సాక్షి ఢిల్లీ: తీవ్రమైన గాలి కాలుష్యంతో ఇబ్బందులు ఎదుర్కొంటున్న ఢిల్లీ వాసులకు కొంత ఉపశమనం లభించింది. ఆదివారం గాలి నాణ్యత కొంత మేర మెరుగుపడినట్లు నివేదికలు తెలుపుతున్నాయి. ఢిల్లీలోని ఎయిర్ క్వాలిటీ ఇండెక్స్ ప్రస్తుతం 305పాయింట్ల వద్ద ఉందని పేర్కొంది. నిన్నటితో పోల్చితే గాలి నాణ్యత కొంతమేర మెరుగుపడినట్లు సెంట్రల్ పొల్యూషన్ కంట్రోల్ బోర్డు డేటా తెలిపింది.దేశ రాజధాని ఢిల్లీ నగరం గాలి నాణ్యత సమస్యతో ఉక్కిరి బిక్కిరి అవుతోంది. వాయు కాలుష్యం విపరీతంగా పెరగడంతో అక్కడ ప్రజల దైనందిన జీవితం దెబ్బతినడంతో పాటు వారికి తీవ్రమైన అనారోగ్య సమస్యలు వస్తున్నాయని పలు సర్వేలు నివేదించాయి. ఈ నేపథ్యంలో వాయు కాలుష్యం నియంత్రణకు తగిన చర్యలు తీసుకోవాలని సుప్రీంకోర్టు సైతం కేంద్రాన్ని ఆదేశించింది.కాగా ప్రస్తుతం ఢిల్లీలో వాయుకాలుష్యం కొంతమేర తగ్గినట్లు ఎయిర్ క్వాలిటీ ఇండెక్స్ చెబుతోంది. ఆదివారం ఢిల్లీలో గాలి నాణ్యత సూచీ 305గా నమోదైనట్లు ఎయిర్ క్వాలిటీ ఇండెక్స్ తెలిపింది. మెుత్తంగా 39 మానిటరింగ్ స్టేషన్లలో 26 స్టేషన్లు వెరీపూర్ క్యాటగిరీలో ఉండగా 13 స్టేషన్లు పూర్ క్యాటగిరీలో ఉన్నట్లు పేర్కొన్నాయి. వీటిలో 365 పాయింట్లతో ముండక స్టేషన్ వెరీపూర్ క్యాటగిరీలో ఉన్నట్లు పొల్యూషన్ బోర్డు తెలిపింది.ఢిల్లీ వాయుకాలుష్యంలో వాహనాల వల్ల అధికంగా 14.8శాతం కాలుష్యం సంభవిస్తుండగా ఇండస్ట్రీస్ 7.3శాతం, గృహాలు 3.6శాతం, నిర్మాణ రంగం 2శాతం కాలుష్యానికి కారణమవుతున్నాయని నివేదికలు తెలిపాయి. అదే విధంగా ఢిల్లీ పరిసరాల్లోని ఝజ్జర్ జిల్లా 13.9 శాతం, రోహ్‌తక్ 5.2శాతం వాయు కాలుష్యానికి కారకాలుగా నిలుస్తున్నాయని సెంట్రల్ పొల్యూషన్ కంట్రోల్ బోర్డు పేర్కొంది

కృత్రిమ మేధ(ఏఐ) చాలా సాంకేతిక పనులను నిర్వహిస్తున్నందున ఉద్యోగ ప్రపంచంలో భావోద్వేగ మేధ(EQ), ట్రేడిషనల్‌ ఇంటెలిజెన్స్‌(సాంప్రదాయ మేధ IQ) కీలకమవుతున్నాయని మైక్రోసాఫ్ట్ సీఈఓ సత్య నాదెళ్ల అన్నారు. అదే సమయంలో భావోద్వేగ మేధ లేకుండా సాంప్రదాయ మేధపై మాత్రమే ఆధారపడలేమని అభిప్రాయపడ్డారు. ఇటీవల యాక్సెల్ స్ప్రింగర్ సీఈఓ మాథియాస్ డాఫ్నర్‌తో జరిగిన ‘ఎండీ మీట్స్’ పోడ్‌కాస్ట్‌లో నాదెళ్ల ఈ కీలక వ్యాఖ్యలు చేశారు.‘నాయకులకు కేవలం ఈక్యూ లేకుండా ఐక్యూ ఉంటే సరిపోదు. సమగ్ర నాయకత్వానికి ఈక్యూతోపాటు ఐక్యూ కావాల్సిందే. ఏఐ సాంకేతిక పనులను ఎక్కువగా నిర్వహిస్తున్న తరుణంలో సాఫ్ట్‌ స్కిల్స్‌ కీలకంగా మారాయి. ఇది వ్యాపారంలో ముఖ్యమైన నైపుణ్యంగా, ఒక సూపర్‌ పవర్‌గా మారుతోంది. ఏఐ ఆధారిత ప్రపంచంలో మానవ సహకారం, సంబంధాలు మరింత ప్రాముఖ్యత సంతరించుకుంటాయి’ అని చెప్పారు.ఏఐ రేసులో మెరుగైన పోటీ కోసం నాదెళ్ల మైక్రోసాఫ్ట్ నాయకత్వంలో ఇటీవల అనేక కీలక మార్పులు చేశారు. క్లౌడ్ కంప్యూటింగ్‌లో విజయం సాధించడానికి ఇటీవల క్లౌడ్‌ ఎక్స్‌పర్ట్‌ రోల్ఫ్ హార్మ్స్‌ను ఏఐ ఎకనామిక్స్ అడ్వైజర్‌గా నియమించారు. అక్టోబర్ 2025లో మైక్రోసాఫ్ట్ కమర్షియల్ బిజినెస్ సీఈఓని నియమించి తాను పూర్తిగా ఏఐ టెక్నికల్ అంశాలపై దృష్టి పెడుతున్నారు. కంపెనీ తమ కొత్త సూపర్ ఇంటెలిజెన్స్ టీమ్‌తో ఆర్టిఫిషియల్‌ జనరల్‌ ఇంటెలిజెన్స్‌(AGI) వైపు పయనిస్తోంది.ఇదీ చదవండి: భవిష్యత్ యుద్ధాలు ‘చిట్టి’లతోనే!

న్యూఢిల్లీ: భారత్‌లోని 245 బిలియన్‌ డాలర్ల విలువైన టెక్నాలజీ, కస్టమర్‌ ఎక్స్‌పీరియెన్స్‌ (అనుభవం) రంగాల్లో ఉద్యోగాల స్వరూపాన్ని కృత్రిమ మేథ (ఏఐ) సమూలంగా మార్చనుందని.. సత్వర చర్యలు అవసరమని నీతి ఆయోగ్‌ పేర్కొంది. లేదంటే క్వాలిటీ అష్యూరెన్స్‌ (నాణ్యతకు హామీనిచ్చే) ఇంజనీర్లు, సపోర్ట్‌ ఏజెంట్ల ఉద్యోగాలు వేగంగా కనుమరుగయ్యే ప్రమాదం ఉంటుందని నీతి ఆయోగ్‌ హెచ్చరించింది. ‘ఏఐ ఆధారిత ఆర్థిక వ్యవస్థలో ఉపాధి కల్పన’ పేరుతో నివేదికను విడుదల చేసింది. 2031 నాటికి టెక్నాలజీ సేవల రంగంలో ఉపాధి సమూల మార్పులకు నోచుకోనున్నట్టు పేర్కొంది. అదే సమయంలో వచ్చే ఐదేళ్ల కాలంలో 40 లక్షల కొత్త ఉద్యోగాల కల్పనకు సైతం ఏఐ అవకాశాలు కల్పించనున్నట్టు తెలిపింది. నైపుణ్య కల్పన, ఆవిష్కరణలతో.. ఏఐ ఉద్యోగాలైన ఎథికల్‌ ఏఐ స్పెషలిస్టులు, ఏఐ ట్రెయినర్లు, అనలిస్టులు, ఏఐ డెవ్‌ఆప్స్‌ (డెవలప్‌మెంట్‌ అండ్‌ ఆపరేషన్స్‌) ఇంజనీర్లకు భారత్‌ ప్రపంచ కేంద్రంగా అవతరించొచ్చని అభిప్రాయపడింది. ఏఐ కారణంగా ఏర్పడే అంతరాయాలను అవకాశాలుగా మలుచుకునేందుకు.. జాతీయ స్థాయిలో ఏఐ నైపుణ్య కార్యక్రమాన్ని ప్రారంభించాలని నీతి ఆయోగ్‌ సూచించింది. పాఠశాలలు, యూనివర్సిటీల్లో ఏఐ నైపుణ్యాలపై అవగాహన కల్పించడం, వొకేషనల్‌ కార్యక్రమాలు, జాతీయ స్థాయిలో నైపుణ్యాల కల్పన, పెంపునకు ప్రాధాన్యం ఇవ్వాలని పేర్కొంది. విద్యా రంగం, ప్రభుత్వం, పరిశ్రమ మధ్య భాగస్వామ్యంతో ఈ కార్యక్రమాన్ని మందుకు నడిపించాలని కోరింది. విశ్వాసంతో కూడిన పన్ను వ్యవస్థ.. నిబంధనలను స్వచ్ఛందంగా పాటించడం, పారదర్శకత, విశ్వసనీయమైన పాలనతో ఆధునిక పన్ను నిర్మాణం ఉండాలని నీతి ఆయోగ్‌ సూచించింది. దీనిపై చర్చా పత్రాన్ని విడుదల చేసింది. ఆధునిక, ఊహించతగిన (సులభతర), పౌరుల కేంద్రంగా పన్ను వ్యవస్థ అన్నది ఎంతో అవసమరని, ఇది సులభతర వ్యాపార నిర్వహణను, జీవనానికి వీలు కల్పిస్తుందని పేర్కొంది. నిజాయితీపరులైన పన్ను చెల్లింపుదారులను గౌరవించే విధంగా ఉండాలని, 2047 నాటికి వికసిత్‌ భారత్‌ లక్ష్య సాకారానికి అనుగుణంగా ఉండాలని సూచించింది.

సాక్షి, సిటీబ్యూరో: ఆధునిక సదుపాయాలు లేకపోయినా పర్వాలేదు.. ఆట స్థలాలకు స్థానం కల్పించకున్నా ఇబ్బంది లేదు.. విస్తీర్ణం తక్కువైనా నో ప్రాబ్లం.. అందుబాటు ధరతో పాటు నిర్మాణంలో నాణ్యత ఉంటే చాలు నగరంలో ఇల్లు కొనేందుకు చాలామంది సిద్ధంగా ఉన్నట్లు ఓ ప్రాపర్టీ పోర్టల్‌ సర్వే తెలిపింది. సామాన్య, మధ్యతరగతి కొనుగోలుదారులను దృష్టిలో పెట్టుకొని అందుబాటు ప్రాజెక్ట్‌లను నిర్మించాలని సూచించింది.మన దేశంలోని నగరాలు, పట్టణాల్లో సుమారు 3 కోట్ల దాకా ఇళ్లు అవసరమవుతాయి. దీంతో బడా డెవలపర్లూ అందుబాటు గృహాల వైపు దృష్టిసారించారు. ఆర్థిక మాంద్యం కారణంగా ప్రవాస భారతీయులు, ఐటీ ఉద్యోగుల కొనుగోళ్లు ఆశించిన స్థాయిలో లేవు. దీంతో తక్కువ విస్తీర్ణం కలిగిన ఇళ్లకు, స్థానిక కొనుగోలుదారులకు అందుబాటులో ఉండే ఇళ్లకు శ్రీకారం చుట్టారు.నగరానికి చెందిన పలు నిర్మాణ సంస్థలు అందుబాటు ధరల్లో ఇళ్లను నిర్మించడం మొదలుపెట్టాయి. ఉప్పల్, కూకట్‌పల్లి, మియాపూర్, కొంపల్లి, శామీర్‌పేట వంటి పలు ప్రాంతాల్లో రూ.45 లక్షల్లోపు ఫ్లాట్లు కొనేవారు బోలెడుమంది ఉన్నారు. కానీ, ఈ తరహా నిర్మాణాలు చేపట్టేవారి సంఖ్య తక్కువగా ఉంది. నేటికీ హైదరాబాద్‌ నిర్మాణ రంగం ఐటీ ఉద్యోగుల కొనుగోళ్ల మీదే ఆధారపడి ఉంది. ఇతర నగరాలతో పోలిస్తే నగరంలో రేట్లు తక్కువగా ఉండటం. పెట్టుబడి కోణంలో ఆలోచించేవారు, స్థిర నివాసం ఏర్పాటు చేసుకోవాలనుకునే వారు నగరం వైపు దృష్టిసారిస్తున్నారు.

న్యూఢిల్లీ: రైళ్లలో ఐఆర్‌సీటీసీ అందించే ఆహారంపై అప్పుడప్పుడు పలు విమర్శలు వినిపిస్తుంటాయి. తాజాగా ఆమ్ ఆద్మీ పార్టీ నేత, ఎంపీ సంజయ్ సింగ్ భార్య అనితా సింగ్ తేజస్ ఎక్స్‌ప్రెస్‌లో తమకు వడ్డించిన ఆహారం బాగోలేదంటూ విమర్శించారు. ఈ నేపధ్యంలో ఇండియన్ రైల్వే క్యాటరింగ్ అండ్ టూరిజం కార్పొరేషన్ (ఐఆర్‌సీటీసీ)పై పలు ఆరోపణలు వెల్లువెత్తుతున్నాయి.అనితా సింగ్.. రైలు ఆహారం విషయంలో తనకు ఎదురైన అనుభవాన్ని సోషల్ మీడియాలో పంచుకుంటూ.. రోటీ అప్పడంలా ఉందని, పన్నీర్‌ పాచిపోయిందని, పప్పు.. నీళ్లగా ఉందని పేర్కొన్నారు. తేజస్ ఎక్స్‌ప్రెస్‌ను ఐఆర్‌సీటీసీ ప్రీమియం రైలుగా చెబుతున్నప్పటికీ, క్యాటరింగ్ ప్రమాణాలు అందుకు అనువుగా లేవని అనితా సింగ్‌ వ్యాఖ్యానించారు. ఆమె తన పోస్ట్‌కు రైల్వే మంత్రిత్వ శాఖను, మంత్రి అశ్విని వైష్ణవ్‌ను ట్యాగ్ చేశారు.ఆమె వ్యాఖ్యలకు వెంటనే స్సందించిన ఐఆర్‌సీటీసీ ఒక ప్రకటన విడుదల చేస్తూ, ఆహారం వడ్డించే ముందు సిబ్బంది దానిని తనిఖీ చేస్తారని, ఆ రోజు అదే కోచ్‌లోని ఇతర ప్రయాణీకుల నుండి ఎటువంటి ఫిర్యాదు రాలేదని పేర్కొంది. అయితే అనితా సింగ్‌ అభిప్రాయాన్ని విలువైనదిగా పరిగణిస్తున్నామని తెలిపింది. కాగా ఆమె సోషల్‌ మీడియా పోస్టుకు యూజర్స్‌ రకరకాలుగా స్పందిస్తున్నారు. ఈ సమస్యను అంగీకరించే బదులు, ఐఆర్‌సీటీసీ తనను తాను సమర్థించుకుంటోందని కొందరు వ్యాఖ్యానించారు. తేజస్, శతాబ్ది లాంటి ప్రీమియం రైళ్లలో కూడా ఆహారం బాగుండటం లేదని పలువురు వ్యాఖ్యానిస్తున్నారు.

ఈ రోజుల్లో శుద్ధమైన నీటిని తాగడమూ కొంత ప్రయాసతో కూడిన అంశంగా మారింది. భూగర్భ, నదీ జలాల కాలుష్యం, కొన్నాళ్ల పాటు నిల్వ ఉంచే వాటర్‌ ట్యాంకుల వల్ల స్వచ్ఛమైన నీటి కోసం వెతుకులాట తప్పడం లేదు. దీంతో చాలా మంది వాటర్‌ ప్యూరిఫైయర్లను ఎంచుకుంటున్నారు. మార్కెట్‌లో లభించే రకరకాల వాటర్‌ ప్యూరిఫైయర్‌లలో కొన్ని నీటిని వడకట్టేవి, మరికొన్ని నీటి నుంచి పోషకాలు పోకుండా కాపాడేవి, ఇంకొన్ని మోతాదులో పోషకాలు కలిపేవి లభిస్తున్నాయి. ప్రకృతి సిద్ధంగా లభించే నీటిలోఉండే స్వచ్ఛత తెలుసుకోవడానికి అవగాహనే ప్రధానమైనది.ఎంపిక చేసుకున్న ప్యూరిఫైయర్‌ని ఆపరేటర్లు ఇంట్లో అమర్చాక టిడిఎస్‌ ఎంత ఉందో నాణ్యత చూపించి, మరీ వాటి గురించి వివరిస్తుంటారు. వరప్రదాయినిగా లభించే నీటిలోపోషకాలు ఏంటి, టిడిఎస్‌ ఏంటి.. అంటూ కొంత ఆందోళన పడుతుంటాం. ఖనిజాలు, లవణాలు, లోహాలతో సహా నీటిలో కరిగిన పదార్థాల మొత్తాన్ని కొలవడమే టిడిఎస్‌ (టోటల్‌ డిసాల్వ్డ్‌ సాలిడ్స్‌).నీటిలో టిడిఎస్‌ స్థాయి ఎంత మేరకు ఉండాలంటే...0-50 పిపిఎమ్‌ (పార్ట్స్‌ పర్‌ మిలియన్‌) ఉంటే... దీనిని స్వేదనజలం అంటారు. అవసరమైన ఖనిజాలు,పోషకాలు లేకపోవడం వల్ల ఈ నీటిని తాగడానికి ఉపయోగించలేం 50-150 పిపిఎమ్‌ ఉంటే అవసరమైన ఖనిజాలు,పోషకాలు ఉన్నాయని, తాగడానికి మేలైనదని గుర్తించాలి 150 - 300 పిపిఎమ్‌ ఉంటే తాగడానికి మేలైనది300 - 500 పిపిఎమ్‌ ఉంటే ఆ నీరు ఆరోగ్య సమస్యలను తగ్గిస్తాయి 500-600 పిపిఎమ్‌ కంటే ఎక్కువ ఉంటే తాగడానికి మేలైనది కాదు.నీటి శుద్ధి యంత్రాల రకాలు: ఆర్‌వో (రివర్స్‌ ఓస్మోసిస్‌):అధిక టిడిఎస్‌ (300 పిపిఎమ్‌ కంటే ఎక్కువ)కు ఆర్‌వో ఉత్తమమైనది. ఇది, నీటిలో భార లోహాలు, రసాయనాలు, అదనపు లవణాలను తొలగిస్తుంది. అయితే, ముఖ్యమైన ఖనిజాలను కూడా తొలగించవచ్చు, కాబట్టి దీనిలోనూ మినరలైజర్‌ ఉన్న మోడల్‌ను ఎంచుకోవడం మేలు.యూవీ (అతినీలలోహిత) ఫిల్టర్‌: బ్యాక్టీరియా, వైరస్‌లకు వ్యతిరేకంగా, ప్రభావవంతంగా పనిచేస్తుంది. నీటిలో తక్కువ టిడిఎస్‌ ఉన్నప్పుడు యువి మోడల్‌ మంచిది.యూఎఫ్‌ అతినీలలోహిత ఫిల్టర్‌: ఈ మోడల్‌ వాటర్‌ ఫిల్టర్‌ యూవీ లాగానే ఉంటుంది. కానీ సస్పెండ్‌ చేయబడిన కణాలను కూడా యుఎఫ్‌ మోడల్‌ తొలగిస్తుంది. యాక్టివేటెడ్‌ కార్బన్‌ ఫిల్టర్లు: రుచిని మెరుగుపరచడానికి, క్లోరిన్, సేంద్రీయ మలినాలను తొలగించడానికి ఈ ఫిల్టర్‌ బాగా ఉపయోగపడుతుంది. సరైన ప్యూరిఫైయర్‌ను ఎంచుకోవడం: అధిక టిడిఎస్‌ కోసం (300 పిపిఎమ్‌)RO లేదా RO+UV/UF ఎంచుకోవచ్చు తక్కువ టిడిఎస్‌ (300 పిపిఎమ్‌ లోపల ) కోసం UV+UF లేదా గురుత్వాకర్షణ ఆధారిత ప్యూరిఫైయర్లు సరిపోతాయి.మున్సిపల్‌ నీటి కోసం సాధారణ టిడిఎస్, యాక్టివేటెడ్‌ కార్బన్‌ ఫిల్టర్లు బాగా పనిచేస్తా.బోర్‌వెల్‌/హార్డ్‌ వాటర్‌లో అధిక టిడిఎస్‌ స్థాయిలు ఉంటాయి కాబట్టి ఆర్‌వో ఫిల్టర్‌ బాగా పనిచేస్తుంది. కాల్షియం, మెగ్నీషియం వంటి ఖనిజాలను తిరిగి కలపడానికి మినరలైజర్‌/టిడిఎస్‌ కంట్రోలర్‌ వంటి కొన్ని ఆర్‌వో ప్యూరిఫైయర్‌లు ఉన్నాయి ఇంట్లో వాడే వాటర్‌ ఫిల్టర్‌ ఎంపికను బట్టి టిడిఎస్‌ స్థాయిని కొలవడానికి మీరు టిడిఎస్‌ మీటర్‌ను ఉపయోగిస్తూ ఉండాలి. ఏవైనా మార్పులు కనిపిస్తే సంబంధిత ఆపరేటర్‌కు తెలియజేసి, ఫిల్టర్‌ను మార్చుకోవాలి. చదవండి: మంగళసూత్రం, మెట్టెలు అందుకే.... అమెరికన్‌ మహిళ వీడియో వైరల్‌ఒకే ఒక్క శ్వాసతో రికార్డ్‌: భారతీయ మత్స్య కన్య సక్సెస్‌ స్టోరీ!శుద్ధమైన నీటిని తాగితే చాలు...గతంలో సంప్రదాయ పద్ధతిలో మరిగించడం అనేది ఒక పద్ధతిగా ఉండేది. దీని వల్ల కూడా కొన్ని పోషకాలు పోతున్నాయి అని గ్రహించారు. వాటర్‌ క్వాలిటీ కోసం టిడిఎస్‌ను చెక్‌ చేస్తాం. ప్రభుత్వం కూడా ఈ పద్ధతిని అవలంబిస్తుంది. ఆర్‌వో సిస్టమ్‌ అయితే సురక్షితం అనుకుంటాం. ఫిల్టర్‌ వరకు పర్వాలేదు. కానీ, వీటి ద్వారా కూడా నీటిలో కొన్ని పోషకాలు పోతుంటాయి. 100 శాతం క్లోరిన్, కాలుష్య శుద్ధి చేసి, నీటి నుంచి మనకు కావల్సిన పోషకాలు లభిస్తే చాలు. ఇప్పుడు ఆల్కలైన్‌ వాటర్‌ తాగితే చాలా ప్రయోజనాలు అని చెబుతుంటారు. వాటికి సంబంధించిన ఫిల్టర్లు కూడా వస్తున్నాయి. నీటిలో ప్రధానంగా ఉండే పొటాషియం, మెగ్నిషియమ్, ఐరన్‌ వంటివి ఉంటే చాలు. ఎక్కువ ΄ోషకాలు కలిపి మరీ తీసుకోవాల్సిన అవసరం లేదు. – సుజాత స్టీఫెన్, న్యూట్రిషనిస్ట్‌

సాక్షి, హైదరాబాద్‌: వస్త్రోత్పత్తుల నాణ్యతను పరిశీలించేందుకు బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) హైదరాబాద్‌లో లే»ొరేటరీని ప్రారంభించింది. వస్త్రోత్పత్తుల నాణ్యత పరిశీలనకే ప్రత్యేకించిన ఈ లే»ొరేటరీని బీఐఎస్‌ డైరెక్టర్‌ జనరల్‌ ప్రమోద్‌ కుమార్‌ తివారీ బుధవారం ప్రారంభించారు. టెక్స్‌టైల్‌ రంగంలో నాణ్యతా పరీక్షల వాతావరణాన్ని అత్యాధునిక సాంకేతికత, వసతులతో ఏర్పాటైన ఈ లే»ొరేటరీ బలోపేతం చేస్తుంది. ‘కేంద్ర ప్రభుత్వం జారీ చేసిన క్వాలిటీ కంట్రోల్‌ ఆర్డర్లను సరఫరా చేయడంలో ఈ లే»ొరేటరీ కీలకంగా పనిచేస్తుంది. టెక్స్‌టైల్‌ ఉత్పత్తులు జాతీయ స్థాయి ప్రమాణాలను అందుకునేలా చేయడంలో దీని పాత్ర అత్యంత కీలకం. త్వరలో నూలును పరిశీలించే సౌలభ్యం కూడా అందుబాటులోకి రానుంది.వస్త్రోత్పత్తుల నాణ్యతను పరిశీలించేందుకు లే»ొరేటరీ ఏర్పాటైన ఇదే భవనంలో బంగారం నమూనాల స్వచ్ఛతను పరిశీలించే ప్రయోగశాల కూడా ఉంది. ఈ లే»ొరేటరీలో ఏర్పాటు చేసిన యూనివర్సల్‌ టెస్టింగ్‌ మెషీన్‌ (యూటీఎం) పరికరం ద్వారా వస్త్రోత్పత్తుల నాణ్యత, మన్నికను పరిశీలిస్తారు’అని తివారీ వెల్లడించారు. కార్యక్రమంలో బీఐఎస్‌ డిప్యూటీ డైరక్టర్‌ జనరల్‌ (లేబొరేటరీస్‌) నిషత్‌ సుల్తానా, దక్షిణ ప్రాంత డిప్యూటీ డైరక్టర్‌ జనరల్‌ డాక్టర్‌ మీనాక్షి గణేశన్, హైదరాబాద్‌ బ్రాంచ్‌ ల్యా»ొరేటరీ హెడ్‌ శ్రీకాంత్‌ తదితరులు పాల్గొన్నారు.ఎలా పనిచేస్తుంది...యూనివర్సల్‌ టెస్టింగ్‌ మెషీన్‌లో వస్త్రాలకు ఉపయోగించే దారానికి కంట్రోల్డ్‌ టెన్సిల్‌ ఫోర్స్‌ను వినియోగిస్తారు, ఈ దారం తెగే వరకు లాగుతారు. ఎక్కడైతే దారం తెగుతుందో.. వినియోగించిన బలాన్ని లెక్కించి ఎంత నాణ్యమైందో రూఢీ చేసుకుంటారు. దీని ఆధారంగా మన్నిక, నాణ్యతను గుర్తిస్తారు.

రోల్స్ రాయిస్... అత్యంత ఖరీదైన ఈ కారును కొనుగోలు చేయాలని కొందరు కోటీశ్వరులు తహతహలాడుతుంటారు. అలాగే రోల్స్ రాయిస్ కార్ల కంపెనీ ప్రతీ కారును సంబంధిత వినియోగదారుల ప్రాధాన్యతలకు అనుగుణంగా సిద్ధం చేస్తుంది. ఒక్కో రోల్స్‌ రాయిస్‌ కారు తయారీకి సుమారు ఆరు నెలల సమయం పడుతుంది.దీనికిగల కారణం.. రోల్స్ రాయిస్‌ కారులోని కొన్ని భాగాలకు చేతితో పెయింటింగ్‌ చేసి, వాటిని అసెంబుల్ చేస్తారు. ఇన్ని ప్రత్యేకతలు ఉన్నకారణంగానే ఈ కారు ధర కోట్లలో ఉంటుంది. అయితే రోల్స్ రాయిస్ కారు క్వాలిటీని కేవలం ఐదు రూపాయల నాణెంతో చెక్‌ చేయవచ్చంటున్నారు ప్రముఖ యూట్యూబర్, స్టాక్ మార్కెట్ నిపుణుడు పీ ఆర్‌ సుందర్. ఈ కారుకు సంబంధించిన ఆసక్తికరమైన వివరాలను ఆయన మీడియాతో పంచుకున్నారు.రోల్స్ రాయిస్ చాలా అద్భుతమైన ఫీచర్లను కలిగి ఉంటుందని, వీటి గురించి తెలిస్తే ఎంతో ఆశ్చర్యం కలుగుతుందని ఆయన తెలిపారు. కారు ఇంజన్‌ ఆన్‌లో ఉన్నప్పుడు దానిపై ఐదు రూపాయల నాణెం ఉంచితే.. అది కదలి, ​కిందికు పడిపోదన్నారు. రోల్స్ రాయిస్ ఇంజన్ ఆన్‌లో ఉన్నప్పుడు కూడా దానిలో వైబ్రేషన్ రాదని సుందర్‌ తెలిపారు.రోల్స్ రాయిస్‌ కారును భారత్‌కు తీసుకురావాలంటే అధిక మొత్తంలో దిగుమతి పన్ను చెల్లించాల్సి ఉంటుందని అన్నారు. భారతదేశంలో ఈ కారును నడపాలనుకుంటే, కారు కోసం ప్రత్యేకంగా పాస్‌పోర్ట్, వీసా తీసుకోవాల్సి ఉంటుందన్నారు. దుబాయ్‌లోని తన రోల్స్ రాయిస్‌ను భారత్‌కు తీసుకురావడానికి వీసా, పాస్‌పోర్ట్‌ పొందానని తెలిపారు. ఆరు నెలల తర్వాత తన కారును తిరిగి దుబాయ్‌కి తీసుకెళ్లాల్సి ఉంటుందని సుందర్‌ పేర్కొన్నారు.

సాక్షి, అమరావతి: ఇంధన సామర్థ్యం.. విద్యుత్‌ పొదుపు.. పర్యావరణ పరిరక్షణ చర్యల్లో దేశంలోనే ఆంధ్రప్రదేశ్‌ అగ్ర స్థానంలో దూసుకుపోతోంది. కేంద్ర ప్రభుత్వరంగ సంస్థ బ్యూరో ఆఫ్‌ ఎనర్జీ ఎఫిషియెన్సీ (బీఈఈ) శనివారం విడుదల చేసిన స్టేట్‌ ఎనర్జీ ఎఫిషియెన్సీ ఇండెక్స్‌ (ఎస్‌ఈఈఐ)–2023లో ఏపీ ప్రథమ స్థానం (గ్రూప్‌–2లో) దక్కించుకుంది. దేశంలోని అనేక పెద్ద రాష్ట్రాలను సైతం వెనక్కి నెట్టి ఏపీ ముందువరుసలో నిలిచింది. అలయన్స్‌ ఫర్‌ ఎనర్జీ ఎఫిషియెంట్‌ ఎకానమీ (ఏఈఈఈ) సహకారంతో రూపొందిన ఈ ఇండెక్స్‌లో 5 మిలియన్‌ టన్నుల నుంచి 15 మిలియన్‌ టన్నుల చమురుకు సమానం (ఎంటీఓఈ) అయిన ఇంధనాన్ని ఆదా చేసిన రాష్ట్రాలను గ్రూప్‌–2గా విభజించగా, వాటిలో ఏపీ 83.25 పాయింట్లు తెచ్చుకుని ఈ ఘనత సాధించింది. 2022లో ఇదే ఇండెక్స్‌లో ఏపీ టాప్‌–5లో నిలిచింది. ఏడాదిలోనే వేగంగా మెరుగుపడి టాప్‌–1కి చేరుకుంది. 36 రాష్ట్రాలు, కేంద్రపాలిత ప్రాంతాల్లో భవనాలు, పరిశ్రమలు, మునిసిపల్, రవాణా, వ్యవసాయం, విద్యుత్‌ పంపిణీ సంస్థ(డిస్కం)లలో ఇంధన సామర్థ్య విధానాలు, కార్యక్రమాలు, పెట్టుబడులు వంటి దాదాపు 65 అంశాలను పరిగణలోకి తీసుకుని నిర్వాహకులు ఈ పాయింట్లను నిర్థారించారు. ఏపీ విధానాల కారణంగానే అగ్రస్థానం 100కి 60 కంటే ఎక్కువ పాయింట్లు సాధించిన రాష్ట్రాలను ఫ్రంట్‌ రన్నర్, 50 నుంచి 59.75 పాయింట్లు వచ్చిన వాటిని అచీవర్, 30 నుంచి 49.75 పాయింట్లు వస్తే కంటెండర్, 30 కంటే తక్కువ పాయింట్లు వస్తే ఆస్పిరెంట్‌ రాష్ట్రాలుగా బీఈఈ విభజించింది. ఇందులో మన రాష్ట్రం అత్యధిక ప్రదర్శన కనబరిచింది. రాష్ట్రంలో ఇంధన సామర్థ్యానికి ప్రత్యేక విధానాలను రూపొందించడం ద్వారా అనేక విధానాలను అవలంబించడం, ఆర్థిక ప్రోత్సాహకాలు, సామర్థ్యాన్ని పెంపొందించడం, వివిధ సహకార కార్యక్రమాలను చేపట్టడం ద్వారా ఏపీ ముందంజలో నిలిచింది. భవన నిర్మాణ రంగంలో ఎనర్జీ కన్జర్వేషన్‌ బిల్డింగ్‌ కోడ్‌ను రాష్ట్రం తప్పనిసరి చేసింది. పట్టణ/స్థానిక సంస్థలు, ప్రభుత్వ కార్యాలయాల్లో ఇంధన సామర్థ్య ఉపకరణాలపై దృష్టి పెట్టింది. సూక్ష్మ, చిన్న, మధ్యతరహా పరిశ్రమల్లో ఎనర్జీ ఆడిట్‌ను తప్పనిసరి చేసింది. రవాణా రంగంలో ఎలక్ట్రిక్‌ మొబిలిటీ పాలసీ తీసుకువచ్చింది. విద్యుత్‌ వాహనాలు, చార్జింగ్‌ స్టేషన్లను ప్రోత్సహిస్తోంది. మునిసిపాలిటీల్లో విద్యుత్‌ ఆదా చేసే వీధి దీపాలు, నీటి పంపింగ్‌(ఎనర్జీ ఎఫిషియెన్సీ పంపుసెట్లు) సరఫరా వ్యవస్థలను ఏర్పాటు చేసింది. ప్రసార, పంపిణీ నష్టాలను తగ్గించే చర్యలు తీసుకుంది. వ్యవసాయంలో సమీకృత నీరు, విద్యుత్‌ పొదుపు, పద్ధతులను ప్రోత్సహిస్తోంది. ఇలాంటి విప్లవాత్మక చర్యలు కారణంగా ఎనర్జీ ఇండెక్స్‌లో దేశంలోనే ఏపీ అగ్రస్థానంలో నిలిచింది.

సాక్షి, అమరావతి: పాల సేకరణ, విక్రయాల్లో మోసా­లకు అడ్డుకట్ట వేసేందుకు దేశంలో మరెక్కడా లేని విధంగా రాష్ట్ర ప్రభుత్వం తీసు­కొచ్చిన పాల సేకరణ (రైతు రక్షణ), నాణ్య­మైన పాల వినియోగ చట్టం–2023 అమలుకు రంగం సిద్ధమైంది. చట్టం అమలుకు అవసరమైన ఎస్‌ఓపీ (స్టాండర్డ్‌ ఆపరేటింగ్‌ ప్రొసీజర్‌) రూపకల్పన చేసింది. నియమ, నిబంధనలతో ఇటీవలే అధికారిక గెజిట్‌లో ప్రభు­త్వం నోటిఫికేషన్‌ జారీ చేసింది. రాష్ట్రంలో ప్రతి­రోజు 4.12 కోట్ల లీటర్ల పాల ఉత్పత్తి జరుగుతోంది. స్థానికంగా 1.42 కోట్ల లీటర్ల పాలు వినియోగమవుతుండగా, ఆర్గనైజ్డ్‌ డెయి­రీలు 21.6 లక్షల లీటర్లు, ప్రైవేటు డెయి­రీలు 47.6 లక్షల లీటర్లు సేకరిస్తున్నాయి. మిగిలిన పాలు వివిధ రూపాల్లో మార్కెట్‌కి వస్తుంటాయి. పాల సేకరణలో జరిగే మోసాలకు అడ్డుకట్ట వేసేందుకు తూనికలు–కొలతల చట్టం ప్రకా­రం తనిఖీ చేసే అధికారాలను స్థానిక పశు వైద్యులకు అప్పగించారు. అయితే మోసాలకు పాల్పడినట్టు నిర్ధారణ జరి­గినప్పుడు మిల్క్‌ ఎనలైజర్స్, ఇతర పరికరా­లను సీజ్‌ చేయడం, బాధ్యులైన వారి­పై చట్టపరంగా చర్యలు తీసుకునే అధికారం లేకపోవడంతో క్షేత్ర స్థాయిలో ఇబ్బందులు తలెత్తేవి. ఈ పరిస్థితికి చెక్‌ పెడుతూ దేశంలోనే తొలిసారి పటిష్టమైన పాలసేకరణ, నాణ్యమైన పాల వినియోగ చట్టాన్ని రాష్ట్ర ప్రభుత్వం తీసుకొచ్చింది.    చట్టం అమలు బాధ్యత వీరిదే..  చట్టం అమలు, పర్యవేక్షణ కోసం రాష్ట్ర స్థాయి­లో మిల్క్‌ కమిషనర్‌గా, కార్యనిర్వాహ­క అధికారిగా పశు­సంవర్ధక శాఖ సంచాలకులు వ్యవహరించనుండగా, జిల్లా స్థాయిలో ఆథరైజ్డ్‌ ఆఫీసర్స్‌గా జిల్లా పశుసంవర్ధక శాఖాధికారు­లు, మిల్క్‌ ఇన్‌స్పెక్టర్లుగా వెటర్నరీ అసిస్టెంట్‌ సర్జన్స్, ఏవీహెచ్‌ అసిస్టెంట్‌ డైరెక్టర్లు వ్యవహరించనున్నారు. వీరు చట్టప్రకారం మిల్క్‌ ఎనలైజర్స్‌తో పాటు పాల సేకరణ కేంద్రాలు, బల్క్‌ మిల్క్‌ కూలింగ్‌ యూనిట్లు, ఆటోమేటిక్‌ మిల్క్‌ కలెక్షన్‌ యూనిట్లు పనిచేసేలా పర్యవేక్షిస్తారు. పాలనాణ్యత పాటించకపోతే ఫుడ్‌ సేఫ్టీ, నాణ్యత ప్రమా­ణాల యాక్టు 2006 ప్రకారం చర్యలు తీసుకుంటారు. పాలల్లో ఫ్యాట్, ఎస్‌ఎన్‌ఎఫ్‌ శాతాన్ని బట్టి నిర్దే­శించిన రేటు చార్ట్‌ ప్రకారం పాడి రైతుకు మద్దతు ధర దక్కేలా పర్యవేక్షిస్తారు. ఇందుకోసం సాఫ్ట్‌వేర్‌ అప్లికేషన్‌ను అభివృద్ధి చేస్తు­న్నారు. చట్టం అమలుపై రాష్ట్ర స్థాయిలో ఎంపిక చేసిన రిసోర్స్‌ పర్స­న్స్‌కు ఇటీవలే శిక్షణ కూడా పూర్తి చేశారు. వీరి ద్వారా మండల స్థాయిలో మిల్క్‌ ఇన్‌స్పెక్టర్లుగా వ్యవహరించనున్న అధికారులకు శిక్షణ ఇవ్వనున్నారు.  మిల్క్‌ ఎనలైజర్స్‌కు లైసెన్సింగ్‌ తప్పనిసరి  మిల్క్‌ ఎనలైజర్స్‌ కలిగి ఉన్న వారు రూ.1,000 చెల్లించి సంబంధిత ఆథరైజ్డ్‌ అధికారి నుంచి లైసెన్సు పొందాలి. ఆ తర్వాత ఏటా లైసెన్స్‌ రెన్యువల్‌ చేయించుకోవాలి. అదే తయారీ దారులు, డీలర్లు ప్రతీ 2 ఏళ్లకోసారి రూ. 2 లక్షలు చెల్లించి మిల్క్‌ కమిషనర్‌ ద్వారా లైసెన్సు పొందాల్సి ఉంటుంది. లైసెన్స్‌ పొందిన తర్వాత మిల్క్‌ ఎనలైజర్స్‌ను 30 రోజులలోపు వారి పరిధిలోని మిల్క్‌ ఇన్‌స్పెక్టర్‌ వద్ద రూ. 500 చెల్లించి కనీసం ఏడాది పాటు చెల్లుబాటు అయ్యేలా వెరిఫికేషన్‌ సర్టిఫికెట్‌ పొందాల్సి ఉంటుంది. మిల్క్‌ ఎనలైజర్‌ లైసెన్స్, వెరిఫికేషన్‌ సర్టిఫికెట్‌ను పాలసేకరణ కేంద్రంలో ప్రదర్శించాలి. రికార్డులు, రిజిష్టర్లు విధిగా నిర్వహించాలి. క్రమం తప్పకుండా తనిఖీలు..  చట్టం ప్రకారం మిల్క్‌ ఇన్‌స్పెక్టర్లు.. పాల సేకరణ కేంద్రాలు, డెయిరీల్లో క్రమం తప్పకుండా తనిఖీలు నిర్వహిస్తారు. తేడా ఉన్నట్టుగా గుర్తిస్తే జరిమానా, లైసెన్సు రద్దు, కేసుల నమోదు వంటి చర్యలు తీసుకుంటారు. కల్తీ జరిగినట్టు గుర్తిస్తే తగిన చర్యల కోసం ఆహార భద్రత అధికారికి సమా­చారమిస్తారు. మిల్క్‌ యూని­యన్, డెయిరీ నిర్ధారించిన రేట్‌ చార్జి ప్రకారం పాలుపోసే వారికి పాలసేకరణ ధర చెల్లిస్తున్నదీ లేనిదీ కూడా పరిశీలిస్తారు. జిల్లా స్థాయిలో ఆథరైజ్డ్‌ అధికారిగా వ్యవహరించే అధికారులు ఈ మిల్క్‌ ఇన్‌స్పెక్టర్ల పనితీరును ఎప్పటికప్పుడు పర్యవేక్షిస్తారు. మోసాలు, కల్తీలు జరిగినట్టుగా గుర్తిస్తే సంబంధిత రికార్డులు సహా ఆయా యూనిట్లను సీజ్‌ చేస్తారు. శిక్షార్హమైన నేరాలకు చట్టం ప్రకా­రం జరిమానాలు, కారాగార శిక్షలు విధి­స్తా­­రు.

ఢిల్లీని మరోమారు పొగమంచు దట్టంగా కమ్ముకుంది. ఫలితంగా విజిబులిటీ దెబ్బతినడమే కాకుండా జనం విషవాయువులతో ఉక్కిరిబిక్కిరవుతున్నారు. మంగళవారం రాజధానిలోని ఐదు ప్రాంతాలలో ఎయిర్ క్వాలిటీ ఇండెక్స్ (ఏక్యూఐ) 400 లేదా అంతకంటే ఎక్కువ అంటే ‘తీవ్రమైన’ విభాగంలోకి చేరుకుంది. మరో మూడు నాలుగు రోజులపాటు ఈ విషపూరితమైన గాలి నుంచి ఉపశమనం లభించే అవకాశం ఢిల్లీ ప్రజలకు లేదని వాతావరణశాఖ అధికారులు అంచనా వేస్తున్నారు.  కాగా గాలి దిశ, వేగం మారడంతో శని, ఆదివారాల్లో కాలుష్య స్థాయిలో కొంత మెరుగుదల కనిపించింది. అయితే ఇప్పుడు గాలిలో ఉధృతి ఏర్పడిన కారణంగా కాలుష్య స్థాయి మళ్లీ పెరుగుతోంది. మంగళవారం మధ్యాహ్నం రెండు గంటల తర్వాత సూర్యరశ్మి బలహీనంగా మారి వాతావరణంలో పొగమంచు కమ్ముకుంది. వాతావరణశాఖ తెలిపిన వివరాల ప్రకారం సఫ్దర్‌జంగ్ వాతావరణ కేంద్రం వద్ద మంగళవారం సాయంత్రం 4.30 గంటలకు దృశ్యమాన స్థాయి 1500 మీటర్ల వరకు ఉంది. సాధారణంగా రెండు వేల మీటర్లు ఉండాలి. సెంట్రల్ పొల్యూషన్ కంట్రోల్ బోర్డు తెలిపిన వివరాల ప్రకారం మంగళవారం ఢిల్లీలో ఏక్యూఐ 372గా నమోదైంది. మంగళవారం ఢిల్లీలో గరిష్ట ఉష్ణోగ్రత 26.2 డిగ్రీల సెల్సియస్, సాధారణం కంటే రెండు డిగ్రీలు తక్కువగా ఉండగా, కనిష్ట ఉష్ణోగ్రత 11.5 డిగ్రీల సెల్సియస్, సాధారణం కంటే ఒక డిగ్రీ తక్కువగా నమోదైంది. గాలిలో తేమ స్థాయి 95 నుంచి 56 శాతంగా నమోదైంది. లోధి రోడ్డు అత్యంత శీతల ప్రాంతం. ఇక్కడ గరిష్ట ఉష్ణోగ్రత 26.0 డిగ్రీలు, కనిష్ట ఉష్ణోగ్రత 11.3 డిగ్రీల సెల్సియస్‌గా నమోదైంది. బుధవారం కూడా ఇదే వాతావరణం కొనసాగుతుందని వాతావరణ శాఖ అంచనా వేస్తోంది. ఇది కూడా చదవండి: అమేథీలో మళ్లీ రాహుల్‌ Vs స్మృతి?

న్యూఢిల్లీ: దేశ రాజధాని ఢిల్లీలో వాతావరణం మరింత దిగజారుతోంది. చలి తీవ్రమవుతోంది. ఢిల్లీతోపాటు ఎన్‌సీఆర్‌ ప్రాంతాల్లో గాలి నాణ్యత క్షీణిస్తోంది. పొరుగున ఉన్న పంజాబ్, హర్యానాల్లో పొల్లాల్లోని గడ్డిని తగలబెడుతూండటమే రాజధాని ప్రాంతంలో ఢిల్లీలో ఎయిర్ క్వాలిటీ ఇండెక్స్ (ఏక్యూఐ) మరింత దిగజారేందుకు కారణమవుతోంది.  అమెరికా అంతరిక్ష పరిశోధన సంస్థ (నాసా) తాజాగా విడుదల చేసిన ఉపగ్రహ ఛాయాచిత్రాలు, సమాచారం కూడా ఈ విషయాన్ని ధ్రువీకరిస్తోంది. కొన్నేళ్లుగా నాసా వాతావరణ కాలుష్యంపై ఈ గడ్డి వాముల కాల్చివేత ప్రభావంపై అధ్యయనం చేస్తోంది. తాజాగా నాసా విడుదల చేసిన ఉపగ్రహ ఛాయాచిత్రాల్లో (దిగువన) ఎర్రటి చుక్కలు పంటపొలాల్లో కాలిపోతున్న గడ్డిని స్పష్టంగా చూపుతున్నాయి.   నాసా సీనియర్ రీసెర్చ్ సైంటిస్ట్ హిరెన్ జెత్వా మీడియాతో మాట్లాడుతూ పంజాబ్, హర్యానాలలో గడ్డివాములను కాల్చడం అధికమవుతున్నదని అన్నారు. కాలుష్య నియంత్రణ అధికారుల తెలిపిన వివరాల ప్రకారం ఢిల్లీలో గాలి నాణ్యత వరుసగా మూడవ రోజు పేలవ స్థాయిలో నమోదైంది. రాబోయే రోజుల్లో ఢిల్లీ ఏక్యూఐలో పెద్దగా మెరుగుపడే అవకాశాలు లేవు. బుధవారం ఉదయం పది గంటలకు నగరంలో సగటు వాయు నాణ్యత సూచిక (ఏ​‍క్యూఐ) 238గా ఉంది.  ఢిల్లీలోని సెంటర్ ఎయిర్ క్వాలిటీ ఎర్లీ వార్నింగ్ సిస్టమ్  తెలిపిన వివరాల ప్రకారం రాబోయే నాలుగైదు రోజులలో నగరంలో గాలి నాణ్యత  మరింత తగ్గే అవకాశం ఉంది. గాలి నాణ్యత సూచీ 500గా ఉంటే కాలుష్య స్థాయిని మరింత తీవ్రమైనదిగా పరిగణిస్తారు. గడచిన మే తర్వాత తొలిసారిగా ఆదివారం ఢిల్లీలో గాలి నాణ్యత పేలవమైన స్థాయిని చూపింది. ఉష్ణోగ్రతలు తగ్గడం, గాలి వేగం మందగించడం, పొలాల్లో గడ్డిని కాల్చడం మొదలైనవి ఢిల్లీలో కాలుష్య స్థాయి పెరగడానికి కారణాలని నిపుణులు చెబుతున్నారు.  ఇది కూడా చదవండి: జమ్ముకశ్మీర్‌పై గాజా ఉద్రిక్తతల ప్రభావం? ఉన్నతాధికారుల అత్యవసర సమావేశం

సాక్షి, అమరావతి: వాతావరణ కాలుష్య రహి­త, నాణ్యమైన విద్యుత్తు అందించే లక్ష్యంతో ముఖ్యమంత్రి వైఎస్‌ జగన్‌మోహన్‌రెడ్డి చేపడుతున్న చర్యలతో రాష్ట్రం గ్రీన్‌ హైడ్రోజన్‌ ఉత్పత్తి కేంద్రం (హబ్‌)గా అవతరిస్తోంది. తరిగిపోతున్న శిలాజ ఇంధన వనరులకు ప్రత్యామ్నా­యంగా, పెరుగుతున్న వాతావరణ కాలు­ష్యానికి విరుగుడుగా స్వచ్ఛ ఇంధనాన్ని వినియోగంలోకి తేవడానికి జరుగుతున్న ప్రయత్నాల్లో ఏపీ భాగం అవుతోంది. ఈ ప్రాజెక్టు కోసం గతేడాది కేంద్రం ఎంపిక చేసిన ఐదు రాష్ట్రాల్లో మన రాష్ట్రం కూడా ఉంది. దీనికి అ­నుగుణంగా గ్రీన్‌ హైడ్రోజన్, గ్రీన్‌ అమ్మోనియా పాలసీ 2023ని రాష్ట్రం రూపొందించింది. తాజాగా గ్రీన్‌ హైడ్రోజన్‌ ప్రాజెక్టుకు రాష్ట్రంలో పెట్టుబడి అవకాశాలపై న్యూ అండ్‌ రెన్యూవ­బుల్‌ ఎనర్జీ డెవలప్‌మెంట్‌ కార్పొరేషన్‌ ఆఫ్‌ ఆంధ్రప్రదేశ్‌ లిమిటెడ్‌ (ఎన్‌ఆర్‌ఈడీసీఏపీ) తయారు చేసిన నివేదిక శ్వేత పత్రాన్ని సీఎం వైఎస్‌ జగన్‌మోహన్‌రెడ్డి విడుదల చేశారు. అందులోని వివరాలను ‘ఎన్‌ఆర్‌ఈడీసీఏపీ’ వీసీ, ఎండీ ఎస్‌.రమణారెడ్డి ‘సాక్షి’ ప్రతినిధికి వెల్లడించారు. సమగ్రంగా శ్వేతపత్రం రాష్ట్ర ప్రభుత్వం సౌర, పవన విద్యుత్‌ వంటి స్వచ్ఛ ఇంధనాన్ని ప్రోత్సహిస్తోంది. హైబ్రిడ్‌ వ్యవస్థగా చెబుతున్న పంప్డ్‌ హైడ్రో స్టోరేజి ప్రాజెక్టుల నిర్మాణాన్ని చేపడుతోంది. ప్రస్తుతం రాష్ట్రానికి 9 గిగావాట్ల పునరుత్పాదక ఇంధన ఉత్పత్తి స్థాపిత సామర్థ్యం ఉంది. అనేక ప్రాజెక్టులు ప్రారంభానికి సిద్ధంగా ఉన్నాయి. వీటిలో సౌర, పవన, పంప్డ్‌ హైడ్రో సిస్టం ప్రాజెక్టులు 24 గంటలూ విద్యుత్‌ ఉత్పత్తి చేస్తాయి. కొత్త టెక్నాలజీల ఆవిర్భావం, గ్రీన్‌ హైడ్రోజన్, బ్యాటరీ ఎనర్జీ స్టోరేజ్‌ సిస్టమ్స్‌ వంటి వినూత్న సాంకేతిక పరిజ్ఞానాన్ని రాష్ట్ర ప్రభుత్వం అందిపుచ్చుకుంటోంది. తద్వారా రాష్ట్రంలో గ్రీన్‌ హైడ్రోజన్‌ రంగంలో 10 బిలియన్‌ డాలర్ల నుంచి 15 బిలియన్‌ డాలర్ల విలువైన పెట్టుబడులకు అవకాశాలున్నాయి. రాష్ట్రంలో విద్యుత్‌ ఉత్పత్తి, సరఫరాకు మౌలిక సదుపాయాలు ఉన్నాయి. రాష్ట్ర అవసరాలతోపాటు ఇతర రాష్ట్రాలకు విద్యుత్‌ను ఎగుమతి చేయడానికి అవసరమైన గ్రీన్‌ హైడ్రోజన్‌ ఉత్పత్తి ప్లాంట్ల ఏర్పాటుకు రాష్ట్రం అనుకూలంగా ఉంది. రాష్ట్రంలో ఏటా 400 కిలో టన్నుల దేశీయ హైడ్రోజన్‌ డిమాండ్‌ ఉంది. దేశ పారిశ్రామిక హైడ్రోజన్‌ డిమాండ్‌లో ఇది దాదాపు 8 శాతం. ప్రతి ఏటా పెరుగుతోంది. ఆంధ్రప్రదేశ్‌ గ్రీన్‌ హైడ్రోజన్, గ్రీన్‌ అమ్మోనియా పాలసీ 2023 ప్రకారం 2030 నాటికి కనీసం 500 కిలో టన్నుల గ్రీన్‌ హైడ్రోజన్‌ ఉత్పత్తి చేయాలని రాష్ట్రం లక్ష్యంగా పెట్టుకుంది.దీని సాయంతో శిలాజ ఇంధన వినియోగాన్ని వీలైనంత వరకు తగ్గించాలని(డీకార్బనైజ్‌) భావిస్తోంది. ఇందుకోసం యాక్సిలరేటింగ్‌ స్మార్ట్‌ పవర్‌ అండ్‌ రెన్యూవబుల్‌ ఎనర్జీ ఇన్‌ ఇండియా (ఆస్పైర్‌) ప్రోగ్రామ్‌ కింద ఫారిన్, కామన్వెల్త్‌ అండ్‌ డెవలప్‌మెంట్‌ ఆఫీస్‌ సాయంతో ఆంధ్రప్రదేశ్‌లో గ్రీన్‌ హైడ్రోజన్‌ ఇన్వెస్ట్‌మెంట్‌ అవకాశాల నివేదిక సిద్ధం చేసింది. రాష్ట్రంలో గ్రీన్‌ హైడ్రోజన్‌ ప్రాజెక్టుల ఏర్పాటు కోసం వ్యాపారాలకు, పెట్టుబడిదారులకు అనుకూలమైన వాతావరణం, పర్యావరణ వ్యవస్థలపై ‘వైట్‌పేపర్‌’లో వివరించారు. ఇది పునరుత్పాదక ఇంధన ఉత్పత్తి, గ్రీన్‌ హైడ్రోజన్‌ ప్రాజెక్ట్‌ అభివృద్ధి కార్యకలాపాలను ప్రోత్సహించడానికి, ఇతర మౌలిక సదుపాయాల కల్పనకు రాష్ట్ర సంసిద్ధంగా ఉందని శ్వేతపత్రంలో పొందుపరిచారు.    కేంద్రం ఎంచుకున్న ఐదు రాష్ట్రాల్లో ఏపీ ఆంధ్రప్రదేశ్‌తో పాటు గుజరాత్, కర్ణాటక, మహారాష్ట్ర, కేరళలో ఐదు జాతీయ గ్రీన్‌ హైడ్రోజన్‌ హబ్‌లు ఏర్పాటు చేయాలని కేంద్రం ఇప్పటికే నిర్ణయించింది. వీటిని 25 గ్రీన్‌ హైడ్రోజన్‌ ప్రాజెక్ట్‌ క్లస్టర్లుగా విభజించి, వివిధ రంగాలకు ఉపయోగించుకునేలా ప్రణాళికలు రూపొందించింది. మొదటి తరం జాతీయ గ్రీన్‌ హైడ్రోజన్‌ ప్రాజెక్టులుగా పిలుస్తున్న వీటిలో పన్నెండు రసాయనాలు, రిఫైనరీ, ఉక్కు పరిశ్రమలలోని పారిశ్రామిక డీ–కార్బనైజేషన్‌ ప్రాజెక్టులు కాగా మూడు భారీ రవాణా ప్రాజెక్టులు, మరో మూడు సిటీ గ్యాస్‌ డ్రిస్టిబ్యూషన్‌ (సీజీడీ) ప్రాజెక్టుల్లో హైడ్రోజన్‌–బ్లెండింగ్‌ ప్రాజెక్టులు ఉన్నాయి. మిగిలిన ఏడు ప్రాజెక్టులు మునిసిపాలిటీల్లో వ్యర్థాల నుండి హైడ్రోజన్‌ను ఉత్పత్తి చేసేవి.  రాష్ట్ర ప్రభుత్వం భాగస్వామ్యంతో వీటి ద్వారా 2025 నాటికి 150 మెగావాట్ల గ్రీన్‌ హైడ్రోజన్‌ ఉత్పత్తి లక్ష్యంగా పెట్టుకుంది. ఈ లక్ష్యానికి  గ్రీన్‌ హైడ్రోజన్‌ పాలసీతో ఏపీ జీవం పోసింది.

Quality Norms For Ceiling Fans: నాసిరకం వస్తువుల దిగుమతిని అరికట్టేందుకు, దేశీయంగా విద్యుత్ ఫ్యాన్ల తయారీని పెంచేందుకు ఎలక్ట్రిక్ సీలింగ్ ఫ్యాన్‌లకు ప్రభుత్వం తప్పనిసరి నాణ్యతా నిబంధనలను జారీ చేసింది. దీనికి సంబంధించి డిపార్ట్‌మెంట్ ఫర్ ప్రమోషన్ ఆఫ్ ఇండస్ట్రీ అండ్ ఇంటర్నల్ ట్రేడ్ (డీపీఐఐటీ) ఆగస్టు 9న నోటిఫికేషన్ జారీ చేసింది. ఎలక్ట్రిక్ సీలింగ్ టైప్ ఫ్యాన్స్ (క్వాలిటీ కంట్రోల్) ఆర్డర్- 2023 కిందకు వచ్చే వస్తువులు బ్యూరో ఆఫ్ ఇండియన్ స్టాండర్డ్స్ (BIS) గుర్తును కలిగి ఉంటే తప్ప వాటిని ఉత్పత్తి చేయడం, విక్రయించడం, వ్యాపారం చేయడం, దిగుమతి చేయడం, నిల్వ చేయడం కుదరదు. ఈ నోటిఫికేషన్ ప్రచురించిన తేదీ నుంచి ఆరు నెలల తర్వాత నుంచి ఇది అమల్లోకి వస్తుందని అందులో పేర్కొన్నారు. ఎలక్ట్రిక్ సీలింగ్ ఫ్యాన్‌లకు ఇప్పటి వరకు ఎలాంటి బిస్‌ ధ్రువీకరణ నియమాలు లేవు. బిస్‌ చట్టం నిబంధనను ఉల్లంఘిస్తే, మొదటి నేరానికి గరిష్టంగా రెండేళ్ల జైలు శిక్ష లేదా కనీసం రూ. 2 లక్షల జరిమానా విధించవచ్చు. మరోసారి ఉల్లంఘనలకు పాల్పడితే కనీస జరిమానా రూ. 5 లక్షలకు పెరుగుతుంది. ఇది ఆయా వస్తువుల విలువ కంటే 10 రెట్లు వరకు ఉండవచ్చు. ఎంఎస్‌ఎంఈలకు సడలింపులు క్వాలిటీ కంట్రోల్ ఆర్డర్ (QCO) అమలుకు సంబంధించి ఎలక్ట్రిక్‌ సీలింగ్‌ ఫ్యాన్లను తయారు చేసే దేశీయ సూక్ష్మ, చిన్న పరిశ్రమలకు డీపీఐఐటీ సడలింపులు ఇచ్చింది. ఎంఎస్‌ఎంఈలకు క్వాలిటీ కంట్రోల్ ఆర్డర్ నోటిఫికేషన్ ప్రచురించిన తేదీ నుంచి 12 నెలల తర్వాత ఇది అమల్లోకి వస్తుంది.

కంచర్ల యాదగిరిరెడ్డి:నాగలి పోయి ట్రాక్టర్‌ వచ్చినప్పుడు.. యంత్రాలు సాగు చేస్తాయా? అన్నవాళ్లున్నారు.ట్రాక్టర్లకు హార్వెస్టర్లు, స్ప్రేయర్లు, ఇప్పుడు డ్రోన్లూ తోడవడంతో బాగున్నాయే అనుకున్నారు. ఆధునిక యంత్ర పరికరాల రాకతో వ్యవసాయం కొంత పుంజుకున్నా.. తర్వాతి తరాలు మాత్రం వ్యవసాయం అంటే అమ్మో అంటున్నారు.ఇలాంటి సమయంలోనే ‘చాట్‌ జీపీటీ’, దాని ఆధారితంగా మరిన్ని కృత్రిమ మేధ సాంకేతికతలు తెరపైకి వచ్చాయి. వ్యవసాయ రంగంపైనా ప్రభావం చూపుతున్నాయి. ఇప్పటికే కొన్ని ఏఐ ఆధారిత పరికరాలు అందుబాటులోకి వచ్చాయి కూడా. మరి మొత్తంగా దీనివల్ల రైతులకు ఏం మేలు జరుగుతుంది? వ్యవసాయానికి ఏం ఒనగూరుతుంది? అంతిమంగా వచ్చేది లాభమా, నష్టమా? అన్న చర్చ సాగుతోంది.   దేశ స్థూల జాతీయోత్పత్తిలో ఇప్పటికీ వ్యవసా­యం వాటా దాదాపు 50 శాతంపైనే. కోట్లమందికి ప్రత్యక్షంగా, పరోక్షంగా ఉపాధి కల్పిస్తున్న రంగం ఇదే. అయితే రుతుపవనాలు, మార్కెట్‌ పరిస్థితులు, నాణ్యమైన విత్తనాలు, ఎరువులు లభించకపోవడం వంటి అనేక కారణాలతో వ్యవసాయం ఇప్పటికీ ఆశల జూదంగానే మిగిలిపోయింది. ప్ర­భు­త్వం రకరకాల పథకాలు, లాభాలు చేకూరుస్తున్నప్పటికీ పరిస్థితిలో మార్పు తక్కువే. ఈ కారణంగానే వ్యవసాయాన్ని లాభసాటిగా మార్చేందుకు డ్రోన్లు, మెషీన్‌ లెర్నింగ్‌ వంటి ఆధునిక టెక్నాలజీల వాడకం మొదలైంది. అయితే గత ఏడాది విడుదలైన ‘చాట్‌ జీపీటీ’ఈ ప్రస్థానాన్ని ఒక అడుగు ముందుకు తీసుకెళ్లిందని చెప్పాలి. మైక్రోసాఫ్ట్‌కు చెందిన అజ్యూర్‌ ఓపెన్‌ ఏఐ సర్విస్‌ ద్వారా చాట్‌ జీపీటీ ఆధారంగా తయారైన‘జుగల్‌బందీ’చాట్‌బోట్‌ వీటిలో ఒకటి. రైతులకు కేంద్ర, రాష్ట్ర ప్రభుత్వాలు అందిస్తున్న వేర్వేరు సంక్షేమ, సహాయ పథకాల వివరాలను అందిస్తుందీ సాఫ్ట్‌వేర్‌. వాట్సాప్‌ ద్వారా కూడా అందుకోగల ఈ చాట్‌ బోట్‌ ఇంగ్లిషులో ఉన్న ప్రభుత్వ సమాచారాన్ని పది భాషల్లోకి అనువదించి మరీ అందిస్తూండటం విశేషం.  చాట్‌ జీపీటీ వంటి కృత్రిమ మేధ సాఫ్ట్‌వేర్లకు వ్యవసాయంతో ఏం పని? అని చాలామంది అనుకోవచ్చు. కానీ, దీని చేరికతో సాగు అన్ని రకాలుగా మెరుగవుతుందన్నది నిపుణుల అంచనా. సమాచారం ఎంత ఎక్కువగా ఉన్నా సెకన్లలో దానిని విశ్లేషించి రైతులకు ఉపయోగపడే కొత్త సమాచారాన్ని అందించగలగడం దీనితో సాధ్యం. నీరు, ఎరువులు, కీటకనాశనుల వంటి వనరులను అవసరమైనంత మాత్రమే వాడేలా చేయడం, పంట దిగుబడులు పెంచడంకోసం తోడ్పడగలదు. ఎప్పటికప్పుడు మారిపోయే వాతావరణాన్ని కూడా దృష్టిలో ఉంచుకుని తగిన సలహా, సూచనలు ఇవ్వగలదు.  ప్రిడిక్టివ్‌ అనాలసిస్‌: వందేళ్ల వాతావరణ సమాచారం, మట్టి కూర్పు, పంటకు ఆశించే చీడపీడలన్నింటినీ పరిగణనలోకి తీసుకుని.. వేసిన పంట ఎంత బాగా పండేది కచి్చతంగా చెప్పగలదు. దీన్నే ప్రిడిక్టివ్‌ అనాలసిస్‌ అంటారు. ఒకవేళ నష్టం జరిగే అవకాశముంటే దాన్ని వీలైనంత తగ్గించుకునే సూచనలూ అందుతాయి.  గరిష్టంగా దిగుబడులు:  నేల, వాతావరణ పరిస్థితులకు తగ్గట్టు ఏ పంట వేస్తే గరిష్ట దిగుబడులు రాబట్టుకోవచ్చో గుర్తించగలదు. పంటల యాజమాన్య పద్ధతులను కూడా నిర్దిష్ట పరిస్థితులు, అవసరాలకు తగ్గట్టుగా సూచించగలదు. వేర్వేరు మార్గాల ద్వారా సమాచారాన్ని సేకరించి విశ్లేషించడం, సొంతంగా పంటల తాలూ­కు సిమ్యులేషన్లు తయారు చేసుకుని అత్యున్నత సాగు పద్ధతులు, పంటలను అంచనా వేయడం సాధ్యమవుతుంది. దీనిద్వారా పంట దిగుబడులు, వ్యవసాయ రంగ ఉత్పాదకత గణనీయంగా పెరిగే అవకాశం ఏర్పడుతుంది.  ప్రిసిషన్‌ అగ్రికల్చర్‌: జనరేటివ్‌ ఏఐ ద్వారా వ్యవసాయంలో వ్యర్థాలను గణనీయంగా తగ్గించగల ప్రిసిషన్‌ వ్యవసాయం సాధ్యమవుతుంది. ఉదాహరణకు పంట పొలం మొత్తం తిరిగే డ్రోన్లు కలుపును గుర్తిస్తే.. అతితక్కువ కలుపునాశనులతో వాటిని తొలగించే ప్లాన్‌ను ఏఐ అందివ్వగలదన్నమాట. అలాగే ఏయే మొక్కలకు నీరు అవసరం? వేటికి ఎండ కావాలన్న సూక్ష్మ వివరాలను కూడా ప్రిసిషన్‌ అగ్రికల్చర్‌ ద్వారా గుర్తించి అందించవచ్చు. ఉపగ్రహ ఛాయాచిత్రాలు, వాతావరణ సమాచారం, మట్టి కూర్పు వంటివన్నీ పరిగణించడం ద్వారా చేసే ప్రిసిషన్‌ అగ్రికల్చర్‌ ద్వారా ఖర్చులు తగ్గుతాయి. దిగుబడులు పెరుగుతాయి.   కొత్త వంగడాల సృష్టి: వాతావరణ మార్పుల నేపథ్యంలో కరువు కాటకాలు, వరదల వంటివి పెరిగాయి. ఈ ప్రతికూల పరిస్థితులను తట్టుకుని మనగలిగిన కొత్త వంగడాల అవసరం పెరిగింది. సంప్రదాయ పద్ధతుల్లో జరిగే పరిశోధనల ద్వారా ఈ వంగడాల సృష్టికి చాలా కాలం పడుతుంది. కానీ జనరేటివ్‌ ఏఐను ఉపయోగిస్తే.. అధిక దిగుబడులిచ్చే, వాతావరణ మార్పులను తట్టుకోగల వంగడాలను వేగంగా సృష్టించడం సాధ్యమని నిపు ణులు చెప్తున్నారు. జన్యు సమాచారాన్ని విశ్లేషించి ఏ రకమైన జన్యువులను తొలగిస్తే, చేరిస్తే లాభదాయకమో ఈ కత్రిమ మేధ సాఫ్ట్‌వేర్లు వేగంగా గుర్తించగలవు. చాట్‌బోట్‌లు.. కాల్‌సెంటర్‌లు  భారత ప్రభుత్వం కూడా వ్యవసాయంలో జనరేటివ్‌ ఏఐ సామర్థ్యాన్ని గుర్తించింది. కేంద్ర ఐటీ, ఎల్రక్టానిక్స్‌ శాఖ వాట్సాప్‌ ఆధారిత చాట్‌బోట్‌ ఒకదాన్ని సృష్టించే ప్రయత్నాల్లో ఉంది. బెంగళూరుకు చెందిన ఒక కంపెనీ సిద్ధం చేసిన ‘కిసాన్‌ ఏఐ (కిసాన్‌ జీపీటీ)’ఇప్పటికే పది భారతీయ భాషల్లో కేంద్ర, రాష్ట్ర ప్రభుత్వాల రైతు సంబంధిత కార్యక్రమాలు, పథకాల వివరాలను అందిస్తోంది. దీంతోపాటే దిగుబడులు, ఆదాయాన్ని పెంచుకునేందుకు అవసరమైన సలహా, సూచనలు ఇస్తోంది. ప్రతినెలా కనీసం 40 వేల మంది రైతులు కిసాన్‌ ఏఐ ద్వారా లబ్ధి పొందుతున్నట్టు దాన్ని అభివృద్ధి చేసిన ప్రతీక్‌ దేశాయ్‌ తెలిపారు.వాధ్వానీ ఏఐ అనే స్వతంత్ర, లాభాపేక్ష లేని సంస్థ కూడా జనరేటివ్‌ ఏఐ సాయంతో రైతులకు వచ్చే సందేహాలను తీర్చేందుకు కిసాన్‌ కాల్‌సెంటర్‌ ఒకదాన్ని ఏర్పాటు చేసే ప్రయత్నాల్లో ఉంది. వ్యవసాయ రంగ నిపుణుల అనుభవాన్ని జనరేటివ్‌ ఏఐతో అను­సంధానించేందుకు తాము ప్రయతి్నస్తున్నట్లు వాధ్వానీ ఏఐ తెలిపింది. డిజిటల్‌ గ్రీన్‌ పేరున్న అంతర్జాతీయ సంస్థ గూయీ ఏఐతో జట్టుకట్టి వాతావరణ మార్పులను తట్టుకునేలా రైతులను తీర్చిదిద్దేందుకు ప్రత్యేక కార్యక్రమాలు నిర్వహిస్తూండగా ఒడిశా వ్యవసాయ శాఖ ‘అమాకృష్‌ ఏఐ’ద్వారా పంటల నిర్వహణలో రైతులకు సమాచారం అందిస్తోంది. ప్రభుత్వ పథకాల వివరాలు, నలభైకు పైగా వాణిజ్య, సహకార బ్యాంకులు రైతులకు అందించే రుణ పథకాల వివరాలను ఈ చాట్‌బోట్‌ ద్వారా అందిస్తోంది.  తెలంగాణలో ‘మిర్చి, పసుపు’ పరికరాలు  మిర్చి, పసుపు పంటల్లో నాణ్యతను తేల్చేందుకు కృత్రిమ మేధ ఆధారిత పరికరాలను ఇప్పటికే వినియోగిస్తున్నారు. ఈ పంటలు ఏవైనా తెగుళ్లకు గురయ్యాయా? వాటిలోని రసాయనాల శాతం, రంగు, తేమ శాతం వంటి వాటిని నిమిషాల్లో తేల్చేస్తున్నారు. ఈ అంశాల ఆధారంగా మిర్చి, పసుపు పంటలకు గ్రేడింగ్‌ ఇస్తున్నారు. రైతులు తమ ఉత్పత్తులను త్వరగా మార్కెటింగ్‌ చేసుకోవడానికి, తగిన ధర పొందడానికి ఇది వీలు కల్పిస్తోంది.  

