పాకిస్తాన్‌ క్రికెటర్లకు ఘెర అవమానం జరిగింది. నిన్న (మార్చి 12) జరిగిన హండ్రెడ్‌ లీగ్‌ డ్రాఫ్ట్‌లో ఆ దేశానికి చెందిన ఒక్క క్రికెటర్‌ కూడా అమ్ముడుపోలేదు. మీడియా కథనం ప్రకారం హండ్రెడ్‌ లీగ్‌-2025 డ్రాఫ్ట్‌లో (వేలం) పాకిస్తాన్‌కు చెందిన 45 మంది పురుషులు, 5 మంది మహిళా క్రికెటర్లు పాల్గొన్నారు. వీరిలో ఒక్కరిపై కూడా ఫ్రాంచైజీలు ఆసక్తి చూపలేదు. గత సీజన్‌లో అత్యధిక ధర పలికిన పాక్‌ ఆటగాడు నసీం షాను ఈ సీజన్‌లో ఫ్రాంచైజీలు కన్నెత్తి కూడా చూడలేదు. గత సీజన్‌లో మంచి ధర దక్కించుకున్న ఇమాద్‌ వసీం, సైమ్‌ అయూబ్‌, షాదాబ్‌ ఖాన్‌, హసన్‌ అలీ, మహ్మద్‌ హస్నైన్‌ను ఫ్రాంచైజీలు తిరస్కరించాయి. పాక్‌ ఆటగాళ్లకు ఈ గతి పట్టడానికి వారి ఫామ్‌లేమితో పాటు మరో కారణం కూడా ఉంది. ఈ ఏడాది హండ్రెడ్‌ లీగ్‌లో ఐపీఎల్‌ ఫ్రాంచైజీలు పెట్టుబడులు పెట్టాయి. ఎనిమిదింట నాలుగు ఫ్రాంచైజీలను ఐపీఎల్‌ ఫ్రాంచైజీల యజమానులు కొనుగోలు చేశారు. భారతీయ పెట్టుబడులు ఉండటం చేతనే హండ్రెడ్‌ ఫ్రాంచైజీలు పాక్‌ ఆటగాళ్లను ఎంపిక చేయలేదని టాక్‌ నడుస్తుంది. హండ్రెడ్‌ లీగ్‌లో పాక్‌ ఆటగాడు ఉసామా మిర్‌ అత్యధికంగా 13 మ్యాచ్‌లు ఆడాడు. హరీస్‌ రౌఫ్‌ 12, ఇమాద్‌ వసీం 10, మహ్మద్‌ అమిర్‌ 6, షాహీన్‌ అఫ్రిది 6, మహ్మద్‌ హస్నైన్‌ 5, జమాన్‌ ఖాన్‌ 5, షాదాబ్‌ ఖాన్‌ 3, వాహబ్‌ రియాజ్‌ 2 మ్యాచ్‌లు ఆడారు.బ్రేస్‌వెల్‌, నూర్‌ అహ్మద్‌కు జాక్‌పాట్‌హండ్రెడ్‌ లీగ్‌-2025 డ్రాఫ్ట్‌లో (వేలం) న్యూజిలాండ్‌ ఆల్‌రౌండర్‌ మైఖేల్‌ బ్రేస్‌వెల్‌, ఆఫ్ఘనిస్తాన్‌ యువ స్పిన్నర్‌ నూర్‌ అహ్మద్‌ జాక్‌పాట్‌ కొట్టారు. ఈ ఇద్దరు ఊహించని ధర 2 లక్షల పౌండ్లకు (రూ. 2.26 కోట్లు) అమ్ముడుపోయారు. బ్రేస్‌వెల్‌ను గత సీజన్‌ రన్నరప్‌ సధరన్‌ బ్రేవ్‌ దక్కించుకోగా.. నూర్‌ అహ్మద్‌ను మాంచెస్టర్‌ ఒరిజినల్స్‌ సొంతం చేసుకుంది.డ్రాఫ్ట్‌లో బ్రేస్‌వెల్‌, నూర్‌ అహ్మద్‌తో పాటు మరో ఇద్దరు ఇంగ్లండ్‌ ఆటగాళ్లు కూడా 2 లక్షల పౌండ్లకు (రూ. 2.26 కోట్లు) అమ్ముడుపోయారు. ఆల్‌రౌండర్ జేమీ ఓవర్టన్‌ను లండన్‌ స్పిరిట్‌.. మరో ఆల్‌రౌండర్‌ డేవిడ్‌ విల్లేను ట్రెంట్‌ రాకెట్స్‌ సొ​ంతం చేసుకున్నాయి.నిన్నటి డ్రాఫ్ట్‌లో మరో మేజర్‌ సైనింగ్‌ ఆసీస్‌ వెటరన్‌ ఓపెనర్‌ డేవిడ్‌ వార్నర్‌. గతేడాది డ్రాఫ్ట్‌లో అమ్ముడుపోని వార్నర్‌ను ఈసారి లండన్‌ స్పిరిట్‌ 1.2 లక్షల పౌండ్లకు (రూ. 1.35 కోట్లు) సొంతం చేసుకుంది. న్యూజిలాండ్‌ స్టార్‌ ఆల్‌రౌండర్‌, ఛాంపియన్స్‌ ట్రోఫీ హీరో రచిన్‌ రవీంద్రను మాంచెస్టర్‌ ఒరిజినల్స్‌ ఇదే ధరకు (1.2 లక్షల పౌండ్లు) దక్కించుకుంది.ఈసారి డ్రాఫ్ట్‌కు అందుబాటులో ఉండిన ఇంగ్లండ్‌ మాజీ పేసర్‌ జేమ్స్‌ ఆండర్సన్‌కు చుక్కెదురైంది. ఆండర్సన్‌ను డ్రాఫ్ట్‌లో ఏ ఫ్రాంచైజీ కొనుగోలు చేయలేదు.మహిళల డ్రాఫ్ట్‌ విషయానికొస్తే.. సోఫి డివైన్‌, జార్జియా వాల్‌, పెయిజ్‌ స్కోల్‌ఫీల్డ్‌ మంచి ధరలు దక్కించుకున్నారు. పురుషులు, మహిళల డ్రాఫ్ట్‌లో మొత్తం 66 మంది ప్లేయర్లు అమ్ముడుపోయారు. ఈ డ్రాఫ్ట్‌ తర్వాత కూడా ఫ్రాంచైజీలకు వైల్డ్‌కార్డ్‌ డ్రాఫ్ట్‌ ద్వారా ప్లేయర్లను ఎంపిక చేసుకునే వెసులుబాటు ఉంటుంది. ద హండ్రెడ్‌ లీగ్‌-2025 (పురుషులు, మహిళలు) ఆగస్ట్‌ 5 నుంచి ప్రారంభం కానుంది. లార్డ్స్‌లో జరిగే తొలి మ్యాచ్‌లో లండన్‌ స్పిరిట్‌, ఓవల్‌ ఇన్విన్సిబుల్స్‌ తలపడతాయి.

నిన్న (మార్చి 12) జరిగిన హండ్రెడ్‌ లీగ్‌-2025 డ్రాఫ్ట్‌లో (వేలం) న్యూజిలాండ్‌ ఆల్‌రౌండర్‌ మైఖేల్‌ బ్రేస్‌వెల్‌, ఆఫ్ఘనిస్తాన్‌ యువ స్పిన్నర్‌ నూర్‌ అహ్మద్‌ జాక్‌పాట్‌ కొట్టారు. ఈ ఇద్దరు ఊహించని ధర 2 లక్షల పౌండ్లకు (రూ. 2.26 కోట్లు) అమ్ముడుపోయారు. బ్రేస్‌వెల్‌ను గత సీజన్‌ రన్నరప్‌ సధరన్‌ బ్రేవ్‌ దక్కించుకోగా.. నూర్‌ అహ్మద్‌ను మాంచెస్టర్‌ ఒరిజినల్స్‌ సొంతం చేసుకుంది. బ్రేస్‌వెల్‌ త్వరలో స్వదేశంలో పాకిస్తాన్‌తో జరుగబోయే టీ20 సిరీస్‌కు న్యూజిలాండ్‌ కెప్టెన్‌గా ఎంపికయ్యాడు. ఈసారి డ్రాఫ్ట్‌లో బ్రేస్‌వెల్‌, నూర్‌ అహ్మద్‌తో పాటు మరో ఇద్దరు ఇంగ్లండ్‌ ఆటగాళ్లు కూడా 2 లక్షల పౌండ్లకు (రూ. 2.26 కోట్లు) అమ్ముడుపోయారు. ఆల్‌రౌండర్ జేమీ ఓవర్టన్‌ను లండన్‌ స్పిరిట్‌.. మరో ఆల్‌రౌండర్‌ డేవిడ్‌ విల్లేను ట్రెంట్‌ రాకెట్స్‌ సొంతం చేసుకున్నాయి. నిన్నటి డ్రాఫ్ట్‌లో మరో మేజర్‌ సైనింగ్‌ ఆసీస్‌ వెటరన్‌ ఓపెనర్‌ డేవిడ్‌ వార్నర్‌ది. గతేడాది డ్రాఫ్ట్‌లో అమ్ముడుపోని వార్నర్‌ను ఈసారి లండన్‌ స్పిరిట్‌ 1.2 లక్షల పౌండ్లకు (రూ. 1.35 కోట్లు) సొంతం చేసుకుంది. న్యూజిలాండ్‌ స్టార్‌ ఆల్‌రౌండర్‌, ఛాంపియన్స్‌ ట్రోఫీ హీరో రచిన్‌ రవీంద్రను మాంచెస్టర్‌ ఒరిజినల్స్‌ ఇదే ధరకు (1.2 లక్షల పౌండ్లు) దక్కించుకుంది. ఈసారి డ్రాఫ్ట్‌కు అందుబాటులో ఉండిన ఇంగ్లండ్‌ మాజీ పేసర్‌ జేమ్స్‌ ఆండర్సన్‌కు చుక్కెదురైంది. ఆండర్సన్‌ను డ్రాఫ్ట్‌లో ఏ ఫ్రాంచైజీ కొనుగోలు చేయలేదు. మహిళల డ్రాఫ్ట్‌ విషయానికొస్తే.. సోఫి డివైన్‌, జార్జియా వాల్‌, పెయిజ్‌ స్కోల్‌ఫీల్డ్‌ మంచి ధరలు దక్కించుకున్నారు. పురుషులు, మహిళల డ్రాఫ్ట్‌లో మొత్తం 66 మంది ప్లేయర్లు అమ్ముడుపోయారు. ఈ డ్రాఫ్ట్‌ తర్వాత కూడా ఫ్రాంచైజీలకు వైల్డ్‌కార్డ్‌ డ్రాఫ్ట్‌ ద్వారా ప్లేయర్లను ఎంపిక చేసుకునే వెసులుబాటు ఉంటుంది. ద హండ్రెడ్‌ లీగ్‌-2025 (పురుషులు, మహిళలు) ఆగస్ట్‌ 5 నుంచి ప్రారంభం కానుంది. లార్డ్స్‌లో జరిగే తొలి మ్యాచ్‌లో లండన్‌ స్పిరిట్‌, ఓవల్‌ ఇన్విన్సిబుల్స్‌ తలపడతాయి.హండ్రెల్‌ లీగ్‌లో పాల్గొనే అన్ని ఫ్రాంచైజీల జట్లు..బర్మింగ్హమ్ ఫీనిక్స్పురుషుల విభాగం: లియామ్ లివింగ్‌స్టోన్, బెన్ డకెట్, ట్రెంట్ బౌల్ట్*, జాకబ్ బెథెల్, బెన్నీ హోవెల్, ఆడమ్ మిల్నే*, డాన్ మౌస్లీ, టిమ్ సౌథీ*, విల్ స్మీడ్, క్రిస్ వుడ్, అనేరిన్ డోనాల్డ్, జో క్లార్క్, హ్యారీ మూర్, టామ్ హెల్మ్.మహిళలు: ఎల్లీస్ పెర్రీ*, అమీ జోన్స్, ఎమిలీ ఆర్లాట్, మేగాన్ షుట్*, హన్నా బేకర్, చారిస్ పావెలీ, స్టెర్ కాలిస్, ఐల్సా లిస్టర్, జార్జియా వాల్*, ఎమ్మా లాంబ్, జార్జీ బోయ్స్, మేరీ కెల్లీ, బెథాన్ ఎల్లిస్.లండన్ స్పిరిట్పురుషుల విభాగం: జామీ స్మిత్, లియామ్ డాసన్, డేనియల్ వొరాల్, కేన్ విలియమ్సన్*, రిచర్డ్ గ్లీసన్, ఓల్లీ స్టోన్, ఓల్లీ పోప్, కీటన్ జెన్నింగ్స్, జేమీ ఓవర్టన్, డేవిడ్ వార్నర్*, ల్యూక్ వుడ్, ఆష్టన్ టర్నర్*, జాఫర్ చోహన్, వేన్ మాడ్సెన్.మహిళలు: గ్రేస్ హారిస్*, డేనియల్ గిబ్సన్, సారా గ్లెన్, చార్లీ డీన్, దీప్తి శర్మ*, జార్జియా రెడ్‌మైన్*, ఎవా గ్రే, కార్డెలియా గ్రిఫిత్, తారా నోరిస్, సోఫీ మున్రో, హీథర్ నైట్, ఇస్సీ వాంగ్, రెబెక్కా టైసన్.మాంచెస్టర్ ఒరిజినల్స్పురుషులు: జోస్ బట్లర్, ఫిల్ సాల్ట్, హెన్రిచ్ క్లాసెన్*, మాథ్యూ హర్స్ట్, స్కాట్ క్యూరీ, జోష్ టంగ్, టామ్ హార్ట్లీ, సోనీ బేకర్, టామ్ ఆస్పిన్‌వాల్, నూర్ అహ్మద్*, రాచిన్ రవీంద్ర*, లూయిస్ గ్రెగొరీ, బెన్ మెక్‌కిన్నీ, జార్జ్ గార్టన్.మహిళలు: అమేలియా కెర్*, సోఫీ ఎక్లెస్టోన్, బెత్ మూనీ*, లారెన్ ఫైలర్, మహికా గౌర్, ఈవ్ జోన్స్, కాథరిన్ బ్రైస్, ఫై మోరిస్, డేనియల్ గ్రెగొరీ, డియాండ్రా డాటిన్*, సెరెన్ స్మాల్, ఎల్లా మెక్‌కాఘన్, ఆలిస్ మోనాఘన్.నార్తర్న్ సూపర్‌చార్జర్స్పురుషుల విభాగం: హ్యారీ బ్రూక్, ఆదిల్ రషీద్, డేవిడ్ మిల్లర్*, మిచెల్ సాంట్నర్*, బ్రైడాన్ కార్స్, మాథ్యూ పాట్స్, బెన్ డ్వార్షుయిస్*, గ్రాహం క్లార్క్, పాట్ బ్రౌన్, టామ్ లావెస్, జాక్ క్రాలే, డాన్ లారెన్స్, మైఖేల్ పెప్పర్, డేవిడ్ మలన్.మహిళలు: ఫోబ్ లిచ్‌ఫీల్డ్*, అన్నాబెల్ సదర్లాండ్*, జార్జియా వేర్‌హామ్*, కేట్ క్రాస్, బెస్ హీత్, లిన్సే స్మిత్, హోలీ ఆర్మిటేజ్, ఆలిస్ డేవిడ్సన్-రిచర్డ్స్, గ్రేస్ బలింగర్, డేవినా పెర్రిన్, గ్రేస్ పాట్స్, లూసీ హిఘం, ఎల్లా క్లారిడ్జ్.ఓవల్ ఇన్విన్సిబుల్స్పురుషుల విభాగం: సామ్ కర్రాన్, విల్ జాక్స్, టామ్ కర్రాన్, జోర్డాన్ కాక్స్, రషీద్ ఖాన్*, సాకిబ్ మహమూద్, సామ్ బిల్లింగ్స్, గస్ అట్కిన్సన్, నాథన్ సౌటర్, డోనోవన్ ఫెర్రీరా*, తవాండా ముయేయ్, జాసన్ బెహ్రెన్‌డార్ఫ్*, మైల్స్ హామండ్.మహిళలు: మారిజాన్ కాప్*, ఆలిస్ కాప్సే, లారెన్ విన్‌ఫీల్డ్-హిల్, అమాండా-జేడ్ వెల్లింగ్టన్*, మెగ్ లాన్నింగ్*, టాష్ ఫారెంట్, రైనా మెక్‌డోనాల్డ్-గే, సోఫియా స్మాల్, జో గార్డ్నర్, రాచెల్ స్లేటర్, పైజ్ స్కోల్‌ఫీల్డ్, ఫోబ్ ఫ్రాంక్లిన్, కలియా మూర్.సదరన్ బ్రేవ్పురుషులు: జేమ్స్ విన్స్, జోఫ్రా ఆర్చర్, టైమల్ మిల్స్, క్రిస్ జోర్డాన్, ఫాఫ్ డు ప్లెసిస్*, ల్యూస్ డు ప్లూయ్, క్రెయిగ్ ఓవర్టన్, లారీ ఎవాన్స్, ఫిన్ అల్లెన్*, డానీ బ్రిగ్స్, జేమ్స్ కోల్స్, మైఖేల్ బ్రేస్‌వెల్*, రీస్ టోప్లీ, జోర్డాన్ థాంప్సన్.మహిళలు: లారా వోల్వార్డ్*, డానీ వ్యాట్-హాడ్జ్, మైయా బౌచియర్, లారెన్ బెల్, ఫ్రెయా కెంప్, జార్జియా ఆడమ్స్, టిల్లీ కోర్టీన్-కోల్‌మన్, రియానా సౌత్‌బై, సోఫీ డెవిన్*, క్లోయ్ ట్రయాన్*, మాడీ విలియర్స్, జోసీ గ్రోవ్స్, ఫోబ్ గ్రాహం.ట్రెంట్ రాకెట్స్పురుషుల విభాగం: జో రూట్, మార్కస్ స్టోయినిస్*, టామ్ బాంటన్, జాన్ టర్నర్, సామ్ కుక్, సామ్ హైన్, టామ్ అల్సోప్, కాల్విన్ హారిసన్, డేవిడ్ విల్లీ, లాకీ ఫెర్గూసన్*, మాక్స్ హోల్డెన్, జార్జ్ లిండే*, ఆడమ్ హోస్, రెహాన్ అహ్మద్.మహిళలు: ఆష్ గార్డ్నర్*, నాట్ స్కైవర్-బ్రంట్, అలానా కింగ్*, హీథర్ గ్రాహం*, బ్రయోనీ స్మిత్, గ్రేస్ స్క్రీవెన్స్, కిర్స్టీ గోర్డాన్, అలెక్సా స్టోన్‌హౌస్, నటాషా వ్రైత్, కాసిడీ మెక్‌కార్తీ, జోడి గ్రూకాక్, ఎమ్మా జోన్స్, ఎల్లీ థ్రెల్‌కెల్డ్.వెల్ష్ ఫైర్పురుషుల విభాగం: క్రిస్ వోక్స్, స్టీవ్ స్మిత్*, జానీ బెయిర్‌స్టో, టామ్ కోహ్లర్-కాడ్మోర్, టామ్ అబెల్, ల్యూక్ వెల్స్, స్టీఫెన్ ఎస్కినాజీ, డేవిడ్ పేన్, పాల్ వాల్టర్, రిలే మెరెడిత్*, క్రిస్ గ్రీన్*, సైఫ్ జైబ్, జోష్ హల్, మాసన్ క్రేన్.మహిళలు: హేలీ మాథ్యూస్*, టామీ బ్యూమాంట్, జెస్ జోనాసెన్*, షబ్నిమ్ ఇస్మాయిల్*, సారా బ్రైస్, జార్జియా ఎల్విస్, ఫ్రెయా డేవిస్, జార్జియా డేవిస్, ఎమిలీ విండ్సర్, బెత్ లాంగ్‌స్టన్, సోఫియా డంక్లీ, కేటీ జార్జ్, కేటీ లెవిక్.

ముంబై ఇండియన్స్‌ (Mumbai Indians) యాజమాన్యం రిలయన్స్‌ ఇండస్ట్రీస్‌ లిమిటెడ్‌ (RIL) మరో క్రికెట్‌ ఫ్రాంచైజీని కొనుగోలు చేసింది. ఇప్పటికే ప్రపంచవ్యాప్తంగా ఐదు క్రికెట్‌ ఫ్రాంచైజీలు కలిగిన RIL.. తాజాగా ద హండ్రెడ్‌ లీగ్‌లోని ఓవల్‌ ఇన్విన్సిబుల్స్‌ (లండన్‌ బేస్డ్‌) ఫ్రాంచైజీలో 49 శాతం వాటాను సొంతం చేసుకుంది. మిగిలిన 51 శాతం వాటాను ఇన్విన్సిబుల్స్‌ మాతృ సంస్థ అయిన సర్రే కౌంటీ క్రికెట్ క్లబ్ (SCC) నిలబెట్టుకుంది.RIL, దాని అనుబంధ సంస్థ అయిన RISE వరల్డ్‌వైడ్ ద్వారా సర్రే కౌంటీ క్రికెట్ క్లబ్‌తో భాగస్వామ్యం కుదుర్చుకుంది. ఇన్విన్సిబుల్స్‌లో తమ వాటా కోసం RIL దాదాపు 644 కోట్ల రూపాయలు (60 మిలియన్ GBP) చెల్లించినట్లు తెలుస్తుంది. ఇంగ్లండ్ మరియు వేల్స్ క్రికెట్ బోర్డు (ECB) విక్రయించిన మొట్టమొదటి ఫ్రాంచైజీ ఓవల్ ఇన్విన్సిబుల్స్. ప్రస్తుతం ఈ ఫ్రాంచైజీ విలువ 1320 కోట్ల రూపాయలుగా (123 మిలియన్ GBP) ఉంది. ఓవల్ ఇన్విన్సిబుల్స్‌ను ముంబై ఇండియన్స్‌ యజమాని నీతా అంబానీ తమ కుటుంబంలోకి స్వాగతించారు.ఈ భాగస్వామ్యంతో ముంబై ఇండియన్స్‌ అభిమానుల స్థావరాన్ని భారత్‌తో పాటు న్యూయార్క్, UAE, దక్షిణాఫ్రికా, ఇప్పుడు ఇంగ్లండ్‌కు విస్తరిస్తున్నామని ఆమె అన్నారు. మా ప్రపంచ క్రికెట్ ప్రయాణంలో కొత్త అధ్యాయానికి నాంది పలుకుతున్నామని నీతా అంబాని అధికారిక ప్రకటనలో పేర్కొన్నారు.హండ్రెడ్‌ లీగ్‌లో ఫ్రాంచైజీని కొన్న మూడో ఐపీఎల్‌ జట్టు..కాగా, ద హండ్రెడ్‌ లీగ్‌లో ఇటీవలే ఐపీఎల్‌ ఫ్రాంచైజీలైన లక్నో సూపర్‌ జెయింట్స్‌, సన్‌రైజర్స్‌ హైదరాబాద్‌ కూడా పెట్టుబడులు పెట్టాయి. నార్తర్న్ సూపర్‌చార్జర్స్‌ ఫ్రాంచైజీను సన్‌రైజర్స్‌ యాజమాన్యం సన్ గ్రూప్ హస్తగతం చేసుకుంది. ఈ ఫ్రాంచైజీలో మొత్తం వంద శాతాన్ని సన్‌ గ్రూప్‌ కొనుగోలు చేసింది.అంతకుముందు లక్నో సూపర్‌ జెయింట్స్‌ యాజమాన్యం RPSG గ్రూప్‌.. మాంచెస్టర్‌ ఒరిజినల్స్‌ (ఇంగ్లండ్‌) ఫ్రాంచైజీని కళ్లు చెదిరే ధర వెచ్చించి సొంతం చేసుకుంది. ఒరిజినల్స్‌ మొత్తం విలువలో 49 శాతాన్ని RPSG గ్రూప్‌ దక్కించుకుంది. భారత కరెన్సీలో ఈ వాటా విలువ రూ. 1251 కోట్లు.హండ్రెడ్‌ లీగ్‌లో ఇన్విన్సిబుల్స్‌ హవాఓవల్‌ ఇన్విన్సిబుల్స్‌ మహిళల జట్టు 2021, 2022 ఎడిషన్లలో ద హండ్రెడ్ విజేతగా నిలిచింది. పురుషుల జట్టు 2023, 2024 ఎడిషన్లలో ఛాంపియన్‌గా నిలిచింది.ఐపీఎల్‌ చరిత్రలో అత్యం‍త విజయవంతమైన జట్టుముంబై ఇండియన్స్‌.. ఇండియన్ ప్రీమియర్ లీగ్‌ చరిత్రలో అత్యంత విజయవంతమైన జట్లలో ఒకటిగా ఉంది. ఈ ఫ్రాంచైజీ 2013, 2015, 2017, 2019, 2020 ఎడిషన్లలో ఛాంపియన్‌గా నిలిచింది. ముంబై ఇండియన్స్‌ రెండు సందర్భాలలో ఛాంపియన్స్ లీగ్‌ను కూడా గెలుచుకుంది. ఇటీవల, MI కేప్ టౌన్ SA20 2025 టైటిల్‌ను కూడా గెలుచుకుంది.ప్రపంచవ్యాప్తంగా ఉన్న ఎంఐ ఫ్రాంచైజీలు ఇవే..!ముంబై ఇండియన్స్‌ (ఐపీఎల్‌), ముంబై ఇండియన్స్‌ (డబ్ల్యూపీఎల్‌), ఎంఐ న్యూయార్క్‌ (మేజర్‌ లీగ్‌ క్రికెట్‌), ఎంఐ కేప్‌టౌన్‌ (సౌతాఫ్రికా టీ20 లీగ్‌), ఎంఐ ఎమిరేట్స్‌ (ఇంటర్నేషనల్‌ లీగ్‌ టీ20), తాజాగా ఓవల్‌ ఇన్విన్సిబుల్స్‌ (ద హండ్రెడ్‌ లీగ్‌)

