వరంగల్‌: భూపాలపల్లి–కాటారం జాతీయ ప్రధాన రహదారిపై మల్లంపల్లి క్రాస్‌ వద్ద శుక్రవారం రోడ్డు ప్రమాదం జరిగింది. కాటారం వైపు నుంచి భూపాలపల్లికి వస్తున్న ఆర్టీసీ బస్సును కాటారం వైపునకు వెళ్తున్న డీసీఎం ఢీకొంది. పోలీసుల కథనం ప్రకారం.. భూపాలపల్లి ఆర్టీసీ డిపోకు చెందిన బస్సు మహాముత్తారం మండలం కనూకునూరుకు వెళ్లి తిరిగి వస్తోంది. ఈ క్రమంలో మల్లంపల్లి క్రాస్‌ సమీపంలో భూపాలపల్లి వైపు నుంచి వస్తున్న డీసీఎం.. ఆర్టీసీ బస్సును ఎదురుగా ఢీకొంది. దీంతో డ్రైవర్‌ శ్రీనివాస్‌తో పాటు నలుగురు తీవ్రంగా, మరో 11 మంది ప్రయాణికులు స్వల్పంగా గాయపడ్డారు. క్షతగాత్రులను వెంటనే 108లో ప్రభుత్వ ఆసుపత్రికి తరలించి ప్రథమ చికిత్స చేసి తీవ్రంగా గాయపడిన వారిని వరంగల్‌కు తరలించారు. ఆదివారంపేటకు చెందిన అతుకూరి సమ్మక్క, లావణ్య(ములుగుపల్లి), రాజేశ్వరి(కాటారం), లక్ష్మి (ముప్పారం) గ్రామాలకు చెందిన ప్రయాణికులు తీవ్రంగా గాయపడ్డారు. ఈ మేరకు కండక్టర్‌ ఎండీ హమీద ఫిర్యాదు మేరకు కేసు నమోదు చేసి దర్యాప్తు చేపడుతున్నట్లు సీఐ నరేష్‌కుమార్‌ తెలిపారు. కాగా, క్షతగాత్రులను ఎమ్మెల్యే గండ్ర సత్యనారాయణరావు పరామర్శించారు. మెరుగైన వైద్యం అందించాలని సూపరింటెండెంట్‌ నవీన్‌కుమార్‌ను ఆదేశించారు.

మహబూబాబాద్‌: ఆర్టీసీ బస్సు, డీసీఎం ఎదురెదురుగా ఢీకొన్నాయి. ఈ ఘటనలో ఒకరు మృతి చెందగా, పలువురికి గాయాలయ్యాయి. ఈ ప్రమాదం జయశంకర్‌ భూపాలపల్లి జిల్లా రేగొండ మండలం భాగిర్తిపేట కమాన్‌ శివారులో జరిగింది. పోలీసుల కథనం ప్రకారం పెద్దపల్లి జిల్లా కాల్వశ్రీరాంపూర్‌ మండలం వెన్నంపల్లి గ్రామానికి చెందిన ఈర్ల ప్రేమ్‌కుమార్‌(28) కరీంనగర్‌లో ఉంటూ ఫ్లిప్‌కార్ట్‌ సంస్థలో డీసీఎం డ్రైవర్‌గా పని చేస్తున్నాడు. విధుల్లో భాగంగా ఆదివారం ఉదయం కరీంనగర్‌ నుంచి భూపాలపల్లికి వెళ్తున్నాడు. ఈ క్రమంలో రేగొండ మండలం భాగిర్తి పేట కమాన్‌ శివారులో భూపాలపల్లి నుంచి పరకాల వైపునకు వెళ్తున్న ఆర్టీసీ బస్సు, డీసీఎం ఎదురెదురుగా ఢీకొన్నాయి. ఈ ఘటనలో ప్రేమ్‌కుమార్‌ క్యాబిన్‌లోనే ఇరుక్కుని అక్కడికక్కడే మృతి చెందగా ఆర్టీసీ బస్సు డ్రైవర్‌, కండక్టర్లు వీరబోయిన రమేష్‌, మురళితో పాటు ఐదుగురు ప్రయాణికులకు తీవ్ర గాయాలయ్యాయి. స్థానికులు వెంటనే 108లో క్షతగాత్రులను వరంగల్‌ ఎంజీఎం ఆసుపత్రికి తరలించారు. ఈ ఘటనపై సమాచారం అందుకున్న రేగొండ ఎస్సైలు శ్రీకాంత్‌రెడ్డి, తీగల మాధవ్‌ ఘటనా స్థలికి చేరుకుని ప్రేమ్‌కుమార్‌ మృతదేహాన్ని డీసీఎం క్యాబిన్‌ నుంచి బయటకు తీసి పరకాల ప్రభుత్వ ఆస్పత్రి మార్చురీకి తరలించారు. ఈఘటనపై మృతుడి సోదరుడు రాజేష్‌ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. పొగ మంచు, అతివేగమే కారణం? పరకాల–భూపాలపల్లి ప్రధాన రహదారిపై ఆదివారం తెల్లవారుజామున జరిగిన ప్రమాదానికి పొగ మంచు, అతివేగమే కారణమంటూ స్థానికులు చర్చించుకుంటున్నారు. రహదారిపై రాకపోకలు తక్కువగా ఉండడంతో వాహనాల వేగం ఎక్కువగా ఉంటుందని, దీనికి తోడు పొగ మంచుతో దారి, ఎదురుగా వస్తున్న వాహనం కనిపించకపోవడంతో ప్రమాదం సంభవించినట్లు అభిప్రాయం వ్యక్తమవుతోంది. కాగా, భాగిర్తిపేట కమాన్‌ శివారు ప్రమాదాలకు అడ్డగా మారుతోంది. ఏటా కమాన్‌ సమీపంలో భారీ ప్రమాదాలు చోటు చేసుకుంటున్నాయని వాహనదారులు ఆందోళన వ్యక్తం చేస్తున్నారు. ఇవి చ‌ద‌వండి: ఇద్ద‌రు తీవ్ర నిర్ణ‌యం! బావిలో దూకి..

సాక్షి, ఎర్రవల్లి చౌరస్తా/ బాన్సువాడ టౌన్‌ (బాన్సువాడ): దైవదర్శనానికి కారులో వెళ్తున్న ఓ కుటుంబం జాతీయ రహదారిపై ఆగి ఉన్న డీసీఎంను ఢీకొనడంతో ఇద్దరు మృతిచెందగా.. మరో ఇద్దరు తీవ్రంగా గాయపడ్డారు. ఇటిక్యాల మండలంలోని ధర్మవరం స్టేజీ సమీపంలో శుక్రవారం చోటు చేసుకున్న ఈ ఘటనకు సంబంధించి కోదండాపురం ఎస్‌ఐ వెంకటస్వామి కథనం ప్రకారం.. కామారెడ్డి జిల్లా బాన్సువాడకు చెందిన ప్రకాష్, భార్య లక్ష్మి(50), కూతుళ్లు శిరీష(21), మానసతో కలిసి తిరుపతి దర్శనం కోసం శుక్రవారం బయలుదేరారు. ఈ క్రమంలో ఇటిక్యాల మండలంలోని ధర్మవరం స్టేజీ సమీపంలోకి రాగానే జాతీయ రహదారిపై ఆగి ఉన్న డీసీఎంను వెనక నుంచి కారు ప్రమాదవశాత్తు ఢీకొట్టింది. ఈ ప్రమాదంలో లక్ష్మి, శ్రీలత తలకు తీవ్రగాయాలు కావడంతో అక్కడికక్కడే మృతిచెందగా.. ప్రకాష్, మానసలకు స్వల్ప గాయాలయ్యాయి. క్షతగాత్రులను చికిత్స నిమిత్తం కర్నూలుకు తరలించారు. ఈ ఘటనపై మానస ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. దైవ దర్శనానికి వెళ్తుండగా తల్లి, సోదరి మృతిచెందడంతో మానస కన్నీరుమున్నీరైంది. ప్రకాష్‌ మద్నూర్‌ ఎంపీడీఓ కార్యాలయంలో సీనియర్‌ అసిస్టెంట్‌గా పనిచేస్తున్నారు. ప్రకాష్‌కు ముగ్గురు కుమార్తెలు. పెద్ద కుమార్తె వివా హం కాగా శిరీష, మానస చదువుకుంటున్నారు.  

