తన దృష్టిలో ఎప్పటికీ అనుభవానికి పెద్ద పీట ఉంటుందని చెన్నై సూపర్‌ కింగ్స్‌ (CSK) కోచ్‌ స్టీఫెన్‌ ఫ్లెమింగ్‌ స్పష్టం చేశాడు. గతంలో సీనియర్లతోనే తాము వరుసగా టైటిల్స్‌ గెలిచిన విషయాన్ని ఈ సందర్భంగా గుర్తు చేశాడు. కాగా ఐపీఎల్‌-2025 (IPL 2025)లో ప్లే ఆఫ్స్‌ రేసు నుంచి నిష్క్రమించిన తొలి జట్టుగా అపవాదు మూటగట్టుకున్న సీఎస్‌కే.. పాయింట్ల పట్టికలో అట్టడుగున కొనసాగుతోంది ఇప్పటికి ఆడిన 12 మ్యాచ్‌లలో కేవలం మూడు మాత్రమే గెలిచి దారుణంగా విఫలమైంది.సీనియర్లు విఫలంయువ ఆటగాళ్లు ఆయుశ్‌ మాత్రే, నూర్‌ అహ్మద్, డెవాల్డ్‌ బ్రెవిస్‌ (Dewald Brevis) లాంటివారు రాణించినా... జట్టు నమ్ముకున్న సీనియర్లు పూర్తిగా విఫలమయ్యారు. ముఖ్యంగా స్పిన్నర్‌ రవిచంద్రన్‌ అశ్విన్‌తో పాటు రాహుల్‌ త్రిపాఠి, విజయ్‌ శంకర్, దీపక్‌ హుడా లీగ్‌లో ఎంతో అనుభవం ఉన్నా కనీస ప్రదర్శన ఇవ్వలేదు. అయితే తమ టీమ్‌ వైఫల్యానికి పలు కారణాలు ఉన్నాయని కోచ్‌ ఫ్లెమింగ్‌ అన్నాడు. అయితే, ఆటగాళ్ల వయసు ఇందుకు కారణం కాదని పేర్కొన్నాడు.అనుభవం అమూల్యమైంది‘ఆటగాళ్ల వయసు ఎంత ఎక్కువగా ఉందనేది నేను పట్టించుకోను. నా దృష్టిలో అనుభవం అమూల్యమైంది. గత కొన్నేళ్లలో మాకు అదే ఎన్నో విజయాలు అందించింది. ఈ సీజన్‌లో అది పని చేయకపోవచ్చు. ఫలితం అందరికీ నిరాశ కలిగించిన మాట వాస్తవమే కానీ వైఫల్యానికి వేర్వేరు కారణాలు ఉన్నాయి’ అని ఫ్లెమింగ్‌ అభిప్రాయపడ్డాడు.ఇన్నేళ్లుగా చెన్నై టీమ్‌ సీనియర్ల ఆటతో అనుసరిస్తున్న వ్యూహాలను ఇకపై కూడా మార్చాల్సిన అవసరం లేదని స్టీఫెన్‌ ఫ్లెమింగ్‌ అన్నాడు. ‘సీనియర్లపై నమ్మకం ఉంచడంతో పాటు ప్రతిభాన్వేషణ కూడా ఈ సమయంలో ముఖ్యం. జట్టులో యువ ఆటగాళ్లు ఉండాలని అందరూ అంటున్నారు. కానీ వారందరినీ వెతికి తెచ్చుకోవాలి కదా. జట్టులో వారు సరిపోతారో లేదో చూడాలి.అనుభవజ్ఞులతో కలిపి వారిని ఆడించాలి. ఈ సీజన్‌లో కొందరు కొత్త కుర్రాళ్లు చెలరేగడం నిజమే అయినా అత్యధిక పరుగులు, అత్యధిక వికెట్ల ఆటగాళ్ల జాబితా చూస్తే ఐపీఎల్‌లో అనుభవం ఉన్నవారే కనిపిస్తారు. మాకు ఈ సీజన్‌ పెద్ద సవాల్‌గా నిలిచింది. ఇకపై మరిన్ని జాగ్రత్తలు తీసుకుంటాం’ అని ఫ్లెమింగ్‌ వివరించాడు.చదవండి: IPL 2025: దిగ్వేష్ సింగ్ ఓవరాక్షన్‌.. ఇచ్చిపడేసిన అభిషేక్‌! వీడియో వైర‌ల్‌

ఐపీఎల్‌-2025 (IPL 2025)లో చెన్నై సూపర్‌ కింగ్స్‌ మాజీ కెప్టెన్‌ మహేంద్ర సింగ్‌ ధోని (MS Dhoni) ఆకట్టుకోలేకపోతున్నాడు. వికెట్‌ కీపర్‌గా తనదైన మెరుపు విన్యాసాలతో అలరిస్తున్నా.. బ్యాటర్‌గా మాత్రం విఫలమవుతున్నాడు. ఈ నేపథ్యంలో అత్యుత్తమ ఫినిషర్‌గా పేరొందిన ‘తలా’.. ఇప్పుడు జట్టుకు భారంగా మారాడనే విమర్శలు వస్తున్నాయి.క్యాష్‌ రిచ్‌ లీగ్‌ తాజా ఎడిషన్‌లో ఇప్పటి వరకు నాలుగు మ్యాచ్‌లు ఆడి 76 పరుగులు మాత్రమే చేశాడు. స్ట్రైక్‌రేటు 138.18. ఇక ఈ సీజన్‌లో తమ ఆరంభ మ్యాచ్‌లో ముంబై ఇండియన్స్‌పై గెలిచిన సీఎస్‌కే (CSK).. ఆ తర్వాత హ్యాట్రిక్‌ పరాజయాలు నమోదు చేసింది. రాయల్‌ చాలెంజర్స్‌ బెంగళూరు, రాజస్తాన్‌ రాయల్స్‌, ఢిల్లీ క్యాపిటల్స్‌ చేతిలో ఓడిపోయింది.ఉన్న పేరు చెడగొట్టుకోవద్దుఈ నేపథ్యంలో ధోని ఇక రిటైర్‌ అయి.. యువ ఆటగాళ్లకు అవకాశాలు ఇవ్వాలనే డిమాండ్లు వస్తున్నాయి. ఇందులో భాగంగా చెన్నై ఆటతీరును విమర్శించే క్రమంలో ధోని బ్యాటింగ్‌ వైఫల్యాన్ని హైలైట్‌ చేస్తూ పాకిస్తాన్‌ మాజీ క్రికెటర్‌ రషీద్‌ లతీఫ్‌ కీలక వ్యాఖ్యలు చేశాడు. ధోని చాన్నాళ్ల క్రితమే రిటైర్‌ కావాల్సిందని.. జిడ్డు బ్యాటింగ్‌ కారణంగా తన కీర్తికి తానే మచ్చ తెచ్చుకునే ప్రయత్నాలు మానివేయాలని సూచించాడు.ఈ మేరకు IANSతో మాట్లాడుతూ.. ‘‘ధోని చాలా ఏళ్ల క్రితమే ఆటగాడిగా వీడ్కోలు తీసుకోవాల్సింది. సాధారణంగా వికెట్‌ కీపర్లు 35 ఏళ్ల వయసు దాటిన తర్వాత ఆటను కొనసాగించలేరు. అందుకు నేనే ఓ ఉదాహరణ.సీఎస్‌కే ఇకనైనా గుర్తించాలివయసు మీద పడుతున్నా... ఇంకా టీవీల్లో కనిపిస్తూ.. నా ప్రదర్శన బాగా లేదనేలా విమర్శలు వస్తూ ఉంటే.. నా గత కీర్తి మసకబారిపోతుంద కదా! పదిహేనేళ్ల పాటు గొప్ప ఆటగాడిగా నీరాజనాలు అందుకున్నా .. ఇప్పుడిలా పేలవ ప్రదర్శన కనబరిస్తే యువ తరానికి అంతగా రుచించదు.నిజానికి 2019 వన్డే ప్రపంచకప్‌ టోర్నీలో అతడి ఆట జట్టుకు ఏమాత్రం మేలు చేకూర్చలేదు. అప్పుడే వాళ్లు (టీమిండియా యాజమాన్యం అన్న అర్థంలో), అతడు పరిస్థితిని అంచనా వేసుకున్నారు. తర్వాత అతడు తప్పుకొన్నాడు.ఏదేమైనా జట్టు కంటే ఆటగాడికే ఎక్కువ ప్రాధాన్యం ఇస్తే మాత్రం ఆటకు మీరు అన్యాయం చేసినట్లే. అందుకే సీఎస్‌కేను అందరూ ట్రోల్‌ చేస్తున్నారు. గత 2-3 మ్యాచ్‌లలో ధోని రాగానే ప్రేక్షకుల నుంచి పెద్దగా అరుపులు వినిపించాయి.#MSDhoni, the Thala, walks into his Chepauk Den and the crowd makes DHO-NOISE!Can he finish it off in style for #CSK tonight with his parents cheering for him?Watch LIVE action ➡ https://t.co/4Kn2OwL1UW#IPLonJioStar 👉 #CSKvDC, LIVE NOW on Star Sports 2, Star Sports 2 Hindi… pic.twitter.com/1TkzYloNwL— Star Sports (@StarSportsIndia) April 5, 2025 కానీ సీఎస్‌కేకు ఇప్పుడు విజయాలు, పాయింట్లు కావాలి. ప్రస్తుతం వారు పాయింట్ల పట్టికలో ఆఖరి స్థానం కోసం పోటీపడుతున్నారు. ఇప్పటికైనా జట్టు ప్రయోజనాల గురించి ఆలోచించి.. సరైన నిర్ణయం తీసుకోవాలి’’ అని రషీత్‌ లతీఫ్‌ చెన్నై జట్టు యాజమాన్యానికి సూచించాడు.ఆడుతూనే ఉంటాడు..కాగా ఢిల్లీ చేతిలో ఓటమి తర్వాత ధోని రిటైర్మెంట్‌ గురించి ప్రశ్న ఎదురుకాగా... ‘‘అతడితో కలిసి పనిచేయడాన్ని ఆస్వాదిస్తున్నా.. ఈ విషయంలో నాకు ఎలాంటి సమాచారం లేదు.ఇప్పటికీ అతడు ఫిట్‌గానే ఉన్నాడు’’ అని సీఎస్‌కే హెడ్‌కోచ్‌ స్టీఫెన్‌ ఫ్లెమింగ్‌ అన్నాడు. మరోవైపు.. ధోని కూడా తన శరీరమే తన రిటైర్మెంట్‌ అంశాన్ని నిర్ణయిస్తుందంటూ.. ఇప్పట్లో వీడ్కోలు పలికే అవకాశం లేదని స్పష్టం చేశాడు.చదవండి: ఇలా వచ్చి.. అలా వెళ్లారు.. అసలేం చేస్తున్నారు? కావ్యా మారన్‌ రియాక్షన్‌ వైరల్‌

చెన్నై సూపర్‌ కింగ్స్‌ (CSK) కంచుకోటను రాయల్‌ చాలెంజర్స్‌ బెంగళూరు (RCB) ఎట్టకేలకు బద్దలు కొట్టింది. పదిహేడేళ్ల సుదీర్ఘ విరామం తర్వాత చెపాక్‌లో జయకేతనం ఎగురవేసింది. ఫలితంగా ఆర్సీబీ ఆటగాళ్లతో పాటు అభిమానుల సంబరాలు అంబరాన్నంటాయి.మరోవైపు.. సొంతగడ్డపై ఆర్సీబీ చేతిలో పరాభవాన్ని సీఎస్‌కే జీర్ణించుకోలేకపోతోంది. ఈ నేపథ్యంలో ఓటమి అనంతరం మీడియాతో మాట్లాడిన చెన్నై జట్టు హెడ్‌కోచ్‌ స్టీఫెన్‌ ఫ్లెమింగ్‌కు చేదు అనుభవం ఎదురైంది. రుతురాజ్‌ సేన బ్యాటింగ్‌ తీరును ఉద్దేశించి ఓ జర్నలిస్టు అడిగిన ప్రశ్న అతడికి ఆగ్రహం తెప్పించింది.కాగా ఇండియన్‌ ప్రీమియర్‌ లీగ్‌ (IPL)- 2025లో తమ ఆరంభ మ్యాచ్‌లో చెన్నై.. చిరకాల ప్రత్యర్థి ముంబై ఇండియన్స్‌తో తలపడింది. చెపాక్‌లో ఈ మాజీ చాంపియన్ల మధ్య జరిగిన పోరులో చెన్నై నాలుగు వికెట్ల తేడాతో గెలిచింది. తొలుత ముంబైని 155 పరుగులకు కట్టడి చేసిన సీఎస్‌కే.. 19.1 ఓవర్లలో లక్ష్యాన్ని ఛేదించింది.పాటిదార్‌, టిమ్‌ డేవిడ్‌ మెరుపులుతాజాగా ఆర్సీబీతో శుక్రవారం నాటి మ్యాచ్‌లో టాస్‌ గెలిచిన చెన్నై తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఆర్సీబీ నిర్ణీత 20 ఓవర్లలో ఏడు వికెట్ల నష్టానికి 196 పరుగుల మేర మంచి స్కోరు రాబట్టింది.ఓపెనర్లు ఫిల్‌ సాల్ట్‌ (16 బంతుల్లో 32), విరాట్‌ కోహ్లి (30 బంతుల్లో 31)లతో పాటు దేవదత్‌ పడిక్కల్‌ (14 బంతుల్లో 27) రాణించగా.. కెప్టెన్‌ రజత్‌ పాటిదార్‌ (32 బంతుల్లో 51), టిమ్‌ డేవిడ్‌ (8 బంతుల్లో 22) మెరుపులు మెరిపించారు.అయితే, లక్ష్య ఛేదనలో చెన్నై ఆరంభం నుంచే తడబడింది. టాపార్డర్‌లో ఓపెనర్‌ రాహుల్‌ త్రిపాఠి (5), వన్‌డౌన్‌లో వచ్చిన కెప్టెన్‌ రుతురాజ్‌ గైక్వాడ్‌ (0) పూర్తిగా విఫలం కాగా.. మరో ఓపెనర్‌ రచిన్‌ రవీంద్ర (31 బంతుల్లో 41) ఫర్వాలేదనిపించాడు.ధోని ధనాధన్‌ సరిపోలేదుమిగతా వాళ్లలో రవీంద్ర జడేజా (19 బంతుల్లో 25), మహేంద్ర సింగ్‌ ధోని (16 బంతుల్లో 30 నాటౌట్‌) మాత్రమే చెప్పుకోదగ్గ స్కోర్లు చేశారు. దీంతో నిర్ణీత 20 ఓవర్లలో ఎనిమిది వికెట్ల నష్టానికి 146 పరుగుల వద్ద చెన్నై నిలిచిపోయింది. ఫలితంగా యాభై పరుగుల తేడాతో ఆర్సీబీ చేతిలో ఓడిపోయింది.A never ending story 😊Last over 🤝 MS Dhoni superhits 🔥Scorecard ▶ https://t.co/I7maHMwxDS #TATAIPL | #CSKvRCB | @ChennaiIPL pic.twitter.com/j5USqXvf7r— IndianPremierLeague (@IPL) March 28, 2025అవుట్‌డేటెడ్‌ అంటూ సెటైర్లుఈ నేపథ్యంలో మ్యాచ్‌ అనంతరం సీఎస్‌కే కోచ్‌ స్టీఫెన్‌ ఫ్లెమింగ్‌ మీడియా ముందుకు రాగా.. ‘‘తొలి మ్యాచ్‌లో 20 ఓవర్లలో మీరు 156 పరుగుల లక్ష్యాన్ని ఛేదించారు. ఈరోజు 146 పరుగులు చేశారు.మీ బ్రాండ్‌ క్రికెట్‌ ఇలాగే ఉంటుందని తెలుసు. కానీ ఇది పాతబడి పోయిందని మీకు అనిపించడం లేదా?’’ అని ఓ రిపోర్టర్‌ ప్రశ్నించారు.ఇందుకు బదులుగా.. ‘‘నా బ్రాండ్‌ క్రికెట్‌ అంటే ఏమిటి? మీరు ఫైర్‌ పవర్‌ గురించి మాట్లాడుతున్నారా? మా జట్టు సత్తా ఏమిటో అందరికీ తెలుసు. అసలు మీ ప్రశ్న ఏమిటో నాకు అర్థం కావడమే లేదు.మమ్మల్ని తక్కువ చేయకండితొలి బంతి నుంచే మేము స్వింగ్‌ చేయడం లేదని మీరిలా అంటున్నారా? మా వ్యూహాల గురించి సానుకూలంగా ఆలోచించడంలో తప్పేముంది? గెలుపు కోసమే ఎవరైనా ప్రయత్నిస్తారు. దీనినే సానుకూల దృక్పథం (పాజిటివ్‌ బ్రాండ్‌ ఆఫ్‌ క్రికెట్‌) అంటారు.మమ్మల్ని తక్కువగా అంచనా వేయడం.. మా గురించి తక్కువగా మాట్లాడటం చేయకండి. ఆఖర్లో ఎవరు గెలుస్తారో చూడండి! ’’ అని ఫ్లెమింగ్‌ ఒకింత అసహనం, ఆగ్రహం వ్యక్తం చేశాడు.ఇందుకు సదరు జర్నలిస్టు.. ‘‘నేను మిమ్మల్ని తక్కువ చేసి చూపడటం లేదు’’అని సమాధానమిచ్చారు. దీంతో.. ‘‘మీరు అలాగే మాట్లాడుతున్నారు.. అర్థంపర్థంలేని ప్రశ్నలు వేస్తున్నారు’’ అని ఫ్లెమింగ్‌ ఘాటుగా కౌంటర్‌ ఇచ్చాడు. అదే విధంగా.. చెపాక్‌లో ఆడటం వల్ల తమకు అదనపు ప్రయోజనాలేమీ ఉండవని.. ఇతర వేదికలపై తమ జట్టు సత్తా చాటిన విషయాన్ని గుర్తుపెట్టుకోవాలని ఫ్లెమింగ్‌ ఈ సందర్భంగా పేర్కొన్నాడు. చదవండి: MS Dhoni: బయటకు చెప్పరు గానీ.. ‘తలా’ వల్ల అందరికీ ఇబ్బందే!

