తల్లీకొడుకు... యాక్షన్‌

నందమూరి కల్యాణ్‌రామ్‌(Nandamuri Kalyan Ram) హీరోగా, విజయశాంతి లీడ్‌ రోల్‌లో నటించిన చిత్రం ‘అర్జున్‌ సన్నాఫ్‌ వైజయంతి’(Arjun Son of Vyjayanthi). సయీ మంజ్రేకర్‌ హీరోయిన్‌గా నటించిన ఈ చిత్రంలో సోహైల్‌ ఖాన్, శ్రీకాంత్, ‘యానిమల్‌’ పృథ్వీరాజ్‌ ఇతర కీలక పాత్రల్లో నటించారు. అశోక క్రియేషన్స్, ఎన్టీఆర్‌ ఆర్ట్స్‌ పతాకాలపై ముప్పా వెంకయ్య చౌదరి సమర్పణలో ప్రదీప్‌ చిలుకూరి దర్శకత్వంలో అశోక్‌ వర్ధన్‌ ముప్పా, సునీల్‌ బలుసు నిర్మించిన ఈ చిత్రం ఈ నెల 18న విడుదల కానుంది.

ఈ సినిమాలో తల్లీకొడుకు పాత్రల్లో విజయశాంతి, కల్యాణ్‌రామ్‌ నటించారు. అర్జున్‌ పాత్రలో కల్యాణ్‌రామ్, ఐపీఎస్‌ పోలీసాఫీసర్‌ వైజయంతి పాత్రలో విజయశాంతి నటించారు. శ్రీరామ నవమి సందర్భంగా ఈ సినిమా కొత్త స్టిల్స్‌ను రిలీజ్‌ చేశారు. తల్లీకొడుకు యాక్షన్‌కి సై అన్నట్లుగా ఓ స్టిల్‌ ఉంది. ‘‘మంచి సినిమాటిక్‌ ఎక్స్‌పీరియన్స్‌తో ఈ మూవీ ఆడియన్స్‌ను అలరిస్తుంది’’ అని చిత్రయూనిట్‌ పేర్కొంది. ఈ చిత్రానికి సంగీతం: అజనీష్‌ లోక్‌నాథ్‌.