రియాద్‌: మహిళా టెన్నిస్‌ క్రీడాకారిణుల కోసం ఉమెన్‌ టెన్నిస్‌ అసోసియేషన్‌ (డబ్ల్యూటీఏ) కీలక ప్రతిపాదనతో ముందుకొచ్చింది. టూర్‌లో ఆడుతున్న ప్లేయర్‌ ఎవరైనా గర్భం ధరిస్తే 12 నెలల పాటు వారికి డబ్బులు చెల్లిస్తూ ‘పెయిడ్‌ మెటర్నిటీ లీవ్‌’ ఇవ్వాలని నిర్ణయించింది. సరొగసీ లేదా దత్తత తదితర కారణాలతో అమ్మగా మారితే వారికి 2 నెలల పాటు ఈ సౌకర్యం కల్పిస్తారు. సౌదీ అరేబియాకు చెందిన పబ్లిక్‌ ఇన్వెస్ట్‌మెంట్‌ ఫండ్‌ (పీఐఎఫ్‌) ఈ మొత్తాలను చెల్లించేందుకు సిద్ధమైంది. ఏడాది కాలంగా పీఐఎఫ్‌... డబ్ల్యూటీఏ స్పాన్సర్లలో ఒకరిగా వ్యవహరిస్తోంది. ఈ కొత్త పథకం ద్వారా కనీసం 300 మంది టెన్నిస్‌ ప్లేయర్లకు ప్రయోజనం కలగుతుందని డబ్ల్యూటీఏ సీఈఓ పోర్షియా వెల్లడించింది. మహిళల టెన్నిస్‌ చరిత్రలో ఇది కొత్త అధ్యాయమని పేర్కొన్న ఆమె... టెన్నిస్‌ ఆడుతూ అమ్మగా మారిన ప్లేయర్లు ఆటకు ఒక్కసారిగా దూరం కాకుండా మళ్లీ వచ్చి పాల్గొనేందుకు ఇది ఊతమిస్తుందని తెలిపింది. సెరెనా (అమెరికా), అజరెంకా (బెలారస్‌), వొజ్నియాకి (డెన్మార్క్‌), క్లియ్‌స్టర్స్‌ (బెల్జియం), బెలిండా బెన్‌చిచ్‌ (స్విట్జర్లాండ్‌), ఒసాకా (జపాన్‌) వంటి స్టార్లు తల్లిగా మారిన తర్వాత తిరిగొచ్చి టైటిల్స్‌ గెలిచారు. పిల్లలకు అమ్మలైన తర్వాత తిరిగొచ్చి ఆడుతున్న వారు ప్రస్తుతం 25 మందికి పైగా ప్లేయర్లు ఉన్నారు. డబుల్స్‌ సెమీస్‌లో రష్మిక జోడీ గుర్‌గ్రామ్‌: అంతర్జాతీయ టెన్నిస్‌ సమాఖ్య (ఐటీఎఫ్‌) డబ్ల్యూ35 మహిళల టోర్నమెంట్‌లో హైదరాబాద్‌ అమ్మాయి భమిడిపాటి శ్రీవల్లి రష్మిక డబుల్స్‌ విభాగంలో సెమీఫైనల్లోకి దూసుకెళ్లింది.గురువారం జరిగిన క్వార్టర్‌ ఫైనల్లో రష్మిక–వైదేహి (భారత్‌) ద్వయం 6–3, 6–4తో అంటోనియా ష్మిడిట్‌ (జర్మనీ)–క్లారా వ్లాసీలర్‌ (బెల్జియం) జోడీపై విజయం సాధించింది.87 నిమిషాలపాటు జరిగిన ఈ మ్యాచ్‌లో రష్మిక–వైదేహి తమ సర్వీస్‌ను ఒకసారి కోల్పోయి, ప్రత్యర్థి సర్వీస్‌ను మూడుసార్లు బ్రేక్‌ చేశారు. మరోవైపు హైదరాబాద్‌కే చెందిన సహజ యామలపల్లి ప్రిక్వార్టర్‌ ఫైనల్లో నిష్క్రమించింది. భారత్‌కే చెందిన వైదేహి 6–3, 6–3తో భారత రెండో ర్యాంకర్‌ సహజను ఓడించింది.

Serena Williams Reveals Second Pregnancy: అమెరికా టెన్నిస్‌ స్టార్‌ సెరీనా విలియమ్స్‌ మరోసారి తల్లికాబోతోంది. తన చిన్నారి కూతురు ఒలింపియా కోరినట్లుగానే తోబుట్టువును బహుమతిగా ఇవ్వబోతోంది. మెట్‌ గాలా-2023 ఈవెంట్‌ వేదికగా తాను మరోసారి గర్భవతినన్న విషయాన్ని వెల్లడించింది సెరీనా. బేబీ బంప్‌ ప్రదర్శిస్తూ భర్త అలెక్సిస్‌ ఒహనియన్‌తో కలిసి సెరీనా ఈ ప్రతిష్టాత్మక ఈవెంట్‌లో సందడి చేసింది. నల్లటి గౌన్‌కు తెలుపు రంగు స్కర్ట్‌ జతచేసిన ఈ అమెరికా నల్లకలువ.. ముత్యాల హారం ధరించి మెరిసిపోయింది. నిండైన అవుట్‌ఫిట్‌లో రెడ్‌కార్పెట్‌పై బేబీ బంప్‌ను ప్రదర్శిస్తూ ఫొటోలకు ఫోజులిచ్చింది. మేము ముగ్గురం ఇక సెరీనా భర్త బ్లాక్‌ కలర్‌ టక్సిడో ధరించి ఆమెను మ్యాచ్‌ చేశాడు. ఇందుకు సంబంధించిన ఫొటోలను తన ఇన్‌స్టాగ్రామ్‌ అకౌంట్‌లో షేర్‌ చేసి మురిసిపోయింది సెరీనా. ‘‘మా ముగ్గురికీ మెట్‌ గాలాలో పాల్గొనే అవకాశం వచ్చిందని తెలియగానే ఎంతో సంతోషించాం’’ అంటూ పుట్టబోయే బిడ్డ గురించి హింట్‌ ఇస్తూ ఆనందం వ్యక్తం చేసింది. చాంపియన్‌గా సత్తా చాటి కాగా అమెరికాకు చెందిన సెరీనా.. టెన్నిస్‌ స్టార్‌గా వెలుగొందింది. 1995లో ప్రొఫెషనల్‌ ప్లేయర్‌గా బరిలోకి దిగిన ఆమె.. ఏకంగా 23 సింగిల్‌ గ్రాండ్‌స్లామ్‌ టైటిళ్లు గెలిచింది. 2017లో ఆస్ట్రేలియా ఓపెన్‌ ఆడుతున్న సమయంలో రెండు నెలల గర్భంతో ఉన్న సెరీనా చాంపియన్‌గా నిలిచింది.  కూతురికి జన్మనిచ్చిన తర్వాత ఆరోగ్య సమస్యల కారణంగా కొంతకాలం ఆటకు దూరమైన ఆమె.. కొన్నాళ్ల తర్వాత తిరిగివచ్చినా గాయం కారణంగా 2022లో ఆస్ట్రేలియన్‌ ఓపెన్‌కు దూరమైంది. ఈ క్రమంలో గతేడాది ఆగష్టు 9న ప్రొఫెషనల్‌ టెన్నిస్‌కు వీడ్కోలు పలికిన ఆమె.. తాను రిటైర్‌ అవ్వలేదంటూ అక్టోబరులో సంకేతాలు ఇచ్చింది. కానీ మళ్లీ ఇంతవరకు కోర్టులో దిగలేదు. రోజర్‌ ఫెదరర్‌ సైతం ఇక ఇప్పుడు తన కుటుంబం పెద్దది కాబోతోందంటూ అభిమానులకు శుభవార్త చెప్పింది. కాగా స్విస్‌ టెన్నిస్‌ దిగ్గజం రోజర్‌ ఫెదరర్‌ సైతం ఈ ఈవెంట్‌లో సందడి చేయడం విశేషం.  చదవండి: ఎదుటివాళ్లకు ఇచ్చినపుడు.. నువ్వు కూడా తీసుకోవాలి.. లేదంటే: కోహ్లి కామెంట్స్‌ వైరల్‌ IPL 2023: ఈ సాలా కప్‌ నమదే, రాసి పెట్టుకోండి.. లక్కీ మ్యాన్‌ మాతోనే ఉన్నాడు..! View this post on Instagram A post shared by Serena Williams (@serenawilliams)

క్రీడలు.. జీవనతత్వాన్ని బోధిస్తాయి.. దీన్ని గ్రహించినవారు ఓటమికి కుంగిపోరు..  గెలుపుకి పొంగిపోరు!  అసలు గెలుపోటములనేవే లేవని.. ఎదురొడ్డి పోరాడడమే  ముఖ్యమని విశ్వసిస్తారు! ఆటల స్ఫూర్తిని బతుకు పోరుకు అన్వయించుకుని ఇటు జీవితంలో కానీ.. అటు మైదానంలో కానీ నిలబడ్డమే అచీవ్‌మెంట్‌గా భావిస్తారు..  అచీవర్స్‌గా మిగులుతారు!  వాళ్లను పరిచయం చేసేదే  ఈ కాలమ్‌! ఈ వారం..   సెరీనా విలియమ్స్‌ ఉరికే జలపాతాన్ని.. ఉత్తుంగ తరంగాన్ని టెన్నిస్‌ కోర్ట్‌లో చూస్తున్నారంటే..  ఆ క్రీడ సెరీనా విలియమ్స్‌దే!  మణికట్టు బలానికి.. చురుకైన కదలికలకు సినినమ్‌ సెరీనానే!! అమ్మ కడుపులోంచి ఆట భుజమ్మీద చేయ్యేసే భూమ్మీదకు వచ్చింది! నాన్న వేలు పట్టుకుని ప్లే గ్రౌండ్‌కే తొలి అడుగులు వేసింది! తాను కలలు కన్నది.. ఊహించిందీ టెన్నిస్‌ ప్రపంచాన్నే!  అంతెందుకు ఆమె ఉచ్ఛ్వశించింది.. నిశ్వసించిందీ టెన్నిస్‌నే! అలాంటి ఆటకు సెరీనా సెండాఫ్‌ ఇచ్చింది! ఊపిరి ఆగినంత పనయ్యుండదూ..!  ఆమె చేతిలో దర్జా ఒలకబోసిన రాకెట్‌ తన మనసును రాయి చేసుకుని ఉంటుంది!! ఆమె పాదాల లాఘవానికి ఆసరాగా నిలిచిన మైదానాలు బలహీనపడి ఉంటాయి!! స్టేడియం గ్యాలరీలు నిస్తేజమయ్యుంటాయి!!   సెరీనాకు తొమ్మిదేళ్లున్నప్పుడు ‘నీ ఆట ఎలా ఉండాలనుకుంటున్నావ్‌?’ అని అడిగారు.  ‘ఇతరులకు స్ఫూర్తిగా ఉండాలనుకుంటున్నా’ అని చెప్పింది తొణక్కుండా బెణక్కుండా! చెప్పినట్టుగానే ప్రత్యర్థి ఎంతటి ఘటికులైనా సరే.. తన గెలుపునే ఎయిమ్‌గా సర్వీస్‌ చేసింది. ఆ బ్లాక్‌ పాంథర్‌.. కాలిఫోర్నియా, కాంప్టన్‌లో తన టెన్నిస్‌ ప్రస్థానాన్ని ప్రారంభించింది. 2022 సెప్టెంబర్‌ 2.. యూఎస్‌ ఓపెన్‌ టోర్నమెంట్‌తో ముగించేసింది. అక్క వీనస్‌ విలియమ్స్‌ ఇంకా ఆడుతుండగానే తాను నిష్క్రమించింది.  ‘రిటైర్మెంట్‌ పదం అంటేనే నాకు నచ్చేది కాదు. అదేదో మాట్లాడకూడని విషయంగా అనిపించేది. నా భర్తతో, అమ్మానాన్నతో కూడా  దీని గురించి చర్చించలేదు ఎప్పుడూ! చాలామందికి రిటైర్మెంట్‌ ఒక ఆహ్లాదకరమైన విషయం కావచ్చు. నేనూ అంత తేలికగా తీసుకోగలిగితే ఎంత బావుండు అనిపించింది. ఒక ప్రవాహం నుంచి ఇంకో ప్రవాహానికి మళ్లుతున్న నేను.. అత్యంత ఉద్వేగభరితమైన  క్షణాన్ని ఎదుర్కొనే టైమ్‌ వచ్చినప్పుడు ఏడుపు ఆగలేదు. చెప్పలేనంత బాధ. ఇప్పటి వరకు నా జీవితంలో టెన్నిస్‌ తప్ప ఇంకోటి లేదు. రిటైర్మెంట్‌ ప్రకటనప్పుడు ఒంటరిగా వెళ్లేందుకు ధైర్యం చాల్లేదు. తోడుగా నా థెరపిస్ట్‌ను తీసుకెళ్లాను. రిటైర్మెంట్‌ను ప్రకటిస్తున్నప్పుడు గొంతులో ఏదో అడ్డుపడ్డట్టే అనిపించింది. కుప్పకూలిపోయాను. ఇలాంటి మలుపులో వచ్చి ఆగుతానని అనుకోలేదు. నా మూడో ఏటనే టెన్నిస్‌ బ్యాట్‌ను పట్టుకున్నానని మా నాన్న చెప్తూంటాడు. నాకు ఏడాదిన్నరప్పుడు మా అక్క (వీనస్‌) టెన్నిస్‌ కోర్ట్‌లో నన్ను తొట్టెలో తోసుకుంటూ వెళ్తున్న ఫొటో ఇప్పటికీ నా దగ్గర భద్రంగా ఉంది. నేను పర్‌ఫెక్షనిస్ట్‌ని. చిన్నప్పుడు నాకు ‘ఎ’ రాయడం రాకపోతే రాత్రంతా మేల్కొని దాన్ని దిద్దుతూనే ఉన్నా! ఏ పనినైనా కరెక్ట్‌గా నేర్చుకునే వరకు.. పర్‌ఫెక్ట్‌గా వచ్చేవరకు వదిలిపెట్టను. ఆటకు సంబంధించి కూడా అంతే! నా శక్తిసామర్థ్యాలపై అపనమ్మకం ఉన్నవారికి వారి అభిప్రాయం తప్పు అని నిరూపించేందుకు మరింత ఉగ్రంగా ఆడాను. అవతల నుంచి వచ్చే నెగిటివిటీని నా బలంగా మార్చుకున్నాను. ఇప్పుడు టెన్నిస్‌కు ఆవల నేనేంటో తెలుసుకోవడానికి..నన్ను నేను ఆవిష్కరించుకోవడానికి ప్రయత్నిస్తున్నాను’ అని చెప్పింది సెరీనా ఒక ఇంటర్వ్యూలో! రిటైర్మెంట్‌ అవసరం ఎందుకు వచ్చింది?  సెరీనా తన ఐదేళ్ల కూతురు ఒలింపియాతో కార్‌లో వెళ్తోంది. అమ్మ ఫోన్‌తో ఆటలాడుకుంటోంది పాప. ‘పెద్దయ్యాక ఏమవుతావు’ అని ఫోన్‌లోని రోబో ప్రశ్న. అమ్మ వినకుండా గుసగుసగా చెప్తోంది ఒలింపియా, ‘నేను ఒక చిన్న చెల్లికి అక్కని అవుతా’ అని. ఆ మాట అమ్మ చెవిన పడనే పడింది. అంతేకాదు ఒలింపియా రోజూ దేవుడి ముందు తనకో చిన్ని చెల్లినివ్వమని వేడుకునే వేడుకోలూ ఆ అమ్మ కంట పడుతూనే ఉంది. ఐదుగురు అక్కల మధ్య పెరిగిన సెరీనాకి ఆ అనుబంధం అంటే ఏంటో బాగా తెలుసు. ఆ బలాన్ని ఒలింపియాకు ఇవ్వాలనుకుంది. ఇంకో బిడ్డకు జన్మనిచ్చే సమయం ఆసన్నమైందని అర్థమైంది. అయినా టెన్నిస్‌ను వీడాలా అనే సందేహం! ‘టెన్నిస్‌.. కుటుంబం.. ఈ రెండింటిలో ఏది ఎంచుకోవాలి?’ అనే డైలమా! తను స్త్రీ కాబట్టే ఈ సందిగ్ధతా? మగవాళ్లకు ఉంటుందా?  కుటుంబమా? కెరీరా అనే గుంజాటనపడే ఆగత్యం ఎదురవుతుందా? అతని అవసరాలు, ఇంటి అవసరాలు చూడ్డానికి, పిల్లల్ని పెంచడానికి భార్య ఉంటుంది. అన్నీ తానై భర్తకు అండగా నిలబడుతుంది. అతని గెలుపు కోసం తను శ్రమిస్తుంది.. ప్రోత్సహిస్తుంది. అలాగని నేను మహిళనైనందుకు చింతించట్లేదు. ప్రతికూల పరిస్థితులనూ అవకాశాలుగా మలచుకోగల సత్తా ఉన్న మహిళగా నిలబడినందుకు గర్విస్తున్నాను.  సో.. కుటుంబాన్ని పెంచుకోవడం కోసం ఆటను వదులు కోవాలి.. కుటుంబం గురించి ఓ నిర్ణయం తీసుకోవాలసిన సమయమిది. కాబట్టి టెన్నిస్‌కు దూరం కాక తప్పదు.. దూరమవ్వాల్సిందే’ అని నిశ్చయించుకుంది. అలా  రిటైర్మెంట్‌ నిర్ణయాన్ని తీసేసుకుంది సెరీనా.  ఎంటర్‌ప్రెన్యూర్‌ సెరీనా  కొన్నేళ్ల కిందట సెరీనా వెంచర్స్‌ అనే క్యాపిటల్‌ ఫర్మ్‌ను ఆంభించింది. 40 ఏళ్లు దాటిన మహిళలను పక్కన పెట్టేస్తుంది మార్కెట్‌. కానీ సెరీనా వెంచర్స్‌ మాత్రం వయసుతో నిమిత్తం లేకుండా కేవలం మహిళా సాధికారత కోసమే పనిచేస్తోంది. ఒక ఆలోచనను కాని, డబ్బును కాని సెరీనా వెంచర్స్‌లో పెడితే దాన్ని ఒక ఉత్పత్తి కిందకు మారుస్తామని హామీ ఇస్తోంది ఆ ఫర్మ్‌. వోగ్‌కు ఇచ్చిన ఓ ఇంటర్వ్యూలో వ్యాపారవేత్తగా తన పాత్రను చక్కగా వివరించారు సెరీనా. తాను ఒక స్పాంజ్‌ వంటి దాన్నని.. రాత్రి పడుకునే ముందు అప్పటిదాకా ఉన్న ఒత్తిడిని పిండి.. ఉదయానికి కొత్త ఉత్సాహంతో నిద్రలేస్తానని చెప్తుంది.  ఈ  టెన్నిస్‌ లెజెండ్‌..  ఫ్యాషన్, స్టైల్‌ ఐకాన్‌ మాత్రమే కాదు మంచి ఇన్వెస్టర్‌ కూడా. నైజీరియన్‌ డాటా, ఇంటెలిజెన్స్‌ స్టార్టప్, ‘స్టియర్‌’లో 3.3 మిలియన్‌ డాలర్లు పెట్టుబడులు పెట్టడానికి సిద్ధంగా ఉంది. తన సెరీనా వెంచర్స్‌ కాకుండా వివిధ స్టార్టప్‌లలో, ముఖ్యంగా మహిళలు, నల్ల జాతీయుల అభివృద్ధికి పాటుపడే రంగాల్లో పెట్టుబడులు పెడుతోంది. ఇలా సెరీనా.. తన విజయాన్ని ఇతర మహిళల జీవితాలను మార్చడానికి వినియోగిస్తూ  స్త్రీ, పురుషులనే భేదం లేకుండా అందరికీ స్ఫూర్తిగా నిలిచింది.  – శ్రీదేవి కవికొండల హ్యాంగవుట్‌ ‘పికిల్‌ బాల్‌ ఆట రానురాను మరింత ప్రాభవం సంపాదించుకుంటోంది. ఆ ఆట అంటే నాకు ఇష్టం. ఆడుతుంటే చాలా సరదాగా ఉంటుంది. ఏమో ఇది నా సెకండ్‌ కెరీర్‌ అవొచ్చేమో!’ అంటుంది సెరీనా!  రిటైర్మెంట్‌ తర్వాత కొత్త ఉత్సాహంతో కనిపిస్తోంది ఆమె. మెక్సికోలో తన మేనకోడలి బ్యాచిలరేట్‌ పార్టీకి హాజరు అయి తానే కాబోయే పెళ్లికూతురు అన్నంతగా ఎంజాయ్‌ చేసింది. టీకప్పు పాటలతో క్యాంప్‌ ఫైర్‌ దగ్గర సెరీనా విలియమ్స్‌ ఆడిపాడిన వీడియో వైరల్‌ అయింది.  సెరీనా జంతు ప్రేమికురాలు. ‘నాకు ఎవరైనా  కుక్కపిల్లను బహుమతిగా ఇస్తే హ్యాపీగా ఫీలవుతా. పిల్లి పిల్లలంటే కూడా ఇష్టమే కానీ పిల్లులంటే భయం. జుట్టు ఎక్కువ రాల్చని పెద్ద కుక్క ఏదైనా ఉంటే చెప్తారా’ అని ఇన్‌స్టాగ్రామ్‌లో అభిమానులను అడుగుతోంది సెరీనా.  సెరీనా కోట్స్‌... విజయవంతమైన ప్రతి మహిళ ఇంకొకరికి స్ఫూర్తి. మనం ఒకరికొరకం పైకి ఎదగడానికి సహాయం చేసుకోవాలి. సిస్టర్‌హుడ్‌ను పెంపొందించుకోవాలి. ధైర్యంగా, దృఢంగా, ఎంత సాధించినా ఒదిగి ఉండాలి. వయసు అనేది మైండ్‌సెట్‌ మాత్రమే.  చనిపోయేవరకు పని చేస్తూనే ఉండు.. పోరాడుతూనే ఉండు. నువ్వు ఎవరైనా, ఎలా ఉన్నా నిన్ను నువ్వు ప్రేమించుకో.. ఇతరులను ఎప్పుడూ ప్రోత్సహిస్తూనే ఉండు!! 1995లో ప్రొఫెషనల్‌గా బరిలోకి దిగిన సెరీనా 1999 యూఎస్‌ ఓపెన్‌లో మొదటి సింగిల్స్‌ గెలిచింది. 23 సింగిల్స్‌ గెలిచి ప్రపంచంలో నంబర్‌ వన్‌గా నిలిచింది.  అక్క వీనస్‌తో కలసి 14 డబుల్స్‌ గెలిచింది. ప్రపంచంలో డబుల్స్‌ నెంబర్‌ 1గా నిలిచారు ఆ అక్కాచెల్లెళ్లు. ఆటలో వాళ్లను కొట్టేవారే లేరు.   ఒలింపిక్స్‌లో నాలుగు స్వర్ణాలు సాధించిన సెరీనా.. గెలిచినా, ఓడినా తన ఆటపై ఆమెకు బోలెడు ప్రేమ, నమ్మకం ఉంటాయి. 2017లో ఆమె ఆటను విమర్శించిన జర్నలిస్టుతో క్షమాపణలు చెప్పాలని డిమాండ్‌ చేసింది. మహిళల్లో అందరి కంటే గొప్ప ప్లేయర్‌ ఎవరు అంటే సెరీనా విలియమ్స్‌ అని బల్లగుద్ది చెప్పవచ్చు. 2017 ఆస్ట్రేలియన్‌ ఓపెన్‌ గెలిచినప్పుడు ఆమె రెండు నెలల గర్భవతి. ప్రసవం తర్వాత ఆరోగ్య సమస్యలతో గ్యాప్‌ తీసుకుని తిరిగి వచ్చినా హ్యామ్‌ స్ట్రింగ్‌ దెబ్బ తినడంతో 2022 ఆస్ట్రేలియన్‌ ఓపెన్‌ నుంచి విత్‌డ్రా కావలసి వచ్చింది. ఆఖరి ఆటలో కూడా సెరీనా అపజయాన్ని పొందింది.  2002 ఫ్రెంచ్‌ ఓపెన్‌ నుంచి 2003 ఆస్ట్రేలియన్‌ ఓపెన్‌ వరకు ముఖ్యమైన నాలుగు సింగిల్స్‌ గెలుచుకుంది. తర్వాత గాయాల వలన కొంచెం జోరు తగ్గినా 2012లో వింబుల్డన్‌ చాంపియన్‌షిప్‌తో మళ్లీ ఫామ్‌లోకి వచ్చింది.   2016, 2017 సంవత్సరాల్లో ప్రపంచంలోనే అత్యధిక పారితోషికం తీసుకున్న వందమంది ఫోర్బ్స్‌ జాబితాలో ఏకైక మహిళగా నిలిచింది సెరీనా.  ‘నేను బిలియనీర్‌ని అయినా కూడా నన్ను ప్రజలు సెరీనా భర్తగానే గుర్తిస్తారు’ అంటూ ఆమె భర్త జోక్‌ చేస్తుంటాడు.. భార్య ఘనతకు మురిసి పోతుంటాడు.  మహిళల్లో అందరి కంటే గొప్ప ప్లేయర్‌ ఎవరు అంటే సెరీనా విలియమ్స్‌ అని బల్లగుద్ది చెప్పవచ్చు. 2017 ఆస్ట్రేలియన్‌ ఓపెన్‌ గెలిచినప్పుడు ఆమె రెండు నెలల గర్భవతి. ప్రసవం తర్వాత ఆరోగ్య సమస్యలతో గ్యాప్‌ తీసుకుని తిరిగి వచ్చినా హ్యామ్‌ స్ట్రింగ్‌ దెబ్బ తినడంతో 2022 ఆస్ట్రేలియన్‌ ఓపెన్‌ నుంచి విత్‌డ్రా కావలసి వచ్చింది. ఆఖరి ఆటలో కూడా సెరీనా అపజయాన్ని పొందింది. 

అమెరికా నల్లకలువ, 23 గ్రాండ్‌స్లామ్‌ల విన్నర్‌ అయిన సెరెనా విలియమ్స్‌ సంచలన ప్రకటన చేసింది. ఈ ఏడాది ఆగస్ట్‌ 9న ప్రొఫెషనల్‌ టెన్నిస్‌కు వీడ్కోలు పలుకుతున్నట్లు ప్రకటించిన ఈ దిగ్గజ క్రీడాకారిణి.. తన రిటైర్మెంట్‌ నిర్ణయంపై యూ టర్న్‌ తీసుకోబోతున్నట్లు ప్రకటించి, అందరినీ ఆశ్చర్యపరిచింది. యూఎస్ ఓపెన్-2022లో తన చివరి మ్యాచ్‌ ఆడిన సెరెనా.. మళ్లీ రంగంలోకి దిగడం ఖాయం అంటూ తాజాగా వెల్లడించింది.  తన వ్యాపార ప్రమోషన్‌లో భాగంగా ఇటీవల నిర్వహించిన ఓ కార్యక్రమంలో సెరెనా మాట్లాడుతూ.. తాను రిటైర్ కాలేదని, ఆట నుంచి  తనను ఎవరూ దూరం చేయలేరని, ఇప్పటికీ తాను ఇంట్లో  ప్రాక్టీస్ చేస్తున్నానని రీఎంట్రీపై హింట్‌ ఇచ్చింది. వచ్చే ఏడాది (2023) ఆస్ట్రేలియన్‌ ఓపెన్‌లో పునరాగమనం చేయవచ్చని పరోక్ష సంకేతాలు పంపింది.  కాగా, యూఎస్‌ ఓపెన్‌-2022 మూడో రౌండ్‌లో నిష్క్రమించిన తర్వాత నిర్వాహకులు సెరెనాకు గ్రాండ్‌గా వీడ్కోలు పలికిన విషయం తెలిసిందే. సెరెనా తాజా నిర్ణయంతో అభిమానులతో పాటు నిర్వాహకులు సైతం అవాక్కవుతున్నారు. 41 ఏళ్ల సెరెనా విలియమ్స్‌ చివరిగా 2017 ఆస్ట్రేలియన్‌ ఓపెన్‌ టైటిల్‌ సాధించింది.  చదవండి: 'రిటైర్మెంట్‌ క్లబ్‌లోకి స్వాగతం.. ఫెడ్డీ'

టెన్నిస్‌ దిగ్గజం రోజర్‌ ఫెదరర్‌ గురువారం ఆటకు వీడ్కోలు పలికిన సంగతి తెలిసిందే. ''24 ఏళ్ల కెరీర్‌.. 24 గంటలుగా'' అనిపించిందంటూ ఫెదరర్‌ భావోద్వేగంతో ట్వీట్‌ చేశాడు. కాగా ఫెదరర్‌ రిటైర్మెంట్‌పై నాదల్‌, జొకోవిచ్‌ సహా టెన్నిస్‌ ఆటగాళ్లు ప్రశంసల వర్షం కురిపించారు. తాజాగా అమెరిన్‌ టెన్నిస్‌ దిగ్గజం.. నల్లకలువ సెరెనా విలియమ్స్‌ కూడా ఫెదరర్‌ రిటైర్మెంట్‌పై స్పందించింది. ''రిటైర్మెంట్‌ క్లబ్‌లోకి స్వాగతం... రోజర్‌ ఫెదరర్‌'' అంటూ పేర్కొంది. కాగా ఇటీవలే సెరెనా కూడా వింబుల్డన్‌ అనంతరం ఆటకు లాంగ్‌ బ్రేక్‌ తీసుకున్న సంగతి తెలిసిందే. లాంగ్‌ బ్రేక్‌ అయినప్పటికి ఇప్పటికే 40 ఏళ్లకు చేరుకున్న సెరెనా ఇకపై టెన్నిస్‌ కోర్టులో కనిపించడం కష్టమేననే అభిప్రాయాలు వెలువడుతున్నాయి. ఈ సందర్భంగా ఫెదరర్‌తో ఉన్న అనుబంధాన్ని సెరెనా గుర్తుచేసుకుంది. నీ గురించి చెప్పడానికి ఒక కరెక్ట్‌ దారిని వెతుక్కునేలా చేశారు. ఎందుకంటే నీ ఆటతో టెన్నిస్‌కు అందం తెచ్చిపెట్టారు. 24 ఏళ్ల కెరీర్‌లో ఎన్నో అద్బుత విజయాలు చూసిన నువ్వు కెరీర్‌ను కూడా అంతే గొప్పగా ముగించారు. నీ ఆటతీరును చూస్తూ మెచ్చుకోకుండా ఉండలేకపోయాను రోజర్‌ ఫెదరర్‌. ప్ర‌తి విష‌యంలోనూ నిన్నే ఫాలో అయ్యాను. నిన్ను ఎంతోగానే అభిమానించాను. మ‌నం ఎంచుకున్న మార్గాలు ఒకేర‌క‌మైన‌వ‌ని, దాదాపు ఒకేర‌కంగా ఉన్నాయి. ఎన్నో ల‌క్ష‌ల మందికి ప్రేర‌ణ‌గా నిలిచావు.. నేను కూడా నిన్నే ప్రేర‌ణ‌గా తీసుకునేలా చేశావు. నిన్నెన్న‌టికీ మ‌రిచిపోలేను. ఆటకు రిటైర్మెంట్‌ ఇచ్చినప్పటికి నీ భవిష్యత్తు ఎలాంటి అడ్డంకులు లేకుండా సాగిపోవాలని కోరుకుంటున్నా. రిటైర్మెంట్‌ క్లబ్‌లోకి స్వాగతం ఫ్రెడ్డీ. రోజర్‌ ఫెదరర్‌ అనే పేరు చరిత్రలో నిలిచిపోయేలా చేసుకున్నావు.. అందుకు కృతజ్ఞతలు అంటూ ముగించింది.  ఇక సెరెనా విలియమ్స్‌ అక్క వీనస్‌ విలియమ్స్‌ ఫెదరర్‌ రిటైర్మెంట్‌పై స్పందిస్తూ.. ''గ్రేటెస్ట్‌ ఎవర్‌.. మిస్‌ యూ రోజర్‌ ఫెదరర్‌'' అని పేర్కొంది. మహిళా టెన్నిస్‌ దిగ్గజం కోకో గాఫ్‌ మాట్లాడుతూ.. ''మీ అందమైన ఆటతో టెన్నిస్‌ను కోర్టు లోపల, బయట వెలుగులోకి తీసుకొచ్చినందుకు థాంక్యూ ఫెదరర్‌. ఇన్నేళ్లలో మీరు నాకు ఇచ్చిన సలహాలకు థ్యాంక్యూ. నా రోల్‌ మోడల్‌గా ఉన్నందుకు నేను ధన్యురాలిని. థాంక్యూ ఫర్‌ ఎవ్రీతింగ్‌'' అంటూ తెలిపింది. View this post on Instagram A post shared by Serena Williams (@serenawilliams) చదవండి: 'ఇలాంటి రోజు ఎప్పుడు రాకూడదని అనుకున్నా'

2007 ఆస్ట్రేలియన్‌ ఓపెన్‌... ఆ సమయంలో 81వ ర్యాంక్‌లో ఉన్న సెరెనా విలియమ్స్‌ అన్‌సీడెడ్‌గా బరిలోకి దిగింది. అప్పటికి ఆమె గ్రాండ్‌స్లామ్‌ మాత్రమే కాదు, ఏదైనా డబ్ల్యూటీఏ టైటిల్‌ గెలిచి సరిగ్గా రెండేళ్లయింది. ఆట, శరీరం రెండూ గతి తప్పాయంటూ వరుసగా విమర్శలు వస్తున్నాయి... విపరీతంగా బరువు పెరిగిపోయి మైదానంలో చురుకైన కదలికలు లోపించాయి... టోర్నీలో తొలి మ్యాచ్‌కు ముందు ‘నైకీ’ ప్రతినిధి ఒకరు ప్లేయర్స్‌ లాంజ్‌లోకి వచ్చి సెరెనాను కలిశాడు. ఆశించిన స్థాయిలో సెరెనా ఆట లేదని, ఇలాగే సాగితే ఒప్పందం రద్దు చేసుకుంటాం అని హెచ్చరిక జారీ చేశాడు. కనీసం క్వార్టర్‌ ఫైనల్‌ అయినా చేరాల్సిందేనని గట్టిగా చెప్పి వెళ్లాడు. అప్పటికే 7 గ్రాండ్‌స్లామ్స్‌ ఆమె ఖాతాలో ఉన్నా సరే, ఒక స్టార్‌ క్రీడాకారిణిగా గుర్తింపు తెచ్చుకున్నా సరే, ఆటతో పాటు కోర్టు బయట కూడా సవాళ్లను ఎదుర్కోవాల్సిన పరిస్థితి... ఇలాంటి తీవ్ర ఒత్తిడి మధ్య సెరెనా ఆడింది. తన కసినంతా ప్రదర్శిస్తూ వరుసగా ఒక్కో ప్రత్యర్థిని దాటుకుంటూ ఫైనల్‌ చేరింది. అక్కడ షరపోవాను ఓడించి సగర్వంగా ట్రోఫీని అందుకుంది. గెలుపు అనంతరం తన ఆగ్రహాన్ని దాచుకోకుండా ‘ఓడాలని ఎవరూ కోరుకోరు. ఇలాంటి విజయాలే నన్ను మానసికంగా బలంగా మారుస్తాయి. విమర్శకులందరికీ ఇదే నా సమాధానం’ అంటూ గట్టిగా ప్రకటించింది. కెరీర్‌ ఆసాంతం ఇదే పోరాటపటిమ సెరెనాను గొప్పగా నిలిపింది. అద్భుతమైన సర్వీస్, పదునైన గ్రౌండ్‌స్ట్రోక్‌లు, రిటర్న్స్‌లో ధాటి, చురుకైన అథ్లెట్‌ లక్షణాలు, అన్నింటికి మించి మానసిక దృఢత్వం... లోపాలు లేని ప్లేయర్‌గా సెరెనాను ఆల్‌టైమ్‌ గ్రేట్‌గా నిలిపాయి. తనకంటే ముందు తరంలో అనేక మంది దిగ్గజాలతో పోలిస్తే ప్రత్యర్థిపై విరుచుకుపడే దూకుడు, పవర్‌ గేమ్‌ ఆమెను ప్రత్యేకంగా మార్చాయి. 14 ఏళ్ల వయసులో ప్రొఫెషనల్‌గా ప్రారంభమైన ఆ ప్రస్థానం 18 ఏళ్ల పాటు ఘనంగా సాగి ఇప్పుడు ఆఖరి అంకానికి చేరింది. ఆటలోని అంకెలు మాత్రమే కాదు అంతకు మించిన ఆత్మవిశ్వాసం ఆమెను అందరికీ స్ఫూర్తిగా మార్చాయి. బాల్యం నుంచి స్టార్‌గా మారిన తర్వాత కూడా పలు సందర్భాల్లో నల్ల జాతీయురాలిగా ఎదుర్కొన్న వివక్షను అధిగమించి శిఖరానికి చేరగలగడం ఆమెకే సాధ్యమైంది. తనపై కొందరు వర్ణ వివక్ష వ్యాఖ్యలు చేసినందుకు నిరసనగా సొంత దేశంలోనే ఒక ప్రతిష్టాత్మక టోర్నీలో 14 ఏళ్లు ఆడకుండా స్వీయ వనవాసం పాటించిన ఆమె... లింగ వివక్షపై కూడా టెన్నిస్‌ కోర్టులోనే తన ఆగ్రహాన్ని ప్రదర్శించడంలో వెనక్కి తగ్గలేదు. అమెరికాలో పేదరికానికి కేరాఫ్‌ అడ్రస్‌ లాంటి కాంప్టన్‌ పట్టణంలో పెరిగిన నాటి నుంచి ప్రపంచాన్ని జయించే వరకు కూడా సెరెనాను అదే పట్టుదల, ఓటమిని అంగీకరించని తత్వం నడిపించాయి. తన విజయాలతోనే కాదు తన ప్రతీ అడుగుతో, ఆడిన ప్రతీ షాట్‌తో క్రీడా ప్రపంచంపై మరచిపోలేని ముద్ర వేసి సెరెనా తన శకాన్ని ముగిస్తోంది.  విజయ ప్రస్థానం... ఓపెన్‌ శకంలో (1968 నుంచి) సింగిల్స్‌లో అత్యధిక గ్రాండ్‌స్లామ్‌ టైటిల్స్‌తో దిగ్గజంగా ఎదిగినా సెరెనా మొదటి ట్రోఫీ మాత్రం మిక్స్‌డ్‌ డబుల్స్‌లో రావడం విశేషం. 1998లో మ్యాక్స్‌ మిర్నీతో కలిసి వింబుల్డన్‌ గెలుచుకున్న సెరెనా ఆ తర్వాత యూఎస్‌ ఓపెన్‌నూ సొంతం చేసుకుంది. తర్వాతి ఏడాది పారిస్‌ ఇండోర్‌ టోర్నీ గెలవడంతో ఆమె ఖాతాలో మొదటి సింగిల్స్‌ టైటిల్‌ చేరింది. ఆ తర్వాత టెన్నిస్‌ ప్రపంచాన్ని సెరెనా శాసించడం లాంఛనమే అయింది. కొత్త మిలీనియంలో పాత స్టార్లంతా మెల్లగా నిష్క్రమిస్తూ రిటైర్మెంట్‌ బాట పట్టిన సమయంలో సెరెనా శకం మొదలైంది. 2002లో వరుసగా మూడు గ్రాండ్‌స్లామ్‌లు నెగ్గి ఆ తర్వాత 2003లో ఆస్ట్రేలియన్‌ ఓపెన్‌తో కెరీర్‌ స్లామ్‌ పూర్తి చేసుకోవడంతో ఆమె స్థాయి పెరిగింది. అద్భుత విజయాల ఫలితంగా సహజంగానే నడిచొచ్చిన వరల్డ్‌ నంబర్‌వన్‌ ర్యాంక్‌తో సెరెనా మరింత ఎత్తుకు ఎదిగింది. ఆ తర్వాత దశాబ్ద కాలానికి పైగా తిరుగులేని ప్రదర్శనతో సెరెనా సత్తా చాటింది. ప్రత్యర్థి ఎవరైనా నిర్దాక్షిణ్యంగా విరుచుకుపడే తత్వం ఆమెను అగ్రస్థానాన నిలబెట్టింది. తన సమకాలీన ప్రత్యర్థులపై ఆమె ఆడిన మ్యాచ్‌ రికార్డు చూస్తే సెరెనా ఆధిక్యం ఎలా సాగిందో అర్థమవుతుంది. వీనస్‌ విలియమ్సపై 19–12, మార్టినా హింగిస్‌పై 7–6, కాప్రియాటిపై 10–7, హెనిన్‌పై 8–6, అజరెంకాపై 18–5తో సెరెనా పైచేయి సాధించింది. అయితే ఒకదశలో సమ ఉజ్జీలుగా నిలుస్తారని, హోరాహోరీ సమరాలు ఖాయమని టెన్నిస్‌ ప్రపంచం భావించిన మరో ప్రత్యర్థి మారియా షరపోవాపై సెరెనా ఆధిపత్యం తిరుగులేనిది. 2004 వింబుల్డన్‌ ఫైనల్లో సెరెనాపై 6–1, 6–4తో గెలవడంతో పాటు అదే ఏడాది డబ్ల్యూటీఏ ఫైనల్లో కూడా షరపోవాదే పైచేయి అయింది. కానీ ఆ తర్వాత వీరిద్దరు 17 సార్లు తలపడగా అన్ని సార్లూ సెరెనానే గెలిచి (ఓవరాల్‌గా 18–2) తానేంటో చూపించింది. 2014 యూఎస్‌ ఓపెన్‌ నుంచి వరుసగా మళ్లీ నాలుగు గ్రాండ్‌స్లామ్‌లు గెలిచి రెండోసారి ఈ ఫీట్‌ను సాధించడం సెరెనాకే సాధ్యమైంది. దీంతో పాటు ఆమె సాధించిన మూడు ఒలింపిక్‌ స్వర్ణాలు కెరీర్‌కు అదనపు హంగును జోడించాయి.   గాయాలను అధిగమించి... టెన్నిస్‌లో 30 ఏళ్ల వయసు అంటే రిటైర్మెంట్‌కు చేరువైనట్లే. గాయాలు, ఇతర ఫిట్‌నెస్‌ సమస్యలు సహజంగానే వెంటాడుతాయి. కానీ సెరెనా తన చివరి 10 గ్రాండ్‌స్లామ్‌లను 30 ఏళ్లు దాటిన తర్వాతే అందుకుంది. కెరీర్‌ మొదలు పెట్టిన దాదాపు 15 ఏళ్ల తర్వాత మళ్లీ నంబర్‌వన్‌ ర్యాంక్‌ సాధించడం అసాధారణ ఘనత. మొదటి నుంచి కూడా సెరెనాను పలు మార్లు గాయాలు ఇబ్బంది పెట్టాయి. మోకాలు, పొత్తికడుపు, చీలమండ, వెన్ను నొప్పి, కండరాలు, మోచేయి, భుజం, కాలికి గాయం, తొడ, బొటన వేలు, పొరపాటున గాజు పెంకులు గుచ్చుకోవడం... ఈ జాబితా చూస్తే ఆశ్చర్యం కలుగుతుంది. గాయంతో టోర్నీల ప్రారంభానికి ముందే తప్పుకోవడం, టోర్నీ మధ్యలో నిష్క్రమించడం చాలాసార్లు జరిగాయి. అయితే పట్టుదల, పోరాటతత్వం సెరెనాను మళ్లీ బలంగా పైకి లేచేలా చేశాయి. కోలుకుని వచ్చి అదే జోరులో విజయాలు సాధించి చూపడం ఆమెకే చెల్లింది. ఎనిమిది వారాల గర్భవతిగా ఉంటూ 2017 ఆస్ట్రేలియన్‌ ఓపెన్‌ టైటిల్‌ సాధించిన ఆమె బిడ్డకు జన్మనిచ్చిన తర్వాత 2020 ఆరంభంలో ఆక్లాండ్‌ ఓపెన్‌ను గెలిచి మరోసారి అందరి దృష్టి తనపై పడేలా చేసింది.   తొలి ప్రత్యర్థి: దిగ్గజ ఆటగాళ్లు కెరీర్‌లో ఎన్ని విజయాలు సాధించినా తొలి మ్యాచ్‌కు ఉండే ప్రాధాన్యతే వేరు. ప్రొఫెషనల్‌ డబ్ల్యూటీఏ కెరీర్‌లో సెరెనా తొలిసారి కెనడాలోని క్వాబెక్‌ సిటీలో జరిగిన ‘బెల్‌ చాలెంజ్‌’ టోర్నీలో వైల్డ్‌కార్డ్‌తో బరిలోకి దిగింది. ప్రపంచ ర్యాంకింగ్స్‌లో అప్పుడు 149వ స్థానంలో ఉన్న యానీ మిల్లర్‌ (అమెరికా) చేతిలో 1–6, 1–6 తేడాతో తొలి రౌండ్‌లోనే ఓడింది.   గాయాలను అధిగమించి... టెన్నిస్‌లో 30 ఏళ్ల వయసు అంటే రిటైర్మెంట్‌కు చేరువైనట్లే. గాయాలు, ఇతర ఫిట్‌నెస్‌ సమస్యలు సహజంగానే వెంటాడుతాయి. కానీ సెరెనా తన చివరి 10 గ్రాండ్‌స్లామ్‌లను 30 ఏళ్లు దాటిన తర్వాతే అందుకుంది. కెరీర్‌ మొదలు పెట్టిన దాదాపు 15 ఏళ్ల తర్వాత మళ్లీ నంబర్‌వన్‌ ర్యాంక్‌ సాధించడం అసాధారణ ఘనత. మొదటి నుంచి కూడా సెరెనాను పలు మార్లు గాయాలు ఇబ్బంది పెట్టాయి. మోకాలు, పొత్తికడుపు, చీలమండ, వెన్ను నొప్పి, కండరాలు, మోచేయి, భుజం, కాలికి గాయం, తొడ, బొటన వేలు, పొరపాటున గాజు పెంకులు గుచ్చుకోవడం... ఈ జాబితా చూస్తే ఆశ్చర్యం కలుగుతుంది. గాయంతో టోర్నీల ప్రారంభానికి ముందే తప్పుకోవడం, టోర్నీ మధ్యలో నిష్క్రమించడం చాలాసార్లు జరిగాయి. అయితే పట్టుదల, పోరాటతత్వం సెరెనాను మళ్లీ బలంగా పైకి లేచేలా చేశాయి. కోలుకుని వచ్చి అదే జోరులో విజయాలు సాధించి చూపడం ఆమెకే చెల్లింది. ఎనిమిది వారాల గర్భవతిగా ఉంటూ 2017 ఆస్ట్రేలియన్‌ ఓపెన్‌ టైటిల్‌ సాధించిన ఆమె బిడ్డకు జన్మనిచ్చిన తర్వాత 2020 ఆరంభంలో ఆక్లాండ్‌ ఓపెన్‌ను గెలిచి మరోసారి అందరి దృష్టి తనపై పడేలా చేసింది.   భారత్‌తో బంధం 2008 మార్చి... అప్పటికే సెరెనా ఎనిమిది గ్రాండ్‌స్లామ్‌లు గెలిచి స్టార్‌గా వెలుగొందుతోంది. అలాంటి సమయంలో కూడా ఆమె టెన్నిస్‌కు పెద్దగా ప్రాధాన్యత లేని భారత్‌లో... అదీ ఒక టియర్‌–2 టోర్నీలో పాల్గొనడం విశేషం. అదే బెంగళూరు ఓపెన్‌. ఈ టోర్నీలో ఆమెనే విజేతగా నిలిచింది. సెరెనా కెరీర్‌లో అది 29వ టైటిల్‌.    ఆట ముగిసె... సుమారు 24 వేల మంది ప్రేక్షకులు... గ్రాండ్‌స్లామ్‌ గెలుపు ప్రస్థానాన్ని ప్రారంభించిన సొంతగడ్డపై చివరి సారి బరిలోకి...ఆఖరి సారిగా ఆ రాకెట్‌ పదును వీక్షించేందుకు వచ్చిన ఫ్యాన్స్‌ సె–రె–నా... సె–రె–నా... అంటూ హోరెత్తిస్తున్నారు... భారీ స్క్రీన్‌పై గత రెండు మ్యాచ్‌ల తరహాలోనే కెరీర్‌ అత్యుత్తమ క్షణాలతో ‘మాంటేజ్‌’ వీడియో ప్రదర్శన... అది ముగిశాక సెరెనా విలియమ్స్‌ కోర్టులోకి అడుగు పెట్టింది. అప్పటికే ఆమె ప్రత్యర్థి ఐలా తొమ్లాయనోవిచ్‌ సిద్ధంగా ఉంది...ప్రతీ షాట్, ప్రతీ పాయింట్, ప్రతీ గేమ్, ప్రతీ సెట్‌... సెరెనా ప్రతీ అడుగు అభిమానులను అలరించింది. 185 నిమిషాలపాటు హోరాహోరీగా సాగిన సమరం చివరకు ఒక దిగ్గజం కెరీర్‌ను ముగించింది. కెరీర్‌లో తాను ఆడిన 1,014వ మ్యాచ్‌లో ఆస్రేలియా ప్రత్యర్థి చేతిలో ఓడి సెరెనా నిష్క్రమించింది. భావోద్వేగంతో కన్నీళ్లపర్యంతమవుతూ ఇంటర్వ్యూ ఇచ్చిన అనంతరం కోర్టంతా కలియతిరుగుతూ తనదైన శైలిలో ‘ట్విర్ల్‌’ తర్వాత అభివాదం చేస్తూ ఆమె కోర్టును వీడిన క్షణంతో ఒక అత్యద్భుత కెరీర్‌కు తెర పడింది.    న్యూయార్క్‌: మహిళల టెన్నిస్‌ ఆల్‌టైమ్‌ గ్రేట్‌ సెరెనా విలియమ్స్‌ ఆటకు వీడ్కోలు పలికింది. యూఎస్‌ ఓపెన్‌లో మూడో రౌండ్‌లో పరాజయంతో ఆమె రిటైర్మెంట్‌ ప్రకటించింది. భారత కాలమానం ప్రకారం శనివారం తెల్లవారుజామున జరిగిన ఈ మ్యాచ్‌లో సెరెనా 5–7, 7–6 (7/4), 1–6 తేడాతో ఐలా తొమ్లాయనోవిచ్‌ (ఆస్ట్రేలియా) చేతిలో ఓటమిపాలైంది. తొలి సెట్‌లో ఇద్దరూ పోటాపోటీగా తలపడ్డారు. ఒకదశలో సెరెనా 5–3తో ఆధిక్యంలో నిలిచింది. అయితే కోలుకున్న తొమ్లాయనోవిచ్‌ స్కోరు సమం చేయడంతో పాటు మరో రెండు గేమ్‌లు కూడా గెలిచి సెట్‌ను సొంతం చేసుకుంది. రెండో సెట్‌ కూడా ఇదే తరహాలో సాగింది. ఇక్కడా సెరెనా 5–2తో ఆధిక్యంలో నిలిచినా ఆసీస్‌ ప్రత్యర్థి పోరాడటంతో సెట్‌ టైబ్రేకర్‌ వరకు వెళ్లింది. ఈ దశలో తన అనుభవాన్నంతా వాడి సెరెనా సెట్‌ను గెలుచుకోవడంతో పోరు ఆసక్తికరంగా మారింది. అయితే చివరి సెట్‌లో మాత్రం తొమ్లాయనోవిచ్‌ ఎలాంటి అవకాశం ఇవ్వలేదు. రెండో గేమ్‌ తర్వాత స్కోరు 1–1తో సమంగా ఉన్నా ఆ తర్వాత వరుసగా నాలుగు గేమ్‌లు గెలిచి ఐలా 5–1తో విజయానికి చేరువైంది. ఏడో గేమ్‌లో ఆరు మ్యాచ్‌ సెరెనా ఆరు మ్యాచ్‌ పాయింట్లు కాపాడుకొని అభిమానులను అలరించినా...చివరకు ఫోర్‌ హ్యాండ్‌ అన్‌ఫోర్స్‌డ్‌ ఎర్రర్‌తో ఓటమి ఖాయమైంది. కొన్ని వివాదాలూ... ఆటలో ఎక్కడా దూకుడు తగ్గించని నైజంతో దూసుకుపోయిన సెరెనా సుదీర్ఘ కెరీర్‌లో అప్పుడప్పుడు వచ్చిన వివాదాలు కొంత చర్చ రేపినా, అవి ఆమె గొప్పతనాన్ని తగ్గించేవిగా మారలేదు. 2000 వింబుల్డన్‌లో వీనస్‌ చేతిలో సెరెనా చిత్తుగా ఓడినప్పుడు మ్యాచ్‌ ఫలితాన్ని తండ్రి రిచర్డ్‌ నిర్ణయించాడని, ఇది మ్యాచ్‌ ఫిక్సింగ్‌ అని విమర్శలు వచ్చాయి. ఆ తర్వాత 2001 ఇండియన్‌ వెల్స్‌ టోర్నీ సెమీస్‌కు ముందు ఆమె ప్రత్యర్థి వీనస్‌ గాయం పేరు చెప్పి అనూహ్యంగా తప్పుకోవడంతో ప్రేక్షకులు జాతి వివక్ష వ్యాఖ్యలు చేశారు. దాంతో తీవ్ర ఆవేదనకు లోనైన తర్వాతి 14 ఏళ్ల పాటు ఆ టోర్నీలో ఆడలేదు. చెయిర్‌ అంపైర్లతో వాదనలు, అందుకు జరిమానాలతో పాటు బాల్‌ బాయ్‌ను కూడా ‘గొంతు కోస్తా’ అన్నట్లు రాకెట్‌తో హెచ్చరించడం వరకు చాలా సందర్భాల్లో సెరెనా తనపై నియంత్రణ కోల్పోయింది. 2018 యూఎస్‌ ఓపెన్‌ ఫైనల్లో ఒసాకాతో మ్యాచ్‌ సందర్భంగా ఆమె ప్రవర్తన, రాకెట్‌ను నేలకు కొట్టడంవంటి ఘటనలతో బాగా చెడ్డపేరు వచ్చింది. అయితే ఆమెలోని అద్భుతమైన ఆట అలాంటి తప్పులను కాచేలా చేయగలిగింది. ఇవి కన్నీళ్లు కాదు. ఆనంద భాష్పాలు. నా తల్లిదండ్రులే ఈ ఘనతకు కారణం. వారికి ఏం ఇచ్చినా తక్కువే. ఇక అక్క వీనస్‌ లేకపోతే చెల్లి సెరెనా లేదు. సెరెనా ప్రతీ విజయం వెనక వీనస్‌ ఉంది. ఇదో అత్యద్భుత ప్రయాణం. నా కెరీర్‌లో ఎప్పుడూ చివరి వరకు కూడా ఓటమిని అంగీకరించలేదు. ఇప్పుడు కూడా అలాగే పోరాడాను. ఇన్నేళ్లుగా నాకు కోర్టులో మద్దతునిచ్చిన అందరికీ కృతజ్ఞతలు. నా జీవితమంతా టెన్నిస్‌ ఆడాను. నేను కోరుకున్నదంతా సాధించాను. ఇకపై ఆటకు దూరంగా భిన్నంగా జీవితాన్ని గడపాలనుకుంటున్నా. రెండోసారి అమ్మను కావాలని భావిస్తున్నా.       –సెరెనా –సాక్షి క్రీడా విభాగం  

పద్నాలుగేళ్ల వయసులోనే ప్రొఫెషనల్‌గా మారి అంతర్జాతీయ టెన్నిస్‌లో అరంగేట్రం చేసింది. 17 ఏళ్ల వయసులోనే తొలి గ్రాండ్‌స్లామ్‌ సాధించి అందరిని ఆకట్టుకుంది. అందరిలాగే ఒకటో.. రెండో గ్రాండ్‌స్లామ్‌లు కొట్టి వెళ్లిపోతుందిలే అని అంతా భావించారు. కానీ ఆరోజు తెలియదు.. ఆమె టెన్నిస్‌ను ఏలడానికి వచ్చిన మహరాణి అన్న విషయం. అనతికాలంలో ప్రపంచ టెన్నిస్ రారాణిగా అవతరించింది. ఆ కిరీటాన్ని అత్యంత సుదీర్ఘ కాలం ధరించింది. ఆమె పేరే సెరెనా విలియమ్స్‌. టెన్నిస్‌ అభిమానులంతా ముద్దుగా ''నల్లకలువ'' అని పిలుచుకుంటారు.  17 ఏళ్ల వయసులో తొలి గ్రాండ్‌స్లామ్‌ అందుకొని.. ఆ తర్వాత 23 గ్రాండ్‌స్లామ్‌లతో ఈ తరంలో మహిళల టెన్నిస్‌లో శిఖరాగ్ర స్థాయికి చేరుకుంది. సెరెనా వయసు ఇప్పుడు నలబై ఏళ్లు. ఇరవై ఏడేళ్లు టెన్నిస్ శ్వాసగా బతికిన ఆమె తాజాగా తన కెరీర్‌కు లాంగ్‌ బ్రేక్‌ తీసుకుంది. ఒక రకంగా రిటైర్‌మెంట్‌ అనే చెప్పొచ్చు. ఇకపై ఈ నల్లకలువ టెన్నిస్‌ కోర్టులో కనిపించే అవకాశం లేదు. అందుకే సెరెనా ఆటకు సలాం చెబుతూ ఆమె గురించి కొన్ని విషయాలు తెలుసుకుందాం. -సాక్షి, వెబ్‌డెస్క్‌ సెరెనా విలియమ్స్ లేని టెన్నిస్‌ను ఊహించడం చాలా కష్టం. ఈ నెలలో 41వ పుట్టిన రోజు చేసుకోనున్న సెరెనా 27 ఏళ్ల సుదీర్ఘ టెన్నీస్ కెరీర్‌లో.. 23 సార్లు గ్రాండ్ స్లామ్ సింగిల్స్ చాంపియన్‌గా నిలిచింది. 1981 సెప్టెంబర్ 26న అమెరికాలోని మిచిగన్ రాష్ట్రంలో సాంగినావ్ నగరంలో జన్మించింది. ఆమె తల్లి ఒరాసీన్ ప్రైస్ నర్సుగా పని చేసేవారు. తండ్రి రిచర్డ్ విలియమ్స్ ఒక సెక్యూరిటీ సర్వీసు నడిపేవారు. సెరెనా అక్క వీనస్ విలియమ్స్. వీనస్, సెరెనాలకు వారి తండ్రి రిచర్డ్ టెన్నిస్ నేర్పించారు. వాళ్లని ఊర్లో ఉన్న టెన్నిస్ కోర్టులకు తీసుకెళ్లి ఈ ఆట ఆడాలని ప్రోత్సహించారు. కోచింగ్‌లో చాలా స్ట్రిక్ట్‌గా ఉండేవాడని చెప్పేవారు. సిస్టర్స్ ఇద్దరూ చాలా సేపు ప్రాక్టీస్‌ చేస్తుండేవారు. వీనస్, సెరెనాలు టెన్నిస్ అకాడమీలో చేరటానికి వీలుగా వీరి కుటుంబం 1991లో ఫ్లోరిడాకు నివాసం మారింది. 1994లో వీనస్ ప్రొఫెషనల్ టెన్నిస్‌లోకి అడుగు పెట్టింది. ఆ మరుసటి ఏడాదే అంటే 1995లో సెరునా కూడా అంతర్జాతీయ టెన్నిస్‌లో అడుగుపెట్టింది. అక్క వీనస్ విలియమ్స్‌ ఆటను చూసిన అప్పటి టెన్నిస్‌ అభిమానులు తొలి గ్రాండ్ స్లామ్ టైటిల్‌ను వీనస్‌ గెలుస్తుందని అంచనా వేశారు. కానీ అందరి అంచనాలను తలకిందులు చేస్తూ  చెల్లి సెరెనా ముందుగా దానిని సాధించింది. 1999 యూఎస్ ఓపెన్ చాంపియన్‌గా అవతరించింది. అప్పుడు సెరెనా విలియమ్స్ వయసు కేవలం 17 ఏళ్లు. న్యూయార్క్‌లో జరిగిన ఈ టోర్నమెంట్‌లో నాటికి ప్రపంచ దిగ్గజాలైన మోనికా సెలెస్‌ను క్వార్టర్ ఫైనల్‌లో, లిండ్సే డావెన్‌పోర్ట్‌ను సెమీ ఫైనల్‌లో, వరల్డ్ నంబర్ వన్ మార్టినా హింగిస్‌ను ఫైనల్‌లో ఓడించి.. సెరెనా తొలి గ్రాండ్‌స్లామ్‌ టైటిల్‌ సాధించడం విశేషం. ఇక అదే టోర్నమెంట్‌లో అక్క వీనస్‌ విలియమ్స్‌తో కలిసి డబుల్స్ టైటిల్‌ను కొల్లగొట్టింది. ఆ తర్వాత ఈ అక్కచెల్లెళ్లు తమ కెరీర్ ప్రస్థానంలో 14 గ్రాండ్ స్లామ్ డబుల్స్ టైటిళ్లను గెలుచుకున్నారు.  1999లో తొలి గ్రాండ్‌స్లామ్‌ గెలిచిన సెరెనా.. ఆ తర్వాత కెరీర్‌లో వెనుదిరిగి చూసుకోలేదు. చాలా సందర్భాల్లో తన అక్క వీనస్‌ విలియమ్స్‌తోనే గ్రాండ్‌స్లామ్‌ ఫైనల్స్‌ ఆడి టైటిల్స్‌ గెలిచి అక్కపై పైచేయి సాధించింది. అలా 27 ఏళ్ల సుదీర్ఘ కెరీర్లో సెరెనా విలియమ్స్‌ 23 గ్రాండ్ స్లామ్ టైటిల్స్‌నెగ్గింది. ఇందులో ఏడుసార్లు ఆస్ట్రేలియన్‌ ఓపెన్‌, మూడుసార్లు ఫ్రెంచ్‌ ఓపెన్‌, ఏడుసార్లు వింబుల్డన్‌.. మరో ఆరుసార్లు యూఎస్‌ ఓపెన్‌లో విజేతగా నిలిచింది. ఈ తరంలో మహిళల టెన్నిస్‌ విభాగంలో అత్యధిక టైటిళ్లు గెలిచిన క్రీడాకారిణిగా సెరెనా రికార్డు సృష్టించింది. 2017లో సెరెనా విలియమ్స్.. రెడిట్ సహ వ్యవస్థాపకుడు అలెక్సిస్ ఒహానియన్‌ను పెళ్లి చేసుకున్నారు.సెరెనా విలియమ్స్ ఎనిమిది వారాల గర్భంతో ఉన్న సమయంలో ఆస్ట్రేలియన్ ఓపెన్ టెన్నిస్ గ్రాండ్ స్లామ్‌ గెలిచి ఔరా అనిపించింది. ఇది ఆమెకు 23వ గ్రాండ్ స్లామ్ టైటిల్.. ఇదే చివరిది. మహిళల టెన్నిస్‌ ఓపెన్‌ శకంలో ఆల్ టైమ్ విజేతల జాబితాలో సెరెనా విలియమ్స్‌ స్టెఫీ గ్రాఫ్‌ను అధిగమించింది. ఆమెకన్నా పైస్థానంలో మార్గరెట్ కోర్ట్ మాత్రమే 24 గ్రాండ్‌స్లామ్‌ టైటిల్స్‌తో తొలి స్థానంలో ఉంది.  2017లో సెరెనా తన కుమార్తె అలెక్సిస్ ఒంపియాకు జన్మనిచ్చింది. అయితే సిజేరియన్ ఆపరేషన్‌ వల్ల ఆరోగ్య సమస్యలు తలెత్తడంతో సెరెనా దాదాపు ఆరు వారాల పాటు మంచానికే పరిమితమయ్యింది. 2018లో మళ్లీ టెన్నిస్ మైదానంలోకి అడుగుపెట్టిన సెరెనా.. వింబుల్డన్, యూఎస్ ఓపెన్ టోర్నీల్లో ఫైనల్స్‌కు చేరినప్పటికి ఆఖరిమెట్టుపై బోల్తా పడింది. తాజాగా తన చివరి టెన్నిస్‌ గ్రాండ్‌స్లామ్‌ అని చెప్పుకున్న సెరెనా.. ఈసారి కచ్చితంగా టైటిల్‌ సాధిస్తుందనుకున్న తరుణంలో మూడో రౌండ్‌తోనే ఆమె తన కెరీర్‌ను ముగించింది. తను ప్రొఫెషనల్ మ్యాచ్‌ను ఎక్కడైతే ఆరంభించిందో అదే టెన్నిస్ కోర్టులో ఇవాళ తుది మ్యాచ్ ఆడింది. చదవండి: ముగిసిన 'నల్లకలువ' పోరాటం.. 'అక్క లేకపోతే నేను లేను' అంటూ భావోద్వేగం

అమెరికన్‌ మహిళ టెన్నిస్‌ స్టార్‌.. నల్లకలువ సెరెనా విలియమ్స్‌ పోరాటం ముగిసింది. శనివారం ఉదయం జరిగిన విమెన్స్ సింగిల్స్ మూడో రౌండ్‌లో సెరెనా 5-7, 7-6 (7/4), 1-6 తో ఆస్ట్రేలియాకు చెందిన అజ్లా టామ్లానోవిక్ చేతిలో పోరాడి ఓడిపోయింది. దీంతో 24వ గ్రాండ్‌స్లామ్‌ అందుకోవాలన్న ఆమె కల తీరకుండానే కెరీర్‌ ముగించింది. కాగా యూఎస్‌ ఓపెన్‌ తర్వాత ఆటకు దూరం కానున్నట్లు సెరెనా ఇది వరకే ప్రకటించిన సంగతి తెలిసిందే.  కాగా మ్యాచ్‌ అనంతరం ఇంటర్య్వూలో మాట్లాడిన సెరెనా విలియమ్స్‌ కన్నీటి పర్యంతమైంది. ''టెన్నిస్‌లో నా జీవిత ప్రయాణం అత్యంత అద్భుతంగా సాగింది. కెరీర్‌ చివరి వరకు తనను ప్రోత్సహించిన అభిమానులందరికీ మనస్పూర్తిగా కృతజ్ఞతలు చెప్పుకుంటున్నా. అభిమానుల వల్లే ఇంత దూరం రాగలిగాను. ఇక చిన్నప్పుడే టెన్నిస్‌పై మక్కువ పెంచుకోవడంలో తల్లిదండ్రులు ఇచ్చిన ప్రోత్సాహం మరువలేనిది. ఆటలోకి వచ్చిన తర్వాత అక్క వీనస్ విలియమ్స్ అండగా నిలిచింది. చెప్పాలంటే వీనస్ లేకపోతే.. సెరెనా అనే వ్యక్తి టెన్నిస్‌లో ఉండేది కాదు.. థాంక్యు అక్క.. నీ సపోర్ట్‌ ఎన్నటికి మరువలేనిది.. ఇకపై కూడా ఇలాగే కొనసాగాలని కోరుకుంటున్నా. నా కళ్ల నుంచి వచ్చి కన్నీళ్లు కావు ఆనందబాష్పాలు'' అంటూ భావోద్వేగంతో ముగించింది. ఇక మ్యాచ్ ముగిసిన తర్వాత ‘రిటైర్మెంట్ పై పునరాలోచన చేస్తారా?’ అని కోర్టులో వ్యాఖ్యాత ప్రశ్నించినప్పుడు.. ‘నేను అలా అనుకోవడం లేదు.. కానీ మీకు ఎప్పటికీ తెలియదు’ అని సమాధానం ఇచ్చింది. కాగా తన 27 ఏళ్ల సుదీర్ఘ కెరీర్లో సెరెనా విలియమ్స్‌ 23 గ్రాండ్ స్లామ్ టైటిళ్లు నెగ్గింది. ఇందులో ఏడుసార్లు ఆస్ట్రేలియన్‌ ఓపెన్‌, మూడుసార్లు ఫ్రెంచ్‌ ఓపెన్‌, ఏడుసార్లు వింబుల్డన్‌.. మరో ఆరుసార్లు యూఎస్‌ ఓపెన్‌లో విజేతగా నిలిచింది. ఈ తరంలో మహిళల టెన్నిస్‌ విభాగంలో అత్యధిక టైటిళ్లు గెలిచిన క్రీడాకారిణిగా సెరెనా రికార్డు సృష్టించింది.2017లో ప్రెగ్నెంట్‌ ఉ‍న్న సమయంలోనే సెరెనా చివరిసారి ఆస్ట్రేలియన్‌ ఓపెన్‌ గ్రాండ్‌స్లామ్‌ నెగ్గింది.అయితే, వయసు మీద పడటం, గాయాల కారణంగా గత ఐదేళ్లలో ఆమె ఒక్క గ్రాండ్ స్లామ్ కూడా గెలవలేకపోయింది. దాంతో 41 ఏళ్ల సెరెనా కెరీర్ ముగించాలని నిర్ణయానికి వచ్చింది. A speech worth of the 🐐@serenawilliams | #USOpen pic.twitter.com/0twItGF0jq — US Open Tennis (@usopen) September 3, 2022 చదవండి: అభిమానులకు ఊహించని షాకిచ్చిన గంగూలీ!

న్యూయార్క్‌: కెరీర్‌లో 23వ గ్రాండ్‌స్లామ్‌ టైటిల్‌ గెలిచే లక్ష్యంతో బరిలోకి దిగిన స్పెయిన్‌ దిగ్గజం, రెండో సీడ్‌ రాఫెల్‌ నాదల్‌కు వరుసగా రెండో మ్యాచ్‌లోనూ కొంత ప్రతిఘటన ఎదురైంది. తొలి రౌండ్‌లాగే తొలి సెట్‌ను కోల్పోయిన అతను ఆ తర్వాత తన స్థాయికి తగ్గ ప్రదర్శనతో ముందంజ వేశాడు. ‘నా కెరీర్‌లో అతి చెత్త ఆరంభాల్లో ఇది ఒకటి’... యూఎస్‌ ఓపెన్‌ రెండో రౌండ్‌లో ఫాబియో ఫాగ్‌నిని (ఇటలీ)పై విజయం తర్వాత స్పెయిన్‌ స్టార్‌ రాఫెల్‌ నాదల్‌ వ్యాఖ్య ఇది. తొలి సెట్‌లో, ఆ తర్వాత రెండో సెట్‌లో సగం వరకు కూడా నాదల్‌ ఆట చూస్తే అలాగే అనిపించింది. అయితే అసలు సమయంలో తేరుకున్న అతను ఆ తర్వాత దూసుకుపోయాడు. 2 గంటల 43 నిమిషాల పాటు సాగిన పోరులో చివరకు విజేతగా నిలిచాడు. ఈ మ్యాచ్‌లో నాదల్‌ 2–6, 6–4, 6–2, 6–1తో ఫాగ్‌నినిపై గెలుపొందాడు. తొలి సెట్‌ను కోల్పోవడంతో పాటు రెండో సెట్‌లో కూడా ఒక దశలో నాదల్‌ 2–4తో వెనుకబడ్డాడు. అయితే ఏడో గేమ్‌లో సర్వీస్‌ను నిలబెట్టుకోవడంతో పాటు ప్రత్యర్థి సర్వీస్‌ను వరుసగా రెండుసార్లు బ్రేక్‌ చేసి నాదల్‌ సెట్‌ను గెలుచుకున్నాడు. ఆ తర్వాత తిరుగులేని ఆటతో అతను ఫాగ్‌నినికి చెక్‌ పెట్టాడు. మూడో రౌండ్‌లో నాదల్‌ రిచర్డ్‌ గాస్కే (ఫ్రాన్స్‌)తో తలపడతాడు. మరో మ్యాచ్‌లో మూడో సీడ్‌ కార్లోస్‌ అల్‌కరాజ్‌ (స్పెయిన్‌) 6–2, 6–1, 7–5తో ఫెడెరికో (అర్జెంటీనా)ను ఓడించి ముందంజ వేశాడు.   తన రాకెట్‌తో ముక్కుకు... ఫాగ్‌నినితో మ్యాచ్‌ సందర్భంగా నాదల్‌కు అనూహ్య రీతిలో స్వల్పంగా గాయమైంది. నాలుగో సెట్‌లో కుడి పక్కకు జరిగి వైడ్‌ బ్యాక్‌హ్యాండ్‌ ఆడే క్రమంలో రాకెట్‌పై నాదల్‌ పట్టు కోల్పోయాడు. వేగంగా కోర్టును తాకిన రాకెట్‌ అంతే వేగంగా వెనక్కి వచ్చి అతని ముక్కుకు బలంగా తాకింది. రక్తస్రావం కావడంతో ఆటను నిలిపేసి వెంటనే అతను వైద్య చికిత్స తీసుకున్నాడు. ముక్కుపై బ్యాండేజీతో ఆ తర్వాత ఆటను కొనసాగించి అతను విజేతగా నిలిచాడు. తాను ఒక్కసారిగా షాక్‌కు గురయ్యానని, ముక్కు పగిలినట్లు భావించానన్న నాదల్‌... అంత చెత్తగా ఆడుతున్నందుకు తనకు లభించిన చిన్నపాటి శిక్ష అంటూ సరదాగా వ్యాఖ్యానించాడు. విలియమ్స్‌ సిస్టర్స్‌కు నిరాశ... సొంత ప్రేక్షకుల ముందు చివరిసారిగా ఆడేందుకు నాలుగున్నరేళ్ల తర్వాత డబుల్స్‌లో జోడీ కట్టిన ‘విలియమ్స్‌ సిస్టర్స్‌’ మొదటి రౌండ్‌లోనే నిష్క్రమించారు. ‘వైల్డ్‌కార్డ్‌’తో ఈ టోర్నీలో అడుగు పెట్టిన సెరెనా–వీనస్‌ ద్వయం 6–7 (5/7), 4–6 స్కోరుతో లూసీ హర్డెకా–లిండా నొస్కొవా (చెక్‌ రిపబ్లిక్‌) జోడీ చేతిలో ఓటమి పాలైంది. అయితే ఆడినంత సేపు అభిమానులంతా ‘విలియమ్స్‌’ నినాదాలతో ఉత్సాహపరిచారు. తొలి సెట్‌ టైబ్రేకర్‌లో 19 స్ట్రోక్‌ల పాయింట్‌ను వీరిద్దరు గెలుచుకున్నప్పుడైతే దాదాపు 24 వేల సామర్థ్యం గల స్టేడియం మొత్తం హోరెత్తింది. సెరెనా–వీనస్‌ కలిసి మహిళల డబుల్స్‌లో 14 గ్రాండ్‌స్లామ్‌ టైటిల్స్‌ గెలిచారు. కిరియోస్‌కు భారీ జరిమానా ప్రతీ టోర్నీలో క్రమశిక్షణను ఉల్లంఘించి భారీగా జరిమానాలు చెల్లించడంలో ‘డాక్టరేట్‌ పొందిన’ నిక్‌ కిరియోస్‌ (ఆస్ట్రేలియా) మళ్లీ అదే తప్పు చేశాడు. గ్యాలరీలో కూర్చున్న అభిమానులను ఉద్దేశిస్తూ అసభ్యకర భాష వాడిన అతను క్రీడాస్ఫూర్తికి విరుద్ధంగా వ్యవహరించాడు. దాంతో నిర్వాహకులు కిరియోస్‌కు 7,500 డాలర్లు (సుమారు రూ. 6 లక్షలు) జరిమానా విధించారు. బోపన్న ఇంటిదారి భారత ఆటగాడు రోహన్‌ బోపన్నకు పురుషుల డబుల్స్, మిక్స్‌డ్‌ డబుల్స్‌లో కూడా నిరాశే ఎదురైంది. డబుల్స్‌లో బోపన్న–మిడిల్‌కూప్‌ (నెదర్లాండ్స్‌) 6–7 (2/7), 2–6 స్కోరుతో సొనెగో–వవసొరి (ఇటలీ) చేతిలో ఓడారు. మిక్స్‌డ్‌ డబుల్స్‌ లో బోపన్న–జువాన్‌ యాంగ్‌ (చైనా) జోడీ 5–7, 5–7తో దబ్రొస్కీ (కెనడా)–పర్సెల్‌ (ఆస్ట్రేలియా) ద్వయం చేతిలో ఓడిపోయారు. పురుషుల డబుల్స్‌లో మరో భారత ఆటగాడు రామ్‌కుమార్‌ –కాసిక్‌ (సెర్బి యా) 4–6, 4–6తో బొలెలి–ఫాగ్‌నిని (ఇటలీ) చేతిలో పరాజయం పొందారు. షేక్‌హ్యాండ్‌కు నిరాకరణ... మహిళల సింగిల్స్‌లో అజరెంకా (బెలారస్‌) మూడో రౌండ్‌లోకి అడుగు పెట్టింది. రెండో రౌండ్‌ లో ఆమె 6–2, 6–3తో మార్టా కొస్‌యుక్‌ (ఉక్రెయిన్‌)ను ఓడించింది. అయితే మ్యాచ్‌ ముగిసిన తర్వాత సహజంగా ఇద్దరు ప్లేయర్లు చేతులు కలిపే సంప్రదాయానికి భిన్నంగా కొస్‌యుక్‌ దూరం జరిగింది. తన దేశంపై రష్యా దాడికి నిరసనగా (రష్యాకు బెలారస్‌ సహకరిస్తోంది) ఆమె ఈ పని చేసింది. చివరకు ఒకరి రాకెట్‌ను మరొకరు తాకించి ఇద్దరూ నిష్క్రమించారు.   ప్రిక్వార్టర్స్‌లో జబర్‌ ఐదో సీడ్‌ ఆన్స్‌ జబర్‌ (ట్యూనిషియా) తొలిసారి యూఎస్‌ ఓపెన్‌లో ప్రిక్వార్టర్‌ ఫైనల్లోకి దూసుకెళ్లింది. మూడో రౌండ్‌లో జబర్‌ 4–6, 6–4, 6–3తో షెల్బీ రోజర్స్‌ (అమెరికా)పై గెలిచింది. గతంలో ఆరుసార్లు యూఎస్‌ ఓపెన్‌లో ఆడిన జబర్‌ మూడో రౌండ్‌ దాటి ముందుకెళ్లలేదు.