ఇండియన్‌ ప్రీమియర్‌ లీగ్‌ (IPL)- 2025లో రసవత్తర పోరుకు రంగం సిద్ధమైంది. ఐదుసార్లు చాంపియన్‌ అయిన చెన్నై సూపర్‌ కింగ్స్‌ (CSK)- ఒక్కసారి కూడా ట్రోఫీ గెలవని రాయల్‌ చాలెంజర్స్‌ బెంగళూరు (RCB) మధ్య శుక్రవారం మ్యాచ్‌ జరుగనుంది. అయితే, ఈ మ్యాచ్‌ ఆసక్తికరంగా మారడానికి కారణం టీమిండియా దిగ్గజాలు మహేంద్ర సింగ్‌ ధోని- విరాట్‌ కోహ్లి అని ప్రత్యేకంగా చెప్పాల్సిన పనిలేదు.2008 తర్వాత అక్కడ నో విన్‌!అయితే, ఇందుకు మరో కారణం.. వేదిక. అవును.. సీఎస్‌కే సొంత మైదానం చెపాక్‌ స్టేడియం ఈ హై రేంజ్‌ మ్యాచ్‌కు ఆతిథ్యం ఇస్తోంది. ఇక్కడ ఆరంభ సీజన్‌లో అంటే 2008లో తొలిసారి గెలిచిన ఆర్సీబీ.. ఇంత వరకు ఒక్కసారి కూడా మళ్లీ గెలుపు రుచిచూడలేదు. ఇప్పటి వరకు చిదంబరం స్టేడియంలో ఏడు మ్యాచ్‌లు ఆడి అన్నింటా ఓటమిపాలైంది.ఇక ముఖాముఖి పోరులోనూ ఇప్పటి వరకు చెన్నైతో జరిగిన 33 మ్యాచ్‌లలో 11 మాత్రమే గెలిచింది. ఈ నేపథ్యంలో శుక్రవారం నాటి మ్యాచ్‌లో అందరి దృష్టి ఆర్సీబీ సూపర్‌స్టార్‌ విరాట్‌ కోహ్లి మీదే కేంద్రీకృతమై ఉంది. జట్టు పరిస్థితి ఎలా ఉన్నా.. కోహ్లి మాత్రం సీఎస్‌కే మీద మెరుగై రికార్డు కలిగి ఉన్నాడు.ఇప్పటి వరకు సీఎస్‌కే 33 మ్యాచ్‌లలో ఆడిన కోహ్లి 1053 పరుగులు చేశాడు. ఈ నేపథ్యంలో మ్యాచ్‌కు ముందు మీడియా ముందుకు వచ్చిన చెన్నై కోచ్‌ స్టీఫెన్‌ ఫ్లెమింగ్‌ చేసిన వ్యాఖ్యలు వైరల్‌ అవుతున్నాయి. కోహ్లితో ప్రమాదం ఉందని భావిస్తున్నారా ప్రశ్నకు బదులిస్తూ.. ‘‘ ఈ సీజన్‌లో ఆర్సీబీ ఇప్పటికి ఒక్క మ్యాచ్‌ ఆడింది. దానిని బట్టి ఇప్పుడే అంచనాకు రాలేము.కోహ్లితో పాటు అతడిని కట్టడి చేస్తే విజయం మాదేగతేడాదితో పోలిస్తే ఈసారి సీఎస్‌కే- ఆర్సీబీ సరికొత్తగా ఉన్నాయి. గత రికార్డుల గురించి ప్రస్తావన అప్రస్తుతం. ఏదేమైనా ఆర్సీబీకి కోహ్లి అత్యంత కీలకమైన ఆటగాడు. వాళ్ల జట్టు కూడా గతం కంటే మరింత పటిష్టంగా మారింది.ఒకవేళ మేము కోహ్లి, పాటిదార్‌లను కట్టడి చేయగలిగితే.. అది మా విజయానికి దోహం చేస్తుంది’’ అని స్టీఫెన్‌ ఫ్లెమింగ్‌ పేర్కొన్నాడు. కాగా తాజా ఎడిషన్‌లో ఆర్సీబీ తొలుత డిఫెండింగ్‌ చాంపియన్‌ కోల్‌కతా నైట్‌ రైడర్స్‌తో తలపడింది. ఆ మ్యాచ్‌లో కోహ్లి 36 బంతుల్లో 59 పరుగులతో అజేయంగా నిలవగా.. కెప్టెన్‌ రజత్‌ పాటిదార్‌ 16 బంతుల్లోనే 34 రన్స్‌ చేశాడు. ఫలితంగా 16.2 ఓవర్లలోనే 175 పరుగుల లక్ష్యాన్ని పూర్తి చేసి ఆర్సీబీ గెలిచింది.ఇక సీఎస్‌కే తమ తొలి మ్యాచ్‌లో ముంబై ఇండియన్స్‌పై నాలుగు వికెట్ల తేడాతో విజయం సాధించింది. కాగా ఆర్సీబీకి గతంలో కోహ్లి కెప్టెన్‌గా వ్యవహరించగా.. చెన్నైని ముందుండి నడిపించిన ధోని.. గతేడాది తన బాధ్యతలను రుతురాజ్‌ గైక్వాడ్‌కు అప్పగించాడు.చదవండి: MS Dhoni: బయటకు చెప్పరు గానీ.. ‘తలా’ వల్ల అందరికీ ఇబ్బందే!

టీమిండియా హెడ్ కోచ్ ప‌ద‌వికి కోసం బీసీసీఐ దరఖాస్తులను అహ్హ‌నించిన సంగ‌తి తెలిసిందే. హెడ్ కోచ్ పదవిపై ఆసక్తి గల వారు తమ దరఖాస్తులను ఈ నెల 27. సాయంత్రం 6 గంటల్లోగా బీసీసీఐకి తమ దరఖాస్తులను పంపించాల్సి ఉంటుంది. ఈ క్ర‌మంలో రాహుల్ ద్ర‌విడ్ వారుసుడిగా ప‌లు దిగ్గ‌జాలు పేర్లు వినిపిస్తున్నాయి. అందులో ప్ర‌ధానంగా వినిపిస్తున్న పేరు చెన్నై సూప‌ర్ కింగ్స్ హెడ్‌కోచ్‌, న్యూజిలాండ్ మాజీ కెప్టెన్ స్టీఫెన్ ఫ్లెమింగ్. భార‌త జ‌ట్టు హెడ్‌కోచ్ బాధ్య‌త‌ల‌ను ఎలాగైనా ఫ్లెమింగ్‌కు అప్ప‌గించాల‌ని బీసీసీఐ భావిస్తున్న‌ట్లు తెలుస్తోంది.కానీ ఫ్లెమింగ్ మాత్రం టీమిండియా హెడ్‌కోచ్ బాధ్య‌త‌లు చెప‌ట్టేందుకు సిద్దంగా లేనిట్లు సమాచారం. 2027 వరకు ప్రపంచవ్యాప్తంగా ప‌లు టీ20 ఫ్రాంచైజీల‌తో కోచ్‌గా అత‌డు ఒప్పందం కుదుర్చుకోవ‌డ‌మే ఇందుకు కార‌ణం. అయితే జస్టిన్ లాంగర్, గౌతమ్ గంభీర్, మహేల జయవర్ధనే వంటి ఇతర అభ్యర్థులతో బీసీసీఐ చర్చలు జరుపుతున్నప్పటికీ.. ఈ మాజీ న్యూజిలాండ్ క్రికెటర్‌ను ఒప్పించడంపై బోర్డు ఆసక్తిగా ఉంది. ఈ క్ర‌మంలో టీమిండియా హెడ్ కోచ్ పదవికి దరఖాస్తు చేసుకునేలా ఫ్లెమింగ్‌ను ఒప్పించే బాధ్యతను బీసీసీఐ.. సీఎస్‌కే మాజీ కేప్టెన్ మహేంద్ర సింగ్ ధోనీకి అప్ప‌గించిన‌ట్లు బీసీసీఐ వ‌ర్గాలు వెల్ల‌డించాయి."భారత హెడ్‌కోచ్ ప‌దవి కోసం స్టీఫెన్ ఫ్లెమింగ్‌ను బీసీసీఐ సంప్ర‌దించింది. అందుకు ఫ్లెమింగ్ నో చెప్పలేదు. కానీ అత‌డు ఫ్రాంచైజీల‌తో త‌న కాంట్రాక్ట్ పదవీకాలం గురించి ఆలోచిస్తున్నాడు. అయితే రాహుల్ ద్ర‌విడ్ కూడా తొలుత భార‌త హెడ్‌కోచ్‌గా బాధ్య‌త‌లు చేప‌ట్టేందుకు అంతగా ఆసక్తి చూపలేదు. కానీ అత‌డిని ఒప్పించారు. ఇప్పుడు ఫ్లెమింగ్ విషయంలో కూడా అదే జరిగినా ఆశ్చర్యపోనక్కర్లేదు. ఆ బాధ్య‌తను ఎంఎస్ ధోనికి అప్ప‌గించారు. ఎందుకంటే స్టీఫెన్‌తో ధోనికి మంచి సంబంధాలు ఉన్నాయ‌ని" ఓ బీసీసీఐ అధికారి ఒక‌రు హిందుస్థాన్ టైమ్స్‌తో పేర్కొన్నారు.

భారత పురుషుల సీనియర్‌ క్రికెట్‌ జట్టుకు కొత్త హెడ్‌ కోచ్‌ను ఎంపిక చేసేందుకు బీసీసీఐ ప్రక్రియ మొదలుపెట్టింది. ఈ అత్యున్నత పదవి కోసం అర్హులైన వారి నుంచి దరఖాస్తులు కోరుతూ బీసీసీఐ ఒక ప్రకటన విడుదల చేసింది. ఆసక్తిగలవారు ఈనెల 27వ తేదీలోపు తమ దరఖాస్తులు పంపించాలి.ఎంపికైన కొత్త హెడ్‌ కోచ్‌ పదవీకాలం మూడేన్నరేళ్లపాటు (1 జూలై 2024 నుంచి 31 డిసెంబర్‌ 2027 వరకు) ఉంటుంది. ప్రస్తుత హెడ్‌ కోచ్‌ రాహుల్‌ ద్రవిడ్‌ పదవీకాలం గత ఏడాది నవంబర్‌లో వన్డే వరల్డ్‌కప్‌ అనంతరం ముగిసింది.అయితే టి20 ప్రపంచకప్‌ నేపథ్యంలో ఈ మెగా ఈవెంట్‌ ముగిసేవరకు టీమిండియాకు తాత్కాలిక కోచ్‌గా కొనసాగాలని బీసీసీఐ కోరడంతో ద్రవిడ్‌ అంగీకరించాడు. ఈ నేపథ్యంలో కొత్త హెడ్‌ కోచ్‌ పదవి కోసం ద్రవిడ్‌ కూడా మళ్లీ దరఖాస్తు చేసుకోవాల్సి ఉంటుందని బీసీసీఐ కార్యదర్శి జై షా తెలిపారు. నో చెప్పిన ద్రవిడ్‌అయితే, ఇందుకు ద్రవిడ్‌ సుముఖంగా లేనట్లు తెలుస్తోంది. మరికొంత కాలం పాటు అతడిని కోచ్‌గా కొనసాగాలని టీమిండియా ప్రధాన ఆటగాళ్లలో కొందరు అభ్యర్థించినట్లు సమాచారం. కనీసం టెస్టు జట్టుకైనా ద్రవిడ్‌ మార్గదర్శకుడిగా ఉంటే బాగుంటుందని వారు అభిప్రాయపడినట్లు తెలుస్తోంది.కానీ వేర్వేరు ఫార్మాట్లకు వేర్వేరు కోచ్‌ల నియామకంపై క్రికెట్‌ అడ్వైజరీ కమిటీదే తుది నిర్ణయం అని.. ఏదేమైనా ఇలాంటి ప్రతిపాదనలు ఆమోదం పొందకపోవచ్చని జై షా ఇప్పటికే సంకేతాలు ఇచ్చారు. మరోవైపు.. రాహుల్‌ ద్రవిడ్‌ సైతం హెడ్‌ కోచ్‌ పదవికి గుడ్‌బై చెప్పాలని గట్టిగా నిర్ణయించుకున్నట్లు సమాచారం. కుటుంబానికి ఎక్కువ సమయం కేటాయించే క్రమంలో ఈ నిర్ణయం తీసుకున్నట్లు తెలుస్తోంది.లక్ష్మణ్‌కు ఆ ఛాన్స్‌ లేదుమరోవైపు.. ద్రవిడ్‌ గైర్హాజరీలో టీమిండియా కోచ్‌గా వ్యవహరించిన వీవీఎస్‌ లక్ష్మణ్‌ ప్రస్తుతం జాతీయ క్రికెట్‌ అకాడమీ పనులతో బిజీగా ఉన్నాడు. అయితే, బీసీసీఐ అతడిని అక్కడి నుంచి కదిలించేందుకు సిద్ధంగా లేనట్లు తెలుస్తోంది.ఫ్లెమింగ్‌ లేదంటే రిక్కీ పాంటింగ్‌?ఈ నేపథ్యంలో.. ఈసారి విదేశీ కోచ్‌ను రంగంలోకి తీసుకువచ్చేందుకు బీసీసీఐ సుముఖంగానే ఉన్నట్లు జై షా హింట్‌ ఇచ్చిన విషయం తెలిసిందే. ఈ నేపథ్యంలో ఇప్పటికే న్యూజిలాండ్‌ మాజీ కెప్టెన్‌ స్టీఫెన్‌ ఫ్లెమింగ్‌ పేరును బీసీసీఐ పరిశీలిస్తున్నట్లు వార్తలు రాగా.. మరో పేరు కూడా తెర మీదకు వచ్చింది.ఆస్ట్రేలియా దిగ్గజ సారథి రిక్కీ పాంటింగ్‌ కూడా టీమిండియా హెడ్‌కోచ్‌ పదవి రేసులో ఉన్నాడనే ఊహాగానాలు వినిపిస్తున్నాయి. కాగా వీరిద్దరు ప్రస్తుతం ఐపీఎల్‌ జట్లకు హెడ్‌కోచ్‌లుగా ఉన్నారు. చెన్నై సూపర్‌ కింగ్స్ కోచ్‌గా స్టీఫెన్‌ ఫ్లెమింగ్‌ ఆ జట్టును ఐదుసార్లు విజేతగా నిలపడంలో కృషి చేయగా.. ‌ ముంబై ఇండియన్స్‌, ఢిల్లీ క్యాపిటల్స్‌(ప్రస్తుతం) జట్లకు కోచ్‌గా పనిచేసిన అనుభవం పాంటింగ్‌కు ఉంది.అది సాధ్యం కాదన్న పాంటింగ్‌అయితే, వీళ్లిద్దరు కూడా టీమిండియా హెడ్‌కోచ్‌ పదవి చేపట్టేందుకు సిద్ధంగా లేరని తెలుస్తోంది. ఎందుకంటే వరుస సిరీస్‌లతో బిజీగా ఉండే టీమిండియా కోసం కోచ్‌ ఏడాదిలో దాదాపు 10 నెలల పాటు అంకితం కావాల్సి ఉంటుంది.కాబట్టి కుటుంబానికి ఎక్కువ సమయం కేటాయించే వీలుండదు. అందుకే భారత జట్టు హెడ్‌కోచ్‌ పదవి ఆఫర్‌ వచ్చినా తాను చేపట్టలేదని రిక్కీ పాంటింగ్‌ గతం(2021)లో వెల్లడించాడు. ఈ పరిణామాల నేపథ్యంలో టీమిండియా కొత్త కోచ్‌గా ఎవరు వస్తారో? అంటూ క్రికెట్‌ వర్గాల్లో విస్తృత చర్చ నడుస్తోంది.చదవండి: సీజన్‌ మొత్తం మాకు అదే సమస్య.. అందుకే ఈ దుస్థితి: కేఎల్‌ రాహుల్‌

టీమిండియా ప్ర‌స్తుత హెడ్ కోచ్ రాహుల్ ద్ర‌విడ్ ప‌దవీ కాలం ఈ ఏడాది టీ20 ప్రపంచకప్‌తో ముగుస్తుంది.. ఈ క్రమంలో హెడ్‌ కోచ్‌ కోసం బీసీసీఐ దరఖాస్తులను ఆహ్వానించింది.ప్రధాన కోచ్ పదవికి దరఖాస్తు చేసుకోవడానికి చివరి తేదీ మే 27గా బీసీసీఐ నిర్ణయించింది. అయితే టీమిండియా కొత్త హెడ్ కోచ్‌గా న్యూజిలాండ్ మాజీ కెప్టెన్ స్టీఫెన్ ఫ్లెమింగ్ పేరును బీసీసీఐ పరిశీలిస్తున్నట్లు తెలుస్తోంది.రాహుల్ ద్రవిడ్ వారసుడిగా ఫ్లెమింగ్ సరైనోడని బీసీసీఐ భావిస్తున్నట్లు పలు రిపోర్ట్‌లు పేర్కొంటున్నాయి. ఇప్పటికే అతడితో బీసీసీఐ పెద్దలు చర్చలు జరిపినట్లు సమాచారం. ఫ్లెమింగ్ ప్రస్తుతం చెన్నై సూపర్ కింగ్స్ ప్రధాన కోచ్‌గా ఉన్నాడు. అతడికి కోచ్‌గా అపారమైన అనుభవం ఉంది.అతడి నేతృత్వంలోనే సీఎస్‌కే ఐదు సార్లు ఛాంపియన్స్‌గా నిలిచింది. అయితే బీసీసీఐ నిబంధనలను అతడు ఒప్పుకుంటాడో లేదే చూడాలి. బీసీసీ రూల్స్ ప్రకారం.. కొత్త ప్రధాన కోచ్ మూడు ఫార్మాట్‌లో భారత జట్టును ముందుకు నడిపించాలి.అదే విధంగా ఏడాదికి 10 నెలల పాటు జట్టుతో పాటు ఉండాలి. ఒకవేళ ఫ్లెమింగ్‌ భారత జట్టు హెడ్‌కోచ్‌గా బాధ్యతలు చేపడితే సీఎస్‌కే ఫ్రాంచైజీతో బంధం తెంచుకోవాల్సి ఉంటుంది. అదే విధంగా హెడ్ కోచ్ రేసులో ఆసీస్ మాజీ ఆటగాడు జస్టిన్ లాంగర్ కూడా ఉన్నట్లు వార్తలు వినిపిస్తున్నాయి.

చెన్నై సూపర్‌ కింగ్స్‌ స్టార్‌ మహేంద్ర సింగ్‌ ధోని ఫిట్‌నెస్‌ గురించి ఆ జట్టు ప్రధాన కోచ్‌ స్టీఫెన్‌ ఫ్లెమింగ్‌ కీలక వ్యాఖ్యలు చేశాడు. ఈ వికెట్‌ కీపర్‌ బ్యాటర్‌ ప్రస్తుతం బాగానే ఉన్నాడని.. అతడి సేవలను ఎలా ఉపయోగించుకోవాలో తమకు తెలుసునని పేర్కొన్నాడు.అదే విధంగా.. ధోని ఏ స్థానంలోనైనా ఆడగలడని అందుకే గత మ్యాచ్‌లో తొమ్మిదో స్థానంలో బ్యాటింగ్‌కు వచ్చాడని ఫ్లెమింగ్‌ తెలిపాడు. కాగా గతేడాది నుంచి ధోని మోకాలి నొప్పితో ఇబ్బంది పడుతున్న విషయం తెలిసిందే.అయినప్పటికీ 42 ఏళ్ల తలా ఐపీఎల్‌-2024 బరిలో దిగాడు. ఇప్పటి వరకు 9 ఇన్నింగ్స్‌ ఆడి 110 పరుగులు చేశాడు. అయితే, ఇటీవల పంజాబ్‌ కింగ్స్‌తో మ్యాచ్‌ సందర్భంగా ధోని తన టీ20 కెరీర్‌లో తొలిసారి తొమ్మిదో స్థానంలో బ్యాటింగ్‌కు వచ్చాడు. గోల్డెన్‌ డకౌట్‌గా వెనుదిరిగాడు.ఈ నేపథ్యంలో ఇర్ఫాన్‌ పఠాన్‌, హర్భజన్‌ సింగ్‌ వంటి మాజీ క్రికెటర్లు ధోని నిర్ణయాన్ని తప్పుబట్టారు. జట్టు కోసం అతడు ఏడో స్థానంలోనే రావాలని.. అలా కాని పక్షంలో తుదిజట్టులో ఉండకూడదని ఘాటు విమర్శలు చేశారు.ఈ క్రమంలో మోకాలి నొప్పి కారణంగానే బ్యాటింగ్‌ తగ్గించి.. వికెట్‌ కీపర్‌గా పూర్తి స్థాయిలో సేవలు అందించేందుకు ధోని ఈ నిర్ణయం తీసుకున్నట్లు వార్తలు వచ్చాయి. ఈ విషయంపై సీఎస్‌కే హెడ్‌కోచ్‌ స్టీఫెన్‌ ఫ్లెమింగ్‌ తాజాగా స్పందించాడు.గుజరాత్‌ టైటాన్స్‌తో శుక్రవారం చెన్నై మ్యాచ్‌ నేపథ్యంలో మీడియాతో మాట్లాడుతూ.. ‘‘అతడు కేవలం సిక్సర్లు, ఫోర్లు కొట్టడమే కాదు.. ఏ స్థానంలో వచ్చినా తన అత్యుత్తమ ప్రదర్శన కనబరచగలడు.అతడు తొమ్మిదో స్థానంలో వచ్చినంత మాత్రాన ప్రభావం చూపలేడని భావించవద్దు. జట్టు కోసం తనేం చేయగలడో తప్పకుండా చేస్తాడు.అతడి సేవలను అన్ని రకాలుగా మేము ఉపయోగించుకుంటాం. అయితే, ఒత్తిడి పెంచి అతడు జట్టుకు దూరమయ్యేలా చేసుకోలేం. జట్టు కోసం తను ఎల్లప్పుడూ పరితపిస్తాడు. అభిమానుల కోసం ఏమైనా చేస్తాడు. ప్రస్తుతం తన ఫిట్‌నెస్‌కు వచ్చిన ఇబ్బందులేమీ లేవు’’ అని స్టీఫెన్‌ ఫ్లెమింగ్‌ పేర్కొన్నాడు.కాగా ఈ సీజన్‌లో రుతురాజ్‌ గైక్వాడ్ కెప్టెన్సీలో సీఎస్‌కే ఆడిన 11 మ్యాచ్‌లలో ఆరు గెలిచింది. 12 పాయింట్లతో పట్టికలో నాలుగో స్థానంలో ఉంది. అహ్మదాబాద్‌లో శుక్రవారం గుజరాత్‌ టైటాన్స్‌తో పోరులో గెలిచి ప్లే ఆఫ్స్‌ రేసులో సాఫీగా ముందుకు సాగాలని పట్టుదలగా ఉంది.‌ చదవండి: Mohammed Shami Slams LSG Owner: కాస్తైనా సిగ్గు పడండి.. కెమెరాల ముందు ఇలా చేస్తారా?

