగా నాడు అంటూ.. వైఎస్సార్‌సీపీ నేత, మాజీ మంత్రి శైలజానాథ్ ఎద్దేవా చేశారు. మంగళవారం ఆయన మీడియా సమావేశంలో మాట్లాడుతూ.. ఎన్టీఆర్‌ను వెన్నుపోటు పొడిచిన ఘనుడు చంద్రబాబు. ఎన్టీఆర్‌పై చెప్పులు వేయించింది చంద్రబాబే.. టీడీపీకి వారసుడు ఎవరు?. అసలు వారసుడు బాలకృష్ణ దబిడి.. దిబిడి అంటూ తిరుగుతున్నారంటూ శైలజానాథ్‌ వ్యాఖ్యానించారు.జూనియర్ ఎన్టీఆర్ ను దూరం పెట్టారు. రెండు ఎకరాల నుంచి లక్ష కోట్లకు చంద్రబాబు ఆస్తులు పెరిగాయి. ఎన్టీఆర్‌ ఆశయాలకు చంద్రబాబు తూట్లు పొడిచారు. ఈ రోజు ఎన్టీఆర్ ఆత్మ క్షోభిస్తూ ఉంటుంది. ఎన్టీఆర్‌కు జరిగిన అన్యాయంపై మహానాడులో చర్చించాలి. ఎన్నికల హామీలను ఎందుకు అమలు చేయలేదో చంద్రబాబు చెప్పాలి. పేదల సంక్షేమ పథకాలు ఆపేసి... విలాసవంతమైన జీవితం అనుభవిస్తున్నారు. 1.30 లక్షల కోట్ల రూపాయల అప్పు చేసి పేదలకు పైసా ఇవ్వలేదు’’ అంటూ శైలజానాథ్‌ మండిపడ్డారు.పేదల భూములను కార్పొరేట్‌ కంపెనీలకు అప్పుజెప్పుతున్నారు. ఏపీలో రెడ్‌బుక్‌ రాజ్యాంగం అమలు చేస్తామని మహానాడులో తీర్మానం చేస్తారా?. టీడీపీలో సీనియర్లకు మంగళం పాడారు. చంద్రబాబును కూడా మారుస్తారేమోనని అనుమానంగా ఉంది. టీడీపీలో ఎన్టీఆర్‌నే గద్దె దించారు? చంద్రబాబు ఎంత?’’ అని శైలజానాథ్‌ వ్యాఖ్యానించారు.

సాక్షి, అమరావతి: ఎమ్మెల్యే కోటా ఎమ్మెల్సీ స్థానాలకు టీడీపీ అధినేత, సీఎం చంద్రబాబు ప్రకటించిన ముగ్గురు అభ్యర్థుల్లో కావలి గ్రీష్మ (kavali greeshma) బూతులకు పెట్టింది పేరు. 2022లో టీడీపీ నిర్వహించిన మహానాడులో ప్రసంగించిన ఆమె పార్టీ అధినేత చంద్రబాబు, వందల మంది పార్టీ సీనియర్‌ నేతలు, వేలాది మంది కార్యకర్తల సమక్షంలోనే తొడ కొడుతూ రాయలేని భాషలో బూతులు లంకించుకున్నారు. ‘ఎవడైనా సరే జగన్‌మోహన్‌రెడ్డి అంటూ ఇంటికొచ్చినా.. బస్సు యాత్రలో వచ్చినా.. బస్సులోంచి ఈడ్చి ఈడ్చి తంతాం.. నా కొ... ల్లారా.. రాష్ట్రాన్ని రావణకాష్టం చేశారు. సిగ్గూ, శరం లేకుండా బస్సులో వెళతారా? బస్సులోంచి ఈడ్చి తన్నకపోతే (తొడ కొడుతూ).. తెలుగుదేశం గడ్డలో పుట్టినవాళ్లమే కాదు’ అంటూ చంద్రబాబు (Chandrababu) సమక్షంలోనే వైఎస్సార్‌సీపీ నేతలపై బూతుల దండకం ఎత్తుకున్నారు. అంతేకాకుండా.. ‘మీరే మాకు అండ.. మీరే మాకు ధైర్యం.. మీరే మాకు స్ఫూర్తి (చంద్రబాబును చూస్తూ).. లోకేశ్‌ అన్న కోసం అందరం ఉంటామని గట్టిగా చెప్పండి తమ్ముళ్లూ.. జై తెలుగుదేశం’ అంటూ కావలి గ్రీష్మ టీడీపీ మహా­నాడులో వ్యాఖ్యలు చేశారు. సాక్షాత్తూ టీడీపీ అధినేత చంద్రబాబు, వందల మంది సీనియర్‌ పార్టీ నేతల సమక్షంలోనే గ్రీష్మ అసభ్య వ్యాఖ్య­లు చేస్తూ.. తొడ కొడుతూ బూతులతో విరుచుకుపడ్డా చంద్రబాబు కనీసం ఇదేంటని ఆమెను వారించలేదు. వైఎస్సార్‌సీపీ నేతలు... ఆయన భార్యను ఏమీ అనకపోయినా.. అన్నారంటూ నానా యాగీ చేసిన చంద్రబాబు తాజాగా ఎమ్మెల్సీ స్థానానికి కావలి గ్రీష్మను ఎంపిక చేసి తన మనస్తత్వం ఎలాంటిదో చాటుకున్నారని విమ­ర్శలు వ్యక్తమవుతున్నాయి. చ‌ద‌వండి: పోలీసుల క‌ట్టుక‌థ‌కు ఇవిగో ఆధారాలు.. విడదల రజనిఆమె బూతులకు మెచ్చే టీడీపీ అధికారంలోకి రాగానే రాష్ట్ర మహిళా సహకార ఆర్థిక సంస్థ చైర్‌పర్సన్‌గా గ్రీష్మను నియమించారని రాజకీయ పరిశీలకులు గుర్తు చేస్తున్నారు. ఇప్పుడు ఆమెకు ఎమ్మెల్సీగానూ అవకాశం ఇవ్వడం ద్వారా ఎదుటివారికి నీతులు చెప్పడమే కానీ తాను పాటించనని సీఎం చంద్రబాబు నిరూపించారని విమర్శలు వ్యక్తమవుతున్నాయి.

టీడీపీ మహానాడుకు సంబంధించి మీడియాలో.. ప్రత్యేకించి ఈనాడులో వచ్చిన వార్తలను చదివితే కొన్ని ఆసక్తికరమైన  అంశాలు కనిపిస్తాయి.ఈనాడు పత్రిక తన శక్తి వంచన లేకుండా తెలుగుదేశంను జాకీలు వేసి లేపే ప్రయత్నం యధాప్రకారం చేసింది. పదిహేనువేల మంది ఈ మహానాడులో పాల్గొంటారనుకుంటే.. అనేక రెట్లు కార్యకర్తలు వచ్చారని పార్టీ వర్గాలు తెలిపాయని రాశారు.సభ మొదలైనప్పటి నుంచి చివరవరకు జనం కదలలేదని ఈనాడు రాసింది. తీరా చూస్తే చంద్రబాబు మాట్లాడుతున్న తరుణంలోనే వందల కుర్చీలు ఖాళీగా కనబడుతున్న వీడియోలు సోషల్ మీడియాలో ప్రత్యక్షమవుతున్నాయి.  ఈ సందర్భంలో చంద్రబాబు అంటున్న ఒక మాట మాత్రం వాస్తవం అనిపిస్తుంది.‘‘ఈసారి ఎన్నికలలో అవకాశం వదలుకుంటే అన్నిదారులు మూసుకుపోతాయ’’ని ఆయన పార్టీ కార్యకర్తలతో అంటున్నట్లు ఆ వీడియోలో ఉంది.ఇప్పుడు కాకపోతే ఇంకెప్పుడు అన్నట్లుగా కార్యకర్తలు పనిచేయాలని చంద్రబాబు వ్యాఖ్యలు పత్రికలో కూడా వచ్చాయి. ఆయన భయం ఏ స్థాయిలో ఉందో ఈ మాటలు తెలియచెబుతాయి.  👉 జగన్ పై చంద్రబాబు అండ్‌ కో  ఎన్ని విమర్శలైనా చేయవచ్చు. ఆయన స్కీముల ప్రభావానికి.. తెలుగుదేశం భవిష్యత్తు ఏమిటో తెలియక చంద్రబాబు  ఆందోళన చెందుతున్నారన్నది మాత్రం అక్షర సత్యం. ఆ మాట ప్రతిసారి చెప్పలేరు కనుక రాష్ట్ర భవిష్యత్తు కోసం టీడీపీని గెలిపించుకోవాలని పైకి అంటుంటారు. వైసీపీ ఎమ్మెల్యేలను కౌరవసేన అని,దానిని ఓడించి సభలోకి గౌరవంగా వెళతామని చంద్రబాబు చెప్పారు. విశేషం ఏమిటంటే 2014 ఎన్నికలలో టీడీపీకి 102 సీట్లు వచ్చాయి. అంటే కౌరవుల సంఖ్య వందకు దాదాపు దగ్గరగా ఉందన్నమాట. ఆ తర్వాత ఆ సంఖ్యకు తోడుగా మరో 23 మంది వైఎస్సార్‌సీపీ ఎమ్మెల్యేలను కొనుగోలు చేశారు. అయినా  చంద్రబాబు భాషలో మొత్తం టీడీపీ ఎమ్మెల్యేలందరిని.. జనం కౌరవులుగా పరిగణించి ఓడించారన్నమాట.ఇక్కడ ఇంకో సంగతి చెప్పాలి.  👉 వైఎస్సార్‌సీపీ ఎమ్మెల్యేలను కొనుగోలు చేసి,వారిలో నలుగురికి మంత్రి పదవులు ఇవ్వడాన్ని నిరసిస్తూ వైఎస్‌ జగన్ మిగిలిన  మొత్తం పార్టీ ఎమ్మెల్యేలందరితో కలిసి అసెంబ్లీని బహిష్కరించారు. ఆ తర్వాత   2019 లో తెలుగుదేశం కౌరవులు వంద మందిని ఓడించి.. వైఎస్సార్‌సీపీ అధికారంలోకి వచ్చిందని అనుకోవాలి. వైఎస్సార్‌సీపీ పక్షాన 151 మంది గెలిచారు. వీరిని కౌరవులుగా పోల్చడం వల్ల టీడీపీకి ఏమి ప్రయోజనం వస్తుందో తెలియదు. ఎవరో తెలివితక్కువగా ఇచ్చిన సలహాను చంద్రబాబు వాడుకున్నట్లు అనిపిస్తుంది.  👉 చంద్రబాబు తన భార్యను అవమానించారంటూ అసెంబ్లీని ఆయన ఒక్కరే బహిష్కరించారు. మరి మిగిలిన టీడీపీ ఎమ్మెల్యేలు ఎందుకు సభకు ఎందుకు వస్తున్నారో వారికి కూడా తెలియదు. సభ జరిగే రోజుల్లో వారు లోపలికి  వచ్చి  కౌరవుల మాదిరి  ఏదో ఒక గొడవ చేసి బయటకు వెళుతున్నారు. కొత్తగా ఏదో ఫోర్ పి అంటూ పేదలందరిని ధనికులను చేసేస్తామని చంద్రబాబు హామీ ఇస్తున్నారు. అదెలాగో ఆయన చెప్పలేరు. సంపద సృష్టించి పేదలకు పంచుతామని మరో మాట అన్నారు. మంచిదే. మరి పద్నాలుగేళ్లపాటు సుదీర్ఘకాలం ముఖ్యమంత్రిగా  చంద్రబాబు ఉన్నారు కదా? అయినా పేదరికం ఎందుకు పోలేదు?. అందరిని ధనికులుగా ఎందుకు మార్చలేకపోయారు? అంటే దాని అర్ధం ఆయన ఏదో పడికట్టు పదాలతో నినాదం ఇచ్చి జనాల్ని మాయ చేసే ఆలోచనే కదా!. ఇప్పుడు చంద్రబాబు అందరినీ ధనికులను చేసేస్తానంటే ప్రజలు నమ్ముతారా?.  👉 మరింత సంక్షేమం ఇస్తామని చంద్రబాబు చెప్పారు. ఒక పక్క సంక్షేమ స్కీములతో రాష్ట్రం దివాళా తీసిందని ప్రచారం చేస్తారు. ఇంకో వైపు తాము అధికారంలోకి వస్తే ఇంకా ఎక్కువ సంక్షేమ స్కీములు అమలు చేస్తామని చంద్రబాబు అంటారు. ఆయన్ని ఎలా నమ్మలి?. ప్రభుత్వం  పది లక్షల కోట్ల అప్పు చేసిందని పచ్చి అబద్దం చెప్పారు. ఒకవేళ అది నిజమైతే, ఆ పది లక్షలలో చంద్రబాబు టైమ్ లో చేసిన మూడు లక్షల కోట్లో, నాలుగు లక్షల కోట్లు కూడా ఉండి ఉండాలి కదా! దాని గురించి జనానికి తెలియదని ఆయన భావన అన్నమాట.  👉 ఇక రాజకీయ తీర్మానంలో ఒక విశేషం కనిపించింది. రాష్ట్ర ,జాతీయ రాజకీయాలలో ఏమి జరుగుతోందో తెలుగుదేశం గమనిస్తోందని, తగిన సమయంలో నిర్ణయం తీసుకుంటుందని తీర్మానం ప్రవేశపెట్టిన మాజీ మంత్రి యనమల రామకృష్ణుడు పేర్కొన్నారు.అంటే మళ్లీ అవకాశవాదంతో టీడీపీ వ్యవహరిస్తోందన్నమాట. జనసేనతో పొత్తు కోసం నానా తంటాలు పడుతున్న విషయాన్ని కాని, ప్రధాని మోదీని మళ్లీ కాకా పడుతున్న సంగతిని కాని యనమల ఎందుకు వివరించలేదో తెలియదు. రెండు,మూడు పడవలపై కాళ్లు పెట్టి ఎటు వీలైతే అటు దూకుతారని అనుకోవచ్చన్నమాట.  👉 వైఎస్సార్‌సీపీ ప్రభుత్వాన్ని విమర్శించడానికి పలు తీర్మానాలు ఆమోదించిన మహానాడులో.. అమరావతి గురించి ప్రత్యేక తీర్మానం ఎందుకు పెట్టలేదో తెలియదు. అమరావతిలో యాభై వేలకు పైగా పట్టాలు ఇవ్వడాన్ని తప్పుపడుతూ ఎందుకు తీర్మానం చేయలేదో ఊహించుకోవచ్చు. పేదలకు జగన్  ఇళ్ల స్థలాలు ఇస్తుంటే తెలుగుదేశం పార్టీ అడ్డు పడుతోందని, చంద్రబాబు వాటిని సమాధులతో పోల్చుతున్నారని ప్రజలలో తీవ్ర నిరసన వ్యక్తం అవుతోంది. డ్యామేజీ అయిందన్న భయంతో మహానాడు మొదటిరోజు వాటి జోలికి వెళ్లలేదనుకోవాలి. ఏది ఏమైనా మహానాడులో ఏమి చెప్పాలనుకున్నారో ఎవరికి తెలియకపోయినా, కదం తొక్కిన పసుపుదళం అంటూ ఈనాడు పత్రిక  పెద్ద హెడింగ్ లు పెట్టి మురిసిపోతే తెలుగుదేశం గెలిచిపోతుందా! వారి భ్రమ కాకపోతే!. :::కొమ్మినేని శ్రీనివాసరావు, ఆంధ్రప్రదేశ్ మీడియా అకాడమీ ఛైర్మన్

సాక్షి, అమరావతి: ఎన్టీఆర్‌ మరణానికి ప్రధాన కారకుడు చంద్రబాబేనని మంత్రి అంబటి రాంబాబు అన్నారు. ఆదివారం రాత్రి ఆయన తాడేపల్లిలోని వైఎస్సార్‌సీపీ కేంద్ర కార్యాలయంలో మీడియా సమావేశంలో మాట్లాడుతూ, ఎన్టీఆర్‌పై చంద్రబాబుకు ఏమాత్రం గౌరవం లేదన్నారు. చంద్రబాబు పదవీ దాహం వల్ల ఎన్టీఆర్‌ మరణించారని దుయ్యబట్టారు. ఎన్టీఆర్‌కు భారతరత్న ఎందుకు తీసుకురాలేదని అంబటి ప్రశ్నించారు. ‘‘టీడీపీకి ఇదే చివరి మహానాడు.. ఎన్నికల తర్వాత టీడీపీ కనుమరుగే. టీడీపీ బతికి బట్ట కట్టే పరిస్థితి లేదు. తుక్కు తుక్కయిన సైకిల్‌ను బాబు తొక్కలేరు. ఇచ్చిన వాగ్ధానాలు చంద్రబాబు ఎప్పుడైనా నెరవేర్చారా?. 14 ఏళ్లు సీఎంగా ఉండి చంద్రబాబు ఏం చేశారు. ఒక్క హామీనైనా నిజాయితీగా అమలు చేశారా?. వాగ్ధానాలను నట్టేట ముంచిన చంద్రబాబును ఎవరు నమ్ముతారు?. బాబు జీవితమంతా ప్రజలను మోసం చేయడమే’’ అని మంత్రి అంబటి మండిపడ్డారు. చదవండి: చంద్రబాబు, లోకేష్‌కు కొడాలి నాని సవాల్‌ ‘‘వచ్చే ఎన్నికల్లో పేదలకు, పెత్తందారులకు మధ్య యుద్ధం. ఒక్క పేదవాడినైనా ధనవంతుడిని చేసిన చరిత్ర చంద్రబాబుకు ఉందా?. దోచుకు తినడమే చంద్రబాబు తెలుసు. ఎన్టీఆర్‌ బతికుంటే బాబు బతుకు బజారుపాలయ్యేది. మహానాడులో చంద్రబాబు అభూతకల్పనలు చెప్పారు. మేం చెప్పింది చేసి చూపించాం. టీడీపీ చెప్పింది ఏదీ చేయలేదు. చంద్రబాబును ప్రజలు ఎన్నటికీ నమ్మరు’’ అని అంబటి రాంబాబు పేర్కొన్నారు.

సాక్షి, తూర్పుగోదావరి: రాజమండ్రిలో ఈదురుగాలులతో కూడిన భారీ వర్షం కురిసింది. టీడీపీ మహానాడు ప్రాంగణం వద్ద గాలి దుమారంతో టెంట్లు కూలిపోవడంతో పాటు, ఫ్లెక్సీలు ఎగిరిపోయాయి. నేతలు మాట్లాడుతుండగానే వర్షం కురుస్తుండటంతో ప్రాంగణం నుంచి కార్యకర్తలు వెళ్లిపోతున్నారు.  ​కాగా, నిన్న(శనివారం) మహానాడు ప్రాంగణంలో ఆ పార్టీకి చెందిన నాయకుడు ఆకుల వెంకటేశ్వరరావు కలక­లం సృష్టించిన సంగతి తెలిసిందే. గతంలో తిరుపతి ఉప ఎన్నిక సందర్భంగా ఒక హోటల్‌లో పార్టీ రాష్ట్ర అధ్యక్షుడు అచ్చెన్నాయుడు, వెంకటేశ్వరరావు మధ్య జరిగిన సంభాషణలో ‘పార్టీ లేదు.. బొక్కా లేద’ని అచ్చెన్నాయుడు వ్యాఖ్యానించిన విషయాన్ని పలువురు గుర్తు చేసుకున్నారు. అదే వెంకటేశ్వరరావు.. మహానాడుకు హాజరై కార్యకర్తల మధ్య నుంచి లోకేశ్‌ను పిలిచి తిట్టడం చర్చనీయాంశమైంది. కొందరు కార్యకర్తలు ఆయన్ను అడ్డుకునే ప్రయత్నం చేయగా.. ‘నా జీవితం నాశనమైంది. మీవి కూడా అలా కాకుండా చూసుకోండి’ అని ఆవేదన వ్యక్తం చేశాడు. తన 400 గజాల భూమిని కేఎల్‌ నారాయణ ఆక్రమించాడని, న్యాయం చేయమని అడిగితే లోకేశ్‌ పట్టించుకోలేదన్నాడు. చదవండి: చంద్రబాబు వల్ల ఎన్టీఆర్‌కు మూడు సార్లు గుండెపోటు : పోసాని

సాక్షి, తూర్పుగోదావరి: రాజమండ్రి టీడీపీ మహానాడులో నారా లోకేష్‌కు కార్యకర్త షాకిచ్చాడు. పార్టీలో తనకు అన్యాయం జరుగుతుందని లోకేష్‌ను నిలదీశాడు. తన 400 గజాల భూమిని కేఎల్‌ నారాయణ ఆక్రమించాడని ఆరోపించారు. తనకు న్యాయం చేయాలంటూ లోకేష్‌ను కార్యకర్త వెంకటేశ్వరరావు అడ్డుకున్నాడు. కార్యకర్తను పట్టించుకోకుండా లోకేష్‌ వెళ్లిపోయారు. దీంతో మహానాడు ప్రాంగణంలోనే వెంకటేశ్వరరావు నిరసనకు దిగాడు. చదవండి: పచ్చి రాజకీయ రాక్షసుడిగా మారిపోయిన రామోజీ

సర్వేలు, కొలమానాలొద్దు సార్‌! మహానాడులో ఎక్కువ బూతులు మాట్లాడినోళ్లకే టికెట్స్‌ ఇస్తే సరి! 

‘టీడీపీలో దీర్ఘకాలిక పదవుల విధానం రద్దు. వరుసగా మూడు సార్లు ఓడితే పార్టీ టికెట్‌ ఇచ్చేది లేదు. ఇది నా నుంచే అమలు చేయాలనే  ఆలోచనలో ఉన్నాం.’ – మీడియా ప్రతినిధులతో టీడీపీ జాతీయ ప్రధాన కార్యదర్శి నారా లోకేష్‌   సాక్షి ప్రతినిధి, నెల్లూరు: లోకేష్‌ ఝలక్‌ రాష్ట్ర వ్యాప్తంగా టీడీపీలో కలకలం సృష్టిస్తోంది. ఇదే వాస్తవమైతే ఆ జాబితాలో ముందు వరుసలో జిల్లాకు టీడీపీ సీనియర్‌ నేత సోమిరెడ్డి చంద్రమోహన్‌రెడ్డి నిలవనున్నట్లు ఆ పార్టీ నేతలే అంటున్నారు. అయితే సోమిరెడ్డి పరిస్థితి ఏమిటీ? రాబోయే ఎన్నికల్లో ఆయనకు పార్టీ టికెట్‌ దక్కే అవకాశం లేదా? అని జిల్లా ప్రజానీకంతో పాటు రాజకీయ వర్గాల్లో జోరుగా చర్చ జరుగుతోంది. ఎంకి పెళ్లి సుబ్బి చావుకొచ్చినట్లుందీ సోమిరెడ్డి పరిస్థితి. ‘మహానాడు’ ఆయన రాజకీయ జీవితానికి సమాధి కానున్న పరిస్థితి ఏర్పడింది.  జిల్లా టీడీపీకి పెద్ద దిక్కు సోమిరెడ్డి. వరుస ఓటముల పాలైనా సోమిరెడ్డికి టీడీపీ అగ్రనేత చంద్రబాబు అత్యంత ప్రాధాన్యం ఇచ్చారు. టీడీపీ పొలిట్‌బ్యూరోలో ఆయనకు స్థానం కల్పించారు. 2014 ఎన్నికల్లో ఓటమి పాలైనా.. ఎమ్మెల్సీ పదవి ఇచ్చి మంత్రిని కూడా చేశారు. అయితే తాజాగా మహానాడు వేదికగా నారా లోకేష్‌ ప్రకటన జిల్లా టీడీపీ నేతల్లో తీవ్ర చర్చ జరుగుతోంది.  జిల్లాలో వరుస ఓటముల చరిత్రలో సోమిరెడ్డి చంద్రమోహన్‌రెడ్డి రికార్డుల మీద రికార్డులు సృష్టించారు. టీడీపీ సీనియర్‌ నేతగా జిల్లా నేతలకు పెద్ద దిక్కుగా, పొరుగు జిల్లాల ఇన్‌చార్జి బాధ్యులుగా ఉన్న ఆయన 1994, 99 ఎన్నికల్లో మాత్రమే విజయం సాధించారు.  2004, 2009, 2012 (కోవూరు ఉప ఎన్నిక), 2014, 2019ల్లో వరుసగా టీడీపీ అభ్యర్థిగా ఓటమి చెందిన చరిత్ర జిల్లాలో సోమిరెడ్డిదే. సర్వేపల్లి నియోజకవర్గం నుంచి నాలుగు సార్లు సార్వత్రిక ఎన్నికల్లో ఓటమి పాలు కాగా, 2012 కోవూరు ఉప ఎన్నికల్లో ఘోర పరాజయం పాలయ్యారు. వరుసగా అత్యధిక సార్లు ఓడిపోయిన నేతల జాబితాలో సోమిరెడ్డి రాష్ట్రంలోనే మొదటి స్థానంలో నిలుస్తున్నారు. నారా లోకేష్‌ నిర్ణయానికి ఆ పార్టీ కట్టుబడితే సోమిరెడ్డికి పార్టీ టికెట్‌ దక్కడం దుర్లభమే. రాష్ట్ర స్థాయి నేతగా చెప్పుకునే సోమిరెడ్డికి నారా లోకేష్‌ ఝలక్‌ ఇచ్చారని టీడీపీ నేతలు చెప్పుకొస్తున్నారు. యూటర్న్‌లు తీసుకోవడంలో టీడీపీ జాతీయ అధ్యక్షుడు చంద్రబాబుకు అలవాటు, అదే వారసత్వం నారా లోకేష్‌కు కూడా వస్తే తప్పా, సోమిరెడ్డికి బెర్త్‌ కన్‌ఫర్మ్‌ అయ్యే అవకాశం లేదు. లోకేష్‌ ప్రకటన తర్వాత నెటిజన్లు, తెలుగుతమ్ముళ్లు  అయ్యో.. సోమిరెడ్డా! అంటూ కామెంట్లు చేస్తున్నారు.  

సాక్షి ప్రతినిధి, శ్రీకాకుళం: సీటు కోసం నోటి దురుసు..! రాజకీయ గుర్తింపు కోసం నీచాతినీచంగా మాట్లాడాలా? బాస్‌ మెప్పు కోసం నోటికి పని చెప్పాలా..? అంటూ మాజీ స్పీకర్‌ కావలి ప్రతిభాభారతి కుమార్తె గ్రీష్మ పై సర్వత్రా విమర్శలు వ్యక్తమవుతున్నాయి. సామాన్యులే కాకుండా టీడీపీ వర్గాలు సైతం ఆమె వ్యాఖ్యల పట్ల విస్మ యం వ్యక్తం చేస్తున్నారు. కావలి ప్రతిభాభారతి ఉమ్మడి శ్రీకాకుళం జిల్లాలో నాయకురాలిగా పేరు సంపాదించారు. ప్రస్తుతం విజయనగరంలో కలిసిపోయిన రాజాం నుంచి ఆమె ప్రాతినిథ్యం వహించారు.  ప్రతిభాభారతి వారసురాలి గా గ్రీష్మ కొన్నాళ్లు ఇక్కడ హల్‌చల్‌ చేసినా ఆ తర్వాత పత్తా లేకుండా పోయారు. ఎక్కడో హైదరాబాద్‌లో ఇన్నాళ్లూ ఉండి మరో రెండేళ్లలో ఎన్నికలు వస్తున్నాయనగా మళ్లీ జిల్లాకు రావడానికి ప్రయత్నిస్తున్నారు. అందుకే ఒంగోలు వేదికగా జరిగి న టీడీపీ మహానాడులో అసభ్య పదజాలంతో ప్రసంగించి అధినేత చంద్రబాబు దృష్టిలో పడడానికి ప్రయత్నించారు. కానీ ఆ ప్రసంగంతో పాటు ఆమె వైఖరి కూడా సర్వత్రా విమర్శల పాలవుతోంది. సొంత పార్టీ నాయకులు, కార్యకర్తలు కూడా ఆమెను సమర్థించలేకపోతున్నారు. ఉన్నత పద వులు అలంకరించిన కుటుంబానికి చెందిన వ్యక్తిగా.. హుందాగా వ్యవహరించాల్సిన మహిళ ఇలా నిండు సభలో నోటి కి అదుపు లేకుండా మాట్లాడడాన్ని అంతా ఖండిస్తున్నారు.   టిక్కెట్‌ కోసమేనా ఇదంతా..?  గ్రీష్మ తల్లి ప్రతిభా భారతి ఎచ్చెర్ల నుంచి పలు పర్యాయాలు ఎమ్మెల్యేగా, స్పీకర్‌గా, మంత్రిగా ప్రాతినిధ్యం వహించారు. రాజకీయంగా జిల్లాలో తనకంటూ స్థానం సంపాదించుకున్నారు. కాలక్రమేణా ఆమె రాజకీయంగా బలహీనమయ్యా రు. ఆ పార్టీలోని గ్రూపు తగాదాలు, నేతల మధ్య విభేదాల తో పట్టు కోల్పోయారు. ఈ క్రమంలో తల్లి స్థానాన్ని తాను భర్తీ చేయాలని గ్రీష్మ తాపత్రయ పడుతున్నారు. ప్రస్తుతం రిజర్వ్‌డ్‌ నియోజకవర్గంగా ఉన్న రాజాం నుంచి పోటీ చే యాలని అనుకుంటున్నారు. ఈ నియోజకవర్గం ఇప్పుడు వి జయనగరం జిల్లాలో ఉంది. అక్కడ టీడీపీలో తనకు పో టీగా కోండ్రు మురళీమోహన్‌ ఉండటం, ఆయనకు టిక్కె ట్‌ వస్తుందేమోనన్న అభద్రతాభావంతో ఇలా అధినేత దృష్టిలో పడడానికి పాట్లు పడుతున్నట్లు ఆ పార్టీ శ్రేణులు చర్చించుకుంటున్నాయి.

సాక్షి, అమరావతి : తెలుగుదేశం పార్టీ రాష్ట్ర అధ్యక్షుడు కింజరాపు అచ్చెన్నాయుడి పదవికి పార్టీ అధినేత చంద్రబాబు ఎసరు పెట్టారు. ఆయన్ని  అధ్యక్ష పదవి నుంచి తొలగించేందుకు రంగం సిద్ధం చేసినట్లు ఆ పార్టీలో ప్రచారం జరుగుతోంది. ఆయన్ని తప్పించి మరో బీసీ నేతకు అవకాశం ఇవ్వాలనే అభిప్రాయాన్ని చంద్రబాబు, ఆయన కుమారుడు లోకేశ్‌ చాప కింద నీరులా చాలాకాలం నుంచి వ్యాపంపజేశారు. తాజాగా క్యాడర్‌ నుంచి ఇదే అభిప్రాయం వస్తున్నట్లు చూపించి మహానాడులో అచ్చెన్నకు చెక్‌ పెట్టడానికి సిద్ధమైనట్లు సమాచారం. అందులో భాగంగానే ఒంగోలులో శుక్రవారం రాత్రి జరిగిన టీడీపీ పొలిట్‌ బ్యూరో సమావేశంలో ఈ అంశంపై చర్చించారు.  అధ్యక్ష పదవిని మరొకరికి ఇవ్వాలని రాష్ట్ర పార్టీ మాజీ అధ్యక్షుడు కళా వెంకట్రావు ప్రతిపాదించారు. వైఎస్సార్‌ కాంగ్రెస్‌ పార్టీ బీసీలకు పెద్దపీట వేస్తోందని, ఎక్కువ పదవులు ఇస్తోందని ఆయన చెప్పినట్లు తెలిసింది. జగన్‌ బీసీలకు ఎక్కువ ప్రాధాన్యం ఇస్తున్నారని ప్రజల్లోనూ చర్చ జరుగుతున్న తరుణంలో పార్టీ రాష్ట్ర అధ్యక్ష పదవిని మరో బీసీకి ఇవ్వాలని వెంకట్రావు చెప్పినట్లు తెలిసింది. వ్యూహాత్మకంగానే.. ప్రతి రెండేళ్లకు ఒకసారి మహానాడులో పార్టీ జాతీయ అధ్యక్షుడు, ఏపీ, తెలంగాణకు అధ్యక్షులను ఎన్నుకుంటారు. చంద్రబాబును జాతీయ అధ్యక్షుడుగా ఎన్నుకోవడం లాంఛనమైన ప్రక్రియే. మిగిలిన పదవులను ఎవరికివ్వాలో చంద్రబాబు నిర్ణయిస్తారు. రెండేళ్ల క్రితం ఇలాగే అచ్చెన్నాయుడిని రాష్ట్ర పార్టీ అధ్యక్షుడిగా నియమించారు. తిరుపతి ఉప ఎన్నిక సమయంలో అచ్చెన్న పార్టీ పరిస్థితి, లోకేశ్‌ నాయకత్వం పైన చేసిన వ్యాఖ్యలు దుమారం రేపాయి. అప్పటి నుంచి ఆయన్ని లోకేష్‌ టార్గెట్‌ చేశారు. అధ్యక్ష పదవి నుంచి తొలగించాలని చంద్రబాబుపై ఒత్తిడి తెస్తున్నారు. రాష్ట్ర అధ్యక్షుడైనప్పటికీ అచ్చెన్నాయుడిని లోకేష్‌ ఎక్కడికీ వెళ్లనివ్వలేదు. మీడియా సమావేశాల పైనా ఆంక్షలు విధించారు. దీంతో అచ్చెన్నాయుడు అప్పుడప్పుడు ప్రకటనలు మాత్రం విడుదల చేసేవారు. జిల్లాల పర్యటనలకు వెళ్లకుండా అడ్డుకుని లోకేశే వెళ్లేవారు.  అన్ని రకాలుగా అచ్చెన్నాయుడిని పక్కన పెట్టేశారు. అర్ధంతరంగా పదవి నుంచి తొలగించాలని చూశారు. ఇలా చేస్తే బీసీల్లో ఇంకా బలహీనమవుతామని చంద్రబాబు ఆపుతూ వచ్చారు. ఇప్పుడు మహానాడు సందర్భంగా వ్యూహం ప్రకారం కళా వెంకట్రావు ద్వారా అచ్చెన్నకు చెక్‌ పెడుతున్నారు. లోకేశ్‌ కూడా పార్టీ నేతలు ఎక్కువ కాలం పదవుల్లో ఉండకూడదని మహానాడు ప్రాంగణంలోనే తేల్చి చెప్పారు. ఎక్కువ కాలం పదవులు పట్టుకుని వేళ్లాడితే కొత్త వాళ్లు ఎలా వస్తారని ప్రశ్నించారు. అచ్చెన్నాయుడిని ఉద్దేశించే లోకేశ్‌ మాట్లాడినట్లు విశ్లేషకులు చెబుతున్నారు. మహానాడు తర్వాత కొత్త వారికి అవకాశం పేరుతో అచ్చెన్నను పదవి నుంచి తప్పించి మరో డమ్మీ పదవి ఇస్తారనే ప్రచారం జరుగుతోంది.  (క్లిక్‌: వంద మహానాడులు చేసినా బాబు అధికారంలోకి రాలేడు)

సాక్షి, తాడేపల్లి: టీడీపీ అధినేత నారా చంద్రబాబు నాయుడుపై ఏపీ జల వనరుల శాఖ మంత్రి అంబటి రాంబాబు మండిపడ్డారు. మంత్రి అంబటి రాంబాబు శనివారం మీడియాతో మాట్లాడుతూ.. ‘‘చంద్రబాబువి దుర్మార్గమైన రాజకీయలు. చంద్రబాబు ఓ విష సర్పం. ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డిని తిట్టడమే తప్ప మహానాడులో చేసిందేమీ లేదు. బడుగు, బలహీన వర్గాలకు చంద్రబాబు ఏమీ చేయలేదు. అది మహానాడు కాదు.. మోసపునాడు. వంద మహానాడులు చేసినా చంద్రబాబు మళ్లీ అధికారంలోకి రాలేడు. వచ్చే ఐదేళ్లు కూడా చంద్రబాబుకు నిద‍్రపట్టదు. చంద్రబాబు తప్పిదం వల్లే డయాఫ్రమ్‌ వాల్‌ కూలిపోయింది. కాఫర్‌ డ్యామ్‌ పూర్తికాకముందే డయా ఫ‍్రమ్‌ వాల్‌ నిర్మించారు. చంద్రబాబు చారిత్రాత్మక తప్పు చేయడం వల్లే ఇలా జరిగింది. మంత్రి ఇళ్లు దగ్ధమైతే మహానాడులో ఖండించారా?. ఎస్సీ, ఎస్టీ, బీసీలకు వ్యతిరేకంగా మహానాడు జరుగుతోంది’’ అని ఆరోపించారు.  

సాక్షి, తిరుమల: రాష్ట్రానికి, తెలుగుదేశం పార్టీకి పట్టిన శని చంద్రబాబు నాయుడే అని గతంలోనే ఎన్టీఆర్ చెప్పిన మాటలను గుర్తుచేశారు ఏపీ పర్యాటక శాఖ మంత్రి ఆర్కే రోజా. శనివారం ఉదయం నియోజకవర్గ నేతలతో కలిసి తిరుమల శ్రీవారిని దర్శించుకున్న మంత్రి రోజా మీడియాతో మాట్లాడారు. చంద్రబాబు నాయుడు ఈ రాష్ట్రానికి, తెలుగుదేశం పార్టీకి శని అని గతంలోనే స్వర్గీయ ఎన్టీఆర్ అన్నారు. ఆయన ప్రాణాలు తీసి.. నేడు వారి ఫొటోకి దండలు, దండం పెడుతున్నాడు. ఎన్టీఆర్ పేరు ఓ జిల్లాకి పెడితే.. కనీసం బాబు కృతజ్ఞత కూడా ప్రదర్శించలేదన్నారు ఆమె. మహానాడులో చేసిన తప్పులను సరిదిద్దుకోకుండా.. సీఎం వైఎస్‌ జగన్‌ను విమర్శించడమే పనిగా పెట్టుకున్నాడని మంత్రి రోజా మండిపడ్డారు. ఇక మంత్రి విశ్వరూప్ ఇంటిపై జరిగిన దాడిని అమానుష చర్యగా అభివర్ణించిన ఆమె... అల్లర్లను అణచివేయడానికి పోలీసులు ఎంతో సమన్వయంగా వ్యవహరించారని మెచ్చుకున్నారు. అల్లర్లకు పాల్పడిన వాళ్లు ఎంతటి వాళ్లు అయినా వదిలేదేలే అని స్పష్టం చేశారు మంత్రి రోజా. చదవండి: జూనియర్ ఎన్టీఆర్ పేరు విన్నా చంద్రబాబుకు నిద్ర పట్టదు

సాక్షి, విశాఖపట్నం: మహానాడులో చంద్రబాబు ఉన్మాదిలా మాట్లాడారని మంత్రి ఆదిమూలపు సురేష్ మండిపడ్డారు. శుక్రవారం ఆయన మీడియాతో మాట్లాడుతూ, విమర్శించేందుకు ఏమీ లేక చంద్రబాబు అబద్ధాలు చెబుతున్నారని దుయ్యబట్టారు. ’టీడీపీది మహానాడు కాదు.. మాయనాడు. చంద్రబాబు, అచ్చెన్నాయుడిని మించిన దొంగలెవరున్నారు. చంద్రబాబు మళ్లీ సీఎం అవుతానని పగటి కలలు కంటున్నాడు’’ అని మంత్రి సురేష్‌ ఎద్దేవా చేశారు. చదవండి: ‘వంచన, వెన్నుపోటుకు పుట్టిన బిడ్డే ఉన్మాది చంద్రబాబు’ 

దుర్మార్గుడు... మేకవన్నె పులి... ప్రజాస్వామ్య హంతకుడు... గుండెల్లో చిచ్చు పెట్టిన వాడు...  గూడుపుఠాణీకి గురువు... మోసానికి మూలస్తంభం... ఇవన్నీ దివంగత నందమూరి తారక రామారావు నోటి నుంచి వెలువడ్డ శిలాక్షరాలు. చంద్రబాబునాయుడు ‘విశ్వరూపాన్ని’ కళ్లారా చూసి ఆయనే స్వయంగా అనుగ్రహించిన బిరుదరాజాలు. అల్లుడని నమ్మినవాని చేతిలోనే అడ్డంగా వెన్నుపోటుకు గురైన ఆక్రోశం నుంచి పుట్టుకొచ్చిన శాపనార్థాలు. ఎన్టీఆర్‌ తన చివరి దశలో కనీసం చంద్రబాబు పేరును ఉచ్చరించేందుకు కూడా ఇష్టపడలేదు. కానీ మళ్లీ అధికారంలోకి రావడం కోసం ఎన్టీఆర్‌ నామభజన చేస్తున్నారు చంద్రబాబు. రేపటి నుంచి ఎన్టీఆర్‌ శత జయంతి సంవత్సరం ప్రారంభం కానుంది. టీడీపీ వాళ్లు మహానాడు జరుపుకొంటున్నారు. ఈ సందర్భంగా ఎన్టీఆర్‌ వివిధ సందర్భాల్లో తమ పార్టీ కార్యకర్తలతో చంద్రబాబు గురించి మాట్లాడిన మాటలు గుర్తు చేస్తున్నాం. తమ్ముళ్లారా! చెల్లెళ్లారా! ఇదిగో మీ అన్నను మాట్లాడుతున్నాను. శ్రద్ధగా వినండి. మీ బుద్ధితో ఆలోచించండి. మీ నిర్ణయంతో నన్ను ఆదేశించండి. మీరు చెప్పేదే న్యాయం. చేసేదే ధర్మం. నాటి నుంచి నేటి వరకూ జరిగిన చరిత్రను మీ ముందు, అంటే ప్రజాన్యాయస్థానం ముందుంచుతున్నాను. మంచేదో చెడేదో; నిజమేదో అబద్ధమేదో; ఆశయ మేదో ఆశేదో మీకు తెలియాలనే ఈ ప్రయత్నం. నీతికీ అవినీతికీ మధ్య జరుగుతున్న ఈ పోరా టంలో న్యాయనిర్ణేతలు మీరే. ఎవరు విజేతలో తేల్చాల్సింది కూడా మీరే. బాబు ఒక చిన్న మిడత 224 సీట్లతో అధికారం చేపట్టిన తెలుగుదేశం ప్రాభవాన్ని ప్రతిఘటించడం చేతకాని వ్యతిరేక శక్తులు కొంతమంది, (1995లో) లోలోన గూడు పుఠాణీ ఆరంభించారు. దీనికి గురువు, ఈ కుట్రకు కొలువు, మోసానికి మూలస్తంభం, ఈ పద్మవ్యూహానికి కేంద్రబిందువు చంద్రబాబు నాయుడు! నా అల్లుడనబడుతున్నవాడే నా గుండెల్లో చిచ్చు పెట్టాడు. తెలుగుదేశం పార్టీ ఆవిర్భవించడానికి ముందు అతనేమిటో మీ అందరికీ తెలుసు. కాంగ్రెస్‌లో ఉంటూ, మంత్రులపై కూడా పోటీ చేస్తానంటూ ప్రగల్భాలు పలికి, చివరకు తెలుగు దేశం మహా ప్రభంజనంలో కొట్టుకుపోయిన ఓ చిన్నమిడత. తెలుగుదేశం అధికారంలోకి వచ్చాక, అతను పార్టీలో చేరతానని వస్తే, చేర్చుకోవద్దని కొందరు హితవు చెప్పారు. అయినప్పటికీ పశ్చా త్తాపాన్ని ప్రకటించాడు కదా అని ఔదార్యంతో చేర్చుకున్నాను.  తర్వాత పార్టీలో ముఖ్యమైన పదవులన్నీ ఇచ్చాను. అయితే అతడు ప్రజాసేవ కోసం కాక పదవి కోసమే పార్టీలో చేరాడన్న దుర్మార్గాన్ని నేను కనిపెట్టలేకపోయాను. అతడు కడుతున్న ముఠాల గురించీ, చేరదీస్తున్న గ్రూపుల గురించీ పట్టించుకోలేదు. అతడిలో పదవీ కాంక్ష ఇంతగా గూడుకట్టుకుంటుందనీ, అతడి వల్ల ప్రజలచేత ఎన్నుకున్న ప్రభుత్వం తప్పుకోవాల్సి వస్తుందనీ, అతని వల్ల ప్రజాభీష్టమే వ్యర్థమై పోతుందనీ, ప్రజాస్వామ్యం పట్టపగలే హత్యకు గురౌతుందనీ, అధికారం కోసం ఆ పెద్దమనిషి ఇంతటి అల్పమైన నీచమైన దారుణమైన వెన్ను పోటుకు కూడా సిద్ధపడతాడనీ నేనూహించలేక పోయాను. నామీద ఒక అభియోగం సృష్టించాడు. కార్యకర్తలకేదో అన్యాయం జరిగిందట. ఏమిటా అన్యాయం? ఎవరికా అన్యాయం? పార్టీపట్ల శ్రద్ధా భక్తులతో, అంకితభావంతో పనిచేసి ప్రజల విశ్వాసం చూరగొన్న ఏ నా కార్యకర్తలకూ ఏ నా తెలుగు తమ్ముళ్లకూ అన్యాయం జరగలేదు. ఒకవేళ ఏదైనా లోటు జరిగితే అది అవకాశవాదులకు మాత్రమే జరిగింది! చంద్రబాబు... ఆ పెద్ద మనిషి.... ఆ మేకవన్నె పులి... ఆ తేనెపూసిన కత్తి తయారుచేసిన కుట్రదారులకే జరిగింది! అతడి పక్కన చేరి, కుహనా కార్యకర్తలుగా చలామణై, దళారీలుగా ఉన్నవారికే జరిగింది! పేరు చెప్పేందుకూ అనర్హుడే ఇవాళ నేను మాట్లాడుతున్న వ్యక్తి ఓడిపోయి తెలుగుదేశంలోకి వచ్చాడు. నా విధానాలకు పూర్తిగా అంకితమవుతానని మాటిచ్చాడు. కానీ అతని మనసులో ఉన్న దురాశ మాత్రం పోలేదు. నేనిన్ని పదవులిచ్చాను. కానీ ఆయన మాత్రం తన కంటూ ఓ గుంపును తయారు చేసుకున్నాడు. అది నేను గమనించలేదు. ఎవరూ ఊహించని విధంగా (1994 ఎన్నికల్లో) మాకు 214 సీట్లు వచ్చాయి. ఆ తర్వాత పార్టీలో చేరిన వారితో చూసుకుంటే 224 సీట్లు! కాబట్టి వాళ్లేం చేయలేకపోయారు. అదే ఏ 130, 140 సీట్లో వచ్చుంటే వాళ్లేమైనా చేసి ఉండే వాళ్లు.  మాకిది కావాలి, అది కావాలంటూ కోరే వారు. ఎందుకంటే అంతకు ముందే రంగం ఏర్పాటై ఉంది. అందరికీ డబ్బిచ్చాడు ఈయన. ఆయన పేరు చెçప్పడం కూడా నాకిష్టంలేదు. పేరు చెప్పేందుకు కూడా ఆయన అర్హుడు కాదు. అంద రికీ 5లక్షలు, 10 లక్షలు డబ్బులిచ్చి ‘ఇదిగో ఎన్ని కల కోసం మీ అందరికీ డబ్బిస్తున్నాను. మీరంతా నా మనుషులుగా ఉండాలి’ అంటూ ఏర్పాటు చేసుకున్నాడు. ఇక ఎప్పుడైతే 224 సీట్లు టీడీపీకి వచ్చాయో ఆయన ఆటలు సాగలేదు. తప్పనిసరిగా ఎన్టీఆర్‌నే నాయకుడిగా ఎన్నుకోవాల్సి వచ్చింది. కానీ ఎలాగైనా ముఖ్యమంత్రి కావాలన్న ఆశ మాత్రం ఆయన మనసులో చావలేదు. ఆ ఆశతోనే తన గ్రూపును తయారు చేశాడు. ఇట్స్‌ ఏ ప్లాన్‌డ్‌ ట్రెచెరీ! తెలుగు జాతి దురదృష్టం చరిత్రను చూస్తే... తండ్రిని జైల్లో పెట్టిన సమ్రాట్లు న్నారు. రాజ్యాధికారం కోసం అన్నల్ని చంపిన సోదరుడున్నాడు... ఔరంగజేబు. అలాంటి దుర దృష్టకరమైన విధానం మళ్లీ ఇన్ని వందల ఏళ్ల తర్వాత తెలుగు జాతి చరిత్రలో మన రాష్ట్రంలో ఈనాడు తిరిగి జరిగింది. అది మన దురదృష్టం. అలాంటి చిన్నబుచ్చేతనాన్ని మన జాతి అనుభ వించడం అనేది కేవలం నేను చేసుకున్న పాపం. ఎందుకంటే నా వాళ్లుగా ఉంటూ ఈనాడు జాతికే ద్రోహం చేసి మాయని మచ్చను తెచ్చారు. ప్రజా స్వామ్యానికిది చిన్నతనం. (1995 ఆగస్టు 23 నాటి వెన్నుపోటుకు కొద్ది రోజుల ముందు) నేను శ్రీకాకుళం, విశాఖపట్నం, విజయనగరం వెళ్లిన ప్పుడు అక్కడ కూడా ఈ మహానుభావుడే, ఎవరైతే ఈనాడు జాతికే చిన్నతనం తెచ్చారో... అవమానకరంగా వ్యవహరించారో... తెలుగు జాతిని కించపరిచారో... ఆ మహానుభావుడే, ‘రామారావు గారు లేకపోతే మా పార్టీ (తెలుగు దేశం) లేదు. ఆయన వల్లే పార్టీ నడుస్తోంది. మేమాయన వెనకాల ఉంటున్నాం. ఈ ఖ్యాతి, గౌరవం అంతా ఆయనదే. రామారావే మా నాయ కుడు’ అన్నాడు. అలా చెప్పినవాడే 23వ తేదీ సాయంత్రానికల్లా ఎందుకు మారారంటారు? ఆదర్శాలకు వెన్నుపోటు ఈ వెన్నుపోటు జరిగింది నాకొక్కడికి మాత్రమే కాదు. ప్రజలకు, మీకు, మీరు వేసిన ఓటుకు. మీరు నమ్మిన ప్రజాస్వామ్యానికి, మీరు విశ్వసించిన ఆశయాలకు, ఆదర్శాలకు ఇది వెన్నుపోటు! ఇంత నీచానికి ఒడిగట్టిన చంద్రబాబు... ఎన్టీఆర్‌ లాగే ఆయన విధానాలే కొనసాగిస్తామని చెబుతుంటే ఎలా ఉందో తెలుసా? చేతులు జోడించి, నమ స్కారం చేసి, తుపాకీ పేల్చి గాంధీ మహాత్ముడ్ని పొట్టనబెట్టుకున్న గాడ్సేనే మించిపోయాడు అనిపిస్తోంది. ఇది సిగ్గుచేటు. క్షమించరాని నేరం. వీళ్లంతా ఇలా ఎందుకు చేశారు? ఎందుకు వెన్నుపోటు పొడి చారు? ఏమిటి, ఏమిటి ఎన్టీఆర్‌ చేసిన తప్పు? ఏమిటి, ఏమిటి ఎన్టీఆర్‌ చేసిన నేరం? బాబును చరిత్ర క్షమించదు అయామ్‌ ద లయన్‌. నేనే సింహాన్ని. ఎందుకంటే సింహం మృగరాజు. ఏ అవమానాన్నీ సహించదు. కాబట్టి నాకెలా అవమానం జరిగింది, నా వాళు,్ల నా అన్నవాళ్లు నన్నే విధంగా మోసం చేశారో ప్రజలకు తెలుసు. అయినా నేను చెప్పడం నా ధర్మం. నా కర్తవ్యం. ప్రజల ప్రతినిధిని నేను. నాకేం జరిగినా ప్రజలకు తెలియజెప్పడం నా బాధ్యత. దేవుడు సహా ఎవరూ క్షమించలేని ఘాతుకానికి బాబు ఒడి గట్టాడు. దీన్ని జాతి, చరిత్ర ఎప్పటికీ  క్షమించదు. మీకు ఏ విధమైన రాజకీయం కావాలి? ఏ విధంగా ప్రజాస్వామ్యం ఉండాలి? అది నిర్ణయించుకోవా ల్సింది మీరే. అదే ప్రజాస్వామ్యం. కాబట్టి ఏ పార్టీ అయితే ప్రజాస్వామ్యాన్ని ఉద్ధరిస్తుందో, ఏ పార్టీ అయితే మనం తెచ్చుకున్న స్వాతంత్య్రానికి ఓ చక్కని రూపం దిద్దగలుగుతుందో, అలాంటి పార్టీకే మీరు నిర్భయంగా ఓటేయండి. ఓటు మీ జన్మ హక్కు. దాన్ని నిరుపయోగం చేయకండి. పిరికి తనంతో దాన్ని మరోరకంగా ఉపయోగించకండి... ఇది ‘అన్న’ మాట.       

