సాక్షి, హైదరాబాద్‌: జిల్లా కాంగ్రెస్‌ కమిటీ (డీసీసీ)లు ఇకపై బలోపేతం కానున్నాయి. పార్టీ జిల్లా అధ్యక్షులకు అధిక ప్రాధాన్యత లభించనుంది. నామినేటెడ్‌ పదవుల భర్తీ ప్రక్రియ మొదలు స్థానిక సంస్థలు, అసెంబ్లీ, లోక్‌సభ టికెట్ల కేటాయింపులోనూ డీసీసీ అధ్యక్షులను భాగస్వాములను చేయాలని రాష్ట్ర వ్యవహారాల ఇన్‌చార్జి మీనాక్షి నటరాజన్‌ భావిస్తున్నారు. ఈ మేరకు ఆమె చేసిన ప్రతిపాదనకు ఏఐసీసీ కూడా గ్రీన్‌సిగ్నల్‌ ఇచ్చినట్టు సమాచారం. లోక్‌సభ టికెట్ల కేటాయింపు కోసం ఏఐసీసీ ఏర్పాటు చేసే సెంట్రల్‌ ఎలక్షన్‌ కమిటీ (సీఈసీ) తరహాలోనే రాష్ట్ర స్థాయిలో టికెట్ల కేటాయింపు కోసం ఏర్పాటు చేసే కమిటీల్లో డీసీసీ అధ్యక్షులను నియమించాలని ఆమె ప్రతిపాదించినట్టు తెలుస్తోంది. సిఫారసులు, లాబీయింగ్‌కు చెల్లుచీటీ రాష్ట్ర కాంగ్రెస్‌ పార్టీలో సంస్థాగతంగా భారీ మార్పులు జరిగే అవకాశాలు కనిపిస్తున్నాయి. ఇప్పటివరకు ప్రధాన నాయకుల సిఫారసు, లాబీయింగ్‌ ప్రాతిపదికన జరుగుతున్న జిల్లా కాంగ్రెస్‌ కమిటీ (డీసీసీ) అధ్యక్షుల నియామక ప్రక్రియ ఇకపై పూర్తిగా మారిపోనుంది. మీనాక్షి నటరాజన్‌ మార్కు డీసీసీ అధ్యక్షుల నియామకాల్లో కనిపించనుందనే చర్చ గాందీభవన్‌ వర్గాల్లో జరుగుతోంది. పార్టీలో జిల్లా, బ్లాక్, మండల కాంగ్రెస్‌ అధ్యక్ష పదవులు కీలకమైనందున పీసీసీ అధ్యక్షుడి పర్యవేక్షణలో ఈ మూడు స్థాయిల్లోని పదవులను పకడ్బందీగా భర్తీ చేయాలని ఆమె యోచిస్తున్నట్టు సమాచారం. ముఖ్యంగా డీసీసీ అధ్యక్షుల నియామకంలో సిఫారసులకు కాకుండా స్థానిక నాయకత్వం అభిప్రాయాలకు ప్రాధాన్యతనివ్వాలని పార్టీ ఇన్‌చార్జి భావిస్తున్నారు. అందులో భాగంగా డీసీసీ అధ్యక్ష పదవుల కోసం జిల్లాకు మూడు పేర్లతో ప్యానెల్‌ తయారు చేయాలని, ఆ మూడు పేర్లపై స్థానిక నాయకుల నుంచి అభిప్రాయసేకరణ జరిపి, ఎవరికి ఎక్కువ మొగ్గు కనిపిస్తే వారిని డీసీసీ అధ్యక్షులుగా నియమించాలని నిర్ణయించినట్లు తెలిసింది. ప్రస్తుత కసరత్తు నేపథ్యంలో జిల్లా అధ్యక్షుల నియామకానికి కొంత సమయం పడుతుందని గాంధీభవన్‌ వర్గాలంటున్నాయి. త్వరలో టీపీసీసీ కార్యవర్గం! ఎప్పుడెప్పుడా అని ఎదురుచూస్తున్న టీపీసీసీ కార్యవర్గం కూడా త్వరలోనే వస్తుందని తెలుస్తోంది. ప్రస్తుతానికి పీసీసీకి నలుగురు వర్కింగ్‌ ప్రెసిడెంట్లు, 20 మంది వరకు ఉపాధ్యక్షులను నియమిస్తారని, ప్రధాన కార్యదర్శులతో పాటు కార్యదర్శులు, అధికార ప్రతినిధులు తదితర పదవులు ఆ తర్వాత ప్రకటిస్తారని సమాచారం. వాస్తవానికి దీపాదాస్‌ మున్షీ ఇన్‌చార్జిగా ఉన్నప్పుడే పీసీసీ కార్యవర్గంపై కసరత్తు జరిగింది. సీఎం రేవంత్‌రెడ్డి, డిప్యూటీ సీఎం భట్టి విక్రమార్క, సీనియర్‌ మంత్రి ఉత్తమ్‌కుమార్‌రెడ్డి, టీపీసీసీ అధ్యక్షుడు మహేశ్‌కుమార్‌గౌడ్‌లు మున్షీతో భేటీ అయి టీపీసీసీ కార్యవర్గం కోసం కొంత కసరత్తు చేశారు. అయితే మీనాక్షి బాధ్యతలు తీసుకున్న తర్వాత ఈ జాబితాను పూర్తిగా పక్కన పెట్టారని, పార్టీలో సీనియార్టీ, గతంలో నిర్వహించిన పదవుల ప్రాతిపదికన ఆమె జిల్లాల వారీగా జాబితాను తయారు చేస్తున్నట్టు సమాచారం. నెలాఖరుకు కొత్త కార్యవర్గాన్ని ప్రకటిస్తారని తెలుస్తోంది. మంత్రివర్గ విస్తరణకూ మోక్షం? రాష్ట్రంలో చాలా కాలంగా పెండింగ్‌లో ఉన్న మంత్రివర్గ విస్తరణ అంశాన్ని కూడా పరిష్కరించాలని ఏఐసీసీ నిర్ణయించింది. ఇందుకోసం పలుమార్లు రాష్ట్ర నాయకత్వంతో చర్చలు జరిపిన ఢిల్లీ పెద్దలు ఓ అభిప్రాయానికి వచ్చారని, సామాజిక కోణంలో ఐదు లేదా ఆరు బెర్తులు భర్తీ చేసే విధంగా త్వరలోనే గ్రీన్‌సిగ్నల్‌ వస్తుందని గాం«దీభవన్‌ వర్గాలంటున్నాయి. అంతా సవ్యంగా జరిగితే నెలాఖరులోపు మంత్రివర్గ విస్తరణ ఉంటుందని సమాచారం. అదేవిధంగా పెండింగ్‌లో ఉన్న నామినేటెడ్‌ పదవుల జాబితాకు కూడా క్లియరెన్స్‌ ఇప్పించేందుకు మీనాక్షి తన వంతు ప్రయత్నాలు చేస్తున్నారు.

సాక్షి, అమరావతి: నామి­నేటెడ్‌ పదవుల కోసం ఇప్పటికీ కొందరు ఎమ్మె­ల్యేలు వారి నియోజకవర్గాల నుంచి పేర్లను ఇ­వ్వ­లేదని ముఖ్యమంత్రి చంద్రబాబు తెలిపారు. ఎమ్మెల్యేలు ఆలస్యం చేయడం వల్లే పోస్టులు భర్తీ చేయలేకపోయా­మని తెలిపారు. నామినేటెడ్‌ పదవుల కోసం పార్టీ కోసం కష్టపడిన నేతల వివరాలను వీలైనంత త్వరగా పంపించాలని సూచించారు. ఆ­యన శుక్రవారం ఉండవల్లిలోని తన నివాసం నుంచి పార్టీ నేతలు, కార్యకర్తలతో టెలీకాన్ఫరెన్స్‌లో మాట్లాడారు. 21 ప్రధాన దేవాలయాలకు చైర్మన్ల నియామకానికి 60 వేల దరఖాస్తులు వచ్చాయని, వాటని నిశితంగా పరిశీలిస్తున్నామని చెప్పారు. మంత్రులు జిల్లాలకు వెళ్లే సమయంలో జిల్లా కోఆర్డినేటర్లు, ఎమ్మెల్యేలు, ఎంపీలకు సమాచారం ఇవ్వాలని చెప్పారు. పీఎం సూర్యఘర్‌ పథకాన్ని ప్రతి గ్రామంలో అమలు చేసేందుకు ఎమ్మెల్యేలు, నేతలు చొరవ తీసుకోవాలని చెప్పారు.

సాక్షి, హైదరాబాద్‌: తెలంగాణ కాంగ్రెస్‌లో కీలక పరిణామం చోటు చేసుకుంది. కాంగ్రెస్‌ రాష్ట్ర వ్యవహారాల ఇన్‌ఛార్జ్‌ మీనాక్షి నటరాజన్‌ సంచలన నిర్ణయం తీసుకున్నారు. నామినేటెడ్‌ పదవులపై కసరత్తు ప్రారంభించిన మీనాక్షి.. పార్టీలో నేతలను మూడు కేటగిరీలుగా విభజించారు. మొదటి నుంచి కాంగ్రెస్‌లోనే ఉన్న వాళ్లు ఒక గ్రూపు, ఎన్నికలకు ముందు ఇతర పార్టీల నుంచి వచ్చిన వారు రెండో గ్రూపు, అధికారంలోకి వచ్చాక పార్టీలో చేరిన వారని మూడో గ్రూప్‌గా విభజించారు.పార్టీ పదవులు.. నామినేటెడ్‌ పదవుల భర్తీలో కేటగిరీల వారీగా ప్రాధాన్యత ఇవ్వనున్నట్లు సమాచారం. పదేళ్లు పార్టీలో ఉన్నవారి లిస్ట్‌ కోరిన ఇన్‌చార్జ్‌ మీనాక్షి. మొదటి నుంచి పార్టీలో ఉన్నవారికే ప్రాధాన్యత ఇవ్వనున్నట్లు తెలిసింది.కాగా, రాష్ట్ర కాంగ్రెస్‌ కాంగ్రెస్‌ పనితీరుపై ఇన్‌ఛార్జ్‌ మీనాక్షి నటరాజన్‌ వరుస సమీక్షలు నిర్వహిస్తున్నారు. లోక్‌సభ నియోజకవర్గాల వారీగా నిన్న(మంగళవారం) మెదక్, మల్కాజ్‌గిరి స్థానాల పరిధిలోని పార్టీ నేతలతో ఆమె విడివిడిగా సమావేశమయ్యారు. ఇవాళ ఆదిలాబాద్‌ నేతలతో సమీక్ష నిర్వహించారు. ‘‘ఎవరి పనితీరు ఎంటో నాకు తెలుసు. ఎవరు పనిచేస్తున్నారో, ఎవరు నటిస్తున్నారో తెలుసు. పార్టీ కోసం సమయం కేటాయించాలి. అంతర్గత విషయాలు బయట చర్చించొద్దు’’ అంటూ మీనాక్షి నటరాజన్‌ మరోసారి వార్నింగ్‌ ఇచ్చారు.

సాక్షి, హైదరాబాద్‌: పార్టీ, ప్రభుత్వ పదవుల భర్తీ ప్రక్రియ టీపీసీసీకి కత్తిమీద సాములా మారింది. కాంగ్రెస్‌ వర్కింగ్‌ ప్రెసిడెంట్లు, ఉపాధ్యక్షులు, ప్రధాన కార్యదర్శులు, జిల్లా పార్టీ అధ్యక్షులు, కార్పొరేషన్ల చైర్మన్లు, కమిషన్ల సభ్యులు, ఏఐసీసీ కార్యదర్శులు, ఎమ్మెల్సీ పదవులకు సమర్థుల కోసం ఏఐసీసీ, పీసీసీ అన్వేషిస్తున్నాయి. పార్టీ కార్యవర్గంతో పాటు నామినేటెడ్‌ పోస్టులను ఈ నెలాఖరు నాటికి భర్తీ చేయాలన్న ఏఐసీసీ ఆదేశాల మేరకు టీపీసీసీ కసరత్తు ముమ్మరం చేసింది. జంబో కార్యవర్గం.. ఈసారి టీపీసీసీ కార్యవర్గాన్ని ఆచితూచి ఎంపిక చేయాలని ఏఐసీసీ, టీపీసీసీ భావిస్తున్నాయి. పీసీ సీకి నలుగురు వర్కింగ్‌ ప్రెసిడెంట్లను నియమిస్తా రని తెలుస్తోంది. పీసీసీ అధ్యక్షుడిగా బీసీ నేత ఉన్నందున, రెడ్డి సామాజిక వర్గానికి వర్కింగ్‌ ప్రెసిడెంట్‌ (ఆర్గనైజేషన్‌) ఇస్తారని, మరో మూడు వర్కింగ్‌ ప్రెసిడెంట్‌ పదవులు ఎస్సీ, ఎస్టీ, బీసీ వర్గాల నేతలకు ఇస్తారనే చర్చ జరుగుతోంది. వీటి తో పాటు ప్రతి పార్లమెంటు నియోజకవర్గానికి ఒక వైస్‌ ప్రెసిడెంట్‌ పదవి, ప్రతి జిల్లాకు ఇద్దరు ప్రధాన కార్యదర్శులను నియమించాలని నిర్ణయించారు. పార్టీ అధికార ప్రతినిధులుగా మరో 10 మంది, పీసీసీ కార్యదర్శులుగా 50 మందిని నియమించే అవకాశాలున్నాయి. ఇవన్నీ కలిపి దాదాపు 200 వరకు పెరిగి పీసీసీ జంబో కార్యవర్గం ఉండవచ్చని అంచనా. ఈ పదవుల భర్తీపై ఇప్పటికే రెండు సార్లు సీఎం రేవంత్‌రెడ్డి, పీసీసీ చీఫ్‌ మహేశ్‌కుమార్‌గౌడ్, పార్టీ రాష్ట్ర వ్యవహారాల ఇన్‌చార్జి దీపాదాస్‌ మున్షీలు భేటీ అయ్యారు. దాదాపు 10 జిల్లాలకు ఎమ్మెల్యేలే పార్టీ అధ్యక్షులుగా ఉన్నా రు. వీరిలో కొందరిని తప్పించి, సమర్థులైన మరికొందరు ఎమ్మెల్యేలను డీసీసీ అధ్యక్షులుగా నియమించాలని భావిస్తున్నారు. నామినేటెడ్‌ పోస్టులపై ఆచితూచి.. నామినేటెడ్‌ పోస్టుల భర్తీ కూడా గత ఎనిమిది నెలలుగా వాయిదా పడుతూ వస్తోంది. పార్లమెంటు ఎన్నికలకు ముందు 33 కార్పొరేషన్లకు చైర్మన్లను నియమించారు. మరో 40 వరకు కార్పొరేషన్‌ పదవులు ఖాళీగా ఉన్నట్టు సమాచారం. వీటితో పాటు పలు కమిషన్లలో మరో 30 మంది వరకు అవకాశం కల్పించవచ్చు.అంటే 70 వరకు పదవులు ఇవ్వొ చ్చని ప్రచారం జరుగుతోంది. వీటికి ఆయా కార్పొరేషన్ల డైరెక్టర్ల పోస్టులను కలిపితే వందల సంఖ్యలో ఉంటాయి. ఈ పోస్టుల భర్తీపై సామాజిక, ప్రాంతీయ సమీకరణల కసరత్తు ఎటూ తేలకపోవడంతో ఇప్పటికే పలుమార్లు ఈ ప్రక్రియ వాయిదా పడింది. ఎమ్మెల్సీ హడావుడికాంగ్రెస్‌ పార్టీలో ఇప్పుడు ఎమ్మెల్సీ హడావుడి కనిపిస్తోంది. మార్చి నాటికి 8 ఎమ్మెల్సీలు పదవీ విరమణ చేస్తారు. వీటిలో మెజారిటీ సీట్లు దక్కించుకునేందుకు కాంగ్రెస్‌ వ్యూహాలు రచిస్తోంది. కరీంనగర్‌–నిజామాబాద్‌–ఆదిలాబాద్‌–మెదక్‌ పట్టభద్రుల స్థానం నుంచి పోటీకి ఆల్ఫోర్స్‌ నరేందర్‌రెడ్డి, ముస్కు రమణారెడ్డి, ముదనం గంగాధర్, హరికృష్ణ, వెల్చాల రాజేందర్‌ పేర్లు రేసులో వినిపిస్తున్నాయి. రెండు టీచర్‌ ఎమ్మెల్సీల విషయంలో మిత్రపక్ష ఉపాధ్యాయ సంఘాలకు మద్దతిచ్చే ఆలోచనలో కాంగ్రెస్‌ ఉంది. ఎమ్మెల్యే కోటాలో ఎమ్మెల్సీల్లో మూడు పదవులు నికరంగా కాంగ్రెస్‌కు రానున్నాయి. ఈ కోటాలో ప్రస్తుత ఎమ్మెల్సీ టి. జీవన్‌రెడ్డికి మళ్లీ అవకాశం వస్తుందని చెబుతున్నారు. సీఎం రేవంత్‌రెడ్డి విదేశీ పర్యటన అనంతరం ఇతర పోస్టులపై స్పష్టత వస్తుందని, నెలాఖరు కల్లా అధికారికంగా ప్రకటిస్తారని తెలుస్తోంది.

సాక్షి, అమరావతి: ముఖ్యమంత్రి చంద్ర­బాబు పద­వుల పంపిణీ చేస్తున్న తీరుపై తెలుగుదేశం పార్టీలో అసహనం వ్యక్త­మ­వుతోంది. ఎన్నో లెక్కలు వేసి, సమీ­క­రణలు చూసి పార్టీ నేతలకు పదవులు ఇస్తు­న్నట్లు పైకి చెబుతున్నా నేతలు మాత్రం అసంతృప్తితో రగిలిపోతున్నారు. నామినేటెడ్‌ పదవులు, టీటీడీ బోర్డు సభ్యులు, విప్‌ల నియామకంపై సీని­యర్లు పెదవి విరుస్తు­న్నారు. సీనియారిటీ, పార్టీలో చేసిన పని గురించి పట్టించుకో­కుండా తమకు నచ్చిన వారికే పదవులు ఇస్తున్నారనే అభిప్రా­యం అన్ని స్థాయిల్లోనూ వినిపిస్తోంది. రెండు విడతలుగా నియమించిన సుమారు 80 కార్పొరేషన్‌ చైర్మన్ల పదవుల పంపకంపై పార్టీలో తీవ్ర చర్చ జరుగుతోంది. పార్టీ కోసం పని­చేసిన వారికన్నా లాబీయింగ్‌ చేసే వారికే ప్రాధాన్యత ఇస్తున్నట్లు నేతలు వాపోతున్నారు. లాబీయిస్టులకే పదవులు..పార్టీ ఆఫీసులో తిష్టవేసి లాబీయింగ్‌ చేసేవాళ్లు, క్షేత్రస్థాయిలో అసలు ఎప్పుడూ తిరగని వారికే మంచి పదవులు వచ్చాయనే ఆందోళన ఎక్కువమంది నేతల్లో వ్యక్తమవుతోంది. కొమ్మారెడ్డి పట్టా­భిరాం, ఆనం వెంకటరమణారెడ్డి, నీలాయపాలెం విజయ్‌కుమార్, గోనుగుంట్ల కోటేశ్వరరావు తదితరులకు ఈ కోవలోనే పదవులు దక్కినట్లు బహిరంగంగానే విమర్శలు గుప్పిస్తు­న్నారు. టీటీడీ బోర్డు సభ్యుల పదవుల్లోనూ సీనియర్లను పక్కన పెట్టారనే ఆందోళన నెలకొంది. నంద్యాలకు చెందిన రౌడీషీటర్‌ మల్లెల రాజశేఖర్‌ను బోర్డు సభ్యునిగా నియమించడంపై స్థానికంగా దుమారం చెలరేగింది. అతనికి పదవి ఇవ్వడాన్ని వ్యతిరేకిస్తూ నంద్యాల నేతలు ఏకంగా చంద్రబాబుకు ఫిర్యాదు చేశారు. అయినా ఆయన పదవి పదిలంగానే ఉండడం విశేషం.సీనియర్లకు ఝలక్‌.. జూనియర్లకు విప్‌ పదవులు..మరోవైపు.. ఇటీవల నియమించిన శాసనసభ, శాసన మండలి చీఫ్‌విప్‌లు, విప్‌ల నియామకంపైనా ఎమ్మెల్యేల్లో అసంతృప్తి వ్యక్తమవుతోంది. శాసనసభ చీఫ్‌విప్‌గా తనకు అవకాశం దక్కుతుందని సీనియర్‌ ఎమ్మెల్యే ధూళిపాళ నరేంద్ర ఆశలు పెట్టుకున్నారు. మంత్రి పదవి ఎలాగూ ఇవ్వలేదు కనీసం ఈ పద­వైనా ఇస్తారని ఆయన వర్గం ఎన్నో ఆశలు పెట్టుకుంది. కానీ, ఆయన్ను కాదని వినుకొండ ఎమ్మెల్యే జీవీ ఆంజనేయులికి ఆ పదవి కట్టబెట్టడంతో నరేంద్ర రగిలిపోతున్నారు. భారీ సంఖ్యలో టీడీపీ తరఫున 11 మందికి విప్‌ పదవులు ఇచ్చినా చాలావరకూ జూనియర్లకే అవకాశం ఇవ్వడంతో సీనియర్లు నోరు విప్పలేక మిన్నకుండిపోయారు. ఇక తొలిసారి ఎమ్మె­ల్యేలుగా గెలిచిన యనమల దివ్య, రెడ్డప్పగారి మాధవి, యార్లగడ్డ వెంకట్రావు, వి. థామస్‌ తదిత­రులకు విప్‌లు ఇచ్చి తమను అవమానించారంటూ ప్రత్తిపాటి పుల్లారావు, గంటా శ్రీనివాసరావు, కళా వెం­క­ట్రావు, పరిటాల సునీత, గోరంట్ల బుచ్చయ్య­చౌదరి, జ్యోతుల నెహ్రూ, చింతమనేని ప్రభాకర్‌ వంటి నేతలు ఆవేదనలో మునిగిపోయారు.సీట్లు వదులుకున్న సీనియర్లలో అసంతృప్తిగత ఎన్నికల్లో సీట్లు వదులుకున్న ఎస్‌వీఎస్‌­ఎన్‌ వర్మ, దేవినేని ఉమామహేశ్వరరావు, కొ­మ్మాలపాటి శ్రీధర్, జితేంద్ర­గౌడ్, ప్రభాకర చౌదరి, కేఏ నాయుడు, బూరుగు­పల్లి శేషా­రావు, గన్ని వీరాంజనేయులు తదితరులకు రెండు విడతలుగా ప్రకటించిన నామినేటెడ్‌ పోస్టుల్లో నిరాశే ఎదురైంది. ఉదా..» పవన్‌కళ్యాణ్‌ కోసం పిఠాపురం సీటు వదు­లు­కున్న వర్మకు తొలిదశలోనే మంచి పదవి వస్తుందని అందరూ భావించారు. చంద్రబాబు, లోకేశ్‌ కూడా ఆయనకు ప్రాధాన్యత ఇస్తామని హామీ ఇచ్చి ఎన్నికల్లో పనిచేయించారు. కానీ, ఆయన్ను పట్టించుకునే వారే లేరని చెబుతున్నారు. » ఎన్డీఆర్‌ జిల్లా మైలవరం సీటు త్యాగంచే­సిన మాజీ­మంత్రి దేవినేని ఉమామ­హేశ్వ­ర­రా­వు పరిస్థితి కూడా దయనీయంగా మారింది. పార్టీలో అత్యంత సీనియ­ర్‌గా ఉండి ఇప్పుడు ఆయన కనీస ప్రాధాన్యానికి నోచుకో­లేకపోతు­న్నారు. జిల్లాలో ఆయన్ను వ్యతిరేకించి సుదీర్ఘ­కా­లం రాజకీయాలు చేసిన కేపీ సారథి టీడీపీలో చేరి మంత్రి కాగా, పక్కలో బల్లెంలా మారి తన సీటును ఎగరేసుకుపోయి గెలిచిన వసంత కృష్ణప్రసాద్‌కి గౌరవం దక్కుతుండడంతో దేవినేని ఉమ అసంతృప్తితో రగిలిపోతు­న్నారు. రెండు విడతల నామి­నేటెడ్‌ పోస్టుల్లో ఆయన్ను చంద్రబాబు పట్టించుకోలేదు. » అనంతపురం అర్బన్‌ సీటును కొత్తగా వచ్చిన వారికి ఇవ్వడంతో ప్రభాకర్‌ చౌదరి, చివర్లో జంప్‌ జిలానీలా వచ్చిన నేత గుంతకల్‌ సీటు తన్నుకుపోవడంతో జితేంద్రగౌడ్‌ వంటి వారికి పదవుల పంపకంలో న్యాయం జరగలేదని పార్టీ నేతలు చెబుతున్నారు. » ఇక అధికారంలో లేనప్పుడు ఎంత కష్టపడినా ఇప్పుడు గుర్తింపు దక్కడంలేదని, కనీసం తమను పట్టించుకో­వడంలేదని బుద్ధా వెంకన్న వంటి నేతలు వాపోతున్నారు.

సాక్షి, అమరావతి: రెండో విడత నామినేటెడ్‌ పదవుల్లోనూ మిత్రపక్షాలైన జనసేన, బీజేపీకి చంద్రబాబు ఝలక్‌ ఇచ్చారు. కంటి తుడుపుగా ఇచ్చామంటే ఇచ్చామన్నట్లుగా పదవులు ఇచ్చారు. చంద్రబాబు కూటమి ప్రభుత్వం రెండో దఫా 59 నామినేటెడ్‌ పదవులను ప్రకటించింది. వీటిలో రెండు సలహాదారుల పదవులు ఉన్నాయి. ఏ పార్టీతో సంబంధం లేని ప్రముఖ ప్రవచనకర్త చాగంటి కోటేశ్వరరావుకు సలహాదారు పదవి ఇచ్చారు. ఆయనకు విద్యార్థులకు నైతిక విలువలు బోధించే పదవిని ఇచ్చారు. మిగిలిన 58 పదవుల్లో జనసేనకు దక్కింది 9 మాత్రమే. బీజేపీకి రెండే పదవులు ఇచ్చారు.ఓ సలహాదారు పదవి సహా మిగిలినవన్నీ టీడీపీకే. మొదటి విడత ప్రకటించిన 20 కార్పొరేషన్లలోనూ కేవలం మూడు జనసేనకు, ఒకటి బీజేపీకి ఇచ్చి అవమానించారు. వీటితో సంబంధం లేకుండా టీటీడీ ఛైర్మన్‌ పదవిని చంద్రబాబు తన ఇష్ట్రపకారం భర్తీ చేసుకున్నారు. ఇప్పుడు రెండో విడతలో 58 పదవులు ప్రకటించినా, అంతకంటే ఘోరంగా జనసేన, బీజేపీకి నామమాత్రంగా.. అదీ కూడా అసలు ప్రాధాన్యత లేని పదవులు ఇచ్చారని ఆ పార్టీల నేతలు వాపోతున్నారు. కీలకమైన, ప్రాధాన్యం ఉన్న పదవులన్నీ టీడీపీ నేతలకే కట్టబెట్టారు. టీడీపీ సీనియర్‌ నాయకుడు ఎంఏ షరీఫ్‌ను రాష్ట్ర ప్రభుత్వ సలహాదారుగా నియమించి కేబినెట్‌ ర్యాంకు ఇచ్చారు. మిగిలిన 57 మందిని ప్రభుత్వం వివిధ కార్పొరేషన్లు, సంస్థలకు చైర్‌పర్సన్లుగా నియమించింది. వీటిలో 18 కుల కార్పొరేషన్లు, 13 అర్బన్‌ డెవలప్‌మెంట్‌ అథారిటీలు ఉన్నాయి. పలువురు మాజీ మంత్రులు, మాజీ ఎమ్మెల్యేలు, గత ఎన్నికల్లో టికెట్టు దక్కని నేతలకు ఈ జాబితాలో అవకాశం కల్పించారు.రెండోదఫా నామినేటెడ్‌ పదవులు సలహాదారులు 1. మహమ్మద్‌ షరీఫ్‌ – మైనారిటీ వ్యవహారాలు 2. చాగంటి కోటేశ్వరరావు – స్టూడెంట్స్‌ ఎథిక్స్‌ అండ్‌ వాల్యూస్‌ వివిధ సంస్థల చైర్మన్లు 1. కుడిపూడి సత్తిబాబు – ఏపీ శెట్టి బలిజ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 2. మాల సురేంద్ర – ఏపీ గవర వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 3. రోణంకి కృష్ణంనాయుడు – ఏపీ కళింగ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 4. పీవీజీ కుమార్‌ – ఏపీ కొప్పుల వెలమ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 5. దేవేంద్రప్ప – ఏపీ కురుబ – కురుమ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 6. ఆర్‌ సదాశివ – ఏపీ నాయీబ్రాహ్మణ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 7. సావిత్రి – ఏపీ రజక వెల్ఫేర్‌ అండ్‌ డెవలప్‌మెంట్‌ కార్పొరేషన్‌ (బీజేపీ) 8. పాలవలస యశస్వి – ఏపీ తూర్పు కాపు వెల్ఫేర్‌ అండ్‌ డెవలప్‌మెంట్‌ కార్పొరేషన్‌ (జనసేన) 9. కప్పట్రాల సుశీలమ్మ – ఏపీ వాల్మీకి – బోయ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 10. సీఆర్‌ రాజన్‌ – ఏపీ వన్యకుల క్షత్రియ కోఆపరేటివ్‌ ఫైనాన్స్‌ కార్పొరేషన్‌ 11. నరసింహ యాదవ్‌ – ఏపీ యాదవ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 12. చిలకలపూడి పాపారావు – ఏపీ అగి్నకుల క్షత్రియ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ (జనసేన) 13. వీరంకి వెంకట గురుమూర్తి – ఏపీ గౌడ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 14. గండి బాబ్జి – ఏపీ కోఆపరేటివ్‌ ఆయిల్‌ సీడ్స్‌ గ్రోవర్స్‌ ఫెడరేషన్‌ 15. మంజులారెడ్డి రెంటచింతల – ఏపీ శిల్పారామం ఆర్ట్స్, క్రాఫ్టŠస్‌ అండ్‌ కల్చరల్‌ సొసైటీ 16. నీలాయపాలెం విజయ్‌కుమార్‌ – ఏపీ స్టేట్‌ బయో డైవర్సిటీ బోర్డు 17. జీవీ రెడ్డి – ఏపీ స్టేట్‌ ఫైబర్‌నెట్‌ లిమిటెడ్‌ 18. మన్నవ మోహన్‌కృష్ణ – ఏపీ టెక్నాలజీ సర్వీసెస్‌ లిమిటెడ్‌ 19. తేజస్వి – ఏపీ కల్చరల్‌ కమిషన్‌ 20. పోలంరెడ్డి దినే‹Ùరెడ్డి – ఏపీ ఎని్వరాన్మెంట్‌ మేనేజ్‌మెంట్‌ కార్పొరేషన్‌ 21. సుజయ్‌కృష్ణ రంగారావు – ఏపీ ఫారెస్ట్‌ డెవలప్‌మెంట్‌ కార్పొరేషన్‌ 22. గోనుగుంట్ల కోటేశ్వరరావు – ఏపీ గ్రంధాలయ పరిషత్‌ 23. డేగల ప్రభాకర్‌ – ఏపీ ఇండ్రస్టియల్‌ డెవలప్‌మెంట్‌ కార్పొరేషన్‌ 24. కేకే చౌదరి – ఏపీ ఖాదీ అండ్‌ ఇండస్ట్రీస్‌ బోర్డు 25. చిల్లపల్లి శ్రీనివాసరావు – ఏపీ మెడికల్‌ సర్వీసెస్‌ ఇన్‌ఫ్రాస్ట్రక్చర్‌ డెవలప్‌మెంట్‌ కార్పొరేషన్‌ (జనసేన ) 26. ప్రగడ నాగేశ్వరరావు – ఏపీ రోడ్‌ డెవలప్‌మెంట్‌ కార్పొరేషన్‌ 27. మర్రెడ్డి శ్రీనివాసరెడ్డి – ఏపీ స్టేట్‌ అగ్రికల్చర్‌ మిషన్‌ 28. ఆనం వెంకట రమణారెడ్డి – ఏపీ స్టేట్‌ ఆక్వా కల్చర్‌ డెవలప్‌మెంట్‌ అథారిటీ 29. రఘురామరాజు – ఏపీ స్టేట్‌ బిల్డింగ్‌ అండ్‌ అదర్‌ కన్సస్ట్రక్షన్‌ వర్కర్స్‌ అడ్వైజరీ కమిటీ 30. సావల దేవదత్‌ – ఏపీ స్టేట్‌ ఆర్గానిక్‌ ప్రొడక్టŠస్‌ సర్టిఫికేషన్‌ అథారిటీ 31. రావి వెంకటేశ్వరరావు – ఏపీ స్టేట్‌ వేర్‌ హౌసింగ్‌ కార్పొరేషన్‌ 32. కావలి గ్రీష్మ – ఏపీ ఉమెన్స్‌ కోఆపరేటివ్‌ ఫైనాన్స్‌ కార్పొరేషన్‌ 33. ఏపీఎస్‌ఆర్టీసీ రీజనల్‌ బోర్డు ఛైర్మన్లు – దొన్ను దొర, రెడ్డి అప్పలనాయుడు (జనసేన), సురేష్‌ రెడ్డి (బీజేపీ), పోలా నాగరాజు 34. సజ్జా హేమలత – ఏపీ హ్యాండ్‌లూమ్‌ కోఆపరేటివ్‌ సొసైటీ 35. గుమ్మడి గోపాలకృష్ణ – ఏపీ నాటక అకాడమీ 36. సీతంరాజు సుధాకర్‌ – ఎనీ్టఆర్‌ వైద్య సేవ 37. కొమ్మారెడ్డి పట్టాభిరామ్‌ – స్వచ్ఛాంధ్ర మిషన్‌ 38. అల్లాడ స్వామినాయుడు – అమలాపురం అర్బన్‌ డెవలప్‌మెంట్‌ అథారిటీ 39. టీసీ వరుణ్‌ – అనంతపూర్‌ – హిందూపూర్‌ అర్బన్‌ డెవలప్‌మెంట్‌ అథారిటీ (జనసేన) 40. రూపానందరెడ్డి – అన్నమయ్య అర్బన్‌ డెవలప్‌మెంట్‌ అథారిటీ 41. సలగల రాజశేఖర్‌బాబు – బాపట్ల అర్బన్‌ డెవలప్‌మెంట్‌ అథారిటీ 42. తెంటు లక్ష్మీనాయుడు – బొబ్బిలి అర్బన్‌ డెవలప్‌మెంట్‌ అథారిటీ 43. కె హేమలత – చిత్తూరు అర్బన్‌ డెవలప్‌మెంట్‌ అథారిటీ 44. తుమ్మల రామస్వామి – కాకినాడ అర్బన్‌ డెవలప్‌మెంట్‌ అథారిటీ (జనసేన) 45. సోమిశెట్టి వెంకటేశ్వర్లు – కర్నూలు అర్బన్‌ డెవలప్‌మెంట్‌ అథారిటీ 46. మట్టా ప్రసాద్‌ – మచిలీపట్నం అర్బన్‌ డెవలప్‌మెంట్‌ అథారిటీ (బీజేపీ ) 47. కోటంరెడ్డి శ్రీనివాసులరెడ్డి – నెల్లూరు అర్బన్‌ డెవలప్‌మెంట్‌ అథారిటీ 48. బొడ్డు వెంకట రమణచౌదరి – రాజమండ్రి అర్బన్‌ డెవలప్‌మెంట్‌ అథారిటీ 49. కె. రవికుమార్‌ – శ్రీకాకుళం అర్బన్‌ డెవలప్‌మెంట్‌ అథారిటీ (జనసేన) 50. ప్రణవ్‌ గోపాల్‌ – విశాఖపట్నం మెట్రో రీజియన్‌ డెవలప్‌మెంట్‌ అథారిటీ 51. ముస్తాక్‌ అహ్మద్‌ – ఏపీ స్టేట్‌ మైనార్టీస్‌ ఫైనాన్స్‌ కార్పొరేషన్‌ 52. డి. రాకేష్‌ – ఏపీ ఆర్యవైశ్య వెల్ఫేర్‌ అండ్‌ డెవలప్‌మెంట్‌ కార్పొరేషన్‌ 53. వి. సూర్యనారాయణరాజు (కనకరాజు సూరి) – ఏపీ క్షత్రియ వెల్ఫేర్‌ అండ్‌ డెవలప్‌మెం ట్‌ కార్పొరేషన్‌ (జనసేన) 54. కొత్తపల్లి సుబ్బారాయుడు – ఏపీ స్టేట్‌ కాపు వెల్ఫేర్‌ అండ్‌ డెవలప్‌మెంట్‌ కార్పొరేషన్‌ (జనసేన) 55. ఉండవల్లి శ్రీదేవి – ఏపీ మాదిగ వెల్ఫేర్‌ కోఆపరేటివ్‌ ఫైనాన్స్‌ కార్పొరేషన్‌ 56. పి. విజయ్‌కుమార్‌ – ఏపీ మాల వెల్ఫేర్‌ కోఆపరేటివ్‌ ఫైనాన్స్‌ కార్పొరేషన్‌ (జనసేన ) 57. కిడారి శ్రావణ్‌ – ఏపీ గిరిజన కోఆపరేటివ్‌ కార్పొరేషన్‌

సాక్షి, అమరావతి:నామినేటెడ్‌ పదవుల పంపకంపై టీడీపీ­లో అసంతృప్తి జ్వాలలు తీవ్ర స్థాయిలో రగులుతు­న్నాయి. పార్టీ కోసం పనిచేసిన వారిని, సీనియర్లను కాదని ముఖ్య నేతల కోటరీకి దగ్గరగా ఉండే వారికి పదవులు కట్టబె­ట్టారనే ఆగ్రహం వ్యక్తమవుతోంది. తొలి దశలో భర్తీ చేసిన 21 కార్పొరేషన్లు, అందులోని ఏడు కార్పొరేషన్లలోని డైరెక్టర్‌ పదవుల భర్తీకి హేతుబద్ధత లేదని వాపోతున్నారు. హవ్వ.. డైరెక్టర్‌ పదవులిస్తారా!పలువురు మాజీ ఎమ్మెల్యేలు, గత ఎన్నికల్లో ఎంపీ, ఎమ్మెల్యే సీట్ల కోసం పోటీపడ్డ వారిని కార్పొరేషన్‌ డైరెక్టర్లుగా నియమించి పార్టీ పెద్దలు చేతులు దులిపేసు­కున్నారు. ఇది వారిని అవమానించడమేనని పార్టీలో చర్చ జరుగుతోంది. రంపచోడవరం ఎమ్మెల్యేగా పనిచేసిన వంతల రాజేశ్వరిని సివిల్‌ సప్లైస్‌ కార్పొరేషన్‌ డైరెక్టర్‌గా నియ­మించారు. ఎంపీ సీటు కోసం పోటీ పడిన గుడివాడకు చెందిన శిష్ట్లా లోహిత్‌కూ అదే కార్పొరేషన్‌లో డైరెక్టర్‌ పదవి ఇచ్చారు. విజయనగరం జిల్లాకు చెందిన మాజీ ఎమ్మెల్యే గద్దే బాబూరావును అందులోనే డైరెక్టర్‌గా నియమించారు. మూడుసార్లు ఎమ్మెల్యేగా ఎన్నికై, ఒకసారి మంత్రిగా పనిచేసిన సూళ్లూరుపేట నియోజక­వర్గానికి చెందిన పరసా వెంకటరత్నానికి ఒక కార్పొరేషన్‌లో డైరెక్టర్‌ పదవి ఇవ్వడం అవమానించడం కాకపోతే ఏమిటనే ప్రశ్నలు టీడీపీ నేతల నుంచి వినిపిస్తున్నాయి. సీట్లు వదులుకున్న వారికి మొండిచేయి గత ఎన్నికల్లో బీజేపీ, జనసేనతో పొత్తు, ఇతర సమీక­రణల వల్ల 36 మంది నేతలు సీట్లు వదులుకున్నారు. వారి­లో మంతెన రామరాజు, పీలా గోవింద సత్యనారాయణకే ఈసారి అవకాశం కల్పించారు. వీరు కాకుండా సీట్లు ఆశించి భంగపడిన నేతలు మరో 50 మంది వరకూ ఉన్నారు. వారందరికీ పదవుల పంపకంలో మొండిచేయి ఎదురైంది. మాజీ మంత్రి, టీడీపీ సీనియర్‌ నేత దేవినేని ఉమా­మహేశ్వరరావు మైలవరం సీటు వదులుకున్నా.. ఆయ­నకు ప్రాధాన్యత ఇవ్వలేదు. ఆర్టీసీ ఛైర్మన్‌ పదవి ఆయనకే ఇస్తారని ప్రచారం జరిగినా.. చివరికి జాబితాలో ఆయన పేరు లేదు. జనసేన అధ్యక్షుడు పవన్‌ కళ్యాణ్‌ పోటీ చేయ­డంతో కాకినాడ జిల్లా పిఠాపురం సీటును త్యాగం చేసిన ఎస్‌వీఎస్‌ఎన్‌ వర్మను పట్టించుకోలేదు. వాస్తవానికి ఆయ­నకు తొలి విడతలోనే ఎమ్మెల్సీగా అవకాశం కల్పించాల్సి ఉన్నా పక్కనపెట్టారు. ఇప్పుడు నామినేటెడ్‌ పదవుల్లోనూ ఆయనకు అవకాశం కల్పించలేదు.సీనియర్ల ఆశలు నెరవేరలేదుమరోవైపు కచ్చితంగా తొలి దశలోనే తమకు పదవులు వస్తాయని భావించిన కొమ్మారెడ్డి పట్టాభిరామ్, ఆనం వెంకటరమణారెడ్డి, అశోక్‌బాబు, మాల్యాద్రి, నీలాయపాలెం విజయ్‌కుమార్, బుద్దా వెంకన్న వంటి నేతలను తొలి దశలో పరిగణనలోకి తీసుకోలేదు. కొమ్మారెడ్డి పట్టాభికి సివిల్‌ సప్లైస్‌ కార్పొరేషన్‌ చైర్మన్‌ పదవి ఇస్తారని ప్రచారం జరిగినా.. అది ఆయనకు దక్కలేదు. పార్టీ కోసం తాను ఎంతో కష్టపడ్డానని తొలి దశలోనే తనకు అవకాశం దక్కుతుందని చెప్పుకున్న ఆనం వెంకటరమణారెడ్డిఇ మొండిచేయే ఎదురైంది. ఇంకా వివిధ జిల్లాల్లో అనేక మంది నేతల ఆశలు నెరవేరలేదు. దీంతో వారంతా తీవ్ర అసంతృప్తి వ్యక్తం చేస్తున్నారు. ఏ ప్రాతిపదికన నామినేటెడ్‌ పదవులను భర్తీ చేశారో చెప్పాలని సీనియర్‌ నేతలు డిమాండ్‌ చేస్తున్నారు. సీఎం తనయుడు లోకేశ్‌ కోటరీ సూచనల ప్రకారమే పదవులు కట్టబెట్టారని, ఆయన దృష్టిలో ఉన్న వారికి తప్ప మిగిలిన వారిని పక్కనపెట్టారని ఆగ్రహం వ్యక్తమవుతోంది.

ముఖ్యమంత్రి నారా చంద్రబాబు నాయుడు ప్రకటించిన నామినేటెడ్‌ పదవుల్లో ఎన్టీఆర్‌ జిల్లా నాయకులకు చోటు దక్కలేదు. పలువురు ఆశావహులకు నిరాశే మిగిలింది. మాజీ మంత్రి, టీడీపీ సీనియర్‌ నాయకుడు దేవినేని ఉమా, టీడీపీ అధికార ప్రతినిధి పట్టాభి, మాజీ ఎమ్మెల్సీ బుద్దా వెంకన్న, ఎన్టీఆర్‌ జిల్లా టీడీపీ అధ్యక్షుడు నెట్టెం రఘురాంకు నామినేటెడ్‌ పదవులు దక్కుతాయని అశించారు. అయితే వీరికి తొలి జాబితాలో చోటు దక్కకపోవడంపై పార్టీ వర్గాల్లో అసంతృప్తి సెగలు రగులుతున్నాయి.సాక్షి ప్రతినిధి, విజయవాడ: మాజీ మంత్రి దేవినేని ఉమా ఉమ్మడి కృష్ణా జిల్లాలో 2014–19 మధ్య నీటిపారుదల శాఖ మంత్రిగా చక్రం తిప్పారు. టీడీపీలో తానే నంబరు టూ అన్నంతగా బిల్డప్‌ ఇచ్చారు. పార్టీ కష్ట కాలంలో వెన్నంటే ఉండి పార్టీకి సేవలందించారు. అయితే వైఎస్సార్‌సీపీ నుంచి వసంత కృష్ణ ప్రసాద్‌ టీడీపీలో చేరడంతో, దేవినేని ఉమాకు కష్టాలు మొదలయ్యాయి. ఉమాను పక్కన పెట్టి మైలవరం ఎమ్మెల్యే సీటును వసంత కృష్ణ ప్రసాద్‌కు కేటాయించారు. ఈ నేపఽథ్యంలో పార్టీ కోసం సీటు త్యాగం చేశారన్న కోటాలో దేవినేని ఉమాకు మొదటి విడతలోనే ఆర్టీసీ చైర్మన్‌గా నామినేటెడ్‌ పదవి కేటాయిస్తారని జోరుగా ప్రచారం జరిగింది. అయితే ఎమ్మెల్యే వసంత కృష్ణ ప్రసాద్‌ లోకేష్‌ కోటరీలో ఉండటంతో పాటు, అధిష్టానం అండదండలు ఆయనకే మెండుగా ఉండటంతో ప్రస్తుతం వసంత మాటే చెల్లుబాటు అవుతోంది. నియోజకవర్గంలో కూడా తన పట్టు జారిపోతుందన్న భయంతో ఇటీవల మైలవరం నియోజకవర్గంలో వరద ప్రభావిత ప్రాంతాల్లో దేవినేని ఉమా విస్తృతంగా పర్యటించి తన పట్టు నిలుపుకొనే యత్నం చేశారు. ప్రస్తుత ఎమ్మెల్యే వసంత కృష్ణ ప్రసాద్‌, ఆదినుంచి టీడీపీ కోసం కష్టపడిన నాయకులకు ప్రాధాన్యం కల్పించకుండా, వైఎస్సార్‌ సీపీని వీడి తనతో పాటు టీడీపీలో చేరిన నాయకులకే ఎక్కువ ప్రాధాన్యం ఇస్తున్నారు. ఈ విషయంపై టీడీపీ నాయకులు బహిరంగంగానే ఆవేదన వ్యక్తం చేస్తున్నారు. ఈ అసమ్మతి నాయకులంతా దేవినేని ఉమా వైపు క్యూ కట్టడంతో తనకు రాజకీయంగా ఇబ్బంది తలెత్తే ప్రమాదం ఉందని వసంత కృష్ణ ప్రసాద్‌ భావించారు. ఈ నేపథ్యంలో దేవినేని ఉమాకు రాజకీయంగా చెక్‌ పెట్టేందుకు పావులు కదిపారు. చినబాబు లోకేష్‌ అండతో ఉమాకు నామినేటెడ్‌ పదవి రాకుండా వసంత అడ్డుకున్నారనే భావన టీడీపీ వర్గాల్లో వ్యక్తం అవుతోంది. చినబాబు సైతం సీనియర్లతో తనకు ఎప్పుడైనా ఇబ్బంది వస్తుందనే భావనతో ముందుచూపుతో పక్కన పెడుతున్నారు. ఈ నేపథ్యంలో రాజకీయంగా దేవినేని ఉమా శకం ఇక ముగిసినట్టేనని, పాపం..ఉ మా అంటూ పార్టీ వర్గాలే సానుభూతి వ్యక్తం చేస్తున్నాయి.ప్రెస్‌మీట్ల పట్టాభితెలుగుదేశం పార్టీ అధికార ప్రతినిధి పట్టాభి వివాదాస్పద ప్రెస్‌మీట్‌లతో పార్టీ అధిష్టానం దృష్టిని ఆకర్షించే ప్రయత్నం చేశారు. ఈయనకు పౌర సరఫరాల సంస్థ కార్పొరేషన్‌ చైర్మన్‌ పదవి వస్తుందని ప్రచారం జరిగింది. తీరా పదవి రాకపోవడానికి కారణం ఈయన దుందుడుకు చర్యలేననే భావన పార్టీ వర్గాల్లో వ్యక్తం అవుతోంది. మొత్తం మీద పార్టీలో లోకేష్‌ కోటరీలోని వ్యక్తుల హవా సాగుతోందని, అందుకే జిల్లాలో పలువురు టీడీపీ సీనియర్‌ నేతలకు నామినేటెడ్‌ పదవులు దక్కలేదనే భావనను పార్టీ శ్రేణులే వ్యక్తం చేస్తున్నాయి.రఘురాంకు అడ్డుకట్టేసిన తాతయ్యమాజీ మంత్రి నెట్టెం రఘురాం ఎన్టీఆర్‌ జిల్లా పార్టీ అధ్యక్ష బాధ్యతలు అప్పగించారు. పార్టీ అధికారంలోకి రాగానే మంచి పదవి వస్తుందని ప్రచారం జరిగింది. అయితే ప్రస్తుతం గెలుపొందిన ఎమ్మెల్యే శ్రీరాం తాతయ్య నెట్టెం రఘురాంకు పదవి ఇస్తే జగ్గయ్యపేటలో రెండు అధికార కేంద్రాలు ఏర్పడతాయని, పార్టీలో గ్రూపులు పెరుగుతాయని, అధిష్టానం దృష్టికి తీసుకెళ్లి రఘురాంకు పదవి రాకుండా అడ్డుకట్ట వేసినట్లు పార్టీ వర్గాల్లో చర్చ సాగుతోంది. నెట్టెం రఘురాంకు పదవి దక్కకపోవడంతో ఆయన వర్గీయులు అసంతృప్తితో రగిలి పోతున్నారు.బుద్దా వెంకన్నకు శఠగోపంమాజీ ఎమ్మెల్సీ బుద్దా వెంకన్న తాను పార్టీ కోసం ఎంతో కష్టపడి పనిచేశానంటూ గొప్పలు చెబుతూ ప్రెస్‌మీట్లు పెట్టి హడావుడి చేస్తూ, చాలెంజ్‌లు చేస్తూ అధిష్టానం దృష్టిని ఆకర్షించే ప్రయత్నం చేశారు. ఓ దశలో ఎన్నికల సమయంలో చంద్రబాబు పాదాలకు రక్తాభిషేకం కూడా చేశారు. తనకు తప్పకుండా పదవి వస్తుందని తన అనుచరుల వద్ద ధీమా వ్యక్తం చేసేవారు. అయితే వెస్ట్‌ ఎమ్మెల్యే సుజనా చౌదరి రూపంలో అతని పదవికి అడ్డుకట్ట పడింది. నియోజకవర్గంలో జరిగే వ్యవహారాలన్నింటిని సుజనాచౌదరి అధిష్టానం దృష్టికి తీసుకెళ్లడంతో ప్రస్తుతం బుద్దా వెంకన్నకు అధిష్టానం వద్ద పరపతి తగ్గిపోయింది. ఇప్పటికే టీటీడీ లెటర్ల కోసం ఇబ్బంది పడుతున్నామని సాక్షాత్తూ బుద్దా వెంకన్న ప్రకటించటంతోనే, ఎమ్మెల్యేకు, ఆయనకు మధ్య అంతరం ఏర్పడినట్లు స్పష్టం అవుతోంది. దీనికితోడు చినబాబుతో సంబంధాలు కూడా అంతంత మాత్రంగా ఉండటంతో, ఇతనికి పదవి రాకుండా అడ్డుకోవడంలో సుజనా చౌదరి సఫలీకృతం అయినట్లు పార్టీ శ్రేణులే వ్యాఖ్యానిస్తున్నాయి.

సాక్షి, అమరావతి: రాష్ట్రంలోని కూటమి ప్రభుత్వంలో నామినేటెడ్‌ పదవుల పంచాయితీ ఎటూ తేలడంలేదు. టీడీపీ, జనసేన పార్టీల మధ్య పదవుల పంపకం మధ్య ఏకాభిప్రాయం వచ్చినా.. బీజేపీ మాత్రం వారి దారికి రాలేదు. దీంతో పదవుల నియామకంలో ప్రతిష్టంభన నెలకొంది. ఇప్పట్లో వాటి వ్యవహారం కొలిక్కి వచ్చే అవకాశం కనిపించకపోవడంతో మూడు పార్టీల నేతలు, శ్రేణుల్లో తీవ్ర అసంతృప్తి వ్యక్తమవుతోంది. ముఖ్యమంత్రి చంద్రబాబుతో బీజేపీ రాష్ట్ర అధ్యక్షురాలు పురందేశ్వరి, ముఖ్య నాయకుడు శివప్రకాశ్‌ మంగళవారం సమావేశమై పదవులపై చర్చ జరిగినా ఏ నిర్ణయం తీసుకోలేకపోయారు. రాష్ట్ర స్థాయి నుంచి నియోజకవర్గం వరకు పదవులు ఎలా పంచుకోవాలనే దానిపై గతంలో ఒక ఫార్ములా రూపొందించినట్లు ఆ పార్టీ వర్గాలు చెబుతున్నా.. ముందుకు వెళ్లలేకపోయారు. బీజేపీ అభ్యంతరాలుమొత్తం పదవుల్లో 70 శాతం టీడీపీకి, 20 నుంచి 25 శాతం జనసేనకు, మిగిలినవి బీజేపీకి ఇవ్వాలని మొదట్లో ఒక అభిప్రాయం కుదిరింది. అలాగే ఏ పార్టీ గెలిచిన నియోజకవర్గాల్లో ఆ పార్టీకి పదవుల్లో ప్రాధాన్యత ఇవ్వాలని నిర్ణయించారు. టీడీపీ ఏ నిర్ణయం తీసుకున్నా తమకు సమ్మతమేనని జనసేన తేల్చి చెప్పేయడం, వారు ఎన్ని పదవులు ఇస్తే అంతటితో సరిపెట్టుకునేందుకు సిద్ధమవడంతో ఆ పార్టీ నుంచి టీడీపీకి ఇబ్బంది రాలేదు. అయితే కేవలం 5 నుంచి 10 శాతం పదవులు ఇస్తామనడంపై బీజేపీలో అభ్యంతరాలు వ్యక్తమయ్యాయి. రాష్ట్ర స్థాయిలో కీలకమైన పది కార్పొరేషన్‌ చైర్మన్‌ పదవులు, టీటీడీలో ప్రాధాన్యం, నియోజకవర్గాల్లోనూ కీలక పదవులు తమకు కేటాయించాలని ఆ పార్టీ పట్టుబడుతోంది. ఇందుకు సంబంధింది ఇప్పటికే ఒక జాబితా కూడా చంద్రబాబుకు ఇచి్చనట్లు తెలిసింది. అయితే అందులో సోము వీర్రాజు, విష్ణువర్ధన్‌రెడ్డి వంటి నేతలకు కీలక కార్పొరేషన్లు ఇవ్వాలని ప్రతిపాదించడం పట్ల టీడీపీ వ్యతిరేకంగా ఉన్నట్లు ప్రచారం జరుగుతోంది. అదే సమయంలో తమ పార్టీలో ఎవరికి పదవులు ఇవ్వాలో టీడీపీ ఎలా నిర్ణయిస్తుందని బీజేపీ నేతల్లో ఆగ్రహం వ్యక్తమవుతోంది. ఈ విషయంపై ఇరు పార్టీల మధ్య ఏకాభిప్రాయం రాకపోవడంతో బీజేపీ జాతీయ నాయకత్వం జోక్యం చేసుకోవాల్సివచ్చిందని చెబుతున్నారు. ఈ నేపథ్యంలోనే మంగళవారం చంద్రబాబు వద్దకు ఆ పార్టీ తరఫున జాతీయ ప్రతినిధి వచ్చి చర్చలు జరిపారు. అయినా ఏకాభిప్రాయం రాలేదని తెలుస్తోంది. ఈ నేపథ్యంలో నామినేటెడ్‌ పదవుల నియామకం ఇప్పట్లో లేదని చెబుతున్నారు. ‘నామినేటెడ్‌’కు మరికొంత సమయంబీజేపీకి స్పష్టం చేసిన సీఎం చంద్రబాబు నామినేటెడ్‌ పదవులు భర్తీ ఇప్పుడే ఉండబోదని, దానికి మరికొంత సమయం పట్టవచ్చని బీజేపీ నేతలకు ముఖ్యమంత్రి చంద్రబాబునాయుడు స్పష్టం చేశారు. ప్రభుత్వ నామినేటెడ్‌ పదవుల్లో తమ పార్టీ నేతలకు ప్రాధాన్యత, తమ పార్టీ రాష్ట్ర కార్యాలయ కొత్త భవన నిర్మాణానికి ప్రభుత్వ స్థలం కేటాయింపు తదితర అంశాలపై చర్చించేందుకు బీజేపీ జాతీయ సహ సంఘటనా కార్యదర్శి శివప్రకాశ్, బీజేపీ రాష్ట్ర పార్టీ అధ్యక్షురాలు పురందేశ్వరి ముఖ్యమంత్రి చంద్రబాబుతో మంగళవారం భేటీ అయ్యారు. 26 జిల్లాలకు సంబంధించి జిల్లాకు కనీసం రెండు చొప్పున అయినా నామినేటెడ్‌ పదవులు కేటాయించాలని చంద్రబాబు దృష్టికి శివప్రకాశ్‌ తీసుకొచ్చినట్లు తెలిసింది. నామినేటెడ్‌ పదవులను ఆశిస్తున్న బీజేపీ నేతల జాబితాను గతంలోనే ముఖ్యమంత్రికి అందజేయగా.. దానికి అదనంగా మరి కొంతమంది ఆశావహుల జాబితాను కూడా ఈ సందర్భంగా చంద్రబాబుకు ఇచ్చారని సమాచారం. ఈ సందర్భంగా.. నామినేటెడ్‌ పదవుల నియామకానికి కొంత సమయం పట్టవచ్చని బీజేపీ నేతలకు చంద్రబాబు వివరించినట్టు తెలిసింది. ఇక బీజేపీ భవనానికి మంగళగిరి సమీపంలో, లేదంటే అమరావతి రాజధాని ప్రాంతంలో స్థలం కేటా­యించాలంటూ ఆ పార్టీ నేతలు సీఎం దృష్టికి తీసు­కొచ్చారు. చంద్రబాబుతో భేటీ అనంతరం పురందేశ్వరి నివాసంలో పార్టీ ఎంపీలు, ఎమ్మెల్యేలకు విందు ఇచ్చారు. ఈ సందర్భంగా శివప్రకాశ్‌.. పార్టీ సభ్యత్వ నమోదుపై పలు సూచనలు చేశారు. విందు అనంతరం పురందేశ్వరి మాట్లాడుతూ.. కూటమి బలోపేతంపైనే ముఖ్యమంత్రి చంద్రబాబుతో చర్చ జరిగిందని చెప్పారు. మంత్రి సత్యకుమార్‌ మాట్లాడుతూ.. పార్టీ నాయకులకు నామినేటెడ్‌ పదవుల ఆశ ఉంటుందని, వారి ఆశలు హేతుబద్ధమైనవేనని తెలిపారు. రెండున్నర నెలలైనా ఒక్క పదవీ ఇవ్వలేదు కూటమి అధికారంలోకి వచ్చి రెండున్నర నెలలు దాటినా కీలకమైన నామినేటెడ్‌ పదవులను భర్తీ చేయ­కపోవడం ఏమిటని మూడు పార్టీల నేతల్లోనూ ఆగ్రహం వ్యక్తమవుతోంది. అత్యంత ప్రాధాన్యమైన టీటీడీ పాలకవర్గాన్ని నియమించకపోవడం అసమర్థతకు నిదర్శనమనే అభిప్రాయాలు వ్యక్తమవుతున్నాయి. ఏపీఐఐసీ, ఏపీఎస్‌ఆర్‌టీసీ, సివిల్‌ సప్లయిస్‌ కార్పొరేషన్, ఎస్సీ, ఎస్టీ కమిషన్లు, కార్పొ­రేషన్లు వంటి కీలకమైన సంస్థల్లో నియామకాలు చేయలేకపోవడం పట్ల అసహనంతో రగిలిపోతున్నారు. కాగా, పార్టీ కోసం కష్టపడిన తమకు పదవులు ఇవ్వాలని పలువురు టీడీపీ నేతలు కేంద్ర మంత్రి రామ్మోహన్‌నాయుడిని కోరారు. మంగళగిరి టీడీపీ కార్యాలయంలో మంగళవారం రామ్మో­హన్‌నాయుడు, విజయవాడ ఎంపీ కేశినేని చిన్ని, మంత్రి వాసంశెట్టి సుభా‹Ù, ఎమ్మెల్యేలు ఎన్‌.కిషోర్‌కుమార్‌రెడ్డి, శ్రీరాం రాజగోపాల్, ఎమ్మెల్సీ జంగా కృష్ణమూర్తి, టీడీపీ రాష్ట్ర అధ్యక్షుడు పల్లా శ్రీని­వాసరావులతో కలిసి వినతులు స్వీకరించారు. ఈ సందర్భంగా పలువురు నేతలు బయోడేటా, పార్టీ కోసం చేసిన కార్యక్రమాలు, ఇతర వివరాలను చూపించి న్యాయం చేయాలని కోరారు.

సాక్షి, హైదరాబాద్‌ : నామినేటెడ్‌ పోస్టుల భర్తీ, మంత్రివర్గ విస్తరణ త్వరలోనే జరుగుతుందన్న వార్తలకు తోడు టీపీసీసీ అధ్యక్షుడి ఎంపిక, అనుబంధ సంఘాల అధ్యక్షుల మార్పు కూడా ఉంటుందన్న చర్చ జరుగుతోంది. అమెరికా పర్యటనను ముగించుకొని వచ్చిన రాష్ట్ర ముఖ్యమంత్రి రేవంత్‌రెడ్డి గురువారం రాత్రి ఢిల్లీ పర్యటనకు వెళ్లారు. దీంతో అధికార కాంగ్రెస్‌పార్టీలో సంస్థాగత మార్పులపై చర్చ జోరందుకుంది. ముఖ్యంగా టీపీసీసీ అధ్యక్షుడి నియా మకంతోపాటు అనుబంధ సంఘాల విషయంలో అధిష్టానం ఏం నిర్ణయం తీసుకుంటుందోననే ఉత్కంఠ నెలకొంది. బీసీ లేదా లంబాడానేనా?టీపీసీసీ అధ్యక్షుడిగా రేవంత్‌రెడ్డి స్థానంలో ఎవరిని నియమించాలన్న అంశం చాలా రోజులుగా కొలిక్కి రావడం లేదు. ముఖ్యంగా సామాజిక సమీకరణల లెక్కలు అధ్యక్షుడి విషయంలో కుదరడం లేదు. సీఎంగా అగ్రవర్ణాలకు చెందిన నేత ఉండటంతో బీసీ లేదా ఇతర సామాజికవర్గాలకు టీపీసీసీ అధ్యక్ష పద వి ఇస్తారనే అభిప్రాయం పార్టీవర్గాల్లో ఉంది. కాంగ్రె స్‌ అధిష్టానం వద్ద కూడా బీసీ, ఎస్సీ, ఎస్టీ నాయకు ల పేర్లపై చర్చ జరిగింది. బీసీల నుంచి మహేశ్‌కు మార్‌గౌడ్, మధుయాష్కీగౌడ్, ఎస్సీల నుంచి సంపత్‌కుమార్, అడ్లూరి లక్ష్మణ్‌కుమార్, ఎస్టీల నుంచి బలరాంనాయక్‌ల పేర్లు బలంగా వినిపించాయి. వీ రిలో ఒకరికి అధ్యక్షుడి అవకాశం దక్కుతుందని అనుకోగా, తాజా రాజకీయ పరిణామాల నేపథ్యంలో మాదిగ సామాజిక వర్గానికే పీసీసీ అధ్యక్ష పదవి ఇస్తారనే చర్చ ఊపందుకుంది. దీనికితోడు రాష్ట్ర ప్రభుత్వంలో కీలకపాత్ర పోషిస్తోన్న అగ్రవర్ణాలకే చెందిన ఒక మంత్రిని కూడా నియమిస్తారనే చర్చ కూడా తెరపైకి వచ్చింది. టీపీసీసీ అధ్యక్షు డితోపా టు నలుగురు వర్కింగ్‌ ప్రెసిడెంట్లు, ప్రచార కమిటీ చైర్మన్‌ పదవులు కూడా కొత్త వారికి ఇచ్చే అవకాశా లు కనిపిస్తున్నాయి. ఈ నేపథ్యంలో టీపీసీ సీ అధ్యక్ష వ్యవహారం ఈసారి ఢిల్లీ చర్చల్లో పూర్తవు తుందనే అభిప్రాయం గాంధీభవన్‌వర్గాల్లో వ్యక్తమవుతోంది. పార్టీ పెద్దలను కలిసి వరంగల్‌లో నిర్వహించతల పెట్టిన రైతు రుణమాఫీ సభకు ఆహ్వానిస్తారు. శుక్రవారం ఢిల్లీలో రేవంత్‌ మంత్రి శ్రీధ ర్‌బాబుతో కలిసి అక్కడే ఫాక్స్‌కాన్, యాపిల్‌ ప్రతిని ధులతో సమావేశం అవుతారని సమాచారం.అనుబంధ సంఘాల్లో మార్పులు టీపీసీసీ అనుబంధ విభాగాల్లోనూ త్వరలో మార్పులు జరగనున్నాయి. ఇప్పటికే ఎన్‌ఎస్‌ యూఐ, యూత్‌కాంగ్రెస్‌ అధ్యక్షుల మార్పు ప్రక్రియ మొదలైంది. ఎన్‌ఎస్‌యూఐ అధ్యక్షుడిగా బల్మూరి వెంకట్‌ స్థానంలో యడవల్లి వెంకటస్వామిని నియమిస్తూ అధిష్టానం ఉత్తర్వులు కూడా జారీ చేసింది. ఇక, శివసేనారెడ్డి స్థానంలో యూత్‌ కాంగ్రెస్‌ అధ్యక్షుడి ఎన్నిక ప్రక్రియ ప్రస్తుతం జరుగుతోంది. వీటికితోడు మహిళా కాంగ్రెస్‌ రాష్ట్ర అధ్యక్షురాలిని మారుస్తారని తెలుస్తోంది. మూడేళ్ల పదవీకాలాన్ని పూర్తి చేసుకున్న ప్రస్తుత అధ్యక్షురాలు సునీతారావు స్థానంలో గద్వాల నుంచి అసెంబ్లీ ఎన్నికల్లో పోటీ చేసిన సరితా తిరుపతయ్యయాదవ్, మహేశ్వరం టికెట్‌ ఆశించిన పారిజాతానర్సింహారెడ్డి, టీపీసీసీ అధికార ప్రతినిధులు భవానీరెడ్డి, రవళిరెడ్డిల పేర్లు వినిపిస్తున్నాయి. సరితా తిరుపతయ్యకు మహిళా కాంగ్రెస్‌ రాష్ట్ర అధ్యక్ష పదవి ఇవ్వాలని కోరుతూ టీపీసీసీ అధ్యక్ష హోదాలో రేవంత్‌రెడ్డి కూడా మహిళా కాంగ్రెస్‌ జాతీయ అధ్యక్షురాలు అల్కా లాంబాకు లేఖ రాసినట్టు తెలుస్తోంది. ఈ నేపథ్యంలో త్వరలోనే మహిళాకాంగ్రెస్‌కు కూడా కొత్త అధ్యక్షురాలు రానున్నారు. వీరితోపాటు ఇటీవల పలువురు అనుబంధ సంఘాల అధ్యక్షులకు కార్పొరేషన్ల చైర్మన్‌ పదవులు అప్పగించారు. కార్పొరేషన్‌ చైర్మన్‌గిరీ వచ్చిన అనుబంధ సంఘాల అధ్యక్షుల స్థానంలో కొత్త వారిని నియమిస్తారని తెలుస్తోంది. త్వరలోనే ఈ మార్పు మొదలవుతుందని సమాచారం. మొత్తంమీద అటు టీపీసీసీ అధ్యక్షుడి ఎంపిక, కొత్త కార్యవర్గం, అనుబంధ సంఘాల్లో మార్పుల నేపథ్యంలో అధికార కాంగ్రెస్‌ పార్టీలో సంస్థాగత పదవుల సందడి నెలకొంది,

అమరావతి, సాక్షి: నామినేటెడ్‌ పదవుల విషయంలో జనసేన అధ్యక్షుడు, డిప్యూటీ సీఎం పవన్‌ కల్యాణ్‌ ఆసక్తికర వ్యాఖ్యలు చేశారు. అందరికీ పదవుల మీద ఆశ ఉంటుందని, కానీ.. పదవులు అడిగే వాళ్లు వాళ్ల అనుభవాలను, వారి అర్హతలకు దగ్గరగా ఉండే పదవులు అడగాలని కోరారాయన.సోమవారం పార్టీ కార్యాలయంలో జరిగిన కార్యక్రమంలో ఆయన మాట్లాడుతూ.. నామినేటెడ్ పోస్టులు ఉంటాయి. కానీ ప్రతి ఒక్కరూ ఛైర్మన్ పదవులు ఆశిస్తే కష్టం. కొందరు టీటీడీ ఛైర్మన్ సహా ఇంకొన్ని ఛైర్మన్ల పదవులు అడగుతున్నారు. ఒక్క టీటీడీ ఛైర్మన్ పదవి కోసమే 50 మంది అడిగారు. కానీ ఆ పదవి ఒక్కరికే ఇవ్వగలరు.నా కుటుంబ సభ్యులెవరు టీటీడీ ఛైర్మన్ పదవి అడగలేదు. కానీ నా కుటుంబ సభ్యులు టీటీడీ ఛైర్మన్ పదవి అడిగారని ప్రచారంలో పెట్టారు. ఈ పదవుల కోసం చంద్రబాబుని ఎలా అడగాలో తెలియడం లేదు. మీకిది చేశాం కాబట్టి.. మాకు ఈ పదవి ఇవ్వండి అని అడగలేం. అందరికీ న్యాయం చేసేలా నా వంతు ప్రయత్నం చేస్తా.ఇదీ చదవండి: ఇంత ఘోరంగా మోసం చేస్తారా?కానీ.. ఎవరికైనా పదవి ఇవ్వలేకుంటే పెద్ద మనస్సుతో ఆలోచించండి. ప్రధానిని నేనూ కెబినెట్ పదవి అడగగలను.. కానీ నేను అడగలేదు. పదవుల కోసం మనం పని చేయడం లేదు. ఎవరైనా ఏమైనా పదవి కావాలంటే అడగండి. కమిటీలో చర్చించి పదవులిచ్చే ప్రయత్నం చేస్తాం. కష్టపడిన వారిని మరిచిపోం’’ అని అన్నారాయన. కూటమి విజయానికి జనసేన నిర్ణయం తీసుకోవడమే కారణం. నేను ఉపముఖ్యమంత్రిని అవుతానని అనుకోలేదు. ప్రభుత్వంలో భాగం కావడం పెద్ద బాధ్యత అని పవన్‌ అన్నారు.

నామినేటెడ్‌ పోస్టుల విషయంలో చంద్రబాబు అనుసరిస్తున్న కొత్త పంథా చూసి పార్టీ క్యాడర్‌ గగ్గోలు పెడుతోంది. పార్టీ అధికారంలోకి వస్తే కష్టపడిన నాయకులకు తగిన గుర్తింపునిస్తామన్న బాబు తీరా ‘కూటమి’గా జతకట్టి అధికారంలోకి రావడంతో ఆశావహుల విషయంలో పాము చావకుండా..కర్రా విరగకుండా అనే లెవెల్లో వారికి అగ్నిపరీక్ష పెట్టారు. తాను నిర్వహించే సర్వేలో ఎవరికి జనాదరణ ఉందో వారికే నామినేటెడ్‌ పదవులంటూ ఝలక్‌ ఇచ్చారు. పదవుల కోసం కూటమి నేతల మధ్య తీవ్ర పోటీ నెలకొన్న తరుణంలో సర్వే చర్చనీయాంశమైంది. బహిరంగంగానే టీడీపీ నేతలు విమర్శిస్తున్నారు.సాక్షి ప్రతినిధి, తిరుపతి: పార్టీ అధికారంలోకి వస్తే నామినేటెడ్‌ పదవులు వస్తాయని భావించి పనిచేసిన నాయకులకు అధినేత షాక్‌ ఇచ్చారు. ఎమ్మెల్యే అభ్యర్థిత్వానికే కాదు.. నామినేటెడ్‌ పోస్టులు కావాలన్నా సర్వేలో నిరూపించుకోవాల్సిందేనని మరోసారి తేల్చిచెప్పారు. అధినేత తీరుపై పార్టీ కేడర్‌లో తీవ్ర అసహనం వ్యక్తమవుతోంది. అధికారంలోకి వచ్చిన కూటమి ప్రభుత్వం నామినేటెడ్‌ పదవుల కోసం టీడీపీ, బీజేపీ, జనసేన నేతలు పోటీపడుతున్నారు. గత సార్వత్రిక ఎన్నికల్లో శాసనసభ, లోకసభ స్థానాలకు అభ్యర్థుల ఎంపికలో అవలంభించిన ఐవీఆర్‌ఎస్‌ సర్వేను నామినేటెడ్‌ పదవుల కేటాయింపులోనూ అనుసరించాలని టీడీపీ అధినేత, ముఖ్యమంత్రి నారా చంద్రబాబునాయుడు భావించినట్లు తెలుస్తోంది. దీంతో పదవుల కోసం నెల రోజులుగా ఎమ్మెల్యేలు, మంత్రులతో టచ్‌లో ఉన్న నాయకుల ఆశలన్నీ నీరుగారిపోయాయి. తిరుమల–తిరుపతి దేవస్థానం పాలకమండలి చైర్మన్‌తో పాటు శ్రీకాళహస్తి దేవస్థానం, తుడా చైర్మన్‌తో పాటు వివిధ కార్పొరేషన్‌ అధ్యక్ష, సభ్యుల కోసం ఎవరికి వారు పోటీపడుతున్న విషయం తెలిసిందే. పార్టీ కోసం కష్టపడిన వారిని పక్కనబెట్టిన అధిష్టానం సర్వే నివేదిక సమాచారం చూపించి తప్పించుకునేందుకు ప్రయత్నాలను ప్రారంభించింది. అందులో భాగంగా ఐవీఆర్‌ఎస్‌ సర్వే పేరుతో ఆలస్యం చేయడంతో పాటు.. తమకు అనుకూలమైన వారికి పదవులు కట్టబెట్టి, రాని వారికి సర్వేలో అనుకూలంగా రాలేదని చెప్పి, తప్పించుకునేందుకు ఎత్తుగడ వేసింది! పార్టీ అధిష్టానం ఐవీఆర్‌ఎస్‌ సర్వే పేరుతో విషమ పరీక్ష పెట్టడంతో ఆశావహుల్లో ఆందోళన మొదలైంది. పార్టీ బలోపేతం కోసం ఇన్నాళ్లూ కష్టపడి, తీరా అధికారంలోకి వచ్చాక తమకే నామినేటెడ్‌ పదవులు దక్కుతాయన్న గ్యారెంటీ లేకపోవడంతో పార్టీ క్యాడర్‌కు నిద్ర కరువవుతోంది.నేను మీ చంద్రబాబు నాయుడు...‘‘నేను మీ చంద్రబాబునాయుడు..మీ ప్రాంతంలో పార్టీ కోసం కష్టపడిన వారికి తగిన రీతిలో గుర్తింపునివ్వాల్సిన అవసరం ఉంది..మీకో ఎస్‌ఎంఎస్‌ వస్తుంది. అందులో లింక్‌ను ఓపెన్‌ చేయండి.. మీప్రాంతంలో ఎవరైతే బాగా కష్టపడ్డారో వారి గురించి తెలియజేయండి..వారిని తగిన విధంగా గౌరవిస్తాం’’ అని ఇటీవల ప్రజలకు టీడీపీ అధినేత చంద్రబాబు గొంతుకతో రికార్డెడ్‌ వాయిస్‌ కాల్స్‌ వచ్చాయి. దీంతో ఆ పార్టీ నాయకులు ఖంగుతిన్నారు. గుర్తింపు అనేది ఏ రూపంలో ఇస్తారో తెలియక జుత్తు పీక్కుంటున్నారు.! అలా ఎస్‌ఎంఎస్‌లో లింకులు వచ్చిన పక్షంలో తమ పేర్లు అందులో ప్రస్తావించాలని కొందరు నాయకులు ప్రజలు, కార్యకర్తలను ప్రాధేయపడుతున్నట్టు తెలియవచ్చింది. మరికొందరు దీనిని కూడా తమకు అవకాశంగా మలచుకునేందుకు గట్టిగా యత్నిస్తున్నట్టు తెలుస్తోంది.అన్ని దశలూ దాటాల్సిందే!నామినేటెడ్‌ పదవుల భర్తీకి టీడీపీ అధిష్టానం అన్ని అంశాలకు పరిగణనలోకి తీసుకుని పరీక్షించనుంది. ఐదు దశల్లో అభ్యర్థులను ఎంపిక చేయనున్నట్లు విశ్వసనీయ సమాచారం. నియోజకవర్గ ఎమ్మెల్యేలు, ఇన్‌చార్జిలు, జిల్లా పార్టీ అధ్యక్షుడు, పార్లమెంట్‌ నియోజకవర్గ అధ్యక్షులు, నియోజకవర్గ పరిశీలకులు, స్క్రీనింగ్‌ కమిటీల ద్వారా ఒక్కొక్క నియోజకవర్గం నుంచి ఆశావహుల జాబితాను 100మంది లోపు ఉండేలా సిద్ధం చేయించి ఆ పేర్లతో కూడిన జాబితాను అధిష్టానానికి పంపాలి. వారి సామర్థ్యం, విధేయత, నిబద్ధతను పరిగణనలోకి తీసుకుని ఏ పదవికి ఎవరెవరు సమర్థులో నిర్ణయించనున్నట్లు పేర్కొన్నారు. ఇందుకుగాను వేర్వేరు జాబితాలను సిద్ధం చేసి అందులో ఉన్న వారి పేర్లను నియోజకవర్గంలోని పార్టీ కార్యకర్తలు, ప్రజలకు ఫోన్లు చేసి ఐవీఆర్‌ఎస్‌ సర్వే చేయించి పదవులను ఎంపిక చేసేందుకు అధిష్టానం వేగంగా అడుగులు వేస్తుండడంతో ఆశావహుల్లో అంతర్మథనం మొదలైంది.అవసరం తీరిందనుకుంటున్నారా?ఎన్నికల సమయంలో పార్టీ అధికారంలోకి వస్తే ఆ చైర్మన్‌ పదవి నీకే..నీకే అని హామీలతో ఊదరగొట్టిన అధి నాయకులు.. అధికారంలోకి వచ్చాక సర్వే పేరుతో పదవులు కట్టబెట్టాలని చూస్తుండటంపై నాయకులు, కార్యకర్తలు తీవ్ర ఆగ్రహంతో రగిలిపోతున్నారు. పార్టీ కోసం కష్టపడిన తమకు అధికారం వచ్చాక పదవులను కట్టబెట్టేందుకు ఎక్కడలేని విచిత్రమైన విధానాలను అవలంభిస్తున్నారని కుతకుతమని ఉడికిపోతున్నారు. కూటమిలోని టీడీపీ, జనసేన, బీజేపీలకు జిల్లాలోని అన్ని నియోజకవర్గాల్లో ఎన్నికల్లో శక్తివంచన లేకుండా శ్రమించామని ఎవరికి వారు అధిష్టానానికి వివరించారు. తమ శ్రమకు తగిన ఫలితం కోసం ఎదురు చూస్తున్నామని సమాచారం ఇచ్చారు. ఆశావహుల జాబితా పెద్దదిగా ఉందని చెప్పి, వారికి ఇష్టమొచ్చిన వారికి కట్టబెట్టి, చేతులు దులుపుకునేందుకు సర్వేకు పూనుకున్నారని టీడీపీ, జనసేన, బీజేపీ నాయకులు చర్చించుకుంటున్నారు. సర్వే పేరుతో ఎవరికి పదవులు వరిస్తాయో.. ఎవరికి మొండిచెయ్యి చూపుతారోననే గుబులు నాయకులు, కార్యకర్తలకు నిద్రలేకుండా చేస్తుండటం కొసమెరుపు.కేడర్‌ అంటే చులకనా?తిరుమల–తిరుపతి దేవస్థానం, శ్రీకాళహస్తీశ్వరస్వామి, కాణిపాకం ఆలయ పాలక మండలి అధ్యక్ష పదవులతో పాటు సభ్యులు, రాష్ట్ర, జిల్లా, నియోజక వర్గ, మండల స్థాయి నామినేటెడ్‌ పదవులతో పాటు కార్పొరేషన్‌ చైర్మన్‌ వంటి పదవులపై ఉమ్మడి చిత్తూరు జిల్లాలోని టీడీపీ, బీజేపీ, జనసేన నేతలు ఆశలు పెట్టుకున్నారు. పదవులు తమకే వరిస్తాయని ఇప్పటికే తన అనుయులతో గొప్పలు చెప్పుకున్నారు. ఇక పదవి వరించడమే తరువాయి అన్నట్లు నెలరోజులుగా నాయకులు, కార్యకర్తలు ఊహల్లో విహరించారు. తమకు పదవుల విషయంలో ఎలాంటి బ్రేకులు పడకుండా ఆయా నియోజకవర్గాల్లో ఎమ్మెల్యేలు, మంత్రులు, ముఖ్య నాయకులతో సన్నిహితంగా మసలుతూ వారి తల్లో నాలుకగా విధేయతను ప్రదర్శిస్తున్నారు. అయితే ‘తామొకటి తలచిన బాబొకటి తలచెన్‌’ అని లెవెల్లో పార్టీ అధిష్టానం వారందరికీ ఝలక్‌ ఇచ్చింది. గతంలోలా ఈసారి కూడా ఎమ్మెల్యేలు సిఫార్సు చేసిన వారికే పదవులు వస్తాయనే వారి కలలను కల్లలు చేసింది. ఎమ్మెల్యే అనుగ్రహం ఒక్కటే ఉంటే సరిపోదు.. క్షేత్రస్థాయిలో పార్టీ కార్యకర్తలు, ప్రజల అనుగ్రహం కూడా ఉండాలనే సాకు చూపించి, ఐవీఆర్‌ఎస్‌ సర్వేనే ప్రధాన ఆయుధంగా వారిపై ప్రయోగించేందుకు సిద్ధమైంది.

సాక్షి, న్యూఢిల్లీ: సమీకరణలు కుదరలేదు. జిల్లాలు, సామాజిక వర్గాల ప్రాతిపదికపై ఏకాభిప్రాయం వ్యక్తం కాలేదు. దీంతో రాష్ట్ర మంత్రివర్గ విస్తరణ, పీసీసీ అధ్యక్షుడి నియామకం, నామినేటెడ్‌ పదవుల భర్తీ ఆశలపై కాంగ్రెస్‌ అధిష్టానం తాత్కాలికంగా నీళ్లు చల్లింది. ఆయా అంశాలపై మరో వారం, పదిరోజుల తర్వాత తీరిగ్గా చర్చిద్దామంది. అప్పటివరకు వేచి చూడాలని ముఖ్యమంత్రి రేవంత్‌రెడ్డికి సూచించింది. వాస్తవానికి జూలై మొదటి వారంలోనే కీలక పదవుల భర్తీ జరుగుతుందని సీఎం స్వయంగా ప్రకటించారు. ఆ మేరకు ముమ్మర కసరత్తు జరిగినా చివరకు అన్నీ వాయిదా పడ్డాయి. కేబినెట్‌ విస్తరణ సహా పదవుల పంపకాలన్నీ ఆషాఢ మాసం పూర్తయ్యాక ఆగస్టులోనే ఉండే అవకాశం ఉందని ఏఐసీసీ వర్గాలంటున్నాయి. తాజా భేటీలోనూ తేలని సమీకరణలు రాష్ట్ర కేబినెట్‌లో ఖాళీలు పూరించడం, కొత్త పీసీసీ అధ్యక్షుడి ఎంపిక, నామినేటెడ్‌ పదవుల భర్తీపై గడిచిన వారం, పది రోజులుగా ముమ్మర కసరత్తు జరుగుతున్న విషయం తెలిసిందే. సీఎం రేవంత్‌రెడ్డి వారం కిందట కూడా ఏఐసీసీ అధ్యక్షుడు మల్లికార్జున ఖర్గే, పార్టీ ప్రధాన కార్యదర్శి కేసీ వేణుగోపాల్‌తో ఈ అంశాలపై చర్చలు జరిపారు. అధిష్టానం సైతం ఈ విషయమై రాష్ట్ర కాంగ్రెస్‌ వ్యవహారాల ఇన్‌చార్జి దీపాదాస్‌ మున్షీ, డిప్యూటీ సీఎం భట్టి విక్రమార్క, సీనియర్‌ మంత్రులు ఉత్తమ్‌కుమార్‌రెడ్డి, శ్రీధర్‌బాబు, పొంగులేటి శ్రీనివాస్‌రెడ్డిల అభిప్రాయాన్ని తీసుకుంది. తాజాగా బుధవారం కూడా ఈ అంశాలపై చర్చించేందుకు ఢిల్లీ వచ్చిన రేవంత్‌రెడ్డి మరోమారు ఖర్గే, ప్రధాన ప్రతిపక్ష నేత రాహుల్‌గాం«దీ, కేసీలతో భేటీ అయ్యారు. సుమారు గంట పాటు చర్చలు కొనసాగాయి. మంత్రివర్గంలోకి తీసుకునేందుకు పరిగణనలోకి తీసుకుంటున్నవారి పేర్లను మరోమారు పరిశీలించారు. ఇందులో మహబూబ్‌నగర్‌ జిల్లా నుంచి వాకిటి శ్రీహరి, నిజామాబాద్‌ జిల్లా నుంచి పి.సుదర్శన్‌రెడ్డి, నల్లగొండ జిల్లా నుంచి కోమటిరెడ్డి రాజగోపాల్‌రెడ్డి, బాలూనాయక్, రంగారెడ్డి జిల్లా నుంచి మల్‌రెడ్డి రంగారెడ్డి, టి.రామ్మోహన్‌ రెడ్డి, ఆదిలాబాద్‌ జిల్లా నుంచి ప్రేంసాగర్‌రావు, వివేక్‌ల పేర్లు ఈ జాబితాలో ఉన్నాయి. ఇందులో వాకిటి శ్రీహరి పేరుపై ఏకాభిప్రాయం ఉన్నప్పటికీ మిగతా పేర్ల విషయంలో పీఠముడి నెలకొంది. ఇలాగైతే ఏం చేయాలి..? నిజామాబాద్‌ జిల్లా నుంచి పీసీసీ అధ్యక్ష రేసులో మహేశ్‌కుమార్‌ గౌడ్, గతంలో నిజామాబాద్‌ నుంచి ఎంపీగా ఉన్న మధుయాష్కీ గౌడ్‌లు ఉన్న దృష్ట్యా, ఒకవేళ వీరిలో ఒకరికి ఆ పదవి కట్టబెడితే, అదే జిల్లా నుంచి మంత్రి పదవి ఆశిస్తున్న సుదర్శన్‌రెడ్డిని ఏమి చేయాలన్న దానిపై సందిగ్ధత నెలకొంది. దీనిపై నేతలు తర్జనభర్జన పడుతున్నారు. ఇక నల్లగొండ జిల్లాలో రాజగోపాల్‌రెడ్డికి మంత్రి పదవి ఇస్తే, ఇదే జిల్లా నుంచి ఇప్పటికే ప్రాతినిధ్యం వహిస్తున్న ఉత్తమ్‌కుమార్‌రెడ్డి, కోమటిరెడ్డి వెంకట్‌రెడ్డిలతో కలిపి మొత్తం ముగ్గురు రెడ్లు మంత్రులవుతారు. ఒకవేళ ఆ అంశాన్ని పక్కన పెట్టినా, జిల్లా నుంచి ఎస్టీ ఎమ్మెల్యేగా ఉన్న బాలూనాయక్‌కు మంత్రి పదవి ఇవ్వడం కష్టంగా మారుతుంది. ఇక ఆదిలాబాద్‌ జిల్లా నుంచి ఇద్దరు సీనియర్‌ నేతలు జి.వివేక్, ప్రేంసాగర్‌ రావుల విషయంలోనూ సందిగ్ధత నెలకొంది. భట్టి సహా ఇతర నేతలు మద్దతిస్తున్న వెలమ సామాజిక వర్గానికి చెందిన ప్రేంసాగర్‌ను కేబినెట్‌లోకి తీసుకుంటే ఓసీ సామాజికవర్గం నుంచి మంత్రుల సంఖ్య పెరుగుతుంది. ఇక గ్రేటర్‌ హైదరాబాద్‌ నుంచి మల్‌రెడ్డి, రామ్మోహన్‌రెడ్డి రేసులో ఉండగా, ఇక్కడ ఒక మైనార్టీకి అవకాశం కల్పించాలనే డిమాండ్‌ కూడా గట్టిగా ఉంది. దీంతో వీరి విషయంలోనూ నిర్ణయానికి రాలేకపోయారు. ఇలా పలు పేర్ల విషయంలో పలు సమీకరణాలు ముడిపడి ఉండటంతో నేతలు ఒక నిశి్చతాభిప్రాయానికి రాలేకపోయారు. ఈ దృష్ట్యానే కేబినెట్‌ విస్తరణ అంశాన్ని ప్రస్తుతానికి పక్కన పెట్టాలని, వారం, పదిరోజుల తర్వాత దీనిపై చర్చిద్దామని హైకమాండ్‌ పెద్దలు ముఖ్యమంత్రికి చెప్పినట్లుగా కాంగ్రెస్‌ వర్గాలు తెలిపాయి. పీసీసీ సైతం వాయిదానే.. బుధవారం నాటి భేటీలో పీసీసీ అధ్యక్షుడి ఎంపికపై కూడా చర్చించినా, దీన్ని సైతం అధిష్టానం పెద్దలు తేల్చలేకపోయారు. అధ్యక్ష పదవిని బీసీ సామాజిక వరాŠిగ్నకి చెందిన సీనియర్‌ నేతలు మహేశ్, మధుయాష్కీలలో ఒకరికి కట్టబెట్టాలనే ఆలోచన చేసిప్పటికీ సమీకరణలు కుదరని దృష్ట్యా, ఎస్సీ సామాజిక వర్గం నుంచి అడ్లూరి లక్ష్మణ్‌కుమార్, సంపత్‌కుమార్, ఎస్టీ సామాజిక వర్గం నుంచి బలరాం నాయక్‌ల పేర్లు కూడా మరోమారు చర్చకు వచ్చినట్లు తెలిసింది. దీంతో జిల్లాలు, సామాజిక వర్గాల సమీకరణలు, మంత్రివర్గ విస్తరణ తేలిన తర్వాతే దీనిపై నిర్ణయం తీసుకోవాలని అధిష్టానం భావించినట్లు తెలిసింది. ఇక కేబినెట్‌ విస్తరణ, పీసీసీ అధ్యక్షుడి నియామకం పూర్తయ్యాకే ఇతర పదవుల భరీŠత్‌ అంశంపై హైకమాండ్‌ దృష్టి పెట్టే అవకాశం ఉందని ఏఐసీసీ వర్గాలు స్పష్టం చేస్తున్నాయి. కాంగ్రెస్‌ గూటికి కేకే – పార్టీ కండువా కప్పి ఆహ్వానించిన మల్లికార్జున ఖర్గే – కేకే అనుభవం కాంగ్రెస్‌ను బలోపేతం చేస్తుందని వ్యాఖ్య సాక్షి, న్యూఢిల్లీ: బీఆర్‌ఎస్‌ రాజ్యసభ సభ్యుడు కె.కేశవరావు కాంగ్రెస్‌ గూటికి చేరారు. ఏఐసీసీ అధ్యక్షుడు మల్లికార్జున ఖర్గే బుధవారం కేకేకు కాంగ్రెస్‌ కండువా కప్పి పార్టీలోకి ఆహ్వానించారు. పార్టీ లోక్‌సభా పక్ష నేత రాహుల్‌గాందీ, రా్ర‹Ù్టర వ్యవహారాల ఇన్‌చార్జి దీపాదాస్‌ మున్షీ, సీఎం రేవంత్‌రెడ్డి ఈ కార్యక్రమంలో పాల్గొన్నారు. కేకే రాకను స్వాగతించిన ఖర్గే, రాహుల్‌.. రాష్ట్రంలో పార్టీ పటిష్టతకు పని చేయాలని సూచించారు. కాంగ్రెస్‌లో చేరికతో తిరిగి సొంత ఇంటికి వచ్చినట్లుగా ఉందని కేకే వ్యాఖ్యానించారు. ఈ భేటీ అనంతరం కేకే రాకను స్వాగతిస్తూ ఖర్గే ఎక్స్‌లో పోస్ట్‌ చేశారు. కేకే అనుభవం పార్టీని బలోపేతం చేసేందుకు దోహదపడుతుందని పేర్కొన్నారు.