యూఎస్‌ ఓపెన్‌ 2022లో భాగంగా నాలుగో రోజు పెద్దగా ఎలాంటి సంచలనాలు నమోదు కాలేదు. స్పెయిన్‌ బుల్‌ రాఫెల్‌ నాదల్‌ ప్రిక్వార్టర్స్‌కు చేరుకున్నాడు. శుక్రవారం తెల్లవారుజామున జరిగిన రెండో రౌండ్‌ మ్యాచ్‌లో నాదల్‌.. ఇటలీకి చెందిన ఫాబియో ఫోగ్నినిని 2-6, 6-4, 6-2, 6-1తేడాతో చిత్తు చేసి మూడోరౌండ్‌కు చేరుకున్నాడు. అయితే తొలి గేమ్‌ ఓడిన అనంతరం నాదల్‌ రాకెట్‌‌.. అతని ముక్కును చీల్చడంతో రక్తం కారింది. అయితే దీనిని లెక్కచేయని నాదల్‌ ఆ తర్వాత తన జోరును ప్రదర్శించాడు. పవర్‌ఫుల్‌ షాట్లతో విరుచుకుపడిన నాదల్‌.. ప్రత్యర్థి ఫోగ్నినిని వరుస సెట్లలో ఖంగుతినిపించాడు. ఇక 23 వ గ్రాండ్‌స్లామ్‌ అందుకునేందుకు నాదల్‌ మరింత దగ్గరయ్యాడు. VAMOS pic.twitter.com/6xxFhV4pJC — US Open Tennis (@usopen) September 2, 2022 రికార్డు విజయాలతో అల్కరాజ్‌.. పరుషుల వరల్డ్‌ నెంబర్‌ 3 కార్లోస్‌ అల్కరాజ్‌ కూడా యూఎస్‌ ఓపెన్‌లో మూడో రౌండ్‌లో అడుగుపెట్టాడు. గురువారం రాత్రి జరిగిన రెండో రౌండ్‌లో అర్జెంటీనాకు చెందిన కొరియాను 6-2, 6-2, 7-5తో ఓడించి ప్రిక్వార్టర్స్‌కు చేరుకున్నాడు. ఇక ఈ సీజన్‌లో అల్కరాజ్‌కు ఇది 46వ విజయం. ఈ క్రమంలోనే సిట్సిపాస్‌ రికార్డును అధిగమించిన అల్కరాజ్‌ తొలిస్థానంలో నిలిచాడు. అంతేకాదు.. ఈ సీజన్‌లో సిట్సిపాస్‌ 17 పరాజయాలు పొందగా.. అల్కరాజ్‌ మాత్రం​ కేవలం 9 మ్యాచ్‌ల్లో మాత్రమే ఓటమి పాలయ్యాడు. We see you, @carlosalcaraz 👀 pic.twitter.com/lGEZZin5dS — US Open Tennis (@usopen) September 1, 2022 ఎదురులేని స్వియాటెక్‌.. ఇక మహిళల సింగిల్స్‌ విభాగంలో మహిళల ప్రపంచ నెంబర్‌వన్‌ ఇగా స్వియాటెక్‌ తన జోరును ప్రదర్శిస్తోంది. రెండో రౌండ్‌లో అమెరికాకు చెందిన స్టీఫెన్స్‌ను స్వియాటెక్‌.. 6-3, 6-2తో ఓడించి మూడో రౌండ్‌లో అడుగుపెట్టింది. కాగా 2020, 2022లో స్వియాటెక్‌ ఫ్రెంచ్‌ ఓపెన్‌ విజేతగా నిలిచింది. It's always crazy hearing yourself for the first time in the world's largest tennis stadium, @iga_swiatek 😆 pic.twitter.com/cWUjhiJSg9 — US Open Tennis (@usopen) September 1, 2022 విలియమ్స్‌ సిస్టర్స్‌కు షాకిచ్చిన చెక్‌ రిపబ్లిక్‌ ద్వయం.. ఇక మహిళల డబుల్స్‌ విభాగంలో విలియమ్స్‌ సిస్టర్స్‌(సెరెనా, వీనస్‌ విలియమ్స్‌) పోరాటం తొలి రౌండ్‌లోనే ముగిసింది. గురువారం రాత్రి జరిగిన తొలి రౌండ్‌లో చెక్‌ రిపబ్లిక్‌ ద్వయం లూసీ హ్రడెకా- లిండా నోస్కోవా చేతిలో 7-6(7-5), 6-4తో విలియమ్స్‌ సిస్టర్స్‌ ఓటమి పాలయ్యారు. అయితే సింగిల్స్‌ మాత్రం సెరెనా దుమ్మురేపింది. బుధవారం రాత్రి జరిగిన రెండో రౌండ్‌లో వరల్డ్‌ నెంబర్‌-2 అనెట్‌ కొంటావిట్‌ను చిత్తు చేసి ప్రిక్వార్టర్స్‌లో అడుగుపెట్టింది. చదవండి: బైచుంగ్‌ భుటియా ఘోర పరాజయం.. ఏఐఎఫ్‌ఎఫ్‌ అధ్యక్షుడిగా కళ్యాణ్‌ చౌబే సాయ్‌(SAI) మహిళా అధికారి నిర్వాకం.. వీడియో వైరల్‌

అమెరికన్‌ టెన్నిస్‌ స్టార్‌ సెరెనా విలియమ్స్‌ యూఎస్‌ ఓపెన్‌లో మూడో రౌండ్‌కు దూసుకెళ్లిన సంగతి తెలిసిందే. 27 ఏళ్ల కెరీర్‌లో చివరి గ్రాండ్‌స్లామ్‌ ఆడుతున్నట్లు ఇప్పటికే ప్రకటించిన సెరెనా.. అందుకు తగ్గ ఆటతీరునే ప్రదర్శిస్తోంది. బుధవారం అర్థరాత్రి తర్వాత జరిగిన రెండో రౌండ్‌ మ్యాచ్‌లో వరల్డ్‌ నెంబర్‌-2 అనెట్‌ కొంటావెయిట్‌కు షాక్‌ ఇచ్చిన సెరెనా అద్భుత ప్రదర్శనతో 24వ టైటిల్‌ దిశగా అడుగులు వేస్తుంది. తొలి సెట్‌ టై బ్రేక్‌లో నెగ్గిన సెరెనా.. రెండో సెట్‌ను కోల్పోయి కూడా ఫుంజుకున్న తీరు అద్భుతమనే చెప్పొచ్చు. పాత సెరెనాను తలపిస్తూ విజృంభించిన ఆమె సెట్‌తో పాటు మ్యాచ్‌ను కైవసం చేసుకుంది. ఇదిలా ఉంటే క్రీడల్లో ఆల్‌టైమ్‌ గ్రేట్‌ను G.O.A.T (గ్రేటెస్ట్‌ ఆఫ్‌ ఆల్‌  టైమ్‌) అని పిలుస్తుంటారు. ఇప్పటికే G.O.A.Tగా పిలవబడుతున్న సెరెనాను ఎన్‌బీఏ(బాస్కెట్‌బాల్‌) చాంపియన్‌ లెబ్రన్‌ జేమ్స్‌ తనదైన శైలిలో సంబోధించడం వైరల్‌గా మారింది. సెరెనా మ్యాచ్‌ను టీవీలో వీక్షించిన లెబ్రన్‌ జేమ్స్‌.. ఆమె మ్యాచ్‌ గెలిచిన అనంతరం GOAT పదం ఉచ్చరించేలా.. మేక శబ్ధం అయిన ''మే.. మే..'' అని అరిచాడు. ఒక రకంగా సెరెనా విజయాన్ని సెలబ్రేట్‌ చేసుకుంటూ G.O.A.T అనే పదాన్ని తనదైన స్టైల్లో పిలిచి ఆమె గౌరవాన్ని మరింత పెంచాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. LeBron making goat sounds at Serena 😂🐐 (h/t @AhnFireDigital) pic.twitter.com/mpvhmLkU7s — NBACentral (@TheNBACentral) September 1, 2022 చదవండి: వరల్డ్‌ నెంబర్‌-2కు షాక్‌.. మూడో రౌండ్‌కు దూసుకెళ్లిన నల్లకలువ నాడు కోహ్లి వర్సెస్‌ సూర్య! ఇప్పుడు సూర్యకు విరాట్‌ ఫిదా! తలవంచి మరీ! వైరల్‌

అమెరికన్‌ టెన్నిస్‌ స్టార్‌ సెరెనా విలియమ్స్‌ యూఎస్‌ ఓపెన్‌లో తన జోరు ప్రదర్శిస్తోంది. యూఎస్‌ ఓపెన్‌ అనంతరం లాంగ్‌బ్రేక్‌ తీసుకోనున్న నేపథ్యంలో సెరెనా 24వ టైటిల్‌ సాధించేందుకు మరో అడుగు ముందుకేసింది. యూఎస్‌ ఓపెన్‌లో భాగంగా బుధవారం అర్థరాత్రి దాటిన తర్వాత జరిగిన రెండో రౌండ్‌ మ్యాచ్‌లో సెరెనా.. వరల్డ్‌ నెంబర్‌-2 అనేట్ కొంటావెయిట్‌ను 7-6(7-4), 2-6, 6-2తో చిత్తుగా ఓడించి ప్రిక్వార్టర్స్‌(మూడో రౌండ్‌)కు చేరుకుంది.  ఐదేళ్ల నుంచి ఒక్క గ్రాండ్ స్లామ్ కూడా నెగ్గని సెరెనా... వయసు మీద పడి, గాయాల కారణంగా మునుపటి లయ కోల్పోయింది. పలు టోర్నీల్లో ఒకటి, రెండు రౌండ్లలోనే వెనుదిరుగుతోంది.  ఈ  నేపథ్యంలో ప్రపంచ రెండో ర్యాంకర్ తో మ్యాచ్ కావడంతో యూఎస్ ఓపెన్ లోనూ సెరెనాకు రెండో రౌండ్‌ ఆఖరుదని అంతా భావించారు. కానీ అందరి అంచనాలను తారుమారు చేస్తూ 41 ఏళ్ల వయసులో సెరెనా అద్భుత ఆటతీరు ప్రదర్శించింది.  మ్యాచ్‌లో తొలి సెట్ను టై బ్రేక్ లో గెలిచిన సెరెనా రెండో సెట్‌లో మాత్రం వెనుకంజ వేసింది. ఇక ఓటమి ఖాయమనుకున్న తరుణంలో నిర్ణాయాత్మక మూడో సెట్లో సెరెనా విజృంభించింది.  పాత సెరెనాను గుర్తుచేస్తూ  బ్యాక్‌, ఫోర్‌ హ్యాండ్‌, ఫార్వర్డ్‌ షాట్లతో దూకుడు ప్రదర్శించి సెట్‌తో పాటు మ్యాచ్‌ను కైవసం చేసుకుంది. ఇక మ్యాచ్ అనంతరం సెరెనా మాట్లాడుతూ.. ''నేను సెరెనా విలియమ్స్‌. బాగా ఆడితే ఇలాంటి ఫలితమే వస్తుంది. కెరీర్లో ఎంతో సాధించా. నిజాయతీగా చెప్పాలంటే ఇప్పుడు వచ్చేదంతా బోనస్గా భావిస్తున్నా. కొత్తగా నిరూపించుకోవాల్సింది ఏమీ లేదు.. అలాగని  కోల్పోయేది కూడా ఏమీ లేదు. నా ఆట ఇంకా కొంచెం మిగిలి ఉందని అనుకుంటున్నా'' అంటూ పేర్కొంది. Serena, surprised at her level? 😏 pic.twitter.com/QP41An73FE — US Open Tennis (@usopen) September 1, 2022 చదవండి: Japan Open 2022: తొలి రౌండ్‌లో భారత్‌కు నిరాశజనక ఫలితాలు

న్యూయార్క్‌: కెరీర్‌లో చివరి గ్రాండ్‌స్లామ్‌ ఆడుతున్నట్లు ప్రకటించిన అమెరికా నల్లకలువ, టెన్నిస్‌ దిగ్గజం సెరెనా విలియమ్స్‌.. యూఎస్‌ ఓపెన్‌ 2022లో రెండో రౌండ్‌లోకి దూసుకెళ్లింది. భారత కాలమానం ప్రకారం సోమవారం అర్ధరాత్రి జరిగిన తొలి రౌండ్‌ మ్యాచ్‌లో సెరెనా.. మాంటెనెగ్రోకు చెందిన డంకా కొవినిక్‌పై 6-3, 6-3 తేడాతో వరుస సెట్లలో విజయం సాధించింది.  That winning feeling. #Serena pic.twitter.com/xJ4YUdi1Fj— US Open Tennis (@usopen) August 30, 2022 కెరీర్‌లో 23 గ్రాండ్‌స్లామ్‌ సింగిల్స్‌ టైటిల్స్‌ సాధించిన 40 ఏళ్ల సెరెనా.. తొలి రౌండ్‌లో ఏమాత్రం తడబాటుకు గురికాకుండా ప్రత్యర్ధిపై పూర్తి ఆధిపత్యం చలాయించింది. సెరెనా కెరీర్‌లో ఇదే చివరి మ్యాచ్‌ అవుతుందేమోనని ఆమె అభిమానులు స్టేడియం వద్ద బారులు తీరారు. ఆర్థర్‌ యాష్‌ స్టేడియంలో ఈ మ్యాచ్‌ను దాదాపు 23000 మంది వీక్షించినట్లు నిర్వహకులు తెలిపారు.  #TwirlForSerena pic.twitter.com/RCoCSeGB0y — US Open Tennis (@usopen) August 30, 2022 మాజీ వరల్డ్‌ నంబర్‌ 1, ప్రస్తుత 605వ ర్యాంకర్‌ అయిన సెరెనా తొలి రౌండ్‌లో తన కంటే చాలా మెరుగైన ర్యాంకర్‌ డంకా కొవినిక్‌ (80వ ర్యాంక్‌)పై అలవోకగా విజయం సాధించడంతో ఆమె అభిమానులు ఆనందంలో మునిగితేలారు. తమ ఆరాధ్య క్రీడాకారిణి మరో గ్రాండ్‌స్లామ్‌ నెగ్గి, అత్యధిక సింగిల్స్‌ గ్రాండ్‌స్లామ్‌ టైటిల్స్‌ సాధించిన క్రీడాకారిణిగా మార్గరెట్‌ కోర్ట్‌ (ఆస్ట్రేలియా–24 టైటిల్స్‌) రికార్డును సమం చేస్తుందని ఆశాభావం వ్యక్తం చేస్తున్నారు. ఈ ఏడాది ఈ మ్యాచ్‌తో పాటు కేవలం రెండే మ్యాచ్‌లు గెలిచిన సెరెనా.. రెండో రౌండ్‌లో వరల్డ్‌ నంబర్‌ 2 ఎస్టోనియాకు చెందిన అన్నెట్‌ కొంటావెట్‌ను ఢీకొట్టాల్సి ఉంది. చదవండి: US Open 2022: సెరెనాపైనే దృష్టి

న్యూయార్క్‌: రిటైర్మెంట్‌కు కౌంట్‌డౌన్‌ మొదలైందని ఇటీవల ప్రకటించిన అమెరికా టెన్నిస్‌ దిగ్గజం సెరెనా విలియమ్స్‌ ప్రధాన ఆకర్షణగా నేడు యూఎస్‌ ఓపెన్‌ గ్రాండ్‌స్లామ్‌ టోర్నీకి తెర లేవనుంది. 40 ఏళ్ల సెరెనా ఇప్పటివరకు కెరీర్‌లో 23 గ్రాండ్‌స్లామ్‌ సింగిల్స్‌ టైటిల్స్‌ సాధించింది. మరో గ్రాండ్‌స్లామ్‌ టైటిల్‌ గెలిస్తే అత్యధిక గ్రాండ్‌స్లామ్‌ టైటిల్స్‌ నెగ్గిన ప్లేయర్‌గా మార్గరెట్‌ కోర్ట్‌ (ఆస్ట్రేలియా–24 టైటిల్స్‌) పేరిట ఉన్న రికార్డును సమం చేస్తుంది. 2017లో చివరిసారి ఆస్ట్రేలియన్‌ ఓపెన్‌ టైటిల్‌ సాధించిన సెరెనా ఆ తర్వాత మరో నాలుగు గ్రాండ్‌స్లామ్‌ టోర్నీలలో ఫైనల్‌ చేరినా రన్నరప్‌తో సరిపెట్టుకుంది. 21వసారి యూఎస్‌ ఓపెన్‌లో ఆడుతున్న సెరెనా ఆరుసార్లు విజేతగా, నాలుగుసార్లు రన్నరప్‌గా నిలిచింది. నాలుగుసార్లు సెమీఫైనల్, మూడుసార్లు క్వార్టర్‌ ఫైనల్‌ చేరింది. 2008 నుంచి యూఎస్‌ ఓపెన్‌లో సెరెనా కనీసం సెమీఫైనల్‌ దశ వరకు చేరుకుంటోంది. భారత కాలమానం ప్రకారం మంగళవారం ఉదయం జరిగే మహిళల సింగిల్స్‌ తొలి రౌండ్‌లో ప్రపంచ 80వ ర్యాంకర్‌ డాంకా కొవినిచ్‌ (మాంటెనిగ్రో)తో ఆడుతుంది. ప్రపంచ నంబర్‌వన్‌ స్వియాటెక్‌ (పోలాండ్‌), రెండుసార్లు విజేత నయోమి ఒసాకా (జపాన్‌), డిఫెండింగ్‌ చాంపియన్‌ ఎమ్మా రాడుకాను (బ్రిటన్‌), సిమోనా హలెప్‌ (రొమేనియా) టైటిల్‌ ఫేవరెట్స్‌గా ఉన్నారు. పురుషుల సింగిల్స్‌లో డిఫెండింగ్‌ చాంపియన్‌ మెద్వెదెవ్‌ (రష్యా), రాఫెల్‌ నాదల్‌ (స్పెయిన్‌), సిట్సిపాస్‌ (గ్రీస్‌), నిక్‌ కిరియోస్‌ (ఆస్ట్రేలియా), అల్కారజ్‌ (స్పెయిన్‌) టైటిల్‌ రేసులో ఉన్నారు. పురుషుల, మహిళల సింగిల్స్‌ విభాగం విజేతలకు 26 లక్షల డాలర్ల చొప్పున (రూ. 20 కోట్ల 79 లక్షలు) ప్రైజ్‌మనీ లభిస్తుంది. భారత కాలమానం ప్రకారం నేటి రాత్రి గం. 8:30 నుంచి తొలి రౌండ్‌ మ్యాచ్‌లు మొదలవుతాయి. మ్యాచ్‌లను సోనీ సిక్స్, సోనీ టెన్‌–2, సోనీ టెన్‌–3 చానెల్స్‌లో ప్రత్యక్ష ప్రసారం చేస్తారు.

టెన్నిస్‌లో ఆ ఇద్దరిని దిగ్గజాలుగా అభివర్ణిస్తారు. ఒకరు పురుషుల టెన్నిస్‌లో ఆధిపత్యం చెలాయిస్తుంటే.. మరొకరు మహిళల టెన్నిస్‌లో మకుటం లేని మహారాణిగా వెలుగొందుతుంది. ఒకేసారి ఈ ఇద్దరు ఎదురుపడితే అది అద్భుత దృశ్యం కాకుండా ఉంటుందా. అందుకే యూఎస్‌ ఓపెన్‌ నిర్వాహకులు..''ఆర్థర్‌ ఆషే స్టేడియం GOAT Farmగా(గ్రేటెస్ట్‌ ఆఫ్‌ ఆల్‌ టైమ్‌)గా మారిపోయింది.'' అంటూ క్యాప్షన్‌ జత చేసింది. ఆ ఇద్దరే అమెరికన్‌ నల్లకలువ సెరెనా విలియమ్స్‌.. మరొకరు స్పెయిన్‌ బుల్‌ రాఫెల్‌ నాదల్‌. Photo Credit: US Open విషయంలోకి వెళితే.. సోమవారం(ఆగస్టు 29 నుంచి) యూఎస్‌ ఓపెన్‌ ప్రారంభం కానుంది. ప్రాక్టీస్‌ సమయంలో సెరెనా, నాదల్‌లు ఒకరినొకరు ఎదురుపడ్డారు. నాదల్‌ ప్రాక్టీస్‌ చేయడానికి కోర్టులోకి వస్తుంటే.. అదే సమయంలో సెరెనా ప్రాక్టీస్‌ ముగించుకొని వెళుతుంది. దీంతో ఇద్దరు ఒకరినొకరు పలకరించుకొని హగ్‌ చేసుకున్నారు. ఇద్దరు టెన్నిస్‌ లెజెండ్స్‌ కలిస్తే మాములుగా ఉంటుందా.. ప్రాక్టీస్‌ చూడానికి వచ్చిన ప్రేక్షకులు కేరింతలు కొట్టారు. ఈ తతంగం మొత్తాన్ని వీడియో తీసిన యూఎస్‌ ఓపెన్‌ నిర్వాహకులు ట్విటర్‌లో షేర్‌ చేశారు. దీంతో సోషల్‌ మీడియలో వీడియో వైరల్‌గా మారింది.  Photo Credit: US Open ఇక సెరెనా, నాదల్‌లు ఎవరికి వారే సాటి. మహిళల టెన్నిస్‌లో ఓపెన్‌ శకంలో 23 గ్రాండ్‌స్లామ్‌ టైటిల్స్‌లో సెరెనా విలియమ్స్‌ కొత్త చరిత్ర సృష్టించింది. మరొక టైటిల్‌ సాధిస్తే.. మహిళల ఆల్‌టైం టెన్నిస్‌ గ్రేట్‌ మార్గరెట్‌ కోర్ట్‌(24 గ్రాండ్‌స్లామ్‌ టైటిల్స్‌) సరసన చోటు సంపాదిస్తుంది. ఇక స్పెయిన్‌ బుల్‌ రాఫెల్‌ నాదల్‌ పురుషుల టెన్నిస్‌ విభాగంలో ఇప్పటికే అత్యధిక గ్రాండ్‌స్లామ్‌ టైటిళ్ల రికార్డును తన పేరిట లిఖించుకున్నాడు. నాదల్‌ ఇప్పటివరకు 22 గ్రాండ్‌స్లామ్‌ టైటిల్స్‌ సాధించాడు. ఇక యూఎస్‌ ఓపెన్‌ అనంతరం సెరెనా టెన్నిస్‌ నుంచి లాంగ్‌బ్రేక్‌ తీసుకోనున్నట్లు ఇప్పటికే ప్రకటించింది. యూఎస్‌ ఓపెన్‌లో సెరెనా తొలి రౌండ్‌లో మోంటెన్‌గ్రోకు చెందిన డన్‌కా కోవినిక్‌తో తలపడనుంది. ఇక 23 గ్రాండ్‌స్లామ్‌పై కన్నేసిన నాదల్‌ ఆస్ట్రేలియాకు చెందిన రింకీ హిజికతాతో తొలి రౌండ్‌ మ్యాచ్‌ ఆడనున్నాడు. కోవిడ్‌ వ్యాక్సిన్‌ వేసుకోని కారణంగా వరల్డ్‌ నెంబర్‌వన్‌ నొవాక్‌ జొకోవిచ్‌ యూఎస్‌ ఓపెన్‌కు దూరమయ్యాడు. ఇక స్విస్‌ టెన్నిస్‌ దిగ్గజం రోజర్‌ ఫెదరర్‌ యూఎస్‌ ఓపెన్‌లో మరోసారి ఫెవరెట్‌గా బరిలోకి దిగుతున్నాడు. Arthur Ashe Stadium has become a GOAT farm 🐐@serenawilliams 😍 @RafaelNadal | #USOpen pic.twitter.com/77S3GFibHS — US Open Tennis (@usopen) August 24, 2022 చదవండి: పాక్‌తో మ్యాచ్‌.. ప్రెస్‌ కాన్ఫరెన్స్‌కు రోహిత్‌ డుమ్మా; కేఎల్‌ రాహుల్‌ ఏమన్నాడంటే..

సిన్సినాటి: తన టెన్నిస్‌ కెరీర్‌ చరమాంకంలో ఉందని అమెరికా దిగ్గజం సెరెనా విలియమ్స్‌ తన ఆటతీరుతో నిరూపించింది. ఇటీవల టొరంటో ఓపెన్‌ టోర్నీలో రెండో రౌండ్‌లోనే నిష్క్రమించిన 40 ఏళ్ల సెరెనా తాజాగా సిన్సినాటి ఓపెన్‌ టోర్నీలో తొలి రౌండ్‌లోనే ఓటమి పాలైంది. బుధవారం జరిగిన మహిళల సింగిల్స్‌ తొలి రౌండ్‌లో సెరెనా 4–6, 0–6తో బ్రిటన్‌ టీనేజర్, గత ఏడాది యూఎస్‌ ఓపెన్‌ చాంపియన్‌ ఎమ్మా రాడుకాను చేతిలో పరాజయం పాలైంది. యూఎస్‌ ఓపెన్‌ తర్వాత టెన్నిస్‌కు వీడ్కోలు పలుకుతానని ఇటీవల సెరెనా ఒక మేగజైన్‌కు ఇచ్చిన ఇంటర్వ్యూలో పేర్కొంది. 1995లో ప్రొఫెషనల్‌గా మారిన సెరెనా ఇప్పటివరకు 23 గ్రాండ్‌స్లామ్‌ సింగిల్స్‌ టైటిల్స్‌ సాధించింది. 19 ఏళ్ల రాడుకానుతో జరిగిన మ్యాచ్‌లో సెరెనా రెండో సెట్‌లో ఒక్క గేమ్‌ కూడా గెలవలేకపోయింది. సెరెనాపై ఒక సెట్‌ను 6–0తో గెలిచిన పదో ప్లేయర్‌గా రాడుకాను ఘనత వహించింది. 2017లో జొహనా కొంటా (బ్రిటన్‌) చేతిలో చివరిసారి సెరెనా ఒక సెట్‌ను 0–6తో కోల్పోయింది. సిమోనా హలెప్‌ (రొమేనియా), అనాబెల్‌ మెదీనా గారిగెస్‌ (స్పెయిన్‌), వీనస్‌ విలియమ్స్‌ (అమెరికా), ప్యాటీ ష్నిదెర్‌ (స్విట్జర్లాండ్‌), జస్టిన్‌ హెనిన్‌ (బెల్జియం), జెలెనా జంకోవిచ్‌ (సెర్బియా), మేరీజో ఫెర్నాండెజ్‌ (అమెరికా), అలెక్సియా డెషామ్‌ బాలెరెట్‌ (ఫ్రాన్స్‌) కూడా సెరెనాపై ఒక సెట్‌ను 6–0తో గెలిచారు.     

టొరంటో: కెరీర్‌కు త్వరలోనే గుడ్‌బై చెప్పేందుకు సిద్ధమైన అమెరికా టెన్నిస్‌ దిగ్గజం సెరెనా విలియమ్స్‌ ఆ ప్రకటన తర్వాత ఆడిన మొదటి టోర్నీలోనే పేలవ ప్రదర్శన కనబర్చింది. కెనడియన్‌ ఓపెన్‌లో ఆమె ఆట తొలి రౌండ్లోనే ముగిసింది. మహిళల సింగిల్స్‌ పోరులో 2–6, 4–6తో బెలిండా బెన్సిక్‌ (స్విట్జర్లాండ్‌) చేతిలో సెరెనా పరాజయం చవిచూసింది. ఇక్కడ మూడు సార్లు చాంపియన్‌గా నిలిచిన సెరెనా ఓటమితో ఈవెంట్‌కు గుడ్‌బై చెప్పింది. అనంతరం మీడియాతో మాట్లాడుతూ ‘భావోద్వేగం వల్లే మాటరాని మౌనంతో బరువెక్కిన హృదయంతో నిష్క్రమించాను. నిజానికి ఈ మ్యాచ్‌లో నేను బాగా ఆడాలని సన్నద్ధమై వచ్చాను. కానీ నాకంటే  బెలిండా చాలా బాగా ఆడింది. ఇంత మంది అభిమానుల మధ్య నా సుదీర్ఘ కెరీర్‌ సాగింది. ఇది ఎప్పటికీ ప్రత్యేకం’ అని సెరెనా ఉద్వేగంతో తెలిపింది.

న్యూయార్క్‌: తన విజయవంతమైన టెన్నిస్‌ కెరీర్‌కు త్వరలోనే వీడ్కోలు పలుకుతానని అమెరికా టెన్నిస్‌ దిగ్గజం, 23 గ్రాండ్‌స్లామ్‌ సింగిల్స్‌ టైటిళ్ల విజేత సెరెనా విలియమ్స్‌ తెలిపింది. రెండో సంతానం, బిజినెస్‌ కార్యకలాపాలవైపు దృష్టిసారిస్తాను అని వివరించింది. ‘వచ్చే నెలలో నేను 41వ వసంతంలోకి అడుగుపెడతాను. దీంతో నా జీవితంలో టెన్నిస్‌ ఆట చాలనుకుంటున్నా. దీన్ని నేను రిటైర్మెంట్‌గా సంబోధించను. టెన్నిస్‌కు దూరంగా వెళుతున్నా. జీవితంలోని ఇతర ప్రాధాన్యతలవైపు పూర్తిగా మళ్లుతున్నా’ అని సెరెనా తెలిపింది. ప్రస్తుతం ఆమె టోరంటో ఓపెన్‌ బరిలోకి దిగింది. ఏడాది తర్వాత తొలి విజయం సాధించింది. తొలి రౌండ్‌లో సెరెనా 6–3, 6–4తో నూరియా (స్పెయిన్‌)పై గెలిచింది. గత ఏడాది ఫ్రెంచ్‌ ఓపెన్‌లో సెరెనా చివరిసారి నెగ్గింది. సెరెనా మరో గ్రాండ్‌స్లామ్‌ టైటిల్‌ సాధిస్తే ఆల్‌టైమ్‌ అత్యధిక గ్రాండ్‌స్లామ్‌ టైటి ల్స్‌ సాధించిన ప్లేయర్‌గా మార్గరెట్‌ కోర్ట్‌ (24 టైటిల్స్‌) పేరిట ఉన్న రికార్డును సమం చేస్తుంది.    

లండన్‌: అత్యధిక గ్రాండ్‌స్లామ్‌ సింగిల్స్‌ టైటిల్‌ నెగ్గిన ప్లేయర్‌గా ఆల్‌టైమ్‌ రికార్డును సమం చేసేందుకు సెరెనా విలియమ్స్‌ మరికొంతకాలం వేచి చూడక తప్పదు. ఇప్పటికే 23 గ్రాండ్‌స్లామ్‌ టైటిల్స్‌ నెగ్గిన ఈ అమెరికా దిగ్గజం ఏడాది తర్వాత పునరాగమనం చేసిన టోర్నీలో తొలి రౌండ్‌ను దాటలేకపోయింది. గత సంవత్సరం జూన్‌ 29న వింబుల్డన్‌ గ్రాండ్‌స్లామ్‌ టోర్నీ తొలి రౌండ్‌లో గాయం కారణంగా మ్యాచ్‌ మధ్యలోనే వైదొలిగిన 40 ఏళ్ల సెరెనా ఆ తర్వాత మళ్లీ రాకెట్‌ పట్టలేదు. ఏడాది తర్వాత వింబుల్డన్‌ టోర్నీ ద్వారా పునరాగమనం చేసిన ఈ నల్లకలువకు ఊహించని పరాజయం ఎదురైంది. ప్రపంచ 115వ ర్యాంకర్‌ హార్మనీ టాన్‌ (ఫ్రాన్స్‌)తో భారత కాలమానం ప్రకారం మంగళవారం అర్ధరాత్రి దాటాక ముగిసిన మ్యాచ్‌లో సెరెనా 5–7, 6–1, 6–7 (7/10)తో ఓడిపోయింది. 3 గంటల 11 నిమిషాలపాటు జరిగిన ఈ మ్యాచ్‌లో ఏడుసార్లు చాంపియన్‌ సెరెనా 54 అనవసర తప్పిదాలు చేసింది. ప్రత్యర్థి సర్వీస్‌ను 17 సార్లు బ్రేక్‌ చేసే అవకాశం వచ్చినా ఆరుసార్లు మాత్రమే సద్వినియోగం చేసుకుంది. తొలిసారి వింబుల్డన్‌ టోర్నీలో ఆడుతున్న హార్మనీ... సెరెనా సర్వీస్‌ను ఐదుసార్లు బ్రేక్‌ చేసింది. నిర్ణాయక టైబ్రేక్‌లో సంయమనం కోల్పోకుండా ఆడిన హార్మనీ తన కెరీర్‌లోనే గొప్ప విజయం సాధించింది. తనకిదే చివరి వింబుల్డన్‌ టోర్నీనా కాదా అనేది చెప్పలేనని, ఆగస్టు–సెప్టెంబర్‌లలో జరిగే యూఎస్‌ ఓపెన్‌ గ్రాండ్‌స్లామ్‌ టోర్నీలో పాల్గొంటానని సెరెనా వ్యాఖ్యానించింది. 2017లో చివరిసారి ఆస్ట్రేలియన్‌ ఓపెన్‌ రూపంలో గ్రాండ్‌స్లామ్‌ టైటిల్‌ నెగ్గిన సెరెనా ఆ తర్వాత నాలుగు గ్రాండ్‌స్లామ్‌ టోర్నీలలో (2018, 2019–వింబుల్డన్‌; 2018, 2019–యూఎస్‌ ఓపెన్‌) ఫైనల్‌కు చేరుకున్నా నాలుగింటిలోనూ ఫైనల్లో ఓడిపోయి రన్నరప్‌గా నిలిచింది.   సంచలనాల మోత వింబుల్డన్‌ టోర్నీలో బుధవారం మహిళల సింగిల్స్‌లో సంచలన ఫలితాలు నమోదయ్యాయి. రెండో సీడ్‌ అనెట్‌ కొంటావీట్‌ (ఎస్తోనియా), తొమ్మిదో సీడ్‌ గార్బిన్‌ ముగురుజా (స్పెయిన్‌), పదో సీడ్‌ ఎమ్మా రాడుకానూ (బ్రిటన్‌) రెండో రౌండ్‌లోనే ఇంటిదారి పట్టారు. జూలీ నిమియెర్‌ (జర్మనీ) 6–4, 6–0తో కొంటావీట్‌పై, కరోలినా గార్సియా (ఫ్రాన్స్‌) 6–3, 6–3తో 2021 యూఎస్‌ ఓపెన్‌ చాంపియన్‌ రాడుకానూపై, గ్రీట్‌ మినెన్‌ (బెల్జియం) 6–4, 6–0తో 2017 వింబుల్డన్‌ విజేత ముగురుజాపై గెలిచి మూడో రౌండ్‌కు చేరారు. రూడ్‌ అవుట్‌... పురుషుల సింగిల్స్‌ రెండో రౌండ్‌లో డిఫెండింగ్‌ చాంపియన్‌ జొకోవిచ్‌ (సెర్బి యా) 6–1, 6–4, 6–2 తో కొకినాకిస్‌ (ఆస్ట్రేలియా)పై అలవోకగా గెలిచి మూడో రౌండ్‌లోకి ప్రవేశించాడు. మూడో సీడ్‌ కాస్పర్‌ రూడ్‌ (నార్వే) 6–3, 2–6, 5–7, 4–6తో హంబర్ట్‌ (ఫ్రాన్స్‌) చేతిలో ఓడాడు. ఇతర రెండో రౌండ్‌ మ్యాచ్‌ల్లో తొమ్మిదో సీడ్‌ కామెరాన్‌ నోరీ (బ్రిటన్‌) 3 గంటల 13 నిమిషాల్లో 6–4, 3–6, 5–7, 6–0, 6–2తో మునార్‌ (స్పెయిన్‌)పై, 22వ సీడ్‌ బాషిలాష్‌విలి (జార్జియా) 7–6 (9/7), 0–6, 7–5, 7–6 (7/5)తో క్వెన్‌టిన్‌ హెల్స్‌ (ఫ్రాన్స్‌)పై గెలిచారు. చదవండి: Malaysia Open 2022: సింధు ముందుకు.. సైనా ఇంటికి

23 గ్రాండ్‌స్లామ్‌ల విజేత, సెవెన్‌ టైమ్‌ వింబుల్డన్‌ ఛాంపియన్‌ సెరీనా విలియమ్స్‌కు వింబుల్డన్-2022లో ఘోర పరాభవం ఎదురైంది. ప్రపంచ 115 ర్యాంకర్‌, ఫ్రాన్స్‌ క్రీడాకారిణి హార్మొనీ టాన్‌ చేతిలో తొలి రౌండ్‌లోనే ఆమె ఓటమిపాలైంది. 3 గంటల 10 నిమిషాల పాటు సాగిన ఈ పోరులో 5-7, 6-1, 6-7 (7)తో ఓటమిపాలై అభిమానులను దారుణంగా నిరాశపర్చింది. అయితే ఓటమి బాధను దిగమింగుతూ ఆమె మైదానంలో ప్రదర్శించిన హావభావాలు అభిమానుల మనసులను గెలుచుకున్నాయి. పరాజయం అనంతరం సెరీనా చిరునవ్వులు చిందిస్తూ గ్రాస్ కోర్టును వీడటం టెన్నిస్‌ ప్రియులను అమితంగా ఆకట్టుకుంది. "She's beaten a legend."After three hours, 10 minutes, Harmony Tan beats Serena Williams in a first round epic#Wimbledon | #CentreCourt100 pic.twitter.com/IQst8AzXxv— Wimbledon (@Wimbledon) June 28, 2022 ఇదిలా ఉంటే, ఈ మ్యాచ్‌తోనే వింబుల్డన్ అరంగేట్రం చేసిన హార్మొనీ టాన్‌ అద్భుతమై పోరాటపటిమ కనబర్చి దిగ్గజ క్రీడాకారిణిని మట్టికరిపించింది. పవర్‌ గేమర్‌పై గెలవడం చాలా ఆనందాన్ని ఇచ్చిందంటూ మ్యాచ్‌ అనంతరం టాన్‌ భావోద్వేగానికి లోనైంది. కాగా, సెరీనా గతేడాది వింబుల్డన్‌లోనూ మొదటి రౌండ్‌లోనే ఇంటి ముఖం పట్టింది. గాయం కారణంగా ఆమె వింబుల్డన్‌ 2021 నుంచి రిటైర్డ్ హార్ట్‌గా వైదొలిగింది.  చదవండి: చరిత్ర సృష్టించిన జకోవిచ్.. ఆ ఘనత సాధించిన ఏకైక మొనగాడిగా రికార్డు

లండన్‌: గత ఏడాది వింబుల్డన్‌ గ్రాండ్‌స్లామ్‌ టెన్నిస్‌ టోర్నీ సింగిల్స్‌ తొలి రౌండ్‌లోనే గాయంతో వైదొలిగిన సెరెనా విలియమ్స్‌... ఏడాది తర్వాత మళ్లీ అదే టోర్నీతో పునరాగమనం చేయనుంది. సోమవారం మొదలయ్యే ఈ ప్రతిష్టాత్మక టోర్నీకి సంబంధించి శుక్ర వారం ‘డ్రా’ విడుదల చేశారు. తొలి రౌండ్‌లో ప్రపంచ 113వ ర్యాంకర్‌ హార్మనీ టాన్‌ (ఫ్రాన్స్‌)తో సెరెనా తలపడుతుంది. కెరీర్‌లో మొత్తం 23 గ్రాండ్‌స్లామ్‌ సింగిల్స్‌ టోర్నీలు నెగ్గిన 40 ఏళ్ల సెరెనా ఏడుసార్లు వింబుల్డన్‌ సింగిల్స్‌లో విజేతగా నిలిచింది. గాయం కారణంగా సెరెనా ఏడాదిపాటు ఆటకు దూరమైంది. దాంతో ఆమె ర్యాంక్‌ కూడా పడిపోయి ప్రస్తుతం 1,204 స్థానానికి చేరుకుంది. ర్యాంకింగ్‌ ప్రకారమైతే సెరెనా ఈ టోర్నీలో ఆడే అవకాశమే లేదు. అయితే ఆమె గత రికార్డులను దృష్టిలో పెట్టుకొని వింబుల్డన్‌ నిర్వాహకులు ‘వైల్డ్‌ కార్డు’ ఎంట్రీని కేటాయించారు. చదవండి: Skating: అన్న.. చెల్లి.. అదుర్స్‌ .. జాతీయ స్థాయిలో పతకాల పంట

టెన్నిస్‌ దిగ్గజం సెరెనా విలియమ్స్‌కు ఊహించని పరిణామం ఎదురైంది. అమెరికాకు చెందిన న్యూయార్క్‌ టైమ్స్‌ పత్రిక ఒక వార్త విషయంలో సెరెనా ఫోటోను ప్రచురించకుండా.. తన అక్క వీనస్‌ విలియమ్స్‌ ఫోటోను ప్రచురించింది. ఈ విషయం తెలుసుకున్న సెరెనా విలియమ్స్‌ న్యూయార్క్‌ టైమ్స్‌కు తనదైన శైలిలో కౌంటర్‌ ఇచ్చింది. విషయంలోకి వెళితే.. 40 ఏళ్ల టెన్నిస్‌ స్టార్‌ ఈ మధ్యనే సెరెనా వెంచర్స్‌ పేరుతో  క్యాపిటల్‌ వెంచర్స్‌ను ప్రారంభించింది. దాదాపు 111 మిలియన్‌ అమెరికన్‌ డాలర్ల నిధిని సేకరించింది. ఇదే విషయాన్ని న్యూయార్క్‌ టైమ్స్‌ పత్రిక వెల్లడిస్తూ సెరెనాపై ఒక ఆర్టికల్‌ రాసుకొచ్చింది.  విషయం సరిగ్గానే ఉన్నప్పటికి ఫోటో విషయంలో మాత్రం పెద్ద పొరపాటే చేసింది. సెరెనా ఫోటోకు బదులు తన అక్క వీనస్‌ విలియమ్స్‌ ఫోటోను ప్రచురించింది. యుక్త వయసులో సెరెనా, వీనస్‌లు దాదాపు ఒకే రకంగా ఉండేవారు.  అప్పటి సెరెనా అనుకొని.. వీనస్‌ ఫోటోను పబ్లిష్‌ చేశారు. ఇది సోషల్‌ మీడియాలో వైరల్‌గా మారింది.  ఆర్టికల్‌తో పాటు ఫోటోను ట్యాగ్‌ చేస్తూ సెరెనాకు పంపించారు. ఇది చూసిన సెరెనా స్పందించింది. ''జీవితంలో చాలా సాధించినప్పటికి ఏదో తెలియని వెలితి. అందుకే సెరెనా వెంచర్స్‌ పేరుతో క్యాపిటల్‌ వెంచర్‌ను ప్రారంభించాం. దానిపై దాదాపు 111 మిలియన్‌ యూఎస్‌ డాలర్ల నిధిని సేకరించాం.  సంస్థను నెలకొల్పిన వ్యక్తులకు మద్దతు ఇచ్చేందుకు వ్యవస్థ సాయపడుతోంది. ఇదే విషయాన్ని ఒక పత్రిక ఆర్టికల్‌ రూపంలో రాసుకొచ్చింది. కానీ ఫోటో మాత్రం వేరొకరిది పెట్టింది. మా అక్క ఫోటో వాడడం తప్పు కాదు.. కానీ ఫోటో వేసేముందు ఒకసారి తీక్షణంగా పరిశీలిస్తే బాగుంటుంది. ఫోటోను పెట్టారు సరే.. కానీ ఇంకాస్త బెటర్‌గా ఉంటే బాగుండేది. మీ పరిశోధన సరిపోలేదు..'' అంటూ రాసుకొచ్చింది. ఇక మహిళల టెన్నిస్‌ విభాగంలో 23 గ్రాండ్‌స్లామ్‌ టైటిళ్లతో ఎవరికి అందనంత ఎత్తులో నిలిచిన సెరెనా ఇటీవలే పెద్దగా ఆడడం లేదు. ఈ మధ్యనే విడుదలైన ర్యాంకింగ్స్‌లో 2006 తర్వాత తొలిసారి టాప్‌ 50లో సెరెనా చోటు దక్కించుకోలేకపోయింది. 2021 నుంచి చూసుకుంటే సెరెనా కేవలం ఆరు టోర్నమెంట్లలో మాత్రమే పాల్గొంది. వింబుల్డన్‌ టోర్నీలో తొలి రౌండ్‌లోనే వెనుదిరిగిన సెరెనా.. ఈ ఏడాది ఆరంభంలో జరిగిన ఆస్ట్రేలియన్‌ ఓపెన్‌ నుంచి ఫిట్‌నెస్‌ కారణాలతో తప్పుకుంది.  చదవండి: Novak Djokovic: నెంబర్‌ వన్‌ పాయే.. 15 ఏళ్ల బంధానికి ముగింపు పలికిన జొకోవిచ్‌ Ranji Trophy 2022: తొమ్మిదేళ్ల తర్వాత తొలి వికెట్‌ పడగొట్టాడు.. ఒక్కసారిగా ఏం చేశాడంటే..! No matter how far we come, we get reminded that it's not enough. This is why I raised $111M for @serenaventures. To support the founders who are overlooked by engrained systems woefully unaware of their biases. Because even I am overlooked. You can do better, @nytimes. pic.twitter.com/hvfCl5WUoz — Serena Williams (@serenawilliams) March 2, 2022

అమెరికా మహిళా టెన్నిస్‌ స్టార్, 23 గ్రాండ్‌స్లామ్‌ సింగిల్స్‌ టైటిల్స్‌ విజేత సెరెనా విలియమ్స్‌ జనవరిలో జరిగే సీజన్‌ తొలి గ్రాండ్‌స్లామ్‌ టోర్నీ ఆస్ట్రేలియన్‌ ఓపెన్‌లో బరిలోకి దిగడంలేదు. తొడ కండరాల గాయం నుంచి ఇంకా పూర్తిగా కోలుకోలేదని... తన వైద్య బృందం సలహా మేరకు ఆస్ట్రేలియన్‌ ఓపెన్‌లో ఆడట్లేదని 40 ఏళ్ల సెరెనా తెలిపింది. గాయంతో ఈ ఏడాది వింబుల్డన్‌లో తొలి రౌండ్‌ మధ్యలోనే వైదొలిగిన సెరెనా ఆ తర్వాత మరే టోర్నీలోనూ ఆడలేదు.

న్యూయార్క్‌: యూఎస్‌ ఓపెన్‌లో బ్రిటిష్‌ టెన్నిస్‌ ప్లేయర్‌, టీనేజర్‌ ఎమ్మా రెడుకాను సంచలనం సృష్టించింది. అత్యంత చిన్నవయస్సులోనే గ్రాండ్‌స్లామ్‌ వేటలో ఫైనల్‌కు చేరి సత్తా చాటింది. తద్వారా మారియా షరపోవా(17 ఏళ్ల వయసులో వింబుల్డన్‌ విజేత- 2004) తర్వాత ఏదేని ప్రతిష్టాత్మక టోర్నమెంట్‌లో ఈ రికార్డు సాధించిన టీనేజర్‌గా గుర్తింపు దక్కించుకుంది. కాగా గురువారం నాటి(స్థానిక కాలమానం ప్రకారం) సెమీ ఫైనల్‌ మ్యాచ్‌లో గ్రీస్‌ ప్లేయర్‌ మారియా సకారిని 6-1, 6-4 తేడాతో ఓడించి ఎమ్మా తుది పోరులో నిలిచింది.  వరల్డ్‌ ర్యాంకింగ్స్‌లో 150వ స్థానంలో ఉన్న ఆమె.. 18 ఏళ్ల వయస్సులోనే ఈ ఘనత సాధించడం విశేషం. ఇక ఫైనల్‌లో మరో టీనేజర్‌, 19 ఏళ్ల కెనడా ప్లేయర్‌ లేలా ఫెర్నాండెజ్‌తో ఆమె తలపడనుంది. ఈ విషయాన్ని ట్విటర్‌ వేదికగా వెల్లడించిన యూఎస్‌ ఓపెన్‌ నిర్వాహకులు.. ‘‘ఆ ఒక్క పాయింట్‌ ఎమ్మా రెడుకాను జీవితాన్నే మార్చేసింది. మీరిప్పుడు యూఎస్‌ ఓపెన్‌ ఫైనల్‌లో ఉన్నారు తెలుసా’’ అంటూ ఆమెను విష్‌ చేసింది. తన అద్బుత విజయం గురించి ఎమ్మా మాట్లాడుతూ.. ‘‘నేను ఫైనల్‌ చేరుకున్నాను. అసలు నేనిది నమ్మలేకపోతున్నాను. నిజంగా నమ్మలేకపోతున్నాను. ఇది ఎవరైనా ఊహించారా? నేను ఇప్పుడు టెక్నికల్‌గా ఫైనల్‌లో ఉన్నాను. షాకింగ్‌గా, సంతోషంగా ఉంది’’ అంటూ భావోద్వేగానికి లోనైంది. ఇక 1999 తర్వాత ఇలా యూఎస్‌ ఓపెన్‌ మహిళల సింగిల్స్‌ విభాగంలో ఇద్దరు టీనేజర్లు ఫైనల్‌లో తలపడటం ఇదే మొదటిసారి. గతంలో 17 ఏళ్ల సెరీనా విలియమ్స్‌, 18 ఏళ్ల మార్టినా హింగిస్‌ను ఓడించి టైటిల్‌ గెలిచింది. ఇక శనివారం ఎమ్మా, లేలా మధ్య ఆసక్తికపోరు జరుగనుంది. The point that changed @EmmaRaducanu's life. pic.twitter.com/k65yVd7xMo — US Open Tennis (@usopen) September 10, 2021

ఈ ఏడాది యూఎస్‌ ఓపెన్‌ కు టెన్నిస్ స్టార్  వీనస్ విలియమ్స్  దూరమవుతున్నట్లు ప్రకటించింది. మోకాలి  గాయం వల్ల ఈ ఏడాది యూఎస్ ఓపెన్ కు అందుబాటులో ఉండనని వీనస్‌ తెలిపింది. చెల్లి బాటలోనే అక్క కూడా ప్రయాణించింది. ఈ మేరకు ఆమె ఓ వీడియో ను లో ట్విట్టర్‌ పోస్ట్‌ చేసింది. యూఎస్ ఓపెన్ గ్రాండ్ స్లామ్ తన ఫేవరెట్ అని,ఈ టోర్నమెంట్‌లో ఆడకపోవడం తనకు ఎంతో నిరాశ కలిగించదని ఆమె పేర్కొన్నారు. యూఎస్ ఓపెన్‌లో తనకు కొన్ని మరిచిపోలేని మధుర జ్ఞాపకాలు ఉన్నాయని ఆమె గుర్తు చేసుకుంది. మళ్లీ రాకెట్ పట్టుకుని, టెన్నిస్ కోర్టులో కనిపించడానికి కఠోరంగా శ్రమిస్తానని, వీలైనంత త్వరగా అభిమానుల ముందుకు వస్తానని చెప్పారు. ఏడుసార్లు గ్రాండ్ స్లామ్ టైటిళ్లను గెలుచుకున్న వీనస్ విలియమ్స్ కేవలం ఈ ఏడాది 12 మ్యాచ్‌లే ఆడింది. కాగా వైల్డ్ కార్డ్‌తో వీనస్ విలియమ్స్ యూఎస్ ఓపెన్‌2021లో ఎంట్రీ ఇచ్చారు.  కాగా , ఇప్పటికే.. టెన్నిస్ స్టార్  సెరెనా విలియమ్స్  ఈ ఏడాది  యూఎస్‌ ఓపెన్‌ కు  దూరమవుతున్నట్లు ప్రకటించింది. డిఫెండింగ్‌ చాంపియన్‌ డొమినిక్‌ థీమ్‌ ఈ ఏడాది చివరి గ్రాండ్‌స్లామ్‌ టోర్నీ యూఎస్‌ ఓపెన్‌కు దూరమయ్యాడు. మరో వైపు స్విట్జర్లాండ్‌ టెన్నిస్‌ దిగ్గజం ఫెడరర్‌ యూఎస్‌ ఓపెన్‌లో పాల్గొనే అవకాశాలు లేవ‌ని సోష‌ల్ మీడియాలో తెలిపాడు. చదవండి: IND Vs ENG 3rd Test Day 2: రెండో వికెట్‌ కోల్పోయిన ఇంగ్లండ్‌.. హసీబ్‌ హమీద్‌(68) బౌల్డ్‌ Not the best news everyone. I am joining @serenawilliams @RafaelNadal and @rogerfederer on the injured list. It’s still going to be a great US Open & many thanks to the @usta for the wild card. I was so looking forward to it, but it was not meant to be this year. I will be back! pic.twitter.com/s0PRgdSSx2 — Venus Williams (@Venuseswilliams) August 25, 2021

న్యూయార్క్: ఈ ఏడాది  యూఎస్‌ ఓపెన్‌ కు టెన్నిస్ స్టార్ సెరెనా విలియమ్స్ దూరమవుతున్నట్లు ప్రకటించింది. తన ఎడమ కాలి మడమ గాయం వల్ల ఈ ఏడాది యూఎస్ ఓపెన్ కు అందుబాటులో ఉండనని సెరెనా తెలిపింది. దీనికోసం ఆమె ఇదివరకే చికిత్స కూడా చేయించుకున్నారు. అయినప్పటికీ పూర్తి ఫిట్‌నెస్‌ను సాధించలేకపోయారు. హ్యామ్‌స్ట్రింగ్ ఇంజ్యూరీ పూర్తిగా తగ్గకపోవడం వల్ల ఈ కఠిన నిర్ణయాన్ని తీసుకోవాల్సి వచ్చిందని ఆమె చెప్పింది. ప్రపంచంలో తనకు ఇష్టమైన నగరం న్యూయార్కేనని, అక్కడ యూఎస్ ఓపెన్ టెన్నిస్ గ్రాండ్‌స్లామ్ ఆడటం కంటే ఇష్టమైనది మరొకటి లేదని సెరెనా విలియమ్స్ ఇన్‌స్టాలో పోస్ట్ చేసింది. కాగా , ఇప్పటికే.. డిఫెండింగ్‌ చాంపియన్‌ డొమినిక్‌ థీమ్‌ ఈ ఏడాది చివరి గ్రాండ్‌స్లామ్‌ టోర్నీ యూఎస్‌ ఓపెన్‌కు దూరమయ్యాడు. మరో వైపు స్విట్జర్లాండ్‌ టెన్నిస్‌ దిగ్గజం ఫెడరర్‌ యూఎస్‌ ఓపెన్‌లో పాల్గొనే అవకాశాలు లేవ‌ని సోష‌ల్ మీడియాలో తెలిపాడు. చదవండి: IND Vs ENG 3rd Test Day 1: ఇంగ్లండ్‌ పేసర్ల విశ్వరూపం.. 73 పరుగులకే 9 వికెట్లు కోల్పోయిన భారత్‌

లండన్‌: వింబుల్డన్‌ గ్రాండ్‌స్లామ్‌ టెన్నిస్‌ టోర్నీలో స్విట్జర్లాండ్‌ దిగ్గజం ఫెడరర్‌ తొలి రౌండ్‌లో గట్టిపోటీ ఎదుర్కొన్నాడు. ప్రపంచ 41వ ర్యాంకర్‌ అడ్రియన్‌ మనారినో (ఫ్రాన్స్‌)తో జరిగిన తొలి రౌండ్‌ మ్యాచ్‌లో నాలుగు సెట్‌లు ముగిసి, ఐదో సెట్‌ ప్రారంభమాయ్యక మనారినో గాయం కారణంగా వైదొలిగాడు. దాంతో ఫెడరర్‌ విజయం ఖాయమైంది. 2 గంటల 44 నిమిషాలపాటు జరిగిన ఈ మ్యాచ్‌లో ఫెడరర్‌ తొలి సెట్‌ను 6–4తో గెలిచాడు. అనంతరం మనారినో రెండో సెట్‌ను 7–6 (7/3)తో, మూడో సెట్‌ను 6–3తో నెగ్గి సంచలనం సృష్టించే దిశగా సాగిపోయాడు. అయితే నాలుగో సెట్‌లో ఫెడరర్‌ 5–2తో ఆధిక్యంలో ఉన్నదశలో మనారినో కోర్టులో జారిపడటంతో అతని మోకాలికి గాయమైంది. ఎనిమిదో గేమ్‌లో మనారినో సర్వీస్‌ను బ్రేక్‌ చేసిన ఫెడరర్‌ నాలుగో సెట్‌ను 6–2తో గెల్చుకున్నాడు. ఐదో సెట్‌ తొలి గేమ్‌లో తొలి పాయింట్‌ ముగిశాక మనారినో ఇక ఆడలేనంటూ చైర్‌ అంపైర్‌కు చెప్పేసి మ్యాచ్‌ నుంచి వైదొలిగాడు.   గాయంతో వైదొలిగిన సెరెనా  అమెరికా టెన్నిస్‌ దిగ్గజం సెరెనా విలియమ్స్‌ వింబుల్డన్‌ టోర్నీలో తొలి రౌండ్‌లోనే నిష్క్రమించింది. అలెక్సాండ్రా సస్నోవిచ్‌ (బెలారస్‌)తో మంగళవారం జరిగిన మహిళల సింగిల్స్‌ తొలి రౌండ్‌ మ్యాచ్‌లో తొలి సెట్‌లో స్కోరు 3–3తో సమంగా ఉన్నదశలో సెరెనా చీలమండ గాయం కారణంగా వైదొలిగింది. కెరీర్‌లో 23 గ్రాండ్‌స్లామ్‌ సింగిల్స్‌ టైటిల్స్‌ గెలిచిన సెరెనా వింబుల్డన్‌ టోర్నీలో తొలి రౌండ్‌లోనే వెనుదిరగడం ఇదే తొలిసారి కావడం గమనార్హం. 

వాషింగ్టన్‌: టోక్యో ఒలింపిక్స్‌కు మరో స్టార్‌ టెన్నిస్‌ ప్లేయర్‌ దూరం కానుంది. ప్రపంచ 8వ ర్యాంక్‌ క్రీడాకారిణి, అమెరికా నల్ల కలువ సెరెనా విలియమ్స్‌ ఒలింపిక్స్‌ సంగ్రామం నుంచి వైదొలగాలని నిర్ణయించుకుంది. దేశం తరఫున ఆడే క్రీడాకారుల జాబితాలో తన పేరు లేదనే కారణంగా ఆమె విశ్వక్రీడలకు వెళ్లే ఆలోచనను విరమించుకున్నట్లు తెలిపింది. తన నిర్ణయంలో ఎటువంటి మార్పులు ఉండవని స్పష్టం చేసింది. ఈ మేరకు ఆదివారం మీడియా సమావేశంలో వెల్లడించింది. కాగా, మరో 26 రోజుల్లో ఒలింపిక్స్‌ ప్రారంభం కానున్న నేపథ్యంలో సెరెనా ఈ కఠిన నిర్ణయం తీసుకోవడంతో ఆమె అభిమానులు తీవ్ర నిరుత్సాహానికి లోనవుతున్నారు.  కాగా, ఇప్పటివరకు 23 గ్రాండ్‌స్లామ్‌ టైటిల్‌లు నెగ్గిన 39 ఏళ్ల సెరెనా విలియమ్స్‌.. విశ్వక్రీడల్లో సింగల్స్‌, డబుల్స్‌ విభాగాల్లో మొత్తం నాలుగు పతకాలు సాధించింది. 2012 లండన్‌ ఒలింపిక్స్‌లో అమెరికాకు ప్రాతినిధ్యం వహిస్తూ సింగిల్స్‌, డబుల్స్‌ విభాగాల్లో స్వర్ణం సాధించిన ఆమె.. 2000 సిడ్నీ ఒలింపిక్స్‌లో డబుల్స్‌ స్వర్ణం, 2008 బీజింగ్‌ ఒలింపిక్స్‌లో డబుల్స్‌ స్వర్ణాన్ని తన ఖాతాలో వేసుకుంది. ఆమె సాధించిన మూడు డబుల్స్‌ స్వర్ణాలు అక్క వీనస్‌తో కలిసి సాధించినవే కావడం విశేషం. ప్రస్తుతం వింబుల్డన్‌ బరిలో నిలిచిన ఈ నల్లకలువ, తన ఎనిమిదవ వింబుల్డన్‌ టైటిల్‌పై, అలాగే 24వ గ్రాండ్‌స్లామ్‌పై కన్నేసింది.  చదవండి: WTC Final: భువీని తీసుకెళ్లకపోవడం అతిపెద్ద పొరపాటు..

పారిస్‌: రెండో రౌండ్‌లో శ్రమించి విజయాన్ని దక్కించుకున్న అమెరికా టెన్నిస్‌ స్టార్‌ సెరెనా విలియమ్స్‌ మూడో రౌండ్‌లో మాత్రం తడబడకుండా ఆడింది. తన దేశానికే చెందిన డానియెలా కొలిన్స్‌తో జరిగిన మూడో రౌండ్‌ మ్యాచ్‌లో 6–4, 6–4తో గెలిచిన ఏడో సీడ్‌ సెరెనా ఫ్రెంచ్‌ ఓపెన్‌ గ్రాండ్‌స్లామ్‌ టోర్నీలో 13వసారి ప్రిక్వార్టర్‌ ఫైనల్లోకి దూసుకెళ్లింది. 85 నిమిషాలపాటు జరిగిన ఈ మ్యాచ్‌లో సెరెనా ఐదు ఏస్‌లు సంధించింది. నెట్‌ వద్దకు 12 సార్లు దూసుకొచ్చి 8సార్లు పాయింట్లు సంపాదించిన సెరెనా ప్రత్యర్థి సర్వీస్‌ను నాలుగుసార్లు బ్రేక్‌ చేసింది.   పావ్లీచెంకోవా సంచలనం మరోవైపు టైటిల్‌ ఫేవరెట్స్‌లో ఒకరైన మూడో సీడ్‌ సబలెంకా (బెలారస్‌) మూడో రౌండ్‌లోనే ఇంటిముఖం పట్టింది. 31వ సీడ్‌ పావ్లీచెంకోవా (రష్యా) అద్భుత ఆటతీరుతో 6–4, 2–6, 6–0తో సబలెంకాను బోల్తా కొట్టించి 2011 తర్వాత ఈ టోర్నీ లో మళ్లీ ప్రిక్వార్టర్‌ ఫైనల్‌కు చేరింది. ఇతర మూడో రౌండ్‌ మ్యాచ్‌ల్లో 15వ సీడ్‌ అజరెంకా (బెలారస్‌) 6–2, 6–2తో 23వ సీడ్‌ కీస్‌ (అమెరికా)పై, 20వ సీడ్‌ మర్కెత వొంద్రుసొవా (చెక్‌ రిపబ్లిక్‌) 6–3, 6–3తో పొలోనా హెర్కాగ్‌ (స్లొవేనియా)పై, 21వ సీడ్‌ రిబికినా (కజకిస్తాన్‌) 6–1, 6–4తో వెస్నినా (రష్యా)పై, తామర జిదాన్‌సెక్‌ (స్లొవేనియా) 0–6, 7–6 (7/5), 6–2తో సినియకోవా (చెక్‌ రిపబ్లిక్‌)పై నెగ్గి ప్రిక్వార్టర్‌ ఫైనల్‌కు చేరుకున్నారు. 1968 తర్వాత తొలిసారి... పురుషుల సింగిల్స్‌ విభాగంలో డిఫెండింగ్‌ చాంపియన్‌ రాఫెల్‌ నాదల్‌ (స్పెయిన్‌) మూడో రౌండ్‌లోకి అడుగు పెట్టాడు. రిచర్డ్‌ గాస్కే (ఫ్రాన్స్‌)తో జరిగిన మ్యాచ్‌లో నాదల్‌ 6–0, 7–5, 6–2తో గెలుపొందాడు. గాస్కే పరాజయంతో 1968 తర్వాత ఫ్రెంచ్‌ ఓపెన్‌లో పురుషుల, మహిళల సింగిల్స్‌ విభాగంలో ఒక్క ఫ్రాన్స్‌ క్రీడాకారుడు కూడా మూడో రౌండ్‌కు చేరుకోవడంలో విఫలమయ్యాడు. ఈసారి సింగిల్స్‌ విభాగంలో ఫ్రాన్స్‌ నుంచి 29 మంది బరిలోకి దిగారు. మరోవైపు మూడో రౌండ్‌ మ్యాచ్‌ల్లో ఆరో సీడ్‌ అలెగ్జాండర్‌ జ్వెరెవ్‌ (జర్మనీ) 6–2, 7–5, 6–2తో లాస్లో జెరె (సెర్బియా)పై, రెండో సీడ్‌ మెద్వెదేవ్‌ (రష్యా) 6–4, 6–2, 6–4తో ఒపెల్కా (అమెరికా)పై, 12వ సీడ్‌ కరెనో బుస్టా (స్పెయిన్‌) 6–4, 6–4, 6–2తో జాన్సన్‌ (అమెరికా)పై ప్రిక్వార్టర్‌ ఫైనల్‌కు చేరారు. 15వ సీడ్‌ కాస్పెర్‌ రూడ్‌ (నార్వే) 4 గంటల 35 నిమిషాల్లో 6–7 (3/7), 6–2, 6–7 (6/8), 6–0, 5–7తో ఫోకినా (స్పెయిన్‌) చేతిలో... 27వ సీడ్‌ ఫాగ్‌నిని (ఇటలీ) 4–6, 1–6, 3–6తో డెల్‌బోనిస్‌ (అమెరికా) చేతిలో ఓడిపోయారు.

పారిస్‌: కెరీర్‌లో 24వ గ్రాండ్‌స్లామ్‌ సింగిల్స్‌ టైటిల్‌పై గురి పెట్టిన అమెరికా టెన్నిస్‌ స్టార్‌ సెరెనా విలియమ్స్‌ ఆ దిశగా మరో అడుగు వేసింది. ఫ్రెంచ్‌ ఓపెన్‌ మహిళల సింగిల్స్‌లో ఏడో సీడ్‌ సెరెనా మూడో రౌండ్‌లోకి ప్రవేశించింది. బుధవారం జరిగిన రెండో రౌండ్‌లో సెరెనా 2 గంటల 3 నిమిషాల్లో 6–4, 5–7, 6–1తో ప్రపంచ 174వ ర్యాంకర్‌ మిహేలా బుజర్‌నెస్కూ (రొమేనియా)పై కష్టపడి గెలిచింది. ఈ మ్యాచ్‌లో ఐదు ఏస్‌లు సంధించిన సెరెనా, తన ప్రత్యర్థి సర్వీస్‌ను ఐదుసార్లు బ్రేక్‌ చేసింది. తన సర్వీస్‌ను రెండుసార్లు కోల్పోయింది. మరోవైపు పదో సీడ్‌ బెన్‌చిచ్‌ (స్విట్జర్లాండ్‌) రెండో రౌండ్‌లోనే ఇంటిదారి పట్టింది. బెన్‌చిచ్‌ 2–6, 2–6తో కసత్‌కినా (రష్యా) చేతిలో ఓడిపోయింది. జొకోవిచ్‌ శుభారంభం పురుషుల సింగిల్స్‌లో వరల్డ్‌ నంబర్‌వన్‌ జొకోవిచ్‌ తొలి రౌండ్‌లో 6–2, 6–4, 6–2తో సాండ్‌గ్రెన్‌ (అమెరికా)పై నెగ్గి శుభారంభం చేశాడు. ఐదో సీడ్‌ సిట్సిపాస్‌ (గ్రీస్‌), ఆరో సీడ్‌ అలెగ్జాండర్‌ జ్వెరెవ్‌ (జర్మనీ) మూడో రౌండ్‌లోకి అడుగుపెట్టారు. రెండో రౌండ్‌లో సిట్సిపాస్‌ 6–3, 6–4, 6–3తో మార్టినెజ్‌ (స్పెయిన్‌)పై, జ్వెరెవ్‌ 7–6 (7/4), 6–3, 7–6 (7/1)తో గెలిచారు. 11వ సీడ్‌ బాటిస్టా అగుట్‌ (స్పెయిన్‌) 3–6, 6–2, 3–6, 2–6తో లాక్సోనెన్‌ (స్విట్జర్లాండ్‌) చేతిలో ఓడిపోయాడు. పురుషుల డబుల్స్‌ తొలి రౌండ్‌లో దివిజ్‌ శరణ్‌ (భారత్‌)–డెల్‌బోనిస్‌ (అర్జెంటీనా) 6–3, 6–7 (11/13), 4–6తో డిమినార్‌–రూడ్‌ (ఆస్ట్రేలియా) చేతిలో... మహిళల డబుల్స్‌ తొలి రౌండ్‌లో అంకిత రైనా (భారత్‌)–లౌరెన్‌ (అమెరికా) 4–6, 4–6తో హర్డెక (చెక్‌ రిపబ్లిక్‌)–సిగెముండ్‌ (జర్మనీ) చేతిలో ఓడిపోయారు.  

