సౌతాఫ్రికా టీ20 లీగ్‌లో సన్‌రైజర్స్‌ ఈస్టర్న్‌కేప్‌ తమకు తిరుగులేదని నిరూపించింది. ముచ్చటగా మూడోసారి చాంపియన్‌గా అవతరించింది. కేప్‌టౌన్‌ వేదికగా ఫైనల్లో ప్రిటోరియా క్యాపిటల్స్‌ను ఓడించి.. ట్రోఫీని ముద్దాడింది.ట్రిస్టన్‌ స్టబ్స్‌ సారథ్యంలో సౌతాఫ్రికా టీ20 లీగ్‌-2026 బరిలో దిగింది సన్‌రైజర్స్‌. వరుస విజయాలతో ప్లే ఆఫ్స్‌ చేరి సత్తా చాటింది. ఈ క్రమంలోనే టైటిల్‌ పోరుకు అర్హత సాధించిన సన్‌రైజర్స్‌.. తుదిమ్యాచ్‌లో ప్రిటోరియా క్యాపిటల్స్‌ను ఢీకొట్టింది. న్యూలాండ్స్‌ మైదానంలో టాస్‌ గెలిచిన సన్‌రైజర్స్‌ తొలుత బౌలింగ్‌ ఎంచుకుంది.బ్రెవిస్‌ విధ్వంసకర శతకంఈ క్రమంలో బ్యాటింగ్‌కు దిగిన క్యాపిటల్స్‌.. నిర్ణీత 20 ఓవర్లలో ఏడు వికెట్ల నష్టానికి 158 పరుగుల నామమాత్రపు స్కోరుకే పరిమితమైంది. ఓపెనర్‌ బ్రైస్‌ పార్సన్స్‌ (30) ఓ మోస్తరుగా రాణించగా.. డెవాల్డ్‌ బ్రెవిస్‌ విధ్వంసకర శతకం (56 బంతుల్లో 101)తో విరుచుకుపడ్డాడు. దీంతో క్యాపిటల్స్‌కు ఈ మాత్రం స్కోరు సాధ్యమైంది.సన్‌రైజర్స్‌ బౌలర్ల ధాటికి మిగతా వారంతా పెవిలియన్‌కు క్యూ కట్టారు. మార్కో యాన్సెన్‌ మూడు వికెట్లు పడగొట్టగా.. లూతో సిపామ్లా, అన్రిచ్‌ నోర్జే తలా ఒక వికెట్‌ తమ ఖాతాలో వేసుకున్నారు. ఇక లక్ష్య ఛేదనకు దిగిన సన్‌రైజర్స్‌.. 19.2 ఓవర్లలో పని పూర్తి చేసింది.దంచికొట్టిన బ్రీట్జ్కే, స్టబ్స్‌ఓపెనర్లలో క్వింటన్‌ డికాక్‌ (18) నిరాశపరచగా.. జానీ బెయర్‌స్టో (0) పూర్తిగా విఫలమయ్యాడు. జోర్డాన్‌ హెర్మాన్‌ (3), జేమ్స్‌ కోల్స్‌ (1) కూడా వైఫల్యం చెందగా.. వన్‌డౌన్‌ బ్యాటర్‌ మాథ్యూ బ్రీట్జ్కే బాధ్యతాయుత ఇన్నింగ్స్‌ ఆడాడు. 49 బంతుల్లో ఐదు ఫోర్లు, రెండు సిక్సర్లు బాది 68 పరుగులతో అజేయంగా నిలిచాడు.మాథ్యూకు తోడుగా కెప్టెన్‌ ట్రిస్టన్‌ స్టబ్స్‌ (41 బంతుల్లో 63) ధనాధన్‌ దంచికొట్టాడు. వీరిద్దరు కలిసి 64 బంతుల్లో 114 పరుగుల భారీ భాగస్వామ్యం నెలకొల్పారు. ఫలితంగా కేవలం నాలుగు వికెట్లు కోల్పోయి సన్‌రైజర్స్‌ ఈస్టర్న్‌కేప్‌ 162 పరుగులు చేసింది. ప్రిటోరియా క్యాపిటల్స్‌ను ఆరు వికెట్ల తేడాతో ఓడించి విజేతగా నిలిచింది.ముచ్చటగా మూడోసారిఫైనల్లో రాణించిన డెవాల్డ్‌ బ్రెవిస్‌కు ప్లేయర్‌ ఆఫ్‌ ది మ్యాచ్, సిరీస్‌ ఆసాంతం ఆకట్టుకున్న డికాక్‌కు ప్లేయర్‌ ఆఫ్‌ ది సిరీస్‌ అవార్డులు లభించాయి. కాగా సౌతాఫ్రికా టీ20లీగ్‌లో సన్‌రైజర్స్‌కు తిరుగులేదు. అరంగేట్ర ఎడిషన్‌లో చాంపియన్‌గా నిలిచిన సన్‌రైజర్స్‌.. ఆ మరుసటి ఏడాది కూడా టైటిల్‌ సాధించింది.తాజాగా మూడోసారి ట్రోఫీ (2023, 2024, 2026)ని కైవసం చేసుకుంది. ఇప్పటికి నాలుగు సీజన్లు పూర్తి కాగా. నాలుగుసార్లు ఈ జట్టు ఫైనల్‌ చేరడం విశేషం. రెండుసార్లు ఐడెన్‌ మార్క్రమ్‌ సారథ్యంలో ట్రోఫీ గెలిచిన సన్‌రైజర్స్‌కు ఇప్పుడు స్టబ్స్‌ టైటిల్‌ అందించాడు. కాగా గతేడాది ముంబై కేప్‌టౌన్‌ ఫైనల్లో సన్‌రైజర్స్‌ను ఓడించింది.చదవండి: వారి వల్లే ఈ స్థాయిలో ఉన్నా: సూర్యకుమార్‌It's time for that massive celebration, Coach Adi 🤩 pic.twitter.com/KssLRr7IQk— Sunrisers Eastern Cape (@SunrisersEC) January 25, 2026

సౌతాఫ్రికా టీ20 లీగ్‌ చరిత్రలో అత్యుత్తమ కమ్‌బ్యాక్‌ ఇచ్చిన జట్టుగా ప్రిటోరియా క్యాపిటల్స్ నిలిచిపోనుంది. కఠినమైన పిచ్‌పై ఆ జట్టు 7 పరుగులకే 5 వికెట్లు కోల్పోయిన దశ నుంచి అనూహ్య రీతిలో పుంజుకొని గౌరవప్రదమైన స్కోర్‌ చేసింది. అంతేకాకుండా ఆ స్కోర్‌ను విజయవంతంగా డిఫెండ్‌ చేసుకొని, 21 పరుగుల తేడాతో చిరస్మరణీయ విజయం సాధించింది. పూర్తి వివరాల్లోకి వెళితే.. జోహనెస్‌బర్గ్‌ వేదికగా నిన్న (జనవరి 17) ప్రిటోరియా క్యాపిటల్స్‌, జోబర్గ్‌ సూపర్‌ కింగ్స్‌ మధ్య కీలకమైన మ్యాచ్‌ జరిగింది. ఈ మ్యాచ్‌కు ఉపయోగించిన పిచ్‌ బ్యాటర్లకు చాలా కఠినంగా ఉండింది. ఈ పిచ్‌పై తొలుత బ్యాటింగ్‌ చేసిన క్యాపిటల్స్‌ 7 పరుగులకే సగం వికెట్లు కోల్పోయి పీకల్లోతు కష్టాల్లో కూరుకుపోయింది.ఈ దశలో డెవాల్డ్ బ్రెవిస్ (47 బంతుల్లో 53; 4 ఫోర్లు, 3 సిక్సర్లు)–షెర్ఫాన్‌ రూథర్‌ఫోర్డ్‌ (50 బంతుల్లో 74 నాటౌట్‌; 10 ఫోర్లు, 2 సిక్సర్లు) జోడీ అనూహ్య పోరాటం చేసి తమ జట్టుకు గౌరవప్రదమైన స్కోర్‌ అందించింది. వీరిద్దరు ఆరో వికెట్‌కు 103 పరుగుల రికార్డు భాగస్వామ్యాన్ని నమోదు చేశారు. ఫలితంగా క్యాపిటల్స్‌ నిర్ణీత 20 ఓవర్లలో 6 వికెట్ల నష్టానికి 143 పరుగులు చేసింది. బ్రెవిస్‌-రూథర్‌ఫోర్డ్‌ భాగస్వామ్యానికి ముందు ప్రిటోరియా ఇన్నింగ్స్‌లో నలుగురు డకౌట్లయ్యారు.జోబర్గ్‌ బౌలర్లలో డేనియల్‌ వారెల్‌ (4-1-12-2), వియాన్‌ ముల్దర్‌ (4-1-34-2), డుయాన్‌ జన్సెన్‌ (4-0-27-1), బర్గర్‌ (4-0-32-1) అద్బుతంగా బౌలింగ్‌ చేశారు. వీరి ధాటికి క్యాపిటల్స్‌ టాపార్డర్‌ కకావికలమైంది.అనంతరం స్వల్ప లక్ష్యాన్ని ప్రిటోరియా బౌలర్లు అద్భుతంగా డిఫెండ్‌ చేసుకున్నారు. లిజాడ్‌ విలియమ్స్‌ (4-0-25-3), కేశవ్‌ మహారాజ్‌ (4-0-15-3), రోస్టన్‌ ఛేజ్‌ (4-0-11-1), గిడ్యోన్‌ పీటర్స్‌ (3-0-25-1) ధాటికి సూపర్‌ కింగ్స్‌ 20 ఓవర్లలో 8 వికెట్లు కోల్పోయి 122 పరుగులకే పరిమితమైంది. ఈ గెలుపుతో సంబంధం​ లేకుండా క్యాపిటల్స్‌ ఇప్పటికే ప్లే ఆఫ్స్‌కు అర్హత సాధించగా.. సూపర్‌ కింగ్స్‌ మినుకుమినుకుమంటున్న అవకాశాలను మరింత క్లిష్టతరం చేసుకుంది.