ఐపీఎల్‌లో సీఎస్‌కే మాజీ సారధి ఎంఎస్‌ ధోని ఆటగాడిగా కొనసాగడంపై ఆసక్తికర అప్‌డేట్‌ వచ్చింది. ఐపీఎల్‌ 2024 సీజన్‌ మొత్తానికి ధోని అందుబాటులో ఉంటాడని ఆ ఫ్రాంచైజీ సీఈఓ కాశీ విశ్వనాథ్‌ స్పష్టం చేశాడు. ఇదే విషయాన్ని సీఎస్‌కే హెడ్‌ కోచ్‌ ష్టీఫెన్‌ ఫ్లెమింగ్‌ సైతం పునరుద్ఘాటించాడు. ధోని కెప్టెన్సీ నుంచి తప్పుకుంటున్న విషయం చాలా మందికి ముందే తెలిసినప్పటికీ.. తనకు మాత్రం ఆలస్యంగా తెలిసిందని కాశీ విశ్వనాథ్‌ వాపోయాడు. ధోని ఏ నిర్ణయం తీసుకున్నా తాము గౌరవిస్తామని, అది తమ జట్టుకు మంచే చేస్తుందని కాశీ విశ్వనాథ్‌ విశ్వాసం వ్యక్తం చేశాడు. ఆర్సీబీతో సీజన్‌ తొలి మ్యాచ్‌ ప్రారంభానికి కొద్ది గంటల ముందు సీఎస్‌కే హెడ్‌ కోచ్‌ స్టీఫెన్‌ ఫ్లెమింగ్‌ మాట్లాడుతూ.. ధోని 2023 సీజన్‌లో కంటే ఈ సీజన్‌లోనే ఎక్కువ ఫిట్‌గా కనిపిస్తున్నాడని కితాబునిచ్చాడు. ధోని ఈ సీజన్‌తో పాటు మున్ముందు జరిగే సీజన్లలోనూ సీఎస్‌కేతోనే ఉంటాడని ఆశాభావం వ్యక్తం చేశాడు. ఆర్సీబీతో మ్యాచ్‌కు ముందు జరిగిన ఓ కార్యక్రమంలో సీఎస్‌కే నూతన కెప్టెన్‌ రుతురాజ్‌ గైక్వాడ్‌ మాట్లాడుతూ.. కెప్టెన్సీ విషయాన్ని ధోని తనకు గత సీజన్‌కు ముందు చెప్పాడని తెలిపాడు. ధోని గత సీజన్‌లోనే తనతో పరోక్ష కెప్టెన్సీ చేయించాడని పేర్కొన్నాడు. గత సీజన్‌ చివర్లో తాను కెప్టెన్సీ బాధ్యతలు చేపట్టేందుకు ఒప్పుకున్నట్లు వెల్లడించాడు. కెప్టెన్సీ చేపట్టే విషయంలో ధోని తనలో మానసిక స్థైర్యాన్ని నింపాడని తెలిపాడు.   కాగా, లీగ్‌ ప్రారంభానికి కొద్ది గంటల ముందు డిఫెండింగ్‌ ఛాంపియన్‌ చెన్నై సూపర్‌ కింగ్స్‌ తమ నూతన కెప్టెన్‌గా రుతురాజ్‌ గైక్వాడ్‌ను ఎంపిక చేస్తున్నట్లు ప్రకటించింది. మాజీ కెప్టెన్‌ ధోని స్వచ్ఛందంగా కెప్టెన్సీ నుంచి తప్పుకోవడంతో రుతురాజ్‌ బాధ్యతలు చేపట్టాడు.  మరికొద్ది గంటల్లో (మార్చి 22, రాత్రి 7:30 గంటలు) ఫైవ్‌ టైమ్‌ ఛాంపియన్‌ చెన్నై సూపర్‌కింగ్స్‌ (సీఎస్‌కే), ఇప్పటివరకు ఒక్క టైటిల్‌ కూడా గెలవని రాయల్‌ ఛాలెంజర్స్‌ బెంగళూరు (ఆర్సీబీ) జట్ల ఐపీఎల్‌ 2024 సీజన్‌ తొలి మ్యాచ్‌ ప్రారంభం కానుంది. చెన్నైలోని చెపాక్‌ స్టేడియం వేదికగా ఈ మ్యాచ్‌ జరుగనుంది. తుది జట్లు (అంచనా): సీఎస్‌కే: రుతురాజ్‌ గైక్వాడ్‌ (కెప్టెన్‌), రచిన్‌ రవీంద్ర, అజింక్య రహానే, డారిల్‌ మిచెల్‌, శివమ్‌ దూబే, రవీంద్ర జడేజా, ఎంఎస్‌ ధోని (వికెట్‌కీపర్‌), శార్దూల్‌ ఠాకూర్‌, దీపక్‌ చాహర్‌, మహీశ్‌ తీక్షణ, ముస్తాఫిజుర్‌ రెహ్మాన్‌ ఆర్సీబీ: విరాట్‌ కోహ్లి, ఫాఫ్‌ డుప్లెసిస్‌ (కెప్టెన్‌), రజత్‌ పాటిదార్‌, కెమరూన్‌ గ్రీన్‌, గ్లెన్‌ మ్యాక్స్‌వెల్‌, దినేశ్‌ కా​ర్తీక్‌ (వికెట్‌కీపర్‌), అనూజ్‌ రావత్‌, అల్జరీ జోసఫ్‌, సిరాజ్‌, కర్ణ్‌ శర్మ, ఆకాశ్‌దీప్‌    

చెన్నై సూపర్‌ కింగ్స్‌పై ఆ జట్టు హెడ్‌ కోచ్‌ స్టీఫెన్‌ ఫ్లెమింగ్‌ ప్రభావం భారీగా ఉన్నట్లు ఇవాళ జరిగిన ఐపీఎల్‌ వేలం తర్వాత స్పష్టంగా తెలుస్తుంది. న్యూజిలాండ్‌ మాజీ కెప్టెన్‌, కోచ్‌ అయిన ఫ్లెమింగ్‌ సీఎస్‌కే కోచింగ్‌ బాధ్యతలు చేపట్టాక ఆ జట్టుపై తన మార్కు ప్రభావం చూపిస్తున్నాడు. ఇప్పటికే డెవాన్‌ కాన్వే (కోటి), మిచెల్‌ సాంట్నర్‌ (1.9 కోట్లు) లాంటి కివీస్‌ ఆటగాళ్లను పంచన చేర్చుకున్న ఫ్లెమింగ్‌.. ఇవాళ జరిగిన వేలంలో మరో ఇద్దరు కివీస్‌ ఆటగాళ్లను జట్టులో చేర్చుకుని సీఎస్‌కేపై బ్లాక్‌ క్యాప్స్‌ మార్కు స్పష్టంగా కనిపించేలా చేశాడు. ఇవాళ జరిగిన వేలంలో సీఎస్‌కే మేనేజ్‌మెంట్‌ డారిల్‌ మిచెల్‌ను 14 కోట్ల రికార్డు ధరకు కొనుగోలు చేయగా.. వన్డే వరల్డ్‌కప్‌ హీరో రచిన్‌ రవీంద్రను 1.8 కోట్లకు సొంతం చేసుకుంది. ఈ ఇద్దరితో పాటు సీఎస్‌కే ఇవాల్టి వేలంలో మరో భారీ కొనుగోలు చేసింది. ఆ జట్టు యాజమాన్యం శార్దూల్‌ ఠాకూర్‌ను 4 కోట్లకు సొంతం చేసుకుంది.  చెన్నై సూపర్ కింగ్స్: ఎంఎస్‌ ధోని (కెప్టెన్‌), మొయిన్ అలీ, దీపక్ చాహర్, డెవాన్ కాన్వే, తుషార్ దేశ్‌పాండే, శివమ్ దూబే, రుతురాజ్ గైక్వాడ్, రాజవర్ధన్ హంగర్గేకర్, రవీంద్ర జడేజా, అజయ్ మండల్, ముఖేష్ చౌదరి, మతీషా పతిరణ, అజింక్య రహానే, షేక్ రషీద్, మిచెల్ సాంట్నర్, సిమర్జీత్ సింగ్, నిశాంత్ సింధు, ప్రశాంత్ సోలంకి, మహేశ్ తీక్షణ ఐపీఎల్‌ 2024 వేలంలో కొనుగోలు చేసిన ఆటగాళ్లు:  డారిల్‌ మిచెల్‌ (14 కోట్లు), రచిన​ రవీంద్ర (1.8 కోట్లు), శార్దూల్‌ ఠాకూర్‌ (4 కోట్లు)  

IPL 2023 Winner CSK: వెస్టిండీస్‌ దిగ్గజ క్రికెటర్‌ డ్వేన్‌ బ్రావోకు చెన్నై సూపర్‌ కింగ్స్‌తో ఉన్న అనుబంధం గురించి ప్రత్యేకంగా చెప్పనక్కర్లేదు. దాదాపు దశాబ్ద కాలం పాటు చెన్నై ఫ్రాంఛైజీతో కొనసాగిన బ్రావో.. జట్టు విజయాల్లో తన వంతు పాత్ర పోషించాడు. 2011లో సీఎస్‌కేకు తొలిసారి ప్రాతినిథ్యం వహించిన అతడు.. 2011, 2018, 2021 సీజన్లలో ధోని సేన టైటిల్‌ విజేతగా నిలపడంలో కీలకంగా వ్యవహరించాడు. అదే విధంగా 2014 నాటి చాంపియన్స్‌ లీగ్‌ గెలిచిన ధోని సేనలో బ్రావో సభ్యుడు కూడా! అంతేగాక క్యాష్‌ రిచ్‌లీగ్‌ చరిత్రలో అత్యధిక వికెట్లు పడగొట్టిన బౌలర్‌గా కూడా ఈ రైట్‌ ఆర్మ్‌ పేసర్‌ ముందు వరుసలో నిలిచాడు. 161 మ్యాచ్‌లు ఆడిన ఈ ఆల్‌రౌండర్‌ 183 వికెట్లు తీయడంతో పాటుగా.. 1560 పరుగులు సాధించాడు. సీఎస్‌కే బౌలింగ్‌ కోచ్‌గా ఇలా సీఎస్‌కేతో అనుబంధం పెనవేసుకున్న డ్వేన్‌ బ్రావో గతేడాది ఐపీఎల్‌కు వీడ్కోలు పలికిన విషయం తెలిసిందే. ఈ క్రమంలో అతడిని బౌలింగ్‌ కోచ్‌ నియమిస్తూ తమతోనే కొనసాగేలా చేసింది ఫ్రాంఛైజీ. ఇక సీఎస్‌కే ముఖచిత్రమైన కెప్టెన్‌ మహేంద్ర సింగ్‌ ధోనినే ఇందుకు ప్రధాన కారణం అంటున్నాడు బ్రావో. ధోని నుంచి వచ్చిన ఆ ఒక్క కాల్‌ వల్లే ‘‘ఎలా మొదలుపెట్టాలో అర్థం కావడం లేదు! విజయవంతమైన ఐపీఎల్‌ కెరీర్‌కు గతేడాది రిటైర్మెంట్‌ ప్రకటించడం నా జీవితంలో విచారకరమైన సమయం. అయితే, ఆటగాడిగా తప్పుకున్నప్పటికీ ఐపీఎల్‌లో కొనసాగాలని నా నుదుటి రాతలో రాసిపెట్టింది. మహేంద్ర సింగ్‌ ధోని.. స్టీఫెన్‌ ఫ్లెమింగ్‌ నుంచి వచ్చిన ఒ‍్క ఫోన్‌ కాల్‌ నన్ను కోచింగ్‌ స్టాఫ్‌లో భాగం చేసింది. నా క్రికెట్‌ కెరీర్‌లో ముందుకు సాగేందుకు ఇదే సరైన దిశ అనిపించింది.  కంగ్రాట్స్‌ ఆ దేవుడు.. క్రికెటర్‌గా నాకు ప్రసాదించిన నైపుణ్యాలను ఇకపై ఎలా కొనసాగించాలా అని ఆలోచిస్తున్న సమయంలో కోచ్‌గా కొత్త అవతారం ఎత్తడం.. అది కూడా ఐపీఎల్‌ హిస్టరీలో విజయవంతమైన చరిత్ర ఉన్న జట్టుకు కోచ్‌గా ఉండటం అద్భుతం’’ అంటూ భావోద్వేగానికి లోనయ్యాడు.  ఈ మేరకు ఇన్‌స్టా వేదికగా తన మనసులోని మాటను పంచుకన్న బ్రావో.. సీఎస్‌కే బౌలర్లు దీపక్‌ చహర్‌, మతీశ పతిరణ, రాజ్యవర్థన్‌ హంగార్కర్‌,  రవీంద్ర జడేజా తదితరులకు ప్రత్యేకంగా శుభాకాంక్షలు తెలిపాడు. ఈ సందర్భంగా ఐపీఎల్‌-2023 విజేత చెన్నై సూపర్‌కింగ్స్‌కు విజయోత్సవాలకు సంబంధించిన వీడియోను షేర్‌ చేశాడు. చదవండి: Dhoni: అత్యంత చెత్త రికార్డు.. అయినా అండగా! నన్ను సరైన మార్గంలో నడిపిస్తారని తెలుసు మధ్యలో డిస్టర్బ్‌ చేయడం ఎందుకో? హార్దిక్‌ను ఏకిపారేసిన గావస్కర్‌..పైగా.. View this post on Instagram A post shared by Dwayne Bravo aka SIR Champion🏆🇹🇹 (@djbravo47)

ఐపీఎల్‌-2023లో కోల్‌కతా నైట్‌రైడర్స్‌ మిస్టరీ స్పిన్నర్‌ వరుణ్‌ చక్రవర్తి ప్రత్యర్ధి బ్యాటర్లకు చుక్కలు చూపిస్తున్న సంగతి తెలిసిందే. తాజాగా ఆదివారం చెపాక్‌ వేదికగా చెన్నై సూపర్‌ కింగ్స్‌తో జరిగిన మ్యాచ్‌లో వరుణ్‌ చక్రవర్తి మరో సారి తన స్పిన్‌ మయాజాలన్ని ప్రదర్శించాడు. తన 4 ఓవర్ల కోటాలో 36 పరుగులిచ్చి 2 కీలక వికెట్లు పడగొట్టాడు. అతడితో పాటు సునీల్‌ నరైన్‌ కూడా కేవలం 15 పరుగులు మాత్రమే ఇచ్చి రెండు వికెట్లు సాధించాడు.  ఈ ఏడాది సీజన్‌లో ఇప్పటివరకు 13 మ్యాచ్‌లు ఆడిన వరుణ్‌.. 19 వికెట్లు తీసి   అత్యధిక వికెట్లు తీసిన  జాబితాలో ఐదో స్థానంలో ఉన్నాడు. ఇక అద్భుతంగా రాణిస్తున్న వరుణ్‌ చక్రవర్తిపై సీఎస్‌కే హెడ్‌ కోచ్‌  స్టీఫెన్ ఫ్లెమింగ్ ఆసక్తికర వాఖ్యలు చేశాడు. వరుణ్‌ చక్రవర్తి నెట్‌ బౌలర్‌గా ఉన్నప్పుడు తీవ్ర ఇబ్బంది పెట్టేవాడని ఫ్లెమింగ్ అన్నాడు.  సీసీఎస్‌కే, కేకేఆర్‌ మ్యాచ్‌ అనంతరం ఫ్లెమింగ్ మాట్లాడుతూ.. "వరుణ్‌ను వదులుకున్నందుకు మేము ఇప్పటికీ బాధపడుతున్నాం. అతడు నెట్స్ లో మమ్మల్ని టార్చర్ పెట్టేవాడు. అతడొక అద్భుతమైన మిస్టరీ స్పిన్నర్‌. నెట్స్‌లో అతడి బౌలింగ్‌ చూసి మేము చాలా ఆశ్చర్యపోయాం. అయితే దురదృష్టవశాత్తూ వేలంలో అతడిని మేము సొంతం చేసుకోలేకపోయాం. గతేడాది వేలంలో కూడా అతడిని దక్కించుకోవడానికి ప్రయత్నించాం. కానీ మళ్లీ అతడిని కేకేఆర్‌ భారీ ధరకు సొంతం చేసుకుంది. చెపాక్‌ వంటి స్పిన్‌ పిచ్‌లపై చక్రవర్తి మరింత అద్భుతంగా రాణించగలడు. నేటి మ్యాచ్‌లో కూడా చక్రవర్తి చాలా బాగా బౌలింగ్ చేశాడు" అతడు పేర్కొన్నాడు. చదవండి: అతడిని భారత జట్టులోకి తీసుకోండి.. సరిగ్గా వాడుకుంటే అద్భుతాలు సృష్టిస్తాడు

