సాధారణంగా ఉద్యోగంలో చేరితే.. ప్రతిఏటా 10 శాతం లేదా 20 శాతం శాలరీ హైక్ ఉంటుంది. కొన్ని కంపెనీలలో హైక్ అనేమాట చాలా అరుదుగా వినిపిస్తుంది. కానీ ఓ సాఫ్ట్‌వేర్ డెవలపర్ ఒక ఏడాదిలోనే కనీవినీ ఎరుగని ఆఫర్ పొందినట్లు. తన జీతం కూడా దాదాపు 10 రెట్లు పెరిగినట్లు వెల్లడించారు. దీనికి సంబంధించిన ఒక ట్వీట్ క్కూడా సోషల్ మీడియాలో వైరల్ అవుతోంది.ఢిల్లీకి చెందిన ఒక యువ సాఫ్ట్‌వేర్ డెవలపర్ తన కెరీర్ ప్రారంభించిన కేవలం ఒక సంవత్సరం వ్యవధిలోనే తన జీతం.. రూ. 5.5 లక్షల నుంచి రూ. 45 లక్షలకు చేరిందని పేర్కొన్నాడు. ఇది ప్రస్తుతం సోషల్ మీడియాలో వైరల్ అవుతోంది.దేవేష్ అనే టెక్నీషియన్ తన ఎక్స్ ఖాతాలో పోస్ట్ చేస్తూ.. తాను ఐబీఎంలో రూ. 5.5 లక్షల సీటీసీకి ఉద్యోగంలో చేరాను. ఇప్పుడు ఏకంగా ఏడాదికి రూ. 45 లక్షల ఆఫర్ ఉందని చెప్పాడు. నాలాంటి మధ్యతరగతి వ్యక్తికి, ఇది ఇప్పటికీ ఒక కల అని చెప్పుకొచ్చాడు. ఇది చాలామందికి ఆశ్చర్యం కలిగించింది. కొందరు అతన్ని ప్రశంసించారు, మరొకొందరు తమ అనుమానాలను వ్యక్తం చేశారు.ఇదీ చదవండి: ఏఐ పరిస్థితి ఇంతే!.. ఉద్యోగులకు భయమేలకెరీర్ ప్రారంభంలో జీతం కంటే నైపుణ్యాలపై ద్రుష్టి పెట్టాలి. అలాంటప్పుడే మీకు మంచి ప్యాకేజీ లభిస్తుంది. ప్రారంభంలో తక్కువ ప్యాకేజీతో ఉద్యోగంలో చేరినా దిగులు పడొద్దు, ఎందుకంటే మీ నైపుణ్యాలను పెంచుకుంటూ పోతే తప్పకుండా మంచి ఆఫర్స్ వస్తాయని టెకీ పేర్కొన్నాడు.Never mentioned it but tbh, I still sometimes think I am still in a dream, bcoz I started my full time career last year at IBM with just a CTC of 5.5 LPA, and now having an offer of over 45 LPA CTC in hand within an year, for a middle class guy like me, it's still a dream❤️.— Devesh (@theywayshhh) May 26, 2025

సాక్షి, అమరావతి: రాజధాని అమరావతిలో రూ.1,151 కోట్ల వ్యయంతో 2015లో తాత్కాలిక సచివాలయాన్ని నిర్మించిన ప్రభుత్వం.. ఇప్పుడు రూ.4,689.82 కోట్ల అంచనా వ్యయంతో సచివాలయ భవనాల నిర్మాణానికి టెండర్లు పిలిచింది. తాత్కాలిక సచివాలయాన్ని వెలగపూడి వద్ద 42.5 ఎకరాల్లో జీ+1 పద్ధతిలో ఐదు బ్లాక్‌లలో ఆరు లక్షల చదరపు అడుగుల్లో నిర్మించిన విషయం తెలిసిందే. ఇప్పడు శాశ్వత సచివాలయాన్ని రాయపూడి వద్ద 32 ఎకరాల్లో బీ+జీ+39 పద్ధతిలో నాలుగు టవర్లు, బీ+జీ+49 పద్ధతిలో ఒక టవర్‌.. మొత్తం ఐదు టవర్లను 4,85,000 చదరపు మీటర్ల (52,20,496 చదరపు అడుగులు)లో చేపట్టనుంది. దేశ చరిత్రలో ఏ రాష్ట్రంలోనూ తాత్కాలిక సచివాలయం.. శాశ్వత సచివాలయం పేరుతో రెండుసార్లు భవనాలు నిర్మించిన దాఖలాలు లేవని అధికార వర్గాలు స్పష్టం చేస్తుండటం గమనార్హం. ప్రభుత్వ ఆదేశాల మేరకు శాశ్వత సచివాలయంలో ఐదు టవర్లను మూడు ప్యాకేజీలుగా విభజించి.. వాటి నిర్మాణానికి బుధవారం రాజధాని ప్రాంత అభివృద్ధి సంస్థ (సీఆర్‌డీఏ) లంప్సమ్‌ విధానంలో టెండర్‌ నోటిఫికేషన్‌ జారీ చేసింది. రెండేళ్లలో పూర్తి చేయాలని గడువు అమరావతి గవర్నమెంట్‌ కాంప్లెక్స్‌ నిర్మాణానికి 2018లో పోస్టర్‌ అండ్‌ పార్టనర్స్‌– జెనిసిస్‌ ప్లానర్స్‌–డిజైన్‌ ట్రీ సర్వీస్‌ కన్సెల్టెంట్స్‌ సంస్థలు డిజైన్‌లు (ఆకృతులు) రూపొందించాయి. ఆ డిజైన్‌ల మేరకు ఇటీవల శాశ్వత హైకోర్టు, అసెంబ్లీ భవనాల నిర్మాణ పనులను ప్రభుత్వం కాంట్రాక్టర్లకు అప్పగించింది. ఇప్పుడు శాశ్వత సచివాలయంలో 1, 2 టవర్లను ఒక ప్యాకేజీ కింద.. 3, 4 టవర్లను రెండో ప్యాకేజీ కింద.. జీఏడీ (సాధారణ పరిపాలన విభాగం) టవర్‌ను మూడో ప్యాకేజీ కింద విభజించి సీఆర్‌డీఏ టెండర్‌ నోటిఫికేషన్‌ జారీ చేసింది. ఈ పనులను 24 నెలల్లో పూర్తి చేసేలా.. నిర్మాణం పూర్తయ్యాక 36 నెలలపాటు నిర్వహించాలని షరతు పెట్టింది. ఈ టెండర్‌లో బిడ్ల దాఖలుకు వచ్చే నెల ఒకటో తేదీని తుది గడువుగా నిర్దేశించింది. అదే రోజున టెక్నికల్‌ బిడ్‌ను తెరుస్తారు. టెక్నికల్‌ బిడ్‌లో అర్హత సాధించిన సంస్థల ఆర్థిక బిడ్లను మే 3న తెరుస్తారు. తక్కువ ధరకు కోట్‌ చేసి ఎల్‌–1గా నిలిచిన సంస్థకు కాంట్రాక్టు పనులు అప్పగించాలని సీఆర్‌డీఏ అథారిటీకి అధికారులు ప్రతిపాదించనున్నారు. సచివాలయం నిర్మాణం ఇలా.. » రాయపూడి వద్ద పాలవాగుకు ఇరు వైపులా శాశ్వత సచివాలయాన్ని నిర్మించనున్నారు. పాలవాగుకు ఉత్తరాన జీఏడీ టవర్‌తోపాటు 1, 2 టవర్లు.. దక్షిణాన 3, 4 టవర్లను నిర్మించేలా డిజైన్‌ను రూ­పొందించారు. మొత్తంగా 1, 2 టవర్ల పనుల కాం­ట్రాక్టు విలువ రూ.1,698.77 కోట్లు. 3, 4 టవర్ల పనుల కాంట్రాక్టు విలువ రూ.1,488.92 కోట్లు. జీఏడీ టవర్‌ కాంట్రాక్టు విలువ రూ.1,007.82 కోట్లు. ఐదు టవర్లలో ఒక్కో అంతస్తు 47 మీటర్ల వెడల్పు, 47 మీటర్ల పొడవుతో నిర్మించనున్నారు. » శాశ్వత సచివాలయం నిర్మాణ పనులను ఇప్పటి తరహాలోనే మూడు ప్యాకేజీల కింద 2018 ఏప్రిల్‌ 26న అప్పటి ప్రభుత్వం కాంట్రాక్టర్లకు అప్పగించింది. జీఏడీ టవర్‌ నిర్మాణ పనులను రూ.554.06 కోట్లకు ఎన్‌సీసీ సంస్థకు.. 1, 2 టవర్ల నిర్మాణ పనులను రూ.932.46 కోట్లకు షాపూర్‌జీ పల్లోంజీ సంస్థకు.. 3, 4 టవర్ల నిర్మాణ పనులను 784.62 కోట్లకు ఎల్‌ అండ్‌ టీ సంస్థకు అప్పగించింది. అంటే.. ఐదు టవర్ల నిర్మాణ పనుల విలువ రూ.2,271.14 కోట్లు. » ఈ ఐదు టవర్ల పునాదుల పనులను 2019 నాటికే కాంట్రాక్టు సంస్థలు పూర్తి చేశాయి. మిగిలిన పనులకు ఇప్పుడు టెండర్లు పిలిచింది. 2018 ఏప్రిల్‌ నాటితో పోల్చి చూస్తే.. స్టీలు, సిమెంటు, భవనాల నిర్మాణానికి ఉపయోగించే వస్తువుల ధరల్లో పెద్దగా మార్పు లేదు. పైగా ఈ టవర్ల నిర్మాణానికి సమీపంలోనే కృష్ణా నదిలో పుష్కలంగా.. అదీ ఉచితంగా ఇసుక లభ్యమవుతోంది. కానీ.. ఈ ఐదు టవర్లలో మిగిలిన పనుల నిర్మాణానికి రూ.4,195.51 కోట్లను కాంట్రాక్టు విలువగా నిర్ణయించి సీఆర్‌డీఏ టెండర్లు పిలవడం గమనార్హం. » ఈ లెక్కన అంచనా వ్యయాన్ని రూ.1,924.37 కోట్లు పెంచేసిందన్నది స్పష్టమవుతోంది. యధావిధిగా సిండికేట్‌ కాంట్రాక్టర్లకు ఈ ఐదు టవర్ల పను­ల­ను కట్టబెట్టి.. కమీషన్లు వసూలు చేసుకోవడానికే ప్ర­భు­­త్వ ముఖ్యనేత చక్రం తిప్పారన్న చర్చ సాగుతోంది. » ఇక తాత్కాలిక సచివాలయ నిర్మాణ పనులను అప్పట్లో చదరపు అడుగుకు రూ.19,183 చొప్పున చెల్లించిన విషయం తెలిసిందే. ఈ లెక్కన రూ.1,151 కోట్లు వ్యయం చేసి కమీషన్లు దండుకున్నారని ఆరోపణలు వెల్లువెత్తాయి. అప్పుడు, ఇప్పుడు వివిధ ఆర్థిక సంస్థల నుంచి అప్పుగా తెచ్చిన సొమ్మును ఇలా దుబారా చేయడం తగదని అధికార వర్గాలు విస్మయం వ్యక్తం చేస్తున్నాయి.

లవ్లీ ప్రొఫెషనల్‌ యూనివర్శిటీ (ఎల్‌పీయూ)కు ఈ ఏడాది చాలా ఉత్సాహంతో మొదలైంది. యూనివర్సిటీ విద్యార్థుల్లో ఇద్దరు ప్రతిష్ఠాత్మకంగా కోట్ల రూపాయాల వేతన మార్కును అధిగమించి ఉద్యోగాలు సాధించారు. బీటెక్‌ ఎలక్ట్రానిక్స్ అండ్ కమ్యూనికేషన్ ఇంజినీరింగ్ (ఈసీఈ) ఫైనల్ ఇయర్ చదువుతున్న శ్రీవిష్ణు ప్రముఖ రోబోటిక్స్ అండ్ ఆటోమేషన్ కంపెనీలో రూ.2.5 కోట్ల ప్యాకేజీని సొంతం చేసుకుని రికార్డులను బద్దలు కొట్టారు. ఈ విజయం భారతదేశంలో గ్రాడ్యుయేట్ విద్యార్థికి అత్యధిక ప్యాకేజీని సూచిస్తుంది. ఇది భారత్‌లోని ఐఐటీలు, ఐఐఎంలు, ఎన్ఐటీల్లో ఉన్న రికార్డులను అధిగమించింది. దాంతో టాప్ టైర్ రిక్రూట్‌మెంట్‌లో లీడర్‌గా ఎల్‌పీయూ స్థానాన్ని మరింత పటిష్టం చేసింది.ప్రముఖ రోబోటిక్స్ అండ్ ఆటోమేషన్ కంపెనీలో రూ.1.03 కోట్లు (1,18,000 డాలర్లు) ప్యాకేజీ పొందిన ఈసీఈ ఫైనల్ ఇయర్ విద్యార్థి బేతిరెడ్డి నాగవంశీరెడ్డి మరో ఘనత సాధించారు. మొత్తంగా 1,700 మందికి పైగా ఎల్‌పీయూ విద్యార్థులకు టాప్ ఎంఎన్‌సీల నుంచి ఆఫర్లు వచ్చాయి. విదార్థులకు రూ .10 ఎల్‌పీఏ నుంచి రూ.2.5 కోట్ల వరకు ప్యాకేజీలు ఉన్నాయి. వందలాది మంది ఎల్‌పీయూ విద్యార్థులు అమెరికా, యూకే, ఆస్ట్రేలియాల్లోని ప్రఖ్యాత సంస్థల్లో పనిచేస్తూ రూ.కోటికి పైగా ప్యాకేజీలు పొందుతున్నారు. మరో ఎల్పీయూ గ్రాడ్యుయేట్‌కు ఐటీ కంపెనీలో రూ.3 కోట్ల ప్యాకేజీ లభించింది. అత్యంత నైపుణ్యం కలిగిన నిపుణులను తయారు చేసే ఎల్‌పీయూ సామర్థ్యం యొక్క బలం, ప్రపంచవ్యాప్త పరిధికి ఇది ఉదాహరణ. పాలో ఆల్టో నెట్వర్క్స్‌, న్యూటానిక్స్, మైక్రోసాఫ్ట్, సిస్కో, పేపాల్‌, అమెజాన్ వంటి ప్రతిష్టాత్మక బహుళజాతి కంపెనీల్లో ప్లేస్‌మెంట్‌లు పొందిన వివిధ బీటెక్‌ విద్యార్థులకు మొత్తం 7,361 ఆఫర్లు అందాయి. వీటిలో టాప్ ఎంఎన్‌సీలు అందించే సగటు ప్యాకేజీ ఏటా రూ.16 లక్షలుగా నమోదైంది. ఇది జాబ్ మార్కెట్‌లో ఎల్‌పీయూ గ్రాడ్యుయేట్లకు అధిక డిమాండ్‌ను నొక్కిచెబుతోంది.గతంలోని ప్లేస్‌మెంట్‌ సీజన్ కూడా అంతే ఆకట్టుకుంది. పరిశ్రమ దిగ్గజాలు ఆకర్షణీయమైన పరిహార ప్యాకేజీలను అందిస్తున్నాయి. అత్యధిక వేతనం చెల్లించే కంపెనీల్లో పాలోఆల్టో నెట్వర్క్స్ రూ.54.75 ఎల్పీఏతో అగ్రస్థానంలో నిలవగా, న్యూటానిక్స్ రూ.53 ఎల్పీఏ, మైక్రోసాఫ్ట్ రూ.52.20 ఎల్పీఏతో తర్వాతి స్థానాల్లో నిలిచాయి. మొత్తం 1,912 మల్టిపుల్ జాబ్ ఆఫర్లను అందిచగా, 377 మందికి మూడు ఆఫర్లు, 97 మందికి నాలుగు, 18 మందికి ఐదుగురికి, ఏడుగురు విద్యార్థులకు ఆరు జాబ్ ఆఫర్లు లభించాయి. ఎలక్ట్రానిక్స్ అండ్ కమ్యూనికేషన్ ఇంజినీరింగ్‌లో బీటెక్‌ విద్యార్థి ఆదిరెడ్డి వాసు అద్భుతమైన ఏడు జాబ్ ఆఫర్లను సాధించి అరుదైన రికార్డును నెలకొల్పాడు.పైన పేర్కొన్న కంపెనీలతో పాటు అమెజాన్ (రూ.48.64 ఎల్పీఏ), ఇన్ట్యూట్ లిమిటెడ్ (రూ.44.92 ఎల్పీఏ), సర్వీస్ నౌ (రూ.42.86 ఎల్పీఏ), సిస్కో (రూ.40.13 ఎల్పీఏ), పేపాల్‌ (రూ.34.4 ఎల్పీఏ), ఏపీఎన్ఏ (రూ.34 ఎల్పీఏ), కామ్వాల్ట్ (రూ.33.42 ఎల్పీఏ), స్కేలర్ (రూ.33.42 ఎల్పీఏ) వంటి టాప్ రిక్రూటర్లు ఎల్‌పీయూ విద్యార్థులకు అవకాశం కల్పించారు. దాంతోపాటు స్కిల్ డెవలప్మెంట్, అధునాతన సాంకేతితక నిపుణులకు ప్రాధాన్యమిచ్చారు.యాక్సెంచర్, క్యాప్ జెమినీ, టీసీఎస్ వంటి ప్రముఖ కంపెనీలు అతిపెద్ద రిక్రూటర్లలో ఉండటంతో ఎల్‌పీయూ గ్రాడ్యుయేట్ల సాంకేతిక పరంగా అధిక డిమాండ్ ఏర్పడింది. క్యాప్ జెమినీ ఇండియా ప్రైవేట్ లిమిటెడ్ అనలిస్ట్, సీనియర్ అనలిస్ట్ పోస్టులకు 736 మంది విద్యార్థులను, గ్రాడ్యుయేట్ ఇంజినీర్ ట్రైనీ పోస్టులకు మైండ్ ట్రీ 467 మంది విద్యార్థులను నియమించుకుంది. కాగ్నిజెంట్ టెక్నాలజీ సొల్యూషన్స్ 418 మంది విద్యార్థులను జెన్సీ ఉద్యోగాలకు రిక్రూట్ చేసుకుంది. యాక్సెంచర్ (279 నియామకాలు), టీసీఎస్ (260 నియామకాలు), కేపీఐటీ టెక్నాలజీస్ (229 నియామకాలు), డీఎక్స్‌సీ టెక్నాలజీ (203 నియామకాలు), ఎంఫసిస్‌ (94 నియామకాలు)తోపాటు తదితర కంపెనీలు ఎల్‌పీయూ విదార్థులకు 279 కొలువులు అందించాయి.రోబోటిక్స్ అండ్ ఆటోమేషన్, ఎలక్ట్రానిక్స్ అండ్ కమ్యూనికేషన్ ఇంజినీరింగ్, కంప్యూటర్ సైన్స్ ఇంజినీరింగ్, మెకానికల్ ఇంజినీరింగ్ వంటి కోర్ ఇంజినీరింగ్ విభాగాల్లో అత్యధిక ప్లేస్‌మెంట్ దక్కింది. పాలోఆల్టో నెట్వర్క్స్, సిలికాన్ ల్యాబ్స్, ట్రైడెంట్ గ్రూప్, న్యూటానిక్స్, ఆటోడెస్క్, అమెజాన్ వంటి పరిశ్రమ దిగ్గజాలు ఈ విభాగాల నుండి భారీగా నియామకాలు చేస్తున్నాయి.పార్లమెంటు సభ్యుడు (రాజ్యసభ), ఎల్‌పీయూ వ్యవస్థాపక ఛాన్సలర్ డాక్టర్ అశోక్ కుమార్ మిట్టల్ మాట్లాడుతూ..‘వేగంగా మారుతున్న ప్రపంచంలో విజయం సాధించేలా విద్యార్థులను సిద్ధం చేయడానికి ఎల్‌పీయూ కట్టుబడి ఉంది. యూనివర్సిటీ ఆకట్టుకునే ప్లేస్‌మెంట్‌ విజయాలు దీన్ని ప్రతిబింబిస్తున్నాయి. విద్యార్థులు ఉన్నత స్థాయి ఉద్యోగాలను సాధిస్తున్నారు. స్థిరంగా కొత్త రికార్డులను నెలకొల్పుతున్నారు. ఎల్‌పీయూ విద్యాభ్యాసం వాస్తవ-ప్రపంచ పరిశ్రమ విధానాలతో మిళితం చేయడం ద్వారా మెరుగైన ఉపాధి అవకాశాలు అందుతున్నాయి. వృత్తి విజయాలకు విద్యార్థులను సిద్ధం చేయడమే కాకుండా పరిశ్రమకు విలువను జోడించేందుకు, సృజనాత్మకతను ప్రోత్సహించడానికి అవసరమయ్యే నైపుణ్యాలను అందించేలా విద్యార్థులను సిద్ధం చేస్తున్నారు. ఎడ్యుకేషన్‌లో వచ్చే రివల్యూషన్ విద్యార్థుల భవిష్యత్తును రూపొందిస్తోంది. వారు అభివృద్ధి చెందడానికి, ప్రపంచ ఉద్యోగ మార్కెట్లో అగ్రగామిగా నిలిచి మెరుగైన ప్లేస్‌మెంట్లు సాధించేందుకు ఎల్‌పీయూ అవకాశాలను సృష్టిస్తోంది’ అని తెలిపారు.2025 బ్యాచ్‌ కోసం దరఖాస్తు చేసుకునేందుకు చివరితేదీ దగ్గరపడింది. ఎల్‌పీయూలో అడ్మిషన్లకు పోటీ ఎక్కువ. యూనివర్శిటీలో అడ్మిషన్‌ కోసం విద్యార్థులు ప్రవేశ పరీక్ష రాయాల్సి ఉంటుంది. అలాగే ‘ఎల్‌పీయూ నెస్ట్‌ 2025’, ఇంటర్వ్యూలలోనూ పాసైన వారికి మాత్రమే కొన్ని ప్రత్యేక కార్యక్రమాల్లోకి ప్రవేశం లభిస్తుంది. పరీక్ష, అడ్మిషన్‌ ప్రాసెస్‌ గురించి తెలుసుకోవాలనుకునే ఆసక్తిగల విద్యార్థులు https://bit.ly/43340ai ను సందర్శించగలరు.

లవ్లీ ప్రొఫెషనల్‌ యూనివర్శిటీ (ఎల్‌పీయూ)కు ఈ ఏడాది చాలా ఉత్సాహంతో మొదలైంది. ఫైనల్‌ ఇయర్‌ బీటెక్‌ విద్యార్థి రూ.1.03 కోట్ల (1,18,000 డాలర్లు)తో ఉద్యోగావకాశం పొందారు. రోబోటిక్స్ అండ్ ఆటోమేషన్‌లో B.Tech చేస్తున్న బేతిరెడ్డి నాగవంశీరెడ్డి 2025 మేలో తన గ్రాడ్యుయేషన్ పూర్తి చేయనున్నారు. ప్రముఖ ఏఐ రోబోటిక్స్ సంస్థలో రోబోటిక్స్ ఇంజినీర్‌గా చేరనున్నారు. ఈ అసాధారణ విజయం అటు పరిశ్రమ వర్గాల్లోనూ ఇటు విద్యా ప్రపంచంలోనూ సంచలనం సృష్టించింది. విద్యార్థులకు సూపర్‌ డూపర్‌ ప్యాకేజీలు అందించగల అత్యున్నత విద్యా సంస్థగా ఎల్‌పీయూ తనస్థానాన్ని సుస్థిరం చేసుకుంది.వేర్వేరు బీటెక్‌ విభాగాల్లోని మొత్తం 7361 మంది విద్యార్థులకు పాలో ఆల్టో నెట్‌వర్క్స్, నుటానిక్స్‌, మైక్రోసాఫ్ట్‌, సిస్కో, పేపాల్‌ అమెజాన్‌ వంటి ప్రతిష్టాత్మక మల్టీనేషనల్‌ కంపెనీల నుంచి ప్లేస్‌మెంట్లు లభించాయి. వీరిలో 1700 మంది టాప్‌ ఎమ్మెన్సీల నుంచి ఏడాదికి రూ.10 లక్షల నుంచి రూ.కోటి వరకూ ప్యాకేజీలు అందాయి. టాప్‌ ఎంఎన్‌సీలు ఇచ్చిన సగటు ప్యాకేజీ రూ.16 లక్షలు (ఏడాదికి). ఉద్యోగ మార్కెట్‌లో ఎల్‌పీయూకు ఉన్న అధిక డిమాండ్‌కు నిదర్శనాలు ఈ ప్లేస్‌మెంట్లు.గత ప్లేస్‌మెంట్‌ సీజన్‌ కూడా ఆకట్టుకునేదే. ఇండస్ట్రీలోనే అతిపెద్ద కంఎనీలు ఆకర్షణీయమైన ప్యాకేజీలు అందించాయి. పాలో ఆల్టో నెట్‌వర్క్స్ ఏకంగా ఏడాదికి రూ.54.75 లక్షల ప్యాకేజీని అందించగా నుటానిక్స్‌ రూ.53 లక్షల ప్యాకేజీ ఇచ్చింది. మైక్రోసాఫ్ట్‌ రూ.52.20 LPA ప్యాకేజీ అందించింది. మొత్తం 1912మందికి ఒకటి కంటే ఎక్కువ ఆఫర్లు అందాయి. 377 మందికి మూడు ఆఫర్లు, 97 మందికి నాలుగు ఆఫర్లు, 18 మందికి ఐదు, ఏడుగురికి ఆరు ఆఫర్లు లభించాయి. ఎలక్ట్రానిక్స్‌ అండ్‌ కమ్యూనికేషన్స్‌ ఇంజినీరింగ్‌ విద్యార్థి ఆదిరెడ్డి వాసుకు నమ్మశక్యం కాని రీతిలో ఏకంగా ఏడు ఆఫర్లు వచ్చాయి. ఇదో అరుదైన, ఆకట్టుకునే రికార్డు.పైన చెప్పుకున్న కంపెనీలు మాత్రమే కాకుండా.. అమెజాన్‌ (రూ.48.64 LPA), ఇన్‌ట్యూట్‌ లిమిటెడ్‌ (రూ. 44.92 LPA), సర్వీస్‌ నౌ ( రూ. 42.86 LPA), సిస్కో (రూ. 40.13 LPA), పేపాల్‌ (రూ. 34.4 LPA), APNA (రూ.34 LPA), కామ్‌వాల్ట్‌ (రూ. 33.42 LPA), స్కేలర్‌ (రూ. 32.50 LPA)లు కూడా స్కిల్‌ డెవెలప్‌మెంట్‌, అత్యాధునిక టెక్నాలజీల్లో నైపుణ్యం అందించేందుకు ఎల్‌పీయూ చూపుతున్న శ్రద్ధకు నిదర్శనంగా నిలుస్తున్నాయి.ఎల్పీయూ పట్టభద్రుల సాంకేతిక పరిజ్ఞాన బుద్ధికుశలత కారణంగా భారీ నియామకాలు చేపట్టే ఆక్సెంచర్‌, క్యాప్‌జెమినీ, టీసీఎస్‌ తదితర ప్రముఖ కంపెనీల నుంచి మంచి డిమాండ్‌ ఉంది. క్యాప్‌జెమినీ ఇండియా ప్రైవేట్‌ లిమిటెడ్‌ 736 మంది విద్యార్థులకు అనలిస్ట్‌, సీనియర్‌ అనలిస్ట్‌ రోల్స్‌ కోసం ఉద్యగావకాశం ఇచ్చింది. అలాగే మైండ్‌ట్రీ 467 మంది విద్యార్థులను గ్రాడ్యుయేట్‌ ఇంజినీర్‌ ట్రైనీ పొజిషన్‌ కోసం తీసుకుంది. కాగ్నిజెంట్‌ టెక్నాలజీ సొల్యూషన్స్‌ కూడా 418 మంది విద్యార్థులను జెన్‌సీ రోల్స్‌ కోసం తీసుకుంది. ఎల్‌పీయూ నుంచి విద్యార్థులను ఎంపిక చేసుకున్న ఇతర కంపెనీల్లో ఆక్సెంచర్‌ (279 మంది), టీసీఎస్‌ (260 మంది), కేపీఐటీ టెక్నాలజీస్‌ (229 మంది), డీఎక్స్‌సీ టెక్నాలజీ (203), MPHASIS (94 మంది) కంపెనీలు ఉన్నాయి.రొబోటిక్స్‌, ఆటోమేషన్‌, ఎలక్ట్రానిక్స్‌ అండ్‌ కమ్యూనికేషన్స్‌, కంప్యూటర్‌ సైన్స్‌ ఇంజినీరింగ్‌, మెకానికల్‌ ఇంజినీరింగ్‌ వంటి కోర్‌ ఇంజినీరింగ్‌ విభాగాల్లో అత్యధిక స్థాయిలో ప్లేస్‌మెంట్లు లభించాయి. పాలో ఆల్టో నెట్‌వర్క్స్‌, సిలికాన్‌ ల్యాబ్స్‌, ట్రైడెంట్‌గ్రూప్‌, నుటానిక్స్‌, ఆటోడెస్క్‌, అమెజాన్‌ వంటి దిగ్గజ కంపెనీలు ఈ విభాగాల్లోని విద్యార్థులను భారీగా నియమించుకుంటున్నాయి.‘‘ఎప్పటికప్పుడు మారిపోతున్న ప్రపంచానికి అనుగుణంగా విద్యార్థులు విజయం సాధించేలా చేసేందుకు ఎల్‌పీయూ కట్టుబడి ఉంది. ఎల్‌పీయూలో బోధించే అంశాలు కంపెనీల అవసరాలకు తగ్గట్టుగా ఉండేందుకు అన్ని చర్యలు తీసుకుంటున్నాం. ఎల్‌పీయూలో సంప్రదాయ పద్ధతులకు అతీతంగా సృజనాత్మక రీతిలో సాగే బోధన విద్యార్థులునిమగ్నమైయెలా ఉంటుంది. విద్యార్థులు పెద్ద సంఖ్యలో టాప్‌ కంపెనీల నుంచి ప్లేస్‌మెంట్‌ ఆఫర్లు పొందుతూండటం దీనికి నిదర్శనం. ఎల్‌పీయూ బోధనాంశాల సత్తానుచాటుతున్నాయి ఈ ప్లేస్‌మెంట్లు. జాతీయ, అంతర్జాతీయ ప్రముఖ సంస్థల్లో విద్యార్థులకు మంచి మంచి ప్లేస్‌మెంట్స్‌ సాధించిన రికార్డు ఎల్‌పీయూ సొంతం. అమెరికా, యూకే, ఆస్ట్రేలియాలల్లోని ఎన్నో పేరొందిన కంపెనీల్లో ఎల్‌పీయూ విద్యార్థులు ఏడాదికి రూ.కోటి కంటే ఎక్కువ ప్యాకేజీలతో పని చేస్తున్నారు. అత్యున్నత నైపుణ్యం కలిగిన ప్రొఫెషనల్స్‌ను తయారు చేయగల ఎల్‌పీయూ శక్తి సామర్థ్యాలకు, అంతర్జాతీయ స్థాయి ఎదుగుదలకు ఇవి నిదర్శనాలు.’’ అని రాజ్యసభ సభ్యులు, ఎల్‌పీయూ ఫౌండర్‌ ఛాన్సలర్‌ డాక్టర్‌ అశోక్‌ కుమార్‌ మిట్టల్‌ వివరించారు.2025 బ్యాచ్‌ కోసం దరఖాస్తు చేసుకునేందుకు చివరితేదీ దగ్గరపడింది. ఎల్‌పీయూలో అడ్మిషన్లకు పోటీ ఎక్కువ. యూనివర్శిటీలో అడ్మిషన్‌ కోసం విద్యార్థులు ప్రవేశ పరీక్ష రాయాల్సి ఉంటుంది. అలాగే ‘ఎల్‌పీయూ నెస్ట్‌ 2025’, ఇంటర్వ్యూలలోనూ పాసైన వారికి మాత్రమే కొన్ని ప్రత్యేక కార్యక్రమాల్లోకి ప్రవేశం లభిస్తుంది. పరీక్ష, అడ్మిషన్‌ ప్రాసెస్‌ గురించి తెలుసుకోవాలనుకునే ఆసక్తిగల విద్యార్థులు https://bit.ly/43340ai ను సందర్శించగలరు.