సౌతాఫ్రికా టీ20 లీగ్‌ 2025-26లో డర్బన్‌ సూపర్‌ జెయింట్స్‌ కెప్టెన్‌ ఎయిడెన్‌ మార్క్రమ్‌ చెలరేగిపోయాడు. పార్ల్‌ రాయల్స్‌తో నిన్న (జనవరి 17) జరిగిన కీలక మ్యాచ్‌లో విధ్వంసకర శతకంతో విరుచుకుపడ్డాడు. ఫలితంగా సూపర్‌ జెయింట్స్‌ 58 పరుగుల తేడాతో ఘన విజయం సాధించి, ప్లే ఆఫ్స్‌ అవకాశాలను సజీవంగా ఉంచుకుంది.శివాలెత్తిన మార్క్రమ్‌తొలుత బ్యాటింగ్‌ చేసిన సూపర్‌ జెయింట్స్‌.. మార్క్రమ్‌ శతక్కొట్టుడుతో నిర్ణీత 20 ఓవర్లలో 7 వికెట్ల నష్టానికి 189 పరుగులు చేసింది. మార్క్రమ్‌ 58 బంతుల్లో 12 ఫోర్లు, 5 సిక్సర్ల సాయంతో 108 పరుగులు చేసి సౌతాఫ్రికా టీ20 లీగ్‌లో తన రెండో శతకాన్ని నమోదు చేశాడు.సికందర్‌ రజా వేసిన ఇన్నింగ్స్‌ 19వ ఓవర్‌లో మార్క్రమ్‌ శివాలెత్తిపోయాడు. 3 సిక్సర్లు, 2 ఫోర్లు సహా 28 పరుగులు పిండుకున్నాడు. సూపర్‌ జెయింట్స్‌ ఇన్నింగ్స్‌లో మార్క్రమ్‌ మినహా ఎవరూ చెప్పుకోదగ్గ స్కోర్లు చేయలేదు. సునీల్‌ నరైన్‌ 4, జోస్‌ బట్లర్‌ 1, కేన్‌ విలియమ్సన్‌ 22, హెన్రిచ్‌ క్లాసెన్‌ 29, లియామ్‌ లివింగ్‌స్టోన్‌ 19 పరుగులకు ఔటయ్యారు.రాయల్స్‌ బౌలర్లలో హర్దస్‌ విల్యోన్‌ 4 వికెట్లతో సత్తా చాటాడు. ఫోర్టుయిన్‌, బార్ట్‌మన్‌, పోట్గెటర్‌ తలో వికెట్‌ తీశారు.అనంతరం 190 పరుగుల లక్ష్య ఛేదనలో రాయల్స్‌ తడబడింది. సునీల్‌ నరైన్‌ (4-0-18-2), సైమన్‌ హార్మర్‌ (4-1-13-1), మార్క్రమ్‌ (2-0-9-1), లివింగ్‌స్టోన్‌ (3-0-25-1), కొయెట్జీ (3-0-31-2), మపాకా (2-0-10-1) వికెట్లు తీయడంతో పాటు పొదుపుగా బౌలింగ్‌ చేయడంతో 9 వికెట్ల నష్టానికి 131 పరుగులు మాత్రమే చేయగలిగింది.రాయల్స్‌ ఇన్నింగ్స్‌లో ఎవరూ పెద్ద స్కోర్లు చేయలేదు. వెర్రిన్‌ (23), హెర్మన్‌ (18), సికందర్‌ రజా (21), ఫోర్టుయిన్‌ (35 నాటౌట్‌) రెండంకెల స్కోర్లు చేశారు. మిగతా ఆటగాళ్లంతా సింగిల్‌ డిజిట్‌ స్కోర్లకే పరిమితమయ్యారు.కాగా, ఈ మ్యాచ్‌ ఫలితంతో సంబంధం లేకుండానే రాయల్స్‌ ప్లే ఆఫ్స్‌కు అర్హత సాధించింది. ఈ జట్టుతో పాటు ప్రిటోరియా క్యాపిటల్స్‌, సన్‌రైజర్స్‌ ఈస్ట్రన్‌కేప్‌ కూడా ప్లే ఆఫ్స్‌ బెర్త్‌లు కన్ఫర్మ్‌ చేసుకున్నాయి. నాలుగో బెర్త్‌ కోసం డర్బన్‌ సూపర్‌ జెయింట్స్‌, జోబర్గ్‌ సూపర్‌ కింగ్స్‌, ఎంఐ కేప్‌టౌన్‌ మధ్య పోటీ జరుగుతుంది.

సౌతాఫ్రికా టీ20 లీగ్‌ 2025-26లో డిఫెండింగ్‌ ఛాంపియన్‌ హోదాలో బరిలోకి దిగి అనూహ్య పరాజయాలు ఎదుర్కొని ఎలిమినేషన్‌ అంచున ఉన్న ముంబై ఇండియన్స్‌ కేప్‌టౌన్‌కు (MI Cape town) దిగ్గజ టీ20 ఆటగాడు కీరన్‌ పోలార్డ్‌ జీవం పోశాడు. రెగ్యులర్‌ కెప్టెన్‌ రషీద్‌ ఖాన్‌ జాతీయ విధుల కోసం జట్టును వీడటంతో, అతని స్థానాన్ని భర్తీ చేసిన పోలీ.. నిన్న (జనవరి 16) సన్‌రైజర్స్‌ ఈస్ట్రన్‌కేప్‌పై ఎంఐ గెలుపులో తనవంతు పాత్ర పోషించాడు.అప్పటికి 8 మ్యాచ్‌ల్లో కేవలం రెండే విజయాలతో పాయింట్ల పట్టికలో చివరి స్థానంలో ఉండిన కేప్‌టౌన్‌.. పోలార్డ్‌ రాకతో తిరిగి గెలుపు ట్రాక్‌ ఎక్కింది. ఈ గెలుపుతో ఆ జట్టు ప్లే ఆఫ్స్‌ అవకాశాలను సజీవంగా ఉంచుకుంది. పార్ల్‌ రాయల్స్‌, సన్‌రైజర్స్‌ ఈస్ట్రన్‌కేప్‌, ప్రిటోరియా క్యాపిటల్స్‌ ఇప్పటికే ప్లే ఆఫ్స్‌ బెర్త్‌లు ఖరారు చేసుకోగా.. చివరి బెర్త్‌ కోసం ఎం కేప్‌టౌన్‌, జోబర్గ్‌ సూపర్‌ కింగ్స్‌, డర్బన్‌ సూపర్‌ జెయింట్స్‌ పోటీపడుతున్నాయి.సన్‌రైజర్స్‌పై పోలార్డ్‌ తొలుత బంతితో (2-0-9-0), ఆతర్వాత బ్యాట్‌తో (14 బంతుల్లో 20; 2 ఫోర్లు) పర్వాలేదనిపించాడు. ఈ మ్యాచ్‌లో కేప్‌టౌన్‌ ఈస్ట్రన్‌కేప్‌పై 3 వికెట్ల తేడాతో గెలుపొందింది. తొలుత బ్యాటింగ్‌ చేసిన ఈస్ట్రన్‌కేప్‌ నిర్ణీత 20 ఓవర్లలో 9 వికెట్ల నష్టానికి 139 పరుగులు చేయగా.. కేప్‌టౌన్‌ మరో​ నాలుగు బంతులు మిగిలుండగానే లక్ష్యాన్ని చేరుకుంది. నాలుగు వికెట్లతో సత్తా చాటిన కేప్‌టౌన్‌ ఆల్‌రౌండర్‌ కార్బిన్‌ బాష్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది.బాష్‌తో పాటు ట్రెంట్‌ బౌల్ట్‌ (4-0-28-3), రబాడ (3-0-20-1), జార్జ్‌ లిండే (4-0-34-1) సత్తా చాటడంతో ఈస్ట్రన్‌కేప్‌ స్వల్ప స్కోర్‌కే పరిమితమైంది. ఆఖర్లో మార్కో జన్సెన్‌ (42) రాణించడంతో ఆ జట్టు ఈ మాత్రం స్కోరైనా చేయగలిగింది. ఈస్ట్రన్‌కేప్‌లో స్టార్‌ బ్యాటర్లు డికాక్‌ (0), బెయిర్‌స్టో (15), స్టబ్స్‌ (4) విఫలయ్యారు.ఛేదనలో కేప్‌టౌన్‌ కూడా తడబడింది. జన్సెన్‌ (4-0-23-2), ముత్తుసామి (3.2-0-25-2), నోర్జే (4-0-29-1), మిల్నే (3-0-26-1), కోల్స్‌ (2-0-13-1) సత్తా చాటి కేప్‌టౌన్‌ బ్యాటర్లను ఇబ్బంది పెట్టారు. అయితే కీలక దశలో లిండే (31), పోలార్డ్‌ (20) బాధ్యతాయుతమైన ఇన్నింగ్స్‌లు ఆడి కేప్‌టౌన్‌ను గెలిపించారు. అంతకుముందు రిజా హెండ్రిక్స్‌ (41) రాణించాడు. ఫలితంగా కేప్‌టౌన్‌ అతికష్టం మీద గట్టెక్కింది.