సాక్షి, ఉండవెల్లి (మహబూబ్‌నగర్‌): ముక్కుపచ్చలారని చిన్నారులు.. తండ్రితో కలిసి నాన్నమ్మ, తాతయ్యలను చూసేందుకు బైక్‌పై ఎంతో ఆనందంగా బయలుదేరారు. మరికొద్దిసేపట్లో వారిని  చేరుకుంటామనగా. మృత్యువు రూపంలో  దూసుకొచ్చిన  డీసీఎం వారి ఆశలను ఆవిరి చేసింది. క్షణకాలంలో ఊపిరిని అనంత వాయువులో కలిపేసింది. కళ్లెదుటే కన్నబిడ్డలు ఇద్దరూ కాలం చెందడంతో ఆ తండ్రి విలవిలలాడిపోయాడు. ఈ హృదయ విదారకరమైన సంఘటన పుల్లూరు శివారులో చోటుచేసుకుంది.  ట్రాక్టర్‌ ఎదురుగా రావడంతో..  మానవపాడు మండలం చెన్నిపాడుకు చెందిన రవికుమార్, పుష్పలత దంపతులకు ముగ్గురు సంతానం. అఖిల్‌(12), రిషి(10), దీక్షిత(6) ఉన్నారు. వీరిలో చిన్నకొడుకు రిషి, దీక్షితలను రవికుమార్‌ తల్లిదండ్రులు ఉన్న ఈ.తాండ్రపాడులో వదిలిపెట్టి.. తాను ఉద్యోగానికి వెళ్లేందుకు శనివారం ఉదయం బయలుదేరాడు. ఈ క్రమంలో పుల్లూరు వద్ద హరితహారంలో భాగంగా మొక్కలు నాటుతుండగా ట్రాక్టర్‌ ఎదురుగా వచ్చింది. దీంతో ట్రాక్టర్‌కు కుడివైపు బైక్‌ను తిప్పడంతో డీసీఎం వేగంగా వచ్చి ఢీకొట్టింది. ఈ ప్రమాదంలో బైక్‌పై ఉన్న చిన్నారులు కింద పడటంతో వారి తలపై డీసీఎం టైర్లు పోవడంతో ఇద్దరూ అక్కడికక్కడే మృతిచెందగా.. తండ్రికి ఎలాంటి గాయాలు కాలేదు. నేషనల్‌ హైవే సిబ్బంది మృతదేహాలను అంబులెన్స్‌లో ఆస్పత్రికి తీసుకెళ్లారు. పోస్టుమార్టం అనంతరం మృతదేహాలను చెన్నిపాడుకు తరలించారు. ఈ ఘటనపై రవికుమార్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ జగన్‌మోహన్‌ తెలిపారు.  

సాక్షి, హైదరాబాద్‌ : ఎండ చండప్రచండమై మండుతోంది. తీవ్రమైన ఎండలు, వడగాడ్పులతో ఓవైపు జనం పిట్టల్లా రాలిపోతుండగా.. మరోవైపు వాహనాలు కూడా నిప్పుల్లో కలిసిపోతున్నాయి. రంగారెడ్డి జిల్లా షాద్‌నగర్‌ సమీపంలోని కమ్మదనం వద్ద ఆమనగల్‌ నుంచి షాద్‌నగర్‌ వైపు అట్టల లోడుతో వెళ్తున్న ఓ డీసీఎం వాహనంలో అకస్మాత్తుగా మంటలు చెలరేగాయి. నిండా అట్టలు ఉండటంతో క్షణాల్లో మంటలు వాహనమంతా వ్యాపించాయి. ప్రమాదాన్ని గ్రహించిన డ్రైవర్‌, క్లీనర్‌ అప్రమత్తంగా వ్యవహరించి వాహనం దిగి ప్రాణాలు నిలుపుకున్నారు. ఫైర్‌ ఇంజన్‌ వచ్చి మంటలను ఆర్పేసింది. అయితే, అప్పటికే వాహనం పూర్తిగా దగ్ధమైంది. ఈ ఘటన గురువారం జరిగింది. ఇక అదే రోజు కోదాడ మండలం తోగర్రాయి వద్ద కూడా ఓ కారులో అకస్మాత్తుగా మంటలు చెలరేగాయి. అందులో ఉన్న ప్రయాణికులు తృటిలో ప్రాణాలతో బయటపడ్డారు. సంబంధిత వీడియో కోసం ఇక్కడ క్లిక్ చేయండి : డీసీఎం వాహనంలో అకస్మాత్తుగా మంటలు (చదవండి : షార్ట్‌సర్క్యూట్‌తో కారు దగ్దం)

చాంద్రాయణగుట్ట: బ్రేకులు ఫెయిలై డీసీఎం ఆర్టీసీ బస్సును ఢీ కొట్టిన సంఘటన ఛత్రినాక పోలీస్‌స్టేషన్‌ పరిధిలో గురువారం సాయంత్రం చోటు చేసుకుంది. ఆ సమయంలో బస్సులో ప్రయాణికులు లేకపోవడంతో పెను ప్రమాదం తప్పింది. ఎస్సై మోజీరాం కథనం మేరకు వివరాలిలా ఉన్నాయి.ఫారూఖ్‌నగర్‌  ఆర్టీసీ డిపోకు చెందిన బస్సు  గురువారం సాయంత్రం ఛత్రినాకలో ప్రయాణికులను దింపి....కందికల్‌ ఆర్‌వోబీ దిగువన యూటర్న్‌ తీసుకుంటుండగా బియ్యం లోడ్‌తో వస్తున్న డీసీఎం వ్యాన్‌ బ్రేక్‌లు పెయిల్‌ కావడంతో బస్సును వెనుక వైపు  ఢీ కొట్టింది. ఈ ఘటనతో బస్సు కండక్టర్‌ నరేష్‌ తలకు స్వల్ప గాయమైంది. క్యాబిన్‌లో ఇరుక్కుని డీసీఎం బురాన్‌ కాళ్లకు తీవ్ర గాయాలయ్యాయి. ఛత్రినాక పోలీసులు, ఫలక్‌నుమా ట్రాఫిక్‌ పోలీసులు సంఘటనా స్థలానికి చేరుకుని క్యాబిన్‌లో ఇరుక్కుపోయిన వారిని బయటికి తీసి చికిత్స నిమిత్తం ఆసుపత్రికి తరలించారు. బస్సు డ్రైవర్‌ ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేపట్టారు. 