క్యాంపస్‌ ప్లేస్‌మెంట్‌లలో (Campus Placement) ఇండియన్ ఇన్‌స్టిట్యూట్ ఆఫ్ టెక్నాలజీ (IIT BHU) తన రికార్డును తానే బద్దలుకొట్టింది. ఈ ఏడాది అత్యధిక వార్షిక వేతనం (Salary Package) రూ. 2.20 కోట్లుగా నమోదైంది. మునుపటి రికార్డు 2021 సంవత్సరంలో రూ. 2.15 కోట్లు ఉండేది. ఇప్పుడు నమోదైన అత్యధిక వేతనంతో గత పదేళ్లలో ఐఐటీ బీహెచ్‌యూ సాధించిన అత్యుత్తమ పనితీరు ఇదేనని భావిస్తున్నారు.దీంతో పాటు 1128 మంది విద్యార్థులు మంచి ఉద్యోగాలు సాధించారు. మరో 424 మంది ఇంటర్న్‌షిప్‌లను పొందారు. ఈసారి సగటు ప్యాకేజీ కూడా పెరిగింది. ఈ సంవత్సరం సగటు వార్షిక ప్యాకేజీ రూ. 22.80 లక్షలకు చేరుకుంది. తమ విద్యార్థుల ప్రతిభ, విద్యా, పరిశోధనా నైపుణ్యం పట్ల సంస్థ నిబద్ధత అగ్రశ్రేణి రిక్రూటర్లను ఆకర్షిస్తూనే ఉన్నాయని ఐఐటీ బీహెచ్‌యూ డైరెక్టర్ పేర్కొన్నారు.క్యాంపస్‌లో జరిగిన నియామకాల్లో పరిశ్రమ దిగ్గజ సంస్థలు పాల్గొన్నాయి. ఐటీ కంపెనీలు, కన్సల్టింగ్ ఫైనాన్స్, కోర్ ఇంజనీరింగ్ రంగాలకు చెందిన కంపెనీలు ప్లేస్‌మెంట్ డ్రైవ్‌ హాజరై విద్యార్థులను ఎంపిక చేసుకున్నాయి. గూగుల్, మైక్రోసాఫ్ట్, టాటా స్టీల్, అమెజాన్, డేటా బ్రిక్స్, ఐటీసీ, శామ్‌సంగ్, ఒరాకిల్, వాల్‌మార్ట్, క్వాల్‌కామ్‌తో సహా దాదాపు 350 కంపెనీలు 2024 ప్లేస్‌మెంట్ డ్రైవ్‌ను కవర్ చేశాయి.రికార్డు ప్యాకేజీలుఐఐటీ బీహెచ్‌యూలో ఏటా జరుగుతున్న క్యాంపస్‌ ప్లేస్‌మెంట్లలో విద్యార్థులు రికార్డుస్థాయిలో అత్యధిక వార్షిక ప్యాకేజీలతో ఉద్యోగాలను సొంతం చేసుకుంటున్నారు. 2024-25లో అత్యధిక వేతనం రూ.2.20 కోట్లు కాగా, 2023-24లో రూ.1.68 కోట్లు, 2022-23లో రూ.1,20 కోట్లు, 2021-22లో రూ.2.15 కోట్ల ప్యాకేజీలు అత్యధిక వేతనాలుగా రికార్డు సృష్టించాయి. 11 మంది విద్యార్థులు రూ.1 కోటి కంటే ఎక్కువ ప్యాకేజీతో ప్లేస్‌మెంట్‌ను పొందారు.

విశాఖపట్నం, సాక్షి: విశాఖ స్టీల్‌ ప్లాంట్‌ ప్రైవేటీకరణ విషయంలో స్పష్టమైన ప్రకటన చేయకుండా అటు కేంద్రం నాన్చుతోంది. మరోవైపు ఇటు కూటమి ప్రభుత్వం ప్రైవేటీకరణ జరగబోదంటూ తెర వెనుక ప్రయత్నాలను ముమ్మరం చేసింది. ఈ క్రమంలో.. ‘‘విశాఖ ఉక్కుకు ప్యాకేజీ’’ అంటూ జోరుగా ప్రచారం జరుగుతోంది. అయితే ఈ ప్రచారంపై కార్మిక సంఘాలు భగ్గుమంటున్నాయి.ప్యాకేజీ అనేది కంటి తుడుపు చర్య. అది శాశ్వత పరిష్కారం ఎంత మాత్రం కాదు. ఇచ్చిన ప్యాకేజీ రెండు మూడు నెలలకు మించి సరిపోదు. ప్యాకేజీలతో ఒరిగేదేం లేదు. స్టీల్ ప్లాంట్(Steel Plant) బతకాలంటే సెయిల్ లో విలీనం ఒక్కటే మార్గమని సూచిస్తున్నాయి. అలాగే.. స్టీల్ ప్లాంట్ కు సొంతంగా గనుల కేటాయించాలన్న డిమాండ్‌ను మరోసారి ప్రస్తావించాయి.స్టీల్ ప్లాంట్ ప్రైవేటీకరణ(Steel Plant Privatization) జరగదని ఎన్నికలకు ముందు ఇచ్చిన మాటను కూటమి నేతలు నిలబెట్టుకోవాలని స్టీల్‌ ప్లాంట్‌ కార్మిక సంఘాలు డిమాండ్‌ చేస్తున్నాయి. ఈ విషయంలో కేంద్ర ప్రభుత్వం ప్రైవేటీకరణ జరగదని హామీ ఇస్తేనే.. చంద్రబాబు, పవన్ కల్యాణ్‌(Pawan Kalyan)ను నమ్ముతాం అని కార్మికులు చెబుతుండడం గమనార్హం.సాక్షి టీవీతో ఉక్కు పోరాట కమిటీ నేతలు మాట్లాడుతూ.. ముడి సరుకు కొనుగోలుకు ఒక్క రూపాయి కూడా కేటాయించలేదు. ఇప్పుడు కేంద్రం ఇచ్చే ప్యాకేజీతో కొత్తగా స్టీల్ ప్లాంట్ కు ఒరిగేది లేదు. కార్పొరేట్ల ఒత్తిడి మేరకే..ప్యాకేజి ప్రకటించారు. ప్యాకేజీ మొత్తం బకాయిలకే పోతుంది... శాశ్వత పరిష్కారం చూపే వరకూ మా పోరాటం ఆగదు. ప్రజల్లో మమ్మల్ని చులకన చెయ్యాలని చంద్రబాబు చూస్తున్నారు. ప్రతీసారి డబ్బులు ఇవ్వలేమని చంద్రబాబు చెప్పారు. మాకు మళ్ళీ డబ్బులు ఇవ్వాల్సిన అవసరం లేదు విలీనం చెయ్యండి. మాకు అప్పు అవసరం లేదు. ఉన్న అప్పులను ఈక్విటీగా మార్చాలి. సెయిల్ లో విలీనం ఒక్కటే పరిష్కార మార్గం. అలాగే సొంత గనులు కేటాయించాలి అని ఉక్కు పోరాట కమిటీ నేతలు అంటున్నారు.

వాషింగ్టన్‌: కొన్నిరోజుల్లో అధ్యక్ష పదవీకాలం ముగియనుందనగా అమెరికా అధ్యక్షుడు బైడెన్‌ కీలక నిర్ణయాలు తీసుకుంటున్నారు. ట్రంప్‌ ప్రమాణస్వీకారం చేసిన తర్వాత పరిస్థితులు ఎలా ఉంటాయో ముందుగానే ఊహించి ప్రాధాన్యమున్న పనులన్నీ చకచకా చక్కబెట్టుకుంటున్నారు.ఈ క్రమంలోనే రష్యాతో యుద్ధం చేస్తున్న ఉక్రెయిన్‌కు రూ.6వేల కోట్ల భారీ మిలిటరీ‌ ప్యాకేజీ ప్రకటించారు. ఈ ప్యాకేజీలో భాగంగా ల్యాండ్‌ మైన్లు,యాంటీ ఆర్మర్‌ వెపన్లను అమెరికా ఉక్రెయిన్‌కు సమకూర్చనుంది.భవిష్యత్తులో ఉక్రెయిన్‌కు ఇలాంటి సహాయం అందకపోవచ్చనే ఆలోచనతో హుటాహుటిన ప్యాకేజీ అందిస్తున్నట్లు తెలుస్తోంది.రష్యా దాడులను అడ్డుకొని,ఉక్రెయిన్‌ ఆత్మరక్షణ సామర్థ్యాన్ని మెరుగుపరచుకునేలా ప్యాకేజీ ఇస్తున్నామని అమెరికా విదేశాంగశాఖ మంత్రి ఆంటోనీ బ్లింకెన్‌ వెల్లడించారు.

ఇంజనీరింగ్‌ చదివి గూగుల్‌ లాంటి టాప్‌ కంపెనీల్లో ఉద్యోగం సాధించాలనేది చాలామంది సాఫ్ట్‌వేర్ ఇంజనీర్‌లకు ఒక కల. కలలు అందరూ కంటారు. సాధించేది మాత్రం కొందరే. అందులోనూ ఐటీ ఉద్యోగాలు సంక్షోభంలో పడిన వేళ అలాంటి ‍డ్రీమ్‌ జాబ్‌ సాధించడం అంటే కత్తి మీద సామే. కానీ ప్రతిష్టాత్మక కంపెనీలో భారీ జీతంతో ఉద్యోగాన్ని సంపాదించాడో యువకుడు. బీహార్‌లోని జముయి జిల్లాకు చెందిన కంప్యూటర్ ఇంజనీర్ జాక్‌ పాట్‌ కొట్టేశాడు. గూగుల్‌లో రూ. 2 కోట్ల ప్యాకేజీతో ఉద్యోగాన్ని సంపాదించాడు. దీంతో అతని కుటుంబం ఆనందోత్సాహాల్లో మునిగి తేలుతోంది.జాముయి జిల్లాలోని జము ఖరియా గ్రామానికి చెందిన అభిషేక్ కుమార్ పట్నా ఎన్‌ఐటీ నుంచి బీటెక్‌ పూర్తి చేశాడు. పెద్ద కంపెనీలో ఉద్యోగం. ఆకర్షణీయమైన జీతం. అయినా అక్కడితో ఆగిపోలేదు అభిషేక్‌. తన డ్రీమ్‌ కోసం అహర్నిశలు కష్టపడ్డాడు. చివరికి సాధించాడు. బీటెక్‌ తరువాత 2022లో అమెజాన్‌లో రూ. 1.08 కోట్ల ప్యాకేజీతో కొలువు సాధించాడు. అక్కడ 2023 మార్చి వరకు పనిచేశాడు. ఆ తర్వాత, జర్మన్ పెట్టుబడి సంస్థ విదేశీ మారకపు ట్రేడింగ్ యూనిట్‌లో చేరాడు. ఇక్కడ పనిచేస్తూనే ఇంటర్వ్యూలకు కష్టపడి చదివి గూగుల్‌లో ఏడాదికి 2.07కోట్ల రూపాయల జీతంతో ఉద్యోగాన్ని సాధించాడు. గూగుల్‌ లండన్‌ కార్యాలయంలో అక్టోబర్‌లో విధుల్లో చేరనున్నాడు.అభిషేక్‌ మాటల్లో చెప్పాలంటే ఒక కంపెనీలో 8-9 గంటలు పని చేస్తూ, మిగిలిన సమయాన్ని తన కోడింగ్ నైపుణ్యాలను పెంచుకుంటూ , గూగుల్‌లో ఇంటర్వ్యూలకోసం ప్రిపేరయ్యేవాడు. ఇది గొప్ప సవాలే. ఎట్టకేలకు అభిషేక్ పట్టుదల కృషి ఫలించింది. "నేను ఒక చిన్న పట్టణం నుండి వచ్చా.. నా మూలాలు ఎక్కడో గ్రామంలో మట్టితో చేసిన ఇంట్లోనే, ఇపుడిక నేను కొత్త ఇల్లు నిర్మిస్తున్నాను." అన్నాడు సంతోషంగా.అంతేకాదు “అన్నీ సాధ్యమే. చిన్న పట్టణమైనా, పెద్ద నగరమైనా, ఏ పిల్లలైనా సరే, అంకితభావం ఉంటే, గొప్ప అవకాశాలను అందుకోగలరని నేను దృఢంగా నమ్ముతాను’’ అంటూ తన తోటివారికి సందేశం కూడా ఇచ్చాడు. అభిషేక్ తల్లి ఆరోగ్య సమస్యలతో ఇబ్బంది పడేవారట. ఆమెకు మెరుగైన జీవితాన్ని అందించాలనే కోరికే కష్టపడి చదివి, మంచి ఉద్యోగం సంపాదించడానికి ప్రేరేపించిందంటాడు అభిషేక్‌. ఈ సందర్భంగా తనను ప్రోత్సహించిన కుటుంబానికి ప్రత్యేక ధన్యవాదాలుతెలిపాడు. తల్లితండ్రులు, సోదరులే తనకు పెద్ద స్ఫూర్తి అని చెప్పాడు. అభిషేక్‌ తండ్రి ఇంద్రదేవ్ యాదవ్ జముయి సివిల్ కోర్టులో న్యాయవాది, తల్లి మంజు దేవి గృహిణి. ముగ్గురి సంతానంలో చివరివాడు అభిషేక్‌.

బెంగళూరు : ఆన్‌లైన్‌లో ఆర్డర్‌ పెడుతున్నారా? అ‍యితే తస్మాత్‌ జాగ్రత్త. వినియోగదారులకు కావాల్సిన వస్తువుల్ని అందించే విషయంలో ఈకామర్స్‌ కంపెనీలు ట్రెండ్‌ను మార్చినట్లు తెలుస్తోంది. ఇన్ని రోజులు స్మార్ట్‌ఫోన్‌ బదులు సబ్బుబిళ్ల, ఇటుక బిళ్లలు పంపించడం రివాజు. కానీ ఇప్పుడు పాముల్ని డెలివరీ చేస్తున్నాయని వినియోగదారులు ఆగ్రహం వ్యక్తం చేస్తున్నారు.బెంగళూరులోని సర్జాపూర్‌కు చెందిన భార్యభర్తలు ఐటీ ఉద్యోగులు. కాలక్షేపం కోసం ఇంట్లో వీడియోగేమ్‌ ఆడుకునే ఎక్స్‌బాక్స్‌ను అమెజాన్‌ కంపెనీ యాప్‌లో ఆర్డర్‌ పెట్టారు. ఆర్డర్‌ రానే వచ్చింది. ఎంతో ఉత్సాహంతో సదరు కంపెనీ నుంచి వచ్చిన పార్శిల్‌ ఓపెన్‌ చేసే ప్రయత్నించారు. కానీ దంపతుల్ని షాక్‌కి గురి చేస్తూ పార్శిల్‌లో నుంచి ఓ పాము బుసలు కొడుతూ బయటకు వచ్చింది. ఈ ఊహించని పరిణామంతో కంగుతిన్న టెక్కీలు తమకు ఎదురైన చేదు అనుభవాన్ని వీడియో తీసి సోషల్‌ మీడియాలో షేర్‌ చేశారు. ఆ వీడియోలో ‘రెండు రోజుల క్రితం ఎక్స్‌బాక్స్‌ కంట్రోలర్‌ను ఆర్డర్‌పెట్టాం. ఆ ఆర్డర్‌ వచ్చింది. కానీ దాన్ని ఓపెన్‌ చేస్తే ఓపాము బయటపడింది. అందుకు డెలివరీ బాయే సాక్ష్యం అని తెలిపారు. అదృష్టవశాత్తూ పాము ప్యాకేజింగ్‌ టేపుకు ఇరుక్కుపోయింది. ప్రమాదం అయినప్పటికీ తాము చెబుతున్నది నిజమా? కాదా? అని తెలుసుకునేందుకు అమెజాన్‌ ప్రతినిధులు మమ్మల్ని 2 గంటల పాటు హోల్డ్‌లో ఉంచారని వాపోయారు. ఆ తర్వాతే స్పందించారని అన్నారు. స్పందించిన అమెజాన్‌కస్టమర్ వీడియోపై స్పందిస్తూ, కంపెనీ ట్వీట్ చేసింది.మీకు కలిగిన అసౌకర్యానికి మేం చింతిస్తున్నాం. వివరాల్ని పూర్తిగా పరిశీలించిన తగిన న్యాయం చేస్తాం అని అమెజాన్‌ ప్రతినిధులు స్పందించారు.

దక్షిణాది పుణ్య క్షేత్రాలు దర్శించుకోవాలనుకునేవారికి ఇది మంచి ఆఫర్‌. తక్కువ ధరలోనే దక్షిణది పుణ్యక్షేత్రాలను దర్మించుకునేలా ఇండియన్ రైల్వేస్ క్యాటరింగ్ అండ్ టూరిజం కార్పొరేషన్ (IRCTC) మంచి టూర్‌ ప్యాకేజ్‌ ప్రకటించింది. అందుకోసం సికింద్రబాద్‌ నుంచి మరో భారత గౌరవ్‌ టూరిస్ట్‌ రైలుని తీసుకొచ్చింది. పుణ్యక్షేత్రాలు, ఆధ్యాత్మిక ప్రాంతాలకు ప్రత్యేకంగా ఏర్పాటుచేసే భారత్‌ గౌరవ్‌ రైళ్లకు యాత్రికుల నుంచి అనూహ్య స్పందన రావడంతో సికింద్రాబాద్‌ నుంచి జ్యోతిర్లింగ సహిత దివ్యదక్షిణ యాత్ర కోసం ప్రత్యేక రైలును ఏర్పాటుచేసింది. ఈ పర్యటన తెలంగాణ , ఆంధ్ర ప్రదేశ్ రైలు ప్రయాణీకులకు జ్యోతిర్లింగం (రామేశ్వరం) దర్శనం చేసుకునే అవకాశాన్ని అందిస్తుంది. అలాగే ఇతర ముఖ్యమైన యాత్రా స్థలాలను కూడా కవర్‌ చేస్తుంది. ఈనెల 22 నుంచి ఈ యాత్ర ప్రారంభం అవుతుంది. ఈ గౌరవ్‌ రైలుని విజయవాడ, గూడూరు, ఖమ్మం, కాజీపేట, నెల్లూరు, ఒంగోలు, రేణిగుంట, సికింద్రాబాద్‌, తెనాలి, వరంగల్‌ స్టేషన్లలో ఎక్కొచ్చు. ప్రయాణం అనంతరం ఆయా రైల్వేస్టేషన్లలో దిగే వెసులుబాటు ఉంది. ఈ టూర్‌ మొత్తం ఎనిమిది రాత్రులు, తొమ్మిది పగళ్లుగా కొనసాగుతుంది. టూటైర్‌ ఏసీ, త్రీటైర్‌ ఏసీ, స్లీపర్‌ క్లాసుల్లో ప్రయాణానికి టికెట్లు బుక్‌ చేసుకోవచ్చు. టికెట్‌ ధరలు రూ.14వేల నుంచి మొదలవుతాయి.జర్నీ ఎలా సాగుతుందంటే..సికింద్రాబాద్‌లో మధ్యాహ్నం 12.00 గంటలకు రైలు బయలు దేరుతుంది. రెండో రోజు ఉదయం 7 గంటలకు తిరువణ్ణామలై(అరుణాచలం) చేరుకుంటారు. అరుణాచలం రైల్వే స్టేషన్‌కు చేరుకున్న తర్వాత, ఫ్రెష్ అవ్వడానికి హోటల్‌కు చేరుకుంటారు.ఆ తర్వాత అరుణాచలం ఆలయాన్ని దర్శించుకుంటారు. ఇక సాయంత్రం కుదల్‌నగర్‌కు పయనమవుతారు.మూడో రోజు ఉదయం 6.30 గంటలకు కూడాల్ నగర్ రైల్వే స్టేషన్‌కు చేరుకుంటారు. రోడ్డు మార్గంలో రామేశ్వరానికి చేరుకుంటారు. హోటల్‌లో బస చేసి, ఫ్రెష్ అప్ అయిన తర్వాత రామేశ్వరంలోని దేవాలయాలను సందర్శిస్తారు రాత్రికి రామేశ్వరంలోనే బస ఉంటుంది.నాలుగో రోజు మధ్యాహ్న భోజనం తర్వాత రామేశ్వరం నుంచి మధురైకి బస్సులో బయలుదేరతారు. మీనాక్షి అమ్మ వారి ఆలయాన్ని దర్శించుకుంటారు. సాయంత్రం స్థానికంగా షాపింగ్ చేయడానికి సమయం ఉంటుంది. కన్యాకుమారి వెళ్లేందుకు రాత్రి కూడాల్ నగర్ రైల్వే స్టేషన్‌లో డ్రాప్ చేస్తారు. రాత్రి 11.30 కన్యాకుమారికి పయనమవుతారు. ఐదో రోజు ఉదయం 8 గంటలకు కొచ్చువేలి రైల్వే స్టేషన్‌కు చేరుకుంటారు. అక్కడి నుంచి రోడ్డు మార్గంలో కన్యాకుమారికి వెళ్తారు. హోటల్‌లో బస చేస్తారు. ఆ తర్వాత వివేకా రాక్ మెమోరియల్, గాంధీ మండపం, సన్‌సెట్ పాయింట్ టూర్ ఉంటుంది. రాత్రికి కన్యాకుమారిలోనే స్టే చేస్తారు.ఆరో రోజు కన్యాకుమారి - కొచ్చువేలి - తిరుచ్చి-హోటల్ నుంచి చెక్ అవుట్ చేసి..రోడ్డు మార్గంలో త్రివేండ్రం బయలుదేరి వెళ్తారు. త్రివేండ్రంలో అనంత పద్మనాభస్వామి దేవాలయం, కోవలం బీచ్‌ని సందర్శిస్తారు. ఇక తిరుచిరాపల్లికి వెళ్లడానికి కొచ్చువేలి స్టేషన్‌లో రైలు ఎక్కుతారు.ఏడో రోజు ఉదయం 5 గంటలకు తిరుచిరాపల్లి రైల్వే స్టేషన్‌కు చేరుకుంటారు. హోటల్ చేరుకుని ఫ్రెష్ అయ్యి తర్వాత శ్రీరంగం ఆలయ దర్శనానికి వెళ్తారు. మధ్యాహ్న భోజనం తర్వాత రోడ్డు మార్గంలో తంజావూరు (60 కి.మీ.) వెళ్తారు. తంజావూరు బృహదీశ్వర దేవాలయాన్ని సందర్శించుకుంటారు. అనంతరం రాత్రి 11 గంటలకుతంజావూర్‌లో సికింద్రాబాద్‌ రైలు ఎక్కుతారు.ఎనిమిదో రోజు మొత్తం రైలు జర్నీయే ఉంటుంది. పైన పేర్కొన్న స్టేషన్లలో స్టాపింగ్‌ ఉంటుంది. తొమ్మిదో రోజు ఉదయం 2:30 గంటలకు సికింద్రాబాద్‌ చేరుకోవడంతో యాత్ర ముగుస్తుంది.ఛార్జీలు: ఎకానమీలో ఒక్కరికి రూ. 14,250, 5 నుంచి 11 ఏళ్ల మధ్య చిన్నారులకు రూ. 13,250 చెల్లించాలి.స్టాండర్ట్‌లో ఒక్కరికిరూ.21,900; 5 నుంచి 11 ఏళ్ల మధ్య చిన్నారులకు రూ.20,700 చెల్లించాలి.కంఫర్ట్‌లో ఒక్కరికిరూ.28,450; 5 నుంచి 11 ఏళ్ల మధ్య చిన్నారులకు రూ.27,010 చెల్లించాలి.ఫుడ్‌ ఐఆర్‌టీసీదే..రైలులో టీ, టిఫిన్‌, భోజనంన్ని ఐరా్‌టీసీనే ఏ ర్పాటు చేస్తుందియాత్రికులకు ట్రావెల్‌ ఇన్సూరెన్స్‌ ఉంటుంది.పర్యాటక ప్రదేశంలో ఎక్కడైనా ప్రవేశ రుసుములు మాత్రం వ్యక్తులే చెల్లించువాల్సి ఉంటుంది.పుణ్యక్షేత్రాల్లో స్త్రీ, పురుషులు తప్పనిసరిగా సంప్రదాయ దుస్తులు ధరించాల్సి ఉంటుంది.దక్షిణ భారత్లోని జ్యోతిర్లింగ దివ్య క్షేత్రాల ఐఆర్సీటీసీ టూర్ ప్యాకేజీ వివరాలు, బుకింగ్ కోసం ఐఆర్‌టీసీ టూరిజం లింక్‌పై క్లిక్‌ చేయండి.(చదవండి: తిరుచ్చిలో చూడాల్సిన అద్భుత పర్యాటకప్రదేశాలివే..!)

హిమాచల్‌ప్రదేశ్‌లోని కులు, సిమ్లా, మనాలి  పర్యాటక ప్రాంతాలు ఏడాది పొడవునా టూరిస్టులతో రద్దీగా ఉంటాయి. ముఖ్యంగా మార్చి ప్రారంభం నుండి కులు, సిమ్లా, మనాలిలకు పర్యాటకులు క్యూ కడుతుంటారు. ఇప్పుడు ఈ మూడు అద్భుత ప్రాంతాలను ఒకేసారి సందర్శించేలా ఐఆర్‌సీటీసీ అద్భుతమైన ప్యాకేజీని అందుబాటులోకి తీసుకువచ్చింది.  తాజాగా ఐఆర్‌సీటీసీ ఒక ట్వీట్‌లో ఈ టూర్‌ ప్యాకేజీ గురించిన సమాచారాన్ని తెలియజేసింది. ఐఆర్‌సీటీసీ అందించే ఈ టూర్ ప్యాకేజీ 2024, మార్చి 27 నుండి ప్రారంభంకానుంది. ఈ టూర్ ప్యాకేజీలో ప్రయాణం తిరువనంతపురం నుంచి ప్రారంభం కానుంది. ఇది ఎయిర్ టూర్ ప్యాకేజీ. ఏడు రాత్రులు, ఎనిమిది పగళ్లతో కూడిన ఈ టూర్ ప్యాకేజీలో హిమాచల్‌లోని ఈ మూడు ‍ప్రముఖ పర్యాటక ప్రాంతాలను చూడవచ్చు.  ఈ టూర్‌ ప్యాకేజీలో ప్రయాణించాలనుకుంటే.. ఒకరైతే రూ.67,500, ఇద్దరికైతే రూ.53,470, ముగ్గురికి రూ.51,120 చెల్లించాల్సివుంటుంది. 5 నుంచి 11 ఏళ్ల పిల్లలకు బెడ్‌ రిజర్వేషన్‌కు రూ.46,420, బెడ్ లేకుండా అయితే రూ.43,800 చార్జీ చెల్లించాల్సి ఉంటుంది. అయితే రెండు నుంచి నాలుగేళ్ల వయసు గల పిల్లలకు, ఛార్జీగా రూ. 33,820లు చెల్లించాల్సి ఉంటుంది. ఈ ప్యాకేజీని బుక్ చేసుకోవడానికి ఐఆర్‌సీటీసీ అధికారిక వెబ్‌సైట్‌ను సందర్శించాలి.    It's time for a vacation amidst the hills. Visit #shimla-#Kullu-#Manali with IRCTC (SEA23) on 27.03.2024 from #Thiruvananthapuram Book now on https://t.co/9ulobfRHWU . . .#dekhoapnadesh #Travel #Booking #Tours #traveller #vacations #ExploreIndia #HimachalPradesh @hp_tourism… pic.twitter.com/dgf3PbNLhp — IRCTC (@IRCTCofficial) February 21, 2024

దేశంలోనే ప్రతిష్టాత్మక విద్యాసంస్థల్లో ఇండియన్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌ (ఐఐఎం) ఒకటి. ఇందులో చదివితే మంచి ప్యాకేజీతో ఉన్నత సంస్థలో కొలువు సాధించవచ్చనే భావన ఉంది. అనుకున్నట్టుగానే తాజాగా ఇందోర్‌ ఐఐఎంలో ఓ విద్యార్థి ఏకంగా రూ.కోటి వార్షిక వేతనంతో ఉద్యోగం సాధించారు.  ఐఐఎం ఇందోర్‌లో ఈ-కామర్స్‌ సంస్థలు ఇటీవల నిర్వహించిన ప్రాంగణ నియామకాల్లో విద్యార్థి ఈ ఆఫర్‌ను సాధించారు. ఈ ఏడాది చివరి దశ ప్లేస్‌మెంట్లలో ఇదే అత్యధిక ప్యాకేజీ. ఇందుకు సంబంధించిన వివరాలను ఐఐఎం-ఇందోర్ అధికారి పీటీఐతో పంచుకున్నారు. ఐఐఎం ఇందోర్‌లో నిర్వహించిన చివరి విడుత ప్లేస్‌మెంట్స్‌లో 150 కంపెనీలు 594 మంది విద్యార్థులకు ఆఫర్లు వచ్చాయి. ఈ ఇంటర్వ్యూల్లో రెండేళ్ల పీజీ ప్రోగ్రామ్, ఐదేళ్ల ఇంటిగ్రేటెడ్ ప్రోగ్రామ్ ఇన్ మేనేజ్‌మెంట్‌ (ఐపీఎం) విద్యార్థులు ఉద్యోగాలు పొందారు. ప్లేస్‌మెంట్‌ పొందిన విద్యార్థులకు లభించిన ఆఫర్ సగటున రూ.25.68 లక్షల వేతనం అని ఐఐటీ ఇండోర్ తెలిపింది. గరిష్ఠంగా ఓ విద్యార్థికి ఏకంగా ఏటా రూ.కోటి వార్షిక వేతనంతో ఆఫర్‌ వచ్చిందని చెప్పింది.  సేల్స్‌ అండ్‌ మార్కెటింగ్‌ విభాగంలో ఈ విద్యార్థికి ఉద్యోగం లభించినట్లు సంస్థ వర్గాలు తెలిపాయి.  ఇదీ చదవండి: హడలిపోతున్న తరుణంలో చల్లటి కబురు.. ఐటీ కంపెనీల ప్లాన్‌ ఇదే..! ప్రస్తుతం ఉద్యోగాల మార్కెట్లో సవాళ్లు ఎదురవుతున్నా ఐఐఎం ఇందోర్ తన పేరు నిలుపుకోవడంతోపాటు అతిపెద్ద కంపెనీలను ఆకర్షించగలిగింది. ఈ ఏడాది కొత్తగా 50కి పైగా కంపెనీలు తమ సంస్థలో ఇంటర్వ్యూలు నిర్వహించాయని ఐఐఎం ఇందోర్ డైరెక్టర్ హిమాంశురాయ్ తెలిపారు.