ఇండియన్ ప్రీమియర్ లీగ్ (ఐపీఎల్) ప్రారంభం నుంచి భారత్ క్రికెట్ కంట్రోల్ బోర్డుకు లాభాల పంట పండిస్తోంది. అందుకే ఐపీఎల్ ఫ్రాంచైజీల కోసం బడా వ్యాపారవేత్తలు అప్పట్లో ఎగబడ్డారు. ఇప్పుడు ఐపీఎల్ ఫ్రాంచైజీలు తమ వ్యాపారాన్ని విదేశాలకు కూడా విస్తరిస్తున్నారు. వివిధ దేశాల్లో నిర్వహిస్తున్న ఐపీఎల్ తరహా టోర్నమెంట్‌లలో పెట్టుబడులు పెట్టేందుకు క్యూ లు కడుతున్నారు. తాజాగా ఐపీఎల్‌లో హైదరాబాద్ వేదికగా పోటీ పడుతున్న సన్‌రైజర్స్ హైదరాబాద్ జట్టు ఇంగ్లాండ్ అండ్ వేల్స్ క్రికెట్ బోర్డు నిర్వహిస్తున్న 'ది హండ్రెడ్' టోర్నమెట్‌లోకి రంగ ప్రవేశం చేసింది.మూడో ఐపీఎల్ ఫ్రాంచైజీబుధవారం నార్తర్న్ సూపర్‌చార్జర్స్‌ను కొనుగోలు కోసం నిర్వహించిన వేలంలో కళానిధి మారన్ యాజమాన్యంలోని సన్ గ్రూప్ పాల్గొని మొత్తం వంద శాతం వాటాను కొనుగోలు చేసింది. ఇంగ్లాండ్ క్రికెట్ బోర్డు యొక్క 49 శాతం వాటాను, ఈ క్లబ్ నిర్వాహకులైన యార్క్‌షైర్ యొక్క 51 శాతం వాటాను కొనుగోలు చేయడానికి అంగీకారాన్ని పొందింది. దీంతో 'ది హండ్రెడ్' టోర్నమెంట్ లో 100% వాటాను పొందిన తొలి ఫ్రాంచైజ్ గా నిలిచింది. ఈ టోర్నమెంట్ లో వాటాలు చేజిక్కించుకున్న ఇండియన్ ప్రీమియర్ లీగ్ ఫ్రాంచైజీ లలో సన్‌రైజర్స్ హైదరాబాద్ మూడో ఫ్రాంచైజీ కావడం విశేషం. సూపర్‌చార్జర్స్ కొనుగోలు కోసం సన్ గ్రూప్ ఏకంగా 100 మిలియన్ పౌండ్లు వెచ్చించినట్టు తెలుస్తోంది. నాలుగో స్థానంలో సూపర్‌చార్జర్స్యార్క్‌షైర్‌కు వేదికగా పోటీ పడుతున్న సూపర్‌చార్జర్స్ గత సీజన్‌లో పురుషులు మరియు మహిళల టోర్నమెంట్లలో నాలుగో స్థానంలో నిలిచింది. సూపర్‌చార్జర్స్ పురుషుల జట్టుకు ఇంగ్లాండ్ మాజీ ఆల్ రౌండర్ ఆండ్రూ ఫ్లింటాఫ్ కోచ్‌గా వ్యవహరిస్తున్నాడు. ప్రస్తుత ఇంగ్లాండ్ జట్లు లో సభ్యుడైన హ్యారీ బ్రూక్ ఈ జట్టుకు కెప్టెన్‌గా ఉన్నాడు.లక్నో సూపర్ జెయింట్స్ నిర్వాహకులైన ఆర్ పి ఎస్ జి గ్రూప్, ముంబై ఇండియన్స్ నిర్వాహకులైన రిలయన్స్ ఇండస్ట్రీస్ లిమిటెడ్ 'ది హండ్రెడ్' టోర్నమెంట్ లో పోటీ పడుతున్న జట్ల స్టాక్‌లను కొనుగోలు చేసిన కొన్ని రోజుల తర్వాత సన్ గ్రూప్ కూడా ఈ టోర్నమెంట్ లో పెట్టుబడి పెట్టింది.ప్రారంభంలో లండన్ స్పిరిట్‌ కొనుగోలు హక్కులను దక్కించుకోవడంలో విఫలమైన ఆర్ పి ఎస్ జి గ్రూప్ తర్వాత మాంచెస్టర్ ఒరిజినల్స్‌లో వాటాను కొనుగోలు చేసింది. రాబోయే రోజుల్లో ది హండ్రెడ్‌లో మరో ఐపీఎల్ క్లబ్ కూడా పెట్టుబడి పెట్టే అవకాశం ఉందని మార్కెట్ వర్గాల కథనం.మొదటి స్థానంలో చెన్నై సూపర్ కింగ్స్ టాటా గ్రూప్ 2024-2028 సంవత్సరానికి ఐపీఎల్ టైటిల్ స్పాన్సర్‌షిప్‌ను దాదాపు 2,500 కోట్ల డాలర్లకు కొనుగోలు చేసింది. ఇది మునుపటి ఒప్పందం కంటే దాదాపు 50 శాతం అధికం. ఇక ఐపీఎల్ ఫ్రాంచైజీల విషయానికొస్తే, 231.0 మిలియన్ డాలర్లతో చెన్నై సూపర్ కింగ్స్ అత్యంత విలువైన ఫ్రాంచైజీ గా కొనసాగుతోంది. గత సంవత్సరం ఈ క్లబ్ తొమ్మిది శాతం వృద్ధి రేటు ని సాధించింది. రాయల్ ఛాలెంజర్స్ బెంగళూరు 227.0 మిలియన్ డాలర్లతో రెండవ స్థానంలో ఉంది. గత సంవత్సరం ఐపీఎల్ విజేత అయిన కోల్‌కతా నైట్ రైడర్స్ వ్యాపార వృద్ధి లో 19.3 శాతం పెరుగుదలతో మొదటి స్థానాన్ని ఆక్రమించింది. ముంబై ఇండియన్స్ 204.0 మిలియన్ డాలర్లతో బ్రాండ్ విలువతో నాలుగో స్థానంలో ఉంది. తరువాత సన్‌రైజర్స్ హైదరాబాద్ (132 మిలియన్ డాలర్లు), రాజస్థాన్ రాయల్స్ (113 మిలియన్ డాలర్లు) ఉన్నాయి.లాభాల పంటవాణిజ్య ప్రకటనల ద్వారా ఐపీఎల్ ఫ్రాంచైజీలు విపరీతంగా లాభాలు ఆర్జిస్తున్నాయి. దాదాపు ప్రతి జట్టుకు 5 మిలియన్ డాలర్ల నుండి 12 మిలియన్ డాలర్ల వరకు స్పాన్సర్‌షిప్ ఆదాయం లభించడమే కాక టెలివిజన్ హక్కుల ద్వారా కూడా గణనీయమైన ఆదాయం సంపాదిస్తున్నట్లు తెలుస్తోంది. రాయల్ ఛాలెంజర్స్ బెంగళూరుతో మూడేళ్ల ఒప్పందం కోసం ఖతార్ ఎయిర్‌వేస్ దాదాపు 175 కోట్ల రూపాయలతో ఒప్పందం ఖరారు చేసుకుందంటే ఐపీఎల్ ఫ్రాంచైజీల ఆదాయం ఏ స్థాయిలో ఉందో అర్థంచేసుకోవచ్చు.

ఐపీఎల్‌ (IPL) టీమ్‌ లక్నో సూపర్‌ జెయింట్స్‌ (Lucknow Super Giants) మరో క్రికెట్‌ లీగ్‌లోకి అడుగుపెట్టింది. ఎల్‌ఎస్‌జీ యాజమాన్యం హండ్రెడ్‌ లీగ్‌లోని (The Hundred League) మాంచెస్టర్‌ ఒరిజినల్స్‌ (ఇంగ్లండ్‌) ఫ్రాంచైజీని కళ్లు చెదిరే ధర వెచ్చించి సొంతం చేసుకుంది. ఫ్రాంచైజీ మొత్తం విలువలో 49 శాతాన్ని ఎల్‌ఎస్‌జీ యాజమాన్యమైన RPSG గ్రూప్‌ దక్కించుకుంది. భారత కరెన్సీలో ఈ వాటా విలువ రూ. 1251 కోట్లు. మాంచెస్టర్‌ ఒరిజినల్స్‌లో (Manchester Originals) వాటా దక్కించుకున్న విషయాన్ని RPSG గ్రూప్‌ అధినేత సంజీవ్‌ గొయెంకా వెల్లడించారు. తొలుత ఎల్‌ఎస్‌జీ యాజమాన్యం హండ్రెడ్‌ లీగ్‌లోని మరో ఫ్రాంచైజీ (లండన్‌ స్పిరిట్‌) కోసం బిడ్‌ దాఖలు చేసింది. అయితే ఆ ప్రయత్నాలు ఫలించలేదు. అంతిమంగా RPSG గ్రూప్‌ మాంచెస్టర్‌ ఒరిజినల్స్‌లో వాటా దక్కించుకుంది. RPSG గ్రూప్‌తో జత కట్టడంపై మాంచెస్టర్ యాజమాన్యం లంకాషైర్ సంతోషం వ్యక్తం చేసింది. ఈ డీల్‌లో టర్మ్స్‌ అండ్‌ కండీషన్స్‌పై తదుపరి 8 వారాల్లో చర్చిస్తామని పేర్కొంది.కాగా, ఇటీవలే హండ్రెడ్‌ లీగ్‌లోకి మరో ఐపీఎల్‌ ఫ్రాంచైజీ కూడా అడుగుపెట్టింది. ఐదు సార్లు ఐపీఎల్‌ ఛాంపియన్‌ అయిన ముంబై ఇండియన్స్‌ (అంబానీ గ్రూప్‌).. ఓవల్ ఇన్విన్సిబుల్స్‌ ఫ్రాంచైజీని భారీ ధరకు కొనుగోలు చేసింది. మరో రెండు ఐపీఎల్‌ ఫ్రాంచైజీలు సన్‌రైజర్స్‌ హైదరాబాద్‌, ఢిల్లీ క్యాపిటల్స్‌ కూడా హండ్రెడ్‌ లీగ్‌లో ఫ్రాంచైజీలను కొనుగోలు చేసేందుకు ఆసక్తి చూపుతున్నాయి. ఎస్‌ఆర్‌హెచ్‌కు చెందిన సన్‌ గ్రూప్‌.. నార్త్రన్‌ సూపర్ ఛార్జర్స్, ట్రెంట్ రాకెట్స్‌ను కొనుగోలు చేయాలని చూస్తుండగా.. ఢిల్లీ క్యాపిటల్స్ సహ యజమాని అయిన జీఎమ్ఆర్ గ్రూప్ సథరన్‌ బ్రేవ్‌లో వాటాను దక్కించుకునేందుకు ఆసక్తి కనబరుస్తుంది.అప్పట్లో రైజింగ్‌ పూణే సూపర్‌ జెయింట్స్‌..లక్నో సూపర్‌ జెయింట్స్‌ యాజమాన్యం 2016లో రైజింగ్‌ పూణే సూపర్‌ జెయింట్స్‌ ఫ్రాంచైజీని కొనుగోలు చేసిన విషయం తెలిసిందే. అయితే ప్రస్తుతం ఆ ఫ్రాంచైజీ తెరమరుగైంది. రైజింగ్‌ పూణే సూపర్‌ జెయింట్స్‌కు ఎంఎస్‌ ధోని సారధిగా వ్యవహరించాడు. 2021లో సంజీవ్ గొయెంకాకు చెందిన RPSG గ్రూప్.. లక్నో సూపర్ జెయింట్స్‌ను రూ. 7090 కోట్లకు కొనుగోలు చేసింది. 2023లో RPSG గ్రూప్.. సౌతాఫ్రికా టీ20 లీగ్‌లో (SA20) డర్బన్ సూపర్‌ జెయింట్స్‌ ఫ్రాంఛైజీని కూడా కొనుగోలు చేసింది.

మహిళల హండ్రెడ్‌ లీగ్‌ 2024 ఎడిషన్‌లో లండన్‌ స్పిరిట్‌ ఆల్‌రౌండర్‌ దీప్తి శర్మ అదిరిపోయే ప్రదర్శనలతో ఇరగదీసింది. నిన్న జరిగిన ఫైనల్‌ మ్యాచ్‌లో మెరుపు ఇన్నింగ్స్‌ ఆడిన దీప్తి.. తన జట్టును ఛాంపియన్‌గా నిలబెట్టింది. నిన్నటి మ్యాచ్‌లో లండన్‌ గెలవాలంటే చివరి మూడు బంతులకు నాలుగు పరుగులు అవసరం కాగా.. దీప్తి సిక్సర్‌ బాది మ్యాచ్‌ను ముగించింది. ఫైనల్లో దీప్తి చేసింది 16 పరుగులే అయినా జట్టు విజయానికి అవెంతో దోహదపడ్డాయి.హండ్రెడ్‌ లీగ్‌ ప్రారంభ మ్యాచ్‌ నుంచి దీప్తి ఇలాంటి ప్రదర్శనలతో ఆకట్టుకుంది. ఈ సీజన్‌లో బ్యాట్‌తో ఆరు ఇన్నింగ్స్‌లు ఆడిన ఆమె.. 212 సగటున, 132.50 స్ట్రయిక్‌రేట్‌తో 212 పరుగులు చేసింది. ఇందులో దీప్తి వ్యక్తిగత అత్యధిక స్కోర్‌ 46 నాటౌట్‌ కాగా.. 18 బౌండరీలు, ఆరు సిక్సర్లు ఉన్నాయి. బౌలింగ్‌ విషయానికొస్తే.. ఈ సీజన్‌లో మొత్తం ఎనిమిది మ్యాచ్‌లు ఆడిన దీప్తి.. 6.85 ఎకానమీతో ఎనిమిది వికెట్లు తీసింది. వెల్ష్‌ ఫైర్‌తో నిన్న జరిగిన ఫైనల్లో దీప్తి ఎల్విస్‌ వికెట్‌ పడగొట్టింది.

హండ్రెడ్‌ లీగ్‌ నుంచి ట్రెంట్‌ రాకెట్స్‌ ఆల్‌రౌండర్‌ రషీద్‌ ఖాన్‌ ఔటయ్యాడు. గాయం కారణంగా టోర్నీ నుంచి వైదొలిగాడు. రషీద్‌ స్థానాన్ని ఆసీస్‌ ఆఫ్‌ స్పిన్నర్‌ క్రిస్‌ గ్రీన్‌ భర్తీ చేయనున్నాడు.ప్రస్తుతం హండ్రెడ్‌ లీగ్‌లో ట్రెంట్‌ రాకెట్స్‌ ఐదో స్థానంలో కొనసాగుతుంది. గ్రూప్‌ దశలో ఈ జట్టు మరో రెండు మ్యాచ్‌లు ఆడాల్సి ఉంది. ఈ రెండు మ్యాచ్‌ల్లో గెలిచినా రాకెట్స్‌ ప్లే ఆఫ్స్‌ చేరడం కష్టమే.ప్రస్తుతానికి ఓవల్‌ ఇన్విన్సిబుల్స్‌ ప్లే ఆఫ్స్‌కు క్వాలిఫై కాగా.. వెల్ష్‌ ఫైర్‌, లండన్‌ స్పిరిట్‌ టోర్నీ నుంచి ఎలిమినేట్‌ అయ్యాయి. నార్త్రన్‌ సూపర్‌ ఛార్జర్స్‌, సథరన్‌ బ్రేవ్‌, బర్మింగ్హమ్‌ ఫీనిక్స్‌, ట్రెంట్‌ రాకెట్స్‌, మాంచెస్టర్‌ ఒరిజినల్స్‌ అధికారికంగా ప్లే ఆఫ్స్‌ రేసులో ఉన్నాయి.కాగా, ఇటీవల సథరన్‌ బ్రేవ్‌తో జరిగిన మ్యాచ్‌లో రషీద్‌ ఖాన్‌ ఐదు బంతుల్లో ఐదు సిక్సర్లు సమర్పించుకుని ట్రెంట్‌ రాకెట్స్‌ ఓటమికి పరోక్ష కారకుడైన విషయం తెలిసిందే. ఈ మ్యాచ్‌లో పోలార్డ్‌ రషీద్‌ ఖాన్‌ బౌలింగ్‌ను ఊచకోత కోశాడు.

హండ్రెడ్‌ లీగ్‌ 2024 ఎడిషన్‌లో వెల్ష్‌ ఫైర్‌ బోణీ కొట్టింది. మాంచెస్టర్‌ ఒరిజినల్స్‌తో నిన్న (జులై 25) జరిగిన మ్యాచ్‌లో 8 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఒరిజినల్స్‌.. నిర్ణీత 100 బంతుల్లో 8 వికెట్ల నష్టానికి 86 పరుగులు చేసింది. సికందర్‌ రజా (13), జేమీ ఓవర్టన్‌ (23), స్కాట్‌ కర్రీ (26 నాటౌట్‌) రెండంకెల స్కోర్లు చేశారు. డేవిడ్‌ విల్లే (20-12-14-3), జాషువ లిటిల్‌ (20-10-21-2) ఒరిజినల్స్‌ పతనాన్ని శాశించారు. డేవిడ్‌ పేన్‌, జేక్‌ బాల్‌, మేసన్‌ క్రేన్‌ తలో వికెట్‌ పడగొట్టారు.స్వల్ప లక్ష్యాన్ని ఛేదించేందుకు బరిలోకి దిగిన వెల్ష్‌ ఫైర్‌.. 57 బంతుల్లో 2 వికెట్లు మాత్రమే కోల్పోయి విజయతీరాలకు చేరింది. టమ్‌ కొహ్లెర్‌ కాడ్‌మోర్‌ 18, జానీ బెయిర్‌స్టో 18, జో క్లార్క్‌ 33, టామ్‌ ఏబెల్‌ 11 పరుగులు చేశారు. ఒరిజినల్స్‌ బౌలర్లలో స్కాట్‌ కర్రీ, పాల్‌ వాల్టర్‌ తలో వికెట్‌ పడగొట్టారు.మరోవైపు మహిళల హండ్రెడ్‌ లీగ్‌లోనూ వెల్ష్‌ ఫైర్‌ బోణీ కొట్టింది. మాంచెస్టర్‌ ఒరిజినల్స్‌తో నిన్ననే జరిగిన మ్యాచ్‌లో 7 వికెట్ల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఒరిజినల్స్‌.. వొల్వార్డ్ట్‌ (37), ఎక్లెస్టోన్‌ (27) ఓ మోస్తరు స్కోర్లు చేయడంతో నిర్ణీత 100 బంతుల్లో 7 వికెట్ల నష్టానికి 113 పరుగులు చేయగా.. సోఫీ డంక్లీ (69 నాటౌట్‌) సత్తా చాటడంతో వెల్ష్‌ ఫైర్‌ మరో నాలుగు బంతులు మిగిలుండగానే విజయతీరాలకు చేరింది.

పురుషుల ద హండ్రెడ్‌ లీగ్‌లో నిన్న (జులై 24) సథరన్‌ బ్రేవ్‌, లండన్‌ స్పిరిట్‌ ఫ్రాంచైజీలు పోటీపడ్డాయి. ఈ మ్యాచ్‌లో సథరన్‌ బ్రేవ్‌ 7 వికెట్ల తేడాతో ఘన విజయం సాధించింది. తొలుత బ్యాటింగ్‌ చేసిన లండన్‌ స్పిరిట్‌.. క్రెయిగ్‌ ఓవర్టన్‌ (20-8-16-3), టైమాల్‌ మిల్స్‌ (20-7-37-2), క్రిస్‌ జోర్డన్‌ (15-5-26-2), జేమ్స్‌ కోల్స్‌ (5-3-2-1) దెబ్బకు నిర్ణీత 100 బంతుల్లో 9 వికెట్ల నష్టానికి 138 పరుగులు చేసింది. లండన్‌ స్పిరిట్‌ ఇన్నింగ్స్‌లో డేనియల్‌ లారెన్స్‌ (30 బంతుల్లో 38; 3 ఫోర్లు), లియామ్‌ డాసన్‌ (19 బంతుల్లో 45 నాటౌట్‌; 4 ఫోర్లు, 3 సిక్సర్లు) ఓ మోస్తరు స్కోర్లు చేయగా.. మిగతావారంతా విఫలమయ్యారు. స్టార్‌ ఆటగాళ్లు హెట్‌మైర్‌ (5), ఆండ్రీ రసెల్‌ (13) దారుణంగా నిరాశపరిచారు.అనంతరం 139 పరుగుల లక్ష్యాన్ని ఛేదించేందుకు బరిలోకి దిగిన సథరన్‌ బ్రేవ్‌.. జేమ్స్‌ విన్స్‌ (35 బంతుల్లో 56; 6 ఫోర్లు, 2 సిక్సర్లు), డేనియల్‌ హ్యూస్‌ (30 బంతుల్లో 45; 6 ఫోర్లు, 2 సిక్సర్లు), ల్యూస్‌ డు ప్లూయ్‌ (19 బంతుల్లో 23 నాటౌట్‌; ఫోర్‌, సిక్స్‌) సత్తా చాటడంతో 89 బంతుల్లో 3 వికెట్లు మాత్రమే కోల్పోయి విజయతీరాలకు చేరింది. లండన్‌ స్పిరిట్‌ బౌలర్లలో నాథన్‌ ఇల్లిస్‌, బొపారా, డేనియల్‌ లారెన్స్‌ తలో వికెట్‌ పడగొట్టారు.ఇదే ఫ్రాంచైజీ మహిళా జట్ల మధ్య నిన్ననే జరిగిన మరో మ్యాచ్‌లో లండన్‌ స్పిరిట్‌.. సథరన్‌ బ్రేవ్‌ను చిత్తు చేసింది. ఈ మ్యాచ్‌లో తొలుత బ్యాటింగ్‌ చేసిన సథరన్‌ బ్రేవ్‌.. నిర్ణీత 100 బంతుల్లో 6 వికెట్ల నష్టానికి 151 పరుగులు చేయగా..లండన్‌ స్పిరిట్‌ మరో మూడు బంతులు మిగిలుండగానే నాలుగు వికెట్లు కోల్పోయి విజయతీరాలకు చేరింది. హీథర్‌ నైట్‌ (65 నాటౌట్‌) మెరుపు ఇన్నింగ్స్‌ ఆడి లండన్‌ స్పిరిట్‌ను గెలిపించింది. అంతకుముందు సథరన్‌ బ్రేవ్‌ ఇన్నింగ్స్‌లో డేనియల్‌ వ్యాట్‌ (59) అర్ద సెంచరీతో రాణించింది.

ఇంగ్లండ్‌ వేదికగా జరిగే 'ద హండ్రెడ్‌ లీగ్‌' నేటి నుంచి ప్రారంభం కానుంది. లీగ్‌ తొలి మ్యాచ్‌లో డిఫెండింగ్‌ ఛాంపియన్స్‌ ఓవల్‌ ఇన్విన్సిబుల్స్‌, బర్మింగ్హమ్‌ ఫీనిక్స్‌ తలపడనున్నాయి. లీగ్‌లో మొత్తం ఎనిమిది జట్లు పోటీ పడనున్నాయి. ఆగస్ట్‌ 18న జరిగే ఫైనల్‌తో ఈ టోర్నీ ముగుస్తుంది. రౌండ్‌ రాబిన్‌ లీగ్‌ పద్దతిలో జరిగే ఈ టోర్నీలో మొత్తం 34 మ్యాచ్‌లు జరుగనున్నాయి. గత ఎడిషన్‌ ఫైనల్లో ఓవల్‌ ఇన్విన్సిబుల్స్‌.. మాంచెస్టర్‌ ఒరిజినల్స్‌పై విజయం సాధించి టైటిల్‌ను కైవసం చేసుకుంది. లీగ్‌ తొలి ఎడిషన్‌లో (2021) సథరన్‌ బ్రేవ్స్‌, రెండో ఎడిషన్‌లో ట్రెంట్‌ రాకెట్స్‌ టైటిల్స్‌ను సొంతం చేసుకున్నాయి. ఈ లీగ్‌ 100 బంతుల ఫార్మాట్‌లో నడుస్తుంది. ఓవర్‌కు ఐదు బంతులు ఉంటాయి. ప్రతి బౌలర్‌ రెండు ఓవర్లు వేయవచ్చు.జట్ల వివరాలు..లండన్‌ స్పిరిట్‌: జాక్‌ క్రాలే, షిమ్రోన్‌ హెట్‌మైర్‌, డేనియల్‌ లారెన్స్‌, డేనియల్‌ బెల్‌ డ్రమ్మండ్‌, రవి బొపారా, జేమ్స నీషమ్‌,మాథ్యూ క్రిచ్లీ, ఆండ్రీ రసెల్‌, లియామ్‌ డాసన్‌, మైకేల్‌ కైల్‌ పెప్పర్‌, ఆడమ్‌ రొస్సింగ్టన్‌, ఓలీ పోప్‌, డేనియల్‌ వార్రల్‌, నాథన్‌ ఇల్లిస్‌, రిచర్డ్‌ గ్లీసన్‌, ఓలీ స్టోన్‌, ఎండీ టేలర్‌, ర్యాన్‌ హిగ్గిన్స్‌నార్త్రన్‌సూపర్‌ ఛార్జర్స్‌: ఆడమ్‌ హోస్‌, హ్యారీ బ్రూక్‌, గ్రహమ్‌ క్లార్క్‌, మిచెల్‌ సాంట్నార్‌, బెన్‌ స్టోక్స్‌ టామ్‌ లవెస్‌, మాథ్యూ షార్ట్‌, జేసన్‌ రాయ్‌, జోర్డన్‌ క్లార్క్‌, నికోలస్‌ పూరన్‌, పాట్రిక్‌ బ్రౌన్‌, ఓలీ రాబిన్సన్‌, కల్లమ్‌ పార్కిన్సన్‌, బ్రైడన్‌ కార్స్‌, ఆదిల్‌ రషీద్‌, మాథ్యూ పాట్స్‌, డిల్లన్‌ పెన్నింగ్టన్‌, రీస్‌ టాప్లే, బెన్‌ డ్వార్షుయిస్‌బర్మింగ్హమ్‌ ఫీనిక్స్‌: బెన్‌ డకెట్‌, మొయిన్‌ అలీ, రిషి పటేల్‌, లియామ్‌ లివింగ్‌స్టోన్‌, సీన్‌ అబాట్‌, క్రిస్‌ వోక్స్‌, బెన్నీ హోవెల్‌, డాన్‌ మౌస్లీ, జేకబ్‌ బేతెల్‌, లూయిస్‌ కింబర్‌, జేమీ స్మిత్‌, అనెరిన్‌ డొనాల్డ్‌, టమ్‌ హెల్మ్‌, ఆడమ్‌ మిల్నే, జేమ్స్‌ ఫుల్లర్‌, టిమ్‌ సౌథీవెల్ష్‌ ఫైర్‌: గ్లెన్‌ ఫిలిప్స్‌, టామ్‌ ఏబెల్‌, బెన్‌ గ్రీన్‌, జో క్లార్క్‌, జానీ బెయిర్‌స్టో, లూక్‌ వెల్స్‌, డేవిడ్‌ విల్లే, టామ్‌ కొహ్లెర్‌ కాడ్‌మోర్‌, స్టెఫెన్‌ ఎస్కినాజీ, క్రిస్‌ వోక్స్‌, హరీస్‌ రౌఫ్‌, డేవిడ్‌ పేన్‌, మేసన్‌ క్రేన్‌, వాన్‌ డర్‌ మెర్వ్‌, మ్యాట్‌ హెన్రీ, జేక్‌ బాల్‌సథరన్‌ బ్రేవ్‌: డేనియల్‌ హ్యూస్‌, జేమ్స్‌ విన్స్‌, లారీ ఈవాన్స్‌, కీరన్‌ పోలార్డ్‌, రెహాన్‌ అహ్మద్‌, క్రెయిగ్‌ ఓవర్టన్‌, ఫిన్‌ అలెన్‌, డు ప్లూయ్‌, జో వెథర్లీ, అలెక్స్‌ డేవిస్‌, జేమ్స్‌ కోల్స్‌, జోఫ్రా ఆర్చర్‌, క్రిస్‌ జోర్డన్‌, టైమాల్‌ మిల్స్‌, అకీల్‌ హొసేన్‌, డానీ బ్రిగ్స్‌, జార్జ్‌ గార్టన్‌ఓవల్‌ ఇన్విన్సిబుల్స్‌: రవాండ ముయేయే, టామ్‌ లామ్మన్బీ, విల్‌ జాక్స్‌, సామ్‌ కర్రన్‌, టామ్‌ కర్రన్‌, హ్యరీసన్‌ వార్డ్‌, డేవిడ్‌ మలాన్‌, జోర్డన్‌ కాక్స్‌,సామ్‌ బిల్లంగ్స్‌, డొనొవన్‌ ఫెరియెరా, సకీబ్‌ మహమూద్‌, మర్చంట్‌ డి లాంజ్‌, ఆడమ్‌ జంపా, మొహమ్మద్‌ ఆమిర్‌, నాథన్‌ సౌటర్‌, మార్క్‌ వాట్‌ట్రెంట్‌ రాకెట్స్‌: రోవ్‌మన్‌ పావెల్‌, జో రూట్‌, సామ్‌ హెయిన్‌, రషీద్‌ ఖాన్‌, లూయిస్‌ గ్రెగరీ, ఆడమ్‌ లిథ్‌, అలెక్స్‌ హేల్స్‌, ఇమాద్‌ వసీం, జోర్డన్‌ థాంప్సన్‌, టామ్‌ అల్సోప్‌, టామ్‌ బాంటన్‌,ఓలీ రాబిన్సన్‌, జాన్‌ టర్నర్‌, రిలే మెరిడిత్‌, లూక్‌ వుడ్‌, సామ్‌ కుక్‌, కల్విన్‌ హ్యారీసన్‌మాంచెస్టర్‌ ఒరిజినల్స్‌: థామన్‌ అస్పిన్‌వాల్‌, మ్యాక్స్‌ హోల్డన్‌, సికందర్‌ రజా, స్కాట్‌ కర్రీ, పాల్‌ వాల్టర్‌, జేమీ ఓవర్టన్‌, వేన్‌ మ్యాడ్‌సన్‌, మాథ్యూ హర్స్ట్‌, జోస్‌ బట్లర్‌, ఫిలిప్‌ సాల్ట్‌, సోనీ బేకర్‌, ఉసామా మిర్‌, మిచెల్‌ స్టాన్లీ, టామ్‌ హార్ట్లీ, జోష్‌ హల్‌, ఫజల్‌ హక్‌ ఫారూకీ

