breaking news
Asian Para Games
-
‘మీ పోరాటం దేశానికే స్ఫూర్తిదాయకం’
న్యూఢిల్లీ: ఆసియా పారా క్రీడల్లో పతకాలు సాధించిన భారత పారా అథ్లెట్లను ప్రధానమంత్రి నరేంద్ర మోదీ ప్రత్యేకంగా అభినందించారు. వారి విజయాలు, పోరాట పటిమ యావత్ దేశానికి స్ఫూర్తి అని ప్రధాని పేర్కొన్నారు. ఇటీవల జపాన్ వేదికగా జరిగిన పారా ఏషియన్ గేమ్స్లో భారత అథ్లెట్లు 114 పతకాలు సాధించారు. ఇందులో 30 స్వర్ణాలు, 35 రజతాలు, 49 కాంస్య పతకాలు ఉన్నాయి. ఈ పోటీల్లో భారత్ నుంచి 97 మంది పారా అథ్లెట్లు పోటీపడగా... వారితో ప్రధాని గురువారం ఇందిరాగాంధీ స్పోర్ట్స్ కాంప్లెక్స్లో సమావేశమయ్యారు. పారా ఆర్చర్ శీతల్ దేవి, స్ప్రింట్లో రెండు స్వర్ణాలు సాధించిన సిమ్రాన్తో ప్రధాని ప్రత్యేకంగా ముచ్చటించారు. ఈ సందర్భంగా పారా అథ్లెట్లకు నరేంద్ర మోదీ స్వీట్లు తినిపించారు. అనంతరం ప్రధాని మెదీ మాట్లాడుతూ... ‘మీ అద్భతమైన ప్రదర్శన క్రీడా రంగంలో మనదేశం ఒక బలీయమైన శక్తిగా ఎదుగుతోందనడానికి నిదర్శనం. మీరు పతకాలు మాత్రమే గెలవలేదు. కోట్లాది మంది హృదయాలను గెలుచుకున్నారు. మీ పోరాటాలు, మీ విజయాలు ప్రతీ భారతీయుడికి స్ఫూర్తినిస్తాయి. గతంలో తల్లిదండ్రులు తమ పిల్లలను క్రీడారంగం వైపు ప్రోత్సహించడానికి భయపడేవారు... కానీ ఇప్పుడు అలాంటి పరిస్థితులు లేవు. ఎవరికి ఏ రంగంలో మక్కువ ఉంటే వారు అందులో అత్యున్నత శిఖరాలకు చేరుకునే మార్గాలు ఉన్నాయి. ప్రతిభను ప్రోత్సహించడంలో ఎల్లప్పుడూ ముందుంటాం. దాని ఫలితాలే ఇప్పుడు మనం చూస్తున్నాం. ఒకప్పుడు మనవాళ్లు చాలా తక్కువ క్రీడల్లో పాల్గొనేవారు... ఇప్పుడు అందులో మార్పు వచ్చింది. ఆర్చరీ, అథ్లెటిక్స్, షూటింగ్, స్విమ్మింగ్, టేబుల్ టెన్నిస్, బ్యాడ్మింటన్, జూడో, పవర్లిఫ్టింగ్ ఇలా ఒక్కటేమిటి అన్నీ క్రీడల్లో మన ప్రాతినిధ్యం పెరిగింది. ఇది బలమైన క్రీడా దేశానికి సంకేతం. నైపుణ్యం ఎక్కడ ఉన్నా దానికి పదును పెట్టేందుకు సిద్ధం’ అని వెల్లడించారు. ఈ కార్యక్రమంలో కేంద్ర క్రీడా శాఖ మంత్రి మన్సుఖ్ మాండవీయ, సహాయ మంత్రి రక్షా ఖడ్సే తదితరులు పాల్గొన్నారు. ఆసియా పారా క్రీడల్లో తెలుగు రాష్ట్రాల క్రీడాకారులు జీవంజీ దీప్తి, బానోతు అకీరా నందన్, బుడిగిన రవి కార్తీక్, రవి రొంగళి, రవన్ని వలసనైని పతకాలు సాధించారు. -
నాలుగో స్థానంతో ముగించిన భారత్
ఐదో ఆసియా పారా క్రీడలు శనివారం జపాన్లోని నగోయాలో లాంఛనంగా ముగిశాయి. 207 స్వర్ణాలు సహా మొత్తం 435 పతకాలు గెలిచిన చైనా అగ్ర స్థానంలో నిలవగా...భారత్కు నాలుగో స్థానం దక్కింది. ఈ ఈవెంట్ ముగింపు ఉత్సవ కార్యక్రమాన్ని ఘనంగా నిర్వహించారు. రెండేసి స్వర్ణ పతకాలు గెలుచుకున్న అథ్లెట్ నిషాద్ కుమార్, షూటర్ మోనా అగర్వాల్ భారత్ తరఫున ఫ్లాగ్ బేరర్లుగా వ్యవహరించారు. -
రవి కార్తీక్ కు జగన్ అభినందనలు..
-
Asian Para Games 2026: చరిత్ర సృష్టించిన భారత్
జపాన్ వేదికగా జరుగుతున్న ఆసియన్ పారా గేమ్స్లో భారత పారా అథ్లెట్ల అద్భుత పోరాటం ముగిసింది. ఈ ప్రతిష్టాత్మక క్రీడల్లో భారత్ మొత్తం 114 పతకాలు సాధించింది. ఇందులో 30 స్వర్ణాలు, 35 రజతాలు, 49 కాంస్య పతకాలు ఉన్నాయి. ప్రస్తుతం భారత్ పతకాల పట్టికలో నాలుగో స్ధానంలో ఉంది.ఈ సంచలన ప్రదర్శనతో భారత్ తన గత ఎడిషన్ పతకాల రికార్డును అధిగమించింది. చైనా వేదికగా జరిగిన 2022 పారా ఆసియా క్రీడల్లో మొదట 111 పతకాలు గెలిచింది. అయితే నీరజ్ యాదవ్, పర్వీన్ల డోపింగ్ ఆరోపణల కారణంగా మూడు పతకాలను ఉపసంహరించుకోవడంతో పతకాల సంఖ్య 108 చేరింది. కానీ ఈసారి మాత్రం భారత్ గత రికార్డులన్నింటినీ అధిగమించి సరికొత్త చరిత్ర సృష్టించింది.గత హాంగ్జౌ ఎడిషన్లో 309 మంది అథ్లెట్లు పాల్గొనగా.. ఈసారి భారత్ తరపున కేవలం 168 మంది పారా అథ్లెట్లను మాత్రమే బరిలోకి దంపారు. తక్కువ సంఖ్యలో పాల్గొన్నప్పటికీ, అద్భుతమైన పట్టుదలతో చరిత్రను తిరగరాశారు.చదవండి: వన్డేల్లో ఫాస్టెస్ట్ డబుల్ సెంచరీ.. హ్యారీ బ్రూక్ చెత్త రికార్డు! -
అదరగొడుతున్న పారా అథ్లెట్లు.. పతకాల సెంచరీ కొట్టిన భారత్
జపాన్లోని ఐచి-నగోయా వేదికగా జరుగుతున్న పారా ఆసియా గేమ్స్లో భారత అథ్లెట్లు సత్తా చాటుతున్నారు. ఐదో రోజు భారత్ వంద పతకాల మార్క్ను దాటడం విశేషం. భారత అథ్లెట్ సందీప్ కుమార్ 400 మీటర్ల T44 ఈవెంట్లో 52.28 సెకన్ల మెరుపు వేగంతో స్ప్రింట్ను పూర్తి చేసి ప్రపంచ రికార్డును బద్దలు కొట్టడమే గాక, స్వర్ణ పతకం కైవసం చేసుకున్నాడు. ఇదే ఈవెంట్లో మరో భారత అథ్లెట్ అజయ్ కుమార్ 53.61 సెకన్ల సమయంలో గమ్యాన్ని చేరి కాంస్యంతో సందీప్తో పాటు పోడియంపై నిలిచాడు. పురుషుల సింగిల్స్ SL3 బ్యాడ్మింటన్ ఫైనల్లో నితేష్ కుమార్.. ప్రమోద్ భగత్ను ఓడించి స్వర్ణం కైవసం చేసుకున్నాడు.పారా ఆర్చరీ పురుషుల రికర్వ్ టీమ్ ఈవెంట్లో హర్విందర్ సింగ్, విజయ్ సుండి 5-1 తేడాతో చైనాపై విజయం సాధించి అగ్రస్థానాన్ని దక్కించుకొని స్వర్ణం చేజెక్కించుకున్నారు. ప్రమోద్ భగత్ రజతం గెలుచుకోగా, బ్యాడ్మింటన్ మహిళల సింగిల్స్ SU5 ఫైనల్లో తులసిమతి మురుగేశన్ 18-21, 11-21 తేడాతో చైనాకు చెందిన యాంగ్ క్యూ జియాపై , రికర్వ్ మహిళల డబుల్స్లో పూజా జాత్యాన్- భావనా చౌదరి 0-6 తేడాతో వాంగ్ జుకియాన్-గావో జిహాన్పై గెలుపొందారు.ఇక పురుషుల 1500మీ T46 ఫైనల్లో పర్మోద్ (4:09.65) రెండో స్థానంలో నిలవడం ద్వారా మరో మూడు రజత పతకాలు భారత్ ఖాతాలో చేరాయి. ప్రస్తుతం భారత్ వంద పతకాల మార్క్ను అందుకోగా.. ఇందులో 25 స్వర్ణాలు, 32 రజతాలు, 43 కాంస్యాలున్నాయి. పట్టికలో భారత్ నాలుగో స్థానంలో కొనసాగుతుంది.THIS IS HUGE RESULT, FOLKS! 🤩🥹 SANDEEP IS AN ASIAN PARA GAMES CHAMPION WITH A WORLD RECORD! 🤯🥇 AJAY KUMAR ALSO CLINCHES BRONZE WITH A NEW GAMES RECORD! 🥉 AND INDIA HAS OFFICIALLY REACHED THE 100-MEDAL MARK!!!! 💯 WHAT A DAY FOR INDIAN PARA-SPORTS! 🇮🇳 LET’S GOOOOO, INDIAAAAA! 🔥🔥🔥— The Khel India (@TheKhelIndia) October 23, 2026ఇదీ చదవండి: 60 ఏళ్ల రికార్డు బద్దలు కొట్టిన ఆసీస్ బౌలర్‘ప్లాన్ లేదు.. ఏమీ లేదు; ఆడుకుంటూ పోయామంతే’ -
శీతల్ దేవి డబుల్ ధమాకా