సాక్షి ప్రతినిధి, కాకినాడ: జనసేన అధినేత పవన్‌­కళ్యాణ్‌కు ఇంతవరకు వివిధ రూపాల్లో రూ.1,400 కోట్లకు పైగానే ప్యాకేజీ అందిందని కాకినాడ సిటీ ఎమ్మెల్యే ద్వారంపూడి చంద్రశేఖరరెడ్డి ఆరోపించారు. రాజకీయ పొత్తుల వ్యవహారంలో భాగంగానే ఆయన ఈ సొమ్ము అందుకున్నా­రని.. ఈ మొత్తాన్ని ఇప్పటికే హవాలా ద్వారా పవన్‌ బినామీలకు చేరిందన్నారు. కాకినాడలో శనివారం ద్వారంపూడి మీడియాతో మాట్లాడుతూ చంద్ర­బాబుతో పవన్‌­కళ్యాణ్‌ ప్యాకేజీ మాట్లాడుకుని పెద్దఎత్తున సొమ్ములు తీసుకున్నారని తాను చేస్తున్న ఆరోప­ణలకు ఇప్పటికీ, ఎప్పటికీ కట్టుబడే ఉంటా­నన్నారు. అలా వచ్చిన రూ.1,400 కోట్లను రష్యా, దుబాయ్, సింగపూర్‌ వంటి దేశాలకు తర­లించేశా­రన్నారు. ఇందుకు సంబంధించిన సమగ్ర సమాచారం కేంద్ర ప్రభుత్వం వద్ద ఉందన్నారు. వచ్చే ఎన్నికల్లో టీడీపీతో పొత్తు పెట్టు­కుని బీజేపీని కూడా కలుపుకుని వెళ్తామని పవన్‌ పదేపదే చెబుతుండటం వెనుక పెద్ద కారణమే ఉందన్నారు.  ఇక వచ్చే ఎన్నికల్లో తనపై కాకినాడ సిటీలో గ్లాస్‌ గుర్తుపై అభ్యర్థిని పోటీలో పెట్టలేకపోతే ఆ క్షణాన్నే పవన్‌ రాజకీయంగా ఓటమి చెందినట్లు భావి­స్తానని ఎమ్మెల్యే ద్వారంపూడి స్పష్టంచేశారు. వచ్చే ఎన్నికల్లో సీఎం వైఎస్‌ జగన్‌­మోహన్‌­రెడ్డి రెండోసారి ప్రమాణస్వీకారం చేయడం, ఆ తరు­వాత టీడీపీ శాశ్వతంగా మూతపడ­డం రెండూ ఒకేసారి జరుగుతాయని ద్వారం­పూడి చెప్పారు. వ్యవస్థలను మేనేజ్‌ చేయడంలో చంద్ర­బాబును మించిన ఘనుడు దేశంలోనే మరొకరు లేరని.. అలాంటిది వైఎస్సార్‌సీపీ ప్రభుత్వం వ్యవస్థ­లను మేనేజ్‌ చేస్తోందంటూ లోకేశ్‌ విమర్శించడం దెయ్యాలు వేదాలు వల్లించినట్లుందని ఎద్దేవా చేశారు. చీకట్లో చిదంబరం వంటి నేతలను కల­వ­డం, నిన్నమొన్నటి వరకు దేశ అత్యున్నత న్యాయ­స్థానంలో కీలకంగా వ్యవహరించిన వ్యక్తితో సంబంధాలు.. వెంకయ్యనాయుడు వంటి వ్యక్తు­లతో సాగిం­చిన చీకటి రాజకీయాలు  ప్రజలకు తెలియ­నివి కావన్నారు. ఇంతకాలం వ్యవస్థలను మేనేజ్‌ చేస్తూ వచ్చిన చంద్రబాబుకు ఇప్పుడు పరిస్థితులు కలిసి రాకపోవడంలేదనే అక్కసుతోనే  లోకేశ్‌ ఈ రకమైన విమర్శలు చేస్తున్నారని ద్వారంపూడి మండిపడ్డారు. బాబుకు ఇక అధికారం దక్కదు  మంత్రి గుడివాడ అమర్‌నాథ్‌ అనకాపల్లి టౌన్‌: చంద్రబాబు తన జీవితకాలంలో మళ్లీ అధికారంలోకి రాలే­రని రాష్ట్ర పరిశ్రమలు, వాణిజ్య, ఐటీ శాఖ మంత్రి గుడివాడ అమర్‌నాథ్‌ చెప్పారు. మండలంలోని మార్టూరు గ్రామంలో ‘ఏపీకి జగన్‌ కావాలి’ కార్యక్రమ సన్నాహక సమావేశం వైఎస్సార్‌సీపీ మండల అధ్యక్షుడు పెదిశెట్టి గోవింద ఆధ్వర్యంలో శనివారం జరిగింది. మంత్రి మాట్లాడుతూ నవంబర్‌ 1 నుంచి ఈ కార్యక్రమాన్ని పెద్దఎత్తున నిర్వహిస్తున్నట్లు చెప్పారు. చంద్రబాబు 14ఏళ్లు సీఎంగా ఉండి రాష్ట్రానికి ఎలాంటి ప్రయోజం చేకూర్చలేదన్నారు. అదే సీఎం వైఎస్‌ జగన్‌ ఇచ్చిన హామీల్లో 98 శాతం అమలుచేశారన్నారు. చంద్రబాబు వివిధ నేరాల్లో ఇరుక్కుని జైలుకు వెళ్లాడని, ఈ విషయాన్ని న్యాయస్థానం కూడా నమ్ముతోంది కాబట్టే ఆయనకు బెయిల్‌ ఇవ్వటంలేదన్నారు. ఇక పవన్‌కళ్యాణ్‌కు పార్టీ నడిపే దమ్ములేదని, ఒంటరిగా పోటీచేసే సత్తాలేదని అందుకే టీడీపీతో పొత్తుకు వెంపర్లాడుతున్నారని అమర్‌నాథ్‌ విమర్శించారు.  ప్రజలనే అవినీతిపరులంటావా? పవన్‌పై డిప్యూటీ సీఎం నారాయణస్వామి ఫైర్‌ కార్వేటినగరం(చిత్తూరు జిల్లా): స్కిల్‌ స్కాంలో అడ్డంగా దొరికి జైలుపాలైన చంద్రబాబు అవినీతిపరుడు కాదని, అమాయకులైన ప్రజలే అవినీతిపరులంటున్న పవన్‌కళ్యాణ్‌కు ప్రజాకోర్టులో పరాజయం తప్పదని ఉప ముఖ్యమంత్రి కె.నారాయణస్వామి అన్నా­రు. శనివారం ఆర్కేవీబీపేటలో మీడియాతో మాట్లాడుతూ చంద్రబాబు ఒక అవినీతి చక్రవర్తి అని, ప్రజాధనాన్ని దోచుకున్న ఆయన్ను అరెస్ట్‌ చేస్తే దత్తపుత్రుడు రోడ్లపై దొర్లాడుతున్నారని ఎద్దేవా చేశారు. చంద్రబాబు అరెస్టుపై ప్రపంచ వ్యాప్తంగా నిరసనలు చేస్తున్నారని చెప్పుకోవడం సిగ్గుచేటన్నారు. చంద్రబాబు అరెస్ట్‌కు, కాంగ్రెస్‌లో ఉన్న రేణుకాచౌదరికి సంబంధమేంటని ప్రశ్నిం­చారు. తన తండ్రి ఎన్టీఆర్‌ మృతికి చంద్రబాబే కారణమన్న పురందేశ్వరి.. నేడు చంద్రబాబు అరెస్ట్‌తో మరిదిపై ప్రేమ వలకబోస్తున్నారని ధ్వజమెత్తారు. పురందేశ్వరి, తన భర్త వేంకటేశ్వరరావులు తెలుగుదేశాన్ని వదిలి బీజేపీలో ఎందుకు చేరారో చెప్పాలని ప్రశ్నించారు.  తప్పు చేస్తే.. చట్టం ఎవరినీ వదలదు మంత్రి ధర్మాన ప్రసాదరావు శ్రీకాకుళం (పీఎన్‌ కాలనీ): తప్పు చేస్తే చట్టం ఎవరినీ వద­లదని, కేంద్ర ప్రభుత్వ ఏజెన్సీల విచారణలోనే ముందుగా చంద్రబాబు బాగో­తం బట్టబయ­లయిందని రెవెన్యూ శాఖ మంత్రి ధర్మాన ప్రసాదరావు స్పష్టం చేశారు. బాబుపై అక్రమంగా కేసు నమోదు చేశామని ఎల్లో మీడియా గగ్గోలు పెడుతుందని, కేంద్ర ప్రభు­త్వ దర్యాప్తు సంస్థలే బాబు అవినీతి­పరు­డని తేల్చాయ­న్నారు. శ్రీకాకుళంలోని డీసీసీబీ కాలనీలో శనివారం వైఎస్సార్‌ అర్బన్‌ హెల్త్‌ సెంటర్‌ ప్రారంభోత్సవం సందర్భంగా మంత్రి మాట్లాడారు. చంద్రబాబు కొన్ని షెల్‌ కంపెనీలు సృష్టించి డబ్బులు దోచుకున్నాడని చెప్పారు. అవినీతిలో ముఖ్య­పాత్ర పోషించిన చంద్ర­బాబు, లోకేశ్‌ పీఏలు  ఇద్దరూ అమె­రికాకు పారి­­పో­యారని తెలి­పారు. అవి­నీతి ఆరోపణ­లు ఎదుర్కొన్న మాజీ సీఎంలు జయలలిత, లాలూ ప్రసాద్‌యాదవ్‌ తదితరులంతా కోర్టుల ముందు నిల­బడినవారేనని, బాబు ఏమైనా పైనుంచి దిగొచ్చారా..  అని ప్రశ్నించార­‡ు.

ఇండియన్‌ రైల్వే క్యాటరింగ్‌ అండ్‌ టూరిజం కార్పొరేషన్‌(ఐఆర్‌సీటీసీ) తాజాగా సింగపూర్‌, మలేషియా టూర్‌ను ప్రకటించింది. భారతదేశంలోని వారే కాకుండా ప్రపంచం నలుమూలలా ఉన్న పర్యాటకులు మలేషియా, సింగపూర్‌లను సందర్శించాలని అనుకుంటారు. అయితే బడ్జెట్ కారణంగా ముందడుగు వేయలేకపోతారు.  అయితే తాజాగా అందిన సమాచారం ప్రకారం ఐఆర్‌సీటీసీ సింపుల్‌ బడ్జెట్‌ ప్యాకేజీలో సింగపూర్, మలేషియాలలో పర్యటించే అవకాశాన్ని కల్పిస్తోంది. ఈ ప్యాకేజీలో ఆహారం పానీయాలకు సంబంధించిన అన్ని సదుపాయాలు ఉంటాయి. ఇదొక్కటే కాదు ఆయా ప్రాంతాల్లో పర్యటించేటప్పుడు ఇంగ్లీష్ గైడ్‌లను కూడా ఏర్పాటు చేస్తున్నారు.  ఈ ప్యాకేజీలో పర్యాటకులను ముందుగా భారతదేశం నుండి  విమానంలో సింగపూర్‌కు తీసుకువెళతారు.  తరువాత అక్కడ టాక్సీ ఏర్పాటు చేస్తారు.  విలాసవంతమైన హోటల్‌లో బస చేసేందుకు ఏర్పాట్లు చేస్తారు. ఐఆర్‌సీటీసీ ఈ టూర్ ప్యాకేజీకి ఎన్చాంటింగ్ సింగపూర్ అండ్‌ మలేషియా అని పేరు పెట్టింది. ఇది ఫ్లైట్ ప్యాకేజీ. ఈ ప్యాకేజీ 2023 నవంబర్ 20న, అలాగే 2023, డిసెంబర్ 4న ప్రయాణించేందుకు అందుబాటులో ఉంటుంది. ఈ ప్యాకేజీలో 7 పగళ్లు, 6 రాత్రులు ఉంటాయి. ప్యాకేజీలో అల్పాహారం, మధ్యాహ్నం, రాత్రి భోజనం వంటి సౌకర్యాలు లభిస్తాయి. భద్రతా ఏర్పాట్ల  బాధ్యతను ఐఆర్‌సీటీసీ పర్యవేక్షిస్తుంది. ఈ ప్యాకేజీలో పర్యాటకులు కౌలాలంపూర్‌లోని బటు గుహలు, పుత్రజయ సిటీ టూర్, కౌలాలంపూర్ సిటీ తదితర ప్రదేశాలను సందర్శించవచ్చు. సింగపూర్‌లో మెర్లియన్ పార్క్, సింగపూర్ ఫ్లైయర్, సెంటోసా ఐలాండ్ వంటి పలు ప్రదేశాలను సందర్శించే అవకాశం లభిస్తుంది. ఈ టూర్ ప్యాకేజీలో ప్రయాణ బీమా కూడా ఉంది. ఇక టిక్కెట్‌ ఛార్జీల విషయానికొస్తే ఒక్కొక్కరు రూ.1,63,700 చెల్లించాలి. ఇద్దరు వ్యక్తుల ప్యాకేజీని బుక్ చేస్తే రూ. 1,34,950 చెల్లించాలి. రూ. 1,18,950తో ముగ్గురు వ్యక్తులు ఈ టూర్‌ని  ఎంజాయ్‌ చేయవచ్చు.   ఇది కూడా చదవండి: మంగళసూత్రం మింగిన గేదె.. ఐదోతనం కాపాడిన వైద్యుడు!

సాక్షి, హైదరాబాద్‌/దుండిగల్‌: ఎంతో కాలం అధికారంలో ఉన్నా ఏమీ చేయని వాళ్లు.. చేసింది చెప్పుకోవ డానికి ఏమీ లేనివాళ్లు ఇప్పుడు తమ కు అవకాశమిస్తే ఎన్నో చేస్తామని కల్లబొల్లి కబుర్లు చెబుతున్నారని, వారి మాటలు నమ్మొద్దని రాష్ట్ర ఐటీ, మున్సిపల్‌ శాఖ మంత్రి కె.తారక రామారావు ప్రజలను హెచ్చరించా రు. సంక్రాంతి ముందు గంగిరెద్దుల వాళ్లు వచ్చినట్లు ఎన్నికల ముందు వచ్చేవాళ్ల మాటలతో మోసపోవద్దని విజ్ఞప్తి చేశారు. ఢిల్లీ, బెంగళూరుల నుంచి వచ్చేవారు ఎన్నో ప్యాకేజీలు ప్రకటిస్తున్నారని, వాళ్లు చెప్పిన దానికంటే ఎక్కువ సంక్షేమ కార్యక్ర మాలు, బ్రహ్మాండమైన ప్యాకేజీ ఇచ్చే ఆలోచన బీఆర్‌ఎస్‌ అధినేత, ముఖ్యమంత్రి కేసీఆర్‌కు ఉందని, ఆ విషయాల్ని ఆయనే త్వరలో ప్రకటిస్తారని చెప్పారు. కాంగ్రెస్‌ పార్టీ ఆరు గ్యారంటీ స్కీముల్ని పరోక్షంగా ప్రస్తావిస్తూ మంత్రి ఈ వ్యాఖ్యలు చేశారు. కుత్బుల్లాపూర్‌ నియోజకవర్గంలోని దుండిగల్‌లో నిర్మించిన 1,800 డబుల్‌ బెడ్‌రూమ్‌ ఇళ్ల పట్టాలను కేటీఆర్‌ గురువారం లబ్ధిదారులకు అందజేశారు. ఈ సందర్భంగా ఆయన మాట్లాడారు. ‘డబుల్‌’ లబ్ధిదారుల్లో బీజేపీ, కాంగ్రెస్‌ నేతలు పేదలు, రైతులపై కేసీఆర్‌కున్న ప్రేమ దేశంలో మరెవ్వరికీ లేదని కేటీఆర్‌ చెప్పారు. ప్రగతి రథ చక్రాన్ని ఆపేందుకు ఇష్టమొచ్చినట్లుగా హామీలిస్తు న్న వారి మాటలు నమ్మి మోసపోవద్దని, పనిచేసే ప్రభుత్వాన్ని ఆశీర్వదించాలని కోరారు. డబుల్‌ బెడ్‌రూమ్‌ ఇళ్లకు దరఖాస్తు చేసుకున్న వారిలో అర్హులైన వారిని ఎలాంటి పక్షపాతం లేకుండా ఆన్‌లైన్‌ లాటరీ ద్వారా ఎంపిక చేశామని తెలిపారు. జగద్గిరిగుట్ట డివిజన్‌లోని కాంగ్రెస్‌ మహిళా అధ్యక్షు రాలు కౌసల్యకు, బీజేపీ నాయకురాలు సునీతకు కూడా ఇళ్లు వచ్చాయని చెప్పారు. తొలిదశలో అర్హులకు లక్ష ఇళ్లు ఇస్తుండగా, అర్హులైన మిగతా మూడున్నర లక్షల మందికి కూడా ఇచ్చే బాధ్యత తమదేనని అన్నారు. ఈ రోజుతో 30 వేల ఇళ్ల పంపిణీ పూర్తవుతుండగా, త్వరలోనే మిగతా 70 వేల ఇళ్లు కూడా అందజేస్తామన్నారు. లక్ష ఇళ్ల నిర్మాణా నికి ప్రభుత్వానికైన ఖర్చు దాదాపు రూ.10 వేల కోట్లయితే, మార్కెట్‌ రేటు ప్రకారం దాదాపు రూ. 50 వేల కోట్ల నుంచి రూ.60 వేల కోట్ల విలువైన ఆస్తిని పేదల చేతుల్లో పెడుతున్న ప్రభుత్వం తమదని కేటీఆర్‌ పేర్కొన్నారు. దుండిగల్‌కు త్వరలోనే కొత్త పరిశ్రమ రానుందని తెలిపారు.  ఇలాంటి ఇళ్లు ఇంకెక్కడైనా ఉన్నాయా ? మన రాష్ట్రం కాక దేశంలో ఉన్న మరో 27 రాష్ట్రాల్లో, కాంగ్రెస్, బీజేపీ పాలిత ప్రాంతాల్లో ఎక్కడైనా ఇలాంటి డబుల్‌ బెడ్‌రూమ్‌ ఇళ్లు ఉన్నాయేమో చూపిస్తారా? అంటూ బీజేపీ, కాంగ్రెస్‌ నేతలకు కేటీఆర్‌ సవాల్‌ విసిరారు. పేదలకు ఇలాంటి ఇళ్లు ఇస్తున్న రాష్ట్రం దేశంలోనే ఎక్కడా లేవని చెప్పారు. ఇల్లు కట్టి చూడు.. పెళ్లి చేసి చూడు.. అని పెద్దలు అంటారని, నిరుపేద ప్రజలకు ఇళ్లు కట్టించి, పెళ్లి చేయించి ముఖ్యమంత్రి కేసీఆర్‌ వారికి మేనమామగా నిలిచారని పేర్కొన్నారు.  చాయ్‌ అమ్ముకో.. దేశాన్ని మోసం చేయొద్దు ఇంటి పట్టా అందుకున్న ఒక మహిళను కేటీఆర్‌ ఏం చేస్తావంటూ ప్రశ్నించారు. ఆమె తాను చా య్‌ అమ్ముతానని చెప్పడంతో ‘చాయ్‌ అమ్ము కోవాలి.. కానీ దేశాన్ని మోసం చేయొద్దు’ అని అన్నారు. ఏమీ అర్థం కాక ఆమె తెల్లముఖం వేయడంతో.. ‘నీ గురించి కాదులే.. వేరేవా ళ్లు ఉన్నారు.. వారి గురించి చెబుతున్నా’ అంటూ పరోక్షంగా ప్రధాని మోదీని ప్రస్తావించారు. 

సాక్షి, కృష్ణా: సాయి ధరమ్‌ తేజ్‌-పవన్‌ కల్యాణ్‌ నటించిన బ్రో సినిమా వివాదంపై ఏపీ మంత్రి అంబటి రాంబాబు మరోసారి స్పందించారు. విజయవాడలో బుధవారం ఆయన సాక్షిటీవీతో  ప్రత్యేకంగా మాట్లాడారు.  ఈ సందర్భంగా బ్రో చిత్ర నిర్మాత విశ్వప్రసాద్‌కు, హీరో సాయి ధరమ్‌ తేజ్‌కు.. పనిలోపనిగా పవన్‌కు ఆయన చురకలు అంటించారు.    ‘‘నేను చేసినవి ఆరోపణలే అయితే.. వాస్తవాలు దాచాల్సిన అవసరం ఏముంది?. పవన్ రెమ్యునరేషన్ ఎంత? సినిమాకు పెట్టుబడి ఎంత? కలెక్షన్స్ ఎంత?. వాస్తవాలు చెప్పడానికి భయపడుతున్నాడా? లేదంటే దాస్తున్నాడా?. నిజాలు దాస్తున్నారంటే ఏదో ఉందనేగా అర్థం అని అంబటి అనుమానం వ్యక్తం చేశారు.  దానకర్ణుడు, సమాజశ్రేయస్సు కోరే వ్యక్తి అని చెప్పే పవన్ ఎందుకు వాస్తవాలు దాస్తున్నాడు. తన నీతి, నిజాయితీ నిరూపించుకోవాలంటే సినిమాకు తీసుకున్న రెమ్యునరేషన్‌.. కట్టిన ఇన్‌కమ్‌ ట్యాక్స్‌ ఎంతో చెప్పాల్సిన అవసరం పవన్‌కు కచ్చితంగా ఉంది అని అంబటి డిమాండ్‌ చేశారు.   బ్రో సినిమానే ఒక స్కాం నూటికి నూరు శాతం బ్రో విషయంలో చాలా పెద్ద వ్యవహారం ఉంది. చంద్రబాబు ప్యాకేజ్ విశ్వప్రసాద్ ద్వారా అందింది. ఒక స్కామ్ మాదిరిగా ఈ ప్యాకేజ్ వ్యవహారం జరుగుతోంది. ఇదంతా వాళ్లు ఆడే గేమ్ ప్లాన్. అంకెలు చెబితే దొరికిపోతామని భయపడుతున్నారు.  అందుకే చెప్పడం లేదు అని అంబటి ఆరోపించారు.   మమ్మల్ని గోకితే ఇలాగే ఉంటుంది సినిమాను సినిమాలాగే చూడాలంటున్నాడు ఈ చిత్ర హీరో సాయి ధరమ్ తేజ్. సినిమాలను సినిమాగానే తీయండి. మధ్యలో మమ్మల్ని గోకడమెందుకు?. మమ్మల్ని గోకితే .. ఇలానే ఉంటుంది. నా మీద పుంఖాను పుంఖాలుగా వెబ్ సిరీస్ తీసుకోండి.. నాకేం అభ్యంతరం లేదు. అందులో సాయిధరమ్ తేజ్ , పవన్ కళ్యాణ్ ను పెట్టి.. విశ్వప్రసాద్ తో తీయించండి. పవన్ కల్యాణ్ అన్ని సినిమాల గురించి నేను పట్టించుకోలేదు. మీ సినిమాలు మీరు తీసుకుంటే ఏమీ ఉండదు. మమ్మల్ని గోకితే ఇలానే ఉంటుంది. ఇదే ఈ కథలో నీతి అని తెలిపారాయన.   ఇక అంబటి ఢిల్లీ పర్యటన గురించి, దానికి బ్రో చిత్ర వివాదానికి ఏమైనా సంబంధం ఉందా? అనే ప్రశ్నకు ఆయన బదులిస్తూ.. ‘‘ నేను ఢిల్లీ ఎందుకు వెళ్తున్నానో చెప్పను. ముఖ్యమైన అంశం మీద వెళ్తున్నా. అక్కడ మా పార్టీ ఎంపీలను కలుస్తా’’ అని సమాధానం ఇచ్చారు.

జనం ఈ రోజుల్లో అన్నింటికీ ఆన్‌లైన్‌ షాపింగ్‌పైననే ఆధారపడుతున్నారు. ఇందుకోసం ఒక్కోసారి అడ్వాన్స్‌ పేమెంట్‌ చేస్తుంటారు. అలాగే క్యాష్‌ ఆన్‌ డెలివరీ సదుపాయాన్ని కూడా వినియోగించుకుంటుంటారు. అయితే వర్జీనియాకు చెందిన ఒక మహిళ​​కు వింత అనుభవం ఎదురయ్యింది. ఆ మహిళకు షాపింగ్‌ వెబ్‌సైట్‌ అమెజాన్‌ నుంచి లెక్కకు మించిన పార్సిళ్లు అందాయి.  ఆమె ఎటువంటి ఆర్డర్‌ చేయకుండానే చాలా సామానులు ఆమె ఇంటికి చేరాయి. ఇలా 100కు పైగా ప్యాకేజీలు ఆమె ఇంటికి వచ్చాయి. వర్జీనియాకు చెందిన మహిళ సిండీ స్మిత్‌ తనకు ఎదురైన అనుభవం గురించి మాట్లాడుతూ..ఈ ప్యాకేజీలు ఇటీవల ప్రిన్స్‌ విలియం కౌంటీలోని ఇంటికి వచ్చాయన్నారు. వాటిలో 1,000 హెడ్‌ల్యాంప్‌లు, 800 గ్లూగన్‌లు, పాతికకుపైగా భూతద్దాలు ఉన్నాయని తెలిపారు.  ఇప్పుడు తాను వీటిని కారులో పెట్టుకుని తిరుగుతున్నానని,ఆ పేరుగలవారు ఎవరైనా కనిపిస్తే వారికి ఇ‍చ్చేస్తానని తెలిపారు. ప్యాకేజీలపై స్మిత్‌ చిరునామా ఉన్నప్పటికీ పేరు లిక్సియావో జాంగ్‌ అని ఉందని తెలిపారు. తాను ఈ పేరును గతంలో ఎన్నడూ వినలేదని అన్నారు. మొదట్లో దీనిని స్కామ్‌ అనుకున్నానని, అయితే ఇది తనకు ఎదురైన తొలి అనుభవం కాదన్నారు. గతంలో తాను వాషింగ్టన్‌ డీసీలోని లిజ్‌ గోల్ట్‌మెన్‌లో ఉన్నప్పుడు కూడా ఇలానే జరిగిందన్నారు. అప్పట్లో తాను ఆర్డర్‌ చేయకుండానే లెక్కకు పైగా చిన్నపిల్లల దుప్పట్లు వచ్చాయన్నారు. ఇదేవిధంగా తనకు కాలిఫోర్నియాలోనూ ఇటువంటి అనుభవమే ఎదురయ్యిందన్నారు. నాడు తాను ఆర్డర్‌ చేయకుండానే 100 స్పేస్‌ హీటర్లు వచ్చాయన్నారు.   ఈ ఉదంతం గురించి అమెజాన్‌ అధికారులు మాట్లాడుతూ ఆమెకు వస్తున్న ఆర్డర్లను పరిశీలిస్తే స్మిత్, గెల్ట్‌మాన్ పేరుతో ఉ‍న్న ప్యాకేజీలు రెండూ అమ్మకందారులు అమెజాన్ కేంద్రాల నుండి యాదృచ్ఛిక చిరునామాలకు ప్యాకేజీలను పంపిన ఫలితంగా ఇలా జరిగిందన్నారు. న్యూయార్క్‌కు చెందిన న్యాయవాది సీజే రోసెన్‌బామ్ మాట్లాడుతూ విక్రేతలు యాదృచ్ఛిక చిరునామాలను ఎంచుకుని, అమెజాన్ గిడ్డంగులలోని తమ అమ్ముడుపోని ఉత్పత్తులను పంపిస్తున్నారని అన్నారు. తమ స్టోరేజీని తగ్గించుకునేందుకు వారు ఇలా చేస్తుంటార్ననారు. అయితే ఇలా వ్యవహించే అమ్మకందారుల అకౌంట్‌ను అమెజాన్‌ బంద్‌ చేసిందని తెలిపారు.  ఇది కూడా చదవండి: వర్షం మధ్య దాహార్తి తీర్చుకుంటున్న పులి.. అలరిస్తున్న అరుదైన వీడియో!

భారతదేశానికి చెందినవారు విదేశాలు వెళ్లి ఎంజాయ్‌ చేయాలనుకున్నప్పుడు ముందుగా దుబాయ్‌ లేదా అండమాన్‌ వెళ్లాలని అనుకుంటారు. అయితే  విదేశాలకు వెళ్లాలంటే ముందుగా బడ్జెట్‌ గురించి ఆలోచించాల్సివస్తుంది. అటు అండమాన్‌ లేదా ఇటు దుబాయ్‌ వెళ్లాలంటే ఎంత ఖర్చవుతుందో ఇప్పుడు తెలుసుకుందాం.  ఎక్కడికైనా ప్రయాణమవుదామనుకుంటే ముందుగా బడ్జెట్‌ గురించి ఆలోచించాల్సివస్తుంది. అయితే అండమన్‌ చూసివద్దామనే ఆలోచనను ప్రస్తావించగానే.. చాలామంది అక్కడకు వెళ్లేందుకు అయ్యే ఖర్చుతో చక్కగా దుబాయ్‌ వెళ్లివచ్చేయవచ్చని చెబుతారు. మరికొందరు మాత్రం దుబాయ్‌ వెళ్లడం చాలా చౌక అని కూడా అంటుంటారు. దీంతో ఈ మాటలు విన్నవారు కన్ఫ్యూజన్‌కు గురవుతుంటారు. ఇలాంటి పరిస్థితుల్లో తాము అండమాన్‌ వెళ్లాలో లేక దుబాయ్‌ వెళ్లాలో తెలియక తికమకపడతారు. ఈ ప్రశ్నలకు చెక్‌ పెడుతూ మీ సందేహాలకు సమాధానాలను ఇప్పుడు తెలుసుకుందాం.  దుబాయ్‌ వెళ్లేందుకు ఎంత ఖర్చవుతుంది? దుబయ్‌ లేదా అండమాన్‌కు సంబంధించిన టూర్‌ ప్యాకేజీకి ఎంతఖర్చవుతుందో బేరీజు వేసేందుకు మేక్‌ మైక్‌ ట్రిప్‌లో సమాచారం ఇలా ఉంది. దుబాయ్‌ వెళ్లేందుకు ఒక వ్యక్తికి సుమారు రూ. 31 వేలు అవుతుంది. ఈ ప్యాకేజీలో ఆరు రోజుల ప్లాన్‌ ఉంది. దీనిలో ప్రైవేట్‌ ట్రాన్స్‌ఫర్‌, మరినా యాచ్‌ టూర్‌ మొదలైనవి కలిసే ఉన్నాయి.   6 రోజుల అనంతరం ఎయిర్‌పోర్టుకు తిరిగి వచ్చేందుకు వరకూ అయ్యే ఖర్చు దీనిలో కలిపే ఉంటుంది. హోటల్‌ అద్దె కూడా దీనిలో భాగమయ్యే ఉంటుంది. అయితే దుబాయ్‌ వెళ్లేందుకు ఫ్లయిట్‌ టిక్కెట్లు విడిగా బుక్‌ చేసుకోవాల్సి ఉంటుంది. ఇందుకోసం రూ.12 నుంచి 15 వేలు ఖర్చవుతాయి. అంటే రెండు వైపుల ఫ్లయిట్‌ ప్రయాణ ఖర్చులు చూసుకుంటే మొత్తంగా రూ.25 వేల నుంచి రూ. 30 వేల వరకూ అవుతాయి. అంటే ప్యాకేజీ, ప్రయాణ ఖర్చులు కలుపుకుని చూసుకుంటే ఒక్కో వ్యక్తి దుబాయ్‌ వెళ్లి రావడానికి రూ. 60 వేలు అవుతుంది.  అండమాన్‌ వెళ్లేందుకు ఎంత ఖర్చవుతుంది? దుబాయ్‌ గురించిన సమాచారం తెలుసుకున్న తరువాత ఇప్పుడు అండమాన్‌ వెళ్లేందుకు అయ్యే ఖర్చు గురించి తెలుసుకుందాం. రాబోయే ఆగస్టులో అండమాన్‌ వెళ్లాలనుకుంటే  ఒక్కో వ్యక్తికి రూ. 42 వేలు ఖర్చవుతుంది. ఈ ప్యాకేజీలో పోర్ట్‌ బ్లెయిర్‌, హెవ్లాక్‌, నీల్‌ ఐల్యాండ్‌ మొదలైనవి ఉన్నాయి. ఆయా ప్రాంతాల్లో ఒక్కొక్క రోజు చొప్పున బస చేయవచ్చు.  ఈ ట్రిప్‌ ప్యాకేజీ 6 రోజులు ఉంటుంది. దీనిలో ప్రైవేట్‌ ట్రాన్స్‌ఫర్‌, ఫెరీ మొదలైన ఛార్జీలు కలిపే ఉంటాయి. అయితే అండమాన్‌ వెళ్లేందుకు ఫ్లయిట్‌ ఛార్జీ విడిగా ఉంటుంది. ఇందుకోసం అక్కడికి వెళ్లేందుకు, తిరిగి వచ్చేందుకు రూ. 30 వేలు ఖర్చుచేయాల్సి ఉంటుంది. మొత్తంగా చూసుకుంటే అండమమాన్‌ వెళ్లి వచ్చేందుకు రూ. 75 వేల వరకూ ఖర్చవుతుంది.  ఈ ప్లాన్‌ కంపేరిజన్‌ను అనుసరించి చూస్తే.. అండమాన్‌ వెళ్లడం అనేది దుబాయ్‌ వెళ్లేందుకన్నా ఖర్చుతో కూడుకున్నదని తెలుస్తోంది. అయితే ఇది సీజన్‌తో పాటు ఎన్ని రోజులు అక్కడ ఉంటారు? అక్కడ ఉపయోగించుకునే లగ్జరీ సదుపాయాలు అనే దానిపై ఆధారపడి ఉంటుంది.  ఇది కూడా చదవండి: ప్రపంచంలో ఐదు అతిపెద్ద మారణహోమాలివే..

ఫేస్‌బుక్‌ మాతృ సంస్థ మెటా (Meta Platforms Inc) ఆఖరు రౌండ్‌ లేఆఫ్స్‌ను మొదలు పెట్టింది. మొత్తం 10,000 ఉద్యోగాలను తొలగించడానికి మార్చిలో ప్రకటించిన ప్రణాళికలో భాగంగా ఇది చివరి రౌండ్‌ తొలగింపు. మొదటి, రెండో విడత తొలగింపులు ఇప్పటకే పూర్తయ్యాయి.  ఈ మేరకు కొంతమంది మెటా ఉద్యోగులు లింక్డ్‌ఇన్ వంటి ప్లాట్‌ఫామ్‌లలో తమ తొలగింపు గురించి తెలియజేశారు. ఈ రౌండ్‌ లేఆఫ్స్‌లో కంపెనీ యాడ్‌ సేల్స్‌, మార్కెటింగ్ విభాగాల్లో ఎక్కువ మందిని తొలగిస్తున్నట్లు పేర్కొన్నారు. సీవెరెన్స్‌ ప్యాకేజీ అంటే? గతంలో 11,000 మంది ఉద్యోగులను తొలగించినప్పుడు మెటా కంపెనీ వారికి సీవెరెన్స్‌ ప్యాకేజీని వాగ్దానం చేసింది. సీవెరెన్స్‌ ప్యాకేజీ అంటే ఉద్యోగులను తొలగించినప్పుడు కంపెనీ వారికి చెల్లించే మొత్తానికి సంబంధించిన ప్యాకేజీ. ఉద్యోగాలు కోల్పోయిన వారికి ఈ ప్యాకేజీ కింద 16 వారాల మూల వేతనం చెల్లిస్తారు. అదనంగా ఉద్యోగుల అనుభవాన్ని బట్టి వారు పనిచేసిన ఒక్కో సంవత్సరానికి రెండు వారాల మూల వేతనం చొప్పున తొలగింపునకు గురైన ఉద్యోగులు అందుకుంటారు. అలాగే ఈ ప్యాకేజీ కింద ఉ‍ద్యోగులు, వారి కుటుంబ సభ్యులకు ఆరు నెలలపాటు వైద్య ఖర్చులను కంపెనీనే భరిస్తుంది.  2022 నవంబర్‌లో 11,000 మందికిపైగా ఉద్యోగులను మెటా తొలగించింది. తర్వాత ఈ ఏడాది మార్చిలో మళ్లీ 10,000 ఉ‍ద్యోగాలను తొలగించనున్నట్లు కంపెనీ ప్రకటించింది. ఈ సారి తొలగిస్తున్న ఉద్యోగాలతో కంపెనీలో  ఉద్యోగుల సంఖ్య 2021 ఏడాది మధ్య నాటికి ఉన్న స్థాయికి పడిపోయింది. 2020 తర్వాత మెటా నియామకాలను రెట్టింపు చేస్తూ వచ్చింది.    మొత్తంగా లేఆఫ్స్‌ ప్రభావం ఈ సారి నాన్-ఇంజనీరింగ్ ఉద్యోగులపై పడింది. అంటే కోడింగ్‌, ప్రోగ్రామింగ్‌ విభాగాల్లో పనిచేస్తున్న ఉద్యోగులకు కంపెనీ ప్రాధాన్యత ఇస్తున్నట్లు తెలుస్తోంది. కంపెనీతో ఇంజనీర్లు, నాన్‌ ఇంజనీరింగ్‌ ఉద్యోగుల మధ్య సమతూకం పాటించేందుకు చర్యలు తీసుకోనున్నట్లు సీఈవో మార్క్‌ జుకర్‌బర్గ్ గత మార్చిలో హామీ ఇచ్చారు. ఇదీ చదవండి: ఉద్యోగులకు ఇన్ఫోసిస్ భారీ కానుక.. రూ.64 కోట్లు!  