పాకిస్తాన్‌ మాజీ కెప్టెన్‌ బాబర్‌ ఆజం, స్టార్‌ వికెట్‌ కీపర్‌ బ్యాటర్‌ మహ్మద్‌ రిజ్వాన్‌లకు మరోసారి ఘోర అవమానం ఎదురైంది. ఇంగ్లండ్‌ ఫ్రాంచైజీ క్రికెట్‌ టోర్నీ ది హండ్రెడ్ లీగ్‌లో వరుసగా మూడోసారి ఈ పాక్‌ స్టార్‌ క్రికెటర్లు అమ్ముడుపోలేదు. ది హండ్రెడ్‌ లీగ్‌ 2024 సీజన్‌ డ్రాఫ్ట్‌లో బాబర్‌ ఆజం, మహ్మద్‌ రిజ్వాన్‌లను సొంతం చేసుకోవడానికి ఏ ప్రాంఛైజీ ఆసక్తి చూపలేదు. వీరితో పాటు ఆసీస్‌ స్టార్‌ ఓపెనర్‌ డేవిడ్‌ వార్నర్‌, ఇంగ్లండ్‌ ఆటగాడు జాసన్‌ రాయ్‌, ఆసీస్‌ యువ సంచలనం టిమ్‌ డేవిడ్‌లు సైతం అమ్ముడు పోలేదు. అయితే ఈ డ్రాఫ్ట్‌లో బాబర్‌, రిజ్వాన్‌ను ఎవరూ పట్టించుకో పోయినప్పటికి.. తమ సహాచర ఆటగాళ్లు షాహీన్ అఫ్రిది, నసీం షా, ఇమాద్‌ వసీం మాత్రం అమ్ముడుపోయారు. షాహీన్ ఆఫ్రిదీని  లక్ష పౌండ్ల(పాకిస్తాన్ కరెన్సీలో 3 కోట్ల 48 లక్షల రూపాయలు)కు వెల్ష్ ఫైర్ ప్రాంచైజీ సొంతం చేసుకుంది. గత సీజన్‌లో కూడా షాహీన్.. వెల్ష్ ఫైర్ ప్రాంచైజీకే ప్రాతినిథ్యం వహించాడు. ఇమాద్ వసీంను ట్రెంట్ రాకెట్స్‌, నసీం షాను బర్మింగ్‌హామ్ ఫీనిక్స్ దక్కించుకుంది. కాగా ఈ ‍ డ్రాప్ట్‌లో వెస్టిండీస్‌ ఆటగాళ్లకు బారీ డిమాండ్‌ నెలకొంది. నికోలస్‌ పూరన్‌, ఆండ్రీ రస్సెల్, హెట్‌మైర్‌ వంటి విండీస్‌ ఆటగాళ్లు తొలి రౌండ్‌లోనే అమ్ముడుపోయారు. పూరన్‌ను నార్తర్న్ సూపర్ఛార్జర్స్‌ సెలక్ట్‌ చేసుకోగా.. ఆండ్రీ రస్సెల్, షిమ్రాన్ హెట్మెయర్ లండన్ స్పిరిట్‌కు ఆడనున్నారు. వీరితో పాటు విండీస్‌ మాజీ కెప్టెన్‌  కీరన్ పొలార్డ్ సదరన్ బ్రేవ్‌ జట్టుకు, రోవ్‌మాన్ పావెల్ ట్రెంట్ రాకెట్స్‌ ఫ్రాంచైజీకి ప్రాతినిథ్యం వహించనున్నారు. మరోవైపు మహిళల ది హండ్రెడ్‌ లీగ్‌ డ్రాప్ట్‌లో భారత కెప్టెన్‌ హర్మన్‌ ప్రీత్‌ కౌర్‌ను ఏ ఫ్రాంచైజీ కొనుగోలు చేయలేదు. అయితే భారత స్టార్‌ క్రికెటర్లు స్మృతి మంధాన, రిచ్‌ ఘోష్‌లను మాత్రం ఈ డ్రాప్ట్‌లో ఎంపికయ్యారు. మంధానను సదరన్ బ్రేవ్ సొంతం చేసుకోగా.. రిచా ఘోష్‌ను బర్మింగ్‌హామ్ ఫీనిక్స్ ఎంపిక చేసింది.

ఇంగ్లండ్‌ వేదికగా జరిగే ద హండ్రెడ్‌ లీగ్‌లోనూ ఆస్ట్రేలియా క్రికెటర్ల హవానే నడుస్తుంది. ప్రపంచంలో ఏ క్రికెట్‌ లీగ్‌ జరిగినా అందులో మెజార్టీ శాతం విదేశీ ప్లేయర్లు ఆస్ట్రేలియన్లే ఉంటారు. ఐపీఎల్‌ సైతం ఇందుకు మినహాయింపేమీ కాదు. ఇంకా చెప్పాలంటే ఐపీఎల్‌లో భారత స్టార్‌ క్రికెటర్ల కంటే ఆస్ట్రేలియన్లకే ఎక్కువ ప్రాధాన్యత లభిస్తుంది. ఇటీవల జరిగిన 2024 సీజన్‌ వేలమే ఇందుకు నిదర్శనం. ఈ వేలంలో కమిన్స్‌, స్టార్క్‌లను ఆయా ఫ్రాంచైజీలు భారత స్టార్‌ క్రికెటర్లకంటే ఎక్కువ ధర చెల్లించి సొంతం చేసుకున్నారు.  లీగ్‌ క్రికెట్‌లో ఆస్ట్రేలియన్ల హవా ఈ రేంజ్‌లో కొనసాగుతుంది.  తాజాగా ద హండ్రెడ్‌ లీగ్‌లోనూ ఫ్రాంచైజీలు ఆస్ట్రేలియన్ల కోసం ఎగబడ్డారు. 2024 సీజన్‌కు సంబంధించి విదేశీ ఆటగాళ్ల రిటెన్షన్‌ లిస్ట్‌ను ఇవాళ (ఫిబ్రవరి 29) ప్రకటించగా.. రిటైన్‌ చేసుకున్న 16 మంది విదేశీ ప్లేయర్స్‌లో (పురుషులు, మహిళలు) తొమ్మిది మంది ఆస్ట్రేలియన్లే ఉండటం విశేషం.  పురుషుల విభాగంలో ఓవల్‌ ఇన్విన్సిబుల్‌ ఆడమ్‌ జంపా, స్పెన్సర్‌ జాన్సన్‌లను, లండన్‌ స్పిరిట్‌ నాథన్‌ ఇల్లిస్‌ను, నార్త్రన్‌ సూపర్‌ ఛార్జర్స్‌ మాథ్యూ షార్ట్‌ను రీటైన్‌ చేసుకోగా.. మహిళల విభాగంలో బర్మింగ్హమ్‌ ఫీనిక్స్‌ ఎల్లిస్‌ పెర్రీని, లండన్‌ స్పిరిట్‌ గ్రేస్‌ హ్యారిస్‌, జార్జియా రెడ్‌మేన్‌లను, నార్త్రన్‌ సూపర్‌ ఛార్జర్స్‌ ఫోబ్‌ లిచ్‌ఫీల్డ్‌, జార్జియా వేర్హమ్‌లను రీటైన్‌ చేసుకున్నాయి.  ఓవరాల్‌గా 2024 సీజన్‌ కోసం అన్ని ఫ్రాంచైజీలు కలిపి 137 మంది ప్లేయర్స్‌ను తిరిగి దక్కించుకున్నాయి. ఇంకా 75 స్థానాలు ఖాళీగా ఉన్నాయి. హండ్రెడ్‌ లీగ్‌ ఈ ఏడాది జులై 23 నుంచి ప్రారంభమవుతుంది. ఆగస్ట్‌ 18న జరిగే ఫైనల్‌తో ముగుస్తుంది. రెగ్యులర్‌ క్రికెట్‌ టోర్నీలకు భిన్నంగా ఈ టోర్నీ 100 బంతుల ప్రాతిపదికన జరుగుతుంది.  ఆయా ఫ్రాంచైజీలు రీటైన్‌ చేసుకున్న ప్లేయర్ల వివరాలు.. బర్మింగ్‌హామ్ ఫీనిక్స్ మహిళలు: సోఫీ డివైన్ (ఓవర్సీస్), ఎల్లీస్ పెర్రీ (ఓవర్సీస్), ఇస్సీ వాంగ్, ఎమిలీ అర్లాట్, హన్నా బేకర్, స్టెర్రే కాలిస్, చారిస్ పావెలీ బర్మింగ్హమ్ ఫీనిక్స్ మెన్: క్రిస్ వోక్స్, లియామ్ లివింగ్‌స్టోన్, మొయిన్ అలీ, బెన్ డకెట్, బెన్నీ హోవెల్, ఆడమ్ మిల్నే (ఓవర్సీస్), జామీ స్మిత్, విల్ స్మీడ్, టామ్ హెల్మ్, జాకబ్ బెథెల్ లండన్ స్పిరిట్ మహిళలు: హీథర్ నైట్, గ్రేస్ హారిస్ (ఓవర్సీస్), డేనియల్ గిబ్సన్, చార్లీ డీన్, సారా గ్లెన్, జార్జియా రెడ్‌మైన్ (ఓవర్సీస్), సోఫీ మున్రో, తారా నోరిస్ లండన్ స్పిరిట్ మెన్: జాక్ క్రాలే, నాథన్ ఎల్లిస్ (ఓవర్సీస్), డాన్ లారెన్స్, లియామ్ డాసన్, డాన్ వోరాల్, ఆలీ స్టోన్, ఆడమ్ రోసింగ్టన్, డేనియల్ బెల్-డ్రమ్మండ్, మాథ్యూ క్రిచ్లీ మాంచెస్టర్ ఒరిజినల్స్ మహిళలు: సోఫీ ఎక్లెస్టోన్, లారా వోల్వార్డ్ట్ (ఓవర్సీస్), ఎమ్మా లాంబ్, మహికా గౌర్, ఫి మోరిస్, కాథరిన్ బ్రైస్, ఎల్లీ థ్రెల్‌కెల్డ్, లిబర్టీ హీప్ మాంచెస్టర్ ఒరిజినల్స్ పురుషులు: జోస్ బట్లర్, జామీ ఓవర్టన్, ఫిల్ సాల్ట్, పాల్ వాల్టర్, టామ్ హార్ట్లీ, ఉసామా మీర్ (ఓవర్సీస్), వేన్ మాడ్సెన్, జోష్ టంగ్, మాక్స్ హోల్డెన్, ఫ్రెడ్ క్లాసెన్, మిచ్ స్టాన్లీ ఉత్తర సూపర్‌చార్జర్స్ మహిళలు: ఫోబ్ లిచ్‌ఫీల్డ్ (ఓవర్సీస్), జార్జియా వేర్‌హామ్ (ఓవర్సీస్), కేట్ క్రాస్, బెస్ హీత్, లిన్సే స్మిత్, ఆలిస్ డేవిడ్‌సన్-రిచర్డ్స్, హోలీ ఆర్మిటేజ్, మేరీ కెల్లీ ఉత్తర సూపర్‌చార్జర్స్ పురుషులు: బెన్ స్టోక్స్, ఆదిల్ రషీద్, హ్యారీ బ్రూక్, రీస్ టోప్లీ, మాథ్యూ షార్ట్ (ఓవర్సీస్), బ్రైడన్ కార్సే, ఆడమ్ హోస్, మాథ్యూ పాట్స్, కల్లమ్ పార్కిన్సన్, ఒల్లీ రాబిన్సన్ ఓవల్ ఇన్విన్సిబుల్స్ మహిళలు: మారిజాన్ కాప్ (ఓవర్సీస్), ఆలిస్ క్యాప్సే, లారెన్ విన్‌ఫీల్డ్-హిల్, తాష్ ఫర్రాంట్, మేడీ విలియర్స్, పైజ్ స్కోల్‌ఫీల్డ్, సోఫియా స్మేల్, ర్యానా మెక్‌డొనాల్డ్ ఓవల్ ఇన్విన్సిబుల్స్ మెన్: సామ్ కుర్రాన్, టామ్ కుర్రాన్, విల్ జాక్స్, ఆడమ్ జంపా (ఓవర్సీస్), జోర్డాన్ కాక్స్, గుస్ అట్కిన్సన్, సామ్ బిల్లింగ్స్, సాకిబ్ మహమూద్, స్పెన్సర్ జాన్సన్ (ఓవర్సీస్), నాథన్ సౌటర్, తవాండా ముయే సదరన్ బ్రేవ్ ఉమెన్: డాని వ్యాట్, క్లో ట్రయాన్ (ఓవర్సీస్), లారెన్ బెల్, మైయా బౌచియర్, ఫ్రెయా కెంప్, జార్జియా ఆడమ్స్, రియానా సౌత్‌బై, మేరీ టేలర్ సదరన్ బ్రేవ్ మెన్: జోఫ్రా ఆర్చర్, జేమ్స్ విన్స్, క్రిస్ జోర్డాన్, టైమల్ మిల్స్, ల్యూస్ డు ప్లూయ్, రెహన్ అహ్మద్, క్రెయిగ్ ఓవర్టన్, ఫిన్ అలెన్ (ఓవర్సీస్), జార్జ్ గార్టన్, అలెక్స్ డేవిస్

హండ్రెడ్‌ లీగ్‌ 2023 ఎడిషన్‌ విజయవంతంగా పూర్తయ్యింది. పురుషుల విభాగంలో ఓవల్‌ ఇన్విన్సిబుల్స్‌, మహిళల విభాగంలో సథరన్‌ బ్రేవ్‌ ఛాంపియన్స్‌గా అవతరించాయి. నిన్న (ఆగస్ట్‌ 27) జరిగిన పురుషుల ఫైనల్స్‌లో ఇన్విన్సిబుల్స్‌.. మాంచెస్టర్‌ ఒరిజినల్స్‌ను, మహిళల ఫైనల్స్‌లో సథరన్‌ బ్రేవ్‌.. నార్త్రన్‌ సూపర్‌ ఛార్జర్స్‌ను ఓడించి, టైటిల్స్‌ చేజిక్కించుకున్నాయి. హండ్రెడ్‌ లీగ్‌లో ఇరు జట్లకు ఇదే తొలి టైటిల్‌ కావడం విశేషం.  Your 2023 champions! 👏 ✨ Oval Invincibles and Southern Brave! ✨#TheHundred pic.twitter.com/O2OPFMrJTi — The Hundred (@thehundred) August 27, 2023 Unbreakable. 🔒#TheHundred pic.twitter.com/DntFw2MthW — The Hundred (@thehundred) August 27, 2023 ఆల్‌రౌండ్‌ షోతో అదరగొట్టిన టామ్‌ కర్రన్‌.. మాంచెస్టర్‌ ఒరిజినల్స్‌తో జరిగిన ఫైనల్స్‌లో ఓవల్‌ ఇన్విన్సిబుల్స్‌ 14 పరుగుల తేడాతో గెలుపొంది, హండ్రెడ్‌ లీగ్‌ పురుషుల విభాగపు విజేతగా అవతరించింది. ఈ మ్యాచ్‌లో తొలుత బ్యాటింగ్‌ చేసిన ఓవల్‌.. జిమ్మీ నీషమ్‌ (33 బంతుల్లో 57 నాటౌట్‌; 7 ఫోర్లు, సిక్స్‌), టామ్‌ కర్రన్‌ (34 బంతుల్లో 67 నాటౌట్‌; 4 ఫోర్లు, 5 సిక్సర్లు) అర్ధశతకాలతో రాణించడంతో నిర్ణీత 100 బంతుల్లో 5 వికెట్ల నష్టానికి 161 పరుగుల భారీ స్కోర్‌ చేసింది. మాంచెస్టర్‌ బౌలర్లలో రిచర్డ్‌ గ్లీసన్‌ 2, జాషువ లిటిల్‌, పాల్‌ వాల్టర్‌, టామ్‌ హార్ట్లీ తలో వికెట్‌ పడగొట్టారు.  What a special night! @TC59 🔥 pic.twitter.com/r0QU8HMsKO — Sam Curran (@CurranSM) August 28, 2023 బంతిలోనూ రాణించిన కర్రన్‌.. చేతులెత్తేసిన మాంచెస్టర్‌ 162 పరుగుల భారీ లక్ష్య ఛేదనలో మాంచెస్టర్‌ ఆటగాళ్లు ఆది నుంచే తడబడుతూ వచ్చి ఓటమిని కొనితెచ్చుకున్నారు. ఓవల్‌ బౌలర్లు విల్‌ జాక్స్‌ (2/11), టామ్‌ కర్రన్‌ (1/25), డానీ  బ్రిగ్స్‌ (1/2), నాథన్‌ సౌటర్‌ (1/24), సామ్‌ కర్రన్‌ (1/31) మాంచెస్టర్‌ ఆటగాళ్లను కట్టడి చేయడంలో సఫలమయ్యారు. ఫలితంగా మాంచెస్టర్‌ నిర్ణీత 100 బంతుల్లో 6 వికెట్లు కోల్పోయి 147 పరుగులకే పరిమితమైంది. మాంచెస్టర్‌ ఇన్నింగ్స్‌లో మ్యాక్స్‌ మాడ్‌సన్‌ (37), జేమీ ఓవర్టన్‌ (28 నాటౌట్‌), ఫిలిప్‌ సాల్ట్‌ (25) ఓ మోస్తరు స్కోర్లు చేశారు.  A fairytale finish ✨#TheHundred pic.twitter.com/1XhfiWsevw — The Hundred (@thehundred) August 27, 2023 ఛాంపియన్‌గా సథరన్‌ బ్రేవ్‌.. హండ్రెడ్‌ లీగ్‌ మహిళల విభాగపు ఛాంపియన్‌గా సథరన్‌ బ్రేవ్‌ అవతరించింది. ఫైనల్లో బ్రేవ్‌.. నార్త్ర్‌న్‌ సూపర్‌ ఛార్జర్స్‌ను 34 పరుగుల తేడాతో చిత్తు చేసి, రెండు ప్రయత్నాల తర్వాత తొలి హండ్రెడ్‌ టైటిల్‌ను తమ ఖాతాలో వేసుకుంది. ఫైనల్‌ మ్యాచ్‌లో తొలుత బ్యాటింగ్‌ చేసిన బ్రేవ్‌.. డేనియల్‌ వ్యాట్‌ (59), ఫ్రేయా కెంప్‌ (31), ఆడమ్స్‌ (27) రాణించడంతో నిర్ణీత బంతుల్లో 6 వికెట్ల నష్టానికి 139 పరుగులు చేసింది. సూపర్‌ ఛార్జర్స్‌ బౌలర్లలో కేట్‌ క్రాస్‌ 3 వికెట్లు పడగొట్టగా.. గ్రేస్‌ బల్లింజర్‌, లూసీ హిగమ్‌ తలో వికెట్‌ దక్కించుకున్నారు. The moment Southern Brave women won #TheHundred! 🏆 pic.twitter.com/Nzn3madPTY — The Hundred (@thehundred) August 27, 2023 చెలరేగిన లారెన్‌ బెల్‌, మూర్‌.. 140 పరుగుల టార్గెట్‌ను డిఫెండ్‌ చేసుకునే క్రమంలో బ్రేవ్‌ బౌలర్లు చెలరేగిపోయారు. లారెన్‌ బెల్‌ (3/21), కేలియా మూర్‌ (3/15), ట్రయాన్‌ (2/28), అన్య ష్రబ్‌సోల్‌ (1/18) అద్భుతంగా బౌలింగ్‌ చేసి, సూపర్‌ ఛార్జర్స్‌ను 105 పరుగులకు కుప్పకూల్చారు. బ్రేవ్‌ బౌలర్లు విజృంభించడంతో సూపర్‌ ఛార్జర్స్‌ ఇన్నింగ్స్‌ మరో 6 బంతులు మిగిలుండగానే ముగిసింది. సూపర్‌ ఛార్జర్స్‌ ఇన్నింగ్స్‌లో జెమీమా రోడ్రిగెస్‌ (24) టాప్‌ స్కోరర్‌గా నిలిచింది.

ది హండ్రెడ్ లీగ్‌-2023 ఫైనల్లో మాంచెస్టర్ ఒరిజినల్స్ జట్టు అడుగుపెట్టింది. శనివారం లండన్‌ వేదికగా జరిగిన ఎలిమినేటర్‌లో సదరన్ బ్రేవ్‌ను 7 వికెట్ల తేడాతో చిత్తు చేసిన బట్లర్‌ బృందం.. ఫైనల్‌ బెర్త్‌ను ఖారారు చేసుకుంది. ఈ మ్యాచ్‌లో తొలుత బ్యాటింగ్‌ చేసిన సదరన్ బ్రేవ్ నిర్ణీత 100 బంతుల్లో వికెట్‌ నష్టానికి 196 పరుగుల భారీ స్కోర్‌ సాధించింది. సదరన్ బ్రేవ్‌ బ్యాటర్లలో ఫిన్‌ అలెన్‌(69), కాన్వే(51 నాటౌట్‌), విన్స్‌(56 నాటౌట్‌) అద్బుత ఇన్నింగ్స్‌లు ఆడారు. మాంచెస్టర్‌ బౌలర్లలో వాల్టర్‌ ఒక్కడే వికెట్‌ సాధించాడు. బట్లర్‌ ఊచకోత.. ఇక 197 పరుగుల భారీ లక్ష్యంతో బరిలోకి దిగిన మాంచెస్టర్‌కు ఓపెనర్లు ఫిల్‌ సాల్ట్‌, జోస్‌ బట్లర్‌ అద్భుతమైన ఆరంభం ఇచ్చారు. వీరిద్దరూ తొలి వికెట్‌కు 83 పరుగుల భాగస్వామ్యం నెలకోల్పారు. తొలి వికెట్‌గా సాల్ట్‌(47) ఔటైనప్పటికీ బట్లర్‌ మాత్రం తన జోరును తగ్గించలేదు. ప్రత్యర్థి బౌలర్లను ఊచకోత కోశాడు. కేవలం 46 బంతుల్లో 6 ఫోర్లు, 4 సిక్స్‌లతో 82 పరుగులు చేసి.. మాంచెస్టర్ ఫైనల్‌ చేరడంలో కీలక పాత్ర పోషించాడు. బట్లర్‌ విధ్వంసకర ఇన్నింగ్స్‌ ఫలితంగా  మాంచెస్టర్  టార్గెట్‌ను మరో నాలుగు బంతులు మిగిలూండగానే ఛేదించింది. ఆఖరిలో హోల్డన్‌(31), ఈవెన్స్‌(22) కూడా మెరుపులు మెరిపించారు. ఇక ఆదివారం ఓవల్ ఇన్విన్సిబుల్స్‌తో జరగనున్న ఫైనల్లో మాంచెస్టర్ ఒరిజినల్స్ తలపడనుంది. చదవండి: నా కూతురు ఫీజు కూడా కట్టలేకపోయా.. కన్నీళ్లు పెట్టుకున్న స్టార్‌ క్రికెటర్‌ 50 for England's white ball captain, Jos Buttler 🙌 pic.twitter.com/vG9l9x18Hs — Sky Sports Cricket (@SkyCricket) August 26, 2023

హండ్రెడ్‌ లీగ్‌ 2023లో భాగంగా మాంచెస్టర్‌ ఒరిజినల్స్‌తో నిన్న (ఆగస్ట్‌ 24) జరిగిన మ్యాచ్‌లో సథరన్‌ బ్రేవ్స్‌ 6 వికెట్ల తేడాతో గెలుపొందింది. ఫలితంగా ఈ జట్టు ఫైనల్‌కు చేరే అవకాశాలను మరింత మెరుగుపర్చుకుంది. ఈ మ్యాచ్‌లో తొలుత బ్యాటింగ్‌ చేసిన ఒరిజినల్స్‌ జోస్‌ బట్లర్‌ (42 బంతుల్లో 45; 5 ఫోర్లు) రాణించడంతో నిర్ణీత 100 బంతుల్లో 8 వికెట్ల నష్టానికి 130 పరుగులు చేసింది. ఒరిజినల్స్‌ ఇన్నింగ్స్‌లో బట్లర్‌ మినహాయించి ఎవరూ పెద్దగా రాణించలేదు. మాడ్‌సన్‌ (22), సాల్ట్‌ (17), పాల్‌ వాల్టర్‌ (12), ఓవర్టన్‌ (0) రెండంకెల స్కోర్లు చేయగా.. లారీ ఈవాన్స్‌ (2), టామ్‌ హార్ట్లీ (2), హ్యారీసన్‌ (1) సింగిల్‌ డిజిట్‌ స్కోర్లకే పరిమతమయ్యారు. బ్రేవ్‌ బౌలర్లలో తైమాల్‌ మిల్స్‌ 3 వికెట్లు పడగొట్టగా.. రెహాన్‌ అహ్మద్‌ 2, క్రిస్‌ జోర్డన్‌, అకెర్‌మ్యాన్‌ తలో వికెట్‌ దక్కించుకున్నారు.  A knock which put the Southern Brave into #TheHundred Eliminator 🙌 How good was this man today? pic.twitter.com/1hxlAuxdok — The Hundred (@thehundred) August 23, 2023 రెచ్చిపోయిన కాన్వే.. 131 పరుగుల లక్ష్య ఛేదనలో ఓపెనర్‌ డెవాన్‌ కాన్వే (40 బంతుల్లో 54 నాటౌట్‌; 5 ఫోర్లు, సిక్స్‌) రెచ్చిపోవడంతో బ్రేవ్‌ మరో 5 బంతులు మిగిలుండగానే 4 వికెట్లు కోల్పోయి విజయతీరాలకు చేరింది. బ్రేవ్‌ ఇన్నింగ్స్‌లో కెప్టెన్‌ జేమ్స్‌ విన్స్‌ (25 బంతుల్లో 33; 2 ఫోర్లు, సిక్స్‌), ఆకెర్‌మ్యాన్‌ (21 బంతుల్లో 24 నాటౌట్‌; 4 ఫోర్లు), ఫిన్‌ అలెన్‌ (4 బంతుల్లో 14; 2 ఫోర్లు, సిక్స్‌) ఓ మోస్తరుగా రాణించగా.. డు ప్లూయ్‌ (2), వెథర్లీ (0) విఫలమయ్యారు. ఒరిజినల్స్‌ బౌలర్లలో జమాన్‌ ఖాన్‌ 2, జోష్‌ టంగ్‌, ఆస్టన్‌ టర్నర్‌ తలో వికెట్‌ పడగొట్టారు. కాగా, హండ్రెడ్‌ లీగ్‌ ప్రస్తుత ఎడిషన్‌లో ఓవల్‌ ఇన్విన్సిబుల్స్‌ ఇదివరకే ఫైనల్‌కు చేరుకుంది. మరో బెర్త్‌ కోసం మాంచెస్టర్‌ ఒరిజినల్స్‌, సథరన్‌ బ్రేవ్‌ జట్ల మధ్య పోటీ జరుగుతుంది. మిగతా జట్లన్నీ ఎలిమినేట్‌ అయ్యాయి.

