న్యూఢిల్లీ: యూపీఐ లావాదేవీలు ఎప్పటికప్పుడు సరికొత్త గరిష్టాలకు చేరుతున్నాయి. మార్చి నెలలో రూ.24.77 లక్షల కోట్ల విలువైన యూపీఐ లావాదేవీలు నమోదైనట్టు నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) ప్రకటించింది. విలువ పరంగా ఇది సరికొత్త నెలవారీ గరిష్ట రికార్డు.ఫిబ్రవరిలో నమోదైన రూ.21.96 లక్షల కోట్లతో పోల్చితే విలువ పరంగా 12.7% వృద్ధి నమోదైంది. 2024 మార్చిలో యూపీఐ లావాదేవీల విలువ రూ.19.78 లక్షల కోట్లుగా ఉండడం గమనార్హం. మార్చి నెలలో రోజువారీ సగటు యూపీఐ లావాదేవీల విలువ రూ.79,903 కోట్లుగా నమోదైంది.

ప్రపంచవ్యాప్తంగా ఆగకుండా పెరుగుతున్న బంగారం ధరలు (Gold prices) రోజుకో కొత్త గరిష్టాన్ని చేరుతున్నాయి. అమెరికా అధ్యక్షుడు డొనాల్డ్ ట్రంప్ ప్రపంచవ్యాప్త సుంకాల భయం నేపథ్యంలో పసిడిని సురక్షితమైన స్వర్గధామ ఆస్తిగా భావిస్తున్న ఇన్వెస్టర్లు తమ డబ్బును అందులో పెట్టుబడి పెట్టడానికి తొందరపడటంతో బంగారం ధరలు కొత్త రికార్డు గరిష్ట స్థాయికి చేరుకున్నాయి.బ్లూమ్‌బెర్గ్ డేటా ప్రకారం.. ప్రపంచ మార్కెట్లలో బులియన్ ఔన్సు ధర 2,935 డాలర్ల దగ్గర ట్రేడవుతోంది. అంతకుముందు ఇది 2,947.01 డాలర్ల తాజా రికార్డు స్థాయిని తాకింది. ఇక భారతదేశంలో మల్టీ కమోడిటీ ఎక్స్ఛేంజ్ (MCX)లో 2025 ఏప్రిల్ ఫ్యూచర్స్‌కు బంగారం 10 గ్రాములకు రూ.85,879 వద్ద ట్రేడైంది. గరిష్ట ధర రూ. 86,592.అమెరికాలోకి వచ్చే ఆటోమొబైల్, సెమీకండక్టర్, ఔషధ దిగుమతులపై 25% సుంకాలను విధిస్తామని గత మంగళవారం ట్రంప్ ప్రతిజ్ఞ చేశారు. ఉక్రెయిన్ యుద్ధంపై అమెరికా, రష్యా సీనియర్ అధికారులు మొదటి రౌండ్ చర్చల కోసం సమావేశమైన తర్వాత పెరుగుతున్న భౌగోళిక రాజకీయ ఉద్రిక్తతలు బంగారం ధరల పెరుగుదలకు దోహదపడే మరో అంశం.ఇది చదివారా? బంగారం, వెండి దిగుమతి ధరలు పెంపు2024లోనే బంగారం పావు వంతుకు పైగా పెరిగింది. 2025లో, ట్రంప్ వాణిజ్య విధానాల వల్ల బంగారం అనేక రికార్డు గరిష్టాలను తాకింది. ఈ వారం ప్రారంభంలో గోల్డ్‌మన్ సాచ్స్ కూడా బంగారం కోసం సంవత్సరాంతపు లక్ష్యాన్ని ఔన్సుకు 3,100 డాలర్లకు పెంచింది. సెంట్రల్-బ్యాంక్ కొనుగోలు ఊహించిన దానికంటే బలంగా ఉండటం కీలకమైన చోదక శక్తిగా ఉంటుందని నివేదిక పేర్కొంది. ఆర్థిక విధానంపై విస్తృత అనిశ్చితి కొనసాగితే (ముఖ్యంగా సుంకాలపై) బులియన్ ధర 3,300 డాలర్లకు చేరుకోవచ్చని అభిప్రాయపడింది.

క్వాలిఫైడ్‌ ఇనిస్టిట్యూషనల్‌ ప్లేస్‌మెంట్‌ (క్విప్‌) మార్గంలో ఇన్వెస్టర్లకు ఈక్విటీ షేర్లను విక్రయించడం ద్వారా రియల్‌ ఎస్టేట్‌ డెవలపర్లు గతేడాది రూ. 22,320 కోట్లు సమీకరించాయి. 2024లో అన్ని రంగాలు కలిసి 99 క్విప్‌ ఇష్యూల ద్వారా మొత్తం రూ. 1,41,482 కోట్లు సమకూర్చుకున్నాయి. ఇందులో రియల్‌ ఎస్టేట్‌ రంగం అగ్రస్థానంలో నిల్చింది. 8 డెవలపర్లు, 1 రీట్‌ (రియల్‌ ఎస్టేట్‌ ఇన్వెస్ట్‌మెంట్‌ ట్రస్ట్‌) కలిసి రూ. 22,320 కోట్లు సమీకరించాయి.క్విప్‌ ద్వారా వచ్చిన మొత్తం నిధుల్లో ఇది 16 శాతం. రియల్‌ ఎస్టేట్‌ కన్సల్టెంట్‌ అనరాక్‌ విడుదల చేసిన నివేదికలో ఈ అంశాలు వెల్లడయ్యాయి. మార్కెట్లలో హెచ్చుతగ్గులు నెలకొన్నప్పటికీ క్యాపిటల్‌ మార్కెట్లు పటిష్టంగానే ఉన్నాయని, కంపెనీలు భారీగా పెట్టుబడులను ఆకర్షిస్తున్నాయని అనరాక్‌ చైర్మన్‌ అనుజ్‌ పురి చెప్పారు.రియల్‌ ఎస్టేట్‌ రంగం వృద్ధి అవకాశాలపై సంస్థాగత ఇన్వెస్టర్లు అత్యంత బుల్లిష్‌గా ఉన్నట్లు వివరించారు. వివిధ రంగాలు 2020లో ఆల్‌టైం గరిష్ట స్థాయిలో క్విప్‌ మార్గంలో రూ. 80,816 కోట్లు సమీకరించాయి. 2024 గణాంకాలు దాని కన్నా 75 శాతం అధికం కావడం గమనార్హం. 2025లో క్విప్‌ ఫండింగ్‌ మిశ్రమంగా ఉండొచ్చని పురి తెలిపారు.నివేదిక ప్రకారం .. గోద్రెజ్‌ ప్రాపర్టీస్‌ రూ. 6,000 కోట్లు, ప్రెస్టీజ్‌ ఎస్టేట్స్‌ రూ. 5,000 కోట్లు, బ్రూక్‌ఫీల్డ్‌ ఇండియా రీట్‌ రూ. 3,500 కోట్లు, మ్యాక్రోటెక్‌ డెవలపర్స్‌ రూ. 3,300 కోట్లు, బ్రిగేడ్‌ ఎంటర్‌ప్రైజెస్‌ రూ. 1,500 కోట్లు సమీకరించాయి.

అంతర్జాతీయంగా బంగారం ధరలు ఒక్కసారిగా ఎగిశాయి. అమెరికా ఫెడరల్ రిజర్వ్ వడ్డీ రేట్లను 50 బేసిస్ పాయింట్లు తగ్గించడంతో బుధవారం బంగారం ధరలు ఆల్ టైమ్ గరష్టాలకు పెరిగాయి.బుధవారం మధ్యాహ్నం 2:17 గంటల సమయానికి స్పాట్ బంగారం 0.9% పెరిగి ఔన్సుకు 2,592.39 డాలర్ల వద్ద ఉంది. యూఎస్‌ గోల్డ్ ఫ్యూచర్స్ 0.2% పెరిగి 2,598.60 డాలర్ల వద్ద స్థిరపడ్డాయి. యూఎస్‌ సెంట్రల్ బ్యాంక్ బుధవారం ప్రకటించిన అర శాతం రేట్ల కోతతో ద్రవ్య విధాన సడలింపు స్థిరంగా కొనసాగుతుందని అంచనా వేస్తున్నారు. ఫెడ్ బెంచ్‌మార్క్ రేటు ఈ సంవత్సరం చివరి నాటికి మరో అర శాతం, 2025లో పూర్తిగా ఒక శాతం తగ్గుతుందని భావిస్తున్నారు.వడ్డీ రేట్ల తగ్గింపుతో అందరి దృష్టి బంగారంపై పడింది. పసిడిపై పెట్టుబడులకు ఇన్వెస్టర్లు మొగ్గుచూపే అవకాశం ఉండటంతో అంతర్జాతీయంగా బంగారం ధరలకు రెక్కలు వచ్చాయి. ఇదే సమయంలో డాలర్‌పై భారం పెరిగింది. డాలర్‌తో పోలిస్తే ఇతర కరెన్సీలను కలిగి ఉన్న ఇన్వెస్టర్లకు బంగారం చౌకగా ఉండనుంది.ఫెడ్ రేట్‌ కట్ తరువాత డాలర్ 0.5% పతనమైంది. 2023 జూలై నుండి దాని కనిష్ట స్థాయికి పడిపోయింది.ఇన్వెస్టర్లు ఇప్పుడు పాలసీ మార్గంపై ఫెడ్‌ చైర్ జెరోమ్ పావెల్ నుంచి మరిన్ని సూచనల కోసం ఎదురు చూస్తున్నారు. కాగా స్పాట్ వెండి సోమవారం రెండు నెలల గరిష్ట స్థాయికి చేరిన తర్వాత ఔన్స్‌కు 0.6% పెరిగి 30.93 డాలర్ల వద్దకు చేరింది.

ముంబై: దేశీయ స్టాక్‌ మార్కెట్‌ చరిత్రలో బుధవారం మరో మరపురాని రోజు. బీఎస్‌ఈ సెన్సెక్స్‌ సూచీ తొలిసారి 80,000 శిఖరాన్ని తాకింది. బ్యాంకులు, ఎఫ్‌ఎంసీజీ, ఫైనాన్స్, పారిశ్రామిక షేర్లు ముందుండి నడిపించాయి. అధిక వెయిటేజీ హెచ్‌డీఎఫ్‌సీ బ్యాంకు షేరు 2% రాణించి సూచీలకు దన్నుగా నిలిచింది. అంతర్జాతీయ మార్కెట్ల నుంచి సానుకూల సంకేతాలు అందాయి. ఫలితంగా సెన్సెక్స్, నిఫ్టీలు ఇంట్రాడే ముగింపులోనూ తాజా రికార్డులు నమోదు చేశాయి. ఉదయం సెన్సెక్స్‌ 572 పాయింట్ల లాభంతో 80 వేల స్థాయిపైన 80,013 వద్ద ట్రేడింగ్‌ ప్రారంభించింది. ఇంట్రాడేలో 633 పాయింట్లు పెరిగి 80,074 వద్ద జీవితకాల గరిష్టాన్ని నమోదు చేసింది. అయితే చివర్లో లాభాల స్వీకరణ చోటు చేసుకోవడంతో 545 పాయింట్ల లాభంతో 80 వేల స్థాయి దిగువన 79,987 వద్ద ముగిసింది. ట్రేడింగ్‌లో నిఫ్టీ 183 పాయింట్లు ఎగసి 24,307 వద్ద ఆల్‌టైం హైని అందుకుంది. చివరికి 163 పాయింట్ల లాభంతో 24,287 వద్ద స్థిరపడింది. లార్జ్‌క్యాప్‌ షేర్లలో ర్యాలీ క్రమంగా చిన్న, మధ్య తరహా షేర్లకు విస్తరించింది. బీఎస్‌ఈలో మిడ్, స్మాల్‌ క్యాప్‌ సూచీలు 0.86%, 0.86 శాతం రాణించాయి. → బ్యాంకుల స్థూల మొండి బకాయిలు (ఎన్‌పీఏలు) 12 ఏళ్ల కనిష్టమైన 2.8 శాతానికి పరిమితం కావడంతో బ్యాంకింగ్‌ షేర్లు మరింత రాణిస్తాయని విశ్లేషకుల్లో అంచనాలు నెలకొన్నాయి. ఫలితంగా కోటక్‌ బ్యాంక్, హెచ్‌డీఎఫ్‌సీ బ్యాంక్, యాక్సిస్‌ బ్యాంక్, ఇండస్‌ బ్యాంక్, ఎస్‌బీఐలు 2% లాభపడ్డాయి.→ బ్యాంకింగ్‌ షేర్ల ర్యాలీతో పాటు ఎంఎస్‌సీఐ ఇండెక్సు ఆగస్టు సమీక్షలో వెయిటేజీ పెంచవచ్చనే అంచనాలతో హెచ్‌డీఎఫ్‌సీ బ్యాంక్‌ షేరు 2% పెరిగి రూ.1,768 వద్ద స్థిరపడింది. ట్రేడింగ్‌లో 3.50% ఎగసి రూ.1,792 వద్ద ఏడాది గరిష్టాన్ని తాకింది. దీంతో మార్కెట్‌ క్యాపిటలైజేషన్‌ రూ.28,758 కోట్లు ఎగసి రూ.13.45 లక్షల కోట్లకు చేరుకుంది. → ఈ జూన్‌ 25న 78 వేల స్థాయిని అందుకున్న సెన్సెక్స్‌... 80,000 స్థాయిని చేరేందుకు కేవలం ఏడు ట్రేడింగ్‌ సెషన్ల సమయాన్ని మాత్రమే తీసుకుంది. → ప్రధాని మోదీ ప్రమాణ స్వీకారం(జూన్‌ 9న) నాటి నుంచి 3,294 పాయింట్లు ర్యాలీ చేసింది. → సెన్సెక్స్‌ రికార్డు ర్యాలీతో ఇన్వెస్టర్ల సంపదగా భావించే బీఎస్‌ఈలోని కంపెనీల మొత్తం మార్కెట్‌ క్యాపిటలైజేషన్‌ జీవితకాల గరిష్ట స్థాయి రూ.445.43 లక్షల కోట్లకు చేరింది. వ్రజ్‌ ఐరన్‌ బంపర్‌ లిస్టింగ్‌ వ్రజ్‌ ఐరన్‌ అండ్‌ స్టీల్‌ లిస్టింగ్‌ రోజే అప్పర్‌ సర్క్యూట్‌ తాకింది. బీఎస్‌ఈలో 16% ప్రీమియంతో రూ.240 వద్ద లిస్టయ్యింది. ఈక్విటీ మార్కెట్‌ రికార్డు ర్యాలీతో మరింత కొనుగోళ్ల మద్దతు లభించింది. చివరికి 22% లాభపడి రూ.252 అప్పర్‌ సర్క్యూట్‌ వద్ద లాకైంది. కంపెనీ మార్కెట్‌ విలువ రూ.831 కోట్లుగా నమోదైంది.సెన్సెక్స్‌ 80 వేల స్థాయిని అందుకోవడం దలాల్‌ స్ట్రీట్‌కు దక్కిన పెద్ద విజయం. లేమన్‌ సంక్షోభం(2008)లో 8800 స్థాయికి దిగివచి్చంది. కానీ 16 ఏళ్లలో 9 రెట్ల ఆదాయాలు ఇచి్చంది. నాలుగేళ్ల క్రితం కరోనా భయాలతో 26,000 స్థాయికి చేరుకుంది. అయితే పతనమైన ప్రతిసారీ అంతే వేగంగా పుంజుకుంది. ఈక్విటీ మార్కెట్లు దీర్ఘకాలానికి అత్యుత్తమ ప్రదర్శన కనబరుస్తాయి అనేందుకు ఇది నిదర్శనం. – శ్రీకాంత్‌ చౌహాన్‌, కోటక్‌ సెక్యూరిటీస్‌ ఈక్విటీ రీసెర్చ్‌ హెడ్‌

పశ్చిమాసియాలో ఉద్రిక్తతల భయాలతో పసిడి, వెండి పరుగు కొనసాగుతోంది. అంతర్జాతీయ మార్కెట్లలోని ధోరణులకు తగ్గట్లు దేశీయంగా వెండి, బంగారం ధరలు మంగళవారం మరో రికార్డు స్థాయిని తాకాయి. హెచ్‌డీఎఫ్‌సీ సెక్యూరిటీస్‌ ప్రకారం దేశ రాజధానిలో  ఉదయం పసిడి 10 గ్రాముల ధర రూ. 700 పెరిగి జీవితకాల గరిష్ట స్థాయి అయిన రూ. 73,750ని తాకింది. అదే విధంగా వెండి ధర కూడా కేజీకి రూ. 800 పెరిగి రూ. 86,500 స్థాయిని తాకింది. ఎంసీఎక్స్‌లో జూన్‌ కాంట్రాక్టు ధర ఇంట్రా–డేలో రూ. 72,927 స్థాయిని తాకింది. అంతర్జాతీయ మార్కెట్లు చూస్తే కామెక్స్‌లో ఔన్సు (31.1 గ్రాముల) పసిడి ధర 15 డాలర్లు పెరిగి 2,370 వద్ద ట్రేడయ్యింది. భౌగోళిక, రాజకీయ ఉద్రిక్తతలు కొనసాగినంత కాలం బంగారం బులిష్‌గానే ఉండనున్నట్లు ఎల్‌కేపీ సెక్యూరిటీస్‌ వైస్‌ ప్రెసిడెంట్‌ జతిన్‌ త్రివేది తెలిపారు.

ప్రముఖ స్ట్రీమింగ్‌ ప్లాట్‌ఫామ్‌ నెట్‌ఫ్లిక్స్‌ తీసుకున్న ఒక్క కఠిన నిర్ణయంతో దాని లాభాలు అమాంతం పెరగనున్నాయి. ‘వన్‌ డే’ పాపులర్ షో విడుదల, పాస్‌వర్డ్ షేరింగ్‌ కట్టడి  చర్యల తర్వాత నెట్‌ఫ్లిక్స్‌ లాభాలు కొత్త రికార్డును తాకనున్నాయి. వాల్ స్ట్రీట్ అంచనాల ప్రకారం.. ఈ స్ట్రీమింగ్ దిగ్గజం ఈ సంవత్సరంలో మొదటి మూడు నెలల్లో 4.7 మిలియన్ల మంది సబ్‌స్క్రైబర్‌లను సాధించింది. 2020 కోవిడ్‌ లాక్‌డౌన్‌ల తర్వాత సబ్‌స్క్రైబర్‌ల సంఖ్య పెరుగుదల ఇదే అత్యధికం. అయితే నెట్‌ఫ్లిక్స్‌ ఈ స్థాయిలో పుంజుకోవడానికి పాస్‌వర్డ్‌ షేరింగ్‌ను కట్టడి చేయడమే కారణంగా తెలుస్తోంది. అయితే 2022లో ప్రకటనలతో కూడిన చౌకైన నెలవారీ చెల్లింపు ప్లాన్‌ను ప్రవేశపెట్టినప్పటి నుండి నెట్‌ఫ్లిక్స్‌కు యూజర్ల సంఖ్య పెరిగింది. రీఫినిటివ్‌ (Refinitiv) డేటా ప్రకారం.. నెట్‌ఫ్లిక్స్‌ లాభాలు 50 శాతం కంటే ఎక్కువ పెరిగి దాదాపు రూ. 16 వేల కోట్లకు చేరుకోవచ్చని అంచనా. కంపెనీకి సంబంధించి ఏ ఆర్థిక సంవత్సరంలోనైనా మొదటి త్రైమాసికంలో ఇవే అత్యధిక లాభాలు కానున్నాయి.  ఇది డిస్నీ, అమెజాన్, యాపిల్ వంటి దిగ్గజాలతో స్ట్రీమింగ్ వార్‌లో నెట్‌ఫ్లిక్స్‌ను దృఢంగా నెలబెట్టనుంది. నెట్‌ఫ్లిక్స్‌ ప్రపంచవ్యాప్తంగా 26 కోట్ల మంది వినియోగదారులను కలిగి ఉంది. అమెజాన్ ప్రైమ్‌కు 20 కోట్ల మంది, డిస్నీ+కి 15 కోట్ల మంది యూజర్లు  ఉన్నారు.

న్యూఢిల్లీ: భారత్‌ వస్తు ఎగుమతులు ఫిబ్రవరిలో రికార్డు సృష్టించాయి. 11 నెలల గరిష్ట స్థాయిలో 41.40 బిలియన్‌ డాలర్లుగా నమోదయ్యాయి. 2023 ఏప్రిల్‌తో ప్రారంభమైన ఆర్థిక సంవత్సరంలో ఈ స్థాయిలో ఎగుమతుల వృద్ధి నమోదుకావడం ఇదే తొలిసారి. ఇంజనీరింగ్‌ గూడ్స్, ఎలక్ట్రానిక్, ఫార్మా ఎగుమతులు పెరగడం మొత్తం సానుకూల గణాంకాలకు దారితీసింది. ఇక ఇదే కాలంలో దిగుమతులు 12.16 శాతం పెరిగి 60.11 బిలియన్‌ డాలర్లుగా నమోదయ్యాయి. వెరసి ఎగుమతులు–దిగుమతుల మధ్య నికర వ్యత్యాసం వాణిజ్యలోటు 18.70 బిలియన్‌ డాలర్లు. ► పసిడి దిగుమతులు ఫిబ్రవరిలో గణనీయంగా 133.82% పెరిగి, 6.15 బిలియన్‌ డాలర్లకు చేరాయి. ఆర్థిక సంవత్సరం 11 నెలల్లో 39% పెరిగి 44 బిలియన్‌ డాలర్లుగా నమోదయ్యాయి. ► ఇంజనీరింగ్‌ గూడ్స్‌ ఎగుమతులు ఫిబ్రవరిలో 15.9 శాతం పెరిగి 9.94 బిలియన్‌ డాలర్లకు చేరాయి. ఎలక్ట్రానిక్‌ గూడ్స్‌ ఎగుమతులు 55 శాతం ఎగసి 3 బిలియన్‌ డాలర్లకు ఎగశాయి.   ► 2023 ఏప్రిల్‌ నుంచి 2024 ఫిబ్రవరి వరకూ ఎగుమతుల (వస్తువులు, సేవలు) విలువ 0.83 శాతం వృద్ధితో 709.81 బిలియన్‌ డాలర్లు. ఇదే కాలంలో దిగుమతుల విలువ 782.05 బిలియన్‌ డాలర్లు.   ► 2021–22లో ఎగుమతుల విలువ 422 బిలియన్‌ డాలర్లయితే, దిగుమతుల విలువ 613 బిలియన్‌ డాలర్లు. 2022–23లో వస్తు ఎగుమతులు 450 బిలియన్‌ డాలర్లు. దిగుమతులు 714 బిలియన్‌ డాలర్లు. 

ముంబై: ప్రధానంగా బ్యాంకింగ్, ఎఫ్‌ఎంసీజీ దిగ్గజాలలో కొనుగోళ్ల మార్కెట్లకు జోష్‌నిచ్చాయి. దీంతో మరోసారి మార్కెట్లు లాభపడ్డాయి. నిఫ్టీ 75 పాయింట్లు ఎగసి 22,197 వద్ద ముగిసింది. దీంతోపాటు ఇంట్రాడేలో 22,216కు చేరడం ద్వారా మళ్లీ సరికొత్త రికార్డులను నెలకొల్పింది. మరోపక్క సెన్సెక్స్‌ 349 పాయింట్లు జంప్‌చేసి 73,057 వద్ద నిలిచింది. తద్వారా 73,000 పాయింట్ల మైలురాయిని మరోసారి అధిగమించడంతోపాటు.. చరిత్రాత్మక గరిష్టం 73,328ను అధిగమించే బాటలో సాగుతోంది. సోమవారం సైతం నిఫ్టీ 22,122 వద్ద రికార్డ్‌ సృష్టించిన విషయం విదితమే. అయితే మార్కెట్లు తొలుత వెనకడుగుతో ప్రారంభమయ్యాయి. నిఫ్టీ 22,046 దిగువన, సెన్సెక్స్‌ 72,510 వద్ద ఇంట్రాడే కనిష్టాలను తాకాయి. తిరిగి మిడ్‌ సెషన్‌ నుంచీ జోరందుకున్నాయి. దీంతో ఆరు రోజుల్లో నిఫ్టీ 580 పాయింట్లు, సెన్సెక్స్‌ 1,984 పాయింట్లు జమ చేసుకున్నాయి.   ప్రయివేట్‌ స్పీడ్‌  ఎన్‌ఎస్‌ఈలో ప్రధానంగా ప్రయివేట్‌ బ్యాంక్స్‌(1%) జోరు చూపాయి. నిఫ్టీ దిగ్గజాలలో పవర్‌గ్రిడ్, హెచ్‌డీఎఫ్‌సీ, యాక్సిస్, ఎన్‌టీపీసీ, కొటక్, ఎస్‌బీఐ లైఫ్, బీపీసీఎల్, ఇండస్‌ఇండ్, అపోలో హాస్పిటల్, గ్రాసిమ్, నెస్లే, హెచ్‌యూఎల్‌ 4.4–1 శాతం మధ్య ఎగశాయి. అయితే హీరోమోటో, బజాజ్‌ ఆటో, ఐషర్, కోల్‌ ఇండియా, టీసీఎస్, సిప్లా, బజాజ్‌ ఫిన్, ఇన్ఫోసిస్, విప్రో, హెచ్‌సీఎల్‌ టెక్‌ 4–1% మధ్య క్షీణించాయి.  చిన్న షేర్లు వీక్‌  అధిక విలువల కారణంగా ఇన్వెస్టర్లు చిన్న షేర్లలో అమ్మకాలు చేపట్టారు. బీఎస్‌ఈలో మిడ్, స్మాల్‌ క్యాప్స్‌ 0.2 శాతం డీలా పడ్డాయి. ట్రేడైన షేర్లలో 1,967 నీరసించగా.. 1,876 బలపడ్డాయి. ఇక నగదు విభాగంలో ఎఫ్‌పీఐలు రూ. 1,336 కోట్ల విలువైన స్టాక్స్‌ విక్రయించగా.. దేశీ ఫండ్స్‌ రూ. 1,491 కోట్లు ఇన్వెస్ట్‌ చేశాయి.  స్టాక్‌ హైలైట్స్‌.. ► ఇష్యూ ధర రూ. 151తో పోలిస్తే వి¿ోర్‌ స్టీల్‌ ట్యూబ్స్‌ 179% లాభంతో రూ. 421 వద్ద లిస్టయ్యింది. 193% (రూ.291) బలపడి రూ. 442 వద్ద స్థిరపడింది. కంపెనీ మార్కెట్‌ విలువ రూ. 838 కోట్లను దాటింది. ఎన్‌ఎస్‌ఈ, బీఎస్‌ఈలలో 23.3 లక్షలకుపైగా షేర్లు ట్రేడయ్యాయి. ఈ ఐపీవో భారీ స్థాయిలో 300 రెట్లు సబ్‌్రస్కయిబ్‌ అయ్యింది.  ► ట్రాన్స్‌మిషన్‌ ప్రాజెక్టుల్లో రూ. 656 కోట్లు ఇన్వెస్ట్‌ చేయనున్నట్లు వెల్లడించడంతో పవర్‌గ్రిడ్‌ షేరు 4.2% ఎగసి రూ. 288 వద్ద క్లోజైంది. వరుసగా ఆరో రోజూ ర్యాలీతో దేశీ స్టాక్‌ మార్కెట్లు దూకుడు చూపుతున్నాయి. ఎన్‌ఎస్‌ఈ ఇండెక్స్‌ నిఫ్టీ మరోసారి సరికొత్త రికార్డును సాధించగా.. సెన్సెక్స్‌ 73,000 పాయింట్ల మైలురాయిని అధిగమించింది. త ద్వారా చరిత్రాత్మక గరిష్టాన్ని అందుకునే బాట లో సాగుతోంది. బీఎస్‌ఈ లిస్టెడ్‌ కంపెనీల విలువ రూ. 391.5 లక్షల కోట్ల(4.72 ట్రిలియన్‌ డాలర్లు)ను తాకింది.  వర్ల్‌పూల్‌ వాటా విక్రయం.. రూ. 4,090 కోట్ల సమీకరణ  రుణ భారాన్ని తగ్గించుకునేందుకు ప్రమోటర్‌ సంస్థ వర్ల్‌పూల్‌ మారిషస్‌ బ్లాక్‌డీల్స్‌ ద్వారా దేశీ అనుబంధ కంపెనీ వర్ల్‌పూల్‌ ఇండియాలో 24 శాతం వాటాను విక్రయించింది. యూఎస్‌ హోమ్‌ అప్లయెన్సెస్‌ దిగ్గజం వర్ల్‌పూల్‌ కార్పొరేషన్‌ మారిషస్‌ సంస్థ ద్వారా 75 శాతం వాటాను కలిగి ఉంది. కాగా.. బ్లాక్‌డీల్స్‌ ద్వారా రూ. 4,090 కోట్ల విలువైన 3.13 కోట్ల షేర్లు విక్రయించినట్లు బీఎస్‌ఈకి వర్ల్‌పూల్‌ ఇండియా వెల్లడించింది. రుణ చెల్లింపుల కోసం వర్ల్‌పూల్‌ ఇండియాలో 24 శాతం వాటాను విక్రయించనున్నట్లు గతేడాది వర్ల్‌పూల్‌ కార్ప్‌ వెల్లడించిన విషయం విదితమే. ఈ నేపథ్యంలో వర్ల్‌పూల్‌ ఇండియా షేరు 3.25 శాతం క్షీణించి రూ. 1,288 వద్ద ముగిసింది.

ప్రీమియం స్మార్ట్‌ఫోన్లు, ఉపకరణాలు తయారు చేసే ప్రముఖ టెక్నాలజీ సంస్థ యాపిల్‌.. గత డిసెంబర్‌తో  ముగిసిన త్రైమాసికంలో రికార్డు ఆదాయాన్ని నమోదు చేసింది. ఆ కంపెనీ తయారు చేసిన ఐఫోన్లు భారీగా అమ్ముడుపోవడంతో అత్యధిక లాభాలు వచ్చాయి. యాపిల్‌ కంపెనీ డిసెంబర్‌ త్రైమాసికంలో 119.6 బిలియన్‌  డాలర్ల (సుమారు రూ. 9.9 లక్షల కోట్లు) ఆదాయాన్ని ఆర్జించింది. ఇది గత ఏడాది ఇదే త్రైమాసికంతో పోల్చితే 2 శాతం అధికం. ఈ త్రైమాసికంలో ఐఫోన్లు 6 శాతం అధికంగా అమ్ముడుపోయాయి. మొత్తం ఆదాయంలో ఐఫోన్ల ద్వారా వచ్చిన ఆదాయం 69.7 బిలియన్‌ డాలర్లు ( సుమారు రూ.5.7 లక్షల కోట్లు).   యాపిల్‌ యాక్టివ్‌ డివైజ్‌ బేస్‌ ఆల్‌టైమ్‌ హైని సృష్టించింది. ప్రపంచవ్యాప్తంగా యాపిల్‌ ఉత్పత్తులను వాడుతున్నవారి సంఖ్య 220 కోట్లను దాటింది. భారత్‌లో ఆదాయ పరంగా వృద్ధిని సాధించామని, డిసెంబర్ త్రైమాసికంలో బలమైన రెండంకెల వృద్ధిని, ఆదాయ రికార్డును తాకినట్లు యాపిల్‌ సీఈవో టిమ్ కుక్ వెల్లడించారు. భారత్‌తో పాటు మలేషియా, మెక్సికో, ఫిలిప్పీన్స్, పోలాండ్, టర్కీ, ఇండోనేషియా, సౌదీ అరేబియా వంటి ఇతర అభివృద్ధి చెందుతున్న మార్కెట్లలో యాపిల్ రికార్డు ఆదాయాలను నమోదు చేసింది.  2023లో ఆదాయ పరంగా యాపిల్ భారతీయ మార్కెట్‌లో అగ్రగామిగా ఉందని, ఎగుమతులలో కోటి యూనిట్లను అధిగమించిందని ‘కౌంటర్‌పాయింట్ రీసెర్చ్’ పేర్కొంది.