న్యూఢిల్లీ: ప్రత్యేక హోదా కలిగిన రాష్ట్రాలు, జనరల్‌ కేటగిరీ రాష్ట్రాల మధ్య 14వ ఆర్థిక సంఘం ఎలాంటి వ్యత్యాసాన్ని చూపలేదు. అందుకే ఆంధ్రప్రదేశ్‌కు ప్రత్యేక హోదాకు బదులుగా ప్రత్యేక ఆర్థిక ప్యాకేజిని ఇవ్వడానికి కేంద్ర ప్రభుత్వం అంగీకరించిందని కేంద్ర హోంశాఖ సహాయ మంత్రి శ్రీ నిత్యానంద్‌ రాయ్‌ తెలిపారు. ఏపీకి ప్రత్యేక హోదా ఇస్తామన్న కేంద్ర ప్రభుత్వ హామీ పరిస్థితి ఏమిటి? అంటూ రాజ్యసభలో బుధవారం వైఎస్సార్సీపీ సభ్యులు వి.విజయసాయి రెడ్డి అడిగిన ప్రశ్నకు మంత్రి జవాబిస్తూ.. రాష్ట్రాలతో కేంద్రం పంచుకునే పన్నుల రాబడి సమాంతరంగా జరగాలన్న ఆర్థిక సంఘం సిఫార్సు మేరకే గతంలో పన్నుల పంపిణీలో 32 శాతం ఉన్న రాష్ట్రాల వాటాను 2015-2020 కాలానికి 42 శాతానికి పెంచినట్లు చెప్పారు. 15వ ఆర్థిక సంఘం సైతం 2020-2026 కాలానికి ఈ పంపిణీ నిష్పత్తిలో పెద్దగా మార్పులు చేయలేదు. కొత్తగా జమ్ము కశ్మీర్‌ రాష్ట్రంగా అవతరించినందున 42 శాతాన్ని 41 శాతానికి స్వల్పంగా తగ్గించినట్లు తెలిపారు. పన్నుల్లో వాటా పంపిణీ ద్వారా ఆయా రాష్ట్రాలు ఎదుర్కొంటున్న రెవెన్యూ లోటును పూడ్చడం లక్ష్యమని మంత్రి పేర్కొన్నారు. కేంద్ర ప్రభుత్వం అమలు చేసే పథకాల్లో 90:10 నిష్పత్తిలో కేంద్రం, రాష్ట్రం భరించడం ఆంధ్రప్రదేశ్‌కు మంజూరు చేసిన ప్రత్యేక ఆర్థిక ప్యాకేజిలో ఒక అంశం. 2015-16 నుంచి 2019-20 మధ్య కాలంలో విదేశీ ఆర్థిక సంస్థల రుణ సహాయంతో చేపట్టే ప్రాజెక్ట్‌ల వ్యయాన్ని వడ్డీతో సహా కేంద్రమే చెల్లించడం ప్యాకేజీలో ప్రధాన అంశమని చెప్పారు. ఎనిమిది ఈశాన్య రాష్ట్రాలు, హిమాలయ పర్వత సానువులను ఆనుకుని ఉన్న ఉత్తరాఖండ్‌, హిమాచల్‌ ప్రదేశ్‌, జమ్ము, కశ్మీర్‌ రాష్ట్రాల్లో అమలు చేసే కేంద్ర పథకాల వ్యయంలో 90 శాతం కేంద్రం, 10 శాతం ఆయా రాష్ట్రాలు భరిస్తాయని మిగిలిన రాష్ట్రాలలో ఈ నిష్పత్తి 60:40గా ఉంటుందని ఆయన పేర్కొన్నారు. చదవండి: నలుగురిని లాక్కున్నారు.. వచ్చే ఎన్నికల్లో నాలుగు సీట్లే: కొడాలి నాని

ఆంధ్రప్రదేశ్‌లో రాజకీయం రోజురోజుకు వేడెక్కుతోంది. పూర్తి స్థాయిలో ప్రస్టేషన్‌లో ఉన్న టీడీపీ అధినేత చంద్రబాబు, జనసేన అధినేత పవన్ కల్యాణ్‌లు ఎలాగొలా తాము కలిసి ఉన్నామన్న సంకేతం పంపడం ద్వారా అయినా తమ విజయావకాశాలు పెంచుకోవాలని తెగ తాపత్రయపడుతున్నారు. అందువల్లే రాజకీయ విలువలతో నిమిత్తం లేకుండా వీరిద్దరూ భేటీ అవుతున్నారు. నేరుగా తెలుగుదేశంతో ఇంతవరకు జనసేన పొత్తు పెట్టుకోలేదు. బీజేపీతో పొత్తులో ఉన్న జనసేన నిత్యం టీడీపీతో కలిసి తిరుగుతోంది. గతంలో టీడీపీ వారు తనను ఎంతో అవమానించారని పవన్ వాపోయినా, ఇప్పుడు అవన్ని మర్చిపోయి, కనీసం తనైనా ఎమ్మెల్యేగా గెలవాలన్న తాపత్రయంతో చంద్రబాబుతో పొత్తు కోసం తహతహ లాడుతున్నారు. చంద్రబాబు ఏమో పవన్‌ను అడ్డుపెట్టుకుని కాపు సామాజికవర్గ ఓట్లను లాగి అధికారం సాధించాలని ప్లాన్ వేస్తున్నారు. చంద్రబాబు చేసిన ఘోర పరాభవాలను మర్చిపోలేని భారతీయ జనతా పార్టీవారు తాము టీడీపీతో పొత్తు ప్రసక్తి లేదని తేల్చి చెబుతున్నారు. భవిష్యత్తులో ఏమి అవుతుందో కాని, ఇప్పటికైతే టీడీపీ, జనసేన దాదాపు ఒక అవగాహనకు వచ్చేసినట్లే ఉన్నాయి. చంద్రబాబుతో పవన్ కల్యాణ్ భేటీ అయిన నేపథ్యంలో సహజంగానే అది పెద్ద రాజకీయ వార్త అవుతుంది. బీజేపీతో కాపురం, టీడీపీతో సహజీవనం చేస్తున్న పవన్ కల్యాణ్‌ ప్రజాస్వామ్య పరిరక్షణ పేరుతో ఒకటి అవడానికి యత్నిస్తున్నారు. నిజానికి వీరు ఇద్దరూ ప్రజాస్వామ్యం గురించి మాట్లాడి ఉంటారని ఎవరూ అనుకోవడం లేదు. అఫ్ కోర్స్ .. ఇంకా ప్రభుత్వాన్ని ఏ రకంగా బదనాం చేయాలి? ఎన్ని రకాలైన అబద్దపు కుట్రలు పన్నాలి అన్న విషయాలు ప్రస్తావనకు వచ్చి ఉండవచ్చు. మీడియా సమావేశం తర్వాత వీరిద్దరూ చెప్పిన మాటలు విన్న తర్వాత ఈ అభిప్రాయం కలుగుతుంది. ఈ రెండు పార్టీలు కలిస్తే కొత్త ఎజెండాను ప్రకటించవచ్చు. విమానాశ్రయాలలో ఏ పార్టీ వారు అయినా పూలకుండీలు పగులకొట్టి, విధ్వంసం చేయవచ్చని వీరు హామీ ఇవ్వవచ్చు. ఇప్పటం గ్రామంలో  పవన్ కల్యాణ్‌ కారు టాప్‌పై తన ఇష్టం వచ్చినట్లు కూర్చున్నట్లుగా ఏపీలో ప్రజలు ఎవరైనా, కారుపై గాలితనంగా కూర్చోవచ్చనే హామీ ఇవ్వవచ్చు. రోడ్డుపై ఎవరు పడితే వారు తమ ఇష్టం వచ్చినట్లు ట్రాఫిక్‌కు ఆటంకం కలిగించవచ్చు. అయినా పోలీసులు ఏమైనా చర్య తీసుకుంటే వారిని టెర్రరిస్టులుగా ప్రకటించి తమ ప్రభుత్వం చర్య తీసుకుంటుందని వీరిద్దరూ  ఎన్నికల హామీగా  ఇవ్వవచ్చు. రోడ్డుపై సభలు పెట్టి తొక్కిసలాటలు జరిగినా కేసులు ఉండవు. కేసులు పెట్టిన పోలీసులపై చర్య తీసుకుంటాం. తొక్కిసలాటలలో మరణిస్తే వారి ఖర్మే తప్ప, సంబంధిత పార్టీకి ఎలాంటి బాధ్యత ఉండదని చెప్పవచ్చు. తెలుగుదేశం, జనసేన సభలకు భారీ ఎత్తున జనసమీకరణకు కానుకలు ఇస్తామని బహిరంగంగా ప్రకటించవచ్చు. ఈ కొత్త ఎజెండాతో వీరు ఎన్నికలకు వెళితే ప్రజల నుంచి మంచి మద్దతు వస్తుందని వారు ఆశిస్తున్నారేమో తెలియదు. కందుకూరులో ఎనిమిది మంది తొక్కిసలాటలో మరణిస్తే పవన్ కల్యాణ్ వారిని ఎందుకు పరామర్శించలేకపోయారు? టీడీపీ వారి బాధ్యతారాహిత్యాన్ని ఎందుకు ప్రశ్నించలేదు? గుంటూరులో కానుకల పేరుతో చంద్రబాబు సభకు జనాన్ని పోగుచేసి తొక్కిసలాటకు కారణమైన వారిని ఒక్క మాట అనని పవన్ కల్యాణ్, ప్రభుత్వం రోడ్లపై సభలు వద్దన్న జీఓతో ప్రజాస్వామ్యానికి ఏదో జరిగిపోయినట్లు చంద్రబాబుతో కలిసి మాట్లాడడం అంటే వారి మానసిక పరిస్థితి ఏ విధంగా ఉందో అర్ధం చేసుకోవచ్చు. కుప్పంలో నిబంధనలు పాటించాలని కోరితే చంద్రబాబు పోలీసులను, ముఖ్యమంత్రి జగన్‌ను నోటికి వచ్చినట్లు దూషించి అదే ప్రజాస్వామ్యం అని అంటుంటే పవన్ అవునవును అంటున్నారు. బ్రిటిష్ కాలపు నాటి చట్టం అని చంద్రబాబు అంటుంటే అవును కదా అని తాన అంటే తందానా అంటున్నారు. అమెరికా, బ్రిటన్ తదితర దేశాలలో రోడ్లపై నిరసన తెలిపినా కఠిన శిక్షలు ఉంటాయి. జరిమానాలు ఉంటాయి. కాని ఏపీలో మాత్రం రోడ్లు రాజకీయ పార్టీల వికృత క్రీడలకు వేదికలు అవుతున్నాయి. రోడ్డు మీద సభ పెడితే జన సమీకరణకు మరీ ఎక్కువ కష్టపడనవసరం లేదు. చుట్టు పక్కల ఉన్నవారంతా సభకు వచ్చినట్లే ప్రచారం చేసుకోవచ్చు. ఎటూ డ్రోన్‌ల ద్వారా ఉన్నవి, లేనట్లు, లేనివి ఉన్నట్లు చూపించవచ్చు. బహిరంగ సభకు జనం రాకపోతే పరువు పోతుందన్న భయం ఉండవచ్చు. ఈ జీఓకి వ్యతిరేకంగా ఏమి చేసేది చంద్రబాబు, పవన్‌లు ఎలాంటి కార్యాచరణను ప్రకటించలేదు. మరి వీరు ఏమి చర్చించి ఉంటారు? కచ్చితంగా వచ్చే ఎన్నికలలో పొత్తు ఎలా పెట్టుకోవాలి? బీజేపీని తమ గూటిలోకి ఎలా లాక్కురావాలి? ఒక వేళ వారు రాకపోతే, వీరిద్దరూ ఎలాంటి పొత్తు పెట్టుకోవాలి? మొదలైన విషయాలను చర్చకు వచ్చి ఉండవచ్చు. చంద్రబాబు నాయుడు ఈ విషయాన్ని పరోక్షంగా చెప్పనే చెప్పేశారు. రాజకీయాలలో పొత్తులు ఉంటాయని, గతంలో టీఆర్ఎస్‌తో పొత్తు పెట్టుకున్న విషయాన్ని ప్రస్తావించారు. నిజానికి ఆయన ఆ తర్వాత కాంగ్రెస్‌తో కూడా  పొత్తు పెట్టుకున్న సంగతి చెప్పి ఉండాలి. కావాలనే ఆయన ఆ పాయింట్ చెప్పకుండా జాగ్రత్తపడ్డారు. ఇంతకీ ముఖ్యమంత్రి పదవిని పవన్ కల్యాణ్‌ కోరుకుంటున్నారా? లేదా? కోరుకుంటే ఆ విషయంలో చంద్రబాబు స్పష్టత ఇచ్చారా?. తాము గెలిస్తే  తనకు కాకుండా పవన్ కల్యాణ్‌కు సీఎం సీటు ఇస్తామని ఆయన చెప్పగలరా?. గతంలో ఎప్పుడూ తామే త్యాగం చేయాలా అని బాధపడ్డ పవన్ కల్యాణ్ దీనిపై పట్టుబట్టే శక్తి కలిగి ఉన్నారా? లేక చంద్రబాబు చెప్పే మాటలకు బుట్టలో పడిపోతారా? లేక తాను ఎమ్మెల్యేగా గెలిస్తే అదే పెద్ద పదవి అని సరిపెట్టుకుంటారా? ఇప్పటికే వైసీపీ నేతలు, మంత్రులు పలు విమర్శలు చేస్తూ  పవన్ కల్యాణ్‌ సంక్రాంతి కానుక అందుకోవడానికి తనను దత్తత తీసుకున్న తండ్రి వద్దకు వెళ్లారని వ్యాఖ్యానిస్తున్నారు. ఒకవేళ సీఎం పదవితో నిమిత్తం లేకుండా పవన్ పొత్తు పెట్టుకుంటే మాత్రం ఏదో ప్యాకేజీ డీల్‌కు అమ్ముడు పోయారన్న విమర్శలు ఎక్కువగా వచ్చే అవకాశం ఉంటుంది. చదవండి: జీ హుజుర్‌.. చంద్రబాబుతో పవన్‌ భేటీ అందుకే.. ఇప్పుడు ఉన్న పరిస్థితి ప్రకారం వైఎస్సార్‌ కాంగ్రెస్‌ను, ముఖ్యమంత్రి జగన్‌ను  ఓడించే అవకాశం లేదు. అందుకే ఆయా పార్టీలను కలుపుకోవాలని చంద్రబాబు చేస్తున్న ప్రయత్నాలతో జగన్ ఎంత బలవంతుడుగా ఉన్నది చెప్పకనే చెబుతున్నారనుకోవచ్చు. ఏది ఏమైనా ఏదో ఒక పేరుతో చంద్రబాబు, పవన్‌లు తరచుగా భేటీ అవుతూ టీడీపీ, జనసేన క్యాడర్‌కు ఒక సంకేతం పంపడానికి తంటాలు పడుతున్నారని అర్ధం చేసుకోవచ్చు. కొన్ని జిల్లాలలో కమ్మ, కాపు సామాజికవర్గాల మధ్య చాలా అంతరం ఉంటుంది. ఒకరంటే ఒకరికి పడని రాజకీయ వాతావరణం ఉంటుంది. దానిని తగ్గించడానికి వీరు ఇప్పటినుంచే ప్రయత్నాలు చేస్తున్నారని గమనించవలసి ఉంటుంది. బీజేపీని వదలిపెట్టి అయినా చంద్రబాబు వేలు పట్టుకుని నడవడానికి పవన్ కల్యాణ్ సిద్దపడుతున్నారన్న విషయం ఈ భేటీలతో బోధపడుతుంది. ఎజెండాతో నిమిత్తం లేకుండా ఇలా అనైతిక పొత్తులను ఏపీ ప్రజలు ఆమోదిస్తారా? అన్నదే అసలు సమస్య.  -హితైషి

మెక్సికో విమానాశ్రయంలో యునైటెడ్‌స్టేట్స్‌కు వెళ్లే ప్యాకేజీలో మానవ పుర్రెలు ఉన్నాయంటూ కలకలం రేగింది. ఈ మేరకు సెంట్రల్‌ మెక్సికోలోని క్వెరెటారో ఇంటర్కాంటినెంటల్‌ ఎయిర్‌పోర్ట్‌లో ఒక కార్డ్‌బోర్డ్‌ పెట్టేలో అల్యూమినియం ఫాయిల్‌తో చుట్టబడిన పుర్రెలు కనుగొన్నారు అధికారులు. ఎయిర్‌పోర్ట్‌లోని సెక్యూరిటీ చెక్‌పాయింట్‌ వద్ద ఈ ప్యాకేజిని అధికారులు గుర్తించారు. దేశంలో అత్యంత హింసాత్మకమైన ప్రాంతాలలో ఒకటైన పశ్చిమ తీర రాష్ట్రమైన మిచోకాన్‌ నుంచి ప్యాకేజి వచ్చిందని అధికారులు తెలిపారు. ఇది సౌత్‌​ కరోలినాలోని మన్నింగ్‌లోని చిరునామకు వెళ్లనుందని తెలిపారు. ఆ మానవ అవశేషాలు ఏ వయసు వారివి? ఎవరివీ? అనే వివరాలు తెలియాల్సి ఉందని చెబుతున్నారు. వాస్తవానికి మానవ అవశేషాలను పంపించాలంటే హెల్త్‌ అధికారుల నుంచి ప్రత్యేక అనుమతి తప్పనిసరి. ఐతే ఈ ప్యాకేజి ఆ అనుమతిని పొందలేదని ఎయిర్‌పోర్ట్‌ అధికారులు పేర్కొన్నారు. ఇదిలా ఉండగా, ఇలానే కెన్యా నుంచి అమెరికాకు జిరాఫీ, జీబ్రా ఎముకలను తీసుకురావడానికి ప్రయత్నించినందుకు వాషింగ్టన్‌ డల్లెస్‌ అంతర్జాతీయ విమానాశ్రయ సిబ్బంది ఒక మహిళను అడ్డుకున్నారని కస్టమ్స్‌ బోర్డర్‌ ప్రొటెక్షన్‌(సీబీపీ) తన నివేదికలో పేర్కొంది.  (చదవండి: చైనాకు చేయి అందించి సాయం చేస్తానన్న తైవాన్‌.. షాక్‌లో బీజింగ్‌)

వాషింగ్టన్‌:   ఉక్రెయిన్‌కు అమెరికా మరో భారీ సహాయ ప్యాకేజీ ప్రకటించింది. 180 కోట్ల డాలర్ల విలువైన సైనిక సాయం అందజేయనుంది. ఇందులో ఒక బిలియన్‌ డాలర్ల విలువైన ఆయుధాలు, 800 మిలియన్‌ డాలర్ల నిధులున్నాయి. పేట్రియాట్‌ క్షిపణులు, ఉక్రెయిన్‌ యుద్ధ విమానాల కోసం అత్యంత కచ్చితత్వంతో కూడిన గైడెడ్‌ బాంబులను తొలిసారిగా ఉక్రెయిన్‌కు ఇవ్వనుంది. ఉక్రెయిన్‌పై రష్యా వైమానిక దాడులు ముమ్మరం చేస్తోంది. డ్రోన్లు ప్రయోగిస్తోంది. వాటిని తిప్పికొట్టడానికే కొత్త ఆయుధాలిస్తున్నట్లు తెలుస్తోంది. మరోవైపు ఉక్రెయిన్‌ అధ్యక్షుడు జెలెన్‌స్కీ బుధవారం అమెరికాకు చేరుకున్నారు. అధ్యక్షుడు జో బైడెన్‌తో భేటీ కానున్నారు. అమెరికా కాంగ్రెస్‌లో ప్రసంగిస్తారు. ఉక్రెయిన్‌పై రష్యా యుద్ధం మొదలైన తర్వాత జెలెన్‌స్కీ మరో దేశంలో అధికారికంగా పర్యటిస్తుండడం ఇదే తొలిసారి.

న్యూయార్క్‌: ప్రపంచ కుబేరుడు ఎలాన్‌ మస్క్‌ సారథ్యంలో భారత్‌తో సహా ప్రపంచవ్యాప్తంగా ట్విట్టర్‌లో పెద్ద ఎత్తున ఉద్యోగుల తొలగింపు కొనసాగుతోంది. సంస్థను ప్రక్షాళన చేసే పనిలో మస్క్‌ నిమగ్నమయ్యారు. సంస్థకు రోజూ 4 మిలియన్‌ డాలర్ల (రూ.32.79 కోట్లు) నష్టం వస్తోందని మస్క్‌ శనివారం ట్వీట్‌ చేశారు. అందుకే ఉద్యోగుల సంఖ్య తగ్గించుకోవాలని నిర్ణయించామని తెలిపారు. రాజీనామా చేసేవారికి 3 నెలల ప్యాకేజీ ఇస్తున్నామని, పట్టప్రకారం ఇవ్వాల్సిన దానికంటే ఇది 50 శాతం ఎక్కువ అని చెప్పారు. ట్విట్టర్‌ను మస్క్‌ గత నెలలో 44 బిలియన్‌ డాలర్లకు కొనుగోలు చేసిన సంగతి తెలిసిందే. సంస్థలో నిత్యం వందలాది మందికి పింక్‌ స్లిప్పులు అందుతున్నాయి. భారత్‌లో 200 మందికి పైగా ఉద్యోగులను ట్విట్టర్‌ తొలగించింది. ఇంజనీరింగ్, సేల్స్, మార్కెటింగ్, కమ్యూనికేషన్స్‌ తదితర విభాగాల్లో లేఆఫ్‌లు అమలు చేస్తోంది. అమెరికాలోని కాలిఫోర్నియాలో పలువురు ట్విట్టర్‌ ఉద్యోగులు కోర్టును ఆశ్రయించారు. ట్విట్టర్‌ యజమాన్యం కార్మిక చట్టాలను ఉల్లంఘింస్తోందని, చర్యలు తీసుకోవాలని కోరుతూ పిటిషన్‌ దాఖలు చేశారు.  

మల్కాజిగిరి: లక్ష్య సాధనకు సంకల్ప బలం దండిగా ఉండాలి. విజయం దిశగా పయనించేందుకు అకుంఠిత శ్రమ తోడవ్వాలి. ఆ కోవకు చెందిన యువతియే మల్కాజిగిరి విష్ణుపురి కాలనీకి చెందిన లక్కప్రగడ నీలిమ కుమార్తె శ్రేయా సాయి. అమెరికా మసాచుసెట్స్‌లోని ప్రఖ్యాత వెల్స్‌లీ కాలేజీలో 2022– 26 వరకు అండర్‌ గ్రాడ్యుయేషన్‌ (యూజీ) కోసం రూ.2.7 కోట్ల (ఇండియన్‌ కరెన్సీ) స్కాలర్‌షిప్‌ ప్యాకేజీని సదరు యూనివర్సిటీ నుంచి ఆమె పొందడం గమనార్హం. శ్రేయా సాయి సైనిక్‌పురిలోని భవన్స్‌లో పదో తరగతి, నల్లకుంటలోని డెల్టా కాలేజీలో ఇంటర్మీడియట్‌ చదివింది. అమెరికాలో ఉన్నత విద్య అభ్యసించాలనే లక్ష్యంతో వెల్స్‌స్లీ కాలేజీని ఎంపిక చేసుకొని ఈ ఏడాది జనవరిలో దరఖాస్తు చేసుకుంది. శ్రేయా సాయి ప్రతిభను గుర్తించిన మసాచుసెట్స్‌ యూనివర్సిటీ కంప్యూటర్‌ సైన్స్, సైకాలజీలో యూజీ చేయడానికి రూ.2.7 కోట్లు మంజూరు చేస్తూ మార్చి నెలలో సంబంధించిన పత్రాలను అందజేశారు. కాలేజీ ఫౌండర్‌ శ్రీకాంత్‌ మల్లప్ప, అకాడమీ డైరెక్టర్‌ భాస్కర్‌ గరిమెళ్లతో పాటు పాటా్నకు చెందిన గ్లోబల్‌ సంస్థ సీఈఓ శరత్‌ సహకారంతో వెల్స్‌లీ కళాశాలలో సీటు సాధించినట్లు శ్రేయా సాయి తెలిపింది. వచ్చే నెలలో ఉన్నత విద్యనభ్యసించేందుకు అమెరికా వెళ్తున్నట్లు పేర్కొంది.   అమ్మ తోడ్పాటుతోనే.. s పాఠశాల స్థాయి నుంచే వివిధ పోటీల్లో పాల్గొనే దాన్ని. స్వచ్ఛ భారత్‌ నిర్వహణకు తోటి విద్యార్థులతో గ్రూపు ఏర్పాటు చేశాను. కేబినెట్‌ మెంబర్‌గా ఉండేదాన్ని. అమ్మ నీలిమతో పాటు అమ్మమ్మ జానకీదేవి సహకారం ఎంతో ఉంది. ప్రత్యేక కార్యాచరణతో ఆన్‌లైన్‌ అసైన్‌మెంట్స్‌తో పాటు, సెమినార్స్‌లో పాల్గొనేదాన్ని. నా పట్టుదలే లక్ష్యాన్ని దరిజేరేలా చేసింది.    – శ్రేయాసాయి    (చదవండి: బాత్రూంలోనే నివాసం)

కోల్‌కతా: ఓ సాధారణ రైతు కుటుంబంలో జన్మించిన బిడ్డ.. తండ్రి కష్టం చూసి కష్టపడి చదివాడు. ఆ కష్టం ఇప్పుడు ఫలించింది. భారీ ప్యాకేజీతో ఉద్యోగం దక్కింది. అదీ ఫేస్‌బుక్‌లో. తమ బిడ్డ సాధించిన ఘనతకు ఆ తల్లిదండ్రులు మురిసిపోతున్నారు.  కోల్‌కతా జాదవ్‌పూర్‌ యూనివర్సిటీలో కంప్యూటర్‌ సైన్స్‌ ఫైనలియర్‌ చదువుతున్న బిశాక్‌ మోండాల్‌కు.. హయ్యెస్ట్‌పే ప్యాకేజీతో జాబ్‌ దక్కింది. అతనిది ఒక సాదాసీదా రైతు కుటుంబం. బీర్‌భూమ్‌లోని రామ్‌పూర్‌హట్‌లో ఉంటోంది అతని కుటుంబం. తండ్రి రైతుకాగా.. తల్లి అంగన్‌వాడీ వర్కర్‌. తమ బిడ్డను తమను గర్వపడేలా చేశాడని ఆ తల్లిదండ్రులు మురిసిపోతున్నారు.  బిశాఖ్‌ సెప్టెంబర్‌లో లండన్‌లోని ఫేస్‌బుక్‌లో జాయిన్‌ కాబోతున్నాడు. కోటి 80 లక్షల రూపాయల ప్యాకేజ్‌. అయితే ఫేస్‌బుక్‌ కంటే ముందు అతనికి గూగుల్‌, అమెజాన్‌ నుంచి కూడా ఆఫర్లు వచ్చాయి. ప్యాకేజీ ఎక్కువగా ఉండడంతో ఫేస్‌బుక్‌ వైపు మొగ్గు చూపించినట్లు తెలిపాడు.  గతంలో కోటి కంటే ఎక్కువ జీతంతో తొమ్మిది మంది జేయూ విద్యార్థులు ఈ ఘనత సాధించగా.. ఆ అందరిలోకెల్లా హయ్యెస్ట్‌ ప్యాకేజీ దక్కించుకుంది మాత్రం బిశాఖ్‌ కావడం గమనార్హం.

సాక్షి, పాన్‌గల్‌ (వనపర్తి): మండలంలోని కేతేపల్లి గ్రామానికి చెందిన వంగూరు బాలీశ్వర్‌రెడ్డి, వసంతలక్ష్మి దంపతుల ద్వితీయ కుమారుడు అనీష్‌కుమార్‌రెడ్డి అమెరికాలో అమెజాన్‌ సంస్థలో ఏడాదికి రూ.కోటి 20లక్షల ప్యాకేజీతో ఉద్యోగం సాధించాడని కుటుంబ సభ్యులు గురువారం తెలిపారు. అనీష్‌కుమార్‌ రెడ్డి పదవ తరగతి వరకు హైదరాబాద్‌లోని సెయింట్‌ జోసెఫ్‌ పాఠశాలల్లో, ఇంటర్‌ విద్యను శ్రీ చైతన్య కళాశాలలో, బీటెక్‌ (సీఎస్‌) గీతం యూనివర్సిటీ హైదరాబాద్, ఎంఎస్‌ను అమెరికాలో మిస్సోరి యూనివర్సిటీలో పూర్తిచేసి ఉద్యోగం సాధించారు. ఏడాదికి రూ.1.20కోట్ల ప్యాకేజీతో ఉద్యోగం సాధించడంపై కుటుంబ సభ్యులు, గ్రామస్తులు హర్షం వ్యక్తంచేశారు.     చదవండి: (సర్కారు వారి పాట)   

టోక్యో: ఉక్రెయిన్‌ యుద్ధం నేపథ్యంలో దేశంలో పెరుగుతున్న చమురు, తిండి గింజల ధరల ప్రభావాన్ని తగ్గించేందుకు 4,800 కోట్ల డాలర్ల అత్యవసర ప్యాకేజీని జపాన్‌ ప్రభుత్వం ప్రకటించింది. ప్యాకేజీతో చమురు సబ్సిడీలు, చిన్న వ్యాపారాలకు, అల్పాదాయ కుటుంబాలకు ఊతం అందిస్తామని ప్రధాని తెలిపారు.  కాగా ఉక్రెయిన్‌పై రష్యా దండయాత్ర ప్రారంభించి రెండు నెలలు గడిచిపోయాయి. ఆరు రోజుల్లో ముగుస్తుందని పుతిన్‌ అనుకున్న యుద్ధం కాస్తా 60 రోజులైనా కొనసాగుతూనే ఉంది. రష్యా దాడులతో ఉక్రెయిన్‌ ఉక్కిరిబిక్కిరి అవుతున్నా తీవ్రంగా ప్రతిఘటిస్తోంది. ఉక్రెయిన్ సైన్యం రష్యా బలగాలకు గట్టిగా సమాధానం చెబుతోంది. అంతేగాక ఉక్రెయిన్ కూడా రష్యాపై ప్రతి దాడులు చేస్తోంది. చదవండి: (పక్షులన్నీ కలిసి రాకాసి పక్షిలా.. ఎందుకిలా..?)