సాక్షి, సిద్దిపేట: రంగనాయక సాగర్‌ ప్రాజెక్టు వద్ద జరిగిన ప్రమాదంలో ఇద్దరు దుర్మరణం పాలయ్యారు. ప్రాజెక్టు సొరంగ మార్గంలో గురువారం జరిగిన ఈ ప్రమాదంలో ఓ పాలిటెక్నిక్‌ విద్యార్థిని, ప్రాజెక్టులో పనిచేస్తున్న జమ్ముకశ్మీర్‌కు చెందిన కార్మికుడు మృతి చెందారు. ఈ ప్రమాదంలో మరో 16 మంది విద్యార్థులు, 8 మంది కార్మికులకు తీవ్ర గాయాలయ్యాయి. ఇందులో పలువురి పరిస్థితి విషమంగా ఉంది. పోలీసుల కథనం ప్రకారం.. సిద్దిపేట జిల్లా పెద్దకోడూరు గ్రామంలో ఉన్న ప్రభుత్వ మహిళా పాలిటెక్నిక్‌ కళాశాలలో సివిల్, ఎలక్ట్రికల్‌ మూడవ సంవత్సరం చదువుతున్న 73 మంది విద్యార్థులు ప్రాజెక్టు వర్క్‌ నిమిత్తం గురువారం కళాశాల నుంచి రంగనాయక సాగర్‌ ప్రాజెక్టు సందర్శనకు వచ్చారు. ప్రాజెక్టు నిర్మాణంలో భాగంగా తవ్విన సొరంగ మార్గం గుండా సంప్, పంప్‌హౌస్‌ వద్దకు వెళ్లారు. అక్కడ ఇంజనీర్లనుంచి వివరాలు తెలుసుకుని సొరంగం నుంచి పైకి వచ్చేందుకు విద్యార్థులు వాహనం వద్దకు నడుచుకుంటూ వస్తున్నారు. ఈ సమయంలోనే టన్నెల్‌లో పనిచేస్తున్న కార్మికులను మధ్యాహ్న భోజనం కోసం పైకి తీసుకొచ్చేందుకు డీసీఎం వాహనం తీసుకొచ్చారు. అయితే నిలిపి ఉన్న ఈ వాహనం టైర్ల కింద సపోర్టు కోసం ఎలాంటి రాయి పెట్టలేదు. దీంతో కూలీలు డీసీఎం ఎక్కుతుండగా.. అప్పుడే అటు నుంచి నడుచుకుంటూ వస్తున్న విద్యార్థులపైకి డీసీఎం దూసుకెళ్లగా పలువురు విద్యార్థులు చెల్లాచెదురుగా పడిపోయారు. ఈ  సంఘటనలో సిద్దిపేట పట్టణానికి చెందిన నాగలక్ష్మి(18), కశ్మీర్‌లోని జోడా గ్రామానికి చెందిన మహ్మద్‌ అక్రం (25) డీసీఎం కింద పడిపోయి అక్కడికక్కడే మృతి చెందారు. మరో 16 మంది విద్యార్థులకు, ఎనిమిది మంది కార్మికులకు తీవ్రగాయాలయ్యాయి. వీరిలో అక్కన్నపేటకు చెందిన అనూహ్య(18) వెన్నెముకకు దెబ్బతగలడంతో మెరుగైన చికిత్స కోసం హుటాహుటిన హైదరాబాద్‌ తరలించారు. అదేవిధంగా చర్ల వెంకట్‌రెడ్డిపల్లికి చెందిన ఉమారాణి (19) కాలు విరిగింది. దుబ్బాక మండలం దివ్య(18), వెల్దుర్తి మండలం చార్లపల్లికి చెందిన జి.దివ్య(18), ముస్తాబాద్‌కు చెందిన స్రవంతి(18), దుబ్బాక మండలం ఆరేపల్లికి చెందిన నవ్య(18), బస్వాపూర్‌కు చెందిన తేజ(19), భార్గవి(18), హుస్నాబాద్‌ మండలం గండిపల్లికి చెందిన మానస(18), గజ్వేల్‌కు చెందిన లావణ్య(19), కొండపాకకు చెందిన శ్రావణి(18), సంపూర్ణ(18), కానుగల్లుకు చెందిన వెంకటలక్ష్మీ(18), అదేవిధంగా అఖిల(18), రమ్య(19), శ్రావణి(18)లకు గాయాలు కాగా సిద్దిపేట ప్రభుత్వాస్పత్రిలో చికిత్స పొందుతున్నారు.   నేనూ చచ్చిపోతా...  ‘నాకు చిట్టి (నాగలక్ష్మి) అంటే ప్రాణం. నాన్న చనిపోయాడు.. వద్దు బిడ్డా ఇంటి వద్దే ఉండూ అన్నా.. వినకుండా కాలేజీకి పోయింది. ఇప్పుడు శవంలా వచ్చింది. నేను ఎవరికోసం బతకాలి, నా చిట్టి నాకు కావాలి లేకుంటే నేనూ చచ్చిపోతా’ అంటూ ఆçస్పత్రిలో మృతురాలి తల్లి సుజాత రోదిస్తున్న తీరు అందరిని కలిచివేసింది.   తండ్రి చనిపోయిన పదిరోజులకే..  సిద్దిపేటజోన్‌: పది రోజుల క్రితమే నాగలక్ష్మి తండ్రి అనారోగ్యంతో మృతి చెందాడు. కొడుకు లేకపోవడంతో ఉన్న ఇద్దరు కూతుళ్లలో పెద్ద కూతురుగా తండ్రి అంత్యక్రియలు నిర్వహించింది. బుధవారం తండ్రి దశదిన కర్మను దగ్గరుండి చేపట్టింది. ఇంతలోనే విధి మళ్లీ ఆ కుటుంబంపై పగ పట్టింది.  పదిరోజుల వ్యవధిలో ఆ కుటుంబంలో రెండు చావులు చోటుచేసుకోవడంతో నాగలక్ష్మి తల్లిని ఓదార్చడం ఎవరి తరం కావడం లేదు.   హరీశ్‌రావు పరామర్శ  ప్రమాద విషయం తెలుసుకున్న సిద్దిపేట ఎమ్మెల్యే హరీశ్‌రావు ఆసుపత్రికి వచ్చి బాధి తులను పరామర్శించారు.  గాయాలైన విద్యార్థుల ఆరోగ్య పరిస్థితి గురించి వైద్యులను అడిగి తెలుసుకున్నారు. మెరుగైన వైద్యం అందించాలని సూచించారు. మృతుల కుటుంబాలను ఆదుకుంటామని హామీ ఇచ్చారు. మృతురాలు నాగలక్ష్మి తల్లి సుజాతను ఓదార్చారు. ప్రభుత్వం నుంచి రూ. 10 లక్షల ఎక్స్‌గ్రేషియా అందిస్తామని హామీ ఇచ్చా రు. తక్షణ సాయంగా రూ. లక్ష అందజేశారు. వెన్నెముకకు దెబ్బతలిగిన అనూహ్య తల్లిదండ్రులకు రూ.50 వేలు అందజేశారు. ప్రభుత్వ ఖర్చులతో చికిత్స చేయిస్తామని చెప్పారు. గాయపడిన విద్యార్థులకు తక్షణసాయంగా రూ.10 వేలు చొప్పున అందజేస్తామన్నారు.   

లింగాల (అచ్చంపేట) : హైదరాబాద్‌ నుంచి మండల కేంద్రమైన లింగాలకు వచ్చిన ట్రాన్స్‌పోర్టు డీసీఎంను బుధవారం ఆకస్మికంగా ఎస్సైజ్‌ శాఖ వారు సోదాలు నిర్వహించారు. డీసీఎంలో హైదరాబాద్‌ నుంచి సారాకు వినియోగించే బెల్లం రవాణా అవుతుందన్న సమాచారం తెలుసుకున్న ఎక్సైజ్‌ ఎస్‌ఐ రాజు ఆధ్వర్యంలో సిబ్బంది సోదాలు జరిపారు. ఈ క్రమంలో డీసీఎంలో ఉన్న వివిధ నిత్యావసర సరకులను కిందకు దింపి పరిశీలించడంతో పరిస్థితులు ఒక్కసారిగా ఉద్రిక్తంగా మారాయి. సోదాలను వ్యాపారులు, ప్రజలు అడ్డుకోవడంతో గందరగోళం నెలకొంది. డీసీఎం నుంచి దాదాపు 180 కిలోల బెల్లాన్ని ఎక్సైజ్‌ శాఖ వారు స్వాధీనం చేసుకున్నట్లు ఎస్‌ఐ రాజు తెలిపారు. అలాగే విధులకు ఆటంకం కలిగించిన ఇద్దరు వ్యాపారులపై స్థానిక పోలీసుస్టేషన్లో ఫిర్యాదు చేసినట్లు చేశామన్నారు. ఇదిలా ఉండగా సోదాలను ఖండిస్తూ వ్యాపారులు దుకాణాలను మూసివేసి నిరసన వ్యక్తం చేశారు. తాము ప్రజలు నిత్యం వాడుకునే తెల్లబెల్లం మాత్రమే విక్రయిస్తున్నామన్నారు. వ్యాపారులపై పెట్టిన కేసులను ఉపసంహరించుకోవాలని పలువురు డిమాండ్‌ చేశారు.

న్యూఢిల్లీ: డీసీఎం శ్రీరామ్‌ ఇండస్ట్రీస్‌ తాజాగా బుల్లెట్‌ ప్రూఫ్‌ వెహికల్స్, మానవ రహిత వైమానిక వాహనాలు (యూఏవీలు), ఇతర ప్రొడక్టుల తయారీకి సంబంధించి కేంద్రం నుంచి లైసెన్స్‌ పొందింది. డిపార్ట్‌మెంట్‌ ఆఫ్‌ ఇండస్ట్రీయల్‌ పాలసీ అండ్‌ ప్రమోషన్‌ (డీఐపీపీ) నేతృత్వంలోని ఆర్మ్స్‌ లైసెన్స్‌ అథారిటీ నుంచి ఇండస్ట్రియల్‌ లైసెన్స్‌ లభించిందని సంస్థ రెగ్యులేటరీకి తెలిపింది. వార్షికంగా వివిధ విభాగాల్లో ఉపయోగించే సాయుధ వాహనాలు, ప్రత్యేక వాహనాలు సహా 3,000 బుల్లెట్‌ ప్రూఫ్‌ వెహికల్స్‌ను తయారు చేస్తామని పేర్కొంది. అలాగే గ్రౌండ్‌ డేటా టర్మినల్, గ్రౌండ్‌ కంట్రోల్‌ స్టేషన్స్, లాంచర్లతోపాటు 500 యూఏవీలను కూడా రూపొందిస్తామని తెలిపింది. కాగా కంపెనీ చెక్కర, ఇండస్ట్రియల్‌ ఫైబర్, రసాయనాలు వంటి విభాగాల్లో కార్యకలాపాలు నిర్వహిస్తోంది. 