ది హండ్రడ్‌ లీగ్‌లో ఇంగ్లండ్‌ స్టార్‌ క్రికెటర్‌ హ్యారీ బ్రూక్ నార్తెర్న్ సూపర్‌ చార్జర్స్ జట్టుకు ప్రాతినిథ్యం వహిస్తున్న సంగతి తెలిసిందే. ఈ లీగ్‌లో భాగంగా మంగళవారం వెల్ష్ ఫైర్ జట్టుతో జరిగిన మ్యాచ్‌లో బ్రూక్ సంచలన క్యాచ్‌తో మెరిశాడు. బౌండరీ లైన్‌ దగ్గర బ్రూక్‌ విన్యాసాలకు అందరూ ఫిదా అయిపోయారు. ఏం జరిగిందంటే..? వెల్ష్‌ ఫైర్‌ ఇన్నింగ్స్‌లో బ్రిడన్ కేర్స్ వేసిన 84వ బంతిని జానీ బెయిర్ స్టో మిడాఫ్‌ దిశగా భారీ షాట్‌ ఆడాడు. ఈ క్రమంలో  బౌండరీ లైన్ వద్ద ఉన్న హ్యారీ బ్రూక్ జంప్‌ చేస్తూ ఒంటి కాలితో బంతిని అందుకున్నాడు. కానీ బ్యాలన్స్‌ కోల్పోయిన అతడు వెంటనే చాకచక్యంగా బంతిని గాల్లోకి లేపి మళ్లీ బౌండర్‌ రోప్‌ లోపలకి వచ్చి బంతిని అందుకున్నాడు. అయితే మళ్లీ బ్యాలెన్స్‌ కోల్పోవడంతో బంతిని మైదానంలో విసిరేశాడు. ఈ క్రమంలో అప్పటికే బౌండరీ లైన్‌ వద్దకు చేరుకున్న మరో ఫీల్డర్‌ హోస్‌ క్యాచ్‌ను అందుకున్నాడు. ఇది చూసిన  జానీ బెయిర్ స్టో(44) బిత్తరపోయాడు. ప్రస్తతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది. కాగా ఇదే మ్యాచ్‌లో బ్రూక్‌ అద్భుతమైన సెంచరీతో చెలరేగాడు. బ్రూక్‌ కేవలం 41 బంతుల్లోనే తన సెంచరీ మార్క్‌ను అందుకున్నాడు. తద్వారా హండ్రెడ్‌ లీగ్‌లో ఫాస్టెస్ట్‌ సెంచరీ చేసిన ఆటగాడిగా రికార్డులెక్కాడు.  బ్రూక్‌ తన ఇన్నింగ్స్‌లో మొత్తంగా 42 బంతులు ఎదుర్కొని 11 ఫోర్లు, 7 సిక్సర్ల సాయంతో 105 పరుగులు చేశాడు. చదవండి: APL 2023: అదరగొట్టిన ప్రణీత్‌.. 8 వికెట్ల తేడాతో కోస్టల్‌ రైడర్స్‌ విజయం  What a catch by Harry Brook! pic.twitter.com/QQUYZEnBOD — Mufaddal Vohra (@mufaddal_vohra) August 23, 2023

ఇంగ్లండ్‌ యువ కెరటం హ్యారీ బ్రూక్‌ చరిత్ర సృష్టించాడు. ఇండియన్‌ ప్రీమియర్‌ లీగ్‌ (IPL), పాకిస్తాన్‌ సూపర్‌ లీగ్‌ (PSL), ద హండ్రెడ్‌ లీగ్‌ (THL)ల్లో సెంచరీలు చేసిన తొలి ఆటగాడిగా రికార్డుల్లోకెక్కాడు. బ్రూక్‌కు ముందు ఈ మూడు లీగ్‌ల్లో సెంచరీలు చేసిన ఆటగాడే లేడు. హండ్రెడ్‌ లీగ్‌లో నార్త్రన్‌ సూపర్‌ ఛార్జర్స్‌కు ప్రాతినిథ్యం వహించిన బ్రూక్‌ నిన్న (ఆగస్ట్‌ 22) వెల్ష్‌ ఫైర్‌తో జరిగిన మ్యాచ్‌లో సెంచరీతో (42 బంతులు 105; 11 ఫోర్లు, 7 సిక్సర్లు) కదంతొక్కాడు. ఈ సెంచరీ హండ్రెడ్‌ లీగ్‌ చరిత్రలోనే ఫాస్టెస్ట్‌ సెంచరీ (41) కావడం విశేషం.   దీనికి ముందు బ్రూక్‌ 2023 ఐపీఎల్‌ సీజన్‌లో సన్‌రైజర్స్‌ హైదరాబాద్‌కు ప్రాతినిథ్యం వహిస్తూ కోల్‌కతా నైట్‌రైడర్స్‌పై శతకం (55 బంతుల్లో 100; 12 ఫోర్లు, 3 సిక్సర్లు) బాదాడు. ఈ సెంచరీతో బ్రూక్‌ సన్‌రైజర్స్‌  యంగెస్ట్‌ సెంచూరియన్‌గానూ రికార్డుల్లోకెక్కాడు. 2023 ఐపీఎల్‌కు ముందు సన్‌రైజర్స్‌ బ్రూక్‌ను 13.25 కోట్ల రికార్డు ధరకు కొనుగోలు చేసింది. పై పేర్కొన్న మూడు లీగ్‌ల్లో (ఐపీఎల్‌, పీఎస్‌ఎల్‌, హండ్రెడ్‌) బ్రూక్‌ తన తొలి సెంచరీని పీఎస్‌ఎల్‌లో సాధించాడు. 2022 పీఎస్‌ఎల్‌లో బ్రూక్‌, లాహోర్‌ ఖలందర్స్‌కు ప్రాతినిథ్యం వహిస్తూ.. ఇస్లామాబాద్‌ యునైటెడ్‌పై శతక్కొట్టాడు (49 బంతుల్లో 102 నాటౌట్‌; 10 ఫోర్లు, 5 సిక్సర్లు).  ఓవరాల్‌గా బ్రూక్‌ కెరీర్‌ చూసుకుంటే, 2022 జనవరిలో విండీస్‌తో జరిగిన టీ20తో అంతర్జాతీయ క్రికెట్‌లోకి ఎంట్రీ ఇచ్చాడు. ఇప్పటివరకు 12 టెస్ట్‌ల్లో 4 సెంచరీలు, 7 అర్ధసెంచరీలతో 1181 పరుగులు.. 3 వన్డేల్లో ఫిఫ్టి సాయంతో 86 పరుగులు, 20 టీ20ల్లో హాఫ్‌ సెంచరీ సాయంతో 372 పరుగులు చేశాడు. బ్రూక్‌ ఐపీఎల్‌లో సన్‌రైజర్స్‌ తరఫున 11 మ్యాచ్‌ల్లో సెంచరీ సాయంతో 190 పరుగులు చేశాడు. 

హండ్రెడ్‌ లీగ్‌లో ఫాస్టెస్ట్‌ సెంచరీ నమోదైంది. నార్త్రన్‌ సూపర్‌ ఛార్జర్స్‌ ఆటగాడు, ఇంగ్లండ్‌ స్టార్‌ ప్లేయర్‌ హ్యారీ బ్రూక్‌ ఈ ఫీట్‌ సాధించాడు. వెల్ష్‌ ఫైర్‌తో నిన్న (ఆగస్ట్‌ 22) జరిగిన మ్యాచ్‌లో బ్రూక్‌ 41 బంతుల్లోనే శతక్కొట్టాడు. హండ్రెడ్‌ లీగ్‌ హిస్టరీలోనే ఇదే ఫాస్టెస్ట్‌ సెంచరీ. బ్రూక్‌ తన ఇన్నింగ్స్‌లో మొత్తంగా 42 బంతులు ఎదుర్కొని 11 ఫోర్లు, 7 సిక్సర్ల సాయంతో 105 పరుగులు చేశాడు. కేవలం ముగ్గురు మాత్రమే..  హండ్రెడ్‌ లీగ్‌లో చరిత్రలో (పురుషుల ఎడిషన్‌లో) ఇప్పటివరకు కేవలం ముగ్గురు మాత్రమే సెంచరీ మార్కును అందుకోగా.. బ్రూక్‌దే ఫాస్టెప్ట్‌ సెంచరీగా రికార్డైంది. 2022 సీజన్‌లో విల్‌ జాక్స్‌ (47 బంతుల్లో) (48 బంతుల్లో 108 నాటౌట్‌; 10 ఫోర్లు, 8 సిక్సర్లు), విల్‌ స్మీడ్‌ (49 బంతుల్లో) (50 బంతుల్లో 101 నాటౌట్‌; 8 ఫోర్లు, 6 సిక్సర్లు) సెంచరీలు చేయగా, బ్రూకే అతి తక్కువ బంతుల్లో సెంచరీ నమోదు చేశాడు.  హండ్రెడ్‌ లీగ్‌లో అత్యధిక స్కోర్‌.. హండ్రెడ్‌ లీగ్‌లో బ్రూక్‌ ఫాస్టెస్ట్‌ సెంచరీ నమోదు చేసినప్పటికీ, ఈ లీగ్‌లో అత్యధిక స్కోర్‌ (ఏకైక సెంచరీ) రికార్డు మాత్రం మహిళా క్రికెటర్‌ పేరిట నమోదై ఉంది. ప్రస్తుత సీజన్‌లో వెల్ష్‌ ఫైర్‌ ప్లేయర్‌ ట్యామీ బేమౌంట్‌ ట్రెంట్‌ రాకెట్స్‌తో జరిగిన మ్యాచ్‌లో 61 బంతుల్లో 20 ఫోర్లు, 2 సిక్సర్ల సాయంతో 118 పరుగులు చేసింది. ఓవరాల్‌గా హండ్రెడ్‌ లీగ్‌లో ఇదే అత్యుత్తమ స్కోర్‌గా రికార్డైంది. Every. Ball. Counts. Harry Brook has done it 💥#TheHundred pic.twitter.com/iCC6FbKVkG — The Hundred (@thehundred) August 22, 2023 బ్రూక్‌ సెంచరీ వృధా.. వెల్ష్‌ ఫైర్‌పై బ్రూక్‌ ఫాస్టెస్ట్‌ సెంచరీతో విరుచుకుపడినా ప్రయోజనం లేకుండా పోయింది. అతను ప్రాతినిథ్యం వహించిన నార్త్రన్‌ సూపర్‌ ఛార్జర్స్‌.. వెల్ష్‌ ఫైర్‌ చేతిలో ఓటమిపాలై లీగ్‌ నుంచి నిష్క్రమించింది. ఈ మ్యాచ్‌లో తొలుత బ్యాటింగ్‌ చేసిన సూపర్‌ ఛార్జర్స్‌.. బ్రూక్‌ శతక్కొట్టడంతో నిర్ణీత 100 బంతుల్లో 7 వికెట్ల నష్టానికి 158 పరుగులు చేసింది. సూపర్‌ ఛార్జర్స్‌ ఇన్నింగ్స్‌లో బ్రూక్‌ (మూడంకెల స్కోర్‌), ఆడమ్‌ హోస్‌ (15) మినహా మిగతావారు కనీసం రెండంకెల స్కోర్‌ కూడా చేయలేకపోయారు. వెల్ష్‌ ఫైర్‌ బౌలర్లలో డేవిడ్‌ విల్లీ 2, మ్యాట్‌ హెన్రీ, డేవిడ్‌ పెయిన్‌, వాన్‌ డర్‌ మెర్వ్‌, వెల్స్ తలో వికెట్‌ పడగొట్టారు. What a knock! 💥 Stephen Eskinazi scored the third-fastest fifty of the men's competition. 👏#TheHundred pic.twitter.com/pJqc1hXspG — The Hundred (@thehundred) August 23, 2023 విధ్వంసం సృష్టించిన వెల్ష్‌ ఫైర్‌ ప్లేయర్లు.. 159 పరుగుల లక్ష్య ఛేదనలో వెల్ష్‌ ఫైర్‌ ప్లేయర్లు విధ్వంసం సృష్టించారు. స్టెఫెన్‌ ఎస్కినాజీ (28 బంతుల్లో 58; 5 ఫోర్లు, 3  సిక్సర్లు), జానీ బెయిర్‌స్టో (39 బంతుల్లో 44; ఫోర్‌, 3 సిక్సర్లు), జో క్లార్క్‌ (22 బంతుల్లో 42 నాటౌట్‌; 5 ఫోర్లు, 2 సిక్సర్లు) ఆకాశమే హద్దుగా చెలరేగి, తమ జట్టును 90 బంతుల్లోనే (2 వికెట్లు కోల్పోయి) విజయతీరాలకు చేర్చారు. ఫలితంగా వెల్ష్‌ ఫైర్‌ 8 వికెట్ల తేడాతో ఘన విజయం సాధించింది. బ్రూక్‌ విధ్వంసకర శతకం బూడిదలో పోసిన పన్నీరైంది. 

హండ్రెడ్‌ లీగ్‌ 2023 ఎడిషన్‌ తుది అంకానికి చేరుకుంది. ఓ ఫైనల్‌ బెర్త్‌ ఖరారైంది. నిన్న (ఆగస్ట్‌ 21) జరిగిన మ్యాచ్‌లో ట్రెంట్‌ రాకెట్స్‌పై విజయం సాధించడంతో ఓవల్‌ ఇన్విన్సిబుల్స్‌ తుది పోరుకు అర్హత సాధించిన తొలి జట్టుగా నిలిచింది. మరో 3 లీగ్‌ మ్యాచ్‌లు మిగిలి ఉన్నప్పటికీ పాయింట్ల ఆధారంగా (8 మ్యాచ్‌ల్లో 6 విజయాలతో 13 పాయింటుల​) ఇన్విన్సిబుల్స్‌ ఫైనల్స్‌కు చేరుకుంది. బర్మింగ్హమ్‌ ఫీనిక్స్‌, నార్త్రన్‌ సూపర్‌ ఛార్జర్స్‌ ఇదివరకే లీగ్‌ నుంచి ఎలిమినేట్‌ కాగా, మరో ఫైనల్‌ బెర్త్‌ కోసం మాంచెస్టర్స్‌ ఒరిజినల్స్‌, ట్రెంట్‌ రాకెట్స్‌, సథరన్‌ బ్రేవ్‌ ప్రధాన పోటీదారులుగా ఉన్నాయి.  మ్యాచ్‌ విషయానికొస్తే.. తొలుత బ్యాటింగ్‌ చేసిన ట్రెంట్‌ రాకెట్స్‌.. కొలిన్‌ మున్రో (25 బంతుల్లో 36; ఫోర్‌, 3 సిక్సర్లు), గ్రెగరీ (24 బంతుల్లో 35; 4 ఫోర్లు), డేనియల్‌ సామ్స్‌ (9 బంతుల్లో 19నాటౌట్‌; ఫోర్‌, 2 సిక్సర్లు) రాణించడంతో నిర్ణీత 100 బంతుల్లో 7 వికెట్ల నష్టానికి 148 పరుగులు చేసింది. ఓవల్‌ బౌలర్లలో టామ్‌ కర్రన్‌, ఆడమ్‌ జంపా చెరో 2 వికెట్లు పడగొట్టగా.. స్పెన్సర్‌ జాన్సన్‌, అట్కిన్సన్‌, నాథన్‌ సౌటర్‌ తలో వికెట్‌ దక్కించుకున్నారు.  శివాలెత్తిన సామ్‌ బిల్లింగ్స్‌.. 149 పరుగుల లక్ష్యాన్ని ఛేదించేందుకు బరిలోకి దిగిన ఓవల్‌ టీమ్‌.. మరో 8 బంతులు మిగిలుండగానే 5 వికెట్లు కోల్పోయి లక్ష్యాన్ని చేరుకుంది. ఓవల్‌ కెప్టెన్‌ సామ్‌ బిల్లింగ్స్‌ (40 బంతుల్లో 76 నాటౌట్‌; 5 ఫోర్లు, 5 సిక్సర్లు) ఆకాశమే హద్దుగా చెలరేగిపోయి తన జట్టును ఒంటిచేత్తో ఫైనల్‌కు చేర్చాడు. అతనికి జేసన్‌ రాయ్‌ (19), విల్‌ జాక్స్‌ (31), టామ్‌ కర్రన్‌ (18 నాటౌట్‌) సహకరించారు. రాకెట్స్‌ బౌలర్లలో డేనియల్‌ సామ్స్‌ 2, లూక్‌ వుడ్‌, సామ్‌ కుక్‌, మాథ్యూ కార్టర్‌ తలో వికెట్‌ పడగొట్టారు. 

హండ్రెడ్‌ లీగ్‌-2023లో భాగంగా లండన్‌ స్పిరిట్‌తో నిన్న (ఆగస్ట్‌ 15) జరిగిన రసవత్తర పోరులో ఓవల్‌ ఇన్విన్సిబుల్స్‌ స్వల్ప తేడాతో గటెక్కింది. ఇన్విన్సిబుల్స్‌ నిర్ధేశించిన లక్ష్యానికి లండన్‌ స్పిరిట్‌ 3 పరుగుల దూరంలో నిలిచిపోయి, ఓటమిపాలైంది. ఈ మ్యాచ్‌లో తొలుత బ్యాటింగ్‌ చేసిన ఇన్విన్సిబుల్స్‌ నిర్ణీత 100 బంతుల్లో 4 వికెట్ల నష్టానికి 189 పరుగులు చేసింది. జేసన్‌ రాయ్‌ (18 బంతుల్లో 23; 2 ఫోర్లు, సిక్స్‌), విల్‌ జాక్స్‌ (42 బంతుల్లో 68; 5 ఫోర్లు,  4 సిక్సర్లు), హెన్రిచ్‌ క్లాసెన్‌ (24 బంతుల్లో 46 నాటౌట్‌; ఫోర్‌, 4 సిక్సర్లు), సామ్‌ కర్రన్‌ (17 బంతుల్లో 35; 2 ఫోర్లు, 3 సిక్సర్లు) రాణించారు. లండన్‌ బౌలర్లలో నాథన్‌ ఎల్లిస్‌, డారిల్‌ మిచెల్‌ తలో 2 వికెట్లు పడగొట్టారు.  అనంతరం 190 పరుగుల భారీ లక్ష్యాన్ని ఛేదించేందుకు బరిలోకి దిగిన లండన్‌ టీమ్‌.. ఆఖరి బంతి వరకు పోరాడి స్వల్ప తేడాతో ఓటమిపాలైంది. సామ్‌ కర్రన్‌ వేసిన 98వ బంతిని క్రిచ్లీ సిక్సర్‌ బాది లండన్‌ గెలుపుపై ఆశలు చిగురింపజేయగా.. ఆఖరి బంతికి డాట్‌ బాల్‌ వేసి సామ్‌ కర్రన్‌ లండన్‌ విజయావకాశాలపై నీళ్లు చల్లాడు. ఈ మధ్యలో పెద్ద డ్రామా జరిగింది. లండన్‌ 2 బంతుల్లో 8 పరుగులు చేయాల్సిన దశలో వైట్లీ అద్భుతమైన ఫీల్డింగ్‌తో బౌండరీకి వెళ్లాల్సిన బంతిని అడ్డుకుని 2 పరుగులు సేవ్‌ చేయగా, ఆఖరి బంతిని కర్రన్‌ నో బాల్‌ వేసి మళ్లీ లండన్‌ శిబిరంలో ఆశలు రేకెత్తించాడు. ఈ బంతికి క్రిచ్లీ రెండు పరుగు రాబట్టడంతో పాటు నో బాల్‌ ఫలితంగా లండన్‌కు అదనంగా మరో పరుగు, ఫ్రీ హిట్‌ లభించాయి. దీంతో ఆఖరి బంతికి 3 పరుగులు చేయాల్సిన పరిస్థితి ఏర్పడింది. అయితే సామ్‌ కర్రన్‌ ఆఖరి బంతిని అద్భుతమై యార్కర్‌గా సంధించడంతో లండన్‌ గెలుపు ఆశలు ఆవిరయ్యాయి. ఫలింతగా ఇన్విన్సిబుల్స్‌ రసవత్తర పోరులో విజయం సాధించింది. లండన్‌ ఇన్నింగ్స్‌లో ఆడమ్‌ రొస్సింగ్టన్‌ (61) టాప్‌ స్కోరర్‌గా నిలువగా.. ఆఖర్లో మాథ్యూ క్రిచ్లీ (13 బంతుల్లో 32 నాటౌట్‌) ఇన్విన్సిబుల్స్‌ ఆటగాళ్లకు చమటలు పట్టించాడు. ఇన్విన్సిబుల్స్‌ బౌలర్లలో విల్‌ జాక్స్‌, ఆడమ్‌ జంపా చెరో 2 వికెట్లు పడగొట్టగా.. జాక్‌ చాపెల్‌, సామ్‌ కర్రన్‌, నాథన్‌ సౌటర్‌ తలో వికెట్‌ దక్కించుకున్నారు.

హండ్రెడ్‌ లీగ్‌లో చారిత్రక శతకం నమోదైంది. ఇంగ్లండ్‌ మహిళా క్రికెటర్‌ ట్యామీ బేమౌంట్‌ లీగ్‌ హిస్టరీలోనే (పురుషులు, మహిళలు) అత్యధిక స్కోర్‌ (118) నమోదు చేసింది. ట్రెంట్‌ రాకెట్స్‌తో  నిన్న (ఆగస్ట 14) జరిగిన మ్యాచ్‌లో వెల్ష్‌ఫైర్‌ ఓపెనర్‌ బేమౌంట్‌ 61 బంతుల్లో 20 ఫోర్లు, 2 సిక్సర్ల సాయంతో 118 పరుగులు చేసింది. హండ్రెడ్‌ లీగ్‌ పురుషులు, మహిళల విభాగాల్లో ఇదే అత్యధిక స్కోర్‌ కాగా.. ఈ లీగ్‌ మహిళల విభాగంలో ఇదే మొట్టమొదటి సెంచరీ కావడం విశేషం. బేమౌంట్‌.. ఓవల్‌ ఇన్విన్సిబుల్‌ ఆటగాడు, ఇంగ్లండ్‌ ప్లేయర్‌ విల్‌ జాక్స్‌ అత్యధిక స్కోర్‌ (108) రికార్డును బద్దలుకొట్టి లీగ్‌ రికార్డ్స్‌లో తన పేరును ప్రత్యేకంగా లిఖించుకుంది.  రాకెట్స్‌తో జరిగిన మ్యాచ్‌లో తొలుత బ్యాటింగ్‌ చేసిన వెల్ష్‌ఫైర్‌.. బేమౌంట్‌ శతక్కొట్టడంతో నిర్ణీత 100 బంతుల్లో 3 వికెట్ల నష్టానికి 181 పరుగుల భారీ స్కోర్‌ చేసింది. మహిళల హండ్రెడ్‌ లీగ్‌లో ఇదే అత్యధిక టీమ్‌ స్కోర్‌ కావడం మరో విశేషం​. వెల్ష్‌ ఫైర్‌ ఇన్నింగ్స్‌లో బేమౌంట్‌ రికార్డు సెంచరీతో కదం తొక్కగా.. డంక్లీ (24), సారా బ్రైస్‌ (31 నాటౌట్‌) ఓ మోస్తరు స్కోర్లు చేశారు. రాకెట్స్‌ బౌలర్లలో క్రీస్టీ గార్డన్‌ 2, అలానా కింగ్‌ ఓ వికెట్‌ పడగొట్టారు. అనంతరం​ 182 పరుగుల భారీ లక్ష్యాన్ని ఛేదించేందుకు బరిలోకి దిగిన రాకెట్స్‌.. ఫ్రేయా డేవిస్‌ (2/19), అలెక్స్‌ హార్ట్లీ (1/28), షబ్నిమ్‌ ఇస్మాయిల్‌ (1/23), సోఫియా డంక్లీ (1/16) రాణించడంతో 100 బంతుల్లో 5 వికెట్లు కోల్పోయి 140 పరుగులకే పరిమితమైంది. ఫలితంగా వెల్ష్‌ ఫైర్‌ 41 పరుగుల తేడాతో గెలపొంది, పాయింట్ల పట్టికలో అగ్రస్థానానికి ఎగబాకింది. రాకెట్స్‌ ఇన్నింగ్స్‌లో ఓపెనర్‌ స్మిత్‌ (48) టాప్‌ స్కోరర్‌గా నిలువగా.. లిజెల్‌ లీ (26), హర్మాన్‌ప్రీత్‌ కౌర్‌ (22 నాటౌట్‌) ఓ మోస్తరు స్కోర్లు చేశారు.

హండ్రెడ్‌ లీగ్‌-2023లో భాగంగా వెల్ష్‌ ఫైర్‌తో నిన్న (ఆగస్ట్‌ 14) జరిగిన మ్యాచ్‌లో ట్రెంట్‌ రాకెట్స్‌ 4 పరుగుల స్వల్ప తేడాతో విజయం సాధించింది. తొలుత బ్యాటింగ్‌ చేసిన రాకెట్స్‌.. కొలిన్‌ మున్రో మెరుపు ఇన్నింగ్స్‌తో విరుచుకుపడటంతో నిర్ణీత 100 బంతుల్లో 6 వికెట్ల నష్టానికి 152 పరుగులు చేసింది. మున్రో మినహా రాకెట్స్‌ ఇన్నింగ్స్‌లో అంతా విఫలమయ్యారు. రాకెట్స్‌ టీమ్‌లో డేవిడ్‌ మలాన్‌ (10), అలెక్స్‌ హేల్స్‌ (4), జో రూట్‌ (14), డేనియల్‌ సామ్స్‌ (17) లాంటి విధ్వంసకర ఆటగాళ్లు ఉన్నా ఆ జట్టు నామమాత్రపు స్కోర్‌కే పరిమితమైంది. వెల్ష్‌ ఫైర్‌ బౌలర్లలో డేవిడ్‌ విల్లే, జేక్‌ బాల్‌, వాన్‌ డర్‌ మెర్వ్‌  తలో 2 వికెట్లు పడగొట్టారు. రాణించిన జో క్లార్క్‌.. 153 పరుగుల లక్ష్యాన్ని ఛేదించేందుకు బరిలోకి దిగిన వెల్ష్‌ఫైర్‌.. 6 వికెట్లు కోల్పోయి లక్ష్యానికి 5 పరుగుల దూరంలో నిలిచిపోయింది. జో క్లార్క్‌ (54), కెప్టెన్‌ టామ్‌ ఎబెల్‌ (32) వెల్ష్‌ఫైర్‌ను గెలిపించేందుకు విఫలయత్నం చేశారు. వెల్ష్‌ ఫైర్‌ స్టార్‌ ఆటగాళ్లు జానీ బెయిర్‌స్టో (9 బంతుల్లో 3), గ్లెన్‌ ఫిలప్స్‌ (12) విఫలమయ్యారు. స్టెఫెన్‌ ఎస్కినాజీ (25) ఓ మోస్తరు స్కోర్‌ చేశాడు. రాకెట్స్‌ బౌలర్లలో డేనియల్‌ సామ్స్‌ 2, జాన్‌ టర్నర్‌, ఐష్‌ సోధి తలో వికెట్‌ పడగొట్టారు.