Quantumscape CEO Jagdeep Singh: సాధారణంగా కంపెనీల సీఈవోలు తమ సేవలకు నెలవారీ లేదంటే ఏడాదికి ప్యాకేజీ జీతాలను అందుకోవడం కామన్‌. కానీ, టెస్లా సీఈవో ఎలన్‌ మస్క్‌ మాత్రం వెరైటీగా ‘జీరో శాలరీ’తో షేర్ల ద్వారా తన బిలియన్‌ డాలర్ల దాహం తీర్చుకుంటున్నాడు. అయితే ఈ లిస్ట్‌లో ఇప్పుడు భారీ ప్యాకేజీ అందుకునేందుకు భారత సంతతికి చెందిన  ఓ సీఈవో సిద్ధంగా ఉన్నాడు.  అమెరికన్‌ స్టార్టప్‌ క్వాంటమ్‌స్కేప్‌ కార్పొరేషన్‌.. కార్లలో ఉపయోగించే లిథియమ్‌ మెటల్‌ బ్యాటరీలపై పరిశోధనలు నిర్వహించే కంపెనీ. 2010లో కాలిఫోర్నియా, శాన్‌ జోన్స్‌ బేస్డ్‌గా ఇది కార్యకలాపాలను నిర్వహిస్తోంది.  ఇందులో మైక్రోసాఫ్ట్‌ వ్యవస్థాపకుడు బిల్‌గేట్స్‌, వోగ్స్‌వాగన్‌ లాంటి కంపెనీల పెట్టుబడులు కూడా ఉన్నాయి. ఈ కంపెనీకి వ్యవస్థాపకుడు(మరో ఇద్దరితో కలిసి), సీఈవోగా ఉంది భారత సంతతికి చెందిన జగ్దీప్‌ సింగ్‌. ప్రస్తుతం స్టాక్‌ మార్కెట్‌లో ఈ కంపెనీ షేర్లు విపరీతమైన లాభాలతో ట్రేడ్‌ అవుతున్నాయి కూడా. కిందటి ఏడాది బ్లాంక్‌ చెక్‌తో ఐపీవోకి వెళ్లిన క్వాంటమ్‌స్కేప్‌.. 50 బిలియన్ల విలువతో మల్టీబిలియన్‌ కంపెనీల్లో ఒకటిగా అవతరించింది. అయితే తాజాగా జరిగిన ఓ ఒప్పందం ప్రకారం.. సీఈవో జగ్దీప్‌ సింగ్‌కు ఏకంగా 2.3 బిలియన్‌ డాలర్లు విలువ చేసే(మన కరెన్సీలో 15 వేల కోట్ల రూపాయలకు పైనే ఉంటుంది) షేర్లను కట్టబెట్టాలని నిర్ణయించుకుంది క్వాంటమ్‌స్కేప్‌ బోర్డు. కానీ, నిర్ణీత సమయంలో లక్క్ష్యం అందుకోవడం, కొన్ని మైళ్లు రాళ్లను దాటడం పూర్తి చేస్తేనే ఆయనకి ఈ విలువైన షేర్లు దక్కనున్నాయట.  బుధవారం జరిగిన షేర్‌హోల్డర్‌ సమావేశంలో ఈ మేరకు ఒప్పందం కుదిరినట్లు అడ్వైజరీ కంపెనీ గ్లాస్‌ లూయిస్‌ చెప్తోంది. తొలుత ఈ ప్రతిపాదనకు వాటాదారులు ఒప్పుకోనప్పటికీ.. జగ్దీప్‌ సింగ్‌పై పూర్తి నమ్మకం కంపెనీ ప్రదర్శించడంతో షేర్‌హోల్డర్స్‌కు అంగీకరించారని,  చివరకు డీల్‌ కుదిరిందనేది గ్లాస్‌ లూయిస్‌ సారాంశం. అదే జరిగితే టెస్లా సీఈవో ఎలన్‌ మస్క్‌ తర్వాత కేవలం వాటాల ద్వారానే అంతేసి లాభాలు అందుకునే రెండో సీఈవోగా జగ్దీప్‌ సింగ్‌ పేరు కార్పొరేట్‌ రంగంలో నిలిచిపోవడం ఖాయం. చదవండి: మరో సంచలనానికి సిద్దమైన ఎలన్‌ మస్క్‌..!

Reliance Jio Becomes the First Operator to Offer a Rs 1 Prepaid Plan with 100 MB Data Valid for 30 Days:  దేశీ టెలికాం కంపెనీ రిలయన్స్‌ జియో మరో సంచలనానికి తెర తీసింది. ప్రపంచంలోనే అ‍త్యంత కారుచౌక ధరకు ఇంటర్నెట్‌ ప్యాకేజీని అందిస్తోంది. మంగళవారం గప్‌చుప్‌గా ఈ ప్యాక్‌ను వాల్యూ కేటగిరీలో యాడ్‌ చేసింది జియో.  ప్రీపెయిడ్‌ రీఛార్జిలో భాగంగా ఒక్క రూపాయికి వంద ఎంబీ ఇంటర్నెట్‌ డేటా అందిస్తోంది రిలయన్స్‌ జియో.  100 ఎంబీ 4జీ డేటా.. 30 రోజుల వ్యాలిడిటీ ఉంటుంది.  ఈ డేటా అయిపోగానే.. 64 కేబీపీఎస్‌తో ఇంటర్నెట్‌స్పీడ్‌ అందుతుంది. అంటే.. వాట్సాప్‌లో సాధారణ టెక్స్ట్‌ మెసేజ్‌లు పంపుకోవచ్చన్నమాట. ఈమధ్యకాలంలో టెలికాం నెట్‌వర్క్‌లు అన్నీ టారిఫ్‌లు పెంచిన విషయం తెలిసిందే. ఈ తరుణంలో జియో వేసిన ఈ అడుగు కీలకమనే చెప్పాలి. ఇక వాటర్‌ ప్యాకెట్‌ ధర కంటే తక్కువకి.. అదీ కేవలం ఒక్క రూపాయికే ఇంటర్నెట్‌ ప్యాకేజీని అందించడం సంచలనంగా మారింది. ప్రపంచంలో ఇంత తక్కువ ధరకే డేటా ప్యాక్‌ను అందించిన ఘనత ఇప్పుడు రిలయన్స్‌కే దక్కింది. ఇదిలా ఉంటే 15రూ. 1 జీబీ డేటా అందిస్తున్న ప్యాక్‌ కంటే.. ఇలా ఒక్క రూపాయి ప్యాక్‌ ద్వారా 10రూ.తోనే వన్‌ జీబీ పొందే వీలు ఉంటుంది.   ఇక జియో అందిస్తున్న ఈ 100 ఎంబీప్లాన్‌ డేటాప్లాన్‌.. అన్నేసి రోజుల వాలిడిటీతో  ఏ టెలికామ్‌ ప్రొవైడర్‌ అందించట్లేదు. పైగా 28 రోజుల వాలిడిటీ కాకుండా.. 30 రోజుల పరిమితితో ఇస్తోంది.  నేరుగా మైజియో యాప్‌ ద్వారా ఈ రీచార్జ్‌ వెసులుబాటును కూడా అందిస్తోంది రిలయన్స్‌ జియో. చదవండి: జియో యూజర్లకు గుడ్‌న్యూస్‌

IIT Bombay Student Gets More Than 2 Crore Rupees Job Offer From Uber: ఐఐటీలు, ఐఐఎంలు అంటేనే ప్రతిభకు పట్టుగొమ్మలు. అందుకే మల్టీ నేషనల్‌ కంపెనీలు ఐఐటీయన్స్‌కి ఏడాదికి కోట్లలో జీతం చెల్లించడానికి కూడా వెనకాడవు. తాజాగా ఈ జాబితాలోకి  ట్యాక్సీ రైడ్‌ దిగ్గజ సంస్థ ఉబర్‌ టెక్నాలజీస్ చేరింది. ఓ ఐఐటీ విద్యార్థికి ఏడాడికి రూ. 2.5 కోట్ల ప్యాకేజీతో తమ కంపెనీలో ఉద్యోగం ఇచ్చింది. ఆ వివరాలు.. (చదవండి: హ్యాట్సాఫ్‌ ఆర్య: ఎందరికో స్ఫూర్తిగా నిలుస్తున్న తండ్రికూతుళ్లు) ఐఐటీ బాంబే విద్యార్థి ప్రతిభకు ఉబర్‌ ఫిదా అయ్యింది. అందుకే ఏడాదికి ఏకంగా 2 కోట్ల రూపాయలకు పైగా వేతనం చెల్లించేందుకు ముందుకు వచ్చింది. అలానే ఐఐటీ గుహవటి విద్యార్థికి ఏడాదికి సుమారు 2 కోట్ల రూపాయల వేతనం ఇచ్చేందుకు రెడీ అయ్యింది. ఇది మాత్రమే కాక, నివేదికల ప్రకారం ఈ ఏడాది 11 మంది ఐఐటీ రూర్కీ విద్యార్థులు సంవత్సరానికి రూ. 1 కోటి కంటే ఎక్కువ వేతనంతో వేర్వేరు కంపెనీల్లో ఉద్యోగాలు సాధించారు. (చదవండి: ఆమె కోపం.. రూ.8కోట్లు తెచ్చింది) ఈ ఆఫర్‌లు గత ఏడాదితో పోలిస్తే చాలా ఎక్కువ. ఉదాహరణకు, 2020లో ఐఐటీ బాంబే విద్యార్థి అందుకున్న అత్యధిక ప్యాకేజీ రూ. 1.54 కోట్లు మాత్రమే. గతేడాది కరోనావైరస్, ప్రపంచవ్యాప్త లాక్‌డౌన్‌.. వ్యాపారలపై భారీ ప్రభావం చూపింది. ఈ గందరగోళాలన్ని ముగిసి ప్రస్తుతం మార్కెట్‌లు స్థిరంగా ఉండటమే భారీ ప్యాకేజ్‌ ఆఫర్‌కి కారణమని నిపుణులు భావిస్తున్నారు. చదవండి: లేడీ కస్టమర్‌కు షాకిచ్చిన డెలివరీ బాయ్‌

ముంబై: జీవితకాల గరిష్ట స్థాయిల నమోదు తర్వాత లాభాల స్వీకరణ జరగడంతో సోమవారం బుల్‌ జోరుకు బ్రేక్‌ పడింది. సరికొత్త రికార్డులతో ట్రేడింగ్‌ను ప్రారంభించిన సూచీలు చివరికి నష్టాలతో ముగిశాయి. సెన్సెక్స్‌ 189 పాయింట్ల నష్టంతో 52,736 వద్ద ముగిసింది. నిఫ్టీ 46 పాయింట్లను కోల్పోయి 15,814 వద్ద నిలిచింది. ప్రపంచ మార్కెట్ల నుంచి ప్రతికూల సంకేతాలు అందాయి. అంతర్జాతీయంగా క్రూడాయిల్‌ ధరలు మూడేళ్లు గరిష్టానికి చేరుకోవడం కూడా మన మార్కెట్‌పై ప్రతికూల ప్రభావాన్ని చూపింది. కోవిడ్‌ ప్రభావిత రంగాలకు కేంద్రం ప్రకటించిన రూ.1.1 లక్షల కోట్ల ఉద్దీపన ప్యాకేజీ మార్కెట్‌ను మెప్పించలేకపోయింది. ఐటీ, ఆర్థిక రంగాల షేర్లతో పాటు అధిక వెయిటేజీ కలిగిన రిలయన్స్‌ షేరు ఒక శాతం క్షీణించి సూచీల ఆరంభ లాభాల్ని హరించి వేశాయి. అయితే ఫార్మా, మెటల్, బ్యాంకింగ్‌ షేర్లు రాణించి సూచీల భారీ పతనాన్ని అడ్డుకున్నాయి. ప్రైవేటీకరణ వార్తలతో ప్రభుత్వరంగ బ్యాంక్‌ షేర్లకు మరోసారి డిమాండ్‌ నెలకొంది. కేంద్రం ప్రకటించిన ప్యాకేజీలో వైద్య రంగానికి అధిక ప్రాధాన్యమివ్వడంతో ఫార్మా షేర్లకు కొనుగోళ్ల మద్దతు లభించింది. డెల్టా ప్లస్‌ వేరియంట్‌ కారణంగా పలు దేశాల్లో కరోనా వైరస్‌ కేసులు పెరగడంతో ప్రపంచ ఈక్విటీ మార్కెట్లు బలహీనంగా కదలాడుతున్నాయి. విదేశీ ఇన్వెస్టర్లు రూ.1659 కోట్ల షేర్లను అమ్మగా, దేశీయ ఇన్వెస్టర్లు రూ. 1277 కోట్ల షేర్లను కొన్నారు.  రికార్డు లాభాలు మాయం...  దేశీయ మార్కెట్‌ ఉదయం సరికొత్త రికార్డులతో ట్రేడింగ్‌ను షురూ చేశాయి. సెన్సెక్స్‌ 202 పాయింట్ల లాభంతో 53,127 వద్ద, నిఫ్టీ 56 పాయింట్లు పెరిగి 15,916 వద్ద మొదలయ్యాయి. ఈ ప్రారంభ స్థాయిలు సూచీలకు జీవితకాల గరిష్టాలు కావడం విశేషం. ఆసియాలో పలు దేశాల్లో కోవిడ్‌ కేసులు మళ్లీ పెరగడంతో అక్కడి మార్కెట్లు నష్టాల్లో కదలాడటం మన మార్కెట్‌ సెంటిమెంట్‌ను దెబ్బతీసింది. అలాగే సూచీలు ఆల్‌టైం హైని తాకిన తర్వాత లాభాల స్వీకరణ జరిగింది. మిడ్‌ సెషన్‌ తర్వాత యూరప్‌ మార్కెట్ల నష్టాల ప్రారం భం, ఆర్థిక మంత్రి ఉద్దీపన చర్యలు మెప్పించకపోవడంతో అమ్మకాల ఉధృతి మరింత పెరిగింది.  చదవండి: పెట్టుబడికి ఐడియా ఒక్కటే సరిపోదు..

న్యూఢిల్లీ : కరోనా సెకండ్‌ వేవ్‌తో దెబ్బతిన్న దేశ ఆర్థిక వ్యవస్థ తిరిగి గాడిన పడాలంటే మూడు కోట్ల లక్షల కోట్ల రూపాయల విలువైన ప్యాకేజీని ప్రకటించాలంటూ కేంద్ర ప్రభుత్వ ముఖ్య ఆర్థిక సలహదారు కేవీ సుబ్రమణియన్‌ సంచలన వ్యాఖ్యలు చేశారు. ఆర్థిక మంత్రి నిర్మలా సీతారామన్‌ ఇప్పటికే ప్రకటిస్తున్న ప్యాకేజీలకు అదనంగా ఈ మూడు లక్షల కోట్ల ప్యాకేజీ ఉండాలన్నారు.  మౌలిక రంగంలో పారిశ్రామికవేత్తలతో జరిగిన సంభాషణలో మూడు లక్షల కోట్ల ప్యాకేజీకి సంబంధించిన వ్యాఖ్యలు కేవీ సుబ్రమణియన్‌ చేశారు. ఈ ప్యాకేజీ ద్వారా విడుదల చేసే నిధుల్లో అధిక భాగం మౌలిక రంగంలో ఖర్చు చేయాలని కూడా ఆయన సూచించారు. కరోనా సెకండ్‌వేవ్‌ కారణంగా రెండు లక్షల కోట్ల రూపాయల విలువైన ఉత్పాదకతను దేశం నష్టపోయిందంటూ ఇప్పటికే రిజర్వ్‌ బ్యాంక్‌ ఆఫ్‌ ఇండియా ప్రకటించింది.  చదవండి : 2021లో ఇండియాలో టాప్‌ కంపెనీలు ఇవేనంట

సాక్షి, బెంగళూరు: కరోనా లాక్‌డౌన్‌ నేపథ్యంలో రాష్ట్రంలో ఇబ్బందుల్లో ఉన్న పలు వర్గాలకు కర్ణాటక ప్రభుత్వం రూ.1,250 కోట్లతో ప్రత్యేక ప్యాకేజీ ప్రకటించింది. తక్షణమే అర్హులకు ఆర్థికసాయం అందిస్తామని సీఎంయడియూరప్ప తెలిపారు. పండ్లు, కూరగాయల రైతులకు ప్రతి హెక్టార్‌కు రూ.10 వేలు, ఆటో, క్యాబ్‌ డ్రైవర్లకు రూ.3 వేలు, నిర్మాణ కార్మికులకు రూ.3 వేలు, చర్మకారులు, అసంఘటిత కార్మికులకు తలా రూ.2 వేలు, వీధి వ్యాపారులకు రూ.2 వేలు, కళాకారులు, కళా బృందానికి రూ.3 వేలు చొప్పున అందజేస్తామని సీఎం తెలిపారు. రుణ వాయిదాల చెల్లింపులకు మూడునెలలు విరామమిచ్చారు. ఈ మూడునెలల వడ్డీని ప్రభుత్వమే చెల్లిస్తుందన్నారు. రెండు నెలలు ఉచిత రేషన్‌ అందజేస్తామని చెప్పారు. 

టెక్సాస్‌: సాధారణంగా దొంగలు మెడలోని బంగారం.. చేతిలోని ఫోన్‌లు.. ఖరీదైన వస్తువులను చోరీ చేస్తుండంటాన్ని మనం చూసుంటాం. కానీ, మహిళలు దొంగతనం చేయటం చాలా అరుదు. అలాంటిది పట్టపగలు ఓ ఇంటి ముందు దొంగతనం చేయటం.. దుస్తులు జారిపోతున్నా పట్టించుకోకుండా పని చేసుకుపోవటం సాధారణ విషయం కాదు. అమెరికాకు చెందిన ఓ మహిళ గుమ్మం ముందు పెట్టిన ఒక పార్శిల్‌‌ను చోరీ చేసి, దుస్తులు జారిపోతున్నా పట్టించుకోకుండా పరిగెత్తింది. వివరాలు.. కొద్దిరోజుల కిత్రం టెక్సాస్‌లో ఇంటి ముందు పార్శిల్‌ పెట్టి పెట్టి వెళ్లిపోయాడు పార్శిల్‌ సర్వీస్‌ అతను. ఆ పార్శిల్‌ను ఓ చోరీ చేయాలనుకొంది. పార్శిల్‌‌ను చూడగానే పరిగెత్తుకొంటూ వచ్చి రెప్పపాటులో దాన్ని తీసుకొని పారిపోయింది. ఈ క్రమంలో ఆమె వేసుకున్న టీషర్ట్‌ జారీపోయింది. అయితే, ఆ లేడీ దొంగ ఇదేమి పట్టించుకోలేదు. ఇదంతా అక్కడున్న సీసీ కెమెరాలో  రికార్డ్‌ అయ్యింది. దీన్ని గమనించిన ఆ ఇంటి యజమాని ఈ వీడియోను సోషల్‌ మీడియాలో పోస్ట్‌చేశాడు. దీనిలో ఆమె ముఖం స్పష్టంగా కనిపిస్తొంది.  తొందరలోనే ఆ మహిళను పట్టుకుంటామని కౌంటీ ప్రెసింట్ కానిస్టేబుల్ అలన్ రాసెన్ తెలిపారు.  దీనిపై పెద్దగా  శిక్షలుండవని, కేవలం ఆ వస్తువు విలువను మాత్రమే చెల్లించాల్సి ఉంటుందన్నారు. దీన్ని చూసిన నెటిజన్లు ‘ ఘరానా దొంగ’, ‘లేడి డాన్‌’, ‘దొంగతనం కూడా ఆర్ట్ ‌’ అంటూ ఫన్నీ కామెంట్‌లు పెడుతున్నారు.  చదవండి: సెక్స్‌డాల్‌‌తో 8 నెలల కాపురం..ఆపై విడాకులు!

సాక్షి, ముంబై: తగ్గినట్టే తగ్గి మురిపించిన పసిడి ధరలు మళ్లీ పుంజుకున్నాయి. దేశీయ, అంతర్జాతీయ మార్కెట్లో వెండి, బంగారం ధరలు సోమవారం ఊపందు కున్నాయి. ముఖ్యంగా కరోనా సంక్షోభంనుంచి బైటపడేందుకు భారీ ఉద్దీపన ప్యాకేజీని అమెరికా పార్లమెంటు దిగువ సభ ఆమోదించిన తరువాత ఫ్యూచర్ మార‍్కెట్లో పసిడి ధరలకు డిమాండ్‌ పెరిగింది. ముఖ్యంగా భారీ ప్యాకేజీ మరింత ద్రవ్యోల్బణానికి దారితీస్తున్న అంచనాలతో డాలర్‌  క్షీణించింది. దీంతో ఇన్వెస్టర్ల పెట్టుబడులు బంగారం వైపు మళ్లాయి.  ఇది దేశీయంగా కూడా ప్రభావితం  చేసింది. ఎంసిఎక్స్‌లో బంగారు  ఏప్రిల్‌ ఫ్యూచర్స్ 0.68 శాతం లేదా 310 రూపాయలు పెరిగి 10 గ్రాముల పసిడి ధర రూ .46,046 వద్ద ఉంది.. సిల్వర్ ఫ్యూచర్స్ కిలోకు 1.13 శాతం లేదా 778 రూపాయలు పెరిగి కిలో 69,562 రూపాయలకుచేరింది.  హైదరాబాదులో 24  క్యారెట్ల 10 గ్రాముల బంగారం ధర 400 రూపాయలు పెరిగి రూ. 46,970 వద్ద  ఉంది.  అంతర్జాతీయంగా బంగారం ధరలు ఔన్సు ధర 1,748 డాలర్లకు చేరింది. వెండి 0.3 శాతం పెరిగి  26.71 డాలర్లకు చేరింది. అమెరికా ప్రకటించిన 1.9 ట్రిలియన్ డాలర్ల ప్యాకేజీ బంగారం ధరలను ప్రభావితం చేస్తుందని హెచ్‌డిఎఫ్‌సి సెక్యూరిటీస్ సీనియర్ అనలిస్ట్ (కమోడిటీస్) తపన్ పటేల్ అన్నారు. కాగా శుక్రవారం స్పాట్ మార్కెట్లో, బంగారం ధరలు 10 గ్రాములకు 342 రూపాయలు తగ్గి 45,599 రూపాయల వద్ద ఎనిమిది నెలల కనిష్టానికి చేరాయి. అలాగే 2 వేల రూపాయలకు పైగా క్షీణించిన వెండి కిలోకు రూ .67,419 కు పడిపోయిన సంగతి తెలిసిందే.

అమెరికాలో కరోనాతో ఇబ్బంది పడ్డ ప్రజలకు ఓ ప్యాకేజీ ప్రకటిద్దామని అధికారులు నిర్ణయం తీసుకుని దానిపై చర్చించేందుకు జూమ్‌ యాప్‌ను ఉపయోగించారు. జూమ్‌ యాప్‌లో మాట్లాడుతున్న సమయంలో జరిగిన ఓ చిన్న సంఘటన వైరల్‌గా మారింది. తలకిందులుగా ప్రసారమవడంతో ఓ కాంగ్రెస్‌ సభ్యుడు అసహనం వ్యక్తం చేశారు. ‘తానేం పిల్లిని కాను’ అని తలకిందులుగా వచ్చిన ఫొటోను స్క్రీన్‌షాట్‌ తీసి ట్వీట్‌ చేశారు. దీనికి నెటిజన్లు పలువిధాలుగా కామంట్స్‌ చేస్తున్నారు.  యునైటెడ్ స్టేట్స్ హౌస్ ఫైనాన్షియల్ సర్వీసెస్ కమిటీ కరోనాతో బాధపడుతున్న ప్రజలకు ప్రత్యేక ప్యాకేజీ ఏర్పాటుపై చర్చా సమావేశం జూమ్‌ యాప్‌లో నిర్వహించింది. సభ్యులు, అధికారులతో కలిసి ఆన్‌లైన్ జూమ్ యాప్ కేంద్రంగా సమావేశం నిర్వహించగా ఈ సమయంలో చిన్న తప్పిదం జరిగింది. కాంగ్రెస్ సభ్యుడు టామ్ ఎమ్మర్ మాట్లాడుతుండగా వీడియో తలకిందులుగా ప్రసారమైంది. దీంతో టామ్ ఎమ్మర్ కూడా తలకిందులుగా కనిపించాడు. దీన్ని చూసిన అక్కడి ప్రజాప్రతినిధులు, అధికారులు మీరు బాగానే ఉన్నారు కదా..? అని ప్రశ్నించారు. ‘ఇలా ఎందుకు వస్తుందో తనకు తెలియదని, దీనిని ఒకసారి ఆపివేసి, తిరిగి మళ్లీ ప్రారంభిస్తా’ అని చెప్పారు. దీనిపై ఆయన అసహనానికి గురయ్యాడు. వెంటనే స్క్రీన్‌షాట్‌ తీసుకుని దాన్ని ట్విటర్‌లో పంచుకున్నాడు. ‘తాను తలకిందులుగా వేలాడడానికి పిల్లిని కాదు’ అని ట్వీట్‌ చేశాడు.   I am not a cat. pic.twitter.com/d4lhQd0sJ4 — Tom Emmer (@RepTomEmmer) February 10, 2021

సాక్షి, న్యూఢిల్లీ : కరోనా వైరస్‌తో కుదేలైన ఆర్థిక వ్యవస్థను గాడినపెట్టేందుకు కేంద్ర ప్రభుత్వం మరో ఉద్దీపన ప్యాకేజ్‌ను ప్రకటించేందుకు కసరత్తు చేపడుతోంది. ఆర్థిక మందగమనంతో ఇబ్బందులు పడుతున్న మధ్యతరగతితో పాటు  చిన్న వ్యాపారులను ఆదుకోవడంపై ఈసారి ప్రభుత్వం దృష్టిసారించింది. రెండో ఆర్థిక ఉద్దీపన ప్యాకేజ్‌ను త్వరలోనే ఆశించవచ్చని ప్రభుత్వ ప్రధాన ఆర్థిక సలహాదారు కృష్ణమూర్తి వీ సుబ్రమణియన్‌ ఇటీవల పేర్కొన్నారు. ఆర్థిక వ్యవస్థ కోలుకునే దిశగా ప్రభుత్వం చర్యలు చేపడుతుందనే సంకేతాలను ఆయన ప్రకటన స్పష్టం చేసింది. లాక్‌డౌన్‌ ముగియడంతో పాటు పలు రాష్ట్రాల్లో వ్యాపారాలు, సేవలు అందుబాటులోకి రావడంతో తాజా ప్యాకేజ్‌తో మరిన్ని ప్రయోజనాలు ఉంటాయని ప్రభుత్వం భావిస్తోంది. ఆర్థిక వ్యవస్థను కుదుటపరిచేందుకు తదుపరి ఎలాంటి చర్యలు చేపట్టాలనేదానిపై ఆర్థిక మంత్రిత్వ శాఖ కీలక అత్యున్నత భేటీలను నిర్వహించడం కూడా రాబోయే ఆర్థిక ఉద్దీపన ప్యాకేజ్‌పై ఆశలు పెంచుతోంది. మరోవైపు ఇటీవల వెల్లడైన జీడీపీ గణాంకాలు ఆర్థిక వ్యవస్థ నిస్తేజాన్ని వెల్లడించడంతో తదుపరి ప్యాకేజ్‌ను ప్రకటించే ప్రక్రియను ప్రభుత్వం వేగవంతం చేసింది. ఏప్రిల్‌-జూన్‌ క్వార్టర్‌లో దేశ జీడీపీ 23.9 శాతం తగ్గడంతో ప్రపంచ ఆర్థిక వ్యవస్థల్లోనే కోవిడ్‌-19తో అత్యధిక ప్రభావానికి గురైన దేశంగా భారత్‌ నిలిచింది. ఈ ఆర్థిక సంవత్సరంలో మిగిలిన క్వార్టర్లలోనూ ఇవే సవాళ్లు ఎదురవుతాయని ఆర్థిక మంత్రిత్వ శాఖ భావిస్తోంది. ఆర్థిక వ్యవస్థ కోలుకునేందుకు తదుపరి రోడ్‌మ్యాప్‌ రూపకల్పనలో ఆర్థిక మంత్రిత్వ శాఖ కసరత్తును వేగవంతం చేసింది. చదవండి : చిన్న సంస్థలకు పెట్టుబడుల ఊతం పండుగల సీజన్‌ రాబోతుండటంతో దేశ ఆర్థిక వ్యవస్థ బలోపేతానికి ఈ అవకాశాన్ని వినియోగించుకుని డిమాండ్‌ను పెంచేందుకు చర్యలు చేపట్టాలని ప్రభుత్వం యోచిస్తోంది. ఆర్థిక వ్యవస్థ కోలుకునేందుకు తదుపరి చర్యలు ఎలా ఉండాలనే దానిపై ప్రభుత్వ అధికారులు తరచూ కార్పొరేట్‌ నేతలతో సమావేశమవుతున్నారని అధికార వర్గాలు పేర్కొన్నారు. డిమాండ్‌ విపరీతంగా పడిపోయిన క్రమంలో డిమాండ్‌ను పెంచే చర్యలు చేపట్టాలని వ్యాపార వర్గాలు ప్రభుత్వానికి విస్పష్టంగా సూచిస్తున్నాయి. చిరు వ్యాపారులు, మధ్యతరగతికి ఊరట తాజా ప్యాకేజ్‌లో చిన్న వ్యాపారాలను కాపాడటం, మధ్యతరగతికి మేలు చేసే చర్యలు చేపట్టడంపై ప్రభుత్వం ప్రాధాన్యత ఇస్తుందని అధికారులు పేర్కొన్నారు. ఇక ప్యాకేజ్‌ పరిమాణం, ఏ సమయంలో ప్రకటించాలనేదానిపై ప్రభుత్వం తర్జనభర్జనలు సాగిస్తున్నట్టు ఓ జాతీయ వెబ్‌సైట్‌ వెల్లడించింది. మధ్యతరగతి వర్గంతో పాటు  చిన్నవ్యాపారాలకు ఊతమివ్వాలని నీతి ఆయోగ్‌, ఆర్థిక మంత్రిత్వ శాఖ, ప్రధానమంత్రి ఆర్థిక సలహా మండలి అధికారులు అంగీకారానికి వచ్చినట్టు సమాచారం. రాబోయే ఉద్దీపన ప్యాకేజ్‌ ఈ రెండు వర్గాలపైనే ప్రధానంగా దృష్టిసారించే అవకాశం ఉంది. మరోవైపు భారత ఆర్థిక వ్యవస్థ ఎన్నడూ లేని రీతిలో సమస్యలను ఎదుర్కొంటున్న క్రమంలో ప్రత్యక్షంగా ఆర్థిక ఊతమిచ్చే చర్యలు తక్షణం చేపట్టాలని పలువురు ఆర్థికవేత్తలు కోరుతున్నారు.

సాక్షి, విశాఖపట్నం: మ‌త్స్య శాఖ అభివృద్ధిపై మంత్రి డా.సిదిరి అప్ప‌ల‌రాజు శనివారం మీడియాతో మాట్లాడారు. సిదిరి అప్ప‌ల‌రాజు మాట్లాడుతూ.. రాష్ట్రంలో 3వంద‌ల‌ నుంచి 350 మిలియ‌న్ ట‌న్నుల ఎగుమ‌తులే  ల‌క్ష్యంగా పెట్టుకున్నామని తెలిపారు. భావ‌న‌పాడు, కాకినాడ‌, మ‌చిలీప‌ట్నం, రామ‌య‌ప‌ట్నం పోర్టుల అభివృద్దికి అన్ని చర్యలు తీసుకుంటున్నామని తెలిపారు. కాగా శ్రీ‌కాకుళం జిల్లా వెనుక‌బ‌డిన జిల్లా అనే పేరు విన‌బ‌డ‌కూడ‌ద‌ని ముఖ్యమంత్రి వైఎస్‌ జగన్‌మోహన్‌రెడ్డి ప‌నిచేస్తున్నారని పేర్కొన్నారు.  మరోవైపు భావ‌న‌పాడు పోర్టుని పోర్ట్ డెవ‌ల‌ప్ మెంట్ కార్పొరేష‌న్ లిమిటెడ్ అనే స్పెష‌ల్ ప‌రపస్ వెహిక‌ల్‌ను ఏర్పాటు చేసి, ల్యాండ్ లార్డ్ మోడ‌ల్‌లో నిర్మాణం చేప‌డ‌తాం అని తెలిపారు. మొద‌టి ద‌శ  5 వంద‌ల ఎక‌రాల్లో బ‌ల్క్ కార్గో పోర్ట్ నిర్మాణం జ‌రుగుతందని, మ‌లి ద‌శ‌లో  2217 ఎక‌రాల్లో భావ‌న‌పాడు పోర్ట్ నిర్మాణం జ‌ర‌గుతుందని పేర్కొన్నారు. కాగా భావ‌న‌పాడు, దేవున‌ల్తాడ గ్రామాల‌కు ఆర్ అండ్ ఆర్ ప్యాకేజి క్రింద‌ నష్టప‌రిహారం ఇవ్వబడుతుందని పేర్కొన్నారు. మంచినీళ్ల పేట, బుడ‌గ‌ట్ల పాలెం వ‌ద్ద జెట్టీ నిర్మాణం చేప‌డ‌తామని, మ‌త్స్య‌కారుల వ‌ల‌స‌ల‌ను రాబోయే రోజుల్లో నివారిస్తామని తెలిపారు. ఇళ్లు కోల్పోయేవారికి ఆర్ అండ్ ఆర్ ప్యాకేజి, పున‌రావాసం, ఇళ్ల‌స్థ‌లం లేదా ఇళ్లు కట్టుకోవడానికి స‌రిప‌డా డ‌బ్బులు కేటాయిస్తామని తెలిపారు.  ఇల్లు వ‌ద్దనుకునేవారికి వ‌న్ టైం సెటిల్మెంట్ క్రింద ప‌రిహారం ఇస్తామని, ర‌వాణా చార్జీలతో సహా గౌర‌వ‌ప్ర‌ద‌మైన ప‌రిహారం ఇవ్వ‌బ‌డుతుందని సిదిరి అప్ప‌ల‌రాజు పేర్కొన్నారు

సాక్షి, న్యూఢిల్లీ: భారతీయ బ్యాంకులకు వేల కోట్ల రూపాయలను ఎగవేసి విదేశాల్లో తలదాచుకుంటున్న లిక్కర్‌ కింగ్‌ విజయ్‌ మాల్యా  మరో ప్రతిపాదనతో ముందుకు వచ్చారు.  శిక్షనుంచి తప్పించుకునే మార్గాలన్నీ మూసుకు పోవడంతో బ్యాంకుల కన్సార్షియంతో సెటిల్‌మెంట్‌ ప్యాకేజీని అంగీకరించాలంటూ కోరినట్టు తెలుస్తోంది. త్వరలోనే బ్రిటన్ ప్రభుత్వం మాల్యాను భారత్‌కు అప్పగించడం ఖాయం అనుకుంటున్న తరుణంలో  ఈ వివాదాన్ని పరిష్కరించుకునేందుకు మాల్యా సిద్ధం కావడం గమనార్హం. అయితే మాల్యా ఇలాంటి ఆఫర్‌ ఇవ్వడం ఇదే మొదటిసారి కాదు. బ్యాంకుల కన్సార్షియం మునుపటి ఆఫర్లను ఇప్పటికే తిరస్కరించింది. మరి తాజా ప్రతిపాదనపై ఎలా స్పందిస్తుందో చూడాలి. (మాల్యా ‘శరణార్థి’ అభ్యర్థనను మన్నించొద్దు) టైమ్స్‌ ఆఫ్ ఇండియా నివేదిక ప్రకారం, బ్యాంకులతో పరిష్కారానికి సిద్ధంగా ఉన్నట్టు మాల్యా న్యాయవాది సుప్రీంకోర్టుకు తెలిపారు. అయితే పరిష్కారం మొత్తం ఎంత ప్రతిపాదించారు అనేదానిపై స్పష్టత లేదు. అసలు రుణాలు, వాటిపై ఇప్పటి వరకు అయిన వడ్డీతో కలిపి 13,960 కోట్లు రూపాయలను చెల్లిస్తామంటూ గత నెలలో సుప్రీంకోర్టులో పిటిషన్‌ దాఖలు చేశారు.  (మాల్యా అప్పగింతపై సందేహాలు) కాగా 9వేల కోట్ల రూపాయలకు పైగా రుణాల ఎగవేత ఆరోపణలతో మాల్యా ఈడీ, సీబీఐ కేసులను ఎదుర్కొంటున్నారు. ఈ నేపథ్యంలో మాల్యాను భారత్‌కు తిరిగి రప్పించేందుకు దాదాపు రంగం సిద్ధమైంది. అయితే మాల్యాను భారత్‌కు అప్పగించేందుకు కొన్ని చట్టపరమైన సమస్యలున్నాయని, వాటిని పరిష్కరించాల్సి ఉందని బ్రిటిష్ హైకమిషన్ ప్రకటించింది. మరోవైపు శరణార్ధిగా దేశంలో ఉండేందుకు అంగీకరించాలంటూ  బిట్రన్‌ ప్రభుత్వాన్ని  మాల్యా అభ్యర్థించిన సంగతి తెలిసిందే. 