‘పారా’ ఆసియా క్రీడల్లో భారత బృందం పతకాల వేట కొనసాగుతూనే ఉంది. పోటీల నాలుగో రోజు గురువారం భారత్ 7 స్వర్ణాలు, 5 రజతాలు, 13 కాంస్య పతకాలు సాధించింది. ఇందులో ఆర్చర్ శీతల్ దేవి రెండు పసిడి పతకాల ప్రదర్శన హైలైట్గా నిలిచింది. ఆంధ్రప్రదేశ్ స్విమ్మర్ రవి కార్తీక్ పోటీల్లో మూడో పతకంతో మెరవగా, ఆంధ్రప్రదేశ్కే చెందిన వలసనైని రవన్ని కూడా తన రెండో పతకాన్ని అందుకుంది. ప్రస్తుతం ఓవరాల్గా భారత్ 21 స్వర్ణాలు, 26 రజతాలు, 41 కాంస్యాలతో కలిపి 88 పతకాలతో నాలుగో స్థానానికి ఎగబాకింది. నగోయా: మహిళల ఆర్చరీ కాంపౌండ్ డబుల్స్లో రజతంతో సంతృప్తి చెందిన శీతల్ దేవి ఈసారి ఒకే రోజు రెండు స్వర్ణాలతో సత్తా చాటింది. వ్యక్తిగత, మిక్స్డ్ ఈవెంట్లలో ఆమె పసిడి పతకాలు గెలుచుకుంది. కాంపౌండ్ వ్యక్తిగత ఫైనల్లో శీతల్ 142–139 స్కోరుతో నూర్ అలీమ్ (సింగపూర్)పై విజయం సాధించింది. మిక్స్డ్ ఫైనల్లో శీతల్–తోమన్ కుమార్ ద్వయం 151–148 తేడాతో ఇండోనేసియా జోడీ అయుడియా ఫెరేలీ–కెన్ స్వాగుమిలన్ను ఓడించింది. పారా అథ్లెటిక్స్లో భారత్ ఖాతాలో గురువారం కూడా 5 స్వర్ణాలు చేరాయి. పురుషుల 400 మీటర్ల టి27 పరుగులో దిలీప్ గవిట్ పసిడి సాధించాడు. అతను రేస్ను 48.27 సెకన్లలో పూర్తి చేశాడు. కకేరు ఇషిదా (జపాన్; 49.58 సెకన్లు), మారూఫాన్ (ఉజ్బెకిస్తాన్; 50.03 సెకన్లు) రజత, కాంస్యాలు గెలిచారు. పురుషుల లాంగ్జంప్ టి44/టి62/టి64 ఈవెంట్లో సొలైరాజ్ ధర్మరాజ్ (7.15 మీటర్లు) స్వర్ణం గెలుచుకున్నాడు. ఎడీ బెర్నార్డ్ (మలేసియా; 6.34 మీటర్లు) రజతం, యుమా టమాకి (జపాన్; 6.34 మీటర్లు) కాంస్యం సాధించారు. మహిళల డిస్కస్త్రో ఎఫ్54 లో సువర్ణ రాజ్ స్వర్ణం అందుకుంది. డిస్క్ను ఆమె 15.66 మీటర్ల దూరం విసిరింది. షహాలా (ఇరాన్; 15.45 మీటర్లు), తి గుయెన్ (వియత్నాం; 14.65 మీటర్లు) రజత, కాంస్యాలు అందుకున్నారు. మహిళల 400 మీటర్ల టి47 పరుగులో అంజనాబెన్ బంబాడియా స్వర్ణం సొంతం చేసుకుంది. ఆమె ఈ ఈవెంట్ను 59.97 సెకన్లలో పూర్తి చేయగా, భారత్కే చెందిన జయంతి బెహరా (1 నిమిషం 00.65 సెకన్లు) రజతం సాధించింది. ససిరవన్ (థాయ్లాండ్; 1 నిమిషం 02.58 సెకన్లు) కాంస్యం అందుకుంది. పురుషుల హైజంప్ టి63 ఈవెంట్లో మూడు పతకాలూ భారత్ ఖాతాలోనే చేరడం విశేషం. శైలేష్ కుమార్ 1.89 మీటర్ల ఎత్తుకు ఎగిరి స్వర్ణం సాధించగా...వరుణ్ భాటి (1.84 మీటర్లు), రాహుల్ (1.81 మీటర్లు) రజత, కాంస్యాలు దక్కించుకున్నారు. భారత రజత పతక విజేతలు: ఆర్చరీ: స్వాతి చౌధరీ (మహిళల డబ్ల్యూ1 ఈవెంట్); అథ్లెటిక్స్: తేజల్బెన్ (మహిళల 400 మీ. టి12); స్విమ్మింగ్: కపిల్కుమార్ (పురుషుల 400 మీ. ఫ్రీస్టయిల్ ఎస్10). భారత కాంస్య పతక విజేతలు: బ్యాడ్మింటన్: సూర్యకాంత్–నవీన్ శివకుమార్ (పురుషుల డబుల్స్ ఎస్ఎల్3–ఎస్యూ5); సంజన కుమారి (మహిళల సింగిల్స్ ఎస్ఎల్3); మనీషా రాందాస్–ప్రమోద్ భగత్ (మిక్స్డ్ డబుల్స్ ఎస్ఎల్3–ఎస్యూ5); అభిజీత్ సఖూజా, సుహాస్ లలినకేరే (పురుషుల సింగిల్స్ ఎస్ఎల్4); మనీషా రాందాస్ (మహిళల సింగిల్స్ ఎస్యూ5); కృష్ణ నగార్–నిత్యశ్రీ సుమతి (మిక్స్డ్ డబుల్స్ ఎస్హెచ్6). స్విమ్మింగ్: తేజస్ నందకుమార్ (పురుషుల 100 మీ. బ్యాక్స్ట్రోక్ ఎస్7); స్వాతిక్ పాటిల్ (పురుషుల 100 మీ. బ్రెస్ట్స్ట్రోక్ ఎస్బీ9). టేబుల్ టెన్నిస్: శుభమ్ వాధ్వా–భవీనా పటేల్ (మిక్స్డ్ డబుల్స్–క్లాస్ ఎక్స్డీ7).రవి కార్తీక్, రవన్నిలకు కాంస్యాలు ఆంధ్రప్రదేశ్ స్విమ్మర్ బుడిగిన రవి కార్తీక్ ఆసియా క్రీడల్లో 2 రజతాల తర్వాత కాంస్యాన్ని తన ఖాతాలో వేసుకున్నాడు. పురుషుల 200 మీటర్ల వ్యక్తిగత మెడ్లీ ఎస్ఎం13 ఈవెంట్ను 2 నిమిషాల 28.36 సెకన్లలో ముగించి అతను రెండో స్థానంలో నిలిచాడు. రవన్ని ఈ క్రీడల్లో రెండో కాంస్యాన్ని అందుకుంది. మహిళల 400 మీటర్ల టి11 పరుగును 1 నిమిషం 03.64 సెకన్లలో పూర్తి చేసి ఆమె మూడో స్థానం సాధించింది. -
Asian Para Games 2026 Day 4: భారత్ ఖాతాలో మరో స్వర్ణం
ఆసియా పారా గేమ్స్ 2026లో భారత ఆర్చర్లు శీతల్ దేవి, తోమన్ కుమార్ అదరగొట్టారు. కాంపౌండ్ మిక్స్డ్ టీమ్ ఆర్చరీ ఫైనల్లో ఇండోనేషియాపై విజయం సాధించి స్వర్ణ పతకం కైవసం చేసుకున్నారు. దీంతో భారత్ ఖాతాలో 16వ స్వర్ణం చేరింది.అంతకుముందు ర్యాంకింగ్ రౌండ్లో ఈ జోడీ 1,402 పాయింట్లు సాధించి ప్రపంచ రికార్డు నెలకొల్పింది. అంతకుముందు మహిళల డిస్కస్ త్రో F54 విభాగంలో సువర్ణ రాజ్ భారత్కు మరో స్వర్ణం అందించింది. మహిళల W1 ఆర్చరీలో స్వాతి చౌదరి రజత పతకం సాధించింది.మరోవైపు మహిళల కాంపౌండ్ వ్యక్తిగత విభాగంలో స్వర్ణం కోసం శీతల్ దేవి సింగపూర్ ఆర్చర్ నూర్ అలిమ్తో తలపడనుంది. అథ్లెటిక్స్లోనూ భారత క్రీడాకారులు పతకాల వేట కొనసాగించనున్నారు.ఇదీ చదవండి: Asian Para Games: భారత్ ఖాతాలో 15వ స్వర్ణం -
Asian Para Games: భారత్ ఖాతాలో 15వ స్వర్ణం
ఆసియా పారా గేమ్స్ 2026లో భారత్ పతకాల వేట కొనసాగుతోంది. నాలుగో రోజు మహిళల డిస్కస్ త్రో F54 విభాగంలో సువర్ణ రాజ్ స్వర్ణ పతకం సాధించింది. దీంతో భారత్ ఖాతాలో 15వ స్వర్ణం చేరింది.పారా ఆర్చరీ మహిళల W1 విభాగంలో స్వాతి చౌదరి రజత పతకం గెలుచుకుంది. ఫైనల్లో స్వాతి చైనాకు చెందిన సెన్ మెంగ్కాన్ చేతిలో 4-6తో ఓడిపోయింది.మరోవైపు స్టార్ ఆర్చర్ శీతల్ దేవిపై భారత్ భారీ ఆశలు పెట్టుకుంది. మహిళల కాంపౌండ్ విభాగం స్వర్ణ పతక పోరులో ఆమె సింగపూర్కు చెందిన నూర్ అలిమ్తో తలపడనుంది. అథ్లెటిక్స్లో హైజంప్, మహిళల 400 మీటర్లు, జావెలిన్ త్రో, లాంగ్జంప్ విభాగాల్లోనూ భారత అథ్లెట్లు బరిలోకి దిగనున్నారు.మూడో రోజు ముగిసే సమయానికి భారత్ ఖాతాలో 62 పతకాలు ఉన్నాయి. 100 పతకాల మైలురాయికి చేరువ కావడమే లక్ష్యంగా భారత బృందం ముందుకు సాగుతోంది.ఇదీ చదవండి: ‘పారా’ ఆటగాళ్ల పతక వర్షం -
‘పారా’ ఆటగాళ్ల పతక వర్షం
నగోయా: ఆసియా పారా క్రీడల్లో భారత ఆటగాళ్ల అసాధారణ ప్రదర్శన కొనసాగుతోంది. మన ప్లేయర్లే ఒకరితో మరొకరు పోటీ పడుతూ పతకాలు అందుకోవడంలో దూసుకుపోతున్నారు. పోటీల మూడో రోజు బుధవారం భారత బృందం ఖాతాలో ఏకంగా 27 పతకాలు చేరాయి. వీటిలో 5 స్వర్ణాలు సహా 22 మెడల్స్ అథ్లెటిక్స్లోనే వచ్చాయి. స్విమ్మింగ్ మరో 3 పతకాలు అందించగా... ఆర్చరీ, పవర్లిఫ్టింగ్లలో సాధించిన మెడల్స్తో మన ఓవరాల్ పతకాల సంఖ్య 62కు చేరింది. స్వర్ణధారులు... పారా ఆసియా క్రీడల్లో మన అథ్లెట్ల హవా సాగింది. ఐదుగురు భారత అథ్లెట్లు పసిడి పతకాలతో మెరిశారు. పురుషుల షాట్పుట్ ఎఫ్53 ఈవెంట్లో ఆయుశ్ వర్మ గుండును 8.16 మీటర్ల దూరం విసిరి స్వర్ణం గెలుచుకున్నాడు. అలీరెజా (ఇరాన్–8.09 మీ.) రజతం గెలుచుకోగా, మఖమ్బెత్ (కజకిస్తాన్–6.81 మీ.)కు కాంస్యం దక్కింది. పురుషుల షాట్పుట్ ఎఫ్46 ఈవెంట్లో మూడు పతకాలు భారత్ ఖాతాలోనే చేరడం విశేషం. సచిన్ ఖలారి గుండును 15.87 మీటర్లు విసిరి అగ్రస్థానంలో నిలవగా... యాసీర్ (15.06 మీ.), పర్వీన్ (14.94 మీ.) రజత, కాంస్యాలు సొంతం చేసుకున్నారు. పురుషుల 100 మీటర్ల టి47 ఈవెంట్లో దిలీప్ గవిట్ స్వర్ణం గెలుచుకున్నాడు. అతను రేస్ను 10.69 సెకన్లలో పూర్తి చేయగా...