చంద్రబాబు పాలన అంటే ఉత్తుత్తి హామీలు, అబద్ధాలు, నయవంచన గుర్తుకు వస్తాయి. ఆయన ఐదేళ్ల పాలనలో జిల్లాలో దుర్భిక్షం రాజ్యమేలింది. పాడికి పేరొందిన ప్రకాశం జిల్లాలో రైతులకు అండగా ఉన్న ఒంగోలు డెయిరీని నిర్వీర్యం చేశారు. రైతులను నట్టేట ముంచేసి.. వేలాది మంది కార్మికులను రోడ్డు పాల్జేశారు. రుణమాఫీ హామీని గాలికొదిలేసి లక్షలాది మంది కర్షకులను, డ్వాక్రా మహిళలను దగా చేశారు.  వెలిగొండ ప్రాజెక్టు పనులు గాలికి వదిలేశారు. ఈ ప్రాజెక్ట్‌ పేరుతో విడుదలైన అరకొర నిధులు బాబు బినామీలు కాజేశారు. రామాయపట్నం పోర్టు నిర్మాణాన్ని త్రిశంకు స్వర్గంలో పెట్టారు. ఐదేళ్లు కాలక్షేపం చేసిన ఎన్నికల వేళ హడావిడిగా శిలా ఫలకం వేసి వంచన చేశారు. ఇలా అన్ని రంగాల్లో జిల్లాను నట్టేట ముంచేసిన చంద్రబాబు.. ఏదో ఘనకార్యం చేసినట్టుగా ఈ గడ్డపై మహానాడు నిర్వహణకు సిద్ధమయ్యారని జిల్లా వాసులు విమర్శిస్తున్నారు. సాక్షి ప్రతినిధి, ఒంగోలు: చంద్రబాబు హయాం 2014 నుంచి 2019 వరకు ప్రకాశం జిల్లాలో ఒక్క అభివృద్ధి కూడా జరగలేదు. ప్రధాన ప్రాజెక్టులన్నీ నిర్లక్ష్యానికి గురయ్యాయి. ఐదేళ్లూ అన్ని మండలాల్లో కరువు తాండవించింది. సాగు, తాగు నీటి కోసం ప్రజలు విలవిల్లాడారు. పశ్చిమాన పలు గ్రామాల్లో ప్రజలు వలసబాట పట్టారు. సార్వత్రిక ఎన్నికల ముందు ఉత్తుత్తి శంకుస్థాపనలతో హడావుడి చేశారు. మళ్లీ అవకాశం ఇస్తే అభివృద్ధి చేస్తానంటూ ప్రగల్భాలు పలికారు. ఐదేళ్ల బాబు నయవంచన పాలనను.. మూడేళ్ల వైఎస్‌ జగన్‌మోహన్‌రెడ్డి పాలనలో జిల్లాలో జరిగిన అభివృద్ధిని జనం పోల్చుకుంటున్నారు. జగన్‌కు జై కొడుతున్నారు. జిల్లాలో నాడు–నేడు ఒక్కసారి పరిశీలిద్దాం..  పాలేరూ అంతే..  కొండపి నియోజకవర్గంలోని సంగమేశ్వరం వద్ద పాలేరుపై నిర్మించతలపెట్టిన సంగమేశ్వరం ప్రాజెక్టు పనులు టీడీపీ హయాంలో  ముందుకు సాగనేలేదు. అప్పటి, నేటి ఎమ్మెల్యే డోల బాలవీరాంజనేయ స్వామి (టీడీపీ) కాంట్రాక్టర్లను మార్చటమే పనిగా పెట్టుకున్నారు. మూడుసార్లు కాంట్రాక్టర్లను మార్చి నిర్లక్ష్యం చేశారు. ఇలా అన్ని రంగాల్లో జిల్లాను గాలికొదిలేశారు. కరువు జిల్లాగా మార్చేశారు.   రుణమాఫీ పేరిట దగా 2014 ఎన్నికల ముందు రైతులు, డ్వాక్రా మహిళలు ఎవరూ ఒక్క రూపాయి కూడా బ్యాంకులకు రుణాలు చెల్లించవద్దు. అధికారంలోకి రాగానే రుణమాఫీ చేస్తానంటూ హామీ ఇచ్చారు. అధికారంలోకి వచ్చిన వెంటనే మాట మార్చారు. కమిటీల పేరుతో ఏడాదిన్నరపాటు కాలయాపన చేశారు. పాత ప్రకాశం జిల్లాలో 4.50 లక్షల మంది రైతులు, 7 లక్షల మంది డ్వాక్రా మహిళలు కలిపి సుమారు రూ.11 వేల కోట్లకు పైగా రుణాలు ఉండేవి. కేవలం రూ.3 వేల కోట్లలోపు మాత్రమే రుణాలు మాఫీ చేసి అటు రైతులను, డ్వాక్రా మహిళలను దగా చేశారు.    హెరిటేజ్‌ కోసం ఒంగోలు డెయిరీ మూత...  పాడి రైతులకు ఆదాయ వనరుగా ఉన్న ఒంగోలు డెయిరీని చంద్రబాబు తన హెరిటేజ్‌ కోసం నిలువునా ముంచేశారు. తన పార్టీకి చెందిన డెయిరీ పాలక మండలి చేత సహకార రంగంలో ఉన్న డెయిరీని కంపెనీ చట్టంలోకి మార్పించి దగా చేశారు. డెయిరీ సొమ్ముంతా దోచుకునేటట్లు చేసి చివరకు రూ.100 కోట్ల వరకు అప్పులు చేయించి మరీ డెయిరీని మూతవేయించారు. పాడి రైతులను నట్టేట ముంచారు. వేలాది ఉద్యోగులు, కార్మికులు ఉపాధిలేక రోడ్డున పడ్డారు.  వెలిగొండ పనులు నత్త నడక....   ప్రకాశం, నెల్లూరు, కడప జిల్లాలకు ప్రధాన సాగు, తాగు నీటి వనరుగా నిర్మింపతలపెట్టిన వెలిగొండ ప్రాజెక్టు పనులు ఐదేళ్లూ నత్తను తలపించాయి. తన సొంత బినామీ అయిన సీఎం రమేష్‌కు వెలిగొండ పనులను అడ్డగోలుగా నామినేషన్‌పై ఇచ్చి రూ.వందల కోట్లు కాజేశారు. పనుల్లో మాత్రం అడుగు కూడా ముందుకు సాగలేదు. ఒకటో టన్నెల్‌ పనులు కేవలం 600 మీటర్లు మాత్రమే తవ్వారు. ఆర్‌అండ్‌ఆర్‌ పనులు అసలు చేపట్టనే లేదు. నాడు గాలికొదిలేసిన టీడీపీ నేతలు ఇదే ప్రాజెక్టుపై లేఖల డ్రామాలు మొదలుపెట్టి అసత్య ప్రచారానికి పూనుకున్నారు.  ఉత్తుత్తి శంకుస్థాపన జిల్లా ప్రజల చిరకాల కోరిక రామాయపట్నం పోర్టు. టీడీపీ ప్రభుత్వం గ్రాఫిక్స్‌తో కాలయాపన చేశారు. చివరకు ఎన్నికలకు ముందు డ్రామాకు తెరతీశారు. మేజరు పోర్టును మినీపోర్టుగా మార్చేశారు. హడావుడిగా శిలాఫలకం వేశారు. నన్ను తిరిగి గెలిపిస్తే రామాయపట్నం పోర్టు, పేపర్‌ మిల్లు ఏర్పాటు చేస్తానని ఉత్తుత్తి హామీ ఇచ్చి వెళ్లారు.   మారిన గతి..  వైఎస్సార్‌సీపీ అధికారంలోకి వచ్చిన తర్వాత జిల్లాలో అభివృద్ధి పరుగులు తీసింది. వెలిగొండకు భారీగా నిధులు కేటాయించింది. పనుల్లో వేగం పెంచింది. ప్రభుత్వం చేపట్టిన సంక్షేమ పథకాలు నేరుగా ప్రజలకు అందేలా గ్రామ సచివాలయ వ్యవస్థకు శ్రీకారం చుట్టింది. ప్రతి గ్రామంలో నాలుగైదు రకాల ప్రభుత్వ భవనాలను నిర్మిస్తున్నారు. జిల్లాలో సంక్షేమ పథకాల కింద ఈ ఏడాది దాదాపు రూ.19,600 కోట్లకు పైగా నేరుగా లబ్ధిదారులకు చేరాయి.   మార్కాపురంలో మెడికల్‌ కాలేజీ.. దోర్నాలలో గిరిజన సూపర్‌ స్పెషాలిటీ  వెనుకబడిన పశ్చిమ ప్రకాశంలో ప్రజలకు వైద్యం అందించేందుకు మెడికల్‌ కాలేజీ, ప్రభుత్వ వైద్యశాల ఏర్పాటుకు ప్రభుత్వం ఇప్పటికే ఏర్పాట్లు ముమ్మరం చేసింది. అందుకోసం 50 ఎకరాలు కేటాయించి, నిర్మాణానికి రూ.475 కోట్లు వెచ్చించనుంది. ఇప్పటికే మెడికల్‌ కాలేజీ ఏర్పాటుకు శంకుస్థాపన కూడా చేశారు. దోర్నాల మండలం అయినముక్కల గ్రామంలో గిరిజన సూపర్‌ స్పెషాలిటీ వైద్యశాలను ప్రభుత్వం మంజూరు చేసింది. ఇప్పటికే స్థల సేకరణ పూర్తయింది. వైద్యశాల నిర్మాణానికి ప్రభుత్వం రూ.50 కోట్లు మంజూరు చేసింది. టెండర్ల దశ పూర్తి చేసుకొని పనులు ప్రారంభం కావాల్సి ఉంది.   జీజీహెచ్‌ అభివృద్ధికి రూ.170 కోట్లు  జిల్లా కేంద్రం ఒంగోలు నగరంలో గవర్నమెంట్‌ జనరల్‌ హాస్పిటల్‌ అభివృద్ధి కోసం ఎమ్మెల్యే బాలినేని శ్రీనివాసరెడ్డి కృషి చేశారు.  ప్రభుత్వం నుంచి రూ.170 కోట్లు మంజూరు చేయించారు. జీజీహెచ్‌ వెనుక 7 ఎకరాలను అదనంగా కేటాయించారు. బెడ్లు పెంచటంతో పాటు అదనపు సౌకర్యాలు, నర్సింగ్‌ కాలేజీ ఏర్పాటు చేస్తున్నారు. దాదాపు రూ.100 కోట్లు వెచ్చించి సీటీఎంఆర్‌తో పాటు జీజీహెచ్‌లో అనేక ఆధునికీకరణ పనులు చేపట్టారు. థర్డ్‌ వేవ్‌ కోవిడ్‌ను సైతం సమర్ధవంతంగా ఎదుర్కొనేందుకు ఆక్సిజన్‌ ప్లాంట్లు ఏర్పాటు చేశారు. కోవిడ్‌ సమయంలో జీజీహెచ్‌ వేలాది ప్రాణాలను కాపాడింది.  జిల్లాకు ఆంధ్రకేసరి యూనివర్శిటీ..  టీడీపీ హయాంలో ఒక్క విద్యా సంస్థ కూడా జిల్లాకు కేటాయించలేదు. వైఎస్సార్‌ సీపీ ప్రభుత్వం వచ్చిన రెండేళ్లలోనే జిల్లాకు ఆంధ్రకేసరి యూనివర్శిటీని మంజూరు చేసింది. పేర్నమిట్టలో 109 ఎకరాలు కేటాయించింది. అందుకుగాను డీపీఆర్‌ కోసం రూ.50 లక్షలు రిలీజ్‌ చేసింది. మొత్తం యూనివర్శిటీ బడ్జెట్‌ కింద రూ.340 కోట్లు కేటాయించింది. స్కిల్‌ డెవలప్‌మెంట్‌ కోసం ► నిరుద్యోగుల్లో వృత్తి నైపుణ్యం పెంపొందించటానికి (స్కిల్‌ డెవలప్‌మెంట్‌) ఒంగోలులోని ప్రభుత్వ ఐటీఐ కాలేజీ ప్రాంగణంలో 5 ఎకరాలు కేటాయించింది.   ► దోర్నాలలో రూ.3 కోట్లతో సామాజిక ఆరోగ్య కేంద్ర ఏర్పాటుకు నిర్మాణ పనులు జరుగుతున్నాయి.  ► గిద్దలూరు పట్టణ ప్రజల తాగునీటి అవసరాలు తీర్చేందుకు సుంకేసుల గ్యాప్‌ నుంచి నీటిని సరఫరా చేసేందుకు రూ.89 కోట్లతో పనులు చేస్తున్నారు.   ► ఒంగోలు నగర అభివృద్ధి కోసం సీఎం వైఎస్‌ జగన్‌ ఒంగోలు నగరానికి వచ్చినప్పుడు రూ.400 కోట్లు కేటాయించాలని బాలినేని శ్రీనివాస రెడ్డి కోరారు. దీంతో ఆ ప్రతిపాదనలను పరిశీలించిన ముఖ్యమంత్రి మంజూరు చేస్తున్నట్లు బహిరంగ సభలోనే ప్రకటించారు.  ► రూ.54 కోట్లతో నగరంలో అండర్‌ గ్రౌండ్‌ విద్యుత్‌ కేబుల్‌ పనులు శరవేగంగా జరుగుతున్నాయి. ► చీరాల మండలంలోని వాడరేవు, కొత్తపట్నం సముద్ర తీర ప్రాంతాల్లో రెండు ఫిషింగ్‌ హార్బర్లు ప్రభుత్వం మంజూరు చేసింది. ఇప్పటికే వాటికి సంబంధించి స్థల సేకరణ పూర్తయింది. త్వరలో వాటి నిర్మాణానికి టెండర్లు పిలవనున్నారు.    వెలిగొండ ప్రాజెక్టు పనులు వేగం వైఎస్సార్‌ సీపీ ప్రభుత్వం వచ్చిన తరువాత మొదటి టన్నెల్‌ నిర్మాణ పనులు పూర్తి చేసింది. రెండో టన్నెల్‌ 18.679 కిలో మీటర్లకుగాను ఇక కేవలం 4.920 కిలో మీటర్లు మాత్రమే మిగిలి ఉంది. హెడ్‌ రెగ్యులేటర్‌ పనులు కూడా వేగవంతం చేసింది. ప్రాజెక్టు పరిధిలోని నిర్వాసితుల కోసం ఇప్పటికే 31,066 ఎకరాల భూ సేకరణ పూర్తి చేసింది. భూ సేకరణ కోసం రూ.418 కోట్లు వెచ్చించింది. ఆర్‌ఆర్‌ ప్యాకేజీ కోసం 11 గ్రామాల తరలింపునకు రూ.116 కోట్లు కేటాయించింది.  పేద విద్యార్థుల కల సాకారమే ట్రిపుల్‌ ఐటీ ఇడుపులపాయలో ఉన్న ట్రిపుల్‌ ఐటీని జిల్లాకు తీసుకొచ్చి పేద విద్యార్థుల కలను సాకారం చేస్తున్నారు సీఎం వైఎస్‌ జగన్‌ మోహన్‌ రెడ్డి. ఏటా 4 వేల మంది విద్యార్థులు ట్రిపుల్‌ ఐటీలో చేరుతుంటారు. ఐదేళ్లపాటు అంటే 20 వేల మంది విద్యార్థులకు మౌలిక సదుపాయాలు కల్పించాలి. ప్రస్తుతం ఇడుపులపాయతో పాటు పేర్నమిట్ట అవతల ఉన్న ఎస్‌ఎస్‌ఎన్‌ ఇంజినీరింగ్‌ కాలేజీలో నిర్వహిస్తున్నారు. శాశ్వత భవనిర్మాణం కోసం కనిగిరి ప్రాంతంలో స్థల పరిశీలన జరుగుతోంది. 

సాక్షి, అమరావతి: కేంద్రంలోని బీజేపీ ప్రభుత్వానికి అంశాలవారీ మద్దతు ఇవ్వాలని తెలుగుదేశం పార్టీ నిర్ణయించింది. దేశ ప్రయోజనాలను దృష్టిలో పెట్టుకుని ఈ నిర్ణయం తీసుకున్నట్లు తెలిపింది. జూమ్‌ కాన్ఫరెన్స్‌లో గురువారం రెండో రోజు జరిగిన మహానాడులో ఈ మేరకు రాజకీయ తీర్మానం చేసింది. అలాగే రాష్ట్రంలో కలిసి వచ్చే ప్రతిపక్ష పార్టీలను కలుపుకుపోవాలని తీర్మానించింది. జగన్‌ పాలనను ప్రశ్నించాలనుకుంటున్న అన్ని రాజకీయ పార్టీలతో కలిసి ముందుకు వెళ్లాలని నిర్ణయించింది. చంద్రబాబు మరో యూటర్న్‌ మాట మీద నిలబడకుండా.. సమయానుకూలంగా మాటమారుస్తూ.. యూటర్న్‌లు తీసుకోవడంలో సిద్ధహస్తుడిగా పేరొందిన చంద్రబాబు తాజాగా మరో యూటర్న్‌ తీసుకున్నారు. సాధారణ ఎన్నికలకు ముందు మోదీ ప్రభుత్వాన్ని తిట్టి కాంగ్రెస్‌తో జతకట్టిన ఆయన ఇప్పుడు అవసరాల కోసం బీజేపీతో జతకట్టేందుకు సిద్ధమయ్యారు. ఇప్పుడు సందర్భం కాకపోయినా, అవసరం లేకపోయినా బీజేపీకి మద్దతు ప్రకటించారు. తన అవినీతిపై విచారణ భయం పట్టుకోవడం వల్లే ఆయన ఈ నిర్ణయం తీసుకున్నట్లు విశ్లేషకులు చెబుతున్నారు. వచ్చే ఎన్నికల్లో కలిసి వచ్చే పార్టీలతో పనిచేయాలని, ఇందుకోసం బీజేపీ, వామపక్ష పార్టీలను సైతం వాడుకోవాలని మహానాడులో నర్మగర్భంగా చెప్పడం గమనార్హం. మొక్కుబడి తీర్మానాలు:  రెండు రోజులపాటు ఆన్‌లైన్‌లో టీడీపీ నిర్వహించిన మహానాడు మొక్కుబడిగా ముగిసింది. చంద్రబాబు రోజూ నిర్వహించే టెలికాన్ఫరెన్స్, వీడియో కాన్ఫరెన్స్‌ల మాదిరిగానే ఇది కూడా ముగిసినట్లు పలువురు పార్టీ నేతలు వ్యాఖ్యానిస్తున్నారు. మొక్కుబడి తీర్మానాలు, సుదీర్ఘ ఉపన్యాసాలతో శుక్రవారంతో ఈ తంతు ముగిసినట్లు చెబుతున్నారు. ఎప్పటిలాగే ఎన్టీఆర్‌కు భారతరత్న ఇవ్వాలనే మొక్కుబడి తంతును ఈసారి కూడా చంద్రబాబు రక్తి కట్టించారు. అదే కోవలో మిగిలినవి.. ఈసారి మొత్తం 15 తీర్మానాలు చేశారు. 8 ఏపీకి సంబంధించినవి కాగా తన గొప్పలు, ప్రభుత్వంపై బురద చల్లడం, అభూత కల్పనలకే చంద్రబాబు పరిమితమైనట్లు విశ్లేషకులు పేర్కొంటున్నారు. 

సాక్షి, విశాఖపట్నం : టీడీపీ మహానాడు ఒక పెద్ద మాయ అని, పార్టీ క్యాడర్ జారిపోతుందనే భయంతోనే చంద్రబాబు మహానాడు నిర్వహించారని విఎంఆర్‌డిఎ చైర్మన్‌ ద్రోణంరాజు శ్రీనివాస్‌ విమర్శించారు. టీడీపీ ప్రజా వ్యతిరేక విధానాల ధోరణిపై, మహానాడులో చంద్రబాబు చేసిన వ్యాఖ్యలపై మాజీ మంత్రి పసుపులేటి బాలరాజు, మళ్ల విజయప్రసాద్‌తో కలిసి ద్రోణంరాజు శ్రీనివాస్ మీడియాతో మాట్లాడారు. ఆయన మాట్లాడుతూ.. ఏడాది కాలంలో ఏం చేశారని చంద్రబాబు మహానాడు నిర్వహించారని ప్రశ్నించారు.చంద్రబాబు నాయుడు ప్రజావ్యతిరేకిగా ఉండడం దురదృష్టకరమన్నారు. ముఖ్యమంత్రిగా బాధ్యతలు చేపట్టిన వైఎస్‌ జగన్‌మోహన్‌రెడ్డి రాష్ట్రాన్ని అభివృద్ధి బాటలో తీసుకెళుతుంటే చంద్రబాబు ఓర్వలేకపోతున్నారని మండిపడ్డారు. సీఎం జగన్ మోహన్ రెడ్డి చేపట్టే ప్రతి అభివృద్ధి పని అడ్డుకుంటున్నారని తెలిపారు.(రాష్ట్ర ఎన్నికల కమిషన్‌ కార్యదర్శిగా వాణీమోహన్‌) మాజీ మంత్రి పసుపులేటి బాలరాజు మాట్లాడుతూ.. ' 40 ఏళ్ల అనుభవం అని చెప్పే చంద్రబాబు నిత్యం ప్రభుత్వాన్ని విమర్శించడమే పనిగా పెట్టుకున్నారు. ఐదేళ్ల పాలనలో చంద్రబాబు నాయుడు చేసిన ఒక మంచి పనైనా చెప్పుకోగలరా ? సీఎంగా వైఎస్‌ జగన్‌ ఏడాది పాలనలో ఇచ్చిన హామీలతో పాటు ఇవ్వని హామీలను కూడా నెరవేర్చారు. రాష్ట్రంలో అభివృద్ధి, సంక్షేమం రెండు సమానంగా కొనసాగుతున్నాయి. వైఎస్‌ జగన్‌ పదవి బాధ్యతలు చెప్పట్టిన రోజు రాష్ట్రం ఊబిలో కూరుకుపోయి ఉంది. ఆయన దూరదృష్టితో ఆలోచించి కష్టాల్లో ఉన్న సమయంలోనూ ప్రజలను ఆదుకుంటున్నారు . వైఎస్‌ జగన్‌ కారణంగానే ఆదివాసుల జీవితాలు మెరుగుపడ్డాయి. అభివృద్ధికి ప్రత్యేకంగా ఎస్టీ కమిషన్ ఏర్పాటు అభినందనీయం' అని పేర్కొన్నారు. మాజీ ఎమ్మెల్యే మళ్ల విజయప్రసాద్ మాట్లాడుతూ..  వైఎస్‌ జగన్‌మోహన్‌రెడ్డి పాలనలో అందిస్తున్ననవరత్నాలు టిడిపి కార్యకర్తలతో పాటు ఆ పార్టీ సానుభూతి పరులకు కూడా చేరాయి. అభివృద్ధి ఓర్వలేక చంద్రబాబు నాయుడు ప్రతీది రాజకీయం చేస్తున్నారు. ఎల్‌జీ పాలిమర్స్ బాధితులకు టిడిపి ఎమ్మెల్యేలు 50 లక్షలు నష్టపరిహారం అడిగితే సీఎం జగన్‌ కోటి రూపాయలు ఇచ్చారు. ఎల్‌జీ పాలిమర్స్ విషయంలో టీడీపీది శవరాజకీయం' అంటూ మండిపడ్డారు. (సెప్టెంబర్‌ వరకు జీ7 సమ్మిట్‌ వాయిదా) మాజీ ఎమ్మెల్యే కుంబా రవిబాబు మాట్లాడుతూ.. ఆదివాసీల హక్కులను మాత్రమే కాదు ఆత్మాభిమానాన్ని కూడా సీఎం వైఎస్‌ జగన్ గుర్తించారని పేర్కొన్నారు. బాక్సైట్ తవ్వకాల్లో జీవో 97  రద్దు ద్వారా సీఎం గిరిజనుల పక్షపాతిగా నిలిచారు. రాజకీయాలు శాసిస్తానని చెప్పే చంద్రబాబు నాయుడు కనీసం ప్రతిపక్ష పాత్ర కూడా పోషించలేకపోతున్నారన్నారు.మహానాడు తీర్మానాలు చూస్తుంటే టీడీపీ పని అయిపోయిందని ప్రజలకు అర్థమైందన్నారు. టీడీపీ పుట్టినప్పటి నుంచి ఇంత పనికిమాలిన తీర్మానాలు మహానాడులో చేయలేదు. ఐదేళ్లలో  లక్షల కోట్ల రూపాయల పెట్టుబడి వచ్చినట్టు చెప్పే చంద్రబాబు నాయుడు ఒక్క ఉద్యోగమైనా తీసుకువచ్చారా అని ప్రశ్నించారు. పోలవరం పట్టిసీమ ప్రాజెక్టుల్లో టీడీపీ అవినీతిలో కూరుకుపోయిందన్నారు. జెసి దివాకర్కు చెందిన బస్సు ప్రమాదం లో 30 మంది చనిపోయినా... జుట్టు పట్టుకొని ఎమ్మార్వో వనజాక్షిని కొట్టినా న్యాయస్థానాలకు గుర్తుకు రాలేదన్నారు. తాజాగా రాష్ట్రంలో జరుగుతున్న పరిణామాలను ప్రజలు గమనిస్తున్నారని వెల్లడించారు.

సాక్షి, అ‍మరావతి :  టీడీపీ మహానాడుపై, చంద్రబాబు నాయుడుపై వైఎస్సార్‌ కాంగ్రెస్‌ పార్టీ రాజ్యసభ ఎంపీ విజయసాయి రెడ్డి ట్విటర్‌ వేదికగా వ్యంగాస్త్రాలు సంధించారు. ‘జూమ్ కాన్ఫరెన్సుతో మహానాడట! రెండొందల మంది భజంత్రీలు కూర్చుంటే “మహా” ఎలా అవుతుందో కాస్త వివరిస్తే సంతోషిస్తాం.  అధికారంలో ఉన్నన్నాళ్లు ప్రజల సొమ్ముతో హిమాలయా వాటర్ తప్ప వేరే నీళ్లు దిగలేదు. ఇప్పుడు ఆ బాటిల్స్ కనిపించడం లేదు. అలవాట్లు మారాయా?’అంటూ సెటైరికల్‌గా ట్వీట్‌ చేశారు.  ఇక కరోనా లాక్‌డౌన్‌ సమయంలోనూ ప్రజాసంక్షేమానికి పెద్దపీట వేస్తున్న సీఎం వైఎస్‌ జగన్‌మోహన్‌రెడ్డిని ప్రశంసిస్తూ విజయసాయి రెడ్డి మరో ట్వీట్‌ చేశారు. ‘ఏడాది కాలంలో లాక్ డౌన్ వల్ల మూడు నెలలు రాబడి లేకపోయినా 90 శాతం హామీలు నెరవేర్చారు జగన్ గారు. వివిధ కార్యక్రమాల కింద 3.60 కోట్ల మందికి 40 వేల కోట్ల సాయం అందింది. ఇరిగేషన్ ప్రాజెక్టుల పనులన్నీ కొనసాగుతున్నాయి. పోలవరం వచ్చే ఏడాది వర్షాకాలం నాటికి పూర్తవుతుంది’అంటూ ట్విటర్‌లో విజయసాయి రెడ్డి పేర్కొన్నారు. జూమ్ కాన్ఫరెన్సుతో మహానాడట! రెండొందల మంది భజంత్రీలు కూర్చుంటే “మహా” ఎలా అవుతుందో కాస్త వివరిస్తే సంతోషిస్తాం. అధికారంలో ఉన్నన్నాళ్లు ప్రజల సొమ్ముతో హిమాలయా వాటర్ తప్ప వేరే నీళ్లు దిగలేదు. ఇప్పుడు ఆ బాటిల్స్ కనిపించడం లేదు. అలవాట్లు మారాయా? — Vijayasai Reddy V (@VSReddy_MP) May 28, 2020 చదవండి: 'ఎమ్మెల్యేల కాళ్లు పట్టుకునే పనిలో పడ్డాడు' ‘అప్పుడు ప్రజాస్వామ్యం గుర్తుకు రాలేదా’

సాక్షి, తాడేపల్లి: వైఎస్సార్‌ కాంగ్రెస్‌ పార్టీ ప్రభుత్వాన్ని విమర్శించే హక్కు చంద్రబాబుకు లేదని ఆ పార్టీ ఎమ్మెల్యే అంబటి రాంబాబు అన్నారు. గత ఎన్నికల్లో తెలుగుదేశం పార్టీ ఘోర ఓటమి పాలైందని గుర్తు చేశారు. చంద్రబాబు తనయుడే ఘోరంగా పరాజయం పాలయ్యారని, కేవలం 3 పార్లమెంట్‌ స్థానాలు మాత్రమే టీడీపీ గెల్చుకుందని తెలిపారు. ఓటమిపై మహానాడులో చంద్రబాబు ఆత్మవిమర్శ చేసుకోవాలని అంబటి సూచించారు. చంద్రబాబుకు అధికార కాంక్ష తప్ప రాష్ట్రంపై చిత్తశుద్ధి లేదని విమర్శించారు. ప్రతిపక్ష హోదాను కూడా చంద్రబాబు సక్రమంగా నిర్వర్తించలేకపోతున్నారని ఆయన ఎద్దేవా చేశారు. ప్రభుత్వాన్ని విమర్శించి లబ్ధిపొందాలన్నదే చంద్రబాబు తాపత్రయమని ఆగ్రహం వ్యక్తం చేశారు. పార్టీ కార్యాలయంలో ఎమ్మెల్యే అంబటి బుధవారం మాట్లాడారు. ఎల్జీ పాలిమర్స్‌ ఘటన విషయంలో ప్రభుత్వ సహాయక చర్యలపై.. సర్వత్రా హర్షాతిరేకాలు వ్యక్తమయ్యాయని అంబటి గుర్తు చేశారు. చంద్రబాబు పాలనలో టీడీపీ శ్రేణులకే సంక్షేమ పథకాలు అందాయని, ఆయన ధోరణి నచ్చకే ప్రజలు ఆ పార్టీని తిరస్కరించారని తెలిపారు. వైఎస్ జగన్‌మోహన్‌రెడ్డి పాలనలో కుల, మత, రాజకీయ పార్టీలకు అతీతంగా.. అందరికీ సంక్షేమ పథకాలు అందుతున్నాయని అంబటి వెల్లడించారు. రైతుల పంటకు గిట్టుబాటు ధర కల్పిస్తున్నామని తెలిపారు. మే 30న రైతుభరోసా కేంద్రాలను ప్రారంభించబోతున్నామని ఆయన చెప్పారు. వలంటీర్ వ్యవస్థ అద్భుతమైన వ్యవస్థ అని అంబటి పేర్కొన్నారు. కరోనా కట్టడికి సీఎం జగన్ నిత్యం సమీక్షలు చేస్తున్నారని తెలిపారు.

సాక్షి, అమరావతి: ఈనెల 27వతేదీ నుంచి నిర్వహించాల్సిన మహానాడును రద్దు చేయాలని టీడీపీ అధ్యక్షుడు, సీఎం చంద్రబాబు నాయుడు నిర్ణయించినట్లు సమాచారం. మంగళవారం ఉండ వల్లిలోని తన నివాసంలో మంత్రివర్గ సమావేశానికి ముందు మంత్రులతో ఆయన మహానాడు నిర్వహణపై మంతనాలు జరిపారు. ఈనెల 23వ తేదీన ఎన్నికల ఫలితాలు వెలువడనున్న దృష్ట్యా మహానాడు నిర్వహించడం కష్టమని పలువు రు మంత్రులు పేర్కొనగా చంద్రబాబు సైతం అదే అభిప్రాయాన్ని వ్యక్తం చేశారని తెలిసింది. మహానాడు బదులుగా ఎన్టీఆర్‌ జయంతి కార్యక్రమాలు నిర్వహించాలని సూచించారు.   ఫలితాలపై భయంతోనే?  ఏటా మే 28వ తేదీన ఎన్టీఆర్‌ జయంతి సందర్భంగా మూడు రోజుల పాటు టీడీపీ మహానాడు నిర్వహించడం ఆనవాయితీ. 2014 ఎన్నికల ఫలితాల తర్వాత కూడా మహానాడు నిర్వహించారు. ఈసారి ఫలితాల సాకుతో దీన్ని రద్దు చేసుకోవడానికి కారణం గెలుపుపై భరోసా లేకపోవడమేనని చెబుతున్నారు. సర్వేలు, అంచనాలన్నింటిలో వైఎస్సార్‌ సీపీ విజయం ఖాయమని ప్రస్ఫుటమవుతుండడంతో టీడీపీ అధినేత సహా ముఖ్య నేతల్లో కలవరం నెలకొంది. అధికారం కోల్పోతున్నామనే ఆందోళనలో ఉన్న పార్టీ శ్రేణులకు ధైర్యం నూరిపోసేందుకు 120 సీట్లు వస్తాయంటూ గంభీరంగా చెబుతున్నా క్షేత్రస్థాయి వాస్తవాలు వారిని కుంగదీస్తున్నాయి. ఈ పరిస్థితుల్లోనే ఏటా ప్రతిష్టాత్మకంగా నిర్వహించే మహానాడును సైతం రద్దు చేసుకున్నారనే అభిప్రాయాలు వ్యక్తమవుతున్నాయి. గెలుపుపై ధీమా ఉంటే మహానాడు నిర్వహించడానికి ఇబ్బంది ఉండేది కాదని కానీ ప్రస్తుత పరిస్థితి అందుకు భిన్నంగా ఉండడంతో వాయిదా వేసినట్లు చెబుతున్నారు. దీన్ని బయటకు చెప్పుకోలేక ఫలితాల తర్వాత కేంద్రంలో కొత్త ప్రభుత్వం ఏర్పాటులో చంద్రబాబు ఢిల్లీలో చక్రం తిప్పాల్సి ఉంది కాబట్టి మహానాడులో పాల్గొనలేరని, అందుకే రద్దు చేసినట్లు పార్టీ నేతలు  చెబుతుండడం గమనార్హం.   

సాక్షి, విజయవాడ : చంద్రబాబు ప్రభుత్వ విధానాలకు వ్యతిరేకంగా ఈ నెల 18న తహశీల్దార్ల కార్యాలయాల దగ్గర నిరసన ప్రదర్శనలు చేపట్టబోతున్నట్టు సీపీఐ కార్యదర్శి రామకృష్ణ తెలిపారు. టీడీపీ మహానాడులో భోజనాలు బాగా జరిగాయి తప్ప ఇంకేం లేదని ఎద్దేవా చేశారు. చంద్రబాబు తనను ప్రధానమంత్రి అని పొగిడించుకున్నారని, అది పొగడ్తల మహానాడు అని విమర్శించారు. చంద్రబాబు స్వర్ణాంధ్రప్రదేశ్ డబ్బున్న వాళ్ళ కోసమే కానీ, పేదల కోసం కాదని, బాబు పాలనలో పేదల సమస్యలు పరిష్కారం కాలేదని ఆయన అన్నారు. చంద్రబాబు 20 లక్షల మందికి ఇళ్లు ఇస్తామన్నారు కానీ ఎక్కడా ఒక్క ఇల్లు కట్టలేదని విమర్శించారు. 13 జిల్లాల్లో ఒక్క ఎకర కూడా భూమి పంపిణీ సీఎం చంద్రబాబు చెయ్యలేదన్నారు. అందుకే ప్రభుత్వం కళ్ళు తెరిపించడానికి 18న నిరసన చేపట్టబోతున్నట్టు ఆయన తెలిపారు. వెయ్యి రూపాయల భృతి నిరుద్యోగులకు ఏం సరిపోతుందని ఆయన అన్నారు. నెలకు రూ. 3600 ఇవ్వాలని ప్రభుత్వాన్ని కోరారు. పదో తరగతి పాస్ అయినవారికి కూడా నిరుద్యోగ భృతి ఇవ్వాలని డిమాండ్‌ చేశారు. నిరుద్యోగ భృతి విషయంలో 10 లక్షల మంది వరకు అంటూ కటాఫ్ పెట్టడం సమంజసం కాదన్నారు.

కుప్పం టీడీపీ నేతల్లో నిప్పు రాజేసుకుంది. మహానాడు వేదికగా జరిగిన సమీక్షలో స్టీరింగ్‌ కమిటీ సభ్యులకే తమ పార్టీ అధినేత ప్రాధాన్యమిచ్చారని ద్వితీయశ్రేణి నేతలు మండిపడుతున్నారు. వారి మాటలు విని సామాన్య కార్యకర్తలపై చిర్రుబుర్రులాడడం ఏమిటని ప్రశ్నిస్తున్నారు. బలమైన సామాజిక వర్గాన్ని అణగదొక్కడానికే బాబు కంకణం కట్టుకున్నట్టు అనుమానిస్తున్నారు. ఇక ఆయనతో వేగలేమని పార్టీ పదవులకు రాజీనామా చేసేందుకు సిద్ధమవుతున్నట్లు తెలుస్తోంది. కుప్పం: కుప్పం టీడీపీ నేతల్లో విభేదాలు భగ్గుమంటున్నాయి. సాక్షాత్తు తమ పార్టీ అధినేత ముఖ్యమంత్రి చంద్రబాబు వ్యవహారశైలిపైనే క్షేత్రస్థాయి నేతలు అసంతృప్తి వ్యక్తం చేస్తున్నారు. మహానాడు పూర్తయిన తర్వాత  కుప్పం నేతలతో ప్రత్యేకంగా సమావేశాన్ని నిర్వహించిన చంద్రబాబు కేవలం కొందరికే ప్రాధాన్యమిచ్చారని మండిపడుతున్నారు. క్రియాశీలక కార్యకర్తలను తీవ్రంగా అవమానించారని కుంగిపోతున్నట్లు తెలుస్తోంది. క్షేత్రస్థాయిలో అసంతృప్తి విజయవాడలో తెలుగుదేశం పార్టీ నిర్వహించిన మహానా డు కార్యక్రమం అనంతరం కుప్పం నేతలతో చంద్రబాబు ముఖాముఖి నిర్వహించారు. అధినేతతో మాట్లాడేందుకు కుప్పం నుంచి సుమారు 300 మంది కార్యకర్తలు తరలివెళ్లారు. అందులో కేవలం స్టీరింగ్‌ కమిటీ సభ్యులైన 24 మందితోనే చంద్రబాబునాయుడు మూడు గంటలకుపైగా సమీక్షించారు. సమావేశం ముగిసేంత వరకు క్రియాశీలక సభ్యులు బయటే నిరీక్షించారు. వారితోనే పార్టీకి చేటు కుప్పం నియోజకవర్గ టీడీపీలో విభేదాలు పొడజూపాయి. అధినేతతో సఖ్యతగా ఉన్న కొందరు నేతల వల్లే పార్టీకి చెడ్డపేరు వస్తోందని క్రియాశీలక కార్యకర్తలు ఆరోపిస్తున్నారు. మహానాడు వేదికగా జరిగిన సమీక్షలో వారికే తమ అధినేత ప్రాధాన్యమివ్వడం వారికి మింగుడు పడడంలేదు. మూడు గంటలౖకుపెగా నిరీక్షించినా తమను పట్టించుకోలేదని అసంతృప్తి వ్యక్తం చేస్తున్నారు. మాపైనే చిందులా? 3 గంటలు, 24 మంది స్టీరింగ్‌ కమిటీ సభ్యులతో సమావేశం ముగిశాక బయట వేచి ఉన్న కార్యకర్తలపై బాబు తీవ్ర స్థాయిలో విరుచుకుపడినట్లు తెలుస్తోంది. సమస్యలు తెలుసుకోకుండా స్టీరింగ్‌ కమిటీ సభ్యులు చెప్పిన మాటలు విని పార్టీ భుజాన మోసేవారిపై మండిపడడం ఏంటని పలువురు కార్యకర్తలు ఆగ్రహం వ్యక్తం చేస్తున్నారు. నియోజకవర్గంలోని ఓ బలమైన సామాజిక వర్గాన్ని అణగదొక్కుతున్నారన్న విమర్శలు సైతం వినిపిస్తున్నాయి. సాక్షాత్తు అధినేతే ఇలా వ్యవహరించడం పార్టీ కేడర్‌ జీర్ణించుకోలేకపోతోంది. రాజీనామాల దిశగా అడుగులు టీడీపీలో బలమైన సామాజికవర్గ నేతలు పార్టీ పదవులకు రాజీనామాలు చేసే ఆలోచనలో ఉన్నట్లు తెలిసింది. పదవులు అనుభవిస్తూ ప్రజల వద్ద విమర్శలు తీసుకొస్తున్న ప్రజాప్రతినిధులను వదిలి సామాన్య కార్యకర్తలపై ఆగ్రహం వ్యక్తం చేయడం అధినేతకు తగదని, ఆ సామాజిక వర్గానికి చెందిన కొందరు నేతలు బహిరంగంగా వాపోతున్నారు. రాజధానిలో జరిగిన కుప్పం నేతల సమావేశంలో తీవ్ర మనస్తాపానికి గురైన నేతలు పదవులు, పార్టీకి రాజీనామా చేసేందుకు సిద్ధమవుతున్నట్లు సమాచారం. కుప్పం ఉప సర్పంచ్‌ భర్త రాజీనామా మేజర్‌ గ్రామ పంచాయతీ కుప్పం ఉప సర్పంచ్‌ భర్త జి.ఎమ్‌.సుధీర్‌ టీడీపీ సభ్యత్వానికి రాజీనామా చేశారు. ఈయన 20 ఏళ్ల నుంచి పార్టీలో క్రియాశీలక సభ్యునిగా కొనసాగుతున్నారు. నియోజకవర్గంలో మంచి నాయకత్వం లేదని, అనుకున్న స్థాయిలో అభివృద్ధి కార్యక్రమాలు కూడా జరగడంలేదని, అందుకే తాను పార్టీ సభ్యత్వానికి రాజీనామా చేస్తున్నానని ఆయన ప్రకటించారు.

సాక్షి, విజయవాడ : ముఖ్యమంత్రి నారా చంద్రబాబు నాయుడిపై బీజేపీ ఎమ్మెల్సీ మాధవ్‌ సంచలన వ్యాఖ్యలు చేశారు. చంద్రబాబును ముఖ్యమంత్రి చేసి తప్పు చేశామన్నారు. ఆయన బుధవారం విలేకరులతో మాట్లాడుతూ.. వచ్చే ఎన్నికల్లో తెలుగుదేశానికి ఓటు వేస్తే తెలుగు జాతికి ద్రోహం చేసినట్లేనని చెప్పారు. ‘రాష్ట్రంలో టీడీపీ బీజేపీని ప్రధాన శత్రువుగా ఎంచుకుంది. తిట్ల దండకంతో మహానాడులో బంగాళాఖాతంలో కలుపుతామంటున్నారు. చంద్రబాబు ఖబడ్దార్‌.. బీజేపీ, ప్రధానమంత్రి నరేంద్ర మోదీ నామస్మరణతో మహానాడు జరిగింది. టీడీపీ ప్రభుత్వం కుట్రలు చేస్తోంది. బీజేపీ నేతలపై పగ, ప్రతీకారంతో మాట్లాడుతున్నారని’  మాధవ్‌ మండిపడ్డారు. ‘బీజేపీని తిట్టినవారికి బహుమతి అనేలా మహానాడులో ప్రసంగాలు చేశారు. ట్యాక్సులన్నీ గుజరాత్‌కు తీసుకెళ్తున్నారని అసత్య ప్రచారం చేస్తున్నారు. దొలేరా నగరంలో కేంద్రం ఒక్క రూపాయి కూడా ఖర్చు పెట్టడం లేదు. అక్కడ పీపీపీ విధానం ద్వారా నిర్మాణాలు జరుగుతున్నాయి. దొలేరాలో ప్రపంచంలోని పెద్ద నగరం నిర్మిస్తున్నారు. రూ. 2500 కోట్లు అమరావతి నగర నిర్మాణానికి ఇచ్చారు. రాజధానిలోని 4600 స్క్వేర్‌ మీటర్స్‌కు కావాల్సిన నిధులు ఇస్తామని చెప్పామన్నారు. ‘కేంద్ర, రాష్ట్ర ప్రభుత్వాల భాగస్వామ్యంతో కనకదుర్గ ఫ్లై ఓవర్‌ నిర్మాణం జరుగుతుంది. డిజైన్లు మార్చి లేట్‌ చేసింది రాష్ట్ర ప్రభుత్వమే. బెంజ్‌ సర్కిల్‌ ఫ్లై ఓవర్‌ పనులు వేగంగా జరుగుతున్నాయి. ఏ రాష్ట్రానికి రాని విధంగా ఎక్కువ నిధులు ఆంధ్రప్రదేశ్‌కి విడుదల చేశారు. కేంద్రం విడుదల చేసిన నిధులపై బహిరంగ చర్చకు సిద్ధం. ప్లేస్‌, ఏ స్థాయి వ్యక్తులు రావాలో కూడా మీరే చెప్పండి. మహానాడులో ప్రవేశపెట్టిన  తీర్మానాల్లో ఒక్కటి కూడా రాష్ట్రాభివృద్ధికి ఉపయోడపడేవి లేవు. కచ్చితంగా సవాలు స్వీకరించి మమ్మల్నీ ఢీ కొట్టే దమ్ముంటే చర్చకు రండి. చంద్రబాబు నియంతలా వ్యవహరిస్తున్నారు.  కేంద్రం పన్నులు కొట్టొద్దు అంటూ బాబు పిలుపునివ్వడం దారుణం. ప్రపంచ దేశాలకు బాబాను ఇంచార్జ్‌గా పంపాలి. దేశం ఒక్కటే కాదు.. ప్రపంచ దేశాల సమస్యలన్నీ తీర్చే ఏకైక వ్యక్తి చంద్రబాబే. కేంద్ర పథకాలన్నీ చంద్రబాబు రాష్ట్ర పథకాలుగా ప్రచారం చేసుకుంటున్నారు. దేశంలో బీజేపీకి ధీటైన ప్రతిపక్షం లేదు. రాజకీయాల్లో శత్రువుల ఉండరు. ప్రత్యర్థులు మాత్రమే వుంటారు. ఈ విషయం లోకేష్‌కు తెలియక  శత్రువులు అంటూ అజ్ఞానిలా మాట్లాడారు.. లోకేష్‌కు రాజకీయ అనుభవం లేదని’  ఎమ్మెల్సీ మాధవ్‌ విమర్శించారు.