సాక్షి ప్రతినిధి, కరీంనగర్‌: రసాయన వ్యవసాయంలో హైబ్రిడ్‌ రకాల ప్రభావం పెరిగిపోతున్న ఈ రోజుల్లో దేశ వాళీ రకాల పరిరక్షణకు ఓ యువకుడు నడుం బిగించాడు. ఇంతింతై వటుడింతై అన్న చందంగా.. ఆరంభంలో ఐదు రకాల వరి వంగడాలతో సాగు మొదలుపెట్టి, నేడు 300 పైచిలుకు వరి విత్తనాలను సాగుచేస్తున్నాడు. ఎలాంటి లాభాపేక్షకు పోకుండా.. దేశవాళీ రకాలను దేశమంతా విస్తరింపజేయాలన్న సంకల్పంతో పదిమందికి పంచుతూ గొప్ప మనసు చాటుకుంటున్నాడు.. పెద్దపల్లి జిల్లా కమాన్‌పూర్‌ మండలం వ్యవసాయ విస్తరణ అధికారి యాదగిరి శ్రీనివాస్‌. వ్యవసాయంపై ఉన్న మక్కువకు తోడు సేంద్రియసాగులో పాలేకర్‌ ప్రభావంతో దేశీయవిత్తనాలను కాపాడాలనే లక్ష్యంతో తనకు ఉన్న మూడెకరాల వ్యవసాయభూమిలో సాగుచేస్తున్నాడు. పండించిన వరిధాన్యాన్ని తన అవసరాలకు పోగా, మిగిలిన వాటిని తెలుగు రాష్ట్రాల్లో వరి సాగు చేసే రైతులకు నాణ్యమైన విత్తనాలు అందించడమే లక్ష్యంగా సాగుతున్నాడు. వివిధ రకాల దేశవాళీ వరి వంగడాలను ఇతర ప్రాంతాల నుండి సేకరించి ప్రకృతి వ్యవసాయ(సేంద్రీయవిధానంలో పండిస్తున్నాడు. ఇంద్రధనస్సు రంగులీనే ఈ వంగడాలు బాలింతల్లో పాల వృద్ధికి, పురుషుల్లో వీర్యవృద్ధికి ఉపయోగపడటం విశేషం.  రసాయనాలు లేని సేంద్రియ సాగు చేయాలన్న ఆకాంక్షతో 2009లో పాలేకర్‌  శిక్షణ శిబిరానికి ఏఈవో శ్రీనివాస్‌ హాజరయ్యారు. దీనిలో భాగంగా మొదట్లో పరిమళ సన్నా(తమిళనాడు), పంచరత్న (ఈశాన్యరాష్ట్రాల) కాలబట్టి(బెంగాల్, దుదేశ్వర్, అంబేమహర్‌(మహారాష్ట్ర)లకు చెందిన ఐదు రకాల వరి వంగడాలను తీసుకొచ్చి సాగు మొదలు పెట్టాడు. దేశంలో ఒకప్పుడు ఐదువేలకుపైగా రకాలు సాగులో ఉండేవి. ఇవి మనిషి జీవితంలో బాల్యం నుంచి వృద్ధాప్యం వరకు అన్ని దశల్లోనూ కావాల్సిన పోషకాలను అందించగలవు. చిన్నారుల ఉగ్గు నుండి మొదలుకొని దేవుడి నైవేద్యం వరకు ప్రత్యేక రకాల వరి బియ్యం సాగులో ఉండేవి. ఆ రకాల­ను కాపాడాలన్న సంకల్పంతో ఇలా ఐ­దు నుంచి మొదలుపెట్టిన వరిరకాలు నేడు 300 వరివంగడాలకు చేరుకున్నాయి.  శ్రీనివాస్‌ సాగు చేసే రకాలు..   1) నల్లరంగు వడ్లు: పంచరత్న, కాలాబట్ట, బర్మాబ్లాక్, కరిగేజావలి, ఇల్లపు సాంబా, కరిజిద్దా, రమ్యగళి, నవార, కాకిరెక్కలు, కాలాజీరా, ముడిమురంగి, తలంగూర్, తైవాన్‌బ్లాక్, చిట్టిగ, కాజీసాల.  2) గోధుమ రంగు వడ్లు: మాపిళైసాంబా, కండసాగర్, ఆప్తోకల్, కస్మకుందా, హల్లబట్టా.  3) ఎరుపు రంగు వడ్లు: సేలం సన్న, చిన్న బైసి ల్‌మోర్, రాంశ్రీ, అరుకులోయ, కుంకుమసాలి.  4) పొట్టిగింజ వడ్లు: తులసీబాసో, డడ్డీగ, అంబేమోహర్, పరిమళ సన్న, నికో, బాలాజీ, రాధజీగేల్, బేళనాళా, జీరగసాంబా, టిక్కిమిస్రీ, సమేలీ బోగ్, బాస్‌ బోగ్, ఘని.  5) సువాసన వడ్లు: బాసుమతి(ఢిల్లీ, చంద్రగుప్తా, లోకల్‌), పరిమళ సన్న, సుగంధి, అంబేమొహర్‌.  6) సన్నవడ్లు: దూదేశ్వర్, చింతలూరి సన్న, ఛత్తీస్‌గఢ్, మచ్చ కాంత, డీఆర్‌కే2, రాణి కంద, సొనకడిక, నారాయణ కామిని, కమల్‌ సాంగ్రి, రత్న చోడి.  7) పొడవు వడ్లు: మల్లీపూల్, సన్నజాజులు.  8) దొడ్డు వడ్లు: నికో, బహురూపి, రెడ్‌ జాస్మిన్‌.  సాగు చేసిన వాటిలో కొన్ని రకాల ప్రత్యేకతలు  1) పుంగార్‌: బాలింతలకు అధిక పాల వృద్ధికి దోహదపడుతుంది.  2) మపిలైసాంబా: యుక్త వయస్సు వారికి వీర్య వృద్ధికి తోడ్పడుతుంది.  3) కులాకార్‌:  గర్బిణులకు సుఖ ప్రసవానికి ఉపయోగపడుతుంది.  4) నవారా: మధుమేహ వ్యాధి గ్రస్తులకు వ్యాధి నియంత్రణకు, నివారణకు ఉపయుక్తంగా ఉంటుంది.  5) బ్లాక్‌ రైస్‌:  అన్ని రకాల నల్ల బియ్యం రోగనిరోధక శక్తి పెంపొందిస్తాయి.  

సామాజిక మాధ్యమాల్లో కంటెంట్‌ ఒక్కోసారి విభిన్నరీతిలో వైరల్ అవుతోంది. ఒక్కోసారి చెప్పలేం ఏ కంటెంట్‌ వైరల్ అవుతుందో? ఎందుకు ఆ కంటెంట్‌ను వీక్షకులు ఇష్టపడుతున్నారో? తాజాగా ఓ క్యాలిటీ చెకింగ్ వీడియోకు గొప్పగా ఆదరణ లభించింది. కేవలం పది రోజుల్లోనే 25 మిలియన్ వ్యూస్ వచ్చాయి. ఇంతకూ ఈ వీడియోలో ఉన్న విషయం ఏంటంటే..? క్యాలిటీ చెకింగ్ ఆఫీసర్ పనేంటో తెలుసు కదా? పదార్థం నాణ్యతను తనిఖీ చేస్తుంటారు. వీడియోలో బియ్యం గోదాంలో బియ్యం క్వాలిటీని చెకింగ్ చేస్తుంది ఓ అమ్మాయి. అయితే.. కార్మికులు వరుసగా బియ్యం సంచులను మోసుకుంటూ వెళుతుండగా.. ఆవిడ ఒక్కరే అందరి సంచుల్లోని బియ్యాన్ని చాలా వేగంగా తనిఖీ చేస్తోంది. నాణ్యత సరిగా లేని బియ్యం సంచిని పక్కకు తీసుకురమ్మని ఆదేశిస్తోంది. ఈ వీడియో నెట్టింట వైరల్‌గా మారింది. ఈవిడ స్పీడ్‌కు నెటిజన్లు ఫిదా అవుతున్నారు.  View this post on Instagram A post shared by Tech | Engineering | Gadgets (@techniiverse)     ఇదీ చదవండి: ఒక్క క్షణం గుండె ఆగిపోయినట్లనిపించేది ఇలాంటి సందర్భాల్లోనే కావొచ్చు..!

నాణ్యత లేని మనిషి నాసిరకం మనిషి అవుతాడు. నాసిరకం మనిషి గడ్డిపోచకన్నా హీనం అవుతాడు. నాసిరకం మనిషి విలువలేని మనిషి, అనవసరం అయిన మనిషి అయిపోతాడు ఆపై అనర్థదాయకమైన మనిషిగానూ అయిపోతాడు. విద్య , సమాజం, సాహిత్యం, సంగీతం, కళలు, వృత్తులు, విధి నిర్వహణ... ఇలా అన్నింటా నాసిరకం మనుషులు కాదు నాణ్యమైనవాళ్లే కావాలి. నాణ్యత ఎంత కరువు అయితే అంత కీడు జరుగుతుంది. నాణ్యత ఎంత ఉంటే అంత మంచి జరుగుతుంది. నాణ్యత అన్నది సంస్కారం; మనిషికి ఉండాల్సిన సంస్కారం. నాణ్యత లోపిస్తే మనిషికి సంస్కారం లోపించినట్లే. నాణ్యత గురించి మనిషికి ఆలోచన ఉండాలి. మనిషికి నాణ్యమైన ఆలోచనలు ఉండాలి. నాసిరకం ఆహారం, నీరు తీసుకోవడంవల్ల మన ఆరోగ్యం చెడిపోతుంది అని మనకు తెలిసిందే. నాసిరకం ఆలోచనాసరళివల్ల మన జీవితం చెడిపోతుంది అని అవగతం చేసుకోవాలి. నాణ్యమైన అభిరుచి, ప్రవర్తన, పనితీరు సాటివాళ్లలో మనకు గొప్పస్థాయిని ఇస్తాయి. చదువు నాణ్యమైంది అయితే అది వర్తమానంలోనివారికి, భావితరాలవారికి ప్రయోజనాన్ని చేకూరుస్తుంది. చదవు నాసిరకంది అయితే పెనునష్టం జరుగుతుంది. గత ఆరు దశాబ్దులుగా నాసిరకం వ్యక్తులు ఎం.ఎ., ఎం.ఫిల్‌., పిహెచ్‌.డి. పట్టభద్రులు అవడంవల్ల, నాసిరకం వ్యక్తులు సాహితీవిమర్శకులు, కవులు, అధ్యాపకులు అవడం వల్ల, నాసిరకం రచనలకు పురస్కారాలు వస్తూ ఉండడంవల్ల తెలుగుసాహిత్యం, కవిత్వం పతనం అవుతూ నిరాదరణకూ, ప్రజల ఏవగింపుకు గురి అయిపోవడం క్షేత్రవాస్తవంగా తెలియవస్తోంది; అంతేకాదు వీళ్లవల్ల తెలుగుభాష కూడా వికలం అయిపోతూ ఉంది. ఏది ప్రక్రియ అవుతుందో కూడా తెలియని నాసిరకం వ్యక్తులవల్ల మరేభాషలోనూ లేని ప్రక్రియల పైత్యం తెలుగుకవితలో ముదిరిపోయింది. నాసిరకం వ్యక్తులవల్ల మత, కుల, ప్రాంతీయత, వాదాల ఉన్మాదం తెలుగుసాహిత్యాన్ని, కవిత్వాన్ని, భాషను ధ్వంసం చేస్తోంది. ఒక నాసిరకం వైద్యుడివల్ల రోగులకు సరైన వైద్యం జరగకుండా కీడు జరుగుతుంది. నాసిరకం కట్టడాలు కూలిపోతే ప్రజలకు జరిగే నష్టం భర్తీ చెయ్యలేనిది. నాసిరకం భావజాలాలవల్ల పలువురి బతుకులు బలి అవుతూ ఉండడమే కాదు పలువురు దుష్టులై సంఘానికి హానికరం అయ్యారు, అవుతున్నారు. నాసిరకం మనస్తత్వం వల్లే అసమానతలు, నేరప్రవృత్తి వంటివి సమాజాన్ని నిత్యమూ బాధిస్తున్నాయి. నాసిరకం చదువుల వల్ల, పనితీరువల్ల, ఆలోచనలవల్ల, ప్రవర్తనలవల్ల, మనిషికీ, సమాజానికీ, ప్రపంచానికీ విపత్తులు కలుగుతూ ఉన్నాయి, ఉంటాయి. కొందరి నాసిరకం చింతనవల్ల, దృక్పథంవల్ల, పోకడవల్ల మామూలు మనుషులుగా కూడా పనికిరానివాళ్లు, సంప్రదాయానికి చెందని వాళ్లు దైవాలుగా అయిపోయి అహేతుకంగా, అశాస్త్రీయంగా ఆలయాలు, అర్చనలు, హారతులతో పూజింపబడుతూ ఉన్న దుస్థితి మనలో తాండవిస్తోంది. ఈ పరిణామం నైతికత, సంస్కృతి, ధార్మికతలకు ముప్పు అవుతోంది. ఇలాంటివి కాలక్రమంలో ప్రజల్లో చిచ్చుపెడతాయి. నాసి వాసికెక్కకూడదు; నాణ్యత మాన్యత చెరిగిపోదు. నాణ్యత ప్రతిమనిషికీ ఎంతో అవసరం. మనిషి నాణ్యతకు అలవాటుపడాలి. నాణ్యత తప్పకుండా కావాల్సింది, ప్రయోజనకరమైంది ఆపై ప్రగతికరమైంది. నాణ్యతను వద్దనుకోకూడదు, వదులుకోకూడదు. నాణ్యతను మనం అనుగమించాలి, అనుసంధానం చేసుకోవాలి. నాణ్యతతో మనం క్షేమంగానూ, శ్రేష్ఠంగానూ బతకాలి. నాణ్యమైన వృత్తికారులవల్ల వృత్తి పరిఢవిల్లుతుంది. నాణ్యమైన కళాకారులవల్ల కళ పరిఢవిల్లుతుంది. నాణ్యమైన క్రీడాకారులవల్ల క్రీడ పరిఢవిల్లుతుంది. నాణ్యమైన మనుషులవల్ల సంఘం పరిఢవిల్లుతుంది. నాణ్యతవల్ల నాణ్యత నెలకొంటుంది; నాణ్యతవల్ల భవ్యత వ్యాపిస్తుంది. మనుషులమై పుట్టిన మనం మళ్లీ మనుషులమై పుడతామో లేదో? కనుక ఈ జన్మలో నాణ్యతనే కోరుకుందాం; నాణ్యతనే అందుకుందాం. – రోచిష్మాన్‌

సాక్షి, అమరావతి: రాష్ట్ర ప్రజలకు నాణ్యమైన మందు­లను అందుబాటులో ఉంచడమే లక్ష్యంగా సీఎం వైఎస్‌ జగన్‌మోహన్‌రెడ్డి ప్రవేశపెట్టిన నూతన విధానం సత్ఫలితాలనిస్తోంది. ఈ నూతన విధానంలో రాష్ట్ర ప్రభుత్వం ప్రత్యేక యాప్‌ను కూడా రూ­పొం­దించింది. దాని ఆధారంగా ఔషధ నియంత్రణ మండలి హోల్‌సేల్, రిటెయిల్‌ మందుల దుకాణా­లు, మందుల తయారీ కంపెనీలలో ఎప్పటికప్పు­డు తనిఖీలు చేయడం, శాంపిళ్లను సేకరించి ల్యాబ్‌లలో విశ్లేషించడం పకడ్బందీగా జరుగుతోంది. నాణ్యత తక్కువ ఉండే నాట్‌ ఆఫ్‌ స్టాండర్డ్‌ క్వాలిటీ (ఎన్‌ఎస్‌క్యూ) మందులను తయారు చేస్తున్న సంస్థలు, విక్రయిస్తున్న మందుల దుకాణాలపై చర్యలు తీసుకుంటోంది. దీని ఫలితంగా ఎన్‌ఎస్‌క్యూ మందులు రాష్ట్రంలో తగ్గిపోతున్నాయి. నాణ్యమైన మందులు ప్రజలకు లభిస్తున్నాయి. ఎన్‌ఎస్‌క్యూ మందులలో జాతీయ స్థాయికంటే రాష్ట్రస్థాయి సగటు తక్కువగా ఉంది. దేశవ్యాప్తంగా సగటున 4 శాతం ఎన్‌ఎస్‌క్యూ మందులు బయటపడుతుండగా, రాష్ట్రంలో ఈ ఏడాది ఏప్రిల్‌ నుంచి నవంబరు నెలాఖరు వరకు విశ్లేషించిన నమూనాల్లో 2.5 శాతం లోపు మాత్రమే ఎన్‌ఎస్‌క్యూ నమోదు ఉంది.  తనిఖీ ఎక్కడ చేయాలో యాప్‌ చెబుతుంది  ఔషధ నియంత్రణ మండలి డ్రగ్‌ ఇన్‌స్పెక్టర్లు గతంలో వారి అభీష్టం మేరకు మందుల షాపులు, తయారీ యూనిట్లను ఎంపిక చేసుకొని తనిఖీలు చేసేవారు.  ఈ విధానానికి చెక్‌ పెడుతూ ఎన్‌ఫోర్స్‌మెంట్‌లో నూతన విధానాన్ని ప్రభుత్వం అందుబాటులోకి తెచ్చింది. తనిఖీలు, శాంపిళ్ల సేకరణలో అధికారుల జోక్యాన్ని తగ్గించి ర్యాండమ్‌గా చేయడంపై దృష్టి సారించింది. ఇందులో భాగంగా కంప్యూటర్‌ ఎయిడెడ్‌ సెలక్షన్‌ ఆఫ్‌ ఇన్‌స్పెక్షన్‌ యాప్‌ను రూపొందించింది. డ్రగ్‌ ఇన్‌స్పెక్టర్లు వారి పరిధిలోని ఏ షాప్‌లో తనిఖీ చేయాలో ఆర్టిఫిషియల్‌ ఇంటెలిజెన్స్‌ విధానంలో అలర్ట్‌ వెళుతుంది. వెంటనే వారు యాప్‌ సూచించిన షాపు, తయారీ యూనిట్‌లో తనిఖీలు చేసి, ఆ నివేదికలను యాప్‌లో అప్‌లోడ్‌ చేయాల్సి ఉంటుంది. శాంపిల్స్‌ సేకరణలో 10కి పైగా ప్రమాణాలతో స్టాండర్డ్‌ ఆపరేటింగ్‌ ప్రొసీజర్‌ (ఎస్‌వోపీ)ని రూపొందించారు. ఈ ఎస్‌వోపీకి అనుగుణంగా డ్రగ్‌ ఇన్‌స్పెక్టర్లు శాంపిళ్లు సేకరించి ల్యాబ్‌కు పంపాలి. దీనిద్వారా తనిఖీలు, శాంపిళ్ల విశ్లేషణ పకడ్బందీగా జరిగి, నాణ్యత తక్కువుండే మందుల తయారీ తగ్గుతోంది. తద్వారా ప్రజలకు మేలు జరుగుతోంది. 3370 నమూనాలు విశ్లేషణ  రాష్ట్రంలో 353 మందుల తయారీ యూనిట్లు, 213 బ్లడ్‌ బ్యాంక్‌లు, 132 బ్లడ్‌ స్టోరేజ్‌ సెంటర్లు, 44,973 హోల్‌సేల్, రీటెయిల్‌ మందుల షాపులు ఉన్నాయి. ఈ ఏడాది ఏప్రిల్‌ నుంచి నవంబర్‌ నెలాఖరు మధ్య ఔషధ నియంత్రణ విభాగం మందుల షాపుల్లో 17,051 తనిఖీలు చేసింది. బ్లడ్‌ బ్యాంకులలో 289, మందుల తయారీ యూనిట్లలో 505 తనిఖీలు నిర్వహించింది. ఈ తనిఖీలు 3,370 నమూనాలను సేకరించి విశ్లేషించగా 2.49 శాతం అంటే 84 నమూనాలు ఎన్‌ఎస్‌క్యూగా తేలింది. ఈ ఘటనల్లో కేసులు నమోదు చేసి విచారణ చేపట్టారు. చదవండి: ఎన్నికల ఏడాది 2023.. త్రిపుర నుంచి తెలంగాణ దాకా... వీలైనన్ని ఎక్కువ శాంపిళ్లు సేకరణ  వీలైనన్ని ఎక్కువ శాంపిళ్లు సేకరించి, వాటిని విశ్లేషిం­చడం ద్వారా ప్రజలకు నాణ్యమైన మందులను అందుబాటులో ఉంచడంపై దృష్టి సారించాం. సాంకేతిక పరిజ్ఞానాన్ని వినియోగించుకుని పక్కాగా ఎన్‌ఫోర్స్‌మెంట్‌ కార్యకలాపాలు నిర్వహిస్తున్నాం. దీంతో సత్ఫలితాలు వస్తున్నాయి. శాంపిళ్ల విశ్లేషణలో ఎన్‌ఎస్‌క్యూగా తేలినప్పుడు కేసులు నమోదు చేసి బాధ్యులకు శిక్షలు పడేలా చర్యలు తీసుకుంటున్నాం. ఈ ఏడాది 77 కేసులు నమోదు చేయగా, వాటిలో 36 కేసుల్లో ముద్దాయిలకు కోర్టు శిక్ష విధించింది. మిగిలిన కేసుల్లో పై కోర్టులను ఆశ్రయించి బాధ్యులకు శిక్ష పడేలా చర్యలు తీసుకుంటున్నాం.   – రవిశంకర్‌ నారాయణ్, డైరెక్టర్‌ జనరల్

టర్కీకి చెందిన ప్రముఖ చెఫ్ నుస్రెత్ గోక్సె.. 'సాల్ట్ బే'గా చాలామందికి సుపరిచితమే. రెస్టారెంట్లో ఆహార పదార్థాలపై మోచేతి పైనుంచి ఉప్పుచల్లే ఈయన తీరుతో బాగా పాపులర్ అయ్యారు. ఇప్పుడు పలు దేశాల్లో రెస్టారెంట్లు కూడా నిర్వహిస్తున్నారు. వీటిలో ధర కాస్త ఎక్కువే. గతేడాది లండన్‌లో ఈయన రెస్టారెంట్‌లోని ధరలు చూసి అందరూ అవాక్కయ్యారు. మరీ ఇంత ఎక్కువా అని వాపోయారు. ఇప్పుడు అబుధాబిలోని సాల్ట్‌ బేకు చెందిన నుస్రే-ఈటీ రెస్టారెంట్‌లో ఓ బిల్లు చూసి నెటిజన్లు కంగుతిన్నారు. ఈ బిల్లు మొత్తం 6,15,065 దిర్హాంలు. అంటే మన కరెన్సీలో చెప్పాలంటే.. అక్షరాలా రూ. కోటి 30 లక్షలు. మొత్తం 10 మంది కలిసి అబుధాబిలోని సాల్ట్‌ బే రెస్టారెంట్‌కు వెళ్లారు. ఎక్కువగా ఆల్కహాలే ఆర్డర్ చేశారు. అందులో చాలా ఫేమస్ అయిన పిట్రస్‌  వైన్ కూడా ఉంది. 2009 నాటి ఈ వైన్‌కే దాదాపు రూ.కోటి రూపాయల బిల్లు అయింది. ఇతర ఫుడ్, వ్యాట్‌తో కలిపి మొత్తం రూ.1.3 కోట్ల బిల్లు అయింది. ఈ బిల్లు రషీదును స్వయంగా తన ఇన్‌స్టాగ్రాం ఖాతాలో షేర్ చేశాడు సాల్ట్ బే. 'నాణ్యత ఎప్పుడూ ఖరీదైనది కాదు'ని రాసుకొచ్చాడు. దీంతో నెటిజన్లకు చిర్రెత్తుకొచ్చింది. మరీ ఆ రేంజ్‍లో ధరలు ఏంటని సాల్ట్‌బేను కొందరు ఏకిపారేశారు. కొంతమందైతే అతడ్ని అన్‌ఫాలో కూడా చేశారు. ఎందుకంత ధర..? అయితే ఈ బిల్లులో ఫ్రెంచ్ ఫ్రైస్ ధర 45 డాలర్లు(రూ.3,600)గా ఉంది. దీంతో ఓ నెటిజన్‌.. బంగాళాదుంపలు ఏమైనా చంద్రుడిపై కాస్తున్నాయా? ఎందుకంత ధర అని ఆగ్రహం వ్యక్తం చేశాడు. హైన్‌కీన్ బీరు ధర కూడా 55 డాలర్లుగా ఉంది. ఇది ఒక్క బీరు ధరా? లేక 12 బీర్ల ప్యాక్‌కా? అని ఓ యూజర్ సెటైర్లు వేశాడు. మరో నెటిజన్ అయితే.. సాల్ట్ ‍బేపై తీవ్ర ఆగ్రహం వ్యక్తం చేశాడు. నవ్వు పేద కుటుంబంలో పుట్టి ఎంతో కష్టపడి స్వతహాగా ఈ స్థాయికి చేరుకున్నావు. నిన్ను చాలా మంది ఆదర్శంగా తీసుకుంటారు. కానీ నీ రెస్టారెంట్‌లో ధరలు ఇంత ఎక్కువగా ఎందుకున్నాయి. కేవలం సంపన్నుల కోసమేనా. నువ్వు చెఫ్ కాదు చీప్ అంటూ ఫైర్ అయ్యాడు. మరోవైపు సాల్ట్ బే మాత్రం ఈ బిల్లుపై వస్తున్న విమర్శలు అసలు పట్టించుకోలేదు. తన స్టయిల్‌లోనే ముందుకు సాగుతున్నాడు. ఓ స్టీక్‌కు(కాల్చిన మాంసం ముద్ద) గోల్డ్ కోట్ చేసి ఉన్న ఫోటో షేర్ చేశాడు. ఫెడరల్ బ్యాంక్‌ 24 క్యారట్ల బంగారంతో ఈ స్టీక్‌కు కోటింగ్ చేసినట్లు చెప్పుకొచ్చాడు. దీంతో నెటిజన్లు మరోసారి షాక్ అయ్యారు. చదవండి: కిక్కిరిసిన అభిమానులు.. భయానక పరిస్థితి.. కొంచెం అటు ఇటు అయినా..

సాక్షి, హైదరాబాద్‌: పాఠశాల విద్య నాణ్యత సూచీలో తెలంగాణ వెనుకబడింది. రాష్ట్రంలోని బడుల్లో మౌలిక సదుపాయాల లేమి, ఉపాధ్యాయుల కొరతతో విద్యా ప్రమాణాలు తగ్గిపోయాయని కేంద్రం వెలువరించిన ‘పర్ఫార్మెన్స్‌ ఇండెక్స్‌ గ్రేడ్‌ (పీఐజీ)’ నివేదిక తేల్చింది. దేశంలో రాష్ట్రాలు, కేంద్రపాలిత ప్రాంతాలను కలిపి చూస్తే.. పాఠశాల విద్య నాణ్యతలో తెలంగాణ 31వ స్థానంలో ఉన్నట్టు పేర్కొంది. గత ఏడాదికన్నా ఐదు పాయింట్లు తగ్గిపోయి దిగువ నుంచి ఏడో స్థానంలో నిలిచినట్టు తెలిపింది. వేలకొద్దీ స్కూళ్లలో ఉపాధ్యాయ ఖాళీలు ఉన్నాయని, బోధనతోపాటు పర్యవేక్షణ కూడా సరిగా లేదని పేర్కొంది.  మనకన్నా వెనుక ఈశాన్య రాష్ట్రాలే..  పాఠశాలల్లో అభ్యసన ఫలితాలు, మౌలిక వసతులు, ప్రభుత్వ పాలన (గవర్నెన్స్‌), విద్యార్థుల నమోదు వంటి అంశాల ఆధారంగా ఏటా ‘పీఐజీ’ సూచీని కేంద్ర ప్రభుత్వం ప్రకటిస్తుంది. ఆయా అంశాల ఆధారంగా 2020–21 సంవత్సరానికి సంబంధించి తెలంగాణకు 754 పాయింట్లు వచ్చాయి. అంతకుముందు 2019–20 పీజీఐలో రాష్ట్రం 759 పాయింట్లు పొందడం గమనార్హం. ఈసారి తెలంగాణకన్నా దిగువన సిక్కిం (751 పాయింట్లు), మణిపూర్‌ (741), నాగాలాండ్‌ (728), ఉత్తరాఖండ్‌ (719), మేఘాలయ (716), అరుణాచల్‌ప్రదేశ్‌ (669) మాత్రమే నిలిచాయి. కేరళ, మహారాష్ట్రలు 928 పాయింట్లతో అన్నింటికన్నా ముందంజలో ఉన్నాయి.  బోధన, పర్యవేక్షణ రెండూ కొరతే!  రాష్ట్రంలో పీఐజీ తగ్గడానికి మౌలిక వసతుల లేమి, ఉపాధ్యాయుల కొరత ప్రధాన కారణంగా కనిపిస్తోంది. రాష్ట్రవ్యాప్తంగా ప్రభుత్వ, ప్రైవేటు విద్యాసంస్థల్లో (గురుకుల, రెసిడెన్షియల్‌ కాలేజీలు కలిపి) 69,15,241 మంది చదువుతున్నారు. ప్రభుత్వ   రంగ విద్యాసంస్థల్లో 33,03,699, ఎయిడెడ్‌ 90,601, ప్రైవేటు సంస్థల్లో 35,14,380 మంది విద్యార్థులున్నారు. రాష్ట్రంలో ఇప్పటికీ 18 వేల ఉపాధ్యాయ పోస్టులు ఖాళీగా ఉన్నాయి. ప్రతి స్కూల్‌లో సబ్జెక్టు టీచర్ల కొరత ఉందని ఉపాధ్యాయ వర్గాలు చెప్తున్నాయి. రాష్ట్రంలో విద్యార్థులు, ఉపాధ్యాయుల నిష్పత్తి 22గా ఉన్నప్పటికీ.. ఉన్నత పాఠశాలల్లో సబ్జెక్టు టీచర్ల కొరత, ప్రాథమిక పాఠశాలల్లో ఒకరిద్దరు టీచర్లతోనే నడిపించే పరిస్థితి ఉంది. 8,630 మంది భాషా పండితులు, పీఈటీ పోస్టులు స్కూల్‌ అసిస్టెంట్‌ స్థాయికి అప్‌గ్రేడ్‌ కాలేదు. ప్రాథమిక పాఠశాలల్లో ప్రస్తుతం 4,207 పీఎస్‌ హెచ్‌ఎం పోస్టులుండగా.. 2,386 మంది మాత్రమే పనిచేస్తున్నారు. మిగతావి 1,821 ఖాళీలున్నాయి. కొత్తగా 5,793 పోస్టులను మంజూరు చేయాల్సి ఉంది.  ఇక పాఠశాల విద్యను పర్యవేక్షించాల్సిన డీఈవోలు, ఎంఈవోలు పూర్తిస్థాయిలో లేరు. ఇప్పటికీ 12 జిల్లాలకే డీఈవోలు ఉన్నారు. 21 జిల్లాలకు డీఈవో పోస్టులను మంజూరు చేసినా భర్తీ చేయలేదు. 602 మండలాలను ఎడ్యుకేషన్‌ బ్లాకులుగా చేశారు. అందులో కేవలం 20 మంది మాత్రమే రెగ్యులర్‌ ఎంఈవోలు ఉన్నారు. దీంతో హైస్కూళ్ల ప్రధానోపాధ్యాయులకే అదనపు బాధ్యతలు ఇచ్చారు. అంతేకాదు ఒక్కో హెచ్‌ఎంకు ఆరేడు మండలాలు అప్పగించారు. దీనివల్ల పాఠశాలల్లో విద్యా బోధన, పర్యవేక్షణకు ఇబ్బంది కలుగుతోంది.  మౌలిక వసతుల కరువుతో..  పర్ఫార్మెన్స్‌ ఇండెక్స్‌లో మౌలిక వసతులకు ప్రాధాన్యమిస్తారు. తెలంగాణ వ్యాప్తంగా ఉన్న పాఠశాలల్లో మౌలిక వసతుల మెరుగుకు రాష్ట్ర ప్రభుత్వం ఇటీవల ‘మన ఊరు–మనబడి’ కార్యక్రమాన్ని ప్రారంభించింది. ఇది ఇంకా వేగం పుంజుకోలేదని.. రాష్ట్రంలోని ప్రతి స్కూల్‌లో సమస్యలు కనిపిస్తున్నాయని ఉపాధ్యాయ వర్గాలు చెప్తున్నాయి. కేంద్ర నివేదిక ప్రకారం.. రాష్ట్రంలోని 38వేల బడుల్లో శౌచాలయాలు ఉన్నా, వాటిలో 10వేల వరకు పనికిరాని స్థితిలో ఉన్నాయి. బాలికలు ఎక్కువగా ఉండే 5,700 స్కూళ్లలోనూ శౌచాలయాల పరిస్థితి దారుణంగా ఉంది. ఇది బాలికల గైర్హాజరు పెరగడానికి కారణం అవుతోంది. రాష్ట్రంలో దాదాపు 20వేల స్కూళ్లలో విద్యార్థులకు లైబ్రరీ అనేదే తెలియదు. లైబ్రరీ ఉన్నా అందులో పుస్తకాలు శూన్యం. 15వేల బడుల్లో ఆటస్థలాలు లేవు. దీనివల్ల విద్యార్థుల్లో మానసికోల్లాసం నష్టమవుతోంది. రాష్ట్రవ్యాప్తంగా 40,437 స్కూళ్లకు విద్యుత్‌ సౌకర్యమున్నా.. 38,920 స్కూల్స్‌లోనే సరిగా సరఫరా జరుగుతోంది. డిజిటల్‌ విద్య వైపు దేశం అడుగులేస్తున్నా.. మన రాష్ట్రంలో ఇప్పటికీ ఇంటర్నెట్‌ సేవలు అందుబాటులో లేని స్కూళ్లు 20వేలకుపైగా ఉన్నాయి. ఇవన్నీ విద్య ప్రమాణాలపై ప్రభావం చూపుతున్నాయని పీఐజీ నివేదిక పేర్కొంది.  కేంద్రం తీసుకున్న డేటా పాతది  పీజీఐ నివేదికను పరిశీలించాం. వాళ్లు తీసుకున్న డేటా పాతది. అప్పటికీ, ఇప్పటికీ చాలా మార్పులొచ్చాయి. మౌలిక వసతుల మెరుగుకు మన ఊరు–మన బడి ప్రారంభించాం. ఇప్పటికే చాలా స్కూళ్లలో మౌలిక వసతుల కల్పనను ప్రత్యేకంగా పరిశీలిస్తున్నాం. భవిష్యత్‌ను దృష్టిలో ఉంచుకుని పాఠశాల విద్యలో అనేక మార్పులు చేస్తున్నాం. బోధనా ప్రమాణాలు మెరుగు పరుస్తున్నాం. వచ్చే ఏడాది మనం మంచి ర్యాంకు సాధిస్తాం.  – వాకాటి కరుణ, విద్యాశాఖ కార్యదర్శి  వచ్చే ఏడాది గ్రేడ్‌–1లో ఉంటాం  ఈ నివేదిక మొత్తం కోవిడ్‌ కాలంలో జరిగిన పరిశీలనే. పర్ఫార్మెన్స్‌ ఇండెక్స్‌లో పాయింట్స్‌ తగ్గినా మనం గ్రేడ్‌–2లోనే ఉన్నాం. కోవిడ్‌ సమయంలో స్కూల్స్‌ తెరవలేదు. అందుకే బయోమెట్రిక్‌ హాజరు వాడలేదు. దాన్ని కొలమానంగా తీసుకోలేం. అదీగాక కోవిడ్‌ వల్ల రాష్ట్రంలో విద్యా వలంటీర్లను కూడా నియమించలేదు. ఉపాధ్యాయ ఖాళీల భర్తీ దిశగా వేగంగా అడుగులు పడుతున్నాయి. కాబట్టి వచ్చే ఏడాది పీఐజీలో మనం గ్రేడ్‌–1లో ఉండటం ఖాయం.  – దేవసేన, పాఠశాల విద్య డైరెక్టర్‌  టీచర్ల కొరత తీర్చితే నాణ్యత పెరుగుతుంది  రాష్ట్రంలో టీచర్ల బదిలీలు, పదోన్నతులు కల్పించకపోతే ఉపాధ్యాయ కొరత ఎలా తీరుస్తారు? ప్రతి స్కూల్‌లో సబ్జెక్టు టీచర్ల కొరత ఉంది. ముందు దీన్ని పరిష్కరించాలి. అప్పుడు ఏర్పడే ఖాళీలను భర్తీ చేస్తే పాఠశాల విద్యలో నాణ్యత మెరుగుపడుతుంది.  – చావా రవి, యూటీఎఫ్‌ రాష్ట్ర ప్రధాన కార్యదర్శి  పారదర్శకత పెంచాలి  ప్రైవేటు స్కూళ్లకు అనుమతి ఇచ్చే క్రమంలో ఆన్‌లైన్‌ విధానం ఉండాలి. ఈ తరహా పారదర్శకత అవసరం. డిజిటలైజేషన్‌ చేపట్టాలి. సకాలంలో నిధులు ఇవ్వాలి. అప్పుడే విద్యాశాఖలో నాణ్యత పెరుగుతుంది.  – పి.రాజాభానుచంద్ర ప్రకాశ్, హెచ్‌ఎంల సంఘం రాష్ట్ర అధ్యక్షుడు   

పోలవరం రూరల్‌ : పోలవరం ప్రాజెక్టు నిర్మాణానికి వినియోగించే రాళ్ల నాణ్యత ప్రమాణాలను కేంద్ర జలసంఘంలోని సెంట్రల్‌ సాయిల్‌ అండ్‌ మెటీరియల్‌ రీసెర్చ్‌ సెంటర్‌ (సీఎస్‌ఎం ఆర్‌ఎస్‌) బృందం సభ్యులు పరిశీలించారు. సీఎస్‌ఎంఆర్‌ఎస్‌ సభ్యులు సందీప్‌ దనో త్, ఉదయ్‌ శుక్రవారం పోలవరం ప్రాజెక్టు ప్రాంతానికి చేరుకుని పనులను క్షుణ్ణంగా పరిశీలించారు.  గైడ్‌ బండ్‌(రాతి గోడ) నిర్మాణానికి ఉపయోగించే రాళ్లను పరీక్షించారు. ఒక కిలోమీటరు పరిధిలో 53 మీటర్ల ఎత్తున రాతి గోడ నిర్మించాల్సి ఉంది. ఇప్పటి వరకు 42 మీటర్ల ఎత్తు వరకు నిర్మాణం పూర్తయింది. ఈ పనులు ఏ విధంగా జరుగుతున్నాయనే విషయాన్ని కూడా వీరు ఆరా తీశారు. ప్రాజెక్టు ప్రాంతంలో ఉన్న ల్యాబ్‌లో కొన్ని పరీక్షలు నిర్వహించారు. శనివారం కాఫర్‌ డ్యామ్‌ నిర్మాణ పనులను కూడా పరిశీలించనున్నారు. వీరి వెంట డీఈ శ్రీనివాసరావు, క్వాలిటీ కంట్రోల్, వ్యాబ్‌కోస్‌ అధికారులు ఉన్నారు. (క్లిక్‌: ‘బల్క్‌’ కుట్ర బహిర్గతం.. టీడీపీ పన్నాగం బట్టబయలు)

సాక్షి, అమరావతి:  మనబడి నాడు–నేడు పనుల్లో నాణ్యతకు రాష్ట్ర ప్రభుత్వం అత్యంత ప్రాధాన్యత ఇస్తోంది. ఈ కార్యక్రమం కింద ప్రభుత్వ స్కూళ్లలో చేపడుతున్న మౌలిక వసతులు, అదనపు తరగతి గదుల నిర్మాణాలు కనీసం 80ఏళ్ల పాటు చెక్కుచెదరకుండా ఉండేలా నాణ్యతకు పెద్దపీట వేస్తోంది. అంతేకాక.. వాటి నిర్వహణకు కూడా ప్రభుత్వం ప్రాధాన్యతనిస్తోంది. ఇందులో భాగంగా.. ఇప్పటికే స్కూళ్లు, టాయిలెట్ల నిర్వహణకు నిధులను అందుబాటులో ఉంచింది. అలాగే, పాఠశాలల నిర్వహణ కోసం ప్రత్యేకంగా ఓ ఐఏఎస్‌ అధికారిని సైతం ఇటీవలే నియమించింది. క్షేత్రస్థాయిలో పనుల నాణ్యత తనిఖీ ఇక గతంలో ఏ రాష్ట్ర ప్రభుత్వం కూడా చేపట్టని విధంగా ప్రభుత్వ పాఠశాలల్లో మౌలిక వసతుల కల్పనకు వైఎస్సార్‌సీపీ ప్రభుత్వం ఏకంగా రూ.16,450 కోట్ల అంచనాలతో పనులను  చేపడుతోంది. ఇప్పటికే మనబడి నాడు–నేడు తొలిదశలో 15,715 స్కూళ్లలో మౌలిక సదుపాయాలను కల్పించడంతో పాటు వాటి రూపురేఖలను విజయవంతంగా మార్చింది. ఇప్పుడు రెండో దశలో ఏకంగా రూ.8వేల కోట్ల వ్యయంతో 22,344 స్కూళ్లలో మౌలిక సదుపాయాలు, అదనపు గదుల నిర్మాణాలను చేపట్టింది. వీటిని అత్యంత నాణ్యతతో చేపట్టాలని, ఎట్టి పరిస్థితుల్లోనూ రాజీపడొద్దని రాష్ట్ర ప్రభుత్వం స్పష్టమైన ఆదేశాలు జారీచేసింది. నాడు–నేడు కింద సమకూరుతున్న విద్యా సంస్థల ఆస్తులు కనీసం 80 ఏళ్ల పాటు మన్నికతో ఉండాలనేది ప్రభుత్వ లక్ష్యంగా ఉంది. ఇందులో భాగంగా ప్రతీ దశ పనుల్లోనూ క్షేత్రస్థాయిలో నాణ్యతను తనిఖీ చేయాలంటూ ప్రభుత్వం ఆదేశాలు జారీచేసింది. ఇందుకోసం.. పనులు అమలుచేస్తున్న ఏజెన్సీలు, తనిఖీలు చేసే ఇంజనీర్లకు స్పష్టమైన మార్గదర్శకాలను కూడా జారీచేసింది.  మార్గదర్శకాలు ఇవే.. ⇒ఇంజనీరింగ్‌ అసిస్టెంట్, ఎమినిటీస్‌ కార్యదర్శి తమ పరిధిలోని నూటికి నూరు శాతం స్కూళ్లలో నాడు–నేడు పనులను రోజు విడిచి రోజు తనిఖీ చేయాలి. ⇒మండల ఇంజనీర్‌ అన్ని స్కూళ్ల పనులను కనీసం 15 రోజులకోసారి సందర్శించి పనులను పరిశీలించాలి.  ⇒డిప్యూటీ ఈఈ నెలలో కనీసం 30 స్కూళ్లను సందర్శించాలి. ⇒ఎగ్జిక్యూటివ్‌ ఇంజనీర్‌ నెలలో 10 స్కూళ్లలో నాడు–నేడు పనుల నాణ్యతను తనిఖీచేయాలి.  ⇒ఇక క్వాలిటీ కంట్రోల్‌ బృందాలు నెలలో 20 స్కూళ్లకు వెళ్లాలి.  ⇒ఎస్‌ఈ, సీఈ నెలలో కనీసం ఐదు స్కూళ్లను పరిశీలించాలి.  ⇒ప్రాజెక్టు మానిటరింగ్‌ యూనిట్‌ రెండు శాతం పనులను, థర్డ్‌ పార్టీ రెండు శాతం పనులను తనిఖీలు చేయాలి. ⇒తనిఖీలు చేసే ఇంజనీర్లందరికీ మొబైల్‌ అప్లికేషన్‌ను అందుబాటులో ఉంచుతారు.  ⇒తనిఖీల నివేదికలను ఈ అప్లికేషన్‌ ద్వారా సంబంధిత శాఖలకు పంపాలి. ⇒తనిఖీల సమయంలో తమ దృష్టికి వచ్చిన అంశాలను సంబంధిత క్షేత్రస్థాయి అధికారులకు, ఏజెన్సీలకు తెలియజేయాలి. చదవండి: మునుపెన్నడూ  ఇటు చూడని  పారిశ్రామిక  దిగ్గజాలు.. ఇప్పుడు ఏపీకీ వస్తున్నారు

బెంగళూరు: పారిశ్రామికవేత్తలు, తయారీదార్లకు కేంద్రం విధానపరంగా పూర్తి అనుకూల వాతావరణం కల్పిస్తోందని ప్రధాని నరేంద్ర మోదీ ఉద్ఘాటించారు. దేశాన్ని ప్రపంచ సెమికండక్టర్ల హబ్‌గా మార్చాలని పరిశ్రమ వర్గాలకు పిలుపునిచ్చారు. అత్యున్నత సాంకేతికత, నాణ్యత, విశ్వసనీయతకు పెద్దపీట వేయాలన్నారు. శుక్రవారం బెంగళూరులో ‘సెమికాన్‌ ఇండియా–2020’ సదస్సు ప్రారంభోత్సవంలో ప్రధాని మాట్లాడారు. నూతన సాంకేతికతను అందిపుచ్చుకోవడంలో, సవాళ్లను స్వీకరించే విషయంలో భారత్‌ ముందంజలో ఉంటుందన్నారు. 2026 నాటికి దేశీయంగా 80 బిలియన్‌ డాలర్ల విలువైన, 2030 నాటికి 110 బిలియన్‌ డాలర్ల విలువైన సెమికండక్లర్ల అవసరమన్నారు. మరిన్ని ప్రోత్సాహకాలు గత ప్రభుత్వాలు సెమికండక్టర్ల డిజైనింగ్‌ పరిశ్రమను ప్రోత్సాహించలేదని మోదీ ఆక్షేపించారు. ‘‘ఈ పరిశ్రలో దేశంలో ప్రతిభకు కొదవ లేదు. ప్రపంచంలో సెమికండక్టర్ల డిజైన్‌ ఇంజనీర్లలో 20 శాతం మన దగ్గరే ఉన్నారు. భారత్‌ను సెమికండక్టర్‌ హబ్‌గా మార్చడానికి ఆచరణ యోగ్యమైన సలహాలు, సూచనలివ్వండి. 130 కోట్ల మంది భారతీయులను అనుసంధానించడానికి డిజిటల్‌ మౌలిక సదుపాయాలను ప్రభుత్వం ఏర్పాటు చేస్తోంది. 6 లక్షల గ్రామాలను బ్రాడ్‌బ్యాండ్‌తో కలుపుతున్నాం’’ అని తెలిపారు. 5జీ టెక్నాలజీ త్వరలో అందుబాటులోకి రాబోతోందని కేంద్ర ఎలక్ట్రానిక్స్, కమ్యూనికేషన్ల మంత్రి       అశ్వినీ వైష్ణవ్‌ చెప్పారు. సిక్కులపై ప్రధాని ప్రశంసలు న్యూఢిల్లీ: విదేశాలతో బంధాల బలోపేతానికి సిక్కు వర్గీయులు అనుసంధానంగా ఉన్నారంటూ మోదీ కొనియాడారు.  ఇందుకు యావత్‌ దేశం గర్వపడుతోందన్నారు. సిక్కు ప్రతినిధి బృందానికి శుక్రవారం తన నివాసంలో ఆతిథ్యమిచ్చారు.  ఈ సందర్భంగా ఎర్ర తలపాగా చుట్టుకొని ఆకర్షించారు.

ఆహార తనిఖీ ప్రత్యేక బృందం తమ తనిఖీలింతేనని మరోసారి చాటుకుంది. మంగళవారం జిల్లా కేంద్రంలో ప్రత్యేక బృందం మొక్కుబడి తనిఖీలు నిర్వహించి చేతులు దులుపుకుంది. ఇప్పటికే జిల్లాలో సదరు విభాగం ఖాళీలతో కునారిల్లుతుండగా.. ప్రత్యేక తనిఖీ బృందం నామమాత్రంగా వ్యవహరించడం తీవ్ర విమర్శలకు తావిస్తోంది. రాష్ట్రవ్యాప్త తనిఖీల్లో భాగంగా ప్రత్యేక టీమ్‌లను ఏర్పాటు చేయగా జిల్లాలో జరిగిన తనిఖీలు మాత్రం తూతూమంత్రంగా ముగించడం విడ్డూరం. మీడియాకు సమాచారమివ్వకుండా మొత్తానికి అయ్యిందనిపించారు. – కరీంనగర్‌ అర్బన్‌ మొక్కుబడిగా శాంపిళ్ల సేకరణ ఆయిల్‌ ట్రేడర్లు, బేకరీలు, హోటళ్లు, టిఫిన్‌ సెంటర్లు, పండ్ల దుకాణాలు, కేఫ్‌లు, కూల్‌డ్రింక్‌ షాపులు, చిరుతిళ్ల తయారీ కేంద్రాలు, ఇతర నిత్యావసర సరుకుల కల్తీకి ముకుతాడు వేసేందుకు ప్రభుత్వం ప్రత్యేక తనిఖీలకు శ్రీకారం చుట్టింది. కానీ.. జిల్లా కేంద్రంలో జరిగిన తనిఖీలు మాత్రం నవ్విపోదురు గాక.. అన్నట్లు సాగింది. ప్రత్యేక బృందం మొబైల్‌ టెస్టింగ్‌ ల్యాబ్‌ వాహనంతో అక్కడికక్కడే పరీక్షలు నిర్వహించి కేసులు నమోదు చేయాల్సి ఉండగా సదరు వాహనం జాడే లేకపోవడం విచిత్రం. మొక్కుబడిగా పలు దుకాణాలను తనిఖీ చేసినట్లు చేసి శాంపిళ్లను సేకరించి పరీక్షల నిమిత్తం హైదరాబాద్‌కు తీసుకెళ్లారు. 15 రోజుల అనంతరం సదరు ఫలితాలు రానుండగా అప్పుడు కేసులు నమోదు చేయనున్నారు.  కల్తీరాయుళ్ల వైపు కన్నెత్తని అధికారులు కాగా.. తనిఖీలు ఒకరిద్దరి కనుసన్నలో సాగినట్లు తెలుస్తోంది. ప్రకాశంగంజ్‌లోని పలువురు వ్యాపారులు, బొమ్మకల్, తీగలగుట్టపల్లి, అల్గునూరు, కోతిరాంపూర్, పద్మనగర్, విద్యానగర్, రేకుర్తి పలు ప్రాంతాల్లో కల్తీ వ్యాపారం విచ్చలవిడిగా సాగుతోంది. సన్‌ఫ్లయిర్‌ ఆయిల్‌కు కొరత ఏర్పడటంతో పెద్ద ఎత్తున సూపరోలిన్‌ ఆయిల్‌ కలుపుతున్నారు. లీటరు నూనెపై అదనంగా రూ.70–80 వరకు లాభం పొందుతున్నారు. ఇంత జరుగుతుంటే ప్రత్యేక టీమ్‌ మాత్రం తనిఖీలు చేశామన్నట్లు చేసి చేతులు దులుపుకున్నారు. సూపరోలిన్‌ ఆయిల్‌ అంటే పామాయిల్‌ బ్లెండింగ్‌ చేసి పామోలిన్‌ తయారు చేస్తారు. దీన్ని మరింత రిఫైన్‌ చేస్తే సూపరోలిన్‌ ఆ యిల్‌ వస్తుంది. ఇది చూడ్డానికి వాటర్‌ లాగే ఉంటుంది. సన్‌ఫ్లవర్‌ కంటే తక్కువ ధరకే లభిస్తుంది. పైగా అందులో కలిపినా ఎం తేడా కనిపించదు.  విజృంభిస్తున్న కల్తీ మాఫియా శివారు ప్రాంతాల్లో గోడౌన్లను కేంద్రంగా చేసుకుని కల్తీకి పాల్పడుతున్నారు. పామాయిల్, తవుడు నూనెలను కలుపుతూ వేరుశనగ, పొద్దుతిరుగుడు నూనెల పేరుతో మార్కెట్‌లో విక్రయిస్తున్నారు. అధికార యంత్రాంగాన్ని పటిష్టం చేయడంలేదు. జిల్లా కేంద్రం జనాభా 3 లక్షలకు పైమాటే. జిల్లా జనాభా 10 లక్షలు కాగా.. ఆహార తనిఖీలో అన్ని పోస్టులూ ఖాళీగా ఉండటం ఆందోళనకర పరిణామం. అసలు తనిఖీలే లేవ్‌ ఆహార తనిఖీ విభాగం ప్రతీ నెలలో తప్పనిసరిగా తనిఖీలు నిర్వహించాల్సి ఉంటుంది.  ►   గెజిటెడ్‌ ఫుడ్‌ ఇన్‌స్పెక్టర్, ఫుడ్‌ సేఫ్టీ ఆఫీసర్లకు ఒక్కొక్కరికి నిర్ణీత లక్ష్యముంటుంది.  ►   ఆరు నెలలుగా అధికారే లేక కార్యాలయం వెలవెలబోతోంది.  ►   ఉన్న పోస్టులన్నీ ఖాళీయే కాగా ఇన్‌చార్జి అధికారితో నెట్టుకొస్తున్నారు.  ►   ఒక గెజిటెడ్‌ ఫుడ్‌ ఇన్‌స్పెక్టర్‌తో పాటు ఇద్దరు ఫుడ్‌ సేఫ్టీ ఆఫీసర్లు, ఒక క్లర్క్, ఇద్దరు అటెండర్లు కార్యాలయంలో విధులు నిర్వహించాల్సి ఉంది.  ►  అయితే 1985లో అప్పటి జనాభా ప్రాతిపదికన పోస్టులు మంజూరు చేయగా నేడు జనాభా పదింతలు పెరిగినప్పటికి అదే విధానం కొనసాగడం విడ్డూరం. పోనీ అప్పటి మంజూరు పోస్టుల ప్రకారం అధికారులూ లేరు  ►  దీంతో ఆహార తనిఖీ ప్రక్రియ అటకెక్కడంతో కల్తీ మాఫియా ప్రజల ప్రాణాలతో రాజ్యమేలుతోంది.  ►   ఇన్‌చార్జి పాలనతో ఎప్పుడొస్తారో.. ఎప్పుడుంటారో తెలియని పరిస్థితి.  ►   ఫిర్యాదు చేసినా ఆహార తనిఖీ అధికారులు పట్టించుకోని క్రమంలో రాష్ట్రస్థాయిలో ఫిర్యాదు చేయొచ్చు ఫోన్‌ నంబర్‌ 9100105795 చదవండి: మొదటి సారి దొంగతనం, అంతా అనుకున్నట్లే జరిగింది.. కానీ చివరిలో..

Lot of smoke in Kyiv, people can't breathe properly: రష్యా ఉక్రెయిన్‌పై దాడులు కొనసాగిస్తూనే ఉంది. ప్రధాన నగరాలే లక్ష్యంగా పెద్ద ఎత్తున క్షిపణి దాడులు నిర్వహిస్తోంది. దీంతో ఉక్రెయిన్‌ రాజధాని కీవ్‌ మొత్తం దట్టమైన పొగ మేఘంతో కప్పబడి ఉంది. దీంతో ఉక్రెయిన్‌ అధికారులు గాలి నాణ్యత.. అనారోగ్యకరమైన స్థాయిలో ఉందని  నివాసితులు తమ కిటికీలు తెరవవద్దని, అనవసరంగా తమ ఇళ్లను విడిచి బయటకు రావద్దని విజ్ఞప్తి చేశారు. ప్రపంచ ఆరోగ్య సంస్థ వార్షిక వాయు నాణ్యత మార్గదర్శక విలువ కంటే ప్రస్తుతం కీవ్‌లోని గాలిలో కాలుష్య కారకాల సాంద్రత 27.8 రెట్లు ఎక్కువగా ఉందని ఓ నివేదిక తెలిపింది. మార్చి19 నుంచి వాయు నాణ్యత ప్రమాదకరంగా ఉందని నివేదిక పేర్కొంది. అంతేకాదు కీవ్‌లో పొగ ఎక్కువగా ఉందని, ప్రజలు సరిగా ఊపిరి పీల్చుకోలేకపోతున్నారని స్థానిక మీడియా వెల్లడించింది. అతేకాదు గాలిలో పొగలు కమ్ముకుంటున్నందున ప్రజలు తమ కిటికీలు తెరవవద్దని, అనవసరంగా ఇళ్ల నుంచి బయటకు రావొద్దని నగర పాలక సంస్థ కూడా ప్రజలను కోరింది. ఫిబ్రవరి 24న రష్యా ఉక్రెయిన్‌పై దాడి చేసినప్పటి నుంచి కీవ్‌లో అనేక పేలుళ్లు, వైమానిక దాడులు జరుగుతున్నాయి.  దీంతో దాదాపు అన్ని జిల్లాల్లో గాలి నాణ్యత గణనీయంగా పడిపోయిందని స్థానిక మీడియా పేర్కొంది.  ఉక్రెయిన్‌- రష్యా వార్ ముఖ్యాంశాలు ఉక్రెయిన్‌పై రష్యా అధ్యక్షుడు పుతిన్ యుద్ధం ప్రకటించి 24 రోజులైంది. ఐక్యరాజ్యసమిది నివేదిక ప్రకారం, 3.2 మిలియన్ల మంది ప్రజలు దేశం నుంచి పారిపోగా, మరో 6.5 మిలియన్ల మంది ఉక్రెయిన్‌లోని సురక్షిత ప్రాంతాలకు తరలిపోయారు. ఈ యుద్ధంలో వందలాది మంది పౌరులతో పాటు, 112 మంది పిల్లలు మరణించారని దాదాపు 13 వేల మంది రష్యా సైనికులు మృతి చెందారని ఉక్రెయిన్ పేర్కొంది. యుద్ధాన్ని ఆపడానికి, అమెరికా, ఇతర పాశ్చాత్య దేశాలు రష్యాపై కఠినమైన ఆంక్షలు విధించాయి. అయితే, అధ్యక్షుడు జెలెన్‌స్కీ పదేపదే అభ్యర్థనలు చేసినప్పటికీ, నాటో నేరుగా పాల్గొనడానికి లేదా ఉక్రెయిన్‌పై నో-ఫ్లై జోన్‌ను ఏర్పాటు చేయడానికి నిరాకరించింది. ఉక్రెయిన్, రష్యాలు శాంతి చర్చలు జరుపుతున్నాయి. ఉక్రేనియన్ అధికారులతో చర్చలు జరుపుతున్న రష్యా ప్రతినిధి బృందం శుక్రవారం ఒక ఒప్పందానికి దగ్గరగా వచ్చాయని చెప్పారు. (చదవండి: పాపం మూగజీవాలు..యుద్ధం వల్ల మనుషులకే కాదు పశువులకు ఇబ్బందులే!)

మ్యూచువల్‌ ఫండ్స్‌లో ప్యాసివ్‌ ఫండ్స్‌ (ఇండెక్స్‌ ఫండ్స్‌)కు ఆదరణ పెరుగుతోంది. రెండేళ్ల క్రితం ప్యాసివ్‌ ఫండ్స్‌ నిర్వహణలో రూ.8,000 కోట్ల ఆస్తులు ఉంటే.. అవి ఇప్పుడు రూ.50,000 కోట్లకు పెరగడం ఇందుకు నిదర్శనం. ఈక్విటీ మార్కెట్లలో సానుకూలతలు, లార్జ్‌క్యాప్‌ యాక్టివ్‌ ఫండ్స్‌ పనితీరు అంత ఆశాజనకంగా లేకపోవడం, తక్కువ వ్యయాలు.. వెరసి ప్యాసివ్‌ ఫండ్స్‌కు ఆదరణ విస్తరిస్తోంది. ఆయా సూచీల్లోని స్టాక్స్‌లో ఇన్వెస్ట్‌ చేసేవే ఇండెక్స్‌ ఫండ్స్‌. ఇండెక్స్‌ పనితీరు స్థాయిలో రాబడులను అందించడం వీటి ప్రత్యేకత. యాక్టివ్‌ ఫండ్స్‌తో పోలిస్తే వీటిల్లో నిర్వహణ ఖర్చు చాలా తక్కువ. మరి రాబడులు సంగతి ఏమిటి? ఇండెక్స్‌ ఫండ్స్‌లో అసలు ఎన్ని రకాలున్నాయి? తమ లక్ష్యానికి అనుకూలమేనా? వీటికి సమాధానమే ఈ ‘ప్రాఫిట్‌ ప్లస్‌’ కథనం. నేడు వివిధ సూచీలను అనుసరించి పెట్టుబడులు పెట్టే ఇండెక్స్‌ ఫండ్స్‌ 50 వరకు ఉన్నాయి. లార్జ్‌క్యాప్, మిడ్‌క్యాప్, స్మాల్‌క్యాప్, మూమెంటమ్, క్వాలిటీ ఇలా ఎన్నో విభాగాల్లో ప్యాసివ్‌ ఫండ్స్‌ అందుబాటులో ఉన్నాయి. ఉదాహరణకు నిఫ్టీ 50 ఇండెక్స్‌ ఫండ్‌ను తీసుకుంటే.. ఈ పథకం నిఫ్టీ–50లోని కంపెనీల్లో వాటి వెయిటేజీకి తగినట్టు పెట్టుబడులు పెడుతుంది. ఇందులో ఫండ్‌ మేనేజర్‌ ప్రమేయం పెద్దగా ఉండదు. కానీ, యాక్టివ్‌ ఫండ్స్‌ అలా కాదు. ఆయా పథకం పెట్టుబడుల విధానాన్ని అనుసరించి ఇండెక్స్‌లో కాకుండా.. మంచి వృద్ధికి అవకాశం ఉన్న కంపెనీల్లో ఇన్వెస్ట్‌ చేస్తుంటాయి. వీటిని యాక్టివ్‌లీ మేనేజ్డ్‌ ఫండ్స్‌ అంటారు. వీటిల్లో రాబడులు ఫండ్స్‌ మేనేజర్‌ నైపుణ్యాలపైనే ఆధారపడి ఉంటాయి. ఎందుకంటే పెట్టుబడులు ఎక్కడ పెట్టాలన్న స్వేచ్ఛ వారికి ఉంటుంది. మార్కెట్‌ పరిస్థితులు, కంపెనీల్లో జరిగే పరిణామాలు, ఆకర్షణీయమైన అవకాశాలకు అనుగుణంగా వీరు పోర్ట్‌ఫోలియోను ఎప్పటికప్పుడు మార్పులు, చేర్పులు చేస్తూ ఉంటారు. అధిక రాబడులను ఇవ్వడమే లక్ష్యంగా పనిచేస్తుంటాయి. కనుక వీటిల్లో ఎక్స్‌పెన్స్‌ రేషియో ఎక్కువగా ఉంటుంది. ఎందుకనో గానీ, గతంతో పోలిస్తే మన మార్కెట్‌ కొంత పరిపక్వత సాధించిన నేపథ్యంలో ఏవో కొన్ని మినహాయిస్తే యాక్టివ్‌లీ మేనేజ్డ్‌ ఫండ్స్‌ రాబడులు సూచీలతో పోలిస్తే ఏమంత మెరుగ్గా ఉండడం లేదు. అందు కనే ప్యాసివ్‌ ఫండ్స్‌ మార్కెట్‌ వాటాను పెంచుకుంటున్నాయి. అభివృద్ధి చెందిన దేశాల్లో ఇండెక్స్‌ ఫండ్స్‌ మార్కెట్‌ గణనీయంగా ఉంటుంది. మన దగ్గరే ఇది ఇంకా మొగ్గ దశలోనే ఉంది. యూఎస్‌ మార్కెట్లో మొత్తం మ్యూచువల్‌ ఫండ్స్‌ ఆస్తుల్లో 35% ప్యాసివ్‌ ఫండ్స్‌ నిర్వహణలో ఉన్నాయి.   లార్జ్‌క్యాప్‌ ఇండెక్స్‌ ఫండ్స్‌ అన్నింటిలోకి లార్జ్‌క్యాప్‌ ఇండెక్స్‌ ఫండ్స్‌కు ఎక్కువ ఆదరణ ఉంది. ఎందుకంటే లార్జ్‌క్యాప్‌ విభాగంలోనే ఎక్కువ యాక్టివ్‌ ఫండ్స్‌ సూచీలకు మించి రాబడులను ఇవ్వలేకపోతున్నాయి. 2018లో సెబీ మ్యూచువల్‌ ఫండ్స్‌ పథకాల పునర్‌వ్యవస్థీకరణ చేపట్టిన తర్వాత ఇది మరింత ఎక్కువైంది. ఫలితంగా ఈ విభాగంలో ప్యాసివ్‌ ఫండ్స్‌ను ఆశ్రయించే ఇన్వెస్టర్లు పెరుగుతున్నారు. నేడు లార్జ్‌క్యాప్‌ ఇండెక్స్‌ ఫండ్స్‌లో (ప్యాసివ్‌ ఫండ్స్‌) ఎన్నో భిన్నమైన పథకాలు అందుబాటులో ఉండడాన్ని గమనించాలి. నిఫ్టీ 50 టీఆర్‌ఐ, నిఫ్టీ నెక్ట్స్‌ 50 టీఆర్‌ఐ, నిఫ్టీ 100 టీఆర్‌ఐ, ఎస్‌అండ్‌పీ బీఎస్‌ఈ సెన్సెక్స్‌ టీఆర్‌ఐ, లో వోలటాలిటీ ఇండెక్స్‌ ఫండ్స్‌ ఇలా చాలా రకాలు ఉన్నాయి. టీఆర్‌ఐ అంటే మొత్తం సూచీ రాబడులుగా చూడాలి.  నిఫ్టీ 50 టీఆర్‌ఐ, సెన్సెక్స్‌ టీఆర్‌ఐ ఫండ్స్‌ అన్నవి ఈ రెండు సూచీల్లోని అగ్రగామి లార్జ్‌క్యాప్‌ కంపెనీలను ప్రతిఫలిస్తాయి. గడిచిన పదేళ్లలో సగటున సూచీల స్థాయిలోనే ఇవి రాబడులు ఇచ్చాయి. అదే విధంగా సూచీలు ప్రతికూల రాబడులను ఇచ్చిన సందర్భాల్లోనూ ఈ పథకాల్లో నష్టాలు అదే స్థాయిలో ఉంటాయి. కనుక ఇన్వెస్టర్లు లార్జ్‌క్యాప్‌లో ఇన్వెస్ట్‌ చేయాలని భావిస్తే ఈ రెండు సూచీలకు సంబంధించి ఏదేనీ పథకాన్ని ఎంపిక చేసుకోవచ్చు. తక్కువ ఎక్స్‌పెన్స్‌ రేషియో ఉన్న పథకాన్ని ఎంపిక చేసుకోవడం సరైనది అవుతుంది. ఇండెక్స్‌ ఫండ్స్‌కు సంబంధించి ట్రాకింగ్‌ ఎర్రర్‌ అని ఒకటి ఉంటుంది. సూచీతో పోలిస్తే పథకం ఇచ్చిన రాబడులకు మధ్య ఉన్న అంతరమే ట్రాకింగ్‌ ఎర్రర్‌. చాలా వరకు లార్జ్‌క్యాప్‌ ఫండ్స్‌కు ట్రాకింగ్‌ ఎర్రర్‌ 0.10–0.27 శాతం మధ్య ఉంటుంది. అంటే ఒక సూచీ ఏడాది కాలంలో 16 శాతం రాబడులను ఇస్తే, అదే సూచీని అనుసరించే ఇండెక్స్‌ ఫండ్‌ రాబడి 15.90 శాతం మేర ఉండొచ్చు. అప్పుడు 0.10 శాతాన్ని ట్రాకింగ్‌ ఎర్రర్‌గా పేర్కొంటారు. అందుకని ఇండెక్స్‌ ఫండ్స్‌లో ఎక్స్‌పెన్స్‌ రేషియో తక్కువగా ఉన్న దానిని ఎంపిక చేసుకోవాలి. దీర్ఘకాలంలో సూచీలతో పోలిస్తే తక్కువ ట్రాకింగ్‌ ఎర్రర్‌ ఉండి, తక్కువ ఎక్స్‌పెన్స్‌ రేషియో పథకం అయితే ఇంకా మంచిది.   ఐడీఎఫ్‌సీ నిఫ్టీ ఫండ్‌లో ఎక్స్‌పెన్స్‌ రేషియో 0.08 శాతం మేర ఉంటే.. ఐసీఐసీఐ ప్రుడెన్షియల్‌ నిఫ్టీ ఇండెక్స్‌ ఫండ్‌లో 0.17 శాతం ఉంది. వీటి డైరెక్ట్‌ ప్లాన్లను ఎంపిక చేసుకోవచ్చు. అలాగే, ఐసీఐసీఐ ప్రుడెన్షియల్‌ సెన్సెక్స్‌ ఇండెక్స్‌ ఫండ్‌ 0.16 శాతం మేర ఎక్స్‌పెన్స్‌ రేషియోను వసూలు చేస్తోంటే, నిప్పన్‌ ఇండియా ఇండెక్స్‌ ఫండ్‌ సెన్సెక్స్‌ ప్లాన్‌లో ఎక్స్‌పెన్స్‌ రేషియో 0.15 శాతంగా ఉంది. వీటి ట్రాకింగ్‌ ఎర్రర్‌ 0.16 శాతంలోపే ఉంది. ఇవన్నీ మూడేళ్లకు పైగా పనిచేస్తున్న పథకాలు.   నిఫ్టీ 100 నిఫ్టీ 100 టీఆర్‌ఐ అన్నది మార్కెట్‌ విలువలో టాప్‌–100 కంపెనీలను ప్రతిఫలిస్తుంది. ఇవన్నీ లార్జ్‌క్యాప్‌ కిందకే వస్తాయి. ఈ లార్జ్‌క్యాప్‌ ఇండెక్స్‌ను ప్రతిఫలించే ప్యాసివ్‌ ఫండ్స్‌ను ఇటీవలే యాక్సిస్‌ మ్యూచువల్‌ ఫండ్, ఐడీఎఫ్‌సీ మ్యూచువల్‌ ఫండ్‌ ఆవిష్కరించాయి. కనుక ఈ పథకాలకు దీర్ఘకాల చరిత్ర లేదు. అయినప్పటికీ సూచీల స్థాయిలో రాబడిని వీటి నుంచి ఆశించొచ్చు. ఎన్‌ఎస్‌ఈ మొత్తం మార్కెట్‌ క్యాపిటలైజేషన్‌లో నిఫ్టీ 100 కంపెనీల వాటా 70 శాతంగా ఉంది. నిఫ్టీ 50, సెన్సెక్స్‌ స్థాయిలోనే రాబడులు వీటిలో ఉండొచ్చు.   నిఫ్టీ నెక్ట్స్‌ 50 మార్కెట్‌ విలువ పరంగా 51వ స్థానం నుంచి 100 వరకు ఉన్న కంపెనీలు నిఫ్టీ నెక్ట్స్‌ 50 సూచీ కిందకు వస్తాయి. టాప్‌ 50 కంపెనీలు నిఫ్టీ 50 కింద ఉంటాయి. కానీ, నిఫ్టీ–50తో పోలిస్తే నెక్ట్స్‌ 50లో ఎక్కువ అస్థిరత కనిపిస్తుంది. కనుక రిస్క్‌ను సర్దుబాటు చేసుకునే, దీర్ఘకాల ఇన్వెస్టర్లు ఈ ఫండ్స్‌ను ఎంపిక చేసుకోవచ్చు. ఈ విభాగంలో ఐసీఐసీఐ ప్రుడెన్షియల్‌ మ్యూచువల్‌ ఫండ్, యూటీఐ మ్యూచువల్‌ ఫండ్స్‌ పథకాలు ఆకర్షణీయంగా ఉన్నాయి. వీటి ట్రాకింగ్‌ ఎర్రర్‌ 0.14 శాతం మేర ఉంది. ఈ రెండూ కూడా 0.30 శాతం, 0.33 శాతం మేర ఎక్స్‌పెన్స్‌ రేషియోను వసూలు చేస్తున్నాయి. ఒకవేళ ఇన్వెస్టర్లు ఎవరైనా నిఫ్టీ–50, నిఫ్టీ నెక్ట్స్‌50 పథకాల్లో విడిగా ఇన్వెస్ట్‌ చేసుకునేట్టు అయితే.. దీనికి బదులు నేరుగా నిఫ్టీ 100 ఇండెక్స్‌ ఫండ్‌ను ఎంపిక చేసుకోవడం మంచి నిర్ణయం అవుతుంది. ఎందుకంటే ఈ రెండు సూచీల్లో ఉండే కంపెనీలే నిఫ్టీ 100 సూచీలోనూ ఉంటాయి. కాకపోతే వెయిటేజీ పరంగా అంతరం చూడొచ్చు.     మిడ్‌ క్యాప్‌ ఇండెక్స్‌ ఫండ్స్‌ అధిక రిస్క్‌ను భరించగలిగే ఇన్వెస్టర్లు మిడ్‌క్యాప్‌ విభాగంలో ఇండెక్స్‌ ఫండ్స్‌ కోసం చూస్తుంటే.. నిఫ్టీ 150 టీఆర్‌ఐను అనుసరించే నాలుగు పథకాలు ఉన్నాయి. ఇక్కడ యాక్టివ్, ప్యాసివ్‌ ఫండ్స్‌ గురించి ఒక విషయం చెప్పుకోవాలి. మిడ్‌క్యాప్‌ విభాగంలో ఒక్క యాక్సిస్‌ మిడ్‌క్యాప్‌ ఫండ్‌ మినహా మిగిలిన అన్ని యాక్టివ్‌ పథకాలు సూచీలకు సమానంగా, అంతకంటే అధిక రాబడులను ఇచ్చాయి. కానీ, ప్రతికూల పరిస్థితుల్లో సూచీలతో పోలిస్తే అధిక నష్టాలను కూడా పంచాయి. అందుకనే ఈ విభాగంలో ఇండెక్స్‌ ఫండ్స్‌ ఎంపిక మెరుగైనది అవుతుంది. ఉన్న నాలుగు ఇండెక్స్‌ ఫండ్స్‌లో మూడు 2021లో మొదలైనవి. మోతీలాల్‌ ఓస్వాల్‌కు చెందిన పథకం 2019లో ప్రారంభమైంది. కనుక వీటి రాబడులను విశ్లేషించడానికి కొంత సమయం ఇవ్వాల్సిందే.     స్మాల్‌క్యాప్‌ ఇండెక్స్‌ ఫండ్స్‌ స్మాల్‌క్యాప్‌ ఇండెక్స్‌ ఫండ్స్‌ కూడా ఇటీవలి కాలంలో అందుబాటులోకి వచ్చినవే. వీటికి సంబంధించి దీర్ఘకాల ట్రాక్‌ రికార్డు లేదు. ఈ విభాగంలో మూడు పథకాలు ఉండగా, అన్నీ నిఫ్టీ స్మాల్‌క్యాప్‌ 250టీఆర్‌ఐను అనుసరించేవే. స్ట్రాటజీ ఇండెక్స్‌ ఫండ్స్‌ (వ్యూహాత్మకమైనవి) ఇండెక్స్‌లోని కాంపోనెంట్స్‌లోనే కొన్ని అంశాల ఆధారంగా ఎంపిక చేసిన షేర్లలో ఇవి ఇన్వెస్ట్‌ చేస్తుంటాయి. ఉదాహరణకు నిఫ్టీ 200 మూమెంటమ్‌ 30 ఇండెక్స్‌ ఫండ్‌ అన్నది.. నిఫ్టీ 200 ఇండెక్స్‌లోని మూమెంటమ్‌ పరంగా టాప్‌ 30 కంపెనీల్లో ఇన్వెస్ట్‌ చేస్తుంది. ఇందుకు ఆయా స్టాక్స్‌ ధరల కదలికలు ప్రామాణికం అవుతాయి. అలాగే, నిఫ్టీ 100 లో వోలటాలిటీ 30 ఇండెక్స్‌ కూడా ఒకటి. అంటే నిఫ్టీ 100 సూచీలోని 100 కంపెనీల్లో తక్కువ అస్థిరతలతో ఉన్న 30 కంపెనీల్లో ఇన్వెస్ట్‌ చేస్తుంది. నిఫ్టీ 50, నిఫ్టీ 100 ఇండెక్స్‌లకు సంబంధించి ఈక్వల్‌ వెయిట్‌ ఫండ్స్‌ కూడా ఉన్నాయి. ఇవేమి చేస్తాయంటే ఆయా సూచీల్లోని కంపెనీల్లో వాటికున్న వెయిటేజీ ప్రకారం ఇన్వెస్ట్‌ చేయవు. అన్ని కంపెనీలకు సమాన కేటాయింపులు చేస్తాయి. ఉదాహరణకు నిఫ్టీ 50లో ఒక్క రిలయన్స్‌ వెయిటేజీ 10.86 శాతంగా ఉంది. సాధారణ నిఫ్టీ 50 ఫండ్‌ అయితే తనవద్దనున్న నిర్వహణ ఆస్తుల్లో 10.86 శాతాన్ని రిలయన్స్‌కు కేటాయిస్తుంది. ఈక్వల్‌ వెయిట్‌ ఇండెక్స్‌ ఫండ్‌ అలా కాదు. నిఫ్టీ 50 కంపెనీలకు ఒక్కో దానికి 2 శాతం చొప్పున కేటాయింపులు చేస్తుంది. దీనివల్ల ఒకటే రంగంలో ఎక్కువ పెట్టుబడులు పోగు పడవు. నిఫ్టీలో బ్యాంకింగ్‌ ఇండెక్స్‌కు వెయిటేజీ ఎక్కువ. ఈక్వల్‌ వెయిటేజీ ఇండెక్స్‌ ఫండ్‌కు వస్తే సమాన కేటాయింపులు చేస్తుంది కనుక దీన్ని నిరోధించొచ్చు. ఇండెక్స్‌ ఫండ్స్‌లోనే భిన్నమైన ఎక్స్‌పోజర్‌ కోరుకునే వారికి ఇవి అనుకూలంగా ఉంటాయి.   నిఫ్టీ 100 క్వాలిటీ 30 ఇండెక్స్‌ క్వాలిటీ స్కోరు ఆధారంగా నిఫ్టీ 100 కంపెనీల్లో మెరుగైన 30 కంపెనీల్లో పెట్టుబడులు పెడతాయి. క్వాలిటీ అంటే.. అధిక లాభదాయకత ను చూపిస్తున్న కంపెనీలు. అంటే కంపెనీల రిటర్న్‌ ఆన్‌ ఈక్విటీ (ఆర్‌వోఈ) అధికంగా ఉంటుంది. ఈక్విటీతో పోలిస్తే తక్కువ రుణ భారం ఉన్నవి. అలాగే, ఆదాయం, లాభాల్లో పెద్దగా అస్థిరతలు లేనివి ఈ ఇండెక్స్‌ కిందకు వస్తాయి. క్వాలిటీ స్కోరు, ఫ్రీ ఫ్లోట్‌ మా ర్కెట్‌ క్యాప్‌ ఆధారంగా కేటాయింపులు ఉంటాయి. అయితే, నిఫ్టీ 100 క్వాలిటీ 30 ఇండెక్స్‌ రాబడులు.. నిఫ్టీ 100 కంటే గడిచిన 3–5 ఏళ్లలో తక్కువగా ఉన్నాయి. ఇక్కడ నాణ్యతకు, తక్కువ అస్థిరతలకు ప్రాధాన్యం ఉం టుంది. అందుకని రాబడి తక్కువ ఉన్నప్పటికీ, మార్కెట్‌ పతనాల్లో నషా ్టలు కూడా పరి మితంగా ఉంటాయని గమనించాలి. ఈ విభాగంలో ఎడెల్వీజ్‌ మ్యూచు వల్‌ ఫండ్‌ ఒక్కటే నిఫ్టీ 100 క్వాలిటీ 30 ఇండెక్స్‌ ఫండ్‌ను ఆఫర్‌ చేస్తోంది. ప్రారంభించి ఆరు నెలలే అయింది. ఎక్స్‌పెన్స్‌ రేషియో 0.27 శాతమే ఉంది. నిఫ్టీ 200 మోమెంటమ్‌ 30 ఇండెక్స్‌ ఇటీవలి కాలంలో మంచి పనితీరు చూపిం చిన కంపెనీలు ఈ ఇండెక్స్‌ పరిధిలోకి వస్తాయి. గడిచిన 6, 12 నెలల్లో నిఫ్టీ టాప్‌ 200 కంపెనీల్లో (లార్జ్‌ అండ్‌ మిడ్‌క్యాప్‌) అధిక రాబడులను ఇచ్చిన టాప్‌ 30 కంపెనీలను ఎంపిక చేసుకుని ఇన్వెస్ట్‌ చేసేవే నిఫ్టీ 200 మూమెంటమ్‌ 30 ఇండెక్స్‌ ఫండ్స్‌. సూచీల కంటే ఈ పథకాల్లో రాబడి 6% అధికంగా ఉంది. యూటీఐ మ్యూచువల్‌ పండ్, మోతీలాల్‌ ఓస్వాల్‌ మ్యూ చువల్‌ ఫండ్‌ సంస్థలు ఈ పథకాలను అందిస్తున్నాయి. ఈ రెండూ గడచిన ఏడాది కాలంలో ఆరంభమైనవి. పెద్దగా ట్రాక్‌ రికార్డు లేదు. గమనిక యాక్టివ్‌ ఫండ్స్‌కు సంబంధించి స్మాల్‌క్యాప్‌ విభాగం ఒక్కటీ భిన్నంగా ఉంది.  అన్ని పేరున్న స్మాల్‌క్యాప్‌ యాక్టివ్‌ పథకాలు సూచీలకంటే అధిక రాబడులిస్తున్నాయి. అంతేకాదు, అస్థిరతలూ తక్కువగా ఉంటున్నాయి. అధిక రిస్క్‌ భరించగలిగేవారు స్మాల్‌క్యాప్‌ విభాగంలో ఇండెక్స్‌ ఫండ్స్‌కు బదులు  యాక్టివ్‌ స్మాల్‌క్యాప్‌ ఫండ్స్‌కు వెళ్లొచ్చు. వీటిలో ఎస్‌బీఐ, యాక్సిస్, నిప్పన్‌ ఇండియా స్మాల్‌క్యాప్‌ ఫండ్‌ మంచి పనితీరు చూపిస్తున్నాయి. 