సాక్షి, అమరావతి: త్వరలోనే నామినేటెడ్‌ పదవులను భర్తీ చేస్తామని ముఖ్యమంత్రి చంద్రబాబు తెలిపారు. తెలుగుదేశం పార్టీలో కింది స్థాయి నుంచి ఎవరు, ఎక్కడ ఏం పని చేశారో తెలుసుకుంటున్నానన్నారు. నాయకులు, కార్యకర్తలు సాధికారత సాధిస్తేనే పార్టీ పునాదులు బలంగా ఉంటాయన్నారు. ఈ నేపథ్యంలో వారికి ఎలా చేయాలి, ఏం చేయాలనే విషయంపై ఆలోచిస్తున్నామని చెప్పారు. ఎన్నికల్లో కష్టపడి పనిచేసిన వారికి నామినేటెడ్‌ పదవులు ఇస్తానన్నారు. సీఎంగా బాధ్యతలు చేపట్టాక చంద్రబాబు శనివారం తొలిసారి గుంటూరు జిల్లా మంగళగిరిలోని టీడీపీ ప్రధాన కార్యాలయానికి వెళ్లారు. అక్కడ పలువురు నాయకులు, కార్యకర్తలతో ఫొటోలు దిగారు. అనంతరం టెలీకాన్ఫరెన్స్‌ ద్వారా రాష్ట్రంలోని కార్యకర్తలు, నాయకులతో మాట్లాడారు. తాను ఇకపై తరచూ పార్టీ కేంద్ర కార్యాలయానికి, జిల్లాలకు వెళ్లినప్పుడు జిల్లా పార్టీ కార్యాలయాలకు వెళతానని తెలిపారు. గతంలోనే కార్యకర్తల సంక్షేమ నిధి ఏర్పాటు చేసి సాయం అందించామని, ఇక ముందు కూడా ఇలాగే ఆదుకుంటానన్నారు. అధి­కారం వచ్చిందని కక్షసాధింపు చర్యలకు పాల్పడటం, విర్రవీగడం చేయొద్దన్నారు. ఎమ్మెల్యేలు.. నాయకులు, కార్యకర్తలను విస్మరించవద్దని సూచించారు. ప్రజలు తప్పుపట్టేలా ఎటువంటి పనులు చేయొద్దని హెచ్చరించారు. కూటమి విజయం వెనుక నాయకులు, కార్యకర్తల కష్టం.. కృషి ఎంతో ఉన్నాయన్నారు. కూటమి 93 శాతం స్ట్రైక్‌ రేట్‌తో 57 శాతం ఓట్‌ షేర్‌ను సాధించిందని తెలిపారు. ప్రజలు ఇచ్చిన మెజారిటీని కాపాడుకోవాలన్నారు. ఎన్నికల ముందు సూపర్‌ సిక్స్, మేనిఫెస్టోలో ఇచ్చిన హామీలను తప్పకుండా అమలు చేస్తామని చంద్రబాబు తెలిపారు. ఇప్పటికే మెగా డీఎస్సీ ఫైల్‌పై సంతకం చేసి 16,347 ఉద్యోగాల భర్తీకి ఆదేశాలు ఇచ్చామని గుర్తు చేశారు. ల్యాండ్‌ టైటిలింగ్‌ యాక్ట్‌ రద్దుపై రెండో సంతకం, పెన్షన్‌ రూ.4 వేలకు పెంపుపై మూడో సంతకం, స్కిల్‌ గణనపై నాలుగో సంతకం, అన్న క్యాంటీన్ల పునరుద్ధరణపై ఐదో సంతకం చేశానని తెలిపారు. యువతలో నైపుణ్యం ఏ మేరకు ఉందో గణన చేసి అవసరమైన అవకాశాలు కల్పిస్తామన్నారు. నైపుణ్య గణనతో జీవన ప్రమాణాలను మార్చడానికి అవకాశం ఉంటుందని అభిప్రాయపడ్డారు. 2014–2019 మధ్య ఎక్కడెక్కడ అన్న క్యాంటీన్లు ఏర్పాటు చేశామో, వాటన్నింటినీ వంద రోజుల్లోనే ఏర్పాటు చేస్తామని చెప్పారు. ప్రజల జీవన ప్రమాణాలు మార్చేలా పథకాలు అమలు చేస్తామన్నారు. ఇప్పటికే ప్రజాపాలనకు శ్రీకారం చుట్టామన్నారు. అభివృద్ధి, సంక్షేమం రెండు కళ్లుగా ముందుకెళ్తామని చెప్పారు. వినతుల స్వీకరణకు ప్రత్యేక వ్యవస్థ ప్రజల సమస్యలు, వినతుల స్వీకరణకు ప్రత్యేక వ్యవస్థను ఏర్పాటు చేస్తామని సీఎం చంద్రబాబు తెలిపారు. నిర్దిష్ట సమయంలో పరిష్కారమయ్యేలా చర్యలు తీసుకుంటామన్నారు. సచివాలయానికి రాకపోకలు కొనసాగించేందుకు రవాణా సౌకర్యాలను మెరుగుపరుస్తామని చెప్పారు. పోలవరం సందర్శనతోనే తన క్షేత్ర స్థాయి పర్యటనలు ప్రారంభమవుతాయన్నారు. విధ్వంస పాలనకు గుర్తుగా ప్రజా వేదిక శిథిలాలను అలాగే ఉంచుతామని, తొలగించేది లేదని వెల్లడించారు.

సాక్షి, హైదరాబాద్‌:  రాష్ట్రంలోని 37 కార్పొరేషన్లకు చైర్మన్లను ప్రభుత్వం నియమించింది. నామినేటెడ్‌ పదవుల కసరత్తు పూర్తయిందని, ఏ క్షణమైనా ఇందుకు సంబంధించిన ఉత్తర్వులు వెలువడవచ్చని మూడు రోజులుగా గాందీభవన్‌ వర్గాల్లో చర్చ జరుగుతోంది. కానీ లోక్‌సభ ఎన్నికల షెడ్యూల్‌ వచ్చిన రోజున  శనివారం రాత్రి అనధికారిక సమాచారం మీడియాకు అందింది. అయితే, ఈనెల 14వ తేదీనే ఉత్తర్వులు వెలువడినట్టు ఇందులో పేర్కొన్నారు.  పదవుల పంపిణీ ఇలా...  1) పటేల్‌ రమేశ్‌రెడ్డి – టూరిజం డెవలప్‌మెంట్‌ కార్పొరేషన్‌; 2) కె.శివసేనారెడ్డి – స్పోర్ట్స్‌ అథారిటీ; 3) ఎన్‌.ప్రీతమ్‌ – ఎస్సీ కార్పొరేషన్‌; 4) నూతి శ్రీకాంత్‌–బీసీ ఫైనాన్స్‌ కార్పొరేషన్‌; 5) ఎస్‌.అన్వేశ్‌ రెడ్డి–విత్తనాభివృద్ధి కార్పొరేషన్‌; 6) ఈరవత్రి అనిల్‌–మినరల్‌ డెవలప్‌మెంట్‌ కార్పొరేషన్‌; 7) ఎం.విజయబాబు    – సహకార, గృహనిర్మాణ సమాఖ్య; 8) రాయల నాగేశ్వరరావు – వేర్‌ హౌసింగ్‌ కార్పొరేషన్‌; 9) కాసుల బాలరాజు– ఆగ్రో ఇండస్ట్రీస్‌; 10 నేరెల్ల శారద –  మహిళా కమిషన్‌; 11) బంట్రు శోభారాణి – మహిళా సహకార అభివృద్ధి కార్పొరేషన్‌; 12) సీహెచ్‌ జగదీశ్వర్‌రావు – నీటిపారుదల అభివృద్ధి కార్పొరేషన్‌; 13) జంగా రాఘవరెడ్డి – నూనె గింజల పెంపకందారుల సమాఖ్య; 14) మానాల మోహన్‌రెడ్డి – కోఆపరేటివ్‌ యూనియన్‌ లిమిటెడ్‌; 15) బెల్లయ్యనాయక్‌    – గిరిజన, సహకార, ఆర్థికాభివృద్ధి కార్పొరేషన్‌; 16) ఆర్,గురునాథ్‌రెడ్డి– పోలీస్‌ హౌసింగ్‌ కార్పొరేషన్‌; 17) జ్ఞానేశ్వర్‌ముదిరాజ్‌ – డెయిరీ డెవలప్‌మెంట్‌ కార్పొరేషన్‌; 18) చల్లా నర్సింహారెడ్డి యూఎఫ్‌ఐడీసీ; 19) మెట్టు సాయికుమార్‌ – మత్స్యసహకార సొసైటీల సమాఖ్య; 20) కొత్తాకు నాగు – ఎస్టీ సహకార ఆర్థికాభివృద్ధి సంస్థ; 21) జనక్‌ ప్రసాద్‌ – కనీస వేతన సలహా మండలి; 22) ఎండీ రియాజ్‌ – గ్రంథాలయ పరిషత్‌; 23) ఎం.వీరయ్యవర్మ – వికలాంగుల కార్పొరేషన్‌; 24) నాయుడు సత్యనారాయణ – చేనేత; 25) ఎంఏ జబ్బార్‌ – వైస్‌ చైర్మన్, మైనార్టీస్‌ ఫైనాన్స్‌; 26) నిర్మలా జగ్గారెడ్డి – పారిశ్రామిక మౌలికసదుపాయాల కార్పొరేషన్‌ (టీజీఐఐసీ); 27) మల్‌రెడ్డి రాంరెడ్డి – రహదారుల అభివృద్ధి; 28) కల్వ సుజాత – వైశ్య కార్పొరేషన్‌; 29) పొడెం వీరయ్య    – అటవీ అభివృద్ధి; 30) ప్రకాశ్‌రెడ్డి – ట్రేడ్‌ ప్రమోషన్‌ కార్పొరేషన్‌; 31) కె.నరేందర్‌రెడ్డి – సుడా(శాతవాహన అర్బన్‌ డెవలప్‌మెంట్‌); 32) పుంజాల అలేఖ్య – సంగీత నాటక అకాడమీ; 33) గిరిధర్‌రెడ్డి – చలనచిత్ర అభివృద్ధి సంస్థ (ఎఫ్‌టీసీ); 34) మన్నె సతీ‹Ùకుమార్‌ – టీఎస్‌టీఎస్‌; 35) జెరిపేటి జైపాల్‌ – అత్యంత వెనకబడిన తరగతుల అభివృద్ధి కార్పొరేషన్‌ (ఎంబీసీ); 36) వెంకట్‌రాంరెడ్డి – కాకతీయ అర్బన్‌ డెవలప్‌మెంట్‌ అథారిటీ (కుడా), 37) ఎంఏ ఫయీం – తెలంగాణ ఫుడ్స్‌  (నోట్‌: ఈ జాబితా అనధికారిక సమాచారం మేరకు మాత్రమే.  ఇందుకు సంబంధించిన అధికారిక ఉత్తర్వులు ఈ నెల 14నే ఇచ్చినా ప్రభుత్వ వర్గాలు ఇంకా అధికారికంగా వెలువడించాల్సి ఉంది.)    

ప్రముఖ విద్యావేత్త, చండీగఢ్‌ యూనివర్సిటీ వ్యవస్థాపకుడు సత్నామ్‌ సింగ్‌ సంధూను రాజ్యసభ సభ్యుడిగా రాష్ట్రపతి రామ్‌నాథ్‌ కోవింద్‌ నామినేట్‌ చేశారు. ఈ మేరకు కేంద్ర హోంమంత్రిత్వశాఖ మంగళవారం నోటిఫికేషన్‌ విడుదల చేసింది. సత్నామ్‌ సంధూ ఎగువసభకు నామినేట్‌ చేయడాన్ని ఉపరాష్ట్రపతి, రాజ్యసభ చైర్మన్‌ జగదీప్‌ ధన్‌కర్‌  స్వాగతించారు. సమాజ సేవ చేయడంలో సంధూ కృష్టి, విద్య, ఆవిష్కరణలపై ఆయనకున్న అభిరుచి రాజ్యసభ ఉన్నతికి ఉపయోగపడుతుందని భావిస్తున్నట్లు చెప్పారు. అతని పదవి కాలం ఉత్తమంగా సాగాలని  కోరుకుంటున్నట్లు పేర్కొన్నారు. ఈసందర్భంగా సంధూకు ప్రధాని నరేంద్రమోదీ అభినందనలు తెలియజేశారు. సత్నామ్‌​ సింగ్‌ను రాజ్యసభకు రాష్ట్రపతి నామినేట్‌ చేసినందుకు సంతోషిస్తున్నట్లు తెలిపారు. ఆయన గొప్ప విద్యావేత్త అని, సామాజిక కార్యకర్తగా అభివర్ణించారు. అట్టడుగు స్థాయి ప్రజలకు సేవ చేస్తున్నారని పేర్కొన్నారు. దేశ సమైక్యత కోసం విస్తృతంగా పనిచేస్తున్నారని, ఆయన పార్లమెంటరీ ప్రయాణం ఉత్తమంగా సాగాలని ఆశిస్తున్నట్లు తెలిపారు. ఆయన అభిప్రాయాలతో రాజ్యసభ కార్యకలాపాలు సుసంపన్నం అవుతాయని భావిస్తున్నట్లు ట్విటర్‌ ద్వారా వెల్లడించారు. I am delighted that Rashtrapati Ji has nominated Shri Satnam Singh Sandhu Ji to the Rajya Sabha. Satnam Ji has distinguished himself as a noted educationist and social worker, who has been serving people at the grassroots in different ways. He has always worked extensively to… pic.twitter.com/rZuUmGJP0q — Narendra Modi (@narendramodi) January 30, 2024 రైతు కొడుకు నుంచి యూనివర్సిటీ ఫౌండర్‌గా.. పంజాబ్‌కు చెందిన సత్నామ్‌ సింగ్‌ సంధూ ఓ సాధారణ రైతు కుటుంబంలో జన్మించాడు. తన చిన్నతనంలో చదువుకునేందుకు ఎన్నో ఇబ్బందులు పడిన సత్నామ్‌..తనలా ఎవరూ బాధలు పడకూడదని నిర్ణయించుకొని అత్యుత్తమ నైపుణ్యాలతో విద్యను అందించేందుకు 2001లో మొహాలిలోని లాండ్రాన్‌లో చండీగఢ్ గ్రూప్ ఆఫ్ కాలేజీలను స్థాపించాడు. 2012లో చండీగఢ్ యూనివర్సిటీని ఏర్పాటు చేశారు. ఆసియాలోనే అత్యుత్తమ ప్రైవేటు వర్సిటీగా తొలి స్థానంలో నిలిచింది. ప్రస్తుతం ఈ వర్సిటీకి ఆయన ఛాన్సలర్‌గా  వ్యవహరిస్తున్నారు. దేశంలోనే ప్రముఖ విద్యావేత్తగా పేరు తెచ్చుకున్నారు సంధూ. ఇతరులకు సాయం చేయడంలోనూ ఆయన ముందుంటారు. ఇండియన్ మైనారిటీస్ ఫౌండేషన్,(IMF) న్యూ ఇండియా డెవలప్‌మెంట్ (NID) ఫౌండేషన్ పేరుతో రెండు ఎన్‌జీవోలను ఏర్పాటుచేసి ప్రజల ఆరోగ్యం, వారి అభివృద్ధికి కృషి చేస్తున్నారు.  లక్షల మంది విద్యార్థులకు నాణ్యమైన విద్యను అందించేందుకు ఆర్థికసాయం చేస్తున్నారు. విద్యా రంగంలో ఆయన సేవలను గుర్తించి కేంద్రం ఆయనకు రాష్ట్రపతి కోటాలో రాజ్యసభ సభ్యత్వం కల్పించింది. కాగా వివిధ రంగాకు చెందిన వారికి డైరెక్ట్‌ రాజ్యసభకు నామినేట్‌ చేసే హక్కు రాష్ట్రపతికి ఉంటుంది.  భారత రాజ్యాంగంలోని నాల్గవ షెడ్యూల్ ప్రకారం.. కళలు, సాహిత్యం, సైన్స్ మరియు సామాజిక సేవలకు చేసిన సేవలకు గాను 12 మంది సభ్యులను ఆరేళ్ల కాలానికి రాజ్యసభకు రాష్ట్రపతికి ఉంటుంది.

సాక్షి, హైదరాబాద్‌: నామినేటెడ్‌ పోస్టుల భర్తీకి అధికార కాంగ్రెస్‌ శ్రీకారం చుట్టింది. ఇటీవల ఎమ్మెల్యేల కోటా ఎమ్మెల్సీ అభ్యర్థులను ఖరారు చేసిన ఆ పార్టీ, తాజాగా నలుగురు ముఖ్య కాంగ్రెస్‌ నేతలకు కేబినెట్‌ హోదా కల్పించింది. సీఎం రేవంత్‌రెడ్డికి అత్యంత సన్నిహితుడైన వేం నరేందర్‌రెడ్డిని సీఎం సలహాదారుడిగా (ప్రజా వ్యవహారాలు) నియమిస్తూ ఉత్తర్వులు జారీ చేశారు. షబ్బీర్‌అలీ (ఎస్సీ, ఎస్టీ, బీసీ, మైనార్టీ సంక్షేమ శాఖలు), హర్కర వేణుగోపాల్‌ (ప్రొటోకాల్, ప్రజాసంబంధాలు)లను రాష్ట్ర ప్రభుత్వ సలహాదారులుగా, మాజీ ఎంపీ మల్లు రవిని ఢిల్లీలో రాష్ట్ర ప్రభుత్వ ప్రత్యేక ప్రతినిధిగా నియమించారు. ఈ నలుగురికి కేబినెట్‌ హోదా కల్పిస్తూ విడివిడిగా ఉత్తర్వులు జారీ అయ్యాయి. సీఎం రేవంత్‌ దావోస్‌ నుంచి రాగానే నామినేటెడ్‌ పదవులు భర్తీ చేస్తారని కాంగ్రెస్‌ నేతల్లో చర్చ జరిగింది. అయితే సీఎం విదేశీ పర్యటన ముగించుకొని వస్తున్న ముందు రోజే ఈ ఉత్తర్వులు వెలువడడం గమనార్హం.   త్వరలోనే మాకు కూడా...! : మిగిలిన నామినేటెడ్‌ పోస్టుల భర్తీ కూడా త్వరలోనే ఉంటుదన్న ఉత్సాహం కాంగ్రెస్‌ నేతల్లో కనిపిస్తోంది. సీఎం దావోస్‌ నుంచి వచ్చిన తర్వాత ఒకట్రెండు రోజుల్లోనే పలు కార్పొరేషన్లకు చైర్మన్లు, డైరెక్టర్లను ప్రకటిస్తారని గాం«దీభవన్‌ వర్గాలంటున్నాయి. రాష్ట్ర ప్రభుత్వ వ్యవహారాల్లో కీలకంగా ఉండే ముఖ్యమైన కార్పొరేషన్లతో పాటు మొత్తం 9 లేదా 18 కార్పొరేషన్‌ పదవులను ప్రకటించే అవకాశాలు కనిపిస్తున్నాయి. ‘రాష్ట్రంలో పదేళ్ల తర్వాత అధికారంలోకి వచ్చాం. చాలాకాలంగా అధికారిక పదవుల కోసం ఎదురుచూస్తున్నాం. ఇప్పుడు ప్రభుత్వ సలహాదారుల నియామకంతో మాకు కూడా త్వరలోనే పదవులు వస్తాయనే ఆశ చిగురించింది. నామినేటెడ్‌ జాబితా ఎప్పుడొస్తుందా అని వేయికళ్లతో ఎదురుచూస్తున్నాం.’అని కార్పొరేషన్‌ పదవుల ఆశావహుల లిస్టులో ముందు వరుసలో ఉన్న ఓ మాజీ ఎమ్మెల్యే వ్యాఖ్యానించడం గమనార్హం. రాష్ట్రస్థాయి పదవులతో పాటు నియోజకవర్గాల్లో ఎక్కువగా ప్రభావం ఉండే మార్కెట్‌ కమిటీల పదవులపై కూడా కాంగ్రెస్‌ పార్టీ క్షేత్రస్థాయిలో కసరత్తు ప్రారంభించింది. పార్లమెంట్‌ ఎన్నికల సన్నద్ధతకు జిల్లాల వారీగా మంత్రులు, ఎమ్మెల్యేలతో భేటీ అయిన సందర్భంగా సీఎం రేవంత్‌రెడ్డి మాట్లాడుతూ బీఆర్‌ఎస్‌ అధికారంలోకి వచ్చిన తర్వాత నియమించిన మార్కెట్‌ కమిటీలను రద్దు చేస్తానని, కొత్త పాలకవర్గాల నియామకంపై ఎమ్మెల్యేలు, మంత్రులు కసరత్తు చేయాలని సూచించారు. ఈ నేపథ్యంలో క్షేత్రస్థాయిలోని కీలక పదవులైన మార్కెట్‌ కమిటీ నియామకాలు కూడా త్వరలోనే జరుగుతాయనే చర్చ కాంగ్రెస్‌ శ్రేణుల్లో జరుగుతోంది.   పలువురి అభినందనలు  రాష్ట్ర ప్రభుత్వ సలహాదారులుగా నియమితులైన వేం నరేందర్‌రెడ్డి, షబ్బీర్‌లీ, హర్కర వేణుగోపాల్, ఢిల్లీలో ప్రభుత్వ ప్రత్యేక ప్రతినిధిగా నియమితులైన మల్లురవిలకు పలువురు అభినందనలు తెలిపారు. ఆదివారం ఉదయం నుంచే వారి నివాసాలకు కాంగ్రెస్‌ నేతలు క్యూ కట్టారు. పలువురు మంత్రులు కూడా వేర్వేరు ప్రకటనల్లో వీరికి శుభాకాంక్షలు తెలియజేశారు. పార్టీ అధిష్టానం, సీఎం రేవంత్‌రెడ్డిలకు వేం, షబ్బీర్, హర్కర, మల్లురవిలు ప్రత్యేక కృతజ్ఞతలు తెలిపారు. తమపై నమ్మకంతో ఇచ్చిన బాధ్యతలను సక్రమంగా నిర్వహించి రాష్ట్ర ప్రజలకు మేలు కలిగేలా ప్రయత్నిస్తామని వారు వెల్లడించారు.    

సాక్షి, హైదరాబాద్‌: ఈ నెల 6వ తేదీన ప్రజాపాలన కార్యక్రమం ముగిసిన తర్వాత నామినేటెడ్‌ పోస్టులను ఖరారు చేసే ఆలోచనలో సీఎం రేవంత్‌రెడ్డి ఉన్నారు. మొదటి నుంచీ చర్చ జరుగుతున్న విధంగా సంక్రాంతి లోపు మొదటి దఫా నామినేటెడ్‌ పోస్టులను భర్తీ చేయనున్నారు. నూతన సంవత్సరం శుభాకాంక్షలు తెలియజేసేందుకు తనను కలిసిన విలేకరులతో సీఎం రేవంత్‌ ఈ మేరకు తన మనసులో మాట చెప్పారు. నామినేటెడ్‌ పోస్టులను భర్తీ చేసే క్రమంలో తనతో ఉన్న సాన్నిహిత్యం, పార్టీలో పలుకుబడి పనిచేయవని, పార్టీ కోసం కష్టపడ్డవారికి, కాంగ్రెస్‌ను అధికారంలోకి తీసుకురావడంలో భాగంగా త్యాగం చేసిన వారికి మాత్రమే ప్రాధాన్యత ఉంటుందని ఆయన స్పష్టం చేశారు. ఎవరికి నామినేటెడ్‌ పదవులు ఇవ్వాలన్నది పార్టీ నిర్ణయిస్తుందని చెప్పారు.   తీవ్ర పోటీ  పార్టీ నేతలు, మంత్రులు, ఎమ్మెల్యేల సలహాలు, సూచనలు, సిఫారసులు తీసుకుని ఆరో తేదీ తర్వాత ముఖ్యమంత్రి కసరత్తు పూర్తి చేయనున్నారు. అనంతరం ఆ జాబితాను పార్టీ అధిష్టానానికి పంపి అక్కడ అనుమతి తీసుకున్న తర్వాత సంక్రాంతిలోపు ఈ పదవుల పందేరంపై ప్రకటన చేస్తారని తెలుస్తోంది. కాగా, పదేళ్ల తర్వాత అధికారం దక్కిన నేపథ్యంలో నామినేటెడ్‌ పదవుల కోసం కాంగ్రెస్‌ పారీ్టలో తీవ్ర పోటీ నెలకొంది. రాజకీయంగా గుర్తింపు ఉండే కీలక కార్పొరేషన్లతో పాటు ఇతర కార్పొరేషన్లకు చైర్మన్‌ పదవులతో పాటు డైరెక్టర్ల కోసం పోటీ పడుతున్న వారి జాబితా చాంతాడంత తయారయింది. ఈ నేపథ్యంలో సామాజిక సమీకరణలు, జిల్లాల వారీ ప్రాతినిధ్యం, పార్టీలో అనుభవం తదితర అంశాలను పరిగణనలోకి తీసుకుని తుది జాబితా తయారు చేసే అవకాశాలు కనిపిస్తున్నాయి. బుధవారం జరిగే టీపీసీసీ విస్తృత స్థాయి కార్యవర్గ సమావేశంలో కూడా సీఎం రేవంత్‌ ఈ పోస్టులపై మరింత స్పష్టత ఇస్తారనే చర్చ గాం«దీభవన్‌ వర్గాల్లో జరుగుతోంది.

సాక్షి, హైదరాబాద్‌: తెలంగాణ ముఖ్యమంత్రి రేవంత్‌ రెడ్డి కీలక వ్యాఖ్యలు చేశారు. పార్లమెంట్‌ ఎన్నికలు నెల రోజుల మందే రావచ్చని రేవంత్‌ అన్నారు. అలాగే, సంక్రాంతి తర్వాత కాంగ్రెస్‌ పార్లమెంట్‌ అభ్యర్థుల ప్రకటన ఉంటుందని స్పష్టం చేశారు.  కాగా, సీఎం రేవంత్‌ రెడ్డి పీఏసీ సమావేశంలో పాల్గొన్నారు. ఈ సందర్భంగా రేవంత్‌ మాట్లాడుతూ.. తెలంగాణలో ఎమ్మెల్సీ సీట్ల అంశం అధిష్టానం చూసుకుంటుంది. నామినేటెడ్‌ పదవుల ఎంపిక బాధ్యత ఇంఛార్జ్‌ మాణిక్‌రావ్‌ ఠాక్రే, ఏఐసీసీ కార్యదర్శులదే. నెల రోజుల్లో నామినేటెడ్‌ పోస్టుల భర్తీ ఉంటుంది. మన పార్టీ ఎమ్మెల్యే ఉన్నాడా లేదా అని కాకుండా, మన కోసం పనిచేసిన అందరికీ సంక్షేమ పథకాలు అందాల్సిందే. సంక్షేమ పథకాల అమలు బాధ్యత జిల్లా ఇంఛార్జ్‌లదే. మన కార్యకర్తలు సంతృప్తి చెందేలా పనిచేద్దాం. మనం బీఫార్మ్‌ ఇచ్చిన నాయకుడి ద్వారానే పథకాలు అందాలి. గ్రామసభల్లోనే లబ్ధిదారుల ఎంపిక జరగాలి అని కామెంట్స్‌ చేశారు.  ఇక అంతకుముందు.. గాంధీభవన్‌లో జరిగిన కాంగ్రెస్‌ పొలిటికల్‌ అఫైర్స్‌ కమిటీ సమావేశానికి ముఖ్య నేతలంతా హాజరయ్యారు. ఈ సమావేశంలో కాంగ్రెస్‌ అధినేత్రి సోనియా గాంధీ తెలంగాణ నుంచి పార్లమెంట్ స్థానానికి పోటీ చేయాలని తీర్మానించారు. తెలంగాణలో ఇచ్చిన హామీల మేరకు ఆరు గ్యారెంటీల్లో రెండింటిని అమలు చేశాం. రాష్ట్రంలో గత బీఆర్‌ఎస్‌ ప్రభుత్వం ఆర్థిక క్రమశిక్షణ పాటించలేదన్నారు. బీఆర్‌ఎస్‌ ప్రభుత్వం చేసిన అప్పుల వివరాల అసెంబ్లీ వేదికగా వివరిస్తాం. సభలో మంత్రి భట్టి విక్రమార్క.. గత ప్రభుత్వ అప్పులపై ప్రజెంటేషన్‌ ఇస్తారు. త్వరలోనే గ్రామసభలు నిర్వహించి అర్హులైన వారికి రేషన్‌కార్డులు పంపిణీ చేస్తామన్నారు. 

సాక్షి, హైదరాబాద్‌: రాష్ట్ర పాలనా యంత్రాంగంలో భారీస్థాయిలో మార్పులు చేపట్టేందుకు కొత్త సర్కారు రంగం సిద్ధం చేస్తున్నట్టు సమాచారం. ప్రత్యేక ప్రధాన కార్యదర్శుల నుంచి జిల్లాల కలెక్టర్లు, జాయింట్‌ కలెక్టర్ల వరకు అఖిల భారత సర్వీసు అధికారుల బదిలీల కోసం కసరత్తు జరుగుతున్నట్టు ప్రభుత్వ వర్గాలు చెప్తున్నాయి. ముఖ్యమంత్రి, మంత్రులు బాధ్యతలు స్వీకరించిన వెంటనే సమీక్షా సమావేశాలు నిర్వహించడం వెనుక ఉద్దేశం కూడా ఇదేనని పేర్కొంటున్నాయి. ప్రాథమికంగా సమీక్షించి, ఆయా శాఖల్లో ఏం జరుగుతోందన్న అంశాలను అవగాహన చేసుకున్నాక.. ప్రక్షాళన మొదలుపెట్టనున్నట్టు వివరిస్తున్నాయి.  కొందరు అధికారులపై ఫోకస్‌  కాంగ్రెస్‌ ప్రతిపక్షంలో ఉన్నప్పుడు పలువురు అధికారులు బీఆర్‌ఎస్‌ సర్కారుకు తొత్తులుగా పనిచేస్తున్నారంటూ విమర్శలు గుప్పించింది. హైదరాబాద్‌ పరిసర ప్రాంత జిల్లాల కలెక్టర్ల పనితీరుపై ఆరోపణలు చేసింది. ఈ నేపథ్యంలో.. ప్రస్తుతం రెవెన్యూశాఖ ముఖ్య కార్యదర్శిగా ఉన్న నవీన్‌ మిట్టల్, పురపాలక శాఖ ప్రత్యేక ప్రధాన కార్యదర్శి అర్వింద్‌కుమార్, ఐటీ–పరిశ్రమల శాఖ ముఖ్య కార్యదర్శి జయేశ్‌ రంజన్, సింగరేణి సీఎండీ శ్రీధర్, పంచాయతీరాజ్‌ శాఖ ముఖ్య కార్యదర్శి సందీప్‌కుమార్‌ సుల్తానియా, నీటి పారుదల శాఖ కార్యదర్శి స్మితా సబర్వాల్‌లకు స్థానభ్రంశం తప్పదన్న అభిప్రాయం ప్రభుత్వ వర్గాల్లో వినిపిస్తోంది. నవీన్‌ మిట్టల్‌ రెవెన్యూ శాఖ ముఖ్య కార్యదర్శితోపాటు సీసీఎల్‌ఏగా కూడా కొనసాగుతున్నారు. ఆయన స్థానంలో ఆర్థిక శాఖ ప్రత్యేక ప్రధాన కార్యదర్శి రామకృష్ణారావు లేదా శశాంక్‌ గోయల్‌ను నియమించే అవకాశాలు ఉన్నట్టు ప్రచారం జరుగుతోంది. ఇక ప్రభుత్వ ప్రధాన కార్యదర్శి శాంతికుమారిని తక్షణమే మార్చే ఉద్దేశం లేదన్న అభిప్రాయం వ్యక్తమవుతోంది. ఆమెను మార్చే పక్షంలో రామకృష్ణారావుకు సీఎస్‌ బాధ్యతలు అప్పగించవచ్చని అంటున్నారు.  రిటైరైనా కొనసాగుతున్నవారికి ఉద్వాసన  పదవీ విరమణ చేసిన దేవాదాయ, పౌరసరఫరాల శాఖ కమిషనర్‌ అనిల్‌కుమార్‌ను గత ప్రభుత్వం అదే పోస్టులో కొనసాగిస్తూ వచ్చింది. ఇప్పుడు ఆయనకు ఉద్వాసన పలికే అవకాశం ఉందని అంటున్నారు. మైనారిటీ సంక్షేమశాఖ కార్యదర్శిగా ఉన్న రిటైర్డ్‌ అధికారి సయ్యద్‌ ఒమర్‌ జలీల్, పశుసంవర్థకశాఖ ప్రత్యేక ప్రధాన కార్యదర్శిగా తిరిగి నియమితులైన అదర్‌సిన్హా, కారి్మక శాఖ ప్రత్యేక ప్రధాన కార్యదర్శిగా తిరిగి నియమితులైన రాణి కుముదిని తదితరులనూ తప్పించనున్నట్టు చెప్తున్నారు.   అప్రాధాన్య పోస్టుల్లో ఉన్న కీలక అధికారులకు..  గత సర్కారు అప్రాధాన్య పోస్టుల్లో కొనసాగించిన సీనియర్‌ ఐఏఎస్‌ అధికారుల జాబితాలో.. బుర్రా వెంకటేశ్వర్లు (వెనుకబడిన తరగతుల శాఖ కార్యదర్శి), అనితా రామచంద్రన్‌ (టీఎస్‌పీఎస్సీ కార్యదర్శి), విజయేంద్ర (ప్రత్యేక కార్యదర్శి ఆర్‌అండ్‌బీ), రాహుల్‌ బొజ్జా (విపత్తుల నిర్వహణ కార్యదర్శి) తదితరులు ఉన్నారు. వీరికి ప్రాధాన్య పోస్టులు లభించే అవకాశం ఉందని చర్చ జరుగుతోంది. మరోవైపు గత ప్రభుత్వంలో ఓ వెలుగు వెలిగిన ఉన్నతాధికారులు కేంద్ర సర్వీసులకు వెళ్లడానికి అప్పుడే ప్రయత్నాలు మొదలెట్టినట్టు ప్రచారం జరుగుతోంది.  కలెక్టర్లకూ స్థాన చలనం  కలెక్టర్లలో సంగారెడ్డి కలెక్టర్‌ శరత్, భూపాలపల్లి కలెక్టర్‌ భవ్యేశ్‌ మిశ్రా, రాజీవ్‌గాంధీ హన్మంతుతోపాటు పలువురు అధికారులకు స్థానభ్రంశం తప్పదని ప్రభుత్వ వర్గాలు చెప్తున్నాయి. గతంలో రంగారెడ్డి జిల్లా జాయింట్‌ కలెక్టర్‌గా చేసి.. పీఎంవోకు డిప్యూటేషన్‌పై వెళ్లిన కాట ఆమ్రపాలి తిరిగి రాష్ట్ర సర్వీసులకు వచ్చారు. ఆమె పోస్టింగ్‌ కోసం ఎదురుచూస్తున్నారు. ఇక ఢిల్లీలోని తెలంగాణ భవన్‌ ఓఎస్డీగా ఉన్న సంజయ్‌ జాజు తిరిగి హైదరాబాద్‌కు వచ్చే అవకాశం ఉంది. వీరు కాకుండా మరో అరడజను మంది వరకు అధికారులు కేంద్ర ప్రభుత్వ సర్వీసులో ఉన్నారు. వారు ఐదేళ్లపాటు కేంద్ర సరీ్వసుల్లో డెప్యుటేషన్‌ పూర్తి చేసుకున్నాకే రాష్ట్ర సర్వీసుకు వస్తారు. ఒకవేళ రాష్ట్ర ప్రభుత్వం ప్రత్యేకంగా కోరితే రిలీవ్‌ చేసే అవకాశం ఉంటుంది.  

సాక్షి, హైదరాబాద్‌: ముఖ్యమంత్రి ఎనుముల రేవంత్‌రెడ్డి రాష్ట్ర పాలనా వ్యవహారాల్లో బహుముఖ వ్యూహంతో ముందుకెళ్తున్నారు. ఎన్నికల్లో ప్రజలకు ఇచ్చిన హామీలను నెరవేర్చే దిశగా కసరత్తు చేస్తున్నారు. ఇప్పటికే రెండు హామీలను అమల్లోకి తేగా.. ఇప్పుడు రైతులకు సంబంధించిన అంశాలపై ఫోకస్‌ చేశారు. రైతు బంధు, రుణమాఫీలను వీలైనంత త్వరగా కొలిక్కి తెచ్చే యోచనలో రేవంత్‌ ఉన్నారని సీఎంవో వర్గాలు చెప్తున్నాయి. వీటితోపాటు నామినేటెడ్‌ పోస్టుల భర్తీపైనా ఆయన దృష్టి సారించారని అంటున్నాయి. ఇందులో భాగంగానే తెలంగాణ ప్రదేశ్‌ కాంగ్రెస్‌ కమిటీ (టీపీసీసీ) నుంచి ముఖ్య నేతల పేర్లు, టీపీసీసీ ఉపాధ్యక్షులు, ప్రధాన కార్యదర్శుల పేర్లను తెప్పించుకుని.. పదవుల పంపిణీపై కసరత్తు చేస్తున్నట్టు సమాచారం. నామినేటెడ్‌ పదవుల్లో భాగంగా ప్లానింగ్‌ కమిషన్‌ వైస్‌ చైర్మన్‌ హోదాపై స్పష్టత వచ్చిందని, తనకు సన్నిహితుడైన మాజీ ఎమ్మెల్యే వేం నరేందర్‌రెడ్డికి ఈ పదవి ఇవ్వాలని రేవంత్‌ నిర్ణయించుకున్నారని గాందీభవన్‌ వర్గాలు చెప్తున్నాయి.  బ్యాంకులకు వాయిదాలు..రైతులకు ఒకేసారి  రైతుల పంట రుణాల మాఫీ విషయంలో సీఎం రేవంత్‌ ఒక ఆలోచనకు వచ్చినట్టు సీఎంవో వర్గాల్లో చర్చ జరుగుతోంది. రైతుల కు రూ.2 లక్షల వరకు రుణమాఫీ చేస్తామని ఎన్నికల ప్రచారంలో హామీ ఇచ్చిన నేపథ్యంలో.. అందుకు అవసరమైన మొత్తాన్ని ఎలా సర్దుబాటు చేయాలన్న దానిపై రేవంత్‌ పలు ప్రతిపాదనలను పరిశీలిస్తున్నట్టు తెలిసింది. రైతులకు బ్యాంకుల్లో ఉన్న రుణమొత్తాన్ని బట్టి నిధులు విడుదల చేస్తూ దశల వారీగా మాఫీ చేయాలా? లేక ఒకేసారి రుణమాఫీ చేస్తున్నట్టు ప్రకటించాలా అన్న దానిపై ఉన్నతాధికారులు, ఆర్థిక శాఖ అధికారులతో చర్చిస్తున్నట్టు సమాచారం. రైతు రుణమాఫీ కోసం మొత్తంగా ఎంత ఖర్చవుతుందన్న దానిపై సీఎం ఇప్పటికే ఓ అంచనాకు వచ్చారని సీఎంవో వర్గాలు చెప్తున్నాయి. అంత మొత్తాన్ని ఒకేసారి విడుదల చేయడం సాధ్యంకాని పరిస్థితుల్లో.. బ్యాంకులతో చర్చించడం ద్వారా రుణమాఫీ అంశాన్ని పరిష్కరించాలనే యోచనలో ఉన్నారని వివరిస్తున్నాయి.  మాఫీ కోసం రూ.36 వేల కోట్లు!  రూ.లక్ష వరకు రుణమాఫీకి రూ.18–19 వేల కోట్ల వరకు అవసరమని.. రూ.2లక్షల వరకు అయితే రూ.30 వేల కోట్లు కావాలని ఆర్థిక శాఖ అధికారులు సీఎంకు వివరించినట్టు తెలిసింది. ఈ మొత్తాన్ని నెలవారీ వాయిదాలుగా బ్యాంకులకు చెల్లించే ప్రతిపాదనపై ముందుకెళ్లాలని ఆయన ఆర్థిక శాఖ అధికారులను ఆదేశించినట్టు సమాచారం. మొత్తం రూ.30వేల కోట్లను ఐదేళ్లపాటు వడ్డీతో కలిపి చెల్లించాలంటే.. మొత్తంగా రూ.36 వేల కోట్లు అవుతాయన్న అంచనా వేసినట్టు తెలిసింది. దీంతో ప్రతి నెలా రూ.600 కోట్ల చొప్పున ఐదేళ్లపాటు రుణమాఫీ నిధులను బ్యాంకులకు చెల్లించే అంశాన్ని పరిశీలిస్తున్నట్టు సమాచారం. ఇందుకోసం నోడల్‌ బ్యాంకును ఏర్పాటు చేసుకోవాలని, అవసరమైతే రిజర్వ్‌ బ్యాంకు (ఆర్‌బీఐ)తో చర్చించాలని భావిస్తున్నట్టు తెలిసింది. బ్యాంకులకు నెలవారీ వాయిదాల్లో చెల్లించినా.. రైతులకు మాత్రం ఒకేసారి మొత్తం రుణమాఫీ చేసేలా బ్యాంకులను ఒప్పించాలన్నది సీఎం ఆలోచన అని సీఎంవో వర్గాలు చెప్తున్నాయి. ఈ ప్రతిపాదనపై అన్ని వర్గాల నుంచి సానుకూలత వస్తే.. త్వరలోనే అధికారికంగా ప్రకటన చేయాలని భావిస్తున్నట్టు పేర్కొంటున్నాయి.  15వ తేదీకల్లా రైతు బంధు..  రాష్ట్ర ఆర్థిక పరిస్థితిపై ఇప్పటికే ఆ శాఖ అధికారులతో చర్చించిన సీఎం రేవంత్‌.. వీలైనంత త్వరగా రైతుబంధు సొమ్ము విడుదల చేసేలా నిధులు సమీకరించాలని ఆదేశించారు. ఎన్నికల ప్రచార సమయంలో రైతుబంధు విడుదలకు ఈసీ అనుమతించి, తర్వాత నిలిపివేసిన విషయం తెలిసిందే. దాంతో తాము డిసెంబర్‌ 9న అధికారంలోకి వస్తామని, తర్వాత 10 రోజుల్లో రైతుబంధు సొమ్మును జమ చేస్తామని పీసీసీ చీఫ్‌ హోదాలో రేవంత్‌ హామీ ఇచ్చారు. ఈ మేరకు 19వ తేదీనాటికి రైతుబంధు నిధులను విడుదల చేయాల్సి ఉంది. అంతకు నాలుగు రోజుల ముందే, అంటే ఈ నెల 15వ తేదీకల్లా సుమారు 70లక్షల మంది రైతుల ఖాతాల్లో  రూ.7 వేల కోట్లను జమ చేయాలని సీఎం భావిస్తున్నట్టు తెలిసింది.  నామినేటెడ్‌ పదవులపై కసరత్తు  ఓ వైపు పాలన, మరోవైపు పథకాల అమలుపై దృష్టి సారించిన సీఎం రేవంత్‌.. వాటికి సమాంతరంగా నామినేటెడ్‌ పదవుల భర్తీపై కసరత్తు చేస్తున్నారు. పదేళ్లుగా అధికారానికి దూరమై ప్రభుత్వ పదవుల కోసం ఎదురుచూస్తున్నవారు, గత ఎన్నికల్లో పోటీ అవకాశం రాని నేతలను నామినేటెడ్‌ పదవుల్లో నియమించడానికి ఏర్పాట్లు చేస్తున్నారు. ఈ మేరకు గాందీభవన్‌ నుంచి ముఖ్య నేతలు, టీపీసీసీ ఉపాధ్యక్షులు, ప్రధాన కార్యదర్శులు, అనుబంధ సంఘాల నేతల పేర్లను తెప్పించుకున్నారని టీపీసీసీ వర్గాలు తెలిపాయి. పార్టీలోని నేతలతోపాటు పార్టీకి అండగా నిలిచిన బయటి ముఖ్యుల సేవలనూ వినియోగించుకోవాలని రేవంత్‌ యోచిస్తున్నారని వెల్లడించాయి. ఇందులో భాగంగా టీజేఎస్‌ అధినేత కోదండరాం, మాజీ ఐఏఎస్‌ అధికారి ఆకునూరి మురళి తదితరుల పేర్లను పరిశీలిస్తున్నారని వివరించాయి.    ఆప్తుడికి తొలి నామినేటెడ్‌ పదవి?  సీఎం రేవంత్‌రెడ్డి నామినేటెడ్‌ పదవుల పంపకంలో భాగంగా తొలి పదవిని తనకు సన్నిహితుడైన మాజీ ఎమ్మెల్యే వేం నరేందర్‌రెడ్డికి ఇచ్చే అవకాశాలు కనిపిస్తున్నాయి. ఆయనను కేబినెట్‌ హోదా ఉండే రాష్ట్ర ప్రణాళిక సంఘం వైస్‌ చైర్మన్‌గా నియమించాలని రేవంత్‌ భావిస్తున్నట్టు తెలిసింది. వేం నరేందర్‌రెడ్డి చాలా కాలం నుంచి రేవంత్‌ వెన్నంటే ఉంటున్నారు. ఇటీవలి అసెంబ్లీ ఎన్నికల సమయంలోనూ.. పీసీసీ చీఫ్‌గా ఉన్న రేవంత్‌ శిబిరంలో కీలకంగా వ్యవహరించారు. తెర వెనుక ఉండి ప్రచారం, అభ్యర్థులతో సమన్వయం, కేడర్‌ను కదిలించడం, సభల ఏర్పాటు, నిర్వహణ వంటివి చూసుకున్నారు. అసెంబ్లీ ఎన్నికల్లో తాను పోటీ చేస్తానని కూడా పట్టుబట్టలేదు. ఈ నేపథ్యంలో వేం నరేందర్‌రెడ్డికి తగిన గుర్తింపు ఇవ్వాలని రేవంత్‌ యోచిస్తున్నారని, త్వరలోనే ప్లానింగ్‌ కమిషన్‌ వైస్‌ చైర్మన్‌గా నియమిస్తూ ఉత్తర్వులు వెలువడే అవకాశం ఉందని టీపీసీసీ వర్గాలు చెప్తున్నాయి.   

సాక్షి, హైదరాబాద్‌: రాష్ట్రంలో కాంగ్రెస్‌ ప్రభుత్వం ఏర్పాటుకు సన్నాహాలు జరుగుతున్న నేపథ్యంలో గత ప్రభుత్వంలో నామినేటెడ్‌ పదవుల్లో నియమితులైన బీఆర్‌ఎస్‌ నేతలు రాజీనామా బాట పట్టారు. తమ పదవులనుంచి వైదొలగుతూ.. ప్రభుత్వ ప్రధాన కార్యదర్శితో పాటు సంబందిత శాఖల కార్యదర్శులకు రాజీనామా లేఖలు పంపిస్తున్నారు. రాష్ట్ర ప్రణాళికా సంఘం వైస్‌ చైర్మన్‌ పదవికి బోయినపల్లి వినోద్‌ కుమార్, తెలంగాణ బ్రాహ్మణ సంక్షేమ పరిషత్‌ వైస్‌ చైర్మన్‌ పదవికి జ్వాల నరసింహరావు వనం సోమవారం రాజీనామా చేశారు. బ్రాహ్మణ సంక్షేమ పరిషత్‌ చైర్మన్, ప్రభుత్వ సలహాదారు పదవికి రిటైర్డు ఐఏఎస్‌ అధికారి రమణాచారి, తెలంగాణ గ్రంధాలయ సంస్థ చైర్మన్‌ ఆయాచితం శ్రీధర్‌ తమ పదవులకు రాజీనామా చేశారు. వీరితో పాటు బీఆర్‌ఎస్‌ ప్రభుత్వంలో పలు ప్రభుత్వ కార్పొరేషన్‌ చైర్మన్లుగా నామినేటైన నేతలు కూడా వైదొలగుతున్నారు. డాక్టర్‌ ఆంజనేయగౌడ్‌ (స్పోర్ట్స్‌ అథారిటీ), సోమ భరత్‌కుమార్‌ (డెయిరీ డెవలప్‌మెంట్‌), జూలూరి గౌరీశంకర్‌ (తెలంగాణ సాహిత్య అకాడమీ), పల్లె రవికుమార్‌గౌడ్‌ (కల్లుగీత కార్పొరేషన్‌), మేడె రాజీవ్‌సాగర్‌ (టీఎస్‌ ఫుడ్స్‌), డాక్టర్‌ దూదిమెట్ల బాలరాజుయాదవ్‌ (గొర్రెలు, మేకల అభివృద్ధి సంస్థ), గూడూరు ప్రవీణ్‌ (టెక్స్‌టైల్‌), గజ్జెల నగేష్‌ (బేవరేజెస్‌), అనిల్‌ కూర్మాచలం (ఫిలిం డెవలప్‌మెంట్‌), రామచంద్ర నాయక్‌ (ట్రైకార్‌), వలియా నాయక్‌ (గిరిజన ఆర్థిక సహకార సంస్థ), వై.సతీష్ రెడ్డి (రెడ్‌కో), డాక్టర్‌ ఎర్రోళ్ల శ్రీనివాస్‌ (రాష్ట్ర వైద్య మౌలిక సదుపాయాల కల్పన సంస్థ), సర్దార్‌ రవీందర్‌సింగ్‌ (పౌర సరఫరాలు), జగన్మోహన్‌రావు (టెక్నాలజికల్‌ సరీ్వసెస్‌), మన్నె క్రిశాంక్‌ (మినరల్‌ డెవలప్‌మెంట్‌) రాజీనామా చేసిన వారిలో ఉన్నారు.  వైదొలిగిన ఎస్‌ఐబీ చీఫ్‌ ప్రభాకర్‌రావు, టాస్క్‌ఫోర్స్‌ ఓఎస్‌డీ రాధాకిషన్‌రావు  మావోయిస్టు ఆపరేషన్స్‌లో కీలకమైన స్పెషల్‌ ఇంటెలిజెన్స్‌ బ్రాంచ్‌ (ఎస్‌ఐబీ) చీఫ్‌గా పనిచేస్తున్న ఓఎస్‌డీ టి.ప్రభాకర్‌రావు సోమవారం తన పోస్టుకు రాజీనామా చేశారు. అలాగే, హైదరాబాద్‌ టాస్క్ఫోర్స్‌ ఓఎస్‌డీగా పనిచేసిన రాధాకిషన్‌రావు సైతం తన పోస్టుకు రాజీనామా చేశారు.  ఏఏజీ రామచంద్రరావు రాజీనామా  రాష్ట్ర అదనపు అడ్వొకేట్‌ జనరల్‌ జె.రామచంద్రరావు తన పదవికి రాజీనామా చేశారు. శాసనసభ ఎన్నికలు ముగిసి కొత్త ప్రభుత్వం బాధ్యతలు చేపట్టనున్న నేపథ్యంలో ఆయన తన రాజీనామాను సోమవారం ప్రభుత్వ ప్రధాన కార్యదర్శికి పంపించారు. తొలిసారి కేసీఆర్‌ ప్రభుత్వం ఏర్పాటైన నాటి నుంచి ఆయన అదనపు ఏజీగా పనిచేశారు. అడ్వొకేట్‌ జనరల్‌ బీఎస్‌ ప్రసాద్‌ కూడా రాజీనామా చేయనున్నట్లు సమాచారం. ట్రాన్స్‌కో, జెన్‌కో సీఎండీ కూడా..  తెలంగాణ ట్రాన్స్‌కో, జెన్‌కో సీఎండీ డి.ప్రభాకర్‌రావు రాజీనామా చేస్తున్నట్టు రాష్ట్ర ఇంధన శాఖ ప్రత్యేక ప్రధాన కార్యదిర్శకి పంపిన లేఖలో తెలిపారు. కొత్త సీఎండీలను నియమించే వరకు..జెన్‌కో సీఎండీగా ఆ సంస్థ డైరెక్టర్‌ ఎ.అజయ్‌కు, ట్రాన్స్‌కో సీఎండీగా సంస్థ జేఎండీ సి.శ్రీనివాసరావుకు అదనపు బాధ్యతలు అప్పగించాలని ఆయన సిఫారసు చేశారు. అయితే ప్రభాకర్‌ రావు రాజీనామాను ఇంకా ఇంధన శాఖ ఆమోదించలేదని తెలిసింది. కాగా, ఏపీ నుంచి వచ్చిన విద్యుత్‌ ఉద్యోగులకు పోస్టింగ్‌లు ఇవ్వాల్సి రావడంతో ఏడాది కింద రివర్షన్లు పొందిన తెలంగాణ విద్యుత్‌ ఉద్యోగులకు ఎన్నికలైన వెంటనే పదోన్నతులు కల్చిస్తామని ప్రభాకర్‌రావు హామీనిచ్చారనీ, ఇప్పుడు ఆయన రాజీనామాతో తమకు తీవ్ర అన్యాయం జరిగిందని బాధిత ఉద్యోగులు ఓ ప్రకటనలో ఆందోళన వ్యక్తం చేశారు. రాష్ట్రంలో కొత్తగా ఏర్పడిన ప్రభుత్వం అయినా తమకు న్యాయం చేయాలంటూ సోమవారం ట్రాన్స్‌కో జేఎండీ శ్రీనివాసరావును కలిసి వినతిపత్రం సమర్పించారు.  

దేశంలోని వివిధ రాష్ట్రాల్లోని లోక్‌సభ, అసెంబ్లీలలో ఆంగ్లో-ఇండియన్ కమ్యూనిటీ ప్రాతినిధ్యం ఉండేది. లోక్‌సభకు ఆంగ్లో ఇండియన్‌ ప్రతినిధులను రాష్ట్రపతి స్వయంగా ఎన్నుకునేవారు. సభలో ఈ సంఘానికి రెండు సీట్లు రిజర్వ్ చేసేవారు. పార్లమెంట్‌లో అన్ని ప్రాంతాలు, అన్ని వర్గాలకు ప్రాతినిధ్యం ఉంటుంది. దేశంలో ఆంగ్లో-ఇండియన్ కమ్యూనిటీ చరిత్ర గురించి తెలుసుకుందాం. రాజ్యాంగంలోని ఆర్టికల్ 366 (2)లో ఆంగ్లో ఇండియన్ ప్రస్తావన కనిపిస్తుంది. ఆంగ్లో-ఇండియన్ అంటే భారతదేశంలో నివసిస్తూ, వారి తండ్రి లేదా అతని తండ్రితరపు పూర్వీకులు యూరోపియన్ సంతతికి చెందినవారై ఉండాలి. చరిత్రను పరిశీలిస్తే భారతదేశంలో ఆంగ్లో-ఇండియన్ల రాక బ్రిటీష్ వారు భారతదేశంలో రైల్వే ట్రాక్‌లు,టెలిఫోన్ లైన్లు వేసినప్పుడు ప్రారంభమైంది. ఈ పనుల కోసం యూరప్ నుండి జనం భారతదేశానికి తరలి వచ్చారు. తర్వాత ఇండియాలో ఇక్కడి యువతులనే వివాహం చేసుకుని ఇక్కడే స్థిరపడ్డాడు. రాజ్యాంగంలోని ఆర్టికల్ 331 ప్రకారం.. భారతదేశంలోని  ఆంగ్లో-ఇండియన్ల సంఘం ప్రతినిధులను దేశంలోని పార్లమెంటు, రాష్ట్రాలలోని అసెంబ్లీలకు నామినేట్‌ చేసేవారు.ఈ సంఘానికి సొంత నియోజకవర్గం అంటూ లేదు. ఈ హక్కును తొలిసారిగా ప్రధాని పండిట్ జవహర్‌లాల్ నెహ్రూ నుంచి ఫ్రాంక్ ఆంథోనీ అందుకున్నారు. లోక్‌సభలో మొత్తం 545 స్థానాలు ఉన్నాయి. వీటికి 543 మంది ఎంపీలు ఎన్నికవుతారు. ఈ ఎంపీలలో ఆంగ్లో-ఇండియన్ కమ్యూనిటీకి చెందినవారు ఎవరూ లేకపోతే రాజ్యాంగంలోని ఆర్టికల్ 331 ప్రకారం, రాష్ట్రపతి ఆంగ్లో ఇండియన్‌ సంఘానికి చెందిన ఇద్దరు ప్రతినిధులను లోక్‌సభకు నామినేట్ చేసేవారు. రాజ్యాంగంలోని 10వ షెడ్యూల్ ప్రకారం సభకు నామినేట్ అయిన ఆంగ్లో-ఇండియన్ 6 నెలల్లోపు ఏదైనా పార్టీ సభ్యత్వం తీసుకోవచ్చు. సభ్యత్వం తీసుకున్న తర్వాత వారు ఆ పార్టీ విప్‌కు కట్టుబడి ఉండాలి. దీనితో పాటు పార్టీ నియమనిబంధనల ప్రకానం నడుచుకోవాల్సి ఉంటుంది.  ఇది కూడా చదవండి: సిక్కుల తలపాగా రహస్యం ఏమిటి? ఎందుకు ధరిస్తారు? రాష్ట్రాలలో ఏ ఆంగ్లో ఇండియన్‌లు అసెంబ్లీ ఎన్నికలలో గెలవని పక్షంలో గవర్నర్‌ ఆంగ్లో-ఇండియన్‌ను ఎన్నుకుని అసెంబ్లీకి పంపే హక్కు కలిగి ఉంటారు. ఇలా ఎన్నికైనవారు  ప్రజల నుంచి ఎన్నుకోనివారై, రాష్ట్రపతి లేదా గవర్నర్‌ ద్వారా నామినేట్ అయితే వారికి రాష్ట్రపతి ఎన్నికలలో ఓటు వేసే హక్కు వారికి ఉండదు. 2012 రాష్ట్రపతి ఎన్నికలలో ఓటు వేసిన ఏకైక ఆంగ్లో-ఇండియన్ డెరెక్ ఓ బ్రియన్. ఈయన తృణమూల్ కాంగ్రెస్ నుంచి ఎంపీగా ఎంపికయ్యారు.  ఆదరణ పొందిన కీలర్ సోదరులు పలువురు ఆంగ్లో-ఇండియన్లు మనదేశంలో ఆదరణ పొందారు. వారిలో కీలర్ సోదరులు ప్రముఖంగా కనిపిస్తారు. వీరిద్దరూ లక్నోలో పుట్టారు. ఎయిర్ ఫీల్డ్ మార్షల్ డెంజిల్ కీలర్, వింగ్ కమాండర్ ట్రెవర్ కీలర్ భారత వైమానిక దళంలో పని చేశారు. వీరు ప్రదర్శించిన ధైర్యసాహసాల కారణంగా 1965 ఇండో-పాక్ యుద్ధంలో వీరిద్దరికీ వీర చక్ర అవార్డు లభించింది. లక్నోలో చదువుకున్న ఫ్లైట్ లెఫ్టినెంట్ ఆల్ఫ్రెడ్ కుక్ కూడా 1965 ఇండో-పాక్ యుద్ధంలో వీర చక్ర అవార్డును అందుకున్నారు. పీటర్ ఫాంథమ్ పలుమార్లు ఉత్తరప్రదేశ్ శాసనసభ సభ్యునిగా ఉన్నారు.  మోడీ ప్రభుత్వ నిర్ణయంతో.. మోడీ ప్రభుత్వం తన రెండవ టర్మ్ సమయంలో, ఆంగ్లో ఇండియన్ల ఎంపిక విషయంలో కఠిన నిర్ణయం తీసుకుంది. 2019 సంవత్సరంలో పార్లమెంటులో ఆంగ్లో-ఇండియన్ల ప్రాతినిధ్యాన్ని రద్దు చేసింది. ప్రతి పదేళ్ల తర్వాత పార్లమెంటులో రిజర్వేషన్లకు సంబంధించి సమీక్ష జరుగుతుంది. ఈ సమీక్షలో ఈ రెండు రిజర్వ్డ్ సీట్లలో రిజర్వేషన్ ఉంచాలా వద్దా అనేది నిర్ణయిస్తారు. వారి రిజర్వేషన్ వ్యవధి 2020, జనవరి 25తో ముగిసింది. రాజ్యాంగంలో 126వ సవరణ సమయంలో జరిగిన సమీక్ష సందర్భంగా ఈ రిజర్వేషన్‌ను కొనసాగించకూడదని మోదీ మంత్రివర్గం నిర్ణయించింది. దీంతో జార్జ్ బేకర్, రిచర్డ్ హే.. ఆంగ్లో-ఇండియన్ కమ్యూనిటీ నుండి పార్లమెంటుకు ఎంపికైన చివరి ఎంపీలుగా నిలిచారు.  ఇది కూడా చదవండి: ఆమె మన దేశపు రాకుమారి.. పాక్‌ ప్రభుత్వంలో పనిచేస్తూ..

భారత్‌ రాష్ట్ర సమితి (బీఆర్‌ఎస్‌)లో పదవులు వాటంతట అవే నడుచుకుంటూ వస్తాయని దాదాపు నెలరోజుల క్రితం తెలంగాణ భవన్‌లో జరిగిన హైదరాబాద్‌ జిల్లా విస్తతస్థాయి సమావేశం ఆత్మీయ సమ్మేళనంలో మంత్రి తలసాని శ్రీనివాస్‌యాదవ్‌ హామీ ఇచ్చారు. పదవులు నడచుకుంటూ రావడం కాదు కదా.. ఇప్పటివరకు కనీసం జిల్లా, డివిజన్‌స్థాయి కార్యవర్గాలు సైతం ఏర్పాటు కాకపోవడంతో ఆయా నేతల్లో అసంతృప్తి జ్వాలలు చెలరేగుతున్నా లోలోపలే అణచుకుంటున్నారు. అవి ఏ క్షణాన్నయినా భగ్గుమనేలా నివురుగప్పిన నిప్పులా ఉన్నాయి. పెద్దస్థాయి నేతలు కొందరికి పదవులుంటే సరిపోతుందా? డివిజన్లలో స్థానికంగా పనిచేసే తమకు ఎలాంటి పదవి, గుర్తింపు లేకుంటే తమను గుర్తించేదెవరు? అని పలు డివిజన్ల నేతలు ఆవేదన చెందుతున్నారు.   ప్రజల్లోకి వెళ్లేదెలా?  గ్రేటర్‌లోనే ఉన్న ఇతర జిల్లాల్లో నామినేటెడ్‌ పదవులు ఇస్తున్నా హైదరాబాద్‌ జిల్లా వారికి మాత్రం నామినేటెడ్‌ పదవులు కాదు కదా కనీసం పార్టీ కమిటీలు కూడా పూర్తిగా భర్తీ చేయకపోవడంతో నేతలు తీవ్ర నిరాశా నిస్పహల్లో మునిగారు. పదవులు నడచుకుంటూ వచ్చేది ఎప్పుడు.. పైస్థాయిలోని కొందరికి మాత్రం పదవులుంటే సరిపోతుందా.. అసెంబ్లీ ఎన్నికలు ఏ క్షణాన వస్తాయో తెలియని పరిస్థితి. ఈలోగా ఎలాంటి పదవులు లేకుంటే తాము ఏ ముఖం పెట్టుకొని ప్రజల్లోకి వెళ్లి ఓట్లు అడగాలని అంబర్‌పేట నియోజకవర్గానికి చెందిన ఓ నాయకుడు వ్యాఖ్యానించారు. నోటిఫికేషన్‌ వస్తే నామినేటెడ్‌ పోస్టులెలాగూ ఇవ్వరు. అప్పటికప్పుడు డివిజన్‌ కమిటీలు భర్తీ చేసినంత మాత్రాన ప్రయోజనమేముంటుంది. నియోజకవర్గ స్థాయి నేతలకు నామినేటెడ్‌ పోస్టులు లేకుంటే తాము ప్రజల తలలో నాలుకలా పనులు చేయాలంటే.. అధికారుల వద్దకు వెళ్లి చేయించాలంటే ఏదో ఒక పదవి కనీసం  ఉండాలి కదా? అని గోషామహల్‌ నియోజకవర్గానికి చెందిన మరో నాయకుడు వేదన వ్యక్తం చేశారు.   చదవండి: ‘హస్తం’లో కొత్త కోణం.. ఏళ్లుగా వైరం.. సేవ్‌ కాంగ్రెస్‌తో ఒక్కటైన వైనం అంతర్మథనంలో పార్టీ శ్రేణులు..  క్రమశిక్షణో, అధిష్టానానికి భయపడో బీఆర్‌ఎస్‌లో ఇప్పటి వరకు ఎలాంటి అసమ్మతి సెగలు బయటకు కనిపించలేదు. తాజాగా మేడ్చల్‌ జిల్లాలో ఎమ్మెల్యే స్థాయి నాయకులే మంత్రి తీరుపై తమ అసమ్మతి, అసంతప్తి గళాల్ని వినిపించడంతో ఎలాంటి హోదా, పదవులు లేని తాము ఎలా పనిచేయగలమని పలు డివిజన్లు, నియోజకవర్గాల స్థాయి నేతలు  తీవ్ర అసంతప్తితో ఉన్నారు. ప్రభుత్వం ఏవైనా సంక్షేమ కార్యక్రమాలు ప్రకటించినప్పుడు అగ్రనేతలకు క్షీరాభిషేకాలు, భారీ ఊరేగింపులు, కటౌట్ల ఏర్పాట్లవంటి పనులే తమకు సరిపోతున్నాయని, తమను పట్టించునే నాయకుడే లేకుండా పోయారని వాపోతున్నారు. ఈ నేపథ్యంలో డివిజన్‌ స్థాయి నేతలు సైతం ఏదో ఒకదశలో రగులుతున్న తమ బడబాగ్నిని బహిరత్గం చేసే అవకాశం లేకపోలేదని జిల్లా స్థాయి నాయకుడొకరు అభిప్రాయపడ్డారు. ఇప్పటికైనా పార్టీ జిల్లా శాఖ అధ్యక్షుడు, జిల్లా మంత్రి డివిజన్‌ నేతల మనోగతాన్ని అర్థం చేసుకొని వివిధ కమిటీలు భర్తీ చేయాలని, నామినేటెడ్‌ పోస్టులిప్పించాలని వివిధ స్థాయిల నేతలు  కోరుతున్నారు.  మేయర్‌ వర్సెస్‌ ఎమ్మెల్యే..  మరోవైపు, ఆయా స్థాయిల నేతలకు పొసగడం లేదు. జీహెచ్‌ఎంసీ పరిధిలోకొచ్చే  ఉప్పల్‌ నియోజకవర్గంలో ఎమ్మెల్యే బేతి సుభాష్‌రెడ్డి, మాజీ మేయర్‌ బొంతు రామ్మోహన్‌ల మధ్య పచ్చగడ్డి వేస్తే భగ్గుమనడం తెలిసిందే. తాజాగా  ఎమ్మెల్యే లేకుండా మేయర్‌  గద్వాల్‌ విజయలక్ష్మి వివిధ అభివృద్ధి పనులకు శంకుస్థాపన చేయడంతో ఎమ్మెల్యే అనుచరులు మేయర్‌ గోబ్యాక్‌ అంటూ ఆందోళనలు చేశారు.   నియోజక వర్గాల సమ్మేళనాలెప్పుడో?   రెండు మూడు రోజుల్లో నియోజకవర్గస్థాయి ఆత్మీయ సమ్మేళనాలు ఖరారు చేస్తామని ప్రకటించి నెలరోజులవుతోంది. ఇంతవరకు ఆ ఊసే లేదు. అనేక డివిజన్లలో పార్టీ కమిటీల్లేవు. ఏడాది కిందట ఏర్పాటు చేసిన కమిటీల్లో ఎన్ని పనిచేస్తున్నాయో తెలియదు. కార్పొరేటర్లు, ఎమ్మెల్యేల నడుమ విభేదాలతో చాలా డివిజన్ల  కమిటీలు నిద్రాణంగా ఉన్నాయి. చాలా డివిజన్లలో అసంపూర్ణ కమిటీలున్నాయి. ఆత్మీయ సమ్మేళనాల్లో అన్నీ చర్చించి భర్తీ చేస్తామన్నారు. ఇంతవరకు అతీగతీ లేకపోవడంపై పార్టీ శ్రేణులు నిరాశలో కొట్టుమిట్టాడుతున్నాయి.

సాక్షి, అమరావతి: నామినేటెడ్‌ పదవుల నుంచి మంత్రివర్గం వరకు సింహభాగం ఎస్సీ, ఎస్టీ, బీసీ, మైనార్టీ వర్గాలకే అవకాశం ఇచ్చి.. రాజ్యాధికారంలో వాటా ఇవ్వడం ద్వారా సామాజిక సాధికారత సాధనలో సీఎం వైఎస్‌ జగన్‌మోహన్‌రెడ్డి టార్చ్‌ బేరర్‌గా నిలిచారని సామాజిక, రాజకీయ విశ్లేషకులు ప్రశంసిస్తున్నారు. దేశ చరిత్రలో మంత్రివర్గంలో ఏకంగా 70 శాతం పదవులను ఆ వర్గాలకు ఇచ్చింది ఒక్క సీఎం వైఎస్‌ జగనేనని నొక్కి చెబుతున్నారు. సామాజిక న్యాయం నినాదంతో 2007లో ఉత్తరప్రదేశ్‌లో అధికారంలోకి వచ్చిన మాయావతి సైతం మంత్రివర్గంలో ఆ వర్గాలకు 40 శాతం మాత్రమే అవకాశం ఇచ్చారని గుర్తు చేస్తున్నారు. దేశ చరిత్రలో నామినేటెడ్‌ పదవులు, పనుల్లో 50 శాతం ఎస్సీ, ఎస్టీ, బీసీ, మైనార్టీలకు.. మహిళలకు రిజర్వ్‌ చేస్తూ చట్టం చేసి మరీ పదవులు ఇచ్చిన ఘనత ఒక్క సీఎం వైఎస్‌ జగన్‌దేనని స్పష్టం చేస్తున్నారు. 2019 ఎన్నికల్లో అఖండ విజయం తర్వాత వైఎస్‌ జగన్‌మోహన్‌రెడ్డి సీఎంగా ప్రమాణ స్వీకారం చేసిన తొలి రోజే సామాజిక న్యాయ సాధనకు నడుం బిగించారు. సంక్షేమ పథకాల ద్వారా ఆర్థిక తోడ్పాటు అందించి.. ఎస్సీ, ఎస్టీ, బీసీ, మైనార్టీ వర్గాల్లో పేదరికాన్ని నిర్మూలించాలని, ఆ వర్గాల పిల్లలకు ఉన్నత విద్య అందించాలని ప్రణాళిక రచించి,   వాటిని ఆచరణలోకి తెచ్చారు. 2019 జూన్‌ 8న తొలిసారి 25 మందితో ఏర్పాటు చేసిన మంత్రివర్గంలో (14 మందితో 56 శాతం) ఎస్సీ, ఎస్టీ, బీసీ, మైనార్టీ వర్గాలకు అవకాశం ఇచ్చి, సామాజిక విప్లవానికి తెరతీసి.. నవశకానికి నాంది పలికారు. ఐదు డిప్యూటీ సీఎం పదవుల్లో నాలుగు (80 శాతం) ఆ వర్గాలకే ఇచ్చారు. దేశ చరిత్రలో తొలి సారిగా ఎస్సీ మహిళను హోం శాఖ మంత్రిగా నియమించారు. శాసనసభ స్పీకర్‌గా బీసీ వర్గాలకు అవకాశం ఇచ్చారు.  పరిపాలనలో సింహభాగం వాటా  ► స్థానిక సంస్థల్లో బీసీలకు 33 శాతం రిజర్వేషన్‌ కల్పించడంపై టీడీపీ నేతలను హైకోర్టును ఆశ్రయించేలా చంద్రబాబు పురిగొల్పారు. దీనిపై హైకోర్టు ఇచ్చిన తీర్పుతో బీసీలకు రిజర్వేషన్‌ 24 శాతానికి తగ్గిపోయింది. రిజర్వేషన్లు తగ్గినా అంతకంటే ఎక్కువ మంది బీసీలకు స్థానిక సంస్థల్లో అవకాశం కల్పిస్తానని హామీ ఇచ్చిన సీఎం.. దాన్ని ఆచరించి చూపి, పదవులు ఇచ్చారు. ► జిల్లా పరిషత్‌ ఎన్నికల్లో 13 జిల్లా పరిషత్‌లను వైఎస్సార్‌సీపీ చేజిక్కించుకుంటే, అందులో తొమ్మిది జిల్లా పరిషత్‌ చైర్‌పర్సన్‌ పదవులను (70 శాతం) ఎస్సీ, ఎస్టీ, బీసీ, మైనార్టీలకే కేటాయించారు.  ► మండల పరిషత్‌ ఎన్నికల్లో 648 మండలాలకు గాను వైఎస్సార్‌సీపీ 635 మండల పరిషత్‌ అధ్యక్ష పదవులను దక్కించుకుంటే.. అందులో 67 శాతం పదవులను ఆ వర్గాలకే ఇచ్చారు.  ► 13 కార్పొరేషన్‌లలో వైఎస్సార్‌సీపీ క్లీన్‌ స్వీప్‌ చేస్తే.. ఏడు చోట్ల మేయర్‌ పదవులు బీసీలకు ఇచ్చారు. మొత్తంగా మేయర్‌ పదవుల్లో 92 శాతం ఎస్సీ, ఎస్టీ, బీసీ, మైనార్టీ వర్గాల వారికే ఇచ్చారు.  ► 87 మున్సిపాలిటీల్లో 84 మున్సిపాలిటీలను వైఎస్సార్‌సీపీ చేజిక్కించుకుంటే.. వాటి చైర్‌పర్సన్‌ పదవుల్లో ఎస్సీ, ఎస్టీ, బీసీ, మైనార్టీలకు 73 శాతం ఇచ్చారు. చట్టం చేసి మరీ నామినేటెడ్‌ పదవుల పంపకం  ► దేశ చరిత్రలో ఎక్కడా లేని రీతిలో రాష్ట్రంలో నామినేటెడ్‌ పదవులు, పనుల్లో 50 శాతం ఎస్సీ, ఎస్టీ, బీసీ, మైనార్టీ వర్గాలకు రిజర్వేషన్‌ చేసేలా సీఎం వైఎస్‌ జగన్‌ ఏకంగా చట్టం తెచ్చారు.  ► రాష్ట్రంలో 196 వ్యవసాయ మార్కెటింగ్‌ కమిటీ చైర్మన్‌ పదవుల్లో 76 అంటే 39 శాతం బీసీలకు ఇచ్చారు. మొత్తంగా ఎస్సీ, ఎస్టీ, బీసీ, మైనార్టీలకు 60 శాతం పదవులు ఇచ్చారు. ► వివిధ ప్రభుత్వ కార్పొరేషన్‌లలో 137 చైర్మన్‌ పదవుల్లో 53 (39 శాతం) బీసీలకు ఇచ్చారు. ఎస్సీ, ఎస్టీ, బీసీ, మైనార్టీలకు మొత్తం 58 శాతం పదవులు ఇచ్చారు. బీసీలకు ప్రత్యేకంగా 56 కార్పొరేషన్‌లు, ఎస్సీలకు మూడు కార్పొరేషన్‌లు, ఎస్టీలకు ఒక కార్పొరేషన్‌ ప్రత్యేకంగా ఏర్పాటు చేశారు.    ► 137 కార్పొరేషన్‌లకు సంబంధించి మొత్తం 484 డైరెక్టర్‌ పదవుల్లో 201.. బీసీలకు (42 శాతం) ఇచ్చారు. ఎస్సీ, ఎస్టీ, బీసీ, మైనార్టీలకు మొత్తం 58 శాతం డైరెక్టర్‌ పదవులు ఇచ్చారు. 56 ప్రత్యేక బీసీ కార్పొరేషన్లు, మూడు ఎస్సీ కార్పొరేషన్లు, ఒక ఎస్టీ కార్పొరేషన్‌లో 684 డైరెక్టర్‌ పదవులన్నీ ఆ వర్గాల వారికే ఇచ్చారు. సామాజిక మహా విప్లవానికి నాంది  ► తొలిసారి ఏర్పాటు చేసిన మంత్రివర్గంలో 56 శాతం పదవులను ఎస్సీ, ఎస్టీ, బీసీ, మైనార్టీలకు ఇచ్చి సామాజిక విప్లవాన్ని ఆవిష్కరించిన సీఎం వైఎస్‌ జగన్‌.. ఏప్రిల్‌ 11న పునర్‌వ్యవస్థీకరణ ద్వారా 70 శాతం పదవులు (17) ఆ వర్గాలకు ఇచ్చి సామాజిక మహా విప్లవానికి నాంది పలికారు. ► రాష్ట్ర శాసనమండలి చరిత్రలో తొలిసారిగా ఎస్సీ వర్గానికి చెందిన కొయ్యే మోషేన్‌ రాజును చైర్మన్‌గా, మైనార్టీ మహిళ జకియా ఖానంను డిప్యూటీ చైర్‌పర్సన్‌గా నియమించారు.  ► గత మూడేళ్లలో ఎన్నికలు జరిగిన ఎనిమిది రాజ్యసభ స్థానాల్లో నాలుగు రాజ్యసభ స్థానాలను బీసీలకే ఇవ్వడం ద్వారా సామాజిక న్యాయమంటే ఇదీ అని దేశానికి చాటి చెప్పారు.  ► శాసనమండలిలో వైఎస్సార్‌సీపీకి 32 మంది సభ్యులు ఉంటే.. అందులో 18 మంది (56.25 శాతం) ఎస్సీ, ఎస్టీ, బీసీ, మైనార్టీ వర్గాలే కావడం గమనార్హం.  ► మొత్తంగా వైఎస్‌ జగన్‌ సంస్కరణల వల్ల ఎన్నిక ఎన్నికకూ వైఎస్సార్‌సీపీకి ప్రజాదరణ పెరుగుతోంది. స్థానిక సంస్థల (పంచాయతీ, మండల పరిషత్, జిల్లా పరిషత్, మున్సిపాలిటీ, కార్పొరేషన్‌) ఎన్నికల్లో 80 శాతానికిపైగా స్థానాల్లో విజయభేరి మోగించింది. తిరుపతి లోక్‌సభ, బద్వేలు, ఆత్మకూరు శాసనసభ స్థానాలకు జరిగిన ఉప ఎన్నికల్లో ఇదివరకటి కంటే అధికంగా మెజార్టీ రావడం గమనార్హం.    పేదరిక నిర్మూలన.. విద్యకు బాసట ► పేదరిక నిర్మూలనే లక్ష్యంగా మూడేళ్లలో నవరత్నాలు, సంక్షేమ పథకాల కింద డీబీటీ (ప్రత్యక్ష నగదు బదిలీ) ద్వారా లబ్ధిదారుల ఖాతాల్లో జమ చేసిన రూ.1,58,375.03 కోట్లలో 80 శాతానికి పైగా నిధులు ఎస్సీ, ఎస్టీ, బీసీ, మైనార్టీ వర్గాలకే చేరాయి. నగదు బదిలీయేతర పథకాల ద్వారా మరో రూ.38,836.57 కోట్ల ప్రయోజనం చేకూర్చారు.  ► అమ్మ ఒడి, పూర్తి ఫీజు రీయింబర్స్‌మెంట్‌ వంటి పథకాల ద్వారా విద్యావంతులుగా తీర్చిదిద్దే యత్నాలను చిత్తశుద్ధితో చేస్తున్నారు. నాడు–నేడు కింద ప్రభుత్వ పాఠశాలలను ఆధునికీకరించి.. ఇంగ్లిష్‌ మీడియంను ప్రవేశపెట్టారు. సీబీఎస్‌ఈ సిలబస్‌ను బోధిస్తూ.. బైజూస్‌తో ఉచితంగా కంటెంట్‌ను అందించేందుకు ఒప్పందం చేసుకోవడం ద్వారా ప్రపంచంలో మిగతా దేశాల విద్యార్థులతో పోటీ పడేలా రాష్ట్ర విద్యార్థులను తీర్చిదిద్దాలన్న అంకితభావంతో సీఎం వడివడిగా అడుగులు వేస్తున్నారు. 

సాక్షి, హైదరాబాద్‌: తెలంగాణ రాష్ట్ర సాధన కోసం అవతరించిన టీఆర్‌ఎస్‌.. రాష్ట్ర ఆవిర్భావం తర్వాత అధికారంలోకి వచ్చిన నాటి నుంచి పూర్తిగా రాజకీయ పునరేకీకరణపై దృష్టి సారించింది. ఉద్యమంలో క్రియాశీలంగా పాల్గొన్న విద్యార్థి నేతలకు వివిధ సందర్భాల్లో టీఆర్‌ఎస్‌ అధినేత, సీఎం కేసీఆర్‌ అవకాశాలు ఇస్తూ వచ్చారు. అయితే ఇటీవలి కాలంలో ఈ నేతలకు వరుసగా నామినేటెడ్‌ పదవులు దక్కాయి. దీంతో చాలాకాలంగా టీఆర్‌ఎస్‌ విద్యార్ధి విభాగంలో పనిచేస్తున్న నేతలతోపాటు ఉద్యమ సమయంలో జైలుకెళ్లిన మరికొంతమంది విద్యార్థి నేతలు కేసీఆర్‌ దృష్టిలో పడేందుకు ప్రయత్నాలు చేస్తున్నారు. ఈ ఏడాది శాసన మండలిలో 21 స్థానాలకు జరిగిన ఎన్నికల్లో పూర్తిగా రాజకీయ సమీకరణాలు దృష్టిలో పెట్టుకుని అవకాశాలు ఇచ్చిన కేసీఆర్‌.. అసెంబ్లీ ఉప ఎన్నికలతోపాటు నామినేటెడ్‌ పదవుల భర్తీలో విద్యార్థి, యువనేతలకు అవకాశాలు ఇచ్చారు. 2023లో జరిగే అసెంబ్లీ ఎన్నికల్లో భవిష్యత్తు నాయకత్వాన్ని తయారు చేసే లక్ష్యంతోనే కేసీఆర్‌ యువతకు పట్టం కడుతున్నట్లు పార్టీ వర్గాలు భావిస్తున్నాయి. త్వరలో ఏర్పాటయ్యే పార్టీ రాష్ట్ర కార్యవర్గంలోనూ యువ నాయకత్వానికి ప్రాధాన్యతనిచ్చే అవకాశముంది. పార్టీ విద్యార్థి, యువజన, సోషల్‌ మీడియా విభాగాల రాష్ట్ర అధ్యక్షులుగా చురుకైన వారికి అప్పగించే యోచనలో కేసీఆర్‌ ఉన్నారు.  తొలి విడతలో కొందరికే..  2014 సాధారణ ఎన్నికల్లో టీఆర్‌ఎస్‌ విద్యార్ధి విభాగంలో చురుగ్గా పనిచేసిన బాల్క సుమన్‌కు పెద్దపల్లి ఎంపీగా, విద్యార్థి నాయకులు గువ్వల బాలరాజు, గ్యాదరి కిషోర్, పిడమర్తి రవికి ఎమ్మెల్యే అభ్యర్థులుగా అవకాశం ఇచ్చారు. పిడమర్తి మినహా మిగతా అందరూ విజయం సాధించారు. తర్వాత పిడమర్తి రవికి ఎస్సీ కార్పొరేషన్‌ చైర్మన్‌ పదవి దక్కింది. పార్టీ యువజన విభాగం అధ్యక్షుడిగా పనిచేసిన విద్యార్థి నేత బొంతు రామ్మోహన్‌ గ్రేటర్‌ హైదరాబాద్‌ మేయర్‌గా, మరో విద్యార్థి నేత బాబా ఫసీయొద్దీన్‌ డిప్యూటీ మేయర్‌గా ఎన్నికయ్యారు. ఉద్యమ సమయంలో విద్యార్థి నేతలుగా పనిచేసిన డాక్టర్‌ కేతిరెడ్డి వాసుదేవరెడ్డి (వికలాంగుల కార్పొరేషన్‌), రాకేశ్‌ (టెక్నాలజీ సర్వీసెస్‌) కార్పొరేషన్‌ చైర్మన్లుగా, ఆంజనేయులు గౌడ్‌ బీసీ కమిషన్‌ సభ్యుడిగా నియమితులయ్యారు. టీఆర్‌ఎస్‌ రెండోసారి అధికారంలోకి వచ్చాక బాల్క సుమన్, గువ్వల బాలరాజు ప్రభుత్వ విప్‌లుగా పనిచేస్తుండగా, చాలాకాలంగా అవకాశాల కోసం ఎదురుచూస్తున్న విద్యార్థి నేతలకు ఇటీవలి కాలంలో కేసీఆర్‌ వరుస అవకాశాలు ఇస్తున్నారు. రెండేళ్లపాటు ఎస్సీ, ఎస్టీ కమిషన్‌ చైర్మన్‌గా పనిచేసిన ఎర్రోళ్ల శ్రీనివాస్‌ తాజాగా వైద్య మౌలిక సదుపాయాల అభివృద్ధి కార్పొరేషన్‌ చైర్మన్‌గా నియమితులయ్యారు. కేతిరెడ్డి వాసుదేవరెడ్డికి వికలాంగుల కార్పొరేషన్‌ చైర్మన్‌గా పదవీ కాలం పొడిగించగా, పాటిమీద జగన్మోహన్‌రావు, మన్నె క్రిషాంక్, సాయిచంద్, దూదిమెట్ల బాలరాజు యాదవ్, కిషోర్, శుభప్రద్‌ పటేల్‌కు వివిధ కార్పొరేషన్లు, కమిషన్లలో చైర్మన్లు, సభ్యులుగా పదవులు లభించాయి.  మరికొందరు ఆశావహులు  బొంతు రామ్మోహన్‌ ఎమ్మెల్యే కోటాలో ఎమ్మెల్సీ పదవిని ఆశించగా, పిడమర్తి రవి ఎస్సీ, ఎస్టీ కమిషన్‌ చైర్మన్‌ పదవిని ఆశిస్తున్నా రు. ఇటీవల హుజూరాబాద్‌ ఉప ఎన్నిక అభ్యర్థిగా పోటీ చేసిన టీఆర్‌ఎస్‌వీ అధ్యక్షుడు గెల్లు శ్రీనివాస్‌ యాదవ్, పల్లా ప్రవీణ్‌రెడ్డి, రాజా రాం యాదవ్, ఆంజనేయులు గౌడ్, నేవూరు ధర్మేందర్‌రెడ్డి, తుంగ బాలు తదితర యువ నాయకులు నామినేటెడ్‌ పదవులు ఆశిస్తున్నారు. భవిష్యత్తులో అసెంబ్లీ ఎన్నికల్లో అవసరమైన చోట వీరిని అభ్యర్థులుగా నిలిపే అవకాశాలు కూడా ఉన్నాయని పార్టీలో ప్రచారం జరుగుతోంది. దీంతో విద్యార్థి, యువనేతలు కేసీఆర్, వర్కింగ్‌ ప్రెసిడెంట్‌ కేటీఆర్‌ దృష్టిలో పడేందుకు విశ్వ ప్రయత్నాలు చేస్తున్నారు.   

సాక్షి, హైదరాబాద్‌: రాష్ట్రంలో వివిధ ప్రభుత్వ విభాగాల పరిధిలో ఖాళీగా ఉన్న కార్పొరేషన్లకు చైర్మన్ల నియామక ప్రక్రియ వరుసగా మూడో రోజు కూడా కొనసాగింది. రాష్ట్ర వికలాంగుల సహకార సంస్థ చైర్మన్‌గా డాక్టర్‌ కేతిరెడ్డి వాసుదేవరెడ్డి పదవీ కాల పరిమితిని మరో రెండేళ్లు పెంచుతూ రాష్ట్ర ప్రభుత్వం శనివారం ఉత్తర్వులు జారీ చేసింది. తెలంగాణ ఉద్యమంలో విద్యార్థి నాయకుడిగా చురుగ్గా పాల్గొన్న వాసుదేవరెడ్డి పదవీ కాలం ఈ ఏడాది ఆగస్టులో ముగిసింది. తాజా ఉత్తర్వుల ప్రకారం మరో రెండేళ్లు ఆయన ఈ పదవిలో కొనసాగుతారు. అలాగే తెలంగాణ అటవీ అభివృద్ధి సంస్థ చైర్మన్‌గా వంటేరు ప్రతాప్‌రెడ్డి పదవీ కాలాన్ని కూడా మరో రెండేళ్లు పెంచుతూ ఉత్తర్వులు జారీ అయ్యాయి. సీఎం కేసీఆర్‌ ప్రాతినిథ్యం వహిస్తున్న గజ్వేల్‌ నియోజకవర్గానికి చెందిన వంటేరు ప్రతాప్‌రెడ్డి పదవీ కాలం అక్టోబర్‌లో ముగిసింది. వాసుదేవరెడ్డి, వంటేరు ప్రతాప్‌రెడ్డిల పదవీ కాలాన్ని పొడిగించిన నేపథ్యంలో రాష్ట్రంలో మూడు రోజుల వ్యవధిలో నామినేటెడ్‌ పదవులు దక్కించుకున్న టీఆర్‌ఎస్‌ నేతల సంఖ్య పదికి చేరింది. ఎర్రోళ్ల శ్రీనివాస్‌ (మెడికల్‌ ఇన్‌ఫ్రాస్ట్రక్చర్‌ కార్పొరేషన్‌), మన్నె క్రిషాంక్‌ (టీఎస్‌ఎండీసీ), సాయిచంద్‌ (వేర్‌ హౌజింగ్‌ కార్పొరేషన్‌), పాటిమీది జగన్‌ (టీఎస్‌టీఎస్‌), గజ్జెల నగేశ్‌ (బీవరేజెస్‌ కార్పొరేషన్‌), దూదిమెట్ల బాలరాజు యాదవ్‌ (గొర్రెలు, మేకల అభివృద్ధి సంస్థ), ఆకుల లలిత (మహిళా ఆర్థిక సంస్థ), జూలూరు గౌరిశంకర్‌ (సాహిత్య అకాడమీ) చైర్మన్లుగా నియమితులైన విషయం తెలిసిందే.  ఇప్పటివరకు పదవులు రానివారిపై దృష్టి..   పార్టీ ఆవిర్భావం నుంచి పనిచేస్తున్న వారు, ఉద్యమ సమయంలో పార్టీ విద్యార్థి, యువజన విభాగాల్లో చురుగ్గా పనిచేసిన వారు, వివిధ సందర్భాల్లో ఇతర పార్టీల నుంచి టీఆర్‌ఎస్‌లో చేరినా పదవులు పొందని వారిని గుర్తించి నామినేటెడ్‌ పదవుల భర్తీ ప్రక్రియను కేసీఆర్‌ చేపట్టారు. సుమారు 50 వరకు వివిధ ప్రభుత్వ కార్పొరేషన్ల చైర్మన్ల పదవులు, పాలక మండళ్లు ఏళ్ల తరబడి ఖాళీగా ఉండటంతో వాటిని వీలైనంత త్వరగా భర్తీ చేయాలని కేసీఆర్‌ చర్యలు తీసుకుంటున్నారు. ఇదిలా ఉండగా నామినేటెడ్‌ పదవుల భర్తీ వేగవంతం కావడంతో పదవులు ఆశిస్తున్న టీఆర్‌ఎస్‌ నేతలు పార్టీ వర్కింగ్‌ ప్రెసిడెంట్‌ కేటీఆర్‌ను కలవడంతో పాటు తమ జిల్లాలకు చెందిన మంత్రుల ద్వారా ప్రయత్నాలు ముమ్మరం చేశారు. 

సాక్షి, హైదరాబాద్‌:  టీఆర్‌ఎస్‌లో మళ్లీ సంస్థాగత పదవుల అంశం తెరపైకి వచ్చింది. స్థానిక సంస్థల కోటా ఎమ్మెల్సీ ఎన్నికల కోడ్‌ ముగిశాక.. పార్టీ జిల్లా, రాష్ట్ర కమిటీల నియామకం చేపట్టే అవకా శం ఉందని టీఆర్‌ఎస్‌ వర్గాలు చెప్తున్నాయి. దీనితో శాసన మండలి సభ్యత్వాన్ని ఆశించి, అవకాశం దక్కనివారు.. తమ రూటు మార్చి నామినేటెడ్‌ పదవులు లేదా పార్టీ జిల్లా, రాష్ట్ర కమిటీల్లో ప్రాధాన్య పదవులపై దృష్టిపెట్టారు. శాసనమం డలి స్థానిక సంస్థల కోటా ఎన్నికల కోడ్‌ ఈ నెల 16న ముగియనుంది. ఆ తర్వత పదవుల పందే రం మొదలయ్యే అవకాశం ఉందని తెలిసింది.   ఇప్పుడు అవకాశం వస్తేనే.. చాలాకాలంగా ఎమ్మెల్సీ, ఇతర పదవులు ఆశించి, అవకాశం రాని నేతలు.. 2023 సాధారణ ఎన్నికలలోపు ఏదో ఒక పదవిని దక్కించుకోవడంపై దృష్టిపెట్టారు. నామినేటెడ్‌ పదవులుగానీ, పార్టీ రాష్ట్ర కార్యవర్గంలోచోటుగానీ దొరికితేనే.. భవిష్యత్తులో రాజకీయ అవకాశాలు మెరుగ్గా ఉంటాయని భావి స్తున్నారు. 2023 సాధారణ ఎన్నికలలోపు పదవీ యోగం పొందడానికి ఇదే చివరి అవకాశమన్న అభిప్రాయం కూడా వారిలో వ్యక్తమవుతోంది. రాష్ట్రంలో 80కిపైగా ప్రభుత్వ, ప్రభుత్వ రంగ సం స్థలకు సంబంధించిన కార్పొరేషన్లు ఉండగా.. అం దులో ప్రస్తుతం 35 కార్పొరేషన్లకు మాత్రమే పాలక మండళ్లు ఉన్నాయి. కీలక కార్పొరేషన్ల పాలకమండళ్లు ఖాళీగా ఉండటంతో.. తమకు అవకాశం ఇవ్వాలంటూ నేతలు సంబంధిత జిల్లా మంత్రులు, పార్టీ వర్కింగ్‌ ప్రెసిడెంట్‌ కేటీఆర్, అధినేత కేసీఆర్‌ల దృష్టిలో పడేందుకు ప్రయత్నిస్తున్నారు.  సంస్థాగత పదవులైనా..  టీఆర్‌ఎస్‌ పార్టీ సభ్యత్వ నమోదును ఈ ఏడాది ఫిబ్రవరిలోనే ప్రారంభించింది. కానీ కోవిడ్‌ లాక్‌డౌన్, పలు ఇతర కారణాలతో సంస్థాగత కమిటీల ఏర్పాటు ప్రక్రియలో జాప్యం జరిగింది. ఈ ఏడాది సెప్టెంబర్‌ చివరి నాటికే గ్రామస్థాయి నుంచి రాష్ట్రస్థాయి వరకు పార్టీ కమిటీల ఏర్పాటు పూర్తయ్యేలా షెడ్యూల్‌ ప్రకటించినా.. అమలుకాలేదు. వినాయక చవితి, దసరా పండుగలు, అసెంబ్లీ సమావే శాలు, హుజూరాబాద్‌ ఉప ఎన్నిక, శాసన మండలి ఎన్నికల నేపథ్యంలో జిల్లా, రాష్ట్ర కమిటీల ఏర్పాటు తరచూ వాయిదా పడుతోంది. పార్టీ ద్విదశాబ్ది ఉత్సవాల నేపథ్యంలో వరంగల్‌లో ‘తెలంగాణ విజయగర్జన’సభ నిర్వహించాలని భావించినా.. ఇప్పటికే రెండుసార్లు వాయిదా వేశారు. ప్రస్తుతం శాసనమండలి ఎన్నికల ప్రక్రియ 16న ముగుస్తుండటంతో జిల్లా, రాష్ట్రస్థాయి కమిటీలను ప్రకటించే అవకాశం ఉందని పార్టీ వర్గాలు చెప్తున్నాయి. గతంలో రద్దు చేసిన జిల్లా కమిటీలను తిరిగి పునరుద్ధరిస్తామని ప్రకటించినా.. ప్రస్తుతానికి కేవలం జిల్లా కన్వీనర్లను మాత్రమే నియమించే అవకాశం ఉందని అంటున్నాయి.     