ఆఫ్ఘనిస్తాన్‌ స్టార్‌ ఆటగాడు రషీద్‌ ఖాన్‌ సౌతాఫ్రికా టీ20 లీగ్‌లో ఎంఐ కేప్‌టౌన్‌ జట్టుకు సారధిగా వ్యవహరిస్తున్నాడు. డిఫెండింగ్‌ ఛాంపియన్‌ హోదాలో ఈ సీజన్‌ బరిలోకి దిగిన ఆ జట్టు.. అనూహ్య పరాజయాలు (8 మ్యాచ్‌ల్లో 5) ఎదుర్కొని పాయింట్ల పట్టికలో చిట్టచివరి స్థానంలో ఉంది. ఎలిమినేషన్‌ అంచును ఆ జట్టును తాజాగా రషీద్‌ ఖాన్‌ వీడి వెళ్లాడు. జాతీయ విధులకు (వెస్టిండీస్‌తో టీ20 సిరీస్‌ కోసం) హాజరయ్యేందుకు రషీద్‌ సౌతాఫ్రికా టీ20 లీగ్‌ నుంచి తప్పుకున్నాడు.కష్ట సమయాల్లో రషీద్‌ వెళ్లిపోవడం మినుకుమినుకుమంటున్న ఎం కేప్‌టౌన్‌ ప్లే ఆఫ్స్‌ బెర్త్‌ అవకాశాలను దాదాపుగా గల్లంతు చేసింది. రషీద్‌ స్థానంలో యాజమాన్యం పొట్టి క్రికెట్‌ దిగ్గజం కీరన్‌ పోలార్డ్‌ను జట్టులో చేర్చుకుంది. పోలార్డ్‌ జట్టులో చేరినా ఎంఐ ఫేట్‌ మారే అవకాశం లేదు. ఎందుకంటే ఆ జట్టుకు మరో రెండు అవకాశాలు (మ్యాచ్‌లు) మాత్రమే ఉన్నాయి.ఈ రెండు మ్యాచ్‌ల్లో భారీ విజయాలు సాధిస్తే.. ఎం కేప్‌టౌన్‌ ఫేట్‌ మారే అవకాశాలు లేకపోలేదు. ఈ సీజన్‌లో ఆ జట్టు అన్ని విభాగాల్లో దారుణంగా విఫలమవుతుంది. బ్యాటింగ్‌లో నికోలస్ పూరన్, రస్సీ వాన్ డర్ డసెన్, జేసన్ స్మిత్ లాంటి కీలక ఆటగాళ్లు స్థిరంగా పరుగులు చేయలేకపోతున్నారు. బౌలింగ్‌లో స్టార్ పేసర్ ట్రెంట్ బౌల్ట్ ఫామ్‌లో లేడు. ఫీల్డింగ్‌లో క్యాచ్‌లు వదిలేయడం, లేని పరుగులను సమర్పించుకోవడం లాంటి పొరపాట్లు చేస్తున్నారు. తదుపరి మ్యాచ్‌ల్లో ఈ లోపాలను అధిగమించగలిగితే ఎంఐ కేప్‌టౌన్‌ విజయాల బాట పట్టవచ్చు. పోలార్డ్ తన పవర్ హిట్టింగ్, ఫీల్డింగ్, మీడియం పేస్ బౌలింగ్‌తో కేప్‌టౌన్‌లో ప్లే ఆఫ్స్‌ దిశగా నడిపించాలని ఆ ఫ్రాంచైజీ అభిమానులు కోరుకుంటున్నారు. పోలార్డ్‌ 2024 ఎడిషన్‌లో రషీద్‌ ఖాన్‌ గాయపడినప్పుడు కేప్‌టౌన్‌ కెప్టెన్‌గా బాధ్యతలు నిర్వహించాడు. ఆ సీజన్‌లో అతను 188 స్ట్రయిక్‌రేట్‌తో పరుగులు చేసి, 4 వికెట్లు తీశాడు. పోలార్డ్‌ మరో 101 పరుగులు చేస్తే పొట్టి క్రికెట్‌ చరిత్రలో అత్యధిక పరుగులు చేసిన ఆటగాడిగా క్రిస్‌ గేల్‌ రికార్డును బద్దలు కొడతాడు.కాగా, ప్రస్తుత ఎడిషన్‌లో పార్ల్‌ రాయల్స్‌, సన్‌రైజర్స్‌ ఈస్ట్రన్‌కేప్‌ ఇదివరకే ప్లే ఆఫ్స్‌ బెర్త్‌లు ఖరారు చేసుకున్నాయి. మిగతా బెర్త్‌ల కోసం ప్రిటోరియా క్యాపిటల్స్‌, జోబర్గ్‌ సూపర్‌ కింగ్స్‌, డర్బన్‌ సూపర్‌ జెయింట్స్‌, ఎంఐ కేప్‌టౌన్‌ పోటపడుతున్నాయి.

సౌతాఫ్రికా టీ20 లీగ్‌లో సన్‌రైజర్స్‌ ఈస్ట్రన్‌కేప్‌ జట్టు వరుసగా నాలుగో ఎడిషన్‌లో ప్లే ఆఫ్స్‌కు చేరింది. 2025-26 ఎడిషన్‌లో భాగంగా నిన్న (జనవరి 14) జోబర్గ్‌ సూపర్‌ కింగ్స్‌పై గెలుపుతో ప్లే ఆఫ్స్‌ బెర్త్‌ ఖరారు చేసుకుంది. ఈ మ్యాచ్‌లో అరంగేట్రం ఆటగాడు జేమ్స్‌ కోల్స్‌ అద్భుతమైన ఆల్‌రౌండ్‌ ప్రదర్శనతో సన్‌రైజర్స్‌కు గెలిపించాడు.తొలుత బ్యాటింగ్‌లో (34 బంతుల్లో 61; 10 ఫోర్లు) ఇరగదీసి, ఆతర్వాత బౌలింగ్‌లోనూ (4-0-34-2) సత్తా చాటాడు. ఈ మ్యాచ్‌లో తొలుత బ్యాటింగ్‌ చేసిన సన్‌రైజర్స్‌.. కోల్స్‌, డికాక్‌ (54) రాణించడంతో నిర్ణీత 20 ఓవర్లలో 5 వికెట్ల నష్టానికి 178 పరుగులు చేసింది. మిగతా ఆటగాళ్లలో జానీ బెయిర్‌స్టో 18, మాథ్యూ బ్రీట్జ్కీ 3, జోర్డన్‌ హెర్మన్‌ 13, ట్రిస్టన్‌ స్టబ్స్‌ 23 (నాటౌట్‌) పరుగులు చేశారు. సూపర్‌ కింగ్స్‌ బౌలర్లలో డొనొవన్‌ ఫెరియెరా 2, నండ్రే బర్గర్‌, అకీల్‌ హొసేన్‌, వియన్‌ ముల్దర్‌ తలో వికెట్‌ తీశారు.అనంతరం ఓ మోస్తరు లక్ష్య ఛేదనలో.. ముత్తుసామి (4-0-26-3), కోల్స్‌ (4-0-34-2), మార్కో జన్సెన్‌ (3.1-0-33-2), నోర్జే (4-0-13-1), ఆడమ్‌ మిల్నే (3-0-10-1) ధాటికి సూపర్‌ కింగ్స్‌ 18.1 ఓవర్లలో 117 పరుగులకే చాప చుట్టేసింది. ఆ జట్టు తరఫున 30 పరుగులు చేసిన జేమ్స్‌ విన్స్‌ టాప్‌ స్కోరర్‌గా నిలిచాడు. మరో ఐదు మంది రెండంకెల స్కోర్లు చేయగలగినా, ఒక్కరే 20 పరుగుల మార్కును దాటారు. ఈ సీజన్‌లో ప్లే ఆఫ్స్‌కు చేరిన తొలి జట్టు సన్‌రైజర్స్‌. పార్ల్‌ రాయల్స్‌, ప్రిటోరియా క్యాపిటల్స్‌, జోబర్గ్‌ సూపర్‌ కింగ్స్‌ మిగతా ప్లే ఆఫ్స​్‌ బెర్త్‌లక కోసం పోటీ పడుతున్నాయి.