భారత్కే చెందిన మొర్సింగనకత్ (10.72 సెకన్లు) రజతం సాధించాడు. కంగున్ షి (చైనా–10.80 సెకన్లు)కు కాంస్యం లభించింది. మహిళల 100 మీటర్ల టి20 రేస్ను 12.02 సెకన్లలో పూర్తి చేసిన సిమ్రన్ స్వర్ణ పతకం అందుకుంది. ఈ రేస్లో హజర్ సఫర్ (ఇరాన్–12.30 సెకన్లు), నిపుత్రి (ఇండో నేసియా–12.51 సెకన్లు) రజత, కాంస్యాలు దక్కించుకున్నారు. పురుషుల హైజంప్ టి64 పోటీల్లో ప్రవీణ్ కుమార్ 2.05 మీటర్ల ఎత్తు ఎగిరి స్వర్ణం సాధించగా, మరో భారత ఆటగాడు బంటి (1.92 మీ.) రజతం సాధించాడు. గియజోవ్ (ఉజ్బెకిస్తాన్–1.86 మీ.)కు కాంస్యం లభించింది. అథ్లెటిక్స్లో రజత పతక విజేతలు: మహిళల 100 మీ. టి35: ప్రీతి పాల్; మహిళల షాట్పుట్ ఎఫ్34: భాగ్యశ్రీ జాదవ్; పురుషుల జావెలిన్ ఎఫ్12/ఎఫ్13: మన్జీత్; మహిళల 100 మీ. టి35: ప్రీతి పాల్; మహిళల షాట్పుట్ ఎఫ్34: భాగ్యశ్రీ జాదవ్; పురుషుల జావెలిన్ ఎఫ్12/ఎఫ్13: మన్జీత్; పురుషుల 1500 మీ. టి12/టి13: శరత్ మకనహళ్లి. అథ్లెటిక్స్లో కాంస్య పతక విజేతలు: పురుషుల 100 మీ.టి35: అనుభవ్ చౌధరీ; 100 మీ. టి37: రాకేశ్ భట్; 100 మీ. టి64: ప్రణవ్ దేశాయ్; ఎఫ్ 55: సుఖ్చైన్; మహిళల డిస్కస్త్రో ఎఫ్55: కరమ్జ్యోతి; పురుషుల డిస్కస్త్రో ఎఫ్ 37: హనీ; పురుషుల లాంగ్జంప్ టి42/టి61/టి63: శైలేష్ కుమార్. శీతల్–పాయల్ జోడీకి రజతం పారా ఆసియా క్రీడల్లో స్వర్ణం సాధించే లక్ష్యంతో బరిలోకి దిగిన భారత ఆర్చరీ ద్వయం శీతల్ దేవి–పాయల్ నాగ్కు నిరాశ ఎదురైంది. కాంపౌండ్ మహిళల డబుల్స్ ఫైనల్లో శీతల్–పాయల్ 141–150తో చైనా చేతిలో పరాజయం పాలయ్యారు. మహిళల పవర్లిఫ్టింగ్ 67 కేజీల విభాగంలో కస్తూరి రాజమణి మొత్తం 108 కిలోల బరువెత్తి రజతం సొంతం చేసుకుంది. పురుషుల స్విమ్మింగ్ 100 మీటర్ల బ్రెస్ట్ స్ట్రోక్ ఎస్బీ11 ఈవెంట్లో హిమాన్షు నందల్ కాంస్యం గెలుచుకోగా, ఎస్బీ14 రేస్లో రోహిత్ కుమార్కు కాంస్యం దక్కింది. దీప్తి జివాంజికి స్వర్ణం పారా ఆసియా క్రీడల అథ్లెటిక్స్లో బుధవారం తెలుగు రాష్ట్రాలకు చెందిన ముగ్గురు పతకాలు సొంతం చేసుకున్నారు. తెలంగాణకు చెందిన బానోతు అకీరా నందన్ పురుషుల 400 మీ. టి35/38 ఈవెంట్లో రజత పతకం సొంతం చేసుకున్నాడు. ఈ రేస్ను అకీరా 51.25 సెకన్లలో పూర్తి చేసి రెండో స్థానంలో నిలిచాడు. ఆంధ్రప్రదేశ్కు చెందిన రొంగళి రవి పురుషుల షాట్పుట్ ఎఫ్40 ఈవెంట్లో కాంస్యం గెలుచుకున్నాడు. గుండును రవి 10.02 మీటర్ల దూరం విసిరి మూడో స్థానంలో నిలిచాడు. పురుషుల స్విమ్మింగ్లో ఆంధ్రప్రదేశ్కు చెందిన బుడిగిన రవి కార్తీక్ ఈ ఆసియా క్రీడల్లో రెండో పతకాన్ని తన ఖాతాలో వేసుకున్నాడు. 100 మీటర్ల బ్రెస్ట్ స్ట్రోక్ ఎస్13 ఈవెంట్లో రవి కార్తీక్ రజతం సాధించాడు. రేస్ను అతను 1 నిమిషం 10.10 సెకన్లలో పూర్తి చేశాడు. పోటీల రెండో రోజు మంగళవారం తెలంగాణ అథ్లెట్ దీప్తి జీవాంజి స్వర్ణ పతకాన్ని నిలబెట్టుకుంది. మహిళల 400 మీటర్ల టి20 ఈవెంట్ను ఆమె 56.36 సెకన్లలో పూర్తి చేసి అగ్రస్థానాన్ని సాధించింది. 2023 హాంగ్జౌ ఆసియా పారా గేమ్స్లోనూ దీప్తికి స్వర్ణం లభించింది. -
‘పారా’ హుషార్ గెలుపు జీ హుజూర్!
‘ధనవంతులుగా పుట్టడం కంటే అదృష్టవంతులుగా పుట్టడం చాలా నయం’ అనే ప్రసిద్ధ నానుడి ఉంది.వీరు ధనవంతులు కాదు... అదృష్టవంతులు అంతకంటే కాదు.‘కష్టంతోనే అదృష్టం’ అనే మాటను నిజం చేసిన క్రీడా యోధులు. స్ఫూర్తిప్రదాతలు.వైకల్యం ఉన్న చోట సహాయం అందాలి. కనీసం సానుభూతి అయినా దక్కాలి.అదేమిటో... వైకల్యం ఉన్నవారికి వెక్కిరింతలే ఎక్కువగా ఎదురవుతుంటాయి.అలాంటి వెక్కిరింపుల వెన్ను విరిచి, ఆత్మస్థైర్యమే శ్వాసగా అంతర్జాతీయ స్థాయిలో సత్తా చాటిన మహిళలు వీరు. ఆసియా పారా గేమ్స్లో విజయపతాకం ఎగరేసిన స్వర్ణ ధీరవనితలు వీరు...‘ఆ అమ్మాయిది మా ఊరే’ ‘మా పక్క ఊరే’... అని దీప్తి జీవాంజి గురించి ఇప్పుడు చాలామంది గర్వంగా చెబుతుంటారు. తాజాగా... జపాన్లోని నగోయాలో జరుగుతున్న ఆసియా పారా గేమ్స్లో మహిళల 400 మీటర్ల టీ 20 ఈవెంట్లో చరిత్ర సృష్టించి స్వర్ణం గెలుచుకుంది దీప్తి. రేసును 56.36 సెకన్లలో పూర్తి చేసి కొత్త రికార్డ్ సృష్టించింది. గతంలో తన పేరు మీద ఉన్న రికార్డ్ను (56.59 సెకనులు) తానే బ్రేక్ చేసింది.తన విజయాన్ని గురించి సంతోషిస్తూనే గతాన్ని గుర్తు తెచ్చుకుంది దీప్తి...‘ఒకప్పుడు నా వల్ల నా కుటుంబం అవమానాలు ఎదుర్కొంది. తిట్లు తిన్నది. నాకంటూ ఒక పేరు సంపాదించుకున్నప్పటి నుంచి అంతా మారిపోయింది. ఇప్పుడు మాతో అందరూ గౌరవంగా మాట్లాడుతున్నారు. ఇది నాకు మరింత వేగంగా పరుగెత్తేలా శక్తిని ఇస్తోంది’సూటిపోటి మాటలుదీప్తి స్వగ్రామం తెలంగాణ రాష్ట్రంలోని కల్లెడ. ఆమె తల్లిదండ్రులు రోజువారీ కూలీలు. ‘ఈరోజు గడిస్తే చాలు’ అనుకునే పరిస్థితి. ఆర్థిక కష్టాల మాట ఎలా ఉన్నా, వారి బెంగ కూతురు దీప్తి గురించే. ‘మీ అమ్మాయికి మానసిక లోపం. ఎలా బతుకుతుందో ఏమో! అసలు పెళ్లవుతుందా?’... ఇలాంటి సూటిపోటి మాటలెన్నో భరించారు.టర్నింగ్ పాయింట్హైదరాబాద్లోని స్పోర్ట్స్ ఆథారిటీ ఆఫ్ ఇండియా శిక్షణా కేంద్రంలో చేరడం దీప్తి జీవితంలో టర్నింగ్ పాయింట్. అప్పుడు ఆమె తొమ్మిదో తరగతి చదువుతోంది. దీప్తి మాట్లాడేది అర్థం కాకపోవడంతో ఆమెకు కోచింగ్ ఇవ్వడం కష్టం అయింది. మెల్లగా నేర్చుకోవడం వల్ల ఎక్కువ విషయాలు చెప్పడానికి లేదు. ఎక్కువ విషయాలు చెప్పడం వల్ల గందరగోళానికి గురయ్యేది. దీంతో చాలా జాగ్రత్తగా శిక్షణ ఇచ్చేవారు.‘నేషనల్ ఇన్స్టిట్యూట్ ఫర్ ది ఎంపవర్మెంట్ ఆఫ్ పర్సన్ విత్ ఇంటలెక్చువల్ డిసేబిటిటీ’ కేంద్రానికి దీప్తిని తీసుకెళ్లమని ప్రముఖ బ్యాడ్మింటన్ కోచ్ పుల్లెల గోపీచంద్ కోచ్ రమేష్కు సూచించారు. వైద్యపరీక్షల తరువాత దీప్తికి మానసిక వైకల్యం ఉన్నట్లు నిపుణులు ధ్రువీకరించారు. దీంతో ఆమె పారా మీట్స్లో పోటీ పడడానికి అనుమతి లభించింది. గోపీ–మైత్రా ఫౌండేషన్ ఆమెకు స్పాన్సర్గా వ్యవహరించింది.హాంగ్జౌ ఆసియా పారా గేమ్స్లో టీ 20 విభాగంలో 400 మీటర్ల పరుగులో స్వర్ణం గెలుచుకుంది. భువనేశ్వర్లో జరిగిన ఆల్–ఇండియా ఇంటర్–యూనివర్శిటీ ఛాంపియన్షిప్లో రెండు స్వర్ణాలు సాధించింది... ఆమె స్వర్ణచరిత్ర మొదలైంది.‘రన్ దీప్తి రన్’ పేరుతో ప్రముఖ రచయిత యండమూరి వీరేంద్రనాథ్ దీప్తిపై స్ఫూర్తిదాయకమైన పుస్తకం రాశారు.నా అంతిమ లక్ష్యంనా కుటుంబం, నా దేశం కోసం రికార్డ్లు బద్దలు కొడుతూ వీలైనంత వేగంగా, వీలైనంత ఎక్కువ కాలం పరుగెత్తాలనుకుంటున్నాను. అయితే అంతకుమించిన లక్ష్యం ఒకటి ఉంది. ఎన్నో అడ్డంకులు, ప్రతికూలతలు ఉన్నప్పటికీ నాలాగే తమ కలలను సాకారం చేసుకోవడానికి ధైర్యం చేసే యువతులకు శిక్షణ ఇవ్వడమే నా అంతిమలక్ష్యం.