IPL 2023 CSK Vs PBKS- MS Dhoni Loses Cool: ఇండియన్‌ ప్రీమియర్‌ లీగ్‌లో చెన్నై సూపర్‌ కింగ్స్‌కు ప్రాతినిథ్యం వహిస్తున్న శ్రీలంక బౌలర్లు మహీశ్‌ తీక్షణ, మతీష పతిరణ. ఐపీఎల్‌-2023లో సీఎస్‌కే ఇప్పటి వరకు ఆడిన దాదాపు అన్ని మ్యాచ్‌లలోనూ తుది జట్టులో వీరు చోటు దక్కించుకున్నారు. కెప్టెన్‌ మహేంద్ర సింగ్‌ ధోని నమ్మకాన్ని నిలబెట్టుకుంటూ తమకు అప్పగించిన బాధ్యతలు నెరవేరుస్తూ.. ముందుకు సాగుతున్నారు. మిస్టర్‌ కూల్‌కు కోపం ఎందుకొచ్చింది? ఈ సీజన్‌లో ఇప్పటి వరకు తీక్షణ, పతిరణ ఐదేసి వికెట్ల చొప్పున తమ ఖాతాలో వేసుకున్నారు. ధోని కూడా వీరికి వరుస అవకాశాలు ఇస్తూ ప్రోత్సహిస్తున్నాడు. అయితే, పంజాబ్‌ కింగ్స్‌తో మ్యాచ్‌లో కీలక సమయంలో తీక్షణ చేసిన తప్పు మిస్టర్‌ కూల్‌ ధోనికి కూడా కోపం తెప్పించింది. నరాలు తెగే ఉత్కంఠ చెన్నైలోని చెపాక్‌ వేదికగా సీఎస్‌కే ఆదివారం పంజాబ్‌ కింగ్స్‌తో తలపడింది. ఈ మ్యాచ్‌లో టాస్‌ గెలిచిన ధోని సేన తొలుత బ్యాటింగ్‌ ఎంచుకుంది. ఈ క్రమంలో నిర్ణీత 20 ఓవర్లలో 4 వికెట్ల నష్టానికి 200 పరుగులు చేసింది. ఇక లక్ష్య ఛేదనకు దిగిన పంజాబ్‌ ఆఖరి బంతి వరకు నరాలు తెగే ఉత్కంఠ రేపిన మ్యాచ్‌లో ఎట్టకేలకు విజయం సాధించింది. పతిరణ వేసిన చివరి ఓవర్లో ఆఖరి బంతికి పంజాబ్‌ బ్యాటర్లు సికిందర్‌ రజా, షారుక్‌ ఖాన్‌ మూడు పరుగులు పూర్తి చేసి తమ జట్టును విజయతీరాలకు చేర్చారు. చెత్త ఫీల్డింగ్‌ కాగా తీక్షణపై ధోని ఆగ్రహానికి కారణం ఏమిటంటే.. పంజాబ్‌ ఇన్నింగ్స్‌లో 16వ ఓవర్లో బంతిని ధోని.. తుషార్‌ దేశ్‌పాండేకు అందించాడు. ఆ సమయంలో క్రీజులో ఉన్న పవర్‌ హిట్టర్‌ లియామ్‌ లివింగ్‌స్టోన్‌ మొదటి రెండు బంతుల్లో సిక్సర్లు బాదాడు. ఆ తర్వాత షార్ట్‌ బాల్‌ను సంధించాడు ఫాస్ట్‌బౌలర్‌ తుషార్‌. దానిని పుల్‌షాట్‌ ఆడబోయిన లివింగ్‌స్టోన్‌ లెక్క తప్పడంతో బంతి బౌండరీ దిశగా పయనించింది. ఈ క్రమంలో థర్డ్‌మ్యాన్‌లో ఫీల్డింగ్‌ చేస్తున్న తీక్షణ బంతిని తప్పుగా అంచనా వేశాడు. బాల్‌ మిస్‌ చేశాడు.. ఏకంగా 4 పరుగులు క్యాచ్‌ అందుకోవడానికి విఫలయత్నం చేశాడు. అనవసరంగా ముందుకు డైవ్‌ చేసి బాల్‌ను మిస్‌ చేశాడు. బంతి బౌండరీని తాకడంతో పంజాబ్‌కు నాలుగు పరుగులు వచ్చాయి. ఈ నేపథ్యంలో కోపోద్రిక్తుడైన ధోని.. మిస్‌ ఫీల్డింగ్‌ చేసిన మహీశ్‌ తీక్షణపై ఫైర్‌ అయ్యాడు.  జట్టు నుంచి తీసిపారేయండి అసలేం ఏం చేస్తున్నావో అర్థం అవుతోందా? అన్నట్లు సీరియస్‌ ఎక్స్‌ప్రెషన్‌ ఇచ్చాడు. డగౌట్‌లో ఉన్న కోచ్‌ స్టీఫెన్‌ ఫ్లెమింగ్‌ సైతం తీక్షణ చేసిన పనికి గుస్సా అయ్యాడు. ఇందుకు సంబంధించిన వీడియో నెట్టింట వైరల్‌ అవుతోంది. ఇది చూసిన నెటిజన్లు.. ‘‘నీకసలు బుద్ధుందా? బౌలింగ్‌ అంతంత మాత్రమే. చెత్త ఫీల్డింగ్‌. జట్టులో నుంచి తీసిపారేయండి’’ అని కామెంట్లు చేస్తున్నారు. కాగా ఈ మ్యాచ్‌లో మహీశ్‌ తీక్షణ 4 ఓవర్ల బౌలింగ్‌ కోటా పూర్తి చేసి 36 పరుగులు సమర్పించుకున్నాడు. చదవండి: MI Vs RR: గ్రహణం వీడింది..! అతడు భవిష్యత్‌ సూపర్‌స్టార్‌.. నో డౌట్‌! ఆసియా కప్‌ రద్దు? పాక్‌కు దిమ్మతిరిగే షాక్‌.. బీసీసీఐ మాస్టర్‌ ప్లాన్‌!? pic.twitter.com/iAB4MTdg4p — CricDekho (@Hanji_CricDekho) April 30, 2023 𝙎𝙈𝙊𝙊𝙏𝙃 𝙖𝙨 𝙚𝙫𝙚𝙧 😎@imjadeja & @msdhoni combine to get Prabhsimran Singh OUT! Follow the match ▶️ https://t.co/FS5brqfoVq#TATAIPL | #CSKvPBKS pic.twitter.com/1qS9t5DJ8k — IndianPremierLeague (@IPL) April 30, 2023 var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

టి20 ప్రపంచకప్‌లో పాకిస్తాన్‌ రన్నరప్‌గానే మిగిలిపోయింది. పాక్‌పై ఐదు వికెట్ల తేడాతో గెలిచిన ఇంగ్లండ్‌ రెండోసారి పొట్టి ఫార్మాట్‌లో చాంపియన్‌గా అవతరించింది. బెన్‌ స్టోక్స్‌ ఆల్‌రౌండ్‌ ప్రదర్శనకు తోడుగా జట్టు సమిష్టి ప్రదర్శన ఇంగ్లండ్‌కు విజయాన్ని కట్టబెట్టింది. డెత్‌ ఓవర్లలో బ్యాటర్లు బోల్తా పడడం.. పాక్‌ ఓటమికి కారణ మని న్యూజిలాండ్‌ మాజీ కెప్టెన్‌ స్టీఫెన్‌ ఫ్లెమింగ్‌ పేర్కొన్నాడు. ''16 ఓవర్లలో 119/4తో ఉన్న పాక్‌.. చివరి 4 ఓవర్లలో 18 పరుగులు మాత్రమే చేసింది. వాస్తవంగా అయితే అక్కడినుంచి ఓవర్‌ కు 10 పరుగులు రాబట్టినా స్కోరు దాదాపుగా 160-165 పరుగులకు చేరుకొనేది. ఈ పిచ్‌పై ఇది నిజంగా సవాల్‌ విసిరే స్కోరు. కానీ, ఎంసీజీ గ్రౌండ్‌ బౌండరీలను పాక్‌ బ్యాటర్లు సరిగా అర్థం చేసుకోలేదు. ఈ కిటుకును పసిగట్టకపోవడం వల్లే డెత్‌ ఓవర్లలో వారు తడబడ్డారు. ఇంగ్లండ్‌ బౌలర్లు కూడా తెలివిగా బౌండ్రీ 85 మీటర్ల దూరం ఉన్న వైపే షాట్లు ఆడే విధంగా బంతులు విసిరి.. పాక్‌ బ్యాటర్లను ఉచ్చులోకి లాగారు. కొంచెం బుర్ర ఉపయోగించి సింగిల్స్‌, డబుల్స్‌తో నెట్టుకొచ్చినా పరిస్థితి మరో రకంగా ఉండేది.ఇదే పాక్‌ ఓటమికి ప్రధాన కారణం.'' అని  ఫ్లెమింగ్‌ అభిప్రాయపడ్డాడు. చదవండి: బాబర్‌కు ఊహించని ప్రశ్న.. మధ్యలో తలదూర్చిన మేనేజర్‌ ముగిసిన ప్రపంచకప్‌.. కోహ్లి సరికొత్త రికార్డు

దక్షిణాఫ్రికా టీ20 లీగ్‌లో పాల్గొనబోతున్న జోహన్నెస్‌బర్గ్ సూపర్ కింగ్స్ ఫ్రాంచైజీ హెడ్‌కోచ్‌గా న్యూజిలాండ్ మాజీ కెప్టెన్ స్టీఫెన్ ఫ్లెమింగ్‌ ఎంపికయ్యాడు. కాగా జోహన్నెస్‌బర్గ్  ఫ్రాంచైజీను ఐపీఎల్‌ జట్టు చెన్నై సూపర్ కింగ్స్ యాజమాన్యం కొనుగోలు చేసిన సంగతి తెలిసిందే. అదే విధంగా ఐపీఎల్‌లో సీఎస్‌కే హెడ్‌కోచ్‌గా కూడా ఫ్లెమింగ్ కొనసాగుతున్నాడు. ఇక తమ జట్టు కెప్టెన్‌గా దక్షిణాఫ్రికా స్టార్‌ ఆటగాడు ఫాఫ్ డు ప్లెసిస్‌ను జోహన్నెస్‌బర్గ్ నియమించిన విషయం తెలిసిందే. అదే విధంగా తమ జట్టు బౌలింగ్‌ కోచ్‌గా ప్రోటీస్‌ మాజీ పేసర్‌ అల్బీ మోర్కెల్, అసిస్టెంట్ కోచ్‌గా ఎరిక్ సైమన్స్‌లతో జోహన్నెస్‌బర్గ్ ఒప్పందం కుదుర్చుకుంది. ఇక ఈ సరికొత్త టోర్నీ వచ్చే ఏడాది జనవరి-ఫిబ్రవరిలో నిర్వహించేందు దక్షిణాఫ్రికా క్రికెట్‌ బోర్డు ప్రయత్నాలు చేస్తోంది.ఇక దక్షిణాఫ్రికా టీ20 లీగ్‌ తొలి సీజన్‌లో మొత్తం ఆరు జట్లు పాల్గోనబోతున్నాయి. అయితే ఆరుకు ఆరు జట్లను ఐపీఎల్‌ ఫ్రాంచైజీలే దక్కించుకోవడం గమనార్హం. జొహన్నెస్‌బర్గ్‌, కేప్‌ టౌన్‌ ఫ్రాంచైజీలను చెన్నై సూపర్‌ కింగ్స్‌, ముంబై ఇండియన్స్‌ సొంతం చేసుకోగా.. సెంచూరియన్‌, పార్ల్‌, డర్బన్‌,పోర్ట్ ఎలిజబెత్ ఫ్రాంచైజీలను ఢిల్లీ క్యాపిటల్స్‌, రాజస్తాన్‌ రాయల్స్‌,లక్నో సూపర్‌ జెయింట్స్‌, సన్‌రైజర్స్‌ హైదరాబాద్‌ దక్కించుకున్నాయి. చదవండి: Asia Cup 2022: 'శ్రీలంకతో కీలక పోరు.. చాహల్‌ను పక్కన పెట్టి అతడిని తీసుకోండి'

దక్షిణాఫ్రికా టీ20 లీగ్‌లో పాల్గొనబోతున్న జోబర్గ్ సూపర్ కింగ్స్‌ ఫ్రాంచైజీ హెడ్‌కోచ్‌గా చెన్నై సూపర్ కింగ్స్ ప్రధాన కోచ్‌, కివీస్‌ మాజీ కెప్టెన్‌ స్టీఫెన్ ఫ్లెమింగ్ బాధ్యతలు చేపట్టనున్నట్లు సమాచారం. కాగా జోబర్గ్ సూపర్ కింగ్స్‌ ఫ్రాంచైజీను ఐపీఎల్‌ జట్టు చెన్నై సూపర్‌ కింగ్స్‌ యాజమాన్యం కొనుగోలు చేసిన విషయం తెలిసిందే. జోబర్గ్ సూపర్ కింగ్స్‌ కూడా పసుపు రంగు జెర్సీని ధరించనున్నట్లు తెలుస్తోంది. ఇక దక్షిణాఫ్రికా టీ20 లీగ్‌ను వచ్చే ఏడాది జనవరి- ఫిబ్రవరిలో నిర్వహించేందుకు ప్రోటిస్‌ క్రికెట్‌ బోర్డు కసరత్తులు చేస్తోంది. ఇక దక్షిణాఫ్రికా టీ20 లీగ్‌ తొలి సీజన్‌లో మొత్తం ఆరు జట్లు పాల్గోనబోతున్నాయి. అయితే ఆరుకు ఆరు జట్లను ఐపీఎల్‌ ఫ్రాంచైజీలే దక్కించుకోవడం గమనార్హం. జొహన్నెస్‌బర్గ్‌, కేప్‌ టౌన్‌ ఫ్రాంచైజీలను చెన్నై సూపర్‌ కింగ్స్‌, ముంబై ఇండియన్స్‌ సొంతం చేసుకోగా.. సెంచూరియన్‌, పార్ల్‌, డర్బన్‌,పోర్ట్ ఎలిజబెత్ ఫ్రాంచైజీలను ఢిల్లీ క్యాపిటల్స్‌, రాజస్తాన్‌ రాయల్స్‌,లక్నో సూపర్‌ జెయింట్స్‌, సన్‌రైజర్స్‌ హైదరాబాద్‌ దక్కించుకున్నాయి. ఇక ఇప్పటికే దక్షిణాఫ్రికా మాజీ క్రికెటర్‌ లాన్స్‌ క్లూస్‌నర్‌ను డర్బన్‌ ఫ్రాంచైజీ తమ జట్టు హెడ్‌ కోచ్‌గా ఎంపిక చేసింది. చదవండి: Ind Vs WI 5th T20I: వెస్టిండీస్‌తో ఐదో టీ20.. సూర్యకుమార్‌కు విశ్రాంతి! ఓపెనర్‌గా ఇషాన్‌ కిషన్‌!

ఐపీఎల్‌-2022లో సీఎస్‌కే స్టార్‌ ఆల్‌రౌండర్‌ రవీంద్ర జడేజా తీవ్రంగా నిరాశపరుస్తున్నాడు. బుధవారం ఆర్‌సీబీతో జరిగిన  మ్యాచ్‌లో 5 బంతులు ఎదుర్కొన్న జడేజా కేవలం మూడు పరుగులు మాత్రమే చేసి పెవిలియన్‌కు చేరాడు. అయితే ఈ ఏడాది సీజన్‌ ఆరంభానికి ముందు ధోని సీఎస్‌కే కెప్టెన్సీ నుంచి తప్పుకోగా, ఆ బాధ్యతలను జడేజా చేపట్టాడు. అయితే కెప్టెన్సీ ఒత్తిడి కారణంగా జడేజా టోర్నీ మధ్యలోనే ధోనికి మళ్లీ జట్టు పగ్గాలు అప్పగించేశాడు. సారథ్య బాధ్యతల జడేజా నుంచి తప్పుకున్నప్పటికీ .. బౌలింగ్‌లోను, బ్యాటింగ్‌లోను విఫలమవుతున్నాడు. ఇప్పటివరకు ఈ సీజన్‌లో 10 మ్యాచ్‌లు ఆడిన జడ్డూ.. కేవలం 116 పరుగులు మాత్రమే చేశాడు. ఈ క్రమంలో జడేజా ఫామ్‌పై సీఎస్‌కే హెడ్‌ కోచ్‌ స్టీఫెన్ ఫ్లెమింగ్ స్పందించాడు. జడేజా ఫామ్‌ గురించి పెద్దగా ఆందోళన చెందడం లేదని ఫ్లెమింగ్ తెలిపాడు. జడేజా ఫామ్‌ గురించి పెద్దగా నాకు ఆందోళన లేదు. టీ20 ల్లో ఆడటం అంత సులభం కాదు. అతడు త్వరలోనే తిరిగి ఫామ్‌లోకి వస్తాడని ఆశిస్తున్నాను. బ్యాటర్‌ 5 లేదా 6 స్ధానంలో బ్యాటింగ్‌ వస్తే.. అతడు సెటిల్‌ అవ్వడానికి ఎక్కువ సమయం ఉండదు. కాబట్టి హిట్టింగ్‌ చేసే క్రమంలో వికెట్‌ కోల్పోయే అవకాశం ఉంది. కాగా రాబోయే మ్యాచ్‌ల్లో మా బ్యాటింగ్‌ ఆర్డర్‌పై దృష్టి సారిస్తాం "అని ఆర్‌సీబీతో మ్యాచ్ అనంతరం ఫ్లెమింగ్ పేర్కొన్నాడు. చదవండి: MS Dhoni- Virat Kohli: ‘ధోని పట్ల ఇంత నీచంగా ప్రవర్తిస్తావా! నీ స్థాయి ఏమిటి? ఏమనుకుంటున్నావు కోహ్లి?     var request = 'https://www.sakshi.com/knowwidget/kwstr_4381453179.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

చెన్నై సూప‌ర్ కింగ్స్ స్టార్ ఆల్‌రౌండ‌ర్ మొయిన్ అలీ గాయం కార‌ణంగా సోమ‌వారం పంజాబ్ కింగ్స్‌తో మ్యాచ్‌కు దూర‌మైన సంగ‌తి తెలిసిందే. అయితే తాజ‌గా అత‌డి గాయంపై సీఎస్‌కే హెడ్ కోచ్ స్టీఫ‌న్ ఫ్లేమింగ్ స్పందించాడు. అత‌డు గాయం నుంచి కోలుకుని తిరిగి జ‌ట్టులోకి చేర‌డానికి మ‌రో వారం రోజులు ప‌డుతుంద‌ని  ఫ్లేమింగ్ తెలిపాడు.  ఏప్రిల్ 23న జ‌రిగిన‌ ముంబై ఇండియ‌న్స్‌తో మ్యాచ్‌కు ముందు ట్రైనింగ్ సెష‌న్‌లో అలీ గాయ‌ప‌డ్డాడు. "మొయిన్ అలీ చీలమండకు గాయమైంది. అయితే అదృష్ట‌వ‌శాత్తూ.. ఎక్స్‌రేలో ఎలాంటి  ఫ్రాక్చర్ లేద‌ని  తేలింది. అయితే అత‌డికి వారం రోజులు పాటు విశ్రాంతి అవ‌స‌రం. ఎలాంటి ఫ్రాక్చర్ లేనందున త్వరగా కోలుకోవాలని మేము ఆశిస్తున్నాము" అని ఫ్లెమింగ్ సోమవారం మ్యాచ్ అనంతరం విలేకరుల సమావేశంలో పేర్కొన్నాడు. ఇక ఇప్ప‌టికే గాయం కార‌ణంగా ఆ జ‌ట్టు పేస‌ర్లు దీప‌క్ చాహ‌ర్‌, ఆడమ్ మిల్నే ఐపీఎల్‌-2022 సీజ‌న్‌కు దూర‌మ‌య్యారు. ఇక పంజాబ్ కింగ్స్‌తో జ‌రిగిన మ్యాచ్‌లో చెన్నై సూప‌ర్ కింగ్స్ ఓట‌మి చెందింది. చ‌దవండి: IPL 2022: "ఆ స్థానంలో బ్యాటింగ్‌కు రావ‌డం నా క‌ల‌.. ఈ సారి అస్స‌లు వ‌దులుకోను"

IPL 2022 SRH Vs CSK: ‘‘బ్యాటింగ్‌, బౌలింగ్‌, ఫీల్డింగ్‌... మూడు విభాగాల్లో మేము చాలా మెరుగుపడాల్సి ఉంది. కొంత మంది కీలక ఆటగాళ్లు జట్టుతో లేని లోటు కూడా స్పష్టంగా కనిపిస్తోంది. స్థాయికి తగ్గట్లు రాణించలేకపోతున్నాం’’ అని ఐపీఎల్‌ జట్టు చెన్నై సూపర్‌కింగ్స్‌ హెడ్‌ కోచ్‌ స్టీఫెన్‌ ఫ్లెమింగ్‌ అన్నాడు. ఒక్క మ్యాచ్‌ కూడా గెలవలేకపోవడం ఆత్మన్యూనతకు దారి తీస్తుందన్న ఫ్లెమింగ్‌... ఆత్మవిశ్వాసం పోగు చేసుకుని తిరిగి పుంజుకుంటామని ఆశాభావం వ్యక్తం చేశాడు. కాగా ఐపీఎల్‌-2022 సీజన్‌లో డిఫెండింగ్‌ చాంపియన్‌ చెన్నై ఇంత వరకు ఒక్క మ్యాచ్‌ కూడా గెలవలేదు. ఆడిన నాలుగు మ్యాచ్‌లలోనూ ఓటమిని మూటగట్టుకుంది. కొత్త సారథి రవీంద్ర జడేజా కెప్టెన్సీలో చెత్త ప్రదర్శనతో విమర్శల పాలవుతోంది. ఈ నేపథ్యంలో సన్‌రైజర్స్‌ హైదరాబాద్‌తో శనివారం నాటి మ్యాచ్‌లో ఓటమి అనంతరం ఫ్లెమింగ్‌ మీడియాతో మాట్లాడాడు. ఈ సందర్భంగా... ‘‘మేము ఒక్క మ్యాచ్‌కూడా గెలవలేకపోయాం. కనీసం విజయానికి చేరువగా కూడా వెళ్లలేకపోతున్నాం. ఇలాంటి పరిణామాలు మనపై మనం నమ్మకం కోల్పోయేలా చేస్తాయి. విమర్శల కారణంగా ఆటగాళ్లు కూడా ఢీలా పడే అవకాశం ఉంది. అయితే, మమ్మల్ని మేము మెరుగుపరచుకోవడానికి ఉన్న ఏ అవకాశాన్ని వదులుకోము. తిరిగి పుంజుకుని టోర్నీలో ముందుకు సాగుతాం’’ అని తెలిపాడు.  అదే విధంగా దీపక్‌ చహర్‌ వంటి స్టార్‌ ప్లేయర్‌ జట్టులో లేని లోటు స్పష్టంగా కనిపిస్తుందన్న ఫ్లెమింగ్‌.. ప్రత్యర్థి జట్లను ఒత్తిడిలోకి నెట్టడంలో విఫలమవుతున్నామని పేర్కొన్నాడు. ఏదేమైనా ఇకపై మెరుగ్గా రాణిస్తేనే ప్రయాణం సాఫీగా సాగుతుందని, లేదంటే భంగపాటు తప్పదని పరోక్షంగా వ్యాఖ్యానించాడు. కాగా హైదరాబాద్‌ చేతిలో సీఎస్‌కే 8 వికెట్ల తేడాతో ఓటమి పాలై వరుసగా నాలుగో పరాజయం నమోదు చేసింది. సీఎస్‌కే వర్సెస్‌ సన్‌రైజర్స్‌ స్కోర్లు చెన్నై-154/7 (20) హైదరాబాద్‌- 155/2 (17.4) చదవండి: IPL 2022: అతడు భవిష్యత్‌ ఆశా కిరణం: డుప్లెసిస్‌ ప్రశంసలు .@SunRisers win by 8 wickets to register their first win in #TATAIPL 2022.#CSKvSRH pic.twitter.com/aupL3iKv5v — IndianPremierLeague (@IPL) April 9, 2022