సాక్షి, నరసాపురం: మహానాడు పేరుతో విజయవాడలో మూడు రోజుల పాటు అంతర్జాతీయ అబద్ధాలు, మోసాల పోటీలు జరిగాయని వైఎస్సార్‌ సీసీ అధ్యక్షుడు వైఎస్‌ జగన్‌మోహన్‌ రెడ్డి విమర్శించారు. ఈ పోటీల్లో చంద్రబాబు మొదటి స్థానంలో, ఆయన కొడుకు లోకేశ్‌ రెండో స్థానంలో నిలిచారని ఎద్దేవా చేశారు. ప్రజా సంకల్ప యాత్ర 176వ రోజులో భాగంగా ఆయన పశ్చిమ గోదావరి జిల్లా నరసాపురంలో టీడీపీ ప్రభుత్వంపై నిప్పులు చెరిగారు. అబద్దాలు, మోసాల విషయంలో నెంబర్‌వన్‌గా నిలిచిన చంద్రబాబు ‘తుప్పు’ అని, ఆయన ముద్దుల తనయుడు లోకేశ్‌ ‘పప్పు’అని వ్యాఖ్యానించారు. అది మహానాడు కాదు. దగానాడు అని ఆయన పేర్కొన్నారు.  కుట్ర, దగా, మోసం ఎలా చేయాలో మహానాడులో చర్చించారని ఎద్దేవా చేశారు.  ఎన్టీఆర్‌ పెట్టిన పార్టీని, పదవిని, జెండాను లాక్కొని ఆయన చావుకు కారణమయ్యారని జగన్‌ ఆరోపించారు. ఎన్టీఆర్‌ జయంతి రోజున మెడలో ఒక దండ మాత్రం వేస్తాడని చంద్రబాబుపై విమర్శలు గుప్పించారు. పార్టీ ప్లీనరీలో ఎవరైనా, ఆయా ప్రభుత్వం చేసిన అభివృద్ధి కార్యక్రమాలను ప్రజలకు తెలియజేస్తారు. కానీ టీడీపీ మహానాడు..  వైఎస్‌ జగన్‌ను తిట్టడానికే పరిమితమైందని అన్నారు. అక్కడ తిట్ల తీర్మానాలు, అబద్దాల ప్రొగ్రెస్‌ రిపోర్టులు చేశారని చురకలంటించారు. నాలుగేళ్ల పాటు బీజేపీతో కాపురం చేసిన టీడీపీకి విడాకులు తీసుకుని కొత్త పెళ్లి కూతురును వెతుక్కునేటప్పుడు మళ్లీ హోదా విషయం గుర్తుకొచ్చిందని వైఎస్‌ జగన్‌ అన్నారు. అబద్ధాల మహానాడులో.. తాము 600 హామీలు ఇచ్చామనీ.. వాటిలో 98 శాతం నెరవేర్చామని టీడీపీ నేతలు గొప్పలు చెప్పకోవడం సిగ్గుచేటని దుయ్యబట్టారు. చంద్రబాబు ప్రమాణ స్వీకారంలో ఇచ్చిన హామీలకే దిక్కులేదని, పైపెచ్చు ఇవ్వని హామీలు కూడా అమలు చేశామని ప్రచారం చేసుకుంటున్నారని జగన్‌ మండిపడ్డారు. నాడు హోదా ఉన్న రాష్ట్రాల్లో అభివృద్ది నామమాత్రమేనని చెప్పి..  ప్రత్యేక ప్యాకేజీకి చంద్రబాబు ఆమోదం తెలిపారని, ఎన్నికలు సమీపిస్తుండటంతో మళ్లీ హోదా అంటూ మాట మార్చుతున్నారని వైఎస్‌ జగన్‌ ధ్వజమెత్తారు.  

సాక్షి, ఢిల్లీ : టీడీపీ అట్టహాసంగా నిర్వహించింది మహానాడు కాదని.. అది దగానాడు అంటూ బీజేపీ జాతీయ అధికార ప్రతినిధి జీవీఎల్‌ నరసింహారావు విమర్శించారు. బుధవారం ఆయన మీడియాతో మాట్లాడుతూ.. బీజేపీపై టీడీపీ బురద జల్లుతోందని ధ్వజమెత్తారు. నారా చంద్రబాబు నాయుడు అబద్ధాల ముఖ్యమంత్రి.. బలహీన పడినప్పుడల్లా ఎన్టీఆర్‌ నామస్మరణ చేస్తారని ఆయన విరుచుపడ్డారు. పెట్రో ధరల పెరుగుదలకు కేంద్రానికి సంబంధం లేదన్నారు. ఢిల్లీ- ముంబై కారిడార్‌లో దొలారే సిటీ నిర్మాణం చేయాలనే నిర్ణయం యూపీఏ హయాంలో జరిగిందని జీవీఎల్‌ గుర్తు చేశారు. ‘రూ. 2,333  కోట్లతో సర్దార్‌ వల్లభాయ్‌ పటేల్‌ స్మారకాన్ని ఏర్పాటు చేస్తుంటే.. కేంద్రం రూ.300 కోట్లు మాత్రమే ఇస్తుంది. రూ. 300 కోట్లను రూ.3 వేల కోట్లగా.. అబద్ధాలు చెబుతున్న చంద్రబాబు క్షమపణ చెప్పాలని’జీవీఎల్‌ డిమాండ్‌ చేశారు. చంద్రబాబు ప్రవర్తన ఊసరవెల్లికి కూడా సిగ్గు తెప్పించేలా ఉందని ధ్వజమెత్తారు. బాబు పూర్తిగా యుటర్న్‌ తీసుకున్నారని, గుజరాత్‌కు కేంద్రం అదనంగా ఏమీ ఇవ్వలేదని జీవీఎల్‌ పేర్కొన్నారు. ఏపీకి మూడు ఇండస్ట్రియల్‌ సిటీలు ఇచ్చామన్నారు.  ‘ఎంత సాయం చేస్తున్నా చేయట్లేదని దుష్పచారం చేస్తున్నారు. హోదా కంటే ఎక్కువ సాధించామని మీరే చెప్పారు.. ఎన్ని నిధులిచ్చినా దుర్వినియోగం అవుతున్నాయని’ జీవీఎల్‌ నరసింహారావు మండిపడ్డారు. పారిశ్రామిక నగరాన్ని క్యాపిటిల్‌ సిటీతో పోలిస్తే ఎలా అని ప్రశ్నించారు. ఈ సిటీలో మౌలిక వసతుల కోసం రూ. 2500 కోట్లు కేంద్రం పెట్టుబడి పెట్టిందని ఆయన తెలిపారు. కానీ, రూ. 98వేల కోట్లు కేంద్రం ఇస్తున్నారనడం బాబు దగాకోరు మాటలకు నిదర్శనం నరసింహారావు విమర్శించారు.

సాక్షి, అమరావతి, విజయవాడ: టీడీపీ విజయవాడలో అట్టహాసంగా నిర్వహించిన మహానాడు రాష్ట్రంలో నెలకొన్న పలు సమస్యలపై కనీసం చర్చ కూడా లేకుండానే ముగిసింది. అనూహ్యంగా మారిన పార్టీ రాజకీయ వైఖరి గురించి వివరించకుండా ఎంపిక చేసుకున్న అంశాలపై సుదీర్ఘ ప్రసంగాలతో మూడు రోజుల తంతును మంగళవారంతో ముగించారు. ఓవైపు సూర్య ప్రతాపం మరోవైపు నేతల ఊకదంపుడు ఉపన్యాసాలతో విసిగిపోయిన కార్యకర్తలు మధ్యాహ్నం భోజనాలు ముగియగానే తిరుగు ప్రయాణమయ్యారు. రాష్ట్రంలో శాంతి భద్రతలు క్షీణించి బాలికలు, మహిళలపై అత్యాచారాలు జరుగుతున్నా కనీసం ఎలా అరికట్టాలనే అంశాన్ని కూడా మహానాడులో ప్రస్తావించలేదు. ప్రపంచంలో  చంద్రబాబు అంతటి గొప్ప వ్యక్తి లేరని, లోకేష్‌ లాంటి వీరుడు మరొకరని చూడలేమనే రీతిలో నాయకులు పొగడ్తల వర్షం కురిపించారు. మద్దతు ధరలు లేక రైతులు పడుతున్న ఇబ్బందులతో రాష్ట్ర ప్రభుత్వానికి సంబంధం లేదనే రీతిలో ప్రసంగాలు సాగాయి. మూడు రోజుల్లో 37 గంటలపాటు సాగిన మహానాడులో 8 నుంచి 10 గంటలు చంద్రబాబే మాట్లాడగా 106 మంది నాయకులు చెప్పిన విషయాలనే మళ్లీ మళ్లీ ప్రస్తావించారు. వైఖరి మార్పుపై కప్పదాటు ఎన్నికలకు ముందు పార్టీ రాజకీయ వైఖరిని ఎందుకు మార్చుకోవాల్సి వచ్చిందనే విషయంపై చంద్రబాబు సహా ముఖ్య నేతలెవరూ సరైన కారణాలను పార్టీ యంత్రాంగానికి వివరించలేదు. నాలుగేళ్ల పాటు కేంద్రంలో అధికారాన్ని పంచుకుని ప్రత్యేక హోదా వద్దంటూ ప్యాకేజీకి ఒప్పుకుని ఉన్నట్టుండి బయటకు రావటంపై శ్రేణులకు చంద్రబాబు స్పష్టత ఇవ్వలేదు. ప్రత్యేక హోదా ఉద్యమాలను అణచి వేయటంపై పశ్చాత్తాపం వ్యక్తం చేయకుండా ఇప్పుడు పోరాడాలనటాన్ని ఎలా సమర్థించుకుంటారో అధినేతకే తెలియాలి.  అంతా మోదీ, అమిత్‌షా చుట్టూనే మహానాడు అంతా కేంద్రం, ప్రధాని మోదీ, అమిత్‌షా చుట్టూ సాగింది. మోదీపై వ్యతిరేకత పెంచడం ద్వారానే టీడీపీ ముందుకు వెళ్లగలుగుతుందని చెబుతూ పార్టీ యంత్రాంగమంతా అదే పనిలో ఉండాలని చంద్రబాబు కార్యకర్తలకు సూచించారు. తనపై వస్తున్న అవినీతి ఆరోపణలను నమ్మకుండా ఎదురుదాడి చేయాలన్నారు. మళ్లీ టీడీపీ అధికారంలోకి వస్తేనే అభివృద్ధి కొనసాగుతుందనే ప్రచారం చేయాలని సూచనలు చేశారు.  కేవలం భోజనాల కోసమా? మహానాడు ద్వారా విస్తృత ప్రచారం, ఆర్భాటానికే టీడీపీ ప్రాధాన్యం  ఇచ్చింది. కార్యక్రమాన్ని అద్భుతంగా నిర్వహించామని, అదిరిపోయే భోజనాలు పెట్టామని ముఖ్యమంత్రి తనయుడు, మంత్రి లోకేష్‌ ప్రకటించారు. సమస్యలపై చర్చించకుండా భోజనాల మెనూ గురించి ప్రచారం చేసుకోవటం చర్చనీయాంశంగా మారింది. భోజనాల కోసం మహానాడు పెట్టారా? అనే విమర్శలు సొంత పార్టీ నేతల నుంచే వ్యక్తమవుతున్నాయి.  

సాక్షి, అమరావతి : ఆంధ్రప్రదేశ్‌ పంచాయతీ రాజ్‌, ఐటీ శాఖ మంత్రి నారా లోకేశ్‌ మరోసారి తన సహజ ధోరణిని బయటపెట్టారు. ఇప్పటికే పలుమార్లు తన ప్రసంగాలతో నెటిజన్ల విమర్శలు ఎదుర్కొన్న ఆయన తాజాగా మహానాడులో సైతం తన బాణీని వదులుకోలేదు. తన పంథాను కొనసాగిస్తూ ప్రజలు కార్పోరేటర్లుగా కూడా తిరస్కరించిన నాయకులను ఎమ్మెల్యేలుగా, ఎమ్మెల్సీలుగా తెలుగుదేశం పార్టీ గెలిపించిందని చెప్పారు. ‘అంతెందుకు కార్పొరేటర్లుగా కూడా గెలవని వాళ్లను ఎమ్మెల్యేలు, ఎమ్మెల్సీలుగా చేసిన ఘనత తెలుగుదేశం ప్రభుత్వానిది’ అంటూ మహానాడులో లోకేశ్‌ వ్యాఖ్యానించారు. దీంతో కార్పొరేటర్‌ స్థాయికి కూడా పనికిరాని వ్యక్తిని ప్రజా సేవకుడిగా ఎమ్మెల్యేగానో, ఎమ్మెల్సీగానో నిలబెట్టామని లోకేశే ఆయన నోటితో చెప్పినట్లు అయింది. లోకేశ్‌ వ్యాఖ్యలతో టీడీపీ కార్యకర్తలు సైతం నిశ్చేష్టులు అయ్యారు. గతంలో దేశంలో తెలుగుదేశం పార్టీ అత్యంత అవినీతి పార్టీని అని లోకేశ్‌ వ్యాఖ్యానించిన విషయం తెలిసిందే. మరోవైపు మహానాడులో టీడీపీ నేతల వైఖరి మారలేదు. చివరిరోజు సమావేశాలు ఆత్మస్తుతి పరనింద సైతంగానే సాగాయి. ప్రతిపక్ష పార్టీ, బీజేపీ, ప్రధాని మోదీని టార్గెట్‌ చేసుకుని తెలుగుదేశం నాయకులు రెచ్చిపోయి మాట్లాడారు. చంద్రబాబుకు భజన చేస్తూ తరించిన తమ్ముళ్లు నాయకత్వం దృష్టిలో పడేందుకు తెగ ప్రయత్నాలు చేశారు. దీంతో కీలకమైన పార్టీ సమావేశం కాస్తా.. బుర్రకథలా మారిందని టీడీపీ కార్యకర్తలే ఆశ్చర్యపోయే పరిస్థితి తలెత్తింది. లోకేశ్‌ గత వ్యాఖ్యల కోసం.. కింది లింక్స్‌పై క్లిక్‌ చేయండి.. టీడీపీ నుంచి పీవీ ప్రధాని అయ్యారు: లోకేశ్‌ మళ్లీ పప్పులో కాలేసిన మంత్రి లోకేశ్‌.. లోకేశ్‌.. మళ్లీ వేసేశారు! అంబేడ్కర్‌ జయంతిని వర్ధంతిగా మార్చిన లోకేశ్‌ నారా లోకేశ్ ప్రమాణం చూశారా? తాగునీటి సమస్య ఏర్పాటే నా లక్ష్యం: లోకేష్

సాక్షి, విజయవాడ : తొమ్మిదేళ్ల నుంచి ఆస్తులు ప్రకటిస్తున్న రాజకీయ నేత తాను మాత్రమేనని ఆంధ్రప్రదేశ్‌ ముఖ్యమంత్రి నారా చంద్రబాబు నాయుడు అన్నారు. మంగళవారం తెలుగుదేశం పార్టీ(టీడీపీ) మహానాడులో ఆయన ప్రసంగించారు. ఆస్తుల వివరాలు వెల్లడించని నేతలు తనపై విమర్శలు చేస్తున్నారని అన్నారు. తెలంగాణలో టీడీపీ బలంగా ఉందని చెప్పారు. తెలంగాణ రాష్ట్రంలో టీడీపీకి ఎలాంటి ఢోకా ఉండదని ధీమా వ్యక్తం చేశారు. పార్టీని విమర్శిస్తూ కొందరు ప్రజల్లోకి వెళ్లాలనుకుంటున్నారని, మూడుసార్లు ప్రతిపక్షంలో ఉన్నా తెలంగాణ నేతలు నమ్మకంతో ఉన్నారని చెప్పారు. వాజ్‌పేయి ప్రభుత్వ హయాంలో పదవులను సైతం వద్దని తిరస్కరించినట్లు వెల్లడించారు. టీడీపీ విశ్వసనీయత కలిగిన పార్టీ అని చెప్పారు. కాపులను బీసీల్లో చేర్చేలా తీర్మానం కేంద్ర ప్రభుత్వానికి పంపినట్లు చెప్పారు. ప్రతి పక్షాలు నిరాధార ఆరోపణలు చేస్తున్నాయని, వాటి ఆటలు సాగవని హెచ్చరించారు. 2019 ఎన్నికల్లో యువతకే పెద్ద పీట వేయబోతున్నట్లు వెల్లడించారు.

సాక్షి, విజయవాడ : టీడీపీ అధ్యక్షుడు, ముఖ్యమంత్రి చంద్రబాబునాయుడు దళిత వ్యతిరేకి అని వైఎస్సార్‌ కాంగ్రెస్‌ పార్టీ అధికార ప్రతినిధి టీజేఆర్‌ సుధాకర్‌ బాబు ఆరోపించారు. దళితుల పట్ల చంద్రబాబు చాలాసార్లు అక్కసు వెళ్లగక్కారని విమర్శించారు. మహానాడులో ఎస్సీ, ఎస్టీ సబ్‌ప్లాన్‌ ఎందుకు తీర్మాణాలు చేయలేదని ప్రశ్నించారు. అది మహానాడు కాదు మహా దగానాడు అని ఎద్దేవా చేశారు. దళితుడన్న కారణంతోనే మోత్కుపల్లి నర్సింహులుని టీడీపీ నుంచి బహిష్కరించారని ఆరోపించారు. దళితుల పట్ల మంత్రి ఆదినారాయణ రెడ్డి అవహేళనగా మాట్లాడినా, వర్ల రామయ్య పబ్లిగ్గా విద్యార్థిని తిట్టినా చంద్రబాబు వివరణ కూడా అడగలేదని మండిపడ్డారు. రాజధాని పేరుతో భూములు స్వాహా చేశారని సుధాకర్‌ బాబు ఆరోపించారు.

సాక్షి, విజయవాడ:  టీడీపీ మహానాడు వేదికగా దేశ ప్రధానమంత్రి నరేంద్ర మోదీ, బీజేపీ జాతీయాధ్యక్షుడు అమిత్‌ షాపై ఆం‍ధ్రప్రదేశ్‌ ఆర్థిక శాఖ మంత్రి యనమల రామకష్ణుడు తీవ్ర వ్యాఖ్యలు చేశారు. విజయవాడలో జరిగిన మహానాడులో ప్రసంగించిన ఆయన...అమిత్‌ షా, మోదీలు నియంతలు అంటూ ధ్వజమెత్తారు. వారిద్దరిని ముస్సోలిని, హిట్లర్‌లతో పోల్చారు. ‘గత ఎన్నికల్లో బీజేపీతో జతకడితేనే టీడీపీ అధికారంలోకి వచ్చిందని కొందరు మాట్లాడుతున్నారు. బీజేపీ ఉన్నా.. లేకపోయినా టీడీపీ అధికారంలోకి రావాలని 2014లో ప్రజలు కోరుకున్నార’ని ఆయన అన్నారు. కర్ణాటకలో బీజేపీని ఓడించాలని చంద్రబాబు నాయుడు పిలుపునివ్వడం వల్లే ఆ పార్టీకి అధికారం దూరమైందని యనమల పేర్కొన్నారు. తెలుగు ప్రజలు ఎక్కువగా ఉన్న నియోజక వర్గాల్లో బీజేపీ ఓడిపోయిందని తెలిపారు.  కర్ణాటక నూతన ముఖ్యమంత్రి ప్రమాణ స్వీకారానికి చంద్రబాబు హాజరు కావడం దేశంలో రాజకీయ పునరేకీకరణకు తార్కాణమని యనమల అన్నారు. మారుతున్న పరిస్థితులకు అనుగుణంగా నిర్ణయాలు మార్చుకుంటామని ఆయన అన్నారు. గడిచిన కాలంలో కాలానుగుణంగా నిర్ణయాలు తీసుకున్నామని వెల్లడించారు. దేశ రాజకీయాల్లో టీడీపీ చురుకైన పాత్ర పోషించాలని మహానాడులో రాజకీయ తీర్మానాన్ని ఆమోదించారు.

సాక్షి, కడప : అత్యాచారాల్లో దేశంలోనే ఆంధ్రప్రదేశ్‌ రెండో స్థానంలో ఉండటం సిగ్గుచేటని మాజీ మంత్రి సి. రామచంద్రయ్య మండిపడ్డారు. మహిళలపై అకృత్యాలు పెరుగుతున్నా చంద్రబాబు ప్రభుత్వం వాటిని అరికట్టలేకపోతుందని విమర్శించారు. అయినా మహిళా ఎమ్మార్వోపై టీడీపీ నేతలు దాడి చేసినపుడు వారిని వెనకేసుకొచ్చిన చంద్రబాబు నుంచి ఇంతకన్నా ఏం ఆశించగలమని ఆయన ఆగ్రహం వ్యక్తం చేశారు. మంగళవారం ఆయన విలేకరులతో మాట్లాడుతూ.. అధికారంలోకి వస్తే మద్య నిషేధం చేస్తానన్న చంద్రబాబు.. ముఖ్యమంత్రి అయిన తర్వాత ఆ విషయం మర్చిపోయారని ఎద్దేవా చేశారు. బాబు వస్తే జాబు.. జాబు లేకపోతే నిరుద్యోగ భృతి అంటూ హామీ ఇచ్చారని అయితే ఇంతవరకు ఒక్క హామీ కూడా నెరవేర్చలేదని రామచంద్రయ్య మండిపడ్డారు. ఒకపక్క కరువు రహిత రాష్ట్రం అని గొప్పలు చెప్పుకుంటూనే మరో పక్క కరువు మండలాలు ప్రకటించడం చంద్రబాబుకే చెల్లిందంటూ ఎద్దేవా చేశారు. మహానాడుకు ప్రజల సొమ్మును వాడుతున్నారు.. చంద్రబాబు నాయుడు అధికారంలోకి వచ్చాక పార్టీ కార్యక్రమాలు, అధికారిక కార్యక్రమాలకు తేడా లేకుండా పోయిందని రామచంద్రయ్య విమర్శించారు. మహానాడుకు ప్రజల సొమ్మును దుర్వినియోగం చేస్తూ సొంత డబ్బా కొట్టుకుంటున్నారని వ్యాఖ్యానించారు. అవినీతిపై నిలదీస్తే ప్రతిపక్షాలు అభివృద్దికి అడ్డుపడుతున్నాయంటూ ఎదురుదాడి చేస్తారని విమర్శించారు. రాజధాని పేరిట రైతుల నుంచి 33 వేల ఎకరాలు లాక్కుని వారికి ఇంతవరకు న్యాయం చేయలేదని రామచంద్రయ్య ఆరోపించారు. అవినీతికి పాల్పడుతున్న చంద్రబాబు ప్రభుత్వం.. మహానాడులో అవినీతిపై కూడా ఒక తీర్మానం చేసి ఉంటే బాగుండేదని ఆయన ఎద్దేవా చేశారు.

సాక్షి, చిత్తూరు : తెలుగుదేశం పార్టీ నిర్వహించిన మహానాడు సమావేశాలు బుర్రకథను తలపిస్తోందని వైఎస్సార్‌ కాంగ్రెస్‌ పార్టీ అధికార ప్రతినిధి కె. పార్థసారధి విమర్శించారు. తిరుపతిలోని ప్రెస్ క్లబ్‌లో  ఆయన మంగళవారం మీడియాతో మాట్లాడుతూ.. ముఖ్యమంత్రి చంద్రబాబు నాయుడును పొగిడేందుకే మహానాడు సమావేశాలు ఏర్పాటుచేశారని అన్నారు. నాలుగేళ్లలో టీడీపీ ప్రభుత్వం ప్రజలకు చేసింది ఏమిటని ప్రశ్నించారు. టీడీపీ నాయకులు తెలుగు ప్రజలకు ఏమి చేశారో చెప్పే దమ్ము, ధైర్యం లేదని దూషించారు. మహానాడు వేదికపై ప్రజలను కించపరిచే విధంగా మట్లాడుతుంటే బాబు ముసిముసి నవ్వులు నవ్వుతారా అని ప్రశ్నించారు. మంత్రి నారా లోకేశ్‌ మహానాడులో వంటల గురించి మాట్లాడటం సిగ్గుచేటని విమర్శించారు.  బీజేపీతో కలిసి హోదాను భూస్థాపితం ప్రత్యేక హోదాపై చంద్రబాబు కుట్ర పూరితంగా వ్యవహరిస్తున్నారని పార్థసారధి దుయ్యబట్టారు. బీజేపీతో  కలిసి ప్రత్యేక హోదాను భూస్థాపితం చేశారని, నాలుగేళ్లు బీజేపీతో కలిసి ఏం సాధించారో శ్వేతపత్రం విడుదల చేయాలని డిమాండ్‌ చేశారు. బాబు పాలనలో ప్రజలకు తీవ్ర అన్యాయం జరిగిందన్నారు. తన తప్పిదాలను ప్రజల నుంచి దృష్టి మరల్చడంలో బాబు దిట్టని ధ్వజమెత్తారు. ప్రజలకు ఇచ్చిన హామీలను ఏ మేరకు అమలు చేశారో చెప్పాలని ప్రభుత్వాన్ని కోరారు. వైఎస్ రాజశేఖర్‌ రెడ్డి హయాంలో బలహీన వర్గాలకు న్యాయం జరిగిందని అన్నారు. 

సాక్షి, అమరావతి: రాజధానిపై నిధుల విషయంలో బీజేపీ జాతీయ అధ్యక్షుడు అమిత్‌షాకు వినియోగ పత్రాలు (యూసీ) అడిగే అర్హత ఎక్కడిదని ముఖ్యమంత్రి చంద్రబాబునాయుడు ప్రశ్నించారు. విజయవాడ కానూరు సిద్ధార్థ ఇంజనీరింగ్‌ కాలేజీలో మహానాడు రెండో రోజైన సోమవారం పలు అంశాలపై ఆయన మాట్లాడారు. అమరావతి ప్రణాళికలు ఇంకా సింగపూర్‌లోనే ఉన్నాయంటూ అమిత్‌షా తప్పుడు ప్రచారం చేస్తున్నారని మండిపడ్డారు. ఆ ప్రణాళికలు ఎప్పుడో వచ్చాయని, రూ. 24 వేల కోట్ల పనులకు టెండర్లు పిలిచామని, త్వరలో కొన్ని పనులు కూడా పూర్తవుతాయని తెలిపారు. రాజధానిపై తామిచ్చిన యూసీలు సరిగానే ఉన్నాయని నీతిఆయోగ్‌ చెప్పిందని, అయినా కూడా అమిత్‌షా అవాస్తవాలు మాట్లాడుతున్నారని ఆరోపించారు. నిధులు ఇవ్వకుండా ఇలా ఎదురుదాడి చేస్తున్నారని ధ్వజమెత్తారు. పాలనా వ్యవహారాల్లో బీజేపీ అధ్యక్షుడు తలదూర్చడం సరికాదన్నారు. తెలుగు రాష్ట్రాలకు ఎన్ని నిధులు ఇచ్చారో లెక్కలు చెప్పాలని డిమాండ్‌ చేశారు. దేశ ప్రజల సొమ్మును గుజరాత్‌కు ఎలా తరలిస్తారని ప్రశ్నించారు. పవన్‌ కళ్యాణ్‌ లాంటి వాళ్లను వాడుకుంటూ తమపై దాడి చేస్తున్నారని అన్నారు. 22 కోట్ల మంది సెల్‌ నంబర్లు తన వద్ద ఉన్నాయంటున్న అమిత్‌షా వాటిని పాలనకు వినియోగించుకోవాలని, బెదిరింపు రాజకీయాలు, దుర్మార్గపు ఆలోచనలకు కాదన్నారు.  తెలుగువారు గర్వపడేలా ఎన్టీఆర్‌ బయోపిక్‌ తెలుగువారంతా గర్వపడలా, స్ఫూర్తి పొందేలా ఎన్టీఆర్‌ బయోపిక్‌ ఉంటుందని చంద్రబాబు చెప్పారు. ఎన్టీఆర్‌ ఆశయాలను కొనసాగించి, రాష్ట్రాన్ని అగ్రభాగాన నిలిపినప్పుడే ఆయనకు అసలైన నివాళి అని అన్నారు. ఎన్టీఆర్‌కు భారతరత్న ఇవ్వాలని కేంద్ర ప్రభుత్వాన్ని డిమాండ్‌ చేశారు. ఇదే విషయంపై గతంలో తీర్మానం చేశామని, మళ్లీ తీర్మానం చేసి కేంద్రానికి పంపుతామని తెలిపారు. రాజధానిలో ఎన్టీఆర్‌ మెమోరియల్‌ ఏర్పాటు చేస్తామని, ఎన్టీఆర్‌ జీవిత చరిత్రను పాఠ్యాంశాల్లో చేర్చేందుకు కృషి చేస్తున్నామని వెల్లడించారు. సినిమాల ద్వారా విభిన్న పాత్రలకు ఎన్టీఆర్‌ ప్రాణం పోశారని కొనియాడారు. రాజకీయాల్లో సంచలనం సృష్టించారని, సంక్షేమ పథకాల ఘనత ఆయనదేనని, పాలనలో సంస్కరణలు తీసుకొచ్చారని తెలిపారు.  ఇకపై పార్టీకి ఎక్కువ సమయం నాలుగేళ్లుగా పార్టీకి పెద్దగా సమయం ఇవ్వలేకపోయాయని, ఇకపై ఎక్కువ సమయం కార్యకర్తలకే కేటాయిస్తానని చంద్రబాబు చెప్పారు. నియోజకవర్గాల్లో పార్టీని పటిష్టం చేయాలని కార్యకర్తలకు సూచించారు. నాయకులు విభేదాలు పక్కనపెట్టి కలిసికట్టుగా పనిచేయాలని, వచ్చే ఎన్నికల్లో గెలవడమే లక్ష్యంగా పనిచేయాలన్నారు. పోలవరం ప్రాజెక్టును పూర్తి చేయడం తన జీవిత ఆశయమని, వచ్చే ఏడాది ఏప్రిల్‌లోగా ఆ ప్రాజెక్టును పూర్తిచేస్తామని తెలిపారు. రాష్ట్రంలో మరో 54 ప్రాజెక్టులను కూడా పూర్తి చేస్తామని చెప్పారు. కాగా, ఎన్టీఆర్‌ జయంతి సందర్భంగా చంద్రబాబు ఆయన విగ్రహానికి పూలమాల వేసి నివాళులర్పించారు.  భావితరాలకు గుర్తుండేలా బయోపిక్‌: బాలకృష్ణ  వచ్చే సార్వత్రిక ఎన్నికల్లో తెలుగుదేశం పార్టీని మళ్లీ అధికారంలోకి తీసుకు రావాల్సిన బాధ్యత కార్యకర్తలపై ఉందని టీడీపీ ఎమ్మెల్యే నందమూరి బాలకృష్ణ అన్నారు. రాష్ట్రానికి నమ్మకం ద్రోహం చేసిన వారికి తగిన గుణపాఠం చెప్పాలని పిలుపునిచ్చారు. సోమవారం మహానాడులో ఆయన మాట్లాడుతూ.. భావితరాలకు గుర్తుండేలా ఎన్టీఆర్‌ బయోపిక్‌ రూపొందిస్తున్నామని తెలిపారు. బయోపిక్‌లలో తండ్రి పాత్రను ఏ కొడుకూ ఇంతవరకు చేయలేదని.. అలా చేసే అదృష్టం తనకే దక్కిందన్నారు.   బీజేపీ ఏమీ చేయలేక కొత్త నటులను, కులసంఘాలను రంగంలోకి దించుతోందని మంత్రి నారా లోకేశ్‌ ఆరోపించారు. మహానాడులో ఆయన ప్రసంగిస్తూ.. పద్ధతి ప్రకారం పాలన చేస్తుంటే ప్రతిపక్షాలన్నీ కలిసి తమపై ఆరోపణలు చేస్తున్నాయని మండిపడ్డారు. 68 ఏళ్ల వయసులో రాష్ట్రం కోసం నిత్యం ముఖ్యమంత్రి కష్టపడుతున్నారని తెలిపారు. తెదేపా ప్రభుత్వం వేసిన సీసీ రోడ్ల మీదే ప్రతిపక్షాలు నడుస్తున్నాయని చెప్పారు.   

సాక్షి, గుంటూరు : ఆంధ్రప్రదేశ్‌ ముఖ్యమంత్రి నారా చంద్రబాబు నాయుడు భారతీయ జనతా పార్టీ(బీజేపీ)ని వాడుకుని రెండుసార్లు అధికారంలోకి వచ్చారని ఆంధ్రప్రదేశ్‌ బీజేపీ అధ్యక్షుడు కన్నా లక్ష్మీనారాయణ అన్నారు. సోమవారం ఆయన మీడియాతో మాట్లాడారు. అవసరం తీరాక టీడీపీ, బీజేపీని దోషిగా నిలబెడుతోందంటూ ఆరోపించారు. ఆంధ్రప్రదేశ్‌ రాష్ట్ర విభజన సమయంలో చంద్రబాబు డబుల్‌ గేమ్‌ ఆడారని చెప్పారు. చంద్రబాబును పెద్ద మాయగాడు అని అభివర్ణించారు. నందమూరి తారక రామారావు(ఎన్టీఆర్‌) జయంతి సందర్భంగా చంద్రబాబు మహానాడు పేరుతో మాయనాడును నిర్వహిస్తున్నారని మండిపడ్డారు. చంద్రబాబు ఎన్టీఆర్‌ను ఆత్మక్షోభకు గురి చేశారని చెప్పారు. టీడీపీ సిద్ధాంతాలకు వ్యతిరేకంగా కాంగ్రెస్‌తో జతకడుతోందని అన్నారు. కర్ణాటకలో చంద్రబాబు వల్లే కాంగ్రెస్‌ పార్టీ ఓడిపోయిందని చెప్పారు.

సాక్షి, విజయవాడ : ప్రజల గుండెల్లో చిరస్థాయిగా నిలిచే వ్యక్తి నందమూరి తారక రామారావు అని ముఖ్యమంత్రి నారా చంద్రబాబు నాయుడు అన్నారు. చరిత్రలో ఎంతో మంది పుడతారని, కానీ చరిత్ర సృష్టించే యుగ పురుషులు కొందరే ఉంటారని, వారిలో ఎన్టీఆర్‌ అగ్రస్థానంలో ఉంటారని పేర్కొన్నారు. ఎన్టీఆర్ జీవితం అందరికీ ఆదర్శమని, ఆయన దగ్గర ఎన్నో నేర్చుకున్నానని వెల్లడించారు. తొలిసారి సినిమాటోగ్రఫీ మంత్రిగా ఎన్టీఆర్‌ని అనురాగ దేవత షూటింగ్ లో కలిశానని గుర్తు చేసుకున్నారు. ఎన్నో సంస్కరణలకు రామారావు నాంది పలికారని కొనియాడారు. తెలుగు వారి ఆత్మ గౌరవానికి ప్రతీక ఎన్టీఆర్ అని, ఆయన బాటలో ముందుకు పోదామని చంద్రాబాబు పిలుపునిచ్చారు. కేంద్రానికి రాష్ట్రాలు బానిసలు కావని ఆనాడే ఎన్టీఆర్ చెప్పారని అన్నారు. ఇప్పటి వరకూ చాలా మందికి భారత రత్న ఇచ్చారని, ఎన్టీఆర్‌కు భారతరత్న ఇవ్వాలని కేంద్రాన్ని డిమాండ్‌ చేశారు. భారతరత్నకు ఎన్టీఆర్ నిజమైన అర్హులు అని అన్నారు. ఎన్నో తీర్మానాలు పెట్టినా ఎందుకు భారతరత్న ఇవ్వటం లేదని కేంద్రంపై అసహనం వ్యక్తం చేశారు. త్వరలోనే అమరావతిలో ఎన్టీఆర్ మెమోరియల్‌కు శ్రీకారం చుడతామని ప్రకటించారు. కేంద్రంలోని అన్ని శాఖలకు యుటిలైజేషన్‌ సర్టిఫికేట్‌(యూసీ)లు పంపించామని, కానీ కేంద్ర నాయకులు ఇవ్వలేదంటూ మాట్లాడుతున్నారని సీఎం మండిపడ్డారు. నీతీ ఆయోగ్ కూడా ఈ విషయాన్ని ధృవీకరించిందన్నారు. ప్రత్యేక హోదా ఇవ్వడానికి కేం‍ద్రానికి ఏ యూసీ కావాలని ప్రశ్నించారు. ప్రత్యేక హోదా ఏపీ హక్కు అని, ఇవ్వకుంటే గుణపాఠం తప్పదని ఆయన హెచ్చరించారు. రాష్ట్రంలో లోటు బడ్జెట్‌ ఉందని చెప్పడానికి ఎలాంటి సర్టిఫికేట్‌ ఇవ్వాలని ప్రశ్నించారు. ఈ అన్యాయం పై ప్రతి ఒక్కరూ ప్రజల్ని చైతన్య పరచాలని పిలుపు నిచ్చారు. అనవసరంగా ఒక రాష్ట్రం, జాతితో పెట్టుకోవద్దంటూ కేంద్రాన్ని హెచ్చరిస్తున్నానని చంద్రబాబు అన్నారు. ఒక పార్టీ అధ్యక్షుడుకి యూసీలు ఇవ్వలేదని చెప్పే అధికారం ఎక్కడిదంటూ మండిపడ్డారు.

డల్లాస్‌ : అమెరికాలో తొలిసారిగా డల్లాస్‌లో నిర్వహించిన తెలుగుదేశం పార్టీ మహానాడు కార్యక్రమానికి నిరసన సెగ తగిలింది. అమెరికా నలుమూలల నుండి వంద మందికి పైగా తెలుగు ఎన్‌ఆర్‌ఐలు డల్లాస్ లో జరుగుతున్న మహానాడు వద్దకి నిరసన తెలపడానికి వచ్చారు. మహానాడు ఎందుకు ఇక్కడ పెట్టామో అని  పేరు చెప్పడానికి ఇష్టపడని ఇండియా నుండి వచ్చిన టీడీపీ నాయకులు వాపోయారు. ఇక్కడ  టీడీపీ మీద ఇంత వ్యతిరేకత ఉందా అని ఊహించలేకపోయామన్నారు. తెలుగు ఎన్‌ఆర్‌ఐ ప్రత్యేక హోదా పోరాట సమితి ఆధ్వర్యంలో ఎన్‌ఆర్‌ఐలు నల్లటి దుస్తులు ధరించి తమ నిరసన వ్యక్తం చేశారు. తెలుగు దేశం ప్రభుత్వం వైఫల్యాలను ఎండగట్టారు. ముఖ్యంగా ఆంధ్రప్రదేశ్‌ రాష్ట్రానికి ప్రత్యేక హోదా సాధించడంలో టీడీపీ ప్రభుత్వం ఘోరంగా విఫలం అయిందని ప్రతి ఒక్కరు అభిప్రాయపడ్డారు. ప్లకార్డులు, బ్యానర్‌లతో నిరసన వ్యక్తం చేశారు. కుల, మత, రాజకీయ, ప్రాంత భేధాలు లేకుండా అందరూ కలిసి ప్రభుత్వ వ్యతిరేక నినాదాలతో హోరెత్తించారు. ఇదంతా గమనించిన ఇండియా నుండి వచ్చిన నాయకులు డల్లాస్ మహానాడు నిర్వాహకులని మందలించినట్టు సమాచారం.

విజయవాడ సీటీ: టీడీపీ నిర్వహిస్తున్నది మహానాడు కాదని... తెలుగు ప్రజలను మోసం చేసే మాయనాడు అని వైఎస్సార్‌ కాంగ్రెస్‌ పార్టీ అధికార ప్రతినిధి వెలంపల్లి శ్రీనివాస్‌ అభివర్ణించారు. విజయవాడ వైఎస్సార్‌ కాంగ్రెస్‌ పార్టీ రాష్ట్ర కార్యాలయంలో ఆదివారం ఆయన విలేకరులతో మాట్లాడారు. గత నాలుగేళ్లలో రూ.4లక్షల కోట్ల అవినీతికి పాల్పడినందుకే చంద్రబాబుకు కేంద్రం అంటే భయం పట్టుకుందన్నారు. చివరకు తిరుమల దేవస్థానంలో స్వామి వారి నగలను కూడా వదలిపెట్టని చంద్రబాబుకు చిప్పకూడు తప్పదని హెచ్చరించారు. టీడీపీ అధినేతగా చంద్రబాబు మహానాడులో కార్యకర్తలకు దిశానిర్దేశం చేస్తారని అందరూ భావించారని, కానీ మహానాడులో తయారు చేస్తున్న కాకినాడ కాజాలు, తాపేశ్వరం పూతరేకులు తదితర వంటల గురించే మాట్లాడుతున్నారని ఎద్దేవా చేశారు. మహానాడులో టీడీపీ విధానాల గురించి కాకుండా వైఎస్‌ జగన్‌పై విమర్శలకే ప్రాధాన్యం ఇస్తున్నారని మండిపడ్డారు. ఎన్డీఏ ప్రభుత్వంపై ధైర్యంగా అవిశ్వాసం పెట్టిన దేశంలోనే మొట్టమొదటి నాయకుడు వైఎస్‌ జగన్‌ అని గుర్తు చేశారు. రానున్న రోజుల్లో చంద్రబాబుపై సీబీఐ, ఏసీబీ, ఈడీలు విచారణ చేపడతాయని, ఆయనకు చిప్పకూడు తధ్యమన్నారు. పంచాయతీ సర్పంచ్‌ అనుభవం కూడా వైఎస్‌ జగన్‌కు లేదని చంద్రబాబు అనడం విడ్డూరంగా ఉందన్నారు. వైఎస్‌ జగన్‌మోహన్‌రెడ్డి దేశంలోనే ఎంపీగా అత్యధిక మెజారిటీ సాధించిన రెండో వ్యక్తి అని అన్నారు. వార్డు మెంబర్‌గా కూడా గెలవలేని లోకేష్‌ అడ్డదారిలో మంత్రి అయ్యారని దుయ్యబట్టారు. రాష్ట్ర ప్రజలను మోసం చేసిన చంద్రబాబు ఆ నిందను కేంద్రంపై వేసి తప్పించుకోవాలని చూస్తున్నారని విమర్శించారు. కర్ణాటకలో బీజేపీ ఎమ్మెల్యేలను కొనుగోలు చేసి అడ్డంగా దొరికిపోయిందని చంద్రబాబు శ్రీరంగ నీతులు చెబుతుంటే ప్రజలు నవ్వుతున్నారన్నారు. దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డిపై చంద్రబాబు ఆరోపణలు చేయడం బాధాకరమన్నారు. రైతులకు ఉచిత విద్యుత్‌ ఇచ్చిన మహోన్నతమైన వ్యక్తి వైఎస్సార్‌ మాత్రమే అన్నారు. ఆరోగ్యశ్రీని అద్భుతంగా కొనసాగించారన్నారు. ఎన్టీఆర్‌ జయంతి సందర్భంగానైనా చంద్రబాబు అబద్ధాలు మానేయాల’ని వెల్లంపల్లి హితవు పలికారు. వైఎస్‌ జగన్‌ ముఖ్యమంత్రి కాబోతున్నారని, అయితే నీలా పొత్తులతో కాకుండా సింగిల్‌గానే సింహంలా ఎన్నికలకు వెళ్తామని వెలంపల్లి శ్రీనివాస్‌ పేర్కొన్నారు.  

సాక్షి, అమరావతి: తెలుగుదేశం పార్టీకి పెద్ద సైన్యం ఉందని ముఖ్యమంత్రి చంద్రబాబు నాయుడు చెప్పారు. ఆంధ్రప్రదేశ్‌లో 60 లక్షల మంది, తెలంగాణలో 10 లక్షల మంది కార్యకర్తలు ఉన్న ఏకైక పార్టీ టీడీపీ అని తెలిపారు. ప్రపంచంలోని వందల దేశాల్లో టీడీపీ మహానాడు జరుపుకునే రోజు వస్తుందన్నారు. విజయవాడ సమీపంలోని కానూరు సిద్ధార్థ ఇంజినీరింగ్‌ కళాశాల ప్రాంగణంలో ఆదివారం ప్రారంభమైన తెలుగుదేశం పార్టీ మహానాడులో చంద్రబాబు మాట్లాడారు. కేంద్రంలో ఏ పనీ అయ్యే పరిస్థితి లేదని, మాటలు ఎక్కువ చెబు తున్నారు తప్ప పనులు మాత్రం జరగడం లేదని  విమర్శించారు. అంతా ప్రచార అర్భాటమేనని, నరేంద్ర మోదీ ప్రచార ప్రధానమంత్రి మాత్రమేనని అన్నారు. మేకిన్‌ ఇండియా, డిజిటల్‌ ఇండియా, స్వచ్ఛ భారత్, జనధన్, స్కిల్‌ ఇండియా వంటి కార్యక్రమాలతో ప్రజలకు ఒరిగిందేమీ లేదని తేల్చిచెప్పారు. బీజేపీ హయాంలో బ్యాంకులన్నీ దివాలా తీస్తున్నాయని పేర్కొన్నారు. గతంలో బ్యాంకుల్లో రూ.29,916 కోట్ల అవినీతి జరగ్గా, నాలుగేళ్ల బీజేపీ పాలనలో రూ.1.11 లక్షల కోట్ల అవినీతి జరిగిందన్నారు. బ్యాంకుల్లో నిరర్థక ఆస్తులు భారీగా పెరిగిపోయాయని, పరిపాలన గాడి తప్పే పరిస్థితి వచ్చిందని వెల్లడించారు. కేంద్రం తీరు వల్ల అందరూ సమస్యలు ఎదుర్కొంటున్నారని తెలిపారు. మహానాడులో చంద్రబాబు ఇంకా ఏం మాట్లాడారంటే...   ‘‘వ్యవసాయం పూర్తిగా దివాళా తీసే పరిస్థితి వచ్చింది. కర్ణాటకలో బీజేపీ ఆటలు సాగలేదు. అక్కడ ఆ పార్టీ నాయకుల టేపులు దొరికాయి. ఇక బీజేపీ ఏ విధంగా నీతివంతమైన పార్టీ? దక్షిణ భారతదేశంలో దొడ్డిదారిన అధికారంలోకి రావాలని చూస్తోంది. బీజేపీకి అధికారంపైన ఉన్న ప్రేమ అభివృద్ధిపై లేదు. దేశంలో మళ్లీ కాంగ్రెస్‌ పార్టీ అధికారంలోకి వచ్చే పరిస్థితి లేదు. బీజేపీ అసలే రాదు. మళ్లీ ప్రాంతీయ పార్టీలు చక్రం తిప్పుతాయి. ఆ పార్టీల నాయకులను దెబ్బ తీయాలనుకుంటే బొబ్బిలి పులుల్లా తిరిగొస్తారు, కొండవీటి సింహాల్లా గర్జిస్తారు. తెలుగు జాతి కోసం హైదరాబాద్‌ నగరాన్ని నిర్మించా. నా కష్టార్జితాన్ని ఈ రోజు తెలంగాణ ప్రజానీకం అనుభవిస్తోంది. రాష్ట్రాన్ని ముందుకు తీసుకుపోవాలంటే మళ్లీ టీడీపీ అధికారం రావాలి. టీడీపీ గెలవడం ఒక చారిత్రిక అవసరం. 25 ఎంపీ సీట్లు సాధించాలి. కేంద్ర ప్రభుత్వంలో 61 శాతం అవినీతి ఉందని ఒక సర్వేలో తేలింది. వాళ్లు(కేంద్రం) చెప్పే మాటలు వేరు, చేసే పనులు వేరు.     నాలుగేళ్లలో బీజేపీ ఏమైనా చేసిందా?  నేను సవాల్‌ చేసి అడుగుతున్నా. బీజేపీ వాళ్లు ఈ నాలుగేళ్లలో చేసింది ఏమైనా ఉందా? బీజేపీ మాకు నమ్మకద్రోహం చేసింది. ఇచ్చిన హామీలు అమలు చేయకుండా ఏదోవిధంగా తప్పించుకునేలా అడ్డదారులు వెతుకుతున్నారు. గట్టిగా అడిగితే మాపై కుట్రపూరితమైన రాజకీయాలు చేశారు. అవసరమైతే దేశ రాజకీయాలను మార్చే శక్తి టీడీపీకి ఉందనే విషయం గుర్తుంచుకోవాలి. విభేదించిన వారిని ఇబ్బంది పెట్టే అలవాటు బీజేపీకి ఉంది. అందులో భాగంగానే కర్నూలు జిల్లాలో రాయలసీమ డిక్లరేషన్‌ ప్రకటించారు.   టీటీడీని కబ్జా చేయాలనుకున్నారు  రాష్ట్రంలోని వెంకటేశ్వరస్వామిని కేంద్రంలోని నరేంద్ర మోదీ కబ్జా చేయాలనుకున్నారు. వెంకటేశ్వరస్వామి జోలికి ఎవరు వచ్చినా ఊరుకోం.. ఖబడ్దార్‌. తిరుమల శ్రీవారితో పెట్టుకుంటే శిక్ష అనుభవించక తప్పదు. తిరుమల తిరుపతి దేవస్థానం(టీటీడీ)లో ఎప్పుడో నగలు దొంగతనం జరిగాయని, లేని వజ్రాలున్నాయని బురదజల్లే కార్యక్రమానికి శ్రీకారం చుట్టారు. ఇది బీజేపీ కుట్రలో భాగమే. నవ్యాంధ్రలో సమస్యలను పరిష్కరించడం కోసమే క్లెమోర్‌ మైన్ల దాడి నుంచి 2003లో వెంకటేశ్వరస్వామి నన్ను కాపాడారు’’ అని చంద్రబాబు తెలియజేశారు. మహానాడులో చంద్రబాబు తొలుత డ్వాక్రా బజార్, ఫొటో ఎగ్జిబిషన్, రక్తదాన శిబిరాన్ని ప్రారంభించారు. ఎన్టీఆర్‌ విగ్రహానికి పూలమాల వేసి నివాళులర్పించారు. మృతి చెందిన టీడీపీ కార్యకర్తలకు సంతాపం తెలిపారు. ఏపీ, తెలంగాణ టీడీపీ ప్రధాన కార్యదర్శులు వర్ల రామయ్య, బుచ్చిలింగం పార్టీ పరిస్థితులపై తమ నివేదికలు సమర్పించారు.   