హండ్రెడ్‌ లీగ్‌-2023లో భాగంగా నార్త్రన్‌ సూపర్‌ ఛార్జర్స్‌తో నిన్న (ఆగస్ట్‌ 13) జరిగిన మ్యాచ్‌లో మాంచెస్టర్‌ ఒరిజినల్స్‌ డక్‌వర్త్‌ లూయిస్‌ పద్ధతిలో 40 పరుగుల తేడాతో విజయం సాధించింది. ఈ మ్యాచ్‌లో ఇంగ్లండ్‌ బౌలర్‌, ఒరిజినల్స్‌ ఆల్‌రౌండర్‌ జేమీ ఓవర్టన్‌ ఆరో స్థానంలో బ్యాటింగ్‌కు వచ్చి తుఫాన్‌ ఇన్నింగ్స్‌ (30 బంతుల్లో 83; 9 ఫోర్లు, 6 సిక్సర్లు) ఆడి తన జట్టు విజయంలో ప్రధానపాత్ర పోషించాడు. Manchester Originals have won the derby 👊 Which player impressed you the most?#TheHundred pic.twitter.com/RLudfitjnD — The Hundred (@thehundred) August 13, 2023 అతనికి లారీ ఈవాన్స్‌ (18 బంతుల్లో 41; 3 ఫోర్లు, 4 సిక్సర్లు) మెరుపు ఇన్నింగ్స్ తోడవ్వడంతో తొలుత బ్యాటింగ్‌ చేసిన ఒరిజినల్స్‌ 90 బంతుల్లో (వర్షం అంతరాయం కారణంగా 90 బంతుల మ్యాచ్‌గా అంపైర్లు నిర్ణయించారు) 6 వికెట్ల నష్టానికి 182 పరుగుల భారీ స్కోర్‌ చేసింది. ఒరిజినల్స్‌ ఇన్నింగ్స్‌లో ఓవర్టన్‌, ఈవాన్స్‌తో పాటు పాల్‌ వాల్టర్‌ (22; 4 ఫోర్లు) ఓ మోస్తరు స్కోర్‌ చేయగా.. సూపర్‌ ఛార్జర్స్‌ బౌలర్లు రీస్‌ టాప్లే 3, బ్రైడన్‌ కార్స్‌, పార్కిన్సన్‌, ఆదిల్‌ రషీద్‌ తలో వికెట్‌ పడగొట్టారు. The highest men's total for a Manchester Original player 🙌#TheHundred pic.twitter.com/RpRsNNOt7j — The Hundred (@thehundred) August 13, 2023 అనంతరం 183 పరుగుల లక్ష్యాన్ని ఛేదించేందుకు బరిలోకి దిగిన సూపర్‌ ఛార్జర్స్‌ నిర్ణీత 90 బంతుల్లో 9 వికెట్ల నష్టానికి 141 పరుగులకే పరిమితమై ఓటమిపాలైంది. ఒరిజినల్స్‌ బౌలర్లు ఉసామా మిర్‌ (4/19), జాషువ లిటిల్‌ (2/33) సూపర్‌ ఛార్జర్స్‌ను దారుణంగా దెబ్బకొట్టారు. వీరికి జోష్‌ టంగ్‌ (1/25), టామ్‌ హార్ట్‌లీ (1/9), పాల​్‌ వాల్డర్‌ (1/26) తోడవ్వడంతో సూపర్‌ఛార్జర్స్‌ ఇన్నింగ్స్‌ పేకమేడలా కూలింది.  సూపర్‌ ఛార్జర్స్‌ ఇన్నింగ్స్‌లో మాథ్యూ షార్ట్‌ (37), సైఫ్‌ జైబ్‌ (21), హ్యారీ బ్రూక్‌ (20) మాత్రమే ఓ మోస్తరు స్కోర్లు చేశారు.  Well, that was incredible... 👀#TheHundred pic.twitter.com/KBXmSj7nls — The Hundred (@thehundred) August 13, 2023

హండ్రెడ్‌ లీగ్‌-2023లో భాగంగా ట్రెంట్‌ రాకెట్స్‌తో నిన్న (ఆగస్ట్‌ 12) జరిగిన మ్యాచ్‌లో లండన్‌ స్పిరిట్‌ 2 పరుగుల స్వల్ప తేడాతో గెలుపొందింది. జో రూట్‌ చివరి వరకు ప్రయత్నించినప్పటికీ రాకెట్స్‌ను గెలిపించలేకపోయాడు.  చెలరేగిన లారెన్స్‌.. ఈ మ్యాచ్‌లో తొలుత బ్యాటింగ్‌ చేసిన లండన్‌ స్పిరిట్‌.. కెప్టెన్‌ డేనియల్‌ లారెన్స్‌ (49 బంతుల్లో 93; 10 ఫోర్లు, 3 సిక్సర్లు) చెలరేగడంతో నిర్ణీత 100 బంతుల్లో 4 వికెట్ల నష్టానికి 195 పరుగులు చేసింది. లారెన్స్‌తో పాటు జాక్‌ క్రాలే (15 బంతుల్లో 30; 5 ఫోర్లు, సిక్స్‌), డారిల్‌ మిచెల్‌ (17 బంతుల్లో 21 నాటౌట్‌; ఫోర్‌), రవి బొపారా (13 బంతుల్లో 25 నాటౌట్‌; ఫోర్‌, 2 సిక్సర్లు) రాణించారు. రాకెట్స్‌ బౌలర్లలో సామ్‌ కుక్‌, ఐష్‌ సోధి తలో 2 వికెట్లు పడగొట్టారు. రూట్‌ పోరాటం వృధా.. 196 పరుగుల భారీ లక్ష్యాన్ని ఛేదించేందుకు బరిలోకి దిగిన రాకెట్స్‌.. నిర్ణీత బంతుల్లో 5 వికెట్లు కోల్పోయి లక్ష్యానికి 3 పరుగుల దూరంలో నిలిచిపోయింది. విధ్వంసకర వీరులు రాకెట్స్‌ ఓపెనర్లు అలెక్స్‌ హేల్స్‌ (15), డేవిడ్‌ మలాన్‌ (1) స్వల్ప స్కోర్లకే ఔట్‌ కాగా.. రూట్‌ (35 బంతుల్లో 72 నాటౌట్‌; 10 ఫోర్లు, 2 సిక్సర్లు).. టామ్‌ కొహ్లెర్‌ (23 బంతుల్లో 33; 2 ఫోర్లు, 2 సిక్సర్లు), కొలిన్‌ మున్రో (15 బంతుల్లో 24; 3 ఫోర్లు), డేనియల్‌ సామ్స్‌ (11 బంతుల్లో 32; 4 ఫోర్లు, 2 సిక్సర్లు) సాయంతో రాకెట్స్‌ను గెలిపించేందుకు విఫలయత్నం చేశాడు. లండన్‌ బౌలర్లలో డేనియల్‌ వారెల్‌, లియామ్‌ డాసన్‌ తలో 2 వికెట్లు పడగొట్టగా.. నాథన్‌ ఎల్లిస్‌ ఓ వికెట్‌ తీశాడు.  

పురుషుల హండ్రెడ్‌ లీగ్‌-2023లో భాగంగా వెల్ష్‌ఫైర్‌తో నిన్న (ఆగస్ట్‌ 12) జరిగిన మ్యాచ్‌లో సథరన్‌ బ్రేవ్‌ 9 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన వెల్ష్‌ఫైర్‌.. టైమాల్‌ మిల్స్‌ (20-9-12-4), జార్జ్‌ గార్టన్‌ (15-9-8-3), క్రెయిగ్‌ ఓవర్టన్‌ (20-13-19-2), ఫిషర్‌ (20-10-24-1) ధాటికి నిర్ణీత 100 బంతుల్లో 87 పరుగులకు ఆలౌటైంది. టైమాల్‌ మిల్స్‌ హ్యాట్రిక్‌ వికెట్లు పడగొట్టాడు. వెల్ష్‌ఫైర్‌ ఇన్నింగ్స్‌లో ప్టీవీ ఎస్కినాజీ (38) టాప్‌ స్కోరర్‌గా నిలువగా.. గ్లెన్‌ ఫిలిప్స్‌ (12), డేవిడ్‌ విల్లే (16), బెన్‌ గ్రీన్‌ (10) రెండంకెల స్కోర్లు చేశారు. స్టార్‌ ప్లేయర్‌ జానీ బెయిర్‌స్టో, వికెట్‌ కీపర్‌ జో క్లార్క్‌, హరీస్‌ రౌఫ్‌, డేవిడ్‌ పేన్‌ డకౌట్లయ్యారు.  As it stands! 👇#TheHundred pic.twitter.com/cQMVSxwo0M — The Hundred (@thehundred) August 12, 2023 రాణించిన కాన్వే.. అనంతరం స్వల్ప లక్ష్యాన్ని ఛేదించేం​దుకు బరిలోకి దిగిన బ్రేవ్.. కేవలం 59 బంతుల్లో వికెట్‌ మాత్రమే కోల్పోయి విజయతీరాలకు చేరింది. బ్రేవ్‌ బ్యాటర్లు ఫిన్‌ అలెన్‌ 22 బంతుల్లో 5 ఫోర్లు, సిక్స్‌ సాయంతో 31 పరుగులు చేసి పేన్‌ బౌలింగ్‌లో విల్లేకు క్యాచ్‌ ఇ​చ్చి ఔట్‌ కాగా.. డెవాన్‌ కాన్వే (25 బంతుల్లో 35 నాటౌట్‌; 5 ఫోర్లు), కెప్టెన్‌ డు ప్లూయ్‌ (12 బంతుల్లో 17 నాటౌట్‌; ఫోర్‌, సిక్స్‌) అజేయంగా నిలిచారు.  What a final 5️⃣ balls from Tymal Mills! 😮#TheHundred pic.twitter.com/E4g6HNaD2n — The Hundred (@thehundred) August 12, 2023

ది హాండ్రడ్‌ లీగ్‌లో ఓవల్ ఇన్విన్సిబుల్స్‌ జట్టు తమ అద్భుత ప్రదర్శనను కొనసాగిస్తోంది. ఈ లీగ్‌లో భాగం​గా నార్త్‌రన్‌ సూపర్ఛార్జర్స్‌తో జరిగిన మ్యాచ్‌లో 9 వికెట్ల తేడాతో ఓవల్ ఇన్విన్సిబుల్స్‌ విజయం సాధించింది. తొలుత బ్యాటింగ్‌ చేసిన  ఇన్విన్సిబుల్స్ నిర్ణీత 100 బంతుల్లో 5 వికెట్ల నష్టానికి 185 పరుగులు చేసింది.  కాక్స్‌, క్లాసెన్‌ మెరుపులు.. ఇన్విన్సిబుల్స్ బ్యాటర్లలో యువ ఆటగాడు జోర్డాన్‌ కాక్స్‌ అద్భుతమైన ఇన్నింగ్స్‌ ఆడాడు. కాక్స్‌ 38 బంతుల్లో 8 ఫోర్లు, 3 సిక్స్‌లతో 73 పరుగులు చేసి ఆజేయంగా నిలిచాడు. కాక్స్‌తో పాటు దక్షిణాఫ్రికా ఆటగాడు, సన్‌రైజర్స్‌ హైదరాబాద్‌ స్టార్‌ ఆటగాడు హెన్రిస్‌ క్లాసెన్‌ మెరుపు ఇన్నింగ్స్‌ ఆడాడు. ​కేవలం  22 బంతుల్లోనే 6 సిక్స్‌లు సాయంతో 46 పరుగులు చేశాడు. నార్త్‌రన్‌ సూపర్ఛార్జర్స్‌ బౌలర్లలో పార్నెల్‌ రెండు వికెట్లు, అదిల్‌ రషీద్‌, టోప్లీ తలా వికెట్‌ సాధించారు. పోరాడి ఓడిన సూపర్ఛార్జర్స్‌ 186 పరుగుల లక్ష్యంతో బరిలోకి దిగిన సూపర్ఛార్జర్స్‌ నిర్ణీత 100 బంతుల్లో 8 వికెట్ల నష్టానికి 176 పరుగులు చేసింది. ఓపెనర్‌ టామ్‌ బాంటన్‌(43 బంతుల్లో 81 పరుగులు, 7 ఫోర్లు, 5 సిక్స్‌లు) సంచలన ఇన్నింగ్స్‌ ఆడినప్పటికీ.. జట్టును మాత్రం గెలిపించలేకపోయాడు. ఇన్విన్సిబుల్స్ బౌలర్లలో గుస్ అట్కిన్సన్ మూడు వికెట్లు, సామ్‌ కుర్రాన్‌ రెండు, జాన్సన్‌, సునీల్‌ నరైన్‌ తలా వికెట్‌ సాధించారు. చదవండి: మరో విజయంపై టీమిండియా గురి.. నేడే నాలుగో టీ20

హండ్రెడ్‌ లీగ్‌-2023లో భాగంగా ట్రెంట్‌ రాకెట్స్‌తో నిన్న (ఆగస్ట్‌ 9) జరిగిన మ్యాచ్‌లో నార్త్ర్‌న్‌ సూపర్‌ ఛార్జర్స్‌ ఆల్‌రౌండర్‌ డేవిడ్‌ వీస్‌ చెలరేగిపోయాడు. 25 బంతుల్లో 3 ఫోర్లు, 4 సిక్సర్ల సాయంతో అజేయమైన అర్ధశతకం సాధించాడు. అతనికి బ్రైడన్‌ కార్స్‌ (29 బంతుల్లో 33 నాటౌట్‌; 2 ఫోర్లు, సిక్స్‌), సైఫ్‌ జైబ్‌ (21 బంతుల్లో 21; ఫోర్‌), ఆడమ్‌ హోస్‌ (17 బంతుల్లో 18; 3 ఫోర్లు) జత కలవడంతో సూపర్‌ ఛార్జర్స్‌ నిర్ణీత 100 బంతుల్లో 5 వికెట్ల నష్టానికి 142 పరుగులు చేసింది. Luke Wood's first 10 balls were something else! 🚀#TheHundred pic.twitter.com/SZWNvcn26V — The Hundred (@thehundred) August 10, 2023 నిప్పులు చెరిగిన లూక్‌ వుడ్‌.. సూపర్‌ ఛార్జర్స్‌ హిట్టర్లు టామ్‌ బాంటన్‌ (0), మాథ్యూ షార్ట్‌ (8), హ్యారీ బ్రూక్‌ (0).. రాకెట్స్‌ పేసర్‌ లూక్‌ వుడ్‌ ధాటికి వణికిపోయారు. తొలి 6 బంతుల్లోనే వీరు ముగ్గురు పెవిలియన్‌కు చేరారు. వుడ్‌ ఈ ముగ్గురిని క్లీన్‌ బౌల్డ్‌ చేశాడు. వుడ్‌ 20 బంతుల్లో 23 పరుగులు ఇచ్చి 3 వికెట్లు పడగొడితే.. జో రూట్‌ 20 బంతుల్లో 24 పరుగులిచ్చి 2 వికెట్లు దక్కించుకున్నాడు. David Wiese 🤝 powerful hitting Insane crowd catch incoming... #TheHundred pic.twitter.com/Gn2MWUNyNW — The Hundred (@thehundred) August 9, 2023 తుస్సుమన్న విధ్వంసకర వీరులు.. అనంతరం 143 పరుగుల లక్ష్యాన్ని ఛేదించేందుకు బరిలోకి దిగిన రాకెట్స్‌.. నిర్ణీత బంతుల్లో 139 పరుగులు చేసి 3 పరుగుల తేడాతో పరాజయంపాలైంది. విధ్వంసకర వీరులైన రాకెట్స్‌ బ్యాటర్లు అలెక్స్‌ హేల్స్‌ (29), డేవిడ్‌ మలాన్‌ (6), కొలిన్‌ మున్రో (15), టామ్‌ కొహ్లెర్‌ కాడ్‌మోర్‌ (15), జో రూట్‌ (4), సామ్‌ హెయిన్‌ (20), డేనియల్‌ సామ్స్‌ (27).. సూపర్‌ ఛార్జర్స్‌ బౌలర్లు వేన్‌ పార్నెల్‌ (3/21), రీస్‌ టాప్లే (2/20), కల్లమ్‌ పార్కిన్సన్‌ (2/29) ధాటికి తేలిపోయారు. ప్రపంచ క్రికెట్‌లో విధ్వంసకర వీరులుగా పేరున్న రాకెట్స్‌ బ్యాటర్లు.. సూపర్‌ ఛార్జర్స్‌ నిర్ధేశించిన సాధారణ లక్ష్యాన్ని ఛేదించలేక ఓటమిపాలయ్యారు.     🚨JOE ROOT STRIKES FOR THE TRENT ROCKETS 🚨#TheHundred pic.twitter.com/JVcWq6nSeZ — The Hundred (@thehundred) August 9, 2023

Oval Invincibles won by 94 runs- Jason Roy- Heinrich Klaasen: ఆస్ట్రేలియా యువ పేసర్‌ స్పెన్సర్‌ జాన్సన్‌ సంచలన స్పెల్‌తో మెరిశాడు. ది హండ్రెడ్‌ లీగ్‌లో అరంగేట్రంలోనే అత్యద్భుత గణాంకాలు నమోదు చేశాడు. 20 బంతుల్లో కేవలం ఒక్క పరుగు మాత్రమే ఇచ్చి ఏకంగా మూడు వికెట్లు పడగొట్టాడు.  ఇంగ్లండ్‌ హండ్రెడ్‌ లీగ్‌లో జాన్సన్‌ ఓవల్‌ ఇన్విసిబుల్‌కు ప్రాతినిథ్యం వహిస్తున్నాడు. ఈ క్రమంలో లండన్‌లోని కెన్నింగ్‌టన్‌ ఓవల్‌ వేదికగా మాంచెస్టర్‌ ఒరిజినల్స్‌తో మ్యాచ్‌లో అద్భుత ఆట తీరుతో ఆకట్టుకున్నాడు. అంతర్జాతీయ టీ20 జట్టుకు ఎంపికైన మరుసటి రోజే 20 డెలివరీల్లో 19 డాట్‌ బాల్స్‌ వేసి సంచలనం సృష్టించాడు. మాంచెస్టర్‌ బ్యాటర్‌ జోస్‌ బట్లర్‌.. జాన్సన్‌ వేసిన షార్ట్‌ బంతిని డీప్‌ స్వ్కేర్‌ లెగ్‌ దిశగా ఆడి అతడి బౌలింగ్‌లో ఆ ఒక్క సింగిల్‌కు కారణమయ్యాడు. వేసిన పదకొండో బంతికి ఉసామా మిర్‌ను అవుట్‌ చేసితొలి వికెట్‌ తీసిన జాన్సన్‌.. ఆ తర్వాత టామ్‌ హార్ట్లీ, జాషువా లిటిల్‌లను పెవిలియన్‌కు పంపాడు. ఓవల్‌ ఇన్విసిబుల్‌ బౌలర్లు గస్‌ అట్కిన్సన్‌ రెండు, నాథన్‌ సోవటెర్‌ రెండేసి వికెట్లు తీయగా.. స్పెన్సర్‌ జాన్సర్‌తో పాటు సునిల్‌ నరైన్‌ మూడు వికెట్లు పడగొట్టాడు. సొంతమైదానంలో ఓవల్‌ బౌలర్ల విజృంభణతో పర్యాటక మాంచెస్టర్‌ జట్టు 89 బంతులాడి 92 పరుగులకే కుప్పకూలింది.  దీంతో.. జేసన్‌ రాయ్‌(59), హెన్రిచ్‌ క్లాసెన్‌(60) అర్ధ శతకాలతో మెరవడంతో 100 బంతుల్లో 5 వికెట్ల నష్టానికి 186 పరుగులు చేసిన ఓవల్‌ జట్టు భారీ విజయం సాధించింది. మ్యాచ్‌లో మాంచెస్టర్‌పై 94 పరుగుల తేడాతో నెగ్గింది. చదవండి: శ్రేయస్‌ అయ్యర్‌ దూరం.. తిలక్‌ వర్మకు అవకాశం.. అలా అయితే..! Spencer Johnson's 3️⃣ wickets 🔥#TheHundred pic.twitter.com/kyQwS35BOC — The Hundred (@thehundred) August 9, 2023

హండ్రెడ్‌ లీగ్‌-2023లో భాగంగా సథరన్‌ బ్రేవ్స్‌తో ఇవాళ (ఆగస్ట్‌ 6) జరుగుతున్న మ్యాచ్‌లో నార్త్రన్‌ సూపర్‌ ఛార్జర్స్‌ ఆటగాళ్లు మాథ్యూ షార్ట్‌, హ్యారీ బ్రూక్‌ శివాలెత్తిపోయారు. ఓపెనర్‌గా వచ్చిన షార్ట్‌ (36 బంతుల్లో 8 ఫోర్లు, 4 సిక్సర్ల సాయంతో 73 పరుగులు) విధ్వంసం సృష్టించగా.. హ్యారీ బ్రూక్‌ (27 బంతుల్లో 63 నాటౌట్‌; 3 ఫోర్లు, 5 సిక్సర్లు) ప్రత్యర్ధి బౌలర్లను ఊచకోత కోశారు. Stop what you're doing and watch THIS 🤯#TheHundred pic.twitter.com/3S56KdtbyQ — The Hundred (@thehundred) August 6, 2023 వీరిద్దరికి టామ్‌ బాంటన్‌ (34 బంతుల్లో 44; 4 ఫోర్లు, సిక్స్‌) కూడా తోడవ్వడంతో నార్త్రన్‌ సూపర్‌ ఛార్జర్స్‌ నిర్ణీత 100 బంతుల్లో 3 వికెట్ల నష్టానికి 201 పరుగుల భారీ స్కోర్‌ చేసింది. బ్రేవ్స్‌ బౌలర్లలో రెహాన్‌ అహ్మద్‌, తైమాల్‌ మిల్స్‌ తలో వికెట్‌ పడగొట్టి కాస్త పొదుపుగా బౌలింగ్‌ చేయగా, మిగతా బౌలర్లంతా ధారాళంగా పరుగులు సమర్పించుకున్నారు. హండ్రెడ్‌ లీగ్‌ చరిత్రలో ఈ మ్యాచ్‌లో సూపర్‌ ఛార్జర్స్‌ చేసిన స్కోరే (201) అత్యధిక టీమ్‌ స్కోర్‌గా రికార్డైంది. 2021 ఎడిషన్‌లో ఇదే సూపర్‌ ఛార్జర్స్‌ చేసిన 200 స్కోర్ ఈ మ్యాచ్‌కు ముందు వరకు టాప్‌ స్కోర్‌గా ఉండింది.  202 పరుగుల భారీ లక్ష్యాన్ని ఛేదించేందుకు బరిలోకి దిగిన సథరన్‌ బ్రేవ్స్‌.. 48 బంతుల తర్వాత 2 వికెట్ల నష్టానికి 60 పరుగులు చేసి ఇన్నింగ్స్‌ను  కొనసాగిస్తుంది. డెవాన్‌ కాన్వే (15), ఫిన్‌ అలెన్‌ (10) ఔట్‌ కాగా.. జేమ్స్‌ విన్స్‌ (32), డు ప్ల్యూయ్‌ (2) క్రీజ్‌లో ఉన్నారు.

హండ్రెడ్‌ లీగ్‌-2023లో భాగంగా లండన్‌ స్పిరిట్‌తో ఇవాళ (ఆగస్ట్‌ 5) జరుగుతున్న మ్యాచ్‌లో ఇంగ్లండ్‌ పరిమిత ఓవర్ల జట్టు కెప్టెన్‌ జోస్‌ బట్లర్‌ చెలరేగి ఆడాడు. 36 బంతుల్లో 3 ఫోర్లు, 5 సిక్సర్ల సాయంతో 62 పరుగులు చేశాడు. క్రీజ్‌లో ఉన్నంత సేపు పూనకం వచ్చినట్లు ఊగిపోయిన బట్లర్‌.. ఎడాపెడా బౌండరీలు, సిక్సర్లు బాది, రవి బొపారా బౌలింగ్‌లో క్లీన్‌ బౌల్డయ్యాడు. 🌶 @josbuttler is in the mood! 😮‍💨#TheHundred pic.twitter.com/9IRiMKqCmA — The Hundred (@thehundred) August 5, 2023 మరో ఎండ్‌లో ఫిలిప్‌ సాల్ట్‌ (9 బంతుల్లో 21; 3 సిక్సర్లు) కూడా మెరుపు ఇన్నింగ్స్‌ ఆడటంతో ఒరిజినల్స్‌ 80 బంతుల్లో 5 వికెట్ల నష్టానికి 138 పరుగులు చేసింది. ఈ దశలో వర్షం మొదలుకావడంతో అంపైర్లు మ్యాచ్‌ను నిలిపి వేశారు. ఒరిజినల్స్‌ ఇన్నింగ్స్‌లో బట్లర్‌, సాల్ట్‌తో పాటు మ్యాక్స్‌ హోల్డన్‌ (24; 3 ఫోర్లు) రాణించగా.. లారీ ఈవాన్స్‌ (1), పాల్‌ వాల్టర్‌ (2) నిరాశపరిచారు. ఆస్టన్‌ టర్నర్‌ (16), జేమీ ఓవర్టన్‌ (2) క్రీజ్‌లో ఉన్నారు. Things that should come with a content warning: ⚠️ @josbuttler striking the ball like this to reach his 50 ⚠️#TheHundred pic.twitter.com/uLXbdkVdZz — The Hundred (@thehundred) August 5, 2023 లండన్‌ బౌలర్లలో రవి బొపారా 2 వికెట్లు పడగొట్టగా.. డేనియల్‌ వార్రెల్‌, లియామ్‌ డాసన్‌, మాథ్యూ క్రిచ్లీ తలో వికెట్‌ దక్కించుకున్నారు. కాగా, హండ్రెడ్‌ లీగ్‌ ప్రస్తుత ఎడిషన్‌లో బట్లర్‌కు ఇది తొలి హాఫ్‌ సెంచరీ కావడం విశేషం. బట్లర్‌ ఫామ్‌లోని రావడంతో అతని అభిమానులు సంబురపడిపోతున్నారు. బట్లర్‌ ఇలాగే భారీ షాట్లు ఆడుతూ తమను అలరించాలని కోరుకుంటున్నారు. ఈ మ్యాచ్‌లో బట్లర్‌ ఆడిన భారీ షాట్లకు సంబంధించిన వీడియోలు ప్రస్తుతం వైరలవుతున్నాయి.   Jos Buttler smashed his first fifty of the Hundred season 🔥#Hundred pic.twitter.com/HMcyWQI0Ot — CricTracker (@Cricketracker) August 5, 2023

క్రికెట్‌లోని ఏ ఫార్మాట్‌లోనూ కనీసం హాఫ్‌ సెంచరీ కూడా చేసి ఎరుగని ఇంగ్లండ్‌ వెటరన్‌ పేసర్‌ క్రిస్‌ జోర్డన్‌.. హండ్రెడ్‌ లీగ్‌-2023లో భాగంగా వెల్ష్‌ ఫైర్‌తో నిన్న (ఆగస్ట్‌ 4) జరిగిన మ్యాచ్‌లో ఆకాశమే హద్దుగా చెలరేగిపోయాడు. ఎనిమిదో స్థానంలో బ్యాటింగ్‌కు వచ్చి విధ్వంసం సృష్టించాడు. ఎడాపెడా సిక్సర్లు బాది ప్రత్యర్ధి బౌలర్లను గడగడలాడించాడు. జోర్డన్‌ సిక్సర్ల సునామీలో సౌతాంప్టన్‌ స్టేడియం తడిసి ముద్ద అయ్యింది. ఈ మ్యాచ్‌లో 32 బంతులు ఎదుర్కొన్న జోర్డన్‌ 7 సిక్సర్లు, 3 బౌండరీల సాయంతో అజేయమైన 70 పరుగులు చేసి తన జట్టు భారీ స్కోర్‌ సాధించడానికి తోడ్పడ్డాడు. జోర్డన్‌ రాణించకపోతే అతను ప్రాతినిథ్యం వహిస్తున్న సదరన్‌ బ్రేవ్‌ నామమాత్రపు స్కోర్‌ కూడా చేయలేకపోయేది.  జోర్డన్‌ మెరుపు ఇన్నింగ్స్‌తో విరుచుకుపడటంతో తొలుత బ్యాటింగ్‌ చేసిన బ్రేవ్‌.. నిర్ణీత 100 బంతుల్లో 8 వికెట్ల నష్టానికి 147 పరుగులు చేసింది. బ్రేవ్‌ ఇన్నింగ్స్‌లో జోర్డన్‌ మినహా ఎవ్వరూ రాణించలేకపోయారు. జోర్డన్‌తో పాటు ఫిన్‌ అలెన్‌ (21), కెప్టెన్‌ జేమ్స్‌ విన్స్‌ (18), డు ప్లూయ్‌ (18) మాత్రమే రెండంకెల స్కోర్లు చేశారు. ప్రత్యర్ధి బౌలర్లలో హరీస్‌ రౌఫ్‌ 3 వికెట్లు పడగొట్టగా.. షాహీన్‌ అఫ్రిది, డేవిడ్‌ విల్లే, డేవిడ్‌ పెయిన్‌, వాన్‌ డెర్‌ మెర్వ్‌ తలో వికెట్‌ పడగొట్టారు.  Chris Jordan, take a bow 👊 A performance of 70 runs from just 32 balls, including 7 sixes 😲#TheHundred pic.twitter.com/Z2nqWBzaJF — The Hundred (@thehundred) August 4, 2023 అనంతరం 148 పరుగుల లక్ష్యాన్ని ఛేదించేందుకు బరిలోకి దిగిన వెల్ష్‌ఫైర్‌.. లక్ష్యానికి 3 పరుగుల దూరంలో నిలిచిపోయి, 2 పరుగుల తేడాతో ఓటమిపాలైంది. వెల్ష్‌ఫైర్‌ ఇన్నింగ్స్‌లో లూక్‌ వెల్స్‌ (24), స్టీఫెన్‌ ఎస్కీనాజీ (31), గ్లెన్‌ ఫిలిప్‌ (22), డేవిడ్‌ విల్లే (31) రాణించగా.. బ్రేవ్‌ బౌలర్లలో క్రెయిగ్‌ ఓవర్టన్‌ (2/41), టైమాల్‌ మిల్స్‌ (2/23), రెహాన్‌ అహ్మద్‌ (2/28) సత్తా చాటారు. ఈ గెలుపుతో బ్రేవ్‌ ప్రస్తుత ఎడిషన్‌లో బోణీ కొట్టింది.    