సాక్షి, అమరావతి: బ్యాక్‌వర్డ్‌ క్లాస్‌!!. బీసీలంటే అంతే!!. చంద్రబాబు దృష్టిలోనూ ఇంతే!!. వారికో ప్రత్యేక గుర్తింపునివ్వాలని... ఆర్థికంగానే కాక అధికారం కూడా ఇచ్చి బలోపేతం చేయాలని చంద్రబాబుకు తాను అధికారంలో ఉన్నపుడెప్పుడూ అనిపించలేదు. అలా అనిపించకపోవటం తప్పు అని ఆయనకు బాజా కొట్టే ‘ఈనాడు’కూ అనిపించలేదు. మా బాబు వాళ్లకేది విదిలిస్తే అదే గొప్ప... అన్న రీతిలో దాని వార్తాకథనాలు సాగిపోయాయి అప్పట్లో!. కానీ వైఎస్‌ జగన్‌ విషయంలో అలా కాదు.. వారిని సమాజానికి వెన్నెముకలా (బ్యాక్‌బోన్‌) చూశారు. అలా మార్చే పనిలో పడ్డారు. 56 బీసీ కార్పొరేషన్లకు స్థానమివ్వటమే కాదు... శాశ్వత బీసీ కమిషన్‌నూ ఏర్పాటు చేశారు. నామినేటెడ్‌ పోస్టులు, నామినేటెడ్‌ పనులు అన్నింటా బీసీ, ఎస్సీ, ఎస్టీ, మైనారిటీలకు సగం వాటా ఇవ్వాల్సిందే అని తీర్మానించటమే కాక... ప్రతి అడుగులోనూ దాన్ని తు.చ. తప్పకుండా అమలు చేస్తున్నారు. చదవండి: Andhra Pradesh: ఇళ్లకు సుముహూర్తం ఇవన్నీ ఒకెత్తు. గడిచిన 26 నెలల్లో బీసీలకు ఏకంగా రూ.54,878 కోట్ల నగదు అందజేయటం ఇంకో ఎత్తు. వివిధ పథకాల ద్వారా 3.44 కోట్ల మంది బీసీల ఖాతాల్లోకి ఈ నగదు నేరుగా చేరింది!. మరి ఇవన్నీ ‘ఈనాడు’కో... చంద్రబాబుకు కొమ్ముకాసే రామోజీరావుకో కనిపించవా? బాబు హయాంలో బీసీలకిచ్చిన అప్పులు మాత్రమే కనిపిస్తాయా? అవి ఇప్పుడివ్వటం లేదంటూ కథనాలేల? బీసీల అప్పుల కోసం మ్యాచింగ్‌ గ్రాంట్‌గా ఐదేళ్లలో బాబు ప్రభుత్వమిచ్చింది రూ.1,695 కోట్లట! మరి వై.ఎస్‌.జగన్‌ హయాంలో పథకాల రూపేణా వారికి నేరుగా ఇచ్చిన రూ.54,878వేల కోట్ల నగదుతో పోలిస్తే అదెంత? ఈ నిజాలు రాయటానికి ‘ఈనాడు’కు మనసొప్పదెందుకు? బీసీల విషయంలో అసలు ‘ఏది నిజం?’.   చంద్రబాబు ప్రభుత్వంలో బీసీలే  కాదు... ఎస్సీ, ఎస్టీ, మైనారిటీలందరికీ బ్యాంకు రుణాలే దిక్కు. ఆ రుణాలేమైనా ఉదారంగా వస్తాయా అంటే... అదీ లేదు. లంచాలు ఇచ్చిన వారికి... పార్టీ– ప్రభుత్వ పెద్దల చేత సిఫార్సులు చేయించుకున్న వారికి మాత్రమే!! ఎందుకంటే వారికే ప్రభుత్వం సబ్సిడీని విడుదల చేసేది. అలా విడుదల చేశాకే బ్యాంకులు రుణాలిచ్చేవి. అవి కూడా అరకొరే!!. ఇక బీసీల కోసమంటూ చంద్రబాబు సర్కారు ఒక్క పథకాన్ని అమలు చేస్తే ఒట్టు!. చదవండి: Telangana: విద్యాసంస్థల పునఃప్రారంభం.. సీఎం కేసీఆర్‌ ఆదేశాలు వై.ఎస్‌.జగన్‌మోహన్‌ రెడ్డి పగ్గాలు చేపట్టాక పరిస్థితి పూర్తిగా మారిపోయింది. అసలు బీసీలను అప్పుల ఊబిలోకి నెట్టడమే ఆయనకిష్టం లేదు. అందుకే నవరత్నాల్లోని ప్రతి పథకాన్నీ వారికి వర్తింపజేశారు. మారుమూలనున్న చిన్న చిన్న బీసీ కులాలకు కూడా గుర్తింపునిస్తూ... ఏకంగా 56 బీసీ కార్పొరేషన్లను ఏర్పాటు చేశారు. వారిలో ఆత్మగౌరవాన్ని ఇనుమడింపచేశారు. ‘‘మా కులం ఉత్తరాంధ్రలోని ఒక చిన్న ప్రాంతానికే పరిమితం. అలాంటిది మాకూ ఓ కార్పొరేషన్‌ను ఏర్పాటు చేశారు. దీన్ని మేం కలలో కూడా ఊహించలేదు’’ అంటూ ఇటీవల ఓ కార్పొరేషన్‌ చైర్మన్‌గా ఎంపికైన మహిళ తండ్రి భావోద్వేగపూరితమయ్యారు. దీన్నిబట్టే వారికిచ్చిన ఈ గుర్తింపు వారిలో ఎంత ఆత్మ విశ్వాసాన్ని నింపిందో ఊహించొచ్చు.   మీరు సగం.. ఏమీ తక్కువ కాదు  బీసీ, ఎస్సీ, ఎస్టీ, మైనారిటీలంటే తక్కువేమీ కాదు. ఖచ్చితంగా సగం!! ఇదీ జగన్‌ ఆలోచన. ఆచరణలో కూడా ఒక్క అడుగు వెనక్కి తగ్గకుండా దాన్ని అమలుచేస్తూనే వస్తున్నారు. నామినేటెడ్‌ పోస్టులైనా, నామినేటెడ్‌ పనులైనా... ఈ సగాన్ని ఖచ్చితంగా పాటించి తీరుతున్నారు. అంతేకాదు! దీన్లో మహిళలకూ సమాన వాటా ఇవ్వాల్సిందేనంటూ... దాన్నీ అమలు చేస్తున్నారు. డెప్యూటీ సీఎం పదవి మాత్రమే కాదు... కేబినెట్లోనూ బీసీలకు పెద్దపీట వేశారు. మరి ఇంతటి చిత్తశుద్ధి... పోనీ దీన్లో ఓ 10 శాతమైనా చంద్రబాబులో ఏ కోశానైనా కనిపించిందా? లేనప్పుడు ‘ఈనాడు’ ప్రశ్నించలేదేం? ఇప్పుడు జరుగుతున్నదాన్ని ప్రశంసించడం సరే... ఉన్నది ఉన్నట్టు రాయరెందుకు?  26 నెలల్లో ...రూ.54,878 కోట్ల నగదు బదిలీ  ‘మేనిఫెస్టోయే భగవద్గీత.. ఖురాన్‌... బైబిల్‌’ అని చెప్పే ముఖ్యమంత్రి జగన్‌... అందులో పేర్కొన్న విధంగా గత 26 నెలల పాలనలో 3.44 కోట్ల మంది బీసీల బ్యాంకు ఖాతాలకు  రూ.54,878 కోట్ల నగదును నేరుగా బదిలీ చేశారు. నగదేతర పథకాల ద్వారా మరో 1.27 కోట్ల మంది బీసీలకు రూ.21,981 కోట్లు లబ్ధి చేకూర్చారు. మరి బీసీలను అప్పులు పాలు చేయకుండా నేరుగా వారి ఖాతాలకు  నగదు బదిలీ చేయటం... ఇతర పథకాల ద్వారా వారిని అప్పులపాలు కాకలుండా ఆదుకోవటం ‘ఈనాడు’కు కనిపించవా? వాటిని ప్రస్తావించరెందుకు? ఇవన్నీ పక్కనబెట్టి రుణాల సంగతే చూసినా... బలహీన వర్గాలకు గత ఏడాది మార్చి నాటికి రాష్ట్రంలో బ్యాంకులు రూ.90,624 కోట్ల రుణాలు మంజూరు చేశాయి. ఈ ఏడాది మార్చి నాటికి ఆ వర్గాలకిచ్చిన రుణాలు రూ.95,526 కోట్లకు చేరాయి. నిజానికి బాబు హయాంలోనూ బీసీలకు బ్యాంకు రుణాలు ఇంతకన్నా ఎక్కువేమీ లేవని సాక్షాత్తూ ఎస్‌ఎల్‌బీసీ నివేదికే చెబుతోంది.   బీసీలకు ప్రత్యేకం... అధికారంలోనూ పెద్ద పీట...  ఆర్థికంగానే కాదు. రాజకీయంగానూ బీసీల అభ్యున్నతి ప్రధానమనేది ముఖ్యమంత్రి జగన్‌ భావన. అందుకే వారికి రాజ్యాధికారంలోనూ పెద్ద పీట వేశారు. మంత్రివర్గంలోనే కాకుండా బీసీల్లోని వివిధ వర్గాలకు జానాభా ప్రాతిపదికన కార్పొరేషన్లు ఏర్పాటు చేసి ఆయా వర్గాలకు నామినేటెడ్‌ పదవులను ఇచ్చారు. వీటిలోనూ 50 శాతం మహిళలుండాలన్న నియమాన్ని మాత్రం వీడలేదు. నవరత్నాలతో బీసీల్లోని అర్హులందరికీ ఆర్ధిక ప్రయోజనం చేకూర్చటమే కాక బీసీల్లోని 45 ఏళ్ల నుంచి 60 ఏళ్లలోపు మహిళలకు ప్రత్యేకగా వైఎస్సార్‌ చేయూత అందించారు. వైఎస్సార్‌ ఆసరా పేరిట స్వయం సహాయక బందాల్లోని బీసీ మహిళలకు ఆర్దిక సాయం... వారి కోసం వైఎస్సార్‌ ఆరోగ్య ఆసరా... ప్రత్యేకంగా మత్స్యకార భరోసా... వైఎస్సార్‌ చేనేత పథకాలు అమలు చేస్తున్నారు. రజకులు, టైలర్లు, నాయి బ్రాహ్మణుల కోసం జగనన్న చేదోడు పథకం అందించారు. చంద్రబాబు ప్రభుత్వంలో వీటిలో ఒక్కటీ అమలు చేయకున్నా... బీసీల ఊసే ఎత్తకున్నా... ‘ఈనాడు’ పెన్ను మాత్రం లేవలేదెప్పుడూ!!.  

సామాజిక విప్లవాలు కేవలం నినాదాలు, డిమాండ్లు, డిక్లరేషన్లలతో ఉద్భవించవని.. పాలకుడి చిత్తశుద్ధితోనే సాధ్యం అవుతాయని ఆంధ్రప్రదేశ్‌ ముఖ్యమంత్రి వై.ఎస్‌. జగన్‌ మోహన్‌రెడ్డి తాజాగా రుజువు పరిచారు. సుదీర్ఘకసరత్తు చేసి అన్ని సమీకరణాలను పరిగణనలోకి తీసుకొని మొత్తం 135 రాష్ట్ర, జిల్లా స్థాయి కార్పొరేషన్లు, సంస్థలకు చైర్మన్‌ పదవులను,  ఇతర కీలక పదవులను భర్తీ చేసి అందులో 57% పదవులలో బీసీ, ఎస్సీ, ఎస్టీ, మైనార్టీ వర్గాల వారిని నియమించడం ద్వారా ఓ నూతన రాజకీయ ఒరవడికి శ్రీకారం చుట్టారు. ఉమ్మడి ఆంధ్రప్రదేశ్‌లో కూడా ఏ ముఖ్యమంత్రి చేయని ఓ గొప్ప సామాజిక విప్లవానికి అంకురార్పణ చేశారు. ఈ గౌరవాభి మానాలకు బడుగువర్గాల్లో హర్షాతిరేకాలు వ్యక్తమయ్యాయి. ఆనందంతో వారు సంబరాలు జరుపుకున్నారు. అయితే, సామాజిక న్యాయానికి నిజమైన అర్థం తెలియని ప్రధాన ప్రతిపక్షం తెలుగుదేశం, ఆ పార్టీ అధ్యక్షుడు చంద్రబాబునాయుడు, ఆయనకు వంత పాడుతున్న కొన్ని మీడియా సంస్థలు.. ఇందులో కూడా మంచిని గ్రహించలేకపోయాయి. కువిమర్శలకు పాల్పడ్డారు. నిధులు లేని కార్పొరేషన్లను బలహీనవర్గాలకిచ్చారని సత్యదూర ప్రచారం చేశారు. 2007లో టీడీపీ అధినేత చంద్రబాబు వరంగల్‌లో బీసీల సదస్సు నిర్వహించి.. 2009 సాధారణ ఎన్నికలలో తమ పార్టీ తరఫున బీసీలకు 100 టికెట్లు ఇస్తామని ఓ డిక్లరేషన్‌ ప్రకటించారు. బీసీల్లో పెద్ద ఎత్తున ఆశలు రేకెత్తించారు. ఆ వర్గాలను తన చుట్టూ తిప్పుకొన్నారు. తీరా ఎన్నికలొచ్చేసరికి.. తన సహజ ప్రవత్తిని చాటుకొంటూ బీసీలకు మొండిచేయి చూపించారు. బీసీలకు కనీసం 60 పార్టీ టిక్కెట్లు కూడా ఇవ్వలేదు. పైగా, 100 సీట్లు బీసీలకు ఇస్తే వారు గెలవలేరంటూ ఓ కుంటి సాకు చెప్పారు. మాట తప్పినందుకు చంద్రబాబు కనీసం విచారం కూడా వ్యక్తం చేయలేదు. బీసీలకు క్షమాపణ చెప్పలేదు. ఉమ్మడి రాష్ట్రంలో 9 ఏళ్లు, విభజిత రాష్ట్రంలో 5 ఏళ్లు.. మొత్తం 14 ఏళ్లపాటు అధికారం అనుభవించిన చంద్రబాబు ఏనాడూ సమాజంలో దీర్ఘకాలంగా నిర్లక్ష్యానికి గురౌతున్న బీసీ, ఎస్సీ, ఎస్టీ, మైనార్టీ వర్గాలకు ప్రభుత్వంలో సముచిత భాగస్వామ్యం కల్పించిన దాఖలాలులేవు. 2014లో విభజిత ఆంధ్రప్రదేశ్‌ రాష్ట్రానికి ముఖ్యమంత్రి అయిన చంద్రబాబు తన క్యాబినెట్‌లో దాదాపు 4 ఏళ్లకుపైగా ఎస్సీ, ఎస్టీ, మైనార్టీ వర్గాలకు భాగస్వామ్యం కల్పించకుండా అవమాన పరి చారు. రాష్ట్ర, జిల్లా స్థాయి నామినేటెడ్‌ పదవులను భర్తీచేస్తే అందులో బీసీ, ఎస్సీ, ఎస్టీ, మైనార్టీ నేతలకు భాగస్వామ్యం కల్పించాల్సి వస్తుందనే దుర్బుద్ధితో.. అనేక పదవులను భర్తీ చేయకుండా ఖాళీగా వదిలేశారు.  బడుగులకు సముచిత భాగస్వామ్యం  వైఎస్‌ జగన్‌ ప్రతిపక్ష నేతగా ఉండగానే.. వైఎస్సార్‌ కాంగ్రెస్‌ పార్టీ తరఫున ‘బీసీ డిక్లరేషన్‌’ ప్రకటించారు. అధికారంలోకి వస్తే వివిధ బీసీ వర్గాలకు ప్రభుత్వం ప్రవేశపెట్టే పథకాలను ‘నవరత్నాలు’గా పార్టీ ఎన్నికల ప్రణాళికలో చేర్చారు. బలహీన వర్గాలకు సముచిత రాజకీయ భాగస్వామ్యం కల్పించడానికి 2019 ఎన్నికలలో 175 అసెంబ్లీ స్థానాలలో ఎస్సీ, ఎస్టీలకు కేటాయించే రిజర్వుడు స్థానాలు పోను మిగిలిన వాటిల్లో 41 సీట్లు బీసీ వర్గాలకు కేటాయించారు. ఎన్నికల సమయంలోనే రాష్ట్ర, జిల్లా స్థాయి నామినేటెడ్‌ పదవులలో 50% బలహీన వర్గాలకు కేటాయిస్తామని చెప్పారు. నామినేటెడ్‌ పదవులలో మహిళలకు పెద్దపీట వేసిన ఘనత కూడా ముఖ్యమంత్రి జగన్‌కే దక్కుతుంది. బీసీవర్గాలకు గతంలో రాష్ట్ర స్థాయిలో ఒకే ఒక కార్పొరేషన్‌ ఉంటే.. వైఎస్‌ జగన్‌ తొలిదశలో 57 బీసీ కార్పొరేషన్లు ఏర్పాటుచేసి వాటన్నింటికి పాలకవర్గాలను ఏర్పాటు చేశారు. వ్యవసాయ మార్కెట్‌ కమిటీల పాలకవర్గాల కూర్పులో 50 శాతం రిజర్వేషన్లు బీసీ, ఎస్సీ, ఎస్టీ, మైనార్టీలకు అందిస్తున్నారు. గ్రామ, వార్డు సచివాలయ ఉద్యోగులు దాదాపు 1.80 లక్షల మంది ఉండగా అందులో 80 శాతం మంది బీసీ, ఎస్సీ, ఎస్టీ, మైనార్టీ వర్గాలకు చెందిన వారితోనే భర్తీ చేశారు. నేతన్నలు, మత్స్యకారులు, నాయిబ్రాహ్మణులు, యాదవులు, విశ్వబ్రాహ్మణులు, వడ్రంగులు.. ఇలా ప్రతి బడుగు వర్గానికి ప్రత్యేక పథకాలు ఏర్పరిచి వారిని ఆర్థికంగా, సామాజికంగా ఆదుకొంటున్నారు.  బీసీలను హేళన చేసిన చంద్రబాబు అమరావతి ప్రాంతంలో పేదలైన బహుజన వర్గాలవారికి ఇళ్ల స్థలాలు కేటాయిస్తే అక్కడి సామాజిక జీవనంలో సమతుల్యత దెబ్బతింటుందని.. సంపన్నులు నివాసం ఉండేచోట బహుజనులు ఉండరాదన్న ఫ్యూడల్‌ మనస్తత్వంతో.. స్వయంగా జీవో జారీచేసిన దారుణ చరిత్ర చంద్రబాబుది. ‘న్యాయమూర్తులుగా బీసీలు పనికిరారు’ అంటూ సుప్రీంకోర్టుకు అధికార హోదాలో చంద్రబాబు లేఖలు రాసిన సంఘటనను ‘ది ఎకనమిక్స్‌ టైమ్స్‌’ అనే జాతీయ పత్రిక బయటపెట్టింది. చంద్రబాబులో పడగవిప్పిన అగ్రకుల దురంహంకారం బీసీలను ఎంతో బాధించింది. తమ ఆత్మగౌరవాన్ని దెబ్బతీసినందుకు చంద్రబాబును ఎన్నటికీ క్షమించబోమని వారు ఆనాడే శపథం చేశారు. ఇక, తమ సమస్యలను చెప్పుకోవడానికి సచివాలయానికి వెళ్లిన పేద బీసీ కుల వృత్తులవారిని ముఖ్యమంత్రి హోదాలో చంద్రబాబు వేలు చూపిస్తూ బెదిరించిన సంఘటన మరో చీకటి అధ్యాయం.  అధికారంలో ఉన్నప్పుడు అడుగడుగునా కుల, ప్రాంత, ఆర్థిక వివక్షను చూపించిన చంద్రబాబును బీసీలు ఇకపై ఎందుకు నమ్మాలి? నమ్మించి గొంతు కోసినందుకా? రాజ్యసభ పదవులను ఎస్సీ నేతలకు ఇస్తానని చెప్పి చివరి క్షణం వరకు ఊరించి.. సొంత వారికి ఇచ్చుకున్న చంద్రబాబును ఎస్సీలు ఇకపై నమ్ముతారా? క్రిందటేదాడి 4 రాజ్యసభ సీట్లు ఖాళీకాగా సీఎం జగన్‌ అందులో రెండింటిని పార్టీలోని సీనియర్‌ బీసీ నేతలకు ఇచ్చారు. ఇది సామాజిక న్యాయం చేయడం కాదా?   గతాన్ని మరింత తవ్వితే చంద్రబాబు చేసిన తప్పులు, ముఖ్యంగా బడుగు బలహీన వర్గాలవారికి న్యాయంగా దక్కాల్సిన ఫలాలను ఏవిధంగా అందకుండా చేశారో బయటపడతాయి. మరోపక్క అవకాశం వచ్చినప్పుడు పార్టీలో, ప్రభుత్వంలో బడుగు బలహీన వర్గాల వారికి సామాజిక న్యాయం అమలు చేస్తున్న ముఖ్యమంత్రి వైఎస్‌ జగన్‌ ఈ వర్గాల వారి హృదయాల్లో శాశ్వత స్థానం సంపాదించుకున్నారు. వాస్తవాలు ఈ విధంగా ఉండగా చంద్రబాబు, టీడీపీ నాయకులు సామాజిక న్యాయానికి కట్టుబడిన ముఖ్యమంత్రి వైఎస్‌ జగన్‌మోహన్‌రెడ్డిపై తప్పుడు ప్రచారాన్ని సాగించినంత మాత్రాన ప్రజలకు నిజాలు తెలియకుండాపోతాయా?  - డాక్టర్‌ ఉమ్మారెడ్డి వెంకటేశ్వర్లు  వ్యాసకర్త కేంద్ర మాజీ మంత్రి

సాక్షి, హైదరాబాద్‌:  రాష్ట్రంలో టీఆర్‌ఎస్‌ ప్రభుత్వం రెండోసారి అధికారంలోకి వచ్చి రెండున్నరేళ్లు గడుస్తోంది. ఇప్పటికీ చాలా ప్రభుత్వరంగ సంస్థలు, కార్పొరేషన్లకు కొత్త పాలక మండళ్ల నియామకం జరగలేదు. ఆ నామినేటెడ్‌ పదవుల కోసం పెద్ద సంఖ్యలో టీఆర్‌ఎస్‌ నేతలు, కార్యకర్తలు ఎదురుచూస్తున్నారు. వాటిని ఎప్పుడు భర్తీ చేస్తారో, తమకు ఎప్పుడు అవకాశం వస్తుందో అనే ఆశతో కీలక నేతల దృష్టిలో పడేందుకు ప్రయత్నిస్తున్నారు. మరో ఏడాదిన్నర గడిస్తే అసెంబ్లీ ఎన్నికల వాతావరణం మొదలయ్యే అవకాశం ఉండటంతో.. వీలైనంత త్వరగా నామినేటెడ్‌ పదవుల భర్తీ జరగాలని కోరుతున్నారు. రాష్ట్రస్థాయిలోనే కాకుండా జిల్లాల్లో దేవాలయాలు, మార్కెట్‌ కమిటీలు, గ్రంథాలయ సంస్థల పదవులు కూడా ఖాళీగా ఉండటంతో.. తమకు అవకాశం ఇవ్వాలంటూ కీలక నేతల చుట్టూ ప్రదక్షిణలు చేస్తున్నారు. అయితే హుజూరాబాద్‌ ఉప ఎన్నిక హడావుడి ముగిశాకగానీ, అక్టోబర్‌ తర్వాతగానీ నామినేటెడ్‌ పదవుల భర్తీకి శ్రీకారం చుట్టవచ్చని పార్టీ వర్గాలు చెప్తున్నాయి.  అప్పుడప్పుడు ఒకట్రెండు..  టీఆర్‌ఎస్‌ రెండోసారి అధికారంలోకి వచ్చాక పరిమిత సంఖ్యలో మాత్రమే నామినేటెడ్‌ పదవుల భర్తీ జరిగింది. రాష్ట్రంలో వివిధ కేటగిరీల్లో ప్రభుత్వ రంగ సంస్థలు, చట్టబద్ధమైన కార్పొరేషన్లలో సుమారు 50కి పైగా పాలకమండళ్లు ఉన్నాయి. వాటిలో గణనీయంగానే ఖాళీలు ఉన్నాయి. మహిళా కమిషన్, టీఎస్‌పీఎస్సీ వంటి సంస్థలకు కోర్టు విధించిన గడువుకు తలొగ్గి నియమకాలు జరిపినట్టు విమర్శలు వచ్చాయి. రైతుబంధు సమితి, అటవీ అభివృద్ధి సంస్థ, మూసీ రివర్‌ ఫ్రంట్‌ కార్పొరేషన్, టీఎస్‌ఐఐసీ, సివిల్‌ సప్లైస్‌ కార్పొరేషన్‌ తదితరాలకు కొత్త పాలకమండళ్లను నియమించారు. టీఎస్‌ఐఐసీ, స్పోర్ట్స్‌ అథారిటీ, వికలాంగుల కార్పొరేషన్‌కు గతంలో ఉన్న వారినే కొనసాగించారు. ఇటీవల హుజూరాబాద్‌కు చెందిన బండా శ్రీనివాస్‌ ఎస్సీ కార్పొరేషన్‌ చైర్మన్‌గా నియమితులయ్యారు. సాంస్కృతిక సారథి చైర్మన్‌గా ఎమ్మెల్యే రసమయి బాలకిషన్‌ను మరోమారు నియమించారు. కొన్ని కార్పొరేషన్లకు చైర్మన్ల నియామకం జరిగినా సభ్యులను భర్తీ చేయకపోవడంతో పూర్తిస్థాయిలో కార్యకలాపాలు కొనసాగడం లేదు.  భారీగానే ఆశావహులు..  తెలంగాణ ఉద్యమ కాలం నుంచీ పనిచేస్తున్న వారితోపాటు వివిధ సందర్భాల్లో పార్టీలో చేరిన నేతలతో టీఆర్‌ఎస్‌లో అన్నిచోట్లా బహుళ నాయకత్వం ఏర్పడింది. సుమారు 60కి పైగా అసెంబ్లీ నియోజకవర్గాల్లో విపక్షాలు బలహీనపడగా.. టీఆర్‌ఎస్‌లో ఒక్కో నియోజకవర్గంలో ఇద్దరు ముగ్గురు బలమైన నేతలు ఉన్నారు. శాసనసభ, శాసనమండలి, జెడ్పీ చైర్మన్, మున్సిపల్‌ మేయర్లు, చైర్మన్లుగా అవకాశాలు కల్పించినా.. ఇంకా రాష్ట్రస్థాయి పదవులను ఆశిస్తున్న నేతల జాబితా భారీగానే ఉంది. వివిధ సందర్భాల్లో పార్టీ అవసరాలతోపాటు సామాజిక సమీకరణాలను దృష్టిలో పెట్టుకుని పదవులు భర్తీ చేస్తున్నా.. ఖాళీగా ఉన్న పదవులు ఆశావహులను ఆకర్షిస్తున్నాయి. ఆయా నేతలు సీఎం కేసీఆర్, కేటీఆర్‌లతోపాటు ఇతర కీలక నేతల చుట్టూ ప్రదక్షిణలు చేస్తున్నారు. అయితే నామినేటెడ్‌ పదవుల భర్తీపై పార్టీ అధినేత, సీఎం కేసీఆర్‌కు స్పష్టమైన అవగాహన ఉందని.. ఎవరికి ఏ తరహా పదవులు ఇవ్వాలో ఆయనకు తెలుసని పార్టీ వర్గాలు అంటున్నాయి. పార్టీ కోసం పనిచేస్తున్న వారికి సరైన సమయంలో అవకాశాలు వస్తాయని పేర్కొంటున్నాయి.  ఈ పదవులన్నీ ఖాళీయే..  పలు ప్రభుత్వ శాఖల పరిధిలోని కార్పొరేషన్లకు ఏళ్ల తరబడి పాలకమండళ్లను నియమించలేదు. బేవరేజెస్‌ కార్పొరేషన్, ఆర్టీసీ, పరిశ్రమల శాఖ పరిధిలో పలు సంస్థలకు పాలకమండళ్ల నియామకం జరగలేదు. మిషన్‌ భగీరథ, ఎస్టీ కార్పొరేషన్, ఎస్సీ, ఎస్టీ కమిషన్, సాహిత్య అకాడమీ, ఎంబీసీ, స్టేట్‌ మైనారిటీస్‌ ఫైనాన్స్‌ కార్పొరేషన్, తెలంగాణ ఓవర్సీస్‌ మ్యాన్‌ పవర్‌ కంపెనీ, టెస్కోవంటి సంస్థల పదవులు ఖాళీగా ఉన్నాయి. జిల్లాస్థాయిలో గ్రంథాలయ సంస్థల పాలక మండళ్ల పదవీకాలం ముగిసినా పాతవారినే కొనసాగిస్తూ వస్తున్నారు. కాళేశ్వరం, వేములవాడ, యాదాద్రి తదితర ప్రధాన ఆలయాలు కూడా ఏళ్ల తరబడి పాలక మండళ్లు లేకుండానే ప్రత్యేకాధికారుల పాలనలో కొనసాగుతున్నాయి. రాష్ట్రంలోని 192 వ్యవసాయ మార్కెట్‌ కమిటీలకు గాను 30 కమిటీలకు పాలకమండళ్లు లేవు. 

శ్రీకాకుళం (పీఎన్‌ కాలనీ): మహాత్మా గాంధీ, జ్యోతిరావు ఫూలే, అంబేడ్కర్‌ వంటి మహాత్ముల కలలను సీఎం వైఎస్‌ జగన్‌ నిజం చేస్తున్నారని అసెంబ్లీ స్పీకర్‌ తమ్మినేని సీతారాం అన్నారు. శ్రీకాకుళంలోని ఆర్‌ అండ్‌ బీ అతిథి గృహంలో ఆదివారం ఆయన మీడియాతో మాట్లాడారు. రాష్ట్రంలో అమలవుతున్న సంక్షేమ కార్యక్రమాల్లో 85 శాతం ఎస్సీ, ఎస్టీ, బీసీ వర్గాల వారికే అందుతున్నాయని తెలిపారు. సామాజిక న్యాయమే ప్రభుత్వ విధానంగా పాలన సాగుతోందని ప్రశంసించారు. నామినేటెడ్‌ పదవుల్లో సైతం సామాజిక న్యాయం ప్రస్ఫుటంగా కనిపించిందన్నారు. రాజ్యాధికారంలో బడుగు, బలహీన వర్గాలను సీఎం భాగస్వాములను చేశారన్నారు. వెనుకబడిన వర్గానికి చెందిన వ్యక్తికి స్పీకర్‌గా అవకాశం కల్పించిన ఘనత వైఎస్‌ జగన్‌కే దక్కిందన్నారు. కొత్తగా పదవుల్లో చేరిన వారు ఆశ్రిత పక్షపాతం లేకుండా మంచి పాలనను అందించాలని విజ్ఞప్తి చేశారు.  

సాక్షి, అమరావతి: రాజకీయంగా సామాజికన్యాయ సాధన దిశగా సీఎం వైఎస్‌ జగన్‌మోహన్‌రెడ్డి మరో విప్లవాత్మక నిర్ణయం తీసుకున్నారు. సామాజిక న్యాయ సాధనలో స్వర్ణయుగాన్ని తీసుకువస్తూ రాష్ట్ర ప్రభుత్వ నామినేటెడ్‌ పదవుల్లో బడుగు, బలహీన, మైనార్టీ వర్గాలకు పెద్దపీట వేశారు. మహిళలకు సమున్నత స్థానం కల్పించారు. రాష్ట్ర చరిత్రలో గతంలో ఎన్నడూ లేని రీతిలో ఎస్సీ, ఎస్టీ, బీసీ, మైనార్టీ వర్గాలకు ఏకంగా 58 శాతం నామినేటెడ్‌ పదవులు ఇచ్చారు. మహిళలకు ఏకంగా 50.40 శాతం పదవులు దక్కాయి. రాష్ట్ర ప్రభుత్వం శనివారం 137 నామినేటెడ్‌ పదవులను ప్రకటించగా వాటిలో ఎస్సీ, ఎస్టీ, బీసీ, మైనార్టీలకు 79 పదవులు దక్కడం ప్రాధాన్యం సంతరించుకుంది. మహిళలకు 69 పదవులు ఇవ్వడం విశేషం. ఉత్తరాంధ్ర, కోస్తా, రాయలసీమ జిల్లాలకు నామినేటెడ్‌ పదవుల్లో సమ ప్రాధాన్యమిచ్చారు. 13 జిల్లాల్లోని అన్ని రెవెన్యూ డివిజన్లకూ ప్రాతినిధ్యం కల్పిస్తూ పదవులను ప్రకటించారు. పదేళ్లుగా పార్టీ కోసం పని చేసిన అర్హులు, సమర్థులైన నేతలను నామినేటెడ్‌ పదవులకు ఎంపిక చేయడం ద్వారా తగిన గుర్తింపునిచ్చారని పార్టీ వర్గాలు హర్షం వ్యక్తం చేస్తున్నాయి.   బడుగు, బలహీన, మైనార్టీ వర్గాలకు పెద్దపీట  రాజకీయ అధికారాన్ని కల్పించడం ద్వారానే బడుగు, బలహీన, మైనార్టీ వర్గాలు సామాజికంగా, ఆర్థికంగా పురోభివృద్ధి సాధించగలరన్న తన విధానాన్ని ముఖ్యమంత్రి వైఎస్‌ జగన్‌మోహన్‌రెడ్డి నామినేటెడ్‌ పదవుల భర్తీలోనూ అనుసరించారు. కేవలం రిజర్వేషన్లు ఉన్న స్థానాలకే వారిని పరిమితం చేయాలన్న గత పాలకులకు భిన్నంగా నామినేటెడ్‌ పదవుల్లోనూ ఎస్సీ, ఎస్టీ, బీసీ, మైనార్టీలకు కనీసం 50 శాతం పదవులు ఇవ్వాలని వైఎస్సార్‌సీపీ ప్రభుత్వం ఏకంగా చట్టం తీసుకురావడం ద్వారా కొత్త చరిత్రకు శ్రీకారం చుట్టింది. ఆ చిత్తశుద్ధిని మాటల్లోనే కాకుండా చేతల్లో కూడా చూపిస్తూ ప్రభుత్వం శనివారం ప్రకటించిన నామినేటెడ్‌ పదవుల్లో ఈ వర్గాలకు 58 శాతం పదవులు కేటాయించడం విశేషం. మొత్తం 137 పదవుల్లో ఆ వర్గాలకు ఏకంగా 79 పదవులు దక్కడం ప్రాధాన్యం సంతరించుకుంది. అందులో కూడా కీలకమైన కార్పొరేషన్ల చైర్మన్లుగా బడుగు, బలహీన, మైనార్టీ వర్గాల వారిని ఎంపిక చేయడం ముఖ్యమంత్రి వైఎస్‌ జగన్‌ చిత్తశుద్ధికి నిదర్శనంగా నిలుస్తోంది. ఏపీ టిడ్కో, రాష్ట్ర పారిశ్రామికాభివృద్ధి కార్పొరేషన్, రాష్ట్ర మినరల్‌ డెవలప్‌మెంట్‌ కార్పొరేషన్‌(ఏపీఎండీసీ), రాష్ట్ర గిడ్డంగుల సంస్థ, విశాఖపట్నం–కాకినాడ పెట్రోలియం– కెమికల్‌ – పెట్రో కెమికల్‌ పెట్టుబడుల సంస్థ, విశాఖపట్నం రీజనల్‌ మెట్రో డెవలప్‌మెంట్‌ కార్పొరేషన్‌ (వీఎంఆర్డీఏ), సైన్స్‌ అండ్‌ టెక్నాలజీ కార్పొరేషన్, సొసైటీ ఫర్‌ ఎంప్లాయిమెంట్‌ జనరేషన్, ఎడ్యుకేషన్‌ వెల్ఫేర్‌–ఇన్ప్రాస్ట్రక్చర్‌ డెవలప్‌మెంట్‌ కార్పొరేషన్, రాష్ట్ర కనీస వేతనాల సలహా బోర్డు, సాహిత్య అకాడమి.. రాష్ట్ర అటవీ అభివృద్ధి కార్పొరేషన్, గిరిజన సహకార సంస్థ, రాష్ట్ర గ్రంథాలయ పరిషత్, రాష్ట్ర ఆర్థిక సంస్థ, రాష్ట్ర ఔట్‌సోర్సింగ్‌ ఉద్యోగుల కార్పొరేషన్‌ మొదలైన కీలక సంస్థల చైర్మన్‌ పదవులను బడుగు, బలహీన, మైనార్టీ వర్గాలకు ఇవ్వడం ప్రాధాన్యం సంతరించుకుంది. ఈ వర్గాలకు అన్ని జిల్లాల్లోనూ కనీసం 50 శాతం పదవులు దక్కేలా ప్రభుత్వం జాగ్రత్తలు తీసుకుంది.   మహిళ సాధికారత దిశగా ముందడుగు మహిళలకు అన్ని రకాల అవకాశాల్లోనూ సగభాగం కల్పించడమే తన విధానమని ముఖ్యమంత్రి వైఎస్‌ జగన్‌మోహన్‌రెడ్డి ప్రతి సందర్భంలోనూ నిరూపిస్తున్నారు. తాజాగా భర్తీ చేసిన నామినేటెడ్‌ పదవుల్లోనూ అదే విధానాన్ని అనుసరించారు. ఏకంగా 50.40 శాతం పదవులు వీరికి కేటాయించడం ద్వారా తాను మహిళా పక్షపాతినని మరోసారి నిరూపించుకున్నారు. శనివారం ప్రకటించిన 137 పదవుల్లో మహిళలకు ఏకంగా 69 పదవులు ఇవ్వడం విశేషం. అత్యంత ప్రాముఖ్యమైన కార్పొరేషన్లకు మహిళలను చైర్‌పర్సన్లుగా నియమించడం ప్రాధాన్యం సంతరించుకుంది. అప్కాబ్, రాష్ట్ర సైన్స్‌ – టెక్నాలజీ కార్పొరేషన్, రాష్ట్ర విత్తనాభివృద్ధి సంస్థ, స్వచ్ఛాంధ్ర కార్పొరేషన్, రాష్ట్ర మినరల్‌ డెవలప్‌మెంట్‌ కార్పొరేషన్‌ (ఏపీఎండీసీ), రాష్ట్ర పారిశ్రామికాభివృద్ధి కార్పొరేషన్‌ (ఏపీఐడీసీ), రాష్ట్ర పట్టణ ఆర్థిక, మౌలిక సదుపాయాల అభివృద్ధి కార్పొరేషన్, రాష్ట్ర హస్తకళల అభివృద్ధి సంస్థ, రాష్ట్ర ఖాదీ, గ్రామీణ పరిశ్రమల సంస్థ, రాష్ట్ర నీటిపారుదల అభివృద్ధి కార్పొరేషన్, గిరిజన సహకార సంస్థ, విశాఖపట్నం రీజనరల్‌ మెట్రో డెవలప్‌మెంట్‌ కార్పొరేషన్‌ (వీఎంఆర్డీఏ), విశాఖపట్నం–కాకినాడ పెట్రోలియం – కెమికల్‌ – పెట్రో కెమికల్‌ పెట్టుబడుల సంస్థ, రాష్ట్ర కనీస వేతనాల సలహా మండలి, సాహిత్య అకాడమి, రాష్ట్ర నాటక అకాడమి, రాష్ట్ర దివ్యాంగులు, సీనియర్‌ సిటిజన్స్‌ కార్పొరేషన్‌ మొదలైన కీలకమైన కార్పొరేషన్ల చైర్‌పర్సన్‌ పదవులను మహిళలకే కేటాయించారు. వారిలో అత్యధికులు రాజకీయంగా పెద్దగా గుర్తింపు లేని సామాన్య కుటుంబాల నుంచి వచ్చిన వారే కావడం గమనార్హం. గుంటూరులోని 23వ వార్డులో వలంటీర్‌గా ఉన్న పఠాన్‌ ముంతాజ్‌ను రాష్ట్ర దివ్యాంగులు, సీనియర్‌ సిటిజన్స్‌ సంక్షేమ కార్పొరేషన్‌ చైర్‌పర్సన్‌గా నియమించడమే ఇందుకు తార్కాణం. అన్ని జిల్లాల్లోనూ మహిళలకు సమ ప్రాధాన్యమిచ్చారు.   ఇది సామాజిక న్యాయ స్వర్ణయుగం   ► అణగారిన వర్గాల రాజకీయ, ఆర్థిక అభ్యున్నతి సాధనే ఏకైక లక్ష్యంగా రాష్ట్రంలో సామాజిక న్యాయ స్వర్ణ యుగానికి ముఖ్యమంత్రి వైఎస్‌ జగన్‌మోహన్‌రెడ్డి నాంది పలికారు. అందుకోసం రాజకీయ పదవుల్లో ఎస్సీ, ఎస్టీ, బీసీ, మైనార్టీలకు సింహభాగం కేటాయించడం వైఎస్సార్‌సీపీ విధానంగా ఆయన ఎన్నికల ముందే ప్రకటించారు.   ► 2019 ఎన్నికల్లో టిక్కెట్ల కేటాయింపులో బడుగు, బలహీన, మైనార్టీ వర్గాలకు దాదాపు 60 శాతానికిపైగా సీట్లు కేటాయించి అత్యధిక ప్రాధాన్యమిచ్చారు. శ్రీకాకుళం, విజయనగరం, అనకాపల్లి లోక్‌సభ నియోజకవర్గాలతోపాటు సంప్రదాయంగా అగ్రవర్ణాల ఆధిపత్యం ఉన్న కర్నూలు, అనంతపురం, హిందూపురం, రాజమహేంద్రవరం లోక్‌సభ నియోజకవర్గాలను కూడా తొలిసారిగా బీసీలకు కేటాయించడం ద్వారా తన చిత్తశుద్ధిని నిరూపించుకున్నారు.   ► ఎన్నికల్లో గెలుపొందిన తర్వాత ముఖ్యమంత్రి వైఎస్‌ జగన్‌మోహన్‌రెడ్డి ఏర్పాటు చేసిన మంత్రివర్గంలోనూ ఏకంగా 56 శాతం పదవులు ఎస్సీ, ఎస్టీ, బీసీ, మైనార్టీలకు కేటాయించడం ద్వారా జాతీయ స్థాయిలో అందరి దృష్టిని ఆకర్షించారు.  ► ఐదు ఉప ముఖ్యమంత్రి పదవుల్లో నాలుగు ఆ వర్గాలకే కేటాయించారు. ఇందులో ఒక మహిళ కూడా ఉన్నారు. అసెంబ్లీ స్పీకర్‌ పదవినీ బీసీ వర్గాలకు ఇచ్చారు. అనంతరం నామినేటెడ్‌ పదవులు, నామినేషన్‌ పనుల్లో ఎస్సీ, ఎస్టీ, బీసీ, మైనార్టీ వర్గాలకు కనీసం 50 శాతం రిజర్వేషన్లు అమలు చేయాలని శాసనసభలో బిల్లు ఆమోదించారు. ఆ ప్రకారమే దేవలయాలు, మార్కెట్‌ కమిటీలు, ఇతర పాలక మండళ్లలో బడుగు, బలహీన, మైనార్టీ వర్గాలకు అత్యధికంగా పదవులు ఇచ్చారు.   ► నలుగురు రాజ్యసభ సభ్యుల్లో ఇద్దరు బీసీలనే ఎంపిక చేశారు. తొలిసారిగా శెట్టిబలిజ వర్గానికి చెందిన పిల్లి సుభాస్‌ చంద్రబోస్, మత్స్యకార వర్గానికి చెందిన మోపిదేవి వెంకటరమణలను రాజ్యసభకు పంపడం ద్వారా కొత్త చరిత్ర సృష్టించారు.   ► 2019లో అధికారంలోకి వచ్చాక ఇప్పటి వరకు వైఎస్సార్‌సీపీ తరఫున, గవర్నర్‌ కోటాలో 15 మందిని ఎమ్మెల్సీలుగా శాసనమండలికి పంపారు. వీరిలో 11 మంది బడుగు, బలహీన, మైనార్టీ వర్గాలకు చెందిన వారే ఉండటం విశేషం. ఎస్సీలకు 4, బీసీలకు 4, మైనార్టీలకు 3 ఎమ్మెల్సీ పదవులు ఇచ్చారు.  ► 11 మున్సిపల్‌ మేయర్లు, 74 మున్సిపల్‌ చైర్‌పర్సన్ల పదవుల్లో 78 శాతం ఎస్సీ, ఎస్టీ, బీసీ, మైనార్టీలకు కేటాయించారు. ఈ పదవులన్నింటిలో 60.46 శాతం మహిళలకు ఇవ్వడం విశేషం.   ► రాష్ట్రంలో తొలి సారిగా బీసీ వర్గాల కోసం 56 కార్పొరేషన్లు ఏర్పాటు చేసి, చైర్‌పర్సన్‌ పదవులను కేటాయించారు. 2019 ఎన్నికల ముందు కూడా బీసీ వర్గానికి చెందిన సుభాస్‌ చంద్రబోస్, జంగా కృష్ణమూర్తిలను ఎమ్మెల్సీలు చేశారు.    ► మాల, మాదిగ, రెల్లి కులాలకు వేర్వేరు కార్పొరేషన్ల ఏర్పాటు చేశారు. ఎస్సీ, ఎస్టీలకు వేర్వేరు కమిషన్లు ఏర్పాటు చేశారు.  ► జెడ్పీటీసీ, ఎంపీటీసీ ఎన్నికల్లో ఎస్సీ, ఎస్టీ, బీసీ, మైనార్టీలకు 60 శాతం టికెట్లు ఇచ్చారు. మొత్తం టికెట్లలో మహిళలకు 50 శాతం కేటాయించడం విశేషం. అయితే కోర్టులో కేసు కారణంగా ఈ ఎన్నికల ఫలితాలు ఇంకా వెల్లడి కాలేదు.    

సాక్షి, హైదరాబాద్‌: తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ)కు కొత్తగా జరిపిన నియమాకాల్లో ఉన్నతాధికారులుగా పనిచేస్తున్న వారితోపాటు, తెలంగాణ ఉద్యమంలో కీలకంగా పనిచేసిన వారికి చోటు దక్కడంతో నామినేటెడ్‌ పదవులపై ఆశావహుల కన్నుపడింది. ఎమ్మెల్సీతోపాటు ఇతర పదవులపై ఆశలు పెట్టుకున్న నేతలతోపాటు ఇతర ఔత్సాహికులు తమ వంతు కోసం ఎదురుచూస్తున్నారు. తెలంగాణ ఉద్యమ సమయంలో ఆరేళ్ల పదవీ కాల పరిమితి ఉన్నా కేసీఆర్‌ పిలుపుమేరకు ఏడాదిన్నరకే ఎమ్మెల్సీ పదవికి రాజీనామా చేసిన జర్నలిస్టు ఆర్‌.సత్యనారాయణకు టీఎస్‌పీఎస్సీ సభ్యుడిగా అవకాశం లభించింది. ఉద్యమ కాలంలో క్రియాశీలకంగా పని చేసి వివిధ కారణాలతో అవకాశం దక్కని వారికి ఎప్పటికైనా పదవులు వస్తాయనే సంకేతాన్ని ఆర్‌.సత్యనారాయణను నామినేట్‌ చేయడం ద్వారా కేసీఆర్‌ ఇచ్చినట్లు భావిస్తున్నారు. అదే సమయంలో కామారెడ్డి ప్రాంతంలో తెలంగాణ ఉద్యమంలో క్రియాశీలకంగా పనిచేసిన ప్రభుత్వ ఉపాధ్యాయిని సుమిత్రానంద్‌ తనోబాకు గతంలో అవకాశమిస్తానన్న కేసీఆర్‌.. ఇప్పుడు దాన్ని నిలబెట్టుకున్నారు. మరోవైపు, రాష్ట్ర ఆవిర్భావం తర్వాత టీఎన్జీఓ సంఘం అధ్యక్షుడిగా పనిచేసిన రవీందర్‌రెడ్డి కొంతకాలంగా నామినేటెడ్‌ పదవిని ఆశిస్తుండగా ఇప్పుడు నెరవేరింది.  పదవుల భర్తీ కోసం ఎదురుచూపు  రాష్ట్రంలో టీఆర్‌ఎస్‌ రెండో పర్యాయం అధికారంలోకి వచ్చి రెండున్నరేళ్లు కావస్తున్నా రాష్ట్ర స్థాయి కార్పొరేషన్ల పాలక మండళ్ల భర్తీ పూర్తి స్థాయిలో జరగలేదు. రెండో పర్యాయం అధికారంలోకి వచ్చిన నాటి నుంచి లోక్‌సభ ఎన్నికలు మొదలుకుని స్థానిక సంస్థలు, మున్సిపాలిటీలు, మున్సిపల్‌ కార్పొరేషన్లు ఇలా వరుసగా ప్రత్యక్ష ఎన్నికలు జరుగుతూ వస్తున్నాయి. అయితే వచ్చే రెండున్నరేళ్ల పాటు ఎలాంటి ప్రత్యక్ష ఎన్నికలు లేకపోవడంతో ముఖ్యమంత్రి, పార్టీ అధినేత కేసీఆర్‌ నామినేటెడ్‌ పదవుల భర్తీపై దృష్టి పెడతారని పార్టీ నేతలు భావిస్తున్నారు. నేతలు, కేడర్‌లో ఆత్మ విశ్వాసం నింపేందుకు నామినేటెడ్‌ పదవుల భర్తీపై కేసీఆర్‌ కసరత్తు ప్రారంభించినట్లు సమాచారం. మహిళా కమిషన్‌కు కొత్త కార్యవర్గాన్ని నియమించిన కేసీఆర్‌ జీహెచ్‌ఎంసీ ఎన్నికల నేపథ్యంలో ట్రేడ్‌ ప్రమోషన్‌ కార్పొరేషన్, టూరిజం కార్పొరేషన్‌ వంటి వాటికి పార్టీ నేతలను నామినేట్‌ చేశారు. ఎస్టీ, ఎస్సీ కమిషన్, బీసీ కమిషన్‌తో రాష్ట్ర ఖనిజాభివృద్ది సంస్థ వంటి కీలకమైన కమిషన్‌లు, కార్పొరేషన్లకు పాలక మండళ్లను నియమించాల్సి ఉంది. గత ఫిబ్రవరి నుంచి పార్టీ కార్యకలాపాలను స్వయంగా పర్యవేక్షిస్తున్న కేసీఆర్‌ త్వరలో నామినేటెడ్‌ పదవుల భర్తీ ప్రక్రియనూ పూర్తి చేస్తారని అంటున్నారు.  ఎమ్మెల్సీ పదవులపై కన్ను ఎమ్మెల్యే కోటాలో ఎమ్మెల్సీ పదవిపై ఆశలు పెట్టుకున్న నేతలతో పాటు ఇతర నామినేటెడ్‌ పదవులు ఆశిస్తున్న ఔత్సాహికులు తమ వంతు కోసం ఎదురుచూస్తున్నారు. జూన్‌ 3న శాసన మండలిలో ఖాళీ అవుతున్న ఆరు ఎమ్మెల్సీ స్థానాలకు ఎమ్మెల్యేల కోటాలో ఎన్నిక జరగాల్సి ఉంది. అయితే కోవిడ్‌ కారణంగా ఈ ఎన్నికను కేంద్ర ఎన్నికల సంఘం వాయిదా వేయడంతో ఆశావహులు నిరాశలో మునిగిపోయారు. అయితే ఆగస్టులోగా ఆరు ఎమ్మెల్సీ స్థానాలకు నోటిఫికేషన్‌ విడుదలయ్యే అవకాశముందని భావిసున్నారు. మరోవైపు వచ్చే జనవరిలోగా శాసన మండలి స్థానిక సంస్థల కోటాలో మరో 12 ఎమ్మెల్సీ స్థానాలకు ఎన్నిక జరగనుంది. గవర్నర్‌ కోటాలో ఎమ్మెల్సీగా నామినేట్‌ అయిన ప్రొఫెసర్‌ శ్రీనివాస్‌రెడ్డి పదవీ కాలం ఇటీవలే పూర్తయింది. దీంతో వచ్చే ఏడాది జనవరిలోపు 19 ఎమ్మెల్సీ స్థానాలకు ఎన్నికలు జరగాల్సి ఉండటంతో ఆశావహులు ఎదురు చూస్తున్నారు.  చదవండి: Koti ENT Hospital: బ్లాక్‌ ఫంగస్‌కు మెరుగైన చికిత్స

సాక్షి, వరంగల్‌ :  తెలంగాణ రాష్ట్ర సమితి (టీఆర్‌ఎస్‌) పార్టీని సంస్థాగతంగా బలోపేతం చేసే దిశగా నాయకత్వం కసరత్తు ప్రారంభించింది. ఈక్రమంలో మళ్లీ జిల్లా కమిటీలను వేయాలన్న నిర్ణయానికి వచ్చినట్లు తెలిసింది. గ్రామస్థాయి నుంచి జిల్లాస్థాయి వరకు పార్టీతో పాటు అన్ని అనుబంధ కమిటీలను పునరుద్ధరించే యోచనలో అధిష్టానం ఉన్నట్లు తెలుస్తోంది. ఇందుకోసం ముందుగా భారీగా సభ్యత్వ నమోదు కార్యక్రమం చేపట్టాలన్న సంకేతాలు కూడా పార్టీ శ్రేణులకు చేరినట్లు సమాచారం. వీటిపై సమాలోచనలు చేసేందుకు పార్టీ చీఫ్, సీఎం కేసీఆర్‌ ఆదివారం హైదరాబాద్‌లో కీలక సమావేశం నిర్వహించనున్నారు. ఈ మేరకు ఉమ్మడి వరంగల్‌కు చెందిన మంత్రులు, ఎంపీలు, ఎమ్మెల్సీలు, ఎమ్మెల్యేలు, ఇతర ప్రజాప్రతినిధులు, రాష్ట్ర నాయకులు, సీని యర్లకు శుక్రవా రం సమాచారం అందింది. ఈ సమావేశంలో ప్రభుత్వం, పార్టీ కార్యక్రమాలను ప్రజల్లోకి తీసుకెళ్లడంలో కీలకంగా వ్యవహరించేలా గ్రామ, మండల, జిల్లా కమిటీల పునరుద్ధరణతో పాటు సభ్యత్వ నమోదు అంశాలను చర్చించే అవకాశముందని పార్టీ వర్గాల ద్వారా తెలిసింది.  సంస్థాగత సందడి అధికార టీఆర్‌ఎస్‌లో ఇంతకాలం ఏ పదవీ లేకుండానే కొనసాగుతున్న పలువురు సీనియర్‌ నేతలను త్వరలోనే పదవులు వరించనున్నాయి. కొంతకాలంగా ప్రభుత్వ నామినేటెడ్, సంస్థాగత పదవులను ఆశిస్తున్న నాయకులు అటు అడగలేక, ఇటు నిలదీయ లేక ఇబ్బంది పడుతున్నారు. ఎమ్మెల్యే, ఎంపీ, జెడ్పీ చైర్మన్‌ తదితర పదవులను ఆశించి.. అవి దక్కకపోవడంతో హామీలు పొందిన సీనియర్లు అధినేత ప్రకటన కోసం ఎదురుచూస్తున్నారు. ఆవిర్భావం నుంచి పార్టీలో కొనసాగిన వారు, ఉద్యమ సమయంలో కీలకంగా వ్యవహరించిన వారు నామినేటెడ్, సంస్థాగత పదవులు ఎప్పుడెప్పుడు వరి స్తాయా అని ఎదురుచూస్తున్నారు. గులాబీ దళనేత, సీఎం కేసీఆర్‌ పిలుపు మేరకు వి విధ రాజకీయ పార్టీల నుంచి గులాబీ గూటికి చేరిన పలువురికి పదవుల్లేక రాజకీయ నిరుద్యోగులుగా మారామన్న అభిప్రాయంతో ఉన్నారు. అసెంబ్లీ ఎన్నికల తర్వాత స్థానిక సంస్థలు, ఎంపీ, ఉప ఎన్నికలు, అసెంబ్లీ సమావేశాలు, ఆర్టీసీ సమ్మె, మున్సిపల్‌ ఎన్నికలు, కోవిడ్‌... ఇలా అనే క అవాంతరాలు ఏర్పడటంతో పార్టీ అధినాయకత్వం పదవుల భర్తీపై అంతగా దృష్టి పెట్టలేదన్న వాదన ఉంది. ఈ నేపథ్యంలో ఆదివారం హైదరాబాద్‌లో జరగనున్న కీలక సమావేశంలో తీసుకునే నిర్ణయాలతో పదవుల భర్తీకి మళ్లీ మోక్షం కలగవచ్చన్న చర్చ జరుగుతోంది.   తెరపైకి నామినేటెడ్‌ పదవులు పదవీకాలం పూర్తయిన చాలా నామినేటెడ్‌ పోస్టుల భర్తీ పెండింగ్‌లో పడగా.. పార్టీ పదవుల ప్రక్రియ ఊసే లేకుండా పోయింది. రాష్ట్ర స్థాయిలో నామినేటెడ్‌ పోస్టులు పొందిన పలువురి పదవీకాలం ముగిసిపోయి నెలలు దాటింది. ఉమ్మడి జిల్లా నుంచి వికలాంగుల అభివృద్ధి సంస్థ చైర్మన్‌ వాసుదేవరెడ్డి, ‘కుడా’ చైర్మన్‌ మర్రి యాదవరెడ్డి మినహా ఎవరికీ మళ్లీ ఛాన్స్‌ రాలేదు. ట్రైకార్‌ చైర్మన్‌ గాంధీనాయక్, మహిళా అర్థిక సంస్థ చైర్‌పర్సన్‌ గుండు సుధారాణి, ఆగ్రోస్‌ చైర్మన్‌ లింగంపల్లి కిషన్‌రావు, గొర్రెల పెంపకందారుల అభివృద్ధి సంస్థ చైర్మన్‌ కన్నెబోయిన రాజయ్య, హస్తకళల అభివృద్ధి సంస్థ చైర్మన్‌ బొల్లం సంపత్‌కుమార్, ఖాదీ గ్రామీ ణాభివృద్ధి సంస్థ చైర్మన్‌ యూసుఫ్‌ జాహేద్‌ పదవీకాలం ముగిసిపోయింది. గతేడాది ఉమ్మడి వరంగల్‌లో 12 నియోజకవర్గాల్లో పార్టీ సభ్య త్వ నమోదు పూర్తయినా జిల్లా కమిటీల ఊసులేకపోగా చాలా వరకు గ్రామ, మండలాలతో పాటు పట్టణ / నగర కమిటీలు సైతం పెండింగ్‌లో పెట్టారు. వాటి స్థానంలో పార్టీ నియోజకవర్గ కమిటీలను వేశారు. ఈ కమిటీల వల్ల పార్టీకి, ప్రభుత్వానికి అంతగా ప్రయోజనం లేకపోగా, సంస్థాగత కమిటీలు లేని లోటు పలు సందర్భాల్లో కనిపించింది. దీంతో ఈసారి గ్రామ, మండల కమిటీలతో పాటు జిల్లా కమిటీలు, వాటి అనుబంధ సంఘాలను ఎన్నుకునే యోచన చేస్తున్నారు. ఇదే సమయంలో పార్టీ కీలక సమావేశం జరుగుతుండగా, త్వరలోనే పదవులు భర్తీ అవుతాయన్న ఆశాభావం పార్టీవర్గాల్లో వ్యక్తమవుతోంది. 

సాక్షి, హైదరాబాద్‌: ఓవైపు ప్రభుత్వపరంగా నిర్ణయాల్లో వేగం పెంచుతూనే... మరోవైపు క్షేత్రస్థాయిలో పార్టీ యంత్రాంగాన్ని క్రియా శీలం చేయాలని సీఎం, టీఆర్‌ఎస్‌ అధినేత కేసీఆర్‌ నిర్ణయించారు. ప్రభుత్వ నిర్ణయాలను వేగంగా అమలు చేయడం ద్వారా వివిధ వర్గాలను సంతృప్తిపర్చడం, పార్టీ కార్యకలాపాల్లో దూకుడు పెంచడం లక్ష్యంగా... ద్విముఖ వ్యూహాన్ని సిద్ధం చేశారు. నెలాఖరులోగా ప్రభుత్వ ఉద్యోగుల వేతన సవరణ, పదోన్న తులు, ధరణి పోర్టల్‌లో మార్పులు, చేర్పులు వంటి కీలక సమస్యలకు పూర్తిస్థాయిలో పరిష్కారం చూపనున్నారు. వచ్చే నెల 17న జరిగే తన జన్మదిన వేడుకల తర్వాత జిల్లా పర్యటనలకు సీఎం కేసీఆర్‌ శ్రీకారం  చుట్టను న్నారు. ఇప్పటికే వేతన సవరణ నివేదిక ప్రభుత్వానికి అందగా, సంక్రాంతి తర్వాత పీఆర్సీపై సీఎం కేసీఆర్‌ ప్రకటన చేస్తారు. ప్రభుత్వ ఉద్యోగులు, ఉపాధ్యాయుల పదోన్న తుల ప్రక్రియను ఈ నెలాఖరులోగా పూర్తి చేయాలని ఇదివరకే ఆదేశించిన నేపథ్యంలో, ఖాళీల సంఖ్యపై స్పష్టత వచ్చాక ఫిబ్రవరి మూడోవారంలో ప్రభుత్వ ఉద్యోగాల భర్తీకి సంబంధించిన ప్రకటన వెలువడే అవకాశం ఉంది. సోమవారం జరిగిన కలెక్టర్ల సమావేశంలో ధరణి పోర్టల్‌లో మార్పులు, చేర్పులకు కూడా వారం రోజుల గడువు ఇచ్చారు. ఎల్‌ఆర్‌ఎస్‌ వంటి అంశాలపైనా వీలైనంత త్వరగా ప్రభుత్వ వైఖరిని స్పష్టం చేయాలని సీఎం కేసీఆర్‌ భావిస్తున్నారు.  యాదాద్రిలో భారీ యాగం యాదాద్రి ఆలయ నిర్మాణ పనులను కూడా ఫిబ్రవరి నెలాఖరులోగా పూర్తి చేసి ప్రారంభోత్సవానికి సిద్ధం చేయాలని ముఖ్యమంత్రి కేసీఆర్‌ ఆదేశించారు. ఆలయ ప్రారంభోత్సవాన్ని అత్యంత ప్రతిష్టాత్మకంగా నిర్వహించాలని భావిస్తున్న సీఎం ఈ సందర్భంగా భారీ యాగాన్ని కూడా నిర్వహించాలని నిర్ణయించారు. యాగం నిర్వహణ ఏ స్థాయిలో ఉండాలనే అంశంపైనా వేద పండితులతో సంప్రదింపులు జరుపుతున్నట్లు తెలిసింది. మరోవైపు ఫిబ్రవరి మూడు లేదా నాలుగో వారం నుంచి జిల్లాల పర్యటనల ద్వారా పార్టీ కార్యకలాపాలను కూడా పట్టాలెక్కించాలని నిర్ణయించారు. సుమారు రెండున్నరేళ్ల క్రితం అన్ని జిల్లా కేంద్రాల్లో టీఆర్‌ఎస్‌ పార్టీ కార్యాలయాల నిర్మాణం ప్రారంభం కాగా, ఒకటి రెండు జిల్లాలు మినహా అన్ని చోట్లా పనులు దాదాపు పూర్తయ్యాయి. గత ఏడాది డిసెంబర్‌ 10న సిద్దిపేట జిల్లా కార్యాలయాన్ని ప్రారంభించిన కేసీఆర్‌ ఇతర జిల్లా కేంద్రాల్లోనూ తన చేతుల మీదుగా పార్టీ కార్యాలయాలను ప్రారంభించేలా షెడ్యూల్‌ రూపొందిస్తున్నారు. కార్యకర్తల శిక్షణ కార్యక్రమానికి కూడా శ్రీకారం చుట్టి ఈ ఏడాది జూన్‌లోగా పూర్తి చేసేలా ప్రణాళిక సిద్దం చేశారు. శిక్షణలో కార్యకర్తలకు బోధించాల్సిన అంశాలపై రూపొందించిన హ్యాండ్‌బుక్‌ రూపకల్పనకు సంబంధించి సీఎం కేసీఆర్‌ పలు సూచనలు చేసినట్లు సమాచారం. నామినేటెడ్‌ పదవుల భర్తీపైనా కసరత్తు ఫిబ్రవరిలో జిల్లాల పర్యటనకు ముందే రాష్ట్ర, జిల్లా స్థాయి నామినేటెడ్‌ పదవుల భర్తీని కూడా పూర్తి చేయాలని కేసీఆర్‌ నిర్ణయించారు. ఇప్పటికే జిల్లాలు, నియోజకవర్గాల వారీగా నామినేటెడ్‌ పదవులు ఆశిస్తున్న నేతల జాబితా సీఎంకు చేరినట్లు పార్టీ వర్గాలు చెప్తున్నాయి. మంత్రులు, ఎమ్మెల్యేల అభిప్రాయం తీసుకుంటూనే నామినేటెడ్‌ పదవుల భర్తీలో తనదైన ముద్ర ఉండేలా కసరత్తు జరుగుతోందని సమాచారం. త్వరలో జరిగే నాగార్జునసాగర్‌ అసెంబ్లీ ఉప ఎన్నిక, వరంగల్, ఖమ్మం కార్పోరేషన్ల ఎన్నికకు సంబంధించి ఇప్పటికే టీఆర్‌ఎస్‌ పరంగా పలు అంతర్గత సర్వేలు జరుగుతున్నాయి. మరోవైపు పార్టీ జిల్లా ఇన్‌చార్జిలు, సీఎంకు సన్నిహితంగా ఉండే నేతలు నాగార్జునసాగర్‌ నియోజకవర్గ, పార్టీ స్థితిగతులపైనా వేర్వేరు నివేదికలు సమర్పించారు. పార్టీ అభ్యర్థి ఎంపికపై అన్ని కోణాల్లో సమాచారం సేకరిస్తున్న సీఎం కేసీఆర్, పార్టీ యంత్రాంగాన్ని ఇప్పటి నుంచే ఎన్నికలకు సన్నద్దం చేయాలని నిర్ణయించారు. సాగర్‌ పరిధిలోని మండలాలు, మున్సిపాలిటీలకు ఒకటి రెండు రోజుల్లో పార్టీ ఇన్‌చార్జిలను ప్రకటించే అవకాశం ఉంది.

సాక్షి, అమరాతి: బీసీ కార్పొరేషన్ల నామినేటెడ్‌ పోస్టుల భర్తీపై ప్రభుత్వం బుధవారం ప్రకటన విడుదల చేయనుంది. రాష్ట్ర చరిత్రలో తొలిసారిగా భారీగా బీసీ కార్పొరేషన్లు ఏర్పాటు చేసిన ప్రభుత్వం..ఎన్నడూలేని విధంగా పెద్ద సంఖ్యలో కులాలకు ప్రాతినిథ్యం కల్పించనుంది. ఆయా కులాల ఆర్థిక, సామాజిక ప్రగతికి కార్పొరేషన్లు తోడ్పాటు అందించనున్నాయి. మొత్తంగా 56 కులాలకు ప్రభుత్వం కార్పొరేషన్లు ఏర్పాటు చేసింది. వన్నికుల క్షత్రియ, అగ్నికుల క్షత్రియ, బెస్త, ఈడిగ, నాగవంశీయులు, పులనాటి వెలమ తదితర కులాలకూ కార్పొరేషన్లు ఏర్పాటు చేసింది ప్రభుత్వం.  30 వేల పైబడి జనాభా ఉన్నవారందరికీ కార్పొరేషన్ల ఏర్పాటుకు ప్రభుత్వం చర్యలు చేపట్టింది. ఇక నామినేటెడ్‌ పదవుల్లో పురుషుల కన్నా మహిళలకు ఎక్కువ పోస్టులు కేటాయించనున్నారు. కార్పొరేషన్ల‌ చైర్మన్లుగా 29 మంది మహిళలను, 27 మంది పురుషులను ప్రభుత్వం ఎంపిక చేయనుంది. అలాగే.. డైరెక్టర్ల పదవుల్లో మహిళలకు 50 శాతం ఇచ్చే అవకాశం ఉంది. అన్ని జిల్లాలకూ ఛైర్మన్‌ పదవుల్లో ప్రాతినిథ్యం కల్పించనున్నారు. డైరెక్టర్ల పదవుల్లోనూ వీలైనన్ని జిల్లాలకు కేటాయింపులు ఉండనున్నాయి. (చదవండి: ‘స్పందన’పై సీఎం జగన్‌ సమీక్ష.. కలెక్టర్లకు సూచనలు) జిల్లా  పురుషులు స్త్రీలు మొత్తం  అనంతపురం 2 2 4 చిత్తూరు 2 2 4  తూర్పుగోదావరి  1  3 4 గుంటూరు  2 2 4 కడప   2 2 4 కృష్ణా  2 3 5 కర్నూలు  2 2 4 నెల్లూరు 2 2 4 ప్రకాశం 2 2 4 శ్రీకాకుళం  3 3 6 విశాఖ  2 3 5   విజయనగరం 2 2 4 పశ్చిమగోదావరి  3 1 4 27 29 56

న్యూఢిల్లీ: సుప్రీంకోర్టు మాజీ ప్రధాన న్యాయమూర్తి జస్టిస్‌ రంజన్‌ గొగోయ్‌ని కేంద్రం రాజ్యసభకు నామినేట్‌ చేసింది. ఈ మేరకు కేంద్ర హోం శాఖ సోమవారం నోటిఫికేషన్‌ విడుదల చేసింది. సుప్రీంకోర్టు సీనియర్‌ న్యాయవాది కేటీఎస్‌ తులసి రిటైర్మెంట్‌తో ఖాళీ అయిన స్థానంలో జస్టిస్‌ గొగోయ్‌ని కేంద్ర ప్రభుత్వం నామినేట్‌ చేసింది. గత ఏడాది నవంబర్‌ 9న సున్నితమైన అయోధ్య కేసులో తీర్పు ప్రకటించిన ఐదుగురు సభ్యుల రాజ్యాంగ ధర్మాసనానికి జస్టిస్‌ గొగోయ్‌ నేతృత్వం వహించిన విషయం తెలిసిందే. అదే నెలలో ఆయన సుప్రీంకోర్టు ప్రధాన న్యాయమూర్తిగా పదవీ విరమణ చేశారు. రఫేల్‌ ఫైటర్‌ జెట్స్‌ కేసును, శబరిమలలోకి మహిళల ప్రవేశానికి సంబంధించిన కేసును కూడా ఆయన విచారించారు. అయోధ్య కేసులో 2.77 ఎకరాల వివాదాస్పద స్థలం మొత్తాన్ని రామాలయ నిర్మాణం కోసం వినియోగించాలని ఆయన తీర్పునిచ్చారు. మసీదు నిర్మాణం కోసం అయోధ్యలోని మరో ప్రముఖ ప్రాంతంలో ఐదు ఎకరాల స్థలం కేటాయించాలని ఆదేశించారు. సీజేఐగా పదవీకాలంలో లైంగిక వేధింపుల ఆరోపణ సహా పలు వివాదాలను ఆయన ఎదుర్కొన్నారు. రఫేల్‌ ఫైటర్‌ జెట్‌ డీల్‌లో మోదీ ప్రభుత్వానికి క్లీన్‌ చిట్‌ ఇచ్చిన ధర్మాసనానికి కూడా జస్టిస్‌ గొగొయే నేతృత్వం వహించారు. సుప్రీంకోర్టు ప్రధాన న్యాయమూర్తి కార్యాలయం సమాచార హక్కు చట్టం పరిధిలోకే వస్తుందని సంచలన తీర్పునిచ్చింది కూడా ఆయన నేతృత్వంలోని ధర్మాసనమే. ఎన్నార్సీ ప్రక్రియను సమీక్షించిన బెంచ్‌కు కూడా జస్టిస్‌ గొగోయ్‌ నేతృత్వం వహించారు. రాజ్యసభకు నామినేట్‌ అవుతున్న తొలి సుప్రీంకోర్టు మాజీ ప్రధాన న్యాయమూర్తి ఆయనే కావడం విశేషం. మాజీ సీజేఐ రంగనాథ్‌ మిశ్రా కూడా రాజ్యసభ సభ్యుడిగా ఉన్నారు కానీ, ఆయన నామినేటెడ్‌ సభ్యుడు కాదు. కాంగ్రెస్‌ తరఫున ఎగువ సభకు ఎన్నికయ్యారు.     

సాక్షి, హైదరాబాద్‌: రాష్ట్రంలో టీఆర్‌ఎస్‌ ప్రభుత్వం వరుసగా రెండోసారి అధికారం చేపట్టి ఏడాది పూర్తయినా పార్టీ నేతలకు నామినేటెడ్‌ పదవీ యోగం దక్కట్లేదు. లోక్‌సభ, స్థానిక సంస్థల ఎన్నికల తర్వాత నామినేటెడ్‌ పదవుల భర్తీ ఉంటుందని ఆశిస్తూ వచ్చిన నేతలకు నెలల తరబడి ఎదురుచూపులు తప్పట్లేదు. గతేడాది డిసెంబర్‌లో జరిగిన అసెంబ్లీ ఎన్నికల్లో పోటీకి అవకాశం దక్కని నేతలతో పాటు, పార్టీ ఆవిర్భావం నుంచి పనిచేస్తున్న సీనియర్లు, వేర్వేరు పార్టీల నుంచి చేరిన నేతలు నామినేటెడ్‌ పదవులను ఆశిస్తున్నారు. మంత్రి మండలిని మూడుసార్లు పార్టీ అధినేత, సీఎం కేసీఆర్‌ విస్తరించారు. ఈ సందర్భంగా పార్టీ సీనియర్లకు త్వరలో కీలక పదవులు అప్పగిస్తామని సంకేతాలిచ్చారు. మాజీ ఉప ముఖ్యమంత్రి కడియం శ్రీహరి, మాజీ మంత్రి నాయిని నర్సింహారెడ్డి, మాజీ మంత్రి జూపల్లి కృష్ణారావు, పద్మా దేవేందర్‌రెడ్డి, బాజిరెడ్డి గోవర్ధన్‌ తదితరుల పేర్లు ఈ జాబితాలో ఉన్నాయి. కడియంకు రాజ్యసభ, నాయినికి టీఎస్‌ఆర్టీసీ చైర్మన్, బాజిరెడ్డి గోవర్ధన్‌కు రైతు సమన్వయ సమితి చైర్మన్‌ పదవులు దక్కుతాయనే ప్రచారం జరిగింది. మంత్రి మండలి విస్తరణ జరిగి నాలుగు నెలలు కావస్తున్నా నామినేటెడ్‌ పదవుల భర్తీ అంశంపై స్పష్టత రాలేదు. కొద్దిమందికే అవకాశం  రెండోసారి టీఆర్‌ఎస్‌ అధికారంలోకి వచ్చాక పరిమిత సంఖ్యలో నామినేటెడ్‌ పోస్టుల భర్తీ జరిగింది. కరీంనగర్‌ మాజీ ఎంపీ బి.వినోద్‌కుమార్, ఎమ్మెల్సీ పల్లా రాజేశ్వర్‌రెడ్డి ఒకరిద్దరు నేతలకు కేబినెట్‌ ర్యాంకుతో పదవులు దక్కాయి. గుత్తా సుఖేందర్‌రెడ్డికి ఎమ్మెల్సీ, మండలి చైర్మన్‌గా అవకాశం కల్పించగా, మారెడ్డి శ్రీనివాస్‌రెడ్డికి పౌరసరఫరాల సంస్థ కార్పొరేషన్‌ చైర్మన్‌గా నియమించారు. పార్టీ వర్కింగ్‌ ప్రెసిడెంట్‌ కేటీఆర్‌ సన్నిహితులు పోచంపల్లి శ్రీనివాస్‌రెడ్డి, నవీన్‌కుమార్‌కు ఎమ్మెల్సీలుగా అవకాశం దక్కింది. సుమారు 12 మంది నేతలకు కార్పొరేషన్‌ చైర్మన్లు, సలహాదారులుగా పదవీ కాలం పొడిగించారు. రాష్ట్రంలో సుమారు 90 ప్రభుత్వ కార్పొరేషన్లు ఉండగా, ఈ ఏడాది అక్టోబర్‌ నాటికి మెజారిటీ కార్పొరేషన్లలో పాలక మండళ్ల పదవీ కాల పరిమితి ముగిసింది. దీంతో తమ పదవీ కాలాన్ని పొడిగించాలని కోరుతూ కొందరు, కొత్తగా తమకు అవకాశం కల్పించాలంటూ మరికొందరు కేసీఆర్, కేటీఆర్‌ చుట్టూ ప్రదక్షిణలు చేస్తున్నారు. 29 ప్రధాన కార్పొరేషన్లలో ఎమ్మెల్యేలు, ఎమ్మెల్సీల కు అవకాశం కల్పించేందుకు ‘ఆఫీస్‌ ఆఫ్‌ ప్రాఫి ట్‌’ నిబంధన అడ్డుగా ఉందనే కారణంగా ఇటీ వల ప్రభుత్వం ఆర్డినెన్స్‌ జారీ చేసింది. ఇదిలా ఉంటే క్షేత్ర స్థాయిలో మార్కెట్, దేవాలయ పాలక మండళ్లు కూడా చాలా చోట్ల ఖాళీగా ఉండటంతో ద్వితీయ శ్రేణి నేతలు తమకు అవకాశం కల్పించాలంటూ కోరుతున్నారు. మున్సిపల్‌ ఎన్నికల తర్వాతేనా!  జనవరి మూడో వారంలో మున్సిపల్‌ ఎన్నికలు జరిగే అవకాశం ఉండటంతో నామినేటెడ్‌ పదవుల భర్తీ ఇప్పట్లో ఉండకపోవచ్చని పార్టీ వర్గాలు చెబుతున్నాయి. దసరా నాటికే జిల్లాల వారీగా పార్టీ కార్యాలయాల ప్రారంభోత్సవం, నియోజకవర్గం, జిల్లా, రాష్ట్ర స్థాయిలో సంస్థాగత కమిటీల నిర్మాణం వంటి సంస్థాగత అంశాలు పెండింగు పడుతూ వస్తున్నాయి. మున్సిపల్‌ ఎన్నికలను ప్రతిష్టాత్మకంగా తీసుకుంటున్న టీఆర్‌ఎస్‌ పార్టీ ఎన్నికలు తర్వాతే నామినేటెడ్‌ పదవుల భర్తీపై దృష్టి సారించే అవకాశం ఉంది. ప్రభుత్వ విప్‌లు, అసెంబ్లీ కమిటీల్లో కొందరు ఎమ్మెల్యేలు, ఎమ్మెల్సీలకు అవకాశం కల్పించడం ద్వారా నామినేటెడ్‌ పదవులు ఆశించవద్దనే సందేశాన్ని కొందరు సీనియర్‌ నేతలకు సీఎం పంపినట్లు సమాచారం.

సాక్షి, అమరావతి : ‘అన్ని నామినేటెడ్‌ పోస్టుల్లో 50 శాతం బీసీ, ఎస్సీ, ఎస్టీ, మైనార్టీ వర్గాలకే కేటాయిస్తున్నాం. నామినేటెడ్‌ పనుల్లో కూడా 50% ఆ వర్గాలకే ఇస్తున్నాం. మొత్తం మీద మహిళలకు 50 శాతం పదవులు ఇస్తున్నాం. ఈ మేరకు దేశంలో చట్టం చేసిన ఏకైక రాష్ట్రం మనదేనని గర్వంగా చెబుతున్నా’ అని సీఎం వైఎస్‌ జగన్‌ స్పష్టం చేశారు. సలహాదారుల నియామక అంశంపై అసెంబ్లీలో బుధవారం ప్రశ్నోత్తరాల సమయంలో టీడీపీ సభ్యులు అడిగిన ప్రశ్నపై ఆయన స్పందించి మాట్లాడారు. ఇప్పటికే ఆ వర్గాలకు చాలా పదవులు ఇచ్చామని, స్థానిక ఎన్నికల తర్వాత మిగిలిన పోస్టులు కూడా భర్తీ చేసి ఇదే శాసనసభలో తుది జాబితాను విడుదల చేస్తామన్నారు. ఆయా వర్గాల వారికి ఇస్తున్న ప్రాధాన్యతను ఇలా వివరించారు.   బడుగు, బలహీన, మైనార్టీ వర్గాలకే పెద్దపీట  ‘నామినేటెడ్‌ పదవుల అంశాన్ని చంద్రబాబు పార్టీ వక్రీకరిస్తోంది. ఇంతగా వక్రీకరించే పార్టీ ప్రపంచంలో మరెక్కడా లేదు. నామినేటెడ్‌ పోస్టుల్లో బీసీ, ఎస్సీ, ఎస్టీ, మైనార్టీలకు 50 శాతం రిజర్వేషన్లు కల్పిస్తూ మొట్టమొదటి అసెంబ్లీ సమావేశాల్లోనే దీనిపై చట్టం చేశాం. నామినేటెడ్‌ పనుల్లో కూడా ఈ వర్గాల వారికి 50 శాతం కల్పించిన ఏకైక రాష్ట్రం మనదే. ఇందులో మహిళలకు 50 శాతం రిజర్వేషన్లు కల్పించాం. రాజకీయంగా ఎంతో పలుకుబడి ఉన్న ఓసీలకు చెందిన వారికే అగ్రికల్చర్‌ మార్కెట్‌ కమిటీ(ఏఎంసీ) చైర్మన్‌  పదవులు ఇచ్చే పరిస్థితి ఉండేది. అలాంటి పోస్టుల్లో కూడా బీసీ, ఎస్సీ, ఎస్టీ, మైనార్టీలకు రిజర్వేషన్లు కల్పిస్తున్నాం. కృష్ణా జిల్లాలో 19 మార్కెట్‌ కమిటీ పోస్టులు ఉంటే.. అందులో 10 బీసీ, ఎస్సీ, ఎస్టీ, మైనార్టీలకు ఇచ్చాం. దాంతోపాటు దేవాలయాల చైర్మన్ల పదవుల్లోనూ రిజర్వేషన్లు పాటిస్తున్నాం. ఎంతో పలుకుబడి ఉంటే తప్ప దేవాలయ చైర్మన్‌ పదవి వచ్చేది కాదు. కానీ మా ప్రభుత్వం దేవాలయాల చైర్మన్లు, సభ్యుల పదవుల్లో సైతం బీసీ, ఎస్సీ, ఎస్టీ వర్గాల వారికి 50 శాతం ఇస్తోంది. మొన్నటికి మొన్న డీసీసీబీలు, డీసీఎంఎస్‌లు 13 ఉంటే.. అందులో 7 బీసీ, ఎస్సీ, ఎస్టీ, మైనార్టీలకు ఇచ్చాం.  తెలుగు అకాడమీ చైర్‌పర్సన్‌గా నందమూరి లక్ష్మీపార్వతిని నియమించాం. ఈమె టీడీపీ వ్యవస్థాపకుడు ఎన్టీఆర్‌ సతీమణి, చంద్రబాబుకు స్వయానా అత్త గారు. లక్ష్మీపార్వతికి వాళ్లు ఏమీ ఇవ్వలేదు. కానీ మేం ఇచ్చాం. ఇలా చెప్పుకుంటూ పోతే, ఈ జాబితాలో సగానికిపైగా బీసీ, ఎస్సీ, ఎస్టీ, మైనార్టీలే ఉన్నారు. అయినా ఇది ప్రతిపక్షానికి కనిపించదు. ఇంకా 160కిపైగా చైర్మన్‌ స్థాయి నామినేటెడ్‌ పోస్టులు పెండింగులో ఉన్నాయి. స్థానిక సంస్థల ఎన్నికలు ముగిశాక వాటన్నింటినీ భర్తీ చేస్తాం. తుది జాబితా వచ్చే సరికి 50శాతం ఎస్సీ, ఎస్టీ, బీసీ మైనార్టీలే ఉంటారు. అన్ని పోస్టులు భర్తీ చేసి మొత్తం జాబితాను  ఇదే చట్టసభలో విడుదల చేస్తాం.  సలహాదారులవి నామినేటెడ్‌ పోస్టులు కావు   సలహాదారుల విషయానికొస్తే అవి నామినేటెడ్‌ పదవులు కావు. ఆయా రంగాల్లో నైపుణ్యం ఉన్న వారిని సలహాదారులుగా నియమిస్తారు. వారు ఆయా రంగాలకు సంబంధించి సలహాలు, సూచనలు ఇవ్వడం ద్వారా విలువ, సామర్థ్యాన్ని పెంచగలుగుతారని భావించి నియమిస్తారు. కుటుంబరావును చంద్రబాబు ఎందుకు తీసుకున్నారు? ఆయన సామాజిక వర్గానికి చెందిన వ్యక్తినే తీసుకున్నారని ఇవాళ నేను అనొచ్చు. నేను ఇక్కడ కులాన్ని ప్రస్తావించదలుచుకోలేదు.  కేబినెట్‌లో 60 శాతం బీసీ, ఎస్సీ, ఎస్టీ, మైనార్టీలే   మా కేబినెట్లో సుమారు 60 శాతం బీసీ, ఎస్సీ, ఎస్టీ, మైనార్టీలున్నారు. ఐదుగురు ఉప ముఖ్యమంత్రులు ఉంటే.. అందులో నలుగురు బీసీ, ఎస్సీ, ఎస్టీ, మైనార్టీలేనని గర్వంగా చెప్పగలుగుతాం. ఈ రాష్ట్రంలో హోంమంత్రి ఎవరని ఎవరినైనా అడిగితే.. దళిత మహిళ అని చెబుతారు. పిల్లలకు చదువులు చెప్పించే విద్యా శాఖ మంత్రి ఎవరని అడిగితే.. మాదిగ సామాజిక వర్గానికి చెందిన సురేష్‌ అని, రెవిన్యూ మంత్రి ఎవరంటే బీసీ వర్గానికి చెందిన సుభాష్‌ చంద్రబోస్‌ అని గర్వంగా చెప్పగలుగుతా. అలా ప్రతి అడుగులోనూ బీసీ, ఎస్సీ, ఎస్టీ, మైనార్టీలకు పెద్దపీట వేసిన ప్రభుత్వం మాదే’ అని వైఎస్‌ జగన్‌ అన్నారు. 

సాక్షి, అమరావతి: ప్రతి విషయంలోనూ దారుణమైన వక్రీకరణకు టీడీపీ పాల్పడుతోందని, చరిత్రలో ఇంత దారుణంగా వక్రీకరణ చేసే వ్యక్తులు టీడీపీ నేతలు మాత్రమేనని ముఖ్యమంత్రి వైఎస్‌ జగన్‌మోహన్‌రెడ్డి తెలిపారు. అడ్వజయిర్‌ పదవుల విషయమై టీడీపీ నేతల రాద్ధాంతంపై సీఎం జగన్‌ సభలో సమాధానం ఇచ్చారు. ‘ మా ప్రభుత్వం వచ్చాక మొట్టమొదటి శాసనసభ సమావేశాల్లోనే నామినేటెడ్‌ పదవుల్లో ఎస్సీ, ఎస్టీ, బీసీ, మైనారిటీలకు 50శాతం రిజర్వేషన్‌ కల్పించే శాసనాన్ని తీసుకొచ్చాం. దేశ చరిత్రలోనే ఇలాంటి చట్టం తెచ్చిన ఏకైక రాష్ట్రం మనదే. నామినేటెడ్‌ పనుల్లోనూ ఎస్సీ, ఎస్టీ, బీసీ, మైనారిటీలకు 50శాతం రిజర్వేషన్‌ కల్పించాం. ఒకప్పుడు మార్కెట్‌ యార్డు కమిటీ చైర్మన్‌ పదవులు రాజకీయ పలుకుబడి ఉన్న ఓసీ వర్గానికి మాత్రమే వచ్చేవి. కానీ ఈ చట్టాల వల్ల కృష్ణాజిల్లాలో 19 మార్కెట్‌ యార్డ్‌ కమిటీ చైర్మన్‌ పదవులు ఉంటే అందులో పది ఎస్సీ, ఎస్టీ, బీసీ, మైనారిటీలకు వచ్చాయి. ఆలయ కమిటీ పదవుల్లోనూ ఎస్సీ, ఎస్టీ, బీసీ, మైనారిటీలకు 50శాతం రిజర్వేషన్‌ కల్పించాం. జిల్లా సహకరా బ్యాంకులు, మార్కెటింగ్‌ సొసైటీల్లోనూ 50 రిజర్వేషన్‌ కల్పించాం. ఈ రిజర్వేషన్‌లోనూ 50శాతం పదవులు మహిళలకు ఇచ్చాం’ అని సీఎం జగన్‌ గుర్తుచేశారు. ఈ సందర్భంగా తమ ప్రభుత్వ హయాంలో వివిధ పదవులకు జరిగిన నియామకాల జాబితాను సీఎం జగన్‌ సభలో చదివి వినిపించారు. ఆ జాబితా.. జస్టిస్‌ ఏ శంకర్‌నారాయణ: చైర్మన్‌, ఏపీ శాశ్వత బీసీ కమిషన్‌ జక్కంపూడి రాజా : చైర్మన్‌, కాపు కార్పొరేషన్‌ శ్రీమతి ఆర్కే రోజా : చైర్‌పర్సన్‌, ఏపీఐఐసీ   ప్రముఖ డాక్టర్‌ చంద్రశేఖర్‌రెడ్డి: చైర్మన్‌, ఏపీ స్టేట్‌ మెడ్‌ అండ్‌ ఇన్ఫస్ట్రక్చర్‌ డెవలప్‌మెంట్‌ శ్రీమతి లక్ష్మీపార్వతి : చైర్‌పర్సన్‌, ఏపీ తెలుగు అకాడమీ (ఈ సం‍దర్భంగా సీఎం జగన్‌ మాట్లాడుతూ.. టీడీపీ వ్యవస్థాపకులుఎన్టీఆర్‌ భార్య, చంద్రబాబుగారి అత్తగారే. మీ అత్తగారే.. మీరు ఇవ్వలేదు. మేం ఇచ్చామని చంద్రబాబును ఉద్దేశించి అన్నారు) రామ్మోహన్‌రావు, లక్ష్మమ్మ : వైస్‌ చైర్‌పర్సన్లు, ఏపీ తెలుగు అకాడమీ బీ సుధీర్‌ ప్రేమ్‌కుమార్‌ : ఏపీసీఐ చీఫ్‌ సెక్రటరీ జస్టిస్‌ ఈశ్వరయ్య గౌడ్‌ : చైర్మన్‌, ఏపీ హయ్యర్‌ ఎడ్యుకేషన్‌ రెగ్యులేటరీ, మనిటరింగ్‌ కమిషన్‌ భార్గవరాం : వైస్‌ చైర్మన్‌, ఏపీ హయ్యర్‌ ఎడ్యుకేషన్‌ రెగ్యులేటరీ, మనిటరింగ్‌ కమిషన్‌ రామ్మోహన్‌రావు : చైర్మన్‌, ఏపీ కనీస వేతన సంఘం ఎండీ నౌమన్‌ : చైర్మన్‌, ఏపీ ఉర్దు అకాడమీ అబ్దుల్‌ రహీం అఫ్సర్‌ : వైస్‌ చైర్మన్‌, ఏపీ ఉర్దు అకాడమీ జియావుద్దీన్‌ : చైర్మన్‌, ఏపీ మైనారిటీ కమిషన్‌ బండి అర్జున మనోజ్‌కుమార్‌, వైస్‌ చైర్మన్‌, ఏపీ మైనారిటీ కమిసన్‌ రిటైర్డ్‌ ఐఏఎస్‌ అధికారి జేసీ శర్మ: చైర్మన్‌, వన్‌ మ్యాన్‌ కమిషన్‌ (బేడ, బుడగ జగం వర్గాల సమస్యల పరిష్కారం కోసం) మధుసూదనరావు, చైర్మన్‌, రెల్లి కార్పరేషన్‌ శ్రీమతి అమ్మాజీ, చైర్మన్‌, ఏపీ మాల కార్పొరేషన్‌ కొమ్మూరి కనకరావు, ఏపీ మాదిగ కార్పొరేషన్‌ వాసిరెడ్డి పద్మ, ఏపీ మహిళా కమిషన్‌ ఫైనల్‌ లిస్ట్‌ అసెంబ్లీలో విడుదల చేస్తాం ఇందులో సగానికిపైగా పదవుల్లో చైర్మన్లు, చైర్‌పర్సన్లు ఎస్సీలు, ఎస్టీలు, బీసీలు, మైనారిటీలు ఉన్నారని, అయినా ఇది టీడీపీ వాళ్లకు కనిపించడం లేదని సీఎం జగన్‌ అన్నారు. ఇంకా 150కుపైగా చైర్మన్‌ పోస్టులు భర్తీ చేయాల్సి ఉందని, లోకల్‌ బాడీ ఎన్నికల తర్వాత వాటిని నియమిస్తామని తెలిపారు. ఈ నియమకాలు ముగిసిన తర్వాత తుది జాబితాను అసెంబ్లీలో విడుదల చేస్తామని, ఈ జాబితాలో కచ్చితంగా 50శాతం పదవులు ఎస్సీ, ఎస్టీ, బీసీ, మైనారిటటీలకు కేటాయిస్తామన్నారు. ఇక, అడ్వయిజర్లు నామినేటెడ్‌ పోస్టులు కావని, కేవలం ఒకటి, రెండేళ్లు మాత్రమే కొనసాగుతాయని అన్నారు. ఆయా రంగాల్లో నైపుణ్యం గల వారిని.. ఆయా రంగాల విలువను పెంచేందుకు అడ్వయిజర్లుగా తీసుకున్నామని సీఎం జగన్‌ వివరించారు. మీ హయాంలో మీ సామాజికవర్గానికి చెందిన కుటుంబారావును అడ్వయిజర్‌గా తీసుకున్నారని, కానీ దీనిని తాము ప్రశ్నించడం లేదని, కానీ, ఆ ప్రశ్నను ప్రశ్నించడం లేదని, అడ్వజయిర్ల పోస్టుల్లో కులం ప్రస్తావన తీసుకురావడం లేదని స్పష్టం చేశారు. ఈ రాష్ట్రంలో హోంమంత్రిగా ఎస్సీ దళిత మహిళ ఉండటం, ఒక విద్యామంత్రిగా మాదిగ సామాజిక వర్గానికి చెందిన సురేశ్‌ ఉండటం, రెవెన్యూ మంత్రిగా బీసీ వర్గానికి చెందిన సుభాష్‌ చంద్రబోస్‌ ఉండటం గర్వంగా ఉందని పేర్కొన్నారు. అయినా ప్రతి విషయంలో రాజకీయాలు, వక్రీకరణకు పాల్పడే టీడీపీ సభ్యులకు మైక్‌ ఇవ్వడం పాపం లాంటిదన్నారు. టీడీపీకి అది వెన్నతో పెట్టిన విద్య: కన్నబాబు ప్రతి విషయాన్ని వక్రీకరించడం టీడీపీకి వెన్నతో పెట్టిన విద్య అని మంత్రి కురసాల కన్నబాబు విమర్శించారు. గత ప్రభుత్వ హయాంలో 24 డిపార్ట్‌మెంట్లలో 264మందిని కన్సల్టెంట్‌ పోస్టుల్లో టీడీపీ నియమించిందని,  బంధుప్రీతితో తమకు కావాల్సిన వాళ్లను, అనుయాయిలను మాత్రమే కన్సలెంట్లగా పెట్టుకుందని ఆయన విమర్శించారు. అడ్వయిజర్ల విషయంలో టీడీపీ కులాలు, మతాలు ప్రస్తావన తెచ్చి రాద్ధాంతం చేస్తుందన్నారు. సలహాదారులను కూలాన్ని, మతాన్ని చూసి నియమించుకోరని, ఆయా రంగాల్లో నిపుణులు, సమర్థులను మాత్రమే అడ్వయిజర్లుగా నియమించుకుంటారని ఆయన స్పష్టం చేశారు. అవి శాశ్వతమైన పోస్టులు కావని తెలిపారు. ఎస్సీ కార్పొరేషన్‌ చైర్మన్‌ పదవిని మొట్టమొదటిసారిగా మహిళకు ఇచ్చిన ఘనత సీఎం వైఎస్‌ జగన్‌ది అని, టెంపుల్‌ కమిటీ మొదలుకొని మార్కెట్‌ కమిటీల వరకు ప్రతిచోటా ఎస్సీ, ఎస్టీ, బీసీ, మైనారిటీలకు 50శాతం రిజర్వేషన్‌ కల్పించామని తెలిపారు. నామినేటెడ్‌ పదవుల్లోనూ ఎస్సీ, ఎస్టీ, బీసీ, మైనారిటీలకు 50శాతం రిజర్వేషన్‌ కల్పించామని వివరించారు. ప్రభుత్వం నియమించుకున్న 75మంది అడ్వయిజర్లలో అన్ని వర్గాలవారు ఉన్నారని తెలిపారు. ఎస్సీలు, బీసీలు, మైనారిటీలు కూడా అడ్వయిజర్లుగా ఉన్నారని వివరించారు.