సాక్షి, విజయవాడ: టీడీపీ నిర్వహిస్తోంది మహానాడు కాదు, తెలుగు ప్రజలను మోసం చేసే మాయనాడు అని విజయవాడ వైఎస్సార్‌ సీపీ నగర అధ్యక్షుడు వెల్లంపల్లి శ్రీనివాస్‌ విమర్శించారు. పార్టీ కార్యాలయంలో ఆదివారం ఆయన విలేకరులతో మాట్లాడుతూ.. ఏపీ ముఖ్యమంత్రి, టీడీపీ అధినేత నారా చంద్రబాబు నాయుడు తన ప్రసంగం ద్వారా పార్టీ కార్యకర్తలకు దిశానిర్దేశం చేస్తారని అందరూ భావించారు కానీ మహానాడులో తయారు చేస్తున్న వంటల గురించే మాట్లాడుతున్నారని ఎద్దేవా చేశారు. మహానాడులో టీడీపీ విధానాల గురించి కాకుండా వైఎస్‌ జగన్‌పై విమర్శలకే ప్రాధాన్యం ఇస్తున్నారని మండిపడ్డారు. కేంద్ర ప్రభుత్వం అంటేనే చంద్రబాబు భయపడిపోతున్నారని తెలిపారు. ధైర్యంగా కేంద్ర ప్రభుత్వంపై అవిశ్వాసం పెట్టిన నాయకుడు వైఎస్‌ జగన్‌ అని కొనియాడారు. ‘నాలుగు లక్షల కోట్ల అవినీతికి పాల్పడినందుకే చంద్రబాబుకు కేంద్రం అంటే భయం. ఓటుకు నోట్లు కేసులో ఏమవుతుందోనని భయం. మీలాగా రాష్ట్ర ప్రయోజనాలను తాకట్టు పెట్టడం వైఎస్‌ జగన్‌కు చేతకాదు. కేంద్ర ప్రభుత్వ సంస్థలు ఎప్పుడు అరెస్ట్‌ చేస్తాయోనని భయం. చంద్రబాబుకు అరెస్ట్‌ కావడం, చిప్పకూడు తినడం ఖాయం. చంద్రబాబు తనయుడు లోకేష్ దొడ్డి దారిన మంత్రి అయ్యారు. లోకేష్ వల్ల రాష్ట్రానికి ఏమైనా ఉపయోగం వుందా? రాష్ట్ర ప్రజలను మోసగించడం మీకే చెల్లుతుంది. ప్యాకేజీ కావాలన్నావు, హోదా సంజీవని కాదన్నావు. ఇప్పుడు మళ్లీ హోదా అంటున్నావు. కర్ణాటక గురించి మాట్లాడే చంద్రబాబు, రాష్ట్రంలో వైఎస్సార్‌ సీపీ నుంచి ఎమ్మెల్యేలను ఎలా కొన్నావు? అడ్డగోలుగా ప్రజలను దోచుకుని, సింగపూర్, మలేషియాలో దాచుకున్నావు. నమ్మి ఓటు వేసిన తెలుగు ప్రజలను నట్టేటముంచారు. వైఎస్ఆర్ గురించి మాట్లాడే అర్హత చంద్రబాబుకు లేదు. ఉచిత విద్యుత్, ఆరోగ్యశ్రీ, ఫీజు రీయింబర్స్‌మెంట్‌ పథకాలను వైఎస్ఆర్ తెచ్చారు. ఎన్టీఆర్ జయంతి సందర్భంగానైనా చంద్రబాబు అబద్దాలు మానేయాల’ని వెల్లంపల్లి హితవు పలికారు.

సాక్షి, అమరావతి: సార్వత్రిక ఎన్నికలకు ముందు అట్టహాసంగా ‘మహానాడు’ నిర్వహించేందుకు టీడీపీ ఏర్పాట్లు పూర్తి చేసింది. ఆదివారం ఉదయం 10 గంటలకు మహానాడు ప్రారంభమవుతుందని, మధ్యాహ్నం 12కు టీడీపీ అధ్యక్షుడు, సీఎం చంద్రబాబు ప్రసంగం ఉంటుందని తెలుగు దేశం పార్టీ నేతలు  తెలిపారు. విజయవాడలో నేటి నుంచి మూడు రోజులపాటు జరిగే ఈ కార్యక్రమానికి కానూరులోని సిద్ధార్ధ ఇంజనీరింగ్‌ కళాశాల మైదానాన్ని సిద్ధం చేశారు. ప్రధాన వేదికను రెండు భాగాలుగా నిర్మించి సాంస్కృతిక కార్యక్రమాలకు పక్కనే మరో వేదిక ఏర్పాటు చేశారు. నాయకులు, కార్యకర్తలనే తేడా లేకుండా అందరూ ఒకేచోట కూర్చునేలా ఏర్పాట్లు చేశామని ప్రకటించినా విడిగా గ్యాలరీలు సిద్ధం చేశారు. వీఐపీలు, ప్రత్యేక ఆహ్వానితులకు ఒక్కో బ్లాకు, ఆహ్వానితులకు ఆరు బ్లాకులు ఏర్పాటు చేయగా కార్యకర్తలకు విడిగా ఎనిమిది గ్యాలరీలు నిర్మించారు.  ఏసీలు, ఐస్‌ కూలర్లు మహానాడు ప్రాంగణం అంతా అత్యాధునిక లైటింగ్, ఏసీ, విద్యుత్‌ సౌకర్యాలు కల్పించారు. ఎండ ప్రభావం ఏమాత్రం లేకుండా ఉండేందుకు ప్రధాన వేదిక, వీవీఐపీ, వీఐపీ గ్యాలరీలకు సెంట్రలైజ్డ్‌ ఏసీ, గ్యాలరీలకు ఐస్‌ కూలర్లను అమర్చారు. పటిష్టమైన టెంట్లు వేశారు. మూడు వేలకుపైగా ఎల్‌ఈడీ విద్యుత్‌ దీపాలు, పది భారీ జనరేటర్లు సిద్ధం చేశారు. వీఐపీలు, కార్యకర్తలకు విడిగా భోజన ఏర్పాట్లు చేశారు. సర్కారు ఖర్చుతో సోకులు మహానాడు కోసం విజయవాడ నగరాన్ని ప్రభుత్వ నిధులతో పెద్ద ఎత్తున అలంకరించారు. బందరు రోడ్డులోని డివైడర్లకు కొత్త రంగులు వేయడంతోపాటు కొన్నిచోట్ల మొక్కలు నాటారు. రోడ్ల పక్కన చెత్త చెదారాలను తొలగించి శుభ్రం చేశారు. ఎన్టీఆర్‌ సర్కిల్‌ నుంచి కానూరు వరకూ పంట కాలువ రోడ్డు డివైడర్‌కు ఆఘమేఘాల మీద రంగులు వేసి మొక్కలు నాటారు. పంటకాలువ రోడ్డులో కొంతభాగాన్ని విస్తరించడంతోపాటు రాత్రికి రాత్రే తారు రోడ్డు వేశారు. బందరు రోడ్డు, పంట కాలువ రోడ్డు, రింగు రోడ్లతోపాటు సిద్ధార్ధ ఇంజనీరింగ్‌ కాలేజీ పరిసరాల్లోని రోడ్లను నీటి ట్యాంకర్లతో శుభ్రం చేశారు. ఈ పనులన్నింటినీ విజయవాడ కార్పొరేషన్‌ రూ.ఐదు కోట్లతో అప్పటికప్పుడు చేయించినట్లు నాయకులు చెబుతున్నారు.  11 పార్కింగ్‌ ప్రదేశాలు  మహానాడుకు వచ్చే వాహనాల కోసం 11 చోట్ల 40 ఎకరాల్లో పార్కింగ్‌ సౌకర్యాలు కల్పించారు. విజయవాడలో ట్రాఫిక్‌ ఆంక్షలు విధించడంతోపాటు భారీగా ట్రాఫిక్‌ మళ్లింపు చేపట్టారు. రెండు జాతీయ రహదారుల మీదుగా వెళ్లే లారీలు, భారీ వాహనాలను మూడురోజులు నగరంలోకి రాకుండా ఇతర మార్గంలో వెళ్లాలని నిర్దేశించారు. 2 వేల మంది పోలీసులతో బందోబస్తు నిర్వహిస్తున్నారు. ఈసారి మహానాడులో 34 తీర్మానాలు చేయాలని టీడీపీ నిర్ణయించింది. 

సాక్షి, హైదరాబాద్‌ : టీడీపీ అధినేత చంద్రబాబు నాయుడు దళితులను మోసం చేస్తున్నారని ఆ పార్టీ సీనియర్‌ నేత, మాజీ మంత్రి మోత్కుపల్లి నర్సింహులు మండిపడ్డారు. పెద్ద మాదిగ అని చెప్పుకునే బాబుకు దళితులపై ఏమాత్రం ప్రేమ లేదని పేర్కొన్నారు. మహానాడుకు తనను పిలవకుండా మాదిగలను, దళితులను అవమానపరిచారని విమర్శించారు. శుక్రవారం ఆయన బేగంపేటలోని తన నివాసంలో విలేకరులతో మాట్లాడారు. గురువారం జరిగిన మహానాడుకు తనను ఆహ్వానించకపోవడంపై తీవ్ర ఆవేదన వ్యక్తం చేశారు.  ‘‘పార్టీకి 30 ఏళ్లుగా సేవ చేస్తున్న నన్ను మహానాడుకు పిలవలేదు. నాకు అపాయింట్‌మెంట్‌ ఇవ్వలేదు. సీనియర్‌ లీడర్‌కు ఇచ్చే గౌరవం ఇదేనా? ఎస్సీ వర్గీకరణ సభ కోసం నిజామాబాద్‌ వెళ్తుండగా ఇద్దరు బిడ్డలున్న ఓ తండ్రి రోడ్డు ప్రమాదంలో చనిపోతే చంద్రబాబు ఆదుకోలేదు. పెద్ద మాదిగ అని చెప్పుకునే బాబుకు దళితులపై ఉన్న ప్రేమ ఇదా? ఆంధ్రాలోనూ దళితులున్నారు జాగ్రత్త! పెద్ద మాదిగ అన్న మీరు వర్గీకరణపై ఎందుకు తీర్మానం చెయ్యలేదు. కేసీఆర్‌ ఎప్పుడో అసెంబ్లీలో ఎస్సీ వర్గీకరణకు తీర్మానం చేసి పార్లమెంట్‌కు పంపినా మీరెందుకు చెయ్యలేదో చెప్పాలి’’అని నిలదీశారు.  ముఖ్యమంత్రి అయ్యాక చంద్రబాబు కనీసం చాయ్‌కి కూడా సమయం ఇవ్వలేదని, ఆయనా దళితులకు న్యాయం చేసేది అని ప్రశ్నించారు. తాను చేసిన తప్పేంటో ఇప్పటికైనా బాబు చెప్పాలని, తప్పుంటే ముక్కు నేలకు రాస్తానని, లేదంటే ఆంధ్రాలో అన్ని జిల్లాలు తిరిగి నా తప్పేంటని అడుగుతానని స్పష్టంచేశారు. ‘‘రేవంత్‌ రెడ్డి బిడ్డ పెళ్లికి పోయావ్‌.. ఎంగేజ్‌మెంట్‌కు కేబినెట్‌ అంతా తీసుకొని వెళ్లావ్‌.. కానీ నా బిడ్డ పెళ్లికి పిలవంగా పిలవంగా సాయంత్రం వచ్చారు. అదే కేసీఆర్‌ ఇంటికి వెళ్లి.. నా ఇంట్లో బిడ్డ పెళ్లి ఉందనగానే ఆత్మీయంగా స్వాగతం పలికారు. పెళ్లికి కూడా వచ్చారు’’అని పేర్కొన్నారు.  తెలంగాణలో పార్టీ శ్మశానంలా తయారైంది  తెలంగాణలో తెలుగుదేశం పార్టీ శ్మశానంలా తయారైందని, ఆంధ్రప్రదేశ్‌లోనూ వస్తదో, రాదో అన్న పరిస్థితి ఉందని మోత్కుపల్లి వ్యాఖ్యానించారు. రేవంత్‌రెడ్డిలాంటి మూర్ఖులను ప్రోత్సహించి, నిబద్ధత గల తన వంటి నాయకులను చిన్నచూపు చూడటంతోనే పార్టీ సర్వనాశనం అయిందన్నారు. పార్టీలో నీతి లేని నాయకులను చంద్రబాబు ప్రోత్సహిస్తున్నారని, దళితులను ముఖ్యంగా మాదిగలను విస్మరిస్తున్నారని దుయ్యబట్టారు. ‘‘పార్టీలో డబ్బు, కులానికే ప్రాధాన్యత పెరిగింది. అందుకే పార్టీ పతనావస్థకు చేరుతోంది. దీనిపై ఇప్పటికైనా చంద్రబాబు ఆత్మవిమర్శ చేసుకోవాలి’’అని వ్యాఖ్యానించారు. మళ్లీ చెబుతున్నా.. కేసీఆర్‌తో కలిసిపోదాం.. కేసీఆర్‌తో కలిసి పోదాం అన్నందుకే తనను పక్కన పెడుతున్నారని మోత్కుపల్లి వాపోయారు. ‘‘మళ్లీ చెబుతున్నా.. కేసీఆర్‌ మన మిత్రుడే. ఆయన కేబినెట్‌లో ఉన్నవారు మనవారే. వారితో జతకట్టడం మనకు మంచిదే. టీఆర్‌ఎస్‌లో పార్టీని విలీనం చేయాలన్న వ్యాఖ్యలను సమర్థించుకుంటున్నా’’అని చెప్పారు. ఇప్పటికీ తాను టీడీపీలోనే ఉన్నానని, బాబు తనను పిలిచి మాట్లాడాలని అన్నారు. తనను పిలవకుంటే రాజకీయ భవిష్యత్తు ఏంటన్నది కాలమే నిర్ణయిస్తుందని పేర్కొన్నారు.  టీఆర్‌ఎస్‌ ప్రభుత్వాన్ని కూలదోసుంటే చెప్పుతో కొట్టేవారు ఓటుకు కోట్లు కేసులో రేవంత్‌రెడ్డి అప్రూవర్‌గా మారతాడని చంద్రబాబు భయపడ్డారని, అందుకే బ్లాక్‌ మెయిల్‌ చేసినా ఆయనపై చర్యలు తీసుకోలేదని మోత్కుపల్లి చెప్పారు. ఒకవేళ కుట్రతో టీఆర్‌ఎస్‌ ప్రభుత్వాన్ని కూలదోసుంటే ప్రజలు టీడీపీని చెప్పుతో కొట్టేవారని, నాదెండ్ల భాస్కర్‌రావు మాదిరే తిరుగుబాటు చేసేవారని వ్యాఖ్యానించారు. రాజ్యసభ ఎన్నికల్లో పైసా, పరపతి లేనివారికి సీఎం కేసీఆర్‌ టిక్కెట్లు ఇచ్చారని, ఆ పని మీరెందుకు చేయలేకపోయారని బాబు ను నిలదీశారు. పార్టీ నుంచి తనను మెడపట్టి బయటకు గెంటేసే ప్రయత్నం జరుగుతోందన్నారు.   

సాక్షి, హైదరాబాద్‌ : మహానాడుకు తనను కనీసం ఆహ్వానించలేదని టీడీపీ సీనియర్‌ నేత మోత్కుపల్లి నర్సింహులు మీడియాతో ఆవేదన వ్యక్తం చేశారు. ఇలా అవమానపరచడం బాధగా ఉందన్నారు. ‘నన్నింత చిన్నచూపు చూస్తరా? ఒక దళిత నేతకు ఇచ్చే గౌరవమిదేనా?’ అని ప్రశ్నించారు. ‘‘మహానాడుకు వెళ్లే అదృష్టం నాకు లేదు. అధికారం లేకపోయినా, బాబు దగ్గర పని చేసిన మంత్రులంతా పరారైనా, 15 ఏళ్లు ఆయన కోసం, పార్టీ కోసం పని చేశా. నేను ఏ బ్యాక్‌గ్రౌండూ లేనివాడిని. ‘నర్సింహులూ... నువ్వు నాకు తోడుగా ఉండు..’ అన్నందుకు ఆయనకు అండగా ఉన్నా. సిద్ధాంతపరంగా కాంగ్రెస్‌తో పొత్తు అసాధ్యమని, టీఆర్‌ఎస్‌తోనే అయితదని చెప్పిన. ఇప్పుడూ చెబుతున్నా. తప్పా? మా నాయకుడు కూడా నన్ను అవమాన పరిస్తే దిక్కెవరు?’ అన్నారు.

సాక్షి, హైదరాబాద్‌: తెలంగాణ తెలుగుదేశం పార్టీ మహానాడుకు ఇద్దరు సీనియర్‌ నేతలు డుమ్మా కొట్టారు. నాంపల్లి ఎగ్జిబిషన్‌ గ్రౌండ్‌లో గురువారం టీటీడీపీ మహానాడును నిర్వహిస్తున్నారు. ఈ కార్యక్రమానికి ముఖ్య అతిథిగా పార్టీ అధినేత అధ్యక్షడు చంద్రబాబు నాయుడు హాజరుకానున్నారు. అయితే ఈ మహానాడుకు పార్టీ సీనియర్‌ నేత, పొలిట్‌ బ్యూరో సభ్యుడు మోత్కుపల్లి నరసింహులతో పాటు మరో నేత ,ఎల్బీనగర్‌ ఎమ్మెల్యే ఆర్‌ కృష్ణయ్య గైర్హాజరు అయ్యారు. కొంతకాలంగా పార్టీకి దూరంగా ఉంటున్న మోత్కుపల్లి, కృష్ణయ్య మహానాడుకు హాజరుకాకపోవడంపై పార్టీ వర్గాలు విస్తృతంగా చర్చించుకుంటున్నాయి. కాగా తెలంగాణలో టీడీపీని బతికించుకోవడానికి టీఆర్‌ఎస్‌లో విలీనం చేయాలని గత మార్చి 18న మోత్కుపల్లి నరసింహులు  చేసిన వ్యాఖ్యలతో చంద్రబాబు ఆయనను దూరంగా పెట్టారు. దీంతో మనస్తాపం చెందిన మోత్కుపల్లి గత కొంతకాలంగా పార్టీ కార్యకలాపాలకు దూరంగా ఉంటున్నారు. అయినప్పటికీ చంద్రబాబు వైపు నుంచి ఎలాంటి సానుకూలత వ్యక్తం కాలేదు. భువనగిరిలో జరిగిన మినీమహానాడులో కూడా మోత్కుపల్లి పాల్గొనలేదు. ఆయన అనుచరులు మోత్కుపల్లి లేకుండా జిల్లాలో మినీ మహానాడు నిర్వహించడం ఏమిటని ప్రశ్నించారు. దీనికి స్పందించిన పార్టీ రాష్ట్ర అధ్యక్షుడు ఎల్‌.రమణ, చంద్రబాబు దృష్టికి మోత్కుపల్లి విషయాన్ని తీసుకుపోతామని చెప్పారు. అయితే సీనియర్‌ నేత అయిన మోత్కుపల్లిని నాంపల్లి ఎగ్జిబిషన్‌ గ్రౌండ్‌లో జరిగే మహానాడుకు రావాలని, పార్టీ హైకమాండ్‌ నుంచి ఎలాంటి పిలుపు రాకపోవడంతోనే ఆయన దూరంగా ఉన్నారని సమాచారం. మరో వైపు మోత్కుపల్లి వచ్చేనెలలో టీఆర్‌ఎస్‌లో చేరబోతున్నారని చర్చ జరుగుతోంది. ఈ నెలాఖరులోగా జిల్లా స్థాయిలో టీడీపీ కార్యకర్తలు, తన అనుచరులతో సమావేశాన్ని నిర్వహించి టీఆర్‌ఎస్‌లో చేరికకు ప్రణాళికలు తయారు చేస్తున్నారని తెలిసింది. పంచాయతీరాజ్, స్థానిక సంస్థల ఎన్నికలకు ముందే ఆయన టీఆర్‌ఎస్‌లో చేరే అవకాశం ఉందని తెలుస్తోంది. చంద్రబాబు పిలుపు కోసం ఎదురుచూసిన మోత్కుపల్లి ఇక తప్పనిసరి పరిస్థితుల్లో టీఆర్‌ఎస్‌ వైపు అడుగులు వేస్తున్నారని ఆయన అనుచరులు చెబుతున్నారు. తెలుగుదేశంలో ఉండి అవమానం భరించే కంటే టీఆర్‌ఎస్‌లో చేరడమే మేలని అనుచరులు మోత్కుపల్లిని కోరుతున్నట్లు తెలుస్తోంది. ఈనేపథ్యంలో వచ్చే నెలలో మోత్కుపల్లి టీఆర్‌ఎస్‌లో చేరికకు సంకేతాలు కనిపిస్తున్నాయి. నన్ను పిలువలేదు: మోత్కుపల్లి అత్యంత ప్రతిష్టాత్మకంగా నిర్వహించిన తెలంగాణ టీడీపీ మహానాడుకు హాజరుకాకపోవడంపై సీనియర్‌ నేత మోత్కుపల్లి నరసింహులు స్పందించారు. నాంపల్లి ఎగ్జిబిషన్‌ గ్రౌండ్‌లో గురువారం జరుగుతున్న టీటీడీపీ మహానాడులో మోత్కుపల్లితో పాటు ఎల్బీనగర్‌ ఎమ్మెల్యే ఆర్‌ కృష్ణయ్య పాల్గొనలేదు. ఈ అంశంపై మోత్కుపల్లి మీడియాతో మాట్లాడుతూ.. ‘ టీటీడీపీ మహానాడుకు నాకు ఆహ్వానం అందలేదు. చంద్రబాబు నాయుడు ఆహ్వానిస్తారనుకున్నా.. అది జరుగులేదు.. అందుకే దూరంగా ఉన్నాను. ఎన్టీఆర్ వర్ధంతి సందర్భంగా నా వ్యాఖ్యలు టీటీడీపీ తప్పుగా అర్ధం చేసుకుంది. అధినేత చంద్రబాబుకే వివరణ ఇస్తానని చెప్పా. ఆరోజు నుంచి ఇప్పటివరకు అపాయింట్‌మెంట్ కోరినా కలిసేందుకు అవకాశం దొరకటం లేదు’ అని వెల్లడించారు.  

సాక్షి, హైదరాబాద్‌: తెలంగాణ తెలుగుదేశం పార్టీ మహానాడుకు సర్వం సిద్ధమైంది. నాంపల్లి ఎగ్జిబిషన్ గ్రౌండ్‌లో గురువారం మహానాడు జరుగనుంది. ఈమహానాడులో మొత్తం 8 తీర్మానాలపై నేతలు చర్చించనున్నారు. వచ్చే ఎన్నికల్లో అనుసరించాల్సిన వ్యూహాలు, టీఆర్ఎస్ ప్రభుత్వ వైఫల్యాలపే ఎండగట్టడం తదితర అంశాలపై చర్చలు సాగనున్నాయి. ఈ నేపధ్యంలో టీటీడీపీ నేతలు ఎల్‌ రమణ, రావు చంద్రశేఖర్‌ రెడ్డి, సండ్ర వెంకట వీరయ్య ఇతర నేతలు ఎన్టీఆర్‌ ఘాట్‌ వద్ద నివాళలర్పించి అనంతరం మహానాడుకు బయల్దేరారు. ఈ సందర్భంగా ఎల్‌ రమణ మాట్లాడుతూ..‘17 పార్లమెంట్‌ స్థాయి, రెండు జిల్లా స్థాయి మహానాడులు నిర్వహించాం. నేడు 8లక్షల మంది కార్యకర్తలు, నాయకులందరి సాక్షిగా తెలంగాణ మహానాడు జరుగుతోంది. దేశంలోనే సెక్రటేరియట్‌కు రానీ ముఖ్యమంత్రి కేసీఆర్ ఒక్కరే. సెక్రటేరియట్‌కు రాకుండా ఇంటి నుంచి పాలన వల్ల పరిపాలన గాడి తప్పింది. సీఎం రాకపోవటంతో అజమాయిషీ లేకుండా పాలన పడకేసింది. ప్రగతిభవన్ పైరవీభవన్‌గా మారిపోయింది. టీడీపీ వల్లనే పేదవాళ్లకు న్యాయం జరగుతుంది’  అని తెలిపారు. కాగా తెలంగాణలోని అన్ని జిల్లాలు, గ్రేటర్ హైదరాబాద్‌లోని పార్టీ నాయకులు భారీగా మహానాడుకు తరలివచ్చారు. పూర్వ వైభవానికి కృషి 35 ఏళ్లుగా మహానాడు ఆనవాయితీగా నిర్వహిస్తున్నామని, ఈసారి కూడా 27, 28, 29 లో విజయవాడలో మహానాడు నిర్వహిస్తున్నట్టు టీడీపీ పొలిట్‌ బ్యూరో సభ్యుడు రావుల చంద్రశేఖర్‌ రెడ్డి తెలిపారు. తెలంగాణలో రమణ నాయకత్వంలో తెలుగు దేశం మహానాడు జరుగుతోందని, అనేక తీర్మానాలతో పాటు, భవిష్యత్ కార్యచరణ రూపొందించుకుంటామన్నారు. ఎన్టీఆర్ స్థాపించిన పార్టీ సుస్థిరంగా తెలుగు వారి గుండెల్లో నిలిచి పోయిందని తెలిపారు. తెలంగాణ మహానాడుకు వెళ్లేముందు ఎన్టీఆర్‌కు నివాళులర్పించి ఆయన ఆశయాలు అభ్యర్థించేందుకు ఘాట్‌కు వచ్చామన్నారు. ఎన్టీఆర్ ఆశయాలు, చంద్రబాబు అండదండలతో తెలంగాణలో తెలుగుదేశం పూర్వ వైభవానికి కృషిచేస్తామని పేర్కొన్నారు. ముఖ్య అతిథిగా చంద్రబాబు  నాంపల్లి ఎగ్జిబిషన్‌ గ్రౌండ్స్‌లో జరిగే మహానాడు చంద్రబాబు నాయుడు ముఖ్యఅతిథిగా హాజరుకానున్నారు. గురువారం మధ్యాహ్నం 2 గంటలకు హైదరాబాద్ చేరుకుని మహానాడులో పాల్గొంటారు. విజయవాడ నుంచి నేరుగా బేగంపేట ఎయిర్‌పోర్టుకు చేరుకోనున్న చంద్రబాబు అక్కడి నుంచి రోడ్డు మార్గాన మహానాడుకు చేరుకుంటారు. దాదాపు 5 గంటల పాటు మహానాడులో ఉండనున్న చంద్రబాబు కార్యకర్తలకు భరోసా కల్పిస్తూ, పార్టీని బలోపేతం చేసే దిశగా ప్రసంగించనున్నారు.

కదిరి అర్బన్‌: సీఎం చంద్రబాబు జిల్లా పర్యటనతో ఆర్టీసీ ప్రయాణికులంతా తీవ్ర ఇబ్బందులు పడ్డారు. కదిరి ఆర్టీసీ డిపోలో దాదాపు 104  బస్సులు ఉంటే అందులో 60 బస్సులను సీఎం సభకు తరలించారు. దీంతో పలు సర్వీసుల రద్దయి ప్రయాణికులు తీవ్ర ఇబ్బందులు పడ్డారు. ప్రమాదమని తెలిసినా తప్పనిసరి పరిస్థితుల్లో కొందరు  ఆటోలు, మినీ వ్యాన్లు, లారీలు ఆశ్రయించారు. మరికొందరు మాత్రం బస్టాండుల్లోనే గంటల తరబడి వేచి చూశారు. ముఖ్యమంత్రి ఎప్పుడు జిల్లా పర్యటనకు వచ్చినా తమకీ పాట్లు తప్పడం లేదని ప్రయాణికులు వాపోయారు. 

పెనుకొండ: సీఎం చంద్రబాబు ఎదుట తురకలాపట్నం వాసులు సమస్యలు ఏకరువు పెట్టారు. సోమవారం రొద్దం మండలం తురకలాపట్నం గ్రామంలోని రచ్చకట్టపై ముఖ్యమంత్రి గ్రామదర్శిని కార్యక్రమాన్ని నిర్వహించారు. ఈ సందర్భంగా గ్రామంలో జరుగుతున్న అభివృద్ధి పనులపై సీఎం చంద్రబాబు మాట్లాడుతుండగా... వేదిక వద్దకు వెళ్లిన మంజుల తమ గ్రామంలోని శ్మశానానికి దారి చూపాలని వేడుకుంది. తమ గ్రామంలోని శ్మశానానికి దారిలేక చాలా ఇబ్బందులు పడుతున్నామనీ, పొలాల మీదుగా మృతదేహాన్ని తీసుకువెళ్లేందుకు భూ యజమానులు ఒప్పుకోవడం లేదని వెల్లడించింది. తమ ఇబ్బందులను అధికారులకు, ప్రజాప్రతినిథులకు విన్నవించుకున్నా ప్రయోజనం లేకుండా పోయిందని ఆవేదన వ్యక్తం చేసింది. అక్కడే ఉన్న గ్రామ కార్యదర్శి కూడా శ్మశానానికి దారి లేక జనం పడుతున్న ఇబ్బందులను వివరించారు. స్పందించిన సీఎం వెంటనే సమస్యను పరిష్కరించాలని పక్కనే ఉన్న కలెక్టర్‌ వీరపాండియన్‌ను ఆదేశించారు. అనంతరం మంజుల మాట్లాడుతూ, తమ గ్రామంలో బస్టాండ్‌ లేక జనం పడుతున్న బాధలను సీఎం దృష్టికి తీసుకువచ్చింది. వెంటనే బస్టాండ్‌ నిర్మాణానికి చర్యలు తీసుకోవాలని సీఎం ఆదేశాలు జారీ చేశారు. అనంతరం చేనేత వర్గానికి చెందిన శంకరమ్మ అనే ఉపాధి హామీ కూలీ మాట్లాడుతూ, ఉపాధి హామీ పథకం ద్వారా పని కల్పిస్తున్నారనీ, అయితే 150 రోజుల పని కల్పించడం లేదన్నారు. దీంతో ఈ సమస్య కేంద్రం పరిధిలో ఉందని వారిని అక్కడి నుంచి పంపారు.  

సాక్షి ప్రతినిధి, విశాఖపట్నం: స్వతంత్ర ప్రతిపత్తి ఉన్న ప్రతిష్టాత్మక ఆంధ్ర విశ్వవిద్యాలయం(ఏయూ)ను తెలుగుదేశం పార్టీ నేతలు సొంత జాగీరులా మార్చేస్తున్నా పాలకమండలి సభ్యులు గానీ, అధికారులు గానీ కిమ్మనకపోవడం వివాదాస్పదమవుతోంది. పైగా టీడీపీ నేతలకు వంతపాడుతూ ఉన్నతాధికారులు ఇష్టారాజ్యంగా వ్యవహరించడం విమర్శలపాలవుతోంది. సరిగ్గా గతేడాది మే నెలలోనే ఏయూ గ్రౌండ్స్‌లో ఎటువంటి అనుమతుల్లేకుండా టీడీపీ మహానాడు నిర్వహించిన పార్టీ పెద్దలు మంగళవారం ధర్మపోరాట సభ పేరిట రాజకీయ కార్యక్రమం నిర్వహించడం చర్చాంశనీయమవుతోంది. వర్సిటీలో రాజకీయ పార్టీల సభలు ఏర్పాటు చేయడమే నిబంధలకు విరుద్ధం కాగా.. ఆ సభకు కనీసంగా అనుమతులు తీసుకోకపోవడం టీడీపీ నేతల లెక్కలేని తనానికి అద్దం పడుతోంది. తెలుగుదేశం పార్టీ ఆవిర్భావ వేడుకల సందర్భంగా ఏటా మే నెలాఖరులో నిర్వహించే మహానాడును గతేడాది ఏయూ ఇంజనీరింగ్‌ కళాశాల గ్రౌండ్స్‌లో నిర్వహించిన సంగతి తెలిసిందే. ఏయూలో నిర్వహించడమే వివాదాస్పదమైతే... అసలు  ఏయూ అధికారుల నుంచి నిర్వహణకు కనీస అనుమతులు కూడా పొందని టీడీపీ నేతల బరితెగింపు వ్యవహారంపై అప్పట్లో అన్ని వర్గాల నుంచి విమర్శలు వెల్లువెత్తాయి. కనీసం గత అనుభవాలను దృష్టిలో పెట్టుకునైనా జాగ్రత్తగా ఉండాల్సిన ఏయూ అధికారులు ఈ సారి స్వయంగా వారే దాసోహం అన్నారు. దీంతో టీడీపీ ప్రత్యేక హోదాపై ‘అర్ధంతరపు’ ఉద్యమ కార్యాచరణలో భాగంగా మంగళవారం తలపెట్టిన ధర్మపోరాట సభకు వర్సిటీ అధికారులే అనుమతిలిచ్చేశారు. టీడీపీ నాయకులు మాట వరుసకు వచ్చి కలిస్తే... అయ్యో ఫరవాలేదండీ... మీ ఇష్టం వచ్చినట్టు గ్రౌండ్స్‌ను వాడుకోండి... అంటూ సొంతజాగీరులా అప్పజెప్పేశారు. ప్రధాన ప్రతిపక్ష పార్టీకి మాత్రం నో తెలుగుదేశం పార్టీకి వంతపాడుతూ ఏయూ గ్రౌండ్స్‌లో సభకు అనుమతిలిచ్చేసిన అధికారులు ప్రధాన ప్రతిపక్ష వైఎస్సార్‌ కాంగ్రెస్‌ పార్టీ సభలకు మాత్రం ఎప్పటికప్పుడు మోకాలడ్డుతూ వస్తున్నారు. 2015 సెప్టెంబర్‌లో ప్రత్యేక హోదా డిమాండ్‌తోనే యువభేరి పేరిట విద్యార్థులు, యువకులతో వర్సిటీ గ్రౌండ్స్‌లో సదస్సు నిర్వహించాలని వైఎస్సార్‌సీపీ నేతలు భావించారు. విశ్వవిద్యాలయ ప్రాంగణాల్లో రాజకీయ సమావేశాలు, మత సంబంధమైన కార్యక్రమాల నిర్వహణకు అనుమతి ఇవ్వొద్దని ఉన్నత విద్యామండలి జీవో జారీ చేసిందంటూ అప్పట్లో వర్సిటీ అధికారులు హడావుడి చేశారు. అనుమతిలివ్వలేమని చేతులెత్తేశారు. దీంతో వైఎస్సార్‌సీపీ నేతలు యువభేరిని పోర్టు కళావాణి స్టేడియంలో నిర్వహించుకున్నారు. ఆ తర్వాత 2016 నవంబర్‌లో జై ఆంధ్రప్రదేశ్‌ పేరిట బహిరంగసభను నిర్వహించేందుకు ఏయూ గ్రౌండ్స్‌ను అడిగితే అప్పు డూ అదే సాకు చెప్పారు. దీంతో వన్‌టౌన్‌ ఇందిరా గాంధీ మున్సిపల్‌ స్టేడియంలో నిర్వహించారు. విద్యార్థుల దీక్షలకూ నిరాకరణ ఇక ప్రత్యేక హోదా డిమాండ్‌తోనే వర్సిటీలో విద్యార్థులు దీక్షలు తలపెడితే కనీస మానవత్వం లేకుం డా వర్సిటీ అధికారులు ఉక్కుపాదం మోపా రు. గత ఏప్రిల్‌లో ప్రత్యేక హోదా కోసం వైఎస్సార్‌సీపీకి చెందిన పార్లమెంటు సభ్యులు ఢిల్లీలో చేపట్టిన నిరవధిక దీక్షలకు సంఘీభావంగా ఏయూలో విద్యార్థి సంఘాల నేతలు నిరవధిక నిరశన దీక్షలకు దిగారు. ఆ మేరకు కనీసం టెంట్‌ వేసుకునేందుకు కూడా వర్సిటీ అధికారులు అనుమతివ్వలేదు. వేసిన టెం ట్లు కూడా నిర్దాక్షిణ్యంగా తీసివేయడంతో విద్యార్థి నేతలు మండుటెండలోనే దీక్షలు కొనసాగించారు. టీడీపీ సభకు మాత్రం సై... వైఎస్సార్‌సీపీ నేతలు, విద్యార్థి సంఘాల ప్రతినిధులపై ఇలా లెక్కలేనన్ని ఆంక్షలు పెట్టిన ఏయూ అధికారులు అధికార టీడీపీ నేతలు వచ్చి సభ పెట్టు కుంటామంటే ఏ మాత్రం ఆలోచించకుండా అనుమతులిచ్చేశారు. పోనీ గ్రౌండ్‌ వరకే  పర్మిషన్‌ ఇచ్చారని భావించినా.. వర్సిటీలో రోడ్ల మధ్యలో ఇష్టారాజ్యంగా గోతులు తీసి స్వాగత ద్వారాలు, కటౌట్లు పెట్టేస్తున్నా వర్సిటీ అధికారులు మిన్నకుం డటం విమర్శలపాలవుతోంది. వాస్తవానికి అధికా రుల్లోని ఓ వర్గం మాత్రం టీడీపీ నేతల బరితెగింపుపై విస్మయం వ్యక్తం చేస్తున్నా బహిరంగంగా మాట్లాడేందుకు మాత్రం సాహసం  చేయడం లేదు. ఇక స్వతంత్ర ప్రతిపత్తి కలిగిన ఏయూపై అధికార టీడీపీ పెత్తనం చేస్తున్నా విద్యార్థి సంఘాలు సైతం మౌనంగా ఉండటం చర్చాంశనీయంగా మారింది. ఏయూ అధికారులు టీడీపీ తొత్తుల్లా మారారు... వంశీకృష్ణ విమర్శ ఏయూ ఉన్నతాధికారులు టీడీపీ నేతలకు తొత్తుల్లా మారారని వైఎస్సార్‌ సీపీ తూర్పు నియోజకవర్గ సమన్వయకర్త వంశీకృష్ణ శ్రీనివాస్‌ ధ్వజమెత్తారు. గతంలో తాము ఎన్నోమార్లు ప్రత్యేక హోదా ఉద్యమ సభలకు, సదస్సులకు ఏయూ గ్రౌండ్స్‌ను అడిగితే అనుమతులు నిరాకరించిన అధికారులు టీడీపీ నేతలకు ఎప్పుడు కావాలంటే అప్పుడు ఇస్తున్నారని విమర్శించారు. అధికారమదంతో ఏయూను సొంత జాగీరులా వాడుకుంటున్న టీడీపీ నేతలకు విద్యార్థులు గుణపాఠం చెప్పే రోజు త్వరలోనే ఉందని హెచ్చరించారు. అనుమతిచ్చాం.. అద్దెకట్టారో లేదో తెలియదు: వీసీ నాగేశ్వరరావు టీడీపీ అర్బన్‌ కమిటీ అధ్యక్షుడు, ఎమ్మెల్యే వాసుపల్లి గణేష్‌కుమార్‌ వచ్చి అనుమతి కావాలని అడిగారు.. సెలవులే కదా అని వర్సిటీ గ్రౌండ్స్‌ను అద్దెకిచ్చాం.. రోజుకు లక్ష వరకు అద్దె చెల్లించాలి.. మరి ఆ డబ్బులు కట్టారో లేదో నాకు తెలియదు... అని ఏయూ వీసీ ప్రొఫెసర్‌ నాగేశ్వరరావు సాక్షి ప్రతినిధితో అన్నారు. ప్రధాన ప్రతిపక్ష వైఎస్సార్‌ సీపీ సహా ఇతర పార్టీల సభలు, సదస్సులకు అనుమతులు ఇవ్వని మీరు... టీడీపీ సభలకు మాత్రమే ఎలా ఇస్తున్నారని ప్రశ్నించగా... అప్పుడు సెలవుల్లేవు.. ఇప్పుడు సెలవులు కదా.. అందుకే ఇచ్చామని చెప్పుకొచ్చారు. వైఎస్సార్‌సీపీ నేతలు సెలవుల రోజుల్లో అడిగినా పర్మిషన్‌ ఇవ్వలేదని ప్రస్తావించగా.. ఏమో ఆ తేదీలు గుర్తు లేవు అని  సమాధానమిచ్చారు.


 ►తండ్రిలాంటి మామనే మోసం చేసిన వ్యక్తి చంద్రబాబు
 ►అది అమరావతి కాదు భ్రమరావతి
 ►ప్రత్యేక హోదా, కడప స్టీల్‌ప్లాంటుపై మహానాడులో తీర్మానం చేయాలి
 ►మైదుకూరు ఎమ్మెల్యే రఘురామిరెడ్డి డిమాండ్‌
 
 కడప కార్పొరేషన్‌: తెలుగుదేశం ప్రభుత్వం మూడేళ్ల కాలంలో ఏం సాధించిందని మహానాడులో  సంబరాలు చేసుకుంటున్నారని మైదుకూరు శాసనసభ్యులు శెట్టిపల్లె రఘురామిరెడ్డి ప్రశ్నించారు. కడపలోని వైఎస్‌ఆర్‌సీపీ కార్యాలయంలో సోమవారం జెడ్పీ చైర్మన్‌ గూడూరు రవి, జెడ్పీ వైస్‌ చైర్మన్‌ ఇరగంరెడ్డి సుబ్బారెడ్డిలతో కలిసి   విలేకరుల సమావేశంలో ఆయన మాట్లాడారు. టీడీపీ అధికారంలోకి వచ్చిన ఈ మూడేళ్లలో రాష్ట్రానికి ఒక్క పెద్ద పరిశ్రమ రాలేదని, ప్రత్యేక హోదా ఊసే లేకుండా పోయిందని, కడప ఉక్కు ఫ్యాక్టరీ గురించి పట్టించుకొనేవారే లేరన్నారు. జిల్లా టీడీపీ నాయకులకు దమ్ము, ధైర్యం ఉంటే ప్రత్యేక హోదా, కడప స్టీల్‌ప్లాంటు కావాలని మహానాడులో తీర్మానాలు చేయించాలని సవాల్‌ విసిరారు. ఇది ఒరిజినల్‌ టీడీపీ కాదని, 1982లో ఏ సిద్దాంతాలు, ఆశయాలతో ఎన్టీఆర్‌  పార్టీని స్థాపించారో వాటికి ఎప్పుడో తిలోదకాలిచ్చేశారని ఎద్దేవా చేశారు. చీమలు పెట్టిన పుట్టలు పాములకు నెలవైనట్లు నందమూరి వారి పార్టీ నారా వారి వశమైందని అభివర్ణించారు. ఆనాడు ఎన్టీఆర్‌ మృతదేహం వద్దకు వచ్చే ధైర్యం కూడా లేని చంద్రబాబు, విధిలేని పరిస్థితుల్లోనే హరికృష్ణను మంత్రిని చేశారని ఆరోపించారు. ఎన్టీఆర్‌పై పోటీ చేస్తానని చెప్పిన బాబుకు ఆయన గురించి మాట్లాడే అర్హత ఉందా అని ప్రశ్నించారు. తండ్రిలాంటి మామనే మోసం చేసిన వ్యక్తికి ప్రజలను మోసం చేయడం లెక్కకాదన్నారు. లోకేష్‌కు రాజకీయ పరిజ్ఞానం లేదని, ఆయన ఏం మాట్లాడుతున్నారో ఎవరికీ అర్థం కాదన్నారు.
 
 అమరావతి రాజధాని పేరుతో ప్రజలకు భ్రమలు కల్పిస్తున్నారని, అక్కడ నిలబడేందుకు చెట్టుగానీ, తాగేందుకు నీరుగానీ లేవని ఎద్దేవా చేశారు. రాష్ట్రంలో ప్రజలు ఎన్నో రకాల ఇబ్బందులు ఎదుర్కొంటున్నారని, రైతుల పరిస్థితి చాలా అధ్వానంగా ఉందన్నారు. గిట్టుబాటు ధర లేక, వర్షపాతం కరువై పంట నష్టాలతో రైతులు విలవిల్లాడుతున్నారన్నారు.  పసుపు రైతులకు క్వింటాకు రూ.10వేలు గిట్టుబాటు ధర ఇవ్వాలని డిమాండ్‌ చేశారు. ఉల్లి, టమోటా రైతుల పరిస్థితి కూడా అలాగే ఉందన్నారు. రైతులను నట్టేట ముంచిన ఘనత చంద్రబాబుకే దక్కుతుందన్నారు. భేషరతుగా రైతు రుణమాఫీ చేస్తానని, బంగారు ఆభరణాలను అసలు, వడ్డీ కట్టి విడిపిస్తానని, డ్వాక్రా రుణాలు మాఫీ చేస్తానని, ఇంటికో ఉద్యోగం, నిరుద్యోగ భృతి ఇస్తానని దారుణంగా మోసం చేశారని దుయ్యబట్టారు. రూ.5వేల కోట్లతో ధరల స్థిరీకరణ నిధి ఏర్పాటు చేస్తానని చెప్పి ఐదు రూపాయలు కూడా ఇవ్వలేదని విమర్శించారు.
 
 తెలంగాణ సీఎం కేసీఆర్‌ ప్రకటించినట్లు ఖరీఫ్, రబీలో రూ.4వేలు విలువగల ఎరువులను రైతులకు ఉచితంగా అందించాలని, ఈ మేరకు ప్రకటన చేయాలని డిమాండ్‌ చేశారు.  ప్రభుత్వ వ్యతిరేఖ విధానాలను ప్రజలకు, పార్టీ శ్రేణులకు వివరించడానికే ప్లీనరీ సమావేశాలు నిర్వహిస్తున్నట్లు చెప్పారు. జులై 8,9 తేదీల్లో విజయవాడలో రాష్ట్ర స్థాయి ప్లీనరీ సమావేశాలు జరుగుతాయని, మే 25 నుంచి జూన్‌ 5వ తేదీలోపు అన్ని నియోజకవర్గాల్లో ప్లీనరీ సమావేశాలు పూర్తవుతాయన్నారు. జూన్‌ 19,20,21 తేదీలలో జిల్లా స్థాయి ప్లీనరీ సమావేశాలు జరుగుతాయని వివరించారు.