ఢిల్లీ:  ముంబై ఇండియన్స్‌ ఆల్‌రౌండర్‌ కీరోన్‌ పొలార్డ్‌ ఐపీఎల్‌లో చాలా కాలం తర్వాత ఒక గొప్ప ఇన్నింగ్స్‌ ఆడాడని సీఎస్‌కే కోచ్‌ స్టీఫెన్‌ ఫ్లెమింగ్‌ కొనియాడాడు. బంతిని హిట్‌ చేసేటప్పుడు పొలార్డ్‌ కచ్చితమైన టైమింగ్‌తో ఉంటాడన్నాడు. పొలార్డ్‌ క్రీజ్‌లో పాతుకుపోతే ప‍్రమాదమనే విషయం తమకు తెలుసని, అతన్ని ఔట్‌ చేయడానికి అన్ని అస్త్రాలు ప్రయోగించామన్నాడు. కానీ చివరకు అతన్ని పెవిలియన్‌కు చేర్చడంలో విఫలం కావడంతోనే తమను పరాజయం వెక్కిరించిందన్నాడు.  మ్యాచ్‌ తర్వాత రిపోర్టర్లతో  మాట్లాడిన ఫ్లెమింగ్‌.. ‘  అసలు పొలార్డ్‌ ఏ షాట్‌ ఎలా ఆడతాడో కచ్చితంగా అంచనా వేయలేం.  ఐపీఎల్‌లో సుదీర్ఘ కాలం తర్వాత మంచి ఇన్నింగ్స్‌ ఆడాడు. పొలార్డ్‌  చాలా ప్రమాదకరమైన ఆటగాడు. ముంబైకు ప్రధాన ఆటగాడు. అతన్ని ఔట్‌ చేయడానికి చాలా ప‍్రయోగాలు చేశాం. కానీ నిలువరించలేకపోయాం. ముంబై ఇండియన్స్‌ మూడు వికెట్లు తీసిన తర్వాత వారిపై ఒత్తిడి తెచ్చే యత్నం చేశాం. మేము చాలా మంచి టార్గెట్‌ ముంబై ముందు ఉంచాం. అయినా కొన్ని తప్పిదాలతో ఓటమి పాలయ్యాం. మేము చేసిన తప్పిదాలను విశ్లేషించుకుని తర్వాత మ్యాచ్‌కు సిద్ధమవుతాం.  మేము మరింత కసిగా తుదపరి మ్యాచ్‌కు వస్తాం. టోర్నమెంట్‌లో ఓడిపోతే ప్రత్యర్థి జట్టు బాగా ఆడిందనే అంటారు. అది సర్వసాధారణం’ అని తెలిపాడు.  కాగా, సీఎస్‌కే నిర్దేశించిన 219 పరుగుల భారీ టార్గెట్‌లో పొలార్డ్‌ 34 బంతుల్లో 8 సిక్స్‌లు, 6 ఫోర్లతో సునామీ ఇన్నింగ్స్‌ ఆడాడు. తొలుత 17 బంతుల్లో హాఫ్‌ సెంచరీ సాధించిన పొలార్డ్‌.. మ్యాచ్‌ను గెలిపించేతవరకూ క్రీజ్‌లో ఉండి తన బ్యాటింగ్‌ పవర్‌ చూపెట్టాడు. ఆఖరి ఓవర్‌లో 16 పరుగులు పిండుకుని ముంబైకు ఎప్పటికీ గుర్తుండిపోయే విజయాన్ని అందించాడు.  ఇక్కడ చదవండి: డేవిడ్‌ వార్నర్‌కు నో ప్లేస్‌ మీకు బౌలర్లు ఉన్నారు.. కానీ డెత్‌ ఓవర్‌ బౌలర్‌ ఎక్కడ? వార్నర్‌ ఇన్‌స్టాగ్రామ్‌ స్టోరీస్‌ వైరల్‌

ముంబై: మూడో స్థానంలో బ్యాటింగ్‌ చేస్తూ వేగంగా పరుగులు రాబట్టడమేకాకుండా, తన కోటా ఓవర్లను విజయవంతంగా పూర్తి చేస్తూ కీలకమైన వికెట్లు పడగొడుతున్న సీఎస్‌కే ఆల్‌రౌండర్‌ మొయిన్‌ అలీపై ఆ జట్టు హెడ్‌ కోచ్‌ స్టీఫెన్‌ ఫ్లెమింగ్‌ ప్రశంసల వర్షం కురిపించాడు. కీలకమైన వన్‌డౌన్‌లో రాణిస్తూ, బౌలర్‌ పాత్రను సమర్ధవంతంగా నిర్వహిస్తున్న మొయిన్‌ అలీ ఈ సీజన్‌లో సీఎస్‌కే అసలుసిసలైన ఆల్‌రౌండర్‌గా అవతరించాడని ఆకాశానికెత్తాడు. ప్రస్తుత సీజన్‌లో చెన్నై ఆడిన మూడో మ్యాచ్‌ల్లో వన్‌డౌన్‌లో బ్యాటింగ్‌కు దిగి వరుసగా 36, 46, 26 పరుగులు స్కోర్‌ చేసిన మొయిన్‌.. సోమవారం రాజస్థాన్‌తో జరిగిన మ్యాచ్‌లో మూడు కీలకమైన వికెట్లు(మిల్లర్‌, రియాన్‌ పరాగ్‌, మోరిస్‌) పడగొట్టి రాజస్థాన్‌ పతనాన్ని శాశించాడని కొనియాడాడు. మొయిన్‌ లాంటి అసలుసిసలైన ఆల్‌రౌండర్‌ లేని కారణంగానే గత సీజన్‌లో చెన్నై ఆఖరి స్థానానికి పడిపోయిందని పేర్కొన్నాడు. గత సీజన్‌లో రాయల్‌ ఛాలెంజర్స్‌ బెంగళూరుకు ప్రాతినిధ్యం వహించిన మొయిన్‌ అలీని దక్కించుకోవడం సీఎస్‌కేకి కలిసొచ్చిందని, మున్ముందు జరుగబోయే మ్యాచ్‌ల్లో అతని ఆల్‌రౌండ్‌ ప్రతిభ జట్టుకు మేలుచేకూర్చుతుందని ఆశాభావం వ్యక్తం చేశాడు. ప్రస్తుత సీజన్‌లో 3 మ్యాచ్‌ల్లో 108 విలువైన పరుగులతో పాటు 4 కీలకమైన వికెట్లు పడగొట్టిన మొయిన్‌..చెన్నై తరుపు ముక్కగా మారాడని ప్రశంసించాడు. అలాగే ఫామ్‌లోని లేని ఓపెనర్‌ రుతురాజ్‌ గైక్వాడ్‌ను ఫ్లెమింగ్‌ వెనకేసుకొచ్చాడు. వరుసగా మూడు మ్యాచ్‌ల్లో విఫలమైనా రుతురాజ్‌ టెక్నిక్‌ పరంగా ఉత్తమ ప్లేయర్‌ అని కొనియాడాడు. రుతురాజ్‌కు మరిన్ని అవకాశలు కల్పిస్తామని, ఆతరువాతే ఉతప్పకు అవకాశం కల్పించే అంశాన్ని పరిశీలిస్తామని పేర్కొన్నాడు. జట్టులో ఎవ్వరూ భారీ స్కోర్లు సాధించకపోయినా.. ఆయా ఆటగాళ్లు తమ బాధ్యతలను సమర్ధవంతంగా నిర్వర్తించడం పట్ల సంతృప్తిని వ్యక్తం చేశాడు. నిన్న రాజస్థాన్‌తో జరిగిన మ్యాచ్‌లో 45 పరుగుల తేడాతో విజయం సాధించిన సీఎస్‌కే.. బుధవారం(ఏప్రిల్‌ 21న) జరుగబోయే తదుపరి మ్యాచ్‌లో కేకేఆర్‌తో తలపడనుంది. చదవండి: డబ్యూటీసీ ఫైనల్‌ యధావిధిగా జరుగుతుంది: ఐసీసీ

ముంబై:  ఈ ఐపీఎల్‌ సీజన్‌లో సీఎస్‌కే ఆడిన తొలి మ్యాచ్‌లోనే ఓటమి పాలుకావడం ఆ జట్టును తీవ్రంగా నిరాశపరిచింది. ఢిల్లీ క్యాపిటల్స్‌తో శనివారం జరిగిన మ్యాచ్‌లో సీఎస్‌కే 188 పరుగుల భారీ స్కోరు చేసినా పరాజయం చెందింది. ఢిల్లీ క్యాపిటల్స్‌  ఆది నుంచి దూకుడుగా ఆడటంతో ఆ టార్గెట్‌ను మూడు వికెట్లు కోల్పోయి 18. 4 ఓవర్లలో ఛేదించింది. దీనిపై మ్యాచ్‌ తర్వాత సీఎస్‌కే కోచ్‌ ఫ్లెమింగ్‌ మాట్లాడుతూ..  తాము తిరిగి గాడిలో పడటానికి ఎంత సమయం పట్టదని ఆటగాళ్లలో స్ఫూర్తి నింపే ప్రయత్నం చేశాడు. తమ జట్టు బౌలింగ్‌లో చేసిన తప్పిదాలతోనే ఓటమి పాలైందని, వాటిని సరిదిద్దుకుని తదుపరి మ్యాచ్‌ల్లో సత్తాచాటుతామన్నాడు. గతంలో చెన్నై వేదికగా జరిగిన మ్యాచ్‌ల్లో పరిస్థితులకు అలవాటు పడటానికి సమయం పట్టిందని,  ముంబైలో తాము ఇంకా నాలుగు మ్యాచ్‌లు ఆడాల్సి ఉందన్నాడు.  తాము ముంబైలోని వాంఖడేలో పరిస్థితుల్ని సాధ్యమైనంత త్వరగా అర్థం చేసుకుంటామన్నాడు. తొలి మ్యాచ్‌లో ఎదురైన ఓటమి నుంచి పాఠాలు నేర్చుకుని గాడిలో పడతామన్నాడు.  తమది చెన్నైకి చెందిన జట్టని, తమను తక్కువ అంచనా వేయవద్దని పరోక్షంగా ప్రత్యర్థి జట్లకు వార్నింగ్‌ ఇచ్చాడు.  ప్రధానంగా ముంబైలోని పిచ్‌ పరిస్థితుల్ని బట్టి చూస్తే బౌలింగ్‌లో తాము ఇంకా మెరుగుపడాలన్నాడు.  అది మాకు సానుకూలాంశం గత సీజన్‌కు దూరమై ఈ సీజన్‌ తొలి మ్యాచ్‌లోనే హాఫ్‌ సెంచరీ సాధించిన సురేశ్‌ రైనాపై ఫ్లెమింగ్‌ ప్రశంసలు కురిపించాడు. ఢిల్లీతో మ్యాచ్‌లో సురేశ్‌ రైనా కొట్టిన షాట్లు అతని మునపటి ఫామ్‌ను గుర్తుకు తెచ్చాయన్నాడు.  మొయిన్‌ అలీని దూకుడుగా ఆడటానికి గ్రీన్‌ సిగ్నల్‌ ఇస్తే, రైనా కూడా అదే రోల్‌ను పోషించడం తమకు సానుకూలాంశమని ఫ్లెమింగ్‌ పేర్కొన్నాడు. రైనా రెండు-మూడు షాట్లు కొట్టిన తర్వాత ఫుల్‌ జోష్‌లోకి వచ్చాడన్నాడు. ఈ సీజన్‌లో సురేశ్‌ రైనా పాత్ర తమకు కచ్చితంగా లాభిస్తుందని ఫ్లెమింగ్‌ ఆశాభావం వ్యక్తం చేశాడు. బౌలింగ్‌లో తమ ప్రణాళికలు అంతగా ఉపయోగపడలేదని, వచ్చే మ్యాచ్‌ల్లో దాన్ని కూడా అధిగమిస్తామన్నాడు.

వన్డేల్లో రెగ్యులర్‌ బౌలర్లు.. ఆల్‌రౌండర్లు.. పార్ట్‌టైమ్‌ బౌలర్లు ఉండడం సహజం. టీమిండియాలో సచిన్‌, సెహ్వాగ్‌ లాంటి వారు పార్ట్‌టైమ్‌ బౌలర్లుగా రాణించారు.. మ్యాచ్‌లు గెలిపించారు. కానీ ఏబీ డివిలియర్స్‌, మహేళ జయవర్దనే, స్టీఫెన్‌ ప్లెమింగ్‌, విరాట్‌ కోహ్లి, ఎంఎస్‌ ధోని, సయీద్‌ అన్వర్,మహ్మద్‌ యూసఫ్‌‌ ఇలా ఎవరిని చూసుకున్నా వీరంతా ప్రొఫెషనల్‌ బ్యాట్స్‌మెన్లుగానే పేరు పొందారు. బ్యాట్స్‌మెన్లుగా ఒకప్పుడు సత్తా చాటినవారు కొందరు ఉంటే.. మరికొందరు ఇప్పుడు కూడా రాణిస్తూనే ఉన్నారు. అయితే కెరీర్‌ మొత్తం బ్యాటింగ్‌కే పరిమితమైన ఈ ఆటగాళ్లు అరుదుగా బౌలింగ్‌ చేసేవారు. బ్యాట్స్‌మెన్లుగా తమ పేరిట ఎన్నో రికార్డులు సృష్టించిన వీళ్లు అప్పుడప్పుడు బౌలర్‌ అవతారమెత్తి వికెట్లు కూడా తీశారు. కొందరు మాత్రం మరో అడుగు ముందుకేసి మ్యాచ్‌లు గెలిపించడంలో కీలకపాత్ర పోషించారు.  తాజాగా ఐసీసీ పాతతరం.. కొత్తతరం క్రికెటర్లు తమ జట్లకు బౌలింగ్‌ చేసిన ఒక మొమరబుల్‌ వీడియోనూ సోషల్‌ మీడియాలో షేర్‌ చేసింది. (చదవండి : స్వదేశంలో కలిసొచ్చింది.. మరి విదేశంలో) ఈ వీడియోలో మనకు ఎప్పుడు బౌలింగ్‌ చేసినట్లు కనిపించని జయవర్దనే.. ఏబీ డివిలియర్స్‌.. ఎంఎస్‌ ధోని..స్టీఫెన్‌ ప్లెమింగ్‌ లాంటివారు బౌలింగ్‌ చేయడమే గాక వికెట్లు తీయడం చూపించారు. మీకు టైముంటే మాత్రం  ఈ వీడియోను అస్సలు మిస్సవ్వద్దు అంటూ క్యాప్షన్‌ జతచేసింది. అయితే ఐసీసీ షేర్‌ చేసిన వీడియో కాస్త కొత్తగా ఉండడంతో వైరల్‌గా మారింది. (చదవండి : కూతురును చూసి మురిసిపోతున్న స్టార్‌ క్రికెటర్‌‌) 🤯 Virat Kohli, AB de Villiers, Mahela Jayawardene ... picking up international wickets! Here's a video you don't want to miss 😄 pic.twitter.com/IkROsA3tew — ICC (@ICC) December 16, 2020

దుబాయ్‌: ఈ సీజన్‌ ఐపీఎల్‌లో ప్లేఆఫ్స్‌ చేరడంలో విఫలమైనా వచ్చే ఏడాది మరింత పటిష్టంగా తిరిగొస్తామని చెన్నై సూపర్‌ కింగ్స్‌ కోచ్‌ స్టీఫెన్‌ ఫ్లెమింగ్‌ స్పష్టం చేశాడు. సీఎస్‌కేను తిరిగి పటిష్టం చేయడమే తమ ముందున్న లక్ష్యమని తెలిపాడు. ఆదివారం సీఎస్‌కే చివరి లీగ్‌ ఆడిన తర్వాత ప్రెస్‌ కాన్ఫరెన్స్‌లో మాట్లాడిన ఫ్లెమింగ్‌.. ‘ మా ముందు అతి పెద్ద చాలెంజ్‌ ఉంది.  అత్యంత బాధ్యత సీఎస్‌కే ఎంపిక చేయడానికి కసరత్తులు చేస్తాం. రుతురాజ్‌ గైక్వాడ్‌ లాంటి యువ క్రికెటర్లతో పాటు పాత క్రికెటర్లతో సీఎస్‌కేను సమ్మేళనం చేస్తాం. (వాట్సన్‌ ఉద్వేగం.. క్రికెట్‌కు గుడ్‌ బై!) ఎప్పుడూ సీఎస్‌కే జట్టు ఎంపికలో యజమాని శ్రీనివాసన్‌ కీలకంగా వ్యవహరిస్తారు. సీఎస్‌కే మేనేజ్‌మెంట్‌, శ్రీనివాసన్‌లు వారికి మంచిదైన జట్టునే ఎంపిక చేస్తారు. దాన్ని వచ్చే ఐపీఎల్‌లో కూడా అవలంభిస్తాం. మేము పదేళ్లుగా నిలకడైన క్రికెట్‌ ఆడుతున్నామంటే జట్టు ఎంపికలో చాలా జాగ్రత్తలు తీసుకుంటాం. అది పెద్ద బాధ్యత. మా జట్టులో టాలెంట్‌ ఉంది. కానీ జట్టును ఎలా మిక్స్‌ చేయాలనే అంశంపై కసరత్తులు చేయనున్నాం’ అని తెలిపాడు. ఈ సీజన్‌లో సీఎస్‌కే తన లీగ్‌ దశను ఆరు విజయాలతో ముగించింది. టోర్నీ నుంచి నిష్క్రమించినా వరుసగా ఆ జట్టు సాధించిన మూడు విజయాలు మునపటి సీఎస్‌కేను గుర్తు చేశాయి. వరుస విజయాలు సాధించడంతో ధోని మీద వచ్చిన విమర్శలు కూడా చెక్‌ పడింది. కింగ్స్‌ పంజాబ్‌తో తన చివర మ్యాచ్‌లో సీఎస్‌కే 9 వికెట్ల తేడాతో విజయం సాధించింది.(ఐపీఎల్‌ 2020: నెట్‌ రన్‌రేట్‌ టై అయితే..)