ముఖేష్‌ అంబానీ నేతృత్వంలోని రిలయన్స్‌ ఇండస్ట్రీస్ షేర్ల ధర ఊపందుకుంది. మార్కెట్ విలువ ప్రకారం దేశంలో అతిపెద్ద కంపెనీ అయిన ఆర్‌ఐఎల్‌ షేర్లు గురువారం (జనవరి 11) 2 శాతానిపైగా పెరిగాయి.  బాంబే స్టాక్ ఎక్స్ఛేంజ్‌లో ఈ కంపెనీ షేరు విలువ రూ. 2,700కిపైగా పెరిగి కొత్త రికార్డు స్థాయికి చేరుకుంది.   ఫలితంగా ఆర్‌ఐఎల్ మార్కెట్ క్యాపిటలైజేషన్ రూ. 18 లక్షల కోట్ల మార్కును దాటింది. గతేడాది నిఫ్టీలో రిలయన్స్‌ ఇండస్ట్రీస్‌ షేర్ల విలువ 9 శాతం తగ్గుదల నమోదైంది. అయితే ఆర్‌ఐఎల్‌ షేర్ల కొనుగోళ్లు గత కొన్ని రోజులలో ఊపందుకున్నాయి. గత రెండు ట్రేడింగ్ సెషన్‌లలో సుమారుగా 4 శాతం పెరిగాయని ఎకనమిక్స్‌ టైమ్స్‌ నివేదిక పేర్కొంది. డిసెంబరు త్రైమాసిక ఫలితాల సీజన్ నేటి నుంచి ప్రారంభం కానున్న నేపథ్యంలో ప్రధాన బ్రోకరేజీల కొనుగోలు జాబితాలో ఆర్‌ఐఎల్‌ అగ్రస్థానంలో ఉంది. గోల్డ్‌మ్యాన్ సాచ్స్ ఇటీవల ఆర్‌ఐఎల్‌ టార్గెట్ ధరను రూ.2,660 నుంచి రూ.2,885కి పెంచగా జెఫరీస్ ఇంకా ఎక్కువగా టార్గెట్ ధరను రూ.3,125గా నిర్ణయించింది. ఇక నోమురా అయితే రూ. 2,985గా నిర్ణయించింది.  త్వరలో గ్రీన్ ఎనర్జీ గిగా కాంప్లెక్స్‌ జామ్‌నగర్‌లోని ధీరూభాయ్ అంబానీ గ్రీన్ ఎనర్జీ గిగా కాంప్లెక్స్‌ను 2024 ద్వితీయార్థంలో ప్రారంభించనున్నట్లు ఆర్‌ఐఎల్‌ చైర్‌పర్సన్ ముఖేష్ అంబానీ తాజాగా ప్రకటించారు. 5,000 ఎకరాల్లో విస్తరించి ఉన్న ఈ ప్రాజెక్ట్ హరిత ఇంధన రంగంలో అత్యధిక ఉద్యోగాలను సృష్టించడం, పర్యావరణహిత ఉత్పత్తులను పెంపొందించడం లక్ష్యంగా పెట్టుకుంది.

న్యూఢిల్లీ: అంతర్జాతీయంగా బంగారం ధరల రికార్డు పరుగు ప్రభావం భారత్‌ బులియన్‌ మార్కెట్‌లో కనబడింది. దేశ రాజధానిలో పసిడి 10 గ్రాముల ధర సోమవారం అంతక్రితం  ముగింపుతో పోలి్చతే రూ.450 పెరిగి రూ.64,300 రికార్డు స్థాయికి చేరినట్లు హెచ్‌డీఎఫ్‌సీ సెక్యూరిటీస్‌ పేర్కొంది. ఇక ముంబైలో ధర సోమవారం క్రితం (శుక్రవారం ముగింపు)తో పోలి్చతే 99.9 స్వచ్ఛత 10 గ్రాముల ధర రూ.553 పెరిగి రూ.63,281కి ఎగసింది. 99.5 స్వచ్ఛత ధర రూ.551 ఎగసి రూ.63,028ని చూసింది. ఇక వెండి విషయానికి వస్తే, రెండు నగరాల్లో దాదాపు స్థిరంగా ఉన్నాయి. ఢిల్లీలో వెండి కేజీ ధర రూ.80,200 పలికితే, ముంబైలో ఈ విలువ రూ.76,430గా ఉంది.   విజయవాడ మార్కెట్లో తీరిది... గడిచిన రెండు రోజుల్లో విజయవాడ మార్కెట్లో 24 క్యారెట్ల పది గ్రాముల బంగారం ధర రూ.1,250 పెరిగి రూ.64,200కు చేరింది. డిసెంబర్‌1న రూ.62,950 గా ఉన్న బంగారం ధర ఒకేరోజు రూ.810 పెరిగి రూ.63,760కు చేరగా,  తాజాగా సోమవారం మరో రూ.440 పెరిగి రూ.64,200కు చేరింది. ఇదే సమయంలో 22 క్యారట్ల ఆభరణాల పది గ్రాముల బంగారం ధర రూ.1,150 పెరిగి రూ.57,700 నుంచి రూ.58,850కు పెరిగింది.   అంతర్జాతీయ ప్రభావం... అంతర్జాతీయ కమోడిటీ ఫ్యూచర్స్‌ మార్కెట్లో ఫిబ్రవరికి సంబంధించి క్రియాశీలంగా ట్రేడ్‌ అవుతున్న  పసిడి ఔన్స్‌ (31.1 గ్రాములు) ధర తాజాగా రికార్డు స్థాయిలో 2,151 డాలర్లను తాకింది. అయితే లాభాల స్వీకరణ నేపథ్యంలో ఈ వార్త రాసే రాత్రి 11 గంటల సమయానికి 2.3 శాతం క్షీణించి 2,040 డాలర్ల వద్ద ట్రేడవుతోంది. ఇక ఆసియన్‌ ట్రేడింగ్‌లో కూడా ఇంట్రాడేలో ధర ఆల్‌టైమ్‌ కొత్త రికార్డు స్థాయి 2,135 డాలర్లను చూసింది. అమెరికాలో వడ్డీరేట్లు తగ్గుతాయన్న అంచనాలు, డాలర్‌ బలహీనత, పశి్చమాసియా సంక్షోభ పరిస్థితులు పసిడి పరుగుకు కారణమని విశ్లేషకులు పేర్కొంటున్నారు. వరల్డ్‌ గోల్డ్‌ కౌన్సిల్‌ (డబ్ల్యూజీసీ) ఇటీవలి సర్వే విడుదలచేస్తూ, ప్రపంచవ్యాప్తంగా 24 శాతం సెంట్రల్‌ బ్యాంక్‌లు రాబోయే 12 నెలల్లో తమ బంగారం నిల్వలను పెంచుకోవాలని భావిస్తున్నాయని వెల్లడించింది. రిజర్వ్‌ అసెట్‌గా డాలర్‌ కంటే బంగారమే సరైనదన్న అభిప్రాయం దీనికి కారణమని పేర్కొంది. ఈ అంశం కూడా తాజా బంగారం ధర జోరుకు కారణమన్న అభిప్రాయాలు వ్యక్తం అవుతున్నాయి.

దేశంలోని ఏడు ప్రధాన నగరాల్లో ఈ ఏడాది జూలై-సెప్టెంబర్ కాలంలో ఇళ్ల విక్రయాలు భారీగా పెరిగి ఆల్‌టైమ్ హై రికార్డ్‌ను నమోదు చేశాయి. స్థిరమైన తనఖా రేటు మధ్య బలమైన డిమాండ్‌తో జూలై-సెప్టెంబర్ కాలంలో ఏడు ప్రధాన నగరాల్లో గృహాల విక్రయాలు గతేడాది కంటే 36 శాతం పెరిగి రికార్డు స్థాయిలో 1,20,280 యూనిట్లకు చేరుకున్నట్లు రియల్ ఎస్టేట్ కన్సల్టెంట్ అనరాక్ (Anarock) నివేదిక పేర్కొంది. (ఇల్లు కట్టుకునేవారికి శుభవార్త.. రూ.60 వేల కోట్లతో కొత్త పథకం!) హైదరాబాద్‌లో అత్యధికం అనరాక్‌ నివేదిక ప్రకారం.. దేశంలోని ఏడు ప్రధాన నగరాల్లో గత ఏడాది కాలంలో గృహాల విక్రయాలు 88,230 యూనిట్లుగా ఉన్నాయి. ఈ ఏడాది జులై-సెప్టెంబర్ కాలంలో ఏడు నగరాల్లో సగటు గృహాల ధరలు ఏటా 11 శాతం పెరిగాయి. హైదరాబాద్‌లో ఏటా జులై-సెప్టెంబర్ కాలంలో ఇళ్ల ధరల సగటు పెరుగుదల అత్యధికంగా 18 శాతం ఉంది. (అపార్ట్‌మెంట్‌ బదులు భూములు కొంటే 10 రెట్ల లాభం! ఎలాగో తెలుసా?) ఈ ఏడాది జూలై-సెప్టెంబర్‌లో త్రైమాసిక విక్రయాలు ఆల్‌టైమ్ హైని తాకినట్లు అనరాక్ హైలైట్ చేసింది. అయితే ఈ నివేదికలో అపార్ట్‌మెంట్లు, విల్లాలు, ఇండిపెండెంట్ ఫ్లోర్‌ల విక్రయాలను చేర్చారు. ప్లాట్లు(ఖాళీ స్థలాలు)ను మాత్రం ఇందులో చేర్చలేదు. ఏడు నగరాల్లో ఇళ్ల విక్రయాలు ఇలా.. ఢిల్లీ-ఎన్‌సీఆర్‌లో గృహాల విక్రయాలు 2023 జూలై-సెప్టెంబర్ మధ్య కాలంలో 14,970 యూనిట్ల నుంచి 6 శాతం పెరిగి 15,865 యూనిట్లకు చేరుకున్నాయి.  ముంబై మెట్రోపాలిటన్‌ రీజియన్‌లో ఈ కాలంలో ఇళ్ల విక్రయాలు అత్యధికంగా 46 శాతం పెరిగి 26,400 యూనిట్ల నుంచి 38,500 యూనిట్లకు పెరిగాయి. బెంగళూరులో గృహాల విక్రయాలు గత ఏడాది ఇదే కాలంలో 12,690 యూనిట్ల నుంచి ఈ ఏడాది జూలై-సెప్టెంబర్ మధ్య కాలంలో 29 శాతం పెరిగి 16,395 యూనిట్లకు చేరుకున్నాయి. పుణెలో ఇళ్ల అమ్మకాలు గరిష్టంగా 63 శాతం పెరిగి 14,080 యూనిట్ల నుంచి 22,885 యూనిట్లకు చేరుకున్నాయి. హైదరాబాద్‌లో నివాస గృహాల విక్రయాలు 41 శాతం పెరిగి 11,650 యూనిట్ల నుంచి 16,375 యూనిట్లకు చేరుకున్నాయి. చెన్నైలో ఇళ్ల విక్రయాలు 42 శాతం పెరిగి 3,490 యూనిట్ల నుంచి 4,940 యూనిట్లకు చేరుకున్నాయి. కోల్‌కతాలో గృహాల అమ్మకాలు జులై-సెప్టెంబర్ మధ్య కాలంలో 4,950 యూనిట్ల నుంచి 7 శాతం పెరిగి 5,320 యూనిట్లకు చేరుకున్నాయి.

ముంబై: ఓ వైపు దేశీ స్టాక్‌ మార్కెట్లు ఈ నెల(ఆగస్ట్‌)లో ఆటుపోట్లు ఎదుర్కొంటున్నప్పటికీ మరోపక్క లిస్టెడ్‌ కార్పొరేట్‌ ప్రపంచంలో భారీస్థాయి విక్రయ లావాదేవీలు జోరుగా సాగుతున్నాయి. గత ఐదు నెలల తదుపరి ఆగస్ట్‌లో మార్కెట్లు కొంతమేర వెనకడుగు వేయగా.. షేర్ల అమ్మకపు డీల్స్‌ కొత్త రికార్డ్‌కు తెరతీశాయి. ఒక పరిశీలన ప్రకారం ఈ నెలలో 29 వరకూ మొత్తం రూ. 60,000 కోట్లమేర భారీ బ్లాక్‌డీల్స్‌ జరిగాయి. క్యాలెండర్‌ ఏడాదిలోని ఏ నెలలోనైనా విలువరీత్యా ఇవి అత్యధికంకాగా.. రెండు భారీ డీల్స్‌ ఇందుకు దోహదపడ్డాయి. సాఫ్ట్‌వేర్‌ సేవల దేశీ కంపెనీ కోఫోర్జ్‌(గతంలో ఎన్‌ఐఐటీ టెక్నాలజీస్‌)లో రూ. 7,684 కోట్ల విలువైన ఈక్విటీని పీఈ దిగ్గజం బేరింగ్‌ అనుబంధ కంపెనీ హల్ట్‌ విక్రయించింది. ఇదేవిధంగా ప్రయివేట్‌ రంగ విద్యుత్‌ కంపెనీ అదానీ పవర్‌లో ప్రమోటర్‌ గ్రూప్‌ రూ. 7,412 కోట్ల విలువైన షేర్లను యూఎస్‌ దిగ్గజం జీక్యూజీ పార్ట్‌నర్స్‌కు విక్రయించింది. ఈ బాటలో ఇండిగో బ్రాండు విమానయాన సేవల కంపెనీ ఇంటర్‌గ్లోబ్‌ ఏవియేషన్‌లో సహవ్యవస్థాపకుడు రాకేష్‌ గంగ్వాల్‌ కుటుంబం 3 శాతం వాటాను రూ. 2,802 కోట్లకు విక్రయించింది. దేశీ డిజిటల్‌ పేమెంట్స్‌ కంపెనీ పేటీఎమ్‌లో చైనా దిగ్గజం అలీబాబా గ్రూప్‌ కంపెనీ యాంట్‌ఫిన్‌ రూ. 2,037 కోట్ల విలువైన వాటాను అమ్మివేయగా.. ఆన్‌లైన్‌ ఫుడ్‌ సర్వింగ్‌ ప్లాట్‌ఫామ్‌ జొమాటోలో పీఈ దిగ్గజం టైగర్‌ గ్లోబల్‌ 1.44 శాతం వాటాను రూ. 1,124 కోట్లకు విక్రయించింది. మార్కెట్ల వెనకడుగు.. ఈ ఏడాది జూలై 20న దేశీ స్టాక్‌ మార్కెట్ల ప్రామాణిక ఇండెక్స్‌ సెన్సెక్స్‌ సరికొత్త గరిష్టం 67,500 పాయింట్లను అధిగమించింది. ఎన్‌ఎస్‌ఈ నిఫ్టీ సైతం దాదాపు 20,000 పాయింట్ల స్థాయికి చేరింది. ఈ రికార్డ్‌ స్థాయిల నుంచి సెన్సెక్స్, నిఫ్టీ నిజానికి ఆగస్ట్‌లో 3 శాతం వెనకడుగు వేశాయి. ప్రస్తుతం సెన్సెక్స్‌ 65,100, నిఫ్టీ 19,350 వద్ద కదులుతున్నాయి. అయితే దేశీయంగా అదనపు లిక్విడిటీ, మిడ్, స్మాల్‌క్యాప్స్‌నకు విస్తరించిన యాక్టివిటీ, విదేశీ సంస్థాగత ఇన్వెస్టర్ల పెట్టుబడుల జోరు వంటి అంశాలు.. ఈ నెలలో భారీ స్థాయి లావాదేవీలకు కారణమవుతున్నట్లు కార్పొరేట్‌ వర్గాలు పేర్కొంటున్నాయి. దీనికితోడు దేశ ఆర్థిక వ్యవస్థపై మధ్య, దీర్ఘకాలిక వృద్ధి అంచనాలు, స్టాక్‌ మార్కెట్‌ భవిష్యత్‌పై పెరుగుతున్న ఇన్వెస్టర్ల విశ్వాసం జత కలుస్తున్నట్లు తెలియజేశాయి.   ఇతర స్టాక్స్‌లోనే.. ప్రధానంగా ఇండెక్సేతర కంపెనీలలోనే ఇటీవల వాటాల విక్రయాలలో భారీ లావాదేవీలు నమోదైనట్లు పరిశ్రమ వర్గాలు పేర్కొన్నాయి. దీంతో మొత్తం మార్కెట్లో జరుగుతున్న అంశాలను సెన్సెక్స్‌ లేదా నిఫ్టీ ప్రతిఫలించకపోవచ్చని తెలియజేశాయి. మ్యూచువల్‌ ఫండ్స్‌(ఎంఎఫ్‌లు), విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు), పీఈ సంస్థలు తదితర దీర్ఘకాలిక ఇన్వెస్టర్లు స్వల్పకాలిక అంశాలను పరిగణనలోకి తీసుకోవని వివరించాయి. ఈ నెలలో మార్కెట్లు రికార్డ్‌ గరిష్టాల నుంచి కొంతమేర క్షీణించినప్పటికీ.. మిడ్, స్మాల్‌ క్యాప్స్‌ చరిత్రాత్మక గరిష్టాలకు చేరడాన్ని ఈ సందర్భంగా ప్రస్తావించాయి. కాగా.. ఈ ఏడాది ఇప్పటివరకూ ఎన్‌ఎస్‌ఈ మిడ్, స్మాల్‌ క్యాప్స్‌ 23% జంప్‌చేయగా.. నిఫ్టీ దాదాపు 7% ఎగసింది.  ఇక జూన్‌లోనూ మొత్తం రూ. 50,000 కోట్ల విలువైన భారీ బ్లాక్‌డీల్స్‌   నమోదుకావడం మార్కెట్ల లోతుకు నిదర్శనమని నిపుణులు విశ్లేíÙంచారు.

సాక్షి,ముంబై: దేశీయ స్టాక్ మార్కెట్లు లాభాల్లో ముగిసాయి.బలహీనమైన అంతర్జాతీయ సంకేతాలు ఉన్నప్పటికీ కొనసాగుతున్న ర్యాలీని నిలబెట్టుకున్నాయి.  మిడ్  అండ్‌ స్మాల్-క్యాప్ సెగ్మెంట్లు బెంచ్‌మార్క్ ఇండెక్స్‌ను అధిగమించాయి, రియల్టీ, ఆయిల్ అండ్‌  గ్యాస్, పవర్  కన్జ్యూమర్‌ స్టాక్‌లు సెక్టోరియల్ ర్యాలీ   అయ్యాయి. మరోవైపు ఆటో, ఐటీ నష్టపోయాయి.    సెన్సెక్స్‌ 340 పాయింట్లు ఎగిసి 65,785 వద్ద, నిఫ్టీ 99పాయింట్లు లాభంతో 19497 వద్ద స్థిరంగా ముగిసాయి. తద్వారా మరో ఆల్‌ టైం రి​కార్డ్‌ హైని నమోదు చేశాయి. ఎం అండ్‌ఎం, అపోలో  హాస్పిటల్స్‌, పవర్‌ గ్రిడ్‌, టాటా మోటార్స్‌, రిలయన్స్‌  భారీ లాభాలతో ముగియగా,  ఐషర్‌ మోటార్స్‌, హెచ్‌డీఎఫ్‌సీ, మారుతి, హెచ్‌సీఎల్  టెక్‌, బజాజ్‌ ఫైనాన్స్‌ నష్టపోయాయి. (Disclaimer:మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు ) మార్కెట్ తీరుతెన్నులపై మా బిజినెస్ కన్సల్టెంట్ కారుణ్య రావు అందిస్తోన్న పూర్తి వీడియో చూడండి

సాక్షి, ముంబై: దేశీయంగా పసిడి పైపైకి చేరుతూ కొనుగోలుదారులకు షాకిస్తోంది. దేశంలో పలు   నగరాల్లో  బంగారం ధర రూ.61 వేలను దాటేసింది. అటు వెండి కూడా ఇదే బాటలో ఉంది. నేడు దేశంలో 22 క్యారెట్ల బంగారం ధర (10 గ్రాములు) పై రూ. 10 పెరిగి.. రూ. 55,310కి చేరుకుంది. ఇక 24 క్యారెట్ల బంగారం ధర (10 గ్రాములు)పై రూ.19 పెరిగి రూ.61,340కి చేరుకుంది. హైదరాబాద్‌లో 22 క్యారెట్ల బంగారం ధర (10 గ్రాములు)రూ.55,300గాను, 10 గ్రాముల 24 క్యారెట్ల బంగారం ధర ఏక ంగా వెయ్యి  రూపాయలు  ఎగిసి  రూ.60,330గా ఉంది.  కాగా  ముంబైలో 10 గ్రాముల 24 క్యారెట్ల బంగారం ధర రూ. 61, 360 గా ఉంది. అటు  ఢిల్లీలో10 గ్రాముల 24 క్యారెట్ల బంగారం రూ. 61, 510 గా ఉంది. ఇక హైదరాబాద్‌లో మరో విలువైన లోహం వెండి ధరలను పరిశీలిస్తే  కేజీ వెండి ఏకంగా రూ. 2900పుంజుకుంది. కిలో ధర రూ.77800గా ఉంది. మరోవైపు అంతర్జాతీయంగా బంగారం ధరలు  మళ్లీ షాకిస్తున్నాయి.  బలహీనమైన అమెరికా ఆర్థిక  డేటాతో ఆర్థిక వ్యవస్థ మందగమనం, ఫెడరల్ రిజర్వ్ పాలసీ   వడ్డీ రేటు వడ్డన  ఆందోళనతో గోల్డ్‌ ఔన్సు 2వేల డాలర్లు అధిగమించింది. తద్వారా  ఒక సంవత్సరం గరిష్ట స్థాయికి చేరుకుంది.  ఎంసీక్స్‌  గోల్డ్  బుధవారం రూ. 61,130 వద్ద  ఉంది.  కిలో వెండి  3.7 శాతం  ఎగిసి  రూ. 74,700 కి స్థాయిని తాకింది. 

సాక్షి,ముంబై:  పసిడి ధర రికార్డు స్థాయికి  చేరుకుని వినియోగదారులకు షాకిస్తోంది. బులియన్‌ వర్గాల అంచనాలకు అనుగుణంగానే ఆల్ టైం రికార్డులను బ్రేక్ చేసింది.  దేశీయంగా గతం వారం రోజుల వ్యవధిలో ధర రూ.3,520కు పైగా పెరిగింది. బంగారం ధర ఈ మధ్యకాలంలో ఇంత పెరుగుదల ఎప్పుడూ నమోదు కాలేదు. అమెరికా  బ్యాంక్ సంక్షోభం పసిడి ధరలకు ఊతమిస్తోంది. దేశీయ మార్కెట్లో 10 గ్రాముల 22 క్యారెట్ల బంగారం 55,300గా వద్ద ఉండగా, 10 గ్రాముల 24 క్యారెట్ల బంగారం ధర  60,320 రూపాయలను దాటేసింది. శుక్రవారం నాటి ధరతో పోలిస్తే ఏకంగా 10 గ్రాములకు రూ. 1500 పెరిగింది. అటు వెండి ధరలు కూడా ఇదే బాటలో ఉన్నాయి.  హైదరాబాదులో 24 క్యారెట్ల బంగార ధర  10 గ్రాములు రూ. 60,320 వద్ద ఉంది. సుమారు రూ. 1,630 మేర పెరిగింది. కిలో వెండి ధర రూ. 1300 పెరిగి రూ. 74,400 వద్దకు చేరింది.  గ్లోబల్‌గా కూడా అమెరికా మార్కెట్‌లో ట్రేడింగ్ ప్రారంభంలోనే  శనివారం రికార్డు స్థాయిలో ధరలు పెరిగాయి. 1,988 వద్ద కొనసాగుతోంది. అంతకుముందు వారం ముగింపుతో పోలిస్తే ఔన్స్‌కు 6.48 శాతం పెరిగింది.  రాబోయే కొద్ది రోజుల్లో ధర 2వేల డాలర్లను కూడా దాటేసి 2,500 డాలర్లకు చేరుకుంటుందని అంచనా. వెండి కూడా బంగారంతోసమానంగా వారానికి దాదాపు 9.22 శాతం భారీ లాభాలను ఆర్జించింది. ఇదే రేంజ్‌లో దేశీయంగా కూడా ధరలు ప్రభావితం కానున్నాయని  మార్కెట్‌ నిపుణుల అంచనా.  మార్చి 21న జరిగే ద్రవ్య విధాన సమీక్ష సమావేశంలో ఫెడరల్ రిజర్వ్ ముఖ్యంగా అమెరికా బ్యాంకింక్‌ సంక్షోభం నేపథ్యంలో బ్యాంకింగ్ రంగాన్ని కాపాడేందుకు  చర్యలు తీసుకోకపోతే  పసిడి ధరలు మరింత పెరుగుతాయనేది విశ్లేషకులు  భావిస్తున్నారు. కాగా అమెరికా  చరిత్రలో రెండవ అతిపెద్ద బ్యాంక్ క్రాష్  సిలికాన్ వ్యాలీ బ్యాంక్ (SVB) పతనంతో వడ్డీ రేట్ల పెంపు ఆందోళనకు దారి తీసింది. అటు  క్రెడిట్ సూయిస్ షేర్లలో పతనం ప్రపంచ మార్కెట్ గందరగోళానికి దారితీసింది. దీంతో అంతర్జాతీయంగా శుక్రవారం బంగారం ధరలు 2 శాతానికి పైగా పెరిగిన సంగతి తెలిసిందే.  

సాక్షి, ముంబై: బంగారం ధర మరోసారి రికార్డు హైకి చేరింది.యూనియన్‌ బడ్జెట్‌లో  దిగుమతి సుంకం పెంపునకు తోడు యూఎస్‌ ఫెడ్‌ నిర్ణయం కూడా బంగారం, వెండి ధరలను ప్రభావితం చేస్తోంది. యుఎస్ ఫెడరల్ రిజర్వ్ వడ్డీ రేట్లను 25 బేసిస్ పాయింట్ల మేర పెంపు,  ఫెడ్‌ చీఫ్‌  జెరోమ్ పావెల్ వ్యాఖ్యల నేపథ్యంలో అంతర్జాతీయంగా పసిడి ధరలు రివ్వున దూసుకెళ్లి గురువారం తాజా రికార్డులను తాకాయి.  మల్టీ కమోడిటీ ఎక్స్ఛేంజ్ (MCX)లో  గోల్డ్‌ ధర రూ. 58,826 వద్ద ట్రేడవుతోంది. బుధవారం నాటి ఫెడ్‌  సమావేశంలో వడ్డీ రేట్లను 25 బీపీఎస్‌ పాయింట్ల మేర పెంచింది. ఫలితంగా అమెరికా కరెన్సీ డాలర్  9 నెలల కనిష్టస్థాయికి దిగజారింది. దీని ఫలితమే దేశీయ, అంతర్జాతీయ మార్కెట్‌లో బంగారం ధరల ర్యాలీకి  కారణమని బులియన్‌ పండితులు తెలిపారు.  అంతర్జాతీయ మార్కెట్‌లో, స్పాట్ గోల్డ్ ఔన్స్‌ ధర 1,951.79 డాలర్ల స్థాయి కి పెరిగింది, ఏప్రిల్ 2022 నుండి  ఇదు అత్యధిక స్థాయి. దేశీయంగా హైదరాబాద్  మార్కెట్లో   600 రూపాయలు ఎగిసిన  22 క్యారట్ల బంగారం  10  గ్రాముల ధర రూ. 53, 600 గాను, 8 గ్రాముల బంగారం ధర రూ. 42,880 గాను ఉంది.  24 క్యారెట్ల 10 గ్రాముల బంగారం ధర రూ. 650  పెరిగి రూ. 58,470 గా ఉంది.  అలాగే 10 గ్రాముల బంగారం ధర రూ. 58,470గా, 8 గ్రాముల బంగారం ధర రూ. 46,776 గాను, బడ్జెట్ 2023లో బంగారం,  ప్లాటినం డోర్,  బార్‌లతో సమానంగా సిల్వర్ డోర్, బార్‌లు,వస్తువులపై సుంకాన్ని పెంచాలని ప్రతిపాదించింది.  వెండిపై  దిగుమతి సుంకం, 7.5  నుంచి 10 శాతానికి పెంపు, అలాగే  5 శాతం వ్యవసాయం, మౌలిక సదుపాయాల సెస్‌తో పాటు, మొత్తంగా  15శాతం  నికర సుంకాన్ని వసూలు చేయనున్నారు.   అలాగే  దిగుమతి చేసుకున్న బంగారం, వెండి, ప్లాటినం ఆభరణాలు, వస్తువులపై  దిగుమతి సుంకం 20శాతం 25 శాతానికి పెరిగింది. 

సాక్షి,ముంబై: బంగారం ధరలు తగ్గినట్టే తగ్గి మళ్లీ ఊపందుకున్నాయి.  పసిడి ధర శుక్రవారం మరో రికార్డు గరిష్ట స్థాయిని తాకింది. ఈ రోజు బంగారం ధరలు 10 గ్రాములకు రూజ56,850కి చేరుకున్నాయి. డాలర్‌ క్షీణత , ట్రెజరీ ఈల్డ్‌ల కారణంగా బంగారం 3 నెలల గరిష్టానికి చేరింది.  నవంబర్ నుంచి ప్రారంభమైన  బులియన్‌ ర్యాలీ మధ్య గ్యాప్‌ ఇచ్చినా మూడు నెలలోపే  6 వేల రూపాయలు ఎగియడం గమనార్హం.  గ్లోబల్  సంకేతాలతో   భారతీయ ఫ్యూచర్స్ మార్కెట్లలో బంగారం ధరలు ఈరోజు మరో రికార్డు గరిష్ట స్థాయికి చేరుకున్నాయి. ఎంసీఎక్స్‌ బంగారం ఫ్యూచర్లు 0.3శాతం  పెరిగి 10 గ్రాములకు రూ. 56,850కి చేరగా, వెండి కిలోకు రూ. 68,743కి పలికింది.  అమెరికా ద్రవ్యోల్బణం   కాస్త తగ్గుముఖం పట్టడంతో  ఫిబ్రవరి 1న దాని రెండు రోజుల సమావేశం ముగింపులో ఫెడరల్ రిజర్వ్ ద్వారా స్ట్రీట్ ఒక చిన్న 25-బేసిస్-పాయింట్ వడ్డీ రేటు  మాత్రమే పెంపు ఉంటుందన్న అంచనాలతో  బంగారం లాభపడుతుంది.  ఇక హైదరాబాద్‌లో 10 గ్రాముల పసిడి ధర 58,710 వద్ద, వెండి కిలో ధర  స్వల్పంగా తగ్గి రూ. 73500 వద్ద ఉంది.

సాక్షి, ముంబై: దేశీయస్టాక్‌మార్కెట్లు రికార్డు స్థాయిల వద్ద  లాభాల్లో  ముగిసాయి.  వరుసగా రికార్డులతో దూసుకుపోతున్న  సూచీలు  గురువారం కూడా అదే జోష్‌ను కంటిన్యూ చూశాయి. ఆరంభంలోనే సెన్సెక్స్‌  గరిష్టస్థాయిలను తాకింది.  అయితే గరిష్ట స్థాయిల వద్ద లాభాల స్వీకరణతో భారీ లాభాలను కోల్పోయాయి.  చివరికి సెన్సెక్స్‌ 185 పాయింట్లు ఎగిసి 63284 వద్ద, నిఫ్టీ 54 పాయింట్ల లాభంతో 18815వద్ద స్థిరపడ్డాయి.  టాటా స్టీల్‌, హిందాల్కో, టీసీఎస్‌, టెక్‌ ఎం, విప్రో, ఇన్ఫోసిస్‌, ఎల్‌ అండ్‌ టీ, పీఎన్‌బీ, బీవోబీ, ఎస్‌బీఐ  లాంటి షేర్లు భారీగా లాభాలనార్జించాయి. మరోవైపు నవంబరు సేల్స్‌ నిరాశ పర్చడంతో ఆటో షేర్లు భారీగా  నష్టపోయాయి.  ఐసపీఐసీఐ బ్యాంకు, సిప్లా, యూపీఎల్‌, ఐషర్‌ మెటార్స్‌, బజాజ్‌ ఆటో నష్టపోయాయి. అటు డాలరు మారకంలో రూపాయి 26 పైసలు లాభపడి 81.21 వద్ద ముగిసింది.