 విశాఖపట్టణం: తెలంగాణలో నిరంతర విద్యుత్ కు చంద్రబాబు ఉదారతే కారణమని టీటీడీపీ నేత రేవంత్‌రెడ్డి అన్నారు. సోమవారం విశాఖ టీడీపీ మహానాడులో తెలంగాణలో పెండింగ్ ప్రాజెక్ట్స్ -ప్రాజెక్ట్స్ రీడిజైన్స్- భూసేకరణ పై పార్టీ నేత భూపాల్‌రెడ్డి ప్రవేశపెట్టిన తీర్మానాన్ని రేవంత్  బలపరిచారు. ఈ సందర్భంగా ఆయన మాట్లాడుతూ..రెండు తెలుగు రాష్ట్రాల మధ్య సమస్యలు పరిష్కారం కావాలంటే రెండు రాష్ట్రాల్లో టీడీపీ అధికారంలోకి రావాలని వ్యాఖ్యానించారు.
 
 ఇరు రాష్ట్రాల మధ్య సమస్యలు ఉంటే తాము ఏ వైపు అని కేసీఆర్ ప్రశ్నించారని, ఇందుకు తమ సమాధానం ప్రజల పక్షం అని చెప్పారు. పార్టీ అధ్యక్షుడు చంద్రబాబును ఒప్పించుకుంటామని తెలిపారు. ఎన్నికల హామీలను అమలుచేయని సీఎంగా కేసీఆర్‌ నిలిచిపోతారని అన్నారు. 1100 రోజుల టీఆర్ ఎస్ పాలనలో 3300 మంది రైతులు ఆత్మహత్యలు చేసుకున్నారని తెలిపారు. తెలంగాణ కోసం బలిదానం చేసుకున్న 1250 మందిని గుర్తించడంలో సర్కారు విఫలమైందని మండిపడ్డారు. 2013 భూసేకరణ చట్టం ప్రకారం పరిహారం చెల్లించకుండా సవరణ చేసిందని ఆరోపించారు.


 హైదరాబాద్‌ : ఓ వైపు రాష్ట్రంలో రైతాంగం తీవ్ర ఆందోళనలో ఉంటే మరోవైపు టీడీపీ మాత్రం రైతుల దుఖం మీద పండుగ చేసుకుంటోదని వైఎస్‌ఆర్‌ కాంగ్రెస్‌ పార్టీ సీనియర్‌ నేత పార్థసారధి అన్నారు. ఆయన సోమవారం పార్టీ కేంద్ర కార్యాలయంలో మీడియా సమావేశంతో మట్లాడారు. ‘అన్ని జిల్లాల్లో కరువు ఉంది, పంటలకు గిట్టుబాటు ధరలు లేవు.
 పండిన పంటను అమ్ముకోలేని స్థితిలో రైతులు ఉన్నారు. టీడీపీ మహానాడులో రైతుల సమస్యులు గానీ.. యువకుల ఉద్యోగాల సమస్యలు గానీ చర్చకే రాలేదు. మహానాడులో ఎటువంటి మేలు జరిగే విషయం చర్చకు రాలేదు. ఎన్టీఆర్‌ కుటుంబసభ్యులు లేకుండా మహానాడు జరుపుతున్నారు. మహానాడు పేరుతో తిరునాళ్లు చేసుకున్నారు. ఎన్టీఆర్‌ ఆశయాలకు తూట్లు పొడిచారు. తెలుగువారి ఆత్మగౌరవాన్ని మంటగలిపారు.
 
 మీ ప్రభుత్వంపై నమ్మకం ఉంటే, మీ ప్రభుత్వంలో అవినీతి లేదంటే.. వైఎస్‌ఆర్‌ సీపీ చేసిన డిమాండ్లను ఒప్పుకోండి. మీ మూడేళ్ల పాలనపై నమ్మకం ఉంటే అవినీతిపై సీబీఐతో విచారణ చేయించండి. మీ కులపిచ్చితో రాష్ట్రంలో కులాల మధ్య చిచ్చు పెడుతున్నారు. రాయలసీమకు నీళ్లివ్వాలని ఆలోచించిన మొదటి వ్యక్తి వైఎస్‌ఆరే. కృష్ణా, గోదావరి డెల్టా రైతులకు అన్యాయం జరగకుండా రాయలసీమకు నీళ్లివ్వాలని ఆయన తపించారు.
 ఇక నారా లోకేశ్‌ ప్రసంగం ఉత్తరమకుమారుడి ప్రగల్భాలను తలపించింది. రాజధాని భూముల్లో అవినీతి జరగలేదని చెప్పగలరా?. అమరావతిలో కానీ...పోలవరంలోకానీ జరగాల్సిన అభివృద్ధి జరిగిందా?. మీరు అభివృద్ధి చేయాలనే చిత్తశుద్ధి ఉంటే ప్రతిపక్షనేత వైఎస్‌ జగన్‌ ఏవిధంగా అడ్డుపడుతున్నారో చెప్పాలి. రాష్ట్రంలో అవినీతి తప్ప... అభివృద్ధి జరగడం లేదు.’  అని ఆయన అన్నారు.


 తిరుపతి: చంద్రబాబునాయుడు లాంటి విలన్‌ ఎన్టీఆర్‌ సినిమాల్లో కూడా కనిపించడని, చంద్రబాబులాంటి నీచపు వ్యక్తిత్వమున్న విలన్‌ ఉండబోరని వైఎస్‌ఆర్‌ కాంగ్రెస్ పార్టీ నేత భూమన కరుణాకర్‌రెడ్డి మండిపడ్డారు. తిరుపతిలో ఆయన ఆదివారం మీడియాతో మాట్లాడారు. ప్రపంచంలో ఎవరికీలేని విలన్‌ లక్షణాలు చంద్రబాబుకు ఉన్నాయని, దివంగత నేత ఎన్టీఆర్‌ను చంద్రబాబు మానసిక క్షోభకు గురిచేశారని అన్నారు. ఎన్టీఆర్‌కు వెన్నుపోటు పొడిచినవారే ఇప్పుడు ఆయన వారసులమని ప్రకటించుకుంటున్నారని ఆయన ఎద్దేవా చేశారు. ఎన్టీఆర్‌ పెట్టిన పార్టీలో ఎలుకల్లా చేరి..పందికొక్కుల్లా దోచుకుంటున్నారని విమర్శించారు. ఆయన ఇంకా ఏమన్నారంటే..
 
 చంద్రబాబు వాగ్దానాలు ఎప్పటికీ ఆచరణకు నోచుకోవు
 
 అభివృద్ధికి కట్టుబడి ఉన్నామని ఆయన అబద్ధాలు చెప్తున్నారు
 
 పారిశ్రామిక ఒప్పందాలపై అబద్ధపు లెక్కలు చెప్పారు
 
 నీతులు చెప్పడంలో, వంచించడంలో బాబులాంటి దారుణమైన వ్యక్తి మరొకరు లేరు
 
 అవినీతిలో ఆంధ్రప్రదేశ్‌ దూసుకుపోతోంది
 
 ఎన్నికల వాగ్దానాలపై చంద్రబాబు నిస్సిగ్గుగా అబద్ధాలు చెబుతున్నారు
 
 మహానాడులో ఆత్మస్తుతి, పరనింద తప్ప మరొకటి లేదు
 
 ఎన్టీఆర్‌ సిద్ధాంతాలు, ఆశయాలకు చంద్రబాబు సమాధి కట్టారు
 
 మూడేళ్లైనా ప్రజలకు అనుకూలంగా ఒక్క ఆశయాన్ని నెరవేర్చలేదు
 
 చంద్రబాబు మాటలు నమ్మితే టీడీపీకి పుట్టగతులు ఉండవు
  


 మహానాడు వేదికపై ఎమ్మెల్సీతో క్షమాపణ చెప్పించిన చంద్రబాబు
  
 సాక్షి, విశాఖపట్నం: ‘ఏయూ ఒక దెయ్యాలకొంప..’ అంటూ తాను చేసిన వ్యాఖ్యలపై టీడీపీ ఎమ్మెల్సీ, గీతం అధినేత ఎంవీవీఎస్‌ మూర్తి ఎట్టకేలకు క్షమాపణలు చెప్పారు. తాను చేసిన వ్యాఖ్యలకు చింతిస్తున్నానని, లక్షలాది మంది విద్యార్థులు, బోధన, బోధనేతర సిబ్బందితో పాటు విశాఖ ప్రజల మనోభావాలను గాయపర్చినందుకు బహిరంగంగా క్షమాపణ కోరుతున్నానని ప్రకటించారు. మూర్తి వ్యాఖ్యల నేపథ్యంలో.. ఏయూ విద్యార్థి, అధ్యాపక, అధ్యాపకేతర సిబ్బందితో పాటు విపక్షాలు తీవ్ర ఆగ్రహం వ్యక్తం చేస్తూ మూడురోజులుగా ఆందోళనలు చేస్తున్న విషయం తెలిసిందే.
 
 శుక్రవారం మహానాడు ప్రాంగణానికి వచ్చిన మూర్తి తాను అలా అనలేదని, మీడియా వక్రీకరించిందని బుకాయించడంతో మరింత ఆగ్రహావేశాలు వ్యక్తమయ్యాయి.  ఈ క్రమంలోనే ఆదివారం ఉదయం ఉద్యోగ సంఘాల నేతలు సీఎం చంద్రబాబుతో భేటీ అయ్యారు. మూర్తి వ్యాఖ్యల వీడియోలను ఆయనకు చూపించారు. ఆయనతో క్షమాపణలు చెప్పించాలని, లేకుంటే ఆందోళనలు విరమించే ప్రసక్తే లేదని తేల్చిచెప్పారు. దీంతో ఎమ్మెల్సీ మూర్తిని పిలిపించి చీవాట్లు పెట్టి, బహిరంగ క్షమాపణ చెప్పాలని ఆదేశించారని పార్టీ వర్గాలు తెలిపాయి.  


 మరోసారి భారతరత్న!
 దివంగత నేతకు అత్యున్నత పురస్కారం ఇవ్వాలని టీడీపీ మహానాడులో తీర్మానం 
 - దాదాపు ప్రతి మహానాడులో తీర్మానం చేయిస్తూ తర్వాత అటకెక్కిస్తున్న బాబు
 - విశాఖ మహానాడులో రెండోరోజు 13 తీర్మానాలు ఆమోదం 
 - కౌలు రైతుల సంక్షేమానికి చట్టం తెస్తామని చంద్రబాబు వెల్లడి
  
 విశాఖ నుంచి సాక్షి ప్రత్యేక ప్రతినిధి: తెలుగుదేశం పార్టీ వ్యవస్థాపకుడు ఎన్టీ రామారావుకు దేశ అత్యున్నత పురస్కారం భారతరత్న ఇవ్వాలని టీడీపీ మహానాడులో మరోసారి మొక్కుబడిగా తీర్మానం చేశారు. దాదాపు ప్రతి మహానాడులో ఈ మేరకు తీర్మానం చేయడం, తర్వాత విస్మరించడం పరిపాటిగా మారింది. విశాఖపట్నంలో జరుగుతున్న మహానాడుకు ఎన్టీఆర్‌ కుటుంబ సభ్యులు దూరంగా ఉండడంపై పార్టీ శ్రేణుల్లో అనుమానాలు వ్యక్తమవుతున్న నేపథ్యంలో ముఖ్యమంత్రి చంద్రబాబు వ్యూహాత్మకంగా మళ్లీ తీర్మానం చేయించినట్లు ప్రచారం జరుగుతోంది.
 
 వాస్తవానికి మహానాడు ముసాయిదా తీర్మానాల్లో ఎన్టీఆర్‌కు నివాళి అర్పించే తీర్మానం తప్ప భారతరత్న ఇవ్వాలనే తీర్మానం లేదు. అయినా తాజాగా ఈ మేరకు తీర్మానం చేయడం గమనార్హం. అసలు ఎన్టీఆర్‌కు భారతరత్న పురస్కారం రావడం చంద్ర బాబుకు ఇష్టంలేదనే వాదన టీడీపీలో వినిపి స్తోంది. కేవలం విమర్శల నుంచి తప్పించుకో వడానికే ఎన్టీఆర్‌ నామస్మరణ చేస్తున్నారనే తప్ప ఆయనపై అభిమానంతో కాదని కార్యకర్తల్లో చర్చ జరుగుతోంది. గతంలో కేంద్రంలో వాజ్‌పేయి ప్రభుత్వంలో తాను చక్రం తిప్పానని చంద్రబాబు ఇప్పటికీ చెప్పుకుంటున్నారు. అప్పట్లోనే ఎన్టీఆర్‌కు భారతరత్న ఇప్పించే అవకాశం ఉన్నప్పటికీ చంద్రబాబు ఆ పని ఎందుకు చేయలేదని టీడీపీ కార్యకర్తలు, ఎన్టీఆర్‌ అభిమానులు ప్రశ్నిస్తున్నారు. 
  
 మహానాడులో రెండోరోజు ఆదివారం మొత్తం 13 తీర్మానాలను ఆమోదించారు. తీర్మానాలపై జరిగిన ప్రతి చర్చలోనూ సీఎం చంద్రబాబు జోక్యం చేసుకున్నారు. ప్రతి అంశంలోనూ అండగా ఉంటామంటూ ప్రతిజ్ఞ చేయాలని టీడీపీ శ్రేణులను కోరారు. మహానాడులో ఆది వారం ఉదయం నుంచి సాయంత్రం వరకు వివిధ సందర్భాల్లో ఆయన ప్రసంగించారు. చంద్రబాబు ఏం చెప్పారంటే... 
 ‘‘రాష్ట్రంలో వాస్తవ సాగుదార్లుగా ఉన్న కౌలు రైతుల సమస్యల పరిష్కారానికి త్వరలో ఒక చట్టాన్ని తీసుకురావాలని యోచిస్తున్నాం. రైతులు(భూ యజమానులు), కౌలు రైతులకు మధ్య అవగాహన ఉండేలా ఈ చట్టం రూపొందిస్తాం. ప్రభుత్వం ఇచ్చే రాయితీలు రైతులకు తప్ప కౌలుదార్లకు అందడం లేదన్న విమర్శల నేపథ్యంలో కొత్త చట్టం గురించి ఆలోచిస్తున్నాం. 
  
 ఒప్పందాలు 1,529... సిద్ధమైనవి 23
 రాష్ట్రంలో పెట్టుబడుల ఆకర్షణ, పరిశ్రమల స్థాపనలో భాగంగా ఇప్పటిదాకా 1,529 అవగాహనా ఒప్పందాలు కుదుర్చుకున్నాం. వీటిలో 927 ఒప్పందాల పరిశీలన పూర్తయింది. 23 ఒప్పందాలు అమలుకు సిద్ధమయ్యాయి. వీటి ద్వారా 2.6 లక్షల ఉద్యోగాలు రానున్నాయి.’’ అని ముఖ్యమంత్రి  చంద్రబాబు పేర్కొన్నారు. 
  
 పరకాలది రాజకీయ నియామకం 
 టీడీపీ మహానాడులో  మీడియా సలహాదారు పరకాల ప్రభాకర్‌ ప్రమేయం గురించి పార్టీ నేతల్లోనే తీవ్ర అసంతృప్తి వ్యక్తమైన నేపథ్యంలో వాటిని దృష్టిలో ఉంచుకొని చంద్రబాబు ప్రత్యేకంగా వివరణ ఇచ్చారు. పరకాల ప్రభాకర్‌ది నాన్‌ అఫీషియల్‌ పొలిటికల్‌ అపాయింట్‌మెంట్‌ అని, అతను ప్రభుత్వ ఉద్యోగి కాదని స్పష్టం చేశారు. ఆ హోదాలోనే ఆయన తనకు సలహాలు, సూచనలు ఇస్తున్నారని, దీనిపై ఎవరికైనా సందేహాలుంటే నివృత్తి చేసేందుకే ఈ వివరణ అని చెప్పారు. కాగా ఎన్టీఆర్‌కు భారత రత్న ఇవ్వాలనే తీర్మానాన్ని పరకాల ప్రభాకరే మహానాడులో ప్రవేశపెట్టడం విశేషం. ఇది చర్చనీయాంశంగా మారింది.
  
 రెండోరోజూ జాడలేని ఎన్టీఆర్‌ కుటుంబీకులు
 మహానాడులో రెండోరోజు కూడా నందమూరి కుటుంబ సభ్యులు కనిపించలేదు. ఎన్టీఆర్‌ జయంతి సందర్భంగా హైదరాబాద్‌లో ఆయన ఘాట్‌ వద్ద నివాళులర్పించిన పార్టీ పొలిట్‌ బ్యూరో సభ్యుడు నందమూరి హరికృష్ణ, ఆయన తనయుడు జూనియర్‌ ఎన్టీఆర్‌  రెండోరోజైనా మహానాడుకు వస్తారని పార్టీ శ్రేణులు భావించాయి. కానీ, వారి జాడ కనిపించలేదు. ఎమ్మెల్యే, సినీ నటుడు నందమూరి బాలకృష్ణ రెండోరోజు కూడా గైర్హాజరయ్యారు. నందమూరి మోహనకృష్ణ తనయుడు, సినీ నటుడు తారకరత్న ఒక్కరే ఆదివారం మహానాడుకు వచ్చారు. ఆయనతోపాటు సినీ నటుడు వేణుమాధవ్, గాయకుడు వందేమాతరం శ్రీనివాస్‌ పాల్గొన్నారు. ఎంపీలు మాగంటి మురళీమోహన్, శివప్రసాద్, రాయపాటి సాంబశివరావు కూడా  గైర్హాజరయ్యారు.
  
 అధ్యక్ష పదవికి బాబు తరçఫున నామినేషన్లు
 టీడీపీ పార్టీ జాతీయ అధ్యక్ష పదవికి చంద్రబాబు తరఫున పలువురు నాయకులు మహానాడులో 33 సెట్ల నామినేషన్లు దాఖలు చేశారు. తొలుత పార్టీ అధ్యక్ష ఎన్నికకు ప్రిసైడింగ్‌ అధికారిగా ఉన్న ఉప ముఖ్యమంత్రి నిమ్మకాయల చినరాజప్ప ఎన్నికల నోటిఫికేషన్‌ను జారీ చేస్తున్నట్లు ప్రకటిం చారు. ఈ ఎన్నికకు రిటర్నింగ్‌ అధికారి గా తెలంగాణకు చెందిన పెద్దిరెడ్డిని నియమిస్తున్నట్లు తెలిపారు. ఆ తర్వాత చంద్రబాబు తరఫున 33 సెట్ల నామినేషన్లను పలువురు నాయకులతో దాఖలు చేయించారు. సోమవారం లాంఛనంగా చంద్రబాబు  మూడోసారి టీడీపీ జాతీయ అధ్యక్షుడిగా ఎన్నిక కానున్నారు. 


 టీడీపి మహానాడుపై జక్కంపూడి రాజా విసుర్లు 
 సీతానగరం (రాజానగరం) : విశాఖలో నిర్వహిస్తున్న టీడీపీ మహానాడు.. బాబు మహాడప్పు సభగా మారిందని వైఎస్సార్‌ సీపీ యువజన విభాగం రాష్ట్ర అద్యక్షుడు జక్కంపూడి రాజా ఎద్దేవా చేశారు. స్థానిక ప్రభుత్వ కళాశాలలో ఆదివారం నిర్వహించిన లంకూరు మెగా క్రికెట్‌ టోర్నమెంట్‌ ముగింపు కార్యక్రమంలో ఆయన పాల్గొన్నారు. అనంతరం విలేకరులతో మాట్లాడుతూ చంద్రబాబు అధికారం కోసం మామ ఎన్టీఆర్‌ను వెన్నుపోటు పొడిచి, మహానాడులో ఆయన ఫోటోకు భజన చేస్తున్నారన్నారు. టీడీపీ వారసత్వాన్ని నందమూరి వంశీయులకు కాకుండా లోకేష్‌కు అప్పగించడానికి ప్రయత్నిస్తున్నట్టు ఆరోపించారు. లోకేష్‌కు దొడ్డిదారిన మంత్రి పదవి ఇచ్చి, పార్టీకి వారసత్వం ఇచ్చేందుకు తంటాలు పడుతున్నారని విమర్శించారు. ఎన్టీఆర్‌ను వెన్నుపోటు పొడిచి అధికారం చేపట్టారని, ఆ తర్వాత 1999లో బీజేపీ పొత్తుతో గెలిచిన చంద్రబాబు.. తిరిగి 2014లో బీజేపీ పొత్తు, జనసేన సహకారంతో అధికారంలోకి వచ్చారన్నారు. పొత్తు లేకుండా ఎన్నికలలో చంద్రబాబు గెలిచిన సందర్బం లేదన్నారు. ఆడపడుచులకు పార్టీలో పెద్దపీట వేశామని డప్పు కొట్టుకునే టీడీపీలో మహిళలతో కన్నీరు పెట్టిస్తున్నారన్నారు. టీడీపీ నాయకురాలు, సినీ నటి కవిత మహానాడులో జరిగిన అవమానంకు కంటతడి పెట్టారని గుర్తు చేశారు. వందేళ్ల చరిత్ర కలిగిన ఆంధ్రా యూనివర్సిటీని దెయ్యాల కొంప అని టీడీపీ ఎమ్మెల్సీ అనడం ఎంతవరకు సమంజసమని ప్రశ్నించారు. టీడీపీలోకి చేరేందుకు ఇతర పార్టీల ద్వారా వచ్చిన పదవులకు రాజీనామా చేయాలని ఎన్టీఆర్‌ తొలి మహానాడులో తీర్మానం చేశారని, చంద్రబాబు ఈ తీర్మానానికి వ్యతిరేకంగా వ్యవహరిస్తున్నారని ఎద్దేవా చేశారు. చంద్రబాబు వైఖరిని ప్రజలు గమనిస్తున్నారని, టీడీపీకి డిపాజిట్‌ గల్లంతు అయ్యే రోజులు దగ్గర పడుతున్నాయని అన్నారు. ఈ కార్యక్రమంలో పార్టీ నాయకులు డాక్టర్‌ బాబు, వలవల రాజా, చల్లమళ్ళ సుజీరాజు, వలవల వెంకట్రాజు తదితరులు పాల్గొన్నారు.


 
 అధినేత తీరుపై అసంతృప్తిగా ఉన్న సీనియర్‌ నేతలు
 
 హరికృష్ణ, బాలకృష్ణ, జూ. ఎన్టీఆర్‌దీ అదే బాట
 
 హైదరాబాద్‌: తెలుగుదేశం పార్టీ తాజాగా నిర్వహించిన మహానాడుకు ఇద్దరు సీనియర్‌ నేతలు డుమ్మా కొట్టడం గమనార్హం. టీడీపీ ఎంపీ రాయపాటి సాంబశివరావు, సీనియర్‌ నేత ఎస్వీ రామసుబ్బారెడ్డి మహానాడుకు దూరంగా ఉన్నారు. పార్టీ అధినేత, ముఖ్యమంత్రి చంద్రబాబునాయుడు తీరుపై ఈ ఇద్దరు నేతలు అసంతృప్తిగా ఉన్నారు. ఇటీవల పార్టీ మారిన ఫిరాయింపు ఎమ్మెల్యే ఆదినారాయణరెడ్డికి మంత్రి పదవి ఇవ్వడంతో ఎస్వీ సుబ్బారెడ్డి గుర్రుగా ఉన్నారు. ఇక తనకు తిరుమల తిరుపతి దేవస్థానం (టీటీడీ) చైర్మన్‌ పదవి తనకు ఇస్తానని హామీ ఇవ్వకపోవడంతో ఎంపీ రాయపాటి అసంతృప్తితో రగిలిపోతున్నట్టు తెలుస్తోంది.  
 
 మహానాడు వేదికగా టీడీపీలోని పలు లుకలుకలు బయటపడ్డాయి. పార్టీ వ్యవస్థాపకుడైన నందమూరి ఎన్టీ రామారావు కుటుంబం ఈ మహానాడుకు దూరంగా ఉంది. నందమూరి కుటుంబానికి చెందిన హరికృష్ణ, బాలకృష్ణ, యువ హీరో జూనియర్‌ ఎన్టీఆర్‌ మహానాడుకు గైర్హాజరయ్యారు. ఈ క్రమంలో సీనియర్‌ నేతలు రాయపాటి, ఎస్వీ రామసుబ్బారెడ్డి కూడా మహానాడుకు దూరంగా ఉండటం చర్చనీయాంశమైంది.


 విశాఖపట్నం‌: తెలంగాణ ముఖ్యమంత్రి కేసీఆర్‌ చేయించిన సర్వే అంతా బూటకమని టీడీపీ నేత సండ్ర వెంకట వీరయ్య అన్నారు. విశాఖ నగరంలో జరుగుతున్న మహానాడులో పాల్గొనేందుకు ఇక్కడకు వచ్చిన ఆయన మీడియాతో మాట్లాడుతూ.. కేసీఆర్‌కు దమ్ముంటే వెంటనే ప్రభుత్వాన్ని రద్దు చేసుకొని ఎన్నికలకు వెళ్లాలి. వెంటనే గవర్నర్‌ను కలిసి ప్రభుత్వాన్ని రద్దు చేయమని కోరాలి.. అప్పుడు తెలుస్తుంది ఎవరి దమ్మెంతో. కేసీఆర్‌ వెల్లడించిన సర్వే వివరాలన్ని అబద్ధాలని అన్నారు.
  


 బీజేపీతో కొనసాగడంపై విశాఖ మహానాడులో సీఎం చంద్రబాబు వెల్లడి
 
 (విశాఖ నుంచి సాక్షి ప్రత్యేక ప్రతినిధి) తెలుగు రాష్ట్రాలలో పార్టీని కాపాడుకోవడానికే బీజేపీతో పొత్తు పెట్టుకున్నామని రాష్ట్ర ముఖ్యమంత్రి, తెలుగుదేశం పార్టీ అధ్యక్షుడు చంద్రబాబు నాయుడు చెప్పారు. పొత్తు వెనుక దీర్ఘకాలిక ప్రయోజనాలున్నాయన్నారు. టీడీపీని రాజకీయ పార్టీలాగా కాకుండా ఓ స్వచ్ఛంద సంస్థ (ఎన్జీవో)లా నడుపుతున్నట్టు చెప్పారు. రాష్ట్రాన్ని ప్రగతి పథంలో నడిపిస్తానని, మాట వినని నేతలపై వేటు వేస్తానని హెచ్చరించారు. విశాఖపట్నం ఆంధ్రాయూనివర్శిటీ ఇంజనీరింగ్‌ కళాశాల గ్రౌండ్స్‌లో మూడు రోజుల పాటు జరిగే టీడీపీ 36వ మహానాడులో శనివారం చంద్రబాబు ప్రారంభోపన్యాసం చేశారు. ఎన్టీఆర్‌కు భారతరత్న ఇవ్వాలని కేంద్రాన్ని మరోసారి డిమాండ్‌ చేశారు. ముఖ్యమంత్రి ప్రసంగంలో ముఖ్యాంశాలిలా ఉన్నాయి..
 
 ► తెలుగుదేశం పార్టీ ఆత్మగౌరవానికి ప్రతీక. నిరంతరం ప్రజల కోసమే పాటు పడుతుంది. అధికారంతో నిమిత్తం లేకుండా ఎన్జీవోలాగా పని చేస్తుంది.
 ► ఎన్టీఆర్‌ వ్యక్తి కాదు. వ్యవస్థ. బడుగు బలహీనవర్గాల కోసం ఎన్నో పథకాలు ప్రవేశపెట్టారు. ఆయనకు భారత రత్న ఇవ్వాలి.
 ► ఈవేళ తెలంగాణలోని అన్ని ప్రాజెక్టులు–దేవాదుల, నెట్టెంపాడు, కల్వకుర్తి, బీమా, కోయిల్‌సాగర్‌ వంటివి నేనే చేపట్టా. ఆ తర్వాతి ప్రభుత్వాలు విస్మరించాయి.
 ► పద్ధతీ పాడూ లేకుండా విభజన జరిగింది. ఇందుకు కాంగ్రెస్‌ దోహదపడింది. ఎవ్వరికీ అన్యాయం జరక్కుండా చూడమన్నా. కానీ జరిగిపోయింది. ఇబ్బందులు వచ్చాయి.
 
 పొత్తులపై ఇష్టానుసారం మాట్లాడొద్దు
 సాక్షి, విశాఖపట్నం: వచ్చే ఏడాదిలో స్థానిక సంస్థలతో పాటు మున్సిపల్‌ ఎన్నికలు జరుగుతాయని ముఖ్యమంత్రి నారా చంద్రబాబు  ప్రకటించారు. ఆ తర్వాత సాధారణ ఎన్నికలు ఉంటాయని చెప్పారు. తెలుగుదేశం పార్టీ విశాఖలో నిర్వహిస్తున్న మహానాడులో తొలిరోజు ఎనిమిది అంశాలపై తీర్మానాలు చేశారు. టీడీపీ మంత్రులు, ముఖ్య నేతలు వాటిని ప్రతిపాదించి బలపరిచారు.  ఈ సందర్భంగా ప్రసంగించిన సీఎం చంద్రబాబు... వచ్చే ఏడాదిలో సర్పంచ్‌ స్థాయి నుంచి ఎంపీటీసీ, జడ్పీటీసీ, మున్సిపల్‌ ఎన్నికలు జరుగుతాయని, ఆ తర్వాత అసెంబ్లీ, లోక్‌సభ ఎన్నికలు జరుగుతాయని ప్రకటించారు. రాజకీయ పార్టీలతో పొత్తులపై ఎవరికి ఇష్టమొచ్చినట్లు వాళ్లు ఇష్టానుసారం మాట్లాడవద్దని, అగ్రనాయకత్వం మాత్రమే దానిపై నిర్ణయం తీసుకుంటుందని కార్యకర్తలు, నాయకులను చంద్రబాబు హెచ్చరించారు. తెలంగాణలో రాష్ట్ర విభజన తర్వాత ఆత్మహత్యలు పెరిగాయని, మీడియాపై ఆంక్షలు విధించి కేసీఆర్‌ నిరంకుశంగా వ్యవహరిస్తున్నారని తెలంగాణ టీడీపీ నాయకులు విమర్శించారు.
 
 నందమూరి కుటుంబం దూరం
 తెలుగుదేశం మహానాడుకు నందమూరి కుటుంబ సభ్యులు దూరంగా ఉన్నారు. విశాఖలో శనివారం ప్రారంభమైన టీడీపీ మహానాడు వేదికపై పార్టీ వ్యవస్థాపక అధ్యక్షుడు దివంగత ఎన్టీఆర్‌ కుటుంబ సభ్యుల జాడ కన్పించలేదు. పార్టీ పొలిట్‌బ్యూరో సభ్యుడు నందమూరి హరికృష్ణ ఈసారి మహానాడుకు దూరంగా ఉన్నారు. వేదికపై ఆహ్వానితుల జాబితా పిలిచినప్పుడు ఆయన పేరు ప్రస్తావించినప్పటికీ తొలిరోజు మహానాడుకు రాలేదు. ముఖ్యమంత్రి చంద్రబాబు వియ్యంకుడు, ఎన్టీఆర్‌ తనయుడు, ఎమ్మెల్యే బాలకృష్ణ సైతం తొలిరోజు వేదికపై కనిపించలేదు. వీరే కాదు నందమూరి కుటుంబానికి చెందిన ఏ ఒక్కరూ మహానాడు ప్రాంగణంలో కన్పించకపోవడం చర్చనీయాంశమైంది.


 విశాఖపట్టణం: టీడీపీ మహానాడులో పలు కీలక నిర్ణయాలు తీసుకున్నారు. పార్టీ సంస్థాగత నియమావళిలో మార్పులు సూచిస్తూ కనకమేడల రవీంద్రబాబు ప్రవేశ పెట్టిన తీర్మానాన్ని పార్టీ ఆమోదించింది. దీని ప్రకారం ప్రాధమిక, క్రియాశీలక సభ్యత్వాల ప్రక్రియలో మార్పులు చేశారు. ప్రాథమిక సభ్యత్వాల ప్రక్రియను రద్దు చేసి, ఇకపై క్రియాశీలక సభ్యత్వం మాత్రమే చేయాలని తీర్మానించారు. అంతేకాకుండా పార్టీ రాష్ట్ర అధ్యక్షులను ఎప్పుడైనా మార్చే అధికారం జాతీయ అధ్యక్షుడికి కట‍్టబెడుతూ ఏకగ్రీవంగా ఆమోదించారు.


 విశాఖ: విశాఖ ఆంధ్రావర్సిటీలో శనివారం ప్రారంభమైన టీడీపీ మహానాడులో డిప్యూటీ సీఎం చినరాజప్ప ఆసక్తికర ప్రసంగం చేశారు. పార్టీ సభ్యత్వ నమోదు - పార్టీ నిర్మాణంపై తీర్మానం ప్రవేశపెట్టిన చినరాజప్ప ఈ సందర్భంగా మాట్లాడారు. నేతలు ఎన్నికల ముందు కార్యకర్తలతో ఎలా ఉంటారో....ఎమ్మెల్యే అయ్యాక అలాగే ఉండాలని సూచించారు. కొందరు ఎమ్మెల్యేలు కాగానే అందుబాటులో ఉండడం లేదని తెలిపారు.
  
 కొందరు నేతలు తాము చేసేది అధినేతకు తెలీదు అనుకుంటున్నారు, కానీ అధినేతకు అన్నీ తెలుసు...అందరి పనితీరు తెలుసునని వ్యాఖ్యానించారు. పనిచేయని, గాడి తప్పిన నేతలను ఎన్నికల నాటికి సీఎం కట్ చేస్తారని హెచ్చరించారు. టీడీపీలో కార్యకర్తలకు గౌరవం ఉంటుంది.. అందుకు తానే ఒక ఉదాహరణ అని వివరించారు. పార్టీ పదవులు వచ్చాక ఇంకా పెద్ద పదవి కావాలంటూ కొందరు వ్యవహరిస్తున్నారని అన్నారు. అయితే, పదవులు కాదు... పార్టీ ముఖ్యమనే ఆలోచన అంతా చేయాలని కోరారు.
  
 నామినేటెడ్ పదవులెన్నీ ఇచ్చినా ఇంకా కావాలనే రీతిలో కొందరు నేతలు వ్యవహరిస్తున్నారని విమర్శించారు. పదవులు రాని వారిని కొందరు రెచ్చగొడుతున్నారు.. ఇది కరెక్ట్ కాదని హితవు పలికారు. టిక్కెట్ ఎవరికిచ్చినా వారిని గెలిపించే బాధ్యత కార్యకర్తలు తీసుకోవాలని అన్నారు. అన్నీ ఆలోచించే చంద్రబాబు నిర్ణయాలు తీసుకుంటారని వివరించారు. మనం ఇంకా పని చేయడం లేదనే భావన ప్రజల్లోనూ.. కార్యకర్తల్లోనూ ఉంది.. దీని తొలగించాలని కోరారు.


 ►చినబాబు భజనకు కౌంట్‌డౌన్‌ మొదలు
 ►నగరమంతా అతని ఫ్లెక్సీలు
 ►ఎన్టీఆర్‌కు మించి ప్రముఖంగా లోకేష్‌ ఫొటోలు
 ►పొగడ్తలు, ప్రశంసల బాజాభజంత్రీలు సిద్ధం
 ►బాలయ్యకు కనిపించని ప్రాధాన్యత
 
 సంస్థాగత నిర్మాణం.. పార్టీ, ప్రభుత్వపరంగా ప్రజా సంక్షేమానికి చేపట్టిన చర్యలు.. భవిష్యత్తు కార్యాచరణ.. వంటి నిర్మాణాత్మక చర్చలు లక్ష్యంగా మహానాడును రూపుదిద్దారు.. టీడీపీ వ్యవస్థాపకుడు ఎన్టీఆర్‌.. ఇప్పుడా పరిస్థితి లేదు.. మహానాడు అంటేనే ఆత్మస్తుతి.. పరనింద.. ఈసారి కూడా అంతే.. కాకపోతే స్తుతి మారుతోంది. చంద్రబాబుతో పాటు లోకేష్‌ భజన స్తుతి తారస్థాయికి చేరనుంది.
 
 ఫ్లెక్సీలు, బ్యానర్లతోనే మొదలైన చినబాబు భజన.. మూడురోజుల పాటు మహానాడు ప్రాంగణాన్ని మోతెక్కించనుంది.. ఇప్పటికే పార్టీ వ్యవస్థాపకుడు ఎన్టీఆర్‌కు మించి లోకేష్‌ ఫొటోలతో మహానాడు ప్రాంగణం, ఏయూ పరిసరాలు, విశాఖ నగర వీధులను పార్టీ శ్రేణులు నింపేశాయి. ఎన్‌టిఆర్‌ పుట్టినరోజు పురస్కరించుకుని మే 28కి ముందు రోజు, తర్వాతి రోజు వెరసి మూడురోజులు పార్టీ పండగలా 35 ఏళ్ల కిందట మొదలైన మహానాడు.. ఇప్పుడు మంత్రి  లోకేష్‌ బాబు భజనకు వేదికగా మారుతోందనేది పార్టీ శ్రేణులే అంగీకరిస్తున్న వాస్తవం.
 
 విశాఖపట్నం: ఆంధ్ర విశ్వవిద్యాలయ ప్రాంగణంలో వివాదాల నడుమ మహానాడు నిర్వహణకు రంగం సిద్ధమైంది. శనివారం నుంచి సోమవారం వరకు మూడు రోజుల పాటు జరిగే అధికార పార్టీ పండుగకు ఏయూతో పాటు నగరం ముస్తాబమవుతోంది. తెలుగుదేశం ఆవిర్భావం నుంచి ఇప్పటివరకు జరిగిన 35 మహానాడుల్లో  రెండుసార్లు విశాఖ వేదికైంది. 1983లో ఎన్‌టి రామారావు పార్టీ స్థాపించిన తర్వాత మలి ఏడాది 1984లో   మహానాడును విశాఖలోనే నిర్వహించారు. ఆ తర్వాత 2002లో  చంద్రబాబు సీఎంగా, పార్టీ అధ్యక్షుడిగానూ ఉన్న  కాలంలో విశాఖ పోర్టు స్డేడియంలో మహానాడు  జరిగింది. పదిహేనేళ్ల తరా>్వత ఇప్పుడు మూడోసారి మహానాడుకు విశాఖ వేదికైంది.
 
 ఈ 36వ మహానాడు ప్రత్యేకత చంద్రబాబు తనయుడు, మంత్రి లోకేష్‌ బాబుకు  భజన చేయడమేనన్న వాదనలు స్వయంగా ఆ పార్టీ వర్గాల నుంచే వినిపిస్తున్నాయి. పార్టీలోనూ ప్రభుత్వంలోనూ ఇప్పటికే పెత్తనం సాగిస్తున్న లోకేష్‌ను ఈ మహానాడు వేదికగా మరింత మోసేసేందుకు రంగం సిద్ధమైంది. ఈ క్రమంలోనే  మహానాడు వేదికైన ఏయూ ప్రాంగణం మొత్తం లోకేష్‌ ఫ్లెక్సీలతో నిండిపోయింది. నగరంలోనూ, చుట్టుపక్కల ప్రాంతాల్లోనూ ఏర్పాటు చేస్తున్న బ్యానర్లలో ఆయన ఫొటోలే
 ప్రముఖంగా కనిపిస్తున్నాయి.
 
 బాలయ్య ఫొటోల్లేవ్‌
 పదిహేనేళ్లుగా టీడీపీ బ్యానర్లలో చంద్రబాబుతో పాటు పార్టీ వ్యవస్థాపకుడు ఎన్టీఆర్‌ ఫొటోలే ఎక్కువగా కనిపించేవి. ఆ తర్వాత
 ఎన్టీఆర్‌ అంత కాకపోయినా, ఆయన తనయుడు సినీనటుడు బాలకృష్ణ ఫొటోలను టీడీపీ బ్యానర్లలో అభిమానులు ముద్రించే వారు. అయితే ఈ మహానాడుకు పరిస్థితి మొత్తం మారిపోయింది. విశాఖ తూర్పు ఎమ్మెల్యే వెలగపూడి రామకృష్ణబాబు పెట్టిన ఫ్లెక్సీల్లో తప్పించి ఎక్కడా బాలకృష్ణ ఫొటో మచ్చుకి కూడా కనిపించడం లేదు. పార్టీ వ్యవస్థాపకుడు ఎన్టీఆర్‌ ఫొటోలు కూడా తగ్గిపోయాయి.. ఆయన స్థానాన్ని లోకేష్‌ ఫొటోలు ఆక్రమించాయి. ప్రతి బ్యానర్‌లోనూ లోకేష్‌ ఫొటో కచ్చితంగా పెట్టాలని, అది కూడా ప్రముఖంగా కనబడాలని పార్టీ పెద్దల నుంచి మౌఖిక ఆదేశాలు వచ్చాయని జిల్లా టీడీపీ నాయకుడొకరు చెప్పుకొచ్చారు.
 
 ఆ మూడు రోజూలూ అదే జపం
 పార్టీ సంస్థాగత నిర్మాణం, నియోజకవర్గాల్లో పార్టీ పరిస్థితి,  ప్రజల్లో పార్టీ పట్ల ఏ మేరకు అభిమానముంది.. భవిష్యత్‌ ప్రణాళికలపై తీర్మానాలు చేయడమే  ప్రధాన ఎజెండాగా ఎన్టీఆర్‌ హయాంలో మహానాడు పురుడుపోసుకుంది. ఆయన
 హయాంలో జరిగిన మహానాడులకు కేవలం టీడీపీ నేతలనే పరిమితం చేయకుండా జాతీయ స్థాయిలో భావసారూప్య
 పార్టీల పెద్దలను ఆహ్వానించే వారు. కానీ చంద్రబాబు హయాం వచ్చిన తర్వాత మహానాడు కేవలం బాబు భాజా భజంత్రీలకే పరిమితమైందన్న వాదనలు ఉన్నాయి. ఆత్మస్తుతి.. పరనిందలతో బాబు గంటలకొద్దీ మాట్లాడటం.. ఆ తర్వాత ఆయన్ను
 పొగడ్తలతో ముంచెత్తుతూ నేతలు ప్రసంగించడం.. ఇదే మహానాడు ఆనవాయితీగా మారింది.  ఇప్పుడూ అదే ఆనవాయితీ కొనసాగనుంది. కాకుంటే చంద్రబాబు కంటే కూడా ఈసారి లోకేష్‌ బాబును ప్రమోట్‌ చేయడమే లక్ష్యంగా మహానాడు సమావేశాలు ఉంటాయని తెలుస్తోంది.
 
 లోకేష్‌ ప్రసంగాలపై గుబులు
 ఇప్పటికే ఎన్నోసార్లు.. లోకేష్‌ బాబు పరిపక్వత లేని ప్రసంగాలు, అనర్ధపు మాటలతో తలపట్టుకుంటున్న టీడీపీ నేతలకు మహానాడులో లోకేష్‌ ఏం ప్రసంగించేస్తారోననే గుబులు పట్టుకుంది. మహానాడు అంటేనే గంటల తరబడి ప్రసంగాలు.. పైగా లోకేష్‌ మంత్రి అయిన తర్వాత జరిగే తొలి మహానాడులో ఆయన ఏం మాట్లాడతారు.. ఎటువంటి  అచ్చుతప్పులు మాట్లాడి నవ్వులపాలవుతారోనంటూ టీడీపీ పెద్దలు అప్పుడే అంతర్మధనంలో ఉన్నారు.


 ► నియోజకవర్గం వైపుకన్నెత్తి చూడని ఎమ్మెల్యే
 ► సమస్యలు వెల్లువెత్తినా అడుగు పెట్టనివైనం!   
 ► మరో 40రోజులు షూటింగ్‌లో బిజిబిజీ..
 ఎమ్మెల్యే వస్తారన్న ఆశలు వదులుకున్న ప్రజలు?
 
 హిందూపురం అర్బన్‌: నియోజక వర్గంలో కాలు పెట్టక దాదాపు ఎనిమిది నెలలు అవుతోంది. ఇంతకాలం రాకుండా కాలం గడిపిన ఏకైక ఎమ్మెల్యే బాలకృష్ణ కావచ్చు. ఇటూ ప్రజలకు.. అటూ పార్టీలో ఎన్ని సమస్యలు, అవంతరాలు వచ్చినా నియోజకవర్గం వైపు కన్నెత్తి చూడకుండ బాలయ్య చరిత్ర సృష్టంచారని చెప్పుకోవచ్చు. పట్టణంలో ప్రజలు తాగు నీటికోసం ఇబ్బందులు పడుతున్న ఏం జరుగుతోందని ఇటూ వైపు రాలేదు. బాలకృష్ణ ఎమ్మెల్యే గా గెలిచినప్పటి నుంచి ప్రతినిధ్యం వహించిన నియోజక వర్గానికి వచ్చి వెళ్లిన రోజలు వేళ్ల పై లెక్కపెట్టవచ్చు. ఆయన ఎప్పుడు వచ్చినా పోలీసులు, నాయకుల హడవుడి ఆర్భాటాలుగా ప్రారంభోత్సవాలు, రోడ్డుషోలే తప్ప ప్రజల చెంతకు వచ్చి ప్రజల కష్ట సుఖాలను అడిగి తెలుసుకున్న దాఖలాలు లేవు. ఇక్కడి ప్రజలు ఎమ్మెల్యే వస్తారన్న ఆశలు వదులుకున్నారు.
 
 ఎన్ని పరిణామాలు జరిగినా:
 
 నియోజక వర్గంలో జనవరి నెలలో పదిరోజులు ప్రభుత్వం ప్రతిష్టాత్మకంగా నిర్వహించిన జన్మభూమి కార్యక్రమాల్లో బాలకృష్ణ పాల్లొంటారని నాయకలు చెప్పారు. ప్రజలు తమ వినతులను నేరుగా ఎమ్మెల్యేకి చెబుతామని ఎంతో ఆశతో ప్రజలు ఎదురుచూశారు. అయినా వారి ఆశలు ఫలించలేదు. తర్వాత జనవరి 23వ తేది నీటి ఎద్దడి పై జాతీయ కరువు బృందం పర్యటించింది. ఇతన నియోజకవర్గాల నుంచి ఎమ్మల్యేలు తమ అభ్యర్ధనలు కరువు బృందానికి అందించారు. కానీ బాలకృష్ణ ఇటూవైపు రాలేదు. జనవరి 29 తేది నుంచి టీడీపీలో అసమ్మతి సెగలు పుట్టాయి. మాజీ ఎమ్మెల్యే సీసీ వెంకటరాముడు, అంబికా లక్ష్మినారాయణలు ఎమ్మెల్యే పీఏ శేఖర్‌పై తిరుగుబాటు బావుటా ఎగురవేశారు.
 
 అనేక సమావేశాలు నిర్వహించి పార్టీకి అల్టిమేటం ఇచ్చారు.  ఈ సమావేశాలు, వర్గబేధాలు నియోజలవర్గంలోనే కాకుండా జిల్లాలోనే చర్చనీయంశంగా మారాయి.కర్నాటక సరిహద్దులో అసమ్మతి నాయకులు సమావేశాలు చేసి ముకుమ్మడి రాజీనామాలకు సై అన్నారు. ఎమ్మెల్యే ఇక్కడి రాకపోగా పార్టీ పరిశీలకులుగా కృష్ణమూర్తి పంపినా ప్రయోజనం లేకపోయింది. చివరకు ఫ్రిబవరి 28వతేదిన ఎమ్మెల్యే బాలకృష్ణ అసమ్మతినాయకులను హైదరాబాద్‌కు పిలిపించి చర్చించి శేఖర్‌ను తొలగిస్తామని చెప్పి పార్టీనుంచి బహిష్కరించిన కొందరు నాయకులకు తిరిగీ సభ్యత్వం ఇచ్చారు.
 
 
 పార్టీలో కొంత స్తబ్దత
 వెనువెంటనే వేసవి ప్రారంభంలోనే పట్టణంలో నీటిటిసమస్య మొదలైంది. ఇదే తరుణంలో మున్సిపల్‌ చైర్‌పర్సన్, కమిషనర్‌ మధ్య వివాదాలు పొడచూపాయి. నీటిసమస్య తెరపైకి వచ్చి తీవ్రరూపం దాల్చినా ఎమ్మెల్యే బాలకృష్ణ ఇటూ రాలేకపోయారు. మార్చి 29వ తేదిన ఉగాది పండుగకు లేపాక్షి ఆలయానికి ఎమ్మెల్యే బాలకృష్ణ వస్తారని ప్రచారం జరిగినా ఆయన రాలేదు. ఏప్రిల్‌ 9వతేదిన తోమ్మిదోవార్డు ఉప ఎన్నికలు జరిగాయి. ఈ సమయంలో తప్పకుండ వస్తారని భావించినా తిరిగి చూడలేదు. ఏప్రిల్‌ 17వతేదిన సీపీఐ రాష్ట్ర కార్యదర్శి రామకృష్ణ ఆద్వర్యంలో òనీటిసమస్యపై పెద్ద ఎత్తున ధర్నా చేపట్టారు.
 