– దీప్తి జీవాంజిజయనగర్ నుంచి జయపథం వరకుజయనగర్లోని ‘ఇండియన్ అథ్లెటిక్స్ అకాడమీ’లోకి అడుగు పెట్టినప్పుడు స్పైక్, ట్రాక్ టైమింగ్, స్ట్రైడ్ లెంగ్త్, ఆసియా పారా గేమ్స్ గురించి సౌమ్య కుమార్కు పెద్దగా అవగాహన లేదు. అయితే రెండేళ్ల వ్యవధిలోనే తానేమిటో నిరూపించుకుంది. కర్నాటకకు చెందిన సౌమ్య కుమార్ ట్రాక్ అండ్ ఫీల్డ్ అథ్లెట్.ఆసియా పారా క్రీడల్లో అరంగేట్రం చేసిన సౌమ్య, దృష్టిలోపం ఉన్న మహిళల 1500 మీటర్ల టీ12/13 విభాగంలో స్వర్ణం గెలుచుకొని ప్రపంచదృష్టిని ఆకర్షించింది.‘ఆసియా పారా గేమ్స్లో స్వర్ణపతకాన్ని సాధించే ప్రయాణంలో వరుస విజయాలతో సత్తా చాటింది. సౌమ్య విజయాలకు కారణం...ఆటలపై ఆమెకు ఉన్న ప్రేమ, మానసిక దృఢత్వం, కఠోరశ్రమ’ అన్నారు సౌమ్య కోచ్ రోషన్.ఆర్థిక వనరులు అంతగా లేకపోవడం వల్ల తన ప్రయాణంలో సౌమ్య కుమార్ ఎన్నో క్లిష్ట పరిస్థితులను ఎదుర్కొంది. అయినా ఎప్పుడూ నిరాశపడలేదు. ఉత్సాహం అనే ఇంధనంతో అడుగులు వేసింది.అదే... తన తారకమంత్రం‘అయ్యో...పోలియోతో పుట్టింది’ అని మోనా అగర్వాల్ గురించి ఎప్పుడూ ఎవరో ఒకరు బాధ పడుతుండేవారు. అలాంటి కాలంలో ‘సంకల్ప బలం’ అనే మంత్రోపదేశాన్ని చేసింది బామ్మ. అదే... మోనా అగర్వాల్ సక్సెస్ మంత్రా.తాజాగా... ఆసియా పారా గేమ్స్లో మహిళల పది మీటర్ల ఎయిర్ రైఫిల్ స్టాండింగ్ ఎస్హెచ్ 1 విభాగంలో స్వర్ణపతకం గెల్చుకుంది మోనా అగర్వాల్...పోలియో బారిన పడిన మోనా క్రీడారంగంలో కెరీర్ నిర్మించుకోవడానికి 2010లో ఇంటిని వదిలింది. పారాలింపిక్స్ వంటి క్రీడా పోటీల్లో పాల్గొనే అవకాశం తనకు కూడా ఉందనే విషయం ఆమెకు ఆలస్యంగా తెలిసింది. ఆ తరువాత... ఆమె మాటల్లోనే...→ పోటీలలో పాల్గొనే అవకాశం ఉందనే విషయం తెలిసిన తరువాత, దేనిలో నేను అత్యుత్తమ ప్రతిభ కనబర్చగలనో తెలుసుకోవడానికి ప్రయత్నించాను. మూడు, నాలుగు ఆటలు ప్రయత్నించిన తరువాత షూటింగ్ను ఎంచుకున్నాను. నా స్నేహితుల దగ్గర అప్పు తీసుకొని పరికరాలు కొన్నాను. ఇది చాలా పెద్ద రిస్క్ అని తెలుసు. అయితే దాన్ని సద్వినియోగం చేసుకుంటే కుటుంబం గర్వపడేలా చేయవచ్చు. అప్పులు తీర్చవచ్చు అనుకున్నాను.→ ప్రాక్టీస్కు వెళ్లేముందు పిల్లలను ఇంట్లోనే వదిలి వెళ్లేదాన్ని. రోజూ వారికి వీడియో కాల్ చేసి మాట్లాడేదాన్ని. ‘అమ్మా... నువ్వు ఇంటిదారి మరచిపోయావా? జీపిఎస్ ఆన్ చేసి ఇంటికి తిరిగి వచ్చేయ్ అనేవారు’. నా మనసు బాధతో తల్లడిల్లేది. పిల్లలతో మాట్లాడిన ప్రతి సాయంత్రం ఏడ్చేదాన్ని.→ నా ప్రయాణంలో ఆర్థిక కష్టాలు అడ్డుగా నిలిచాయి. అయినా వాటిని అధిగమించి ముందుకువెళ్లాను. పతకాలు సాధించాను.ఆ మాటే... గెలుపు బాటగా...‘పోటీ ఎంత గట్టిగా ఉంటే నేను అంత ఎక్కువగా సంతోషిస్తాను’ అంటుంది పారా అథ్లెట్, స్ప్రింటర్ సిమ్రాన్ శర్మ. తాజాగా... ఆసియా పారా గేమ్స్లో మహిళల 100 మీటర్ల టి12లో స్వర్ణం గెలుచుకుంది.వరల్డ్ పారా ఛాంపియన్షిప్(2024)లో స్వర్ణపతకం గెల్చుకొని పారా స్ప్రింట్ ఈవెంట్లో ఫస్ట్ ఇండియన్ వరల్డ్ ఛాంపియన్గా నిలిచింది. పారిస్ పారాలింపిక్స్లో 200 మీటర్ల విభాగంలో కాంస్య పతకం గెలిచింది. సిమ్రాన్ జ్ఞాపకాలు... ఆమె మాటల్లో...→ ఉత్తరప్రదేశ్లోని ఒక చిన్న గ్రామంలో పుట్టాను. దృష్టిలోపం ఉండడంతో బంధువులు, స్నేహితులు ఎగతాళి చేసేవారు. ‘చెప్పు, ఎన్ని వేళ్లు ఉన్నాయి? అటువైపు ఎందుకు చూస్తున్నావు. ఇటువైపు చూడు’ అంటూ నన్ను వేధించేవారు. ఎముకలు బలహీనంగా ఉండడంతో నా శరీరం దృఢంగా ఉండేది కాదు.నేను పరుగెడుతున్నప్పుడు బాడీ పక్కకు వంగేది. దీనివల్ల నాకు తెలియకుండానే వేరే రన్నర్ల దారిలోకి వెళ్లేదాన్ని. దీంతో గొడవలయ్యాయి. ఈ సమస్యను అధిగమించడానికి నా భుజాలపై రెండు–మూడు కిలోల బరువు పెట్టుకొని పరుగెత్తేదాన్ని.→ నా భర్త, కోచ్ గజేంద్రసింగ్ ఆటల్లో నన్ను ప్రోత్సహించేవారు. అయితే ఇది గ్రామస్తులకు నచ్చేది కాదు. ఇది ఇతర మహిళలపై చెడు ప్రభావం చూపుతుందని అనేవారు. అయితే వారి మాటలను పట్టించుకోకుండా లక్ష్యం వైపు అడుగులు వేశాను.→ ఒకరోజు శిక్షణ సమయంలో మా ఇంటి సమస్యలు, ఆర్థిక సమస్యలు గుర్తు తెచ్చుకొని ఏడుస్తున్నాను. ఇది చూసిన స్ట్రెంత్ అండ్ కండిషనింగ్ కోచ్ నాకు రెస్ట్ ఇచ్చారు. ఆ తరువాత ఇలా అన్నారు...‘ప్రస్తుతానికి నువ్వు ఏమీ చేయలేవు. ఏడ్వడం వల్ల ఎలాంటి ప్రయోజనం ఉండదు. మీ కుటుంబానికి నువ్వు చేయగలిగే ఏకైన సహాయం ఈ పతకాన్ని గెలవడమే. గెలవాలంటే నువ్వు ప్రశాంతమైన మనసుతో శిక్షణ పొందాలి’ ఈ మాట నాకు ఎప్పుడూ గుర్తు ఉంటుంది. ఈ సలహా నన్ను మార్చివేసింది. – యాకుబ్ పాషా -
Asian Para Games 2026: భారత్ ఖాతాలో మరో స్వర్ణం
ఆసియా పారా గేమ్స్లో భారత అథ్లెట్లు సత్తా చాటుతున్నారు. మూడో రోజు పోటీల్లో సచిన్ ఖిలారీ స్వర్ణ పతకంతో మెరిశాడు. పురుషుల షాట్పుట్ F46 విభాగంలో 15.87 మీటర్ల దూరం విసిరి గేమ్స్ రికార్డు నెలకొల్పాడు. ఇదే విభాగంలో భారత్కు చెందిన మహ్మద్ యాసర్ (15.06 మీ), పర్వీన్ (14.94 మీ) రజత, కాంస్య పతకాలు సాధించారు. దీంతో భారత్ పోడియంపై మూడు స్థానాలనూ కైవసం చేసుకుంది.హైజంప్లోనూ స్వర్ణం, రజతంపురుషుల హైజంప్ T64 విభాగంలో ప్రవీణ్ కుమార్ 2.05 మీటర్ల ఎత్తు దూకి గేమ్స్ రికార్డుతో స్వర్ణ పతకం గెలిచాడు. భారత అథ్లెట్ బంటీ 1.92 మీటర్లతో రజతం సాధించాడు. ఈ విభాగంలోనూ భారత్ రెండు పతకాలను సొంతం చేసుకుంది.మూడో రోజు భారత్కు మరిన్ని పతకాలుపురుషుల షాట్పుట్ F53 విభాగంలో ఆయుష్ వర్మ 8.16 మీటర్ల ప్రదర్శనతో స్వర్ణం గెలిచాడు. మహిళల కాంపౌండ్ డబుల్స్లో షీతల్ దేవి, పాయల్ నాగ్ జోడీ రజత పతకం సాధించింది.మొదటి రెండు రోజుల్లోనే 35 పతకాలు సాధించిన భారత్.. మూడో రోజు విజయాలతో ఆసియా పారా గేమ్స్లో తన పతకాల వేటను కొనసాగిస్తోంది.ఇదీ చదవండి: Asian Para Games 2026: చరిత్ర సృష్టించిన నిషద్.. లాంగ్ జంప్, హైజంప్లో స్వర్ణ పతకాలు -
చరిత్ర సృష్టించిన నిషద్.. లాంగ్ జంప్, హైజంప్లో స్వర్ణ పతకాలు