న్యూఢిల్లీ: దేశీ క్యాపిటల్‌ మార్కెట్లో పార్టిసిపేటరీ నోట్ల ద్వారా (పీ నోట్స్‌) పెట్టుబడులు అక్టోబర్‌ చివరికి రూ.97,784 కోట్లకు చేరాయి. ఈ ఏడాది ఇవి గరిష్ట స్థాయి పెట్టుబడులు కావడం గమనించాలి. సెబీ వద్ద నమోదైన విదేశీ పోర్ట్‌ఫోలియో ఇన్వెస్టర్లు (ఎఫ్‌పీఐలు) విదేశీ ఇన్వెస్టర్లకు పీనోట్స్‌ను జారీ చేస్తుంటారు. ఈ నోట్స్‌ ద్వారా విదేశీ ఇన్వెస్టర్లు భారత క్యాపిటల్‌ మార్కెట్లలో పెట్టుబడులు పెట్టుకోవచ్చు. (డిజిటల్‌ లోన్లపై అక్రమాలకు చెక్‌: కొత్త రూల్స్‌ నేటి నుంచే!) సెబీ వద్ద ఉన్న డేటా ప్రకారం.. సెప్టెంబర్‌ చివరికి పీనోట్స్‌ పెట్టుబడులు ఈక్విటీ, డెట్, హైబ్రిడ్‌ సెక్యూరిటీల్లో కలిపి రూ.88,813 కోట్లుగా ఉంటే, అక్టోబర్‌ చివరికి రూ.97,784 కోట్లకు చేరాయి. సాధారణంగా ఎఫ్‌పీఐ పెట్టుబడుల ధోరణిని పీ నోట్ల పెట్టుబడులు అనుసరిస్తుంటాయి. అక్టోబర్‌ నాటికి వచ్చిన పీనోట్ల మొత్తం పెట్టుబడుల్లో రూ.88,490 కోట్లు ఈక్విటీల్లో, రూ.9,105 కోట్లు డెట్‌లో, రూ.190 కోట్లు హైబ్రిడ్‌ సెక్యూరిటీల్లోకి వచ్చాయి. ‘‘ఈ ఏడాది, వచ్చే ఏడాది ప్రపంచంలో భారత్‌ అత్యంత వేగంగా వృద్ధి చెందే ఆర్థిక వ్యవస్థ అనే విషయంలో అంతటా ఏకాభిప్రాయం ఉంది. (శాంసంగ్‌ మరో గెలాక్సీ 5జీ స్మార్ట్‌ఫోన్‌ వచ్చేస్తోంది: ఫీచర్లు, ధర) అంతర్జాతీయ ఆర్థిక వ్యవస్థ నిదానించినప్పటికీ, భారత్‌ ఆర్థిక వ్యవస్థ బలంగా ఉంది. ఇది విదేశీ ఇన్వెస్టర్లను ఆకర్షిస్తోంది. రూపాయి స్థిరంగా ఉండడం విదేశీ ఇన్వెస్టర్లలో నమ్మకం కలిగిస్తోంది’’అని జియోజిత్‌ ఫైనాన్షియల్‌ సర్వీసెస్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయ్‌కుమార్‌ తెలిపారు.  

సాక్షి, ముంబై: అంతర్జాతీయ సానుకూల సందేశాలతో  దేశీయ స్టాక్‌ సూచీలు  భారీ లాభాలతో ముగిసాయి.   దాదాపు అన్ని రంగాల షేర్ల లాభాలతో రికార్డుల వెల్లువ కురింది. సెన్సెక్స్‌ 62252 వద్ద రికార్డు గరిష్టాన్ని తాకింది. నిఫ్టీ కూడా  52 వారావల హైని నమోదు చేసింది.  అలాగే బ్యాంకింగ్‌ షేర్లు లాభాలతో బ్యాంక్‌ నిఫ్టీ రికార్డ్‌ హైకి చేరింది. ఆఖరి  నిమిషాల్లో రిలయన్స్‌, టీసీఎస్‌ ఐటీసీలో కొనుగోళ్లు  మార్కెట్లకు మరింత ఊతమిచ్చాయి. చివరకు సెన్సెక్స్‌ 762 పాయింట్లు ఎగిసి  62272 వద్ద, నిఫ్టీ 247 పాయింట్ల లాభంతో18514 వద్ద ముగిసింది.  ముఖ్యంగా ఐటీ, ఎఫ్‌ఎంసీజీ రంగాల షేర్ల లాభాలతో సెన్సెక్స్‌ 62 వేల పాయింట్లు సునాయాసంగా అధిగమించింది. హెచ్‌డీఎఫ్‌సీ లైఫ్‌, అపోలో హాస్పిటల్స్‌, బీపీసీఎల్‌, ఇన్ఫోసిస్‌,  రిలయన్స్‌, ఐటీసీ,  టీసీఎస్‌ టాప్‌ విన్నర్స్‌గా నిలిచాయి. బిస్లరీ కొనుగోలు వార్తలతో టాటా కన్స్యూమర్ ప్రొడక్ట్స్ లిమిటెడ్ దాదాపు 4 శాతం  షేరు ధర ఆల్‌ట టైం హైకిచేరింది.  సిప్లా, కోల్‌ ఇండియా, కోటక్‌ మహీంద్ర, టాదటా మోటార్స్‌, బజాజ్‌ ఫిన్‌ సర్వ్‌ టాప్‌ లూజర్స్‌గా  స్థిరపడ్డాయి.  అటు డాలరు మారకంలో రూపాయి కూడా లాభాల్లోనే ముగిసింది. 26 పైసలు ఎగిసిన రూపాయి  81.63 వద్ద స్థిరపడింది. 

సాక్షి,ముంబై:  ప్రభుత్వ రంగ బ్యాంకు  స్టేట్ బ్యాంక్ ఆఫ్ ఇండియా (ఎస్‌బిఐ) మార్కెట్‌ క్యాప్‌ ర్యాంకింగ్‌లో ఘనతను  సొంతం చేసుకుంది.  రూ. 5.03 ట్రిలియన్ల మార్కెట్ క్యాప్‌తో, కంపెనీల మొత్తం మార్కెట్ క్యాప్ ర్యాంకింగ్‌లోఎస్‌బీఐ ఏడో స్థానాన్ని సాధించింది. దీంతో రూ.5 ట్రిలియన్ల మార్కెట్ క్యాప్‌ను దాటిన దేశంలో మూడో బ్యాంకుగా ఎస్‌బీఐ నిలిచింది. ఎస్‌బీఐ రూ. 5-ట్రిలియన్ మార్కును అధిగమించడం ఇదే తొలిసారి. షేర్ ధర సెప్టెంబర్ 14న రికార్డు స్థాయిలో రూ. 573ని  తాకింది. బీఎస్‌ఈ డేటా ప్రకారం మార్కెట్ క్యాపిటలైజేషన్ (మార్కెట్ క్యాప్) తొలిసారిగా రూ. 5ట్రిలియన్ మార్కును తాకింది. బలహీనమైన మార్కెట్‌లో  ఎస్‌బీఐ షేర్లు లాభాల్లో ఉంది. గత మూడు నెలల్లో ఎ స్‌బీఐ షేరు 26 శాతం ఎగిసింది.  ఈ లిస్ట్‌లో ప్రయివేటు  బ్యాంకింగ్‌ దిగ్గజం హెచ్‌డీఎఫ్‌సీ టాప్‌ ప్లేస్‌లో ఉంది.  సంస్థ మార్కెట్ క్యాప్ రూ. 8.42 ట్రిలియన్లు. అలాగే  ఐసిఐసిఐ బ్యాంక్  మార్కెట్ క్యాప్‌ రూ. 6.34 ట్రిలియన్లు గా ఉంది. అలాగే గత  మూడునెల​ల కాలంలో ఐసీఐసీఐ బ్యాంక్ 32 శాతం ర్యాలీ చేయగా, హెచ్‌డీఎఫ్‌సీ బ్యాంక్ 15 శాతం లాభపడింది. ఈ జాబితాలోని ఇతర ఆరు కంపెనీలు రిలయన్స్ ఇండస్ట్రీస్ (రూ. 17.72 ట్రిలియన్), టాటా కన్సల్టెన్సీ సర్వీసెస్ (రూ. 11.82 ట్రిలియన్), హెచ్‌డిఎఫ్‌సి బ్యాంక్ (రూ. 8.42 ట్రిలియన్), ఇన్ఫోసిస్ లిమిటెడ్ (రూ. 6.5 ట్రిలియన్), ఐసిఐసిఐ బ్యాంక్ (రూ. 6.34 ట్రిలియన్) యూనిలివర్ (రూ. 6.08 ట్రిలియన్లు) ఉన్నాయి

న్యూఢిల్లీ: భారత్‌ ఎగుమతులు–దిగుమతుల విలువ మధ్య నికర వ్యత్యాసం వాణిజ్యలోటు మేలో రికార్డు స్థాయిలో 24.29 బిలియన్‌ డాలర్లకు ఎగసింది. 2021 మేలో ఈ విలువ కేవలం 6.53 బిలియన్‌ డాలర్లు.  సమీక్షా నెల్లో భారత్‌ వస్తు ఎగుమతుల విలువ 20.55% పెరిగి (2021 మేనెల గణాంకాలతో పోల్చి) 38.94 బిలియన్‌ డాలర్లకు ఎగసింది. ఇక వస్తు దిగుమతుల విలువ 62.83% ఎగసి 63.22 బిలియన్‌ డాలర్లకు చేరింది. ప్రభుత్వం బుధవారం విడుదల చేసిన గణాంకాల్లో ముఖ్యాంశాలు... ఎగుమతుల రీతి.. ► ఇంజనీరింగ్‌ గూడ్స్‌ ఎగుమతులు 12.65 శాతం పెరిగి 9.7 బిలియన్‌ డాలర్లకు చేరాయి. ► పెట్రోలియం ప్రొడక్టుల విషయంలో ఎగుమతులు 60.87 శాతం ఎగసి 8.54 బిలియన్‌ డాలర్లకు చేరాయి.   ► రత్నాలు, ఆభరణాల ఎగుమతులు 2021 మేలో 2.96 బిలియన్‌ డాలర్లుంటే, తాజా సమీక్షా నెల్లో 3.22 బిలియన్‌ డాలర్లకు చేరాయి. ► రసాయనాల ఎగుమతులు 17.35% పెరిగి 2.5 బి. డాలర్లకు చేరాయి.   ► ఫార్మా ఎగుమతులు 10.28 శాతం వృద్ధితో 2 బిలియన్‌ డాలర్లకు చేరాయి ► రెడీమేడ్‌ దుస్తుల ఎగుమతులు 28% పెరిగి 1.41 బి. డాలర్లకు చేరాయి. ► ముడి ఇనుము, జీడిపప్పు, హస్తకళలు, ప్లాస్టిక్స్, కార్పెట్, సుగంధ ద్రవ్యాల ఎగుమతుల్లో వృద్ధిలేకపోగా క్షీణత నమోదయ్యింది.   దిగుమతుల పరిస్థితి.. ► మే నెల్లో పెట్రోలియం అండ్‌ క్రూడ్‌ ఆయిల్‌ దిగుమతులు 102.72 శాతం ఎగసి 19.2 బిలియన్‌ డాలర్లకు చేరాయి.   ► బొగ్గు, కోక్, బ్రిక్విటీస్‌ దిగుమతుల విలువ 2 బిలియన్‌ డాలర్ల నుంచి 5.5 బిలియన్‌ డాలర్లకు  చేరింది.   ► పసిడి దిగుమతుల విలువ 2021 మేలో 677 మిలియన్‌ డాలర్లుంటే, 2022 మేలో 6 బిలియన్‌ డాలర్లకు చేరింది.   రెండు నెలల్లో..: ఏప్రిల్‌–మే నెలల్లో ఎగుమతులు 25 శాతం పెరిగి 78.72 బిలియన్‌ డాలర్లకు చేరాయి. ఇక ఇదే కాలంలో దిగుమతులు 45.42 శాతం ఎగసి 123.41 బిలియన్‌ డాలర్లకు చేరాయి. వెరిసి ఆర్థిక సంవత్సరం (2022–23) రెండు నెలల్లో వాణిజ్యలోటు 44.69 బిలియన్‌ డాలర్లుగా ఉంది. గత ఆర్థిక సంవత్సరం (2021–22) రెండు నెలల్లో వాణిజ్యలోటు 21.82 బిలియన్‌ డాలర్లు.   సేవల దిగుమతుల తీరిది... ఇక వాణిజ్య మంత్రిత్వశాఖ విడుదల చేసిన గణాంకాల ప్రకారం మేలో సేవల దిగుమతుల విలువ 45.01 శాతం పెరిగి 14.43 బిలియన్‌ డాలర్లుగా నమోదయ్యింది. ఆర్థిక సంవత్సరం తొలి రెండు నెలల్లో సేవల దిగుమతులు 45.52 శాతం పెరిగి 28.48 బిలియన్‌ డాలర్లుగా నమోదయ్యాయి.

సాక్షి,ముంబై: దేశీయ​ స్టాక్‌మార్కెట్లు భారీ లాభాలతో ప్రారంభ మైనాయి. సెన్సెక్స్‌ 281 పాయింట్లుఎగిసి 52833 వద్ద, నిఫ్టీ 75 పాయింట్లు లాభంతో 15887 వద్ద పటిష్టంగా కొన సాగుతున్నాయి. తద్వారా నిఫ్టీ, సెన్సెక్స్‌ సరికొత్త గరిష్టానికి చేరాయి. మెటల్ మినహా దాదాపు అన్ని రంగాల షేర్లు లాభాల్లో ఉన్నాయి. ప్రభుత్వ రంగ షేర్లు, ముఖ్యంగా ఎన్‌ఎస్‌డీఎల్‌ అదానీ ఖాతాల ఫ్రీజ్‌ వార్తలతో భారీ నష్టాలను చవిచూసిన అదానీ గ్రూపు షేర్ల రికవరీ మార్కెట్లను ప్రభావితం చేస్తోంది. అదానీ ఎంటర్‌ ప్రైజెస్‌, ఏషియన్‌ పెయంట్స్‌ ,టాటా కన్స్యూమర్, బ్రిటానియా, ఒఎన్‌జిసి, ఇండస్‌ , బ్యాంక్‌ ఆఫ్‌ బరోడా, హెచ్‌డీఎఫ్‌సీ, ఐసీఐసీఐ,ఎస్‌బీఏ లాభపడుతున్నాయి. మరోవైపు  జెఎస్‌డబ్ల్యు స్టీల్, హిందాల్కో, యూపీఎల్, బజాజ్ ఫైనాన్స్, టాటా మోటార్స్ నష్టాలకు దారితీశాయి. చదవండి:  కొత్త సీపాప్‌ మెషీన్‌: కరోనా బాధితులకు వరం?

సాక్షి, న్యూఢిల్లీ:  టోకుధరల సూచీ మే నెలలో రికార్డు స్థాయికి చేరింది.  మండుతున్న ధరల నేపథ్యంలో మే నెల టోకు ధరల సూచీ ఆధారిత ద్రవ్యోల్బణం (డబ్ల్యూపీఐ) 12.49 శాతం పెరిగి ఆల్టైం హై నమోదు చేసింది.  వరుసగా ఐదో నెలలో కూడా పైకి ఎగబాకింది. ఏప్రిల్ లో ఈ సూచీ 10.49 శాతం పెరిగింది. ఇక గత ఏడాది మేలో డబ్ల్యూపీఐ మైనస్ 3.37 శాతంగా నమోదైంది. ఇంధన, విద్యుత్ బుట్టలో ద్రవ్యోల్బణం మే నెలలో 37.61 శాతానికి పెరిగింది, ఏప్రిల్‌లో ఇది 20.94 శాతంగా ఉంది. తయారీ ఉత్పత్తుల, ద్రవ్యోల్బణం మే నెలలో 10.83 శాతంగా ఉంది, అంతకుముందు నెలలో ఇది 9.01 శాతంగా ఉంది. ఉల్లిపాయల ధరలు పెరిగినప్పటికీ, మే నెలలో ఆహార  ద్రవ్యోల్బణం స్వల్పంగా 4.31 శాతానికి తగ్గింది. మే నెలలో ఉల్లిపాయల ద్రవ్యోల్బణం 23.24 శాతంగా ఉంది. ఏప్రిల్‌లో (-) 19.72 శాతంగా ఉంది. ముడిచమురు ధరలు, పెట్రోల్, డీజిల్, నాఫ్తా, ఫర్నేస్ వంటి మినరల్ ఆయిల్స్ తో పాటు తయారీ వస్తువుల ధరలు పెరగడంతో మే నెలలో డబ్ల్యూపీఐ రికార్డుస్థాయికి చేరిందని వాణిజ్య పరిశ్రమల మంత్రిత్వ శాఖ పేర్కొంది. 

సాక్షి, ముంబై: దేశీయ స్టాక్‌మార్కెట్లు భారీ లాభాలతో ముగిసాయి. ఆరంభంలో  లాభ నష్టాల మధ్య ఊగిసలాడినా వెంటనే పుంజుకుంది.  మిడ్‌ సెషన​ తరువాత మరింత ఎగిసిన సెన్సెక్స్‌ ఒక దశలో  400  పాయిం‍ట్లు జంప్‌ చేసింది.  చివరికి  సెన్సెక్స్‌ 359 పాయింట్లు ఎగిసి 52300 వద్ద, నిఫ్టీ 102 పాయింట్ల లాభంతో నిఫ్టీ 15737వద్ద స్థిరపడ్డాయి. దాదాపు అన్ని రంగాల షేర్లు లాభపడ్డాయి. ముఖ్యంగా బ్యాంకింగ్‌, పార్మా  జోరు మార్కెట్‌కు ఊతమిచ్చింది.  బజాజ్‌ ఫైనాన్స్‌, బజాజ్‌  ఫిన్‌ సర్స్‌ రికార్డ్‌ స్థాయిలకు చేరాయి. జేఎస్‌డబ్ల్యూ స్టీల్‌, టాటా స్టీల్‌, శ్రీ సిమెంట్‌, పవర్‌ గ్రిడ్‌, కార్పొరేషన్‌, విప్రో, టీసీఎస్‌, టెక్ మహీంద్రా, కోల్ ఇండియా, ఇండస్ఇండ్ బ్యాంక్‌,  గ్రాసిం , సిప్లా అరబిందో, లుపిన్‌; దివీస్‌, గ్లెన్‌మార్క్‌, బయెకాన్‌ లాభాల్లో ముగిసాయి. మరోవైపు ఐటీసీ, అదానీ పోర్ట్స్‌, బజాజ్‌ ఆటో, హీరో మోటార్స్‌, ఐషర్‌ మోటార్స్‌ షేర్లు నష్టాల్లో ముగిసాయి. 

సాక్షి, ముంబై: దేశీయ స్టాక్‌మార్కెట్లు   లాభాలతో పటిష్టంగా కొనసాగుతున్నాయి. ఆరంభంలో తడబడినా ఆ తరువాత మరింత పుంజుకుని సరికొత్త ఆల్‌ టైం రికార్డును తాకింది నిఫ్టీ. నిఫ్టీ 50 ఇండెక్స్ 15,778 రికార్డు స్థాయిని తాకింది.  సెన్సెక్స్‌ 114 పాయింట్లు ఎగిసి 52390 వద్ద, నిఫ్టీ 38 పాయింట్ల లాభంతో 15778 వద్ద కొనసాగుతోంది. హెచ్‌డిఎఫ్‌సి, హెచ్‌డిఎఫ్‌సి బ్యాంక్,ఎస్‌బీఐ, ఏషియన్ పెయింట్స్, ఇన్ఫోసిస్, యాక్సిస్ బ్యాంక్ లాభాలు ఈక్విటీ బెంచ్‌మార్క్‌లను ప్రభావితం చేస్తున్నాయి. ఆటో మినహా, మొత్తం 11 సెక్టార్లు లాభాల్లో ఉన్నాయి. ముఖ్యంగా  పీఎస్‌యూ బ్యాంక్ ఇండెక్స్ దాదాపు 2 శాతం లాభంతో ఉంది.  మీడియా, బ్యాంక్, ఫైనాన్షియల్ సర్వీసెస్, మెటల్, రియాల్టీ సూచీలు కూడా ఒక్కొక్కటి 0.5-1 శాతం మధ్య పెరిగాయి.  లాభాల్లో సిప్లా  అగ్రస్థానంలో ఉంది. ఇంకా ఓఎన్‌జీసీ. ఎస్‌బీఐ, హెచ్‌డీఎఫ్‌సీ, పవర్ గ్రిడ్, ఎస్‌బీఐ లైఫ్, భారత్ పెట్రోలియం, దివిస్ ల్యాబ్స్, యుపీఎల్  లాభపడుతుండగా, శ్రీ సిమెంట్స్, బజాజ్ ఆటో, బ్రిటానియా ఇండస్ట్రీస్, అల్ట్రాటెక్ సిమెంట్, మారుతి సుజుకి,  ఎల్‌ అండ్‌ టీ, గ్రాసిం,  ఐషర్ మోటార్స్ , రిలయన్స్‌ నష్టపోతున్నాయి. చదవండి:  Petrol, diesel prices: పెట్రో బాంబు, రికార్డు ధర

సాక్షి, ముంబై: పెరుగుతున్న ఇంధన ధరలకు అదుపులేకుండా పోతోంది. మంగళవారం స్థిరంగా ఉన్న ధరలు బుధవారం మరో రికార్డు స్థాయికి చేరాయి. పెట్రోలు, డీజిల్‌ ధరలను పెంచుతూ , ప్రభుత్వ రంగ చమురు మార్కెటింగ్ కంపెనీలు నిర్ణయించాయి. బుధవారం (జూన్ 9)పెట్రోలు ధరను లీటరుకు 23-25 ​​పైసలు, డీజిల్‌పై 23-27 పైసలు మేర పెంచాయి.  మే 4 నుంచి 22 వ పెంపు.  ఈ నెలలో ఇప్పటి వరకు పెట్రోల్ రిటైల్ ధర లీటరుకు సుమారు 1.07 రూపాయలు పెరిగింది. తాజాగా పెంపుతో ఢిల్లీలో  పెట్రోల్ ధర లీటరుకు రూ .95.56 (25 పైసల పెరుగుదల) డీజిల్ ధర లీటరుకు రూ .86.47 స్థాయికి చేరింది. ముంబైలో పెట్రోలు లీటరుకు  102 (రూ.101.76) రూపాయల వద్ద అత్యధిక స్థాయిని తాకింది. అలాగే దేశంలో రాజస్థాన్, శ్రీగంగానగర్‌లో పెట్రోలు రూ.106.64 వద్ద, డీజిల్‌ రూ.99.50వద్ద గరిష్ట ధరను నమోదు చేయడం గమనార్హం. దేశంలోని నగరాల్లో పెట్రోలు, డీజిల్‌ ధరలు లీటరుకు ముంబైలో పెట్రోలు ధర రూ.101.76  డీజిల్‌  రూ. 93.85 చెన్నైలో పెట్రోలు ధర రూ.96.94,  డీజిల్‌  రూ. 91.15 బెంగళూరులో పెట్రోలు ధర రూ.99.75,  డీజిల్‌  రూ. 91.67 కోలకతా పెట్రోలు ధర రూ. 95.52, డీజల్‌ రూ. 89.32 హైదరాబాదులో పెట్రోలు ధర రూ.99.31,  డీజిల్‌  రూ. 94.26 అమరావతిలో పెట్రోలు ధర రూ101.73, డీజిల్‌  రూ. 96.08 విశాఖపట్టణంలో పెట్రోలు ధర రూ100.49,  డీజిల్‌  రూ. 94.88 చదవండి: బ్యాంకుల జోరు, నిఫ్టీ ఆల్‌టైం హై బాబోయ్‌ పెట్రోల్‌.. భవిష్యత్తు హైపర్‌ ఛార్జర్లదే

సాక్షి, న్యూఢిల్లీ: దేశంలో కరోనా విలయం కొనసాగుతోంది. వరుసగా ఐదో రోజు కూడా 3లక్షలకు పైగా కొత్త కరోనా కేసులు నమోదు కావడం మహమ్మారి ఉధృతికి అద్దం పడుతోంది. దేశంలో కొత్తగా 3,54,653 కరోనా కేసులు నమోదు కాగా 2,808 మరణాలు సంభవించాయి. అయితే నిన్న ఒక్కరోజే 2,19,272 మంది కరోనా నుంచి కోలుకోవడం విశేషం. దీంతో మొత్తం కేసుల సంఖ్య 1,73,13,163గా ఉండగా, కరోనాతో మరణించిన వారి సంఖ్య 1,95,123కి చేరింది. ఈ మేరకు సోమవారం కేంద్ర ఆరోగ్య మంత్రిత్వ శాఖ గణాంకాలను విడుదల చేసింది.  (కోవిడ్‌ సంక్షోభం: సుందర్‌ పిచాయ్‌, సత్య నాదెళ్ల సాయం) మరోవైపు టీకాలు తీసుకున్నవారి సంఖ్య 14,19,11,223కి చేరింది. దేశంలో కరోనా ప్రభావిత రాష్ట్రాల్లో 66,191 కేసులతో  మహారాష్ట్ర టాప్‌లో ఉంది.  ఇక్కడ మరణాల సంఖ్య 832గా ఉంది. ఇకదేశ రాజధాని ఢిల్లీ  22,933 కొత్త కేసులు నమోదు కాగా, 350 మంది కరోనాకు బలయ్యారు. ఉత్తర్‌ప్రదేశ్‌లో 35వేలు, కర్ణాటకలో 34వేల మందికి కరోనా సోకింది. కేరళ ( 28,469), తమిళనాడు, పశ్చిమ్ బెంగాల్, రాజస్థాన్‌లో కూడా పాజిటివ్‌ కేసుల సంఖ్య తీ​వ్ర స్థాయిలో పెరుగుతోంది.  తెలంగాణలో కరోనా విజృంభణ తెలంగాణలో కొత్తగా 6,551 కరోనా కేసులు నమోదుగా, 43 మరణాలు సంభవించాయి. దీంతో  తెలంగాణలో మొత్తం 4,01,783 కరోనా పాజిటివ్ కేసులు నమోదు కాగా ఇప్పటివరకు చనిపోయిన వారి సంఖ్య 2,042గా ఉంది.తెలంగాణలో ప్రస్తుతం 65,597 యాక్టివ్ కేసులు ఉండగా, 3,34,144 మంది డిశ్చార్జ్ అయ్యారు. జీహెచ్‌ఎంసీ పరిధిలో 1,418 , మేడ్చల్‌ 554, రంగారెడ్డిలో 482,  నిజామాబాద్‌ 389, వరంగల్ అర్బన్‌లో 329, మహబూబ్‌నగర్‌ 226, ఖమ్మంలో 118 కరోనా కేసులు నమోదు అయ్యాయి.  చదవండి :  ఆక్సిజన్‌ కొరత: సింగపూర్‌ భారీ సాయం  పీరియడ్స్‌ టైంలో మహిళలు వ్యాక్సిన్‌ తీసుకోవచ్చా?

సాక్షి, న్యూఢిల్లీ: దేశంలో కరోనా మహమ్మారి కల్లోలం కొనసాగుతోంది.  రోజువారీ కేసుల సంఖ్య రికార్డు స్థాయిలో పెరిగిపోతున్నాయి. రోజుకు రెండు లక్షలకు పైగా కేసులకు తగ్గడం లేదు. తాజాగా కేంద్రం  విడుదల చేసిన కరోనా బులెటిన్ ప్రకారం దేశంలో కొత్తగా 2,34,692 కరోనా కేసులు నమోదయ్యాయి.   గడిచిన 24 గంటల్లో  కరోనాతో మరో 1341 మంది మృతి చెందారు.  దీంతో దేశంలో ఇప్పటి వరకు నమోదైన మొత్తం కరోనా కేసుల సంఖ్య 1,45,26,609కి చేరింది.  ఇందులో 1,26,71,220 మంది కోలుకొని డిశ్చార్జ్ కాగా, 16,79,740 కేసులు యాక్టివ్ గా ఉన్నాయి. మొత్తం కరోనా మరణాల సంఖ్య 1,75,649కి చేరింది.  గడిచిన 24 గంటల్లో ఇండియాలో 1,23,354 మంది కోలుకొని డిశ్చార్జ్ కాగా, ఇప్పటి వరకు ఇండియాలో 11,99,37,641 మందికి వ్యాక్సిన్ ను అందించారు.   (మొదటి వేవ్‌తో పోల్చితే రెండో దశలోఎకానమీ బెటర్‌..!) తెలంగాణా తెలంగాణలో కరోనా విజృంభణ కొనసాగుతోంది.  రోజురోజుకు కరోనా రోగుల సంఖ్య ఇబ్బడి ముబ్బడిగా పెరిగిపోతోంది.   రాష్ట్ర ప్రభుత్వం కరోనా తాజా బులెటిన్ ప్రకారం రాష్ట్రంలో కొత్తగా 4446 కరోనా కేసులు నమోదయ్యాయి. కొత్తగా రాష్ట్రంలో 12 మంది మృతి చెందారు.  దీంతో మొత్తం కరోనా కేసుల సంఖ్య 3,46,331కి చేరింది. ఇందులో 3,11,008 మంది కోలుకొని డిశ్చార్జ్ అయ్యారు.  రాష్ట్రంలో ఇప్పటి వరకు నమోదైన మొత్తం కరోనా మృతుల సంఖ్య 1809 కి చేరింది.  మరోవైపు కరోనా కేసులు తీవ్రమవుతున్న నేపథ్యంలో గాంధీ ఆసుపత్రిని కోవిడ్‌ ఆసుపత్రిగా మార్చిన సంగతి తెలిసిందే.  (నేటి నుంచి పూర్తిగా కరోనా రోగులకే సేవలు) మహారాష్ట్ర, ఢిల్లీలో విజృంభణ  మహారాష్ట్రలో కేసుల సంఖ‍్య భారీగా పెరుగుతూ కలకలం రేపుతోంది. గడిచిన 24 గంటల్లో అత్యధికంగా రోజువారీ కేసుల నమోదు 63,729 గా ఉంది. దేశ రాజధాని నగరంలో ఢిల్లీలో కూడా ఇదే పరిస్థితి. కొత్తగా19,486 కరోనా కేసులు నమోదు కాగా, 141 మరణాలు సంభవించాయి.  ప్రపంచవ్యాప్తంగా, ఇప్పటి వరకు దాదాపు 14 కోట్ల కేసులు నమోదయ్యాయి. దాదాపు 30 లక్షల మంది మరణించారు. అమెరికా (3.15 కోట్లు) తరువాత రెండవ అత్యధిక ప్రభావిత  దేశంగా ఇండియా ఉంది. 

సాక్షి, ముంబై: డిజిటల్ కరెన్సీ రూపమైన క్రిప్టోకరెన్సీ బిట్ కాయిన్ రికార్డులు సొంతం చేసుకుంటోంది.  ఆకాశమే హద్దుగా దూసుకుపోతున్న బిట్‌కాయిన్‌  తాజాగా మరో ఆల్‌టైం రికార్డును నమోదు చేసింది. శనివారం తెల్లవారుజామున బిట్‌కాయిన్ చరిత్రలో తొలిసారిగా, 60,000  డాలర్లను అధిగమించింది. ఇటీవల కరెక్షన్‌ తరువాత మరింత పుంజుకున్న బిట్‌ కాయిన్‌ తాజా రికార్డును నమోదు చేసింది. డేటా ప్లాట్‌ఫామ్ ట్రేడింగ్ వ్యూ ప్రకారం 60,170 వద్ద ట్రేడవుతోంది. కాగా  క్రిప్టోకరెన్సీ గతంలో ఫిబ్రవరి 21 న, 57,432 వద్దకు ఆల్‌ టైం రికార్డు స్థాయిని తాకింది.  అమెరికా అధ్యక్షుడు జో బైడెన్ 1.9 ట్రిలియన్ డాలర్ల  కరోనా మహమ్మారి-ఉపశమన చట్టంపై సంతకం చేసిన తరువాత ఆర్థిక మార్కెట్లలోనెలకొన్ని ఆశలు  ఈ  పరిణామానికి దారితీసిందని  ఎనలిస్టులు విశ్లేషిస్తున్నారు. మరోవైపు డాల‌ర్ బ‌ల‌హీన ప‌డటంతోపాటు ద్ర‌వ్యోల్బ‌ణం పెరుగుతున్న తరుణంలో ఇన్వెస్టర్లు ప్ర‌త్యామ్నాయ పెట్టుబ‌డి మార్గంగా ఉన్న బంగారానికి చెక్‌పెట్టేలా  క్రిప్టో క‌రెన్సీ పై మొగ్గు చూపుతున్నారన్న అంచనాలు ఉన్నాయి.   