  జిల్లాకు విచ్చేసిన సీఎం చంద్రబాబు అదికారులు, పాలకులతో చర్చించి నీటిసమస్యను పరిష్కరించాలని ఆదేశాలు జారీచేశారు.  నియోజకవర్గంలో ఇంత గందరగోళం జరుగుతున్నా ఎమ్మెల్యే బాలకృష్ణ మాత్రం హిందూపురంలో అడుగు కూడా పెట్టలేదు. తర్వాత మే 6 వతేదిన కూల్చివేసిన కూరగాయల మార్కెట్‌ పునరుద్దరించాలని వైఎస్సార్‌సీపీ మరోసారి ధర్నాకు పిలుపునివ్వడంతో వైఎస్సార్‌సీపీ సమన్వయకర్త నవీన్‌నిశ్చల్‌ ఇంటివద్ద పోలీసులను మోహరించి గృహనిర్భద్ధం చేయడంతో చర్చనీయంశంగా మారింది. మే 10వతేదిన బాలకృష్ణ వచ్చి మార్కెట్‌ నిర్మాణానికి భూమిపూజ చేస్తున్నారని అందుకే వైఎస్సార్‌సీపీ నాయకులు ఆందోళనలు చేస్తున్నారని టీడీపీ నాయకులు విమర్శించారే గానీ ఇంతవరకు మార్కెట్‌ నిర్మాణానికి ప్రభుత్వం నుంచి జీవో కూడా విడుదలకాలేదు.
 
 మీనీ మహానాడు కూడా హాజరు కాని ఎమ్మెల్యే:
 టీడీపీ ప్రతిష్టాత్మాకంగా చేపడుతున్న మీనీ మహానాడు సభల్లో అన్నిచోట్ల నియోజకవర్గాల్లో టీడీపీ ఎమ్మెల్యేల ఆధ్వర్యంలో జరిగాయి. అయితే ఈ కార్యక్రమాన్ని హిందుపురంలో చివరకు చేపట్టారు.  అయినా ఈ సమావేశానికి కూడా బాలకృష్ణ హాజరు కాలేదు. ఈ సభకు కొందరు కూడా ముఖ్య నాయకులు హాజరుకాలేదు. మండలాల నుంచి కొందరు కూడా ప్రజా ప్రతినిధులు రాలేదు. దీంతో పార్టీలో విభేదాలు పూర్తిగా సమిసిపోలేదని స్పష్టమైంది. ప్రజలే కాకుండా పార్టీనాయకులు, కార్యకర్తలు కూడా ఎమ్మల్యే వస్తారన్న ఆశలు వదులుకున్నారు.
 
 మరో40 రోజలు బాలయ్య బిజిబిజీ :
 ఎమ్మల్యే బాలకృష్ణ హిందూపురంకు వస్తున్నారని భారీగా పోస్టర్లు, బ్యానర్లు కట్టరేగానీ ఇంతవరకూ ఎమ్మెల్యే జాడేలేదు. కొత్త సినిమా షూటింగ్‌కు విదేశీ టూర్‌కు వెళ్లరని చెప్పడంతో వస్తారన్న ఆశలు నీరు గారిపోయాయి. సినిమా షూటింగ్‌ పూర్తి కావటానికి దాదాపు 40 రోజులు పట్టవచ్చని నాయకులు చెప్పుకుంటున్నారు. దీంతో ఎమ్మెల్యే రాక మరో నెల రోజులు పడుతుందని తెలుస్తోంది. దీంతో ఎనిమిది నెలలు నియోజకవర్గం ముఖం చూడని ఎమ్మెల్యేగా చరిత్ర సృష్టించే ఘనత బాలయ్యకు దక్కుతుంది.


 హాజరుకానున్న ఏపీ సీఎం చంద్రబాబు
 
 సాక్షి, హైదరాబాద్‌: ఈ నెల 24 (బుధవారం)న హైదరాబాద్‌లోని ఎగ్జిబిషన్‌ గ్రౌండులో తెలంగాణ టీడీపీ మహానాడు జరగనుంది. టీడీపీ జాతీయ అధ్యక్షుడు, ఆంధ్రప్రదేశ్‌ ముఖ్యమంత్రి చంద్రబాబు నాయుడు కార్యక్రమానికి హాజరు కానున్నారు. ఈ నెల 27, 28, 29 తేదీల్లో టీడీపీ మహానాడును విశాఖపట్నంలో నిర్వహిస్తున్నారు.
 
 ఈ నేపథ్యంలో తెలంగాణలో ప్రత్యేకంగా మహానాడు నిర్వహించాలని నిర్ణయించిన టీటీడీపీ.. ఈ నెల 24న కార్యక్రమం నిర్వహణకు ఏర్పాట్లు చేస్తోంది. జిల్లాల వారీగా మినీ మహానాడులను టీటీడీపీ ఇప్పటికే పూర్తి చేసింది. కాంగ్రెస్, బీజేపీ దూకుడు పెంచిన నేపథ్యంలో టీడీపీ కూడా ఉనికిని చాటుకోడానికి ఈ మహానాడును ఉపయోగించుకోనుంది.


 ఆరిలోవ/ ఉక్కునగరం: విశాఖలో నిర్వహించనున్న టీడీపీ మహానాడు వేదికగా ఏయూ ఇంజినీరింగ్‌ గ్రౌండ్‌ను ఖరారు చేశారు. తొలుత  మంత్రుల బృందం హనుమంతవాక, ముడసర్లోవ, ఏయూ ఇంజినీరింగ్‌ గ్రౌండ్, స్టీల్‌ప్లాంట్‌ ప్రాంతాలలో అనుకూలమైన స్థల పరిశీలన చేశారు. అన్ని విధాలుగా అనుకూలంగా ఉంటుందని ఏయూ గ్రౌండ్‌ను ఖరారు చేశారు.
 
 పార్టీ అధ్యక్షుడు కిమిడి కళావెంకట్రావు ఆధ్వర్యంలో హోం మంత్రి నిమ్మకాయల చినరాజప్ప, మంత్రులు గంటా శ్రీనివాసరావు, చింతకాయల అయ్యన్నపాత్రుడు, ఎంపీ ముత్తంశెట్టి శ్రీనివాసరావు, పలువురు ఎమ్మెల్యేలు పాల్గొన్నారు.


 టీడీపీ రాష్ట్ర అధ్యక్షుడు కళా వెంకట్రావు
 
 సాక్షి, విశాఖపట్నం: తెలుగుదేశం పార్టీ మహానాడును ఈనెల 27 నుంచి మూడు రోజులపాటు విశాఖలో నిర్వహించనున్నట్టు ఆ పార్టీ రాష్ట్ర అధ్యక్షుడు కిమిడి కళా వెంకట్రావు తెలిపారు. విశాఖ ఆంధ్ర విశ్వవిద్యాలయం ఇంజనీరింగ్‌ కళాశాల మైదానాన్ని వేదికగా ఎంపిక చేశామన్నారు. సోమవారం విశాఖలో ఆయన విలేకరులతో మాట్లాడారు.


 టీడీపీ కార్యదర్శి టీడీ జనార్ధన్‌ వెల్లడి
 
 సాక్షి, అమరావతి: విశాఖపట్నంలో మహానాడు నిర్వహించాలని తెలుగుదేశం పార్టీ నిర్ణయించింది.  ఇక్కడ మే 27, 28, 29 తేదీల్లో మహానాడు నిర్వహించనున్నట్టు టీడీపీ కార్యదర్శి, ఎమ్మెల్సీ టీడీ జనార్ధన్‌ తెలిపారు. సోమవారం గుంటూరులోని పార్టీ కార్యాలయంలో ఆయన విలేకరులతో మాట్లాడారు.
 
 ప్రస్తుతం మండల కమిటీల ఏర్పాటు జరుగుతోందని ఆ తర్వాత జిల్లా, రాష్ట్ర కమిటీ ఎన్నిక జరుగుతుందని చెప్పారు. కాగా ఎన్టీఆర్‌ జన్మదినోత్సవం పురస్కరించుకుని మహానాడును జరుపుకోవడం ఆనవాయితీగా వస్తోందని పేర్కొన్నారు.


 13వ తేదీన ఎన్టీఆర్ భవన్‌లో వర్క్‌షాప్: రావుల
 సాక్షి, హైదరాబాద్: ఇటీవల జరిగిన తెలుగుదేశం పార్టీ మహానాడులో చేసిన తీర్మానాలపై చర్చించి కార్యాచరణ ప్రణాళికను రూపొందించడానికి ఈ నెల 13న హైదరాబాద్‌లోని ఎన్టీఆర్ భవన్‌లో వర్క్‌షాప్‌ను నిర్వహించనున్నట్లు టీటీడీపీ నేత రావుల చంద్రశేఖర్ రెడ్డి తెలిపారు. టీటీడీపీ అధ్యక్షుడు ఎల్.రమణ ఆధ్వర్యంలో బుధవారం పార్టీ సమావేశం జరిగినట్లు ఆయన వెల్లడించారు. ఈ సందర్భంగా రావుల సమావేశ వివరాల్ని మీడియాకు తెలిపారు. జిల్లాల మహానాడుల్లో చేసిన తీర్మానాలు, తిరుపతిలో జరిగిన మహానాడులో తెలంగాణపై చేసిన తీర్మానాలపై ఈ వర్క్‌షాప్‌లో చర్చిస్తామని ఆయన చెప్పారు.
 జేఏసీ చైర్మన్ ప్రొఫెసర్ కోదండరాంపై టీఆర్‌ఎస్ నేతలు చేస్తున్న విమర్శలను ఖండిస్తున్నామన్నారు. టీఆర్‌ఎస్ ప్రభుత్వాన్ని విమర్శించిన వారిని తెలంగాణ ద్రోహులుగా చిత్రీకరించే ప్రయత్నం చేస్తున్నారన్నారు. విద్యుత్‌పై వాస్తవాలు చెప్పిన విద్యుత్ ఉద్యోగుల జేఏసీ నేత రఘును అగౌరవ పరుస్తున్నారని తెలిపారు. 12 మంది మంత్రులు ఒకే అంశంపై మాట్లాడిన సందర్భం గతంలో ఎన్నడూ లేదని, చివరకు వారి శాఖల గురించి మాట్లాడని మంత్రులు కూడా స్పందించారంటే కోదండరాం అంశంపై టీఆర్‌ఎస్ భయపడుతోందని అర్థమవుతోందన్నారు. వర్క్‌షాప్‌లో నీటిపారుదల, ప్రభుత్వ హామీలు, ముస్లింలకు 12% రిజర్వేషన్, జీఓ 123 తదితర అంశాలపై కూడా చర్చిస్తామని రావుల తెలిపారు. విలేకరుల సమావేశంలో పార్టీ అధికార ప్రతినిధి దుర్గాప్రసాద్ పాల్గొన్నారు.


  రామసముద్రం: తిరుపతిలో జరిగిన టీడీపీ మహానాడు కార్యక్రమంలో అవినీతిని క్రమబద్ధీకరించే తీర్మానం చేయాల్సి ఉండగా, సీఎం చంద్రబాబు మరిచారని మదనపల్లె ఎమ్మెల్యే డాక్టర్ దేశాయ్ తిప్పారెడ్డి ఆరోపించారు. బుధవారం ఆయన రామసముద్రం మండలంలోని జంగాలపల్లె, ఆర్.కమతంపల్లె గ్రామాల్లో పర్యటిం చారు. ఎమ్మెల్యే విలేకరులతో మాట్లాడారు. మహానాడు నిర్వహణ వ్యయం రూ.100 కోట్లతో ఒక నియోజకవర్గం ఎంతో అభివృద్ధి చెందేదన్నారు. టీడీపీ ప్రభుత్వం కార్యకర్తల అవినీతిని ప్రోత్సహిస్తూ, నిజాయితీపరులమని గొప్పలు చెప్పుకోవడం దారుణమన్నారు. నీరు-చెట్టు, జన్మభూమి కమిటీ సభ్యులకే పనులు, ఆ పార్టీ కార్యకర్తలకే ప్రభుత్వ పథకాలు అందించడం అవినీతి కాదా అని ప్రశ్నించారు. 
 
 
 ముఖ్యమంత్రి స్థానంలో ఉండి వివక్షత చూపితే ప్రజలు తరిమికొడతారన్నారు. ప్రత్యేకహోదా, అక్రమ ప్రాజెక్టుల నిర్మాణాల ఊసే లేకుండా మహానాడు ముగించడం రాష్ట్ర ప్రజలు చేసుకున్న పాపమన్నారు. ఓటుకు నోటు కేసుకు భయపడి చంద్రబాబు వాటిపై చర్యలు తీసుకోవడం లేదన్నారు. మహానాడులో తనను తాను పొగుడుకోవడం... ప్రతిపక్ష నేత వైఎస్ జగన్‌మోహన్‌రెడ్డిని విమర్శించడం తప్ప ప్రజలకు ఒరిగిందేమీ లేదన్నారు. జెడ్పీటీసీ సీహెచ్.రామచంద్రారెడ్డి, సర్పంచు వెంకటప్ప, ఎంపీటీసీలు గంగప్ప, శంకర తదితరులు పాల్గొన్నారు.
  
  


 మహానాడుపై వైఎస్‌ఆర్ సీపీ నేతల ధ్వజం
 శ్రీకాకుళం అర్బన్: తిరుపతిలో తెలుగుదేశం పార్టీ నిర్వహించిన మహా నాడు ఓ మాయా వేదిక అని వైఎస్సార్ కాంగ్రెస్ పార్టీ జిల్లా అధికార ప్రతినిధి రొక్కం సూర్యప్రకాశరావు ధ్వజమెత్తారు. శ్రీకాకుళంలోని జిల్లా పార్టీ కార్యాలయంలో సోమవారం ఆయన విలేకరులతో మాట్లాడారు. స్వోత్కర్షలు తప్ప సమస్యల ప్రస్తావన లేదన్నారు. మూడు రోజులూ వైఎస్ జగన్‌మోహన్ రెడ్డిని విమర్శించడానికే సరిపోయిందన్నారు. కరువుపై కనీస చర్చ లేకపోవడం దారుణమన్నారు. గత ఏడాది వైజాగ్‌లో సమీక్ష చేసినప్పుడు రూ.4లక్షల కోట్లు వచ్చాయని చెప్పిన చంద్రబాబు ఇప్పుడు ఆ ఊసెత్తడం లేదన్నారు.
 
 జన్మభూమి కమిటీలను ప్రవేశపెట్టి స్థానిక సంస్థలను నిర్వీర్యం చేస్తున్నారని మండిపడ్డారు. జిల్లాలో అభివృద్ధిలో వెనుక ఉంది కాబట్టే మ హానాడులో అచ్చెన్నాయుడు వెనుకసీటుకు పరిమితమయ్యారని విమర్శిం చారు. సమావేశంలో పార్టీ నేతలు సాధు వైకుంఠరావు, శిమ్మ వెంకట్రావు, ఆర్‌ఆర్ మూర్తి, గుడ్ల మల్లేశ్వరరావు, కొత్తపల్లి నారాయణరావు, సనపల నారాయణరావు, పాలిశెట్టి మధుబాబు తదితరులు పాల్గొన్నారు.
  
 ప్రజలను మోసగించేందుకే...
 శ్రీకాకుళం అర్బన్: ప్రజలను మోసగించేందుకే చంద్రబాబు మహానాడు నిర్వహించారని వైఎస్‌ఆర్ సీపీ యువజన విభాగం జిల్లా అధ్యక్షుడు పేరాడ తిలక్ అన్నారు. ఆయన సోమవారం జిల్లా పార్టీ కార్యాలయంలో విలేకరులతో మా ట్లాడారు. సీఎం స్థాయి వ్యక్తి హిందూ సంప్రదాయానికి వ్యతిరేకంగా మాట్లాడడం తగదన్నారు. కార్యకర్తలు చెప్పినట్లు చేయాలని ఐఏఎస్, ఐపీఎస్‌లను కూడా ఆదేశించడం శోచనీయమన్నారు.
 
 కరువుతో ప్రజలు అల్లాడుతుంటే ఉపా ధి పనులు ఆపేసి టీడీపీ నాయకుల కోసం నీరు-చెట్టు పనులు చేపట్టడం అన్యాయమన్నారు. పార్టీ జిల్లా ప్రధానకార్యదర్శి తిర్లంగి జానకిరామయ్య మాట్లాడుతూ 2014లో నిరుద్యోగ యువతను మోసపూరిత హామీలతో వం చించి వారి ఓట్లను దండుకున్న చంద్రబాబు వారికి ఇచ్చిన హామీలను అమలు చేయడంలో విఫలం చెందారని దుయ్యబట్టారు. సమావేశంలో పార్టీ నేతలు యర్రా చక్రవర్తి, కణితి నారాయణమూర్తి, సత్తారు సత్యం, చిన్ని జోగారావు తదితరులు ఉన్నారు.


 మహానాడులో చంద్రబాబు సుదీర్ఘ ప్రసంగాలు
 తెర వెనుక..ముందూ లోకేష్ హంగామా
 రెండో రోజు నేతలంతా ఎన్టీఆర్  స్మరణ
 ముగిసిన మూడు రోజుల కార్యక్రమాలు
  
 తిరుపతిలో మూడు రోజుల పాటు నిర్వహించిన టీడీపీ మహానాడులో పార్టీ అధినేత చంద్రబాబు, ఆయన తనయుడు లోకేష్ అంతా తామే అన్నట్లు వ్యవహరించారు. మూడు రోజులూ చంద్రబాబు సుదీర్ఘ ఉపన్యాసాలు ఇచ్చారు. ఆద్యం తం లోకేష్ హడావుడి కనిపించింది. స్టేజీ నిర్మా ణం నుంచి మైకు వరకు ప్రత్యక్షంగాను, పరోక్షంగానూ హంగామా చేశారు.
 
 తిరుపతి :  తెలుగుదేశం పార్టీ  మూడు రోజుల పాటు తిరుపతిలో నిర్వహించిన మహానాడు ఆదివారం సాయంత్రం ముగిసింది. చంద్రబాబు తనయుడు నారా లోకేష్ ఒకరోజు ముందే తిరుపతి చేరుకున్నారు. మహానాడు వేదిక ఏర్పాట్లను పర్యవేక్షించారు. ఇంకా వేగంగా పనులు జరగాలంటూ నేతలపై ఆగ్రహం వ్యక్తం చేశారు. శుక్రవారం మహానాడు ప్రారంభం రోజు నుంచి చివరి రోజు వరకు అధ్యక్షత వహించిన పార్టీ జాతీయ అధ్యక్షుడు చంద్రబాబునాయుడు  గంటల తరబడి ఉపన్యసించారు. చివరి రోజు ఆయన తనయుడు లోకేష్ ఆవేశంగా ప్రసంగించా రు. రెండో రోజు శనివారం ఎన్టీ రామారావు జయంతి కావడంతో ఉదయం నుంచి సాయంత్రం వరకు ప్రసంగించిన నాయకులంతా ఎన్టీఆర్ స్మరణ చేశారు.
  
 పార్టీ శ్రేణులకు దిశానిర్దేశం
 ముగింపు సందేశంలో జాతీయ అధ్యక్షుడు చంద్రబాబు పార్టీ శ్రేణులకు దిశా నిర్దేశం చేశారు. మహానాడు నిర్వహణలో కీలకంగా వ్యవహరించిన జిల్లా నాయకులను ప్రత్యేకంగా అభినందించారు. జిల్లాకు చెందిన 1000 మంది కార్యకర్తలు పార్టీ జిల్లా కన్వీనర్ గౌనివారి శ్రీనివాసులు పర్యవేక్షణలో ఉత్తమ సేవలను అందించారని ప్రశంసించారు.  తిరుపతి నగరాన్ని మరింత అభివృద్ధి పరుస్తామని హామీ ఇచ్చారు.
  
 28 తీర్మానాలకు ఆమోదం
 మూడు రోజుల మహానాడులో ఏపీ, తెలంగాణ రాష్ట్రాలకు చెందిన 28 తీర్మానాలకు పార్టీ నేతలు ఏకగ్రీవంగా ఆమోదం తెలిపారు. ఇందులో 146 మంది నాయకులు, కార్యకర్తలు భాగస్వాములయ్యారు. ఆదివారం తెలంగాణకు చెందిన మూడు కీలక తీర్మానాలను బలపరిచే క్రమంలో ఆ రాష్ట్రం నుంచి హాజరైన రేవంత్‌రెడ్డి, ఎల్.రమణ పార్టీ కార్యకర్తలనుద్దేశించి ప్రసంగించారు.  తెలంగాణ రాష్ట్రంలో కేసీఆర్ పాలన అధ్వానంగా ఉందనీ, అక్కడ శాంతిభద్రతలు గాడితప్పి మహిళలకు పూర్తిగా రక్షణ లేకుండా పోయిందని టీటీడీపీ నేతలు పలువురు కేసీఆర్‌పై ధ్వజమెత్తారు.
  
 మొత్తం విరాళాలు రూ.11.55 కోట్లు..
 ఈ మూడు రోజుల్లోనూ పార్టీ కోసం రూ.11.55 కోట్ల విరాళాలు అందినట్లు సీఎం చంద్రబాబు చెప్పారు. మొత్తం 851 మంది కార్యకర్తలు రక్తదానం చేసినట్లు తెలిపారు. 3 వేల మందికి ఎన్టీఆర్ సేవా ట్రస్ట్ ద్వారా వైద్యం అందించినట్లు పార్టీ వర్గాలు తెలిపాయి.
  
 మొరాయించిన మైకులు
 మహానాడులో మూడోరోజు ఆదివారం సభా కార్యక్రమం ప్రారంభం నుంచీ  మైకులు మొరాయించాయి. ‘‘మైకులు సరిగా పనిచేయడం లేదు.. అరిచి అరిచి నా గొంతు పోతుంది. మీకు అర్థం కాదా?’’ అంటూ చంద్రబాబునాయుడు నిర్వాహకులపై మండిపడ్డారు. మైకుల కారణంగా సభను సవ్యంగా జరుపుకోలేని పరిస్థితి తలెత్తిందన్నారు. సాయంత్రం ఆరు గంటల వరకూ కొనసాగిన మహానాడు కార్యక్రమం పార్టీ జిల్లా అధ్యక్షుడు గౌనివారి శ్రీనివాసులు వందన సమర్పణతో ముగిసింది.
  
  


 - దశ, దిశ లేకుండా సాగిన మహానాడు
 - కార్యకర్తలు, నేతల్లో నమ్మకం కలిగించలేకపోయిన వైనం
 
  సాక్షి, హైదరాబాద్: తెలుగుదేశం పార్టీ మహానాడు ఆ పార్టీ అధ్యక్షుడు నారా చంద్రబాబు, ఆయన కుమారుడు లోకేశ్‌ల భజనలకే పరిమితమైంది. కార్యకర్తలు, నాయకులకు దిశా, నిర్దేశం చేయటంతో పాటు, కేంద్రం నుంచి ఎలాంటి సాయం రావటం లేదని ఆందోళన లో ఉన్న ప్రజల్లో భరోసా నింపి, ఆత్మ విశ్వాసం కల్పించటంలో పూర్తిగా విఫలమైంది. పార్టీ 35వ మహానాడు శుక్రవారం నుంచి ఆదివారం వరకూ  తిరుపతిలో జరిగింది. ఇందులో 28 తీర్మానాలు ఆమోదించారు. 29 గంటలపాటు  చర్చించారు.
 
 ఈ చర్చల సమయం, ప్రారంభ, ముగింపు ఉపన్యాసాలతో కలుపుకుంటే సుమారు 13 గంటలపాటు  చంద్రబాబు ప్రసంగించారు. ఆయన ఏపీ శాసనసభలో ప్రతిపక్షనేత వైఎస్ జగన్‌మోహన్‌రెడ్డి, వైఎస్సార్‌సీపీలను విమర్శించే లక్ష్యంగానే ప్రసంగం కొనసాగించారు. బాబు, లోకేశ్, బాలకృష్ణల ప్రసంగాలు ఎవ్వరినీ ఆకట్టుకోలేదు. మహానాడులో ప్రసంగించిన మొత్తం 146 మంది నేతలు, కార్యకర్తలు చంద్రబాబు, లోకేశ్‌లను పొగిడేందుకు పోటీ పడ్డారు.
 
  తెలంగాణ పార్టీ గోడు గాలికి...: తెలంగాణ టీడీపీ కార్యనిర్వాహక అధ్యక్షుడు రేవంత్‌రెడ్డి ఆ రాష్ర్ట సీఎం కె. చంద్రశేఖరరావును విమర్శిస్తూ చేసిన ప్రసంగానికి మంచి స్పందన వచ్చింది. ఈలలు, కేకలతో మహానాడు ప్రాంగణం మార్మోగింది. తెలంగాణ ప్రాంత నేతలు మీరు భరోసా ఇచ్చి, అండగా ఉంటే పార్టీని అక్కడ బతికి బట్ట కట్టిస్తామని బాబును ప్రాధేయపడినా ఆయన భరోసా ఇవ్వలేదు. మోత్కుపల్లి నర్సింహులు వంటి సీనియర్ నేతలు ప్రశ్నించినా జవాబు లేదు.


 - మహానాడు ముగింపులో సీఎం చంద్రబాబు  
 - 28 తీర్మానాలు ఆమోదం
  
  సాక్షి, చిత్తూరు: రాష్ట్రం అన్ని విధాలా అభివృద్ధి చెంది 2029 నాటికి దేశంలో మొదటి స్థానంలో, 2050 నాటికి ప్రపంచంలోనే గుర్తింపు వచ్చేలా కృషి చేయడమే లక్ష్యంగా పని చేయాలని టీడీపీ అధ్యక్షుడు, ముఖ్యమంత్రి చంద్రబాబునాయుడు పార్టీ శ్రేణులకు పిలుపునిచ్చారు. ఈ లక్ష్యం సాధించాలంటే అప్పటి వరకు అధికారంలోనే ఉండాలన్నారు. తిరుపతిలో నిర్వహించిన మహానాడులో మూడవ రోజు ఆదివారం సాయంత్రం ఆయన ముగింపు సందేశం ఇచ్చారు.
 
 టీడీపీ పాలనపై 80 శాతం ప్రజలు సంతృప్తిగా ఉండాలని.. పార్టీ నేతలు, కార్యకర్తలు అవినీతి జోలికెళ్ల వద్దని సూచించారు. రాష్ట్రంలో గత ఏడాది 10.99 శాతం వృద్ధి నమోదైందని, ఈ ఏడాది ఆ లక్ష్యాన్ని 15 శాతంగా నిర్ణయించామని చెప్పారు. పని చేసిన వారికే గుర్తింపు లభిస్తుందని మొన్న జరిగిన తమిళనాడు, పశ్చిమబెంగాల్ ఎన్నికలు నిరూపించాయన్నారు. అవినీతి పాలన, తప్పిదాల వల్లనే 120 సంవత్సరాల చరిత్ర కలిగిన కాంగ్రెస్ పార్టీ దేశ వ్యాప్తంగా కనుమరుగైందన్నారు. రాష్ట్ర విభజన చట్టంలో పేర్కొన్న హామీలన్నీ కేంద్రం నెరవేర్చాలని ఆయన డిమాండ్ చేశారు.
 
  పేదరికం లేని సమాజమే ధ్యేయం
  పేదరికం లేని సమాజాన్ని నిర్మించడమే ఎన్టీఆర్ లక్ష్యమని, ఆయన ఆశయాన్ని నెరవేర్చడానికి క్రమశిక్షణ గల కార్యకర్తగా పని చేస్తానని ముఖ్యమంత్రి చంద్రబాబు పేర్కొన్నారు. తెలంగాణాలో పార్టీ అభివృద్ధికి అన్ని విధాలా కృషి చేస్తానన్నారు. రాష్ట్రంలో ఆదాయం లేకున్నా మొండి పట్టుదలతో అనేక కార్యక్రమాలు అమలు చేస్తున్నామని వివిధ పథకాలను ఉదహరించారు.
 
  తుని ఘటన ప్రతిపక్షాల కుట్ర
  తుని ఘటన వెనుక ప్రతిపక్షాల కుట్ర దాగి ఉందని ముఖ్యమంత్రి చంద్రబాబు నాయుడు ఆరోపించారు. కులం, మతం పేరిట ప్రజలను విభజించి ప్రజలు, పెట్టుబడిదారుల్లో అభద్రతాభావం పెంపొందించేందుకు ప్రతిపక్షాలు కుట్ర చేస్తున్నాయని ధ్వజమెత్తారు. ఈ ఘటన వెనుక ఎవరు ఉన్నా కఠిన చర్యలు తీసుకుంటామని చెప్పారు.  మైనార్టీల కోసం కడప, విజయవాడలో హజ్‌హౌస్‌లను నిర్మిస్తున్నామన్నారు. విశాఖ జిల్లాలో బాక్సైట్ ఖనిజాన్ని టీడీపీయేతర ప్రభుత్వాలు కార్పొరేట్లకు కట్టబెట్టడానికి యత్నిస్తే అనేక పోరాటాలు చేసి గిరిజన హక్కులను కాపాడామని చెప్పారు.  కాగా, మూడు రోజుల మహానాడులో ఆంధ్ర, తెలంగాణ రాష్ట్రాలకు సంబంధించి మొత్తం 28 తీర్మానాలను ఏకగ్రీవంగా ఆమోదించారు.


 తిరుపతి: తన కుమారుడు నారా లోకేశ్ సలహాతోనే ప్రధాని పదవిని వదులుకున్నానని ఆంధ్రప్రదేశ్ సీఎం చంద్రబాబు నాయుడు తెలిపారు. 1996లో జ్యోతిబసు, తాము భాగస్వాములుగా ఉన్న థర్డ్ ఫ్రంట్ కేంద్రంలో అధికారంలోకి వచ్చినప్పుడు ప్రధాని పదవి చేపట్టాలని సంకీర్ణ నాయకులు తనను కోరారని చంద్రబాబు చెప్పారు. 'అది తాత్కాలిక పదవి' అని తన కుమారుడి చెప్పడంతో పీఎం పోస్టు వదులుకున్నానని వెల్లడించారు.
 
 టీడీపీ మహానాడు సందర్భంగా శనివారం రాత్రి జర్నలిస్టులతో పిచ్చాపాటిగా మాట్లాడుతూ ఈ విషయం చెప్పారు. 'యునైటెట్ ఫ్రంట్ ఏర్పాటుకు మేమెంతో కృషి చేశాం. ప్రధాని పదవికి చేపట్టమని కూటమిలోని చాలా మంది నాయకులు నన్ను కోరారు. కానీ నేను ఒప్పుకోలేదు. జ్యోతిబసు, మరికొంత మంది మరోసారి అడిగారు. అప్పటికి లోకేశ్ తొమ్మిదో, పదో చదువుతున్నాడు. ప్రధాని పదవి చేపట్టవద్దని, అది తాత్కాలిక పదవి అని నాకు సలహాయిచ్చాడు. దాంతో నేను వెనక్కు తగ్గాన'ని చంద్రబాబు వెల్లడించారు.
 
 మహానాడులో లోకేశ్ ను ప్రమోట్ చేసే కార్యక్రమాలు జోరుగా సాగుతున్నాయని జరుగుతున్న ప్రచారానికి చంద్రబాబు వ్యాఖ్యలు ఊతం ఇస్తున్నాయి. లోకేశ్ గురించి మహానాడులో చివరిరోజు ఏదైనా ప్రకటన చేయబోతున్నారా అని ప్రశ్నించగా.. ఆదివారం ఏం జరుగుతుందో ఇప్పుడే చెప్పను. కానీ పార్టీలో ప్రతిభను పోత్సాహిస్తాం' అని చంద్రబాబు సమాధానం ఇచ్చారు.


 ఎన్టీఆర్ మహానుభావుడన్న విషయం అందరికీ తెలుసని, అయితే గతంలో అసెంబ్లీ సాక్షిగా ఆయనను తూలనాడిన చంద్రబాబు ఇప్పుడు మహానాడులో మాత్రం ఎన్టీఆర్‌ గురించి చెప్పడమే విడ్డూరంగా ఉందని వైఎస్ఆర్‌సీపీ సీనియర్ నాయకుడు ధర్మాన ప్రసాదరావు విమర్శించారు. హైదరాబాద్ లోటస్‌పాండ్‌లోని పార్టీ ప్రధాన కార్యాలయంలో ఇతర సీనియర్ నేతలు బొత్స సత్యనారాయణ, గడికోట శ్రీకాంత్‌రెడ్డిలతో కలిసి ఆయన మీడియాతో మాట్లాడారు. ఈ రెండేళ్ల పాలన గురించి చెప్పుకోడానికి ఆయనకు ఏమీ లేదని, అందుకే లేనిది ఉన్నట్లుగా, ఉన్నది లేనట్లుగా చెప్పి ప్రజలను భ్రమల్లోకి నెట్టేస్తున్నారని అన్నారు. మహానాడులో ప్రజల సమస్యల గురించి ఏమైనా చర్చించారా అని ప్రశ్నించారు. రెండేళ్ల పాలనలో చంద్రబాబు అవినీతిని వ్యవస్థీకరించారని, రాజ్యాంగ విరుద్ధమైన కిరికిరి కమిటీలు వేసి ప్రజలను బాధ పెడుతున్నారని అన్నారు.
 
 కమీషన్లకు కక్కుర్తి పడి పోలవరం ప్రాజెక్టును పక్కన పెట్టి పట్టిసీమను పట్టుకున్నారని విమర్శించారు. ఐదు నెలలుగా ఆరోగ్యశ్రీ డబ్బులు అందడం లేదని, విద్యార్థులకు ఫీజు రీయింబర్స్‌మెంట్ కూడా లేదని అన్నారు. ఆస్పత్రులలో వైద్య సదుపాయాలు అంతంతమాత్రంగానే ఉన్నాయన్నారు. ఇలాంటి పరిస్థితుల్లో వాటిని పట్టించుకోవాల్సింది పోయి.. ఎమ్మెల్యేలను కొనుగోలు చేయాలనే ఆలోచన దుర్మార్గమని ధర్మాన ప్రసాదరావు చెప్పారు. నదులను అనుసంధానం చేశానంటున్న చంద్రబాబును చూసి ఇరిగేషన్ నిపుణులు నవ్వుకుంటున్నారని ఎద్దేవా చేశారు. రైతులు మళ్లీ వడ్డీలకు అప్పులు తెచ్చుకునే పరిస్థితి కల్పించనది చంద్రబాబేనని ధర్మాన విమర్శించారు.


 తిరుమల: తిరుమల కొండకు టీడీపీ నాయకుల రాకతో సామాన్యులకు తీవ్ర ఇబ్బందులు ఎదుర్కొంటున్నారు. టీడీపీ మహానాడుకు తరలివచ్చిన మంత్రులు, ఎమ్మెల్యేలు, ఇతర నాయకులు పనిలోపనిగా తిరుమల దర్శనానికి క్యూ కడుతున్నారు. దీంతో తిరుపతిలో, తిరుమలలో భక్తులకు వసతి కరువైంది. శనివారం హోంమంత్రి చిన్నరాజప్పతోపాటు మంత్రులు అయ్యన్నపాత్రుడు, పరిటాల సునీత, పీతల సుజాత, ఎంపీలు నాని, మురళీమోహన్ తదితరులు స్వామివారిని దర్శించుకున్నారు.
  
 వేసవి సెలవులు ముగుస్తుండడం, త్వరలో పాఠశాలల తిరిగి ప్రారంభం కానున్న నేపథ్యంలో తిరుమలలో భక్తుల రద్దీ కొనసాగుతోంది. స్వామి వారి సర్వదర్శనానికి 30 గంటలు, నడకదారి భక్తులకు 24 గంటల సమయం పడుతోంది. అన్ని కంపార్ట్‌మెంట్లూ భక్తులతో నిండిపోగా... బయట కూడా బారులు తీరారు. దీంతో వెలుపల ఉన్న భక్తులను మాడ వీధుల్లోని గ్యాలరీల్లో కూర్చోబెట్టారు.


  వైఎస్సార్ కాంగ్రెస్ పార్టీ అధికార ప్రతినిధి భూమన
 
  సాక్షి,హైదరాబాద్‌: టీడీపీ మహానాడు..తమ అధినేత వైఎస్ జగన్, ఆయన కుటుంబంపై విమర్శలు చేయడానికే నిర్వహిస్తున్నట్లు ఉందిగానీ, ప్రజలకిచ్చిన హామీల అమలు, గడిచిన రెండేళ్లలో ఆ పార్టీ తప్పొప్పులపై చర్చించుకోవడానికి కాదన్నట్లు ఉందని వైఎస్సార్ కాంగ్రెస్ పార్టీ అధికార ప్రతినిధి భూమన కరుణాకరరెడ్డి మండిపడ్డారు.శుక్రవారం హైదరాబాద్‌లోని పార్టీ కార్యాలయంలో ఆయన విలేకరులతో మాట్లాడారు. ప్రభుత్వంలోని వారు అవినీతికి పాల్పడుతుంటే వాటిని ప్రశ్నించిన వారిని అభివృద్ధి నిరోధకులంటూ సీఎం చంద్రబాబు, టీడీపీ నేతలు ప్రచారం చేయడం విడ్డూరమన్నారు. ‘వేంకటేశ్వరస్వామి సాక్షిగా తిరుపతి ఎన్నికల సభలో అనేక వాగ్దానాలు చేశారు.  దానిపై చర్చలేదు. విభజన సమయంలో రాష్ట్రానికిచ్చిన హామీలు ఎంత వరకు నెరవేరాయి.అన్న దానిపైనా ప్రస్తావనే లేదు.
 
 రైతులకు రుణ మాఫీ ప్రకటనను రెండేళ్లుగా తీర్చలేకపోయారు. డ్వాక్రా మహిళలకు రుణాల రద్దు వాగ్దానం అమలుపైనా మహానాడులో ఒక్క మాట లేదు’ అని తూర్పారపట్టారు.అమరావతి పరిసరాల్లో భూములు కొని రియల్‌ఎస్టేట్ వ్యాపారం చేసుకుంటున్న టీడీపీ నేతల అవినీతిని మాత్రమే ైవె ఎస్సార్‌సీపీ తప్పుపడుతోంది తప్ప.. రాజధానికి తమ పార్టీ వ్యతిరేకం కాదన్నారు. హైదరాబాద్ రింగురోడ్డు విషయంలో వైఎస్ రాజశేఖర్‌రెడ్డి సీబీఐ విచారణకు ఆదేశించి తప్పులేదని నిరూపించుకున్న తీరునే నేతల భూ కొనుగోళ్లపై విచారణకు చంద్రబాబు సిద్ధపడాలన్నారు.
 
  సిగ్గులజ్జా ఉంటే విచారణ జరిపించు..: తుని సంఘటనపై జగన్‌మోహన్‌రెడ్డి మీద ఆరోపణలు చేస్తున్నారు. దమ్ము ధైర్యం, సిగ్గు లజ్జా ఉంటే సీబీఐతోనో సిట్టింగ్ జడ్జితోనో విచారణ జరిపించాలని భూమన సవాల్ విసిరారు.
 
  పరిటాల కేసు నిందితులను అక్కున చేర్చుకుంది బాబేగా..: పరిటాల రవి హత్యకేసులో ఆరోపణలున్న జేసీ దివాకర్‌రెడ్డిని అక్కున చేర్చుకుంది చంద్రబాబు కాదా అని భూమన ప్రశ్నించారు. వైఎస్సార్‌సీపీ ఎమ్మెల్యేలను కొంటానన్న వాగ్దానం చేయకపోయినా చంద్రబాబు దాన్ని అమలు చేస్తున్నారని ఎద్దేవా చేశారు.


 తిరుపతి సిటీ: మహానాడులో పలువురు తెలుగుదేశం పార్టీ నాయకులు సీఎం చంద్రబాబు నాయుడు సమక్షంలో పార్టీకి విరాళాలు ప్రకటించారు. టీటీడీ చైర్మన్ చదలవాడ కృష్ణమూర్తి రూ.25 లక్షలు ప్రకటించారు. టీడీపీ వైద్య ఆరోగ్య విభాగం జిల్లా అధ్యక్షురాలు డాక్టర్ రాళ్లపల్లి సుధారాణి రూ.5 లక్షల చెక్కును సీఎం చంద్రబాబుకు అందజేశారు. పర్వీన్‌బాబీ అనే మైనారిటీ మహిళ రూ.25 లక్షల విలువజేసే స్థలానికి సంబంధించిన డాక్యుమెంట్లను సీఎంకు అందజేశారు.
  
 పార్టీ సభ్యత్వ స్వీకరణ
 మహానాడు కార్యక్రమానికి వచ్చిన ముఖ్యమంత్రి చంద్రబాబు నాయుడు పార్టీ సభ్యత్వం తీసుకున్నారు. అనంతరం గుర్తింపు కార్డు ధరించి లోనికి వెళ్లారు. టీడీపీ జాతీయ ప్రధాన కార్యదర్శి నారా లోకేష్, హిందూపురం ఎమ్మెల్యే, సినీ నటుడు నందమూరి బాలకృష్ణ, పలువురు పార్టీ నేతలు శుక్రవారం పార్టీ సభ్యత్వం స్వీకరించారు. సభ్యత్వం స్వీకరించిన వారిలో కేంద్రమంత్రి సుజనా చౌదరి,  పార్టీ తెలంగాణ  అధ్యక్షుడు మోత్కుపల్లి నరసింహులు, రాజ్యసభ సభ్యుడు సీఎం రమేష్, మంత్రి కొల్లు రవీంధ్ర, పార్టీ జిల్లా అధ్యక్షుడు గౌనివారి శ్రీనివాసులు తదితరులు ఉన్నారు. 
  
 ఫొటో ఎగ్జిబిషన్‌ను ప్రారంభించిన సీఎం
 తెలుగుదేశం పార్టీ వ్యవస్థాపక అధ్యక్షుడు నందమూరి తారకరామారావు రాజకీయ ప్రస్థానానికి సంబంధించిన ఫొటో ఎగ్జిబిషన్‌ను సీఎం చంద్రబాబు ప్రారంభించారు.
  
  


 ⇒తిరుపతిలో ప్రారంభమైన టీడీపీ మహానాడు
 ⇒పెద్దఎత్తున తరలి వచ్చిన   పార్టీ శ్రేణులు
 ⇒ఒకటిన్నర గంటపాటు సీఎం ప్రసంగం
 ⇒సభ్యత్వ నమోదు, ఫొటో ఎగ్జిబిషన్ ప్రారంభం
 ⇒ఉక్కపోతతో నాయకులు,  విలేకరులు విలవిల
 ⇒వార్షిక నివేదికలను  సమర్పించిన ఏపీ, తెలంగాణ ప్రధాన కార్యదర్శులు
 ⇒తిరుపతి ప్రాశస్త్యాన్ని పదేపదే ప్రస్తావించిన సీఎం
  
 తిరుపతిలో శుక్రవారం తెలుగుదేశం పార్టీ మహానాడు సందడిగా ప్రారంభమైంది. ఉదయం 10.30 గంటలకు ప్రాంగణంలోకి ప్రవేశించిన పార్టీ అధ్యక్షుడు, ముఖ్యమంత్రి చంద్రబాబునాయుడు పార్టీ జెండాను ఎగురవేసి 35వ మహానాడును ప్రారంభించారు. మూడ్రోజుల పాటు జరిగే ఈ కార్యక్రమానికి ఆంధ్ర, తెలంగాణ రాష్ట్రాల నుంచి పెద్దఎత్తున నాయకులు, కార్యకర్తలు తరలివచ్చారు. ఉదయం 9 గంటలకు పార్టీ శ్రేణులతో ప్రాంగణం సందడిగా మారింది.       
 
 
 తిరుపతి: రాష్ట్ర విభజన జరిగాక ఆంధ్రప్రదేశ్‌లో టీడీపీ తొలి మహానాడు తిరుపతిలో నిర్వహించడంతో వివిధ జిల్లాల నుంచి పార్టీ శ్రేణులు పెద్ద ఎత్తున తరలి వచ్చాయి. ఉదయం 10.30 - 12 గంటల మధ్య రాహుకాల ఘడియలు ఉండటంతో సీఎం చంద్రబాబునాయుడు ముందుగానే ప్రాంగణంలోకి ప్రవేశించారు. ఈశాన్య భాగాన ఏర్పాటుచేసిన ఎన్టీఆర్ త్రీ ఫొటో ఎగ్జిబిషన్‌ను ప్రారంభించిన బాబు అక్కడి నుంచి నేరుగా రక్తదాన శిబిరంలోకి ప్రవేశించి రక్తదానం చేస్తున్న పార్టీ కార్యకర్తలను పలకరించారు. ఆ తర్వాత పక్కనే ఉన్న సభ్యత్వ నమోదు విభాగాన్ని పరిశీలించి వేదికపైకి చేరుకున్నారు. ఆంధ్రప్రదేశ్, తెలంగాణ రాష్ట్రాల పార్టీ అధ్యక్షులు కళా వెంకటరావు, ఎల్ రమణ, పొలిట్‌బ్యూరో సభ్యులు, నందమూరి బాలకృష్ణలతో కలిసి ఎన్టీఆర్ విగ్రహానికి పూలమాల వేసి నివాళులర్పించారు. ఈ సందర్భంగా ఏడాది కాలంలో అశువులు బాసిన పార్టీ నేతలకు మహానాడు వేదిక ద్వారా సంతాపం తెలియజేశారు.
 
 ఆహ్వానం పలికిన ఎమ్మెల్యే సుగుణమ్మ..
 మహానాడు ప్రాంగణంలో తిరుపతి ఎమ్మెల్యే సుగుణమ్మ సీఎం చంద్రబాబునాయుడుకు స్వాగతం పలికారు. శ్రీవారి చిత్రపటాన్ని అందించారు. అనంతరం ఏపీ, తెలంగాణ రాష్ట్రాల పార్టీ ప్రధాన కార్యదర్శులు వర్ల రామయ్య, అమర్‌నాథ్ వార్షిక నివేదికలను  సమర్పించారు. అనంతరం చంద్రబాబునాయుడు పార్టీ శ్రేణులను ఉద్దేశించి ప్రసంగించారు. తిరుపతికి ఉన్న ప్రాశస్త్యాన్ని వివరించారు. ఎన్టీఆర్ ఇక్కడి నుంచే గెలిచి మహానాడుకు బీజం వేశారన్నారు. భక్తులకు ఇబ్బంది కలుగజేయకుండా ఉండేందుకు టీటీడీ గదులు ఖాళీ చేయాలని కార్యకర్తలకు సూచించారు.
  
 భరించలేని ఉక్కపోత..
 మహానాడు ప్రధాన ప్రాంగణానికి ఎదురుగా ఉన్న కుర్చీలన్నీ 10 గంటలకే నిండిపోయాయి. వివిధ ప్రాంతాల నుంచి వచ్చిన పార్టీ కార్యకర్తలు, నాయకులు ఉక్కపోతతో విలవిల్లాడిపోయారు. మీడియా గ్యాలరీలోని విలేకరుల కోసం ఒక్క కూలర్ కూడా ఏర్పాటు చేయకపోవడంతో వీరి పని కూడా ఇబ్బందికరంగా మారింది.  పర్యవేక్షణ కొరవడిన కారణంగా భోజనాల దగ్గర తొక్కిసలాట చోటుచేసుకుంది. చిత్తూరు ఎంపీ శివప్రసాద్ ఎంతో ఆసక్తిగా సాంస్కృతిక బృందాలను సిద్ధం చేసినప్పటికీ ఆహూతుల నుంచి పెద్దగా స్పందన లభించలేదు. ఒక దశలో ఎంపీ శివప్రసాద్ కూడా తీవ్ర నిరుత్సాహానికి లోనై వేదిక పైనుంచి కిందికి దిగి వెళ్లారు.
  
 సందడంతా బాలయ్యదే
 మహానాడు ప్రారంభ మయ్యే సమయానికి వేదికపైకి చేరుకున్న సినీహీరో నందమూరి బాలకృష్ణ ప్రత్యేక ఆకర్షణగా నిలిచారు. గౌతమీ పుత్ర శాతకర్ణి గెటప్‌లో వచ్చిన బాలకృష్ణ వేదికకు రెండు వైపులా తిరిగి అభిమానులకు అభివాదం చేశారు. పార్టీ జాతీయ ప్రధాన కార్యదర్శి నారా లోకేశ్ స్వయంగా పార్టీ పెద్దలందరినీ కలిసి కరచాలనం చే శారు. ఎన్టీఆర్ తనయుడు నందమూరి హరికృష్ణ, వైఎస్‌ఆర్‌సీపీ నుంచి టీడీపీలో చేరిన ఎమ్మెల్యేలు మహానాడు వేదికపై కనిపించలేదు. కర్నూలు జిల్లా ఎమ్మెల్యే భూమా అఖిలప్రియ ఒక్కరే సీఎంకు అభివాదం చేసి కూర్చున్నారు. ఈ సందర్భంగా మహానాడులో 7 ప్రధాన ముసాయిదా తీర్మానాలను పార్టీ అధిష్టానం తీర్మానించింది. తొలి రోజు మహానాడులో పార్టీ రాష్ట్ర నాయకులు, మంత్రులతో పాటు పార్టీ జిల్లా నాయకులు గౌనివారి శ్రీనివాసులు, ఎమ్మెల్యే సుగుణమ్మ, డీకే సత్యప్రభ, ఎంపీ శివ ప్రసాద్, టీటీడీ చైర్మన్ చదలవాడ కృష్ణమూర్తి, గాలి ముద్దు కృష్ణమనాయుడు తదితరులు పాల్గొన్నారు.