మూసాపేట (దేవరకద్ర): రిపేరు కోసం ఆగిన బొలెరో వాహనాన్ని కర్నూలు జిల్లాకు చెందిన ఆర్టీసీ బస్సు ఢీకొట్టింది. దానిని తప్పించబోయి ఆ పక్క నుంచే కూరగాయల లోడుతో వస్తున్న మరో డీసీఎం వాహనం బోల్తా పడిన సంఘటన గురువారం తెల్లవారుజామున మూసాపేటలోని హనుమాన్‌ జంక్షన్‌ వద్ద జాతీయ రహదారిపై చోటుచేసుకుంది. పోలీసుల కథనం ప్రకారం.. కర్నూలు జిల్లా నుంచి వస్తున్న హైటెక్‌ బస్సు తెల్లవారుజామున మూసాపేట హనుమాన్‌ జంక్షన్‌ సమీపంలోకి రాగానే రిపేరు నిమిత్తం రోడ్డు పక్కనే ఆగి ఉన్న బొలెరో వాహనాన్ని ఢీకొట్టడంతో బోల్తా పడింది. దానిని తప్పించబోయి వె నక నుంచే వస్తున్న డీసీఎం వాహనం బోల్తా పడింది. గురువా రం ఉదయం ఎల్‌అండ్‌టీ సిబ్బంది రోడ్డుకు అడ్డంగా పడిన డీసీఎం వాహనాన్ని క్రేన్‌ సహాయంతో తొలగించి ట్రాఫిక్‌ను పునరుద్ధరించారు. బస్సులో ప్రయాణిస్తున్న ఐదుగురికి స్వల్పగాయాలవడంతో ఎల్‌అండ్‌టీ సిబ్బంది అంబులెన్స్‌లో వారిని చికిత్స నిమిత్తం జిల్లా ఆస్పత్రికి తరలించారు. బస్సు డ్రైవర్‌ ఫిర్యాదు మేరకు బొలెరో వాహన యజమానిపై మూసాపేట పోలీసులు కేసు నమోదు చేసుకుని దర్యాప్తు చేస్తున్నట్లు తెలిపారు. విద్యుత్‌ తీగలు తెగిపడి ట్రాఫిక్‌కు అంతరాయం   మూసాపేట (దేవరకద్ర): హైటెన్షన్‌ విద్యుత్‌ తీగలు తెగిపడి ట్రాఫిక్‌కు తీవ్ర అంతరాయం కలిగింది. ఈ సంఘటన మూసాపేటలోని హనుమాన్‌ జంక్షన్‌ దగ్గర గురువారం సాయంత్రం చోటు చేసుకుంది. వివరాలిలా.. మూసాపేట పోలీసుస్టేషన్‌ ముందు నుంచి లాగిన 11 కేవీ విద్యుత్‌ తీగలు ఒక్కసారిగా తెగి జాతీయ రహదారిపై పడటంతో దాదాపు గంటపాటు ట్రాఫిక్‌ స్తంభించిపోయింది. దీంతో కిలోమీటరు మేర వాహనాలు నిలిచిపోయాయి. ఎలాంటి గాలి దుమారం లేకుండానే తీగలు తెగిపడటంతో ప్రయాణికులు భయాందోళనలకు గురయ్యారు. మూసాపేట పోలీసులు వెంటనే విద్యుత్‌ అధికారులకు సమాచారం చేరవేసి సరఫరా నిలిపివేయడంతో పెను ప్రమాదం తప్పింది. అనంతరం ఘటనా స్థలానికి విద్యుత్‌ అధికారులు వచ్చి తీగలను తొలగించడంతో పోలీసులు ఇరువైపులా నిలిచిపోయిన ట్రాఫిక్‌ను క్రమబద్ధీకరించారు. 

సాక్షి, నల్గొండ :  నల్గొండ జిల్లాలో గురువారం తెల్లవారుజామున ఘోర రోడ్డు ప్రమాదం చోటు చేసుకుంది. చిట్యాల మండటలం వెలిమినేడు శివారులో సూర్యాపేట నుంచి హైదరాబాద్‌కు వెళ్తున్న డీసీఎం కల్వర్టును ఢీకొట్టింది. ఈ ప్రమాదంలో అక్కడిక్కడే ముగ్గురు మృతిచెందారు. దీంతోపాటు డీసీఎంలో తరలిస్తున్న 55 గొర్రెలు మృతిచెందాయి. 

సాక్షి, హైదరాబాద్‌: నగరంలోని వనస్థలిపురం ఆటోనగర్‌ వద్ద సోమవారం ఉదయం రోడ్డు ప్రమాదం జరిగింది. కారు- డీసీఎం ఢీకొట్టిన సంఘటనలో డీసీఎం డీజిల్‌ ట్యాంక్ ఒక్కసారిగా పేలడంతో పెద్ద ఎత్తున మంటలు చెలరేగాయి. ఈ మంటల్లో కారు దగ‍్ధమైంది. కారులో ఉన్నవారికి గాయాలయ్యాయి. అత్యవసర చికిత్సకై స్థానిక ఆస్పత్రికి తరలించి వైద్యం అందిస్తున్నారు. డీసీఎం డ్రైవర్ పరారీలో ఉన్నట్లు తెలుస్తోంది. స్థానికులు ఇచ్చిన సమాచారం మేరకు ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు ప్రారంభించారు. ఈ సంఘటనకు సంబంధించి పూర్తి వివరాలు తెలియాల్సి ఉంది.

దేవరకద్ర: దేవరకద్రలోని రైల్వేగేట్‌ను సోమవారం రాత్రి వేగంగా వచ్చిన డీసీఎం ఢీకొట్టింది. దీంతో గేటు ఓ పక్కకు వంగి పోయింది. ఈ సందర్భంగా సైరన్‌ అదేపనిగా మోగడంతో రైల్వే గేట్‌ పడుతుందేమోనని వాహనదారులు ఉరుకులు, పరుగులు తీశారు. విషయం తెలుసుకున్న సిబ్బంది వచ్చి సైరన్‌ను నిలిపివేశారు. అలాగే, వంగిపోయిన గేటు మరమ్మతులకు యత్నించగా పనులు పూర్తికాలేదు. దీంతో ఎక్స్‌ప్రెస్, ప్యాసింజర్‌ రైళ్లను కాషన్‌ సిగ్నల్‌తో నడిపించారు. గేట్‌ వేయకుండానే సిగ్నల్‌ ఇస్తూ రైళ్లను ముందుకు కదిలించారు. కాగా, రాత్రి పొద్దుపోయే వరకు కూడా గేటు మరమ్మతు పూర్తికాకపోవడంతో వాహనాల రాకపోకలు నిలిచిపోయాయి.  


 హైదారాబాద్‌: నగరంలోని మూసాపేట ఐడీఎల్‌ చెరువు కట్టపై ఓ డీసీఎం బీభత్సం సృష్టించింది. అతివేగంతో వెళ్తున్న డీసీఎం అదుపుతప్పి మార్నింగ్‌ వాక్‌ చేస్తున్న మహిళలపైకి దూసుకెళ్లింది.
 
 ఈ ఘటనలో జ్యోతి(45) అనే మహిళ అక్కడికక్కడే  మృతిచెందగా.. రమ, ఉష, పుష‍్ప, కిశోర్‌రెడ్డిలకు తీవ్ర గాయాలయ్యాయి. విషయం తెలుసుకున్న పోలీసులు సంఘటనా స్థలానికి చేరుకొని క్షతగాత్రులను చికిత్స నిమిత్తం ఆస్పత్రికి తరలించి డీసీఎం డ్రైవర్‌ను అదుపులోకి తీసుకున్నారు.
 
  


 కృష్ణా: జిల్లాలోని కంచికచర్ల మండలం కీసరలో శుక్రవారం తెల్లవారుజామున డీసీఎం బీభత్సం సృష్టించింది. వేగంగా వెళ్తున్న డీసీఎం అదుపుతప్పి రోడ్డు పక్కనే ఉ‍న్న చెట్టును ఢీ కొట్టి.. పక్కనే ఉన్న ఓ ఇంట్లోకి దూసుకెళ్లింది. దీంతో ఇంట్లో నిద్రిస్తున్న ఎనిమిది మందికి గాయాలయ్యాయి. డీసీఎంలో డ్రైవర్‌ పక్క సీట్లో కూర్చున్న వ్యక్తి అక్కడికక్కడే మృతి చెందాడు. విశాఖ జిల్లా యలమంచిలి నుంచి గన్నవరం గొర్రెల సంతకు వస్తుండగా.. ఈ ప్రమాదం జరిగినట్లు తెలుస్తోంది.
  
 యలమంచిలికి చెందిన ఎస్‌కే సుభాని గన్నవరం నుంచి గొర్రెలు తీసుకెళ్లడానికి తన డీసీఎం వాహనంలో ఓ డ్రైవర్‌తో పాటు వచ్చాడు. ఈ క్రమంలో కీసర వద్దకు రాగానే వాహనం అదుపు తప్పి రోడ్డు పక్కన ఉన్న ఇంట్లోకి దూసుకెళ్లింది. ఈ ప్రమాదంలో సుభాని మృతి చెందగా.. ఇంట్లో నిద్రిస్తున్న ఎనిమిది మందికి గాయాలయ్యాయి. ఇది గుర్తించిన చుట్టుపక్కల వారు క్షతగాత్రులను అంబులెన్స్‌ల సాయంతో ఆస్పత్రికి తరలించారు. విషయం తెలుసుకున్న పోలీసులు సంఘటనా స్థలానికి చేరుకుని వివరాలు సేకరిస్తున్నారు.


 యాదాద్రి భువనగిరి: భువనగిరి మండలం జగదేవ్‌పూర్ రోడ్డులోని రైల్వే గేట్‌ను డీసీఎం వాహనం ఢీకొట్టింది. మంగళవారం ఉదయం చోటుచేసుకున్న ఈ ఘటనలో రైల్వేగేట్ ధ్వంసమైంది. ఈ ఘటనతో ఆ మార్గంలో భారీగా ట్రాఫిక్ జాం ఏర్పడింది. సమాచారం అందుకున్న వెంటనే రైల్వే సిబ్బంది అక్కడికి వచ్చి మరమ్మతులు చేపట్టారు.