సౌతాఫ్రికా టీ20 లీగ్‌ 2025-26లో నిన్న (జనవరి 13) ఓ రసవతర్త సమరం జరిగింది. పార్ల్‌ రాయల్స్‌ ఆల్‌రౌండర్‌, జింబాబ్వే టీ20 జట్టు కెప్టెన్‌ సికందర్‌ రజా చివరి బంతికి సిక్సర్‌ బాది తన జట్టును గెలిపించాడు. 2 పరుగులు అవసరమైన తరుణంలో రజా ఊహించని విధంగా బౌలర్‌ డర్బన్‌ సూపర్‌ జెయింట్స్‌ బౌలర్‌ డేవిడ్‌ వీస్‌పై ఎదురుదాడి చేశాడు. డీప్‌ మిడ్‌ వికెట్‌ మీదుగా ఫ్లాట్‌ సిక్సర్‌ బాదాడు. అనంతరం సింహగర్జన చేస్తూ విజయోత్సవ సంబరాలు చేసుకున్నాడు. మరో ఎండ్‌లో ఉన్న రూబిన్‌ హెర్మన్‌ను హత్తుకొని తీవ్ర భావోద్వేగానికి లోనయ్యాడు. హెర్మన్‌ బాధ్యతాయుతమైన ఇన్నింగ్స్‌ ఆడి రాయల్స్‌ గెలుపులో కీలకపాత్ర పోషించాడు.SIKANDAR RAZA, THE FINISHER OF PAARL ROYALS 🥶- He smashed an iconic six when they needed 2 from the final ball. pic.twitter.com/SrjGLFL31e— Johns. (@CricCrazyJohns) January 14, 2026వాస్తవానికి చివరి ఓవర్‌కు ముందు రాయల్స్‌ గెలుపుకు కేవలం 6 పరుగులు మాత్రమే కావాలి. అయితే వీస్‌ అద్భుతమైన బౌలింగ్‌తో రాయల్స్‌ గెలుపును చివరి బంతి వరకు అడ్డుకున్నాడు. వీస్‌ తొలి 5 బంతుల్లో కేవలం​ 4 పరుగులు మాత్రమే ఇచ్చి రాయల్స్‌ను ఒత్తిడిలోకి నెట్టాడు. ఓ దశలో వీస్‌ రాయల్స్‌ గెలుపును అడ్డుకునేలా కనిపించాడు. అయితే రజా సంచలన ప్రదర్శనతో రాయల్స్‌కు అపురూపమైన విజయాన్నందించాడు. ఈ గెలుపుతో రాయల్స్‌ పాయింట్ల పట్టికలో సన్‌రైజర్స్‌ ఈస్ట్రన్‌కేప్‌తో కలిసి సంయుక్తంగా రెండో స్థానంలో నిలిచింది. టాప్‌ ప్లేస్‌లో ప్రిటోరియా క్యాపిటల్స్‌ ఉంది. జోబర్గ్‌ సూపర్‌ కింగ్స​, డర్బన్‌ సూపర్‌ జెయింట్స్‌, ఎంఐ కేప్‌టౌన్‌ నాలుగు, ఐదు, ఆరు స్థానాల్లో ఉన్నాయి.స్కోర్‌ను పరిశీలిస్తే.. తొలుత బ్యాటింగ్‌ చేసిన డర్బన్‌ సూపర్‌ జెయింట్స్‌.. కెప్టెన్‌ ఎయిడెన్‌ మార్క్రమ్‌ (66), లియామ్‌ లివింగ్‌స్టోన్‌ (32 నాటౌట్‌) రాణించడంతో 5 వికెట్ల నష్టానికి 186 పరుగులు చేసింది. రాయల్స్‌ బౌలర్లలో ముజీబ్‌ 2 వికెట్లు తీయడంతో పాటు పొదుపుగా బౌలింగ్‌ చేసి సత్తా చాటాడు.అనంతరం డాన్‌ లారెన్స్‌ (63), రూబిన్‌ హెర్మన్‌ (65 నాటౌట్‌) బాధ్యతాయుతమైన అర్ద సెంచరీలు చేసి, రాయల్స్‌ గెలుపుకు దోహదపడ్డారు. ఆఖర్లో సికందర్‌ రజా (27 నాటౌట్‌) మెరుపు ఇన్నింగ్స్‌తో తన జట్టును విజయతీరాలకు చేర్చాడు.

సౌతాఫ్రికా టీ20 లీగ్ 2025-26 సీజన్‌లో జోబర్గ్‌ సూపర్ కింగ్స్‌కు భారీ షాక్ తగిలింది. ఆ జట్టు కెప్టెన్ ఫాఫ్ డుప్లెసిస్ గాయం కారణంగా మిగిలిన సీజన్ మొత్తానికి దూరమయ్యాడు. ఈ టోర్నీలో భాగంగా జనవరి 10న ఎంఐ కేప్‌టౌన్‌తో జరిగిన మ్యాచ్‌లో ఫీల్డింగ్ చేస్తుండగా డుప్లెసిస్ కుడి చేతి బొటనవేలికి తీవ్రమైన గాయమైంది.దీంతో ఆ మ్యాచ్‌లో అత‌డు బ్యాటింగ్‌కు రాలేదు. అనంత‌రం అత‌డిని ఆస్ప‌త్రికి త‌ర‌లించి స్కాన్ నిర్వ‌హించ‌గా.. బొటనవేలి లిగమెంట్ తెగిపోయిన‌ట్లు వైద్యులు ధృవీకరించారు. ఈ క్ర‌మంలో ఫాప్‌ త్వ‌ర‌లోనే త‌న గాయానికి శస్త్రచికిత్స చేయించుకోనున్నాడు.ఈ విష‌యంపై జేఎస్‌కే కోచ్ స్టీఫెన్ ఫ్లెమింగ్ మాట్లాడుతూ.. ఫాఫ్ కనీసం బ్యాట్ కూడా పట్టుకోలేని స్థితిలో ఉన్నాడ‌ని, అందుకే టోర్నీ నుండి వైదొలిగాల్సి వ‌చ్చింద‌ని తెలిపాడు. 41 ఏళ్ల డుప్లెసిస్ ఈ టోర్నీలో 5 మ్యాచ్‌లు ఆడి 135 ప‌రుగులు చేశాడు. అతడి స్ట్రైక్ రేట్ 151.69 గా ఉంది.డుప్లెసిస్‌ త్వరగా కోలుకోవాలని ఆశిస్తున్నట్లు జేఎస్‌కే సైతం ఎక్స్‌ వేదికగా రాసుకొచ్చింది. కాగా ప్రస్తుతం సూపర్ కింగ్స్ పాయింట్ల పట్టికలో మూడువ‌ స్థానంలో ఉంది. మిగిలిన మ్యాచ్‌లకు జేమ్స్‌ విన్స్‌ జేఎస్‌కే సారథిగా వ్యవహరించే అవకాశముంది.జోబర్గ్‌ సూపర్ కింగ్స్‌ జట్టు ఇదేజేమ్స్ విన్స్, మాథ్యూ డి విలియర్స్, వియాన్ ముల్డర్, మైఖేల్-కైల్ పెప్పర్ (కీపర్), డోనవన్ ఫెరీరా, ప్రెనెలన్ సుబ్రాయన్, డయాన్ ఫారెస్టర్, అకీల్ హోసేన్, నాండ్రే బర్గర్, డేనియల్ వోరల్, శుభమ్ రంజనే, రిచర్డ్ గ్లీసన్, జారెన్ బాచర్, నీల్ టిమ్మర్స్, జాంకో స్మిత్, స్టీవ్ స్టోల్క్, దువాన్ జాన్సెన్, రివాల్డో మూన్సామి.