జపాన్లోని నాగోయా వేదికగా జరుగుతున్న ఆసియా పారా గేమ్స్లో భారత అథ్లెట్ల పతకాల వేట కొనసాగుతోంది. పురుషుల హైజంప్ (T47) ఫైనల్లో భారత స్టార్ పారా అథ్లెట్ నిషాద్ కుమార్ అద్భుత ప్రదర్శనతో స్వర్ణ పతకాన్ని కైవసం చేసుకున్నాడు. ఈ తుది పోటీల్లో నిషాద్ కుమార్ ఆరంభం నుంచే పూర్తి ఆధిపత్యం ప్రదర్శించాడు.తన మొదటి ప్రయత్నాల్లోనే 1.88 మీటర్లు, 1.94 మీటర్లు, 1.98 మీటర్లు , 2.02 మీటర్ల ఎత్తును సునాయసంగా అతడు జంప్ చేశాడు. ఆ తర్వాత ఏకంగా 2.04 మీటర్ల ఎత్తును పంజ్ చేసి అగ్రస్దానంలో నిలిచి పసిడి పతకాన్ని ముద్దాడాడు.ఈ పారా క్రీడల్లో అతడికి ఇది రెండువ బంగారు పతకం కావడం విశేషం. తద్వారా ఒకే పారా ఆసియా క్రీడల్లో రెండు పతకాలు సాధించిన మూడో భారత అథ్లెట్గా నిషాద్ రికార్డులకెక్కాడు. అంతకుముందు పురుషుల టీ47 లాంగ్ జంప్ కేటగిరిలో 7.11 మీటర్లు దూకి బంగారు పతకం సొంతం చేసుకున్నాడు. ఈ క్రీడల్లో భారత్ ఇప్పటివరకు 26 పతకాలు సాధించింది.చదవండి: Asian Para Games 2026: భారత్ ఖాతాలో మరో రెండు పతకాలు -
భారత్ ఖాతాలో మరో రెండు పతకాలు
జపాన్ వేదికగా జరుగుతున్న ఆసియా పారా గేమ్స్లో భారత అథ్లెట్లు అదరగొడుతున్నారు. తాజాగా భారత్ ఖాతాలో మరో రెండు పతకాలు చేరాయి. మహిళల 200 మీటర్ల (T12) ఫైనల్లో స్టార్ పారా స్ప్రింటర్ సిమ్రాన్ శర్మ అద్భుత ప్రదర్శనతో స్వర్ణ పతకాన్ని ముద్దాడింది.అదే రేసులో మరో భారత అథ్లెట్ తేజల్బెన్ దామోర్ మూడో స్ధానంలో నిలిచి కాంస్య పతకం సొంతం చేసుకుంది. కాగా ఈ 200 మీటర్ల రేసును సిమ్రాన్ 24.80 సెకన్లలో, దామోర్ 25.23 సెకన్లలో పూర్తి చేశారు. 25.02 సెకన్లలో రేసు పూర్తిచేసిన ఇరాన్ స్ప్రింటర్ హజార్ సఫార్జాదేకు రజత పతకం దక్కింది.అంతకముందు మహిళల 400 మీటర్ల టీ20 ఫైనల్లో దీప్తి జీవాంజి స్వర్ణ పతకాన్ని కైవసం చేసుకుంది. పురుషుల జావెలిన్ త్రో ఎఫ్53/ఎఫ్54 ఫైనల్లో ప్రదీప్ కుమార్ రజత పతకం సాధించగా.. ఆయుష్ వర్మ కాంస్య పతకాన్ని దక్కించుకున్నారు. ఈ పారా గేమ్స్లో భారత్ ఇప్పటివరకు మొత్తం 26 పతకాలు సాధించింది.చదవండి: SA vs AUS: మిచెల్ స్టార్క్ ప్రపంచ రికార్డు -
ఆసియా పారా గేమ్స్లో భారత్ జోరు.. 20 దాటిన పతకాల సంఖ్య
ఆసియా పారా గేమ్స్ 2026లో భారత అథ్లెట్లు సత్తా చాటుతున్నారు. రెండో రోజు పోటీల్లో దీప్తి జీవాంజి స్వర్ణ పతకంతో మెరవగా.. జావెలిన్ త్రో, షూటింగ్, పారా పవర్లిఫ్టింగ్, టేబుల్ టెన్నిస్లోనూ భారత క్రీడాకారులు పతకాలు సాధించారు. దీంతో భారత్ ఖాతాలో మొత్తం పతకాల సంఖ్య 20 దాటింది.గేమ్స్ రికార్డుతో దీప్తి స్వర్ణంమహిళల 400 మీటర్ల టీ20 ఫైనల్లో దీప్తి జీవాంజి 56.36 సెకన్లలో రేసును పూర్తి చేసి స్వర్ణ పతకాన్ని కైవసం చేసుకుంది. ఈ క్రమంలో కొత్త గేమ్స్ రికార్డును నెలకొల్పింది.జావెలిన్ త్రోలో రెండు పతకాలుపురుషుల జావెలిన్ త్రో ఎఫ్53/ఎఫ్54 ఫైనల్లో ప్రదీప్ కుమార్ రజత పతకం సాధించగా.. ఆయుష్ వర్మ కాంస్య పతకాన్ని దక్కించుకున్నాడు. దీంతో ఈ విభాగంలో భారత్కు రెండు పతకాలు లభించాయి.షూటింగ్లో మానిష్ నర్వాల్కు రజతంపురుషుల 10 మీటర్ల ఎయిర్ పిస్టల్ ఎస్హెచ్1 ఫైనల్లో రెండు పారాలింపిక్ పతకాల విజేత మానిష్ నర్వాల్ రజత పతకం సాధించాడు. దీంతో లాస్ ఏంజెలెస్ 2028 పారాలింపిక్స్కు భారత్కు కోటా స్థానం కూడా లభించింది.పారా పవర్లిఫ్టింగ్లో చరిత్రపారా పవర్లిఫ్టింగ్లో అశోక్ 192 కిలోల బరువును ఎత్తి రజత పతకాన్ని గెలుచుకున్నాడు. ఈ క్రీడాంశంలో ఆసియా పారా గేమ్స్లో భారత్కు ఇదే తొలి పతకం కావడం విశేషం.టేబుల్ టెన్నిస్లో భవీనా పటేల్కు కాంస్యంటోక్యో పారాలింపిక్స్ పతక విజేత భవీనా పటేల్ మహిళల సింగిల్స్ క్లాస్ 4-5 విభాగంలో కాంస్య పతకాన్ని సాధించింది.తొలిరోజు 11 పతకాలతో పతకాల పట్టికలో నాలుగో స్థానంలో నిలిచిన భారత్.. రెండో రోజు కూడా అదే జోరును కొనసాగిస్తోంది. భారత అర్చరీ క్రీడాకారిణి శీతల్ దేవి స్వర్ణ పతకానికి చేరువగా ఉండటంతో, పతకాల సంఖ్య మరింత పెరిగే అవకాశముంది.ఇదీ చదవండి: పారా అథ్లెట్ల పసిడి జోరు -
పారా అథ్లెట్ల పసిడి జోరు
నగోయా: ఆసియా పారా క్రీడల్లో భారత ఆటగాళ్లు తొలి రోజే పెద్ద సంఖ్యలో పతకాలతో మెరిశారు. సోమవారం నాలుగు వేర్వేరు క్రీడాంశాల్లో కలిపి భారత బృందం మొత్తం 11 పతకాలు గెలుచుకోవడం విశేషం. ఇందులో 4 స్వర్ణాలు, 5 రజతాలు, 2 కాంస్యాలు ఉన్నాయి. పారా అథ్లెట్గా ఇప్పటికే అంతర్జాతీయ స్థాయిలో గుర్తింపు తెచ్చుకున్న ఆటగాళ్లు అంచనాలకు అనుగుణంగా ప్రదర్శన కనబర్చగా, పలువురు కొత్త ప్లేయర్లు తొలిసారి ఆసియా పారా క్రీడల్లో సత్తా చాటారు. ఆంధ్రప్రదేశ్కు చెందిన బుడిగిన రవి కార్తీక్ స్విమ్మింగ్లో రజతం నెగ్గడం ప్రస్తావనార్హం. అథ్లెటిక్స్లో 3 స్వర్ణాలు... పతకాల ఖాతాలో భారత అథ్లెట్లు ఆధిక్యం ప్రదర్శించారు. మన అథ్లెట్లే 3 స్వర్ణాలు, 2 రజతాలు, 1 కాంస్యం గెలుచుకున్నారు. పురుషుల జావెలిన్ త్రో ఎఫ్–46 ఈవెంట్లో భారత్కు 2 పతకాలు దక్కాయి. రింకూ హుడా (65.11 మీటర్లు) స్వర్ణం గెలుచుకోగా, అజీత్ సింగ్ (65.02 మీటర్లు) రజతం సాధించాడు. సక్తోనో రిజాల్ (ఇండోనేసియా; 55.30 మీ.) కాంస్యం నెగ్గాడు. పురుషుల లాంగ్జంప్ టి47 ఈవెంట్లో నిషాద్ కుమార్ స్వర్ణంతో మెరిశాడు. అతను 7.11 మీటర్ల దూరం లంఘించి మొదటి స్థానంలో నిలవగా... ఖసనోవ్ (ఉజ్బెకిస్తాన్; 6.99 మీటర్లు), సఫ్రాన్ (శ్రీలంక; 6.55 మీటర్లు) రజత, కాంస్యాలు నెగ్గారు. మహిళల 1500 మీటర్ల టి12/టి20 ఈవెంట్లో భారత్ ఖాతాలోనే స్వర్ణ, రజతాలు చేరాయి. సౌమ్య (5 నిమిషాల 12.39 సెకన్లు) స్వర్ణం అందుకోగా, రాధ వెంకటేశ్ (5 నిమిషాల 30.90 సెకన్లు)కు రజతం లభించింది. మనా ససాకి (జపాన్; 5 నిమిషాల 12.15 సెకన్లు)కు కాంస్యం లభించింది. మహిళల 1500 మీటర్ల టి11 ఈవెంట్లో భారత అథ్లెట్ రవన్ని వలసనైని కాంస్యం గెలుచుకుంది. ఆమె ఈ పరుగును 5 నిమిషాల 41.85 సెకన్లలో పూర్తి చేసింది. హి షన్షన్ (చైనా; 4 నిమిషాల 41.19 సెకన్లు) స్వర్ణం సాధించగా, జెంగ్లీ హువాంగ్ (చైనా; 4 నిమిషాల 55.54 సెకన్లు) రజతం అందుకుంది. ఇదే ఈవెంట్లో పాల్గొన్న మరో భారత అథ్లెట్ రక్షిత రాజు ‘డిస్క్వాలిఫై’ అయింది. నిజానికి రక్షిత మూడో స్థానంతో ముగించి కాంస్యం నెగ్గింది. అయితే ఆసియా క్రీడల పోటీల్లో ధరించాల్సిన దుస్తులకు సంబంధించి నిబంధనలు సరిగా పాటించకుండా ఆమె ఉల్లంఘించింది. దాంతో నిర్వాహకులు డిస్క్వాలిఫై చేశారు. దాంతో నాలుగో స్థానంలో నిలిచిన రవన్నికి కాంస్యం దక్కింది. జూడోలో రజత, కాంస్యాలు... భారత్కు జూడో తొలి రోజు రెండు పతకాలు అందించింది. మహిళల జే12 52 కేజీల కేటగిరీలో భారత జూడోకా కోకిల రజత పతకం గెలుచుకుంది. ఫైనల్లో కోకిలపై ‘ఇపోన్’ స్కోరింగ్తో ఐబికె ఉలాన్బెక్ (కిర్గిస్తాన్) విజయం సాధించింది. పురుషుల జే1 79 కేజీల కేటగిరీలో కపిల్ పర్మార్ కాంస్య పతకం సాధించాడు. మూడో స్థానం కోసం జరిగిన బౌట్లో కపిల్ ‘ఇపోన్’ స్కోరింగ్తో రఫ్లీ షిద్ఖీ (ఇండోనేసియా)పై గెలుపొందాడు. ఒకే ఈవెంట్లో స్వర్ణ, రజతాలు...