  
  సీనియర్‌ డీపివో కార్యాలయం వద్ద ఎస్‌సీఆర్‌ఎంయూ ఆధ్వర్యంలో ఆందోళన 
  
 నగరంపాలెం: గుంటూరు రైల్వే డివిజనులో ఉద్యోగుల సంక్షేమాన్ని మరిచి నిరంకుశ ధోరణితో  వ్యవహరిస్తున్న గుంటూరు రైల్వే డివిజను సీనియర్‌ కమర్షియల్‌ మేనేజరు ఉమామహేశ్వరావును  వెంటనే బదిలీ చేయాలని సౌత్‌ సెంట్రల్‌ రైల్వే మజ్దూర్‌ యూనియన్‌ డివిజన్‌ నాయకులు డిమాండ్‌ చేశారు. సోమవారం మధ్యహ్నం పట్టాభిపురంలోని డివిజనల్‌ రైల్వే మేనేజరు కార్యాలయం వద్ద మెరుపు ధర్నాకు దిగి సీనియర్‌ డీపీవో కార్యాలయాన్ని ముట్టడించి బైఠాయించారు. ఎస్‌సీఆర్‌ఎంయూ డివిజనల్‌ సెక్రటరీ హనుమంతరావు మాట్లాడుతూ.. ఉమామహేశ్వరరావు బాధ్యతలు స్వీకరించినప్పటి నుంచి ఉద్యోగుల విషయంలో ఏకపక్షంగా నిర్ణయాలు తీసుకుంటున్నారన్నారు. రెండు నెలల్లో 14మంది ఉద్యోగులను బదిలీ చేశారన్నారు. స్పౌజ్‌ కేటగిరిలో ఉన్న వారిని కూడా ఇష్టానుసారంగా బదిలీ చేశారన్నారు. డివిజన్‌లో జరుగుతున్న ధర్నాను జోన్‌ పరిధిలోని సీజీఎం దృష్టికి జోన్‌ ప్రదాన కార్యదర్శి శంకర్రావు తీసుకెళ్లడంతో ఆయన హామీ మేరకు ముట్టడిని విరమించారు. కార్యక్రమంలో యూనియన్‌ అధ్యక్షుడు పి సుబ్బారావు, వైస్‌ ప్రెసిడెంట్‌ నారయణరెడ్డి, ట్రెజరర్‌ రవిశంకర్, ఏడీఎస్‌ రాజశేఖర్, సాంబశివరావు, హెడ్‌ బ్రాంచీ సెక్రటరి కె.వెంకట్రావు, స్టేషన్‌ బ్రాంచీ అధ్యక్షుడు శ్రీనివాస్, సెక్రటరి  ఎమ్‌వీఎస్‌ ప్రసాద్‌ పాల్గొన్నారు.
  


 భువనగిరి అర్బన్‌:  
       పట్టణ శివారులో ఉన్న బైపాస్‌ రోడ్డులో పెద్దకందుకూరు నుంచి నాగోల్‌కు వెళ్తున్న పెళ్లి డీసీఎం ప్రమాదవశాత్తు బోల్తా పడిన సంఘటన సోమవారం రాత్రి చోటుచేసుకుంది. స్థానికులు తెలిపిన వివరాల ప్రకారం యాదగిరిగుట్ట మండలంలోని పెద్దకందుకూరు చెందిన జనకల నర్సయ్య, నర్సమ్మల కుమార్తెకు నాగోల్‌లోని సరూర్‌నగర్‌కు చెందిన తమ బందువుల అబ్బాయితో వివాహం ఆదివారం గ్రామంలోనే జరిగింది. సోమవారం రాత్రి సరూర్‌నగర్‌లో  విందు ఉండటంతో అమ్మాయి తరుపు బంధువులు  యాదగిరిగుట్టకు చెందిన సుడుగు Mýృష్ణారెడ్డి డీసీఎంలో Ðð ళ్తున్నారు. ఈ క్రమంలో భువనగిరి పట్టణ శివారులో బైపాస్‌ రోడ్డులో ఉన్న వివేరా హోటల్‌ దాటిన తర్వాత వీరు ప్రయాణిస్తున్న డీసీఎంను ఒక గుర్తు తెలియని కారు వచ్చి ఢికోట్టి వెళ్లి పోయింది. దీంతో డీసీఎం డ్రైవర్‌ స్టిరింగ్‌ను పక్కకు టార్నింగ్‌ చేసే ప్రయత్నం చేయగా స్టిరింగ్‌ రాడ్‌ విరిగంతోపాటు బ్రేక్‌ పైపులు పగిలి పోయాయి. దీంతో డీసీఎం రోడ్డు కిందకు దుసుకుపోయి బోల్తా పడింది.  డీసీఎంలో ఉన్న 40 నుంచి 50 మంది వరకు ఉన్నారు. ఇందులో 18 మంది గాయపడ్డారు. పెళ్లి కుమార్తె తల్లి నర్సయ్య, బంధువులు సునిల్, మధు, మహేష్, సాయికుమార్, చందు, రాకేష్, రమేష్, స్వామి, కిష్టయ్య, నర్సయ్య, హరిMýృష్ణ, యాదగిరి, ఎల్లమ్మతో పాలు మారో ముగ్గురికి తలకు, కాలుకు, చేతులకు తీవ్ర గాయాలయ్యాయి. విషయం తెలుసుకున్న 108 సిబ్బంది, హైవే అంబులెన్స్‌ ద్వారా బాధితులను ఏరియా ఆస్పత్రికి తరలించారు. 
  


 షామీర్‌పేట(రంగారెడ్డి): రంగారెడ్డి జిల్లా షామీర్‌పేట మండలం దొంగల మైసమ్మ స్టేజీ వద్ద గురువారం వేకువజామున జరిగిన ప్రమాదంలో ఇద్దరు మృతి చెందారు. ఎల్బీనగర్ నుంచి కరీంనగర్ జిల్లా సిరిసిల్లకు నాపరాళ్ల లోడుతో వెళ్తున్న లారీని దొంగలమైసమ్మ చౌరస్తాలో ఎదురుగా వచ్చిన డీసీఎం ఢీకొట్టింది.
 
 ఈ ఘటనలో లారీలోని బండలపై కూర్చున్న కూలీలు మహబూబ్‌నగర్‌కు చెందిన తిరుపతయ్య(31), రంగారెడ్డి జిల్లా మంచాలకు చెందిన కుమార్(28) అక్కడికక్కడే చనిపోయారు. మరో ముగ్గురు తీవ్రంగా గాయపడ్డారు. క్షతగాత్రులను వెంటనే 108లో ఆస్పత్రికి తరలించారు.


 అక్కలదేవిగూడెం(చివ్వెంల)
 అతివేగంగా వస్తున్న పాల వ్యాన్‌ డీసీఎంను ఢీకొట్టి అదుపుతప్పి ఫల్టికొట్టింది. ఈసంఘటన మండల పరిధిలోని అక్కలదేవిగూడెం గ్రామ శివారులో సూర్యాపేట–ఖమ్మం రహదారిపై శనివారం తెల్లవారు జామున చోటుచేసుకుంది. స్థానికులు తెలిపిన వివరాల ప్రకారం.. హైదరాబాద్‌ నుంచి పశ్చిమగోదావరి జిల్లా చింతలపూడి గ్రామానికి వెళ్తున్న కోళ్ల లోడు డీసీఎంను ఖమ్మం నుంచి సూర్యాపేట వైపు వస్తున్న పాల వ్యాన్‌ ఎదురుగా ఢీకొట్టింది, ప్రమాదంలో డీసీఎం అదుపు తప్పి బోల్తాకొట్టింది. దీంతో సంఘటన స్థల పరిసర ప్రాంతాల గ్రామాల ప్రజలు వందల సంఖ్యలో తరలివచ్చి కోళ్లను ఆటోల్లో, మోపెడ్‌లపై తీసుకువెళ్లారు. కాగా ప్రమాదంతో జనం కోళ్లకోసం రహదారిపైకి రావడంతో సుమారు గంట సేపు ట్రాఫిక్‌ స్తంబించింది. విషయం తెలుసుకున్న పోలీసులు ఘటన స్థలానికి చేరుకుని జనాన్ని చెదరగొట్టారు. కాగా ప్రమాదంలో డీసీఎం డ్రైవర్‌ అశోక్, సూపర్‌వైజర్‌నర్సింహకు కాళ్లు, చేతులకు తీవ్ర గాయాలు కావడంతో 108 అంబులెన్స్‌లో సూర్యాపేటకు తరలించారు. ఈఘటనలో 1500 కోళ్లు లూటి అయి.రూ. 5లక్షల నష్టం వాటిళ్లినట్లు బాధితులు తెలిపారు.
  