పాకిస్తాన్‌ ఆటగాళ్లు, మామ అల్లుళ్లు షాహిద్‌ అఫ్రిది, షాహీన్‌ అఫ్రిదిలు వేర్వేరు క్రికెట్‌ లీగ్‌ల్లో ఒకే రోజు (ఆగస్ట్‌ 2) బంతితో రాణించారు. మామ షాహిద్‌ అఫ్రిది గ్లోబల్‌ టీ20 కెనడా లీగ్‌లో సత్తా చాటితే.. ఆల్లుడు షాహీన్‌ అఫ్రిది ఇంగ్లండ్‌ వేదికగా జరుగుతున్న హండ్రెడ్‌ లీగ్‌లో ఇరగదీశాడు.  మెన్స్‌ హండ్రెడ్‌ లీగ్‌లో భాగంగా మాంచెస్టర్‌ ఒరిజినల్స్‌తో జరిగిన మ్యాచ్‌లో షాహీన్‌ అఫ్రిది 10 బంతులు వేసి 2 వికెట్లు పడగొట్టగా.. గ్లోబల్‌ టీ20 లీగ్‌లో వాంకోవర్‌ నైట్స్‌తో జరిగిన మ్యాచ్‌లో షాహిద్‌ అఫ్రిది 4 ఓవర్లు వేసి కేవలం 16 మాత్రమే ఇచ్చి 2 వికెట్లు పడగొట్టాడు. ఈ ఇద్దరు అఫ్రిదిలు వికెట్లు పడగొట్టాక ఒకే తరహాలో చేసుకున్న సెలబ్రేషన్స్‌ ప్రస్తుతం నెట్టింట వైరలవుతున్నాయి. షాహిద్‌, షాహీన్‌లు వికెట్‌ పడగొట్టాక రెండు చేతులు పైకి లేపి అచ్చు గుద్దినట్లు సంబురాలు చేసుకున్నారు.  కాగా, మామ అల్లుళ్లు ఒకే రోజు ఒకే తరహాలో సెలబ్రేషన్స్‌ చేసుకున్నప్పటికీ.. ఒక్కరు మాత్రమే జట్టు విజయంలో భాగమయ్యారు. షాహీన్‌ జట్టు వెల్ష్‌ఫైర్‌.. మాంచెస్టర్‌ ఒరిజినల్స్‌పై 9 పరుగుల తేడాతో గెలుపొందగా.. షాహిద్‌ జట్టు టొరొంటో నేషనల్స్‌.. వాంకోవర్‌ నైట్స్‌ చేతిలో 25 పరుగుల తేడాతో ఓటమిపాలైంది. మాంచెస్టర్‌ ఒరిజినల్స్‌తో జరిగిన మ్యాచ్‌లో 2 వికెట్లతో రాణించిన షాహీన్‌.. ఆతర్వాత తాను వేసిన 5, 6, 7, 8, 10 బంతులకు బౌండరీలు సమర్పించుకోవడం విశేషం.  

క్రికెట్‌లో 35 ఏళ్లు దాటాయంటే సదరు ఆటగాళ్లు రిటైర్మెంట్‌కు దగ్గరైనట్లే. ఈ వయసులో ఫిట్‌నెస్‌ను కాపాడుకుంటూ జట్టులో కొనసాగడమే ఒక్కోసారి కష్టంగా మారుతుంటుంది. అలాంటిది ఆస్ట్రేలియా ఆటగాడు మాథ్యూ వేడ్‌ 35 ఏళ్ల వయసులోనూ తన ఫీల్డింగ్‌ విన్యాసాలతో అభిమానులను అబ్బురపరుస్తున్నాడు. ప్రస్తుతం వేడ్‌ హండ్రెడ్‌ మెన్స్‌ కాంపిటీషన్‌ టోర్నీలో లండన్‌ స్పిరిట్‌ జట్టుకు ప్రాతినిధ్యం వహిస్తున్నాడు. బుధవారం లండన్‌ స్పిరిట్‌, ఓవల్‌ ఇన్విజబుల్స్‌ మధ్య మ్యాచ్‌ జరిగింది. ఈ మ్యాచ్‌లో వేడ్‌ సూపర్‌ ఫీల్డింగ్‌తో మెరిశాడు. ఓవల్‌ ఇన్విజబుల్స్‌ ఇన్నింగ్స్‌ 94వ బంతికి ఇది చోటుచేసుకుంది. జోర్డాన్‌ థాంప్సన్‌ వేసిన బంతిని గస్‌ అత్కిన్‌సన్‌ డీప్‌స్వ్కేర్‌ లెగ్‌ దిశగా భారీ షాట్‌ ఆడాడు. అయితే అక్కడే ఉన్న మాథ్యూ వేడ్‌ అమాంతం గాల్లోకి ఎగిరి ఒంటిచేత్తో బంతిని పట్టుకొని బౌండరీ ఇవతలకు విసిరేశాడు. ఒకవేళ వేడ్‌ పట్టుతప్పి ఉంటే కచ్చితంగా సిక్స్‌ వచ్చేదే. కానీ వేడ్‌ ఫీల్డింగ్‌ పుణ్యానా కేవలం రెండు పరుగులు మాత్రమే వచ్చాయి. వేడ్‌ అద్బుత విన్యాసానికి స్టాండ్స్‌లోని ప్రేక్షకులు నోరెళ్లబెట్టారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే ఓవల్‌ ఇన్విజబుల్స్‌ మూడు వికెట్ల తేడాతో విజయాన్ని అందుకుంది. మొదట బ్యాటింగ్‌ చేసిన లండన్‌ స్పిరిట్‌ వంద బంతుల్లో 131 పరుగులు చేసింది. అనంతరం ఓవల్‌ ఇన్విజబుల్స్‌ 99 బంతుల్లో విజయాన్ని అందుకుంది. బౌలింగ్‌లో రెండు వికెట్లు తీయడంతో పాటు బ్యాటింగ్‌లో చివర్లో 5 బంతుల్లో 13 పరుగులు చేసి జట్టును గెలిపించిన నరైన్‌ ప్లేయర్‌ ఆఫ్‌ ది మ్యాచ్‌గా నిలిచాడు. We'll have that on repeat, Matthew Wade! 😮‍💨🔁#TheHundred pic.twitter.com/LvxjWhgP7T — The Hundred (@thehundred) August 2, 2023 చదవండి: WI Vs IND 1st T20: తొలి టి20.. భారత్‌ ముంగిట అరుదైన రికార్డు; పాక్‌ మనకంటే ముందే? Lionel Messi: ఏ ముహూర్తంలో జాయిన్‌ అయ్యాడో కానీ అంతా శుభమే..

మెన్స్‌ హండ్రెడ్‌ లీగ్‌లో ఓవల్‌ ఇన్విన్సిబుల్స్‌ బోణీ కొట్టింది. లండన్‌ స్పిరిట్‌తో నిన్న (ఆగస్ట్‌ 2) జరిగిన మ్యాచ్‌లో 3 వికెట్ల తేడాతో గెలుపొందింది. సునీల్‌ నరైన్‌ ఆల్‌రౌండ్‌ షోతో (20-9-14-2 & 5 బంతుల్లో ఫోర్‌, సిక్సర్‌ సాయంతో 13 నాటౌట్‌) ఓవల్‌ను విజయతీరాలకు చేర్చాడు. తొలుత బ్యాటింగ్‌ చేసిన లండన్‌ స్పిరిట్‌.. నాథన్‌ సౌటర్‌ (3/34), సునీల్‌ నరైన్‌ (2/14), గస్‌ అట్కిన్సిన్‌ (1/22), టామ్‌ కర్రన్‌ (1/22), సామ్‌ కర్రన్‌ (1/31) ధాటికి నిర్ణీత 100 బంతుల్లో 131 పరుగులకు ఆలౌటైంది. రొస్సింగ్టన్‌ (21 బంతుల్లో 39, 3 ఫోర్లు, 3 సిక్సర్లు), మాథ్యూ వేడ్‌ (27 బంతుల్లో 37; 4 ఫోర్లు), కెప్టెన్‌ లారెన్స్‌ (17 బంతుల్లో 24; 4 ఫోర్లు, సిక్స్‌) రెండంకెల స్కోర్లు చేశారు.  అనంతరం 132 పరుగుల లక్ష్యాన్ని ఛేదించేందుకు బరిలోకి దిగిన ఇన్విన్సిబుల్స్‌ మరో బంతి మిగిలుండగానే 7 వికెట్లు కోల్పోయి విజయతీరాలకు చేరింది. విల్‌ జాక్స్‌ (6 బంతుల్లో 11; 2 ఫోర్లు), జోర్డన్‌ కాక్స్‌ (21 బంతుల్లో 22; 2 ఫోర్లు), సామ్‌ కర్రన్‌ (28 బంతుల్లో 34; 5 ఫోర్లు), సామ్‌ బిల్లింగ్స్‌ (15 బంతుల్లో 25; 2 ఫోర్లు, సిక్స్‌) రాణించగా.. ఆఖర్లో సునీల్‌ నరైన్‌ (5 బంతుల్లో 13 నాటౌట్‌; ఫోర్‌, సిక్స్‌) మెరుపు ఇన్నింగ్స్‌తో ఇన్విన్సిబుల్స్‌ను గెలిపించాడు. లండన్‌ బౌలర్లలో డేనియల్‌ వార్రాల్‌, జోర్డన్‌ థాంప్సన్‌, నాథన్‌ ఇల్లిస్‌ తలో 2 వికెట్లు పడగొట్టగా.. మాథ్యూ క్రిట్చీల్లీ ఓ వికెట్‌ దక్కించుకున్నాడు. ఆల్‌రౌండ్‌ షోతో అదరగొట్టిన నరైన్‌కు మ్యాన్‌ ఆఫ్‌  ద మ్యాచ్‌ అవార్డు లభించింది.

పాకిస్తాన్‌ స్టార్ పేసర్‌ షహీన్‌ షా అఫ్రిది ది హండ్రెడ్ లీగ్‌లో తన అరంగేట్రాన్ని ఘనంగా చాటుకున్నాడు. వెల్ష్ ఫైర్‌ జట్టు తరపున అఫ్రిది 'ది హండ్రెడ్ లీగ్‌'లో అడుగుపెట్టాడు. సోఫియా గార్డెన్స్‌ వేదికగా  మాంచెస్టర్ ఒరిజినల్స్‌పై తొలి మ్యాచ్‌ ఆడిన అఫ్రిది సంచలన ప్రదర్శన​ కనబరిచాడు. మాంచెస్టర్‌ ఇన్నింగ్స్‌ మొదటి ఓవర్‌ వేసిన అఫ్రిది.. తొలి రెండు బంతులకు రెండు వికెట్లు పడగొట్టాడు. మాంచెస్టర్‌ బ్యాటర్లు ఫిల్‌ సాల్ట్‌, ఈవెన్స్‌ను వరుస బంతుల్లో అఫ్రిది పెవిలియన్‌కు పంపాడు. ఈ రెండు వికెట్లు కూడా ఎల్బీ రూపంలో దక్కడం గమానార్హం. ఓవరాల్‌గా ఈ మ్యాచ్‌లో 10 బంతులు వేసిన అఫ్రిది 24 పరుగులిచ్చి 2 వికెట్లు పడగొట్టాడు. ఇక ఈ మ్యాచ్‌ను వర్షం కారణంగా 40 బంతులకు కుదించారు. తొలుత బ్యాటింగ్‌ చేసిన వెల్ష్ ఫైర్‌ 40 బంతుల్లో 3 వికెట్ల నష్టానికి 94 పరుగులు చేసింది. వెల్ష్‌ఫైర్‌ బ్యాటర్లలో లూక్‌ వెల్స్‌(57) అద్భుతమైన ఇన్నింగ్స్‌ ఆడాడు. అతడి ఇన్నింగ్స్‌లో 3 సిక్స్‌లు, 7 ఫోర్లు ఉన్నాయి. అనంతరం 95 పరుగుల లక్ష్యంతో బరిలోకి దిగిన మాంచెస్టర్ 4 వికెట్లు కోల్పోయి 85 పరుగులు మాత్రమే చేయగల్గింది. దీంతో 9 పరుగుల తేడాతో వెల్ష్ ఫైర్‌ చేతిలో మాంచెస్టర్ ఓటమి పాలైంది. మాంచెస్టర్‌ బ్యాటర్‌ జోస్‌ బట్లర్‌(37) ఆఖరి వరకు క్రీజులో ఉన్నప్పటికీ తన జట్టును గెలిపించలేకపోయాడు. చదవండి: IND vs WI: వెస్టిండీస్‌తో టీ20 సిరీస్‌.. విధ్వంసకర ఓపెనర్‌ ఎంట్రీ! హైదరాబాదీ కూడా This is @iShaheenAfridi, everyone 🦅 #TheHundred pic.twitter.com/NGhPJZ9QqX — The Hundred (@thehundred) August 2, 2023

పాకిస్తాన్‌ కెప్టెన్‌ బాబర్‌ ఆజం, స్టార్‌ ఆటగాడు మహ్మద్‌ రిజ్వాన్‌కు ఘోర అవమానం ఎదురైంది. ఇంగ్లండ్‌ దేశీవాళీ టోర్నీ ది హండ్రెడ్‌ డ్రాఫ్ట్‌లో  బాబర్‌ ఆజం, మహ్మద్‌ రిజ్వాన్‌లను సొంతం చేసుకోవడానికి ఏ ప్రాంఛైజీ ఆసక్తి చూపలేదు. దీంతో వీరిద్దరూ ది హండ్రెడ్‌ లీగ్‌ డ్రాఫ్ట్‌లో అమ్ముడుపోని ఆటగాళ్లగా మిగిలిపోయారు. టీ20ల్లో వరల్డ్‌ నెం2, నెం3 ఆటగాళ్లైనా బాబర్‌, రిజ్వాన్‌ను ఏ ప్రాంచైజీ కొనుగోలు చేయకపోవడం నిజంగా వారికి ఇది ఘోర పరాభావం అనే చెప్పుకోవాలి. వీరితో పాటు ఆండ్రీ రస్సెల్, కీరన్ పొలార్డ్, ట్రెంట్ బౌల్ట్‌ను కూడా ఏ ప్రాంచైజీ కొనుగోలు చేయలేదు. కాగా ఈ డ్రాఫ్ట్‌లో ఎనిమిది జట్లకు 30 మంది క్రికెటర్లు ఎంపికయ్యారు. అయితే ఈ డ్రాఫ్ట్‌లో బాబర్‌, రిజ్వాన్‌కు ఘోర అవమానం జరిగినప్పటికీ.. తమ సహాచర ఆటగాళ్లు షాహీన్ అఫ్రిది, హరీస్ రౌఫ్‌లు మాత్రం అమ్ముడుపోయారు. షాహీన్ ఆఫ్రిదీని ఏకంగా లక్ష పౌండ్ల(పాకిస్తాన్ కరెన్సీలో 3 కోట్ల 48 లక్షల రూపాయలు)కు వెల్ష్ ఫైర్ ప్రాంచైజీ సొంతం చేసుకుంది. హరీస్ రౌఫ్‌ను కూడా వెల్ష్ ఫైర్ ప్రాంచైజీనే కొనుగోలు చేసింది. ఇక సునీల్ నరైన్, వానిందు హసరంగ, గ్లెన్ మ్యాక్స్‌వెల్, రషీద్ ఖాన్, నాథన్ ఎల్లీస్, షాదబ్ ఖాన్, ఆడమ్ మిల్నే, కోలిన్ మున్రో, కేన్ రిచర్డ్‌సన్, డానియల్ సామ్స్, జోష్ లిటిల్, వేన్ పార్నెల్ వంటి ఆటగాళ్లకు ది హండ్రెడ్‌ లీగ్‌-2023 డ్రాఫ్ట్‌లో చోటు దక్కింది. ఇక ది హండ్రెడ్‌ లీగ్‌-2023 ఆగస్టు 1 నుంచి ప్రారంభం కానుంది. చదవండి: IPL 2023: ఐపీఎల్‌కు దూరమైనా పంత్‌కు అరుదైన గౌరవం.. ఢిల్లీ క్యాపిటల్స్‌ కీలక నిర్ణయం!

హండ్రెడ్‌ లీగ్‌ 2022లో బర్మింగ్‌హామ్‌ ఫీనిక్స్‌ జట్టు హ్యాట్రిక్‌ విజయం నమోదు చేసింది. సోమవారం ట్రెంట్‌ రాకెట్స్‌తో జరిగిన పోరులో ఆ జట్టు 7 వికెట్ల తేడాతో సూపర్‌ విక్టరీ సాధించింది. ఈ మ్యాచ్‌లో తొలుత బ్యాటింగ్‌ చేసిన ట్రెంట్‌ రాకెట్స్‌ నిర్ణీత 100 బంతుల్లో 6 వికెట్ల నష్టానికి 145 పరుగులు చేయగా.. బర్మింగ్‌హామ్‌ జట్టు మరో 14 బంతులు మిగిలుండగానే 3 వికెట్లు కోల్పోయి లక్ష్యాన్ని ఛేదించింది.  కెప్టెన్‌ మొయిన్‌ అలీ ఆల్‌రౌండ్‌ షోతో (1/3; 28 బంతుల్లో 3 ఫోర్లు, 5 సిక్సర్ల సాయంతో 52 పరుగులు), లివింగ్‌స్టోన్‌ (32 బంతుల్లో 51 నాటౌట్‌; ఫోర్‌, 4 సిక్సర్లు) మెరుపు అర్ధశతకంతో చెలరేగడంతో బర్మింగ్‌హామ్‌ సునాయాసంగా లక్ష్యాన్ని చేరుకుంది. బర్మింగ్‌హామ్‌ కోల్పోయిన 3 వికెట్లు లూక్‌ వుడ్‌ ఖాతాలో చేరాయి.  అంతకుముందు డేనియల్‌ సామ్స్‌ (25 బంతుల్లో 55 నాటౌట్‌; 5 ఫోర్లు, 3 సిక్సర్లు), గ్రెగరీ (22 బంతుల్లో 35 నాటౌట్‌; 2 ఫోర్లు, 2 సిక్సర్లు) రెచ్చిపోవడంతో ట్రెంట్‌ రాకెట్స్‌ ఆ మాత్రం స్కోరైనా చేయగలిగింది. ఆ జట్టులోని భారీ హిట్టర్లు అలెక్స్‌ హేల్స్‌ (1), డేవిడ్‌ మలాన్‌ (9), మన్రో (11) దారుణంగా నిరాశపరిచారు. బర్మింగ్‌హామ్‌ బౌలర్‌ హోవెల్‌ 3 వికెట్లు పడగొట్టాడు.  ఈ విజయంతో బర్మింగ్‌హామ్‌ 4 మ్యాచ్‌ల్లో 3 విజయాలతో పాయింట్ల పట్టికలో మూడో స్థానానికి ఎగబాకగా.. ప్రస్తుత ఎడిషన్‌లో తొలి ఓటమి చవిచూసిన ట్రెంట్‌ రాకెట్స్‌ నాలుగో స్థానానికి పడిపోయింది. 4 మ్యాచ్‌ల్లో 4 విజయాలు సాధించిన లండన్‌ స్పిరిట్‌ ఈ జాబితాలో టాప్‌ ప్లేస్‌లో ఉండగా.. ఓవల్‌ ఇన్విన్సిబుల్‌ (4 మ్యాచ్‌ల్లో 3 విజయాలు) ఆతర్వాతి స్థానంలో నిలిచింది. నార్త్రన్‌ సూపర్‌ చార్జర్స్‌ (4 మ్యాచ్‌ల్లో ఒక్క విజయం), సథరన్‌ బ్రేవ్‌ (4 మ్యాచ్‌ల్లో ఒక్క విజయం), మాంచెస్టర్‌ ఒరిజినల్స్‌ (3 మ్యాచ్‌ల్లో 3 పరాజయాలు), వెల్ష్‌ ఫైర్‌ (3 మ్యాచ్‌ల్లో 3 పరాజయాలు) వరుసగా 5 నుంచి 8 స్థానాల్లో ఉన్నాయి.  చదవండి: ఇంగ్లండ్‌ యువ బ్యాటర్‌ విధ్వంసం.. ఫాస్టెస్‌ సెంచరీ రికార్డు బద్దలు

ద హండ్రెడ్‌ లీగ్‌ 2022లో స్థానిక ఇంగ్లీష్‌ యువ బ్యాటర్లు ఆకాశమే హద్దుగా చెలరేగిపోతున్నారు. లీగ్‌ రెండో ఎడిషన్‌లో శతకాల మోత మోగిస్తూ బౌలర్లను బెంబేలెత్తిస్తున్నారు. ఆగస్ట్‌ 10న సథరన్‌ బ్రేవ్‌తో జరిగిన మ్యాచ్‌లో బర్మింగ్‌హామ్‌ ఫీనిక్స్‌కు చెందిన 20 ఏళ్ల ఓపెనింగ్‌ బ్యాటర్‌ విల్‌ స్మీడ్‌ 50 బంతుల్లో 8 ఫోర్లు, 6 సిక్సర్ల సాయంతో శతక్కొట్టి, లీగ్‌లో తొట్ట తొలి సెంచరీ సాధించిన ఆటగాడిగా రికార్డుల్లోక్కెగా.. తాజాగా అదే ప్రత్యర్ధిపై ఓవల్‌ ఇన్విన్సిబుల్స్‌కు చెం‍దిన 23 ఏళ్ల యువ ఓపెనర్‌ విల్‌ జాక్స్‌ ఏకంగా 47 బంతుల్లోనే శతక్కొట్టి ఔరా అనిపించాడు.  జాక్స్‌ మొత్తం 48 బంతుల్లో 10 ఫోర్లు, 8 భారీ సిక్సర్ల సాయంతో అజేయమైన 108 పరుగులు సాధించి తన జట్టును మరో 18 బంతులు మిగిలుండగానే విజయతీరాలకు చేర్చాడు. జాక్స్‌ ప్రత్యర్ధి బౌలర్లపై విరుచుకుపడిన వైనం ప్రస్తుతం నెట్టింట వైరలవుతోంది. తమ జట్టుకు మరో విధ్వంసకర బ్యాటర్‌ దొరికాడని ఇంగ్లీష్‌ అభిమానులు తెగ సంబురపడిపోతున్నారు. జాక్స్‌ 2019లో జరిగిన ఓ టీ10 లీగ్‌లో 25 బంతుల్లోనే సెంచరీ సాధించి రికార్డుల్లోకెక్కాడు.  ఆదివారం (ఆగస్ట్‌ 14) సథరన్‌ బ్రేవ్‌తో జరిగిన మ్యాచ్‌లో టాస్‌ గెలిచి తొలుత బౌలింగ్‌ చేసిన ఓవల్‌ ఇన్విన్సిబుల్స్‌ ప్రత్యర్ధిని 137 పరుగులకే (100 బంతుల్లో 6 వికెట్ల నష్టానికి) కట్టడి చేసింది. మార్కస్‌ స్టోయినిస్‌ (27 బంతుల్లో 37; 2 ఫోర్లు, 2 సిక్సర్లు) ఇన్నింగ్స్‌ టాప్‌ స్కోరర్‌గా నిలువగా.. రీస్‌ టాప్లే 20 బంతుల్లో 3 వికెట్లు పడగొట్టి సథరన్‌ బ్రేవ్‌ పతనాన్ని శాసించాడు.  అనంతరం నామమత్రపు లక్ష్యాన్ని ఛేదించేందుకు బరిలోకి దిగిన ఇన్విన్సిబుల్స్‌.. జాక్స్‌ విధ్వంసం ధాటికి 82 బంతుల్లోనే 3 వికెట్లు కోల్పోయి లక్ష్యాన్ని చేరుకుంది. జాక్స్‌ ఒక్కడే అన్నీ తానై తన జట్టును ఒంటిచేత్తో గెలిపించాడు. జాక్స్‌ 48 బంతుల్లో 108 పరుగులు సాధిస్తే.. బ్యాటింగ్‌ అవకాశం వచ్చిన మిగతా నలుగురు 35 బంతుల్లో 29 పరుగులు మాత్రమే చేసి తుస్సుమనిపించారు.  ఓపెనర్‌ జేసన్‌ రాయ్‌ లీగ్‌లో మూడోసారి డకౌట్‌ కాగా, రిలీ రుస్సో (13 బంతుల్లో 10; సిక్స్‌), కెప్టెన్‌ సామ్‌ బిలింగ్స్‌ (8) దారుణంగా నిరాశపరిచారు. జాక్స్‌ వరుసగా రెండు భారీ సిక్సర్లు బాది తన జట్టుకు ప్రస్తుత ఎడిషన్‌లో మూడో విజయాన్ని (4 మ్యాచ్‌ల్లో) అందించాడు. తాజా ఓటమితో డిఫెండింగ్‌ ఛాంనియన్‌ సథరన్‌ బ్రేవ్‌ పరాజయాల సంఖ్య మూడుకు (4 మ్యాచ్‌ల్లో) చేరింది. 4 మ్యాచ్‌ల్లో 4 విజయాలతో లండన్‌ స్పిరిట్‌ పాయింట్ల పట్టికలో అగ్రస్థానంలో నిలిచింది.  చదవండి: చరిత్ర సృష్టించిన ఇంగ్లండ్‌ బ్యాటర్‌.. హండ్రెడ్‌ లీగ్‌లో శతక్కొట్టిన తొలి ఆటగాడిగా రికార్డు