షూటింగ్లో కూడా తొలిరోజు భారత్ ఒక రజతం, ఒక కాంస్యం గెలుచుకుంది. మహిళల ఆర్2–మహిళల 10 మీటర్ల ఎయిర్ రైఫిల్ స్టాండింగ్ ఎస్హెచ్1 ఈవెంట్లో మోనా అగర్వాల్ స్వర్ణం గెలుచుకోగా, అవని లేఖరా రజతం సాధించింది. గత ఆసియా క్రీడల్లో అవని స్వర్ణం గెలిచింది. మోనా 250 పాయింట్లతో అగ్రస్థానంలో నిలిచింది. టోక్యో, పారిస్ పారాలింపిక్స్ స్వర్ణ పతక విజేత అవని 249.6 పాయింట్లతో రజతానికి పరిమితమైంది. యూన్రీ లీ (దక్షిణ కొరియా; 227.9 పాయింట్లు)కు కాంస్య పతకం దక్కింది. టీటీ, బ్యాడ్మింటన్లలో పతకాల ఖాయం...పారా ఆసియా క్రీడల్లో రాణిస్తూ మన ప్లేయర్లు మరికొన్ని క్రీడాంశాల్లో పతకాలు ఖాయం చేశారు. మహిళల టేబుల్ టెన్నిస్ (టీటీ)లో భవీనా పటేల్, ప్రాచీ పాండే, సోనల్బెన్ మూడు వేర్వేరు కేటగిరీల్లో సెమీఫైనల్కు చేరుకోవడంతో పతకాలు ఖాయమయ్యాయి. బ్యాడ్మింటన్ మిక్స్డ్ డబుల్స్లో భారత జోడీ నితేశ్ కుమార్–తులసిమతి మురుగేశన్ సెమీఫైనల్లో అడుగు పెట్టడంతో మరో పతకం ఖాయమైంది.రవి కార్తీక్కు రజత పతకం స్వల్పంగా దృష్టి లోపం ఉన్న స్విమ్మర్లు పారా స్విమ్మింగ్ ఎస్13 కేటగిరీలో పోటీ పడతారు. ఆసియా క్రీడల పురుషుల 100 మీటర్ల ఫ్రీస్టయిల్ ఎస్13 ఈవెంట్లో ఆంధ్రప్రదేశ్కు చెందిన బుడిగిన రవి కార్తీక్ రజతం సొంతం చేసుకున్నాడు. 56.68 సెకన్లలో అతను రేస్ను పూర్తి చేశాడు. ఇగోర్ బొలొటొవ్ (ఉజ్బెకిస్తాన్; 52.90 సెకన్లు) స్వర్ణం గెలుచుకోగా, విక్టర్ వొల్కొవ్ (కజకిస్తాన్; 57.23 సెకన్లు)కు కాంస్యం లభించింది. ఎస్11, ఎస్12 కేటగిరీలతో పోలిస్తే తక్కువ అంధత్వం ఉన్న ప్లేయర్లు ఎస్13 కేటగిరీలోకి వస్తారు. స్విమ్మింగ్లో ఏదో ఒక ఈవెంట్కే పరిమితం కాకుండా ఫ్రీస్టయిల్, బ్యాక్స్ట్రోక్, బ్రెస్ట్స్ట్రోక్, బటర్ఫ్లయ్, వ్యక్తిగత మెడ్లీలలో కూడా సత్తా చాటుతూ భారత్ తరఫున అంతర్జాతీయ స్థాయిలో ఉత్తమ పారా స్విమ్మర్లలో ఒకడిగా రవి కార్తీక్ గుర్తింపు తెచ్చుకున్నాడు. గత ఏడాది దుబాయ్లో జరిగిన ఆసియా యూత్ పారా గేమ్స్లో ఆరు వేర్వేరు ఈవెంట్లలో కలిపి రవి 3 స్వర్ణాలు, 3 రజతాలు సాధించడం విశేషం. 2026 గ్లాస్గో కామన్వెల్త్ పారా గేమ్స్లో రవి పాల్గొన్నాడు. -
ఆసియా పారా గేమ్స్ షురూ..
-
చరిత్ర సృష్టించిన భారత షూటర్లు.. స్వర్ణం, రజతం మనవే
ఆసియా పారా గేమ్స్లో భారత షూటర్లు సత్తా చాటారు. మహిళల 10 మీటర్ల ఎయిర్ రైఫిల్ ఎస్హెచ్-1 విభాగంలో మోనా సింగ్ అగర్వాల్, అవనీ లేఖరా స్వర్ణ, రజతాలతో మెరిశారు. సోమవారం జరిగిన ఎస్హెచ్-1 ఫైనల్ ఈవెంట్లో మోనా అగర్వాల్ 250 పాయింట్లు స్కోరుతో స్వర్ణ పతకాన్ని ఎగరేసుకుపోగా, 249.6 పాయింట్లు స్కోరు నమోదు చేసి రెండో స్థానంలో నిలిచి రజతం దక్కించుకుంది. ఇక దక్షిణ కొరియాకు చెందిన లీ యున్రీ కాంస్య పతకం సాధించింది. కాగా మోనా అగర్వాల్ గత ఆసియా గేమ్స్ రికార్డును బద్దలుకొట్టడం విశేషం. హాంగ్జౌ వేదికగా జరిగిన గత పారా ఆసియా గేమ్స్లో అవనీ లేఖరా సాధించిన 249.6 స్కోరును అధిగమించిన మోనా తొలి స్థానంలో నిలిచింది. అంతకముందు క్వాలిఫికేషన్ రౌండ్లోనూ ఈ ఇద్దరు అదరగొట్టారు. క్వాలిఫయింగ్ రౌండ్లో మోనా 629.1 స్కోరుతో తొలి స్థానంలో నిలవగా, అవనీ లేఖరా 626.4 స్కోరుతో మోనాను అనుసరించింది.DOUBLE PODIUM FOR INDIA! 🇮🇳🥇🥈🔥🔥 WHAT A START TO THE ASIAN PARA GAMES! 🤯 🥇MONA AGARWAL - 250 and Asian Para Games Record 🥈AVANI LEKHARA - 249.6 India goes 1-2 in Women’s 10m Air Rifle SH1 to open its medal account in STYLE🔥 THE TRICOLOUR ALL OVER THE PODIUM! 🥹🇮🇳🔥 https://t.co/wz30bGr1UQ— SPORTS ARENA🇮🇳 (@SportsArena1234) October 19, 2026ఇదీ చదవండి: ప్రపంచ రికార్డుతో మెరిసిన శీతల్ దేవీ'విండీస్తో సిరీస్ గుణపాఠం.. తప్పుల తడకగా గంభీర్ నిర్ణయాలు!' -
ప్రపంచ రికార్డుతో మెరిసిన శీతల్ దేవీ
భారత పారా ఆర్చర్ శీతల్ దేవీ ఆసియా పారా గేమ్స్లో ప్రపంచ రికార్డుతో మెరిసింది. ఆర్చరీ మహిళల కాంపౌండ్ క్వాలిఫికేషన్ రౌండ్లో శీతల్ దేవీ అద్భుత ప్రదర్శన చేసింది. 720 పాయింట్లకు 704 పాయింట్లు సాధించి ప్రపంచ రికార్డును సమం చేయడంతో పాటు సరికొత్త ఆసియా రికార్డును నెలకొల్పింది. గతంలో ఆసియా గేమ్స్లో తాను నెలకొల్పిన 698 పాయింట్ల రికార్డును ఆరు పాయింట్ల తేడాతో బద్దలు కొట్టి కొత్త రికార్డును తన పేరిట లిఖించుకుంది.ఇక జూడోలో మహిళల -52 కేజీల విభాగంలో కోకిల ఫైనల్కు దూసుకెళ్లి భారత్కు పతకాన్ని ఖాయం చేసింది. ఫైరింగ్ రేంజ్లో, భారత పారా మహిళా షూటర్లు అవనీ లేఖరా, మోనా అగర్వాల్లు 10 మీటర్ల ఎయిర్ రైఫిల్ ఫైనల్స్ రెండింటిలోనూ స్థానాలు దక్కించుకుని సత్తా చాటారు. మరోవైపు పురుషుల ఫైనల్స్లో స్వరూప్ ఉన్హాల్కర్ నాలుగో స్థానంతో పతకం అవకాశాన్ని తృటిలో కోల్పోయాడు. ఇక ఆసియా పారా క్రీడలు ఆదివారం అధికారికంగా ప్రారంభమయ్యాయి. పారాలింపిక్ పతక విజేత సిమ్రన్ శర్మ, ప్రముఖ షట్లర్ ప్రమోద్ భగత్ త్రివర్ణ పతాకధారులుగా ముందు నడవగా... వారి వెంట భారత పారా అథ్లెట్ల బృందం ఆరంభ వేడుకల్లో పాల్గొంది. మన అథ్లెట్లు భారత ఘన వారసత్వాన్ని ప్రతిబింబించే ప్రత్యేక దుస్తువుల్లో మెరిశారు. ఈ క్రీడల్లో భారత్ నుంచి 168 మంది అథ్లెట్లు 11 క్రీడాంశాల్లో పోటీపడుతున్నారు. 2023లో హాంగ్జౌ వేదికగా జరిగిన ఆసియా పారా క్రీడల్లో భారతదేశం అద్వితీయ ప్రదర్శన కనబర్చింది. రికార్డు స్థాయిలో 111 పతకాలు (29 స్వర్ణాలు, 31 రజతాలు, 51 కాంస్యాలు) సాధించి పట్టికలో ఐదో స్థానంలో నిలిచింది. ఇదీ చదవండి: 'విండీస్తో సిరీస్ గుణపాఠం.. తప్పుల తడకగా గంభీర్ నిర్ణయాలు!'జింబాబ్వేపై సిరీస్ విజయం.. అసంతృప్తితో రగిలిన మంధాన! -
ఆసియా పారా క్రీడలు షురూ
నగోయా (జపాన్): ఆసియా పారా క్రీడలు ఆదివారం అధికారికంగా ప్రారంభమయ్యాయి. పారాలింపిక్ పతక విజేత సిమ్రన్ శర్మ, ప్రముఖ షట్లర్ ప్రమోద్ భగత్ త్రివర్ణ పతాకధారులుగా ముందు నడవగా... వారి వెంట భారత పారా అథ్లెట్ల బృందం ఆరంభ వేడుకల్లో పాల్గొంది. మన అథ్లెట్లు భారత ఘన వారసత్వాన్ని ప్రతిబింబించే ప్రత్యేక దుస్తువుల్లో మెరిశారు. ఈ క్రీడల్లో భారత్ నుంచి 168 మంది అథ్లెట్లు 11 క్రీడాంశాల్లో పోటీపడుతున్నారు. ఇందులో 112 మంది పురుషులు, 56 మంది మహిళలు ఉన్నారు. 2023లో హాంగ్జౌ వేదికగా జరిగిన ఆసియా పారా క్రీడల్లో భారతదేశం అద్వితీయ ప్రదర్శన కనబర్చింది. రికార్డు స్థాయిలో 111 పతకాలు (29 స్వర్ణాలు, 31 రజతాలు, 51 కాంస్యాలు) సాధించి పట్టికలో ఐదో స్థానంలో నిలిచింది. ఇప్పుడు దానికన్నా మెరుగైన ప్రదర్శన కనబర్చాలనే లక్ష్యంతో జపాన్ క్రీడలకు సిద్ధమైంది. నేటి నుంచి మెడల్ ఈవెంట్స్ ప్రారంభం కానుండగా... 24న ఈ క్రీడలు ముగియనున్నాయి. -
పతకాల వేట కోసం...