ఆత్మగౌరవం మనిషికి నిజమైన ఆభరణంలా భాసిస్తుంది. ఒక ప్రత్యేకమైన వ్యక్తిత్వాన్ని సొంతం చేసుకుని, నమ్మిన సిద్ధాంతం కోసం, విలువలకోసం రాజీ పడకుండా ముందుకు సాగే లక్షణానికి మనం చెప్పుకునే అందమైన పదభూషణం ‘ఆత్మ గౌరవం’. సమపాళ్ళలో కలిగి ఉండే ఈ లక్షణం సమాజంలో అగణ్యత, అగ్రగణ్యత సంపాదిస్తుందో లేదో తెలియదు కానీ, జీవన గమనానికి ఖచ్చితంగా నిజమైన నాణ్యతను సంతరిస్తుంది. ‘‘ఆయనకు చాలా ఆత్మగౌరవం ఎక్కువండీ.. ఎక్కడా రాజీ పడకుండా జీవిస్తాడు’’ అనే మాటను మనం కొంతమంది వ్యక్తులను ఉద్దేశించి, మిగిలినవాళ్ళు మాట్లాడుకోవడం వింటూ ఉంటాం. అహంకారం ఉన్నవారు తమకోసం కాక, ఎదుటివాళ్ల దృష్టిలో తాము గొప్పగా వున్నట్లుగా భావన చేసుకుని జీవికను సాగిస్తారు. ఎవరైనా తన గురించి తక్కువ, ఎక్కువల తేడా చూపిస్తే చాలు, అవమానంతో రగిలిపోతారు. అహంకారంతో ఉండేవాళ్ళు, విలువలకోసం ప్రయత్నించక, పక్కవారి ముందు ఉన్నతులుగా గుర్తింపబడాలని కోరుకుంటారు. వీరిలో చెలరేగే అహంకారం వారిలో ఉన్న మంచిని కూడా ఎదుటివారిని చూడనీయకుండా చేస్తుంది. సంఘంలో మనకు ఎక్కువగా ఈ తరహా వ్యక్తులే తారసపడుతూ ఉంటారు. స్వల్పమాత్రపు భేదాన్ని మాత్రం మనం ఇక్కడ తప్పనిసరిగా గ్రహించాలి. అహంకారంతో వర్తించడం ఎటువంటి నేరమో, ఆత్మగౌరవాన్ని చంపుకోవడం అంతకుమించిన దోషం..!! మనం నమ్ముకున్న సూత్రాల విషయంలో అవలంబించే రాజీ ధోరణి తాత్కాలికంగా సుఖమయమనిపించినా, దీర్ఘకాలంలో తప్పనిసరిగా మనకు మానసిక క్లేశాన్ని కలిగిస్తుందని ఎన్నో ఉదాహరణలు తెలియజేస్తాయి. ఆత్మగౌరవం అనే భావన ఒక వ్యక్తి తన గురించి కలిగి ఉన్న విలువ, అవగాహనకు సంబంధించిన భావన.దీని ఆధారంగా, ఒక వ్యక్తి తోటివారితో సాగే గమనంలో విభిన్న విషయాల్లో తనకు ఎటువంటి స్థానం ఉందో కనుగొంటాడు. ఆత్మగౌరవానికి నిర్వచనాన్ని చెప్పవలసి వస్తే, దాదాపుగా స్వీయ–ప్రేమకు, ఈ పదాన్ని సమానంగా చెప్పవచ్చు.  తన గౌరవాన్ని గురించి ఎవరైనా, ఏ సందర్భంలోనైనా ప్రకటించ వలసి వస్తే,ఆత్మగౌరవం అనే పదం వ్యక్తికి గల స్వీయ గౌరవం అనే పదానికి ప్రత్యక్ష అర్థంగా మనం చెప్పుకుంటూ ఉంటాం. తనని తాను ప్రేమించడం స్వార్థం లేదా అనారోగ్యం కాదు; ఇది ఒక ప్రాథమిక భావన. తనని తాను ప్రేమించుకోవడం అనేది ప్రతి వ్యక్తీ చేసే పనే. తనకు మంచి జరగాలని కోరుకోవడమూ సహజమే.. అయితే, తనకే మంచి జరగాలని కోరుకోవడాన్ని స్వార్ధభావనగా మనం పేర్కొంటూ ఉంటాం. ప్రతికూల ఆలోచనలను అంతం చేయడం, జ్ఞానాన్ని పెంచే లేదా వ్యక్తికి మంచి అనుభూతిని కలిగించే కార్యకలాపాలు చేయడం, కొత్త విషయాలను నేర్చుకోవడం, చేసిన తప్పులను తెలుసుకోవడం మొదలైనవి మనలో మరింత ఆత్మగౌరవాన్ని పెంచుతాయి. ఆత్మగౌరవాన్ని గురించి మాట్లాడుకునేటప్పుడు మనకు గుర్తొచ్చే మరో పదం ‘అహంకారం’. పరిణతి చెందిన వ్యక్తులు సైతం తమ వైఖరిని వ్యక్తపరిచే సందర్భంలో, ఆ విధంగా మాట్లాడితే అహంకారులుగా తమను ఎదుటివారు భావిస్తారేమో అని సందేహించే సందర్భాలూ ఉంటాయి. అయితే, ఆత్మగౌరవానికీ, అహంకారానికీ మధ్య తేడా బాగానే ఉంది. సమాజం తీరును మనం నిశితంగా పరికిస్తే, అత్యాశలకు లోనైనప్పుడే, మనిషి జీవనశైలిలో ఉన్న సమతౌల్యం దెబ్బ తింటుంది. అనవసరమైన కోరికలనే గుర్రాలవెంట పరుగెడుతూ, వాటిని ఏ విధంగానైనా తీర్చుకోవాలనే తపన ప్రబలినప్పుడే, మనిషి తాను పాటించే విలువల విషయంలో, ఆత్మను వంచన చేసుకునేలా రాజీపడి, ఎదుటివాడి ముందు తలను వంచుతాడు. ఒకరకంగా దీన్నే నైతిక పతనానికి నాంది అని చెప్పవచ్చు. ఎందుకు ఈ అనవసరపు వెంపర్లాట..!! ఎవరికీ తలవంచకుండా, అధికమైన ఆశలతో ఎవరెవరినో ఆశించకుండా, దృఢమైన చిత్తంతో సాగుతూ, నిండుగా నిలుపుకునే ఆత్మగౌరవమే గుండెకు ఆనందరవం..!! జీవన వనాన విరిసే ఆమనిలో అదే మధురంగా కిలకిలమనే కోకిలారావం..!! ఆత్మగౌరవం అన్నది మనిషి ఉత్తమ ప్రవృత్తిని తెలియపరుస్తుంది. ఒక మంచి ప్రవర్తనకు జగతి లో అందే విలువను పరోక్షంగా ఆత్మగౌరవానికి నమూనాగా ప్రకటించవచ్చు. సంస్కారాలు, విలువలు, నియమాలతో కూడిన జీవన ఆచరణ కలిగినవారు ఒకరి ముందు తలవంచరు. దీనికి ధనంతో ఏమాత్రం పనిలేదు. సంస్కారాలకు ఉన్న మహత్తరమైన విలువ అలాంటిది. వీరు ఆదర్శ జీవనాన్ని జీవిస్తూ, ఉన్నంత లో ఎదుటివాళ్లచేత గుర్తింపును, గౌరవాన్ని పొందేవారుగా తమను తాము మలుచుకంటారు. అలాంటి వారు తమకు తాము కొన్ని హద్దులు పెట్టుకొని వాటిని దాటకుండా ఒక్కరిపైన ఆధారపడకుండా ఆత్మగౌరవంతో నిరంతరం జీవిస్తారు. – ‘‘వ్యాఖ్యాన విశారద’’ వెంకట్‌ గరికపాటి

సుమతి (పేరు మార్చడమైనది) ఆన్‌లైన్‌లో పండగ ఆఫర్ల కింద వచ్చిన అప్లికేషన్స్‌ చూస్తూ ఉంటే మంచి కలర్‌ కాంబినేషన్‌ ఉన్న పట్టు చీర కనపడింది. ‘మూడు వేల రూపాయల చీర, మూడు వందలకే’ అని ఉండటంతో క్లిక్‌ చేసింది. ఆ చీర బుక్‌ అవ్వాలంటే అందులో ఇచ్చిన అకౌంట్‌లో డబ్బులు జమ చేయడంతోపాటు వివరాలన్నీ పొందుపరిచిన ఒక ఫారాన్ని నింపాలి. డబ్బు కట్టడంతోపాటు వివరాలన్నీ ఇచ్చింది. కానీ, ఎన్ని రోజులైనా ఆ చీర మాత్రం రాలేదు. ‘మా లక్కీ స్కీమ్‌లో పాల్గొనండి, ఐ ఫోన్‌ గెల్చుకోండి’ అని ఉన్న అప్లికేషన్‌ను శేఖర్‌ (పేరు మార్చడమైనది) క్లిక్‌ చేశాడు. ఆ లక్కీ డిప్‌లో పాల్గొనాలంటే రెండు వేల రూపాయలు చెల్లించి, స్కీమ్‌లో చేరాలని ఉంది. తన వివరాలతో పాటు, రెండు వేల రూపాయలు ఆన్‌లైన్‌ ద్వారా చెల్లించి, ఆ స్కీమ్‌లో చేరాడు. కానీ, శేఖర్‌కి ఫోన్‌ రాలేదు. ఆ డబ్బులూ తిరిగి రాలేదు. సబ్‌స్క్రైబర్స్‌ని పెంచుకోవడానికి ఆఫర్లు లైక్స్, కామెంట్స్, సబ్‌స్క్రిప్షన్స్‌ పెంచుకోవడానికి కొందరు ‘ఉచితం లేదా డిస్కౌంట్‌’ అనే పదాలను ఎరగా వేస్తుంటారు. ‘50,000 రూపాయల ధర పలికే గడియారాన్ని 5,000కే అమ్ముతున్నాను’ అనే ఆఫర్లు వస్తుంటాయి. మల్టీలెవల్‌ మార్కెటింగ్‌ మోసం.. ‘ఆఫర్‌’ని ఎరగా వేసి వివరాలన్నీ సేకరించి, ఆ తర్వాత మోసానికి పాల్పడే వారుంటారు. వివరాలన్ని ‘డార్క్‌’వెబ్‌సైట్లలో పెడుతూ, మరో ఆన్‌లైన్‌ మోసాలకు ఉపయోగించడానికి ఆ డేటాను వాడుతుంటారు. ఒరిజినల్‌ అని చెప్పి, అమ్మడం ఇది మల్టీలెవల్‌ మార్కెటింగ్‌ మోసం. బ్రాండెడ్‌ వస్తువులా అనిపించే రెప్లికా ఐటమ్‌ చూపించి అసలైనదే అని చూపుతారు. మీతో పాటు మరికొంతమందిని తమ స్కీమ్‌లో చేర్చితే ‘50,000 రూపాయల వస్తువు 5000 కు సొంతం చేసుకోవచ్చు అనే ఆశను చూపెడతారు. నాణ్యతలేని వస్తువులతో ఎర రెప్లికా వస్తువుల్లోనూ గ్రేడ్స్‌ ఉంటాయి. అవి చూడటానికే బాగుంటాయి కానీ, ఏ మాత్రం పనిచేయవు. అలాంటి వస్తువులను చూపి, డబ్బులు రాబట్టి మోసం చేస్తారు. ఆఫర్ల వర్షం దసరా, దీపావళి, సంక్రాంతి వంటి ముఖ్యమైన పండగల సమయంలో జనాల బలహీనతను దృష్టిలో పెట్టుకొని, బంపర్‌ ఆఫర్, వీల్‌ తిప్పడం, స్క్రాచ్‌ కార్డ్‌లు.. వంటి వాటితో ఆన్‌లైన్‌ మోసానికి దిగుతుంటారు.  ఈ షాపింగ్‌ మోసాలు ఢిల్లీ చుట్టుపక్కల నుంచి అధికంగా జరుగుతున్నట్టు తెలుస్తుంది. వీటిల్లో ఎక్కువగా ఫోన్లు, వాచీలు, చీరలు, డ్రెస్సుల విషయాల్లో జరుగుతుంటాయి.   ఆన్‌లైన్‌ షాపింగ్‌ మోసానికి ముందే హెచ్చరికలు ► ఒక వస్తువులు లేదా సేవ నమ్మశక్యం కాని తక్కువ ధరతో ప్రచారం చేయబడుతుంది అంటే ఆలోచించాలి. మోసానికి ముందు ఇదొక హెచ్చరిక అనుకోవాలి. ► ఆన్‌లైన్‌ చెల్లింపులు కాకుండా వస్తువు ఇంటికి వద్దకు వచ్చాకే చెల్లింపు అనే ఎంపిక మంచిది. ► డిస్కౌంట్‌ ఆఫర్‌ని పొందడానికి తమ వోచర్‌ కోసం ముందే చెల్లించాలనే ఎంపికలు ఉంటాయి. అలాంటి వాటికి దూరంగా ఉండటం మంచిది. ► నకిలీ సోషల్‌ మీడియా ఆధారిత కథనాలు కొత్తగా అభివృద్ధి చెందుతున్నాయి. ఆన్‌ లైన్‌ లో చాలా తక్కువ ధరలకు ఉత్పత్తులను విక్రయిస్తున్నాయి, అనేది నిజం కాదు. ► విక్రేత విదేశాల్లో ఉన్నప్పుడు పే మనీ లేదా క్రెడిట్‌/ డెబిట్‌ కార్డ్‌ లావాదేవీ వంటి సురక్షిత చెల్లింపు సేవ ద్వారా చెల్లింపును అనుమతించరు. వారు మిమ్మల్ని ౖఖ్కీ ని చెప్పమని లేదా క్యూఆర్‌ కోడ్‌ని స్కాన్‌ చేయాలని లేదా చెల్లింపులను స్వీకరించడానికి గూగుల్‌ ఫారమ్స్‌ లేదా చిన్న లింక్‌లను పూరించమని అడుగుతారు.   ► కొత్తగా పుట్టుకు వచ్చిన వెబ్‌సైట్లలో నిర్ధారణకు రాకుండా కొనుగోళ్లు చేయకూడదు. వాటి తాలూకు ఫౌండర్స్‌ ఎవరనేది కూడా చూసుకోవాలి. బ్రాండ్‌ పేరుతో ఉన్న వెబ్‌సైట్స్‌ కూడా నకిలీ పేరుతో వస్తాయి. పండగల సమయాల్లో ఈ– తరహా మోసాలు ఎక్కువ. కాబట్టి, వాటి వాడుక, హెచ్‌టిటిపిఎస్, యుఆర్‌ఎల్‌ చెక్‌ చేసుకొని కొనాలి.   షాపింగ్‌ మోసాల నుండి రక్షణ ► మీరు తీసుకోవాలనుకున్న వస్తువు ‘సమీక్ష (రివ్యూ)లు చదవండి. వాటి నాణ్యత, రిటర్న్‌ పాలసీల వంటివి ఉన్నాయేమో చూడండి. ► ఎప్పుడైనా (యాప్‌) అప్లికేషన్‌ అంతర్నిర్మిత సాధనాలతోనే కమ్యూనికేట్‌ చేయండి. అప్లికేషన్‌ వెలుపల కమ్యూనికేట్‌ చేయవద్దు. ► సురక్షిత నగదు చెల్లింపు కోసం  https://URL చూడండి. ► అమ్మకం దారుకి మీ బ్యాంక్‌ OTP / PIN నంబర్లను ఏ రూపంలోనూ షేర్‌ చేయవద్దు. ► మీరు ఫోన్‌ మాట్లాడే సమయంలో చెల్లింపు లావాదేవులను ఎప్పుడూ చేయవద్దు. ► అమ్మకం దారు అందించిన ఏవైనా షార్ట్‌ లింక్‌లను క్లిక్‌ చేసి, వాటిని పూరించవద్దు.      గూగుల్‌ లింక్‌ ద్వారా వచ్చిన ఫామ్‌లను పూరించవద్దు. క్యూఆర్‌ కోడ్‌ను స్కాన్‌ చేయవద్దు, మీరు స్కాన్‌ చేస్తుంటే మీ ఖాతా నుండి డబ్బు డెబిట్‌ అవుతుంది. అనీల్‌ రాచమల్ల, డిజిటల్‌ వెల్‌బీయింగ్‌ ఎక్స్‌పర్ట్, ఎండ్‌ నౌ ఫౌండేషన్‌

ప్రముఖ మెసేజింగ్ యాప్ వాట్సాప్ మరో కొత్త అప్‌డేట్‌తో ముందుకు వచ్చింది. ఈ ఫీచర్‌తో వాట్సాప్‌లో హైక్వాలిటీ వీడియోల్ని సెండ్‌చేసే సౌకర్యం అందుబాటులోకి  రానుంది. వాస్తవానికి వాట్సాప్‌ నుంచి మరో వాట్సాప్‌కు కేవలం 16ఎంబీ వీడియోను మాత్రమే షేర్‌ చేసే సదుపాయం ఉంది. దీనివల్ల వినియోగదారులు వీడియో క్వాలిటీపై అసంతృప్తి వ్యక్తం చేశారు. వాట్సాప్‌ ద్వారా హై క్వాలిటీ వీడియోల్ని సెండ్‌ చేయలేకపోతున్నామని, అందుకోసం ఫీచర్‌ను తీసుకొని రావాలంటూ  వాట్సాప్‌ యాజమాన్యానికి పెద్ద ఎత్తున మెయిల్స్‌ పెట్టారు. దీంతో వాట్సాప్‌ యాజమాన్యం ఇకపై హై క్వాలిటీ వీడియోల్ని సెండ్‌ చేసేలా కొత్త ఫీచర్‌ను అందుబాటులోకి తెచ్చేందుకు కసరత్తులు చేసింది.   వీ బీటా ఇన్ఫోరిపోర్ట్‌ ప‍్రకారం.. వీడియో అప్‌లోడ్‌ క్వాలిటీ పేరుతో ప్రస్తుతం వాట్సాప్‌ ఆండ్రాయిడ్‌ బీటా వెర్షన్‌ 2.21.14.6 ఫీచర్‌పై వర్క్‌ చేస్తోంది. ఈ ఫీచర్‌ అందుబాటులోకి వచ్చిన తరువాత హైక్వాలిటీ వీడియోల్ని షేర్‌ చేసే అవకాశం ఉంది. "ఆటో, బెస్ట్‌ క్వాలిటీ, డేటా సర్వర్‌" పేరుతో మూడు ఆప్షన్‌లను యాడ్‌ చేయనుంది.    ఆటో: ఆప్షన్‌ ద్వారా వీడియో క్వాలిటీ తగ్గకుండా సైజును మాత్రమే తగ్గించి సెండ్‌ చేసేందుకు వీలుంది బెస్ట్‌ క్వాలిటీ : ఈ ఆప్షన్‌ ద్వారా హై రెజెల‍్యూషన్‌ వీడియోల్ని షేర్‌ చేసుకోవచ్చు.  డేటా సేవర్ : ఈ ఆప్షన్‌ ద్వారా ఇంటర్‌ నెట్‌ హై బ్యాండ్‌ విత్‌ లేకపోయినా వీడియోను కంప్రెస్‌ చేసి సెండ్‌ చేసుకోవచ్చు. బ‍్యాండ​ విత్‌ లేకుండా వీడియోను కంప్రెస్‌ చేస‍్తే క్వాలిటీ మిస్‌ అవుతుందనే డౌట్‌ రావచ్చు.కానీ డేటా సేవర్‌ ఆప్షన్‌ వీడియో క్వాలిటీ తగ్గకుండా కంప్రెస్‌ చేయడంపై దృష్టిసారిస్తున్నట్లు వాట్సాప్‌ తెలిపింది. ప్రస్తుతం ఈ ఫీచర్ పై వర్క్‌చేస్తుండగా, త్వరలోనే వినియోగదారులకు అందుబాటులోకి వస్తుందని వాట్సాప్​ బీటా ఇన్ఫో పేర్కొంది.   చదవండి: వాట్సాప్​లో మరో సరికొత్త ఫీచర్, యూజర్లకు ఇక పండగే

ముంబై: ఎప్పటి నుంచో వాయిదా పడుతూ వస్తోన్న హాల్‌ మార్కింగ్‌ విధానం రేపటి నుంచి అమల్లోకి రానుంది. 2021 జూన్‌ 15 నుంచి హాల్‌మార్క్‌ ఉన్న బంగారు ఆభరణాలనే విక్రయించాల్సి ఉంటుంది. హాల్‌మార్క్‌ లేని బంగారం విక్రయించడం చట్టపరంగా నేరం. దీంతో బంగారం నాణ్యత విషంయలో కష్టమర్లకు మరింత భరోసా లభించనుంది,  నాణ్యతకు భరోసా బంగారు ఆభరణాల తయారీకి సంబంధించి  చిన్న పట్టణాలు, గ్రామాల్లో  హాల్ మార్కింగ్ ఉండటం లేదు. దీని వల్ల ఆ ఆభరణం ఎంత నాణ్యతపై సందేహాలు తలెత్తుతున్నాయి. చాలా సందర్భాల్లో బంగారు ఆభరణాలు కొనుగోలు చేసిన తర్వాత తాము నష్టపోయినట్టు వినియోగదారులు చెబుతున్నారు. దీంతో బంగారం కల్తీకి చెక్‌ పెట్టేందుకు ప్రభుత్వం హాల్‌మార్క్‌ విధానం అమల్లోకి తెచ్చింది. హాల్‌మార్క్‌ ఇలా 22 క్యారెట్లు, 18 క్యారెట్లు, 14 క్యారెట్ల బంగారు ఆభరణాలపై తప్పనిసరిగా హాల్ మార్క్ ఉండాలి. BIS హాల్‌మార్కింగ్ స్కీంలో ఆభరణాలకు రిజిస్ట్రేషన్ మంజూరు, మదింపు,  హాల్ మార్కింగ్(A&H)కు గుర్తింపు ఉంటుంది. ఆభరణాల హాల్ మార్కింగ్ ప్రక్రియలో BIS-A&H సెంటర్‌లో నాణ్యతను తనిఖీ చేస్తారు. ఇక్కడ పరీక్షించిన అనంతరం A&H సెంటర్‌లో హాల్ మార్కింగ్ ముద్రను వేస్తారు.   చదవండి : మూడో రోజు తగ్గిన బంగారం ధరలు

మహానంది: మహానంది క్షేత్రంలో జరుగుతున్న అభివృద్ధి పనుల్లో నాణ్యత ప్రశ్నార్థకంగా మారింది. పట్టుమని ఆరునెలలు కూడా కాకముందే రాజగోపురం ముందు భాగంలో రెండు సుపథ మండపాల మధ్యలో గ్రీనరీ కోసం యూ ఆకారంలో నిర్మించిన గోడ బుధవారం కూలిపోయింది. గోడల మధ్యలో వేసిన మట్టికి పైప్‌ ద్వారా నీరు పడుతుండగా ఈ ఘటన చోటు చేసుకుంది. అయితే, చిన్నపాటి నీటి ఫోర్స్‌కే ఇలా జరగడంతో నిర్మాణాల్లో  నాణ్యతపై స్ధానికులు, భక్తులు పెదవి విరుస్తున్నారు. దీనిపై ఈఓ మల్లికార్జునప్రసాద్‌ మాట్లాడుతూ  సిబ్బంది ఫైర్‌ ఇంజన్లకు వాడే పైపుతో  నీరు పట్టడం ద్వారా ఫోర్స్‌కు గోడ కూలిపోయిందని బాధ్యులపై  చర్యలు తీసుకుంటానని చెప్పారు. కాగా  ఈ గోడ నిర్మాణానికి సుమారు రూ. 55 వేలకు పైగా ఖర్చు చేసినట్లు దేవస్థానం అధికారులు తెలిపారు.     

సాక్షి, హైదరాబాద్‌ : కరోనా ఎఫెక్ట్‌ యూట్యూబ్‌ వీడియో క్వాలిటీపై పడింది. ప్రపంచ వ్యాప్తంగా కరోనా ప్రభావంతో ప్రజలు ఇళ్లకే పరిమితమవ్వడంతో కాలక్షేపం కోసం ఇంటర్‌నెట్‌ వినియోగం పెరిగిపోయింది. దీంతో ఇంటర్‌నెట్‌ రవాణా వ్యవస్థపైన ఒక్కసారిగా భారం పడింది. ఈ నేపథ్యంలో వీడియో స్ట్రీమింగ్‌ సర్వీస్‌ ప్రొవైడర్లు, క్వాలిటీని తగ్గించి భారాన్ని తగ్గించుకుంటున్నాయి. ఈ క్రమంలోనే భారత్‌లో వీడియోలను ఆండ్రాయిడ్‌ మొబైల్‌లలో వీక్షించే యూజర్లకు క్వాలిటీని 480 పిక్సల్‌లకు యూట్యూబ్‌ తగ్గించింది. ఏ ఇంటర్నెట్‌ కనెక్షన్‌ ఉన్నా ఆండ్రాయిడ్‌ మొబైల్‌లలో క్వాలిటీ 480 పిక్సల్‌లకు మించి ప్లే అ‍వ్వడం లేదు. అయితే డెస్క్‌టాప్‌లో యూట్యూబ్‌ వీక్షకులకు మాత్రం ఎప్పటిలానే ఆటోమేటిక్‌గా 1080 పిక్సల్‌ క్వాలిటీతో వీడియోలు ప్లే అవుతున్నాయి. ఇప్పటికే నెట్‌ఫ్లిక్స్‌, అమెజాన్‌ ప్రైమ్‌, హాట్‌స్టార్‌లు గతవారమే క్వాలిటీని తగ్గించిన విషయం తెలిసిందే. 

సాక్షి, హైదరాబాద్‌: అత్యున్నత నాణ్యత ప్రమాణాలు పాటించిన పలు సర్కారు ఆసుపత్రులకు కేంద్రం గుర్తింపునిచ్చింది. అందులో భాగంగా రాష్ట్రంలో 35 ప్రభుత్వ ఆసుపత్రులు నేషనల్‌ క్వాలిటీ అస్యూరెన్స్‌ స్టాండర్డ్స్‌ (ఎన్‌క్వాష్‌) ధ్రువీకరణ పత్రాలు పొందాయి. నాణ్యత ప్రమాణాలను పాటించే ప్రైవేటు, కార్పొరేట్‌ ఆసుపత్రులకు నేషనల్‌ అక్రిడిటేషన్‌ బోర్డ్‌ ఫర్‌ హాస్పిటల్స్‌ (ఎన్‌ఏబీహెచ్‌) గుర్తింపు ఇస్తున్న తరహాలోనే ప్రభుత్వ ఆసుపత్రులకూ ఎన్‌క్వాష్‌ను కేంద్రం ప్రారంభించింది. నాణ్యత ధ్రువీకరణ పత్రాలు పొందిన ఆసుపత్రుల అభివృద్ధికి కేంద్రం నిధులు ఇస్తుంది. వాటిల్లో పనిచేసే వైద్య సిబ్బందికి ప్రోత్సాహకాలు ఇస్తుంది. గతంలో మన రాష్ట్రంలోని ఖమ్మం జిల్లా ఆసుపత్రి, భద్రాచలం, బాన్సువాడ ఏరియా ఆసుపత్రులు సహా పలు ప్రాథమిక ఆరోగ్య కేంద్రాలు ఎన్‌క్వాష్‌ సర్టిఫికెట్లు పొందాయి. కొత్తగా ఎన్‌క్వాష్‌ సర్టిఫికెట్లు పొందిన ఆసుపత్రులు అనేకం ప్రాథమిక ఆరోగ్య కేంద్రాలే ఉండటం గమనార్హం. బిక్నూరు, దేవరకొండ, హన్‌వాడ, బొమ్మలరామారం, కొండమడుగు, ధర్మాసాగర్, గోపాల్‌పూర్, థరూర్, మనూపాడు, ఎర్రగుంట, గండంపల్లి, కంభాలపల్లి, కంగ్టి, రఘునాధపల్లి, ఘన్‌పూర్, తాండూరు, కత్లాపూర్, మేడిపల్లి, గారెపల్లి, జైపూర్, శంకరంపట్నం, లీజా, గట్టు, ఆత్మకూర్, సంగెం ప్రాథమిక ఆరోగ్య కేంద్రాలకు ఎన్‌క్వాష్‌ సర్టిఫికేట్లు అందినట్లు వైద్య ఆరోగ్యశాఖ తెలిపింది. అలాగే సిరిసిల్ల ఏరియా ఆసుపత్రికి కూడా సర్టిఫికేట్‌ వచ్చింది. గతంలో 39 దవాఖానాలకు ఈ ఎన్‌క్వాష్‌ సర్టిఫికెట్లు ఉండగా, ప్రస్తుత సర్టిఫికెట్లతో ఆస్పత్రుల సంఖ్య 74కు చేరింది. దీంతో ఈ సర్టిఫికెట్లు పొందడంలో దేశంలోనే తెలంగాణ టాప్‌ గా నిలిచింది. 

సాక్షి, హైదరాబాద్‌: రెరా లక్ష్యం తప్పుతోంది! నాణ్యత, గడువు, పారదర్శకత, ధర, క్రయ విక్రయాల్లో స్పష్టత, డెవలపర్లు, ఏజెంట్ల వివరాలు.. ఇలా ప్రతి ఒక్కటీ అందుబాటులో ఉంచాల్సిన రెరా.. అసలు లక్ష్యం దారి తప్పుతోంది. దీంతో కొనుగోలుదారులకు భరోసా కలిగించాల్సిన రెరా అసంతృప్తిని మిగులుస్తోందని కొనుగోలుదారుల సం ఘాలు ఆరోపిస్తున్నాయి. తెలంగాణ ప్రభుత్వం 2017లో నోటిఫై చేసింది. తొలుత నమోదు గడువును 2018 నవంబర్‌ 30 వరకు విధించింది. కానీ, ఆశించిన స్థాయిలో డెవలపర్ల నుంచి స్పందన లేకపోవటంతో ప్రతి 15 రోజుల కొకసారి గడువు తేదీని పొడిగిస్తుంది. సరైన సమయంలో నమోదు చేసుకోని డెవలపర్లపై చట్ట ప్రకారం కఠిన చర్యలు తీసుకోకుండా ఇలా పలుమార్లు గడువును పొడిగించడం సరైంది కాదని.. ఇలా అయితే తెలంగాణలో రెరా అమలు సంతృప్తికరంగా ఉండదని సంఘాలు ఆరోపిస్తున్నాయి.  రెరా ముందు.. తర్వాత!  2017 జనవరి 1 నుంచి 2018 ఆగస్టు 30 మధ్య అనుమతి పొందిన ప్రాజెక్ట్‌లు టీ–రెరాలో నమోదు చేసుకోవాలి. నమోదు చేశాకే ప్రకటనలు, అమ్మకాలు చేయాలి. మరి, 2017 జనవరి 1 కంటే ముందు అనుమతి పొందిన ప్రాజెక్ట్‌ల పరిస్థితి ఏంటి? ఆయా ప్రాజెక్ట్‌లను అడ్వర్టయిజింగ్‌ చేస్తే వాటికి సంబంధించిన అనుమతి పత్రాలు, నంబర్లు, తేదీలు ప్రకటనలో తప్పకుండా ప్రకటించాలని యునైటెడ్‌ ఫెడరేషన్‌ ఆఫ్‌ రెసిడెంట్‌ వెల్ఫేర్‌ అసోసియేషన్స్‌ (యూ–ఎఫ్‌ఈఆర్‌డబ్ల్యూఏఎస్‌) డిమాండ్‌ చేసింది. అప్పుడే కొనుగోలుదారులకు ఆ ప్రాజెక్ట్‌ రెరాకు ముందా? లేక తర్వాతి ప్రాజెక్టా అనేది స్పష్టత వస్తుందని పేర్కొంది.  వసూళ్లకే రెరా..  ప్రస్తుతం టీ– రెరాలో నమోదైన ప్రాజెక్ట్‌లు, ప్రమోటర్లు, ఏజెంట్ల ప్రాథమిక సమాచారం మాత్రమే అందుబాటులో ఉందని, ప్రాజెక్ట్‌ నిర్మాణ స్థితి గతులు, క్రయ విక్రయాల సంఖ్య, ప్రాజెక్ట్‌ బ్యాంక్‌ ఖాతా వివరాలు, ప్రమోటర్ల ఆదాయ వివరాలు వంటి కీలక సమాచారం ఏదీ కూడా అందుబాటులో లేదని యూ–ఎఫ్‌ఈఆర్‌డబ్ల్యూఏఎస్‌ జనరల్‌ సెక్రటరీ బీటీ శ్రీనివాసన్‌ తెలిపారు. టీ–రెరాను జస్ట్‌ ప్రాజెక్ట్‌ల నమోదుకు మాత్రమే ఉపయోగిస్తున్నట్టుందని పేర్కొన్నారు. నమోదు రుసుములు, జరిమానాలను వసూలు చేసే విభాగంగా రెరా మిగిలిందని ఆరోపించారు.  వివరాలూ అసంపూర్తిగానే..  టీ– రెరాలో ఇప్పటివరకు ఎంత మంది డెవలపర్లు, ఏజెంట్లు నమోదు చేసుకున్నారు? ఎస్క్రో బ్యాంక్‌ ఖాతా, ప్రాజెక్ట్‌ కాంట్రాక్టర్‌ వివరాలు ఏవీ కూడా కొనుగోలుదారులకు అందుబాటులో లేవు. రెరాలో నమోదైన ప్రాజెక్ట్‌లు ప్రతి మూడు నెలలకొకసారి అప్‌డేట్‌ చేయాలి. ఎన్ని అమ్ముడుపోయాయి? ఇంకా ఎన్ని ఫ్లాట్లు విక్రయానికి ఉన్నాయి? వంటి వివరాలేవీ అప్‌డేట్‌ చేయట్లేదు. గృహ కొనుగోలుదారులకు ఈ వివరాలు చాలా ముఖ్యం. ఎందుకంటే ప్రాజెక్ట్‌ స్టేటస్, ప్రాంతం అభివృద్ధిని అంచనా వేసుకొని కొనుగోలుదారులు అంతిమ నిర్ణయం తీసుకుంటారు.్డ జరిమానా వివరాల్లేవ్‌!  గడువులోగా ప్రాజెక్ట్‌లను నమోదు చేయని డెవలపర్లకు రూ.2 లక్షలు జరిమానా విధిస్తున్న సంగతి తెలిసిందే. అయితే ఇప్పటివరకు ఎంత మంది డెవలపర్లు జరిమానా కట్టారు? ఆయా ప్రాజెక్ట్‌ల వివరాలేంటి? వంటి సమాచారమేదీ కూడా టీ–రెరాలో అందుబాటులో లేదు. ప్రాజెక్ట్‌లకు సంబంధించిన ఫిర్యాదులు, వాటి పత్రాలు, జడ్జిమెంట్‌ కాపీలు వంటివేవీ వెబ్‌సైట్లలో లేవు. ఈ వివరాలు కొనుగోలుదారులకు అందుబాటులో ఉంటే ఆయా ప్రాజెక్ట్‌లు రెరాలో నమోదు అర్హత ఉండి మరీ చేసుకోలేదని.. అయినా అమ్మకాలు చేస్తున్నారని కొనుగోలుదారులకే తెలిసిపోతుందని.. దీంతో ఆయా ప్రాజెక్ట్‌లల్లో కొనుగోలు చేయాలా? వద్దా? అనేది వాళ్లే నిర్ణయించుకునే వీలుంటుంది. 

హైదరాబాద్, బిజినెస్‌ బ్యూరో: రైతు పండించే పంట వినియోగదారునికి చేరే క్రమంలో మధ్యలో పెద్ద తతంగమే ఉంటుంది. మిల్లర్, డిస్ట్రిబ్యూటర్, రిటైలర్‌.. ప్రతీ వ్యవస్థనూ దాటుకొని ఉత్పత్తులు కస్టమర్‌కు చేరాలి. అలా కాకుండా పంట  ఉత్పత్తులు రైతు నుంచి నేరుగా కస్టమర్‌కు చేరితే? దీంతో అన్నదాతకు సరైన ధర రావటంతో పాటూ ఉత్పత్తుల వేస్టేజ్, నాణ్యత ఇబ్బందులూ ఉండవు. ఇదే – హైదరాబాద్‌కు చెందిన అగ్రిప్రెన్యూర్‌ స్టార్టప్‌ అవర్‌ఫుడ్‌ కాన్సెప్ట్‌! మరిన్ని వివరాలు కంపెనీ ఫౌండర్‌ బాలారెడ్డి ‘స్టార్టప్‌ డైరీ’తో పంచుకున్నారు.  ‘‘మా సొంతూరు సూర్యాపేటలోని ఆత్మకూరు గ్రామం. ఎన్‌ఐటీ వరంగల్‌లో బీటెక్‌ పూర్తయ్యాక.. కాగ్నిజెంట్‌ కంపెనీలో సాఫ్ట్‌వేర్‌ ఇంజనీర్‌గా ఉద్యోగంలో చేరా. రైతు కుటుంబం కావటంతో పొలం పనులు, అందులోని ఇబ్బందులు బాగా తెలిసినవాణ్ని. టెక్నాలజీ సహాయంతో అగ్రికల్చర్‌లో మార్పులు తీసుకురావాలని లక్ష్యంగా పెట్టుకొని ఆ దిశగా ఆలోచనలు చేసేవాణ్ణి. అందుకే ఐఐఎం అహ్మదాబాద్‌లో అగ్రి బిజినెస్‌ మేనేజ్‌మెంట్‌ కోర్సు పూర్తి చేశా. ఆ తర్వాత మరో ఇద్దరు మిత్రులు రఘు ప్రసాద్, శశికాంత్‌లతో కలిసి రూ.3 కోట్ల పెట్టుబడులతో 2016 జనవరిలో అవర్‌ఫుడ్‌.కో.ఇన్‌ ప్రారంభించాం. గ్రామీణ యువతతో పొలం దగ్గర్లోనే ప్రాసెసింగ్‌ యూనిట్లను ఏర్పాటు చేయించి.. ఆయా ఉత్పత్తులను రెస్టారెంట్లు, హోటల్స్, కేటరింగ్, వ్యాపారస్తుల వంటి రిటైలర్లకు విక్రయించడమే అవర్‌ఫుడ్‌ ప్రత్యేకత.  డిసెంబర్‌ నాటికి 500 యూనిట్లు.. ప్రస్తుతం తెలంగాణ, ఆంధ్రప్రదేశ్, మధ్యప్రదేశ్, మహారాష్ట్ర, కర్నాటక రాష్ట్రాల్లో మొత్తం 85 ప్రాసెసింగ్‌ యూనిట్లున్నాయి. గ్రామీణ ప్రాంతాల్లోని నిరుద్యోగ యువతతో లీజ్‌ రెంటల్‌ మోడల్‌లో ప్రాసెసింగ్‌ యూనిట్లను పెట్టిస్తున్నాం. ఒక్క యూనిట్‌ ఏర్పాటుకు రూ.5 లక్షలు ఖర్చవుతుంది. ప్రతి నెలా 50 యూనిట్లను జత చేస్తూ.. ఈ ఏడాది డిసెంబర్‌ నాటికి 500 యూనిట్లను పెట్టాలని లకి‡్ష్యంచాం. వచ్చే ఏడాది నుంచి రాజస్తాన్, జార్ఖండ్, గుజరాత్‌లో యూనిట్లను నెలకొల్పుతాం. నెలకు రూ.15 కోట్ల ఆదాయం.. ప్రస్తుతం ప్రతి నెలా రిటైలర్ల నుంచి 180 టన్నుల ఉత్పత్తుల ఆర్డర్లు వస్తున్నాయి. గత నెలలో 1.2 కోట్ల ఆదాయం ఆర్జించాం. డిసెంబర్‌ నుంచి నెలకు రూ.15 కోట్ల ఆదాయాన్ని చేరుకోవాలని లకి‡్ష్యంచాం. ప్రస్తుతం మియాపూర్‌లో 4 వేల చ.అ.ల్లో సొంత గిడ్డంగి ఉంది. ఇందులోనే అన్ని రకాల ఉత్పత్తులను నిల్వ చేస్తున్నాం. త్వరలోనే వరంగల్, కరీంనగర్‌ వంటి అన్ని జిల్లా కేంద్రాల్లో గిడ్డంగులను అద్దెకు తీసుకోనున్నాం. ఆయా జిల్లాలో సేల్స్‌ ఆఫీసులు ఏర్పాటు చేసి.. లోకల్‌ మార్కెట్లో విక్రయిస్తాం. 2 నెలల్లో రూ.21 కోట్ల సమీకరణ.. ప్రస్తుతం మా కంపెనీలో 35 మంది ఉద్యోగులున్నారు. ఏడాదిలో 200 మంది ఉద్యోగులను నియమించుకుంటాం. ‘‘ప్రస్తుతం ఆపరేషనల్‌ బ్రేక్‌ఈవెన్‌కు వచ్చాం. ఇటీవలే అమెరికాకు చెందిన ఓ వెంచర్‌ క్యాపిటలిస్ట్‌ మా కంపెనీలో రూ.2 కోట్ల పెట్టుబడులు పెట్టింది. త్వరలోనే మన దేశానికి చెందిన ఓ వీసీ ఫండ్‌ నుంచి రూ.21 కోట్ల నిధులను సమీకరించనున్నాం. పేపర్‌ వర్క్‌ పూర్తయింది. 2 నెలల్లో డీల్‌ క్లోజ్‌ అవుతుంది’’ అని బాలారెడ్డి వివరించారు. 

సాక్షి, హైదరాబాద్‌: రోడ్ల నిర్మాణంలో భద్రత, నాణ్యతకు పెద్దపీట వేయాలని ఆర్‌అండ్‌బీ కమిషనర్‌ సునీల్‌శర్మ అన్నారు. రోడ్లు అద్దాల్లా ఉండాలన్నారు. బుధవారం హైదరాబాద్‌లోని నేషనల్‌ అకాడమీ ఆఫ్‌ కన్‌స్ట్రక్షన్స్‌లో ఆర్‌అండ్‌ బీ ఆధ్వర్యంలో రాబోయే 5 ఏళ్లలో రోడ్ల స్థితిగతులు, చేపట్టాల్సిన పనులపై మేధోమథనం జరిగింది. రాష్ట్రంలోని రోడ్ల స్థితిగతులపై సమగ్ర నివేదిక రూపొందించాలని ఇటీవల సీఎం కేసీఆర్‌ ఆదేశించిన క్రమంలో ఈ సమావేశం నిర్వహించారు. కార్యక్రమానికి ముఖ్యఅతిథిగా హాజరైన సునీల్‌శర్మ ఇంజనీర్లకు పలు విషయాల్లో దిశానిర్దేశం చేశారు. రాబోయే ఐదేళ్లలో చేయాల్సిన పనులపై ఈ నెల 15లోగా సమగ్ర నివేదిక రూపొం దించుకోవాలని ఆయన పిలుపునిచ్చారు. దీని ఆధారంగా బడ్జెట్‌కు ప్రతిపాదనలు పంపుతామన్నారు.  త్వరలో ఖాళీల భర్తీ: గణపతిరెడ్డి ఆర్‌ అండ్‌ బీ ఇంజనీర్‌ ఇన్‌ చీఫ్‌ గణపతిరెడ్డి మాట్లాడుతూ, తెలంగాణ రోడ్లు దేశంలోనే గర్వపడేలా నిర్మించాలన్నారు. పని ఒత్తిడి పెరిగిన నేపథ్యంలో 135 ఖాళీల భర్తీకి సీఎం గ్రీన్‌సిగ్నల్‌ ఇచ్చారన్నారు. మరో ఈఎన్‌సీ లింగయ్య మాట్లాడుతూ, క్షేత్రస్థాయి లో పనిచేసే ఇంజనీర్లకు ఫిక్స్‌డ్‌ ట్రావెల్‌ అలవెన్సులు ఇవ్వాలని ప్రభుత్వాన్ని కోరారు. రోడ్ల నిర్వహణ కోసం మరిన్ని నిధులు విడుదల చేయాలని ఈఎన్‌సీ రవీందర్‌రావు ప్రభుత్వానికి విజ్ఞప్తి చేశారు.  బాంబులపై అవగాహన అవసరం: సతీశ్‌ నక్సల్స్‌ ప్రభావిత ప్రాంతాల్లో విధులు నిర్వహిస్తోన్న సిబ్బందికి మావోలు అమర్చే బాంబులపై అవగాహన కల్పించాలని చీఫ్‌ ఇంజనీర్‌ సతీశ్‌ కోరారు. ఐ–సాప్‌ ద్వారా రుణం తీసుకునేలా చర్యలు తీసుకోవాలని చీఫ్‌ ఇంజనీర్‌ చందూలాల్‌ కోరారు. మరో చీఫ్‌ ఇంజనర్‌ ఆశారాణి పంచాయతీ రోడ్ల పురోగతి వివరించారు. 

సాక్షి, హైదరాబాద్‌: ఇంటి ఎంపికలో ధర, ప్రాంతమే కాదండోయ్‌.. నిర్మాణ సామగ్రి వినియోగం కూడా ప్రధానమైనదే. మరీ ముఖ్యంగా ఇంట్లో వినియోగించే ఎలక్ట్రిక్‌ వైర్లు, పవర్‌ బోర్డులు.. నాసిరకం ఉత్పత్తులను వాడినా లేక ఎంపికలో ఏమరపాటుగా ఉన్నా సరే జరిగే ప్రమాదం ఊహించలేనిదని నిపుణులు హెచ్చరిస్తున్నారు. ఎలక్ట్రిక్‌ వైర్ల ఎంపికలో నిపుణుల సలహాలివే..  ►ధర విషయంలో రాజీ పడకుండా నాణ్యతకు సంబంధించి సర్టిఫై చేసిన కంపెనీల ఉత్పత్తులను మాత్రమే కొనుగోలు చేయాలి.  ►విద్యుత్‌ షాక్‌లకు ఆస్కారం లేకుండా అవసరమైన ఎర్తింగ్‌ ఏర్పాటు చేసుకోవాలి.  ►కన్జ్యూమర్‌ యూనిట్‌పై ఉండే మెయిన్‌ స్విచ్‌ను టర్న్‌ ఆఫ్‌ చేయాలి.  ►ప్రతి పవర్‌ బోర్డ్‌లో విడిగా ఫ్యూజ్‌ లేదా మినీ సర్క్యూట్‌ బ్రేకర్‌ (ఎంసీబీ) వంటి ట్రిప్పింగ్‌ పరికరాలు ఉండేలా చూసుకోవాలి. ఎందుకంటే ఒకవేళ షార్ట్‌ సర్క్యూట్‌ జరిగితే ఇవి వెంటనే యాక్టివేట్‌ అవుతాయి.  ► అవసరమైన దానికంటే ఎక్కువ కనెక్షన్లను ఇవ్వొద్దు. పవర్‌ సప్లయి కార్డ్‌ను నీళ్లు, వేడి ప్రాంతాలకు దూరంగా ఏర్పాటు చేసుకోవాలి.

సాక్షి, హైదరాబాద్‌: డైనింగ్‌ టేబుల్‌ ఆకారం, నాణ్యతలో కాలానుగుణంగా అనేక మార్పులు చోటు చేసుకుంటున్నాయి. సౌకర్యంతో పాటూ ఇంటి అందాన్ని రెట్టింపు చేసే డైనింగ్‌ టేబుల్‌ డిజైన్స్‌కు వినియోగదారులు ప్రాధాన్యత ఇస్తున్నారు. దీంతో డిజైనర్లు ఆ తరహా టేబుల్స్‌ను రూపొందిస్తున్నారు. బాదంకాయ ఆకారంలో, వృత్తాకారంలో, దీర్ఘచతురస్రాకారంలో టేబుల్స్‌ను డిజైన్‌ చేస్తున్నారు. ప్రీమియం రకం డైనింగ్‌ టేబుల్స్‌ అయితే అవసరమైనప్పుడు డైనింగ్‌ టేబుల్‌లా వాడుకొని మిగిలిన సందర్భంలో మడతపెట్టి పక్కన పెట్టే విధంగా రూపొందిస్తున్నారు. మరికొన్ని రకాల టేబుల్స్‌ కింద పాత్రలు, ప్లేట్స్‌ పెట్టుకునే విధంగా అరలు కూడా ఉంటున్నాయి. ఎవరి కుటుంబ అవసరాలకు, అభిరుచులకు తగ్గట్టుగా వివిధ రకాల డైనింగ్‌ టేబుల్స్‌ మార్కెట్లో లభ్యమవుతున్నాయి. ►ఓపెన్‌ కిచెన్‌ ఉన్నప్పుడు హాల్‌లోనే ఒక పక్కన డైనింగ్‌ టేబుల్‌ ఏర్పాటు చేసుకోవచ్చు. హాల్‌ సైజ్‌కు అనుగుణంగా టేబుల్‌ సైజ్‌ ఉండేలా చూసుకుంటే మంచిది.  ► టేబుల్‌ మరీ పెద్దగా ఉండటం వల్ల హాల్‌ లేదా వంటగది చిన్నగా లేదా ఇరుగ్గా కనిపిస్తుంది.   ►పిల్లలు ఉన్న ఇంట్లో గ్లాస్‌ డైనింగ్‌ టేబుల్‌కు బదులుగా స్టోన్‌ ఫినిష్‌ ఉన్న టేబుల్‌ను లేదా ఉడెన్‌ టేబుల్‌ను ఎంచుకోవటం మంచిది.   ►కిచెన్‌లో ఏమాత్రం అవకాశం ఉన్నా ఇద్దరు లేదా ఒక్కరు కూర్చొని తినేందుకు వీలుగా ఉండే పోర్టబుల్‌ బ్రేక్‌ఫాస్ట్‌ టేబుల్‌ను ఏర్పాటు చేసుకోవచ్చు.  ►గ్లాస్‌ డైనింగ్‌ టేబుల్‌ ఉంటే.. దానికి ఉపయోగించిన వుడ్‌ మెటీరియల్స్‌ గోడల రంగులకు మ్యాచ్‌ అయ్యేలా చూసుకుంటే ఇంటి అందం రెట్టింపు అవుతుంది. 

టెలికాం రెగ్యులేటరీ అథారిటీ ఆఫ్ ఇండియా (ట్రాయ్) దేశీయ  టెలికాం దిగ్గజాలకు మరోసారి షాక్‌ ఇచ్చింది.  వినియోగదారులకు నాణ్యమైన సేవలను అందించడంలో లోపాల కారణంగా   భారతి ఎయిర్‌టెల్‌, జియో, వోడాఫోన్‌,  ఐడియా కంపెనీలకు ట్రాయ్‌ భారీ జరిమానా విధించింది. వివిధ  సేవల్లో నిర్దేశిత నాణ్యతా ప్రమాణాల నిబంధనల ఉల్లంఘన నేపథ్యంలో ట్రాయ్‌ ఈ నిర్ణయం తీసుకుందని పీటీఐ  నివేదించింది.  2017, అక్టోబరు 1 నుంచి సేవల (QoS) ప్రమాణాలను  నిబంధనలను కఠినతరం చేసిన  రెగ్యులేటరీ జనవరి-మార్చిలో సేవాల లోపాలకు సంబంధించి ఈ పెనాల్టీ విధించింది.  ముఖ్యంగా  టెలికాం మార్కెట్‌ సంచలనం ముకేశ్‌ అంబానీ నేతృత్వంలోని  రిలయన్స్‌ జియోకు రూ.34 లక్షలు భారీ జరిమానా విధించింది. అలాగే  భారతి ఎయిర్‌టెల్‌కు  రూ.11 లక్షలు  ఐడియా సెల్యులార్‌కు రూ.12.5 లక్షలు, వొడాఫోన్‌ ఇండియాకు రూ.4 లక్షల జరిమానా విధిస్తూ నోటీసులు జారీ చేసింది. అయితేతాజా జరిమానాపై టెల్కోలు  ఇంకా స్పందించాల్సి ఉంది.

సాక్షి, పోలవరం/పోలవరం రూరల్‌/అమరావతి: పోలవరం ప్రాజెక్టు హెడ్‌ వర్క్స్‌(జలాశయం) స్పిల్‌వే పనుల్లో నాణ్యతా ప్రమాణాలను పాటించకపోవడాన్ని కేంద్ర నిపుణుల కమిటీ తప్పుబట్టింది. స్పిల్‌వే పనుల్లో ఉపయోగిస్తున్న సిమెంట్, స్టీల్‌ నాసిరకంగా ఉన్నాయని తేల్చింది. సెంట్రింగ్‌(ఇనుప కడ్డీలను వంచడం) పనులను సక్రమంగా చేయకపోవడం వల్ల కాంక్రీట్‌ పనుల్లో పటిష్టత ఉండదని పేర్కొంది. పోలవరం జలాశయం నుంచి దిగువకు నీటిని విడుదల చేసేందుకు చేపట్టిన స్పిల్‌వే పనుల్లో నిర్లక్ష్యం తగదని స్పష్టం చేసింది. పోలవరం నిర్మాణ బాధ్యతలను రాష్ట్ర ప్రభుత్వానికి అప్పగించాక.. పనులను ఎప్పటికప్పుడు పర్యవేక్షించి, నివేదిక ఇవ్వడానికి కేంద్ర సర్కారు ‘నిపుణుల కమిటీ’ని ఏర్పాటు చేసిన సంగతి తెలిసిందే. ఇప్పటికే మూడుసార్లు పోలవరం పనులను పరిశీలించిన ఈ కమిటీ, ఆయా సందర్భాల్లో కేంద్రానికి ఇచ్చిన నివేదికలు తీవ్ర ప్రకంపనలు రేపాయి. స్పిల్‌వేకు చీలికలు కేంద్ర జలసంఘం(సీడబ్ల్యూసీ) సభ్యులు వైకే శర్మ నేతృత్వంలో సీడబ్ల్యూసీ సీఈ ఆర్కే పచౌరి, సీడబ్ల్యూసీ డిప్యూటీ డైరెక్టర్‌ ఎన్‌.కె.సింగ్, పోలవరం ప్రాజెక్టు అథారిటీ(పీపీఏ) సీఈ ఏకే ప్రధాన్, శాస్త్రవేత్త ఆర్‌.చిత్ర, పీపీఏ సభ్య కార్యదర్శి ఆర్కే గుప్తా తదితరులు సభ్యులుగా ఉన్న కేంద్ర నిపుణుల కమిటీ గురువారం పోలవరం స్పిల్‌వే పనులను క్షేత్రస్థాయిలో పరిశీలించింది. కాంక్రీట్‌ మిశ్రమంలో ఉపయోగిస్తున్న సిమెంట్, ఇసుక, కంకర నాణ్యతను పరీక్షించింది. సిమెంట్‌ నాణ్యతపై సందేహాలు వ్యక్తం చేసింది. అనంతరం స్పిల్‌ వే పనులు జరుగుతున్న ప్రదేశానికి చేరుకుంది. స్పిల్‌వే(సిమెంటు గోడ)కు అక్కడక్కడ గ్యాప్‌లు(చీలికలు) ఏర్పడటాన్ని గుర్తించింది. నాసిరకమైన స్టీల్, సెంట్రింగ్‌ ఇష్టారాజ్యంగా చేయడం, నాణ్యత లేని సిమెంట్‌తో కూడిన మిశ్రమాన్ని వినియోగించి పనులు చేయడం వల్లే స్పిల్‌ వేలో చీలికలు ఏర్పడ్డాయని తేల్చింది. పనుల్లో నాణ్యతా ప్రమాణాలను పాటించకపోవడంపై అధికారులను నిలదీసింది. నాణ్యతపై ఇకనైనా ప్రత్యేకంగా దృష్టి పెట్టాలని సూచించింది. ఇలాగైతే కష్టమే.. క్షేత్రస్థాయి పరిశీలనకు ముందు పోలవరం ప్రాజెక్టు పనుల ప్రగతిపై ఈఎన్‌సీ ఎం.వెంకటేశ్వరరావు హెడ్‌ వర్క్స్‌ వద్ద జలవనరుల శాఖ కార్యాలయంలో కేంద్ర కమిటీ సభ్యులకు పవర్‌ పాయింట్‌ ప్రజెంటేషన్‌ ఇచ్చారు. స్పిల్‌వే పనులను నవంబర్‌ నాటికి పూర్తి చేస్తామని.. వరద తగ్గాక కాఫర్‌ డ్యామ్‌ల పనులు చేపడతామని చెప్పారు. 2019 డిసెంబర్‌ నాటికి ప్రాజెక్టు నిర్మాణాన్ని పూర్తి చేస్తామన్నారు. సగటున రోజుకు ఆరు వేల క్యూబిక్‌ మీటర్ల చొప్పున కాంక్రీట్‌ పనులు చేస్తున్నామని అధికారులు వివరించారు. అలాగైతే స్పిల్‌వే పనులు నవంబర్‌ నాటికి పూర్తయ్యే అవకాశమే లేదని కమిటీ సభ్యులు తేల్చిచెప్పారు. పనులను వేగవంతం చేస్తూనే నాణ్యత పాటించాలన్నారు. ఇప్పటికే చేసిన పనులకు రూ.2200 కోట్లకుపైగా కేంద్రం రీయింబర్స్‌ చేయాల్సి ఉందని,  సవరించిన అంచనా వ్యయ ప్రతిపాదనల(డీపీఆర్‌–2)ను ఆమోదించేలోగా పనులను వేగవంతం చేయడానికి రూ.10 వేల కోట్లను అడ్వాన్సుగా ఇచ్చేలా కేంద్రానికి సిఫార్సు చేయాలని అధికారులు కోరారు. దీనిపై కమిటీ సభ్యులు స్పందిస్తూ.. డీపీఆర్‌–2 ఆమోదం మేరకు కేంద్రం నిధులు విడుదల చేస్తుందన్నారు. డయాఫ్రమ్‌ వాల్, జెట్‌ గ్రౌటింగ్‌పై సందేహాలు ఎర్త్‌ కమ్‌ రాక్‌ఫిల్‌ డ్యామ్‌ పునాది(డయాఫ్రమ్‌ వాల్‌) గోదావరి వరద ప్రవాహంలో మునిగిపోవడంతో వాటి నాణ్యతను కేంద్ర కమిటీ పరిశీలించలేకపోయింది. కాఫర్‌ డ్యామ్‌ పునాది(జెట్‌ గ్రౌటింగ్‌) పనులను కూడా పరిశీలించలేదు. వాటి నాణ్యతపైనా కమిటీ అనుమానాలు వ్యక్తం చేసింది. వరద ప్రవాహం పూర్తిగా తగ్గాక నాణ్యతను పరిశీలించాలని నిర్ణయించింది. పరిశీలన పూర్తయ్యాక కమిటీ ఛైర్మన్‌ వైకే శర్మ మీడియాతో మాట్లాడారు. స్పిల్‌వే కాంక్రీట్‌ పనుల్లో నాణ్యతా ప్రమాణాలు పాటించడం లేదని చెప్పారు. సిమెంట్, స్టీల్‌ నాణ్యతపై అసంతృప్తి వ్యక్తం చేశారు. అత్యంత కీలకమైన హెడ్‌ వర్క్స్‌(జలాశయం) పనులపై మరింత శ్రద్ధ వహించాల్సి ఉందన్నారు. నేడు సమీక్షా సమావేశం కేంద్ర నిపుణుల కమిటీ శుక్రవారం పోలవరం కుడి, ఎడమ కాలువలను పరిశీలించనుంది. అనంతరం పనుల ప్రగతి, నాణ్యతపై తీసుకోవాల్సిన జాగ్రత్తలు, పనులు వేగవంతం చేయడానికి తీసుకోవాల్సిన చర్యలపై రాజమహేంద్రవరంలో జలవనరుల శాఖ అధికారులతో సమీక్షా సమావేశం నిర్వహించనుంది. అధికారులకు దిశానిర్దేశం చేయనుంది. అనంతరం శుక్రవారం రాత్రికి కమిటీ ఢిల్లీకి బయలుదేరి వెళ్లనుంది. క్షేత్రస్థాయి పర్యటన, అధికారులతో నిర్వహించిన సమీక్షలో వెల్లడైన అంశాల ఆధారంగా ప్రాజెక్టు వాస్తవ స్థితిగతులపై కేంద్రానికి నివేదిక ఇవ్వనుంది. రేలా పిటిషన్‌పైఏపీకి నోటీసులు పోలవరంపై ‘సుప్రీం’ విచారణ వాయిదా సాక్షి, న్యూఢిల్లీ: పోలవరం ప్రాజెక్టువల్ల ముంపు ముప్పు ఉందని, స్టాప్‌ వర్క్‌ ఆర్డర్‌ ఉత్తర్వులను పునరుద్ధరించాలని రేలా స్వచ్ఛంద సంస్థ దాఖలు చేసిన పిటిషన్‌పై సుప్రీంకోర్టు కేంద్ర ప్రభుత్వం, ఏపీ ప్రభుత్వానికి నోటీసులు జారీచేసింది. ఈ ప్రాజెక్టు నిర్మాణంపై అభ్యంతరాలు వ్యక్తంచేస్తూ ఒడిశా దాఖలు చేసిన ఒరిజినల్‌ సూట్‌పై గురువారం జస్టిస్‌ మదన్‌ బి.లోకూర్, జస్టిస్‌ దీపక్‌ గుప్తా, జస్టిస్‌ అబ్దుల్‌ నజీర్‌తో కూడిన ధర్మాసనం విచారించింది. ముందుగా ఒడిశా ప్రభుత్వం తరఫున సీనియర్‌ న్యాయవాది గోపాల సుబ్రమణ్యం వాదనలు వినిపించారు. మరోవైపు.. ‘రేలా’ తరఫున న్యాయవాదులు జయంత్‌ భూషణ్, కె. శ్రావణ్‌ కుమార్‌ వాదనలు వినిపించారు. ఇంజినీర్ల సిఫారసుల మేరకు 2011లో కేంద్రం స్టాప్‌ వర్క్‌ ఆర్డర్‌ జారీ చేసిందని నివేదించారు. దీంతో ‘రేలా’ పిటిషన్‌పై కౌంటర్‌ దాఖలు చేయాలని కేంద్రం, ఏపీ ప్రభుత్వాలకు ధర్మాసనం నోటీసు లు జారీ చేస్తూ విచారణను మూడు వారాల పాటు వాయిదా వేసింది. ఒడిశా పిటిషన్‌తో పాటు ‘రేలా’ పిటిషన్‌ను కలిపి విచారిస్తామంది. 