పార్మా (ఇటలీ): డబ్ల్యూటీఏ ఎమిలియా రొమానో చాలెంజర్‌ టోర్నీలో అమెరికా స్టార్‌ సెరెనా విలియమ్స్‌ శుభారంభం చేసింది. సోమవారం జరిగిన తొలి రౌండ్‌ మ్యాచ్‌లో సెరెనా 6–3, 6–2తో క్వాలిఫయర్‌ లీసా పిగాటో (ఇటలీ)పై గెలిచి రెండో రౌండ్‌కు చేరుకుంది. మూడు నెలల తర్వాత సెరెనాకు దక్కిన తొలి విజయం ఇదే కావడం విశేషం. ఇక చివరి సారిగా సెరెనా ఈ ఏడాది ఫిబ్రవరిలో జరిగిన ఆస్ట్రేలియా ఓపెన్‌ క్వార్టర్‌ ఫైనల్లో గెలుపొందింది. అయితే ఈ చాలెంజర్‌ టోర్నీలో ఆఖరి నిమిషంలో వైల్డ్‌ కార్డ్‌గా బరిలోకి దిగిన సెరెనా బలమైన ఏస్‌లతో పాటు ఫోర్‌ హ్యాండ్‌ షాట్లతో విరుచుకుపడ్డ మ్యాచ్‌ను 68 నిమిషాల్లో ముగించింది.  చదవండి: Tejaswin Shankar: అద్భుత ఫీట్‌.. మరో స్వర్ణం సొంతం

ఊఫ్‌! సెమీస్‌లో సెరీనా డౌన్‌ అయ్యారు! కానీ మొన్న చూడాలి. క్వార్టర్‌ ఫైనల్స్‌లో తన ప్రత్యర్థి సిమోవా హ్యాలెప్‌ను నాకౌట్‌ చేస్తుంటే సెరెనా భర్త అలెక్స్‌ మురిసిపోయారు. ఆరోజు ఆయన వేసుకున్న వైట్‌ టీ షర్ట్‌ సెరెనా గుండెల్లో పూలు పూయించే ఉండాలి. ఆ టీ షర్ట్‌పై రాకెట్‌ పట్టుకుని ఉన్న సెరెనా ఇలస్ట్రేషన్‌ ఉంది! అలెక్స్‌ వేసుకున్న టీ షర్ట్‌ మీది సెరెనా బొమ్మ పక్కనే పెద్ద అక్షరాలతో ‘గ్రేటెస్ట్‌ ఫిమేల్‌ అథ్లెట్‌’ అని రాసి ఉంది. ఫిమేల్‌ అనే మాటపై అడ్డంగా ఇంటూ కొట్టి ఉంది. అది ఓ కంపెనీ తయారు చేసిన టీ షర్ట్‌. కొట్టేయడం ఎందుకంటే ఫిమేల్‌ అనే మాట సెరెనాకు నచ్చదు.‘గ్రేట్‌ అథ్లెట్స్‌ ఉంటారు కానీ, గ్రేట్‌ ఉమెన్‌ అథ్లెట్స్‌ అంటూ ఎక్కడా ఉండరు’ అని సెరెనా కొన్నేళ్ల క్రితం వాదనగా అన్న ఆ మాట కోట్‌గా ప్రసిద్ధి చెందింది. అది దృష్టిలో పెట్టుకునే ఆ టీషర్ట్‌ కంపెనీ ఆ విధంగా ఇంటూ కొట్టినట్లున్న కాప్షన్‌తో షర్ట్‌ను డిజైన్‌ చేసింది. దానిని అలెక్స్‌ ధరించి ఆమె ఆట చూడటానికి వచ్చారు. ‘నువ్వు కరెక్ట్‌’ అని భార్యకు సంకేతం ఇవ్వడం అది. భార్య బొమ్మ ఉన్న షర్ట్‌ని వేసుకొచ్చాడంటే.. ‘నువ్వు గెలిచి తీరతావ్‌’ అని చెప్పడం అది. భర్త అంత ప్రోత్సాహం ఇస్తూ కళ్లెదుట కనిపిస్తుంటే సెమీస్‌ను కూడా గెలిచేస్తారని సెరెనా అభిమానులు అనుకున్నారు. అయితే నవోమీ గెలిచారు.  గురువారం సెమీస్‌లో సెరెనా ఓడిపోయినప్పటికీ అదేమీ పెద్దగా బాధించే విషయం అవలేదు అలెక్స్‌కి. ‘బాగా ఆడావ్‌’ అని అన్నారు. అలెక్స్‌ (అలెక్సిస్‌ ఒహానియన్‌) అమెరికన్‌ ఇంటర్నెట్‌ ఆంట్రప్రెన్యూర్, ఇన్వెస్టర్‌. ‘రెడిట్‌’ కంపెనీ ఆయనదే. సెరెనాతో పెళ్లి కాకముందు సెరెనాకు పెద్ద ఫ్యాన్‌ అతడు. ప్రేమించి, ‘విల్యూ మ్యారీ మీ’ అని ప్రపోజ్‌ చేసి మరీ ఆమెను పెళ్లి చేసుకున్నారు. ‘బ్లాక్‌ అండ్‌ వైట్‌. రెడిట్‌ టు ఫైట్‌’ అని ఆ స్థాయిలోని ఫ్రెండ్స్‌ కూడా అతడిని ఆట పట్టించారని అంటారు. అది తెలిసి సెరెనా కూడా నవ్వుకున్నారట. ఇప్పుడు ఇద్దరూ హ్యాపీగా ఉన్నారు. సెరెనా టెన్నిస్‌ ఆడుతున్నప్పుడు ఆయన మరింత హ్యాపీగా ఉంటారు. మూడేళ్ల కూతురు ఒలింపియా తండ్రితో కలిసి తల్లి ఆటను చూస్తూ, మూడ్‌ని బట్టి చప్పట్లు కొడుతుంటుంది. ఆ దృశ్యం అలెక్స్‌కి మరింత ఆనందాన్నిస్తుందట. 2017 జనవరి 1 ఆక్లాండ్‌లో ఉన్నారు సెరెనా అలెక్స్‌. న్యూజిలాండ్‌ జనాభా మొత్తం జనవరి ఫస్ట్‌ కోసం ఆక్లాండ్‌ వచ్చినట్లుగా ఉన్నారు ఆ రోజు. ఒకరికొకరు తగులుకుంటూ తిరుగుతున్నారు. అప్పుడే వాళ్లొక నిర్ణయం తీసుకున్నారు. ఆ ఏడాదే పెళ్లి చేసుకోవాలని. అప్పుడు కూడా ఆస్ట్రేలియన్‌ ఓపెన్‌ చూడ్డానికే సెరెనాతో కలిసి యు.ఎస్‌. నుంచి ఆక్లాండ్‌ వెళ్లారు అలెక్స్‌.  చదవండి:  (చేజారిన ఆశలు ‌: సెరెనా భావోద్వేగం)

సాక్షి, న్యూఢిల్లీ:  ఆస్ట్రేలియన్‌ ఓపెన్‌లో అమెరికా స్టార్‌ టెన్నిస్‌ క్రీడాకారిణి సెరెనా విలియమ్స్‌కు ఎదురుదెబ్బ తగిలింది. మహిళల సెమీ ఫైనల్స్‌లో జపాన్ క్రీడాకారిణి  నయోమి ఒసాకా చేతిలో ఓటమి పాలయ్యారు.  రాడ్ లావర్ ఎరీనాలో గురువారం జరిగిన మ్యాచ్‌లో ఒసాకా చేతిలో 6-3, 6-4 తేడాతో ఆమె ఓడిపోయారు. కెరీర్‌లో 24వ గ్రాండ్‌స్లామ్‌ టైటిల్‌పై గురి పెట్టిన 39 ఏళ్ల సెరెనా ఈ ఓటమికి తన తప్పిదాలే కారణమని ఒప్పుకున్నారు. ఈ టోర్నమెంట్‌లో సెరెనా విలియమ్స్ 24 వ టైటిల్‌ను గెలుచుకుని రికార్టు సృష్టిస్తారని భావించారు. కానీ అనూహ‍్య ఓటమితో, ఆస్ట్రేలియన్ ఓపెన్‌లో సెరెనా విలియమ్స్ ప్రయాణం ముగిసింది. అయితేఈ సందర్భంగా సెరెనా  టెన్నిస్‌కు వీడ్కోలు చెపుతారా అనే చర్చ తీవ్రమైంది.  నిజానికి ఇది తాను గెలవాల్సిన మ్యాచ్‌ అంటూ సెరెనా విలియమ్స్ భావోద్వేగానికి లోనయ్యారు. ఈ సందర్భంగా నిర్వహించిన విలేకరుల సమావేశంలో టెన్నిస్‌కు గుడ్‌ బై చెప్పనున్నారా అన్న ప్రశ్నకు  కన్నీటి పర్యంతమైన ఆమె అకస్మాత్తుగా సమావేశంనుంచి నిష్క్రమించడం అందరినీ విస్మయ పర్చింది. ఏడుసార్లు ఆస్ట్రేలియన్ ఓపెన్‌ టైటిట్‌ దక్కించుకున్న సెరెనా  పైనల్‌ రేసునుంచి తప్పుకోవడంతో ఒక్కసారిగా ఉద్వేగానికి గురయ్యారు. నాకు తెలియదు..ఆసీస్‌ ప్యాన్స్‌ ఆదరణ చాలా అద్భుతంగా ఉంది. చాలా ఆనందంగా ఉందని సమాధానమిచ్చారు. కానీ ఒకవేళ తాను వీడ్కోలు చెప్పాల్సి వస్తే..ఎవరికీ చెప్పను... ఐయామ్‌ డన్‌ అంటూ అక్కడినుంచి వెళ్లిపోయారు. కాగా శనివారం జరగనున్న ఫైనల్‌లో​ నాల్గవ గ్రాండ్‌ స్లామ్‌ టైటిల్‌కోసం  జెన్నిఫర్ బ్రాడి లేదా కరోలినా ముచోవాతో ఒసాకా తలపడాల్సి ఉంటుంది.  Here is the audio of Serena's tearful exit from the #AusOpen press room after discussing how she might say farewell... (📸by @NickMcCarvel) pic.twitter.com/yJUdgOCYyY — Ben Rothenberg (@BenRothenberg) February 18, 2021 Congratulations on a great fortnight, @serenawilliams. We can't wait to see you back here next year 💕#AusOpen | #AO2021 pic.twitter.com/ccugVe6lcj — #AusOpen (@AustralianOpen) February 18, 2021

లాస్‌ఎంజెల్స్‌: అమెరికా స్టార్‌ టెన్నిస్‌ ప్లేయర్‌ సెరెనా విలియమ్స్‌ మూడేళ్ల కూతురు అలెక్సిక్‌ ఒలింపియా టెన్నిస్‌ ఆడుతున్న వీడియో ప్రస్తుతం సోషల్‌ మీడియాలో వైరల్‌ అవుతోంది. తన గారాల పట్టి టెన్నిస్‌ కోర్టులో రాకెట్‌తో కుస్తీ పడుతున్న ఈ వీడియోను సెరెనా తన ఇన్‌స్టాగ్రామ్‌లో బుధవారం షేర్‌ చేసింది. ‘టెన్నిస్‌ డైయిరీస్‌’ అంటూ ఈ వీడియోను అభిమానులతో పంచుకుని సెరెనా తెగ మురిసిపోతోంది. ఇందులో అలెక్సిక్‌.. కోచ్‌ ప్యాట్రిక్స్‌తో టెన్సిస్‌ కోర్టులో ప్రాక్టిస్‌ చేస్తూ కనిపించింది. తల్లిలాగే కూతురు కూడా టెన్నిస్‌ను ఎంజాయ్ చేస్తున్న ఈ దృశ్యం నెటిజన్లను తెగ ఆకట్టుకుంటోంది. అలెక్సిక్‌ తన బుడ్డిబుడ్డి చేతులతో టెన్నిస్‌ రాకెట్‌ పట్టుకుని బంతిని కొట్టెందుకు ప్రయత్నిస్తున్న ఈ వీడియోపై నెటిజన్లు తమదైన శైలిలో స్పందిస్తున్నారు. ‘ఒలింపియాను త్వరలోనే నిజం చేయనుంది’ అంటూ నెటిజన్లు కామెంట్స్‌ చేస్తున్నారు.  చదవండి: గారాల పట్టితో సెరెనా విలియమ్స్‌ డాన్స్‌‌ View this post on Instagram A post shared by Serena Williams (@serenawilliams)

మెల్‌బోర్న్‌: కెరీర్‌లో 24వ గ్రాండ్‌స్లామ్‌ లక్ష్యంగా ఆస్ట్రేలియన్‌ ఓపెన్‌ బరిలోకి దిగిన అమెరికా స్టార్‌ ప్లేయర్‌ సెరెనా విలియమ్స్‌ ఆ దిశగా మరో అడుగు ముందుకు వేసింది. మంగళవారం జరిగిన మహిళల సింగిల్స్‌ క్వార్టర్‌ ఫైనల్స్‌ మ్యాచ్‌లో పదో సీడ్‌ సెరెనా 6–3, 6–3తో రెండో సీడ్‌ సిమోనా హలెప్‌ (రొమేనియా)పై గెలుపొంది సెమీఫైనల్‌కు దూసుకెళ్లింది. ఈ టోర్నీలో సెరెనా సెమీస్‌కు చేరడం ఇది తొమ్మిదోసారి. గంటా 21 నిమిషాల పాటు సాగిన ఈ మ్యాచ్‌లో 4 ఏస్‌లు సంధించిన ఆమె కేవలం ఒక డబుల్‌ ఫాల్ట్‌ మాత్రమే చేసింది. సెమీఫైనల్లో మూడో సీడ్‌ నమోమి ఒసాకా (జపాన్‌)తో తలపడనుంది. మరో క్వార్టర్స్‌ మ్యాచ్‌లో ఒసాకా గంటా 6 నిమిషాల్లో 6–2, 6–2తో 71వ ర్యాంకర్‌ సెసువె (తైవాన్‌)పై సులువుగా గెలుపొంది సెరెనాతో పోరుకు సిద్ధమైంది.   కరాత్‌సెవ్‌ సంచలనం  పురుషుల విభాగంలో క్వాలిఫయర్, 114వ ర్యాంకర్‌ అస్లాన్‌ కరాత్‌సెవ్‌ మరో సంచలన ప్రదర్శన నమోదు చేశాడు. 2 గంటల 32 నిమిషాల పాటు జరిగిన పురుషుల సింగిల్స్‌ క్వార్టర్స్‌ మ్యాచ్‌లో కరాత్‌సెవ్‌ (రష్యా) 2–6, 6–4, 6–1, 6–2తో 18వ సీడ్‌ గ్రిగోర్‌ దిమిత్రోవ్‌ (బల్గేరియా)పై నెగ్గి అరంగేట్ర గ్రాండ్‌స్లామ్‌ టోర్నీలోనే సెమీస్‌కు చేరిన ఆటగాడిగా ఘనత వహించాడు. ఈ మ్యాచ్‌లో 9 ఏస్‌లు సంధించిన కరాత్‌సెవ్‌ 6 డబుల్‌ఫాల్ట్‌లు చేశాడు. మరో క్వార్టర్స్‌ పోరులో టాప్‌ సీడ్‌ నోవాక్‌ జొకోవిచ్‌ (సెర్బియా) 6–7 (6/8), 6–2, 6–4, 7–6 (8/6)తో ఆరో సీడ్‌ అలెగ్జాండర్‌ జ్వెరెవ్‌ (జర్మనీ)పై శ్రమించి గెలుపొందాడు. ఈ మ్యాచ్‌ 3 గంటల 30 నిమిషాల పాటు సాగింది. సెమీస్‌లో జొకోవిచ్‌తో కరాత్‌సెవ్‌ తలపడనున్నాడు. 

మెల్‌బోర్న్‌: తొలి మూడు రౌండ్‌లలో అంతగా కష్టపడకుండానే విజయాలు నమోదు చేసుకున్న స్టార్‌ టెన్నిస్‌ ప్లేయర్స్‌ సెరెనా విలియమ్స్‌ (అమెరికా), సిమోనా హలెప్‌ (రొమేనియా), నయోమి ఒసాకా (జపాన్‌)లకు ప్రిక్వార్టర్‌ ఫైనల్లో మాత్రం గట్టి పోటీనే ఎదురైంది. అయితే ఈ ‘గ్రాండ్‌స్లామ్‌ విన్నర్స్‌’ కీలకదశలో తమ అనుభవాన్నంతా రంగరించి పోరాడి ఆస్ట్రేలియన్‌ ఓపెన్‌లో క్వార్టర్‌ ఫైనల్‌ బెర్త్‌లు ఖరారు చేసుకున్నారు. 24వ గ్రాండ్‌స్లామ్‌ టైటిల్‌ లక్ష్యంగా బరిలోకి దిగిన పదో సీడ్‌ సెరెనా 2 గంటల 9 నిమిషాల్లో 6–4, 2–6, 6–4తో ఏడో సీడ్‌ సబలెంకా (బెలారస్‌)పై... రెండో సీడ్‌ హలెప్‌ గంటా 50 నిమిషాల్లో 3–6, 6–1, 6–4తో గత ఏడాది ఫ్రెంచ్‌ ఓపెన్‌ విజేత ఇగా స్వియాటెక్‌ (పోలాండ్‌)పై... మూడో సీడ్‌ ఒసాకా గంటా 55 నిమిషాల్లో 4–6, 6–4, 7–5తో గత ఏడాది రన్నరప్, 14వ సీడ్‌ ముగురుజా (స్పెయిన్‌)పై అద్భుత విజయాలు సాధించారు. ముగురుజాతో జరిగిన మ్యాచ్‌లో నిర్ణాయక మూడో సెట్‌లో ఒసాకా 3–5తో వెనుకబడింది. రెండు మ్యాచ్‌ పాయింట్లను కూడా కాచుకున్న ఆమె వరుసగా నాలుగు గేమ్‌లు నెగ్గి 7–5తో సెట్‌తోపాటు మ్యాచ్‌ను సొంతం చేసుకుంది.   మరో ప్రిక్వార్టర్‌ ఫైనల్లో 35 ఏళ్ల సె సువె (చైనీస్‌ తైపీ) 6–4, 6–2తో 2019 ఫ్రెంచ్‌ ఓపెన్‌ రన్నరప్, 19వ సీడ్‌ వొండ్రుసోవా (చెక్‌ రిపబ్లిక్‌)ను బోల్తా కొట్టించింది. మహిళల డబుల్స్‌ విభాగంలో ప్రపంచ నంబర్‌వన్, మూడు గ్రాండ్‌స్లామ్‌ డబుల్స్‌ టైటిల్స్‌ గెలిచిన సె సువె సింగిల్స్‌ విభాగంలో మాత్రం తొలిసారి గ్రాండ్‌స్లామ్‌ టోర్నీలో క్వార్టర్‌ ఫైనల్‌ చేరింది. మూడో సీడ్‌ థీమ్‌కు షాక్‌ పురుషుల సింగిల్స్‌ విభాగంలో టైటిల్‌ ఫేవరెట్స్‌లో ఒకడైన మూడో సీడ్‌ డొమినిక్‌ థీమ్‌ (ఆస్ట్రియా) ప్రిక్వార్టర్‌ ఫైనల్లోనే నిష్క్రమించాడు. గత ఏడాది రన్నరప్‌గా నిలిచిన థీమ్‌ ప్రిక్వార్టర్‌ ఫైనల్లో 4–6, 4–6, 0–6తో 18వ సీడ్‌ దిమిత్రోవ్‌ (బల్గేరియా) చేతిలో ఓడిపోయాడు. రెండు గంటల్లో ముగిసిన ఈ మ్యాచ్‌లో థీమ్‌ ఏకంగా 41 అనవసర తప్పిదాలు చేసి మూల్యం చెల్లించుకున్నాడు. పది ఏస్‌లు సంధించడంతోపాటు థీమ్‌ సర్వీస్‌ను ఏడుసార్లు బ్రేక్‌ చేసిన దిమిత్రోవ్‌ ఈ గెలుపుతో నాలుగోసారి ఆస్ట్రేలియన్‌ ఓపెన్‌లో క్వార్టర్‌ ఫైనల్‌కు చేరుకున్నాడు. జొకోవిచ్‌ @ 300 మరోవైపు డిఫెండింగ్‌ చాంపియన్, వరల్డ్‌ నంబర్‌వన్‌ జొకోవిచ్‌ (సెర్బియా), ఆరో సీడ్‌ అలెగ్జాండర్‌ జ్వెరెవ్‌ (జర్మనీ), క్వాలిఫయర్‌ అస్లాన్‌ కరాత్‌సెవ్‌ (రష్యా) కూడా క్వార్టర్‌ ఫైనల్లోకి దూసుకెళ్లారు. ప్రిక్వార్టర్‌ ఫైనల్లో జొకోవిచ్‌ 7–6 (7/4), 4–6, 6–1, 6–4తో 14వ సీడ్‌ మిలోస్‌ రావ్‌నిచ్‌ (కెనడా)ను ఓడించి గ్రాండ్‌స్లామ్‌ టోర్నమెంట్‌లలో 300వ విజయాన్ని నమోదు చేశాడు. ఫెడరర్‌ తర్వాత ఈ ఘనత సాధించిన రెండో ప్లేయర్‌గా జొకోవిచ్‌ గుర్తింపు పొందాడు. మరో మ్యాచ్‌లో కరాత్‌సెవ్‌ 3–6, 1–6, 6–3, 6–3, 6–4తో 20వ సీడ్‌ ఉజెర్‌ ఆలియాసిమ్‌ (కెనడా)ను ఓడించి అరంగేట్రం గ్రాండ్‌స్లామ్‌ టోర్నీలోనే క్వార్టర్‌ ఫైనల్‌ చేరిన ఏడో క్రీడాకారుడిగా ఘనత వహించాడు. మరో మ్యాచ్‌లో జ్వెరెవ్‌ 6–4, 7–6 (7/5), 6–3తో లజోవిచ్‌ (సెర్బియా)పై గెలిచాడు.

మెల్‌బోర్న్‌: ఆస్ట్రేలియన్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో టాప్‌ సీడ్‌ జొకోవిచ్‌కు మూడో రౌండ్‌లో తీవ్ర ప్రతిఘటన ఎదురైంది. అమెరికా యువతార, 27వ సీడ్‌ టేలర్‌ ఫ్రిట్జ్‌తో 3 గంటల 25 నిమిషాలపాటు జరిగిన పురుషుల సింగిల్స్‌ మూడో రౌండ్‌ మ్యాచ్‌లో వరల్డ్‌ నంబర్‌వన్‌ జొకోవిచ్‌ (సెర్బియా) 7–6 (7/1), 6–4, 3–6, 4–6, 6–2తో గెలిచి ఊపిరి పీల్చుకున్నాడు. ఈ మ్యాచ్‌ మూడో సెట్‌ తొలి గేమ్‌ సందర్భంగా జొకోవిచ్‌ జారి పడ్డాడు.  మెడికల్‌ టైమ్‌అవుట్‌ తీసుకొని కోర్టులోనే చికిత్స చేయించుకొని జొకోవిచ్‌ ఆట కొనసాగించాడు. నొప్పితోనే ఆడిన జొకోవిచ్‌ మూడో సెట్, నాలుగో సెట్‌ను చేజార్చుకున్నాడు. అయితే తన అనుభవాన్నంతా రంగరించి పోరాడిన ఈ సెర్బియా స్టార్‌ ఐదో సెట్‌లోని ఆరో గేమ్‌లో, ఎనిమిదో గేమ్‌లో ఫ్రిట్జ్‌ సర్వీస్‌లను బ్రేక్‌ చేసి విజయాన్ని ఖాయం చేసుకున్నాడు. ఇతర మూడో రౌండ్‌ మ్యాచ్‌ల్లో మూడో సీడ్‌ థీమ్‌ (ఆస్ట్రియా) 4–6, 4–6, 6–3, 6–4, 6–4తో కిరియోస్‌ (ఆస్ట్రేలియా)పై, ఆరో సీడ్‌ జ్వెరెవ్‌ (జర్మనీ) 6–3, 6–3, 6–1తో మనారినో (ఫ్రాన్స్‌)పై నెగ్గగా... ఎనిమిదో సీడ్‌ ష్వార్ట్‌జ్‌మన్‌ (అర్జెంటీనా) 3–6, 3–6, 3–6తో క్వాలిఫయర్‌ కరాత్‌సెవ్‌ (రష్యా) చేతిలో... 11వ సీడ్‌ షపోవలోవ్‌ (కెనడా) 5–7, 5–7, 3–6తో ఆలియాసిమ్‌ (కెనడా) చేతిలో ఓడిపోయారు.   సెరెనా ముందుకు... మహిళల సింగిల్స్‌ మూడో రౌండ్‌ మ్యాచ్‌ల్లో మాజీ చాంపియన్, పదో సీడ్‌ సెరెనా విలియమ్స్‌ (అమెరికా) 7–6 (7/5), 6–2తో పొటపోవా (రష్యా)పై, రెండో సీడ్‌ సిమోనా హలెప్‌ (రొమేనియా) 6–1, 6–3తో కుదర్‌మెతోవా (రష్యా)పై, మూడో సీడ్‌ నయోమి ఒసాకా (జపాన్‌) 6–3, 6–2తో ఆన్స్‌ జబుయెర్‌ (ట్యూనిసియా)పై, ఏడో సీడ్‌ సబలెంకా (బెలారస్‌) 6–3, 6–1తో ఆన్‌ లీ (అమెరికా)పై గెలిచి ప్రిక్వార్టర్‌ ఫైనల్లోకి ప్రవేశించారు.

మెల్‌బోర్న్‌: ఆస్ట్రేలియన్‌ ఓపెన్‌లో భాగంగా అమెరికా స్టార్‌ టెన్నిస్‌ క్రీడాకారిణి సెరెనా విలియమ్స్‌ వేషదారణ సోషల్‌ మీడియాలో వైరల్‌గా మారింది. కెరీర్‌లో 24వ గ్రాండ్‌స్లామ్‌ టైటిల్‌పై గురి పెట్టిన 39 ఏళ్ల సెరెనా ఆస్ట్రేలియన్‌ ఓపెన్‌లో కొత్త కాస్ట్యూమ్‌తో తళుక్కుమంది. వన్‌ లెగ్‌ క్యాట్‌సూట్‌ను ధరించి ఆడిన సెరెనా.. అమెరికా మహిళా దిగ్గజ అథ్లెట్, ఒలింపిక్‌ మాజీ చాంపియన్‌ ఫ్లోరెన్స్‌ గ్రిఫిత్‌ జాయ్‌నర్‌ స్మారకార్థం దీనిని ధరించినట్లు తెలిపింది. ఫ్లోజోగా పేరున్న ఫ్లోరెన్స్‌ 1988లో మహిళల 100, 200 మీటర్ల విభాగాల్లో ప్రపంచ రికార్డులు నెలకొల్పింది. కాగా కొత్త కాస్ట్యూమ్‌తో బరిలోకి దిగిన అమెరికా టెన్నిస్‌ స్టార్‌ సెరెనా విలియమ్స్‌ ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నమెంట్‌లో శుభారంభం చేసింది. సోమవారం జరిగిన మహిళల సింగిల్స్‌ తొలి రౌండ్‌లో పదో ర్యాంకర్‌ సెరెనా 6–1, 6–1తో లౌరా సిగెమండ్‌ (జర్మనీ)పై గెలిచి రెండో రౌండ్‌లోకి దూసుకెళ్లింది. సెరెనాతో పాటు జకోవిచ్, నయామి ఒసాకా, రఫెల్‌ నాదల్‌, డొమినిక్‌ థీమ్ రెండో రౌండ్ కు చేరారు. ఒలింపిక్‌ మాజీ చాంపియన్‌ ఫ్లోరెన్స్‌ గ్రిఫిత్‌ జాయ్‌నర్‌ pic.twitter.com/imq47N611A — Serena Williams (@serenawilliams) February 8, 2021

మెల్‌బోర్న్‌: సీజన్‌ తొలి గ్రాండ్‌స్లామ్‌ టెన్నిస్‌ టోర్నమెంట్‌ ఆస్ట్రేలియన్‌ ఓపెన్‌లో మూడో రోజు సంచలన ఫలితాలు నమోదయ్యాయి. మహిళల సింగిల్స్‌ విభాగంలో 2019 యూఎస్‌ ఓపెన్‌ చాంపియన్, ఎనిమిదో సీడ్‌ బియాంక ఆండ్రెస్కూ (కెనడా)... 2011, 2014 వింబుల్డన్‌ చాంపియన్‌ పెట్రా క్విటోవా (చెక్‌ రిపబ్లిక్‌) రెండో రౌండ్‌లోనే ఇంటిదారి పట్టారు. పురుషుల సింగిల్స్‌లో 2014 ఆస్ట్రేలియన్‌ ఓపెన్‌ చాంపియన్‌ వావ్రింకా (స్విట్జర్లాండ్‌) కూడా రెండో రౌండ్‌లోనే వెనుదిరిగాడు. అమెరికా దిగ్గజం సెరెనా విలియమ్స్‌ను 2019 యూఎస్‌ ఓపెన్‌ ఫైనల్లో ఓడించిన బియాంక మోకాలి గాయం కారణంగా గతేడాది మొత్తం ఆటకు దూరంగా ఉంది. ఈ ఏడాది నేరుగా ఆస్ట్రేలియన్‌ ఓపెన్‌లో ఆడిన బియాంక రెండో రౌండ్‌ దాటి ముందుకెళ్లలేకపోయింది. 35 ఏళ్ల సె సువె (చైనీస్‌ తైపీ) 6–3, 6–2తో తొమ్మిదో ర్యాంకర్‌ బియాంక ఆండ్రెస్కూను ఓడించి మూడో రౌండ్‌లోకి ప్రవేశించింది. టాప్‌–10లోని క్రీడాకారిణులను ఓడించడం 71వ ర్యాంకర్‌ సె సువెకిది ఎనిమిదోసారి కావడం విశేషం. 83 నిమిషాలపాటు జరిగిన మ్యాచ్‌లో బియాంక ఐదు డబుల్‌ ఫాల్ట్‌లు, 25 అనవసర తప్పిదాలు చేసింది. మరో మ్యాచ్‌లో సొరానా కిర్‌స్టియా (రొమేనియా) 6–4, 1–6, 6–1తో క్విటోవాపై సంచలన విజయం సాధించింది. రెండు గంటల మూడు నిమిషాలపాటు జరిగిన మ్యాచ్‌లో సొరానా ఆరుసార్లు క్విటోవా సర్వీస్‌ను బ్రేక్‌ చేసింది.   సెరెనా జోరు... కెరీర్‌లో 24వ గ్రాండ్‌స్లామ్‌ టైటిల్‌ లక్ష్యంగా బరిలోకి దిగిన అమెరికా దిగ్గజం సెరెనా మరో అడుగు ముందుకేసింది. నినా స్లొజనోవిచ్‌ (సెర్బియా)తో జరిగిన రెండో రౌండ్‌ మ్యాచ్‌లో పదో సీడ్‌ సెరెనా 6–3, 6–0తో గెలిచి మూడో రౌండ్‌కు చేరింది. ఇతర రెండో రౌండ్‌ మ్యాచ్‌ల్లో మూడో సీడ్‌ నయోమి ఒసాకా (జపాన్‌) 6–2, 6–3తో కరోలినా గార్సియా (ఫ్రాన్స్‌)పై, రెండో సీడ్‌ సిమోనా హలెప్‌ (రొమేనియా) 4–6, 6–4, 7–5తో తమియనోవిచ్‌ (ఆస్ట్రేలియా)పై, ఏడో సీడ్‌ సబలెంకా (బెలారస్‌) 7–6 (7/5), 6–3తో కసత్‌కినా (రష్యా)పై, 15వ సీడ్‌ ఇగా స్వియాటెక్‌ (పోలాండ్‌) 6–2, 6–4తో కామిల్లా జియార్జి (ఇటలీ)పై గెలిచి మూడో రౌండ్‌లోకి అడుగు పెట్టారు. మాజీ నంబర్‌వన్‌ వీనస్‌ విలియమ్స్‌ (అమెరికా) 1–6, 0–6తో క్వాలిఫయర్‌ సారా ఎరాని (ఇటలీ) చేతిలో, 17వ సీడ్‌ ఎలీనా రైబకినా (కజకిస్తాన్‌) 4–6, 4–6తో ఫియోనా ఫెరో (ఫ్రాన్స్‌) చేతిలో ఓడిపోయారు. అయ్యో వావ్రింకా... పురుషుల సింగిల్స్‌ విభాగంలో 17వ సీడ్‌ వావ్రింకా (స్విట్జర్లాండ్‌) చేజేతులా ఓడిపోయాడు. ప్రపంచ 55వ ర్యాంకర్‌ మార్టన్‌ ఫుచోవిచ్‌ (హంగేరి)తో 3 గంటల 59 నిమిషాలపాటు జరిగిన మ్యాచ్‌లో వావ్రింకా 5–7, 1–6, 6–4, 6–2, 6–7 (9/11)తో పరాజయం పాలయ్యాడు. నిర్ణాయక ఐదో సెట్‌ టైబ్రేక్‌లో వావ్రింకా 6–1తో ఆధిక్యంలో నిలిచి విజయానికి పాయింట్‌ దూరంలో నిలిచాడు. అయితే ఫుచోవిచ్‌ వరుసగా ఐదు పాయింట్లు నెగ్గి స్కోరును 6–6తో సమం చేశాడు. చివరకు ఫుచోవిచ్‌ 11–9తో టైబ్రేక్‌లో గెలిచి సెట్‌తోపాటు మ్యాచ్‌ను సొంతం చేసుకున్నాడు. ఇతర రెండో రౌండ్‌ మ్యాచ్‌ల్లో డిఫెండింగ్‌ చాంపియన్‌ జొకోవిచ్‌ (సెర్బియా) 6–3, 6–7 (3/7), 7–6 (7/2), 6–3తో టియాఫో (అమెరికా)పై, మూడో సీడ్‌ డొమినిక్‌ థీమ్‌ (ఆస్ట్రియా) 6–4, 6–0, 6–2తో కోఫెర్‌ (జర్మనీ)పై, ఆరో సీడ్‌ జ్వెరెవ్‌ (జర్మనీ) 7–5, 6–4, 6–3తో క్రెసీ (అమెరికా)పై, ఎనిమిదో సీడ్‌ ష్వార్ట్‌జ్‌మన్‌ (అర్జెంటీనా) 6–2, 6–0, 6–3తో ములెర్‌ (ఫ్రాన్స్‌)పై గెలిచారు. 11వ సీడ్‌ షపోవలోవ్‌ (కెనడా), 14వ సీడ్‌ రావ్‌నిచ్‌ (కెనడా), 15వ సీడ్‌ కరెనో బుస్టా (స్పెయిన్‌), 18వ సీడ్‌ దిమిత్రోవ్‌ (బల్గేరియా) కూడా మూడో రౌండ్‌కు చేరుకున్నారు.   బోపన్న జంట ఓటమి పురుషుల డబుల్స్‌ తొలి రౌండ్‌లో రోహన్‌ బోపన్న (భారత్‌)–బెన్‌ మెక్లాలన్‌ (జపాన్‌) జంట 4–6, 6–7 (0/7)తో జీ సుంగ్‌ నామ్‌–మిన్‌ క్యు సాంగ్‌ (దక్షిణ కొరియా) జోడీ చేతిలో పరాజయం పాలైంది.     

మెల్‌బోర్న్‌: కొత్త కాస్ట్యూమ్‌తో బరిలోకి దిగిన అమెరికా టెన్నిస్‌ స్టార్‌ సెరెనా విలియమ్స్‌ ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నమెంట్‌లో శుభారంభం చేసింది. సోమవారం జరిగిన మహిళల సింగిల్స్‌ తొలి రౌండ్‌లో పదో ర్యాంకర్‌ సెరెనా 6–1, 6–1తో లౌరా సిగెమండ్‌ (జర్మనీ)పై గెలిచి రెండో రౌండ్‌లోకి దూసుకెళ్లింది. 56 నిమిషాల్లోనే ముగిసిన ఈ మ్యాచ్‌లో సెరెనా నాలుగు ఏస్‌లు సంధించడంతోపాటు ప్రత్యర్థి సర్వీస్‌ను ఆరుసార్లు బ్రేక్‌ చేసింది.   ఫ్లోరెన్స్‌ స్ఫూర్తితో... కెరీర్‌లో 24వ గ్రాండ్‌స్లామ్‌ టైటిల్‌పై గురి పెట్టిన 39 ఏళ్ల సెరెనా ఆస్ట్రేలియన్‌ ఓపెన్‌లో కొత్త కాస్ట్యూమ్‌తో తళుక్కుమంది. ‘వన్‌ లెగ్‌ క్యాట్‌సూట్‌’ను ధరించి ఆడిన సెరెనా అమెరికా మహిళా దిగ్గజ అథ్లెట్, ఒలింపిక్‌ మాజీ చాంపియన్‌ ఫ్లోరెన్స్‌ గ్రిఫిత్‌ జాయ్‌నర్‌ స్మారకార్థం దీనిని ధరించినట్లు తెలిపింది. ‘ఫ్లో జో’గా పేరున్న ఫ్లోరెన్స్‌ 1988లో మహిళల 100, 200 మీటర్ల విభాగాల్లో ప్రపంచ రికార్డులు నెలకొల్పింది.     కెర్బర్‌ పరాజయం సెరెనాతోపాటు ఆమె అక్క వీనస్‌ విలియమ్స్, రెండో సీడ్‌ సిమోనా హలెప్‌ (రొమేనియా), మూడో సీడ్‌ నయోమి ఒసాకా (జపాన్‌), తొమ్మిదో సీడ్‌ క్విటోవా (చెక్‌ రిపబ్లిక్‌) కూడా రెండో రౌండ్‌లోకి ప్రవేశించారు. తొలి రౌండ్‌ మ్యాచ్‌ల్లో ఒసాకా 6–1, 6–2తో పావ్లీచెంకోవా (రష్యా)పై, హలెప్‌ 6–2, 6–1తో లిజెట్టి కాబ్రెరా (ఆస్ట్రేలియా)పై, వీనస్‌ 7–5, 6–2తో ఫ్లిప్‌కెన్స్‌ (బెల్జియం)పై, క్విటోవా 6–3, 6–4తో మినెన్‌ (బెల్జియం)పై గెలుపొందారు. అయితే 2016 చాంపియన్, 25వ ర్యాంకర్‌ కెర్బర్‌ (జర్మనీ) 0–6, 4–6తో 63వ ర్యాంకర్‌ బెర్నార్డా పెరా (అమెరికా) చేతిలో ఓడింది.  ఏడో సీడ్‌ సబలెంకా (బెలారస్‌), ఎనిమిదో సీడ్‌ బియాంక ఆండ్రెస్కూ (కెనడా) కూడా రెండో రౌండ్‌లోకి అడుగు పెట్టారు. జొకోవిచ్‌ శుభారంభం... పురుషుల సింగిల్స్‌ విభాగంలో డిఫెండింగ్‌ చాంపియన్, వరల్డ్‌ నంబర్‌వన్‌ జొకోవిచ్‌ (సెర్బియా) రెండో రౌండ్‌లోకి దూసుకెళ్లాడు. తొలి రౌండ్‌లో జొకోవిచ్‌ 6–3, 6–1, 6–2తో జెరెమి చార్డీ (ఫ్రాన్స్‌)ను ఓడించాడు. మూడో సీడ్‌ డొమినిక్‌ థీమ్‌ (ఆస్ట్రియా) 7–6 (8/6), 6–2, 6–3తో కుకుష్‌కిన్‌ (కజకిస్తాన్‌)పై, ఆరో సీడ్‌ అలెగ్జాండర్‌ జ్వెరెవ్‌ (జర్మనీ) 6–7 (8/10), 7–6 (7/5), 6–3, 6–2తో గిరోన్‌ (అమెరికా)పై గెలిచి ముందంజ వేశారు. అయితే పదో సీడ్‌ గేల్‌ మోన్‌ఫిల్స్‌ (ఫ్రాన్స్‌) 6–3, 4–6, 5–7, 6–3, 3–6తో ఎమిల్‌ రుసువోరి (ఫిన్‌లాండ్‌) చేతిలో ఓడిపోయాడు.

మెల్‌బోర్న్‌: టెన్నిస్‌ సీజన్‌ తొలి గ్రాండ్‌స్లామ్‌ టోర్నమెంట్‌ ఆస్ట్రేలియన్‌ ఓపెన్‌కు రంగం సిద్ధమైంది. సోమవారం మొదలయ్యే ఈ మెగా టోర్నీలో అగ్రశ్రేణి క్రీడాకారులు జొకోవిచ్‌ (సెర్బియా), రాఫెల్‌ నాదల్‌ (స్పెయిన్‌), సెరెనా విలియమ్స్‌ (అమెరికా) కొత్త చరిత్ర లిఖించేందుకు బరిలోకి దిగుతున్నారు. సోమవారం జరిగే పురుషుల సింగిల్స్‌ తొలి రౌండ్‌లో ప్రపంచ 66వ ర్యాంకర్‌ జెరెమీ చార్డీ (ఫ్రాన్స్‌)తో టాప్‌ సీడ్‌ జొకోవిచ్‌ తలపడనున్నాడు. ఒకవేళ ఈ టోర్నీలో జొకోవిచ్‌ విజేతగా నిలిస్తే అత్యధికంగా తొమ్మిదిసార్లు ఆస్ట్రేలియన్‌ ఓపెన్‌ నెగ్గిన ప్లేయర్‌గా కొత్త రికార్డు నెలకొల్పుతాడు. స్పెయిన్‌ స్టార్‌ రాఫెల్‌ నాదల్‌ చాంపియన్‌గా నిలిస్తే పురుషుల సింగిల్స్‌ విభాగంలో అత్యధిక గ్రాండ్‌స్లామ్‌ టైటిల్స్‌ నెగ్గిన ప్లేయర్‌గా రికార్డు సృష్టిస్తాడు. 20 గ్రాండ్‌స్లామ్‌ టైటిల్స్‌తో ప్రస్తుతం ఫెడరర్, నాదల్‌ సంయుక్తంగా అగ్రస్థానంలో ఉన్నారు. మంగళవారం జరిగే తన తొలి రౌండ్‌ మ్యాచ్‌లో ప్రపంచ 56వ ర్యాంకర్‌ లాస్లో జెరి (సెర్బియా)తో నాదల్‌ ఆడనున్నాడు. జొకోవిచ్, నాదల్‌తోపాటు ప్రస్తుత యూఎస్‌ ఓపెన్‌ చాంపియన్, మూడో ర్యాంకర్‌ డొమినిక్‌ థీమ్‌ (ఆస్ట్రియా), నాలుగో ర్యాంకర్‌ డానిల్‌ మెద్వెదేవ్‌ (రష్యా) కూడా టైటిల్‌ ఫేవరెట్స్‌గా ఉన్నారు.   మహిళల సింగిల్స్‌ విభాగంలో పోటీ తీవ్రంగా ఉంది. ఏ ఒక్కరినీ కచ్చితమైన ఫేవరెట్‌ అని పేర్కొనే పరిస్థితి కనిపించడంలేదు. డిఫెండింగ్‌ చాంపియన్‌ సోఫియా కెనిన్‌ (అమెరికా), ప్రపంచ నంబర్‌వన్‌ యాష్లే బార్టీ (ఆస్ట్రేలియా), మూడో ర్యాంకర్‌ నయోమి ఒసాకా (జపాన్‌), రెండో ర్యాంకర్‌ సిమోనా హలెప్‌ (రొమేనియా), 23 గ్రాండ్‌స్లామ్‌ టైటిల్స్‌ విజేత సెరెనా విలియమ్స్‌ (అమెరికా) టైటిల్‌ రేసులో ఉన్నారు. ఈ ఐదుగురితోపాటు మాజీ చాంపియన్‌ విక్టోరియా అజరెంకా (బెలారస్‌), ఐదో ర్యాంకర్‌ స్వితోలినా (ఉక్రెయిన్‌), తొమ్మిదో ర్యాంకర్‌ క్విటోవా (చెక్‌ రిపబ్లిక్‌), మాజీ విజేత కెర్బర్‌ (జర్మనీ) కూడా టైటిల్‌ గెలిచే అవకాశాలున్నాయి. సోమవారం జరిగే తొలి రౌండ్‌లో లౌరా సిగెమండ్‌ (జర్మనీ)తో సెరెనా, పావ్లీచెంకోవా (రష్యా)తో ఒసాకా ఆడతారు. సెరెనా చాంపియన్‌గా నిలిస్తే మహిళల టెన్నిస్‌లో అత్యధిక గ్రాండ్‌స్లామ్‌ టైటిల్స్‌ సాధించిన మార్గరెట్‌ కోర్ట్‌ (ఆస్ట్రేలియా–24 టైటిల్స్‌) పేరిట ఉన్న రికార్డును సమం చేస్తుంది. 2017లో చివరిసారి గ్రాండ్‌స్లామ్‌ టైటిల్‌ గెలిచిన సెరెనా ఆ తర్వాత మరో నాలుగు గ్రాండ్‌స్లామ్‌ టోర్నీల్లో ఫైనల్‌ చేరినా చివరకు రన్నరప్‌తో సరిపెట్టుకుంది.

మెల్‌బోర్న్‌: మహిళల టెన్నిస్‌లో అత్యధిక గ్రాండ్‌స్లామ్‌ సింగిల్స్‌ టైటిల్స్‌ గెలిచిన ప్లేయర్‌గా మార్గరెట్‌ కోర్ట్‌ (24 టైటిల్స్‌) పేరిట ఉన్న రికార్డును సమం చేసేందుకు అమెరికా స్టార్‌ సెరెనా విలియమ్స్‌ మరోసారి ప్రయత్నించనుంది. సోమవారం మొదలయ్యే ఆస్ట్రేలియన్‌ ఓపెన్‌లో సెరెనాకు క్లిష్టమైన ‘డ్రా’నే ఎదురైంది. కెరీర్‌లో 23 గ్రాండ్‌స్లామ్‌ టైటిల్స్‌ నెగ్గిన 39 ఏళ్ల సెరెనా తొలి రౌండ్‌లో లౌరా సిగెముండ్‌ (జర్మనీ)తో ఆడనుంది. సెరెనా ప్రయాణం సాఫీగా సాగితే ఆమెకు మూడో రౌండ్‌లో 24వ సీడ్‌ అలీసన్‌ రిస్కీ (అమెరికా) ఎదురవుతుంది. ఈ అడ్డంకిని దాటితే ప్రిక్వార్టర్‌ ఫైనల్లో ఏడో సీడ్‌ సబలెంకా (బెలారస్‌)తో సెరెనా ఆడే చాన్స్‌ ఉంది. సెరెనా క్వార్టర్‌ ఫైనల్‌ చేరితే అక్కడ ఆమెకు ఫ్రెంచ్‌ ఓపెన్‌ చాంపియన్స్‌ సిమోనా హలెప్‌ (రొమేనియా) లేదా స్వియాటెక్‌ (పోలాండ్‌) ఎదురుపడే అవకాశముంది. దీనిని అధిగమిస్తే సెమీఫైనల్లో మూడో సీడ్‌ నయోమి ఒసాకా (జపాన్‌) రూపంలో సెరెనాకు కఠిన ప్రత్యర్థి ఎదురుకావొచ్చు. మరో పార్శ్వం నుంచి టాప్‌ సీడ్‌ యాష్లే బార్టీ (ఆస్ట్రేలియా) ఫైనల్‌ చేరుకోవచ్చు.  

అడిలైడ్‌: 14 రోజుల క్వారంటైన్‌... మరో చోట అయితే మామూలుగా గడిచిపోయేదేమో! కానీ కఠిన ఆంక్షలు ఉన్న ఆస్ట్రేలియాలో అదంత సులువు కాదు. ఇక ఎప్పుడెప్పుడు మైదానంలో దిగుదామా అని ఆత్రుతగా ఎదురు చూస్తున్న ఆటగాళ్ల పరిస్థితి అయితే మరింత ఇబ్బందికరంగా ఉంది. ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నీలో పాల్గొనేందుకు వచ్చి క్వారంటైన్‌లో ఉన్న టెన్నిస్‌ స్టార్లు తమ రెండు వారాల క్వారంటైన్‌ ముగియడంతో ఒక్కసారిగా స్వేచ్ఛాజీవులుగా మారిపోయారు. మాజీ నంబర్‌వన్‌ సెరెనా విలియమ్స్‌ తన మూడేళ్లు కూతురు ఒలింపియాతో కలిసి ‘జూ’కు వెళ్లి సరదాగా గడిపింది. ‘ఒక్క గదిలో ఇన్ని రోజులు ఉండాల్సి రావడం చాలా కష్టం. అయితే పాపతో ఎక్కువ సమయం గడిపే అవకాశం లభించింది. ఇప్పుడు బయటకు రావడం సంతోషంగా ఉంది. అందుకే క్వారంటైన్‌ ముగియగానే జూకు వెళ్లొచ్చాం’ అని సెరెనా చెప్పింది. వరల్డ్‌ నంబర్‌వన్‌ జొకోవిచ్‌ క్వారంటైన్‌ ముగియగానే స్థానిక పార్క్‌లో చెప్పులు లేకుండా నడిచి తన ఆనందాన్ని ప్రదర్శించాడు. ‘ఇన్ని రోజులుగా నాకు అవకాశం రాని పని చేయాలననుకున్నా. ఇప్పుడు ఇలా పచ్చగడ్డిపై పాదాలు పెట్టగానే హాయిగా అనిపించింది’ అని జొకోవిచ్‌ అన్నాడు. మరోవైపు శుక్రవారం జరిగిన ఎగ్జిబిషన్‌ మ్యాచ్‌లలో నయోమి ఒసాకాపై సెరెనా విలియమ్స్, యాష్లే బార్టీపై సిమోనా హలెప్, డొమినిక్‌ థీమ్‌పై రాఫెల్‌ నాదల్‌ విజయం సాధించారు. జన్నిక్‌ సిన్నర్‌తో జరిగిన మ్యాచ్‌లో తొలి సెట్‌లో ఫిలిప్‌ క్రనోవిక్‌ తలపడగా... రెండో సెట్‌లో క్రనోవిక్‌ స్థానంలో జొకోవిచ్‌ వచ్చి ఆడటం విశేషం. ఈ మ్యాచ్‌లో క్రనోవిక్‌–జొకోవిచ్‌ గెలిచారు. ఆస్ట్రేలియన్‌ ఓపెన్‌ టోర్నీ మెల్‌బోర్న్‌లో ఫిబ్రవరి 8న మొదలవుతుంది.

పారిస్‌: మూడుసార్లు ఫ్రెంచ్ ఓపెన్ ఛాంపియన్‌గా నిలిచిన సెరెనా విలియమ్స్ పారిస్‌లో జరుగుతున్న గ్రాండ్‌స్లామ్ టోర్నమెంట్ నుంచి  గాయం కారణంగా వైదొలిగింది. ఈ విషయాన్ని రోలాండ్ గారోస్ నిర్వాహకులు బుధవారం వెల్లడించారు. సెరెనా విలియమ్స్ క్లే కోర్ట్ గ్రాండ్‌స్లామ్‌లో మార్గరెట్ సృష్టించిన 24 గ్రాండ్‌స్లామ్ టైటిల్స్ రికార్డును అధిగమించాలనుకుంది. కానీ ఆమె బుధవారం జరగాల్సిన రెండవ రౌండ్ మ్యాచ్‌కు ముందే కాలిగాయంతో టోర్నమెంట్‌ నుంచి వైదొలిగింది.  చదవండి: మెద్వెదేవ్‌కు చుక్కెదురు

పారిస్‌: ఎర్రమట్టి కోర్టులపై మకుటంలేని మహరాజు రాఫెల్‌ నాదల్‌ ఈసారీ ఫ్రెంచ్‌ ఓపెన్‌ టైటిల్‌ను సాధిస్తే రెండు ఘనతలు సాధిస్తాడు. పురుషుల సింగిల్స్‌లో అత్యధిక గ్రాండ్‌స్లామ్‌ టైటిల్స్‌ నెగ్గిన ప్లేయర్‌గా స్విట్జర్లాండ్‌ దిగ్గజం ఫెడరర్‌ (20 టైటిల్స్‌) పేరిట ఉన్న రికార్డును సమం చేయడంతోపాటు... ఫ్రెంచ్‌ ఓపెన్‌లో 100 విజయాలు పూర్తి చేసుకున్న ఏకైక ప్లేయర్‌గా గుర్తింపు పొందుతాడు. నేటి నుంచి మొదలయ్యే ఫ్రెంచ్‌ ఓపెన్‌లో ఈ రెండు లక్ష్యాలు అధిగమించాలంటే నాదల్‌ ఎప్పటిలాగే విశేషంగా ఆడాల్సి ఉంటుంది. తన పార్శ్వంలో ఉన్న గత ఏడాది రన్నరప్‌ డొమినిక్‌ థీమ్‌ (ఆస్ట్రియా)ను... మాజీ చాంపియన్, ప్రపంచ నంబర్‌వన్‌ జొకోవిచ్‌ (సెర్బియా)ను ఓడించాల్సి ఉంటుంది. ‘డ్రా’ ప్రకారమైతే నాదల్‌ ఇటీవల యూఎస్‌ ఓపెన్‌ చాంపియన్‌గా నిలిచిన థీమ్‌ను సెమీస్‌లో... ఈ ఏడాది ఓటమెరుగని జొకోవిచ్‌ ను ఫైనల్లో ఎదుర్కొనే అవకాశాలు ఉన్నాయి.  2005 నుంచి ఈ టోర్నీలో ఆడుతోన్న నాదల్‌కు అద్వితీయ రికార్డు ఉంది. 93 మ్యాచ్‌ల్లో నెగ్గిన అతను రెండు సార్లు (2009లో ప్రిక్వార్టర్‌ ఫైనల్లో సోడెర్లింగ్‌చేతిలో; 2015 క్వార్టర్‌ ఫైనల్లో జొకోవిచ్‌ చేతిలో) మాత్రమే ఓటమి చవిచూశాడు. గాయం కారణంగా 2016లో మూడో రౌండ్‌లో బరిలోకి దిగకుండానే ప్రత్యర్థికి వాకోవర్‌ ఇచ్చాడు. ఈసారి తొలి రౌండ్‌లో ఇగోర్‌ జెరాసిమోవ్‌ (బెలారస్‌)తో నాదల్‌ తలపడనున్నాడు. టైటిల్‌ సాధించే క్రమంలో ఏడు మ్యాచ్‌లు నెగ్గితే నాదల్‌కు ఫ్రెంచ్‌ ఓపెన్‌లో సరిగ్గా 100 విజయాలు పూర్తవుతాయి. ఫెడరర్‌ (ఆస్ట్రేలియన్‌ ఓపెన్‌లో 102; వింబుల్డన్‌లో 101) తర్వాత ఓ గ్రాండ్‌స్లామ్‌ టోర్నీ లో 100 విజయాలు నమోదు చేసుకున్న ప్లేయర్‌గా నాదల్‌ నిలుస్తాడు. అంతేకాకుండా పురుషుల సింగిల్స్‌లో అత్యధిక గ్రాండ్‌స్లామ్‌ టైటిల్స్‌ నెగ్గిన ఫెడరర్‌ రికార్డును నాదల్‌ సమం చేస్తాడు. నాదల్‌తోపాటు రెండుసార్లు రన్నరప్‌ డొమినిక్‌ థీమ్, మాజీ విజేత జొకోవిచ్‌ కూడా టైటిల్‌ ఫేవరెట్స్‌గా ఉన్నారు. ఇటాలియన్‌ మాస్టర్స్‌ సిరీస్‌ టైటిల్‌ గెలిచి జొకోవిచ్‌... యూఎస్‌ ఓపెన్‌ టైటిల్‌ నెగ్గి థీమ్‌ ఫామ్‌లో ఉన్నారు. ఈ ముగ్గురు కాకుండా జ్వెరెవ్‌ (జర్మనీ), సిట్సిపాస్‌ (గ్రీస్‌), మాజీ చాంపియన్‌ వావ్రింకా (స్విట్జర్లాండ్‌) కూడా మెరిపించే అవకాశముంది. సెరెనా సత్తా చాటేనా... మహిళల సింగిల్స్‌లో మాజీ చాంపియన్స్‌ హలెప్‌ (రొమేనియా), సెరెనా విలియమ్స్‌ (అమెరికా), ముగురుజా (స్పెయిన్‌) టైటిల్‌ ఫేవరెట్స్‌గా కనిపిస్తున్నారు. అత్యధిక గ్రాండ్‌స్లామ్‌ టైటిల్స్‌ నెగ్గిన ఆల్‌టైమ్‌ ప్లేయర్‌గా మార్గరెట్‌ కోర్ట్‌ (24 టైటిల్స్‌) పేరిట ఉన్న రికార్డును సమం చేసేందుకు సెరెనాకు మరో ‘గ్రాండ్‌’ టైటిల్‌ కావాలి. యూఎస్‌ ఓపెన్‌లో సెమీస్‌ చేరిన సెరెనా ఈసారి ఫ్రెంచ్‌ ఓపెన్‌లో పూర్తిస్థాయి మ్యాచ్‌ ఫిట్‌నెస్‌తో బరిలోకి దిగడంలేదని వ్యాఖ్యానించడం గమనార్హం. 2015లో ఈ టైటిల్‌ నెగ్గి, 2016లో రన్నరప్‌ గా నిలిచిన సెరెనా ఆ తర్వాత రెండుసార్లు పాల్గొని నాలుగో రౌండ్‌ను దాటలేదు. డిఫెండింగ్‌ చాంపియన్, వరల్డ్‌ నంబర్‌వన్‌ యాష్లే బార్టీ (ఆస్ట్రేలియా), యూఎస్‌ ఓపెన్‌ చాంపియన్‌ నయోమి ఒసాకా (జపాన్‌) ఈసారి ఫ్రెంచ్‌ ఓపెన్‌కు దూరంగా ఉన్నారు. 

సొంతగడ్డపై ఆల్‌టైమ్‌ అత్యధిక గ్రాండ్‌స్లామ్‌ సింగిల్స్‌ టైటిల్‌ రికార్డును సమం చేయాలని ఆశించిన అమెరికా దిగ్గజ టెన్నిస్‌ క్రీడాకారిణి సెరెనా విలియమ్స్‌ ఆశలు ఆవిరయ్యాయి. వ్యక్తిగత జీవితంలోని సమస్యల నుంచి బయటపడి రెండో ఇన్నింగ్స్‌ ప్రారంభించిన ‘బెలారస్‌ మమ్మీ’ విక్టోరియా అజరెంకా ఏడేళ్ల విరామం తర్వాత మరో ‘గ్రాండ్‌’ టైటిల్‌కు అడుగు దూరంలో నిలిచింది. గతంలో గ్రాండ్‌స్లామ్‌ టోర్నీలలో సెరెనాతో ఆడిన 10 సార్లూ ఓటమి వైపు నిలిచిన అజరెంకా 11వ సారి మాత్రం స్ఫూర్తిదాయక ఆటతో విజయతీరాలకు చేరింది. తద్వారా కెరీర్‌లో ఐదోసారి గ్రాండ్‌స్లామ్‌ టోర్నీ ఫైనల్లో అడుగుపెట్టింది. మరోవైపు మాజీ చాంపియన్‌ నయోమి ఒసాకా తన జోరు కొనసాగిస్తూ అజరెంకాతో టైటిల్‌ పోరుకు సిద్ధమైంది. ఫైనల్లో ఎవరు గెలిచినా వారి ఖాతాలో మూడో గ్రాండ్‌స్లామ్‌ టైటిల్‌ చేరుతుంది. న్యూయార్క్‌: తనదైన రోజున మేటి క్రీడాకారిణులను ఓడించే సత్తా తనలో ఇంకా ఉందని బెలారస్‌ క్రీడాకారిణి, ప్రపంచ మాజీ నంబర్‌వన్‌ విక్టోరియా అజరెంకా నిరూపించింది. ఏడేళ్ల విరామం తర్వాత మళ్లీ గ్రాండ్‌స్లామ్‌ టోర్నీలో ఆమె టైటిల్‌ పోరుకు అర్హత పొందింది. అమెరికా దిగ్గజ క్రీడాకారిణి, 23 గ్రాండ్‌స్లామ్‌ సింగిల్స్‌ టైటిల్స్‌ విజేత సెరెనా విలియమ్స్‌తో గంటా 55 నిమిషాలపాటు జరిగిన యూఎస్‌ ఓపెన్‌ గ్రాండ్‌స్లామ్‌ టోర్నీ మహిళల సింగిల్స్‌ సెమీఫైనల్లో అన్‌సీడెడ్‌ అజరెంకా 1–6, 6–3, 6–3తో విజయం సాధించింది. అజరెంకా చివరిసారి 2013లో ఓ గ్రాండ్‌స్లామ్‌ టోర్నీ (యూఎస్‌ ఓపెన్‌ రన్నరప్‌)లో ఫైనల్‌ చేరింది. 38 ఏళ్ల సెరెనాతో  కెరీర్‌లో 23వసారి తలపడిన 31 ఏళ్ల అజరెంకా తొలి సెట్‌లో నిరాశ పరిచింది. కేవలం ఒక గేమ్‌ను గెల్చుకొని 34 నిమిషాల్లో సెట్‌ను చేజార్చుకుంది.. దాంతో గ్రాండ్‌స్లామ్‌ టోర్నీ మ్యాచ్‌ల్లో సెరెనా చేతిలో ఆమెకు వరుసగా 11వ సారీ ఓటమి తప్పదేమోనని అనిపించింది. కానీ అజరెంకా రెండో సెట్‌లో గాడిలో పడింది. ఐదో గేమ్‌లో, తొమ్మిదో గేమ్‌లో సెరెనా సర్వీస్‌లను బ్రేక్‌ చేసిన ఆమె 35 నిమిషాల్లో సెట్‌ను నెగ్గి మ్యాచ్‌లో నిలిచింది. నిర్ణాయక మూడో సెట్‌లోని రెండో గేమ్‌లో సెరెనా 0–1తో వెనుకబడి తన సర్వీస్‌లో 30–40తో వెనుకంజలో ఉన్నపుడు బ్యాక్‌హ్యాండ్‌ షాట్‌ ఆడే క్రమంలో సెరెనా ఎడమకాలు మడత పడింది. దాంతో ఆమె చికిత్స కోసం మూడు నిమిషాలు విరామం తీసుకుంది. ట్రైనర్‌  కాలి మడమకు పట్టీ కట్టాక బరిలోకి దిగిన సెరెనా తన సర్వీస్‌ను కోల్పోయింది. సెరెనా సర్వీస్‌ను బ్రేక్‌ చేసిన అజరెంకా మూడో గేమ్‌లో తన సర్వీస్‌ నిలబెట్టుకొని 3–0తో ఆధిక్యంలోకి వెళ్లింది. ఆ తర్వాత సెరెనా స్కోరును సమం చేసేందుకు విఫలయత్నం చేసినా అజరెంకా తడబడకుండా చివరకు 6–3తో సెట్‌ను నెగ్గి విజయాన్ని ఖాయం చేసుకుంది. మ్యాచ్‌ మొత్తంలో అజరెంకా రెండు ఏస్‌లు సంధించి, ఐదు డబుల్‌ ఫాల్ట్‌లు చేసింది. మరోవైపు సెరెనా ఆరు ఏస్‌లు సంధించి, మూడు డబుల్‌ ఫాల్ట్‌లు చేసింది. ఎదురులేని ఒసాకా...  28వ సీడ్‌ జెన్నిఫర్‌ బ్రేడీతో 2 గంటల 8 నిమిషాలపాటు జరిగిన మహిళల సింగిల్స్‌ సెమీఫైనల్లో నాలుగో సీడ్‌ ఒసాకా 7–6 (7/1), 3–6, 6–3తో నెగ్గింది. ఇద్దరూ పవర్‌ఫుల్‌ ఆట కనబర్చడంతో మ్యాచ్‌ మొత్తంలో ఇద్దరూ ఒక్కోసారి మాత్రమే తమ సర్వీస్‌లను కోల్పోయారు. తొలి సెట్‌లో ఇద్దరూ తమ సర్వీస్‌లను నిలబెట్టుకోవడంతో టైబ్రేక్‌ అనివార్యమైంది. టైబ్రేక్‌లో ఒసాకా పైచేయి సాధించింది. రెండో సెట్‌లో బ్రేడీ ఎనిమిదో గేమ్‌లో ఒసాకా సర్వీస్‌ను బ్రేక్‌ చేసి తొమ్మిదో గేమ్‌లో తన సర్వీస్‌ను నిలబెట్టుకొని సెట్‌ను 6–3తో దక్కించుకుంది. మూడో సెట్‌లో ఒసాకాకు కాస్త అదృష్టం కూడా కలిసొచ్చింది. ఒసాకా 2–1తో ఆధిక్యంలో ఉన్నపుడు బ్రేడీ తన సర్వీస్‌లో లైన్‌ అంపైర్‌ నిర్ణయాన్ని సమీక్షంచకపోవడం ఒసాకాకు కలిసొచ్చి బ్రేక్‌ పాయింట్‌ దక్కింది. ఒసాకా కొట్టిన షాట్‌ నెట్‌కు తగిలి అవతలివైపు వెళ్లగా బ్రేడీ రిటర్న్‌ షాట్‌ ఆడింది. అయితే ఆమె కొట్టిన షాట్‌ బయటకు వెళ్లిందని లైన్‌ అంపైర్‌ ప్రకటించింది. అయితే టీవీ రీప్లేలో బ్రేడీ షాట్‌ లైన్‌ అంచును తాకిందని కనిపించింది. కానీ బ్రేడీ టీవీ రీప్లే అడగకపోవడంతో గేమ్‌ ఒసాకా వశమైంది. ఆ తర్వాత ఒసాకా తన సర్వీస్‌లను నిలబెట్టుకొని బ్రేడీ ఓటమిని ఖాయం చేసింది. పావిచ్‌–సోరెస్‌ జంటకు డబుల్స్‌ టైటిల్‌  పురుషుల డబుల్స్‌ విభాగంలో అన్‌సీడెడ్‌ ద్వయం మ్యాట్‌ పావిచ్‌ (క్రొయేషియా)–బ్రూనో సొరెస్‌ (బ్రెజిల్‌) టైటిల్‌ను సొంతం చేసుకుంది. ఫైనల్లో పావిచ్‌–సోరెస్‌ జంట 7–5, 6–3తో వెస్లీ కూలాఫ్‌ (నెదర్లాండ్స్‌)–నికోలా మెక్‌టిక్‌ (క్రొయేషియా) జోడీపై గెలిచింది. విజేతగా నిలిచిన పావిచ్‌–సోరెస్‌ జంటకు 4,00,000 డాలర్లు ప్రైజ్‌మనీగా (రూ. 2 కోట్ల 93 లక్షలు) లభించాయి.

న్యూయార్క్‌:  యూఎస్‌ ఓపెన్‌ గ్రాండ్‌ స్లామ్‌లో  నల్ల కలువ సెరెనా విలియమ్స్‌కు ఊహించని షాక్‌ తగిలింది.  మ్యాచ్‌ ఆరంభానికి ముందు ఫేవరెట్‌గా బరిలోకి దిగిన సెరెనాకు  ప్రపంచ మహిళల టెన్నిస్‌ వరల్డ్‌ మాజీ నంబర్‌వన్‌, బెలారస్‌ క్రీడాకారిణి విక్టోరియా అజరెంకా రూపంలో ఎదురుదెబ్బ తగిలింది. మహిళల సింగిల్స్‌లో భాగంగా ఆర్థర్‌ ఆషే స్టేడియంలో జరిగిన సెమీ ఫైనల్‌ పోరులో అజరెంకా అదరగొట్టింది. మూడు సెట్ల పోరులో అజరెంకా రెండు గెలుచుకుని ఫైనల్లోకి ప్రవేశించింది. ఫలితంగా సెరెనా కథ సెమీస్‌లోనే ముగిసింది. తల్లి అయ్యాక గ్రాండ్‌ స్లామ్‌ గెలుద్దామని భావించిన సెరెనాకు అజరెంకా అడ్డుకట్టవేసింది.   ఈ రోజు జరిగిన సెమీస్‌లో అజరెంకా 1-6, 6-3, 6-3 తేడాతో సెరెనాను ఓడించి ఫైనల్లోకి ప్రవేశించింది. దాంతో ఒక్కసారిగా టైటిల్‌ ఫేవరెట్‌ రేసులోకి వచ్చేసింది. తొలిసెట్‌ను అజరెంకా భారీ తేడాతో కోల్పోయినా, మిగతా రెండు సెట్లలో ఆత్మ విశ్వాసాన్ని కోల్పోలేదు. వరుసగా రెండు సెట్లను కైవసం చేసుకుని తుదిపోరుకు సిద్ధమైంది. ప్రధాన టోర్నీల్లో సెరెనా తొలి సెట్‌ను గెలిచిన తర్వాత మ్యాచ్‌లో ఓడిపోవడం ఆరేళ్ల తర్వాత ఇదే తొలిసారి. 2014 వింబుల్డన్‌లో అలెజ్‌ కార్నెట్‌ చేతిలో సెరెనా ఇదే తరహాలో ఓటమి  పాలయ్యారు. అప్పుడు తొలి సెట్‌ను గెలిచి మిగతా రెండు సెట్లను సెరెనా కోల్పోయారు.(చదవండి: ‘మ్యాట్‌’పై విహారి సాధన... ) ఏడేళ్ల విరామం తర్వాత ఫైనల్లో.. యూఎస్‌ ఓపెన్‌ సెమీస్‌లో సెరెనా ఓడించడం ద్వారా ఓ గ్రాండ్‌ స్లామ్‌ టోర్నీలో ఏడేళ్ల తర్వాత అజరెంకా ఫైనల్‌కు చేరింది. చివరిసారి 2013లో  ఓ గ్రాండ్‌ స్లామ్‌లో ఫైనల్‌కు చేరిన అజరెంకా.. సుదీర్ఘ కాలం తర్వాత మళ్లీ ఫైనల్‌ బెర్తును ఖాయం చేసుకుంది. కాగా, యూఎస్‌ ఓపెన్‌లో సెరెనాపై గెలవడం అజరెంకాకు ఇదే తొలిసారి. 2012, 2013లలో యూఎస్‌ ఓపెన్‌ ఫైనల్‌కు చేరుకొని రెండుసార్లూ సెరెనా చేతిలో ఓడి రన్నరప్‌ ట్రోఫీతో సరిపెట్టుకున్న అజరెంకా... ఈసారి ట్రోఫీని ముద్దాడటానికి అడుగుదూరంలో నిలిచింది. అదే సమయంలో వరుసగా 11వ మ్యాచ్‌లో అజరెంకా విజయం సాధించినట్లయ్యింది.  ఈ మ్యాచ్‌కు ముందు వరకూ అజరెంకా, సెరెనా మధ్య 22 సార్లు ముఖాముఖి పోరు జరిగింది. 18 సార్లు సెరెనా... నాలుగుసార్లు అజరెంకా విజయం సాధించారు. గ్రాండ్‌స్లామ్‌ టోర్నీలలో వీరిద్దరు 10 సార్లు తలపడగా... పదికి పది మ్యాచ్‌ల్లో సెరెనానే గెలుపొందారు. కాగా, గ్రాండ్‌ స్లామ్‌ టోర్నీల్లో 11వ ప్రయత్నంలో అజరెంకా విజయం సాధించడమే కాకుండా టైటిల్‌ వేటకు సిద్ధమయ్యారు. ఒసాకాతో పోరుకు సై శనివారం జరుగనున్న ఫైనల్లో జపాన్‌ స్టార్‌ క్రీడాకారిణి, నాల్గో సీడ్‌ నయామి ఒసాకాతో అజరెంకా అమీతుమీ తేల్చుకోనున్నారు. మరో సెమీ ఫైనల్లో ఒసాకా 7-6(7/1),  3-6, 6-3 తేడాతో అమెరికా క్రీడాకారిణి జెన్నిఫర్‌ బ్రాడీపై గెలిచి ఫైనల్లోకి ప్రవేశించారు. టై బ్రేక్‌కు దారి తీసిన తొలి సెట్‌ను ఒసాకా గెలుచుకోగా, రెండో సెట్‌ను కోల్పోయారు. ఇక నిర్ణయాత్మక మూడో సెట్‌లో ఒసాకా తిరుగులేని తేడాతో విజయం సాధించి ఫైనల్‌కు చేరారు.(చదవండి: అజేయ విజేత నైట్‌రైడర్స్‌ )  

ఎంత ఎత్తుకు ఎదిగినా ఒదిగి ఉండకపోతే... భావోద్వేగాలను నియంత్రణలో పెట్టుకోలేకపోతే... ఒక్కోసారి క్షణాల్లో అంతా తారుమారు అవుతుంది. తన కోపమే తనకు శత్రువు అవుతుంది. యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో పురుషుల సింగిల్స్‌లో ప్రపంచ నంబర్‌వన్, టాప్‌ సీడ్, 17 గ్రాండ్‌స్లామ్‌ సింగిల్స్‌ టైటిల్స్‌ విజేత నొవాక్‌ జొకోవిచ్‌ విషయంలో అదే జరిగింది. లిప్తపాటులో చేసిన పొరపాటు అతడిపై అనర్హత వేటు పడేలా చేసింది. తనకు గట్టిపోటీనిచ్చి ఓడించే సత్తాగల మేటి ప్రత్యర్థులు, మాజీ యూఎస్‌ ఓపెన్‌ చాంపియన్స్‌ రాఫెల్‌ నాదల్, ఫెడరర్, వావ్రింకా, డెల్‌పొట్రో టోర్నీకి దూరంగా ఉన్నా... బరిలో ఉన్న వారిలో ఎవరూ జొకోవిచ్‌ను కచ్చితంగా ఓడిస్తారనే నమ్మకం లేకపోయినా... ఎవరికీ ఇబ్బంది పెట్టకుండా జొకోవిచ్‌ స్వయంకృతంతో తనను తానే ఓడించుకొని టోర్నీ నుంచి అనూహ్య పరిణామాల నడుమ భారంగా నిష్క్రమించాడు. న్యూయార్క్‌: అంతర్జాతీయ టెన్నిస్‌లో 17 ఏళ్ల అనుభవం ఉన్నప్పటికీ ... 17 గ్రాండ్‌స్లామ్‌ సింగిల్స్‌ టైటిల్స్‌ గెలిచిన ఘనమైన రికార్డు ఉన్నప్పటికీ... ఎన్నోసార్లు ఓటమి అంచులదాకా వెళ్లి వెంటనే కోలుకొని మ్యాచ్‌ల్లో నెగ్గిన సందర్భాలు ఉన్నప్పటికీ... జొకోవిచ్‌ విషయంలో ఆదివారం అవేవీ పనిచేయలేదు. కోపాన్ని నియంత్రించుకోలేక స్వయంకృతంతో యూఎస్‌ ఓపెన్‌ నుంచి తప్పుకోవాల్సి వచ్చింది.   అసలేం జరిగింది... ప్రపంచ 29వ ర్యాంకర్‌ కరెనో బుస్టా (స్పెయిన్‌)తో ఆదివారం అర్ధరాత్రి దాటాక జరిగిన పురుషుల సింగిల్స్‌ ప్రిక్వార్టర్‌ ఫైనల్లో జొకోవిచ్‌ తనను తాను ఓడించుకున్నాడు. తొలి సెట్‌లో 5–4తో ఆధిక్యంలో ఉండి, కరెనో బుస్టా సర్వీస్‌లో 40–0తో ముందంజ వేసి మూడు సెట్‌ పాయింట్లను జొకోవిచ్‌ సంపాదించాడు. కానీ కరెనో బుస్టా వరుస పాయింట్లు గెలిచి తన సర్వీస్‌ను కాపాడుకొని స్కోరును 5–5తో సమం చేశాడు. ఆ తర్వాత 11వ గేమ్‌లో జొకోవిచ్‌ తన సర్వీస్‌ను కోల్పోయాడు. ఒకదశలో వరుసగా మూడు సెట్‌ పాయింట్లు గెల్చుకునే స్థితి నుంచి 5–6తో వెనుకబడి సెట్‌నే చేజార్చుకునే స్థితికి వచ్చాడు. 11వ గేమ్‌లో తన సర్వీస్‌ను చేజార్చుకున్న వెంటనే జొకోవిచ్‌ అసహనానికి గురయ్యాడు. కోపంలో తన వద్ద అదనంగా ఉన్న బంతిని రాకెట్‌తో వెనక్కి కొట్టడం... అదీకాస్తా అక్కడే నిల్చోని లైన్‌ జడ్జిగా బాధ్యతలు నిర్వర్తిస్తున్న మహిళ గొంతుకు బలంగా తాకడం... ఆమె నొప్పి భరించలేక అక్కడే కుప్పకూలిపోవడం క్షణాల వ్యవధిలో జరిగిపోయింది. జొకోవిచ్‌ ఆ మహిళా లైన్‌ జడ్జి దగ్గరకు వెళ్లి పరామర్శించినా... ఉద్దేశపూర్వకంగా అలా చేయలేదని 10 నిమిషాలపాటు టోర్నమెంట్‌ రిఫరీ సోరెన్‌ ఫ్రీమెల్, గ్రాండ్‌స్లామ్‌ సూపర్‌వైజర్‌ ఆండ్రెస్‌ ఇగిలి, చైర్‌ అంపైర్‌ అరులీ టూర్టీలతో మొర పెట్టుకున్నా ఫలితం లేకపోయింది. నిర్వాహకులు జొకోవిచ్‌ వాదనతో ఏకీభవించకుండా... ఎంతటి వారికైనా నిబంధనలు ఒకేలా ఉంటాయని, తప్పు చేస్తే దానికి తగ్గ శిక్ష పడాల్సిందేనని నిర్ణయం తీసుకున్నారు. జొకోవిచ్‌పై అనర్హత వేటు వేశారు. దాంతో కరెనో బుస్టా విజయం ఖాయమై అతను క్వార్టర్‌ ఫైనల్‌ చేరాడు. అనర్హత వేటు కారణంగా జొకోవిచ్‌ టోర్నీ నుంచి తప్పుకోవాల్సి రావడంతో... ప్రిక్వార్టర్‌ ఫైనల్లో ఓడిపోయినందుకుగాను జొకోవిచ్‌కు రావాల్సిన 2,50,000 డాలర్ల ప్రైజ్‌మనీ (రూ. కోటీ 83 లక్షలు), 180 ర్యాంకింగ్‌ పాయింట్లు దక్కకుండా పోయాయి. ‘గ్రాండ్‌స్లామ్‌ నిబంధనల ప్రకారం ఏ క్రీడాకారుడైనా కోర్టులో క్రీడా స్ఫూర్తికి విరుద్ధంగా వ్యవహరించినా... నిర్లక్ష్యంగా వ్యవహరించి కోర్టులో బంతితో ఎవరినైనా కొట్టినా అతనిపై అనర్హత వేటు వేస్తారు. ఈ నిబంధనల ప్రకారమే జొకోవిచ్‌పై చర్య తీసుకున్నాం’ అని యునైటెడ్‌ స్టేట్స్‌ టెన్నిస్‌ సంఘం వివరించింది.  నన్ను క్షమించండి...  నిర్వాహకులు డిస్‌క్వాలిఫై నిర్ణయం ప్రకటించిన వెంటనే తన ప్రత్యర్థి కరెనో బుస్టాతో కరచాలనం చేసి జొకోవిచ్‌ కోర్టు నుంచి వెళ్లిపోయాడు. మీడియా సమావేశానికి కూడా హాజరుకాలేదు. అయితే తన చర్యపట్ల క్షమాపణలు కోరుతూ ఇన్‌స్టాగ్రామ్‌లో పోస్ట్‌ పెట్టాడు. ‘ఈ మొత్తం సంఘటన నన్ను తీవ్ర నిరాశకు గురి చేసింది. బంతి తగిలిన వెంటనే లైన్‌ జడ్జి వద్దకు ఆమెను పరామర్శించాను. దేవుడి దయతో ఆమె ఆరోగ్యంగానే ఉందని తెలుసుకొని ఊపిరి పీల్చుకున్నాను. నా చర్యతో ఆమెకు భాధ కలిగించినందుకు క్షమాపణలు చెబుతున్నాను. అనర్హత వేటు విషయానికొస్తే భవిష్యత్‌లో మంచి ప్లేయర్‌గా, మంచి మనిషిగా మారేందుకు దీనినో గుణపాఠంగా భావిస్తాను. నా ప్రవర్తన పట్ల ఇబ్బంది కలిగించినందుకు నాతో సంబంధం ఉన్న వారందరికీ, యూఎస్‌ ఓపెన్‌ టోర్నీ నిర్వాహకులకు క్షమాపణలు చెబుతున్నాను’ అని పేర్కొన్నాడు. అనర్హత వేటుతో కోర్టు వీడుతూ... గతంలోనూ ఇలా జరిగాయి...  టెన్నిస్‌ మ్యాచ్‌ల సందర్భంగా ఆటగాళ్లు నిబంధనలకు విరుద్ధంగా ప్రవర్తించి అనర్హతకు గురైన సంఘటనలు గతంలోనూ జరిగాయి. 1990లో ఆస్ట్రేలియన్‌ ఓపెన్‌లో జాన్‌ మెకన్రో (అమెరికా), 1995 ఫ్రెంచ్‌ ఓపెన్‌లో అరియన్స్‌ (జర్మనీ), 1995 వింబుల్డన్‌ టోర్నీలో జెఫ్‌ టరాంగో (అమెరికా), 1995 వింబుల్డన్‌ టోర్నీలో టిమ్‌ హెన్మన్‌ (బ్రిటన్‌), 2000 ఫ్రెంచ్‌ ఓపెన్‌లో స్టీఫెన్‌ కౌబెక్‌ (ఆస్ట్రియా), 2017 డేవిస్‌కప్‌ మ్యాచ్‌లో షపోవలోవ్‌ (కెనడా) అనర్హతకు గురయ్యారు. క్వార్టర్‌ ఫైనల్లో సెరెనా విలియమ్స్‌  మహిళల సింగిల్స్‌ విభాగంలో మూడో సీడ్‌ సెరెనా విలియమ్స్‌ (అమెరికా) క్వార్టర్‌ ఫైనల్‌ చేరింది. సోమవారం జరిగిన ప్రిక్వార్టర్‌ ఫైనల్లో సెరెనా 2 గంటల 27 నిమిషాల్లో 6–3, 6–7 (6/8), 6–3తో 15వ సీడ్‌ మరియా సాకరి (గ్రీస్‌)పై గెలిచింది. మరోవైపు ఆరో సీడ్‌ క్విటోవా (చెక్‌ రిపబ్లిక్‌), ఎనిమిదో సీడ్‌ పెట్రా మార్టిక్‌ (క్రొయేషియా) ప్రిక్వార్టర్‌ ఫైనల్లో ఓటమి చవిచూశారు. పుతింత్‌సెవా (కజకిస్తాన్‌) 6–3, 2–6, 6–4తో మార్టిక్‌ను... షెల్బీ రోజర్స్‌ (అమెరికా) 7–6 (7/5), 3–6, 7–6 (8/6)తో క్విటోవాను ఓడించారు. బాధలో ఉన్న లైన్‌ జడ్జికి జొకోవిచ్‌ పరామర్శ

తొలి రెండు రౌండ్‌లలో అనామక ప్రత్యర్థులు ఎదురవ్వడంతో అమెరికా మహిళా టెన్నిస్‌ దిగ్గజం సెరెనా విలియమ్స్‌ సత్తాకు ఏమంత పరీక్ష ఎదురుకాలేదు. కానీ మూడో రౌండ్‌లో యూఎస్‌ ఓపెన్‌ మాజీ చాంపియన్‌ స్లోన్‌ స్టీఫెన్స్‌ రూపంలో సెరెనాకు అసలు సిసలు సవాల్‌ వచ్చి పడింది. అమెరికా టెన్నిస్‌ భావితారగా భావిస్తున్న స్లోన్‌ స్టీఫెన్స్‌కు గతంలో తనను ఓడించిన రికార్డు కూడా ఉండటం... ఊహించని విధంగా సెరెనా తొలి సెట్‌ కూడా కోల్పోవడం... వెరసి సెరెనా 24వ గ్రాండ్‌స్లామ్‌ సింగిల్స్‌ టైటిల్‌ వేటకు మళ్లీ బ్రేక్‌ పడుతుందా అనే సందేహం కలిగింది. కానీ ఒక్క యూఎస్‌ ఓపెన్‌లోనే ‘శతక’ విజయాలు నమోదు చేసిన సెరెనా తన అనుభవాన్నంతా రంగరించి పోరాడింది. ఆ తర్వాత వరుసగా రెండు సెట్‌లను నెగ్గి స్లోన్‌ స్టీఫెన్స్‌ ఆట కట్టించిన సెరెనా ప్రిక్వార్టర్‌ ఫైనల్లోకి దూసుకెళ్లింది.   న్యూయార్క్‌: ఆల్‌టైమ్‌ అత్యధిక గ్రాండ్‌స్లామ్‌ సింగిల్స్‌ టైటిల్స్‌ నెగ్గిన క్రీడాకారిణిగా మార్గరెట్‌ కోర్ట్‌ (24 టైటిల్స్‌) పేరిట ఉన్న రికార్డును సమం చేసేందుకు... గతంలో వచ్చిన నాలుగు అవకాశాలను వృథా చేసుకున్న అమెరికా టెన్నిస్‌ స్టార్‌ సెరెనా విలియమ్స్‌ ఈసారి మాత్రం ఎలాగైనా తన లక్ష్యాన్ని అందుకునే దిశగా పట్టుదలతో ముందుకు సాగుతోంది. తనకెంతో కలిసొచ్చిన యూఎస్‌ ఓపెన్‌ గ్రాండ్‌స్లామ్‌ టోర్నీలో ఆరుసార్లు చాంపియన్‌గా నిలిచిన సెరెనా 20వ సారి ప్రిక్వార్టర్‌ ఫైనల్లోకి అడుగుపెట్టింది. ఆదివారం జరిగిన మహిళల సింగిల్స్‌ మూడో రౌండ్‌ మ్యాచ్‌లో మూడో సీడ్‌ సెరెనా 2–6, 6–2, 6–2తో 26వ సీడ్, 2017 యూఎస్‌ ఓపెన్‌ చాంపియన్‌ స్లోన్‌ స్టీఫెన్స్‌ (అమెరికా)పై కష్టపడి  విజయం సాధించింది. గంటా 44 నిమిషాలపాటు జరిగిన ఈ మ్యాచ్‌లో సెరెనా 12 ఏస్‌లు సంధించి, మూడు డబుల్‌ ఫాల్ట్‌లు చేసింది. 23 అనవసర తప్పిదాలు చేసిన సెరెనా తన సర్వీస్‌ను రెండుసార్లు కోల్పోయి, ప్రత్యర్థి సర్వీస్‌ను నాలుగుసార్లు బ్రేక్‌ చేసింది. 2015 తర్వాత మళ్లీ స్లోన్‌ స్టీఫెన్స్‌తో తలపడిన సెరెనాకు తొలి సెట్‌లో అనూహ్య ప్రతిఘటన ఎదురైంది. ప్రిక్వార్టర్‌ ఫైనల్లో 15వ సీడ్‌ మరియా సాకరి (గ్రీస్‌)తో సెరెనా తలపడుతుంది.  ఇతర మ్యాచ్‌ల్లో అజరెంకా 6–4, 6–2తో ఇగా షియాటెక్‌ (పోలాండ్‌)పై, పిరన్‌కోవా 6–4, 6–1తో 18వ సీడ్‌ డోనా వెకిచ్‌ (క్రొయేషియా)పై, అలీజి కార్నె 7–6 (7/4), 6–2తో ఏడో సీడ్‌ మాడిసన్‌ కీస్‌ (అమెరికా)పై, సోఫియా కెనిన్‌ 7–6 (7/4), 6–3తో ఆన్స్‌ జెబుర్‌ (ట్యూనిషియా)పై, మెర్‌టెన్స్‌ 7–5, 6–1తో కేథరిన్‌ మెక్‌నాలీ (అమెరికా)పై, ముకోవా 6–4, 2–6, 7–6 (9/7)తో సొరానా క్రిస్టియా (రొమేనియా)పై గెలిచారు.   అగుట్, ఖచనోవ్‌ ఇంటిముఖం పురుషుల సింగిల్స్‌లో సీడెడ్‌ క్రీడాకారుల నిష్క్రమ ణ కొనసాగుతోంది. 8వ సీడ్‌ బాటిస్టా అగుట్‌ (స్పెయిన్‌), 11వ సీడ్‌ ఖచనోవ్‌ (రష్యా) మూడో రౌండ్‌లోనే ఇంటిముఖం పట్టారు. 94వ ర్యాంకర్‌ వాసెక్‌ పోస్పిసిల్‌ (కెనడా) 7–5, 2–6, 4–6, 6–3, 6–2తో బాటిస్టా అగుట్‌ను... 28వ ర్యాంకర్‌ అలెక్స్‌ డి మినార్‌ (ఆస్ట్రేలియా) 6–4, 0–6, 4–6, 6–3, 6–1తో ఖచనోవ్‌ను ఓడించారు.  క్వార్టర్‌ ఫైనల్లో బోపన్న జంట...  పురుషుల డబుల్స్‌ విభాగంలో రోహన్‌ బోపన్న (భారత్‌)–డెనిస్‌ షపోవలోవ్‌ (కెనడా) జంట క్వార్టర్‌ ఫైనల్లోకి ప్రవేశించింది. రెండో రౌండ్‌ మ్యాచ్‌లో బోపన్న–షపోవలోవ్‌ ద్వయం 4–6, 6–4, 6–3తో ఆరో సీడ్‌ కెవిన్‌ క్రావిట్జ్‌–ఆండ్రీస్‌ మీస్‌ (జర్మనీ) జోడీని ఓడించింది.   వైదొలిగిన మ్లాడెనోవిచ్‌ జంట  మహిళల డబుల్స్‌ విభాగంలో టాప్‌ సీడ్‌ మ్లాడెనోవిచ్‌ (ఫ్రాన్స్‌)–తిమియా బాబోస్‌ (హంగేరి) జంట టోర్నీ మధ్యలో  వైదొలిగింది. టోర్నీ ప్రారంభానికి ముందు కరోనా సోకిన పెయిర్‌ (ఫ్రాన్స్‌)  ప్రైమరీ కాంటాక్ట్‌ జాబితాలో మ్లాడెనోవిచ్‌ ఉండటమే దీనికి కారణం. పెయిర్‌తో కాంటాక్ట్‌ ఉన్న వాళ్లందరికీ న్యూయార్క్‌ సిటీ ఆరోగ్య విభాగం ఐసోలేషన్‌లోకి వెళ్లాలని నోటీసులు జారీ చేసింది. క్వార్టర్‌ ఫైనల్లో జెనిఫర్‌ బ్రేడీ  మహిళల సింగిల్స్‌లో అమెరికాకు చెందిన 28వ సీడ్‌ క్రీడాకారిణి జెనిఫర్‌ బ్రేడీ క్వార్టర్‌ ఫైనల్లోకి ప్రవేశించింది. ఆదివారం జరిగిన ప్రిక్వార్టర్‌ ఫైనల్లో బ్రేడీ 6–1, 6–4తో 2016 యూఎస్‌ ఓపెన్‌ చాంపియన్, ప్రపంచ మాజీ నంబర్‌వన్‌ ఎంజెలిక్‌ కెర్బర్‌ (జర్మనీ)పై సంచలన విజయం సాధించింది. తన కెరీర్‌లో తొలిసారి ఓ గ్రాండ్‌స్లామ్‌ టోర్నీలో బ్రేడీ క్వార్టర్‌ ఫైనల్‌కు చేరింది.