సాక్షి, నల్లగొండ : టీఆర్‌ఎస్‌ నాయకుల పరిస్థితి కక్కలేక .. మింగలేక అన్నట్టు తయారైంది. ప్రభుత్వ నామినేటెడ్‌ పదవులనో, లేక పార్టీ సంస్థాగత పదవులనో అడగలేక, నాయకత్వాన్ని నిలదీయ లేక ఇబ్బంది పడుతున్నారు. వివిధ సందర్భాల్లో ఆయా పదవుల హామీలు పొందిన నాయకులూ అవి అమలు కాక, ఎవరికి చెప్పుకోవాలో అర్థం కాక అసంతృప్తితో కొట్టుమిట్టాడుతున్నారు. ముందు నుంచీ పార్టీలో కొనసాగిన వారు, ఆయా సందర్భాల్లో ఆయా రాజకీయ పార్టీల నుంచి వచ్చి చేరిన వారికి ఎలాంటి పదవుల్లేక రాజకీయ నిరుద్యోగులుగా మారారన్న అభిప్రాయం బలంగా వ్యక్తమవుతోంది. పార్టీ అధినాయకత్వం పదవుల భర్తీపై అంతగా దృష్టి పెట్టకపోవడం, నామినేటెడ్‌ పదవుల పందేరం గురించి ఆలోచించక పోవడంతో తమకు పదవీ యోగం ఎల్లప్పుడు పడుతుందా అని చకోర పక్షుల్లా ఎదురు చూస్తున్నారు. ప్రధానంగా ద్వితీయ శ్రేణి నాయకత్వం బహిరంగంగా విమర్శలకు దిగడం లేదు కానీ, తమ ప్రైవేటు చర్చల్లో అధిష్టానంపై అసంతృప్తి వ్యక్తం చేస్తున్నారు. సభ్యత్వ నమోదు పూర్తయ్యాక తప్పకుండా తమకు పార్టీ సంస్థాగత పదవులు దక్కుతాయని ఆశించారు. ఇక, ప్రభుత్వం భర్తీ చేయాల్సిన నామినేటెడ్‌ పదవులు ఉండనే ఉన్నాయి. గతంలో పదవులు దక్కిన వారే ఇప్పటికీ కొనసాగుతున్నా.. కొత్తవారికి మాత్రం ఎలాంటి అవకాశమూ దక్కలేదు. 2014లో పార్టీ తొలిసారి అధికారం చేపట్టినప్పుడు కొందరికి పదవులు సర్దారు. పదవీ కాలపరిమితి పూర్తయిన వారిలో కొందరికి రెన్యువల్‌ చేశారు. దేవాలయ కమిటీలు, మార్కెట్‌ కమిటీలు, రాష్ట్ర స్థాయి కార్పొరేషన్లు, ఆ కార్పొరేషన్లలో సభ్యుల పోస్టులు ఇలా పలు పదవులను భర్తీ చేయాల్సి ఉంది. ఇదే జరిగితే, తమకు ఏదో ఒక పదవి దక్కుతుందని ఎదురుచూస్తున్న వారికి రోజురోజుకూ నిరాశే మిగులుతోంది. స్థానిక సంస్థలకు జరిగిన ఎన్నికల్లో పోటీ చేసే అవకాశం కల్పించలేకపోయిన వారికి నామినేటెడ్, లేదంటే పార్టీ పదవులు ఇస్తామని అపుడు నచ్చజెప్పిన నాయకత్వం ఇప్పుడు ఆ ఊసే ఎత్తడం లేదని వాపోతున్నారు.  పార్టీ పదవులేవీ..? పార్టీ సభ్యత్వ నమోదు పూర్తయిన వెంటనే పార్టీ కమిటీలను ఎన్నుకోవాల్సి ఉంది. ఎక్కడా పోటీ జరిగే అవకాశం ఉండకపోవడం, ఆయా నియోజకవర్గాల ఎమ్మెల్యేల నిర్ణయాల ప్రకారమే కమిటీల ఎంపిక జరిగే వీలున్నందున ఒక విధంగా పార్టీ పదవులకూ నామినేటెడ్‌ పద్ధతే అమలవుతోంది. ఈ పరిస్థితుల్లో పార్టీ పదవుల కోసం ఎమ్మెల్యేల చుట్టూ తిరుగుతున్న వారూ ఉన్నారు. అధినాయకత్వం నుంచి ఎలాంటి ఆదేశాలు అందకుండా స్థానికంగా ఏ చిన్న పదవినీ ఎమ్మెల్యేలు భర్తీ చేసే అవకాశం లేకపోవడంతో చివరకు పార్టీ పదవులూ ఖాళీగానే ఉన్నాయని పేర్కొంటున్నారు. ప్రస్తుతం గ్రామ, మండల శాఖ పార్టీ కమిటీల నియామకం మొదలైంది. ఆ తర్వాత  నియోజవర్గ స్థాయి, జిల్లా కమిటీలను ఏర్పాటు చేయాల్సి ఉంటుంది. గత ఏడాది మండల కమిటీలకే పరిమితమయ్యారు. నియోజకవర్గ, జిల్లా కమిటీల ఊసే మరిచారు. ఈ సంవత్సరం కూడా అదే పరిస్థితి ఎదురవుతుందా అన్న మీమాంస శ్రేణుల్లో నెలకొంది. ఇప్పటికే టీఆర్‌ఎస్‌ అగ్రనాయకత్వం పార్టీ నిబంధనావళిలో కొన్ని మార్పులు తీసుకువచ్చింది. ఈ మార్పుల నేపథ్యంలో జిల్లా అధ్యక్ష పోస్టును రద్దు చేశారు. ఆ స్థానంలో ఇద్దరిని జిల్లా ఇన్‌చార్జులను నియమించాలి. ఈ సవరణ జరిగి ఐదేళ్లు దాటుతున్నా అమల్లోకి మాత్రం రాలేదు. దీంతో జిల్లాలో పార్టీకి సంస్థాగత సారథి ఎవరూ లేకుండా పోయారు. ఉమ్మడి నల్లగొం డ జిల్లాకు ఎక్కువ కాలం అధ్యక్షుడిగా పనిచేసిన బండా నరేందర్‌రెడ్డి ప్రస్తుత జెడ్పీ చైర్మన్‌ పదవిలో ఉన్నారు. ఆయన స్థానంలో ఎవరినీ కొత్తవారికి నియమించలేదు. నియోజకవర్గ కమిటీలకు ఇన్‌చార్జులను నియమించాలి్సన ఎమ్మెల్యేలు సైతం కమిటీల ఏర్పాటుపై చొరవ తీసుకోవడం లేదు. ఇక,, ప్రభుత్వ నామినేటెడ్‌ పదవుల భర్తీ నిరాశాజనకంగానే ఉంది. పార్టీలో సీనియర్లుగా ఉన్నవారికి ఎలాంటి గుర్తింపు దక్కడం లేదన్న విమర్శ ఉంది.  ‘కొత్త’ ... లొల్లి పాత, కొత్త నాయకులు, కేడర్‌తో పార్టీ కిక్కిరిసిపోయింది. దీంతో సహజంగానే గ్రూపులు తయారయ్యాయి. ఆయా నాయకులు వివిధ పార్టీల నుంచి టీఆర్‌ఎస్‌లో చేరిన సందర్భంలో వారి వెంట వచ్చిన కేడర్‌ కొంత ఉంది. ఒక విధంగా వీరిలో ముఖ్యులు అనుకున్న వారిని ఏదో ఒక పదవి ఆశచూపెట్టి వెంట తెచ్చుకున్నారు. కానీ, ఇక్కడకు వచ్చాక వారిని పార్టీ పదవుల్లో సర్దడం నాయకుల వల్ల కావడం లేదు. మరోవైపు వివిధ రాజకీయ పార్టీల వలసవచ్చిన వారు, ముందు నుంచీ పార్టీలో ఉండి పనిచేస్తున్న వారు కలిసి పనిచేయలేకపోతున్నా రు. ఫలితంగా గుంపు రాజకీయం నడుస్తోంది. ఈ పరిస్థితి నల్లగొండ, నకిరేకల్‌ మిర్యాలగూ డ, నాగార్జునసాగర్, దేవరకొండ నియోజకవర్గాల్లో కనిపిస్తోంది. మొత్తంగా జిల్లా టీఆర్‌ఎస్‌ లో ఇప్పుడు పదువుల లొల్లి మొదలైంది. ఈ సమస్యకు పరిష్కారం చూపాల్సిన అధినాయకత్వం మాత్రం పదవుల పంపకంపై మీనమేషా లు లెక్కిస్తోందన్న అభిప్రాయం వ్యక్తమవుతోంది.  

సాక్షి, హైదరాబాద్‌: నామినేటెడ్‌ పదవుల కోసం తెలంగాణ రాష్ట్ర సమితి ఆశావహులు అటు ముఖ్యమంత్రి కె.చంద్రశేఖర్‌రావు అధికార నివాసం ప్రగతిభవన్‌తో పాటు, పార్టీ రాష్ట్ర కార్యాలయం తెలంగాణ భవన్‌ చుట్టూ ప్రదక్షిణలు చేస్తున్నారు. పార్టీ రెండోసారి అధికారంలోకి వచ్చి ఏడాదవుతున్నా ఈ పదవుల భర్తీ జరగలేదు. టీఆర్‌ఎస్‌ తొలిసారి అధికారంలోకి వచ్చిన తర్వాత నామినేటెడ్‌ పదవులు పొందిన నేతల పదవీ కాలం ముగియడంతో చాలామంది రెండోసారీ తమను కొనసాగించాలని కోరుతున్నారు. గత ఏడాది డిసెంబర్‌లో జరిగిన అసెంబ్లీ ఎన్నికల్లో ఓడిపోయిన అభ్యర్థులతో పాటు సిట్టింగ్‌ ఎమ్మెల్యేలు, సీనియర్‌ నేతలు కూడా ఈ పదవుల కోసం పోటీ పడుతున్నారు. రాష్ట్రంలో 50కి పైగా కార్పొరేషన్లు ఉండగా, వాటిలో 30 కార్పొరేషన్‌ చైర్మన్లకు కేబినెట్‌ హోదా దక్కుతుంది. వాటి కోసం పోటీ పడుతోన్న ఆశావహుల సంఖ్య పెద్దగానే ఉంది. ఈ ఏడాది సెప్టెంబర్‌ మొదటి వారంలో జరిగిన కేబినెట్‌ విస్తరణ సందర్భంగా 12 మంది సీనియర్‌ నేతలకు తొలి ప్రాధాన్యతగా నామినేటెడ్‌ పదవులు ఇస్తామని ముఖ్యమంత్రి కేసీఆర్‌ సంకేతాలిచ్చారు. కార్పొరేషన్లతో పాటు నాలుగువేలకు పైగా మార్కెట్, ఆలయ కమిటీలు, గ్రంథాలయ సంస్థ పాలక మండళ్లల్లో ఉద్యమకారులకు చోటిస్తామని ప్రకటించారు. మున్సిపల్‌ ఎన్నికల తర్వాత నామినేటెడ్‌ పదవుల భర్తీ ఉంటుందని ఇటీవల తనను కలిసిన వరంగల్‌ జిల్లా నేతలకు కేటీఆర్‌ చెప్పినట్లు సమాచారం.  ఓడిన నేతలకు పదవులతో ఊరట  అసెంబ్లీ, లోక్‌సభ ఎన్నికల్లో ఓటమి పాలైన వారికి నామినేటెడ్‌ పదవుల భర్తీలో ప్రాధాన్యత ఇస్తామని ప్రకటించారు. ఈ క్రమంలో కరీంనగర్‌ మాజీ ఎంపీ బోయినపల్లి వినోద్‌కుమార్‌కు రాష్ట్ర ప్రణాళిక బోర్డు వైస్‌ చైర్మన్‌గా కేబినెట్‌ హోదా దక్కింది. మాజీ మంత్రులు తుమ్మల నాగేశ్వర్‌రావు, జూపల్లి కృష్ణారావు, నాయిని నర్సింహారెడ్డి, జోగు రామన్న, పి.మహేందర్‌రెడ్డి, చందూలాల్, మాజీ స్పీకర్‌ మధుసూదనాచారి. మాజీ ఉప ముఖ్యమంత్రి కడియం శ్రీహరి, మాజీ డిప్యూటీ స్పీకర్‌ పద్మా దేవేందర్‌రెడ్డి కీలక పదవుల కోసం ఎదురు చూస్తున్నారు. రైతు సమన్వయ సమితి చైర్మన్‌గా నిజామాబాద్‌ రూరల్‌ ఎమ్మెల్యే బాజిరెడ్డి గోవర్ధన్‌ పేరు ఖరారైనట్లు చెబుతున్నా ఇంకా స్పష్టత రాలేదు. హుజూర్‌నగర్‌ ఉప ఎన్నిక విజయంలో కీలక పాత్ర పోషించి సీఎం కేసీఆర్, కేటీఆర్‌ ప్రశంసలు అందుకున్న పల్లా రాజేశ్వర్‌రెడ్డికి మిషన్‌ భగీరథ కార్పొరేషన్‌ వైస్‌ చైర్మన్‌ పదవి దక్కుతుందనే ప్రచారం జరుగుతోంది. మూసీ రివర్‌ ఫ్రంట్‌ కార్పొరేషన్‌ చైర్మన్‌గా గతంలో హుడా చైర్మన్‌గా పని చేసిన దేవిరెడ్డి సుధీర్‌రెడ్డికి అవకాశం కల్పిస్తానని కేసీఆర్‌ హామీ ఇచ్చినట్లు తెలిసింది.   కొందరికే అవకాశం.. మరెందరో ఎదురుచూపులు  ఒకరిద్దరు మినహా గతంలో కార్పొరేషన్‌ చైర్మన్లుగా నామినేటెడ్‌ పదవుల పొందిన నేతల పదవీ కాలం ఈ ఏడాది అక్టోబర్‌తో ముగిసింది. టీఆర్‌ఎస్‌ రెండోసారి అధికారంలోకి వచ్చాక నలుగురైదుగురినే నామినేటెడ్‌ పదవుల్లో కొనసాగిస్తూ ఉత్తర్వులు జారీ అయ్యాయి. పౌర సరఫరాల కార్పొరేషన్‌ చైర్మన్‌గా మారెడ్డి శ్రీనివాస్‌రెడ్డి, టీఎస్‌ఐఐసీ చైర్మన్‌ గ్యాదరి బాలమల్లు, ప్రెస్‌ అకాడమీ చైర్మన్‌ అల్లం నారాయణ, గ్రంథాలయ సంస్థ చైర్మన్‌ శ్రీధర్‌ పదవీ కాలం పొడిగించారు. ఎనర్జీ రెగ్యులేషన్‌ కమిటీ చైర్మన్‌గా న్యాయవాది శ్రీరంగా రావు ఇటీవల బాధ్యతలు చేపట్టారు. సంగారెడ్డి మాజీ ఎమ్మెల్యే చింత ప్రభాకర్‌ను రాష్ట్ర చేనేత సహకార సంస్థ (టెస్కో) చైర్మన్‌గా నియమిస్తారనే ప్రకటన వెలువడినా అధికారికంగా ఉత్తర్వులు జారీ కాలేదు. మాజీ మంత్రి సునీత లక్ష్మారెడ్డి, సురేశ్‌రెడ్డి, మండవ వెంకటేశ్వర్‌రావు పలుమార్లు సీఎంను కలిశారు. తక్కళ్లపల్లి రవీందర్‌రావు, బస్వరాజు సారయ్య ఆశావహుల జాబితాలో ఉన్నారు. విద్యార్థి నాయకులు కె.వాసుదేవరెడ్డి, రాకేశ్‌రెడ్డి రెండోసారి కొనసాగింపు కోరుతుండగా, అవకాశం కోసం పల్లా ప్రవీణ్‌రెడ్డి, బాలరాజు యాదవ్, గెల్లు శ్రీనివాస్‌ యాదవ్‌ ఎదురుచూస్తున్నారు. 

సాక్షి, వరంగల్‌: విజయ దశమికి తమ దశ తిరుగుతుందన్న ఆశల పల్లకీలో పలువురు టీఆర్‌ఎస్‌ నేతలు ఊరేగుతున్నారు. తెలంగాణ రాష్ట్రం ఏర్పాటుతో ఉమ్మడి వరంగల్‌ జిల్లాకు చెందిన పది మంది టీఆర్‌ఎస్‌ సీనియర్‌ నేతలకు రాష్ట్ర స్థాయిలో కార్పొరేషన్‌ చైర్మన్‌ పదవులు దక్కాయి. రాష్ట్ర వికలాంగుల సంస్థ చైర్మన్‌గా వాసుదేవరెడ్డి, ట్రైకార్‌ చైర్మన్‌గా గాంధీనాయక్, రాష్ట్ర మహిళా ఆర్థిక సంస్థ చైర్‌పర్సన్‌గా గుండు సుధారాణి, రాష్ట్ర పౌరసరఫరాల సంస్థ చైర్మన్‌గా పెద్ది సుదర్శన్‌రెడ్డి పదవులు చేపట్టారు. అలాగే ‘కుడా’ చైర్మన్‌గా మర్రి యాదవర్‌రెడ్డి, రాష్ట్ర ఆగ్రోస్‌ సంస్థ చైర్మన్‌గా లింగంపెల్లి కిషన్‌రావు, గొర్రెలు, మేకల పెంపకందారుల అభివృద్ధి సంస్థ చైర్మన్‌గా కన్నెబోయిన రాజయ్యయాదవ్, హస్తకళల అభివృద్ధి సంస్థ చైర్మన్‌గా బొల్లం సునీల్‌కుమార్, ఖాదీగ్రామీణాభివృద్ధి సంస్థ చైర్మన్‌గా మౌలానా యూసుఫ్‌ జాహేద్, రైతు ఆత్మహత్యల న్యాయ విచారణ, విమోచన కమిటీ చైర్మన్‌గా నాగుర్ల వెంకటేశ్వర్ల దక్కించుకోగా.. మరో ఒకరిద్ద్దరికి రాష్ట్ర స్థాయిలో నామినేటెడ్‌ పదవులు వస్తాయని అనుకుంటున్న తరుణంలోనే ముందస్తుగా టీఆర్‌ఎస్‌ అసెంబ్లీ ఎన్నికలకు పోవడంతో పదవుల పందేరానికి బ్రేక్‌ పడింది.  ముగుస్తున్న పదవుల కాలం.. రాష్ట్ర స్థాయిలో నామినేటెడ్‌ పోస్టులు పొందిన వారి కమిటీల పదవీకాలం ముగిసిపోతోంది. ఇందులో రెండు నెలల క్రితం వికలాంగుల అభివృద్ధి సంస్థ చైర్మన్‌ వాసుదేవరెడ్డి, ట్రైకార్‌ చైర్మన్‌ గాంధీనాయక్, మహిళా ఆర్థిక సంస్థ చైర్‌పర్సన్‌ గుండు సుధారాణి పదవీకాలం ముగిసింది. అక్టోబర్‌ 9న అంటే మరో పదిరోజుల్లో ‘కుడా’ చైర్మన్‌ మర్రి యాదవరెడ్డి, ఆగ్రోస్‌ చైర్మన్‌ లింగంపల్లి కిషన్‌రావు, గొర్రెలు పెంపకందారుల అభివృద్ధి సంస్థ చైర్మన్‌ కన్నెబోయిన రాజయ్య యాదవ్‌ పదవీకాలం ముగిసిపోనుంది. పౌర సరఫరాల సంస్థ చైర్మన్‌గా వ్యవహరిస్తున్న పెద్ద సుదర్శన్‌రెడ్డి నర్సంపేట ఎమ్మెల్యేగా గెలుపొందడంతో అది ఖాళీ అయ్యింది. డిసెంబర్‌ నెలతో హస్తకళల అభివృద్ధి సంస్థ చైర్మన్‌ బొల్లం సంపత్‌కుమార్, ఖాదీ గ్రామీణాభివృద్ధి సంస్థ చైర్మన్‌ యూసుఫ్‌జాహేద్‌ పదవీకాలం పూర్తవుతుంది. దీంతో ఉమ్మడి జిల్లాలో పది రాష్ట్ర స్థాయి పదవులు ఖాళీ కానున్నాయి.  మరోసారి అవకాశం కోసం... ఇప్పటికే పదవీకాలం పూర్తి చేసుకున్న, త్వరలో పూర్తి కానున్న సంస్థల చైర్మన్లు మరోసారి అవకాశం ఇవ్వాలంటూ సీఎం కేసీఆర్‌తో పాటు పార్టీ వర్కింగ్‌ ప్రెసిడెంట్‌కు ఇప్పటికే విన్నవించుకున్నట్లు తెలిసింది. ఇటీవల జరిగిన అసెంబ్లీ సమావేశాల సందర్భంగా ముఖ్యమంత్రి, మంత్రుల చాంబర్లలో సదరు ఆశావహ నేతలే కనిపించడం అప్పట్లో చర్చనీయాంశంగా మారింది. మరోవైపు విశ్వసనీయత, విధేయతే గీటు రాయి అన్న చందంగా టీఆర్‌ఎస్‌ అగ్రనేతలు పదవులు ఇస్తారన్న ప్రచారం జోరుగా సాగుతోంది. పార్టీకి చేసిన సేవలతోనే పదవులు ఇస్తామని వర్కింగ్‌ ప్రెసిడెంట్‌ కేటీఆర్‌ పలుమార్లు సమావేశాల్లో స్పష్టం చేయడంతో ఇటీవల జరిగిన సభ్యత్వ నమోదు, కమిటీల ఏర్పాటులో నాయకులు పోటీ పడి పనిచేశారు. అసెంబ్లీ సమావేశాల సందర్భంగా మంత్రులను ప్రసన్నం చేసుకునేందుకు ఎవరి స్టైల్‌లో వారు శ్రమించారని చెప్పక తప్పదు. ఖచ్చితమైన హామీ ఎవరికీ లభించనప్పటికీ ముగ్గురు మినహా గతంలో పొందిన నామినేడెడ్‌ పదవులను మళ్లీ తమకే కేటాయించాలంటూ ప్రయత్నాలు సాగిస్తుండటం చర్చనీయాంశంగా మారింది.   ఆశల పల్లకిలో ఉద్యమకారులు... తెలంగాణ ఉద్యమంలో అలుపెరగని పోరాటం చేస్తూ కేసుల పాలైన పలువురు ఉద్యమకారులు ఈసారి తప్పకుండా నామినేటెడ్‌ పదవులు వస్తాయన్న ఆశతో ఎదురుచూస్తున్నారు. ఇప్పటి వరకు రాష్ట్ర స్థాయిలో కార్పొరేషన్లకు చైర్మన్‌లను నియమించినప్పటికీ పూర్తి స్థాయిలో కమిటీలను ఏర్పాటు చేయక పోవడం వల్ల డైరెక్టర్ల పోస్టులు సైతం పార్టీ కింది స్థాయి క్యాడర్‌కు దక్కలేదు. ఇప్పుడు అలా కాకుండా కార్పొరేషన్లకు చైర్మన్‌లతో పాటు డైరెక్టర్లను నియమించి అసంతృప్తి వాదులను సంతృప్తి చేయాలన్న దృఢ నిశ్చయంతో అధిష్టానం యోచిస్తోందని సమాచారం. గత అసెంబ్లీ ఎన్నికల్లో టిక్కెట్లు ఆశించిన పలువురు నేతలకు హామీ ఇచ్చిన నేపథ్యంలో కొత్తవారికి రాష్ట్ర స్థాయి చైర్మన్‌ పదవులు దక్కుతాయన్న ప్రచారం పార్టీలో జోరుగా సాగుతోంది. విజయదశమికి కొన్ని కార్పొరేషన్లకు చైర్మన్‌ పదవులు ప్రకటించే అవకాశం ఉన్నట్లు పార్టీ ముఖ్య నేతలు కొందరు వ్యక్తం చేశారు. 

సాక్షి, నల్లగొండ : గత ఏడాది డిసెంబర్‌లో పార్టీ రెండో సారి అధికారం చేపట్టాక వెనువెంటనే జరిగిన గ్రామ పంచాయతీ, స్థానిక సంస్థల ఎన్నికల్లోనూ పలువురికి అధికారిక పదవులు పొందే అవకాశం దక్కింది. సర్పంచులుగా, ఎంపీటీసీ సభ్యులు, జెడ్పీటీసీ సభ్యులుగా పోటీ చేయడానికి టికెట్‌ రాని వారిని పార్టీ పదవుల పేరుచెప్పి బుజ్జగించారు. ఒక్క మున్సిపల్‌ ఎన్నికలు మినహా.. ఇక ఏ ఎన్నికలూ లేవు. మున్సిపల్‌ ఎన్నికలు కేవలం పరిమి తమైన సంఖ్యలో మాత్రమే.. అదీ పట్టణ ప్రాంత కేడర్‌కు మాత్రమే అవకాశం కల్పించే వీలు ఉంది. కాగా, జిల్లా వ్యాప్తంగా ఆయా నియోజకవర్గాల్లో పనిచేస్తున్న నాయకులు తమకు ఎలాంటి గుర్తింపు లేకుండా పోయిందన్న ఆవేదనలో ఉన్నారు. మోక్షం లేని పార్టీ కమిటీలు సభ్యత్వ నమోదు పూర్తయ్యాక సంస్థాగత కమిటీలు ఏర్పాటు చేయాల్సి ఉంది. తద్వారా గ్రామ, మండల కమిటీల్లో కొందరిని సర్దే అవకా శం ఉండేదని అంటున్నారు. పార్టీ కమిటీల వ్య వహారం ఇంకా కొనసాగుతున్న నేపథ్యంలో.. పార్టీ పదవులకూ మోక్షం లభించడం లేదని అంటున్నారు. ఇక, నియోజవర్గ స్థాయి, జిల్లా కమిటీల ఊసే లేదు. 2014లో టీఆర్‌ఎస్‌ తొలి సారి అధికారంలోకి వచ్చాక పార్టీ నిబంధనావళికి కొన్ని సవరణలు చేసింది. వీటి ప్రకారం జిల్లా అధ్యక్ష పోస్టు లేకుండా పోయింది. జిల్లాకు ఇద్దరు ఇన్‌చార్జులను నియమిస్తామని ఆ సవరణల్లో పేర్కొంది. ఆ మేరకు కూడా జిల్లాలో ఎవరినీ నియమించలేదు. సుదీర్ఘ కాలం జిల్లా అధ్యక్షుడిగా పనిచేసిన ప్రస్తుత జెడ్పీ చైర్మన్‌ బండా నరేందర్‌ రెడ్డి ఆ పదవిలో కొనసాగుతున్నారు. నియోజకవర్గాలకు ఎమ్మెల్యేల నేతత్వంలోనే ఇన్‌చార్జుల వ్యవస్థకు ప్రాణం పోసింది. దీంతో ఆ కమిటీలు లేకుండా పోయాయి. ఇపుడు సభ్యత్వ నమోదు కూడా పూర్తయ్యాక.. పార్టీ కమిటీలపై కసరత్తు చేయాల్సిన నాయకత్వం ఇంకా మీనమేషాలు లెక్కిస్తోందన్న అభిప్రాయం వ్యక్తం అవుతోంది. నామినేటెడ్‌ పదవుల ఊసేలేదు మరోవైపు పలువురు నాయకులు ప్రభుత్వ నామినేటెడ్‌ పదవులపై ఆశలు పెట్టుకున్నా.. ఆ పదవుల భర్తీ ఊసే కనిపించడం లేదు. టీఆర్‌ఎస్‌ ఆవిర్భావంనుంచి పార్టీలో పనిచేస్తున్న సీనియర్లు చాలామందికి గత ప్రభుత్వంలో పదవులు పొందే అవకాశం దక్కలేదు. రెండోసారి పార్టీ తిరిగి అధికారంలోకి రావడంతో ఈసారన్నా తమ కోరికి తీరుతుందా లేదా అన్న సంశయంలో కొందరు నాయకులు ఉన్నారు. జిల్లాలో కొందరు నాయకులకు నామినేటెడ్‌ పోస్టులు దక్కినా.. అది స్వల్పమే. రాష్ట్రస్థాయి కార్పొరేషన్లలో సభ్యులుగా.. జిల్లాస్థాయి పోస్టుల కోసం పలువురు ఇప్పటికీ ఆశగా ఎదురుచూస్తున్నారు. కొత్త–పాతల నడుమ పోటీ ప్రధానంగా పార్టీలో ఇప్పుడు కొత్త–పాతల పోటీ నడుస్తోంది. పార్టీ ఆవిర్భావంనుంచి కొనసాగుతున్న నాయకులు, కేడర్‌కు.. ప్రభుత్వం ఏర్పాటయ్యాక 2014 నుంచి ఇప్పటి దాకా ఆయా పార్టీల నేతలతో వలసవచ్చిన వారి మధ్య పొసగడం లేదు. నియోజకవర్గాల్లో ఇస్తున్న ప్రాధాన్యం విషయంలోనూ తారతమ్యం చూపిస్తున్నారన్న విమర్శ పాత నేతలనుంచి వస్తోంది. నకిరేకల్‌ నియోజకవర్గంలో ఎమ్మెల్యే చిరుమర్తి లింగయ్య, మాజీ ఎమ్మెల్యే వేముల వీరేశం వర్గాలు కొనసాగుతున్నాయి. అవి పదవుల విషయంలో తీవ్ర ప్రభావం చూపే అవకాశం ఉందన్న అభిప్రాయం బలంగా వ్యక్తమవుతోంది. నల్లగొండ నియోజకవర్గం విషయానికి వచ్చేవరకు ముందు నుంచి పార్టీలో ఉన్న వారికంటే ఎమ్మెల్యే కంచర్ల భూపాల్‌రెడ్డి వెంట, ఆ తర్వాత టీడీపీ నుంచి వచ్చిన వారికే ప్రాధాన్యం లభిస్తోందని వాపోతున్నవారూ ఉన్నారు. మిర్యాలగూడ నియోజకవర్గంలో సైతం ముందు నుంచి టీఆర్‌ఎస్‌లో ఉన్న వారికంటే, ఎమ్మెల్యే భాస్కర్‌ రావు వెంట కాంగ్రెస్‌ నుంచి పార్టీలోకి వచ్చిన వారికే ప్రాముఖ్యం ఇస్తున్నారని, పదవుల విషయంలోనూ ఇదే జరుగుతోందని పేర్కొంటున్నారు. నాగార్జున సాగర్‌ నియోజకవర్గంలో రెండు వర్గాలు ఉన్నాయి. దేవరకొండ నియోజకవర్గంలోనూ ఇదే పరిస్థితి కనిపిస్తోంది. దీంతో అటు పార్టీ పదవులు దక్కడంలో కానీ, వ్యవసాయ మార్కెట్‌ కమిటీల పాలకమండళ్లు, దేవాలయ పాలక మండళ్లకు చెందిన పదవుల భర్తీ విషయంలో ప్రాధాన్యం లభించడం లేదన్న అసంతప్తి పాత కేడర్‌లో ఉంది. మొత్తంగా జిల్లా టీఆర్‌ఎస్‌లో ఇప్పుడు పదువుల లొల్లి షురూ అయ్యింది. పార్టీ సంస్థాగత పదవుల, నామినేటెడ్‌ పదవుల పందేరం మొదలైతే ఆయా నియోజకవర్గాల్లో పార్టీ శ్రేణుల నడుమ మరిన్ని తేడాలు వచ్చే అవకాశం ఉందని అంచనా వేస్తున్నారు.  

కెరీర్‌లో ఫుల్‌ ఫామ్‌తో దూసుకెళ్తున్నారు ఆలియా భట్‌. అవకాశాలు ఆమెకు క్యూ కడుతున్నాయి. ఇప్పుడు ఆలియాకు ఓ అరుదైన అవకాశం వచ్చింది. కానీ ఇందులో గెలవడం ఆలియా చేతిలో లేదు. ఆమె అభిమానులే గెలిపించాలి. ‘మోస్ట్‌ ఇన్‌స్పైరింగ్‌ ఆసియన్‌ ఉమెన్‌ పీపుల్‌ ఛాయిస్‌ అవార్డు’ కు అలియా భట్‌ నామినేట్‌ అయ్యారు. ఈ ఏడాది ఇండియా నుంచి నామినేట్‌ అయ్యింది ఆలియా భట్‌ ఒక్కరే కావడం విశేషం. ఇక ఆలియాను గెలిపించాలంటే ఆమె అభిమానులు ఆన్‌లైన్‌ పోల్‌ ఓట్లు వేయాలి. ఈ అవకాశం అక్టోబరు 18 వరకు ఉంటుంది. నవంబరు 10న విజేతను ప్రకటిస్తారు. చైనీస్‌ యాక్టర్‌ జౌ డోంగ్యూ, సౌత్‌ కొరియన్‌ నటి జంగ్‌ యు మీ, థాయ్‌ నటి ప్రయా లండ్‌బర్గ్‌ వంటి వారు ఆలియా భట్‌కు పోటీగా ఉన్నారు. ఇంతకుముందు ఈ అవార్డును ప్రియాంకా చోప్రా గెలుచుకున్నారు. మరి.. ఆలియా గెలుచుకుంటారా? అభిమానుల చేతుల్లోనే ఉంది.

సాక్షి, అమరావతి: రాష్ట్రంలో స్థానిక సంస్థల ఎన్నికలు పూర్తయిన తరువాతే నామినేటెడ్‌ పదవులను భర్తీ చేయాలని ప్రభుత్వం భావిస్తోంది. ఈ అంశంపై సీఎం వైఎస్‌ జగన్‌ బుధవారం మంత్రివర్గ సమావేశంలో సహచర మంత్రులకు స్పష్టత ఇచ్చినట్లు తెలిసింది. నామినేటెడ్‌ పదవులను భర్తీ చేస్తే బాగుంటుందని, ఆశావహులు ఎదురు చూస్తున్నారని ఉత్తరాంధ్రకు చెందిన ఓ మంత్రి ముఖ్యమంత్రి దృష్టికి తీసుకొచ్చినట్లు సమాచారం. మరో రెండు నెలల్లో పంచాయతీరాజ్, మున్సిపల్‌ ఎన్నికలు పూర్తి కావాల్సిన తరుణంలో ఇప్పుడు నామినేటెడ్‌ పదవుల నియామకం సరికాదనే అభిప్రాయాన్ని ముఖ్యమంత్రి వ్యక్తం చేశారు. విశ్వసనీయ సమాచారం ప్రకారం... బుధవారం కేబినెట్‌ భేటీ ముగిశాక వైఎస్‌ జగన్‌ కొద్దిసేపు మంత్రులతో పిచ్చాపాటీగా మాట్లాడారు. స్థానిక సంస్థల ఎన్నికల తరువాతే నామినేటెడ్‌ పదవులను భర్తీ చేయాలన్న జగన్‌ వాదనతో పలువురు మంత్రులు ఏకీభవించారు. గ్రామ సచివాలయ కార్యదర్శుల నియామకాలపై మంత్రులు తమ అభిప్రాయాలు పంచుకున్నారు. పోటీ పరీక్షలు నిర్వహించి, సచివాలయ కార్యదర్శులను ఎంపిక చేయడమే అన్ని విధాలా సరైందని, దీనివల్ల ప్రభుత్వానికి చెడ్డ పేరు రాదని సీఎం చెప్పారు. ప్రతిభావ ంతులకే అవకాశం కల్పించినట్లవుతుందన్నారు.    పథకాలన్నీ మొదటినుంచే అమలు చేయాలి  మేనిఫెస్టోలో ప్రకటించిన పథకాలన్నీ ఇప్పుడే అమలు చేయడం సరైంది కాదేమోనని ఓ మంత్రి సీఎం దృష్టికి తీసుకొచ్చారు.  పథకాలను దశల వారీగా అమలు చేయడం తమ విధానం కాదని, అన్నీ మొదటినుంచే అమలు చేసి తీరాల్సిందేనని జగన్‌ స్పష్టం చేశారు. వనరులను ఎలాగైనా సమీకరించుకోవాలే తప్ప పథకాల అమలును వాయిదా వేయడం మంచి పద్ధతి కాదన్నారు. మంత్రివర్గం కూర్పును తేలిగ్గా చేసుకోగలిగానని, కానీ తిరుమల టీటీడీ పాలకమండలి సభ్యుల నియామకాన్ని ఖరారు చేసే విషయంలో ఇబ్బందులు పడాల్సి వచ్చిందని వైఎస్‌ జగన్‌ తన మంత్రివర్గ సహచరులతో చెప్పినట్లు సమాచారం.  

ఆకాశంలో సగం.. అవకాశాల్లో సగం.. ఇదీ ప్రస్తుత ప్రభుత్వ విధానం. అన్నింటా వారికి సమానావకాశాలు కల్పించారు. ప్రతి రంగంలోనూ వారికి పెద్ద పీటవేశారు. ఒకరికి ఉపముఖ్యమంత్రి పదవినీ.. మరొకరికి హోంశాఖను కట్టబెట్టిన సీఎం ఏకంగా నామినేటెడ్‌ పదవుల్లో 50శాతం కేటాయిస్తూ బిల్లు ప్రవేశపెట్టి దానిని ఆమోదింపజేశారు. ఉగాదినాటికి మహిళల పేరునే ఇళ్లస్థల పట్టాల పంపిణీకి ఏర్పాట్లు చేశారు. రుణమాఫీ పేరుతో డ్వాక్రా మహిళలను వంచించిన గత ప్రభుత్వం వారిని పథకాల ప్రచారానికీ.. సభలు.. సమావేశాలకే పరిమితం చేసింది. ప్రస్తుత ప్రభుత్వం తమకు కల్పిస్తున్న అవకాశాలను చూసి మహిళా లోకం ఉబ్బి తబ్బిబ్బవుతోంది.  సాక్షి, విజయనగరం : మహిళలకు అంతచేస్తాం... ఇంత చేస్తాం... అని కేవలం మాటలతోనే పబ్బం గడుపుకున్న గత పాలకుల హయాంలో మహిళలు రాజ్యాధికారాలకు దూరమయ్యారు. కానీ రాష్ట్ర ముఖ్యమంత్రిగా జగన్‌మోహన్‌రెడ్డి అధికారం చేపట్టిన అనతి కాలంలోనే విప్లవాత్మక నిర్ణయం తీసుకున్నారు. నామినేటెడ్‌ పదవుల్లో మహిళలకు యాభైశాతం రిజర్వేషన్‌ కల్పించారు. జిల్లాలో ఇప్పటికే మహిళకు ఎమ్మెల్యే సీటిచ్చి, గెలిచిన తర్వాత ఉపముఖ్యమంత్రి హోదానిచ్చి, గిరిజన సలహామండలికి అధ్యక్షురాలిగా కూడా చేసి అత్యధిక ప్రాధాన్యమిచ్చారు. గత ప్రభుత్వ హయాంలో నిత్యం నరకం అనుభవిస్తూ అడుగడుగునా నయవంచనకు గురైన మహిళల బతుకుల్లో ప్రస్తుత ప్రభుత్వం తీసుకుంటున్న నిర్ణయాలతో సంతో షాలు వెల్లివిరుస్తున్నాయి. జిల్లాలో మహిళదే పైచేయి జిల్లాలో 18,18,113 మంది ఓటర్లున్నారు. వీరిలో 8,98,331 మంది పురుషులు, 9,19,654 మంది మహిళలు. పురుష ఓటర్ల కంటే 21,323 మంది మహిళా ఓటర్లే అధికంగా ఉన్నారు. శాసనసభ ఎన్నికల్లో తొమ్మిది నియోజకవర్గాల్లో ఓటు హక్కు వినియోగంలోనూ మహిళలే ముందున్నారు. జిల్లా వ్యాప్తంగా 14,66,291 మంది ఓటు వేయగా వీరిలో 7,21,641 మంది పురుషులు, 7,44,630 మంది మహిళలున్నారు. ఈ లెక్కన ఓటు హక్కు వినియోగించుకున్న మహిళా ఓటర్ల సంఖ్య 22,989 అధికం. విజయనగరం లోక్‌సభ ఎన్నికల్లోనూ మహిళా ఓటర్లే అధికంగా ఓటు హక్కును సద్వినియోగం చేసుకున్నారు. ఏడు శాసనసభ నియోజకవర్గాల్లో మొత్తం 14,99,300 మంది ఓటర్లుండగా వీరిలో 7,49,489 మంది పురుషులు, 7,49,688 మంది మహిళలు ఉన్నారు. ఇందులో 12,08,191 మంది ఓటుహక్కు వినియోగించుకోగా... వారిలో 6,02,435 మంది పురుషులు, 6,05,749 మంది మహిళలు ఉన్నారంటే పురుషుల కంటే మహిళలే 3,314 అధికంగా ఓట్లేశారన్నమాట. గత ప్రభుత్వంలో నరకం గత టీడీపీ ప్రభుత్వంలో మహిళలు నిత్యం నరకం అనుభవించారు. జిల్లాలో మెప్మా, డీఆర్‌డీఏ వెలుగు శాఖల ఆధ్వర్యంలో 45 వేల మహిళా పొదుపు సంఘాలున్నాయి. వీటిలో సుమారు 4,50,000 మంది సభ్యులున్నారు. డ్వాక్రా రుణ మాఫీ దగ్గర్నుంచి అన్ని రకాలుగా చంద్రబాబు వారిని మోసం చేశారు. సున్నా వడ్డీకే రుణాలిచ్చే విధానాన్ని పూర్తిగా దూరం చేసి మహిళలను అప్పులపాలు చేశారు. అక్కడితో ఆగకుండా సాధికారమిత్రల పేరుతో ప్రభుత్వ పథకాలపై ప్రచారం చేయించుకోవడం కోసం 15,672 మం దిని నియమించుకుని వారికి జీతాలివ్వకుండా వంచించారు. మధ్యాహ్న భోజన పథకం నిర్వాహకులకు ఇవ్వాల్సిన గౌరవ వేతనాన్ని కూడా ఎగవేసి వారు పస్తులుండేలా చేశారు. ఆదరణ పథకాన్ని బ్రష్టు పట్టించారు. వెలుగు ఉద్యోగులను రోడ్డున పడేశారు. అంగన్వాడీలకు కనీస వేతనా లు లేకుండా చేశారు. అయినప్పటికీ ప్రభుత్వ కార్యక్రమాలు, సీఎం సదస్సులకు ఆ మహిళలనే తరలించి వారి శ్రమను దోచుకున్నారు. చివరికి అదే మహిళల చేతిలో చిత్తుగా ఓడిపోయారు. కొత్త ప్రభుత్వంలో పెద్దపీట ప్రజాసంకల్పయాత్రలో మహిళల కష్టాలను స్వయంగా విన్న వైఎస్‌ జగన్‌మోహన్‌రెడ్డి సీఎంగా బాధ్యతలు చేపట్టిన వెంటనే మహిళా పక్షపాతిగా పేరుతెచ్చుకున్నారు. అమ్మ ఒడి పథకం ద్వారా జిల్లాలో పిల్లలను పాఠశాలకు, జూనియర్‌ కళాశాలకు పంపే తల్లులకు ఏటా రూ.15వేలు వంతున ఇస్తామని ప్రకటించారు. అంగన్‌వాడీ కార్యకర్తలకు, మధ్యాహ్న హోజన నిర్వాహకులకు, ఆశా వర్కర్లకు జీతాలు అనూహ్యంగా పెంచారు. మహిళలు కోరినదానికి మించి వారికి మంచి చేశారు. అంతే గాకుండా 45 ఏళ్లు నిండిన బడుగు, బలహీన వర్గాల మహిళకు వచ్చే ఏడాది నుంచి నాలుగేళ్లలో రూ.75వేలు ఇస్తామని సీఎం స్పష్టం చేశారు. ముఖ్యంగా తొలి సంతకంతోనే పింఛన్లను పెంచారు. ఒంటరి మహిళలకు అన్నగా ఆలోచించి ఆర్థిక భరోసానిచ్చారు. అంతేకాకుండా ఉగాది రోజు ఇళ్లులేని ప్రతి మహిళ పేరున ఇంటి స్థలాన్ని రిజిస్ట్రేషన్‌ చేసి మరీ అందించేందుకు సన్నాహాలు చేస్తున్నారు. ఇలా అన్ని విధాలుగా మహిళల అభ్యున్నతికి పాటుపడుతున్న సీఎం వైఎస్‌ జగన్‌మోహన్‌రెడ్డి తాజాగా నామినేటెడ్‌ పదవుల్లోనూ మహిళకే సగభాగం ఇస్తామని ప్రకటించడం మహిళాలోకం మరోవరంగా భావి స్తోంది. 

సాక్షి, అమరావతి : గత ప్రభుత్వం అన్ని శాఖల్లో నియమించిన సలహాదారులు, చైర్‌పర్సన్లు, చైర్మన్లు, నిపుణులు, కన్సల్టెంట్లును తొలగించాల్సిందిగా సాధారణ పరిపాలన శాఖ (రాజకీయ) ముఖ్యకార్యదర్శి ఆర్‌పి సిసోడియా ఆదేశాలు జారీచేశారు. కొత్త ప్రభుత్వం ఏర్పడిన నేపథ్యంలో గత ప్రభుత్వంలో నామినేటెడ్‌ పదవుల్లో నియమితులైన వారు కూడా తమ పదవులకు రాజీనామా చేయాలని ఆ ఆదేశాల్లో పేర్కొన్నారు. వారంతా గౌరవంగా తప్పుకుంటే సరేసరని.. లేదంటే తొలగిస్తూ సంబంధిత శాఖలు ఆదేశాలు జారీచేయాలని సిసోడియా తన ఉత్తర్వుల్లో తెలిపారు. ఇప్పటికీ చాలామంది ఇలా కొనసాగుతున్నట్లు ప్రభుత్వం దృష్టికి వచ్చిందని.. అలాంటి వారిని తక్షణం తొలగిస్తూ చర్యలు తీసుకోవాలని ఆయన ఆదేశించారు. చంద్రబాబు హయాంలో ఏడు మిషన్లు, ఐదు గ్రిడ్ల పేరుతో సంబంధిత శాఖల్లో నిపుణుల పేరుతో అనేకమందిని ఎక్కువ వేతనాలకు తీసుకున్నారు. ఇప్పుడు కొత్త సర్కారు వచ్చినా ఇంకా వారు కొనసాగడంపట్ల అధికార వర్గాలు విస్మయం వ్యక్తంచేస్తున్నాయి. మున్సిపల్‌ పరిపాలన శాఖ అయితే ఏకంగా ఆయా మిషన్లలో పనిచేసే వారికి నిధులు కావాలంటూ ఆర్థిక శాఖకు ఫైలు పంపడం గమనార్హం. ఆర్టీసీ చైర్మన్‌ వర్ల రామయ్య అయితే ప్రభుత్వం మారినప్పటికీ చైర్మన్‌ పదవికి రాజీనామా చేయకుండా ఇంకా కొనసాగుతున్నారు. ఆర్టీసీ భవన్‌కు రాకుండానే ప్రభుత్వ వాహనాలను వినియోగించుకుంటున్నారు. సీఆర్‌డీఏ, అమరావతి డెవలప్‌మెంట్‌ కార్పొరేషన్‌లో లక్షల్లో వేతనాలు తీసుకుంటూ కన్సల్టెంట్లు ఇప్పటికీ కొనసాగుతున్నారు.

సాక్షి, అమరావతి: బీసీ, ఎస్సీ, ఎస్టీ, మైనారిటీలను రాజకీయంగా, సామాజికంగా, ఆర్థికంగా బలోపేతం చేయడమే లక్ష్యంగా.. దేశ చరిత్రలో ఎక్కడా లేని విధంగా.. ఆ వర్గాలకు ప్రభుత్వంలోని అన్ని నామినేటెడ్‌ పదవుల్లో, అన్ని నామినేటెడ్‌ పనుల్లో 50 శాతం చొప్పున రిజర్వేషన్‌ కల్పిస్తూ ముఖ్యమంత్రి వైఎస్‌ జగన్‌మోహన్‌రెడ్డి చరిత్రాత్మక నిర్ణయం తీసుకున్నారు. ఈ మేరకు రెండు బిల్లులను బీసీ సంక్షేమ శాఖ మంత్రి శంకర్‌ నారాయణ సోమవారం శాసనసభలో ప్రవేశపెట్టారు. బీసీ, ఎస్సీ, ఎస్టీ, మైనార్టీలకు రాజకీయంగా, ఆర్థికంగా, సామాజికంగా మరిన్ని అవకాశాలను కల్పించే రిజర్వేషన్లకు చట్టబద్ధత కల్పించేందుకు అసెంబ్లీ తొలి సమావేశాల్లోనే సీఎం వైఎస్‌ జగన్‌ శ్రీకారం చుట్టారు. అన్ని ప్రభుత్వ నామినేటెడ్‌ పదవుల్లో బీసీలకు 29 శాతం, ఎస్సీలకు 15 శాతం, ఎస్టీలకు 6 శాతం రిజర్వేషన్లను ఒక బిల్లులో ప్రతిపాదించగా, మరో బిల్లులో అన్ని ప్రభుత్వ నామినేటెడ్‌ పనుల్లో కూడా ఇదే తరహాలో రిజర్వేషన్లు కల్పిస్తూ మరో బిల్లును ప్రవేశపెట్టారు. నామినేటెడ్‌ పదవుల్లోనూ, పనుల్లోనూ ఆయా వర్గాల మహిళలకే 50 శాతం చొప్పున రిజర్వేషన్‌ కల్పిస్తూ సంచలన నిర్ణయం తీసుకున్నారు.   సామాజిక, రాజకీయ వెనుకబాటుకు ఇక స్వస్తి అన్ని నామినేటెడ్‌ ప్రభుత్వ పదవుల్లో బీసీ, ఎస్సీ, ఎస్టీ, మైనార్టీలకు 50 శాతం రిజర్వేషన్లు కల్పించడం ద్వారా ఈ వర్గాల్లో సామాజిక, రాజకీయ వెనుకబాటుతనానికి స్వస్తి పలికినట్లు అవుతుందని ప్రభుత్వం భావిస్తున్నట్లు బిల్లులో స్పష్టం చేశారు. అన్ని కార్పొరేషన్లు, ఏజెన్సీలు, సంస్థలు, సొసైటీలు, పరిపాలన విభాగాల్లో పనిచేసే కమిటీలన్నింటిలో బీసీ, ఎస్సీ, ఎస్టీ, మైనార్టీలకు 50 శాతం రిజర్వేషన్లు కల్పించనున్నట్లు పేర్కొన్నారు. అదేవిధంగా నామినేట్‌ చేసే వీటి చైర్‌పర్సన్‌ పదవుల్లోనూ ఈ వర్గాలకు 50 శాతం రిజర్వేషన్లు వర్తించనున్నాయి. అలాగే నామినేట్‌ చేసే డైరెక్టర్లు, సభ్యుల పదవుల్లోనూ 50 శాతం రిజర్వేషన్లను కల్పిస్తారు. ఈ రిజర్వేషన్లు దేవదాయ చట్టం కింద ఏర్పడిన బోర్డులు, ట్రస్టులకు, అలాగే వక్ఫ్‌ బోర్డు చట్టం కింద ఏర్పడిన పదవులకు వర్తించవని పేర్కొన్నారు. నామినేటెడ్‌ పోస్టుల్లో ఈ రిజర్వేషన్ల అమలు తీరుతెన్నులను సాధారణ పరిపాలన శాఖ పర్యవేక్షించనుందని తెలిపారు.  ఆర్థికంగా బలోపేతం ప్రభుత్వ నామినేటెడ్‌ పదవులు, పనులు, సర్వీసుల్లోనూ 50 శాతం బీసీ, ఎస్సీ, ఎస్టీ, మైనారిటీలకే కేటాయించారు. తద్వారా ఆయా వర్గాలను ఆర్థికంగా బలోపేతం చేయాలనేది ప్రభుత్వం లక్ష్యంగా పేర్కొన్నారు. ఈ వర్గాలకు సమాన అవకాశాలు కల్పించాలనే రాజ్యాంగ స్ఫూర్తికి అనుగుణంగానే నామినేటెడ్‌ పనుల్లో రిజర్వేషన్లు కల్పిస్తున్నట్లు బిల్లులో ప్రభుత్వం స్పష్టం చేసింది. ఇందులో భాగంగా ప్రభుత్వం ఆధ్వర్యంలో అన్ని నామినేటెడ్‌ సివిల్‌ పనుల కాంట్రాక్టులు, నామినేటెడ్‌ సర్వీసు పనుల్లో బీసీ, ఎస్సీ, ఎస్టీ, మైనారిటీలకు 50 శాతం రిజర్వేషన్లను కల్పించనున్నట్లు పేర్కొంది. నామినేటెడ్‌ వర్క్‌ కాంట్రాక్టులు, సర్వీసు కాంట్రాక్టులు, అన్ని ఇంజనీరింగ్‌ విభాగాల్లోని పనుల్లో రిజర్వేషన్లను వర్తింపచేయనున్నారు. బీసీలకు 29 శాతం, ఎస్సీలకు 15 శాతం, ఎస్టీలకు 6 శాతం రిజర్వేషన్లను కల్పించాలని ప్రతిపాదించారు. ఇందులోనే ఆయా వర్గాలకు చెందిన మహిళలకు 50 శాతం పనులను రిజర్వ్‌ చేయాలని స్పష్టం చేశారు. నామినేటెడ్‌ పనుల్లో రిజర్వేషన్లను అమలు చేసేందుకు రాష్ట్ర స్థాయిలో పంచాయతీరాజ్‌ శాఖ ఈఎన్‌సీ నోడల్‌ ఏజెన్సీగా వ్యవహరిస్తారు. జిల్లా స్థాయిల్లో నామినేటెడ్‌ పనుల్లో, సర్వీసు కాంట్రాక్టు పనుల్లో రిజర్వేషన్ల అమలు బాధ్యతను జిల్లా కలెక్టర్లకు అప్పగించారు. సర్వీసు కాంట్రాక్టుల్లో రిజర్వేషన్ల అమలుకు సాధారణ పరిపాలన శాఖ నోడల్‌ ఏజెన్సీగా వ్యవహరిస్తుంది. 

సాక్షి, అమరావతి: ‘దేశంలో తొలిసారిగా మన రాష్ట్రంలో బీసీ, ఎస్సీ, ఎస్టీ, మైనార్టీలకు నామినేటెడ్‌ పదవుల్లో, నామినేషన్‌ పనుల్లో 50 శాతం రిజర్వేషన్‌ కల్పించే బిల్లు తీసుకువస్తుంటే ప్రతిపక్షం అడ్డుకోవాలని చూస్తోంది. ఇంత అధ్వానమైన, దిక్కుమాలిన ప్రతిపక్షం దేశంలో ఎక్కడా ఉండదు. బడుగు, బలహీన వర్గాల ద్రోహులు వీళ్లు’ అని ముఖ్యమంత్రి వైఎస్‌ జగన్‌మోహన్‌రెడ్డి టీడీపీపై ధ్వజమెత్తారు. రాష్ట్రంలో నూతన అధ్యాయానికి తెరతీస్తూ రాష్ట్ర ప్రభుత్వం చరిత్రాత్మక బిల్లులను సోమవారం అసెంబ్లీలో ప్రవేశ పెట్టింది. బీసీ, ఎస్సీ, ఎస్టీ, మైనార్టీలకు నామినేటెడ్‌ పదవులు, నామినేషన్‌ పనుల్లో 50 శాతం ఇచ్చే బిల్లులు, అన్ని నామినేటెడ్‌ పదవులు, నామినేషన్‌ పనుల్లో మహిళలకు 50 శాతం ఇచ్చే బిల్లులు, పరిశ్రమల్లో స్థానికులకు 75 శాతం ఉద్యోగాలు కల్పించే బిల్లు, శాశ్వత ప్రాతిపదికన బీసీ కమిషన్‌ను ఏర్పాటు చేసే బిల్లును అసెంబ్లీలో సోమవారం ప్రవేశపెట్టి ఆమోదించారు. కాగా ఈ బిల్లులు ప్రవేశ పెడుతున్నప్పుడు ప్రతిపక్ష నేత చంద్రబాబు, టీడీపీ సభ్యులు రాజధానిపై చర్చను కొనసాగించాలనే నెపంతో అడ్డుకునేందుకు ప్రయత్నించారు. అప్పటికే రాజధాని అంశంపై సుదీర్ఘ చర్చ ముగిసింది. ఆర్థిక మంత్రి బుగ్గన రాజేంద్రనాథ్‌ వివరణ కూడా ఇచ్చారు. కానీ దీన్ని పట్టించుకోకుండా టీడీపీ సభ్యులు స్పీకర్‌ తమ్మినేని సీతారాం పోడియాన్ని చుట్టుముట్టి ఆందోళన కొనసాగించారు. దీనిపై ముఖ్యమంత్రి వైఎస్‌ జగన్‌ తీవ్రంగా స్పందించారు. టీడీపీ సభ్యుల తీరుపై తీవ్ర ఆగ్రహం వ్యక్తం చేస్తూ ఇలా మాట్లాడారు..  క్లారిఫికేషన్‌ తర్వాతా చర్చ ఉంటుందా?  ‘40 ఇయర్స్‌ ఇండస్ట్రీ అంటారు. 40 ఏళ్ల అనుభవజ్ఞుడినైన రాజకీయ నేత అంటారు. కానీ ఆశ్చర్యకరమైన విషయం ఏమిటంటే ప్రభుత్వం ఒక అంశంపై ప్రకటన చేసిన తర్వాత కేవలం క్లారిఫికేషన్‌ (వివరణ) మాత్రమే ఉంటుందని తెలిసినా కూడా దానిపై అర గంటపాటు మాట్లాడిన తర్వాత కూడా తృప్తి చెందకుండా ఇంకా గొడవ చేస్తున్నారు.  ఇలాంటి విపక్షం ఎక్కడైనా ఉంటుందా?  రాష్ట్ర చరిత్రలో ఎన్నడూ లేని రీతిలో బీసీ, ఎస్సీ, ఎస్టీ, మైనార్టీలకు నామినేటెడ్‌ పోస్టులు, నామినేషన్‌ పనుల్లో 50 శాతం రిజర్వేషన్‌ కల్పిస్తున్నాం. దీన్ని కూడా అడ్డుకుంటున్న దిక్కుమాలిన ప్రతిపక్ష పార్టీ బహుశా ప్రపంచంలో మరెక్కడా ఉండదేమో?  టీడీపీ ఓర్వలేకపోతోంది.. రాష్ట్ర చరిత్రలోనే కాదు.. దేశ చరిత్రలోనే తొలిసారి నామినేటెడ్‌ పదవులు, నామినేషన్‌ పనుల్లో బీసీ, ఎస్సీ, ఎస్టీ, మైనార్టీలకు 50 శాతం  ఇస్తుంటే టీడీపీ ఓర్వలేక పోతోంది. ఇంతకన్నా దిక్కుమాలిన ప్రతిపక్ష నేత మరొకరు ఉంటారా? ఇంతకన్నా దిక్కుమాలిన ప్రతిపక్ష పార్టీ మరొకటి ఉంటుందా? దేశ చరిత్రలోనే తొలిసారి నామినేటెడ్‌ పదవులు, నామినేషన్‌ పనుల్లో మహిళలకు 50 శాతం రిజర్వేషన్‌ ఇస్తున్నాం. దీన్ని కూడా అడ్డుకుంటున్న దిక్కుమాలిన పార్టీ దేశంలో టీడీపీ తప్ప మరొకటి ఉండదు. ఉద్యోగాలు లేక మన పిల్లలు అల్లాడిపోతున్నారు. వారి జీవితాలు బాగు పరిచేందుకు పరిశ్రమల్లో 75 శాతం ఉద్యోగాలు స్థానికులకే రిజర్వేషన్‌ కల్పిస్తూ బిల్లు తీసుకువస్తుంటే దీన్ని కూడా అడ్డుకుంటారా? ఇంతకంటే అధ్వానమైన, దిక్కుమాలిన ప్రతిపక్షం మరెక్కడా ఉండదు. శాశ్వత ప్రాతిపదికన బీసీ కమిషన్‌ ఏర్పాటుకు బిల్లు ప్రవేశపెడుతుంటే ఈ ప్రతిపక్షం అడ్డం పడుతోంది. ఇలాంటి ప్రతిపక్ష పార్టీ రాష్ట్రంలోనే కాదు దేశంలోనే మరొకటి లేదు. ఇంతకంటే దిక్కుమాలిన ప్రతిపక్ష నేత చంద్రబాబునాయుడు కాకుండా మరొకరు దేశంలోనే ఉండరు. బీసీ స్పీకర్‌ను అవమానిస్తున్నారు  గతంలో మేము ప్రతిపక్షంలో ఉండగా వాళ్లు అటువైపు నుంచి స్టేట్‌మెంట్‌ ఇస్తే క్లారిఫికేషన్‌కు మాకు రెండు మూడు నిముషాలు కూడా అవకాశం ఇచ్చేవారు కాదు. మరి ఇవాళ మేము స్టేట్‌మెంట్‌ చదివిన తర్వాత అరగంట సేపు చంద్రబాబు మాట్లాడారు. ఆ మాటల్లో ఏమాత్రం పస లేకుండా మాట్లాడారు. మళ్లీ దాని గురించి ఏకంగా పోడియం దగ్గరకు వచ్చి గొడవ చేస్తున్నారు. ఇంత దిక్కుమాలిన ప్రతిపక్షం మరొకటి ఉండదు. బీసీ వర్గానికి చెందిన స్పీకర్‌ను అవమానిస్తున్నారు. స్పీకర్‌ అన్న గౌరవం ఏమాత్రం లేకుండా అవమానిస్తున్నారు. బీసీ వర్గానికి చెందిన స్పీకర్‌ ఆధ్వర్యంలో బీసీ, ఎస్సీ, ఎస్టీ, మైనార్టీలకు 50 శాతం రిజర్వేషన్‌ కల్పిస్తుంటే అడ్డుకోవాలని చూస్తున్నారు. వీళ్లు బడుగు, బలహీన వర్గాల ద్రోహులు. వీళ్లకు జ్జానోదయం కలగాలని భగవంతుని కోరుకుంటున్నా. ఎన్నికల్లో ప్రజలు ఓడించినా సరే వీళ్లకు బుద్ధి రాలేదు. ఈ ద్రోహులను భగవంతుడే శిక్షిస్తాడు’ అని సీఎం మండిపడ్డారు. 

సాక్షి, ఏలూరు (పశ్చిమ గోదావరి): ఎంత కష్టమైనా, నష్టమైనా ఇచ్చిన మాట నిలబెట్టుకోవడం తన నైజం అని మరోసారి నిరూపించుకున్నారు యువ ముఖ్య మంత్రి వైఎస్‌ జగన్‌మోహన్‌రెడ్డి. ఎన్నికల మ్యాని ఫెస్టోలో పేర్కొన్న విధంగానే ముఖ్యమంత్రి మరో చరిత్రాత్మక నిర్ణయం తీసుకున్నారు. ఎస్సీ, ఎస్టీ, బీసీ, మైనారిటీలు, మహిళలకు  వెన్నుదన్నుగా నిలుస్తూ ప్రభుత్వంలోని అన్ని నామినేటెడ్‌ పోస్టులు, నామినేషన్‌ పనుల్లో 50 శాతం రిజర్వేషన్లు కల్పించారు. ఈ కేటాయింపుల్లోనూ ఎస్సీ, ఎస్టీ, బీసీ, మైనారిటీలకు చెందిన మహిళలకు 50 శాతం దక్కేలా చర్యలు తీసుకోనున్నట్లు ఇటీవల కేబినేట్‌ సమావేశంలో నిర్ణయం తీసుకున్నారు. దీంతో ఇప్పటివరకూ అభివృద్ధికి దూరంగా ఉన్న ఈ వర్గాలకు పెద్దపీట వేశారు. అట్టడుగు వర్గాలకు రాజ్యాధికారం దక్కిననాడే ఈ దేశం అభివృద్ధి పథంలో దూసుకుపోతుందని చెప్పిన నాయకుల వాక్కులను నిజం చేస్తూ ముఖ్యమంత్రి తీసుకున్న సాహసోపేత నిర్ణయంపై జిల్లాలోని ఎస్సీ, ఎస్టీ, బీసీ, మైనారిటీ, మహిళల్లో ఆనందోత్సాహలు వ్యక్తమవుతున్నాయి. స్వాతంత్య్ర వచ్చి ఏడు దశాబ్దాలు కావస్తున్నా నేటికీ ఎస్సీ, ఎస్టీ, బీసీ, మైనార్టీలు ఆర్థికంగా, సామాజికంగా, రాజకీయంగా వెనుకబడే ఉన్నారు. ఆయా వర్గాల ప్రజలను కేవలం ఓటు బ్యాంకుగానే ఇప్పటివరకూ వివిధ రాజకీయ పార్టీలు పరిగణిస్తూ వచ్చాయి. దీంతో అభివృద్ధికి నోచుకోని ఈ వర్గాలు కేవలం పల్లకీ మోసే బోయీలుగానే మిగిలిపోయారు. తాజాగా ముఖ్యమంత్రి వైఎస్‌ జగన్‌ నిర్ణయంతో ఈ వర్గాలకు చెందిన వారు పల్లకీలు ఎక్కేస్థాయికి వచ్చారనే అభిప్రాయం అందరిలో వ్యక్తమవుతుంది. ఇప్పటివరకూ హామీలకే పరిమితం  ఇప్పటివరకూ ప్రభుత్వాలు, వాటి పాలకులు ఎస్సీ, ఎస్టీ, బీసీ, మైనారిటీ, మహిళల సంక్షేమం, అభివృద్ధికి పెద్ద పీట వేస్తామంటూ ఉత్తుత్తి హామీలు ఇచ్చినవారే తప్ప నిజంగా వారి అభివృద్ధికి చేసింది ఏమీ లేదనే అభిప్రాయం వ్యక్తమవుతోంది. కేవలం కాగితాలపై ఇన్ని వేల కోట్లు ఇచ్చాము, ఇస్తాము అంటూ కాకి లెక్కలకే పరిమిత మవుతూ వచ్చాయనేది ఆయా వర్గాల వాదనగా ఉండేది. దీనికి భిన్నంగా యువ ముఖ్యమంత్రి వైఎస్‌ జగన్‌ ఇచ్చిన హామీ మేరకు నామినేటెట్‌ పోస్టులు, పనుల్లో ఎస్సీ, ఎస్టీ, బీసీ, మైనారిటీ, మహిళలకు 50 శాతం కేటాయింపులు చేయడం నిజంగా గొప్ప చరిత్రాత్మకమైన విషయమనే వాదనలు బలంగా వినిపిస్తున్నాయి. అంబేద్కర్‌ ఆశయం సిద్ధించినట్లే రాష్ట్రంలోని ఎస్సీ, ఎస్టీ, బీసీ, మైనారిటీ, మహిళలకు నామినేటెడ్‌ పదవులు, పనుల్లో 50 శాతం రిజర్వేషన్లు కేటాయించడం ద్వారా రాజ్యాంగ నిర్మాత డాక్టర్‌ బీఆర్‌ అంబేద్కర్‌ ఆశయం సిద్ధించినట్లే. అట్టడుగు పేదలకు రాజకీయ, ఆర్థిక, సామాజిక లబ్ధి చేకూరితేనే స్వాతంత్య్ర ఫలాలు అందరికీ సమానంగా అందినట్లు అవుతుంది.  – డాక్టర్‌ మెండెం సంతోష్‌ కుమార్, ఆల్‌ఇండియా అంబేద్కర్‌ యువజన సంఘం రాష్ట్ర అ«ధ్యక్షులు ఇచ్చిన మాటను నిలబెట్టుకున్నారు వైఎస్సార్‌కాంగ్రెస్‌ పార్టీ మ్యానిఫెస్టోలో హామీ ఇచ్చిన విధంగా ముఖ్యమంత్రి వైఎస్‌ జగన్‌ ఎస్సీ, ఎస్టీ, బీసీ, మైనారిటీ, మహిళలకు నామినేటెడ్‌ పదవులు, పనుల్లో 50 శాతం రిజర్వేషన్లు కల్పించారు. ఇచ్చిన మాటను కేవలం నెలన్నర రోజుల్లోనే నిలబెట్టుకున్న గొప్ప వ్యక్తి ముఖ్యమంత్రి వైఎస్‌ జగన్‌. – ఉక్కుసూరి గోపాలకృష్ణ, ఉపాధ్యక్షులు, జిల్లా యాదవ సంఘం మహిళలకు పెద్ద పీట వేశారు ఇప్పటివరకూ మహిళలకు సంబంధించి రిజర్వేషన్లు అమలు చేస్తున్నామని చెబుతూనే ఉన్నా అవి పూర్తి స్థాయిలో అమలు కాలేదు. దీనికి భిన్నంగా ముఖ్యమంత్రి వైఎస్‌ జగన్‌ ఎస్సీ, ఎస్టీ, బీసీ, మైనారిటీలకు కేటాయించిన రిజర్వేషన్లలో ఖచ్చితంగా 50 శాతం మహిళలకు అందిస్తానని చెప్పడం చాలా సంతోషంగా ఉంది. – మెతిక రాఘవ, బీసీ సంఘం నాయకురాలు జనాభా ప్రాతిపదికపై పదవులు కేటాయించాలి రాష్ట్ర ముఖ్యమంత్రి తీసుకున్న నిర్ణయం చరిత్రాత్మకం. ఇదే క్రమంలో ఎస్సీ,ఎస్టీ, బీసీ, మైనారిటీలకు నామినేటెడ్‌ పదవులు, పనులు కేటాయింపులు చేసే టప్పుడు ఆయా కులాల జనాభా ప్రాతిపదికగా తీసుకుంటే అందరికీ సమన్యాయం జరుగుతుంది. ముఖ్యంగా రాష్ట్రంలోని 25 లక్షల మంది ఉన్న రజకులకు మేలు జరుగుతుంది. – చిలకలపల్లి కట్లయ్య,  అధ్యక్షులు, జిల్లా రజక జన సంఘం

సాక్షి, రాజమహేంద్రవరం : రాష్ట్రంలో వైఎస్సార్‌ కాంగ్రెస్‌ పార్టీ పాలన చేపట్టింది. ఆ పార్టీ అధ్యక్షుడు వైఎస్‌ జగన్‌మోహన్‌రెడ్డి ముఖ్యమంత్రిగా బాధ్యతలు చేపట్టి సుమారు నెలకావస్తోంది. అయితే గత టీడీపీ ప్రభుత్వ హయాంలో నామినేటెడ్‌ పదవులు చేపట్టిన తెలుగు తమ్ముళ్లు ఇంకా కొనసాగుతున్నారు. నిబంధనల ప్రకారం రాష్ట్రంలో ప్రభుత్వం మారగానే వారందరూ రాజీనామాలు సమర్పించాలి. వివరాల్లోకి వెళితే.. అసెంబ్లీ ఎన్నికలు సమీపిస్తున్న సమయంలో నగరంలో దేవదాయ ధర్మాదాయ శాఖ ద్వారా అందుబాటులోకి వచ్చే నామినేటెడ్‌ పదవులకు అభ్యర్థులను నియమించి హడావుడిగా ప్రమాణ స్వీకారాలు చేయించారు. మే 23న శాసనసభకు జరిగిన ఎన్నికల్లో వైఎస్సార్‌ సీపీ ఘన విజయం సాధించింది. టీడీపీ ఘోర పరాజయం పాలైంది. రాజీనామా చేయకుండా.. వాస్తవంగా ఎన్నికల్లో గత ప్రభుత్వం విజయం సాధిస్తే ప్రస్తుతం నియమితులైన వారు నిర్ణీత పదవీకాలం పూర్తయ్యే వరకూ పదవుల్లో కొనసాగే అవకాశం ఉంది. ఓటమి పాలైన వారందరూ తక్షణమే రాజీనామా చేయాలి. కానీ రాజమహేంద్రవరం నగరంలో మాత్రం టీడీపీ నాయకులు ఇంకా నామినేటెడ్‌ పదవుల్లో కొనసాగుతున్నారు. నగరంలోని పలు ట్రస్ట్‌బోర్డులకు కమిటీల నియామకం జరిగింది. జీవకారుణ్య సంఘానికి వర్రే శ్రీనివాస్, హితకారిణి సమాజానికి యాళ్ల ప్రదీప్, శ్రీ ఉమా కోటిలింగేశ్వర దేవస్థానానికి అరిగెల బాబు నాగేంద్ర ప్రసాద్, చందాసత్రానికి ఇన్నమూరి దీపు, ఉమారాలింగేశ్వర కల్యాణ మండపానికి మజ్జి రాంబాబు, పందిరి మహదేవుడు సత్రానికి రెడ్డి మణి చైర్మన్లుగా ఉన్నారు. వీరందరూ ఇంకా పదవుల్లో కొనసాగుతూనే ఉన్నారు.

సాక్షి, దెందులూరు : వైఎస్సార్‌సీపీ ప్రభుత్వం ఏర్పడి మూడు వారాలు దాటినా నామినేటెడ్‌ పదవులను టీడీపీ నేతలు వదలటం లేదు. ఎన్నికల ముందు ప్రతిపక్షం హోదా కూడా దక్కదు.. వైఎస్సార్‌సీపీకి పుట్టగతులుండవు.. మళ్లీ వచ్చేది టీడీపీ ప్రభుత్వమే అంటూ బీరాలు పలికి పందేలు కట్టి భుజాలు దాకా చేతులు కాల్చుకున్న వారు ఏం మాట్లాడాలో ఎప్పుడు మాట్లాడాలో, ఎవరితో మాట్లాడాలో అసలు ఏం చేయాలో తెలియక నానాటికీ నైతిక స్థైర్యాన్ని కోల్పోతున్నారు. ఒక వైపు స్థానిక సంస్థల ఎన్నికలు ముంచుకొస్తున్నాయి.. మరోవైపు తమగోడు చెప్పుకుందామంటే బూతద్దం పెట్టి వెతికినా చెప్పుకోవడానికి ఏ ఒక్క నాయకుడు గెలవలేదు. ఈ దశాబ్ధపు యోధుడు, ప్రజా నేత, వైఎస్‌ జగన్‌మోహన్‌రెడ్డి 3,648 కిలోమీటర్ల పాదయాత్ర, నవరత్న పథకాల రూపకల్పన ముందు గాలిలో సునామీ మాదిరిగా చాలెంజ్‌లు విసిరిన టీడీపీ నేతలంతా ఘోర ఓటమిని చవిచూశారు. అయితే దెందులూరు నియోజకవర్గంలో ఏఎంసీ చైర్మన్‌ పదవి కాలం ముగిసింది. ఏఎంసీ డైరెక్టర్‌లు, పాఠశాలల ఎస్‌ఎంసీ కమిటీలు, వైద్యశాలల అభివృద్ధి కమిటీలు, నీటి సంఘాలు, దేవదాయ శాఖ దేవాలయాల అధ్యక్షులు, కమిటీ సభ్యులతో పాటు ఇతర నామినేటెడ్‌ పదవులను గత టీడీపీ ప్రభుత్వ హయాంలో నియమితులైన టీడీపీ నేతలు నేటికీ ఆ పదవుల కుర్చీలను వదలటం లేదు. రాజ్యాంగ నిబంధనల ప్రకారం ప్రభుత్వం మారిన వెంటనే ఆ ప్రభుత్వ హయంలో నామినేటెడ్‌ పోస్టులన్నీ ముందస్తుగా స్వచ్ఛందంగా పదవుల్లో నియమితులైన నేతలు రాజీనామా చేయటం సంప్రదాయం. గతంలో ఏ ప్రభుత్వ శాఖకు అయినా అపవాదు లభిస్తే ఆ శాఖా మంత్రులు రాజీనామా చేసిన సంఘటనలు కోకొల్లలు. ఇందుకు భిన్నంగా సంప్రదాయాలు, ఆదర్శాలు, సంస్కృతిని అవహేళన చేస్తూ టీడీపీ నాయకులు కుర్చీలను పట్టుకు వేళాడుతున్నారు. వైఎస్సార్‌సీపీ ప్రభుత్వాన్ని, పార్టీ నాయకులను చులకనగా, హేళనగా, అగౌరవంగా మాట్లాడిన టీడీపీ నాయకులు, కార్యకర్తలు నేడు వైఎస్సార్‌సీపీ ప్రభుత్వంలో ఎలా కొనసాగుతారని గ్రామగ్రామాన ఆగ్రహావేశాలు వ్యక్తం చేస్తూ ప్రశ్నిస్తున్నారు. ఒకవైపు టీడీపీ ప్రభుత్వం ఘోర ఓటమి పాలవటంతో నేటికీ షాక్‌ నుంచి తేరుకోని ద్వితీయ, తృతీయ శ్రేణి నాయకులు, కార్యకర్తలకు టీడీపీ రాజ్యసభ సభ్యులు కొందరు బీజేపీలోకి చేరడంతో మూలిగే నక్కపై తాటికాయ పడ్డ చందాన ఉంది. ఎంపీలే భవిష్యత్తు కోసం దారి వెతుక్కుంటుంటే గ్రామ శివారు ప్రాంతాల్లో ఐదేళ్లపాటు ఒంటరిగా ఏ అండా లేకుండా ఎలా ఈదుతామన్న బలమైన వాదన ద్వితీయ, తృతీయ శ్రేణి నాయకులతో పాటు కార్యకర్తలందరిలో స్పష్టంగా ఉంది. పంచాయతీ ఎన్నికల నోటిఫికేషన్‌కు ముందు ఎంపీలు, మాజీ ఎమ్మెల్యేలు, మంత్రులు, ఇతర పార్టీల్లో చేరితో టీడీపీ మొత్తం ఖాళీ అవటం ఖాయమని ఆ పార్టీ నాయకులే బహిరంగంగా వ్యాఖ్యానించటం గమనార్హం. తమ ప్రభుత్వంలో సైతం నామినేటెడ్‌ పదవుల్లో ఉన్న టీడీపీ నేతలు ఇంకా రాజీనామా చేయకపోవడం పట్ల వైసీపీ శ్రేణులు మండిపడుతున్నారు.    

ఏలూరు (తూర్పు గోదావరి) : తొమ్మిదేళ్ల పాటు అధికారానికి దూరంగా ఉండడం వల్లనో ఏమో టీడీపీ నాయకులు ఎక్కిన కుర్చీలను వదిలే పరిస్థితి కనిపించడం లేదు. 2014లో అధికారంలోకి వచ్చిన నాటి నుంచి తెలుగుదేశం ప్రభుత్వం తమ పార్టీకి సేవ చేసిన వారికి పలు నామినేటెడ్‌ పదవులు కట్టబెట్టింది. దానిలో భాగంగా జిల్లాకు చెందిన పలువురు నాయకులు రాష్ట్ర, జిల్లా స్థాయిల్లో నామినేటెడ్‌ పదవులు పొంది వాటిలో కొనసాగుతున్నారు. అయితే చాలాకాలం అధికారంలో లేకపోవడంతో వచ్చిన ఒక్క అవకాశాన్ని ఒదులుకోలేకపోతున్నారని పలువురు చర్చించుకుంటున్నారు.  నామినేటెడ్‌ పదవులు పొందిన వారు వీరే.. జిల్లాకు చెందిన పలువురు టీడీపీ నాయకులు రాష్ట్ర స్థాయితో పాటు జిల్లాస్థాయిలో నామినేటెడ్‌ పదవులు పొందారు. వారిలో రాష్ట్ర హస్తకళాభివృద్ధి సంస్థ చైర్మన్‌ పాలి ప్రసాద్, రాష్ట్ర చేనేత కార్పొరేషన్‌ చైర్మన్‌ వావిలాల సరళాదేవి, రాష్ట్ర చలనచిత్ర, టీవీ, నాటకరంగ అభివృద్ధి సంస్థ చైర్మన్‌ అంబికా కృష్ణ, రాష్ట్ర మహిళా కమిషన్‌ సభ్యురాలు డాక్టర్‌ రాజ్యలక్ష్మి, బ్రాహ్మణ కోఆపరేటివ్‌ క్రెడిట్‌ సొసైటీ చైర్మన్‌ ఎంబీఎస్‌ శర్మ, ఎస్సీ, ఎస్టీ కమిషన్‌ చైర్మన్‌ కారెం శివాజీ, ఆర్టీసీ విజయవాడ జోన్‌ చైర్మన్‌ మెంటే పార్థసారథి రాష్ట్రస్థాయి పదవుల్లో కొనసాగుతున్నారు. జిల్లా స్థాయిలోనూ అదే తీరు.  జిల్లా స్థాయిలో కూడా టీడీపీ తనను నమ్ముకున్న వారికి అనేక నామినేటెడ్‌ పదవులు కట్టబెట్టింది. ముఖ్యంగా జిల్లా సహకార బ్యాంక్‌ చైర్మన్‌ ముత్యాల వెంకటేశ్వరరావు, జిల్లా సహకార మార్కెటింగ్‌ సొసైటీ అధ్యక్షుడు భూపతిరాజు రవి వర్మలకు పదవీ కాలం ఏడాదిన్నర క్రితమే ముగిసిపోయినా ప్రభుత్వ ప్రత్యేక జీఓతో వారు ఇంకా ఆ పదవుల్లోనే కొనసాగుతున్నారు. వారితో పాటు జిల్లా గ్రంథాలయ సంస్థ చైర్మన్‌ జయ్యవరపు శ్రీరామమూర్తి, జిల్లా పశుగణాభివృద్ధి సంస్థ చైర్మన్‌ పాకలపాటి గాంధీ, ఏలూరు అర్బన్‌ డెవలప్‌మెంట్‌ అథారిటీ చైర్మన్‌ ఉప్పాల జగదీష్‌బాబులతో పాటు మెరగాని నారాయణమ్మ, గంగిరెడ్ల మేఘలాదేవి, అత్యం నాగమణి, కర్రా రాజారావు తదితరులు వివిధ పదవుల్లో కొనసాగుతున్నారు. ఇవి కాక జిల్లాలోని వివిధ 6ఏ దేవాలయాల (రూ. కోటి పైన వార్షిక ఆదాయం వచ్చే ఆలయాలు) ట్రస్ట్‌ బోర్డులు, ఇతర ఆలయాల ట్రస్ట్‌ బోర్డులు, ఏఎంసీ చైర్మన్‌ పదవులు, ఆసుపత్రి అభివృద్ధి కమిటీలు సైతం తమ పదవిని విడిచిపెట్టలేకపోతున్నారు.  తీరని పదవీకాంక్ష సాదారణంగా రాష్ట్రంలో ప్రభుత్వంలో ఉన్న పార్టీ నుంచి నామినేటెడ్‌ పదవులు పొందిన నాయకులు తమ పార్టీ ఎన్నికల్లో ఓడిపోతే నైతిక బాధ్యత వహించి తమకు కట్టబెట్టిన పదవులకు రాజీనామా చేయడం చూస్తాం. కానీ జిల్లాలో టీడీపీ నాయకులకు మాత్రం  అటువంటి నైతిక బాధ్యతగాని, రాజ్యాంగం పట్ల గౌరవం గాని ఉన్నట్లు కనిపించడం లేదు. రాష్ట్రస్థాయి పదవి పొందిన ఒక్క అంబికా కృష్ణ మినహా ఇతర జిల్లాస్థాయి, ఏఎంసీ, వివిధ అభివృద్ధి కమిటీల ప్రతినిధులు మినహా మిగిలిన నాయకులు మాత్రం ఇప్పటికీ తమ పార్టీయే అధికారంలో ఉందనే భ్రమలో కొనసాగుతున్నట్లు ఉన్నారంటున్నారు. ప్రభుత్వం మారి ఇన్ని రోజులైనా వారు తమ పదవీ కాంక్షతో కుర్చీలు వదిలిపెట్టడానికి సిద్ధంగా లేరని అర్థమౌతోంది. దీనిపై పలువురు ముక్కుపై వేలేసుకుంటున్నారు. పార్టీ ఓడిపోయినా తమ పదవులను మాత్రం పదిలంగా చూసుకోవడం చూస్తుంటే పదవులపై వారి పాకులాటకు నిదర్శనంగా కనిపిస్తోందంటున్నారు. ఇప్పటికే ప్రభుత్వం ఇటువంటి నామినేటెడ్‌ పదవులను రద్దు చేస్తూ ఆర్డినెన్స్‌ జారీ చేస్తామని ప్రకటించినా వారిలో చలనం లేకపోవడం వారి విజ్ఞతేనా అంటున్నారు. ఆర్డినెన్స్‌ జారీ చేసి పదవుల నుంచి గెంటేసే వరకూ తెచ్చుకుంటారా అని వ్యంగ్యాస్త్రాలు సంధిస్తున్నారు. 

సాక్షి, అమరావతి : వక్ఫ్‌ బోర్డు చైర్మన్‌ పదవికి రాజీనామా చేస్తున్నట్లు మాజీ ఎమ్మెల్యే జలీల్‌ఖాన్‌ తెలిపారు. శనివారమిక్కడ ఆయన విలేకరులతో మాట్లాడారు. ఆంధ్రప్రదేశ్‌ ముఖ్యమంత్రిగా పదవీ బాధ్యతలు చేపట్టిన వైఎస్‌ జగన్‌మోహన్‌రెడ్డికి జలీల్‌ఖాన్‌ అభినందనలు తెలిపారు. తన రాజీనామా నేపథ్యంలో వక్ఫ్‌ బోర్డు చైర్మన్‌ పదవి అనేది పాముల పుట్టవంటిదని పేర్కొన్నారు. తమ నియోజకవర్గంలో టీడీపీ గట్టి పోటీ ఇచ్చిందని.. నువ్వా నేనా అన్నట్లుగా ఓట్లు వచ్చాయని వ్యాఖ్యానించారు. ఇతరుల వల్ల కొంత నష్టం జరిగిందని.. ఓడిపోయినా ప్రజలకు ఎల్లప్పుడూ అందుబాటులో ఉంటామని తెలిపారు. ఎన్నికలు మొత్తం కులరాజకీయాల మీద నడిచాయని పేర్కొన్నారు. కాగా గత ఎన్నికల్లో విజయవాడ పశ్చిమ నియోజకవర్గం నుంచి వైఎస్సార్‌ కాంగ్రెస్‌ పార్టీ టికెట్‌పై గెలిచిన జలీల్‌ఖాన్‌ ఆ తర్వాత టీడీపీలోకి ఫిరాయించిన సంగతి తెలిసిందే. ఈ నేపథ్యంలో ఆయనపై స్థానికంగా వ్యతిరేకత రావడంతో.. టీడీపీ అధినేత చంద్రబాబు.. ఈసారి జలీల్‌ఖాన్‌ కుమార్తెకు టికెట్‌ ఇచ్చారు. కానీ రాష్ట్రవ్యాప్తంగా జోరుగా ఫ్యాను హవా వీచిన నేపథ్యంలో ఆమె ఓటమి పాలయ్యారు. నామినేటెడ్‌ పదవుల రాజీనామా పర్వం రాష్ట్రంలో కొత్త ప్రభుత్వం ఏర్పాటైన నేపథ్యంలో జలీల్‌ఖాన్‌తో పాటు మరికొంత మంది టీడీపీ నాయకులు కూడా నామినేటెడ్‌ పదవులకు రాజీనామా చేస్తున్నారు. ఇందులో భాగంగా జమ్మలమడుగు ఏరియా ఆస్పత్రికి చైర్మన్‌గా ఉన్న మాజీ మంత్రి ఆదినారాయణ రెడ్డి తనయుడు సుధీర్‌రెడ్డి తన పదవికి రాజీనామా చేశారు. అదే విధంగా టీవీ, నాటక రంగ అభివృద్ధి సంస్థ చైర్మన్ పదవి నుంచి అంబికా కృష్ణ వైదొలిగారు. ఇక ఇప్పటికే దుర్గ గుడి పాలక మండలి చైర్మన్‌ సభ్యులు రాజీనామా సమర్పించగా.. ఎస్వీబీసీ ఛానెల్‌లో పోస్టు దక్కించుకున్న రాఘవేంద్రరావు కూడా రాజీనామా చేశారు. అదే విధంగా.. ఆంధ్రప్రదేశ్‌ బ్రాహ్మణ సంక్షేమ కార్పోరేషన్‌ చైర్మన్‌ పదవికి రాజీనామా చేస్తున్నట్లు వేమూరి ఆనంద్‌ సూర్య తెలిపారు.

వాషింగ్టన్‌: ముగ్గురు భారతీయ అమెరికన్లను కీలక పరిపాలనా స్థానాల్లో నియమించేందుకు అమెరికా అధ్యక్షుడు ట్రంప్‌ నామినేట్‌ చేశారు.  ప్రస్తుతం గేట్‌వే ఫర్‌ యాక్సెలరేటెడ్‌ ఇన్నోవేషన్‌ ఇన్‌ న్యూక్లియర్‌ (గెయిన్‌) డైరెక్టర్‌గా ఉన్న రీటా బరన్వాల్‌ను ఇంధన శాఖ (అణు ఇంధన) అసిస్టెంట్‌ సెక్రటరీగా, న్యాయవాద అధ్యాపకుడిగా ఉన్న ఆదిత్య బమ్జాయ్‌ని ప్రైవసీ అండ్‌ సివిల్‌ లిబర్టీస్‌ ఓవర్‌సైట్‌ బోర్డు సభ్యుడిగా, ఫైనాన్షియల్‌ స్టెబిలిటీ ఓవర్‌సైట్‌ కౌన్సిల్‌లో డెప్యూటీ అసిస్టెంట్‌ సెక్రటరీగా ఉన్న బిమల్‌ పటేల్‌ను ట్రెజరీ అసిస్టెంట్‌ సెక్రటరీగా నియమించేందుకు ట్రంప్‌ ప్రతిపాదించారు. ఈ విషయాన్ని ట్రంప్‌ ముందుగానే ప్రకటించినప్పటికీ, నామినేషన్లను బుధవారమే శ్వేతసౌధం నుంచి సెనెట్‌కు పంపారు. ఇప్పటికవరకు మొత్తంగా ట్రంప్‌ 35 మందికి పైగా భారతీయ అమెరికన్లను కీలక స్థానాల్లో నియమించారు. బరన్వాల్‌ కొత్త బాధ్యతల్లో భాగంగా అణు ఇంధన కార్యాలయ పాలనా వ్యవహారాలతో పాటు, అణు సాంకేతికత పరిశోధన, అభివృద్ధి విభాగం, మౌలిక సదుపాయాల విభాగ యాజమాన్య బాధ్యతలు కూడా చూడాల్సి వుంటుంది. టెక్నాలజీ డెవలప్‌మెంట్‌ అండ్‌ అప్లికేషన్‌ డైరెక్టర్‌గా, మెటీరియల్స్‌ టెక్నాలజీ మేనేజర్‌గా బాధ్యతలు నిర్వహించిన ఆమె.. అమెరికా నౌకాదళ రియాక్టర్లకు అవసరమైన అణు ఇంధన మెటీరియల్‌పై పరిశోధన జరిపారు. ఇక యేల్‌ విశ్వవిద్యాలయంలో ఉన్నత విద్య అభ్యసించిన ఆదిత్యకు సివిల్‌ ప్రొసీజర్, పాలనాపరమైన శాసనాలు, ఫెడరల్‌ కోర్టులు, జాతీయ భద్రతా చట్టం, కంప్యూటర్‌ సంబంధిత నేరాలపై బోధన జరిపిన, రచనలు చేసిన అనుభవముంది. యూఎస్‌ సుప్రీంకోర్టు జస్టిస్‌ అంటోనిన్‌ స్కలియా వద్ద, అప్పీల్స్‌ కోర్టు (ఆరవ సర్క్యూట్‌) జడ్జి జెఫ్రీ వద్ద లా క్లర్క్‌గా విధులు నిర్వర్తించారు. అమెరికా న్యాయశాఖలో అటార్నీ అడ్వయిజర్‌గా, ప్రైవేటు రంగంలో అప్పిలేట్‌ అటార్నీగా కూడా పని చేశారు. మూడో వ్యక్తి బిమల్‌ పటేల్‌ ప్రస్తుతం ఆర్థిక స్థిరత్వ వ్యవహారాల పర్యవేక్షణ మండలికి సంబంధించిన ట్రెజరీలో డిప్యూటీ అసిస్టెంటీ సెక్రటరీగా బాధ్యతలు నిర్వర్తిస్తున్నారు. ఆర్థిక వ్యవహారాల్లో పలు సంస్థలకు సలహాలిచ్చిన అనుభవముంది. తొలి దక్షిణాసియా వ్యక్తి డెమోక్రటిక్‌ పార్టీకి చెందిన భారతీయ అమెరికన్‌ చట్టసభ్యుడు రాజా కృష్ణమూర్తికి నిఘాపై ఏర్పాటైన కాంగ్రెషనల్‌ కమిటీలో చోటు దక్కింది. ఈ ఘనత సొంతం చేసుకున్న తొలి దక్షిణాసియా వ్యక్తి ఈయనే. అమెరికా జాతీయ భద్రతను పటిష్టం చేయడం ఈ కమిటీ బాధ్యత. కృష్ణమూర్తి (45) ప్రస్తుతం ఇల్లినాయిస్‌ 8వ కాంగ్రెషనల్‌ జిల్లాకు ప్రతినిధుల సభలో ప్రాతినిధ్యం వహిస్తున్నారు. కృష్ణమూర్తిని కమిటీలో సభ్యుడిగా నియమిస్తున్నట్లు సభాపతి న్యాన్సీ పెలోసీ బుధవారం ప్రకటించారు. కృష్ణమూర్తి ఢిల్లీలో ఓ తమిళ కుటుంబంలో జన్మించారు. ఆయనకు మూడు మాసాల వయసున్నప్పుడే ఆయన కుటుంబం న్యూయార్క్‌లోని బఫెలో స్థిరపడింది.