సాక్షి, అమరావతి: శ్రీపొట్టిశ్రీరాములు నెల్లూరు జిల్లాలోని దామోదరం సంజీవయ్య థర్మల్‌ విద్యుత్‌ కేంద్రం (కృష్ణపట్నం)లో బొగ్గు నాణ్యత ఒక్కసారిగా పడిపోవటంపై పలు అనుమానాలు వ్యక్తమవుతున్నాయి. దీనిపై వాస్తవాలను పరిశీలించేందుకు ఉన్నతస్థాయి కమిటీని నియమించాలని ఇంధనశాఖ నిర్ణయించడంతో జెన్‌కో అధికారుల్లో కలవరం మొదలైంది. నివేదిక ఇవ్వకుండా తాత్సారం కృష్ణపట్నం థర్మల్‌ విద్యుత్తు కేంద్రానికి సరఫరా అయ్యే బొగ్గు నాణ్యత తగ్గడంపై ఆంధ్రప్రదేశ్‌ విద్యుత్‌ అభివృద్ధి కమిటీ లిమిటెడ్‌ (ఏపీపీడీసీఎల్‌) మౌనంగా ఉండటం పలు అనుమానాలకు తావిస్తోంది. బొగ్గు క్షేత్రాల నుంచే నాసిరకం బొగ్గు వస్తోందా? లేదంటే మధ్యలో ఇంకేదైనా వ్యవహారం జరుగుతోందా? అనే సందేహాలు వ్యక్తమవుతున్నాయి. కృష్ణపట్నం ప్లాంట్‌కు వచ్చే బొగ్గు పూర్తిగా తడిసిపోయి డొల్లగా ఉంటోందని, మండిస్తే సరైన ఉష్ణశక్తి రావడం లేదని ప్లాంట్‌ ఇంజనీర్లు ఇటీవల ఇంధనశాఖ ఉన్నతాధికారుల దృష్టికి తెచ్చారు. కృష్ణపట్నం ఏపీపీడీసీఎల్‌ పరిధిలోది కావడంతో వాస్తవ పరిస్థితిపై నివేదిక ఇవ్వాలని జెన్‌కో ఎండీ ఆదేశించినట్టు తెలిసింది. ఏపీపీడీసీఎల్‌ ముఖ్య అధికారి మాత్రం ఇప్పటివరకు ఎలాంటి నివేదిక ఇవ్వకుండా కాంట్రాక్టు సంస్థలతో చర్చలు జరుపుతున్నట్టు తెలిసింది. దీన్నిబట్టి నాసిరకం బొగ్గును ప్లాంట్‌కు చేరవేయడంలో కాంట్రాక్టర్ల హస్తం ఉందని, ఏపీపీడీసీఎల్‌ అధికారులు వారికి సహకరిస్తున్నారనే ఆరోపణలు వ్యక్తమవుతున్నాయి. నాణ్యత లేని బొగ్గు వాడటం వల్ల వినియోగం పెరిగి థర్మల్‌ ప్లాంట్‌ బాయిలర్స్‌పై ప్రభావం పడుతోందని ఇంజనీర్లు హెచ్చరిస్తున్నారు. ఏం జరుగుతోంది? కృష్ణపట్నం సూపర్‌ క్రిటికల్‌ విద్యుత్‌ కేంద్రం స్థాపిత సామర్థ్యం 1,600 మెగావాట్లు. ఇక్కడ నిత్యం 16 వేల మెట్రిక్‌ టన్నుల బొగ్గు వినియోగిస్తారు. ఈ ప్లాంట్‌కు మహానది కోల్‌ ఫీల్డ్‌ (ఎంసీఎల్‌) బొగ్గు సరఫరా చేస్తోంది. ఒడిశాలోని తాల్చేరు గనుల నుంచి సేకరించే  బొగ్గును సమీపంలోనే వాష్‌ చేస్తారు. ఓ ప్రైవేటు సంస్థకు ఈ కాంట్రాక్టు బాధ్యతను అప్పగించారు. వ్యర్థాన్ని తొలగించాక బొగ్గును నేరుగా పారాదీప్‌ పోర్టుకు తరలిస్తారు. అక్కడి నుంచి సముద్రమార్గం ద్వారా కృష్ణపట్నం పోర్టుకు చేరుతుంది. అనంతరం కన్వేయర్‌ బెల్ట్‌ ద్వారా థర్మల్‌ ప్లాంట్‌కు నేరుగా చేరుతుంది. వాస్తవానికి బొగ్గు మైన్‌ దగ్గరే నాణ్యత పరీక్ష కోసం నమూనాలు సేకరిస్తారు. తర్వాత ప్లాంట్‌ దగ్గర మరో శాంపుల్‌ తీస్తారు. బొగ్గు క్షేత్రాల దగ్గర ఎంసీఎల్‌ తీసే శాంపుల్‌ 4,120 జీసీవీ (ఉష్ణశక్తి) వరకూ ఉంటుంది. కానీ ప్లాంట్‌లో ఇది 3,700 ఉంటోందని, గత నెల రోజులుగా ఇదే పరిస్థితి ఉందని కృష్ణపట్నం సీనియర్‌ ఇంజనీర్లు గుర్తించారు. ఉన్నతాధికారులు మాత్రం ఎంసీఎల్‌ శాంపుల్స్‌ నాణ్యతనే పరిగణలోనికి తీసుకుని వాస్తవాలను దాచిపెడుతున్నట్లు తెలిసింది. ఈ బొగ్గును కేంద్ర ప్రభుత్వ సంస్థ సింఫర్‌కు థర్డ్‌ పార్టీ పరీక్షకు పంపుతారు. దీన్ని కూడా కొంతమంది మేనేజ్‌ చేస్తున్నారని, నాణ్యత ఉన్న శాంపుల్స్‌ పంపుతున్నారని తెలిసింది. వాష్‌ చేసిన బొగ్గును ప్లాంట్‌కు చేరవేసే కాంట్రాక్టు సంస్థలు నాణ్యమైన బొగ్గును ఇతర ప్రైవేట్‌ సంస్థలకు అమ్ముకునే వీలుంది. అందుకనే నాసిరకం బొగ్గును కలుపుతున్నట్లు కృష్ణపట్నం ఇంజనీర్లు అనుమానిస్తున్నారు. పోర్టులో గోల్‌మాల్‌? పారాదీప్‌ లేదా కృష్ణపట్నం పోర్టులో గోల్‌మాల్‌ జరిగే అవకాశం ఉందని తెలుస్తోంది. ప్రైవేట్‌ థర్మల్‌ కేంద్రాలకు నాణ్యమైన బొగ్గును తరలిస్తూ కాంట్రాక్టు సంస్థలు సొమ్ము చేసుకుంటున్నాయని, ఏపీపీడీసీఎల్‌ ఉన్నతాధికారికి భారీగా ముడుపులు అందుతున్నాయనే ఆరోపణలున్నాయి. దీనిపై జెన్‌కో అధికారులను సంప్రదించగా వర్షాల కారణంగా బొగ్గు తడిసి నాణ్యత తగ్గుతోందన్నారు. నాణ్యత తగ్గడంపై విచారణకు ఆదేశించినట్టు ఓ ఉన్నతాధికారి తెలిపారు. దీనిపై ఏపీపీడీసీఎల్‌ సీజీఎం రాఘవేంద్రరావును వివరణ కోరేందుకు ప్రయత్నించగా ఆయన నిరాకరించారు.

సాక్షి, హైదరాబాద్‌: సాక్షి దినపత్రిక మరో అరుదైన ఘనత సాధించింది. కలర్‌ఫుల్‌గా వెలుగులు విరజిమ్ముతూ రంగుల ముద్రణా నాణ్యతలో తనకు సాటిలేదని నిరూపించుకుంది. అంతర్జాతీయ ప్రమాణాలతో పోటీ పడి అత్యంత ప్రతిష్టాత్మకమైన ఇంటర్నేషనల్‌ కలర్‌ క్వాలిటీ క్లబ్‌ (ఐసీక్యూసీ)లో సభ్యత్వాన్ని సాధించింది. 2018–20 సంవత్సరాలకుగాను సాక్షి ఈ ఘనతను సాధిం చినట్లు వరల్డ్‌ అసోసియేషన్‌ ఆఫ్‌ న్యూస్‌ పేపర్స్‌ అండ్‌ న్యూస్‌ పబ్లిషర్స్‌ (వాన్‌–ఇఫ్రా) శుక్రవారం ప్రకటించింది. ఐసీక్యూసీలో సభ్యత్వం కోసం సాక్షి మీడియా గ్రూప్‌ తెలుగు రాష్ట్రాల్లోని 22 ముద్రణా కేంద్రాల తరఫున పోటీలో పాల్గొంది. అన్ని ప్రింట్‌ సెంటర్లకు ఐసీక్యూసీలో విజయవంతంగా సభ్యత్వాన్ని సాధించి రికార్డు సృష్టించింది. ఒక వార్తా పత్రిక తమ ముద్రణా కేంద్రాల న్నింట్లోనూ అత్యంత నాణ్యతా ప్రమాణాలు పాటించడం, ఐసీక్యూసీలో సభ్యత్వం కోసం పోటీ పడి దానిని సాధించడం ప్రపంచంలోనే ఇది తొలిసారి. వాన్‌–ఇఫ్రా ఐసీక్యూసీ పోటీలో ఏకంగా 22 ఎడిషన్లలో సభ్యత్వాన్ని సాధించిన ప్రపంచంలోని ఏకైక సంస్థ సాక్షి మాత్రమే. వార్తా పత్రికలు, పబ్లిషింగ్‌ సంస్థలు ముద్రణలో ఎంతవరకు నాణ్యతను పాటిస్తున్నాయో శాస్త్రీయంగా పరిశీలిస్తూ వస్తోంది వాన్‌ ఇఫ్రా. 1994 నుంచి ముద్రణకు సంబంధించి పోటీలు నిర్వహిస్తూ ముద్రణా ప్రమాణాలకు అనుగుణంగా పాయిం ట్లు ఇస్తోంది. ఈ పోటీలో పాల్గొని ముద్రణలో అత్యుత్తమ నాణ్యతా ప్రమాణాలు పాటించిన దినపత్రికలకు ఐసీక్యూసీలో సభ్యత్వాన్ని ఇస్తోంది. పాఠకుల్ని, అడ్వర్టయిజర్లను ఆకట్టుకోవాలం టే ముద్రణలో నాణ్యతా ప్రమాణాలు అత్యంత ముఖ్యమని భావించిన ఇఫ్రా ఈ పోటీ ప్రారంభించింది. రంగుల ముద్రణలో నాణ్యతను పరీక్షించేందుకు ఇఫ్రా ప్రతిపాదించిన ‘క్యూబాయిడ్‌‘ను వార్తాపత్రికలు తమ రెగ్యులర్‌ ఎడిషన్లలో నెలకు 5 రోజులచొప్పున 3 నెలలపాటు ముద్రించి.. ఆ ప్రతుల్ని వాన్‌–ఇఫ్రాకు పంపించాలి. ఆ సంస్థ నిపుణులు ముద్రణలో నాణ్యతను అంచనా వేసి సభ్యత్వాన్ని ఇస్తారు. ఈ ఏడాది అక్టోబర్‌లో జర్మనీలోని బెర్లిన్‌లో జరిగే కార్యక్రమంలో సాక్షికి సభ్యత్వాన్ని ఇవ్వనున్నారు.

మనిషి వయసుకు తగ్గ ఎత్తు... అందుకు తగ్గ బరువు ఉంటేనే సంపూర్ణ ఆరోగ్యంగా ఉన్నట్టు. దీనికోసం శాస్త్రీయ పద్ధతిలో అధ్యయనం చేశాక ఏ వయసువారు ఎంత ఎత్తు ఉండాలి... ఎంత బరువు ఉండాలనేది నిర్థారించారు. పుట్టబోయే బిడ్డలనుంచి... పుట్టిన తరువాత పూర్తిస్థాయిలో ఎదుగుదల వచ్చేంతవరకూ ఆ లెక్కల ప్రకారమే ఉండాలంటే ఏమేరకు పౌష్టికాహారం అందివ్వాలో కూడా నిర్ణయించారు. అందుకోసం అంగన్‌వాడీ కేంద్రాలను వేదికగా చేశారు. అక్కడ చిన్నారులు, గర్భిణులు, బాలింతల బరువు తెలుసుకుని అందుకు తగ్గట్టుగా పౌష్టికాహారం ఇవ్వాలని నిర్దేశించారు.కానీ వారి బరువు తెలుసుకునే తూనిక యంత్రాలు మాత్రం నాణ్యమైనవి కాకపోవడంతో అవన్నీ అటకెక్కాయి. పార్వతీపురం : ఆరోగ్యవంతమైన సమాజ నిర్మాణానికి అంగన్‌వాడీ కేంద్రాలను కీలకంగా నిర్ణయించారు. అందులోని నవజాత శిశువులు, చిన్నపిల్లలు, గర్భిణులు నిర్దేశిత బరువు కలిగి ఉన్నారో లేదో తెలుసుకునేందుకు రెండు రకాల తూనికల యంత్రాలను సరఫరా చేశారు. వీటిని జాతీయ గ్రామీణ ఆరోగ్య పథకం కింద కొనుగోలు చేసి ఈ కేం«ద్రాలకు సరఫరా చేశారు. వీటిని ఉపయోగించి బరువు నమోదు చేసి రికార్డుల్లో పొందుపరుస్తూ అందుకు అనుగుణంగా వారికి పౌష్టికాహారాన్ని అందించాలని నిర్ణయించారు. చిన్నపిల్లలను ఒక ఓ బ్యాగ్‌లో వేసి తూసే త్రాసును సాల్టర్‌ స్కేల్‌ అని, నిల్చుని తూసే యంత్రాన్ని అడల్ట్‌ స్కేల్‌ అని పిలుస్తారు. వీటి ద్వారా బరువు తెలుసుకుని అందుకు తగ్గట్టుగా వారికి పౌష్టికాహారం సరఫరా చేయాలి. నాలుగేళ్ల క్రితం సరఫరా చేసిన ఈ యంత్రాలను వినియోగించి ప్రతీ నెలా తూనికలు కొలిచి ఆ వివరాలను రికార్డుల్లో పొందుపరచాలి. కానీ చాలా కేంద్రాల్లో తూనికల యంత్రాలు పూర్తిగా పనిచేయడంలేదు. కొన్ని చోట్ల యంత్రాలు తప్పుడు రిపోర్టులు చూపిస్తున్నాయి. మెషీన్‌లో ఏది చూపెడితే ఆ సంఖ్యనే రికార్డుల్లో నమోదు చేసి అంగన్‌వాడీ కార్యకర్తలు చేతులు దులుపుకోవడం తప్ప అవి వాస్తవాలా కావా అని ఏనాడూ పరిశీలించిన దాఖలాలు లేవు. అన్నీ కాకమ్మ లెక్కలే... అంగన్‌వాడీ కేంద్రాల్లో ప్రతీ నెలా చిన్నపిల్లలను, గర్భిణులను తూకం వేసి న్యూట్రీషన్‌ హెల్త్‌ ట్రాకింగ్‌ సిస్టం ద్వారా వివరాలను కార్యకర్త నమోదు చేయాలి. కాని చాలా కేంద్రాల్లో ఈ తూనికల యంత్రాలు లేవు. కొన్ని చోట్ల పనిచేయడంలేదు. దీనివల్ల గత నెలలో వచ్చిన గణాంకాలకు కాస్త అటు ఇటుగా కలిపేసి రికార్డుల్లో చూపిస్తూ నివేదికలు పంపించేస్తున్నారు. ఒక వేళ ఎత్తుకు తగ్గ బరువుని పిల్లలున్నా ఆ వివరాలను రికార్డుల్లో చూపించడంలేదు. బరువు తక్కువగా ఉన్నట్టయితే ఆ పిల్లలను జిల్లా కేంద్రంలోని ఎన్‌ఆర్సీకి తల్లి, బిడ్డను పంపించాలి. వారిని ఆ కేంద్రానికి పంపించేందుకు వారిని ఒప్పించడం చాలా కష్టం. అందుకని తక్కువ బరువు ఉన్నప్పటికీ అన్నీ సక్రమంగానే ఉన్నట్టు నమోదు చేసేసి తప్పించుకుంటున్నారు. లెక్కింపు ఇలా... తక్కువ బరువున్నవారిని వేర్వేరు నివేదికల్లో పొందుపరచాలి. శాం(సివియర్‌ ఎక్యూర్‌ మాల్‌ నిరస్ట్‌), మేమ్‌లో(మోడరేట్‌ ఎక్యూర్‌ మాల్‌ నరిస్ట్‌) చూపిస్తారు. శాం అంటే అతి తక్కువ బరువు ఉన్నపిల్లలు, మేమ్‌ అంటే తక్కువ బరువు ఉన్న పిల్లలు. శాంలో ఉన్న పిల్లలను ఎన్‌ఆర్సీకి పంపించాల్సి ఉంటుందని తెలిసి వారిని మేమ్‌లో చూపించి అంగన్‌వాడీ కేంద్రాల్లోనే ఉంచి వారికి పౌష్టికాహారాన్ని అందిస్తున్నారు. అంతేగాకుండా తూనిక యంత్రాలు పనిచేయని కారణంగా అంగన్‌వాడీ కేంద్రాల్లో లోపభూయిష్టంగా గణాంకాలు నమోదౌతున్నాయి. ఐటీడీఏ సబ్‌ ప్లాన్‌మండలాల్లో గల కురుపాం ప్రాజెక్టు పరిధిలో 316 తూనిక యంత్రాలు అవసరం కాగా కేవలం 72 ఉన్నాయి. భద్రగిరి ప్రాజెక్టు పరిధిలో 186 అవసరం కాగా చిన్న పిల్లల బరువును నమోదు చేసే స్ప్రింగు తూనిక పరికరాలు 22 మాత్రమే పనిచేస్తున్నాయి. పార్వతీపురంలో 317 పరికరాలు అవసరం ఉన్నా 185 మాత్రమే పనిచేస్తున్నట్లు అధికారులు చెబుతున్నారు. పాచిపెంటలో 235కు 80 పరికరాలు, సాలూరు ప్రాజెక్టులో 237కు 78 పరికరాలు అందుబాటులో ఉన్నాయి.  సర్వేలో వెలుగు చూసిన వాస్తవాలు ఐసీడీఎస్‌ ప్రాజెక్టు పరిధిలో శిశువుల ఆరోగ్యం, ఎదుగుదల అంశాలపై తిరుపతికి చెందిన పద్మావతి విశ్వవిద్యాలయం గృహ విజ్ఞానం విభాగం చేత ఆంధ్రప్రదేశ్‌లోని గుంటూరు తదితర కొన్ని జిల్లాల్లో సర్వే చేయించారు. ఈ సర్వేలో ఐసీడీఎస్‌ ప్రతీ నెలా అందిస్తు న్న గణాంకాలకు ,క్షేత్ర స్థాయిలో వారు చేసిన పరిశీలనలో తెలుసుకున్న గణాం కాలకుచాల వ్యత్యాసాలు ఉన్నట్టు రూఢి అయ్యింది. ఎందుకు ఇలా జరుగుతోంది అన్న కోణంలో పరశీలన జరపగా తూనిక యం త్రాల పనితీరు విష యం వెలుగులోకి వచ్చిం ది. దీనిని దృష్టిలో పెట్టుకుని మన జిల్లాలో ఉన్న పరిస్థితులు, మూలకు చేరిన తూనిక యంత్రాల బూజు దులిపే పనిలో ఆ శాఖాధికారులు తలమునకలయ్యారు. అసలు జిల్లాల్లో ఎన్ని తూనిక యంత్రాలున్నాయి. వాటిలో ఎన్ని పనిచేస్తున్నాయి. ఎన్ని పనిచేయలేదు. అనే విషయాలపై పీడీ రాబర్ట్స్‌ ఆరా తీస్తున్నారు. పనిచేయని చోట అంగన్‌ వాడీ కార్యకర్తలు నివేదికలు ఎలా పంపిస్తున్నారు. అనే వాస్తవాలను ఐసీడీఎస్‌ సీడీపీఓల ద్వారా తెపించుకుంటున్నారు. గిరిజన ప్రాంతంలో సమగ్ర సర్వేపై పీఓ దృష్టి ఐటీడీఏ సబ్‌ప్లాన్‌ మండలాల్లోని గిరిజన ప్రాంతాల్లో ఎక్కువగా పౌష్టికాహార లోపంతో కూడిన శిశువులు నమోదౌతుంటారు. ఇలాంటి చోట్ల తూనిక యంత్రాలు సక్రమంగా పనిచేయకపోతే మాతా, శిశువుల ఆరోగ్యం క్షీణించే ప్రమాదం ఉంది. కాబట్టి అసలు ఐటీడీఏ సబ్‌ప్లాన్‌ మండలాల్లోని అంగన్‌వాడీ కేంద్రాల్లో ఉన్న తూనిక యంత్రాల వివరాల సేకరణపై పీఓ డాక్టర్‌ జి.లక్ష్మిశ దృష్టిసారించారు. అవసరమైతే ఐటీడీఏ నిధులతో కొత్తవాటిని కొనుగోలు చేయడం, పాత వాటిని వీలైనంత వరకు మరమ్మతు చేయడానికి అవసరమైన నిధులను మంజూరు చేయడానికి పీఓ ముందుకు వచ్చారు. పనిచేయని వాటిని మరమ్మతు చేయిస్తున్నాం... అంగన్‌వాడీ కేంద్రాల్లో కొన్ని చోట్ల తూనిక యంత్రాలు పనిచేయడంలేదు. అలాంటి చోట్ల పక్క కేంద్రాలనుంచి తూనిక యంత్రాలను తెప్పించుకుని పిల్లల బరువులను తూయిస్తున్నాం. నెలలో ఒకసారి తూయాలి కాబట్టి పొరుగు కేం«ద్రాలనుంచి యంత్రాలను తెప్పించి రిపోర్టు చేస్తున్నారు. త్వరలో అన్ని మెషిన్లు రిపేరు చేయడానికి నిధులు మంజూరు చేస్తున్నారు. ఐటీడీఏ సహకారంతో గిరిజన ప్రాంతంలో అన్ని కేంద్రాల్లో తూనిక యంత్రాలు సక్రమంగా పనిచేసేలా చర్యలు చేపడుతున్నాం. – విజయగౌరి, సీడీపీఓ, పార్వతీపురం 

హైదరాబాద్, బిజినెస్‌ బ్యూరో: ఏసీ అనగానే ముందు గుర్తొచ్చేది కరెంటు బిల్లు. మామూలు బిల్లుకు... ఏసీ వాడితే వచ్చే కరెంటు బిల్లుకు దాదాపు మూడు నాలుగు రెట్లు తేడా ఉంటుంటుంది. అందుకే అంతా విద్యుత్‌ను ఆదా చేసే ఏసీలకే ఓటేస్తారు. ఫలితంగానే ఈ మధ్య ఇన్వర్టర్‌ ఏసీలకు డిమాండ్‌ అనూహ్యంగా పెరుగుతోంది. మొత్తం పరిశ్రమలో 2016లో ఇన్వర్టర్‌ విభాగం వాటా కేవలం 14 శాతమే. గతేడాది ఇది రెండింతలకుపైగా పెరిగి 32 శాతానికి చేరింది. 2018లో ఇన్వర్టర్‌ ఏసీల వాటా 60 శాతానికి చేరడం ఖాయమని ఎల్‌జీ చెబుతోంది. సాధారణ 5 స్టార్‌ ఏసీలతో పోలిస్తే ఇన్వర్టర్‌ మోడల్‌కు ధరలో పెద్దగా వ్యత్యాసం లేకపోవడం కూడా డిమాండ్‌కు కారణమని పరిశ్రమ చెబుతోంది. దాదాపు అన్ని కంపెనీలూ ఈ విభాగంలో పెద్ద ఎత్తున మోడళ్లను ప్రవేశపెడుతున్నాయి. ఏసీల నాణ్యత ప్రమాణాలను బ్యూరో ఆఫ్‌ ఎనర్జీ ఎఫీషియెన్సీ (బీఈఈ) కఠినతరం చేయడంతో మెరుగైన మోడళ్లు మార్కెట్లోకి వస్తున్నాయి. కఠిన ప్రమాణాలు ఇక్కడే.. భారత్‌లో 2018 జనవరి 1 నుంచి ‘ఇండియన్‌ సీజనల్‌ ఎనర్జీ ఎఫీషియెన్సీ రేషియో (ఐఎస్‌ఈఈఆర్‌)’  పేరిట ఏసీలకు కొత్త స్టార్‌ రేటింగ్‌ ప్రమాణాలు అమల్లోకి వచ్చాయి. వీటి వల్ల ఏసీకి వినియోగించే విద్యుత్‌ 40 శాతానికి తగ్గింది. అలాగే 5 స్టార్‌ ఏసీ కాస్తా 3 స్టార్‌ అయింది. కొత్త రేటింగ్స్‌కు అనుగుణంగా తక్కువ విద్యుత్‌ను ఖర్చు చేసే విధంగా అత్యంత నాణ్యమైన ఏసీలను కంపెనీలు తయారు చేయాల్సిందే. ప్రపంచంలో విద్యుత్‌ను అత్యంత సమర్థవంతంగా వినియోగించే ఉత్పాదనగా భారత 5 స్టార్‌ ఏసీ నిలిచినట్లు బ్లూ స్టార్‌ జాయింట్‌ ఎండీ బి.త్యాగరాజన్‌ ‘సాక్షి బిజినెస్‌ బ్యూరో’ ప్రతినిధితో చెప్పారు. రెండు మూడేళ్లలో ఇన్వర్టర్‌ విభాగమే మార్కెట్‌ను పూర్తిగా కైవసం చేసుకుంటుందని ఎల్‌జీ ఎలక్ట్రానిక్స్‌ ఇండియా ఏసీ బిజినెస్‌ హెడ్‌ విజయ్‌ బాబు ధీమా వ్యక్తంచేశారు. కోటి యూనిట్ల దిశగా.. దేశవ్యాప్తంగా 2017లో 55–60 లక్షల ఏసీలు అమ్ముడయ్యాయి. 2020 నాటికి ఒక కోటి యూనిట్లను దాటవచ్చని బ్లూ స్టార్‌ అంచనా వేస్తోంది. వచ్చే మూడేళ్లు పరిశ్రమ సగటున 15% వృద్ధిని నమోదు చేస్తుందని బ్లూస్టార్‌ చెబుతోంది. భారత్‌లో కస్టమర్లు ఏడేటళ్లకు ఒకసారి ఏసీని మారుస్తున్నారట. పైపెచ్చు గతంలో ఒక ఏసీకే పరిమితమైన వారు ఇప్పుడు అదనపు ఏసీలను సమకూర్చుకుంటున్నారు. 50% మంది కస్టమర్ల ఆలోచన ఏసీకి అయ్యే విద్యుత్‌ ఖర్చు గురించేనట. ఇవన్నీ తాజా సర్వేలో వెల్లడైన అంశాలు. కాగా, బ్యూరో ఆఫ్‌ ఎనర్జీ ఎఫీషియెన్సీ (బీఈఈ) ప్రకారం రోజుకు 8 గం టల చొప్పున 200 రోజులు 1.5 టన్ను ఇన్వర్టర్‌ ఏసీ వినియోగిస్తే 5 స్టార్‌ మోడల్‌కు సుమారు 850 యూనిట్లు, 3 స్టార్‌కు అయితే 1,050 యూ నిట్లు విద్యుత్‌ ఖర్చు అవుతుంది. మోడల్‌ను బట్టి స్వల్పంగా యూనిట్లలో తేడా ఉంటుంది. సాధారణ ఏసీ మోడల్‌ అయితే ఇన్వర్టర్‌ ఏసీ కంటే 70% అధికంగా విద్యుత్‌ ఖర్చవుతుంది. 

రాష్ట్ర ప్రభుత్వం రేషన్‌ డీలర్లను దొంగదెబ్బ తీసింది. బియ్యం సరఫరా కోసం చెల్లించిన సొమ్ము పాత బకాయిల కింద జమచేసుకొని తమను మోసం చేశారని డీలర్లు ఆందోళన వ్యక్తం చేస్తున్నారు. సాక్షి, విజయవాడ : గత నెల నుంచి రాష్ట్ర ప్రభుత్వం తెల్లరేషన్‌ కార్డుదారులకు  కందిపప్పు, పచ్చిశనగపప్పు  విక్రయించాలని నిర్ణయించింది. పప్పు నాణ్యత లేకపోవడంతో పాటు ప్రైవేటు మార్కెట్లో «ధరకు ఇంచుమించుగా ప్రభుత్వం ఇచ్చే ధర ఉండటంతో రేషన్‌ డీలర్లు సరుకు తీసుకోవడానికి ఇష్టపడలేదు. గత్యంతరం లేని పరిస్థితుల్లో అప్పుగానే ప్రభుత్వం కందిపప్పు సరఫరా చేసింది. కందిపప్పు బకాయి వసూలు.... జిల్లాలో మొత్తం 2,235 మంది రేషన్‌ డీలర్లు ఉన్నారు. అలానే 12.60 లక్షల తెల్ల రేషన్‌ కార్డులున్నాయి. గత నెలలో ఒక్కో రేషన్‌ డీలర్‌కు రెండేసి క్వింటాళ్ల చొప్పున అప్పు మీద  కందిపప్పు ఇచ్చారు. వాటి ఖరీదు. రూ.8000.  ఈ నెలలో కందిపప్పు విక్రయించిన తరువాత సొమ్ము చెల్లిద్దామని డీలర్లు భావించారు. బియ్యం కోసం డీలర్లు పౌరసరఫరాల శాఖకు సొమ్ము చెల్లిస్తే, వాటిని ప్రభుత్వం కందిపప్పునకు జమ చేసుకుంటోంది. బియ్యానికి తిరిగి సొమ్ము చెల్లిస్తేనే సరఫరా చేస్తామని అధికారులు చెబుతున్నారు.  బియ్యానికి కట్టిన సొమ్మును కందిపప్పుకు జమ చేసుకోవడంతో డీలర్లు ఆవేదన చెందుతున్నారు. ఒక్కో డీలర్‌కు సుమారు 50 నుంచి 80 క్వింటాళ్ల బియ్యం ఆగిపోయాయి. ప్రస్తుతం ఉన్న సాఫ్ట్‌వేర్‌ ప్రకారం సొమ్ము చెల్లిస్తే తొలుత పాత బకాయికి జమ చేసుకుంటుందని డీలర్లకు నచ్చ చెప్పే ప్రయత్నం చేస్తున్నారు. దీనిపై డీలర్లు అభ్యంతరం వ్యక్తం చేస్తూ తమకు బియ్యం ఆపకుండా సరఫరా చేయాలని కోరుతున్నారు. జిల్లాలో 4055 క్వింటాళ్ల కందిపప్పు డీలర్లకు సరఫరా.... కందిపప్పు నాణ్యత లేకపోవడంతో పాటు సకాలంలో సరఫరా చేయకపోవడంతో మార్చి నెలలో కేవలం 13 శాతం మాత్రమే విక్రయాలు సాగించారు. ఒక్కో కార్డుకు కిలో కందిపప్పు సరఫరా చేయాలని ప్రభుత్వం నిర్ణయించింది. తొలి విడతగా డీలర్లకు అప్పు పై 4055 క్వింటాళ్లను జిల్లా వ్యాప్తంగా అధికారులు పంపిణీ చేశారు. సరఫరా చేసిన మొత్తం సరుకులో కేవలం 13 శాతం డీలర్లు విక్రయించగలిగారు. కందిపప్పు నాణ్యత లేకపోయినా బియ్యంతో పాటే వచ్చి ఉంటే ఏదో విధంగా కార్డుదారులకు డీలర్లు అమ్మేసేవారు. మార్చి 13వ తేదీ తర్వాత పప్పు సరఫరా చేశారు. 15 తరువాత సర్వర్‌ పనిచేయదు. అందువల్ల  చౌకబియ్యాన్ని 90 శాతం మంది పేదలు 10 వ తేదీ లోగానే తీసేసుకుంటారు. డీలర్లకు 13 న కందిపప్పు  సరఫరా చేయడంలో విక్రయించలేకపోయారు. నాణ్యత సరిగా లేకపోవడంతో పాటు, ప్రైవేటు మార్కెట్లో కేజీ రూ.55కు లభిస్తుండగా, రేషన్‌ దుకాణంలో రూ.40కు విక్రయిస్తుండటంతో చాలా మంది పేదలు కందిపప్పు తీసుకోవడానికి ఇష్టపడలేదు.   బియ్యం సొమ్ము జమ వాస్తవమే ఈ నెలలో బియ్యానికి చెల్లించిన సొమ్ము గతనెలలో ఇచ్చిన కందిపప్పుకు జమ చేసుకుంటున్నారు. అదేమంటే సాఫ్ట్‌వేర్‌ అలా ఉందని అంటున్నారు. బియ్యం సకాలంలో సరఫరా చేయకపోతే పేదలు ఇబ్బంది పడతారు. ఇప్పటికే ఈ విషయం అధికారుల దృష్టికి తీసుకువెళ్లాం. మంగళ, బుధవారాల్లో కలెక్టర్‌ లేదా జాయింట్‌ కలెక్టర్‌ను కలిసి విజ్ఞాపన పత్రం ఇద్దామని భావిస్తున్నాం. కందిపప్పు విక్రయించే వరకు ఆ బకాయి వసూలు చేయకుండా ఆపాలి.– ఎం.శ్రీనివాస్,కృష్ణా జిల్లా రేషన్‌ డీలర్ల అసోసియేషన్‌ కార్యదర్శి

చౌక ధరల దుకాణాల్లో బియ్యం తప్ప మరే ఇతర సరుకులు పంపిణీ చేయడం లేదనే విమర్శల నేపథ్యంలో తెల్ల రేషన్‌కార్డుదారులకు కందిపప్పు, శనగపప్పు అందించాలని ప్రభుత్వం నిర్ణయించింది. పప్పుల నాణ్యత ప్రశ్నార్థకంగా ఉండటంతో ఏ విధంగా పంపిణీ చేయాలని డీలర్లు తలలు పట్టుకుంటున్నారు.  చంద్రన్న కానుకలో మిగిలిపోయిన పప్పులే ప్రసుత్తం ప్యాకింగ్‌ చేసి సరఫరా చేసేందుకు ప్రభుత్వం సిద్ధమైంది. డీలర్లకు అప్పు ప్రాతిపదికన కందిపప్పు సరఫరా చేసేందుకు ప్రభుత్వం ఒప్పుకున్నా సవాలక్ష షరతులు విధించి ఇబ్బందులకు గురిజేస్తుందనే విమర్శలొస్తున్నాయి.   సాక్షి, విజయవాడ : తెల్లకార్డుదారులకు ఈ నెల నుంచి కందిపప్పు, పచ్చి శనగపప్పు ఇవ్వడానికి ప్రభుత్వం ముందుకొచ్చినా ఆ సరుకులు పంపిణీ చేయాలంటే డీలర్లు సందేహిస్తున్నారు. ఉగాది నాటికి పేదలందరికీ విక్రయించే విధంగా ఇప్పటికే గోదాముల నుంచి కందిపప్పు, శనగపప్పు సరఫరాకు సిద్ధం చేశారు. ఈ పప్పు నాణ్యత సరిగా లేదని డీలర్లు ఆరోపిస్తున్నారు. దేశవాళీ కందిపప్పు పాతవి మిగిలిపోయిన స్టాక్‌ ఇస్తున్నారని, ఈ పప్పు త్వరగా ఉడకదని డీలర్లు చెబుతున్నారు. ఇక చంద్రన్న కానుకలో ఇవ్వగా మిగిలిన శనగపప్పు ఇప్పుడు తిరిగి ప్యాకింగ్‌ చేసి చౌకధరల దుకాణాలకు సరఫరా చేస్తున్నారు. గతంలో ఇచ్చిన చంద్రన్న కానుకల్లో ముఖ్యంగా శనగపప్పు పుచ్చిపోయి పాడైపోయిందనే విమర్శలు వచ్చాయి. ఇప్పుడు దాన్నే తిరిగి ప్యాకింగ్‌ చేసి సరఫరా చేయడం పై విమర్శలు వెల్లువెత్తుతున్నాయి. చంద్రన్న కానుక కోసం కొనుగోలు చేసిన శనగపప్పు అయిపోతే వచ్చే నెల నుంచి ఇచ్చే అవకాశం లేదని తెలిసింది. రేటులో వ్యత్యాసం తక్కువ.... నాణ్యత అంతంత మాత్రంగా ఉన్నప్పటికీ రేటులో మాత్రం ప్రైవేటు మార్కెట్‌తో పోల్చితే పెద్దగా తేడా లేదు. వాస్తవంగా ప్రైవేటు మార్కెట్లో కేజీ కందిపప్పు రూ.55 కు లభిస్తుండగా, రేషన్‌ దుకాణంలో రూ.40 కు విక్రయిస్తున్నారు. Ôð శనగపప్పు రూ.45కు లభిస్తుండగా రేషన్‌ దుకాణంలో రూ.40 కు విక్రయిస్తున్నారు. అందువల్ల రేషన్‌ దుకాణంలో ఎంతమేరకు కొనుగోలు చేస్తారనే అనుమానాలు వ్యక్తం అవుతున్నాయి. కిలోకి రూ.2 కమీషన్‌ కావాలి... కేజీ కందిపప్పు, శనగపప్పు విక్రయిస్తే కేవలం 45 పైసలు మాత్రమే ప్రభుత్వం డీలర్లకు ఇస్తోంది. దీన్ని వారు తీవ్రంగా వ్యతిరేకిస్తున్నారు. ఒక్కో రేషన్‌ దుకాణానికి సుమారు 500 కార్డులు ఉన్నాయి. ఒక కార్డుకు కిలో కందిపప్పు ఇస్తారు. ఈ లెక్కన 500 కేజీలకు రూ.250 కమీషన్‌ వస్తుంది.  ఈ కమీషన్‌ ఎగుమతులు దిగుమతులకు, తరుగులకే సరిపోవని, అందువల్ల కమీషన్‌ కేజీకి రూ.2 చొప్పున చెల్లించాలని  ఏపీ రేషన్‌ డీలర్ల కన్వీనర్‌ కాగిత కొండ (జేమ్స్‌) డిమాండ్‌ చేశారు. లేకపోతే డీలర్లు ఆర్థికంగా నష్టపోతారని వాపోయారు. కందిపప్పుకే అప్పు... కేవలం కందిపప్పు మాత్రమే అప్పుగా ఇస్తామని, శనగపప్పుకు మాత్రం ముందుగా డీడీ రూపంలో డబ్బు చెల్లించిన తరువాతనే సరుకు తీసుకోవాలని సూచించింది. గతంలో కొంతమంది డీలర్లు కందిపప్పు తీసుకుని అమ్మలేకపోయారు. దీంతో సుమారు 70 మంది డీలర్లు పౌరసరఫరాల శాఖకు రూ.30 లక్షల వరకు బకాయిలున్నారు. ప్రస్తుతం ఆ డీలర్లకు కందిపప్పును అప్పుగా ఇవ్వబోమని, డబ్బులు చెల్లించాల్సిందేనని ఆంక్షలు విధించారు. ప్రతి డీలర్‌ కందిపప్పు, వచ్చి శనగపప్పు తప్పని సరిగా అమ్మాల్సిందేనని ఆదేశిస్తున్నారు. పప్పుల నాణ్యత ప్రశ్నార్థకంగా ఉండటంతో  అప్పులపై సరుకు  ఇస్తేనే సరఫరా చేస్తామంటూ డీలర్లు మొండికేయడంతో గత్యంతరం లేని పరిస్థితిలో ప్రభుత్వం దిగి వచ్చింది. ఉన్నంత మేరకే సరఫరా చేస్తాం... చంద్రన్న కానుకలో మిగిలిన శనగపప్పును మాత్రమే ఇప్పుడు సరఫరా చేస్తున్నాం. అది అయి పోయిన తరువాత ఇస్తామో లేదో చెప్పలేం. క్వాలిటీ కంట్రోల్‌ పరిశీలించి నాణ్యత బాగా ఉందని చెప్పిన తర్వాతే చౌకధరల దుకాణాలకు పంపుతున్నాం. బకాయి ఉన్న డీలర్లకు కందిపప్పు అప్పుగా ఇవ్వడం కుదరదు. కమీషన్‌ పెంచడం మా చేతిల్లో లేదు. – వరప్రసాద్, డిస్ట్రిక్ట్‌ మేనేజర్, పౌరసరఫరాలశాఖ

బల్మూర్‌ : కాంట్రాక్టర్ల కక్కుర్తి, అధికారుల అలసత్వంతో రోడ్ల పనుల్లో నాణ్యత కొరవడింది. మండలంలోని పంచాయతీ రాజ్‌ నిధులతో అనంతవరం నుంచి అంబగిరి, లక్ష్మీపల్లి, బిల్లకల్, వెంకటగిరి, బాణాల, రామాజిపల్లి, జిన్‌కుంట, గ్రామాలకు ఐదేళ్ల క్రితం బీటీ రోడ్లు వేశారు. రెండేళ్ల నుంచి ఆ రోడ్లపై కంకర తేలి గతుకులమయంగా మారాయి. దీంతో వాహనదారులు గమ్యం చేరాలంటే నరకయాతన అనుభవిస్తున్నారు.   పనుల్లో నాణ్యాత లోపం బీటీ రోడ్డు పనులు చేసే సమయంలో సరైన నాణ్యత ప్రమాణాలు æపాటించక పోవడం, అధికారుల పర్యవేక్షణ లేక పోవడంతో ఇష్టానుసారంగా పనులను చేసి బిల్లులు దండు కొంటుండటంతో కొద్ది కాలనికే రోడ్లు మరమ్మతుకు చేరుకుంటున్నాయని ప్రజలు విమర్శిస్తున్నారు. ఐదేళ్లు పూర్తయినా కూడా ఈరోడ్లపై రెన్యూవల్‌ కోట్‌ పనులు చేయాల్సి ఉన్నా నిధులు మంజూరులో జాప్యం చేస్తున్నారని విచారం వ్యక్తం చేస్తున్నారు. గతుకుల మయంగా మారి న ఈ రోడ్లకు నిధులు మం జూరు చేసి పనులు ప్రారంభిం చాలని కోరుతున్నారు. రాకపోకలకు ఇబ్బందులు మా గ్రామానికి ఐదేళ్ల క్రితం వేసిన బీటీ రోడ్లు అప్పుడే కంకర తేలి గుంతల మయంగా మారాయి. రెండేళ్లుగా ఈ రోడ్డుపై ద్విచక్ర వాహనదారులు కూడా తిరగడానికి ఇబ్బందులు పడుతున్నారు. కాంట్రాక్టర్‌ నాసిరకంగా పనులు చేయడంతోనే రోడ్డు ఈ పరిస్థితికి చేరింది. అధికారులు, ప్రజాప్రతినిధులు పట్టించుకోవడం లేదు. రెన్యూవల్‌ కోట్‌ ప నులకు నిధులు మంజూరు చేసి మరమ్మతులు చేపట్టాలి.     – వి.శ్రీనివాసులు, అంబగిరి, బల్మూర్‌ రెన్యూవల్‌ పనులకు నివేదిక పంపాం మండలంలోని అంబగిరి, బాణాల, లక్ష్మీపల్లి, రామాజిపల్లి తదితర రోడ్లపై రెన్యూవల్‌ కోట్‌ బీటీ పనులకు రూ.3కోట్ల50లక్షలతో ప్రతిపాదనలు పంపించాం. త్వరలో నిధులు మంజూరయ్యే అవకాశం ఉంది. నిధులు మంజూరైన వెంటనే జాప్యం లేకుండా పనులు పూర్తి చేయిస్తాం.         – జీజే రాబర్ట్, పీఆర్‌ ఏఈ, బల్మూర్‌ 

సాక్షి, హైదరాబాద్‌: పాఠశాల విద్యాశాఖకు సరఫరా చేసిన డ్యుయల్‌ డెస్క్‌ల పరిమాణం, నాణ్యతను బట్టే రూ. 5,050 ధరను నిర్ణయించామని చర్లపల్లి ౖజైలు సూపరింటెండెంట్‌ అర్జునరావు తెలిపారు. ‘సబ్బు బిళ్ల.. స్కూలు బల్ల.. కాదేదీ అవినీతికి అనర్హం!’ శీర్షికన బుధవారం ‘సాక్షి’లో ప్రచురితమైన కథనంపై ఆయన స్పందించారు. పాఠశాల విద్యా శాఖ సూచించిన ప్రమాణాల ప్రకారమే డెస్క్‌లను తయారు చేశామని, వీటి తయారీలో టాటా షీట్‌ను వినియోగించామని వెల్లడించారు. సరఫరా చేసిన డెస్క్‌లను ఖైదీలే తయారు చేశారని వెల్లడించారు. సెంట్రల్‌ జైలులో ఆధునిక యంత్రాలతో బల్లల తయారీ యూనిట్‌ను ఏర్పాటు చేశామని పేర్కొన్నారు. ఖైదీలకు శిక్షణ ఇచ్చేందుకు ఎస్‌ఎస్‌ ఇండస్ట్రీస్‌తో ఒప్పందం చేసుకున్నామన్నారు. ధరలు నిర్ణయించిందీ వారే... డ్యుయల్‌ డెస్క్‌ల ధరలను చర్లపల్లి సెంట్రల్‌ జైలే నిర్ణయించిందని పాఠశాల విద్యా కమిషనర్‌ కిషన్‌ ఒక ప్రకటనలో తెలిపారు. గతంలో రూ. 5,041కు కొనుగోలు చేసిన డ్యుయల్‌ డెస్క్‌ల్లో నాణ్యత లేకపోవడంతో రూ. 5,050కు కొనుగోలు చేసినట్లు తెలిపారు. అవినీతి ఆరోపణలపై జైళ్ల శాఖ కూడా వివరణ ఇచ్చిందని పేర్కొన్నారు. డెస్క్‌ కొనుగోళ్లలో ఎటువంటి అవకతవకలు జరగలేదని స్పష్టం చేశారు.

దొడ్డబళ్లాపురం: జేడీఎస్‌ జిల్లా అధ్యక్షుడు బీ మునేగౌడ తన పుట్టినరోజు సందర్భంగా రెండు నెలల క్రితం తాలూకాలోని సొణ్ణపనహళ్లిలో వేయించిన రోడ్డు ఇటీవల కురిసిన వర్షాలకు మొత్తం కొట్టుకుపోవడంతో ఆగ్రహించిన గ్రామస్తులు సదరు రోడ్డుమీద రాగిపైరు నాటి వినూత్నంగా ధర్నా చేపట్టారు. ఈ సందర్భంగా సొణ్ణపనహళ్లి గ్రామపంచాయతీ సభ్యుడు రమేశ్, గ్రామస్తులు చంద్రప్ప, ఆనంద్, నంజేగౌడ  జేడీఎస్‌ జిల్లా అధ్యక్షుడు బీ మునేగౌడ మాట్లాడుతూ... ప్రచారం కోసం ఇలాంటి నాసిరకం పనులతో రోడ్డు వేయించారని ఆరోపించారు. రూ.60 లక్షలతో రోడ్డు వేయించానని చెప్పుకునే మునేగౌడ గ్రామానికి వచ్చి పనులు జరిగిన విధానం ఒక్కసారి చూడాలన్నారు.వే సిన రెండు నెలలకే రోడ్డు తేలిపోయిందంటే ఏమాత్రం నాణ్యతతో రోడ్డు వేసారో తెలుస్తోందని ఎద్దేవా చేశారు. తక్షణం రోడ్డు రిపేరీ చేయించాలని లేదా ఇకపై ప్రచారం కోసం ఇలాంటి చర్యలు మానుకోవాలని హెచ్చరించారు. ధర్నాలో హాజరైన గ్రామస్తులు మునేగౌడకు వ్యతిరేకంగా నినాదాలు చేశారు. 


 ♦ అంగన్‌వాడీ కేంద్రాల్లో పారబోస్తున్న వైనం
 ♦ సరైన పద్ధతులలో నిల్వ చేయకపోవడమే కారణం
 ♦ త్వరలో అవగాహన కల్పిస్తామని చెబుతున్న అధికారులు
 
 పులివెందుల రూరల్‌ : జిల్లాలో అంగన్‌వాడీ కేంద్రాలకు సరఫరా అవుతున్న విజయ వజ్ర ప్లస్‌ పాలలో నాణ్యత, అధిక పోషకాలు ఉండటంతో పాటు పిల్లలకు, గర్భిణీలు, బాలింతలకు ఏపీ డైయిరీ ఆధ్వర్యంలో అందిస్తున్నారు. అయితే పాలను సక్రమంగా నిల్వ చేయకపోవడంతో ప్యాకెట్లు ఉబ్బిపోవడం, దుర్వాసన రావడంతో కొన్ని కేంద్రాల్లో రోడ్లపై పారబోస్తున్నారు. జిల్లావ్యాప్తంగా ఐసీడీఎస్‌ పరిధిలో 15 ప్రాజెక్టుల పరిధిలో 3,621 అంగన్‌వాడీ కేంద్రాలు ఉన్నాయి. వీటికి ప్రతినెల 2.10లక్షల లీటర్లను ఏపీ డైయిరీ ఆధ్వర్యంలో సరఫరా చేస్తున్నారు.
 
 అయితే ఇటీవల కాలంలో పులివెందుల ఐసీడీఎస్‌ పరిధిలోని పలు కేంద్రాల్లో పాల ప్యాకేట్లు ఉబ్బిపోవడం, దుర్వాసన రావడంతో వాటిని లబ్ధిదారులకు అందించలేదు. పాలు 90రోజులపాటు నిల్వ ఉండే అవకాశం ఉన్నప్పటికీ ప్యాకింగ్‌ సక్రమంగా జరగపోవడంతో పాలు లీకయ్యి బ్యాక్టీరియా ప్యాప్తి చెంది దుర్వాసన వస్తున్నాయని అంగన్‌వాడీ కార్యకర్తలు చెబుతున్నారు. ఈ పాలలో అధిక పోషకాలు ఉన్నప్పటికీ దుర్వాసనతో లబ్ధిదారులకు ఇవ్వలేకపోతున్నామని సిబ్బంది చెబుతున్నారు. అయితే కొంతమంది కార్యకర్తలు పాల ప్యాకెట్లపై బరువుపెట్టడం, బియ్యం, పప్పు, ఇతర వంటసామగ్రి వద్ద పెట్టడంతో చెడిపోతున్నాయని ఏపీ డైయిరీ అధికారులు చెబుతున్నారు.
 
 ప్రాజెక్టు పరిధిలో 515 లీటర్లు వెనక్కు పంపాం
 పులివెందుల ఐసీడీఎస్‌ ప్రాజెక్టు పరిధిలో 515 లీటర్లు చెడిపోయినట్లు గుర్తించడంతో వెనక్కు పంపాం. గతంలో ఎన్నడూ ఇన్ని లీటర్లు చెడిపోలేదు. ప్యాకింగ్‌ సరిగ్గా లేని కారణంగా చెడిపోయినట్లు తెలిసింది. ఏపీ డైయిరీ అధికారులకు తెలియజేయగా తిరిగి సరఫరా చేస్తామన్నారు. –రమాదేవి, సీడీపీఓ–పులివెందుల
 
 త్వరలో కార్యకర్తలకు అవగాహన సదస్సులు
 విజయ వజ్ర ఫ్లస్‌ పాలు నిల్వ చేయడంపై జిల్లావ్యాప్తంగా అవగహన సదస్సులు పెట్టనున్నాం. పాలు అంగన్‌వాడీ కేంద్రాలకు వచ్చినప్పుడు కార్యకర్తలు పరిశీలించి మంచివి మాత్రమే తీసుకోవాలి. పాల ప్యాకెట్లను గాలి, వెలుతురు ఉండే ప్రదేశంలో నిల్వచేయాలి. పాల ప్యాకెట్లు నుంచి పాలు కారుతున్నా, ఉబ్బినట్లు అయితే 48 గంటలలో డెయిరీ అధికారులకు గానీ, కాంట్రాక్టర్‌కుగాని సమాచారం ఇవ్వాలి. వారు స్పందించని పక్షంలో అధికారి సమక్షంలో పాలను పారబోసి రికార్డు చేయాలి. చెడిపోయిన పాలకు బదులు తిరిగి కాంట్రాక్టర్‌ వద్ద నుంచి పొందాలి.
 –శ్రీనివాసులు, ఏపీ డైయిరీ డెవలప్‌మెంటు కార్పొరేషన్‌ ఆఫ్‌ ఫెడరేషన్‌(ఏపీడీడీసీఎఫ్‌) జిల్లా డిప్యూటీ డైరెక్టర్, కడప.


 -  ‘మధ్యాహ్నం’లో లోపించిన పౌష్టికాహారం
 -  కుళ్లిన గుడ్లు తినలేక తల్లడిల్లుతున్న విద్యార్థులు 
 -  ‘పల్లెపిలుపు’లో అధికారులకు ఫిర్యాదు
  
 చాగలమర్రి : ప్రభుత్వ పాఠశాలల్లో మధ్యాహ్నం భోజనంలో పౌష్టికాహారం అందక విద్యార్థులు తల్లడిల్లుతున్నారు. ఏ మాత్రం నాణ్యతా ప్రమాణాలు పాటించడం లేదు. విద్యార్ధులకు పంపిణీ చేస్తున్న కోడి గుడ్లు కుళ్లిపోయి వాసన కొడుతున్నాయి. మండలంలోని ప్రభుత్వ  ప్రాథమిక పాఠశాల్లో 2,630, ప్రాథమికోన్నత పాఠశాల్లో 1,670, ఉన్నత పాఠశాలల్లో 1020 మంది విద్యార్థులు మధ్యాహ్న భోజన పథకాన్ని వినియోగించుకుటున్నారు. పాఠశాలలకు గుడ్లను పంపిణీ చేసేందుకు చక్రవర్తుల పల్లె గ్రామానికి చెందిన ఓ వ్యక్తికి కాంట్రాక్ట్‌ అప్పగించారు. ఈ కాంట్రాక్టర్‌ బళ్లారి నుంచి గుడ్లు సరఫరా చేస్తున్నట్లు చెబుతున్నారు.
  
 ఆయా పాఠశాలల్లోని విద్యార్థులకు వారానికి 3 కోడి గుడ్ల చోప్పున పంపిణీ చేయాల్సి ఉంది. ఈ లెక్కన నెలకు లక్ష గుడ్లు సరఫరా చేస్తున్నారు. చిన్నవంగలి ప్రాథమికోన్నత పాఠశాలలో బుధవారం పంపిణీ చేసిన కొడి గుడ్లు కుళ్లిపోయి దుర్వాసన కొడుతుండడంతో విద్యార్థులు ఆందోళకు దిగారు. పాఠశాలో 430 మంది విద్యార్థులు మధ్యాహ్నభోజన పథకం వినియోగించుకుంటున్నారు. కోడి గుడ్లు కుళ్లి పోయి ఉండడంతో వాటిని తినలేక పారావేశారు. ‘రెండు వారాలుగా ఇలాంటి గుడ్లె పెడుతున్నారు. ఎలా తినేది’ అంటూ విద్యార్థులు ఆందోళకు దిగారు. విద్యార్థులంతా గ్రామంలో జరిగే పల్లె పిలుపు కార్యక్రమం వద్దకు చేరుకొని కుళ్లిన గుడ్లను మండల అధికారులకు చూపించారు. రెండు వారాలుగా ఇదే పరిస్థితి ఉందని, గుడ్లు తినలేక పారవేస్తున్నామని తహసీల్దార్‌ మాలకొండయ్యకు ఫిర్యాదు చేశారు. సమస్యను ఉన్నతాధికారుల దృష్టికి తీసుకెళ్తామని తహసీల్దార్‌ విద్యార్థులకు నచ్చజెప్పారు.
  
 వచ్చిన వాటినే సరఫరా చేస్తున్నాం 
 బళ్లారి నుంచి వచ్చిన గుడ్లను అన్ని పాఠశాలలకు సరఫరా చేస్తున్నాం. ఒక్కో గుడ్డుకు కేవలం 15 పైసలు కమీషన్‌ మాత్రమే మాకు వస్తుంది. పై నుంచి వచ్చిన గుడ్లను అలాగే సరఫరా చేస్తున్నాం. గుడ్లు కుళ్లిపోతున్నాయని బళ్లారి లోని కాంట్రాక్టర్‌కు చెప్పాం. దానా లోపం వల్ల గుడ్లు ఇలా అవుతున్నాయని, మలివిడతలో అలా జరగకుండా చూసుకుంటామని చెప్పారు.
 - అనిల్‌కుమార్‌ (కాంట్రాక్టర్‌)


 ►వేసిన మూడు నెలల్లోనే మాయం
 ►వాహన చోదకులకు నరకయాతన
 ►నాలుగేళ్లుగా ఇదే తంతు
 ►జీలుగుమిల్లి – దేవరపల్లి జాతీయ రహదారి కహాని
 
 ఆ రోడ్డుకు కోట్ల రూపాయలతో  మరమ్మతులు చేశారు. కొంత దూరం కొత్త రోడ్డునూ వేశారు. అయితే చేసిన మరమ్మతులు, వేసిన కొత్త రోడ్డు.. రెండు రోజులుగా కురిసిన  వర్షానికి మాయమైపోయాయి. నాణ్యత లేకుండా పనులు చేశారని చెప్పడానికి రోడ్డుపై ఏర్పడిన గుంతలే ప్రత్యక్ష సాక్ష్యాలుగా నిలుస్తున్నాయి. ఈ రహదారిపై ప్రయాణం ప్రస్తుతం వాహన చోదకులకు నరకప్రాయంగా మారింది.
 
 ఏలూరు : దేవరపల్లి నుంచి జీలుగుమిల్లి వరకూ ఉన్న జాతీయ రహదారి గతుకుల మయంగా మారింది. గడచిన నాలుగేళ్లుగా తూతూ మంత్రంగా చేస్తున్న మరమ్మతులు చిన్న వానకే కొట్టుకుపోతున్నాయి. మరమ్మతుల పేరుతో కోట్ల రూపాయలు మింగేశారన్న ఆరోపణలు వినిపిస్తున్నాయి. దీంతో రోడ్డంతా గతుకులు మయంగా మారింది. విశాఖపట్నం, రాజమండ్రి, కాకినాడ తదితర ప్రాంతాల నుంచి వచ్చే వాహనాలన్నీ కొవ్వూరు మీదుగా దేవరపల్లి, గోపాలపురం, కొయ్యలగూడెం, జంగారెడ్డిగూడెం, జీలుగుమిల్లి మీదుగా వెళ్తాయి. అక్కడి నుంచి అశ్వారావు పేట మీదుగా తెలంగాణలోకి ప్రవేశిస్తాయి.
 
 హైదరాబాద్‌ వెళ్లే వాహనాలు ఎక్కువగా ఈ రహదారి గుండానే వెళ్తాయి.  బాగా రద్దీ ఉండే ఈ రహదారి  గోతులు మయంగా మారింది. గత ఏడాది ఈ రోడ్డు పూర్తిగా దెబ్బతింది. గత ఏడాది జూన్‌ నుంచి ఈ ఏడాది ఏప్రిల్‌ వరకూ వాహనదారులు ఈ రోడ్డుపై ప్రయాణం అంటే నరకం చూశారు.  ఈ ఏడాది ఏప్రిల్‌లో ఎనిమిది కోట్ల రూపాయలతో రోడ్డు మరమ్మతులు పూర్తి చేశారు. అయితే గత రెండు రోజులుగా కురిసిన వర్షానికి కొత్తగా వేసిన రోడ్డు మొత్తం కొట్టుకుపోయింది. పూర్తి నాసిరకంగా వేయడంతో రోడ్డు చాలాచోట్ల దెబ్బతింది. ఇదే పరిస్థితి గత నాలుగేళ్లుగా జరుగుతోంది. జంగారెడ్డిగూడెం – జీలుగుమిల్లి మధ్యలో రోడ్డు మరమ్మతుల కోసం నాలుగేళ్లలో రూ. 25.64 కోట్ల రూపాయలు ఖర్చు చేశారంటే అక్కడ జరుగుతున్న అవినీతి ఏ స్థాయిలో ఉందో అర్ధం అవుతుంది.
 
 భారీ వాహనాల కారణంగా రోడ్డు త్వరగా పాడైపోతోందని అధికారులు సాకులు చెబుతున్నారు. ప్రతి ఏటా ఏప్రిల్, మే నెలల్లో రిపేర్లు చేయడం వర్షాకాలం పూర్తికాక ముందే రోడ్డు దెబ్బతినడం ఆనవాయితీగా మారిపోయింది. 2013–14çలో రూ. 7.26 కోట్లు, 14–15లో కోటిన్నర, 15–16లో రూ. 8.19 కోట్లు. 16–17లో రూ. 8.73 కోట్లు మరమ్మతుల కోసం ఖర్చు చేశారు.  జీలుగుమిల్లి మండలం మడకంవారి గూడెం ప్రాంతంలో కొత్తగా రోడ్డు వేశారు.
 
 ఈ రోడ్డు నెలరోజుల్లోనే పనికిరాకుండా పోయింది. మరమ్మతుల ముసుగులో అధికారులు, కాంట్రాక్టర్‌లు తూతూ మంత్రంగా నాణ్యత లేకుండా రోడ్డు పోసి నిధులు మింగేశారన్న ఆరోపణలు వినిపిస్తున్నాయి. ఈ రోడ్డు వర్షం వస్తే బురుద మయంగా మారిపోతే, ఎండ ఉన్నప్పుడు దుమ్ముతో వాహనదారులకు నరకం కనపడుతోంది. దీనిపై జిల్లా కలెక్టర్‌ దృష్టి పెట్టి ఈ అవినీతిని వెలికితీయాల్సిన అవసరం
 ఎంతైనా ఉంది.
  


 – మూడు నెలల్లో పనులు పూర్తి కావాలి
 – బిల్లుల చెల్లింపులోనూ జాప్యం పనికిరాదు
 – నంద్యాల పనులపై ఉన్నతాధికారుల మౌఖిక ఆదేశాలు
  
 కర్నూలు(అర్బన్‌): ‘‘ పనులు చేసేవారు మనవాళ్లే.. నాణ్యత విషయాన్ని పట్టించుకోవద్దు...అనుమతులు, నిబంధనలు అంటు కాలయాపన చేయవద్దు.. బిల్లుల చెల్లింపులో కూడా ఎవరినీ కార్యాలయాల చుట్టూ తిప్పుకోవద్దు, చేసిన పనులకు చేపినట్టు బిల్లులు చెల్లించండి.’’ నంద్యాల అధికారులకు ఉన్నతాధికారుల నుంచి వచ్చిన ఆదేశాలు. నంద్యాల ఉప ఎన్నికల్లో గెలుపే లక్ష్యంగా ఇప్పటికే వేల కోట్ల రూపాయల అంచనాలతో పలు అభివృద్ధి పనులు చేపడుతున్నారు. రోడ్లు, డ్రెయినేజీలు, మంచినీటి పైప్‌లైన్లు, ఇళ్లు తదితర ఇంజనీరింగ్‌ పనులతో పాటు అనేక సంక్షేమ కార్యక్రమాలను ప్రజల ముందుకు తీసుకుపోయేందుకు టీడీపీ నేతలు అధికారులను పరుగులు పెట్టిస్తున్నారు. ఈ నేపథ్యంలోనే గత నెల 29వ తేదిన సీఎం కార్యాలయం నుంచి ఆదేశాలు అందిన మరుక్షణమే జిల్లా అధికార యంత్రాంగం రూ.298.21 కోట్లతో ప్రతిపాదనలు పంపారు. అంతకుముందే నంద్యాల పట్టణ ఓటర్లను నమ్మించేందుకు రూ.60 కోట్లతో రోడ్ల విస్తరణ, డ్రెయినేజీ పనులను ప్రారంభించారు. అలాగే రూ.960 కోట్లతో 13 వేల ఇళ్లను నిర్మించేందుకు శంకుస్థాపన చేశారు. అయితే ఈ పనులు నేటిరీ ప్రారంభం కాలేదు. తాజాగా నంద్యాల రూరల్, గోస్పాడు మండలాల్లో సీసీ రోడ్లు, బీటీ రోడ్లకు ప్రభుత్వం రూ.44 కోట్లను విడుదల చేసింది. అమృత్‌ పథకం కింద వెలుగోడు నుంచి నంద్యాల వరకు మంచినీటి పైప్‌లైన్‌ పనులు రూ.80 కోట్లతో జరుగుతున్నాయి. పట్టణంలో కూడా ఇంటింటికి కుళాయి కనెక‌్షన్ల పనులు కూడా ఊపందుకున్నాయి. 
  
 రాత్రి, పగలు పనులు.. 
 నాణ్యత గురించి ఉన్నతాధికారుల నుంచి భరోసా లభించడంతో ఆయా పనులు చేస్తున్న కాంట్రాక్టర్ల ఆశకు అంతు లేకుండా పోతోందనే విమర్శలు వినిపిస్తున్నాయి. కొందరు ఇంజనీరింగ్‌ అధికారులు కూడా వీరితో చేతులు కలపడంతో రాత్రి, పగలు తేడా లేకుండా పనులు జరగడమే గాక, నాణ్యత కూడా ప్రశ్నార్థకంగా మారుతోంది. ‘ దీపం ఉండగానే ఇళ్లు చక్కబెట్టుకోవాలి ’ అనే సామెతగా ఆయా పనులు చేస్తున్న కాంట్రాక్టర్లు కూడా రోడ్లు, డ్రెయినేజి తదితర పనుల్లో నాణ్యత గురించి పట్టించుకోవడం లేదని స్థానికులు ఆందోళన వ్యక్తం చేస్తున్నారు. 
  
 ముక్కున వేలేసుకుంటున్న ప్రజలు ...
 నంద్యాల నియోజకవర్గంలో చేపడుతున్న పనులకు సంబంధించి స్థానిక ప్రజలు ముక్కున వేలేసుకుంటున్నారు. తెలుగుదేశం ప్రభుత్వం అధికారంలోకి వచ్చి మూడు సంవత్సరాలు గడిచిపోతున్నా..ఏనాడు నంద్యాల అభివృద్ధి గురించి పెద్దగా పట్టించుకోలేదు. ఉప ఎన్నికల నేపథ్యంలో వేల కోట్ల రూపాయలను విడుదల చేస్తోందని బాహాటంగానే వారు విమర్శిస్తున్నారు. పట్టణంలోని మురికివాడల్లో అభివృద్ధి పనులు చేపట్టాలని అనేక సందర్భాల్లో కోరుతున్నా..పట్టించుకోని నేతలు ఉప ఎన్నిక నేపథ్యంలో హడావుడి చేయడం విమర్శలకు తావిస్తోంది.
  


 - శంషాబాద్‌ విమానాశ్రయంలో కలుషిత పదార్థాల విక్రయాలు
 - అధిక ధరలున్నా తనిఖీలు శూన్యం
  
 శంషాబాద్‌ (రాజేంద్రనగర్‌): రాజీవ్‌గాంధీ అంతర్జాతీయ విమానాశ్రయంలోని కొన్నిహోటళ్లు, బేకరీల్లో ఆహారపదార్థాల నాణ్యతపై ప్రయాణికులు ఆందోళన వ్యక్తం చేస్తున్నారు. కనీస ప్రమాణాలను సైతం పాటించకుండా ఆహార పదార్థాలు విక్రయిస్తున్న వారిపై చర్యలు తీసుకుంటున్న దాఖలాలు కని పించడం లేదు. దీంతో దుకాణదాల యజమానులు తాము ఆడిందే ఆటగా, ఇష్టారాజ్యంగా వ్యవ హరిస్తున్నారు. విమానాశ్రయంలోని అరై వల్‌తో పాటు ప్రయాణికులు కిందికి దిగి వచ్చే పార్కింగ్‌ ఏరియా సమీపంలో భారీ ఎత్తున దుకాణాలను ఏర్పాటు చేశారు. ఇటీవల కాలంలో వీటి సంఖ్య కూడా గణనీయంగా పెరిగింది.  ప్రయాణికుల ఆత్రుతను సొమ్ము చేసుకుంటున్న దుకాణదారులు నాసిరకమైన వాటిని కూడా వారికి అంటగట్టి సొమ్ము చేసుకుంటున్నారన్న విమర్శలు వినవస్తున్నాయి.
  
 ఇదిగో ఇలా..
 అంతర్జాతీయ విమానాశ్రయంలో కనీస ప్రమా ణాలను పాటించకుండా కొన్ని బేకరీల యజమానులు బయట తయారు చేయించిన ఆహార పదార్థాలను విక్రయిస్తారు. నీళ్ల బాటిళ్లు, శీతల పానీయాల బాటిళ్లు, ఆహారం భద్రపరిచే బాక్సులు పాడై కలుషితంగా మారుతున్నాయి. వీటిని కొనుగోలు చేసి తింటున్న కొనుగోలుదారులు అవి బాగా లేవని చెప్పినా.. అలాగే ఉంటాయని దుకాణదారులు దురుసుగా వ్యవహరిస్తున్నారు. 
  
 పర్యవేక్షణ పూజ్యం
 విమానాశ్రయంలోని హోటళ్లు,  బేకరీలపై  పర్య వేక్షణ  లేదు. ఇక్కడ ఆహార పదార్థాలను తనిఖీలు చేయడం లేదు. ఆహార పదార్థాల నాణ్య తను పరీక్షించిన దాఖలాలు లేవు. ఇటీవల జీహెచ్‌ఎంసీలో ఆహార పదార్థాలను పరీక్షించిన విధంగా ఎయిర్‌పోర్టులో ఉన్న హోటళ్లు, రెసా ్టరెంట్టు, బేకరీల్లో కూడా తనిఖీలు చేపట్టాలని ప్రయాణికులు డిమాండ్‌ చేస్తున్నారు. ఎంఆర్‌ పీల కన్నా చాలా ఎక్కువ ధరలకు విక్రయిస్తు న్నారని.. వాటిని కూడా నియంత్రించాలనే డిమాండ్లు కూడా వినిపిస్తున్నాయి.