మూడు పదుల వయసు దాటినా... తల్లి హోదా వచ్చినా... మైదానంలోకి దిగితే విజయమే తమ లక్ష్యమని ప్రపంచ  మాజీ నంబర్‌వన్‌ క్రీడాకారిణులు సెరెనా విలియమ్స్, విక్టోరియా అజరెంకా చాటి చెప్పారు. యూఎస్‌ ఓపెన్‌ గ్రాండ్‌స్లామ్‌ టోర్నమెంట్‌లో ఈ ఇద్దరు అమ్మలు అదరగొట్టే విజయాలతో మూడో రౌండ్‌లోకి దూసుకెళ్లి టైటిల్‌ దిశగా  మరో అడుగు ముందుకు వేశారు. న్యూయార్క్‌: ఒకవైపు యువ సీడెడ్‌ క్రీడాకారిణులు ఇంటిముఖం పడుతుండగా... మరోవైపు తమ స్థాయికి తగ్గ ఆటతీరుతో వెటరన్‌ స్టార్‌ క్రీడాకారిణులు సెరెనా విలియమ్స్‌ (అమెరికా), విక్టోరియా అజరెంకా (బెలారస్‌) యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో ముందంజ వేశారు. తల్లి అయ్యాక గ్రాండ్‌స్లామ్‌ టైటిల్‌ నెగ్గిన నాలుగో క్రీడాకారిణిగా గుర్తింపు పొందేందుకు వీరిద్దరు పోటీపడుతున్నారు. శుక్రవారం జరిగిన మహిళల సింగిల్స్‌ రెండో రౌండ్‌ మ్యాచ్‌ల్లో సెరెనా 6–2, 6–4తో ప్రపంచ 117వ ర్యాంకర్‌ మర్గరీటా గస్‌పారన్‌ (రష్యా)పై, అజరెంకా 6–1, 6–3తో ఐదో సీడ్‌ అరీనా సబలెంకా (బెలారస్‌)పై విజయం సాధించారు. మరో ‘అమ్మ’ స్వెతానా పిరన్‌కోవా (బల్గేరియా) 7–5, 6–3తో పదో సీడ్‌ గార్బిన్‌ ముగురుజా (స్పెయిన్‌)ను ఓడించి మూడో రౌండ్‌లోకి అడుగుపెట్టింది. ఓవరాల్‌గా ఈ ఏడాది యూఎస్‌ ఓపెన్‌లో తొమ్మిది మంది తల్లి హోదా ఉన్న క్రీడాకారిణులు బరిలోకి దిగారు. ఇందులో ఆరుగురు కిమ్‌ క్లియ్‌స్టర్స్‌ (బెల్జియం), వెరా జ్వొనరేవా (రష్యా), తతియానా మరియా (జర్మనీ), కాటరీనా బొండారెంకో (ఉక్రెయిన్‌), పత్రిసియా మరియా తిగ్‌ (రొమేనియా), ఓల్గా గొవొర్సోవా (బెలారస్‌) నిష్క్రమించగా... సెరెనా, అజరెంకా, పిరన్‌కోవా బరిలో మిగిలి ఉన్నారు. గస్‌పారన్‌తో 93 నిమిషాలపాటు జరిగిన మ్యాచ్‌లో సెరెనా ఏడు ఏస్‌లు సంధించి, తన ప్రత్యర్థి సర్వీస్‌ను ఆరుసార్లు బ్రేక్‌ చేసింది.   క్రిస్టియా సంచలనం  మహిళల సింగిల్స్‌ విభాగంలో మరో సంచలనం ఫలితం వచ్చింది. ప్రపంచ 77వ ర్యాంకర్‌ సొరానా క్రిస్టియా 2–6, 7–6 (7/5), 6–4తో తొమ్మిదో సీడ్‌ యోహానా కొంటా (బ్రిటన్‌)ను బోల్తా కొట్టించి ఈ టోర్నీలో మూడోసారి మూడో రౌండ్‌కు చేరింది. ఇతర మ్యాచ్‌ల్లో రెండో సీడ్‌ సోఫియా కెనిన్‌ (అమెరికా) 6–4, 6–3తో లేలా ఫెర్నాండెజ్‌ (కెనడా)పై, ఏడో సీడ్‌ మాడిసన్‌ కీస్‌ (అమెరికా) 6–2, 6–1తో అలియానా బోల్సోవా (స్పెయిన్‌)పై, 15వ సీడ్‌ మరియా సాకరి (గ్రీస్‌) 2–6, 6–3, 6–2తో బెర్నార్దా పెరా (అమెరికా)పై, 26వ సీడ్‌ స్లోన్‌ స్టీఫెన్స్‌ (అమెరికా) 6–2, 6–2తో గొవొర్సోవా (బెలారస్‌)పై నెగ్గారు.   ముర్రే ఇంటిదారి  పురుషుల సింగిల్స్‌ రెండో రౌండ్లో 2012 చాంపియన్‌ ఆండీ ముర్రే (బ్రిటన్‌) 2–6, 3–6, 4–6తో ఫీలిక్స్‌ ఉజర్‌ అలియాసిమ్‌ (కెనడా) చేతిలో ఓడిపోయాడు. మూడో సీడ్‌ మెద్వెదేవ్‌ (రష్యా) 6–3, 6–2, 6–4తో క్రిస్టోఫర్‌ కానెల్‌ (ఆస్ట్రేలియా)పై, ఆరో సీడ్‌ బెరెటిని (ఇటలీ) 6–4, 6–4, 7–6 (8/6)తో హుంబెర్ట్‌ (ఫ్రాన్స్‌)పై గెలుపొందారు. సుమీత్‌ నిష్క్రమణ  పురుషుల సింగిల్స్‌ బరి లో ఉన్న ఏకైక భారత క్రీడాకారుడు సుమీత్‌ నాగల్‌ కథ రెండో రౌండ్‌ లో ముగిసింది. సుమీత్‌ 3–6, 3–6, 2–6తో రెండో సీడ్‌ డొమినిక్‌ థీమ్‌ (ఆస్ట్రియా) చేతిలో ఓడిపోయాడు. గంటా 59 నిమిషాలపాటు జరిగిన ఈ మ్యాచ్‌లో సుమీత్‌ 40 అనవసర తప్పిదాలు చేశాడు.

తనకెంతో కలిసొచ్చిన వేదికపై అమెరికా టెన్నిస్‌ దిగ్గజం సెరెనా విలియమ్స్‌ శుభారంభం చేసింది. మార్గరెట్‌ కోర్ట్‌ (ఆస్ట్రేలియా) పేరిట ఉన్న అత్యధిక గ్రాండ్‌స్లామ్‌ సింగిల్స్‌ టైటిల్స్‌ (24) ఆల్‌టైమ్‌ రికార్డును సమం చేసేందుకు మళ్లీ ప్రయత్నిస్తున్న 38 ఏళ్ల సెరెనా ఈ క్రమంలో కొత్త రికార్డును సృష్టించింది. యూఎస్‌ ఓపెన్‌ టోర్నమెంట్‌ చరిత్రలోనే అత్యధిక మ్యాచ్‌ల్లో విజయాలు అందుకున్న ప్లేయర్‌గా సెరెనా ఘనత వహించింది. 101 విజయాలతో అమెరికాకే చెందిన మరో దిగ్గజం క్రిస్‌ ఎవర్ట్‌ పేరిట ఇన్నాళ్లూ ఉన్న     రికార్డును 102వ విజయంతో సెరెనా బద్దలు కొట్టింది. 1998లో తొలిసారి యూఎస్‌ ఓపెన్‌లో ఆడిన సెరెనా ఈ మెగా టోర్నీలో ఆరుసార్లు చాంపియన్‌గా నిలిచింది.  ఈసారీ సెరెనా గెలిస్తే అత్యధికసార్లు యూఎస్‌ ఓపెన్‌ విజేతగా నిలిచిన క్రీడాకారిణిగా క్రిస్‌ ఎవర్ట్‌ (6 సార్లు) పేరిటే ఉన్న రికార్డును సవరించి చరిత్ర పుటల్లోకి ఎక్కుతుంది. న్యూయార్క్‌: కరోనా వైరస్‌ భయంతో యూఎస్‌ ఓపెన్‌ టోర్నీకి టాప్‌–10లోని ఆరుగురు క్రీడాకారిణులు గైర్హాజరీ అయిన స్థితిలో... అందివచ్చిన అవకాశాన్ని సద్వినియోగం చేసుకొని... చరిత్రలో స్థానం సంపాదించేందుకు అమెరికా మహిళా టెన్నిస్‌ స్టార్‌ సెరెనా విలియమ్స్‌ తొలి అడుగు వేసింది. గత రెండేళ్లలో ఫైనల్‌కు చేరుకొని రన్నరప్‌ ట్రోఫీతోనే సరిపెట్టుకున్న సెరెనా ఈసారి మాత్రం ట్రోఫీని ముద్దాడాలనే పట్టుదలతో ఉంది. ఈ నేపథ్యంలో బుధవారం జరిగిన మహిళల సింగిల్స్‌ తొలి రౌండ్‌లో మూడో సీడ్‌ సెరెనా 7–5, 6–3తో తన దేశానికే చెందిన క్రిస్టీ ఆన్‌పై విజయం సాధించింది. 81 నిమిషాలపాటు జరిగిన ఈ మ్యాచ్‌లోసెరెనా 13 ఏస్‌లు సంధించింది. కెరీర్‌లో 20వసారి యూఎస్‌ ఓపెన్‌లో ఆడుతున్న సెరెనా తాజా గెలుపుతో ఈ మెగా టోర్నీ చరిత్రలో అత్యధిక విజయాలు సాధించిన ప్లేయర్‌గా (పురుషుల, మహిళల సింగిల్స్‌ విభాగాలు కలిపి) తనకంటూ ప్రత్యేక స్థానాన్ని లిఖించుకుంది. 101 విజయాలతో క్రిస్‌ ఎవర్ట్‌ (అమెరికా) పేరిట ఉన్న ఈ రికార్డును సెరెనా అధిగమించింది. ఒకవేళ సెరెనా ఈసారి చాంపియన్‌గా నిలిస్తే అత్యధికంగా ఏడుసార్లు యూఎస్‌ ఓపెన్‌ టైటిల్‌ నెగ్గిన క్రీడాకారిణిగా రికార్డు నెలకొల్పుతుంది. 1998లో ఈ టోర్నీలో అరంగేట్రం చేసిన సెరెనా ఆరుసార్లు విజేతగా (1999, 2002, 2008, 2012, 2013, 2014)... నాలుగుసార్లు రన్నరప్‌గా (2001, 2011, 2018, 2019) నిలిచింది. 2003, 2017లలో సెరెనా ఈ టోర్నీలో ఆడలేదు. యూఎస్‌ ఓపెన్‌కు సన్నాహాల్లో భాగంగా రెండు టోర్నీలు ఆడిన సెరెనా రెండింటిలోనూ క్వార్టర్‌ ఫైనల్‌ దాటలేదు. ఆడిన ఐదు మ్యాచ్‌ల్లోనూ ఆమె మూడు సెట్‌లపాటు పోరాడాల్సి వచ్చింది. ‘యూఎస్‌ ఓపెన్‌లో ఆడేందుకు వచ్చిన ప్రతిసారీ ఏదో ఒక రికార్డు బద్దలు కొట్టానని నాతో చెబుతుంటారు. అయితే నేనెప్పుడూ రికార్డుల కోసం ఆడలేదు. వాటి గురించి ఆలోచించడంలేదు. టైటిల్‌ గెలవడమే నా ముందున్న లక్ష్యం’ అని సెరెనా వ్యాఖ్యానించింది. మాజీ చాంపియన్‌ క్లియ్‌స్టర్స్‌కు నిరాశ... ఎనిమిదేళ్ల తర్వాత గ్రాండ్‌స్లామ్‌ టోర్నీలో పునరాగమనం చేసిన మూడుసార్లు యూఎస్‌ ఓపెన్‌ చాంపియన్‌ కిమ్‌ క్లియ్‌స్టర్స్‌ (బెల్జియం)కు నిరాశ ఎదురైంది. తొలి రౌండ్‌లో 37 ఏళ్ల క్లియ్‌స్టర్స్‌ 6–3, 5–7, 1–6తో ఎకతెరీనా అలెగ్జాండ్రోవా (రష్యా) చేతిలో ఓడిపోయింది. ఇతర తొలి రౌండ్‌ మ్యాచ్‌ల్లో రెండో సీడ్‌ సోఫియా కెనిన్‌ (అమెరికా) 6–2, 6–2తో విక్‌మాయెర్‌ (బెల్జియం)పై, తొమ్మిదో సీడ్‌ యోహానా కొంటా (బ్రిటన్‌) 7–6 (9/7), 6–1తో హీథెర్‌ వాట్సన్‌ (బ్రిటన్‌)పై, ఐదో సీడ్‌ సబలెంకా (బెలారస్‌) 7–6 (7/1), 6–4తో ఒషీన్‌ డోడిన్‌ (ఫ్రాన్స్‌)పై, ఏడో సీడ్‌ మాడిసన్‌ కీస్‌ (అమెరికా) 6–1, 6–1తో తిమియా బాబోస్‌ (హంగేరి)పై, ప్రపంచ మాజీ నంబర్‌వన్‌ అజరెంకా (బెలారస్‌) 6–1, 6–2తో బార్బరా హాస్‌ (ఆస్ట్రియా)పై గెలిచి రెండో రౌండ్‌లోకి ప్రవేశించారు. మూడో రౌండ్‌లో కెర్బర్, క్విటోవా.... మహిళల సింగిల్స్‌లో మాజీ విజేత కెర్బర్‌ (జర్మనీ), ఆరో సీడ్‌ క్విటోవా (చెక్‌ రిపబ్లిక్‌), ఎనిమిదో సీడ్‌ పెట్రా మార్టిక్‌ (క్రొయేషియా), 14వ సీడ్‌ అనెట్‌ కొంటావె (ఎస్తోనియా) మూడో రౌండ్‌లోకి చేరారు. రెండో రౌండ్‌లో కెర్బర్‌ 6–3, 7–6 (8/6)తో ఫ్రీడ్‌సామ్‌ (జర్మనీ)పై, మార్టిక్‌ 6–3, 6–4తో కాటరీనా బొండారెంకో (ఉక్రెయిన్‌)పై, కొంటావె 6–4, 6–1తో కయా యువన్‌ (స్లొవేనియా)పై, క్విటోవా 7–6 (7/3), 6–2తో కొజ్లోవా (ఉక్రెయిన్‌)పై గెలిచారు. అయితే 12వ సీడ్‌ వొండ్రుసోవా (చెక్‌ రిపబ్లిక్‌) 1–6, 2–6తో సస్నోవిచ్‌ (బెలారస్‌) చేతిలో... 30వ సీడ్‌ మ్లాడెనోవిచ్‌ (ఫ్రాన్స్‌) 6–1, 6–7 (2/7), 0–6తో గ్రషెవా (రష్యా) చేతిలో ఓడిపోయారు. వీనస్‌ రికార్డు... అత్యధికసార్లు యూఎస్‌ ఓపెన్‌లో ఆడిన క్రీడాకారిణిగా వీనస్‌ విలియమ్స్‌ (అమెరికా) రికార్డు సృష్టించింది. సెరెనా అక్క అయిన 40 ఏళ్ల వీనస్‌ యూఎస్‌ ఓపెన్‌లో 22వసారి బరిలోకి దిగింది. అయితే ఆమెకు తొలి రౌండ్‌లోనే ఓటమి ఎదురైంది. కరోలినా ముచోవా (చెక్‌ రిపబ్లిక్‌) 6–3, 7–5తో వీనస్‌ను ఓడించింది.  ఇప్పటిదాకా మార్టినా నవ్రతిలోవా (21 సార్లు) పేరిట ఉన్న రికార్డును వీనస్‌ సవరించింది. ముర్రే అద్భుతం... పురుషుల సింగిల్స్‌ విభాగంలో మాజీ చాంపియన్‌ ఆండీ ముర్రే (బ్రిటన్‌) అద్భుత విజయం సాధించాడు. దాదాపు 20 నెలల తర్వాత తొలి గ్రాండ్‌స్లామ్‌ మ్యాచ్‌ ఆడిన ముర్రే 4–6, 4–6, 7–6 (7/5), 7–6 (7/4), 6–4తో యోషిహిటో నిషియోక (జపాన్‌)పై గెలుపొందాడు. 4 గంటల 39 నిమిషాలపాటు జరిగిన ఈ మ్యాచ్‌లో ముర్రే తొలి రెండు సెట్‌లు కోల్పోయి ఆ తర్వాత వరుసగా మూడు సెట్‌లు గెలిచి ఊపిరి పీల్చుకున్నాడు. వరుసగా రెండు సెట్‌లు చేజార్చుకున్నాక విజయాన్ని అందుకోవడం ముర్రే కెరీర్‌లో ఇది పదోసారి కావడం విశేషం. మూడో సీడ్‌ మెద్వెదేవ్‌ (రష్యా), రెండో సీడ్‌ డొమినిక్‌ థీమ్‌ (ఆస్ట్రియా), ఎనిమిదో సీడ్‌ బాటిస్టా అగుట్‌ (స్పెయిన్‌), పదో సీడ్‌ రుబ్లెవ్‌ (రష్యా) కూడా రెండో రౌండ్‌లోకి అడుగు పెట్టారు.   దివిజ్‌ శరణ్‌ జంట ఓటమి పురుషుల డబుల్స్‌లో దివిజ్‌ శరణ్‌ (భారత్‌)–నికోలా కాచిచ్‌ (సెర్బియా) జంట తొలి రౌండ్‌లోనే నిష్క్రమించింది. శరణ్‌–కాచిచ్‌ ద్వయం 4–6, 6–4, 3–6తో కూలాఫ్‌–మెక్‌టిక్‌ (క్రొయేషియా) జంట చేతిలో ఓడిపోయింది.

న్యూయార్క్‌: గత మూడేళ్లుగా ఆల్‌టైమ్‌ అత్యధిక గ్రాండ్‌స్లామ్‌ సింగిల్స్‌ టైటిల్స్‌ గెలిచిన ప్లేయర్‌గా మార్గరెట్‌ కోర్ట్‌ (24 టైటిల్స్‌–ఆస్ట్రేలియా) పేరిట ఉన్న రికార్డును సమం చేసేందుకు ప్రయత్నిస్తున్న అమెరికా దిగ్గజం సెరెనా విలియమ్స్‌కు యూఎస్‌ ఓపెన్‌ రూపంలో సెరెనాకు ఈ రికార్డును సమం చేసేందుకు సువర్ణావకాశం దక్కింది. కరోనా వైరస్‌ భయం కారణంగా తమ ఆరోగ్యాన్ని పణంగా పెట్టలేమంటూ మహిళల సింగిల్స్‌లో టాప్‌–10 ర్యాంకింగ్స్‌లోని ఆరుగురు క్రీడాకారిణులు యూఎస్‌ ఓపెన్‌ నుంచి వైదొలిగారు. పలువురు అగ్రశ్రేణి క్రీడాకారిణులు లేకపోవడంతో ప్రొఫెషనల్‌ టెన్నిస్‌లో 25 ఏళ్ల అనుభవం ఉన్న సెరెనా తన అనుభవాన్నంతా రంగరిస్తే 24వ గ్రాండ్‌ స్లామ్‌ను అందుకోవడం కష్టమేమీ కాదు. ‘డ్రా’ ప్రకారం సెరెనాకు క్వార్టర్‌ ఫైనల్‌ వరకు కఠిన ప్రత్యర్థి దారిలో లేరు.   ఫేవరెట్‌ జొకోవిచ్‌... పురుషుల సింగిల్స్‌లో ప్రపంచ నంబర్‌వన్, టాప్‌ సీడ్, మూడుసార్లు చాంపియన్‌ నొవాక్‌ జొకోవిచ్‌ (సెర్బియా) ఫేవరెట్‌గా కనిపిస్తున్నాడు. కరోనా నేపథ్యంలో రిస్క్‌ తీసుకోలేనంటూ డిఫెండింగ్‌ చాంపియన్, రెండో ర్యాంకర్‌ రాఫెల్‌ నాదల్‌ (స్పెయిన్‌)... గాయం కారణంగా మాజీ చాంపియన్, స్విట్జర్లాండ్‌ దిగ్గజం రోజర్‌ ఫెడరర్‌ యూఎస్‌ ఓపెన్‌లో ఆడటం లేదు. ఈ నేపథ్యంలో జొకోవిచ్‌ కెరీర్‌లో 18వ గ్రాండ్‌స్లామ్‌ టైటిల్‌పై గురి పెట్టాడు. జొకోవిచ్‌ టైటిల్‌ దారిలో రెండో సీడ్‌ డొమినిక్‌ థీమ్‌ (ఆస్ట్రియా), మూడో సీడ్‌ డానిల్‌  మెద్వెదేవ్‌ (రష్యా), నాలుగో సీడ్‌ సిట్సిపాస్‌ (గ్రీస్‌), ఐదో సీడ్‌ అలెగ్జాండర్‌ జ్వెరెవ్‌ (జర్మనీ) అడ్డుతగిలే అవకాశం ఉంది. భారత్‌ నుంచి యూఎస్‌ ఓపెన్‌లో సింగిల్స్‌లో సుమీత్‌ నాగల్‌... పురుషుల డబుల్స్‌లో రోహన్‌ బోపన్న, దివిజ్‌ శరణ్‌ బరిలో ఉన్నారు. ఈసారి మ్యాచ్‌లను తిలకించేందుకు ప్రేక్షకులకు అనుమతించడం లేదు. సోమవారం టోర్నీ ప్రారంభమవుతుండగా ఆదివారం ఎంట్రీలు ఖరారు చేసిన జాబితాలో ఉన్న ఓ ప్లేయర్‌కు కరోనా పాజిటివ్‌ వచ్చిందని నిర్వాహకులు ప్రకటించారు. ఆ ఆటగాడు ఫ్రాన్స్‌కు చెందిన 17వ సీడ్‌ బెనోయిట్‌ పైర్‌ అని నిర్ధారణ అయింది. 

లెక్సింగ్టన్‌ (అమెరికా): కరోనా మహమ్మారి పరిస్థితుల నేపథ్యంలో... ఆరు నెలల విరామం తర్వాత తాను ఆడుతున్న తొలి టోర్నమెంట్‌లో అమెరికా టెన్నిస్‌ దిగ్గజం సెరెనా విలియమ్స్‌కు ఊహించని పరాజయం ఎదురైంది. టాప్‌ సీడ్‌ ఓపెన్‌ డబ్ల్యూటీఏ టోర్నమెంట్‌లో భాగంగా శనివారం జరిగిన క్వార్టర్‌ ఫైనల్లో ప్రపంచ తొమ్మిదో ర్యాంకర్‌ సెరెనా 6–1, 4–6, 6–7 (5/7)తో అమెరికాకే చెందిన ప్రపంచ 116వ ర్యాంకర్‌ షెల్బీ రోజర్స్‌ చేతిలో ఓడిపోయింది. తన 25 ఏళ్ల అంతర్జాతీయ ప్రొఫెషనల్‌ కెరీర్‌లో సెరెనా ఇప్పటివరకు కేవలం నాలుగుసార్లు మాత్రమే ర్యాంకింగ్స్‌లో టాప్‌–100 బయట ఉన్న వారి చేతిలో పరాజయం పాలైంది. టాప్‌–100లో లేని క్రీడాకారిణి చేతిలో సెరెనా ఓడిపోవడం చివరిసారి 2012లో జరిగింది.

లెక్సింగ్టన్‌ (అమెరికా): కరోనా విరామం తర్వాత బరిలోకి దిగిన తొలి టోర్నమెంట్‌లో టైటిల్‌ దిశగా అమెరికా టెన్నిస్‌ స్టార్‌ సెరెనా విలియమ్స్‌ మరో అడుగు వేసింది. కెంటకీలో జరుగుతున్న టాప్‌ సీడ్‌ ఓపెన్‌ డబ్ల్యూటీఏ టోర్నమెంట్‌లో సెరెనా క్వార్టర్‌ ఫైనల్లోకి దూసుకెళ్లింది. భారత కాలమానం ప్రకారం గురువారం అర్ధరాత్రి దాటాక జరిగిన మహిళల సింగిల్స్‌ ప్రిక్వార్టర్‌ ఫైనల్లో టాప్‌ సీడ్‌ సెరెనా 3–6, 6–3, 6–4తో తన అక్క వీనస్‌ విలియమ్స్‌ (అమెరికా)పై గెలిచింది. తమ 22 ఏళ్ల అంతర్జాతీయ కెరీర్‌లో ఈ ఇద్దరు అక్కాచెల్లెళ్లు ముఖాముఖిగా తలపడటం ఇది 31వసారి కాగా వీనస్‌పై సెరెనా గెలవడం ఇది 19వ సారి కావడం విశేషం. 2 గంటల 19 నిమిషాలపాటు జరిగిన ఈ మ్యాచ్‌లో సెరెనా 14 ఏస్‌లు సంధించింది. తన సర్వీస్‌ను నాలుగుసార్లు కోల్పోయి వీనస్‌ సర్వీస్‌ను ఐదుసార్లు బ్రేక్‌ చేసింది. నిర్ణాయక మూడో సెట్‌లో ఒకదశలో సెరెనా 2–4తో వెనుకబడినా... ఒక్కసారిగా విజృంభించి వరుసగా నాలుగు గేమ్‌లు గెలిచి సెట్‌తోపాటు మ్యాచ్‌ను సొంతం చేసుకుంది. మరోవైపు 40 ఏళ్ల వీనస్‌ ఈ మ్యాచ్‌లో 11 డబుల్‌ ఫాల్ట్‌లు చేసి మూల్యం చెల్లించుకుంది.  క్వార్టర్‌ ఫైనల్లో అమెరికాకే చెందిన షెల్బీ రోజర్స్‌తో సెరెనా ఆడుతుంది. ‘నా కెరీర్‌లో తొలి టైటిల్‌ సాధించేందుకు ఇక్కడకు రాలేదు. విరామం తర్వాత నా ఆటతీరు ఎలా ఉందో తెలుసుకోవడానికి, నా ఆత్మవిశ్వాసం పెంచుకోవడానికి వచ్చాను’ అని 38 ఏళ్ల సెరెనా వ్యాఖ్యానించింది.

కరోనా మహమ్మారితో ఏర్పడిన ప్రతికూల పరిస్థితుల్లో పలువురు అగ్రశ్రేణి టెన్నిస్‌ క్రీడాకారులు అనవసరమైన రిస్క్‌ తీసుకోకూడదనే ఉద్దేశంతో యూఎస్‌ ఓపెన్‌ గ్రాండ్‌స్లామ్‌ టోర్నీకి డుమ్మా కొడుతున్నారు. ఇతరుల సంగతి అటుంచితే... సొంత దేశంలో జరిగే ఈ ప్రతిష్టాత్మక టోర్నీలో తాను పాల్గొంటానని... వెనకడుగు వేసేది లేదని అమెరికా టెన్నిస్‌ సూపర్‌స్టార్‌ సెరెనా విలియమ్స్‌ స్పష్టం చేసింది. ఇప్పటికే ఇంట్లో నిర్మించుకున్న సొంత టెన్నిస్‌ కోర్టులో ప్రాక్టీస్‌ ప్రారంభించినట్లు... ఇంట్లోనే ఏర్పాటు చేసుకున్న జిమ్‌లో కసరత్తులు కొనసాగిస్తున్నట్లు సెరెనా తెలిపింది. న్యూయార్క్‌: టెన్నిస్‌ చరిత్రలో అత్యధిక గ్రాండ్‌స్లామ్‌ సింగిల్స్‌ టైటిల్స్‌ గెలిచిన క్రీడాకారిణిగా మార్గరెట్‌ కోర్ట్‌ (24 టైటిల్స్‌–ఆస్ట్రేలియా) పేరిట ఉన్న రికార్డును సమం చేయడానికి అమెరికా స్టార్‌ ప్లేయర్‌ సెరెనా విలియమ్స్‌ మరో టైటిల్‌ దూరంలో ఉంది. 23 గ్రాండ్‌స్లామ్‌ సింగిల్స్‌ టైటిళ్ల చాంపియన్‌ సెరెనాకు నాలుగుసార్లు (2018 వింబుల్డన్, యూఎస్‌ ఓపెన్‌; 2019 వింబుల్డన్, యూఎస్‌ ఓపెన్‌) ఈ రికార్డును సమం చేయడానికి అవకాశం వచ్చింది. కానీ ఆమె తుది పోరులో తడబడి ఓటమిపాలై ఆల్‌టైమ్‌ రికార్డుకు ఇంకా దూరంలోనే ఉంది. ఈ ఏడాది ఆ రికార్డును అందుకోవడానికి సెరెనా ముందు మరో రెండు అవకాశాలు ఉన్నాయి. ఈనెల 31న మొదలయ్యే యూఎస్‌ ఓపెన్‌... ఆ తర్వాత సెప్టెంబర్‌ 27న మొదలయ్యే ఫ్రెంచ్‌ ఓపెన్‌ టోర్నీలలో సెరెనా ఆడనుంది. అయితే ఈ రెండు టోర్నీలకంటే ముందు నేటి నుంచి లెక్సింగ్టన్‌లో ప్రారంభమయ్యే కెంటకీ ఓపెన్‌తో సెరెనా పునరాగమనం చేయనుంది. ఈ నేపథ్యంలో సెరెనా ఏమి చెప్పిందో... ఆమె మాటల్లోనే....  ఇన్నాళ్లూ... ఇంట్లోనే!  కరోనా మహమ్మారి బారిన పడకుండా గత ఆరు నెలలుగా నేను ఫ్లోరిడాలోని ఇంట్లోనే గడిపాను. ఒకవేళ బయటకు వెళ్లాల్సిన అవసరం వస్తే తప్పనిసరిగా మాస్క్‌లు ధరించే వెళ్లాను. నా వద్ద దాదాపు 50 మాస్క్‌లు ఉన్నాయి. మార్చి నుంచే భౌతిక దూరం పాటిస్తున్నాను. నేను గతంలో ఊపిరితిత్తుల సమస్యలతో బాధ పడ్డాను. ఈ విషయాన్ని దృష్టిలో పెట్టుకొనే చాలా జాగ్రత్తలు పాటిస్తూ సమయాన్ని గడుపుతున్నాను.   భవిష్యత్‌ ప్రణాళికలు లేకుండానే...  కరోనా కాలంలో నేను ఎలాంటి ముందస్తు ప్రణాళికలు వేసుకోవడం లేదు. ఎందుకంటే పలు టోర్నీలు రద్ద్దవుతున్నాయి. ఏ రోజుకారోజు ఏం జరుగుతుందోనని ఆలోచిస్తూ గడుపుతున్నాను. వచ్చే నెలలో 39 ఏళ్లు నిండబోతున్నాయి. వచ్చే సంవత్సరం జరిగే టోక్యో ఒలింపిక్స్‌లో ఆడేది లేనిది ఇప్పుడే చెప్పలేను. అసలు టోక్యోలో వచ్చే ఏడాదైనా ఒలింపిక్స్‌ జరుగుతాయో లేదో నాకైతే సందేహంగా ఉంది.   మా ఆయన ‘కోర్టు’ కట్టించాడు...  కరోనా సమయంలో బయటకు వెళ్లి ప్రాక్టీస్‌ చేసే అవకాశం లేకపోవడంతో ఇంట్లోనే సొంత కోర్టు, వ్యక్తిగత జిమ్‌ ఏర్పాటు చేసుకున్నాను. ఇంట్లోనే టెన్నిస్‌ ప్రాక్టీస్‌ చేసుకునేందుకు వీలుగా నా భర్త నా కోసం ప్రత్యేకంగా టెన్నిస్‌ ‘కోర్టు’ కట్టించి ఇచ్చాడు. శారీరకంగా ప్రస్తుతం పూర్తి ఫిట్‌గా ఉన్నా. అయితే మ్యాచ్‌ ఫిట్‌నెస్‌... శారీరక ఫిట్‌నెస్‌ వేరు. కరోనా సమయంలో ఒకటి తెలిసొచ్చింది. భవిష్యత్‌ గురించి ఎలాంటి  ప్రణాళికలు చేసుకోరాదు. ఏ రోజుకారోజును సంతోషంగా గడిపేయాలి.

లెక్సింగ్టన్‌: అమెరికా స్టార్‌ టెన్నిస్‌ క్రీడాకారిణి సెరెనా విలియమ్స్‌ కెంటకీ ఓపెన్‌తో పునరాగమనం చేసేందుకు ప్రణాళికలు సిద్ధం చేసుకుంటోంది. ఆగస్టు 10 నుంచి జరుగనున్న ఈ టోర్నీలో 23 గ్రాండ్‌స్లామ్‌ టైటిళ్ల (సింగిల్స్‌) విజేత సెరెనాతో పాటు 2017 యూఎస్‌ ఓపెన్‌ చాంపియన్‌ స్లోన్‌ స్టీఫెన్స్‌ కూడా పాల్గొననున్నట్లు నిర్వాహకులు ప్రకటించారు.  

న్యూయార్క్‌: యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో సత్తా చాటేందుకు అమెరికా దిగ్గజ క్రీడాకారిణి సెరెనా విలియర్స్‌ సన్నద్ధమవుతోంది. కరోనా నేపథ్యంలో ఆమె సహచర ప్లేయర్లంతా టోర్నీలో పాల్గొనడంపై మల్లాగుల్లాలు పడుతుంటే... సెరెనా మాత్రం నిర్దిష్టమైన ప్రణాళికతో ముందుకెళుతోంది. సన్నాహాల్లో భాగంగా ప్రాక్టీస్‌ నిమిత్తం ఆమె తన ఇంట్లోనే నూతన టెన్నిస్‌ కోర్టును ఏర్పాటు చేసుకుంది. ఇప్పటివరకు యూఎస్‌ ఓపెన్‌ డెకో టర్ఫ్‌ కోర్టుపై జరుగగా... ఈసారి తొలిసారిగా లేకోల్డ్‌ కోర్టుపై జరుగనుంది. ఈ నేపథ్యంలో కొత్త కోర్టు స్థితిగతులపై అనుభవం పొందేందుకు స్వయంగా లేకోల్డ్‌ టెన్నిస్‌ కోర్టును ఏర్పాటు చేసుకున్న సెరెనా రెండు నెలలుగా అదే ఉపరితలంపై ప్రాక్టీస్‌ చేస్తోంది. 2018, 2019 యూఎస్‌ ఓపెన్‌ టోర్నీల్లో రన్నరప్‌గా నిలిచిన విలియమ్స్‌ ఈ సీజన్‌లో విజేతగా నిలిచి 24 గ్రాండ్‌స్లామ్‌ టైటిళ్ల రికార్డును సమం చేసేందుకు పట్టుదలతో ఉంది. ఆగస్టు 31న యూఎస్‌ ఓపెన్‌ మొదలవుతుంది.

కరోనా వైరస్‌ లాక్‌డౌన్‌లో సెలబ్రిటీలు ఇంటికే పరిమిమైనప్పటి​కీ తమ రోజువారి విషయాలను సోషల్‌ మీడియా ద్వారా అభిమానులతో పంచుకుంటూ అలరిస్తున్నారు. తాజాగా అమెరికా టెన్నిస్‌ స్టార్‌ సెరెనా విలియమ్స్‌ ఒక వీడియోను తన ఇన్‌స్టాగ్రామ్‌లో పోస్ట్‌ చేశారు. ఈ వీడియోలో సెరెనా తన గారాల పట్టి అలెక్సిస్ ఒలింపియా ఓహానియన్‌తో కలిసి బోంజోర్‌ చిత్రంలోని ఒక పాటను పాడుతూ డాన్స్‌ చేశారు. తల్లీకూతుళ్లు ఒకే రకం డ్రెస్‌ ధరించి ఇళ్లంతా తిరుగుతూ సందడి చేశారు. సెరెనా డాన్స్‌ చేస్తుంటే.. అలెక్సిస్‌ తల్లిని అనుసరించింది. (పాక్‌ క్రికెట్‌లో కరోనా కలకలం) ఈ వీడియోకు సెరెనా ‘కీపింగ్‌ బిజీ’ అని కామెంట్‌ను జత చేశారు. ఈ డాన్స్‌ వీడియో సోషల్‌ మీడియాలో వైరల్‌గా మారింది. కాగా సెరెనా 2017లో అలెక్సిస్‌కి జన్మనిచ్చింది. ఇక టెన్నిస్‌ విషయానికి వస్తే.. 23 గ్రాండ్‌స్లామ్‌ టోర్నీల చాంపియన్‌ అయిన ఈ అమెరికా దిగ్గజం బరిలో దిగేందుకు, ఎప్పట్లాగే టెన్నిస్‌ను ఆస్వాదించేందుకు సిద్ధంగా ఉన్నానంటూ ఇటీవల తన సోదరి వీనస్‌తో జరిపిన ఇన్‌స్టాగ్రామ్‌ చాటింగ్‌లో తెలిపారు. ప్రస్తుతం సెరెనా హోం క్వారంటైన్‌కి పరిమితమై తన గారాలపట్టితో సరదాగా గడుపుతున్నారు. (మాజీ క్రికెటర్ వసంత్ రాయ్‌జీ ఇక లేరు)

అమెరికా టెన్నిస్‌ స్టార్‌ సెరెనా విలియమ్స్‌ ఎప్పుడు లాక్‌డౌన్‌ ముగిస్తే అప్పుడు కోర్టులో దిగేందుకు రెడీగా ఉన్నట్లు తెలిపింది. ‘రియల్‌ టెన్నిస్‌’కు తాను సిద్ధమని సోదరి వీనస్‌తో జరిపిన ఇన్‌స్టాగ్రామ్‌ చాటింగ్‌లో వెల్లడించింది. 23 గ్రాండ్‌స్లామ్‌ టోర్నీల చాంపియన్‌ అయిన ఈ అమెరికా దిగ్గజం బరిలో దిగేందుకు, ఎప్పట్లాగే టెన్నిస్‌ను అస్వాదించేందుకు సిద్ధంగా ఉన్నానంటూ వీనస్‌కు తెలిపింది. కరోనా మహమ్మారివల్ల వచ్చిన ఈ విరామంతో తగినంత విశ్రాంతి లభించిందని ఇక ఆట ఆడటమే మిగిలుందని పేర్కొంది. ‘ఇప్పుడైతే నేను చాలా బాగున్నాను. పూర్తి  ఫిట్‌నెస్‌తో... మరెంతో ఉత్సాహంతో ఉన్నాను. పోటీలు ఎప్పుడు మొదలవుతాయా... ఎప్పుడు కోర్టుల్లో దిగాలా అని ఆత్రుతగా ఎదురుచూస్తున్నా’ అని తెలిపింది.  

మెల్‌బోర్న్‌: టెన్నిస్‌ సీజన్‌ తొలి గ్రాండ్‌స్లామ్‌ టోర్నమెంట్‌ ఆ్రస్టేలియన్‌ ఓపెన్‌లో శుక్రవారం సంచలనాల మోత మోగింది. మహిళల సింగిల్స్‌లో డిఫెండింగ్‌ చాంపియన్‌ నయోమి ఒసాకా (జపాన్‌), మాజీ విజేతలు సెరెనా విలియమ్స్‌ (అమెరికా), కరోలిన్‌ వొజ్నియాకి (డెన్మార్క్‌), పదో సీడ్‌ మాడిసన్‌ కీస్‌ (అమెరికా) మూడో రౌండ్‌లోనే ఇంటిదారి పట్టారు.  మార్గరెట్‌ కోర్ట్‌ (ఆ్రస్టేలియా) పేరిట ఉన్న 24 గ్రాండ్‌స్లామ్‌ సింగిల్స్‌ టైటిల్స్‌ రికార్డును సమం చేయాలనే లక్ష్యంతో బరిలోకి దిగిన ఎనిమిదో సీడ్‌ సెరెనా విలియమ్స్‌ ఆశలను చైనాకు చెందిన 28 ఏళ్ల కియాంగ్‌ వాంగ్‌ వమ్ము చేసింది. 2 గంటల 41 నిమిషాలపాటు జరిగిన మహిళల సింగిల్స్‌ మూడో రౌండ్‌ మ్యాచ్‌లో 19వ సీడ్‌ కియాంగ్‌ వాంగ్‌ 6–4, 6–7 (2/7), 7–5తో ఆరుసార్లు ఆ్రస్టేలియన్‌ ఓపెన్‌ చాంపియన్‌ సెరెనాను బోల్తా కొట్టించింది. గతేడాది యూఎస్‌ ఓపెన్‌లో సెరెనాతో క్వార్టర్‌ ఫైనల్లో కేవలం ఒక్క గేమ్‌ మాత్రమే నెగ్గి ఘోరంగా ఓడిన కియాంగ్‌ వాంగ్‌ తాజా గెలుపుతో అమెరికా స్టార్‌పై ప్రతీకారం తీర్చుకుంది. అమెరికాకు చెందిన 15 ఏళ్ల టీనేజ్‌ సంచలనం కోరి గౌఫ్‌ మరో అద్భుతం చేసింది. మూడో సీడ్, డిఫెండింగ్‌ చాంపియన్‌ నయోమి ఒసాకాతో 67 నిమిషాలపాటు జరిగిన మ్యాచ్‌లో గౌఫ్‌ 6–3, 6–4తో నెగ్గి ప్రిక్వార్టర్‌ ఫైనల్‌ చేరింది. మరో మూడో రౌండ్‌ మ్యాచ్‌లో ఆన్స్‌ జెబూర్‌ (ట్యూని      íÙయా) 7–5, 3–6, 7–5తో 2018 చాంపియన్, మాజీ ప్రపంచ నంబర్‌వన్‌ వొజ్నియాకిని ఓడించింది. మరో మ్యాచ్‌లో మరియా సకారి (గ్రీస్‌) 6–4, 6–4తో పదో సీడ్‌  కీస్‌పై నెగ్గింది. టాప్‌ సీడ్‌ యాష్లే బార్టీ (ఆ్రస్టేలియా) 6–3, 6–2తో రిబకినా (కజకిస్తాన్‌)పై, ఏడో సీడ్‌ క్విటోవా (చెక్‌ రిపబ్లిక్‌) 6–1, 6–2తో అలెగ్జాండ్రోవా (రష్యా)పై గెలిచారు. జొకోవిచ్‌ జోరు... పురుషుల సింగిల్స్‌లో మూడో సీడ్‌ ఫెడరర్‌ (స్విట్జర్లాండ్‌) అతి కష్టమ్మీద... డిఫెండింగ్‌ చాంపియన్‌ జొకోవిచ్‌ (సెర్బియా) సులువుగా మూడో రౌండ్‌ను దాటారు. 38 ఏళ్ల ఫెడరర్‌ 4 గంటల 3 నిమిషాల పోరులో 4–6, 7–6 (7/2), 6–4, 4–6, 7–6 (10/8)తో జాన్‌ మిల్‌మన్‌ (ఆ్రస్టేలియా)పై గెలుపొందగా... జొకోవిచ్‌ 6–3, 6–2, 6–2తో నిషియోకా (జపాన్‌)ను ఓడించాడు. మిల్‌మన్‌తో జరిగిన మ్యాచ్‌లో చివరి సెట్‌ సూపర్‌ టైబ్రేక్‌లో ఫెడరర్‌ ఒకదశలో 4–8తో వెనుకబడి ఓటమి అంచుల్లో నిలిచాడు. అయితే ఫెడరర్‌ కీలకదశలో అద్భుతంగా ఆడి వరుసగా ఆరు పాయింట్లు సాధించి విజయాన్ని దక్కించుకొని ఊపిరి పీల్చుకున్నాడు. ఆస్ట్రేలియన్‌ ఓపెన్‌ చరిత్రలో ఫెడరర్‌కిది 100వ విజయం కావడం విశేషం. ఇతర మూడో రౌండ్‌ మ్యాచ్‌ల్లో రావ్‌నిచ్‌ (కెనడా) 7–5, 6–4, 7–6 (7/2)తో ఆరో సీడ్‌ సిట్సిపాస్‌ (గ్రీస్‌)పై, సిలిచ్‌ (క్రొయేíÙయా) 6–7 (3/7), 6–4, 6–0, 5–7, 6–3తో తొమ్మిదో సీడ్‌ అగుట్‌ (స్పెయిన్‌)పై గెలిచారు. పురుషుల డబుల్స్‌ రెండో రౌండ్‌ మ్యాచ్‌లో దివిజ్‌ శరణ్‌ (భారత్‌)–సితాక్‌ (న్యూజిలాండ్‌) జంట 6–7 (2/7), 3–6తో మ్యాట్‌ పావిచ్‌ (క్రొయోషీయా)–బ్రూనో సోరెస్‌ (బ్రెజిల్‌) జోడీ చేతిలో ఓడిపోయింది.

కొన్ని నెలలుగా ‘కంగారూ’ను దహించి వేస్తున్న కార్చిచ్చు సెగ ఆస్ట్రేలియన్‌ ఓపెన్‌కూ తగిలింది. దీంతో సీజన్‌ తొలి గ్రాండ్‌స్లామ్‌ మ్యాచ్‌లు ముందు ఆలస్యంగా ఆరంభమయ్యాయి. ఇది చాలదన్నట్లు తర్వాత వర్షం కూడా ఓ చేయి వేయడంతో కోర్టులు వెలవెలబోయాయి. స్టార్‌ ప్లేయర్లు ఫెడరర్, సెరెనా సాఫీగా తొలిరౌండ్‌ అడ్డంకిని అధిగమించగా... పురుషుల సింగిల్స్‌లో డిఫెండింగ్‌ చాంపియన్‌ జొకోవిచ్, మహిళల సింగిల్స్‌లో టాప్‌ సీడ్‌ యాష్లే బార్టీ మాత్రం శ్రమించాల్సి వచ్చింది.  మెల్‌బోర్న్‌: ఆస్ట్రేలియన్‌ ఓపెన్‌ ఆట ఆగమయ్యేలా ఉంది. ఏస్‌లు, విన్నర్స్‌లతో హోరెత్తాల్సిన కోర్టుల్లో ఆటగాళ్లు దగ్గు, ఆస్తమాతో విలవిలలాడే పరిస్థితి రావొచ్చు. సీజన్‌ తొలి గ్రాండ్‌స్లామ్‌ టెన్నిస్‌ టోర్నమెంట్‌లో దిగ్గజ క్రీడాకారులంతా తొలి రౌండ్లో సాఫీగానే ముందంజ వేశారు. కానీ మ్యాచ్‌లే ముందుముందు సాఫీగా సాగవేమో! మహిళల సింగిల్స్‌లో 24వ గ్రాండ్‌స్లామ్‌ సింగిల్స్‌ టైటిల్‌ వేటలో ఉన్న అమెరికా నల్లకలువ సెరెనా విలియమ్స్‌ కేవలం 58 నిమిషాల్లోనే ప్రత్యర్థి ఆట కట్టించింది. సెరెనా 6–0, 6–3తో అనస్తాసియా పొటపొవా (రష్యా)ను ఓడించింది. గ్రాండ్‌స్లామ్‌ టోర్నీల్లో సెరెనాకిది 350వ విజయం కావడం విశేషం. సెరెనా మొత్తం తొమ్మిది ఏస్‌లు సంధించడంతోపాటు ప్రత్యర్థి సర్వీస్‌ను ఐదుసార్లు బ్రేక్‌ చేసింది. మరో మ్యాచ్‌లో డిఫెండింగ్‌ చాంపియన్‌ నయోమి ఒసాకా (జపాన్‌) 6–2, 6–4తో చెక్‌ రిపబ్లిక్‌కు చెందిన మేరి బౌజ్‌కొవాను ఓడించింది. టాప్‌ సీడ్‌ యాష్లే బార్టీ (ఆస్ట్రేలియా) 5–7, 6–1, 6–1తో సురెంకొ (ఉక్రెయిన్‌)పై, ఏడో సీడ్‌ క్విటోవా (చెక్‌ రిపబ్లిక్‌) 6–1, 6–0తో తన దేశానికే చెందిన సినియకోవాపై, వొజ్నియాకి (డెన్మార్క్‌) 6–1, 6–3తో క్రిస్టీ అన్‌ (అమెరికా)పై గెలుపొందారు. పురుషుల సింగిల్స్‌లో మూడో సీడ్‌ ఫెడరర్‌ (స్విట్జర్లాండ్‌) 6–3, 6–2, 6–2తో స్టీవ్‌ జాన్సన్‌ (అమెరికా)పై అలవోక విజయం సాధించాడు. రెండో సీడ్, జొకోవిచ్‌ (సెర్బియా) 7–6 (7/5), 6–2, 2–6, 6–1తో జాన్‌ లెనార్డ్‌ స్ట్రఫ్‌ (జర్మనీ)పై శ్రమించి నెగ్గాడు. కోరి గౌఫ్‌ మళ్లీ...  అమెరికా వెటరన్‌ టెన్నిస్‌ స్టార్‌ వీనస్‌ విలియమ్స్‌ 15 ఏళ్ల టీనేజర్‌ గండాన్ని ఇక్కడా గట్టెక్కలేకపోయింది. అమెరికా యువ క్రీడాకారిణి కోరి గౌఫ్‌ తొలి రౌండ్లో 7–6 (7/5), 6–3తో 39 ఏళ్ల వీనస్‌కు మళ్లీ షాకిచ్చింది. గతేడాది వింబుల్డన్‌ ఓపెన్‌ గ్రాండ్‌స్లామ్‌లోనూ గౌఫ్‌ తొలి రౌండ్లోనే వీనస్‌ను కంగుతినిపించింది. ఇప్పుడు ఇక్కడా... అదే ఫలితాన్ని పునరావృతం చేసింది. 1998లో వీనస్‌ తొలిసారి ఆస్ట్రేలియన్‌ ఓపెన్‌లో ఆడినపుడు కోరి గౌఫ్‌ ఇంకా పుట్టనే లేదు. ప్రజ్నేశ్‌ మ్యాచ్‌ నేటికి వాయిదా  భారత టాప్‌ ర్యాంక్‌ టెన్నిస్‌ ఆటగాడు ప్రజ్నేశ్‌ గుణేశ్వరన్‌ తొలి రౌండ్‌ మ్యాచ్‌ మంగళవారానికి వాయిదా పడింది. జపాన్‌ ప్రత్యర్థి తత్సుమా ఇటోతో సోమవారం జరగాల్సిన ఈ మ్యాచ్‌ వర్షం వల్ల నేటికి వాయిదా పడింది. జపాన్‌ ప్లేయర్‌పై గెలిస్తే ప్రపంచ 122వ ర్యాంకర్‌ ప్రజ్నేశ్‌కు రెండో రౌండ్లో ప్రపంచ రెండో ర్యాంకర్, జొకోవిచ్‌ ఎదురుపడనున్నాడు. క్వాలిఫయర్స్‌లో లక్కీ లూజర్‌గా భారత ఆటగాడు మెయిన్‌ డ్రాలోకి ప్రవేశించాడు. సవ్యంగా సాగేది అనుమానమే!  సీజన్‌ తొలి గ్రాండ్‌స్లామ్‌ సజావుగా సాగే పరిస్థితి కనిపించడం లేదు. కార్చిచ్చు దావానలంలా అంతకంతకూ వ్యాపిస్తోంది. పట్టణాలను, నగరాలను పొగ కమ్మేస్తోంది. మంగళవారం కూడా వర్షం ముప్పు ఉందని వాతావరణ శాఖ తెలిపింది. ఈ నేపథ్యంలో మ్యాచ్‌లకు వాయిదాలు తప్పవు. అధికారుల నిర్వాకం కూడా ఆటగాళ్లను చిర్రెత్తిస్తోంది. టోర్నీ అధికారుల తీరుపై  ఫెడరర్‌ మండిపడ్డాడు. సరైన సమాచారం ఎవరూ ఇవ్వడం లేదని విమర్శించాడు. దట్టమైన పొగ, ప్రతికూల వాతావరణం వల్ల ఫెడరర్‌ గత వారం ప్రాక్టీస్‌కు దూరమయ్యాడు. క్వాలిఫయింగ్‌లోనే ఈ పరిస్థితి తలెత్తినప్పటికీ అధికారులు సరిగ్గా స్పందించలేదు. స్లోవేనియాకు చెందిన దలీలా జకుపోవిచ్‌ దగ్గుతో ఆడలేక క్వాలిఫయింగ్‌ మ్యాచ్‌ నుంచి రిటైర్డ్‌ హర్ట్‌గా తప్పుకుంది. ముందు పొగ... తర్వాత వాన...  అసలే కార్చిచ్చు పొగతో మ్యాచ్‌లు ఆలస్యమయ్యాయంటే... కొన్ని మ్యాచ్‌లు జరిగాయోలేదో ఈసారి వర్షం ముంచెత్తింది. దీంతో కొన్ని కోర్టుల్లో మ్యాచ్‌లే జరగలేదు. షెడ్యూలు ప్రకా రం మొదటి రోజు జరగాల్సిన 64 మ్యాచ్‌ల్లో 18 మ్యాచ్‌లు వాయిదా పడ్డాయి. తొలిరోజు ఇలాంటి వాతావరణ పరిస్థితులతో దిగ్గజ క్రీడాకారులు ఫెడరర్, సెరెనా, డిఫెండింగ్‌ చాంపియన్‌ ఒసాకా తదితరులు ఇబ్బంది పడ్డారు. వర్షం వల్ల కాసేపు ఫెడరర్‌ కోర్టును వీడాల్సి వచ్చింది. కోర్టు తడిసి పోకుండా స్టేడియం పైకప్పును మూసి వేయించారు.

మెల్‌బోర్న్‌: టెన్నిస్‌లో ఆ్రస్టేలియా దిగ్గజం మార్గరెట్‌ కోర్ట్‌ పేరు మీదున్న ఆల్‌టైమ్‌ గ్రాండ్‌స్లామ్‌ సింగిల్స్‌ టైటిల్స్‌ రికార్డు (24)ను సమం చేయడానికి సెరెనా విలియమ్స్‌ ఒకవైపు... పురుషుల విభాగంలో ఫెడరర్‌ (20 టైటిల్స్‌) సరసన చేరడానికి ఒక్క గ్రాండ్‌స్లామ్‌ టైటిల్‌ దూరంలో ఉన్న ‘స్పెయిన్‌ బుల్‌’ రాఫెల్‌ నాదల్‌ మరోవైపు... నేటి నుంచి ఆరంభమయ్యే ఏడాది తొలి గ్రాండ్‌స్లామ్‌ ఆస్ట్రేలియన్‌ ఓపెన్‌ టైటిలే లక్ష్యంగా బరిలో దిగుతున్నారు. డిఫెండింగ్‌ చాంపియన్, ఏడుసార్లు విజేత జొకోవిచ్‌ (సెర్బియా), 38 ఏళ్ల వయసులోనూ తన బ్యాక్‌ హ్యాండ్‌ పవర్‌ ఏమాత్రం తగ్గలేదంటూ రోజర్‌ ఫెడరర్‌ మరో గ్రాండ్‌స్లామ్‌ టైటిల్‌పై కన్నేశారు. 2017 ఆస్ట్రేలియన్‌ ఓపెన్‌ తర్వాత మరో గ్రాండ్‌స్లామ్‌ టైటిల్‌ నెగ్గని సెరెనాను మార్గరెట్‌ కోర్ట్‌ ఆల్‌టైమ్‌ రికార్డు ఊరిస్తోంది. తల్లి అయ్యాక... సెరెనా నాలుగు గ్రాండ్‌స్లామ్‌ (2018–వింబుల్డన్, యూఎస్‌; 2019–వింబుల్డన్, యూఎస్‌ ఓపెన్‌) టోరీ్నలలో ఫైనల్స్‌ చేరినా... టైటిల్‌ను గెలవడంలో మాత్రం విఫలమైంది. అయితే ఆక్లాండ్‌ ఓపెన్‌లో విజేతగా నిలిచి సెరెనా ఆత్మవిశ్వాసంతో ఆ్రస్టేలియన్‌ ఓపెన్‌లో బరిలో దిగుతోంది. నేటి తొలి రౌండ్‌ మ్యాచ్‌లో పొటపోవా (రష్యా)తో సెరెనా ఆడుతుంది.

మెల్‌బోర్న్‌: తల్లి అయ్యాక తొలి టైటిల్‌ను అందుకున్న అమెరికా టెన్నిస్‌ స్టార్‌ సెరెనా విలియమ్స్‌.. ఇప్పుడు ఆస్ట్రేలియా ఓపెన్‌ ఆడటానికి సన్నద్ధమయ్యారు. దీనికంటే ముందుగా ఆస్ట్రేలియాలో కార్చిచ్చు బాధితుల సహాయార్థం ఒక ఎగ్జిబిషన్‌ మ్యాచ్‌ ఆడనున్నారు. కాగా, జపాన్‌ స్టార్‌ క్రీడాకారిణి నయామి ఒసాకా మాత్రం సెరెనాను ట్రోల్‌ చేసింది. సెరెనాతో కలిసిన దిగిన ఫొటోను షేర్‌ చేశారు. ఈ క్రమంలోనే సెరెనా తన తల్లి అంటూ ఒసాకా పేర్కొన్నారు. ‘నేను-మా మమ్మీ’ అంటూ ఒసాకా ఫొటోకు క్యాప్షన్‌ ఇచ్చారు. ప్రస్తుతం ఒసాకాకు 22 ఏళ్లు కాగా, సెరెనాకు 39 ఏళ్లు. సెరెనాది తన తల్లి వయసు అనే విషయాన్ని ఒసాకా చెప్పకనే చెప్పేసింది. మరి ఆస్ట్రేలియా ఓపెనర్‌లో ఇరువురి క్రీడాకారిణుల మధ్య హోరాహోరీ పోరు జరిగే అవకాశం ఉంది. కచ్చితంగా ఈసారి ఆస్ట్రేలియా ఓపెన్‌ను సాధించాలనే లక్ష్యంతో బరిలోకి దిగుతున్న సెరెనా.. ఒసాకాకు ఎలా ఎదుర్కొంటుందో చూడాలి. ఒసాకా డిఫెండింగ్‌ చాంపియన్‌గా పోరుకు సన్నద్ధం అయ్యింది. ఇదిలా ఉంచితే, 2018 యూఎస్‌ ఓపెన్‌లో సెరెనా ఓడించి తొలి గ్రాండ్‌స్లామ్‌ను ఒసాకా సాధించారు. ఈ సీజన్‌ ఆరంభపు గ్రాండ్‌ స్లామ్‌ అయిన ఆస్ట్రేలియా ఓపెన్‌ జనవరి 20వ తేదీ నుంచి ఆరంభం కానుంది.  ఇటీవల ఆక్లాండ్‌ వేదికగా జరిగిన ఏఎస్‌బీ క్లాసిక్‌ ఓపెన్‌ టోర్నీలో సెరెనా సింగిల్స్‌ చాంపియన్‌గా నిలిచింది. ఫైనల్లో సెరెనా 6–3, 6–4తో జెస్సికా పెగులా (అమెరికా)పై విజయం సాధించింది. 2017 ఆస్ట్రేలియన్‌ ఓపెన్‌ గ్రాండ్‌స్లామ్‌ టైటిల్‌ గెలిచాక సెరెనా ఖాతాలో చేరిన తొలి టైటిల్‌ ఇదే కావడం విశేషం.

ఆక్లాండ్‌ (న్యూజిలాండ్‌): ఎట్టకేలకు అమెరికా టెన్నిస్‌ స్టార్‌ సెరెనా విలియమ్స్‌ టైటిల్‌ నిరీక్షణకు తెరదించింది. తల్లి అయ్యాక ఆమె తొలి టైటిల్‌ను సొంతం చేసుకుంది. ఆదివారం ముగిసిన ఏఎస్‌బీ క్లాసిక్‌ ఓపెన్‌ టోర్నీలో సెరెనా సింగిల్స్‌ చాంపియన్‌గా నిలిచింది. ఫైనల్లో సెరెనా 6–3, 6–4తో జెస్సికా పెగులా (అమెరికా)పై విజయం సాధించింది. 2017 ఆస్ట్రేలియన్‌ ఓపెన్‌ గ్రాండ్‌స్లామ్‌ టైటిల్‌ గెలిచాక సెరెనా ఖాతాలో చేరిన తొలి టైటిల్‌ ఇదే కావడం విశేషం. ఎనిమిది వారాల గర్భవతిగానే 2017 ఆ్రస్టేలియా ఓపెన్‌లో పాల్గొని చాంపియన్‌గా నిలిచిన సెరెనా ఆ తర్వాత ఆటకు విరామం ఇచ్చింది. అదే ఏడాది సెప్టెంబర్ లో పాప కు జన్మనిచ్చిన సెరెనా 2018 మార్చిలో టెన్నిస్‌లో పునరాగమనం చేసింది. 2018 వింబుల్డన్, యూఎస్‌ ఓపెన్‌ గ్రాండ్‌స్లామ్‌ టోర్నీల్లో... 2019 వింబుల్డన్, రోజర్స్‌ కప్, యూఎస్‌ ఓపెన్‌ టోర్నీల్లో ఫైనల్‌ చేరినా రన్నరప్‌ ట్రోఫీతోనే సరిపెట్టుకుంది. అయితే ఫైనల్‌ చేరిన ఆరో టోరీ్నలో సెరెనా టైటిల్‌ను సొంతం చేసుకుంది. సెరెనా కెరీర్‌లో ఇది 73వ సింగిల్స్‌ టైటిల్‌. విజేతగా నిలిచిన 38 ఏళ్ల సెరెనాకు 43 వేల డాలర్లు ప్రైజ్‌మనీ (రూ. 30 లక్షల 52 వేలు) లభించింది. ఈ మొత్తాన్ని ఆస్ట్రేలియా కార్చిచ్చు బాధితుల సహాయార్ధం ఏర్పాటు చేసిన బుష్‌ఫైర్‌ రిలీఫ్‌ ఫండ్‌కు సెరెనా విరాళంగా ఇచ్చేసింది.  

మెల్‌బోర్న్‌: ఆ్రస్టేలియాను అతలాకుతలం చేస్తున్న కార్చిచ్చు బాధితులకు సాంత్వన పలికేందుకు టెన్నిస్‌ హేమాహేమీలు బరిలోకి దిగనున్నారు. టెన్నిస్‌ సూపర్‌స్టార్స్‌ ఫెడరర్‌ (స్విట్జర్లాండ్‌), నాదల్‌ (స్పెయిన్‌), సెరెనా (అమెరికా) తదితర దిగ్గజాలు ఎగ్జిబిషన్‌ మ్యాచ్‌లు ఆడేందుకు సై అన్నారు. విరివిగా నిధులు సేకరించేందుకు ఈ చారిటీ మ్యాచ్‌లు దోహదం చేస్తాయని టెన్నిస్‌ ఆ్రస్టేలియా చీఫ్‌ క్రెయిగ్‌ టైలీ వెల్లడించారు. ఆరంభ గ్రాండ్‌స్లామ్‌ టోర్నీ ఆ్రస్టేలియన్‌ ఓపెన్‌ టోరీ్నకి సరిగ్గా ఐదు రోజుల ముందు ఈ నెల 15న జరిగే ఎగ్జిబిషన్‌ మ్యాచ్‌ల్లో దిగ్గజాలు తలపడతారు. నయోమి ఒసాకా (జపాన్‌), వొజి్నయాకి (డెన్మార్క్‌), కిరియోస్‌ (ఆ్రస్టేలియా), సిట్సిపాస్‌ (గ్రీస్‌)లు విరాళాల సేకరణ కోసం హేమాహేమీలతో కలిసి ఆడనున్నారు. ఈ ఎగ్జిబిషన్‌ చారిటీ మ్యాచ్‌ల ద్వారా సుమారు 1.2 మిలియన్‌ ఆసీస్‌ డాలర్లు (రూ.5.88 కోట్లు) సేకరించి బాధితులకు ఇవ్వనున్నారు.

విజయవాడ: అమ్మగా మారిన తర్వాత కూడా ఆటలో సత్తా చూపేందుకు బాక్సింగ్‌ దిగ్గజం మేరీకోమ్, టెన్నిస్‌ తార సెరెనా విలియమ్స్‌లే తనలో స్ఫూర్తి కలిగించారని ప్రపంచ మహిళల ర్యాపిడ్‌ చెస్‌ చాంపియన్‌ కోనేరు హంపి వెల్లడించింది. తన ఇటీవలి విజయం విశేషాలను వెల్లడిస్తూ హంపి ఈ వ్యాఖ్య చేసింది.  తల్లి అయిన తర్వాత కూడా మేరీ కోమ్, సెరెనాలు వారి వారి క్రీడాంశాల్లో విశేషంగా రాణిస్తున్నారని, వారిలా తాను కూడా బిడ్డకి జన్మనిచ్చిన తర్వాత తనకిష్టమైన రంగంలో పునరాగమనం చేయాలని అనుకున్నానని హంపి అన్నారు. అయితే ప్రపంచ చాంపియన్‌ అనే బిరుదు ఇంత త్వరగా లభిస్తుందని కలలో కూడా ఊహించలేదని, ఇందులో తన కుటుంబం పాత్ర ఎంతో ఉందని ఆమె తెలిపింది. ‘ నేను నా పునరాగమనం కోసం ఎప్పుడూ ఆలోచిస్తూ ఉండేదాన్ని. అందుకోసం ప్రణాళికను కూడా సిద్ధం చేసుకున్నా. పాప పుట్టిన రోజే సంవత్సరం తర్వాత తిరిగి చెస్‌ ఆడాలని నిర్ణయించుకున్నా. అదే విధంగా చేశాను కూడా.’ అంటూ హంపి తన ప్రణాళిక గురించి తెలియజేసింది.  ఓవరాల్‌గా తన 2019 ఏడాది ఘనంగా గడిచిందని... క్లాసికల్‌ విభాగంలో 30 రేటింగ్‌ పాయింట్లను, ర్యాపిడ్‌ విభాగంలో 45 రేటింగ్‌ పాయింట్లను సాధించానని గర్వంగా చెప్పుకుంది.