టీఆర్‌ఎస్‌ ప్రభుత్వం రాష్ట్రంలో పగ్గాలు చేపట్టింది. ఇక నామినేటెడ్‌ పదవుల పందేరం మొదలైంది. ఉమ్మడి జిల్లాలో ఖాళీగా ఉన్న వ్యవసాయ మార్కెట్‌ కమిటీలు, దేవాలయాల పాలక మండళ్లు, రాష్ట్రస్థాయి కార్పొరేషన్‌ చైర్మన్‌ పదవులను దక్కించుకునేందుకు పోటీ పెరిగింది. నామినేటెడ్‌ పదవుల భర్తీ అంశం మళ్లీ తెరపైకి రావడంతో అవకాశం ఎవరికి లభిస్తుందోననేది పార్టీ శ్రేణుల్లో ఉత్కంఠ రేపుతోంది. గత ప్రభుత్వ హయాంలో ఉమ్మడి ఖమ్మం జిల్లాలో నలుగురు కార్పొరేషన్‌ చైర్మన్లు పనిచేయగా.. ఈసారి అటువంటి పదవులు ఎంత మందికి వరిస్తాయి.. పార్టీ ఏ రూపంలో అవకాశం కల్పిస్తుందనేది చర్చనీయాంశంగా మారింది.   సాక్షిప్రతినిధి, ఖమ్మం: రాష్ట్రంలో నామినేటెడ్‌ పదవులను దక్కించుకునేందుకు టీఆర్‌ఎస్‌ నాయకులు ఎవరి ప్రయత్నాల్లో వారు నిమగ్నమయ్యారు. తమకు పార్టీలో పరిచయం ఉన్న రాష్ట్రస్థాయి నేతలను కలుస్తూ తమ పేరును పరిశీలించాలని కోరుతున్నారు. టీఆర్‌ఎస్‌ పార్టీలో విద్యార్థి ఉద్యమ నేతగా ఉన్న పిడమర్తి రవిని టీఆర్‌ఎస్‌ తొలిసారిగా ప్రభుత్వం ఏర్పాటు చేసిన వెంటనే రాష్ట్ర ఎస్సీ కార్పొరేషన్‌ చైర్మన్‌గా నియమించింది. తర్వాత ఆయన పదవీ కాలాన్ని ప్రభుత్వం పొడిగించింది. ఇటీవల సత్తుపల్లి నియోజకవర్గం నుంచి టీఆర్‌ఎస్‌ తరఫున ఎమ్మెల్యేగా పోటీ చేసే సమయంలో చైర్మన్‌ పదవికి ఆయన రాజీనామా చేశారు. ఆయన ఓడిపోవడంతో పార్టీ ఏ రూపంలో ఆయనకు అవకాశం కల్పిస్తుందనేది చర్చనీయాంశంగా మారింది. రాష్ట్ర గిరిజనాభివృద్ధి సంస్థ చైర్మన్‌గా పనిచేసి.. ఇటీవల అశ్వారావుపేట టీఆర్‌ఎస్‌ అభ్యర్థిగా పోటీచేసే సమయంలో తన పదవికి రాజీనామా చేసిన తాటి వెంకటేశ్వర్లు సైతం అశ్వారావుపేట నుంచి ఓటమి చెందారు. రాష్ట్ర విత్తనాభివృద్ధి సంస్థ చైర్మన్‌గా గత ప్రభుత్వం కొండబాల కోటేశ్వరరావును నియమించగా.. రాష్ట్ర పారిశ్రామికాభివృద్ధి సంస్థ చైర్మన్‌గా అప్పటి పార్టీ జిల్లా అధ్యక్షుడిగా ఉన్న బుడాన్‌ బేగ్‌ను నియమించింది. అసెంబ్లీ ఎన్నికలకు కొద్ది రోజుల ముందు బేగ్‌ టీడీపీ తీర్థం పుచ్చుకోవడంతో జిల్లాకు చెందిన మైనార్టీలకు కార్పొరేషన్‌ పదవుల్లో అవకాశం లభిస్తుందనే ప్రచారం జరుగుతోంది. రాష్ట్రస్థాయి కార్పొరేషన్‌ చైర్మన్‌గా పనిచేసి.. ప్రస్తుతం పార్టీలో ఉన్న ముగ్గురిలో ఎంత మందికి మళ్లీ అవకాశం దక్కుతుందనే అంశం ఇప్పుడు పార్టీలో చర్చనీయాంశంగా మారింది. వీటితోపాటు కొద్దికాలంగా ద్వితీయ శ్రేణి నేతలను ఊరిస్తున్న నామినేటెడ్‌ పదవులపై నియోజకవర్గాల ద్వితీయ శ్రేణి నేతలు దృష్టి సారించారు. తెలంగాణ ఉద్యమ సమయంలో పార్టీ జెండా మోసిన నాయకులకు ఈసారైనా గుర్తింపు ఇవ్వాలనే డిమాండ్‌తో తెలంగాణ ఉద్యమకారులు నామినేటెడ్‌ పదవులపై దృష్టి పెట్టి పార్టీలో.. ప్రభుత్వంలో తమకున్న పరిచయాల ద్వారా ప్రయత్నాలు చేస్తున్నారు.   మార్కెట్‌ కమిటీలు..  ఇక ఉమ్మడి ఖమ్మం జిల్లాలో అనేక వ్యవసాయ మార్కెట్‌ కమిటీల పదవీ కాలం ఇప్పటికే ముగిసింది. మరికొన్నింటి పదవీ కాలం 2019 ఫిబ్రవరిలో ముగియనుంది. గత ఏడాది అక్టోబర్‌లో ఉమ్మడి జిల్లాలో అత్యంత పెద్ద మార్కెట్‌గా ఉన్న ఖమ్మం వ్యవసాయ మార్కెట్‌ కమిటీ పదవీ కాలం పూర్తయింది. చైర్మన్‌గా ఆర్జేసీ కృష్ణ వ్యవహరించారు. ఆ తర్వాత మార్కెట్‌ కమిటీ పాలక వర్గాన్ని ప్రభుత్వం భర్తీ చేయలేదు. ఈలోపు ఎన్నికలు రావడం.. ఖమ్మంలో టీఆర్‌ఎస్‌ విజయం సాధించడంతో ఈ పదవిపై ద్వితీయ శ్రేణి నేతల్లో మళ్లీ ఆశలు చిగురిస్తున్నాయి. మార్కెట్‌ చైర్మన్‌ పదవి కోసం అనేక మంది తమవంతు ప్రయత్నాలు చేస్తున్నారు. ఎమ్మెల్యే పువ్వాడ అజయ్‌కుమార్‌ ఆశీస్సులున్న వారికి ఈ పదవి లభిస్తుందనే ప్రచారం జరుగుతుండడంతో తాము పార్టీకి చేసిన సేవలను వివరించడంతోపాటు ఉద్యమ సమయంలో పార్టీకి అండగా ఉన్న తీరు ను వివరించడం ద్వారా నామినేటెడ్‌ పదవుల్లో అవకాశం కల్పించాలని కోరుతున్నారు. అలాగే ఉమ్మడి జిల్లాలోని ఇల్లెందు, కొత్తగూడెం, బూర్గంపాడు, దమ్మపేట వ్యవసాయ మార్కెట్‌ కమిటీల పదవీ కాలం ఇప్పటికే పూర్తయింది. వీటికి కొత్త పాలక వర్గాలను ప్రభుత్వం నియమించాల్సి ఉండడంతో.. ఆయా మార్కెట్‌ కమిటీ చైర్మన్‌ పదవులను ఆశిస్తున్న నేతలు తమవంతు ప్రయత్నాలను ముమ్మరం చేశారు. భద్రాచలం, చర్ల వ్యవసాయ మార్కెట్‌ కమిటీ పాలక వర్గాల పదవీ కాలం మాత్రం వచ్చే ఫిబ్రవరి వరకు ఉంది.   భద్రాచలం ట్రస్ట్‌ బోర్డు పదవికి ప్రయత్నాలు..  ఇక ఉమ్మడి ఖమ్మం జిల్లాలో అత్యంత కీలకంగా భావించే.. దక్షిణ అయోధ్యగా పేరున్న భద్రాచలం ట్రస్ట్‌ బోర్డును ప్రభుత్వం సుదీర్ఘకాలంగా నియమించకపోవడం.. మరో నాలుగు నెలల్లో శ్రీరామనవమి ఉండడంతో తక్షణమే ప్రభుత్వం బోర్డును ఏర్పాటు చేస్తుందనే ఆశాభావంతో పలువురు కీలక నేతలు ఆ పదవి కోసం తమవంతు ప్రయత్నాలను ప్రారంభించారు. 2014లో అధికారంలోకి వచ్చిన టీఆర్‌ఎస్‌ ప్రభుత్వం ఇప్పటివరకు భద్రాచలం ట్రస్ట్‌ బోర్డును నియమించలేదు. ఈ పదవి కోసం పలువురు రాష్ట్రస్థాయి నేతలు సైతం ప్రయత్నం చేస్తున్నట్లు ప్రచారం జరుగుతోంది. ఇక పలు దేవాలయాల పాలక మండళ్ల పదవీ కాలం పూర్తి కావడంతో ఈ ఏడాది సెప్టెంబర్‌లో కొన్ని పాలక మండళ్లను పొడిగించారు. మరికొన్ని ఆలయాలకు కొత్త పాలక మండళ్లను నియమించారు. ఇంకా జిల్లాలో పలు దేవస్థానాల పాలక మండళ్లను నియమించాల్సి ఉండడంతో వీటిపై పార్టీ నేతలు దృష్టి సారించారు. ఇవి కాకుండా.. డీఆర్‌డీఏ, ఆర్టీఏ, సివిల్‌ సప్లై వంటి సంస్థల్లో పలువురు పార్టీ నేతలను సభ్యులుగా ప్రభుత్వం గతంలో నియమించింది. అయితే వారి పదవీ కాలం పూర్తయ్యేంత వరకు కొనసాగిస్తారా? మళ్లీ కొత్త సభ్యులను నియమిస్తారా? అనేది తేలాల్సి ఉంది. వీటితోపాటు గత ప్రభుత్వ హయాంలో నాలుగు కార్పొరేషన్‌ పదవులు ఉమ్మడి ఖమ్మం జిల్లాను వరించినా.. రాష్ట్రస్థాయి డైరెక్టర్‌ పదవులు మాత్రం జిల్లావాసులకు పెద్దగా దక్కలేదు. ఈసారి పలువురు నేతలు రాష్ట్రస్థాయి డైరెక్టర్లుగా అవకాశం కల్పించాలని కోరుతున్నట్లు ప్రచారం జరుగుతోంది. ఇక ఖమ్మం నగర పాలక అభివృద్ధి సంస్థ(స్తంభాద్రి అర్బన్‌ డెవలప్‌మెంట్‌ అథారిటీ) సుడాను ఏర్పాటు చేస్తూ ప్రభుత్వం ఏడాది క్రితం ఉత్తర్వులు జారీ చేసింది. దీనికి కమిటీని నియమించాల్సి ఉంది. సుడా చైర్మన్‌ పదవి కోసం పలువురు నేతలు తీవ్రస్థాయిలో ప్రయత్నాలు చేస్తుండడంతో ఈ పదవి ఎవరిని వరిస్తుందనే అంశం చర్చనీయాంశంగా మారింది.

సాక్షి, అమరావతి: ‘‘ప్రభుత్వ ఉద్యోగులు, కాంట్రాక్టు ఉద్యోగులు ఎన్నో సమస్యలు ఎదుర్కొంటున్నారు. వాటి పరిష్కారంపై దృష్టి పెట్టకుండా, ప్రభుత్వాన్ని ప్రశ్నించకుండా మీరు రాజకీయంగా ఎదగాలనుకుంటున్నారు. మీరు సభలు నిర్వహిస్తే మేము రావాలా? మీ ఎదుగుదల కోసం మమ్మల్ని వాడుకుంటారా?’’ అని ఏపీ ఎన్జీవో సంఘం అధ్యక్షుడు అశోక్‌బాబుపై ప్రభుత్వ ఉద్యోగులు ఆగ్రహం వ్యక్తం చేస్తున్నారు. ఈ నెల 23వ తేదీన గుంటూరులో సభ నిర్వహించాలని అశోక్‌బాబు నిర్ణయించిన సంగతి తెలిసిందే. ప్రభుత్వంలో నామినేటెడ్‌ పదవి కోసమే ఆయన ఈ సభ తలపెట్టారని ఉద్యోగులు ఆరోపిస్తున్నారు. నాలుగున్నరేళ్లుగా ఉద్యోగుల సమస్యలను పరిష్కరించకుండా ముఖ్యమంత్రికి వంతపాడిన ఆయన ఇప్పుడు గుంటూరులో సభ పేరుతో డ్రామాలు ఆడుతున్నారని తీవ్రంగా విమర్శిస్తున్నారు. రాజకీయాల్లో దిగేందుకే తమను వాడుకుంటున్నారని మండిపడుతున్నారు. టీడీపీ ప్రభుత్వానికి, అశోక్‌బాబుకు మధ్య ఉన్న సన్నిహిత సంబంధాల గురించి అందరికీ తెలుసని అంటున్నారు. ఏం చేశారని మీ వెంట రావాలి?   ఏపీ ఎన్జీవో సంఘం అధ్యక్షుడు అశోక్‌బాబుకు పలువురు ఉద్యోగులు లేఖాస్త్రాలు సంధించారు. తమ సంక్షేమం కోసం ఇప్పటిదాకా మీరేం చేశారని మీ వెంట నడవాలని అశోక్‌బాబును నిలదీశారు. లేఖల్లోని కీలక అంశాలవీ... ⇒ మీరు(అశోక్‌బాబు) మీ అవసరాల కోసం ఎన్నోసార్లు ముఖ్యమంత్రిని కలిశారు. ఒక్కసారైనా కాంట్రాక్టు ఉద్యోగుల క్రమబద్ధీకరణ గురించి మాట్లాడారా? ⇒ జీవో నెం.27ను విడుదల చేసి కాంట్రాక్టు ఉద్యోగుల హక్కులను ప్రభుత్వం కాలరాస్తుంటే.. ఆ జీవోను మీరు సమర్థించినందుకు మీ వెంట రావాలా? ⇒ కాంట్రాక్టు సిబ్బంది క్రమబద్ధీకరణ కోసం ఒక్కసారైనా మంత్రివర్గ ఉపసంఘాన్ని కలిశారా?   ⇒ సీపీఎస్‌ రద్దు గురించి ఏరోజైనా మీరు ముఖ్యమంత్రితో మాట్లాడిన సందర్భాలున్నాయా? ⇒ సీపీఎస్‌ కోసం కమిటీ వేసి కాలయాపన చేయండని ముఖ్యమంత్రికి చెప్పిన మాట వాస్తవం కాదా? ⇒ జీవో నెం.27తో లబ్ధి పొందిన అతికొద్ది మందితో మీరు సన్మానాలు చేయించుకోవడం నిజం కాదా? ⇒ ప్రభుత్వ ఉద్యోగులకు 15వ పీఆర్‌సీ జాప్యం జరిగితే మధ్యంతర భృతి గురించి ఒక్కమాటైనా అడిగారా? అశోక్‌బాబును విశ్వసించడం లేదు ‘‘ప్రభుత్వ ఉద్యోగులెవరూ అశోక్‌బాబును విశ్వసించడం లేదు. ఆయన వెంట నడిచేవారు ఎవరూ లేరు. సీపీఎస్‌పై పూటకోమాట మాట్లాడుతున్నారు. నూతన పెన్షన్‌ విధానం రద్దు అనేది రాష్ట్ర ప్రభుత్వ పరిధిలోనే ఉంటుంది. ప్రభుత్వం ఇచ్చిన 653, 654, 655 జీవోలను రద్దు చేస్తే చాలు. అసెంబ్లీ తీర్మానం కూడా అవసరం లేదు’’   – పాలేల రామాంజనేయులు యాదవ్, అధ్యక్షులు, ఏపీ సీపీఎస్‌ ఎంప్లాయీస్‌ అసోషియేషన్‌ కాంట్రాక్టు ఉద్యోగులు ఇప్పుడే గుర్తొచ్చారా? ‘‘నాలుగున్నరేళ్లుగా కాంట్రాక్టు ఉద్యోగుల సమస్యల గురించి ఒక్కసారి కూడా మాట్లాడని అశోక్‌బాబు ఎన్నికలు దగ్గర పడుతున్న సమయంలో సభలు నిర్వహించి, ఉద్యోగులను రమ్మని చెప్పడం హాస్యాస్పదంగా ఉంది. నాలుగున్నరేళ్లుగా ఆయనకు కాంట్రాక్టు ఉద్యోగుల సమస్యలు, వారి పోరాటాలు కనిపించలేదా? ఇప్పుడే గుర్తొచ్చాయా? – ఏవీ శేషయ్య, కాంట్రాక్టు ఉద్యోగుల సంఘం జిల్లా అధ్యక్షులు, నెల్లూరు

సాక్షి, అమరావతి: బీసీలకు 1/3 వంతు నామినేటెడ్‌ పోస్టులు ఇస్తామని చెప్పిన చంద్రబాబు.. అధికారంలోకి వచ్చాక ఆ విషయాన్ని పూర్తిగా విస్మరించారని వైఎస్సార్‌ సీపీ బీసీ విభాగం రాష్ట్ర అధ్యక్షుడు జంగా కృష్ణమూర్తి విమర్శించారు. శుక్రవారం విజయవాడలోని ఐవీ ప్యాలెస్‌లో విజయవాడ పార్లమెంట్‌ నియోజకవర్గ బీసీ కులాల అధ్యయన కమిటీ సమావేశం జరిగింది. సమావేశం అనంతరం జంగా విలేకరులతో మాట్లాడుతూ... టీడీపీ ప్రభుత్వ పాలనలో అన్ని వర్గాల ప్రజలూ బాధలు పడుతున్నారన్నారు. ముఖ్యంగా బీసీలను టీడీపీ వాడుకుని వదిలేసిందని విమర్శించారు. చంద్రబాబు సర్కారు విద్యా విధానాన్ని సర్వనాశనం చేసిందన్నారు. సంక్షేమ హాస్టళ్లను మూసివేసిందని ధ్వజమెత్తారు. వైఎస్సార్‌ ఫీజు రీయింబర్స్‌మెంట్‌ పథకం ద్వారా పేద విద్యార్థులకు ఉచితంగా ఉన్నత చదువులు అభ్యసించే అవకాశం కల్పించారని, చంద్రబాబు సర్కారు ఈ పథకానికి తూట్లు పొడుస్తోందని ధ్వజమెత్తారు. నిరుద్యోగులకు రూ.2 వేల నిరుద్యోగ భృతి ఇస్తామని చెప్పి, ఇప్పుడు నాలుగున్నరేళ్ల తర్వాత కేవలం లక్షన్నర మందికి రూ.వెయ్యి  ఇస్తున్నారన్నారు. బీసీల్లో సంచార జాతులు దీనావస్థలో ఉన్నాయని, వారికి కనీస సౌకర్యాలు కల్పించడంలో ప్రభుత్వం విఫలమైందన్నారు. అధ్యయన కమిటీ దృష్టికి వచ్చిన సమస్యలపై పూర్తి స్థాయిలో అధ్యయనం చేసిన తరువాత తమ పార్టీ అధ్యక్షుడు వైఎస్‌ జగన్‌మోహన్‌రెడ్డికి నివేదిక అందజేస్తామని తెలిపారు. మాజీ మంత్రి, అధ్యయన కమిటీ సభ్యులు నర్సేగౌడ్‌ మాట్లాడుతూ.. వైఎస్‌ జగన్‌ హామీ ప్రకారం ప్రతి కులానికి కార్పొరేషన్‌ ఏర్పాటు చేసి పేదవారికి సాయం చేస్తామని చెప్పారు. రిటైర్డ్‌ జడ్జి కృష్ణప్ప మాట్లాడుతూ.. ఎన్నికల సమయంలో బీసీలను మోసం చేసేందుకు చంద్రబాబు బీసీ అధ్యయన కమిటీ వేసినట్లు ఆరోపించారు. వైఎస్పార్‌ సీపీ బీసీ అధ్యయన కమిటీ సభ్యులు అవ్వారు ముసలయ్య మాట్లాడుతూ.. పార్టీలతో సంబంధం లేకుండా బీసీ కులాల వారు అధ్యయన కమిటీ వద్దకు వచ్చి సమస్యలు చెబుతున్నారన్నారు. వాటిపై అధ్యయనం చేసి నివేదిక ఇస్తామన్నారు. సమావేశంలో పార్టీ నేతలు మల్లాది విష్ణు, వెల్లంపల్లి శ్రీనివాస్, వసంత కృష్ణప్రసాద్, సామినేని ఉదయభాను, జోగి రమేష్, రక్షణ నిధి, మహమ్మద్‌ ఇక్బాల్, చిమటా సాంబు, బొమ్మన శ్రీనివాస్, కర్నాటి ప్రభాకర్, దుర్గారావుగౌడ్, విజిత, మహబూబ్, మీసాల రంగన్న  పాల్గొన్నారు.

ఆస్కార్‌ అవార్డ్స్‌ వేడుకకు దాదాపు ఆరు నెలల టైమ్‌ ఉంది. కానీ ఆ వేడుకకు సంబంధించిన కార్యక్రమాలు మాత్రం అప్పుడే మొదలైనట్లు ఉన్నాయి. ‘వాట్‌ విల్‌ పీపుల్‌ సే’ సినిమా  91వ అకాడమీ అవార్డ్స్‌ నామినేషన్‌ ఎంట్రీకి ఎంపికైందని వార్తలు వస్తున్నాయి. ఇరామ్‌ హాక్‌ దర్శకత్వం వహించారు. ఇందులో మారియా, అదిల్‌ హుస్సేన్‌ కీలక పాత్రలు చేశారు. ఆస్కార్‌ విషయాన్ని హుస్సేన్‌ ఫేస్‌బుక్‌ ద్వారా వెల్లడించారు. ‘‘2019 ఆస్కార్‌ అవార్డ్స్‌ నామినేషన్‌ ఆఫీషియల్‌ ఎంట్రీకి మా సినిమా ఎంపికైంది. మా సినిమా ఫారిన్‌ ఫిల్మ్‌ కేటగిరీ విభాగంలో నామినేషన్‌ దక్కించుకుంటుందని ఆశిస్తున్నాను. టీమ్‌ అందరికీ థ్యాంక్స్‌’’ అని పేర్కొన్నారు హుస్సేన్‌. 91వ ఆస్కార్‌ వేడుకలు 2019 ఫిబ్రవరి 24న జరగుతాయని వార్తలు వస్తున్నాయి.

సాక్షి ప్రతినిధి, కర్నూలు:  కర్నూలు నగర పాలక సంస్థ పరిధిలో అధికార పార్టీ నేతలు మరోసారి నామినేషన్‌ పనుల పర్వానికి తెరతీశారు. మొత్తం రూ.25 కోట్ల పనులను నామినేషన్‌పై కాజేసేందుకు పథక రచన చేశారు. ఇందుకోసం ఒక్కో పని విలువను రూ.5 లక్షలకే పరిమితం చేశారు. ఈ విధంగా మొత్తం 500 పనులను తీసుకునేందుకు రంగం సిద్ధం చేశారు. వీటిని అప్పగించేందుకు కాంట్రాక్టర్లను సైతం ముందుగానే ఎంపిక చేసుకున్నారు. వారి నుంచి ఏకంగా 20 శాతం కమీషన్‌ తీసుకునేందుకు ఇటు కర్నూలు, అటు పాణ్యం నియోజకవర్గ అధికార పార్టీ నేతలు నిర్ణయించుకున్నారు. ఎంపిక చేసుకున్న పనుల విషయంలోనూ అనేక విమర్శలు వ్యక్తమవుతున్నాయి. గతంలో చేసిన పనులతో పాటు సగం పూర్తి చేసిన వాటిని ఎంపిక చేసుకుని భారీగా కమీషన్లు దండుకునేందుకు ఎత్తుగడ వేసినట్లు  సమాచారం. గతంలో ఒకసారి నామినేషన్‌ పనుల రుచి మరిగిన అధికార పార్టీ నేతలు మరోసారి నిధులను ఆరగించేందుకు రంగం సిద్ధం చేశారు. కర్నూలు నగరంతో పాటు కల్లూరు అర్బన్‌ ప్రాంతంలో సీసీ రోడ్లు, మురుగుకాలువల నిర్మాణానికి మొత్తం 500 పనులను  నామినేషన్‌పై తీసుకునేందుకు గుర్తించారు. వీటి అంచనాలు కూడా ఇప్పటికే తయారుచేయించిన అధికారపార్టీ నేతలు..ఉన్నతాధికారుల నుంచి అనుమతి తీసుకునేందుకు యత్నిస్తున్నారు.   టెండర్లు లేకుండానే...  గతంలోనూ నామినేషన్‌పై పనులు చేపట్టారు. నామినేషన్‌పై పనులు అప్పగించాలంటే ఎంతో అత్యవసరమైనవై ఉండాలని మునిసిపల్‌ శాఖ డైరెక్టర్‌ కన్నబాబు మొదట్లో కొర్రీలు వేశారు. అత్యవసరమైనవి కాకపోతే.. టెండర్ల ద్వారానే చేపట్టవచ్చు కదా అని ప్రశ్నించారు. దీంతో మొదట్లో నామినేషన్‌ పనులకు బ్రేకులు పడ్డాయి. అయితే, చివరకు అధికార పార్టీ నేతల ఒత్తిళ్లే పనిచేశాయి. కర్నూలు, పాణ్యంకు చెందిన నేతలు అప్పట్లో సుమారు రూ.50 కోట్ల పనులను నామినేషన్‌పై తీసుకున్నారు. ఇవన్నీ కార్యకర్తలకు ఇచ్చేందుకేనని చెప్పి తీసుకున్న అధికార పార్టీ నేతలు.. ఆచరణలో మాత్రం కమీషన్లు దండుకున్నారు. పనులను కాస్తా తిరిగి కాంట్రాక్టర్లకే అప్పగించారు. ఒక్కో కాంట్రాక్టర్‌ నుంచి ప్రధాన నేతలకు రూ.25 వేల నుంచి రూ.30 వేల చొప్పున కమీషన్లు అందాయి. తిరిగి ఇప్పుడు మరోసారి కార్యకర్తల పేరుపై నామినేషన్‌ ప్రాతిపదికన పనులు తీసుకునేందుకు కర్నూలు, పాణ్యం నియోజకవర్గాలకు చెందిన అధికార పార్టీ నేతలు పావులు కదుపుతున్నారు.   రూ.5 కోట్ల కమీషన్లు!  కర్నూలు కార్పొరేషన్‌లో ఏ టెండర్లు పిలిచినా గతంలో 15 శాతం వరకూ తక్కువ ధరకే వేసేవారు. అయితే, అధికార పార్టీ నేత  రంగంలోకి దిగిన తర్వాత ప్రతి టెండరు తనకు మాత్రమే దక్కేలా చేసుకోవడంతో పాటు రింగుకు పాల్పడుతున్నారు. ఫలితంగా ఒక్కో టెండరు 5 నుంచి 10 శాతం వరకూ అధిక ధరకు వేసే పరిస్థితి ఏర్పడింది. దీనివల్ల కార్పొరేషన్‌ ఖజానాకు గండి పడుతోంది. ఇప్పుడు నామినేషన్లపై తీసుకునే పనులకు కూడా టెండర్లను పిలిస్తే 15 శాతం వరకూ తక్కువ ధరకే చేపట్టేందుకు కాంట్రాక్టర్లు ముందుకొచ్చే అవకాశం ఉంది. అయితే, అధికార పార్టీ నేతల పేరుతో తీసుకోనుండడంతో అంచనా ధరకే పనులను అప్పగించనున్నారు. అది కూడా ఎంపిక చేసిన వారికి నామినేషన్‌పై మాత్రమే. ఇక్కడ ఇంజినీర్లతో ముందుగానే కుమ్మక్కై చేసిన పనులకే తిరిగి అంచనాలు వేయించడంతో పాటు అధికంగా కూడా వేయించి భారీగా దండుకోనున్నారు. మొత్తం 500 పనులకు గానూ ఒక్కో పని అంచనా విలువ రూ.5 లక్షలుగా నిర్ణయించిన నేపథ్యంలో  మొత్తం రూ.25 కోట్ల పనుల్లో 20 శాతం కమీషన్‌ అంటే రూ.5 కోట్ల మేర దండుకునేందుకు ఇద్దరు అధికార పార్టీ నేతలు సిద్ధమయ్యారు.

న్యూఢిల్లీ/భువనేశ్వర్‌: ఇటీవల ఖాళీ అయిన నాలుగు రాజ్యసభ నామినేటెడ్‌ స్థానాలు భర్తీ అయ్యాయి. ఆరెస్సెస్‌ సిద్ధాంతకర్త రాకేశ్‌ సిన్హా, లోక్‌సభ మాజీ సభ్యుడు రామ్‌ సకల్,  సంప్రదాయ నృత్యకారిణి సోనాల్‌ మాన్‌సింగ్, శిల్పి రఘునాథ్‌ మహాపాత్రోలు రాజ్యసభకు నామినేట్‌ అయ్యారు. ప్రభుత్వ సలహా మేరకు రాష్ట్రపతి కోవింద్‌ వీరిని ఎగువ సభకు నామినేట్‌ చేసినట్లు ప్రధాని కార్యాలయం(పీఎంవో) ప్రకటించింది. ఇటీవలే పదవీకాలం ముగిసిన  క్రీడాకారుడు సచిన్, నటి రేఖ, న్యాయవాది పరాశరణ్, సామాజిక కార్యకర్త అను ఆగాల స్థానంలో వీరిని ఎంపికచేశారు. వీరి పదవీకాలం 2024లో ముగుస్తుంది. రామ్‌ సకల్‌: యూపీలోని రాబర్ట్స్‌గంజ్‌ నియోజక వర్గం నుంచి 3సార్లు లోక్‌సభ సభ్యుడిగా ఎన్నికయ్యారు. ఎంపీగా రామ్‌ సకల్‌ దళితులు, రైతులు, కార్మికుల సంక్షేమం కోసం పోరాడారని పీఎంవో కొనియాడింది. రాకేశ్‌ సిన్హా: ఆరెస్సెస్‌ సిద్ధాంతకర్త అయిన సిన్హా ఢిల్లీ కేంద్రంగా పనిచేస్తున్న మేధో సంస్థ ‘ఇండియా పాలసీ ఫౌండేషన్‌’ని స్థాపించారు. ఢిల్లీ వర్సిటీ అనుబంధ కళాశాల మోతీలాల్‌ నెహ్రూ కాలేజ్‌లో ప్రొఫెసర్‌గా పనిచేస్తున్నారు. ఇండియన్‌ కౌన్సిల్‌ ఆఫ్‌ సోషల్‌ సైన్స్‌ రీసెర్చ్‌ (ఐసీఎస్‌ఎస్‌ఆర్‌)లో సభ్యుడిగా కొనసాగుతున్నారు. రఘునాథ్‌ మహాపాత్రో: 1959 నుంచి శిల్పకళలో విశేష కృషి చేస్తూ అంతర్జాతీయంగా పేరుప్రఖ్యాతులు సంపాదించారు. పూరీజగన్నాథ ఆలయ సుందరీకరణలో పాలుపంచుకున్నారు. పార్లమెంట్‌ సెంట్రల్‌ హాల్‌లోని ఆరు అడుగుల సూర్య భగవానుడి రాతి శిల్పం ఈయన సృష్టే. పద్మశ్రీ, పద్మ భూషణ్‌ పురస్కారాలు లభించాయి. సోనాల్‌ మాన్‌సింగ్‌: ఆరు దశాబ్దాలుగా భరతనాట్యం, ఒడిస్సీ కళారూపాల్లో సేవలందిస్తున్నారు. వక్త, సామాజిక కార్యకర్త కూడా అయిన ఈమె పద్మ విభూషణ్‌ పురస్కారం పొందారు.

న్యూఢిల్లీ : వివిధ రంగాలకు చెందిన నలుగురు ప్రముఖులను రాష్ట్రపతి రామ్‌నాథ్‌ కోవింద్‌ శనివారం రాజ్యసభకు నామినేట్‌ చేశారు. రాజ్యసభకు నామినేట్‌ అయిన వారిలో దళిత నాయకుడు రామ్‌ శకల్‌,  ప్రముఖ కాలమిస్ట్‌ రాకేశ్‌ సిన్హా, శిల్పకారుడు రఘనాథ్‌ మహాపాత్ర, క్లాసికల్‌ డ్యాన్సర్‌ సోనాల్‌ మన్‌సింగ్‌ ఉన్నారు.  ప్రధానమంత్రి సూచన మేరకు సాహిత్యం, కళ, సైన్స్‌, సామాజిక సేవా రంగాలకు చెందిన 12 మందిని రాజ్యసభకు నామినేట్‌ చేసే అధికారం రాష్ట్రపతికి ఉంది. కాగా ఈ ఏడాది ఏప్రిల్‌లో నలుగురు రాజ్యసభ సభ్యుల పదవీ కాలం పూర్తయిన సంగతి తెలిసిందే. దీంతో వారి స్థానంలో కొత్తగా నలుగురు సభ్యులను కోవింద్‌ నామినేట్‌ చేశారు. 1. రామ్‌ శకల్‌ : రామ్‌ శకల్‌ ఉత్తరప్రదేశ్‌లోని రాబర్ట్‌గంజ్‌ నియోజకవర్గం నుంచి మూడు సార్లు పార్లమెంట్‌ సభ్యునిగా పనిచేశారు. రైతు నాయకుడిగా ఉన్న శకల్‌ రైతుల, కూలీల, వలసదారుల హక్కుల కోసం పోరాడుతున్నారు. 2. రాకేశ్‌ సిన్హా : ఆరెస్సెస్‌ భావజాలం కలిగిన సిన్హా ఇండియన్‌ పాలసీ పౌండేషన్‌ను స్థాపించారు. కాలమిస్ట్‌గా సిన్హా తన ప్రత్యేకతను చాటుకున్నారు. అంతేకాకుండా ఢిల్లీ యూనివర్సిటీ పరిధిలోని మోతీలాల్‌ నెహ్రూ కళాశాలలో ప్రొఫెసర్‌గా విధులు నిర్వహిస్తున్నారు. రచయితగా కూడా పలు పుస్తకాలు రచించారు.   3. రఘునాథ్‌ మహాపాత్ర : రఘునాథ్‌ తన శిల్పకళతో ప్రపంచవ్యాప్త గుర్తింపుపొందారు. 1959 నుంచి ఆయన శిల్పిగా కొనసాగుతున్నారు. ఆయనకు రెండు వేల మందిపైగా శిష్యులున్నారు. శ్రీ జగన్నాథ ఆలయం సుందరీకరణ కోసం ఆయన పనిచేశారు. భారత ప్రభుత్వం రఘునాథ్‌ను 2001లో పద్మభూషణ్‌తో, 2013 పద్మ విభూషణ్‌తో సత్కరించింది. ఆయన ప్రస్తుతం ఒడిశా లలితకళ అకాడమీకి  చైర్మన్‌గా ఉన్నారు. 4. సోనాల్‌ మన్‌సింగ్‌ :  మన్‌సింగ్‌ ఆరు దశాబ్దలకు పైగా శాస్త్రీయ నృత్యంలో కొనసాగుతున్నారు. ఆమె కొరియోగ్రాఫర్‌గా, టీచర్‌గా, సంఘ సేవకురాలుగా సేవలు అందించారు. 1977లో ఢిల్లీలో సెంటర్‌ ఫర్‌ ఇండియన్‌ క్లాసికల్‌ డ్యాన్సెస్‌ నెలకొల్పారు. శాస్త్రీయ నృత్యంలో ఆమె సేవలకు గాను భారత ప్రభుత్వం 1992లో పద్మభూషణ్‌, 2003లో పద్మవిభూషణ్‌తో గౌరవించింది. మన్‌సింగ్‌ 1977లో సంగీత నాటక అకాడమీ అవార్డు కూడా సొంతం చేసుకున్నారు.

సాక్షి, అమరావతి : నామినేటెడ్‌ çపదవుల పంపకం తీరుపై అధికార తెలుగుదేశం పార్టీలో తీవ్ర అసంతృప్తి వ్యక్తమవుతోంది. పైస్థాయిలో ముఖ్య నాయకులకు పదవులు కట్టబెడుతూ తమను మాత్రం పట్టించుకోవడం లేదని ద్వితీయ శ్రేణి నేతలు ఆగ్రహం వ్యక్తం చేస్తున్నారు. పార్టీ జెండాను మోస్తున్న తమను టీడీపీ అధిష్టానం గుర్తించడం లేదని, ఎదురుచూపులతోనే నాలుగేళ్ల కాలం గడచిపోయిందని వాపోతున్నారు. టీడీపీ ప్రభుత్వ పదవీ కాలం ఇంకా సంవత్సరం మాత్రమే మిగిలి ఉంది. ఇప్పటికైనా తమకు న్యాయం చేయాలని కింది స్థాయి నాయకులు కోరుతున్నారు. నామినేటెడ్‌ పదవుల కేటాయింపు కోసం పార్టీ కార్యాలయంలో ఏర్పాటు చేసిన వ్యవస్థ దారుణంగా వ్యవహరిస్తోందని, పార్టీ కోసం అహర్నిశలూ కష్టపడుతున్న తమను చిన్నచూపు చూస్తున్నారని నాయకులు ఆవేదన వ్యక్తం చేస్తున్నారు. పదవుల కేటాయింపును పర్యవేక్షిస్తున్న ఎమ్మెల్సీ వీవీవీ చౌదరి ఇష్టారాజ్యంగా వ్యవహరిస్తున్నారనే ఆరోపణలు ఇటీవల ఎక్కువయ్యాయి.  సిఫార్సులున్నా పోస్టులు కష్టమే   నామినేటెడ్‌ పదవులు కావాలంటే దరఖాస్తులు పెట్టుకోవాలని టీడీపీ అధిష్టానం కిందిస్థాయి నాయకులకు సూచించింది. దీంతో వేలాదిగా దరఖాస్తులు వచ్చాయి. అయితే, వాటిని పెద్దగా పట్టించుకోవడం లేదు. ఏ పదవికైనా స్థానిక ఎమ్మెల్యే లేదా అక్కడి టీడీపీ ఇన్‌ఛార్జి సిఫార్సు లేఖ ఇవ్వాల్సిందే.జిల్లాలోని మంత్రులు, పార్టీ ఎమ్మెల్యేలు, ఎంపీల సిఫార్సు లేఖలను కూడా తీసుకురావాలంటున్నారు. వారిలో ఎవరైనా లేఖ ఇవ్వకపోయినా, ఏదైనా అభ్యంతరం వ్యక్తం చేసినా సదరు ఆశావహుడిని పక్కన పెట్టేస్తున్నారు. నానా తిప్పలు పడి అందరి లేఖలను సంపాదించినా పదవులు వస్తాయన్న నమ్మకం లేకుండా పోయిందని నాయకులు నిరాశకు లోనవుతున్నారు.  ప్రతి పదవికీ రేటు  ఎమ్మెల్సీ, కార్పొరేషన్‌ ౖచైర్మన్లు, దేవాలయాల పాలక మండళ్ల చైర్మన్‌ పోస్టులను గత ఎన్నికల్లో ఓడిపోయిన నేతలతో భర్తీ చేశారు. పయ్యావుల కేశవ్, మాగుంట శ్రీనివాసులురెడ్డి, దీపక్‌రెడ్డి, బీటెక్‌ రవి, వాకాటి నారాయణరెడ్డి, ఇతర పార్టీల నుంచి వచ్చిన జూపూడి ప్రభాకర్, డొక్కా మాణిక్యవరప్రసాద్‌కు ఎమ్మెల్సీ పదవులు ఇచ్చారు. కార్పొరేషన్‌ చైర్మన్‌ పోస్టులను వర్ల రామయ్య, జేఆర్‌ పుష్పరాజ్, చల్లా రామకృష్ణారెడ్డికి కట్టబెట్టారు. కార్పొరేషన్లు, ఆలయ పాలకవర్గాల్లో డైరెక్టర్లు, సభ్యులుగా కిందిస్థాయిలో ఎమ్మెల్యేలు సిఫార్సు చేసిన వారిని నియమించారు. మార్కెట్‌ యార్డుల ఛైర్మన్, డైరెక్టర్‌ పదవులను ఎమ్మెల్యేల ఇష్ట్రపకారం భర్తీ చేశారు. నామినేటెడ్‌ పదవులను ముఖ్య నాయకులకు సన్నిహితులైన వారికే కట్టబెట్టారని, తమను కనీసం పరిగణనలోకి తీసుకోలేదని కింది స్థాయి నాయకులు మండిపడుతున్నారు. గతంలో వెనుకబడిన తరగతుల(బీసీ)కు ఎక్కువ పదవులు లభించేవని, ప్రస్తుతం ఒకే సామాజికవర్గానికి పదవులన్నీ అప్పగిస్తున్నారని అసంతృప్తి వ్యక్తం చేస్తున్నారు. తమకు ఇప్పటికైనా అవకాశం ఇవ్వాలని మంత్రులు, ఎమ్మెల్యేలు, ముఖ్యనేతల చుట్టూ తిరుగుతున్నారు. ప్రతి పదవికీ ఒక ధర నిర్ణయించారని, పార్టీ కార్యాలయంలో ఆ మేరకు డబ్బులు చెల్లించినవారికే నామినేటెడ్‌ పోస్టులు దక్కుతున్నాయని నాయకులు ఆరోపిస్తున్నారు. 

సాక్షి ప్రతినిధి, న్యూఢిల్లీ: రాజ్యసభలో నామినేటెడ్‌ సభ్యుల ఖాళీలను భర్తీ చేసే దిశగా కేంద్రం ప్రయత్నాలు ప్రారంభించింది. క్రికెటర్‌ సచిన్‌ టెండూల్కర్, సినీ నటి రేఖ, పారిశ్రామికవేత్త అను ఆఘా ఇటీవలే రిటైర్‌ అయ్యారు. సీనియర్‌ లాయర్‌ కే పరాశరన్‌ నేడు(శుక్రవారం) రాజ్యసభ నుంచి రిటైర్‌ కానున్నారు. దీంతో ప్రస్తుతం రాజ్యసభలో నామినేటెడ్‌ సభ్యుల ఖాళీల సంఖ్య నాలుగుకి చేరనుంది. ఈ నేపథ్యంలో బీజేపీ ఎవరిని రాజ్యసభకు నామినేట్‌ చేయనుందనే విషయంలో పలు ఊహాగానాలు వినిపిస్తున్నాయి. వర్షాకాల సమావేశాలు ప్రారంభమయ్యే జూలై 18 నాటికి కొత్త సభ్యుల నియామకంపై ఒక స్పష్టత వస్తుందని భావిస్తున్నారు. రాజ్యసభలో మొత్తం 12 మంది నామినేటెడ్‌ సభ్యులుంటారు. మాజీ సీజేఐ, ఆర్మీ మాజీ చీఫ్‌ పేర్లు! రాజ్యసభకు నామినేట్‌ అయ్యే అవకాశమున్న వారిలో మాజీ క్రికెటర్‌ కపిల్‌ దేవ్, సుప్రీంకోర్టు మాజీ ప్రధాన న్యాయమూర్తి ఆర్‌సీ లహోటియా, ఆర్మీ మాజీ చీఫ్‌ దల్బీర్‌ సింగ్, రాజ్యాంగ వ్యవహారాల నిపుణుడు సుభాష్‌ కాశ్యప్, బాలీవుడ్‌ నటి మాధురీ దీక్షిత్‌.. తదితరుల పేర్లు బీజేపీ వర్గాల్లో ఇప్పుడు ప్రధానంగా వినిపిస్తున్నాయి. దాదాపు వీరందరినీ ఇటీవల బీజేపీ అధ్యక్షుడు అమిత్‌ షా కలిశారు. ‘సంపర్క్‌ సే సమర్థన్‌’ కార్యక్రమంలో భాగంగా ప్రముఖ పారిశ్రామికవేత్త రతన్‌ టాటా, క్రీడాకారుడు మిల్ఖా సింగ్, జర్నలిస్ట్‌ కుల్దీప్‌ నయ్యర్, యోగా గురు బాబా రామ్‌దేవ్, జస్టిస్‌ ఆర్‌సీ లహోటియా, మాజీ ఆర్మీ చీఫ్‌ దల్బీర్‌ సింగ్‌  సహా పలువురు ప్రముఖులను అమిత్‌ షా కలిసిన విషయం తెలిసిందే. హరియాణాకు చెందిన మాజీ క్రికెటర్‌ కపిల్‌ దేవ్‌కు, అలాగే, ఇటీవలి కాలం వరకు హీరోయిన్‌గా వెండితెరపై మెరిసిన మాధురీ దీక్షిత్‌కు దేశవ్యాప్తంగా అభిమానులున్న విషయాన్ని బీజేపీ పరిగణనలోకి తీసుకుందని పార్టీ వర్గాలు చెబుతున్నాయి.

‘టారస్‌ వరల్డ్‌ స్టంట్‌ అవార్డ్స్‌’ పేరుతో ప్రతి సంవత్సరం వరల్డ్‌ మూవీస్‌లోని బెస్ట్‌ స్టంట్‌ పెర్ఫార్మర్స్‌కు అవార్డ్స్‌ ప్రకటిస్తారు. ఈ ఉత్సవం లాస్‌ ఏంజెల్స్‌లో జరుగుతుంది. విశేషం ఏంటంటే.. ‘బెస్ట్‌ యాక్షన్‌ ఇన్‌ ఏ ఫారిన్‌ ఫిల్మ్‌ కేటగిరీ’లో ‘హలో’ సినిమా నామినేట్‌ అయింది. ఈ సందర్భంగా చిత్రదర్శకుడు విక్రమ్‌ కె. కుమార్‌ మాట్లాడుతూ – ‘‘హలో’ సినిమా ‘టారస్‌ వరల్డ్‌ అవార్డ్స్‌ క్యాటగిరీలో నామినేట్‌ అవ్వడం చాలా హ్యాపీగా ఉంది. నాగార్జున సార్, యాక్షన్‌ డైరెక్టర్‌ బాబ్‌ బ్రౌన్, కెమెరామేన్‌ పీయస్‌ వినోద్, ఎడిటర్‌ ప్రవీణ్‌ పూడి, సంగీతదర్శకుడు అనూప్‌ రూబెన్స్‌లకు థ్యాంక్స్‌. ఈ సినిమాలో యాక్షన్ సీక్వెన్స్‌ బాగా రావడానికి మీరంతా కారణం. లాస్ట్‌ బట్‌ నాట్‌ లీస్ట్‌.. అఖిల్‌.. నీ డెడికేషన్, హార్డ్‌ వర్క్, నీ యాటీట్యూడ్‌ నిన్ను కొత్త హైట్స్‌కు తీసుకువెళ్తాయి. ఎప్పుడూ ఇలానే ఉండు’’ అని పేర్కొన్నారు. ఇదిలా ఉంటే.. నామినేషన్‌ అయితే సంపాదించుకుంది కానీ ‘హలో’కి అవార్డు దక్కలేదు. చైనీస్‌ మూవీ ‘ఉల్ఫ్‌ వారియర్‌ 2’కి అవార్డు దక్కింది. ఏది ఏమైనా ‘ప్రపంచ సినిమాలు’ పోటీ పడే అవార్డ్స్‌లో ఓ ఇండియన్‌ మూవీ నామినేషన్‌ వరకూ వెళ్లడం గొప్ప అని సినిమా లవర్స్‌ అంటున్నారు.

సాక్షి, బెంగుళూరు : కర్ణాటక ఎన్నికల్లో అత్యంత ఆశ్చర్యకరమైన సంఘటన ఏదైనా ఉందంటే అది స్వయానా ముఖ్యమంత్రి అభ్యర్ధి కొడుకు చివరి నిమిషంలో నామినేషన్‌ను వేయకుండా వెనుదిరగడం. కర్ణాటక బీజేపీ ముఖ్యమంత్రి అభ్యర్ధి బీఎస్‌ యడ్యూరప్ప కుమారుడు బీవై విజయేంద్ర నామినేషన్‌ దాఖలు చేయడం కోసం అని ఏర్పాట్లు పూర్తి చేసుకున్నారు. కానీ చివరకు నామినేషన్‌ వేయలేదు. ఈ విషయం గురించి ఎన్నో అనుమానాలు, పుకార్లు వినిపించనప్పటికి విజయేంద్ర మాత్రం ఇంతవరకు నోరు మెదపలేదు. కానీ ఈమధ్యే ఓ ప్రముఖ టీవీ చానెల్‌కు ఇచ్చిన ఇంటర్వ్యూలో దీని వెనుక గల కారణాలను బయటపెట్టారు. ఈ విషయం గురించి మాట్లాడుతూ.. ‘ఆ రోజు(ఏప్రిల్‌ 23) ఉదయం 11 గంటల ప్రాంతంలో మా నాన్నకు ఒక ఫోన్‌ కాల్‌ వచ్చింది. ఆ కాల్‌ మాట్లడిన తరువాత మా నాన్న నన్ను నామినేషన్‌ వేయవద్దని చెప్పారు. నాన్న మాట ప్రకారం నేను నా నామినేషన్‌ను రద్దు చేసుకున్నాను. తర్వాత యధావిధిగా మిగతా కార్యక్రమాలు పూర్తి చేసుకుని వచ్చాను. ఈ విషయం గురించి నేను మా నాన్నను ఏమి అడగలేదు. ఒకవేళ అధిష్టానం నిర్ణయం మేరకు మా నాన్న ఆ నిర్ణయం తీసుకుని ఉంటారనుకుంటున్నాను. అయితే ఈ విషయం గురించి నాకు కచ్చితంగా తెలియదు. ఆ రోజు నుంచి ఇప్పటి వరకూ నేను ‘ఫోన్‌ చేసింది ఎవర’ని మా నాన్నని అడగలేదు అని తెలిపారు. ఈ విషయం వల్ల తనకు దిగ్భ్రాంతి కంటే అధికంగా బాధ కలిగిందని తెలిపారు. దీనంతటికి కారణం తమ పార్టీలో చేరిన కాంగ్రెస్‌​ పార్టీ కార్యకర్తలే అన్నారు. బీజేపీ ముఖ్యమంత్రి అభ్యర్ది కొడుకునే నామినేషన్‌ వేయకుండా ఆపితే పరిణామాలు ఎలా ఉంటాయో బీజేపీ అధిష్టానానికి తెలుసు. అయినా కూడా అంతటి సాహసం చేయడానికి ఒక బలమైన కారణమే ఉందని పార్టీ వర్గాలు తెలిపాయి. మోదీ కర్ణాటకలో ఎన్నికల ప్రచారం సందర్భంగా రాహుల్‌ గాంధీని, కాంగ్రెస్‌ పార్టీని ఉద్ధేశించి ‘కుటుంబ పాలన’, ‘రాజరిక’మని విమర్శించారు. ఇలాంటి తరుణంలో ముఖ్యమంత్రి అభ్యర్ది కొడుకును కూడా రాజకీయాల్లోకి తీసుకువస్తే అప్పుడు తమను విమర్శించడానికి ప్రతిపక్షానికి అవకాశం కల్పించినట్టు అవుతుందని భావించి విజయేందర్‌ను నామినేషన్‌ వేయకుండా ఆపారని తెలిపారు. విజయేందర్‌ మైసూరులోని వరుణ నియోజకవర్గం నుంచి పోటీ చేయాలని భావించారు. అందుకే అక్కడ కొన్ని వారాల పాటు ప్రచారం కూడా నిర్వహించారు. విజయేందర్‌కు పోటీగా కాంగ్రెస్‌ పార్టీ ముఖ్యమంత్రి అభ్యర్ధి సిద్దరామయ్య కుమారుడు కూడా ఇదే నిజయోకవర్గం నుంచి పోటీకి దిగారు. విజయేంద్ర నామినేషన్‌ వేయకపోవడంతో బీజేపీ కార్యకర్తలు ఆ రోజు రాత్రంతా నిరసన తెలుపుతూ కుర్చీలు విరగొట్టి బీభత్సం సృష్టించిన సంగతి తెలిసిందే.

సాక్షి, హైదరాబాద్‌: గ్రేటర్‌ హైదరాబాద్‌ కార్పొరేషన్‌సహా రాష్ట్రంలోని ఇతర నగరాలు, పట్టణాల్లో అత్యవసర పనులను నామినేషన్‌ పద్ధతిలో చేపట్టేందుకు ప్రభుత్వం అనుమతిచ్చింది. జీహెచ్‌ఎంసీలో రూ.25 లక్షలు, ఇతర కార్పొరేషన్లలో రూ.10 లక్షలు, మునిసిపాలిటీల్లో రూ.5 లక్షలలోపు అంచనా వ్యయం కలిగిన ‘అత్యవసర’పనులను నామినేషన్‌ విధానంలో చేపట్టేందుకు ఆయా సంస్థల అధికారులకు ప్రత్యేకాధికారాలను కట్టబెట్టింది. ఇటీవల రాష్ట్రంలో వడగండ్ల వాన సృష్టించిన బీభత్సం దృష్ట్యా ప్రస్తుత మే నుంచి వచ్చే సెప్టెంబర్‌ వరకు రాష్ట్రంలో కురిసే వర్షాలు, వడగండ్లు, ఇతర ప్రకృతి వైపరీత్యాలతో దెబ్బతినే రోడ్లు, మురుగు నీటి కాల్వలు, నాలాలకు అత్యవసర మరమ్మతుల నిర్వహణ కోసం ఈ నిర్ణయం తీసుకుంది. ఈ మేరకు రాష్ట్ర పురపాలక శాఖ ముఖ్యకార్యదర్శి అరవింద్‌ కుమార్‌ శుక్రవారం ఉత్తర్వులు జారీ చేశారు. ప్రకృతి వైపరీత్యాల తర్వాత చేపట్టాల్సిన అత్యవసర పనులకే ఈ ప్రత్యేక అధికారాలను వినియోగించాలని, సెప్టెంబర్‌ 30 తర్వాత నామినేషన్ల విధానం కింద పనులకు పరిపాలనపర అనుమతులు జారీ చేయరాదని ఈ ఉత్తర్వుల్లో స్పష్టం చేశారు. తెలంగాణ రాష్ట్ర ఆవిర్భావం తర్వాత రాష్ట్రంలోని పురపాలికల్లో నామినేషన్‌ పనులపై నిషేధం విధిస్తూ ప్రభుత్వం ఉత్తర్వులు జారీ చేయగా, తాజా ఉత్తర్వుల ద్వారా తాత్కాలిక సడలింపులు ఇచ్చింది.

సాక్షి, ముంబై: భారత మాజీ కెప్టెన్‌, టీమిండియా అండర్‌-19 కోచ్‌ రాహుల్‌ ద్రవిడ్‌ పేరును ద్రోణాచార్య అవార్డుకు నామినేట్‌ చేయటం వివాదాస్పదంగా మారింది. ఏకంగా బీసీసీఐలోనే ఈ వ్యవహారం చీలిక తీసుకొచ్చింది. కోచ్‌గా అంతగా అనుభవం లేని వ్యక్తిని ప్రతిష్టాత్మక అవార్డుకు నామినేట్‌ ఎలా చేస్తారంటూ ఓ వర్గం అభ్యంతరం లేవనెత్తగా.. మరో వర్గం ద్రవిడ్‌ పేరును బలపరుస్తోంది. ‘ద్రవిడ్‌ను ద్రోణాచార్య పురస్కారానికి నామినేట్‌ చేయటం సమంజసం కాదు. కోచ్‌గా కనీసం ఆయనకు మూడేళ్ల అనుభవం కూడా లేదు. ఈ నిర్ణయం ఆటగాళ్లను చిన్నతనంలోనే సానబెట్టే గురువులకు అన్యాయం చేయటమే అవుతుంది. అలాగని ద్రవిడ్‌ బీసీసీఐకి అందిస్తున్న సేవలను నేను తక్కువ చేయటం లేదు. కానీ, ఆయనను అవార్డుకు నామినేట్‌ చేయటం మాత్రం సమంజం కాదని చెబుతున్నా’ అని బీసీసీఐ అధికారి ఒకరు తెలిపారు.  సుప్రీం కోర్టు నియమించిన అడ్మినిస్ట్రేటర్స్‌ కమిటీ మాత్రం ద్రవిడ్‌.. ద్రోణాచార్య అవార్డుకు అన్ని విధాల అర్హుడంటూ వాదిస్తోంది. కమిటీ చీఫ్‌ వినోద్‌ రాయ్‌ గురువారం ద్రవిడ్‌ పేరును నామినేట్‌ చేసినట్లు ప్రకటన చేసిన విషయం తెలిసిందే. ఆ సమయంలో రాయ్‌.. ద్రవిడ్‌పై ప్రశంసలు గుప్పించాడు. ఇక ఈ వ్యవహారం ముదరకుండా ఇరు వర్గాలు భేటీ కావాలని నిర్ణయించాయి. క్రీడా మార్గదర్శకాల ప్రకారం ఏదైనా ఆటలో 20 ఏళ్లు కోచ్‌గా అనుభవం ఉన్న వ్యక్తులనుగానీ లేదా తక్కువ సమయంలో గొప్ప ఆటగాళ్లను తయారు చేసే కోచ్‌ల పేర్లను ద్రోణాచార్య అవార్డుకు ప్రతిపాదించొచ్చు.

మండ్య: మండ్య నగరంలో ఐదు రూపాయల డాక్టర్‌గా ప్రసిద్ధి చెంది న డాక్టర్‌. ఎస్‌.సి. శంకరేగౌడ ఎన్నికల నాడిని పరీక్షిస్తున్నారు. సోమవారం ఆయన మండ్య స్వతంత్ర అభ్యర్థిగా నామినేషన్‌ దాఖలు చేశా రు. నగరంలోని బందీగౌడ లేఔట్‌లో ఉన్న నివాసం నుంచి కలెక్టర్‌ కార్యాలయానికి వెళ్లి అక్కడ ఉన్న మహా పురుషుల విగ్రహాలకు పూలహారం వేసి నివాళులర్పించారు. తరువాత తాలూకా పంచాయతీ కార్యాలయానికి వెళ్లి నామినేషన్‌ దాఖలు చేశారు. రోగుల నుంచి కేవలం ఐదు రూపాయలు ఫీజుగా తీసుకునే శంకరేగౌడ నామినేషన్‌ డిపాజిట్‌ నగదు రూ.10 వేలను కూడా ఐదు రూపాయల నాణేలనే ఇచ్చారు. 

మైసూరు :రాష్ట్రంలో జరుగుతున్న శాసన సభ ఎన్నికల్లో భాగంగా ప్రతిష్టాత్మకంగా ఉన్న చాముండేశ్వరి నియోజకవర్గానికి ప్రత్యేక స్థానం ఉంది. ఇక్కడి నుంచి సీఎం సిద్ధరామయ్య పోటీ చేస్తుండగా, జేడీఎస్‌ పార్టీ నుంచి జీటీ.దేవెగౌడ బరిలో ఉన్నారు. శుక్రవారం మంచి రోజు కావడంతో సీఎం సిద్దు నామినేషన్‌ దాఖలు చేయగా, జేడీఎస్‌ నుంచి జీటీ దేవెగౌడ సైతం  నామినేషన్‌ దాఖలు చేశారు. ఇదిలా ఉంటే ముందస్తుగా పోలీసులు సీఎం సిద్దరామయ్యకు నామినేషన్‌ దాఖలుకు మధ్యాహ్నం 12.30 గంటలకు సమయం కేటాయించారు. అదే సమయంలో జేడీఎస్‌ అభ్యర్థి జీటీ దేవెగౌడకు మధ్యాహ్నం 1.30 గంటలకు సమయం ఇచ్చారు.  సీఎం సిద్దు ఆలస్యంగా రావడంతో జీటీ దేవెగౌడ సహా ఆయన అభిమానులు, కార్యకర్తలు పోలీసులు ఇచ్చిన సమయానికి అక్కడికి చేరుకున్నారు. దీంతో కాంగ్రెస్, జేడీఎస్‌ కార్యకర్తల మధ్య మాటల యుద్ధం చెలరేగింది. పరిస్థితి అదుపు చేయడానికి పోలీసులు ఎంత ప్రయత్నించినా ఫలితం లేకపోవడంతో లాఠీచార్జ్‌ చేసి ఇరు పార్టీల కార్యకర్తలను అక్కడి నుంచి తరిమివేశారు. అనంతరం సీఎం సిద్దు భారీ బందోబస్తు మధ్య నామినేషన్‌ దాఖలు చేయగా అనంతరం జీటీ దేవెగౌడ కూడా నామినేషన్‌ దాఖలు చేసి వెళ్లిపోయారు.

సాక్షి ప్రతినిధి, నల్లగొండ : పార్టీ ఆవిర్భావంనుంచి కొనసాగుతున్న వారికీ ఎలాంటి పదవీయోగం దక్కక గులాబీ నేతలు ఆవేదన చెందుతున్నారు. దశాబ్ధంన్నరకుపైగా జెండా మోస్తున్న వారిలో చాలామందినీ ఆ పార్టీ అధినాయకత్వం కరుణించలేదు. టీఆర్‌ఎస్‌లో ముందునుంచీ ఉన్న నాయకులే కాకుండా, కాంగ్రెస్, టీడీపీ తదితర పార్టీల నుంచి ఏదో ఒక సందర్భంలో వచ్చి చేరిన వారికీ మొండిచేయే చూపారన్న అభిప్రాయం వ్యక్తమవుతోంది. ఇప్పటికీ పదవుల కోసం ఆశగా ఎదరుచూస్తున్న వారిలో పధ్నా లుగేళ్ల పాటు ఉద్యమంలో పాల్గొని, పార్టీలో కొనసాగుతున్న వారున్నారు. తెలంగాణ రాష్ట్రం కల సాకారం అయ్యాక, తొలిప్రభుత్వాన్ని ఉద్యమ పార్టీ టీఆర్‌ఎస్‌ ఏర్పాటు చేయడంతో ఈ నేతలంతా తమకు ఏదో ఒక పదవి దక్కక పోతుందా అని ఆశపడిన వారే. కానీ, నియోజకవర్గాల్లో ఉన్న గ్రూపు గొడవలు పదవుల భర్తీకి పెద్ద అడ్డంకిగా మారాయి. జిల్లాకు రాష్ట్రస్థాయి కార్పొరేషన్‌ పోస్టులు రెండు దక్కినా,  చాలా మందికి ఎలాంటి అవకాశం దక్కలేదు. జిల్లా గ్రంథాలయ సంస్థ, వివిధ దేవాలయాలకు పాలక మం డళ్లు నియమించారు. వివిధ వ్యవసాయ మార్కెట్‌ కమిటీల పాలకమండళ్ల నియామాకాల్లోనూ గ్రూపు రాజకీయాలు చోటు చేసుకోవడంతో కొన్ని ప్రధాన మార్కెట్‌ కమిటీల భర్తీ చేపట్టలేదు. దీంతో చాలా మందికి అవకాశం దక్కకుండా పోయింది. ద్వితీయశ్రేణి నాయకులు తమ ఎమ్మెల్యేలపై నిత్యం ఒత్తిడి తెస్తున్నా, వారూ సమాధానం చెప్పలేకపోతున్నారని పేర్కొం టున్నారు. మరో ఏడాదిలో ప్రభుత్వ పదవీ కాలం ముగియనుండడంతో ఇంకా ఎప్పుడు పదవులు ఇస్తారన్న ప్రశ్న గులాబీ శ్రేణులనుంచి వస్తోంది. పదవుల భర్తీ ప్రశ్నార్ధకం ? నల్లగొండ నియోజకవర్గ ఇన్‌చార్జ్‌గా పనిచేసిన దుబ్బాక నర్సింహారెడ్డికి రాష్ట్ర స్థాయి కార్పొరేషన్‌  చైర్మన్‌ పదవి ఇస్తామని బహిరంగంగా ప్రకటించి ఆరు నెలలు గడిచినా ఇప్పటికీ అతీగతీ లేకపోవడంతో ఆయన అనుచరులు అసంతృప్తితోనే ఉన్నారు. నల్లగొండలోనే గతంలో టీడీపీ నుంచి టీఆర్‌ఎస్‌కు వచ్చిన మున్సిపల్‌ మాజీ చైర్మన్‌ బోయపల్లి కృష్ణారెడ్డి వంటి సీనియర్‌ నాయకులకు ఎలాంటి ప్రాధాన్యం దక్కలేదు. ప్రధానమైన మిర్యాలగూడ వ్యవసాయ మార్కెట్‌ కమిటీ చైర్మన్‌ పదవి ఎస్టీలకు రిజర్వ్‌ అయ్యింది. ఈ నియోజకవర్గంలో టీఆర్‌ఎస్‌ ఇన్‌చార్జ్‌గా చేసిన అమరేందర్‌రెడ్డి , కాంగ్రెస్‌ నుంచి టీఆర్‌ఎస్‌లో చేరిన ఎమ్మెల్యే భాస్కర్‌రావు తమ అనుచరుల కోసం వేర్వేరు జాబితాలు ఇవ్వడంతో ఇప్పటికీ పాలకమండలి నియామకం జరగలేదు. ముందు నుంచీ పార్టీలో కొనసాగుతున్న, గతంలో ఇన్‌చార్జ్‌గా కూడా పనిచేసి నాగార్జునాచారి వంటి వారికి అవకాశమే దక్కలేదు. కాంగ్రెస్‌నుంచి టీఆర్‌ఎస్‌లోకి వచ్చిన మాజీ ఎమ్మెల్యే విజయ సింహారెడ్డి, చింతిరెడ్డి శ్రీనివాస్‌రెడ్డి, మాజీ ఎమ్మెల్యే రేపాల శ్రీనివాస్‌కు పదవులు దక్కలేదు.      నాగార్జున సాగర్‌ నియోజకవర్గంలోనూ ఇదే పరిస్థితి కనిపిస్తోంది. సీఎల్పీ నేత జానారెడ్డికి దగ్గరి అనుచర నేతలుగా పేరున్న మ్మడి రాష్ట్రంలో ఆప్కాబ్‌ చైర్మన్‌గా పనిచేసిన ఎడవెల్లి విజయేందర్‌ రెడ్డి, ఎంసీ కోటిరెడ్డి, మలిగిరెడ్డి లింగారెడ్డి, గార్లపాటి ధనమల్లయ్య వంటి వారు  టీఆర్‌ఎస్‌ తీర్థం పుచ్చుకున్నారు. విజయేందర్‌రెడ్డి జిల్లా రైతు సమన్వయ సమితి కో ఆర్డినేటర్‌ పదవి రేసులో నిలిచినా, ఆయన మండలానికే పరిమతమయ్యారు. ఇక, ముందునుంచీ టీఆర్‌ఎస్‌ జెండా మోసిన వర్రెవెంకటేశ్వర్‌రెడ్డి, నియోజకవర్గఇన్‌చార్జ్‌గా రెండు సార్లు వ్యవహరించిన బొల్లేపల్లి శ్రీనివాస్‌రావు వంటి వారికి పదవీయోగం కలగలేదు. దేవరకొండ నియోజకవర్గంలో గ్రూపులలొల్లి తప్పడం లేదు. దీంతో పదవుల భర్తీకి ఆటంకం కలుగుతోందన్న అభిప్రాయం వ్యక్తమవుతోంది. ఇక్కడి వ్యవసాయ మార్కెట్‌ కమిటీ చైర్మన్‌ పదవినీ భర్తీ చేయలేదు. దేవరకొండ నియోజకవర్గ ఇన్‌చార్జ్‌గా పనిచేసిన బండారు బాల నర్సింహకు ఇప్పటికీ ఎదురుచూపులే మిగిలాయి. మార్కెట్‌ కమిటీ చైర్మన్‌ పదవి ఆయన ఆశించినా ఇప్పటికీ దక్కలేదు. జెడ్పీ చైర్మన్‌ బాలునాయక్‌ వెంట కాంగ్రెస్‌ నుంచి టీఆర్‌ఎస్‌లోకి వచ్చిన మైనారిటీ నాయకుడు సిరాజ్‌ఖాన్‌కు గుర్తింపు దక్కలేదు. ఆయనను జెడ్పీ కో–ఆప్షన్‌ సభ్యుడిగా నియమిస్తామని హామీ ఇచ్చినా నిలబెట్టుకోలేక పోయారు. పీఏపల్లి మండలానికి చెందిన ఏవీ రెడ్డి, అదే మాదిరిగా నాయిని మాధవరెడ్డి, సురేష్, నిస్సార్‌ అహ్మద్‌ వంటి నేతలు పదవుల కోసం ఎదురుచూస్తున్నారు. జిల్లా కేంద్రం నల్లగొండ మార్కెట్‌ కమిటీకి పాలక మండలిని నియమించడానికి పార్టీ నాయకత్వం ఇంకా మీనమేషాలు లెక్కిస్తోందని పేర్కొంటున్నారు. 

సాక్షిప్రతినిధి, కరీంనగర్‌: కరీంనగర్‌ ఉమ్మడి జిల్లాకు సంఖ్యాపరంగా పదవులు పెద్దసంఖ్యలోనే వచ్చినప్పటికీ టీఆర్‌ఎస్‌ మొదటితరం నాయకుల్లో కొందరికి అంతగా అవకాశం లేకుండా పోతోందని బాధపడుతున్నారు. అసెంబ్లీ ఎన్నికలకు ఏడాది మాత్రమే మిగిలి ఉండడంతో ఇప్పుడు పదవులు రాకపోతే ఇక ఎప్పటికీ రానట్టేనన్న భావనలో ఉన్నారు. తమ బాధను వ్యక్తం చేసేందుకు అధినేత దర్శన భాగ్యమే కరువవుతోందని కొందరు బహిరంగంగానే ఆవేదన వ్యక్తం చేస్తున్నారు. కాంగ్రెస్, టీడీపీల నుంచి టీఆర్‌ఎస్‌లో చేరిన నేతలకు పోలీసు హౌసింగ్‌ కార్పొరేషన్‌ వంటి పోస్టులు రాగా, కొందరికి కీలకమైన రైతు సమన్వయ సమితి జిల్లా కో ఆర్డినేటర్‌ పదవులు దక్కాయి. టీఆర్‌ఎస్‌ ఆవిర్భావం నుంచి చురుగ్గా పనిచేస్తున్న జీవీ రామకృష్ణారావుకు రెండు రోజుల క్రితమే ‘సుడా’ చైర్మన్‌ పదవి దక్కగా, కరీంనగర్, జగిత్యాల, పెద్దపల్లి, రాజన్న సిరిసిల్ల జిల్లాల్లో మిగిలిన సీనియర్‌ నేతలు నామినేటెడ్‌ పదవుల కోసం ఎదురుచూస్తూనే ఉన్నారు. టీఆర్‌ఎస్‌ ఉద్యమం కేరాఫ్‌ కరీంనగర్‌ తెలంగాణ రాష్ట్ర సమితి ఏర్పాటు నుంచి పార్టీలో పలువురు నేతలు పనిచేశారు. మరి కొందరు ఆలస్యంగా వచ్చినప్పటికీ ఉద్యమ కీలక సమయంలో క్రియాశీల పాత్ర పోషించారు. ఇందులో చాలా మందికి పార్టీ, నామినేటెడ్‌ పోస్టులు దక్కాయి. అయితే చివరి వరకు పేర్లు ప్రచారంలోకి వచ్చినా చాలా మందికి ఆ పదవులు అందని ద్రాక్షగానే  మారాయి. ఉమ్మడి జిల్లాకు చెందిన పన్యాల భూపతిరెడ్డి, కట్ల సతీశ్, గంటల వెంకటరమణారెడ్డి, హుజూరాబాద్‌కు చెందిన బండ శ్రీనివాస్, కోరుకంటి చందర్, జెడ్పీ మాజీ వైస్‌చైర్మన్‌ డాక్టర్‌ సుధీర్‌కుమార్, ఏవీ మైపాల్‌రెడ్డి తదితరులకు నామినేటెడ్‌ పదవులు దరిచేరలేదు. ఎన్నికల్లో పోటీ చేసేందుకు అవకాశాలు దక్కలేదు. జిల్లాస్థాయి దూరమే! ఇటీవల రైతుసమన్వయ సమితి కమిటీలు చేశారు. కరీంనగర్‌ జిల్లా చైర్మన్‌గా ఎంపికైన గూడెల్లి తిరుపతి గతంలో టీడీపీలో క్రియాశీలకంగా పనిచేసి ఇటీవల టీఆర్‌ఎస్‌లో చేరారు. పెద్దపల్లి జిల్లా చైర్మన్‌గా ఎంపికైన కోట రాంరెడ్డి సుల్తానాబాద్‌ మండలం తొగర్రాయి సర్పంచ్‌గా పలుమార్లు పనిచేశారు. కాంగ్రెస్‌లో కీలకనేతగా పనిచేసిన రాంరెడ్డి టీఆర్‌ఎస్‌లో చేరగానే పదవీ వరించింది. రాజన్నసిరిసిల్ల జిల్లా రైతు సమన్వయ సమితి కో–ఆర్డినేటర్‌గా నియమితులైన గడ్డం నర్సయ్య గతంలో కాంగ్రెస్‌ పార్టీ బీసీసెల్‌ జిల్లా అధ్యక్షుడిగా పనిచేశారు. ఈ సందర్భంగా రాష్ట్ర స్థాయి పదవులు కాకున్నా, జిల్లా స్థాయి నామినేటెడ్‌ పదవుల్లో తమకు ప్రాధాన్యం ఇవ్వడం లేదన్న వేదన కనిపిస్తోంది.  ఆశల పల్లకిలోనే సీనియర్లు  నామినేటెడ్‌ పోస్టుల భర్తీకి తాజాగా జాబితాలు సిద్ధమవుతున్నాయన్న ప్రచారంతో సీనియర్‌ టీఆర్‌ఎస్‌ నేతలు ఎవరికి వారుగా ప్రయత్నాలు ముమ్మరం చేశారు. మంత్రులు ఈటల రాజేందర్, కేటీఆర్‌లు ఈ విషయంలో ఆచీతూచీ వ్యవహరిస్తుండగా, ఎమ్మెల్యేలు సైతం అందరినీ సమన్వయం చేసి జాబితా ఇచ్చే పనిలో ఉన్నారు. ఇప్పటికే నియోజకవర్గాల వారీగా నామినేటెడ్‌ పోస్టుల కోసం రూపొందించిన జాబితాల్లో ఎవరెవరి పేర్లున్నాయనేది ప్రశ్నార్థకం కాగా, ఆయా జిల్లాలు, నియోజకవర్గాల్లో ఆశావహుల పేర్లు పుకార్లు చేస్తున్నాయి. కరీంనగర్‌ జిల్లాకు వచ్చే సరికి రాష్ట్ర, జిల్లాస్థాయి నామినేటెడ్‌ పదవుల కోసం పన్యాల భూపతిరెడ్డి, కట్ల సతీశ్, కొత్తకొండ శ్రీనివాస్, జక్కం నర్సయ్య, తిరుపతినాయక్, పొనగంటి మల్లయ్య, బండ శ్రీనివాస్, వీర్ల వెంకటేశ్వర్‌రావులతోపాటు 15 మందికిపైగా పేర్లు వినిపిస్తున్నాయి. రాజన్న సిరిసిల్ల జిల్లాకు సంబంధించి చిక్కాల రామారావు, గ్రంథాలయసంస్థ చైర్మన్‌ కోసం ప్రయత్నించిన గూడూరి ప్రవీణ్, మాజీ ఎమ్మెల్యే రేగులపాటి పాపారావు, రవీందర్‌రావు తదితరుల పేర్లు వినిపిస్తున్నాయి. అయితే ప్రతిష్టాత్మకమైన వేములవాడ ఆలయ కమిటీ చైర్మన్‌ పదవీ బాధ్యతలు మాత్రం ఎమ్మెల్యే రమేశ్‌బాబుకే సీఎం కేసీఆర్‌ అప్పగించనున్నట్లు చెప్తున్నారు. పెద్దపల్లి జిల్లాకు వస్తే రామగుండం నుంచి ఎమ్మెల్యేగా పార్టీ టికెట్‌పై పోటీ చేసి ఓడిపోయిన కోరుకంటి చందర్‌తోపాటు దీటి బాలరాజు, జెడ్పీటీసీ కందుల సంధ్యారాణి, పెద్దంపేట శంకర్, నల్ల మనోహర్‌రెడ్డి తదితరులు ప్రయత్నం చేస్తున్నట్లు తెలుస్తోంది. జగిత్యాల జిల్లాలో కోరుట్ల, ధర్మపురి నియోజవకర్గాల నుంచి లోక బాపురెడ్డికి మార్క్‌ఫెడ్, కటారి చంద్రశేఖర్‌రావుకు గ్రంథాలయసంస్థ చైర్మన్లు దక్కగా, ప్రధానంగా డాక్టర్‌ సంజయ్‌కుమార్, తాటిపర్తి శరత్‌రెడ్డితోపాటు ఏడేనిమిది మంది పేర్లు వినిపిస్తున్నాయి.

సాక్షిప్రతినిధి, నిజామాబాద్‌: నామినేటెడ్‌ పదవుల కోసం ఎదురుచూసీ చూసీ నిరాశలో కూరుకుపోయిన అధికార పార్టీ నేతల్లో ఆశలు మళ్లీ చిగురిస్తున్నాయి. అసెంబ్లీ సమావేశాల అనంతరం.. ఏప్రిల్‌లో జరగనున్న పార్టీ ఆవిర్భావ సభ కంటే ముందే ఈ పదవులను భర్తీ చేసే అవకాశాలున్నాయని ముఖ్య నేతలు భావిస్తున్నారు. ఇదిగో.. అదిగో అంటూ ఊరిస్తున్న ఈ పదవులను ఎట్టకేలకు భర్తీ చేయాలనే నిర్ణయానికి అధినేత కేసీఆర్‌ వచ్చినట్లు ఆ పార్టీ వర్గాలు పేర్కొంటున్నాయి. రెండేళ్లుగా వేచి చూస్తున్న నాయకులకు ఈ సీట్లు దక్కనున్నాయి. ముఖ్యంగా వివిధ కార్పొరేషన్ల డైరెక్టర్ల పదవులను ప్రభుత్వం భర్తీ చేయనుంది. ఇప్పటికే ఉన్న కార్పొరేషన్లతో పాటు, కొత్తగా ఏర్పాటైన కార్పొరేషన్లలో కలిపి రాష్ట్ర వ్యాప్తంగా సుమారు 300లకు పైగా డైరెక్టర్‌ పోస్టులున్నాయి.  అప్పట్లోనే వీటిని భర్తీ చేస్తారనే ప్రచారం జోరుగా సాగింది. ఆయా పదవుల కోసం అన్ని నియోజకవర్గాల నుంచి ప్రతిపాదనలను తీసుకున్నారు. ఒక్కో నియోజకవర్గం నుంచి నలుగురు, ఐదుగురు పేర్లను స్థానిక ఎమ్మెల్యేలు ప్రతిపాదించారు. అయితే, ఇప్పటివరకు ఈ పోస్టులు భర్తీకి నోచుకోలేదు. ఎట్టకేలకు పార్టీ ప్లీనరీ కంటే ముందే ఆయా పదవులు భర్తీ చేసే అవకాశాలున్నాయని పార్టీ ముఖ్య నాయకులు పేర్కొంటున్నారు. ఈ మేరకు అంతర్గతంగా కసరత్తు జరుగుతోందని చెబుతున్నారు. ఈ పదవులు భర్తీ అయితే కామారెడ్డి, నిజామాబాద్‌ జిల్లాల్లోని తొమ్మిది నియోజకవర్గాల పరిధిలో సుమారు 40 డైరెక్టర్ల పదవులు దక్కే అవకాశాలున్నాయి.  ప్రత్యేక జాబితా!  ఆయా నియోజకవర్గాల్లో ఎమ్మెల్యేలు ప్రతిపాదించిన నాయకులకే కాకుండా ప్రత్యేకంగా కొందరికి ఈ పదవులు దక్కే అవకాశాలున్నాయని విశ్వసనీయ వర్గాలు పేర్కొంటున్నాయి. కొన్ని నియోజకవర్గాల్లో పార్టీ ఆవిర్భావం నుంచి పని చేస్తున్న నాయకులకు కొందరు ఎమ్మెల్యేలు ప్రాధాన్యతనివ్వడం లేదు. ఇతర పార్టీల నుంచి వచ్చిన నాయకులకు ఎమ్మెల్యేల వద్ద ప్రాధాన్యత దక్కడంతో పార్టీలోని సీనియర్‌ నాయకులు తీవ్ర అసంతృప్తితో ఉన్నారు. ఇలాంటి నేతల పేర్లను కూడా ఎమ్మెల్యేలు ఈ పదవుల కోసం ప్రతిపాదించలేదు. సీనియర్‌ నాయకులు, పార్టీ ఆవిర్భావం నుంచి పని చేస్తున్న వారిని జిల్లాల వారీగా గుర్తించి నామినేటెడ్‌ పదవులను కేటాయించాలని సీఎం కేసీఆర్‌ యోచిస్తున్నట్లు పార్టీ వర్గాల్లో అంతర్గతంగా చర్చ జరుగుతోంది. మొత్తమ్మీద ఈ పదవుల భర్తీలో పాత, కొత్త నేతలకు సమన్యాయం జరిగేలా అధినేత ప్రత్యేక దృష్టి సారించారనే ప్రచారం సాగుతోంది. కాగా జిల్లా స్థాయిలోని కీలకమైన నామినేటేడ్‌ పదవులు కూడా భర్తీకి నోచుకోలేదు. రాష్ట్ర వ్యాప్తంగా అన్ని జిల్లాల గ్రంథాలయ సంస్థ చైర్మన్‌ పదవుల నియామకం జరిగింది. కామారెడ్డి జిల్లా గ్రంథాలయ సంస్థ పాలకవర్గం పదవుల భర్తీ కూడా జరిగింది. కానీ నిజామాబాద్‌ జిల్లా గ్రంథాలయ సంస్థ చైర్మన్‌ పదవిలో మాత్రం ఇంకా ఎవ్వరినీ నియమించలేదు. ఈసారి ఈ పదవి కూడా భర్తీ అయ్యే అవకాశాలున్నాయని అధికార పార్టీ వర్గాలు చెబుతున్నాయి.  

అమరావతి: టీడీపీ రాజ్యసభ అభ్యర్థులుగా సీఎం రమేశ్‌, న్యాయవాది కనకమేడల రవీంద్రకుమార్‌ సోమవారం నామినేషన్లు దాఖలు చేశారు. కాగా ఇప్పటికే రాజ్యసభ సభ్యుడిగా కొనసాగుతున్న సీఎం రమేశ్‌ పదవీకాలం ఈ నెలలో ముగియనుంది. ఇక కనకమేడల రవీంద్ర గతంలో టీడీపీ లీగల్‌సెల్‌ అధ్యక్షుడిగా.. బెజవాడ బార్‌ అసోసియేషన్‌ అధ్యక్షుడిగా, బార్‌ కౌన్సిల్‌ సభ్యుడిగా పనిచేశారు. కృష్ణా జిల్లాకు చెందిన ఈయన పేరు చివరి నిమిషంలో ఖరారైంది. 

సాక్షి, హైదరాబాద్‌: రాజ్యసభకు పోటీచేసే కాంగ్రెస్‌ అభ్యర్థి సోమవారం నామినేషన్‌ దాఖలు చేయనున్నారు. ఉదయం 10 గంటలకు సీఎల్పీ నేత జానారెడ్డి, పీసీసీ అధ్యక్షుడు ఉత్తమ్‌తో పాటు ఇతర ఎమ్మెల్యేలతో కలిసి కేంద్ర మాజీ మంత్రి బలరాం నాయక్‌ నామినేషన్‌ వేస్తారని కాంగ్రెస్‌ పార్టీ వర్గాలు వెల్లడిం చాయి. అయితే, రాజ్యసభ అభ్యర్థిత్వానికి నామినేషన్‌ దాఖలుకు సోమవారం వరకే గడువుండగా, ఆదివారం రాత్రి ఢిల్లీ నుంచి ఆమోదముద్ర లభించింది.   బలరాంనాయక్‌తో పాటు గూడూరు నారాయణరెడ్డి కూడా తనకు అవకాశమివ్వాలని పట్టుబట్టిన నేపథ్యంలో ఆదివారం రాత్రి హస్తిన నుంచి ఆలస్యంగా కబురందింది. దీంతో బలరాం నాయక్‌తో నామినేషన్‌ దాఖలుకు కాంగ్రెస్‌ సిద్ధమవుతోంది. అదే వ్యూహం: తమకు గెలిచే బలం లేనప్పటికీ పార్టీ ఫిరాయించిన ఏడుగురు ఎమ్మెల్యేలను ఇరుకున పెట్టేందుకే కాంగ్రెస్‌ పార్టీ అభ్యర్థిని నిలబెట్టాలని నిర్ణయించింది. 2014 ఎన్నికలలో కాంగ్రెస్‌ పక్షాన గెలిచిన ఎమ్మెల్యేలలో విఠల్‌రెడ్డి, కాలె యాదయ్య, కోరం కనకయ్య, రెడ్యానాయక్, పువ్వాడ అజయ్‌కుమార్, ఎన్‌.భాస్కరరావు, చిట్టెం రామ్మోహనరెడ్డిలు టీఆర్‌ఎస్‌లో చేరిన నేపథ్యంలో వారిని అనర్హులుగా చేయాలని ఒత్తిడి పెంచేందుకే ఈ నిర్ణయం తీసుకుంది. ఈనెల 9న జరిగిన సీఎల్పీ భేటీలో ఇదే అంశంపై తీవ్రంగా చర్చించిన కాంగ్రెస్‌ నేతలు, ఎమ్మెల్యే కోటా ఎమ్మెల్సీ ఎన్నికలలో అనుసరించాల్సిన వ్యూహాన్నే అమలు చేయాలని ఏకాభిప్రాయానికి వచ్చారు. ఈ విప్‌ మేరకు కాంగ్రెస్‌ గుర్తుపై పోటీచేసి గెలిచిన అందరూ ఎన్నికల ఏజెంటుకు చూపించి కాంగ్రెస్‌ అభ్యర్థికి ఓటు వేయాల్సి ఉంటుంది. అలా వేయని పక్షంలో విప్‌ ఉల్లంఘన ఆధారంగా ఆ ఏడుగురు సభ్యులను అనర్హులుగా ప్రకటించాలని మరోమారు అసెంబ్లీ స్పీకర్‌ను కోరాలని కాంగ్రెస్‌ పక్షం భావిస్తోంది.

సాక్షి, హైదరాబాద్‌ : రాష్ట్రంలో నామినేటెడ్‌ పోస్టుల కోసం ఎదురుచూస్తున్న టీఆర్‌ఎస్‌ శ్రేణులు తీవ్ర అసంతృప్తిలో మునిగిపోయాయి. ప్రభుత్వం ఏర్పడి నాలుగేళ్లయినా ఇప్పటికీ పదవులు అందకపోవడంతో చాలా మంది ద్వితీయ శ్రేణి నేతలు, కార్యకర్తలు ఆవేదన వ్యక్తం చేస్తున్నారు. ఈ అసంతృప్తితో తమకు ఇబ్బందులు ఎదురవుతున్నాయని.. నియోజకవర్గాలకు వెళదామంటే భయంగా ఉందని ఎమ్మెల్యేలు, ఎంపీలు వ్యాఖ్యానిస్తున్నారు. పదవుల కోసం నిలదీస్తున్నారని, ముఖం చాటేస్తున్నారని పేర్కొంటున్నారు. చైర్మన్లను నియమించినా.. టీఆర్‌ఎస్‌ ప్రభుత్వం రాష్ట్రంలో ఇప్పటిదాకా కార్పొరేషన్లు, కమిషన్లు, ఇతర సంస్థలు కలిపి 56 మందికి చైర్మన్‌ పదవులను కట్టబెట్టింది. అందులో 49 ప్రభుత్వ రంగ సంస్థలు కూడా ఉన్నాయి. వీటిలో ఏడుగురి నుంచి 15 మంది వరకు డైరెక్టర్లను నియమించుకునేందుకు ప్రభుత్వానికి అధికారముంది. ఈ మేరకు టీఆర్‌ఎస్‌ ఎమ్మెల్యేలు, ఎంపీలు వారి నియోజకవర్గాల్లో ముఖ్యులైన ద్వితీయ శ్రేణి నేతలతో కూడిన జాబితాను కూడా పార్టీ అధినేతకు అందజేశారు. కానీ ఇప్పటివరకు డైరెక్టర్లు, సభ్యుల నియామకం జరగలేదు. కొన్ని కార్పొరేషన్లకు మూడేళ్లు, మరికొన్నింటికి రెండేళ్ల పదవీకాలంతో చైర్మన్ల నియామకాలు జరిపింది. కొందరి పదవీకాలం కూడా ముగియవస్తోంది. అసలు అధికారంలోకి రాగానే 2014, 2015లో నియమించిన ఎస్సీ కార్పొరేషన్‌ వంటి వాటికి రెండోసారి చైర్మన్‌ పదవిని పొడిగించినా.. డైరెక్టర్ల నియామకం చేపట్టలేదు. అయితే గత సంక్రాంతికి నామినేటెడ్‌ పోస్టుల భర్తీ ఉంటుందన్న వార్తలతో.. ఏడాదైనా పదవిలో ఉంటామని నేతలు ఆశపడ్డారు. కానీ అదేమీ లేకపోవడంతో ఆవేదన వ్యక్తం చేస్తున్నారు. ‘‘మా నియోజకవర్గంలో ముఖ్యులైన నలుగురికి పదవులు కావాలని.. ఏదో ఒక కార్పోరేషన్‌లో డైరెక్టర్‌గా నియమించాలని సిఫారసు చేసి రెండేళ్లయింది. ఇదిలో అదిగో అని చెప్పుకుంటూ వచ్చా. ఇప్పుడు నేను నియోజకవర్గానికి వెడితే వాళ్లు కనిపించడం లేదు. ముఖ్యమైన మీటింగ్‌లకు కూడా రావడం లేదు..’’అని ఓ సీనియర్‌ ఎమ్మెల్యే వాపోయారు.   నాలుగేళ్లుగా ఎదురుచూపులే.. టీఆర్‌ఎస్‌ అధికారంలోకి వచ్చినప్పటి నుంచి కేడర్‌ పదవుల కోసం పార్టీ శ్రేణులు ఎదురుచూస్తునే ఉన్నాయి. ఇదిగో.. అదిగో.. అంటూ ఎమ్మెల్యేలు, ఎంపీలు ఊరడించడమే తప్ప ఆచరణలోకి రాలేదు. ఓ లెక్కప్రకారం దాదాపు 500దాకా నామినేటెడ్‌ పోస్టులు ఉన్నాయి. ఒక్కో అసెంబ్లీ నియోజకవర్గం నుంచి నలుగురికిపైగా అవకాశం వస్తుంది. అయితే.. ‘‘రెండేళ్ల కిందే నామినేటెడ్‌ పదవుల కోసం నా పార్లమెంటు నియోజకవర్గం పరిధిలోని ఎమ్మెల్యేలను సమన్వయం చేసుకుని 40 మందికి పదవులు కావాలని సిఫారసు చేశా. ఇప్పుడు నాకు నియోజకవర్గానికి వెళ్లాలంటేనే భయంగా ఉంది..’’అని లోక్‌సభ సభ్యుడు ఒకరు పేర్కొన్నారు. అయితే కొందరికి పదవులు వస్తే మిగతావారు వ్యతిరేకిస్తారన్న వాదన ఉందని, దానిని పరిగణనలోకి తీసుకోవాల్సిన అవసరం లేదని వ్యాఖ్యానించారు.   అసంతృప్తి వ్యతిరేకతగా మారే ప్రమాదం! టీఆర్‌ఎస్‌ అధికారంలోకి వచ్చిన వెంటనే నియామకమైన కొన్ని కార్పోరేషన్లకు రెండోసారి పదవికాలాన్ని పొడిగించారు. మరికొన్నింటికి మూడేళ్లు దగ్గరపడుతున్నాయి. ఇంకొన్ని ఏడాదిన్నర, రెండేళ్లు పూర్తిచేసుకున్నాయి. కానీ వాటికి చైర్మన్లను తప్ప సభ్యులను, డైరెక్టర్లను నియమించలేదు. ‘‘టీఆర్‌ఎస్‌కు అధికారం వచ్చి కేసీఆర్‌ ముఖ్యమంత్రి అయితే నాకే అధికారం వచ్చినంత సంబురపడ్డా. అధికారంలోకి రాకముందు పడ్డ కష్టమంతా మర్చిపోయిన. రోజులు గడుస్తున్న కొద్దీ నిరాశ నిండింది. ఇప్పుడైతే ఏదైనా దొరుకుతుందన్న ఆశ కూడా చచ్చిపోయింది. చైర్మన్లతోపాటే సభ్యులను, డైరెక్టర్లను కూడా నియమిస్తే.. నేతలు, కార్యకర్తలకు బాధ ఉండేది కాదు. చిన్నదో, పెద్దదో పదవి వచ్చిందనే సంతృప్తి ఉండేది..’’అని పార్టీ ఆవిర్భావం నుంచి టీఆర్‌ఎస్‌లో పనిచేసిన సీనియర్‌ కార్యకర్త ఒకరు ఆవేదన వ్యక్తం చేశారు. రాష్ట్రస్థాయిలోని కొన్ని కార్పోరేషన్లలో కనీసం ఆరుగురి నుంచి 15 మందిదాకా డైరెక్టర్లను, సభ్యులను నియమించే అవకాశముంది. ఆ లెక్కన ఇప్పటివరకు ఏర్పాటు చేసిన కార్పోరేషన్లు, ఇతర సంస్థల్లో కలిపి సుమారు 500 మందికిపైగా నాయకులకు అవకాశం దక్కేదని పార్టీ ముఖ్య నాయకుడొకరు వ్యాఖ్యానించడం గమనార్హం. మరో సీనియర్‌ నాయకుడు ఈ అంశాన్ని ప్రస్తావిస్తూ.. ‘‘రాజకీయాల్లో ఉన్నవారికి ఏదో ఒక పదవి రావాలని కోరిక ఉండటం సహజం. అవకాశమున్నా పదవులను భర్తీ చేయలేదు. దీంతో పార్టీ ఆవిర్భావం నుంచి ఎన్నో ఇబ్బందులకోర్చి పనిచేసినవారికి అసంతృప్తి పెరుగుతోంది. ఇది వ్యతిరేకతగా మారితే పరిస్థితి ఎలా ఉంటుందో అర్థం కావడం లేదు..’’అని అసంతృప్తి వెలిబుచ్చారు.   పదవులున్నా.. పనేదీ? రాష్ట్రస్థాయి కార్పోరేషన్లకు చైర్మన్లుగా నియామకమైన వారిలోనూ కొందరు అసంతృప్తి వ్యక్తం చేస్తున్నారు. పదవులు దక్కినా చేయడానికి పనేమీ లేదని నిర్లిప్తత వ్యక్తం చేస్తున్నారు. ‘‘ప్రభుత్వం నుంచి జీతభత్యాలు రావడం తప్ప నేను చేస్తున్నదేమీ లేదు. పదవిలో ఉన్నామని చెప్పుకోవడానికి తప్ప ఉద్యమ సహచరులకు, ప్రజలకు ఏదైనా చేస్తున్నాననే సంతృప్తి లేదు..’’అని ఓ కార్పోరేషన్‌ చైర్మన్‌ వ్యాఖ్యానించారు. అసలు కొందరు చైర్మన్ల నియామకం జరిగి ఏడాది పూర్తికావస్తున్నా చాంబర్లు కూడా కేటాయించలేదు. పనిచేసే అవకాశం లేని పదవి తీసుకోవడం వల్ల ప్రయోజనం ఏమిటనే కారణంతో కొందరు చైర్మన్లు చాంబర్లలోకి వెళ్లడానికి కూడా అయిష్టంగా ఉంటున్నారని పార్టీ నేతలు చెబుతున్నారు.  