సౌతాఫ్రికా టీ20 లీగ్‌ 2025-26లో భాగంగా నిన్న (జనవరి 7) ప్రిటోరియా క్యాపిటల్స్‌, డర్బన్‌ సూపర్‌ జెయింట్స్‌ మధ్య ఆసక్తికర మ్యాచ్‌ జరిగింది. ఈ భారీ స్కోరింగ్‌ మ్యాచ్‌లో సూపర్‌ జెయింట్స్‌పై క్యాపిటల్స్‌ 15 పరుగుల తేడాతో గెలుపొందింది. షాయ్‌ హోప్‌ (69 బంతుల్లో 118 నాటౌట్‌; 9 ఫోర్లు, 9 సిక్సర్లు) విధ్వంసకర శతకంతో విరుచుకుపడటంతో తొలుత బ్యాటింగ్‌ చేసిన క్యాపిటల్స్‌ నిర్ణీత 20 ఓవర్లలో 4 వికెట్ల నష్టానికి 201 పరుగులు చేయగా.. ఛేదనలో జోస్‌ బట్లర్‌ (52 బంతుల్లో 97 నాటౌట్‌; 9 ఫోర్లు, 5 సిక్సర్లు) వీరోచిత పోరాటం చేసినా సూపర్‌ జెయింట్స్‌ను గెలిపించలేకపోయాడు.బట్లర్‌కు మరో ఎండ్‌ నుంచి సహకారం లభించకపోవడంతో సూపర్‌ జెయింట్స్‌ 19.4 ఓవర్లలో 186 పరుగులకు ఆలౌటైంది. సూపర్‌ జెయింట్స్‌ ఇన్నింగ్స్‌లో చివరి ఆరుగురు ఆటగాళ్లలో ఏకంగా ఐదుగురు డకౌటయ్యారు. లుంగి ఎంగిడి హ్యాట్రిక్‌ వికెట్లతో చెలరేగి సూపర్‌ జెయింట్స్‌ను దెబ్బకొట్టాడు. సౌతాఫ్రికా టీ20 లీగ్‌ చరిత్రలో ఇదే తొలి హ్యాట్రిక్‌.ఇన్నింగ్స్‌ 18వ ఓవర్‌ రెండు, మూడు, నాలుగు బంతులకు ఎంగిడి డేవిడ్‌ వీస్‌, సునీల్‌ నరైన్‌, కొయెట్జీ వికెట్లు తీసి హ్యాట్రిక్‌ నమోదు చేశాడు. ఈ పరిణామంతో అప్పటిదాకా గెలుపు దిశగా సాగిన సూపర్‌ జెయింట్స్‌ ఒక్కసారిగా మొమెంటమ్‌ కోల్పోయింది. ఆతర్వాతి ఓవర్‌లో (19వ ఓవర్‌) బట్లర్‌ 2 సిక్సర్లు, ఓ బౌండరీ బాది 22 పరుగులు పిండుకున్నా, చివరి ఓవర్‌లో చేతులెత్తేశాడు.తొలి రెండు బంతులను వృధా చేయగా.. ఆతర్వాత రెండు బంతులకు మపాకా, నూర్‌ అహ్మద్‌ రనౌటయ్యారు. దీంతో సూపర్‌ జెయింట్స్‌కు ఓటమి తప్పలేదు. చివరి దాకా వీరోచితంగా పోరాడిన బట్లర్‌ చివరి ఓవర్‌లో ఏమీ చేయలేకపోయాడు. వెరసి సూపర్‌ జెయిం​ట్స్‌ లక్ష్యానికి 16 పరుగుల దూరంలో నిలిచిపోయింది.

సౌతాఫ్రికా టీ20 లీగ్‌ 2025-26లో సన్‌రైజర్స్‌ ఈస్ట్రన్‌కేప్‌ ఆటగాడు, ఇంగ్లండ్‌ వెటరన్‌ బ్యాటర్‌ జానీ బెయిర్‌స్టో చెలరేగిపోయాడు. ప్రిటోరియా క్యాపిటల్స్‌తో నిన్న (జనవరి 5) జరిగిన మ్యాచ్‌లో 45 బంతుల్లో 8 ఫోర్లు, 6 సిక్సర్ల సాయంతో అజేయమైన 85 పరుగులు చేశాడు.ఈ ఇన్నింగ్స్‌లో బెయిర్‌స్టో విధ్వంసం​ 12వ ఓవర్‌లో పతాక స్థాయికి చేరింది. ప్రపంచ టాప్‌ స్పిన్నర్‌ కేశవ​్‌ మహారాజ్‌ వేసిన ఆ ఓవర్‌లో బెయిర్‌స్టో పూనకం వచ్చినట్లు ఊగిపోయాడు. వరుసగా మూడు సిక్సర్లు, తర్వాత ఒక ఫోర్, ఆపై రెండు భారీ సిక్సర్లు బాది 34 పరుగులు పిండుకున్నాడు. సౌతాఫ్రికా టీ20 లీగ్‌ చరిత్రలోనే ఇది అత్యంత ఖరీదైన ఓవర్‌గా నిలిచింది. ఈ మ్యాచ్‌లో బెయిర్‌స్టోతో పాటు మరో ఈస్ట్రన్‌కేప్‌ ఆటగాడు క్వింటన్‌ డికాక్‌ కూడా చెలరేగిపోయాడు. 41 బంతుల్లో 5 ఫోర్లు, 6 సిక్సర్ల సాయంతో అజేయమైన 79 పరుగులు చేశాడు. ఫలితంగా ప్రిటోరియా క్యాపిటల్స్‌ నిర్దేశించిన 177 పరుగుల లక్ష్యాన్ని ఈస్ట్రన్‌కేప్‌ 14.2 ఓవర్లలో వికెట్‌ కోల్పోకుండా ఛేదించింది. ఈ గెలుపుతో ఈస్ట్రన్‌కేప్‌ పాయింట్ల పట్టికలో అగ్రస్థానానికి చేరింది. క్యాపిటల్స్‌ ఇన్నింగ్స్‌లో కాన్నర్‌ ఎస్టర్‌హ్యూజన్‌ (52) అర్ద సెంచరీతో రాణించగా.. ఆఖర్లో షెర్ఫాన్‌ రూథర్‌ఫోర్డ్‌ (22 బంతుల్లో 47 నాటౌట్‌; 3 ఫోర్లు, 4 సిక్సర్లు) అలరించాడు. మిగతా ఆటగాళ్లలో పార్సన్స్‌ (18), విహాన్‌ లుబ్బే (21) మాత్రమే రెండంకెల స్కోర్లు చేశారు. ఈస్ట్రన్‌కేప్‌ బౌలర్లలో నోర్జే 3, ఆడమ్‌ మిల్నే 2, సిపామ్లా, గ్రెగరీ తలో వికెట్‌ తీశారు.