న్యూయార్క్‌: ఎంత పెద్ద ప్రొఫెషనల్‌ ప్లేయర్‌కైనా టైటిల్‌ మెట్టుపై పరాజయమనేది మనసుకు భారంగానే ఉంటుంది. అది కూడా రికార్డు విజయానికి చేరువై ఆఖరికి దూరమవడం రోజుల తరబడి బాధించే అంశం. అందరు దీన్ని జీరి్ణంచుకోలేరేమో కానీ సెరెనా మాత్రం అందరిలాంటి ప్రొఫెషనల్‌ కాదు. ఎందుకంటే సొంతగడ్డపై... ఆఖరిమెట్టుపై... యూఎస్‌ ఓపెన్‌ను చేజార్చుకున్న ఈ నల్లకలువ మూడంటే మూడు రోజుల్లోనే తన వ్యాపారపనుల్లో బిజీబిజీ అయ్యింది. ఓటమి ఛాయలే లేని ఆమె ర్యాంప్‌ దగ్గర తన కుమార్తెతో కలిసి హొయలొలికించింది. ఆమె ఇదివరకే ‘ఎస్‌’ బై సెరెనా విలియమ్స్‌ అనే బ్రాండింగ్‌తో ఫ్యాషన్‌ ప్రపంచంలోకి అడుగుపెట్టింది. మంగళవారం రాత్రి తన బ్రాండ్‌తో డిజైన్‌ అయిన దుస్తుల ప్రచార కార్యక్రమంలో సెరెనా ఉత్సాహంగా పాల్గొంది. తన గారాలపట్టి ఒలింపియాతో కలిసి సందడి చేసింది. పలువురు మోడల్స్‌లో ‘ఎస్‌’ బ్రాండ్‌ దుస్తులతో ర్యాంప్‌పై క్యాట్‌వాక్‌ చేశారు. అలాగే సెరెనా ఫుల్‌లెంత్‌ గౌన్‌తో తన కుమార్తెను పరిచయం చేసిన వీడియో సోషల్‌ మీడియాలో భలేగా వైరల్‌ అయ్యింది. ఆ దృశ్యం చూసిన వారికి ఆ్రస్టేలియాకు చెందిన ‘కంగారూ’ గుర్తురాక మానదు.  

ఒకరి కల నిజమైంది. మరొకరి కల మళ్లీ చెదిరింది. ఆడుతున్న తొలి గ్రాండ్‌స్లామ్‌ ఫైనల్లోనే కెనడా టీనేజర్‌ బియాంకా ఆండ్రీస్కూ అద్భుతం చేసింది. అమెరికా దిగ్గజం సెరెనా విలియమ్స్‌ను ఆమె సొంతగడ్డపైనే ఓడించింది. మహిళల టెన్నిస్‌లో తన ఎంట్రీని ‘గ్రాండ్‌’గా చాటుకుంది. అత్యధిక గ్రాండ్‌స్లామ్‌ సింగిల్స్‌ టైటిల్స్‌ నెగ్గిన క్రీడాకారిణిగా మార్గరెట్‌ కోర్ట్‌ పేరిట ఉన్న రికార్డును సమం చేసేందుకు వచ్చిన నాలుగో ‘గ్రాండ్‌’ అవకాశాన్ని సెరెనా విలియమ్స్‌ చేజార్చుకుంది. న్యూయార్క్‌: వందలకొద్దీ మ్యాచ్‌ల అనుభవం ఉన్నా... రెండంకెల గ్రాండ్‌స్లామ్‌ టైటిల్స్‌ తమ ఖాతాలో ఉన్నా... రెండు దశాబ్దాల ఘనమైన కెరీర్‌ ఉన్నా... మరోసారి చాంపియన్‌ కావాలంటే, ట్రోఫీని ఒడిసి పట్టుకోవాలంటే అసలు సిసలు సమరంలో బాగా ఆడాల్సిందే. లేదంటే అనుభవం లేని వారి చేతుల్లోనూ పరాభవం తప్పదని యూఎస్‌ ఓపెన్‌ మహిళల సింగిల్స్‌ ఫైనల్లో వరుసగా రెండో ఏడాదీ రుజువైంది. అందరి అంచనాలు తారుమారు చేస్తూ... తన జైత్రయాత్ర గాలివాటమేమీ కాదని నిరూపిస్తూ కెనడా టీనేజర్‌ బియాంకా ఆండ్రీస్కూ యూఎస్‌ ఓపెన్‌లో ‘గ్రాండ్‌ ఫినిష్‌’ ఇచ్చింది. ఆడుతున్న తొలి గ్రాండ్‌స్లామ్‌ ఫైనల్లోనే విజేతగా నిలిచింది. మహిళల సింగిల్స్‌ ఫైనల్లో 15వ సీడ్‌ బియాంక 6–3, 7–5తో 8వ సీడ్, 23 గ్రాండ్‌స్లామ్‌ టైటిల్స్‌ విజేత సెరెనా విలియమ్స్‌ (అమెరికా)పై విజయం సాధించింది. చాంపియన్‌ బియాంకాకు 38,50,000 డాలర్లు (రూ. 27 కోట్ల 59 లక్షలు)... రన్నరప్‌ సెరెనాకు 19,00,000 డాలర్లు (రూ. 13 కోట్ల 62 లక్షలు) ప్రైజ్‌మనీగా లభించాయి. తొలి గేమ్‌లోనే బ్రేక్‌... ఒక్క యూఎస్‌ ఓపెన్‌లోనే 101 విజయాలు సాధించిన సెరెనాతో ఫైనల్‌ అంటే ఏ ప్రత్యర్థికైనా హడలే. కానీ 19 ఏళ్ల బియాంకా ముఖంలో అలాంటి ఛాయలు కనిపించలేదు. ఫైనల్‌ వేదిక ఆర్థర్‌ యాష్‌ స్టేడియం 26 వేల మంది ప్రేక్షకులతో హౌస్‌ఫుల్‌కాగా... అందులో సెరెనా అభిమానులు, ఆమెకు మద్దతు పలుకుతున్న వారే అధికంగా ఉన్నారు. అయితేనేం బియాంకా తొణకలేదు. మ్యాచ్‌ తొలి సెట్, తొలి గేమ్‌లోనే సెరెనా సర్వీస్‌ను బ్రేక్‌ చేసి 19 ఏళ్ల ఈ కెనడా అమ్మాయి సంచలనం సృష్టించింది. ఆ తర్వాత తన సర్వీస్‌ను నిలబెట్టుకొని 2–0తో ఆధిక్యంలోకి వెళ్లిన బియాంకా ఆ తర్వాతా ఎక్కడా దూకుడు తగ్గించలేదు. బియాంకా ఆటతీరును పరిశీలిస్తే సెరెనాతో ఫైనల్లో ఎలా ఆడితే గెలుస్తారో అన్న విషయంపై పూర్తి హోంవర్క్‌ చేసినట్టు కనిపించింది. కచ్చితమైన సర్వీస్‌లు... పదునైన రిటర్న్‌లు... శక్తివంతమైన ఫోర్‌హ్యాండ్, బ్యాక్‌హ్యాండ్‌ షాట్‌లు... ఇలా పక్కా ప్రణాళికతో ఆడిన బియాంక చూస్తుండగానే తొలి సెట్‌లోని తొమ్మిదో గేమ్‌లో మరోసారి సెరెనా సర్వీస్‌ను బ్రేక్‌ చేసి సెట్‌ను 6–3తో గెల్చుకుంది. ఒత్తిడికి లోనై... బియాంక పుట్టకముందే యూఎస్‌ ఓపెన్‌ టైటిల్‌ను గెలిచిన సెరెనా తన అనుభవమంత వయస్సులేని ప్రత్యర్థి దూకుడు ముందు ఒత్తిడికి లోనైంది. కీలకమైన తొలి సర్వీస్‌లో తడబడటం... రెండో సర్వీస్‌లోనూ నిలకడలేమి... లెక్కలేనన్ని అనవసర తప్పిదాలతో సెరెనా ఆట సాగింది. మరోవైపు ప్రతి పాయింట్‌లో పూర్తి విశ్వాసంతో ఆడిన బియాంకా రెండో సెట్‌లోనూ చెలరేగిపోయింది. 5–1తో ఆధిక్యంలోకి వెళ్లింది. అయితే సెరెనా తన అనుభవాన్నంతా రంగరించి పోరాడింది. వరుసగా నాలుగు గేమ్‌లు గెలిచి స్కోరును 5–5తో సమం చేసింది. కానీ బియాంక 11వ గేమ్‌లో తన సర్వీస్‌ను నిలబెట్టుకొని.. 12వ గేమ్‌లో సెరెనా సర్వీస్‌ను బ్రేక్‌ చేసి విజయాన్ని ఖాయం చేసుకుంది.   నా విజయానుభూతిని మాటల్లో వర్ణించలేను. ఈ క్షణం కోసం నేను చాలా  కష్టపడ్డాను. ఈ ఏడాది నా కలలన్నీ నిజమయ్యాయి. ఈ అత్యున్నత వేదికపై సెరెనాలాంటి దిగ్గజంతో ఫైనల్‌ ఆడటం అద్భుతం. ఎవరితో, ఏ స్థాయి ప్రత్యర్థితో ఆడుతున్నాననే విషయంపై ఎక్కువగా దృష్టి పెట్టలేదు. ఎప్పటిలాగే నా అత్యుత్తమ ప్రదర్శన ఇచ్చాను. ఈ గొప్ప విజయం సాధించిన క్రమంలో ప్రతి అంశాన్ని నేను నియంత్రించిన తీరుపట్ల గర్వపడుతున్నాను. నా లక్ష్యం సాధ్యమైనన్ని గ్రాండ్‌స్లామ్‌ టైటిల్స్‌ గెలవడం. ప్రపంచ నంబర్‌వన్‌ కావడం. ఈ గెలుపుతో వచ్చిన ప్రైజ్‌మనీని ఏంచేయాలో ఇంకా ఆలోచించలేదు. ఇంత భారీ మొత్తాన్ని నా జీవితంలో అందుకోలేదు. –బియాంక ఆండ్రీస్కూ ఈ టోర్నమెంట్‌ మొత్తంలో నేను ఆడిన చెత్త మ్యాచ్‌ ఇదే. నేనింకా బాగా ఆడాల్సింది. మార్గరెట్‌ కోర్ట్‌ రికార్డును సమం చేయడానికి దగ్గరగా వచ్చినట్టే వచ్చి ఆగిపోతున్నాను. ఇలా జరగడం ఎంతో అసహనం కలిగిస్తోంది. ఆమె రికార్డును అందుకోవడానికి నేను ఆడట్లేదు. గ్రాండ్‌స్లామ్‌ టైటిల్స్‌ సాధించడానికి ఆడుతున్నాను. తుది ఫలితంతో నేను సంతోషంగా లేను. నిజాయతీగా చెప్పాలంటే ఫైనల్లో నేను బాగా ఆడలేదు. ఫైనల్లో బియాంక చాలా అద్భుతంగా ఆడింది. ఆమె విజయంపట్ల గర్వపడుతున్నాను. –సెరెనా విలియమ్స్‌ 1: కెనడా తరఫున గ్రాండ్‌స్లామ్‌ సింగిల్స్‌ టైటిల్‌ నెగ్గిన తొలి ప్లేయర్‌ బియాంక. గతంలో యూజిన్‌ బుషార్డ్‌ (2014 వింబుల్డన్‌ టోర్నీ మహిళల సింగిల్స్‌), మిలోస్‌ రావ్‌నిచ్‌ (2016 వింబుల్డన్‌ టోర్నీ పురుషుల సింగిల్స్‌) రన్నరప్‌గా నిలిచారు.   2: కెరీర్‌లో ఆడిన నాలుగో గ్రాండ్‌స్లామ్‌ టోర్నీలోనే గ్రాండ్‌స్లామ్‌ టైటిల్‌ను గెలిచిన రెండో ప్లేయర్‌ బియాంక. గతంలో మోనికా సెలెస్‌ (1990లో ఫ్రెంచ్‌ ఓపెన్‌) మాత్రమే ఈ ఘనత సాధించింది.   8: గ్రాండ్‌స్లామ్‌ టోర్నీ ఫైనల్లో సెరెనాను ఓడించిన ఎనిమిదో క్రీడాకారిణి బియాంక. గతంలో వీనస్‌ విలియమ్స్‌ (2 సార్లు–అమెరికా), షరపోవా (రష్యా), సమంతా స్టోసుర్‌ (ఆస్ట్రేలియా), ఎంజెలిక్‌ కెర్బర్‌ (2 సార్లు–జర్మనీ), గార్బిన్‌ ముగురుజా (స్పెయిన్‌), నయోమి ఒసాకా (జపాన్‌), సిమోనా హలెప్‌ (రొమేనియా) ఈ ఘనత సాధించారు.   1: సెరెనా తన కెరీర్‌లో తొలిసారి వరుసగా నాలుగు గ్రాండ్‌స్లామ్‌ ఫైనల్స్‌లో (2018– వింబుల్డన్, యూఎస్‌ ఓపెన్‌; 2019– వింబుల్డన్, యూఎస్‌ ఓపెన్‌) ఓడింది. 5: తాజా విజయంతో నేడు విడుదల చేసే మహిళల టెన్నిస్‌ సంఘం (డబ్ల్యూటీఏ) ప్రపంచ సింగిల్స్‌ ర్యాంకింగ్స్‌లో బియాంక తన కెరీర్‌ బెస్ట్‌ ఐదో ర్యాంక్‌కు చేరుకుంటుంది. 8: తన కెరీర్‌లో టాప్‌–10 ర్యాంకింగ్స్‌లోని క్రీడాకారిణులతో తలపడిన ఎనిమిది సార్లూ బియాంకానే గెలుపొందడం విశేషం. ఈ ఏడాది ఓవరాల్‌గా బియాంక 45 మ్యాచ్‌ల్లో విజయం సాధించింది.

న్యూయార్క్‌: యూఎస్‌ ఓపెన్‌ ఫైనల్లో సంచలనం నమోదైంది. కెనడియన్‌ బియాంక ఆండ్రిస్యూ (19) మాజీ వరల్డ్‌ నెంబర్‌ వన్‌, అమెరికన్‌ టెన్నిస్‌ స్టార్ సెరెనా విలియమ్స్‌పై విజయం సాధించింది. ఆర్థర్‌ ఆషే స్టేడియంలో ఆదివారం జరిగిన మహిళల సింగిల్స్‌ ఫైనల్స్‌లో బియాంక ఆండ్రిస్యూ 6-3, 7-5 తేడాతో సెరెనాపై గెలిచింది. హోరాహోరి పోరులో ధీటైన ఆటతో విన్నర్‌గా నిలిచిన ఆండ్రిస్యూ ఈ విజయంతో గ్రాండ్‌స్లామ్‌ సింగిల్స్‌ టైటిల్‌ సాధించిన తొలి కెనడియన్‌గా నిలిచింది. దాంతోపాటు పిన్న వయసులో (19 ఏళ్లు) గ్రాండ్‌స్లామ్‌ టైటిల్‌ సాధించిన మహిళగా ఆమె రికార్టు సృష్టించింది. ఇదిలాఉండగా.. గత రెండేళ్లలో గ్రాండ్‌స్లామ్‌ టోర్నీల్లో పాల్గొంనేందుకు కూడా ఆండ్రిస్యూ అర్హత సాధించకపోవడం గమనార్హం.  ఇక ఈ విజయంతో ఓపెన్‌ శకంలో అత్యధికంగా యూఎస్‌ గ్రాండ్‌ స్లామ్‌ మహిళల సింగిల్స్‌ టైటిల్స్‌ను సాధించిన రికార్డును సొంతం చేసుకోవలానుకున్న సెరెనాకు నిరాశ తప్పలేదు. ఇప్పటివరకూ ఆమె ఆరు యూఎస్‌ ఓపెన్‌ టైటిల్స్‌ గెలిచింది. ఇక 2017 ఆస్ట్రేలియా ఓపెన్‌ టైటిల్‌ సాధించిన తర్వాత మహిళల సింగిల్స్‌ గ్రాండ్‌ స్లామ్‌ టైటిల్‌ అనేది సెరెనాకు అందని ద్రాక్షగానే ఉంది. గతేడాది యూఎస్‌ ఓపెన్‌ ఫైనల్‌కు చేరినప్పటికీ జపాన్‌ క్రీడాకారిణి ఒసాకా చేతిలో సెరెనా పరాజయం పాలై రన్నరప్‌గా సరిపెట్టుకున్నారు. 2014లో చివరిసారి యూఎస్‌ ఓపెన్‌ సింగిల్స్‌ టైటిల్‌ను గెలిచారు సెరెనా.  ఆమె ఇప్పటివరకు 23 మరో గ్రాండ్‌ స్లామ్‌ టైటిల్స్‌ సొంతం చేసుకున్నారు. మరో టైటిల్‌ గెలిస్తే.. అత్యధిక సార్లు గ్రాండ్‌ స్లామ్‌ టైటిల్స్‌ సాధించిన మార్గరెట్‌ కోర్టు(24 గ్రాండ్‌ స్లామ్‌టైటిల్స్‌) ఆల్‌ టైమ్‌ రికార్డును సెరెనా సమం చేస్తారు. (ఫొటో గ్యాలరీ కోసం ఇక్కడ క్లిక్ చేయండి)

2017 ఆస్ట్రేలియన్‌ ఓపెన్‌... అమెరికా టెన్నిస్‌ దిగ్గజం సెరెనా విలియమ్స్‌ గెలిచిన 23వ గ్రాండ్‌స్లామ్‌ టోర్నీ. ఆ తర్వాత అమ్మగా మారిన ఆమె మరో గ్రాండ్‌స్లామ్‌ గెలిచి ఆల్‌టైమ్‌ గ్రేట్‌గా నిలిచే ప్రయత్నంలో పోరాటం ఆపలేదు. ఈ క్రమంలో మూడు సార్లు గ్రాండ్‌స్లామ్‌ టోర్నీల్లో ఫైనల్‌ చేరినా సెరెనాకు వరుస సెట్‌లలో ఓటమి తప్పలేదు. ఇప్పుడు సొంతగడ్డపై మరోసారి తుది పోరుకు అర్హత సాధించిన ఈ స్టార్‌ గెలుపు గీత దాటుతుందా? 24 టైటిల్స్‌తో మార్గరెట్‌ కోర్ట్‌ సరసన నిలుస్తుందా? సెరెనాకు, రికార్డుకు మధ్యలో కెనడా టీనేజర్‌ బియాంకా ఆండ్రీస్కూ నిలిచింది. ఆటలోనూ, అనుభవంలోనూ సెరెనాతో పోలికే లేని ఆండ్రీస్కూ సంచలనం సాధించగలదా? వీరిద్దరి మధ్య నేడు ఫైనల్‌ పోరుకు రంగం సిద్ధమైంది. అంతకుముందు సెమీఫైనల్స్‌లో సెరెనా అలవోకగా స్వితోలినాను చిత్తు చేయగా... బియాంక కొంత పోరాడి బెలిండా బెన్సిచ్‌ను మట్టికరిపించింది.   సెరెనా, ఆండ్రీస్కూ మధ్య ఒకే ఒక మ్యాచ్‌ జరిగింది. గత నెలలో టొరంటోలో జరిగిన రోజర్స్‌ కప్‌ ఫైనల్లో వీరిద్దరు తలపడ్డారు. ఆండ్రీస్కూ 3–1తో ఆధిక్యంలో ఉన్న దశలో సెరెనా వెన్నునొప్పితో తప్పుకోవడంతో సొంతగడ్డపై ఆండ్రీస్కూను విజయం వరించింది.   న్యూయార్క్‌: మాజీ వరల్డ్‌ నంబర్‌వన్, అమెరికా స్టార్‌ సెరెనా విలియమ్స్‌ 10వ సారి యూఎస్‌ ఓపెన్‌ ఫైనల్లోకి అడుగు పెట్టింది. గతంలో ఆరు సార్లు ఇక్కడ విజేతగా నిలిచిన ఆమె ఏడో టైటిల్‌కు అడుగు దూరంలో నిలిచింది. శుక్రవారం తెల్లవారుజామున జరిగిన సెమీఫైనల్లో సెరెనా 6–3, 6–1తో ఐదో సీడ్‌ ఎలీనా స్వితోలినా (ఉక్రెయిన్‌)ను చిత్తు చేసింది. నేడు జరిగే ఫైనల్లో సెరెనా... కెనడా టీనేజర్, 15వ సీడ్‌ బియాంకా ఆండ్రీస్కూతో తలపడుతుంది. రెండో సెమీస్‌లో ఆండ్రీస్కూ 7–6 (7/3), 7–5తో 13వ సీడ్‌ బెలిండా బెన్సిచ్‌ (స్విట్జర్లాండ్‌)పై విజయం సాధించింది. గతంలో ఆడిన రెండు గ్రాండ్‌స్లామ్‌ టోర్నీలలో (2019 ఆస్ట్రేలియన్‌ ఓపెన్, వింబుల్డన్‌) రెండో రౌండ్‌ కూడా దాటని ఆండ్రీస్కూ తొలిసారి గ్రాండ్‌స్లామ్‌ ఫైనల్‌ ఆడబోతుండటం విశేషం.   70 నిమిషాల్లో ముగిసె... క్వార్టర్స్‌లో కియాంగ్‌ వాంగ్‌ను 44 నిమిషాల్లోనే చిత్తు చేసిన సెరెనా సెమీస్‌లో మాత్రం మరికొంత సమయం తీసుకుంది. తొలి సెట్‌ మొదటి గేమ్‌లో స్వితోలినా మూడు బ్రేక్‌ పాయింట్లు సాధించి జోరుగా మొదలు పెట్టినట్లు కనిపించింది. అయితే వెంటనే కోలుకున్న సెరెనా చెలరేగి 3–0తో ముందంజ వేసింది. తర్వాతి గేమ్‌ను ప్రత్యర్థి గెలుచుకున్నా సెరెనా తన సర్వీస్‌ను నిలబెట్టుకొని 4–1తో ఆధిక్యం ప్రదర్శించింది. పదే పదే నెట్‌పైకి దూసుకొచ్చి (6 నెట్‌ పాయింట్లు) ప్రత్యర్థిపై చెలరేగిన సెరెనా 41 నిమిషాల్లో సెట్‌ గెలుచుకుంది. రెండో సెట్‌ లో స్వితోలినా ఆట ముగించేందుకు సెరెనాకు 29 నిమిషాలు సరిపోయాయి. డబుల్‌ బ్రేక్‌తో 5–1కి దూ సుకుపోయిన అమెరికా ప్లేయర్‌ చివ రకు బ్యాక్‌హ్యాండ్‌ విన్నర్‌తో మ్యాచ్‌ను సొంతం చేసుకుంది. మొత్తం 34 విన్నర్లు కొట్టిన సెరెనా 6 ఏస్‌లతో తన పదును చూపించింది. ఆమె 20 అనవసర తప్పిదాలు చేసినా చివరకు ఫలితంపై ప్రభావం పడలేదు. తాజా విజయంతో యూఎస్‌ ఓపెన్‌లో అత్యధిక విజయాల (101) క్రిస్‌ ఎవర్ట్‌ రికార్డును సెరెనా సమం చేసింది.   హోరాహోరీగా... బియాంకా ఆండ్రీస్కూ, బెన్సిచ్‌ మధ్య పోరు ఆసక్తికరంగా సాగింది. ఇద్దరూ దూకుడుగా ఆడుతూ తమ సర్వీస్‌లను నిలబెట్టుకోవడంతో గేమ్‌లు సమమవుతూ వచ్చి స్కోరు 4–4కు చేరింది. తొమ్మిదో గేమ్‌ను గెలిచి 5–4తో ఆధిక్యంలో నిలిచిన బెన్సిచ్‌ వరుస తప్పిదాలతో సెట్‌ గెలిచే అవకాశాన్ని చేజార్చుకుంది. టైబ్రేక్‌లో ఆండ్రీస్కూ 5–0తో దూసుకుపోయింది. బెన్సిచ్‌ వరుసగా మూడు పాయింట్లు గెలిచి ప్రత్యర్థి ఆధిక్యాన్ని 5–3కు తగ్గించినా కెనడా యువతార మళ్లీ అవకాశం ఇవ్వకుండా సెట్‌ను ముగించింది. రెండో సెట్‌లోనైతే ఒక దశలో 4–1తో, ఆ తర్వాత 5–2తో ఆధిక్యంలో నిలిచినా... చివరకు బెన్సిచ్‌ ఓటమిపాలవ్వడం గమనార్హం. ఈ దశలో కోలుకున్న ఆండ్రీస్కూ ఒక్కసారిగా పదునైన బ్యాక్‌హ్యాండ్‌ షాట్‌లతో విరుచుకుపడింది. ఒత్తిడికి లోనై వరుసగా డబుల్‌ ఫాల్ట్‌లు, అనవసర తప్పిదాలతో ప్రత్యర్థికి తన వైపు నుంచి ఉపకారం చేసి స్విస్‌ క్రీడాకారిణి ఓటమిని ఆహ్వానించింది. వరుసగా ఐదు గేమ్‌లు గెలుచుకొని ఆండ్రీస్కూ ఫైనల్‌ చేరింది. 2 గంటల 12 నిమిషాల పాటు సాగిన ఈ పోరులో బియాంకా 40 విన్నర్స్‌ కొట్టగా, బెన్సిచ్‌ 16 విన్నర్లకే పరిమితమైంది.    మరోసారి ఫైనల్‌కు చేరడం సంతోషంగా ఉంది. నేను నా అత్యుత్తమ ప్రదర్శన ఇవ్వకపోయినా మ్యాచ్‌ గెలవగలిగాను. నెట్‌పైకి పదే పదే ఎందుకు వెళ్లానో నాకే అర్థం కాలేదు. ఇకపై అలా జరగదు. అసలు బేస్‌లైన్‌ నుంచే ఆడాల్సింది. క్రిస్‌ ఎవర్ట్‌తో ఏ రూపంలోనైనా సమంగా నిలవడం గర్వపడే విషయం. అత్యధిక గ్రాండ్‌స్లామ్‌ టైటిల్స్‌ గెలిచిన రికార్డు అందుకున్నా సరే నేను ఆటను కొనసాగించేదాన్ని. అందుకోసం నాకు గతంలో అవకాశాలు వచ్చాయి. ఇకపై కూడా వస్తాయి. కాబట్టి అతిగా ఆలోచించను. నా సుదీర్ఘ కెరీర్‌ను చూస్తే తరం మారిపోయినట్లనిపిస్తోంది. ఇన్నేళ్లలో నేను ఆడిన, ఓడించిన వారిని చూస్తే ఒక అద్భుతంలా కనిపించింది. ఈ ఏడాదిలోని తొలి మూడు గ్రాండ్‌స్లామ్‌లతో పోలిస్తే ఈ టోర్నీకి బాగా సన్నద్ధమై వచ్చాను. నా ప్రత్యర్థి ఆండ్రీస్కూకు వేర్వేరు షాట్‌లను వేర్వేరు రకాలుగా ఆడగల సత్తా ఉంది. వ్యక్తిగతంగా కూడా ఆమె చాలా మంచి అమ్మాయి. ఫైనల్‌ కోసం సిద్ధంగా ఉన్నా.      –సెరెనా విలియమ్స్‌   సంవత్సరం క్రితం ఎవరైనా నేను యూఎస్‌ ఓపెన్‌ ఫైనల్‌ చేరతానని చెబితే వారిని పిచ్చోళ్లుగా భావించేదానిని. నా ఈ విజయాన్ని నమ్మలేకపోతున్నాను. అంతా కలలా ఉంది. ఈ దశకు చేరేందుకు చాలా కష్టపడ్డాను. సెమీస్‌లో కూడా చాలా బాగా ఆడిన నాకు ఫైనల్‌ చేరే అర్హత ఉందని నమ్ముతున్నా. సెరెనా రిటైర్‌ అయ్యేలోగా ఆమెతో గ్రాండ్‌స్లామ్‌లలో తలపడాలని ఉందంటూ నా సన్నిహితులతో ఎప్పుడూ చెబుతుండేదానిని. ఇప్పుడు ఆ సమయం వచ్చింది. నేను ఎంతో ఉత్సాహంగా ఫైనల్‌ కోసం ఎదురు చూస్తున్నా. ఆమె తన అత్యుత్తమ ఆటతీరు కనబరుస్తుందని నాకు తెలుసు. నేనూ అదే విధంగా పోరాడతా. మేమిద్దరం తలపడిన గత మ్యాచ్‌లో ఆడిన నాలుగు గేమ్‌లు ఇప్పుడు స్ఫూర్తినిస్తాయని అనుకుంటున్నా. –బియాంకా ఆండ్రీస్కూ   ► సెరెనా టైటిల్‌ గెలిస్తే అత్యధిక గ్రాండ్‌స్లామ్‌ సింగిల్స్‌ టైటిల్స్‌తో మార్గరెట్‌ కోర్ట్‌ (24–ఆస్ట్రేలియా) పేరిట ఉన్న రికార్డు సమమవుతుంది. యూఎస్‌ ఓపెన్‌ను ఎక్కువసార్లు గెలుచుకున్న క్రీడాకారిణిగా క్రిస్‌ ఎవర్ట్‌ (7)తో కూడా సమంగా నిలుస్తుంది.   ► ఆండ్రీస్కూ ఇప్పటి వరకు టాప్‌–10లోపు క్రీడాకారిణులతో  ఏడుసార్లు తలపడితే ఏడు సార్లూ ఆమెనే విజయం వరిచండం విశేషం. సెరెనా ప్రస్తుత ర్యాంక్‌ 8. ► సెరెనా 23వ గ్రాండ్‌స్లామ్‌ టైటిల్‌ నెగ్గిన తర్వాత మూడుసార్లు ‘గ్రాండ్‌’ ఫైనల్స్‌కు చేరింది. 2018 వింబుల్డన్‌ ఫైనల్లో కెర్బర్‌ (జర్మనీ) చేతిలో... 2018 యూఎస్‌ ఓపెన్‌ ఫైనల్లో నయోమి ఒసాకా (జపాన్‌) చేతిలో.. 2019 వింబుల్డన్‌ ఫైనల్లో సిమోనా హలెప్‌ (రొమేనియా) చేతిలో సెరెనా వరుస సెట్‌లలో ఓడిపోయింది.   ► 1997లో వీనస్‌ విలియమ్స్‌ తొలిసారి యూఎస్‌ ఓపెన్‌ బరిలోకి దిగినప్పుడే ఫైనల్‌ వరకు చేరింది. ఇప్పుడు బియాంకా కూడా అదే ఘనత సాధించింది.  ఏడాది క్రితం ఇదే సమయంలో 200లోపు ర్యాంక్‌లో కూడా లేని ఆండ్రీస్కూ గతేడాది యూఎస్‌ ఓపెన్‌ క్వాలిఫయింగ్‌ తొలిరౌండ్‌లోనే ఓడింది.   ► యూజిన్‌ బుషార్డ్‌ (2014 వింబుల్డన్‌) తర్వాత గ్రాండ్‌స్లామ్‌ ఫైనల్‌ చేరిన రెండో కెనడా ప్లేయర్‌ ఆండ్రీస్కూ. ► ఆండ్రీస్కూ పుట్టిన తేదీ 16 జూన్‌ 2000. ఆండ్రీస్కూ పుట్టకముందే సెరెనా ఒకసారి యూఎస్‌ ఓపెన్‌ (1999లో) టైటిల్‌ కూడా సాధించేయడం విశేషం.

న్యూయార్క్‌:  అమెరికన్‌ టెన్నిస్‌ స్టార్‌, నల్లుకలువ సెరెనా విలియమ్స్‌ అరుదైన రికార్డుకు చేరువలో నిలిచారు. యూఎస్‌ ఓపెన్‌ గ్రాండ్‌ స్లామ్‌లో  సెరెనా విలియమ్స్‌ ఫైనల్లోకి ప్రవేశించారు. శుక్రవారం జరిగిన మహిళల సింగిల్స్‌లో సెరెనా విలియమ్స్‌ 6-3,6-1 తేడాతో ఎలీనా స్వితోలినా(ఉక్రెయిన్‌)పై గెలిచి తుది పోరుకు అర్హత సాధించారు. సెరెనా ధాటికి స‍్వితోలినా కనీసం పోటీ ఇవ్వకుండానే తన పోరును ముగించారు. అద్భుతమైన ఏస్‌లతో చెలరేగిపోయిన సెరెనా.. ఎక్కడా కూడా స్వితోలినాకు అవకాశం ఇవ్వలేదు. దాంతో మ్యాచ్‌ ఏకపక్షంగా ముగిసింది. ఈ క్రమంలోనే సెరెనా ముంగిట అరుదైన రికార్డు నిలిచింది. (ఇక్కడ చదవండి: ఒక్కడే మిగిలాడు) ఓపెన్‌ శకంలో అత్యధికంగా యూఎస్‌ గ్రాండ్‌ స్లామ్‌ మహిళల సింగిల్స్‌ టైటిల్స్‌ను సాధించే అవకాశం ఇప్పుడు సెరెనాను ఊరిస్తోంది. ఇప్పటివరకూ ఆరు యూఎస్‌ ఓపెన్‌ టైటిల్స్‌ గెలిచిన సెరెనా.. మరో టైటిల్‌ సాధిస్తే అత్యధికంగా యూఎస్‌ ఓపెన్‌ టైటిల్స్‌ను గెలిచిన క్రీడాకారిణిగా కొత్త అధ్యాయాన్ని లిఖిస్తారు. ఓపెన్‌ శకం ఆరంభమైన తర్వాత సెరెనా-క్రిస్‌ ఎవర్ట్‌లు మాత్రమే ఎక్కువసార్లు యూఎస్‌ ఓపెన్‌ గెలిచిన క్రీడాకారిణులు. ఇప్పుడు ఎవర్ట్‌ను అధిగమించడానికి సెరెనా అడుగు దూరంలో నిలిచారు. ఆదివారం జరుగనున్న అమీతుమీ పోరులో బియాంక ఆండ్రిస్యూ(కెనడా)తో తలపడతారు.  మహిళల సెమీ  ఫైనల్లో బెలిందా బెన్సిక్‌ను ఓడించడం ద్వారా బియాంక ఫైనల్‌కు చేరారు. 2017 ఆస్ట్రేలియా ఓపెన్‌ టైటిల్‌ సాధించిన తర్వాత మహిళల సింగిల్స్‌ గ్రాండ్‌ స్లామ్‌ టైటిల్‌ అనేది సెరెనాకు అందని ద్రాక్షగానే ఉంది. గతేడాది యూఎస్‌ ఓపెన్‌ ఫైనల్‌కు చేరినప్పటికీ జపాన్‌ క్రీడాకారిణి ఒసాకా చేతిలో సెరెనా పరాజయం పాలై రన్నరప్‌గా సరిపెట్టుకున్నారు.  2014లో చివరిసారి యూఎస్‌ ఓపెన్‌ సింగిల్స్‌ టైటిల్‌ను గెలిచారు సెరెనా. దాంతో ఈసారైనా టైటిల్‌ను సాధించాలనే లక్ష్యంగా సెరెనా బరిలోకి దిగుతున్నారు. 10 సార్లు యూఎస్‌ ఓపెన్‌ సింగిల్స్‌లో ఫైనల్‌కు చేరిన సెరెనా.. ఏడోసారి టైటిల్‌ను దక్కించుకోవాలనే పట్టుదలతో ఉన్నారు. మరో గ్రాండ్‌ స్లామ్‌ టైటిల్‌ను గెలిస్తే.. అత్యధిక సార్లు గ్రాండ్‌ స్లామ్‌ టైటిల్స్‌ సాధించిన మార్గరెట్‌ కోర్టు(24 గ్రాండ్‌ స్లామ్‌టైటిల్స్‌) ఆల్‌ టైమ్‌ రికార్డును సెరెనా సమం చేస్తారు.

గెలిస్తే నీ ట్రోఫీని అందరికీ ఎత్తి చూపుతావు కదా.ఓడితే నీ కన్నీళ్లను ఎందుకు ఎవర్నీ చూడనివ్వవు? జీవితంలో నువ్వేం సాధించావో నీ ట్రోఫీ చెబుతుంది. జీవితాన్నినువ్వెంతగా ప్రేమిస్తున్నావో నీ కన్నీళ్లు చెబుతాయి. ఓడిపోయి ఇప్పుడు కోకో గాఫ్‌ ఏడ్చినట్లుగా.. పన్నెండు నెలల క్రితం ఇదే యు.ఎస్‌. ఓపెన్‌లో, ఇదే ఆర్థర్‌ ఆష్‌ స్టేడియంలో, ఇదే శనివారం జరిగిన ఫైనల్‌లో సెరెనా విలియమ్స్‌ని ఓడించినందుకు నవోమీ ఓసక ఏడుస్తూనే ఉంది. ఆఖరికి టైటిల్‌ ట్రోఫీ అందుకుంటున్నప్పుడు కూడా! కోకో గాఫ్‌ పదిహేనేళ్ల పిల్ల. చూడ్డానికి సెరెనా విలియమ్స్‌కి చిట్టి చెల్లెల్లా ఉంటుంది. అమెరికన్‌ టెన్నిస్‌ ప్లేయర్‌. నాలుగేళ్ల వయసులో టీవీ చూస్తున్నప్పుడు సెరెనా ఆమెను గట్టిగా పట్టేసుకుంది. 2009 ఆస్ట్రేలియన్‌ ఓపెన్‌ ఉమెన్స్‌ సింగిల్స్‌ ఫైనల్స్‌లో సెరెనా తన ప్రత్యర్థి దినారా సఫీనా (రష్యన్‌ క్రీడాకారిణి) ను  6–0, 6–3 తేడాతో ఎలా పడగొట్టేసిందీ ఊపిరి బిగబట్టి చూసింది కోకో గాఫ్‌. అప్పట్నుంచీ టెన్నిసే ఆమె ఊపిరి అయింది. ఆ కోకో గాఫ్‌ శనివారం యు.ఎస్‌. ఓపెన్‌లో వరల్డ్‌  నం.1 నవోమీ ఓసక మీద 6–3, 6–0 తేడాతో ఓడిపోయింది. అదింకా థర్డ్‌ రౌండే. మొత్త ఏడు రౌండ్‌లు కదా ఉంటాయి. ఆటలోకి వైల్డ్‌ కార్డ్‌తో ఎంటర్‌ అయింది కోకో గాఫ్‌. ఫస్ట్‌ రౌండ్‌లో పద్దెనిమిదేళ్ల రష్యన్‌ ప్లేయర్‌ని ఓడించింది. రెండో రౌండ్‌లో ఇరవై ఆరేళ్ల హంగేరియ¯Œ  ప్లేయర్‌పై గెలిచింది. మూడో రౌండ్‌లో ఆ జైత్రయాత్రకు బ్రేక్‌ పడింది. 21 ఏళ్ల నవోమీ ఓసక ఈ అమ్మాయిని ఓడించింది. కోకో గాఫ్‌ చెంపల్నిండా జలపాతాలు! ఓటమిని తట్టుకోలేకపోయింది. కళ్లు తుడుచుకుంటోంది, మళ్లీ ఏడుస్తోంది. ఆన్‌కోర్ట్‌ ఇంటర్వ్యూ మొదలవగానే కోర్టునుంచి వెళ్లబోయింది కానీ, నవోమీ ఆమెను వెళ్లనివ్వలేదు. ‘నా పక్కనే ఉండు’ అంది. ఉండలేను అంది. ‘‘వాష్‌రూమ్‌కి వెళ్లి ఏడ్వడం కన్నా నయం.. కోర్టులోనే ఏడ్చేయడం. అందర్నీ చూడనివ్వు. ఆటను నువ్వెంత ప్రేమిస్తున్నావో..’’ అంది కోకో గాఫ్‌ని మృదువుగా హత్తుకుని! ఈమె కళ్లల్లోనూ నీళ్లు ఆ అమ్మాయి బాధ చూసి. గ్యాలరీలో కూర్చొని ఉన్న కోకో అమ్మానాన్నల వైపు తిరిగి ‘‘కోకో అద్భుతంగా ఆడింది. చక్కటి క్రీడాకారిణిగా మీరు తనని తీర్చిదిద్దారు’’ అని చెప్పింది నవోమీ. వాళ్ల కళ్లు మెరిశాయి. కోకో ఏడుపు ఆపకుండానే నవోమీకి థ్యాంక్యూ చెప్పింది. కిందటేడాది యు.ఎస్‌.ఓపెన్‌లోనే ఫైనల్స్‌లో సెరెనా విలియమ్స్‌ను ఓడించినందుకు విలపిస్తున్న నవోమీ ఓసక (జపాన్‌) పన్నెండు నెలల క్రితం ఇదే యు.ఎస్‌. ఓపెన్‌లో, ఇదే ఆర్థర్‌ ఆష్‌ స్టేడియంలో, ఇదే శనివారం జరిగిన ఫైనల్‌లో సెరెనా విలియమ్స్‌ని ఓడించినందుకు నవోమీ ఓసక ఏడ్చింది. ఏడుస్తూనే ఉంది! సెరెనా కెరీర్‌కు అది కీలకమైన ఫైనల్‌. అది గెలిస్తే సెరెనా 24 టైటిళ్లు గెలిచినట్లవుతుంది. అది గెలిస్తే అప్పటివరకు మార్గరెట్‌ పేరు మీద ఉన్న 24 టైటిళ్ల రికార్డుకు సెరెనా ఈక్వల్‌ అవుతుంది. అది గెలిస్తే తల్లయ్యాక కూడా సెరెనా రాకెట్‌ పవరేం తగ్గలేదన్న సంకేతం ప్రపంచానికి వెళుతుంది. కానీ ఓడిపోయింది! 6–2, 6–4 తేడాతో 20 ఏళ్ల వయసులోని 20వ సీడ్‌ నవోమీ.. సీనియర్‌ మోస్ట్‌ సెరెనాపై గెలిచింది. దీర్ఘకాలం తర్వాత జపాన్‌కు వచ్చిన గ్రాండ్‌స్లామ్‌ టైటిల్‌! సెరెనాకు అది పెద్ద ఓటమి అయితే, నవోమీకి పెద్ద గెలుపు. కానీ ఆ పెద్ద గెలుపు సంతోషం ఆమెకు మిగల్లేదు. నవోమీ గెలవగానే గ్యాలరీలో ఉన్న సెరెనా అభిమానులు నవోమీని ఇష్టం వచ్చినట్లు తిట్టారు. ‘సెరెనానే ఓడిస్తావా?’ అన్నారు.  ‘వెంటనే మా కళ్ల ముందు నుంచి వెళ్లిపో’ అన్నారు. నవోమీ కళ్లు తుడుచుకుంటూనే స్టేజ్‌ మీదకు ఎక్కింది. కళ్లు తుడుచుకుంటూనే ట్రోఫీ అందుకుంది. ఎవరూ ఆమెను ఓదార్చలేదు. అందరూ సెరెనాను ఓదార్చేందుకే ప్రయత్నించారు. ఆఖరికి నవోమీ కూడా!! సెరెనా అభిమానుల వైపు చూసి ‘‘సారీ, ఇలా ముగిసింది’’ అని పెద్దగా ఏడుస్తూ చెప్పింది నవోమీ. ఓడిపోయిన ప్లేయర్‌ని తట్టుకోవడం కష్టం. ఓడిపోయిన ప్లేయర్‌ అభిమానులను తట్టుకోవడం ఇంకా కష్టం. ఇక్కడ ఓడిపోయిన ఈ చిన్న పిల్ల కోకో గాఫ్‌కూ అభిమానులు లేకపోతారా? ‘సారీ.. ఇంత కఠినంగా ఆడినందుకు’ అని ఆమెను దగ్గరకు తీసుకుంది నవోమీ! నవోమీలోని విజేత.. నవోమీలోని కోకో గాఫ్‌ అభిమానికి చెప్పిన సారీ ఇది. గతం ఏడాది తన ఆరాధ్య క్రీడాకారిణి సెరెనాను, ఇప్పుడు తననీ ఓడించినందుకు ప్రతీకారంగా కోకో గాఫ్‌ పెరిగి పెద్దయి భవిష్యత్తులో నవోమీని ఓడిస్తే కనుక దానిని కూడా నవోమీ ఒక గెలుపుగానే తీసుకుంటుందని ఊహించడానికి ఈ ‘సారీ’లు చాలు. అమేజింగ్‌ ప్లేయర్‌ నవోమీ!  -మాధవ్‌ శింగరాజు

న్యూఢిల్లీ : భారత స్టార్‌ షట్లర్‌, తెలుగు తేజం పీవీ సింధు సంపాదన పరంగా చరిత్ర సృష్టించారు.  మంగళవారం విడుదల చేసిన 2019 ఫోర్బ్స్‌ టాప్‌-15లో చోటు దక్కించుకున్న ఏకైక భారత మహిళా అథ్లెట్‌గా ఘనత సాధించారు. సింధు 5.5 మిలియన్‌ డాలర్ల ఆదాయంతో  13వ స్థానాంలో నిలిచారు. ఈ ఆదాయం అంతా ఆమె ప్రకటనలు, వేతనం, ప్రోత్సాహకాల ద్వారా లభించింది. సింధు భారత మహిళా అథ్లెట్స్‌లో ప్రభావవంతమైన క్రీడాకారిణి అని, వరల్డ్‌ టూర్‌ ఫైనల్స్‌ టోర్నీ  2018లో సింధు విజేతగా నిలవడంతో అభిమానుల్లో ఆమెకు మరింత క్రేజ్‌ పెరిగిందని ఫోర్బ్స్‌ వెల్లడించింది. ఇక గతేడాది విడుదల చేసిన ఫోర్బ్స్‌ జాబితాలో సింధు ఏడో స్థానంలో నిలిచిన విషయం తెలిసిందే. కాగా ఈ ఏడాది మహిళా అథ్లెట్లలో అత్యంత సంపన్నరాలిగా  అమెరికా టెన్నిస్‌ స్టార్‌ సెరెనా  విలియమ్సన్‌ నిలిచారు. సెరెనా సంపద 29.2 మిలియన్‌ డాలర్లు. గతేడాది వరల్డ్‌ టూర్‌ ఫైనల్స్‌లో విజేతగా నిలిచి.. ఈ ఘనత సాధించిన తొలి భారతీయ ప్లేయర్‌గా గుర్తింపు సాధించిన విషయం తెలిసిందే. ఇక ఈ ఏడాది సింధు అంచనాలకు మించి ఆడటం లేదు. ఇండోనేసియా టోర్నీ ఫైనల్‌ మ్యాచ్‌లో ఓడిపోవడంతో సహా.. సింగపూర్‌, మలేసియా, జపాన్‌, జాతీయ బ్యాడ్మింటన్‌ చాంపియన్‌ షిప్‌లో అంతగా ఆకట్టుకోలేకపోయింది. ప్రస్తుతం ప్రపంచ బ్యాడ్మింటన్‌ చాంపియన్‌షిప్‌లో స్వర్ణమే లక్క్ష్యంగా సింధు బరిలోకి దిగుతోంది. 

వింబుల్డన్‌ టైటిల్‌ గెలిచి సిమోనా హలెప్‌ చరిత్ర సృష్టించింది. ఈ గెలుపు వెనుక ఆమె 23 ఏళ్ల కష్టం ఉంది. ఎవరు చేయని త్యాగం ఉంది. అంతకు మించి వాళ్ల అమ్మ కలను నెరవేర్చాలనే బలమైన కోరిక ఉంది. ఇవే హలెప్‌కు సెరెనా విలియమ్స్‌లాంటి కొండను ఢీకొట్టే ధైర్యాన్నిచ్చింది. ఏడుసార్లు చాంపియన్‌.. 23 గ్రాండ్‌స్లామ్‌ టైటిల్స్‌ విజేతను మట్టికరిపించేలా చేసింది. కేవలం ఫైనల్‌కు చేరడమే తన లక్ష్యంగా పెట్టుకున్న ఈ రొమేనియా స్టార్‌ ఏకంగా టైటిల్‌నే సొంతం చేసుకుంది. నాలుగేళ్లకే టెన్నిస్‌ రాకెట్‌ పట్టుకున్న హలెప్‌ అప్పటి నుంచి వెనక్కి తిరిగి చూడలేదు. ఆమె తండ్రి హలెప్‌ను ‘లిటిల్‌ రొలెక్స్‌’  అని ముద్దుగా పిలిచేవాడు. ఆట కోసం 16 ఏళ్లకే ఇళ్లును వదిలిన ఆమె నిరంతారయంగా శ్రమించింది.  ఎవరూ చేయని త్యాగం.. తనకిష్టమైన ఆటకోసం హలెప్‌ ఎవరూ చేయని త్యాగం చేసింది. తన ఆటకు ఇబ్బంది కలుగుతుందని సర్జరీ ద్వారా బ్రెస్ట్‌నే తీయించుకుంది. తన 34DD చాతి భాగంతో తన కల నెరవేరదని భావించిన ఆమె బ్రెస్ట్‌ రిడక్షన్‌ సర్జరీతో 34C సైజుకు తగ్గించుకుంది. 2009లో ఈసర్జరీ జరగ్గా.. అప్పటికి ఆమె వయసు కేవలం 17 ఏళ్లు మాత్రమే. టెన్నిస్‌ కోసమే ఈ పని చేసానని, అదే ఈ రోజు తనని అగ్రస్థానంలో నిలబెట్టిందని సర్జరీ గురించి ఇటీవల పేర్కొంది. అయితే ఇదేదో పెద్ద త్యాగం అనుకోవడం లేదని తెలిపింది. ఆటపై ఉన్న మక్కువనే అలా చేయించిందని స్పష్టం చేసింది. వరుస ఓటములు.. గ్రాండ్‌స్లామ్‌ అందుకోవడానికి హలెప్‌ చాలా కష్టపడింది. పలుసార్లు అడుగు దూరంలో టైటిల్‌ దూరమైనా ఏ మాత్రం నిరాశకు లోనవ్వలేదు. పోయినచోటే వెతుక్కోవాలని పోరాడింది.  హలెప్‌కు 2014లో తొలిసారి గ్రాండ్‌స్లామ్‌ టైటిల్‌ గెలుచుకునే అవకాశం వచ్చినట్టే వచ్చి చేజారింది. ఆ ఏడాది జరిగిన ఫ్రెంచ్‌ ఒపెన్‌ ఫైనల్లో మారియా షరపోవా (రష్యా) చేతిలో హలెప్‌ ఓటమిపాలైంది. ఆ తర్వాత 2017 వరకు హలెప్‌కు ఫైనల్‌ చేరే అవకాశం రాలేదు. ఆ ఏడాది జరిగిన ఫ్రెంచ్‌ ఓపెన్‌ ఫైనల్లో లాట్వియాకు చెందిన జెలెనా ఓస్టాపెంకో(20) చేతిలో హలెప్‌ ఖంగుతిన్నది. టైటిల్‌తో పాటు ప్రపంచ నెం1 ర్యాంకు కోల్పోయింది. 2018లో జరిగిన ఆస్ట్రేలియా ఓపెన్‌ ఫైనల్లో డెన్మార్క్‌ క్రీడాకారిణి కరోలిన్‌ వోజ్నియాకి చేతిలో పరాజయం పాలైంది. ‘ఫ్రెంచ్‌’ కోటలో..  చివరకు ఫ్రెంచ్‌ కోటలోనే హలెప్‌కు తొలి గ్రాండ్‌స్లామ్‌ టైటిల్‌ దక్కింది. 2014, 2017లో ఫైనల్‌కు చేరి రన్నరప్‌ ట్రోఫీతో సరిపెట్టుకున్న రొమేనియా స్టార్‌ ముచ్చటగా మూడో ప్రయత్నంలో విజేతగా నిలిచింది. స్లోన్‌ స్టీఫెన్స్‌ (అమెరికా)పై గెలిచి తొలి గ్రాండ్‌స్లామ్‌ టైటిల్‌ను సొంతం చేసుకుంది. తాజాగా శనివారం జరిగిన మహిళల సింగిల్స్‌ ఫైనల్లో ఏడో సీడ్‌ హలెప్‌ 6–2, 6–2తో 11వ సీడ్, సెరెనా విలియమ్స్‌ను చిత్తుగా ఓడించి తొలిసారి వింబుల్డన్‌ టైటిల్‌ను హస్తగతం చేసుకుంది. అంతేకాకుండా వింబుల్డన్‌ టైటిల్‌ గెలిచిన తొలి రొమేనియా ప్లేయర్‌గా ఆమె రికార్డు సృష్టించింది.  మా అమ్మ కోరిక.. వింబుల్డన్‌ ఫైనల్‌ ఆడాలనేది తన తల్లి కోరికని, అది ఈ రోజు నెరవేరిందని విజయానంతరం హలెప్‌ సంతోషం వ్యక్తం చేసింది. ‘నా జీవితంలోనే గొప్ప మ్యాచ్‌ ఆడాను. వింబుల్డన్‌ ఫైనల్‌ ఆడాలన్నది మా అమ్మ కోరిక. వింబుల్డన్‌ ఫైనల్‌ ఆడితే టెన్నిస్‌లో ఏదో ఘనత సాధించినట్టేనని మా అమ్మ చెప్పింది. ఆ రోజు రానే వచ్చింది. ఆమె కోరుకున్నట్టే వింబుల్డన్‌లో ఫైనల్‌ ఆడటమే కాకుండా టైటిల్‌ కూడా గెలిచాను. మా అమ్మ కలను నిజం చేశాను.’  అని హలెప్‌ పట్టారని సంతోషంతో పరవశించిపోయింది.  చదవండి : హై హై... హలెప్‌

ఆల్‌టైమ్‌ గ్రాండ్‌స్లామ్‌ సింగిల్స్‌ టైటిల్స్‌ రికార్డును సమం చేసే అవకాశాన్ని అమెరికా టెన్నిస్‌ దిగ్గజం సెరెనా విలియమ్స్‌ మరోసారి చేజార్చుకుంది. సహజశైలిలో, స్థాయికి తగ్గట్టు ఆడితే విజయం ఖాయమనుకున్న చోట ఈ నల్లకలువకు ఊహించని పరాజయం ఎదురైంది. గతంలో సెరెనాతో ఆడిన పది మ్యాచ్‌ల్లో కేవలం ఒక్కసారి మాత్రమే నెగ్గిన రొమేనియా క్రీడాకారిణి సిమోనా హలెప్‌ వింబుల్డన్‌ వేదికపై తన కెరీర్‌లోనే చిరస్మరణీయ విజయం నమోదు చేసుకుంది. 23 గ్రాండ్‌స్లామ్‌ టైటిల్స్‌ విజేత సెరెనాపై కేవలం 56 నిమిషాల్లో అదీ నాలుగు గేమ్‌లు మాత్రమే కోల్పోయి జయకేతనం ఎగురవేసిన హలెప్‌ కెరీర్‌లో రెండో గ్రాండ్‌స్లామ్‌ టైటిల్‌ను దక్కించుకుంది. లండన్‌: మరో గ్రాండ్‌స్లామ్‌ టైటిల్‌ గెలిచి చరిత్ర సృష్టించాలని భావించిన సెరెనా విలియమ్స్‌కు మళ్లీ ఆశాభంగమైంది. ఇప్పటికే 23 గ్రాండ్‌స్లామ్‌ టైటిల్స్‌ నెగ్గిన ఈ అమెరికా స్టార్‌ మరో టైటిల్‌తో మార్గరెట్‌ కోర్ట్‌ (ఆస్ట్రేలియా–24 టైటిల్స్‌) పేరిట ఉన్న ఆల్‌టైమ్‌ అత్యధిక గ్రాండ్‌స్లామ్‌ టైటిల్స్‌ రికార్డును సమం చేయాలని ప్రయత్నించి విఫలమైంది. గత ఏడాది వింబుల్డన్‌లో, యూఎస్‌ ఓపెన్‌లో ఫైనల్‌ చేరి రన్నరప్‌తోనే సరిపెట్టుకున్న సెరెనా ఈ యేడు కూడా వింబుల్డన్‌ ఫైనల్లో ఓటమి రుచి చూసింది. గత సంవత్సరం తుది పోరులోఎంజెలిక్‌ కెర్బర్‌ (జర్మనీ) షాక్‌ ఇవ్వగా... ఈసారి సిమోనా హలెప్‌ (రొమేనియా) ఆ పని చేసింది. శనివారం జరిగిన మహిళల సింగిల్స్‌ ఫైనల్లో ఏడో సీడ్‌ హలెప్‌ 6–2, 6–2తో 11వ సీడ్, ఏడుసార్లు చాంపియన్‌ సెరెనా విలియమ్స్‌ను చిత్తుగా ఓడించి తొలిసారి వింబుల్డన్‌ టైటిల్‌ను హస్తగతం చేసుకుంది. అంతేకాకుండా వింబుల్డన్‌ టైటిల్‌ గెలిచిన తొలి రొమేనియా ప్లేయర్‌గా ఆమె రికార్డు సృష్టించింది. విజేతగా నిలిచిన హలెప్‌కు 23 లక్షల 50 వేల పౌండ్లు (రూ. 20 కోట్ల 26 లక్షలు)... రన్నరప్‌ సెరెనాకు 11 లక్షల 75 వేల పౌండ్లు (రూ.10 కోట్ల 13 లక్షలు) ప్రైజ్‌మనీగా లభించాయి. ఆరంభం నుంచే దూకుడు... గతంలో 37 ఏళ్ల సెరెనాపై ఒక్కసారి మాత్రమే నెగ్గిన 27 ఏళ్ల హలెప్‌ ఈసారి మాత్రం ఆరంభం నుంచే తన ఆధిపత్యాన్ని చాటుకుంది. తొలి గేమ్‌లో, మూడో గేమ్‌లో సెరెనా సర్వీస్‌లను బ్రేక్‌ చేసిన హలెప్‌ తన సర్వీస్‌లను కాపాడుకొని 4–0తో ఆధిక్యంలోకి వెళ్లింది. ఆ తర్వాత సెరెనాకు కోలుకునే అవకాశం ఇవ్వకుండా ఆడిన హలెప్‌ తొలి సెట్‌ను దక్కించుకుంది. రెండో సెట్‌లో సెరెనా పుంజుకుంటుందని ఆశించినా హలెప్‌ జోరు ముందు ఆమె తేలిపోయింది. ఐదో గేమ్‌లో, ఏడో గేమ్‌లో సెరెనా సర్వీస్‌లను బ్రేక్‌ చేసిన హలెప్‌ ఎనిమిదో గేమ్‌లోనూ తన సర్వీస్‌ను నిలబెట్టుకొని విజయాన్ని ఖాయం చేసుకుంది. గతేడాది హలెప్‌ ఫ్రెంచ్‌ ఓపెన్‌లో విజేతగా నిలిచి కెరీర్‌లో తొలి గ్రాండ్‌స్లామ్‌ టైటిల్‌ను సాధించింది. నా జీవితంలోనే గొప్ప మ్యాచ్‌ ఆడాను. వింబుల్డన్‌ ఫైనల్‌ ఆడాలన్నది మా అమ్మ కోరిక. వింబుల్డన్‌ ఫైనల్‌ ఆడితే టెన్నిస్‌లో ఏదో ఘనత సాధించినట్టేనని మా అమ్మ చెప్పింది. ఆ రోజు రానే వచ్చింది. ఆమె కోరుకున్నట్టే వింబుల్డన్‌లో ఫైనల్‌ ఆడటమే కాకుండా టైటిల్‌ కూడా గెలిచాను. మా అమ్మ కలను నిజం చేశాను.      – సిమోనా హలెప్‌

లండన్‌: వింబుల్డన్‌ గ్రాండ్‌ స్లామ్‌లో కొత్త చాంపియన్‌ అవతరించారు.  శనివారం జరిగిన మహిళల సింగిల్స్‌ ఫైనల్లో రొమేనియా క్రీడాకారిణి, ఏడో సీడ్‌ సిమోనా హలెప్‌ విజయం సాధించారు. హలెప్‌ 6-2, 6-2 తేడాతో నల్లకలువ సెరెనా విలియమ్స్‌పై ఏకపక్ష విజయం సాధించి తొలిసారి వింబుల్డన్‌ ట్రోఫీని ముద్దాడారు. మరొకవైపు రొమేనియా తరఫున తొలి వింబుల్డన్‌ సింగిల్స్‌ టైటిల్‌ సాధించిన క్రీడాకారిణిగా గుర్తింపు పొందారు. తొలి సెట్‌ను అవలీలగా గెలుచుకున్న హలెప్‌.. రెండో సెట్‌లో కూడా అదే జోరును కొనసాగించారు. ఏ దశలోనూ సెరెనాకు అవకాశం ఇవ్వకుండా ఆద్యంతం దూకుడును ప్రదర్శించి టైటిల్‌ను కైవసం చేసుకున్నారు.  ఇది హలెప్‌కు  రెండో గ్రాండ్‌ స్లామ్‌ టైటిల్‌. గతేడాది ఫ్రెంచ్‌ ఓపెన్‌ టైటిల్‌ను గెలిచిన హలెప్‌..  ఇప్పుడు తాజాగా వింబుల్డన్‌లో విజేతగా నిలిచారు.దాంతో  అత్యధిక గ్రాండ్‌ స్లామ్‌ సింగిల్స్‌ టైటిల్స్‌ గెలిచిన మార్గరెట్‌(24 టైటిల్స్‌) రికార్డును సమం చేద్దామనుకున్న సెరెనా ఆశలు తీరలేదు. వరుస రెండు సెట్లలో దారుణంగా విఫలమైన సెరెనా విలియమ్స్‌ రన్నరప్‌గా సరిపెట్టుకున్నారు.

లండన్‌ : టెన్నిస్‌ దిగ్గజ మహిళా క్రీడాకారిణి మార్గరెట్‌ కోర్ట్‌(ఆస్ట్రేలియా) అత్యధిక గ్రాండ్‌ స్లామ్‌ రికార్డుకు అడుగు దూరంలో సెరెనా విలియమ్స్‌ నిలిచింది. ప్రతిష్టాత్మక వింబుల్డన్‌ టోర్నీ మహిళల విభాగంలో సెరెనా విలియమ్స్‌ 11వ సారి ఫైనల్‌ చేరింది. గురువారం జరిగిన సెమీస్‌ మ్యాచ్‌లో 11వ సీడ్‌ సెరెనా 6–1, 6–2తో అన్‌సీడెడ్‌ బార్బరా స్ట్రికోవా (చెక్‌ రిపబ్లిక్‌)పై విజయం సాధించి హలెప్‌తో జరిగే టైటిల్‌ పోరుకు సిద్ధమైంది. మరో సెమీఫైనల్‌ మ్యాచ్‌లో రుమేనియా తార 7వ సీడ్‌ హలెప్‌ 6–1, 6–3తో 8వ సీడ్‌ స్వితోలినా(ఉక్రెయిన్‌)పై వరుస సెట్లల్లో గెలిచి తుది పోరుకు అర్హత సాధించింది. ఫోర్‌ హ్యాండ్‌ షాట్లతో హోరెత్తించి.. హాట్‌ ఫేవరెట్‌గా బరిలో దిగిన సెరెనా అంచనాలకు ఏ మాత్రం తగ్గకుండా ఆడింది. తనదైన ఫోర్‌ హ్యాం డ్‌ షాట్‌లతో ప్రత్యర్థికి ముచ్చెమటలు పట్టించింది. సెరెనా ఫోర్‌ హ్యాండ్‌ షాట్‌లకు స్ట్రికోవా దగ్గర ఎటువంటి సమాధానం లేకపోవడంతో మొదటి సెట్‌ను 27 నిమిషాల్లో, రెండో సెట్‌ను 22 నిమిషాల్లో గెలిచి మ్యాచ్‌ను సొంతం చేసుకుంది. మ్యాచ్‌లో సెరెనా 28 విన్నర్లను, 4 ఏస్‌లను కొట్టగా.. స్ట్రికోవా కేవలం 8 విన్నర్లను, ఒక ఏస్‌ను మాత్రమే కొట్టింది. తొలిసారి..  2018 ఫ్రెంచ్‌ ఓపెన్‌ విజేత హలెప్‌ తన కెరీర్‌లోనే తొలిసారిగా వింబుల్డన్‌ మహిళల విభాగంలో ఫైనల్‌ చేరింది. టోర్నీ మొత్తం అంచనాలకు మించి రాణించిన ఉక్రెయిన్‌ భామ స్వితోలినా మాత్రం తన కెరీర్‌లో ఆడుతున్న తొలి సెమీస్‌లో తడబడింది. మ్యాచ్‌ ఆసాంతం క్రాస్‌ కోర్టు, డౌన్‌ ద లైన్‌ షాట్‌లతో ప్రత్యర్థిని కోర్టు నలువైపులా పరుగెత్తించిన హలెప్‌ 73 నిమిషాల్లోనే మ్యాచ్‌ను ముగించింది. ప్రత్యర్థి సర్వీస్‌ను ఐదు సార్లు బ్రేక్‌ చేసిన హలెప్‌ 26 విన్నర్లను కొట్టగా.. స్వితోలినా ఒక సారి మాత్రమే బ్రేక్‌ చేసి కేవలం 10 విన్నర్లను కొట్టింది. ఫైనల్‌కు చేరే క్రమంలో హలెప్‌ కేవలం ఒకే ఒక్క సెట్‌ను ప్రత్యర్థికి కోల్పోవడం విశేషం. నేటి పురుషుల సింగిల్స్‌ సెమీఫైనల్‌ జొకోవిచ్‌ X బాటిస్టా   ఫెడరర్ఠ్‌ X నాదల్‌ సాయంత్రం 5.30 నుంచి స్టార్‌ స్పోర్ట్‌ సెలెక్ట్‌–1లో ప్రత్యక్ష ప్రసారం

లండన్‌: సెరెనా అడుగులు మార్గరెట్‌ కోర్ట్‌ రికార్డు దిశగా పడుతున్నాయి. వింబుల్డన్‌ ఓపెన్‌లో 12సారి సెమీస్‌ చేరిన ఈ నల్లకలువ 24వ గ్రాండ్‌స్లామ్‌ టైటిల్‌పై కన్నేసింది. ముందుగా 37 ఏళ్ల వెటరన్‌ స్టార్‌ ఇక సెమీస్‌ విజయమే లక్ష్యంగా తన రాకెట్‌ను రఫ్ఫాడించనుంది. సెరెనాతోతో పాటు ఏడో సీడ్‌ సిమోనా హలెప్‌ (రొమేనియా), ఎనిమిదో సీడ్‌ స్వితోలినా (ఉక్రెయిన్‌), బార్బరా స్ట్రికోవా (చెక్‌ రిపబ్లిక్‌)  సెమీఫైనల్లోకి దూసుకెళ్లారు.   కాస్త రిస్కీ అయింది! మహిళల సింగిల్స్‌ క్వార్టర్‌ ఫైనల్లో సెరెనా గెలిచేందుకు తుదికంటా పోరాడాల్సి వచ్చింది.  సహచర అమెరికా క్రీడాకారిణి అలీసన్‌ రిస్కీని ఓడించేందుకు సెరెనా మూడు సెట్లదాకా శ్రమించింది. 2 గంటల ఒక నిమిషం పాటు జరిగిన ఈ పోరులో చివరకు సెరెనా 6–4, 4–6, 6–3తో అన్‌సీడెడ్‌ రిస్కీపై గెలిచి ఊపిరి పీల్చుకుంది. వింబుల్డన్‌ కోర్టులపై అమెరికా నల్లకలువకు ఇది 97వ విజయం కావడం విశేషం. మిగతా క్వార్టర్‌ ఫైనల్‌ మ్యాచ్‌ల్లో ఏడో సీడ్‌ హలెప్‌ 7–6 (7/4), 6–1తో షువాయ్‌ జంగ్‌ (చైనా)పై గెలుపొందగా, ఎనిమిదో సీడ్‌ స్వితోలినా 7–5, 6–4తో కరోలినా ముచోవా (చెక్‌ రిపబ్లిక్‌)పై విజయం సాధించింది. క్వార్టర్స్‌ దాటిన స్ట్రికోవా చెక్‌ రిపబ్లిక్‌ ప్లేయర్‌ బార్బరా స్ట్రికోవా ఎట్టకేలకు గ్రాండ్‌స్లామ్‌ టోర్నీల్లో క్వార్టర్‌ ఫైనల్‌ అంచెను దాటింది. 17 ఏళ్లుగా వింబుల్డన్‌ బరిలో దిగుతున్న ఆమె ఒకే ఒక్కసారి క్వార్టర్స్‌ (2014) చేరింది. ఇపుడు క్వార్టర్స్‌లో స్ట్రికోవా 7–6 (7/5), 6–1తో జొహానా కొంటా (బ్రిటన్‌)పై విజయం సాధించింది. గురువారం జరిగే సెమీఫైనల్స్‌లో స్ట్రికోవాతో సెరెనా; స్వితోలినాతో హలెప్‌ ఆడతారు.   డబుల్స్‌లో తొలి 12–12 టై బ్రేక్‌ మారథాన్‌ మ్యాచ్‌లకు మంగళం పలకాలని భావించిన ఆల్‌ ఇంగ్లండ్‌ క్లబ్‌ ఈ ఏడాది 12–12 స్కోరు వద్ద టైబ్రేక్‌కు కటాఫ్‌ మార్క్‌ ఇచ్చింది. ఈ కటాఫ్‌ స్కోరు తొలిసారిగా పురుషుల డబుల్స్‌ మ్యాచ్‌లో నమోదైంది. హెన్రీ కొంటినెన్‌ (ఫిన్‌లాండ్‌)–జాన్‌ పీర్స్‌ (ఆస్ట్రేలియా), రాజీవ్‌ రామ్‌ (అమెరికా)–జో సాలిస్‌బరీ (బ్రిటన్‌) జంటల మధ్య జరిగిన మ్యాచ్‌లో చివరికి హెన్రీ–పీర్స్‌ జోడీ 7–6 (7/2), 6–4, 3–6, 13–12 (7/2)తో నెగ్గింది. గతేడాది అండర్సన్, ఇస్నెర్‌ల మధ్య పురుషుల సింగిల్స్‌ సెమీస్‌ మ్యాచ్‌లో ఆఖరి సెట్‌ 26–24 స్కోరుదాకా అప్రతిహాతంగా సాగింది. దీంతో ఈ ఏడాది నుంచి 12–12 వద్ద టైబ్రేక్‌ను అనివార్యం చేశారు.   సెరెనా... 10 వేల డాలర్ల జరిమానా కట్టు! ఏడు సార్లు వింబుల్డన్‌ చాంపియన్‌ అయిన సెరెనా విలియమ్స్‌పై ఆల్‌ ఇంగ్లండ్‌ క్లబ్‌ జరి మానా విధించింది. టోర్నీకి ముందు ప్రాక్టీస్‌ సెషన్‌లో పాల్గొన్న ఆమె టెన్నిస్‌ కోర్టును రాకెట్‌తో నష్టపరిచినట్లు తేలింది. దీంతో 10 వేల డాలర్లు (రూ.6.85 లక్షలు) జరిమానాగా చెల్లించాలని ఆల్‌ ఇంగ్లండ్‌ క్లబ్‌ 37 ఏళ్ల అమెరికన్‌ స్టార్‌ను ఆదేశించింది. నేటి షెడ్యూల్‌ (పురుషుల సింగిల్స్‌ క్వార్టర్‌ ఫైనల్స్‌) జొకోవిచ్‌ X డేవిడ్‌ గాఫిన్‌   ఫెడరర్‌ X నిషికోరి గిడో పెల్లా X బాటిస్టా అగుట్‌ నాదల్‌ X స్యామ్‌ క్వెరీ సాయంత్రం 5.30 నుంచి స్టార్‌ స్పోర్ట్స్‌ సెలెక్ట్‌–2లో ప్రత్యక్ష ప్రసారం స్వితోలినా, స్ట్రికోవా, హలెప్‌

లండన్‌: ఎర్ర మట్టి కోర్టులపై చెలరేగి ఫ్రెంచ్‌ ఓపెన్‌లో చాంపియన్‌గా నిలిచిన యాష్లే బార్టీ (ఆస్ట్రేలియా) పచ్చిక కోర్టులపై మాత్రం తడబడింది. ప్రపంచ నంబర్‌వన్, టాప్‌ సీడ్‌ హోదాలో వింబుల్డన్‌ గ్రాండ్‌స్లామ్‌ టోర్నీలో బరిలోకి దిగిన యాష్లే బార్టీ ప్రస్థానం ప్రిక్వార్టర్‌ ఫైనల్లోనే ముగిసింది. యాష్లే బార్టీతోపాటు మూడో సీడ్‌ కరోలినా ప్లిస్కోవా (చెక్‌ రిపబ్లిక్‌), ఆరో సీడ్‌ పెట్రా క్విటోవా (చెక్‌ రిపబ్లిక్‌) కూడా ప్రిక్వార్టర్స్‌ దాటకుండానే ఇంటిముఖం పట్టారు. 15 ఏళ్ల అమెరికా రైజింగ్‌ స్టార్‌ కోరి గాఫ్‌ సంచలన ప్రదర్శనకు ప్రిక్వార్టర్‌ ఫైనల్లో ఏడో సీడ్‌ సిమోనా హలెప్‌ (రొమేనియా) అడ్డుకట్ట వేసింది. హలెప్‌తోపాటు ఎనిమిదో సీడ్‌ స్వితోలినా (ఉక్రెయిన్‌), ఏడుసార్లు చాంపియన్‌ సెరెనా విలియమ్స్‌ కూడా క్వార్టర్‌ ఫైనల్లోకి ప్రవేశించారు.   గతేడాది వింబుల్డన్‌లో మూడో రౌండ్లో ఓడిన బార్టీ ఈ ఏడాది ఒక అడుగు ముందుకేసింది. సోమవారం జరిగిన మహిళల సింగిల్స్‌ ప్రిక్వార్టర్‌ ఫైనల్లో 23 ఏళ్ల బార్టీ 6–3, 2–6, 3–6తో అన్‌సీడెడ్‌ అలీసన్‌ రిస్కీ (అమెరికా) చేతిలో కంగుతింది. తొలి సెట్‌లో ప్రభావం చూపించిన ఈ ఫ్రెంచ్‌ ఓపెన్‌ చాంపియన్‌ తర్వాత రెండు సెట్లలోనూ నిరాశపరిచింది. ఇతర ప్రిక్వార్టర్‌ ఫైనల్స్‌లో హలెప్‌ 6–3, 6–3తో కోరి గాఫ్‌పై అలవోక విజయం సాధించింది. అమెరికా టెన్నిస్‌ దిగ్గజం, 11వ సీడ్‌ సెరెనా 6–2, 6–2తో వరుస సెట్లలో కార్లా స్వారెజ్‌ నవారో (స్పెయిన్‌)పై, స్వితోలినా 6–4, 6–2తో పెట్రా మార్టిక్‌ (క్రొయేషియా)పై గెలుపొందారు. మూడో సీడ్‌ ప్లిస్కోవా 6–4, 5–7, 11–13తో కరోలినా ముచోవా (చెక్‌ రిపబ్లిక్‌) చేతిలో... ఆరో సీడ్‌ క్విటోవా 6–4, 2–6, 4–6తో 19వ సీడ్‌ జొహనా కొంటా (బ్రిటన్‌) చేతిలో కంగుతింది. సీడెడ్‌ ఆటగాళ్ల జోరు... పురుషుల సింగిల్స్‌లో డిఫెండింగ్‌ చాంపియన్‌ జొకోవిచ్‌ (సెర్బియా)తోపాటు మాజీ చాంపియన్స్‌ ఫెడరర్‌ (స్విట్జర్లాండ్‌), రాఫెల్‌ నాదల్‌ (స్పెయిన్‌) క్వార్టర్‌ ఫైనల్లోకి దూసుకెళ్లారు. ప్రిక్వార్టర్‌ ఫైనల్స్‌లో జొకోవిచ్‌ 6–3, 6–2, 6–3తో ఉగో హంబర్ట్‌ (ఫ్రాన్స్‌)పై, మూడో సీడ్‌ నాదల్‌ 6–2, 6–2, 6–2తో జొవో సొసా (పోర్చుగల్‌)పై, రెండో సీడ్‌ ఫెడరర్‌ 6–1, 6–2, 6–2తో బెరెటిని (ఇటలీ)పై సునాయాస విజయం సాధించారు. ఇతర మ్యాచ్‌ల్లో 21వ సీడ్‌ డేవిడ్‌ గాఫిన్‌ (బెల్జియం) 7–6 (11/9), 2–6, 6–3, 6–4తో ఫెర్నాండో వెర్డాస్కో (స్పెయిన్‌)పై, 23వ సీడ్‌ బాటిస్ట అగుట్‌ (స్పెయిన్‌) 6–3, 7–5, 6–2తో బెనొయిట్‌ పెయిర్‌ (ఫ్రాన్స్‌)పై నెగ్గారు. పురుషుల డబుల్స్‌ మూడో రౌండ్‌లో దివిజ్‌ శరణ్‌ (భారత్‌)–మార్సెలో డెమోలైనర్‌ (బ్రెజిల్‌) జంట 5–7, 7–6 (8/6), 6–7 (3/7), 3–6తో టాప్‌ సీడ్‌ కుబోట్‌ (పోలాండ్‌)–మార్సెలో మెలో (బ్రెజిల్‌) జోడీ చేతిలో ఓడిపోయింది.   