తిరుపతి అన్నమయ్య సర్కిల్‌: కష్టాల్లో కూరుకుపోయిన పారిశ్రామిక రంగాన్ని పునర్‌ నిర్మించేందుకు రీస్టార్ట్‌ ప్యాకేజ్‌ దోహదపడుతుందని ఉప ముఖ్యమంత్రి కే నారాయణస్వామి పేర్కొన్నారు. సూక్ష్మ, చిన్న, మధ్య తరహా పరిశ్రమలకు గత ప్రభుత్వం పెండింగ్‌ పెట్టిన రూ.827కోట్ల ప్రోత్సాహక బకాయిలతో పాటు కొత్తగా రూ.1,168కోట్ల రీస్టార్ట్‌ ప్యాకేజ్‌ని ప్రస్తుత ప్రభుత్వం ప్రకటించింది. రెండో విడతలో రాష్ట్రవ్యాప్తంగా రూ.512.35కోట్లు సహాయం అందించే కార్యక్రమాన్ని ముఖ్యమంత్రి వైఎస్‌.జగన్‌మోహన్‌రెడ్డి సీఎం క్యాంపు కార్యాలయం నుంచి వీడియో కాన్ఫరెన్స్‌ ద్వారా బటన్‌ నొక్కి ప్రారంభించారు. తిరుపతి ఆర్డీఓ కార్యాలయం నుంచి పంచాయతీరాజ్, గ్రామీణాభివృద్ధి శాఖ మంత్రి పెద్దిరెడ్డి రామచంద్రారెడ్డి, ప్రభుత్వ విప్, తుడా చైర్మన్‌ చెవిరెడ్డి భాస్కర్‌రెడ్డి, తిరుపతి  ఎంపీ బల్లి దుర్గాప్రసాద్, ఎమ్మెల్సీ     యండపల్లి శ్రీనివాసులురెడ్డి, సత్యవేడు ఎమ్మెల్యే కోనేటి ఆదిమూలం, పలమనేరు ఎమ్మెల్యే వెంకటేగౌడ్, శ్రీకాళహస్తి ఎమ్మెల్యే  బియ్యపు మధుసూదన్‌రెడ్డి, కలెక్టర్‌ నారాయణ భరత్‌గుప్త, జీఎండీ ప్రతాప్‌రెడ్డితో కలసి ఉప ముఖ్యమంత్రి పాల్గొన్నారు. అనంతరం ఆయన మీడియా సమావేశంలో మాట్లాడుతూ మూతపడిన చిన్న, మధ్య తరహా పరిశ్రమలను ఆర్థికంగా ఆదుకోవడంపై ప్రభుత్వం దృష్టి సారించిందన్నారు. అందులో భాగంగానే విడతలవారీగా నిధులు విడుదల చేస్తోందని తెలిపా రు. గత ప్రభుత్వంలో ఈ తరహా పరిశ్రమలు నిర్లక్ష్యానికి గురయ్యాయని చెప్పారు. మంత్రి పెద్దిరెడ్డి రామచంద్రారెడ్డి మాట్లాడుతూ వైఎస్‌.జగన్‌ మోహన్‌రెడ్డి ముఖ్యమంత్రిగా బాధ్య తలు చేపట్టిన తర్వాత పరిశ్రమలను ప్రోత్సహించే విధంగా చర్యలు చేపట్టారన్నారు. జిల్లా వ్యాప్తంగా రీస్టార్ట్‌ ప్యాకేజీలో భాగంగా మొదటి విడతలో 944 ఎంఎస్‌ఎంఈలకు రూ.68 కోట్లు కేటాయించినట్లు వెల్లడించారు. రెండో విడతలో 854 ఎంఎస్‌ఎంఈలకు రూ.49.87 కోట్లు కేటాయించారని చెప్పారు. ఇంత మొత్తంలో సాయం చేసిన సీఎంకు రాష్ట్ర వ్యాప్తంగా పారి శ్రామికవేత్తలు కృతజ్ఞతలు తెలపడం అభినందనీయమన్నారు.  మూతపడిన పరిశ్రమలను ఆదుకున్నారు  మూతపడిన పరిశ్రమలను తిరిగి పట్టాలు ఎక్కించేందుకు ముఖ్యమంత్రి సాయం అందించారు. పరిశ్రమలకు కార్పస్‌ ఫండ్, మార్కెట్‌ సదుపాయాలు కల్పించడం ద్వారా ప్రాణం పోశారు. మేము 2018లో పరిశ్రమలు స్థాపించేటప్పుడు వర్కింగ్‌ క్యాపిటల్‌ కోసం ఇబ్బందులుపడ్డాం. ఇప్పుడు కరోనాతో సంక్షోభంలో పడ్డాం. దేవుడిలా ఆదుకున్నందుకు కృతజ్ఞతలు.  –  సురేష్, చక్రి ఇండస్ట్రీస్‌ అధినేత, పెనుమూరు ఆక్సిజన్‌ ఇచ్చారు  ప్రస్తుతం పరిశ్రమలు దివాలా తీసే పరిస్థితి.  గత ప్రభుత్వ బకాయిలను కూడా ప్రస్తుతం విడుదల చేయడం వల్ల ఆక్సిజన్‌ ఇచ్చినట్లు ఉంది. మా గ్రానైట్‌ పరిశ్రమపరంగా పెట్టుబడి, విద్యుత్, అమ్మకపు పన్నులు, వడ్డీ అన్ని కలిపి పెండింగ్‌ ఉన్న రూ.30 లక్షలు విడుదలైంది.  – జె.రాధిక, గ్రానైట్‌ పరిశ్రమ యజమాని గంగాధరనెల్లూరు  

సాక్షి, న్యూఢిల్లీ : కరోనా వైరస్ సంక్షోభం నుంచి కోలుకునేందుకు కేంద్ర ప్రభుత్వం మరో ఉద్దీపన ప్యాకేజీ ప్రకటించే అవకాశం ఉందని ఆర్‌బీఐ డైరెక్టర్ గురుమూర్తి అంచనా వేశారు. సెప్టెంబర్ లేదా అక్టోబరులో  తుది ఉద్దీపన ప్యాకేజీని ప్రకటించే అవకాశం ఉందని పేర్కొన్నారు. నిన్న (మంగళవారం) భారత్ ఛాంబర్ ఆఫ్ కామర్స్ నిర్వహించిన వెబ్‌నార్‌లో గురుమూర్తి ఈ వ్యాఖ్యలు చేశారు.  కేంద్ర ప్రభుత్వం ఇప్పటికే ప్రకటించిన 20 లక్షల కోట్ల రూపాయల ప్యాకేజీ మధ్యంతర చర్యగా మాత్రమే భావించ వచ్చని గురుమూర్తి తెలిపారు. ఈ నేపథ్యంలో కోవిడ్‌-19 అనంతర ఎరాలో చివరి ప్యాకేజీ ప్రకటించే అవకాశముందని చెప్పారు. అమెరికా, యూరోపియన్‌ దేశాలు నగదును ముద్రించుకుంటూ వస్తున్నాయి, కానీ భారతదేశంలో ఈ అవకాశం చాలా తక్కువే అన్నారు. అలాగే దీనికి సంబంధించి రిజర్వ్ బ్యాంకు ఇంకా ఎలాంటి నిర్ణయం తీసుకోలేదని గురుమూర్తి అన్నారు.  ఈ ఏడాది ఏప్రిల్‌ 1వ తేదీ నుంచి మే 15 వరకు ప్రభుత్వం జన్‌ధన్‌ ఖాతాల్లో 16 వేల కోట్ల రూపాయలను జమ చేయగా, ఆశ్చర్యకరంగా చాలా స్వల్పంగా కొద్దిమంది మాత్రమే ఈ నగదును ఉపసంహరించు కున్నారని గురుమూర్తి పేర్కొన్నారు. సంక్షోభం తీవ్ర స్థాయిలో లేదనడానికి ఇదే సంకేతమన్నారు. ప్రస్తుతం దేశం భిన్న సమస్యలను ఎదుర్కొంటోందని గురుమూర్తి వెల్లడించారు. కరోనా అనంతరం ప్రపంచం బహుళ ఒప్పందాల నుంచి ద్వైపాక్షిక ఒప్పందాల వైపు మళ్లే అవకాశం ఉందని అభిప్రాయపడ్డారు. భారత ఆర్థిక వ్యవస్థ కూడా శరవేగంగా కోలుకుంటుందని ఆయన తెలిపారు.  

సాక్షి, న్యూఢిల్లీ : కరోనా సంక్షోభ కాలంలో ఆర్థిక వ్యవస్థ స్థిరీకరణ కోసం కృష్టి చేస్తున్న రిజర్వ్ బ్యాంక్ ఆఫ్ ఇండియా(ఆర్‌బీఐ)కు  కాంగ్రెస్‌ నేత, కేంద్ర మాజీ ఆర్థిక మంత్రి చిదంబరం  కీలక సూచన చేశారు. ఆర్‌బీఐ సత్యర చర్యల్ని కొనియాడిన ఆయన  తమ  కర్తవ్య నిర్వహణపై నిర్మొహమాటంగా  వ్యవహరించాలని సలహా  ఇచ్చారు.  తమ డ్యూటీ  చేసుకోమని  మొహ​మాటం లేకుండా ప్రభుత్వానికి గట్టిగా చెబుతూనే, ఆర్థిక చర్యలు తీసుకోవాలని కోరాలని ఆర్‌బీఐ గవర్నర్ శక్తికాంత దాస్‌కు చిదంబరం శనివారం సూచించారు. డిమాండ్ పడిపోతోందనీ, 2020-21లో వృద్ధి ప్రతికూలతవైపు మళ్లుతోందని చెబుతున్న శక్తికాంత దాస్‌ ఎక్కువ ద్రవ్య లభ్యతను ఎందుకు సమకూరుస్తున్నారంటూ ట్వీట్ చేశారు. (పీఏం కేర్స్‌’ కేటాయింపులపై చిదంబరం సందేహం) మరోవైపు ఆర్థిక వ్యవస్థ దుస్థితిపై కేంద్రంపై మాజీ ఆర్థికమంత్రి చిదంబరం మండిపడ్డారు. జీడీపీ క్షీణిస్తోందని స్వయంగా ఆర్‌బీఐ గవర్నర్‌ చెబుతున్నా,  జీడీపీలో 1 శాతం కంటే తక్కువగా ఉన్న ప్యాకేజీపై ఆర్థికమంత్రి నిర్మలా సీతారామన్‌, ప్రభుత్వం  ప్రగల్భాలు పోతున్నారని విమర్శించారు. దేశ ఆర్థిక వ్యవస్థ పతనానికి కారణమైన ప్రభుత్వ విధానాలపై ఆర్‌ఎస్‌ఎస్‌ సిగ్గుడాలని వ్యాఖ్యానించారు. భారతదేశ స్థూల జాతీయోత్పత్తి (జీడీపీ) ఈ సంవత్సరం తగ్గిపోతుందని ప్రభుత్వం ప్రతినిధి, లేదా సెంట్రల్ బ్యాంక్‌కు చెందిన కీలక వ్యక్తులు ఇలా ప్రకటించడం ఇదే మొదటిసారి. కాగా కరోనా వైరస్‌, లాక్‌డౌన్‌ ఆందోళనల మధ్య  భారత ఆర్థిక వ్యవస్థ వృద్ది నెగిటివ్‌ జోన్‌లోకి  జారిపోతోంది. దీంతో శుక్రవారం నాటి పాలసీ రివ్యూలో   రెపో రేటును  4.0 శాతానికి తగ్గించిన సంగతి తెలిసిందే. Governor @DasShaktikanta says demand has collapsed, growth in 2020-21 headed toward negative territory. Why is he then infusing more liquidity? He should bluntly tell the government ‘Do your duty, take fiscal measures’. — P. Chidambaram (@PChidambaram_IN) May 23, 2020

నేటి కోవిడ్‌ సంక్షోభ కాలాన్ని, నరేంద్రమోదీ రెండు ప్రపంచ యుద్ధాల నాటి విధ్వంసంతో పోల్చారు. కానీ, నాడు ఆ వినాశనం నుంచి బయట పడేందుకు తమ తమ కరెన్సీలను విస్తారంగా ముద్రించి (‘ద్రవ్యలోటు’ భావనను పట్టించుకోకుండా) తద్వారా ప్రజల కొనుగోలు శక్తినీ, డిమాండ్‌నూ పెంచటం విషయంలో ప్రపంచ దేశాలు అనుసరించిన మార్గాన్ని అనుసరించడానికి మోదీ వెనుకాడుతున్నారు. నిజానికి, నేటి సంక్షోభ కాలంలో, ప్రపంచంలోని అనేక దేశాలు, భారీగా తమ తమ కరెన్సీల ముద్రణ ద్వారా  ప్రజల కొనుగోలు శక్తిని పెంచే ప్రయత్నం చేస్తున్నాయి. కానీ, నిరంతరం ‘స్వదేశీ’ మంత్రాన్ని జపిస్తోన్న మన పాలకులు మాత్రం  విదేశీ రేటింగ్‌ సంస్థలకు వెరుస్తూ, షేర్‌ మార్కెట్లో విదేశీ మదుపుదారుల ప్రయోజనాలను కాపాడుతూ, అంతర్జాతీయరుణ సంస్థల షరతులను తు.చ. తప్పకుండా పాటిస్తూ.. మనది ఒక సార్వభౌమాధికార దేశమని, మన కరెన్సీ రూపాయిపై, దాని ముద్రణపై పెత్తనం,అధికారం మనదేననే విషయాన్ని మరచిపోతున్నారు. కేంద్రంలోని బీజేపీ ప్రభుత్వం తన మూల సిద్ధాంతమైన స్వదేశీని బూజుదులిపి స్వావలంబన రూపంలో బయటకు తీసింది. మే 5వ తేదీన మన కేంద్రమంత్రి నితిన్‌ గడ్కరీ గారు దిగుమతుల మీద ఆధారపడటాన్ని తగ్గించుకునే ఆలోచన చేస్తున్నామని, (దానికి అనుగుణంగా) విదేశాల నుంచి వచ్చే దిగుమతులకు ప్రత్యామ్నాయాలను ఉత్పత్తి చేసేందుకు సాంకేతికంగా ఆధునీకరించుకోవాలని భారత పారిశ్రామిక రంగానికి పిలుపును కూడా ఇచ్చారు. అలాగే, మే 12వ తేదీన 20 లక్షల కోట్ల ఉద్దీపన పేరిట ఒక విధాన, ఆర్థిక ‘‘పథకాన్ని’’ ప్రతిపాదిస్తూ ప్రధాని మోదీ కూడా స్వావలంబనను ఈ విధానం తాలూకు కేంద్ర బిందువుగా సెలవిచ్చారు.  కానీ, ఈ స్వదేశీ విధానం దిశగా సాగే చిత్తశుద్ధి, సాహసం బీజేపీ నాయకత్వానికి ఉందా ? జవాబులు చూద్దాం. గతంలో వాజ్‌పేయి హయాం నుండి కూడా బీజేపీ మూల సిద్ధాంతాలుగా వున్న రెండు అంశాలు : 1. హిందూత్వ 2. స్వదేశీ. కాగా, ఇక్కడ మనం గమనించాల్సింది ఒక రాజకీయ పక్షంగా బీజేపీ తాలూకు సైద్ధాంతిక విజయం ప్రధానంగా  స్వదేశీ తాలూకు వాగ్దానాల పునాదిపైనే ప్రాథమికంగా ఆధారపడి ఉంది. అంటే స్వదేశీ రూపంలో దేశ ప్రజల కనీస ఆర్థిక అవసరాలను పరిపూర్తి చేసిన తర్వాతే ఆ స్థిరమైన పునాదిపై బీజేపీ తన నినాదమైన హిందూత్వను సంపూర్ణంగా విజయవంతం చేసుకోగలదు.  తొలినుంచీ కార్పొరేట్‌ అనుకూలతే! కాగా, 1996లో 13 రోజుల బీజేపీ ప్రభుత్వంలో అమెరికాకు చెందిన అవినీతి పుట్ట ఎన్‌రాన్‌ ప్రాజెక్టుకు వాజ్‌పేయి హయాంలో కౌంటర్‌ గ్యారంటీలు ఇవ్వడంతోనే బీజేపీ తాలూకు స్వదేశీకి మొదటి చావు దెబ్బ తగిలింది. అలాగే, నేటి ఎన్డీఏ 2 హయాంలో కూడా బీజేపీ పాలకులు కాంగ్రెస్‌ ప్రభుత్వాన్ని మించిన స్థాయిలో విదేశీ కార్పొరేట్లకు అనుకూలంగా నిర్ణయాలు తీసుకున్నారు. అనేక సందర్భాలలో దేశీయ ఎగుమతులను పెంచుకోవడం, ఉపాధి కల్పనల వంటి అంశాలకు విరుద్ధంగా అమెరికాతో అంటకాగడం, ఆ దేశ వ్యాపార ప్రయోజనాలకు అనుగుణంగా వ్యవహరించడమే చేశారు. ఈ క్రమంలోనే అమెరికాతో మనకి ఉన్న వాణిజ్య సమతుల్యత (ఎగుమతి దిగుమతుల సమతుల్యత) అమెరికాకు అనుకూలంగా మారింది. ఆ దేశంతో మనకు వున్న వాణిజ్య మిగులు స్థాయి పడిపోయింది. అలాగే బిలియన్ల కొద్దీ డాలర్ల ఆయుధాల దిగుమతులు గత కొన్నేళ్లలో అమెరికా నుంచి జరిగాయి. అలానే రష్యా నుంచి మనం కొనుగోలు చేయదల్చిన ఎస్‌400 మిసైల్‌ రక్షణ వ్యవస్థకు అమెరికా మోకాలడ్డినా మనం మారు మాట్లాడలేని దుస్థితిలోకి పోతున్నట్లు కనబడుతోంది. ఇక, మన చిరకాల మిత్రదేశం ఇరాన్‌ నుంచి, చమురు  దిగుమతులను నిలిపివేయమని అమెరికా ఆదేశాలు జారీచేస్తే తలవంచి శిరసావహించాం. నిన్నగాక మొన్న,  భారత్‌ తమకు హైడ్రాక్సిక్లోరోక్విన్‌ ఔషధాన్ని ఎగుమతి చేయకుంటే సహించేదిలేదని అమెరికా అధ్యక్షుడు బెదిరిస్తే ఔషధంపై విధించిన నిషేధాన్ని పక్కన పెట్టి మరీ మనం అమెరికాకు జోహుకుం చేశాం. ఇక, చివరగా నేడు కరోనా విషాద కాలంలో ఆర్థికంగా చితికిపోయిన దేశ ఆర్థిక వ్యవస్థను ఆదుకునేందుకు పూర్తిస్థాయిలో నిర్ణయాలు చేయలేకపోయాం. మీనమేషాలు లెక్కించి  మొదటి దఫా వాపు తప్ప బలంలేని 1.70 లక్షల కోట్ల రూపాయల ఉద్దీపన పథకాన్ని ప్రకటించుకున్నాం. ఇక, చాలాకాలం వృధా చేశాక ప్రతిపక్షాలూ, ఏ రాజకీయాలులేని అభిజిత్‌ బెనర్జీ, రçఘురామ్‌ రాజన్‌ వంటి పలువురు ఆర్థికవేత్తలూ, కడకు స్టాండర్డ్‌ అండ్‌పూర్‌ వంటి పలు అంతర్జాతీయ రేటింగ్‌ సంస్థలూ కూడా విమర్శలూ, సూచనలూ చేశాక, మే 12వ తేదీన 20 లక్షల కోట్ల ఆర్థిక ప్యాకేజీ అంటూ ప్రధాని నరేంద్రమోదీ ఒక ఉద్దీపనను ప్రకటించారు.  కేంద్ర ఖజానాలో అదనంగా ఖర్చు 2 శాతమే ఈ ప్యాకేజీ స్వరూపం సూక్ష్మంగా:  1. ఇప్పటికే అప్పులపాలై, ఆర్థిక పటుత్వాన్ని కోల్పోయిన–– సూక్ష్మ, చిన్న, మధ్య తరహా పరిశ్రమలకూ, రైతులకూ, ఇతర బాధిత వర్గాలకూ రుణాలు ఇస్తాం తీసుకోండి అని ప్రతిపాదించడం. 2. 2020–21 బడ్జెట్‌ను కాస్తంత రీప్లే చేయడం. 3. సులభతర వాణిజ్యం పేరిట వివిధ కీలకరంగాల్లో భారీ స్థాయి ప్రైవేటీకరణలు.. అది చాలదన్నట్లు రాష్ట్రాలు రుణాలు తెచ్చుకునేందుకు ఉన్న ఎఫ్‌ఆర్‌బీఎమ్‌ పరిమితిని ప్రస్తుతమున్న 3 శాతం నుంచి 5 శాతానికి పెంచే పేరిట ఈ వెసులుబాటును ఉపయోగించేందుకు రాష్ట్రాలు కూడా ప్రైవేటీకరణలు, యూజర్‌ చార్జీల మోతలూ మోగించాలని షరతు పెట్టడం. మొత్తంగా ఈ సోకాల్డ్‌ ప్యాకేజీలో కేంద్ర ఖజానా నుంచి అదనంగా ఖర్చుపెట్టింది కేవలం 2 శాతం లోపే. అంటే మాటలు కోటలు దాటినా, చేతలు గడపదాటడం లేదు. అంతిమంగా ఈ ప్యాకేజీలో లేనిదీ.. నేటి కోవిడ్‌ సంక్షోభ కాలంలో జనసామాన్యం అడుగుతున్న ఆ ఒక్కటే.. అదే హెలికాప్టర్‌ మనీ.. లేదా బాధిత వర్గాలకు వారి అకౌంట్లలోకి సరాసరి నగదును బదిలీ చేసి ఈ విపత్కాలంలో వారిని తక్షణం ఆదుకోవడం.  ఈవిధంగా  తమ దగ్గర డబ్బు లేదంటూ, నిరంతరంగా ద్రవ్య లోటును దాటలేమని సెలవిచ్చే మన పాలకులు  దేశ సార్వభౌమాధికారానికీ, స్వతంత్ర నిర్ణయాధికారాలకూ తిలోదకాలు ఇస్తున్నారు. రేటింగ్‌ సంస్థలను సంతృప్తిపరుస్తూ, షేర్‌ మార్కెట్‌ సూచీలనే దేశ పురోగతికి కొలబద్దలుగా చూసుకుంటూ, విదేశీ ఋణదాతల షరతులకు తల ఒగ్గుతున్న నేటి ప్రభుత్వ నేతల తాలూకు ‘స్వదేశీ’ నినాదం నేతి బీరకాయలో నెయ్యి ఎంత ఉందో అంతే నిజం! బహుశా ఈ కారణం చేతనే నోబెల్‌ బహుమతి గ్రహీత అయిన ఆర్థిక వేత్త అభిజిత్‌ బెనర్జీ భారత ప్రభుత్వం నేటి కోవిడ్‌ సంక్షోభ కాలంలో ద్రవ్య లోటును పట్టించుకోకుండా భారీగా కరెన్సీని ముద్రించి అయినా, దేశ ఆర్థిక వ్యవస్థను ఆదుకునే సాహసాన్ని చేయాలన్నారు. కాగా, తన ఆదాయం కంటే, ఖర్చులు ఎక్కువ పెట్టి, ద్రవ్యలోటును పెంచుకుంటే (మరిన్ని కరెన్సీ నోట్ల ముద్రణ వంటి మార్గాల ద్వారా) దాని వలన ద్రవ్యోల్బణం పెరిగి అది రూపాయి విలువ పతనానికి దారి తీస్తుందనేదే మన ప్రభుత్వం తాలూకు ఆందోళనగా వుంది. నిజానికి, ఈ ద్రవ్యోల్బణం పెరుగుదలా, రూపాయి దిగజారుడు గురించిన ఆందోళన అది దేశ ప్రజలకు చెరుపు చేస్తుందని కాదు. దీని వెనుకన ఉన్నది  దేశీయ షేర్‌ మార్కెట్లలో పెట్టుబడులు పెట్టిన విదేశీ మదుపుదారుల ప్రయోజనాలు మాత్రమే. అంటే ఈ మదుపుదారులు మన షేర్‌ మార్కెట్లలో పెట్టుబడులను రూపాయి కరెన్సీలోనే పెట్టగలరు. కాబట్టి, ఇక్కడ రూపాయి విలువ తగ్గితే ఈ మదుపుదారుల పెట్టుబడులూ, లాభాల విలువ కూడా తగ్గిపోతుంది. అదీ కథ. ప్రపంచ దేశాలను ఈ విషయంలో అనుసరించరా? నేటి కోవిడ్‌ సంక్షోభ కాలాన్ని, నరేంద్రమోదీ రెండు ప్రపంచ యుద్ధాల నాటి విధ్వంసంతో పోల్చారు. కానీ, నాడు ఆ వినాశనం నుంచి బయట పడేందుకు తమ తమ కరెన్సీలను విస్తారంగా ముద్రించి (‘ద్రవ్యలోటు’ భావనను పట్టించుకోకుండా) తద్వారా ప్రజల కొనుగోలు శక్తినీ, డిమాండ్‌నూ పెంచడం విషయంలో ప్రపంచ దేశాలు అనుసరించిన మార్గాన్ని అనుసరించడానికి మోదీ వెనుకాడుతున్నారు. నిజానికి, నేటి సంక్షోభ కాలంలో, ప్రపంచంలోని అనేక దేశాలు, భారీగా తమ తమ కరెన్సీల ముద్రణ ద్వారా  ప్రజల కొనుగోలు శక్తిని పెంచే ప్రయత్నం చేస్తున్నాయి. చివరకు, ఆర్థికంగా మనను పోలిన టర్కీ, ఇండోనేసియా దేశాలు కూడా ఇదే మార్గాన్ని ఎంచుకున్నాయి.  కానీ, నిరంతరం  ‘స్వదేశీ’ మంత్రాన్ని జపిస్తోన్న మన పాలకులు మాత్రం  విదేశీ రేటింగ్‌ సంస్థలకు వెరుస్తూ, షేర్‌ మార్కెట్లో విదేశీ మదుపుదారుల ప్రయోజనాలను కాపాడుతూ, అంతర్జాతీయ ఋణ సంస్థల షరతులను తు.చ. తప్పకుండా పాటిస్తూ.. మనది ఒక సార్వభౌమాధికార దేశమని, మన కరెన్సీ రూపాయిపై, దాని ముద్రణపై పెత్తనం, అధికారం మనదేననే విషయాన్ని మరచిపోతున్నారు. వ్యాసకర్త : డి. పాపారావు ,ఆర్థికరంగ విశ్లేషకులు మొబైల్‌ : 98661 79615 