సాక్షి, ముంబై:  ఇంధన ధరలసెగ కొనసాగుతోంది.  వరుసగా రెండవ రోజు బుధవారం (ఫిబ్రవరి 10) నాటి పెంపుతో పెట్రోల్, డీజిల్‌ రికార్డు స్థాయిలను తాకాయి.  దేశవ్యాప్తంగా  పెట్రోల్ ధరలను లీటరుకు 26-30 పైసలు పెంచగా, దేశంలోని ప్రధాన మెట్రో నగరాల్లో డీజిల్ ధరను 24-29 పైసలు చొప్పునపెంచుతూ ఆయిల్‌ కంపెనీ నిర్ణయించాయి.   (పెట్రో షాక్‌: రికార్డు ధరలు) ఢిల్లీలో పెట్రోల్ రేట్లు లీటరుకు రూ .87.30 కు చేరుకోగా, పెట్రోల్ ధర లీటరుకు రూ .77.73 కు పెరిగింది.  మంగళవారం రేటుతో పోలిస్తే 29 పైసలు పెరిగిన తరువాత ముంబైలో లీటరు పెట్రోల్‌కు 94.12 రూపాయలు , డీజిల్ ధర రూ .84.63 గా ఉంది. ప్రధాన నగరాల్లో పెట్రోల్ , డీజిల్ ధరలు లీటరుకు  కోల్‌కతాలో పెట్రోల్  ధర  రూ .88.92 డీజిల్ ధర రూ .81.31 చెన్నైలో పెట్రోల్ ధర రూ .89.96   డీజిల్‌ ధర రూ . 82.90  బెంగళూరులో పెట్రోల్ రూ.90.53 డీజిల్ రూ.82.40 హైదరాబాదులో పెట్రోల్  ధర  రూ. 91.09, డీజిల్ ధర రూ. 84.79 (27పైసలు పెంపు) అమరావతిలో పెట్రోల్  రూ. 93.74,  డీజిల్ రూ. 86.94 (27పైసలు పెంపు)

సాక్షి, న్యూఢిల్లీ:   ఇంధన ధరలు వినియోగదారులకు  చుక్కలు చూపిస్తున్నాయి. వరుసగా రికార్డులను నమోదు చేస్తున్నలీటరు పెట్రోల్ ధర 100 రూపాయలు దాటేసింది. రాజస్థాన్‌లోని శ్రీగంగానగర్‌లో 38 పైసలు పెంపుతో ప్రీమియం పెట్రోల్ ధర లీటరుకు రూ.101.80కు చేరుకుంది. రాజధాని జైపూర్‌లో లీటరు పెట్రోలు ధర రూ .93.86,  డీజిల్ ధర 85.94 లు పలుకుతోంది. రాజస్థాన్ అంతటా, పెట్రోల్ 93 రూపాయలకు ఎగువన,  డీజిల్ ధర రూ.85 కంటే ఎక్కువగానే ఉండటం విశేషం.  గురువారం నాటికి ఢిల్లీలో సాధారణ పెట్రోలు రేటు రూ. 86.30, లీటర్‌ డీజిల్‌ ధర రూ. 76.48 చెన్నై: పెట్రోలు ధర లీటరుకు  రూ. 88.82, డీజిల్‌  ధర రూ. 81. 71 జైపూర్‌ : పెట్రోలు ధర లీటరుకు రూ.  93.86, డీజిల్‌ ధర రూ. 85.94   హైదరాబాద్‌ : పెట్రోలు ధర లీటరుకు రూ. 89.77, డీజిల్‌ ధర రూ. 83.46 అమరావతి : పెట్రోలు ధర లీటరుకు రూ.  92.54. డీజిల్‌ ధర రూ. 85.73 వ్యాట్‌లో తేడాలు కారణంగా ఆయా రాష్ట్రాల్లో పెట్రో ధరలు భిన్నంగా ఉంటాయి. 2020 మేలో రాజస్థాన్ ప్రభుత్వం విడుదల చేసిన అధికారిక నోటిఫికేషన్ ప్రకారం డీజిల్ ధరలపై వ్యాట్ 28 శాతం ఉండగా, పెట్రోల్‌పై వ్యాట్ 38 శాతంగా ఉంది. పొరుగు రాష్ట్రాల్లో పెట్రోల్‌పై 20 శాతం నుంచి 33 శాతం, డీజిల్‌పై 16 శాతం నుంచి 23 శాతం  వ్యాట్‌ అమల్లో ఉండగా,  రాజస్థాన్‌లో ఇతర రాష్ట్రాల కంటే పెట్రోల్, డీజిల్ 4- 8 నుంచి 10 -11 రూపాయలు ఎక్కువ. 

సాక్షి,ముంబై : దేశీయ స్టాక్‌ మార్కెట్లు దూకుడుమీద ఉన్నాయి. ఇప్పటికే సరికొత్త శిఖరాలకు చేరిన మార్కెట్‌ గురువారం కూడా అదే ట్రెండ్‌ కొనసాగించింది. ఆరంభంలోనే కీలక సూచీలు రెండూ సరికొత్త గరిష్టాలను నమోదు చేశాయి. తద్వారా సరికొత్త చరిత్ర సృష్టించాయి. ముఖ్యంగా సెన్సెక్స్‌  తొలిసారి 50 వేల  రికార్డు స్థాయిని  అధిగమించగా నిఫ్టీ కూడా 14700 మార్క్‌ను దాటేసి ఆల్‌ టైం రికార్డు స్థాయిని తాకింది.  మెటల్‌ మినహా, దాదాపు అన్ని రంగాల  షేర్లు కొనుగోళ్లతో కళ కళలాడుతున్నాయి.   ప్రస్తుతం 297 పాయింట్లు ఎగిసిన సెన్సెక్స్‌ 50078 వద్ద, నిఫ్టీ 83 పాయింట్ల లాభంతో 14728  వద్ద కొనసాగుతున్నాయి. గత ఏడాది మార్చి నుంచి 10 నెలల్లో రెట్టింపు అయింది. ఈ నేపథ్యంలో దలాల్ స్ట్రీట్ లక్షమార్క్‌కు చేరడానికి మరి ఎంతో కాలం పట్టకపోవచ్చు అని విశ్లేషకులు  భావిస్తున్నారు.  ఫ్యూచర్ గ్రూప్ రిటైల్ ఆస్తులను కొనుగోలుకు సంబంధించి రిలయన్స్ ఇండస్ట్రీస్ 24,713 కోట్ల ఒప్పందాన్ని మార్కెట్ రెగ్యులేటర్ ఆమోదించిన తరువాత రిలయన్స్‌భారీగా లాభపడుతోంది. ఈ దలాల్ స్ట్రీట్‌కు మంచి బలాన్నిచ్చింది. అమెరికా అధ్యక్షుడు జో బైడెన్  ప్రమాణ స్వీకారం తరువాత కోవిడ్‌-19 నష్టాలను భర్తీ చేసుకునేందుకు భారీ ఉద్దీపన ప్యాకేజీని పెట్టుబడిదారులుఆ శిస్తున్నారు. దీంతో ఇతర ఆసియామార్కెట్లు కూడా గురువారం కొత్త రికార్డు స్థాయికి చేరుకోవడం విశేషం. లాభాల్లో బజాజ్ ఫైనాన్స్ టాప్‌లో ఉండగా టాటా మోటార్స్, యుపీఎల్, బజాజ్ ఫిన్‌సర్వ్‌, ఇండస్ఇండ్, రిలయన్స్, హెచ్‌సిఎల్ టెక్నాలజీస్, ఐషర్ మోటార్స్, హీరో మోటోకార్ప్, శ్రీ సిమెంట్, డాక్టర్ రెడ్డి ల్యాబ్స్, విప్రో 1-3.5 శాతం ఎగిసాయి. మరోవైపు అదానీ పోర్ట్స్, టీసీఎస్, హెచ్‌డిఎఫ్‌సి, టాటా స్టీల్, గెయిల్, జెఎస్‌డబ్ల్యు స్టీల్,భారత్ పెట్రోలియం, హెచ్‌డీఎఫ్‌సీ నష్టపోతున్నాయి.

సాక్షి, ముంబై: దేశీయ స్టాక్‌ మార్కెట్లు భారీ  వరుస లాభాలతో దూసుకుపోతున్నాయి. ఆరంభంలో  ఫ్లాట్‌గా ఉన్నా.. గ్లోబల్‌ మార్కెట్ల దన్నుతో ఇన్వెస్టర్లు కొనుగోళ్లకు దిగారు. దీంతో మంగళవారం నాటి జోష్‌ను కీలక సూచీలు కొనసాగించాయి.  ఫలితంగా సరికొత్త రికార్డులను క్రియేట్‌ చేశాయి. నిప్టీ ఆల్‌టైమ్‌ గరిష్ట స్థాయికి చేరగా, ఇంట్రాడేలో సెన్సెక్స్‌ 700 పాయింట్లు ఎగిసి 50 వేల దిశగా పరుగు దీసింది. అయితే  చివరి అర‍్ధగంటలో లాభాల స్వీకరణతో   సెన్సెక్స్‌ 394 పాయింట్ల లాభంతో 49792 వద్ద, నిఫ్టీ 124 పాయింట్ల లాభంతో 14645 వద్ద  స్థిరపడ్డాయి. తద్వారా సెన్సెక్స్‌, నిఫ్టీ రెండూ రికార్డు క్లోజింగ్‌ను నమోదు చేశాయి.  ఎఫ్‌ఎంసిజి  తప్ప దాదాపు అన్ని రంగాల షేర్లు లాభపడ్డాయి. ప్రధానంగా ఐటీ, ఆటో లాభాలు మార్కెట్లను లీడ్‌ చేశాయి.  టాటామోటార్స్‌, రిలయన్స్‌ ఇండస్ట్రీస్‌, బజాజ్‌ ఫైనాన్స్, టాటా స్టీల్‌, హెచ్‌డీఎఫ్‌సీలు మోస్ట్‌ యాక్టివ్‌గా ఉన్నాయి. టాటామోటార్స్‌, అదాని పోర్ట్స్‌, విప్రో, మారుతీ సుజూకి, టెక్‌ మహీంద్రాలు 3-6.5 శాతం లాభంతో నిఫ్టీ టాప్‌ గెయినర్స్‌గా ఉన్నాయి. మరోవైపు  శ్రీ సిమెంట్స్‌, పవర్‌గ్రిడ్‌ కార్పొరేషన్‌, గెయిల్‌, ఎన్‌టీపీసీ, హెచ్‌డీఎఫ్‌సీ  టాప్‌ లూజర్స్‌గా ఉన్నాయి.

ముంబై: రెండురోజుల పాటు వెనకడుగు వేసిన బుల్స్‌ మళ్లీ పరుగును ప్రారంభించాయి. దీంతో స్టాక్‌ మార్కెట్లో తిరిగి రికార్డుల వేట మొదలైంది. టీసీఎస్‌ క్యూ3 ఫలితాలకు ముందు ఐటీ షేర్ల ర్యాలీ, ప్రపంచ మార్కెట్ల నుంచి అందిన సానుకూల సంకేతాలు, రూపాయి రికవరీ వంటి అంశాలతో సూచీలు ఇంట్రాడే, ముగింపులో సరికొత్త రికార్డులను లిఖించాయి. సెన్సెక్స్‌ 689 పాయింట్ల లాభంతో 48,782 వద్ద ముగిసింది. నిఫ్టీ 210 పాయింట్లు పెరిగి 14,347 వద్ద నిలిచింది. లాభాల మార్కెట్లోనూ మెటల్, ప్రభుత్వ రంగ షేర్లు నష్టాలను చవిచూశాయి. మిగిలిన అన్ని రంగాల షేర్లకు కొనుగోళ్ల మద్దతు లభించింది. ట్రేడింగ్‌ ప్రారంభం నుంచి స్థిరంగా కొనుగోళ్లు జరగడంతో ఇంట్రాడేలో సెన్సెక్స్‌ 761 పాయింట్లను ఆర్జించి 48,854 వద్ద, నిఫ్టీ 230 పాయింట్లు పెరిగి 14,367 వద్ద కొత్త జీవితకాల గరిష్టాలను నమోదు చేశాయి. డాలర్‌ మారకంలో రూపాయి విలువ 7 పైసలు బలపడి 73.24 వద్ద స్థిరపడింది. వారం మొత్తం మీద సెన్సెక్స్‌ 913 పాయింట్లు లాభపడగా, నిఫ్టీ 329 పాయింట్ల పెరిగింది.   యూఎస్‌ తదుపరి అధ్యక్షుడిగా జో బెడెన్‌ ఎన్నికను అమెరికా కాంగ్రెస్‌ అధికారికంగా ధృవీకరించింది. దీంతో ఆర్థిక ఉద్దీపన ప్రకటన అంచనాలు మరింత పెరిగి ప్రపంచ ఈక్విటీ మార్కెట్లు లాభాల బాట పట్టాయి. కోవిడ్‌ సహాయక చర్యల్లో భాగంగా పలు దేశాల సెంట్రల్‌ బ్యాంకులు సరళతర ద్రవ్య విధానానికే మొగ్గుచూపుతూ వడ్డీరేట్ల తగ్గింపునకే ఓటేస్తున్నాయి. ఫలితంగా వ్యవస్థలో లిక్విడిటీ పెరిగి అది క్రమంగా ఈక్విటీ మార్కెట్లోకి ప్రవహిస్తుంది. దేశీయంగా డిసెంబర్‌ ఆర్థిక గణాంకాలు వ్యవస్థలో రికవరీ ప్రతిబింబిస్తున్నాయి. స్టాక్‌ మార్కెట్‌ మరిన్ని విశేషాలు...   ► మూడో త్రైమాసిక ఫలితాల ప్రకటనకు ముందు ఐటీ కంపెనీ టీసీఎస్‌ షేరు మూడుశాతం లాభపడి రూ.3,121 వద్ద ముగిసింది.   ► మారుతి సుజుకీ, విప్రో, టెక్‌ మహీంద్రా షేర్లు 6 శాతం చొప్పున పెరిగాయి.   ► అనుబంధ సంస్థ బయోసిమిలర్‌లో అబుధాబీకి చెందిన ఏడీక్యూ ఇన్వెస్ట్‌మెంట్‌ రూ.555 కోట్ల పెట్టుబడులు పెట్టనున్న నేపథ్యంలో బయోకాన్‌ షేరు రెండు శాతం లాభపడింది.   ► వ్యక్తిగత, వాణిజ్య వాహనాలపై పెంచిన ధరలు శుక్రవారం నుంచి అమల్లోకి రానుండటంతో మహీంద్రా అండ్‌ మహీంద్రా షేరు 4% లాభపడి ఏడాది గరిష్టాన్ని అందుకుంది.   ► క్యూ3 మెరుగైన ఫలితాలను సాధించవచ్చనే అంచనాలతో సన్‌ ఫార్మా షేరు 3 శాతం లాభపడటమే కాక రెండేళ్ల గరిష్ట స్థాయికి ఎగిసింది.   

ముంబై, సాక్షి: ఒక్క రోజులోనే మార్కెట్లు బౌన్స్‌బ్యాక్‌ సాధించాయి. ముందురోజు నమోదైన నష్టాల నుంచి కోలుకుని తిరిగి ర్యాలీ బాట పట్టాయి. ప్రస్తుతం సెన్సెక్స్‌ 276 పాయింట్లు పెరిగి 48,450కు చేరింది. నిఫ్టీ సైతం 85 పాయింట్లు లాభపడి 14,231 వద్ద ట్రేడవుతోంది. 10 రోజుల వరుస ర్యాలీకి బుధవారం బ్రేక్‌ పడినప్పటికీ ఇన్వెస్టర్లు తిరిగి కొనుగోళ్లకు దిగడంతో ప్రారంభంలోనే మార్కెట్లు జోరందుకున్నాయి. ఇంట్రాడేలో సెన్సెక్స్‌ 48,558 ఎగువన, నిఫ్టీ 14,256 వద్ద గరిష్టాలను చేరాయి. ఎన్‌ఎస్‌ఈలో మిడ్‌ క్యాప్‌ ఇండెక్స్‌ 21,962 వద్ద సరికొత్త గరిష్టాన్ని తాకడం విశేషం! కోవిడ్‌-19 కట్టడికి వ్యాక్సిన్ల అందుబాటు, విదేశీ ఇన్వెస్టర్ల పెట్టుబడుల వెల్లువ వంటి అంశాలు ఇన్వెస్టర్లకు జోష్‌నిస్తున్నట్లు నిపుణులు పేర్కొన్నారు. అయితే ఇటీవల మార్కెట్లు నిరవధిక ర్యాలీ బాటలో సాగుతుండటంతో ట్రేడర్లు కొంతమేర అప్రమత్తంగా వ్యవహరిస్తున్నట్లు తెలియజేశారు.  (టాటా క్లిక్‌లో టాటా గ్రూప్‌ భారీ పెట్టుబడులు) ఐటీ, ఫార్మా వీక్‌ ఎన్‌ఎస్‌ఈలో మెటల్‌, రియల్టీ, ఆటో, పీఎస్‌యూ బ్యాంక్స్‌ 3-1.3 శాతం మధ్య బలపడ్డాయి. అయితే ఐటీ, ఫార్మా 0.5-0.2 శాతం చొప్పున డీలా పడ్డాయి. నిఫ్టీ దిగ్గజాలలో టాటా స్టీల్‌, హిందాల్కో, జేఎస్‌డబ్ల్యూ స్టీల్‌, ఎయిర్‌టెల్‌, అదానీ పోర్ట్స్, ఐషర్‌, పవర్‌గ్రిడ్‌, ఇండస్‌ఇండ్‌, ఎంఅండ్‌ఎం, ఎల్‌అండ్‌టీ, టాటా మోటార్స్‌, హెచ్‌డీఎఫ్‌సీ, ఎస్‌బీఐ, యాక్సిస్‌, ఆర్‌ఐఎల్‌ 5-1.5 శాతం మధ్య ఎగశాయి. ఇతర బ్లూచిప్స్‌లో టైటన్‌, హెచ్‌యూఎల్‌, టీసీఎస్‌, ఇన్ఫోసిస్, హెచ్‌సీఎల్‌ టెక్‌, హెచ్‌డీఎఫ్‌సీ లైఫ్‌, నెస్లే, టెక్‌ మహీంద్రా, దివీస్‌, సన్‌ ఫార్మా, కొటక్‌ బ్యాంక్‌ 1.3-0.4 శాతం మధ్య క్షీణించాయి.  భారత్‌ ఫోర్జ్‌ అప్‌ డెరివేటివ్‌ స్టాక్స్‌లో భారత్‌ ఫోర్జ్‌, అశోక్‌ లేలాండ్‌, జిందాల్‌ స్టీల్‌, ఐడీఎఫ్‌సీ ఫస్ట్‌, ఎన్‌ఎండీసీ, అపోలో టైర్‌, సెయిల్‌, ఎల్‌ఐసీ హౌసింగ్‌, ఐబీ హౌసింగ్‌ 7-4 శాతం మధ్య జంప్‌చేశాయి. కాగా.. మరోపక్క మైండ్‌ట్రీ, మ్యాక్స్‌ ఫైనాన్స్, కోఫోర్జ్‌, అరబిందో, ఐసీఐసీఐ లంబార్డ్‌, హెచ్డీఎఫ్‌సీ ఏఎంసీ 2-0.6 శాతం మధ్య నీరసించాయి. బీఎస్‌ఈలో మిడ్, స్మాల్‌ క్యాప్స్‌ 1.2 శాతం చొప్పున ఎగశాయి. ఇప్పటివరకూ 1,894 షేర్లు లాభపడగా.. 523 మాత్రమే నష్టాలతో కదులుతున్నాయి.  ఎఫ్‌పీఐల అమ్మకాలు నగదు విభాగంలో బుధవారం విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) రూ. 484 కోట్లు, దేశీ ఫండ్స్‌(డీఐఐలు) రూ. 380 కోట్లు చొప్పున పెట్టుబడులను వెనక్కి తీసుకున్నాయి. కాగా.. మంగళవారం ఎఫ్‌పీఐలు రూ. 986 కోట్లు ఇన్వెస్ట్‌ చేయగా.. డీఐఐలు రూ. 490 కోట్ల విలువైన అమ్మకాలు చేపట్టాయి. సోమవారం ఎఫ్‌పీఐలు రూ. 1,843 కోట్ల విలువైన స్టాక్స్‌ కొనుగోలు చేయగా.. డీఐఐలు రూ. 715 కోట్ల పెట్టుబడులను వెనక్కి తీసుకున్న విషయం విదితమే. 

సాక్షి, న్యూఢిల్లీ: వస్తు సేవల పన్ను(జీఎస్‌టీ) వ‌సూళ్లు 2020  డిసెంబరు మాసంలో దుమ్మురేపాయి. కరోనా, లాక్‌డౌన్‌ సంక్షోభం తరువాత ఆర్థిక వ్యవస్థ వేగంగా  పుంజుకుంటోందన్న అంచనాల మధ్య జీఎస్‌టీ వసూళ్లు సరికొత్త రికార్డు సృష్టించడం గమనార్హం. ఏకంగా రూ.1.15 ల‌క్ష‌ల కోట్ల వ‌సూళ్ల‌తో జీఎస్‌టీ  ఆదాయం ఆల్‌టైమ్ గరిష్టాన్ని తాకింది. జీఎస్‌టీ వసూళ్ళు రూ.ల‌క్ష కోట్లు దాట‌డం వ‌రుస‌గా ఇది మూడోసారి. గత ఏడాది ఇదే నెలలో జీఎస్‌టీ ఆదాయంతో పోలిస్తే ఇది 12 శాతం ఎక్కువ.  ఈ స్థాయిలో వ‌సూళ్లు సాధించడం ఇదే తొలిసారని ఆర్థిక‌శాఖ శుక్రవారం వెల్ల‌డించింది.  ఆర్థికమంత్రిత్వ శాఖ అందించినసమాచారం ప్రకారం డిసెంబరులో జీఎస్‌టీ ఆదాయం రూ. 15 1,15,174 కోట్లుగా నమోదైంది. ఇందులో సీజీఎస్‌టి 21,365 కోట్ల రూపాయలు, ఎస్‌జీఎస్‌టీరూ. 27,804 కోట్లు, ఐజీఎస్‌టీ  రూ. 57,426 కోట్లు (దిగుమతిపై వసూలు చేసిన, 27,050 కోట్లు)  సెస్, 8,579 కోట్లు (వస్తువుల దిగుమతులపై సేకరించిన 1 971 కోట్లతో సహా). నవంబరునెలకు సంబంధించి 2020 డిసెంబర్ 31 వరకు దాఖలు చేసిన జిఎస్‌టిఆర్-3 బీ రిటర్నులు మొత్తం 87 లక్షలుగా ఉన్నాయని ఆర్థిక శాఖ తెలిపింది. దేశీయ లావాదేవీల‌పై వ‌చ్చిన ఆదాయాల కంటే వ‌స్తువుల దిగుమ‌తి వ‌ల్ల వ‌చ్చిన ఆదాయం 27 శాతం ఎక్కువ‌గా ఉంది.  క‌రోనా త‌ర్వాత ఆర్థిక వ్య‌వ‌స్థ శ‌ర‌వేగంగా కోలుకోవ‌డం, జీఎస్టీ ఎగ‌వేత‌దారుల‌పై క‌ఠిన చ‌ర్య‌ల వ‌ల్ల ఈ భారీ వ‌సూళ్లు సాధ్య‌మైన‌ట్లు వెల్లడించింది.  

ముంబై, సాక్షి: ఈక్విటీలలో ఎఫ్‌పీఐల నిరవధిక పెట్టుబడుల కారణంగా వరుసగా ఐదో రోజు దేశీ స్టాక్‌ మార్కెట్లు లాభాలతో నిలిచాయి. సెన్సెక్స్‌ 224 పాయింట్లు ఎగసి 46,890 వద్ద ముగిసింది. నిఫ్టీ సైతం 58 పాయింట్లు బలపడి 13,741 వద్ద స్థిరపడింది. వెరసి నాలుగో రోజూ చరిత్రాత్మక గరిష్టాల వద్ద నిలిచాయి. బుధవారం వరుసగా రెండో రోజు నాస్‌డాక్‌ సైతం సరికొత్త గరిష్టంవద్ద నిలిచింది. దీనికితోడు కోవిడ్‌-19 సంక్షోభం నుంచి దేశ ఆర్థిక వ్యవస్థ రికవరీ బాట పట్టిన సంకేతాలతో ఇన్వెస్టర్లు కొనుగోళ్లకే ఆసక్తి చూపుతున్నట్లు విశ్లేషకులు తెలియజేశారు. ఇంట్రాడేలోనూ సెన్సెక్స్‌ 46,992 పాయింట్ల వద్ద, నిఫ్టీ 13,773 వద్ద సరికొత్త గరిష్టాలను తాకడం విశేషం!   ఎఫ్‌ఎంసీజీ సైతం ఎన్‌ఎస్‌ఈలో రియల్టీ, ప్రయివేట్‌ బ్యాంక్స్‌, ఫార్మా 0.5 శాతం చొప్పున బలపడగా.. మీడియా, పీఎస్‌యూ బ్యాంక్స్‌, మెటల్‌, ఆటో, ఎఫ్‌ఎంసీజీ 2-0.5 శాతం  మధ్య డీలాపడ్డాయి. నిఫ్టీ దిగ్గజాలలో దివీస్‌, హెచ్‌డీఎఫ్‌సీ, బజాజ్‌ ఫైనాన్స్‌, హెచ్‌డీఎఫ్‌సీ, బ్యాంక్‌, శ్రీసిమెంట్, ఇండస్‌ఇండ్‌, టీసీఎస్‌, పవర్‌గ్రిడ్‌, అల్ట్రాటెక్, హెచ్‌డీఎఫ్‌సీ లైఫ్‌ 3-1 శాతం మధ్య ఎగశాయి. అయితే హిందాల్కో, కోల్‌ ఇండియా, మారుతీ, అదానీ పోర్ట్స్‌, టాటా స్టీల్‌, ఓఎన్‌జీసీ, జేఎస్‌డబ్ల్యూ స్టీల్‌, బీపీసీఎల్‌, బజాజ్‌ ఆటో, హెచ్‌యూఎల్‌ 2.2-1.2 శాతం మధ్య నీరసించాయి. జూబిలెంట్‌ అప్‌ డెరివేటివ్స్‌లో జూబిలెంట్ ఫుడ్‌, పేజ్‌, కెనరా బ్యాంక్‌, ఎస్‌ఆర్‌ఎఫ్‌, బెర్జర్‌ పెయింట్స్‌, బీఈఎల్‌ 5.6-2 శాతం మధ్య జంప్‌చేశాయి. కాగా.. మరోవైపు సెయిల్‌, బీవోబీ, ఎంఅండ్‌ఎం ఫైనాన్స్‌, ఆర్‌ఈసీ, జీ, జిందాల్‌ స్టీల్‌, నాల్కో, ఆర్‌బీఎల్‌ బ్యాంక్‌, హెచ్‌పీసీఎల్‌ 5-2.3 శాతం మధ్య క్షీణించాయి. బీఎస్‌ఈలో మిడ్ క్యాప్స్‌ 0.25 శాతం డీలాపడింది. ట్రేడైన షేర్లలో 1,387 లాభపడగా.. 1,584 నష్టాలతో నిలిచాయి. ఎఫ్‌ఫీఐల జోరు నగదు విభాగంలో బుధవారం విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) రూ. 1,982 కోట్లను ఇన్వెస్ట్‌ చేయగా.. దేశీ ఫండ్స్‌(డీఐఐలు) రూ. 1,718 కోట్లకుపైగా పెట్టుబడులను వెనక్కి తీసుకున్నాయి. మంగళవారం ఎఫ్‌పీఐలు రూ. 2,484 కోట్ల విలువైన స్టాక్స్‌ కొనుగోలు చేయగా.. డీఐఐలు రూ. 2,667 కోట్ల విలువైన అమ్మకాలు చేపట్టిన విషయం విదితమే.

ముంబై, సాక్షి: కరోనా వైరస్‌ కట్టడికి పలు వ్యాక్సిన్లు అందుబాటులోకి రానున్న వార్తలు ఇన్వెస్టర్లకు జోష్‌నిస్తున్నాయి. దీంతో దేశీ స్టాక్‌ మార్కెట్లలో రికార్డుల ర్యాలీ కొనసాగుతోంది. వెరసి నిఫ్టీ.. మార్కెట్‌ చరిత్రలో తొలిసారి 13,000 పాయింట్ల మైలురాయిని అధిగమించింది. ఇక సెన్సెక్స్‌ సైతం  ట్రేడింగ్‌ ప్రారంభంలోనే 44,421 పాయింట్ల వద్ద ఇంట్రాడేలో చరిత్రాత్మక గరిష్టాన్ని అందుకుంది. ప్రస్తుతం సెన్సెక్స్‌ 320 పాయింట్లు ఎగసి 44,397 వద్ద ట్రేడవుతోంది. నిఫ్టీ 95 పాయింట్లు పెరిగి 13,021 వద్ద కదులుతోంది. ఇంట్రాడేలో నిఫ్టీ 13,027 వరకూ జంప్‌చేసింది. కోవిడ్‌-19 కట్టడికి ఈ ఏడాది చివరికల్లా ఫైజర్, మోడర్నా, ఆస్ట్రాజెనెకాసహా పలు కంపెనీలు వ్యాక్సిన్లను విడుదల చేయనున్న వార్తలు సెంటిమెంటుకు బలాన్నిస్తున్నట్లు నిపుణులు పేర్కొన్నారు.  బ్యాంక్స్‌ భేష్‌ ఎన్‌ఎస్‌ఈలో అన్ని రంగాలూ లాభపడ్డాయి. ప్రధానంగా బ్యాంకింగ్‌, ఆటో, మెటల్‌, రియల్టీ 1 శాతం స్థాయిలో వృద్ధి చూపాయి. నిఫ్టీ దిగ్గజాలలో అదానీ పోర్ట్స్‌, మారుతీ, హెచ్‌డీఎఫ్‌సీ బ్యాంక్‌, యాక్సిస్, ఐసీఐసీఐ, పవర్‌గ్రిడ్‌, ఓఎన్‌జీసీ, ఐటీసీ, ఎల్‌అండ్‌టీ, ఏషియన్‌ పెయింట్స్‌ 3.2-1.2 శాతం మధ్య ఎగశాయి. బ్లూచిప్స్‌లో కేవలం హెచ్‌డీఎఫ్‌సీ లైఫ్‌, బజాజ్‌ ఆటో, హెచ్‌డీఎఫ్‌సీ, సన్‌ ఫార్మా అదికూడా 0.5-0.2 శాతం మధ్య బలహీనపడ్డాయి. ఇన్‌ఫ్రాటెల్‌ జూమ్‌ డెరివేటివ్‌ కౌంటర్లలో ఇన్‌ఫ్రాటెల్‌ 8 శాతం జంప్‌చేయగా.. మైండ్‌ట్రీ, జీఎంఆర్, ఆర్‌బీఎల్‌ బ్యాంక్‌, ఎస్‌ఆర్‌ఎఫ్‌, అపోలో టైర్‌, ఐడియా, టాటా కెమికల్స్‌ 3-2 శాతం మధ్య బలపడ్డ్డాయి. అయితే మరోపక్క ముత్తూట్‌ ఫైనాన్స్‌, ఐడీఎఫ్‌సీ ఫస్ట్‌, బీహెచ్‌ఈఎల్, టీవీఎస్‌ మోటార్, యూబీఎల్‌, కేడిలా హెల్త్‌, ఎన్‌ఎండీసీ, సన్‌ టీవీ 1-0.4 శాతం మధ్య డీలా పడ్డాయి. బీఎస్‌ఈలో మిడ్‌, స్మాల్ క్యాప్స్‌ 0.8 శాతం చొప్పున ఎగశాయి. ఇప్పటివరకూ ట్రేడైన షేర్లలో 1,255 లాభపడగా.. 526 నష్టాలతో ట్రేడవుతున్నాయి.    ఎఫ్‌పీఐల ఇన్వెస్ట్‌మెంట్స్‌ నగదు విభాగంలో సోమవారం విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) రూ. 4,738 కోట్ల విలువైన స్టాక్స్‌ కొనుగోలు చేయగా.. దేశీ ఫండ్స్‌(డీఐఐలు) రూ. 2,944 కోట్ల విలువైన అమ్మకాలు చేపట్టాయి. వారాంతాన ఎఫ్‌పీఐలు రూ. 3,861 కోట్లను ఇన్వెస్ట్‌ చేయగా.. డీఐఐలు రూ. 2,869 కోట్ల పెట్టుబడులను వెనక్కి తీసుకున్న విషయం విదితమే. 