పారిస్‌: ఫ్రెంచ్‌ ఓపెన్‌ నిర్వాహకుల అత్యుత్సాహంపై ఆస్ట్రియా స్టార్‌ డొమినిక్‌ థీమ్‌ ఆగ్రహం వ్యక్తం చేశాడు. ‘ఓ స్టార్‌ క్రీడాకారిణి వచ్చినంత మాత్రాన నా మీడియా సమావేశాన్ని మధ్యలోనే ముగించుకొని వెళ్లాలా’ అని తీవ్ర స్థాయిలో నిర్వాహకులపై అసహనం వ్యక్తం చేశాడు. ఇంతకీ అసలేం జరిగిందంటే... నాలుగో సీడ్‌ థీమ్‌ మూడో రౌండ్‌ గెలిచి ప్రిక్వార్టర్స్‌ చేరాడు. మ్యాచ్‌ అనంతరం ప్రధాన మీడియా హాల్‌లో అతను విలేకర్లతో ముచ్చటిస్తున్నాడు. మరోవైపు అమెరికన్‌ స్టార్‌ సెరెనా విలియమ్స్‌ మూడో రౌండ్లో ఓడిపోయింది. మీడియా సమావేశం కోసం ఆ హాల్‌ దగ్గర వేచి ఉంది. దీంతో 23 గ్రాండ్‌స్లామ్‌ టైటిళ్ల విజేత సెరెనా కోసం నిర్వాహకులు... థీమ్‌ విలేకర్లతో ముచ్చటిస్తుంటే త్వరగా ముగించుకొని వెళ్లాలని అత్యుత్సాహం ప్రదర్శించారు. వెంటనే థీమ్‌ దీటుగా స్పందిస్తూ ‘ఏంటీ జోకా... ఆమె వచ్చిందని నన్ను ఉన్న పళంగా హాల్‌ ఖాళీ చేసి వెళ్లమంటారా? ఏంటి ఈ చోద్యం. నేను ముగించను. ఇక్కడి నుంచి వెళ్లను. ఏం చేసుకుంటారో చేసుకోండి’ అని తీవ్ర స్థాయిలో స్పందించాడు. విషయం తెలుసుకున్న సెరెనా తనకు ప్రధాన హాల్‌ లేకపోయినా పర్లేదు ఏదో గదిలో మీడియా సమావేశం ఏర్పాటు చేయాలని నిర్వాహకులతో చెప్పింది. దీనిపై పలువురు దిగ్గజాలు, మాజీ ఆటగాళ్లు థీమ్‌ను వెనకేసుకొచ్చారు. మాజీ చాంపియన్‌ ఫెడరర్‌ మాట్లాడుతూ ‘థీమ్‌ అసహనానికి అర్థముంది. ఆగ్రహం వ్యక్తం చేయడానికి హక్కూ వుంది’ అని అన్నాడు.

తొలి రెండు మ్యాచ్‌ల్లో అతి కష్టమ్మీద గట్టెక్కిన మహిళల సింగిల్స్‌ ప్రపంచ నంబర్‌వన్‌ నయోమి ఒసాకా మూడో రౌండ్‌లో మాత్రం ఆ అద్భుతం చేయలేకపోయింది. డబుల్స్‌లో నంబర్‌వన్‌గా ఉన్న కాటరీనా సినియకోవాతో జరిగిన మ్యాచ్‌లో వరుస సెట్‌లలోనే చేతులెత్తేసిన ఒసాకా ఫ్రెంచ్‌ ఓపెన్‌ నుంచి నిష్క్రమించింది. మరోవైపు మాజీ చాంపియన్‌ సెరెనా విలియమ్స్‌ కూడా ఇంటిదారి పట్టింది. అమెరికాకే చెందిన సోఫియా కెనిన్‌ వరుస సెట్‌లలో సెరెనాను ఓడించి తన కెరీర్‌లో తొలిసారి గ్రాండ్‌స్లామ్‌ టోర్నీలో ప్రిక్వార్టర్‌ ఫైనల్‌కు చేరుకుంది. పారిస్‌: ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో శనివారం పెను సంచలనాలు చోటు చేసుకున్నాయి. మహిళల సింగిల్స్‌లో ప్రపంచ నంబర్‌వన్, టాప్‌ సీడ్‌ క్రీడాకారిణి నయోమి ఒసాకా ... పదో సీడ్, మాజీ చాంపియన్‌ సెరెనా విలియమ్స్‌ (అమెరికా) పోరాటం మూడో రౌండ్‌లోనే ముగిసింది. డబుల్స్‌ నంబర్‌వన్, సింగిల్స్‌లో 42వ ర్యాంకర్‌ కాటరీనా సినియకోవా (చెక్‌ రిపబ్లిక్‌) ధాటికి ఒసాకా ఇంటిముఖం పట్టింది. 77 నిమిషాల పాటు జరిగిన మూడో రౌండ్‌ మ్యాచ్‌లో సినియకోవా 6–4, 6–2తో ఒసాకాను ఓడించి తన కెరీర్‌లో తొలిసారి ఓ గ్రాండ్‌స్లామ్‌ టోర్నీ సింగిల్స్‌ విభాగంలో ప్రిక్వార్టర్‌ ఫైనల్లోకి దూసుకెళ్లింది. ప్రపంచ 35వ ర్యాంకర్‌ సోఫియా కెనిన్‌ 6–2, 7–5తో సెరెనాను బోల్తా కొట్టించింది. ఈ ఫ్రెంచ్‌ ఓపెన్‌లో ఆడిన తొలి రెండు మ్యాచ్‌ల్లో ఒసాకా తొలి సెట్‌ను కోల్పోయి, తర్వాతి రెండు సెట్‌లు గెలిచి నిలిచింది. కానీ మూడో మ్యాచ్‌లో మాత్రం అది సాధ్యం కాలేదు. ఒసాకా దూకుడుకు పగ్గాలు వేస్తూ సినియకోవా తొలి సెట్‌లో ఒకసారి... రెండో సెట్‌లో రెండుసార్లు సర్వీస్‌ బ్రేక్‌ సాధించింది. మరోవైపు ఒసాకా ఏకంగా 38 అనవసర తప్పిదాలు, మూడు డబుల్‌ ఫాల్ట్‌లు చేసింది. సినియకోవా సర్వీస్‌లో బ్రేక్‌ సాధించేందుకు ఏడు సార్లు అవకాశం వచ్చినా ఈ జపాన్‌ స్టార్‌ ఒక్కసారీ సద్వినియోగం చేసుకోలేదు. ఇతర మూడో రౌండ్‌ మ్యాచ్‌ల్లో డిఫెండింగ్‌ చాంపియన్‌ సిమోనా హలెప్‌ (రొమేనియా), 14వ సీడ్‌ మాడిసన్‌ కీస్‌ (అమెరికా), ఇగా స్వియాటెక్‌ (పోలాండ్‌) కూడా ప్రిక్వార్టర్‌ ఫైనల్లోకి ప్రవేశించారు. హలెప్‌ 6–2, 6–1తో సురెంకో (ఉక్రెయిన్‌)పై, కీస్‌ 6–3, 6–7 (5/7), 6–4తో బ్లిన్‌కోవా (రష్యా)పై, స్వియాటెక్‌ 0–6, 6–3, 6–3తో మోనికా పుయిగ్‌ (ప్యూర్టోరికో)పై గెలిచారు. సీడెడ్‌ ఆటగాళ్ల జోరు... పురుషుల సింగిల్స్‌ మూడో రౌండ్‌ మ్యాచ్‌ల్లో టాప్‌ సీడ్‌ జొకోవిచ్‌ 6–3, 6–3, 6–2తో కరుసో (ఇటలీ)పై, ఆరో సీడ్‌ సిట్సిపాస్‌ 7–5, 6–3, 6–7 (5/7), 7–6 (8/6)తో క్రాజినోవిచ్‌ (సెర్బియా)పై, నాలుగో సీడ్‌ డొమినిక్‌ థీమ్‌ (ఆస్ట్రియా) 6–3, 4–6, 6–2, 7–5తో పాబ్లో క్యువాస్‌ (ఉరుగ్వే)పై, ఐదో సీడ్‌ జ్వెరెవ్‌ (జర్మనీ) 6–4, 6–2, 4–6, 1–6, 6–2తో లాజోవిచ్‌ (సెర్బియా)పై, తొమ్మిదో సీడ్‌ ఫాగ్‌నిని 7–6 (7/5), 6–4, 4–6, 6–1తో అగుట్‌ (స్పెయిన్‌)పై గెలిచారు. పదో సీడ్‌ ఖచనోవ్‌ (రష్యా), మాజీ చాంపియన్‌ వావ్రింకా (స్విట్జర్లాండ్‌), ఎనిమిదో సీడ్‌ డెల్‌పొట్రో (అర్జెంటీనా) కూడా ప్రిక్వార్టర్‌ ఫైనల్‌ చేరారు. పురుషుల డబుల్స్‌ రెండో రౌండ్‌లో లియాండర్‌ పేస్‌ (భారత్‌)–బెనోయిట్‌ పెయిర్‌ (ఫ్రాన్స్‌) జంట 0–6, 6–4, 3–6తో మూడో సీడ్‌ కబాల్‌–ఫరా (కొలంబియా) జోడీ చేతిలో ఓడిపోయింది.

కాలిఫోర్నియా: రికార్డుస్థాయిలో ఆరోసారి ఇండియన్‌ వెల్స్‌ మాస్టర్స్‌ సిరీస్‌–1000 టోర్నమెంట్‌ టైటిల్‌ను సాధించాలనే లక్ష్యంతో బరిలోకి దిగిన స్విట్జర్లాండ్‌ దిగ్గజం రోజర్‌ ఫెడరర్‌ శుభారంభం చేశాడు. తొలి రౌండ్‌లో ‘బై’ పొందిన ఈ ఐదుసార్లు మాజీ చాంపియన్‌ రెండో రౌండ్‌లో 6–1, 7–5తో పీటర్‌ గొజోవిజిక్‌ (జర్మనీ)పై గెలుపొంది ఈ టోర్నీలో వరుసగా పదోసారి మూడో రౌండ్‌లోకి ప్రవేశించాడు. 77 నిమిషాలపాటు జరిగిన ఈ మ్యాచ్‌లో తొలి సెట్‌ను అలవోకగా నెగ్గిన ఫెడరర్‌కు రెండో సెట్‌లో గట్టిపోటీ ఎదురైంది. కేవలం రెండు ఏస్‌లు కొట్టిన ఈ స్విస్‌ స్టార్‌ ఆరు డబుల్‌ ఫాల్ట్‌లు చేశాడు. ఓవరాల్‌గా ప్రత్యర్థి సర్వీస్‌ను నాలుగుసార్లు బ్రేక్‌ చేసిన ఫెడరర్‌ తన సర్వీస్‌ను ఒకసారి కోల్పోయాడు. ఇదే టోర్నీ మహిళల విభాగంలో అమెరికా స్టార్‌ సెరెనా విలియమ్స్‌ పోరాటం ముగిసింది. గార్బిన్‌ ముగురుజా (స్పెయిన్‌)తో జరిగిన మూడో రౌండ్‌ మ్యాచ్‌లో సెరెనా తొలి సెట్‌ను 3–6తో కోల్పోయి, రెండో సెట్‌లో 0–1తో వెనుకబడిన దశలో గాయం కారణంగా వైదొలిగింది.  బోపన్న జంట ఓటమి  పురుషుల డబుల్స్‌ విభాగంలో రోహన్‌ బోపన్న (భారత్‌)–షపోవలోవ్‌ (కెనడా) ద్వయం రెండో రౌండ్‌లో 4–6, 6–1, 8–10తో జొకోవిచ్‌ (సెర్బియా)–ఫాబియో ఫాగ్‌నిని (ఇటలీ) జోడీ చేతిలో ‘సూపర్‌ టైబ్రేక్‌’లో ఓడిపోయింది.     

సిడ్నీ: అమెరికా టెన్నిస్‌ దిగ్గజం సెరెనా విలియమ్స్‌ ప్రవర్తనను ఉద్దేశిస్తూ గతేడాది సెప్టెంబరులో ‘హెరాల్డ్‌ సన్‌’ పత్రికలో ప్రచురితమైన కార్టూన్‌లో ఎలాంటి తప్పు లేదని ఆస్ట్రేలియా ప్రెస్‌ కౌన్సిల్‌ తేల్చింది. నిరుడు యూఎస్‌ ఓపెన్‌ గ్రాండ్‌స్లామ్‌ టోర్నీ ఫైనల్లో జపాన్‌ క్రీడాకారిణి నయోమి ఒసాకా చేతిలో ఓటమిని జీర్ణించుకోలేని సెరెనా... కోర్టులోనే ఆగ్రహాన్ని వెళ్లగక్కింది. అంపైర్‌ను ‘దొంగ... అబద్ధాలకోరు’ అంటూ తీవ్రంగా దూషించింది. దీనిపై నల్లటి దుస్తుల్లో ఉన్న సెరెనాను కొంచెం లావుగా చూపిస్తూ, రాకెట్‌ విరగ్గొట్టి కోర్టులో ఆమె గంతులేస్తున్నట్లు, ‘నువ్వు ఆమెను గెలవనివ్వాల్సింది’ అని ఒసాకాకు అంపైర్‌ చెబుతున్నట్లు ‘హెరాల్డ్‌ సన్‌’ కార్టూనిస్ట్‌ మార్క్‌ నైట్‌ కార్టూన్‌ వేశాడు.  సెరెనా చిత్రణను ఆక్షేపిస్తూ ఇది కాస్తా జాతి వివక్ష, లింగ వివక్ష కోణంలో వివాదాస్పదమైంది. అప్పటికీ తప్పేమీ లేదని బలంగా చెబుతూ పత్రిక మరోసారి కార్టూన్‌ను ప్రచురించింది. చివరకు విషయం ఆస్ట్రేలియా ప్రెస్‌ కౌన్సిల్‌ వద్దకు చేరింది. విచారణ జరిపిన కౌన్సిల్‌... మ్యాచ్‌ రోజు సెరెనా చిన్న పిల్లలా ప్రవర్తించిందనే ఉద్దేశంలోనే కార్టూన్‌ ఉందని స్పష్టం చేసింది.    

టోక్యో: ప్రపంచ మహిళల టెన్నిస్‌ నంబర్‌వన్‌ క్రీడాకారిణి నయోమి ఒసాకా (జపాన్‌) అనూహ్య నిర్ణయం తీసుకుంది. వరుసగా రెండు గ్రాండ్‌ స్లామ్‌ టైటిల్స్‌ సాధించేలా తనను తీర్చిదిద్దిన కోచ్‌ సషా బాజిన్‌తో (జర్మనీ) తెగదెంపులు చేసుకు న్నట్లు ప్రకటించింది. ‘అందరికీ హాయ్‌. ఇక నుంచి కోచ్‌ సషా బాజిన్‌తో కలసి పనిచేయడంలేదు. ఇన్నాళ్లూ ఆయన అందించిన తోడ్పాటుకు ధన్యవాదాలు. భవిష్యత్‌లో ఆయనకు మంచి జరగాలని కోరుకుంటున్నాను’ అని 21 ఏళ్ల ఈ జపాన్‌ క్రీడాకారిణి తెలిపింది. అమెరికా దిగ్గజం సెరెనాతోపాటు గ్రాండ్‌ స్లామ్‌ చాంపియన్స్‌ కరోలినా వోజ్నియాకి (డెన్మార్క్‌), అజరెంకా (బెలారస్‌)కు హిట్టింగ్‌ పార్ట్‌నర్‌గా వ్యవహరించిన బాజిన్‌ 2018 ఆరంభంలో ఒసాకాకు శిక్షణ ఇవ్వడం ప్రారంభించారు. అప్పటి వరకు కెరీర్‌లో ఒక్క టైటిల్‌ కూడా సాధించలేకపోయిన ఒసాకా... బాజిన్‌ శిక్షణలో రాటు దేలింది. 2018లో యూఎస్‌ ఓపెన్‌ ఫైనల్లో సెరెనాను మట్టికరిపించి తొలి గ్రాండ్‌ స్లామ్‌ టైటిల్‌ సొంతం చేసుకుంది. ఈ ఏడాది ఆస్ట్రేలియన్‌ ఓపెన్‌ టైటిల్‌నూ గెల్చుకొని ఆసియా నుంచి ప్రపంచ నంబర్‌వన్‌ ర్యాంక్‌ను దక్కించుకున్న తొలి ప్లేయర్‌గా చరిత్ర సృష్టించింది. ‘ధన్యవాదాలు నయోమి. నీతో కలిసి పని చేసిన కాలం అద్భుతంగా సాగింది. దీంట్లో నన్నూ భాగం చేసినందుకు కృతజ్ఞతలు’ అని సషా బాజిన్‌ ట్విటర్‌లో పేర్కొన్నాడు.  

నాలుగు నెలల క్రితం యూఎస్‌ ఓపెన్‌లో అమెరికా దిగ్గజ క్రీడాకారిణి సెరెనా విలియమ్స్‌ను ఓడించినప్పటికీ జపాన్‌ అమ్మాయి నయోమి ఒసాకా ఆ విజయాన్ని ఆస్వాదించలేకపోయింది. నాటి ఫైనల్లో చైర్‌ అంపైర్‌ను తీవ్రంగా దూషించిన సెరెనా అక్కడి వాతావరణాన్ని ఉద్రిక్తంగా మార్చేసింది. ఒసాకా విజయంకంటే సెరెనా ప్రవర్తనే అక్కడ హైలైట్‌ అయ్యింది. ఫైనల్‌ను వీక్షించిన ప్రేక్షకులు కూడా ఒసాకా విజయాన్ని అంగీకరించకుండా ఆమెను గేలి చేశారు. సీన్‌ కట్‌ చేస్తే... నాడు సెరెనాపై తాను సాధించిన విజయం గాలివాటమేమీ కాదని ఒసాకా ఆస్ట్రేలియన్‌ ఓపెన్‌లో నిరూపించింది. రెండుసార్లు వింబుల్డన్‌ చాంపియన్‌గా నిలిచిన క్విటోవాపై ఈసారి ఫైనల్లో గెలిచింది. కెరీర్‌లో వరుసగా రెండో గ్రాండ్‌స్లామ్‌ టైటిల్‌ను హస్తగతం చేసుకుంది. ‘గ్రాండ్‌’ విజయంతోపాటు ప్రపంచ నంబర్‌వన్‌ ర్యాంక్‌నూ దక్కించుకుంది. విజయానంతరం చిరునవ్వులు చిందిస్తూ, తనివితీరా ఆస్వాదిస్తూ ఈ క్షణాలను నయోమి ఒసాకా చిరస్మరణీయం చేసుకుంది.    మెల్‌బోర్న్‌: టైటిల్‌ ఫేవరెట్స్‌ అందరూ ముందే నిష్క్రమించగా... పెద్దగా అంచనాలు లేకుండా బరిలోకి దిగిన జపాన్‌ యువతార నయోమి ఒసాకా మళ్లీ అద్భుతం చేసింది. సీజన్‌ తొలి గ్రాండ్‌స్లామ్‌ టోర్నమెంట్‌ ఆస్ట్రేలియన్‌ ఓపెన్‌లో మహిళల సింగిల్స్‌ టైటిల్‌ను తొలిసారి సొంతం చేసుకుంది. రాడ్‌ లేవర్‌ ఎరీనాలో శనివారం 2 గంటల 27 నిమిషాలపాటు జరిగిన ఫైనల్లో నాలుగో సీడ్‌ ఒసాకా 7–6 (7/2), 5–7, 6–4తో ఎనిమిదో సీడ్‌ పెట్రా క్విటోవా (చెక్‌ రిపబ్లిక్‌)ను ఓడించి చాంపియన్‌గా అవతరించింది. విజేత ఒసాకాకు 41 లక్షల ఆస్ట్రేలియన్‌ డాలర్లు (రూ. 20 కోట్ల 87 లక్షలు)... రన్నరప్‌ క్విటోవాకు 20 లక్షల 50 వేల ఆస్ట్రేలియన్‌ డాలర్లు (రూ. 10 కోట్ల 43 లక్షలు) ప్రైజ్‌మనీగా లభించాయి. ఈ విజయంతో 21 ఏళ్ల ఒసాకా సోమవారం విడుదల చేసే ప్రపంచ ర్యాంకింగ్స్‌లో అధికారికంగా నంబర్‌వన్‌ ర్యాంక్‌ను అందుకోనుంది. ఈ క్రమంలో ఆసియా నుంచి ఈ ఘనత సాధించనున్న తొలి ప్లేయర్‌గా కొత్త చరిత్ర లిఖించనుంది.   మూడు మ్యాచ్‌ పాయింట్లు చేజార్చుకొని...  గతేడాది యూఎస్‌ ఓపెన్‌ ఫైనల్లో దిగ్గజ క్రీడాకారిణి సెరెనాను ఓడించి పెను సంచలనం సృష్టించిన ఒసాకా ఆ తర్వాత మరో నాలుగు టోర్నీల్లో ఆడినా టైటిల్‌ గెలవలేకపోయింది. అయితే ఆస్ట్రేలియన్‌ ఓపెన్‌లో మాత్రం ఆద్యంతం నిలకడగా ఆడుతూ ఫైనల్‌ చేరింది. క్విటోవాతో జరిగిన తుది సమరంలోనూ ఆమె తన జోరు కొనసాగించింది. తొలి సెట్‌లో ఇద్దరూ తమ సర్వీస్‌లను కాపాడుకోవడంతో టైబ్రేక్‌ అనివార్యమైంది. టైబ్రేక్‌లో ఒసాకా పైచేయి సాధించి తొలి సెట్‌ను దక్కించుకుంది. రెండో సెట్‌లో క్విటోవా సర్వీస్‌ను రెండుసార్లు బ్రేక్‌ చేసి 5–3తో ఆధిక్యంలోకి వెళ్లిన ఒసాకా... క్విటోవా సర్వ్‌ చేసిన తొమ్మిదో గేమ్‌లో మూడు మ్యాచ్‌ పాయింట్లను సంపాదించింది. అయితే క్విటోవా ఈ మూడింటిని కాపాడుకుంది. అనంతరం పదో గేమ్‌లో ఒసాకా సర్వీస్‌ను బ్రేక్‌ చేసి స్కోరును 5–5తో సమం చేసింది. మళ్లీ 12వ గేమ్‌లో ఒసాకా సర్వీస్‌ను బ్రేక్‌ చేసిన ఈ చెక్‌ రిపబ్లిక్‌ స్టార్‌ రెండో సెట్‌ను 7–5తో నెగ్గి మ్యాచ్‌లో నిలిచింది. నిర్ణాయక మూడో సెట్‌లోని మూడో గేమ్‌లో క్విటోవా సర్వీస్‌ను బ్రేక్‌ చేసిన ఒసాకా తన సర్వీస్‌ను నిలబెట్టుకొని 3–1తో ఆధిక్యంలోకి వెళ్లింది. ఆ తర్వాత క్విటోవా స్కోరును సమం చేసేందుకు విఫలయత్నం చేసినా ఒసాకా ఎలాంటి అవకాశం ఇవ్వలేదు. పదో గేమ్‌లో తన సర్వీస్‌ను కాపాడుకొని ఒసాకా మూడో సెట్‌తోపాటు మ్యాచ్‌ను కైవసం చేసుకుంది.  ట్రోఫీ ప్రదానోత్సవం జరుగుతున్నంతసేపూ ఇది కలయా నిజమా అన్న భావనలో ఉండిపోయా. రెండో సెట్‌లో మూడు మ్యాచ్‌ పాయింట్లు కోల్పోయినపుడు నిరాశచెందా. అయితే జరిగిపోయిన దాని గురించి ఆలోచించకుండా జరగాల్సిన దానిపై దృష్టి పెట్టా. అనవసరంగా ఆందోళన చెందకుండా పరిణతితో ఆడాల్సిన అవసరం ఉందని మనసులో అనుకొని దానిని అమలు చేశా. అనుకున్న ఫలితాన్ని సాధించా.  – నయోమి ఒసాకా విశేషాలు  జెన్నిఫర్‌ కాప్రియాటి (అమెరికా–2001లో) తర్వాత కెరీర్‌లోని తొలి రెండు గ్రాండ్‌స్లామ్‌ టైటిల్స్‌ను వరుసగా నెగ్గిన రెండో క్రీడాకారిణిగా ఒసాకా గుర్తింపు పొందింది. కాప్రియాటి కంటే ముందు క్రిస్‌ ఎవర్ట్‌ (అమెరికా), ఇవోన్‌ గూలగాంగ్‌ (ఆస్ట్రేలియా), హానా మాండ్లికోవా (చెక్‌ రిపబ్లిక్‌), వీనస్‌ విలియమ్స్‌ (అమెరికా) ఈ ఘనత సాధించారు.  మార్టినా హింగిస్‌ (స్విట్జర్లాండ్‌–1998లో) తర్వాత బ్యాక్‌ టు బ్యాక్‌ గ్రాండ్‌స్లామ్‌ టైటిల్స్‌ నెగ్గిన పిన్న వయస్కురాలిగా... 2010లో కరోలైన్‌ వొజ్నియాకి (డెన్మార్క్‌) తర్వాత పిన్న వయస్సులో నంబర్‌వన్‌ ర్యాంక్‌ను అందుకోనున్న క్రీడాకారిణిగా ఒసాకా నిలిచింది. నేడు పురుషుల సింగిల్స్‌ ఫైనల్‌ నాదల్‌vsజొకోవిచ్‌ మధ్యాహ్నం గం. 2 నుంచి  సోనీ సిక్స్, సోనీ టెన్‌–2లలో ప్రత్యక్ష ప్రసారం  

అత్యధిక గ్రాండ్‌స్లామ్‌ టైటిల్స్‌ రికార్డు సమం చేసేందుకు స్టార్‌ ప్లేయర్‌ సెరెనా విలియమ్స్‌ మరి కొంత కాలం వేచి చూడక తప్పదు. రెండేళ్ల క్రితం చివరిసారి గ్రాండ్‌స్లామ్‌ టైటిల్‌ నెగ్గిన ఆస్ట్రేలియన్‌ ఓపెన్‌ వేదికపై మరో ట్రోఫీని ఆశించిన అమెరికా దిగ్గజం ఆట క్వార్టర్‌ ఫైనల్లోనే ముగిసింది. ఇటీవలే యూఎస్‌ ఓపెన్‌ క్వార్టర్స్‌లో తన చేతిలోనే ఓడిన ఏడో సీడ్‌ కరోలినా ప్లిస్కోవా అద్భుత ఆటతో సెరెనాపై ప్రతీకారం తీర్చుకుంది. మెల్‌బోర్న్‌: హోరాహోరీగా సాగిన సెరెనా విలియమ్స్‌ (అమెరికా), కరోలినా ప్లిస్కోవా (చెక్‌ రిపబ్లిక్‌) మధ్య క్వార్టర్‌ ఫైనల్‌ పోరుకు అనూహ్య ముగింపు లభించింది. రెండు సెట్‌ల తర్వాత ఇద్దరూ చెరో సెట్‌ గెలిచి సమంగా నిలవగా... మూడో సెట్‌లో సెరెనా 5–1తో ఆధిక్యంలో నిలిచింది. మరో గేమ్‌  గెలిస్తే సెమీస్‌లో చోటు ఖాయమవుతుంది. కానీ ప్లిస్కోవా మొండిగా పోరాడింది. వరుసగా నాలుగు పాయింట్లు కాపాడుకొని ఆధిక్యాన్ని 2–5కు తగ్గించింది. ఆ తర్వాత అదే జోరుతో దూసుకుపోయి సెరెనా ఆట కట్టించింది. 2 గంటల 10 నిమిషాల పాటు సాగిన మ్యాచ్‌లో చివరకు ఏడో సీడ్‌ ప్లిస్కోవా 6–4, 4–6, 7–5 తేడాతో 16వ సీడ్‌ సెరెనాను చిత్తు చేసింది. తొలిసారి ఆస్ట్రేలియన్‌ ఓపెన్‌ సెమీఫైనల్లోకి అడుగు పెట్టింది.  ఓటమి అంచుల నుంచి...  ఆస్ట్రేలియన్‌ ఓపెన్‌కు ముందు సన్నాహకంగా సాగిన బ్రిస్బేన్‌ ఓపెన్‌లో విజేతగా నిలిచి ఫామ్‌లో ఉన్న ప్లిస్కోవా తొలి సెట్‌లో ఆధిక్యం కనబర్చింది. పదో గేమ్‌ను నెగ్గి సెట్‌ గెలుచుకుంది. అయితే సెరెనా తన అనుభవాన్ని ఉపయోగిస్తూ రెండో సెట్‌ను తన ఖాతాలో వేసుకుంది. చివరి సెట్‌లో సెరెనా 5–1తో ముందంజలో నిలిచినప్పుడు మరో ఫలితం గురించి ఎవరూ ఊహించలేదు. కానీ ఈ దశలో సెరెనా ఆట గతి తప్పింది. కాలి మడమకు స్వల్ప గాయంతో సెరెనా కొంత ఇబ్బంది పడటాన్ని గుర్తించిన ఆమె ప్రత్యర్థి మరో అవకాశం ఇవ్వలేదు. ఫలితంగా స్కోరు 5–5తో సమమైంది. 11వ గేమ్‌లో సెరెనా సర్వీస్‌ను మళ్లీ బ్రేక్‌ చేసిన ప్లిస్కోవా... తర్వాతి గేమ్‌లో చెలరేగిపోయింది. సెరెనా కొట్టిన ఫోర్‌హ్యాండ్‌ నెట్‌ను తాకడంతో ప్లిస్కోవా గెలుపు ఖాయమైం ది. 4 డబుల్‌ ఫాల్ట్‌లు చేసిన అమెరికా స్టార్, ఏకంగా 37 అనవసర తప్పిదాలతో ఓటమిని ఆహ్వా నించింది. మరో క్వార్టర్స్‌లో నాలుగో సీడ్‌ నయోమి ఒసాకా (జపాన్‌) 6–4, 6–1తో స్వితోలినా (ఉక్రె యిన్‌)పై నెగ్గి సెమీస్‌ చేరింది. 1994లో కిమికో డాటె తర్వాత తర్వాత ఆస్ట్రేలియన్‌ ఓపెన్‌లో సెమీస్‌ చేరిన తొలి జపాన్‌ క్రీడాకారిణిగా ఆమె గుర్తింపు పొందింది.   జొకోవిచ్‌ జోరు...  పురుషుల సింగిల్స్‌లో టాప్‌ సీడ్‌  జొకోవిచ్‌ (సెర్బియా) సెమీఫైనల్లోకి అడుగు పెట్టాడు. జపాన్‌కు చెందిన ఎనిమిదో సీడ్‌ కీ నిషికోరితో జరిగిన ఈ మ్యాచ్‌లో జొకోవిచ్‌ 6–1, 4–1తో ఆధిక్యంలో ఉన్న దశలో ప్రత్యర్థి గాయం కారణంగా తప్పుకున్నాడు. హోరాహోరీగా సాగిన మరో క్వార్టర్స్‌లో లుకాస్‌ పుయి (ఫ్రాన్స్‌) 7–6 (7/4), 6–3, 6–7 (2/7), 6–4తో 16వ సీడ్‌ మిలోస్‌ రావ్‌నిచ్‌ (కెనడా)ను ఓడించి తన కెరీర్‌లో తొలిసారి ఓ గ్రాండ్‌స్లామ్‌ టోర్నీలో సెమీఫైనల్‌కు చేరాడు.   నేటి షెడ్యూల్‌  మహిళల సింగిల్స్‌ సెమీఫైనల్స్‌  క్విటోవాvsకొలిన్స్‌  ప్లిస్కోవాvsనయోమి ఒసాకా  ఉదయం గం. 8.30 నుంచి  పురుషుల సింగిల్స్‌ సెమీఫైనల్‌  రాఫెల్‌ నాదల్‌ vs సిట్సిపాస్‌  మధ్యాహ్నం గం. 2 నుంచి సోనీ సిక్స్‌లో ప్రత్యక్ష ప్రసారం  

మెల్‌బోర్న్‌: ఆస్ట్రేలియా ఓపెన్‌లో సంచలనం నమోదైంది. టైటిల్‌ ఫేవరేట్‌గా బరిలోకి దిగిన మాజీ చాంపియన్‌ అమెరికా స్టార్‌ సెరెనా విలియమ్స్‌ కథ ముగిసింది. బుధవారం జరిగిన క్వార్టర్‌ ఫైనల్లో ఏడో సీడ్‌ కరోలినా ప్లిస్కోవా (చెక్‌ రిపబ్లిక్‌) చేతిలో సెరెనా అనూహ్యంగా ఓటమిపాలైంది. రెండు గంటల 10 నిమిషాలపాటు జరిగిన ఈ మ్యాచ్‌లో ప్లెస్కోవా 6-4, 4-6 7-5తో సెరెనాపై ఘనవిజయం సాధించి సెమీస్‌లోకి అడుగెట్టింది. హోరాహోరిగా సాగిన ఈ మ్యాచ్‌లో చివరకు ప్లెస్కోవానే పైచేయి సాధించింది. తొలి సెట్‌ కోల్పోయిన సెరెనా.. పుంజుకొని రెండోసెట్‌ను గెలిచింది. చివరి సెట్‌లో నువ్వా-నేనా అన్నట్లు గేమ్‌ సాగగా.. ప్లెస్కోవానే విజయం వరించింది. ఈ ఓటమితో 24వ గ్రాండ్‌ స్లామ్‌ నెగ్గాలని భావించిన సెరెనా ఆశలు గల్లంతయ్యాయి. దీంతో సెరెనా- ప్లిస్కోవా ముఖాముఖి 2-2గా నమోదైంది. 2016 యూఎస్‌ ఓపెన్‌ సెమీస్‌లో కూడా ప్లిస్కోవా చేతిలో సెరెనా ఖంగుతిన్నది.

మెల్‌బోర్న్‌: ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నమెంట్‌లో సెరెనా విలియమ్స్‌ చాంపియన్‌ క్వార్టర్‌ ఫైనల్‌ బెర్త్‌ను ఖాయం చేసుకున్నారు. గంటా 47 నిమిషాలపాటు జరిగిన మహిళల సింగిల్స్‌ ప్రిక్వార్టర్‌ ఫైనల్లో 16వ సీడ్‌ సెరెనా 6–1, 4–6, 6–4తో టాప్‌ సీడ్‌ హలెప్‌ను బోల్తా కొట్టించారు. అయితే, మ్యాచ్‌కు ముందు సెరెనా చేసిన ఓ చిన్న పొరపాటు వల్ల కాస్త గందరగోళం, ఇంకాస్త సరదా సన్నివేశం చోటుచేసుకుంది. అనౌన్సర్‌ ప్లేయర్లను పరిచయం చేసే క్రమంలో.. ‘టాప్‌ సీడ్‌, వరల్డ్‌ నెంబర్‌ వన్‌ సిమోనా హాలెప్ ‌(రొమేనియా) ను ఆహ్వానిస్తున్నాం’ అని చెప్పగానే.. సెరెనా గ్రౌండ్‌లోకి ప్రవేశించేందుకు నడిచారు. (సెరెనా గర్జన) టన్నెల్‌ దాటి నాలుగు అడుగులు వేయగానే.. తన పొరపాటును గ్రహించారు. దాంతో వెంటనే వెనక్కి తిరిగి వెళ్లిపోయారు. హాలెప్‌ వచ్చిన అనంతరం మళ్లీ వచ్చారు. కాగా, చాలా ఏళ్లపాటు ప్రపంచ నెంబర్‌ వన్‌ టెన్నిస్‌ క్రీడాకారిణిగా కొనసాగిన సెరేనా ప్రస్తుతం 16వ ర్యాంక్‌లో కొనసాగుతున్నారు. ఇక మూడో రౌండ్‌లో సెరెనా సోదరి వీనస్‌ విలియమ్స్‌ హాలెప్‌ చేతిలో ఓడారు. ఒకవేళ ఈ మ్యాచ్‌లో సెరెనాపై హలెప్‌ గెలిచుంటే ఒకే టోర్నీలో విలియమ్స్‌ సిస్టర్స్‌ వీనస్, సెరెనాలను ఓడించిన తొమ్మిదో క్రీడాకారిణిగా గుర్తింపు పొందేవారు. సెరెనా 2017లో కూతురు అలెక్సిస్‌ ఒలంపియా ఒహానియన్‌ జూనియర్‌కు జన్మనిచ్చిన విషయం తెలిసిందే. 

తల్లి హోదా వచ్చాక గ్రాండ్‌స్లామ్‌ టైటిల్‌ సాధించాలనే లక్ష్యంతో ఆస్ట్రేలియన్‌ ఓపెన్‌లో బరిలోకి దిగిన 37 ఏళ్ల సెరెనా విలియమ్స్‌ ఆ దిశగా మరో అడుగు వేసింది. రెండేళ్ల క్రితం రెండు నెలల గర్భంతో ఈ మెగా టోర్నీలో ఆడి విజేతగా నిలిచిన ఆమె ఈసారీ అదే జోరు కనబరుస్తోంది. గత సంవత్సరం వింబుల్డన్, యూఎస్‌ ఓపెన్‌ ఫైనల్స్‌లో ఓడిపోయిన ఈ అమెరికా నల్లకలువ ఆస్ట్రేలియన్‌ ఓపెన్‌లో అదరగొడుతోంది. తొలి మూడు రౌండ్‌లలో అంతగా ప్రతిఘటన ఎదుర్కోని సెరెనాకు ప్రిక్వార్టర్‌ ఫైనల్లో ప్రపంచ నంబర్‌వన్, టాప్‌ సీడ్‌ సిమోనా హలెప్‌ రూపంలో అసలు సిసలు సవాల్‌ ఎదురైంది. అయితే అంతర్జాతీయ స్థాయిలో 24 ఏళ్ల అనుభవమున్న సెరెనా ఈ అడ్డంకిని అద్భుత ఆటతో అధిగమించింది. ఆస్ట్రేలియన్‌ ఓపెన్‌లో 12వసారి క్వార్టర్‌ ఫైనల్‌ బెర్త్‌ను ఖాయం చేసుకుంది.    మెల్‌బోర్న్‌: అమ్మతనం వచ్చాక తన ఆటలో మరింత పదును పెరిగిందని అమెరికా టెన్నిస్‌ స్టార్‌ సెరెనా విలియమ్స్‌ నిరూపించింది. ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నమెంట్‌లో ఈ మాజీ చాంపియన్‌ క్వార్టర్‌ ఫైనల్‌ బెర్త్‌ను ఖాయం చేసుకుంది. మూడో రౌండ్‌లో తన అక్క వీనస్‌ విలియమ్స్‌ను ఓడించిన ప్రపంచ నంబర్‌వన్‌ సిమోనా హలెప్‌ (రొమేనియా)పై సెరెనా ప్రిక్వార్టర్‌ ఫైనల్లో అద్భుత విజయం సాధించింది. గంటా 47 నిమిషాలపాటు జరిగిన మహిళల సింగిల్స్‌ ప్రిక్వార్టర్‌ ఫైనల్లో 16వ సీడ్‌ సెరెనా 6–1, 4–6, 6–4తో టాప్‌ సీడ్‌ హలెప్‌ను బోల్తా కొట్టించింది. ఒకవేళ ఈ మ్యాచ్‌లో సెరెనాపై హలెప్‌ గెలిచుంటే ఒకే టోర్నీలో విలియమ్స్‌ సిస్టర్స్‌ వీనస్, సెరెనాలను ఓడించిన తొమ్మిదో క్రీడాకారిణిగా గుర్తింపు పొందేది.   కెరీర్‌లో పదోసారి హలెప్‌తో తలపడిన సెరెనా తొలి సెట్‌ను కేవలం 20 నిమిషాల్లో సొంతం చేసుకుంది. తొలి గేమ్‌లోనే సెరెనా సర్వీస్‌ను బ్రేక్‌ చేసి 1–0తో ఆధిక్యంలోకి వెళ్లిన ఆనందం హలెప్‌నకు ఎక్కువసేపు నిలువలేదు. ఆమె వరుసగా ఆరు గేమ్‌లు కోల్పోయి సెట్‌ను సెరెనాకు అప్పగించేసింది. అయితే రెండో సెట్‌లో పరిస్థితి మారిపోయింది. ప్రతి పాయింట్‌ కోసం ఇద్దరూ హోరాహోరీగా పోరాడారు. సెరెనా ఆటకు తగిన సమాధానమిస్తూ హలెప్‌ స్కోరు 5–4 వద్ద బ్రేక్‌ పాయింట్‌ సంపాదించి రెండో సెట్‌ను సొంతం చేసుకుంది. ఇక నిర్ణాయక మూడో సెట్‌లో స్కోరు 3–2 వద్ద సెరెనా సర్వీస్‌లో హలెప్‌ మూడు బ్రేక్‌ పాయింట్లు సాధించింది. కానీ వాటిని అనుకూలంగా మల్చుకోవడంలో ఆమె విఫలమైంది. తీవ్రంగా పోరాడి తన సర్వీస్‌ను కాపాడుకున్న సెరెనా స్కోరును 3–3తో సమం చేసింది. ఆ తర్వాత ఏడో గేమ్‌లో హలెప్‌ సర్వీస్‌ను బ్రేక్‌ చేసి తన సర్వీస్‌ను నిలబెట్టుకొని ఆమె 5–3తో ఆధిక్యంలోకి వెళ్లింది. తొమ్మిదో గేమ్‌లో హలెప్‌ తన సర్వీస్‌ను కాపాడుకుంది. మ్యాచ్‌లో నిలవాలంటే పదో గేమ్‌లో సెరెనా సర్వీస్‌ను కచ్చితంగా బ్రేక్‌ చేయాల్సిన హలెప్‌ చేతులెత్తేయడంతో మ్యాచ్‌ సెరెనా వశమైంది. ఓవరాల్‌గా హలెప్‌పై సెరెనాకిది తొమ్మిదో విజయం. గ్రాండ్‌స్లామ్‌ టోర్నీల్లో మూడోది. గతంలో వీరిద్దరు తలపడిన రెండు  గ్రాండ్‌స్లామ్‌ టోర్నీ మ్యాచ్‌లు (2016 యూఎస్‌ ఓపెన్‌ క్వార్టర్‌ ఫైనల్‌; 2011 వింబుల్డన్‌ రెండో రౌండ్‌) కూడా మూడు సెట్‌లపాటు సాగడం విశేషం. బుధవారం జరిగే క్వార్టర్‌ ఫైనల్లో ఏడో సీడ్‌ కరోలినా ప్లిస్కోవా (చెక్‌ రిపబ్లిక్‌)తో సెరెనా ఆడుతుంది. ప్రిక్వార్టర్‌ ఫైనల్లో ప్లిస్కోవా 6–3, 6–1తో 18వ సీడ్‌ గార్బిన్‌ ముగురుజా (స్పెయిన్‌)పై విజయం సాధించింది.   మరోవైపు నాలుగో సీడ్‌ నయోమి ఒసాకా (జపాన్‌), ఆరో సీడ్‌ ఎలీనా స్వితోలినా (ఉక్రెయిన్‌) క్వార్టర్‌ ఫైనల్‌ చేరేందుకు తీవ్రంగా శ్రమించారు. 13వ సీడ్‌ సెవస్తోవా (లాత్వియా)తో గంటా 47 నిమిషాలపాటు జరిగిన మ్యాచ్‌లో ఒసాకా 4–6, 6–3, 6–4తో గెలుపొందింది. 17వ సీడ్‌ మాడిసన్‌ కీస్‌ (అమెరికా)తో గంటా 36 నిమిషాలపాటు జరిగిన మ్యాచ్‌లో స్వితోలినా 6–2, 1–6, 6–1తో నెగ్గి క్వార్టర్‌ ఫైనల్లో ఒసాకాతో పోరుకు సిద్ధమైంది.   5 గంటల  5 నిమిషాలు పోరాడి...  పురుషుల సింగిల్స్‌ విభాగంలో ఎనిమిదో సీడ్‌ కి నిషికోరి (జపాన్‌), టాప్‌ సీడ్‌ నొవాక్‌ జొకోవిచ్‌ (సెర్బియా), 16వ సీడ్‌ మిలోస్‌ రావ్‌నిచ్‌ (కెనడా), 28వ సీడ్‌ లుకాస్‌ పుయి (ఫ్రాన్స్‌) క్వార్టర్‌ ఫైనల్లోకి దూసుకెళ్లారు. 23వ సీడ్‌ పాబ్లో కరెనో బుస్టా (స్పెయిన్‌)తో జరిగిన మ్యాచ్‌లో నిషికోరి ఏకంగా 5 గంటల 5 నిమిషాలు పోరాడి 6–7 (8/10), 4–6, 7–6 (7/4), 6–4, 7–6 (10/8)తో విజయాన్ని దక్కించుకున్నాడు. తొలి రెండు సెట్‌లను కోల్పోయిన నిషికోరి ఆ తర్వాత వరుసగా మూడు సెట్‌లలో గెలిచాడు. నిర్ణాయక ఐదో సెట్‌ టైబ్రేక్‌లో 5–8తో వెనుకబడిన నిషికోరి ఆ తర్వాత వరుసగా ఐదు పాయింట్లు సాధించి 10–8తో టైబ్రేక్‌ను సొంతం చేసుకోవడం విశేషం. ‘నేను ఎలా పుంజుకున్నానో నాకే తెలియదు. తుది ఫలితంతో మాత్రం చాలా సంతోషంగా ఉన్నాను’ అని క్వార్టర్‌ ఫైనల్లో జొకోవిచ్‌తో తలపడనున్న నిషికోరి వ్యాఖ్యానించాడు. 15వ సీడ్‌ మెద్వెదెవ్‌ (రష్యా)తో 3 గంటల 15 నిమిషాలపాటు సాగిన మరో ప్రిక్వార్టర్‌ ఫైనల్లో ప్రపంచ నంబర్‌వన్‌ జొకోవిచ్‌ 6–4, 6–7 (5/7), 6–2, 6–3తో గెలిచాడు.  నేటి క్వార్టర్‌ ఫైనల్స్‌  పురుషుల సింగిల్స్‌ విభాగం  సిట్సిపాస్‌ (VS) బాటిస్టా అగుట్‌  రాఫెల్‌ నాదల్‌ (VS) టియాఫో  మహిళల సింగిల్స్‌ విభాగం  పావ్లీచెంకోవా (VS) డానియెలా కొలిన్స్‌  క్విటోవా(VS) యాష్లే బార్టీ  ఉదయం 7 గంటల నుంచి;  మధ్యాహ్నం గం. 1.30 నుంచి  సోనీ సిక్స్‌లో ప్రత్యక్ష ప్రసారం  

మెల్‌బోర్న్‌: రెండేళ్ల క్రితం రెండు నెలల గర్భంతో ఆస్ట్రేలియన్‌ ఓపెన్‌ టైటిల్‌ నెగ్గిన అమెరికా నల్లకలువ సెరెనా విలియమ్స్‌ మళ్లీ టైటిలే లక్ష్యంగా వేగం పెంచింది. 24వ గ్రాండ్‌స్లామ్‌ టైటిల్‌ రికార్డును సమం చేసేందుకు సిద్ధమైన ఆమె సీజన్‌ తొలి గ్రాండ్‌స్లామ్‌ మూడో రౌండ్లోకి ప్రవేశించింది. టాప్‌సీడ్‌ హలెప్‌కు రెండో రౌండ్లోనే చావుతప్పి కన్నులొట్టపోయినంత పనైంది. ఆమె అతికష్టమ్మీద గట్టెక్కింది. వీనస్‌ విలియమ్స్, సీడెడ్‌ క్రీడాకారిణిలు ఒసాకా, స్వితోలినా, ప్లిస్కోవా మూడో రౌండ్లోకి అడుగుపెట్టారు. పురుషుల సింగిల్స్‌లో నంబర్‌వన్‌ సీడ్‌ జొకోవిచ్‌ సునాయాస విజయంతో ముందంజ వేయగా... రావ్‌నిక్, నిషికొరి, జ్వెరెవ్‌ మూడో రౌండ్‌కు చేరారు. ‘అమ్మ’ అలవోకగా...  మహిళల సింగిల్స్‌లో 16వ సీడ్‌గా బరిలోకి దిగిన అమెరికన్‌ దిగ్గజం సెరెనా రెండో రౌండ్లో దూకుడుగా ఆడింది. కోర్ట్‌ అంతా పాదరసంలా కదిలిన ఈ ‘అమ్మ’ 6–2, 6–2తో ఎజెని బౌచర్డ్‌ (కెనడా)పై  విజయం సాధించింది. కేవలం గంటా 10 నిమిషాల్లోనే ప్రత్యర్థి ఆట కట్టించింది. టాప్‌ సీడ్‌ హలెప్‌ (రుమేనియా)కు అన్‌సీడెడ్‌ సోఫియా కెనిన్‌ (అమెరికా) ముచ్చెమటలు పట్టించింది. చివరకు హలెప్‌ 6–3, 6–7 (5/7), 6–4తో కెనిన్‌పై గట్టెక్కి ఊపిరి పీల్చుకుంది. మిగతా మ్యాచ్‌ల్లో నాలుగో సీడ్‌ నవొమి ఒసాకా (జపాన్‌) 6–2, 6–4తో తమర జిదన్సెక్‌ (స్లోవేనియా)పై, ఆరో సీడ్‌ స్వితోలినా (ఉక్రెయిన్‌) 6–4, 6–1తో కుజ్‌మోవ (స్లోవేకియా)పై గెలుపొందారు. ఏడో సీడ్‌ ప్లిస్కోవా (చెక్‌ రిపబ్లిక్‌) 4–6, 6–1, 6–0తో బ్రింగిల్‌ (అమెరికా)ను ఓడించగా, వీనస్‌ విలియమ్స్‌ (అమెరికా) 6–3, 4–6, 6–0తో కార్నెట్‌ (ఫ్రాన్స్‌)పై, ముగురుజా (స్పెయిన్‌) 6–4, 6–7 (3/7), 7–5తో జొహానా కొంటా (ఇంగ్లండ్‌)పై నెగ్గింది. మాడిసన్‌ కీస్‌ (అమెరికా) 6–3, 6–4తో అనస్తాసియా పొటపొవా (రష్యా)పై విజయం సాధించింది.  జోరుమీదున్న జొకో  పురుషుల సింగిల్స్‌లో సెర్బియన్‌ స్టార్, టాప్‌ సీడ్‌ జొకోవిచ్‌ జోరు పెంచాడు. రెండో రౌండ్లో అతను 6–3, 7–5, 6–4తో జో విల్‌ఫ్రెడ్‌ సోంగా (ఫ్రాన్స్‌)ను ఇంటిదారి పట్టించాడు. నాలుగో సీడ్‌ జ్వెరెవ్‌ (జర్మనీ) 7–6 (7/5), 6–4, 5–7, 6–7 (6/8), 6–1తో జెరిమి చార్డి (ఫ్రాన్స్‌)పై, ఎనిమిదో సీడ్‌ నిషికొరి (జపాన్‌) 6–3, 7–6 (8/6), 5–7, 5–7, 7–6 (10/7)తో కార్లోవిక్‌ (క్రొయేషియా)పై చెమటోడ్చి నెగ్గారు. వైల్డ్‌కార్డ్‌ ఎంట్రీ ఆటగాడు అలెక్సి పొపిరిన్‌ (ఆస్ట్రేలియా) ఏడో సీడ్‌ డొమినిక్‌ థీమ్‌ (ఆస్ట్రియా)కు షాకిచ్చాడు. 5–7, 4–6, 0–2తో వెనుకబడిన దశలో థీమ్‌ రిటైర్ట్‌హర్ట్‌గా వెనుదిరిగాడు. 11వ సీడ్‌ బొర్నా కొరిచ్‌ (క్రొయేషియా) 6–4, 6–3, 6–4తో ఫుక్సోవిక్స్‌ (హంగేరి)పై, 12వ సీడ్‌ ఫాగ్‌నిని (ఇటలీ) 7–6 (7/3), 6–3, 7–6 (7/5)తో మేయర్‌ (అర్జెంటీనా)పై గెలిచారు. 

పెర్త్‌: అమ్మంటే అనుబంధం... అమ్మయితే ఆనందం... పనిచేసే మహిళలు అమ్మ హోదా వచ్చాక బిడ్డను చూసుకునేందుకు ఇంటి వద్దే ఆగిపోకుండా తమ వృత్తిగత జీవితంలో ముందుకు సాగిపోతున్నారని... రెంటికి న్యాయం చేస్తున్న అలాంటి తల్లులే నాకు స్ఫూర్తి అంటోంది అమెరికా టెన్నిస్‌ దిగ్గజం సెరెనా విలియమ్స్‌. మంగళవారం హాప్‌మన్‌ కప్‌ టీమ్‌ ఈవెంట్‌లో స్విట్జర్లాండ్‌ జట్టుతో తలపడే ముందు ఆమె తన గారాలపట్టి ఒలింపియాను భుజంపై ఎత్తుకునే వార్మప్‌ చేసింది. దీనికి సంబంధించిన ఫొటోల్ని ఇన్‌స్ట్రాగామ్‌లో పెట్టింది. దీనికి స్ఫూర్తిదాయక సందేశాన్ని జతచేసింది. ‘మాతృమూర్తులకు ఏదైనా సాధ్య మే. అమ్మతనానికి అడ్డువుండదు. నేనైతే కొత్త ఏడాదిలో తొలి మ్యాచ్‌కు సిద్ధమవుతున్నా. నా చిట్టితల్లి మాత్రం నా ఒడిలోనే నిద్రపోతోంది. అలాగని కసరత్తు ఆపలేను. కుమార్తెనూ దించలేను. ఈ విషయంలో పనిచేసే తల్లిదండ్రులే నాకు ప్రేరణ. చంటిబిడ్డల తల్లులు చేస్తున్న ఉద్యోగాలు... పడుతున్న కష్టాలు విన్నప్పుడు, చదివినపుడు నేను కూడా అలా చేయగలను అనిపించింది. ఇలా వారు జీవితంలో చేస్తున్న పోరాటానికి నా వందనం’ అని సెరెనా తన ఇన్‌స్టాగ్రామ్‌ అకౌంట్‌లో పోస్ట్‌ చేసింది. 

పెర్త్‌: హాప్‌మన్‌ కప్‌లో అరుదైన సమరం ఆవిష్కృతమైంది. ‘ఆల్‌టైమ్‌ గ్రేట్‌ స్టార్స్‌’ ఫెడరర్‌ (స్విట్జర్లాండ్‌), సెరెనా విలియమ్స్‌ (అమెరికా) తొలిసారి కోర్టులో ‘ఢీ’కొన్నారు. మిక్స్‌డ్‌ డబుల్స్‌ విభాగంలో జరిగిన ఈ పోరు హాప్‌మన్‌ కప్‌కే హైలైట్‌గా నిలిచింది. దేశాల మధ్య జరిగే ఈ టీమ్‌ ఈవెంట్లో తొలి సింగిల్స్‌లో డిఫెండింగ్‌ చాంపియన్‌ స్విట్జర్లాండ్‌ తరఫున ఫెడరర్‌ 6–4, 6–1తో టియాఫో (అమెరికా)పై నెగ్గాడు. తర్వాత మహిళల సింగిల్స్‌లో సెరెనా 4–6, 6–4, 6–3తో బెన్సిచ్‌ (స్విట్జర్లాండ్‌)ను ఓడించడంతో స్కోరు 1–1తో సమమైంది. ఇక నిర్ణాయక మిక్స్‌డ్‌ డబుల్స్‌లో ఫెడరర్‌–బెన్సిచ్‌ జంట 4–2, 4–3 (5/3) సెరెనా–టియాఫొ జోడీపై గెలిచింది. కోర్టులో రాకెట్లు దూసిన దిగ్గజాలు మ్యాచ్‌ ముగిశాక తమ స్మార్ట్‌ఫోన్లతో సెల్ఫీ ముచ్చట తీర్చుకున్నారు. ఆటతో పాటు ఈ హేమాహేమీల ‘స్వీయచిత్రం’ అందర్నీ ఆకట్టి పడేసింది. అన్నట్లు వెంటనే ఇద్దరు ట్విట్టర్, ఇన్‌స్టాగ్రామ్‌లో తమదైన శైలి క్యాప్షన్‌లతో పోస్ట్‌ చేయడంతో లెక్కలేనన్ని లైక్‌లు వస్తున్నాయి. 

అమెరికా స్టార్‌ టెన్నిస్‌ క్రీడాకారిణి, నల్ల కలువ సెరెనా విలియమ్స్ టాప్ లెస్‌గా పాట పాడారు. రొమ్ము క్యాన్సర్‌ అవగాహన నెల సందర్భంగా ఆమె ‘ఐ టచ్‌ మై సెల్ఫ్’ అనే పాటను ఆలపించారు. మహిళలు తమ వక్షోజాలను తరచుగా పరిశీలించుకోవాలని గుర్తు చేస్తూ ఆమె ఈ పాట పాడారు. ఈ వీడియోను సెరెనా తన ఇన్‌స్టాగ్రామ్‌లో పోస్టు చేశారు. ‘‘ఇది నాకంత సౌకర్యంగా లేదు. కానీ ప్రపంచవ్యాప్తంగా ఉన్న మహిళలందర్నీ రొమ్ము క్యాన్సర్ ప్రభావితం చేస్తోంది, వారికి అవగాహన కల్పించడం కోసమే ఈ పని చేశా’’నని ఆమె చెప్పారు. (చదవండి: సెరెనాకు ఊహించని షాక్‌) ‘‘రొమ్ము కేన్సర్‌ను  ముందుగానే గుర్తించడం ముఖ్యం. ఇది చాలా ప్రాణాలను కాపాడుతుందని సెరెనా ఇన్‌స్టాగ్రామ్‌లో పోస్ట్ చేశారు.  మహిళలకు తమ వక్షోజాలను తరచుగా పరిశీలించుకోవాలనే విషయాన్ని ఈ వీడియో గుర్తు చేస్తుందని భావిస్తున్నాను.’’  అని సెరెనా తెలిపారు. (చదవండి: అంపైర్‌ అబద్ధాల కోరు.. దొంగ: సెరెనా) View this post on Instagram This Breast Cancer Awareness Month I’ve recorded a version of The Divinyls global hit “I Touch Myself” to remind women to self-check regularly. _ Yes, this put me out of my comfort zone, but I wanted to do it because it’s an issue that affects all women of all colors, all around the world. Early detection is key - it saves so many lives. I just hope this helps to remind women of that. _ The music video is part of the I Touch Myself Project which was created in honor of celebrated diva, Chrissy Amphlett, who passed away from breast cancer, and who gave us her hit song to remind women to put their health first. The project is proudly supported by @BerleiAus for Breast Cancer Network Australia. _ Visit the link in my bio to find out more. #ITouchMyselfProject #BerleiAus #BCNA #DoItForYourself A post shared by Serena Williams (@serenawilliams) on Sep 29, 2018 at 8:19am PDT

♦ కొట్టాయంలోని ఒక నన్‌పై పలుమార్లు అత్యాచారం జరిపి, మళ్లీ మళ్లీ అందుకోసం ఆమెను వేధిస్తున్న జలంధర్‌ బిషప్‌ ఫ్రాంకో ముల్లకల్‌ను తక్షణం అరెస్టు చేయాలని కేరళ వ్యాప్తంగా జరుగుతున్న నన్‌ల నిరసన ప్రదర్శనలు వారం రోజులు దాటినా చర్చి వైపు నుంచి గానీ, ప్రభుత్వం వైపు నుంచి గానీ ఎటువంటి స్పందన లేకపోవడాన్ని.. తనపై జరిగిన అత్యాచారాల కంటే కూడా పెద్ద అవమానంగా భావిస్తున్నట్లు భారతదేశంలోని వాటికన్‌ రాయబారి అపోస్తలిక్‌ నన్షియో గియాంబెటిస్టా డికట్రోకు సెప్టెంబర్‌ 8న రాసిన ఉత్తరంలో బాధితురాలు ఆవేదన వ్యక్తం చేశారు. ‘తన పక్కన పడుకోనందుకు’ బిషప్‌ నాపై క్రమశిక్షణ చర్యలు తీసుకుంటున్నాడని నిస్సిగ్గు మాటల్లో తన పైఅధికారులకు ఫిర్యాదు చేసినప్పటికీ వారికి చీమ కుట్టినట్టయినా లేకపోవడం చూస్తుంటే అసలు క్రైస్తవ చట్టంలో (క్యానన్‌ ‘లా’) నన్‌లు, మహిళల భద్రతకు చోటుందా అనే సందేహం కలుగుతోందని బాధితురాలు ఆ ఉత్తరంలో తన ఆక్రోశాన్ని వెళ్లగక్కిన బాధితురాలు చివరికి బిషప్‌ అమాయకుడని చర్చి తీర్పు చెప్పడంతో హతాశురాలయ్యారు. ♦  యు.ఎస్‌.ఓపెన్‌ ఉమెన్స్‌ ఫైనల్స్‌లో చైర్‌ అంపైర్‌ కార్లోర్‌ రమోసాను టెన్నిస్‌ స్టార్‌ సెరెనా విలియమ్స్‌.. ‘దొంగ’ అని తిట్టడం సరికాదని, ఆ పని పురుష క్రీడాకారులు చేసినా తప్పేనని.. ఒకప్పటి టెన్నిస్‌ స్టార్, 18 గ్రాండ్‌ స్లామ్‌ సింగిల్స్‌ గెలిచిన చెక్‌ సంతతి అమెరికన్‌.. మార్టినా నవ్రతిలోవా (61) ‘న్యూ యార్క్‌ టైమ్స్‌’ పత్రికకు రాసిన ఒక వ్యాసంలో అభిప్రాయపడ్డారు. 23 సింగిల్స్‌ టైటిల్స్‌తో రికార్డు ప్లేయర్‌గా ఉన్న సెరెనా యు.ఎస్‌. ఉమెన్స్‌ ఫైనల్‌లో తన 24వ టైటిల్‌ని జపాన్‌ క్రీడాకారిణి నవోమీ ఒసాకాకు కోల్పోయిన సందర్భంలో చైర్‌ అంపైర్‌ ద్వంద్వ ప్రమాణాలను తీవ్రంగా ఖండిస్తూ, అతడిని దూషించడంపై వచ్చిన విమర్శలకు సమాధానంగా.. ‘మగాళ్లు చేస్తే తప్పుకాని పని నేను చేస్తే తప్పయింది. వాళ్లకైతే.. నాకు విధించినట్లుగా పెనాల్టీ కూడా ఉండదు’ అని సెరెనా వ్యాఖ్యానించడాన్ని ప్రస్తావిస్తూ.. ‘మగాళ్లు చేసినా అది తప్పే’ అని నవ్రతిలోవా తన వ్యాసంలో వ్యాఖ్యానించారు. ♦   యు.కె.లోని సెయింట్‌ ఆండ్రూస్‌ యూనివర్సిటీలో డిగ్రీ మొదటి సంవత్సరం చదువుతున్న ఓ అజ్ఞాత భారతీయ కోటీశ్వరుడి కుమార్తెను ప్రపంచంలోనే అత్యంత విలాసవంతమైన విద్యార్థినిగా పేర్కొంటూ.. ఆమె తండ్రి ఆమెను యూనివర్సిటీ హాస్టల్‌లో ఉంచకుండా.. ఆమె కోసం ఒక ఖరీదైన భవంతిని కొని, ఆ భవంతికొక హౌస్‌ మేనేజర్‌ను, ముగ్గురు హౌస్‌ కీపర్‌లను, ఒక తోటమాలిని, ఒక పనమ్మాయిని, ఒక బట్లర్‌ను (సేవకులపై ప్రధాన సేవకుడు), ముగ్గురు ఫుట్‌మెన్‌లను (తలుపు తెరవడం, భోజనం వడ్డించడం వీరి పని), ఒక చెఫ్‌ను, ఒక చాఫర్‌ను (కారు డ్రైవర్‌).. మొత్తం 12 మంది సిబ్బందిని నియమించినట్లు ‘సన్‌’ పత్రిక ప్రచురించింది. ఆ పత్రిక కథనం ప్రకారం ఆ భారతీయ కోటీశ్వరుడు తన కుమార్తె అడ్మిషన్‌కి ముందే స్థానిక పత్రికల్లో ఈ సిబ్బంది కోసం ప్రకటన వేయించి, వారిని ఎంపిక చేసి ఉంచాడని, వీరందరికీ ఏడాదికి సుమారు 28 లక్షల 20 వేల రూపాయలు (30 వేల పౌండ్లు) చెల్లిస్తున్నాడని తెలుస్తోంది.   ♦   విజయవాడలో ప్రస్తుతం జరుగుతున్న 11 స్పోర్ట్స్‌ నేషనల్‌ ర్యాంకింగ్‌ టేబుల్‌ టెన్నిస్‌ చాంపియన్‌షిప్స్‌ 2018 (సౌత్‌ జోన్‌) పోటీలలో విజయవాడ క్రీడాకారిణి శైలు నూర్‌బాషా.. ఒలింపియన్‌ క్రీడాకారిణి అంకితా దాస్‌పై ప్రీ క్వార్టర్స్‌ ఫైనల్‌లోని ఉమెన్స్‌ సింగిల్స్‌ కేటగిరీలో విజయం సాధించింది. ఇందిరా గాంధీ మున్సిపల్‌ స్టేడియంలో ‘గ్రౌండ్‌మన్‌’గా పనిచేసే ఖాసీం నూర్‌బాషా కుమార్తె అయిన శైలు (20) తొలిసారి 2013లో ఎ.పి. టేబుల్‌ టెన్నిస్‌ ఉమెన్స్‌ సింగిల్స్‌ చాంపియన్‌ షిప్‌ను గెలవగా, మళ్లీ అంతే సంతృప్తికరంగా ఇప్పుడీ ప్రీ క్వార్టర్స్‌ ఫైనల్స్‌లో ప్రతిభను కనబరిచింది. ♦   పంచాయతీ ఎన్నికల్లో మహిళలకు 33 శాతాన్ని మించి రిజర్వేషన్‌ను కల్పించడం బి.జె.పి. ధ్యేయం అనీ.. ఇప్పటికే బిహార్, మధ్యప్రదేశ్‌ పంచాయతీలలో మహిళలకు 50 శాతాన్ని మించి తమ పార్టీ రిజర్వేషన్‌ ఇచ్చిందనీ జమ్మూకశ్మీర్‌లోని గాంగ్యాల్‌లో ‘ప్రధానమంత్రి ఉజ్వల యోజన’ లబ్ధిదారులైన మహిళలతో మాట్లాడుతూ ఆ పార్టీ ‘మహిళా మోర్చా’ జాతీయ అధ్యక్షురాలు విజయ రహత్కర్‌ అన్నారు. 2011 తర్వాత జమ్మూకశ్మీర్‌లో అక్టోబర్‌ 1–5 మధ్య నాలుగు విడతలుగా పురపాలక సంఘ ఎన్నికలు, నవంబర్‌ 8 డిసెంబర్‌ 4 మధ్య ఎనిమిది విడతలుగా పంచాయతీ ఎన్నికలు జరుగుతున్న నేపథ్యంలో విజయ్‌ రహత్కర్‌.. తన రెండు రోజుల పర్యటనలో భాగంగా మహిళా పథకాల లబ్దిదారులతో ముచ్చటించారు. ♦   1980లు, 90 లలో చురుకైన హీరోయిన్‌గా దక్షిణాది ప్రేక్షకులను అలరించిన తమిళ నటి రేవతి 1996లో.. దర్శకుడిగా మారిన సినిమాటోగ్రాఫర్‌ సురేశ్‌ మీనన్‌ను వివాహమాడాక, అతడితో 2002లో విడిపోయి, 2013లో విడాకులు తీసుకున్న అనంతరం.. ఇప్పుడు తన ఐదేళ్ల కూతురు మహి గురించి తాజా ఇంటర్వ్యూలో.. ఆ చిన్నారికి తను ఐవీఎఫ్‌ పద్ధతిలో జన్మనిచ్చానని వెల్లడించారు. మహిని అందరూ తన దత్తపుత్రిక అనుకుంటున్నారన్న విషయం తెలిసి, భవిష్యత్తులో మహి మనసు నొచ్చుకోకుండా ఉండడం కోసం తానీ సంగతిని చెప్పవలసి వచ్చిందని కూడా రేవతి వివరణ ఇచ్చారు. ♦   స్టార్‌ షట్లర్‌ పీవీ సింధు తన అక్క కొడుకు ‘ఉయ్యాల వేడుక’ సంబరంలో పాల్గొని, కుటుంబ సభ్యులంతా ఉన్న ఫొటోను ఇన్‌స్టాగ్రామ్‌లో పోస్ట్‌ చేసి, ‘కొత్త సభ్యుడికి స్వాగతం. సంతోష క్షణాలివి. ఫ్యామిలీ ఫస్ట్‌. లవ్‌. ఫన్‌’ అంటూ కామెంట్‌ పెట్టారు.  సిం«ధు తల్లి విజయ.. ఆ చిన్నారిని ఎత్తుకుని ఉండగా, పక్కనే సింధు తండ్రి రమణ, ఆ పక్కన అక్క దివ్య, బావ.. నిలబడి ఉన్న ఆ ఫొటోలో సింధు ఎరుపు రంగు దుస్తుల్లో ఉల్లాసంగా కనిపిస్తున్నారు.

న్యూయార్క్‌: యూఎస్‌ ఓపెన్‌ ఫైనల్లో చైర్‌ అంపైర్‌ కార్లొస్‌ రామోస్‌ పట్ల సెరెనా విలియమ్స్‌ దురుసు ప్రవర్తన మరింత వివాదాస్పదం అవుతోంది. రామోస్‌ను ‘దొంగ, అబద్ధాల కోరు’గా సెరెనా దూషించడాన్ని తీవ్రంగా పరిగణిస్తున్న ఓ వర్గం అంపైర్లు... క్షమాపణ చెప్పేవరకు ఆమె పాల్గొనే మ్యాచ్‌లను బహిష్కరించే ఆలోచన చేస్తున్నారు. తమ గౌరవాన్ని కాపాడుకునేందుకు సంఘంగా ఏర్పడాలని కూడా భావిస్తున్నారు. మరోవైపు 47 ఏళ్ల రామోస్‌ విశేష అనుభవజ్ఞుడు. పోర్చుగల్‌కు చెందిన ఇతడు పురుషుల సింగిల్స్‌ విభాగంలో నాలుగు గ్రాండ్‌స్లామ్‌ ఫైనల్స్‌కు, మహిళల విభాగంలో మూడు గ్రాండ్‌స్లామ్‌ ఫైనల్స్‌కు అంపైరింగ్‌ చేశాడు. తాజా వివాదాస్పద యూఎస్‌ ఓపెన్‌ ఫైనల్లోనూ రామోస్‌ నిబంధనలకు కట్టుబడ్డాడని అంతర్జాతీయ టెన్నిస్‌ సమాఖ్య (ఐటీఎఫ్‌) కితాబిచ్చింది. వరుస వివాదాల నేపథ్యంలో ప్రవర్తనా నియమావళిని సమీక్షించాలని అమెరికన్‌ టెన్నిస్‌ సంఘం (యూఎస్‌టీఏ) భావిస్తోంది. 