 ►  గాలిదుమ్ముకు కూలిపోతున్న విద్యుత్‌ స్తంభాలు
 ►  గుంతలు తీసి పాతే సమయంలో పట్టింపు కరువు
 ► స్తంభాల నాణ్యతపై పలు అనుమానాలు
 ►  ఆందోళన చెందుతున్న వినియోగదారులు
 మన్నికగా ఉండాల్సిన విద్యుత్‌ స్తంభాలు పేక మేడలా కూలిపోతున్నాయి.. కొత్త, పాత తేడా లేకుండా కుప్పకూలుతున్నాయి.. దెబ్బతిన్న విద్యుత్‌ స్తంభాల స్థానంలో కొత్త వాటిని పాతేప్పుడు గుంతలు లోతుగా తీయకపోవడం.. సిమెంట్, కాంక్రీట్‌ తగిన ప్రమాణాల్లో కలిపి వాడకపోవడం.. అధికారుల పర్యవేక్షణ లేకపోవడం.. స్తంభాల తయారీలో నాణ్యత పాటించకపోవడం.. వినియోగదారుల పాలిట శాపంగా మారింది. గాలిదుమ్ము ప్రభావం వల్ల స్తంభాలు ఎప్పుడు కూలుతాయోనని ప్రజలు ఆందోళన చెందుతున్నారు.
 
 ఖమ్మం: టీఎస్‌ ఎన్‌పీడీసీఎల్‌ ఖమ్మం సర్కిల్‌ పరిధిలో దెబ్బతిన్న విద్యుత్‌ స్తంభాల స్థానంలో కొత్త వాటిని అమరుస్తుంటారు. ఈ ఏడాది సర్కిల్‌ పరిధిలో మొత్తం 7,439 విద్యుత్‌ స్తంభాలను కొత్తగా ఏర్పాటు చేశారు. అయితే ఇవి కొద్దిరోజులకే కూలిపోతుండటం వల్ల నాణ్యత విషయంలో పలువురు అనుమానాలు వ్యక్తం చేస్తున్నారు. విద్యుత్‌ స్తంభాలు పూర్తిగా దెబ్బతిని, పాడైపోయిన సమయంలో వాటిని తొలగించి.. కొత్తవి ఏర్పాటు చేసేటప్పుడు అధికారులు దగ్గరుండి పర్యవేక్షించాలి.
 
 గుంతలు తీసే సమయంలో సరైన లోతులో తవ్వించాలి.. పైపైన తవ్వడం వల్ల స్తంభానికి పటుత్వం ఉండదు.. స్తంభాన్ని పాతేటప్పుడు సిమెంట్, కాంక్రీట్‌ తగిన మోతాదులో వేయాల్సి ఉండగా.. వీటి విషయంలో అధికారులు చూసీచూడనట్లు వ్యవహరిస్తున్నారనే ఆరోపణలున్నాయి. ప్రస్తుతం ఏర్పాటు చేస్తున్న స్తంభాల నాణ్యత కూడా బాగా లేదని పలువురు పేర్కొంటున్నారు. సాక్షాత్తు ఎన్‌పీడీసీఎల్‌ అధికారులు సైతం విద్యుత్‌ స్తంభాల నాణ్యత విషయంలో పెదవి విరుస్తున్నారు.
 తయారు చేసే సమయంలోనే స్తంభాలు కొన్నిచోట్ల విరిగిపోయి.. మరికొన్ని చోట్ల నాణ్యత లోపంతో ఉంటున్నాయని.. పకడ్బందీగా తయారు చేయకపోవడం వల్లే చిన్నపాటి గాలిదుమ్ము వచ్చినా విద్యుత్‌ స్తంభాలు కూలిపోతున్నాయి.ప్రస్తుత వేసవి కాలంలోనే ఇలా ఉంటే.. వచ్చే వర్షాకాలంలో పలుసార్లు గాలిదుమ్ములతో కూడిన వర్షాలు పడితే విద్యుత్‌ స్తంభాలు పూర్తిగా దెబ్బతింటాయని వినియోగదారులు అనుమానాలు వ్యక్తం చేస్తున్నారు.
 గాలిదుమ్ము, వర్షాల వల్ల విద్యుత్‌ స్తంభాలు నేలకొరిగితే విద్యుత్‌ సరఫరాకు తరచు అంతరాయం కలుగుతుందని, వాటిని మళ్లీ పునరుద్ధరించే వరకు ఇబ్బందిపడాల్సి వస్తుందని పేర్కొంటున్నారు. అలా కాకుండా అధికారులు విద్యుత్‌ స్తంభాల ఏర్పాటు విషయంలో శ్రద్ధ తీసుకుని.. నాణ్యతగా ఉన్న వాటిని ఏర్పాటు చేయడంతోపాటు స్తంభాల తయారీ సమయంలో సరైన జాగ్రత్తలు తీసుకోవాలని పలువురు కోరుతున్నారు.
 
 టెండర్ల విధానంతోనే..
 గతంలో కరీంనగర్‌లో ఎన్‌పీడీసీఎల్‌ సొసైటీ ద్వారా విద్యుత్‌ స్తంభాలు సరఫరా అయ్యేవి. ఇక్కడి ఎన్‌పీడీసీఎల్‌ అధికారుల పర్యవేక్షణలో స్తంభాలు తయారయ్యేవి. దీంతో నాణ్యత విషయంలో ఎటువంటి ఢోకా ఉండేది కాదని పలువురు ట్రాన్స్‌కో అధికారులు చెబుతున్నారు. అయితే నాలుగేళ్లుగా టెండర్‌ విధానం ద్వారా స్తంభాలను తయారు చేస్తున్నారు. ఇందుకోసం 9.1 మీటర్‌ విద్యుత్‌ స్తంభానికి రూ.4,500, ఎనిమిది మీటర్ల స్తంభానికి రూ.3వేల చొప్పున సదరు కాంట్రాక్టర్‌కు చెల్లిస్తున్నారు.
 
 దీంతో విద్యుత్‌ స్తంభాల్లో నాణ్యత కొరవడినట్లు తెలుస్తోంది. అలాగే స్తంభాల ఏర్పాటు సమయంలో ఎన్‌పీడీసీఎల్‌ అధికారులు పర్యవేక్షించాల్సిన అవసరం ఉంది. కాగా.. స్తంభాల నాణ్యత, ఏర్పాటులో అలసత్వంపై ఎన్‌పీడీసీఎల్‌ ఖమ్మం సర్కిల్‌ ఇన్‌చార్జ్‌ డీఈ రాములును ‘సాక్షి’ వివరణ కోరగా.. స్తంభాల నాణ్యతపై ఇప్పటివరకు తమకెలాంటి ఫిర్యాదులు రాలేదు. ఎక్కడైనా స్తంభాల ఏర్పాటులో పొరపాట్లు జరిగితే అవి పడిపోయే అవకాశం ఉందని వివరించారు.


 ► చెయ్యేరులో క్వారీలకు రంగంసిద్ధం!
 రాజంపేట: చెయ్యేరు నది ఇసుకకు ప్రత్యేకత ఉంది. ఇక్కడ లభించే ఇసుక నాణ్యమైనది కావడంతో జిల్లా నుంచే కాకుండా ఇతర రాష్ట్రాల వారు ఇక్కడి ఇసుక వైపు మొగ్గు చూపుతారు. చెయ్యేరు నదిపై అన్నమయ్య జలాశయం నిర్మించడం వల్ల ఎడారిగా మారిపోయింది. 2015లో వచ్చిన వరదలకు డ్యాం నుంచి లక్షల క్యూసెక్కుల నీటి ప్రవాహం కొనసాగింది. ఫలితంగా ఇసుక మేటలు భారీగా వేశాయి. ప్రస్తుతం ఎడారిగా మారిపోవడంతో ఇసుకాసురులకు కలిసివచ్చింది.
 
 నది తీరం వెంబడి ఎక్కడపడితే అక్కడ తోడేస్తున్నారు.ఇప్పటికే ఎంజీపురం నుంచి అధికారికంగా క్వారీలకు అనుమతి ఇచ్చారు. ఇక్కడి నుంచి ఇసుక రవాణా ఉచితంగా చేసుకోవచ్చునని టీడీపీ సర్కారు ఆదేశించింది. ఈ క్వారీలను అడ్డం పెట్టుకొని అధికార పార్టీకి చెందిన నాయకులు అక్కడా..ఇక్కడా అని లేకుండా ఇసుకను భారీగా తరలించేస్తున్నారు. ఇష్టానుసారంగా ఇసుకను తోడేయడంతో భూగర్భజలాలు అడుగుంటిపోతాయని ప్రజలు ఆందోళన చెందుతున్నారు. నీటి పథకాలకు ముప్పు వాటిల్లకుండా ఇసుకరీచ్‌లను ఏర్పాటు చేసేందుకు అధికారులు సర్వే నిర్వహించారు. చెయ్యేరు నదిపరీవాహక ప్రాంతంలో మూడు రీచ్‌లు ఏర్పాటు చేసేందుకు రంగం సిద్ధం చేశారు.
 
 రాజంపేట మండలంలోని బాలరాచపల్లె, నందలూరు మండలంలోని టంగుటూరు, పెనగలూరు మండలంలోని కోమంతరాజుపురంలో వీటిని ఏర్పాటు చేయడానికి అనుకూలంగా ఉంటుందా లేదా అనే కోణంలో అధికారబృందాలు పరిశీలించి వెళ్లాయి. ఈ రీచ్‌లకు జిల్లా కలెక్టరు నుంచి ప్రొసీడింగ్స్‌ రావాల్సి ఉంటుంది. ఇప్పటికే ఈ ప్రాంతాల నుంచి అనధికారికంగా ఇసుకను అడపదడపా తరలిస్తున్నట్లు ఆరోపణలు వినిపిస్తున్నాయి. ఎదీ ఎమైనప్పటికి చెయ్యేరులో మరో మూడురీచ్‌లు వస్తే ఇసుకాసురులకు చేతినిండా పనే  అని  పలువురు అంటున్నారు.  


 – జిల్లా వినియోగదారుల ఫోరం అధ్యక్షురాలు నజీరున్నీసా 
 నంద్యాల: వస్తువుల కొనుగోళ్లలో అప్రమత్తంగా ఉండాలని జిల్లా వినియోగదారుల ఫోరం అధ్యక్షురాలు నజీరున్నీసా సూచించారు. స్థానిక రామకృష్ణ పీజీ కాలేజీలో వినియోగదారుల అవగాహన సదస్సు శనివారం జరిగింది. ఈ సందర్భంగా ఆమె మాట్లాడుతూ వినియోగదారులకు సేవలు, వస్తువుల నాణ్యతలో లోపాలు, మోసాలు జరిగినట్లు భావిస్తే హక్కుల పరిరక్షణకు ఫోరంను ఆశ్రయించవచ్చన్నారు. వినియోగదారులకు ఎలాంటి అసౌకర్యం కలిగినా రాష్ట్ర, జిల్లా స్థాయిలో ఫిర్యాదు చేయవచ్చన్నారు. రామకృష్ణ విద్యాసంస్థల అధినేత డాక్టర్‌ రామకృష్ణారెడ్డి వినియోగదారుల రక్షణ చట్టం హక్కులు, బాధ్యతల గురించి వివరించారు.
  
 డాక్టర్‌ రామసుబ్బా రెడ్డి మాట్లాడుతూ వినియోగదారుల చట్టం ద్వారా కల్తీని, మోసాలను నివారించవచ్చన్నారు. వినియోగదారులు బిల్లు చెల్లించేటపుడు రసీదును పొందాలన్నాన్నారు. కళాశాల సంచాలకుడు ఆచార్య చంద్రశేఖర్‌రావు వినియోగదారుల చట్టం గురించి వివరించారు. అనంతరం నజీమున్నీసాను సన్మానించారు. కార్యక్రమంలో ప్రముఖ న్యాయవాది ఎల్లయ్య, హేమంత్‌ రెడ్డి, నాగరాజమ్మ, రత్నారెడ్డి, శ్రావణకుమారి, వెంకట్రావు పాల్గొన్నారు.  
  


 సంస్థ వైస్‌ ప్రెసిడెంట్‌ మల్లారెడ్డి వ్యాఖ్య  
 సిద్దిపేట రూరల్‌: నాణ్యతా ప్రమాణాలు పాటించడం వల్ల భారతి సిమెంట్‌కు ప్రజల్లో మంచి ఆదరణ లభిస్తోందని భారతి సిమెంట్‌ మార్కెటింగ్‌ వైస్‌ ప్రెసిడెంట్‌ మల్లారెడ్డి అన్నారు. గురువారం సిద్దిపేట జిల్లా కేంద్రంలో తాపీమేస్త్రీలకు అవగాహన కార్యక్రమం నిర్వహించారు. ఈ సందర్భంగా మల్లారెడ్డి మాట్లాడుతూ భారతి సిమెంట్‌..బహుళజాతి సంస్థ వికాట్‌ భాగస్వామ్యంతో నాణ్యతా ప్రమాణాలు పాటిస్తున్నట్లు తెలిపారు. ప్రస్తుతం దక్షిణాదిలోనే భారతి సిమెంట్‌ నంబర్‌ వన్‌ కంపెనీగా ఉందన్నారు. కంపెనీ తరఫున తాపీ మేస్త్రీలకు రూ. లక్ష ప్రమాద బీమా సౌకర్యాన్ని కల్పించినట్లు పేర్కొన్నారు. ఈ సందర్భంగా కొందరు మేస్త్రీలు మాట్లాడుతూ భారతి సిమెంట్‌ నాణ్యతలు పాటించడం వల్ల వినియోగదారులు వాటినే కొనుగోలు చేస్తున్నారని తెలిపారు. అందుకే తక్కువ కాలంలోనే భారతి సిమెంట్‌కు మంచి ఆదరణ లభిస్తుందని తెలిపారు.


 మిషన్‌ కాకతీయలో నాసిరకం పనులు
 నాణ్యతకు తిలోదకాలిచ్చిన కాంట్రాక్టర్లు
 చిన్నపాటి వర్షాలకే కోతకు గురవుతున్న కట్టలు
 పలు చెరువులకు గండ్లు బిల్లులు మాత్రం వేగంగా చెల్లింపు
 
 నిజామాబాద్‌ అర్బన్‌ : నిజామాబాద్, కామారెడ్డి జిల్లాలో మిషన్‌ కాకతీయ పనులు నత్తనడకన సాగుతున్నాయి. తెలంగాణ సర్కారు గ్రామీణ ప్రాంతాల్లోని చెరువులకు జలకళను సంతరింపజేయడం కోసం చేపట్టిన పథకం పనులు నాసిరకంగా ఉంటున్నాయి. మొదటి, రెండో  విడతల్లో చేపట్టిన చెరువు కట్టలు చిన్నపాటి వర్షాలకే కోతకు గురవుతున్నాయి. భారీ నీటి పారుదల శాఖ మంత్రి తన్నీరు హరీశ్‌రావు రెండో దశ పనులు మార్చి 31, 2017 నాటికి పూర్తి చేయాలని ఆదేశించారు. దీంతో మిషన్‌ పనులను కాంట్రాక్టర్లు  ఇష్టారాజ్యంగా చేపడుతున్నారనే ఆరోపణలు ఉన్నాయి. సిమెంట్‌ కాంక్రీట్‌ పనుల్లో ప్రభుత్వ నిబంధనలు పాటించకపోవడంతో పనులు నాసిరకంగా తయారయ్యాయి. చాలా చోట్ల రివిట్‌మెంట్‌ పనులు జరగక సెప్టెంబర్‌లో కురిసిన వర్షాలకు కట్టలపై పగుళ్లు ఏర్పడ్డాయి. నూతన తూముల నుంచి లీకేజీలు ఏర్పడ్డాయి. నీటి పారుదల శాఖ అధికారులు చూసీచూడనట్లు వదిలేయడంతో పనులు నాసిరకంగా సాగుతున్నాయి.
 
 చెరువుల పనుల తీరు..
 నిజామాబాద్, కామారెడ్డి జిల్లాల్లో 3,251 చెరువులు, కుంటలు ఉన్నాయి. వీటిలో మొదటి విడత కింద 671 చెరువులు ఎంపిక చేయగా.. 657 చెరువుల్లో మాత్రమే అగ్రిమెంట్‌ జరిపి పనులు ప్రారంభించారు. ఇప్పటివరకు 649 చెరువులు పూర్తయ్యాయి. ఇంకా ఎనిమిది చెరువుల పనులు పూర్తికాలేదు. 657 చెరువులకు రూ.233.64 కోట్లు మంజూరు కాగా.. పనులు పూర్తయిన 649 చెరువులకు రూ.1.50 కోట్లు మాత్రమే చెల్లించారు. మిగతా బిల్లులు పనుల పరిశీలన తర్వాత చెల్లించనున్నారు. ఇక రెండో విడతలో 646 చెరువులు ఎంపిక చేశారు. వీటి మరమ్మతుకు రూ.227.59 కోట్లు మంజూరయ్యాయి. పనులు వివిధ దశల్లో ఉన్నాయి.
 
 నాసిరకం పనులు
 నిజామాబాద్, కామారెడ్డి జిల్లాల మూడు డివిజన్ల పరిధిలోని మిషన్‌ కాకతీయ మొదటి, రెండో విడతల్లో చేపట్టిన చెరువు పనులు నాసిరకంగా ఉన్నాయి. సెప్టెంబర్‌లో కురిసిన వర్షాలకు దాదాపుగా పది చెరువులకు గండ్లు పడ్డాయి. రెండు చెరువుల కట్టలు పూర్తిగా తెగాయి. కట్టల నిర్మాణంలో నాణ్యతకు తిలోదకాలు ఇవ్వడంతో రెండు విడతల్లో చేపట్టిన 70 శాతం చెరువు కట్టలకు భారీ పగుళ్లు ఏర్పడ్డాయి. కొన్నిచోట్ల చెరువు మట్టిని కట్టబలోపేతం కోసం వాడారనే ఆరోపణలు ఉన్నాయి. అలాగే ఉపాధిహామీ పథకం కింద ఉపాధి కూలీలు తీసిన మట్టిగుంతలను అధికారులకు చూపి పూడికతీత పేరిట బిల్లులు లేపారనే ఆరోపణలు కూడా లేకపోలేదు. అలాగే తూముల నిర్మాణం చేపట్టిన చాలా చెరువుల్లో షట్టర్లు బిగించక వర్షాకాలంలో నీరు వృథాగా పోయింది. షట్టర్లు బిగించిన చోట నీరు ఇప్పటికీ లీకేజీ అవుతోంది. మొరం తవ్వకాలతో చాలా చెరువుల్లో పెద్ద పెద్ద గుంతలు ఏర్పడి ప్రజలకు ప్రాణసంకటంగా మా రింది. అలాగే చాలా చెరువుల్లో హద్దులు నిర్ణయించి క బ్జాలు బయటకు తీయకపోవడం వల్ల ఉమ్మడి జిల్లాల్లో 1,500 ఎకరాల శిఖం భూమి పరుల అధీనంలో ఉంది. రివిట్‌మెంట్‌మెంట్‌ పనులు ఈ చెరువుల్లో ఇప్పటివరకు ప్రారంభించకపోవడంలో కట్టలు పగుళ్లు పడ్డాయి.  
 
 నాసిరకం పనులకు నిదర్శనం..
 జక్రాన్‌పల్లి మండలం కొలిప్యాకలోని మిషన్‌ కాకతీయ రెండో విడతలో కేటాయించిన దాదాలాయికుంట పనులు సగం పూర్తయిన తరువాత సెప్టెంబర్‌ కురిసిన భారీ వర్షానికి గండి పడి వరద నీరంతా వెళ్లిపోయింది.మిషన్‌ కాకతీయ పనుల్లో డొల్లతనం వల్ల పిట్లం మండలం రాంపూర్‌ రామసముద్రానికి గండిపడింది.కామారెడ్డి డివిజన్‌లో పెద్ద చెరువుగా పేరున్న బీబీపేట చెరువులో మిషన్‌ కాకతీయ పనుల్లో నాణ్యత లోపం వల్ల తూముల నుంచి నీరు లీకేజీ అవుతోంది. సెప్టెంబర్‌లో కురిసిన భారీ వర్షాలకు మోర్తాడ్‌ మండలం తడపకాల్‌ చెరువు కోతకు గురైంది. బాన్సువాడ మండలం హన్మాజీపేట పాత చెరువుకు మిషన్‌ కాకతీయ కింద రూ.36 లక్షలతో పనులు చేసిన కట్టబలోపేతంలో నాణ్యత లేకపోవడం వల్ల కోతకు గురైనది.భీమ్‌గల్‌ మండలం పిప్రి గ్రామంలోని దొడ్డి చెరువు తూముకు గండిపడింది.


 - జిల్లా మేనేజర్‌ విజయభాస్కర్‌
 - చర్చిలకు క్రిస్మస్‌ కేక్‌లు పంపిణీ
 కర్నూలు(టౌన్‌): నాణ్యతలో నెంబర్‌వన్‌గా నిలిచిన భారతీ సిమెంటు వినియోగదారుల నమ్మకాన్ని చూరగొందని జిల్లా మేనేజర్‌ విజయభాస్కర్‌ అన్నారు. క్రిస్మస్‌ పండుగను పురస్కరించుకుని శనివారం రాత్రి భారతీ సిమెంట్‌ కంపెనీ తరఫున నగరంలోని అన్ని చర్చిలకు భారీకేక్‌లను పంపిణీ చేశారు. స్థానిక నంద్యాల చెక్‌పోస్టు వద్ద ఉన్న సెయింట్‌ లూర్డ్సు క్యాథడ్రల్‌ చర్చి, సీఎస్‌ఐ చర్చి,  కోల్స్‌ సెంటీనియల్‌ తెలుగు బాప్టిస్టు చర్చి, స్టాంటన్‌ మెమోరియల్‌ చర్చి తదితర వాటికి వెళ్లి 10 కేజీల కేక్‌లను అందించారు. ఈ సందర్భంగా ఆయన మాట్లాడుతూ దేశంలో ఎన్నో సిమెంటు కంపెనీలున్నా.. మూడు రెట్లు మెరుగైన సిమెంట్‌ అందించడం భారతీ సిమెంటుకే  సాధ్యమన్నారు. జర్మనీ సాంకేతిక పరిజ్ఞానాన్ని వినియోగిస్తూ వంద శాతం క్వాలిటీని అందిస్తున్నట్లు తెలిపారు. రోబోటిక్‌ టెక్నాలజీ ద్వారా మార్కెట్‌లో కల్తీకి అవకాశం లేకుండా ఆకర్షణీయమైన ప్యాకింగ్‌లో నాణ్యమైన సిమెంట్‌ను అందిస్తుందన్నారు. కడప జిల్లా నల్ల లిగాయపల్లె గ్రామంలో 5 మిలియన్‌ టన్నుల సిమెంట్, కర్ణాటక రాష్ట్రంలోని గుల్బార్గా జిల్లా చాప్రాశాల గ్రామంలో 5.50 మిలియన్‌ టన్నుల సామర్థ్యంతో సిమెంట్‌ను ఉత్పత్తి చేస్తున్నట్లు తెలిపారు. కార్యక్రమంలో కంపెనీ ప్రతినిధులు ఆనంద్‌ పాల్గొన్నారు. 


 టీటీడీ ఆస్పత్రుల్లో రోజూ 6 వేల మందికి అన్నప్రసాదం
 నాణ్యత లేదంటున్న రోగులు, సహాయకులు
 కనీసం ప్లేట్లు కూడా కరువే
 పలచటి పేపర్లలో పెట్టడం వల్ల నేలపాలు
 అన్ని దానాల్లోకెల్లా అన్నదానం మిన్న. ఆకలితో ఉన్న వారికి అన్నం పరబ్రహ్మ స్వరూపంగా దర్శనమిస్తుంది. అందులోనూ అనారోగ్యంతో ఉంటూ, అచేతనం గా పడిఉన్న రోగులు, వారి సహా యకులకు అన్నదానం చేసేందుకు థార్మిక సంస్థ టీటీడీ ముందుకొచ్చింది. ఆ ప్రసాదాన్ని మహా ప్రసాదంగా భావించి స్వీకరిస్తున్నారు. అరుుతే ఆసుపత్రులకు అందిస్తున్న అన్నప్రసాదంలో ఇటీవల రుచి తగ్గిందనే ఆరోపణలు వినిపిస్తున్నారుు.  నాణ్యత లేని, పుచ్చిన కూరగాయలు వాడుతున్నారని పలువురు రోగుల సహాయకులు చెబుతున్నారు.
 తిరుపతి మెడికల్: తిరుపతి పుణ్యక్షేత్రం కావడం, రాయలసీమకే తలమానికంగా ప్రభుత్వ, ప్రరుువేట్ ఆసుపత్రులు ఉండటంతో నిత్యం వందలాది మంది రోగులు వైద్యం కోసం వస్తుంటారు. వీరితో పాటు సహాయకులు వస్తున్నా, సకాలంలో భోజన సౌకర్యం లేకపోవడంతో ఇబ్బందులు పడేవారు. ఈనేపథ్యంలో  ఆసుపత్రులకు వచ్చే రోగులకు,  వారి సహాయకులకు రెండు పూటలా భోజనం  అందించాలనే ఉద్దేశంతో రెండేళ్ల క్రితం అన్నప్రసాదం పంపిణీకి శ్రీకారం చుట్టారు. నగరంలోని రుయా, బర్డ్, స్విమ్స్, ఎస్వీ ఆయుర్వేద, ప్రభుత్వ మెటర్నటీ ఆసుపత్రుల్లో చికిత్స పొందుతున్న రోగుల సహాయకులకు ఉచితంగా అన్నప్రసాదాన్ని  టీటీడీ సరఫరా చేస్తోంది. ఉదయం 3,600 మందికి, సాయంత్రం 3,600 మంది చొప్పున రెండు పూటలా దాదాపు 7వేల మందికి పైగా అన్నప్రసాదం వడ్డిస్తుండటం విశేషం. గత కొన్ని రోజులుగా అన్నప్రసాదం రుచిగా లేదనీ, అన్నప్రసాదంలో వాడే కూరగాయలు నాణ్యత తగ్గిందన్న ఆరోపణలు వినిపిస్తున్నారుు. 
 లోపించిన కూరగాయల నాణ్యత
 అన్నప్రసాదం (సాంబారు)లో ఉపయోగించే కూరగాయల నాణ్యత తగ్గిందని ఆరోపణలున్నారుు. సాధారణంగా సాంబారు అన్నంలో బీన్‌‌స, ముళ్లంగి, క్యారెట్, గుమ్మడి వంటి తాజా కూరగాయలు వేసి ఘుమ ఘుమలాడే రుచితో అన్నప్రసాదాన్ని వడ్డించేవారు. టీటీడీ క్యాంటీన్‌కు విరాళాల రూపంలో సరఫరా అయ్యే కూరగాయల సంఖ్య ఇటీవల పెరిగింది. వాటిని నిల్వ ఉంచే క్రమంలో కుళ్లిన , పుచ్చిన కూరగాయలను వేరుచేయాల్సి ఉన్నా చూసి చూడకుండా అలాగే వేసి వండుతున్నారనే విమర్శలున్నారుు. పైగా సాంబారు అన్నంలో కుళ్లిన కూరగాయలు దర్శనమిస్తున్నాయని రోగుల సహాయకులు ఆరోపించారు. వేడిగా ఉండటంతో గంట తరువాత సాంబారు అన్నం తింటే పాచిన వాసన వచ్చిందని  వేణుగోపాల్ అనే రోగి సహాయకుడు తెలిపారు. ఈ విషయమై దీపావళి పండగ ముందు అధికారులకు ఫోన్ ద్వారా సమాచారం అందిచానని ఆయన చెప్పారు.
 వేళకు రాని అన్నప్రసాదం
 రోజూ సాయంత్రం పూట ఆసుపత్రుల్లో వడ్డించే అన్నప్రసాదం వేలకు రావడం లేదని రోగుల సహాయకులు ఆరోపిస్తున్నారు. సాయంత్రం ఆరు గంటలకు రావాల్సిన అన్నప్రసాదం రాత్రి 7 గంటలు అవుతున్నా రాదని, అంతవరకు ఆకలితో వేచిఉండాల్సి వస్తోందని ఆవేదన వ్యక్తం చేశారు. ఇదేమని సిబ్బందిని అడిగితే ‘‘మీకు అన్నం పెట్టేదే ఎక్కువ. పైగా రూల్స్ మాట్లాడుతావా’’ అంటూ తిట్ల పురాణాలకు దిగుతున్నట్టు రాయచోటికి చెందిన అంకయ్య ఆవేదన వ్యక్తం చేశారు. దీంతో చేసేదిలేక పక్కనే ఉన్న హోటల్లో డబ్బులు పెట్టి భోజనం కొనాల్సి వస్తోందన్నారు.
 ప్లేట్లు కూడా కరువే
 ఆసుపత్రిలో అందిస్తున్న అన్నప్రసాదానికి ప్లేట్లు కూడా కరువయ్యారుు. రోగులకు ఉదయం, సాయంత్రం  రోజుకు రెండు పూటలా సాంబారన్నం, పెరుగన్నం పెడుతున్న టీటీడీ ఆ ప్రసాదాన్ని తినేందుకు భోజన ప్లేట్లు సరఫరా చేయడం లేదు. పైగా భోజన ప్లేట్లను ఆసుపత్రుల నిర్వాహకులే సమకూర్చుకోవాలని అధికారులు చెబుతున్నారు. వేడిగా ఉన్న సాంబారన్నం, పెరుగన్నం పేపరు ప్లేట్లలో వడ్డిస్తుండటంతో ఆ వేడికి పేపర్‌ప్లేట్లు చిరిగిపోతున్నారుు. కళ్ల ముందే చేతిలోని అన్నప్రసాదం నేలపాలవుతుండటంతో రోగుల సహాయకులు నొచ్చుకుంటున్నారు. గతంలో ప్లాస్టిక్ ప్లేట్లను సరఫరా చేసిన రెండు నెలలకే వాటికి స్వస్తి పలకడం విశేషం.  పైగా వర్షం వస్తే రోగుల సహాయకులకు కూర్చుని తినేందుకు కూడా స్థలం లేదు. వర్షంలో తడుస్తూనే తినాల్సి వస్తోందని పలువురు ఆరోపిస్తున్నారు. 
 మెనూలో టిఫిన్ ఎక్కడ?
 టీటీడీ సరఫరా చేసే అన్నప్రసాదంలో ఉదయం పూట అల్పాహారం అందిస్తున్నట్టు మెనూలో ఉంది. అరుుతే రెండేళ్లుగా రోగులు, వారి సహాయకులకు ఎలాంటి అల్పాహారం పెట్టిన సందర్భం లేదు. దీని గురించి అడిగిన నాథుడు లేడు. అదేమని అడిగితే తమకు ఆసుపత్రి వైద్యాధికారులు సహకరించడం లేదని టీటీడీ అధికారులు చెప్పడం గమనార్హం.
 నాణ్యతగా పెడుతున్నాం
 రోజూ నాలుగైదు రకాల కూరగాయలతో పరిశుభ్రంగా తయారు చేసిన అన్నప్రసాదాన్ని వడ్డిస్తున్నాం. కూరగాయలు నాణ్యతగా ఉన్నారుు. రుచి తగ్గిందన్న ఫిర్యాదు మాకు ఇంతవరకు రాలేదు. భోజనానికి ప్లేట్లు కొరత ఉన్న మాట వాస్తవమే. దీనిని ఆయా ఆసుపత్రుల అధికారులే చూడాలి.  భోజనం సరఫరా చేస్తున్న మాకు ఆసుపత్రుల నుంచి ఎలాంటి సహకారం అందడం లేదు. కనీసం ఇన్‌వారుుస్‌లోనూ సంతకం పెట్టేందుకు వారు ఆసక్తి చూపడం లేదు. పైగా అన్నప్రసాదం రుచిలో నాణ్యత లోపించిందని తమపై నిందారోపణలు చేయడం బాధాకరం.   - మురళి,సూపరింటెండెంట్, అన్నదానం, తిరుచానూరు.            


  హైదరాబాద్, బిజినెస్ బ్యూరో: ప్రస్తుత ఆర్థిక సంవత్సరం రెండో త్రైమాసికంలో తాన్లా సొల్యూషన్స్ నికర లాభం (కన్సాలిడేటెడ్ ప్రాతిపదికన) రూ. 9.7 కోట్లకు పెరిగింది. అంతక్రితం ఆర్థిక సంవత్సరం క్యూ2లో ఇది రూ. 4.06 కోట్లు. తాజా క్యూ2లో ఆదాయం రూ. 106 కోట్ల నుంచి రూ. 135 కోట్లకు పెరిగింది.
 
 అత్యుత్తమ నాణ్యతా ప్రమాణాలతో సేవలందించడంతో మెరుగైన ఫలితాలు సాధించగలిగామని సంస్థ సీఎండీ ఉదయ్ రెడ్డి తెలిపారు. మూడో త్రైమాసికంలో ఆదాయం రూ.144 కోట్ల నుంచి రూ.148 కోట్ల దాకా, లాభం రూ. 9.3 కోట్ల నుంచి రూ. 9.9 కోట్ల దాకా ఉండొచ్చని సంస్థ గెడైన్స్ ఇచ్చింది. పూర్తి ఆర్థిక సంవత్సర కాలానికి మొత్తం ఆదాయాలు రూ.509.7 కోట్ల నుంచి రూ. 532.8 కోట్ల దాకా, లాభం రూ. 32.6 కోట్ల నుంచి రూ. 35.1 కోట్ల దాకా ఉండగలవని కంపెనీ అంచనా.


 సాక్షి, సిటీ బ్యూరో: గ్రేటర్‌లో పెట్రో బంక్‌లు మళ్లీ బొంకుతున్నాయి. కొలతల్లో దగా, నాణ్యతలో మోసాలకు పాల్పడుతూ వినియోగదారులను నిలువునా దోచేస్తున్నారు. బంకులపై గత కొన్ని నెలలుగా తనిఖీలు లేకపోడంతో అక్రమార్కులకు అడ్డు అదుపు లేకుండా పోయింది. సంబంధిత పౌరసరఫరాల, తూనికల కొలతల శాఖాధికారులు నిద్రవస్థలో జోగుతున్నారు. కేవలం బంకుకు స్టాంపింగ్‌ సమయంలో తప్ప పరిశీలించిన దాఖలాలు కనిపించడం లేదు. రెండేళ్ల క్రితం స్పెషల్‌ ఆపరేషన్‌ టీం(ఎస్‌వోటీ) పోలీసులు, తూనికల కొలత శాఖ వేర్వేరుగా దాడులు నిర్వహించి బట్టబయలు చేసిన పెట్రో అధునిక సాంకేతిక మోసాల కథ కంచికి చేరింది. అప్పట్లో కొన్ని పెట్రోల్, డీజీల్‌ బంకులు యాజమాన్యాలు ఫిల్లింగ్‌ మిషన్ల సాఫ్ట్‌వేర్‌లో ప్రత్యేక చిప్‌లు అమర్చి రిమోట్‌ కంట్రోల్‌ ద్వారా మీటర్‌ రీడింగ్‌ను జంపింగ్‌ చేస్తూ దొరికిపోగా, మరికొందరు సాక్షాత్తు ప్రధాన ఆయిల్‌ కంపెనీలు సరఫరా చేసిన రిమోట్‌ ద్వారా ఆయిల్‌ పంపింగ్‌ కంట్రోల్‌ చేస్తూ దొరికి పోవడం సంచలనం సృష్టించింది. ఆయిల్‌ కంపెనీలు సరఫరా చేసిన ఫిల్లింగ్‌ మిషన్‌ మోడల్‌ను తప్పుబట్టి నోటీసులు జారీ చేసి హడావుడి సృష్టించిన  అధికారులు చివరకు కాంపౌండింగ్‌తో సరిపెట్టడం విస్మయానికి గురిచేస్తోంది.
 
 లీటర్‌కు 10 ఎంఎల్‌ నొక్కేస్తారు
 పెట్రోల్‌ బంకుల్లో డీలర్లు ప్రతి లీటర్‌కు సగటున  8 నుంచి 20 ఎంఎల్‌ వరకు తక్కువగా పంపింగ్‌ జరగడం సర్వసాధారణంగా  మారింది. తూనికల,కొలతల శాఖ నిబంధనల ప్రకారం ఐదు లీటర్లలో 25 ఎంఎల్‌ వరకు తక్కువగా ఉండవచ్చు. కానీ ప్రతి లీటర్‌లో తక్కువగా పంపింగ్‌ జరుగుతున్నా.. అధికారులు పట్టించుకోకపోవడంతో వినియోగదారులు ఆవేదన వ్యక్తం చేస్తున్నారు.  
 
 యథేచ్చగా కల్తీలు...
 నాన్‌ ఎలక్టాన్రిక్‌ పెట్రోల్‌ బంకుల్లోనే కల్తీ జరుగుతున్నట్లు ఆరోపణలు వినవస్తున్నాయి. ఎలక్టాన్రిక్‌ బంకులుæఆయిల్‌ కంపెనీల ప్రధాన యూనిట్లకు అనుసంధానమై ఉండటంతో  కల్తీకి అస్కారం లేకుండా పోయింది. ఒక వేళ కల్తీ జరిగినా..రీడింగ్, డెన్సిటీ ద్వారా బయటపడుతోంది. దీంతో నాన్‌ ఎలక్టాన్రిక్‌ పెట్రోల్‌ బంక్‌ల్లోనే ఈ వ్యవహరం సాగుతున్నట్లు తెలుస్తోంది. మరోవైపు ట్యాంకర్ల కొద్ది టిన్నర్, నాఫ్త ఆయిల్, కిరోసిన్‌  సరఫరా జరుగడం ఇందుకు బలం చేకూర్చుతోంది..సాధారణంగా నిత్యం 25 వేల లీటర్ల పెట్రోల్, 40 వేల లీటర్ల డీజిల్‌ఆయిల్‌ను విక్రయించే బంకులు పూర్తి స్థాయి ఎలక్టాన్రిక్‌గా మారాల్సి ఉంటుంది. ఆయితే మహానగరంలో అనేక బంకుల్లో సెల్స్‌ ఉన్నా... పూర్తి స్థాయి ఎలక్టాన్రిక్‌గా బంక్‌లుగా మార్పు జరగకపోవడం పలు అనుమానాలకు తావీస్తోంది.


 మాదాపూర్‌ : ప్రముఖ శాస్ర్తవేత్త ఆర్‌.ఏ. మషేల్కర్‌కు ప్రతిష్టాత్మక వి. కృష్ణమూర్తి విశిష్ట పురస్కారం అందజేసినందుకు తమిళనాడు మాజీ గవర్నర్‌ కె. రోశయ్య సంతోషాన్ని వ్యక్తం చేశారు. మాదాపూర్‌లోని సెంటర్‌ ఫర్‌ ఆర్గనైజేషన్‌ డెవలఫ్‌మెంట్‌ (సీఓడీ)లో వి. కృష్ణమూర్తి విశిష్ట పురస్కారం అవార్డు కార్యక్రమాన్ని గురువారం నిర్వహించారు. ఈ సందర్భంగా రోశయ్య మాట్లాడుతూ వి. కృష్ణమూర్తి మహోన్నత వ్యక్తి అని కృషి, పట్టుదలతో పాటు దేశానికి మంచి చేయాలనే తపన ఉంటుందన్నారు. నాణ్యతను పాటించే అన్ని కంపెనీలను అభివృద్ధి చేసినట్లు పేర్కొన్నారు.
 అవార్డు అందుకున్న ప్రముఖ శాస్ర్తవేత్త ఆర్‌.ఏ. మషేల్కర్‌ మాట్లాడుతూ కౌన్సిల్‌ ఆఫ్‌ సైంటిఫిక్‌ అండ్‌ ఇండసీ్ర్టయల్‌ రిసెర్చ్‌ డైరెక్టర్‌ జనరల్‌గా 11 సంవత్సరాల పాటు సేవలందించినట్లు పేర్కొన్నారు.ఆసియా, పసిఫిక్, యూరప్, యూఎస్‌ఏకు చెందిన 60 మందికి పైగా శాస్ర్తవేత్తలు ఒకే చోట పనిచేస్తూ సంబంధిత ప్రభుత్వాల నుండి నిధులు పొందుతున్న  గ్లోబల్‌ రిసెర్చ్‌ అలయన్‌Œ్సకు అధ్యక్షులుగా కొనసాగుతున్నట్లు పేర్కొన్నారు. 2050 నాటికి భారతదేశం ఎంతో అభివృద్ధి చెందుతోందని పేర్కొన్నారు.  కార్యక్రమంలో వక్‌ హార్డిట్‌ గ్రూప్‌ పౌండర్‌ చైర్మన్‌  హబిబ్‌ ఎఫ్‌ కోరాకివాలా, సీఓడీ  డైరెక్టర్‌  రమేష్‌ గెల్లి, సీఓడీ, ప్రొఫెసర్‌ ఉమేశ్వర్‌ పాండే తదితరులు పాల్గొన్నారు.


 కర్నూలు(రాజ్‌విహార్‌): విద్యుత్‌ సంస్థకు సంబంధించిన పనుల్లో నాణ్యత పాటించాలని ఏస్‌పీడీసీఎల్‌ క్వాలిటీ కంట్రోల్‌ (తిరుపతి) ఎస్‌ఈ వరకుమార్‌ సూచించారు. మంగళవారం ఆయన తన బృందంతో కలిసి కర్నూలు డివిజన్‌లో చేపట్టిన పనులను పరిశీలించారు. ఈ సందర్భంగా ఆయన మాట్లాడుతూ నిబంధనల మేరకు పనులు చేపట్టి నిరీ​‍్ణత గడువులోపు పూర్తి చేయాలని కోరారు. తనిఖీలు పూర్తయిన తరువాత నివేదికలను ఉన్నతాధికారులకు అందజేస్తామని వెల్లడించారు. ఆయన వెంట కర్నూలు ఆపరేషన్స్‌ డీఈ రమేష్, టౌన్‌–1, 2 ఏడీఈలు టీఎన్‌ ప్రసాద్, జి. రంగస్వామి, కల్లూరు ఎస్టేట్‌ ఏఈ పెద్దయ్య ఉన్నారు.
  


 
 కారణాలపై అధికారులతో సమీక్ష నిర్వహించిన ఈఓ 
 
 ఇద్దరు సిబ్బంది సస్పెన్షన్, ముగ్గురికి ఛార్జి మెమోలు
 
  
 అన్నవరం: 
 సత్యదేవుని ప్రసాదం నాణ్యతపై విమర్శలు వచ్చిన నేప«ధ్యంలో ఆ విభాగంలో పనిచేసే పలువురి సిబ్బందిపై ఈఓ కె.నాగేశ్వరరావు గురువారం క్రమశిక్షణ చర్యలు తీసుకున్నారు. సత్యదేవుని ప్రసాదం నిల్వ ఉండడం లేదని సామర్లకోటకు చెందిన ప్రయివేట్‌ స్కూల్‌ ఉపాధ్యాయుడు వాపోయిన విషయం మంగళవారం ‘సాక్షి’ దినపత్రికలో వచ్చిన విషయం విదితమే. బుధవారం కూడా కొంతమంది భక్తులు  ఇదే విధమైన ఫిర్యాదులు చేశారు. దాంతో ఆయన గురువారం సంబంధిత విభాగం అధికారులతో సమావేశం నిర్వహించి ప్రసాదం నాణ్యతగా ఉండక పోవడానికి కారణాలపై ^è ర్చించారు. అనంతరం ప్రసాదం కుక్‌ పీఎస్‌ఎస్‌వి ప్రసాదరావు, గోధుమ నూక మర ఆడే ప్యాకర్‌ ఎన్‌. లక్ష్మణరావును సస్పెండ్‌ చేశారు. సంబంధిత విభాగ సూపరెంటెండెంట్‌ పీవీఎస్‌ భాస్కర్, గుమస్తాలు వరహాలరావు, లక్ష్మీనారాయణలకు ఛార్జి మెమోలు జారీ చేశారు.
  


 చేవెళ్ల: చేవెళ్ల నుంచి కందవాడ- నక్కలపల్లిల మీదుగా వెంకటాపూర్‌ వరకు చేపట్టిన రోడ్డు పనులను క్వాలిటీ కంట్రోల్‌ ఉన్నతాధికారులు సోమవారం పరిశీలించారు. జాతీయ రహదారుల క్వాలిటీ కంట్రోల్‌ ఉన్నతాధికారి చౌదరీరంజిత్‌సింగ్‌ నేతృత్వంలోని బృందం సభ్యులు పనుల వివరాలను తెలుసుకున్నారు. ప్రధానమంత్రి సడక్‌యోజన కింద 12.4 కిలోమీటర్ల రోడ్డు ఫార్మేషన్‌, పటిష్టత, బీటీ కోసం కేంద్ర ప్రభుత్వం రూ.6.73 కోట్లు మంజూరు చేసింది. చేవెళ్ల నుంచి షాబాద్‌, కందవాడ మీదుగా మొయినాబాద్‌ మండలంలోని నక్కలపల్లి నుంచి వెంకటాపూర్‌ వరకు చేపట్టిన పనులు చురుగ్గా కొనసాగుతున్నాయని అధికారులు సంతృప్తి వ్యక్తంచేశారు. నాణ్యత కూడా బాగుందని తెలిపారు. ఈ రోడ్డుతో ఎన్ని గ్రామాల ప్రజలకు మేలు జరుగుతుంది, ఎప్పటిలోగా రహదారిని అందుబాటులోకి తెస్తారని ఈఈ రవీందర్‌రెడ్డి, కాంట్రాక్టర్‌ కె.మహేందర్‌రెడ్డిని అడిగి తెలుసుకున్నారు. వచ్చే మార్చిలోగా పనులు పూర్తి చేస్తామని వారు అధికారులకు తెలిపారు. పంచాయతీరాజ్‌ డిప్యూటీ ఈఈ సుదర్శన్‌రెడ్డి, ఏఈ భాస్కర్‌రెడ్డి, పీఆర్‌ ఏఈలు శేఖర్‌, రాజు, సైట్‌ ఇంజినీర్‌ గోపాల్‌ తదితరులు ఉన్నారు.


 
 * ఆర్‌అండ్‌బీ రోడ్ల నిర్మాణాల్లో అక్రమాలు
 
 * రోజుల వ్యవధిలోనే దెబ్బతింటున్న వైనం
 
 * రూ.కోట్ల నిధులు తారుమారు
 
  
 
 కృష్ణా పుష్కరాల్లో భాగంగా కొల్లూరు మండలంలో చేపట్టిన ఆర్‌అండ్‌బీ రహదారుల నిర్మాణంలో నాణ్యత నట్టేట కలిపేశారు.  మండల వ్యాప్తంగా రూ.15.30 కోట్లతో చేపట్టిన పనులు బూడిదలో పోసిన పన్నీరులా మారాయి. ఏ ఒక్క రహదారీ మన్నికగా లేదనే విమర్శలు సర్వత్రా వ్యక్తమవుతున్నాయి. పనులు దక్కించుకున్న టీడీపీ నేతలు తమ ఇష్టానుసారంగా రోడ్ల నిర్మాణాలు చేపట్టి బిల్లులు తీసుకొని చేతులు దులుపేసుకున్నారు. 
  
 కొల్లూరు: పవిత్ర కృష్ణా పుష్కరాల మాటున టీడీపీ నేతలు సాగించిన అక్రమాల డొంక రోజుల వ్యవధిలోనే బట్టబయలైంది. మండలంలో రూ. 15.30 కోట్లతో నిర్మించిన రహదారుల్లో నాణ్యతకు మంగళం పాడి కాంట్రాక్టర్లు తమ జేబులు నింపుకున్నారన్న విషయం రహదారుల దుస్థితి చూస్తే బహిర్గతమవుతుంది. రోజుల వ్యవధిలోనే రూ. 5.69 కోట్లతో నిర్మించిన కొల్లూరు–గాజుల్లంక, పెసర్లంక– కొత్తూరులంక రహదారులు దెబ్బతిన్నాయి. తాజాగా మరో రెండు రోడ్లు కాంట్రాక్టర్ల అవినీతికి ఛిద్రమై ఎందుకూ పనికిరా>కుండా పోతున్నాయి. ఏ ఒక్క రోడ్డూ నిర్మాణంలోనూ నాణ్యత పాటించకపోవడంతో రహదారులు నిర్మించి ప్రయోజనం లేకుండా పోయింది. రహదారులపై తారు లేయర్‌లు తొలగిపోవడం, అంచుల వెంబడి బీటలు వారడం, రహదారి కుంగిపోవడం వంటి లోపాలు బహిర్గతమయ్యాయి. రూ. 3.15 కోట్ల వ్యయంతో కొల్లూరు–కొల్లిపర మండలాల నడుమ 8.12 కిలోమీటర్ల పొడవున చేపట్టిన రహదారి నిర్మాణం, మరమ్మతులు కాంట్రాక్టర్ల అక్రమాలకు వేదికగా మారాయి. 
  
 నెలలోనే అధ్వానం..
 ఈపూరు నుంచి చిలుమూరు మధ్య నూతనంగా నిర్మించిన రహదారి పొడవునా తారు తొలగిపోయి రోడ్డు ఎందుకూ పనికిరాకుండా పోయింది. కనీసం 15 ఏళ్ల పాటు మన్నాల్సిన బీటీ రోడ్డు నెల రోజుల వ్యవధిలో అధ్వాన స్థితికి చేరడం పనుల్లో ఏమేరకు ప్రమాణాలు పాటించారో తేటతెల్లమవుతుంది. కొల్లూరు వద్ద చేపట్టిన రోడ్డు అంచుల పటిష్టత మట్టితో చేపట్టాల్సి ఉండగా ఇసుకతో తూతూ మంత్రంగా ముగించారు. దీంతో అంచులు కోతకు గురై రోడ్డు దెబ్బతినే ప్రమాదం ఉంది. 
  
 కాంట్రాక్టర్‌ కక్కుర్తి...
 రూ. 3.15 కోట్లు వెచ్చించి నిర్మించిన గాజుల్లంక–చింతమోటు రహదారి నిర్మాణంలో కాంట్రాక్టర్ల కక్కుర్తి కారణంగా రహదారి పాడై పాత రోడ్డులా తయారవుతుంది. పోతార్లంక సమీపంలో రోడ్డు పగుళ్ళిచ్చి కుంగిపోయింది. కిష్కిందపాలెం–తడికలపూడి మధ్యలో సైతం రోడ్డు అంచుల్లో తారు పొరలు తొలగిపోవడం, అంచులు పగిలిపోవడం పనుల జరిగిన తీరుకు అద్దం పడుతుంది. రూ. 3.31 వ్యయంతో 6 కిలోమీటర్ల నిర్మించిన తెనాలి–వెల్లటూరు మార్గంలో సైతం లోపాలు బహిర్గతమవుతున్నాయి. క్రాప అడ్డరోడ్డు రోడ్డు అంచులు కుంగి బీటలువారాయి.  లోపాలను కప్పిపుచ్చుకునేందుకు అతుకులతో సరిపెట్టారు. పనులు పూర్తవ్యకముందే బిల్లులు చెల్లించి తమ వాటాలు అందుకున్న విశ్వాసాన్ని అధికారులు ప్రదర్శిస్తున్నారు.
  
 డీఈ దృష్టికి తీసుకెళ్ళండి..
 రహదారుల దుస్థితి, నాణ్యతా ప్రమాణాలపై ఆర్‌ అండ్‌ బీ ఈఈ పకీర్‌బాబును సాక్షి వివరణ కోరగా డీఈ దృష్టికి తీసుకువెళితే అయన ఆ వ్యవహారం ఏమిటో చూస్తారని పేర్కొన్నారు. 
 – పకీర్‌బాబు, ఈఈ


 
 ఆర్‌అండ్‌బీ రహదారుల దృఢత్వం గుర్తింపునకు జిల్లాకు వచ్చిన అత్యాధునిక వాహనం
 
 కాకినాడ సిటీ : 
 వేసిన రోడ్లు కొద్ది కాలానికే గోతులమయమవుతున్నాయి. అసలు ఇలా ఎందుకు జరుగుతుంది? కాంట్రాక్టర్లు నాణ్యత పాటించడం లేదా? 
 అధికారుల పర్యవేక్షణ పూర్తిగా కొరవడిందా?అసలు రోడ్లలో దృఢత్వమెంత..?  తెలుసుకునేందుకు అధునాతన యంత్రాలు జిల్లాకు వచ్చేశాయి. జిల్లా వ్యాప్తంగా ఉన్న ఆర్‌అండ్‌బీ రహదారుల దృఢత్వం ఏ మేరకు ఉందో పరిశీలించనున్నారు. ఈ మేరకు ప్రత్యేక అత్యాధునిక వాహనం(ఫాలింగ్‌ డిఫెక్ట్‌ మీటర్‌) జిల్లాకు వచ్చింది. సోమవారం ఆ వాహనాన్ని కాకినాడ ఆర్‌అండ్‌బీ ఎస్‌ఈ కార్యాలయంలో ప్రదర్శించారు. ఈ సందర్భంగా ఎస్‌ఈ సీఎస్‌ఎన్‌ మూర్తి మాట్లాడుతూ ఇప్పటికే జిల్లలోని రహదారులలో డిజిటల్‌ సర్వే చేయించి గోతులు, ఎత్తు పల్లాలను లేజర్స్‌ ఉపయోగించి వీడియోగ్రఫీ తీయించామన్నారు. ఇప్పుడు ఈ ప్రత్యేక వాహనం ద్వారా రహదారుల దృఢత్వం, సాయిల్‌ కండీషన్‌ను గుర్తిస్తుందన్నారు. జిల్లా వ్యాప్తంగా ఉన్న 3,500 కిలోమీటర్ల ఆర్‌అండ్‌బీ రహదారుల్లో కిలోమీటరుకు మూడు పాయింట్లతో రోజుకు 50 కిలోమీటర్లు చొప్పున 75 రోజుల పాటు గుర్తింపు ప్రక్రియను పూర్తి చేస్తుందన్నారు. రాష్ట్రంలో రెండు ప్రత్యేక వాహనాలు తిరుగుతున్నాయని వాటిలో ఒకటి శ్రీకాకుళం, విజయనగరం, విశాఖపట్నం జిల్లాలు పూర్తి చేసుకుని జిల్లాకు వచ్చిందన్నారు. 
  


 →   ఖైదీల నిర్వహణలో పెట్రోల్‌ బంక్‌లు
 →   నాణ్యమైన ఇంధనం.. నిర్ధిష్టమైన కొలతలు
 →   బారులు తీరుతున్న వాహనదారులు
 →   రోజుకు రూ. 4 లక్షలకు పైగా వ్యాపారం
 
 బుక్కరాయసముద్రం : ఓపెన్‌ ఎయిర్‌ జైల్లో జీవిత ఖైదు శిక్ష అనుభవిస్తున్న ఖైదీలతో నిర్వహిస్తున్న పెట్రోలు బంకుల వ్యాపారం మూడు పువ్వులు ఆరు కాయలుగా విరాజిల్లుతోంది. ఓపెన్‌ ఎయిర్‌ జైల్‌ వద్దlఆధునాతన సౌకర్యాలతో ఈ ఏడాది మే నెలలో 2 ఐఓసీ పెట్రోలు బంకులను రూ. 4 కోట్లతో జైలుశాఖ ఏర్పాటు చేసింది. ఈ పెట్రోల్‌ బంకుల్లో 20 మంది ఖైదీలు పనిచేస్తున్నారు.  నీలంపల్లి రోడ్డు వైపు ఉన్న పెట్రోలు బంక్‌లో రోజుకు రూ. 2.50 లక్షల వ్యాపారం జరుగుతోంది. దీనికి ఎదురుగా ఉన్న మరో పెట్రోలు బంక్‌లో రూ.1.50 లక్షల లావాదేవీలు సాగుతున్నాయి. ఇందులో పనిచేసే ఖైదీలకు రోజుకు 70 రూపాయలు కూలి చెల్లిస్తున్నారు. రోజుకు రూ. 4 లక్షల ప్రకారం నెలకు కోటి రూపాయలకు పైగా వ్యాపారలావాదేవీలు ఖైదీలు నిర్వహిస్తున్నారని జైలు అధికారులు పేర్కొంటున్నారు.
 
 నాణ్యమైన పెట్రోలు
 మీటర్‌ రీడింగ్‌  వద్ద మొదలుకుని సరుకు కల్తీ వరకు పలు రకాల్లో వినియోగదారులను చాలా పెట్రోల్‌ బంక్‌ నిర్వాహకులు మోసగిస్తుంటారు. అయితే ఓపెన్‌ ఎయిర్‌ జైలు పరిధిలో ఉన్న రెండు పెట్రోలు బంకులలో ఇలాంటి అక్రమాలకు తావు లేదు. ఇక్కడ నాణ్యమైన పెట్రోల్‌ లభిస్తుండటంతో వాహనదారులు ఎక్కువగా వస్తుంటారు. వీటిని పూర్తిగా ప్రభుత్వం ఆధ్వర్యంలో నిర్వహిస్తుండటం కారణంగా వినియోగదారులు పెట్రోలు, డీజిల్‌ కోసం క్యూ కడుతున్నారు. ఫుల్‌ట్యాంక్‌ కావాలనుకునేవారు తప్పని సరిగా ఓపెన్‌ ఎయిర్‌ జైలు వద్ద ఉన్న పెట్రోల్‌ బంకుల వద్దకే వెళుతుంటారు. నాణ్యమైన పెట్రోల్‌తో పాటు మీటర్‌ రీడింగ్‌ కూడా ఇక్కడ కచ్చితంగా ఉంటుందని వాహనదారులు చెబుతున్నారు.
 
 బతుకు తెరువుకు దోహదం
 జైల్లో ఉంటునే పెట్రోలు బంకులో పనిచేస్తున్నా... బయటకు వెళ్లినా పెట్రోలు బంకులలో పని చేస్తూ బతికే ఆత్మసై్థర్యం వచ్చింది.    మా దగ్గర నాణ్యమైన పెట్రోల్‌ దొరుకుతుందని ఎక్కువ మంది ఇక్కడికే వస్తుంటారు.
 – శంకర్, ఖైదీ
 
 పెట్రోల్లో నాణ్యత ఎక్కువ
 మిగతా పెట్రోల్‌ బంకుల్లో కన్నా ఇక్కడ పోస్తున్న పెట్రోల్‌కు చాలా వ్యత్యాసం ఉంది. ఇక్కడ వేయించుకుంటున్న పెట్రోల్‌తో నా బండి మైలేజీ కూడా పెరిగింది. కల్తీ లేకపోవడంతో రిపేరీలు కూడా తగ్గాయి. అందుకే అనంతపురంలో పెట్రోల్‌ వేయించుకోవడం మానేశాను. కచ్చితంగా జైలు దగ్గరకే వచ్చి పెట్రోల్‌ పోయించుకుంటున్నాను.
 – లక్ష్మిరెడ్డి, జంతులూరు
 
 నాణ్యమైన పెట్రోలు అందిస్తాం
 పెట్రోల్, డీజిల్‌ నాణ్యత విషయంలో రాజీపడే ప్రసక్తే లేదు. మేం నాణ్యమైన పెట్రోలు అందిస్తున్నాం కాబట్టే ఎక్కువ మంది వాహనదారులు ఇక్కడికే వచ్చి పెట్రోల్‌ పోయించుకుంటున్నారు. కొలతల విషయంలో కూడా కచ్చితంగా వ్యవహరిస్తున్నాం. పెట్రోల్‌ బంకుల ద్వారా వచ్చిన ఆదాయాన్ని రాష్ట్రంలోని జైళ్ల అభివద్ధికి, ఖైదీల సంక్షేమానికి వినియోగిస్తాం. మరో రెండు నెలల్లో పెట్రోలు బంకులలో పెండింగ్‌లో ఉన్న పనులు కూడా పూర్తవుతాయి.  ఇప్పటికే మూడు కోట్ల రూపాయలకు పైగా వ్యాపారం జరిగి ఉంటుంది.
 – శ్రీనివాసులు, సూపరింటెండెంట్, ఓపెన్‌ ఎయిర్‌ జైలు


 అచ్చంపేట రూరల్‌:  నగరపంచాయతీలోని అభివృద్ధి ¬న్సిపల్‌ డీఈ రియాజుద్దీన్, ఏఈ నర్సింహులు కోరారు. శుక్రవారం పట్టణంలోని మారుతినగర్, ఇంద్రానగర్‌ కాలనీలో చేపడుతున్న సీసీరోడ్లు, మురుగు కాల్వల నిర్మాణాలను వారు పరిశీలించారు. నిబంధనల ప్రకారం పనులు చేపట్టాలన్నారు. కార్యక్రమంలో సిబ్బంది జగదీష్, కౌన్సిలర్‌ యాదమ్మ అర్జున్‌రావు, టీఆర్‌ఎస్‌ నాయకులు రమేష్‌రావు, ఉస్సేన్‌ పాల్గొన్నారు


 – ఇసుక ఎక్కువ.. సిమెంట్‌ తక్కువl
 –ఘాట్లకు నాసిరకమైన టైల్స్‌ వినియోగం
 – కొన్నిచోట్ల టైల్స్‌కు బదులు సిమెంట్‌ మెట్లు
 – పుష్కర కాలువలకు ఇరువైపులా ఇసుక బస్తాలు
 – హడావుడిగా పనులు.. కొరవడిన పర్యవేక్షణ
  
 సాక్షి, అమరావతి :
  కృష్ణా పుష్కరాల సందర్భంగా చేపట్టిన పనుల్లో నాణ్యతకు తిలోదకాలిచ్చేశారు. పుష్కర సమయం దగ్గర పడుతోందని ‘తెలుగు కాంట్రాక్టర్లు’ హడావుడిగా పనులు కానిచ్చేస్తున్నారు. జేబులు నింపుకోవటమే లక్ష్యంగా సాగుతున్న పనుల్లో  చేతివాటం ప్రదర్శిస్తున్నారు. కొందరు అధికారులు పూర్తి సహకారం అందించడంతో పుష్కర పనులు ఇష్టారాజ్యంగా జరుగుతున్నాయి. కోట్లాది రూపాయల ప్రజాధనం దుర్వినియోగం అవుతున్నా.. నాణ్యత నామమాత్రంగా కూడా కనిపించకపోవడం గమనార్హం. 
 రేటులో ఎంత తేడా..!
 కృష్ణా, గుంటూరు జిల్లాల పరిధిలో పుష్కరాల కోసం ప్రభుత్వం సమారు రూ.1,600 కోట్లు ఖర్చు చేస్తోంది. ఘాట్ల కోసం రూ.250 కోట్లు వెచ్చించినట్లు అధికారవర్గాలు వెల్లడించాయి. రెండునెలల క్రితం పనులు ప్రారంభించినా, ఏర్పాట్లు మందకొడిగానే సాగాయి.  కొన్ని ఘాట్లలో పనులు ఇప్పటికీ కొనసాగుతూనే ఉన్నాయి. ఘాట్ల వద్ద ఏర్పాటుచేసిన టైల్స్‌ పూర్తి నాసిరకంగా కనిపిస్తున్నాయి. రూ.80 విలువైన టైల్స్‌ను వినియోగించాల్సి ఉంది. అయితే ప్రస్తుతం రూ.38 విలువచేసే టైల్స్‌ను కొనుగోలు చేసి ఘాట్ల వద్ద వాడినట్టు చెబుతున్నారు. 
 ఇసుక ఎక్కువ.. సిమెంట్‌ తక్కువ ...
 పుష్కర ఘాట్లలో ఇసుక ఎక్కువ వేసి... సిమెంట్‌ను తక్కువ మోతాదులో కలిపి పనికానిచ్చేశారు. టైల్స్‌ ఏర్పాటుకు వాడే మిశ్రమంలో ఎక్కువశాతం ఇసుకనే వినియోగించారు. కృష్ణవేణి, భవానీ, పున్నమి, సీతమ్మవారి పాదాలు ఘాట్ల వద్ద ఇదే పరిస్థితి నెలకొంది. సిమెంటు, ఇసుక, కంకరను మిల్లర్స్‌ పద్ధతిలో చేయాల్సి ఉండగా.. రెడీమిక్స్‌ మిశ్రమాన్ని వినియోగించారు. మిల్లర్స్‌ ద్వారా అయితే ఖర్చు ఎక్కువ అవుతుందని పలువురు కాంట్రాక్టర్లు రెడీమిక్స్‌ ద్వారానే పనులు పూర్తిచేశారు. ఘాట్ల వద్ద 40 ఎంఎం కంకరకు బదులుగా, 20 ఎంఎం కంకర వినియోగించారు. భక్తులు స్నానం చేసేందుకు ఏర్పాటుచేస్తున్న కాంక్రీట్‌ కాలువ పనులు మరీ నాసిరకంగా చేసినట్టు ఓ అధికారి  వివరించారు. నిబంధనల ప్రకారం ఘాట్‌ నిర్మాణానికి నేల గట్టిదనం బయటపడే వరకు ఉన్న ఇసుకను తోడి.. ఆ తర్వాతే కాంక్రీటు వేయాల్సి ఉంది. దీనికి 40 ఎంఎం కంకరను వినియోగించాలి. అయితే ప్రస్తుతం మొక్కుబడిగా ఇసుకను తొలగించి, మెటల్‌ వేసి సిమెంట్‌ కాంక్రీట్‌ పనులు పూర్తి చేశారు. 
 కాలువలకు ఇరువైపులా ఇసుక బస్తాలు ...
 కృష్ణా పరివాహక ప్రాంతాల్లో భక్తులు పవిత్ర స్నానం ఆచరించేందుకు నిర్మించిన కాలువలకు సిమెంట్‌ కాంక్రీట్‌తో కూడిన కట్టలు (రిటెయినింగ్‌ వాల్‌) ఏర్పాటు చేయాల్సి ఉంది. అయితే ముహూర్తం ముంచుకొస్తుందని ఇసుక బస్తాలతో కాలువల వద్ద కట్టలు ఏర్పాటు చేశారు. దీనివల్ల భక్తులు జారిపడి గాయాలపాలయ్యే ప్రమాదం ఉందని అధికారులు చెబుతున్నారు. రెండు జిల్లాల పరిధిలో నిర్మించిన పలు ఘాట్లకు టైల్స్‌ వేయలేదు. సమయం లేదని సిమెంట్, కంకర మిశ్రమంతో పనులు కానిచ్చేశారు. ఇదిలా ఉంటే ఘాట్ల పొడవును ఎవరికి వారు కుదించి నిర్మించారు. భవానీ ఘాట్‌ నుంచి దుర్గమ్మ ఆలయం సుమారు వెయ్యిమీటర్ల పొడవున ఘాట్‌ నిర్మించాలని మొదట నిర్ణయించి నిధులు మంజూరు చేశారు. అయితే సమయం లేదంటూ ఘాట్ల పొడవును కుదించి నిర్మించినట్లు అధికారులు వెల్లడించారు. పున్నమి ఘాట్‌ను మొదట 700 మీటర్లు నిర్మించాలని నిర్ణయించారు. అయితే ప్రస్తుతం 300 మీటర్లకు కుదించారు. వేలాది మంది కార్మికులు రేయింబవళ్లు పనిచేసినా.. ఘాట్లు పూర్తయ్యాయా? అంటే అదీ లేదు. పలు ఘాట్లు ఇంకా అసంపూర్తిగానే దర్శనమిస్తున్నాయి. 
  


 తెయూ(డిచ్‌పల్లి) : తెలంగాణ యూనివర్సిటీ ఇంటర్నల్‌ క్వాలిటీ అస్యూరెన్స్‌సెల్‌ (ఐక్యూఏసీ) ఆధ్వర్యంలో ‘క్వాలిటీ ఎడ్యుకేషన్‌– ఎమర్జింగ్‌ ట్రెండ్స్‌ అండ్‌ చాలెంజెస్‌’ అనే అంశంపై ఈనెల 18, 19వ తేదీల్లో జాతీయ స్థాయి సెమినార్‌ నిర్వహిస్తున్నట్లు ఐక్యూఏసీ డైరెక్టర్‌ డాక్టర్‌ ఎం.అరుణ తెలిపారు. సెమినార్‌కు సంబంధించిన ప్రతిష్టాత్మక నేషనల్‌ అసెస్‌మెంట్‌ అండ్‌ అక్రెడిటేషన్‌ కౌన్సిల్‌(నాక్‌) ఆర్థిక సహకారం అందిస్తున్నట్లు ఆమె తెలిపారు. దీనికి సంబంధించిన సెమినార్‌ బ్రోచర్‌ను శుక్రవారం వర్సిటీ వైస్‌ చాన్స్‌లర్‌ ప్రొఫెసర్‌ పి.సాంబయ్య, రిజిస్ట్రార్‌ ప్రొఫెసర్‌ జయప్రకాశ్‌రావులు ఆవిష్కరించారు. ఈ సందర్భంగా వీసీ మాట్లాడుతూ.. సెమినార్‌లో అర్థవంతమైన చర్చలు జరగాలని సూచించారు. ఉన్నత విద్య, నాణ్యత ప్రమాణాలు, 21వ శతాబ్దపు అవసరాలు లాంటి అంశాలపై చర్చలు విస్తృతంగా జరగాలని సూచించారు. కార్యక్రమంలో ప్రజా సంబంధాల అధికారి డాక్టర్‌ కె.రాజారాం తదితరులు పాల్గొన్నారు.
  


 నాచారం: నాచారం స్నేహపురి కాలనీ వద్ద గల వాటర్‌ ట్యాంకులో బుధవారం సాయంత్రం జలమండలి క్వాలిటీ అనాలిసిస్‌ సిబ్బంది క్లోరిన్‌ చేస్తుండగా గ్యాస్‌ లీకైంది.  ఇది చుట్టు పక్కలకు వ్యాపించింది. సిబ్బంది పరుగులు తీశారు. అక్కడే విధుల్లో ఉన్న నాచారం పోలీస్‌ స్టేషన్‌ కానిస్టేబుల్‌ రాజేష్‌ విషయం తెలుసుకుని ఆపడానికి ప్రయత్నించి తీవ్ర అస్వస్థతకు గుర య్యాడు. తీవ్ర ఘాటువాసన రావడంతో స్థానికులు... సమీపంలోని మీ సేవ సిబ్బంది పరుగులు తీశారు.
  
 అస్వస్థతకు గురైన కానిస్టేబుల్‌ రాజేష్‌ను బాపూజీ నర్సింగ్‌ హోంకు తరలించారు. కుమార్‌ అనే వ్యక్తి వాంతులు చేసుకున్నాడు. విషయం తెలుసుకున్న జలమండలి ఏఈ ఉమాపతి, నాచారం అగ్నిమాపక సిబ్బంది ఫైర్‌ ఇంజన్‌తో సంఘటన స్థలానికి చేరుకున్నారు. ఈ ఘటనపై ఏఈ ఉమాపతి మాట్లాడుతూ తమకు తెలియకుండా క్వాలిటీ అనాలిసిస్‌ సిబ్బంది వచ్చారని తెలిపారు. క్లోరిన్‌ గ్యాస్‌ను నీటిలో కలుపుతారని... అది ప్రమాదకరమైంది కాదని వివరించారు.
  
 విషయం తెలుసుకున్న స్థానిక నాయకులు ఘటనా స్థలానికి చేరుకుని వివరాలు తెలుసుకున్నారు. అస్వస్థతకు గురైన కానిస్టేబుల్‌ను పరామర్శించారు. ఈ కార్యక్రమంలో సాయిజెన్‌ శేఖర్, పోతగాని గోపాల్‌ గౌడ్, వై. సత్యనారాయణ, అనుముల అశ్వత్థామరెడ్డి, మేడల మల్లిఖార్జున్‌ గౌడ్, గుండు రమేష్‌ గౌడ్, మహేష్‌ ఉన్నారు. ఆరు నెలలుగా మూత: గత ఆరు నెలలుగా నాచారం స్నేహపురికాలనీ వాటర్‌ ట్యాంక్‌లో నీరు లేక మూత పడి ఉంది. దీనిలో క్లోరినేషన్‌ చేస్తుండగా గ్యాస్‌లీకై ప్రమాదం సంభవించింది.


 గుంటూరు (నగరపాలెం): పుష్కరాల సందర్భంగా జిల్లాలో జరుగుతున్న పనుల్లో రాజీ పడొద్దని డిస్కం సాంకేతిక మానవ వనరుల డైరెక్టర్‌ పుల్లారెడ్డి అధికారులను ఆదేశించారు. శనివారం పొన్నూరు రోడ్డులోని విద్యుత్‌ శాఖ కార్యాలయంలో నిర్వహించిన సమావేశంలో ఆయన మాట్లాడారు. పుష్కరాల సమయంలో 24 గంటలు నిరాటంకంగా విద్యుత్‌ సరఫరా చేయాలని సూచించారు.
  