ముంబై, సాక్షి: దేశీ స్టాక్‌ మార్కెట్ల రికార్డుల ర్యాలీ కొనసాగుతోంది. గత వారం మధ్యలో బ్రేక్‌ పడినప్పటికీ తిరిగి వరుసగా రెండో రోజు మార్కెట్లు హుషారుగా ప్రారంభమయ్యాయి. దీంతో ట్రేడింగ్‌ ప్రారంభంలోనే సెన్సెక్స్‌ 44,271ను తాకడం ద్వారా సరికొత్త గరిష్టాన్ని అందుకుంది. ప్రస్తుతం 243 పాయింట్లు ఎగసి 44,125 వద్ద ట్రేడవుతోంది. నిఫ్టీ 70 పాయింట్లు బలపడి 12,929 వద్ద కదులుతోంది. ఇంట్రాడేలో 12,962కు చేరింది. కోవిడ్‌-19 కట్టడికి వెలువడనున్న వ్యాక్సిన్లపై అంచనాలు సెంటిమెంటుకు బలాన్నిస్తున్నట్లు నిపుణులు పేర్కొన్నారు. ఆర్‌బీఐ ప్యానల్‌ సూచనల నేపథ్యంలో ఎన్‌బీఎఫ్‌సీ, స్మాల్‌ బ్యాంకులు తదితర ఫైనాన్షియల్‌ రంగ కౌంటర్లకు డిమాండ్‌ పెరిగింది. రియల్టీసహా.. ఎన్‌ఎస్‌ఈలో అన్ని రంగాలూ లాభపడ్డాయి. ప్రధానంగా రియల్టీ, మెటల్‌, బ్యాంకింగ్‌, ఐటీ, ఫార్మా 1-0.5 శాతం మధ్య వృద్ధి చూపాయి. నిఫ్టీ దిగ్గజాలలో ఇండస్‌ఇండ్‌, బజాజ్‌ ఫిన్‌, ఆర్‌ఐఎల్‌, హిందాల్కో, ఎన్‌టీపీసీ, బజాజ్‌ ఫైనాన్స్‌, టాటా స్టీల్‌, హెచ్‌డీఎఫ్‌సీ బ్యాంక్‌, ఎల్‌అండ్‌టీ, యూపీఎల్‌ 3.4-1 శాతం మధ్య పుంజుకున్నాయి. బ్లూచిప్స్‌లో ఎయిర్‌టెల్, కోల్‌ ఇండియా‌, హెచ్‌డీఎఫ్‌సీ, ఎంఅండ్‌ఎం, ఏషియన్‌ పెయింట్స్‌, ఐవోసీ, అదానీ పోర్ట్స్ 1.2-0.5 శాతం మధ్య బలహీనపడ్డాయి. ఐడీఎఫ్‌సీ ఫస్ట్‌ అప్‌ డెరివేటివ్‌ కౌంటర్లలో ఐడీఎఫ్‌సీ ఫస్ట్‌, శ్రీరామ్‌ ట్రాన్స్‌, పెట్రోనెట్‌, బాలకృష్ణ, జిందాల్‌ స్టీల్‌, చోళమండలం, ఆర్‌బీఎల్‌ బ్యాంక్‌, మదర్‌సన్‌, ఎంఅండ్‌ఎం ఫైనాన్స్‌ 4.2-2.2 శాతం మధ్య జంప్‌చేశాయి. అయితే మరోపక్క ఎల్‌ఐసీ హౌసింగ్‌, ముత్తూట్‌, గ్లెన్‌మార్క్‌, టొరంట్‌ ఫార్మా, జూబిలెంట్‌ ఫుడ్‌, ఇన్‌ఫ్రాటెల్‌, టీవీఎస్‌ మోటార్ 2-1 శాతం మధ్య డీలా పడ్డాయి. బీఎస్‌ఈలో మిడ్‌, స్మాల్ క్యాప్స్‌ 0.7 శాతం మధ్య ఎగశాయి. ఇప్పటివరకూ ట్రేడైన షేర్లలో 1,253 లాభపడగా.. 635 నష్టాలతో కదులుతున్నాయి.    ఎఫ్‌పీఐల ఇన్వెస్ట్‌మెంట్స్‌ నగదు విభాగంలో వారాంతాన విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) రూ. 3,861 కోట్లను ఇన్వెస్ట్‌ చేయగా.. దేశీ ఫండ్స్‌(డీఐఐలు) రూ. 2,869 కోట్ల పెట్టుబడులను వెనక్కి తీసుకున్నాయి. గురువారం ఎఫ్‌పీఐలు రూ. 1,181 కోట్ల విలువైన స్టాక్స్‌ కొనుగోలు చేయగా.. డీఐఐలు రూ. 2,855 కోట్ల అమ్మకాలు చేపట్టిన విషయం విదితమే. 

మార్కెట్ల నడకను ప్రతిబింబించే ప్రధాన ఇండెక్స్‌ ఎన్‌ఎస్‌ఈ నిఫ్టీలో చోటు లభిస్తున్న వార్తలతో ఫార్మా దిగ్గజం దివీస్‌ ల్యాబ్‌.. బీమా రంగ కంపెనీ ఎస్‌బీఐ లైఫ్‌ ఇన్సూరెన్స్‌ కౌంటర్లకు డిమాండ్‌ పెరిగింది. సెప్టెంబర్‌ 25 నుంచీ ఎన్‌ఎస్‌ఈ ప్రధాన ఇండెక్స్‌ నిఫ్టీ-50కి ఈ రెండు కంపెనీలూ ప్రాతినిధ్యం వహించనున్నాయి. ఇందుకు వీలుగా భారతీ ఇన్‌ఫ్రాటెల్‌, జీ ఎంటర్‌టైన్‌మెంట్ షేర్లను నిఫ్టీ నుంచి తొలగిస్తున్నట్లు ఎన్‌ఎస్‌ఈ పేర్కొంది. దీనికితోడు ఈ ఆర్థిక సంవత్సరం తొలి త్రైమాసికం(ఏప్రిల్‌-జూన్‌)లో పటిష్ట ఫలితాలు సాధించడంతో దివీస్‌ ల్యాబ్స్‌, ఎస్‌బీఐ లైఫ్‌ కౌంటర్లకు ఆకర్షణ పెరిగినట్లు నిపుణులు పేర్కొన్నారు. ఇన్వెస్టర్లు కొనుగోళ్లకు ఎగబడటంతో ఈ రెండు కౌంటర్లూ లాభాలతో కళకళలాడుతున్నాయి. వివరాలు చూద్దాం.. దివీస్‌ ల్యాబొరేటరీస్‌ వచ్చే నెల నుంచీ నిఫ్టీకి ప్రాతినిధ్యం వహించనున్న వార్తలతో దివీస్‌ ల్యాబొరేటరీస్‌ షేరు జోరందుకుంది. ప్రస్తుతం ఎన్‌ఎస్‌ఈలో 4 శాతం జంప్‌చేసి రూ. 3315 వద్ద ట్రేడవుతోంది. తొలుత రూ. 3,335 వద్ద సరికొత్త గరిష్టాన్ని తాకింది. ఈ ఏడాది క్యూ1లో దివీస్‌ ల్యాబ్‌ నికర లాభం రూ. 272 కోట్ల నుంచి రూ. 492 కోట్లకు ఎగసింది. మొత్తం ఆదాయం సైతం రూ. 1193 కోట్ల నుంచి రూ. 1748 కోట్లకు పెరిగిన విషయం విదితమే. ఎస్‌బీఐ లైఫ్‌ ఇన్సూరెన్స్‌ వచ్చే నెల నుంచీ నిఫ్టీకి ప్రాతినిధ్యం వహించనున్న వార్తలతో ఎస్‌బీఐ లైఫ్‌ ఇన్సూరెన్స్‌ షేరు జోరందుకుంది. ప్రస్తుతం ఎన్‌ఎస్‌ఈలో 3.3 శాతం జంప్‌చేసి రూ. 881 వద్ద ట్రేడవుతోంది. తొలుత రూ. 890 వద్ద ఇంట్రాడే గరిష్టాన్ని తాకింది. ఈ ఏడాది క్యూ1లో ఎస్‌బీఐ లైఫ్‌ నికర లాభం 5 శాతం పుంజుకుని రూ. 390 కోట్లకు ఎగసింది. స్థూల ప్రీమియం 14 శాతం పెరిగి రూ. 7,640 కోట్లకు చేరిన విషయం విదితమే. హెచ్‌డీఎఫ్‌సీ లైఫ్‌ తదుపరి నిఫ్టీలో చోటు సాధించిన రెండో కంపెనీగా ఎస్‌బీఐ లైఫ్‌ ఇన్సూరెన్స్‌ నిలవనున్నట్లు నిపుణులు పేర్కొంటున్నారు.

సాక్షి, ముంబై: ప్రముఖ ఇన్వెస్టర్ రాకేశ్‌ ఝున్‌ఝున్‌వాలా మరోసారి తన మార్కెట్ మంత్రాను చాటుకున్నారు. టైటన్ షేర్లలో పెట్టుబడులు ఆయనకు బంగారంలా కలిసి వచ్చాయి. కరోనా సంక్షోభంతో  బంగారం ధరలు నింగికెగిసాయి. దీంతో రాకేశ్ కేవలం గత మార్చి నుంచి 1500 కోట్ల రూపాయలకు  పైగా ఆర్జించారు. బంగారం ధర రికార్డు స్థాయిలో పెరగడంతో ఆయన ఫావరెట్  టైటన్ షేర్లుసోమవారం 4.4 శాతం పెరిగి 1,089.10 రూపాయలకు చేరుకుంది. మార్చి 24, 2020న  720 రూపాయల కనిష్టం నుండి 50 శాతానికి పైగా పెరిగింది.  2020లో  టైటన్  ఇప్పటివరకు 9 శాతం క్షీణించగా గత నెలలో 8 శాతం ఎగియడం విశేషం. దీనికితోడు ఒక్కో షేరుకు 4 రూపాయల డివిడెండ్ ప్రకటించింది. జూన్ త్రైమాసికం నాటికి  రాకేశ్, అతని భార్య రేఖా 4.90 కోట్ల షేర్లు లేదా 5.53 శాతం వాటాను కలిగి ఉన్నారు. టైటన్ షేర్లు మార్చి కనిష్ట స్థాయికి పడిపోయినపుడు, పెట్టుబడుల విలువ 3,528 కోట్ల రూపాయలుగా ఉంది. శుక్రవారం నాటికి 5,112 కోట్లకు పెరిగింది. అంటే మార్చి నుండి 1,584 కోట్ల వృద్ధిని  సాధించింది.  ఆభరణాల విభాగంలో రికవరీ ఊహించిన దానికంటే మెరుగ్గా ఉందని జూన్ క్వార్టర్ అప్‌డేట్‌లో టైటన్ తెలిపింది. మహమ్మారి వ్యాప్తి తరువాత, బంగారానికి డిమాండ్ గణనీయంగా పెరిగిందని టైటన్ కంపెనీ మేనేజింగ్ డైరెక్టర్ సీకే వెంకటరమణ తెలిపారు. లాక్ డౌన్ ఆంక్షలతో వివాహ ఖర్చు తగ్గడం, అంతర్జాతీయ ప్రయాణాలు లేకపోవడంతో ఆభరణాల కొనుగోళ్ల వైపు వినియోగదారులు మొగ్గు చూపుతారని, దీంతో రానున్న కాలంలో మరింత డిమాండ్ ఉంటుందని ఆయన ఆశాభావం వ్యక్తం చేశారు. 

ఇటీవల ర్యాలీ బాటలో సాగుతున్న ఐటీ సేవల మధ్యస్థాయి కంపెనీ ఎల్‌అండ్‌టీ ఇన్ఫోటెక్‌ కౌంటర్‌ మరోసారి వెలుగులో నిలుస్తోంది.ప్రస్తుత ఆర్థిక సంవత్సరం(2020-21) తొలి త్రైమాసికంలో ప్రోత్సాహకర ఫలితాలు సాధించడంతో ఇన్వెస్టర్లను ఆకట్టుకుంటోంది. వెరసి ఎన్‌ఎస్‌ఈలో తొలుత ఈ షేరు 6 శాతం జంప్‌చేసి రూ. 2336ను తాకింది. ఇది సరికొత్త గరిష్టంకాగా.. ప్రస్తుతం 4 శాతం లాభంతో రూ. 2273 వద్ద ట్రేడవుతోంది. ట్రేడింగ్‌ ప్రారంభమైన తొలి అర్ధగంటలోనే ఈ కౌంటర్లో ఎన్‌ఎస్‌ఈ, బీఎస్‌ఈలలో కలిపి 1.7 లక్షల షేర్లు చేతులు మారడం గమనార్హం! క్యూ1 భేష్‌ సాఫ్ట్‌వేర్‌ సేవల కంపెనీ ఎల్‌అండ్‌టీ ఇన్ఫోటెక్‌ ఈ ఏడాది క్యూ1(ఏప్రిల్‌-జూన్‌)లో నికర లాభం 17 శాతం పుంజుకుని రూ. 415 కోట్లకు చేరింది. కన్సాలిడేటెడ్‌ ప్రాతిపదికన మొత్తం ఆదాయం సైతం 19 శాతం పెరిగి రూ. 2,949 కోట్లను అధిగమించింది. పన్నుకు ముందు లాభం 17 శాతం ఎగసి రూ. 556 కోట్లను తాకింది. ఇబిటా మార్జిన్లు 0.9 శాతం బలపడి 20.1 శాతానికి చేరాయి. జూన్‌ చివరికల్లా కంపెనీలో 31,477 మంది ఉద్యోగులు విధులు నిర్వర్తిస్తున్నట్లు ఎల్‌అండ్‌టీ ఇన్ఫోటెక్‌ ఫలితాల విడుదల సందర్భంగా వెల్లడించింది. ఉద్యోగ వలస రేటు 1.3 శాతం తగ్గడంతో 15.2 శాతంగా నమోదైనట్లు తెలియజేసింది. వార్షిక ప్రాతిపదికన వెల్లడించిన ఫలితాలివి.  

సాక్షి, ముంబై: కరోనా వైరస్  సంక్షోభంలో ఐటీ దిగ్గజం ఇన్ఫోసిస్‌ ఊహించిన దానికంటే మెరుగైన ఫలితాలను ప్రకటించింది. దీనికి తోడు గత త్రైమాసికంలో 1.65 బిలియన్ డాలర్లతో పోలిస్తే 1.74 బిలియన్ డాలర్ల విలువైన ఒప్పందాలను దక్కించుకుంది. దీంతో గురువారం నాటి మార్కెట్‌లో ఇన్వెస్టర్లు కొనుగోళ్లకు ఎగబడ్డారు. ఫలితంగా ఇన్ఫోసిస్‌ షేరు రికార్డు లాభాల్లో  దూసుకుపోతోంది.  ఆరంభంలోనే 15 శాతం పైగా లాభపడి ఆల్‌ టైం గరిష్టాన్ని నమోదు చేసింది. దీంతో ఇన్ఫోసిస్ వాటాదారులు  కేవలం ఒక గంటలో 50 వేల కోట్ల రూపాయలను దక్కించుకోవడం  విశేషం. ఈ ఆర్థిక సంవత్సరం తొలి త్రైమాసిక ఫలితాలు మార్కెట్‌ అంచనాలను  ఇన్పీ అధిగమించింది. జూన్‌ 30తో ముగిసిన తొలి త్రైమాసికంలో ఇన్ఫోసిస్‌  11.5 శాతం వృద్ధితో  4233 కోట్లు నికర లాభాలను సాధించింది. గత ఏడాది ఇదే సమయంలో ఇది  3798 కోట్లు రూపాయలుగా ఉంది. కంపెనీ కన్సాలిడేటెడ్‌ ఆదాయం 8.5 శాతం వృద్ధి చెంది  23,665 కోట్ల  రూపాయలకు చేరింది. గత ఏడాది ఇదే సమయంలో 21,803 కోట్ల రూపాయలుగా నమోదైంది.  అమెరికా డాలర్‌తో పోలిస్తే భారత రూపాయి విలువ క్షీణించడం వల్ల సంస్థ లాభపడిందని విశ్లేషకులు భావిస్తున్నారు. దీంతో దేశీయ బ్రోకరేజ్ ఎడెల్విస్ ఇన్ఫోసిస్‌పై టార్గెట్ ధరను అప్‌గ్రేడ్ చేసింది.ఆదాయ మార్గదర్శక వృద్ధిని పునరుద్ఘాటించడం ముఖ్య సానుకూలతనీ, డిజిటల్‌ కార్యకలాపాలు పుంజుకోవడం కూడా సంస్థకు  సానుకూలమైన అంశమని వ్యాఖ్యానించింది.  (వ్యాగన్‌ ‌ఆర్‌, బాలెనో కార్లు రీకాల్‌)

కోవిడ్‌-19 కష్టకాలంలోనూ గ్లోబల్‌ ఆటో దిగ్గజం టెస్లా ఇంక్‌ షేరు లాభాలతో కదం తొక్కుతోంది. అమెరికాలో లిస్టయిన ఎలక్ట్రిక్ కార్ల ఈ స్పెషలిస్ట్‌ కంపెనీ షేరు పలు రికార్డులు సృష్టించడం ద్వారా ఇటీవల తరచుగా వార్తలకెక్కుతోంది. ఇందుకు యూఎస్‌లోని పలు రాష్ట్రాలలో లాక్‌డవున్‌లు కొనసాగుతున్నప్పటికీ వాహన విక్రయాలను పెంచుకోగలగడం, ఎస్‌అండ్‌పీ ఇండెక్స్‌లో చోటు లభించనున్న అంచనాలు వంటి అంశాలు దోహదం చేస్తున్నట్లు విశ్లేషకులు పేర్కొంటున్నారు. ఇతర వివరాలు చూద్దాం.. జోరు తీరు సోమవారం నాస్‌డాక్‌, ఎస్‌అండ్‌పీ ఇండెక్సులు 2-1 శాతం మధ్య వెనకడుగు వేయగా.. టెస్లా ఇంక్‌ షేరు 3 శాతం క్షీణించి 1497 డాలర్ల వద్ద ముగిసింది. అయితే తొలుత 16 శాతం దూసుకెళ్లింది. 1795 డాలర్లకు చేరింది. ఇది సరికొత్త గరిష్టంకాగా..  దీంతో కంపెనీ మార్కెట్‌ క్యాపిటలైజేషన్‌(విలువ) 321 బిలియన్‌ డాలర్లను తాకింది. తద్వారా అమెరికా స్టాక్‌ మార్కెట్లలో లిస్టయిన టాప్‌-10 కంపెనీల జాబితాలో చోటు సాధించింది. అంతేకాకుండా మార్కెట్‌ విలువలో ఎఫ్‌ఎంసీజీ దిగ్గజం ప్రాక్టర్‌ అండ్‌ గ్యాంబుల్‌(పీఅండ్‌జీ)ను వెనక్కి నెట్టింది. అయితే చివర్లో అమ్మకాలు ఊపందుకుని చతికిలపడటంతో మార్కెట్‌ విలువ దాదాపు 278 బిలియన్‌ డాలర్లకు దిగివచ్చింది. 200 శాతం ఈ ఏడాది ఇప్పటివరకూ టెస్లా ఇంక్‌ షేరు 200 శాతం దూసుకెళ్లింది. ఈ నెల(జులై)లోనే 38 శాతం లాభపడింది. ఈ బాటలో మార్కెట్‌ విలువరీత్యా జులై మొదటి వారంలో జపనీస్‌ ఆటో దిగ్గజం టయోటాను అధిగమించిన విషయం విదితమే.  ఇందుకు ప్రధానంగా ఏప్రిల్‌-జూన్‌(క్యూ2) కాలంలో అంచనాలను మించుతూ 90,650 కార్లను విక్రయించడం ప్రభావం చూపింది. మోడల్‌ 3, మోడల్‌ Y కార్లు ఇందుకు సహకరించినట్లు నిపుణులు పేర్కొన్నారు. అంతక్రితం జనవరి-మార్చిలో 72,000 వాహనాలు విక్రయించగా.. పరిశ్రమవర్గాలు 83,000 వాహన అమ్మకాలను అంచనా వేశాయి. కాగా.. మరోపక్క ఎస్‌అండ్‌పీ-500 ఇండెక్స్‌లో టెస్లా ఇంక్‌ షేరుకి త్వరలో చోటు లభించనున్న అంచనాలు పెరుగుతున్నట్లు విశ్లేషకులు తెలియజేశారు. దీంతో ఇన్వెస్టర్లు కంపెనీ ఫండమెంటల్స్‌కు మించి స్పెక్యులేటివ్‌గా పొజిషన్లు తీసుకుంటున్నట్లు బేర్‌ ట్రాప్స్‌ రిపోర్ట్‌ ఎడిటర్‌ లారీ మెక్‌డొనాల్డ్‌ పేర్కొన్నారు. ఎస్‌అండ్‌పీలో చోటు లభిస్తే ఈటీఎఫ్‌, ఇండెక్స్‌ ఫండ్స్‌ తదితర మరిన్ని సంస్థలు కంపెనీలో ఇన్వెస్ట్‌ చేయవలసి ఉంటుందని తెలియజేశారు. ఈ నేపథ్యంలో ఇటీవల టెస్లా ఇంక్‌ షేరు దూకుడు చూపుతున్నట్లు విశ్లేషించారు. అంచనాలు అధికం గతేడాది టెస్లా దాదాపు 25 బిలియన్‌ డాలర్ల ఆదాయాన్ని సాధించింది. ఈ బాటలో ఇటీవల వాహన విక్రయాలు పెరుగుతున్న కారణంగా మరింత మెరుగైన ఫలితాలు సాధించగలదన్న అంచనాలు బలపడుతున్నాయి. దీంతో 2025కల్లా కంపెనీ ఆదాయం 100 బిలియన్‌ డాలర్లను తాకవచ్చని జేఎంపీ సెక్యూరిటీస్‌ నిపుణులు జో ఓషా అంచనా వేశారు.  అయితే టెస్లా ఇంక్‌ షేరుకి జో వేసిన 1500 డాలర్ల టార్గెట్‌ను ఇప్పటికే అధిగమించడం గమనార్హం! కంపెనీ ఏప్రిల్‌-జూన్‌ ఫలితాలను ఈ నెల 22న వెల్లడించనుంది. లాక్‌డవున్‌ కారణంగా గ్లోబల్‌ ఆటో కంపెనీలు జనరల్‌ మోటార్స్‌, టయోటా, ఫియట్‌ క్రిస్లర్‌, ఫోర్డ్‌ వంటి కంపెనీల అమ్మకాలు నీరసిస్తున్నట్లు నిపుణులు తెలియజేశారు. అయితే టెస్లాను పూర్తిస్థాయి ఆటో దిగ్గజ కంపెనీలతో పోల్చడం సరికాదని ఈ సందర్భంగా పరిశ్రమవర్గాలు తెలియజేశాయి.

సాక్షి, ముంబై: కరోనా మహమ్మారి రెండవ దశలో విస్తరిస్తున్న వేళ బంగారం ధర మరోసారి రికార్డు దిశగా పరుగు తీస్తోంది. దేశీయ మల్టీ కమోడిటీ ఎక్చ్సేంజ్‌లో సోమవారం ఉదయం 10 గ్రాముల బంగారం ధర 48500 రూపాయల స్థాయికి చేరింది. అంతర్జాతీయ మార్కెట్లలో పుంజుకున్న ధరలు, దేశీయస్టాక్ మార్కెట్లలో అమ్మకాలు, దేశీయ కరెన్సీ రూపాయి బలహీనం  నేపథ్యంలో పసిడికి డిమాండ్ పెరిగింది. గత వారం, భారతదేశంలో బంగారం ధర 10 గ్రాములు 48,589 రూపాయల వద్ద రికార్డు స్థాయిని తాకింది. అటు వెండి ధరలు కూడా స్వల్పంగా పుంజుకున్నాయి. వెండి ఫ్యూచర్స్ 0.28 శాతం పెరిగి కిలోకు రూ .49,375 వద్ద కొనసాగుతోంది. గత సెషన్ ముగింపు 49,237 రూపాయల తో పోలిస్తే  వెండి ధర 49,445 వద్ద ప్రారంభమైంది. అంతర్జాతీయంగా 0.5 శాతం పెరిగిన ఔన్స్ పసిడి ధర 1788.40 డాలర్లకు చేరుకుంది. 1779 డాలర్ల వద్ద గత వారం ఎనిమిది సంవత్సరాల గరిష్ట స్థాయిని తాకాయి. గ్లోబల్ గా కరోనా వైరస్ కేసులు పెరుగుతున్న తీరుపై ఆందోళన, ఆర్థికవ్యవస్థ పుంజుకోవడంపై అనుమానాలతో  బంగారం వైపు  ట్రేడర్ల పెట్టుబడులు మళ్లుతున్నాయని రాయిటర్స్ నివేదించింది. ఎంసీఎక్స్ లో  48,850 వద్ద గట్టి ప్రతిఘటన, అలాగే 48,000 రూపాయల వద్ద గట్టి మద్దతు వుందని కేడియా కమోడిటీస్ డైరెక్టర్ అజయ్ కేడియా తెలిపారు. కాగా ప్రపంచవ్యాప్తంగా కోవిడ్‌-19 కేసులు సంఖ్య కోటి దాటిగా,  మృతుల సంఖ్య 5 లక్షలకు చేరింది.

సాక్షి, ముంబై: ప్రపంచవ్యాప్తంగా కరోనా మహమ్మారి విజృంభిస్తుండటం, భౌగోళిక, రాజకీయ ఉద్రిక్తతల మధ్య, బంగారం ధర మరోసారి కొత్త గరిష్టాన్ని తాకింది. కోవిడ్-19 కేసులు తిరిగి పుంజుకుంటూ ఉండటంతో ఆర్థిక పునరుద్ధరణపై ఆందోళనల నేపథ్యంలో పెట్టుబడులు పుత్తడివైపు మళ్లాయి. అంతర్జాతీయంగా  రికార్డు  ధర పలికిన  పసిడి దేశీయంగా కూడా అదే బాటలో పయనించింది. ఫలితంగా బుధవారం 10 గ్రాముల ధర 48,420 రూపాయల వద్ద కొత్త గరిష్టాన్ని నమోదు చేసింది. 10 గ్రాములకు మంగళవారం నాటి ముగింపు 48,232 రూపాయలతో పోలిస్తే నేడు 48,333 రూపాయల వద్ద ప్రారంభమైంది.  అనంతరం మరింత  ఎగిసి కొత్త  రికార్డును తాకింది.  ఇక దేశీయంగా 22 క్యారెట్ల బంగారం ఢిల్లీలో 10 గ్రాములకు  46,800 రూపాయలు కాగా, 24 క్యారెట్ల రిటైల్ ధర 48000 రూపాయలు పలుకుతోంది. అయితే వెండి ధర స్వల్పంగా తగ్గి కిలో ధర 48716 రూపాయలు వద్ద  వుంది. అంతర్జాతీయంగా బంగారం ధర ఔన్స్‌ 1773 డాలర్ల  వద్ద ఎనిమిది సంవత్సరాల గరిష్టస్థాయిని తాకింది. ఆర్థిక వ్యవస్థ మందగమనం భయాలతో డాలరు బలహీనపడింది. దీంతో బంగారం ధర 2012 మార్చి స్థాయికి చేరుకుందని విశ్లేషకులు తెలిపారు. అంతర్జాతీయంగా బంగారు ధర పరుగు కొనసాగుతుందని, మహమ్మారి విస్తరణ, మరోసారి లాక్‌డౌన్‌ కు దారితీస్తుందనే భయం కారణంగా పెట్టుబడిదారులు సురక్షిత పెట్టుబడిగా బంగారంవైపు మొగ్గుతున్నారన్నారు. ప్రధాన ఆర్థిక వ్యవస్థల్లోని బలహీనత బంగారానికి డిమాండ్ పెంచుతోందని అనుజ్ గుప్తా (డివిపి-కమోడిటీస్ అండ్ కరెన్సీ రీసెర్చ్, ఏంజెల్ బ్రోకింగ్) తెలిపారు. త్వరలోనే  ఔన్సు ధర 1,800 డాలర్ల నుండి 1,830 డాలర్ల స్థాయిలను తాకనుందని అంచనా వేశారు. 

సాక్షి, ముంబై: భారత్‌లో బంగారం ధర సోమవారం కొత్త రికార్డు స్థాయికి చేరుకుంది. దేశీయ ఎంసీఎక్స్‌లో మార్కెట్లో 10గ్రాముల బంగారం ధర 48000 రూపాయిలపైకి ఎగిసి, 48237 రూపాయిల వద్ద చరిత్రాత్మక గరిష్టస్థాయిని అందుకుంది. దేశవ్యాప్తంగా కరోనా కేసుల సంఖ్య భారీగా పెరగడంతో పాటు చైనాతో నెలకొన్న సరిహద్దు వివాదాలు మరింత ముదరడంతో బంగారానికి డిమాండ్‌ నెలకొన్నట్లు బులియన్‌ పండితులు చెబుతున్నారు. (2000 డాలర్లకు బంగారం: గోల్డ్‌మెన్‌ శాక్స్‌) అలాగే అంతర్జాతీయ మార్కెట్లోనూ బంగారం ధర నెలరోజుల గరిష్టానికి చేరుకోవడం కూడా ఇక్కడి సెంటిమెంట్‌ను బలపరిచినట్లు వారు అభిప్రాయపడ్డారు. సోమవారం ఉదయం 10గంటలకు ఎంసీఎక్స్‌ మార్కెట్లో 10గ్రాముల పసిడి ధర గతవారం ముగింపు(రూ.47937)తో పోలిస్తే 300 రూపాయిలు లాభపడి 48237 రూపాయిల వద్ద ట్రేడ్‌ అవుతోంది. ప్రారంభంలో రూ.352లు లాభపడి రూ.48,289 వద్ద ఇంట్రాడే గరిష్టాన్ని తాకింది. ఈ ధర భారత్‌లో బంగారానికి జీవితకాల గరిష్టస్థాయి కావడం విశేషం. ఇదే ఎంసీఎక్స్‌ మార్కెట్లో గత శుక్రవారం రూ.582 లాభపడి రూ.47937లు వద్ద ముగిసింది. (స్వల్పంగా పెరిగిన బంగారం) అంతర్జాతీయంగా నెలరోజుల గరిష్టానికి:  అంతర్జాతీయ మార్కెట్లో బంగారం ధర నెలరోజుల గరిష్టాన్ని చేరుకుంది. ఆసియా ట్రేడింగ్‌లో నేటి ఉదయం సెషన్‌లో ఔన్స్‌ పసిడి ధర 22 డాలర్ల లాభపడి 1,775.05 డాలర్ల స్థాయికి చేరుకుంది. కరోనా వైరస్‌ రెండో దశ వ్యాధి వ్యాప్తితో అంతర్జాతీయ ఆర్థిక వ్యవస్థ రివకరీ మరింత ఆలస్యం కావచ్చనే ఆందోళనలు బంగారానికి డిమాండ్‌ను పెంచాయి. శుక్రవారం 22డాలర్ల లాభంతో 1,753డాలర్ల వద్ద స్థిరపడింది.

గత ఆర్థిక సంవత్సరం(2019-20) చివరి త్రైమాసికంలో ఆకర్షణీయ ఫలితాలు సాధించడంతో ముత్తూట్‌ ఫైనాన్స్‌ కౌంటర్‌కు డిమాండ్‌ కొనసాగుతోంది. తాజాగా ఇన్వెస్టర్లు కొనుగోళ్లకు క్యూకట్టడంతో ఎన్‌ఎస్‌ఈలో ఈ షేరు 15 శాతం దూసుకెళ్లింది. రూ. 1150 సమీపానికి చేరింది. ఇది సరికొత్త గరిష్టంకాగా.. ప్రస్తుతం 13 శాతం జంప్‌చేసి రూ. 1129 వద్ద ట్రేడవుతోంది. ట్రేడింగ్‌ ప్రారంభమైన తొలి పావుగంటలోనే ఈ కౌంటర్లో ఎన్‌ఎస్‌ఈ, బీఎస్‌ఈలలో కలిపి 3.12 మిలియన్‌ షేర్లు చేతులు మారాయి. కాగా.. ఈ ఏడాది మార్చి 24న ముత్తూట్‌ ఫైనాన్స్‌ షేరు రూ. 477 వద్ద 52 వారాల కనిష్టాన్ని తాకింది. తదుపరి ర్యాలీ బాటలో సాగుతూ రెట్టింపునకుపైగా ఎగసింది. నిధుల దన్ను గతేడాది క్యూ4(జనవరి-మార్చి)లో ముత్తూట్‌ ఫైనాన్స్‌ నికర లాభం 59 శాతం వృద్ధితో రూ. 836 కోట్లను తాకింది. కన్సాలిడేషన్‌ ప్రాతిపదికన నిర్వహణలోని ఆస్తులు(రుణాలు) 22 శాతం పెరిగి రూ. 46,871 కోట్లను తాకాయి. క్యూ4లో గోల్డ్‌ లోన్‌ పోర్ట్‌పోలియో రూ. 3113 కోట్లు పెరిగి రూ. 41,611 కోట్లకు చేరింది. గత రెండు త్రైమాసికాలలో ముత్తూట్‌ ఫైనాన్స్‌ ఈసీబీల జారీ ద్వారా 1 బిలియన్‌ డాలర్ల నిధులను సమీకరించింది. బంగారం ధరల ర్యాలీ, పసిడిపై రుణాలకు పెరుగుతున్న డిమాండ్‌ వంటి అంశాలు కంపెనీకి జోష్‌నిస్తున్నట్లు నిపుణులు పేర్కొన్నారు. 