న్యూయార్క్‌: యూఎస్‌ ఓపెన్‌ టైటిల్‌ కోల్పోయి నిరాశలో ఉన్న అమెరికా టెన్నిస్‌ స్టార్‌ సెరెనా విలియమ్స్‌కు ఊహించని షాక్‌ తగిలింది. శనివారం జరిగిన యూఎస్‌ ఓపెన్‌ మహిళల ఫైనల్‌ మ్యాచ్‌లో సెరెనా అనుచితంగా ప్రవర్తించడంపట్ల యూఎస్‌ టెన్నిస్‌ అసోషియేషన్‌ తప్పుపట్టింది. ఫైనల్‌ మ్యాచ్‌లో మూడు సార్లు నిబంధనలు ఉ‍ల్లంఘించినందుకు గాను 17,000 యూఎస్‌ డాలర్ల జరిమానాను అసోషియేషన్‌ విధించింది. నిబంధనలకు విరుద్ధంగా కోచ్‌ నుంచి సంకేతాల రూపంలో సలహాలు అందుకుంటోందని చైర్‌ అంపైర్‌ సెరెనాకు హెచ్చరిక జారీ చేయడంపట్ల విభేదించడం, అసహనంతో రాకెట్‌ విరగ్గొట్టినందుకు, తీవ్ర పదజాలంతో చైర్‌ అంపైర్‌ను దూషించినందుకుగాను జరిమాన విధిస్తున్నట్లు అసోషియేషన్‌ పేర్కొంది. ఇక కెరీర్‌లో 24వ గ్రాండ్‌స్లామ్‌ టైటిల్‌ సాధించి రికార్డు సృష్టిస్తుందని భావించిన సెరెనా విలియమ్స్‌ భవిష్యత్‌ టెన్నిస్‌ తార నయోమి ఒసాకా(జపాన్‌) చేతిలో బోల్తా పడిన విషయం తెలిసిందే.  సెరెనాకు అనూహ్య మద్దతు.. యూఎస్‌ టెన్నిస్‌ అసోషియేషన్‌ సెరెనాకు జరిమాన విధించినప్పటకీ మహిళల టెన్నిస్‌ అసోషియేషన్‌, అభిమానుల నుంచి భారీ మద్దతు లభిస్తోంది. క్రీడల్లో అందరికి సమాన హక్కులు ఉండాలని.. పరుషు ప్లేయర్లు చైర్‌ అంపైర్లను చాలా పరుష పదజాలంతో దూషించనప్పటికీ వారిపై ఎలాంటి చర్యలు తీసుకోలేదని గుర్తుచేశారు. క్రీడల్లో మహిళలకు, పురుషులకు వేరువేరు నిబంధనలు ఉండటం సమంజసం కాదని పలువురు మాజీ క్రీడాకారులు తప్పుపట్టారు. అంపైర్‌ అబద్ధాల కోరు.. దొంగ: సెరెనా

మహిళల టెన్నిస్‌లో మరో యువ తార అవతరించింది. తన ఆరాధ్య క్రీడాకారిణి సెరెనా విలియమ్స్‌తో జరిగిన ఫైనల్లో ఆద్యంతం ఆధిపత్యం చలాయించిన జపాన్‌ అమ్మాయి నయోమి ఒసాకా విజేతగా నిలిచింది. యూఎస్‌ ఓపెన్‌ గ్రాండ్‌స్లామ్‌ మహిళల సింగిల్స్‌ చాంపియన్‌గా ఆవిర్భవించింది. ఈ క్రమంలో గ్రాండ్‌స్లామ్‌ సింగిల్స్‌ టైటిల్‌ నెగ్గిన తొలి జపాన్‌ ప్లేయర్‌గా కొత్త చరిత్ర సృష్టించింది. అయితే సెరెనా అనుచిత ప్రవర్తన ఒసాకా విజయానందాన్ని ఆవిరి చేసింది. నిబంధనలకు విరుద్ధంగా కోచ్‌ నుంచి సంకేతాల రూపంలో సలహాలు అందుకుంటోందని చైర్‌ అంపైర్‌ సెరెనాకు తొలి హెచ్చరిక జారీ చేయడం... సెరెనా అసహనంతో రాకెట్‌ విరగ్గొట్టినందుకు రెండో హెచ్చరిక రూపంలో ప్రత్యర్థికి పాయింట్‌ ఇచ్చేయడం... ఆ తర్వాత తీవ్ర పదజాలంతో చైర్‌ అంపైర్‌ను దూషించినందుకు.. మూడో హెచ్చరిక రూపంలో సెరెనా గేమ్‌నే కోల్పోవడం... వెరసి నాటకీయ పరిణామాలు చోటుచేసుకున్న యూఎస్‌ ఓపెన్‌ మహిళల సింగిల్స్‌ ఫైనల్లో ఒసాకా అద్భుత ఆటతీరు కాకుండా చివరకు సెరెనా అనుచిత ప్రవర్తనే హైలైట్‌ అయ్యింది.    న్యూయార్క్‌: అద్భుతం జరిగింది. అంచనాలు తలకిందులయ్యాయి. కెరీర్‌లో 24వ గ్రాండ్‌స్లామ్‌ టైటిల్‌ సాధించి రికార్డు సృష్టిస్తుందని భావించిన సెరెనా విలియమ్స్‌ భవిష్యత్‌ టెన్నిస్‌ తార చేతిలో బోల్తా పడింది. జపాన్‌ అమ్మాయి నయోమి ఒసాకా ధాటికి ఈ అమెరికా టెన్నిస్‌ దిగ్గజం చేతులెత్తేసింది. భారత కాలమానం ప్రకారం శనివారం అర్ధరాత్రి దాటాక జరిగిన యూఎస్‌ ఓపెన్‌ మహిళల సింగిల్స్‌ ఫైనల్లో 20వ సీడ్‌ నయోమి ఒసాకా 6–2, 6–4తో 17వ సీడ్, ఆరుసార్లు చాంపియన్‌ సెరెనా విలియమ్స్‌ను ఓడించింది. ఈ క్రమంలో గ్రాండ్‌స్లామ్‌ సింగిల్స్‌ టైటిల్‌ గెలిచిన తొలి జపాన్‌ ప్లేయర్‌గా కొత్త చరిత్ర సృష్టించింది. నా లీ (చైనా; 2011లో ఫ్రెంచ్‌ ఓపెన్, 2014లో ఆస్ట్రేలియన్‌ ఓపెన్‌) తర్వాత ఆసియా నుంచి గ్రాండ్‌స్లామ్‌ టైటిల్‌ నెగ్గిన రెండో ప్లేయర్‌గా 20 ఏళ్ల ఒసాకా గుర్తింపు పొందింది. విజేత ఒసాకాకు 38 లక్షల డాలర్లు (రూ. 27 కోట్ల 40 లక్షలు); రన్నరప్‌ సెరెనాకు 18 లక్షల 50 వేల డాలర్లు (రూ. 13 కోట్ల 34 లక్షలు) ప్రైజ్‌మనీగా లభించాయి.    ఫైనల్‌ చేరే క్రమంలో కేవలం ఒక సెట్‌ కోల్పోయిన ఒసాకా తుది పోరులోనూ పట్టుదలతో ఆడింది. 36 ఏళ్ల సెరెనాకు ప్రతి విభాగంలో ఆమె గట్టి జవాబు ఇచ్చింది. తన ప్రత్యర్థి అపార అనుభవజ్ఞురాలు అయినప్పటికీ... స్టేడియంలోని 24 వేల మంది ప్రేక్షకులు సెరెనా విజయమే కోరుకుంటునప్పటికీ... కెరీర్‌లో తొలి గ్రాండ్‌స్లామ్‌ ఫైనల్‌ ఆడుతోన్న ఈ జపాన్‌ అమ్మాయిపై ఆ అంశాలు ఎలాంటి ప్రభావం చూపలేదు. పక్కా వ్యూహంతో బరిలోకి దిగిన ఒసాకా కచ్చితమైన సర్వీస్‌లు... కళ్లు చెదిరేరీతిలో రిటర్న్‌ షాట్‌లు... శక్తివంతమైన ఫోర్‌హ్యాండ్, బ్యాక్‌హ్యాండ్‌ షాట్‌లతో సెరెనాకు ఊపిరి ఆడకుండా చేసింది. ఒకదశలో ఒసాకా కొట్టిన కొన్ని షాట్‌లను సెరెనా కూడా ప్రశంసించింది.   మరోవైపు సెరెనాకు ఏదీ కలసి రాలేదు. గతి తప్పిన సర్వీస్‌లు.. డబుల్‌ ఫాల్ట్‌లు... అనవసర తప్పిదాలు... బ్రేక్‌ పాయింట్‌ అవకాశాలను వదులుకోవడం... ఇలా ఆమె ఏదశలోనూ ఒసాకాకు పోటీ ఇచ్చినట్టు అనిపించలేదు. తొలి సెట్‌లోని మూడో గేమ్‌లో, ఐదో గేమ్‌లో సెరెనా సర్వీస్‌ను బ్రేక్‌ చేసిన ఒసాకా తన సర్వీస్‌లను కాపాడుకొని 34 నిమిషాల్లో 6–2తో సెట్‌ను దక్కించుకుంది.   వివాదం మొదలైందిలా... రెండో సెట్‌లో తన సర్వీస్‌లో తొలి గేమ్‌ను నెగ్గిన సెరెనా 1–0తో ముందంజ వేసింది. ఈ దశలో గ్యాలరీలో ఉన్న సెరెనా కోచ్‌ ప్యాట్రిక్‌ మురాతొగ్లు నిబంధనలకు విరుద్ధంగా సంకేతాల రూపంలో సలహాలు ఇస్తున్నారని గమనించిన చైర్‌ అంపైర్‌ కార్లోస్‌ రామోస్‌ (పోర్చుగల్‌) సెరెనాను హెచ్చరించారు. ఈ పరిణామానికి ఆశ్చర్యపోయిన సెరెనా చైర్‌ అంపైర్‌ రామోస్‌తో వాగ్వాదానికి దిగింది. ‘కోచ్‌ తనకు ఎలాంటి సంకేతాలు ఇవ్వడంలేదు. మోసపూరిత పద్ధతులతో గెలిచే బదులు నేను ఓడిపోవడానికి సిద్ధపడతాను’ అని రామోస్‌కు సెరెనా సమాధానం ఇచ్చింది. అనంతరం ఒసాకా తన సర్వీస్‌ను నిలబెట్టుకోవడంతో స్కోరు 1–1తో సమమైంది. ఆ తర్వాత సెరెనా కూడా గేమ్‌ నెగ్గి 2–1తో ఆధిక్యంలోకి వెళ్లింది. గేమ్‌ పూర్తయ్యాక తన కుర్చీ వద్దకు వెళ్తూ ‘నేను మోసం చేయడంలేదు’ అని చైర్‌ అంపైర్‌ను ఉద్దేశిస్తూ వ్యాఖ్యానించింది. కంట కన్నీరు.... జరిమానా రూపంలో గేమ్‌ ఒసాకాకు ఇవ్వడంతో సెరెనా మరింత రెచ్చిపోయింది. టోర్నీ రిఫరీ కోర్టులోకి రావాలని కోరింది. ‘ఇది అన్యాయం. పురుష ప్లేయర్లు నాకంటే దారుణంగా ఎన్నోసార్లు దూషించారు. కానీ వారిపై ఎలాంటి చర్యలు ఉండవు. నేను మహిళను కాబట్టే నన్ను శిక్షించారు. ఇది సరైన పద్ధతి కాదు’ అని టోర్నీ రిఫరీతో కన్నీరు కారుస్తూ వాపోయింది. టోర్నీ రిఫరీ చైర్‌ అంపైర్‌తో మాట్లాడి సెరెనాకు సర్దిచెప్పడంతో మళ్లీ ఆట కొనసాగింది. తొమ్మిదో గేమ్‌లో సెరెనా సర్వీస్‌ నిలబెట్టుకుంది. స్కోరు 5–4 ఉండగా పదో గేమ్‌లో ఒసాకా తన సర్వీస్‌ను కాపాడుకొని సెట్‌తోపాటు మ్యాచ్‌ను సొంతం చేసుకుంది. అయితే కోర్టులో జరిగిన పరిణామాలతో కలత చెందినట్లు కనిపించిన ఒసాకా విజయం అనంతరం సంబరాలను కూడా చేసుకోలేదు. ఒసాకాను ఆప్యాయంగా ఆలింగనం చేసుకొని అభినందించిన సెరెనా మళ్లీ చైర్‌ అంపైర్‌ వద్దకు వెళ్లి తనకు క్షమాపణలు చెప్పాలని కోరింది. ఆయన స్పందించలేదు. దాంతో సెరెనా చైర్‌ అంపైర్‌తో కరచాలనం చేయకుండానే వెనుదిరిగింది. నువ్వో దొంగవి... రెండో సెట్‌లో ఆరో గేమ్‌ ముగిశాక సెరెనా చైర్‌ అంపైర్‌తో మరోసారి వాగ్వాదానికి దిగింది. ‘నేను గ్యాలరీలో నుంచి ఎలాంటి కోచింగ్‌ తీసుకోవడంలేదు. నేను మోసానికి పాల్పడటం లేదని మీరు మైక్‌ ద్వారా ప్రకటించాలి. నాకు బహిరంగంగా క్షమాపణలు కూడా చెప్పాలి. నా జీవితంలో నేను ఏనాడూ మోసం చేయలేదు’ అని ఆవేశంతో ఊగిపోయింది. ఆ తర్వాత ఏడో గేమ్‌లో సెరెనా మళ్లీ తన సర్వీస్‌ చేజార్చుకుంది. ఒసాకా 4–3తో ఆధిక్యంలోకి వెళ్లింది. ఈ దశలో మళ్లీ చైర్‌ అంపైర్‌ను సెరెనా దూషించడం మొదలుపెట్టింది. ‘నువ్వు నా వ్యక్తిత్వాన్ని శంకిస్తున్నావు. నువ్వో అబద్ధాలకోరువి. నువ్వు బతికినంతకాలం నేను ఆడుతున్న మ్యాచ్‌కు అంపైరింగ్‌ చేయొద్దు. నన్నెప్పుడు క్షమాపణలు కోరుతావ్‌? ఇప్పుడే క్షమాపణ చెప్పు. నా నుంచి పాయింట్‌ లాక్కున్నావు. నువ్వు ఓ దొంగవి’ అని తీవ్ర పదజాలాన్ని వాడింది. సెరెనా దూషణ పర్వానికి జరిమానాగా చైర్‌ అంపైర్‌ ఈసారి ఏకంగా ఒక గేమ్‌ను ఒసాకాకు ఇచ్చాడు. దాంతో ఒసాకా 5–3తో ఆధిక్యంలోకి వెళ్లింది. రాకెట్‌ విరగ్గొట్టి.... రెండో సెట్‌ నాలుగో గేమ్‌లో ఒసాకా సర్వీస్‌ను బ్రేక్‌ చేసిన సెరెనా 3–1తో ముందంజ వేసింది. అయితే ఐదో గేమ్‌లో తన సర్వీస్‌ను కోల్పోయాక సెరెనా తన రాకెట్‌ను నేలకేసి బలంగా కొట్టింది. దాంతో క్రమశిక్షణను ఉల్లంఘించినందుకు ఆమెపై చైర్‌ అంపైర్‌ పెనాల్టీ విధించారు. ఫలితంగా ఒసాకా ఆరో గేమ్‌ను నేరుగా 15–0తో ప్రారంభించింది. తన సర్వీస్‌ను కాపాడుకుంది. స్కోరు 3–3తో సమమైంది. నన్ను క్షమించండి. ఇక్కడికి వచ్చిన ప్రతి ఒక్కరు సెరెనా విజయం సాధించాలని కోరుకున్నారని తెలుసు. అయితే ముగింపు ఇలా ఉన్నందుకు క్షమాపణలు కోరుతున్నా. నేనీ స్థాయికి చేరుకోవడానికి అమ్మానాన్న ఎన్నో త్యాగాలు చేశారు. యూఎస్‌ ఓపెన్‌ ఫైనల్లో సెరెనాతో ఆడాలని ఎప్పటినుంచో కలలు కన్నాను. నా కల నిజమైనందుకు ఆనందంగా ఉంది.  –నయోమి ఒసాకా నయోమి చాలా బాగా ఆడింది. ఆమెకిదే తొలి గ్రాండ్‌స్లామ్‌ టైటిల్‌. మీరందరూ నాకు మద్దతు ఇచ్చేందుకు వచ్చారని తెలుసు. విజయార్హత ఉన్నవారికి గుర్తింపు ఇవ్వాలి. గేలి చేయడం మానేసి మీరందరూ నయోమిని అభినందించాలి. కోచ్‌ ప్యాట్రిక్‌ నాకు సలహాలు ఇచ్చానని అంగీకరించారు. కానీ సంకేతాలు ఇస్తున్నపుడు నేను ఆయనవైపు చూడలేదు. నాకు కోర్టులో కోచింగ్‌ తీసుకోవడం అలవాటు కూడా లేదు. గతంలో పురుష ప్లేయర్లు చైర్‌ అంపైర్లను చాలా పరుష పదజాలంతో దూషించారు. కానీ వారిపై ఎప్పుడూ గేమ్‌ పెనాల్టీ విధించలేదు. నేనిక్కడ మహిళల హక్కుల కోసం, వారి సమానత్వం కోసం పోరాడేందుకు ఉన్నాను. నాకు న్యాయం జరగకున్నా భవిష్యత్‌లో ఇతరులకు న్యాయం జరుగుతుందని ఆశిస్తున్నా. – సెరెనా

న్యూయార్క్‌: యూఎస్‌ ఓపెన్‌ మహిళల సింగిల్స్‌ ఫైనల్‌లో తాను మోసానికి పాల్పడలేదని అమెరికా స్టార్‌ టెన్నిస్‌ క్రీడాకారిణి, నల్ల కలువ సెరెనా విలియమ్స్ అన్నారు. తుది పోరులో  సెరెనా 2-6, 4-6  తేడాతో జపాన్‌ క్రీడాకారిణి ఒసాకా చేతిలో పరాజయం పాలైంది. ఫలితంగా ఒసాకా టైటిల్‌ గెలిచి కొత్త చరిత్ర సృష్టించింది.  అయితే రెండో సెట్‌లో సెరెనా నిబంధనలు ఉల్లంఘించి చైర్‌ అంపైర్‌ ఆగ్రహానికి గురైంది. తొలి సెట్‌ను కోల్పోయిన సెరెనా.. రెండో సెట్‌ జరుగుతున్న సమయంలో కోచ్‌ సాయం తీసుకోవడంపై చైర్‌ అంపైర్‌ హెచ్చరించాడు. దీంతో వాగ్వాదానికి దిగిన సెరెనా.. ‘నువ్వు అబద్ధాలకోరు, దొంగ’ అంటూ చైర్‌ అంపైర్‌ను నిందించి ఆగ్రహంతో రాకెట్‌ను నేలకేసి కొట్టింది. ఆట నిబంధనలు ఉల్లంఘించడంతో చైర్‌ అంపైర్‌ ఆమెకు ఒక పాయింట్‌ జరిమానా విధించాడు. తర్వాత మ్యాచ్‌ రెఫరీని పిలిచి ఛైర్‌అంపైర్‌పై ఫిర్యాదు చేసి అతను క్షమాపణ చెప్పాలని సెరెనా డిమాండ్‌ చేసింది. అనంతరం సెరెనా రెండో సెట్‌ను కూడా కోల్పోవడంతో ఒసాకా టైటిల్‌ విజేతగా నిలిచింది. ఆట అనంతరం సెరెనా మాట్లాడుతూ .. ఆట మధ్యలో కోచ్‌ సాయం తీసుకోలేదు. అంపైర్‌ కావాలనే నా పాయింట్‌లో కోత విధించాడు. క్రీడల్లో పురుష ఆటగాళ్లతో పోల్చితే.. మహిళలపై వివక్ష ఉంటుందన్న నా నమ్మకాన్ని ఈ ఘటన బలోపేతం చేసింది. పురుష ఆటగాళ్ల పట్ల చైర్‌ అంపైర్లు ఎలా ప్రవర్తిస్తారో నేను చూశాను. ఇక్కడ నేను మహిళల హక్కుల కోసం, వారి సమానత్వం కోసం పోరాడుతున్నాను’ అని సెరెనా అన్నారు. మహిళలు ఎలా వివక్షకు గురువుతున్నారో వివరిస్తూ..  గతవారం ఫ్రెంచ్‌ క్రీడాకారిణి అలిజ్‌ కార్నెట్‌ ఎండ వేడిమి కారణంగా కోర్టులోనే షర్ట్‌ విప్పేసిన ఘటనలో ఆమెను చైర్‌ అంపైర్‌ హెచ్చరించిన ఘటనను సెరెనా ఉదహరించారు. 

ఒకరేమో దిగ్గజం... మరొకరేమో అనామకురాలు... ఒకరి ఖాతాలో 23 గ్రాండ్‌స్లామ్‌ సింగిల్స్‌ టైటిల్స్‌ ఉంటే... మరొకరికి కెరీర్‌లోనే తొలి గ్రాండ్‌స్లామ్‌ ఫైనల్‌. ఒకరు గెలిస్తే అత్యధిక సింగిల్స్‌ గ్రాండ్‌స్లామ్‌ టైటిల్స్‌ నెగ్గిన ప్లేయర్‌గా రికార్డు సమమవుతుంది... మరొకరు నెగ్గితే తమ దేశం తరఫున తొలి గ్రాండ్‌స్లామ్‌ టైటిల్‌ గెలిచిన క్రీడాకారిణిగా కొత్త చరిత్ర లిఖిస్తుంది. ఎవరు విజయం సాధించినా నయా చరిత్ర నమోదయ్యే నేపథ్యంలో... అపార అనుభవజ్ఞురాలు సెరెనా విలియమ్స్‌... జపాన్‌ యువ సంచలనం నయోమి ఒసాకా మధ్య యూఎస్‌ ఓపెన్‌ మహిళల సింగిల్స్‌ ఫైనల్‌కు రంగం సిద్ధమైంది.    న్యూయార్క్‌: ఎలాంటి నిర్లక్ష్యానికి తావివ్వకుండా పట్టుదలతో ఆడిన అమెరికా టెన్నిస్‌ స్టార్‌ సెరెనా విలియమ్స్‌ తొమ్మిదోసారి యూఎస్‌ ఓపెన్‌ మహిళల సింగిల్స్‌ ఫైనల్లోకి దూసుకెళ్లింది. శుక్రవారం జరిగిన సెమీఫైనల్లో 17వ సీడ్‌ సెరెనా 6–3, 6–0తో 19వ సీడ్‌ అనస్తాసియా సెవస్తోవా (లాత్వియా)ను ఓడించి జపాన్‌ అమ్మాయి నయోమి ఒసాకాతో నేడు జరిగే టైటిల్‌ పోరుకు సిద్ధమైంది. 66 నిమిషాలపాటు జరిగిన సెమీస్‌లో సెరెనాకు ఆరంభంలో కాస్త పోటీ లభించింది. కానీ ఒక్కసారి సెరెనా లయలోకి వచ్చాక ప్రత్యర్థి చేతులెత్తేసింది. తొలి సెట్‌ తొలి గేమ్‌లోనే సెరెనా సర్వీస్‌ను బ్రేక్‌ చేసి... తన సర్వీస్‌నూ కాపాడుకున్న సెవస్తోవా 2–0తో ఆధిక్యంలోకి వెళ్లింది. అయితే వెంటనే పుంజుకున్న సెరెనా మూడో గేమ్‌లో సర్వీస్‌ నిలబెట్టుకొని, నాలుగో గేమ్‌లో సెవస్తోవా సర్వీస్‌ను బ్రేక్‌ చేసి స్కోరును 2–2తో సమం చేసింది. ఆ తర్వాత మరోసారి సెవస్తోవా సర్వీస్‌ను బ్రేక్‌ చేసిన సెరెనా తన సర్వీస్‌లను నిలబెట్టుకొని తొలి సెట్‌ను సొంతం చేసుకుంది. రెండో సెట్‌లో సెరెనా మరింత జోరు పెంచగా... సెవస్తోవా డీలా పడిపోయింది. నెట్‌ వద్దకు 14సార్లు దూసుకొచ్చిన సెరెనా 11సార్లు పాయింట్లు సాధించింది. 16 విన్నర్స్‌ కొట్టిన ఆమె 13 అనవసర తప్పిదాలు చేసింది.   ఈ గెలుపుతో 36 ఏళ్ల సెరెనా 31వసారి గ్రాండ్‌స్లామ్‌ ఫైనల్లోకి ప్రవేశించింది. తుది పోరులో గెలిస్తే అత్యధిక గ్రాండ్‌స్లామ్‌ సింగిల్స్‌ టైటిల్స్‌ నెగ్గిన మార్గరెట్‌ కోర్ట్‌ (ఆస్ట్రేలియా–24) పేరిట ఉన్న రికార్డును సెరెనా సమం చేస్తుంది. దాంతోపాటు ఓపెన్‌ శకంలో (1968 తర్వాత) అత్యధికంగా ఏడుసార్లు యూఎస్‌ ఓపెన్‌ టైటిల్‌ నెగ్గిన ఏకైక క్రీడాకారిణిగా కొత్త చరిత్ర లిఖిస్తుంది. ప్రస్తుతం క్రిస్‌ ఎవర్ట్‌ (6 సార్లు)తో సెరెనా సమఉజ్జీగా ఉంది.  ‘ఇదంతా అద్భుతంలా అనిపిస్తోంది. ఏడాది క్రితం పాపకు జన్మనిచ్చే సమయంలో మృత్యువుతో పోరాడాను. సంవత్సరం తిరిగేలోపే వరుసగా రెండో గ్రాండ్‌స్లామ్‌ ఫైనల్‌ ఆడుబోతున్నాను.ఈ ఏడాది మార్చిలో ఒసాకాతో ఆడిన ఏకైక మ్యాచ్‌లో ఆమె చేతిలో ఓడిపోయాను. కానీ నేనప్పుడు పూర్తి ఫామ్‌లో లేను’’ అని సెరెనా వ్యాఖ్యానించింది.   13 బ్రేక్‌ పాయింట్లు కాపాడుకొని...  మరో సెమీఫైనల్లో 20 ఏళ్ల నయోమి ఒసాకా 6–2, 6–4తో 14వ సీడ్‌ మాడిసన్‌ కీస్‌ (అమెరికా)పై విజయం సాధించింది. ఈ విజయంతో ఒసాకా తన కెరీర్‌లో తొలిసారి ఓ గ్రాండ్‌స్లామ్‌ టోర్నీలో ఫైనల్‌కు చేరింది. అంతేకాకుండా ఓ గ్రాండ్‌స్లామ్‌ టోర్నీలో ఫైనల్‌కు అర్హత సాధించిన తొలి జపాన్‌ క్రీడాకారిణిగా గుర్తింపు పొందింది. గతేడాది యూఎస్‌ ఓపెన్‌లో రన్నరప్‌గా నిలిచిన కీస్‌తో జరిగిన మ్యాచ్‌లో ఒసాకా ఏకంగా 13 సార్లు బ్రేక్‌ పాయింట్స్‌ను కాపాడుకోవడం విశేషం. గంటా 25 నిమిషాలపాటు జరిగిన ఈ మ్యాచ్‌లో ఒసాకా తన ప్రత్యర్థి సర్వీస్‌ను మూడుసార్లు బ్రేక్‌ చేసింది. 13 బ్రేక్‌ పాయింట్లు ఎలా కాపాడుకున్నారని విజయానంతరం ఒసాకాను ప్రశ్నించగా... సెరెనాతో ఎలాగైనా ఫైనల్‌ ఆడాలనే ఆలోచనే వాటిని కాపాడుకునేలా చేసిందని సమాధానం ఇచ్చింది. 1997 అక్టోబర్‌ 16న జపాన్‌లో జన్మించిన నయోమి ఒసాకా మూడేళ్ల వయసులో వారి కుటుంబం అమెరికాకు వలస వెళ్లి అక్కడే స్థిరపడింది.   ► రాత్రి గం. 1.30 నుంచి  స్టార్‌ స్పోర్ట్స్‌ సెలెక్ట్‌–1లో ప్రత్యక్ష ప్రసారం 

ఆరుసార్లు యూఎస్‌ చాంపియన్‌ అయిన సెరెనా విలియమ్స్‌ మరో టైటిల్‌కు రెండడుగుల దూరంలో నిలిచింది. మహిళల సింగిల్స్‌ క్వార్టర్‌ ఫైనల్లో 17వ సీడ్‌ అమెరికన్‌ స్టార్‌ 6–4, 6–3తో 8వ సీడ్‌ కరోలినా ప్లిస్కోవా (చెక్‌ రిపబ్లిక్‌)ను ఓడించింది. 2016లో ఇక్కడ జరిగిన సెమీస్‌లో ప్లిస్కోవా చేతిలో ఎదురైన పరాజయానికి బదులుతీర్చుకుంది. గంటన్నర (1.26 ని.)లోపే ముగిసిన ఈ మ్యాచ్‌లో సెరెనా 13 ఏస్‌లను సంధించి, 35 విన్నర్లు ఆడింది. సెమీఫైనల్లో అమెరికా నల్లకలువ 19వ సీడ్‌ అనస్తసిజా సెవస్తోవా (లాత్వియా)తో తలపడనుంది. పురుషుల సింగిల్స్‌ క్వార్టర్‌ ఫైనల్లో మూడో సీడ్‌ డెల్‌పొట్రో (అర్జెంటీనా) 6–7 (5/7), 6–3, 7–6 (7/4), 6–2 జాన్‌ ఇస్నర్‌ (అమెరికా)పై విజయం సాధించాడు. సెమీఫైనల్లో నాదల్‌... డెల్‌పొట్రోతో తలపడతాడు. 

రెండో పెళ్లి (బిగమీ) కోసం హిందువులలో కొందరు ముస్లిం మతం స్వీకరిస్తున్న ధోరణì కి అడ్డుకట్ట వేసేందుకు చట్టపరమైన గట్టి చర్యలు తీసుకోవాలని ప్రభుత్వానికి సూచించిన ‘లా’ కమిషన్‌.. ఈ విధమైన పెళ్లిళ్లను చెల్లుబాటు కానివిగా పరిగణించాలని 2015లో మహిళా శిశు, అభివృద్ధి శాఖ ఒక నివేదికలో సూచించడాన్ని గుర్తు చేసింది. భారతీయ శిక్షా స్మృతిలోని సెక్షన్‌ 494 ప్రకారం.. జీవిత భాగస్వామికి తెలియకుండా ఇంకో పెళ్లి చేసుకున్నవారికి ఏడేళ్ల వరకు, సెక్షన్‌ 495 ప్రకారం.. పెళ్లయిన సంగతిని దాచి పెట్టి ఇంకో పెళ్లి చేసుకున్నవారికి పదేళ్ల వరకు జైలు శిక్ష పడే అవకాశాలు ఉండగా, శిక్షను తప్పించుకోవడానికి  హిందువులు కొందరు.. ముస్లిం మతంలోకి మారుతున్నారని సామాజిక జీవన విధానాల పరిశీలకులు కొంతకాలంగా చెబుతున్న మాటను కూడా లా కమిషన్‌ తన సూచనల్లో ప్రస్తావించింది.  దత్తత తీసుకున్న తల్లిదండ్రులు వదిలేయడంతో ప్రస్తుతం స్పెయిన్‌లోని జర్గోజా ప్రభుత్వ శరణాలయంలో ఉన్న పదమూడేళ్ల బాలికను తక్షణం భారతదేశానికి తెప్పించడానికి అవసరమైన అన్ని ఏర్పాట్లను జాప్యం లేకుండా పూర్తి చెయ్యాలని కేంద్ర స్త్రీ, శిశు అభివృద్ధి శాఖ మంత్రి మనేకా గాంధీ స్పెయిన్‌లోని భారత రాయబారి డి.బి.వెంకటేశ్‌ వర్మకు ఆదేశాలు జారీ చేశారు. ఈ ఏడాది ఆరంభంలో ఇండియా వచ్చిన స్పెయిన్‌ దంపతులు భోపాల్‌లోని ‘ఉడాన్‌’ అనే అడాప్షన్‌ ఏజెన్సీ నుంచి ఆ బాలికను దత్తత తీసుకునే సమయంలో ఆమె వయసు ఏడేళ్లని అబద్ధం చెప్పి ఏజెన్సీ తమను మోసం చేసిందని స్పెయిన్‌ తిరిగి వెళ్లాక తెలియడం తో వారు ఆమెను వదిలేశారని పత్రికలో వచ్చిన వార్తతో కలత చెందిన మనేకా.. ‘ఏది ఏమైనా’ ఆ చిన్నారిని మన దేశానికి సురక్షితంగా తెప్పించి, తగిన సంరక్ష కల్పించాలన్న కృతనిశ్చయానికి వచ్చా0తరు.  మయన్మార్‌లోని రొహింగ్యా ముస్లింల ఊచకోతపై కథనాలు రాసిన వా లోన్, కా సో ఓ అనే ఇద్దరు జర్నలిస్టులను అధికార రహస్యాలు బట్టబయలు చేశారన్న నేరారోపణలపై అరెస్టు చేసిన అనంతరం,  అక్కడి న్యాయస్థానం వారికి ఏడేళ్ల జైలు శిక్ష విధించడంతో.. ఆ దేశ సమరయోధురాలు, నోబెల్‌ శాంతి బహుమతి గ్రహీత, ప్రస్తుత మయన్మార్‌ ‘స్టేట్‌ కౌన్సిలర్‌’ ఆంగ్‌ సాన్‌ సూచీకి హక్కుల పరిరక్షణ ఉద్యమకారిణిగా ఇంతవరకు ఉన్న పేరు ప్రతిష్టలన్నీ నీరుగారిపోయాయి. జైల్లో ఆ జర్నలిస్టుల పరిస్థితి ఏమిటన్న విషయమై సూచీని తను అడిగినప్పుడు వారిపై ఆమె ఎంతో ఆగ్రహం వ్యక్తం చేశారనీ, వారిని ఆమె దేశ విద్రోహులుగా అభివర్ణించడాన్ని బట్టి చూస్తే ఆ ఇద్దరి ప్రాణాలూ ప్రమాదంలో ఉన్నట్లు అర్థమౌతోందని మయన్మార్‌లోని యు.ఎస్‌. దౌత్య అధికారి బిల్‌ రిచర్డ్‌సన్‌ తీవ్ర ఆందోళన వ్యక్తం చేశారు.  స్ట్రిప్‌ క్లబ్బులలో ‘ల్యాప్‌ డ్యాన్స్‌’ నిషేధానికి ఉన్న న్యాయపరమైన అవరోధాలను తొలగించేందుకు ఇజ్రాయెల్‌ ప్రభుత్వం నిపుణులతో కలిసి కూర్చొని చర్చలు జరుపుతోంది. స్ట్రిప్‌ క్లబ్‌లో బార్‌ డ్యాన్సర్‌లు ఒక్కో వస్త్రాన్నీ తొలగిస్తూ నృత్యం చేయడం అన్నది ఎప్పటి నుంచో ఉన్నప్పటికీ.. ఇటీవల ‘స్ట్రిప్‌’ (బట్టలు తొలగించడం)తో పాటు ‘ల్యాప్‌’ (ఒడిలో కూర్చోవడం) డ్యాన్స్‌ కూడా తోడయిన కారణంగా ఆగ్రహించిన ఆ దేశ మహిళలు.. క్లబ్బుల బయట నిరసన  ప్రదర్శనలు జరుపుతుండటంతో దిగివచ్చిన ప్రభుత్వం, ‘ల్యాప్‌ డ్యాన్స్‌’ను ‘వ్యభిచారం’గా పరిగణిస్తూ శిక్షను విధించే చట్టాన్ని తేవాలన్న ఆలోచనలో ఉంది. భారతీయ రచయిత్రులు రాసిన 13 పుస్తకాలు ఈ నెలలో విడుదల అవుతున్నాయి! ఫెమినిస్ట్‌ రాణి (శైలీచోప్రా, మేఘనా పంత్‌), 54 రీజన్స్‌ వై పేరెంట్స్‌ సక్‌ అండ్‌ ఫ్యూ (డాక్టర్‌ స్వాతీ లోథా, స్వరా లోథా), బికాజ్‌ హి ఈజ్‌ (మేఘనా గుల్జార్‌), హౌ ఇండియా వర్క్స్‌ : మేకింగ్‌ సెన్స్‌ ఆఫ్‌ ఎ కాంప్లెక్స్‌ కార్పొరేట్‌ కల్చర్‌ (ఆర్తి కెల్షికార్‌), యాంబిగ్యుయిటీ మెషీన్స్, అండ్‌ అదర్‌ స్టోరీస్‌ (వందనా సింగ్‌), మహుల్దిహా డేస్‌ (అనితా అగ్నిహోత్రి), ది ఉమెన్స్‌ కోర్ట్‌యార్డ్‌ (ఖదీజా మసూర్‌), నాట్‌ క్వైట్‌ నాట్‌ వైట్‌ (షర్మిలా సేన్‌), ఎ షూటింగ్‌ స్టార్‌ : ఎ గర్ల్, హర్‌ బ్యాక్‌ పెయిన్‌ అండ్‌ ది వరల్డ్‌ (శివ్యానాథ్‌), ఎంప్రెస్‌ : ది ఆస్టానిషింగ్‌ రీన్‌ ఆఫ్‌ నూర్జహాన్‌ (రూబీ లాల్‌), సెర్చింగ్‌ ఫర్‌ హోమ్‌ : స్టోరీస్‌ ఆఫ్‌ ఇండియన్స్‌ లివింగ్‌ అబ్రాడ్‌ (శిమ్రాన్‌ చావ్లా), శ్రీదేవి (లలితా అయ్యర్‌), రెమ్నెంట్‌ ఆఫ్‌ ఎ సెపరేషన్‌ : ఎ హిస్టరీ ఆఫ్‌ ది పార్టిషన్‌ త్రూ మెటీరియల్‌ మెమరీ (ఆంచల్‌ మల్హోత్రా).. అనే ఈ పుస్తకాలను ప్రచురణకర్తల నుంచే కాకుండా, అమెజాన్‌ నుంచీ తెప్పించుకోవచ్చు. చెన్నై నుంచి సోమవారం మధ్యాహ్నం తూత్తుకుడి వెళుతున్న విమానంలో ఉన్న లూయిస్‌ సోఫియా (28) అనే రీసెర్చ్‌ స్కాలర్‌.. అదే విమానంలో ఉన్న బి.జె.పి. రాష్ట్ర అధ్యక్షురాలు తమిళ్‌సై సౌందరరాజన్‌ మీదకు దూసుMðళుతూ బీజేపీ ప్రభుత్వ ‘నియంతృత్వ’ విధానాలకు వ్యతిరేకంగా నినాదాలు చేశారన్న నేరారోపణపై అరెస్ట్‌ అయ్యారు. కెనడాలోని యూనివర్సిటీ ఆఫ్‌ మాంట్రియల్‌లో చదువుతున్న సోఫియా ఇలా నినాదాలు చేయడాన్ని తేలిగ్గా తీసుకోవాలని పోలీసులు తమిళ్‌సైకి నచ్చజెప్పేందుకు ప్రయత్నించినా ఆమె వినకపోవడంతో సోఫియాపై సెక్షన్‌ 505 (1)బి (భయం కలిగించేలా అరవడం), సెక్షన్‌ 290 (పబ్లిక్‌ న్యూసెన్స్‌), సెక్షన్‌ 75(1)సి (ప్రజాప్రతినిధికి అవినమ్రంగా సమాధానం చెప్పడం) కింద కేసులు నమోదు చేసి పుదుక్కొటై్ట మహిళా పోలీస్‌ స్టేషన్‌కు తరలించారు.  కాంగ్రెస్‌ అధ్యక్షుడు రాహుల్‌ గాంధీ ప్రస్తుతం 12 రోజుల కైలాశ్‌ మానస సరోవర్‌ యాత్రలో ఉండగా, ఆయన నియోజకవర్గమైన అమేథీలోని అన్ని గ్రామ పంచాయతీలను  2018 చివరి నాటికి డిజిటలైజ్‌ చేసే ప్రాజెక్టులో కేంద్ర జౌళిశాఖ మంత్రి స్మృతి ఇరానీ తలమునకలై ఉన్నారు. 2014లో రాహుల్‌ గాంధీ మీద అమేథీ నుండి పోటీ చేసి ఓడిపోయినప్పటికీ, తరచు ఆ నియోజకవర్గంలో పర్యటిస్తూ వస్తున్న  స్మృతి.. సెప్టెంబర్‌ 1న అమేథీలోని పిండారా ఠాకూర్‌ గ్రామంలో ‘డిజిటల్‌ గ్రామ్‌’ ప్రాజెక్టును ప్రారంభించారు. ఒక బిడ్డకు జన్మనిచ్చాక కూడా కొంత విరామంతో తిరిగి బరిలోకి వచ్చి, ఉత్సాహంగా తన ప్రతిభను కనబరిచే ప్రయత్నం చేస్తున్న టెన్నిస్‌ స్టార్‌ సెరెనా విలియమ్స్‌ తొలిసారిగా తన ఫిట్‌నెస్‌పై పెదవి విప్పారు. గర్భం దాల్చాక మునుపటి ఫిట్‌నెస్‌ను కాపాడుకోవడం అనుకున్నంత తేలిక కాదని.. ప్రస్తుతం యు.ఎస్‌. ఓపెన్‌లో ఆడుతున్న సెరెనా అన్నారు. 

న్యూయార్క్‌: డిఫెండింగ్‌ చాంపియన్‌ స్లోన్‌ స్టీఫెన్స్‌ మరో అలవోక విజయంతో యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో క్వార్టర్‌ ఫైనల్లోకి దూసుకెళ్లింది. సోమవారం జరిగిన మహిళల సింగిల్స్‌ ప్రిక్వార్టర్‌ ఫైనల్లో మూడో సీడ్‌ స్లోన్‌ 6–3, 6–3తో 15వ సీడ్‌ ఎలీజ్‌ మెర్‌టెన్స్‌ (బెల్జియం)పై గెలిచింది. 86 నిమిషాలపాటు జరిగిన ఈ మ్యాచ్‌లో స్లోన్‌ తన ప్రత్యర్థి సర్వీస్‌ను ఐదుసార్లు బ్రేక్‌ చేసింది.  మరోవైపు ఆరుసార్లు చాంపియన్‌ సెరెనా విలియమ్స్‌ (అమెరికా), గతేడాది రన్నరప్, 14వ సీడ్‌ మాడిసన్‌ కీస్‌ (అమెరికా), ఎనిమిదో సీడ్‌ కరోలినా ప్లిస్కోవా (చెక్‌ రిపబ్లిక్‌) కూడా క్వార్టర్‌ ఫైనల్లోకి అడుగు పెట్టగా... ఏడో సీడ్‌ స్వితోలినా (ఉక్రెయిన్‌) ఇంటిదారి పట్టింది. ప్రిక్వార్టర్‌ ఫైనల్స్‌లో సెరెనా గంటా 37 నిమిషాల్లో 6–0, 4–6, 6–3తో కయి కనెపి (ఎస్తోనియా)పై, ప్లిస్కోవా 6–4, 6–4తో యాష్లే బార్టీ (ఆస్ట్రేలియా)పై, మాడిసన్‌ కీస్‌ 6–1, 6–3తో 29వ సీడ్‌ సిబుల్కోవా (స్లొవేకియా)పై గెలిచారు. స్వితోలినా 3–6, 6–1, 0–6తో 19వ సీడ్‌ సెవస్తోవా (లాత్వియా) చేతిలో ఓటమి పాలైంది.   నాదల్‌ ముందంజ...  పురుషుల సింగిల్స్‌లో డిఫెండింగ్‌ చాంపియన్‌ రాఫెల్‌ నాదల్‌ (స్పెయిన్‌), మూడో సీడ్‌ డెల్‌పొట్రో (అర్జెంటీనా), తొమ్మిదో సీడ్‌ డొమినిక్‌ థీమ్‌ (ఆస్ట్రియా), 11వ సీడ్‌ జాన్‌ ఇస్నెర్‌ (అమెరికా), మాజీ రన్నరప్‌ నిషికోరి (జపాన్‌) క్వార్టర్‌ ఫైనల్‌కు చేరారు. ప్రిక్వార్టర్‌ ఫైనల్స్‌లో నాదల్‌ 6–3, 6–3, 6–7 (6/8), 6–4తో బాసిలాష్‌విలి (జార్జియా)పై, డెల్‌ పొట్రో 6–4, 6–3, 6–1తో బొర్నా కొరిచ్‌ (క్రొయేషియా)పై, థీమ్‌ 7–5, 6–2, 7–6 (7/2)తో ఐదో సీడ్‌ అండర్సన్‌ (దక్షిణాఫ్రికా)పై, ఇస్నెర్‌ 3–6, 6–3, 6–4, 3–6, 6–2తో రావ్‌నిచ్‌ (కెనడా)పై, నిషికోరి 6–3, 6–2, 7–5తో కోల్‌ష్రైబర్‌ (జర్మనీ)పై విజయం సాధించారు. పురుషుల డబుల్స్‌ మూడో రౌండ్‌లో రోహన్‌ బోపన్న (భారత్‌)–వాసెలిన్‌ (ఫ్రాన్స్‌) జంట 7–6 (8/6), 4–6, 6–3తో జెరెమి చార్డీ–ఫాబ్రిస్‌ మార్టిన్‌ (ఫ్రాన్స్‌) జోడీపై గెలిచి క్వార్టర్‌ ఫైనల్‌కు చేరింది.    

న్యూయార్క్‌: యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో డిఫెండింగ్‌ చాంపియన్‌ రాఫెల్‌ నాదల్‌ (స్పెయిన్‌) ప్రిక్వార్టర్‌ ఫైనల్‌ చేరుకోవడానికి తీవ్రంగా శ్రమించాడు. పురుషుల సింగిల్స్‌ మూడో రౌండ్‌లో నాదల్‌ 5–7, 7–5, 7–6 (9/7), 7–6 (7/3)తో ఖచనోవ్‌ (రష్యా)పై గెలుపొందాడు. 4 గంటల 23 నిమిషాలపాటు జరిగిన ఈ మ్యాచ్‌లో కీలకమైన టైబ్రేక్‌లలో నాదల్‌ తన అనుభవాన్నంతా రంగరించి పోరాడి పైచేయి సాధించాడు. నాదల్‌తోపాటు మూడో సీడ్‌ డెల్‌పొట్రో (అర్జెంటీనా), ఐదో సీడ్‌ అండర్సన్‌ (దక్షిణాఫ్రికా), తొమ్మిదో సీడ్‌ థీమ్‌ (ఆస్ట్రియా) కూడా ప్రిక్వార్టర్స్‌కు చేరారు.  మహిళల సింగిల్స్‌ మూడో రౌండ్‌లో మాజీ విజేత సెరెనా 6–1, 6–2తో సోదరి వీనస్‌ను ఓడించి ప్రిక్వార్టర్‌ ఫైనల్లోకి అడుగు పెట్టింది. డిఫెండింగ్‌ చాంపియన్‌ స్లోన్‌ స్టీఫెన్స్‌ (అమెరికా), ఏడో సీడ్‌ స్వితోలినా (ఉక్రెయిన్‌), ఎనిమిదో సీడ్‌ ప్లిస్కోవా కూడా ప్రిక్వార్టర్స్‌కు చేరారు. పురుషుల డబుల్స్‌ రెండో రౌండ్‌లో బోపన్న (భారత్‌)–వాసెలిన్‌ (ఫ్రాన్స్‌) జంట 6–4, 6–4తో ఎబ్డెన్‌ (ఆస్ట్రేలియా)–విత్రో (అమెరికా) ద్వయంపై నెగ్గింది.    

న్యూయార్క్‌: యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో డిఫెండింగ్‌ చాంపియన్‌ రాఫెల్‌ నాదల్‌ (స్పెయిన్‌) ప్రిక్వార్టర్‌ ఫైనల్‌ చేరుకోవడానికి తీవ్రంగా శ్రమించాడు. పురుషుల సింగిల్స్‌ మూడో రౌండ్‌లో నాదల్‌ 5–7, 7–5, 7–6 (9/7), 7–6 (7/3)తో ఖచనోవ్‌ (రష్యా)పై గెలుపొందాడు. 4 గంటల 23 నిమిషాలపాటు జరిగిన ఈ మ్యాచ్‌లో కీలకమైన టైబ్రేక్‌లలో నాదల్‌ తన అనుభవాన్నంతా రంగరించి పోరాడి పైచేయి సాధించాడు. నాదల్‌తోపాటు మూడో సీడ్‌ డెల్‌పొట్రో (అర్జెంటీనా), ఐదో సీడ్‌ అండర్సన్‌ (దక్షిణాఫ్రికా), తొమ్మిదో సీడ్‌ థీమ్‌ (ఆస్ట్రియా) కూడా ప్రిక్వార్టర్స్‌కు చేరారు.  మహిళల సింగిల్స్‌ మూడో రౌండ్‌లో మాజీ విజేత సెరెనా 6–1, 6–2తో సోదరి వీనస్‌ను ఓడించి ప్రిక్వార్టర్‌ ఫైనల్లోకి అడుగు పెట్టింది. డిఫెండింగ్‌ చాంపియన్‌ స్లోన్‌ స్టీఫెన్స్‌ (అమెరికా), ఏడో సీడ్‌ స్వితోలినా (ఉక్రెయిన్‌), ఎనిమిదో సీడ్‌ ప్లిస్కోవా కూడా ప్రిక్వార్టర్స్‌కు చేరారు. పురుషుల డబుల్స్‌ రెండో రౌండ్‌లో బోపన్న (భారత్‌)–వాసెలిన్‌ (ఫ్రాన్స్‌) జంట 6–4, 6–4తో ఎబ్డెన్‌ (ఆస్ట్రేలియా)–విత్రో (అమెరికా) ద్వయంపై నెగ్గింది.    

న్యూయార్క్‌: యూఎస్‌ గ్రాండ్‌ స్లామ్‌ ఓపెన్‌లో అక్కా చెల్లెళ్లు సెరెనా విలియమ్స్‌-వీనస్‌ విలియమ్స్‌ల పోరుకు రంగ సిద్దమైంది.  ఈ టోర్నీలో మూడో రౌండ్‌లో వీరిద్దరూ తలపడబోతున్నారు.  రికార్డు స్థాయిలో 24వ సింగిల్స్‌ గ్రాండ్‌ స్లామ్‌ గెలవాలని ఉవ్విళ్లూరుతున్న సెరెనా విలియమ్స్‌.. రెండో రౌండ్‌లో 6-2, 6-2 తేడాతో జర్మనీ క్రీడాకారిణి కరినా వితాఫ్ట్‌పై విజయం సాధించి మూడో రౌండ్‌లోకి అడుగుపెట్టింది. మరోపక్క ఇటలీ క్రీడాకారిణి కమిలా జియార్జిపై 6-4, 7-5తో విజయం సాధించి మూడో రౌండ్‌లోకి అడుగుపెట్టింది వీనస్‌‌. దాంతో వీరిద్దరూ ప్రత్యర్థులుగా మూడో  రౌండ్‌లోనే అమీతుమీ తేల్చుకోనున్నారు.  ఓవరాల్‌గా ప్రత్యర్థులుగా సెరెనా-వీనస్‌లు తలపడటం ఇది 30వ సారి. ఇప్పటి వరకు వీరిద్దరూ 29 సార్లు ప్రత్యర్థులుగా తలపడగా సెరెనా 17 సార్లు... వీనస్‌ 12 సార్లు విజయం సాధించారు. భారత కాలమానం ప్రకారం శుక్రవారం ఉదయం వీరిద్దరి మధ్య మ్యాచ్‌ జరగనుంది. వీరిద్దరూ కలిసి 30 గ్రాండ్‌ స్లామ్‌ టైటల్స్‌ను సాధించారు. అందులో సెరెనా 23 గ్రాండ్‌ స్లామ్‌ టైటల్స్‌ సాధించగా, వీనస్‌ ఏడు గ్రాండ్‌ స్లామ్‌ టైటల్స్‌ను దక్కించుకుంది. మరొకవైపు పురుషుల సింగిల్స్‌లో వరల్డ్‌ నంబర్‌వన్‌, స్పెయిన్‌ బుల్‌ రఫెల్‌ నాదల్‌ మూడో రౌండ్‌లోకి ప‍్రవేశించాడు. రెండో రౌండ్‌లో 6-3, 6-4, 6-2 తేడాతో కెనాడా ప్లేయర్‌ వాసెక్‌ పాస్పిసిల్‌పై వరుస సెట్లలో గెలిచి తదుపరి రౌండ్‌కు అర్హత సాధించాడు.  

న్యూయార్క్‌: యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో మాజీ చాంపియన్‌ సెరెనా విలియమ్స్‌ (అమెరికా) రెండో రౌండ్‌లోకి దూసుకెళ్లింది. మంగళవారం జరిగిన మహిళల సింగిల్స్‌ తొలి రౌండ్‌లో సెరెనా 6–4, 6–0తో మగ్ధా లినెట్టి (పోలాండ్‌)పై గెలిచింది. 70 నిమిషాల్లో ముగిసిన ఈ మ్యాచ్‌లో సెరెనా ఆరు ఏస్‌లు సంధించి, తన ప్రత్యర్థి సర్వీస్‌ను నాలుగుసార్లు బ్రేక్‌ చేసింది. వీనస్‌ విలియమ్స్‌ (అమెరికా), డిఫెండింగ్‌ చాంపియన్‌ స్లోన్‌ స్టీఫెన్స్‌ (అమెరికా), రెండో సీడ్‌ కరోలైన్‌ వొజ్నియాకి (డెన్మార్క్‌), పదో సీడ్‌ ఒస్టాపెంకో (లాత్వియా) కూడా రెండో రౌండ్‌కు చేరుకున్నారు.  పురుషుల సింగిల్స్‌లో డిఫెండింగ్‌ చాంపియన్‌ రాఫెల్‌ నాదల్‌ (స్పెయిన్‌), మాజీ విజేతలు డెల్‌పొట్రో (అర్జెంటీనా), ఆండీ ముర్రే (బ్రిటన్‌) రెండో రౌండ్‌లోకి ప్రవేశించారు. డేవిడ్‌ ఫెరర్‌ (స్పెయిన్‌)తో జరిగిన తొలి రౌండ్‌లో నాదల్‌ 6–3, 3–4తో ఆధిక్యంలో ఉన్న దశలో ఫెరర్‌ గాయం కారణంగా వైదొలిగాడు. డెల్‌పొట్రో 6–0, 6–3, 6–4తో డొనాల్డ్‌ యంగ్‌ (అమెరికా)పై, ముర్రే 6–7 (5/7), 6–3, 7–5, 6–3తో డక్‌వర్త్‌ (ఆస్ట్రేలియా)పై నెగ్గారు. మరో మ్యాచ్‌లో మాజీ విజేత వావ్రింకా (స్విట్జర్లాండ్‌) 6–3, 6–2, 7–5తో ఎనిమిదో సీడ్‌ దిమిత్రోవ్‌ (బల్గేరియా)ను ఓడించాడు.    

న్యూఢిల్లీ : భారత స్టార్‌ షట్లర్‌, తెలుగు తేజం పూసర్ల వెంకట (పీవీ) సింధు ఫోర్బ్స్‌ జాబితాలో చోటు దక్కించుకున్నారు. ప్రైజ్‌మనీతో పాటు వాణిజ్య ఒప్పందాల ద్వారా అత్యధిక మొత్తంలో సంపాదిస్తోన్న క్రీడాకారిణుల జాబితాను ఫోర్బ్స్‌ తాజాగా ప్రకటించింది. అమెరికా టెన్నిస్‌ స్టార్‌ సెరెనా విలియమ్స్‌ ఈ జాబితాలో అగ్రస్థానం దక్కించుకోగా, పీవీ సింధు ఏడో స్థానంలో నిలిచారు. అయితే ఇలాంటి జాబితాల్లో భారత్‌ నుంచి టాప్‌-10లో చోటు దక్కించుకున్న ఏకైక ప్లేయర్‌ సింధునే కావడం గమనార్హం.  నోకియా, పానసోనిక్‌, బ్రిడ్జిస్టోన్‌, గటోరేడ్‌, రెక్కిట్‌ బెంకిసెర్‌తో పాటు మరికొన్ని టాప్‌ బ్రాండ్‌లతో సింధుకు వాణిజ్య ఒప్పందాలున్నాయని ఫోర్బ్స్‌ ప్రకటనలో వివరించింది. గత రియో ఒలింపిక్స్‌లో రజతం నెగ్గిన భారత క్రీడాకారణి సింధు.. కామన్వెల్త్‌ గేమ్స్‌-2018తో పాటు బ్యాడ్మింటన్‌ ఫెడరేషన్‌ వరల్డ్‌ చాంపియన్‌షిప్‌లలో 2017, 2018లలో ఫైనల్స్‌కు చేరిన విషయం తెలిసిందే.  టాప్‌ 10 జాబితాలో ఇద్దరు మినహా ఇతర క్రీడాకారిణులు టెన్నిస్‌ ప్లేయర్లే. సింధు, ఫార్ములావన్‌ రేస్‌ డ్రైవర్‌ డానికా పాట్రిక్‌లు మాత్రమే నాన్‌ టెన్నిస్‌ క్రీడాకారిణులు కావడం విశేషం. తల్లి అయిన తర్వాత మళ్లీ రాకెట్‌ పట్టిన అమెరికా స్టార్‌ ప్లేయర్‌ సెరెనా విలియమ్స్‌ ఫోర్బ్స్‌ జాబితాలో ఎవరికీ అందనంత ఎత్తులో నిలిచారు.  క్రీడాకారిణులు.. వారి ఆదాయం (ప్రైజ్‌ మనీ, వ్యాపార ఒప్పందాలు) 1. సెరెనా విలియమ్స్‌ - 18.1 మిలియన్ల డాలర్లు 2. కరోలిన్‌ వోజ్నియాకి - 13 మిలియన్ల డాలర్లు 3. స్లోనే స్టిఫెన్స్‌ - 11.2 మిలియన్ల డాలర్లు 4. గార్బైన్‌ ముగురుజా - 11 మిలియన్ల డాలర్లు 5. మరియా షరపోవా - 10.5 మిలియన్ల డాలర్లు 6. వీనస్‌ విలియమ్స్‌ - 10.2 మిలియన్ల డాలర్లు 7. పీవీ సింధు - 8.5 మిలియన్ల డాలర్లు 8. సిమోనా హలెప్‌ - 7.7 మిలియన్ల డాలర్లు 9. డానికా పాట్రిక్‌ - 7.5 మిలియన్ల డాలర్లు 10. ఎంజెలిక్‌ కెర్బర్‌ -  - 7 మిలియన్ల డాలర్లు

వాషింగ్టన్ : తన సోదరిని చంపిన హంతకుడి విడుదల వార్త తెలిసి వణికిపోయానని అమెరికా టెన్నిస్‌ స్టార్‌ సెరెనా విలియమ్స్‌ తెలిపారు. దీంతోనే సిలికాన్‌ వ్యాలీ క్లాసిక్‌ టోర్నీలో ఓటమి చెందానని 23 గ్రాండ్‌ స్లామ్‌ల విజేత చెప్పుకొచ్చారు. ఈ టోర్నీలో సెరెనా ఊహించని విధంగా తొలి రౌండ్‌లోనే అత్యంత దారుణంగా ఓటమిపాలైన విషయం తెలిసిందే. బ్రిటన్‌ క్రీడాకారిణి జొహన్నా కొంటా చేతిలో 6-1, 6-0తో పరాజయం చెందింది సెరెనా. ఇది ఆమె కెరీర్‌లోనే అత్యంత ఘోర పరాజయం.  ఇటీవల టైమ్స్‌ మ్యాగ్‌జైన్‌కు ఇచ్చిన ఇంటర్వ్యూలో ఈ ఓటమిపై స్పందిస్తూ.. ‘నా సోదరిని చంపిన హంతకుడు పేరోల్‌ మీద విడుదలైనట్లు వచ్చిన స్క్రోల్స్‌ను ఆ మ్యాచ్‌కు పది నిమిషాల ముందే ఇన్‌స్టాగ్రామ్‌లో చూశాను. దీంతో భయాన్ని నా మనసు నుంచి తొలగించలేకపోయాను. అది నాకు చాలా కష్టం. నేనెప్పుడు నా సోదరి పిల్లల గురించే ఆలోచిస్తాను. వారంటే నాకంత ఇష్టం. ఆమె లేకపోవడం తట్టుకోలేకపోతున్నాను’ అని సెరెనా ఆవేదన వ్యక్తం చేశారు. సెరెనా సోదరి ఎటుండే ప్రైస్‌(31)ని 2003లో హంతకుడు రొబెర్ట్‌ మ్యాక్స్‌ఫీల్డ్‌ లాస్‌ ఎంజెల్స్‌లో తుపాకీతో కాల్చి చంపాడు. దీంతో నిందితుడికి 15 ఏళ్ల జైలు శిక్ష విధించారు. ప్రైస్‌ మరణించే సమయానికి ఆమెకు 11, 9, 5 ఏళ్ల వయసున్న ముగ్గురు పిల్లలున్నారు. అప్పటి నుంచి ఆ పిల్లలను సెరెనానే పెంచుతున్న విషయం విదితమే.

లాస్‌ ఏంజిల్స్‌: టెన్నిస్‌ సూపర్‌స్టార్‌ సెరెనా విలియమ్స్‌ తనపై వస్తున్న విమర్శలపై మండిపడ్డారు. 23 గ్రాండ్‌స్లామ్‌ టైటిల్స్‌ నెగ్గిన ఈ అమెరికా నల్లకలువ ఇటీవల జరిగిన వింబుల్డన్‌, ఫ్రెంచ్‌ ఓపెన్‌, టోర్నమెంట్లలో తన స్థాయికి తగ్గట్లు ఆడలేకపోయారు. సొంతదేశం అమెరికాలో జూలై 31న జరిగిన చరిత్రత్మక శాన్‌జోస్‌ సిలికాన్‌ వ్యాలీ క్లాసిక్‌ టోర్నీలో సైతం ఓటమి చవిచూశారు.  సెరెనా 2017లో కూతురు అలెక్సిస్‌ ఒలంపియా ఒహానియన్‌ జూనియర్‌కు జన్మనిచ్చిన విషయం తెలిసిందే. మళ్లీ ఈ ఏడాదిలో తిరిగి కోర్టులోకి అడుగుపెట్టిన సెరేనా సరిగా ఆడలేపోయింది. అమ్మ అయిన తర్వాత  ఆటలో వెనకబడడంతో ఆమెపై కొందరు విమర్శలు చేస్తున్నారు. వీటన్నిటిపై ఆమె స్పందించారు. తాను ప్రసవానంతర ఉద్వేగాలతో సతమతమవుతున్నాని తెలిపారు. కొన్ని సార్లు తన కూతురుతో కొద్ది సమయం కూడా గడపలేక పోవడం బాధిస్తోందని అన్నారు. తనను విమర్శిస్తున్న వారిలో కొందరు మహిళలు కూడా ఉన్నారనీ, బిడ్డకు జన్మనిచ్చిన వారెవరైనా మళ్లీ మాములు జీవనం సాగించడం అంత సులువు కాదనిఆగ్రహం వ్యక్తం చేశారు. నాలుగుసార్లు ఒలింపిక్‌ గోల్డ్‌ మెడల్స్‌ సాధించిన సెరెనా.. విమర్శలకు బదులిచ్చే తీరిక తనకు లేదని ఇదివరకే వ్యాఖ్యానించిన విషయం తెలిసిందే. 

ప్రశ్న : బిడ్డతల్లి అయ్యాక మీరు సరిగా ఆడడం లేదు. కాన్పుకోసం తీసుకున్న విరామం తర్వాత మీకన్నీ అపజయాలే. ఇటీవల మరియ షరపోవాతో ఆటను స్కిప్‌ చేశారు. అక్కడ తప్పించుకున్నా, వింబుల్డన్‌ ఫైనల్‌లో గెలవలేకపోయారు. ఇప్పుడు మళ్లీ డబ్లు్య.టి.ఎ. శాన్‌ జోస్‌ ఈవెంట్‌లో చిత్తు చిత్తుగా ఓడిపోయారు. షాక్‌ తిన్నట్లనిపిస్తోందా? సెరెనా విలియమ్స్‌ : నాకు తెలీదు. నా మదిలో అనేక అలోచనలు ఉంటాయి. ఓడిపోయినందుకు షాక్‌ తినేంత సమయం నాకు ఉండదు.     

లండన్‌: గతేడాది తన బిడ్డకు జన్మనిచ్చిన సమయంలో సెరెనా విలియమ్స్‌ చనిపోతుందేమోనని భయపడ్డానని ఆమె భర్త అలెక్సిస్‌ ఒహానియన్‌ తెలిపారు. ‘నా బిడ్డకు జన్మనిచ్చిన కొన్ని రోజుల తర్వాత సర్జరీ చేయించుకునేందుకు వెళ్తున్న నా భార్య సెరెనాకు ముద్దిచ్చి గుడ్‌బై చెప్పాను. అప్పుడామె ప్రాణాలతో తిరిగొస్తుందో లేదో మాకెవరికీ తెలియదు. ఆమె బతకాలని కోరుకున్నాం. ఆ తర్వాత 10 నెలలకే ఆమె వింబుల్డన్‌ ఫైనల్‌ చేరింది.  సెరెనా విలియమ్స్‌ త్వరలోనే ట్రోఫీ అందుకుంటుంది. ఒక గొప్ప ఘనతను మళ్లీ ఆమె ఇంటికి తిరిగి తీసుకురావాలని కోరుకుంటోంది’ అని ఒహానియన్‌ ట్వీట్‌ చేశాడు.  గతేడాది సెప్టెంబర్‌లో రక్తం గడ్డకట్టకుండా సెరెనా శస్త్రచికిత్స చేయించుకుంది. ఆ సమయంలో సెరెనా ఆరోగ్యంపై తీవ్రంగా కలత చెందిన విషయాన్ని తాజాగా ఒహానియన్‌ స్పష్టం చేశారు. వింబుల్డన్‌ గ్రాండ్‌ స్లామ్‌ మహిళల సింగిల్స్‌లో సెరెనా రన్నరప్‌గా నిలిచిన సంగతి తెలిసిందే. ఎంజెలిక్‌ కెర్బర్‌తో జరిగిన తుదిపోరులో సెరెనా ఓటమి చెందింది.

ఒకవైపు టాప్‌–10 సీడెడ్‌ క్రీడాకారిణులు క్వార్టర్‌ ఫైనల్లోపే ఇంటిదారి పట్టగా... మరోవైపు తొలి రౌండ్‌ నుంచి నిలకడగా ఆడిన మాజీ నంబర్‌వన్‌ ఎంజెలిక్‌ కెర్బర్‌ టైటిల్‌ పోరులోనూ అదరగొట్టింది. 23 గ్రాండ్‌స్లామ్‌ సింగిల్స్‌ విజేత సెరెనా విలియమ్స్‌ (అమెరికా)తో శనివారం జరిగిన ఫైనల్లో కెర్బర్‌ 65 నిమిషాల్లోనే  విజయగర్జన చేసింది. తొలిసారి ప్రతిష్టాత్మక వింబుల్డన్‌ టైటిల్‌ను సొంతం చేసుకోవడంతోపాటు కెరీర్‌లో మూడో గ్రాండ్‌స్లామ్‌ ట్రోఫీని దక్కించుకుంది.   లండన్‌: రికార్డు స్థాయిలో 24వ గ్రాండ్‌స్లామ్‌ సింగిల్స్‌ టైటిల్‌ సాధించాలని ఆశించిన అమెరికా టెన్నిస్‌ స్టార్‌ సెరెనా విలియమ్స్‌కు నిరాశ ఎదురైంది. 11వ సీడ్‌ ఎంజెలిక్‌ కెర్బర్‌ అద్భుత ఆటతీరుతో సెరెనా ఆట కట్టించింది. శనివారం జరిగిన వింబుల్డన్‌ మహిళల సింగిల్స్‌ ఫైనల్లో 30 ఏళ్ల కెర్బర్‌ 6–3, 6–3తో 36 ఏళ్ల సెరెనాను ఓడించింది. ఈ క్రమంలో స్టెఫీ గ్రాఫ్‌ (1996లో) తర్వాత వింబుల్డన్‌ మహిళల సింగిల్స్‌ టైటిల్‌ నెగ్గిన జర్మనీ క్రీడాకారిణిగా ఆమె గుర్తింపు పొందింది. విజేతగా నిలిచిన కెర్బర్‌కు 22 లక్షల 50 వేల పౌండ్లు (రూ. 20 కోట్ల 40 లక్షలు); రన్నరప్‌ సెరెనాకు 11 లక్షల 25 వేల పౌండ్లు (రూ. 10 కోట్ల 20 లక్షలు) ప్రైజ్‌మనీగా లభించాయి.   ఫైనల్‌ చేరే క్రమంలో తన ప్రత్యర్థులకు ఒక్క సెట్‌ మాత్రమే కోల్పోయిన కెర్బర్‌ అంతిమ పోరులో మాత్రం ఆరంభం నుంచే ఆధిపత్యం చలాయించింది. తొలి గేమ్‌లో సెరెనా సర్వీస్‌ను బ్రేక్‌ చేసిన కెర్బర్‌ ఆ తర్వాత తన సర్వీస్‌ను నిలబెట్టుకొని 2–0తో ఆధిక్యంలోకి వెళ్లింది. అయితే నాలుగో గేమ్‌లో కెర్బర్‌ సర్వీస్‌ను బ్రేక్‌ చేసిన సెరెనా స్కోరును 2–2తో సమం చేసింది. కానీ కెర్బర్‌ మళ్లీ పుంజుకొని ఏడో గేమ్‌లో, తొమ్మిదో గేమ్‌లో సెరెనా సర్వీస్‌లను బ్రేక్‌ చేసి సెట్‌ను దక్కించుకుంది. రెండో సెట్‌లోనూ కెర్బర్‌ తన జోరు కొనసాగించగా... సెరెనా డీలా    పడిపోయింది.    విశేషాలు   కెర్బర్‌                             సెరెనా  1         ఏస్‌లు                    4  1      డబుల్‌ ఫాల్ట్‌లు           2  2/6    నెట్‌ పాయింట్లు     12/24  4/7     బ్రేక్‌ పాయింట్లు     1/1  11    విన్నర్స్‌                23  5    అనవసర తప్పిదాలు    24  56    మొత్తం పాయింట్లు    45     

లండన్‌: ఏడు సార్లు వింబుల్డన్‌లో విజేతగా నిలిచిన మాజీ వరల్డ్‌ నంబర్‌ వన్, అమెరికా స్టార్‌ క్రీడాకారిణి సెరెనా విలియమ్స్‌ మరోసారి ఫైనల్లోకి ప్రవేశించింది. తన ఎనిమిదో టైటిల్‌ వేటలో ఆమె ఏంజెలిక్‌ కెర్బర్‌ (జర్మనీ)ను ఎదుర్కోనుంది. శనివారం జరిగే తుదిపోరులో వీళ్లిద్దరు తలపడనున్నారు. 2016లో వీరిద్దరి మధ్యే జరిగిన ఫైనల్లో సెరెనా విజేతగా నిలిచింది. ప్రసవానంతరం బరిలోకి దిగిన తొలి గ్రాండ్‌స్లామ్‌ టోర్నీ ఫ్రెంచ్‌ ఓపెన్‌లో నాలుగో రౌండ్‌కు ముందే గాయంతో తప్పుకున్న సెరెనా, ఈ సారి పచ్చికపై తన అసలు ఆటను ప్రదర్శిస్తూ ఫైనల్‌ చేరడం విశేషం.  సెమీస్‌లో 25వ సీడ్‌ సెరెనా 6–2, 6–4తో 13వ సీడ్‌ జులియా జార్జెస్‌పై అలవోక విజయం సాధించింది. 12 ఏళ్లుగా ఏనాడు ప్రిక్వార్టర్‌ దశను దాటలేకపోయిన జార్జెస్‌ను అమెరికా టెన్నిస్‌ దిగ్గజం గంటా 10 నిమిషాల్లో ఇంటిదారి పట్టించింది. ఈ ఏడాది ఆస్ట్రేలియన్‌ ఓపెన్‌లో సెమీస్, ఫ్రెంచ్‌ ఓపెన్‌లో క్వార్టర్స్‌ చేరిన కెర్బర్‌ వింబుల్డన్‌లో రెండోసారి ఫైనల్స్‌కు చేరింది. గురువారం జరిగిన మహిళల సింగిల్స్‌ తొలి సెమీఫైనల్లో 11వ సీడ్‌ ఏంజెలిక్‌ కెర్బర్‌ వరుస సెట్లలో 12వ సీడ్‌ జెలీనా ఒస్టాపెంకో (లాత్వియా)పై అలవోక విజయం సాధించింది. గంటా 8 నిమిషాల్లో ముగిసిన ఈ మ్యాచ్‌లో ఆమె 6–3, 6–3తో ఒస్టాపెంకోను ఇంటిదారి పట్టించింది. అదేపనిగా అనవసర తప్పిదాలు, డబుల్‌ ఫాల్ట్‌లతో ఒస్టాపెంకో పరాజయం చవిచూసింది. 

లండన్‌: అమ్మ హోదా వచ్చాక ఆడుతున్న రెండో గ్రాండ్‌స్లామ్‌ టోర్నమెంట్‌ వింబుల్డన్‌లో అమెరికా టెన్నిస్‌ స్టార్‌ సెరెనా విలియమ్స్‌ సెమీఫైనల్లోకి దూసుకెళ్లింది. మంగళవారం జరిగిన మహిళల సింగిల్స్‌ క్వార్టర్‌ ఫైనల్లో 25వ సీడ్‌ సెరెనా 3–6, 6–3, 6–4తో కామిలా గియోర్గి (ఇటలీ)పై కష్టపడి గెలిచింది. గంటా 43 నిమిషాలపాటు జరిగిన ఈ మ్యాచ్‌లో సెరెనా తొలి సెట్‌ కోల్పోయినా... వెంటనే తేరుకొని ప్రత్యర్థి ఆట కట్టించింది. ఏడు ఏస్‌లు సంధించిన ఆమె కేవలం తొమ్మిది అనవసర తప్పిదాలు చేసింది. గ్రాస్‌కోర్టులపై 100వ విజయం సాధించిన 36 ఏళ్ల సెరెనా వింబుల్డన్‌ టోర్నీలో 11వసారి సెమీఫైనల్‌కు చేరింది. ‘నేను ఏ దశలోనూ మ్యాచ్‌ ఓడిపోతానని ఆందోళన చెందలేదు. తొలి సెట్‌ కోల్పోయినపుడు కూడా నా ప్రత్యర్థి బాగా ఆడుతోందని అనుకున్నాను. చాలా ఏళ్లుగా పరిస్థితులు ఎలా ఉన్నా పోరాటం కొనసాగించడం నాకు అలవాటుగా మారింది. ఈ మ్యాచ్‌లోనూ అదే చేశాను. నా కూతురికి కూడా ఈ సూత్రం చెప్పాలని అనుకుంటున్నాను’ అని మ్యాచ్‌ అనంతరం సెరెనా వ్యాఖ్యానించింది.   గురువారం జరిగే సెమీఫైనల్లో జర్మనీ ప్లేయర్, 13వ సీడ్‌ జూలియా జార్జెస్‌తో సెరెనా తలపడుతుంది. మరో క్వార్టర్‌ ఫైనల్లో జూలియా 3–6, 7–5, 6–1తో 20వ సీడ్‌ కికి బెర్‌టెన్స్‌ (నెదర్లాండ్స్‌)ను ఓడించి తన కెరీర్‌లో తొలిసారి ఓ గ్రాండ్‌స్లామ్‌ టోర్నీలో సెమీఫైనల్‌కు చేరింది. మరో రెండు క్వార్టర్‌ ఫైనల్స్‌లో 12వ సీడ్‌ జెలెనా ఒస్టాపెంకో (లాత్వియా) 7–5, 6–4తో సిబుల్కోవా (స్లొవేకియా)పై నెగ్గగా... మాజీ నంబర్‌వన్‌ ఎంజెలిక్‌ కెర్బర్‌ (జర్మనీ) 6–3, 7–5తో దరియా కసత్‌కినా (రష్యా)పై విజయం సాధించి ఒస్టాపెంకోతో సెమీస్‌ పోరుకు సిద్ధమైంది.   దివిజ్‌ శరణ్‌ జంట ఓటమి  పురుషుల డబుల్స్‌లో దివిజ్‌ శరణ్‌ (భారత్‌)–ఆర్తెమ్‌ సితాక్‌ (న్యూజిలాండ్‌) జంట పోరాటం ముగిసింది. మంగళవారం జరిగిన క్వార్టర్‌ ఫైనల్లో శరన్‌–సితాక్‌ ద్వయం 6–7 (4/7), 6–7 (5/7), 7–6 (7/3), 4–6తో ఏడో సీడ్‌ మైక్‌ బ్రయాన్‌–జాక్‌ సోక్‌ (అమెరికా) జంట చేతిలో పోరాడి ఓడింది.  నేడు జరిగే పురుషుల సింగిల్స్‌ క్వార్టర్‌ ఫైనల్స్‌లో నొవాక్‌ జొకోవిచ్‌ (సెర్బియా)తో నిషికోరి (జపాన్‌); రాఫెల్‌ నాదల్‌ (స్పెయిన్‌)తో డెల్‌పొట్రో (అర్జెంటీనా); అండర్సన్‌ (దక్షిణాఫ్రికా)తో రోజర్‌ ఫెడరర్‌ (స్విట్జర్లాండ్‌); మిలోస్‌ రావ్‌నిచ్‌ (కెనడా)తో జాన్‌ ఇస్నెర్‌ (అమెరికా) తలపడతారు.    ►సాయంత్రం గం. 5.30 నుంచి  స్టార్‌ స్పోర్ట్స్‌ సెలెక్ట్‌–1లో  ప్రత్యక్ష ప్రసారం 

లండన్‌: అమెరికన్‌ టెన్నిస్‌ నల్లకలువ సెరెనా విలియమ్స్‌కు ఆటంటే ప్రాణం. అందుకే గర్భంతోనే ఆస్ట్రేలియన్‌ ఓపెన్‌ ఆడింది. ఇప్పుడు తన చిన్నారే ఆమె లోకం. ఆ గారాలపట్టిని ముద్దు చేయడానికి, మురిపెంగా చూసుకోవడానికి ఎంతో ప్రాధాన్యం ఇస్తోంది. అలా అని ఆటని వదలట్లేదు. తన అమ్మాయిని వీడి ఉండట్లేదు. ప్రస్తుతం వింబుల్డన్‌ ఆడేందుకు కుమార్తె ఒలింపియాతో కలిసి ఇక్కడికి వచ్చిన సెరెనా ప్రాక్టీస్‌ సమయంతో తన చిట్టితల్లికి దూరమవుతోంది. ఇదే ఆమె మనసుకు భారమవుతున్నట్లుంది. అందుకేనేమో చిన్నారి తొలిసారిగా వేసే బుడిబుడి అడుగులు చూడలేకపోయినందుకు తెగ ఏడ్చేశానని ట్విట్టర్‌లో పోస్ట్‌ చేసింది. ‘ఇది 2018 అని తెలుసు. ఆధునిక యుగమని తెలుసు. కానీ అమ్మ అమ్మే కదా. సహజంగా నేనూ అంతే. అందుకే ఆ చిన్ని సంగతులన్నీ విశేషాలుగానే తోస్తాయి. ఈ ఆనంద క్షణాలన్నీ పంచుకోవాలనుకుంటా’నని సెరెనా పేర్కొంది. 24వ గ్రాండ్‌స్లామ్‌ టైటిల్‌పై కన్నేసిన సెరెనా వింబుల్డన్‌ టోర్నీలో ప్రిక్వార్టర్స్‌కు చేరింది. 