 డోర్నకల్‌ : నిర్మాణాల్లో నమ్మకం, నాణ్యతకు మారుపేరు భారతి సిమెంట్‌ అని సిమెంట్‌ జిల్లా సేల్స్‌ మేనేజర్‌ నాగేశ్వర్‌రావు తెలిపారు. స్థానిక జైన్‌ భవన్‌లో శనివారం ని ర్మాణాలు, సిమెంట్‌ వాడకంపై తాపీ మేస్త్రీలకు అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ రోబోటెక్‌ క్వాలిటీ కంట్రోల్‌ ద్వారా జర్మనీ టెక్నాలజీతో భారతి సిమెంట్‌ తయారవుతుందన్నారు. 
  
 ఇంజనీర్లు అందిస్తున్న ప్రోత్సాహం, తాపీమేస్త్రీల సహకారంతో భారతి సిమెంట్‌ వినియోగదారులకు చేరువవుతోందని పేర్కొన్నారు. తాపీమేస్త్రీల సంక్షేమానికి రూ. ల క్ష బీమా సౌకర్యం కల్పిస్తూ మేస్త్రీల పేరున ప్రీమియం చెల్లిస్తుందని తెలిపారు. ఈ కార్యక్రమంలో రీజనల్‌ టెక్నీషియన్‌ సంతోష్‌కుమార్‌తో పాటు  డీలర్లు నారాయణరావు, ఉపేందర్‌ తదితరులు పాల్గొన్నారు.
  


 – పూర్తికాని పుష్కర ఘాట్‌ పనులు
 – మాస్టర్‌ప్లాన్‌ పనులూ అంతంతే
 – నాణ్యత మరిచిన కాంట్రాక్టర్లు
 – నిబంధనలు పట్టించుకోని అధికారులు
 – నేడు సీఎం చంద్రబాబు పర్యటన
  
  
 కష్ణా పుష్కరాలను ఘనంగా జరుపుతాం..పక్కా ప్రణాళికతో భక్తులకు సకల సౌకర్యాలు కల్పిస్తాం.. 
 –ప్రభుత్వ పెద్దల చెబుతున్న మాటలు ఇవీ.
 ఇప్పటికీ పూర్తికాని పుష్కర ఘాట్లు..నాసిరకం పనులు.. హడావుడిగా అధికారుల పర్యటనలు..ముంచుకొస్తున్న పుష్కర ముహూర్తం..
 – ఇదీ వాస్తవ పరిస్థితి.
  
 సాక్షి, కర్నూలు: 
 కష్ణా పుష్కర పనులు గడువులోగా పూర్తయ్యే సూచనలు కనిపించడం లేదు. ఆగమేఘాలపై వీటిని పూర్తి చేయించేందుకు అధికారులు కసరత్తు చేస్తున్నా ఫలితం లేకుండా పోతోంది. పనులు నత్తనడకన.. నాసిరకంగా జరుగుతున్నాయి. గోదావరి పుష్కరాలకు ఏడాదికి ముందే పక్కా ప్రణాళికతో పనులకు ప్రభుత్వం ఆమోదం తెలిపింది. కష్ణా పుష్కరాలను అంతకంటే ఘనంగా నిర్వహిస్తామని ప్రభుత్వ పెద్దలు చెప్పారు కానీ.. ఆచరణలో మాత్రం అందుకు భిన్నంగా వ్యవహరించారు. హడావుడిగా పనుల మంజూరు.. నాణ్యతను వదిలేయడం..తదితర కారణాలతో  కోట్లాది రూపాయల ప్రజాధనం వథా అయింది. సోమవారం సీఎం చంద్రబాబు నాయుడు శ్రీశైలం రానున్నారు. ఈ నేపథ్యంలో పుష్కర పనులపై ప్రత్యేక కథనం.
  
  కష్ణా పుష్కరాలను ఘనంగా నిర్వహించాలన్న లక్ష్యంతో ప్రభుత్వం రూ. 166 కోట్లపైగా వెచ్చించింది. ఇందులో భాగంగా పుష్కర ఘాట్ల నిర్మాణ పనుల కోసం రూ. 24 కోట్లు కేటాయించింది.  ప్రధానంగా పుష్కరాల్లో స్నాన మాచరించేందుకు భక్తులు పెద్ద సంఖ్యలో రానున్న నేపథ్యంలో ఘాట్లకు ప్రాధాన్యం ఏర్పడింది. ఈ నెలాఖరులోగా పనులన్నీ పూర్తి కావాల్సి ఉన్నా కొత్తగా నిర్మిస్తున్న ఘాట్ల పనులు 60 శాతం కూడా పూర్తికాలేదు. ఈ పనులు మరో 13 రోజులు పూర్తికావడం సాధ్యమయ్యే పనికాదంటున్నారు. ఈ పనులు చేపట్టిన జలవనరులశాఖ అధికారులు సైతం ఇదే అభిప్రాయాన్ని వ్యక్తం చేస్తున్నారు. ముఖ్యంగా పాతాళాగంగలో కొత్తగా చేపట్టిన పుష్కర ఘాట్‌ పనులు 50 శాతం దాటగా.. లింగాలగట్టు వద్ద నది మధ్యలో నిర్మిస్తున్న నూతన ఘాట్‌ పనులు మాత్రమే 60 శాతం చేరుకున్నాయి. అలాగే సంగమేశ్వరంలో హైలెవల్‌ ఘాట్‌కు ఆనుకుని కొత్తగా నిర్మిస్తున్న ఘాట్‌ పనులు కూడా 45 శాతం జరగడంతో.. మిగిలిన పనులు నిర్దేశించుకున్న సమయానికి పూర్తి చేస్తారా? అన్నది మిలియన్‌ డాలర్ల ప్రశ్నగా మారింది. 
 నిబంధనలకు నీళ్లొదిలిన కాంట్రాక్టర్లు..
 పుష్కరాలకు వచ్చే భక్తులు ఎలాంటి అసౌకర్యానికి గురికాకుండా చూడాలన్న లక్ష్యంతో ప్రభుత్వం పుష్కర పనులకు కోట్లాది రూపాయలు వెచ్చించింది. అయితే పనులు చేపట్టేందుకు తగినంత సమయం లేకపోవడంతో ఆయా పనులు దక్కించుకున్న కాంట్రాక్టర్లు నిబంధనలకు నీళ్లొదిలి.. ఇష్టారాజ్యంగా పనులు కానిచేస్తున్నారు. వీటిని అధికారులు ఎక్కడా అడ్డుకోకపోవడం గమనార్హం. కొత్తగా నిర్మిస్తున్న ఘాట్లకు సంబంధించి ప్రధానమైన కీవాల్‌ నిర్మాణ పనులు నాసిరకంగా జరుగుతున్నాయి. ఇక పాత ఘాట్ల పునరుద్ధరణ పనుల్లో ఎక్కడా నాణ్యత కనిపించకపోవడం కాంట్రాక్టర్ల పనితీరుకు అద్దం పడుతోంది. ఈ పనులు దక్కించుకున్న ప్రధాన కాంట్రాక్టర్లు వీటిని సబ్‌ కాంట్రాక్టర్లకు అప్పగించడం.. పనులను పర్యవేక్షించాల్సిన అధికారులు మామూళ్ల మత్తులో జోగుతున్నారనే విమర్శలు వినిపిస్తున్నాయి. 
 మాస్టర్‌ప్లాన్‌ పనుల్లోనూ.. 
 శ్రీశైలం అభివద్ధిలో భాగంగా చేపడుతున్న మాస్టర్‌ప్లాన్‌  పనుల్లోనూ కాంట్రాక్టర్లు ఇష్టారాజ్యంగా వ్యవహారిస్తున్నారు. ఎక్కడా నిబంధనలు పాటించకుండా పనులు మమ అనిపిస్తున్నారు. వీరికి ఇంజినీరింగ్‌ అధికారులు తోడవడంతో కోట్లాది రూపాయల ప్రజాధనాన్ని దారి మళ్లిస్తున్నారు. ముఖ్యంగా భూగర్భ డ్రెయినేజీ, మంచినీటి సరఫరా పనుల్లో నాణ్యత గాలికొదిలేశారు. పుష్కరాలలోపు పనులు పూర్తి చేయాలన్న లక్ష్యంతో ఎడాపెడా పనులు కానిస్తున్నారు. ఈ పనులను పర్యవేక్షించాల్సిన అధికారులు కానీ, క్వాలిటీ కంట్రోల్‌ విభాగం కానీ అటువైపు చూసిన దాఖలాలు లేకపోవడంతో పుష్కర పనుల్లో పిండుకున్నోనికి పిండుకున్నంత అన్నట్లు సాగుతోంది. 
  


 ప్రధాన ఘాట్లన్నీ ఇంకా పనుల దశలోనే..
 పుష్కరాలకు నెలరోజులే సమయం
 టైమ్ దగ్గర పడటంతో హడావుడి మేళం
 నాణ్యతకు తిలోదకాలు
 పుష్కరాల నాటికి పూర్తయ్యేది డౌటే..!
  
 చైనా డిజైన్లు అన్నారు.. అంతర్జాతీయ ఘాట్లు.. రివర్ ఫ్రంట్లు.. రోడ్లకు ఇరువైపులా గ్రీనరీ అని మభ్యపెట్టారు. 2.5 కిలోమీటర్ల పొడవునా ఒకటే ఘాట్ అంటూ హడావుడి చేశారు. కృష్ణా, గోదావరి పవిత్ర సంగమ ప్రాంతాన్ని గొప్ప పర్యాటక కేంద్రంగా తీర్చిదిద్దుతామంటూ కోతలు కోశారు. ప్రభుత్వం చెప్పిన ఆ మాటలన్నీ నీటిమూటలే అయ్యాయి. అభివృద్ధి మాట అటుంచితే పుష్కరాల నాటికి కనీసం ఘాట్లయినా ఓ కొలిక్కి వచ్చే పరిస్థితి కనిపించట్లేదు. నెల రోజుల్లో పుష్కరాలు ప్రారంభం కానుండగా, ఇంకా కనీసం 25శాతం పనులు కూడా పూర్తికాలేదు. కృష్ణా, గుంటూరు జిల్లాల్లోని కీలకమైన ఘాట్ల వద్ద పరిస్థితిని ‘సాక్షి’ పరిశీలించగా, అసంపూర్తి పనులు, బురదతో నిండిన రేవులే కనిపించాయి.     - సాక్షి, విజయవాడ
  
  
 ఆలస్యంగా పనులు.. భక్తులకు వెతలు
 అమరావతి : రాజధాని అమరావతిలోనూ పుష్కర స్నానఘట్టాల పనులు ఆలస్యంగా ప్రారంభమయ్యాయి. వర్షాల వల్ల ఈ ఆలస్యం రెట్టింపు అవుతోంది. ధ్యానబుద్ధ విగ్రహం నుంచి అమరేశ్వర స్నానఘాట్‌ను కలుపుకొని సుమారు 1.3 కిలోమీటర్ల మేర ఘాట్‌ను రూ.16కోట్లతో నిర్మిస్తున్నారు. ఇప్పటివరకు కాంక్రీట్ పనులు 30శాతం పూర్తయ్యాయి. అమరేశ్వర ఘాట్‌లో గ్రానైట్ పనులు పూర్తయినా.. ఆంజనేయస్వామి ఘాట్‌లో కాలేదు.  పుష్కరాలు దగ్గర పడుతున్న నేపథ్యంలో పనులు హడావుడిగా చేస్తున్నారు. దీనివల్ల నాణ్యత తగ్గుతోందన్న అనుమానాలు వ్యక్తమవుతున్నాయి. అమరేశ్వరస్వామి గుడికి ఉత్తరం వైపు పనులు ఇంకా ప్రారంభ దశలోనే ఉన్నాయి. అలాగే, అమరేశ్వరస్వామి దేవస్థానం మొదటి ప్రాకారంలో నేలను చదును చేసి భక్తులకు అందుబాటులోకి తెచ్చారు. ఆలయాలకు రంగులు వేసే పని 60 శాతం పూర్తయింది. రెండు, మూడో ప్రాకారంలో గ్రానైట్ వేయడం పూర్తవుతోంది. క్యూలైన్ పనులు ఇంకా ప్రారంభం కాలేదు.
  
 30 రోజులు గడువు..30 శాతం పనులు పూర్తి
 తాడేపల్లి (తాడేపల్లి రూరల్) : సీతానగరంలో కృష్ణానది ఒడ్డున ఆంజనేయస్వామి దేవస్థానం నుంచి సుమారు అర కిలోమీటరు పొడవున నిర్మిస్తున్న పుష్కర ఘాట్ పనులు 30 శాతం కూడా పూర్తికాలేదు. గతంలో ఐదు ఘాట్లు ఉండగా అన్నింటినీ కలుపుతూ ఒకే ఘాట్‌గా నిర్మిస్తున్నారు. ఈ ఘాట్‌లో ఇంకా కాంక్రీట్ పనులు కూడా పూర్తికాలేదు. పనులు పూర్తయిన తర్వాతే మెట్ల నిర్మాణం చేపట్టి టైల్స్ ఏర్పాటు చేయాల్సి ఉంది. అరకిలోమీటరు పొడవున నిర్మిస్తున్న ఈ ఘాట్లను సగం వరకూ కూడా కాంక్రీట్ పనులు పూర్తికాలేదు. పాత ఘాట్లకు మాత్రం శుక్రవారం నుంచి టైల్స్ అంటించే కార్యక్రమాన్ని చేపట్టారు. అధికారుల పర్యవేక్షణ లేకపోవడంతో కాంట్రాక్టర్లు ఇష్టారాజ్యంగా వ్యవహరిస్తూ నాణ్యతకు తిలోదకాలిస్తున్నారు. ఘాట్లకు వాటరింగ్ కూడా చేయట్లేదు. బ్యారేజీ నుంచి పుష్కర ఘాట్ల వరకూ కృష్ణానది ఒడ్డున ఉన్న రిటైనింగ్ వాల్ కూలిపోతున్నా పట్టించుకోకుండా సీసీ రోడ్లు నిర్మిస్తున్నారు. పుష్కర నగర్‌లు ఏర్పాటుచేసే విషయాల్లో పోలీసులు, రెవెన్యూ, మున్సిపల్ అధికారులకు మధ్య సమన్వయలోపం స్పష్టంగా కనిపిస్తోంది. పార్కింగ్, భక్తులు            వేచి ఉండేందుకు తాత్కాలిక వసతికి ఇంతవరకు ఎలాంటి నిర్ణయం తీసుకోలేదు.
  
 ఎప్పటికి పూర్తయ్యేనో..?
 రేపల్లె : స్థానిక పెనుమూడి పుష్కర ఘాట్‌ను 500 మీటర్లకుపైగా దూరంతో నిర్మిస్తున్నారు. ఇందుకు రూ.5.19 కోట్లు ఖర్చుచేసి ఈనెల 15వ తేదీ నాటికి పూర్తిచేసేలా పనులు           ప్రారంభించారు. ఈ పనులు ప్రారంభమై 40 రోజులవుతున్నా 40 శాతం పనులు మాత్రమే పూర్తయ్యాయి. పనులు ఎలాగైనా పూర్తి  చేయాలనే లక్ష్యంతో కాంట్రాక్టర్లు నాణ్యతకు తిలోదకాలు ఇస్తున్నారన్న ఆరోపణలు          వెల్లువెత్తుతున్నాయి.
  
 పవిత్ర సంగమం..  అగమ్యగోచరం
 కృష్ణా, గోదావరి నదుల సంగమ ప్రాంతాన్ని ప్రముఖ పర్యాటక కేంద్రంగా తీర్చిదిద్దుతామని ప్రభుత్వం ప్రగల్భాలు పలికింది. ఇబ్రహీంపట్నం నుంచి తుమ్మలపాలెం వరకూ 2.1 కిలోమీటర్ల మేర పుష్కర ఘాట్‌ను నిర్మించాలని మొదట్లో నిర్ణయించారు. ప్రస్తుతం ఇక్కడ మట్టి పనులు మాత్రమే జరుగుతున్నాయి. నదిలో రిటైనింగ్ వాల్ నిర్మించాల్సి ఉంది. కాంక్రీట్ ఫ్లోరింగ్, ఘాట్ పైన మెట్లు నిర్మించాల్సి ఉంది. తొలుత నిర్ణయించినట్లు 2.1 కిలోమీటర్ల నిర్మాణం సాధ్యంకాదని భావించిన అధికారులు 1.2 కిలోమీటరుకు కుదించారు. గోదావరి జలాలు వస్తున్న వైపు 275 మీటర్లు ఘాట్‌ను నూతనంగా నిర్మించాలని నిర్ణయించి ఇటీవలే పనులు ప్రారంభించారు. గోదావరి నీరు వచ్చే కాల్వపై ఫుట్‌బ్రిడ్జిలు నిర్మించాలని, ఘాట్‌కు గ్రానైట్ రాళ్లు వేయాలని అధికారులు భావించారు. ప్రస్తుతం సమయాభావం వల్ల ఫుట్‌బ్రిడ్జిలకు స్వస్తి పలికారు. గ్రానైట్ రాళ్లకు బదులుగా సాధారణ టైల్స్ వేస్తున్నారు.
  
 హారతి వేదిక ఏమైనట్టు?
 కృష్ణా-గోదావరి సంగమం వద్ద కృష్ణమ్మ హారతులు నిర్వహిస్తామని ప్రభుత్వం ప్రకటించింది. నది మధ్యలో శాశ్వత నిర్మాణం ఏర్పాటుచేసి అక్కడ హారతులు నిర్వహిస్తామని కూడా చెప్పింది. ఇప్పటివరకు అక్కడ ఏవిధమైన ఏర్పాట్లు జరుగుతున్న దాఖలాలు లేవు. ఇబ్రహీంపట్నం నుంచి ఫెర్రి ఘాట్ వరకూ వెళ్లే మార్గం పనులు చేస్తున్నారు. ఇక్కడ భక్తుల కోసం ఏర్పాటు చేస్తామనే విశ్రాంతి ప్రదేశంలోనూ పనులు ఏమాత్రం జరగడం లేదు.
  
 ప్రతిపాదనలు పక్కకు..
 ప్రకాశం బ్యారేజీ దిగువ నుంచి భవానీపురంలోని భవానీఘాట్ వరకూ 2.3 కిలోమీటర్లు ఒకటే ఘాట్ నిర్మించాలని తొలుత భావించారు. అయితే, మధ్యలో హెడ్‌వాటర్ వర్క్స్ వెల్స్ ఉండటంతో పున్నమి ఘాట్ నుంచి భవానీ ఘాట్ వరకూ 1.5 కిలోమీటర్ల మేర ఒకటే ఘాట్ నిర్మించాలని నిర్ణయించారు. భవానీ ఘాట్ వద్ద 700 మీటర్ల ఘాట్‌ను నిర్మించాలని తొలుత నిర్ణయించినా పుష్కరాల నాటికి 300 నుంచి 350 మీటర్ల కంటే ఎక్కువ నిర్మాణం పూర్తికాకపోవచ్చని భావిస్తున్నారు. గతంలో వందమీటర్ల ఘాట్ ఉండేది. దీన్ని తొలగించి ఏకఘాట్ చేయాలని నిర్ణయించి తిరిగి నిర్మించడం ప్రారంభించారు. మిగిలిన ఘాట్లతో పోలిస్తే ఇక్కడ పనిలో కాస్త పురోగతి కనిపిస్తోంది. మట్టి పనులు పూర్తయ్యాయి. కాంక్రీట్ వర్క్ ప్రారంభించారు. పున్నమి ఘాట్ 800 మీటర్లకు గానూ 300 మీటర్లకు మించి పూర్తికాకపోవచ్చని ఇంజినీర్లు భావిస్తున్నారు. నదిలో కాంక్రీట్ పనులు జరుగుతున్నాయి. ఇంకా మెట్ల నిర్మాణం జరగాల్సి ఉంది. పున్నమి ఘాట్‌కు వెళ్లే మార్గంలో ఇళ్లు తొలగించారు కానీ రోడ్ల నిర్మాణం ప్రారంభించకపోవడంతో పుష్కరాల నాటికి ఇబ్బందిగా మారే అవకాశం ఉంది.
  
 నత్తనడకన దుర్గాఘాట్ పనులు
 ప్రకాశం బ్యారేజీ నుంచి దుర్గాఘాట్ చివరి వరకూ 0.8 కిలోమీటరు మేర ఒకే ఘాట్‌ను నిర్మిస్తున్నారు. దీన్ని తొలుత చైనా బృందం సహాయంతో నిర్మించాలని భావించారు. అయితే వారివద్ద యంత్రపరికరాలు లేకపోవడంతో సోమా కంపెనీకి అప్పగించారు. గతంలో ఉన్న వీఐపీ ఘాట్‌ను, దుర్గాఘాట్‌ను పూర్తిగా తొలగించి అక్కడ నిర్మాణం పనులు చేపట్టారు. ఘాట్‌ను నదిలోకి విస్తరిస్తున్నారు. నదిలో రిటైనింగ్‌వాల్, ఫ్లోరింగ్ ఒకవైపు జరుగుతుంటే ఘాట్ పై భాగంలో మట్టిపనులు జరుగుతున్నాయి. ప్రస్తుతం 25 శాతం మించి పనులు జరగలేదు. ఈ ఘాట్‌పైనే వత్తిడి ఉంటుందని భావిస్తున్న అధికారులు దీని పూర్తిస్థాయిలో అభివృద్ధి చేసేందుకు ప్రయత్నిస్తున్నారు.
  
 సా..గుతూ..
 ప్రకాశం బ్యారేజీ దిగువన అప్రాన్ నుంచి కృష్ణవేణి, పద్మావతి, సీతమ్మవారి పాదాలు తదితర ఘాట్లన్నీ కలిపి ఒకే ఘాట్ కింద  సుమారు 2.3 కిలోమీటర్ల            పొడవున నిర్మిస్తున్నారు. నదిలో నీరు లేకపోవడం, గతంలో ఇక్కడ ఘాట్లు ఉండటం వల్ల కొంతమేర పనులు వేగంగా జరుగుతున్నాయి. నదిలో నీరు లేకపోవడంతో ఇక్కడ పుష్కర కాల్వలు తవ్వాలని ప్రభుత్వం నిర్ణయించింది. ఒకవైపు నదిలో పుష్కర కాల్వ తవ్వకం పనులతో పాటు మట్టిపని, కాంక్రీట్ వర్క్ జరుగుతోంది. ఘాట్‌లో నుంచి రోడ్డు మీదకు వచ్చే మార్గాలను అభివృద్ధి చేయాల్సి ఉంది.
  
 ఆలస్యానికి కారణాలు ఇవే..
 ఘాట్ల నిర్మాణం పనులు గత ఏడాది ఆగస్టులో గోదావరి పుష్కరాలు           అవ్వగానే ప్రారంభిస్తామని ప్రభుత్వం ప్రకటించింది. డిజైన్ల ఖరారు, కాంట్రాక్టర్లకు నామినేషన్‌పై అప్పగింత, ఇంజినర్ల కేటాయింపులో జాప్యం  కారణంగా గత మే 15 వరకు పనులకు శ్రీకారం చుట్టలేదు. దీంతో ఇప్పుడు పగలు రాత్రి హడావుడిగా చేయాల్సి వస్తోంది.వాస్తవంగా ఎండాకాలంలో జరగాల్సిన పనులు వర్షాకాలం ప్రారంభమయ్యాక చేస్తుండటంతో ముందుకు సాగని పరిస్థితి.
 
  ప్రకాశం బ్యారేజీ ఎగువన నదిలో నీరు ఉంది. మట్టిపనులు చేయడం అధికారులకు తలకుమించిన భారంగా మారింది. నీటి ప్రవాహానికి అడ్డుకట్టవేసిన తరువాత పనులు చేయాల్సి వస్తోంది.ఘాట్లకోసం గోతులు తవ్వుతుంటే నీరు వస్తూనే ఉండటం కూడా   ఆలస్యానికి మరో కారణం. ఒకవైపు ప్లైఓవర్, మరోవైపు పుష్కరఘాట్ల నిర్మాణ పనులు జరగడం వల్ల పనులు అనుకున్నంత వేగంగా        జరగట్లేదు.
 
 అనేక ప్రాంతాల్లో పేదలు నివసిస్తున్న ఇళ్లను ఖాళీ చేయించాలి. ప్రజల నుంచి వ్యతిరేకత వ్యక్తం కావడం, కోర్టు నుంచి స్టే తీసుకురావడంతో అధికారులు పనులు వేగంగాచేయలేకపోతున్నారు. పవిత్ర సంగమం వద్ద జంగిల్ క్లియరెన్స్ ఘాట్ల నిర్మాణానికి ప్రభుత్వం ముందస్తుగా ప్రణాళికలు సిద్ధం చేసుకోలేదు. మే 15వ తేదీ వరకు ప్రభుత్వం నుంచి స్పష్టత రాకపోవడం, ఉన్న సమాయాని కంటే ఎక్కువ  పనిని అప్పగించడంతో పనులు పూర్తయ్యే అవకాశం కనిపించట్లేదు.
 
 కాంట్రాక్టర్లకు సకాలంలో ప్రభుత్వం బిల్లులు చెల్లించడం లేదు. దీంతో  పెద్దమొత్తంలో సిబ్బందిని నియమించి పనులు చేయించడానికి కాంట్రాక్టర్లు ముందుకు రావడం లేదు. ఒకవైపు పుష్కర పనులు నత్తనడకన సాగుతుంటే పుష్కరాల విధుల్లో ఉన్న ఇంజినీర్లను ప్రభుత్వం బదిలీ చేసింది. ఎస్‌ఈ నుంచి జేఈల వరకూ బదిలీ చేయడం, బదిలీ అయిన వారికి కొత్తచోట చార్జింగ్ తీసుకుని, తిరిగి ఇక్కడకు వచ్చి విధులు నిర్వహించమని చెప్పడం కూడా ఒక కారణమే.
 
 ముఖ్యమంత్రి, మంత్రులు, కలెక్టర్లు, అధికారులు తనిఖీలు చేస్తూ               హడావుడి చేయడమే తప్ప             వాస్తవంగా పుష్కరాలు ఎంతమేరకు చేయాలనే అంశంపై కాంట్రాక్టర్లకు స్పష్టత ఇవ్వడం లేదు. పుష్కరాల  తరువాత కూడా పనులు చేయాల్సి ఉండటంతో అయినంత వరకే    చేద్దామనే ఆలోచనలో కాంట్రాక్టర్లు ఉన్నట్టు సమాచారం.
  


 మార్కెటింగ్ విభాగంలో కమీషన్ల పర్వం  
 సరుకుల టెండర్లు, క్వాలిటీ పరీక్షల్లో మాయాజాలం
 ముడుపులకు అలవాటు పడ్డ ఉద్యోగులు  
 లోపించిన ఉన్నతాధికారుల పర్యవేక్షణ
  
 తిరుమల తిరుపతి దేవస్థానం మార్కెటింగ్ విభాగంలో అవినీతి వేళ్లూనుకుంటోంది. సరుకుల కొనుగోలు కోసం నిర్వహించే టెండర్లు, నాణ్యత పరిశీలన, సరఫరా వంటి  అంశాల్లో పలువురు దళారులు కీలకంగా మారారు. వీరితో చేతులు కలుపుతున్న కొందరు మార్కెటింగ్ విభాగం ఉద్యోగులు ఏటా కమీషన్ల రూపంలో అందే లక్షలాది రూపాయలను జేబుల్లో నింపుకుంటున్నారు. తిరుపతి మార్కెటింగ్ కార్యాలయంతో పాటు ఇక్కడున్న గోదాముల్లో దళారులదే పెత్తనంగా మారింది. వీరి సహకారాన్ని పొందుతున్న కొందరు కాంట్రాక్టర్లు టీటీడీ మార్కెటింగ్ విభాగానికి ఇష్టారాజ్యంగా సరుకులను రవాణా చేస్తున్నారు. నాణ్యత లేని సరుకును టీటీడీకి అంటగట్టి గుట్టుచప్పుడు కాకుండా కోట్లలో బిల్లులు పాస్ చేయించుకుంటున్నారు.
  
 తిరుపతి: తిరుపతి రుయా ఆస్పత్రికి ఎదురు రోడ్డులో ఉన్న టీటీడీ మార్కెటింగ్ విభాగంలో ఏటా వందల కోట్ల విలువ చేసే సరుకు కొనుగోళ్లు జరుగుతాయి. టీటీడీ అన్నదానం, ప్రసాదాల తయారీ, వివిధ స్థానిక, అనుబంధ ఆలయాల్లో నైవేద్య సంబంధ పదార్థాల తయారీకి అవసరమైన ముడిసరుకులన్నీ ఇక్కడి నుంచే సరఫరా అవుతుంటాయి. ఆరు నెలలకోసారి మార్కెటింగ్ విభాగం అధికారులు సరుకుల వారీ సరఫరాకు టెండర్లు పిలుస్తుంటారు. ఆపైన కాంట్రాక్టరు నుంచి ఆయా సరుకులను నిర్ణీతప్రమాణంలో ప్రొక్యూర్ చేస్తుంటారు.  దేశంలోని అన్ని టీటీడీ సంస్థలన్నింటికీ ఇక్కడి నుంచే సరుకులు రవాణా అవుతుంటా యి. ఈ-ప్రొక్యూర్‌మెంట్ విధానంలో టెండర్లు పొందిన కాంట్రాక్టర్లు సరుకును తిరుపతి గోదాముల్లోనే దించాలి. ఏడాదికి సుమారు రూ.600 నుంచి రూ.800 కోట్ల విలువైన సరుకులు ఇక్కడి నుంచే వివిధ ప్రాంతాలకు సరఫరా అవుతుంటా యి. ఈ నేపథ్యంలో టీటీడీలో మార్కెటిం గ్ విభాగం కీలకంగా మారింది. ఏళ్ల నాటి నుంచి ఇక్కడ విధులు నిర్వర్తిస్తోన్న కొందరు ఉద్యోగులు కమీషన్ల రూపంలో దక్కే ముడుపుల కోసం దళారులను పెం చిపోషిస్తున్నారని ఆరోపణలు ఉన్నాయి.
 
 అన్‌లోడ్ నుంచే కమీషన్ల పరంపర
 ఈ-మార్కెటింగ్‌లో టెండర్లు దక్కించుకున్న కాంట్రాక్టర్లు సరుకును, తిరుపతి మార్కెటింగ్ గోడౌన్‌కు చేర్చి అన్‌లోడ్ చేసే ప్రక్రియ నుంచే కమీషన్ల పరంపర మొదలవుతున్నట్లు ఆరోపణలు ఉన్నా యి. ఈ విషయంలో దళారులు, ఉద్యోగులు మిలాఖత్ అయ్యి టీటీడీ సొమ్మును దండుకుంటున్నారని సమాచారం. అంతేకాకుండా సరుకు నాణ్యతలను గుర్తించే పనుల్లోనూ దళారులే కీలకంగా మారార ని విమర్శలున్నాయి. సరుకును బట్టి ఒక్కో లోడుకు ఒక్కో రేటు ప్రకారం కమీషన్ తీసుకుంటున్నారని తెల్సింది. వీరితో తలనొప్పెందుకన్న ధోరణిలో కాంట్రాక్టర్లు కమీషన్లు ఇచ్చి చేతులు దులుపుకుంటున్నారు. నెలకు అన్ని సరకుల మీదా దళారులు, కొందరు ఉద్యోగులు రూ.5 లక్షలకు పైగా కమీషన్లు దండుకుంటున్నారని సమాచారం.
  
 నాణ్యతలోనూ మోసాలే...
 టెండరులో ప్రస్తావించినట్టుగానే సరుకు నాణ్యత కలిగి ఉండాలి. అయితే బి య్యం, కందిపప్పు, మినుములు, పచ్చిపప్పు వంటి అపరాలతో పాటు యాల కులు, ఖర్జూర, లవంగాల వంటి సుగంధ ద్రవ్యాలు, నెయ్యి, పాలు వంటివి సరఫరాలో అప్పుడప్పుడూ నాణ్యత లోపిస్తోం ది. ఇటీవల కాలంలో మూడు నెయ్యి ట్యాంకర్లు నాణ్యత పరీక్షలో తిరస్కరణకు గురయ్యాయి. ఒక్కో ట్యాంకరు విలువ సుమారు రూ.45 లక్షలు. ఒక్కో సందర్భాల్లో పెద్ద మొత్తంలో సరుకు తిరస్కరణకు గురయినపుడు దళారులు రంగప్రవేశం చేసి కాంట్రాక్టరుతో బేరం కుదుర్చుకుని సరుకును తమకున్న పలుకుబడితో ఓకే చేయిస్తున్నారు. తమకు అనుకూలమైన అధికారి తనిఖీలు చేసే క్రమంలో ముందుగానే గుర్తుపెట్టుకున్న బస్తాలోంచి నాణ్యమైన సరుకు తీసి నాణ్యత పరీక్ష చేయిస్తారని తెల్సింది. ఈ తరహా మాయాజాలం వల్ల పెద్ద మొత్తంలో కమీషన్లు చేతులు మారుతున్నాయి.
  
 టెండర్లలోనూ మాయాజాలమే...
 ఆన్‌లైన్ టెండర్లలోనూ అవకతవకలు జరుగుతున్నట్లు తెల్సింది. ఇటీవల ఆరు నెలల కాలానికి టెంకాయలు, కందిపప్పు, మినప్పప్పు సరఫరా కోసం ఈ- టెండర్లు ఆహ్వానించారు. ఇందులో టీటీడీ పాలకమండలికి చెందిన ఓ ముఖ్య సభ్యుడి దగ్గర బంధువుకు కొబ్బరికాయల సరఫరా టెండరు దక్కింది. కందిపప్పు సరఫరా టెండరు నెల్లూరు కోఆపరేటివ్ సొసైటీకి దక్కినప్పటికీ దాని వెనుక ఉన్నది మాత్రం ఆ ముఖ్య సభ్యుడి బంధువులేనని తెల్సింది. ఈ రెండు టెండర్లకు సంబంధించి సరఫరా ఆర్డర్లు కూడా జారీ అయ్యాయి. సుమారు రూ.5 కోట్ల విలువైన ఈ టెండర్లను దక్కించుకోవడానికి చక్రం తిప్పిన కాంట్రాక్టరు మిగతా కాంట్రాక్టర్లను సిండికేట్ చేశారన్న ఆరోపణలు వినిపిస్తున్నాయి. అయితే ఈ-టెండర్ల దాఖల్లోనూ, వాటిని ఫైనల్ చేయడంలోనూ ఎలాంటి అవకతవకలు జరగలేదని సంబంధిత అధికారులు పేర్కొంటున్నారు.  టీటీడీకి చెందిన పర్యవేక్షణ, క్వాలిటీ కంట్రోల్, విజిలెన్సు అధికారులు అవలంబిస్తోన్న ఉదాసీన వైఖరి వల్లనే ఈ తరహా అవినీతి హెచ్చుమీరుతోందని టీటీడీ వర్గాల్లోనే బహిరంగ విమర్శలు వినబడుతున్నాయి. 
  


 ట్యాంక్‌బండ్ పనుల్లో నాణ్యతాలోపం
 నాసిరకం మట్టి వినియోగం
 వర్షమొస్తే కట్ట కనుమరుగే..
 అధికార పార్టీ ప్రజాప్రతినిధి అండతో కాంట్రాక్టర్ ఇష్టారాజ్యం
 
 ప్రసిద్ధిగాంచిన భద్రకాళి చెరువును అభివృద్ధి చేయాలని ప్రభుత్వం సంకల్పించింది. హైదరాబాద్‌లోని హుస్సేన్‌సాగర్ వద్దనున్న నెక్లెస్‌రోడ్డు తరహాలో భద్రకాళి చెరువులో కట్ట(ఫోర్ షోర్ బండ్) నిర్మిస్తున్నారు. ఈ నిర్మాణంతో గ్రేటర్ వరంగల్‌కు కొత్త శోభ తేవాలని ప్రభుత్వం భావించింది. ఇలాంటి ప్రతిష్టాత్మక పనుల్లో నాణ్యత ఎక్కడా కనిపించడం లేదు. అధికార పార్టీ ప్రజాప్రతినిధుల మద్దతు ఉందన్న ధీమాతో కాంట్రాక్టర్లు ఇష్టారీతిన పనులు చేస్తున్నారు. అవినీతి, అక్రమాలకు తావివ్వకుండా పనులు జరిగేలా చూడాల్సిన అధికారులు పట్టించుకోవడం లేదు. 
  
 వరంగల్ : కేంద్ర ప్రభుత్వం అమలు చేస్తున్న చారిత్రక నగరాల అభివృద్ధి పథకం(హృదయ్)లో భాగంగా భద్రకాళి చెరువును సుందరీకరించేందుకు రూ.15 కోట్లు కేటాయించారు. చెరువును అభివృద్ధి చేసి... హైదరాబాద్‌లోని నెక్లెస్‌రోడ్డు తరహాలోనే భద్రకాళి చెరువు ముందువైపు కట్ట(ఫోర్ షోర్ బండ్) నిర్మించాలని నిర్ణయించారు. చెరువు కట్టను ట్యాంక్ బండ్‌గా అభివృద్ధి చేసేందుకు మొదటి దశలో రూ.2.97 కోట్లు విడుదలయ్యాయి. హృదయ్ నిధులతో పాటు  రాష్ట్ర ప్రభుత్వం అమలు చేస్తున్న మిషన్ కాకతీయ పథకం కింద అదనంగా రూ.4.05 కోట్లు మంజూరయ్యాయి. ఈ పనుల టెండర్ల నిర్వహణ చిన్ననీటి పారుదల శాఖ అధ్వర్యంలో జరగగా.. కాకతీయ పట్టణాభివృద్ధి సంస్థ(కుడా) పర్యవేక్షణలో పనులు జరుగుతున్నాయి.
  
 నాణ్యత లేని పనులు
 ఫోర్ షోర్ బండ్ పనులకు సంబందించి టెండర్ల ప్రక్రియలోనే నిబంధనల ఉల్లంఘన జరిగిందనే ఆరోపణలు వచ్చాయి. ప్రస్తుతం జరుగుతున్న పనులు చూస్తే కూడా ఇదే స్పష్టమవుతోంది. అన్ని దశల్లోనూ పనులు టెండరు నిబంధనలకు విరుద్ధంగా జరుగుతున్నాయి. భద్రకాళి చెరువు కట్టను పరిష్టపరిచేందుకు సమీపంలోని రంగసముద్రం చెరువు నుంచి మట్టి తేవాలని నిబంధన ఉంది. రంగసముద్రంలోని చెరువు మట్టి గట్టిగా ఉంటుంది. దూరంలో ఉన్న ఈ చెరువు మట్టిని తెస్తే ఖర్చు ఎక్కువవుతుందనే ఉద్దేశంతో కాంట్రాక్టరు.. భద్రకాళి చెరువులోని బురద మట్టినే తీసి కట్ట నిర్మాణం కోసం వినియోగిస్తున్నాడు. చెరువులోని అడుగు మట్టి(రేగడి) బురదమయంగా ఉంది. ఇలాంటి మట్టిని కట్ట నిర్మాణ కోసం ఉపయోగించడం వల్ల ఫోర్ షోర్ బండ్ నాణ్యత లేకుండా పోతోంది. ఎండాకాలం కావడంతో ఆ మట్టి ఇప్పుడు కొంత గట్టిగా ఉంది. ఒక్క వర్షం పడితే నల్లమట్టి మొత్తం బురదగా మారి కట్ట మొత్తం నీళ్లలోకి జారిపోతుంది. అప్పుడు నెక్లెస్‌రోడ్డు తరహా నిర్మాణం కాదు కదా... అసలు కట్ట ఆనవాళ్లే కనిపించని పరిస్థితి ఉంటుంది. ఇది కాకుండా మట్టి కట్ట నిర్మాణంలో నిబంధనలను ఉల్లంఘిస్తున్నారు.
 
 కట్టను వెడల్పు చేసేందుకు మట్టి పోస్తూ పాత రోలర్‌ను ఉపయోగిస్తే ప్రతి 22సెం.మీటర్లకు, వైబ్రేటర్ రోలర్‌ను ఉపయోగిస్తే ప్రతి 0.45 సెం.మీటర్లు నీళ్లు చల్లుకుంటూ రోలింగ్ చేయాల్సి ఉంటుంది. ఇదేమీ చేయకుండా ఒకేసారి పెద్దఎత్తున మట్టిపోస్తూ రోలింగ్ చేయ డం వల్ల భవిష్యత్తులో భారీ వర్షాలకు గుంతలు పడే అవకాశాలుంటాయని ఇం జనీరింగ్ నిఫుణులు అంటున్నారు. ఈ పనులు పర్యవేక్షిస్తున్న కుడా ఇంజనీరింగ్ అధికారులు చూసీచూడనట్లుగా వ్యవహరిస్తున్నారు. ఈ పనుల్లో మట్టిపైన మొ రం పోస్తూ నాణ్యత లోపాలను పైకి కనిపించకుండా చేస్తున్నారు. చారిత్రక చెరు వు పనుల్లో ఇన్ని రకాలుగా అక్రమాలు జరుగుతున్నా అధికారులు పట్టించుకోకపోవడం విమర్శలు తావిస్తోంది. అయితే, అధికార పార్టీకి చెందిన ఓ ప్రజా ప్రతి నిధి అండతోనే కాంట్రాక్టర్ ఇష్టారాజ్యంగా వ్యవహరిస్తున్నట్లు తెలుస్తోంది.
  


 వస్తు, సేవల్లో నాణ్యతా లోపాలుంటే నిలదీయొచ్చు
 చైతన్యవంతంగా వ్యవహరించాల్సిన బాధ్యత వినియోగదారులదే
 నేడు ప్రపంచ వినియోగదారుల హక్కుల దినోత్సవం
  
 వరంగల్ బిజినెస్ :  వస్తు, సేవలకు గిరాకీ ఏర్పడేందుకు మూల కారకుడు వినియోగదారుడే. అతడి అభిరుచే వ్యాపార సంస్థలకు ప్రామాణికం. వినియోగదారుడు మార్కెట్లో రకరకాల వస్తువులను కొని వినియోగిస్తుంటాడు. ఈక్రమంలో ఏవైనా లోటుపాట్లు కనిపిస్తే ఆ వస్తువును లేదా సేవను అందించిన సంస్థను ప్రశ్నించే హక్కు వినియోగదారుడికి ఉంటుంది.  అయినప్పటికీ వినకుంటే చట్టపరం గా వారిపై పోరాడేందుకు అవకాశం ఉంది. నేడు(మంగళవారం) 33వ ప్రపంచ వినియోగదారుల హక్కుల దినోత్సవం సందర్భంగా ప్రత్యేక కథనమిది.
 
 ఐక్యరాజ్య సమితి ఆమోదంతో..
 వినియోగదారుల హక్కుల ముసారుుదాను 1962 సంవత్సరంలో రూపొందిం చారు. దానికి ఐక్యరాజ్య సమితి 1983 సంవత్సరం మార్చి 15న ఆమోదం తెలి పింది. నాటి నుంచి ఆ రోజును ప్రపంచ వినియోగదారుల హక్కుల దినోత్సవంగా జరుపుకుంటున్నారు.
  
 కలెక్టర్ నేతృత్వంలో కమిటీ
 1986 సంవత్సరంలో వినియోగదారుల హక్కుల చట్టానికి భారత పార్లమెంట్ ఆ మోదం తెలిపింది. అనంతరం వ్యాపారుల చేతిలో వినియోగదారులు మోసపోకుండా ఉండేందుకు జిల్లాలవారీగా విని యోగదారుల హక్కుల పరిరక్షణ కమిటీలు ఏర్పడ్డారుు. వరంగల్ జిల్లాలో విని యోగదారుల హక్కుల పరిరక్షణ కోసం గత కొంతకాలంగా 7 సంస్థలు పనిచేస్తున్నారుు. వాటిలో జిల్లా వినియోగదారుల హక్కుల పరిరక్షణ సమితి ఒకటి. ఏడుగురు సభ్యులుండే ఈ కమిటీకి కలెక్టర్ నేతృత్వం వహిస్తారు. జిల్లా వినియోగదారుల సమాచార కేంద్రంతో పాటు నెక్కొం డ, జనగాం, మహబూబాబాద్ వినియోగదారుల మండళ్లు విశేష సేవలందిస్తున్నారుు.
  
 వినియోగదారుల ఫోరాన్ని  ఆశ్రరుుంచడమిలా..
 మీరు ఏదైనా ఒక వస్తువును కొని ఉండొచ్చు.. లేదా ఒక సంస్థ నుంచి సేవను పొంది ఉండొచ్చు. దానిలో నాణ్యతా లోపాన్ని గానీ.. తూకాల్లో తేడా గానీ.. సేవల్లో వైఫల్యాన్ని గానీ.. నకిలీదని గుర్తిస్తే దానిపై విక్రరుుంచిన వ్యాపారిని నిలదీయొచ్చు. వారు స్పందించకుంటే జిల్లా వినియోగదారుల ఫోరాన్ని సంప్రదించాలి. వినియోగదారులు రూ. 20 లక్షలలోపు పరిహారం పొందాలనుకుంటే జిల్లా ఫోరంలో, రూ.20 లక్షల నుంచి రూ.కోటి దాకా పరిహారం కోసం రాష్ట్ర ఫోరంలో, రూ.కోటికిపైన నష్టపరిహారం కోసం జాతీయ కమిషన్‌లో ఫిర్యాదును నమోదు చేయొచ్చు.
  
 చట్టాలు ఉన్నా ఫలితం లేదు
  పుట్టిన వ్యక్తి దగ్గరి నుంచి చనిపోయే వ్యక్తి వరకు ప్రతిఒక్కరూ వినియోగదారుడే. అందుకే ప్రభుత్వం చట్టాలు తీసుకొచ్చింది. అవి ఉన్నా ఫలితం ఏమీ కన్పించడం లేదు. ఈ మేరకు వినియోగదారులకు అవగాహన కల్పించే ప్రయత్నం చేస్తున్నాం.
  - సాంబరాజు చక్రపాణి, జిల్లా వినియోగదారుల మండలి అధ్యక్షుడు
  
 విదేశీ వస్తువుల వినియోగం తగ్గించాలి
 ఇతర దేశాల్లో నిషేధించిన వస్తువులను మన దేశానికి దిగుమతి చేసి అమ్ముకోవడానికి బహుళజాతి కంపెనీలు ప్రయత్నిస్తున్నాయి. వీటి వల్ల వినియోగదారులపై ఆర్థిక భారం పడుతుంది. వినియోగదారుడు చైతన్యవంతుడు అయినప్పుడే మోసపోడు.
 - డాక్టర్ పల్లెపాడు దామోదర్, ఉపాధ్యక్షుడు రాష్ట్ర వినియోగదారుల సంఘాల సమాఖ్య
  
  


 విజయనగరం కంటోన్మెంట్: సంక్రాంతి సందర్భంగా నాసిరకం సరుకులు పంపిణీ చేశారన్న అపప్రధను మూటగట్టుకున్న యంత్రాంగం  ఇప్పుడు వాటికి లెక్కలు కూడా చెప్పలేకపోతోంది. అంతే కాదు నాణ్యత లేని సరుకులను మరో నెల రోజులు స్టాకు ఉంచి పలు మార్లు అట్నుంచి ఇటు ఇట్నుంచి అటు రవాణా చేసి చివరకు వసతి గృహాల్లో చదువుకునే విద్యార్థుల నెత్తిన రుద్దే ప్రయత్నం చేస్తున్నారు. జిల్లాలో పంపిణీ కాగా మిగిలిపోయిన చంద్రన్న సరుకులను వసతి గృహాలకు పంపిణీ చేయాలని ప్రభుత్వం  ఠ  మొదటి పేజీ తరువాయి
  నిర్ణయించింది. అసలే సరుకులు బాగాలేవని ప్రజలంతా విమర్శిస్తున్న సమయంలో ఆ సరుకులను వసతి గృహాలకు తరలిస్తే విద్యార్థులేం తింటారని పలువురు ప్రశ్నిస్తున్నారు.
 
 ఎందుకంటే జిల్లాలో పంపిణీ చేసిన చంద్రన్న సరుకుల్లో శనగపప్పు, కందిపప్పు, బెల్లం, గోధుమ పిండి వంటివి నాణ్యత బాగాలేవు.  నెల రోజుల కిందటే ఈ సరుకులు బాగాలేని కారణంగా ఎవరూ తీసుకెళ్లలేదు. ఇప్పుడు నెల రోజులు దాటిపోయి ఇంకా సరుకులు డీలర్ల ఇళ్ల వద్ద ఉండిపోయాయి. ఆ సరుకులను ఇప్పుడు జిల్లాలోని వివిధ వసతి గృహాలకు ఇస్తే పరిస్థితి ఏమిటన్న విషయం ప్రత్యేకించి చెప్పనక్కర్లేదు.
  మిగిలిపోయిన రెండున్నర లక్షల ప్యాకెట్లుసంక్రాంతి సందర్భంగా జిల్లాలోని కొత్త, పాతవి కలిపి 6.84 లక్షల రేషన్ కార్డులకు చంద్రన్న సంక్రాంతి సరుకులు పంపిణీ చేసేందుకు దాదాపు ఏడు లక్షలకు పైగా కిట్లు తీసుకువచ్చారు. ఈ కిట్లను ఎంఎల్‌ఎస్ పాయింట్ల ద్వారా జిల్లాలోని 1388 రేషన్ షాపులకు అందజేశారు. సరుకుల పంపిణీ ప్రారంభంలో అన్నింటికీ ఈపోస్ విధానాన్ని అమలు చేయాలని చెప్పారు.  గిరిజన గ్రామాల్లోని 48 షాపులకు మాత్రం మాన్యువల్‌గా పంపిణీ చేశారు.
 
 సంక్రాంతి పండగ దగ్గరపడుతున్న కొద్దీ ఈపోస్ విధానం వల్ల సరుకుల పంపిణీ ఆలస్యమవుతోందని గుర్తించిన ప్రభుత్వం మొత్తం అన్ని రేషన్ షాపులకూ మాన్యువల్‌విధానాన్ని అప్పగించింది.   అయితే నాణ్యత బాగాలేవన్న కారణంగా కొంతమంది కొన్ని సరుకులను తీసుకోలేదు. మరికొన్ని చోట్ల సంబంధిత కార్డు దారులు అందుబాటులో లేకపోవడంతో చంద్రన్న సరుకులు మిగిలాయి. జిల్లా వ్యాప్తంగా ఉన్న అన్ని రేషన్‌దుకాణాల్లోనూ దాదాపు రెండున్న ర లక్షల ప్యాకెట్లు మిగిలాయి. ఎంఎల్‌ఎస్‌కు చేరిన లక్ష ప్యాకెట్లు
  మిగిలిపోయిన చంద్రన్న సరుకుల ప్యాకెట్లను వెనువెంటనే ఆయా ప్రాంతాల్లోని స్టాక్ పాయింట్లకు చేర్చాల్సి ఉంది. కానీ చాలా చోట్ల ఇంకా సరుకులు చేరలేదు. ప్రతి రోజూ సరుకుల గురించి అడుగుతుండడం కనిపిస్తున్నదే త ప్ప సరుకులు ఇచ్చే డీలర్లు కనిపించడం లేదు. అయితే ఈ రెండున్నర లక్షల ప్యాకెట్లలో కేవలం లక్ష ప్యాకెట్లు మాత్రమే ఎంఎల్‌ఎస్ పాయింల్‌కు మిగతా సరుకులు ఏమయినట్టో ఎవరికీ తెలియదు.   అసలే నాణ్యత లేమి అపై పలుమార్లు రవాణా చంద్రన్న సరుకులు జిల్లాకు చేరి  నెలరోజులకు పైగా అయింది. ఇలా జిల్లాకు చేరిన సరుకులు అప్పటికే నాణ్యతలేమితో ఉండగా  . ఆ తరువాత ఇప్పుడు మళ్లీ ఎంఎల్‌ఎస్ పాయింట్లకు పంపిస్తున్నారు. మళ్లీ వాటిని వసతి గృహాలకు పంపిస్తారు. ఇలా పలుమార్లు రవాణాలో పాడైన సరుకులు వసతి గృహాలకు చేరిన తరువాత  ఎలా ఉంటాయో చెప్పనవసరం లేదు.  
 
 అంటే ఆ సరుకులను ఏదో విధంగా వాడేందుకే మొగ్గు చూపుతున్న యంత్రాంగం విద్యార్థుల ఆరోగ్యాన్ని మాత్రం పట్టించుకోవడం లేదు. ప్రస్తుతం ఎంఎల్‌ఎస్ పాయింట్‌లలో నిల్వ ఉన్న సరుకుల్లో కందిపప్పు  పాకెట్లు 20,690,పామాయిల్ 20,337, శెనగపప్పు10,132,గోధుమ పిండి 19331,బెల్లం 13,418, నెయ్యి 17515 ప్యాకెట్లు ఉన్నాయి. ఇంకా రేషన్ షాపుల నుంచి సుమారు లక్షన్నర ప్యాకెట్లు రావాల్సి ఉందని అంచనా. ఈ ప్యాకెట్లు ఎప్పుడు ఎంఎల్‌ఎస్ పాయింట్లకు చేరుతాయి. ఇంకెప్పుడు వాటిని పంపిణీ చేస్తారో తెలియని పరిస్థితి నెలకొంది.  పూర్తి సరుకులు వచ్చాక వాటిని ఉన్నతాధికారులు సూచించిన విధంగా వసతి గృహాలకు తరలిస్తామని పౌరసరఫరాల సంస్థ సహాయ మేనేజర్ శర్మ ‘సాక్షి’కిచెప్పారు.


 తిరుమల :శ్రీవారి లడ్డూ నాణ్యతను మరింత పెంచేందుకు కృషి చేస్తామని టీటీడీ ఈఓ దొండపాటి సాంబశివరావు తెలిపారు. ఇందుకోసం కేంద్ర ప్రభుత్వ సంస్థలతో ప్రత్యేకంగా చర్చించి నిర్ణయం తీసుకుంటామన్నారు. శనివారం ఆయన ఆలయంతో పాటూ, ఆలయం వెలుపల లడ్డూ కౌంటర్లను తనిఖీ చేశారు. అనంతరం విలేకరులతో మాట్లాడుతూ.. భక్తుల మనోభావాలకు తగ్గట్టుగానే నాణ్యమైన లడ్డూలు ఇస్తామన్నారు. ఇందులో భాగంగా లడ్డూ తయారీకి వాడే సరుకులు మరింత నాణ్యంగా ఉండేలా చర్యలు తీసుకుంటామన్నారు. ప్రతి భక్తుడికీ నాలుగు లడ్డూలకు తగ్గకుండా ఇచ్చేందుకు చర్యలు చేపట్టామన్నారు.


 టీటీడీ చైర్మన్ చదలవాడ కృష్ణమూర్తి మండిపాటు
  
 తిరుమల: నాణ్యతకు మారుపేరుగా ఉండే శ్రీవారి లడ్డూ ప్రస్తుతం నాణ్యత, లడ్డూకు ఉండే ప్రత్యేక తగ్గిందని టీటీడీ చైర్మన్ చదలవాడ కృష్ణమూర్తి మండిపడ్డారు. సోమవారం రాత్రి ఆయన లడ్డూ కౌంటర్లు పరిశీలించారు.  లడ్డూ నాణ్యత, వితరణ పద్ధతులు పరిశీలించారు. లడ్డూలు నాణ్యత తగ్గిందని, గతంలో మాదిరిగా ఎక్కువ రోజులు నిల్వ ఉండడం లేదన్నారు. 
 
 భక్తులకు ఇచ్చే లడ్డూ కూడా టీటీడీ నిబంధనల ప్రకారం 175 గ్రాములు ఉండటం లేదనే ఫిర్యాదులు భక్తులనుండి పెరిగాయన్నారు. భక్తులకు నాణ్యత, పరిమాణంతో కూడిన లడ్డూ అందించేందుకు కృషి చేస్తామన్నారు. లడ్డూ కౌంటర్లు నిర్వహించే సిబ్బందికి ఆయా బ్యాంకులు తక్కువ జీతాలు ఇవ్వడం వల్లే ఇలాంటి పరిస్థి ఉందన్నారు. శ్రీవారి సేవకులతో నిర్వహించే కౌంటర్లు ఫిర్యాదులు తగ్గాయన్నారు.
  


 దారి మళ్లుతున్న నిధులు
  పేరుకే పనులు...పైపై మెరుగులు
 గడువు ముగిసినా మంజూరయ్యే బిల్లులు
 ఏటా ఇదే తంతు
  
 సిటీబ్యూరో:  బోనాల పండుగ వస్తోందంటే ఆబాలగోపాలంలో చెప్పలేని సంతోషం. గ్రేటర్‌లోని కాంట్రాక్టర్లు, ఇంజినీర్లకు మరికొంచెం ఎక్కువ సంబరం. అందరికీ పండుగ ఆనందాన్ని తీసుకొస్తే... కాంట్రాక్టర్లు, ఇంజినీర్ల ఇళ్లకు నిధులను కూడా మోసుకొస్తుంది. అదీ విశేషం. బోనాల పేరిట ఏటా విడుదలయ్యే కోట్లాది రూపాయలు పనుల పేరుతో పక్కదారి పడుతున్నాయి.ఏనాడూ ఎక్కడా పూర్తి స్థాయిలో పనులు చేసిన పాపాన పోవడం లేదు. అక్కడక్కడా చేసిన కొద్దిపాటి పనుల్లోనూ నాణ్యత డొల్ల. పండుగలు ముంచుకొచ్చాక పనులు ప్రారంభించడం.. పైపై పూతలతో మమ అనిపించడం పరిపాటిగా మారింది. బోనాల  నిధులను ఎవరి శక్తి మేరకు వారు ఇష్టానుసారం ‘దారి’ మళ్లిస్తున్నారు. గతంలో కార్పొరేటర్లు ఉన్నప్పుడు వారి హవా నడిచేది. ప్రస్తుతం స్థానిక ప్రజాప్రతినిధులు, మాజీలు,  కాంట్రాక్టర్లు ఎవరికి తోచిన పనులకు వారు బోనాల పేరిట ‘ఉపయోగించే’ పనిలో పడ్డారు.
 
  నిధులు మాయం
  ఏటా బోనాల సందర్భంగా ఆలయాలకు వెళ్లే భక్తుల సౌకర్యార్థం రహదారుల మరమ్మతులు, సున్నాలు వేయడం, షాబాద్ ఫ్లోరింగ్, విద్యుత్ దీపాల వంటి పనులు చేయడం పరిపాటి. ఈ ఏడాది బోనాల పనులకు రాష్ట్ర ప్రభుత్వం రూ.10 కోట్లు మంజూరు చేస్తున్నట్టు ప్రకటించింది. గత సంవత్సరం రూ.10 కోట్లు ప్రకటించగా... దాదాపు రూ.11.50 కోట్లు ఖర్చు చూపారు. పండుగ నాటికే ఈ పనులు చేయాల్సి ఉండగా... ఇప్పటికీ కొన్నిచోట్ల కొనసాగిస్తున్నారు. పూర్తయినట్లు చెబుతున్న వాటిల్లోనూ నిజంగా ఎన్ని చేశారో... ఎన్నింటికి బిల్లులు మాత్రమే చూపారో కాంట్రాక్టర్లు, అధికారులకే తెలియాలి. అంతకుముందు సంవత్సరమూ ఇదే తంతు. చేయని పనులు చేసినట్లు చూపారు. బోనాల పేరిట అప్పట్లో రూ.5 కోట్లు మంజూరు కాగా... పండుగ పూర్తయ్యేసరికి అందులో సగం పనులు మాత్రమే చేశారు. మిగతా నిధులను ఆ తర్వాత  బిల్లులతో పొందారు. గత ఏడాది అంతకు రెట్టింపు నిధులు కేటాయించారు. ఆ పనులు ఇంకా ‘చేస్తున్నారు’.
  
  తోచిన చోట పనులు...
  బోనాల పండుగ సందర్భంగా ఆలయాల వద్ద.. గుడులకు వెళ్లే మార్గాల్లో ప్రజలకు ఇబ్బందులు లేకుండా ఉండేందుకు ఈ నిధులతో వివిధ పనులు చేయాల్సి ఉంటుంది. దీనికి భిన్నంగా ఎక్కడ పడితే అక్కడ చేస్తున్నారు. గత సంవత్సరం దీన్ని గుర్తించిన కమిషనర్ సోమేశ్ కుమార్  బోనాల నిధులతో ఇతర పనులు చేయవద్దని ఆదేశించారు. అయినా ఆచరించిన వారే లేరు.తాజాగా మరోసారి ఇదే తంతు మొదలైంది. ఇప్పటికే గోల్కొండ బోనాలు ముగిశాయి. కానీ.. అక్కడ ఎలాంటి పనులు జరగలేదు. వచ్చేవారం సికింద్రాబాద్ ఉజ్జయిని మహంకాళి అమ్మవారి బోనాలు జరుగనున్నాయి. మిగిలిన కొద్దిపాటి వ్యవధిలో ఏమేరకు పనులు చేస్తారో అధికారులు, కాంట్రాక్టర్లకే తెలియాలి.
  
  వివరాలు ఉండవు
  బోనాలకు సంబంధించిన పనులు జోన్లు, సర్కిళ్ల వారీగా జరుగుతున్నందున ఏ మేరకు చేశారో ఎప్పటికప్పుడు వివరాలు ప్రధాన కార్యాలయానికి అందడం లేదు. నాణ్యతపై పెద్దగా పట్టింపు కూడా లేకపోవడంతో నిధుల దుబారాకు మార్గమేర్పడింది.  ఎప్పటిలాగే ఈసారీ పండుగల పేరిట నిధుల కైంకర్యానికి తెర లేచింది. చాలా సర్కిళ్లలో కాంట్రాక్టులు పూర్తయ్యాయో లేదో కూడా  తెలియదు. సమయం ముంచుకొచ్చాక మమ అనిపిస్తారన్న మాట.
  


 రాజమండ్రి: పుష్కర పనుల నాణ్యాతా, ప్రమాణాలపై విచారణ చేపట్టాలని డిమాండ్ చేస్తూ.. సోమవారం రాజమండ్రి మున్సిపల్ కార్యాలయం ఎదుట సీపీఎం ఆధ్వర్యంలో ధర్నా నిర్వహించారు. ఈ సందర్భంగా పార్టీ నాయకులు మాట్లాడుతూ.. పుష్కర పనులపై తక్షణమే అఖిలపక్ష సమావేశం నిర్వహించాలని డిమాండ్ చేశారు. దీంతో అక్కడ ఉద్రిక్తత చోటు చేసుకుంది.


 కొద్దిపాటి వర్షానికే లోపల నీరు నిల్వ
  
 అరండల్‌పేట : నగరంలో ట్రాఫిక్ రద్దీని నియంత్రించేందుకు నిర్మించిన కంకరగుంట ఆర్‌యూబీ నాణ్యతపై నీలినీడలు కమ్ముకున్నాయి. మంగళవారం కురిసిన కొద్దిపాటి వర్షానికే  పైకప్పు శ్లాబు నుంచి నీరు ఆర్‌యూబీ లోపలకు చేరుకుంది. లోపల నీరు నిల్వ ఉండడంతో రాకపోకలకు ఇబ్బందిగా మారింది. శ్లాబు లీకుల్లో నుంచి వస్తున్న నీరు వాహనచోదకులపై పడుతోంది. కంకరగుంట ఆర్‌యూబీ నిర్మాణానికి సుమారు రూ.13 కోట్ల వరకు వెచ్చించారు. ఏటీ అగ్రహారం, జూట్‌మిల్ వైపు అనుసంధాన పనులు నిర్వహించేందుకు అదనంగా కోటి రూపాయలు ఖర్చు చేశారు. ప్రస్తుతం ఆర్‌యూబీ సుందరీకరణ పనులు జరుగుతున్నాయి. వర్షం వస్తే లోపల నీరు  నిల్వ ఉండకుండా అన్ని జాగ్రత్తలు తీసుకున్నామని ఇంజినీరింగ్ అధికారులు వెల్లడించారు. అయితే ఇంజినీరింగ్ అధికారులు చేపట్టిన పనులు కేవలం మాటలకే పరిమితమయ్యాయన్నది నిరూపితమైంది. అసలు పనుల్లో నాణ్యతా ప్రమాణాలు పాటించారా లేదా అన్న అనుమానాలు తలెత్తుతున్నాయి.
 
 మరో వైపు కంకరగుంట ఆర్‌యూబీని అధికారికంగా ఈనెల 15న అట్టహాసంగా ప్రారంభించాలని అధికారులు భావిస్తున్నారు. దీంతో ఇప్పటికే ఆర్‌యూబీని పరీక్షించేందుకు వాహనాల రాకపోకలకు అనుమతించారు. అయితే లోపల నీరు నిల్వ ఉండకుండా చూసేందుకు భూగర్భంలో డ్రైనేజీ వ్యవస్థను ఏర్పాటు చేసినట్లు ఇంజినీరింగ్ అధికారులు తెలిపారు. నీటిని తోడేందుకు మోటార్లు వినియోగిస్తున్నట్టు తెలిపారు. ఆర్‌యూబీ ప్రారంభానికి ముందే ఇలా కావడంపై ప్రజలు తీవ్ర అసంతృప్తి వ్యక్తం చేస్తున్నారు. ఇప్పటికైనా స్పందించి లోపాలను సవరించాలని ఇంజినీరింగ్ అధికారులను కోరుతున్నారు.
  
  


 కొరియర్ సర్వీసుల విస్తరణ తర్వాత పోస్టల్ సేవల పట్ల ప్రజల్లో ఆదరణ తగ్గిన మాట నిజమే. కానీ నేటికీ తపాలా శాఖ సేవలే సామాన్యులకు అందుబాటులో ఉన్నాయనేది తిరుగులేని వాస్తవం. క్రమక్రమంగా కొరియర్ సర్వీసుల నాణ్యత తగ్గి, చార్జీలు మాత్రం విపరీతంగా పెరిగిపోవడంతో ఇటీవలి కాలంలో పలువురు తపాలా శాఖ సేవలపైవే మొగ్గు చూపుతున్నారు. అయితే తపాలా శాఖ వారు అందిస్తున్న స్టేష నరీలో నాణ్యత కొరవడుతోంది. ఇన్‌ల్యాండ్ లెటర్‌కు వాడే కాగితం మరీ పలచబడి పోయి, రాసేవారికి ఇబ్బందికరంగా మారింది. ఎన్వలప్ కవర్ల పరిస్థితీ అంతే.
 
 చేరాల్సిన చోటికి చేరే సరికే చిరిగిపోతున్నాయి. ఒక్క పోస్టు కార్డు మాత్రం పాత నాణ్యతను నిలబెట్టుకుంటోంది. కవర్లపై అంటించాల్సిన పోస్టల్ స్టాంపులకు వెనుక ఉండాల్సిన జిగురు చాలా నాసి రకంగా ఉంటోంది. ఎంత కొత్త స్టాంపులైనా అంటుకోవడం లేదు. ఇప్పుడిప్పుడే ప్రజల్లో కొరియర్ సర్వీసుల పట్ల మోజు తగ్గి తిరిగి పోస్టల్ సర్వీసులవైపు దృష్టి సారిస్తున్నారు. కాబట్టి తపాలాశాఖ, తాము అందిస్తున్న సామగ్రి నాణ్యతపై దృష్టిని కేంద్రీకరించాలి. తద్వారా పోస్టల్ శాఖ పూర్వ ప్రాభవాన్ని సం పాదించుకోగలుగుతుంది.
 
 - గూరుడు అశోక్  గోదూర్, కరీంనగర్ జిల్లా


 ఉప ముఖ్యమంత్రి కడియం శ్రీహరి
 
 హైదరాబాద్: రాష్ట్రంలో నాణ్యతా ప్రమాణాలు, నిబంధనలు పాటించే కాలేజీలకే మనుగడ ఉంటుందని ఉప ముఖ్యమంత్రి కడియం శ్రీహరి పేర్కొన్నారు. ఇంజనీరింగ్ కాలేజీలను మూసేయడం తమ ఉద్దేశం కాదని, నాణ్యత ప్రమాణాలే తమకు ముఖ్యమని స్పష్టం చేశారు. బుధవారం విలేకరులతో మాట్లాడుతూ.. రాష్ట్రంలోని 288 ఇంజనీరింగ్ కాలేజీల్లో 1.70 లక్షల సీట్లు అందుబాటులో ఉండగా ఎంసెట్‌లో కేవలం 70 వేల మందే క్వాలిఫై అవుతున్నారని చెప్పారు. ఏఐసీటీఈ, జేఎన్‌టీయూహెచ్ నిబంధనలను పాటించే కాలేజీలే ఉంటాయని, నాణ్యత పాటించని కాలేజీలెందుకని ప్రశ్నించారు. రాష్ట్రంలో వర్సిటీల కోసం చట్టాన్ని రూపొందిస్తున్నామని, దీనికి 2-3 నెలల సమయం పడుతుందని తెలిపారు.
 
 సమస్యల్లోనూ ఫలితాలివ్వడం అభినందనీయం: చుక్కా రామయ్య
 
 కొత్తగా ఏర్పడిన తెలంగాణ ఇంటర్ బోర్డులో అనేక సమస్యలు, ఉద్యోగుల కొరత ఉన్నప్పటికీ పట్టుదలతో పనిచేసి, పకడ్బందీగా పరీక్షలను నిర్వహించి ఫలితాలివ్వడం అభినందనీయమని ప్రముఖ విద్యావేత్త చుక్కా రామయ్య పేర్కొన్నారు. ప్రభుత్వ కాలేజీల ఫలితాలు కూడా బాగున్నాయని, అయితే ఇంకా పక్కాగా చర్యలు చేపట్టాలని బుధవారం ఆయన పేర్కొన్నారు.  
  


 ఇంతవరకూ సాక్షి ‘ఫ్యామిలీ’ అందించిన వైవిధ్యభరితమైన వంటకాలను చూశారు, నేర్చుకున్నారు, వండుకుని ఆస్వాదించారు. ఇక ఇప్పుడు మీ రుచులను అందరికీ అందించే సమయం ఆసన్నమైంది. ప్రతివారం మేము చెప్పే ప్రధాన దినుసుతో మీదైన వంటకాన్ని వివరంగా రాసి, దాని ఫొటోను (ఫొటో నాణ్యత బాగుండాలి) జతచేసి మాకు పంపించండి.
 
 కూర, వేపుడు, స్వీట్, స్నాక్ ఏదైనా సరే... మీరు పంపే వంటకం వినూత్నంగా, వైవిధ్యంగా ఉంటే దాన్ని కుకరీ పేజీలో ప్రచురిస్తాం. అయితే ప్రతివారం బుధవారానికల్లా మీ వంటకం మాకు అందాలి. ఈ వారం కాకరకాయ తో ఓ వెరైటీ వంటకాన్ని పంపించండి. అది కచ్చితంగా మీరు కనిపెట్టిన వంటకమై ఉండాలన్న విషయం మర్చిపోకండి.