సాక్షి, ముంబై:  ప్రపంచ దేశాల్లో  కోవిడ్‌-19 వేగంగా విస్తరిస్తుండడంతో ఇన్వెస్టర్లంతా రక్షణాత్మక పెట్టుబడుల ప్రవాహం పుంజుకుంటోంది. దీనికి తోడు దేశీయంగా యస్‌ బ్యాంక్‌ సంక్షోభంతో పుత్తడి ధర  శుక్రవారం కూడా భారీగా పెరిగింది. నిన్న మల్టీకమోడిటీ మార్కెట్లో 200 రూపాయిలు పెరిగిన బంగారం ధర నేడు  ఏకంగా రూ. 900 ఎగిసింది.  దీంతో 10 గ్రాముల పసిడి రూ.44,468.00 వద్ద ట్రేడ్‌ అవుతోంది. తద్వారా ఎంసీఎక్స్‌లో  పసిడి ధర అల్‌టైమ్‌ హై గరిష్టాన్ని నమోదు చేసింది. గత రెండు రోజులుగా పసిడి ధరలు వెయ్యి రూపాయలకు పైగా ఎగియడం విశేషం. తరువాతి  టార్గెట్‌ 45 వేల రూపాయలని, ఇక్కడ ఈ స్థాయిని నిలదొక్కుకోగలిగితే పసిడి పరుగు మరింత వేగం అందుకుంటుందని బులియన్‌ వర్తకులు భావిస్తున్నారు. అటు గ్లోబల్‌గా కూడా 1,7000 డాలర్ల పైన స్థిరపడితే ఈ ర్యాలీ 1742 డాలర్ల వైపు పయనించే అవకాశం ఉందని జియోజిత్ ఫైనాన్షియల్ సర్వీసెస్‌ ప్రతినిధి హరీష్  తెలిపారు. అటు బంగారం ఇకపై పటిష‍్టమేనని  ఎస్‌ఎంసి గ్లోబల్ ఒక నోట్‌లో పేర్కొనడం గమనార్హం. గురువారం ఆసియా మార్కెట్లతోపాటు  అమెరికా ఇండెక్స్‌లు 3 శాతం పడిపోవడంతో అంతర్జాతీయంగాను బంగారం ధర పెరిగింది. గ్లోబల్ మార్కెట్లలో, మునుపటి సెషన్లో 2 శాతం పైగా పెరగగా నేడు  స్థిరంగా ఉన్నాయి. స్పాట్ బంగారం ఔన్సుకు  1,669.13 వద్ద స్వల్పంగా లాభపడుతోంది. వెండి 0.5 శాతం క్షీణించి ఔన్స్‌ 17.33 డాలర్లకు, ప్లాటినం 0.7శాతం నష్టంతో 858.61 డాలర్లకు చేరుకుంది. బలహీనమైన రూపాయి, డాలరు క్షీణత, బంగారం ధరల పరుగుకు ఊతమిస్తున్నాయి. యుఎస్ ఫెడరల్ రిజర్వ్ వడ్డీ రేట్లు తగ్గించడం, కరోనావైరస్ వ్యాప్తి, యుఎస్ డాలర్‌తో పోలిస్తే భారత రూపాయి క్షీణించడం లాంటి అంశాలు బంగారం ధరలు  పెరగడానికి కారణమని అబాన్స్ గ్రూప్ ఆఫ్ కంపెనీస్ చైర్మన్‌, మేనేజింగ్ డైరెక్టర్ అభిషేక్ బన్సాల్ పేర్కొన్నారు. శుక్రవారం డాలరు మారకంలో రూపాయి 74 స్థాయి దిగువకు  పడిపోయింది. అటు దేశీయ స్టాక్‌మార్కెట్లు  కూడా భారీ పతనాన్ని నమోదు చేశాయి.  చదవండి : బ్లాక్‌ ఫ్రైడే; సెన్సెక్స్‌1500 పాయింట్లు క్రాష్‌ రూపాయి 65 పైసలు పతనం

ముంబై : అమెరికా-చైనా వాణిజ్య ఒప్పందంపై సానుకూల సంకేతాలతో పాటు పారిశ్రామిక ఉత్పత్తి గణాంకాల తోడ్పాటుతో స్టాక్‌ మార్కెట్లు సోమవారం భారీ లాభాలతో ముగిశాయి. ఐటీ దిగ్గజం ఇన్ఫోసిస్‌ డిసెంబర్‌ త్రైమాసికానికి మెరుగైన ఆర్థిక ఫలితాలు వెల్లడించడం మార్కెట్‌ సెంటిమెంట్‌ను ప్రభావితం చేసింది. ఇన్ఫోసిస్‌, ఇండస్‌ఇండ్‌ బ్యాంక్‌, భారతి ఎయిర్‌టెల్‌, హెచ్‌యూఎల్‌ షేర్లలో కొనుగోళ్లు వెల్లువెత్తాయి. ఇక టీసీఎస్‌, ఎస్‌బీఐ, యాక్సిస్‌ బ్యాంక్‌ షేర్లు నష‍్టపోయాయి. మొత్తంమీద బీఎస్‌ఈ సెన్సెక్స్‌ 259 పాయింట్ల లాభంతో 41,859 పాయింట్ల వద్ద ముగియగా, 72 పాయింట్లు కోల్పోయిన ఎన్‌ఎస్‌ఈ నిఫ్టీ 12,329 పాయింట్ల వద్ద క్లోజయింది.

ముంబై : నూతన సంవత్సరం ఆరంభంలో స్టాక్‌ మార్కెట్లు సరికొత్త శిఖరాల దిశగా దూసుకుపోతున్నాయి. గ్లోబల్‌ మార్కెట్ల సపోర్ట్‌తో పాటు కొనుగోళ్ల జోరుతో గురువారం దేశీ సూచీలు భారీగా లాభపడ్డాయి. మెటల్‌, ఎనర్జీ, బ్యాంకింగ్‌, ఆటోమొబైల్‌ షేర్లలో కొనుగోళ్లు వెల్లువెత్తాయి. డిసెంబర్‌లో జీఎస్టీ వసూళ్లు ఆశాజనకంగా ఉండటంతో పాటు కేంద్ర బడ్జెట్‌కు ముందు ప్రభుత్వం సానుకూల చర్యలు చేపడుతుందనే అంచనాలు మార్కెట్‌ సెంటిమెంట్‌ను ప్రభావితం చేశాయి. నిఫ్టీ రికార్డు హై క్లోజింగ్‌తో మదుపుదారుల్లో ఉత్సాహం నెలకొంది. మొత్తంమీద 320 పాయింట్లు పెరిగిన బీఎస్‌ఈ సెన్సెక్స్‌ 41,626 పాయింట్ల వద్ద ముగిసింది. ఇక 99 పాయింట్లు లాభపడిన ఎన్‌ఎస్‌ఈ నిఫ్టీ 12,282 పాయింట్ల వద్ద క్లోజయింది.

బంగారం, రియల్‌ ఎస్టేట్‌, షేర్‌మార్కెట్లను మరిపించేలా ఈ ఏడాది ఉల్లి ధర అమాంతం ఎగబాకింది. ఏడాది చివర ధరల లొల్లితో కిచెన్‌కు ఉల్లి దూరమైంది. ఒక దశలో కిలో ఉల్లి రూ. 200కు చేరి జనానికి కంటనీరు తెప్పించింది. ఉల్లి ఘాటు లేకుండానే వంటలు ముగించేస్తున్నామని గృహిణులు వాపోయారు. హోటళ్లు‌, రెస్టారెంట్లలోనూ ఉల్లి ఇచ్చేది లేదని తెగేసి చెబుతుంటే పురుష పుంగవులు ఆనియన్‌ లేకుండానే అయిందనిపించామని చెప్పుకొచ్చారు. హోటల్‌ మెనూలోంచి ఉల్లి దోశ మటుమాయమైంది. వంటకాల్లో ఉల్లి బదులు క్యాబేజీ వాడండంటూ మరికొందరు పాక నిపుణులు ఉచిత సలహాలూ పారేశారు. ఉల్లి వాడకం పూర్తిగా తగ్గించినా అమ్మకాలు పడిపోయినా ధర మాత్రం చుక్కలు చూస్తూనే ఉంది. వర్షాలు కురవడంలో జాప్యం, ఆ తర్వాత భారీ వర్షాలతో ఉల్లి దిగుబడులు గణనీయంగా తగ్గడంతో  ఆనియన్‌ కాస్తా అందుబాటులో లేకుండా పోయింది. మార్కెట్లకు ఉల్లి సరఫరాలు తగ్గడంతో ధరలు అంతకంతకూ ఎగిశాయి. ఈ ఏడాది మార్చిలో కిలో ఉల్లి రూ. 40 కాగా ఇటీవల రూ 200కు చేరడంతో పదినెలల వ్యవధిలోనే దాదాపు ఐదు రెట్లు ఎగబాకింది. డబుల్‌ సెంచరీ.. గడిచిన ఏడాది మార్చి నుంచి ఘాటెక్కిన ఉల్లి డిసెంబర్‌ తొలి వారంలో ఏకంగా కిలోకు రూ.200 పలికింది. దేశ రాజధాని ఢిల్లీ సహా ప్రధాన నగరాలన్నింటా కిలో ఉల్లి రూ. 150కి చేరడంతో జనం తల్లడిల్లారు. ఆపై కిలో​ఉల్లి సెంచరీకి దిగివచ్చినా నేనింకా ఖరీదే అంటూ కళ్లనీళ్లు తెప్పిస్తునే ఉంది. ధరలు ఆకాశాన్ని అంటడంతో పలు చోట్ల ఉల్లిగడ్డల దోపిడీ ఘటనలు సైతం చోటుచేసుకున్నాయి. సినీ తారలు, సెలబ్రిటీలు సైతం ఉల్లి ధరలపై సెటైర్లు వేయడం, ఉల్లితో చేసిన ఆభరణాలను ప్రదర్శించడం ​పలువురి దృష్టిని ఆకర్షించింది. ఉల్లి సెగకు ప్రభుత్వాలు కుప్పకూలిన చరిత్ర కళ్లముందుంటడంతో కేంద్ర సర్కార్‌ తక్షణ చర్యలకు పూనుకుంది. ఎగుమతులపై నిషేధంతో పాటు ఉల్లి దిగుమతులపై దృష్టిసారించింది. దిగుమతులతో దిగివస్తోంది..  ఉల్లిలొల్లిని కట్టడి చేసేందుకు ప్రభుత్వం ఉల్లి ఎగుమతులపై నిషేధం విధించడంతో పాటు టర్కీ, ఆప్ఘనిస్తాన్‌ల నుంచి ఉల్లి దిగుమతులకు ఆర్డరిచ్చింది. టర్కీ నుంచి 11 వేల మెట్రిక్ టన్నుల ఉల్లి దేశ రాజధాని ఢిల్లీకి రానుంది.ఆయా దేశాల నుంచి ఉల్లి దిగుమతులు మార్కెట్లకు చేరుకుంటుండటంతో ధరలు కొద్దిగా దిగివస్తున్నాయి. ఉల్లి కొరతను ఎదుర్కోవడానికి టర్కీ నుంచి మరో 12,500 టన్నులు దిగుమతి చేసుకోవాలని కేంద్ర ప్రభుత్వం నిర్ణయించడంతో ఉల్లి లొల్లి కాస్త కుదుటపడుతుందని భావిస్తున్నారు. మరోవైపు ఉల్లి ఘాటుతో సామాన్యులకు ఇబ్బంది కలగకుండా ఏపీ ప్రభుత్వం రైతు బజార్ల ద్వారా కిలో ఉల్లిని రూ. 25కే అందుబాటులో ఉంచడంతో ప్రజలు ఊరట పొందారు. ఇక తాజా పంట కూడా త్వరలో మార్కెట్‌కు రానుండటంతో కొత్త ఏడాది ఆరంభంలోనే ఉల్లి ధరలు సాధారణ స్ధాయికి చేరతాయని అంచనా వేస్తున్నారు.

ముంబై : ఐటీ, మెటల్‌ షేర్లలో కొనుగోళ్లతో స్టాక్‌ మార్కెట్లు బుధవారం భారీ లాభాలతో ముగిశాయి. టాటా గ్రూప్‌ చీఫ్‌గా సైరస్‌ మిస్త్రీ పునర్నియామకంపై ఎన్‌సీఎల్‌టీ ఉత్తర్వులతో టాటా గ్రూప్‌ కంపెనీల షేర్లు పతనమయ్యాయి. ఇక హెచ్‌డీఎఫ్‌సీ, ఐటీసీ, ఆర్‌ఐఎల్‌, ఏషియన్‌ పెయింట్స్‌, మహింద్రా అండ్‌ మహింద్రా షేర్లు భారీగా లాభపడ్డాయి. కొనుగోళ్ల జోరుతో కీలక సూచీలు రికార్డు హైలను టచ్‌ చేశాయి. మొత్తంమీద బీఎస్‌ఈ సెన్సెక్స్‌ 206 పాయింట్ల లాభంతో 41,558 పాయింట్ల వద్ద ముగియగా, ఎన్‌ఎస్‌ఈ నిఫ్టీ 56 పాయింట్ల లాభంతో 12,221 పాయింట్ల వద్ద క్లోజయింది.

సాక్షి, ముంబై: దలాల్‌ స్ట్రీట్‌ లాభాలతో దూసుకుపోతోంది.  కీలక సూచీలు రెండూ రికార్డు స్థాయిలను  దాటి ఉత్సాహంగా కొనసాగుతున్నాయి.  ఉజ్జీవన్‌  ఫైనాన్స్‌   ఇష్యూ ధరతో పోలిస్తే ఏకంగా  65 శాతం  ఎగిసింది.ఆటో, బ్యాంకింక్‌ షేర్లలో కొనుగోళ్లతో సెన్సెక్స్‌ ఏకంగా 400 పాయింట్లకుపైగా  ఎగిసి రికార్డు  హై వద్ద కనొసాగుతోంది. ప్రస్తుతం సెన్సెక్స్‌3 55 పాయింట్లు పుంజుకుని 41386 వద్ద ఉంది. నిఫ్టీ 95 పాయింట్ల లాభంతో 12148 వద్ద కొనసాగుతోంది. దాదాపు అన్ని ఐటీ రంగాలు లాభపడుతున్నాయి.  వేదాంతా, మారుతి సుజుకి, యస్‌బ్యాంకు,ఐటీసీ టాప్‌ వినర్స్‌గా ఉండగా, ఎన్‌టీపీసీ,  ఓఎన్‌జీసీ నష్టపోతున్నాయి 

సాక్షి, న్యూఢిల్లీ : ఉల్లి ధరలు ఆకాశాన్ని అంటుతుండగా ఆదివారం కొన్ని ప్రాంతాల్లో కిలో ఉల్లి రూ 200 దాటడం సామాన్యులకు కన్నీళ్లు తెప్పిస్తోంది. మధురై, బెంగళూర్‌ వంటి నగరాల్లో ఉల్లిపాయలు కిలో రూ 200పైగా పలకడంతో వినియోగదారుల జేబులు గుల్లవుతున్నాయి. మరోవైపు పలు నగరాలు, పట్టణాల్లో ఉల్లి ధర రూ 150కి ఎగబాకడంతో వంటింట్లో ఉల్లి ఘాటు మాయమైంది. ఉల్లిని అధికంగా పండించే మహారాష్ట్ర సహా పలు రాష్ట్రాల్లో అకాల వర్షాలతో పంట దెబ్బతినడం, ఖరీఫ్‌లో పంట దిగుబడి తగ్గడం వంటి కారణాలతో ఉల్లి రిటైల్‌ ధరలు గత కొద్దివారాలుగా భగ్గుమంటున్నాయి. నిన్నమొన్నటి వరకూ బెంగళూర్‌లో సగటున కిలో రూ 140 పలికిన ఉల్లి మార్కెట్‌లో సరఫరాలు పడిపోవడంతో అమాంతం రూ 200కి ఎగబాకింది. కోయంబత్తూర్‌లోని ఉల్లి ధర రూ 200కు చేరడంతో ఉల్లి ధర వింటేనే సగటు వినియోగదారులు బెంబేలెత్తుతున్నారు. ఉల్లి ధర క్వింటాల్‌కు రూ 6000 నుంచి రూ 14,000కు చేరడంతో రిటైల్‌ ధరలు కిలోకు రూ 200కు ఎగబాకాయని కర్ణాటక వ్యవసాయ మార్కెటింగ్‌ అధికారి సిద్ధగంగయ్య తెలిపారు. ఏపీలో ఊరట ఉల్లి ధరలు మార్కెట్‌లో కన్నీళ్లు తెప్పిస్తుం‍టే వినియోగదారులకు ఎలాంటి ఇబ్బంది లేకుండా ఆంధ్రప్రదేశ్‌ ప్రభుత్వం ప్రత్యేక చర్యలు చేపట్టింది. ఉల్లి ధర భారాలు మహిళలపై పడకుండా రైతు బజార్లలో కిలో ఉల్లిని రూ 25కే అందించేందుకు రాష్ట్ర ప్రభుత్వం పూనుకుంది. రిటైల్‌ మార్కెట్‌లో ఉల్లి ధరలు రూ 150 పలుకుతుంటే రైతుబజార్లలో కేవలం రూ 25కే అందుబాటులో ఉండేలా ప్రభుత్వం ఏర్పాట్లు చేయడం పట్ల మహిళలు సంతృప్తి వ్యక్తం చేస్తున్నారు.

సెన్సెక్స్, నిఫ్టీలు ఇంట్రాడేలో జీవిత కాల గరిస్ట స్థాయిలకు చేరిన తర్వాత లాభాల స్వీకరణ చోటు చేసుకోవడంతో మంగళవారం స్టాక్‌ మార్కెట్‌ నష్టపోయింది. వృద్ధిపై ఆందోళన నెలకొనడం, మహారాష్ట్రలో జరుగుతున్న రాజకీయ పరిణామాలు, నవంబర్‌ నెల డెరివేటివ్స్‌ కాంట్రాక్టులు మరో రెండు రోజుల్లో ముగియనున్న  నేపథ్యంలో సెన్సెక్స్, నిఫ్టీలు తీవ్రమైన ఒడిదుడుకులకు గురయ్యాయి.  ఇటీవల బాగా పెరిగిన టెలికం, ఐటీ, క్యాపిటల్‌ గూడ్స్, వాహన షేర్లలో ట్రేడర్లు లాభాలు స్వీకరించారు. ఇంట్రాడేలో సెన్సెక్స్‌ 41,120 పాయింట్లను, ఎన్‌ఎస్‌ఈ నిఫ్టీ 12,132 పాయింట్లను తాకాయి. ఇవి ఈ రెండు సూచీలకు జీవిత కాల గరిష్ట స్థాయిలు. చివరకు సెన్సెక్స్‌ 68 పాయింట్ల నష్టంతో 40,821 పాయింట్ల వద్ద,  నిఫ్టీ 36 పాయింట్ల నష్టంతో 12,038 పాయింట్ల వద్ద ముగిశాయి. బ్యాంక్‌ నిఫ్టీ కూడా 31,850 పాయింట్ల వద్ద ఇంట్రాడేలో జీవిత కాల గరిష్ట స్థాయిని తాకింది. చివరకు 0.5% లాభంతో ఆల్‌టైమ్‌హై క్లోజింగ్, 31,718 పాయింట్ల వద్ద ముగిసింది. 410 పాయింట్ల రేంజ్‌లో సెన్సెక్స్‌....  సెన్సెక్స్‌ 41వేల పాయింట్లపైననే మొదలైంది. 231 పాయింట్ల లాభంతో 41,120 పాయింట్ల వద్ద జీవిత కాల గరిష్ట స్థాయిని తాకింది. మధ్యాహ్నం తర్వాత నష్టాల్లోకి జారి ంది. ఒక దశలో 231 పాయింట్లు లాభపడిన సెన్సెక్స్‌ మరో దశలో 179 పాయింట్లు నష్టపోయింది. మొత్తం మీద రోజంతా 410 పాయింట్ల రేంజ్‌లో కదలాడింది.  ఇంట్రాడేలో డాలర్‌తో రూపాయి మారకం విలువ 20 పైసలు పెరిగినా, స్టాక్‌ మార్కెట్‌కు నష్టాలు తప్పలేదు. ఆసియా, యూరప్‌ మార్కెట్లు మిశ్రమంగా ముగిశాయి. వృద్ధిపై ఆందోళన....  ఈ క్యూ2లో వృద్ధి 4.7 శాతమేనని, వరుసగా ఆరో క్వార్టర్‌లోనూ జీడీపీ క్షీణిస్తుందని ఫిచ్‌ గ్రూప్‌నకు చెందిన ఇండియా రేటింగ్స్‌ అండ్‌ రీసెర్చ్‌ సంస్థ అంచనాలను వెలువరించింది. అంతే కాకుండా ప్రస్తుత ఆర్థిక సంవత్సరం జీడీపీ అంచనాలను నాలుగోసారి సవరించింది. క్యూ2 జీడీపీ గణాంకాలు శుక్రవారం వెలువడనుండటం, సెన్సెక్స్, నిఫ్టీలు జీవిత కాల గరిష్ట స్థాయిలకు ఎగియడం, ఎఫ్‌ అండ్‌ ఓ కాంట్రాక్టుల ముగింపు... వీటన్నింటి నేపథ్యంలో ఇన్వెస్టర్లు లాభాల స్వీకరణకు మొగ్గు చూపారు.  సెన్సెక్స్, నిఫ్టీలతో పాటు పలు షేర్లు ఇంట్రాడేలో జీవిత కాల గరిష్ట స్థాయిలకు ఎగిశాయి. ఐసీఐసీఐ బ్యాంక్, రిలయన్స్‌ ఇ ండస్ట్రీస్, జుబిలంట్‌ ఫుడ్‌వర్క్స్, ఎంబసీ ఆఫీస్‌ రీట్స్, ఆవాస్‌ ఫైనాన్షియర్స్, అదానీ గ్రీన్, దివీస్‌ ల్యాబ్స్, తదితర షేర్లు  ఈ జాబితాలో ఉన్నాయి. 50కు పైగా షేర్లు ఏడాది గరిష్ట స్థాయిలను తాకగా, 120కు పైగా షేర్లు ఏడాది కనిష్ట స్థాయిలకు పడిపోయాయి. అలహాబాద్‌ బ్యాంక్, కేర్‌ రేటింగ్స్, ఓమాక్సీ, శోభ, చెన్నై పెట్రోలియమ్‌ కార్పొరేషన్‌ తదితర షేర్లు ఈ జాబితాలో ఉన్నాయి. ►భారతీ ఎయిర్‌టెల్‌ షేర్‌ 4.3% నష్టంతో రూ.431.70 వద్ద ముగిసింది. సెన్సెక్స్‌లో బాగా నష్టపోయిన షేర్‌ ఇదే. ఈ కంపెనీ దీర్ఘకాల రేటింగ్‌ను  ఇక్రా తగ్గించడం, కనీస టారిఫ్‌ల విషయమై టెలికం డిపార్ట్‌మెంట్‌ ఎలాంటి స్పందన వ్యక్తం చేయకపోవడం  దీనికి ప్రధాన కారణాలు.   ►లాభాల స్వీకరణ కారణంగా టీసీఎస్‌ 1.6%, ఇన్ఫోసిస్‌ 1 శాతం, హెచ్‌సీఎల్‌ టెక్నాలజీస్‌ 1.2 శాతం  మేర తగ్గాయి.   ►వృద్ధి అంచనాలపై ఆందోళన కారణంగా వాహన షేర్లు పతనమయ్యాయి. మారుతీ సుజుకీ 1.5 శాతం, మహీంద్రా అండ్‌ మహీంద్రా 1.6 శాతం, టాటా మోటార్స్‌ 1.3 శాతం చొప్పున నష్టపోయాయి.   ►చైర్మన్‌ పదవికి సుభాష్‌  చంద్ర రాజీనామా చేయడంతో జీ ఎంటర్‌టైన్మెంట్‌ షేర్‌ 7% నష్టంతో రూ. 320 వద్ద ముగిసింది. కంపెనీ మార్కెట్‌ క్యాప్‌ రూ.2,300 కోట్లు ఆవిరైంది.  రూ.10 లక్షల కోట్లకు చేరువలో రిలయన్స్‌ మార్కెట్‌ క్యాప్‌  మార్కెట్‌ విలువ పరంగా అతి పెద్ద కంపెనీ అయిన రిలయన్స్‌ ఇండస్ట్రీస్‌ మార్కెట్‌ క్యాప్‌ ఇంట్రాడేలో రూ.10 లక్షల కోట్లకు చేరువైంది. ఇంట్రాడేలో  షేర్‌ రూ.1,576 ధరకు చేరడంతో కంపెనీ మార్కెట్‌ క్యాప్‌ రూ.9,99,045 కోట్లకు చేరింది. కానీ  చివరకు ఈ షేర్‌ స్వల్ప నష్టంతో రూ.1,559కు చేరడంతో మార్కెట్‌ క్యాప్‌ రూ.9,88,180 కోట్లకు(13,800 కోట్ల డాలర్ల) పరిమితమైంది. ఈ మార్కెట్‌ క్యాప్‌తో ఈ కంపెనీ బ్రిటిష్‌ చమురు దిగ్గజం బీపీ పీఎల్‌సీ మార్కెట్‌క్యాప్‌ (13,100 కోట్లు)ను మించిపోయింది. ఎఫ్‌ అండ్‌ ఓ నుంచి టాటా మోటార్స్‌ తొలగింపు ఫ్యూచర్స్‌ అండ్‌ ఆప్షన్స్‌ సెగ్మెంట్‌ నుంచి టాటా మోటార్స్‌ షేర్‌ను బీఎస్‌ఈ, ఎన్‌ఎస్‌ఈలు తొలగిస్తున్నాయి. వచ్చే ఏడాది జనవరి 31 (ఫిబ్రవరి డెరివేటివ్స్‌ సిరీస్‌) నుంచి టాటా మోటార్స్, ఎన్‌బీసీసీ, డిష్‌టీవీ, క్యాస్ట్రాల్‌ ఇండియా షేర్లను ఈ ఎక్సే్ఛంజ్‌లు తొలగిస్తున్నాయి. వచ్చే నెల 23 నుంచి సెన్సెక్స్‌ సూచీ నుంచి కూడా టాటా మోటార్స్‌ షేరును తీసివేస్తున్న విషయం తెలిసిందే.

సాక్షి, ముంబై:  దేశీయ స్టాక్ మార్కెట్లు గురువారం లాభాల్లో ముగిశాయి.   ఇన్వెస్టర్ల కొనుగోళ్లతో కీలక సూచీలు రెండూ  రికార్డును నమోదు చేసాయి. ఇంట్రాడేలో సెన్సెక్స్‌ 490688 స్థాయిని టచ్‌ చేయగా, ముగింపులో కూడా రికార్డును క్రియేట్‌ చేసింది. అటునిఫ్టీ కూడా 12 వేల ఎగువన  ముగిసింది.  దాదాపు అయిదు నెలల తరువాత నిఫ్టీ ఈ స్థాయికి చేరింది. ఈ ఏడాది  జూన్ 4వ తేదీ తర్వాత నిఫ్టీ మరోసారి 12వేల మార్క్ ను టచ్ చేసింది. మిడ్‌ సెషన్‌ తరువాత మరింత జోరందుకున్న  సెన్సెక్స్‌ ఒకదశలో 200పాయింట్లుకుపైగా ఎగిసింది. చివరికి  సెన్సెక్స్ 184 పాయింట్లు లాభపడి 40,654వద్ద,  నిఫ్టీ 46 పాయింట్లు పుంజుకుని 12,012 వద్ద  ముగిసింది. దాదాపు అన్ని రంగాలు లాభపడ్డాయి. ప్రదానంగా నిర్మలా సీతారామన్‌ ప్రకటించిన రియల్టీ పెట్టుబడుల పథకంతో రియల్టీ షేర్లు భారీగా పుంజుకున్నాయి. మెటల్‌,  బ్యాంకింగ్‌ షేర్లు కూడా లాభపడ్డాయి. హెచ్‌డీఎఫ్‌సీ, ఐటీసీ, ఇన్ఫోసిస్‌,ఇండస్‌ ఇండ్‌, సన్‌ఫార్మా,వేదాంతా, ఏషియన్‌ పెయింట్స్‌ లాభపడ్డాయి. మరోవైపు యూపీఎల్‌, గెయిల్‌, ఎస్‌ బ్యాంకు, బీపీసీఎల్‌,  హెచ్‌యూఎల్‌, సిప్లా, ఓఎన్‌జీసీ, టాటా మోటార్స్‌ నష్టపోయాయి. 

ముంబై : కొనుగోళ్ల జోరుతో బీఎస్‌ఈ సెన్సెక్స్‌ సరికొత్త శిఖరాలను తాకింది. నిర్మాణ రంగానికి ఊతమిచ్చేలా కేంద్రం, ఆర్బీఐలు చర్యలు చేపడతాయని ఆర్థిక మంత్రి నిర్మలా సీతారామన్‌ చేసిన ప్రకటనతో రియల్‌ఎస్టేట్‌ షేర్లు పరుగులు పెట్టాయి. రియల్టీ షేర్లు ఇండియా బుల్స్‌, శోభా, ప్రెస్టిజ్‌ ఎస్టేట్‌ ప్రాజెక్ట్సు షేర్లు 5 శాతం వరకూ లాభపడ్డాయి. మొత్తంమీద బీఎస్‌ఈ సెన్సెక్స్‌ 256 పాయింట్ల లాభంతో 40,504 పాయింట్ల వద్ద ట్రేడవుతుండగా, ఎన్‌ఎస్‌ఈ నిఫ్టీ 62.50 పాయింట్లు పెరిగి 11,979 పాయింట్ల వద్ద ట్రేడవుతోంది.

సాక్షి, ముంబై:  గూడ్స్ అండ్ సర్వీసెస్ ట్యాక్స్ (జిఎస్‌టీ)  వసూళ్లు రికార్డు క్రియేట్‌  చేశాయి.  ఏప్రిల్ నెలలో జిఎస్‌టీ వసూళ్లు అత్యధికంగా  1.13 లక్షల కోట్ల రూపాయలుగా నమోదయ్యాయి.  అంతకుముందు (మార్చి) నెలలో 1.06 లక్షల కోట్ల రూపాయలుగా ఉన్నాయి. ఆర్థికమంత్రిత్వ శాఖ  ఈ గణాంకాలను బుధవారం విడుదల చేసింది.  2019 ఏప్రిల్లో  మొత్తం స్థూల జీడీపీ ఆదాయం రూ .1,13,865 కోట్లు. ఇందులో సీజీఎస్‌టీ రూ 21,163 కోట్లు, ఎస్‌జీఎస్‌టీ రూ. 28,801 కోట్లు, ఇంటిగ్రేటెడ్ జిఎస్‌టీ రూ .54,733 కోట్లు, సెస్ 9,168 కోట్లు.  ఏప్రిల్ 2019-20 ఆర్థిక సంవత్సరం మొదటి నెల. ఏప్రిల్ 30 వ తేదీ వరకు మార్చి నెలలో గరిష్ఠంగా 72.13 లక్షల  జీఎస్టీ రిటర్నులు దాఖలయ్యాయని మంత్రిత్వ శాఖ అధికారిక ప్రకటనలో తెలిపింది.