‘తెలుగుదేశం పార్టీ లక్ష్యం.. అన్ని వర్గాలకూ ప్రాధాన్యం’ ఇవీ ఎన్నికల సమయంలో చంద్రబాబు అండ్‌ కో చెప్పిన మాటలు. తీరా అధికారంలోకొచ్చాక ‘మనదే రాజ్యం..మనదే పెత్తనం’ అంటూ తమ సామాజిక వర్గాన్ని అందలమెక్కిస్తున్నారు. దీంతో జిల్లా టీడీపీలో మిగిలిన సామాజిక వర్గాల మంత్రులు, ఎమ్మెల్యేలు, నాయకులను అధికార పార్టీ సామాజిక వర్గానికి చెందిన గ్రామ స్థాయి     నేతలు కూడా లెక్క చేయడం లేదు.   సాక్షి, గుంటూరు: జిల్లాలోని అన్ని నియోజకవర్గాల్లో తెలుగుదేశంలో ఆ పార్టీ సామాజిక వర్గానిదే పెత్తనంగా కొనసాగుతోంది. పార్టీలో నామినేటెడ్‌ పోస్టుల్లో కీలక పదవులన్నీ ఆ సామాజిక వర్గ నేతలకే కట్టబెట్టారు. సామాజిక వర్గ సమీకరణాల్లో భాగంగా ఇతర కులానికి ఏదైనా పదవి కేటాయించినప్పటికీ పూర్తి స్థాయిలో పని చేయనీయడం లేదు. ఎస్సీ, బీసీ, రెడ్డి సామాజికవర్గ ఎమ్మెల్యేలు, ఇన్‌చార్జిలుగా ఉన్న నియోజకవర్గాల్లో సైతం ఆ సామాజిక వర్గం నేతలే పెత్తనం చేస్తున్నారు.   ఒప్పందాలు సైతం ఉల్లంఘన టీడీపీ అధికారంలోకి వచ్చినప్పటి నుంచి గుంటూరు జిల్లాలో ఆ పార్టీ సామాజిక వర్గం నేతలు తమ ప్రాధాన్యతను పెంచుకుంటూ ఇతర సామాజిక వర్గానికి చెందిన నేతలను అణగదొక్కే ప్రయత్నం చేస్తున్నారనే విమర్శలు వినిపిస్తున్నాయి. అధికారంలోకి వచ్చే వరకు ఎస్సీ, ఎస్టీ, బీసీ, మైనార్టీ, బలహీన వర్గాల నాయకులకు నామినేటెడ్‌ పోస్టులు, పార్టీలో కీలక పదవులు కట్టబెడతామంటూ ఆశ చూపిన విషయం తెలిసిందే. టీడీపీ ప్రభుత్వం ఏర్పడినప్పటి నుంచి నామినేటెడ్‌ పోస్టుల భర్తీలోనూ, పార్టీ పదవుల కేటాయింపుల్లోనూ ఇతర సామాజిక వర్గాలకు తూతూమంత్రంగా ప్రాధాన్యం ఇస్తూ కీలక పోస్టులన్నింటినీ టీడీపీ సామాజిక వర్గానికే కట్టబెడుతున్నారు. ఆసియాలోనే అతిపెద్ద మార్కెట్‌ యార్డుగా పేరొందిన గుంటూరు మిర్చి యార్డు చైర్మన్‌గా ఏడాదిపాటు మన్నవ సుబ్బారావు, ఆ తరువాత రెడ్డి సామాజిక వర్గానికి చెంది వెన్నా సాంబశివారెడ్డిలకు అవకాశం కల్పించాలని ముఖ్యమంత్రి వద్ద ఒప్పందం కుదిరినట్లు అంతా చెప్పుకున్నారు. అయితే ఏడాది దాటిన తరువాత తిరిగి మన్నవ సుబ్బారావుకే కొనసాగింపు ఇవ్వడం చూస్తుంటే సొంత సామాజిక వర్గంపై ఆ పార్టీ ముఖ్యనేతలకు ఎంత ప్రేమ ఉందో అర్థం చేసుకోవచ్చు. ఇన్‌చార్జిలపైనా పెత్తనం సమీకరణల్లో భాగంగా గుంటూరు నగర అధ్యక్ష పదవిని కాపు సామాజిక వర్గానికి చెందిన చందు సాంబశివరావుకు ఇచ్చినప్పటికీ ఆయనకు తగిన ప్రాధాన్యం లభించడం లేదని ఆ సామాజిక కార్యకర్తలు వాపోతున్నారు. ఇటీవల నగరంలో జరిగిన పార్టీ పదవుల ప్రమాణ స్వీకారోత్సవ సభకు సైతం అతి తక్కువ మంది హాజరవడమే ఇందుకు నిదర్శనంగా చెప్పవచ్చు. గుంటూరు పశ్చిమ ఎమ్మెల్యేగా మోదుగుల వేణుగోపాలరెడ్డి, గుంటూరు తూర్పు నియోజకవర్గ ఇన్‌చార్జిగా మద్దాళి గిరిధర్‌లు వ్యవహరిస్తున్నారు. ఈ రెండు నియోజకవర్గాల్లో పెత్తనం మాత్రం టీడీపీ సామాజిక వర్గం నేతలదే అని చెప్పడంలో ఎటువంటి సందేహం లేదు. చివరకు అధికారుల పోస్టింగ్‌ల్లో సైతం ఆ సామాజిక వర్గానికే పెద్ద పీట వేస్తూ టీడీపీ అంటే ఆ సామాజిక వర్గానికే అని చెప్పే ప్రయత్నం చేస్తున్నారనే విమర్శలు వెల్లు వెత్తుతున్నాయి.   మంత్రులు, ఎమ్మెల్యేలంటే లెక్క లేదు జిల్లాలో ఎస్సీ, బీసీ నేతలు ప్రాతినిధ్యం వహిస్తున్న నియోజకవర్గాల్లో మంత్రులు, ఎమ్మెల్యేలు, జెడ్పీ చైర్మన్, ఇతర ముఖ్య నేతలు అంటే టీడీపీ సామాజిక వర్గానికి చెందిన గ్రామస్థాయి నాయకులకు కూడా లెక్క లేదు. గతంలో ప్రత్తిపాడు నియోజకవర్గంలోని వట్టిచెరుకూరు మండలం వింజనంపాడు గ్రామంలో మంత్రి హోదాలో శంకుస్థాపన కార్యక్రమానికి వెళ్లేందుకు యత్నించిన రావెల కిషోర్‌బాబును అక్కడ గ్రామ స్థాయి నాయకులు అడ్డుకున్నారు. శిలాఫలకాన్ని సైతం ధ్వంసం చేశారు. ఇంటింటికీ తెలుగుదేశం కార్యక్రమానికి రాకుండా అడ్డుకున్నారు. అయినప్పటికీ జిల్లాలో మంత్రులుగానీ, ఎంపీలుగానీ ఈ ఘటనను ఖండించకపోవడం దారుణమని టీడీపీ నేతలే చెబుతున్నారు.  రాజధాని నియోజకవర్గమైన తాడికొండలో ఎమ్మెల్యే శ్రావణ్‌కుమార్‌కు వ్యతిరేకంగా టీడీపీ సామాజిక వర్గం నేతలు గ్రూపుగా ఏర్పడి ఇబ్బందులు పెడుతున్నారని ఎస్సీ సామాజిక వర్గ నేతలు వాపోతున్నారు. ఇంటింటికి తెలుగుదేశం కార్యక్రమంలో ఎమ్మెల్యేను అడ్డుకున్నా అధిష్టానం వారిపై ఎటువంటి చర్యలు తీసుకోకపోవడం దారుణమైన విషయమని ఆవేదన వ్యక్తం చేస్తున్నారు. టీడీపీ ఓటమి పాలైన మంగళగిరి, మాచర్ల, బాపట్ల, గుంటూరు తూర్పు నియోజకవర్గాల్లో ఇతర సామాజిక వర్గాలకు చెందిన నేతలను ఇన్‌చార్జిలుగా  నియమించారు. అయితే వారి పెత్తనం సాగకుండా అధికార పార్టీ సామాజిక వర్గం నేతలను సమన్వయకర్తలుగా నియమించి అధికారాన్ని వారి హస్తగతం చేసేశారు.

అగర్తలా: రాజకీయ నేతలంటే భారీగా ఆస్తులు, కోట్లకొద్దీ డబ్బు అనే అభిప్రాయం ప్రజల్లో ఉంది. అయితే, ఇప్పటికి నాలుగుసార్లు సీఎంగా పనిచేసి, ఐదోసారి బరిలోకి దిగుతున్న త్రిపుర సీఎం మాణిక్‌ సర్కార్‌(69) సొంత ఆస్తి వివరాలు చూస్తే ఎవరికైనా ఆశ్చర్యం కలుగకమానదు. రాష్ట్ర అసెంబ్లీకి త్వరలో ఎన్నికలు జరుగనుండగా ఆయన ధన్‌పూర్‌ స్థానానికి సీపీఎం తరఫున సోమవారం నామినేషన్‌ వేశారు. ఈ నామినేషన్‌ పత్రాల్లో ఆస్తిపాస్తుల వివరాలను సర్కార్‌ పొందుపరిచారు. వీటి ప్రకారం..మాణిక్‌ సర్కార్‌ వద్ద ఉన్న నగదు రూ.1,520 కాగా, బ్యాంకు ఖాతాలో ఉన్న డబ్బు రూ.2,410 మాత్రమే. ఈయనకు వ్యవసాయ భూములు గానీ ఇళ్ల స్థలాలు గానీ లేవు. ముఖ్యమంత్రికి ప్రభుత్వం నుంచి అందే వేతనం మొత్తాన్ని పార్టీకి విరాళంగా ఇస్తూ పార్టీ నుంచి జీవనభృతిగా నెలకు రూ.5వేలు మాత్రం పొందుతున్నారు. కాగా, మాణిక్‌ సర్కారు సతీమణి పాంచాలీ భట్టాచార్య కేంద్ర ప్రభుత్వ విశ్రాంత ఉద్యోగిని. ఈమె వద్ద నగదు రూ.20,140కాగా రెండు బ్యాంకు ఖాతాల్లో కలిపి దాదాపు రూ.2 లక్షల నగదు ఉంది. వీటితోపాటు రూ.9.25 లక్షల ఫిక్స్‌డ్‌ డిపాజిట్లు.. 20 గ్రాముల బంగారు నగలు ఉన్నాయి. ఈమె పేరుతో రూ.21 లక్షల విలువైన 888.35 చదరపు అడుగుల ఇంటి స్థలంలో రూ.15 లక్షల విలువైన ఇల్లు ఉంది.

90వ ఆస్కార్‌ అవార్డ్స్‌ బరిలో పోటీపడే సినిమాలు, నటీనటులు, టెక్నీషి యన్లు ఎవరో మంగళవారం తెలిసిపోయింది. ఆస్కార్‌ అవార్డ్స్‌ అందించే అకాడమీ అవార్డ్స్‌ సంస్థ అధికారికంగా నామినేషన్స్‌ని ప్రకటించింది. ‘ది షేప్‌ ఆఫ్‌ వాటర్‌’ 13 నామినేషన్లు దక్కించుకోగా, ‘డంకర్క్‌’ ఎనిమిది విభాగాల్లో, ‘త్రీ బిల్‌బోర్డ్స్‌ అవుట్‌సైడ్‌ ఎబ్బింగ్, మిస్సోరి’  ఏడు విభాగాల్లోనూ నామినేషన్‌ దక్కించుకున్నాయి. ఈసారి ‘సినిమాటోగ్రఫీ’ విభాగంలో ఛాయాగ్రాహకురాలు రేచెల్‌ మారిసన్‌కి నామినేషన్‌ దక్కడం విశేషం. ఈ విభాగంలో నామినేషన్‌ దక్కించుకున్న తొలి మహిళ ఆవిడే. ఇక.. నామినేషన్‌ జాబితా చూద్దాం. ఉత్తమ చిత్రం కాల్‌ మీ బై యువర్‌ నేమ్, డార్కస్ట్‌ అవర్, డంకర్క్, గెట్‌ అవుట్, లేడీ బర్డ్, ఫాంథమ్‌ థ్రెడ్, ది పోస్ట్, ది షేప్‌ ఆఫ్‌ వాటర్, త్రీ బిల్‌బోర్డ్స్‌ అవుట్‌సైడ్‌ ఎబ్బింగ్, మిస్సోరి. ఉత్తమ చిత్రం విభాగంలో ఈ తొమ్మిదీ నామినేషన్‌ దక్కించుకున్నాయి. ఉత్తమ నటుడు టిమోథ్‌ చలామెట్‌ (కాల్‌ మీ బై యువర్‌ నేమ్‌), డానియెల్‌ డూ–లెవిస్‌ (ఫాంథమ్‌ థ్రెడ్‌), డానియెల్‌ కలూయా, (గెట్‌ అవుట్,) గ్యారీ ఓల్డ్‌మేన్‌ (డార్కస్ట్‌ అవర్‌), డెంజెల్‌ వాషింగ్టన్, (రోమన్‌ జో ఇజ్రాయెల్‌ ఎస్క్యూ). ఉత్తమ నటి సాలీ హాకిన్స్‌ (ది షేప్‌ ఆఫ్‌ వాటర్‌), ఫ్రాన్సెస్‌ మెక్‌ డోర్‌మాండ్, (త్రీ బిల్‌బోర్డ్స్‌ అవుట్‌సైడ్‌ ఎబ్బింగ్, మిస్సోరి), మార్కెట్‌ రాబీ (ఐ, టోన్యా), సాయోర్స్‌ రోనన్‌ (లేడీ బర్డ్‌), మెరిల్‌ స్ట్రీప్‌ (ది పోస్ట్‌). ఉత్తమ దర్శకుడు పాల్‌ థామస్‌ అండర్‌సన్‌ (ఫాంథమ్‌ థ్రెడ్‌), గిలియర్మొ దెల్‌తొరొ (ది షేప్‌ ఆఫ్‌ వాటర్‌), గ్రెటా గెర్‌విగ్‌ (లేడీ బర్డ్‌), క్రిస్టోఫర్‌ నోలన్‌ (డంకర్క్‌), జోర్డాన్‌ పీలే (గెట్‌ అవుట్‌). ఇంకా ఇతర విభాగాల్లో నామినేషన్స్‌ను ప్రకటించారు. మార్చి 4న ఆస్కార్‌ అవార్డు వేడుక జరగనుంది. మరి.. అవార్డులు అందుకునేదెవరో వేచి చూద్దాం. 

సాక్షిప్రతినిధి, ఖమ్మం: ప్రభుత్వ నామినేటెడ్‌ పదవుల్లో తెలంగాణ ఉద్యమకారులకే ప్రాధాన్యం ఉంటుందని, రాష్ట్ర సాధన కోసం పోరాడిన ఏ ఒక్కరినీ టీఆర్‌ఎస్‌ పార్టీ మరిచిపోదని, వారికి పార్టీలో సముచిత స్థానం కల్పిస్తామని రాష్ట్ర, రోడ్లు భవనాల శాఖ మంత్రి తుమ్మల నాగేశ్వరరావు స్పష్టం చేశారు. ఖమ్మంలో నూతనంగా నిర్మించిన టీఆర్‌ఎస్‌ జిల్లా పార్టీ కార్యాలయాన్ని సోమవారం ఆయన ప్రారంభించారు. ఈ సందర్భంగా పార్టీ జిల్లా అధ్యక్షుడు ఎస్‌.బి.బేగ్‌ అధ్యక్షతన జరిగిన సభలో మంత్రి మాట్లాడారు. పార్టీ బలోపేతానికి కృషి చేసే నేతలు, కార్యకర్తలకు ఎప్పటికీ గౌరవం లభిస్తుందన్నారు. పార్టీ కార్యాలయం.. ముఖ్య మంత్రి ఆశయం కోసం పనిచేసే దేవాలయంగా ఉండాలని ఆకాక్షించారు.  టీఆర్‌ఎస్‌ అధి కారంలోకి వచ్చాక 47 కార్పొరేషన్‌ పదవులు ఉద్యమకారులకు ఇవ్వటం ఇందుకు నిదర్శనమన్నారు. మార్కెట్‌ కమిటీలు, గ్రంథాలయ సంస్థలు, రైతు సమన్వయ సమితులకు సంబంధించిన పదవులను స్థానిక ఎమ్మెల్యేల సిఫారస్‌ ప్రకారం నియమించామన్నారు. పార్టీ, ప్రభుత్వపరంగా ఆయా నియామకాల్లో ముఖ్యమంత్రి ఎమ్మెల్యేలకు సర్వాధికారాలు ఇచ్చారన్నారు. మిషన్‌ భగీరథ ద్వారా త్వరలోనే అన్ని మండలాలకు తాగునీరు అందనుందని చెప్పారు. డబుల్‌ బెడ్‌రూమ్‌ ఇళ్లు అడ్డగోలుగా కేటాయిస్తే కాంగ్రెస్‌ పార్టీకి పట్టిన గతే పడుతుందన్నారు. పార్టీలకతీతంగా డబుల్‌ బెడ్‌రూమ్‌ ఇళ్లు కట్టిస్తున్నామని, న్యాయబద్ధంగా చేస్తేనే ప్రజలు హర్షిస్తారన్నారు. ఏ తప్పు జరగకుండా సంక్షేమ, అభివృద్ధి కార్యక్రమాలు పేద లకు అందించేందకు టీఆర్‌ఎస్‌ ప్రభుత్వం కట్టుబడి పనిచేస్తోందన్నారు.  టీఆర్‌ఎస్‌ జిల్లా పార్టీ కార్యాలయాన్ని అందరూ సద్వినియోగం చేసుకొని తమ సమస్యలను తీర్చుకోవాలని కోరారు. కార్యక్రమంలో  అశ్వారావుపేట ఎమ్మె ల్యే తాటి వెంకటేశ్వర్లు, వైరా ఎమ్మెల్యే బానోతు మదన్‌లాల్, రాష్ట్ర విత్తనాభివృద్ధి సంస్థ, పారిశ్రామికాభివృద్ధి సంస్థ, ఎస్సీ కార్పొరేషన్‌ చైర్మన్‌లు కొండబాల కోటేశ్వరరావు, ఎస్‌.బి.బేగ్, పిడమర్తి రవి, జెడ్పీ చైర్‌పర్సన్‌ గడిపల్లి కవిత, డీసీసీబీ చైర్మన్‌ మువ్వా విజయ్‌బాబు, ఎమ్మెల్సీ బాలసాని లక్ష్మీనారాయణ, టీఆర్‌ఎస్‌ రాష్ట్ర ప్రధాన కార్యదర్శి నూకల నరేష్‌రెడ్డి, కార్యదర్శి తెల్లం వెంకట్రావ్, నగర మేయర్‌ పాపాలాల్, ఉమ్మడి జిల్లాలకు చెందిన నేతలు, కార్యకర్తలు పాల్గొన్నారు.

2018 ఆరంభమైంది. జిల్లాలో సరికొత్త రాజకీయ చిత్రం ఏర్పడనుంది. ఇప్పటికే ఆయా పార్టీల శ్రేణుల్లో స్థానిక ఎన్నికల ఊపు నెలకొంది. గులాబీసేనలో నామినేటెడ్‌ జోష్‌ నెలకొనగా.. హస్తం పార్టీలో ఆశలు చిగురిస్తున్నాయి. అమిత్‌షా రాష్ట్ర పర్యటనపైనే కమలదళం ఆశలు పెట్టుకుంది. వామపక్షాలు పోరుబాట పట్టగా.. వైఎస్సార్‌ సీపీ పూర్వవైభవ దిశగా ముందుకు సాగుతోంది.   సాక్షి, కొత్తగూడెం: రాజకీయ పార్టీల శ్రేణుల్లో సరికొత్త వాతావరణం నెలకొంది. 2018 ఏడాది మధ్యలో పంచాయతీ ఎన్నికలు జరగనుండడంతో పాటు తర్వాత సాధారణ ఎన్నికలు రానుండడంతో  జిల్లాలోని ఆయా పార్టీ నాయకుల్లో ఆశలు చిగురిస్తున్నాయి. క్షేత్రస్థాయి కార్యకర్తలతో నూతనోత్సాహం ఏర్పడింది. కొత్త ఏడాది కానుకగా నామినేటెడ్‌ పోస్టులు భర్తీ చేస్తామని ప్రకటించడంతో అధికార టీఆర్‌ఎస్‌ శ్రేణులు ఉత్కంఠగా ఎదురు చూస్తున్నాయి. ఇన్నాళ్లు ఊరిస్తూ వచ్చిన నామినేటెడ్‌ పదవులు ఎప్పుడెప్పుడు వరిస్తాయా అని ఆశల పల్లకిలో ఊరేగుతున్నారు. జిల్లాలో ప్రధానమైన భద్రాచలం, అన్నపురెడ్డిపల్లి ఆలయ కమిటీలతో పాటు రాష్ట్ర స్థాయి కార్పొరేషన్ల డైరెక్టర్ల పదవులు ఆశించే వారు ఉవ్విళ్లూరుతున్నారు. మొదటి నుంచి పనిచేసే వారితో పాటు, రాష్ట్ర స్థాయి నాయకులు, మంత్రులు, ఎమ్మెల్యేలతో వివిధ రకాల పదవులకు సంబంధించి ఒప్పందాలు చేసుకుని టీఆర్‌ఎస్‌లో చేరిన వలస నాయకులు నామినేటెడ్‌ పదవుల కోసం ప్రయత్నాలు ప్రారంభించారు. జిల్లా కమిటీ రద్దు చేసి 15 నెలలు దాటడంతో సంస్థాగత పదవులకు కూడా ఎదురుచూపులు తప్పడంలేదు.  క్షేత్రస్థాయి శ్రేణుల్లో అసంతృప్తిని తొలగించేందుకు పార్టీ అధినేత నిర్ణయించడంతో కొంత ఊరట పొందారు.   ♦ ప్రధాన ప్రతిపక్షం కాంగ్రెస్‌ పార్టీకి సంబంధించి సంస్థాగత పదవుల విషయమై శ్రేణుల్లో సరికొత్త ఆశలు నెలకొన్నాయి.  క్షేత్రస్థాయిలో సమన్వయం చేసేందుకు అధిష్టానం తగిన ఏర్పాట్లు చేస్తోంది. ఇందులో భాగంగా భద్రాద్రి జిల్లాకు సంబంధించి డీసీసీ అధ్యక్షుడు, కార్యవర్గం నియామకంపై ఉత్కంఠ నెలకొంది. స్థానిక ఎన్నికలు, అనంతరం సాధారణ ఎన్నికలు వస్తుండడంతో సంస్థాగత పదవులపై శ్రేణుల్లో మరిన్ని ఆశలు చిగురిస్తున్నాయి.  ♦ రానున్న స్థానిక ఎన్నికల్లో జిల్లాలోని అన్ని పంచాయతీల్లో పోటీ చేసేందుకు వైఎస్సార్‌సీపీ నాయకులు రంగం సిద్ధం చేస్తున్నారు. ఇందులో భాగంగా సంస్థాగతంగా మరింత బలోపేతం అయ్యేందుకు జిల్లాలో కార్యవర్గాన్ని విస్తరించేందుకు నిర్ణయించారు.  ♦ మోదీ–అమిత్‌షా  మేనియాతో జిల్లాలో బలపడాలని కమలదళం ప్రయత్నిస్తోంది. ఈ నెలలో రాష్ట్రంలో 5 రోజుల పాటు పర్యటించి భవిష్యత్‌ కార్యాచరణకు బీజేపీ జాతీయాధ్యక్షుడు అమిత్‌షా నిర్ణయించడంతో జిల్లా శ్రేణుల్లో ఊపు వచ్చింది. మారుమూల ప్రాంతాల్లో విస్తరించేందుకు సంస్థగతంగా మరిన్ని పదవులు ఇచ్చేందుకు నిర్ణయించడంతో పాటు, స్థానిక ఎన్నికల్లో అదృష్టాన్ని పరీక్షించుకునేందుకు పావులు కదుపుతోంది. దీంతో శ్రేణుల్లో ఆశలు పెరిగాయి.  ♦ ఇక భద్రాద్రి జిల్లాలో ప్రాబల్యం ఎక్కువగా కలిగిన వామపక్షాలైన సీపీఐ, సీపీఎం, న్యూడెమోక్రసీ పార్టీలు స్థానిక ఎన్నికల్లో సత్తా చాటేందుకు సర్వశక్తులూ ఒడ్డేందుకు ఏర్పాట్లు చేసుకుంటున్నాయి. ఇందులో భాగంగా ఇప్పటికే ప్రజాక్షేత్రంలో పోరుబాటకు దిగాయి.  గ్రామ స్థాయిలో సంస్థాగతంగా బలోపేతమయ్యేందుకు శ్రేణులను సిద్ధం చేస్తున్నాయి. మండల మహాసభలు పూర్తిచేసుకుంటున్న సీపీఎం ఈ నెల మొదటివారంలోనే జిల్లా మహాసభలను జరుపుకోనుంది.   ♦ ఇక టీడీపీ పుంజుకునే పరిస్థితి కనిపించడంలేదు. మంత్రి తుమ్మల నాగేశ్వరరావుతోనే కేడర్‌తో అంతా టీఆర్‌ఎస్‌లో చేరింది. అనంతరం రేవంత్‌రెడ్డితో కొందరు కాంగ్రెస్‌లో చేరారు. మిగిలిన ఒకరిద్దరు నాయకులు కూడా నైరాశ్యంలోనే ఉన్నారు. 

సాక్షి, హైదరాబాద్‌ : అధికార టీఆర్‌ఎస్‌ నాయకులు, కార్యకర్తలకు పదవీయోగం కల్పించేందుకు రంగం సిద్ధమవుతోంది. సంక్రాంతి తర్వాత నామినేటెడ్‌ పదవుల భర్తీకి ముహూర్తం ఖరారు చేసినట్లు తెలిసింది. టీఆర్‌ఎస్‌ అధికారంలోకి వచ్చి మూడున్నరేళ్లు గడిచినా నామినేటెడ్‌ పోస్టుల భర్తీ పూర్తి స్థాయిలో చేపట్టలేదు. ఈ ఏడాది సీఎం కేసీఆర్‌ కొన్నింటిని భర్తీ చేసినా.. అవి రాష్ట్రస్థాయిలో కార్పొరేషన్ల చైర్మన్‌ పోస్టులకే పరిమితమయ్యాయి. చైర్మన్లను నియమించిన కార్పొరేషన్లలో డైరెక్టర్‌ పోస్టుల భర్తీని కూడా పెండింగ్‌లో పెట్టారు. వేల సంఖ్యలో ఉండే డైరెక్టర్‌ పదవులు, బోర్డు మెంబర్ల పోస్టుల కోసం పార్టీ నాయకులు, కార్యకర్తలు పెద్ద సంఖ్యలో ఎదురుచూస్తున్నారు. జిల్లా నేతల్లో పెరిగిన అసంతృప్తి నామినేటెడ్‌ పోస్టుల భర్తీ లేకపోవడంతో ఉద్యమ కాలం నుంచి పార్టీలో కొనసాగుతున్న నేతల్లో అసంతృప్తి నెలకొంది. క్షేత్రస్థాయిలో పని చేయించుకోవాల్సింది వారితోనే కావడంతో నియోజకవర్గాల్లో ఎమ్మెల్యేలు కూడా కొంత ఇబ్బంది ఎదుర్కొన్నారు. వారిని సముదాయించలేక, పదవులు ఇప్పించుకోలేక, అధినేత వద్ద బలంగా డిమాండ్‌ చేయలేక ఎంపీలు, ఎమ్మెల్యేలు సతమతమయ్యారు. ఏడాదిన్నరలోపే సార్వత్రిక ఎన్నికలు ఉండడం, తమను నమ్ముకున్న ద్వితీయ, తృతీయ స్థాయి నేతలు, కేడర్‌కు పదవులు ఇప్పించుకోలేకపోవడంతో వారితో పని చేయించుకోవడం కష్టంగా మారుతుందన్న అభిప్రాయంలో ఉన్నారు. ఇప్పటికే రాష్ట్రంలోని మేజర్‌ మార్కెట్‌ కమిటీ చైర్మన్‌ పోస్టులు భర్తీ అయ్యాయి. దాదాపు 43 కార్పొరేషన్లకు చైర్మన్లను నియమించారు. రాష్ట్రంలో మొత్తం 4 వేల దాకా నామినేటెడ్‌ పోస్టులు ఉంటాయని చెబుతున్నారు. భర్తీ చేసినవి పోను మిగిలిన కొన్ని పోస్టులపై పార్టీ అధినేత స్పష్టత ఇచ్చారని అంటున్నారు. వీటిపై కసరత్తు మొదలు పెట్టారని, జనవరి చివరికల్లా పోస్టులన్నీ భర్తీ చేసే అవకాశం ఉందని పార్టీ ముఖ్య నేతలు చెబుతున్నారు. కేడర్‌లో జోష్‌ పెంచేందుకే.. సార్వత్రిక ఎన్నికలు దగ్గర పడుతుండటంతో నామినేటెడ్‌ పోస్టుల భర్తీ ద్వారా కేడర్‌లో జోష్‌ నింపాలన్న వ్యూహంతో పదవుల భర్తీకి జాబితాలు సిద్ధం చేస్తున్నట్లు సమాచారం. ఇప్పటివరకు కీలక నామినేటెడ్‌ పోస్టులన్నీ పార్టీలో మొదట్నుంచి పనిచేసిన వారికి దక్కాయి. పార్టీ అధికారంలోకి వచ్చాక ఇతర పార్టీల నేతలు చాలా మంది గులాబీ కండువా కప్పుకున్నారు. ఈసారి భర్తీ చేయనున్న పదవుల్లో వారికి కూడా చోటు దక్కనున్నట్లు సమాచారం. మరోవైపు ఆశావహులు మంత్రులు, ఎమ్మెల్యేలను కలిసి పదవులు చేజిక్కించుకునేందుకు ప్రయత్నాలు మొదలుపెట్టారు. 

సాక్షి, చెన్నై:  తమిళనాడు ఆర్కే నగర్ ఎన్నికల రిటర్నింగ్  అధికారిపై వేటు పడింది.  ప్రముఖ నటుడు విశాల్ కృష్ణ నామినేషన్ వ్యవహారంలో  వివాదాస్పదంగా వ్యవహరించిన ఆ అధికారిపై ఎన్నికల కమిషన్‌ సీరియస్‌గా స్పందించింది. విశాల్‌ నామినేషన్‌ ఉదంతంపై   ప్రతిపక్షాలు తీవ్ర విమర్శలకు దిగడంతో ఈసీ ఈ నిర్ణయం తీసుకుంది. నామినేషన్ పత్రాలను తిరస్కరించిన  అధికారి వేలుస్వామిని  ఎన్నికల సంఘం వెనక్కి పిలిచింది. ఈయన స్థానంలో ఐఏఎస్‌ అధికారి ప్రవీణ్‌ పీ నాయర్‌ని   నూతన రిటర్నింగ్‌ అధికారిగా నియమించింది. హీరో విశాల్‌ నామినేషన్‌ తిరస్కరణపై ప్రతిపక్ష డిఎంకె నేత స్టాలిన్ తీవ్రంగా ప్రతిస్పందించిన విషయం తెలిసిందే. విశాల్ నామినేషన్‌ను తిరస్కరించే విషయంలో భారత ఎన్నికల కమిషన్ పాలక పార్టీతో కుమ్ముక్కయిందని ఆయన ఆరోపించారు.   రిటర్నింగ్‌ అధికారిని వెంటనే తొలగించాలని  డిమాండ్ చేశారు. ఎన్నికల అధికారులు అధికార పక్షానికి సానుకూలంగా వ్యవహరిస్తున్నారంటూ ప్రతిపక్షాలు దుమ్మెత్తి పోస్తున్నాయి. కాగా ఆర్కే నగర్  అసెంబ్లీ స్థానానికి స్వతంత్ర అభ్యర్థిగా పోటీ చేస్తున్న విశాల్  సమర్పించిన నామినేషన్ అసంపూర్తిగా ఉందని రిటర్నింగ్ అధికారి తిరస్కరించిన విషయం విదితమే. అయితే కొంత సమయం అనంతరం నామినేషన్‌  అంగీకరిస్తున్నట్టు, మళ్లీ తిరస్కరించినట్టు ప్రకటించడం తీవ్ర గందరగోళానికి తెరతీసింది. విశాల్‌ అభిమానుల మితిమీరిన ఒత్తిడి మూలంగానే నామినేషన్‌ను ఆమోదించినట్లు అధికారి చెప్పడం మరింత వివాదానికి తెర తీసింది.  

సాక్షి, చెన్నై : ఆర్కే నగర్‌ ఉప ఎన్నిక విషయంలో అనూహ్య పరిణామాలు చోటు చేసుకుంటున్నాయి. నటుడు విశాల్‌ నామినేషన్‌ను స్వీకరిస్తున్నట్లు రిటర్నింగ్‌ అధికారి ప్రకటించారు.  తొలుత నామినేషన్‌ను తిరస్కరించినట్లు ప్రకటించగానే విశాల్‌ తన అభిమానులతో ధర్నాకు దిగగా.. పోలీసులు అదుపులోకి తీసుకున్నారు. ఆ నాటకీయ పరిణామాల తర్వాత రిటర్నింగ్‌ అధికారిని కలిసిన విశాల్‌ వివరణ ఇచ్చుకున్నాడు. దానిపై సంతృప్తి చెందిన అధికారి విశాల్‌ నామినేషన్‌ను అంగీకరించారు. అనంతరం బయటకు వచ్చిన విశాల్‌ మీడియాతో మాట్లాడుతూ హర్షం వ్యక్తం చేస్తున్నట్లు చెప్పాడు. సరైన నిర్ణయం తీసుకున్నందుకు ఎన్నికల సంఘానికి ధన్యవాదాలు తెలియజేశాడు. ‘‘నా నామినేషన్‌ను ఈసీ అంగీకరించింది. నేను ఎన్నికల్లో పోటీ చేస్తున్నా’’ అని విశాల్‌ ప్రకటించాడు. తన మద్దతుదారులను బెదిరించారని.. అయినా నా పోరాటం గెలిచిందన్నాడు.  

సాక్షి, చెన్నై : ఆర్కే నగర్‌ ఉప ఎన్నికపై రిటర్నింగ్‌ అధికారి వరుస షాకులు ఇస్తున్నారు. నటుడు విశాల్‌ నామినేషన్‌ను కూడా తిరస్కరించినట్లు ఆయన ప్రకటించారు. కాసేపటి క్రితం ఈ విషయాన్ని ఆయన తెలియజేశారు. నామినేషనల్‌ లో తప్పిదాలు ఉండటంతోపాటు, వివరాలు సరిగ్గా లేవని రిటర్నింగ్‌ ఆఫీసర్‌ పేర్కొన్నారు. కాగా, స్వతంత్ర్య అభ్యర్థిగా సోమవారం విశాల్‌ నామినేషన్‌ దాఖలు చేసిన విషయం తెలిసిందే. మరోవైపు జయలలిత మేనకోడలు దీప జయకుమార్‌ నామినేషన్‌ కూడా తిరస్కరణకు గురైంది.   సాంకేతిక కారణాలతో ఆమె నామినేషన్‌ను తిరస్కరించినట్లు అధికారి తెలిపారు. విశాల్‌ అరెస్ట్‌... నామినేషన్‌ తిరస్కరణపై విశాల్‌ తీవ్రంగా స్పందించాడు. ఉద్దేశపూర్వకంగానే తిరస్కరించారంటూ రోడ్డుపై ధర్నాకు దిగగా.. పోలీసులు అడ్డుకుని అరెస్ట​ చేశారు. దీంతో పరిస్థితి ఉద్రిక్తంగా మారింది. ఈ విషయమై విశాల్‌ కోర్టుకు వెళ్లే ఆలోచనలో ఉన్నట్లు తెలుస్తోంది.

సాక్షి, చెన్నై : జయలలిత మేనకోడలు దీప జయకుమార్‌కు ఊహించని షాక్‌ తగిలింది. ఆర్కే నగర్‌ ఉప ఎన్నిక కోసం ఆమె దాఖలు చేసిన నామినేషన్‌ను తిరస్కరించినట్లు రిటర్నింగ్‌ ఆఫీసర్‌ ప్రకటించారు. ఆర్కే నగర్‌ ఉప ఎన్నిక కోసం ఆమె స్వతంత్ర్య అభ్యర్థినిగా నామినేషన్‌ దాఖలు చేసిన విషయం తెలిసిందే. అందులో ఆమె పేర్కొన్న అంశాలు అసంపూర్తిగా ఉన్నాయంటూ తెలిపారు. జయ మృతి తర్వాత ఎంజీఆర్‌ అమ్మ దీపా పెరవై పేరిట ఓ పార్టీని స్థాపించిన ఆమె.. ఆ సమయంలో జయకు అసలైన వారసురాలిని తానే అని ప్రకటించుకున్నారు. ఆపై ఆర్కే నగర్‌ ఉప ఎన్నికలో గెలుపొంది తీరతానని ధీమా వ్యక్తం చేశారు కూడా. కాగా, ఈసీ నిర్ణయంతో ఆమె ఎన్నికకు దూరమైనట్లయ్యింది. ప్రస్తుతం ఆర్కే నగర్‌ కు పోటీ ఆసక్తికరంగా మారింది. ప్రధాన పార్టీ అభ్యర్థులతోపాటు నటుడు విశాల్‌, ముఖ్యంగా బహిష్కృత నేత దినకరన్‌ ఈ ఎన్నికను సవాల్‌ గా తీసుకోవటంతో రాజకీయ వర్గాలు పోటీని ఆసక్తిగా తిలకించబోతున్నాయి. ఎన్నికల సంఘం డిసెంబర్‌ 21న ఎన్నిక, 24 న కౌంటింగ్‌ నిర్వహించనుంది.

సాక్షి, న్యూఢిల్లీ : కాంగ్రెస్‌ పార్టీ అధ్యక్షుడిగా రాహుల్‌ గాంధీ బాధ్యతలు స్వీకరించే తరుణం ఆసన్నమైంది. కాసేపటి క్రితం (సోమవారం ఉదయం) ఏఐసీసీ ప్రధాన కార్యాలయంలో ఆయన నామినేషన్‌ దాఖలు చేశారు. మాజీ ప్రధాని మన్మోహాన్‌ సింగ్‌, పలువురు సీనియర్‌ నేతలు ఈ కార్యక్రమానికి హాజరయ్యారు.  రాహుల్‌ గాంధీ పేరును ప్రస్తుత అధినేత్రి సోనియా గాంధీ, సీనియర్‌ నేత మన్మోహాన్‌ సింగ్‌ ప్రతిపాదించారు. షెడ్యూల్‌ ప్రకారం ఈ నెల 17న పోలింగ్‌, 19న ఓటింగ్‌ నిర్వహించాల్సి ఉంది. అయితే ఇప్పటిదాకా పోటీ లేకపోవటంతో ఈ సాయంత్రమే రాహుల్‌ పేరును అధ్యక్షుడిగా అధికారికంగా ప్రకటించే అవకాశం ఉందని ఏఐసీసీ వర్గాలు వెల్లడించాయి. నాలుగు సెట్ల రాహుల్‌ నామినేషన్‌ పత్రాలపై 40 మంది నేతలు సంతకాలు చేయగా.. రాహుల్‌ను ప్రతిపాదిస్తూ 93 నామినేషన్లు దాఖలయ్యాయి. ప్రతీ రాష్ట్రం నుంచి ఆయనకు మద్దతుగా నామినేషన్లు దాఖలైనట్లు సమాచారం. ప్రస్తుతం ఆయన కాంగ్రెస్‌ పార్టీ ఉపాధ్యక్షుడి పదవిలో కొనసాగుతుండగా..  నెహ్రూ కుటుంబం నుంచి అధ్యక్ష బాధ్యతలను స్వీకరించిన జాబితాలో రాహుల్‌ చేరబోతున్నాడు. ఇక అత్యధిక కాలం ఏఐసీసీ అధ్యక్షురాలిగా పని చేసిన రికార్డు సోనియా గాంధీ(దాదాపు 20 ఏళ్లు) పేరిట ఉంది. ఒకవేళ నేడు కుదరకపోతే 11వ తేదీన రాహుల్‌ను అధ్యక్షుడిగా ప్రకటించే అవకాశం ఉందని సమాచారం.  నామినేషన్‌ వేసిన అనంతరం కాంగ్రెస్‌ పార్టీకి చెందిన మోసినా కిద్వై, షీలా దీక్షిత్ లాంటి కురువృద్ధ నేతలతో రాహుల్‌ కాసేపు ముచ్చటించారు. రాహుల్‌ గాంధీ ప్రధాని అభ్యర్థిత్వానికి సరైన వ్యక్తి అని ఈ సందర్భంగా పంజాబ్‌ ముఖ్యమంత్రి అమరిందర్‌ సింగ్‌ అభిప్రాయం వ్యక్తంచేశారు. పలువురు సీనియర్‌ నేతలు రాహుల్‌కు మద్దతుగా ట్వీట్లు చేస్తున్నారు. As Congress VP Rahul Gandhi files his nomination for the post of Congress President, senior leaders of the INC family send their best wishes and express why he is the perfect leader. #IndiaWithRahulGandhi @capt_amarinder pic.twitter.com/X2JCzc1ejT — Congress (@INCIndia) December 4, 2017 As Mr Rahul Gandhi files his nomination, I wish him the very best as Congress President. #IndiaWithRahulGandhi — P. Chidambaram (@PChidambaram_IN) December 4, 2017 Have no doubt that we will make tremendous strides under your unifying & progressive leadership @OfficeOfRG! Wish you the very best! Look forward to undertaking this journey of building an India of energy, opportunity & unity with you. #IndiawithRahulGandhi — Jyotiraditya Scindia (@JM_Scindia) December 4, 2017

ఆర్థిక లావాదేవీలన్నింటికీ కీలకం బ్యాంకు ఖాతాయే. మ్యూచువల్‌ ఫండ్స్‌ను సిప్‌ చేయాలన్నా, స్టాక్స్‌లో పెట్టుబడులు పెట్టాలన్నా, బిల్లులు చెల్లించాలన్నా... ఇంకా బీమా ప్రీమియం, ఈఎంఐలు... వచ్చే ఆదాయానికి, వెళ్లే ఖర్చులకు బ్యాంకు ఖాతాయే కీలకం. కానీ, దురదృష్టవశాత్తూ ఖాతాదారుడికి ఏదైనా జరిగితే పరిస్థితేంటి? బోంబే హైకోర్టు ముందుకు ఈ మధ్యే ఓ పిటిషన్‌ వచ్చింది. 63 ఏళ్ల మహిళ తన భర్త అపస్మారక స్థితికి చేరుకోవడంతో చికిత్సకయ్యే ఖర్చులను అతడి బ్యాంకు ఖాతా నుంచి చెల్లించబోయింది. నిబంధనలు అడ్డుతగిలాయి. దీంతో తనను గార్డియన్‌గా నియమించాలని కోరుతూ ఆమె కోర్టును ఆశ్రయించాల్సి వచ్చింది. కొన్ని సందర్భాల్లో నియంత్రణలు మంచివే. కానీ, అన్నివేళలా కాదు. కాబట్టి బ్యాంకు ఖాతా నిర్వహించటమెలా? మీ ఖాతాపై మీ కుటుంబ సభ్యులకు అవాంతరాల్లేని అధికారం ఇవ్వడం ఎలా? అనే వివరాలు తెలియజేసేదే ఈ కథనం... నామినేషన్‌ తప్పనిసరి... బ్యాంకులో ఖాతా ప్రారంభంలోనే నామినేషన్‌ను నమోదు చేయడం మర్చిపోవద్దు.  ఖాతాదారుడు మరణించిన సందర్భాల్లో ఖాతాకు సంబంధించిన క్లెయిమ్‌లను సులభతరం చేస్తుంది. నిజానికి నామినీగా ఉండేవారు చట్ట బద్ధమైన వారసులే కానక్కర్లేదు. వేర్వేరు కావచ్చు. నామినీ ఎవరినీ పేర్కొనకపోతే ఖాతాలో ఉన్న నగదు, ఫైనల్‌ సెటిల్‌మెంట్‌కు వారసులే అర్హులవుతారని ఫెడరల్‌ బ్యాంకు డిజిటల్‌ బ్యాంకింగ్‌ హెడ్‌ కేఏ బాబు తెలియజేశారు.   ఒకరి పేరును ఖాతాకు నామినీగా ఇచ్చి ఉంటే, ఆ తర్వాత ఎప్పుడు అవసరమైతే అప్పుడు, ఎన్ని సార్లయినా నామినీని మార్చుకునే అవకాశం ఉంటుంది. కానీ, ఖాతాదారుడు లేదా లాకర్‌ యజమాని జీవించి ఉండి, కోమాలోకి వెళ్లడం లేదా ప్రమాదంలో తీవ్రంగా గాయపడి అచేతనంగా మారితే ఏంటి పరిస్థితి...? ఇటువంటి సందర్భాల్లో బ్యాంకు నామినీకి ఖాతాపై అధికారం ఇవ్వదు. ఈ నేపథ్యంలో జాయింట్‌ అకౌంట్‌ ఒక్కటే పరిష్కారం. ఈ జాయింట్‌ అకౌంట్‌లోనూ (ఇద్దరు లేదా ముగ్గురు ఉమ్మడిగా ప్రారంభించే ఖాతా) పలు వర్గీకరణాలున్నాయి. ఇద్దరూ లేదా ఏ ఒక్కరైనా... ‘ఐదర్‌ ఆర్‌ సర్వైవర్‌’ అని పేర్కొనే ఈ ఖాతాను ఖాతాదారులు ఇద్దరూ నిర్వహించుకోవచ్చు. ఇద్దరికీ సంపూర్ణ హక్కులు ఉంటాయి. ఏ లావాదేవీకి సంబంధించినదైనా ఇద్దరూ కలిసి సంతకాలు పెట్టాల్సిన అవసరం లేదు. జాయింట్‌ ఖాతా అయినప్పటికీ ఎవరికి అవసరమైనప్పుడు వారు లావాదేవీలు నిర్వహించుకోవచ్చు. కనుక భార్యా, భర్తలు ఉమ్మడిగా ఈ ఖాతాను కలిగి ఉండడం లాభదాయకం. జాయింటు ఖాతా అవసరమా...? జాయింట్‌ ఖాతాకు పలు ప్రయోజనాలున్నాయి. ఇద్దరు ఖాతాదారులూ ఖాతాను అవసరమైనప్పుడు నిర్వహించుకోవచ్చు. దంపతులు అయితే వారు తమ ఆర్థిక లావాదేవీలను ఒకే ఖాతా నుంచి సులభంగా సమీక్షించుకోవచ్చు. ఐదర్‌ ఆర్‌ సర్వైవర్‌ ఖాతాకు నామినేషన్‌ ఇచ్చి ఉన్నప్పటికీ, ఖాతాదారుడు మరణిస్తే రెండో ఖాతాదారుడికే అధికారం లభిస్తుంది కానీ, నామినీకి కాదు. ఇద్దరు ఖాతాదారులు మరణించిన తర్వాతే నామినీ అవసరం వస్తుంది. తొలి ఖాతాదారు తరవాతే... ఫార్మర్‌ ఆర్‌ సర్వైవర్‌... అని పేర్కొనే ఈ ఖాతా కూడా ఉమ్మడి ఖాతానే అయినప్పటికీ ఖాతాను మొదటి ఖాతాదారుడే (ఫార్మర్‌)  నిర్వహించేందుకు అనుమతి ఉంటుంది. కాల వ్యవధికి ముందే డిపాజిట్‌ మొత్తాన్ని చెల్లించేటట్టు అయితే ఇద్దరి సంతకాలూ అవసరం అవుతాయి. ఒకవేళ ఖాతాదారుడికి ఏదైనా జరిగితే అప్పుడు సర్వైవర్‌ లేదా రెండో ఖాతాదారుడు ఆ ఖాతాపై అధికారం పొందుతారు. అయితే, ఈ విధంగా ఖాతా నిర్వహణకు అనుమతి పొందేందుకు ఖాతాదారుడి మరణ ధ్రువీకరణ పత్రాన్ని సమర్పించాల్సి ఉంటుంది. రెండో ఖాతాదారుడు ఖాతాపై అధికారాన్ని రెండు రకాల పరిస్థితులో పొందొచ్చు. మొదటి ఖాతాదారుడు మరణించినప్పుడు లేదా ఇద్దరు ఖాతాదారులు కలసి దరఖాస్తు ఇచ్చిన సందర్భంలో. మొదటి ఖాతాదారుడు జీవించి ఉండగా, రెండో ఖాతాదారుడికి అధికారికం ఇచ్చే చట్టబద్ధమైన హక్కు బ్యాంకుకు లేదు. ఈ సందర్భాల్లో కోర్టు నుంచి డిక్రీ పొందాల్సి ఉంటుంది’’ అని ఫెడరల్‌ బ్యాంకుకు చెందిన కేఏ బాబు వివరించారు. ఖాతాదారుడు నిర్వహించలేని పరిస్థితుల్లో... ఆర్‌బీఐ నిబంధనల ప్రకారం ఖాతాదారుడు అనారోగ్యం కారణంగా చెక్కుపై సంతకం చేయలేని, బ్యాంకు శాఖకు వచ్చి నగదు విత్‌డ్రా చేసుకోలేని శారీరక అచేతన పరిస్థితుల్లో ఉంటే... చెక్కు లేదా విత్‌డ్రాయల్‌ ఫామ్‌పై వేలిముద్రను వేయవచ్చు. కాకపోతే బ్యాంకుకు తెలిసిన ఇద్దరు సాక్షులు దీన్ని ధ్రువీకరించాల్సి ఉంటుంది. ఇందులో ఒకరు బ్యాంకు ఉద్యోగి అయి ఉండాలి. అలాగే, శారీరకంగా కదల్లేని పరిస్థితుల్లో బ్యాంకుకు రాలేని, వేలి ముద్ర వేయలేని పరిస్థితి ఉంటే అతని తరఫున ఎవరైనా తమ వేలి ముద్రలను చేయవచ్చు. కాకపోతే దీన్ని ఇద్దరు సాక్షులు ధ్రువీకరించాలి. వారిలో ఒకరు బ్యాంకు ఉద్యోగి అయి ఉండడం తప్పనిసరి.   ప్రత్యామ్నాయ మార్గమిదీ... జాయింట్‌ ఖాతా విషయంలో ఐదర్‌ ఆర్‌ సర్వైవర్‌ ఎంచుకోవచ్చని ‘లాడర్‌ 7’ ఫైనాన్షియల్‌ అడ్వైజర్స్‌ వ్యవస్థాపకులు సురేష్‌ సెడగోపన్‌ సూచించారు. అలాగే, పవర్‌ ఆఫ్‌ అటార్నీ (పీవోఏ) కూడా పరిశీలించొచ్చన్నారు. పీవోఏ అన్నది ఓ వ్యక్తి తరఫున కొన్ని రకాల చర్యలు నిర్వహించేందుకు ఓ వ్యక్తికి అధికారాలను చట్టబద్ధంగా ఇవ్వడం.  స్థిర, చరాస్తులకూ ఇది వర్తిస్తుంది. కనుక ప్రతి ఒక్కరూ తమ ఆర్థిక వ్యవహారాలకు సంబంధించి ముందుచూపుతో నామినేషన్‌ లేదా పీవోఏ ఇవ్వడం ద్వారా జాగ్రత్తలు తీసుకోవడం మంచిది. అలాగే, అన్ని పత్రాలను ఒకేచోట అందుబాటులో ఉంచడం అవసరం.

సాక్షి, హైదరాబాద్‌: నగర పోలీసు విభాగం రూపొందించి, వినియోగిస్తున్న యాప్‌ ‘హైదరాబాద్‌ కాప్‌’కు అరుదైన గుర్తింపు లభించిందని నగర పోలీసు కమిషనర్‌ ఎం.మహేందర్‌రెడ్డి గురువారం ప్రకటించారు. ప్రపంచంలోనే అత్యంత ప్రతిష్టాత్మకమైన ‘వరల్డ్‌ సమ్మిట్‌ అవార్డ్‌– 2017’ను గెల్చుకుందని ఆయన తెలిపారు. ఐక్యరాజ్య సమితిలో సభ్యులుగా ఉన్న ప్రతి దేశం ఈ అవార్డుకు ఒక్కో నామినేషన్‌ సమర్పించుకునే అవకాశం ఉందని పేర్కొన్నారు. ఈ నేపథ్యంలోనే 180 దేశాలు ఎనిమిది కేటగిరీల్లో 400 ఎంట్రీలు పంపాయని, వాటిలో భారత్‌ నుంచి హైదరాబాద్‌ కాప్‌ నామినేట్‌ అయిందని కొత్వాల్‌ తెలిపారు. గత వారం జర్మనీలోని బెర్లిన్‌లో సమావేశమైన జ్యూరీ మొత్తం 40 యాప్స్‌ను అవార్డులకు ఎంపిక చేసిందన్నారు. హైదరాబాద్‌ కాప్‌ ‘గవర్నమెంట్‌ అండ్‌ సిటిజన్‌ ఎంగేజ్‌మెంట్‌’కేటగిరీలో అవార్డు దక్కించుకుందని మహేందర్‌రెడ్డి పేర్కొన్నారు. సమాజంపై ప్రభావం చూపిన, ప్రజలకు ఉపయుక్తంగా మారిన యాప్స్‌ను ఈ వార్డుకు ఎంపిక చేస్తారని కమిషనర్‌ తెలిపారు. ప్రత్యేక కేటగిరీలో 24 దేశాల నుంచి వచ్చిన 39 ప్రాజెక్టులను అధిగమించి ‘హైదరాబాద్‌ కాప్‌’అవార్డు దక్కించుకుందని కొత్వాల్‌ తెలిపారు. వచ్చే ఏడాది మార్చి 20–22 మధ్య వియన్నాలో జరగనున్న ‘వాస్‌ గ్లోబల్‌ కాంగ్రెస్‌’లో సిటీ పోలీసులు ఈ అవార్డును అందుకుంటారని చెప్పారు.


 ♦ నామినేటెడ్, పార్టీ పదవుల కోసం టీఆర్‌ఎస్‌ నేతల ఎదురుచూపులు
 ♦ పదవులు అందనివారిలో ఆవేదన
 ♦ అవకాశం వచ్చినా తగిన గుర్తింపు లేదంటూ పలువురి అసంతృప్తి
 ♦ కార్యాలయాల్లేవు.. చేయాల్సిన పనేమిటో తెలియని స్థితి
 ♦ సంస్థాగత పదవులు భర్తీ చేయాలంటున్న నేతలు  
 
 సాక్షి, హైదరాబాద్‌: నామినేటెడ్‌ పదవుల భర్తీ విషయంగా టీఆర్‌ఎస్‌లో విభిన్నమైన పరిస్థితి నెలకొంది. పార్టీలో ముందునుంచీ ఉన్నా పదవులు రాలేదని కొందరు అసం తృప్తితో ఉండగా.. పదవులు దక్కినా తగిన గుర్తింపు లేదన్న భావనతో మరికొందరు ఉన్నారు. పార్టీలో గుర్తింపు లేకుండా పోయిం దంటూ రెండు రోజుల కిందట టీఆర్‌ఎస్‌ తాండూరు మైనారిటీ నేత ఆత్మహ త్యాయ త్నం చేయగా... తన సీనియారిటీని గుర్తించి అయినా గుడి చైర్మన్‌ పదవి ఇవ్వకుం డా డైరెక్టర్‌ పోస్టుతో సరిపెట్టారంటూ పెద్దపల్లి జిల్లా ఓదెలకు చెందిన మరో నేత ప్రమాణ స్వీకారం చేయకుండా కన్నీళ్లు పెట్టు్టకున్నారు. నామినేటెడ్‌ పదవులే కాదు పార్టీ సంస్థాగత పదవులైనా రావడం లేదంటూ మరికొందరు నేతలు వాపోతున్నారు.
 
 అంతా మాజీలే..
 టీఆర్‌ఎస్‌ అధికారంలోకి వచ్చినప్పటి నుంచి ఇప్పటివరకు మూడు ప్లీనరీలు జరిగాయి. గత ఏప్రిల్‌లో జరిగిన 16వ ప్లీనరీలో సీఎం కేసీఆర్‌ మరోమారు పార్టీ అధ్యక్షుడిగా ఏకగ్రీవంగా ఎన్నికయ్యారు. అయితే రాష్ట్ర ఆవిర్భావం కంటే ముందున్న పార్టీ కమిటీలు 2015లోనే రద్దయ్యాయి. 2015లో ఒకసారి, ఈ ఏడాది మరోసారి సభ్యత్వ నమోదు కార్యక్రమాలు కూడా జరిగాయి. అయినా సంస్థాగత పదవుల నియామకాలు చేపట్టలేదు. వాస్తవానికి పార్టీ నిబంధనావళి ప్రకారం రెండేళ్లకోసారి సభ్యత్వ నమోదు, సంస్థాగత ఎన్నికలు నిర్వహించారు. ఏటా పార్టీ ఆవిర్భావ దినోత్సవం సందర్భంగా ప్లీనరీ, బహిరంగ సభలు నిర్వహిస్తున్న అగ్రనాయకత్వం సంస్థాగత నిర్మాణం, కమిటీల విషయాన్ని పట్టించుకోవడం లేదన్న అభిప్రాయం వ్యక్తమవుతోంది. అయితే.. ‘‘కమిటీలను నియమించాలని అధినేత కేసీఆర్‌పై ఒత్తిడి తేగల నాయకులెవరూ లేరు. కానీ 2019 సార్వత్రిక ఎన్నికలకు రెండేళ్లే గడువున్నందున గ్రామ గ్రామాన పరిస్థితిని మాకు అనుకూలంగా మార్చుకోవాల్సి ఉంటుంది. తద్వారా ఓటు బ్యాంకును పెంచుకునేందుకు అవకాశం ఉంటుంది. పార్టీకి క్షేత్రస్థాయి శ్రేణులే కీలకం. వారికి కనీసం పార్టీ పదవులు కూడా ఇవ్వకుండానే.. వారి నుంచి పార్టీకి సేవలు ఆశించలేం కదా..’’అని టీఆర్‌ఎస్‌ నేత ఒకరు పేర్కొనడం గమనార్హం.
 
 మారిన నిబంధనలతో సమస్య
 16వ ప్లీనరీలో టీఆర్‌ఎస్‌ నిబంధనావళికి కొన్ని సవరణలు చేశారు. వాటి ప్రకారం టీఆర్‌ఎస్‌కు జిల్లా కమిటీలేవీ ఉండవు. బదులుగా ప్రతీ నియోజకవర్గంలో నియోజకవర్గ స్థాయి కమిటీలు ఎమ్మెల్యేల నేతృత్వంలో పనిచేస్తాయి. దీంతో అసలుకే ఎసరు వచ్చేలా ఉందన్న అభిప్రాయం పార్టీ శ్రేణుల్లో వ్యక్తమవుతోంది. జిల్లా కమిటీల్లో ప్రతీ నియోజకవర్గం నుంచి ముఖ్యులు అనుకున్న నాయకులకు స్థానం ఉండేది. వారికి జిల్లా స్థాయి పదవితో గుర్తింపు ఉండేది. కానీ ఇక నుంచి టీఆర్‌ఎస్‌లో జిల్లాకు ఓ ఇద్దరు ముగ్గురు ఇన్‌చార్జులు మాత్రమే ఉండనున్నారు. దానివల్ల ఎక్కువ మందికి పార్టీ కమిటీల్లో స్థానం లేకుండా పోతోంది. మరోవైపు పార్టీ రాష్ట్ర కమిటీకి కూడా అతీగతీ లేకుండాపోయింది. పోలిట్‌బ్యూరో సైతం మూడేళ్లుగా భర్తీ కాలేదు.
 
 పదవి ఉన్నా లేనట్లే
 గత ఏడాది కాలంగా రాష్ట్రంలో నామినేటెడ్‌ పదవుల భర్తీ కొంత ఊపందుకుంది. వ్యవసాయ మార్కెట్లు, దేవాలయాల పాలకమండళ్లు సహా రాష్ట్రస్థాయిలో నలభైకి పైగా కార్పొరేషన్లకు చైర్మన్లను నియమించారు. మునుపెన్నడూ లేని కొత్త కొత్త కార్పొరేషన్లనూ సృష్టించారు. అయితే తొలుత భర్తీ చేసిన చైర్మన్లకే కార్యాలయాలు, చేయడానికి కొంత పని ఉంది. కానీ తర్వాత జరిగిన నియామకాలకు సంబంధించి కార్యాలయాలు లేవు. అసలు వారి విధులేమిటో, ఏం చేయాలో కూడా తెలియని పరిస్థితి. పార్టీ అధినేతకు దగ్గర అని పేరున్న ఓ నాయకుడికి ఇటీవల ఓ కార్పొరేషన్‌ పదవి దక్కింది. కానీ ఆయనకు కూర్చోవడానికి క్యాబిన్, సీటు లేకపోవడంతో ఆ శాఖకు చెందిన సీనియర్‌ ఐఏఎస్‌ అధికారి సీటునే వినియోగించుకుంటున్నారు. దీంతో ఆ అధికారి కినుక వహించారు. ఇక మరో సీనియర్‌ నేతకు కార్యాలయం ఏర్పాటు చేయడంలో అధికారులు విఫలం కావడంతో.. కొన్నాళ్ల పాటు సంబంధిత శాఖ మంత్రి పేషీని ఉపయోగించుకున్నారు. చివరకు అటు వైపు వెళ్లడమే మానేశారు. దీంతో పదవులు వచ్చాయన్న సంతోషం కూడా లేకుండా పోయిందని నేతలు వాపోతున్నారు.


 2017కు నామినేట్‌ అయిన పథకం
 సాక్షి, హైదరాబాద్‌: సర్కారీ దవాఖానాల్లో ప్రసవాలను ప్రోత్సహించేందుకు రాష్ట్ర ప్ర భుత్వం ప్రవేశపెట్టిన కేసీఆర్‌ కిట్‌ పథకం తాజాగా స్కోచ్‌ అవార్డు–2017కు నామినేట్‌ అయ్యింది. పేదల కోసం ప్రభుత్వం చొరవ తీసుకుని అమలు చేసే కార్యక్రమాల విభాగంలో ఈ పథకం నామినేట్‌ అయ్యింది. రాష్ట్ర ప్రభుత్వం జూన్‌ 2న ఈ పథకాన్ని ప్రారంభించింది. ప్రభుత్వ ఆస్పత్రులలో ప్రసవించిన వారికి రూ.12 వేలు.. ఆడపిల్ల పుడితే అదనంగా మరో వెయ్యి(రూ.13 వేలు) అందిస్తోంది.
 
 4 దశలుగా ఈ సొమ్మును లబ్ధిదారుల బ్యాంకు ఖాతాల్లో జమ చేస్తున్నారు. కాన్పు జరిగిన వెంటనే శిశువు సంరక్షణ కోసం ప్రత్యేకంగా రూపొందించిన కిట్‌ను అందిస్తున్నారు. వైద్య శాఖ ఆగస్టు 21 వరకు 57,627 కిట్లను పంపిణీ చేసింది. జూన్‌లో రాష్ట్రవ్యాప్తంగా ప్రభుత్వ ఆస్పత్రులలో 15,839 మందికి కేసీఆర్‌ కిట్లను పంపిణీ చేశారు. జూలైలో ఈ సంఖ్య 34,963కు పెరిగింది. 1997 నుంచి గుర్గావ్‌ కేంద్రంగా స్కోచ్‌ పనిచేస్తోంది. సామాజిక, ఆర్థిక అంశాలు, సమ్మిళిత వృద్ధి తదితర అంశాలపై ఈ సంస్థ అధ్యయనం చేస్తుంది.


 ♦ పార్టీ పదవులు, గవర్నర్లు, నామినేటెడ్‌ పోస్టుల నియామకంపైనా...
 ♦ కార్యాచరణ ప్రారంభించిన ప్రధాని మోదీ  
 
 సాక్షి ప్రత్యేక ప్రతినిధి, న్యూఢిల్లీ: రాష్ట్రపతి, ఉపరాష్ట్రపతి ఎన్నికలు, పార్లమెంటు సమావేశాలు పూర్తవడంతో పార్టీ పదవులు, కేబినెట్‌ పునర్వ్యవస్థీకరణపై ప్రధాని నరేంద్ర మోదీ దృష్టి పెట్టారు. ఆరు రాష్ట్రాలకు గవర్నర్లు, ప్రభుత్వంలోని ఇతర కీలక పదవులనూ ఆయన భర్తీ చేయనున్నారు. వీలైనంత త్వరగా ఈ ఖాళీలను భర్తీ చేయాలన్న ఉద్దేశంతో ప్రధాని కార్యాచరణ ప్రారంభించినట్లు బీజేపీ, ప్రధానమంత్రి కార్యాలయ వర్గాల సమాచారం. ‘ఈ ఏడాది గుజరాత్, హిమాచల్‌ ప్రదేశ్‌ల్లో వచ్చే ఏడాది ఆరంభంలో పలు ఇతర రాష్ట్రాల్లో అసెంబ్లీ ఎన్నికలు జరగనున్న నేపథ్యంలో.. వీలైనంత త్వరగానే ఈ పునర్వ్యవస్థీకరణ జరుగుతుంది.
 
 2019 సార్వత్రిక ఎన్నికలను దృష్టిలో పెట్టుకునే ఈ ఖాళీల భర్తీ ఉంటుంది’ అని బీజేపీ ముఖ్యనేత ఒకరు తెలిపారు. అన్నాడీఎంకేలోని రెండు వర్గాలు విలీనమైనట్లు ధ్రువీకరణ జరిగితే.. ఆ పార్టీని ఎన్డీయేలో చేర్చుకోవడంతోపాటు ఒకరికి కేబినెట్‌లో చోటు కల్పించే అవకాశాలున్నట్లు చెప్పారు. జేడీయూ నుంచి ఒకరికి కేబినెట్‌లో చోటు దక్కవచ్చన్నారు. వెంకయ్య నాయుడు ఉపరాష్ట్రపతిగా ఎన్నికవటంతో ఆయన చేపట్టిన సమాచార, ప్రసార శాఖ, పట్టణాభివృద్ధి, పట్టణ పేదరిక నిర్మూలన శాఖలు.. అరుణ్‌ జైట్లీ వద్ద అదనంగా ఉన్న రక్షణ శాఖ, దివంగత మంత్రి అనిల్‌ దవే నేతృత్వంలోని అటవీ, పర్యావరణ శాఖలను భర్తీ చేయాల్సి ఉంది.
 
  75 ఏళ్లు దాటిన కల్రాజ్‌ మిశ్రాతోపాటుగా సరైన పనితీరు కనబరచని మంత్రులపైనా వేటు తప్పదని తెలుస్తోంది. కొత్తగా ఎంపిక చేసుకునే మంత్రులు, వారి శాఖల విషయంలో ప్రాంతీయ, కుల సమీకరణాలను ప్రధాని పరిగణనలోకి తీసుకోనున్నారని సమాచారం. వివాదాస్పద రికార్డులున్న వారికి సీనియారిటీ ఉన్నా చోటు దక్కకపోవచ్చని తెలుస్తోంది. అటు పార్టీలోనూ చాలాకాలంగా పునర్వ్యవస్థీకరణ జరగలేదు. 2014లో ప్రభుత్వం అధికారంలోకి వచ్చిన తర్వాత ఇప్పటికవరకూ పదాధికారుల బాధ్యతలు మార్చలేదు.
 
 పార్టీలో ఉపాధ్యక్షులు, ప్రధాన కార్యదర్శులకు కేంద్ర మంత్రి వర్గంలో చోటు కల్పించటంతో పార్టీలో వారి పదవులు ఖాళీగానే ఉన్నాయి. మధ్యప్రదేశ్, తమిళనాడు, బిహార్, అరుణాచల్‌ ప్రదేశ్, మేఘాలయ రాష్ట్రాలకు పూర్తిస్థాయి గవర్నర్లను నియమించనున్నారు. ఆంధ్రప్రదేశ్, తెలంగాణకూ కొత్త గవర్నర్లను కేటాయించే అవకాశాలున్నట్లు చర్చ జరుగుతోంది. ఎలక్షన్‌ కమిషనర్‌ (ముగ్గురికి గానూ ఇద్దరే బాధ్యతల్లో ఉన్నారు), నీతి ఆయోగ్‌కు కొత్త సభ్యులు, బ్యాంకులకు నామినేటెడ్‌ పోస్టులు, ఎస్సీ, ఎస్టీ, మైనారిటీ కమిషన్ల పదవులనూ మోదీ వీలైనంత త్వరగా భర్తీ చేయనున్నారని సమాచారం.
 
 కేబినెట్‌లోకి రాం మాధవ్‌?
 కేంద్ర కేబినెట్‌ పునర్వ్యవస్థీకరణలో ఆంధ్రప్రదేశ్‌ బీజేపీ నుంచి ఒకరికి చోటు దక్కనుం దనే ఊహాగానాలు వినబడుతు న్నాయి. విశాఖ ఎంపీ హరిబాబు లేదా పార్టీ ప్రధాన కార్య దర్శి రాంమాధవ్‌లలో ఒకరికి బెర్త్‌ ఖాయమని తెలుస్తోంది. ఆగస్టు 28 నుంచి ఏపీలో పర్యటించనున్న అమిత్‌ షా ఇప్పటికే పరిస్థితులను అధ్యయనం చేస్తున్నట్లు సమాచారం. ఇన్నాళ్లూ టీడీపీ తెరచాటు పార్టీ గా ఉన్న బీజేపీని సొంత కాళ్లపై నిలబెట్ట డం అమిత్‌ షాకు అంత సులువేం కాదు. వెంకయ్య ఉపరాష్ట్రపతిగా ఎన్నికవడంతో రాంమాధవ్, హరిబాబుల్లో ఒకరిని కేబినెట్‌లోకి తీసుకోనున్నట్లు తెలుస్తోంది.


 ♦ ఉప ఎన్నికలో గెలవలేమని టీడీపీ కుయుక్తులు
 ♦ శిల్పా నామినేషన్‌ చెల్లదంటూ ఆర్‌వోకు ఫిర్యాదు
 ♦ మధ్యాహ్నం నుంచి ఉత్కంఠ
 ♦ సాయంత్రం శిల్పా నామినేషన్‌కు ఆర్‌వో ఆమోదం
 ♦ సంబరాలు చేసుకున్న వైఎస్సార్‌సీపీ శ్రేణులు
 
 నంద్యాల : ఉప ఎన్నికలో గెలవలేమనే భయంతో అధికార పార్టీ నాయకులు కుయుక్తులు పన్నుతూనే ఉన్నారు. చివరకు నామినేషన్ల విషయంలోనూ ఇదే తరహాలో వ్యవహరించి అభాసుపాలయ్యారు.  నాయకులను కొనుగోలు చేయడం, సోదాల పేరుతో పోలీసుల ద్వారా కౌన్సిలర్లను బెదిరించడం, ప్రచారాలను అడ్డుకోవడం.. ఇలా ఎన్ని చేష్టలు చేస్తున్నా టీడీపీ నేతలను మాత్రం ఓటమి భయం వీడడం లేదు. దీంతో చివరి ప్రయత్నంగా వైఎస్సార్‌సీపీ అభ్యర్థి శిల్పా మోహన్‌రెడ్డి నామినేషన్‌ను
 
 తిరస్కరింపజేసేందుకు విఫలయత్నం చేశారు. సోమవారం నంద్యాల ఆర్టీఓ కార్యాలయంలో అభ్యర్థుల నామినేషన్లను రిటర్నింగ్‌ అధికారి ప్రసన్న వెంకటేష్‌ పరిశీలించారు. శిల్పా మోహన్‌రెడ్డి  నామినేషన్‌లో జత చేసిన అఫిడవిట్‌ చెల్లుబాటు కాదని టీడీపీ నేతలు అభ్యంతరం తెలిపారు. దాన్ని ఇచ్చిన అడ్వొకేట్‌ రామతులసిరెడ్డి నోటరీ కాల పరిమితి  2013లోనే ముగిసిందని, ఆ తర్వాత రెన్యూవల్‌ చేసుకోలేదని, అలాగే అఫిడవిట్‌ను రూ.100 బాండ్‌పై కాకుండా తెల్లపేపర్‌పై ఇచ్చారంటూ టీడీపీ తరఫు న్యాయవాది రామచంద్రారావు అభ్యంతరం వ్యక్తం చేశారు. దీంతో వైఎస్సార్‌సీపీ నాయకుల్లో ఉత్కంఠత నెలకొంది. 2014 ఎన్నికల్లోనూ రామతులసిరెడ్డి నోటరీగా సంతకం చేశారని, అప్పుడు సమ్మతించి.. ఇప్పుడెందుకు అభ్యంతరం పెడతారని వైఎస్సార్‌సీపీ నాయకులు వాదించారు. తాము ఎన్నికల నిబంధనల ప్రకారం నామినేషన్‌ దాఖలు చేశామని స్పష్టం చేశారు.
 
 టీడీపీ అభ్యర్థి భూమా బ్రహ్మానందరెడ్డి ఐటీ రిటరŠన్స్‌ దాఖలు చేయలేదని, కావున ఆయన నామినేషన్‌ తిరస్కరించాలని వైఎస్సార్‌సీపీ తరఫు న్యాయవాదులు అభ్యంతరం తెలిపారు. దీంతో రిటర్నింగ్‌ అధికారి ఇద్దరి నామి నేషన్ల  పరిశీలనకు సమయం తీసుకున్నారు. ఓ దశలో శిల్పామోహన్‌రెడ్డి నామినేషన్‌ తిరస్కరణకు గురైందంటూ కొన్ని ఛానెళ్లలో దుష్ప్రచారం కూడా మొదలుపెట్టారు. అయితే, రిటర్నింగ్‌ అధికారి ఎలాంటి ఒత్తిళ్లకూ తలొగ్గకుండా నామి నేషన్లు క్షుణ్ణంగా పరిశీలించి.. నిబంధనలకు అనుగుణంగానే ఉన్నాయంటూ స్పష్టం చేశారు. దీంతో టీడీపీ కుయుక్తులకు చెక్‌ పడింది. శిల్పా నామినేషన్‌ ఓకే కావడంతో వైఎస్సార్‌సీపీ నాయకులు, కార్యకర్తలు బాణాసంచా కాల్చి, మిఠాయిలు పంచుకుని సంబరాలు చేసుకున్నారు.
 
 దొంగబుద్ధులెందుకు?:
 ఎన్నికల్లో గెలవలేమనే భయంతో  టీడీపీ నాయకులు.. శిల్పా మోహన్‌రెడ్డి నామినేషన్‌ను తిరస్కరింపజేయాలని చూశారు. అభివృద్ధి చేశాం, గెలుస్తామని చెప్పుకుంటున్న టీడీపీ నాయకులకు ఇలాంటి దొంగ బుద్ధులెందుకు? అనవసర అభ్యంతరాలతో ప్రజలను ఉత్కంఠకు గురి చేశారు. శిల్పా నామినేషన్‌ ఆమోదంతో వారి కుయుక్తులకు చెక్‌ పడింది. వైఎస్సార్‌సీపీ భారీ మెజార్టీతో గెలవబోతుంది.
 శిల్పా చక్రపాణిరెడ్డి
 
 టీడీపీకి ఓటమి భయం పట్టుకుంది:
 ఉపఎన్నికలో ఓడిపోతామని తెలుగుదేశం పార్టీకి భయం పట్టుకుంది. అందుకే శిల్పా మోహన్‌ రెడ్డి నామినేషన్‌ను తిరస్కరించాలని ఎన్నికల అధికారిపై ఒత్తిడి తెచ్చారు. అయితే ఎన్నికల అధికారి నిజాయితీగా వ్యవహరించి శిల్పా మోహన్‌రెడ్డి నామినేషన్‌ను ఖరారు చేశారు.
 గడికోట శ్రీకాంత్‌రెడ్డి, రాయచోటి ఎమ్మెల్యే
 
 ధైర్యం లేక దొంగదారిన వెళ్తున్నారు:
 అధికార పార్టీ నాయకులు ధైర్యంగా పోరాడలేక దొంగ దారుల్లో వెళ్తున్నారు. న్యాయవాదులతో మాట్లాడి ఎన్నికల నియమావళి ప్రకారమే మేం నామినేషన్‌ వేశాం. అఫిడవిట్‌లో నోటరీ సంతకం కాలపరిమితి తీరిందన్న చిన్న సాకుతో నామినేషన్‌ ఎత్తి వేయాలని టీడీపీ నాయకులు చూశారు. వారి ఎత్తుగడ పారలేదు. శిల్పా మోహన్‌రెడ్డి భారీ మెజార్టీతో గెలవడం తథ్యం.
 శిల్పా రవిచంద్ర కిశోర్‌రెడ్డి


 ముంబై: యువతే న్యాయమూర్తులుగా వ్యవహరించి, ఎంపిక చేసే ప్రఖ్యాత టీమ్‌ చాయిస్‌ అవార్డుకు ఈ ఏడాదికిగాను నటి ప్రియాంక చోప్రా నామినేట్‌ అయ్యారు. సంగీతం, సినిమా, క్రీడలు, టెలివిజన్, ప్యాషన్ రంగాలలో విశేష ప్రతిభ కనబర్చి, యువతను ఆకట్టుకున్నవారికే ఈ అవార్డు దక్కుతుంది. ఎందుకంటే.. 13 నుంచి 19 సంవత్సరాల వయసు కలిగినవారు  మాత్రమే ఓటింగ్‌లో పాల్గొని, విజేతలను ఎంపిక చేస్తారు.
 
 క్వాంటికో టీవీ సీరిస్‌ ద్వారా హాలీవుడ్‌కు పరిచయమైన ప్రియాంక.. అక్కడి ప్రేక్షకులను ఎంతగానో అలరించింది. ఆ తర్వాత రెండో అడుగుగా ‘బేవాచ్‌’ బాలీవుడ్‌ సినిమాలో నటించింది. ఈ చిత్రంలో లేడీ విలన్ గా విశేష ప్రతిభ కనబర్చిన ప్రియాంకను విలన్ కేటగిరీలోనే నామినేట్‌ చేశారు. ఈ విషయమై ప్రియాంక స్పందిస్తూ... టీమ్‌ చాయిస్‌ అవార్డుకు నామినేట్‌ అయినందుకు చాలా సంతోషంగా ఉందని సోషల్‌ మీడియా ద్వారా తెలిపారు.  
  


 హాజరైన మన్మోహన్, సోనియా, రాహుల్‌
 న్యూఢిల్లీ: ఉప రాష్ట్రపతి ఎన్నిక కోసం విపక్షాల అభ్యర్థి గోపాలకృష్ణ గాంధీ మంగళవారం నామినేషన్‌ దాఖలు చేశారు. మాజీ ప్రధాని మన్మోహన్‌ సింగ్, కాంగ్రెస్‌ అధ్యక్ష, ఉపాధ్యక్షులు సోనియా గాంధీ, రాహుల్‌ గాంధీల సమక్షంలో ఆయన పార్లమెంట్‌ హౌస్‌లో రిటర్నింగ్‌ అధికారికి పత్రాలు సమర్పించారు. శరద్‌ యాదవ్‌(జేడీయూ), సీతారాం ఏచూరి(సీపీఎం), డి.రాజా(సీపీఐ), తారిక్‌ అన్వర్, ప్రఫుల్‌ పటేల్‌(ఎన్సీపీ), ఫరూక్‌ అబ్దుల్లా(ఎన్‌సీ), కనిమొళి(డీఎంకే) కూడా హాజరయ్యారు. ఈ సందర్భంగా గాంధీ విలేకర్లతో మాట్లాడుతూ.. ముంబై పేలుళ్ల దోషి యాకూబ్‌ మెమన్‌ను ఉరిశిక్ష నుంచి కాపాడటానికి తాను చేసిన యత్నాలను సమర్థించుకున్నారు.
 మరణశిక్ష తప్పు అని, అది మధ్యయుగాల నాటి శిక్ష అని వ్యాఖ్యానించారు. మరణశిక్షను వ్యతిరేకించి, దాన్ని రద్దు చేయాలని కోరుకున్న మహాత్మాగాంధీ, బాబాసాహేబ్‌ అంబేడ్కర్‌ల స్ఫూర్తితో ఆ పని చేశానని తెలిపారు. మెమన్‌ క్షమాభిక్ష పిటిషన్‌ తిరస్కరణపై పునరాలోచించాలని అప్పట్లో తాను రాష్ట్రపతికి పంపిన పిటిషన్‌పై శివసేన చేసిన తాజా విమర్శలపై గాంధీ స్పందించారు. ‘మెమన్‌ కేసులో వాస్తవాలను ప్రణబ్‌ ముఖర్జీ ముందుంచాలని అనుకున్నాను. గత రాష్ట్రపతులు కేఆర్‌ నారాయణన్, అబ్దుల్‌ కలాంలా ఆయన ఒక నిర్ణయం తీసుకోవాలని కోరుకున్నా.. శివసేన తన పని తాను చేసింది. మరణశిక్ష తప్పు అనేది నా విశ్వాసం.. ఒక సామాన్య, స్వతంత్ర పౌరుడిగా నా విశ్వాసాలను పాటించడం నా విధి’ అని పేర్కొన్నారు.
 పాకిస్తాన్‌లో మరణశిక్ష ఎదుర్కొంటున్న కులభూషణ్‌ జాధవ్‌ కోసం కూడా ఇలాంటి పిటిషన్‌ పంపానని వెల్లడించారు. ప్రస్తుతం దేశాన్ని విడగొట్టే శక్తి క్రియాశీలంగా పనిచేస్తోందని వ్యాఖ్యనించారు. తాను ఏ పార్టీకీ కాకుండా ఈ దేశ సామాన్య పౌరుడికి ప్రాతినిధ్యం వహిస్తున్నానని, ప్రజలకు, రాజకీయాలకు మధ్య ఉన్న ఖాళీని భర్తీ చేయడానికి ప్రయత్నిస్తానని చెప్పారు. రాజకీయాలపై ప్రజలు కోల్పోయిన విశ్వాసం పునరుద్ధరణ కావాలని కోరుకుంటున్నానన్నారు. ఉప రాష్ట్రపతి ఎన్నికలో గెలుపోటములపై స్పందిస్తూ.. కొన్నిసార్లు అంకెలతో సబంధం లేని విశ్వాసాల కోసం ముందుకు రావాల్సి ఉంటుందన్నారు.
 
 బీజేడీ మద్దతు..
 భువనేశ్వర్‌: రాష్ట్రపతి ఎన్నికల్లో ఎన్డీఏ అభ్యర్థి రామ్‌నాథ్‌ కోవింద్‌కు మద్దతు ప్రకటించిన బీజేడీ ఉప రాష్ట్రపతి ఎన్నికల్లో మాత్రం విపక్ష అభ్యర్థి గోపాలకృష్ణ గాంధీకి మద్దతు తెలిపింది. ఈమేరకు పార్టీ నేత, ఒడిశా సీఎం నవీన్‌ పట్నాయక్‌ మంగళవారం వెల్లడించారు. గాంధీ తనకు పాతమిత్రుడని, తాను రాజకీయాల్లోకి రాకముందే తాము స్నేహితులమని నవీన్‌ 2012లో చెప్పారు. 


 బీజేపీ వ్యక్తిని కాను: వెంకయ్య.. ప్రజాస్వామ్య బలోపేతానికి కృషి చేస్తా
 ►  ఉప రాష్ట్రపతి ఎన్నిక కోసం నామినేషన్‌ దాఖలు
 ►  వెంకయ్య పేరు ప్రతిపాదకుల్లో వైఎస్సార్‌సీపీ ఎంపీలు మేకపాటి, విజయసాయిరెడ్డి
 
 సాక్షి, న్యూఢిల్లీ: ఉప రాష్ట్రపతి ఎన్నిక కోసం ఎన్డీఏ అభ్యర్థి ఎం. వెంకయ్య నాయుడు మంగళవారం నామినేషన్‌ వేశారు. రాజకీయ విభేదాలకు అతీతంగా అన్ని పార్టీలకు చేరువకావడానికి.. తాను ఇక బీజేపీకి చెందినవాణ్ని కానని, ఉపరాష్ట్రపతిగా ఎన్నికైతే దేశంలో ప్రజాస్వామిక వ్యవస్థలను బలోపేతం చేయడానికి కృషి చేస్తానని పేర్కొన్నారు. వెంకయ్య పార్లమెంట్‌ హౌస్‌లో రిటర్నింగ్‌ అధికారి, రాజ్యసభ సెక్రటరీ జనరల్‌ షంషేర్‌ షరీఫ్‌కు ఉప రాష్ట్రపతి ఎన్నిక కోసం నామినేషన్‌ పత్రాలు సమర్పించారు. ప్రధాని నరేంద్ర మోదీ, బీజేపీ చీఫ్‌ అమిత్‌ షా, పార్టీ అగ్రనేత ఎల్‌.కె. అడ్వాణీ తదితరులు హాజరయ్యారు.
 వెంకయ్య అభ్యర్థిత్వాన్ని ప్రతిపాదిస్తూ సంతకాలు చేసిన వారిలో వైఎస్సార్‌ కాంగ్రెస్‌ పార్టీ ఎంపీలు మేకపాటి రాజమోహన్‌ రెడ్డి, విజయసాయిరెడ్డి, టీఆర్‌ఎస్‌ ఎంపీ జితేందర్‌ రెడ్డి కూడా ఉన్నారు. మోదీ, పలువురు కేంద్ర మంత్రులు, ఎన్డీఏ భాగస్వామ్య పార్టీ ఎల్జేపీ నేత రాంవిలాస్‌ పాశ్వాన్‌ తదితరులు వెంకయ్య పేరును ప్రతిపాదించి బలపరచారు. కార్యక్రమానికి టీడీపీ, శివసేన, ఎల్జేపీలతోపాటు ఎన్డీఏయేతర అన్నాడీఎంకే, టీఆర్‌ఎస్‌ సభ్యులు కూడా హాజరయ్యారు. అంతకుముందు మోదీ, అమిత్‌షా, ఎన్డీఏ మిత్రపక్షాలు, వెంకయ్యకు మద్దతిస్తున్న పార్టీల నేతలు పార్లమెంట్‌ హౌస్‌ లైబ్రరీలో సమావేశమై పూర్తి మద్దతు ప్రకటించారు. ఆయన భారీ మెజారిటీతో గెలుస్తారని ధీమా వ్యక్తం చేశారు.
 
 ఇది నాకు గౌరవం..
 నామినేషన్‌ అనంతరం వెంకయ్య విలేకర్ల సమావేశంలో మాట్లాడుతూ.. ఎన్డీయే అభ్యర్థిత్వం తనకు గౌరవమని, ఎన్నికల్లో గెలిస్తే ఉప రాష్ట్రపతి పదవి గౌరవాన్ని మరింత పెంచుతానని పేర్కొన్నారు. మోదీ,  అమిత్‌ షా, ఎన్డీఏ పార్టీలు, తనకు మద్దతిచ్చిన వైఎస్సార్‌ కాంగ్రెస్‌ తదితర పార్టీలకు ఆయన కృతజ్ఞతలు తెలిపారు. ఉప రాష్ట్రపతి పదవిపై తనకు ఆసక్తిలేదని, మంత్రిగా కొనసాగాలని కోరుకుంటున్నట్లు వచ్చిన వార్తలను తోసిపుచ్చారు. ‘మోదీ నాయకత్వాన్ని బలోపేతం చేయాలనుకున్నాను. అంతేగాని, కొందరు చెబుతున్నట్లు మంత్రిగా కొనసాగాలనే ఉద్దేశం నాకు లేదు’ అని అన్నారు. ‘సర్వేపల్లి రాధాకృష్ణన్, జాకీర్‌ హుస్సేన్, ఎం. హిదయతుల్లా, ఆర్‌. వెంకట్రామన్, శంకర్‌దయాళ్‌ శర్మ, భైరాన్‌సింగ్‌ షెకావత్‌ వంటి గొప్ప వ్యక్తులు ఉప రాష్ట్రపతి పదవి చేపట్టారు.
 ఈ పదవి విశిష్ట విధుల గురించి నాకు తెలుసు. నేను ఎన్నికైతే గత ఉప రాష్ట్రపతులు స్థిరపరచిన సంప్రదాయాలను, ప్రమాణాలను కాపాడతానని ప్రజలకు హామీ ఇస్తున్నాను.. ఆ పదవికి న్యాయం చేయగలను..’ అని అన్నారు. రాజ్యాంగ బాధ్యతలున్న ఉప రాష్ట్రపతి పదవికి, నాలుగు దశాబ్దాలుగా ప్రజలతో ముడివేసుకున్న తన ప్రజా జీవితానికి మధ్య ఉన్న తేడాలు తెలుసునని పేర్కొన్నారు. భారతదేశ సౌందర్యం దాని శక్తి, పార్లమెంటరీ ప్రజాస్వామ్య వ్యవస్థల్లో ఉందన్న వెంకయ్య ఆ వ్యవస్థలను బలోపేతం చేయడానికి కృషి చేస్తానన్నారు. ఎన్నికల్లో ఓటేసే లోక్‌సభ, రాజ్యసభ ఎంపీలందరూ పార్లమెంట్‌ సమావేశాల కోసం ఢిల్లీలోనే ఉన్నారు కనుక తాను ప్రచారం చేయనని చెప్పారు.
 
 బీజేపీ అమ్మలాంటిది: తన నేపథ్యాన్ని వివరిస్తూ.. చిన్నవయసులోనే తల్లిని కోల్పోయిన తనకు బీజేపీ తల్లి వంటిదని, పార్టీలోనే తల్లిని చూసుకున్నానని వెంకయ్య భావోద్వేగంతో పేర్కొన్నారు. ‘సామాన్య రైతు కుటుంబం నుంచి వచ్చిన నేను ప్రజల, పార్టీ అండతోనే ఈ స్థితికి చేరుకున్నాను. అయితే ఇకపై ఎంతమాత్రం బీజేపీకి చెందినవాడిని కాను.. ఏ పార్టీకి చెందినవాడిని కాను’ అని అన్నారు. 40 ఏళ్ల అనుబంధమున్న పార్టీని వీడటం చాలా బాధాకరమన్నారు.
 