 
 రాష్ట్రంలో పత్తి రైతుల దీన స్థితి
 
 మద్దతు ధర ఇవ్వని సీసీఐ.. నిలువునా ముంచుతున్న వ్యాపారులు
 
 వర్షాభావం కారణంగా బాగా తగ్గిపోయిన దిగుబడి
 
 నాణ్యత లేదంటూ రూ. 250 వరకూ సీసీఐ కోత
 
 దళారులతో కుమ్మక్కు.. బినామీ రైతుల పేరిట కొనుగోళ్లు
 
 అధికారుల అండతో రెచ్చిపోయిన ప్రైవేటు వ్యాపారులు, దళారులు
 
 ధరలో క్వింటాల్‌కు నాలుగైదు వందల వరకూ దోపిడీ
 
 రైతుల పరిస్థితి అగమ్యగోచరం.. పెట్టుబడులూ దక్కని దుస్థితి
 
 ఆవేదనతో ఆత్మహత్యకు పాల్పడుతున్న రైతులు
 
 కొద్దినెలల్లోనే పదుల సంఖ్యలో బలవన్మరణాలు
 
 సాక్షి, నెట్‌వర్క్: కాలం కలసిరాక ఒకటికి రెండు సార్లు వేసిన విత్తనాలతో పెట్టుబడి బాగా పెరిగింది. వానలు సరిగా కురవక పత్తి దిగుబడి తగ్గింది. ఆ కాస్త దిగుబడికీ మద్దతు ధర ఇవ్వకుండా సీసీఐ దెబ్బకొట్టింది. తేమ శాతం, పింజ పొడవు పేరిట నిలువునా ముంచింది. దళారులు, వ్యాపారులకు మాత్రం ‘సరైన’ ధర కట్టబెట్టింది. ఏదోలా అమ్ముకునే దుస్థితిని రైతుకు తెచ్చిపెట్టింది. తెగించి వ్యాపారులకు అమ్ముకున్న రైతులకు మాత్రం నిండా నష్టాలు, కష్టాలు, కన్నీళ్లే మిగిలాయి.  ప్రతీసారిలాగే ఈసారి కూడా పత్తి రైతు నిలువునా దోపిడీకి గురయ్యాడు. సీసీఐతో పాటు దళారులు, వ్యాపారులు కలసి పత్తి రైతును నిలువునా ముంచారు.
 
 రైతులకు అండగా నిలవాల్సిన సీసీఐ (భారత పత్తి సంస్థ) కూడా ధరలో అధికారికంగానే కోతపెట్టడం గమనార్హం. క్వింటాలుకు రూ.4,050 కనీస మద్దతు ధర ఇవ్వాల్సి ఉండగా... తేమ శాతం, స్టేఫుల్ లెన్త్ (పింజ పొడవు) తదితర నాణ్యతల పేరుతో సీసీఐ రూ. 3,800 చొప్పున మాత్రమే చెల్లిస్తోంది. అంతేకాదు తేమ పేరుతో కొద్దిరోజులు కొనుగోళ్లను సీసీఐ నిలిపివేయడంతో... రైతులు పత్తిని దళారులు, ప్రైవేటు వ్యాపారులకు విక్రయించాల్సి వచ్చింది. దీంతో వారు. రూ. 3,550 నుంచి రూ. 3,650 వరకే పత్తిని కొనుగోలు చేశారు. దాదాపుగా ఒక్కో క్వింటాల్‌పై నాలుగె దు వందల వరకు దండుకున్నారు.
  
 పెరిగిన భారం...
 
 ఖరీఫ్ ప్రారంభంలో వర్షాభావ పరిస్థితుల కారణంగా పత్తి విత్తనాలు మొలకెత్తలేదు. దాంతో రెండు, మూడు సార్లు విత్తుకోవాల్సి వచ్చింది. దీనికి తోడు చుక్కలనంటిన ఎరువులు, పురుగు మందుల ధరలతో సాగు వ్యయం విపరీతంగా పెరిగింది. ఒక్కో ఎకరం పత్తి సాగుకు రైతులు వేల రూపాయలు ఖర్చు చేయాల్సి వచ్చింది. కానీ వర్షాలు లేక దిగుబడి ఎకరానికి నాలుగైదు క్వింటాళ్లకు తగ్గిపోయింది. దీనికితోడు మద్దతు ధర దక్కక... రైతులు అప్పుల ఊబిలో కూరుకుపోతున్నారు. చేతికందిన పంటనంతా విక్రయిస్తే కనీసం పెట్టుబడి కూడా రావడం లేదని వారు ఆవేదన వ్యక్తం చేస్తున్నారు. తక్కువ ధరకు పత్తిని విక్రయిస్తే.. అప్పులే మిగులుతుండడంతో ఆవేదన చెందిన రైతులు ఆత్మహత్యలకు పాల్పడుతున్నారు. పంట కోసం పెట్టిన పెట్టుబడులు, చేసిన అప్పులు కళ్ల ముందే మెదిలి ఖమ్మం మార్కెట్ యార్డులో గొర్రెముచ్చు వెంకటి అనే రైతు గుండెపోటుతో మృతి చెందిన ఘటన పత్తి రైతు దయనీయ స్థితికి అద్దం పడుతోంది. తెలంగాణలో పత్తి పంట సాధారణ సాగు విస్తీర్ణం 15.32 లక్షల హెక్టార్లుకాగా.. ఈ ఏడాది 16.21 లక్షల హెక్టార్లలో సాగయింది. ప్రధానంగా ఆదిలాబాద్, కరీంనగర్, వరంగల్, నల్లగొండ, ఖమ్మం, మెదక్, మహబూబ్‌నగర్ జిల్లాలో పత్తి అధికంగా సాగు చేశారు.
  
 వ్యాపారులతో కుమ్మక్కు..
 
 2004-07 మధ్య సీసీఐ పత్తి కొనుగోళ్లలో జరిగిన భారీ అక్రమాలపై ఇటీవల సీబీఐ దృష్టి సారించింది. తాజాగా సీసీఐ అధికారుల నివాసాలపై దాడులు చేసి కోట్ల రూపాయల నగదు, బంగారం స్వాధీనం చేసుకుంది కూడా. అయితే ఈ ఏడాది కూడా సీసీఐ పత్తి కొనుగోళ్లలో భారీగా అక్రమాలు చోటు చేసుకున్నాయి. సీసీఐ అధికారులు దళారులతో కుమ్మక్కై బినామీ రైతుల పేరుతో అక్రమ కొనుగోళ్లకు తెరలేపారు. రైతులు తెచ్చిన పత్తిలో తేమ అధికంగా ఉందంటూ కొనుగోళ్లకు తిరస్కరించిన సీసీఐ అధికారులు... అదే పత్తిని రైతుల నుంచి దళారులు కొనుగోలు చేసి తీసుకువస్తే కనీస మద్దతు ధర కట్టబెట్టారు. బినామీ రైతుల పేరుతో ఈ డబ్బులు చెల్లించారు. ఇలా ఒక్కో క్వింటాల్‌పై సుమారు రూ. 400 వరకు దళారులు, సీసీఐ అధికారులు కలిసి పంచుకున్నారు. మార్కెట్‌కు రైతులు తీసుకొస్తున్న పత్తిలో చాలా వరకు బ్రోకర్లే తక్కువ ధరకు కొనుగోలు చేస్తున్నారు. రైతుల పేరిట బినామీ పట్టా పాస్‌బుక్, బ్యాంక్ ఖాతాలను సృష్టించి సీసీఐకి ఎక్కువ ధరకు అమ్ముకుంటున్నారు. ఆదిలాబాద్ జిల్లాలో సీసీఐ ఇప్పటివరకు 49.89 లక్షల క్వింటాళ్ల పత్తిని కొనుగోలు చేసింది. ఇందులో సుమారు 30 శాతానికిపైగా పత్తి దళారుల వద్ద కొనుగోలు చేసినదేననే అంచనా. ఈ లెక్కన క్వింటాల్‌కు రూ.400 చొప్పున 15 లక్షల క్వింటాళ్లకు సుమారు రూ. 60 కోట్ల మేరకు సీసీఐ అధికారులు, దళారులు కలిసి దండుకున్నారనే ఆరోపణలున్నాయి. కరీంనగర్ జిల్లాలో సీసీఐ 25.64 లక్షల క్వింటాళ్లను కొనుగోలు చేయగా.. అందులో సుమారు 10 లక్షల క్వింటాళ్ల పత్తిని బినామీ రైతుల పేరిట వ్యాపారులే విక్రయించినట్లు ఆరోపణలున్నాయి. రాష్ట్రంలోని మిగతా జిల్లాల్లోనూ దాదాపుగా ఇదే పరిస్థితి.
  
  పెట్టుబడికీ దిక్కులేదు..
 ‘‘ప్రైవేటు అప్పు చేసి నాలుగున్నర ఎకరాల్లో పత్తి వేసిన. 90 వేల దాకా ఖర్చయింది. వానలు పడలె.. కరెంటు లేక పంటకు నీళ్లు అందలె. దానితోటి దిగుబడి ఎకరానికి నాలుగు క్వింటాళ్లు కూడా దాటలేదు. అప్పుకు అసలు, వడ్డీతో కలిపి లక్ష రూపాయలకు చేరింది. కానీ పత్తి అమ్మితే రూ. 70 వేలు కూడా రాలేదు. దీంతో నష్టమే మిగిలింది. ప్రభుత్వమే ఆదుకోవాలి..’’
  - నర్సింగ్, బీంసారి, ఆదిలాబాద్ 
 
  నష్టాలే మిగిలాయి..
  ‘‘పదిహేను ఎకరాల్లో పత్తి సాగు చేసిన. వానలు పడక మొదటిసారి వేసిన విత్తనాలు మొలకెత్తలేదు. మరోసారి వేసుకోవాల్సి వచ్చింది. అయినా కాలం లేక దిగుబడి సరిగా రాలేదు. గతేడాది 130 క్వింటాళ్ల దిగుబడి వస్తే... ఈ సారి 70 క్వింటాళ్లు కూడా రాలేదు. మూడు లక్షల రూపాయలు పెట్టుబడి పెడితే రెండున్నర లక్షలు వచ్చినాయి. నష్టాలె మిగిలాయి.’’
  - లస్మారెడ్డి, సుంకిడి, తలమడుగు    
 
  వానల్లేక దెబ్బ పడ్డది..
  ‘‘ఈ ఏడాది వర్షాలు సరిగా పడక పంట దిగుబడి బాగా తగ్గింది. ఎకరాకు 5 క్వింటాళ్లకు మించలేదు. కాలం సరిగా కాకపోవడంతో మూడు సార్లు విత్తనాలు వేయాల్సి వచ్చింది. తగ్గిన దిగుబడితో కనీసం పెట్టుబడి కూడా పూడలేదు. రెండు ఎకరాలు సాగుచేస్తే 15 బస్తాల దిగుబడి వచ్చింది. క్వింటాల్‌కు రూ. 3,500 మాత్రమే ధర పెట్టారు.’’
  - చవగాని వెంకటరామయ్య, రాయగూడెం, ఖమ్మం జిల్లా
 
  వ్యాపారుల సరుకే కొన్నారు..
  ‘‘ప్రభుత్వం పత్తి కొనుగోలుకు సీసీఐ కేంద్రాన్ని ఏర్పాటు చేసినా... రైతులకు ఎంత మాత్రం ఉపయోగపడ లేదు. వ్యాపారులు రైతుల దగ్గర పత్తిని రూ. 3,300 నుంచి రూ. 3,600 దాకా కొని.. దానిని సీసీఐ కేంద్రాల్లో రూ. 4,050 వరకు అమ్ముకుంటున్నారు. సీసీఐ కేంద్రాలతోటి వ్యాపారులే లాభపడుతున్నారు.’’
  - పండుగ శేషాద్రి, ముష్టికుంట్ల, ఖమ్మం జిల్లా


 తొర్రూరు: ఎంతో నాణ్యమైన భారతి సిమెంట్‌ను నిర్మాణదారులు వినియోగించాలని భారతి సిమెంట్ కంపెనీ టెక్నికల్ రిజినల్ మేనేజర్ ఎం.మారుతికుమార్ సూచించారు. వరంగల్ జిల్లా తొర్రూరులో భారతి సిమెంట్ కంపెనీవారి ఆధ్వర్యంలో మంగళవారం వినియోగదారుల అవగాహన సదస్సు నిర్వహించారు. ఈ సందర్భంగా మారుతికుమార్ మాట్లాడుతూ రోజురోజుకు మార్కెట్‌లో వినియోగదారుల నుంచి ఎంతో ఆదరణ పెరుగుతోందన్నారు.
 ఇతర కంపెనీల కంటే భారతి సిమెంట్ కంపెనీలో అత్యాధునికమైన, నాణ్యమైన పరిమాణాలతో సిమెంట్‌ను తయారు చేస్తున్నట్లు తెలిపారు.భారతదేశంలోనే తొలిసారిగా కొత్త జర్మనీ టెక్నాలజీతో కూడిన ఈ విధానం కొనసాగుతుందన్నారు. సమావేశంలో ఏరియా సేల్స్ మేనేజర్ వి. నాగేశ్వర్‌రావు, స్థానిక డీలర్లు అశోక్‌రెడ్డి, శ్రీనివాస్‌రెడ్డి, వెంకట్‌రెడ్డి, రంజిత్‌రెడ్డితోపాటు సుమారు 50 మంది వినియోగదారులు పాల్గొన్నారు.  
 
 తాపీ మేస్త్రీలకు అవగాహన సదస్సు
 వర్ధన్నపేట మండల కేంద్రంలో మహేశ్వరి ఏజెన్సీస్ ఆధ్వర్యంలో భవన నిర్మాణ తాపీ మేస్త్రీలకు మంగళవారం స్థానిక అరబిందో ఇంగ్లీష్ మీడియం పాఠశాలలో అవగాహన సదస్సు నిర్వహించారు. అనంతరం సామాజిక సేవలో భాగంగా 70 మంది తాపీ మేస్త్రీలకు యునెటైడ్ ఇండియా ఇన్సూరెన్సు ద్వారా రూ. లక్ష ప్రమాద బీమా బాండ్లను అందజేశారు. కార్యక్రమంలో మహేశ్వరీ ఏజెన్సీస్ యజమాని కర్ర శ్రీనివాసరెడ్డి, తాపీమేస్త్రీలు మర్రిపడగల పుల్లయ్య, భూమ వెంకటేశ్వర్లు, కొండేటి ఉపేందర్, భూమ రమేష్, కొండేటి బాబు, ఐత కొమురయ్య, సమ్మయ్యతోపాటు తాపీ మేస్త్రీలు పాల్గొన్నారు.


 సన్ ఫార్మా ఫౌండర్ దిలీప్ శాంఘ్వి
  
 హైదరాబాద్, బిజినెస్ బ్యూరో: నాణ్యత పరీక్షల్లో ఔషధం అర్హత సంపాదిస్తే సరిపోదు. తయారీ ప్లాంటు కూడా రెగ్యులేటరీ నిబంధనలకు అనుగుణంగా ఉండాల్సిందేనని సన్ ఫార్మాస్యూటికల్ వ్యవస్థాపకులు దిలీప్ ఎస్ శాంఘ్వి అన్నారు. డాక్టర్ రెడ్డీస్ ల్యాబొరేటరీస్ వ్యవస్థాపకులు స్వర్గీయ కె.అంజరెడ్డి స్వయంగా రాసిన జ్ఞాపకాల సమాహారం ‘యాన్ అన్‌ఫినిష్డ్ ఎజెండా’ పుస్తకాన్ని ఆవిష్కరించేందుకు శుక్రవారం హైదరాబాద్ వచ్చిన ఆయన మీడియాతో మాట్లాడారు.
 
 యూఎస్‌ఎఫ్‌డీఏ తనిఖీలు భారతీయ కంపెనీలపై పెరుగుతున్న నేపథ్యంలో ఆయనీ విధంగా స్పందించారు. ఎఫ్‌డీఏ తనిఖీల సమయంలో భారత అధికారులు తప్పనిసరిగా ఉండాల్సిన ఆవశ్యకత లేదని వ్యాఖ్యానించారు. కంపెనీల్లో ఉత్తమ తయారీ విధానం (జీఎంపీ) పెరిగేలా డీసీజీఐ కృషి చేస్తోందని అన్నారు. అంజిరెడ్డి స్ఫూర్తిని కొనసాగిస్తామని పుస్తకావిష్కరణ సందర్భంగా డాక్టర్ రెడ్డీస్ చైర్మన్ కె.సతీష్ రెడ్డి, సీఈవో జి.వి.ప్రసాద్ తెలిపారు. ఈ ఏడాది భారత్‌తో పాటు అంతర్జాతీయంగా ఫార్మా రంగం వృద్ధి బాటన పడుతుం దన్నారు. యువతకు ఈ రంగంలో మంచి అవకాశాలు ఉంటాయన్నారు.
  


 బీబీఎంపీలో నాణ్యతరహిత పనులపై సీఎం అసంతృప్తి
 అధికారులను, ఇంజినీర్లపై సిద్ధు మండిపాటు
  
 బెంగళూరు(బనశంకరి) : బృహత్ బెంగళూరు మహానగర పాలికె(బీబీఎంపీ)లో జరుగుతున్న నాణ్యత లేని పనులు మరెక్కడా లేవని రాష్ర్ట ముఖ్యమంత్రి సిద్ధరామయ్య అసంతృప్తి వ్యక్తం చేశారు. ఈ సందర్భంగా పనులు పర్యవేక్షిస్తున్న అధికారులను, ఇంజినీర్లపై ఆయన మండిపడ్డారు. నూతనంగా నిర్మించిన కర్ణాటక ఇంజినీర్ అకాడమి భవనాన్ని ఆయన బుధవారం ప్రారంభించారు. ఈ సందర్భంగా మాట్లాడుతూ.. నీటిపారుదల శాఖతో పాటు వివిధ శాఖల్లో పథకాల అమలుకు సంబంధించి అంచనాకు మించి ఖర్చులు చూపి ప్రభుత్వానికి, పథకాలకు చెడ్డపేరు తీసుకురావద్దంటూ అధికారులకు హితవు పలికారు. వేస్తున్న రహదారులు మూడు నెలలు కూడా ఉండడం లేదని అసహనం వ్యక్తం చేశారు.
 
 రూ. కోట్లు ఖర్చు పెడుతున్నా ఫలితం లేకుండా పోతోందని మండిపడ్డారు. వ్యయం కాస్తా ఎక్కువ అయినా పనుల్లో నాణ్యత ఉండాలని అన్నారు. తాగునీటి పథకాల్లో టెండర్లకు మించి ఇంజినీర్లు రెట్టింపు నిధులు విడుదల చేస్తున్నారని దీంతో ప్రభుత్వానికి చెడ్డపేరు వస్తుందని, ఇకపై ఇలా జరగరాదని హెచ్చరించారు. సమాజంలో సాంకేతిక పరిజ్ఞానం పెరిగిన ప్రస్తుత రోజుల్లో మూఢనమ్మకాలు ఇంకా వీడకపోవడంతో ముఖ్యమంత్రి అసహనం వ్యక్తం చేశారు.
  
  
  


 
 దేశానికే ఆదర్శంగా పునరుద్ధరణ చేపడదాం: మంత్రి హరీశ్
 
 రాష్ట్ర చిన్న నీటిపారుదల శాఖ ఇంజనీర్లకు సూచన
 
 మండలానికో చెరువుకు తట్ట మోసేందుకు సిద్ధమని ప్రకటన
 
 పనుల్లో నాణ్యత, పారదర్శకత విషయంలో కఠినంగా ఉంటామని హెచ్చరిక
 
 సాక్షి, హైదరాబాద్: రాష్ట్ర ప్రభుత్వం అత్యంత ప్రతిష్టాత్మకంగా చేపడుతున్న మిషన్ కాకతీయను సవాల్‌గా స్వీకరిద్దామని రాష్ట్ర నీటి పారుదల శాఖ మంత్రి టి.హరీశ్‌రావు సూచించారు. చెరువుల పునరుద్ధరణను విజయవంతం చేసి దేశానికే ఆదర్శంగా నిలుద్దామని హితవు పలికారు. శుక్రవారం రాష్ట్రంలోని చిన్న నీటిపారుదలశాఖ ఇంజనీర్లకు లాప్‌ట్యాప్‌లు, సర్వే పరికరాలు అందించే కార్యక్రమానికి మంత్రి హాజరయ్యారు. రూ.10కోట్ల విలువైన పరికరాలను వారికి అందించారు.
 
 ఈ సందర్భంగా మిషన్ కాకతీయ లక్ష్యాలు, ప్రభుత్వ విధానాల గురించి వారికి సూచనలు చేశారు. ‘ఇంజనీర్లకు పని నేర్చుకోవడానికి ఇదో అవకాశం. దీన్ని సద్వినియోగం చేసుకొని పునరుద్ధరణను సవాల్‌గా స్వీకరించండి. చెరువుల ఎంపిక, పనుల నాణ్యత, అంచనాల్లో పూర్తి పారదర్శకంగా వ్యవహరించండి. సొంతింటి ఖర్చు విషయంలో ఎంత జాగ్రత్తగా ఉంటారో అంతే జాగ్రత్తగా వ్యవహరించండి.
 
 ఉద్యోగుల పట్ల ఎంత ప్రేమగా ఉంటామో నాణ్యత విషయంలో అంత కఠినంగా వ్యవహరిస్తాం. అనుకున్న సమయంలో పనులు పూర్తిచేయండి. పనుల వివరాలను ఎప్పటికప్పుడు ఆన్‌లైన్‌లో పెట్టండి. అమెరికాలో ఉన్నవారు సైతం తమ గ్రామం పనులను తెలసుకునేలా ఈ వివరాలుండాలి. వాటిపై మా కార్యాలయం నుంచి ఫోన్‌లు వచ్చేంత వరకు ఆలస్యం చేయొద్దు. పనుల విషయంలో ఎలాంటి రాజకీయ జోక్యం ఉండకుండా చూస్తాం’ అని పేర్కొన్నారు.
 
 పనుల నాణ్యతపై రాష్ట్ర కార్యాలయంలోని అధికారులు ఆకస్మిక తనిఖీలు నిర్వహిస్తారని, పనుల్లో లోపాలుంటే ఇంజనీర్లదే బాధ్యత అని అన్నారు. చెరువుల పునరుద్ధరణ కార్యక్రమంలో ముఖ్యమంత్రి, మంత్రులు, ఎమ్మెల్యేలు పాల్గొంటారని, దీన్నొక ప్రజా ఉద్యమంగా మలచాలన్నదే ప్రభుత్వ ఉద్దేశ్యమని తెలిపారు. బుందేల్‌ఖంఢ్‌లో ప్రారంభిస్తామన్నారు...
  
 మిషన్ కాకతీయ ప్రారంభోత్సవానికి కేంద్ర జలవనరులశాఖ మంత్రి ఉమాభారతి వచ్చేందుకు అంగీకరించారని మంత్రి హరీశ్‌రావు తెలిపారు. ఈ కార్యక్రమాన్ని మధ్యప్రదేశ్‌లోని బుందేల్‌ఖండ్‌లో సైతం ప్రారంభిస్తామని ఇటీవల ముఖ్యమంత్రి కె.చంద్రశేఖర్‌రావు కలిసిన సందర్భంలో ఉమాభారతి తెలిపారని ఆయన వెల్లడించారు.
  


 
 పంచాయతీరాజ్ శాఖ మంత్రి కేటీఆర్
 
 సాక్షి, హైద రాబాద్: రాష్ట్రంలో ప్రతి గ్రామాన్ని రోడ్లతో అనుసంధానం చేయడమే లక్ష్యంగా బీటీ(తారు) రోడ్ల పున రుద్ధరణకు ప్రభుత్వం అనుమతి మంజూరు చేసిందని పంచాయతీరాజ్ శాఖ మంత్రి కె.తారక రామారావు తెలిపారు. తొలిదశలో రూ.1.765 కోట్లతో 12,006 కిలోమీటర్ల బీటీరోడ్ల పునరుద్ధరణ పనులు చేపడుతున్నామన్నారు. బుధవారం పంచాయతీరాజ్ ఇంజనీర్ ఇన్‌చీఫ్, ఇతర ఉన్నతాధికారులతో బీటీ రోడ్ల పునరుద్ధరణ పనులపై మంత్రి కేటీఆర్ సమీక్షించారు.
 
 కాంట్రాక్టర్లకు బిల్లుల చెల్లింపుల్లో ఎలాంటి జాప్యం ఉండదని, అయితే నిర్ణీత గడువులోగా పనులు పూర్తి చేయకపోతే జరిమానా విధించాలని అధికారులను మంత్రి ఆదేశించారు. ఎట్టిపరిస్థితుల్లోనూ గడువు పెంచే ప్రసక్తి లేదని స్పష్టం చేశారు. ప్రధానమంత్రి గ్రామ సడక్ యోజన(పీఎంజీఎస్‌వై) ప్రమాణాల మేరకు రహదారులను నిర్మించడంతో పాటు, ఐదేళ్లపాటు నిర్వహణ బాధ్యత కూడా కాంట్రాక్టర్లదేనని కేటీఆర్ చెప్పారు.
 
 పునరుద్ధరణ పనులకు సంబంధించి నాణ్యత విషయంలో కఠినంగా వ్యవహరించాలని, నాణ్యత లోపిస్తే అధికారులపైనా కఠినచర్యలు తప్పవని హెచ్చరించారు. సబ్ కాంట్రాక్ట్‌ల విధానానికి స్వస్తి పలికేలా చర్యలు చేపట్టాలని అధికారులకు సూచించారు. రాష్ట్రవ్యాప్తంగా గుర్తించిన 4,160 కిలోమీటర్ల మట్టిరోడ్లను బీటీస్థాయిలో అభివృద్ధి చేసేందుకు రూ.2,035 కోట్లు, సుమారు 20 వేల కిలోమీటర్ల మట్టి రోడ్ల పటిష్టానికి కూడా రూ.600 కోట్లు కేటాయించామన్నారు.
  


 తాండూరు: తాండూరు డీసీఎంఎస్ కేంద్రంలో మక్కల కొనుగోళ్లు తిరిగి మొదలయ్యాయి. సోమవారం డీసీఎంఎస్ కేంద్రంలో కొనుగోలు చేసిన మక్కల్లో నాణ్యత లేదంటూ సీడబ్ల్యూసీ కేంద్రంలో తిరస్కరించిన సంగతి తెలిసిందే. ఈ క్రమంలో మంగళవారం వ్యవసాయ శాఖ అధికారులు కేంద్రానికి వచ్చారు. అయినప్పటికీ కొనుగోళ్ల విషయంలో ఉదయం నుంచి మధ్యాహ్నం వరకు కూడా గందరగోళం నెలకొంది. మక్కల నాణ్యతను పరిశీలించి గ్రేడ్‌ను నిర్ధారించాలని డీసీఎంఎస్ గోదాం ఇన్‌చార్జి ఎల్లయ్య కేంద్రానికి వచ్చిన వ్యవసాయ శాఖ ఏఈఓ రవికుమార్‌ను కోరారు.
 
 అయితే ఈ విషయమై ఉన్నతాధికారుల నుంచి తనకు ఆదేశాలు లేవని అతడు చెప్పడంతో వారిద్దరి మధ్య వాగ్వాదం చోటుచేసుకుంది. దీంతో మధ్యాహ్నం రెండు గంటల వరకు కూడా కొనుగోళ్లు ప్రారంభం కాలేదు. మరోవైపు కొనుగోళ్లు జరపకపోవడంపై రైతులు తీవ్ర ఆగ్రహం వ్యక్తం చేశారు. ఈ విషయం తెలుసుకున్న డీసీఎంఎస్ స్థానిక మేనేజర్ షరీఫ్, వ్యవసాయ శాఖ ఏడీఏ సింగారెడ్డిలు కొనుగోలు కేంద్రానికి వచ్చి పరిస్థితిని చక్కదిద్దారు.
 
  తాము మక్కలను ఏ గ్రేడ్‌గా నిర్ణయిస్తే సీడబ్ల్యూసీ గోదాంకు వెళ్లిన తరువాత బీ గ్రేడ్‌గా నిర్ణయించి రైతుల బ్యాంకు ఖాతాల్లో డబ్బులు జమ చేస్తుండటంతో ఇబ్బందులు ఎదురవుతున్నాయని డీసీఎంఎస్ అధికారులు పేర్కొన్నారు. ఈ విషయాన్ని ఉన్నతాధికారులకు వివరించి సమస్య పరిష్కారానికి చర్యలు తీసుకుంటానని ఏడీఏ హామీ ఇచ్చారు. ఇక సోమవారం కొనుగోలు చేసిన మక్కలపై అధికారులు ఇంకా ఏ నిర్ణయం తీసుకోలేదు.
 
  163.50 క్వింటాళ్ల కొనుగోళ్లు
  తూకాలు ఆలస్యంగా జరగటంతో మంగళవారం సాయంత్రం 6గంటల వరకు సుమారు 163.50క్వింటాళ్ల మొక్కజొన్నల కొనుగోళ్లు జరిగాయి. ఇందులో 96 క్వింటాళ్లు బ్రీగ్రేడ్, 67.50 క్వింటాళ్లు సీ గ్రేడ్ మక్కలను నాలుగురు రైతుల నుంచి కొనుగోలు చేశారు. అయితే తిరస్కరణ ప్రభావంతో మంగళవారం ఒక్క క్వింటాలు కూడా ఏగ్రేడ్‌లో కొనుగోలు చేయకపోవడం గమనార్హం.
 
  ముందుగా నమూనాలు తీసుకురావాలి
  మక్కల నమూనాలను ముందు కేంద్రానికి తీసుకురావాలని తాండూరు ఏడీఏ సింగారెడ్డి చెప్పారు. కేంద్రంలో నాణ్యతాప్రమాణాల ప్రకారం గ్రేడ్ నిర్ధారణ చేసుకున్న తరువాతనే పూర్తి పంటను కేంద్రానికి తరలించాలని ఆయన రైతులను సూచించారు.


 నారాయణపేట రూరల్: నాణ్యతకు మారుపేరు భారతి సిమెంట్ అని కంపెనీ తెలంగాణ రీజియన్ టెక్నికల్ మేనేజర్ నరేశ్ అన్నారు. భారతి సిమెంట్ ఆధ్వర్యంలో స్థానిక డీలర్ లక్ష్మీవెంకటేశ్వర సిమెంట్ ఏజెన్సీలో గురువారం తాపీమేస్త్రీలకు అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ.. తాండూరులో ఉన్న భారతి సిమెంట్ తాండూర్ ఫ్యాక్టరీ నుంచి ఏడాదికి 27 లక్షల టన్నుల సిమెంట్ ఉత్పత్తి అవుతుందన్నారు. రోబోటెక్ టెక్నాలజీతో నాణ్యవంతంగా ఉంటుందన్నారు. టాపర్‌ఫ్రూఫ్ ప్యాకింగ్‌తో సిమెంట్‌లోకి తేమ చేరకుండా నాణ్యతను రక్షిస్తుందన్నారు. ఈ సిమెంట్‌ను వాడే వినియోగదారులకు ఉచితంగా కవరింగ్ బాక్సులు ఇస్తున్నట్లు తెలిపారు. భవన నిర్మాణాల్లో ప్రమాదవశాత్తు మేస్త్రీలకు ఏమైన జరిగి మరణిస్తే వారికి రూ.రెండులక్షల వరకు కంపెనీ బీమా ఇస్తుందన్నారు.
 
 వినియోగదారులు నమ్మకంతోనే నాణ్యవంతమైన సిమెంట్‌ను వాడుతున్నారని పేర్కొన్నారు. తాపీమేస్త్రీల సంఘం అధ్యక్షుడునర్సింహులు నాయుడు మాట్లాడుతూ.. మేస్త్రీలకు కంపెనీ నుంచి రూ.రెండులక్షల బీమా కల్పించడం సంతోషదాయకమన్నారు. కార్యక్రమంలో తాపీమేస్త్రీల సంఘం నాయకులు గోపాల్, నారాయణ, వెంకటప్ప, మేస్త్రీలు,   డీలర్ రఘు తదితరులు పాల్గొన్నారు.
  


 * ‘డెంగీ’ దోమల నివారణకు ఉపయోగించే నూనెలో నాణ్యత డొల్ల
 * ఇప్పటికే రూ.26 కోట్లు చెల్లించిన బీఎంసీ
 * పనిచేయడం లేదని తెలిసినా వాడుతున్న వైనం
 * బీఎంసీ తీరుపై విమర్శల వెల్లువ
 సాక్షి, ముంబై: బృహన్‌ముంబై మున్సిపల్ కార్పొరేషన్ (బీఎంసీ) దోమల నివారణకు ఉపయోగించే నూనెలో నాణ్యత లోపించిందని పలువురు ఆరోపిస్తున్నారు. దీంతో దోమల నివారణ జరగక రోజురోజుకు నగరంలో డెంగీ బారిన పడుతున్న వారి సంఖ్య పెరుగుతోందని వారు ఆవేదన   వ్యక్తం చేస్తున్నారు. దోమల నివారణకు కెమికల్స్‌ను సరఫరా చేస్తున్న సదరు కంపెనీపై గత ఏడాది కూడా తక్కువ నాణ్యత కెమికల్స్‌ను సరఫరా చేసినందుకు గాను జరిమానా విధించారు. అయినా కార్పొరేషన్‌కు ఆ కంపెనీ ఇప్పటికీ అదే నూనెను సరఫరా చేస్తోందనే విమర్శలు వినిపిస్తున్నాయి.
 
 2013 మార్చిలో కార్పొరేషన్ 2.57 లక్షల లీటర్ల ఆయిల్‌ను సరఫరా చేసేందుకు ‘యూనివర్సల్ ఆర్గానిక్స్’ అనే సంస్థకు కాంట్రాక్ట్ ఇచ్చింది. రెండేళ్లకు గాను రూ.26 కోట్లను చెల్లించింది. కాగా ఈ కంపెనీ సరఫరా చేస్తున్న ఆయిల్‌లో కల్తీ ఉందని తేలడంతో సదరు కంపెనీకి అదే ఏడాది జూన్‌లో కార్పొరేషన్ జరిమానా విధించింది. రూ.65 లక్షల జరిమానాను డిపాజిట్ చేయాలని కార్పోరేషన్ సదరు కంపెనీని ఆదేశించింది. అయితే, ఇప్పటికీ అదే కంపెనీ సరఫరా చేస్తున్న ఆయిల్‌నే ఉపయోగించడం గమనార్హం.
  
 ఈ సందర్భంగా స్థానిక బీజేపీ నేత మనోజ్ కోటక్  మాట్లాడుతూ.. గతంలో కల్తీ మందును సరఫరా చేయడంతో 2011లో పుణే మున్సిపల్ కార్పొరేషన్, సూరత్ ఈ కంపెనీ ఉత్పత్తులపై నిషేధం విధించాయన్నారు. ఈ కంపెనీకి శక్తి వంతమైన మందును సరఫరా చేసే సామర్ధ్యం లేదని మధ్య ప్రదేశ్ ప్రభుత్వం కూడా తేల్చి చెప్పిందన్నారు. నగరంలో రోజురోజు డెంగీ బారిన పడిన వారి సంఖ్య పెరుగుతూఉంటే మరో పక్క బీఎంసీ దోమల నివారణకు కల్తీ ఆయిల్‌తో కూడిన పొగను విడుదల చేసేందుకు విస్తృతంగా డ్రైవ్‌ను ప్రారంభించిందని మనోజ్ కోటక్ ఆశ్చర్యం వ్యక్తం చేశారు.
 
 బీఎంసీ నిర్లక్ష్యం వల్లే దోమల వృద్ది జరిగి నగరంలో డెంగీ కేసులు పెరుగుతున్నాయని ఆయన అభిప్రాయపడ్డారు. ఈ ఆయిల్ అంత ప్రభావం చూపదని తెలిసినా ఇంకా దానిపై ప్రజాధనాన్ని   వెచ్చించడంపై ఆయన ఆవేదన వ్యక్తం  తెలిపారు. అంతేకాకుండా ఈ వ్యవహారంపై దర్యాప్తు జరిపించాలని, నూనె నమూనాను పరీక్షలకు పంపించాలని డిమాండ్ చేశారు. అలాగే, కల్తీ నూనె వాడకానికి బాధ్యులైన వ్యక్తులపై కూడా చర్యలు తీసుకోవాలని సూచించారు.


  వరి ధాన్యం గ్రేడ్ ఏ రకం క్వింటాలుకు రూ.1,400,  సాధారణ రకం రూ.1,360, పత్తి (పొడవు పింజ రకం) రూ.4,050, పత్తి (మధ్యరకం) రూ.3,750, మొక్కజొన్న రూ.1,310, సోయాబీన్ (పసుపు పచ్చ) రూ.2,560, సోయాబీన్ (నలుపు) రూ.2,500, కందులు రూ.4,350, మినుములు రూ.4,350, పెసలు రూ.4,600, వేరుశనగ కాయ రూ.4,000, పొద్దుతిరుగుడు రూ.3,750, సజ్జలు రూ.1,250, జొన్నలు (హైబ్రిడ్) రూ.1,530, జొన్నలు (మలదండి) రూ.1,550, రాగులు రూ.1,550, నువ్వులు రూ.4,600 మద్దతు ధర ప్రకటించిందన్నారు.
 
  వడ్లు ఆరబోసి తేవాలి
   వరి పంట కోసిన తర్వాత మట్టి పెళ్లలు, రాళ్లు, చెత్త, తాలు రంగు మారిన, మొలకెత్తిన, పురుగు తిన్న ధాన్యం, పూర్తిగా తయారు కాని, ముడుచుకుపోయిన ధాన్యం, తక్కువ రకాల మిశ్రమం, తేమ లేకుండా జాగ్రత్తలు తీసుకోవాలి.
 
   మార్కెట్‌కు తరలించే ధాన్యాన్ని బాగా ఆరబోసి తేమ శాతం ఎక్కువగా లేకుండా చూసుకోవాలి.
   ధాన్యం ఎండిన తర్వాత 17 శాతం కన్నా ఎక్కువ తేమ లేకుండా చూసుకుని విక్రయానికి తరలించాలి.
 
  మక్కలను బాగా ఎండనివ్వాలి
  మొక్కజొన్న ధాన్యంలో వ్యర్థ పదార్థాలు, ఇతర తిండి గింజలు, దెబ్బతిన్న, రంగు మారిన గింజలు, పరిపక్వం కానీ నాసిరకం, పుచ్చిపోయిన గింజలు లేకుండా ఉండాలి.
  మొక్కజొన్న కంకులను ఒలిచేందుకు మిషన్లను వాడటం  వల్ల జొన్నలు పాడవకుండా వస్తాయి.
 బూజుపట్టిన, రంగుమారిన కంకులను మంచి కంకుల్లో కలవకుండా చూడాలి.
 కంకులను ఒలిచిన తర్వాత రెండు రోజుల పాటు ఎండలో బాగా ఆరబెట్టాలి.
 తెగుళ్లు సోకిన, రంగు మారిన ముడుచుకుపోయిన గింజలను సాధ్యమైనంత వరకు ఏరేయాలి.
 రాళ్లు, మట్టిపెడ్డలు, చెత్తాచెదారం వంటి వ్యర్థాలు  లేకుండా చూడాలి.
 
  పత్తిలో చెత్త ఉండొద్దు
   పత్తిమొక్క సహజమైన రంగు మారకూడదు.
  పత్తిలో అపరిపక్వమైన కాయలను వేరు చేయాలి.
   ఎండిన ఆకులు, కొమ్మలు, రెమ్మలు, చెత్తాచెదారం లేకుండా శుభ్రం చేసుకోవాలి.
   తేమ ఎక్కువగా ఉండటం వల్ల పత్తి రంగు మారి పోగుల నాణ్యత తగ్గుతుంది.
   బాగా ఆరి, శుభ్రం చేసిన పత్తినే మార్కెట్‌కు తరలించాలి.
   పత్తిలో 8 శాతం మాత్రమే తేమ ఉండాలి.
   12 శాతంకంటే ఎక్కువ ఉంటే బాగా ఎండబెట్టిన తర్వాత మార్కెట్‌కు తీసుకెళ్లాలి.


 
 భగ్గుమంటున్న కాయగూరలు
 
  ధరాఘాతంతో జనం విలవిల
 
  దిగుబడి లేక రెండింతలు పెరిగిన వైనం
 
 సాక్షి, సిటీబ్యూరో: నగర మార్కెట్లో చిక్కుడు కాయల ధర చుక్కలను తాకుతోంది. పచ్చి మిర్చి ఘాటు జేబుపై పడింది. బీన్స్ బేజారెత్తిస్తోంది. ఉల్లి సైతం లొల్లి చేస్తోంది. దీంతో సామాన్యులు పచ్చడి మెతుకులే పరమాన్నంగా భావిస్తున్నాడు. గత ఐదు రోజుల దాకా అందుబాటులో ఉన్న కూరగాయల ధర ఒక్కసారిగా రెండింతలు పెరిగింది. సోమవారం రైతుబజార్‌లో కిలో చిక్కుడు కాయలు రూ.38 ఉండగా, బహిరంగ మార్కెట్లో రూ.50 చొప్పున విక్రయించారు.
  
 ఇదే సరుకు కార్పొరేట్ మాల్స్‌లో నాణ్యత (బెస్ట్ క్వాలిటీ) పేరుతో కేజీ రూ.60 వసూలు చేస్తున్నారు. స్థానికంగా పంట సాగు లేకపోవడంతో చిక్కుడుతో పాటు పచ్చిమిర్చి, కాప్సికం, ఫ్రెంచ్ బీన్స్, బెండ, బీర కాయల ధరలు కూడా పైపైకి ఎగబాకుతున్నాయి. ప్రస్తుతం చిక్కుడు, బెండ, గోకర కాయలను విజయవాడ నుంచి, క్యాప్సికంను బెంగళూరు, ఫ్రెంచ్ బీన్స్‌ను మహారాష్ట్ర నుంచి నగరానికి దిగుమతి చేసుకుంటున్నారు.
  
 ఇటీవల వర్షాల కారణంగా అక్కడ పంట దెబ్బతినడంతో నగరానికి దిగుమతులు బాగా తగ్గాయి. దీంతో డిమాండ్- సరఫరాల మధ్య అంతరం పెరిగింది. ఇదే అదనుగా భావించి రిటైల్ వ్యాపారులు ధరలు పెంచేశారు.
  
 పచ్చిమిర్చి ఘాటు:
 
 పచ్చి మిర్చి ధర వింటేనే కళ్ల వెంట నీళ్లొస్తున్నాయి. ప్రతి ఇంటిలోనూ నిత్యం వినియోగించే పచ్చిమిర్చి హోల్‌సేల్‌గా కేజీ రూ.28 ఉండగా రిటైల్ మార్కెట్లో రూ.40కి అమ్ముతున్నారు. ఇదే సరుకు ఇంటి ముంగిటకు తెచ్చే బండ్ల వ్యాపారులు రూ.50 వరకు వసూలు చేస్తున్నారు. ప్రధానంగా కర్నూలు, అనంతపూర్, మదనపల్లి ప్రాంతాల నుంచి నగరానికి పచ్చిమిర్చి దిగుమతి అవుతుంది. వాతావరణ ప్రతికూల పరిస్థితుల వల్ల అక్కడ పంట సాగు దెబ్బతినడంతో ఈ పరిస్థితి ఎదురైనట్లు మార్కెటింగ్ వర్గాలు పేర్కొంటున్నాయి. స్థానికంగా కొత్త పంట వస్తే తప్ప మిర్చి ధరలు తగ్గవని వ్యాపారులు చెబుతున్నారు. ధరల అదుపునకు మార్కెటింగ్ శాఖ రంగంలోకి దిగకపోవడం తీవ్ర విమర్శలకు తావిస్తోంది. ఇప్పటికైనా అధికారులు స్పందించాలని ప్రజలు కోరుతున్నారు.
  


 చిత్తూరు (అర్బన్) : నిర్మాణ రంగంలో నాణ్యతకు, నమ్మకానికి భారతి సి మెంట్ ప్రతీక అని ఆ సంస్థ చిత్తూరు మార్కెటింగ్ అధికారి బాలకృష్ణ అన్నా రు.  భారతి సిమెంట్ ఆధ్వర్యంలో శుక్రవారం నగరంలోని గాంధీ రోడ్డు కూడలిలో ఉన్న శ్రీలక్ష్మీ సిమెంట్ దుకాణం లో డీలర్లు, వినియోగదారులతో సమావేశం నిర్వహించారు. జర్మన్ సాంకేతిక పరిజ్ఞానం, రోబోటెక్ క్వాలిటీ, ట్యాం పర్ ప్రూఫ్ ప్యాకింగ్‌తో తయారవుతున్న ఏకైక సిమెంట్ భారతి సిమెంట్ మాత్రమేనని మార్కెటింగ్ అధికారి బా లకృష్ణ చెప్పారు.
 
 తయారీలోనూ, సరఫరాలోనూ కచ్చితమైన నాణ్యతప్రమాణాలు పాటించడంతో నాలుగేళ్లలోనే భారతి సిమెంట్ దేశంలోనే అగ్రగామి గా నిలిచిందన్నారు. వ్యాపార దృక్పథంతోనే కాకుండా నిర్మాణ రంగంలోని కా ర్మికుల సంక్షేమానికి కూడా భారతి సి మెంట్ యాజమాన్యం కృషి చేస్తోందన్నారు. నిర్మాణ రంగంలో వస్తున్న మా ర్పులు, ఆధునిక సాంకేతిక పరిజ్ఞానం, నిర్మాణ సమయంలో తీసుకోవాల్సిన జాగ్రత్తలపై తాపీమేస్త్రీలకు, కార్మికులకు ఎప్పటికప్పుడు అవగాహన కల్పిస్తోం దని తెలిపారు.
 
 తాపీమేస్త్రీలకు లక్ష రూ పాయల ప్రమాదబీమా కూడా కల్పిస్తూ సామాజిక బాధ్యతను సమర్థవంతంగా నిర్వహిస్తోందని తెలిపారు. భారతి సిమెంట్ టెక్నికల్ మేనేజర్ ఛాయపతి మాట్లాడుతూ భారతి సిమెంట్ ప్రత్యేకతలను స్లైడ్‌షోలు, షార్ట్ వీడియోల ద్వారా వివరించారు. నిర్మాణ రంగంలో కార్మికులు పాటించాల్సిన విధానాలు, ఇంకుడు గుంతల ఆవశ్యకత, నీటి విని యోగం తదితర అంశాలపై అవగాహన కల్పించారు. అనంతరం డీలర్లకు, వినియోగదారులకు బహుమతులు అందజేశారు. ఈ కార్యక్రమంలో లక్ష్మీ సిమెంట్ హార్డ్‌వేర్ దుకాణం నిర్వాహకులు శేఖర్, శ్రీనివాస్ పాల్గొన్నారు.
  


 తిరుచానూరు: అధికారుల తీరు మారలేదు. చేసిన పొరపాట్లను సరిదిద్దుకోలేదు. దీంతో రాష్ట్ర స్థాయి ఇన్‌స్పైర్‌కు వచ్చిన విద్యార్థులు, ఉపాధ్యాయులకు రెండోరోజూ తిప్పలు తప్పలేదు. జిల్లాస్థాయిలో గెలుపొంది రాష్ట్ర స్థాయికి ఎంపికైన 502 నమూనాలతో ఏడు జిల్లాల నుంచి దాదాపు వెయ్యిమందికి పైగా విద్యార్థులు, ఉపాధ్యాయులు తిరుపతికి వచ్చారు. వీరికి తిరుచానూరు రోడ్డులోని శ్రీనివాస కల్యాణ మండపంలో ఉన్న 3 సత్రాల్లో వసతి ఏర్పాటుచేశా రు. సత్రాల్లో వీరికి సరిపడా బాత్‌రూంలు, టాయ్‌లెట్లు లేకపోవడంతో ఇబ్బందులు పడుతున్నారు.
 
 తెల్లవారుజామున 3 గంటలకే క్యూలో నిలబడితే ఉదయం 6 గంటలకు స్నానం చేయాల్సి వస్తోందని ఆవేదన వ్యక్తం చేస్తున్నారు. దీంతో ఎగ్జిబిషన్‌కు సకాలంలో రాలేకపోతున్నామని, మరికొందరు జ్వరాల బారిన పడుతున్నామని ఆవేదన వ్యక్తం చేశారు. ఉద యం, రాత్రివేళ ఇక్కడ అందిస్తున్న అల్పాహారం నా ణ్యత లేదని, తినడానికి ఏమాత్రం అనువుగా లేదని వాపోతున్నారు. మధ్యాహ్నం అందించే భోజనం సైతం రుచి, శుచి లేదన్నారు. పైగా తిండికి లేక ఇక్కడికి వచ్చినట్లు వడ్డించే వారు కసురుకుంటున్నారని ఆరోపిస్తున్నారు. భోజనం కోసం గంటల తరబడి ఎండలోనే నిల్చోవాల్సిన దుస్థితి ఏర్పడిందన్నారు.
  
 చీకటి గదుల్లోనే నమూనాలు
 
 రాష్ట్ర స్థాయి ఎగ్జిబిషన్‌ను విశాలమైన గదుల్లో ఏర్పాటుచేయాల్సి ఉంది. విద్యుత్ సరఫరా నిరంతరం ఉం డేలా చూడాల్సి ఉంది. ఇవేమీ లేకుండా ఇరుకైన చీకటి గదుల్లో ఏర్పాటు చేశారు. సందర్శనకు వచ్చిన విద్యార్థులు నమూనాలను తిలకించలేకపోయారు. విద్యార్థులు అధికసంఖ్యలో రావడంతో నమూనాలను తిలకించేలోపే వారిని పంపించివేస్తున్నారు.
  
 ప్రమాదం జరిగితే...
 
 వేల సంఖ్యలో ఉపాధ్యాయులు, విద్యార్థులు ఎగ్జిబిషన్‌లో పాల్గొన్నారు. సందర్శనకు వేలాది సంఖ్యలో విద్యార్థులు వచ్చారు. ఇలాంటప్పుడు ఆంబులెన్స్, అగ్నిమాపక యంత్రాలను ఏర్పాటుచేయాల్సి ఉంది. నిర్వాహకులు వీటిని ఏర్పాటుచేయకపోవడం చర్చనీయాంశమయింది. అనుకోని ప్రమాదం సంభవిస్తే ఎలా అని అక్కడికి వచ్చిన వారు ప్రశ్నిస్తున్నారు.
  


 సాక్షి, కాకినాడ :
  జిల్లాలోని పాఠశాలల్లో మధ్యాహ్న భోజనం తయారీకి ఉద్దేశించిన కిచెన్‌షెడ్ల (వంటశాలల) నిర్మాణం రెండడుగులు ముందుకి, మూడడుగులు వెనక్కి అన్నట్టు సాగుతోంది. ఇచ్చే సొమ్ములు సరిపోక నిర్మాణం మొక్కుబడి  తంతుగా మారిందని, నిర్మాణంలో నాణ్యతను గాలికొదిలేసి, పెద్దఎత్తున నిధులు దారి మళ్లించారని ఆరోపణలు వినిపిస్తున్నాయి.
  జిల్లాలో 4129 ప్రాథమిక, ప్రాథమికోన్నత, ఉన్నత పాఠశాలల్లో మధ్యాహ్న భోజన పథకం అమలవుతోంది. ఈ పాఠశాలల్లోని 4,24,373 మంది విద్యార్థులకు మధ్యాహ్న భోజనం తయారు చేసే ఏజెన్సీల వారు వంటశాలలు లేక ఎండకు ఎండుతూ, వానకు తడుస్తూ నానా అవస్థలు పడుతున్నారు. నాసిరకం భోజనం వడ్డించడంతో పాటు వాటిని తయారు చేసే పరిసరాల్లో అపరిశుభ్ర వాతావరణం తాండవిస్తుండడంతో విద్యార్థులు తరచూ అనారోగ్యం పాలవుతున్నారు. ఈపరిస్థితిని అధిగమించేందుకు ప్రాథమిక, ప్రాథమికోన్నత పాఠశాలల్లో రూ.75 వేలు, ఉన్నతపాఠశాల్లో రూ.1.50 లక్షల చొప్పున అంచనా వ్యయంతో కిచెన్‌షెడ్లు నిర్మించేందుకు  2012-13 విద్యా సంవత్సరంలో జిల్లాకు ప్రభుత్వం రూ.4.04 కోట్లు మంజూరు చేసింది. తొలిదశలో జిల్లాలో 1224 పాఠశాలల్లో ఈ షెడ్లు నిర్మించాలని తలపెట్టి నిర్మాణ బాధ్యతలను పంచాయతీరాజ్ శాఖకు అప్పగించారు. విద్యాశాఖాధికారుల ఒత్తిడి మేరకు తొలి దశలో అతికష్టమ్మీద 357 షెడ్ల నిర్మాణం పూర్తిచేసిన ఆ శాఖ అధికారులు నిధులు సరిపోవడం లేదనే సాకుతో చేతులెత్తేశారు. అయితే నిర్దేశించిన షెడ్లలో మూడో వంతు నిర్మాణం పూర్తి కాకుండానే మంజూరైన రూ.4.04 కోట్లలో రూ.3,77,33,000 పంచాయతీరాజ్‌శాఖకు విడుదల చేశారు. దీని వెనుక భారీ ఎత్తున అవినీతి జరిగిందని,  నిర్మించిన షెడ్లలో చాలా వరకు నాణ్యతాలోపంతో ఉన్నాయని ఆరోపణలు వినిపిస్తున్నాయి. ప్రభుత్వం నిర్దేశించిన ప్రమాణాలను తుంగలోతొక్కి పాతపైపులు, రేకులతో తూతూ మంత్రంగా నిర్మించారని పలువురు ప్రధానోపాధ్యాయులే ఆరోపిస్తున్నారు.
  అదనంగా ఇస్తేనే నాణ్యతట..
  ఇక రె ండో దశలో ప్రభుత్వం 2013-14లో రూ.9.62 కోట్లు మంజూరు చేసింది. మొదటి దశలో నిర్దేశించిన లక్ష్యంతో 30 శాతం పనులు కూడా పూర్తి చేయకుండా చేతులెత్తేసిన పంచాయతీరాజ్ శాఖకే అడ్వాన్సు రూపంలో ఏకంగా రూ.2,88,66,000 విడుదల చేశారు. రెండో దశలో 382 ఉన్నతపాఠశాలల్లో షెడ్లు నిర్మించాలన్నది లక్ష్యం. అయితే ఒక్క పాఠశాలలోనూ కనీసం పునాదులు కూడా పడలేదు. ఇటీవల జరిగిన సమావేశంలో కలెక్టర్ నీతూ ప్రసాద్ కిచెన్‌షెడ్ల నిర్మాణంలో జాప్యం, అవకతవకలపై సమీక్షించారు. లక్ష్యాన్ని ఎందుకు చేరుకోలేక పోతున్నారంటూ పంచాయతీరాజ్ అధికారులపై మండిపడ్డారు. అవకతవకలు జరిగినట్టు ఆరోపణలు వినిపిస్తున్నాయని ప్రశ్నించారు. చేతకాకపోతే నిధులను వెనక్కి ఇచ్చేయాలని ఆదేశించడంతో ఇటీవలే రూ.2,02,02,000లను తిరిగి సర్వశిక్షాభియాన్ ఖాతాకు బదలాయించారురు. అయితే మిగిలిన రూ.86.64 లక్షల మొత్తాన్ని మొదటి దశ పనుల కోసం మినహాయించుకోవడం కిచెన్‌షెడ్ల నిర్మాణంలో పెద్దఎత్తున అవినీతి జరిగిందనే దానికి ఊతమిస్తోంది. పైగా నిర్దేశించిన రీతిలో కిచెన్‌షెడ్లు నిర్మించాలంటే ప్రాథమిక, ప్రాథమికోన్నత పాఠశాలలకు రూ.50 వేలు, ఉన్నత పాఠశాలలకు రూ.లక్ష చొప్పున అదనంగా మంజూరు చేయాలని పంచాయతీరాజ్ అధికారులు డిమాండ్ చేస్తున్నారు. దీంతో ‘మీకో దండం’ అంటూ వీటి నిర్మాణ బాధ్యతను ఇటీవలే స్కూల్ మేనేజ్‌మెంట్ కమిటీలకు అప్పగించారు. కాగా కిచెన్‌షెడ్ల నిర్మాణంలో జాప్యం, అవినీతిలను దృష్టిలో ఉంచుకొని మొదటి దశలో చేపట్టిన నిర్మాణ పనులను తక్షణం నిలిపివేయాల్సిందిగా విద్యాశాఖ డెరైక్టర్ ఇటీవల  ఉత్తర్వులు జారీ చేయడం కొసమెరుపు.
  


 
       కోళ్ల వ్యర్థాలతో విద్యుత్
 
      పలమనేరు వద్దరూ.50 కోట్లతో నిర్మాణం
 
      రోజుకు 7.5 మెగావాట్ల విద్యుత్ ఉత్పత్తి
 
      రైతులకు నాణ్యమైన విద్యుత్
 
      300 మందికి ఉపాధి అవకాశం
 
      రెండు నెలల్లో ప్లాంట్ ప్రారంభం
 
 పలమనేరు: కోళ్ల వ్యర్థాలతో విద్యుత్ తయారయ్యే భారీ పవర్‌ప్లాంట్ మరో రెండు నెలల్లో జిల్లా ప్రజలకు అందుబాటులోకి రానుంది. ఈ కర్మాగారానికి సంబంధించిన నిర్మాణ పనులు పలమనేరులో జోరందుకున్నాయి.
  
 రాష్ట్రంలో భారీ పవర్‌ప్లాంట్ ఇదే
  
 కోళ్లవ్యర్థాలతో విద్యుత్ తయారయ్యే భారీ పవర్ ప్లాంట్ రాష్ట్రంలో ఇదే ప్రథమం. ఇక్కడ రోజుకు 7.5 మెగావాట్ల విద్యుత్‌ను ఉత్పత్తి చేయనున్నారు. తెలంగాణలోని ఖమ్మం జిల్లాలో రుత్విక్ పవర్ ప్రాజెక్టు ఇదే తరహాలో ఉన్నా దానికి ఇంత సామర్థ్యం లేదు. ఇదిలావుండగా చిత్తూరు జిల్లాలో నెలలో 1.40 కోట్ల కోళ్లను పెంచుతున్నారు. పలమనేరు నియోజకవర్గం గంగవరం మండలంలోనే 37 లక్షల కోళ్లను సంరక్షిస్తున్నారు. ఇక్కడ కోళ్లవ్యర్థాలను సేకరించి విద్యుత్‌ను ఉత్పత్తి చేయాలనే తలంపుతో ఈ పరిశ్రమను నిర్మిస్తున్నారు.
  
 రోజుకు 7.5 మెగావాట్ల విద్యుత్ ఉత్పత్తి
 
 ఈ ప్లాంట్‌లో రోజుకు 300 టన్నుల కోళ్లవ్యర్థాలతో 7.5 మెగావాట్ల (1.80 లక్షల యూనిట్ల) విద్యుత్‌ను ఉత్పత్తి చేయనున్నారు. ఇందులో పది శాతం ప్లాంట్ అవసరాలకు వాడుకుని మిగిలిన విద్యుత్‌ను ట్రాన్స్‌కోకు అనుసంధానం చేస్తారు. ఇప్పటికే 15 నెలలుగా ఈ పనులు సాగుతున్నాయి. 7.5 మెగావాట్ల ప్రాజెక్టుకు  55 లక్షల కోళ్లవ్యర్థాల అవసరముంటుంది. దీంతోపాటు వరిపొట్టు, వేరుశెనగ పొట్టు, కొబ్బరి పీచును ఉపయోగించనున్నారు. ఓ యూనిట్ కరెంటును తయారు చేసేందుకు రెండు కిలోల వ్యర్థాలను వాడాల్సి ఉంటుంది.
  
 కోళ్లపెంపకందార్లకు ఎంతో ఆసరా
  
 గంగవరం, పరిసరప్రాంతాల్లోని దాదాపు 400 మంది కోళ్ల రైతులకు ఈ యూనిట్ వల్ల ప్రతి నెలా లాభం చేకూరనుంది. ఈ ప్రాంతంలో ప్రస్తుతం కోళ్ల వ్యర్థాలు టన్ను ధర రూ.750 పలుకుతోంది. పవర్‌ప్లాంట్ ప్రారంభమైతే ఈ ధర రెట్టింపవుతుందని రైతులు ఆశపడుతున్నారు.
  
 ఈ ప్రాజెక్టుతో మరెన్నో లాభాలు
  
 ఇన్నాళ్లూ రైతులు కోళ్ల వ్యర్థాలను పంటలకు ఎరువుగా వాడేవారు. ఇకపై ఇదే వ్యర్థాల ద్వారా కరెంటు తయారయ్యాక మిగిలే బూడిదను రైతులు ఎరువుగా వాడుకోవచ్చు. ఇందులో పాస్ఫరస్, పొటాష్ తగిన మోతాదులో ఉంటాయి. ఈ బూడిదను ఇటుకల తయారీకి ఉపయోగించుకోవచ్చు. ఫ్యాక్టరీలో పనిచేసే కార్మికులు, ఏజెంట్లు, ట్రాక్టర్లు, లారీల డ్రైవర్లు ఇలా ప్రత్యక్షంగా, పరోక్షంగా 300 మందికి ఉపాధి లభించనుంది.
  
 రైతులకు నాణ్యమైన విద్యుత్
  
 ప్రస్తుతం ఈ ప్రాంతంలో లో ఓల్టేజీ సమస్య ఉంది. ఇక్కడ ఉత్పత్తయ్యే 7.5 మెగావాట్లలో పది శాతం పోను మిగిలింది ట్రాన్స్‌కోకు విక్రయించనున్నారు. ఫలితంగా రైతుకు నాణ్యమైన విద్యుత్, ఇళ్లకు 24 గంటల విద్యుత్ అందించవచ్చు.  
  
 ఇక్కడ విద్యుత్‌ను ఎలా తయారు చేస్తారంటే
  
 ఇక్కడ నిర్మించిన రెండు వేర్వేరు షెడ్లలో కోళ్లవ్యర్థాలు, వరిపొట్టును ప్రత్యేక బెల్టుల ద్వారా కాల్చుతారు. దీనికోసం భారీ ఎకనమైజర్‌ను ఉపయోగించి హీట్ రికవరీ యూనిట్ ద్వారా టర్బైన్ తిరిగేలా చేస్తారు. కరెంటు ఉత్పత్తై ఎలక్ట్రానిక్ ప్యానెల్ ద్వారా డిస్ట్రిబ్యూషన్ జరుగుతుంది. స్టీమ్ తయారీ కోసం భారీ బ్రాయిలర్స్‌ను వాడుతున్నారు. ఎకనమైజర్ యూనిట్‌లో ఎయిర్ హీటింగ్, వాటర్ హీటింగ్‌లున్నాయి. ఈ కరెంటు ఉత్పత్తి కోసం గంటకు 60 వేల లీటర్ల నీరు అవసరం. అయితే అంత అందుబాటులో లేకపోవడంతో ఉన్న నీటితోనే యూనిట్ నడిచేందుకు రూ.5 కోట్ల వ్యయంతో ఎయిర్‌కూల్ కండెన్సర్లను వాడుతున్నారు.
 
 ఫ్యాక్టరీ నుంచి వెలువడే వ్యర్థాలు వెళ్లేందుకు 55 మీటర్ల ఎత్తుగల చిమినీని నిర్మించారు. ఇక్కడ తయారయ్యే కరెంటును స్టెప్ అప్, స్టెప్‌డౌన్‌లను సరిచేసే ప్లాంట్ స్విచ్‌యార్డ్‌కు పంపించి అక్కడి నుంచి విద్యుత్ తీగల సాయంతో యూనిట్‌కు సమీపంలోని మేలుమాయి 33 కేవీ సబ్‌స్టేషన్‌కు పంపుతారు. గంగవరం మండలంలో అవసరాలు తీరాక పలమనేరు పట్టణానికి విద్యుత్ సరఫరా చేయాలంటే అక్కడి నుంచి పట్టణంలోని 132, 220 కేవీ సబ్ స్టేషన్లకు ఈ విద్యుత్‌ను సరఫరా చేస్తారు. ఈ యూనిట్ మరో రెండు నెలల్లో ప్రారంభం కానుంది.
  
 సీమాంధ్రలో ఇదే భారీ ప్రాజెక్టు
  
 పౌల్ట్రీబేస్డ్ పవర్‌ప్లాంట్లు ఎంతో ఉపయోగం. తెలంగాణ, కర్ణాటక రాష్ట్రాలతో పాటు దేశంలో ఇలాంటివి ఐదు దాకా ఉన్నాయి. ఏపీలో అయితే ఇదే భారీ ప్రాజెక్టు. ఇక్కడున్న ముడిసరుకుల లభ్యతతో యూనిట్ కాస్ట్ రూ.5 వరకు అవుతుంది. మరో రెండు నెలల్లో కరెంటును ఉత్పత్తి చేసి ట్రాన్స్‌కోకు అందజేస్తాం.
  -బీ.వెంకయ్య, టెక్నికల్ డెరైక్టర్, రెడన్ ఇన్‌ఫ్రాస్ట్రక్చర్ ప్రైవేటు లిమిటెడ్
  
  లోవోల్టేజీ సమస్య తీరినట్టే
  ఈ ప్రాంతంలో లో వోల్టేజీ సమస్య తీరనుంది. కోళ్ల రైతులకు ప్రతినెలా అదనంగా డబ్బులొచ్చినట్టే.
  -రాంబాబు, జనరల్ మేనేజర్,ఆపరేషన్, రెడన్ ఇన్‌ఫ్రాస్ట్రక్చర్ ప్రైవేటు లిమిటెడ్
  
  కరెంటు సమస్య తీరినట్టే
  ప్రస్తుతం పలమనేరు పట్టణానికి రోజుకు 5.5 మెగావాట్ల విద్యుత్ అవసరం. ఈ ఫ్యాక్టరీ నుంచి మాకు రోజుకు 7.4 మెగావాట్లు అందినా గంగవ రం, పలమనేరు మండలాల్లో పూర్తిగా కరెంటు సమస్య తీరినట్టే.     
  -రాజశేఖర్‌రెడ్డి, ట్రాన్స్‌కో ఏడీ, పలమనేరు
  


 
     కాణిపాకం లడ్డూ తయారీలో నాణ్యతకు తిలోదకాలు
 
      20 నుంచి 30 గ్రాముల బరువు తగ్గిన వైనం
 
      నెయ్యి నాణ్యతా అంతంతమాత్రమే
 
      ఫుడ్ ఇన్‌స్పెక్టర్ సూచనలు గాలికి
 
 కాణిపాకం: కాణిపాకం వినాయకుని లడ్డూ ప్రసాదం తయారీలో నాణ్యతకు తిలోదకాలిస్తున్నారు. గతంలో 70 గ్రాముల బరువుతో స్వామివారి లడ్డూ ప్రసాదాన్ని రూ.5కు విక్రయించేవారు. రెండేళ్ల క్రితం లడ్డూ బరువును వంద గ్రాములకు పెంచుతూ ధర రూ.10 చేశారు. ఇందుకు తగినట్లు నాణ్యతా ప్రమాణాలు పాటించడం లేదన్న విమర్శలున్నాయి.
 
 తయారు చేసిన గంటల వ్యవధిలోనే గట్టిగా మారుతోంది. రుచిలోనూ చాలా మార్పులు ఉన్నాయని భక్తులు వాపోతున్నారు. పైగా లడ్డూ బరువు 75 నుంచి 85 గ్రాములకు మించడం లేదు. లడ్డూ తయారీకి వాడే వస్తువుల నాణ్యత లోపం, కల్తీ నెయ్యి వాడకం, ఎండు ద్రాక్షా, జీడిపప్పు, యాలకులు కనిపించకపోవడం, కల కండ ఎక్కువగా వాడడం తదితర కారణాలతో ప్రసాదంపై భక్తులు పెద్దగా ఆసక్తి కనబరచడం లేదు.
  
 ఫుడ్ ఇన్‌స్పెక్టర్ సూచనలు గాలికి..
  
 గతంలో పోటు సిబ్బందికి ఫుడ్ ఇన్‌స్పెక్టర్ ఇచ్చిన సూచనలు, సలహాలను గాలికి వదిలేశారు. బూందిని ముద్దగా తయారు చేసే సమయంలో నీళ్లతో చేతులు తడుపుకుంటుంటారు. నెయ్యితోనే చేతులు తడుపుకుని లడ్డు ముద్దను తయారు చేస్తే ప్రసాదం గట్టిగా మారదని వారు సూచించారు. పోటులో పని చేసే సిబ్బంది తలకు టోపీలు, ముఖానికి మాస్క్‌లు, చేతులకు గ్లౌజులు ధరించాలన్న సూచనలు పాటించడం లేదు. లడ్డూ తయారీలో నైపుణ్యం కలి గిన వారికి ప్రాముఖ్యత ఇవ్వడం లేద ని, అందువల్లే ప్రసాదం రంగులో మార్పులు కనిపిస్తున్నాయని పలువురు అంటున్నారు.
  
 వడల తయారీలోనూ నిర్లక్ష్యమే
  
 ఆలయంలో లడ్డూలతోపాటు వడలకూ విపరీతమైన డిమాండ్ ఉంది. అయితే అవి ఎప్పుడూ అందుబాటులో ఉండ డం లేదు. రోజుకు 500 వడలను మాత్రమే తయారు చేసి విక్రయిస్తారు. ఒక్కొక్క వడను రూ.5కు విక్రయిస్తారు. ఇవి కొందరికి మాత్రమే దక్కుతున్నాయి. దీనికితోడు వడలు తయారైన వెంటనే పైరవీలతో పోటు వద్దనే సగానికి పైగా అదృశ్యమవుతాయి. మిగిలి నవి కనీసం గంట సమయం కూడా కౌంటర్‌లో లభించవు. ఆలయ అధికారులు స్పందించి ప్రసాదాల నాణ్యతపై దృష్టి సారించడమేగాక వడలు భక్తులకు కావాల్సినన్ని అందివ్వాల్సి ఉంది.
  


 తొర్రూరు టౌన్ : నాణ్యతకు మరుపేరు భారతి సిమెంట్ అని సంస్థ సీనియర్ రీజినల్ సేల్స్ మేనేజర్ ప్రమోద్‌రెడ్డి అన్నారు. భారతి సిమెం ట్‌పై గురువారం స్థానిక బృందావన దాబాలో వినియోగదారులకు అవగాహన సదస్సు నిర్వహించారు. సదస్సులో ప్రమోద్‌రెడ్డి మాట్లాడుతూ తెలంగాణ రాష్ట్రంలో భారతి సిమెంట్‌కు అతి తక్కువ సమయంలో వినియోగదార్ల ఆదరణ పెరిగిందన్నారు. కర్ణాటక రాష్ట్రంలో అత్యున్నత నాణ్యత,  జర్మన్ టెక్నాలజీతో రోబోటిక్ క్వాలిటీ నియంత్రణ గల కొత్త సిమెంట్ ప్లాంట్‌ను ఏర్పాటు చేసినట్లు తెలిపారు.
  
 మిగతా సిమెంట్‌లతో పోలిస్తే భారతి సిమెంట్ మూడు రెట్లు నాణ్యమైనది, పటిష్టమైందన్నారు. ట్యాంపర్ ప్రూఫ్ ప్యాకింగ్ వల్ల వినియోగదారుడికి నష్టం కలగదన్నారు. ఈ ప్రమాణాలు పాటించడంతో మార్కెట్‌లో భారతి సిమెంట్ ముందువరుసలో ఉంటుందని తెలిపారు. అనంతరం సంస్థ రీజ్‌నల్ టెక్నికల్ ఇంజనీర్ మూర్తికుమార్ మాట్లాడుతూ వినియోగదారులకు పవర్ పాయింట్‌తో ఇంటి నిర్మాణ కట్టడాల గురించి, తీసుకోవాల్సిన తగు జాగ్రత్తలను వివ రించారు. కార్యక్రమంలో ఏరియా సేల్స్ మేనేజర్ నాగేశ్వర్‌రావు, సాయిరామ్ సిమెంట్ ఏజెన్సీ, అశోక్‌రెడ్డి, శ్రీనివాస్‌రెడ్డి, రంజిత్‌రెడ్డి పాల్గొన్నారు.


  కడప : అత్యంత నాణ్యతా ప్రమాణాలు పాటించడంవల్లే దక్షిణ భారత దేశంలో భారతి సిమెంటు అగ్రగామిగా నిలుస్తోందని ఆ కంపెనీ మార్కెటింగ్ జనర ల్ మేనేజర్ ఎంసీ మల్లారెడ్డి తెలిపారు. ఇంజనీర్లను మంగళవారం నల్లింగాయపల్లెలోని భారతి సిమెంటు ఫ్యాక్టరీ సందర్శనకు  తీసుకెళ్లారు. ఈ సందర్భంగా సిమెంటు తయారీ, నాణ్యత గూర్చి క్వాలిటీ కంట్రోల్ డిపార్ట్‌మెంటు సిబ్బంది ఇంజనీర్లకు వివరించారు.
  