క్రికెట్‌కు సంబంధించి 2026 స​ంవత్సరానికి అదిరిపోయే ఆరంభం లభించింది. ఏడాది తొలి మ్యాచ్‌లోనే ఆసక్తికర ఫలితం వచ్చింది. సౌతాఫ్రికా టీ20 లీగ్‌ 2025-26లో భాగంగా డర్బన్‌ సూపర్‌ జెయింట్స్‌, జోబర్గ్‌ సూపర్‌ కింగ్స్‌ మధ్య జరిగిన మ్యాచ్‌ నరాలు తెగే ఉత్కంఠ నడుమ సాగి, సూపర్‌ ఓవర్‌ వరకు వెళ్లింది. సూపర్‌ ఓవర్‌లో జోబర్గ్‌ సూపర్‌ కింగ్స్‌ పైచేయి సాధించింది.ఈ మధ్యలో హైడ్రామా చోటు చేసుకుంది. జోబర్గ్‌ సూపర్‌ కింగ్స్‌ ఆటగాడు డొనొవన్‌ ఫెరియెరా (డాన్‌) ఆల్‌రౌండ్‌ షోతో అదరగొట్టి, ఒంటిచేత్తో తన జట్టును గెలిపించాడు. ఆల్‌రౌండ్‌ షో అంటే బ్యాటింగ్‌, బౌలింగ్‌ మత్రమే కాదు వికెట్‌కీపింగ్‌ కూడా.తొలుత బ్యాటింగ్‌లో సుడిగాలి ఇన్నింగ్స్‌ (10 బంతుల్లో 33 నాటౌట్‌; ఫోర్‌, 4 సిక్సర్లు) ఆడిన డాన్‌.. ఆతర్వాత బౌలింగ్‌లో (4-0-24-1), ఆఖర్లో వికెట్‌ కీపింగ్‌లో (చివరి బంతికి ఒక పరుగు చేస్తే ప్రత్యర్ది గెలిచే సమయంలో అద్భుతమైన రనౌట్‌ చేశాడు) అదరగొట్టి ఓడిపోవాల్సిన మ్యాచ్‌ను సూపర్‌ ఓవర్‌ వరకు తీసుకెళ్లాడు. సూపర్‌ ఓవర్‌లో రిలీ రొస్సో అద్భుతంగా బ్యాటింగ్‌ చేసి సూపర్‌ కింగ్స్‌ను గెలిపించాడు.పూర్తి వివరాల్లోకి వెళితే.. తొలుత బ్యాటింగ్‌ చేసిన సూపర్‌ కింగ్స్‌.. డివిలియర్స్‌ (38), డుప్లెసిస్‌ (47), శుభమ్‌ రంజనే (50 నాటౌట్‌), డొనొవన్‌ ఫెరియెరా (33 నాటౌట్‌) రాణించడంతో నిర్ణీత 20 ఓవర్లలో 4 వికెట్ల నష్టానికి 205 పరుగులు చేసింది. డర్బన్‌ బౌలర్లలో నూర్‌ అహ్మద్‌ (4-0-12-3) అద్భుతంగా బౌలింగ్‌ చేశాడు. హార్మర్‌ (4-0-22-1) కూడా పర్వాలేదనిపించాడు.అనంతరం 206 పరుగుల లక్ష్య ఛేదనలో డర్బన్‌ జట్టు చివరి బంతి వరకు గెలుపు కోసం​ పోరాడింది. చివరి బంతికి ఒక్క పరుగు చేస్తే గెలుస్తుందన్న తరుణంలో డాన్‌ మ్యాజిక్‌ రనౌట్‌ చేసి మ్యాచ్‌ను సూపర్‌ ఓవర్‌ వరకు తీసుకెళ్లాడు. ముల్దర్‌ బౌలింగ్‌లో బ్యాటింగ్‌ చేసిన హార్మర్‌ బంతిని కట్‌ చేసే క్రమంలో మిస్‌ అయ్యాడు. అయినా పరుగుకు ప్రయత్నించగా.. అప్పుడు వికెట్‌కీపింగ్‌ చేస్తున్న డాన్‌ అద్భుతమైన రీతిలో బాష్‌ను రనౌట్‌ చేశాడు. దీంతో మ్యాచ్‌ సూపర్‌ ఓవర్‌కు వెళ్లింది.సూపర్‌ ఓవర్‌లో తొలుత బ్యాటింగ్‌ చేసిన డర్బన్‌ వికెట్‌ కోల్పోయి 5 పరుగులు మాత్రమే చేయగలిగింది. గ్లీసన్‌ అద్బుతంగా బౌలింగ్‌ చేసి డర్బన్‌ బ్యాటర్లు జోస్‌ బట్లర్‌, ఆరోన్‌ జోన్స్‌ను కట్టడి చేశాడు. 6 పరుగుల స్వల్ప లక్ష్య ఛేదనలో రిలీ రొస్సో 3 బంతుల్లో 2 బౌండరీలు బాది సూపర్‌ కింగ్స్‌ను గెలిపించాడు.

సౌతాఫ్రికా టీ20 లీగ్‌ 2025-26లో పార్ల్‌ రాయల్స్‌ బోణీ కొట్టింది. సన్‌రైజర్స్‌ ఈస్ట్రన్‌కేప్‌తో ఇవాళ (డిసెంబర్‌ 31) జరిగిన మ్యాచ్‌లో 5 వికెట్ల తేడాతో గెలుపొందింది. ఈ మ్యాచ్‌లో తొలుత రాయల్స్‌ బౌలర్లు చేలరేగిపోయారు. ఆతర్వాత కెప్టెన్‌ డేవిడ్‌ మిల్లర్‌ సుడిగాలి ఇన్నింగ్స్‌ (38 బంతుల్లో 71 నాటౌట్‌; 4 ఫోర్లు, 5 సిక్సర్లు) ఆడి రాయల్స్‌ను గెలిపించాడు. ప్రస్తుత ఎడిషన్‌లో రాయల్స్‌కు ఇది విజయం కాగా.. ఈస్ట్రన్‌కేప్‌కు తొలి పరాజయం.పూర్తి వివరాల్లోకి వెళితే.. టాస్‌ గెలిచి బ్యాటింగ్‌ ఎంచుకున్న ఈస్ట్రన్‌కేప్‌కు రాయల్స్‌ బౌలర్లు చుక్కలు చూపించారు. మొకొయెనా (4-0-34-4), ఓట్నీల్‌ బార్ట్‌మన్‌ (4-0-36-3), ఫోర్టుయిన్‌ (4-0-16-0), ముజీబ్‌ రెహ్మాన్‌ (4-0-30-1), డెలానో పొట్గెటర్‌ (2-0-15-1) ధాటి​కి ఈస్ట్రన్‌కేప్‌ 149 పరుగులకే చాపచుట్టేసింది.ఈస్ట్రన్‌కేప్‌ ఇన్నింగ్స్‌లో జోర్డన్‌ హెర్మన్‌ (47) టాప్‌ స్కోరర్‌గా నిలువగా..బెయిర్‌స్టో (33) ఓ మోస్తరు స్కోర్‌ చేశాడు. మిగతా బ్యాటర్లలో కెప్టెన్‌ స్టబ్స్‌, మార్కో జన్సెన్‌ తలో 17, బ్రీట్జ్కీ 13, డికాక్‌ 7, గ్రెగరి 5, ముత్తుసామి 2, నోర్జే 4, రత్నాయకే 1 (నాటౌట్‌) పరుగులు చేశారు.అనంతరం స్వల్ప లక్ష్య ఛేదనలో రాయల్స్‌ కూడా తడబడింది. మిల్నే (4-0-22-0), జన్సెన్‌ (4-0-25-2), నోర్జే (4-0-21-2) పొదుపుగా బౌలింగ్‌ చేశారు. అయితే డేవిడ్‌ మిల్లర్‌.. కీగన్‌ లయన్‌ (45) సాయంతో రాయల్స్‌ను విజయతీరాలకు చేర్చాడు. రాయల్స్‌ 19.4 ఓవర్లలో 5 వికెట్లు కోల్పోయి లక్ష్యాన్ని చేరుకుంది. రాయల్స్‌ ఇన్నింగ్స్‌లో ప్రిటోరియస్‌ (11), ట్రైబ్‌ (7), హెర్మన్‌ (9), వెర్రిన్‌ (3) విఫలమయ్యారు.

సౌతాఫ్రికా టీ20 లీగ్ 2025-26లో సన్‌రైజర్స్ ఈస్టర్న్ కేప్ వరుసగా రెండో విజయాన్ని నమోదు చేసింది. ఈ లీగ్‌లో భాగంగా సోమవారం ప్రిటోరియా క్యాపిటల్స్‌లో జరిగిన మ్యాచ్‌లో 48 పరుగుల తేడాతో సన్‌రైజర్స్ గెలుపొందింది. ఈ విజయంతో సన్‌రైజర్స్ జట్టుకు అదనంగా ఒక బోనస్ పాయింట్ కూడా లభించింది. ఇక ఈ మ్యాచ్‌లో తొలుత బ్యాటింగ్ చేసిన సన్‌రైజర్స్ ఈస్టర్న్ కేప్ నిర్ణీత 20 ఓవర్లలో 6 వికెట్ల నష్టానికి 188 పరుగులు చేసింది. స్టార్ ఓపెనర్ క్వింటన్ డికాక్ మరోసారి చెలరేగాడు. 47 బంతులు ఎదుర్కొన్న డికాక్‌.. 5 ఫోర్లు, 6 సిక్సకర్లతో 77 పరుగులు చేశాడు. అతడితో పాటు మాథ్యూ బ్రీట్జ్కే(33 బంతుల్లో 52 పరుగులు), జోర్డాన్‌ హెర్మాన్(20 బంతుల్లో 37) మెరుపు ఇన్నింగ్స్‌ ఆడాడు. ప్రిటోరియా క్యాపిటల్స్‌ బౌలర్లలో టైమల్‌ మిల్స్‌ రెండు వికెట్లు పడగొట్టగా.. లుంగి ఎంగిడీ, లుబ్బే తలా వికెట్‌ సాధించారు. అనంతరం 189 పరుగుల లక్ష్యంతో బరిలోకి దిగిన ప్రిటోరియా క్యాపిటల్స్‌ 18 ఓవర్లలో 140 పరుగులకే కుప్పకూలింది. సన్‌రైజర్స్‌ స్పీడ్‌ స్టార్‌ ఆడమ్‌ మిల్నే 4 వికెట్లు పడగొట్టగా.. రత్నాయకే రెండు, మార్కో జాన్సెన్‌, ముత్తుసామి తలా వికెట్‌ సాధించారు.ప్రిటోరియా ఇన్నింగ్స్‌లో షాయ్‌ హోప్‌(36) టాప్‌ స్కోరర్‌గా నిలవగా.. స్మిడ్‌(35), రుథర్‌ ఫర్డ్‌(25) ఫర్వాలేదన్పించారు. కాగా ప్రిటోరియా క్యాపిటల్స్ హెడ్ కోచ్‌గా భారత మాజీ కెప్టెన్ సౌరవ్ గంగూలీ వ్యవహరిస్తున్నాడు. ప్రధాన కోచ్‌గా అతడికి వరుసగా రెండో మ్యాచ్‌లోనూ ఓటమి ఎదురైంది.చదవండి: ఇంగ్లండ్‌, పాక్‌ కాదు.. టీ20 వ‌ర‌ల్డ్‌క‌ప్ సెమీస్‌ చేరే జ‌ట్లు ఇవే!