 పార్టీకి, మంత్రిపదవికి రాజీనామా..
 సోమవారం రాత్రి ఉప రాష్ట్రపతి అభ్యర్థిగా ఎంపికయ్యాక వెంకయ్య కేంద్ర మంత్రి పదవికి రాజీనామా చేశారు. బీజేపీకి కూడా ఆయన రాజీనామా చేసినట్లు సన్నిహిత వర్గాలు చెప్పాయి. పార్టీ నుంచి తనంతట తాను వైదొలిగానని వెంకయ్య కూడా చెప్పారు. తాను రాజ్యసభ సభ్యుడిగా కొనసాగుతానని, ఉప రాష్ట్రపతి ఎన్నికల్లో ఓటేస్తానన్నారు. ఎన్డీఏకు మెజారిటీ ఉండటంతోపాటు ఇతర పార్టీలు మద్దతిస్తుండటంతో ఆ యన సులువుగా విజయం సాధించే అవకాశముంది.
 
 విధి మరోలా తలచింది..
 ‘2019 ఎన్నికల్లో మళ్లీ మోదీ విజయాన్ని చూసిన తర్వాత సంఘసేవలోకి అడుగుపెట్టాలని కోరుకున్నాను. అయితే విధి మరోలా తలచింది’ అని వెంకయ్య ఉప రాష్ట్రపతి అభ్యర్థిత్వాన్ని ప్రస్తావిస్తూ పేర్కొన్నారు. పార్టీలో చర్చ తర్వాత తీసుకున్న తుది నిర్ణయాన్ని అంగీకరించానన్నారు. దేశానికి అందిన గొప్పనాయకత్వాన్ని మనం బలోపేతం చేయాలని మోదీని ఉద్దేశిస్తూ అన్నారు. తర్వాత వెంకయ్య పార్లమెంట్‌ సెంట్రల్‌ హాలుకు వెళ్లి వివిధ పార్టీల ఎంపీలకు కృతజ్ఞతలు తెలిపారు. కొందరు ఆయనతో సెల్ఫీలు తీసుకున్నారు. నామినేషన్‌ సందర్భంగా వెంకయ్య కుటుంబ సభ్యులు కూడా పార్లమెంట్‌ హౌస్‌కు వచ్చారు. నామినేషన్‌కు ముందు ఆయన మాజీ ప్రధాని అటల్‌ బిహారీ వాజ్‌పేయి, అడ్వాణీ, బీజేపీ సీనియర్‌ నేత మురళీ మనోహర్‌ జోషి తదితరులను కలుసుకుని ఆశీర్వాదాలు తీసుకున్నారు.
 


 న్యూఢిల్లీ: ఎన్డీఏ కూటమి తరపున ఉపరాష్ట్రపతి అభ్యర్థిగా ఎం. వెంకయ్య నాయుడు నామినేషన్‌ దాఖలు చేశారు. రెండు సెట్ల నామినేషన్‌ పత్రాలను రాజ్యసభ కార్యదర్శికి సమర్పించారు. నామినేషన్‌ పత్రాలపై కేంద్ర మంత్రులు అరుణ్‌ జైట్లీ, సుష్మా స్వరాజ్‌ సంతకాలు చేశారు.
 
 ప్రధాని నరేంద్ర మోదీ, బీజేపీ జాతీయ అధ్యక్షుడు అమిత్‌ షా, సీనియర్‌ నేతలు ఎల్‌కే అద్వానీ, మురళీమనోహర్‌ జోషి, యశ్వంత్‌ సిన్హా, కేంద్ర మంత్రులు అనంత కుమార్‌, నితిన్‌ గడ్కరీ, పాశ్వాన్‌ తదితరులు ఆయన వెంట వచ్చారు. టీఆర్‌ఎస్‌ ఎంపీలు ఈ కార్యక్రమానికి హాజరయ్యారు.
 
 మరోవైపు కేంద్ర మంత్రి పదవికి వెంకయ్య నాయుడు చేసిన రాజీనామాను ప్రభుత్వం ఆమోదించింది. సమాచార, ప్రసార శాఖను అదనంగా స్మృతీ ఇరానీకి అప్పగించారు. నరేంద్ర సింగ్‌ తోమర్‌కు పట్టణాభివృద్ధి శాఖ బాధ్యతలు అదనంగా ఇచ్చారు.
 
 
 
 


  – వైఎస్‌ఆర్‌సీపీ కర్నూలు నియోజకవర్గ సమన్వయకర్త హఫీజ్‌ ఖాన్‌ విమర్శ
  
 కర్నూలు (ఓల్డ్‌సిటీ): జిల్లాకు చెందిన నలుగురికి ఒకేసారి నామినేటెడ్‌ పోస్టులు ఇవ్వడం తెలుగుదేశం పార్టీ ఎన్నికల జిమ్మిక్కు అని వైఎస్‌ఆర్‌సీపీ కర్నూలు నియోజకవర్గ సమన్వయకర్త హఫీజ్‌ ఖాన్‌ విమర్శించారు.  ఎలాగైనా నంద్యాల ఉప ఎన్నికల్లో గెలవాలనే ఉద్దేశంతో అధికార పార్టీ కుట్రలు పన్నుతుందన్నారు.  స్థానిక టీజే షాపింగ్‌మాల్‌లోని పార్టీ నియోజకవర్గ కార్యాలయంలో మంగళవారం  ఆయన విలేకరులతో మాట్లాడారు. అధికారంలోకి వచ్చిన మూడేళ్ల నుంచి  జిల్లాను పట్టించుకోని సీఎం చంద్రబాబుకు ఇప్పుడే  ఎందుకంత ప్రేమ పుట్టుకొచ్చిందని ప్రశ్నించారు.
  
 రాష్ట్రాభివృద్ధి శిలాఫలకాలకే పరిమితమైందని, ఉపఎన్నికల ముగిసిన తర్వాత నంద్యాలదీ అదే పరిస్థితేనని చెప్పారు. సీఎం మాయలో  నంద్యాల ప్రజలు పడరని.. వైఎస్‌ఆర్‌సీపీ పక్షాన నిలుస్తారనా​‍్నరు.  తమ పార్టీ ప్లీనరీకి ఊహించిన దానికంటే రెట్టింపు ప్రజాస్పందన లభించిందన్నారు. పార్టీ రాష్ట్ర సంయుక్త కార్యదర్శి తెర్నేకల్‌ సురేందర్‌రెడ్డి మాట్లాడుతూ తమ పార్టీ అధినేత వైఎస్‌ జగన్‌మోహన్‌రెడ్డి ప్రజా సంక్షేమానికి అత్యధిక ప్రాధాన్యమిస్తారని, అందుకు ప్లీనరీలో ప్రకటించిన పథకాలే నిదర్శనమన్నారు. పార్టీ రాష్ట్ర కార్యదర్శి ఎస్‌.ఎ.రహ్మాన్‌ మాట్లాడుతూ నంద్యాల ఉప ఎన్నికలను దృష్టిలో పెట్టుకుని  ముఖ్యమంత్రి చంద్రబాబు నాయుడు  ఇష్టమొచ్చినట్లు హామీలు ఇస్తున్నారని, అయితే, అక్కడి ప్రజలు నమ్మే పరిస్థితి లేదని  చెప్పారు.
  
  వేల కోట్ల రూపాయలు ఖర్చు చేసినా ఆ సీటు వైఎస్‌ఆర్‌సీపీదేనని ధీమా వ్యక్తం చేశారు.  సమావేశంలో యువజన విభాగం జిల్లా అధ్యక్షుడు పి.రాజావిష్ణువర్దన్‌రెడ్డి, విద్యార్థి విభాగం జిల్లా అధ్యక్షుడు తెలుగు అనిల్‌కుమార్‌, పార్టీ రాష్ట్ర, జిల్లా, నగర స్థాయి నాయకులు డి.కె.రాజశేఖర్, కటారి సురేశ్‌కుమార్, సోమిరెడ్డి, జగన్‌రెడ్డి, సాంబశివారెడ్డి, రిజ్వాన్‌ఖాన్, షోయేబుద్దీన్‌ఖాద్రి, గణపచెన్నప్ప, జీవరత్నం, అశోక్‌బాబు, సంజు పాల్గొన్నారు.
  


 ఎన్డీఏ రాష్ట్రపతి అభ్యర్థిగా మూడు సెట్లు దాఖలు
 - బలపరిచిన ప్రధాని మోదీ, అమిత్‌ షా, మిత్రపక్షాల సీఎంలు
 - 28 పార్టీల నేతలు, 15 రాష్ట్రాల సీఎంల హాజరు.. శివసేన గైర్హాజరు
  
 న్యూఢిల్లీ: ప్రధాని నరేంద్ర మోదీ, 15 రాష్ట్రాల సీఎంలు, కేంద్ర మంత్రుల సమక్షంలో ఎన్డీఏ అభ్యర్థి రామ్‌నాథ్‌ కోవింద్‌ అట్టహాసంగా రాష్ట్రపతి పదవికి నామినేషన్‌ వేశారు. ఎన్డీఏ, ఎన్డీఏయేతర పార్టీల ముఖ్యనేతల హాజరుతో శుక్రవారం లోక్‌సభ సెక్రటరీ జనరల్‌ కార్యాలయంలో జరిగిన నామినేషన్‌ పర్వం బీజేపీ బలప్రదర్శన వేదికను తలపించింది. కోవింద్‌ అభ్యర్థిత్వాన్ని బలపరుస్తూ మూడు సెట్ల నామినేషన్లు దాఖలయ్యాయి. మొదటి సెట్‌ నామినేషన్‌ పత్రంపై మోదీ సంతకం చేయగా, అద్వానీ సహా 60 మంది బలపరిచారు. రెండో సెట్‌ను బీజేపీ చీఫ్‌ అమిత్‌ షాతో మరి కొందరు నేతలు ప్రతిపాదించారు. బీజేపీ మిత్రపక్షాల నేతలు ప్రకాశ్‌ సింగ్‌ బాదల్,  చంద్రబాబు నాయుడుతో పాటు మరికొందరు నేతలు మూడో సెట్‌పై సంతకాలు చేశారు. లోక్‌సభ సెక్రటరీ జనరల్‌ అనూప్‌ మిశ్రాకు నామినేషన్‌ పత్రాలు అందచేశారు. జూన్‌ 28న నామినేషన్ల చివరి తేదీన నాలుగో సెట్‌ దాఖలు చేస్తారు.  28 పార్టీల నేతలు ఈ కార్యక్రమానికి హాజరయ్యారని బీజేపీ తెలిపింది.  కోవింద్‌కు మద్దతు ప్రకటించిన శివసేన గైర్హాజరు కాగా.. తమకు ఆహ్వానం అందలేదని పేర్కొంది. 
  
 పరీకర్, ముఫ్తీ మినహా ఎన్డీఏ సీఎంలందరూ హాజరు
 గోవా సీఎం పరీకర్, కశ్మీర్‌ సీఎం ముఫ్తీ మినహా బీజేపీ, దాని మిత్రపక్షాలు అధికారంలో ఉన్న రాష్ట్రాల సీఎంలందరూ కార్యక్రమంలో పాల్గొన్నారు. ఎన్డీఏయేతర ముఖ్య మంత్రుల్లో తెలంగాణ సీఎం చంద్రశేఖర్‌రావు, తమిళనాడు సీఎం పళనిస్వామిలు హాజరయ్యారు. బీజేపీ సీనియర్‌ నేతలు ఎల్‌కే అడ్వాణీ, మురళీమనోహర్‌ జోషీలు కూడా హాజరయ్యారు. బీజేడీ తరఫున ఒడిశా మంత్రి హాజరుకాగా.. జేడీయూ నుంచి ఎవరూ పాల్గొనలేదు. 
  
 దేశ సమగ్రాభివృద్ధికి కృషి.. కోవింద్‌: నామినేషన్‌ అనంతరం కోవింద్‌ మాట్లాడుతూ ‘రాష్ట్రపతి పదవి రాజకీయాలకు అతీతమని నా నమ్మకం. అందుకు నా వంతు ప్రయత్నిస్తా. సాధ్యమైనంతమేరకు దేశ అత్యున్నత కార్యాలయం గౌరవం కాపాడతా.. దేశ సమగ్రాభివృద్ధికి, యువత ఆకాంక్షల్ని నెరవేర్చేందుకు కృషిచేస్తా.. ఎలక్టోరల్‌ కాలేజ్‌ సభ్యులంతా మద్దతివ్వాలని కోరుతున్నా’నని పేర్కొన్నారు.


 హాజరుకానున్న మోదీ, పలురాష్ట్రాల సీఎంలు
 న్యూఢిల్లీ: ఎన్డీయే రాష్ట్రపతి అభ్యర్థి రామ్‌నాథ్‌ కోవింద్‌ శుక్రవారం నామినేషన్‌ దాఖలు చేయనున్నారు. ఈ కార్యక్రమంలో ప్రధాని నరేంద్ర మోదీ, బీజేపీ జాతీయాధ్యక్షుడు అమిత్‌ షా, బీజేపీ పాలిత రాష్ట్రాల సీఎంలతోపాటుగా కోవింద్‌ అభ్యర్థిత్వాన్ని బలపరుస్తున్న పలు ప్రాంతీయ పార్టీల అధ్యక్షులు, ప్రతినిధులు కూడా పాల్గొననున్నారు. 
 తెలంగాణ, ఏపీ, తమిళనాడు ముఖ్యమంత్రులు కేసీఆర్, చంద్రబాబు, పళనిస్వామిలు కూడా ఈ నామినేషన్‌ కార్యక్రమంలో పాల్గొననున్నారు. ప్రధాని, కేంద్ర మంత్రులు, దేశవ్యాప్తంగా ఉన్న ఎన్డీయే సీఎంలు, ఎంపీలు, ఎమ్మెల్యేలు కోవింద్‌ అభ్యర్థిత్వాన్ని ప్రతిపాదిస్తూ మద్దతుగా సంతకాలు చేయనున్నారు. మరోవైపు పన్నీర్‌ సెల్వంకు చెందిన అన్నాడీఎంకే(పురచ్చితలైవి అమ్మ) వర్గం కూడా కోవింద్‌కు మద్దతు పలికింది.
 
 అక్బర్‌ రోడ్‌కు మారిన కోవింద్‌: ఎన్డీఏ రాష్ట్రపతి అభ్యర్థిగా ఎంపికవడంతో.. భద్రత దృష్ట్యా కోవింద్‌ తాత్కాలిక చిరునామా మారింది. అక్బర్‌ రోడ్‌లోని కేంద్ర సాంస్కృతిక శాఖ మంత్రి మహేశ్‌ శర్మ నివాసాన్ని జూలై 17 వరకూ ఆయనకు కేటాయించారు. బిహార్‌ గవర్నర్‌ ఎన్నికయ్యాక ఆయనకు 144 నార్త్‌ ఎవెన్యూ నివాసాన్ని కేటాయించగా.. భద్రతా కారణాల రీత్యా ఈ మార్పులు చేశారు.


 ► 23న కోవింద్‌ ‘రాష్ట్రపతి’ నామినేషన్‌ కార్యక్రమంలో పాల్గొననున్న కేసీఆర్‌
 
 హైదరాబాద్‌: ముఖ్యమంత్రి కె.చంద్రశేఖర్‌రావు ఢిల్లీ పర్యటనకు వెళ్లారు. బుధవారం రాత్రి శంషాబాద్‌ విమానాశ్రయం నుంచి బయల్దేరి ఢిల్లీ చేరుకున్నారు. ఎన్డీఏ రాష్ట్రపతి అభ్యర్థి రామ్‌నాథ్‌ కోవింద్‌ 23న నామినేషన్‌ దాఖలు చేయనున్నారు. ఈ కార్యక్రమంలో సీఎం పాల్గొంటారు. కోవింద్‌ అభ్యర్థిత్వానికి టీఆర్‌ఎస్‌ ఇప్పటికే సంపూర్ణ మద్దతు ప్రకటించడం తెలిసిందే. ఢిల్లీ పర్యటనలో భాగంగా పలువురు కేంద్ర మంత్రులతోనూ ముఖ్యమంత్రి భేటీ అవుతారు.
 ఈ అధికారిక కార్యక్రమాలతో పాటు కంటికి శస్త్ర చికిత్స కూడా చేయించుకుంటారని తెలిసింది. నిజానికి ఈ శస్త్రచికిత్స కోసం మే లోనే సీఎం తన కుటుంబసభ్యులతో పాటు ఢిల్లీ వెళ్లారు. వైద్య పరీక్షలు చేసిన వైద్యులు, కొద్ది రోజుల తర్వాతే శస్త్రచికిత్స చేయించుకోవాలని సూచించినట్టు సమాచారం. ఆ మేరకు ఈ పర్యటనలో శస్త్రచికిత్స చేయించుకోవచ్చని టీఆర్‌ఎస్‌ వర్గాల ద్వారా తెలుస్తోంది.  


 కార్పొరేషన్‌లో నామినేషన్‌ దందా!
 - మొత్తం పనులు తనకే కావాలంటున్న ఎమ్మెల్యే
 - తమ సంగతేమిటంటున్న ఎంపీ, మాజీ మంత్రి వర్గీయులు
 - రూ.5.65 కోట్ల పనుల చుట్టూ విభేదాలు
 - ‘అత్యవసర’ పనులకు తొలగని అడ్డంకులు
 - ఎవరు చేపట్టాలనే విషయంలో పంతాలు
  
 సాక్షి ప్రతినిధి, కర్నూలు: కర్నూలు కార్పొరేషన్‌ పరిధిలో నామినేషన్‌ పనుల దందా మళ్లీ తెరమీదకు వచ్చింది. గతంలో ఉన్న కమిషనర్‌ ఆరు నెలల కిందట ఇచ్చిన ఆదేశాల మేరకు నామినేషన్‌ పనులు చేపట్టాలని అధికార పార్టీ నేతలు ఉవ్విళ్లూరుతున్నారు. నామినేషన్‌ పద్ధతిలో ఒక్కో పని రూ.5 లక్షల విలువతో మొత్తం 113 పనులను చేపట్టేందుకు గతంలో ఆదేశాలు జారీ అయ్యాయి. అయితే ఇప్పటి వరకు ఎక్కడా పనులు ప్రారంభం కాలేదు. ప్రధానంగా ఈ పనులను ఎవరు చేపట్టాలనే విషయంలో అధికార పార్టీ నేతల మధ్య నెలకొన్న విభేదాలతో అడుగు ముందుకు పడలేదు.
  
 తాజాగా కొత్త కమిషనర్‌ వచ్చిన నేపథ్యంలో ఈ నామినేషన్ల పనుల వ్యవహారం మళ్లీ తెరమీదకు వచ్చింది. మొత్తం 113 పనుల్లో 87 పనులు తనకే కావాలంటూ ఎమ్మెల్యే ఎస్వీ పట్టుబడుతున్నారు. కచ్చితంగా అందరూ సమానంగా తీసుకుని కార్యకర్తలకు ఇవ్వాల్సిందేనని ఎంపీ టీజీ.. పాణ్యం ఇన్‌చార్జి, మాజీ మంత్రి ఏరాసు పేర్కొంటున్నారు. దీంతో ఈ పనులు కాస్తా ప్రారంభం కావడం లేదు. మొత్తం మీద రూ.5.65 కోట్ల విలువైన నామినేషన్‌ పనులను దక్కించుకునేందుకు ఎవరికి వారుగా ప్రయత్నాలు చేస్తూనే ఉన్నారు. 
  
 ఆరు నెలలు గడిచినా..
 అధికార పార్టీ నేతలకు నామినేషన్‌ పద్ధతిలో పనులను అప్పగించాలని ప్రభుత్వం నిర్ణయించింది. ఇందుకు అనుగుణంగా గత ఏడాది ఉత్తర్వులు జారీచేసింది. అయితే, ఈ నామినేషన్‌ పనులను ఎస్‌హెచ్‌జీ, ఎన్‌జీఓల ద్వారా మాత్రమే చేపట్టాలని పేర్కొన్నారు. ఈ ముసుగులో అధికార పార్టీ నేతలకు అప్పగించాలనేది ప్రభుత్వ ఉద్దేశం. ఈ ఉత్తర్వులకు అనుగుణంగా కర్నూలు కార్పొరేషన్‌లో ఏకంగా 113 పనులను నామినేషన్‌పై అప్పగించేందుకు వీలుగా 31 డిసెంబర్‌ 2016న అప్పటి కమిషనర్‌ రవీంద్రబాబు ఆదేశాలు జారీచేశారు. అత్యవసరంగా చేపట్టాలని పేర్కొంటూ ఈ పనులను నామినేషన్‌పై అప్పగించాలని నిర్ణయించారు. అయితే, అధికార పార్టీ నేతల మధ్య ఉన్న విభేదాలతో ఈ పనులు కాస్తా ముందుకు సాగలేదు. తాజాగా మళ్లీ ఈ నామినేషన్‌ వ్యవహారం తెరమీదకు వచ్చింది. మొత్తం పనుల్లో తనకే మెజార్టీ వాటా అని ఎమ్మెల్యే పేర్కొంటుండగా.. తమ సంగతేమిటని అటు ఎంపీ, ఇటు మాజీ మంత్రి మండిపడుతున్నారు. దీంతో ఈ పనులు కాస్తా ముందుకు సాగేలేదు. కొత్త కమిషనర్‌ వచ్చిన నేపథ్యంలో మళ్లీ ఈ నామినేషన్‌ దందా తెరమీదకు వచ్చింది. 
  
 అత్యవసరమైతేనే..
 వాస్తవానికి ప్రభుత్వం జారీచేసిన ఉత్తర్వుల ప్రకారం కేవలం అత్యవసర పనులకు మాత్రమే నామినేషన్‌ పద్ధతిని ఎన్నుకోవాలని పేర్కొంది. అత్యవసర సమయాల్లో చేయాల్సిన పనులకు టెండర్లు పిలవడం ద్వారా సమయం వృథా అవుతుందనుకున్న సందర్భాల్లో ఈ విధానాన్ని ఎంపిక చేసుకోవాలని స్పష్టం చేసింది. అంతేకాకుండా ఈ పనులను స్వయం సహాయక బృందాలు(ఎస్‌హెచ్‌జీ), స్వచ్ఛంద సంస్థల(ఎన్‌జీఓ) ద్వారా మాత్రమే చేపట్టాలని కూడా పేర్కొన్నారు. అయితే, ప్రభుత్వం ఇచ్చిన ఉత్తర్వులను తోసిరాజని సాధారణ పనులను కూడా నామినేషన్‌ పద్ధతిలో అప్పగించేందుకు వీలుగా వ్యవహారం తెరమీదకు వచ్చింది. అసలు ఆరు నెలల కిందట అప్పగించిన పనులను ఇప్పుడు చేయడం ద్వారానే అవి అత్యవసరం కాదనే విషయం అర్థమవుతోంది. అయినప్పటికీ కేవలం కమీషన్ల కోసమే ఈ నామినేషన్‌ దందా తెరమీదకు వచ్చినట్లు తెలుస్తోంది. ఈ నేపథ్యంలో కొత్త కమిషనర్‌ ఎలాంటి నిర్ణయం తీసుకుంటారో వేచిచూడాలి.
  


 ►ఉసూరుమనిపించిన బాబు
  
  
 విశాఖపట్నం : విశాఖలో మహానాడు సమీపిస్తున్న వేళ ముఖ్యమంత్రి చంద్రబాబునాయుడు ఆ పార్టీ ఎమ్మెల్యేలకు మనోవేదన మిగిల్చారు. ఎంపీలు, ఎమ్మెల్యేలకు నామినేటెడ్‌ పదవులు ఇచ్చే ప్రసక్తి లేదని ప్రకటించి పెద్ద షాక్‌ ఇచ్చారు. దీంతో మూడేళ్లుగా నామినేటెడ్‌ పోస్టుల కోసం కళ్లు కాయలు కాసేలా చూస్తున్న ఎమ్మెల్యేలు, ఎమ్మెల్సీలు కంగుతిన్నారు. ఇటీవల జరిగిన మంత్రివర్గ విస్తరణలో తమకు చోటు దక్కుతుందని పెందుర్తి ఎమ్మెల్యే బండారు సత్యనారాయణమూర్తి, పాయకరావుపేట ఎమ్మెల్యే వంగలపూడి అనిత ఎన్నో ఆశలు పెట్టుకున్నారు.
 
 వైఎస్సార్‌ కాంగ్రెస్‌ పార్టీ నుంచి స్వార్థంతో తెలుగుదేశంలోకి జంప్‌ చేసిన అరకు ఎమ్మెల్యే కిడారి సర్వేశ్వరరావు తనకూ అమాత్య పదవి ఖాయమని కలలుగన్నారు. ఈ ముగ్గురికీ మంత్రివర్గంలో ఆ పార్టీ అధినేత మొండిచేయి చూపించారు. 
 బండారు కొన్నాళ్ల పాటు అలకపూని పార్టీ కార్యక్రమాలకు, ముఖ్యమంత్రి సభలకూ దూరంగా ఉన్నారు. నెలరోజుల తర్వాత అలక వీడి మళ్లీ జనజీవన స్రవంతిలోకి వచ్చారు. వుడా చైర్మన్‌ పదవి గాని, లేదా కేబినెట్‌ హోదా ఉన్న ఏదైనా కార్పొరేషన్‌ పదవి తనకు వస్తుందని ఎంతో ఆశాభావంతో ఉన్నారు.
 
 ఇక ఎమ్మెల్యే అనిత  కూడా మంత్రి పదవి రాకున్నా నామినేటెడ్‌ తప్పక వస్తుందని ధీమాగా ఉన్నారు. అరకు ఎమ్మెల్యే కిడారి సర్వేశ్వరరావు పార్టీ ఫిరాయింపు, గిరిజన కోటాలో మంత్రినవుతానని ఊర్రూతలూగారు. కానీ ఆయనకు కూడా బాబు చేయిచ్చారు. విశాఖ పశ్చిమ శాసనసభ్యుడు గణబాబు, విశాఖ తూర్పు ఎమ్మెల్యే వెలగపూడి రామకృష్ణబాబు, యలమంచిలి ఎమ్మెల్యే పంచకర్ల  రమేష్‌బాబు, ఎమ్మెల్సీ ఎంవీవీఎస్‌ మూర్తి ఏదైనా మంచి కేబినెట్‌ హోదా కలిగిన కార్పొరేషన్‌ పదవి వస్తుందని ఆశాభావంతో ఉన్నారు.
 
 ఇప్పుడు అనూహ్యంగా చంద్రబాబు ఎమ్మెల్యేలకు నామినేటెడ్‌ పదవుల ప్రసక్తే లేదని తెగేసి చెప్పడంతో ఆశావహులంతా తీవ్ర నైరాశ్యంలో పడ్డారు. మరో పది రోజుల్లో మహానాడు జరుగుతున్నందున వీరంతా ఆ కార్యక్రమానికి ఎంతవరకు చిత్తశుద్ధితో పనిచేస్తారన్నది ప్రశ్నార్థకమేనని పార్టీ వర్గాలు అంటున్నాయి. ఇప్పటికే జిల్లాలోని పార్టీ ఎమ్మెల్యేలు మహానాడు కమిటీల్లో భాగస్వాములై ఉన్నారు. ఒక్కొక్కరికి ఒక్కో బాధ్యతను అప్పగించారు. అధినేత నిర్ణయంపై నామినేటెడ్‌ పదవులు ఆశించిన ఎమ్మెల్యేలు తమ అనుచరుల వద్ద తమ ఆవేదనను వెళ్లగక్కుతున్నారు.  
  
  


 ♦ తెలుగుదేశం పార్టీ అధ్యక్ష పదవికి తీవ్ర పోటీ
 ♦ నామినేటెడ్‌ పదవుల కోసం గంపెడాశలు
 ♦ పెరిగిపోతున్న ఆశావహుల జాబితా
 ♦ ఎవరికి వారే పైరవీలు
 ♦ ఖరారు చేస్తే... రచ్చరచ్చే
 
 సాక్షి ప్రతినిధి, విజయనగరం: టీడీపీలో మరో చిచ్చు రేగబోతోంది. నిన్నటి వరకు మంత్రి పదవి విషయంలో రచ్చ చేసిన పచ్చనేతలు ఇప్పుడు జిల్లా అధ్యక్ష పదవితో పాటు నామినేటేడ్‌ పదవులపై పడ్డారు. అధికారంలో ఉన్నప్పుడు ఏదో ఒక పదవి వస్తే నాలుగు కాసులు వెనకేసుకోవచ్చనే అభిప్రాయంతో ఉన్న నేతలు ప్రతీ పదవినీ ప్రతిష్టాత్మకంగా తీసుకుంటున్నారు. కేబి నెట్‌ విస్తరణ సమయంలో నేతలంతా రెండు గ్రూపులు గా విడిపోయారు. అధినేత జోక్యం చేసుకున్నా ఇంకా సఖ్యత కనబడటం లేదు. ప్రస్తుతం కలిసినట్టుగా కలరింగ్‌ ఇస్తున్నా లోలోపల రగిలిపోతూనే ఉన్నారు. అవకాశం కోసం ఎదురు చూస్తున్నారు. అప్పుడు సత్తా ఏంటో చూపిస్తామంటూ గుంభనంగా ఉన్నారు.
 
 అధ్యక్ష పదవి రూపంలో మరో చిచ్చు
 ప్రస్తుత టీడీపీ అధ్యక్షుడు ద్వారపురెడ్డి జగదీష్‌ సుదీర్ఘకా లంగా అదే పదవిలో ఉన్నారు. గత సంస్థాగత ఎన్నికల్లో నే ఆయన్ను మార్చేందుకు టీడీపీలోని కొన్ని శక్తులు తీవ్రంగా ప్రయత్నించినప్పటికీ సాధ్యం కాలేదు. అశోక్‌ అండదండలతో ఆయనే కొనసాగారు. ఈ సారి పరిస్థితి కాస్త భిన్నంగా ఉంది. అధ్యక్షుడిగానే కాకుండా ఎమ్మెల్సీ గా కూడా ఆయన కొనసాగుతున్నారు.దానికితోడు గతం కన్నా అశోక్‌ ప్రాధాన్యం పార్టీలో తగ్గింది. ఆయనకు మునపటి పట్టు లేదు. అది సుజయ్‌కృష్ణ రంగారావుకు మంత్రి పదవి ఇచ్చినప్పుడే తేటతెల్లమైపోయింది. కాబట్టి ఆయన ఆశీస్సులతో కొనసాగుతున్న జగదీష్‌ను ఆ పదవిలో కొనసాగించే అవకాశాలు లేవన్న ప్రచారం జరుగుతోంది.
 
 ఎవరికి వారు ప్రయత్నాలు
 సుజయ్‌కృష్ణ రంగారావుకు మంత్రి పదవి రాకుండా సర్వశక్తులొడ్డిన గజపతినగరం ఎమ్మెల్యే కొండపల్లి అప్పలనా యుడు అధ్యక్ష పదవికోసం ఇప్పుడు తీవ్రంగానే ప్రయత్నిస్తున్నారు. కాపు సామాజిక వర్గానికే ఇస్తారని... ఈ సమీకరణాల్లో తనకొస్తుందని ఆయన గట్టి నమ్మకంతో ఉన్నారు. ఇప్పుడదే పదవి కోసం తన సోదరుడు కొండపల్లి కొండలరావు కూడా పెద్ద ఎత్తున ప్రయత్నిస్తున్నారు.
 
 తనను అణగదొక్కుతున్నారన్న ఆందోళనతో తమ్ముడిని కాదని అధ్యక్ష పదవిని దక్కించుకుని సమాంతర రాజకీయాలు చేద్దామనే అభిప్రాయంతో ఉన్నారు. ఇప్పటికే ఆయన సీఎం చంద్రబాబును కలిశారు. మంత్రి వర్గ విస్తరణకు ముందే సుజయ్‌కృష్ణ రంగారావు శిబిరంలో చేరారు. మిగతా నేతల మద్దతు కూడగట్టేందుకు ప్ర యత్నిస్తున్నారు. ఇక, ఎస్‌కోట ఎమ్మెల్యే కోళ్ల లలితకుమారి కూడా అధ్యక్ష పదవి కోసం ఆశలు పెట్టుకున్నట్టు తెలు స్తోంది. తనకు గాని, తన భర్త కోళ్ల రాంప్రసాద్‌కు గాని అధ్యక్ష పదవి ఇవ్వాలని ఇప్పటికే పైరవీలు ప్రారంభించి నట్టు సమాచారం.
 
 తనకున్న టీటీడీ బోర్డు మెంబర్‌ పదవీ కాలం కూడా ముగియడంతో అధ్యక్ష పదవిని తన ఇంట్లోవారికే తెచ్చుకునేందుకు పావులు కదుపుతున్నారు. మరో సీనియర్‌ నేత పతివాడ నారాయణస్వామి నాయుడు కూ డా రేసులో ఉన్నామంటున్నారు. తనకు ఎలాగూ మంత్రి పదవి ఇవ్వలేదు... కనీసం తన కుమారుడికి పార్టీ అధ్యక్ష పదవైనా ఇవ్వాలని కోరుతున్నట్టు తెలిసింది. ఇదే విషయాన్ని మరో ఆశావహుని వద్ద ప్రస్తావించినట్టు తెలియవచ్చింది. ఇదిలా ఉండగా, కుల వివాదంపై కలెక్టర్‌ తీసుకున్న నిర్ణయంతో జోష్‌తో ఉన్న సాలూరు మాజీ ఎమ్మెల్యే భంజ్‌దేవ్‌ కూడా అధ్యక్ష పదవిని ఆశిస్తున్నట్టు తెలుస్తోం ది. ఈ నేపథ్యంలో అధ్యక్షుడ్ని ఎంపిక చేస్తే పార్టీలో ఏం జరుగుతుందన్నది ప్రత్యేకించి చెప్పనక్కర్లేదు.
 
 నామినేటేడ్‌ పోరు
 టీడీపీ అధికారంలోకి వచ్చాక నామినేటెడ్‌ పోస్టుల భర్తీ కనీసం జరగలేదు. వ్యవసాయ మార్కెట్‌ కమిటీ చైర్మన్‌ పోస్టులు తప్ప మరేవి భర్తీ కాలేదు. దేవస్థానాల పాలక మండళ్లు, గ్రంథాలయ సంస్థ చైర్మన్, వుడా డైరెక్టర్‌ పోస్టులతో పాటు రాష్ట్ర స్థాయి నామినేటెడ్‌ పోస్టులను భర్తీ చేయకుండా చంద్రబాబు తాత్సారం చేస్తున్నారు. ఇప్పుడీ పదవుల కోసం ఆశపడి ఉన్న వారి జాబితా చాంతాడంత ఉంది. తెంటు లకు‡్ష్మంనాయుడు, కె.త్రిమూర్తులరాజు, ఐ. వి.పి.రాజు, కడగల ఆనంద్‌కుమార్, ఎస్‌.ఎన్‌. ఎం.రాజు, కర్రోతు నర్సింగరావు, గొట్టాపు వెంకటనా యుడు, సిటీ కేబుల్‌ ఎండీ శ్రీనివాసరావు, రావి శ్రీధర్‌ తదితరులు రేసులో ఉన్నారు. ఇందులో ఏమైనా తేడాలొస్తే పార్టీలో మరోసారి రచ్చ జరగడం ఖాయం.
  


 సాక్షి, నల్లగొండ: పార్టీ అధికారంలోకి వచ్చి మూడేళ్లవుతున్నా అదిగో... ఇదిగో అని ఊరిస్తున్న నామినేటెడ్‌ పోస్టుల విషయంలో టీఆర్‌ఎస్‌ నేతలకు ఆశాభంగమే కానుందా..? పార్టీ ప్లీనరీ, బహిరంగసభ ముగిసిన తర్వాత తప్పకుండా వస్తాయని ఎదురుచూస్తున్న గులాబీ నాయకుల పదవులకు ఇప్పట్లో మోక్షం లేనట్టేనా..? నామినేటెడ్‌ పోస్టుల మాట అటుంచితే, అసలు పార్టీ పదవులనే భర్తీ చేసే మూడ్‌లో అధిష్టానం లేదా? అంటే అవుననే అంటున్నాయి తెలంగాణ భవన్‌ వర్గాలు.
 
 జిల్లా కన్వీనర్లను, నియోజకవర్గ కమిటీలను ఏర్పాటు చేసుకునేందుకు ఇటీవల జరిగిన ప్లీనరీలో పార్టీ రాజ్యాంగానికి సవరణ చేసుకున్నప్పటికీ సాంకేతిక కారణాలతో ఆ కమిటీల నియామకంలో జాప్యం జరిగే అవకాశాలున్నాయని ఆ పార్టీ నేతలు చెబుతున్నారు. ఇక, నామినేటెడ్‌ పోస్టుల విషయానికి వస్తే పార్టీ అధినేత ఆలోచన ఎవరికీ అంతుపట్టడం లేదని, ఇప్పటివరకు ఇచ్చిన పోస్టులతోనే సరిపెడతారా లేక జిల్లా నుంచి ఎంత మంది నేతలకు పదవులు ఇస్తారనే విషయంలో స్పష్ట త లేదని, ఒకవేళ నామినేటెడ్‌ పోస్టులు ప్రకటించినా రాష్ట్రస్థాయి పదవులు ఉమ్మడి నల్లగొండ జిల్లా నుంచి ఒక్కరికి మాత్రమే వచ్చే అవకాశం ఉందనే చర్చ కూడా నామినేటెడ్‌ పదవులు ఆశిస్తున్న వారి గుండెల్లో గుబులు పుట్టిస్తున్నాయి.
 
 ఇంకెన్నాళ్లు?
 వాస్తవానికి, తెలంగాణ రాష్ట్ర సాధనలో గులాబీ నీడన శ్రమించిన తమకు పార్టీ అధికారంలోకి రాగానే న్యాయం జరుగుతుందని, ఏదో పదవి లభిస్తుందని ఆశించిన నేతలు టీఆర్‌ఎస్‌లో పదుల సంఖ్యలోనే ఉన్నారు. వారిలో కొందరు రాష్ట్రస్థాయి నామినేటెడ్‌ పోస్టులు, మరికొందరు జిల్లా స్థాయి పోస్టులు ఆశించారు. అయితే, ఇప్పటివరకు జరిగిన రాష్ట్ర స్థాయి పోస్టుల విషయంలో ఉమ్మడి నల్లగొండ జిల్లా నుంచి బండా నరేందర్‌రెడ్డి, మందుల సామేల్‌కు మాత్రమే అదృష్టం దక్కింది. వారిద్దరికీ వ్యక్తిగతంగా హామీ ఇచ్చిన పార్టీ అధినేత కేసీఆర్‌ ఇచ్చిన మాట నిలబెట్టుకున్నారు.
 
 అయితే, వీరిద్దరితో పాటు ఉమ్మడి నల్లగొండ జిల్లా నుంచి చాలా మంది నేతలు పదవులు ఆశించారు. వారిలో నాగార్జునసాగర్‌ నియోజకవర్గ ఇన్‌చార్జి నోముల నర్సింహయ్య ప్రముఖంగా ఉన్నారు. ఎప్పుడు నామినేటెడ్‌ పోస్టుల చర్చ వచ్చినా ఆయన పేరు తెరమీదకు వచ్చింది. ఆయనతో పాటు మునుగోడు నియోజకవర్గానికి చెందిన జెల్లా మార్కండేయులు, నల్లగొండ నియోజకవర్గ ఇన్‌చార్జి దుబ్బాక నర్సింహారెడ్డిలు కూడా ఉన్నారు. జర్నలిస్టు నేతగా పనిచేస్తున్న మునుగోడు నియోజకవర్గానికి చెందిన పల్లె రవికుమార్‌కు కూడా ఏదో నామినేటెడ్‌ పదవి వస్తుందని ఆశించారు.
 
  వీరితో పాటు మరికొందరు కూడా నామినేటెడ్‌ పోస్టులపై ఆశలు పెట్టుకున్నా వారిలో కొందరివి రాష్ట్రస్థాయి పోస్టులకు పరిశీలనకే రాకపోగా, మరికొందరికి జిల్లా పోస్టులివ్వాలని నిర్ణయించారు. ఇందుకోసం దాదాపు రెండు నెలల క్రితం జిల్లా మంత్రి జగదీశ్‌రెడ్డి సమక్షంలో మూడు జిల్లాల నేతలు హైదరాబాద్‌లో సమావేశమై పేర్లను కూడా ఇచ్చారు. ఏ, బీ, సీ గ్రూపులుగా రాష్ట్ర, జిల్లా, నియోజకవర్గస్థాయి పదవులు, మార్కెట్‌ కమిటీ చైర్మన్లు, రాష్ట్ర కార్పొరేషన్లలో డైరెక్టర్ల పదవులకు గాను నియోజకవర్గానికి 10 మం దికి పైగా పేర్లను కూడా ఇచ్చారు.
 
  అంతవరకు బాగానే ఉంది కానీ, ఆ తర్వాత ఆ పేర్లను పట్టించుకున్న దాఖలాలు లేవు. అయితే, ఇటీవలే పార్టీ సంస్థాగత కార్యక్రమాలు ముగిసి, ప్లీనరీ, బహిరంగసభలు కూడా అయిపోయిన నేపథ్యంలో నేడో, రేపో నామినేటెడ్‌ పోస్టులు తమకు వస్తాయని చాలా మంది ఆశలు కూడా పెట్టుకున్నారు. కానీ, అటు రాష్ట్ర, ఇటు జిల్లా స్థాయిలో పోస్టుల భర్తీ చేయాలనే యోచనలో అధినేత కేసీఆర్‌ దృష్టిసారించలేదని పార్టీ వర్గాలంటున్నాయి.
 
 ఫలానా వారికి ఫలానా పదవి వచ్చిందని కూడా సోషల్‌మీడియాలో పెద్ద ఎత్తున ప్రచారం జరిగినా, అది వాస్తవ రూపం దాల్చే పరిస్థితి కనిపించడం లేదని, ఇప్పట్లో రాష్ట్ర స్థాయి నామినేటెడ్‌ పోస్టుల భర్తీ లేనట్టేనని, ఒకవేళ ప్రకటించినా ఉమ్మడి నల్లగొండ జిల్లా నుంచి ఒక్కరికే అవకాశం వస్తుందని జిల్లా పార్టీలో ఓ ముఖ్య నాయకుడు ‘సాక్షి’కి వెల్లడించడం గమనార్హం. మరి, ఆ ఒక్కటైనా ప్రకటిస్తారా.... జిల్లాస్థాయి నామినేటెడ్‌ పోస్టులను ఏం చేస్తారు..? అసలు భర్తీ చేస్తారా లేదా అన్నదానికి టీఆర్‌ఎస్‌ నేతల దగ్గర సమాధానం కూడా లేకపోవడం నామినేటెడ్‌ పోస్టుల విషయంలో పార్టీకి ఉన్న ప్రాధాన్యాన్ని తెలియజేస్తోంది.
 
 పార్టీ పదవుల మాటేంటి?
 నామినేటెడ్‌ పోస్టులమాట అటుంచితే, పార్టీ పదవుల విషయంలో కూడా అధిష్టానం నుంచి గ్రీన్‌సిగ్నల్‌ ఇంకా రాలేదని తెలుస్తోంది. ముఖ్యంగా ఇటీవల రంగారెడ్డి జిల్లాలో జరిగిన పార్టీ ప్లీనరీలో సంస్థాగత పదవులకు సంబంధించి పార్టీ రాజ్యాంగ సవరణను కూడా ఆమోదించారు. జిల్లా కమిటీలను రద్దు చేస్తూ, సంస్థాగత పదవుల గడువును రెండు నుంచి నాలుగేళ్లకు పొడగించారు. అందులో భాగంగానే రాష్ట్ర కమిటీలో 51 మందిని తీసుకోవాలని నిర్ణయించారు.
 
 ఒకవేళ ఈ కమిటీ ఏర్పాటు చేస్తే 31 జిల్లాల నుంచి అవకాశం ఇవ్వాల్సి ఉంటుంది కనుక జిల్లా నుంచి ఒకరికి లేదా ఇద్దరికి మాత్రమే అవకాశం దక్కనుంది. ఇక, జిల్లా కమిటీల విషయానికి వస్తే జిల్లా కమిటీని రద్దు చేసిన నేపథ్యంలో ఇద్దరు లేదా ముగ్గురిని జిల్లా కన్వీనర్లుగా నియమించాలని భావించినా, ఆ తర్వాత దాన్ని ఒక్కరికి మాత్రమే పరిమితం చేశారు. ఈ జిల్లా కన్వీనర్‌ పదవుల భర్తీ విషయంలో రాష్ట్రస్థాయిలో సామాజిక సమీకరణలు, ఇతర పార్టీ అంతర్గత విషయాలు అవరోధంగా మారుతున్నాయని తెలుస్తోంది. ఇక, చివరగా నియోజకవర్గ సమన్వయ కమిటీలు ఏర్పాటు చేసి ఒక్కో నియోజకవర్గంలో 24 మందిని తీసుకోవాలని కూడా పార్టీ నిర్ణయించింది.
 
 ఎమ్మెల్యేలున్న చోట్ల ఎమ్మెల్యేలు, లేని చోట్ల నియోజకవర్గ ఇంచార్జులను కన్వీనర్లుగా నియమించి, వారి నేతృత్వంలో మున్సిపల్‌చైర్మన్లు, పార్టీ మండలాల అధ్యక్షులు, రాష్ట్రస్థాయి కార్పొరేషన్ల చైర్మన్లు, ఇతర పార్టీ నేతలు సభ్యులుగా కమిటీలను ఏర్పాటు చేయాలని భావించారు. అయితే, పదవుల పందేరంలో తేడాలు వస్తే అసలుకే మోసం వస్తుందనే ఆలోచనతో ఈ నియోజకవర్గ స్థాయి కమిటీలను కూడా ఇప్పట్లో నియమించే అవకాశాలు లేవని తెలుస్తోంది. ఈ పరిస్థితుల్లో పార్టీ అధినేత కేసీఆర్‌ అనూహ్య నిర్ణయం తీసుకుంటే తప్ప ఇప్పట్లో అటు నామినేటెడ్, ఇటు పార్టీ పదవులకు మోక్షం లేనట్టేనని పార్టీ వర్గాల్లో చర్చజరుగుతుండడం పదవులు ఆశించిన వారిని నైరాశ్యంలో ముంచేస్తోంది.


 కార్యకర్తల బాగోగులపై దృష్టి పెట్టనున్న కేసీఆర్‌
 ► వరంగల్‌ సభ తర్వాత కార్యాచరణ
 ► రూ.5 లక్షలలోపు అభివృద్ధి పనుల అప్పగింత
 ► నామినేటెడ్‌ పోస్టుల భర్తీ.. పథకాల ప్రచారంలో భాగస్వామ్యం
 
 సాక్షి, హైదరాబాద్‌: టీఆర్‌ఎస్‌ కార్యకర్తల్లో నూతనోత్సాహం వెల్లివిరియనుందా... చోటా, మోటా నేతల్లో గూడుకట్టుకున్న నిరాసక్తత తొలగిపోనున్నదా.. అంటే అవుననే అంటున్నాయి తెలంగాణ రాష్ట్ర సమితి(టీఆర్‌ఎస్‌) వర్గాలు. పార్టీ 16వ ప్లీనరీలో ఆ పార్టీ అధ్యక్షుడు, ముఖ్యమంత్రి కె.చంద్రశేఖర్‌రావు అతి ముఖ్యమైన వ్యవసాయ విధానాన్ని ప్రకటించినప్పుడు ప్రతినిధుల నుంచి పెద్దగా స్పందన కనిపించలేదు. కార్యకర్తల్లోని నిస్తేజం ఆ పార్టీ అధినాయకత్వంలో గుబులు రేపింది. ఈ నేపథ్యంలో దిద్దుబాటుకు అధినేత శ్రీకారం చుట్టారు.
 అధికారంలో ఉన్న ఈ మూడేళ్ల సమయాన్ని పాలనను గాడిలో పెట్టేందుకు వెచ్చించి పార్టీపై దృష్టి సారించలేదని రెండో సెషన్‌ ముగింపు ప్రసంగంలో కేసీఆర్‌ పేర్కొన్నారు. ఈ నెల 27వ తేదీన వరంగల్‌లో జరగనున్న టీఆర్‌ఎస్‌ 16వ ఆవిర్భావ సభ తర్వాత పార్టీ వ్యవహారాలకు ప్రాధాన్యం ఇవ్వనున్నారని తెలుస్తోంది. ‘అన్ని వర్గాలకు సంక్షేమ ఫలితాలు అందిస్తూనే మరో వైపు పార్టీ క్యాడర్‌ గురించి సీఎం కేసీఆర్‌ ఆలోచిస్తున్నారు. ప్లీనరీ సాక్షిగా శ్రేణులకు ఆయన మాట కూడా ఇచ్చారు. కార్యకర్తలను ఆదుకుంటూ పార్టీని బలోపేతం చేసేందుకు ప్రణాళిక రచించారు’ అని పార్టీ సీనియర్‌ నాయకుడు ఒకరు అభిప్రాయపడ్డారు.
 
 పార్టీ యంత్రాంగం బలోపేతానికి చర్యలు
 బడుగు, బలహీన వర్గాల సంక్షేమం కోసం టీఆర్‌ఎస్‌ ప్రభుత్వం ఈ బడ్జెట్‌లో భారీ కేటాయింపులు చేసింది. కుల వృత్తుల వారీగా కార్యక్రమాలు తీసుకుంటోంది. వచ్చే ఆర్థిక సంవత్సరం నుంచి రైతులకు రెండు పంటలకు రూ.4 వేల చొప్పున ఆర్థిక సాయం అందిస్తామని సీఎం కేసీఆర్‌ ప్రకటించారు. ఇది తమకు మరోమారు అధికారాన్ని కట్టబెట్టే పథకమని భావిస్తోంది. ఈ క్రమంలో సంక్షేమ పథకాలకు గ్రామస్థాయిలో విస్తృత ప్రచారం కల్పించాలంటే పార్టీ యంత్రాంగాన్ని పటిష్టం చేసుకోవడం మినహా మరో మార్గం లేదన్న ఆలోచనకు వచ్చారని అంటున్నారు. దీనికి అనుగుణంగా ఉద్యమంలో పనిచేసిన కార్యకర్తలకు బాసటగా  నిలిచేందుకు రూ.5 లక్షల లోపు అభివృద్ధి పనులను నామినేషన్‌ పద్ధతిన అప్పజెప్పేందుకు రంగం సిద్ధమవుతోంది.
 గ్రామాల్లో అంతర్గత రోడ్ల నిర్మాణం, తదితర పనులను పార్టీ కింది స్థాయి నాయకులకు, కార్యకర్తలకు నామినేషన్‌ విధానంలో ఇవ్వనున్నారు. దీనికితోడు ఎమ్మెల్యేలకు ఉండే నియోజకవర్గ అభివృద్ధి ఫండ్, ఎమ్మెల్సీలు, ఎంపీల ఫండ్‌తో గ్రామాభివృద్ధి కార్యక్రమాలు చేపట్టాలని సీఎం కేసీఆర్‌ ఇప్పటికే సూచించారని చెబుతున్నారు. ఈ పనులను  చేపట్టడంలో భాగంగా పార్టీ క్యాడర్‌ను పరిగణనలోకి తీసుకోనున్నారని తెలుస్తోంది. ఎమ్మెల్సీలు, ఎంపీల ఫండ్‌ను స్థానిక ఎమ్మెల్యే సమన్వయంతో వినియోగిస్తారు. పార్టీ యంత్రాంగాన్ని ఆర్థికంగా బలోపేతం చేయడంలో ఈ నిర్ణయం ఉపకరిస్తుందన్న అభిప్రాయం వ్యక్తం అవుతోంది.
 
 ఉద్యమంలో ఉన్న కార్యకర్తలకు గుర్తింపు
 ఉద్యమ సమయంలో చురుగ్గా పనిచేసి, ఈ మూడేళ్లలోనూ ఎలాంటి పదవులు దక్కనివారిని గుర్తించి త్వరలో నామినేటెడ్‌ పోస్టులు ఇచ్చేందుకు కార్యాచరణ సిద్ధం చేస్తున్నారని సమాచారం. గ్రామ, మండల స్థాయిలో చురుగ్గా ఉండే కార్యకర్తలకు పదవులు ఇవ్వటం వల్ల ప్రభుత్వ పథకాల గురించి విస్తృత ప్రచారం కల్పించవచ్చని కేసీఆర్‌ భావిస్తున్నారని చెబుతున్నారు. ఇప్పటికే ఎమ్మెల్యేలతో కలసి ఉద్యమ కాలంలో పనిచేసినవారిని గుర్తించే పనిలో ఉన్నారని తెలిసింది. పార్టీ ఆవిర్భావ దినోత్సవం సందర్భంగా ఈ నెల 27న జరిగే వరంగల్‌ బహిరంగసభ తర్వాత క్యాడర్‌ లో కొత్త ఉత్సాహం నింపే పనులు మొదలవుతాయని పార్టీ నాయకులు ఆశిస్తున్నారు.


 – మూడేళ్ల తర్వాత ప్రభుత్వ వాహన డ్రైవర్ల సంఘానికి ఎన్నికలు
 – అధ్యక్ష పదవి కోసం ఏడుగురు నామినేషన్‌లు
  
 కర్నూలు(అగ్రికల్చర్‌): జిల్లా ప్రభుత్వ వాహన డ్రైవర్ల సంఘం అధ్యక్షుడి ఎన్నిక కోసం శనివారం పోటాపోటీగా నామినేషన్లు దాఖలు చేశారు. రాష్ట్ర సంఘం కార్యదర్శి డీఎస్‌ కొండయ్య ఎన్నికల అధికారి హోదాలో సి.క్యాంపు సెంటరులోని ప్రభుత్వ వాహన డ్రైవర్ల సంఘం పంక్షన్‌ హాల్‌లో నామినేషన్లు స్వీకరించారు. అధ్యక్ష పదవికి  ఏడుగురు నామినేషన్‌లు వేయడం విశేషం. మాజీ అధ్యక్షుడు అబ్దుల్‌హమీద్, మాజీ ఉపాధ్యక్షుడు వై.నాగేశ్వరరావు, ఇతర నాయకులు గోవిందు, ఇలియాస్‌బాషా, ఎన్‌ మౌలాలి, పి. విజయకుమార్,  ఎ. శ్రీను.. తమ నామినేషన్లను ఎన్నికల అధికారికి సమర్పించారు. ఆదివారం నామినేషన్ల పరిశీలన ఉంటుంది. అదేరోజున ఉపసంహరణకు అవకాశం ఇస్తారు. ఉపసంహరణ సమయం ముగిసిన తర్వాత పోటీలో ఉన్న అభ్యర్థుల తుది జాబితాను ఎన్నికల అధికారి ప్రకటిస్తారు. ఈ నెల 16న పోలింగ్‌ జరుగనుంది. సంఘంలో ఓటర్లుగా 208 మంది ఉన్నారు. పోటీలో ఉండే అభ్యర్ధులు సోమవారం నుంచి ప్రచారం ప్రారంభించనున్నారు.  అబ్దుల్‌హమీద్, నాగేశ్వరరావు మినహా మిగిలిన వారు నామినేషన్‌లు ఉపసంహరించుకునే అవకాశం ఉన్నట్లు తెలుస్తోంది.  
  


 ⇔ గరిష్ట వ్యయ పరిమితి రూ.లక్ష నుంచి రూ.5 లక్షలకు పెంపు 
 ⇔ ఉత్తర్వులు జారీ చేసిన పురపాలక శాఖ
 సాక్షి, హైదరాబాద్‌: మున్సిపాలిటీల్లో నామినే షన్‌ పనులకు రెక్కలొచ్చాయి. మరో ఏడాది రెండేళ్లలో మునిసిపల్, సార్వత్రిక ఎన్నికలు రానుండడంతో చోటామోటా నేతలకు చేతి నిండా పని కల్పించేందుకు రాష్ట్ర ప్రభుత్వం పురపాలికల్లో నామినేషన్‌ పనుల నిబంధనల ను సడలించింది. ప్రస్తుతం ఉన్న నిబంధనల ప్రకారం ఏ రాష్ట్ర ప్రభుత్వ శాఖలోనైనా రూ.లక్ష, ఆపై అంచనా వ్యయంగల పనులను తప్పనిసరిగా ఈ–ప్రొక్యూర్‌మెంట్‌ టెండర్ల ద్వారానే అప్పగించాలి. రూ.లక్ష, ఆలోపు పనులు నామినేషన్‌ విధానంలో అప్పగించే వీలుంది. మునిసిపల్‌ మేయర్లు, కార్పొరేట ర్లు, చైర్మన్లు, కౌన్సిలర్ల నుంచి వచ్చిన విజ్ఞప్తుల మేరకు రాష్ట్ర ప్రభుత్వం పురపాలికల్లో నామినే షన్‌ పనుల గరిష్ట వ్యయ పరిమతిని రూ.లక్ష నుంచి రూ.5 లక్షలకు వరకు పెంచింది.
 ఈ మేరకు గత నెల 25న రాష్ట్ర పురపాలక, పట్టణాభివృద్ధి శాఖ ముఖ్యకార్యదర్శి నవీన్‌ మిట్టల్‌ ఉత్తర్వులిచ్చారు. రూ.5లక్షల లోపు అత్యవసర పనులను నామినేషన్‌ మీద గుర్తిం పు పొందిన కాంట్రాక్టర్లు, స్వయం సహాయక సంఘాలు, వార్డు స్థాయి కమిటీలు, రెసిడెన్షి యల్‌ వెల్ఫేర్‌ అసోసియేషన్లకు అప్పగించా లని పేర్కొన్నారు. వీరికి పనులు నామినేట్‌ చేసే అధికారాన్ని జిల్లా కలెక్టర్‌ నేతృత్వంలోని మునిసిపల్‌ కమిషనర్, సీనియర్‌ మునిసిపల్‌ ఇంజనీర్‌ల కమిటీకి ప్రభుత్వం అప్పగిం చారు. జీహెచ్‌ఎంసీలో మాత్రం కమిషనర్, చీఫ్‌ఇంజనీర్, సంబంధిత జోనల్‌ కమిషనర్‌ తో కూడిన కమిటీకి నామినేషన్‌ పనుల అప్పగింత అధికారాన్ని కట్టబెట్టింది. నామి నేషన్ల అంచనా వ్యయంలో 5 శాతం తక్కువకు కాంట్రాక్టర్లకు పనులు నామినేట్‌ చేయాలని ప్రభుత్వం సూచించింది.


 హైదరాబాద్:
 పరిపాలనలో మహిళలకు భాగస్వామ్యం కల్పించేందుకు తెలంగాణ ఉద్యమంలో కీలకంగా పనిచేసిన వారికి, మహిళాభ్యుదయానికి కృషిచేసిన వారికి నామినేటెడ్ పదవులు ఇవ్వాలని సీఎం​కేసీఆర్‌ నిర్ణయించారు. అంతర్జాతీయ మహిళా దినోత్సవం సందర్భంగా ఈ కీలక నిర్ణయం తీసుకున్నారు. వివిధ కార్పొరేషన్లతోపాటు ఇతర నామినేటెడ్ పదవుల్లో వీరికి అవకాశమిచ్చేందుకు అర్హులైన మహిళలను గుర్తించి ఎంపిక చేసేందుకు ముగ్గురు సభ్యులతో కమిటీని ఏర్పాటు చేశారు.
 
 డిప్యూటి స్పీకర్ పద్మాదేవేందర్‌రెడ్డి, నిజామాబాద్ ఎంపీ కల్వకుంట్ల కవిత, కరీంనగర్ జడ్పీ చైర్‌పర్సన్ తుల ఉమ కమిటీలో సభ్యులుగా ఉంటారు. కమిటీ నుంచి వచ్చే సూచనల మేరకు కొద్ది రోజుల్లోనే మహిళలకు పదవులు ఇవ్వనున్నట్లు సీఎం ప్రకటించారు.


 ఎమ్మెల్యేల కోటా ఎమ్మెల్సీ స్థానానికి సీఎం తనయుడి పోటీ
 
 సాక్షి, అమరావతి: ముఖ్యమంత్రి చంద్రబాబు కుమారుడు, టీడీపీ జాతీయ ప్రధాన కార్యదర్శి నారా లోకేశ్‌ ఎమ్మెల్యేల కోటాలో ఎమ్మెల్సీ స్థానానికి ఈ నెల 6వ తేదీన నామినేషన్‌ వేయనున్నట్లు ఆ పార్టీ వర్గాలు తెలిపాయి. ఎమ్మెల్యేల కోటాలో ఎమ్మెల్సీ స్థానాన్ని లోకేశ్‌కు ఇవ్వాలని ఇటీవల టీడీపీ పొలిట్‌బ్యూరో సమావేశంలో నిర్ణయించిన విషయం తెలిసిందే.
 
 ఈ నేపథ్యంలో 6వ తేదీ మంచిరోజు కావడంతో నామినేషన్‌ వేయాలని లోకేశ్‌ నిర్ణయించుకున్నట్లు పార్టీ నేతలు తెలిపారు. లోకేశ్‌తోపాటు మిగిలిన టీడీపీ అభ్యర్థుల జాబితాను చంద్రబాబు త్వరలో వెల్లడించనున్నారు. కాపుల రిజర్వేషన్‌ ఉద్యమం నేపథ్యంలో  ఆ వర్గానికి చెందిన నేతలు చంద్రబాబుపై ఒత్తిడి తెస్తున్నట్లు సమాచారం.
  


 ► హస్తకళల సంస్థ చైర్మన్‌గా బొల్లం సంపత్‌
 ► ఖాదీ పరిశ్రమల సంస్థ చైర్మన్‌గా యూసుఫ్‌
 ► నామినేటెడ్‌ పదవులు ప్రకటించిన సీఎం
 ► ఉమ్మడి జిల్లాలోని టీఆర్‌ఎస్‌ సీనియర్ల నారాజ్‌
  
 సాక్షి, వరంగల్‌ : అధికార పార్టీలో నామినేటెడ్‌ పోస్టుల భర్తీ ప్రక్రియ కొనసాగుతోంది. రాష్ట్ర ప్రభుత్వం బుధవారం పది రాష్ట్ర స్థాయి కార్పొరేషన్లకు చైర్మన్లను నియమించింది. అందులో వరంగల్‌ నగరానికి చెందిన ఇద్దరికి పదవులు దక్కాయి. తెలంగాణ రాష్ట్ర హస్తకళల సంస్థ చైర్మన్‌గా బొల్లం సంపత్‌కుమార్‌ గుప్తాను, ఖాదీ–గ్రామీణ పరిశ్రమల సంస్థ చైర్మన్‌గా మౌలానా మహ్మద్‌ యూసుఫ్‌ జాహిద్‌ను నియమించారు.
  
 వీరిద్దరూ వరంగల్‌ అర్బన్‌ జిల్లా వారే. తెలంగాణ ఉద్యమంలో, టీఆర్‌ఎస్‌లో క్రియాశీలకంగా పనిచేసిన వారు వరంగల్‌ ఉమ్మడి జిల్లాలో పదుల సంఖ్యలో ఉన్నావారి కంటే ముందుగా వీరిద్దరికి పదవులు ఇవ్వడంపై ఆ పార్టీలో భిన్నాభిప్రాయాలు వ్యక్తమవుతున్నాయి.నామినేటెడ్‌ పదవుల భర్తీ ప్రక్రియ మొదలుపెట్టడంతో తమకు అవకాశం వస్తుందని ఆశించిన పలువురు సీనియర్‌ నేతలు అసంతృప్తికి లోనయ్యారు. అవకాశాల విషయంలో తమకు ప్రాధాన్యం దక్కడం లేదని పార్టీ నేతల వద్ద ఆవేదన వ్యక్తం చేస్తున్నారు.
  
 బొల్లం సంపత్‌కుమార్‌...
 వరంగల్‌ నగరంలో వ్యాపారవేత్తగా పేరున్న బొల్లం సంపత్‌కుమార్‌ రాజకీయ ప్రస్థానం ప్రజారాజ్యం నుంచి మొదలైంది. తెలంగాణ రాష్ట్ర ఏర్పాటు విషయంలో పీఆర్‌పీ నిర్ణయాన్ని వ్యతిరేకిస్తూ ఆ పార్టీ నుంచి వైదొలిగారు. తెలంగాణ ఉద్యమం ఉధృతంగా సాగిన 2009 డిసెంబరులో టీఆర్‌ఎస్‌లో చేరారు. అప్పటి నుంచి పార్టీ రాష్ట్ర నాయకుడిగా కొనసాగుతున్నారు. రాష్ట్ర స్థాయి కార్పొరేషన్‌ పదవి దక్కడంపై సంపత్‌కుమార్‌ స్పందిస్తూ... ‘తెలంగాణ రాష్ట్ర సాధనలో పని చేసినందుకు తృప్తిగా ఉంది. రాష్ట్ర స్థాయి చైర్మన్‌గా నన్ను నియమించిన సీఎం కేసీఆర్‌కు జీవితాంతం రుణపడి ఉంటా. సీఎం కేసీఆర్‌ నమ్మకాన్ని నిలబెడతా’ అని చెప్పారు.
  
 యూసుఫ్‌ జాహిద్‌...
 జమాతె ఉల్మా హింద్‌ సంస్థలో కీలకంగా పనిచేస్తున్నారు. తెలంగాణ ఉద్యమానికి మద్దతు తెలిపారు. ఆ తర్వాత తెలంగాణ ఉద్యమంలో టీఆర్‌ఎస్‌తో కలిసి పనిచేశారు. ప్రస్తుతం యూసుఫ్‌ జాహిద్‌ వరంగల్‌లోని మండీబజార్‌ మద్రాసీ మసీదు ఉపన్యాసకుడి(ఖతీబ్‌)గా పనిచేస్తున్నారు. యూసుఫ్‌ జాహిద్‌ ఉత్తరప్రదేశ్‌లోని అలీగఢ్‌ యూనివర్సిటీ నుంచి ఉర్దూ పీజీ పట్టా పొందారు. తెలంగాణ ఉద్యమంలో టీఆర్‌ఎస్‌కు, ముస్లిం సంస్థలకు మధ్య అనుసంధానకర్తగా వ్యవహరించారు. ఖాదీ బోర్డు చైర్మన్‌ పదవి దక్కడంపై యాసుఫ్‌ జాహిద్‌ స్పందిస్తూ... ‘రాష్ట్ర స్థాయి పదవిలో నన్ను నియమించిన సీఎం కేసీఆర్‌కు ధన్యవాదాలు. ఉప ముఖ్యమంత్రి మహమూద్‌ అలీకి కృతజ్ఞతలు. నాకు అప్పగించిన బాధ్యతలను చక్కగా నిర్వహించి సీఎం కేసీఆర్‌ నమ్మకాన్ని నిలబెడతా’ అని అన్నారు. 


 ఇద్దరి నామినేషన్ల తిరస్కరణ
  బరిలో ఐదుగురు
  ముగ్గురు ఇండిపెండెంట్లను పోటీనుంచి తప్పించేందుకు టీడీపీ యత్నాలు
 సాక్షి ప్రతినిధి, ఏలూరు :
 జిల్లాలో స్థానిక సంస్థల ఎమ్మెల్సీ పదవులకు పోటీ తప్పని పరిస్థితి కనపడుతోంది. బుధవారం నామినేషన్ల పరిశీలన కార్యక్రమం చేపట్టి ఇద్దరి నామినేషన్లు తిరస్కరించారు. ఇండిపెండెంట్‌ అభ్యర్థులు మైలా వసంతరావు, కోళ్ల రామచంద్రరావు నామినేషన్‌ పత్రాలు సక్రమంగా లేనికారణంగా తిరస్కరించినట్టు ఎన్నికల రిటర్నింగ్‌ అధికారి, జాయింట్‌ కలెక్టర్‌ పి.కోటేశ్వరరావు ప్రకటించారు. టీడీపీ అభ్యర్థులు అంగర రామ్మోహనరావు, మంతెన వెంకట సత్యనారాయణరాజు, ఇండిపెండెంట్లు నల్లి రాజేష్, డీఎస్‌ఎస్‌ ప్రసాద్, మేడపాటి సాయిచంద్ర మౌళేశ్వరరెడ్డి నామినేషన్లు సక్రమంగా ఉన్నట్టు పేర్కొన్నారు. ఇదిలావుంటే.. నామినేషన్ల పరిశీలన సమయంలోనే ఇండిపెండెంట్‌ అభ్యర్థులను బరి నుంచి తప్పించేందుకు తెలుగుదేశం నాయకులు తీవ్రంగా ప్రయత్నించగా.. సఫలం కాలేదు. నామినేషన్‌ పత్రాలపై సంతకాలు చేసిన వారిపై వత్తిడి తెచ్చి ఆ సంతకాలు తమవి కాదని రిటర్నింగ్‌ అధికారికి చెప్పించే ప్రయత్నం చేశారు. ఇండిపెండెంట్లుగా బరిలోకి దిగిన మైలా వసంతరావు, కోళ్ల రామచంద్రరావు, నల్లి రాజేష్‌లకు తెలుగుదేశం సభ్యులు మద్దతుగా సంతకాలు పెట్టారు. దీంతో వారిని బరి నుంచి తప్పించేందుకు సంతకాలు చేసిన వారిపై ఒత్తిడి తెచ్చారు. భీమవరం పట్టణానికి చెందిన కోలా రామచంద్రరావుపై ఎమ్మెల్యే నుంచి ఒత్తిళ్లు పెరగటంతో ఆయన నామినేషన్ల పరిశీలన కార్యక్రమానికి హాజరు కాలేదు. తాను పోటీనుంచి తప్పుకుంటున్నట్లు భీమవరం నుంచే ప్రకటించారు.
  
 ’ఆ సంతకం నాది కాదు’
 ఇండిపెండెంట్‌ అభ్యర్థిగా నామినేషన్‌ దాఖలు చేసిన మైలా వసంతరావు సమర్పించిన నామినేషన్‌ పత్రాలలో తాను సంతకాలు చేయలేదని కాళ్ల జెడ్పీటీసీ వర్రి వెంకటరమణ ఎన్నికల రిటర్నింగ్‌ అధికారికి ఫిర్యాదు చేశారు. తన పేరిట సంతకాలు ఉన్న విషయం తెలిసి ఆశ్చర్యపోయానని పేర్కొన్నారు. మైలా వసంతరావు అనే వ్యక్తి తనకు తెలియదని, తన సంతకాన్ని ఫోర్జరీ చేశారని లిఖితపూర్వక ఫిర్యాదును సమర్పించారు. దీనిపై వసంతరావు స్పందిస్తూ.. ఆ సంతకం వెంకటరమణదేనన్నారు. ఆ సంతకం తనది కాదని వెంకటరమణ చెప్పడం ఆశ్చర్యంగా ఉందని, తప్పుడు సంతకంతో నామినేషన్‌ సమర్పించాననే ఆపవాదు తనకు రావడం బాధగా ఉందని ఆవేదన వ్యక్తం చేశారు. అభ్యర్థిత్వాన్ని బలపరుస్తూ నామినేషన్‌ పత్రంలో 10 మంది ఓటర్లు సంతకాలు చేయాల్సి ఉండగా, వెంకటరమణ ఆ సంతకం తనదికాదని చెప్పడంతో వసంతరావును బలపరిచిన వారి సంఖ్య తొమ్మిదికి తగ్గింది. దీంతో ఆ నామినేషన్‌ పత్రాన్ని  తిరస్కరించారు. వెంకటరమణ ఇచ్చిన రాతపూర్వక ఫిర్యాదును పరిగణనలోకి తీసుకుని వెంకటరమణ నిజంగా కాళ్ల జెడ్పీటీసీ అవునా, కాదా అని నిర్ధారణ చేయడానికి జెడ్పీ సీఈఓ డి.సత్యనారాయణను ఎన్నికల అధికారి పిలిపించారు. జెడ్పీ సమావేశాలకు హాజరైన సందర్భాలలో ఆమె చేసిన సంతకాలను కూడా పరిశీలించారు. సత్యనారాయణ జెడ్పీ రికార్డులను పరిశీలించి సంతకం కాళ్ల జెడ్పీటీసీదేనని ధ్రు‍వీకరించారు. వెంకటరమణ నేరుగా ఫిర్యాదు ఇవ్వడం, నామినేషన్‌ పత్రంలో మరికొన్ని లోపాలు కూడా బయటపడడంతో నిబంధనలు మేరకు మైలా వసంతరావు నామినేషన్‌ను తిరస్కరించారు.
 పోటీలోనే ఉంటా : రాజేష్‌
 మాల మహానాడు రాష్ట్ర సమన్వయకర్త నల్లి రాజేష్‌కు మద్దతుగా సంతకాలు చేసిన తెలుగుదేశం సభ్యులను సైతం ఎన్నికల రిటర్నింగ్‌ అధికారి వద్దకు తీసుకువచ్చి సంతకాలు తాము పెట్టలేదని చెప్పించే ప్రయత్నం చేశారు. అప్పటికే సమయం మించిపోవడంతో సాధ్యం కాలేదు. దీంతో అతని నామినేషన్‌ సక్రమంగా ఉన్నట్టు ఎన్నికల అధికారి తేల్చారు. తనపై ఎన్ని ఒత్తిళ్లు వచ్చినా బరి నుంచి తప్పుకునేది లేదని రాజేష్‌ వెల్లడించారు. తనకు అధికార పార్టీకి చెందిన ఎస్సీలు, కాపు సామాజిక వర్గాల నుంచి 270 మంది మద్దతు ఇప్పటికే ఉందని ఆయన చెబుతున్నారు. ఆయనను రంగం నుంచి తప్పించేందుకు తెలుగుదేశం ప్రజాప్రతినిధులు ప్రయత్నాలు చేస్తున్నారు.
  
  


 ఎన్నికల పరిశీలకుడి ముందే నామినేషన్‌ ఫారాల చించేసిన టీడీపీ నేతలు          
 
 చిత్తూరు కలెక్టరేట్‌: స్థానిక సంస్థల ఎమ్మెల్సీ ఎన్నికల పరిశీలకులుగా వచ్చిన సీనియర్‌ ఐఏఎస్‌ అధికారి అనంతరాములు చిత్తూరు కలెక్టరేట్‌ వద్ద మంగళవారం చోటు చేసుకున్న సంఘటనలను స్వయంగా పరిశీలించారు. దీనిపై స్పందించారు. ఆయన డీఎస్పీ, డీఆర్వోలతో మాట్లాడుతూ ‘ఐ నెవర్‌ సీన్‌ లైక్‌ దిస్‌’ అంటూ అసహనం వ్యక్తం చేశారు.
 
 ఎమ్మెల్సీ అభ్యర్థిగా నామినేషన్‌ దాఖలు చేసేందుకు కలెక్టరేట్‌కు విచ్చేసిన వెదురుకుప్పం జెడ్పీటీసీ మాధవరావు అఫిడివిట్‌ కాగితాలను టీడీపీ శ్రేణులు అడ్డు కుని చించేశారు. పోలీసుల వ్యవహార శైలి బాగోలేదని అబ్జర్వర్‌పై ఆగ్రహం వ్యక్తం చేశారు.
 
                                 


 ⇔ నామినేటెడ్‌ అభ్యర్థుల ఎంపికలో ఎమ్మెల్యేలే కీలకం
 ⇔ రెండు గంటల పాటు జరిగిన సమావేశం
 ⇔ పదవులపై నాయకుల గురి
 ⇔ అధినేతల వద్ద అప్పుడే పెరిగిన పైరవీలు
 ⇔ వివిధ స్థాయి పదవులపై కన్నేసిన నేతలు
 ⇔ అధిష్టానం చుట్టూ ‘ద్వితీయ’ తలల చక్కర్లు
 ⇔హైదరాబాద్‌లో భేటీ అయిన కీలక నేతలు పాల్గొన్న మంత్రులు, ఎంపీలు, ఎమ్మెల్యేలు, ఎమ్మెల్సీలు
 
 కరీంనగర్‌ : టీఆర్‌ఎస్‌ నేతలు నామినేటెడ్‌ పోస్టులపై గురి పెట్టారు. ఇప్పటికే ఆలస్యం అవుతోందని భావించిన సీఎం కేసీఆర్, మార్చి 8లోగా ఈ ప్రక్రియ పూర్తి చేయాలని భావించారు. ఇదే విషయాన్ని ఆయా జిల్లాల ఎంపీలు, మంత్రులు, ఎమ్మెల్యేలు, ఎమ్మెల్సీలు, ఇతర ప్రజాప్రతినిధులకు సూచించారు. బడ్జెట్‌ సమావేశాలకంటే ముందుగానే నామినేటెడ్‌ పోస్టులను భర్తీ చేసే ప్రక్రియను వేగవంతం చేయాలని ఆదేశించారు. పార్టీ కోసం కష్టపడిన, అంకితభావంతో పనిచేసిన నాయకులు, కార్యకర్తలను దృష్టిలో పెట్టుకుని ఎంపిక చేయాలని కేసీఆర్‌ సూచించారు. ఈ మేరకు ఆదివారం సాయంత్రం భేటీ అయిన మంత్రులు, ఎమ్మెల్యేలు, ఎమ్మెల్సీలు మంగళవారం నుంచి ఉమ్మడి జిల్లా కేంద్రాలు, నియోజకవర్గాల కేంద్రాల్లో సమావేశాలు నిర్వహించాలని నిర్ణయించారు. ఈ నేపథ్యంలో ఉమ్మడి కరీంనగర్‌ జిల్లాలో నామినేటెడ్‌ పదవుల భర్తీ కోసం మంత్రి కేటీఆర్‌ అధ్యక్షతన ఆర్థిక, పౌరసరఫరాలశాఖ మంత్రి ఈటల రాజేందర్, ఎంపీలు వినోద్‌కుమార్, బాల్క సుమన్, ఉమ్మడి జిల్లా ఎమ్మెల్యేలు, ఎమ్మెల్సీలు ఐడీసీ చైర్మన్‌ ఈద శంకర్‌రెడ్డి హైదరాబాద్‌లో సోమవారం రాత్రి సమావేశం కావడం చర్చనీయాంశంగా మారింది.
 
 రాష్ట్ర, జిల్లాస్థాయిల పదవులపై గురి..
 టీఆర్‌ఎస్‌ ఆవిర్భావం నుంచి పార్టీలో పనిచేస్తున్న సీనియర్‌ నేతలు రాష్ట్ర, జిల్లా స్థాయి నామినేటెడ్‌ పదవులపై గురి పెట్టారు. ఇప్పటికే ఆర్టీసీ, టీఎస్‌ఎండీసీ, ఐడీసీ, పౌరసరఫరాల తదితర కార్పొరేషన్లకు చైర్మన్లను నియమించినా.. డైరెక్టర్లు, సభ్యులను నామినేట్‌ చేయలేదు. అలాగే.. జిల్లా గ్రంథాలయ సంస్థ, దేవాలయాలతోపాటు అనేక కమిటీలకు పాలకవర్గాన్ని నియమించాల్సి ఉంది. వాస్తవానికి 2014 జూన్‌ 2న కేసీఆర్‌ సీఎంగా ప్రమాణ స్వీకారం చేయడమే ఆలస్యం.. ఆ మరుసటి రోజు నుంచి నేతలు పదవుల వేటలో పడ్డారు. అయితే.. పార్టీని, పాలనను గాడిలో   పెట్టే వరకు నామినేటెడ్‌ పదవుల ఊసే లేదన్నారు. ఈ మేరకు గతేడాది ఏడాది ఫిబ్రవరి వరకు పార్టీ సభ్యత్వ సేకరణ, సంస్థాగత ఎన్నికల ప్రక్రియ పూర్తి చేసి.. జిల్లా, రాష్ట్ర కమిటీలను కూడా వేశారు. ఆ తర్వాత గోదావరి పుష్కరాలు, హరితహారం, గ్రామజ్యోతి, మిషన్‌ కాకతీయ తదితర కార్యక్రమాలను ప్రభుత్వం ప్రతిష్టాత్మకంగా తీసుకుంది. నామినేటెడ్‌ పదవులు ఆశిస్తున్న వారు ఈ కార్యక్రమాల్లో ఏ మేరకు బాధ్యతాయుతంగా వ్యవహరించారో అన్న గ్రేడింగ్‌ కూడా ఉంటుందన్నారు. అయితే.. దాదాపు ఏడాది కాలంగా అరకొరగా కార్పొరేషన్లు, దాదాపుగా మార్కెట్‌ కమిటీలకు పాలకవర్గాలను నియమించగా.. చాలాపోస్టులు వాయిదా పడ్డాయి. ఇదే సమయంలో ప్రభుత్వం ఈ వారంలో నామినేటెడ్‌ పదవుల భర్తీకి శ్రీకారం చుడుతుండగా.. ఆ పదవులను దక్కించుకునేందుకు ఆశావహులు పోటాపోటీగా తలపడుతున్నారు.
 
 కార్పొరేషన్‌ చైర్మన్లు, డైరెక్టర్లు, దేవాలయాలు కావేవీ అనర్హం..
 మొదటి నుంచీ పార్టీలో పనిచేస్తున్న సీనియర్‌ నేతలు, నాయకులు రాష్ట్ర, జిల్లా స్థాయి నామినేటెడ్‌ పదవుల కోసం ప్రయత్నాలు ముమ్మరం చేశారు. ఆగ్రోస్, గ్రంథాలయ తదితర రాష్ట్రస్థాయి కార్పొరేషన్లకు చైర్మన్, డైరెక్టర్‌ పదవులు, దేవాలయాలు, గ్రంథాలయాలు.. తమకు కావేవీ అనర్హం అంటున్నారు ఆశావహులు. పట్టుమని వారం రోజుల్లో నామినేటెడ్‌ పదవులను భర్తీ చేయాలని ప్రభుత్వం కృతనిశ్చయంతో ఉండటం.. ఈ మేరకు మంత్రుల నేతృత్వంలో ఎమ్మెల్సీలు, ఎమ్మెల్యేలు, ప్రజాప్రతినిధులు తుది జాబితా కోసం కసరత్తు చేయడం చర్చనీయాంశంగా మారింది. జిల్లాస్థాయిలో ఫుడ్‌ అడ్వయిజరీ (జిల్లా, రెవెన్యూ స్థాయిలో) కమిటీ, గ్రంథాలయ సంస్థ, జిల్లా, నియోజకవర్గం అసైన్‌మెంట్‌ తదితర కమిటీల కోసం కూడా ప్రయత్నాలు చేస్తున్నారు. మార్చి 8న అసెంబ్లీ శాసనసభ బడ్జెట్‌ సమావేశాలు ఉండగా.. ఈలోపే కమిటీలు వేయాలని సీఎం కేసీఆర్‌ నిర్ణయించి, మంత్రులను ఆదేశించారు. ఈ క్రమంలో నామినేటెడ్‌ పదవుల భర్తీ ప్రక్రియ ఒక్కసారిగా వేడెక్కడం ఆశావహుల్లో ఆందోళన మొదలైంది. ఇదే సమయంలో ఉమ్మడి కరీంనగర్‌ జిల్లాకు సంబంధించి ‘నామినేటెడ్‌’ అభ్యర్థుల జాబితా తయారు చేసేందుకు సోమవారం రాత్రి మంత్రులు కేటీఆర్, ఈటల రాజేందర్‌.. ఎమ్మెల్యేలు, ఎమ్మెల్సీలు, ప్రజాప్రతినిధులతో సమావేశం అయ్యారు. మంగళవారం లేదా బుధవారం నాటికి ఉమ్మడి కరీంనగర్‌ జిల్లాలో నామినేటెడ్‌ పదవుల ప్రక్రియ పూర్తయ్యే అవకాశం ఉందని సమాచారం. ఇదే సమయంలో నాలుగు జిల్లాల టీఆర్‌ఎస్‌ కమిటీలను కూడా ప్రకటించనున్నారు.  
 
 ఎమ్మెల్యేలే కీలకం..
 కాగా.. ఈ నామినేటెడ్‌ పోస్టులకు అభ్యర్థుల ఎంపికలో ఎమ్మెల్యేలే కీలకం కానున్నారు. అభ్యర్థుల ఎంపిక బాధ్యతను సీఎం కేసీఆర్‌ పూర్తిస్థాయిలో ఎమ్మెల్యేలకే అప్పగించారు. 2001 నుంచి పార్టీలో ‘కీ’లకంగా వ్యవహరించి.. పార్టీని నమ్ముకుని పనిచేసిన వారికి ప్రాధాన్యం కల్పించాలన్నారు. నియోజకవర్గాల వారీగా జాబితా తయారు చేసి మంగళవారం సాయంత్రం వరకు ఎమ్మెల్యేలు జాబితాను అందివ్వాల్సి ఉంది.


 – రెండు సెట్ల నామినేషన్‌ పత్రాల దాఖలు
  
 కర్నూలు(అగ్రికల్చర్‌): శాసనమండలి కర్నూలు స్థానిక నియోజకవర్గం తెలుగుదేశం అభ్యర్థిగా సిట్టింగ్‌ ఎమ్మెల్సీ, ఆ పార్టీ జిల్లా అధ్యక్షుడు శిల్పా చక్రపాణిరెడ్డి మంగళవారం అట్టహాసంగా నామినేషన్‌ దాఖలు చేశారు. జిల్లా ఇన్‌చార్జి మంత్రి కింజారపు అచ్చెన్నాయుడు సహా తెలుగుదేశం పార్టీ ఎమ్మెల్యేలు, నియోజకవర్గ ఇన్‌చార్జీలు కార్యక్రమంలో పాల్గొన్నారు. మధ్యాహ్నం 12 గంటల తర్వాత శిల్పా చక్రపాణిరెడ్డి తన నామినేషన్‌ పత్రాలను రిటర్నింగ్‌ అధికారి, జేసీ హరికిరణ్‌కు అందజేశారు. జిల్లా పార్టీ కార్యాలయం నుంచి టీడీపీ నేతలు పాదయాత్రంగా కలెక్టరేట్‌కు చేరుకున్నారు. నామినేషన్‌ పత్రాల దాఖలుకు రిటర్నింగ్‌ అధికారి చాంబర్‌లోకి అభ్యర్థితో పాటు జిల్లా ఇన్‌చార్జి మంత్రి, మరో మగ్గురిని మాత్రమే అనుమతించారు. అభ్యర్థి శిల్పా రెండు సెట్ల పత్రాలను దాఖలు చేశారు. అనంతరం శిల్పా చక్రపాణిరెడ్డి విలేకరులతో మాట్లాడుతూ.. ముఖ్యమంత్రి చేపట్టిన అభివృద్ధి, సంక్షేమ కార్యక్రమాలే తనను గెలిపిస్తాయన్నారు.
  
 జిల్లా ఇన్‌చార్జి మంత్రి అచ్చెన్నాయుడు మాట్లాడుతూ గ్రామ స్థాయి నుంచి జిల్లా స్థాయి వరకు టీడీపీ నాయకులు, కార్యకర్తలతో చర్చించిన తర్వాతే శిల్పాను అభ్యర్థిగా ఎంపిక చేశామన్నారు. గతంలో జరిగిన ఎన్నికల నాటితో పోలిస్తే ఇప్పుడు తమ పార్టీకి ఎక్కువ మెజార్టీ వస్తుందన్నారు. రాజ్యసభ సభ్యుడు టీజీ వెంకటేశ్‌ మాట్లాడుతూ స్థానిక ఎమ్మెల్సీగా శిల్పాను మరింత ఎక్కువ మెజారిటీతో గెలిపించుకునేందుకు అందరం కలసికట్టుగా కృషి చేస్తామన్నారు. కార్యక్రమంలో ఎమ్మెల్యేలు బీసీ జనార్ధన్‌రెడ్డి, భూమా నాగిరెడ్డి, ఎస్‌వీ మోహన్‌రెడ్డి, మణిగాంధీ, బుడ్డా రాజశేఖర్‌రెడ్డి, టీడీపీ నేతలు కేఈ ప్రభాకర్, కేఈ ప్రతాప్, తగ్గలి నాగేంద్ర తదితరులు పాల్గొన్నారు.
  
 పోలీసు దిగ్బంధంలో కలెక్టరేట్‌
 స్థానిక ఎమ్మెల్సీ అభ్యర్థిగా శిల్పా చక్రపాణిరెడ్డి నామినేషన్‌ దాఖలు చేస్తున్న నేపథ్యంలో కలెక్టరేట్‌ను పోలీసులు తమ ఆధీనంలోకి తీసుకున్నారు. సోమవారం గౌరు వెంకటరెడ్డి నామినేషన్‌ కార్యక్రమానికి మీడియాను అనుమతించారు. అయితే శిల్పా నామినేషన్‌కు మీడియాను అనుమతించలేదు. జేసీ, రిటర్నింగ్‌ అధికారి హరికిరణ్‌ ఆదేశాల మేరకు అన్ని దారులను మూసివేశారు.
  


 ► ఎమ్మెల్సీ కోసం కొందరు.. కార్పొరేషన్‌ పదవుల కోసం మరి కొందరు
 ► వచ్చే ఎన్నికల్లో ఎమ్మెల్యే సీట్ల కోసం ఇంకొందరు
 ► టీడీపీ నేతల వెంపర్లాట
 ► అందరికీ అన్నీ అంటూ బాబు మాయ
 ► నేతలు గోడ దూకకుండా కట్టడి చేసే యత్నం
 
 సాక్షి ప్రతినిధి, ఒంగోలు: ఎమ్మెల్యేల కోటా, గవర్నర్‌ కోటాలో పెద్ద ఎత్తున ఎమ్మెల్సీ పదవులు కట్టబెడుతున్నామంటూ చంద్రబాబు సర్కారు హడావుడి చేయడంతో జిల్లాకు చెందిన అధికార పార్టీ నేతలు పదవుల కోసం పరుగులు పెడుతున్నారు. దీంతో అధికార పార్టీలో కోలాహలం నెలకొంది. ఎవరికి దొరికింది వారు అందుకోవాలన్న రీతిలో పచ్చనేతలు పైరవీలు మొదలుపెట్టారు. సీఎం చంద్రబాబు, ఇటు చినబాబు లోకేష్‌లు మొదలుకొని అందరినీ కలిసి పదవుల కోసం ప్రాధేయపడుతున్నారు. ఎమ్మెల్యేల కోటాలో ఇప్పటికే టీడీపీ సీనియర్‌ నేత ఒంగోలు మాజీ ఎంపీ కరణం బలరాంకు ఎమ్మెల్సీ పదవి ఖాయమైందని జోరుగా ప్రచారం సాగుతోంది. ఈ మేరకు ఇప్పటికే చంద్రబాబు కరణంకు హామీ ఇచ్చినట్లు తెలుస్తోంది.
 
 వచ్చే నెల 6, 7 తేదీల్లో కరణం ఎమ్మెల్సీ కోసం నామినేషన్‌ వేయనున్నట్లు కూడా సోమవారం జిల్లావ్యాప్తంగా ప్రచారం జరిగింది. మరోవైపు జిల్లాకు చెందిన జూపూడి ప్రభాకరరావు సైతం ఎమ్మెల్సీ పదవి కోసం పట్టుపట్టినట్లు తెలుస్తోంది. ఈ పరిస్థితుల్లో జిల్లా నుంచి కరణంకు ఒక్కరికే ఎమ్మెల్సీ ఇస్తారా.. లేదా జూపూడికి కూడా ఎమ్మెల్సీ పదవి ఇస్తారా.. అన్న విషయంలో స్పష్టత రావాల్సి ఉంది. ఇద్దరికీ ఎమ్మెల్సీ ఇచ్చే పక్షంలో తమకు ఏదో ఒక పదవి ఇవ్వాలంటూ కందుకూరుకు చెందిన మాజీ ఎమ్మెల్యే దివి శివరాం, గిద్దలూరు మాజీ ఎమ్మెల్యే అన్నా రాంబాబు, చీరాల టీడీపీ నేత పోతుల సునీతలు సైతం ఇప్పటికే ముఖ్యమంత్రికి విన్నవించినట్లు తెలుస్తోంది.
 
 ఎమ్మెల్సీ పదవి వీలుకాని పక్షంలో కనీసం ఏదో ఒక కార్పొరేషన్‌ పదవైనా ఇవ్వాలని వారు కోరుతున్నట్లు తెలుస్తోంది. వచ్చే ఎన్నికల నాటికి అసెంబ్లీ సీట్ల పెంపు ఖాయమని అందరికీ ఎమ్మెల్యే టికెట్లు ఇస్తానంటూ సీఎం సదరు నేతలను బుజ్జగిస్తున్నట్లు సమాచారం. ఎమ్మెల్యే టికెట్‌ ఇవ్వలేని పక్షంలో ఏదో ఒక కార్పొరేషన్‌ పదవీ ఇస్తానని ముఖ్యమంత్రి వారికి నచ్చజెబుతున్నట్లు తెలుస్తోంది. ఇదే తరహాలో కరణం బలరాం తనయుడు కరణం వెంకటేష్‌కు సైతం ముఖ్యమంత్రి వచ్చే ఎన్నికల్లో ఎమ్మెల్యే టికెట్‌ ఇస్తానంటూ ఇప్పటికే హామీ ఇచ్చిన విషయం తెలిసిందే.
 
 బాబు మాయ..: ప్రతి సమావేశంలో వచ్చే అసెంబ్లీ ఎన్నికల నాటికి అసెంబ్లీ సీట్లు పెరగడం ఖాయమని టీడీపీ నేతలు పదే పదే చెబుతున్నారు. సీట్లు పెరగడం సంగతి దేవుడెరుగు... ఫిరాయింపు ఎమ్మెల్యేల పుణ్యమా అని జిల్లా టీడీపీలో అంతర్గత కుమ్ములాటలు ఇప్పటికే పతాకస్థాయికి చేరాయి. ఈ నేపథ్యంలో అసంతృప్తితో ఉన్న కొందరు నేతలు పార్టీ ఫిరాయించకుండా ఉండేందుకే బాబు సీట్ల పెంపు వ్యవహారం తెరపైకి తెచ్చినట్లు ప్రచారం జరుగుతోంది. ఇదే ప్రచారంతో నేతలెవ్వరూ గోడ దూకకుండా కట్టుదిట్టం చేసేందుకు బాబు మాయ చేస్తున్నట్లు ఆ పార్టీకి చెందిన నేతలే పేర్కొంటుండటం గమనార్హం.
 