షార్జా: ముంబై ఇండియన్స్‌తో శుక్రవారం జరిగిన మ్యాచ్‌లో సీఎస్‌కే చిత్తుగా ఓడిన సంగతి తెలిసిందే. సీఎస్‌కే 115 పరుగుల టార్గెట్‌ను మాత్రమే నిర్దేశించగా, ముంబై 12.2 ఓవర్లలో లక్ష్యాన్ని పూర్తి చేసింది. సామ్‌ కరాన్‌(52) మినహా అంతా విఫలం కావడంతో చెన్నై ఘోరపరాభవాన్ని చవిచూసింది. పవర్‌ ప్లే ముగిసేసరికి సీఎస్‌కే ఐదు వికెట్లు కోల్పోవడంతో స్వల్ప స్కోరుకు పరిమితమైంది. అదే సమయంలో ఐపీఎల్‌ చరిత్రలో పవర్‌ ప్లేలో సీఎస్‌కే  ఐదు వికెట్లు కోల్పోవడం ఇదే ప్రథమం. (వరుణ్‌ పాంచ్‌ పటాకా.. కేకేఆర్‌ ‘సిక్సర్‌’) అయితే మ్యాచ్‌ తర్వాత సీఎస్‌కే ప్రెస్‌ కాన్ఫరెన్స్‌లో సీఎస్‌కే కోచ్‌ స్టీఫెన్‌ ఫ్లెమింగ్‌ మాట్లాడుతూ.. ‘ మా ప్రదర్శన మాకే ఆశ్చర్యం కల్గించింది. ఇదొక భయంకరమైన పవర్‌ ప్లే. వరుస విరామాల్లో వికెట్లు కోల్పోయాం. అదే కూడా పవర్‌ ప్లే ముగిసే సరికి సగం వికెట్లను చేజార్చుకున్నాం. పవర్‌ ప్లేలో గేమ్‌ దాదాపు ముగిసింది. ఈ మ్యాచ్‌ను చూడటం కష్టతరమైంది. మేము కొంతమంది యువ క్రికెటర్లకు అవకాశం ఇచ్చాం. అది వర్కౌట్‌ కాలేదు’ అని ఫ్లెమింగ్‌ చెప్పుకొచ్చాడు. ఇక ముంబై బౌలింగ్‌ యూనిట్‌పై ఫ్లెమింగ్‌ ప్రశంసలు కురిపించాడు. ‘ముంబై బౌలర్లంతా అసాధారణమైన బౌలింగ్‌తో ఆకట్టుకున్నారు. ఎందుకు ఇలా జరిగింది అనే దానికి దారులు కనుగొన్నాం. మ్యాచ్‌కు ముందు ఇది కీలకమైన మ్యాచ్‌ అని భావించాం. కానీ పూర్తిగా తేలిపోయాం. ఈ గేమ్‌లో మా బౌలింగ్‌ యూనిట్‌ బాగుంది. కానీ సరిపడా పరుగులు బోర్డుపై ఉంచకపోవడంతో దారుణమైన పరాజయాన్ని చవిచూడాల్సి వచ్చింది. మా ఇన్నింగ్స్‌ ముగిసిన తర్వాత మాకు కొంత ఆశ మాత్రమే ఉంది. మ్యాచ్‌లో ఓటమి ముందే ఖరారై పోయింది’ అని ఫ్లెమింగ్‌ పేర్కొన్నాడు.

అబుదాబి : ఐపీఎల్‌ 13వ సీజన్‌లో బుధవారం కేకేఆర్‌తో జరిగిన మ్యాచ్‌లో సీఎస్‌కే ప్రదర్శన తనను చాలా నిరాశపరిచిందని ఆ జట్టు ప్రధాన కోచ్‌ స్టీఫెన్‌ ప్లెమింగ్‌ పేర్కొన్నాడు. మ్యాచ్‌ అనంతరం ప్లెమింగ్‌ సీఎస్‌కే బ్యాటింగ్‌ తీరుపై ఆసక్తికర వ్యాఖ్యలు చేశాడు. (చదవండి : శాంసన్‌ రాత మారేనా? మళ్లీ అదే డ్రామానా?) 'కేకేఆర్‌తో మ్యాచ్‌లో కేవలం 10 పరుగుల తేడాతో ఓడిపోవడం బాధగా అనిపించింది. వాట్సన్‌ మంచి ఆరంభాన్ని ఇచ్చినా దాన్ని నిలబెట్టుకోలేకపోయాం. మ్యాచ్‌లో మా ఇన్నింగ్‌ మొదలైన తర్వాత వాట్సన్‌, డుప్లెసిస్‌ ఇచ్చిన ఆరంభానికి తోడు.. రాయుడు మంచి టచ్‌లో కనిపించడంతో లక్ష్యాన్ని సులభంగా చేదిస్తుందనే అనుకున్నా. కానీ ఒక ఐదారు ఓవర్లు పాటు నిలకడగా ఆడి ఉంటే కచ్చితంగా గెలిచేవాళ్లం. ధోని నాలుగో స్థానంలో రావడంపై తప్పుబట్టలేం. ఎందుకంటే వాట్సన్‌ క్రీజులో ఉండడంతో ధోని అతనికి సహకారమందించాలని ప్రయత్నించాడు. కానీ దురదృష్టం మమ్మల్ని వెంటాడింది. వాట్సన్‌ అవుటైన తర్వాత వచ్చిన మిగతా బ్యాట్స్‌మెన్లు షాట్ల ఎంపిక పొరపాటుతో పాటు కేకేఆర్‌ బౌలర్లు కట్టుదిట్టంగా బౌలింగ్‌ చేశారు. మా జట్టులో బ్యాట్స్‌మెన్లకు కొదువ లేదు.అందరు విమర్శించినట్టు మాకు అదనపు బ్యాట్స్‌మన్‌ అవసరం లేదు.  8 వ స్థానంలో బ్యాటింగ్‌కు వచ్చే బ్రావో వరకు పటిష్టంగానే ఉంది. కాకపోతే వచ్చే మ్యాచ్‌లో బ్యాటింగ్‌ ఆర్డర్‌ మార్చాల్సిన అవసరం ఉంది. సామ్‌ కరన్‌, రవీంద్ర జడేజా, డ్వేన్‌ బ్రావో లాంటి ఆల్‌రౌంర్లు ఉండి కూడా కీలక దశలో చేతులెత్తేసాం.'అంటూ చెప్పుకొచ్చాడు. (చదవండి : చేదనలో తడబడ్డ చెన్నై; కేకేఆర్‌ విజయం) కేకేఆర్‌తో మ్యాచ్‌లో 13వ ఓవర్‌ వరకు కేవలం రెండు వికెట్లు కోల్పోయి పటిష్టంగా కనిపించిన చెన్నై .. వాట్సన్‌ 50 పరుగులు పూర్తి చేసిన వెంటనే అవుటవ్వడంతో మ్యాచ్‌ పూర్తిగా మారిపోయింది. 10వ ఓవర్‌ నుంచి 15వ ఓవర్‌ వరకు సీఎస్‌కే జట్టు కేవలం 20 పరుగులు మాత్రమే చేయడం ఆ జట్టు ఓటమికి ప్రధాన కారణంగా చెప్పవచ్చు. కాగా చెన్నె సూపర్‌ కింగ్స్‌ తన తర్వాతి మ్యాచ్‌ శనివారం(అక్టోబర్‌ 10న) ఆర్‌సీబీతో తలపడనుంది.

దుబాయ్‌ : ఐపీఎల్‌ 13వ సీజన్‌లో చెన్నై జట్టు వరుసగా రెండో ఓటమి నమోదు చేసుకుంది. ఢిల్లీ క్యాపిటల్స్‌తో జరిగిన మ్యాచ్‌లో చెన్నై సూపర్‌ కింగ్స్‌ 44 పరుగుల తేడాతో ఓడిపోయిన సంగతి తెలిసిందే. చెన్నై ఓపెనర్లు విఫలమైన వేళ మిడిలార్డర్‌లో డుప్లెసిస్‌కు సరైన సహకారం అందకపోవడం.. అంబటి రాయుడు, సురేశ్‌ రైనాలు లేని లోటు స్పష్టంగా కనిపించింది. ఇదే విషయమై చెన్నై ప్రధాన కోచ్‌ స్టీఫెన్‌ ప్లెమింగ్‌ మ్యాచ్‌ అనంతరం స్పందించాడు. 'చెన్నై జట్టు వరుసగా రెండో మ్యాచ్‌ ఓడిపోవడం కొంచెం ఇబ్బందిగా ఉంది. రైనా, రాయుడు లాంటి ఆటగాళ్లు లేని లోటు స్పష్టంగా కనిపిస్తుంది. ముఖ్యంగా బ్యాటింగ్‌ లైనఫ్‌లో వారి స్థానాలను భర్తీ చేసేందుకు వివిధ రకాల కాంబినేషన్లు ప్రయత్నిస్తున్నాం. కేదార్‌ జాదవ్‌, రుతురాజ్‌ గైక్వాడ్‌, శ్యామ్‌ కర్జన్‌ లాంటి ఆటగాళ్లకు అవకాశాలు ఇచ్చి ప్రోత్సహిస్తున్నా మ్యాచ్‌లను కోల్పోతున్నాం. నిజంగా రైనా టోర్నీకి దూరమవ్వడం బాధాకరం.. అతను నిన్నటి మ్యాచ్‌లో ఆడి ఉంటే జట్టుకు గెలిచే అవకాశాలు ఉండేవేమో. టాప్‌ ఆర్డర్‌, మిడిలార్డర్‌లో చేదించాల్సిన టార్గెట్‌ ఎక్కువగా ఉన్నప్పుడు ఒత్తిడికి తట్టుకొని నిలకడగా ఆడుతూ బ్యాటింగ్‌ చేయగల ఆటగాళ్లు ఇప్పుడు జట్టులో కనిపించడం లేదు. (చదవండి : ధోని వ్యవహరిస్తున్న తీరు సరైనదే) 'ఇక బౌలింగ్‌ విషయానికి వస్తే.. మా జట్టు స్పిన్‌ విభాగం మరింత బలహీనంగా తయారైంది. వరుసగా రెండు మ్యాచ్‌లు(రాజస్తాన్‌, ఢిల్లీ) చూసుకుంటే పియూష్‌ చావ్లా, రవీంద్ర జడేజా.. పరుగులు నియంత్రించడంలో పూర్తిగా విఫలమయ్యారు. దీనికి కారణం లేకపోలేదు.. చెన్నై జట్టు ఆడిన మూడు మ్యాచ్‌లు మూడు గ్రౌండ్స్‌లో ఆడింది. పిచ్‌ పరిస్థితులకు తగ్గట్టు ఏ విధమైన బౌలింగ్‌ శైలి నడుస్తుందన్నది చెప్పడం కష్టమైంది. ఐపీఎల్‌ మొదలైన వారం రోజుల్లో మూడు వేదికలపైన అవగాహన వచ్చింది. ఇక ముందు పిచ్‌ పరిస్థితులకు తగ్గట్టుగా బౌలర్లను ఉపయోగించాల్సిన అవసరం ఉంది. పేస్‌ బౌలింగ్‌లో కూడా ఒక అంచనాకు వచ్చాం. రానున్న మ్యాచ్‌ల్లో వీటిపై దృష్టి సారిస్తూ.. తప్పులను సరిచేసుకుంటాం. 'అంటూ తెలిపాడు. (చదవండి : ఢిల్లీ కమాల్‌...) ఇక రాజస్తాన్‌ రాయల్స్‌తో జరిగిన మ్యాచ్‌లో ఏడో స్థానంలో బ్యాటింగ్‌కు వచ్చిన ధోని విమర్శల పాలైన సంగతి తెలిసిందే. ఇక ఢిల్లీ క్యాపిటల్స్‌తో జరిగిన మ్యాచ్‌లో ఆరో స్థానంలో బ్యాటింగ్‌కు వచ్చాడు. అయితే అప్పటికే దాదాపు ఓటమి ఖరారైపోయింది. 24 బంతుల్లో 75 పరుగులు చేయాల్సిన దశలో క్రీజులోకి వచ్చిన ధోని దాటిగా ఏం ఆడలేకపోయాడు. 12 బంతుల్లో 15 పరుగులు చేసి రబడ బౌలింగ్‌లో వెనుదిరిగాడు. ఇక ఐపీఎల్‌లో చెన్నై టాప్‌ ఆర్డర్‌, మిడిల్‌ ఆర్డర్‌ మరింత పటిష్టం కావాల్సి ఉంది. రాయుడు తిరిగి జట్టులోకి వస్తేనే టాప్‌ ఆర్డర్‌ బలంగా మారే అవకాశం ఉంది. ఇక వరుసగా రెండు ఓటమిలు చవిచూసిన చెన్నై తన తర్వాతి మ్యాచ్‌ అక్టోబర్‌ 2న సన్‌రైజర్స్‌తో ఆడాల్సి ఉంది. కాగా సన్‌రైజర్స్‌తో మ్యాచ్‌కు 6రోజులు విరామం దొరకడంతో చెన్నైకి రీచార్జ్‌ అయ్యే అవకాశాలు పుష్కలంగా ఉన్నాయి.

దుబాయ్‌ : ఐపీఎల్‌ 13వ సీజన్‌లో మంగళవారం రాజస్తాన్‌ రాయల్స్‌తో జరిగిన మ్యాచ్‌లో చెన్నై కెప్టెన్‌ ఎంఎస్‌ ధోని ఏడో స్థానంలో బ్యాటింగ్‌ రావడంపై  విమర్శలు వచ్చిన సంగతి తెలిసిందే. జట్టు కష్టకాలంలో ఉన్నప్పుడు ధోని ఏడో స్థానంలో రావడమేంటంటూ పలువురు మాజీ క్రికెటర్లు పెదవి విరిచారు. అయితే రెండు వారాలు క్వారంటైన్‌లో గడపడంతో ప్రాక్టీస్‌కు అంతగా సమయం సరిపోలేదని ధోని పేర్కొన్నాడు. ఈ విషయంలో చెన్నె సూపర్‌కింగ్స్‌ ప్రధాన కోచ్‌ స్టీఫెన్‌ ప్లేమింగ్‌ మాత్రం ధోనికి మద్దతుగా నిలిచాడు. 'ధోని విషయంలో ప్రతీసారి ఈ ప్రశ్న వస్తూనే ఉంటుంది. అయినా ధోని ఇంతకముందు సీజన్లలో కూడా ఐదు లేదా ఆరు స్థానల్లోనే కదా చూశాం. లీగ్‌ ప్రారంభంలోనే ధోనిలో ఉన్న ఫినిషర్‌ బయటకు రావాలనే ఆలోచన వ్యర్థం.. అభిమానుల అంచనాలు అందుకోవడానికి కొంత సమయం పడుతుంది. ధోనిలో మంచి ఆటగాడు ఉన్నాడనేది మాత్రం కచ్చితంగా చెప్పగలను. రాజస్తాన్‌తో మ్యాచ్‌లో ధోని ఏడో స్థానంలో వచ్చినా కొంత సమయం తీసుకున్నాకా.. బ్యాట్‌ ఝులిపించాడు. 16 బంతుల్లో 3 సిక్సర్లతో 29 పరుగులు చేశాడు. దీన్ని బట్టే అర్థం చేసుకోవచ్చు ధోని ఎంత మంచి ఫినిషరో.. కాకపోతే రాజస్తాన్‌ భారీ స్కోరు చేయడంతో రన్‌రేట్‌ పెరిగిపోయింది.. అ‍ప్పటికే చేయాల్సిన పరుగుల రన్‌రేట్‌ కూడా పెరిగిపోయింది. దానికి ధోని కూడా ఏం చేయలేడు. (చదవండి : ‘ధోని కాకుండా వేరేవాళ్లైతే పరిస్థితేంటి’) ఒకవేళ ఐదో స్థానంలో వచ్చి ఫెయిలై ఉంటే అప్పుడు కూడా ఇలానే విమర్శించేవారు.  ఇక  స్యామ్‌ కర్జన్‌ బాగానే ఆడినా.. అదే స్ట్రైక్‌ రొటేట్‌ చేయడంలో విఫలమయ్యాడు. రాజస్తాన్‌ రాయల్స్‌ 19వ ఓవర్‌ వరకు 186 పరుగులతో ఉంది. కానీ ఎన్గిడి వేసిన చివరి ఓవర్లో 30 పరుగులు రావడం చెన్నైకు నష్టంగా మారింది. అని తెలిపాడు.మరోవైపు రాజస్తాన్‌ రాయల్స్‌ కెప్టెన్‌ స్టీవ్‌ స్మిత్‌తో సంజూ సామ్సన్‌ అద్భుతంగా ఆడారు. ముఖ్యంగా సామ్సన్‌ మైదానం నలువైపులా సిక్సర్లతో రెచ్చిపోయాడు. నిజంగా అతనికి మంచి భవిష్యత్తు ఉందంటూ పేర్కొన్నాడు. కాగా చెన్నై తన తర్వాతి మ్యాచ్‌ సెప్టెంబర్‌ 25న ఢిల్లీ క్యాపిటల్స్‌తో తలపడనుంది. (చదవండి : ముంబై వర్సెస్‌ కోల్‌కతా.. పైచేయి ఎవరిదో!)

సిడ్నీ: ప్రపంచ క్రికెట్‌లో అత్యుత్తమ కెప్టెన్‌-కోచ్‌ కాంబినేషన్‌ ఏదైనా ఉందంటే అది ఎంఎస్‌ ధోని-స్టీఫెన్‌ ఫ్లెమింగ్‌లదేనని ఆసీస్‌ మాజీ క్రికెటర్‌ షేన్‌ వాట్సన్‌ అభిప్రాయపడ్డాడు. ఇండియన్‌ ప్రీమియర్‌ లీగ్‌(ఐపీఎల్‌)లో చెన్నై సూపర్‌ కింగ్స్‌ ఫ్రాంచైజీ కెప్టెన్‌గా ధోని ఉండగా, కోచ్‌గా ఫ్లెమింగ్‌ ఉన్నాడు. ఆ క్రమంలోనే ఆ జట్టు సభ్యుడిగా ఉన్న వాట్సన్‌.. తాను ఇప్పటివరకూ చూసిన కెప్టెన్‌-కోచ్‌ కాంబినేషన్‌లో ధోని-ఫ్లెమింగ్‌లదే అగ్రస్థామంటూ కొనియాడాడు.  సీఎస్‌కేను సమన్వయంగా నడపడంతో పాటు ఆటగాళ్ల ప్రతిభను వెలికి తీయడంలో వీరిది కీలక పాత్ర అని పేర్కొన్నాడు. ఐపీఎల్‌ ప్రవేశపెట్టిన తర్వాత సీఎస్‌కే ఒక సక్సెస్‌ఫుల్‌ జట్టుగా ఉందంటే అందుకు కారణం ధోని కెప్టెన్సీతో పాటు ఫ్లెమింగ్‌ కోచింగ్‌ పర్యవేక్షణే కారణమన‍్నాడు. ‘చెన్నై సూపర్‌ కింగ్స్‌(సీఎస్‌కే)తో నా అనుభవం చాలా ప్రత్యేకమైనది.. ఆహ్వానించదగినది. నేను ఆడిన అత్యధిక లీగ్‌ మ్యాచ్‌లు సీఎస్‌కే తరఫునే ఆడాను. ఇప్పటివరకూ సీఎస్‌కే కచ్చితమైన మార్గంలో విజయాలు సాధిస్తూ ముందుకు సాగుతుంది. ఇందుకు ఆ జట్టుకు ఉన్న సరైన ప్రణాళికే కారణం. ఇందులో ధోని-ఫ్లెమింగ్‌ల పాత్రే అమోఘం. వరల్డ్‌లోనే ఆ ఇద్దరిదీ అత్యుత్తమ కెప్టెన్‌-కోచ్‌ కాంబినేషన్‌ అని నేను బలంగా నమ్ముతాను’ అని వాట్సన్‌ పేర్కొన్నాడు.