  
  


 ♦ టిప్పర్, డీసీఎం ఢీకొనడంతో ప్రమాదం
 ♦ మృతుల్లో ఇద్దరు మహబూబ్‌నగర్ జిల్లావాసులు
  మేడ్చల్ రూరల్: డీసీఎం, టిప్పర్ ఎదురెదురుగా ఢీకొన్న ప్రమాదంలో ముగ్గురు దుర్మరణం చెందారు. రంగారెడ్డి జిల్లా మేడ్చల్ సమీపంలోని బాసిరేగడి వద్ద బుధవారం అర్ధరాత్రి ఈ ఘటన చోటుచేసుకుంది. సీఐ రాజశేఖర్‌రెడ్డి కథనం ప్రకారం.. వుహబూబ్‌నగర్ జిల్లా అడ్డాకుల వుండలం తునికీపూర్‌కు చెందిన వుువ్ముళ్ల రాజు(26), అతడి చిన్నాన్న కుమారుడు వుహబూ (21) మెదక్ జిల్లా అమీన్‌పూర్‌లోని నవదీప్ ట్రాన్స్‌పోర్టులో పనిచేస్తున్నారు. డీసీఎం (ఏపీ 28 టీసీ 8509) డ్రైవర్‌గా రాజు, వుహబూ క్లీనర్‌గా జీవనం సాగిస్తున్నారు. మేడ్చల్ వుండలం గిర్మాపూర్ రాక్‌సాండ్‌లో జార్ఖాండ్‌కు చెందిన రితూ వుహతో(29) టిప్పర్ నడిపిస్తున్నాడు.
 బుధవారం అర్ధరాత్రి డీసీఎం కూల్‌డ్రింక్ లోడ్‌తో దుండిగల్ -మేడ్చల్ దారిలో మేడ్చల్ వైపు వస్తుంది. టిప్పర్ కంకర లోడ్‌తో మేడ్చల్ నుంచి దుండిగల్ వైపు వెళ్తుంది. వుండలంలోని బాసిరేగడి సమీపంలో టిప్పర్, డీసీఎం వేగంగా ఎదురెదురుగా ఢీకొన్నాయి. ఈ ఘటనలో డీసీఎం డ్రైవర్ రాజు, టిప్పర్ డ్రైవర్ రీతూ వుహతో అక్కడికక్కడే దుర్మరణం చెందారు. తీవ్రంగా గాయపడిన డీసీఎం క్లీనర్ వుహబూబ్‌ను హైదరాబాద్ నగరంలోని గాంధీ ఆస్పత్రికి తరలించగా పరిస్థితి విషమించి ప్రాణం విడిచాడు. మృతదేహాలను మేడ్చల్ వూర్చురీకి తరలించారు. మృతుల కుటుంబీకులకు సమాచారం ఇచ్చి కేసు దర్యాప్తు చేస్తున్నట్లు సీఐ రాజశేఖరరెడ్డి తెలిపారు.


 శామీర్‌పేట్ (రంగారెడ్డి జిల్లా) : మేడ్చల్ పోలీస్‌ స్టేషన్ పరిధిలోని బాసిరేగిడి వద్ద గురువారం వేకువజామున రోడ్డు ప్రమాదం చోటుచేసుకుంది. గండిమైసమ్మ నుంచి మేడ్చల్ వైపు వెళ్తోన్న డీసీఎం మేడ్చల్ నుంచి దుండిగల్ వైపు వెళ్తోన్న టిప్పర్ ఢీకొన్నాయి.ప్రమాదంలో డీసీఎం డ్రైవర్ రాజు, టిప్పర్ డ్రైవర్ రితులాల్ మహతో(జార్ఖండ్ రాష్ట్రానికి చెందినవాడు) అక్కడికక్కడే మృతిచెందగా..డీసీఎం క్లీనర్ మైబు గాంధీ ఆసుపత్రిలో చికిత్స పొందుతూ మృతిచెందాడు. పోలీసులు కేసు నమోదు చేసి దర్యాప్తు చేస్తున్నారు.


 వేగంగా వెళ్తున్న డీసీఎం రోడ్డు పక్కన ఆగి ఉన్న లారీని ఢీకొన్న ఘటనలో ఇద్దరికి తీవ్ర గాయాలయ్యాయి. ఈ సంఘటన మహబూబ్‌నగర్ జిల్లా కొత్తకోట మండలం కనిమెట్ట వద్ద బుధవారం ఉదయం చోటుచేసుకుంది. తమిళనాడు నుంచి వస్తున్న డీసీఎం రోడ్డు పక్కన ఆగి ఉన్న లారీని ఢీకొట్టడంతో.. డ్రైవర్, క్లీనర్‌లకు తీవ్ర గాయాలయ్యాయి. ఇది గుర్తించిన స్థానికులు వారిని వనపర్తి ప్రభుత్వ ఆస్పత్రికి తరలించగా.. క్లీనర్ కుమార్ పరిస్థితి విషమంగా ఉన్నట్లు వైద్యులు తెలిపారు.
 
  


 ♦ డీసీఎం డోర్ ఊడిపడి ఇద్దరు దుర్మరణం
 ♦ మరో ఐదుగురికి గాయాలు
 ♦ మృతులు మహబూబ్‌నగర్ జిల్లావాసులు
 ♦ యాలాల మండలం బండమీదిపల్లి శివారులో ఘటన
  యాలాల: ఆనందంగా పెళ్లికి హాజరై తిరిగి వెళ్తున్న వారిపై మృత్యువు పంజా విసిరింది. డీసీఎం డోర్ ఊడిపడడంతో దానిపై కూర్చున్న ఇద్దరు దుర్మరణం చెందగా మరో ఐదుగురికి గాయాలయ్యాయి. ఈ సంఘటన జిల్లా సరిహద్దు, మండల పరిధిలోని బండమీదిపల్లి శివారులో బుధవారం సాయంత్రం 5.30 గంటలకు చోటుచేసుకుంది. క్షతగాత్రులు తెలిపిన వివరాల ప్రకారం.. మహబూబ్‌నగర్ జిల్లా కొడంగల్ మండలం అన్నారం గ్రామానికి చెందిన వెంకటయ్య వివాహం కర్ణాటక రాష్ట్రం రాళ్లగణాపురం ప్రాంతానికి చెందిన ఓ యువతితో బుధవారం జరిగింది. ఈ శుభకార్యంలో పాల్గొనేందుకు గ్రామస్తులకు ఓ డీసీఎంను ఏర్పాటు చేశారు. సుమారు 50 మందికి పైగా డీసీఎంలో పెళ్లికి హాజరై సాయంత్రం తిరిగి స్వగ్రామానికి వెళ్తున్నారు. కొందరు డీసీఎం వ్యాన్‌లో కూర్చుని ఉండగా, ఏడుగురు వాహనం వెనుక డోర్‌పై కూర్చొని సరదాగా కబుర్లు చెప్పుకుంటున్నారు. ఈక్రమంలో మండల పరిధిలోని బండమీదిపల్లి శివారులో ప్రమాదవశాత్తు డోర్ చైన్ ఊడిపోయింది. దీంతో డోర్‌పై కూర్చున్న ఏడుగురు రోడ్డుపై జారిపడ్డారు. ఈ ఘటనలో నీటూరు నర్సింలు(20), మ్యాథరి పెంటప్ప(14) తీవ్రంగా గా యపడి సంఘటనా స్థలంలోనే దుర్మరణం చెందారు. ఏనుగుల నర్సింలు, నీటూరు నరేష్, నీటూరు ఆనంద్, మాండి రాములు, కోస్గి వెంకటరాములుకు గాయాలయ్యాయి. ప్రమాదాన్ని గమనించిన డీసీఎంలోని మిగతా వారు కేకలు వేయడంతో డ్రైవర్ వాహనాన్ని నిలిపాడు. క్షతగాత్రులను తాండూరులోని ప్రభుత్వ ఆస్పత్రికి తరలించారు. మృతదేహాలను మార్చురీలో భద్రపరిచారు.


 చిట్యాల: నల్లగొండ జిల్లాలో సోమవారం ఉదయం జరిగిన ప్రమాదంలో ఆరుగురు తీవ్రంగా గాయపడ్డారు. చిట్యాల మండలం పెద్దకాపర్తి శివారులో రాంగ్‌రూట్‌లో వెళ్తున్న ట్రాక్టర్, ఎదురుగా విజయవాడ వైపు వెళ్తున్న డీసీఎంను ఢీకొంది.
 
 దీంతో డీసీఎం రోడ్డుకు అడ్డంగా పడిపోయింది. దానిని ఆ వెనుకే వస్తున్న ఆర్టీసీ బస్సు ఢీకొంది. ఈ ఘటనలో బస్సులో ఉన్న ఆరుగురు తీవ్రంగా గాయపడ్డారు. క్షతగాత్రులను వెంటనే నార్కట్‌పల్లి కామినేని ఆస్పత్రికి తరలించారు. కాగా, ప్రమాదం కారణంగా జాతీయరహదారిపై గంటపాటు రాకపోకలు నిలిచిపోయాయి. పోలీసులు అక్కడికి చేరుకుని ట్రాఫిక్‌ను క్రమబద్ధీకరించారు


 కరీంనగర్ జిల్లా సిరిసిల్ల పట్టణంలోని గోపాల్‌నగర్ ప్రాంతంలో డీసీఎం ఢీకొని ఓ వ్యక్తి మృతి చెందాడు. సోమవారం మధ్యాహ్నం ప్రాంతంలో డింగి సదానందం (35) ఇంటి నుంచి రోడ్డుపైకి వచ్చి నడుచుకుంటూ వెళుతున్న క్రమంలో డీసీఎం ఢీకొంది. తీవ్ర గాయాలతో అతడు అక్కడే మృతి చెందారు. ఈ ఘటన తర్వాత స్థానికులు డ్రైవర్‌ను పట్టుకుని పోలీసులకు అప్పగించారు.
 