 మాగుంటకు మంత్రి పదవి..?: ముఖ్యమంత్రి గతంలో హామీ ఇచ్చినట్లు ఎమ్మెల్సీ మాగుంట శ్రీనివాసులరెడ్డికి మంత్రి పదవీ ఖాయమైనట్లు జోరుగా ప్రచారం సాగుతోంది. గతంలోనూ ఇదే ప్రచారం జరిగినా.. మంత్రివర్గ విస్తరణ ఆలస్యమైంది. తాజాగా అసెంబ్లీ సమావేశాలు ముగిసినా అనంతరమే మంత్రివర్గ విస్తరణ చేపట్టనున్నట్లు విస్తృతంగా ప్రచారం జరుగుతోంది. ఇందులో భాగంగా మాగుంటకు మంత్రి పదవి ఇవ్వడం ఖాయమని ఆ పార్టీ వర్గాలు పేర్కొంటున్నాయి. ఇప్పటికే ముఖ్యమంత్రి మాగుంటకు మంత్రి పదవి విషయం స్పష్టం చేసినట్లు అధికార పార్టీకి చెందిన ఓ నేత పేర్కొన్నారు.


 కడప సెవెన్‌రోడ్స్‌: శాసనమండలి కడప స్థానిక సంస్థల నియోజకవర్గానికి వైఎస్సార్‌సీపీ అభ్యర్థిగా మాజీ మంత్రి వైఎస్‌ వివేకానందరెడ్డి గురువారం నామినేషన్‌ దాఖలు చేశారు. మధ్యాహ్నం 1.07 గంటలకు వైఎస్సార్‌ జిల్లా కలెక్టరేట్‌లో రిటర్నింగ్‌ అధికారి శ్వేత తెవతీయకు ఆయన ఒక సెట్‌ నామినేషన్‌ పత్రాలను అంద జేశారు. ఆ తర్వాత  1.15 గంటలకు మరో సెట్, 1.24 గంటలకు ఇంకో సెట్‌ కలిపి మొత్తం 3సెట్ల  పత్రాలను సమర్పించారు. వైఎస్‌ వివేకానందరెడ్డి కడప స్థానిక సంస్థల నియోజకవర్గానికి నామినేషన్‌ దాఖలు చేస్తున్న సందర్భాన్ని పురస్కరించుకుని వైఎస్సార్‌సీపీకి చెందిన జిల్లా ఎమ్మెల్యేలు, ఎంపీలు, పార్టీ శ్రేణులు పెద్ద సంఖ్యలో తరలివచ్చారు.
 
  కడపలోని వైఎస్సార్‌సీపీ కార్యాలయం నుంచి వాహనాల్లో కలెక్టరేట్‌కు చేరుకున్నారు. పార్టీ జిల్లా అధ్యక్షుడు ఆకేపాటి అమర్‌నాథరెడ్డి, ఎంపీలు వైఎస్‌ అవినాష్‌రెడ్డి, మిథున్‌రెడ్డి, జెడ్పీ చైర్మన్‌ గూడూరు రవి, ఎమ్మెల్సీ డీసీ గోవిందరెడ్డి, ఎమ్మెల్యేలు ఎస్‌.రఘురామిరెడ్డి, పి.రవీంద్రనాథ్‌రెడ్డి, అంజద్‌ బాషా, రాచమల్లు ప్రసాద్‌రెడ్డి, గడికోట శ్రీకాంత్‌రెడ్డి, కొరముట్ల శ్రీనివాసులు, కడప నగర మేయర్‌ సురేష్‌బాబు, జెడ్పీ వైస్‌ చైర్మన్‌ ఇరగంరెడ్డి సుబ్బారెడ్డి, పాల్గొన్నారు.


 ముగిసిన నామినేషన్ల ఘట్టం
 భారీ ర్యాలీలతో హోరెత్తించిన అభ్యర్థులు
 బరిలో 18 మంది..23న తుది జాబితా
 మార్చి 9న పోలింగ్‌
 
 సిటీబ్యూరో: హైదరాబాద్‌–రంగారెడ్డి–మహబూబ్‌నగర్‌ ఉపాధ్యాయ శాసనమండలి నియోజకవర్గ ఎన్నికలో పోటాపోటీ ఏర్పడింది. మొత్తం 18 మంది అభ్యర్థులు బరిలో మిగిలారు. నామినేషన్ల దాఖలుకు చివరి రోజైన సోమవారం భారీ ర్యాలీలతో అభ్యర్థులు హోరెత్తించారు. నామినేషన్లు దాఖలు చేసిన వారిలో కాటేపల్లి జనార్ధన్‌రెడ్డి(టీఆర్‌ఎస్‌), ఏవీఎన్‌రెడ్డి(ఎస్‌టీయూ), మాణిక్‌రెడ్డి(యూటీఎఫ్‌), నర్రా భూపతిరెడ్డి(టీఆర్‌టీఎస్‌)లతో పాటు మహ్మద్‌ మొహినొద్దీన్, ఎస్‌.విజయ్‌కుమార్, హర్షవర్ధన్‌రెడ్డి, ఎంవీ నర్సింగ్‌రావు, ఎ.లక్ష్మయ్య, మీసాల గోపాల్‌ సాయిబాబ, ఆరకల కృష్ణగౌడ్, వి.నతానియేల్, జ్ఞానేశ్వరమ్మ, ఎం.మమత, కోయల్‌కార్‌ బోజరాజు, సంతోష్‌యాదవ్, ఇ.లక్ష్మయ్యలు ఉన్నారు. మంగళవారం నామినేషన్ల పరిశీలన పూర్తయిన తర్వాత 23వ తేదీ సాయంత్రం  పోటీలో మిగిలే తుది అభ్యర్థుల జాబితాను ప్రకటిస్తారు. ఇదిలా ఉంటే మూడు జిల్లాల పరిధిలో మొత్తం 23,013 మంది ఓటర్లు ఉండగా అందులో హైదరాబాద్‌ జిల్లాలో 4501, రంగారెడ్డిలో 11837, మహబూబ్‌నగర్‌లో 6675 మంది ఓటర్లున్నారు.
 
 భారీ ర్యాలీలు
 చివరి రోజున పది నామినేషన్లు దాఖలయ్యాయి. ఎస్‌టీయూ అభ్యర్థి ఏవీఎన్‌రెడ్డి భారీ ర్యాలీగా వచ్చి నామినేషన్‌ పత్రాలు దాఖలు చేశారు. ఆయన వెంట ఎస్టీయూ రాష్ట్ర అధ్యక్షులు భుజంగరావుతో పాటు, టీఎస్‌టీయూ రాష్ట్ర అధ్యక్ష, కార్యదర్శులు కిష్టయ్య, అబ్దుల్లా,  తెలంగాణ ఎయిడెడ్‌ టీచర్స్‌ అధ్యక్ష, కార్యదర్శులు దేశ్‌పాండే, గీతాంజలితో పాటు వివిధ సంఘాలు మద్దతుగా ర్యాలీలో పాల్గొన్నారు. ఈ సందర్భంగా ఏవీఎన్‌రెడ్డి మాట్లాడుతూ నిజాయితీ, నిబద్ధత కలిగిన తనకు పట్టం కట్టాలని విజ్ఞప్తి చేశారు.
 
 స్థానిక సంస్థల నియోజకవర్గానికి నేడు నోటిఫికేషన్‌
 సాక్షి, సిటీబ్యూరో: శాసనమండలిలో హైదరాబాద్‌ స్థానిక సంస్థల నియోజకవర్గ స్థానానికి జీహెచ్‌ఎంసీ కేంద్ర కార్యాలయంలో మంగళవారం నుంచి నామినేషన్లు స్వీకరించనున్నారు. ఈ నియోజకవర్గం నుంచి ప్రాతినిధ్యంవహిస్తున్న సయ్యద్‌ అమీనుల్‌ హసన్‌ జాఫ్రీ పదవీ కాలం 2017 మే 1వ తేదీన ముగియనుండటంతో, దాన్ని భర్తీ చేసేందుకు ఫిబ్రవరి 21న  నోటిఫికేషన్‌ జారీ కానుంది. నామినేషన్ల దాఖలుకు చివరి తేదీ ఫిబ్రవరి 28. మార్చి 1వ తేదీన నామినేషన్ల పరిశీలన, మార్చి 3వ తేదీ వరకు నామినేషన్ల ఉపసంహరణ గడువు, మార్చి 17వ తేదీ ఉదయం 8 గంటల నుండి సాయంత్రం 4 గంట ల వరకు పోలింగ్, మార్చి 20వ తేదీన ఓట్ల లెక్కింపు నిర్వహిస్తారు. ఈ ఎన్నికల నిర్వహణకు జీహెచ్‌ఎంసీ అడిషనల్‌ కమిషనర్‌ అద్వైత్‌ కుమార్‌ సింగ్‌ రిటర్నింగ్‌ అధికారిగా వ్యవహరిస్తారని  ముఖ్యఎన్నికల అధికారి ఆదేశాలు జారీ చేసినట్లు జీహెచ్‌ఎంసీ ఒక ప్రకటనలో పేర్కొంది.


 ⇒ సొంత పార్టీలో కుంపట్లు.. పొగ పెడుతున్న మిత్రపక్షం
 ⇒ శాపంలా వెంటాడుతున్న విభజన హామీలు
 ⇒ అటకెక్కించిన ప్రత్యేక హోదా డిమాండ్‌
 ⇒ ప్రత్యేక రైల్వే జోన్‌ ఊసెత్తని కేంద్రం
 ⇒ పాలుపోని స్థితిలో మాధవ్‌
 
 తండ్రి బాటలోనే మండలిలో  అడుగుపెట్టాలన్న ఆయన ఆశలపై సొంత పార్టీ నేతలే నీళ్లు చల్లుతుంటే.. మిత్రపక్షం నేతల తీరు తలనొప్పిగా మారుతోంది. దీనికి తోడు అమలు కాని విభజన హామీలు ఆయనకు శాపంగా వెంటాడుతున్నాయి. ఒకవైపు రాష్ట్రానికి ప్రత్యేక హోదా, విశాఖ కేంద్రంగా ప్రత్యేక రైల్వే జోన్‌ ఉద్యమాల సెగ రగులుతూనే ఉంది. ఈ పరిస్థితిలో ప్రజల వద్దకు ఎలా వెళ్లాలో తెలియని అయోమయ పరిస్థితి. సొంత పార్టీలో కుంపట్లను చల్లార్చుకుంటూ, మిత్ర పక్షం నుంచి మద్దతు కూడగట్టుకుంటూ ముందుకెళ్లడం
 మాధవ్‌కు కత్తిమీద సాములా మారింది.
 
 విశాఖపట్నం : బీజేపీ రాష్ట్ర మాజీ అధ్యక్షుడు పి.వి.చలపతిరావు తనయుడు పి.వి.ఎన్‌.మాధవ్‌ ఉత్తరాంధ్ర పట్టభద్రు ల ఎమ్మెల్సీ ఎన్నికల స్థానానికి టీడీపీ–బీజేపీ తరఫున ఉమ్మడి అభ్యర్థిగా నామినేషన్‌ దాఖలు చేసిన సమయంలోనే ఆ పార్టీలో లుకలుకలు బయటపడ్డాయి. పార్టీ రాష్ట్ర అధ్యక్షుడు, ఎంపీ కె.హరిబాబు, నగర పార్టీ అధ్యక్షుడు నాగేంద్రలు ర్యాలీలో పాల్గొనకుండానే వెళ్లిపోవడం   చర్చనీయాంశమైంది. ఎమ్మెల్యే పి.విష్ణుకుమార్‌రాజుతో పాటు పార్టీ అవకాశం ఇస్తే పోటీ చేస్తానంటూ ప్రకటించిన రామకోటయ్య, పృథ్వీరాజ్‌ వంటి సీనియర్‌ నేతలు నామినేషన్‌ కార్యక్రమానికి దూరంగా ఉన్నారు. ఈ పరిణామాలతో మాధవ్‌ అభ్యర్థిత్వంపై ఏకాభిప్రాయం లేదన్న ప్రచారం సాగుతోంది. సొంత జిల్లా కంటే పొరుగు జిల్లాలైన శ్రీకాకుళం, విజయనగరం, ఉభయగోదావరి జిల్లాలకు చెందిన పార్టీ నేతలే ఎక్కువగా నామినేషన్‌ కార్యక్రమంలో పాల్గొన్నారు. ముఖ్యమంత్రి చంద్రబాబు ఒత్తిడి మేరకు టీడీపీ మంత్రులు, ఎంపీలతో పాటు పలువురు ప్రజాప్రతినిధులు నామినేషన్‌ కార్యక్రమంలో పాల్గొన్నారని పలువురు పేర్కొంటున్నారు.
 
 నోరు మెదపని బీజేపీ ప్రజాప్రతినిధులు
 మాధవ్‌ను గెలిపించాలంటూ టీడీపీ మంత్రులతో పాటు పొరుగు జిల్లాల నుంచి వచ్చిన బీజేపీ మంత్రులు ప్రకటనలు చేశారు.  ఇప్పటివరకు జిల్లాకు చెందిన ప్రజాప్రతినిధులు, కీలక నేతల నుంచి కనీసం ప్రకటన కూడా రాకపోవడం మాధవ్‌ అనుచరులను కలవరపెడుతోంది. రానున్న జీవీఎంసీ ఎన్నికల్లో మేయర్‌ పీఠానికి పోటీ లేకుండా ఉండేందుకే ఎమ్మెల్సీ స్థానాన్ని బీజేపీకి కేటాయించామని టీడీపీ పెద్దలు బాహాటంగానే చెబుతున్నారు. ఒక వేళ మాధవ్‌ గెలిస్తే ఆ పార్టీకి ఎంపీ, ఎమ్మెల్యేకు తోడు ఎమ్మెల్సీ ఉంటారు. జీవీఎంసీ పరిధిలో ప్రధాని మోదీకున్న చరిష్మా వల్లే మేం గెలిచామని చెప్పుకునే అవకాశం ఉందని.. అదే కనుక జరిగితే జీవీఎంసీ ఎన్నికల్లో మెజార్టీ సీట్ల కోసం బీజేపీ పట్టుబట్టే అవకాశం ఉంటుందని టీడీపీ నేతలు అంచనా వేస్తున్నారు. ఏది ఏమైనా మాధవ్‌ విజయావకాశాలకు గండి కొట్టాలన్న ఆలోచనతో టీడీపీ పెద్దలు వ్యూహరచన చేస్తున్నట్టుగా తెలుస్తోంది.
 
 శాపంగా విభజన హామీలు
 ఇలా సొంత పార్టీ నుంచి, మిత్రపక్షం నుంచి కూడా ఆశించిన సహకారం లభించక అడకత్తెరలో పోకచెక్కలా నలిగిపోతున్న మాధవ్‌కు విభజన హామీలు శాపంగా మారాయి. ప్రత్యేక హోదా కోసం ఉత్తరాంధ్ర రగిలిపోతుంది. ఆది నుంచి ఈ ఉద్యమంలో ఉత్తరాంధ్ర వాసులే ముఖ్య భూమిక పోషిస్తున్నారు. ఐదు కోట్ల ఆంధ్రుల ఆకాంక్ష ప్రత్యేక హోదాను అటకెక్కించిన కేంద్రంపై ఉత్తరాంధ్ర పట్టభద్రులు గుర్రుగా ఉన్నారు. విశాఖ కేంద్రంగా ప్రత్యేక రైల్వే జోన్‌పై  కేంద్రం ప్రకటన చేయకపోవడంపై మండిపడుతున్నారు. పెద్దనోట్ల రద్దు నిర్ణయం వల్ల చిన్న, చితకా పరిశ్రమలు మూతపడడంతో వందలాది మంది రోడ్డున పడే పరిస్థితులు ఏర్పడ్డాయి. వీరంతా కేంద్రంపై అసంతృప్తితో ఉన్నారు.
 
 ముప్పేట దాడితో ఉక్కిరిబిక్కిరి
 వ్యతిరేక పవనాలతో  మాధవ్‌ ఉక్కిరిబిక్కిరి అవుతున్నారు. చలపతిరావు సమకాలీకులు మాధవ్‌ గెలుపు కోసం కేంద్ర నాయకత్వం ద్వారా రాష్ట్ర నాయకత్వంపై ఒత్తిడి తీసుకొస్తున్నారు. రానున్న 20 రోజులు విశాఖలోనే మకాం వేసి సొంత పార్టీలో అసంతృప్తులను చక్కదిద్దేందుకు, మిత్రపక్షం నుంచి మద్దతు కూడగట్టేందుకు కేంద్ర పార్టీ నుంచి పరిశీలకులు కూడా వస్తున్నట్టు తెలిసింది.  పరిస్థితిని బట్టి మూడు జిల్లాల్లోని ప్రతి మున్సిపాల్టీకి, ప్రతి మండలానికి ఓ బాధ్యుడ్ని నియమించాలన్న ఆలోచనతో పార్టీ అగ్రనాయకత్వం సమాలోచనలు చేస్తున్నట్టుగా తెలుస్తోంది. మరి ఎంతవరకు సఫలీకృతమవుతారో చూడాల్సిందే.


 • టీచర్‌ ఎమ్మెల్సీ అభ్యర్థిని గెలిపిద్దాం: మంత్రి హరీశ్‌రావు
 • పీఆర్టీయూ అభ్యర్థిగా  జనార్దన్‌రెడ్డి నామినేషన్‌
 
 సాక్షి, హైదరాబాద్‌: ‘‘టీఆర్‌ఎస్‌ మద్దతిస్తున్న కాటేపల్లి జనార్దన్‌రెడ్డి గెలుపు ఖాయం. ఆయన్ను మంచి మెజారిటీతో గెలిపిద్దాం. గతంలో గెలిచిన స్వామిగౌడ్, సుధాకర్‌రెడ్డిల మెజారిటీని బద్దలు కొట్టాలి. అయితే అతి విశ్వాసం వద్దు. ఆత్మవిశ్వాసంతో ముందు కెళ్దాం’’ అని మంత్రి హరీశ్‌రావు అన్నారు. ఉపాధ్యాయుల సమస్యల పరిష్కారానికి కృషి చేస్తామని, మొదటి ప్రాధాన్య ఓటుతోనే జనార్దన్‌రెడ్డిని గెలిపించాలని పిలుపునిచ్చా రు.
 శాసనమండలి ఉపాధ్యాయ నియోజ కవర్గానికి (మహబూబ్‌నగర్‌– రంగారెడ్డి– హైదరాబాద్‌) జరగనున్న ఎన్నికలో టీఆర్‌ఎస్‌ మద్దతుతో పోటీ చేస్తున్న పీఆర్టీయూ అభ్యర్థి కాటేపల్లి జనార్దన్‌రెడ్డి నామినేషన్‌ దాఖలు  సంద ర్భంగా శనివారం పలువు రు ఎమ్మెల్సీలు, ఎమ్మెల్యే లు, మంత్రులు, ఉపాధ్యా యులు ఇక్కడ ఓ ప్రైవేటు ఫంక్షన్‌ హాలులో సమా వేశమయ్యారు. ఈ సమావేశంలో మంత్రి హరీశ్‌రావు మాట్లాడుతూ టీచర్‌ ఎమ్మెల్సీ నియోజకవర్గం పరిధిలోని మూడు జిల్లాల్లో సమావేశాలు ఏర్పాటు చేసుకొని జనార్దన్‌రెడ్డి గెలుపునకు కృషి చేయాలని కోరారు. శనివారమే మేడ్చెల్‌ సమావేశం పూర్తికాగా ఆదివారం వికారాబాద్, సోమవారం వనప ర్తిలలో సమావేశాలు ఏర్పాటు చేశారు.
 
 ప్రభుత్వం, టీచర్లకు మధ్య వారధిగా..
 దశబ్దాలుగా పెండింగ్‌లో ఉన్న సమస్యలను ప్రభుత్వం పరిష్కరిస్తోందని, ఉపాధ్యాయ, ఉద్యోగుల సంక్షేమమే లక్ష్యంగా పనిచేస్తోం దని ఎమ్మెల్సీ అభ్యర్థి కాటేపల్లి జనార్దన్‌రెడ్డి తెలిపారు. తనను గెలిపిస్తే ప్రభుత్వం, ఉపా ధ్యాయులకు మధ్య వారధిలా పని చేస్తానన్నారు. సమావేశంలో 30 ఉపాధ్యాయ సంఘాలు జనార్దన్‌రెడ్డికి మద్దతు ప్రకటించా యి. అనంతరం జీహెచ్‌ఎంసీ కార్యాలయం లో నామినేషన్‌ దాఖలు చేశారు. సమావేశం లో డిప్యూటీ సీఎం మహమూద్‌ అలీ, మంత్రులు తలసాని, మహేందర్‌రెడ్డి, జూపల్లి కృష్ణారావు, లక్ష్మారెడ్డి, ఎంపీ జితేందర్‌రెడ్డి, ఎమ్మెల్యే శ్రీనివాస్‌ గౌడ్, మండలి చీఫ్‌విప్‌ సుధాకర్‌రెడ్డి, విప్‌లు పల్లా రాజేశ్వర్‌రెడ్డి, వెంకటేశ్వర్లు పాల్గొన్నారు.
 
 ఐదు నామినేషన్లు
 హైదరాబాద్, రంగారెడ్డి, మహబూబ్‌నగర్‌ శాసనమండలి ఉపాధ్యాయ స్థానానికి శనివారం ఐదు నామినేషన్లు దాఖలైనట్లు ఎన్నికల రిటర్నింగ్‌ అధికారి అద్వైత్‌ కుమార్‌సింగ్‌ తెలిపారు. నామినేషన్లు వేసినవారిలో ఇ.లక్ష్మయ్య, నర్సింగ్‌రావు, కాటేపల్లి జనార్దన్‌రెడ్డి, మీసాల సాయిబాబా, అరకల కృష్ణగౌడ్‌ ఉన్నారని పేర్కొన్నారు. ఇప్పటి వరకు మొత్తం 17 నామినేషన్లు దాఖలయ్యాయని తెలిపారు.


 చిత్తూరు కలెక్టరేట్‌: చిత్తూరు, శ్రీ పొట్టిశ్రీరాములు నెల్లూరు, ప్రకాశం జిల్లాల శాసనమండలి పట్టభద్రుల స్థానానికి తొలి నామినేషన్‌ మంగళవారం దాఖలైంది. ప్రకాశం జిల్లా దర్శి మండలానికి చెందిన కాశినేని వెంకటసుధాకర్‌ రెడ్డి చిత్తూరు కలెక్టరేట్‌కు విచ్చేసి ఎన్నికల రిటర్నింగ్‌ అధికారి, కలెక్టర్‌ సిద్ధార్థ్‌జైన్‌కు నామినేషన్‌ను సమర్పించారు.
 
 దీంతో ఎమ్మెల్సీ ఎన్నికలకు నామినేషన్‌ బోణి అయ్యింది. అయితే ఉపాధ్యాయుల ఎమ్మెల్సీ స్థానానికి ఇంతవరకు ఒక్క నామినేషన్‌ కూడా దాఖలు కాలేదు.   
  


 నియోజకవర్గానికి చిత్తూరులోనే నామినేషన్ల దాఖలు
 ఈ నెల 20వ తేదీ వరకు గడువు
  ఉదయం 11 నుంచి మధ్యాహ్నం3 గంటల వరకు స్వీకరణ
 రిటర్నింగ్‌ అధికారిగా జిల్లా కలెక్టర్‌
 
 చిత్తూరు (కలెక్టరేట్‌): చిత్తూరు, పొట్టిశ్రీరాములు నెల్లూరు, ప్రకాశం జిల్లాల పట్టభద్రులు, ఉపాధ్యాయుల శాసనమండలి     ఎన్నికల్లో పోటీ చేయనున్న అభ్యర్థుల     నామినేషన్లను సోమవారం నుంచి స్వీకరిస్తారు. అందుకు సంబంధించి ఈ నెల 6వ తేదీన ఎన్నికల సంఘం విడుదల చేసిన ఎమ్మెల్సీ ఎన్నికల షెడ్యూలు ప్రకారం 13వ తేదీ ఎన్నికలకు సంబంధించి నోటిఫికేషన్‌ జారీ, అదే రోజు నుంచి 20 వరకు నామినేషన్ల స్వీకరణ ఉంటుందని ప్రకటించింది. దీంతో ఎన్నికల్లో పోటీ చేసే అభ్యర్థులు     తమ నామినేషన్లను చిత్తూరు కలెక్టరేట్‌లోని ఎన్నికల రిటర్నింగ్‌ అధికారి జిల్లా కలెక్టర్‌కు సమర్పించాలి. రోజూ ఉదయం 11 నుంచి మధ్యాహ్నం 3 గంటల వరకు నామినేషన్లు స్వీకరిస్తారు. ఎన్నికల్లో పోటీ చేసే అభ్యర్థులు నామినేషన్లను చిత్తూరులో మాత్రమే దాఖలు చేసుకోవాలి. ఈనెల 21న         నామినేషన్ల పరిశీలన, 23వ తేదీ వరకు నామినేషన్ల ఉపసంహరణ గడువు ఉంటుంది. మార్చి 9వ తేదీన ఉదయం     8 నుంచి సాయంత్రం 4 గంటల  వరకు పోలింగ్‌ ఉంటుంది.
 
 అభ్యర్థులు వీరే..
 ఎమ్మెల్సీ ఎన్నికలకు వివిధ పార్టీలు తమ అభ్యర్థులను ఇప్పటికే కొందరిని ప్రకటించాయి. అందులో వామపక్షాల తరఫున ప్రస్తుత పట్టభద్రుల ఎమ్మెల్సీ యండపల్లి శ్రీనివాసులు, ఉపాధ్యాయుల ఎమ్మెల్సీ విఠపు బాలసుబ్రమణ్యంనే తిరిగి ఈ దఫా ఎన్నికల్లో ఆయా స్థానాల్లో పోటీకి దించాయి. అలాగే అధికార పార్టీ టీడీపీ కూడా పట్టభద్రుల స్థానానికి పొట్టిశ్రీరాములు నెల్లూరు జిల్లాకు చెందిన పట్టాభిరామిరెడ్డిని అభ్యర్థిగా ప్రకటించింది. ఉపాధ్యాయుల స్థానానికి మిత్రపక్షమైన బీజేపీకి చెందిన అభ్యర్థిని ప్రకటించాలనే చర్చలు  జరుగుతున్నాయి. కాంగ్రెస్‌ పట్టభద్రుల స్థానానికి ప్రకాశం జిల్లాకు చెందిన రామచంద్రారెడ్డిని  ప్రకటించింది.
 
 ఎన్నికల సమస్యలకు వాట్సాప్‌ నం. 7013131464
 జిల్లాలో ఎమ్మెల్సీ ఎన్నికలకు సంబంధించి ప్రజలకు ఎదురయ్యే  సమస్యలను వాట్సాప్‌ నం.7013131464కు తెలియజేయాలని జిల్లా కలెక్టర్‌ సిద్దార్థ్‌జైన్‌ ఆదివారం ఓ ప్రకటనలో తెలిపారు. ఎన్నికల సందర్భంగా ఎదురయ్యే సమస్యలను తెలుపుకునేందుకు గాను శనివారం వాట్సాప్‌ నం.7013586219 ను ప్రకటించామన్నారు. అయితే ఆ నంబరుకు బదులు ఈ నూతన వాట్సాప్‌ నంబరుకు పంపాలని తెలిపారు.


 సేవింగ్స్‌ అకౌంట్‌.. కరెంటు అకౌంట్‌ కావొచ్చు లేదా డిపాజిట్‌ లాకర్‌ తీసుకునేటప్పుడు కావొచ్చు .. నామినేషన్‌ అంశం చాలా కీలకమైనది. ఎందుకంటే ఆయా అకౌంట్లకు సంబంధించి నామినీ వివరాలను బ్యాంకులకు అందజేయకపోతే.. ఖాతాదారుడికి ఏదైనా అనుకోనిది జరిగిన పక్షంలో కుటుంబసభ్యులు డిపాజిట్లను క్లెయిమ్‌ చేసుకోవడం చాలా కష్టతర మవుతుంది. ఇంతటి ముఖ్యమైన నామినేషన్‌ గురించి సోదాహరణంగా తెలియజేసేదే ఈ కథనం.
 
 నామినేషన్‌ అంటే..
 తన తదనంతరం అకౌంట్‌లోని మొత్తం చెందాల్సిన వారి పేరు (నామినీ) తదితర వివరాలను ఖాతాదారు బ్యాంకు లేదా ఆర్థిక సంస్థకు తెలియజేయడాన్ని నామినేషన్‌ అంటారు. ఇది మరిస్తే సదరు ఖాతాల్లోని మొత్తాలను క్లెయిమ్‌ చేసుకునేందుకు కుటుంబసభ్యులు సమస్యలు ఎదుర్కొనాల్సి వస్తుంది. రాజు ఉదాహరణే తీసుకుంటే.. అతని తండ్రి ఆటో స్వీప్‌ సదుపాయం గల సేవింగ్స్‌ ఖాతా ప్రారంభించారు. దానికి రాజును నామినీగా ఉంచారు. అయితే, ఆయన మరణానంతరం ఖాతాలో డబ్బును క్లెయిమ్‌ చేసుకునేందుకు బ్యాంకుకు వెళ్లిన రాజుకు ఊహించని పరిస్థితి ఎదురైంది. సేవింగ్స్‌ ఖాతాకు మాత్రమే రాజు నామినీగా ఉన్నారని.. అందులో నుంచి ఆటో స్వీప్‌ పద్ధతిలో ఫిక్సిడ్‌ డిపాజిట్‌కి బదలాయించిన డబ్బుకు సంబంధించి ఆయన్ను నామినీగా పరిగణించలేమని బ్యాంకు పేర్కొంది. దీనిపై ఫిర్యాదులు గట్రా సుదీర్ఘ తతంగం జరిగి, సేవింగ్స్‌ ఖాతా నుంచి ఎఫ్‌డీకి మళ్లిన మొత్తానికి కూడా తానే హక్కుదారు అని నిరూపించుకుంటే గానీ రాజు చేతికి మిగతా మొత్తం అందలేదు. కాబట్టి ఖాతాదారులు, లాకర్‌ హోల్డర్లు తమ తదనంతరం హక్కుదార్లుగా నామినీల పేర్లను పేర్కొనడం ఎంత ముఖ్యం అన్నది ఈ ఉదంతం తెలియజేస్తుంది. నామినేషన్‌ చేయడం వల్ల.. ఖాతాదారు మరణానంతరం వారసత్వ సర్టిఫికెట్లు, కోర్టు ఆర్డర్లు మొదలైన బాదరబందీ లేకుండా ఖాతాలో సొమ్ము/లాకర్లలో ఉన్నవాటిని బ్యాంకు నుంచి నామినీ సులువుగా పొందేందుకు వీలవుతుంది.
 
 నామినేషన్‌ తీరుతెన్నులు..
 వ్యక్తిగత ఖాతా ఉన్నవారైనా, జాయింట్‌ అకౌంట్‌ ఉన్నవారు నామినేషన్‌ చేయొచ్చు. సేఫ్‌ డిపాజిట్‌ లాకర్‌ హోల్డర్లు తమ లాకర్లకు నామినీని సూచించవచ్చు. ఒకవేళ  మైనర్‌ను నామినేట్‌ చేసిన పక్షంలో వారి సంరక్షకుల వివరాలను నామినేషన్‌ ఫారంలో పేర్కొనాల్సి ఉంటుంది.  సాధారణంగా బ్యాంక్‌ అకౌంట్లకు ఒకే ఒక్క నామినీని నియమించుకునే అవకాశం ఉన్నప్పటికీ.. అదే బ్యాంకులో పలు ఖాతాలు ఉన్న పక్షంలో పలువురిని నామినీలుగా పేర్కొనడానికి వీలుంది. పరిస్థితులను బట్టి ముందుగా పేర్కొన్నవారిని తప్పించి నామినీలుగా వేరేవారిని ఎంచుకునేందుకు కూడా వెసులుబాటు ఉంటుంది. ఇక బ్యాంకు తన వంతుగా ఖాతాదారు మరణానంతరం.. నామినీ పత్రాలను ధృవీకరించుకుని గరిష్టంగా 15 రోజుల్లోగా చెల్లింపు ప్రక్రియ పూర్తి చేయాల్సి ఉంటుంది.


 అనంతపురం : పశ్చిమ రాయలసీమ పట్టభద్రుల ఎమ్మెల్సీ స్థానానికి వైఎస్సార్‌ కాంగ్రెస్‌ పార్టీ మద్దతుతో బరిలో నిలిచిన ఎన్జీఓ సంఘం రాష్ట్ర మాజీ అధ్యక్షుడు వెన్నపూస గోపాల్‌రెడ్డి ఈనెల 15న నామినేషన్‌ దాఖలు చేస్తారని వైఎస్సార్‌ సీపీ జిల్లా అధ్యక్షుఽడు శంకరనారాయణ తెలిపారు. ఉదయం 10 గంటలకు పార్టీ కార్యాలయం నుంచి కలెక్టరేట్‌కు ర్యాలీగా బయలుదేరతారని పార్టీ నాయకులు, అనుబంధ సంఘాల నాయకులు, కార్యకర్తలు, అభిమానులు పెద్ద ఎత్తున తరలివచ్చి విజయవంతం చేయాలని పిలుపునిచ్చారు.


 సంస్థాగత పదవులపై గులాబీ నేతల ఎదురుచూపులు
 
 సాక్షి, హైదరాబాద్‌: అధికార టీఆర్‌ఎస్‌ నేతలు, శ్రేణులను ఊరిస్తున్న సంస్థాగత పదవుల వ్యవహారంలో మరింతగా ఎదురు చూపులు తప్పని పరిస్థితి కనిపిస్తోంది. ఇప్పటికే పలు మార్లు వాయిదా పడిన పార్టీ కమిటీల ఏర్పాటు మరింత ఆలస్యమవు తోంది. గత నెల 29 నాటికే పార్టీ పదవులకు ఎంపిక పూర్తవుతుందని... జిల్లా, రాష్ట్ర కమిటీలు, అనుబంధ సంఘాల కమిటీలను ప్రకటిస్తారని టీఆర్‌ఎస్‌ వర్గాల్లో ప్రచారం జరిగింది. కానీ మళ్లీ వాయిదా పడింది. దీం తో పార్టీ నాయకులు అసంతృప్తితో ఉన్నారు.
 
 అభ్యంతరాలతోనే..
 పార్టీలోని పాత, కొత్త నాయకుల మధ్య పేచీలు, కూర్పు కుదరకపోవడం వంటి అంశాలపై నాయకత్వం పెద్ద కసరత్తే చేసింది. ఆయా జిల్లాల్లో అభ్యంతరాలు వ్యక్తం కావడంతో కొత్త కమిటీల జాబితాకు తుది రూపు ఇవ్వలేక పోయింది.
 
 ప్లీనరీ దగ్గర పడడంతో..
 ఏటా ఏప్రిల్‌ నెలలో టీఆర్‌ఎస్‌ పార్టీ ప్లీనరీ జరుగుతుంది. అందులో భాగంగా వచ్చే ఏప్రిల్‌లో 16వ ప్లీనరీ జరగాల్సి ఉంది. మరోవైపు పార్టీ రెండేళ్లకోమారు సభ్యత్వ నమోదు, కొత్త కమిటీల ఎన్నిక వంటి నిబంధనల వల్ల ఈ ఏడాది సభ్యత్వాల రెన్యూవల్, కొత్త సభ్యత్వాల నమోదు చేపట్టాల్సి రానుంది. ప్రస్తుతం ప్లీనరీకి రెండు నెలల వ్యవధి మాత్రమే మిగిలి ఉండడంతో.. కొత్త కమిటీల నియామకం కుదరదని పార్టీ అధినాయకత్వం నిర్ణయానికి వచ్చినట్లు తెలు స్తోంది. అందువల్ల ముందుగా సభ్యత్వ నమో దు కోసం షెడ్యూల్‌ను ప్రకటించను న్నారు. సభ్యత్వాల నమోదు కార్యక్రమం ముగిశాక.. గ్రామ స్థాయి నుంచి పార్టీ కమిటీలను ఏర్పాటు చేయనున్నారని చెబుతున్నారు. ఏప్రిల్‌ 27న పార్టీ ఆవిర్భావ దినోత్సవం సంద ర్భంగా నిర్వహించే 16వ ప్లీనరీ సమయానికి కమిటీలను పూర్తి చేస్తారని పేర్కొంటున్నారు.
 
 జిల్లా కేంద్రాల్లో సొంత భవనాలు
 టీఆర్‌ఎస్‌కు ఇప్పటిదాకా జిల్లాల్లో ఎక్కడా పెద్దగా సొంత కార్యాలయాలు లేవు. ప్రస్తుతం కరీంనగర్‌లో మాత్రమే సొంత భవనం ఉంది. మిగతా జిల్లాల్లో పార్టీ కార్యాలయాలు అద్దె భవనాల్లో కొనసాగుతున్నాయి. ఉద్యమ సమయం నుంచీ ఇదే పరిస్థితి. అయితే ప్రస్తుతం అధికార పార్టీ హోదాలో టీఆర్‌ఎస్‌ సొంత భవనాలను సమకూర్చుకుని పార్టీ కార్యాలయాలను ఏర్పాటు చేసుకోవాలని భావిస్తోంది. పార్టీ అధ్యక్షుడు, సీఎం కేసీఆర్‌ దీనిపై ఇప్పటికే ఆయా జిల్లాల మంత్రులకు ఆదేశాలిచ్చినట్లు సమాచారం. ఏడాదిలోగా అన్ని జిల్లాల్లో పార్టీ ఆఫీసులు అందుబాటులోకి వచ్చేలా శ్రద్ధ తీసుకోవాలని సూచించినట్లు తెలిసింది. మరోవైపు సభ్యత్వ నమోదు పూర్తయ్యాక క్రియాశీలక సభ్యులకు గ్రూప్‌ ఇన్సూరెన్స్‌ రెన్యూవల్, కొత్త వారికి బీమా కల్పించడంపై నిర్ణయం తీసుకోనున్నారు.


 సాక్షి, హైదరాబాద్‌: దశాబ్ద కాలం పాటు భారత జట్టు కెప్టెన్‌గా చిరస్మరణీయ విజయాలు అందించిన మొహమ్మద్‌ అజహరుద్దీన్‌ సుదీర్ఘ విరామం తర్వాత మళ్లీ క్రికెట్‌తో బంధం కలుపుకునేందుకు సిద్ధమయ్యారు. క్రికెట్‌ పరిపాలనపై ఆసక్తితో హైదరాబాద్‌ క్రికెట్‌ సంఘం (హెచ్‌సీఏ)లో తొలిసారి అడుగు పెట్టాలని నిర్ణయించుకున్నారు. హెచ్‌సీఏ ఎన్నికల బరిలోకి దిగిన అజహర్‌ మంగళవారం అధ్యక్ష పదవి కోసం తన నామినేషన్‌ను దాఖలు చేశారు. మాజీ రంజీ క్రికెటర్‌ వంకా ప్రతాప్‌ తదితరులతో కలిసి ఆయన రిటర్నింగ్‌ అధికారి రాజీవ్‌రెడ్డికి సంబంధిత పత్రాలు అందజేశారు. హెచ్‌సీఏకు అనుబంధంగా ఉన్న ‘నేషనల్‌ క్రికెట్‌ క్లబ్‌’ తరఫున అజ్జూ నామినేషన్‌ వేశారు. ఈ నెల 17న హెచ్‌సీఏ ఎన్నికలు జరుగుతాయి.
 
 హైదరాబాద్‌ మళ్లీ వెలగాలి...
 తాను హెచ్‌సీఏ అధ్యక్షుడిగా ఎన్నికైతే క్రికెటేతర అంశాలు కాకుండా కేవలం ఆటపైనే దృష్టి పెడతానని అజహర్‌ అన్నారు. చాలా కాలంగా ఇక్కడ క్రికెట్‌కే ప్రాధాన్యత దక్కడం లేదని, పరిస్థితిని మార్చేందుకే తాను పరిపాలనలోకి అడుగు పెడుతున్నట్లు ఆయన చెప్పారు. నామినేషన్‌ దాఖలు చేసిన అనంతరం ఆయన మీడియాతో మాట్లాడారు. ‘హైదరాబాద్‌ క్రికెట్‌ ప్రస్తుతం గందరగోళ పరిస్థితుల్లో ఉంది. నేను క్రికెట్‌కు సేవ చేద్దామనుకుంటున్నాను. హెచ్‌సీఏలో అవినీతి కారణంగా ఆటను పట్టించుకోవడం లేదు. హైదరాబాద్‌తో పాటు తెలంగాణలో కూడా క్రికెట్‌ అభివృద్ధి కావాలనేదే నా కోరిక’ అని అజహర్‌ వ్యాఖ్యానించారు. ఇక్కడి నుంచి ముగ్గురు క్రికెటర్లు ఇతర రాష్ట్రాలకు వలస వెళ్లిపోకుండా హెచ్‌సీఏ ఆపలేకపోయిందన్న అజ్జూ, టెస్టు నిర్వహించేందుకు హెచ్‌సీఏ వద్ద నిధులు లేవంటూ వచ్చిన వార్తల పట్ల ఆశ్చర్యం వ్యక్తం చేశారు. ‘బోర్డు భారీగా ఇచ్చే నిధులు ఏమయ్యాయో తెలీదు. ఇక్కడ బంధుప్రీతి కూడా చాలా ఎక్కువగా ఉంది. అండర్‌–14 జట్టులో కూడా ప్రతీ మ్యాచ్‌కు ఆరుగురిని మార్చడం నన్ను దిగ్భ్రాంతికి గురి చేసింది. ఇప్పుడిదంతా గతం కావాలి. నేను మార్పు తీసుకొస్తా’ అని ఈ మాజీ కెప్టెన్‌ స్పష్టం చేశారు.
 
 బీసీసీఐ అంగీకరిస్తుందా?
 అజహర్‌ నామినేషన్‌ అనగానే ముందుగా చర్చకు వచ్చిన అంశం అతనిపై కొనసాగుతున్న నిషేధం. మ్యాచ్‌ ఫిక్సింగ్‌ వివాదంలో 2000లో అతడిపై బోర్డు నిషేధం విధించింది. 2012లో అది చెల్లదంటూ ఆంధ్రప్రదేశ్‌ హైకోర్టు తీర్పు ఇచ్చినా, బోర్డు మాత్రం నిషేధం ఎత్తివేతపై స్పష్టత ఇవ్వలేదు. కొన్ని బోర్డు కార్యక్రమాలకు అజహర్‌ను ఆహ్వానించినా, గత ఏడాది రంజీ ట్రోఫీ సందర్భంగా ఢిల్లీలో కొంత మంది క్రికెటర్లు అజహర్‌ను కలవడంతో గట్టిగా మందలించింది కూడా. కాబట్టి అజహర్‌ భవిష్యత్తు కార్యకలాపాలకు బోర్డు వంద శాతం ఆమోదముద్ర వేయలేదనేది తెలుస్తోంది. అయితే నాటి కోర్టు తీర్పును బోర్డు సవాల్‌ చేయకపోవడమే నిషేధం తొలగినట్లుగా అతని సన్నిహితులు చెబుతున్నారు. ‘హెచ్‌సీఏ ఎన్నికల్లో పోటీ చేసే విషయంలో బోర్డు నిషేధం అంశం అడ్డు రాదని నమ్ముతున్నా. నాలుగేళ్ల క్రితమే కోర్టు నిషేధాన్ని తొలగించింది కాబట్టి సమస్య లేదు’ అని అజహర్‌ దీనిపై స్వయంగా వివరణ ఇచ్చారు. అయితే అజహర్‌ అర్హతపై స్పష్టత కోరుతూ హెచ్‌సీఏ కార్యదర్శి జాన్‌ మనోజ్, లోధా కమిటీకి లేఖ రాయగా, ఇంకా వారి నుంచి స్పందన రాలేదు.  
 
 అర్హత ఉందా?
 నిషేధం అంశాన్ని పక్కన పెడితే మరోవైపు ఎన్నికలకు సంబంధించిన కొన్ని ప్రాథమిక అంశాలు కూడా అజహర్‌కు వ్యతిరేకంగా ఉన్నాయి. హెచ్‌సీఏ నియమావళి ప్రకారం అధ్యక్ష పదవికి ముందు సదరు వ్యక్తి ఈసీ సభ్యుడిగా, ఆఫీస్‌ బేరర్‌గా పని చేసి ఉండాలి. తాను ఏ క్లబ్‌ తరఫున నామినేషన్‌ దాఖలు చేస్తున్నాడో అక్కడి నుంచి అతనికి ఓటు హక్కు ఉండాలి. ఓటర్ల జాబితాకు ఈనెల 8 ఆఖరు తేదీ కాగా... అప్పటికి అజహర్‌ ఓటర్‌గా నమోదు చేయించుకోకపోగా, సదరు నేషనల్‌ క్లబ్‌ నుంచి ఓటరుగా మరో వ్యక్తి పేరు అప్పటికే ఉంది. లోధా సంస్కరణలతో ఇటీవలే పదవి కోల్పోయిన అర్షద్‌ అయూబ్‌ కూడా ఇదే అభిప్రాయంతో ఉన్నారు. అయితే లోధా కమిటీ సిఫారసులు అమలు చేయడంపై సుప్రీం కోర్టు ఇచ్చిన తీర్పుతో ఈ పాత నిబంధనలన్నీ చెల్లకుండా పోతాయని, మాజీ ఆటగాళ్లు నేరుగా పోటీ పడవచ్చనే నిబంధనతోనే అజహర్‌ ముందుకు వచ్చినట్లు ఆయన సన్నిహితులు వెల్లడించారు. అయితే సుప్రీం ఆదేశించిన విధంగా ముఖ్యమైన తొమ్మిది అంశాలు మినహా రాష్ట్ర సంఘాలు నియమావళి ఒక్కసారిగా మారిపోదని, వాటిని అమలు చేస్తూనే తమ సొంత నియమావళిని పాటించవచ్చని అయూబ్‌ చెబుతున్నారు.
 
 ఎన్నికలు జరిగేనా?
 ఒకవైపు ఇంత హడావిడి సాగుతుండగా అసలు ఈ నెల 17న ఎన్నికలు జరగడమే సందేహంగా మారింది. ఈ ఎన్నికను నిలిపేయాలంటూ హెచ్‌సీఏ కార్యదర్శి సోమవారం హైకోర్టులో పిటిషన్‌ దాఖలు చేశారు. ‘ఎలక్టోరల్‌ అధికారి నియామకం నుంచి ఈసీ సమావేశం నిర్వహణ, ఓటర్ల జాబితా వెల్లడి తదితర అంశాలన్నింటిలో సుప్రీం నిబంధనలు ఉల్లంఘనకు గురవుతున్నాయి. అందుకే ఎన్నికలు ఆపమని కోరుతున్నాం’ అని జాన్‌ చెప్పారు. వాస్తవానికి  డిసెంబర్‌ 23న రంగారెడ్డి ఐదో అడిషనల్‌ చీఫ్‌ జడ్జి ఉత్తర్వుల మేరకు ఈ ఎన్నిక జరిపేందుకు హెచ్‌సీఏ సిద్ధమైంది. కానీ ఆ తర్వాత జనవరి 2న సుప్రీం కోర్టు తీర్పు రావడంతో పరిస్థితులు మారిపోయాయి. ఈ నెల 19న సుప్రీం కోర్టు బోర్డులో కొత్త అధికారులను నియమించనుంది. ఆ తర్వాతే రాష్ట్ర సంఘాలు ఏం చేయాలనే దానిపై స్పష్టత వస్తుందని, ఆలోగా ఎన్నికలు జరపడం నిబంధనలకు విరుద్ధమని ఒక వర్గం వాదిస్తోంది. తాజా పిటిషన్‌ నేడు (బుధవారం) విచారణకు వచ్చే అవకాశం ఉంది. అయితే ఈ పిటిషన్‌ వేసిన జాన్‌ మనోజ్‌ మాత్రం తన వర్గంతో సహా ముందు జాగ్రత్తగా నామినేషన్లు కూడా దాఖలు చేయడం విశేషం!


 ♦ రెండున్నరేళ్లుగా ఎదురుచూపులతోనే సరి
 ♦ పార్టీ కమిటీ పదవులపై పెద్ద నోట్ల రద్దు ఎఫెక్ట్‌  
 సాక్షి, హైదరాబాద్‌: గులాబీ నేతల్లో అసంతృప్తి సెగలు రేపుతోంది. టీఆర్‌ఎస్‌ అధికారం చేపట్టి రెండున్నరేళ్లు అవుతున్నా నేటికీ పూర్తిస్థాయిలో నామినేటెడ్, పార్టీ పదవుల భర్తీ కాకపోవడం వారిని కుంగదీస్తోంది. పార్టీతో కలసి సాగిన వారు, పార్టీ అధికారంలోకి వచ్చిన నాటి నుంచే ఎన్నో ఆశలు పెట్టుకున్నారు. పార్టీ అధికారం చేబట్టి మరో రెండు వారాలు గడిస్తే రెండున్నరేళ్లు నిండుతాయి. అయినా ఇప్పటి దాకా తమకు ఎదురుచూపులతోనే సరిపోయిం దన్న ఆవేదన గులాబీ నేతల్లో ఉంది. ప్రభు త్వం అధికారికంగా నియమించాల్సిన నామినే టెడ్‌ పదవులే కాకుండా, ఏడాదిన్నరగా వీరికి పార్టీ పదవులు కూడా లేకుండా పోయాయి. దీనికితోడు వివిధ పార్టీల నుంచి వచ్చి చేరిన ఎమ్మెల్యేలు, ఎంపీలు ఇతర నేతల అనుచ రులు సైతం ప్రధాన పోటీ దారులుగా మారా రు. దీంతో పదవులకు పోటీ ఎక్కువైంది.
 
 చాలా వరకు ఖాళీలే....
 రాష్ట్ర స్థాయిలో 20దాకా నామినేటెడ్‌ పదవులను ప్రభుత్వం భర్తీ చేసినా ఇంకా చాలా కార్పొరేషన్లు ఖాళీగానే మిగిలి ఉన్నాయి. జిల్లాల్లో వ్యవసాయ మార్కెట్‌ కమిటీలను మినహాయిస్తే ఒక్క పదవీ భర్తీ కాలేదు. మార్కెట్‌ కమిటీలే 70% దాకా భర్తీ అయ్యాయని చెబుతున్నారు. ఇక మొన్నటి దాకా పాలక వర్గాలు ఉన్న జిల్లా గ్రంథాలయ సంస్థలూ ఇప్పుడు ఖాళీ అయ్యాయి. కాంగ్రెస్‌ హయాంలో గ్రంథాలయ సంస్థల చైర్మన్లుగా పదవులు దక్కించుకున్న వారూ టీఆర్‌ఎస్‌ గూటికి చేరారు. ఇప్పుడు వారి పదవీ కాలం కూడా ముగిసి పోయింది. ఫలి తంగా ఖాళీగా ఉన్న పదవుల సంఖ్య పెరిగిపోవడమే కాకుండా వాటి కోసం ఎదురుచూసే వారి సంఖ్యా పెరిగిపోయింది.
 
 కుదురుకోని ‘కొత్త’ నేతలు
 వివిధ పార్టీల నుంచి గులాబీ గూటికి చేరిన పలువురు నేతలు ఇంకా కుదురుకోలేనే లేదు. వాస్తవానికి వీరిని పాత నేతలే కుదురుకోనీయడం లేదన్న విమర్శలూ ఉన్నాయి. ఇటీవల పార్టీ సంస్థాగత కమిటీల ప్రతిపాదనలు అందజేసే విషయంలో మెజారిటీ జిల్లాల్లో మంత్రులుగా ఉన్న పలువురు పాత నేతలు కొత్త నేతల ప్రతిపాదనలను పరిగణనలోకి తీసుకోలేదని చెబుతున్నారు. కొందరు మంత్రులు అభద్రతా భావంతో పార్టీలోకి వచ్చిన వారిని దూరం పెడుతున్నారని, వారికి పదవులు దక్కకుండా చక్రం తిప్పుతున్నారన్న ఆరోపణలు ఉన్నాయి.
 
 పార్టీ కమిటీలకు అనూహ్య బ్రేక్‌
 అక్టోబర్‌ చివరి వారంలోనే ప్రకటిస్తారని భావించిన పార్టీ కమిటీలకు ఇంత వరకూ అతీ గతీ లేకుండా పోయింది. వివిధ కారణాలతో నామినేటెడ్‌ పదవులతోపాటు పార్టీ పదవుల భర్తీని అధినాయకత్వం వాయిదా వేస్తూ రావడాన్ని పార్టీ శ్రేణులు జీర్ణించుకోలేకపో తున్నాయి. ఈ నెల మొదటి వారంలో ప్రకటి స్తారని ప్రచారం జరిగినా నోట్ల రద్దు ప్రకటన తర్వాత పక్కన పెట్టారని, అనూహ్యంగా కమిటీల ప్రకటనకు బ్రేక్‌ పడిందంటున్నారు.


  నిరాశలో గులాబీ శ్రేణులు  అవకాశం కోసం సీనియర్ల ఎదురుచూపులు
 సాక్షి, హైదరాబాద్: గులాబీ శ్రేణులు ఇంకా నిరాశలోనే మునిగి ఉన్నాయి. నామినేటెడ్ పదవుల కోసం ఎదురు చూస్తున్న సీనియర్లకు చివరకు ఎదురుచూపులే మిగులుతున్నాయి. వివిధ కార్పొరేషన్లు, మార్కెట్, దేవాదాయ, గ్రంథాలయ సంస్థల వంటి పదవులను రాష్ట్ర స్థాయిలో, జిల్లా స్థాయిలో కలిపి సుమారు 4 వేలకు పైగానే భర్తీ చేస్తామని టీఆర్‌ఎస్ అధినేత, ముఖ్యమంత్రి కె.చంద్రశేఖర్‌రావు చేసిన ప్రకటన ఇంకా ఆచరణ రూపం దాల్చలేదు. టీఆర్‌ఎస్ అధికారం చేపట్టినప్పటి నుంచి ఇప్పటిదాకా భర్తీ చేసిన రాష్ట్రస్థాయి పదవులు కనీసం ఇరవై కూడా లేవు. మరోవైపు ఇప్పటి దాకా భర్తీ అయిన పదవుల్లో ఒక్కరంటే ఒక్కరు కూడా మహిళ లేరు.
  
  దీనికితోడు దసరా సందర్భంగా ఒకేసారి 9 కార్పొరేషన్లను భర్తీ చేసిన సీఎం కేసీఆర్ మరికొన్ని సంస్థల గురించి ఇంకా దృష్టి పెట్టలేదని పేర్కొంటున్నారు. రాష్ట్రవ్యాప్తంగా వ్యవసాయ మార్కెట్ల పాలక మండళ్ల భర్తీ ప్రక్రియ మొదలైనా చాలా చోట్ల ఎంపికలే జరగలేదు. అలాగే జిల్లా స్థాయిలోనే ఉండే దేవాదాయ కమిటీలకు నోటిఫికేషన్ జారీ అయినా ఇప్పటికీ భర్తీ ప్రకియ మొదలు కాలేదు.
  
  వేములవాడ, యాదాద్రి వంటి ఆలయాల పాలక మండళ్లకూ అతీగతీలేదు. దీంతో పదవుల కోసం ఎదురు చూస్తున్న పార్టీ సీనియర్లు, ఇతర ఆశావహుల్లో ఉత్కంఠ పెరిగిపోతోంది. మరోవైపు పార్లమెంటరీ సెక్రటరీలుగా నియమితులై కోర్టు తీర్పుతో ఆ పదవులు కోల్పోయిన ఎమ్మెల్యేలు సైతం రాష్ట్ర స్థాయి పదవులను ఆశించే వారి జాబితాలో ఉన్నారు. పార్టీ అధికారంలోకి వచ్చి ఇప్పటికే రెండున్నరేళ్లు పూర్తి కావస్తుండటంతో పదవులు ఎప్పుడు దక్కుతాయా అని ఎదురుచూస్తున్నారు.
  
  దీపావళికి పదవులు దక్కేనా?
  పార్టీ వర్గాల సమాచారం మేరకు దీపావళికల్లా మరికొన్ని కార్పొరేషన్ల పదవులను భర్తీ చేస్తారని తెలుస్తోంది. ఈ విడతలో మిహ ళలు, ముస్లింలు, యువతకు అవకాశం దక్కుతుందని ఆ వర్గాలు పేర్కొం టున్నాయి. రాష్ట్ర మహిళా కమిషన్, స్త్రీ, శిశు సంక్షేమ రీజనల్ కమిటీలు, వక్ఫ్ బోర్డు, బ్రాహ్మణ కార్పొరేషన్, ఎస్టీ, బీసీ, వికలాంగ కార్పొరేషన్లు, హార్టీకల్చర్ కార్పొరేషన్, హుడా, హౌసింగ్ కార్పొరేషన్ వంటి సంస్థలు ఇంకా పాలక మండళ్ల భర్తీకి నోచుకోలేదు.
  
  దీంతో ఈసారి వీటిలో కనీసం కొన్నైనా భర్తీ అవుతాయని, మహిళలకు అవకాశం ఉంటుందంటున్నారు. ఈ ఏడాది ఏప్రిల్‌లో జరిగిన పార్టీ 15వ ప్లీనరీ సందర్భంగా ఆర్టీసీ, మిషన్ భగీరథ వంటి సంస్థలకు ఇద్దరు ఎమ్మెల్యేలను అధినాయకత్వం ఎంపిక చేసింది. రాష్ట్ర ఖనిజాభివృద్ధి సంస్థ చైర్మన్ పోస్టును భర్తీ చేశాక, దసరా కానుకగా తొమ్మిది కార్పొరేషన్లను భర్తీ చేయడంతో కొందరు సీనియర్లను పదవులు వరించాయి. అలాగే బీసీ కమిషన్ ఏర్పాటు ద్వారా సభ్యులుగా ఇద్దరికి (పార్టీతో సంబంధంలేని తటస్థునికే చైర్మన్ పదవి లభించింది) అవకాశం వచ్చింది. ఈ నేపథ్యంలో చాలా మంది సీనియర్లు మరికొన్ని కార్పొరేషన్ల పదవులను దీపావళికి భర్తీ చేస్తారన్న నమ్మకంతో ఉన్నారు.
  


 నామినేట్‌ చేయాల్సిన పదవులివే..
 భద్రాద్రి ఆలయ ధర్మకర్తల మండలి   
 అన్నపురెడ్డిపల్లి, పెద్దమ్మతల్లి ఆలయాల పాలకవర్గం 
 భద్రాచలం, చర్ల, దమ్మపేట మార్కెట్‌ కమిటీలు
  
 సాక్షి, కొత్తగూడెం : సుదీర్ఘ కాలంగా ఊరిస్తున్న నామినేటెడ్‌ పదవుల పందేరంపై జిల్లాలోని టీఆర్‌ఎస్‌ నేతల్లో మళ్లీ ఆశలు చిగురిస్తున్నాయి. భద్రాద్రి కొత్తగూడెం జిల్లా నూతనంగా ఆవిర్భవించడంతో పార్టీని బలోపేతం చేయడంతోపాటు ఈ ప్రాంతంలో కార్యకలాపాలను విస్తృతం చేయడమే లక్ష్యంగా ప్రభుత్వం జిల్లాలో ఉన్న పలు నామినేటెడ్‌ పదవులను భర్తీ చేస్తుందన్న ప్రచారం ఊపందుకుంది. దీంతో ఆయా ప్రాంతాల నేతలు నామినేటెడ్‌ పదవులు ఈసారి తమనే వరిస్తాయన్న ఆశతో ఉన్నారు. పలువురు జిల్లా, నియోజకవర్గస్థాయి నేతలు.. పలు ప్రధాన పదవులను సాధించే దిశగా ముఖ్య నేతలను ప్రసన్నం చేసుకునే పనిలో పడ్డారు. పార్టీకి తాము అందించిన సేవలతోపాటు కష్టకాలంలో, ఉద్యమ సమయంలో చేసిన కృషిని వారికి వివరిస్తున్నారు. ఆయా పదవుల నియామకం విషయంలో తమ పేరు పరిశీలించాలని విజ్ఞప్తి చేస్తున్నారు. జిల్లాకు టీఆర్‌ఎస్‌ పార్టీతో ఉద్యమకాలం నుంచే విడదీయరాని అనుబంధం ఉంది. అప్పుడు విస్తృతంగా కార్యక్రమాలు నిర్వహించిన ఈ ప్రాంత నాయకులు.. ఈసారి తమకు గుర్తింపు లభిస్తుందన్న ధీమాతో ఉన్నారు. జిల్లాలోని మూడు వ్యవసాయ మార్కెట్‌ కమిటీ పాలకవర్గాలను ప్రభుత్వం ఇప్పటికే నియమించగా, మరో మూడు పాలకవర్గాలను నియమించాల్సి ఉంది.
  
 కొత్తగూడెం, ఇల్లందు, బూర్గంపాడు మార్కెట్‌ కమిటీలకు పాలకవర్గాలను ఏర్పాటు చేశారు. భద్రాచలం, చర్ల, దమ్మపేట వ్యవసాయ మార్కెట్‌ కమిటీల పదవులను సైతం త్వరలో భర్తీ చేస్తారని పార్టీ నేతలు భరోసాతో ఉన్నారు. ఇవి కాకుండా దక్షిణ అయోధ్యగా పేరొంది, జాతీయస్థాయిలో గుర్తింపు పొందిన భద్రాచలం సీతారామచంద్రస్వామి ఆలయ ధర్మకర్తల మండలిని సైతం త్వరలో నియమిస్తారన్న సమాచారంతో జిల్లాకు చెందిన పలువురు నేతలు మండలి చైర్మన్ పదవి కోసం, ధర్మకర్తలుగా నియమితులు కావడానికి మరి కొందరు ప్రయత్నాలు ప్రారంభించారు. గతంలో చైర్మన్ తో పాటు 9 మందిని సభ్యులుగా నియమించగా, ఈసారి ఆ సంఖ్యను 15కు పెంచే అవకాశం ఉండడంతో అనేకమంది వీటిపై ఆశలు పెట్టుకున్నారు. కొత్తగూడెం జిల్లా కేంద్రంతోపాటు భద్రాచలం నియోజకవర్గానికి చెందిన పలువురు నేతలు ఈ పదవులను పొందేందుకు రాష్ట్రస్థాయిలో ప్రయత్నిస్తున్నట్లు సమాచారం. వీటితోపాటు అన్నపురెడ్డిపల్లి దేవస్థానం, పాల్వంచలోని శ్రీపెద్దమ్మతల్లి దేవాలయానికి సైతం పాలకవర్గాలను నియమించాల్సి ఉండడంతో పాల్వంచ, కొత్తగూడెం, భద్రాచలానికి చెందిన పలువురు టీఆర్‌ఎస్‌ నేతలు ఆ దిశగా ప్రయత్నాలు ప్రారంభించారని తెలిసింది. జిల్లా ఆవిర్భావం అనంతరం రాష్ట్రస్థాయి ప్రభుత్వ పదవుల్లో ఈ జిల్లాకు ప్రాధాన్యం ఇస్తారన్న ఆశతో ఉన్న పలువురు టీఆర్‌ఎస్‌ సీనియర్లు రాష్ట్రస్థాయి కార్పొరేషన్లలో డైరెక్టర్లుగా తమ పేర్లు పరిశీలించాల్సిందిగా తమకు సాన్నిహిత్యం ఉన్న రాష్ట్రస్థాయి నేతలను కలిసి విన్నవించుకున్నారు.
  
 టీఆర్‌ఎస్‌ ప్రభుత్వం ఏర్పడగానే ఉమ్మడి ఖమ్మం జిల్లాలో సత్తుపల్లి నియోజకవర్గం నుంచి టీఆర్‌ఎస్‌ అభ్యర్థిగా పోటీచేసిన విద్యార్థినేత పిడమర్తి రవిని ఎస్సీ కార్పొరేషన్ చైర్మన్ గా నియమిస్తూ సీఎం కేసీఆర్‌ నిర్ణయం తీసుకున్నారు. ఆ తర్వాత ఉమ్మడి జిల్లాలో టీఆర్‌ఎస్‌ నేతలెవరినీ కీలక పదవులు వరించలేదు. ఇక జిల్లాలోని నేతలకు రాష్ట్ర , జిల్లా స్థాయి పదవులేవీ ఇప్పటివరకు రాకపోవడంతో ఈ దఫా పదవుల పందేరంలో జిల్లాకు అగ్రస్థానం లభిస్తుందన్న ఆశతో ఈ ప్రాంత పార్టీ నేతలు ఉన్నారు. అలాగే జిల్లా గ్రామీణాభివృద్ధి సంస్థ, జిల్లా రవాణా శాఖ (ఆర్‌టీఏ), పౌరసరఫరాల శాఖ ఆహార సలహా కమిటీ వంటివి కొత్తగా నియమించాల్సి ఉండటంతో వీటిపై సైతం పలువురు టీఆర్‌ఎస్‌ నేతలు ఆశలు పెట్టుకున్నారు. టీఆర్‌ఎస్‌ ఉద్యమ పార్టీగా ఉన్నప్పుడు(అధికారంలోరి రాకముందు) కీలకంగా వ్యవహరించిన వారితో పాటు, అధికారంలోకి వచ్చాక వివిధ పార్టీల్లో కీలక నేతలుగా ఉండి, గులాబీ తీర్థం పుచ్చుకున్న పలువురు ప్రముఖులు సైతం ప్రయత్నాలు ముమ్మరం చేశారని పార్టీ వర్గాల్లో  చర్చ జరుగుతోంది.
  


 భీమవరం : 
 భీమవరం మండలం తుందుర్రులో గోదావరి ఆక్వాఫుడ్‌ పార్క్‌ నిర్మాణంతో తలబొప్పికట్టిన ఎమ్మెల్యే పులపర్తి రామాంజనేయులు (అంజిబాబు)కు మార్కెట్‌ కమిటీ నియామకం మరో సంకటంగా పరిణమించిది. నియోజకవర్గంలో నామినేటెడ్‌ పోస్టుల భర్తీలో జాప్యంపై టీడీపీ కార్యకర్తల్లో నెలకొన్న అసంతృప్తి నేపథ్యంలో వ్యవసాయ మార్కెట్‌ కమిటీ నియామకానికి సంబంధించిన ఫైల్‌ రెండు నెలలుగా పెండింగ్‌లో ఉండటంతో అంజిబాబు తీవ్ర అసహనానికి గురవుతున్నట్టు తెలుస్తోంది. మార్కెట్‌ కమిటీ చైర్మన్‌ పదవి కోసం పలువురు పోటీ పడినప్పటికీ ఎట్టకేలకు తన ముఖ్య అనుచరుడు కోళ్ల నాగేశ్వరరావు వైపు ఎమ్మెల్యే మొగ్గుచూపారు. చైర్మన్, వైస్‌చైర్మన్, డైరెక్టర్‌ పదవులకు ఎమ్మెల్యే సిఫార్సు చేసిన పేర్ల జాబితా ఇలా వుంది.  చైర్మన్‌ పదవికి చినఅమిరం గ్రామానికి చెందిన కోళ్ల నాగేశ్వరరావు, వైస్‌ చైర్మన్‌ పదవికి భీమవరం పట్టణంలోని చినరంగని పాలెంకు చెందిన చెల్లుబోయిన సుబ్బారావు పేర్లు ప్రతిపాదించారు. డైరెక్టర్‌ పదవులకు వీరవాసరం మండలం కొణితివాడకు చెందిన గొలగాని సత్యనారాయణ, బలుసుగొయ్యపాలెంకు చెందిన దంపనబోయిన అప్పారావు, రాయకుదురు పంచాయతీ పరిధిలోని జగన్నాథరావుపేటకు చెందిన కడలి నెహ్రూ,  బొక్కా చంద్రమోహన్, వేర్వేరు ప్రాంతాలకు చెందిన సయ్యపురాజు భాస్కరరాజు, ఎండీ అలీషా (షాబు), బలె లూథరమ్మ, సాలా నరసింహమూర్తి, భూపతిరాజు నాగేంద్రవర్మ, నాగిడి తాతాజీ, కొల్లాటి శ్రీనివాసరావు, కురిశేటి నరసింహరావు (రాజా), వీరవాసరం సొసైటీ అ«ధ్యక్షుడు నూకల కేశవరమేష్‌ అప్పాజీ పేర్లు జాబితాలో ఉన్నాయి. వీరితోపాటు భీమవరరం మునిసిపల్‌ చైర్మన్‌ కొటికలపూడి గోవిందరావు,మార్కెట్‌ కమిటీ కార్యదర్శి, వ్యవసాయ శాఖ అసిస్టెంట్‌ డైరెక్టర్‌ సభ్యులుగా ఉంటారు.
 జాబితాకు మోక్షం కలిగేనా!
 వ్యవసాయ మార్కెట్‌ కమిటీ పాలకవర్గ నియామకం గత రెండేళ్లుగా టీడీపీలో వర్గపోరుకు కారణమైంది. చైర్మన్‌ పదవికి పార్టీ సీనీయర్‌ నాయకుడు మెంటే పార్థసారథి, మంత్రి పీతల సుజాత తండ్రి పీతల వరప్రసాద్‌ (బాబ్జి), పోలిశెట్టి సత్యనారాయణ (దాసు), కొట్టు బాబులు, వీరవల్లి చంద్రశేఖర్, పొత్తూరి బాపిరాజు, కోళ్ల నాగేశ్వరరావు, తోట భోగయ్య తదితరుల పేర్లు తెరపైకి వచ్చాయి. నియోజకవర్గ టీడీపీ నాయకులు ఎమ్మెల్యే అంజిబాబు, ఎంపీ తోట సీతారామలక్ష్మి వర్గాలుగా విడిపోవడంతో  మార్కెట్‌ కమిటీ పాలకవర్గ నియామకంలో తీవ్ర జాప్యం జరిగింది. ఎమ్మెల్యే ఒక మెట్టు దిగివచ్చి చైర్మన్‌ పదవిని తాను కోరుకున్న వ్యక్తికి కట్టబెడతానని, డైరెక్టర్‌ పదవులకు భీమవరం పట్టణం, వీరవాసరం, భీమవరం మండలాల్లోని పార్టీ ముఖ్యనాయకులు సమావేశాలు ఏర్పాటుచేసుకుని జాబితాలివ్వాలని సూచించడంతో ఆగస్టు నెలలో కోళ్ల నాగేశ్వరరావు చైర్మన్‌గా, చెల్లబోయిన సుబ్బారావు వైస్‌చైర్మన్‌గా ప్రతిపాదిస్తూ ఎమ్మెల్యే జాబితాను ముఖ్యమంత్రి ఆమోదం కోసం పంపారు.
 పెండింగ్‌లో ఫైల్‌.
 ఈ ఫైల్‌ రెండునెలలుగా ముఖ్యమంత్రి వద్ద  పెండింగ్‌లో ఉన్నట్లు ప్రచారం సాగుతోంది. భీమవరం కమిటీతోపాటు మరొక రెండు,మూడు నియోజకవర్గాల ఫైల్స్‌ ముఖ్యమంత్రి వద్దకు వెళ్లగా వాటికి ఆమోదముద్ర వేసిన ముఖ్యమంత్రి చంద్రబాబునాయుడు భీమవరం కమిటీని కావాలనే పెండింగ్‌లో పెట్టారని చెబుతున్నారు. ఎమ్మెల్యే అంజిబాబు పార్టీ కార్యకలాపాల్లో సరిగ్గా పాల్గొనడం లేదని, నెలవారీ పార్టీ సమావేశాలు నిర్వహించకుండా నిర్లక్ష్యం వహిస్తున్నారని ఆగ్రహంగా ఉన్న ముఖ్యమంత్రి మార్కెట్‌ కమిటీ జాబితాను పెండింగ్‌లో పెట్టారనే ప్రచారం జరుగుతోంది. ఇదే తరుణంలో తుందుర్రులో ఫుడ్‌పార్క్‌ నిర్మా ణం విషయంలో అక్కడి ప్రజలను ఒప్పించాలని ఎమ్మెల్యేను సీఎం ఆదేశించారు. దీంతో ఎంపీ తోట సీతారామలక్ష్మితో కలిసి తుందుర్రు వెళ్లిన ఎమ్మెల్యే అంజిబాబు గ్రామ పెద్దలతో మాట్లాడిన వ్యవహారం బెడిసికొట్టింది. ఉద్యమం యువకుల చేతుల్లో ఉందని తామేమి చేయలేమని పెద్దలు కుండబద్దలు కొట్టినట్టు చెప్పడంతో అంజిబాబు పరిస్థితి ఇరకాటంలో పడింది. తుందుర్రులో వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డి పర్యటన అనంతరం ఫుడ్‌పార్క్‌ ప్రభావిత గ్రామాల ప్రజలకు కొండంత ధైర్యం వచ్చింది. ఉద్యమాన్ని మరింత ఉధృతం చేసి ఎలాగైనా పార్కు నిర్మాణాన్ని అడ్డుకుంటామని  చెబుతుం డటంతో నియోజకవర్గంలో నామినేటెడ్‌ పదవులు నియామకం ప్రశ్నార్థకంగా మారింది. 
  


 ఆచంట: ఎన్నాళ్ల నుంచో ఊరిస్తున్న ఆచంట, పెనుగొండ ఏఎంసీల నామినేటెడ్‌ పోస్టులను ప్రభుత్వం భర్తీ చేస్తూ శుక్రవారం జీవో జారీ చేసింది. ఈమేరకు మార్కెటింగ్‌ శాఖ కమీషన్‌ నుంచి ఉత్తర్వులు జారీ అయ్యాయి. ఆచంట ఏఎంసీ ఛైర్మన్‌గా ఉప్పలపాటి సురేష్‌బాబు, వైఎస్‌ ఛైర్మన్‌గా రుద్రరాజు సీతారామరాజు(రవిరాజు), పెనుగొండ ఏఎంసీ ఛైర్మన్‌గా సానబోయిన గోపాలకష్ణ, వైఎస్‌ ఛైర్మన్‌గా బడేటి బ్రహ్మజీలను నియమిస్తూ ఉత్తర్వులు జారీ అయ్యాయి. త్వరలో ఈరెండు పాలకవర్గాలకు సబంధించి ప్రమాణ స్వీకారోత్సవం జరగనున్నది.  పార్టీ అధికారంలోకి వచ్చి రెండున్నర ఏళ్ల తర్వాత కీలకమైన నామిటేటెడ్‌ పోస్టులు భర్తీకావడంపై పార్టీ నేతల్లో హర్షం వ్యక్తమవుతోంది. పెనుగొండ ఛైర్మన్‌ అభ్యర్థి ఎంపికపై అభ్యంతరాలు వ్యక్తమైనా ప్రభుత్వం వాటిని పక్కన పెట్టింది. ఎమ్మెల్యే పితాని సత్యనారాయణ ఎంపిక చేసిన అభ్యర్థులనే ప్రకటించంటం పట్ల పట్ల ఆయన వర్గీయులు హర్షం వ్యక్తం చేస్తున్నారు. 
  


 వేములవాడ రూరల్ : తెలంగాణ రాష్ట్రం వచ్చి... జిల్లాల విభజన, మండలాల విభజన, డివిజన్ల విభజన పూర్తయి అధికారులు కొలువులు సైతం చేపట్టినా కొన్ని ప్రాంతాల్లో నామినేటెడ్ పదవులకు మాత్రం మోక్షం రావడం లేదు. తెలంగాణ ఉద్యమంలో రాష్ట్ర సాధన కోసం కృషి చేసిన నాయకులు నామినేటెడ్ పదవులు వస్తాయని ఎదురు చూడడానికే రెండేళ్ల కాలం గడిచిపోయింది.
  
 మార్కెట్ కమిటీగా నామినేటెడ్ పదవులు పొందిన నాయకులు ప్రమాణ స్వీకారానికి నోచుకోక, అటు కార్యాలయాలకు వెళ్లలేక, ఇటు పదవులు పొందామని సంతోషపడలేక 30 రోజులుగా ఎదురు చూస్తూనే ఉన్నారు. వేములవాడ నియోజక వర్గంలోని చందుర్తి, కథలాపూర్, మేడిపల్లి, వేములవాడ, మార్కెట్ కమిటీలకు నామినేటెడ్ పదవులను ప్రభుత్వం ప్రకటించింది.
  
  రాజన్నసిరిసిల్ల జిల్లాలో చందుర్తి మండలం, రుద్రంగి మండలాన్నిరూరల్ కేంద్రంగా, వేములవాడను రూరల్ మండలంగా ఏర్పాటు చేశారు. బోయినపల్లిని వేములవాడలో కలుపుతూ ప్రభుత్వం రాజన్నసిరిసిల్ల జిల్లా ఏర్పాటు చేసింది. పాలక వర్గ ప్రమాణ స్వీకారానికి మంత్రి హరీష్‌రావును పిలిపించి, ఫాజుల్‌నగర్‌లో భారీ ఎత్తున సభకు ప్రణాళికను సిద్ధం చేశారు ఎమ్మెల్యే రమేష్‌బాబు.
  
  ఆరోజే ఎమ్మెల్యే మాతృవియోగాన్ని పొందటంతో కార్యక్రమం వాయిదా పడింది. కొత్త జిల్లాల్లో పాలన కూడా ప్రారంభమైంది , నేడో రేపో ప్రమాణ స్వీకారానికి మూహూర్తం కలిసొస్తుందని మార్కెట్ కమిటి పదవులు పొందిన నాయకులు ఎదురు చూస్తున్నారు.
  
  మార్కెట్‌లో ధర పలుకుతున్న పత్తి
  సీఎం ఆదేశాల మేరకు వేములవాడలో ఏడాది రైతులు పత్తిపంటను వేసి నీటిలో మునిగి నష్టపోగా 15వేల ఎకరాల్లో పంట చేతికి అందే దశలో ఉందని ఏఒ బండ సంతోష్ తెలిపారు. పత్తి పంటను గత పది రోజుల నుండి మొదటి కాపుగా పత్తిని తీస్తున్నారని తెలిపారు. మార్కెట్‌లో క్వింటాల్ పత్తికి రూ.5వేల నుంచి 6వేలకు పైగా పలుకుతుందని అధికారులు తెలిపారు.
  


 ♦ గుంటూరు కార్పొరేషన్‌ ఎన్నికల్లో అన్ని స్థానాలకు పోటీ
 ♦ యార్డు పాలకవర్గంలో కమలనాథులకు దక్కని చోటు
 ♦ నామినేటెడ్‌ పదవుల విషయంలోనూ గుర్రు
 ♦ ఒంటరి పోరుకు సన్నద్ధం
 
 మైత్రిధర్మం పాటించని టీడీపీ వైఖరిపై ఎప్పటినుంచో గుర్రుగా ఉన్న బీజేపీ గుంటూరు నేతలు చివరికి పెద్ద షాకే ఇచ్చారు. త్వరలో జరగబోయే గుంటూరు కార్పొరేషన్‌ ఎన్నికల్లో అన్నిచోట్లా పోటీ చేయాలని నిర్ణయించారు. ఈ హఠాత్‌ పరిణామంతో కంగుతిన్న తెలుగు తమ్ముళ్లు ప్రస్తుతం ఆలోచనలో పడటంతో గుంటూరు రాజకీయాలు ఒక్కసారిగా వేడెక్కాయి.
 
 గుంటూరు: నామినేటెడ్‌ పదవుల విషయంలో తెలుగు తమ్ముళ్లు మిత్రధర్మానికి గండి కొడుతున్నారు. దీంతో బీజేపీ నాయకులు టీడీపీకి గట్టి షాక్‌ ఇచ్చేందుకు సిద్ధమవుతున్నారు. రాబోయే కార్పొరేషన్‌ ఎన్నికల్లో నగరపాలక సంస్థ పరిధిలోని అన్ని డివిజన్లకు అభ్యర్థులను నిలబెట్టడం ద్వారా టీడీపీకి దెబ్బ కొట్టాలని బీజేపీ ముఖ్యశ్రేణులు నిర్ణయించాయి. ఎన్నికల్లో తాము అన్ని డివిజన్ల నుంచి పోటీ చేస్తామని బీజేపీ నగర అధ్యక్షుడు ప్రకటించడంతో అధికార పార్టీలో అంతర్మథనం మొదలైంది. వాస్తవానికి చిన్నపాటి నామినేటెడ్‌ పదవి మొదలుకుని ప్రతి విషయంలో టీడీపీ నాయకత్వం బీజేపీ శ్రేణుల పట్ల నిర్లక్ష్యంగా వ్యవహరించడం రాజకీయంగా చర్చనీయాంశమైంది. రాష్ట్రస్థాయి నామినేట్‌ పదవులు మొదలుకుని గత వారంలో ప్రకటించిన గుంటూరు మార్కెట్‌ యార్డు పాలకవర్గం పదవుల వరకూ ఒక్కదాంట్లో కూడా బీజేపీకి ప్రాధాన్యం దక్కలేదు.  
 
 ఆది నుంచి అవమానమే..
 మిత్రధర్మం ప్రకారం నామినేటెడ్‌ పదవుల్లో బీజేపీ శ్రేణులకు కొంతమేర ప్రాధాన్యం ఇవ్వాలి. అయితే, అధికార పార్టీ దీన్ని పూర్తిగా విస్మరించింది. దీంతో బీజేపీ జిల్లా, నగర స్థాయి నేతలు రగిలిపోతూ ఎప్పటికప్పుడు పార్టీ రాష్ట్ర అధ్యక్షుడు కంభంపాటి హరిబాబుకు ఫిర్యాదులు చేస్తున్నారు. అయితే, రాష్ట్రస్థాయి ముఖ్యనేతలు ఈ ఫిర్యాదులపై  ఎప్పటికప్పుడు నీళ్లు చల్లుతూ అసంతప్తి రాకుండా జాగ్రత్త పడుతున్నారు. తాజాగా గతనెల 29న పది రాష్ట్రస్థాయి కార్పొరేషన్‌లకు చైర్మన్‌లతో పాటు 100 మంది సభ్యులను నియమిస్తూ ప్రభుత్వం ఉత్తర్వులు జారీచేసింది. వీటిలో రాష్ట్ర టూరిజం డెవలప్‌మెంట్‌ కార్పొరేషన్‌ హస్తకళల అభివద్ధి సంస్థ కనీస వేతనాల సిఫార్సు కమిటీ విజయవాడ, అన్నవరం దేవస్థానాలతోపాటు వివిధ కార్పొరేషన్‌లు ఉన్నాయి. అయితే, బీజేపీ శ్రేణులకు దేవస్థానాల్లో మినహా మరే నామినేటెడ్‌ పోస్టుల్లోనూ          ప్రాధాన్యం కల్పించలేదు. దేవస్థానంలో కూడా పదిమంది సభ్యుల్లో ఒకరికి మాత్రమే అవకాశం ఇస్తున్నారు. ఈ పరిణామాలపై బీజేపీ నేతలు విసిగిపోయారు. గతవారంలో ప్రకటించిన గుంటూరు మార్కెట్‌ యార్డు కమిటీ విషయంలోనూ ఇదే పునరావృతమైంది.
 
 ఆసియాలోనే అతిపెద్ద రెండో యార్డుగా పేరున్న క్రమంలో తమకు పాలకవర్గంలో చోటు కల్పించాలని బీజేపీ నేతలు పలుమార్లు టీడీపీ నేతలను కోరగా, తప్పనిసరిగా చోటు కల్పిస్తామని వారు హామీ ఇచ్చారు. అయితే, ఇచ్చిన మాట తప్పారు. దీంతో బీజేపీ నేతలు యార్డు వ్యవహారంపై కూడా కంభంపాటి హరిబాబుకు ఫిర్యాదు చేశారు.
 
 పొత్తు ఉన్నా ఒంటరిపోరే
 తాజా పరిణామాల నేపథ్యంలో మిత్రపక్షం వైఖరితో బీజేపీ శ్రేణులు విసిగిపోయారు. దీనిలో భాగంగా త్వరలో జరగనున్న గుంటూరు మున్సిపల్‌ ఎన్నికల్లో 52 డివిజన్‌లలోనూ పోటీ చేయాలని బీజేపీ శ్రేణులు నిర్ణయించారు. ఇటీవల బీజేపీ నగర అధ్యక్షుడు అమ్మిశెట్టి ఆంజనేయులు విలేకరుల సమావేశం నిర్వహించి మరీ ఈ విషయాన్ని ప్రకటించారు.  ఎన్నికల్లో తెలుగుదేశంతో పొత్తు ఉన్నప్పటికీ, అన్ని డివిజన్‌లలో డెప్యూటీ మేయర్, మేయర్‌ స్థానాలకు తప్పనిసరిగా పోటీ ఉంటుందని ప్రకటించారు. దీంతో తెలుగుదేశంలో తర్జన భర్జనలు మొదలయ్యాయి.


 
 హైదరాబాద్: టీఆర్ఎస్ నేతలకు ముఖ్యమంత్రి కేసీఆర్ దసరాకానుక ఇచ్చారు. ఎప్పటినుంచో ఎదురుచూస్తున్న నామినేటెడ్ పదవుల భర్తీ చేపట్టి పార్టీ నేతల్లో ఉత్సాహం నింపారు. ఈ మేరకు ఆదివారం 9 కార్పొరేషన్లకు చైర్మన్ పదవులను భర్తీ చేస్తూ నిర్ణయం తీసుకున్నారు.
 
 
 పదవులు దక్కింది వీరికే..
 
 ► టీఎస్ ఆగ్రో చైర్మన్గా లింగంపల్లి కృష్ణారావు
 
 ► సివిల్ సప్లయ్ కార్పొరేషన్ చైర్మన్గా పెద్ది సుదర్శన్ రెడ్డి
 
 ► టీఎస్ ఐఐసీ చైర్మన్గా బాలమల్లు
 
 ► తెలంగాణ స్పోర్ట్స్ అథారిటీ చైర్మన్గా వెంకటేశ్వర్ రెడ్డి
 
 ► కుడా చైర్మన్గా మర్రి యాదవ్ రెడ్డి
 
 ► ఇరిగేషన్ డెవలప్మెంట్ కార్పొరేషన్ చైర్మన్గా ఈద శంకర్రెడ్డి
 
 ► ఫారెస్ట్ డెవలప్మెంట్ కార్పొరేషన్ చైర్మన్గా బండ నరేందర్ రెడ్డి
 
 ► వేర్ హౌసింగ్ కార్పొరేషన్ చైర్మన్గా మందల శామ్యూల్
 
 ► షీప్ అండ్ గోట్ డెవలప్మెంట్ కార్పొరేషన్ చైర్మన్గా రాజయ్య యాదవ్
 
  


 * పదవుల కేటాయింపులో సీనియర్లకు దక్కని చోటు
 * మాజీ మంత్రి పుష్పరాజ్‌కు మరోసారి మొండిచేయి
 * కాంగ్రెస్‌ నుంచి వచ్చిన డొక్కా, హిదాయత్‌లకు చైర్మన్‌ పోస్టులు
 * టీడీపీ అధిష్టానం, జిల్లా మంత్రులపై రగిలిపోతున్న తెలుగు తమ్ముళ్లు
  
 సాక్షి, గుంటూరు: జిల్లా టీడీపీలో నామినేటెడ్‌ పదవుల కేటాయింపుతో చిచ్చు రేగింది. ఎప్పటినుంచో టీడీపీని నమ్ముకుని పనిచేస్తున్న సీనియర్‌ నాయకులను విస్మరించి కొత్తగా పార్టీలోకి చేరినవారికి పదవులు కట్టబెట్టడంపై తెలుగు తమ్ముళ్లు తీవ్రస్థాయిలో రగిలిపోతున్నారు. టీడీపీ అధికారంలోకి వచ్చి రెండున్నరేళ్లు గడిచిన తరువాత నామినేటెడ్‌ పదవుల కేటాయింపు మొదలుపెట్టారు. ముఖ్యంగా కాంగ్రెస్‌ నుంచి ఎన్నికలకు కొద్ది రోజుల ముందు పార్టీలో చేరిన ఎం.డి.హిదాయత్, పార్టీ అధికారంలోకి వచ్చిన తరువాత చేరిన మాజీ మంత్రి డొక్కా మాణిక్య వరప్రసాద్‌లకు చైర్మన్‌ పోస్టులు కట్టబెట్టడంపై పార్టీ సీనియర్‌ నాయకులు భగ్గుమంటున్నారు. కాంగ్రెస్‌ పార్టీ అధికారంలో ఉండగా పదవులు అనుభవించి.. టీడీపీపై, ముఖ్యమంత్రి చంద్రబాబు నాయుడు అవినీతిపై తీవ్ర స్థాయిలో విమర్శలు గుప్పించిన అప్పటి మంత్రి డొక్కా మాణిక్య వరప్రసాద్‌కు పదవి కట్టబెట్టడంపై విమర్శలు వెల్లువెత్తుతున్నాయి. పార్టీ పదేళ్లు అధికారంలో లేకపోయినా కార్యకర్తలకు అండగా ఉంటూ కష్టపడి పనిచేసిన మాజీ మంత్రి జె.ఆర్‌.పుష్పరాజ్‌కు మాత్రం మొండిచెయ్యి చూపారంటూ పార్టీ శ్రేణులు రగిలిపోతున్నాయి. రాజ్యసభ, ఎమ్మెల్సీ, ఇలా అనేక పదవులు కేటాయించే సమయంలో పుష్పరాజ్‌ పేరును తెరపైకి తేవడం, చివరి నిమిషంలో పక్కనపెట్టడం పరిపాటిగా మారిందని ఆయన వర్గీయులు తీవ్ర అసంతృప్తి వ్యక్తం చేస్తున్నారు. దీనిపై గతంలో పలు సంఘాలు సమావేశాలు పెట్టి పుష్పరాజ్‌కు పదవులు కేటాయించకపోవడంపై తీవ్ర విమర్శలు  చేసిన విషయం తెలిసిందే. 
  
 ఇప్పటికే సీనియర్‌ నేతల ఎదురుచూపులు...
 పార్టీలో మొదటి నుంచి పనిచేసిన మాజీ మంత్రులు పుష్పరాజ్, శనక్కాయల అరుణలతో పాటు జియావుద్దీన్, దాసరి రాజా మాస్టారు, చందు సాంబశివరావు, వెన్నా సాంబశివారెడ్డి, ఇలా చెప్పుకొంటూపోతే అనేకమంది సీనియర్‌ టీడీపీ నేతలు పార్టీ అధికారంలోకి వచ్చినప్పటి నుంచి పదవుల కోసం ఎదురుచూపులు చూస్తూనే ఉన్నారు. వారిని కనీస పరిగణనలోకి తీసుకోని పార్టీ అధిష్టానం, జిల్లా మంత్రులు... ఇతర పార్టీల నుంచి వచ్చిన నాయకులకు, తమకు తొత్తులుగా వ్యవహరించే అనుయాయులకు పదవులు కట్టబెట్టుకుంటున్నారని పార్టీ నేతలు మండిపడుతున్నారు. పార్టీ అధికారంలోకి వచ్చినా పదుల సంఖ్యలో టీడీపీ ద్వితీయ శ్రేణి నాయకులకు సైతం ఎటువంటి మేలూ జరగలేదనే అసంతృప్తి ఉంది. ఎన్నికల సమయంలో మాత్రం తమ చుట్టూ తిరిగి పనిచేయించుకున్న ఎమ్మెల్యేలు, మంత్రులు పదవుల విషయానికొచ్చేసరికి కనీసం పట్టించుకోకుండా వ్యవహరిస్తున్నారని వారు ఆగ్రహం వ్యక్తం చేస్తున్నారు. 
  
 పదవులు అమ్ముకున్నారంటూ ఆరోపణలు...
 ఇటీవల జరిగిన పార్టీ సమన్వయ కమిటీ సమావేశాల్లో సైతం టీడీపీ సీనియర్‌ నాయకులు, కార్యకర్తలు పదవుల విషయంలో తమకు అన్యాయం జరిగితే పార్టీ కార్యాలయాన్ని బద్దలు కొడతామంటూ తీవ్ర స్థాయిలో హెచ్చరికలు చేసినా దాన్ని పెడచెవిన పెట్టేశారు. ఇటీవల ప్రకటించిన గుంటూరు మార్కెట్‌ యార్డు డైరెక్టర్‌ పోస్టుల్లో సైతం పార్టీ కోసం పనిచేయని వారికి పదవులు కట్టబెట్టారనే ఆరోపణలు వినిపిస్తున్నాయి. పనిచేసేవారిని పక్కన పెట్టి పైరవీకారులకు పదవులు కట్టబెట్టి పార్టీకి ద్రోహం చేస్తున్నారని మండిపడుతున్నారు. అధికార పార్టీకి చెందిన కొందరు ప్రజాప్రతినిదులు నామినేటెడ్‌ పదవులను అమ్ముకుంటున్నారంటూ పార్టీలోని సీనియర్‌ నాయకులు, కార్యకర్తలు తీవ్ర ఆరోపణలు గుప్పించడం చూస్తుంటే టీడీపీలో అంతర్గత పోరు ఏ స్థాయిలో ఉందో అర్థం చేసుకోవచ్చు. 
  
 కార్పొరేషన్‌ ఎన్నికలపై ఎఫెక్ట్‌...
 త్వరలో కార్పొరేషన్‌ ఎన్నికలు జరగనున్న నేపథ్యంలో టీడీపీలో రేగిన పదవుల కుంపటి ఏ అనర్థాన్ని తెచ్చి పెడుతుందోనని టీడీపీ కార్యకర్తలు మధనపడుతున్నారు. ఇలాగైతే కార్పొరేషన్‌ ఎన్నికల్లో ఓటమి తప్పదంటూ బహిరంగంగానే వ్యాఖ్యానిస్తున్నారు. 
  
 మిత్రధర్మాన్ని మరిచారంటూ బీజేపీ విమర్శలు...
 గుంటూరు మార్కెట్‌ యార్డు పాలకవర్గంలో తమకు రెండు డైరెక్టర్ల పోస్టులు ఇస్తామంటూ మాట ఇచ్చి చివరి నిమిషంలో ఇవ్వకుండా టీడీపీ నేతలు మిత్ర ధర్మాన్ని మరిచారంటూ బీజేపీ నగర అధ్యక్షుడు అమ్మిశెట్టి ఆంజనేయులు తీవ్రస్థాయిలో మండిపడ్డారు. ఈ విషయాన్ని బీజేపీ రాష్ట్ర అధ్యక్షుడు కంభంపాటి రామ్మోహన్‌రావు దృష్టికి తీసుకెళ్లామని ఆయన చెప్పారు. దీంతో మిత్రపక్షమైన బీజేపీ నుంచి సైతం వ్యతిరేకత వ్యక్తమవుతున్న సంకేతాలు రావడంతో కార్పొరేషన్‌ ఎన్నికలపై దీని ప్రభావం ఉంటుందని, టీడీపీకి తీవ్ర నష్టం కలిగే ప్రమాదం ఉందని రాజకీయ విశ్లేషకులు చెబుతున్నారు.