క్రికెట్ మ్యాచ్‌కు చూసేందుకు స్టేడియం వెళ్లిన ఓ అభిమానిని అదృష్టం వరించింది. ఒక్క క్యాచ్‌తో రాత్రికి రాత్రే కోటీశ్వరుడయ్యాడు. అవును మీరు విన్నది నిజమే. పూర్తి వివరాలు తెలియాలంటే ఈ కథనం చదవాల్సిందే. సౌతాఫ్రికా టీ20 లీగ్ 2025-26 తొలి మ్యాచ్‌లో పరుగుల వరద పారింది.ఎంఐ కేప్ టౌన్, డర్బన్ సూపర్ జెయింట్స్ నువ్వానేనా అన్నట్లు పోటీపడ్డాయి. టాస్ గెలిచి మొదట బ్యాటింగ్ చేసిన డర్బన్ సూపర్ జెయింట్స్ నిర్ణీత 20 ఓవర్లలో 5 వికెట్ల నష్టానికి 232 పరుగుల భారీ స్కోరు సాధించింది. డర్బన్ బ్యాటర్లలో డెవాన్ కాన్వే (64) టాప్ స్కోరర్‌గా నిలవగా.. కేన్ విలియమ్సన్ (40), మార్‌క్రమ్‌(35) రాణించారు. అనంతరం భారీ లక్ష్య చేధనలో ర్యాన్ రికెల్టన్ అద్భుతసెంచరీతో మెరిశాడు. మిగిత బ్యాటర్లను పెద్దగా సహకరం లభించనప్పటికి రికెల్టన్ మాత్రం విధ్వంసం సృష్టించాడు.సూపర్ క్యాచ్‌..ఈ క్రమంలో 13వ ఓవర్ వేసిన మఫాక బౌలింగ్‌లో నాలుగో బంతికి రికెల్టన్ భారీ సిక్సర్ బాదాడు. ఆ బంతి నేరుగా స్టాండ్స్‌లోకి వెళ్లగా అక్కడే ఉన్న ఓ అభిమాని ఒంటి చేత్తో అద్బుతమైన క్యాచ్‌ను అందుకున్నాడు. దీంతో అతడు కోటీశ్వరుడయ్యాడు. సౌతాఫ్రికా టీ20 లీగ్ నిబంధనల ప్రకారం.. స్టేడియంలో ఉన్న ప్రేక్షకులు ఎవరైనా సిక్స్ కొట్టినప్పుడు 2 మిలియన్ రాండ్లు(భారత కరెన్సీలో రూ. 1.08 కోట్లు) బహుమతిగా ఇవ్వనున్నారు. ఈ సీజన్‌లో ఈ భారీ నగదు బహుమతిని గెలుచుకున్న మొదటి వ్యక్తి అతడే. ఒకవేళ టోర్నమెంట్ మొత్తం మీద మరికొంతమంది కూడా ఇలాంటి క్యాచ్‌లు పడితే, ఈ 2 మిలియన్ రాండ్ల మొత్తాన్ని వారందరికీ సమానంగా పంచుతారు. కాగా ఈ మ్యాచ్‌లో ఎంఐ కేప్ టౌన్‌పై 15 పరుగుల తేడాతో డర్బన్ సూపర్ జెయింట్స్ ఘన విజయం సాధించింది.చదవండి: IND vs NZ: రిష‌బ్ పంత్‌కు భారీ షాక్‌.. జ‌ట్టులోకి డ‌బుల్ సెంచ‌రీ వీరుడు!First match, first #BetwayCatch2Million catch 👌💯#BetwaySA20 #MICTvDSG #WelcomeToIncredible pic.twitter.com/ftDVL1CtWy— Betway SA20 (@SA20_League) December 26, 2025

దక్షిణాఫ్రికా టీ20 లీగ్ (SA20) 2025-26 సీజన్‌ను సన్‌రైజర్స్ ఈస్టర్న్ కేప్ ఘనంగా ఆరంభించింది. ఈ టోర్నీలో భాగంగా శనివారం బోలాండ్ పార్క్ వేదికగా పార్ల్ రాయల్స్‌లో జరిగిన మ్యాచ్‌లో సన్‌రైజర్స్ ఈస్టర్న్ కేప్ 137 పరుగుల భారీ తేడాతో ఘనవిజయం సాధించింది. 187 పరుగుల లక్ష్యంతో బరిలోకి దిగిన పార్ల్ రాయల్స్‌.. 11.5 ఓవర్లలో కేవలం 42 పరుగులకే కుప్పకూలింది.సన్‌రైజర్స్ బౌలర్ల దాటి​కి పార్ల్ బ్యాటింగ్ ఆర్డర్ పేక మేడలా కుప్పకూలింది. ఒక్కరంటే ఒక్కరు పట్టుమని పది నిమిషాల కూడా క్రీజులో నిలవలేకపోయారు. మొత్తం తొమ్మిది మంది బ్యాటర్లు సింగిల్ డిజిట్ స్కోర్‌కే పరిమితమయ్యారు. కెప్టెన్‌ మిల్లర్‌(7) కూడా ఏ మాత్రం ప్రభావం చూపలేకపోయాడు. సన్‌రైజర్స్ స్పీడ్ స్టార్ అన్రిచ్ నోర్జే 4 వికెట్లు ప‌డ‌గొట్టి ప్ర‌త్య‌ర్ధి ప‌త‌నాన్ని శాసించాడు. అత‌డితో పాటు ఆడ‌మ్ మిల్నే, తరిందు రత్నాయకే త‌లా రెండు వికెట్లు సాధించారు.హెర్మ‌న్ హాఫ్ సెంచ‌రీ..అంత‌కుముందు టాస్ ఓడి తొలుత బ్యాటింగ్ చేసిన స‌న్‌రైజ‌ర్స్ జ‌ట్టు నిర్ణీత 20 ఓవ‌ర్ల‌లో 4 వికెట్ల న‌ష్టానికి 186 ప‌రుగుల భారీ స్కోర్ సాధించింది. జోర్డాన్ హెర్మ‌న్‌(5 ఫోర్లు, 4 సిక్స్‌ల‌తో 62) టాప్ స్కోర‌ర్‌గా నిలవ‌గా.. క్వింట‌న్ డికాక్‌(42) కీల‌క ఇన్నింగ్స్ ఆడాడు.పార్ల్ రాయ‌ల్స్ చెత్త రికార్డు..ఈ మ్యాచ్‌లో 49 పరుగులకే ఆలౌటైన పార్ల్ రాయల్స్ అత్యంత చెత్త రికార్డును తమ పేరిట లిఖించుకుంది. సౌతాఫ్రికా టీ20 లీగ్ చరిత్రలోనే అత్యల్ప స్కోరు నమోదు చేసిన జట్టుగా రాయల్స్ చెత్త రికార్డును మూటగట్టుకుంది. ఇంతకుముందు ఈ రికార్డు ప్రిటోరియా క్యాపిటల్స్‌(52) పేరిట ఉండేది. తాజా మ్యాచ్‌తో ప్రిటోరియాను రాయల్స్ అధిగమించింది.చదవండి: వ‌ర‌ల్డ్‌క‌ప్ జ‌ట్టులో హైద‌రాబాద్ కుర్రాడు.. ఎవరీ ఆరోన్ జార్జ్‌?