 హైదరాబాద్:  తెలుగుదేశం మహానాడులో చంద్రబాబు మాట్లాడిన తీరులో ప్రజలకు ఇచ్చిన వాగ్ధానాల అమలుపై ఏమాత్రం పశ్చాత్తాపం, నిజాయితీ కనిపించలేదని కాంగ్రెస్ పార్టీ నేత  సి.రామచంద్రయ్య విమర్శించారు. ఆయన శుక్రవారం ఇందిరాభవన్ లో విలేకరులతో మాట్లాడారు. మహానాడు అంటే పార్టీ ప్రజలకు ఏమిచేసిందో..ఇంకా ఏమి చేయాల్సి ఉందో తెలపేది గా ఉండాలన్నారు.  ఎన్నికల్లో ఇచ్చిన హామీలు ఎందుకు అమలు చేయలేని పరిస్థితి తలెత్తిందో సమీక్షించి ప్రజలకు వాస్తవాలను చెప్పి భరోసా ఇస్తారనుకుంటే.. తన తప్పులను ఇతరుల మీద వేస్తూ.. చంద్రబాబు తనను తాను పొగుడుకున్నారని ఎద్దేవా చేశారు. టీడీపీ మౌలిక సిద్దాంతాలను వదిలిపెట్టిందని.. ముఖ్యంగా రైతులను, సామాన్య ప్రజానీకం విషయంలో చంద్రబాబు పూర్తిగా నిర్లక్ష్యం చేసి పెట్టుబడి దారులకు కొమ్ముకాస్తున్నారని మండిపడ్డారు
 
 అదేవిధంగా ఏపీసీసీ ప్రధాన కార్యదర్శి జంగా గౌతమ్ మాట్లాడుతూ.. పరిటాల హత్యకు కారుకులెవరో తేల్చాలన్నారు.  రవి హత్య కేసులో ఆరోపణలు వచ్చిన వారిని టీడీపీలో చేర్చుకుని ఎంపీ గా అవకాశం ఇచ్చిన బాబు పరిటాల అభిమానులకు ఏమి సమాధానం చెబుతారని ప్రశ్నించారు. ప్రజలను తప్పుదోవ పట్టించేందుకు మహానాడు వేదికగా చంద్రబాబు ప్రయత్నించారన్నారు.
 
 గత రెండేళ్ల పాలనలో అవినీతితో తెలుగు ప్రజల దోపిడి పార్టీగా టీడీపీ మారింది కాబట్టే చంద్రబాబుకు మహానాడు పండుగ నాడుగా కనపడిందన్నారు. ఎన్టీఆర్ ను గొప్ప నటుడిగా, దివంగత ముఖ్యమంత్రిగా గౌరవిస్తాం కానీ.. ఆయన ఒక్కడే తెలుగు జాతికి ఏకైక నాయకుడని చెప్పడం తగదని, దీనికి చంద్రబాబు క్షమాపణలు చెప్పాలని ఆయన డిమాండ్ చేశారు.


 - కఠినంగా వ్యహరించిన టీటీడీ..
 - ఒకరితో ఆరుమందికి మించకుండా టికెట్ల కేటాయింపు
 
 తిరుమల: వేసవి సెలవులతో శుక్రవారం తిరుమల శ్రీవారి దర్శనానికి భక్తుల రద్దీ పోటెత్తింది. మరోవైపు తిరుపతిలో తెలుగుదేశం పార్టీ మహానాడుతో తెలుగుతమ్ముళ్లు సందడి పెరిగింది. ఇందుకు హాజరైన మంత్రులు, ఎమ్మెల్యేలు, ఎమ్మెల్సీలు, నేతలు కూడా శ్రీవారి దర్శనానికి క్యూ కట్టారు.  అయితే టీటీడీ అధికారులు మాత్రం కఠినంగా వ్యవహరించారు. కేవలం ప్రోటోకాల్ పరిధిలోకి వచ్చినవారికే టికెట్లు కేటాయించారు.
 ఈరోజు ఉదయం నైవేద్య విరామ సమయంలో శ్రీవారిని దర్శించుకున్నవారిలో ఉపముఖ్యమంత్రి కేఈ కృష్ణమూర్తి, మంత్రులు పల్లె రఘునాథ్‌రెడ్డి, మృణాళిని, దేవినేని ఉమా మహేశ్వరరావు, ఎంపీలు రాయపాటి సాంబశివరావు, అవంతి శ్రీనివాస్, చీఫ్ విప్‌కాల్వ శ్రీనివాస్, విప్ రవికుమార్, ఎమ్మెల్యేలు జ్యోతుల నెహ్రూ, వెంకట సృజన కృష్ణరంగారావు, కాగిత వెంకట్రావు, బొగ్గురమణమూర్తి, గన్నబాబు, బాల వీరాంజనేయులు, దూళిపాటి నరేంద్రకుమార్, ఎమ్మెల్సీలు తిప్పేస్వామి, సోమిరెడ్డి చంద్రమోహన్ రెడ్డితోపాటు పదుల సంఖ్యలో నేతలు ఉన్నారు.
 వీరికి బస, దర్శనం వంటి సపర్యలు చేయటం టీటీడీ అధికారులకు తలకుమించిన భారమైంది. వీరి రద్దీని ముందే ఊహించిన టీటీడీ అధికారులు సిఫారసు లేఖలకు, బ్రేక్ దర్శన టికెట్లు నిలిపేశారు. కేవలం ప్రోటోకాల్ పరిధిలోకి వచ్చే ప్రజాప్రతినిధులు, వారిలో ఒక్కోక్కరి వెంట కేవలం ఆరు మందికి మించకుండా అనుమతించారని టీటీడీ అధికారులు తెలిపారు.
 
 


 ప్రకాశం: టీడీపీ చేస్తోంది మినీ మహానాడు కాదు..మనీ మహానాడు అని వైఎస్ఆర్సీపీ అధికార ప్రతినిధి బత్తుల బ్రహ్మానందరెడ్డి ధ్వజమెత్తారు. రెండేళ్లపాటూ దోచుకున్న డబ్బుతో సంబరాలు చేసుకుంటున్నారని ఆయన మండిపడ్డారు.
 
 లక్షా 80 వేల కోట్లు నిధులిచ్చామని కేంద్రం చెబుతుంటే..చంద్రబాబు మాత్రం కేంద్రం సహకరించడం లేదంటున్నారని తెలిపారు. ప్రతిపక్ష ఎమ్మెల్యేలను సంతలో పశువుల్లా కొంటున్నారని బ్రహ్మానందరెడ్డి అన్నారు.


 తెలుగుదేశం పార్టీలో వర్గ విభేదాలు భగ్గుమన్నాయి. ఏకంగా మహానాడు ప్రాంగణం సాక్షిగా పదవులు, పంపకాల కోసం తెలుగు తమ్ముళ్లు తన్నులాడుకోవడం జిల్లాలో సంచలన ం కలిగించింది. దూషణల పర్వంతో ప్రారంభమైన గొడవ చివరికి ముష్టిఘాతాల వరకు చేరుకోవడంపై ఆ పార్టీ వర్గాలు సైతం విస్మయం వ్యక్తం చేస్తున్నాయి. తిరుపతి నగర పార్టీ నాయకులు వీధికెక్కి మరీ ఘర్షణ పడడంతో పార్టీ పరువు బజారున పడిందని కొందరు ఆగ్రహం వ్యక్తం చేశారు.
  
 తెలుగు తమ్ముళ్లు బాహాబాహికి దిగారు. ఆధిపత్యం కోసం నిన్నటి వరకు ఫిర్యాదుల పర్వంతో అంతర్లీనంగా సాగిన విభేదాలు గురువారం ఏకంగా ఘర్షణకు దారితీసి భగ్గుమన్నాయి. ఏకంగా ఒక వర్గం పోలీసులకు ఫిర్యాదు       చేసే వరకు వ్యవహారం వెళ్లింది.  మహానాడుకు ముందు పార్టీ పరువుతీసేలా తమ్ముళ్లు కొట్లాడుకోవడంపై అధిష్టానం సీరియస్ అయ్యింది.
  
 తిరుపతి సిటీ : తెలుగుదేశం పార్టీ నాయకుల్లో అసంతృప్తి సెగలు తిరుగుబాటుకు దారితీశాయి. మహానాడు వేదిక వద్ద రెండు వర్గాలు పరస్పరం దాడులకు దిగాయి. చివరకు పోలీస్ స్టేషన్లో ఫిర్యాదు చేసుకునేందుకు సిద్ధమయ్యాయి.  ఈ నెల 27 నుంచి మూడ్రోజుల పాటు తిరుపతిలో మహానాడు నిర్వహించాలని పార్టీ అధిష్టానం నిర్ణయించింది. ఇందుకోసం ఇప్పటికే పలు కమిటీలను కూడా ఏర్పాటుచేసింది. జిల్లా నేతలతో పాటు నగర నాయకులు కొంతమందికి ఈ కమిటీల్లో స్థానం కల్పించారు. ఇక్కడే కొంత విభేదాలు పొడచూపాయి. మహానాడు కమిటీల్లో తమకు సముచిత స్థానం కల్పించలేదన్న భావన కొందరిలో పెరిగింది. కొత్తగా వచ్చిన నాయకులకు పెద్దపీట వేస్తూ పార్టీ జెండా మోసిన తమకు సరైన  ప్రాధాన్యత ఇవ్వడం లేదని అసంతృప్తి కూడా కొంత మందిలో ఉంది. ఈ అసంతృప్తి గొడవలకు కారణమైంది. పార్టీలో సభ్యత్వం లేని వారికి కూడా కమిటీల్లో స్థానం కల్పించారన్న భావన ఇబ్బందికరంగా మారింది. నాయకుల్లో అంతర్లీనంగా దాగిఉన్న ఈ విభేదాలు గురువారం  మహానాడు మైదానంలో బయటపడ్డాయి.
  
 వేదికైన మహానాడు ప్రాంగణం
 తిరుపతిలో బుధవారం జరిగిన టీడీపీ నగర కమిటీ సమావేశంలో పార్టీ శ్రేణులు పెద్దగా పాల్గొనలేదు. ఖాళీ కుర్చీలున్న ఫోటోలను అలీఖాన్ అనే నాయకుడు వాట్సప్‌లో అప్‌లోడ్ చేసి పార్టీ పెద్దలకు పంపాడు. దీనిపై గురువారం మహానాడు ఏర్పాట్లను పర్యవేక్షించేందుకు మైదానానికి వెళ్లిన టీడీపీ నగర అధ్యక్షుడు దంపూరి భాస్కర్‌యాదవ్, కృష్ణాయాదవ్ అక్కడున్న ప్రాంగణ వేదిక కమిటీ సభ్యులు పీఎస్ అలీఖాన్, తెలుగు యువత నాయకుడు మధులను ప్రశ్నించారు. ఈ సందర్భంగా భాస్కర్‌యాదవ్, అలీఖాన్ మధ్య ఘర్షణ నెలకొంది. మధుబాబు తిరగబడడంతో భాస్కర్‌యాదవ్, కృష్ణయాదవ్‌తోపాటు అనుచరులు తలపడ్డారు. ఆ సమయంలో మధుబాబుపై పిడిగుద్దులు గుద్ది ఒకరినొకరు చొక్కాలు పట్టుకుని కొట్టుకున్నారు. ఈ సమాచారం తెలిసి డాక్టర్ కోడూరు బాలసుబ్రమణ్యం, మధుబాబు, రాజారెడ్డి, రఫీ మరి కొంతమంది మహానాడు సభా స్థలిలో ఉన్న కట్టెలు, రాడ్లు తీసుకుని కేకలు వేసుకుంటూ అక్కడున్న నగర అధ్యక్షుడు భాస్కర్‌యాదవ్, కష్ణాయాదవ్‌లపై దాడికి దిగారు. ఈ నేపథ్యంలో కృష్ణయాదవ్ తమ్ముడు ఆనంద్‌బాబు యాదవ్, యుగంధర్, అనుచరులు, పార్టీ కార్యకర్తలు పెద్దసంఖ్యలో అక్కడికి చేరుకుని  డాక్టర్ కోడూరి బాలసుబ్రమణ్యంపై ఘర్షణకు దిగారు.
  
 పోలీసులకు ఫిర్యాదు..
 దాడి సంఘటనపై యువత జిల్లా అధికార ప్రతినిధి మధుబాబు, దంపూరి భాస్కర్ యాదవ్ వేర్వేరుగా పోలీసులకు ఫిర్యాదు చేసేందుకు ప్రయత్నించారు. నగర కమిటీ నేతలు మంత్రి గోపాలకృష్ణారెడ్డి దృష్టికి తీసుకెళ్లడంతో ఆయన జోక్యంతో విరమించుకున్నారు. 
  
 గాయపడిన పత్రికా ఫొటోగ్రాఫర్
 తెలుగు తమ్ముళ్లు ఘర్షణ పడుతుండగా ఫొటోలు తీసిన ఓ దినపత్రిక ఫొటోగ్రాఫర్ భాస్కర్‌ను పక్కకు నెట్టేశారు. దీంతో ఆయన కిందిపడిపోయి కెమెరా లెన్స్ పాడవడంతో పాటు కుడికాలికి గాయమైంది.
  


 మహానాడు నిర్వాహకులకు మీడియా కమిటీ చైర్మన్ ముద్దుకృష్ణ సూచన
 సాక్షి ప్రతినిధి, తిరుపతి:  చిత్తూరు జిల్లా తిరుపతిలో జరగనున్న మహానాడు కార్యక్రమ కవరేజీ విషయంలో ‘సాక్షి’ ప్రింట్ అండ్ ఎలక్ట్రానిక్ మీడియా ప్రతినిధులకు ప్రవేశం లేకుండా జాగ్రత్తలు తీసుకోవాలని నిర్వాహకులకు తెలుగుదేశం పార్టీ అధిష్టానం సూచించింది. ఈ నెల 27నుంచి మూడు రోజుల పాటు జరిగే మహానాడు కార్యక్రమాల వివరాలు ‘సాక్షి’కి తెలియకుండా జాగ్రత్తలు తీసుకోవాలని పార్టీ నేతలు హెచ్చరికలు జారీ చేస్తున్నారు.
 
 మహానాడు నిర్వహణ కోసం టీడీపీ ఏర్పాటు చేసిన మీడియా కమిటీ చైర్మన్, ఎమ్మెల్సీ గాలి ముద్దుకృష్ణమనాయుడు ఈ మేరకు ప్రాంగణ, వేదిక కమిటీ నిర్వాహకులకు ప్రత్యేకంగా సూచనలు చేశారు. అంతేకాకుండా మహానాడుకు వివిధ ప్రాంతాల నుంచి హాజరయ్యే మీడియా ప్రతినిధుల కోసం చేయాల్సిన ఏర్పాట్లను నిర్దేశిస్తూ రూపొందించిన మార్గదర్శకాల్లో సాక్షి విషయాన్ని ప్రస్తావించారు. ఈ సూచనల పత్రం చివరన సాక్షి టీవీ, పత్రికతోపాటు టీ-న్యూస్ ప్రతినిధులను మహానాడుకు అనుమతించకూడదని పేర్కొన్నారు.


 తిరుపతి: త్వరలో తిరుపతిలో జరగబోతున్న మహానాడు కార్యక్రమానికి చేసే ఏర్పాట్ల విషయంలో టీడీపీ పార్టీలోని రెండు వర్గాలు ఘర్షణ పడ్డాయి. తిరుపతి నెహ్రో మున్సిపల్ హైస్కూల్ గ్రౌండ్ లో మహానాడు కోసం ఏర్పాట్లు చేస్తుండగా.. పార్టీ నగర అధ్యక్షుడు భాస్కర్ గురువారం మధ్యాహ్నం అక్కడికి చేరుకోవడంతో వివాదం రాజుకుంది. ఏర్పాట్లు సరిగా లేవని భాస్కర్ తెలుగు యువత నాయకులతో అనడంతో ఇరు వర్గాల మధ్య వాగ్వాదం చోటు చేసుకుంది. ఒకరినొకరు చొక్కాలు పట్టుకుని తోపులాడుకున్నారు.  ఈ ఘటనలో మధు అనే తెలుగు యువత నాయకుడు,  ఓ పత్రిక విలేకరికి స్వల్పంగా గాయాలయ్యాయి. పరిస్థితి ఉద్రిక్తం కావడంతో పోలీసులు అక్కడికి చేరుకుని ఇరువర్గాలను చెల్లాచెదురు చేశారు.


 సాక్షి ప్రతినిధి, తిరుపతి : తిరుపతిలో నిర్వహించనున్న టీడీపీ మహానాడుకు హాజరవ్వాలని కోరుతూ ఏపీ, తెలంగాణ, పాండిచ్చేరి, కర్ణాటక, ఒరిస్సా రాష్ట్రాల్లోని 30 వేల మందికి ఆహ్వానాలు పంపుతున్నామని ఆ పార్టీ రాష్ట్ర అధ్యక్షుడు కళా వెంకటరావు తెలిపారు. ఈ నెల 27 నుంచి మూడు రోజుల పాటు నిర్వహించనున్న మహానాడు ఏర్పాట్లపై గురువారం ఆయన పార్టీ నేతలతో చర్చించారు. అనంతరం ఆయన మీడియాతో మాట్లాడుతూ తిరుపతి కేంద్రంగా మహానాడు నిర్వహించడం ఇది మూడో పర్యాయమన్నారు.
 అంతకు ముందు ఏపీ, తెలంగాణ రాష్ట్రాల టీడీపీ అధ్యక్షులు కళా వెంకటరావు, ఎల్.రమణలతో పాటు రాష్ట్ర మంత్రులు నారాయణ, బొజ్జల గోపాలకృష్ణారెడ్డి, మహానాడు నిర్వహణ కమిటీల సమన్వయకర్త టీడీ జనార్థనరావులు స్థానిక నెహ్రూ మున్సిపల్ హైస్కూల్ మైదానానికి చేరుకున్నారు. వేదిక నిర్మాణానికి అనువైన చోటును ఎంపిక చేశారు. వాహనాల పార్కింగ్, మంచి నీరు, టాయిలెట్స్, అతిథులకు గదులు, భోజన వసతుల కల్పనపై కళా వెంకట్రావు.. జిల్లా మంత్రులు బొజ్జల గోపాలకృష్ణారెడ్డి, ఇన్‌చార్జి మంత్రి నారాయణ, స్థానిక నేతలతో ప్రత్యేకంగా సమావేశమయ్యారు.
 టీటీడీ గదులు, కల్యాణ మండపాలు, అతిథి గృహాలను 20వ తేదీలోగా రిజర్వ్ చేసుకోవాలని, మహానాడు జరిగే మూడు రోజులూ పార్టీ నేతలందరూ అందుబాటులో ఉంటూ ఎవరికి కేటాయించిన బాధ్యతల్లో వారుండాలని సూచించారు. తెలంగాణ నుంచి పార్టీ పొలిట్‌బ్యూరో సభ్యులు, రాష్ట్ర, జిల్లా కమిటీల ప్రతినిధులు, ఎమ్మెల్సీలు హాజరవుతారని ఎల్.రమణ పేర్కొన్నారు.


 తిరుపతి: ఈ నెల 27వ తేదీ నుంచి తిరుపతిలో జరగబోయే మహానాడుకు ఏపీ, తెలంగాణ, పాండిచ్చేరి, కర్ణాటక, ఒడిశా రాష్ట్రాల్లోని 30 వేల మందికి ఆహ్వానాలు పంపుతున్నట్లు టీడీపీ ఏపీ అధ్యక్షుడు కళా వెంకటరావు చెప్పారు. గురువారం ఆయన తిరుపతిలో విలేకరులతో మాట్లాడారు. ఈ సందర్భంగా ఆయన బస్టాండ్ సెంటర్‌లోని హోటల్ ఇంటర్నేషనల్‌లో జిల్లా నేతలతో ప్రత్యేకంగా సమావేశమయ్యారు.
 రాష్ట్ర కమిటీ ప్రతినిధులు.. అతిథులకు గదులు, భోజనాల కల్పన, ఇతర ఏర్పాట్లపై చర్చించారు. టీటీడీ గదులు, కల్యాణ మండపాలు, అతిథి గృహాలను 20వ తేదీలోగా రిజర్వ్ చేసుకోవాలని సూచించారు. అంతకుముందు నాయకులు స్థానిక నెహ్రూ మున్సిపల్ హైస్కూల్ మైదానానికి చేరుకుని వేదిక నిర్మాణానికి అనువైన చోటును ఎంపిక చేశారు. వాహనాల పార్కింగ్, మంచినీరు, టాయిలెట్స్, భోజన వసతుల కల్పనపై కళా వెంకట్రావు జిల్లా మంత్రి బొజ్జల గోపాలకృష్ణారెడ్డి, ఇన్‌చార్జి మంత్రి నారాయణలతో మాట్లాడారు.
  


 సాక్షి, హైదరాబాద్: తెలుగుదేశం పార్టీ ప్రతినిధుల సభ ‘మహానాడు’ తిరుపతిలోని నెహ్రూ మున్సిపల్ గ్రౌండ్‌లో జరుగుతుందని పార్టీ జాతీయ కార్యాలయ సమన్వయ కార్యదర్శి, ఎమ్మెల్సీ టీడీ జనార్దనరావు సోమవారం ఒక ప్రకటనలో తెలిపారు. ఈ నెల 27 నుంచి 29 వరకు మూడు రోజుల పాటు మహానాడు జరగనుంది. తిరుపతిలో మహానాడు నిర్వహించాలని ఈనెల 2న జరిగిన పార్టీ సమన్వయ కమిటీ, మంత్రివర్గ సమావే శాల్లో నిర్ణయించిన విషయం తెలిసిందే.


  హైదరాబాద్: తెలుగుదేశం పార్టీ మహానాడుకు వేదిక ఖరారైంది. తిరుపతిలోని నెహ్రూ మున్సిపల్ గ్రౌండ్‌లో మహానాడు జరగనుంది. ఈ మేరకు వేదికను ఖరారు చేసినట్లు పార్టీ జాతీయ కార్యాలయ సమన్వయ కార్యదర్శి, ఎమ్మెల్సీ టీడీ జనార్ధనరావు సోమవారం ఒక ప్రకటనలో తెలిపారు. ఈ నెల 27 నుంచి 29 వరకూ మూడు రోజుల పాటు మహానాడు జరగనుంది. తిరుపతిలో మహానాడు నిర్వహించాలని ఈనెల 2 న జరిగిన పార్టీ సమన్వయ కమిటీ, మంత్రివర్గ సమావేశాల్లో నిర్ణయించిన విషయం తెలిసిందే.


 సాక్షి, హైదరాబాద్: తెలుగుదేశం పార్టీ మహానాడు వచ్చే నెల 27 నుంచి 29 వరకూ ఏపీ రాజధాని అమరావతిలో నిర్వహించనున్నారు. మంగళవారం విజయవాడలోని రాష్ట్ర పార్టీ కార్యాలయంలో జరిగిన సమావేశంలో ఈ మేరకు  నిర్ణయించారు. సమావేశంలో టీడీపీ జాతీయ ప్రధాన కార్యదర్శి నారా లోకేశ్, ఏపీ విభాగం అధ్యక్షుడు కిమిడి కళా వెంకట్రావు, జాతీయ కార్యాలయ సమన్వయకర్త టీడీ జనార్దనరావు, కార్యక్ర మాల కమిటీ చైర్మన్ వీవీవీ చౌదరి పాల్గొన్నారు. ఏపీ, తెలంగాణ రాష్ట్రాల నుంచి సుమారు 15 వేల మంది నేతలు మహానాడుకు రానున్నారు. టీడీపీ ప్రధాన కార్యాలయం కార్యకలాపాలు గుంటూరు నుంచి నిర్వహించనున్నారు.
 
 ఈ కార్యాలయాన్ని ఈ నెల 22న గుంటూరులో ప్రారంభిస్తారు. ప్రస్తుతం గుంటూరులోని పిచ్చుకులకుంటలో జిల్లా కార్యాలయం ఉన్న ప్రాంగణంలోనే ప్రధాన కార్యాలయాన్ని మంచి రోజు చూసుకుని ప్రారంభిస్తున్నారు.  రాష్ట్ర పార్టీ కార్యాలయ అవసరాల దృష్ట్యా ప్రస్తుతం హైదరాబాద్ ఎన్‌టీఆర్ భవన్‌లో ఉన్న గ్రంథాలయం, కార్యక్రమాల కమిటీ తదితరాలను మే తొలి వారంలో గుంటూరు తరలించాలని ఇప్పటికే నిర్ణయించారు. పార్టీ అధినేత బాబు ప్రస్తుతం గుంటూరు జిల్లాలో ఉంటూ విజయవాడ నుంచి అధికారిక కార్యకలాపాలు నిర్వహిస్తున్నారు. విజయవాడ, గుంటూరుల్లో 4 రోజులపాటు ముఖ్య నేతలంతా అధినేతకు అందుబాటులో ఉండాలని నిర్ణయించారు.
 
  పన్ను వసూళ్ల లక్ష్యం 52,618 కోట్లు
  ప్రస్తుత ఆర్థిక సంవత్సరం(2016-17)లో రూ. 52,618 కోట్ల పన్ను వసూళ్ల లక్ష్యాన్ని సాధించేందుకు కృషి చేయాలని సీఎం చంద్రబాబు ఆదేశించారు. పన్నేతర ఆదాయ లక్ష్యం రూ. 5,495 కోట్ల లక్ష్యాన్ని కూడా చేరుకోవాలని సూచించారు. ఆదాయ సముపార్జిత ప్రభుత్వ శాఖల పనితీరు, ఫలితాలపై సీఎం మంగళవారం విజయవాడలో సమీక్ష నిర్వహించారు.


 పుట్టుకతో వచ్చిన బుద్ధులు అంత త్వరగా మాసిపోవు. అందుకే అటు సూర్యుడు ఇటు పొడిచినా పొడవచ్చునేమోగానీ...చంద్రబాబు వైఖరిలో మాత్రం మార్పు రాదు. హైదరాబాద్ మహానగరంలో తిరునాళ్లను తలపించిన మహానాడు నిర్వహించి, ఆ వేదికపైనుంచి రాజకీయ విలువల గురించి, నైతికత గురించి లెక్చెర్లు దంచి మూడురోజులు కాలేదు...ఈలోగానే ఆయనకు అత్యంత సన్నిహితుడైన ఎమ్మెల్యే రేవంత్‌రెడ్డి ఒక నామినేటెడ్ ఎమ్మెల్యేకు కరెన్సీ నోట్ల కట్టలను ఎరజూపుతూ కెమెరాలకు చిక్కారు. ఆయన చర్యగానీ, ఆ సందర్భంగా ఆయన మాట్లాడిన మాటలుగానీ ఈ దేశంలో నెలకొల్పుకున్న ప్రజాస్వామిక వ్యవస్థలకూ, విలువలకూ పెను సవాల్ వంటివి. రేవంత్‌రెడ్డి ఆద్యంతమూ తన గురించీ, తన బాస్‌గురించీ, ఆయన రాజకీయపుటెత్తుల గురించీ చెప్పిన మాటలు వింటే ఎవరికైనా దిమ్మదిరగాల్సిందే. వేదికలపై మైక్‌ల ముందు వల్లించే ఆదర్శాలకూ, తెరవెనక సాగించే కుతంత్రాలకూ ఎంత వ్యత్యాసం ఉంటుందో ఆ సంభాషణలు పట్టిస్తాయి. తెలంగాణ శాసనమండలికి ఎమ్మెల్యేల కోటాలో ఎన్నిక కావలసిన ఆరుగురు ఎమ్మెల్సీల కోసం జరిగే ఈ ఎన్నికల్లో గెలవడం, ఓడటం వల్ల ఒరిగేదేమీ లేదని టీడీపీకి కూడా తెలుసునట.
 
 కానీ, చంద్రబాబు వర్సెస్ కేసీఆర్ నడుస్తోంది గనుక...ఈ గేమ్ మొదలైందట! గెలుపోటముల ప్రమేయమేలేని ఒక ‘ఆట’లో ఒక్క ఓటు కోసం రూ. 5 కోట్లు ఇవ్వడానికి టీడీపీ సిద్ధపడిందంటే ఆ పార్టీ డబ్బుతో ఎంతగా మదించిందో, విలువల్లో పాతాళప్రమాణానికి ఎలా పడిపోయిందో అర్థమవుతుంది. అసలు ఇలా ఎమ్మెల్యేలను కొనుగోలు చేసే పనిలో ఉన్నది రేవంత్ ఒక్కరేనా లేక మిగిలిన నేతలూ ఉన్నారా...వారు ఈ ఒక్క ఎమ్మెల్యేనే కలిసి ఊరుకున్నారా లేక మిగిలినవారితో కూడా మాట్లాడారా అన్నది ఇంకా తేలాల్సి ఉంది.  ఈ ఎమ్మెల్యే ముందస్తు సమాచారం ఇచ్చారు గనుక ఏసీబీ వలపన్ని పట్టుకోవడం సాధ్యమైంది.
 
  ఓటు హక్కు అనేది రాజ్యాంగంలోని 19(1)(ఏ) అధికరణం హామీ ఇస్తున్న భావ ప్రకటనాస్వేచ్ఛలోనూ, 21వ అధికరణం హామీ ఇస్తున్న వ్యక్తి స్వేచ్ఛలోనూ అంతర్భాగమని రెండేళ్లక్రితం ఒక కేసులో తీర్పునిస్తూ సుప్రీంకోర్టు అభిప్రాయ పడింది. కనుక టీడీపీ చర్య ఒక ప్రజాస్వామిక ప్రక్రియను వమ్ము చేయడం మాత్రమే కాదు...ఎమ్మెల్యేల భావప్రకటనా స్వేచ్ఛకూ, వ్యక్తి స్వేచ్ఛకూ ముప్పు కలిగించే చర్య కూడా అవుతుంది. మన ఓటింగ్ విధానంలోని లోపాల గురించి, ఆచరణలో ఎదురవుతున్న సమస్యలగురించి ఎన్నికల సంఘం పట్టించుకుని పరిష్కారాలను అన్వేషిస్తుంటే వాటిని సైతం భ్రష్టుపట్టించేందుకు బాబువంటి నేతలు ప్రయత్నిస్తున్నారు.
  మహానాడుకు హాజరైనవారి మాడు పగిలేలా చంద్రబాబు మూడురోజులక్రితం ఉపన్యసించారు. టీడీపీ ఓ యూనివర్సిటీ లాంటిదన్నారు. ఇందులో కార్యకర్తలను నేతలుగా  తర్ఫీదునిచ్చి తీర్చిదిద్దుతుంటే ప్రత్యర్థి పార్టీలవారు ‘సంతలో పశువుల్లా’ వారిని కొంటున్నారని వాపోయారు. ఎందరిని తీసుకుపోయినా కొత్తవారిని తయారుచేసుకోగల సత్తా తమకున్నదని చెప్పారు. ఆదివారం చానెళ్లలో ప్రసారమైన దృశ్యాలే ‘టీడీపీ యూనివర్సిటీ’లో ఇస్తున్న తర్ఫీదు ఎలాంటిదో... అక్కడ రూపొందుతున్న పట్టభద్రులు ఏ బాపతో  పట్టిచూపాయి. ‘సంతలో పశువుల్లా’ కొనుగోలు చేయడానికి ప్రయత్నిస్తున్నదెవరో కళ్లకు కట్టాయి. ఎమ్మెల్యే స్టీఫెన్‌సన్‌తో సాగిన సంభాషణల్లో రేవంత్ నోటివెంబడి వెలువడిన మాటలు వింటే మన రాజకీయాలు భ్రష్టుపట్టిన వైనం వెల్లడవుతుంది. అవి మాఫియా నాయకుడు పంపగావచ్చిన ఏజెంటు వల్లించిన పలుకుల్లా మాత్రమే అనిపిస్తాయి. ఇందుకు పాత్రధారిని అని లాభంలేదు...సూత్రధారినే తప్పుబట్టాలి. స్వర్గీయ ఎన్టీరామారావు నుంచి అధికారం గుంజుకున్నది మొదలు చంద్రబాబు ఈ బాపతు రాజకీయాలనే అమలు చేస్తున్నారు. ఒకపక్క వేదికలెక్కి రాజకీయాల్లో డబ్బు ప్రభావం గురించీ, అవినీతి గురించీ, సంతలో పశువుల్లా అమ్ముడైపోతున్నవారి గురించి వాపోయే చంద్రబాబు సరిగ్గా దానికి విరుద్ధంగా వ్యవహరిస్తూ ఆ పనిలో సిద్ధహస్తులైనవారిని అక్కున చేర్చుకుని రాజకీయాలు నడిపిస్తున్నారు.
  రేవంత్ రెడ్డి ఉదంతం చంద్రబాబు గతంలో తీసుకున్న రాజకీయ నిర్ణయాల గురించి కొత్త అనుమానాలను రేకెత్తిస్తున్నది. తెరచాటు ఒప్పందాలూ, చీకటిచాటు మంతనాలూ మాత్రమే అలవాటైన బాబు రెండున్నరేళ్లనాడు మల్టీబ్రాండ్ చిల్లరవర్తకంలో 51 శాతం విదేశీ ప్రత్యక్ష పెట్టుబడులను(ఎఫ్‌డీఐ)లను అనుమతించే బిల్లుపై జరిగిన ఓటింగ్ సమయంలో రాజ్యసభ నుంచి తమ పార్టీకి చెందిన ముగ్గురు ఎంపీలను గైర్హాజరు చేయించి కేంద్రంలో ఆనాటి యూపీఏ సర్కారును కాపాడారు. రెండేళ్లక్రితం కిరణ్‌కుమార్ రెడ్డి ప్రభుత్వంపై వైఎస్సార్ కాంగ్రెస్ అవిశ్వాస తీర్మానం తీసుకొచ్చినప్పుడు ప్రధాన ప్రతిపక్షంగా ఉండి కూడా తటస్థత పాటించి ఆ మైనారిటీ సర్కారును నిలబెట్టారు. సాధారణ సమయాల్లో నీతులు మాట్లాడుతూ కీలకమైన  సందర్భం వచ్చేసరికి అందుకు భిన్నమైన వైఖరిని తీసుకునే చంద్రబాబు నిర్ణయాల వెనక సరిగ్గా ఇప్పుడు జరిగినట్టుగానే ‘ఓటుకు నోటు’ లాలూచీలు ఏమైనా నడిచాయా అనే సందేహం అందరిలోనూ కలుగుతున్నది. చంద్రబాబు వంటి అపారానుభవం కలిగిన నాయకుడు తన విశ్వసనీయత దెబ్బతింటుందనిగానీ, తన రాజకీయ భవిష్యత్తుకు ఇబ్బంది కలుగవచ్చుననిగానీ ఆలోచించకుండా చివరి నిమిషంలో అభిప్రాయాలను మార్చుకోవడానికి ఇవికాకపోతే ఇంకేమి కారణాలున్నాయో ఆ పార్టీవారే చెప్పాలి. వాస్తవానికి ప్రస్తుత ఎమ్మెల్సీ ఎన్నికలు ఇలా  డబ్బులు కుమ్మరించడానికి తగిన సందర్భం కానే కాదు. ఎందుకంటే  తగిన ఆదాయ వనరులు లేక ఆంధ్రప్రదేశ్ రాష్ట్రం ఇబ్బందుల్లో ఉన్నదని చంద్రబాబే చెబుతున్నారు. వీటిని అధిగమించడానికి త్యాగాలు అవసరమని కూడా ఉద్బోధిస్తున్నారు. ఈ కష్టాలను సాకుగా చూపే ఎన్నికల హామీలకు మంగళం పాడారు. ఇలాంటి పరిస్థితుల్లో కూడా తెలంగాణ ముఖ్యమంత్రి కేసీఆర్‌తో వచ్చిన పంతం కారణంగా ఎమ్మెల్యేల ఓట్ల కోసం కోట్లకు కోట్లు ఖర్చుపెట్టడానికి వెనకాడకపోవడమంటే జనంతో పరిహాసాలాడటమే. వ్యవస్థలను ఏమార్చి ఎన్నాళ్లయినా నెట్టుకురాగలమనుకోవడం చెల్లదని తాజా ఉదంతం తేటతెల్లం చేస్తున్నది. దీన్నుంచి అయినా బాబు గుణపాఠం గ్రహిస్తారా?!
  
  


 విలేకరుల సమావేశంలో మంత్రి తలసాని ఘాటు వ్యాఖ్యలు
 నీవు కట్టింది హైటెక్ సిటీని.. హైదరాబాద్‌ను కాదు
 సంపద ఏపీలో సృష్టించుకో.. పట్టిసీమలో అయ్యా, కొడుకు ఎంత కొట్టేశారో తెలుసు
  
  హైదరాబాద్: ‘‘సంపదను సృష్టించాను. దాన్ని కేసీఆర్ బాగా చూసుకోవాలి’’ అని మహానాడులో ఏపీ సీఎం చంద్రబాబు చేసిన వ్యాఖ్యలపై రాష్ట్ర వాణిజ్య పన్నుల శాఖ మంత్రి తలసాని ఘాటుగా స్పందించారు. హైటెక్‌సిటీని కట్టి హైదరాబాద్ అభివృద్ధి అంతా తన ఘనతే అని చెబుతున్న చంద్రబాబు తన ముఖాన్ని ఓసారి అద్దంలో చూసుకుంటే బాగుంటుందని ఎద్దేవా చేశారు. మహానగర చరిత్ర 400 ఏళ్ల పైమాటే అని, అది తెలుసుకుని మాట్లాడాలన్నారు. దిక్కూ మొక్కు లేని ఆంధ్రప్రదేశ్‌లో సంపద సృష్టించుకుంటే బాగుంటుందని తలసాని చంద్రబాబుకు సూచించారు. అయ్యా.. కొడుకు పట్టిసీమలో ఎంత కొట్టేశారో తనకు తెలుసని, ఒక్క రోజు యోగా కోసం రూ. కోటి 25 లక్షలు ప్రభుత్వ నిధులను విడుదల చేస్తే ఎవరూ మాట్లాడకపోవడం విడ్డూరంగా ఉందని పేర్కొన్నారు. ‘‘ట్విట్టర్ పిట్టీ మహానాడులో మాట్లాడుతుంటే కరెంటు పోయిందంట... ఇదీ ఇక్కడి పరిస్థితి అని అంటున్నాడు... ఇంట్లో ఎలా పడుకుంటున్నాడో’’అంటూ   లోకేశ్‌ను ఉద్దేశించి అన్నారు. రెండు గదుల బెడ్‌రూంలు ఐడీహెచ్ కాలనీలో తయారవుతున్నాయని  వెల్లడించారు.
 
 అంతకు ముందు రాష్ట్ర ఆవిర్భావ వేడుకలపై సచివాలయంలో విలేకరులతో తలసాని మాట్లాడుతూ జూన్ 2 నుంచి 7వ తేదీ వరకు తెలంగాణ రాష్ట్ర ఆవిర్భావ వేడుకలను నిర్వహిస్తున్నట్లు తెలిపారు.   నగరంలోని 50 ప్రాంతాల్లో  ఉత్సవాలు నిర్వహిస్తున్నట్లు చెప్పారు. జేఏసీతో పాటు, ఓయూ విద్యార్థులను, అన్ని రాజకీయ పార్టీ నాయకులను కలుపుకొని ఉత్సవాలను నిర్వహిస్తామన్నారు.  
  
  


 టీడీపీ మహానాడులో ఏపీ సీఎం చంద్రబాబు
  
 హైదరాబాద్: ఎన్నికలకు ముందు ఇచ్చిన హామీల అమలు విషయంలో రాష్ట్రంలో ఎవరికీ సంజాయిషీ ఇవ్వాల్సిన అవసరంలేదని ఆం ధ్రప్రదేశ్ ముఖ్యమంత్రి చంద్రబాబు నాయుడు స్పష్టం చేశారు. ఇచ్చిన హామీలన్నీ అమలు చేస్తున్నామని చెప్పారు. ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలను కార్యకర్తలు, నేతలు మరింత దూకుడుగా ప్రజల్లోకి తీసుకెళ్లాలని కోరారు. ఎవరైనా రుణమాఫీ గురించి ప్రశ్నిస్తే.. మీరు ప్రభుత్వం నుం చి పొందిన రుణమాఫీ లబ్ధిని తిరిగి చెల్లించి మాట్లాడమని డిమాండ్ చేయాలన్నారు. శుక్రవారం మహానాడు చివరిరోజు ఆయన కేంద్ర కమిటీ అధ్యక్షుడిగా ఎన్నికైన తర్వాత, అంతకుముందు పలు దఫాలుగా ప్రసంగించారు. ఈ సందర్భంగా కాంగ్రెస్, వైఎస్సార్‌సీపీలపైన, తెలంగాణలోని టీఆర్‌ఎస్ ప్రభుత్వంపైన తీవ్రంగా ధ్వజమెత్తారు. పలు ఆరోపణలు చేశారు. ఇంకా పలు ఇతర అంశాలను ప్రస్తావించారు. అందులోని ప్రధానాంశాలు ఆయన మాటల్లోనే..  
 
 ఆ పార్టీలకు విశ్వసనీయత లేదు..
 
 రాష్ట్రానికి ద్రోహం చేసింది కాంగ్రెస్ పార్టీ. మరొకటి అవినీతి పార్టీ. ఈ రెండు పార్టీలకు ప్రజల్లో విశ్వసనీయత లేదు. టీడీపీ అంటే కాంగ్రెస్‌కు భయం. ఆ పార్టీ జాతీయ స్థాయిలో కూడా ప్రాంతీయపార్టీ స్థాయికి కుదించుకుపోయింది.
  
 మోదీ కార్యక్రమాలను స్వాగతిస్తున్నాం
 
 ఏడాదికాలంగా ప్రధాని మోదీ ఎన్నో కార్యక్రమాలు చేశారు. కేంద్రసర్కారులో భాగస్వామ్య పార్టీగా వారు చేసిన కార్యక్రమాలను స్వాగతి స్తున్నాం. రాష్ట్ర విభజనతో ఏపీ, తెలంగాణలకు కొన్ని సమస్యలొచ్చాయి. వాటి పరిష్కారానికి కేంద్రం సహకరించాలి. విభజన చట్టంలో పేర్కొన్న అంశాలను అమలుచేయాలి. ఉభయ రాష్ట్రాలమధ్య నెలకొన్న సమస్యలపై జూన్ రెండులోగా పరిష్కరించుకోవాలి. కానిపక్షంలో కేంద్రంతో సంప్రదించి న్యాయం చేసుకుందాం.
 
 జప్తు చేసిన ఆస్తులు ప్రభుత్వానికి..
 
 వివిధ కేసుల్లో సీబీఐ, ఎన్‌ఫోర్స్‌మెంట్ డెరైక్టరేట్ జప్తు చేసిన ఆస్తులు ప్రభుత్వానికి దక్కాలి. విదేశాలకు తరలిస్తుండగా పట్టుబడ్డ ఎర్రచందనం సెంట్రల్ ఎక్సైజ్‌శాఖ వద్ద ఉంది. అదీ రాష్ట్రానికే చెందాలి. ఇలా స్వాధీనం చేసుకున్న ఆస్తులను రాష్ట్రానికి అప్పగించాలని ప్రత్యేకచట్టం తెస్తాం.
 
 రెండు రాష్ట్రాలు రెండు కళ్లు
 
 ఆంధ్రప్రదేశ్, తెలంగాణ నాకు రెండు కళ్లు. రెండు ప్రాంతాలకు సమన్యాయం జరగాలి. కొందరు జూన్ రెండు నుంచి ఏపీలో చేపట్టే నవ నిర్మాణ దీక్షను కూడా వక్రీకరిస్తున్నారు. ఏపీని అభివృద్ధి చేసేందుకు ఈ దీక్ష చేస్తున్నాం. కాంగ్రెస్‌ను భూస్థాపితం చేసేందుకు దీక్షను ఉపయోగించుకుంటాం. జూన్ 3 నుంచి ఏడోతేదీ వరకూ ప్రభుత్వం గత ఏడాదికాలంగా అమలు చేసిన అభివృద్ధి కార్యక్రమాలను పార్టీ నేతలు, కార్యకర్తలు ప్రజలకు వివరించాలి. 8న గతేడాది ప్రమాణ స్వీకారం చేసిన ప్రాంతంలోనే ప్రగతి నివేదిక ప్రవేశపెడతాం. రాష్ర్ట రాజధానికి సింగపూర్ ప్రభుత్వం సహకరించకుండా ఉండాలని కాంగ్రెస్ వాళ్లు టెలిగ్రామ్‌లు పంపారు. నా కుటుంబంపైనా విమర్శలు చేస్తున్నారు. 30 ఏళ్లక్రితం ఒక చిన్న పరిశ్రమను ఏర్పాటుచేసి కష్టపడి పైకి తీసుకొచ్చా.  బంగారు తెలంగాణ కావాలి. అందుకు 2019లో టీడీపీ అధికారంలోకి రావాలి. ఎవరెన్ని కుట్రలు, కుతంత్రాలు చేసినా తెలుగువారికి న్యాయం చేసేశక్తి, సామర్ధ్యం టీడీపీకే ఉం ది. ఈ వేదిక నుంచి తొమ్మిది అంశాలతో కూడిన డిక్లరేషన్ ప్రకటిస్తున్నాం. అందరూ దానికనుగుణంగా పనిచేయాలి.’ అని అన్నారు.
  
 కేసీఆర్... ఖబడ్దార్
  
 ‘టీడీపీని టీఆర్‌ఎస్ అధినేత కేసీఆర్ తక్కువగా అంచనా వేశారు. మా కార్యకర్తలకు అన్యాయం జరిగితే ఖబడ్దార్. జాగ్రత్త, మీ గుండెల్లో నిద్రపోతా. నాది ఉడుంపట్టు, వదిలేది లేదు. తెలంగాణలో ఎమ్మెల్యేలను ప్రలోభపెట్టారు. పశువులను కొన్నట్టు కొన్నారు. ఒక్కరు పోతే వందమంది నేతలను తయారుచేస్తాం. తెలంగాణలో 2019లో టీడీపీ అధికారంలోకి వచ్చి తీరుతుంది. ఓయూ భూముల్ని అమ్ముతామంటే ఖబడ్దార్’. అని చంద్రబాబు హెచ్చరించారు.
 
 టీడీపీ కేంద్ర కమిటీ అధ్యక్షుడిగా చంద్రబాబు
 
  సాక్షి, హైదరాబాద్: తెలుగుదేశం పార్టీ కేంద్ర కమిటీ అధ్యక్షుడిగా ఏపీ సీఎం చంద్రబాబు ఏకగ్రీవంగా ఎన్నికయ్యారు. ఆయన ఎన్నిక ను ఏపీ పార్టీ సంస్థాగత ఎన్నికల కమిటీ కన్వీన ర్ కిమిడి కళా వెంకట్రావు శుక్రవారం మహానాడు ప్రతినిధుల సభలో ప్రకటించారు. పార్టీ కేంద్ర కమిటీ అధ్యక్ష పదవికి చంద్రబాబు పేరును 30 మంది నేతలు నామినేషన్లు దాఖలు చేయగా, మరో 30 మంది బలపరిచారని వెంకట్రావు తెలిపారు. చంద్రబాబుతో పార్టీ తెలంగాణ ఎన్నికల కమిటీ కన్వీనర్ ఇనుగాల పెద్దిరెడ్డి ప్రమాణం చేయించారు. అనంతరం మహానాడుకు హాజరైన ప్రతినిధులు చంద్రబాబును బొకేలు, పచ్చ కండువాలు, కిరీటాలతో సత్కరించారు. తెలంగాణ తెలుగుదేశం శాసనసభాపక్ష నేత ఎర్రబెల్లి దయాకరరావు కాకతీయ శిలాతోరణాన్ని చంద్రబాబుకు బహుకరించారు.
 
 కేంద్ర క మిటీ అధ్యక్షుడిగా ఎన్నికైన చంద్రబాబును తెలంగాణ రాష్ట్ర కమిటీ అధ్యక్షుడు ఎల్. రమణ, ఉప ముఖ్యమంత్రి  కేఈ కృష్ణమూర్తి, సీనియర్ ఎమ్మెల్యే గౌతు శ్యామసుందర శివాజీ,  హిందూపురం ఎమ్మెల్యే నందమూరి బాలకృష్ణ తదితరులు అభినందిస్తూ ప్రసంగించారు. టీడీపీని జాతీయ పార్టీగా మారుస్తూ ప్రవేశపెట్టిన రాజకీయ తీర్మానంపై యనమల రామకృష్ణుడు, రావుల చంద్రశేఖరరెడ్డి ప్రసంగించారు. పార్టీని తమిళనాడు, కర్ణాటక, ఒడిశా, అండమాన్ నికోబార్ దీవులు, పుదుచ్చేరి, మహారాష్ర్టలతో పాటు తెలుగు వారుండే ఇతర రాష్ట్రాలు, టీడీపీని అభిమానించే ఇతర భాషల ప్రజలున్న ప్రాంతాలకు విస్తరిస్తామని తెలిపారు. పార్టీ జెండా, ఎన్నికల గుర్తులో మార్పు ఉండదని చెప్పారు.
  