చెన్నై: ఐపీఎల్‌లో భాగంగా మంగళవారం సన్‌రైజర్స్‌ హైదరాబాద్‌తో జరిగిన మ్యాచ్‌లో చెన్నై సూపర్‌ కింగ్స్‌ ఆరు వికెట్ల తేడాతో విజయం సాధించిన సంగతి తెలిసిందే. వాట్సన్‌ (96; 53బంతుల్లో 9ఫోర్లు, 6 సిక్సర్లు) పరుగులు చేసి జట్టు విజయంలో ముఖ్య భూమిక పోషించాడు. అయితే ఇక్కడ తనపై నమ్మకం ఉంచి జట్టులో కొనసాగిస్తున్న జట్టు యాజమాన్యానికి కృతజ్ఞతలు తెలిపాడు. ప్రధానంగా కోచ్‌ స్టీఫెన్‌ ఫ్లెమింగ్‌, కెప్టెన్‌ ఎంఎస్‌ ధోని తనపై ఎంతో నమ్మకం ఉంచడంతోనే తుది జట్టులో పదే పదే అవకాశాలు ఇస్తూ వచ్చారన్నాడు. తనపై నమ్మకం ఉంచిన వారిద్దరికీ థాంక్స్‌ చెబితే సరిపోదని వాట్సన్‌ పేర్కొన్నాడు. చెన్నై సూపర్‌ కింగ్స్‌ తప్ప వేరే జట్టులో ఉండి ఉంటే తనను ఎప్పుడో డ్రెస్సింగ్‌ రూమ్‌కి పరిమితం చేసేవారని ఒకింత ఉద్వేగానికి లోనయ్యాడు. ‘చెన్నై కోచ్‌ స్టీఫెన్‌ ఫ్లెమింగ్‌, కెప్టెన్‌ ధోని నామీద ఎంతో నమ్మకం ఉంచారు. నేను జట్టుకు ఇంకా ఎన్నో పరుగులు బాకీ ఉన్నాను. గతంలో బీబీఎల్‌, పీఎస్‌లోనూ రాణించాను. కానీ, ఐపీఎల్‌ సీజన్‌ ప్రారంభం నుంచి అంచనాలు అందుకోలేకపోయాను. అయితే, జట్టు నామీద నమ్మకం ఉంచింనందుకు ఆ జట్టుకు రుణపడి ఉంటాను. ఫ్లెమింగ్‌, ధోనిలకు థాంక్స్‌ చెప్పి సరిపెట్టడం చాలా చిన్నదే అవుతుంది’ అని వాట్సన్‌ పేర్కొన్నాడు. ఈ మ్యాచ్‌లో తొలుత బ్యాటింగ్‌ చేసిన సన్‌ రైజర్స్‌ హైదరాబాద్‌ 173 పరుగులు చేసింది.  లక్ష్య ఛేదనలో డుప్లెసిస్‌ వికెట్ కోల్పోవడంతో కష్టాల్లో పడ్డ చెన్నైని వాట్సన్‌ తన అద్భుత ఇన్నింగ్స్‌తో ఆదుకున్నాడు. ఈ సీజన్‌లో మొదటిసారి మ్యాన్‌ ఆఫ్‌ ది మ్యాచ్‌ అవార్డు వాట్సన్‌ అందుకున్నాడు. ఈ మ్యాచ్‌కు ఒక్క హాఫ్‌ సెంచరీ కూడా సాధించిన వాట్సన్‌.. సన్‌రైజర్స్‌పై చెలరేగి ఆడి తన బ్యాటింగ్‌ పవర్‌ చూపించాడు.

జైపూర్‌ : చెన్నై సూపర్‌ కింగ్స్‌ కెప్టెన్‌, మిస్టర్‌ కూల్‌ మహేంద్ర సింగ్‌ ధోని నోబాల్‌ స్పష్టత కోసమే మైదానంలోకి వెళ్లాడని ఆ జట్టు హెడ్‌ కోచ్‌ స్టీఫెన్‌ ప్లెమింగ్‌ స్పష్టం చేశాడు. గురువారం రాజస్తాన్‌ రాయల్స్‌తో జరిగిన మ్యాచ్‌లో మహేంద్రసింగ్‌ ధోని అంపైర్లతో వాగ్వాదానికి దిగిన విషయం తెలిసిందే. గెలుపు కోసం చెన్నై 3 బంతుల్లో 8 పరుగులు చేయాల్సిన తరుణంలో క్రీజులోకి వచ్చిన టెయిలెండర్‌ సాంట్నర్‌ 2 పరుగులు చేశాడు. అయితే ప్రధాన అంపైర్‌ దీనిని తొలుత  హైట్‌ నోబాల్‌గా ప్రకటించి... ఆ తర్వాత లెగ్‌ అంపైర్‌ కాదనడంతో వెంటనే చేతిని దించేశాడు. ఈ క్రమంలో అయోమయం నెలకొనడంతో నాన్‌- స్ట్రైక్లో ఉన్న జడేజా మొదట అంపైర్లను ప్రశ్నించాడు. తర్వాత కెప్టెన్‌ ధోని కూడా మైదానంలోకి వచ్చి మరీ అంపైర్లతో వాదించాడు. కానీ అంపైర్లు అది నోబాల్‌ కాదనడంతో చేసేదేమీలేక ధోని నిరాశగా డగౌట్‌ చేరాడు. అయితే మైదానంలోకి వెళ్లి అంపైర్లతో వాగ్వాదానికి దిగిన ధోని ఐపీఎల్‌ నిబంధన 2.20 అతిక్రమించాడని అతిని మ్యాచ్‌ ఫీజులో 50 శాతం కోత విధిస్తూ జరిమాన విధించారు.  ఇక మ్యాచ్‌ అనంతరం ఈ విషయంపై ఫ్లెమింగ్‌ మాట్లాడుతూ.. ‘తొలుత అంపైర్‌ ఆ బంతిని నోబాల్‌ ఇచ్చి మళ్లీ కాదనడంతో మేమంతా అయోమయానికి గురయ్యాం. ఇంతకు అది నోబాలా? కాదా? అనే సందిగ్ధంలో పడ్డాం. ఈ విషయంపై స్పష్టత కోసం ధోని మైదానంలోకి వెళ్లాడు. అంపైర్లతో చర్చించాడు. కేవలం క్లారిటీ కోసం మాత్రమే వారితో వాదనకు దిగాడు. ఇక ధోని చేసింది సరైనదా? కాదా? అనేది ప్రతి ఒక్కరు చర్చిస్తారు. ధోని కూడా ఈ విషయంపై పునరాలోచిస్తాడు. ఆ బంతి విషయంలో అంపైర్లు అయోమయానికి గురవ్వడంతో ధోని ఆగ్రహానికి గురయ్యాడు. అటువంటి కీలక పరిస్థితుల్లో ఎవరికైనా స్పష్టత అవసరం. ఇది సరైనది కాకపోవచ్చు. కానీ దీనిపై ధోనిని చాలా రోజులు చాలా సార్లు ప్రశ్నిస్తారు.’ అని ఫ్లెమింగ్‌ ధోని చేసింది సరైనదా కాదా? అన్న ప్రశ్నకు  ఇలా సమాధానం చెప్పకుండా దాటవేశాడు. మరోవైపు ఐపీఎల్‌లో అంపైర్ల తప్పిదాలు ఎక్కువయిపోయాయని అభిమానులు కామెంట్‌ చేస్తున్నారు. ఆటగాళ్లు తప్పులు చేస్తే జరిమానాలు విధిస్తున్నారని, మరి అంపైర్లకేం శిక్షలు లేవా? అని ప్రశ్నిస్తున్నారు. అంపైర్లు ఘోర తప్పిదం చేశారని, కానీ ధోని చేసింది కూడా తప్పేనని మాజీ క్రికెటర్లు అభిప్రాయపడుతున్నారు.

చెన్నై:  చెన్నై సూపర్‌ కింగ్స్‌(సీఎస్‌కే) సారథి ఎంఎస్‌ ధోనిపై ఆ జట్టు ప్రధాన కోచ్‌ స్టీఫెన్‌ ఫ్లెమింగ్‌ ప్రశంసల జల్లు కురిపించాడు. గతేడాది ఐపీఎల్‌లో నాలుగో స్థానంలో బ్యాటింగ్‌కు దిగిన ధోని జట్టుకు ఎన్నో విజయాలను అందించాడని గుర్తు చేశాడు. దీంతో ఈ సీజన్‌లో కూడా అతడిని అదే స్థానంలో కొనసాగిస్తామని ఫ్లెమింగ్‌ తెలిపాడు. గత సీజన్‌లో కేదార్‌ జాదవ్‌ గాయం కారణంగా జట్టుకు దూరం కావడంతో మిడిలార్డర్‌ పూర్తి బాధ్యతను ధోని తీసుకున్నాడని పేర్కొన్నాడు. జాదవ్‌ తిరిగి జట్టుతో చేరడంతో నాలుగో స్థానంపై సీఎస్‌కేలో సందిగ్దత నెలకొంది. ఈ తరుణంలో ఫ్లెమింగ్‌ ఈ విషయంపై క్లారిటీ ఇచ్చాడు. సాధారణంగా నాలుగో స్థానంలో ధోనినే వస్తాడని.. మ్యాచ్‌ పరిస్థితుల దృష్ట్యా బ్యాటింగ్‌ ఆర్డర్‌లో మార్పులు ఉంటాయన్నారు. అంతేకాకుండా జాదవ్‌, ధోనిలు ఏ స్థానంలోనైనా బ్యాటింగ్‌ చేయగల సమర్థులని ఫ్లెమింగ్‌ కితాబిచ్చాడు. ఇతర జట్లతో పోల్చడం తగదు బలాబలాల విషయంలో ఓ జట్టును మరో జట్టుతో పోల్చడం తగదని ఫ్లెమింగ్‌ అభిప్రాయపడ్డాడు. ప్రస్తుతం సీఎస్‌కే అన్ని విధాల బలంగా ఉందన్నాడు. రైనా, ధోని, డుప్లెసిస్‌, వాట్సన్‌, జాదవ్‌, రాయుడులతో బ్యాటింగ్‌ దుర్బేద్యంగా ఉందన్నాడు. అంతేకాకుండా హర్భజన్‌ సింగ్‌, కరణ్‌ శర్మ, తాహీర్‌, సాంట్నర్‌లతో స్పిన్‌ విభాగం బలంగా ఉందన్నాడు. డ్వేన్‌ బ్రేవో జట్టుకు అదనపు బలమని పేర్కొన్నాడు. ఇప్పటికే సీఎస్‌కే తన వ్యూహాలను రచించిందని ఫ్లేమింగ్‌ తెలిపాడు. ఇక ఈ నెల 23న ఐపీఎల్‌ సీజన్‌ 12 తొలి మ్యాచ్‌లో డిఫెండింగ్‌ చాంపియన్‌ సీఎస్‌కే కోహ్లి సారథ్యంలోని రాయల్‌ చాలెంజర్స్‌ బెంగళూర్‌తో తలపడనుంది.  (ధోని లేకుంటే కోహ్లి డమ్మీనే!)

న్యూఢిల్లీ : టీమిండియా మాజీ కెప్టెన్‌, సీనియర్‌ క్రికెటర్‌ మహేంద్ర సింగ్‌ ధోనికి 2019 ప్రపంచకప్‌ ఆడే సత్తా ఉందని న్యూజిలాండ్‌ మాజీ కెప్టెన్‌ స్టీఫెన్‌ ఫ్లెమింగ్‌ అభిప్రాయపడ్డాడు. కొద్దీ రోజులగా బ్యాట్‌తో విఫలమవుతూ విమర్శలు ఎదుర్కొంటున్న ధోని.. టీ20ల్లో చోటు కోల్పోయిన విషయం తెలిసిందే. దీంతో ధోని వన్డే ప్రపంచకప్‌ ఆడుతాడా? లేదా అనే సందిగ్థం నెలకొంది. ఈ నేపథ్యంలో ఐపీఎల్‌లో ధోని జట్టైన చెన్నై సూపర్‌ కింగ్స్‌ కోచ్‌ ప్లెమింగ్‌ అతనికి మద్దతుగా నిలిచాడు. భారత్‌కు చాలా అవకాశాలున్నాయనీ, కానీ ధోనికి ప్రపంచకప్‌ ఆడే సత్తా ఉందన్నారు. ఐపీఎల్‌లో అతని బ్యాటింగ్‌ను దగ్గరి నుంచి చూసినట్లు ఓ మీడియా ఛానెల్‌కు తెలిపారు. వన్డే ప్రపంచకప్‌లో అతను రాణిస్తాడని ఆశాభావం వ్యక్తం చేశాడు. ఈ ఏడాది 20 వన్డే మ్యాచ్‌లాడిన 25 సగటుతో 275 పరుగులే చేశాడు. దీంతో అతనిపై బ్యాటింగ్‌పై విమర్శలు వ్యక్తమయ్యాయి. ఈ నేపథ్యంలోనే వెస్టిండీస్‌, ఆస్ట్రేలియాతో జరిగే టీ20 సిరీస్‌లకు అతన్ని ఎంపికచేయలేదన్న విషయం తెలిసిందే. అయితే సెలక్టర్ల నిర్ణయంపై అభిమానులు సోషల్‌ మీడియా వేదికగా తప్పుబట్టారు. ధోని బ్యాట్‌ ఝులిపించకపోయినా.. తన మార్క్‌ కీపింగ్‌, అనుభవం, వ్యూహాలు జట్టు విజయానికి తోడ్పడుతాయని అభిప్రాయం వ్యక్తం చేశారు. దీంతో టీమిండియా చీఫ్‌ సెలక్టర్‌ ఎమ్మెస్కే ప్రసాధ్‌ ధోని కెరీర్‌ ముగియలేదని, ప్రత్యామ్నాయ కీపర్‌ కోసమే టీ20లకు పక్కకు పెట్టినట్లు స్పష్టం చేశారు. 

ప్రస్తుత ఐపీఎల్‌లో మహేంద్రసింగ్‌ ధోనీ మళ్లీ చెలరేగి ఆడుతున్నాడు. ఒకప్పటి ధోనీని గుర్తుకుతెచ్చేలా అతని ఆటతీరు అభిమానుల్ని అబ్బురపరుస్తోంది. సూపర్‌ ఫామ్‌లో ఉన్న ధోనీ ఈ ఐపీఎల్‌ సీజన్‌లో ఇప్పటివరకు చెన్నై సూపర్‌కింగ్స్‌ తరఫున 12  మ్యాచ్‌లు ఆడి.. 103.25 స్ట్రైక్‌రేటుతో 413 పరుగులు చేశారు. ఇందులు మూడు అర్ధసెంచరీలు ఉన్నాయి. ధోనీ ఇలా ఒక్కసారిగా ఫామ్‌లోకి వచ్చి చెలరేగడానికి కారణం ఏమిటంటే సూపర్‌కింగ్స్‌ కోచ్‌ స్టీఫెన్‌ ఫ్లెమింగ్‌ ఆసక్తికర విషయాన్ని తెలిపాడు. సీఎస్కేలోని తోటి ఆటగాళ్లు కన్నా ఎంతో ముందే ధోనీ ట్రెయినింగ్‌ ప్రారంభించాడని, ఆ కటోర శ్రమ ఫలితమే ప్రస్తుత ఫామ్‌ అని ఫ్లెమింగ్‌ వివరించాడు. ‘మానసికంగా ఎంతో సన్నద్ధం కావడం వల్ల అనుకుంటా.. టోర్నమెంటుకు ముందు ధోనీ ఎంతో ప్రాక్టీస్‌ చేశాడు. మేం ఎవరం రాకముందు నుంచే చాలాకాలంగా అతను కటోరమైన ప్రాక్టీస్‌ చేశాడు. దృఢనిశ్చయంతో వివిధ రకాల బంతులను ఆడటం ప్రాక్టీస్‌ చేశాడు’ అని ఫ్లెమింగ్‌ వివరించాడు. సింగిల్స్‌ తీయడం కన్నా భారీ షాట్ల మీద ధోనీ ఎక్కువ ఫోకస్‌ చేశాడని, 100శాతం కమిట్‌మెంట్‌తో అతను భారీషాట్లు ఆడుతున్నాడని, పాజిటివ్‌ ఫుట్‌వర్క్‌తో అతను బ్యాటింగ్‌ చేస్తుండటం, అద్భుతంగా ఆడుతుండటం చూస్తుంటే.. అతని కటోరశ్రమను కొనియాడక తప్పదని ఫ్లెమింగ్‌ పేర్కొన్నాడు.

కోల్‌కతా : కోల్‌కతా నైట్‌ రైడర్స్‌తో మ్యాచ్‌లో ఓటమి జట్టుకు చెంపదెబ్బ లాంటిదని చెన్నై సూపర్‌ కింగ్స్‌(సీఎస్‌కే) కోచ్‌ స్టీఫెన్‌ ఫ్లెమింగ్‌ వ్యాఖ్యానించారు. జట్టు మొత్తం ఘోరంగా విఫలమైందని చెప్పడానికి మ్యాచ్‌లో ఫీల్డింగ్‌ ఒక్కదాన్ని పరిశీలిస్తే సరిపోతుందని చెప్పారు. ఫీల్డింగ్‌లో లోటుపాట్లు ఉన్నాయని తమకు ముందే తెలుసునని, అవి ఇప్పుడు బయటపడ్డాయని తెలిపారు. సునీల్‌ నరైన్‌ వరుసగా ఇచ్చిన రెండు క్యాచ్‌లను జడేజా వదలిపెట్టడం ఇందుకు మచ్చుతునక అని చెప్పారు. ఆఖరు ఓవర్లలో చెన్నై పరుగుల వేగం కొంచెం మందగించిందని తెలిపారు. డెత్‌ ఓవర్లలో జడేజా ఒక బంతికి ఒకటి కంటే ఎక్కువ పరుగులు సాధించడంపై దృష్టి పెట్టాలని అన్నారు. కేకేఆర్‌ బౌలర్లు బాగా బౌలింగ్‌ చేశారని కితాబిచ్చారు. స్లాగ్‌ ఓవర్లలో కోల్‌కతా స్పిన్నర్లు పొదుపుగా బౌలింగ్‌ చేసి చెన్నై పరుగులను నియంత్రించడంలో విజయం సాధించారని అన్నారు.

మొహాలీ : గాయపడ్డ చెన్నై సూపర్‌ కింగ్స్‌(సీఎస్‌కే) బ్యాట్స్‌మన్‌ సురేశ్‌ రైనా స్థానంలో ఎవరిని తీసుకోవడంలేదని ఆ జట్టు హెడ్‌ కోచ్‌ స్టీఫెన్‌ ప్లేమింగ్‌ స్పష్టం చేశాడు. గత మంగళవారం కోల్‌కతా నైట్‌ రైడర్స్‌తో సొంత మైదానంలో జరిగిన మ్యాచ్‌లో సురేశ్‌ రైనా గాయపడ్డ విషయం తెలిసిందే. కాలి పిక్క కండారాలు పట్టేయడంతో రైనా ట్రోర్నీకి దూరం కానున్నాడని, అతని స్థానంలో వేరే ఆటగాడిని భర్తీ చేయనున్నారని జరుగుతున్న ప్రచారంపై ఫ్లెమింగ్‌ స్పందించాడు. రైనా అద్భుత బ్యాట్స్‌మన్‌ అని, ఐపీఎల్‌లో అత్యధిక పరుగులు చేసిన ఆటగాడని, అతని స్థానాన్ని ఎవరితో భర్తి చేయలేమన్నాడు. రైనా మొహాలీ మ్యాచ్‌ ఆడటం లేదని, తరువాతి మ్యాచ్‌ వరుకు అందుబాటులోకి వస్తాడని ధీమా వ్యక్తం చేశాడు. తమ జట్టులో మంచి ప్రతిభావంతులైన ఆటగాళ్లున్నారని, ధ్రువ్‌ షోరే, మురళి విజయ్‌లలో ఒకరు రైనా లేని లోటు తీర్చుతారని అభిప్రాయపడ్డారు. వీరికి మొహాలిలో ఆడిన అనుభవం ఉందని గుర్తు చేశారు. చెన్నమ్యాచ్‌లు పుణెకు తరలించడంపై ఫ్లేమింగ్‌ తన అసంతృప్తిని వ్యక్తం చేశాడు. వేలంలో చెన్నైకి అనువుగా ఉండే ఆటగాళ్లను మాత్రమే తీసుకున్నామని, కానీ మ్యాచ్‌లు తరలించడం తీవ్ర నిరాశకు గురిచేసిందన్నారు. అయితే మ్యాచ్‌లను పుణెకు తరలించడం కొంత కలిసొచ్చె అంశమేనని అభిప్రాయపడ్డారు. గత రెండు సీజన్లలో సీఎస్‌కే కెప్టెన్‌ ధోని రైజింగ్‌ పుణెకు ప్రాతినిధ్యం వహించాడని, ఇది అతనికి మరో హోంగ్రౌండ్‌ లాంటిదని చెప్పుకొచ్చారు. సీఎస్‌కే ఆదివారం మోహాలీ ఐఎస్‌ బింద్రా స్టేడియంలో కింగ్స్‌ పంజాబ్‌తో తలపడనుంది. ఇక రెండేళ్ల నిషేదం పునరాగమనం చేసిన సీఎస్‌కే ఈ సీజన్‌లో రెండు మ్యాచ్‌లకు రెండు నెగ్గింది. ఉత్కంఠభరితంగా జరిగిన రెండు మ్యాచ్‌ల్లో  సీఎస్‌కే చివరి వరకు పోరాడి గెలిచింది. తొలి మ్యాచ్‌లో సొంతగడ్డపైనే ముంబైని మట్టికరిపించగా.. రెండో మ్యాచ్‌లో కోల్‌కతా నిర్ధేశించిన భారీ లక్ష్యాన్ని చేధించి విజయం సొంతం చేసుకుంది. 