పట్నా: వాహనదారులకు చుక్కలు చూపిస్తున్న పెట్రోల్‌, డిజీల్‌ ధరలను నిరసిస్తూ ప్రతిపక్షాలు చేపట్టిన  భారత్‌బంద్‌ కొనసాగుతోంది. దేశవ్యాప్తంగా పలురాష్ట్రాల్లో ఆయా పార్టీల నేతలు నిరసన కార్యాక్రమాలు చేపట్టారు. అయితే బిహార్‌లోని శరద్‌యాదవ్‌ కొత్తగా ఏర్పాటు చేసిన లోక్‌తంత్రిక్‌ జనతా దళ్‌ (ఎల్‌జేడీ) కార్యకర్తలు వినూత్నంగా నిరసన తెలిపి అందరి దృష్టిని ఆకర్షించారు. ఈ పెట్రోల్‌ ధరలతో బైక్‌ను నడపడం కన్నా దానిని మోసుకుపోవడమే బెటర్‌ అంటూ భూజాలపై ఎత్తుకుని నిరసన తెలిపారు. పెరిగిన ధరలు తమకు ఎంత భారంగా మారాయో తెలియజేశారు. దీనికి సంబంధించిన ఫొటోలు నెట్టింట్లో హల్‌చల్‌ చేస్తున్నాయి.  బీహార్‌ రాష్ట్ర వ్యాప్తంగా ప్రయివేట్‌ స్కూళ్లు స్వచ్చందంగా బంద్‌పాటిస్తున్నాయి. ఇక ఢిల్లీలో కాంగ్రెస్‌ నేతలు బైక్స్‌ను ఎడ్ల బండిపై ఎక్కించి నిరసన తెలిపారు. పెరిగిన పెట్రోల్‌ ధరలను నిరసిస్తూ కాంగ్రెస్‌ పార్టీ ఇచ్చిన ఈ బంద్‌కు సుమారు 21 పార్టీలు మద్దతు తెలిపాయి. ఆదివారం లీటర్‌ పెట్రోల్‌పై 12 పైసలు, డీజిల్‌పై 10 పైసలు పెంచుతూ ప్రభుత్వ ఆయిల్‌ కంపెనీలు మరోసారి షాకిచ్చాయి. దీంతె హైదరాబాద్‌లో లీటర్‌ పెట్రోల్‌ ధన 85.35 పైసలుండగా.. డీజిల్‌ 78.98కు చేరుకుంది. ముంబై అత్యధికంగా లీటర్‌ పెట్రోల్‌ ధర 90(89.97)కు చేరుకుంది.

సాక్షి, ముంబై:  అటు ఫలితాల జోష్‌, ఇటు ఎనలిస్టుల అంచనాల నేపథ్యంలో సోమవారం నాటి బుల్‌ మార్కెట్‌లో  రిలయన్స్‌ ఇండస్ట్రీస్‌  షేరు కూడా రికార్డు   స్థాయిని నమోదు చేసింది. ఈ ఏడాది తొలి త్రైమాసికంలో ఫలితాల నేపథ్యంలో ఇన్వెస్టర్లు   ఆర్‌ఐఎల్‌ కౌంటర్లో కొనుగోళ్ల వైపు మొగ్గు  చూపారు. దీంతో ఇంట్రాడేలో రెండున్నర శాతం లాభపడి ఆల్‌టైమ్‌ గరిష్టానికి చేరింది. రూ. 1157వద్ద సరికొత్త రికార్డు ఆర్‌ఐఎల్‌ క్రియేట్‌ చేసింది.  1991, జనవరి తరువాత ఇదే అదిపెద్ద లాభమని విశ్లేషకులు  తెలిపారు. మరోవైపు   గోల్డ్‌మన్‌ సాచే, మోర్గాన్‌ స్టా‍న్లీ, మోతీలాల్‌,  నోమురా, ఎడిల్‌వీస్‌ తదితర  బ్రోకరేజ్‌ సంస్థ లన్నీ బై రేటింగ్‌ను  ఇచ్చాయి.  ఆర్‌ఐఎల్‌ షేరు  ప్రైస్‌ టార్గెట్‌ను 1200నుంచి 1400వరకు జంప్‌ చేయవచ్చని అంచనా వేశాయి. కాగా ఏప్రిల్‌-జూన్‌ త్రైమాసికంలో రిలయన్స్‌ ఇండస్ట్రీస్‌ మార్కెట్‌ ఎనలిస్టుల అంచనాలను అధిగమిస్తూ 8శాతం స్టాండలోన్‌ నికరలాభాన్ని నమోదు చేసింది. ఆర్‌ఐఎల్‌ టెలికాం సంస్థ రిలయన్స్‌ జియో క్యూ-1లో రూ.6.12 బిలియన్ల ఆదాయాన్ని ఆర్జించిన సంగతి తెలిసిందే.

ముంబై : దేశీయ స్టాక్‌ మార్కెట్లు మళ్లీ రికార్డుల మోత మోగించడం ప్రారంభించాయి. నిఫ్టీ తన 11 వేల మార్కును మరోసారి తాకేసింది. ఫిబ్రవరి 1 నుంచి ఈ మార్కును తాకడం ఇదే మొదటిసారి. సెన్సెక్స్‌ సైతం ఆల్‌-టైమ్‌ గరిష్టాన్ని నమోదుచేసింది. 180 పాయింట్లకు పైగా జంప్‌ చేసిన సెన్సెక్స్‌ 36,453 వద్ద రికార్డు సృష్టించింది. ప్రస్తుతం సెన్సెక్స్‌ 250 పాయింట్లకు పైగా లాభపడుతూ.. 36,532 వద్ద రికార్డు గరిష్టంలో దూసుకుపోతుంది. నిఫ్టీ సైతం 11 వేల మార్కును చేధించి 83 పాయింట్ల  లాభంలో ట్రేడవుతోంది. అన్ని రంగాల షేర్లు గ్రీన్‌ గానే ట్రేడవుతున్నాయి. ఎక్కువగా లాభాలు పీఎస్‌యూ బ్యాంక్‌లు, ఎనర్జీ, మెటల్స్‌ స్టాక్స్‌లో నెలకొంటున్నాయి. అదేవిధంగా మిడ్‌క్యాప్స్‌ కూడా లాభాల్లోనే నడుస్తున్నాయి.  అమెరికా, చైనా వాణిజ్య వివాదాలు ముదురుతున్నప్పటికీ, దేశీ స్టాక్‌ మార్కెట్లు జోరుగానే సాగుతున్నాయని, ఇన్వెస్టర్లు కొనుగోళ్లకు ఆసక్తి చూపుతుండటంతో మార్కెట్లు జోరందుకున్నట్టు విశ్లేషకులు చెప్పారు. నిఫ్టీ దిగ్గజాలలో ఐవోసీ, హెచ్‌పీసీఎల్‌, బీపీసీఎల్‌, డాక్టర్‌ రెడ్డీస్‌, హెచ్‌సీఎల్‌ టెక్‌, యస్‌బ్యాంక్‌, ఆర్‌ఐఎల్‌, ఎస్‌బీఐ, ఐసీఐసీఐ, మారుతీ 5-1.2 శాతం మధ్య పెరగగా.. ఇన్‌ఫ్రాటెల్‌ 2.5 శాతం పతనమైంది. దీని బాటలోనే టీసీఎస్, అదానీ పోర్ట్స్‌ స్వల్పంగా 0.4 శాతం స్థాయిలో బలహీనపడ్డాయి. అటు ఆసియా మార్కెట్లలో కూడా ఇన్వెస్టర్లకు కొనుగోళ్లకు ఎగబడుతున్నారు. వాణిజ్య వివాద ఆందోళనలు తలెత్తినప్పటికీ ఆసియా మార్కెట్లు జోరందుకోవడం గమనార్హమని విశ్లేషకులంటున్నారు.  

సాక్షి, న్యూఢిల్లీ: ఇంధన ధరలు వరుసగా రెండో రోజు కూడా పెరిగాయి. కర్ణాటక ఎన్నికల  ఫలితాల ఒకవైపు కొనసాగుతుండగా.. వరుసగా రెండో రోజు కూడా  పెట్రోల్‌, డీజిల్ ధరలు మంగళవారం పెరిగాయి.   పెట్రో ధర లీటరుకు  15పైసలు పెరగా, డీజిల్‌ ధర లీచరుకు   22 పైసలు పెరిగాయి. దీంతో ఢిల్లీలో పెట్రోలు ధర తాజాగా 56 నెలల గరిష్ట స్థాయికి చేరుకుంది. డీజిల్ ధరలది  కూడా ఇదే ధోరణి .  తాజాగా మరో ఆల్‌టైం హైని టచ్‌   చేసింది. ఇండియన్ ఆయిల్ కార్పోరేషన్  వెబ్‌సైట్‌ అందించిన వివరాల ప్రకారం ఢిల్లీలో పెట్రోలు లీటరుకు రూ. 74.95,కోలకతా  77.65 రూపాయలు, ముంబైలో 82.79 రూపాయలు,  చెన్నైలో 77.77 రూపాయలుగా ఉంది.   డీజిల్ ధరలు  వరుసగా రూ. 66.36 లీటరు, రూ. 68.9, రూ.70.66, రూ.  70.02గా  ఉన్నాయి.  మే 15 న ఉదయం 6 గంటల నుంచి  ఈ ధరలు అమల్లోకి వచ్చాయి.    

సాక్షి, ముంబై: భారీ ఎత్తున నిధుల సమీకరణ చర్యలుచేపట్టిందన్న వార్తల నేపథ్యంలో  శుక్రవారం నాటి  బుల్‌ మార్కెట్‌లో ప్రయివేట్‌ రంగ దిగ్గజం హెచ్‌డీఎఫ్‌సీ బ్యాంక్‌ కౌంటర్‌   భారీగా లాభపడింది. వివిధ మార్గాలలో నిధుల సమీకరణ చేపట్టే ప్రతిపాదన నేపథ్యంలో ఇన్వెస్టర్లు  భారీ కొనుగోళ్ల దిగారు.  హెచ్‌డీఎఫ్‌సీకౌంటర్‌ 52 వారాల గరిష్టాన్ని తాకింది. బిఎస్ఇ ఫైలింగ్‌  ప్రకారం, అర్హతగల సంస్థాగత ఇన్వెస్టర్లకు షేర్ల జారీ(క్విప్‌) లేదా ఏడీఆర్‌, డిపాజిటరీ రిసీప్ట్స్‌ తదితర మార్గాలలో నిధుల సమీకరణ చేపట్టేందుకు హెచ్‌డీఎఫ్‌సీ బ్యాంక్‌  ప్రతిపాదించింది.  ఈ విషయాన్ని   చర్చించేందుకు   2017 డిసెంబర్ 20 న బోర్డు సమావేశం కానున్నట్లు కంపెనీ పేర్కొంది. బ్యాంకు వాటాదారుల ఆమోదంతో సహా. బోర్డు ఆమోదం పొందినట్లయితే, పైన పేర్కొన్న ప్రతిపాదనకు వాటాదారుల ఆమోదం పొందేందుకు  విస్తృత సాధారణ సాధారణ సమావేశాన్ని ఏర్పాటు చేయాలని భావిస్తోంది. మరోవైపు ఈ షేరుపై రూ. 2165 టార్గెట్‌తో  ఎనలిస్టులు బై కాల్‌ ఇస్తున్నారు.

పరుగులు మీద పరుగులుపెడుతూ  దూసుకుపోతున్న క్రిప్టో కరెన్సీ బిట్‌కాయిన్‌ బబుల్‌ బ్లాస్ట్‌ అయింది. నిపుణులు, వివిధ దేశాల కేంద్ర బ్యాంకుల హెచ్చరికలకు అనుగుణంగానే సరికొత్త గరిష్టాన్ని నమోదు చేసిన అనంతరం భారీ పతనాన్ని నమోదు చేసింది. ఆసియన్‌ ట్రేడింగ్‌లో శుక్రవారం  రూ.19వేల డాలర్ల వద్ద ఆల్‌ టైం హైని  తాకింది. వెంటనే 12శాతానికి పైగా నష్టపోయింది. భారీ కొనుగోళ్లతో రూ.19వేల డాలర్లను అధిగమించిన  తరువాత రూ.15వేల డాలర్ల దిగువకు పడిపోయింది. ఇటీవల భారీగా పుంజుకున్న  వార్తల్లో నిలిచిన బిట్‌కాయిన్‌ ఈ వారంలో 30శాతానికి ర్యాలీ అయింది. కాగా  క్రిప్టో కరెన్సీ బిట్‌కాయిన్‌... రోజుకో కొత్త రికార్డు సృష్టిస్తూ దూసుకుపోతోంది. దీంతో ఈ అనూహ్య ర్యాలీపై పలువురు మార్కెట్‌ నిపుణులు, ట్రేడ్‌ పండితులు భిన్న అభిప్రాయాలను వ్యక్తం చేస్తున్నారు. బిట్‌ కాయిన్‌ ట్రేడింగ్‌లో అప్రమత్తంగా ఉండాలని ప్రజలను రిజర్వ్‌ బ్యాంక్‌ ఆఫ్‌ ఇండియా తాజాగా హెచ్చరించింది. సాఫ్ట్‌వేర్‌ కోడ్‌ రూపంలో ఉండే ఈ వర్చువల్‌ కరెన్సీ.. ఏ నియంత్రణ సంస్థ పరిధిలోనూ లేదని, దీంతో ఇన్వెస్టర్లు లావాదేవీల్లో జాగ్రత్తగా ఉండాలని లేదంటే భారీ నష్టం తప్పదని తెలిపింది.  

ఒకవైపు  క్రిప్టో కరెన్సీ బిట్‌ కాయిన్‌పై  అప్రమత్తంగా ఉండాలనే హెచ్చరికలు  కొనసాగుతున్నాయి. మరోవైపు బిట్‌ కాయిన్‌ శరవేగంగా పరుగులు పెడుతోంది. తాజాగా మరో  ఆల్‌టైం హైని టచ్‌ చేసింది. ఇటీవల పదివేల డాలర్ల మార్క్‌ను టచ్‌ చేసిన బిట్‌కాయిన్‌  మరో గరిష్టాన్ని నమోదు చేసింది. ఈ ఏడాదిలో బిట్‌కాయిన్‌ భారీ ర్యాలీతో మార్కెట్లను షేక్‌ చేస్తోంది. వరుస రికార్డు స్థాయియిలను నమోదు చేస్తూ   దూసుకుపోతోంది.  తాజాగా ఈ ఆన్‌లైన్‌ మనీ తొలిసారిగా 12వేల డాలర్ల మైలురాయిని దాటింది.  భారీ లాభాలనునమోదు చేస్తున్న బిట్‌కాయిన్‌  12వేల డాలర్ల స్థాయిని తాకిందని రాయిటర్స్‌ రిపోర్ట్‌ చేసింది. అయితే  బిట్‌కాయిన్‌ ట్రేడింగ్‌లో చాలా అప్రమత్తంగా వ్యవహరించాలని నిపుణులు హెచ్చరించారు. అటు మరో ఏడాదిన్నరలో బిట్‌కాయిన్‌ ధర 50వేల డాలర్ల నుంచి లక్ష డాలర్లకు చేరుతుందని ఫోరేట్రస్‌ ఇన్వెస్ట్‌మెంట్‌ గ్రూప్‌ మాజీ ఫండ్‌ మేనేజర్‌ నోవోగ్రాట్జ్‌ ఇటీవల అభిప్రాయపడ్డారు. కాగా బిట్‌కాయిన్స్‌ వంటి వర్చువల్‌ కరెన్సీలు చాలా రిస్కుతో కూడుకున్న నేపథ్యంలో వీటి ట్రేడింగ్‌ విషయంలో జాగ్రత్తగా వ్యవహరించాలని యూజర్లు, ట్రేడర్లను రిజర్వ్‌ బ్యాంక్‌ హెచ్చరించింది.  బిట్‌కాయిన్‌ లేదా ఇతర వర్చువల్‌ కరెన్సీల (వీసీ) నిర్వహణ, చలామణీకి సంబంధించి ఏ కంపెనీకి కూడా లైసెన్సులు ఇవ్వలేదని ఆర్‌బీఐ స్పష్టం చేసిన సంగతి తెలిసిందే.


 సాక్షి, ముంబై :  ట్రేడింగ్‌ ప్రారంభంలో గరిష్ట రికార్డులో ఎగిసిన నిఫ్టీ, వెంటనే కిందకి పడిపోయింది. ఫెడరల్‌ రిజర్వు రెండు రోజుల మానిటరీ పాలసీ మీటింగ్‌ నేటి అర్థరాత్రి నుంచి మొదలు కానున్న నేపథ్యంలో ఇన్వెస్టర్లు అప్రమత్తంగా వ్యవహరిస్తున్నారు. 10,179 వద్ద గరిష్ట స్థాయిలను నమోదుచేసిన నిఫ్టీ, ప్రస్తుతం ​10,152 వద్ద ట్రేడవుతోంది. సెన్సెక్స్‌ సైతం ప్రారంభంలో 80 పాయింట్ల మేర జంప్‌ చేసి, అనంతరం కిందకి పడిపోయింది. ఇది కూడా ఫ్లాట్‌గా లాభనష్టాల ఊగిసలాట ధోరణిలో 32,424 మార్కు వద్ద నమోదవుతోంది.
  
 బయోకాన్‌, భారత్‌ గేర్స్‌, దివీస్‌ ల్యాబ్స్‌, డిక్సన్‌ టెక్నాలజీస్‌, ఆటోలైట్‌, టీవీఎస్‌ ఎలక్ట్రానిక్స్‌, గ్రాఫైట్‌ ఇండియా, ఏడీఎఫ్‌ ఫుడ్స్‌ 10 శాతం మేర లాభాలు పండిస్తున్నాయి.  ఇంటర్‌ గ్లోబల్‌ ఏవియేషన్‌, భారత్‌ రోడ్డు నెట్‌వర్క్‌, మిర్క్‌ ఎలక్ట్రానిక్స్‌ 6 శాతం మేర నష్టపోతున్నాయి. గ్యాస్‌ స్టాక్స్‌ కూడా నేడు లాభాల్లో కొనసాగుతున్నాయి. మరోవైపు అమెరికా మార్కెట్లు కూడా లాభాల్లో ముగిశాయి. డౌజోన్స్‌ వరుసగా ఐదు రోజు రికార్డు స్థాయిలో ముగిసింది. అటు డాలర్‌తో రూపాయి మారకం విలువ 7 పైసల నష్టంలో 64.15గా ఉంది. ఎంసీఎక్స్‌ మార్కెట్‌లో బంగారం ధరలు భారీగా 311 రూపాయల మేర పడిపోయి 29,545 రూపాయల వద్ద ట్రేడవుతున్నాయి. 


 సాక్షి, ముంబై : నిఫ్టీ, మిడ్‌క్యాప్స్‌ తాజా గరిష్ట స్థాయిల్లో ప్రారంభమయ్యాయి. అంతర్జాతీయంగా వస్తున్న బలమైన సంకేతాలతో మార్కెట్లు భారీగా జంప్‌ చేశాయి. ప్రారంభంలో 200 పాయింట్లకు పైగా జంప్‌ చేసిన సెన్సెక్స్‌, 195.18 పాయింట్ల లాభంలో 32,467 వద్ద ట్రేడవుతోంది. నిఫ్టీ 72 పాయింట్ల లాభంలో 10,150 మార్కుకు పైన 10,157 వద్ద కొనసాగుతోంది. నిఫ్టీ బ్యాంకు సైతం 25వేల మార్కును అధిగమించింది. ఎల్‌ అండ్‌ టీ, భారతీ ఇన్‌ఫ్రాటెల్‌, హెచ్‌డీఎఫ్‌సీ బ్యాంకు, టాటా మోటార్స్‌ నిఫ్టీలో మేజర్‌ గెయినర్స్‌గా లాభాలు పండిస్తున్నాయి. సన్‌ ఫార్మా, అదానీ పోర్ట్స్‌, డాక్టర్‌ రెడ్డీస్‌ ల్యాబ్స్‌, ఓఎన్‌జీసీలు మాత్రమే నిఫ్టీలు నష్టాలు గడిస్తున్నాయి.
  
 నిఫ్టీ మిడ్‌క్యాప్‌ 0.8శాతం పైకి ఎగిసింది. మిడ్‌క్యాప్స్‌లో గోవా కార్బన్‌, బొంబై డైయింగ్‌, గ్రాఫైట్‌ ఇండియా, స్పెషాలిటీ రెస్టారెంట్స్‌, జుబిలెంట్‌ ఫుడ్‌వర్క్స్‌, క్యాడిలా హెల్త్‌కేర్‌, ఐసీఐసీఐ ప్రుడెన్షియల్‌, టీవీఎస్‌ ఎలక్ట్రానిక్స్‌ 10 శాతం పైగా లాభపడుతున్నాయి. అటు డాలర్‌తో రూపాయి మారకం విలువ 12 పైసలు బలపడి 64 వద్ద ఉంది. ఎంసీఎక్స్‌ మార్కెట్‌లో బంగారం ధరలు 156 రూపాయల నష్టంలో 29,854 రూపాయలుగా ఉన్నాయి.  
  


 న్యూఢిల్లీ : దేశీయ అతిపెద్ద ఆటో దిగ్గజం మారుతీ సుజుకీ సరికొత్త రికార్డు మోత మోగించింది. జూలై నెలలో కార్ల అమ్మకాల్లో 20.6 శాతం జంప్‌ చేయడంతో మారుతీ సుజుకీ షేర్లు నేటి ట్రేడింగ్‌ సరికొత్త గరిష్టంలో 3 శాతం జంప్‌ చేశాయి. జూలై నెలలో మారుతీ సుజుకీ 1,65,346 యూనిట్ల విక్రయాలను నమోదుచేసింది. మంగళవారం విడుదల చేసిన ప్రకటనలో గత నెలలో 1,54,001 వాహనాలను దేశీయంగా విక్రయిస్తే, 11,345 యూనిట్లను ఎగుమతి చేసినట్టు తెలిపింది.
  
 మారుతీ సుజుకీ ఈ ప్రకటన వెలువరించిన వెంటనే స్టాక్‌ ధర 2.75 శాతం పైకి ఎగిసి, రికార్డు గరిష్టంలో రూ.7920 గా నమోదైంది. దీంతో మార్కెట్‌ విలువ కూడా రూ.2.4 లక్షల కోట్లకు పెరిగింది. యుటిలిటీ వెహికిల్‌ సెగ్మెంట్‌లో ఎర్టిగా, ఎస్‌-క్రాస్‌, విటారా బ్రీజా అమ్మకాలు ఏడాది ఏడాదికి 46.1 శాతం వృద్ధిని నమోదుచేసినట్టు ఈ కార్ల కంపెనీ పేర్కొంది. వీటి తర్వాత కాంపాక్ట్‌ సెగ్మెంట్‌ 19.6 శాతం, మిడ్‌ సైజ్‌ సెగ్మెంట్‌ 17.1 శాతం, మినీ సెగ్మెంట్‌ 14.1 శాతం పైకి ఎగిసినట్టు మారుతీ సుజుకీ తెలిపింది.   


 ముంబై : దేశీయ ఈక్విటీ సూచీలు సెన్సెక్స్‌, నిఫ్టీ రికార్డుల మోత మోగించాయి. మొట్టమొదటిసారి నిఫ్టీ తన అ‍త్యంత కీలకమైన మార్కు 10,000కు పైన నిలిచింది. తీవ్ర దోబూచులాటల మధ్య నడిచిన నిఫ్టీ, మధ్యాహ్న ట్రేడింగ్‌ నుంచి పుంజుకుని, ఈ మైలురాయిని పునరుద్ధరించుకుంది. మంగళవారం ఆరంభంలో నిఫ్టీ 10వేల మార్కును తాకి, ఇన్వెస్టర్లలో కోలాహాలం నింపిన సంగతి తెలిసిందే. కానీ ఆ సంతోషం ఎంతో సేపు మిగలలేదు. వెనువెంటనే ఆ మార్కు నుంచి పడిపోయింది. నిన్నటి ట్రేడింగంతా మళ్లీ ఆ మార్కును అందుకోలేకపోయింది. కానీ బుధవారం ట్రేడింగ్‌లో నిఫ్టీ తన మార్కును మళ్లీ అందుకుని, ఇన్వెస్టర్లకు కొత్త ఆశలు చిగురించేలా చేసింది. ఆఖరి గంటల్లో జరిగిన స్ట్రాంగ్‌ ట్రేడింగ్‌తో మొట్టమొదటిసారి 10వేల మైలురాయి పైన, 56 పాయింట్ల లాభంలో 10020.65 వద్ద ముగిసింది.
  
 సెన్సెక్స్‌ సైతం రికార్డు వర్షం కురిపించింది. 154.19 పాయింట్ల లాభంలో 32,382.46 వద్ద​ రికార్డు స్థాయిలో నిలిచింది. గ్లోబల్‌గా కమోడిటీలు ర్యాలీ నిర్వహించడంతో మెటల్‌ స్టాక్స్‌ మెరుపులు మెరిపించాయి. మెటల్‌ స్టాక్స్‌తో పాటు ఫార్మా, బ్యాంకింగ్‌ స్టాక్స్‌ లాభాల వర్షం కురిపించాయి. దీంతో స్టాక్‌ మార్కెట్లు నూతన గరిష్టాలను నమోదుచేశాయి. ఆసియాలోనే బెస్ట్‌-పర్‌ఫార్మింగ్‌ ఇండెక్స్‌లలో నిఫ్టీ మూడో స్థానంలో నిలిచింది. వేదంత కంపెనీ షేర్లు మూడేళ్ల గరిష్టంలో 3.3 శాతం పైకి ఎగిశాయి. అటు డాలర్‌తో రూపాయి మారకం విలువ 3 పైసలు బలపడి 64.35గా నమోదైంది. ఎంసీఎక్స్‌ మార్కెట్‌లో బంగారం ధరలు 138 రూపాయలు నష్టపోయి రూ.28,340గా ట్రేడయ్యాయి.  


 ముంబై:  దలాల్‌స్ట్రీట్‌  చరిత్ర సృష్టించింది. భారీలాభాలతో ప్రారంభమైన మార్కెట్లలో నిఫ్టీ రికార్డ్‌ స్థాయిని నమోదు  చేసింది.   ఎంతో ఆస్తకిగా ఎదురు చూస్తున్న 10వేల మార్క్‌ మైల్‌ స్టోన్‌ ని నిఫ్టీ తాకింది.  ఆరంభంలో 10వేల మార్క్‌న్‌ టచ్‌ చేసి తద్వారా ఎంతో ఆసక్తిగా ఎదురు చూస్తున్న  చారిత్రిక గరిష్టం 10వేల మార్క్‌ను తాకింది.  అటు మరో  ప్రధాన  సూచీ సెన్సెక్స్‌ కూడా 32,374 వద్ద కొత్త గరిష్టాన్ని తాకింది.   ఎన్‌ఎస్ఈలో బ్యాంక్‌ నిఫ్టీ సైతం 24,625 పాయింట్ల వద్ద కొత్త  లాండ్‌మార్క్‌ను నమోదు  చేసింది. దీంతో దలాల్‌ స్ట్రీట్‌లో సంబరాలు మిన్నంటాయి. సందడి వాతావరణం నెలకొంది. బ్రోకరేజ్‌ సంస్థలు, ఇన్వెస్టర్లు సంబరాలు చేసుకున్నారు.   
 
 ప్రస్తుతం సెన్సెక్స్‌ 52 పాయింట్ల లాభంతో  32297 వద్ద, నిఫ్టీ పాయింట్లు 21 ఎగిసి వద్ద 9987 వద్ద కొనసాగుతోంది.  స్టాక్‌మార్కెట్‌ ప్రీ ఓపెన్‌ లో 10వేల మార్క్‌ను తాకిన నిఫ్టీ ఆస్థాయిని తాకినా, స్వల్పంగా  వెనక్కి తగ్గింది. బ్యాంక్‌ నిఫ్టీ  భారీగా పుంజుకోగా,  ఐటీ    స్వల్పంగా నష్టాల్లో కొనసాగుతోంది. ఐటీసీ, ఇన్‌ఫ్రాటెల్‌, ఐబీహౌసింగ్‌, అంబుజా, హీరోమోటో, వేదాంతా, ఏసీసీ, ఎయిర్‌టెల్‌, హెచ్‌డీఎఫ్‌సీ బ్యాంక్‌, యస్‌బ్యాంక్‌, పవర్‌గ్రిడ్‌ లాభాల్లోనూ,  జీ, హెచ్‌సీఎల్‌ టెక్‌, లుపిన్‌, సిప్లా, విప్రో, ఓఎన్‌జీసీ, కోల్‌ ఇండియా, సన్ ఫార్మా నష్టపోతున్నాయి. 
 
  
  


 ముంబై: బుల్లిష్‌ జోరుతో ప్రారంభంలో మార్కెట్లు సరికొత్త రికార్డు స్థాయిలను నమోదుచేశాయి. నిఫ్టీ మొదటిసారి 9,900కు తాకింది. అయితే ఈ జోరు ఎంతో సేపు నిలువలేదు. వెనువెంటనే మార్కెట్లు నష్టాలోకి జారుకున్నాయి. ప్రస్తుతం నిఫ్టీ 14.60 పాయింట్ల నష్టంలో 9,877 వద్ద ట్రేడవుతోంది. సెన్సెక్స్‌ సైతం 35.15 పాయింట్ల నష్టంలో 32,002 వద్ద కొనసాగుతోంది. టెక్‌ దిగ్గజం టీసీఎస్ నిన్న మార్కెట్‌ అవర్స్‌ తర్వాత ప్రకటించిన ఫలితాల్లో నిరాశపరిచే సరికి ఆ కంపెనీ షేర్లు ఒత్తిడిలో కొనసాగుతున్నాయి. రెండో టెక్నాలజీ దిగ్గజం ఇన్ఫోసిస్‌ కూడా నేటి మార్కెట్‌ అవర్స్‌కు ముందు తన ఫలితాలను ప్రకటించింది. ఇది కూడా లాభాల్లో పడిపోయినప్పటికీ, విశ్లేషకుల అంచనాలు బీట్‌ చేయడంతో ఇన్ఫీ షేర్లు 3 శాతం లాభాల్లోనే ట్రేడవుతున్నాయి.
  
 ఓ వైపు వ్యవస్థాపకులు, మేనేజ్‌మెంట్‌ మధ్య వివాదం, మరోవైపు వీసా కష్టాలు, వ్యయాల పెరుగుదల ఉన్నప్పటికీ ఇన్ఫీ కొంత మెరుగైన ప్రదర్శననే కనబర్చినట్టు విశ్లేషకులు చెప్పారు. కాగ, ఇన్ఫీ లాభాలు 3.3 శాతం పడిపోయి రూ.3,483 కోట్లగా నమోదుకాగ, టీసీఎస్‌ లాభాలు 5.9 శాతం కిందకి దిగజారి రూ.5,945కోట్లగానే ఉన్నాయి. ఇన్ఫోసిస్‌తోపాటు అదానీ పోర్ట్స్‌, అరబిందో ఫార్మాలు లాభాలు కొనసాగుతుండగా...టీసీఎస్‌, హెచ్‌డీఎఫ్‌సీ, ఏసియన్‌ పేయింట్స్‌ టాప్‌ లూజర్లుగా నష్టాలు గడిస్తున్నాయి. అటు డాలర్‌తో రూపాయి మారకం విలువ 9 పైసలు బలపడి 64.45 గా ట్రేడవుతోంది. ఎంసీఎక్స్‌ మార్కెట్‌లో బంగారం ధరలు స్వల్పంగా 10 రూపాయలు పడిపోయి 27,841 రూపాయల వద్ద ఉన్నాయి.  
  


 ముంబై:  దేశీయ స్టాక్‌మార్కెట్లు వారం ఆరంభంలోనే రికార్డ్‌ స్థాయిలను నమోదు చేశాయి. భారీ లాభాలతో ప్రారంభమైన మార్కెట్లలో   సెన్సెక్స్‌ డబుల్‌ సెంచరీ సాధించింది. 234 పాయింట్లు జంప్‌చేసి 31,595ను తాకింది. తద్వారా మార్కెట్‌ చరిత్రలో సెన్సెక్స్‌ మరోసారి కొత్త గరిష్టాన్ని అందుకుంది. అలాగే 9732వద్ద నిఫ్టీ రికార్డ్‌ స్థాయిని నమోదు చేసిన అనంతరం స్వల్పంగా వెనుకంజ వేసింది. అయితే మార్కెట్‌ ప్రారంభంలో ఎన్‌ఎస్‌ఈ రేట్లు అప్‌టేడ్‌ కావడంలో  తలెత్తిన సాంకేతిక సమస్య  కొంత గందరగోళం నెలకొంది. సెన్సెక్స్‌ 195 లాభంతో 31556వద్ద  నిఫ్టీ 22 పాయింట్లు ఎగిసి  9687వద్ద కొనసాగుతోంది.
 దాదాపు అన్నిరంగాలూ లాభాల్లోనే కదులుతున్నాయి.   బ్యాంకింగ్‌ నిఫ్టీ,  మెటల్‌, ఆటో సెక్టార్లు  భారీ లాభాలను ఆర్జిస్తున్నాయి. ముఖ్యంగా ప్రభుత్వం రంగ బ్యాంకుల ర్యాలీని మార్కెట్లను లీడ్‌ చేస్తున్నాయి.  ఐటీ కూడా స్వల్పంగా లాభపడుతోంది.  అలాగే మెగా మెర్జర్‌ను ప్రకటించిన ఐడీఎఫ్‌సీ, శ్రీరామ్‌ షేర్లు బలహీనంగా ట్రేడ్‌ అవుతున్నాయి. లుపిన్‌, టాటా మోటార్స్‌,ఐటీసీ, టాటా స్టీల్‌,  భారతి ఎయిర్‌టెల్‌,  రిలయన్స్‌, టీసీఎస్‌ భారీగా లాభపడుతుండగా  బీపీసీఎల్‌, ఎంఅండ్‌ఎం నష్టాల్లో కొనసాగుతున్నాయి.
  