ఇంగ్లండ్‌ వేదికగా జరుగుతున్న హండ్రెడ్‌ టోర్నమెంట్‌లో బ్యాటర్లు పండగ చేసుకుంటున్నారు. 100 బంతుల్లో ముగిసే మ్యాచ్‌ కావడంతో అభిమానులు కూడా బాగా ఆసక్తి చూపిస్తున్నారు. ఈ నేపథ్యంలో బ్యాటర్లు కొట్టే సిక్సర్లు, బౌండరీలతో మైదానాలు చిన్నవిగా మారిపోయాయా. తాజాగా మాంచెస్టర్‌ ఒరిజినల్స్‌తో మ్యాచ్‌లో ఇంగ్లండ్‌ స్టార్‌.. ట్రెంట్‌ రాకెట్స్‌ బ్యాటర్‌ డేవిడ్‌ మలాన్‌ సూపర్‌ ఇన్నింగ్స్‌తో ఆకట్టుకున్నాడు. సెంచరీకి రెండు పరుగుల దూరంలో ఆగిపోయినప్పటికి.. ఆఖరివరకు నాటౌట్‌గా నిలిచి జట్టును విజయతీరాలకు చేర్చాడు. 44 బంతుల్లో 98 పరుగులతో నాటౌట్‌గా నిలిచిన మలాన్‌ ఇన్నింగ్స్‌లో 3 ఫోర్లు, 9 సిక్సర్లు ఉండడం విశేషం.  మలాన్‌ దెబ్బకు 94 బంతుల్లోనే లక్ష్యం కరిగిపోయింది. మ్యాచ్‌లో తొలుత బ్యాటింగ్‌ చేసిన మాంచెస్టర్‌ ఒరిజినల్స్‌ 100 బంతుల్లో 3 వికెట్ల నష్టానికి 189 పరుగులు చేసింది. సాల్ట్‌ 46 బంతుల్లో 70 నాటౌట్‌, జాస్‌ బట్లర్‌ 41 పరుగులు రాణించగా.. చివర్లో స్టబ్స్‌ 10 బంతుల్లో 4 సిక్సర్లతో 27 పరుగులు చేశాడు. అనంతరం ట్రెంట్‌ రాకెట్స్‌ 94 బంతుల్లో  2 వికెట్లు మాత్రమే కోల్పోయి లక్ష్యాన్ని అందుకుంది.  చదవండి: Hundred Tourney: సిక్సర్లతో ప్రత్యర్థికి చుక్కలు చూపించిన ప్రొటిస్‌ బ్యాటర్‌

సౌతాఫ్రికా యువ ఆటగాడు ట్రిస్టన్‌ స్టబ్స్‌ హండ్రెడ్‌ టోర్నమెంట్‌లో భాగంగా ట్రెంట్‌ రాకెట్స్‌తో జరిగిన మ్యాచ్‌లో ప్రత్యర్థి బౌలర్లను ఊచకోత కోశాడు. క్రీజులో ఉన్నది కాసేపే అయినా వరుస సిక్సర్లతో స్టేడియాన్ని హోరెత్తించాడు. అతని ఇన్నింగ్స్‌ ధాటికి మాంచెస్టర్‌ ఒరిజినల్స్‌ భారీ స్కోరు సాధించింది. మాంచెస్టర్‌ ఇన్నింగ్స్‌లో 76 బంతుల వరకు ఒక్క సిక్సర్‌ కూడా రాలేదు. ఈ దశలో స్టబ్స్‌ తబ్రెయిజ్‌ షంసీ బౌలింగ్‌లో వరుసగా నాలుగు బంతులను సిక్సర్లు బాదాడు. అలా 10 బంతుల్లో 27 పరుగుల చేసి ఔటయ్యాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే.. తొలుత బ్యాటింగ్‌ చేసిన మాంచెస్టర్‌ ఒరిజినల్స్‌ 100 బంతుల్లో 3 వికెట్ల నష్టానికి 189 పరుగులు చేసింది. సాల్ట్‌ 46 బంతుల్లో 70 నాటౌట్‌, జాస్‌ బట్లర్‌ 41 పరుగులు రాణించగా.. చివర్లో స్టబ్స్‌ 10 బంతుల్లో 4 సిక్సర్లతో 27 పరుగులు చేశాడు. అనంతరం బ్యాటింగ్‌ చేసిన ట్రెంట్‌ రాకెట్స్‌ 94 బంతుల్లో 2 వికెట్లు మాత్రమే కోల్పోయి లక్ష్యాన్ని అందుకుంది. డేవిడ్‌ మలాన్‌(44 బంతుల్లో 98 నాటౌట్‌, 3 ఫోర్లు, 9 సిక్సర్లు) దాటిగా ఆడి జట్టు విజయంలో కీలకపాత్ర పోషించగా.. అలెక్స్‌ హేల్స్‌ 38, టామ్‌ కోహ్లెర్‌ 30 పరుగులు చేశారు. GIF Of MI Original Blood Tristan Stubbs 4 Balls 4 Sixes . A Thread (1/1) pic.twitter.com/3Docwv798I — Prof. Boies Pilled Bell 🪄 (@Lil_Boies45) August 13, 2022 2/2 pic.twitter.com/3VlWEo2aLd — Prof. Boies Pilled Bell 🪄 (@Lil_Boies45) August 13, 2022 4/4 pic.twitter.com/kNQM67jG9g — Prof. Boies Pilled Bell 🪄 (@Lil_Boies45) August 13, 2022

ఇంగ్లండ్‌ క్రికెట్‌ బోర్డు (ఈసీబీ) నిర్వహించే ద హండ్రెడ్‌ లీగ్‌ కాంపిటీషన్‌లో తొలి శతకం నమోదైంది. 2022 ఎడిషన్‌లో భాగంగా బర్మింగ్‌హామ్‌ ఫీనిక్స్‌కు చెందిన 20 ఏళ్ల యువ బ్యాటర్‌ విల్‌ స్మీడ్‌ లీగ్‌లో తొట్ట తొలి సెంచరీ సాధించి రికార్డుల్లోకెక్కాడు. అంతకుముందు సహచర ఆటగాడు, పంజాబ్‌ కింగ్స్‌ (ఐపీఎల్‌) ప్లేయర్‌ లియామ్‌ లివింగ్‌స్టోన్‌ చేసిన 92 పరుగులే హండ్రెడ్‌ లీగ్‌ అత్యధిక వ్యక్తిగత స్కోర్‌గా ఉండింది. నిన్న (ఆగస్ట్‌ 10) సథరన్‌ బ్రేవ్‌తో జరిగిన మ్యాచ్‌లో స్మీడ్‌ ఈ ఘనత సాధించాడు.  First 💯 in #TheHundred = @CazooUK Match Hero 🏅 👏 @will_smeed 👏 pic.twitter.com/bTqyqrSSsT — The Hundred (@thehundred) August 10, 2022 స్మీడ్‌.. 50 బంతుల్లో 8 ఫోర్లు, 6 సిక్సర్ల సాయంతో విధ్వంసకర శతకం నమోదు చేశాడు. ఫలితంగా అతను ప్రాతినిధ్యం వహిస్తున్న బర్మింగ్‌హామ్‌ జట్టు 53 పరుగుల తేడాతో ఘన విజయం సాధించింది. తొలుత బ్యాటింగ్‌ చేసిన ఫీనిక్స్‌ జట్టు నిర్ణీత 100 బంతుల్లో 4 వికెట్ల నష్టానికి 176 పరుగులు చేయగా.. ఛేదనలో హెన్రీ బ్రూక్స్‌ (5/25), కేన్‌ రిచర్డ్‌సన్‌ (3/19) ధాటికి ప్రత్యర్ధి సథరన్‌ బ్రేవ్‌ 123 పరుగులకే చాపచుట్టేసింది.  ఫీనిక్స్‌ ఇన్నింగ్స్‌లో స్మీడ్‌ అజేయమైన సెంచరీ బాదగా, లివింగ్‌స్టోన్‌ (20 బంతుల్లో 21; ఫోర్‌, సిక్స్‌) పర్వాలేదనిపించాడు. సథరన్‌ బ్రేవ్‌ బౌలర్లలో స్టొయినిస్‌, క్రిస్‌ జోర్డాన్‌, జేమ్స్‌ ఫుల్లర్‌, లిన్టాట్‌ తలో వికెట్‌ పడగొట్టారు.సథరన్‌ ఇన్నింగ్స్‌లో అలెక్స్‌ డేవిస్‌ (24 బంతుల్లో 33; 2 ఫోర్లు, సిక్స్‌) టాప్‌ స్కోరర్‌గా నిలిచాడు. కాగా, ప్రస్తుత ఎడిషన్‌లో బర్మింగ్‌హామ్‌ ఫీనిక్స్‌కు ఇది తొలి విజయం. మొత్తం 8 జట్లు పాల్గొంటున్న ఈ లీగ్‌లో ప్రస్తుతానికి లండన్‌ స్పిరిట్‌ 2 మ్యాచ్‌ల్లో 2 విజయాలతో పాయింట్ల పట్టికలో అగ్రస్థానంలో ఉంది.  చదవండి: దంచికొట్టిన డేవిడ్‌ మలాన్‌.. దూసుకుపోతున్న ట్రెంట్‌ రాకెట్స్‌  

హండ్రెడ్‌ లీగ్‌ 2022లో ట్రెంట్‌ రాకెట్స్‌ జట్టు వరుస విజయాలతో దూసుకుపోతుంది. తొలి మ్యాచ్‌లో బర్మింగ్‌హామ్‌ ఫీనిక్స్‌ను 6 వికెట్ల తేడాతో మట్టికరిపించిన ఆ జట్టు.. నిన్న (ఆగస్ట్‌ 9) నార్త్రన్‌ సూపర్‌ ఛార్జర్స్‌తో జరిగిన మ్యాచ్‌లోనూ అదే తరహాలో రెచ్చిపోయి మరో ఘన విజయం నమోదు చేసింది. ఆ జట్టు ఓపెనర్‌ డేవిడ్‌ మలాన్‌ (49 బంతుల్లో 88 నాటౌట్‌; 11 ఫోర్లు, 3 సిక్సర్లు) మెరుపు ఇన్నింగ్స్‌తో చెలరేగడంతో 7 వికెట్ల తేడాతో విజయం సాధించింది. ఈ మ్యాచ్‌లో టాస్‌ గెలిచి రాకెట్స్‌ ప్రత్యర్ధిని బ్యాటింగ్‌కు ఆహ్వానించింది. డేనియల్‌ సామ్స్‌ (3/31), ఫ్లెచర్‌ (2/22), లూక్‌ వుడ్‌ (2/30) విజృంభించడంతో సూపర్‌ ఛార్జర్స్‌ నిర్ణీత 100 బంతుల్లో 8 వికెట్ల నష్టానికి 152 పరుగులు చేసింది. 8వ స్థానంలో బ్యాటింగ్‌కు వచ్చిన డేవిడ్‌ వీస్‌ 27 బంతుల్లో 5 సిక్సర్లు, 2 ఫోర్ల సాయంతో 50 పరుగులు చేసి తన జట్టుకు గౌరవప్రదమైన స్కోర్‌ అందించాడు. ఛేదనలో ట్రెంట్‌ రాకెట్స్‌ మలాన్‌ సహా అలెక్స్‌ హేల్స్‌ (27 బంతుల్లో 43; 4 ఫోర్లు, 2 సిక్సర్లు) రాణించడంతో మరో 6 బంతులు మిగిలుండగానే 3 వికెట్లు కోల్పోయి లక్ష్యాన్ని చేరుకుంది. ఈ విజయంతో ట్రెంట్‌ రాకెట్స్‌ పాయింట్ల పట్టికలో రెండో స్థానానికి ఎగబాకింది.  చదవండి: న్యూజిలాండ్‌ క్రికెట్‌కు భారీ షాక్‌.. వైదొలిగిన స్టార్‌ బౌలర్‌

The Hundred 2022: ది హండ్రెడ్ లీగ్‌ సీజన్‌-2022లో ఆడాలనుకున్న శ్రీలంక స్టార్‌ క్రికెటర్‌ వనిందు హసరంగకు చుక్కెదురైంది. ఈ లీగ్‌లో ఆడేందుకు.. శ్రీలంక క్రికెట్‌ బోర్డు(ఎస్‌ఎల్‌సీ) అతడికి అనుమతినివ్వలేదు. హసరంగకు నో ఆబ్జక్షన్‌ సర్టిఫికెట్‌ ఇచ్చేందుకు బోర్డు నిరాకరించింది.  దీంతో ఈ బౌలింగ్‌ ఆల్‌రౌండర్‌ టోర్నీ నుంచి తప్పుకొనేందుకు సిద్ధమయ్యాడు. ఆసియా కప్‌-2022, టీ20 ప్రపంచకప్‌-2022 ఈవెంట్‌ సమీపిస్తున్న తరుణంలో ఈ మేరకు నిర్ణయం తీసుకుంది. ఈ విషయాన్ని శ్రీలంక బోర్డు చీఫ్‌ ఎగ్జిక్యూటివ్‌ ఆష్లే డి సిల్వ వెల్లడించాడు. కాగా ఐపీఎల్‌కు పోటీ అన్నట్లుగా ఇంగ్లండ్‌ క్రికెట్‌ బోర్డు.. హండ్రెడ్‌ లీగ్‌(ఇన్నింగ్స్‌కు వంద బాల్స్‌) నిర్వహిస్తున్న విషయం తెలిసిందే. లక్ష పౌండ్లు! మొత్తం 8 జట్లు పోటీపడుతున్న ఈ లీగ్‌లో దేశీ, విదేశీ ఆటగాళ్లు పాల్గొంటారు. ఇందులో భాగంగా వనిందు హసరంగను మాంచెస్టర్‌ ఒరిజినల్స్‌ ఫ్రాంచైజీ లక్ష పౌండ్లు వెచ్చించి సొంతం చేసుకుంది. ఇంగ్లండ్‌ పరిమిత ఓవర్ల జట్టు కెప్టెన్‌ జోస్‌ బట్లర్‌ సారథిగా వ్యవహరిస్తున్న మాంచెస్టర్‌ ఒరిజినల్స్‌ ఆగష్టు 5న నార్తర్న్‌ సూపర్‌చార్జర్స్‌తో మ్యాచ్‌తో తమ ప్రయాణం ఆరంభించనుంది. ఈ క్రమంలో హసరంగ వంటి కీలక ప్లేయర్‌ దూరం కావడం ఈ జట్టుకు పెద్ద ఎదురుదెబ్బ లాంటిదే. కాగా శ్రీలంక ప్రీమియర్‌ లీగ్‌ నేపథ్యంలో హసరంగ జట్టుకు దూరమవుతాడని మాంచెస్టర్‌ ముందే ఫిక్సయిపోయినా.. ఆ టోర్నీ వాయిదా పడటంతో ఊపిరి పీల్చుకుంది.  ఆడటానికి వీల్లేదు.. కారణమిదే! ఈ నేపథ్యంలో హండ్రెడ్‌ లీగ్‌లో ఆడాలని వనిందు హసరంగ భావించగా.. శ్రీలంక బోర్డు అడ్డుచెప్పింది. ఈ విషయం గురించి ఎస్‌ఎల్‌సీ చీఫ్‌ ఎగ్జిక్యూటివ్‌ ఆష్లే డి సిల్వ ఈఎస్‌పీన్‌క్రిక్‌ఇన్పోతో మాట్లాడుతూ.. ఇందుకు గల కారణాన్ని వెల్లడించాడు. వరుసగా మెగా ఈవెంట్లు ఉన్న నేపథ్యంలో హసరంగకు నో ఆబ్జక్షన్‌ సర్టిఫికెట్‌ ఇవ్వలేదని తెలిపాడు. కాగా ఆగష్టు 27 నుంచి ఆసియా కప్‌, అక్టోబర్‌ 16 నుంచి టీ20 ప్రపంచకప్‌ టోర్నీలు ఆరంభం కానున్న సంగతి తెలిసిందే.  మరోవైపు.. ది హండ్రెడ్‌ లీగ్‌ తాజా సీజన్‌ ఆగష్టు 3న ఆరంభమైంది. సెప్టెంబరు 3న ఫైనల్‌ మ్యాచ్‌ జరుగనుంది. ఇదిలా ఉంటే... హసరంగ స్థానాన్ని మాంచెస్టర్‌ దక్షిణాఫ్రికా యువ సంచలనం ట్రిస్టన్‌ స్టబ్స్‌తో భర్తీ చేసుకుంది. ఇక స్పిన్‌ మాస్ట్రో హసరంగ ఐపీఎల్‌-2022లో రాయల్‌ చాలెంజర్స్‌ బెంగళూరుకు ప్రాతినిథ్యం వహించిన సంగతి తెలిసిందే. చదవండి: WC 2022: వరల్డ్‌ నెం.1 బౌలర్‌గా ఎదుగుతాడు! ప్లీజ్‌ చేతన్‌ అతడిని సెలక్ట్‌ చేయవా!

డబ్బులొచ్చే టోర్నీల కన్నా దేశం కోసం ఆడటమే ముఖ్యమని నిరూపించాడు ఇంగ్లండ్‌ విధ్వంసకర వీరుడు జానీ బెయిర్‌స్టో. ఇటీవలి కాలంలో ఫార్మాట్లకతీతంగా చెలరేగిపోతున్న బెయిర్‌స్టో.. త్వరలో దక్షిణాఫ్రికాతో జరుగబోయే టెస్ట్‌ సిరీస్‌ కోసం స్వదేశంలో జరిగే 'హండ్రెడ్‌ లీగ్‌'లో ఆడే అవకాశాన్ని వదులుకున్నాడు. అంతర్జాతీయ క్రికెట్‌లో బిజీ షెడ్యూల్‌ కారణంగా అలసిపోయానని, మున్ముందు కూడా చాలా హెవీ షెడ్యూల్‌ ఉన్నందున రెస్ట్‌ తీసుకోవాలని నిర్ణయించుకున్నానని, అందుకే హండ్రెడ్‌ లీగ్‌కి దూరంగా ఉం‍డాలని అనుకుంటున్నానని బెయిర్‌స్టో వెల్లడించాడు.  బెయిర్‌స్టో.. ఇవాల్టి (ఆగస్ట్‌ 3) నుంచి ప్రారంభం కానున్న హండ్రెడ్ లీగ్‌ రెండో ఎడిషన్‌లో కార్డిఫ్‌ ఫ్రాంచైజీ అయిన వెల్ష్ ఫైర్‌కు ఆడాల్సి ఉండింది. వెల్ష్ ఫైర్‌ ఇవాల్టి మ్యాచ్‌లో డిఫెండింగ్‌ ఛాంపియన్‌ సౌత్‌ బ్రేవ్‌ను ఢీకొట్టాల్సి ఉంది. హండ్రెడ్‌ లీగ్‌లో మొత్తం ఎనిమిది జట్లు (ట్రెంట్ రాకెట్స్, నార్తర్న్ సూపర్‌చార్జర్స్, బర్మింగ్‌హామ్ ఫీనిక్స్, సౌత్‌ బ్రేవ్, వెల్ష్ ఫైర్, ఓవల్ ఇన్విన్సిబుల్స్, మాంచెస్టర్ ఒరిజినల్, లండన్ స్పిరిట్) ఒకదానితో ఒకటి తలపడతాయి. ఒక్కో ఇన్నింగ్స్‌లో 100 బాల్స్ చొప్పున సాగే ఈ టోర్నీ.. టీ20 తరహాలో ప్రజాధరణ పొందలేకపోయింది.  ఇదిలా ఉంటే, ఆగస్ట్‌ 17 నుంచి దక్షిణాఫ్రికాతో  జరుగనున్న మూడు టెస్ట్‌ల సిరీస్‌ కోసం (తొలి రెండు టెస్ట్‌లకు) ఇంగ్లండ్‌ క్రికెట్‌ బోర్డు నిన్న (ఆగస్ట్‌ 2) జట్టును ప్రకటించింది. 14 మంది సభ్యులతో కూడిన ఈ జట్టులో బెయిర్‌స్టో సహా బెన్ స్టోక్స్ (కెప్టెన్‌), జేమ్స్ ఆండర్సన్, స్టువర్ట్ బ్రాడ్, హ్యారీ బ్రూక్, జాక్ క్రాలీ, బెన్ ఫోక్స్ (వికెట్‌ కీపర్‌), జాక్ లీచ్, అలెక్స్ లీస్, క్రెయిగ్ ఓవర్‌టన్, మాథ్యూ పాట్స్, ఆలీ పోప్, ఆలీ రాబిన్సన్, జో రూట్ ఉన్నారు.  చదవండి: దక్షిణాఫ్రికాతో టెస్టు సిరీస్‌.. జట్టును ప్రకటించిన ఇంగ్లండ్‌!

లండన్: ఐపీఎల్‌కు పోటీగా ఇంగ్లండ్‌ అండ్‌ వేల్స్‌ క్రికెట్‌ బోర్డు (ఈసీబీ) నిర్వహించే ది హండ్రెడ్ లీగ్‌లో పాకిస్థాన్‌ స్టార్‌ బ్యాటర్లు బాబర్‌ ఆజమ్‌, మహ్మద్‌ రిజ్వాన్‌లకు ఘోర అవమానం జరిగింది. ఈ నెల 5న జరిగిన లీగ్‌ మెగా వేలంలో రూ. 1.25 కోట్ల రిజర్వ్ ప్రైస్ విభాగంగా పోటీపడిన ఈ ఇద్దరు బ్యాటర్లను కొనుగోలు చేసేందుకు ఏ ఫ్రాంచైజీ ఆసక్తి కనబర్చలేదు. దీంతో ఈ పాక్‌ ద్వయం అన్‌సోల్డ్‌గా మిగిలిపోయింది. పాక్‌ కెప్టెన్‌ బాబర్‌ తాజాగా జరిగిన ఆసీస్‌ సిరీస్‌లో సెంచరీల మోత మోగించి పరుగుల వరద పారించినప్పటికీ అతనిపై ఏ జట్టు ఆసక్తి కనబర్చకపోవడం ప్రస్తుతం క్రికెట్‌ వర్గాల్లో చర్చనీయాంశంగా మారింది.  టీ20 ర్యాంకింగ్స్‌లో నంబర్‌ 1గా కొనసాగుతున్న పాక్‌ కెప్టెన్‌ను వంద బంతుల ఫార్మాట్‌లో ఏ జట్టు కొనుగోలు చేయకపోవడాన్ని పాక్‌ మాజీలు, ఆ దేశ అభిమానులు జీర్ణించుకోలేకపోతున్నారు. బాబర్‌ ఆజమ్‌ను టీమిండియా స్టార్‌ క్రికెటర్‌ విరాట్‌ కోహ్లితో పోల్చుకునే పాక్‌ అభిమానులకు ఇది చెంపపెట్టు లాంటింది. ఐపీఎల్ వేలంలోకి తమ కెప్టెన్ పాల్గొంటే కనీసం రూ.20 కోట్లు దక్కేవి అని బడాయికి పోయిన ఆ దేశ మాజీలు ఈ పరిణామంలో తల ఎక్కడ పెట్టుకోవాలో అర్ధం కాక ముఖం చాటేస్తున్నారు. బాబర్‌ ఆజమ్‌, మహ్మద్‌ రిజ్వాన్‌లతో పాటు హండ్రెడ్‌ లీగ్‌ వేలంలో ఆసీస్‌ వెటరన్‌ ఓపెనర్‌ డేవిడ్‌ వార్నర్‌కు కూడా చుక్కెదురైంది.  వార్నర్‌ను సైతం కొనుగోలు చేసేందుకు ఏ జట్టు ఆసక్తి కనబర్చలేదు. అయితే వంద బంతుల లీగ్‌లో ఐపీఎల్‌ ఆటగాళ్లను మాత్రం భలే డిమాండ్‌ ఉండింది. క్యాష్‌ రిచ్‌ లీగ్‌లో పాల్గొనే విదేశీ ఆటగాళ్లు హాట్‌ కేకుల్లా అమ్ముడుపోయారు. కీరన్ పొల్లార్డ్‌, గ్లెన్ మ్యాక్స్‌వెల్, మార్క్‌ వుడ్, జోస్ బట్లర్, సామ్ బిల్లింగ్స్, క్రిస్ జోర్డాన్, టైమల్ మిల్స్, మార్కస్ స్టొయినిస్, రషీద్ ఖాన్, ఫాఫ్ డుప్లెసిస్, మొయిన్ అలీ, లియామ్ లివింగ్‌స్టొన్, ఆడమ్ మిల్నే లాంటి ఐపీఎల్‌ స్టార్లను సొంతం చేసుకునేందుకు ఫ్రాంచైజీలు ఎగబడ్డాయి. కాగా, వంద బంతుల ఫార్మాట్‌లో సాగే హండ్రెడ్‌ లీగ్‌లో మొత్తం ఎనిమిది జట్లు తలపడనున్న సంగతి తెలిసిందే.  చదవండి: హండ్రెడ్‌ లీగ్‌లో ఐపీఎల్‌ స్టార్లు, ఇక్కడేమో కోట్లు కుమ్మరించారు.. అక్కడేమో..!