మనకు ఇప్పుడు మూడు రకాల చెప్పులు, చెప్పుళ్లు. ఒకటి నెత్తుట తడిసిన వలస కూలీ కాలు సొంతూరివైపు వేసిన అరిగిన చెప్పు. రెండోది విలేకరుల సమావేశంలో ఖాళీ నినాదాల చెప్పుడు. మూడోది దివాళా కోరు ఆర్థిక విధానాలకు మూర్ఖ జనం ఇంకా చూపని చెప్పు. మన ఖజానాలు ఖాళీ, నినాదాలు కూడా ఖాళీ. జాన్‌ హైతో జహాన్‌ హై తొలి నినాదం. తరవాత జాన్‌ భీ జహాన్‌ భీ. పైపైకి జాన్‌ భీ అన్నారు గాని, ప్రాణం పోతే పోయింది డబ్బు ముఖ్యం అని అసలు అర్థం. లాక్‌ డౌన్‌ నీరుగార్చి డబ్బు కరువు తీర్చడానికి మద్యం కట్టలు తెంచారు.    కీలకమైన శాఖలలో సమర్థులను నియమించాలనే శ్రద్ధ మన ప్రభుత్వాలకు లేదు. ప్రధానమైన పదవులకు ఎంచుకున్న వ్యక్తులను పరిశీలిస్తే బీజేపీ ప్రభుత్వానికి ఈ దేశం పట్ల ఎంత భక్తి ఉందో తెలుస్తుంది. అయినా మూర్ఖశిఖామణులకు అర్థం కావడం లేదు. కరోనా వైరస్‌ ఆర్థిక రంగాన్ని తీవ్రంగా దెబ్బతీసింది. బోలెడు లక్షల కోట్ల ప్రాజెక్టులు  మొదలుపెట్టి అప్పులు తెచ్చుకుని చేతులెత్తేసే దుస్థితి. చెప్పుచేతల్లో ఉన్న రిజర్వ్‌ బ్యాంక్‌ను బతిమాలి బామాలి, వినకపోతే రాష్ట్ర గవర్నర్‌ను తీసేసినట్టు ఆర్బీఐ గవర్నర్‌ను తీసేశారు. ప్రపంచం అంతటా నిపుణులైన ఆర్థికవేత్తలను కేంద్ర బ్యాంకులకు గవర్నర్లుగా నియమిస్తే, భారత దేశం మాత్రం చెప్పిన మాట చేతులు కట్టుకుని వినే అనుయాయిని గవర్నర్‌ చేసేసింది. రాష్ట్ర పన్నులన్నీ పీకి, జీఎస్టీ పన్ను విధించింది. సంస్కరణ అంటే పన్నులు పెంచడం అనే కొత్త నిఘంటు అర్థం. రాష్ట్రాలు గోల చేస్తే రాష్ట్ర జీఎస్టీ అన్నారు. పన్నుల సంఖ్య తగ్గిస్తాం ఒకే దేశం ఒకే పన్ను అని ఇంకో ఖాళీ నినాదం. మనకు వినపడని నినాదం– పన్నుపన్నుకో పన్ను. కట్టకపోతే తన్ను. అన్నన్ని పన్నులు విధించి కేంద్రం, రాష్ట్రం మునిసిపాలిటీలు పళ్లూడగొట్టి వసూలు చేస్తున్నాయి. పన్నుల్లో ఎక్కువ శాతం కేంద్రం ఒళ్లో వచ్చి పడుతుంది. రాష్ట్రాల వాటాలు ఎప్పుడు బకాయిల్లోనే ఉంటూ ఉంటాయి. మాకు వసూళ్లు కావడం లేదు కనుక ఇవ్వం అంటున్నది కేంద్రం. ఉదా.. మహారాష్ట్ర రెవెన్యూ వ్యయానికి ఒక్క శాతం సాయం చేయాలన్నా 33 వేల 500 కోట్లు ఇవ్వాలి. కానీ, విపత్తు నిధికింద వారికి ఇచ్చింది కేవలం 4,300 కోట్లు. ఆదాయపరంగా అగ్రస్థాయిలో ఉన్న మహారాష్ట్ర గతే అదయితే మిగిలిన రాష్ట్రాలది అధోగతే. ఫైనాన్సియల్‌ రిస్క్‌ బిజినెస్‌ మేనేజ్‌మెంట్‌ చట్టాన్ని తీసేసి 2017లో  కొత్త చట్టం తెచ్చారు. ఈ ‘సంస్కరణ’ ఏమంటే– ఆర్థిక సంక్షోభం వస్తే కేంద్రానికి గండం గడిచే మార్గాలు ఉన్నాయి కాని రాష్ట్రాలకు లేవు. వీటిని తప్పించుకునే మార్గాలు అంటారు. అంటే లక్ష్యంనుంచి దారి మళ్లే సదుపాయం. కేంద్రానికి జాస్తి, రాష్ట్రాలకు నాస్తి.  అప్పులు తీసుకోవడానికి అనుమతి ఇవ్వం. బకాయిలు ఇవ్వం. పన్నులు, అధికారాలు, చట్టపరమైన శక్తులు అన్నీ కేంద్రీ కృతం చేస్తాం. అధికారాలన్నీ మా కింద ఉన్న కేంద్ర అధికారుల చేతిలో పెడతాం. ముఖ్యమంత్రులంతా దేబిరిస్తూ ఉండాలని కేంద్రం అంటే దాన్ని ఫెడరలిజం అనీ ఆ పాలనను ప్రజాస్వామ్యం అనీ ఎవరూ అనుకోరు. కేరళ పదిహేను సంవత్సరాలకోసం 9 శాతం వడ్డీతో ఆరు వేల కోట్లరూపాయలు కాపిటల్‌ మార్కెట్‌ నుంచి అప్పుతీసుకున్నది. రాష్ట్ర జీడీపీ నిష్పత్తిని బట్టి ఇప్పటికే మన రాష్ట్రాల అప్పులు 27.7 శాతం పెరిగాయి. ఇంకా అప్పులు కావాలంటే ఎక్కువ వడ్డీరేటుతో తీసుకోవాలి. పేరుకుపోయిన ఈ అప్పుల భారాన్ని, తరువాత వచ్చే ప్రభుత్వాలు సంబాళించుకోవడం కష్టం. కరోనా సహాయ బాండులనుకొనే అవకాశం ఇవ్వాలి. ఆ విధంగా మరికొన్ని ప్రత్యామ్నాయ అవకాశాలు ఇవ్వాలని రాష్ట్రాలు అడుగుతున్నాయి. లేకపోతే పన్నులు పెంచుకుంటూ పోవడంతప్ప వారికి మరో దారి లేదు. ఎఫ్‌ఆర్‌బీఎం పరిమితిని పెంచండి అప్పులు తీసు కుంటా మని రాష్ట్రాలు కోరితే కేంద్రం తన అధికారాలను విపరీతంగా పెంచే బిల్లులను ఆమోదించాలనే షరతు పెట్టింది. భారీనిధులు ఇచ్చినప్పుడు కూడా ఇటువంటి షరతులు పెట్టరు. విద్యుచ్ఛక్తి సంస్కరణల పేరుతో రాష్ట్రాల అధికారాలన్నీ తుడి చిపెట్టి కేంద్రం గుప్పిట్లో పెట్టుకుంటే రేపు కరెంటు వాటా కోరినప్పుడు కూడా చెత్త షరతులు విధిస్తుంది. ఇదే దుర్మార్గమని తెలంగాణ ముఖ్యమంత్రి కె. చంద్రశేఖరరావు విమర్శించారు. రుణపరిమితిని రెండు శాతం  పెంచితే 20 వేలకోట్లు వనరులు అందుతాయి. ప్రతి రూపాయి వడ్డీతో సహా రాష్ట్రమే చెల్లించాలి. కేంద్రం మెహర్బానీ ఏమీ లేదు. రాష్ట్రాలను మరింత దిగజార్చే విద్యుచ్ఛక్తి చట్టం మార్పులు ఒప్పుకుని, జనం మీద పన్నుల పెంపు మోత మోగిస్తేనే మరో 2500 కోట్లకు ఇస్తామనడం రాష్ట్రాల పాలనా స్వాతంత్య్రాన్ని దెబ్బ తీయడమే అవుతుంది. రాష్ట్రాల ఖాళీ చిప్పల్లో కేంద్రం ఖాళీ ప్యాకేజీ.  కరోనాబూచి చూపి నియంతృత్వాన్ని వ్యవస్థాపితం చేయాలనుకుంటే ఒప్పుకోకుండా విద్యుచ్ఛక్తి కేంద్రీకరణతో సహా కేంద్రం ప్రతిపాదించిన కొత్త షరతులన్నీ ఉపసంహరించుకోవాలని రాష్ట్రాలు పట్టుబట్టాల్సిందే. తమను మతం పిచ్చిలో మందు మత్తులో ముంచి గెలిచే ఏ పార్టీ కూడా దేశం గురించి ఆలోచించదని జనం తెలుసుకోవాలి. పాలకుల కన్నా ముందు జనం తమ మత మత్తును, మూర్ఖత్వాన్ని వదులుకోవాలి. వ్యాసకర్త : మాడభూషి శ్రీధర్‌, బెన్నెట్‌ యూనివర్సిటీ ప్రొఫెసర్,కేంద్ర సమాచార మాజీ కమిషనర్‌ madabhushi.sridhar@gmail.com

సాక్షి, ముంబై: దేశీయ స్టాక్‌మార్కెట్లు లాభాల్లో ముగిసాయి.వరుసగా రెండో రోజు కూడా లాభాల్లో ముగిసిన కీలక సూచీలు బుధవారం ప్రధాన మద్దతు  స్థాయిలకు  ఎగువన పటిష్టంగా ముగిసాయి.  ఫార్మా బ్యాంకింగ్‌, ఫైనాన్షియల్స్‌ సహా దాదాపు అన్ని రంగాల షేర్లు లాభపడ్డాయి. ఆర్థిక పునరుద్ధరణకు ప్రభుత్వం  మరో ఉద్దీపన ప్యాకేజీ రానుందనే  అంచనాలతో  సెన్సెక్స్ నిఫ్టీ  రెండు శాతానికి పైగా   లాభాలతో ముగిశాయి.  బ్యాంకింగ్ షేర్లు  భారీగా పుంజుకోవడంతో మిడ్‌ సెషన్‌  తరువాత లాభాల జోరందుకున్న సెన్సెక్స్‌ 622 పాయింట్లు ఎగిసి 30818 వద్ద, నిఫ్టీ 187 పాయింట్ల లాభంతో 9066 వద్ద స్థిరపడింది.  తద్వారా  సెన్సెక్స్‌ 30500 పాయింట్ల ఎగువన, నిఫ్టీ 9050కి ఎగువన ముగిసాయి. అరవిందో, గ్లెన్‌మార్క్‌, ఎస్కార్ట్స్‌ లాంటి ఫార్మ షేర్లు ప్రదానంగా లాభపడ్డాయి. హెచ్‌డీఎఫ్‌సీ, డా. రెడ్డీస్‌ 6 శాతం ఎగిసి టాప్‌ విన్నర్స్‌గా ఉన్నాయి.  ఇంకా కోటక్‌ మహీంద్ర,  ఐసీఐసీఐ బ్యాంకు,  ఎస్బీఐ, బజాన్‌ ఫైనాన్స్‌, ఎల్‌ అండ్‌ టీ లాభపడ్డాయి.  రైట్స్‌ ఇష్యూ ఇవాళ్టి నుంచి ప్రారంభం కావడంతో రిలయన్స్‌ ఇండస్ట్రీస్‌లో జోరుగా ట్రేడ్‌ అయింది.   మరోవైపు అదానీ పవర్‌, మైండ్‌ ట్రీ స్వల్పంగా  నష్టపోయాయి. అటు డాలరు మారకంలో  రూపాయి  నష్టాలతో ముగిసింది. డాలరు బలం, ఆసియన్‌  కరెన్సీల బలహీనత నేపథ్యంలో  75.86 స్థాయిని టచ్‌ చేసింది.  అయితే ఈక్విటీ మార్కెట్లో  లాభాలతో చివర్లో తేరుకుని  75.79  వద్ద ముగిసింది. చదవండి : కరోనా కాటు, ఓలా ఉద్యోగులపై వేటు కోవిడ్‌-19: రోల్స్‌ రాయిస్‌లో వేలాదిమందికి ఉద్వాసన

సాక్షి, న్యూఢిల్లీ : విమానయాన రంగంలో భారీ సంస్కరణలు తీసుకునాబోతున్నట్లు కేంద్రం ఆర్థికమంత్రి నిర్మలా సీతారామన్‌ ప్రకటించారు. లాక్‌డౌన్‌తో కుదేలయిన ఆర్థిక రంగ పునరుత్తేజం, స్వావలంబ భారత్‌ లక్ష్యంగా ప్రధానమంత్రి నరేంద్రమోదీ ప్రకటించిన రూ. 20 లక్షల కోట్ల ప్యాకేజ్‌కు సంబంధించిన మరిన్ని వివరాలను ఆర్థికమంత్రి నిర్మలా సీతారామన్‌ శనివారం వెల్లడించారు. ఈ సందర్భంగా ఆమె విమానయాన రంగం గురించి మాట్లాడుతూ.. దేశంలో ఆరు ఎయిర్‌పోర్టులను వేలం వేయాలని నిర్ణయం తీసుకున్నట్లు తెలిపారు. మరో 12 ఎయిర్‌పోర్టులలో ప్రైవేట్‌ పెట్టుబడుల వాటాను పెంచబోతున్నట్లు వెల్లడించారు. ప్రైవేటు పెట్టుబడుల ద్వారా రూ.13వేల కోట్ల ఆదాయం సమకూర్చుకోనున్నట్టు తెలిపారు. (చదవండి : ప్యాకేజీ 4.0: నిర్మాణాత్మక సంస్కరణలకు ప్రాధాన్యం) రూ.1000కోట్లతో ఎఫిషియెంట్‌ ఎయిర్‌స్పేస్‌ మేనేజ్‌మెంట్‌ ఏర్పాటు చేస్తామన్నారు.  ‘భారత్‌లో 60 శాతం ఎయిర్‌ స్పేస్‌ మాత్రమే అందుబాటులో ఉంది. మిగిలిన ఎయిర్‌ స్పేస్‌ వివిధ కారణలతో ప్రభుత్వ నియంత్రణలో ఉంది. దీని వల్ల విమానాలు చుట్టూ తిరిగి వెళ్లాల్సి వస్తోంది. విమానాల ప్రయాణ కాలాన్ని తగ్గించుందకు ఎయిర్‌స్పేస్ మేనేజ్‌మెంట్ ఏర్పాటు చేస్తాం’ అని మంత్రి నిర్మలా సీతారామన్‌ పేర్కొన్నారు. ‌ఎంఆర్‌వో ట్యాక్స్‌ విధానంలో కీలక మార్పులు తీసుకురానున్నట్టు తెలిపారు. విమానాల నిర్వహణలో డిఫెన్స్‌, సివిల్‌ ఏవియేషన్ల మధ్య సమన్వయం ఉంటుందన్నారు. దీనివల్ల కంపెనీలకు సివిల్‌ ఏవియేషన్‌ నిర్వహణ భారం తగ్గనుందని నిర్మల తెలిపారు. ఎయిర్ పోర్టులతో పాటు.. అంతరిక్ష పరిశోధన రంగాల్లో కూడా ప్రైవేటు పెట్టుబడులు అనుమతి కల్పిస్తున్నామన్నారు. అంతరిక్ష పరిశోధనలలో ఇస్రోతో పాటు ఇతర ప్రైవేటు రంగానికి తగిన ప్రాధాన్యం కల్పిస్తామని మంత్రి నిర్మలా సీతారామన్ తెలిపారు. 

సాక్షి, న్యూఢిల్లీ: కరోనా వైరస్‌ను కట్టడి చేయటానికి విధించిన లాక్‌డౌన్‌తో కుదేలయిన ఆర్థిక రంగ పునరుత్తేజం, స్వావలంబ భారత్‌ లక్ష్యంగా ప్రధానమంత్రి నరేంద్రమోదీ ప్రకటించిన రూ. 20 లక్షల కోట్ల ప్యాకేజ్‌కు సంబంధించిన మరిన్ని వివరాలను ఆర్థికమంత్రి నిర్మలా సీతారామన్‌ శనివారం వెల్లడించారు. తీవ్ర పోటీని ఎదుర్కొనే విధంగా మనల్ని మనం తయారు చేసుకోవాల్సి ఉందని ఆమె అన్నారు. వ్యవస్థలను బలోపేతం చేసేందుకు ప్రధానమంత్రి నరేంద్ర మోదీ అద్భుతమైన సంస్కరణలు చేపట్టారన్నారు. ప్రత్యక్ష పెట్టుబడుల్లో తీసుకువచ్చిన సంస్కరణలు అద్భుతమైన ఫలితాలనిస్తున్నాయని నిర్మలా సీతారామన్‌ తెలిపారు. ( అనుబంధ వ్యవ‘సాయా’నికి! ) తమ ప్రభుత్వ హయాంలోనే జీఎస్టీకి మోక్షం లభించిందని ఆమె ఈ సందర్భంగా గుర్తు చేశారు. నేడు ప్రధానంగా నిర్మాణాత్మక సంస్కరణలకు ప్రాధాన్యమిస్తున్నామని, పెట్టుబడులను వేగవంతం చేసేందుకు విధానపరమైన సంస్కరణలు చేపట్టామన్నారు. పారిశ్రామిక రంగంలో మౌళిక సదుపాయాల అభివృద్దికి చర్యలు తీసుకుంటున్నట్లు చెప్పారు. భూ బ్యాంకుల ఏర్పాటుతో పాటు పారిశ్రామిక క్లస్టర్ల గుర్తించామన్నారు. 5 లక్షల హెక్టార్లలో 3376 ఇండస్ట్రియల్ పార్కుల గుర్తింపు, బొగ్గు ఉత్పత్తి రంగంలో ప్రైవేటు రంగానికి అవకాశం ఇవ్వనున్నట్లు నిర్మలా సీతారామన్‌ వెల్లడించారు. నిర్మల ప్రసంగంలోని మరికొన్ని అంశాలు.. 50 బొగ్గు బ్లాకులలో వేలం ద్వారా ప్రైవేటు కంపెనీలకు అవకాశం. నిర్ణీత గడువులో బొగ్గు ఉత్పత్తిని పూర్తి చేసిన కంపెనీలకు ప్రోత్సహాకాలు. ఖనిజాల తవ్వకాల కోసం 500 బ్లాకుల్లో వేలం పాట ద్వారా అందరికి అవకాశం. ఖనిజాల తవ్వకాల్లో ప్రైవేటు పెట్టుబడులకు పెద్దపీట. బొగ్గు గనులకు సంబంధించి పునరావాసం కోసం 50వేల కోట్లు కేటాయింపు. ఖనిజాల రవాణాను సులభతరం చేసేందుకు 18వేల కోట్లతో రైల్వే లైన్‌ల ఏర్పాటు. రక్షణరంగాన్ని బలోపేతం చేసేందుకు ఆధునిక ఆయుధ సంపత్తిని సమకూర్చుకోవాల్సిన అవసరం ఉంది. రక్షణ రంగానికి సంబంధించిన కొన్ని రకాల ఆయుధాలను దేశీయంగా తయారుచేసుకుంటాం. కొన్ని రకాల రక్షణ ఉత్పత్తులను మనం తయారు చేసుకోగలిగినప్పటికీ... వాటిని చాలాకాలంగా దిగుమతి చేసుకుంటున్నాం. రక్షణ రంగానికి ఆయుధాలను సరఫరా చేసే ఆర్డినెన్స్‌ ఫ్యాక్టరీని మరింత బలోపేతం చేస్తాం. ఆర్డినెన్స్ ఫ్యాక్టరీ బోర్డుల పనితీరును మెరుగుపరిచేందుకు వాటిని కార్పోరేట్ స్థాయికి తీసుకువెళ్తాం... అయితే వాటిని ప్రైవేటీకరించము. రక్షణరంగంలో విదేశీ ప్రత్యక్ష పెట్టుబడులను 49శాతం నుంచి 74శాతానికి పెంపు.

సాక్షి, న్యూడిల్లీ :  కేంద్ర ఆర్థిక మంత్రి  నిర్మలా సీతారామన్‌ రూ. 20 లక్షల కోట్ల ఆత్మనిర్భర్‌ భారత్ అభియాన్ ఎకనామిక్ ప్యాకేజీపై మూడో విడత  వివరాలను అందించ నున్నారు. శుక్రవారం సాయంత్రం 4 గంటలకు నేషనల్ మీడియా సెంటర్‌లో విలేకరుల సమావేశంలో ఈ ప్యాకేజీకి సంబంధించి ఆమె ముచ్చటగా మూడోసారి  ప్రసంగించ నున్నారు. (రైతులకు 2 లక్షల కోట్లు) కరోనా వైరస్‌, సంక్షోభం లాక్‌డౌన్‌  ఆంక్షల నేపథ్యంలో కేంద్రం భారీ ఆర్థిక ప్యాకేజీని ప్రకటించింది. ఈ ఉపశమన చర‍్యలపై వరుసగా  మీడియా సమావేశాల వివరిస్తున్న ఆర్థికమంత్రి  సీతారామన్ బుధవారం సూక్ష్మ, చిన్న, మధ్యతరహా పరిశ్రమలకు (ఎంఎస్‌ఎంఇ)  బ్యాంకింగ్ రహిత ఫైనాన్స్ కంపెనీలకు (ఎన్‌బీఎఫ్‌సీ)  రుణసదుపాయాలను కల్పించారు.. గురువారం (మే 14)   ప్యాకేజీకి సంబంధించి రెండవ దశ చర్యలను ప్రకటించారు.  ఇందులో వలస కార్మికులు, వీధి విక్రేతలు, చిన్న వ్యాపారులు, చిన్న రైతుల ప్రయోజనాలపై దృష్టిపెట్టిన సంగతి తెలిసిందే.

సాక్షి,  న్యూఢిల్లీ:  కేంద్ర ఆర్థికమంత్రి నిర‍్మలా సీతారామన్‌ గురువారం మరోసారి మీడియా సమావేశాన్ని నిర్వహించనున్నారు.  కరోనా వైరస్‌ , లాక్‌డౌన్‌ సంక్షోభ సమయంలో  ప్రధానమంత్రి నరేంద్ర మోదీ మంగళవారం ప్రకటించిన రూ. 20 లక్షల కోట్ల  ఉద్దీపన ప్యాకేజీ వివరాలపై  ఈ రోజు సాయంత్రం 4 గంటలకు మరోసారి మీడియాకు వివరించ నున్నారు.  నిర్మలా సీతారామన్ గురువారం తన రెండవ మీడియా సమావేశంలో వ్యవసాయ రంగానికి సంబంధించిన చర్యలను ప్రకటించే అవకాశం ఉందని అంచనా.  అలాగే   సప్లయ్‌  చెయిన్‌,  అంతరాయాలు,  సమస్యలను పరిష్కరించే మార్గాలను ఆర్థిమంత్రి  సూచించనున్నారని భావిస్తున్నారు. (భారీ ప్యాకేజీ: నిర్మలా సీతారామన్‌ ప్రెస్‌మీట్‌) బుధవారం నాటి ప్రెస్‌మీట్‌లో ఆర్థిక మంత్రి సీతారామన్  అనేక  ఉపశమన చర్యల్ని ప్రకటించారు. ఎంఎస్‌ఎంఈ, ఎన్‌బీఎఫ్‌సీలు, హెచ్‌ఎఫ్‌సీ, ఎంఎఫ్‌ఐ లాంటి ఫైనాన్సింగ్ కంపెనీలు ఎదుర్కొంటున్న ద్రవ్య సమస్యలను పరిష్కరించడానికి అనేక చర్యలను ఆవిష్కరించిన సంగతి తెలిసిందే. (ఆర్థికమంత్రి ప్యాకేజీ మొత్తం వివరాలు ప్రకటిస్తారా?) Finance Minister Smt.@nsitharaman to address a press conference today, 14th May, at 4PM in New Delhi. Watch LIVE here👇 ➡️YouTube - https://t.co/b78LXIfEht Follow for LIVE updates 👇 ➡️Twitter - https://t.co/XaIRg3fn5f ➡️Facebook - https://t.co/06oEmkxGpI pic.twitter.com/BLpAJZGexx — Ministry of Finance 🇮🇳 #StayHome #StaySafe (@FinMinIndia) May 14, 2020

సాక్షి, అమరాతి : సూక్ష్మ, మధ్య తరహా పరిశ్రమలకు రూ.3 లక్షల కోట్ల రుణాలు ఇవ్వనున్నట్లు ఆర్థిక మంత్రి నిర్మలా సీతారామన్ చేసిన ప్రకటనపై కాంగ్రెస్ సీనియర్ నేత పి.చిదంబరం మండిపడ్డారు. దేశంలోని మొత్తం 6.3 కోట్ల ఎంఎస్ఎంఈల్లో 45 లక్షల ఎంఎస్‌ఎంఈలకు మాత్రమే నిర్మలా ప్యాకేజీ అనుకూలంగా ఉందని విమర్శించారు. ఆ రోజు ప్రకటించిన ప్యాకేజీలో వలస కూలీలకు వాటా లేకపోవడాన్ని బాధాకరమని అన్నారు. లాక్‌డౌన్‌ కారణంగా ఆకలితో అలమటిస్తూ వందల కిలోమీటర్లు ప్రయాణిస్తున్న వలస కార్మికుల గురించి ప్రస్తావించకపోవడం, వారిని ఆదుకోవడానికి ఎలాంటి చర్యలు చేపట్టకపోవడం దురదృష్టకరమన్నారు. దేశంలోని పేదలకు డబ్బుల పంపిణీలో కూడా ప్రభుత్వం విఫలమైందన్నారు.  13 కోట్ల కుటుంబాలు లాక్‌డౌన్‌ కారణంగా తీవ్రంగా నష్టపోయాయని, ప్రభుత్వ సాయం వారిని ఈ కష్టాల నుంచి కాపాడలేకపోయిందని చిదంబరం అన్నారు.( చదవండి : ఈపీఎఫ్‌: 3 నెలలు పొడిగింపు.. రూ. 2500 కోట్లు) ‘ 20 లక్షల కోట్ల ఆర్థిక ప్యాకేజీలో ఇప్పటి వరకు కేంద్రం 3.6 లక్షల కోట్లు మాత్రమే ప్రకటించింది. మిగిలిన 16.4 లక్షల కోట్లు ఎక్కడ ఉన్నాయి?  ఇలాంటి సమయంలో ప్రభుత్వం ఎక్కువ మొత్తంలో ఖర్చు చేయాలి. కానీ అలా చేయడానికి ఈ ప్రభుత్వం సిద్ధంగా లేదు. ఎక్కువ రుణాలు తీసుకోవాలి. కానీ ఈ ప్రభుత్వం అలా చేయదు. రాష్ట్ర ప్రభుత్వాలు ఎక్కువ రుణాలు తీసుకోవాడానికి, ఎక్కువ మొత్తంలో ఖర్చు చేయడానికి అనుమతించాలి. కానీ ఈ ప్రభుత్వం ఆ పని చేయడానికి సిద్ధంగా లేదు’ అని చిదంబరం విమర్శించారు.  (చదవండి : ఆర్థిక ప్యాకేజీ: చిదంబరం స్పందన)

న్యూఢిల్లీ: అభివృద్ధిని ఆకాంక్షిస్తూ.. స్వయం సమృద్ధితో కూడిన భారత్‌ నిర్మాణం కోసమే భారీ ఆర్థిక ప్యాకేజీని ప్రకటించినట్లు ఆర్థిక శాఖా మంత్రి నిర్మలా సీతారామన్‌ పేర్కొన్నారు. అన్ని వర్గాల ప్రజలతో చర్చించిన తర్వాతే ప్రధాని నరేంద్ర మోదీ ఈ నిర్ణయం తీసుకున్నారని తెలిపారు. ఆత్మ నిర్భర్‌ భారత్‌ అంటే స్వయం ఆధారిత భారత్‌ అని.. ఐదు మూల స్థంభాల ఆధారంగా దీనిని రూపొందించినట్లు పేర్కొన్నారు. స్థానిక ఉత్పత్తులకు ప్రాధాన్యమిస్తూ.. లోకల్‌ బ్రాండ్లను విశ్వవ్యాప్తం చేయడమే తమ లక్ష్యమన్నారు. లాక్‌డౌన్‌ కాలంలోనూ కేంద్రం అనేక సంక్షేమ పథకాలను నిరంతరాయంగా అమలు చేస్తోందని స్పష్టం చేశారు. కాగా కరోనాతో కుదేలైన దేశ ఆర్థిక వ్యవస్థను పునరుత్తేజపరిచే దిశగా కేంద్ర ప్రభుత్వం ప్రకటించిన.. ‘ఆత్మ నిర్భర్‌ భారత్‌ అభియాన్‌’ పథకం గురించి నిర్మల బుధవారం మీడియాతో మాట్లాడారు. ప్రధాని నరేంద్ర మోదీ ప్రకటించిన ఆర్ధిక ప్యాకేజీ విధివిధానాలను ఈ సందర్భంగా ఆమె ప్రకటించారు. నిర్మలా సీతారామన్‌ మాట్లాడుతూ.. దేశ వ్యాపార వర్గాల్లో ఆత్మవిశ్వాసం నింపి... వారిని ముందుకు నడిపించాల్సిన అవసరం ఉందని వ్యాఖ్యానించారు.(రూ.20 లక్షల కోట్లతో భారీ ఆర్థిక ప్యాకేజీ) తమ ప్రభుత్వం గతంలో తీసుకువచ్చిన సంస్కరణలు.. ఇప్పుడు మంచి ఫలితాలనిస్తున్నాయని నిర్మలా సీతారామన్‌ అన్నారు. బ్యాంక్ అకౌంట్ల కారణంగా కరోనా కష్టకాలంలో.. పేదల అకౌంట్లలోకి నేరుగా నగదు బదిలీ చేయగలిగామని పేర్కొన్నారు. కోట్లాది మంది ప్రజలకు ధాన్యం, ఉచిత సిలిండర్లు అందజేశామని తెలిపారు. ఇప్పటి వరకు గరీబ్ కళ్యాణ్‌ ప్యాకేజీ ద్వారా ఆర్థిక ఉద్దీపన అమలు చేశామని.. స్వయం ఆధారిత భారత్‌కు కావాల్సిన పునాదులు ఇప్పటికే మోదీ సర్కారు పూర్తి చేసిందని వెల్లడించారు. పదిహేను రకాల ఉద్దీపన పథకాలను ఈరోజు ప్రకటించబోతున్నామని హర్షం వ్యక్తం చేశారు. చిన్న మధ్యతరహా పరిశ్రమలకు... ప్రభుత్వ గ్యారంటీతో మూడు లక్షల కోట్ల రూపాయల అప్పులు ఇస్తామని స్పష్టం చేశారు. అక్టోబర్ 31 వరకు ఎంఎస్‌ఎంఈలు ఈ పథకం ద్వారా అప్పులు తీసుకునే అవకాశం ఉందని పేర్కొన్నారు. అదే విధంగా ఈపీఎఫ్‌ పరిధిలోని ఎంఎస్‌ఎంఈలకు జూన్‌, జూలై, ఆగస్టు నెలెల పీఎఫ్‌ మొత్తాన్ని కేంద్రమే భరిస్తుందని నిర్మలా సీతారామన్‌ వెల్లడించారు. ఇందుకు గానూ రూ. 2500 కోట్లు కేటాయించినట్లు తెలిపారు. దీంతో దాదాపు 70 లక్షల మంది కార్మికులకు లబ్ది చేకూరుతుందన్నారు. ఇక విద్యుత్‌ పంపిణీ సంస్థలకు రూ. 90 వేల కోట్ల రూపాయలు కేటాయించినట్లు నిర్మల తెలిపారు. అలాగే ప్రస్తుతం చెల్లిస్తున్న టీడీఎస్‌, టీసీఎన్‌ను 25 శాతం తగ్గిస్తున్నట్లు ప్రకటించి కేంద్ర ఆర్థిక మంత్రి ప్రత్యక్ష పన్ను చెల్లింపుదారులకు ఊరట కల్పించారు. మే 14 నుంచి వచ్చే ఏడాది మార్చి 31 వరకు ఇది అమల్లో ఉంటుందన్నారు. ఇక కరోనా సంక్షోభంతో కుదేలైన రియల్‌ ఎస్టేట్‌ కంపెనీలు.. భవన నిర్మాణాలు పూర్తి చేసుకునేందుకు మరో ఆరు నెలల సమయం ఇస్తున్నట్లు నిర్మలా సీతారామన్‌ తెలిపారు.  నిర్మలా సీతారామన్‌ ప్రసంగం- ముఖ్యాంశాలు లాక్‌డౌన్‌తో చిన్న, మధ్య తరహా పరిశ్రమలు దెబ్బతిన్నాయి 45 లక్షల చిన్న, మధ్య తరహా పరిశ్రమలకు ఊరట రూ. 3 లక్షల కోట్ల రుణాలకు ప్రభుత్వ గ్యారెంటీ చిన్న మధ్యతరహా పరిశ్రమలకు అక్టోబరు 31 వరకు అప్పులు అత్యవసరాల కోసం చిన్న మధ్య తరహా పరిశ్రమల కోసం రూ. 20 వేల కోట్ల అప్పులు 4 సంవత్సరాల కాలపరిమితికి అప్పులు తీసుకోవచ్చు విద్యుత్‌ డిస్కంలను ఆదుకునేందుకు రూ. 90 వేల కోట్ల నిధులు ఈపీఎఫ్‌: ప్రభుత్వమిస్తున్న సాయం మరో 3 నెలల పాటు పొడిగింపు తద్వారా 70.22 లక్షల మంది ఉద్యోగులకు లబ్ది ఇందుకోసం రూ. 2500 కోట్లు కేటాయింపు ప్రాథమిక, సెకండరీ మార్కెట్లలో పెట్టుబడులపై రూ. 30 వేల కోట్లు నాన్‌ బ్యాంకింగ్‌ ఫైనాన్స్‌ కార్పొరేషన్‌లను ఆదుకునేందుకు రూ. 30 వేల కోట్లు ప్రభుత్వ రంగ సంస్థలు ఇవ్వాల్సిన బాకీలు తీరుస్తాం కేంద్ర ప్రభుత్వ సంస్థల పరిధిలోని కాంట్రాక్టులన్నీ 6 నెలల వరకు పొడిగింపు కరోనాతో వాయిదాపడిన రియల్‌ ఎస్టేట్‌ నిర్మాణాల కాలపరిమితి 6 నెలల పాటు పొడిగింపు పనిని బట్టి కాంట్రాకట్లర్లకు డబ్బులు చెల్లింపు ఇక పన్నుల విషయానికొస్తే.. రేపటి నుంచి మార్చి 2021నాటికి చెల్లించాల్సిన టీడీఎస్‌, టీసీఎస్‌ 25 శాతం తగ్గింపు తద్వారా 50 వేల కోట్ల రూపాయలు ప్రజల చేతుల్లోనే ట్యాక్స్‌ రిటర్న్స్‌ తేదీ 31 జూలై నుంచి నవంబరు 30 వరకు పొడిగింపు చిన్న మధ్య తరహా పరిశ్రమల మూలధన పరిధిని పెంచిన కేంద్రం రూ.కోటి పెట్టుబడి, రూ.5 కోట్ల టర్నోవర్‌ ఉన్న ప్రతి కంపెనీ సూక్ష్మపరిశ్రమగా గుర్తింపు 10 కోట్ల పెట్టుబడి, 50 కోట్ల టర్నోవర్‌ ఉన్న కంపెనీలు చిన్నతరహా పరిశ్రమలుగా గుర్తింపు రూ.200 కోట్ల విలువ వరకు గ్లోబల్‌ టెండరింగ్‌ అవసరం లేదు.  