టీమిండియా మాజీ కెప్టెన్ సౌరవ్ గంగూలీ.. హెడ్ కోచ్‌గా తన ప్రయాణాన్ని ఓటమితో ఆరంభించాడు. సౌతాఫ్రికా టీ20 లీగ్‌ 2025-26 సీజన్‌లో ప్రిటోరియా క్యాపిటల్స్ హెడ్ కోచ్‌గా గంగూలీ వ్యవహరిస్తున్న సంగతి తెలిసిందే. ఈ క్రమంలో శనివారం జోబర్గ్ సూపర్ కింగ్స్‌తో జరిగిన తమ తొలి మ్యాచ్‌లో 22 పరుగుల తేడాతో ప్రిటోరియా క్యాపిటల్స్ పరాజయం పాలైంది.మొదట బ్యాటింగ్ చేసిన జోబర్గ్ జట్టు 20 ఓవర్లలో 6 వికెట్ల నష్టానికి 168 పరుగులు చేసింది. కెప్టెన్ ఫాఫ్ డు ప్లెసిస్(2) విఫలమైనప్పటికి రైలీ రూసో (48), వియాన్ ముల్డర్ (43) కీలక ఇన్నింగ్స్‌లు ఆడడంతో సూపర్ కింగ్స్ గౌరవప్రదమైన స్కోరు సాధించగలిగింది.ప్రిటోరియా బౌలర్లలో టైమల్ మిల్స్, కోడి యూసుఫ్ తలా రెండు వికెట్లతో సత్తాచాటారు. అనంతరం 169 పరుగుల లక్ష్యంతో బరిలోకి దిగిన ప్రిటోరియా జట్టుకు ఓపెనర్లు విల్ స్మీడ్ (34), బ్రైస్ పార్సన్స్ (41) అద్భుతమైన ఆరంభాన్ని ఇచ్చారు.ఒక దశలో 71/1తో పటిష్టంగా ఉన్నప్పటికీ.. ప్రిటోరియా వరుస క్రమంలో వికెట్లు కోల్పోవడంతో ఓటమి చవిచూడాల్సి వచ్చింది. ప్రిటోరియా లక్ష్య చేధనలో నిర్ణీత ఓవర్లలో 9 వికెట్ల నష్టానికి 146 పరుగులు మాత్రమే చేసింది. సూపర్ కింగ్స్ బౌలర్లలో డువాన్ జాన్సెన్ 4 వికెట్లు పడగొట్టగా.. రిచర్డ్ గ్లీసన్ రెండు వికెట్లు సాధించాడు.కాగా గంగూలీ ఓ జట్టు హెడ్ కోచ్‌గా వ్యవహరిస్తుండడం ఇదే తొలిసారి. ప్రధాన కోచ్‌గా అరంగేట్రంలోనే ఓటమి ఎదురైంది. దాదా గతంలో ఢిల్లీ క్యాపిటల్స్, దుబాయ్ క్యాపిటల్స్ జట్లకు మెంటార్‌గా వ్యవహరించారు. ప్రిటోరియా క్యాపిటల్స్.. ఢిల్లీ క్యాపిటల్స్ సిస్టర్‌ ఫ్రాంచైజీ కావడం గమనార్హం.చదవండి: టీమిండియా కెప్టెన్‌గా వైభవ్‌ సూర్యవంశీ..

సౌతాఫ్రికా టీ20 లీగ్‌ 2025-26 సీజన్‌కు తెరలేచింది. కేప్‌టౌన్‌ వేదికగా డర్బన్‌ సూపర్‌ జెయింట్స్‌- ఎంఐ కేప్‌టౌన్‌ మధ్య శుక్రవారం రాత్రి తొలి మ్యాచ్‌ జరిగింది. టాస్‌ గెలిచిన సూపర్‌ జెయింట్స్‌ తొలుత బ్యాటింగ్‌ చేసింది. ఓపెనర్లలో డెవాన్‌ కాన్వే మెరుపు అర్ధ శతకం (33 బంతుల్లో 64) సాధించగా.. కేన్‌ విలియమ్సన్‌ ధనాధన్‌ (25 బంతుల్లో 40) దంచికొట్టాడు.వన్‌డౌన్‌లో వచ్చిన జోస్‌ బట్లర్‌ (12 బంతుల్లో 22), వికెట్‌ కీపర్‌ బ్యాటర్‌ హెన్రిచ్‌ క్లాసెన్‌ (14 బంతుల్లో 22) ఆకట్టుకోగా.. కెప్టెన్‌ ఐడెన్‌ మార్క్రమ్‌ (17 బంతుల్లో 35), ఇవాన్‌ జోన్స్‌ (14 బంతుల్లో 33 నాటౌట్‌) తుఫాన్‌ ఇన్నింగ్స్‌ ఆడారు. ఆఖర్లో డేవిడ్‌ వీస్‌ (5 బంతుల్లో 9) మెరపులు మెరిపించాడు. ఫలితంగా నిర్ణీత 20 ఓవర్లలో డర్బన్‌ సూపర్‌ జెయింట్స్‌ ఐదు వికెట్ల నష్టానికి 232 పరుగులు చేసింది.కేప్‌టౌన్‌ బౌలర్లలో జార్జ్‌ లిండే రెండు వికెట్లు తీయగా.. కార్బిన్‌ బాష్‌, ట్రిస్టన్‌ లూస్‌, ట్రెంట్‌ బౌల్ట్‌ ఒక్కో వికెట్‌ దక్కించుకున్నారు. ఇక భారీ లక్ష్య ఛేదనలో కేప్‌టౌన్‌ ఆదిలోనే ఓపెనర్‌ రాసీ వాన్‌ డెర్‌ డసెన్‌ (2) వికెట్‌ కోల్పోయింది. అయితే, మరో ఓపెనర్‌ ర్యాన్‌ రికెల్టన్‌ విధ్వంసకర శతకంతో దుమ్ములేపాడు. 𝗧𝗵𝗮𝘁 𝗛𝘂𝗻𝗱𝗿𝗲𝗱 𝘁𝗵𝗼𝘂𝗴𝗵!#MICTvDSG #BetwaySA20 #WelcomeToIncredible pic.twitter.com/MnE3BizcLO— Betway SA20 (@SA20_League) December 27, 2025 కేవలం 63 బంతుల్లోనే ఐదు ఫోర్లతో పాటు ఏకంగా 11 సిక్సర్లు బాదిన రికెల్టన్‌ 113 పరుగులు సాధించాడు. మిగతా వారిలో రీజా హెండ్రిక్స్‌ (28) ఫర్వాలేదనిపించగా.. జేసన్‌ స్మిత్‌ సుడిగాలి ఇన్నింగ్స్‌ (14 బంతుల్లో 41)తో మెరిశాడు. 𝗔𝗯𝗼𝘂𝘁 𝗹𝗮𝘀𝘁 𝗻𝗶𝗴𝗵𝘁 #MICTvDSGThis Season is going to be 🔥Tickets are going fast, don’t miss your chance to be part of the action: https://t.co/VuPOMrokgY#BetwaySA20 #WelcomeToIncredible pic.twitter.com/R3X4Jdj9m1— Betway SA20 (@SA20_League) December 27, 2025అయితే, మిగిలిన వారి నుంచి అతడికి సహకారం లభించలేదు. నికోలస్‌ పూరన్‌ (15) నిరాశపరచగా.. డ్వేన్‌ ప్రిటోరియస్‌ (5) తేలిపోయాడు. జార్జ్‌ లిండే డకౌట్‌ కాగా.. నిర్ణీత 20 ఓవర్లు ముగిసే సరికి కెప్టెన్‌ రషీద్‌ ఖాన్‌ 1, కార్బిన్‌ బాష్‌ 4 పరుగులతో అజేయంగా నిలిచారు. ఏడు వికెట్లు నష్టపోయిన కేప్‌టౌన్‌ 217 పరుగులకు పరిమితమై.. 15 పరుగుల తేడాతో ఓటమిపాలైంది.డేవిడ్‌ వీస్‌, సైమన్‌ హార్మర్‌, క్వెనా మఫాకా తలా ఒక వికెట్‌ పడగొట్టగా.. ఎథాన్‌ బాష్‌ నాలుగు వికెట్లతో చెలరేగి కేప్‌టౌన్‌ బ్యాటింగ్‌ ఆర్డర్‌ పతనాన్ని శాసించాడు. దీంతో సౌతాఫ్రికా టీ20 లీగ్‌లో తొలి శతకం బాదిన రికెల్టన్‌ ఇన్నింగ్స్‌ వృథాగా పోయింది.