  


 ఆగి ఉన్న డీసీఎంను ఆల్టో కారు ఢీకొట్టింది. ఈ సంఘటన చిట్వేలు శివారులో జాతీయరహదారిపై మంగళవారం చోటుచేసుకుంది. ఈ ఘటనలో ముగ్గురికి స్వల్పగాయాలయ్యాయి. కారులో వ్యక్తులు  హైదారబాద్ నుంచి విజయవాడ వెళుతుండగా.. ఈ ప్రమాదం చోటు చేసుకుంది.
 
  


 సంగారెడ్డి : మెదక్ జిల్లాలో ఆదివారం సాయంత్రం జరిగిన రోడ్డు ప్రమాదంలో ఇద్దరు మృతి చెందారు. సంగారెడ్డి మండలం హనుమాన్‌నగర్ వద్ద డీసీఎం, బైక్ ఢీకొన్నాయి.
 ఈ ప్రమాదంలో ఇస్మాయిల్‌ఖాన్‌పేటకు చెందిన మోసిన్(46), రమేశ్(28) అనే ఇద్దరు మృతిచెందగా..మరొకరు గాయపడ్డారు. గాయపడ్డ వ్యక్తిని ఆసుపత్రికి తరలించి చికిత్స అందిస్తున్నారు. పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాలను పోస్టుమార్టం నిమిత్తం ప్రభుత్వాసుపత్రికి తరలించారు.  
  


 నాగులుప్పలపాడు: పేదలకు ఇవ్వవలసిన రేషన్ బియ్యాన్ని అక్రమంగా బ్లాక్ మార్కెట్‌కు తరలిస్తుండగా పోలీసులు అడ్డుకున్నారు.  ఒంగోలు జిల్లా నాగులుప్పలపాడు మండలం ఇడునుడి గ్రామంలో బుధవారం డీసీఎంలో 59 బస్తాల రేషన్ బియ్యాన్ని తరలిస్తున్నారు.
 దీంతో స్థానికులు వాహనాన్ని అడ్డుకోవడంతో అక్రమార్కులకు, స్థానికులకు మధ్య వాగ్వాదం జరిగింది. పోలీసులకు సమాచారం అందించడంతో డీసీఎంను వదిలి అక్రమార్కులు పరారయ్యారు. రేషన్ బియ్యాన్ని స్వాధీనం చేసుకున్న పోలీసులు రెవెన్యూ అధికారులకు అప్పగించారు. దీనిపై రెవిన్యూ అధికారులు విచారణ జరిపి చర్యలు తీసుకుంటామన్నారు.


 నాగార్జునసాగర్: వేగంగా వెళ్తున్న డీసీఎం రోడ్డు క్రాస్ చేస్తున్న కారును ఢీకొట్టింది. దీంతో మంటలు ఎగిసి డీసీఎంలో పత్తిలోడు ఉండటంతో మంటలు పత్తికు అంటుకొని ఒక్కసారిగా వ్యాపించాయి. ఈ సంఘటన నల్లగొండ జిల్లా నాగార్జునసాగర్ సమీపంలోని నవీకాంప్లెక్స్ సమీపంలో బుధవారం అర్ధరాత్రి దాటాక జరిగింది. వివరాలు.. నోర్కొ ఫ్యాక్టరీలో మేనేజర్‌గా పనిచేస్తున్న ఓ వ్యక్తి రాత్రి విధులు పూర్తి చేసుకొని క్వార్టర్స్‌కు వెళ్తున్న సమయంలో గుంటూరు నుంచి పత్తిలోడుతో వెళ్తున్న డీసీఎం రోడ్డు దాటుతున్న కారును ఢీకొట్టింది. దీంతో మంటలు వ్యాపించి పత్తి కాలిపోయింది. సమాచారం అందుకొని సంఘటనా స్థలానికి చేరుకున్న అగ్నిమాపక సిబ్బంది మంటలను అదుపులోకి తీసుకొచ్చారు. కారులోని వ్యక్తి, డిసీఎం డ్రైవర్లు స్వల్ప గాయాలతో బయటపడ్డారు.


 వరంగల్: రాయపర్తిలో ఘోర రోడ్డు ప్రమాదం చోటుచేసుకుంది. ఓ గ్రానైట్ లారీ-డీసీఎం ఢీకొని ఎనిమిదిమందికి గాయాలయ్యాయి. గాయపడిన ఇద్దరి పరిస్థితి విషమంగా ఉంది. పుష్కరాలకు వెళ్లి వస్తుండగా ఈ ఘటన చోటుచేసుకోవడంతో సదరు కుటుంబాల్లో కొంత విషాద చాయలు అలుముకున్నాయి. క్షతగాత్రులు మర్రిపేట మండలం, చినమంచిర్యాల గ్రామానికి చెందినవారు.
 
  


 నల్గొండ (భువనగిరి): వేగంగా వస్తున్న డీసీఎం ద్విచక్రవాహనాన్ని ఢీకొట్టడంతో ఒక వ్యక్తి మృతిచెందాడు. ఈ సంఘటన నల్గొండ జిల్లా భువనగిరి శివారులో సోమవారం సాయంత్రం చోటుచేసుకుంది. నాగిరెడ్డిపల్లి పరిధిలోని వింబావి గ్రామానికి చెందిన కాసాని కొండల్(29) భువనగిరి నుంచి నందనం వైపు వెళ్తుండగా వెనకనుంచి వచ్చిన డీసీఎం ఢీకొట్టింది.
 
 దీంతో ఆయన అక్కడికక్కడే మృతిచెందాడు. ఈ ప్రమాదంలో బైక్ మీద ఉన్న అతని కుమారుడికి స్వల్ప గాయాలయ్యాయి. అతన్ని స్థానిక ప్రభుత్వ ఆస్పత్రికి తరలించారు. ఢీకొట్టిన వాహనం ఆపకుండా వెళ్లడం చూసిన స్థానికులు కొద్ది దూరంలో ఉన్న ఢాబా హోటల్ వారికి సమాచారం అందించడంతో వాళ్లు డీసీఎంను అదుపులోకి తీసుకున్నారు.


 హైదరాబాద్: డీసీఎం-బైక్ ఢీకొని ఇంజనీరింగ్ విద్యార్థి మృతి చెందాడు. వివరాలు. వరంగల్ జిల్లా మహబూబాబాద్‌కు చెందిన అనిల్(25) హైదరాబాద్‌లోని ఓ ఇంజనీరింగ్ కళాశాలలో బీటెక్ ద్వితీయ సంవత్సరం చదువుతున్నాడు. అతడు మంగళవారం బోయిన్ పల్లి నుంచి కళాశాలకు బైక్‌పై వెళ్తుండగా చింతల్ ఐడీపీఎల్ చౌరస్తా సమీపంలో డీసీఎం వెనుకవైపు ఢీకొట్టింది. దీంతో అనిల్ అక్కడికక్కడే మృతి చెందాడు. పోలీసులు సంఘటన స్థలానికి చేరకుని కేసు నమోదు చేసి దర్యాప్తు చేస్తున్నారు.
 (చింతల్)


 హైదరాబాద్: హయత్నగర్ మండలం వద్ద అంబర్పేట్లో ఆదివారం తెల్లవారుజామున  రోడ్డుప్రమాదం సంభవించింది. ఈ ప్రమాదంలో ప్రైవేటు ట్రావెల్ బస్సు డ్రైవర్, క్లీనర్ మృతిచెందగా,  మరో 14మందికి తీవ్రగాయాలయ్యాయి.
 
 విజయవాడ నుంచి హైదరాబాద్కు వస్తున్న ప్రియాంక ప్రైవేట్ ట్రావెల్స్ బస్సు (ఏపీ 10v 2255) ఎదురుగా వస్తున్న ఢీసీఎంను ఢీకొనడంతో ఈ ఘటన చోటు చేసుకున్నట్టు తెలుస్తోంది. తీవ్రగాయాలైన వారి పరిస్థితి విషమించడంతో ఆస్పత్రికి తరలించినట్టు సమాచారం.