 అనంతరం నిర్వహించిన ఇంజనీర్స్ మీట్‌లో మల్లారెడ్డి మాట్లాడుతూ ఏ ఇంజనీర్లయినా ప్రథమంగా ఎంపిక చేసేది భారతి సిమెంటునేనన్నారు. మిగతా సిమెంట్లతో పోల్చితే ఇది మూడురెట్లు నాణ్యమైనది, పటిష్టమైనదన్నారు. ట్యాంపర్ ఫ్రూఫ్ ప్యాకింగ్ వల్ల వినియోగదారుడికి నష్టం కలగదన్నారు. ఈ  కారణాల వల్లే మార్కెట్‌లో ముందువరుసలో ఉంటోందన్నారు.


 
     మళ్లీ ‘చిప్’ బాగోతం బట్టబయలు
 
      అటు కొలతలో తరుగు.. ఇటు నాణ్యతలో దగా
 
      ఎడాపెడా వినియోగదారులకు టోకరా
 
      బంకుల యాజమాన్యాల ఇం‘ధన’ దోపిడీ
 
      ఫిర్యాదులొస్తేనే తూ.కొ. శాఖ చర్యలు
 
  సాక్షి, సిటీ బ్యూరో: పెట్రోలు బంకుల మోసాలకు అడ్డుకట్ట పడటం లేదు. అటు కొలతలో.. ఇటు నాణ్యతలో వినియోగదారులు దగా పడుతూనే ఉన్నారు. పంపింగ్‌లో, మీటర్ రీడింగ్‌లో చేతివాటం చూపడం దగ్గర్నుంచి ఏకంగా ప్రత్యేక సాఫ్ట్‌వేర్‌ను ఉపయోగించడం వరకు మోసాల స్థాయి పెరిగి.. యథేచ్ఛగా సాగుతూనే ఉంది. ఫలితంగా ఇం‘ధన’ రూపేణా గ్రేటర్‌లోని పెట్రోల్, డీజిల్ వినియోగదారుల జేబుకు నిత్యం లక్షల్లో చిల్లుపడుతోంది.
 
 బుధవారం భారత్ పెట్రోలియం కార్పొరేషన్‌కు చెందిన ఉప్పల్‌లోని జయలీల ఫిల్లింగ్ స్టేషన్ మోసాల తంతు బట్టబయలైన తీరు మరోసారి వినియోగదారులు ఉలిక్కిపడేలా చేసింది. బంకుల నిర్వాహకులు తమపై సరైన నిఘా, పర్యవేక్షణ లేకపోవడాన్ని సాకుగా తీసుకుని సాఫ్ట్‌వేర్ చిప్‌లతో మీటర్ రీడింగ్‌లో జంపింగ్‌కు పాల్పడుతూ దోపిడీ చేస్తున్నారు. ఈ పరిస్థితికి అడ్డుకట్ట వేయాల్సిన తూనికల, కొలతల శాఖ అధికారులు.. వినియోగదారుల నుంచి ఫిర్యాదులందితే కానీ కాలు కదపట్లేదు.
 
 పోలీసు టాస్క్‌ఫోర్స్ ప్రత్యేక బృందం ఆరు నెలల క్రితం పెట్రోలు బంకుల సాఫ్ట్‌వేర్ చిప్ మోసాలను బయటపెట్టినా.. తూనికలు కొలతల శాఖ నామమాత్రపు తనిఖీలతో సరిపెట్టింది. అప్పట్లోనే గట్టి చర్యలు తీసుకుని ఉంటే బుధవారం మరో మోసం బయటపడేది కాదు. బుధవారం నాటి ఘటనలో, ఉప్పల్ జయలీల బంకులో ప్రతి లీటర్‌కు 2.30 ఎంఎల్ మేర కొలతలో తరుగు ఉన్నట్టు తేలింది. అంటే ఈ లెక్కన గ్రేటర్ వ్యాప్తంగా ఉన్న బంకుల్లో ఏ మేరకు వినియోగదారులు నష్టపోతున్నారో అర్థం చేసుకోవచ్చు.
 
 జరిమానాలతో సరి.. బెదరని డీలర్లు
  
 పెట్రోలు బంకుల మోసాలపై నమోదవుతున్న కేసులు కేవలం జరిమానాలకే పరిమితవుతున్నాయి. దీంతో బంకుల డీలర్లు బెరుకు లేకుండా అక్రమాలకు పాల్పడుతున్నారు. ఆరు నెలల క్రితం కొన్ని ఫిల్లింగ్ యంత్రాల సాఫ్ట్‌వేర్‌లో ప్రత్యేక  చిప్‌లను రిమోట్ ద్వారా ఆపరేట్ చేస్తూ, మరికొన్నింటిలో సాక్షాత్తూ ఆయిల్ కంపెనీలు సరఫరా చేసిన రిమోట్‌లోనే మార్పుచేర్పుల ద్వారా ఇంధనం పంపింగ్ చేస్తూ మోసాలకు పాల్పడుతున్నట్టు వెలుగుచూసిన ఘటన వినియోగదారులను నివ్వెరపరిచింది.
 
 అప్పట్లో ఆయిల్ కంపెనీలు సరఫరా చేసిన ఫిల్లింగ్ మిషన్ మోడల్‌ను తప్పుపట్టి హడావుడి చేసిన అధికారులు ఆపై నోటీసులు జారీ చేసి చేతులు దులుపుకొన్నారు. బంకుల మోసాలపై భారత తూనికలు కొలతల చట్టం-2009 సెక్షన్ 22 కింద కేసులు నమోదు చేసి జరిమానాలతో సరిపెట్టారు. దీంతో బంకు యాజమాన్యాలకు భయం లేకుండాపోయింది. తాజాగా బుధవారం వెలుగుచూసిన ఘటనతో వినియోగదారులు కంగుతిన్నారు.
  
 మోసాలు ఇలా...
 పెట్రోల్ బంకులకు ఆయిల్ కంపెనీలే ఫిల్లింగ్ యంత్రాలను సరఫరా చేస్తాయి. కొన్ని కంపెనీలు నిబంధనలకు విరుద్ధంగా ఫిల్లింగ్ యంత్రంలో మార్పుచేర్పులతో పాటు రిమోట్ ద్వారా ఆపరేట్‌కు వెసులుబాటు కల్పించాయి
      
 దీన్ని ఆసరా చేసుకున్న యాజమాన్యాలు పెట్రోలు, డీజిల్ పంపింగ్ రీడింగ్‌లో జంపింగ్‌లకు పాల్పడుతూ వినియోగదారులకు తూకంలో టోకరా వేస్తున్నాయి
      
 కొన్ని కంపెనీల్లో ఫిల్లింగ్ యంత్రాలకు రిమోట్ వెసులుబాటు లేకున్నా.. పంపింగ్ యంత్రాల్లో ప్రత్యేక సాఫ్ట్‌వేర్‌ను అమర్చి కొలతల్లో మోసాలకు పాల్పడుతున్నారు
      
 సాధారణంగా ప్రతి ఫిల్లింగ్ యంత్రానికి తూనికలు కొలతల శాఖ సీల్ వేసి ఉంటుంది. బంకుల యాజమాన్యాలు దీన్ని బ్రేక్ చేసి సైతం మోసాల సాఫ్ట్‌వేర్ చిప్‌లను అమర్చుతున్నారు
      
  పెట్రోల్ బంకుల్లోని ఫిల్లింగ్ యంత్రంపై చూస్తే రీడింగ్‌సవ్యంగానే కనిపిస్తుంది. కానీ, ప్రత్యేక సాఫ్ట్‌వేర్ చిప్‌లను అమర్చిన కారణంగా ప్రతి వెయ్యి లీటర్లలో 40 లీటర్ల మేర ఇంధనం బంకుల నిర్వాహకులకు ‘ఆదా’ అవుతోంది
      
  ఒక్కో బంకులో నిత్యం పది వేల లీటర్ల ఇంధనాన్ని విక్రయిస్తారనుకుంటే, 400 లీటర్ల మేర యాజమాన్యానికి ‘మిగులు’బాటవుతోంది. ఫలితంగా వినియోగదారులు ఎడాపెడా నష్టపోతున్నారు.
  


 మంచి జీతం వచ్చే ఉద్యోగమైనా .. ఆర్థిక క్రమశిక్షణ విషయంలో నరేష్‌కి అలసత్వ ధోరణి కాస్త ఎక్కువే. కరెంటు బిల్లులు కట్టాలంటే.. బోలెడంత సమయం ఉంది తర్వాత కట్టొచ్చులే అంటాడు... అడ్డగోలుగా ఖర్చులు చేయడం మంచిది కాదని తెలిసినా ఏం ఫర్వాలేదని తనకు తాను సర్ది చెప్పుకుంటాడు. చిట్టచివరికి అన్నీ కట్టేసి పర్సు చూసుకునే సరికి ఖాళీ. ఇంకా కొన్ని బకాయిలు అలాగే మిగిలిపోతుంటాయి. దీంతో, మళ్లీ లాటరీ కొట్టాల్సిన పరిస్థితి. ప్రతి నెలా ఇదే తంతు. కనీసం వచ్చే నెల నుంచైనా చాలా జాగ్రత్తగా ఉండాలి అనుకుంటాడు. అయినా సరే, సేమ్ టు సేమ్. ఇలా  అలవాటుగా పొరపాట్లు చేసే నరేష్‌లు మనలో చాలా మందే ఉంటారు. ఇలాంటి కొన్ని పొరపాట్ల గురించి తెలిపేదే ఈ కథనం..
  
 ఇష్టారీతిగా కొనుగోళ్లు..
 
 కొందరు ఆకర్షణీయమైన ఆఫర్ అంటూ కనిపిస్తే అవసరమున్నా, లేకున్నా కొనే దాకా వదలరు.  ఎలాంటి ప్రలోభాలకు లోను కాకూడదనుకున్నా షాపింగ్ మాల్స్, సూపర్ మార్కెట్లు మొదలైనవాటిల్లో అంత సులభం కాదు. చిట్టచివర్న ఉండే బిల్లింగ్ కౌంటరు దగ్గర కూడా స్పెషల్ ఆఫర్లు ఊరిస్తుంటాయి. షాపింగ్ లిస్టులోకి చేరిపోతుంటాయి. దీంతో ఎంత స్ట్రిక్టుగా షాపింగ్ చేశామనుకున్నా చివర్లో పర్సుపై భారం తప్పదు. అలాగే, అనవసరమైనవన్నీ కొనేయడం వల్ల ఇంటి నిండా సరంజామా పేరుకుపోవడం తప్ప ప్రయోజనం ఉండదు. కాబట్టి, ఇలాంటి అలవాటు ఉంటే సాధ్యమైనంత వరకూ పర్సులపై భారాలు మోపే మార్కెట్స్ వైపు వెళ్లకుండా ఇతరత్రా షాపింగ్ మార్గాలు అన్వేషించే ప్రయత్నం చేస్తే ఉత్తమం. ఒకవేళ వెళ్లినా.. వీలైనంత వరకూ అవసరమైన వాటి జాబితాను రాసుకుని, దానికే కట్టుబడి ఉండేందుకు ప్రయత్నం చేస్తే మంచిది.
  
 అన్నింటికీ  రేట్లు పోల్చి చూసుకోవడం..
  
 ఖర్చులు తగ్గించుకునే క్రమంలో అన్నింటి రేట్లు పోల్చి చూసుకుంటూ ఉంటాం. ఉదాహరణకు.. ఒకే ఉత్పత్తిని రెండు, మూడు కంపెనీలు ఆఫర్ చేస్తుంటే.. అందులో అత్యంత తక్కువకి ఏది వస్తుందో చూసుకుని, దాన్ని కొనేందుకే ప్రాధాన్యం ఇస్తుంటాం. ఈ క్రమంలో నాణ్యతను విస్మరిస్తుంటాం. కొన్ని సార్లు దీని వల్ల మరింత మూల్యం చెల్లించుకోవాల్సి రావొచ్చు. అలాగని, చౌకగా ఉండేవన్నీ నాణ్యత లేనివనీ చెప్పలేము. కానీ, అంతిమంగా రేటు మాత్రమే కాకుండా నాణ్యతను కూడా దృష్టిలో పెట్టుకుని నిర్ణయం తీసుకోవాలి.
  
 బిల్లులు కట్టడంలో ఆలస్యం..
  
 కరెంటు బిల్లులు, నీటి బిల్లులు, క్రెడిట్ కార్డుల బిల్లులు.. ఇలాంటి వాటన్నింటినీ ఆఖరు నిమిషం దాకా కట్టకుండా వాయిదా వేస్తుంటాం. తీరా ఆఖర్లో గుర్తుకొచ్చి హడావుడిగా పరుగెత్తినా.. ఏదో ఒక అడ్డంకి రావొచ్చు. చివరికి ఫైన్లు కట్టుకోవాల్సీ రావొచ్చు. ప్రతి సారీ ఇదే పరిస్థితి ఎదురవుతుంటే.. ఆలోచించాల్సిన విషయమే. సాధ్యమైనంత వరకూ బిల్లులు కట్టడానికంటూ ఒక పద్ధతిని రూపొందించుకోవాలి. ఏయే బిల్లులు ఎప్పుడెప్పుడు కట్టాలన్నది ముందుగానే రిమైండర్లు సెట్ చేసి ఉంచుకోవాలి.
 
 మరోవైపు, చెక్కుల విషయంలోనూ ఒకోసారి పొరపాట్లు జరుగుతుంటాయి. కొన్ని సార్లు చెక్కులు ఇచ్చిన తర్వాత గుర్తొస్తుంది .. ఖాతాలో సరిపడేంత డబ్బు లేదని. తర్వాత వే ద్దాంలే అనుకుంటూ కాలయాపన  చేస్తాం. తీరా సదరు చెక్కు బౌన్సు అయితే, అవతలి వారికి సర్ది చెప్పుకోవడం మాట ఎలా ఉన్నా.. ఇటు బ్యాంకు మాత్రం పెనాల్టీలు వేస్తుంది. ఫలితంగా జరిమానా కట్టాల్సి రావడం ఒకెత్తై క్రెడిట్ హిస్టరీ కూడా దెబ్బతినే అవకాశం ఉంటుంది కాబట్టి ఈ తరహా పరిస్థితులు తలెత్తకుండా చూసుకోవాలి.
  
 క్రెడిట్ కార్డుల వాడకం ..
  
 తర్వాతెప్పుడో కట్టొచ్చని, రివార్డు పాయింట్లు గట్రా వస్తాయి కదాని అయిన దానికి, కాని దానికి క్రెడిట్ కార్డులను ఉపయోగించేస్తుంటారు కొందరు. దీంతో కార్డుపై రుణ భారం పెరిగిపోతుంది. క్రెడిట్ కార్డు ఉంటే చేతిలో డబ్బు ఉన్నట్లే.. కానీ అది అప్పుగా తీసుకుంటున్నదేనని గుర్తుంచుకోవాలి. ఇతరత్రా ఏదైనా అవసరాల వల్ల బిల్లులను చెల్లించలేకపోతే .. తర్వాత తర్వాత బడ్జెట్ తలకిందులవడంతో పాటు క్రెడిట్ రిపోర్టుపై కూడా ప్రతికూల ప్రభావం పడే అవకాశం ఉంటుందని తెలుసుకోవాలి. సాధ్యమైనంత వరకూ ఆదాయం కన్నా ఖర్చులు చాలా తక్కువగా ఉండేలా చూసుకోవడం మంచిది.
  


  బాన్సువాడ టౌన్, న్యూస్‌లైన్ : నాణ్యతకు, నమ్మకానికి మారుపేరుగా భారతి సిమెంట్ నిలుస్తుందని భారతి సిమెంట్ సీనియర్ రీజినల్ సేల్స్ మేనేజర్ ప్రమోద్‌రెడ్డి అన్నారు. బుధవారం స్థానిక లయన్స్ భవనంలో ట్రేడర్స్ యజమానులకు, మేస్త్రీలకు, కూలీలకు అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ.. ఆసియా ఖండంలోనే అతిపెద్ద కర్మాగారంగా అత్యున్నత ప్రమాణాలతో రోబోటిక్  క్వాలిటీ కంట్రోల్‌తో తయారు చేయబడిన తొలి ఏకైక సిమెంట్ కంపెనీ భారతి సిమెంట్ అని అన్నారు.
 
 ప్రతి ఒక్కరికి ఉచిత ప్రమాదబీమాను కంపెనీ కల్పిస్తుందన్నారు.  ఇంటి నిర్మాణాలకు భారతి సిమెంట్‌నే వాడేవిధంగా చూడాలని అన్నారు. సిమెంట్ కావాలనుకునే వారికి గంటలోపు సిమెంట్‌ను అందజేస్తామని, పూర్తి వివరాలకు 8374432333కు సంప్రదించాలని సూచించారు.  
 
 ఇంటి నిర్మాణ పద్ధతులపై, ఇంటి వ్యయం తగ్గించడాన్ని, సిమెంట్ తయారు చేసే విధానాన్ని వీడియో ద్వారా మేస్త్రీలకు అవగాహన కల్పించారు. ఈ సదస్సులో రీజినల్ టెక్నికల్ ఇంజినీర్ మారుతికుమార్, ఏరియా సేల్స్ మేనేజర్ శివకుమార్, సిమెంట్ దుకాణాల యాజమానులు చంద్రశేఖర్‌రెడ్డి, రాంచందర్‌రావు, నాగేశ్వర్‌రావు తదితరులు మాట్లాడారు.


 
 అంతిమ ఘట్టంలో చివరి అస్త్రాలు తీస్తున్న టీడీపీ
 
  తెలుగు తమ్ముళ్ల దగుల్బాజీ వ్యూహాలు
 
  జోరుగా కల్తీ మద్యం పంపిణీ
 
  విశాఖ డెయిరీ పాత్రపై అనుమానాలు
 
  నోట్ల పంపిణీలోనూ వెన్నుపోటే
 
  సగానికి సగం నొక్కేస్తున్న నేతలు
 
  ముత్తంశెట్టి మనుషుల రంగ ప్రవేశం
 
  సాక్షి ప్రత్యేక ప్రతినిధి: నోటు, నాటు, ఓటు... ఇదీ అనకాపల్లిలో టీడీపీ నేతల చివరి మజిలీ. అయితే అన్నిచోట్లా ఈ ఆఖరి అస్త్రం తిరగబడుతోంది. పీకలదాకా తాగించినా జనం ఛీ కొడుతున్నారు. ‘చంద్రబాబుకు ఓటెయ్యాలా? ఎందుకు?’ అంటూ ప్రశ్నిస్తున్నారు. నోట్ల కట్టలు పంచుతున్నా ఓటర్ల నుంచి పెద్దగా స్పందన రావడం లేదు. ‘ఓటేస్తే మా బతుకులు తాకట్టు పెడతాడేమో’ అని సందేహిస్తున్నారు.
 
 ఒక్కరు కా దు, ఇద్దరు కాదు... వేల మంది అనకాపల్లిని అడ్డాగా చేసుకున్నారు. హైదరాబాద్, విజయవాడ, అనంతపురం జిల్లాల నుంచి వచ్చి ఇక్కడే మకాం వేశారు. అనకాపల్లిలోని ఏ లాడ్జీకి వెళ్ళి నా తెలుగు తమ్ముళ్లే దర్శనమిస్తున్నారు. వీరిలో చాలామంది గంటా శ్రీనివాసరావు, ముత్తంశెట్టి మనుషులే. ఈ పార్లమెంట్ స్థానంలో వైఎస్‌ఆర్ కాంగ్రెస్ పార్టీ విజయం ఖాయమని తెలియడంతో ఓట్ల బేరం మొదలు పెట్టారు.
  
 అంతా చీప్ లిక్కరే
  
 ఊళ్లల్లో చీప్ లిక్కర్ తాండవిస్తోంది. గంటా వారి సారా సామ్రాజ్యం నెల రోజుల క్రితమే దీన్ని దించినట్టు స్థానికులు చెప్పుకుంటున్నారు. జిల్లాలో ఆయన వర్గీయులదే సారా  వ్యాపారం కావడం, ముందుగానే సరిహద్దు రాష్ట్రాల నుంచి నకిలీ మద్యం తెప్పించుకున్నారు. చెరువుల్లో, బావుల్లో దాచిపెట్టిన పచ్చగ్యాంగ్ ఇప్పుడు దాన్ని జనం మీదకు వదులుతున్నారు. నిఘా వర్గాల కళ్లుగప్పి ఊళ్లల్లోకి తీసుకెళ్తున్నారు. మద్యం తాగిన అనేక మంది అస్వస్థతకు గురవుతున్నట్టు తెలుస్తోంది. చోడవరంలోని మూడు గ్రామాల్లో వాంతులు విరోచాలు అయినట్టు స్థానికులు చెబుతున్నారు. లేబుళ్లు లేని బాటిళ్లు పరిశీలించిన గ్రామస్తులు కల్తీ మద్యంగా చెబుతున్నారు. దీనివల్ల ప్రాణాలకు ప్రమాదమని వైద్యులంటున్నారు.
  
 చెప్పింది వెయ్యి... ఇచ్చింది సగమే
  
 కశింకోట, రాంబిల్లి మండలాల్లో ఓటర్లకు వింత అనుభవం ఎదువుతోంది. మూడు రోజుల క్రితం టీడీపీ శ్రేణులు ఓటుకు వెయ్యి ఇస్తామని ప్రకటించారు. తీరా పోలింగ్ సమయం దగ్గరపడుతుండటంతో దాన్ని రూ. 500 చేతుల్లో పెడుతున్నారు. రాంబిల్లి మండంలోని కొన్ని గ్రామాల్లో దీనిపై తీవ్ర వ్యతిరేకత ఎదురైంది. స్థానిక టీడీపీ శ్రేణులే సగం నొక్కేసినట్టు తేలడంతో ఆ పార్టీ కార్యకర్తలే ఆశ్చర్యపోతున్నారు. డబ్బులు తీసుకున్నా, తగిన బుద్ది చెబుతామని హెచ్చరిస్తున్నారు. ఈ విషయం తెలుసుకున్న జిల్లా టీడీపీ నాయకత్వం మండల నేతలపై ఆగ్రహించినట్టు తెలిసింది.
      
 పాయకరావుపేట, యలమంచలి నియోజవర్గాల్లో విశాఖ డెయిరీ వాహనాల ద్వారా డబ్బు సంచులు వెళ్తున్నట్టు ఆరోపణలు వస్తున్నాయి. ఈ వాహనాలను పోలీసులు ఏమాత్రం తనిఖీ చేయకపోవడం అనుమానాలకు తావిస్తోంది. ఈ డెయిరీ ఓ టీడీపీ నేత గుప్పిట్లో ఉండటం, ఆయన ఆదేశాల మేరకు ఉద్యోగులే స్వయంగా డబ్బు పంపిణీకి ఉపక్రమించడం పలుచోట్ల వివాదాస్పదమవుతోంది.
      
 ఓ ప్రైవేటు బ్యాంకు ద్వారా లావాదేవీలు జరుగుతున్న వైనం కూడా సందేహాలు రేపుతోంది. చంద్రబాబుకు అత్యంత సన్నిహితుడైన ఆ వ్యక్తి ఈ మొత్తం వ్యవహారాన్ని నడిపిస్తున్నట్టు సమాచారం.
      
 హవాలా గ్యాంగ్ కూడా రంగ ప్రవేశం చేసింది. ఇతర ప్రాంతాల నుంచి కొరియర్స్ ఇక్కడకు రావడం, కేవలం టీడీపీ డబ్బును గ్రామాలకు తరలించే ఏర్పాట్లు చేయడం స్థానికులను ఆశ్చర్య పరుస్తోంది.
  
 అవి నిజమైన నోట్లేనా?
  
 అనకాపల్లి ప్రజలకు ఈ సందేహాలు వస్తున్నాయి. రిక్షా కార్మికులకు, మురికివాడల్లో ఉన్న వారికి టీడీపీ కార్యకర్తలు రాత్రికిరాత్రి రూ. 500 కొత్త నోట్లు ఇచ్చినట్టు తెలిసింది. ఇందులో కొన్ని నకిలీ  నోట్లని తేలింది. దీంతో ఆగ్రహించిన వారు టీడీపీ శ్రేణులను నిలదీశారు. విషయం బయటకు పొక్కకుండా వాటికి బదులు మరొకటి ఇచ్చినట్టు తెలిసింది. అయితే నియోజకవర్గంలో పంచిన ఈ నోట్లన్నీ నిజమైనవేనా? లేకపోతే నకిలీ నోట్లు పంచుతున్నారా? అనే సందేహాలు కలుగుతున్నాయి. ఇలాంటి సంఘటనే అచ్యుతాపురంలోనూ ఎదురైంది.
  
 నొక్కేద్దాం బాసూ!
  
 ‘జనం డబ్బులిచ్చినా ఓట్లేసేట్టు లేరు. ఓడిపోయే పార్టీ రేపు మనకు నయా పైసా ఇవ్వదు. ఇదే అదను నొక్కేద్దామా?’ డబ్బు పంపిణీలో టీడీపీ నేతల ముచ్చట్లు ఇవి. స్థానిక నాయకత్వంపై నమ్మకం కుదరని ముత్తంశెట్టి వర్గీయులు మండలానికో త్రిసభ్య కమిటీ వేసుకున్నారు. వారి ఆధ్వర్యంలోనే డబ్బు పంపకం జరపాలని నిర్ణయించుకున్నారు. భుజాలరిగేలా జెండా మోసినా గుర్తింపు ఇవ్వడం లేదని భావించిన మండలస్థాయి నేతలు వచ్చిన డబ్బును నొక్కేస్తున్నట్టు విమర్శలొస్తున్నాయి.
  
 అడ్డంగా దొరికిన తెలుగు తమ్ముళ్లు
  
 అనకాపల్లి: తెలుగు తమ్ముళ్లు అడ్డంగా దొరికారు. డబ్బుతో ఓటర్లను మభ్యపెట్టేందుకు చేసిన ప్రయత్నం బెడిసికొట్టింది. పట్టణంలోని గవరపాలెంలో ఉన్న దాసరిగెడ్డ సమీపంలో సోమవారం సాయంత్రం రూ.50వేల నగదుతో ఉన్న తెలుగుతమ్ముళ్లను ఎన్నికల నిఘా అధికారులు వల వేసి పట్టుకున్నారు. నగదు ఉన్న వ్యక్తి నుంచి వివరాలను రాతపూర్వకంగా తీసుకున్నారు. ఈ వివరాలతో కూడిన నివేదికను ఆర్డీవోకు అందిస్తామని అధికారులు తెలిపారు.
  


 నాణ్యమైన విద్య.. మిథ్య!
  పురాతన బోధనా పద్ధతులకు స్వస్తి పలికి విద్యార్థులకు చదువుల పట్ల ఆసక్తి కలిగించే విధంగా వినూత్న విధానాలను ప్రవేశపెడుతున్నా అవి సత్ఫలితాలను ఇవ్వడంలేదు. నాణ్యమైన విద్యను అందించాలనే ఆలోచనతో ప్రభుత్వం ప్రసార మాధ్యమాలను వినియోగించాలని నిర్ణరుుంచింది.
  
  సర్వశిక్ష అభియాన్, రాజీవ్ విద్యామిషన్ పథకాలను తీసుకువచ్చి టీవీలు, రేడియోలను పాఠశాలకు అందజేశారు. అంతవరకు బాగానే ఉన్నా కరెంట్ కనెక్షన్ లేకపోవడంతో టీవీలు అటకెక్కాయి. ఇక రేడియో పాఠాలు విద్యార్థులకు ఆసక్తి కలిగిస్తున్నా ఏకోపాధ్యాయ పాఠశాలల్లో కుదరడంలేదు. ఫలితంగా అనుకున్న లక్ష్యాలు సాధించడంలేదు.     -
  
  అడ్డాకులసర్కారు బడిలో చదువుకునే విద్యార్థులకు ప్రాథమిక స్థాయిలోనే నాణ్యమైన విద్యనందించాలని ప్రభుత్వం కోట్ల రూపాయలు వెచ్చించి పాఠశాలలకు టెలివి జన్‌లను అందజేసినా ప్రయోజనం మాత్రం ఉండటంలేదు. అదే ప్రైవేటు పాఠశాలల్లో అయితే 1వ తరగతి నుంచే విద్యార్థులకు కంప్యూటర్లను అందుబాటులో ఉంచి శిక్షణనిస్తున్నారు. మరి మన ప్రభుత్వ పాఠశాలల్లో కనీసం టీవీలనైనా ఉపయోగించని దుస్థితి దాపురించడం అధికారుల నిర్లక్ష్యానికి పరాకాష్టగా చెప్పుకోవచ్చు. సర్వశిక్ష అభియాన్, రాజీవ్ విద్యా మిషన్ ద్వారా మండలంలో 5 పాఠశాలలకు టెలి విజన్‌లతో పాటు సీడీ, డీవీడీ ప్లేయర్లను ప్రభుత్వం సరఫరా చేసింది.
  
   అడ్డాకుల మండలంలో 32 ప్రాథమిక, 7 ప్రాథమికోన్నత పాఠశాలలున్నాయి. వీటికి గాను నందిపేట, తిమ్మాయిపల్లి తండా, గుడిబండ, కొమిరెడ్డిపల్లి, కాటవరం ప్రాథమికోన్నత పాఠశాలలకు టెలి విజన్‌లను అందజేశారు. వాటిలో కేవలం నందిపేట, తిమ్మాయిపల్లితండాలో మాత్రమే టీవీలు పని చేస్తున్నాయి. మిగతా పాఠశాలల్లో టీవీలు మూలకు చేరా యి. ఇక ఆర్‌ఓటీ కింద వేము ల, కందూరు, అడ్డాకుల, జానంపేట స్కూల్ కాంప్లెక్స్ పాఠశాలలకు టీవీలతో పాటు డీష్‌లను పంపిణీ చేశారు. వీటిలో అడ్డాకులలో మాత్రమే ఇటీవల కొన్నాళ్ల నుంచి టీవీని ఉపయోగిస్తున్నారు.
   ఇక్కడ జనరేటర్ సక్రమంగా పని చేయడంలేదు. ఇక జా నంపేట, కందూరులో ఆర్‌ఓటీలు లేకపోవడంతో టీవీలు అటకెక్కాయి. వీటిని స్కూల్ కాంపెక్స్ సమావేశాలప్పుడు మాత్రమే వినియోగిస్తూ టీవీలు, డీష్‌లను డబ్బాల్లో పెట్టి మూలన పడేస్తున్నారు. మొత్తంగా కరెంటు సరఫరా టీవీల వినియోగంపై తీవ్ర ప్రభావం చూపడం విద్యార్థులకు తీరని లోటును కలిగిస్తోంది.
  రేడియో పాఠాలపై మిశ్రమ స్పందన
  రేడియోలలో పిల్లలకు సంబంధించిన కార్యక్రమాలను ప్రసారం చేస్తున్నారు. విందాం నేర్చుకుందాం..మీనా ప్రపంచం తదితర రేడియో పాఠాలను పిల్లలకు వినిపిస్తున్నారు. కార్యక్రమం విద్యార్థుల్లో పరివర్తనకు కారణమవుతోంది. ఎదుగుతున్న దశలో విద్యార్థులకు ఇది వరంలాంటిది. ప్రాథమిక, ప్రాథమికోన్నత పాఠశాలల విద్యార్థులకు ప్రత్యేకంగా రూపొందించిన ఈ కార్యక్రమం విద్యార్థులను ఆకర్షిస్తోంది.


 
      రానున్నది సాంకేతిక విప్లవం
 
      దేశంలో మూడోవంతు ప్రజలకు నెట్ కనెక్షన్‌తో మొబైల్ ఫోన్లు
 
      విద్యార్థులు బహుముఖ ప్రజ్ఞావంతులు కావాలి
 
      ఏయూ స్నాతకోత్సవంలో   ‘ఇన్ఫోటెక్’ ఎమ్‌డీ మోహన్‌రెడ్డి
 
  ఏయూ క్యాంపస్, న్యూస్‌లైన్: ప్రపంచం బహు శాస్త్ర విషయాల అధ్యయనంపై దృష్టి సారిస్తోందని, విద్యార్థులు బహుముఖ ప్రజ్ఞావంతులుగా రాణించాల్సిన అవసరం ఉందని ఇన్ఫోటెక్ ఎంటర్‌ప్రైజెస్ లిమిటెడ్ మేనేజింగ్ డెరైక్టర్ బి.వి.ఆర్.మోహన్‌రెడ్డి అన్నారు. కట్టమంచి రామలింగారెడ్డి కాన్వొకేషన్ హాల్‌లో సోమవారం జరిగిన ఆంధ్ర విశ్వకళా పరిషత్ 80, 81వ స్నాతకోత్సవాల్లో ఆయన ముఖ్య అతిథిగా పాల్గొన్నారు. ‘సాంకేతికత సహకారంతో మన ప్రపంచాన్ని మెరుగుపరచడం’ అనే అంశంపై ఆయన స్నాతకోత్సవ ప్రసంగం చేశారు.
  
 సజ్జనత్వం, న్యాయపరివర్తన, గౌరవం, సద్భావం, పారదర్శకత పాటిస్తూ న్యాయబద్ధంగా జీవనం సాగించాలని విద్యార్థులకు మోహన్‌రెడ్డి సూచించారు. అభ్యసనమే గమ్యం కాకూడదని, అది ఒక ప్రయాణంగా సాగాలన్నారు. సాంకేతికంగా సుసంపన్నం కావడం ద్వారా ప్రపంచాన్ని మరింత మెరుగుపరచడం సాధ్యపడుతుందన్నారు. సాంకేతికత సహకారంతో 2015 నాటికి ఇంటర్నెట్ సౌలభ్యం ఉన్న మొబైల్ ఫోన్లు దేశంలోని మూడో వంతు ప్రజలకు చేరువవుతాయన్నారు.
 
 విద్య ప్రపంచాన్ని మార్చగల ఆయుధంగా పనిచేస్తుందని నెల్సన్ మండేలా చెప్పిన మాటలను పూర్తిగా విశ్వసిస్తానన్నారు. ఉప కులపతి జి.ఎస్.ఎన్.రాజు మాట్లాడుతూ పరిశోధన రంగంలో ఏయూ ముందంజలో ఉందన్నారు. డీఎస్‌టీ నుంచి రూ.16 కోట్లు, నేవల్ రీసెర్చ్ బోర్డు నుంచి రూ.10 కోట్లు, ఇండియన్ నేషనల్ సెంటర్ ఫర్ ఓషన్ ఇన్ఫర్మేషన్ సర్వీస్ ద్వారా రూ.70 లక్షలు, ఇంజనీరింగ్ కళాశాలకు టెక్విప్ నిధులుగా రూ.17.5 కోట్లు మంజూరయ్యాయన్నారు. ఓఎన్‌జీసీ ద్వారా డెల్టా స్టడీస్ కేంద్రానికి రూ.కోటి, స్టీల్‌ప్లాంట్ సహకారంతో స్టీల్ చైర్ ఏర్పాటు కావడం జరుగుతోందన్నారు.
 
 ఎన్‌ఎంఆర్ పరిశోధన కేంద్రాన్ని రెండు కోట్లతో అభివృద్ధి చేస్తున్నామన్నారు. వర్సిటీకి రూ.20 కోట్ల మేర లోటు ఏర్పడడానికి కారణాలను, వర్శిటీ సాధించిన ప్రగతిని వివరించారు. వర్సిటీ రెక్టార్ ఆచార్య ఇ.ఎ.నారాయణ, రిజిస్ట్రార్ ఆచార్య కె.రామ్మోహనరావు, ప్రిన్సిపాల్స్ సిహెచ్.వి.రామచంద్రమూర్తి, సిహెచ్.రత్నం, జి.జ్ఞానమణి, బి.గంగారాం, డి.ప్రభాకరరావు, ఎ.సుబ్రహ్మణ్యం, మాజీ వీసీలు పద్మశ్రీ కోనేరు రామకృష్ణారావు, కె.వి రమణ, అకడమిక్ సెనేట్ సభ్యులు, ఫ్యాకల్టీ చైర్మన్‌లు, వర్సిటీ డీన్‌లు, అధికారులు, ఆచార్యులు, పరిశోధకులు, ఆచార్యులు పెద్దసంఖ్యలో పట్టభద్రులు పాల్గొన్నారు.
  
 మధ్యాహ్నం 2.30 గంటలకు పట్టభద్రులంతా తమ సీట్లలో ఆసీనులు కావాలని తెలియజేసినా పూర్తిస్థాయిలో హాలు నిండలేదు. అయితే ముఖ్య అతిథి నిర్ణీత సమయం కంటే ముందుగానే స్నాతకోత్సవ మందిరానికి చేరుకున్నారు.
      
  పరిమితికి మించి ఆహ్వాన పత్రాలు పంపిణీ చేయడంతో ఒకింత ఇబ్బంది ఎదురయింది.
      
  పట్టాలు తీసుకున్నవారు తమ కుటుంబ సభ్యులతో ఆనందం పంచుకుంటూ ఫొటోలు దిగారు.
      
  ముఖ్యఅతిథి ప్రసంగించే సమయానికి మందిరంలో అంతంతమాత్రంగానే పట్టభద్రులు ఉన్నారు. దీంతో స్నాతకోత్సవ మందిరం చిన్నబోయింది.
      
  చోడవరానికి చెందిన అంధ విద్యార్థి సురేంద్రవర్మ బీఏలో బంగారు పతకాన్ని, మరో వికలాంగుడు డాక్టరేట్‌ను అందుకున్నారు.
  
  వైద్యులకు నైతిక విలువలు బోధించాలి
  ‘ఎయిడ్స్ చికిత్సా విధానంలో ఎదురవుతున్న నైతిక సవాళ్లు’ అనే అంశంపై ఏయూ తత్వశాస్త్ర విభాగం నుంచి పరిశోధన జరిపాను. ఈ వ్యాధిగ్రస్తులూ మనవంటి మనుషులేనన్న భావన కలిగించాలి. మానవతా విలువలకు ప్రాధాన్యమిస్తూ, ఆర్ద్రతతో రోగులకు సేవలు అందించాలి. రోగికి వైద్యం చేసేముందు అతని అనుమతి సైతం తీసుకోవాలి, చికిత్స విధానాలు తెలపాలి. వీరికి సైతం ప్రభుత్వ పథకాలు అమలు చేయాలి. కిడ్నీ, గుండె సంబంధ రోగులతో సమానంగా చూడాలి. వివక్షకు తావు లేకుండా సాంత్వన చేకూర్చాలి. మన వైద్యశాస్త్రంలో నైతిక విలువల బోధన అనే అంశం లేదు. దీనిని పాఠ్యాంశంగా చేర్చాల్సిన అవసరం ఉంది.
  - పద్మశ్రీ డాక్టర్ కూటికుప్పల సూర్యారావు
  
  మహిళలకు మరింత సాధికారత
  మున్సిపల్ కార్పొరేషన్లలో మహిళా ప్రతినిధులపై నా అధ్యయనం సాగింది. మహిళా సాధికారత పూర్తిస్థాయిలో సిద్ధించాలంటే వారికి రాజకీయంగా మరింత అవకాశం కల్పించాలి. రొటేషన్ విధానం కారణంగా కొంతమంది రెండోసారి పోటీ చేయలేకపోతున్నారు. వారు చట్టాలపై అవగాహన కలిగి ఉండాల్సిన అవసరం గుర్తించాను. కొత్తగా ఎన్నికైన వారికి ప్రత్యేకంగా చట్టాల తీరు, వినియోగించే విధానాలను వివరించాలి. కొంతమంది మహిళా ప్రతినిధులు తమకు పదవి ఉన్నప్పటికీ కేవలం నామమాత్రంగా ఉంటున్నారు. వారి కుటుంబంలోని పురుషుల ఆధిపత్యాన్ని వీరు అంగీకరిస్తున్నట్టు గుర్తించాను.
  - రాజాన రమణి, మాజీ మేయర్
  


 దుకాణంలో సరుకులు కొన్నాక ఇంటికి తీసుకెళ్లి..ఓ వారం గడిచాక కందిపప్పు బాగోలేదు. చింతపండులో రాళ్లున్నాయంటూ వెనక్కు తీసుకువెళ్తే దుకాణం యజమాని డబ్బు వాపస్ ఇస్తాడా... ఇవ్వడు గాక ఇవ్వడు. కొనే సమయంలోనే సరుకు నాణ్యత చూసుకోవాలంటాడు...కానీ మన అధికారులు మాత్రం రైతుల నుంచి మక్కలు కొనుగోలు చేసిన  పక్షం రోజుల తర్వాత సరుకు నాణ్యత లోపించిందంటూ చెల్లింపులను నిలిపివేశారు.
 
  ఇదెక్కడి అన్యాయమంటారా..రైతులూ అదే అంటున్నారు. బాబ్బాబు మా సొమ్ములిప్పించండంటూ అధికారుల చుట్టూ తిరుగుతున్నారు. అయినా వారికి పైసలు మాత్రం అందడం లేదు. రైతుల నుంచి ధాన్యం కొన్న 72 గంటల్లో పైసలిస్తామన్న కలెక్టరమ్మ మాత్రం ఆ ఊసే మరిచిపోయింది. దీంతో జిల్లాలో వందల మంది రైతులు పంటలమ్మినా డబ్బులు రాక తీవ్ర ఇబ్బందులు పడుతున్నారు.
  
  గజ్వేల్, న్యూస్‌లైన్: జిల్లాలో మక్కల కొనుగోళ్లకు సంబంధించి ప్రభుత్వం ఆద్యంతం తన వైఫల్యాన్ని చాటుకుంది. దిగుబడులు రాకముందే ఈ 7న  కొనుగోలు కేంద్రాలను మూసేసి షాక్‌చ్చిన అధికారులు, అడపాదడపా చేపట్టిన కొనుగోళ్ల సంబంధించిన పైసలివ్వకుండా రైతులను ముప్పుతిప్పలు పెడుతున్నారు. గోదాముల కొరతను సా కుగా చూపుతూ కొనుగోలు చేసిన వేలాది క్వింటాళ్ల మక్కలను తరలించడంలో నిర్లక్ష్యాన్ని ప్రదర్శిస్తున్నారు.
 
  ఈ నిల్వలు మా ర్కెట్ యార్డుల నుంచి తరలిస్తేనే రైతులకు చెక్కులు వచ్చే అవకాశం ఉండడంతో వారంతా తీవ్ర ఇబ్బందులు పడుతున్నా రు. ఇంతకంటే దారుణమైన విషయమేమిటంటే మక్కలు కొనుగోలు చేసిన పక్షం రో జుల తర్వాత ‘నాణ్యత’ లేదంటూ వాపస్ పంపుతున్నారు.  దీంతో రైతులు తీవ్ర ఆందోళన చెందుతున్నారు. శనివారం ఇదే ఘటనపై గజ్వేల్ మార్కెట్ యార్డులో రైతులకు, ఐకేపీ కొనుగోలు కేంద్రం నిర్వాహకులకు మధ్య తీవ్ర వాగ్వాదం జరిగింది.
 
  కేంద్రాలు తెరచి..కొనుగోళ్లు నిలిపి
  ఖరీఫ్ సీజన్‌లో జిల్లాలో 1.25 లక్షల హెక్టార్లలో మొక్కజొన్న సాగైంది. పంటలు కూడా బాగా ఉండడంతో రైతులు దిగుబడిపై ఆశలు పెట్టుకున్నారు.  కానీ నవంబర్  మూడోవారంలో తుఫాన్ రావడం, ఎడతెరిపి లేకుండా వారం రోజుల పాటు వ ర్షాలు కురవడంతో మక్క పంటకు అపార నష్టం వాటిల్లింది. నష్టాన్ని మినహాయిస్తే జిల్లావ్యాప్తంగా సుమారు 60 లక్షల క్వింటాళ్లకుపైగా మొక్కజొన్న పండింది. ఈ క్రమంలోనే ప్రభుత్వం అక్టోబర్ నెలలో జిల్లాలో 14 ఐకేపీ కేంద్రాలను తెరిచింది.
 
 ఈ కేంద్రాల్లో ప్రభుత్వం ప్రకటించిన మద్దతు ధర క్వింటాలుకు రూ.1,310 చెల్లించి ఉత్పత్తులను కొనుగోలు చేశారు. ప్రైవేట్ వ్యాపారులు క్వింటాలుకు రూ.900 నుంచి 1,000 మించి ధర చెల్లించడంలేదు.  ఇలాంటి పరిస్థితుల్లో రైతులు తమ ఉత్పత్తులను ఐకేపీ కేంద్రాలకే తరలించాలని తాపత్రయపడినా... కొనుగోళ్లలో నెలకొన్న  ఇబ్బందుల వల్ల జిల్లావ్యాప్తంగా ఉన్న ఐకేపీ కేంద్రాల ద్వారా సుమారు 5 లక్షల క్వింటాళ్లు మాత్రమే కొనుగోళ్లు జరిగా యి. ఇప్పటికీ మార్కెట్ యార్డులకు ఇబ్బడిముబ్బడిగా మక్కలు తరలివస్తున్నాయి. అయినా కొనేవారు లేరు.
 
  దీంతో రైతులు దళారులను ఆశ్రయిస్తూ నిలువు దోపిడీకి గురవుతున్నారు. నిజానికి రైతులు పండించినపంటలో ఐకేపీ కేంద్రాలు కొనుగోలు చేసింది 10 శాతం కూడా మించలేదంటే అతిశయోక్తి కాదు. ఈ కొనుగోలు కేంద్రాలను కూడా అధికారుల తొలుత డిసెంబర్ 15న మూసేయాలని, రెండోసారి 31న మూసేయాలని నిర్ణయించారు. ఈ వ్యవహారంపై ‘సాక్షి’ డిసెంబర్ 20న ‘మక్క రైతుకు మరో షాక్’ శీర్షికన ప్రత్యేక కథనాన్ని ప్రచురించిన సంగతి తెల్సిందే. దీనిపై స్పందించిన జిల్లా కలెక్టర్ స్మితా సబర్వాల్ కేంద్రాలను జనవరి 7 వరకు కొనసాగేలా ఆదేశాలిచ్చారు. అయినా రైతుల ఇబ్బందులు తీరలేదు.
 
  రూ. 24 కోట్లకుపైగా చెల్లింపులు పెండింగ్
  జిల్లాలో ఐకేపీ కేంద్రాల ద్వారా సుమారు 5 లక్షల క్వింటాళ్లకుపైగా మక్కలను కొనుగోలు చేయగా, ఇందుకు సంబంధించి రూ.68 కోట్ల చెల్లింపులు జరపాల్సి ఉన్నది. కానీ ఇప్పటివరకు రూ.44 కోట్ల చెల్లింపులు మాత్రమే జరిపారు. ఈ విషయాన్ని ఐకేపీ ఏపీఎం(మార్కెటింగ్) శ్రీదేవీ ‘న్యూస్‌లైన్’కు వెల్లడించారు. జిల్లాలో ఆయా ఐకేపీ కొనుగోలు కేంద్రాల్లో కొనుగోలు చేసిన వేలాది క్వింటాళ్ల సరుకు గోదాముల కొరత కారణంగా కొనుగోలు కేం ద్రాల్లో పేరుకుపోయింది.
 
  తరలింపులో చోటుచేసుకుంటున్న జాప్యం వల్ల చెక్కుల పంపిణీకి అవరోధమేర్పడుతోంది. నిజానికి ఐకేపీ కేంద్రాల నుంచి మక్కలు మార్క్‌ఫెడ్ ఆధ్వర్యంలోని గోదాములకు వెళ్లి అక్నాలెడ్జిమెంట్ ముట్టిన తర్వాత ఐకేపీ అధికారులు చెక్కులు తయారు చేసి పంపుతున్నారు. కానీ మక్కలు కొనుగోలు కేంద్రాలనే దాటకపోవడంతో,  చెక్కులు పంపిణీలో జాప్యానికి కారణమవుతోందని ఐకేపీ అధికారులు చెబుతున్నారు.
 
  గజ్వేల్‌లో ఐకేపీ కేంద్ర నిర్వాహకుల నిలదీత
  చెక్కుల పంపిణీలో చోటుచేసుకుంటున్న జాప్యంపై శనివారం రైతులు ఐకేపీ కేంద్ర నిర్వాహకురాలు కల్పనతో వాగ్వాదానికి దిగారు. అయితే కొన్ని రోజుల క్రితం ఇక్కడ రైతుల వద్ద నుంచి కొనుగోలు చేసి పంపిన ఉత్పత్తులు నాణ్యత లేవని సుమారు 5 లోడ్లకుపైగా వాపస్ వచ్చాయని, దానివల్ల కూడా చెక్కుల పంపిణీలో జాప్యం జరుగుతున్నదని ఆమె రైతులతో చెప్పే ప్రయత్నం చేశారు.
 
 అంతేకాకుండా కేంద్రంలో సుమారు 15 వేల క్వింటాళ్లకుపైగా మక్కల తరలింపులో జాప్యం నెలకొనడం మరో కారణమని వివరించే ప్రయత్నించారు. దీంతో ఆగ్రహించిన రైతులు ఎన్నో రోజుల కిందట ఇక్కడి నుంచి పంపిన మక్కల నాణ్యతను ఇప్పడు పరిశీలిస్తారా? అంటూ ప్రశ్నించారు. నాణ్యతను కొనుగోలు చేసే సమయంలోనే  చూసుకోకుండా ఇప్పుడు నాణ్యత పేరుతో ఇబ్బందిపెడితే సహించబోమన్నారు. తరలింపుతో తమకేం సంబంధం లేదన్నారు. వెంటనే డబ్బు చెల్లించాలంటూ పట్టుబట్టారు. రైతుల ఆందోళనతో దిగి వచ్చిన అధికారులు సాయంత్రానికి కొంతమందికి రైతులకు చెక్కులను పంపిణీ చేశారు.


 సంగారెడ్డి మున్సిపాలిటీ, న్యూస్‌లైన్: దొంగలు పడ్డ ఆరు నెలలకు కుక్కలు మొరిగిన  చందంగా ఉంది ప్రభుత్వ అధికారుల తీరు. సంగారెడ్డి మున్సిపల్ భవన నిర్మాణంలో నాణ్యత లోపించిందని ఆరోపణలు వచ్చిన ఏడాది తరువాత అధికారులు స్పందించారు. అధికారుల నిర్లక్ష్యానికి ఇదో మచ్చుతునకగా చెప్పవచ్చు. ‘బీటలు వారిన మున్సిపల్ భవనం’ అనే శీర్షికతో గత ఏడాది సాక్షి దినపత్రికలో ఓ కథనం ప్రచురితమైంది.
 ఏడాది తరువాత స్పందించిన విజిలెన్స్ అధికారులు మంగళవారం సంగారెడ్డికి వచ్చి మున్సిపల్ కార్యాలయ భవన నాణ్యతను పరిశీలించారు. భవ నంలోని వివిధ భాగాల్లోని స్లాబులో నుంచి నమూనాలను సేకరించారు.
 ఈ సందర్భంగా విజిలెన్స్ ఎన్‌ఫోర్స్‌మెంట్ డీఎస్పీ రామచంద్రారెడ్డి మాట్లాడుతూ ఉన్నతాధికారుల ఆదేశాల మేరకు తాము భవన నిర్మాణ నాణ్యతను పరిశీలించేందుకు వచ్చినట్టు తెలిపారు. టెండర్ కాలంలో చూపిన మాదిరిగా స్లాబు వేశారా? లేదా, ఎంబీ రికార్డులో తక్కువ మోతాదులో స్లాబు వేసి ఎక్కువ రికార్డు చేశారని ఫిర్యాదులు వచ్చాయని, వాస్తవాన్ని తెలుసుకునేందుకే తనిఖీలు  చేశామన్నారు. తాము సేకరించిన నమూనాలను క్వాలిటీ కంట్రోల్ బోర్డుకు పంపిస్తామన్నారు. ఇసుక, కంకర, సిమెంట్ తగిన మోతాదులో వాడలేదని తేలితే చర్యలు తీసుకుంటామని తెలిపారు.
 
 భవన నిర్మాణంలో పది శాతం నాణ్యత లోపిస్తే కాంట్రాక్టర్ నుంచి, 15 శాతం నాణ్యత లోపిస్తే అసిస్టెంట్ ఇంజనీర్ నుంచి, 20 శాతం నాణ్యత లోపిస్తే డిప్యూటీ ఈఈ నుంచి రికవరీ చేస్తామన్నారు. కాగా ఈ భవన నిర్మాణానికి 2005లో రాజీవ్ నగర బాటలో భాగంగా నాటి ముఖ్యమంత్రి వైఎస్ రాజశేఖరరెడ్డి శంకుస్థాపన చేశారు. 2010 సెప్టెంబర్ 30న అప్పటి మున్సిపల్ చైర్‌పర్సన్ బొంగుల విజయలక్ష్మి భవన నిర్మాణం పూర్తి కాకుండానే ప్రారంభించారు. అప్పటికే భవనం ఇరు వైపులా బీటలు వారింది. ఈ విషయాన్ని ‘సాక్షి’లో పతాక శీర్షికన ప్రచురించినప్పటికీ అధికారులు ఏడాది తరువాత విచారణకు రావడంపై స్థానికులు వారిపై విస్మయం వ్యక్తం చేస్తున్నారు.


 ఇంట్లోకి అడుగుపెట్టాలంటే తలుపు తెరవాలి. ముందు మన కంట్లో పడేది తలుపులే కాబట్టి వాటి ఎంపిక విషయంలో చాలా జాగ్రత్తగా ఉండాలి. నాణ్యతతో పాటు డిజైన్లు కూడా ప్రత్యేకంగా ఉండాలని కోరుకునే వారి సంఖ్య బాగా పెరుగుతోంది. ముఖ్యంగా మెయిన్‌డోర్ విషయంలో అస్సలు కాంప్రమైజ్ అవ్వడం లేదు.
 
 తలుపు ఎంత అందంగా ఉంటే మన తలపులు అంత స్పెషల్‌గా ఉంటాయను కుంటున్నారో ఏమో...వాటిపై ప్రత్యేక శ్రద్ధపెట్టి మరీ డిజైన్ చేయించుకుంటున్నారు. ఇక్కడ కనిపిస్తున్న తలుపుల్ని చూశారు కదా, ఎంత అందంగా ఉన్నాయో! అందమొక్కటే ఇక్కడ విషయం కాదు..వెరైటీని కూడా కోరు కుంటున్నారు. గుర్రం మొదలు ఏనుగు వరకూ అన్ని జంతువుల్ని తలుపులెక్కించేస్తున్నారు.
 
 ఒక్క జంతువులనే కాదు గడియారం మోడల్, మెట్లు...ఆకారంలో కూడా తలుపుల్ని తయారుచేయించుకుంటున్నారు. రకరకాల రంగుల్లో వచ్చే గ్లాస్‌డోర్స్ గురించి ప్రత్యేకంగా చెప్పనక్కర్లేదు కాని వుడ్‌తో చేయించుకునే తలుపుల్లో వచ్చే వెరైటీలే ఎక్కువ ఆకర్షణగా ఉంటాయి. మీ కొత్తింటి కోసం తయారు చేయించుకునే తలుపులు ఇలా ఉండేలా ప్లాన్ చేసుకోండి.
  


 సాక్షి ప్రతినిధి, బెంగళూరు : భారతీయ సినిమాలో దక్షిణ భారత దేశం వాటా 70 శాతానికి పైగానే ఉన్నందున ఈ రంగంలో నిపుణులను తయారు చేయాల్సిన అవసరం ఉందని ప్రముఖ నటుడు కమలహాసన్ అన్నారు. ఇక్కడి ఓ హోటల్‌లో మంగళవారం ప్రారంభమైన రెండు రోజుల ‘మాధ్యమ, వినోద వాణిజ్య సమ్మేళనంలో’ ఆయన ప్రసంగించారు. నైపుణ్యంతో పాటు డిజిటలైజేషన్‌లో ప్రత్యేక శిక్షణను ఇవ్వడం ద్వారా నిపుణులను తయారు చేయాల్సిన ఆగత్యం ఉందన్నారు. డిజిటలైజేషన్, తదితర విభాగాల్లో ఇప్పటికే సాధించిన ప్రగతిని ప్రశంసిస్తూనే, మరింత పురోగతి సాధించాల్సి ఉందని చెప్పారు. ఇప్పటికే ఉత్తమ నాణ్యతా ప్రమాణాలతో కూడిన కార్యక్రమాలను ఏర్పాటు చేస్తున్నప్పటికీ, అవింకా ఎక్కువ కావాల్సి ఉందన్నారు.
  
   మానవ వనరులతో 
  ఉపాధి అవకాశాలు కూడా పుష్కలంగా ఉన్నందున ఈ రంగం అభివృద్ధికి ఊతంగా పలు కార్యక్రమాలను చేపట్టాల్సి ఉందన్నారు. ఇందులో భాగంగా ఐఐటీ, మేనేజ్‌మెంట్ కోర్సుల్లో మాధ్యమం, వినోదం అంశాలను కూడా చేర్చాలని సూచించారు. టీవీ తొలి స్థానంలో ఉండగా, ప్రింట్ మీడియా రెండు, సినిమా మూడు స్థానాల్లో ఉన్నాయని ఆయన  వివరించారు. నటుడు, గృహ నిర్మాణ శాఖ మంత్రి అంబరీశ్ మాట్లాడుతూ విదేశీయులను తొలుత ముంబై, ఢిల్లీ నగరాలు ఆకర్షించేవని, ఐటీ విప్లవం తర్వాత ఇప్పుడు బెంగళూరు కూడా ప్రధాన నగరంగా మారిందని అన్నారు. ఇక్కడ సినిమా రంగంలో అత్యుత్తమ స్టూడియో, ఇతర సదుపాయాలను ఏర్పాటు చేయాల్సిన అవసరం ఉందని ఆయన తెలిపారు.
  


  
  నిధులు ఢమాల్
  =ఏటా ఖర్చు రూ.కోట్లు
  =నాణ్యతకు తూట్లు
  =ఒక్క వానకే రోడ్లన్నీ ఛిద్రం  
  =నరకప్రాయంగా మారిన ప్రయాణం
  =సీజన్ తప్పుతున్న పనులు..  జనానికి అగచాట్లు
  
  ఒకటీ రెండూ కాదు.. ఏటా రూ.200 కోట్లు ‘కొట్టుకు’పోతున్నాయి.. ఐదేళ్లలో రూ.వెయ్యి కోట్లు వెచ్చించినా రోడ్ల పరిస్థితి ‘తారు’మారవుతోంది.. జీహెచ్‌ఎంసీ బడ్జెట్‌లో దాదాపు 30 శాతం నిధులు రోడ్లకే కేటాయింపు.
  
 సాక్షి, సిటీబ్యూరో: ఇంతచేసినా.. ఒక్క వానకే రోడ్లన్నీ గుంతలు.. గోతులు.. రెండు చినుకులు పడితే చెరువులు.. కాస్త తెరిపినివ్వగానే కళ్లలో దుమ్ముధూళి.. నగరంలో ఏ మూలన చూసినా పట్టుమని కిలోమీటరు మేర కూడా ఒక్క రహదారీ సవ్యంగా ఉన్న దాఖలాల్లేవు. ఇటీవల వర్షాలకు పరిస్థితి మరీ ఘోరంగా తయారైంది. ఎక్కడికక్కడ కంకరతేలి.. లోతైన గుంతలు.. వాహనచోదకులకు పరీక్షలు పెడుతున్నాయి. కొన్నిచోట్ల కోసుకుపోయి ప్రమాదకరంగా మారాయి. నగరవాసి అధ్వాన రోడ్లపై పడుతూ లేస్తూ ప్రయాణిస్తున్న దృశ్యాలు నిత్యకృత్యమయ్యాయి. పైపై పూతలు, నాణ్యతలేని మరమ్మతులతో రహదారులు ఛిద్రమై వాహనచోదకుల ప్రాణాల మీదికి తెస్తున్నాయి. రోడ్డెక్కాలంటే హడలిపోయే పరిస్థితి దాపురించింది.
  
 నాణ్యత గాలికి..
 
 ఏదైనా పనికి రూ.వంద ఖర్చు చేస్తే అందులో నాణ్యత ఉండేలా కనీస జాగ్రత్తలు తీసుకుంటాం. అలాంటిది లక్షలు, కోట్లు వెచ్చించేప్పుడు ఇంకెంత జాగ్రత్త తీసుకోవాలి? ఘనత వహించిన జీహెచ్‌ఎంసీ మాత్రం ఏటా రూ. కోట్లు రోడ్ల నిమిత్తం వెచ్చిస్తున్నా నాణ్యతను గాలికొదిలేస్తోంది. దీంతో నెలలు తిరిగే సరికి రోడ్లన్నిటికీ తూట్లు పడుతున్నాయి. రోడ్డు పనులు వర్షాకాలానికి ముందే చేపట్టాలి. అయితే ఏనాడూ గ్రేటర్ హైదరాబాద్ మునిసిపల్ కార్పొరేషన్ (జీహెచ్‌ఎంసీ) యంత్రాంగం నిర్ణీత వ్యవధిలో పనులు చేసిన పాపాన పోవట్లేదు.
 
 వర్షాలు ముంచుకొచ్చే తరుణంలో కోట్లు కుమ్మరించడం.. మూణ్నాళ్లకే కొట్టుకుపోతున్న నాణ్యత గురించి ప్రశ్నిస్తే వర్షానికి బీటీ నిలవదని చల్లగా చెప్పడం యంత్రాంగానికి తంతుగా మారింది. ఏటా దాదాపు రూ. 200 కోట్లకు తగ్గకుండా రోడ్ల కోసం వెచ్చిస్తున్నారు. ఇలా ఐదేళ్లుగా వెయ్యి కోట్లు రోడ్లపాల్జేసినా.. ప్రజలకు అవస్థలు తప్పడం లేదు. గత వారం కురిసిన వర్షాలకు రోడ్లన్నీ కొట్టుకుపోయాయి. సోమవారం ‘సాక్షి’ విజిట్‌లో ఎక్కడ చూసినా రోడ్లన్నీ నరకానికి నకలుగా కనిపించాయి.
  
 ఎంత వెచ్చించినా మారని స్థితిగతులు
 
 ఈ ఏడాది ఇప్పటి వరకు రోడ్లపై రూ. 100 కోట్లకు పైగా ఖర్చు చేశారు. జీహెచ్‌ఎంసీ బడ్జెట్ నిధులతో పాటు రంజాన్, బోనాలు వంటి పండుగల పేరిట, కార్పొరేటర్ల బడ్జెట్ నుంచీ వీటిని వెచ్చించారు. అయినా రహదారుల స్థితిగతులేం మారలేదు. ఈ ఆర్థిక సంవత్సరంలో కనీసం మరో వంద కోట్లయినా ఖర్చు చేస్తారు. ఏటా జరిగే తంతే ఇది. ఇవికాక జీవవైవిధ్య సదస్సు నిమిత్తం గతేడాది రూ.60 కోట్లతో పైపై పూతలు పూశారు. ప్రస్తుతం ఇవన్నీ దారుణంగా దెబ్బతిన్నాయి.
  
  కార్పొరేటర్ల ఫండ్
  గతేడాది సెప్టెంబర్ నుంచి ఈ సెప్టెంబర్ వరకు కార్పొరేటర్ల బడ్జెట్ నుంచి రోడ్లకు మంజూరైన నిధులు రూ. 41.83 కోట్లు
  ఖర్చయిన నిధులు: రూ. 26.39 కోట్లు
  గ్రేటర్‌లోని మొత్తంరోడ్లు: 6411
  బీటీ రోడ్లు: 2280 (ఆర్‌అండ్‌బీ పరిధిలోనివి: 189.48)
  సీసీ రోడ్లు: 2080, కచ్చారోడ్లు: 1660
  నేషనల్ హైవే పరిధి: 98.70
  


 నిజామాబాద్ బిజినెస్, న్యూస్‌లైన్ : విద్యార్థులకు నాణ్యమైన విద్య అందేలా చూసి, మంచి ఫలితాలు రాబట్టాలని భారీ నీటి పారుదల శాఖ మంత్రి సుదర్శన్‌రెడ్డి పేర్కొన్నారు. ఎప్పటికప్పుడు పాఠశాలలను తనిఖీ చేస్తూ విద్యాప్రమాణాలు పెంచాలని డీఈఓ శ్రీనివాసాచారికి సూచించారు. మంగళవారం జిల్లా కేంద్రంలోని ఆర్‌అండ్‌బీ అతిథి గృహంలో భారత్ సేవాశ్రమం, ఎస్‌బీహెచ్‌ల సహకారంతో ఖిల్లాలోని బీసీ వెల్ఫేర్ హాస్టల్ విద్యార్థులకు నోట్ పుస్తకాలు పంపిణీ చేశారు. కార్యక్రమంలో మం త్రి ముఖ్య అతిథిగా పాల్గొన్నారు. ఈ సందర్భంగా ఆయన మాట్లాడుతూ ఎస్సెస్సీ ఫలితాల్లో గతంలో మన జిల్లా రాష్ట్రంలో ప్రథమ స్థానంలో ఉండేదన్నా రు. మూడేళ్లుగా జిల్లా స్థానం పడిపోతోందని ఆవేదన వ్యక్తం చేశారు. 
  
  ఇది తనకు, విద్యాశాఖ అధికారులకు సిగ్గు చేటన్నా రు. ఎప్పటికప్పుడు తనిఖీలు చేసి, నెల తర్వాత నివేదిక అందించాలని డీఈఓను ఆదేశించారు. ప్రభుత్వ ఉపాధ్యాయులు తమ విధులను బాధ్యతాయుతంగా నిర్వర్తించాల్సి న అవసరం ఉందన్నారు. ప్రైవేట్ విద్యాసంస్థల్లోనూ అర్హులైన ఉపాధ్యాయులు ఉండేలా చర్యలు తీసుకోవాలని విద్యాశాఖ అధికారులకు సూచించారు. జిల్లాలో ప్రాథమిక పాఠశాలల విద్యార్థులకు 30 వేల నోట్ పుస్తకాలు పంపిణీ చే సేం దుకు ముందుకు వచ్చిన ఎస్‌బీహెచ్, భారత సేవాశ్రమం వారిని ఆయన అభినందించారు. 
  
  కార్యక్రమంలో ఎస్‌బీహెచ్ డిప్యూటీ జనరల్ మేనేజర్ శివకుమార్, లీడ్ బ్యాంక్ మేనేజర్ రామకృష్ణారావు, భారత సేవాశ్రమ కార్యదర్శి మునీశ్వరానంద స్వామీజీ, డీసీసీ అధ్యక్షుడు తాహెర్ బిన్ హందాన్, జేవీవీ రాష్ట్ర గౌరవ అధ్యక్షుడు రామ్మోహన్‌రావు, నాయకులు అంతరెడ్డి రాజరెడ్డి, రాంరెడ్డి, పురణ్‌రెడ్డి, నర్సింహులు తదితరులు పాల్గొన్నారు.
  


  సాక్షి, నిజామాబాద్: విద్యుత్ శాఖలో అక్రమాల డొంక కదులుతోంది. కోట్ల రూపాయల వ్యయంతో చేపట్టిన ఈ పనుల్లో భారీగా అవకతవకలు చోటు చేసుకున్నట్లు ఉన్నతాధికారుల విచారణలో వెల్లడైంది. విశ్వసనీయ సమాచారం మేరకు.. అధికారులు., కాంట్రాక్టర్లు కలిసి ఈ పనుల్లో నాణ్యతను గాలికొదిలేశారు. నిజామాబాద్ నగరంతో పాటు, కామారెడ్డి, బోధన్ పట్టణాల్లో పలుచోట్ల ఏర్పాటు చేసిన ట్రాన్స్‌ఫార్మర్లకు ఎర్తింగ్ పనులను ఇష్టారాజ్యంగా చేసినట్లు  విచారణాధికారులు నిర్ధారణకు వచ్చారు. ట్రాన్స్‌ఫార్మర్ల చుట్టూ ఫెన్సింగ్ ఏర్పాటు చేయాల్సి ఉండగా, పలుచోట్ల వీటిని ఏర్పాటు చేయకుండానే బిల్లులు డ్రా చేసినట్లు తేలింది. కొత్త విద్యుత్ లైన్లు చాలా కాలం మన్నాలంటే నైపుణ్యం (స్కిల్డ్ లేబర్) కలిగిన కార్మికులతో పనులు చేయించాలనేది నిబంధన. అయితే కాంట్రాక్టర్లు ఈ నిబంధనను గాలికొదిలేసి అన్ స్కిల్డ్ లేబర్‌తో పని కానిచ్చేసినట్లు అధికారుల దృష్టికి వచ్చింది. ఈ పనులను ఎప్పటికప్పుడు పర్యవేక్షించాల్సిన ఇంజనీరింగ్ అధికారులు కూడా కాంట్రాక్టర్లకే వత్తాసు పలికినట్లు తెలిసింది. ట్రాన్స్‌ఫార్మర్లకు బిగించిన ఏబీ స్విచ్‌లు కూడా నాణ్యత లేనివి వినియోగించడంతో తరచూ విద్యుత్ సరఫరాకు అంతరా యం ఏర్పడుతున్నట్లు తెలిసింది.  పనుల్లో నాణ్యత లోపించడంతో తరచూ విద్యుత్ సరఫరాకు అంతరాయం కలుగుతోందని ఏఈలు సైతం ఉన్నతాధికారుల దృష్టికి తీసుకెళ్లారు.
  
  నివేదిక సమర్పించిన విచారణాధికారులు
  పట్టణ ప్రాంత వినియోగదారులకు నాణ్యమైన విద్యుత్‌ను సరఫరా చేయాలనే లక్ష్యంతో జిల్లాలో తొమ్మిది కోట్ల రూపాయలతో పలు అభివృద్ధి పనులు చేపట్టారు. కొత్తగా విద్యుత్ లైన్ల నిర్మాణం, లైన్ల పొడువును పెంచడం, లోఓల్టేజీ సమస్యను అరికట్టేందుకు కొత్త ట్రాన్స్‌ఫార్మార్ల ఏర్పాటు, సబ్‌స్టేషన్ల నిర్మాణం తదితర పనులు చేస్తున్నారు. ఈ పనుల్లో పెద్ద ఎత్తున అక్రమాలు చోటు చేసుకున్నాయని ఫిర్యాదులు రావడంతో ఎన్‌పీడీసీఎల్ సీఎండీ కార్తికేయ మిశ్ర విచారణకు అదేశించిన విష యం విధితమే. విచారణాధికారిగా డిస్కం సీజీఎం సంధ్యారాణిని నియమించారు. ఆమె వారం రోజుల క్రితం జిల్లాకు వచ్చి విచారణ జరిపారు. పనులు జరిగిన చోట్లకు వెళ్లి పరిశీలించారు. పనుల్లో జరిగిన అక్రమాలన్నీ ఆమె దృష్టికి వచ్చినట్లు తెలుస్తోంది. ఈ మేరకు సంధ్యారాణి ఇటీవల విచారణ నివేదికను కార్తికేయమిశ్రకు సమర్పించినట్లు సమాచారం.
  
  అధికారులపై వేటు.?
  విచారణాధికారి ఇచ్చిన ఫిర్యాదు మేరకు ఈ అక్రమాలకు బాధ్యులైన వారిపై చర్యలుండే అవకాశాలున్నాయని విద్యుత్ శాఖ వర్గాలు భావిస్తున్నాయి. ఒకరిద్దరు ఇంజనీరింగ్ ఉన్నతాధికారులపై కూడా వేటు పడే అవకాశాలు లేకపోలేదనే అభిప్రాయం వ్యక్తం చేస్తున్నారు. కాగా పనుల్లో నాణ్యతా ప్రమాణాలు పాటించామని ట్రాన్స్‌కో అధికారులు బయటకు చెబుతున్నారు. గ్యారంటీ పీరియడ్‌లో లోపాలు తలెత్తిన పక్షంలో సంబంధిత కాంట్రాక్టర్లతో సరిచేయిస్తామని అంటున్నారు.