న్యూఢిల్లీ: ఆసియా పారా క్రీడల్లో పాల్గొనే భారత బృందం గురువారం జపాన్ బయలుదేరింది. ఈ నెల 18 నుంచి 25 వరకు నగోయా వేదికగా ఆసియా పారా క్రీడలు జరగనుండగా... గురువారం దేశ రాజధాని న్యూఢిల్లీ నుంచి జపాన్ బయలుదేరిన భారత పారా అథ్లెట్ల బృందానికి కేంద్ర క్రీడా శాఖ మంత్రి మన్సుఖ్ మాండవీయ వీడ్కోలు పలికారు. ఈ సందర్భంగా భారత పారాలింపిక్ కమిటీ (పీసీఐ) ఆధ్వర్యంలో కేంద్ర మంత్రి కొత్త జెర్సీని ఆవిష్కరించారు. ఈ సందర్భంగా మాండవీయ మాట్లాడుతూ... ‘పారా అథ్లెట్లు ఇప్పటికే జీవితంలో ఎన్నో పోరాటాలను అధిగమించిన విజేతలు. ప్రకృతిని, సమాజాన్ని ఎదిరించి ఈ స్థాయికి చేరుకున్నారు. ఇప్పుడు వీరంతా ఆసియా పారా క్రీడల్లో పతకాలు సాధించి భారత ఖ్యాతిని మరింత ఇనుమడింపజేసేందుకు సిద్ధమయ్యారు. జీవితంలో విజయాలు సాధించిన వీరు... ఏషియన్ గేమ్స్లో కేవలం పతకాలు మాత్రమే సాధించాల్సి ఉంది. ప్రభుత్వం తరఫున ఎలాంటి సహాయం చేసేందుకైనా సిద్ధంగా ఉన్నాం’ అని అన్నారు. ఏషియన్ గేమ్స్లో ప్రతీ అథ్లెట్ తాము నిర్దేశించుకున్న లక్ష్యాలను అందుకోవాలని ఆకాంక్షించారు. అథ్లెట్లు ఎప్పుడూ ఓడిపోరని... గెలిస్తే పతకాలు, ఓడితే అనుభవం గడిస్తారని కేంద్ర మంత్రి పేర్కొన్నారు. గతంలో ఆసియా పారా క్రీడల్లో భారత కోటా 130 ఉండగా... ఇప్పుడది 60కి తగ్గించినప్పటికీ... ఈ క్రీడల్లో 95 పతకాల వరకు సాధిస్తామని హెడ్ కోచ్ సత్యనారాయణ తెలిపారు. కోటా తగ్గించిన కారణంగా సెలెక్షన్ ప్రక్రియను మరింత కఠినతరం చేసి అథ్లెట్లను ఎంపిక చేసినట్లు వెల్లడించారు. ఈ నెల 18న జరగనున్న ఆసియా పారా క్రీడల ప్రారంభోత్సవంలో ప్రమోద్ భగత్, భవీనా పటేల్ భారత పతాకధారులుగా వ్యవహరించనున్నారు. 19 నుంచి పతక పోటీలు ప్రారంభం కానున్నాయి. -
చేతులు లేని తొలి మహిళా పారా ఆర్చర్! రెండు పతకాలతో ప్రపంచాన్నే..
జీవితంలో ఎదురయ్యే చిన్నాచితకా కష్టాల గురించి ఇక మీదట నేను యాగీ చేయను. తల్లీ నువ్వొక గురువువి’ అని ట్వీట్ చేశాడు ఆనంద్ మహీంద్ర, పారా ఆర్చర్ శీతల్ దేవి గురించి. అంతే కాదు తమ సంస్థ నుంచి కోరిన కారు తీసుకోమన్నాడు.రెండు చేతులూ లేకపోయినా విలువిద్య అభ్యసించి ఆసియా పారాగేమ్స్లో స్వర్ణాలు సాధించిన కశ్మీర్ అమ్మాయి శీతల్దేవి జీవితాన్ని ఎలా ఎదుర్కొనాలో తన పట్టుదలతో చూపించింది. ఆమె జీవితం ఒక ఆదర్శమైతే ఆమె నేర్పిన పాఠం సాకులు చెప్పేవారికి గుణపాఠం. 2021లో బెంగళూరుకు చెందిన ‘బీయింగ్ యు’ అనే సంస్థ శీతల్కు ప్రోస్థెటిక్ చేతులు పెట్టించడానికి ఏర్పాట్లు చేసింది. ‘ప్రొస్థెటిక్ చేతులు పెడితే నువ్వు చేసే మొదటి పని ఏమిటి?’ అని అడిగితే ‘గాజులు వేసుకుంటా’ అని టక్కున సమాధానం చెప్పింది శీతల్. నిజానికి ఆ అలంకరణకు తప్పితే మిగిలిన అన్ని పనులకు, తన జీవితాన్ని చక్కదిద్దుకోవడానికి శీతల్కు తన ఆత్మవిశ్వాసం చాలు. అందుకే ఆమె ప్రోస్థెటిక్ చేతులను పెద్దగా ఉపయోగించదు. దాదాపు పెట్టుకోదనే చెప్పాలి. ‘నేనెలా ఉన్నానో అలాగే ఉంటాను’ అంటుంది శీతల్. ఈ ధైర్యం ఎంతమందికి ఉంది? రికార్డులు తిరగరాసింది ఇటీవల చైనాలో ముగిసిన ‘ఆసియన్ పారా గేమ్స్’ (దివ్యాంగుల క్రీడలు)లో విలువిద్యలో రెండు స్వర్ణాలు, ఒక రజతం సాధించి రికార్డు సృష్టించింది శీతల్ దేవి. 16 ఏళ్ల వయసులో ఇలా మన దేశం నుంచి విలువిద్య లో రెండు స్వర్ణాలు సాధించిన క్రీడాకారులు లేరు. అది ఒక పెద్ద విశేషం అయితే అంతకన్నా పెద్ద విశేషం శీతల్కు రెండుచేతులూ లేకపోవడం. అయినా సరే కుడికాలితో విల్లు ఎత్తి, కుడి భుజంతో నారి సారించి, 50 మీటర్ల దూరంలో ఉండే లక్ష్యాన్ని గురి చూసి బాణం వదిలిందంటే కచ్చితంగా లక్ష్యాన్ని ఛేదించాల్సిందే. అర్జునుడు రెండు చేతులతో బాణాలు సంధిస్తాడు కాబట్టి సవ్యసాచి అన్నారు. శీతల్కు చేతులు లేకపోయినా రెండు కాళ్లతో బాణాలు సంధిస్తే ఏమని పిలవాలో. ‘నవ్యసాచి’ అనాలేమో! " You will need Arms to compete at Archery " Sheetal Devi : OKAY , WATCH ME !!! First Female Armless Archer to play World Final 🤯#AsianParaGames #Praise4Para pic.twitter.com/8qS2THRxM0 — The Khel India (@TheKhelIndia) October 27, 2023 జీవితం గొప్పది ‘జీవితంలో నువ్వు ఫలానాది ఎందుకు సాధించలేదు, జీవితం అంటే ఎందుకు ఆసక్తి కోల్పోయావు, జీవితాన్ని ఎందుకు వృథా చేస్తున్నావు’ అని ఎవరినైనా అడిగితే సవాలక్ష వంకలు చెబుతారు, అడ్డంకులొచ్చాయంటారు, కష్టాలు వచ్చాయంటారు, రోజువారి జీవితంలో వచ్చే చిన్నాచితకా సమస్యలకు చికాకు పడిపోతుంటారు, జీవితం నుంచి దూరంగా వ్యసనాల్లోకి పారిపోవాలనుకుంటారు... కాని శీతల్ను చూస్తే ఆ అమ్మాయికి మించిన కష్టమా? అయినా కూడా ఆ అమ్మాయి సాధించలేదా? మహీంద్రా అధినేత ఆనంద్ మహీంద్రా అదే అన్నాడు శీతల్ను చూసి– ‘తల్లి.. నిన్ను చూశాక జీవితం విలువ తెలిసింది’ అని! ఆమెకు కారు ఆఫర్ చేశాడు. కశ్మీర్ అమ్మాయి శీతల్ దిగువ మధ్యతరగతి కశ్మీర్ అమ్మాయి. వీళ్లది కిష్టవర్ జిల్లా లియోధర్ గ్రామం. తండ్రి మాన్ సింగ్ రైతు, తల్లి శక్తిదేవి కాసిన్ని గొర్రెలను సాకుతుంటుంది. వీరి పెద్దకూతురు శీతల్. చిన్న కూతురు శివాని. శీతల్కు పుట్టుకతో చేతులు ఏర్పడలేదు. ఇలాంటి స్థితిని వైద్యపరిభాషలో ‘ఫొకొమెలియా’ అంటారు. అయితే శీతల్ నిరాశలో కుంగిపోలేదు. తల్లిదండ్రులు ఆమెను బేలగా పెంచలేదు. శీతల్ తనకు లేని చేతుల లోటును కాళ్లతో పూడ్చడానికి ప్రయత్నించేది. ఆమెకు చేతులు లేకపోవడం వల్ల మిగిలిన శరీరం అంతా మరింత సూక్ష్మంగా, దృఢంగా తయారయ్యింది. రెండు చేతులూ లేకపోయినా శీతల్ చెట్లు ఎక్కి ఆడుకునేదంటే ఆశ్చర్యం. స్కూల్లో కూడా కాళ్లతోనే నోట్స్ రాసుకోవడం, ఫోన్ను ఉపయోగించడం నేర్చుకుంది. 2 year's before whn I visited to #SheetalDevi village in Loi Dhaar (Kishtwar), she totally surprised me by her actions. She was adopted by Indian Army 11 RR Col. Shishpal & thy mde efforts & tried to tie up with no. of NGO's. It ws difficult task bt nvr fr Army @NorthernComd_IA pic.twitter.com/b69zvkDaEl — Deepak Prem Thakur 🇮🇳 (@DeepakThakur_10) October 30, 2023 జీవితం అలాగే సాగిపోయేదేమో కాని కరోనా లాక్డౌన్ వల్ల ఇంటర్నెట్లో తనలాంటి దివ్యాంగులకు సాయం చేసే సంస్థ– బీయింగ్ యు గురించి తెలిసింది. ఆ సంస్థకు చెందిన ప్రీతి రాయ్.. శీతల్లోని క్రీడాకారిణిని గుర్తించింది. దివ్యాంగుల క్రీడల పోటీల్లో ఆమె ప్రతిభ చూపగలదని గ్రహించి, తన సంస్థ స్పాన్సర్షిప్ కింద కశ్మీర్లోని కత్రాలో దివ్యాంగుల క్రీడా శిక్షణా కేంద్రానికి పంపింది. ఆగస్టు 2022 నుంచి మాత్రమే శీతల్ విలువిద్య సాధన మొదలెట్టింది. 2023 అక్టోబర్ నాటికి అంతర్జాతీయ గుర్తింపు పొందింది. ఇంతకన్నా విజయం ఉందా? ‘నాకు ఎలాగైనా సాధించాలని ఉండేది. అందుకు ఏమిటి మార్గం అని మా కోచ్ను అడిగాను. కష్టపడాలి అన్నాడు. కష్టపడ్డాను. చాలా చాలా కష్టపడ్డాను’ అంటుంది శీతల్. అడ్డదారుల్లో వెళితే విజయం ఉండొచ్చు లేకపోవచ్చు. కాని కష్టపడితే? గెలుపు తథ్యం. శీతల్ను చూసి మన జీవితాల్లో లక్ష్యాన్ని గురి చూద్దాం. (చదవండి: ఎమర్జెన్సీపై ఇందిరా గాంధీ వ్యాఖ్యలు.. విలేకరుల ముఖంపై చిరునవ్వులు) -