  వారిది అవసరం. వీరిది అవకాశం. బతుకు గడిపేందుకు బహుదూరపు ప్రయాణం ఆ పేదలకు నిత్యకృత్యం. దీనికోసం..చివరకు తమ ప్రాణాలనూ ఫణంగా పెడ్తున్నారు. ఇందుకు సాక్ష్యం ఈ చిత్రం. ఓ కాంట్రాక్టర్ మరికల్‌కు చెందిన వారిని మధ్యప్రదేశ్‌కు ఇదే వాహనంలో కూలీలను తరలించాడు. అక్కడ పనులు ముగిశాక మైసూరుకు తీసుకెళ్తూ వారి వాహనాన్ని అడ్డాకుల వద్ద ఆపాడు. ఒకే వాహనంలో అరను ఏర్పాటు చేసి పిల్లలనూ, పెద్దలనూ కలిపి ఓ అరవైమందిని అందులో కుక్కాడు. వారితో పాటు పరికరాలను సర్ది ప్రయాణం కట్టించాడు. సంతకు పశువులను తరలించినట్టు పనులకోసం ఇలా తీసుకెళ్లాడు.
  
  లారీల్లో సంతకు పశువులను తరలించాలన్నా.. అంగడికి మేకలు,గొర్రెలను తీసుకెళ్లాలన్నా కనీస సౌకర్యం ఉండేందుకు యజమాని చర్యలు తీసుకుంటాడు. కానీ ఆ మూగజీవాలకన్నా దీనంగా ఉంది పాలమూరు వలస కూలీల బతుకు.  డీసీఎంలో సామర్థ్యానికి మించి..పైన చెక్కలతో కంచెమాదిరి ఏ ర్పాటు చేసి ఒకరిపై ఒకరిని కర్కశంగా కుక్కి వందల కిలోమీటర్లు తరలిస్తున్నారు గుంపుమేస్త్రీలు. పసిపిల్లలు,చిన్నపిల్లలు,మహిళలు,అందరూ కనీసం కాళ్లు చాచుకోడానికి వీల్లేకుండా ఎక్కించారు. భగభగ మండే ఎండలో తరలిస్తూ కనీస మానవత్వాన్ని విస్మరిస్తున్నారు. పైనా కింద వేడి పుట్టినా ఊపిరాడని స్థితిలో ఓ రాష్ట్రం దాటి మరో రాష్ట్రానికి వలస వెళ్లారు.
  
  అడ్డాకుల, న్యూస్‌లైన్ :  పాలమూరు వలస కూలీలను పనులకు  తీసుకెళ్లే గుంపు మేస్త్రీలు..కూలీల కష్టాలను మాత్రం పట్టించుకోవడం లేదు. ఓ రాష్ట్రం నుంచి మరో రాష్ట్రానికి వలస కూలీలను తరలించేటపుడు వారిని మూ గజీవాల కన్నా అధ్వానంగా చూస్తున్నారు. మరికల్‌కు చెందిన సుమారు 60 మంది వలస కూలీలను ఓ గుంపుమేస్త్రీ 4నెలల కిందట మధ్యప్రదేశ్‌కు తీసుకెళ్లాడు. అక్కడ పనులు ముగియడంతో వారిని డీసీఎంలో కర్ణా టక రాష్ట్రంలోని మైసూర్‌కు తరలిస్తున్నాడు.
  
 అయితే డీసీఎంలో కూలీల సామాన్లతో పాటు వారి పిల్లలు, కూలీలు కూర్చోవడానికి సరిపడా స్థలం కూడా లేదు. డీసీఎం పైభాగాన చెక్కలతో ఓ అర ఏర్పాటు చేసి దానిపై లగే జీతో పాటు కూలీలను కుక్కారు. అందులో కనీసం కాళ్లు చాపుకుని పడుకునే అవకాశం కూడా లేదు. లగేజీని మొదట కిందికి దింపితే కాని కూలీలు కిందికి దిగే అవకాశం లేదు. బుధవారం మధ్యాహ్నం సంకలమద్ది స్టేజీ వద్ద హైవేపై కొద్దిసేపు నిలపడంతో అందులో కిక్కిరిసి ఉన్న కూలీలు కొద్దిసేపు ఎండలోనే సేదతీరారు. తిరిగి కూ లీలతో పాటు వారి పిల్లలను డీసీఎంలో కిక్కిరిసి ఎక్కిస్తుండటం ‘న్యూస్‌లైన్’ కంటపడింది.


 తానూరు, న్యూస్‌లైన్ : మండలంలోని హిప్నెల్లి గ్రామ సమీపంలో మంగళవారం రాత్రి జరిగిన రోడ్డు ప్రమాదంలో ఒకరు మృతిచెందారు. మరో నలుగురు స్వల్పంగా గాయపడ్డారు. ఎస్సై ప్రభాకర్ తెలిపిన వివరాల ప్రకారం.. డీసీఎం వ్యాన్ బెల్‌తరోడా వైపు వెళ్తుండగా.. ఆటో బెల్‌తరోడా నుంచి తానూరు వైపు వెళ్తోంది. హిప్నెల్లి గ్రామ సమీపంలో డీసీఎం, ఆటో ఎదురెదురుగా ఢీకొన్నాయి. దీంతో ఆటోలో ప్రయాణిస్తున్న ఎల్వి గ్రామస్తుడు శంకర్ పటేల్ తీవ్రంగా, తానూర్‌కు చెందిన నాగేశ్, సాయినాథ్, పోశెట్టి, సంతోష్ స్వల్పంగా గాయపడ్డారు. వీరందరినీ చికిత్స నిమిత్తం భైంసా ఏరియా ఆస్పత్రికి తరలించారు. శంకర్‌పటేల్(45)కు తీవ్ర గాయాలు కావడంతో చికిత్స పొందుతూ పరిస్థితి విషమించి చనిపోయాడు. కేసు నమోదు చేసుకుని దర్యాప్తు చేస్తున్నామని ఎస్సై వివరించారు.
  
  ఆరుగురికి గాయాలు
  బంధం(నేరడిగొండ) : మండలంలోని బంధం క్రాస్ రోడ్ వద్ద బుధవారం జరిగిన రోడ్డు ప్రమాదంలో ఆరుగురు గాయాల పాలయ్యారు. వివరాలిలా ఉన్నాయి. నేరడిగొండ నుంచి నిర్మల్ వైపు వెళ్తున్న కారు, నిర్మల్ నుంచి ఇచ్చోడ వైపు వస్తున్న కారు ఎదురెదురుగా బంధం క్రాస్ రోడ్డు వద్ద ఢీకొన్నాయి. దీంతో బోథ్ మండలం కండేపల్లికి చెందిన రాథోడ్ చందు, సంతోషి, బాల్కొండ మండలం వెల్గటూర్‌కు చెందిన నర్సయ్య, భూమేశ్, నరేశ్, మహేందర్ గాయపడ్డారు. క్షతగాత్రులను హైవే అంబులెన్స్ సిబ్బంది నిర్మల్ ప్రభుత్వ ఆస్పత్రికి తరలించగా చికిత్స పొందుతున్నారు. పోలీసులు కేసు నమోదు చేసుకుని దర్యాప్తు చేస్తున్నారు.
  


 కోదాడ అర్బన్, న్యూస్‌లైన్ :డ్రైవర్ నిద్రమత్తు ఇద్దరి ప్రాణాలను బలిగొంది. నల్లగొండ జిల్లా కోదాడ పట్టణంలోని బైపాస్‌రోడ్డుపై శనివారం అర్ధరాత్రి దాటిన తరువాత జరిగిన రోడ్డు ప్రమాదంలో ఇద్దరు వ్యక్తులు అక్కడికక్కడే దుర్మరణం పాలయ్యారు. పోలీసులు తెలిపిన వివరాల ప్రకారం. అనంతపురం జిల్లాకు చెందిన డీసీఎం వాహనం తూర్పుగోదావరి జిల్లా రావులపాలెం నుంచి హైదరా బాద్‌కు కూరగాయల లోడ్‌తో వెళుతోంది. మార్గం మధ్యలో గుంటూరు జిల్లా పెదకాకాని మండలం వెనిగండ్లకు చెందిన పోట్లూరి వెంకటసుబ్బారావు(35), పోట్లూరి నారాయణ (47)లు హైదరాబాద్ వెళ్లేందుకు విజయవాడలో డీసీఎం ఎక్కారు. రాత్రి ఒంటిగంట సమ యంలో డీసీఎం కోదాడ బైపాస్‌రోడ్‌లో గల శ్రీరంగా పురం వద్దకు రాగానే డ్రైవర్ ఒక్క క్షణం రెప్ప వాల్చడంతో ఘోరం జరిగిపోయింది. డీసీఎం అదుపు తప్పి రోడ్డు కిందకు వెళ్లి బొల్తాకొట్టింది. ఈ ప్రమాదంలో  సుబ్బారావు, నారాయణలు అక్కడిక్కడే మృతి చెంద గా.. డీసీఎం డ్రైవర్, క్లీనర్ గాయాలతో బయటపడ్డారు.  డ్రైవర్ పారిపోయాడు. పోలీసులు ఘటనా స్థలానికి చేరుకుని గాయపడిన క్లీనర్‌ను,  మృతదేహాలను కోదాడ ప్రభుత్వాస్పత్రికి తరలించారు. కేసు నమోదు చేసి దర్యాప్తు చేస్తున్నట్లు సీఐ మధుసూదన్ తెలిపారు.