 31వేలకు పైన సెన్సెక్స్
 తొలిసారి 9600 మార్కును తాకిన నిఫ్టీ
 ముంబై: వాయువేగంతో దూసుకుపోయిన దేశీయ స్టాక్‌మార్కెట్లు శుక్రవారం చారిత్రాత్మక స్థాయిలను నమోదుచేశాయి. ముఖ్యంగా బొంబై స్టాక్ ఎక్స్చేంజ్ మార్కెట్‌  చరిత్రలోనే  తొలిసారి 31వేల స్థాయిని అధిగమించి మెరుపులు మెరిపించింది. ఇదే బాటలో పయనించిన నిఫ్టీ కూడా తొలిసారి ఆల్‌ టైం హై 9600 మార్కును తాకి, చివరికి 85.35 పాయింట్ల లాభంలో 9,595 వద్ద ముగిసింది. నేటి ట్రేడింగ్ లో 324 పాయింట్ల ర్యాలీ కొనసాగించిన సెన్సెక్స్ 31,074 వద్ద, 95 పాయింట్ల ర్యాలీ సాగించిన నిఫ్టీ 9,605 వద్ద రికార్డ్ స్థాయిలను తాకాయి. మెటల్ రంగం 3.7 శాతం దూసుకెళ్లగా.. ఆటో 1.6 శాతం ఎగిసింది.  బ్యాంక్‌ నిఫ్టీ 0.6 శాతం లాభపడి మార్కెట్లకు జోష్‌నిచ్చింది. అయితే, పీఎస్‌యూ బ్యాంక్‌ ఇండెక్స్‌ లో అమ్మకాలు కొనసాగగా, ఫార్మా మాత్రం వెనకడుగు వేసింది.  
  
 జూన్‌ ఎఫ్‌ అండ్‌ ఓ  సిరీస్‌ ఫ్లాట్‌గా ప్రారంభమైన మార్కెట్లు వెంటనే లాభాల్లోకి రాకెట్‌ లా దూసుకుపోయాయి.  టాటా స్టీల్‌ హిందాల్కో, వేదాంతా, అదానీ పోర్ట్స్‌, రిలయన్స్‌(ఆర్‌ఐఎల్‌), ఐబీ హౌసింగ్‌, యస్‌బ్యాంక్‌, టాటామోటార్స్‌ డీవీఆర్‌, పవర్‌ గ్రిడ్, ఐసీఐసీఐ బ్యాంక్‌ , ఐటీసీ, ఐషర్‌  మోటార్స్‌  భారీ లాభాల్లో కొనసాగాయి. నిన్నటి ర్యాలీకి కొనసాగింపుగా నేటి మార్కెట్లు దూసుకుపోయినట్టు ఐడీబీఐ క్యాపిటల్ మార్కెట్స్ అండ్ సెక్యురిటీస్ రీసెర్చ్ హెడ్ ఏకే ప్రభాకర్ తెలిపారు. 


 ముంబై: దేశీయ స్టాక్‌మార్కెట్లు ఫ్లాట్‌గా ముగిశాయి.  జీఎస్‌టీ  జోష్‌తో ఆరంభం‍లో ఉత్సాహంగా మొదలై, రికార్డ్‌ స్తాయిని నమోదు చేశాయి. అనంతరం  భారీ హెచ్చుతగ్గులకు లోనయ్యాయి. చివరికి సెన్సెక్స్‌ 30 పాయింట్లు పెరిగి 30,465 వద్ద నిఫ్టీ 2 పాయింట్లు క్షీణించి 9,428 వద్ద స్థిరపడింది. మిడ్‌సెషన్‌లో భారీ అమ్మకాల ధోరణి నెలకొన్నా, చివర్లో కోలుకున్నాయి. అయితే వారాంతంలో  అప్రమత్తంగా ముగిసింది.
 ముఖ్యంగా  జీఎస్‌టీ రేట్లలో నిత్యావసరాలపై 5 శాతానికే పన్ను కట్టడి చేయడంతో ఎఫ్ఎంసీజీ కౌంటర్లు జోరందుకున్నాయి. అలాగే ఫలితాలనేపథ్యంలో ఎస్‌బీఐ  టాప్‌ విన్నర్‌గా నిలిచింది.   ఐటీ, ఆటో ఇండెక్స్‌  నష్టపోయింది. ఐటీసీ, హెచ్‌యుఎల్‌, యస్‌బ్యాంక్‌, యాక్సిస్‌, ఎస్‌బీఐ, హెచ్‌యూఎల్‌, టాటా మోటా్ర్స్‌, బీవోబీ  లాభాల్లో ముగియగా, ఏషియన్‌ పెయింట్స్‌, బీపీసీఎల్‌, ఐషర్‌, హిందాల్కో, టీసీఎస్‌,  ఐబీ హౌసింగ్‌, టెక్‌ మహీంద్రా, ఇండస్‌ఇండ్, మారుతీ, బాష్‌ నష్టపోయాయి.
 అటు డాలర్‌ మారకంలో రూపాయి మరింత బలహీనపడింది. 0.19 పైసలుపతనమై రూ. 64.65 వద్ద ఉంది.  ఎంసీఎక్స్‌ మార్కెట్లో  బంగారం ధరలు  స్వల్పంగా క్షీణించాయి.  పది గ్రా. రూ. 55 తగ్గి, రూ. 28,655 వద్ద వుంది.
  


 ఈక్విటీ బెంచ్ మార్కు సూచీలు గురువారం ట్రేడింగ్ లోనూ సరికొత్త గరిష్ట స్థాయిలను తాకుతూ ఎంట్రీ ఇచ్చాయి. సెన్సెక్స్ 71.70 పాయింట్ల లాభంలో 30,319 వద్ద, నిఫ్టీ 27.60 పాయింట్ల లాభంలో 9,434 వద్ద లాభాలు పండిస్తున్నాయి.. ఐటీసీ, హెచ్ డీఎఫ్‌ సీ బ్యాంకు, మహింద్రా అండ్ మహింద్రా, లార్సెన్ అండ్ టుబ్రో వంటి బ్లూచిప్ కంపెనీ మద్దతుతో మార్కెట్లు గరిష్ట స్థాయిలను తాకుతున్నాయని మార్కెట్ విశ్లేషకులు చెప్పారు. ఇంట్రాడేలో 98 పాయింట్లకు సెన్సెక్స్ ఎగిసి, 30,346.79 వద్ద ట్రేడైంది. 
  
 వచ్చే రుతుపవనాల సీజన్ గురించి వాతావరణ శాఖ గుడ్ న్యూస్ అందించడంతో మార్కెట్లు పరుగులు పెడుతున్నాయి. ప్రాఫిట్ బుకింగ్ తో భారతీ ఎయిర్ టెల్, హెచ్యూఎల్ నష్టాలు గడిస్తున్నాయి. క్యూ 4 ఫలితాల్లో అంచనావేసిన దానికంటే మెరుగైన ప్రదర్శన కనబర్చడంతో టెక్ దిగ్గజం హెచ్సీఎల్ టెక్నాలజీస్ షేర్లు 1 శాతం పైకి ఎగిశాయి. అదేవిధంగా జీ ఎంటర్ టైన్మెంట్ మార్చి క్వార్టర్ ఫలితాలతో 3 శాతం మేర లాభపడుతోంది. టాప్ సెక్టోరియల్ గెయినర్ గా బీఎస్ఈ మెటల్స్ లాభాల్లో దూసుకుపోతూ 1.3 శాతం మేర పైకి  ఎగిసింది. 
  


 ముంబై: ఫ్రాన్స్‌ ఎలక్షన్ల నేపథ్యంలో ఆసిమా మార్కెట్లు  సానుకూలంగా ఉన్నాయి.  దీంతో దేశీయ స్టాక్‌మార్కెట్లు  కూడా లాభాల్లో ప్రారంభమయ్యాయి. సెన్సెక్స్‌ 147 పాయింట్ల లాభంతో 29,814 వద్ద  నిఫ్టీ 43పాయింట్లలాభంతో 9260 వద్ద ట్రేడింగ్‌ కొనసాగిస్తున్నాయి. ప్రధానంగా నిఫ్టీ 9,264వద్ద రికార్డ్‌ స్థాయిని నమోదుచేసి పాజిటివ్‌ వుంది. దాదాపు లన్ని రంగాలు లాభాల్లో ఉండగా  బ్యాంకింగ్‌,  ఎనర్జీ, రియల్టీ సెక్టార్లు టాప్‌ గెయినర్స్ గా ఉన్నాయి.   మిడ్‌క్యాప్‌, స్మాల్‌క్యాప్స్‌ షేర్లుకూడా పరుగులు పెడుతున్నాయి.   
 ముఖ్యంగా రిలయన్స్‌, ఎంఎం లాభాలు మార్కెట్లో దూకుడు పెంచుతున్నాయి. ఇండియా బుల్స్‌, కాగా టైర్ల షేర్లు జోరుగా ఉండగా,   సిమెంట్‌ షేర్లలో  ప్రాఫిట్‌  బుకింగ్స్‌ కనిపిస్తోంది. నిఫ్టీ దిగ్గజాలలో ఆర్‌ఐఎల్‌, ఐబీ హౌసింగ్‌, ఎంఅండ్‌ఎం, ఐసీఐసీఐ, హిందాల్కో లాభాల్లో, భారతీ, ఎన్‌టీపీసీ, హెచ్‌సీఎల్‌ టెక్‌ స్వల్పంగా నష్టపోతున్నాయి.
 మరోవైపు అన్ని ఫైనాన్షియల్‌ సంస్థలు తమ ఫలితాలను ప్రకటించనున్నాయి. ముఖ్యంగా డిమానిటైజేషన్‌ అనంతరం  వస్తున్న కావడంతో ఇవి మార్కెట్లను కీలకంగా మారనున్నాయి.
  
 అటుడాలర్‌మారకంలో రుపీ 0.26పైసల లాభంతో 64.35 వద్ద ఉంది. బంగారం ఎంసీఎక్స్‌ మార్కెట్‌ లో పది గ్రా. 296 నష్టంతో రూ. 29,122 వద్ద ఉంది.


 ముంబై : నేషనల్ స్టాక్ ఎక్స్చేంజ్ నిఫ్టీ మళ్లీ రికార్డు సృష్టించింది. తొలిసారి 9200 మార్కును చేధించింది. అసెంబ్లీ ఎన్నికల్లో బీజేపీ ఘన విజయంతో దూకుడుగా ఉన్న స్టాక్ మార్కెట్లు శుక్రవారం కూడా మంచి లాభాల్లో ఎంట్రీ ఇచ్చాయి. 9200 మార్కును చేధించిన నిఫ్టీ ప్రస్తుతం 30.75 పాయింట్ల లాభంలో 9184 వద్ద ట్రేడవుతోంది. సెన్సెక్స్ సైతం 153 పాయింట్ల లాభంలో 29,739 వద్ద కొనసాగుతోంది. ప్రధాని మంత్రి నరేంద్రమోదీ నేతృత్వంలో బీజేపీ ఎంతో కీలక రాష్ట్రమైన యూపీలో చారిత్రాత్మక విజయం సాధించింది. దీంతో మార్కెట్లు గరిష్టస్థాయిల్లో రికార్డులు సృష్టిస్తున్నాయి. దేశంలోనే అతిపెద్ద రాష్ట్రం ఉత్రప్రదేశ్ లో బీజేపీ ప్రభుత్వం ఏర్పాటుచేయడం ఆర్థిక ప్రక్రియకు ఊతమిస్తుందని, కేంద్ర, రాష్ట్ర ప్రభుత్వాల మధ్య ఆర్థిక సహకారం ఏర్పడుతుందని విశ్లేషకులంటున్నారు. దీంతో చాలా వేగవంతంగా కేంద్ర, రాష్ట్ర ప్రాజెక్టులు పూర్తిచేయొచ్చని పేర్కొంటున్నారు.
  
 ఆర్థికమంత్రి అరుణ్ జైట్లీ నేతృత్వంలోని జీఎస్టీ కౌన్సిల్ గురువారం, ఎంతో కీలకమైన రాష్ట్రాలరాష్ట్రాల జీఎస్టీ (ఎస్‌జీఎస్టీ), కేంద్ర పాలిత ప్రాంతాల జీఎస్టీ (యూటీజీఎస్టీ)లకు ఆమోదం తెలిపింది.  దీంతో జూలై 1 నుంచి జీఎస్టీ అమలుకు ప్రక్రియ వేగవంతమవుతోంది. మరోవైపు అంచనావేసిన దానికంటే దేశీయ కంపెనీల క్యూ3లో మంచి ఫలితాలను విడుదల చేయడం, దేశానికి ఆర్థిక ఊతం కల్పిస్తూ కేంద్ర బడ్జెట్ రావడంతో ఈ ఏడాది ప్రారంభమైనప్పటి నుంచి మార్కెట్లు 10 శాతానికి పైగా ర్యాలీ జరిపినట్టు తెలుస్తోంది. ట్రేడింగ్ ప్రారంభంలో ఐటీసీ, టీసీఎస్,  ఏసియన్ పేయింట్స్, విప్రో, లుపిన్, ఎం అండ్ ఎం, పవర్ గ్రిడ్, టాటా స్టీల్ లాభాలు పండించగా... ఎల్ అండ్ టీ, గెయిల్, టెక్ మహింద్రా, బీపీసీఎల్, హెచ్డీఎఫ్సీ ఒత్తిడిలో కొనసాగుతున్నాయి. 
  


 ముంబై: దేశీయ స్టాక్‌మార్కెట్లు  లాభాలతో  మరోసారి రికార్డ్‌ స్థాయిల్లో ముగిశాయి.  సెన్సెక్స​ 188 పాయింట్లు లాభపడి 29,586 వద్ద , నిఫ్టీ 69 పాయింట్ల లాభంతో 9153 వద్ద స్థిరపడ్డాయి.   ముఖ్యంగా సెన్సెక్స్‌ మరో కీలక  మైలురాయిని అధిగమించడానికి 96  పాయింట్ల దూరంలోమాత్రమే ఉండగా,   సాంకేతికంగా మరో బలమైన స్థాయి  9150కిపైన ముగియడం విశేషం.   మిడ్‌క్యాప్‌ షేర్ల ఇవాళ కూడా కొనసాగింది. దాదాపు అన్ని రంగాలు లాభాల్లోనే ముగిశాయి. బ్యాంకింగ్‌, మెటల్‌, ఐటీ,  అయిల్‌ అండ్‌ గ్యాస్‌ లాభపడ్డాయి. టాటా స్టీల్‌ టాప్‌ గెయినర్‌గా నిలిచింది. అదానీపోర్ట్స్‌, ఆసియన్‌ పెయింట్స్‌, బజాజ్‌ ఆటో లాభపడగా, రిలయన్స్‌,  హీరో  మోటో, భారతి ఎయిరల్‌ టెల్‌, కోల్‌ ఇండియా నష్టపోయినవాటిల్లో ఉన్నాయి.
 అటు డాలర్‌ మారకంలో రూపాయి దూసుకుపోతోంది.  0.21 పైసల లాభంతోమ రూ.65.46 వద్ద ఉంది. మరోవైపు ఫెడ్‌ వడ్డీరేట్లు పెంపు ప్రకటన, గ్లోబల్‌ సంకేతాలతో బంగారం భారీగా పుంజుకుంది. ఎంసీఎక్స్‌మార్కెట్‌లో పది గ్రా. 430  లాభపడి రూ. 28,415 వద్ద ఉంది.
  


 ముంబై : ఉత్తరప్రదేశ్, ఉత్తరాఖాండ్ లో బీజేపీ ఘనవిజయం మార్కెట్లకు భారీ కిక్కిచ్చింది. రికార్డు స్థాయిల్లో స్టాక్ మార్కెట్లు దూసుకొచ్చాయి. 560 పాయింట్లు ఎగిసిన సెన్సెక్స్ ప్రస్తుతం 424.95 పాయింట్ల లాభంలో 29,371 వద్ద కొనసాగుతోంది. 160 పాయింట్ల లాభాల్లో ప్రారంభమైన నిఫ్టీ సైతం 9,050 మార్కును దాటి ట్రేడవుతోంది. ఉత్తరప్రదేశ్, ఉత్తరాఖాండ్ రాష్ట్రాల్లో ఘన విజయంతో పాటు, గోవా, మణిపూర్ లో కూడా బీజేపీనే ప్రభుత్వం ఏర్పాటుచేయనున్న నేపథ్యంలో మార్కెట్లలో ఇన్వెస్టర్ల సెంటిమెంట్ బలపడింది. మంగళవారం ట్రేడింగ్ లో డాలర్ తో రూపాయి మారకం విలువ కూడా భారీగా బలపడింది.
  
 40 పైసల లాభంతో 66.20 వద్ద ప్రారంభమైంది. గ్రీన్ బ్యాక్ కరెన్సీతో కొన్నాళ్లు పడిపోయిన రూపాయి విలువ ప్రస్తుతం ఏడాది గరిష్టంలో ట్రేడవుతోంది. అత్యంత కీలక రాష్ట్రాల్లో బీజేపీ గెలుపు రూపాయికి బూస్ట్ ఇచ్చినట్టు మార్కెట్ విశ్లేషకులంటున్నారు. ఈ విజయం రాజకీయంగా ఉన్న అస్థిరత్వాన్ని కూడా మార్కెట్ల నుంచి తొలగించినట్టు విశ్లేషకులు చెప్పారు. దీర్ఘకాలికంగా స్థిరంగా ఉండే ప్రభుత్వాలతో మార్కెట్లు ఎక్కువగా లాభపడతాయని గ్లోబల్ బ్రోకరేజ్ సంస్థలంటున్నాయి.  ఆర్థిక సంస్కరణకు కూడా ఇవి ఊతమిస్తాయని చెబుతున్నారు. ఈ ఎన్నికల వేళ నిఫ్టీ 9100-9500 మార్కు రేంజ్ లో ట్రేడవుతుందని హెచ్ఆర్బీవీ క్లయింట్ సొల్యుషన్స్ ప్రైవేట్ లిమిటెడ్ చీఫ్ ఎగ్జిక్యూటివ్ టీఎస్ హరిహర్ తెలిపారు. 
 
  


 ముంబై : విదేశీ నిల్వలు భారీ స్థాయిలో పెరిగాయి. రికార్డులను ఛేదిస్తున్న ఈ నిల్వలు ఆగస్టు 5తో ముగిసిన వారానికి గరిష్టంగా 365.749 బిలియన్ డాలర్లను తాకినట్టు రిజర్వు బ్యాంకు ఆఫ్ ఇండియా శుక్రవారం తెలిపింది. విదేశీ కరెన్సీ ఆస్తులు(ఎఫ్సీఏ) తగ్గినప్పటికీ, నిల్వలు పెరిగాయని ఆర్బీఐ పేర్కొంది. విదేశీ నిల్వల్లో విదేశీ కరెన్సీ ఆస్తులే ప్రధాన భాగంగా ఉంటాయి.
 
 గత వారంలో విదేశీ నిల్వలు 2.81 బిలియన్ డాలర్లకు ఎగిసినట్టు వెల్లడించింది. ఎఫ్సీఏలు 340.278 బిలియన్ డాలర్ల నుంచి 765.4 మిలియన్ డాలర్లకు పడిపోయాయి. నాన్-యూఎస్ కరెన్సీలు యూరో, ఫౌండ్, యెన్ తగ్గుదల, పెరుగుదలన్నింటినీ తీసుకుని ఎఫ్సీఏలను డాలర్లలో వ్యక్తపరుస్తారు. బంగారం నిల్వలు 1.008 బిలియన్ డాలర్లకు పెరిగి 21.584 బిలియన్ డాలర్లగా నమోదయ్యాయి.  దేశీయ స్పెషల్ డ్రాయింగ్ హక్కులతో అంతర్జాతీయ ద్రవ్య నిధి కూడా పెరిగిందని ఆర్బీఐ తెలిపింది.


 కడప అగ్రికల్చర్‌:
 పసిడి ధరతో పత్తి ధర పోటీ పడుతోంది. అంతర్జాతీయ వాణిజ్య ధరలను అనుసరించి పత్తి ధర పలుకుతోంది. దీంతో పత్తి ధర ఆశాజనంగా ఉంటోంది. మునుపెన్నడూ లేని విధంగా, రికార్డు సృష్టిస్తూ పత్తి ధర క్వింటాలుకు రూ. 6800 నుంచి రూ. 7 వేల వరకు తాకింది. పంట చరిత్రలో ఇంత ధర ఎప్పుడూ లేదని అటు వ్యాపారులు, ఇటు రైతులు చెబుతున్నారు. వర్షాభావ పరిస్థితుల నేపథ్యంలోనే పంట నిల్వలు లేకనే పత్తికి డిమాండ్‌ ఉందని వ్యాపార వర్గాలు విశ్లేషిస్తున్నాయి.
 పంట చరిత్రలో ఇదే గరిష్ట ధర...ఈ ఏడాది 5948 హెక్టార్లలో సాగు..
 జిల్లాలో పంటను దాదాపు 5 దశాబ్దాలుగా సాగు చేస్తున్నారు. ఇప్పటి వరకు రూ. 6800 నుంచి రూ.7 వేలు ధర పలికిన దాఖలాలు లేవని రైతులంటున్నారు. జిల్లాలో చింతకొమ్మదిన్నె, పెండ్లిమర్రి, పులివెందుల, వేముల, వేంపల్లె, తొండూరు, ముద్దనూరు,వీరపునాయునిపల్లె, ఎర్రగుంట్ల, పెద్దముడియం, మైలవరం, చాపాడు, రాజుపాలెం మండలాల్లో అధికంగాను, మిగిలిన మండలాల్లో తక్కువ విస్తీర్ణంలోను కలిపి 25 వేల హెక్టార్ల సాధారణ సాగుకుగాను ఇప్పటి వరకు 5948 హెక్టార్లలో సాగు చేశారు. మూడు నాలుగేళ్లుగా క్వింటా పత్తి ధర రూ. 3500 దాటలేదు. ఈ ధర పంట సాగునుంచి చేతికందే వరకు ఇలానే ఉండేది. అయితే ప్రస్తుతం పంట సాగు చేసినప్పటి నుంచి ఇప్పటికి రూ. 6800 ధర పలుకుతోంది. ధరలు ఇలానే ఉంటే సాగు చేసిన రైతులకు గిట్టుబాటు అయ్యే అవకాశం ఉంటుంది.
 సాగు తగ్గి దిగుబడి లేకనే ఎగబాకిన ధర..
 దాదాపు రెండు సంవత్సరాలుగా దేశీయంగా ఏర్పడిన వర్షాభావ పరిస్థితుల కారణంగాను, గులాబీ పువ్వు రంగు పురుగుల వల్ల పంట దిగుబడులు బాగా పడిపోయాయి. జిల్లాలో ఎకరాకు సగటున 3–4 క్వింటాళ్ల దిగుబడి మించలేదు. పంట ఆశించిన విధంగా లేకపోవడంతో అటు రైతులు, ఇటు వ్యాపారులు కూడా నిల్వ చేయలేక పోయారు. వ్యాపారులు, జిన్నింగ్‌ మిల్లుల యజమానులు ఏటా పత్తి నిల్వ చేసి అన్‌సీజన్‌లో బయటకు తీసి బేళ్లు, కండెలు తయారు చేసి విృకయించేవారు. అయితే రెండు సంవత్సరాలుగా అందుకు భిన్నమైన పరిస్థితులు నెలకొన్నాయి. అక్కడక్కడ నిల్వ చేసిన పత్తికి మాత్రం ఊహించని ధర పలుకుతోంది.
 కండెలకు..గింజలకు పెరిగిన డిమాండ్‌తోనే..
 అంతర్జాతీయ వాణిజ్య సరళిని చూస్తే పత్తి కండెలకు, గింజలకు పెరిగిన డిమాండ్‌తోనే పత్తి ధర పెరిగింది. 350 కిలోల కండె ధర రూ. 53,000  పలుకుతోందని స్పిన్నింగ్‌ మిల్లుల మేనేజర్లు చెబుతున్నారు. అలాగే బేలు ధర కూడా రూ. 26,500 ఉంటోందన్నారు. విత్తన క్వింటా ధర రూ. 2500 పలుకుతున్నట్లు గుంటూరుకు చెందిన పత్తి వ్యాపారి రాజా సదానందయ్య సాక్షికి తెలిపారు. సీజన్‌లో కండె ధర రూ. 30 వేల నుంచి రూ. 35 వేలు ఉంటుంది. అదే విధంగా గింజ ధర సీజన్‌లో రూ. 1600 మించలేదు. కండె, గింజకు డిమాండ్‌ పెరుగుతుండడంతో పత్తికి బాగా డిమాండ్‌ పెరుగుతోందని ఆయన పేర్కొన్నారు.
 ఈ ధరలు ఇట్లే ఉంటే గిట్టుబాటు అవుతుంది..
 ప్రస్తుతం పంట ఇప్పుడిప్పుడే కాయలు ఇడుగుతున్నాయి. ధరలు బాగున్నాయి. ఈ ధరలు కనీసం పంట చేతికొచ్చే సమయానికైనా ఉంటే బాగుంటుంది. ప్రభుత్వం ఈ ధరను కొన్నేళ్లపాటు ఉండేలా చర్యలు తీసుకోవాలి. వ్యాపారులు కుమ్మక్కై ధర తగ్గిస్తే కఠిన చర్యలు తీసుకోవాలని కోరుతున్నాం.
 –వెంకటసుబ్బయ్య, పత్తిసాగు రైతు, యాదవాపురం, పెండ్లిమర్రి మండలం.
 గిట్టుబాటు అయితేనే పెట్టుబడులు వస్తాయి..
 పత్తికి ఇంత భారీ ధర ఉండడం సంతోషకరం. అయితే పంట సాగు చేసేటప్పుడు ఉన్న ధరను చేతికొచ్చాక వ్యాపారులు తగ్గిస్తున్నారు. గిట్టుబాటు ఉండేలా ప్రభుత్వం చొరవ తీసుకుంటే పత్తి సాగు చేసిన ప్రతి రైతు బాగుపడతాడు.
 –నరసింహులు, పత్తిసాగు రైతు, ద్వారకానగర్, పెండ్లిమర్రి మండలం.
  
  


 హైదరాబాద్: ఆసియా మార్కెట్లలో సానుకూలత, ఫండ్స్ కొనుగోళ్లకు మొగ్గు చూపడం, బ్యాంకింగ్, ఆయిల్,గ్యాస్, హెల్త్ రంగాల కంపెనీల షేర్లు లాభాల పట్టడంతో భారత స్టాక్ మార్కెట్ ప్రధాన సూచీలు నూతన జీవితకాలపు గరిష్ట స్థాయిని నమోదు చేసుకున్నాయి. క్రితం ముగింపుకు సెన్సెక్స్ 172 పాయింట్ల లాభంతో 26696 వద్ద, నిఫ్టీ 41 పాయింట్ల వృద్ధి 7954 వద్ద ట్రేడ్ అవుతున్నాయి. 
  
 సూచీ ఆధారిత కంపెనీల షేర్లలో భెల్, టీసీఎస్, కొటాక్ మహీంద్ర, ఎస్ బీఐ, హెచ్ డీఎఫ్ సీ కంపెనీలు లాభాల్లో ట్రేడ్ అవుతున్నాయి. జిందాల్ స్టీల్, హిండాల్కో, కెయిర్న్ ఇండియా, సెసా స్టెరిలైట్, అల్ట్రా టెక్ సిమెంట్స్ కంపెనీలు నష్టాల్లో కొనసాగుతున్నాయి. 


 హైదరాబాద్: భారత స్టాక్ మార్కెట్ ప్రధాన సూచీలు నష్టాలనుంచి లాభాల్లోకి చేరుకుని రికార్డు గరిష్ట స్థాయికి చేరుకున్నాయి. ఆరంభంలో రికార్డు స్థాయి నుంచి క్షీణించి లాభాలను నమోదు చేసుకున్న సెన్సెక్స్, నిఫ్టీలు లాభాల్లోకి చేరుకున్నాయి. 
  
 మధ్యాహ్నం మూడుగంటల సమయానికి సెన్సెక్స్ 96 పాయింట్లు లాభపడి 26244 పాయింట్లు వద్ద, 24 పాయింట్ల వృద్ధితో 7819 పాయింట్ల వద్ద ట్రేడ్ అవుతున్నాయి. 
  
 బ్యాంక్ ఆఫ్ బరోడా, టాటా స్టీల్, హెచ్ సీఎల్ టెక్, హిండాల్కో, ఏషియన్ పెయింట్స్ లాభాల్ని నమోదు చేసుకున్నాయి. 
  
 ఫలితాలు నిరాశపరచడంతో కెయిర్న్ ఇండియా 6.66 శాతం నష్టపోయింది. గెయిల్,డాక్టర్ రెడ్డీస్, పవర్ గ్రిడ్, సిప్లాలు నష్టాల్లో ట్రేడ్ అవుతున్నాయి. 


 హైదరాబాద్: భారత స్టాక్ మార్కెట్ ప్రధాన సూచీలు లాభాలతో ప్రారంభమై.. సరికొత్త రికార్డు గరిష్టాన్ని నమోదు చేసుకున్నాయి. సెన్సెక్స్ 26188 పాయింట్ల వద్ద ఆరంభమైంది ఇంట్రాడే ట్రేడింగ్ లో సెన్సెక్స్ 26190, నిప్టీ 7802 గరిష్టాన్ని నమోదు చేసుకున్నాయి.
  
 ఆతర్వాత వెంటనే గరిష్ట స్థాయి వద్ద ఇన్వెస్టర్లు లాభాల స్వీకరణకు పాల్పడటంతో సెన్సెక్స్ , నిఫ్టీ నష్టాల్లోకి జారుకున్నాయి. ప్రస్తుతం సెన్సెక్స్ 57 పాయింట్ల నష్టంతోతో 26089 వద్ద, నిఫ్టీ 18 పాయింట్లు క్షీణించి 7777 వద్ద ట్రేడ్ అవుతున్నాయి. 
  
 హెచ్ సీఎల్ టెక్, బ్యాంక్ ఆఫ్ బరోడా, విప్రో, టాటా స్టీల్, బీపీసీఎల్ కంపెనీలు లాభాల్లో, కెయిర్న్, టాటా మోటార్స్, గెయిల్, లార్సెన్, పవర్ గ్రిడ్ కంపెనీల షేర్లు నష్టాల్లో ట్రేడ్ అవుతున్నాయి. 


 రికార్డు స్థాయిలో భారత స్టాక్ మార్కెట్ ప్రధాన సూచీ సెన్సెక్స్ వద్ద ముగిసింది. బుధవారం సెన్సెక్స్ 104 పాయింట్ల లాభంతో 20133 పాయింట్ల వద్ద క్లోజైంది. గతంలో 2010 నవంబర్ 5న ముగిసిన 21004 స్థాయిని అధిగమించింది. ఇంట్రాడే ట్రేడింగ్ లో సెన్సెక్స్ 52 వారాల గరిష్టస్థాయిని నమోదు చేసింది. 
  
 భారతీ ఎయిర్ టెల్ అత్యధికంగా 5.51 శాతం, డాక్టర్ రెడ్డీస్ లాబ్స్, రాన్ బాక్సీ లాబ్స్, బీపీసీఎల్, హిండాల్కో కంపెనీల షేర్లు లాభపడ్డాయి. యాక్సీస్ బ్యాంక్, బ్యాంక్ ఆఫ్ బరోడా, విప్రో, సెసా స్టెర్ లైట్, ఎస్ బీఐ లు నష్టాల్ని నమోదు చేసుకున్నాయి.