The Hundred League: ఐపీఎల్‌కు పోటీగా ఇంగ్లండ్‌ క్రికెట్‌ బోర్డు (ఈసీబీ) నిర్వహిస్తున్న ది హండ్రెడ్ లీగ్‌ సీజన్‌ 2022 వేలం ఏప్రిల్‌ 5న జరుగనున్నట్లు ఈసీబీ ప్రకటించింది. తొలి సీజన్‌తో పోలిస్తే.. ఈ ఏడాది లీగ్‌లో పాల్గొనేందుకు అంతర్జాతీయ స్టార్లు చాలా ఆసక్తి కనబరుస్తున్నారు. లీగ్‌లో ఆడేందుకు 16 దేశాలకు చెందిన 534 మంది క్రికెటర్లు పేర్లు నమోదు చేసుకోగా.. వీరిలో 284 మంది విదేశీ ఆటగాళ్లు ఉన్నారు. లీగ్‌కు సంబంధించి రిటెన్షన్ ప్రక్రియ కూడా ఇటీవలే ముగిసింది. ఆయా జట్లు 42 మంది ఆటగాళ్లను రిటైన్ చేసుకోగా.. వీరిలో 25 మంది ఇంగ్లండ్ ఆటగాళ్లు, 17 మంది ఇతర దేశాలకు చెందిన క్రికెటర్లు ఉన్నారు. కాగా, హండ్రెడ్‌ లీగ్‌ 2022 సీజన్‌లో పాల్గొనేందుకు ఆండ్రీ రసెల్‌, డేవిడ్‌ వార్నర్‌, సునీల్ నరైన్, కీరన్ పొలార్డ్, నికోలస్ పూరన్, క్వింటన్ డికాక్, ఎవిన్ లూయిస్, డ్వేన్‌ బ్రావో, హెట్మైర్, మార్క్రమ్, ఓడియన్‌ స్మిత్‌, వనిందు హసరంగ, భానుక రాజపక్స, దసున్ శనక, రొమారియో షెపర్డ్ వంటి ఐపీఎల్‌ స్టార్లు ఎగబడటం ఆసక్తి కలిగిస్తుంది. ఐపీఎల్‌తో పోలిస్తే.. ఈ ఆటగాళ్లకు హండ్రెడ్‌ లీగ్‌లో దక్కే పారితోషికం చాలా తక్కువ. ఐపీఎల్‌ 2022లో 10.75 కోట్ల భారీ మొత్తం దక్కించుకున్న విండీస్‌ క్రికెటర్‌ నికోలస్‌ పూరన్‌ హండ్రెడ్‌ లీగ్‌లో 1.25 కోట్ల రిజర్వ్ ప్రైస్ విభాగంలో (వేలంలో) పోటీపడుతుండగా, ఐపీఎల్‌లో 10 కోట్లు అందుకుంటున్న లంక మిస్టరీ స్పిన్నర్‌ హసరంగ 50 లక్షల రిజర్వ్ ప్రైస్ విభాగంలో, 8.5 కోట్లు అందుకుంటున్న హెట్మైర్‌, 7.75 కోట్లు అందుకుంటున్న రొమారియో షెఫర్డ్ 40 లక్షల రిజర్వ్‌ ప్రైస్ విభాగంలో పోటీపడుతుండటం ఆశ్యర్యాన్ని కలిగిస్తుంది. హండ్రెడ్ లీగ్‌ 2022 వేలంలో స్లాబ్‌లు, విదేశీ ఆటగాళ్ల వివరాలు.. రూ. 1.25 కోట్ల రిజర్వ్ ప్రైస్: బాబర్ ఆజమ్, మిచెల్ మార్ష్, డేవిడ్ వార్నర్, క్రిస్ గేల్, సునీల్ నరైన్, కీరన్ పొలార్డ్, నికోలస్ పూరన్, షంషీ రూ. 99 లక్షల రిజర్వ్ ప్రైస్: షకిబ్ అల్ హసన్, క్వింటన్ డికాక్, జై రిచర్డ్సన్, ఆండ్రీ రసెల్ రూ. 75 లక్షల రిజర్వ్ ప్రైస్: మహ్మద్ అమీర్, డ్వేన్ బ్రావో, నాథన్ కౌల్టర్ నీల్, ఆరోన్ ఫించ్, షాదాబ్ ఖాన్, ఎవిన్ లూయిస్, డేవిడ్ మిల్లర్, హరిస్ రౌఫ్, ఇమ్రాన్ తాహిర్, ముజీబ్ ఉర్ రెహ్మాన్ రూ. 60 లక్షల రిజర్వ్ ప్రైస్: సీన్ అబోట్, ఫిన్ అలెన్, హిట్మైర్, మార్క్రమ్, ఫెహ్లుక్వాయో, గ్లెన్ ఫిలిప్స్, కేన్ రిచర్డ్సన్, మిచెల్ సాంట్నర్, ఓడియన్ స్మిత్, విల్ యంగ్, ఆడమ్ జంపా రూ. 50 లక్షల రిజర్వ్ ప్రైస్: అస్టన్ అగర్, అలెక్స్ క్యారీ, మార్టిన్ గప్తిల్, వనిందు హసరంగ, హెన్రిక్స్, ఉస్మాన్ ఖ్వాజా, లబూషేన్, షోయబ్‌ మాలిక్, డారిల్ మిచెల్ , కొలిన్ మున్రో, జేమ్స్ పాటిన్సన్, భానుక రాజపక్స, రూథర్‌ఫోర్డ్, మాథ్యూ వేడ్ రూ. 40 లక్షల రిజర్వ్ ప్రైస్: క్రిస్ లిన్, తిసారా పెరీరా, దసున్ శనక, రొమారియో షెపర్డ్, లెండిల్‌ సిమన్స్, ఇమాద్ వసీం చదవండి: ఐపీఎల్ అభిమానులకు అదిరిపోయే వార్త.. ఏప్రిల్‌ 6 నుంచి..!

లండన్‌: ద హండ్రెడ్‌ లీగ్‌లో భాగంగా నార్తర్న్ సూపర్‌ ఛార్జర్స్‌తో జరిగిన మ్యాచ్‌లో బర్మింగ్‌హామ్ ఫీనిక్స్ కెప్టెన్‌, ఇంగ్లండ్‌ స్టార్‌ ఆటగాడు లియామ్‌ లివింగ్‌స్టోన్ పెను విధ్వంసం సృష్టించాడు. 40 బంతుల్లో 10 భారీ సిక్సర్లు, 3 ఫోర్ల సాయంతో 92 పరుగులు సాధించి తన జట్టును ఫైనల్‌కు చేర్చాడు. ఈ క్రమంలో అతను ప్రత్యర్ధి బౌలర్లను ఊచకోత కోశాడు. అంతకుముందు బంతితోనూ(20 బంతుల్లో 3/25) దుమ్ముదులిపిన ఈ ఇంగ్లీష్‌ ఆల్‌రౌండర్‌.. ఒంటిచేత్తో తన జట్టును గెలిపించాడు. ఈ మ్యాచ్‌లో తొలుత బ్యాటింగ్ చేసిన సూపర్‌ ఛార్జర్స్ జట్టుకు ఓపెనర్లు క్రిస్ లిన్(25 బంతుల్లో 34; 2 ఫోర్లు, 2 సిక్సర్లు), టామ్ కోహ్లర్(44 బంతుల్లో 71; 4 ఫోర్లు, 5 సిక్సర్లు) శుభారంభాన్ని అందించారు. వీరు మినహా జట్టు సభ్యులంతా విఫలం కావడంతో సూపర్ ఛార్జర్స్ జట్టు నిర్ణీత 100 బంతుల్లో 8 వికెట్ల నష్టానికి 143 పరుగులు చేసింది. అనంతరం 144 పరుగుల లక్ష్యాన్ని చేధించే క్రమంలో ఫీనిక్స్ జట్టుకు ఆదిలోనే షాక్‌ తగిలింది. ఓపెనర్ విల్ స్మీడ్ ఖాతా తెరవకుండానే అవుటయ్యాడు. అయితే అప్పుడే క్రీజులోకి వచ్చిన కెప్టెన్ లివింగ్‌స్టోన్ వచ్చీ రాగానే బౌలర్లపై విరుచుకుపడుతూ సిక్సర్ల వర్షం కురిపించాడు. అతనికి న్యూజిలాండ్ యువ ఓపెనర్ ఫిన్ అలెన్‌(26 బంతుల్లో 42; 4 ఫోర్లు, 2 సిక్సర్లు) తోడయ్యాడు. వీరిద్దరూ కలిసి 51 బంతుల్లో 106 పరుగుల భాగస్వామ్యాన్ని నెలకొల్పడంతో ఫీనిక్స్ జట్టు కేవలం 74 బంతుల్లోనే 2 వికెట్లు కోల్పోయి లక్ష్యాన్ని చేరుకుని గ్రాండ్‌గా ఫైనల్‌లోకి ఎంట్రీ ఇచ్చింది. ఇక, మరో సెమీఫైనల్ మ్యాచ్ ఆగష్టు 19న(గురువారం) సదరన్ బ్రేవ్స్, ట్రెంట్ రాకెట్స్ మధ్య జరగనుంది. చదవండి: టెస్ట్‌ ర్యాంకింగ్స్‌లో దూసుకొచ్చిన సిరాజ్‌, కేఎల్‌ రాహుల్‌

లార్డ్స్‌: భారత్‌, ఇంగ్లండ్‌ జట్ల జరుగుతున్న రెండో టెస్ట్‌ మ్యాచ్‌ నాలుగో రోజు ఆట ప్రారంభించే అదృష్టం మన మహిళా క్రికెటర్‌ దీప్తి శర్మకు దక్కింది. లార్డ్స్‌లో జరిగే ప్రతి టెస్టు జరిగే రోజు ఆట ఆరంభానికి సూచికగా గంట మోగించడం ఆనవాయితీ. ఆదివారం భారత ఆల్‌రౌండర్‌ దీప్తి గంట కొట్టి నాలుగో రోజు ఆటను ప్రారంభించింది. 23 ఏళ్ల దీప్తి అక్కడ ‘ది హండ్రెడ్‌’ టోర్నీ లో లార్డ్స్‌ హోం గ్రౌండ్‌గా ఉన్న ‘లండన్‌ స్పిరిట్‌’ జట్టు తరఫున ఆడుతోంది. ‘క్రికెట్‌ మక్కా’లో గంట మోగించే గౌరవం లభించడం ఆనందంగా ఉందని ట్వీట్‌ చేసింది. (చదవండి: లార్డ్స్‌ టెస్ట్‌ మ్యాచ్‌లో ఇంగ్లండ్‌​ బాల్‌ టాంపరింగ్‌?)

The Hundred Rules: వందేళ్లకుపైగా ఘన చరిత్ర కలిగిన క్రికెట్‌ క్రీడ ఎప్ప‌టిక‌ప్పుడు కొత్త‌గా అభిమానుల ముందుకు వస్తూనే ఉంది. ఈ ఆటలో తొలుత సాంప్రదాయ టెస్ట్‌ క్రికెట్‌ మాత్రమే భాగంగా కాగా, ఆతర్వాతి కాలంలో వ‌న్డేలు, టీ20లు, టీ10 లీగ్‌లు వచ్చి చేరాయి. ఇప్పుడు తాజాగా హండ్రెడ్ పేరుతో మ‌రో కొత్త ఫార్మాట్‌ ప్రేక్ష‌కుల ముందుకు రానుంది. ఇన్నింగ్స్‌కు 100 బంతుల చొప్పున ఉండే ఈ ఫార్మాట్‌లో ఎనిమిది పురుషుల జట్లు, ఎనిమిది మహిళా జట్లు ఉంటాయి. తాజాగా దీనికి సంబంధించిన నియమ నిబంధ‌న‌ల‌ను ఇంగ్లండ్ క్రికెట్ బోర్డు (ఈసీబీ) విడుదల చేసింది. దీంతో ఈ సరికొత్త ఫార్మాట్ ఎలా ఉండబోతుందోనని సర్వత్రా ఆస‌క్తి నెలకొంది. దీనికి సంబంధించిన ముఖ్యమైన రూల్స్‌ ఎలా ఉండబోతున్నాయో ఓసారి చూద్దాం. * ఈ కొత్త ఫార్మాట్‌లో టాస్ గ్రౌండ్‌లోనే వేయాల‌న్న రూలేమీ లేదు. * ఈ ఫార్మాట్‌లో ఓవ‌ర్లు ఉండ‌వు. బాల్స్ ఆధారంగానే ఇన్నింగ్స్ మారుతుంది. ఒక బౌల‌ర్ ఒకే ఎండ్ నుంచి రెండుసార్లు ఐదేసి బంతులు వేయాల్సి ఉంటుంది. తొలి ఐదు బంతులు ముగిసిన త‌ర్వాత అంపైర్ ఓ వైట్ కార్డు చూపిస్తాడు. ఓ సెట్ పూర్తయిన‌ట్లుగా ప్రేక్ష‌కులు, స్కోర‌ర్లు, కామెంటేట‌ర్లు, బ్రాడ్‌కాస్ట‌ర్ల‌కు తెలియ‌డానికి ఇలా చేస్తారు. * ఇందులో తొలి 25 బంతులు ప‌వ‌ర్ ప్లేగా పరిగణించబడతాయి. ఈ స‌మ‌యంలో 30 గ‌జాల స‌ర్కిల్ బ‌య‌ట ఇద్ద‌రు ఫీల్డ‌ర్ల‌కు మాత్రమే అనుమ‌తి ఉంటుంది. * ప‌వ‌ర్ ప్లే ముగిసాక ఫీల్డింగ్ టీమ్ ఎప్పుడైనా రెండు నిమిషాల స్ట్రేట‌జిక్ టైమౌట్(బ్రేక్‌) తీసుకోవ‌చ్చు. * అలాగే, బ్యాట్స్‌మెన్ క్యాచ్ అవుటైన త‌ర్వాత అవ‌త‌లి బ్యాట్స్‌మ‌న్ క్రాస్ అయ్యాడా లేదా అన్న‌దానితో సంబంధం లేకుండా కొత్త బ్యాట్స్‌మ‌న్ స్ట్రైక్ తీసుకోవాలి. * గ్రూప్ స్టేజ్‌లో మ్యాచ్‌ టై అయితే రెండు జట్లకు ఒక్కో పాయింట్ లభిస్తుంది. అదే ఎలిమినేట‌ర్‌, ఫైన‌ల్లో టై అయితే.. సూప‌ర్ ఫైవ్ ఆడాల్సి ఉంటుంది. అంటే ఒక్కో టీమ్ ఐదు బాల్స్ ఆడాల్సి ఉంటుంది. * ఒక‌వేళ సూప‌ర్ ఫైవ్ కూడా టై అయితే.. మ‌రో సూప‌ర్ ఫైవ్ ఆడిస్తారు. అది కూడా టై అయితే.. గ్రూప్ స్టేజ్‌లో టాప్‌లో ఉన్న జట్టును విజేత‌గా ప్ర‌క‌టిస్తారు. * వ‌ర్షం వ‌ల్ల ప్ర‌భావిత‌మైన మ్యాచ్‌ల‌లో కొత్త డీఎల్ఎస్ ప‌ద్ధ‌తిని అమలు చేస్తారు. * ఒకవేళ జట్టు నెమ్మ‌దిగా బౌలింగ్ చేస్తుంద‌నుకుంటే అంపైర్‌కే పెనాల్టీ విధించే హక్కు ఉంటుంది. ఇలా జరిగితే ఫీల్డింగ్ టీమ్‌కు స‌ర్కిల్ బ‌య‌ట ఒక ఫీల్డ‌ర్‌ను త‌గ్గించాల్సి ఉంటుంది

న్యూఢిల్లీ:  మరో రెండు నెలల్లో యూకే వేదికగా జరుగనున్న ‘ద హండ్రెడ్‌’ టోర్నీలో పాల్గొనే నలుగురు భారత మహిళా క్రికెటర్లకు బీసీసీఐ ఎన్‌వోసీ ఇచ్చింది. టీ20 క్రికెట్‌కు కాస్త భిన్నంగా ఒక ఇన్నింగ్స్‌లో వంద బంతులు ఆడే ఈ టోర్నీలో 8 మహిళా జట్లు పాల్గొంటున్నాయి. ఒకవైపు మెన్స్‌ ద హాండ్రెడ్‌ జరిగే సమయంలోనే వుమెన్న్‌ టోర్నీకి నిర్వహించనున్నారు. జూలై 21వ తేదీన ఈ టోర్నీ ఆరంభం కానుంది. ఇందులో భారత్‌ నుంచి నలుగురు మహిళా క్రికెటర్లు పాల్గొనున్నారు. ఈ మేరకు బీసీసీఐకి ఎన్‌వోసీ అప్లై చేయగా అందుకు గ్రీన్‌ సిగ్నల్‌ లభించింది. ఇప్పటికే టీమ్‌ సెలక్షన్‌ జరిగిపోతుండటంతో అంతా అందులో పాల్గొనాల్సిందే. భారత్‌ నుంచి హర్మన్‌ప్రీత్‌ కౌర్‌, స్మృతి మందనా, దీప్తి, జమీమా రోడ్రిగ్స్‌లు ఇందులో పాల్గొనున్నారు. కాగా, వీరు మే 27వ తేదీన సదరు ఫ్రాంచైజీలకు రిపోర్ట్‌ చేయాల్సి ఉంది. అయితే కరోనా వైరస్‌ తీవ్రత నేపథ్యంలో భారత్‌ నుంచి విమానాలను యూకే ప్రభుత్వం రెడ్‌ లిస్ట్‌లో పెట్టడంతో వీరు ఆ లీగ్‌కు ఎలా వెళతారనే దానిపై ఇంకా స్పష్టత లేదు.  ఇక్కడ చదవండి: IPL 2021: ఐపీఎల్‌ రీషెడ్యూల్‌.. బీసీసీఐ ఆప్షన్లు ఇవే..! IPL 2021 సీజన్‌ రద్దు: బీసీసీఐ

ముంబై: ప్రపంచ వ్యాప్తంగా ఎక్కడ లీగ్‌లు జరిగినా, వాటిల్లో పాల్గొనేందుకు టీమిండియా ఆటగాళ్లు ఎక్కువగా ఇష్టపడతారని ఇంగ్లండ్‌ పరిమిత ఓవర్ల సారథి ఇయాన్‌ మోర్గాన్‌ పేర్కొన్నాడు. ఇంగ్లాండ్‌లో నిర్వహించే 'ది హండ్రెడ్‌' బాల్‌ క్రికెట్‌ లీగ్‌లో పాల్గొనాలని చాలా మంది భారత క్రికెటర్లు కోరుకుంటున్నారని ఆయన వెల్లడించారు. ఓ క్రీడా ఛానెల్‌లో నిర్వహించిన ఇంటర్వ్యూ సందర్భంగా ఆయన ఈ ఆసక్తికర వ్యాఖ్యలు చేశాడు. సాధారణంగా టీమిండియా క్రికెటర్లు కొత్త ప్రదేశాలకు వెళ్లేందుకు చాలా ఇష్టపడతారని, అక్కడి సంప్రదాయాలు తెలుసుకునేందుకు వారు ఎక్కువగా ఆసక్తి చూపుతారని అన్నారు. టీమిండియా క్రికెటర్లు ఆడితే ఆయా లీగ్‌లకు అదనపు ఆకర్షణ వస్తుందని, దాంతో వ్యాపారం కూడా బాగా పెరుగుతుందని ఆయన చెప్పుకొచ్చాడు.  అయితే, కొన్ని లీగ్‌ల వల్ల్ల ఆయా దేశాలు తీవ్రంగా నష్టపోతున్నాయని, ప్రపంచ వ్యాప్తంగా జరుగుతున్న వివిధ క్రికెట్‌ టోర్నీల కారణంగా కొన్ని దేశాలు అత్యుత్తమ జట్లను బరిలోకి దింపలేకపోతున్నాయని పేర్కొన్నాడు. దీనిపై ఐసీసీ దృష్టిసారించాలని ఆయన కోరాడు. ప్రస్తుత పరిస్థితుల్లో మూడు క్రికెట్‌ ఫార్మాట్ల మధ్య పెద్ద తేడా లేకుండా పోయిందని, దేనికి దక్కాల్సిన ప్రాధాన్యత దానికి దక్కడం లేదని ఆయన వాపోయాడు.  అయితే, టీ20 క్రికెట్‌ యువ క్రికెటర్లకు బాగా ఉపయోగపడుతుందని, వారి కెరీర్‌ బిల్డప్‌ చేసుకునేందుకు ఈ ఫార్మాట్‌ బాగా ఉపయోగపడుతుందని తెలిపాడు. వన్డే, టెస్ట్‌ ఫార్మాట్ల పరిస్థితి ఇందుకు భిన్నమని.. ఈ ఫార్మాట్లలో ఆడటాన్ని ప్రధాన క్రికెటర్లు ఎంతో ప్రతిష్ఠాత్మకంగా భావిస్తాయని ఆయన చెప్పుకొచ్చాడు. కాగా, వంద బంతుల క్రికెట్‌ లీగ్‌ను(ది హండ్రెడ్‌ లీగ్‌) ఇంగ్లాండ్‌ గతేడాదే నిర్వహించాలని భావించింది. కరోనా కారణంగా అది సాధ్యపడకపోవడంతో ఈ ఏడాది నిర్వహించాలని ఇంగ్లండ్‌ క్రికెట్‌ బోర్డు(ఈసీబీ) భావిస్తోంది. చదవండి: వైరల్‌ వీడియో: నేటి ధోని, నాటి ధోనితో ఏమన్నాడంటే..

లండన్‌: ఇంగ్లండ్‌-వేల్స్‌ క్రికెట్‌ బోర్డు(ఈసీబీ) ప‍్రతిష్టాత్మకంగా నిర్వహించ తలపెట్టిన ద హండ్రెడ్‌ లీగ్‌(వంద బంతుల క్రికెట్‌)లో తొలి క్రికెటర్‌గా అఫ్గానిస్తాన్‌ సంచలన రషీద్‌ ఖాన్‌ ఎంపికయ్యాడు. ఇటీవల ఆటగాళ్ల డ్రాఫ్ట్‌లు పూర్తి కాగా, అందులో రషీద్‌ ఖాన్‌ను తొలి జాబితాలోనే మొదటి క్రికెటర్‌గా తీసుకున్నారు. టీ20ల్లో అద్భుతమైన గణాంకాలు ఉన్న రషీద్‌ ఖాన్‌ను ట్రెంట్‌ రాకెట్స్‌ జట్టు తీసుకుంది. కొంతకాలంగా అంతర్జాతీయ క్రికెట్‌లో సైతం తనదైన మార్కు చూపెడుతున్న రషీద్‌ను ట్రెంట్‌ రాకెట్స్‌ ఎంచుకుంది. మొదటి రౌండ్‌ జాబితా ఆటగాళ్ల డ్రాఫ్ట్‌లో వెస్టిండీస్‌ హిట్టర్‌ ఆండ్రూ రసెల్‌ను సౌథరన్‌ బ్రేవ్‌ తీసుకుంది. ఆసీస్‌ బ్యాట్స్‌మన్‌ అరోన్‌ ఫించ్‌ నార్తరన్‌ సూపర్‌చార్జర్స్‌కు వెళ్లాడు. కాగా, వెస్టిండీస్‌ స్టార్‌ ఆటగాడు క్రిస్‌ గేల్‌ను ఏ జట్టు తీసుకోవడానికి ముందుకు రాలేదు. అతని కనీస ధర ఎక్కువగా ఉండటంతో గేల్‌ను తీసుకునేందుకు ఫ్రాంచైజీలు ఆసక్తి చూపలేదు. కాగా, దక్షిణాఫ్రికా ఫాస్ట్‌ బౌలర్‌, శ్రీలంక పేసర్‌ లసిత్‌ మలింగాలను కూడా తొలి రౌండ్‌లో ఎవరూ తీసుకోలేదు. తొలి రౌండ్‌లో ప్రతీ జట్టు కనీసం ఇద్దరు ఆటగాళ్లను ఎంపిక చేసుకుంది. ఇందులో ఎక్కువ మంది ఇంగ్లండ్‌ అంతర్జాతీయ ఆటగాళ్లను తీసుకోవడానికే ద హండ్రెడ్‌ ఫ్రాంచైజీలు మొగ్గుచూపాయి. ఆస్ట్రేలియా స్టార్‌ ఆటగాళ్లు మిచెల్‌ స్టార్క్‌, స్టీవ్‌ స్మిత్‌లను ద వెల్ష్‌ ఫైర్‌ తీసుకుంది. వెస్టిండీస్‌ స్పిన్నర్‌ సునీల్‌ ఓవల్‌ ఇన్విసబుల్‌ జట్టులోకి వచ్చాడు.  ఈ లీల్‌ వచ్చే ఏడాది జరుగనుంది.

లండన్‌: ఇంగ్లండ్‌-వేల్స్‌ క్రికెట్‌ బోర్డు(ఈసీబీ) ఎంతో ప్రతిష్టాత్మకంగా నిర్వహించ తలపెట్టిన ‘ ద హండ్రెడ్‌(వంద బంతుల క్రికెట్‌)లో మరో ముందడుగు పడింది. కొన్ని రోజుల క్రితం ఆ లీగ్‌ ప్రారంభం కార్యక్రమాన్ని జరిపిన ఈసీబీ..  తాజాగా అందులో ఆడటానికి మొగ్గుచూపుతున్న క్రికెటర్ల జాబితాను విడుదల చేసింది. మొత్తంగా ఐదు వందలకు పైగా క్రికెటర్లు ద హండ్రెడ్‌లో ఆడటానికి తమ పేర్లను ఇచ్చిన విషయాన్ని ప్రకటించింది. వీరిలో 239 మంది క్రికెటర్లు విదేశీ క్రికెటర్లేనని తెలిపింది. ఆదివారం నాటి డ్రాఫ్ట్‌లో క్రిస్‌ గేల్‌, స్టీవ్‌ స్మిత్‌, డేవిడ్‌ వార్నర్‌లు ఉన్న విషయాన్ని పేర్కొంది. అదే సమయంలో 331 మంది స్వదేశీ క్రికెటర్ల జాబితాలో మార్క్‌వుడ్‌, లియామ్‌ ప్లంకెట్‌లు ఉన్నారు.  ప్రస్తుతం ఇంగ్లండ్‌ తరఫున ఆడుతున్న కాంట్రాక్ట్‌ ఆటగాళ్లు కూడా ఇందులో కలుస్తారని ఈసీబీ పేర్కొం‍ది.  కాకపోతే తమ కనీస ధరలో వార్నర్‌, స్మిత్‌, గేల్‌లు అత్యంత ఖరీదైన ఆటగాళ్లుగా తెలిపింది. వీరి రిజర్వ్‌ ధరను ఈసీబీ స్పష్టం చేయకపోయినప్పటికీ, ఈ ముగ్గురు కనీస ధర ఎక్కువగా ఉన్నట్లు పేర్కొంది. ఆసీస్‌ నుంచి మిచెల్‌ స్టార్క్‌ కూడా ఉన్నప్పటికీ అతని కనీస ధర కోటి యాభై లక్షల రూపాయిలుగా ఉన్నట్లు తెలుస్తోంది. ఆయా ఆటగాళ్ల జాబితాను షార్ట్‌ లిస్ట్‌ చేసిన తర్వాత వారిని వేలంలో ఉంచనుంది. ఇక ఈ లీగ్‌లో పాల్గొనే ఎనిమిది జట్లలో ఐదుగురు ఆసీస్‌ కోచ్‌లే ఉన్నారు. షేన్‌ వార్న్‌, డారెన్‌ లీమన్‌, టామ్‌ మూడీలు కోచ్‌లుగా తమ జట్లకు సేవలందించే జాబితాలో ప్రముఖులు. ఇదిలా ఉంచితే, ఏ జట్టు కూడా స్థానిక కోచ్‌ను ఎంపిక చేసుకోకపోవడం గమనార్హం. క్రికెట్ కొత్త పుంతలు తొక్కించాలనే ప్రయత్నమే ద హండ్రెడ్‌ రావడానికి కారణం. 2020లో నిర్వహించ తలపెట్టిన 8 జట్ల దేశవాళీ టోర్నీలో వంద బంతుల టోర్నీ నిర్వహించాలని ఈసీబీ నిర్ణయించింది. ఈ మేరకు కొంతకాలం క్రితమే తమ నిర్ణయాన్ని వెల్లడించింది. వంద బంతుల ఫార్మాట్‌లో 15 సాధారణ ఓవర్లు ఉంటే.. ఒక్క ఓవర్లో మాత్రం పది బంతులు ఉంటాయి.  ట్వంటీ20 ఫార్మాట్ కన్నా ఇందులో ఓవరాల్‌గా 40 బంతులు తక్కువగా వేస్తారు. దాదాపు రెండున్నర గంటల సమయం తగ్గుతుంది. బంతులు తక్కువగా ఉండటంతో పాటు క్రికెట్‌ మరింత రసవత్తరంగా మారుతుంది.