 హైదరాబాద్:ఇండియన్ ప్రీమియర్ లీగ్(ఐపీఎల్)-10 టైటిల్ పోరులో గెలుపు అంచుల వరకూ వచ్చి చతికిలబడటం పట్ల రైజింగ్ పుణె సూపర్ జెయింట్ కోచ్ స్టీఫెన్ ఫ్లెమింగ్ ఆవేదన వ్యక్తం చేశాడు.  తమ జట్టులో ఆల్ రౌండర్ బెన్ స్టోక్స్ లేకపోవడమే తుది పోరులో ఓటమి చెందడానికి ప్రధాన కారణంగా విశ్లేషించాడు.
 'బెన్ స్టోక్స్ లేని లోటు కనబడింది. ఫైనల్ పోరుకు స్టోక్స్ ఉండి ఉంటే ఫలితం మరొరకంగా ఉండేది. స్టోక్స్ లేకపోవడం వల్ల మేము ఎక్సట్రా బౌలర్ తో బరిలోకి దిగాల్సి వచ్చింది. దాంతో బ్యాటింగ్ విభాగం బలహీనపడింది. ఆ క్రమంలోనే 130 పరుగుల లక్ష్యాన్ని ఛేదించడంలో విఫలమయ్యాం. ఇక్కడ స్టీవ్ స్మిత్-రహానేల భాగస్వామ్యం తప్పితే, వేరే మంచి భాగస్వామ్యాలు రాలేదు. కీలక సమయాల్లో వరుసగా వికెట్లను కోల్పోతూ ఒత్తిడిలో పడ్డాం. దాంతో ముంబై ఇండియన్స్ కు దాసోహమయ్యాం' అని ఫ్లెమింగ్ పేర్కొన్నాడు.
 
 ముంబై ఇండియన్స్ తో జరిగిన ఆఖరి పోరులో పుణె పరుగు తేడాతో ఓటమి పాలైన సంగతి తెలిసిందే. చివరి బంతి వరకూ ఉత్కంఠగా సాగిన మ్యాచ్ లో ముంబై ఇండియన్స్ విజయం సాధించి టైటిల్ ను కైవసం చేసుకుంది. కేవలం స్మిత్, రహానేలు తప్పితే మిగతా ఆటగాళ్లు  విఫలం కావడంతో టైటిల్ ను అందుకోవాలనుకున్న పుణె ఆశలు తీరలేదు.


 న్యూఢిల్లీ:ఇండియన్ ప్రీమియర్ లీగ్(ఐపీఎల్)10లో ఫైనల్ కు చేరి అందరి అంచనాల్ని తలక్రిందులు చేసింది రైజింగ్ పుణె సూపర్ జెయింట్. ఇప్పటికే రెండు ఐపీఎల్  టైటిల్ గెలిచిన ముంబై ఇండియన్స్ ను తుది సమరంలో ఢీకొట్టడానికి సిద్దమైంది. తమ జట్టు ఫైనల్ వరకూ చేరడానికి కెప్టెన్ స్టీవ్ స్మిత్, ఎంఎస్ ధోనిల మధ్య సఖ్యత బాగుండటమేనని కోచ్ స్టీఫెన్ ఫ్లెమింగ్ స్పష్టం చేశాడు.
 
 
 ధోని, స్మిత్ లు మంచి సారథులుగా ఇప్పటికే నిరూపించుకున్నారు. జట్టులో వారి మధ్య సమన్వయం చాలా బాగుంది. ఇదే మా జట్టు ఫైనల్ కు చేరడానికి దోహదం చేసింది. వీరిద్దరూ సీనియర్లు కావడంతో కోచ్ గా నాకు కాస్త భారం తగ్గింది. యువ క్రికెటర్లు వీరి నుంచి ఎక్కువ నేర్చుకునేందుకు అవకాశం ఏర్పడింది. ఈ పదేళ్ల ఐపీఎల్ ను చూస్తే అత్యంత విజయవంతమైన క్రికెటర్ ధోని. ప్రస్తుతం ధోని కోసం మరో ఐపీఎల్ ఫైనల్ ఎదురుచూస్తోంది' అని ఫ్లెమింగ్ పేర్కొన్నాడు.


 క్రిస్ట్చర్చ్:ఇటీవల కాలంలో క్రికెట్ మ్యాచ్లు విపరీతంగా పెరిగిపోవడాన్ని న్యూజిలాండ్ మాజీ కెప్టెన్ స్టీఫెన్ ఫ్లెమింగ్ తీవ్రంగా తప్పుబట్టాడు. క్రికెట్ అనే క్రీడ టెలివిజన్లో నిరంతరం ప్రసారమయ్యే డ్రామా మాదిరిగా తయారైందని విమర్శించాడు. ఈ తరహా పద్ధతి ఎంత మాత్రం మంచిది కాదని ఫ్లెమింగ్ తెలిపాడు. క్రికెట్ అనేది ఒక వినోదాత్మకమైన క్రీడ, అది అదే స్థాయిలో ఉండాలి కానీ లెక్కకు మించి మ్యాచ్లు జరపడం ఆ గేమ్లో మజాను ఘోరంగా  దెబ్బతీస్తుందన్నాడు.
  
 మరొకవైపు టీ 20 లీగ్లు కూడా మరింత పెరగడంపై ఫ్లెమింగ్ ఆందోళన వ్యక్తం చేశాడు. ఈ క్రమంలో క్రికెటర్లు ఆడటానికే ఎక్కువ ఆసక్తి కనబరుస్తున్నారు కానీ, తాము ఈ గేమ్ ఆడం అని చెప్పడం లేదన్నాడు. అందుకు కారణం ఇక్కడ డబ్బు వారిపై తీవ్ర ప్రభావం చూపడమేనన్నాడు. ఈ తరహా గేమ్తో మంచి కంటే చెడే ఎక్కువ జరుగుతుందని ఫ్లెమింగ్ పేర్కొన్నాడు. ప్రస్తుతానికి దీనికి సరైన పరిష్కారం లేకపోయినా, రాబోవు రోజుల్లో మ్యాచ్ల నిర్వహణ తగ్గితేనే ఆ క్రీడను కాపాడటానికి ఆస్కారం ఉందన్నాడు.


 కోల్కతా:అంతర్జాతీయ క్రికెట్లో వర్షం కారణంగా మ్యాచ్ ఫలితాన్ని నిర్ణయించే డక్ వర్త్ లూయిస్ పద్ధతిపై పుణె సూపర్ జెయింట్స్ కోచ్ స్టీఫెన్ ఫ్లెమింగ్ మండిపడ్డాడు. మ్యాచ్ ను ఉన్నపళంగా కుదించే ఈ పద్ధతి నిజంగా పనికిమాలినదిగా అభివర్ణించాడు. కనీసం పొట్టి ఫార్మాట్లోనైనా డక్ వర్త్ లూయిస్ పద్ధతికి చరమగీతం పాడాలని ఫ్లెమింగ్ డిమాండ్ చేశాడు. 'డక్వర్త్ లూయిస్ పద్ధతి పనికిమాలినది. ఎప్పుడైతే డక్ వర్త్ లూయిస్కు వెళ్లామో అప్పుడే మ్యాచ్ దాదాపు వన్ సైడ్ అయిపోతుంది. ఇదే విషయాన్నికొన్ని సంవత్సరాల నుంచి చెబుతున్నా ఎటువంటి మార్పులు చోటు చేసుకోలేదు. కనీసం టీ 20ల్లోనైనా వర్షం వల్ల మ్యాచ్ ఫలితాన్ని నిర్ణయించే ప్రస్తుత డక్ వర్త్ లూయిస్ పద్ధతిని మార్చండి' అని ఫ్లెమింగ్ పేర్కొన్నాడు.
 
 శనివారం కోల్ కతా నైట్ రైడర్స్తో జరిగిన మ్యాచ్లో పుణె సూపర్ జెయింట్స్ డక్ వర్త్ లూయిస్ పద్ధతి ప్రకారం ఎనిమిది వికెట్ల తేడాతో ఓటమి పాలైన సంగతి తెలిసిందే. దీనిపై ఫ్లెమింగ్ మాట్లాడుతూ.. డక్ వర్త్ లూయిస్ వల్లే తాము పరాజయం చెందినట్లు పేర్కొన్నాడు. పిచ్ టర్న్ అవుతున్న కారణంగానే టాస్ గెలిచి బ్యాటింగ్ ఎంచుకున్నామన్నాడు. ఈ వికెట్పై 135 పరుగులను ఛేదించడం చాలా కష్టమని ఫ్లెమింగ్ అభిప్రాయపడ్డాడు. అయితే తమ ఇన్నింగ్స్ చివర్లో ఉండగా వర్షం పడటంతో డక్ వర్త్ లూయిస్ అమలు చేయడంతో పూర్తిగా ఆడకుండానే ఓటమి చెందామన్నాడు.  ఎప్పుడైతే డక్ వర్త్కు వెళ్లామో అప్పుడే మ్యాచ్ దాదాపు ముగిసి పోవడం ఎంతవరకూ సరైన పద్ధతని ఫ్లెమింగ్ ప్రశ్నించాడు. 
  


 పుణె: ఇండియన్ ప్రీమియర్ లీగ్(ఐపీఎల్)-9 సీజన్ లో భాగంగా తొలి మ్యాచ్లో ముంబై ఇండియన్స్పై విజయం సాధించి శుభారంభం చేసిన పుణె సూపర్ జెయింట్స్ ఆ తరువాత వరుస ఓటములతో సతమతమవుతోంది. ఆదివారం కోల్ కతాతో జరిగిన మ్యాచ్లో పరాజయం చవిచూసిన పుణె వరుసగా నాల్గో ఓటమిని మూటగట్టుకుంది.
 
 దీనిపై ఆ జట్టు కోచ్ స్టెఫెన్ ఫ్లెమింగ్ మాట్లాడుతూ... ఐదు మ్యాచ్ల్లో నాల్గింటిలో ఓటమి చెంది టోర్నీలో వెనుకబడిపోవడం ఆందోళన కల్గిస్తున్నా, ప్రస్తుత పరిస్థితులో జట్టులో మార్పులు చేయడం కూడా మంచిది కాదన్నాడు. సరైన కాంబినేషన్ కోసం అన్వేషిస్తున్నా, కొత్తగా టోర్నీలో అడుగుపెట్టిన జట్టులో భారీ స్థాయిలో మార్పులు కష్ట సాధ్యమన్నాడు. రాబోవు రెండు, మూడు మ్యాచ్ల్లో విజయం సాధించినట్లయితే తాము తిరిగి గాడిలో పడే అవకాశం ఉందన్నాడు. ప్రస్తుతం సరైన కాంబినేషన్ కోసం మాత్రమే యత్నాలు చేస్తున్నట్లు పేర్కొన్నాడు. కోల్ కతా మ్యాచ్లో 160 పరుగుల లక్ష్యాన్ని కాపాడుకోలేక ఓటమి పాలుకావడం తీవ్ర నిరాశకు గురి చేసిందన్నాడు. స్లో వికెట్ పై మంచి లక్ష్యాన్ని ప్రత్యర్థి ముందు ఉంచకల్గినా పరాజయం చెందడానికి బౌలర్ల వైఫల్యమే కారణమన్నాడు.


  జననం: సెప్టెంబర్ 22, 1962   మరణం: మార్చి 3, 2016
 
 ► లింఫోమా వ్యాధితో మరణించిన
 ► న్యూజిలాండ్ మాజీ కెప్టెన్
 ► 53 ఏళ్లకే కన్నుమూసిన దిగ్గజం
  
 ఆక్లాండ్: న్యూజిలాండ్ క్రికెట్ దిగ్గజం, అత్యుత్తమ కెప్టెన్‌లలో ఒకరిగా గుర్తింపు తెచ్చుకున్న మార్టిన్ క్రో కన్ను మూశారు. గత నాలుగేళ్లుగా ఆయన ప్రమాదకరమైన లింఫోమా (ఒక రకమైన క్యాన్సర్) వ్యాధితో బాధపడుతున్నారు. క్రో వయసు 53 ఏళ్లు. ‘కుటుంబ సభ్యుల మధ్య మార్టిన్ క్రో గురువారం తుది శ్వాస విడిచారు. ఈ విషాద వార్త చెప్పడానికి చింతిస్తున్నాం’ అని ఆయన సన్నిహితులు ప్రకటించారు. మార్టిన్‌కు భార్య లోరిన్, కుమార్తె ఎమ్మాతో పాటు మరో ఇద్దరు సవతి పిల్లలు (లోరిన్ పిల్లలు) ఉన్నారు. గత ఏడాది వన్డే ప్రపంచకప్ ఫైనల్ సందర్భంగా మైదానంలోకి వచ్చిన క్రో... కొద్ది రోజుల తర్వాత వెటోరి రిటైర్మెంట్ సందర్భంగా ఆఖరి సారిగా బయట కనిపించారు. ఆ తర్వాత ఆయన ఇంటికే పరిమితమయ్యారు. మార్చి 10న క్రో అంత్యక్రియలు జరుగుతాయి.
 
 
 న్యూజిలాండ్ తరఫున ఉత్తమం
 13 ఏళ్ల పాటు కివీస్‌కు ప్రాతినిధ్యం వహించిన క్రో వరుస గాయాలతో 33 ఏళ్లకే 1995లో రిటైర్మెంట్ ప్రకటించారు. 80ల్లో ప్రపంచంలోని అత్యుత్తమ ఫాస్ట్ బౌలర్లను సమర్థంగా ఎదుర్కొని భారీగా పరుగులు సాధించిన క్రో, నాడు న్యూజిలాండ్ చారిత్రక విజయాల్లో కీలక పాత్ర పోషించారు. న్యూజిలాండ్ తరఫున టెస్టుల్లో అత్యధిక పరుగుల రికార్డు చాలా ఏళ్లు క్రో పేరిటే ఉండగా, అత్యధిక సెంచరీల రికార్డు (17) ఇంకా కొనసాగుతోంది. మార్టిన్ క్రో అనగానే ఈతరం అభిమానులకు కూడా గుర్తొచ్చేది 1992 ప్రపంచకప్. బ్యాటింగ్‌లో అదరగొట్టడమే కాకుండా పించ్ హిట్టర్, స్పిన్నర్‌తో బౌలింగ్ ప్రారంభించడంలాంటి అపూర్వ వ్యూహాలతో టోర్నీకి ఆయన కొత్త కళ తెచ్చారు. ఎవరూ ఊహించని విధంగా క్రో మార్గదర్శనంతో కివీస్ లీగ్‌లో టాప్‌గా నిలిచి సెమీస్ వరకు చేరడం ఒక సంచలనం.
 
 కెరీర్‌కు వీడ్కోలు పలికిన తర్వాత క్రికెట్ వ్యాఖ్యాతగా, రచయితగా, వేర్వేరు జట్లకు మెంటార్‌గా క్రికెట్‌తో తన అనుబంధాన్ని కొనసాగించారు. ‘క్రికెట్ మ్యాక్స్’ పేరుతో మార్టిన్ క్రో తొలిసారి కొత్త తరహాలో నిర్వహించిన క్రికెట్ వల్లే టి20ల ఆలోచన వచ్చింది. 2011లో 48 ఏళ్ల వయసులో క్లబ్ క్రికెట్ ఆడిన క్రో పునరాగమనం ఆ ఒక్క మ్యాచ్‌కే పరిమితమైంది.  
  
  క్రికెట్ ప్రపంచం నివాళి
 నాతో పాటు ఎందరికో ఆయన స్ఫూర్తినిచ్చారు. మా దేశానికి నిజమైన దిగ్గజం  - స్టీఫెన్ ఫ్లెమింగ్
  
 క్రో కుటుంబం, అభిమానులకు నా సంతాపం. చివరి వరకు పోరాడిన గొప్ప క్రికెటర్  - సచిన్ టెండూల్కర్
  
 న్యూజిలాండ్ తరఫునే కాకుండా ప్రపంచంలోని అత్యుత్తమ బ్యాట్స్‌మెన్‌లో ఒకడు. ఆటతోనే కాకుండా తన వ్యక్తిత్వంతో ప్రపంచవ్యాప్తంగా ఎంతో మంది అభిమానులను సంపాదించుకున్నాడు - ఐసీసీ సీఈ రిచర్డ్సన్
  
  టెస్టుల్లో మార్టిన్ క్రో అత్యధిక స్కోరు 299. వెల్లింగ్టన్‌లో శ్రీలంకతో జరిగిన మ్యాచ్‌లో ఆయన ఈ ఘనత సాధించారు. ఐదో రోజు ఆఖరి ఓవర్ మూడో బంతికి కీపర్‌కు క్యాచ్ ఇచ్చి అవుటయ్యారు. ప్రపంచ క్రికెట్‌లో 299 పరుగుల వద్ద అవుటైన ఏకైక బ్యాట్స్‌మన్ క్రో. 23 ఏళ్ల పాటు కివీస్ తరఫున ఇదే అత్యధిక స్కోరు. ‘ఎవరెస్ట్‌ను దాదాపుగా ఎక్కేసి కాలు పట్టేయడంతో ఆఖరి అడుగు వేయలేనివాడిగా నా పరిస్థితి కనిపించింది’ అని మ్యాచ్ అనంతరం తన ఇన్నింగ్స్ గురించి క్రో వ్యాఖ్యానించారు.


 ఐపీఎల్‌లో చెన్నై సూపర్‌కింగ్స్ జట్టుపై రెండేళ్ల నిషేధం పడటంతో తన భవిష్యత్తు ఏమిటో తెలియడం లేదని ఆ జట్టు కోచ్ స్టీఫెన్ ఫ్లెమింగ్ అన్నారు. ఆటగాళ్లు వేలంలోకి వెళ్లి వేరే జట్టుకు ఆడే అవకాశం ఉందని, తన విషయం చెన్నై యాజమాన్యంతో మాట్లాడాల్సి ఉందన్నారు.
  


 చెన్నై: తమ స్పిన్ విభాగం కాస్త బలహీనంగా ఉందని చెన్నై సూపర్ కింగ్స్ కోచ్ స్టీఫెన్ ఫ్లెమ్మింగ్ అభిప్రాయపడ్డాడు. గత ఐపీఎల్ సీజన్ తో పోల్చుకుంటే తమ స్పిన్ వ్యవస్థ బలహీనంగా ఉందని పేర్కొన్నాడు. అయితే తమ స్పిన్నర్లపై టీమ్ మేనేజ్ మెంట్ నమ్మకం కోల్పోలేదన్నాడు. ఈ విభాగంలో తాము సత్తా చూపాల్సిన అవసరముందని వెల్లడించాడు.
 
 స్పిన్నర్లు అశ్విన్, రవీంద్ర జడేజాలపై కెప్టెన్ ధోని విశ్వాసం కోల్పోలేదని స్పష్టం చేశాడు. అశ్విన్ తమ ప్రధాన బౌలర్ అని చెప్పాడు. గత మూడు మ్యాచ్ ల్లో అశ్విన్ కేవలం 4 ఓవర్లు మాత్రమే వేయడం గమనార్హం.