 హైదరాబాద్: తెలుగుదేశం పార్టీని చూసి టీఆర్ఎస్ భయపడుతోందని ఆంధ్రప్రదేశ్ ముఖ్యమంత్రి చంద్రబాబు నాయుడు అన్నారు. హైదరాబాద్ సమీపంలో గండిపేటలో జరుగుతున్న మహానాడులో టీడీపీ జాతీయ అధ్యక్షుడిగా ఏకగ్రీవంగా ఎన్నికయిన చంద్రబాబు ప్రమాణం స్వీకారం చేశారు.  2019లో తెలంగాణలో వచ్చేది టీడీపీ ప్రభుత్వమేనని చెప్పారు. తమ పార్టీ కార్యకర్తల జోలికి వస్తే మీ గుండెల్లో నిద్రపోతానని చంద్రబాబు సవాల్ విసిరారు. నీతి నిజాయితీగా రాజకీయాలు చేయాలని, కుట్రలు, కుతంత్రాలతో కాదని అన్నారు. తెలంగాణలో బడుగు, బలహీన వర్గాలకు అండగా ఉంటానని హామీ ఇచ్చారు. ఉస్మానియా యూనివర్సిటీ భూముల విక్రయం సరికాదని చంద్రబాబు అన్నారు.
 
 ఆంధ్రప్రదేశ్, తెలంగాణలలో తెలుగుజాతి బాగుండాలని,  ఇరు రాష్ట్రాలు అభివృద్ధి చెందాలన్నదే లక్ష్యమని  చంద్రబాబు నాయుడు అన్నారు. తెలుగుజాతి ఉన్నంతవరకు తెలుగుదేశం పార్టీ ఉంటుందని చంద్రబాబు అన్నారు. 1995లో తొలిసారి టీడీపీ అధ్యక్షుడిగా ఎన్నికయ్యానని చెప్పారు. గత 20 ఏళ్లలో ఎన్నో సవాళ్లను ఎదుర్కొన్నానని, గౌరవం పొందానని పేర్కొన్నారు. కార్యకర్తల త్యాగాలను ఎప్పటికీ మర్చిపోలేనని, టీడీపీ ఒక విశ్వవిద్యాలయమని వ్యాఖ్యానించారు. ఎన్టీఆర్ ఆశయాల సాధనకు కృషిచేద్దామని అన్నారు. 50 రోజుల్లో 54 లక్షల మంది పార్టీ సభ్యత్వం తీసుకున్నారని, మహానాడులో 12 కోట్ల రూపాయల విరాళం వచ్చిందని చంద్రబాబు వివరించారు.


 హైదరాబాద్: ఆత్మస్తుతి పరనిందలా టీడీపీ మహానాడు జరిగిందని వెస్సార్సీపీ డిప్యూటీ ఫ్లోర్ లీడర్ జ్యోతుల నెహ్రూ అన్నారు. ఈ మహానాడులో వారి మాటలు గమనిస్తే టీడీపీ వదిలిపెట్టి వెళ్లే నాయకులను, కార్యకర్తలను నిలబెట్టుకోవాలనే తాపత్రయం కనిపించిందని చెప్పారు. ప్రజలకు ఏం చేస్తారో చెప్పకుండా.. ఊకదంపుడు ఉపన్యాసాలతో ముగించారని విమర్శించారు. ప్రతిపక్షాన్ని విమర్శించడమే మహానాడు ఉద్దేశమా అని ఆయన ప్రశ్నించారు. ఏపీలో మహానాడు పెడితే ప్రజలు తిరగబడతారని హైదరాబాద్లో పెట్టారని ఎద్దేవా చేశారు.


 నెల్లూరు(సెంట్రల్): టీడీపీ ఆర్భాటంగా నిర్వహిస్తున్న మహానాడు కార్యక్రమం బాబు పుత్రరత్నం లోకేష్ పట్టాభిషేకానికి తప్పా తెలుగు ప్రజలకు ఉపయోగపడేది కాదని సీపీఐ జాతీయ కార్యవర్గ సభ్యుడు నారాయణ విమర్శించారు. నెల్లూరులోని పార్టీ కార్యాలయంలో గురువారం ఆయన విలేకరులతో మాట్లాడారు. ప్రభుత్వం ఏర్పడి ఏడాది కావస్తున్నా ఇంతవరకు ప్రజలకు ఏమి చేయకుండా ఆర్భాటంగా మహానాడును జరుపుకోవడం ఏమిటో అర్థం కావటం లేదన్నారు. ప్రత్యేక హోదా కోసం చంద్రబాబు మొసలికన్నీరు కారుస్తున్నారని ఎద్దేవా చేశారు. ఉదయం లేచింది మొదలు బాబు విదేశాలు పట్టుకుని తిరుగుతూ పెట్టుబడులు పెట్టమని భిక్షాటన చేస్తున్నారని దుయ్యబట్టారు.
 
 ప్రత్యేక హోదా సాధించుకుంటే ఇలా భిక్షాటన చేయాల్సిన అవసరం ఉండదన్నారు. నిజంగా ప్రత్యేకహోదా తేవాలని బాబుకు ఉంటే కేంద్రంలో ఉన్న టీడీపీ మంత్రులను వెనక్కు తీసుకుని గట్టిగా పోరాడాలని హితవు పలికారు. కార్మిక హక్కులను కాలరాయడం, రైతుల భూములను బలవతంగా లాక్కోనే భూసేకరణ చట్టాన్ని అమలు చేయాలని చూడటం కేంద్ర సర్కారుకు తగదన్నారు. కేంద్రమంత్రి వెంకయ్యనాయుడు పూర్తిగా అబద్ధాల కోరని విమర్శించారు. ప్రతిపక్షంలో ఉన్న సమయంలో ఏపీకి ప్రత్యేకహోదా ఇస్తామని చెప్పిన వెంకయ్యనాయుడు ఇప్పుడు మాటమార్చడం చూసి.. జనం ఆయన్ను మాట మార్చిన వెంకయ్యగా పిలుస్తున్నారని ఎద్దేవ చేశారు.


 మొయినాబాద్ రూరల్ (రంగారెడ్డి జిల్లా): మొయినాబాద్ మండలం హిమాయత్‌నగర్‌లోని గండిపేట తెలుగువిజయంలో గురువారం రెండోరోజు మహానాడులో సీమాంధ్ర ప్రాంతాల నుంచి వచ్చిన తెలుగుతమ్ముళ్లే కనిపించారు. తెలంగాణ జిల్లాల నుంచి తక్కువ సంఖ్యలో నాయకులు, కార్యకర్తలు మాత్రమే హాజరయ్యారు. మహానాడులో జిల్లా నేతల హడావుడి గతంలో ఎక్కువగా ఉండేది.
 
 టీడీపీని వీడి ప్రజాదరణ కలిగిన నాయకులు, ప్రజాప్రతినిధులు ఇతర పార్టీల్లోకి వెళ్లడంతో ఈసారి ఇక్కడి నేతల సందడే లేకుండా పోయింది. జిల్లా నేతలు, కార్యకర్తలు పెద్దగా కనిపించలేదు. మరోవైపు మహానాడుకు వచ్చిన నాయకులు, కార్యకర్తలు తమపేర్లు నమోదు చేసుకోవడానికి ఏ కౌంటర్‌లోకి వెళ్లాలో తెలియక అయోమయానికి గురయ్యారు. ప్రధాన ద్వారం వద్ద ఆయా జిల్లాలవారు నమోదు కేంద్రాల్లో పేర్లు నమోదు చేయించుకోవడానికి గతంలో కౌంటర్లను ఏర్పాటు చేసేవారు. ఈసారి అది లేకపోవడంతో వచ్చిన వారు తికమకపడ్డారు.
 
 ఇక సభా ప్రాంగణంలో సరైన సౌకర్యాలు లేకపోవడంతో చాలామంది మధ్యాహ్నానికే తిరుగుముఖం పట్టారు. దప్పిక తీర్చుకోవడానికి తెలుగుతమ్ముళ్లు హిమాయత్‌నగర్ చౌరస్తా, అజీజ్ నగర్ చౌరస్తా సమీపంలోని వైన్‌షాపులకు క్యూ కట్టారు. రెండు రోజులుగా మహానాడు జరుగుతుండడంతో ప్రజలు ట్రాఫిక్ ఇక్కట్లను ఎదుర్కొంటున్నారు. అసలే మండే ఎండలు.. ఆపై గంటల తరబడి ట్రాఫిక్‌లో ఇరుక్కుని నానా అవస్థలు పడ్డారు.


 మహానాడు వేదికగా చంద్రబాబు పిలుపు
  
 హైదరాబాద్: రెండు రాష్ట్రాల ప్రజల శ్రేయస్సు కోసం కృషి చేయడమే తెలుగుదేశం పార్టీ విధానమని ఆ పార్టీ అధ్యక్షుడు, ఆంధ్రప్రదేశ్ ముఖ్యమంత్రి ఎన్.చంద్రబాబు నాయుడు చెప్పారు. ప్రజా సంక్షేమం కోసం రెండు రాష్ట్రాలు కలసి పనిచేయాలని పిలుపునిచ్చారు. ఆయన బుధవారం గండిపేటలోని తెలుగు విజయం ప్రాంగణంలో పార్టీ జెండాను ఎగురవేసి మూడు రోజుల పాటు జరిగే పార్టీ 34 వ మహానాడును ప్రారంభించారు. అనంతరం వేదిక నుంచి అధ్యక్షోపన్యాసం చేశారు. సమన్యాయమంటే రెండు కళ్ల సిద్ధాంతమని ఎగతాళి చేశారనీ, విమర్శకులకు ఇదే తమ సమాధానమంటూ... వేదికపై కుడివైపున కాకతీయ తోరణం, ఎడమవైపున అమరావతి స్థూపాన్ని చూపించారు. టీడీపీ చేసిన అభివృద్ధితోనే తెలంగాణలో మిగులు బడ్జెట్ ఉందని, దీనిపై చర్చకు సిద్ధంగా ఉన్నామని సవాలు విసిరారు. అధికార, ప్రతిపక్షాలు రాజకీయ ప్రయోజనాల కోసం విమర్శించుకోవచ్చు కానీ ప్రభుత్వాలు మాత్రం సహకరించుకోవాలన్నారు. ఎప్పడు ఢిల్లీ వెళ్లినా రెండు తెలుగు రాష్ట్రాల గురించే మాట్లాడతానని చెప్పారు.
 
 విద్వేషాల వల్ల ఎవరికీ ఏ ప్రయోజనం లేదన్న విషయాన్ని తెలంగాణ ప్రభుత్వం గుర్తుంచుకోవాలన్నారు. సమస్యలను కూర్చుని పరిష్కరించుకుందామని, అవసరమైతే కేంద్రం సాయం కూడా తీసుకుందామని సూచించారు. టీఆర్‌ఎస్ ఇబ్బంది పెట్టాలని చూస్తోందని, టీడీపీ నాయకులను బజారులో పశువుల్లా కొంటోందని ధ్వజమెత్తారు. ఒకరిద్దరు నేతలు పార్టీ నుంచి బైటకు పోయినా మరింతమంది నేతలను తయారు చేయటంతోపాటు బలీహ నపడకుండా చూశామని చెప్పారు. టీడీపీని జాతీయ పార్టీగా మార్చే అంశంపై సుదీర్ఘంగా చర్చించాలన్నారు. జెండా, గుర్తు విషయంలో ఇబ్బందులు రాకుండా జాగ్రత్తలు తీసుకోవాలని చెప్పారు.
  
 అవినీతి కాంగ్రెస్
 
  రాష్ట్రంలో పదేళ్ల పాటు అవినీతి పాలన సాగించిన కాంగ్రెస్ పార్టీ అడ్డగోలుగా రాష్ట్రాన్ని విభజించిందని చంద్రబాబు ధ్వజమెత్తారు. ఏపీలో వైఎస్సార్ కాంగ్రెస్‌తో, తెలంగాణలో టీఆర్‌ఎస్‌తో మిలాఖత్ కావడం ద్వారా టీడీపీని దెబ్బతీయాలని విఫలయత్నం చేసిందని ఆరోపించారు. రాజధాని విషయంలో వైఎస్సార్ కాంగ్రెస్ నాయకులు స్థానిక ప్రజలను రెచ్చగొట్టి లబ్ధి పొందాలని సూస్తున్నారని విమర్శించారు. ఎన్ని ఇబ్బందులున్నా రుణమాఫీ చేసి రైతుల ముఖాల్లో ఆనందం చూశామన్నారు. 2022 నాటికి దేశంలోనే టాప్3 స్థానంలో ఏపీని నిలబెట్టేందుకు శాయశక్తులా కృషి చేస్తామని ఆయన చెప్పారు. టీడీపీకి 54 లక్షల మంది కార్యకర్తలు ఉన్నారంటే అందరి సహకారంవల్లే సాధ్యమైందని కార్యకర్తల సంక్షేమ నిధి సమన్వయకర్త నారా లోకేశ్ ప్రసంగిస్తూ చెప్పారు. టీడీపీ ప్రవేశపెట్టిన ప్రమాద బీమాను చూసిన తర్వాత ప్రధాని నరేంద్ర మోదీ దేశవ్యాప్తంగా ప్రజలకు ప్రమాద బీమా సౌకర్యం కల్పించారన్నారు.
  
 నియమావళిలో మార్పులు
 
 టీడీపీకి జాతీయస్థాయి గుర్తింపు కోసం ప్రయత్నించాలని నిర్ణయించిన నేపథ్యంలో భవిష్యత్తులో ఆయా రాష్ట్రాల్లో పార్టీని విస్తరించుకోవడానికి వీలుగా పార్టీ నియమావళిలో పలు సవరణలను మహానాడు వేదికగా ప్రతిపాదించారు.
  
 మహానాడు సమావేశాలకు సాక్షి మీడియా గ్రూపును అనుమతించలేదు. సాక్షి మీడియా గ్రూపు ప్రతినిధులను అనుమతించరాదని స్వయంగా చంద్రబాబే ఆదేశాలివ్వడంతో మహానాడును కవర్ చేయడానికి వచ్చిన ఇతర మీడియా ప్రతినిధులను కూడా భద్రతా సిబ్బంది క్షుణ్ణంగా తనిఖీ చేసి, వారి గుర్తింపు కార్డులను పరిశీలించి, ‘సాక్షి’ కాదని తెలుసుకున్నాకే అనుమతించారు. అయినప్పటికీ పాఠకులకోసం వివిధ మార్గాల్లో సమాచారాన్ని సేకరించి ఈ కథనాన్ని అందిస్తున్నాం.
  
  అట్టహాసంగా మహానాడు
  
 హైదరాబాద్/ చేవెళ్ల/ మొయినాబాద్: టీడీపీ మహానాడు అట్టహాసంగా జరుగుతోంది. గండిపేట సమీపంలోని తెలుగు విజయం ప్రాంగణంలో భారీగా ఏర్పాట్లు చేశారు. ఆంధ్ర, తెలంగాణ సంస్కృతి ఉట్టిపడేలాతీర్చిదిద్దారు.
 
 పోలీసులతో బాలయ్య వాగ్వాదం
 
  చంద్రబాబు వియ్యంకుడు నందమూరి బాలకృష్ణ కారును ప్రాంగణం బయట పోలీసులు ఆపేసి, అక్కడి నుంచి నడిచి వెళ్లాలనడంతో ఆయన ఆగ్రహించారు. ‘నన్నే ఆపుతారా...?’ అంటూ పోలీసులను లెక్కచేయకుండా మహానాడు వేదిక ప్రధాన ద్వారం వరకూ తన కారులోనే వెళ్లారు.
 
  ఆకర్షించిన ఎన్టీఆర్ పెళ్లి పత్రిక
 
  మహానాడు ప్రాంగణంలో ఏర్పాటు చేసిన ఫొటో ఎగ్జిబిషన్‌లో ప్రదర్శించిన టీడీపీ వ్యవస్థాపకుడు ఎన్టీఆర్ వివాహ శుఖలేఖను ప్రతినిధులంతా ఆసక్తిగా తిలకించారు. 1942 మే 2వ తేదీ రాత్రి 3.23 గంటలకు కొమరవోలు గ్రామంలో ఎన్టీఆర్‌తో తన కూతురి వివాహానికి రావాలంటూ బసవతారకం తండ్రి కాట్ర చెంచయ్య ఆ శుభలేఖను ముద్రించారు. మహానాడులో  ఏపీ రాష్ట్ర గీతాన్నే ఆలపించిన వైనం తెలంగాణ రాజధాని హైదరాబాద్‌కు చేరువలో నిర్వహిస్తున్న మహానాడులో ‘మా తెలుగు తల్లికి...’ అంటూ ఏపీ రాష్ట్ర గీతాన్ని మాత్రమే ఆలపించారు. దాంతో టీటీడీపీ క్యాడర్ ఆగ్రహించింది.
 
 మీడియా ఇక్కట్లు..
 
 మహానాడు కవరేజికి హాజరైన మీడియా ప్రతినిధులను పట్టించుకునే నాథుడే కరువయ్యారని పలువురు విలేకరులు ఆవేదన వ్యక్తంచేశారు. మీడియా గ్యాలరీలో పార్టీ నాయకులే కూర్చోవటంతో తాము గంటల తరబడి నిల్చుండి నిరీక్షించాల్సి వచ్చిందన్నారు. ఎలక్ట్రానిక్ మీడియా వారికి సైతం కెమెరాలను ఏర్పాటు చేసుకునే అవకాశం లేకుండా కేవలం పార్టీ తరఫునే రికార్డు చేసి టీవీలకు ఔట్‌పుట్ ఇచ్చారు. ప్రధాన గేటు వద్ద విలేకరులకు జారీ చేసిన గుర్తింపు కార్డులను నమ్మకుండా తిరిగి ఐడీ కార్డులను చూపాలనడాన్ని విలేకరులు వ్యతిరేకించారు.
  


 - ఎన్టీఆర్ ట్రస్ట్ భవన్ ముట్టడికి యత్నం
 - ఎమ్మార్పీఎస్ నాయకుల అరెస్ట్
 బంజారాహిల్స్ : మహానాడులో ఎస్సీ వర్గీకరణ బిల్లుపై చర్చించి, వచ్చే అసెంబ్లీ సమావేశాల్లో  బిల్లును ప్రవేశ పెట్టాలని డిమాండ్ చేస్తూ తెలంగాణ ఎమ్మార్పీఎస్ కార్యకర్తలు బుధవారం  బంజారాహిల్స్‌లోని ఎన్టీఆర్ ట్రస్ట్ భవన్ ముట్టడికి యత్నించారు. తెలంగాణ ఎమ్మార్పీఎస్ నేత వంగపల్లి శ్రీను నాయకత్వంలో కార్యకర్తలు భారీగా తరలివచ్చి ట్రస్ట్ భవన్‌లోకి చొచ్చుకెళ్లేందుకు యత్నించారు. ఇప్పటికైనా స్పందించకుంటే రాష్ట్రంలోని టీడీపీ కార్యాలయాలు ముట్టడిస్తామని పేర్కొన్నారు. ఆందోళనకు దిగిన ఎమ్మార్పీఎస్ నాయకులు దండు సురేందర్, చింత ప్రభాకర్, నాగారం బాబు, కనకరాజు, మంచాల యాదగిరి, అంజయ్యతో పాటు కార్యకర్తలను పోలీసులు అదుపులోకి తీసుకొని స్టేషన్‌కు తరలించారు.
 
 ఆర్టీసీ క్రాస్ రోడ్డులో ఆందోళన
 చిక్కడపల్లి : వర్గీకరణకు సహకరించకుండా ఎస్సీలను ఏపీ సీఎం చంద్రబాబు మోసం చేశాడని తెలంగాణ ఎమ్మార్పీఎస్ రాష్ట్ర ఉపాధ్యక్షుడు జన్ను కనకరాజు ఆరోపించారు. ఈ మేరకు ఎమ్మార్పీఎస్ ఆధ్వర్యంలో చంద్రబాబునాయడు దిష్టిబొమ్మను బుధవారం ఆర్టీసీ క్రాస్ రోడ్డులో దహనం చేశారు. అనంతరం కనకరాజు మాట్లాడుతూ.. మహనాడు సందర్భంగా ఎస్సీ వర్గీకరణకు అనుకూలంగా నిర్ణయం చేసి అసెంబ్లీలో తీర్మానం చేయాలని డిమాండ్ చేశారు. నాయకులు కె.మురళి, లక్ష్మణ్, సాయిలు, మంచాల యాదగిరి పాల్గొన్నారు.
 
 ఓయూలో చంద్రబాబు దిష్టిబొమ్మ దహనం
 ఉస్మానియా యూనివర్సిటీ: ఓయూ ఆర్ట్స్ కాలేజ్ ఎదుట ఏపీ సీఎం చంద్రబాబునాయుడి  దిష్టిబొమ్మను బుధవారం మాదిగ విద్యార్థి సమాఖ్య (ఎంఎస్‌ఎఫ్) కార్యకర్తలు దహనం చేశారు. ఈ సందర్భంగా ఆ సంఘం నాయకులు మాట్లాడుతూ..ఎస్సీ వర్గీకరణ బిల్లును అసెంబ్లీలో ప్రవేశపెట్టకుండా నిర్లక్ష్యం చేస్తున్నారని ఆరోపించారు. నిన్నమొన్నటి వరకు చంద్రబాబునాయుడి పై నిప్పులు కక్కిన ఎమ్మార్పీఎస్ నేత మందకృష్ణమాదిగ, మహానాడు జరుగుతున్న నేపథ్యంలో స్పందించకపోవడం దారుణమన్నారు. కార్యక్రమంలో అలెగ్జాండర్, కొల్లూరి వెంకట్, కొంగరి శంకర్, నర్సింహ్మ, నగేష్, రమేష్, తిరుపతి, పిడుగు మంజుల  పాల్గొన్నారు.


 - జూన్10 వరకు పొడిగించే అవకాశం
 - సీఎం దృష్టికి తీసుకెళ్లిన మంత్రులు
 - మహానాడు ఎఫెక్ట్..
 సాక్షి, విశాఖపట్నం: షెడ్యూల్ ప్రకారం బదిలీల ప్రక్రియ ఈ నెలాఖరుతో ముగియాల్సిఉంది. జూన్ ఒకటి లేదా రెండో తేదీల్లో బదిలీ అయినవారు కొత్తస్థానాల్లో చేరాల్సిఉంది. తొలుత ఐదేళ్లు అని.. ఆ తర్వాత మూడేళ్ల పాటు ఒకేచోట పనిచేసిన వారు బదిలీకి అర్హులని ప్రకటించిన ప్రభుత్వం  ఒక్కో శాఖకు ఒక్కో రీతిలో గైడ్‌లైన్స్ జారీతో ఉద్యోగుల్లో గందరగోళం నెలకొంది.
 
 దీనికి తోడు పరిపాలనా సౌలభ్యం పేరిట ఎవరినైనా బదిలీ చేసే అవకాశం కల్పించడంతో ప్రతీ ఒక్కరినీ అభద్రతా భావం వెన్నాడుతోంది. షెడ్యూల్ లోగా ఈ బదిలీల తంతు పూర్తి చేయాలన్న తలంపుతో వారంరోజులుగా ప్రభుత్వ శాఖలన్నీ సీనియారిటీ లిస్టుల తయారీలో తలమునకలయ్యాయి.
 
 నాలుగైదుశాఖలు మినహా మిగిలిన శాఖల్లో సీనియార్టీల జాబితాల తయారీపై ఒక స్పష్టత వచ్చింది. విద్య, వైద్య, ఆరోగ్యం, రవాణా, ప్రొహిబిషన్,ఎక్సైజ్,పోలీస్ వంటి శాఖల్లో ఇంకా స్పష్టత రావాల్సి ఉంది. కాగా ఈరోజు నుంచే  సీనియార్టీ జాబితాల్లో ఉన్న వారు తాము కోరుకున్న ప్రాంతాల కోసం ఆన్‌లైన్‌లో దరఖాస్తు చేసుకోవాలి. 29 కల్లా ఉద్యోగలు బదిలీల ఫైళ్లను జిల్లా కమిటీ ఆమోదానికి పంపాలి. 31వ తేదీ లోగా కమిటీ ఆమోదముద్ర వేయడం..అదే రోజు అపాయింట్‌మెంట్, రిలీవింగ్ ఆర్డర్స్ ఇవ్వడం జరిగిపోవాలి. జూన్ ఒకటి కల్లా వీరంతా విధుల్లో చేరాలి.
 
 కానీ ఈరోజు వరకు బదిలీల జాబితాలు ఇంకా పూర్తిగా కొలిక్కి రాలేదు. ఈ ప్రక్రియ కమిటీకి నేతృత్వం వహించాల్సిన జిల్లా ఇన్‌చార్జి మంత్రియనమల రామకృష్ణుడుతో పాటు జిల్లా మంత్రులు చింత కాయల అయ్యన్నపాత్రుడు,గంటా శ్రీనివాసరావులు టీడీపీ మహానాడులో ఉన్నారు. వీరంతా జిల్లాకు జూన్ ఒకటి నాటికి కానీ విశాఖ రాలేని పరిస్థితి నెలకొంది. మరో పక్క ఈ కమిటీలో మరో కీలక సభ్యుడైన జిల్లా కలెక్టర్ యువరాజ్ స్వచ్చభారత్ మిషన్‌లో శిక్షణ పొందేందుకు హర్యానా రాష్ర్టంలోని ఫదీరాబాద్‌కు బయల్దేరి వెళ్తున్నారు.
 
 దీంతో బదిలీ కమిటీ సభ్యులెవరూ ఈనెల 30వ తేదీ వరకు జిల్లాలో అందుబాటులో ఉండే అవకాశం లేదు. మరొకపక్క రాష్ర్ట విభజన రోజైన జూన్ రెండో తేదీన రాష్ర్ట ప్రభుత్వం తలపెట్టిన నవనిర్మాణ దీక్షను సర్కార్ ప్రతిష్టాత్మకంగా తీసుకుంది. ఆ తర్వాత ఆర్థిక పరిపుష్టి పేరిట డ్వాక్రా సంఘాల సభ్యులకు ఒక్కొక్కరికి మూడు వేల చొప్పున 3వ తేదీ నుంచి 8వ తేదీ వరకు వారి పొదుపు ఖాతాల్లో వేసే కార్యక్రమాన్నికూడా సర్కార్ ప్రతిష్టాత్మకంగా తీసుకుంది.
 
 జిల్లా స్థాయిలోనే కాదు..మండల స్థాయిలో కూడా భారీ ఎత్తున ఈ కార్యక్రమాలు నిర్వహించాలని తలపోసింది. 30వ తేదీలోపు కమిటీ సభ్యులెవరూ అందుబాటులో లేకపోవడం ఆ తర్వాత వరుసగా ప్రభుత్వ కార్యక్రమాలుండంతో బదిలీల ప్రక్రియకు మరో పది రోజుల గడువు కోరనున్నట్టు మంత్రులు ఇప్పటికే ప్రకటించారు. ఈ విషయాన్ని మహానాడులో ముఖ్యమంత్రి చంద్రబాబు దృష్టికి తీసుకెళ్తామని చెప్పారు. ఇదే పరిస్థితి రాష్ర్టవ్యాప్తంగా ఉండడంతో ఒక్క మన జిల్లాలోనే కాదు..రాష్ర్టవ్యాప్తంగా బదిలీల ప్రక్రియకు గడువు పెంచే అవకాశాలు లేకపోలేదని అధికారులంటున్నారు.
 
 అయితే ఈ నెల30వ తేదీలోగా బదిలీల ప్రక్రియ పూర్తిచేస్తే జూన్ 1, 2 తేదీల్లో కొత్త పోస్టింగ్‌లో చేరడం వలన పాఠశాలలు తెరిచేలోగా కొత్త ప్రాంతాల్లో ఇల్లు చూసుకునేందుకు, కుటుంబాలను షిప్ట్ చేసుకు నేందుకు, పిల్లలకు పాఠశాలలు, కళాశాలల్లో అడ్మిషన్ల కోసం గడువు దొరుకుతుందని బదిలీ అవుతుందనుకున్నవారంతా భావిస్తున్నారు. షెడ్యుల్ ప్రకారం పూర్తిచేయాలని వారు కోరుతుంటే..మరో పదిరోజులు గడువు తప్పదని ప్రజాప్రతినిధులు స్పష్టం చేస్తున్నారు. ఏది ఏమైనా ఈ విషయంలోమహానాడు ముగిసేలోగా ఒక క్లారిటీ వస్తుందని జిల్లాకు చెందిన ఓ ప్రజాప్రతినిధి సాక్షికి తెలిపారు.


 మొయినాబాద్ రూరల్ (రంగారెడ్డి జిల్లా): తెలంగాణ రాష్ట్ర రాజధానికి చేరువలో తెలుగుదేశం పార్టీ నిర్వహిస్తున్న మహానాడులో ఆంద్రప్రదేశ్‌కు చెందిన రాష్ట్రీయ గీతాన్ని మాత్రమే ఆలకించటం తెలంగాణ పార్టీ క్యాడర్‌కు ఆగ్రహం తెప్పించింది. మహానాడు ప్రారంభం కాగానే "మాతెలుగుతల్లికి మంగళహారతులు" గీతాన్ని ఆలపించారు. ప్రధాన వేదికపై ఓవైపు తెలంగాణ చిహ్నమైన ఓరుగల్లు స్థూపం, మరోవైపు అమరావతి స్థూపాలను ఏర్పాటు చేశారు.
 
 రెండు రాష్ట్రాల్లో తమ పార్టీ ఉందని, రాబోయే రోజుల్లో తెలంగాణలోను అధికారంలోకి వస్తామని ప్రగల్బాలు పలుకుతున్న పార్టీ నాయకులు ఏకంగా తెలంగాణ రాష్ట్రీయ గీతం "జయజయహే తెలంగాణ"ను ఆలకించకపోయినా వేదిక మీద ఉన్న తెలంగాణ నేతలెవరూ నోరు మెదపకపోవటాన్ని కింద కూర్చున్న క్యాడర్ జీర్ణించుకోలేకపోయారు. జాతీయ పార్టీగా ఎదుగుతామని ఓ వైపు ప్రకటించుకుంటూనే కనీసం అటు జాతీయ గీతం, ఇటు తెలంగాణ రాష్ట్రంలో మహానాడు జరుపుకుంటూ ఆ రాష్ట్ర గీతాన్ని ఆలకించకపోవటంతో పలువురు తెలంగాణ వాదులు ఆగ్రహం వ్యక్తం చేశారు.


 హైదరాబాద్ : మహానాడు ప్రాంగణంలో హిందుపురం ఎమ్మెల్యే, నటుడు బాలకృష్ణ తడాఖా చూపించారు. గండిపేటలో జరుగుతున్న టీడీపీ మహానాడు ప్రాగణం వద్ద కారు పార్కింగ్ విషయంలో బాలకృష్ణ  పోలీసులతో వాగ్వివాదానికి దిగారు. వీఐపీ పార్కింగ్ స్థలంలో కారును పార్క్ చేసి మహానాడు ప్రాంగణానికి వెళ్లాలని పోలీసులు సూచించారు.  
 
 మహానాడుకు వచ్చే వారికి ఇబ్బంది కలగకుండా ఉండేందుకు బాలయ్యను కారు వీఐపీలకు కేటాయించిన ప్రాంతంలోనే పార్క్ చేయాలని స్పష్టం చేశారు. అయితే పోలీసుల ఆదేశాలను పట్టించుకోకుండా బాలకృష్ణ...మహానాడు వేదిక మెయిన్ గేట్ వరకూ కారులోనే వెళ్లారు. తాను హిందుపురం ఎమ్మెల్యేనని, తననే ఆపుతారా అంటూ ఆగ్రహం వ్యక్తం చేసినట్లు సమాచారం. ఈ సందర్భంగా పోలీసులను ఉద్దేశించి అసభ్య పదజాలంతో దూషించినట్లు తెలుస్తోంది. ఇందుకు సంబంధించి పూర్తి వివరాలు తెలియాల్సి ఉంది.


 హైదరాబాద్ : నగరంలోని గండిపేటలో టీడీపీ మహానాడు అట్టహాసంగా ప్రారంభమైంది. టీడీపీ అధ్యక్షుడు, ఆంధ్రప్రదేశ్ ముఖ్యమంత్రి చంద్రబాబు నాయుడు బుధవారం ఉదయం మహానాడును ప్రారంభించారు. ఆయన ముందుగా పార్టీ పతాకాన్ని ఆవిష్కరించి, జ్యోతి ప్రజ్వలన చేశారు. అలాగే మహానాడు ప్రాంగణంలో ఏర్పాటు చేసిన పార్టీ వ్యవస్థాపకుడు ఎన్టీఆర్ విగ్రహానికి పూలమాల వేసి నివాళులు అర్పించారు.
 
 మహానాడుకు పార్టీ నేతలు, కార్యకర్తలు భారీగా తరలివచ్చారు. మధ్యాహ్నం 12 గంటలకు చంద్రబాబు ప్రసంగించనున్నారు. మూడు రోజుల పాటు మహానాడు జరగనుంది. అంతకు ముందు చంద్రబాబుకు బోనాలు, బతుకమ్మతో మహిళలు స్వాగతం పలికారు. అలాగే మహానాడు ప్రాంగణంలో ఏర్పాటు చేసిన ఫోటో ఎగ్జిబిషన్తో పాటు రక్తదాన శిబిరాన్ని కూడా చంద్రబాబు ప్రారంభించారు.


 ఆహ్వానించరాదంటూ సీఎం చంద్రబాబు ఆదేశాలు 
  సాక్షి, హైదరాబాద్: తెలుగుదేశం పార్టీ అధ్యక్షుడు, ముఖ్యమంత్రి చంద్రబాబు నాయుడు మరోసారి ‘సాక్షి’పై తన అక్కసు ప్రదర్శించారు. బుధవారం నుంచి నిర్వహిస్తున్న మహానాడు సమావేశాలకు ‘సాక్షి’ మీడియా గ్రూపుపై నిషేధం విధించారు. సాక్షి గ్రూపు మీడియా సంస్థల ప్రతినిధులకు పాసులు జారీ చేయవద్దని పార్టీ మీడియా కమిటీకి స్పష్టమైన ఆదేశాలు జారీచేశారు. టీడీపీ గత రెండేళ్లుగా సాక్షి మీడియా గ్రూపు ప్రతినిధులను ఏ సమావేశానికి అనుమతించడం లేదు. ముఖ్యమంత్రిగా చంద్రబాబు బాధ్యతలు చేపట్టిన తర్వాత అధికారిక కార్యక్రమాలకు కూడా రాకుండా సాక్షిని నిషేధించారు.
  
  అయితే ఈ విషయంలో ప్రెస్ కౌన్సిల్ ఆఫ్ ఇండియా జోక్యం చేసుకుని నోటీసులు జారీ చేయడంతో అప్పటినుంచి అధికారిక కార్యక్రమాలకు మాత్రం అనుమతినిస్తున్న విష యం తెలిసిందే. కానీ పార్టీపరంగా నిర్వహించే కార్యక్రమాలకు ఇప్పటికీ అనుమతివ్వడం లేదు. నిజానికి ఏ రాజకీయ అయినా పార్టీ రాజ్యాంగ పరిధిలో ప్రజా ప్రాతినిథ్య చట్టం 1951లోని సెక్షన్ (29ఎ)కు లోబడి పనిచేయాల్సి ఉంటుంది. వ్యతిరేక వార్తలు రాస్తున్నారన్న ఏకైక కారణంతో ఆంధ్రప్రదేశ్, తెలంగాణ రాష్ట్రాల్లో అశేష పాఠకాదరణ పొందిన పత్రికను రానివ్వకుండా అడ్డుకోవడంపై సర్వత్రా నిరసనలు వ్యక్తమవుతున్నాయి. పనిగట్టుకుని వ్యతిరేక వార్తలు రాసినప్పటికీ పత్రికల విషయంలోనూ గతంలో ఏ ముఖ్యమంత్రీ ఈ రకంగా సమావేశాలకు రానివ్వకుండా నిషేధం విధించలేదు. సాక్షి ఆవిర్భావం నుంచి ఆధారాలు చూపిస్తూ ప్రజల పక్షాన నిలుస్తూ వార్తలు రాసింది. చంద్రబాబు ముఖ్యమంత్రిగా బాధ్యతలు చేపట్టిన తర్వాత అనేక వ్యవహారాలపై సాక్షి నిక్కచ్చిగా వార్తలు రాయడం సహించలేకనే మహానాడుకు ఆహ్వానించలేదన్న విషయం స్పష్టంగా అర్థమవుతోంది.
  
  అప్రజాస్వామికం
  ‘సాక్షి’ మీడియాతో పాటు మరో మీడియా సంస్థ మీద టీడీపీ విధించిన నిషేధాన్ని తక్షణమే ఉపసంహరించుకోవాలని వివిధ పాత్రికేయ సంఘాలు డిమాండు చేశాయి. అధికార పార్టీ తనకు నచ్చని మీడియాపై ఇలా వ్యవహరించడం ప్రజాస్వామ్యాన్ని కాలరాయడమేనని స్పష్టం చేశాయి. మహానాడు వార్తలను కవర్ చేయనీయకుండా కొన్ని మీడియా సంస్థలను నిషేధించడాన్ని ఇండియన్ జర్నలిస్ట్స్ యూనియన్ (ఐజేయూ), ఆంధ్రప్రదేశ్ వర్కింగ్ జర్నలిస్ట్స్ యూనియన్ (ఏపీయూడబ్ల్యూజే), ప్రెస్ కౌన్సిల్ ఆఫ్ ఇండియా వేర్వేరు ప్రకటనల్లో ఖండించాయి.
  
  పత్రికా స్వేచ్ఛకు తీవ్ర విఘాతం
  అధికారం పార్టీ  ఇలా కొన్ని మీడియా సంస్థలను కవరేజికి రాకుండా అడ్డుకునే చర్యలకు పూనుకోవడం అప్రజాస్వామికమే కాదు. ప్రజాస్వామ్యానికి, పత్రికా స్వేచ్ఛకు తీవ్ర విఘాతం కలిగించడమే. చంద్రబాబు ఇప్పటికైనా ఈ విషయంపై పునరాలోచన చేయాలి.
  - కె శ్రీనివాసరెడ్డి, ఐజేయూ నేత
  
  నిషేధాన్ని ఉపసంహరించుకోవాలి
  రాజకీయ పక్షాల మధ్య వైరుధ్యాలుంటే రాజకీయంగా తేల్చుకోవాలేగానీ పత్రికా స్వేచ్ఛకు విఘాతం కలిగించేలా వ్యవహరించడం తగదు. మహానాడు సందర్భంగా సాక్షి పత్రిక, ఛానల్‌తోపాటు మరో మీడియా సంస్థను కవరేజికి రాకుండా నిషేధించడం నియంతృత్వ పోకడకు నిదర్శనం. ఈ నిషేధాన్ని తక్షణమే ఉపసంహరించుకోవాలి.
  - దేవులపల్లి అమర్, ఐజేయూ సెక్రెటరీ జనరల్
  
  ప్రజల హక్కును కాలరాయడమే
  మీడియా సంస్థలను  కవరేజికి రానీయకపోవడం సబబు కాదు. ఇది ఆ మీడియా సంస్థల పాఠకుల హక్కులను కాలరాయడ మే. నిషేధాన్ని ఉపసంహరించుకోవాలి.
  - కె.అమర్‌నాథ్, ప్రెస్ కౌన్సిల్ ఆఫ్ ఇండియా సభ్యుడు
  
  ఇవేనా బాబు చెప్పే నీతులు?
  టీడీపీ అధ్యక్షుడు కూడా అయిన సీఎం చంద్రబాబు ఇటీవల విశాఖపట్నం పర్యటన సందర్భంగా మీడియా ప్రతినిధులకు నీతులు చెప్పారు. ఇలాంటి వ్యక్తి కొన్ని మీడియా సంస్థలపై నిషేధించడం దారుణం.
      - ధర్మారావు, ఏపీయూడబ్ల్యూజే, అధ్యక్షుడు
  దారుణం..
  నచ్చని మీడియా సంస్థల విషయంలో చంద్రబాబు వైఖరి ఏమాత్రం సమంజసంగా లేదు. సీఎం హోదాలో ఉన్న వ్యక్తి ఇలా కొన్ని మీడియా సంస్థలను కవరేజికి రాకుండా ఉండేలా చేయడం దారుణం.
  - ఐవీ సుబ్బారావు, ఏపీయూడబ్ల్యూజే ప్రధాన కార్యదర్శి


 సాక్షి, రంగారెడ్డి జిల్లా ప్రతినిధి: తెలుగుదేశం పార్టీ ప్రతిష్టాత్మకంగా భావించే ‘మహానాడు’కు మరోసారి జిల్లా అతిథ్యమిస్తోంది. మహానాడును వేడుకలా భావించే టీడీపీ నాయకత్వం గండిపేట కుటీరాన్ని సర్వాంగ సుందరంగా తీర్చిదిద్దింది. మూడు రోజులపాటు జరిగే సమావేశాలకు భారీ వేదిక, సభా ప్రాంగణాన్ని సిద్ధం చేసిన ‘దేశం’ నాయకులు తెలుగు రాష్ట్రాల చారిత్రక, సంస్కృతులు ప్రతిబింబించేలా వేదికను ఏర్పాటు చేశారు. కాకతీయ కళాతోరణం, అమరావతి బుద్ధ విగ్రహాంతో స్టేజీని రూపొందించింది.
  
  వివిధ అంశాలపై సమావేశాల్లో చర్చలు, తీర్మానాలు చేయనున్నారు. సభాస్థలికి దారితీసే మార్గాలను ఫ్లెక్సీలు, బ్యానర్లు, జెండాలతో పసుపుమయం చేశారు. ఇరు రాష్ట్రాల నుంచి తరలివచ్చే కార్యకర్తలు సేదతీరేలా, ఎన్టీఆర్ మోడల్ స్కూల్‌లో బస చేసేలా ఏర్పాట్లు చేశారు. ఇటీవల ఇద్దరు ఎమ్మెల్యేలు టీఆర్‌ఎస్ బాట పట్టినప్పటికీ, దాని ప్రభావం పార్టీపై లేదని చూపేలా గండిపేట మార్గాన్ని అలంకరించారు. మహానాడుకు 40వేల మంది నేతలు, కార్యకర్తలు తరలివస్తారని అంచనా వేస్తున్న టీడీపీ.. ప్రాంగణంలో నేతల ప్రసంగాలను ఎక్కడి నుంచైనా వీక్షించేందుకు ప్రత్యేక ఏర్పాట్లను చేశారు. తెలుగుదేశం ఆవిర్భావం నుంచి ఇప్పటివరకు జరిగిన పరిణామక్రమాలను వివరిస్తూ ఫొటో ఎగ్జిబిషన్, రక్తదాన శిబిరాలను నిర్వహించను న్నారు. దీనికితోడు దూరప్రాంతాల నుంచి వచ్చే శ్రేణులకు భోజనాలను వడ్డించేందుకు పసందైన వంటకాలను సిద్ధం చేస్తున్నారు. రెండు రాష్ట్రాల వంటకాలు మెనూలో చర్యలు తీసుకుంటున్నారు.
  
  తమ్ముళ్లకు అలంకర ణ బాధ్యత!
  అధికారపార్టీ దూకుడుతో దిక్కుతోచని పరిస్థితిని ఎదుర్కొంటున్న జిల్లా టీడీపీ నాయకత్వం.. మహానాడుతో సత్తా చాటాలని భావిస్తోంది. ఈ నేపథ్యంలో మహానాడుకు ఆతిథ్యమిస్తున్న మార్గాన్ని ప్రత్యేకంగా ముస్తాబు చేశారు. రాజేంద్రనగర్ నియోజకవర్గంలోని టిప్పుఖాన్ వంతెన నుంచి స్థభాస్థలి వరకు స్వాగతతోరణాలు ఏర్పాటు చేశారు. హిమాయత్‌నగర్ గ్రామంలో ఉదయం 9 గంటలకు పార్టీ అధినేత చంద్రబాబు పార్టీ జెండా ఆవిష్కరించేలా షెడ్యూల్‌ను ఖరారు చేశారు. పార్టీ జిల్లా సారథిగా బాధ్యతలు స్వీకరించిన తర్వాత తొలిసారి జరుగుతున్న మహానాడును విజయవంతం చేసేందుకు రాజేంద్రనగర్ ఎమ్మెల్యే ప్రకాశ్‌గౌడ్ సర్వశక్తులొడ్డారు. పార్టీ శ్రేణులను సమాయత్తం చేయడమేకాకుండా.. వేలాదిగా తరలివచ్చే వాహనశ్రేణిని క్రమబద్ధీకరించేందుకు ప్రత్యేకంగా ఏర్పాట్లు చేశారు.


 మొయినాబాద్ రూరల్: మండలంలోని హిమాయత్‌నగర్, గండిపేట ఎన్‌టీఆర్ కుటీరంలో రేపు జరుగనున్న మహానాడుకు టీడీపీ ఏర్పాట్లు వేగంవం తం చేసింది. సోమవారం నాడు ఏపీ సీఎం సెక్యూరిటీ అధికారి సత్యనారాయణ, సైబారాబాద్ సె క్యూరిటీ వింగ్ అధికారి నారాయణ, ఏపీ డీజీపీ జే వీ.రాముడు, ఆడిషనల్ డీజీపీ అనురాధ, సైబరాబాద్ ట్రాపిక్ డీజీపీ అవినాష్ మహంతి, ట్రాఫిక్ డీజీపీ శ్రీనివాస్‌రావు తదితర అధికారులు మహానా డు నిర్వహించే ప్రాంతాలను క్షుణంగా పరిశీలించారు. వాహనాలకు ఎలాంటి ట్రాఫిక్ ఇబ్బందులు కలుగకుండా పూర్తిస్థాయిలో బందోబస్తు నిర్వహిం చాలన్నారు. ప్రతి ఒక్కరికీ గుర్తింపుకార్డు ఉంటేనే అనుమతించాలన్నారు.
 
 వీరి వెంట ఎస్‌బీ ఇన్స్‌పెక్టర్ లక్ష్మీనారాయణ, రాజేంద్రనగర్ ఏసీపీ గంగారెడ్డి, తహసీల్దార్ గంగాధర్, మొయినాబాద్ సీఐ రవిచంద్ర, ఎస్‌ఐ సంజీవ్‌కుమార్, అంతిరెడ్డి, సి బ్బంది ఉన్నారు. టీడీపీ జిల్లా అధ్యక్షుడు ప్రశాశ్‌గౌడ్, మహిళా అద్యక్షురాలు తులసి మాట్లాడుతూ మహానాడును ఘనంగా నిర్వహించేందుకు పూర్తిస్థాయిలో ఏర్పాటు చేస్తున్నామన్నారు. సోమవారం సాయంత్రం వసభావేదిక, ఫొటో గ్యాలరీ, భోజన వసతుల ఏర్పాట్లను, తాగునీటి తదితర వసతులు పరిశీలించారు. టీడీపీ నాయకులు  వెంకట్‌రెడ్డి, పెంటారెడ్డి, నన్నపనేని రాజకుమారి, మాధవి, సత్యవాణి, అంజలి, పద్మావతి, సుప్రియ, తులసి, కళావతి, స్వప్న, విజయలక్ష్మి, శేఖర్ ఉన్నారు.


 హైదరాబాద్ : ఆంధ్రప్రదేశ్ రాష్ట్రానికి ప్రత్యేక హోదాపై టీడీపీ మహానాడులో తీర్మానం చేసి కేంద్రంపై ఒత్తిడి చేయాలని కాంగ్రెస్ సీనియర్ నేత బొత్స సత్యనారాయణ డిమాండ్ చేశారు. ఏపీకి ప్రత్యేక హోదా అమలు చేసేందుకు కేంద్రానికి డెడ్ లైన్ పెట్టాలని ఆయన సోమవారమిక్కడ సూచించారు.
 
 ప్రత్యేక హోదాపై టీడీపీ ఏం చేయదలచుకుందో మహానాడు తీర్మానంలో స్పష్టం చేయాలని బొత్స అన్నారు. ఏడాది పాలనలో చంద్రబాబు సర్కార్ అన్నింటిలోనూ విఫలం అయిందని ఆయన విమర్శించారు. ప్రతి పనికి ఇంత రేటంటూ టీడీపీ దోపిడీకి తెగబడతోందని బొత్స మండిపడ్డారు.