111 పతకాలు... ఐదో స్థానం
హాంగ్జౌ: పారా ఆసియా క్రీడల్లో భారత అథ్లెట్లు సత్తా చాటారు. మునుపెన్నడు లేని విధంగా ఈ క్రీడల్లో తొలిసారి పతకాల సెంచరీని సాధించారు. చైనా ఆతిథ్యమిచ్చిన ఈ ఆసియా మెగా ఈవెంట్లో ఏకంగా 111 పతకాలతో భారత్ టాప్–5లో నిలిచింది. ఇందులో 29 స్వర్ణాలు, 31 రజతాలు, 51 కాంస్య పతకాలున్నాయి. ఇటీవలే ఆసియా క్రీడల్లో భారత్ 107 పతకాలతో నాలుగో స్థానం సాధించగా...ఇప్పుడు భారత బృందానికి ఐదో స్థానం లభించింది. నీరజ్ స్వర్ణంతో... ఆఖరి రోజు శనివారం పోటీల్లో నీరాజ్ యాదవ్ జావెలిన్ త్రో (ఎఫ్55)లో 33.69 మీటర్లతో రికార్డు దూరం విసిరి బంగారం నిలబెట్టుకున్నాడు. 39 ఏళ్ల నీరజ్ గత 2018 పారా ఈవెంట్లోనూ పసిడి పట్టాడు. ఈ క్రీడల్లో సహచరుడు టెక్ చంద్ (30.36 మీ.) కాంస్యంతో తృప్తిపడ్డాడు. తర్వాత దిలిప్ మహాదు పురుషుల 400 మీటర్ల పరుగులో విజేతగా నిలిచాడు. మహిళల 1500 మీటర్ల రేసులో పూజ కాంస్యం నెగ్గింది. వ్యక్తిగత ర్యాపిడ్–6 బి1 ఈవెంట్లో సతీశ్ ఇనాని, ప్రధాన్ కుమార్, అశ్విన్భాయ్ కంచన్ వరుసగా స్వర్ణ, రజత, కాంస్య పతకాలతో క్లీన్స్వీప్ చేశారు. బి2/బి3 ఈవెంట్లో కిషన్ కాంస్యం, ఇదే టీమ్ ఈవెంట్లో కిషన్, ఆర్యన్, సోమేంద్రలతో కూడిన బృందం కాంస్య పతకం గెలుచుకుంది. మహిళల టీమ్ ఈవెంట్లో వృతి జైన్, హిమాన్షి, సంస్కృతి కాంస్యం నెగ్గారు. టాప్–5 పట్టికలో... ఆతిథ్య చైనా పారా అథ్లెట్లు 521 పతకాలతో పట్టికలో అగ్ర స్థానంలో నిలిచారు. రెండో మూడు స్థానాల్లో ఇరాన్ (131), జపాన్ (150) వరుసగా నిలిచాయి. దక్షిణ కొరియా (103) మనకన్నా తక్కువ పతకాలు సాధించినప్పటికీ ఒకే ఒక్క స్వర్ణం తేడాతో నాలుగో స్థానంలో నిలిచింది. కొరియా 30 బంగారు పతకాలు నెగ్గితే... భారత్ 29 గెలిచింది. -
నచ్చిన కారు తీసుకో.. ఆర్చర్ శీతల్ దేవికి ఆనంద్ మహీంద్ర ప్రశంస
అసాధారణమైన ప్రతిభను, పట్టుదలను ప్రోత్సహించడంలో ముందుంటారు మహీంద్రా గ్రూప్ చైర్మన్ ఆనంద్ మహీంద్రా. అలాంటి వ్యక్తులకు తన అభిమానాన్ని, మద్దతును ఎప్పటికప్పుడు సోషల్ మీడియా ద్వారా తెలియజేస్తుంటారు. తాజాగా ఆసియా పారా గేమ్స్ బంగారు పతక విజేత, ఆర్చర్ శీతల్ దేవిని ప్రశంసిస్తూ ‘ఎక్స్’ (ట్విటర్)లో పోస్ట్ పెట్టిన ఆనంద్ మహీంద్రా తమ కంపెనీ కార్లలో ఆమెకు నచ్చిన కారును తీసుకోవాలని కోరారు. దాన్ని ఆమె నడిపేందుకు వీలుగా తయారు చేసిస్తామని కూడా చెప్పారు. రెండు చేతులూ లేని శీతల్ దేవి ఆసియా పారా గేమ్స్లో ఒకే ఎడిషన్లో రెండు బంగారు పతకాలను గెలుచుకున్న మొదటి భారతీయ మహిళగా అవతరించింది. ‘జీవితంలో ఇంకెప్పుడూ చిన్న చిన్న పనికిమాలిన సమస్యల గురించి ఆలోచించను. శీతల్దేవీ.. నువ్వు అందరికీ స్ఫూర్తి ప్రదాతవు. నీ నుంచి ఎంతో నేర్చుకోవాలి. మా కంపెనీ కార్లలో నీకు నచ్చినది తీసుకో. దాన్ని నువ్వు నడిపేందుకు వీలుగా తయారు చేసిస్తాం’ అని ట్వీట్లో రాసుకొచ్చారు ఆనంద్ మహీంద్రా. ఆమె కఠోర సాధనకు సంబంధించిన వీడియోను షేర్ చేశారు. ఈ ట్వీట్కు యూజర్ల నుంచి విశేష స్పందన వచ్చింది. చాలా మంది ఆనంద్ మహీంద్రను అభినందిస్తూ కామెంట్లు చేశారు. I will never,EVER again complain about petty problems in my life. #SheetalDevi you are a teacher to us all. Please pick any car from our range & we will award it to you & customise it for your use. pic.twitter.com/JU6DOR5iqs — anand mahindra (@anandmahindra) October 28, 2023 -
Asian Para Games: భారత్ సరికొత్త చరిత్ర.. వందో పతకం గోల్డ్! ఎవరిదంటే
Asian para games 2023: ఆసియా పారా క్రీడల్లో భారత్ సరికొత్త చరిత్ర సృష్టించింది. ఈ ప్రతిష్టాత్మక ఈవెంట్లో తొలిసారి వంద పతకాల మైలురాయిని అందుకుంది. చైనాలోని హోంగ్జూ వేదికగా జరుగుతున్న ఆసియా పారా క్రీడల్లో అథ్లెట్ దిలీప్ మహదు గవిత్ పసిడి గెలిచి సెంచరీ మెడల్స్ లాంఛనం పూర్తి చేశాడు. పురుషుల 400 మీటర్ల పరుగును 49.48 సెకన్లలో పూర్తి చేసిన దిలీప్.. భారత్ గర్వించదగ్గ మధుర జ్ఞాపకాల్లో తన పేరును ‘సువర్ణా’క్షరాలతో లిఖించుకున్నాడు. కాగా ఆసియా పారా క్రీడల్లో భారత్ ఇప్పటి వరకు 29 పసిడి, 31 రజత, 51 కాంస్యాలతో 111 పతకాలు కైవసం చేసుకుంది. తద్వారా పాయింట్ల పట్టికలో ఐదో స్థానంలో కొనసాగుతోంది. ఇక చైనా అత్యధికంగా 214 స్వర్ణాలు, 167 వెండి, 140 కంచు పతకాలతో మొత్తంగా 521 మెడల్స్తో ఎవరికీ అందనంత ఎత్తులో ఉంది. చైనా తర్వాత.. 131 పతకాలతో ఇరాన్ రెండో స్థానం ఆక్రమించింది. ప్రధాని మోదీ అభినందనలు ఆసియా పారా క్రీడల్లో తొలిసారిగా భారత క్రీడాకారులు 100 పతకాలు గెలవడంతో ప్రధాని నరేంద్ర మోదీ హర్షం వ్యక్తం చేశారు. పారా అథ్లెట్ల కఠిన శ్రమ, అంకిత భావం కారణంగానే సరికొత్త చరిత్ర ఆవిష్కృతమైందని పేర్కొన్నారు. దేశానికి గర్వకారణంగా నిలిచారంటూ.. ఇంతకంటే ఆనందం మరొకటి ఉండదంటూ అథ్లెట్లను మోదీ అభినందించారు. చదవండి: ఓవరాక్షన్ రిజ్వాన్.. అతడి గుండె పగిలింది! మేము ‘చోకర్స్’ కాదు.. అర్థమైందా? 100 MEDALS at the Asian Para Games! A moment of unparalleled joy. This success is a result of the sheer talent, hard work, and determination of our athletes. This remarkable milestone fills our hearts with immense pride. I extend my deepest appreciation and gratitude to our… pic.twitter.com/UYQD0F9veM — Narendra Modi (@narendramodi) October 28, 2023