పారిస్‌: ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌ నుంచి గాయంతో వైదొలిగిన అమెరికన్‌ పవర్‌స్టార్‌ సెరెనా విలియమ్స్‌ ‘వింబుల్డన్‌’పై ఏ నిర్ణయం తీసుకోలేదని చెప్పింది. కుడి భుజం కండరాల గాయంతో బాధపడుతున్న ఆమె... షరపొవాతో మ్యాచ్‌కు కొన్ని క్షణాల ముందు వైదొలగుతున్నట్లు ప్రకటించింది. కనీసం 60 శాతం ఫిట్‌నెస్‌ లేనిదే బరిలోకి దిగనని అమెరికన్‌ స్టార్‌ చెప్పింది. 23 గ్రాండ్‌స్లామ్‌ టైటిళ్లు సాధించిన సెరెనా... తల్లి అయ్యాక బరిలోకి దిగిన తొలి గ్రాండ్‌స్లామ్‌ టోర్నీ ఇదే. కానీ గాయంతో వైదొలగడం తనను తీవ్రంగా నిరాశపరిచిందని చెప్పింది. ‘వింబుల్డన్‌లో ఎనిమిదో టైటిల్‌ వేటలో ఉంటానో లేదో ఇప్పుడే చెప్పలేను. ఈ వారం ఇక్కడే ఉండి వైద్యులను సంప్రదించాకే నా నిర్ణయాన్ని ప్రకటిస్తా. ముందుగా ఎఆర్‌ఐ స్కాన్‌ తీయిస్తా. ఆ తర్వాత స్పెషలిస్ట్‌ డాక్టర్లతో పరీక్షలు చేయించుకున్న తర్వాత వారి సూచన మేరకే తదుపరి గ్రాండ్‌స్లామ్‌ ఆడేది లేనిది చెబుతా’నని  36 ఏళ్ల సెరెనా వెల్లడించింది. 

పారిస్‌/రొనాల్డ్‌ గారోస్‌ : బిడ్డకు పాలిచ్చి వచ్చిన పులి సెరెనా. బోనులోంచి బయటికి వచ్చిన చిరుత షరపోవా. ఇద్దరిలో ఆకలి ఉంది. బరిలో ఆహారం ఉంది. ఇదొక యుగాంతపు ఆట అని, ఉమెన్స్‌ టెన్నిస్‌లో ఈరోజు ధూమ్స్‌ డే అనుకున్న అభిమానులకు నిరాశే ఎదురైంది. ఫ్రెంచ్‌ ఓపెన్‌ మహిళల సింగిల్స్‌ విభాగం నాలుగో రౌండ్‌లో భాగంగా అమెరికా టెన్నిస్‌ స్టార్‌ సెరెనా విలియమ్స్‌, రష్యా స్టార్‌ మారియా షరపోవాల మధ్య ఉత్కంఠగా సాగుతుందనుకున్న మ్యాచ్‌ జరగనేలేదు. సెరెనా భుజ కండరాల గాయంతో  మ్యాచ్‌కు ముందే తప్పుకోవడంతో షరపోవా ఆడకుండానే గెలిచి క్వార్టర్‌ ఫైనల్లోకి ప్రవేశించింది. క్వార్టర్‌ ఫైనల్లో రష్యా స్టార్‌ ముగురుజ(స్పెయిన్‌), లెసియా సురెంకో (ఉక్రెయిన్)ల్లో ఒకరితో తలపడనుంది. సెరెనా ఆవేదన.. ‘దురదృష్టవశాత్తు భుజ కండరాల గాయంతో టోర్నీ నుంచి నిష్క్రమిస్తున్నాను. ఈ పరిస్థితుల్లో నేను ఆడలేను. ఇది చాలా కష్టంగా ఉంది. మారియాతో పోటీని ఎప్పుడు ఇష్టపడుతాను. ఇలా జరుగుతుందని ఊహించలేదు. చాలా బాధేస్తుంది. నా కూతురు, కుటుంబానికి దూరంగా ఉంటూ సాధన చేశాను. ఈ పరిస్థితి చాలా కఠినంగా ఉంది.’అని సెరెనా ఆవేదన వ్యక్తం చేసింది. ఇక ఆదివారం జరిగిన ఉమెన్‌ డబుల్స్‌లో విలియమ్స్‌ సిస్టర్స్‌ అండ్రెజా క్లెపాక్‌(స్లోవేనియా)-మరియా జోస్‌ మార్టినెజ్‌(ఇటలీ) చేతిలో  ఓటమిపాలైన విషయం తెలిసిందే. చదవండి: పులి.. చిరుత

పారిస్‌/రొనాల్డ్‌ గారోస్‌: ఫ్రెంచ్‌ ఓపెన్‌ టోర్నీలో సంచలనం చోటు చేసుకుంది. ఉమెన్‌ డబుల్స్‌ విభాగం నుంచి విలియమ్స్‌ సిస్టర్స్‌ నిష్క్రమించారు. ఆదివారం ఉత్కంఠభరితంగా జరిగిన పోరులో అండ్రెజా క్లెపాక్‌(స్లోవేనియా)-మరియా జోస్‌ మార్టినెజ్‌(ఇటలీ) చేతిలో  ఓటమిపాలయ్యారు. చివరి సెట్‌ను విలియమ్స్‌ సోదరీమణులు చిత్తుగా కోల్పోవటం విశేషం. మొత్తం మూడు రౌండ్లలో 6-4, 6-7(4), 6-0 తేడాతో ఓడిపోయారు. నిర్ణయాత్మక రౌండ్‌లో కనీస పోటీని కూడా ప్రదర్శించలేకపోయారు. కాగా, సెరెనా-వీనస్‌లు ఇప్పటిదాకా 14 గ్రాండ్‌ స్లామ్‌ డబుల్స్‌ గెలుచుకున్న సంగతి తెలిసిందే. సోమవారం మహిళల సింగిల్స్‌ విభాగం నాలుగో రౌండ్‌లో భాగంగా సెరెనా, రష్యన్‌ టెన్నిస్‌ క్వీన్‌ మరియా షరపోవాతో తలపడనుంది. గతంలో వీరిద్దరి 18సార్లు తలపడగా, 16 సార్లు సెరెనా, 2 సార్లు షరపోవా నెగ్గారు.  జకోవిచ్‌ ఖాతాలో మరో రికార్డు... పురుషుల విభాగంలో నోవాక్‌ జకోవిచ్‌‌(సెర్బియా).. స్పెయిన్‌కు చెందిన ఫెర్నాండో వర్దాస్కోపై 6-3, 6-4, 6-2 తేడాతో విజయం సాధించి క్వార్టర్‌ ఫైనల్‌లోకి దూసుకెళ్లాడు. జకోవిచ్‌కు ఇది క్లే మైదానంలో 200వ విజయం. జకోవిచ్‌ తన తదుపరి మ్యాచ్‌లో ఇటలీకి చెందిన మార్కో కెచ్చినషియోతో తలపడనున్నాడు.

బిడ్డకు పాలిచ్చి వచ్చిన పులి సెరెనా. బోనులోంచి బయటికి వచ్చిన చిరుత షరపోవా. ఇద్దరిలో ఆకలి ఉంది. బరిలో ఆహారం ఉంది. ఇదొక యుగాంతపు ఆట. ఉమెన్స్‌ టెన్నిస్‌లో ఈరోజు ధూమ్స్‌ డే. లైక్‌.. డూమ్స్‌ డే! సెరెనా, షరపోవాలు పరస్పర శత్రు ఘీంకార వందన సమర్పణతో బరిని బ్లాస్ట్‌ చేయబోతున్న మచ్‌ అవెయిటెడ్‌ అండ్‌ అన్‌ఎక్స్‌పెక్టెడ్‌ (ఎదురుచూడబోతామని ఎవరూ ఎదురుచూడని) ఈవెంట్‌ ఇవాళ్టిది. ఇదింకా ఫోర్త్‌ రౌండే. ఫైనల్స్‌ కాదు. సెమీ ఫైనల్‌ కాదు. క్వార్టర్‌ ఫైనల్‌ కాదు. కేవలం ప్రీక్వార్టర్‌. అంతే. బట్, ఇదొక యుగాంతపు ఆట. ఫ్రెంచ్‌ ఓపెన్‌లో ఆరో సీడ్‌ ప్లిస్కోవాను కొట్టి, సెరెనా అనే కొరివితో పెట్టుకోబోతున్నారు షరపోవా. పదకండవ సీడ్‌ జూలియా జార్జెస్‌ను ఓడించి, షరపోవాను చిన్నపిల్లలా ఆటాడించేందుకు సిద్ధమై ఉన్నారు సెరెనా. గ్రాండ్‌స్లామ్‌ టోర్నీ ఫైనల్‌లో ఇప్పటికి మూడుసార్లు షరపోవాపై గెలిచారు సెరెనా. ఇప్పటికి ఒకేసారి సెరెనాపై గెలిచారు షరపోవా. ఎవరు ఎవరిపై ఎన్నిసార్లు గెలిచారనేది.. ఈరోజు ఈ ఇద్దరి మధ్యా జరుగుతున్న ఆటలో ఓటమిని అంచనా వెయ్యడానికి పనికొచ్చే.. గెలుపు పాయింట్‌ ఏమీ కాబోదు. కానీ ప్రాణమున్న ఆట. సెరెనా ఒక బిడ్డకు జన్మనిచ్చాక, షరపోవా నిషేధం నుంచి పునర్జన్మించాక ఆడుతున్న ఆట. సెరెనా, షరపోవా చివరిసారిగా రెండున్నరేళ్ల క్రితం ఆస్ట్రేలియన్  ఓపెన్‌లో ఒకరితో ఒకరు తలపడ్డారు. తర్వాత ఇద్దరూ పరిస్థితులతో తలపడ్డారు. ఒక సంవత్సరం తేడాతో ఇద్దరి జీవితాల్లో మార్పులకు, మలుపులకు ఆస్ట్రేలియన్‌ ఓపెన్‌ కారణం అయింది. 2016 ఓపెన్‌లో వరల్డ్‌ యాంటీ డోపింక్‌ ఏజెన్సీ షరపోవాపై రెండేళ్ల నిషేధం విధించింది. ఆ రెండేళ్ల నిషేధాన్ని ఆ తర్వాత పదిహేను నెలలకు తగ్గించింది. లేకుంటే ఈ జూన్‌ 8 వరకు ఆ నిషేధం ఉండేది. ఈరోజు సెరెనా, షరపోవాల ఆట లేకపోయేది. షరపోవాలా సెరెనా కూడా తనకెంతో ప్రాణప్రదమైన టెన్నిస్‌కు కొన్ని నెలలు దూరంగా ఉండవలసి వచ్చింది. డోపింగ్‌ టెస్ట్‌లో ఫెయిల్‌ అయినందుకు షరపోవా ఆటకు దూరం అయితే, మాతృత్వపు టెస్ట్‌లో పాస్‌ అయినందుకు సెరెనా తన బిడ్డ కోసం ఆటలు కట్టిపెట్టవలసి వచ్చింది. 2017 ఆస్ట్రేలియన్‌ ఓపెన్‌ ఆడుతున్న సమయానికే ఆమె ఎనిమిది వారాల గర్భిణి. ఆ తర్వాత బిడ్డ పుట్టేవరకు, బిడ్డ పుట్టిన తర్వాత కూడా కొన్నాళ్లపాటు ఆటకు దూరంగా ఉన్నారు. తిరిగి ఈ ఏడాది ఫిబ్రవరిలో ఆటలోకి వచ్చారు. అక్కణ్ణుంచి ఇప్పుడు జరుగుతున్న ఫ్రెంచి ఓపెన్‌లోకి వచ్చారు. తొలి రౌండ్‌లో చెక్‌ అమ్మాయిని, రెండో రౌండ్‌లో ఆస్ట్రేలియా అమ్మాయినీ, మూడో రౌండ్‌లో జర్మన్‌ అమ్మాయినీ ఓడించి, నాలుగో రౌండ్‌లో రష్యా అమ్మాయి షరపోవా మీదకు రాకెట్‌ పట్టుకుని వచ్చేశారు. షరపోవా కూడా గ్యాప్‌ తర్వాత గత ఏడాది ఏప్రిల్‌లో ఆటలోకి వచ్చారు. అక్కణ్ణుంచి ఫ్రెంచ్‌ ఓపెన్‌కి వచ్చారు. తొలి రౌండ్‌లో నెదర్లాండ్స్‌ అమ్మాయిని, రెండో రౌండ్‌లో క్రొయేషియా అమ్మాయిని, మూడో రౌండ్‌లో చెక్‌ అమ్మాయిని ఓడించి నాలుగో రౌండ్‌లో అమెరికన్‌ యోధురాలు సెరెనా వైపు చిరుతలా చూస్తున్నారు. అయినా.. ఎన్ని చిరుతల్ని చూడలేదూ సెరెనా! షరపోవా కూడా! ఎదురుగా ఉన్నది యోధానుయోధులైతే మాత్రం ఎప్పుడైనా గాండ్రించకుండా ఉందా? గ్యాప్‌ వచ్చిన తర్వాత కూడా ఇంకా రిటైర్‌ కాకుండా ఉన్నారంటే.. వీళ్ల లోలోపలి ఫైరే.. వీళ్ల ఆటను వెలిగిస్తోంది. గత ఏడాది షరపోవా ఆత్మకథ ‘అన్‌స్టాపబుల్‌: మై లైఫ్‌ సో ఫార్‌’ విడుదలైంది. 2004 వింబుల్డన్‌ ఫైనల్‌లో తనపై ఓడిపోయినప్పుడు సెరెనా లాకర్‌ రూమ్‌లో కన్నీళ్లతో కూర్చొని ఉన్న దృశ్యాన్ని చూసినందుకు తనెప్పటికీ క్షమార్హురాలిని కాబోనని ఆ పుస్తకంలో రాసుకున్నారు షరపోవా. ‘ఒక బక్కపలుచని అమ్మాయి తనని ఓడించినందుకు సెరెనా నన్ను ద్వేషించి ఉండొచ్చు. తనది అనుకున్న దానిని నేను తీసేసుకున్నందుకు తను నన్ను ద్వేషించి ఉండొచ్చు. తన జీవితంలోని అతి దయనీయమైన క్షణాలు నా కంట్లో పడినందుకు తను నన్ను ద్వేషించి ఉండొచ్చు. అన్నిటికన్నా.. తను ఏడ్వటం నేను చూశాను. అందుకు మరీ ఎక్కువగా ద్వేషించి ఉండొచ్చు’ అని ఆ ప్యారాగ్రాఫ్‌ను కొనసాగించారు షరపోవా. ఈ విషయాన్ని శనివారం న్యూయార్స్‌ టైమ్స్‌ ప్రతినిధి సెరెనా ముందు ప్రస్తావించినప్పుడు.. ‘ఏడ్వకపోవడం విడ్డూరం గానీ, ఏడ్వటంలో ఆశ్చర్యం ఏముంది?’ అన్నారు సెరెనా. ‘ఆ సంగతిని లాకర్‌ రూమ్‌లోనే ఉంచేయవలసింది. పుస్తకం వరకూ తేకుండా. నాకూ ఎమోషన్స్‌ ఉంటాయి. నేనూ మనిషినే’ అని కూడా అన్నారు. అవును కదా! ఎంత ఫైర్‌ ఉన్న మనిషిలోనైనా ఏమూలో ‘ఐస్‌’ లేకుండా ఉంటుందా? ఎంత ‘అన్‌స్టాపబుల్‌’ అయినా చిన్న గులకరాయి తగలకుండా ఉంటుందా? బిడ్డకు పాలిచ్చి వచ్చిన పులి సెరెనా.  బోనులోంచి బయటికొచ్చిన చిరుత షరపోవా. ఆకలి ఉంది. బరిలో ఆహారం ఉంది.    - మాధవ్‌ శింగరాజు

పారిస్‌: తల్లి అయ్యాక ఆడుతున్న తొలి గ్రాండ్‌స్లామ్‌ టోర్నమెంట్‌ ఫ్రెంచ్‌ ఓపెన్‌లో అమెరికా టెన్నిస్‌ స్టార్‌ సెరెనా విలియమ్స్‌ శుభారంభం చేసింది. క్రిస్టినా ప్లిస్కోవా (చెక్‌ రిపబ్లిక్‌)తో మంగళవారం జరిగిన మహిళల సింగిల్స్‌ తొలి రౌండ్‌లో 36 ఏళ్ల సెరెనా 7–6 (7/4), 6–4తో గెలుపొందింది. గర్భవతిగానే 2017 ఆస్ట్రేలియన్‌ ఓపెన్‌ టైటిల్‌ గెలిచిన సెరెనా ఆ తర్వాత ఆటకు విరామం ఇచ్చింది. గతేడాది సెప్టెంబరులో పాపకు జన్మనిచ్చాక ఇటీవలే మళ్లీ రాకెట్‌ పట్టింది. ప్లిస్కోవాతో జరిగిన మ్యాచ్‌లో తొలి సెట్‌ 12వ గేమ్‌లో తన సర్వీస్‌లో బ్రేక్‌ పాయింట్‌ కాపాడుకున్న సెరెనా టైబ్రేక్‌లో పైచేయి సాధించింది. రెండో సెట్‌లో ఒకదశలో 0–3తో వెనుకబడిన ఈ మాజీ చాంపియన్‌ వెంటనే తేరుకొని స్కోరును సమం చేసింది. ఆ తర్వాత పదో గేమ్‌లో తన సర్వీస్‌ను నిలబెట్టుకొని సెట్‌తోపాటు మ్యాచ్‌ను కైవసం చేసుకుంది.   మహిళల సింగిల్స్‌ ఇతర తొలి రౌండ్‌ మ్యాచ్‌ల్లో మాజీ చాంపియన్‌ షరపోవా (రష్యా) 6–1, 4–6, 6–3తో హోగెన్‌కాంప్‌ (నెదర్లాండ్స్‌)పై, మూడో సీడ్‌ ముగురుజా (స్పెయిన్‌) 7–6 (7/0), 6–2తో స్వెత్లానా కుజ్‌నెత్సోవా (రష్యా) పై, ఏడో సీడ్‌ కరోలినా గార్సియా (ఫ్రాన్స్‌) 6–1, 6–0తో దువాన్‌ (చైనా)పై గెలిచారు. పురుషుల సింగిల్స్‌ విభాగంలో డిఫెండింగ్‌ చాంపియన్‌ రాఫెల్‌ నాదల్‌ తొలి రౌండ్‌లో 6–4, 6–3, 7–6 (11/9)తో బొలెలీ (ఇటలీ)పై, మూడో సీడ్‌ మారిన్‌ సిలిచ్‌ (క్రొయేషియా) 6–3, 7–5, 7–6 (7/4)తో డక్‌వర్త్‌ (ఆస్ట్రేలియా)పై నెగ్గి రెండో రౌండ్‌కు చేరారు. 14వ సీడ్‌ జాక్‌ సాక్‌ (అమెరికా) 7–6 (7/4), 6–2, 6–4, 6–7 (5/7), 3–6తో జర్గెన్‌ జాప్‌ (ఎస్తోనియా) చేతిలో ఓడిపోయాడు. భారత్‌కు చెందిన యూకీ బాంబ్రీ 4–6, 4–6, 1–6తో రూబెన్‌ బెమెల్‌మాన్స్‌ (బెల్జియం) చేతిలో ఓటమి పాలయ్యాడు.    అందుకే ‘క్యాట్‌ సూట్‌’... అమ్మగా మారిన తర్వాతి తొలిసారి గ్రాండ్‌స్లామ్‌ టోర్నీ బరిలో నిలిచిన సెరెనా విలియమ్స్‌ వస్త్రధారణ ప్రత్యేకంగా నిలిచింది. నైకీ ప్రత్యేకంగా తయారు చేయించిన నలుపు రంగు ‘క్యాట్‌సూట్‌’లో ఆమె మైదానంలో అడుగు పెట్టి విజయాన్ని అందుకుంది. గతంలోనూ సెరెనా ఇలాంటి డ్రెస్‌ ధరించినా... కూతురు పుట్టిన తర్వాత తొలి మెగా టోర్నీ కావడంతో అది చర్చనీయాంశమైంది. దీనిపై మాట్లాడుతూ...‘అక్కడ ఉన్న అమ్మలందరి కోసమే ఇది. అందరూ గర్భవతిగా కఠిన పరీక్షను ఎదుర్కొని నిలిచినవారే. ఆ తర్వాత మళ్లీ తిరిగొచ్చి అంతే పదునుగా ఉండేందుకు ప్రయత్నించేవారే. నా వస్త్రధారణ అలాంటివారి ఆలోచనలను ప్రతిబింబిస్తుందని భావిస్తున్నా...కాదంటారా? ఈ డ్రెస్‌లో యోధురాలైన మహరాణిలా నన్ను నేను ఊహించుకుంటున్నా. నా కలల ప్రపంచంలో సూపర్‌ హీరోను కావాలనుకున్నా. ఇది వేసుకుంటే సూపర్‌ హీరోలా అనిపిస్తోంది’ అని సెరెనా విలియమ్స్‌ వ్యాఖ్యానించింది.

టెన్నిస్‌ సీజన్‌ రెండో గ్రాండ్‌స్లామ్‌ టోర్నమెంట్‌ ఫ్రెంచ్‌ ఓపెన్‌ ‘డ్రా’ విడుదలైంది. గతేడాది సెప్టెంబరులో పాపకు జన్మనిచ్చాక మాజీ చాంపియన్, మాజీ నంబర్‌వన్‌ సెరెనా విలియమ్స్‌ ఆడుతున్న తొలి గ్రాండ్‌స్లామ్‌ టోర్నీ ఇదే. ఆదివారం మొదలయ్యే ఈ టోర్నీలో ఆమె తొలి రౌండ్‌లో క్రిస్టినా ప్లిస్కోవా (చెక్‌ రిపబ్లిక్‌)తో తలపడనుంది. మరోవైపు డిఫెండింగ్‌ చాంపియన్‌ జెలెనా ఒస్టాపెంకో (లాత్వియా) తొలి రౌండ్‌లో కొజ్లోవా (ఉక్రెయిన్‌)తో ఆడనుంది. పురుషుల సింగిల్స్‌లో డిఫెండింగ్‌ చాంపియన్‌ రాఫెల్‌ నాదల్‌ మొదటి రౌండ్‌లో డల్గొపలోవ్‌ (ఉక్రెయిన్‌)తో పోటీపడతాడు.    

అమెరికా టెన్నిస్‌ స్టార్‌ సెరెనా విలియమ్స్‌ రేపటి (శనివారం) నుంచి జరిగే మాడ్రిడ్‌ ఓపెన్‌ డబ్ల్యూటీఏ టోర్నీ నుంచి వైదొలగింది. ‘తీవ్రమైన జ్వరంతో బాధపడుతున్న నేను మాడ్రిడ్‌ టోర్నీ నుంచి తప్పుకుంటున్నాను’ అని సెరెనా తన వెబ్‌సైట్‌లో తెలిపింది. దీంతో ఇప్పుడు ఫ్రెంచ్‌ ఓపెన్‌కు ముందు సన్నాహకంగా ఆమె రోమ్‌ ఓపెన్‌లో బరిలోకి దిగే అవకాశముంది. ఈ నెల 13 నుంచి 20 వరకు ఈ టోర్నీ జరుగుతుంది.   

సాక్షి క్రీడావిభాగం: తల్లి కాబోతున్న భారత టెన్నిస్‌ స్టార్‌ సానియా మీర్జా భవిష్యత్‌లో మళ్లీ రాకెట్‌ పడుతుందో లేదో తెలియదుకానీ... అమ్మతనం ఆటకు అడ్డంకి కాదని గతంలో పలువురు టెన్నిస్‌ స్టార్లు నిరూపించారు. ప్రసవానంతరం బరిలోకి దిగి గ్రాండ్‌స్లామ్‌ టైటిల్స్‌ గెలిచిన సందర్భాలున్నాయి. ఆ వివరాలు...  ►2008లో రిటైర్మెంట్‌ ప్రకటించిన కిమ్‌ క్లియ్‌స్టర్స్‌ (బెల్జియం) కుమార్తెకు జన్మనిచ్చిన ఏడాది తర్వాత పునరాగమనం చేసింది. 2009, 2010లలో యూఎస్‌ ఓపెన్‌; 2011లో ఆస్ట్రేలియన్‌ ఓపెన్‌  టైటిల్స్‌ కూడా సాధించింది.   ► మహిళల టెన్నిస్‌లో అత్యధిక సింగిల్స్‌ గ్రాండ్‌స్లామ్‌ టైటిల్స్‌ గెలిచిన మార్గరెట్‌ కోర్ట్‌ తల్లి హోదా వచ్చాక ఒకే ఏడాది ఏకంగా మూడు గ్రాండ్‌స్లామ్‌ టైటిల్స్‌ సాధించడం విశేషం. తొలి సంతానం కోసం 1971, 1972లో ఆటకు విరామం చెప్పిన మార్గరెట్‌ తల్లి అయ్యాక 1973లో పునరాగమనం చేసి ఆస్ట్రేలియన్, ఫ్రెంచ్, యూఎస్‌ ఓపెన్‌ గ్రాండ్‌స్లామ్‌ టైటిల్స్‌ సొంతం చేసుకుంది.   ►ఆస్ట్రేలియాకే చెందిన ఇవాన్‌ గూలాగాంగ్‌ 1977 మేలో పాపకు జన్మనిచ్చాక ఆ ఏడాది డిసెంబర్‌లో జరిగిన ఆస్ట్రేలియన్‌ ఓపెన్‌ టైటిల్‌తోపాటు  1980లో వింబుల్డన్‌ టైటిల్‌నూ సాధించింది.   ►గతేడాది అమెరికా స్టార్‌ సెరెనా విలియమ్స్‌ వారాల గర్భంతోనే ఆస్ట్రేలియన్‌ ఓపెన్‌ గ్రాండ్‌స్లామ్‌ టైటిల్‌ గెలిచింది. ఇప్పుడు కుమార్తె కలిగాక నెలల వ్యవధిలోనే సెరెనా పోటీల్లో పాల్గొంటోంది. ఇప్పటికి 23 గ్రాండ్‌స్లామ్‌ సింగిల్స్‌ టైటిల్స్‌ సాధించిన సెరెనా వచ్చేనెలలో ఫ్రెంచ్‌ ఓపెన్‌లో తన అదృష్టాన్ని పరీక్షించుకోనుంది.   ►రెండుసార్లు (2012, 2013) ఆస్ట్రేలియన్‌ ఓపెన్‌ టైటిల్‌ నెగ్గిన అజరెంకా (బెలారస్‌) 2016 డిసెంబర్‌లో మగ బిడ్డకు జన్మనిచ్చింది. 2017 జూలైలో వింబుల్డన్‌ టోర్నీ లో రాకెట్‌ పట్టి ప్రిక్వార్టర్‌ ఫైనల్‌కు చేరుకుంది. ఈ ఏడాది మయామి ఓపెన్‌ డబ్ల్యూటీఏ ప్రీమియర్‌ టోర్నీలోనూ సెమీఫైనల్‌కు చేరుకుంది.   

మియామి:ప‍్రపంచ మాజీ నంబర్‌ వన్‌ టెన్నిస్‌ క్రీడాకారిణి, నల్లకలువ సెరెనా విలియమ్స్‌కు మరో ఓటమి ఎదురైంది. మియామి ఓపెన్‌లో భాగంగా బుధవారం జరిగిన మహిళల సింగిల్స్‌ తొలి రౌండ్‌ నుంచే సెరెనా నిష్ర్కమించింది. జపాన్‌కు చెందిన నయోమి ఒసాకాతో జరిగిన పోరులో సెరెనా 3-6, 2-6 తేడాతో ఓటమి పాలైంది. గంటా 17 నిమిషాల పాటు సాగిన మ్యాచ్‌లో ఓసాకా దాటికి సెరెనా ఏమాత్రం సమాధానం ఇవ్వలేకపోయింది. దాంతో మియామిలో సత్తాచాటాలనుకున్న సెరెనా ఆశలు ఆదిలోనే ఆవిరయ్యాయి.

ఇండియన్‌ వెల్స్‌: పునరాగమనంలో అమెరికా టెన్నిస్‌ తార సెరెనాకు మరో ఓటమి. ఈసారి ఆమెపై అక్క వీనస్‌ పైచేయి సాధించింది. సోమవారం జరిగిన ఇండియన్‌ వెల్స్‌ డబ్ల్యూటీఏ ప్రీమియర్‌ టోర్నీ మహిళల సింగిల్స్‌ మూడో రౌండ్‌లో వీనస్‌ 6–3, 6–4తో సెరెనాను వరుస సెట్లలో ఓడించింది. గంటా 26 నిమిషాల పాటు జరిగిన ఈ మ్యాచ్‌లో పదో సీడ్‌ వీనస్‌ ఆరు ఏస్‌లు సంధించింది. సెరెనా నాలుగే ఏస్‌లు కొట్టగా, నాలుగుసార్లు సర్వీస్‌ కోల్పోయింది. మరో మ్యాచ్‌లో యూఎస్‌ ఓపెన్‌ విజేత స్లోన్‌ స్టీఫెన్స్‌... 19వ సీడ్‌ డరియా కసట్కినా (రష్యా) చేతిలో ఓడగా, ఆస్ట్రేలియన్‌ ఓపెన్‌ చాంప్‌ వోజ్నియాకి 6–4, 2–6, 6–3తో అలెక్సాండ్రా సస్నోవిచ్‌పై గెలుపొందింది. పురుషుల విభాగంలో ప్రపంచ నంబర్‌వన్,  డిఫెండింగ్‌ చాంపియన్‌ రోజర్‌ ఫెడరర్‌ 6–2, 6–1తో ఫిలిప్‌ క్రజినోవిక్‌ (సెర్బియా)పై విజయం సాధించాడు. డ్రాప్‌ షాట్లు మేళవిస్తూ ఆరు ఏస్‌లు కొట్టిన రోజర్‌ ఒక దశలో వరుసగా 17 పాయింట్లు సాధించాడు.  58 నిమిషాల్లోనే మ్యాచ్‌ ముగించాడు. ఫెడరర్‌ ఈసారీ టైటిల్‌ సాధిస్తే రికార్డు స్థాయిలో ఆరోసారి గెల్చుకున్న ఆటగాడిగా నిలుస్తాడు.  

కాలిఫోర్నియా: ఇండియన్‌ వెల్స్‌ మాస్టర్స్‌ సిరీస్‌ టోర్నమెంట్‌లో నల్ల కలువ సెరెనా విలియమ్స్‌పై అక్క వీనస్‌ విలియమ్స్‌ విజయం సాధించింది. మహిళల సింగిల్స్‌ లో భాగంగా మూడో రౌండ్‌ పోరులో వీనస్‌ విలియమ్స్‌ 6-3, 6-4 తేడాతో సెరెనాపై గెలుపొందింది. సుమారు గంటకు పైగా సాగిన మ్యాచ్ లో సెరీనా 41 అనవసర తప్పిదాలు చేసింది. దీంతో వీనస్ విలియమ్స్ ను విజయం వరించింది. గతేడాది సెప్టెంబరులో పండంటి బిడ్డకు జన్మనిచ్చిన సెరెనా.. ఈ ఏడాది ఆస్ట్రేలియన్‌ ఓపెన్ నుంచి తప్పుకుంది. అనంతరం ఇటీవల అబుదాబిలో జరిగిన ఎగ్జిబిషన్ టోర్నీలో మళ్లీ రాకెట్‌ చేతబట్టింది. అయితే ఈ టోర్నీలో సెరెనా తొలి రౌండ్‌లోనే ఓడిపోయింది. వీరిద్దరి మధ్య ఇప్పటివరకూ జరిగిన 28 మ్యాచ్‌ల్లో సెరెనా 17 మ్యాచ్‌ల్లో విజయం సాధించగా, వీనస్‌ 11 మ్యాచ్‌ల్లో గెలుపొందారు. అక్కా చెల్లెల్ల మధ్య జరిగిన గత తొమ్మిది మ్యాచ్‌లకు గాను ఎనిమిది మ్యాచ్‌ల్లో సెరెనా విజయం సాధించారు. 1998 ఆస్ట్రేలియా ఓపెన్‌లో వీరిద్దరూ ముఖాముఖి పోరులో తొలిసారి తలపడగా,  2014 తర్వాత సెరెనాపై వీనస్‌ విజయాన్ని సాధించడం ఇదే తొలిసారి.

లాస్‌ఏంజెల్స్‌: మహిళలకు తొలి కాన్పు పునర్జన్మతో సమానం అనేది మనదగ్గర చెప్పుకొనే మాట. సరిగ్గా ఇలాంటి పరిస్థితినే అమెరికా టెన్నిస్‌ దిగ్గజం సెరెనా విలియమ్స్‌ కూడా ఎదుర్కొంది. ఆమె గతేడాది సెప్టెంబర్‌లో అమ్మాయి (ఒలింపియా)కి జన్మనిచ్చిన సంగతి తెలిసిందే. ఆ సందర్భంగా తీవ్ర ఆరోగ్య సమస్య ఎదురైనట్లు సెరెనా వివరించింది. ‘బిడ్డ పుట్టాక నేను దాదాపు చనిపోయినంత పనైంది. నాకది నిజంగా పునర్జన్మే. గుండె స్పందన క్రమేపీ పడిపోతుండటంతో అత్యవసరంగా సిజేరియన్‌ చేయాల్సి వచ్చింది. అదృష్టవశాత్తూ శస్త్రచికిత్స విజయవంతమైంది. అంతకుముందే పాప పుట్టినట్లు తెలిసింది’ అని వివరించింది. ధమనుల్లో గడ్డకట్టిన రక్తం ఊపిరితిత్తుల్లోకీ చేరనుండటం సెరెనాకు ఇబ్బంది తెచ్చిపెట్టింది. ‘శస్త్రచికిత్స అనంతరం శ్వాస సమస్య తలెత్తింది. విపరీతమైన దగ్గు వచ్చింది. ఆస్పత్రివారు సీటీ స్కాన్‌ చేయించారు. ఉదర ప్రాంతంలో రక్త ప్రసరణ సమస్యను గుర్తించారు. ప్రాణాలు నిలిపే పరికరాలు బిగించారు. ఈ కారణంగా ఆరు వారాలపాటు మంచంపైనే ఉంటూ మాతృత్వ మధురిమలను ఆస్వాదించాల్సి వచ్చింది’ అని వివరించింది. సెరె నా... ఈ నెలలో టెన్నిస్‌లోకి పునరాగమనం చేసింది. అక్క వీనస్‌తో కలిసి ఫెడ్‌ కప్‌ బరిలో దిగింది. 

న్యూఢిల్లీ: కుడి మోకాలి గాయం వల్ల గత అక్టోబర్‌ నుంచి ఆటకు దూరమైన భారత టెన్నిస్‌ స్టార్‌ సానియా మీర్జా మరో మూడు నెలల్లో రాకెట్‌ పట్టుకునే అవకాశం ఉంది. మే నెలాఖర్లో జరిగే ఫ్రెంచ్‌ ఓపెన్‌ గ్రాండ్‌స్లామ్‌ టోర్నీకల్లా కోలుకుంటానని ఈ హైదరాబాద్‌ క్రీడాకారిణి ఆశాభావంతో ఉంది. మహిళల టెన్నిస్‌ను సెరెనా సహా ఏ ఒక్కరూ ఎక్కువ కాలం శాసించలేరని చెప్పింది. యువ ప్రతిభావంతులు టాప్‌ ర్యాంకర్లను కంగుతినిపిస్తున్న సంగతి మరవొద్దని సూచించింది. ఫెడ్‌ కప్‌ టీమ్‌ టోర్నమెంట్‌లో భారత యువతార అంకితా రైనా ప్రదర్శన అద్భుతంగా ఉందని సానియా కితాబిచ్చింది. ‘ఫెడ్‌ కప్‌లో ఈసారి యువ క్రీడాకారిణుల పోరాటపటిమ ఆకట్టుకుంది. కానీ తదుపరి దశకు చేరకపోవడమే నిరాశను కలిగిస్తోంది. ఆ వెలితి ఇంకా కొనసాగుతోంది’ అని హైదరాబాదీ స్టార్‌ చెప్పింది. ఫెడ్‌ కప్‌లో అంకిత ఆటతీరు అసాధారణమని పేర్కొంది. తనకన్నా ఎంతో మెరుగైనా, టాప్‌– 100 ర్యాంకర్లను ఆమె కంగుతినిపించిన తీరు గొప్ప పురోగతి అని ప్రశంసించింది. అంకితను తదుపరి భావి సానియాగా భావించవచ్చా అన్న ప్రశ్నకు సమాధానమిస్తూ... చాన్నాళ్లుగా ఎంతో మంది ఈ ప్రశ్న అడుగుతున్నారు. అయితే వీళ్లందరికీ చెబుతున్నా... ఎందుకు మనం సానియా దగ్గరే ఆగిపోవాలి. నన్ను మించి మేటి క్రీడాకారిణిగా ఎదగాలని ఆశిద్దాం’ అని తెలిపింది. 

అషేవిల్లే (అమెరికా): అమెరికన్‌ టెన్నిస్‌ స్టార్‌ సెరెనా విలియమ్స్‌ ఆట మొదలైంది. అమ్మ హోదా వచ్చాక అధికారిక టోర్నమెంట్‌లో తొలిసారి బరిలోకి దిగిన ఆమెకు పరాజయమే ఎదురైంది. ఫెడ్‌ కప్‌ టీమ్‌ టోర్నమెంట్‌లో సోదరి వీనస్‌ విలియమ్స్‌తో కలిసి డబుల్స్‌ మ్యాచ్‌ ఆడిన సెరెనా 2–6, 3–6తో లెస్లే కెర్కోవ్‌–డెమి షర్స్‌ (నెదర్లాండ్స్‌) జంట చేతిలో ఓడింది. 36 ఏళ్ల సెరెనా గత ఏడాది ఆస్ట్రేలియన్‌ ఓపెన్‌ సింగిల్స్‌ టైటిల్‌ తర్వాత మళ్లీ రాకెట్‌ పట్టడం ఇదే మొదటిసారి. వారాల గర్భంతోనే టైటిల్‌ సాధించిన ఆమె ఇప్పుడు తన గారాలపట్టి ఒలింపియా (ఐదు నెలల కుమార్తె)ను ప్రేక్షకుల గ్యాలరీలో ఉంచి కోర్టులో ఆడింది. ఈ టీమ్‌ చాంపియన్‌షిప్‌లో 15 ఏళ్ల తర్వాత విలియమ్స్‌ సిస్టర్స్‌ జోడీ కట్టడం మరో విశేషం. 2003 తర్వాత జతగా ఈ ఇద్దరు ఫెడ్‌కప్‌ ఆడలేకపోయారు. అయితే చివరి సారిగా ఇద్దరు కలిసి ఆడిన వింబుల్డన్‌ గ్రాండ్‌స్లామ్‌ టోర్నీ (2016)లో మాత్రం డబుల్స్‌ టైటిల్‌ నెగ్గారు. మ్యాచ్‌ ముగిశాక సెరెనా మాట్లాడుతూ ‘కెరీర్‌లో ఎత్తుపల్లాలు సహజం. తిరిగి నా ఆట నేను తేలిగ్గా ఆడేందుకు సోదరి వీనస్‌ జత కావడమే కారణం’ అని చెప్పింది. డబుల్స్‌లో అమెరికన్‌ జోడీ ఓడినప్పటికీ సింగిల్స్‌లో వీనస్‌... రిచెల్‌ హొగెన్‌కెంప్‌పై విజయం సాధించడంతో అమెరికా జట్టు 3–1తో నెదర్లాండ్స్‌పై గెలిచి సెమీఫైనల్స్‌ చేరింది.                    మ్యాచ్‌ వీక్షిస్తున్న సెరెనా భర్త అలెక్సిస్, కుమార్తె ఒలింపియా

మెల్‌బోర్న్‌: డిఫెండింగ్‌ చాంపియన్‌ సెరెనా విలియమ్స్‌ ఆస్ట్రేలియా ఓపెన్‌ టోర్నీ నుంచి వైదొలగింది. ఈ సీజన్‌ ఆరంభ గ్రాండ్‌స్లామ్‌ కోసం పూర్తిస్థాయిలో సన్నద్ధం కాకపోవడం వల్లే ఈ నిర్ణయం తీసుకున్నట్లు ఆమె చెప్పింది. ‘అన్ని రకాలుగా (ఫిట్‌నెస్, ఆటతీరు) సిద్ధమైనపుడే బరిలోకి దిగాలని నా కోచ్‌ సూచించారు. ఇప్పుడైతే నేను ఆడగలను. కానీ ఓ గ్రాండ్‌స్లామ్‌ ఈవెంట్‌ పోటీకి న్యాయం చేయలేను. మరింత మెరుగైన తర్వాతే కోర్టులోకి దిగుతా. ఇందుకోసం ఇంకాస్త సమయం అవసరం’ అని సెరెనా ఓ న్యూస్‌ ఏజెన్సీకిచ్చిన ఇంటర్వ్యూలో చెప్పింది. గత జనవరిలో గర్భంతోనే బరిలోకి దిగిన సెరెనా ఆస్ట్రేలియా ఓపెన్‌ విజేతగా నిలిచింది. తద్వారా ఆమె తన కెరీర్‌లో 23వ గ్రాండ్‌స్లామ్‌తో చరిత్ర సృష్టించింది. ప్రస్తుతం ఆమె తన గారాలపట్టి ఒలింపియాతో సేదతీరుతోంది. ప్రసవం తర్వాత గత నెల 30న అబుదాబిలో ఫ్రెంచ్‌ ఓపెన్‌ చాంపియన్‌ ఒస్టాపెంకోతో 36 ఏళ్ల సెరెనా తలపడింది. ఈ ఎగ్జిబిషన్‌ మ్యాచ్‌లో ఆమె ఓడింది.   

ఫ్లోరిడా:  టెన్నిస్‌ సీజన్‌ తొలి గ్రాండ్‌స్లామ్‌ ఆస్ట్రేలియా ఓపెన్‌ నుంచి అమెరికా టెన్నిస్‌ స్టార్‌, డిఫెండింగ్‌ చాంపియన్‌ సెరెనా విలియమ్స్‌ వైదొలిగింది. తాను పూర్తి స్థాయిలో ప్రాక్టీస్‌ చేయకపోవడంతో ఆస్ట్రేలియా ఓపెన్‌ నుంచి తప్పుకుంటున్నట్లు ప్రకటించింది.  గతేడాది సెప్టెంబర్‌లో  బిడ్డకు జన్మనిచ్చిన సెరెనా.. అబుదాబి ఎగ్జిబిషన్‌ టోర్నీ తొలి రౌండ్‌లోనే ఓటమి పాలు కావడం కూడా  ఆమె తాజా నిర్ణయానికి ఒక కారణం. 'నేను వ్యక్తిగత కారణాలతోనే ఆస్ట్రేలియా ఓపెన్‌కు దూరమవుతున్నా. నాకు ఆడాలని ఉంది. కాకపోతే కేవలం ఆడామన్న పేరుకే గ్రాండ్‌ స్లామ్‌కు సిద్దం కావాలనుకోవడం లేదు. ఈ నిర్ణయం నా కోచ్‌ సలహా మేరకే తీసుకున్నా. నేను పూర్తి స్థాయిలో సన్నద్ధం కావడానికి ఇంకా సమయం కావాలి. దాంతో ఆస్ట్రేలియా ఓపెన్‌ నుంచి వైదొలగాలని నిర్ణయించుకున్నా' అని సెరెనా తెలిపింది.  

అబుదాబి: ఈ ఏడాది సెప్టెంబరులో బిడ్డకు జన్మనిచ్చాక... తొలిసారి కోర్టులో అడుగుపెట్టిన అమెరికా టెన్నిస్‌ స్టార్‌ సెరెనా విలియమ్స్‌కు పరాజయం ఎదురైంది. అబుదాబి ఎగ్జిబిషన్‌ టోర్నీలో ఆడుతున్న సెరెనా తొలి మ్యాచ్‌లో 2–6, 6–3, 5–10తో ‘టైబ్రేక్‌’లో ఫ్రెంచ్‌ ఓపెన్‌ చాంపియన్‌ జెలెనా ఒస్టాపెంకో (లాత్వియా) చేతిలో ఓడిపోయింది.    

జుహై (చైనా): అమెరికన్‌ వెటరన్‌ స్టార్‌ సెరెనా విలియమ్స్‌ తిరిగి కోర్టులోకి దిగితే సరికొత్త గ్రాండ్‌స్లామ్‌ రికార్డును నెలకొల్పుతుందని టెన్నిస్‌ లెజెండ్‌ స్టెఫీగ్రాఫ్‌ అన్నారు. ఇటీవల ఓ పాపకు జన్మనిచ్చిన సెరెనా ప్రొఫెషనల్‌ టెన్నిస్‌కు దూరమైంది. ఇక్కడ జరుగుతున్న డబ్ల్యూటీఏ ఎలైట్‌ ట్రోఫీకి బ్రాండ్‌ అంబాసిడర్‌గా వ్యవహరిస్తున్న స్టెఫీగ్రాఫ్‌ మీడియాతో మాట్లాడుతూ ‘సెరెనా బరిలోకి దిగితే టెన్నిస్‌ గ్రేట్‌ మార్గరెట్‌ కోర్ట్‌ నెలకొల్పిన 24 గ్రాండ్‌స్లామ్‌ టైటిళ్ల రికార్డును చెరిపేస్తుంది’ అని చెప్పారు. ఇప్పటికే అమెరికన్‌ స్టార్‌ 23 టైటిళ్లతో స్టెఫీగ్రాఫ్‌ (22) రికార్డును అధిగమించింది. ఆస్ట్రేలియన్‌ ఓపెన్‌ నిర్వాహకులు సెరెనా వచ్చే జనవరిలో జరిగే ఆరంభ గ్రాండ్‌స్లామ్‌లో ఆడాలని ఆశిస్తున్నారు. ఈ ఏడాది రెండు వారాల గర్భంతో ఆస్ట్రేలియన్‌ బరిలోకి దిగిన ఆమె టైటిల్‌ సాధించిన సంగతి తెలిసిందే. 

న్యూయార్క్:నల్లకలువ, టెన్నిస్ స్టార్ సెరెనా విలియమ్స్ పెళ్లికి సిద్ధమవుతోంది. గత నెలలో పండంటి పాపకు జన్మినిచ్చి మాతృత్వంలోని మధురానుభూతులను ఆస్వాదిస్తున్న సెరెనా.. ఈ నెలాఖరులో వివాహం చేసుకోవడానికి ప్రణాళికలు సిద్ధం చేసుకుంటోంది. ప్రియుడు మిలియనీర్ అలెక్సిస్ ఒహానియన్ తో  ఇప్పటికే నిశ్చితార్థం కాగా, ఇప్పుడు పెళ్లి పీటలు ఎక్కేందుకు సన్నద్దమవుతోంది. తమ పెళ్లికి సంబంధించి పెద్ద ఎత్తున అతిథులను ఆహ్వానించాలని నిర్ణయించుకున్న సెరెనా-అలెక్స్ లు ఇందుకు జాబితాను సిద్ధం చేసే పనిలో పడ్డారు. వివాహ ప్లాన్ కోసం ఇద్దరూ కలిసి ప్రత్యేక విమానంలో న్యూ ఓర్లాండో వెళ్లి అక్కడి మెర్లిన్ రెస్టారెంట్ లో వెడ్డింగ్ ప్లానర్ తో చర్చలు జరపుతున్నారు. ఈ మేరకు వారి పెళ్లి ముహూర్తం ఈనెల చివర్లో పెట్టుకునేందుకు సన్నాహలు చేస్తున్నారు.


 మీ కలల రాణి ఆర్జే సులోచన
 విద్యాబాలన్‌: తుమ్హారీ సులు
 నిడివి : 1 ని.
 హిట్స్‌ : 13,81,874
 
 మీరేమైనా అనుకోండి బాస్‌.. ఇంటì  కిటికీ రెక్కలు తెరిచి, ఇంట్లోని ఆడవాళ్లకు ఉద్యోగాల రెక్కల కట్టి వదిలిస్తే బయటి ప్రపంచమంతా ఎంత పీస్‌ఫుల్‌గా, పవర్‌ఫుల్‌గా మారిపోతుందోచెప్పలేం. ఇక మన ‘సులు’ చేస్తున్న జాబ్‌లాంటిదైతే.. రోజూ రాత్రిళ్లు నిద్రపట్టక దొర్లుతుండే ‘టెన్షన్‌ పార్టీ’లకు మత్తుగొలిపే స్వరామృతమే! ‘హలో.. ఆప్‌కీ రాతోంకో జగానే.. ఆప్‌కే సప్నోంకోసజానే.. మై సులు..’ అంటూ రోజూ ఒక టైమ్‌కి ఫ్రీక్వెన్సీ మాడ్యులేషన్‌లో ‘పట్టని నిద్రల్ని తట్టి లేపే’ నడిరేయి ముంబై రేడియో జాకీ సులు. అసలు పేరు సులోచన. గృహిణి. లక్కీగా ఆర్జేఉద్యోగం వస్తుంది. రాత్రిపూట రేడియో స్టేషన్‌కి వెళ్లి లైవ్‌లో మాట్లాడాలి. ఎలా?! ఇంట్లో వాళ్లను కన్విన్స్‌ చేస్తుంది సులోచన. ఫస్ట్‌ డే డ్యూటీకి వెళుతుంది. గొంతులో ఇంకొంచెం ‘గసగస’ఉండాలంటారు స్టేషన్‌ వాళ్లు. అంటే ‘సెక్సీ’గా అని! ఆ గసగస కోసం ఇంట్లో రహస్యంగా ప్రాక్టీస్‌ చేస్తుంది ఆమె. అది విని ఫ్యామిలీ మొత్తం బెంబేలెత్తుతుంది. ‘నీ కలల రాణికి ఈ నడి రేయిఫోన్‌ చెయ్యవా? చేస్తావు కదూ!’ అని సులోచన చాటుగా ఫోన్‌లో ఎవరితోనో మాట్లాడుతూ కనిపిస్తే.. అది ప్రాక్టీస్‌ అని తెలియక గతుక్కుమంటారు. పెద్దగా నవ్వుకుంటుంది సులోచన..తన గొంతు తనకే గమ్మత్తుగా అనిపించి. వీడియోలో ఈ నవ్వును మీరు చూడాల్సిందే. సులోచనగా విద్యాబాలన్‌ నటిస్తున్న ‘తుమ్హారీ సులు’ చిత్రం టీజర్‌ ఇది. ఈ ఫ్యామిలీ కామెడీడ్రామా మూవీ డిసెంబర్‌ 1న రిలీజ్‌ అవుతోంది.
 
 
 ఎవరు తల్లి? ఎవరు కూతురు?
 హల్లో, వరల్డ్‌. మీట్‌ అవర్‌ బేబీ గర్ల్‌
 నిడివి 2 ని. :15 సె.
 హిట్స్‌ :21,51,232
 ముప్పై ఐదేళ్ల అమెరికన్‌ టెన్నిస్‌ క్రీడాకారిణి సెరెనా విలియమ్స్‌ సెప్టెంబర్‌ 1న ‘మామ్‌ స్లామ్‌’ టైటిల్‌ని కొట్టేశారు. ఇదెక్కడి టైటిల్‌? ఎక్కడిదో కాదు, తొమ్మిది నెలలు మోసి, కని, సాధించిన టైటిల్‌. డాక్టర్లు ఆమెకు పండంటి ఆడబిడ్డను తెచ్చివ్వగానే సెరీనా చేతుల్లో ఆ బిడ్డం అచ్చం ఆమె గెలుచుకున్న ట్రోఫీలానే ఉంది! తండ్రి అలెక్సిస్‌ ఒహానియన్‌ ఆ పాపకు అలెక్సిస్‌ ఒలింపియా ఒహానియన్‌ జూనియర్‌ అనే పేరు పెట్టాడు. అలెక్సిస్‌ జూనియర్‌ మరికొన్ని రోజులు అమ్మ కడుపులోనే ఉండి, సెప్టెంబర్‌ 26న పుట్టి ఉంటే, తల్లీకూతుళ్లిద్దరి బర్త్‌డే ఒకేరోజు అయి ఉండేది! అయితే బర్త్‌డేలతో నిమిత్తం లేకుండా ఎవరు తల్లో, ఎవరు కూతురో తెలియని విధంగా ఇద్దర్నీ పసి బిడ్డల్లాగే అపురూపంగా చూసుకుంటున్నాడు అలెక్సిస్‌.అంతేనా! సెరీనా నవమాసాల అనుభూతులను అందంగా కూర్చి ‘హల్లో వరల్డ్‌. మీట్‌ అవర్‌ బేబీ గర్ల్‌’ అంటూ ఓ వీడియోను యూట్యూబ్‌లోకి అప్‌లోడ్‌ చేశాడు. ఎనిమిది వారాలగర్భిణిగా సెరెనా గత జనవరిలో ఆస్ట్రేలియన్‌ ఓపెన్‌ టైటిల్‌ సాధించడం, భార్యాభర్తలిద్దరూ కలిసి ‘పిల్లలు ఎలా పుడతారు?’ అనే వీడియోలను చూడడం వంటివన్నీ ఈ వీడియోలోఉన్నాయి. ఇలాంటి వీడియో ఒకటి విడుదల చెయ్యాలన ఆలోచన అలెక్సిస్‌కి ముందే ఉన్నట్లుంది. అందుకే సెరెనా ప్రెగ్నెంట్‌ అయినప్పుడు తీసిన అల్ట్రా సౌండ్‌ స్కానింగ్‌ ఫిల్మ్‌ని భద్రపరిచి దాంతోనే వీడియోను స్టార్ట్‌ చేశాడు. ఎక్స్‌లెంట్‌గా ఉంది చూడండి. తొలిసారి తల్లులు, తండ్రులు కాబోతున్న దంపతులకైతే ఇది కచ్చితంగా ఓ క్రియేటివ్‌ గైడ్‌.
 
 తెల్ల గుర్రాన్ని చూసిన రోజు
 లానా డెల్‌ రే – వైట్‌ మస్టాంగ్‌
 నిడివి : 2 ని.
 హిట్స్‌ : 38,03,477
 ఆమెరికన్‌ పాప్‌ గాయని లానా డెల్‌ రే ఇటీవలి ఆల్బమ్‌ ‘లస్ట్‌ ఫర్‌ లైఫ్‌’లోని ఐదో ట్రాక్‌ ఈ ‘వైట్‌ మస్టాంగ్‌’. మస్టాంగ్‌ అంటే తెల్ల గుర్రం. పాటలో మాత్రం అది ఫోర్ట్‌ కంపెనీ కారు. ‘నీ తెల్ల గుర్రాన్ని నేను చూసిన రోజు..’ అంటూ రే ఈ ట్రాక్‌ మొత్తం మొత్తుకుంటూ ఉంటుంది. పోస్ట్‌ బ్రేకప్‌ సాంగ్‌ మరి. పాతజ్ఞాపకాలు గుచ్చేస్తుంటాయి. ఆ జులపాలవాడు ప్రియుడు. ఇంతెత్తున.. తెల్లగా.. గుర్రంలానే ఉంటాడు చూడ్డానికి. వాడికి సంగీతం అదీ వచ్చు.  వాడిని ప్రేమించి, కిందేసి కాలితో తొక్కేస్తుంటుంది రే. ఫ్లాష్‌బ్యాక్‌లో వీడియో తొలి సీన్‌ అదే. మస్టాంగ్‌ కారు ఈమెకూ ఉంది. ఆ కారులో రే.. సిటీ అంతా తిరుగుతూ తన మాజీ హృదయేశ్వరుడిని తలచుకుంటూ ఉంటుంది. ఈ అమ్మాయి కొంచెం సన్నీలియోన్‌లా ఉంటుంది. అతడు.. బ్రిటిష్‌ గిటారిస్ట్‌ ఎద్‌ షీరన్‌కు, లానా డెల్‌ రేకి పుట్టిన వాడిలా ఉంటాడు. (ఈ పాపపు మాట మనది కాదు. ‘పాప్‌’ లోకానిది.) హుమ్‌.. ఇక ఈమె ఏం పాడుతోందో వినండి. ‘నేనెంత ఫూల్‌నో చూడు, నిన్ను నమ్మాను. నువ్వెప్పటికైనా మారతావని నమ్మాను. కానీ నువ్వు మారలేదు. నీతో నా గొడవంతా యుగాంతపు యుద్ధంలా ఉంది. కలల్లో నన్ను బిగిస్తావు. కళ్లు తెరవగానే వదిలేస్తావు’.. దీ వరస. దేవ్‌డా! ఈ పాడు ప్రేమ భూమి మీద ఎవర్నీ బతకనివ్వదా?
 
 చైనా బాండ్‌.. యాక్షన్‌ బ్రాండ్‌
 బ్లీడింగ్‌ స్టీల్‌ : ట్రైలర్‌
 నిడివి : 2 ని. 12 సె.
 హిట్స్‌  : 6,09,676
 
 ఈ ట్రైలర్‌ను చూస్తే జాకీ చాన్‌కు 63 ఏళ్లు ఉంటాయని ఎవరూ ఊహించరు! డిసెంబర్‌ 22న విడుదలకు సిద్ధం అవుతున్న చైనీస్‌ సైన్స్‌ ఫిక్షన్‌ థ్రిల్లర్‌ మూవీ ‘బ్లీడింగ్‌ స్టీల్‌’లో అసాధారణమైన పోరాట సన్నివేశాలలో ఈ హీరో దుమ్మురేపబోతున్నట్లు ట్రైలర్‌లో అడుగడుగునా కనిపిస్తుంది. కథ మాత్రం వివరంగా తెలియడం లేదు. ఒక టీవీ షో ఉంటుంది. ఆ షోకి ఒక పెద్దాయన గెస్ట్‌గా వస్తాడు. అతడు రచయిత. ‘బ్లీడింగ్‌ స్టీల్‌’ అనే బుక్‌ రాస్తాడు. దాని మీద డిబేట్‌. ఆ తర్వాత అతడు కిడ్నాప్‌ అవుతాడు. ‘ఈ పుస్తకంలోని ఇన్ఫర్మేషన్‌ నీకు ఎక్కడి నుంచి వచ్చింది?’ అని కిడ్నాపర్‌లు అతడిని అడుగుతారు. అతడిని కాపాడ్డానికి ఏజెంట్‌ జాకీచాన్‌ Ðð ళ్తాడు. అక్కడి నుంచి ఫైట్స్, థ్రిల్స్‌. అదే సమయంలో అతడొక యువతిని కాపాడవలసి వస్తుంది. ఆ యువతిని విలన్‌ల ముఠా ఒకటి వెంటాడుతుంటుంది. వాళ్ల నుంచి ఆమెను రక్షించాలి. ఆ క్రమంలో ఛాన్‌కి ఆ అమ్మాయిపై ఫీలింగ్స్‌ డెవలప్‌ అవుతాయి. ఏ జన్మలోనో తామిద్దరికీ ఏదో బంధం ఉన్నట్లు అనిపిస్తుంటుంది. అది ఏ జన్మ? మానవ జన్మా? మానవాతీత జన్మా? సినిమా ఇంకా కంఫ్లీట్‌ కాలేదు. ఈలోపు కథ కొంచెం మారినా మారొచ్చు. చాన్‌ ఉన్నప్పుడు కథ ఎన్ని వంకర్లు తిరిగితే మాత్రం ఏముంది?!


 షరపోవా మనసులో మాట  
 
 న్యూయార్క్‌: గత దశాబ్ద కాలంలో మహిళల టెన్నిస్‌లో సెరెనా విలియమ్స్‌ (అమెరికా), మరియా షరపోవా (రష్యా) మధ్య జరిగిన మ్యాచ్‌లు ఎక్కువ మందిని ఆకర్షించాయి. 21 మ్యాచ్‌లలో 19 గెలిచి సెరెనా ఏకపక్షంగా ఆధిపత్యం ప్రదర్శించినా... వీరి పోరుపై ఆసక్తి ఏమాత్రం తగ్గలేదు. అనేక సందర్భాల్లో కోర్టు బయట కూడా వీరిద్దరు పరస్పర విమర్శలతో వార్తల్లో నిలిచారు. తాజాగా విడుదలైన తన ఆటోబయోగ్రఫీ ‘అన్‌ స్టాపబుల్‌ –మై లైఫ్‌ సో ఫర్‌’లో షరపోవా, సెరెనాపై తన విద్వేషాన్ని మరోసారి ప్రదర్శించింది. తన శ్వేత వర్ణం వల్లే సెరెనా తనపై ద్వేషభావం పెంచుకుందని ఆమె వ్యాఖ్యానించింది. 2004 వింబుల్డన్‌ ఫైనల్లో సెరెనాను ఓడించి షరపోవా విజేతగా నిలిచింది. గత 13 ఏళ్లుగా ఈ శత్రుత్వం కొనసాగుతోందని షరపోవా చెప్పింది.
 
 ‘వింబుల్డన్‌లో అనేక అవాంతరాలను అధిగమించి నాలాంటి ఒక శ్వేత వర్ణపు క్రీడాకారిణి ఆమెను ఓడించడం వల్లే సెరెనా నాపై ద్వేషం పెంచుకుంది. లాకర్‌ రూమ్‌లో ఆమె ఏడవటం కూడా నేను చూశాను. అది ఆమెను మరింతగా బాధపెట్టి ఉంటుంది. ఇన్నేళ్ల పాటు ఆమెను ఓడించడంలో నేను సఫలం కాలేకపోయాను. ఇంకా చెప్పాలంటే తన భారీ, బలమైన శరీరంతోనే ఆమె నన్ను భయపెట్టేసేది’ అని షరపోవా తన పుస్తకంలో రాసింది. పరోక్షంగా తాను అందమైన, సున్నితమైన దానినని చెప్పే ప్రయత్నం చేసింది. అయితే ఆమె మాటలపై ప్రపంచ వ్యాప్తంగా పెద్ద సంఖ్యలో విమర్శలు వినిపించాయి. 23 గ్రాండ్‌స్లామ్‌లు గెలిచిన సెరెనాతో 5 గ్రాండ్‌స్లామ్‌లు నెగ్గిన షరపోవాకు అసలు పోలికే లేదని వారంతా ఘాటుగా వ్యాఖ్యానించారు. సెరెనాను విమర్శించే క్రమంలో ఈ పుస్తకంలో ఏకంగా 106 సార్లు ఆమె పేరును షరపోవా ప్రస్తావించడాన్ని కూడా వారు వ్యంగ్యంగా గుర్తు చేస్తున్నారు!  


 న్యూయార్క్‌: అమెరికా టెన్నిస్‌ స్టార్‌ సెరెనా విలియమ్స్‌ తన పసిపాపను ప్రపంచానికి పరిచయం చేసింది. ఈనెల 1న జన్మించిన తన కుమార్తె పేరు అలెక్సిస్‌ ఒలింపియా ఒహానియన్‌ జూనియర్‌గా ట్విట్టర్‌లో పోస్ట్‌ చేసింది. సుమారు రెండు వారాల తర్వాత బయటి ప్రపంచానికి చూపిస్తూ ఆసక్తికర విశేషాల్ని ట్వీట్‌ చేశారు సెరెనా బాయ్‌ఫ్రెండ్‌ అలెక్సిస్‌ ఒహానియన్‌.
 
 పాప పేరు ఒలింపియా, బరువు 2.78 కేజీలు, గ్రాండ్‌స్లామ్‌ టైటిల్స్‌: 1, ఇన్‌స్ట్రాగామ్‌ పేజెస్‌: 1, అని సరదా గణాంకాలను పోస్ట్‌ చేశారు. సెరెనా రెండు వారాల గర్భంతోనే ఆస్ట్రేలియన్‌ ఓపెన్‌ ఆడి టైటిల్‌ గెలవడంతో ఈ ట్వీట్స్‌ చేశారు అలెక్సిస్‌. బేబి వీడియోను ఈ జంట ఇన్‌స్ట్రాగామ్‌లో పంచుకుంది. 


 సాక్షి, వాషింగ్టన్‌: టెన్నిస్‌ స్టార్ సెరెనా విలియమ్స్‌ ఇంట సందడి నెలకొంది. టెన్నిస్‌ నంబర్ వన్‌ ఛాంపియన్‌ అయిన సెరెనా విలియమ్స్ కాబోయే భర్త అలెక్సిస్‌ ఒహనియన్‌ ద్వారా పండంటి బిడ్డకు జన్మనిచ్చింది.
  
 ఫ్లోరిడా వెస్ట్‌ పామ్‌ బీచ్ లోని ఓ మెడికల్ సెంటర్‌ లో శుక్రవారం రాత్రి ఆమెకు పాప పుట్టినట్లు కటుంబ సభ్యులు తెలిపారు. బిడ్డ ఆరోగ్యవంతంగా ఉన్నట్లు వాళ్లు వెల్లడించారు. దీంతో సోషల్‌ మీడియాలో సెరెనాకు శుభాకాంక్షలు తెలియజేస్తున్నారు. మరో టెన్నిస్ స్టార్ రఫెల్‌ నాదల్‌ ట్విట్టర్‌ లో శుభాకాంక్షలు తెలియజేయగా, హాలీవుడ్ సింగర్ బేవొన్స్ సెరెనా గర్భవతిగా ఉన్న ఓ ఫోటోను ఇన్‌స్టాగ్రామ్‌ లో పోస్ట్ చేసి విష్‌ చేసింది.
  
 ఏప్రిల్‌లో తాను 20 వారాల గర్భవతినన్న విషయం స్నాప్‌ఛాట్‌ ద్వారా స్విమ్‌సూట్‌తో మరీ సెరెనా ప్రకటించిన విషయం తెలిసిందే. బిడ్డ పుట్టాకే సెరెనా, అలెక్సిస్‌ పెళ్లి చేసుకోవాలని నిర్ణయించుకున్నారు కూడా.


 ♦ తొలి రౌండ్‌లో అలవోక విజయం
 ♦ యూఎస్‌ ఓపెన్‌ టోర్నీ
 
 నేటి మ్యాచ్‌లు రాత్రి గం.8.30 నుంచి స్టార్‌ స్పోర్ట్స్‌ సెలెక్ట్‌–1లో ప్రత్యక్ష ప్రసారం
 సెరెనా విలియమ్స్, అజరెంకా లాంటి స్టార్‌ క్రీడాకారిణుల గైర్హాజరీలో ఫేవరెట్‌గా మారిన మూడో సీడ్‌ గార్బిన్‌ ముగురుజా యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో శుభారంభం చేసింది. గతంలో ఈ టోర్నీలో  నాలుగుసార్లు ఆడినా, రెండో రౌండ్‌ను దాటి ముందుకెళ్లలేకపోయిన ఈ స్పెయిన్‌ స్టార్‌ ఈసారి మాత్రం ఏకంగా టైటిల్‌పైనే గురి పెట్టింది.ఈ ఏడాది వింబుల్డన్‌ టైటిల్‌ సొంతం చేసుకొని అద్భుతమైన ఫామ్‌లో ఉన్న ముగురుజా తొలి అడ్డంకిని అలవోకగా అధిగమించి టైటిల్‌ వేటను మొదలుపెట్టింది.  
 
 న్యూయార్క్‌: సీజన్‌ చివరి గ్రాండ్‌స్లామ్‌ టోర్నమెంట్‌ యూఎస్‌ ఓపెన్‌ మహిళల సింగిల్స్‌ విభాగంలో సీడెడ్‌ క్రీడాకారిణులు ముగురుజా (స్పెయిన్‌), పెట్రా క్విటోవా (చెక్‌ రిపబ్లిక్‌), కరోలినా గార్సియా (ఫ్రాన్స్‌) బోణీ చేశారు. సోమవారం మొదలైన ఈ టోర్నమెంట్‌ తొలి రౌండ్‌ మ్యాచ్‌ల్లో మూడో సీడ్‌ ముగురుజా 6–0, 6–3తో వర్వారా లెప్‌చెంకో (అమెరికా)ను ఓడించగా... 13వ సీడ్‌ క్విటోవా 7–5, 7–5తో మాజీ నంబర్‌వన్‌ జెలెనా జంకోవిచ్‌ (సెర్బియా)పై, 18వ సీడ్‌ గార్సియా 6–0, 6–1తో మార్టిన్‌కోవా (చెక్‌ రిపబ్లిక్‌)పై గెలుపొందారు.
 లెప్‌చెంకోతో జరిగిన మ్యాచ్‌లో ముగురుజాకు ఏ దశలోనూ తన ప్రత్యర్థి నుంచి ఇబ్బంది ఎదురుకాలేదు.
 
 యూఎస్‌ ఓపెన్‌లో అంతగా మెరుగైన రికార్డు లేని ముగురుజా ఈసారి మాత్రం ఫేవరెట్స్‌లో ఒకరిగా ఉంది. 63 నిమిషాల్లో ముగిసిన ఈ మ్యాచ్‌లో ముగురుజా కేవలం ఒక డబుల్‌ ఫాల్ట్‌ మాత్రమే చేసింది. తొలి సెట్‌లో ఒక్క గేమ్‌ కూడా కోల్పోని ఈ స్పెయిన్‌ స్టార్‌ రెండో సెట్‌లో మాత్రం తన సర్వీస్‌ను ఒకసారి చేజార్చుకుంది. 16 విన్నర్స్‌ కొట్టిన ఆమె నెట్‌ వద్దకు 17సార్లు దూసుకొచ్చి 15సార్లు పాయింట్లు సాధించింది. మరోవైపు పదోసారి యూఎస్‌ ఓపెన్‌లో ఆడుతున్న క్విటోవా ఈ టోర్నీలో ఒక్కసారి కూడా క్వార్టర్‌ ఫైనల్‌ దశను దాటలేకపోయింది. మాజీ నంబర్‌వన్‌ జంకోవిచ్‌తో జరిగిన పోరులో క్విటోవా తన అనుభవాన్నంతా రంగరించి పోరాడి గెలిచింది. 90 నిమిషాలపాటు జరిగిన ఈ మ్యాచ్‌లో క్విటోవా ఐదు డబుల్‌ ఫాల్ట్‌లు చేసింది. 28 విన్నర్స్‌ కొట్టిన ఈ చెక్‌ స్టార్‌ 31 అనవసర తప్పిదాలు చేసింది. అయితే కీలకదశలో జంకోవిచ్‌ సర్వీస్‌లను బ్రేక్‌ చేయడంద్వారా క్విటోవా మ్యాచ్‌ ఫలితాన్ని శాసించింది.
 
 ఇతర తొలి రౌండ్‌ మ్యాచ్‌ల్లో సోఫియా కెనిన్‌ (అమెరికా) 7–5, 7–5తో 32వ సీడ్‌ లారెన్‌ డేవిస్‌ (అమెరికా)పై, క్రిస్టినా ప్లిస్కోవా (చెక్‌ రిపబ్లిక్‌) 6–2, 6–2తో ఎగుచి (జపాన్‌)పై, అలైజ్‌ కార్నెట్‌ (ఫ్రాన్స్‌) 6–4, 6–4తో హీతెర్‌ వాట్సన్‌ (బ్రిటన్‌)పై, మగ్దలీనా రిబరికోవా (స్లొవేకియా) 6–3, 6–4తో కామిల్లా గియోర్గి (ఇటలీ)పై గెలిచి రెండో రౌండ్‌కు చేరుకున్నారు.
 
 పురుషుల సింగిల్స్‌ విభాగంలో 32వ సీడ్‌ రాబిన్‌ హాస్‌ (నెదర్లాండ్స్‌) తొలి రౌండ్‌లోనే ఇంటిముఖం పట్టాడు. కైల్‌ ఎడ్మండ్‌ (బ్రిటన్‌) 6–3, 7–5, 6–3తో హాస్‌ను బోల్తా కొట్టించాడు. ఇతర మ్యాచ్‌ల్లో 12వ సీడ్‌ పాబ్లో కరెనో బుస్టా (స్పెయిన్‌) 6–3, 6–2, 7–6 (7/5)తో ఇవాన్‌ కింగ్‌ (అమెరికా)పై నెగ్గగా... కామెరూన్‌ నోరి (బ్రిటన్‌) 7–6 (9/7), 6–1తో ఆధిక్యంలో ఉండగా అతని ప్రత్యర్థి తుర్సునోవ్‌ గాయం కారణంగా వైదొలిగాడు.  
 
 నాలుగో సీడ్‌గా సానియా జంట
 మహిళల డబుల్స్‌ విభాగంలో సానియా మీర్జా (భారత్‌)–షుయె పెంగ్‌ (చైనా) జోడీకి నాలుగో సీడ్‌ లభించింది. తొలి రౌండ్‌లో ఈ జంట పెట్రా మార్టిక్‌–డోనా వెకిక్‌ (క్రొయేషియా)లతో తలపడుతుంది. పురుషుల డబుల్స్‌లో రోహన్‌ బోపన్న (భారత్‌)–పాబ్లో క్యువాస్‌ (ఉరుగ్వే) జోడీకి పదో సీడింగ్‌ దక్కింది. తొలి రౌండ్‌లో ఈ ద్వయం బ్రాడ్లీ క్లాన్‌–స్కాట్‌ లిప్‌స్కీ (అమెరికా) జంటతో ఆడుతుంది. 


 
  
 టెన్నిస్‌ సంచలనం సెరెనా విలియమ్స్‌ (35) తల్లి కాబోతున్న సంగతి తెలిసిందే.  23 గ్లాండ్ స్లామ్‌లను గెలుచుకుని ప్రపంచంలోనే గ్రేటెస్ట్ అథ్లెట్లలో ఒకరిగా గుర్తింపు తెచ్చుకున్న సెరెనా  తన ప్రెగ్నెసీని  బాగా  ఎంజాయ్‌ చేస్తున్నారు.   తాజాగా  నెలల గర్భంతో వర్క్‌ అవుట్‌ చేస్తున్న వీడయో ఒకటి సోషల్‌ మీడియాలో పోస్ట్‌ చేశారు. ఎన్నో కష‍్టనష్టాలు, వివక్షను ఎదుర్కొని అటు ఆదాయంలోనూ, ఇటు టెన్నిస్‌ ర్యాంకింగ్‌లోనూ పటిష్టంగా నిలబడిన సెరీనా జిమ్‌లో కసరత్తు చేస్తున్న ఈ వీడియో చూస్తే స్టిల్‌ గోయింగ్‌ స్ట్రాంగ్‌ అని అనిపించకమానదు.  
  కాగా రెడిట్‌ కో ఫౌండర్ అలెక్సిస్‌ ఒహానియన్‌తో సెరెనా ఎంగేజ్‌మెంట్‌ చేసుకున్నారు.  గత నెలలో వానిటీ మ్యాగజైన్‌ ఆగస్టు సంచికకు కోసం సెరెనా విలియమ్స్ నగ్నంగా ఫోజులిచ్చింది. ఈ ఫోటోలు సోషల్ మీడియాలో వైరల్ అయిన సంగతి తెలిసిందే.