సాక్షి,  న్యూఢిల్లీ:  కరోనా వైరస్‌ సంక్షోభాన్ని ఎదుర్కొనేందుకు  ప్రధానమంత్రి నరేంద్ర మోదీ ప్రకటించిన  ఆర్థిక ప్యాకేజీపై సర్వత్రా  ఆసక్తినెలకొంది. మరోవైపు ఈ మెగా ప్యాకేజీ వివరాలను కేంద్ర ఆర్థికమంత్రి నిర‍్మలా సీతారామన్‌ వివరాలను ప్రకటించనున్నారు. ఈ రోజు సాయంత్రం నాలుగు గంటలకు ఆమె మీడియాతో మాట్లాడనున్నారు. ప్రధాని ప్రకటించిన రూ.20 లక్షల కోట్ల ఆర్థిక ప్యాకేజీపై ఆర్థిక మంత్రి కీలక ప్రకటన చేయబోతున్నారని  ఊహాగానాలు భారీగా నెలకొన్నాయి.  రూ.20 లక్షల కోట్లను ఏయే రంగాలకు ఎంత కేటాయించేదీ వివరించనున్నారనే అంచనాలు నెలకొన్నాయి. (మెగా ప్యాకేజీ ‌ : భారీ లాభాలు) మరోవైపు మోదీ ప్రకటించిన ఆర్థిక ప్యాకేజీపై ట్విటర్‌ లో స్పందించిన నిర్మలా సీతారామన్‌ ఇది కేవలం ఆర్థిక ప్యాకేజీ మాత్రమే కాదని, సంస్కరణ ఉద్దీపన, తమ పాలనలో  నిబద్థతకు నిదర్శమని ట్వీట్‌ చేశారు.   భారత ఆర్థిక వ్యవస్థ  వివిధ కోణాలలో బలాన్ని పొందింది.  ఇక ఇపుడు ప్రపంచంతో నమ్మకంగా  మమేకం కావచ్చు. కేవలం ఇంక్రిమెంటల్‌​ మార్పులు మాత్రమే కాదు, మొత్త  పరివర్తననే లక్ష్యంగా పెట్టుకున్నాం. మహమ్మారి విసిరిన సవాలును అవకాశంగా మార్చుకున్నాం.  ఐసోలేషన్‌ కాదు ఆత్మ నిర్భర్‌ భారత్‌  మనల్ని ఏకీకృతం చేస్తుందంటూ ఆమె వరుస ట్వీట్లలో  పేర్కొన్నారు.  అయితే రాబోయే రోజుల్లో  ఆర్థికమంత్రి  ఈ ఆర్థిక ప్యాకేజీ గురించి సవివరమైన సమాచారం ఇస్తారని మోదీ చెప్పిన నేపథ్యంలో  ప్యాకేజీ వివరాలన్నీ ఇపుడే ప్రకటిస్తారా లేదా విడతల వారీగా ఉపశమనాన్ని ప్రకటిస్తారా అనేది స్పష్టత లేదు. మొత్తం వివరాలను ఒకేసారి ప్రకటించకపోవచ్చని మార్కెట్‌ విశ్లేషకులు భావిస్తున్నారు.  అలాగే మొత్తం ప్యాకేజీ 2020-21 ఆర్థిక సంవత్సరానికి మాత్రమే వర్తించే అవకాశం లేదనీ, ఇది బహుశా కొన్ని సంవత్సరాలు అంటే 2022  వరకు లేదా అంతకు మించి వ్యవధిలో వుంటుందని అంచనా.  ప్రధానమంత్రి తన ప్రసంగంలో ప్రత్యేకంగా పేర్కొన్న భూమి, కార్మికులు, చట్టం లాంటి  అంశాల్లో   సంస్కరణ చర్యల ప్రభావం  దీర్ఘకాలికంగా దాదాపు  3-5  సంవత్సరాలు వుండొచ్చని పేర్కొంటున్నారు.  కాగా మంగళవారం సాయంత్రం జాతినుద్దేశించి ప్రసంగించిన ప్రధాని మోదీ ఇప్పటికే ప్రకటించిన ఉద్దీపన ప్యాకేజీకి అదనంగా దేశ జీడీపీలో 10శాతం ఆర్థిక పునరుద్ధరణ ప్యాకేజీని ప్రకటించిన సంగతి  తెలిసిందే. కుటీర పరిశ్రమ, చిన్న తరహా పరిశ్రమ, ఎంఎస్‌ఎంఇలు, కార్మికులు, రైతులు, మధ్యతరగతి పన్ను చెల్లింపుదారులు, భారతీయ పరిశ్రమలు  లాంటి వివిధ విభాగాలను దృష్టిలో ఉంచుకుని ఆర్థిక ప్యాకేజీ రూపొందించినట్టు మోదీ వెల్లడించారు. చదవండి : కరోనా : ట్విటర్‌ సంచలన నిర్ణయం Finance Minister Smt. @nsitharaman will address a Press Conference today, 13th May 2020, at 4 PM in New Delhi.#EconomicPackage#AatmanirbharBharat #AatmaNirbharBharatAbhiyan #IndiaFightsCorona pic.twitter.com/FmKcItA23C — Ministry of Finance 🇮🇳 #StayHome #StaySafe (@FinMinIndia) May 13, 2020

న్యూఢిల్లీ: కరోనాతో కుదేలైన దేశ ఆర్థిక వ్యవస్థను పునరుత్తేజపరిచే దిశగా కేంద్ర ప్రభుత్వం సంచలన నిర్ణయం తీసుకుంది. ‘ఆత్మ నిర్భర్‌ భారత్‌ అభియాన్‌’ పథకానికి రూపకల్పన చేసింది. భారత ఆర్థిక వ్యవస్థలోని అన్ని వర్గాలను ఆదుకునే  ప్రణాళికతో ఒక భారీ ఆర్థిక ప్యాకేజీని ప్రధాని మోదీ ప్రకటించారు. కరోనా వైరస్‌ కారణంగా అస్తవ్యస్తమైన ఆర్థిక వ్యవస్థను పట్టాలెక్కించేందుకు రూ.20 లక్షల కోట్లతో ఉద్దీపన పథకాన్ని ప్రారంభించారు. భారీ, మధ్య తరహా, చిన్నతరహా పరిశ్రమలవారు, చిన్న వ్యాపారులు, ఉద్యోగులు, పన్ను చెల్లింపుదారులు, రైతులు, కూలీలు.. వ్యవస్థలోని అందరినీ ఆదుకునేలా రూపొందించిన ఈ భారీ ప్రత్యేక ప్యాకేజీ దేశ జీడీపీలో దాదాపు 10% అని ప్రధాని వెల్లడించారు. ఆర్బీఐ, ప్రభుత్వం గతంలో ప్రకటించిన ఉద్దీపన ప్యాకేజీలతో కలిపి ఇది రూ. 20 లక్షల కోట్లుగా ఉంటుందన్నారు. ల్యాండ్, లేబర్, లిక్విడిటీ, లా (చట్టం).. వీటిపై ప్రధానంగా ఈ ప్యాకేజీలో దృష్టి పెడతామన్నారు. ఈ ప్రత్యేక ప్యాకేజ్‌ పూర్తి వివరాలను రానున్న రోజుల్లో ఆర్థిక మంత్రి నిర్మల సీతారామన్‌ వెల్లడిస్తారని చెప్పారాయన. ఆత్మబలం, ఆత్మ విశ్వాసం నిండుగా ఉన్న ‘ఆత్మ నిర్భర్‌ భారత్‌’ దేశ ప్రజల నినాదం కావాలన్నారు. కరోనా సంక్షోభం కారణంగా అనుకోకుండానే స్వయం సమృద్ధి దిశగా ముందడుగు వేశామన్నారు. దేశ ప్రజలనుద్దేశించి ప్రధాని మోదీ మంగళవారం రాత్రి 8 గంటల నుంచి దాదాపు 35 నిమిషాల పాటు ప్రసంగించారు. కరోనాతో ప్రపంచవ్యాప్తంగా, దేశీయంగా మారిన పరిస్థితులను, కరోనా సంక్షోభాన్ని భారత్‌ సమర్ధంగా ఎదుర్కొన్న తీరును ప్రధాని తన ప్రసంగంలో వివరించారు.  కరోనా చికిత్సకు అవసరమైన ఔషధాలను భారత్‌ అనేక ప్రపంచదేశాలకు సరఫరా చేసిన విషయాన్ని ఆయన గుర్తు చేశారు. స్వయం సమృద్ధి సాధించడానికి, ప్రపంచంలోనే అత్యుత్తమంగా రూపొందడానికి భారత్‌కు కరోనా సంక్షోభం ద్వారా అవకాశం లభించిందన్నారు. కరోనా నేపథ్యంలో దేశప్రజలనుద్దేశించి టీవీ మాధ్యమం ద్వారా ప్రధాని ప్రసంగించడం ఇది మూడో సారి. ప్రధాని ప్రసంగంలోని ముఖ్యాంశాలు..  ► కరోనా వైరస్‌ కారణంగా మునుపెన్నడూ చూడనటువంటి సంక్షోభాన్ని ప్రపంచం ఎదుర్కొంటోంది. ప్రపంచవ్యాప్తంగా 42 లక్షల మంది ఈ వైరస్‌ బారిన పడ్డారు. దాదాపు 2.75 లక్షల మంది ప్రాణాలు కోల్పోయారు. భారత్‌లోనూ ఈ వైరస్‌ తీవ్ర ప్రభావం చూపింది.   ► కరోనా సమస్య చుట్టూనే తిరుగుతూ ఇతర కీలక  కార్యక్రమాలను విస్మరించలేం.  స్వయం సమృద్ధి నేటి నినాదం  ► స్వయం సమృద్ధి సాధించడం ఇప్పుడు అత్యావశ్యకం. స్వయం సమృద్ధ భారత్‌ ఇప్పుడు అత్యంత అవసరం. అంతర్జాతీయంగా స్వయం సమృద్ధి అంటే ఇప్పుడు అర్థం మారింది. భారత సంస్కృతి, సంప్రదాయం చెప్పేది ‘వసుధైక కుటుంబం’ అనే అర్థంలోనే.  ► విశ్వమానవాళి సంక్షేమమే భారత స్వయం సమృద్ధికి విస్తృతార్థం.  ► బహిరంగ మల విసర్జన, పోలియో, పౌష్టికాహార లోపంపై.. ఇలా భారత్‌ సాధించిన ప్రతీ విజయం ప్రపంచంపై ప్రభావం చూపింది.  గ్లోబల్‌ వార్మింగ్‌పై పోరులో అంతర్జాతీయ సౌర కూటమి అనేది ప్రపంచానికి భారత్‌ ఇచ్చిన బహుమతి. భారత్‌ ఇప్పుడు ఏదైనా సాధించగలదు అని ప్రపంచం నమ్ముతోంది.  ► ఇప్పుడు మన వద్ద వనరులున్నాయి. శక్తి, సామర్థ్యాలున్నాయి. అత్యుత్తమ వస్తువులను ఉత్పత్తి చేయాలి. మన సప్లై చెయిన్‌ను ఆధునీకరించుకోవాలి. ఇవి మనం చేయగలం. చేస్తాం. దేశీయానికి ప్రచారం: హా మనమంతా దేశీయ ఉత్పత్తులను కొనడమే కాదు. వాటికి ప్రచారం కూడా చేయాలి. ఇప్పుడు అంతర్జాతీయ స్థాయికి ఎదిగిన సంస్థలన్నీ ఒకప్పుడు స్థానికంగా ఏర్పడినవే. కృషి, పట్టుదల, నాణ్యత, ప్రచారం.. మొదలైన వాటితో అంతర్జాతీయ స్థాయికి ఎదిగాయి. దేశీయ సంస్థలు ఆ దిశగా ముందుకు వెళ్లాలి. అందుకు మనమంతా ప్రోత్సహించాలి.  ► మంచి ప్రోత్సాహం అందించడంతో ఖాదీ, చేనేతలకు భారీ డిమాండ్‌ ఏర్పడింది. అవి బ్రాండ్‌ల స్థాయికి వెళ్లాయి.  ► 1999లో వై2కే సమస్య వచ్చింది. అంతర్జాతీయంగా భయభ్రాంతులను సృష్టించింది. అయితే, భారతీయ సాంకేతిక నిపుణులు ఆ సమస్యను సునాయాసంగా పరిష్కరించారు.  ► కచ్‌ భూకంపం పెను విధ్వంసాన్ని సృష్టించింది. కచ్‌ అంతా మృత్యువనే దుప్పటి కప్పుకుందా? అనేలా కనిపించింది. మళ్లీ సాధారణ స్థితి సాధ్యమా? అని అంతా అనుమానించారు. కానీ కచ్‌ మళ్లీ నిలబడింది. త్వరలోనే సగర్వంగా సాధారణ స్థితికి చేరుకుంది. అదే భారత్‌ ప్రత్యేకత. లాక్‌డౌన్‌ 4.0  లాక్‌డౌన్‌ను మే 17 తరువాత కూడా పొడిగించనున్నట్లు ప్రధాని స్పష్టం చేశారు. అయితే, ఈ నాలుగో దశ గత మూడు దశల తీరులో ఉండబోదని,  మారిన నిబంధనలతో కొత్త తరహాలో ఉంటుందని తెలిపారు. లాక్‌డౌన్‌ 4.0 కు సంబంధించిన పూర్తి నిబంధనలు, ఇతర వివరాలను మే 18 లోపు వెల్లడిస్తామన్నారు. కరోనాతో మరి కొన్నాళ్లు కలిసి జీవించక తప్పని పరిస్థితుల్లో.. ఒకవైపు, ఆ మహమ్మారితో పోరాడుతూనే, అభివృద్ధి దిశగా ముందడుగు వేయాల్సి ఉందని తేల్చిచెప్పారు. ప్రపంచంలోనే అతిపెద్ద ప్యాకేజీ: బీజేపీ ప్రధాని మోదీ ప్రకటించిన ప్యాకేజీ ప్రపంచంలోనే అతిపెద్దదని బీజేపీ పేర్కొంది. ఈ ప్యాకేజీ దేశ జీడీపీలో 10 శాతంతో సమానమని ఆ పార్టీ అధ్యక్షుడు జేపీ నడ్డా పేర్కొన్నారు. దేశం స్వావలంబన సాధించేందుకు భారీ ప్యాకేజీ ప్రకటించిన ప్రధాని మోదీకి నడ్డా కృతజ్ఞతలు తెలిపారు. వలస జీవుల కష్టాలను ప్రధాని పట్టించుకోలేదు: కాంగ్రెస్‌  వలస కార్మికుల కష్టాలు తీరుస్తారని భావించిన దేశ ప్రజలు ప్రధాని మోదీ ప్రసంగంతో నిరుత్సాహానికి గురయ్యారని కాంగ్రెస్‌ వ్యాఖ్యానించింది. ‘వేలాది మంది వలస కార్మికులు కాలినడకన సొంతూళ్లకు పయనం కావడం అతిపెద్ద మానవ విషాదం. వారి పట్ల కనీస సానుభూతి, కనికరం చూపలేకపోయారు. దీనిపై దేశ ప్రజలు నిరుత్సాహానికి గురయ్యారు’ అని కాంగ్రెస్‌ పేర్కొంది. (కోయంబేడు కొంపముంచిందా?)

సాక్షి, న్యూఢిల్లీ : కరోనా సంక్షోభం, ఆర్థిక మాంద్యంపై కాంగ్రెస్ నేత రాహుల్ గాంధీతో ముచ్చటించిన ప్రముఖ ఆర్థిక వేత్త  నోబెల్‌ గ్రహీత అభిజిత్‌ బెనర్జీ మంగళవారం కీలక అభిప్రాయాలను వ్యక్తంచేశారు. మహమ్మారి కారణంగా ప్రభావితమైన వ్యాపారాలకు ప్రభుత్వం ఆర్థిక సహాయం అందించాల్సిన అవసరం ఉందని అన్నారు. అలాగే ప్రజల చేతుల్లోకి నగదు చేరాలంటే కేంద్రం భారీ ఉద్దీపన ప్యాకేజీ ప్రకటించాల్సి వుందని బెనర్జీ సూచించారు. నిరుపేదలకు నగదు బదిలీ సౌకర్యం  తప్పనిసరిగా ఉండాలని బెనర్జీ అన్నారు. కోవిడ్-19 మహమ్మారి ప్రభుత్వాల ముందు పెద్ద సవాలు విసిరిందని, చాలా మంది ఉద్యోగాలు కోల్పోవచ్చన్న రాహుల్ వ్యాఖ్యాలను అంగీకరించిన ఆయన ఈ సూచన చేశారు. అంతేకాదు వీలైనంత తొందరగా లాక్‌డౌన్‌ నుంచి బయటపడాలన్నారు. కరోనా వైరస్ మహమ్మారి స్వభావం గురించి తెలుసుకోవాలి తప్ప లాక్‌డౌన్‌  పొడగింపు సహాయపడదని పేర్కొన్నారు. (పెట్రో ధరలకు వ్యాట్ షాక్ ) ఆహార కొరత సమస్యపై స్పందించిన ఆయన తాను ఇంతకుముందే ప్రభుత్వానికి సూచించినట్టుగా కనీసం మూడు నెలలు చెల్లుబాటయ్యేలా ప్రతి ఒక్కరికీ రేషన్ కార్డులివ్వాలని బెనర్జీ చెప్పారు. వీటి సాయంతో ఒక్కరికి ప్రస్తుతం బియ్యం, పప్పుధాన్యాలు, గోధుమలు, చక్కెర లాంటి వాటిని ఉచితంగా  అందించాలని ఆయన అభిప్రాయపడ్డారు. కరోనావైరస్ కాలంలో కేంద్రం కొత్త సంక్షేమ పథకాలను అమలు చేయాలని, రాష్ట్రాలు డైరెక్ట్  బెనిఫిట్ ఫథకాలను అమలు చేయాలని సూచించారు. ఈ సందర్భంగా ఇండోనేషియా ఉదాహరణను బెనర్జీ ఉదహరించారు. (లాక్‌డౌన్‌ సడలింపు : పసిడి వెలవెల) కరోనావైరస్ అనంతరం ప్రభుత్వ ప్రణాళిక ఎలా ఉండాలన్న రాహుల్ గాంధీ చేసిన వ్యాఖ్యలపై బెనర్జీ మాట్లాడుతూ, లాక్‌డౌన్‌  ద్వారా దెబ్బతింటున్న చిన్న, మధ్య వ్యాపారాలు, ఉపాధి మార్గాలపై స్పందించిన ఆయన చిన్న వ్యాపారాల రుణాలను కేంద్రం రైట్ ఆఫ్ చేయాలని పేర్కొన్నారు.  తద్వారా వారిని నిలబెట్టడం చాలా ముఖ్యమని పేర్కొన్నారు.  దీంతో పాటు గత కాంగ్రెస్ ప్రభుత్వం తీసుకున్న కొన్ని విధానాలను కూడా బెనర్జీ ప్రశంసించారు. గత ఏడాది ఆర్థిక శాస్త్రంలో నోబెల్ బహుమతి గెలుచుకున్న అనుభవం గురించి రాహుల్ బెనర్జీని అడిగినపుడు దాని గురించి తాను ఎప్పుడూ ఆలోచించలేదని చెప్పడం విశేషం. (లాక్‌డౌన్‌ పొడిగింపుపై ఇన్ఫీ మూర్తి స్పందన) కాగా ప్రముఖ ఆర్థిక వేత్త, ఆర్బీఐ మాజీ గవర్నరు రఘురామ్‌ రాజన్‌తో గత వారం ప్రారంభమైన రాహుల్‌ చర్చా సిరీస్‌లో ఇది రెండో భాగం. లాక్‌డౌన్‌తో బాధపడుతున్న పేదలకు సహాయం అందించేందుకు రూ.65వేల కోట్లు అవసరమని రాజన్‌ అభిప్రాయపడిన సంగతి తెలిసిందే. (270 కోట్ల తప్పుడు ప్రకటనలు తొలగించాం: గూగుల్‌)

సాక్షి, న్యూఢిల్లీ: కరోనా వైరస్, లాక్‌డౌన్‌ సంక్షోభాన్ని ఎదుర్కొనేందుకు కేంద్రం ప్రభుత్వం మరో ఉద్దీపన్ ప్యాకేజీ సిద్ధపడుతోందా? వరుస సమావేశాలతో, సమీక్షలతో బిజీగా ఉన్న ప్రధానమంత్రి నరేంద్ర మోదీ ఆర్థికమంత్రి, హోం మంత్రులతో తాజా  భేటీ ఈ అంచనాలకు బలాన్నిస్తోంది. ఈ క్రమంలోనే శుక్రవారం నాటి నెలవారీ జీఎస్టీ వసూళ్ల గణాంకాల విడుదలను ఆర్థికమంత్రిత్వ శాఖ  వాయిదా వేసింది.  అంతేకాదు ఆర్థిక వ్యవస్థ  స్థితి, స్టిములస్ ప్యాకేజీ అంశాలపై ఒక వివరణాత్మక ప్రజెంటేషన్ ను కూడా ప్రధాని ఇవ్వనున్నారని సమాచారం.  (కరోనా : మహారాష్ట్ర సంచలన నిర్ణయం) ఆర్థిక ప్రతిష్టంభనకు ప్రభావితమైన రంగాలకు ఊతమిచ్చేందుకు రెండవ ఉద్దీపన ప్యాకేజీని ఏర్పాటుకు సంప్రదింపులు జరుపుతున్నారు. ఈ నేపథ్యంలోనే ఆర్థికమంత్రి నిర్మలా సీతారామన్,  హోంమంత్రి అమిత్ షాతో ప్రధాని సుదీర్ఘ చర్చలు జరిపారు. దీంతోపాటు ఇతర ఆర్థిక మంత్రిత్వ శాఖల అధికారులతో కూడా ఆయన వరుస సమావేశాలు నిర్వహించారు. అలాగే మైక్రో, స్మాల్ అండ్ మీడియం ఎంటర్ప్రైజెస్ (ఎంఎస్ఎంఇ) వంటి కీలక ఆర్థిక మంత్రిత్వ శాఖల మంత్రులతో భేటీ అయ్యారు. (లాక్‌డౌన్‌ 3.0 : ఈ కామర్స్ కంపెనీలకు ఊరట) మరోవైపు ఇప్పటికే పౌర విమానయాన, కార్మిక, విద్యుత్తు సహా వివిధ మంత్రిత్వ శాఖలతో ప్రధాని శుక్రవారం సమావేశమయ్యారు. దేశీయ, విదేశీ పెట్టుబడులను ఆకర్షించడంతోపాటు, దేశంలో చిన్న వ్యాపారాల పునరుజ్జీవనంపై దృష్టి సారించి ప్రధాని మోదీ వాణిజ్య , ఎంఎస్‌ఎంఇ మంత్రిత్వ శాఖలతో గురువారం వివరణాత్మక చర్చలు నిర్వహించారు. ఈ సమావేశాలలకు హోంమంత్రి, ఆర్థికమంత్రి ఇద్దరూ హాజరు కావడం గమనార్హం. కాగా ప్రభుత్వం మార్చి చివరిలో 1.7 లక్షల కోట్ల రూపాయల ఉద్దీపన ప్యాకేజీని ప్రకటించింది. కొన్ని మినహాయింపులు, సడలింపులతో   దేశవ్యాప్తంగా మే 4వ తేదీనుంచి మే 17 వరకు మూడవ దశ లాక్‌డౌన్‌ అమలు కానున్న సంగతి తెలిసిందే. (హెచ్-1బీ వీసాదారులకు భారీ ఊరట) (మద్యం దుకాణాలు మినహాయింపులు : క్లారిటీ)

సాక్షి, న్యూఢిల్లీ : జాతీయ, రాష్ట్ర ఆరోగ్య వ్యవస్ధలను పటిష్టం చేసేందుకు కేంద్ర నిధులతో ఇండియా కోవిడ్‌-19 ఎమర్జెన్సీ ప్యాకేజ్‌కు కేంద్ర ప్రభుత్వం గురువారం ఆమోదం తెలిపింది. ఈ ప్యాకేజ్‌ కింద రాష్ట్రాలకు కేంద్రం రూ 15,000 కోట్లు సమకూరుస్తుంది. ఈ ఏడాది జనవరి నుంచి 2024 మార్చి వరకూ మూడు దశల్లో అమలయ్యే ఈ ప్రాజెక్టుకు పూర్తి నిధులను కేంద్ర ప్రభుత్వం సమకూరుస్తుందని జాతీయ ఆరోగ్య మిషన్‌ డైరెక్టర్‌ వందన గుర్నానీ వెల్లడించారు. ఎమర్జెనీ కోవిడ్‌-19 రెస్పాన్స్‌ నిధులతో వ్యాధి నివారణ, సన్నద్ధతలను పరిపుష్టం చేయడం, అత్యవసర వైద్య పరికరాల సేకరణ, మందుల సేకరణ, లేబొరేటరీల ఏర్పాటు, బయో సెక్యూరిటీ సన్నద్ధత వంటి కార్యక్రమాలు చేపట్టడం​ జరుగుతుందని ఓ ప్రకటనలో గుర్నానీ పేర్కొన్నారు. ఈ ప్యాకేజ్‌లో తొలి దశ అమలు జూన్‌ వరకూ కొనసాగుతుందని అన్ని రాష్ట్రాల వైద్య శాఖ సంచాలకులు, కమిషనర్లను ఉద్దేశించి పంపిన ఉత్తర్వుల్లో వెల్లడించారు. చదవండి : ‘చచ్చిబతికాను.. వాళ్లే హీరోలు’

ముంబై : కరోనా వైరస్‌ ఆర్థిక వ్యవస్థపై చూపే పెను ప్రభావాన్ని నిరోధించేందుకు కేంద్ర ప్రభుత్వం ఆర్థిక ప్యాకేజ్‌ ప్రకటించిన క్రమంలో స్టాక్‌మార్కెట్లు గురువారం భారీ లాభాలతో ముగిశాయి. ప్యాకేజ్‌పై అంచనాలతో ఓ దశలో ఉవ్వెత్తున ఎగిసిన సూచీలు ఆ తర్వాత ఉద్దీపన ప్యాకేజ్‌ కొంత నిరుత్సాహపరచడంతో ఆరంభ లాభాలను కోల్పోయాయి. తొలుత బ్యాంకింగ్‌ సహా అన్ని రంగాల షేర్లలో కొనుగోళ్లు వెల్లువెత్తాయి. బీఎస్‌ఈ సెన్సెక్స్‌ 30,000 పాయింట్లు దాటి పరుగులు పెట్టింది. ఉపశమన ప్యాకేజ్‌ సంతృప్తికరంగా లేకపోవడంతో ఆరంభ లాభాలు కొంతమేర ఆవిరైనా సెషన్‌ చివరి వరకూ కొనుగోళ్ల జోరు కనిపించింది. మొత్తంమీద బీఎస్‌ఈ సెన్సెక్స్‌ 1410 పాయింట్ల లాభంతో 29,947 పాయింట్ల వద్ద ముగియగా, ఎన్‌ఎస్‌ఈ నిఫ్టీ 323 పాయింట్ల లాభంతో 8641 పాయింట్ల వద్ద క్లోజయింది. చదవండి : స్టాక్‌మార్కెట్ లో ఉగాది కళ

లవ్లీ ప్రొపెషనల్‌ యునివర్సిటీ(ఎల్‌పీయూ)కి చెందిన తాన్యా అరోరా అనే విద్యార్థినికి ఏడాదికి రూ. 5.04 కోట్ల ప్యాకేజీతో ఉద్యోగం వచ్చినట్లు సోషల్‌ మీడియాలో ప్రచారం జరిగిన విషయం తెలిసిందే. ఈ మేరకు వార్తలు కూడా వచ్చాయి. అయితే తాన్యా అరోరాకు ఉద్యోగం వచ్చిన విషయం వాస్తమే అయినప్పటికీ ఆమె వార్షిక వేతనం ఏడాదికి రూ. 42 లక్షలు మాత్రమే. ఏటా రూ. 5.04 కోట్ల భారీ వేతనంతో ఉద్యోగం వచ్చినట్లు వచ్చిన వార్తల్లో నిజం లేదని తాజాగా తేలింది.  ఇదే విషయంపై ఎల్‌పీయూ ట్విటర్‌ వేదికగా స్పందించింది. తాన్యా అరోరా ఎల్‌పీయూలో బీటెక్‌(సీఎస్‌ఈ) చదువుతోందని,  ఈ మధ్యే మైక్రోసాఫ్ట్‌లో ఏడాదికి రూ.42 లక్షల వేతనంతో ఆమె ఉద్యోగం సాధించిందని ఎల్‌పీయూ తెలిపింది.  ఏడాదికి రూ. 42 లక్షలు కాగా, దానిని నెలవారి వేతనంగా భావించి పొరపాటుగా ప్రచారం చేస్తున్నారని ఎల్‌పీయూ ట్వీట్‌ చేసింది. దీంతో ఆ వార్తల్లో ఏ మాత్రం నిజం లేదని స్పష్టమైంది.    

సాక్షి, సిటీబ్యూరో: భారత్‌ దర్శన్‌ వంటి ఆధ్యాత్మిక పర్యటనలు, స్కూల్‌ టూర్స్‌తో వినోద, విజ్ఞాన పర్యటనలు, హైదరాబాద్‌ నుంచి జాతీయ, అంతర్జాతీయ విమానయాన పర్యటనల కోసం  ప్రత్యేక ప్యాకేజీలను అందిస్తున్న ఐఆర్‌సీటీసీ నగరవాసుల కోసం వింటర్‌ టూర్స్‌ను సిద్ధం చేసింది. హైదరాబాద్‌ నుంచి మేఘాలయ, చిరపుంజి, మాలినాంగ్, ఖజిరంగా– గౌహతి తదితర టూర్‌ ప్యాకేజీలను ప్రకటించింది. అన్ని రకాల రవాణా, వసతి సదుపాయాలతో వీటిని రూపొందించినట్లు ఐఆర్‌సీటీసీ ఉన్నతాధికారి సంజీవయ్య తెలిపారు. ఆహ్లాదం, కనువిందు చేసే ఎన్నో దర్శనీయ స్థలాలను ఈ పర్యటనలో చూడవచ్చని ఆయన పేర్కొన్నారు. పర్యాటక ప్రాంతాలు, ప్యాకేజీల వివరాలు ఇలా ఉన్నాయి.  మ్యాజికల్‌ మేఘాలయ..   ఈ పర్యటన నవంబర్‌ 7 నుంచి 12వ తేదీ వరకు ఉంటుంది. శంషాబాద్‌ విమానాశ్రయం నుంచి 7న తేదీ ఉదయం 9.20 గంటలకు ఫ్లైట్‌ (6ఈ 186)లో బయలుదేరి ఉదయం 11.45 గంటలకు గౌహతి చేరుకుంటారు. తిరుగు ప్రయాణంలో  12వ తేదీ మధ్యాహ్నం 3 గంటలకు ఫ్లైట్‌ (6ఈ 187)లో బయలుదేరి సాయంత్రం 5.55 గంటలకు హైదరాబాద్‌ చేరుకుంటారు. ♦ ఈ  పర్యటనలో భాగంగా మొదటి రోజు గౌహతి నుంచి షిల్లాంగ్‌ చేరుకుంటారు. వార్డ్స్‌లేక్, పోలీస్‌బజార్‌ వంటి స్థలాలను సందర్శిస్తారు. రెండో రోజు చిరపుంజి పర్యటన ఉంటుంది. నొఖాలికై జలపాతం, మౌసమి గుహలు, ఎలిఫెంటా ఫాల్స్‌ తదితర ప్రాంతాలను సందర్శిస్తారు.    ♦ ఆసియాలోనే అతి పరిశుభ్రమైన గ్రామంగా పేరొందిన మాలినాంగ్‌ను మూడోరోజు సందర్శిస్తారు. లివింగ్‌ రూట్‌ బ్రిడ్జి, డాకీలేక్‌  తదితర ప్రాంతాలు ఈ పర్యటనలో ఉంటాయి. సాయంత్రం  షిల్లాంగ్‌ చేరుకుంటారు.  ♦  పర్యటనలో నాలుగో రోజు ఖజిరంగా నేషనల్‌ పార్కు సందర్శన ఉంటుంది. డాన్‌బొస్కో మ్యూజియం, ఉమియుమ్‌ లేక్‌ సందర్శిస్తారు. 5వ రోజు పర్యటనలో భాగంగా జీప్‌ సఫారీ,  బాలాజీ టెంపుల్, కామాఖ్య దేవాలయం తదితర ప్రాంతాలను సందర్శిస్తారు. 6వ రోజు గౌహతి నుంచి తిరిగి హైదరాబాద్‌ బయలుదేరుతారు. చార్జీలు ఇలా.. విమానచార్జీలు, రవాణా, హోటల్‌ తదితర అన్ని సదుపాయాలతో ఈ ప్యాకేజీ ఇద్దరికి కలిపి బుక్‌ చేసుకుంటే ఒక్కొక్కరికి రూ.33,325 చొప్పున, ముగ్గురికి కలిపి బుక్‌ చేసుకుంటే రూ.30,397 చొప్పున ఉంటుంది. 5 నుంచి 11 ఏళ్ల పిల్లలకు రూ.26,373 చార్జీ ఉంటుంది. జైసల్మేర్‌టుఉదయ్‌పూర్‌.. రానున్న శీతాకాలంలో మరో ఆకర్షణీయమైన పర్యటన రాజస్థాన్‌. నవంబర్‌ 12 నుంచి 17 వరకు ఉంటుంది. శంషాబాద్‌ అంతర్జాతీయ విమానాశ్రయం నుంచి 12న ఉదయం 5.05 గంటలకు ఫ్లైట్‌ (6ఈ 995)లో బయలుదేరి 7.05 గంటలకు అహ్మదాబాద్‌ చేరుకుంటారు. అక్కడి నుంచి మరో ఫ్లైట్‌ (2టీ 703)లో ఉదయం 10.40 గంటలకు బయలుదేరి మధ్యాహ్నం 12.15 గంటలకు జైసల్మేర్‌ చేరుకుంటారు. తిరుగుప్రయాణంలో 17వ తేదీ సాయంత్రం 5.15 గంటలకు ఫ్లైట్‌ (6ఈ 484)లో  బయలుదేరి 7 గంటలకు హైదరాబాద్‌ చేరుకుంటారు.   ♦ ఈ పర్యటనలో జైసల్మేర్‌ పోర్ట్, పట్వాన్‌ హవేలీ, గడిసార్‌ లేక్‌ తదితర ప్రాంతాలను మొదటి రోజు సందర్శిస్తారు. ♦ రెండోరోజు ఎడారి క్యాంప్, జీప్‌రైడ్‌ వంటివి ఉంటాయి. మరుసటి రోజు జైసల్మేర్‌ నుంచి బయలుదేరి జోధ్‌పూర్‌ చేరుకుంటారు. ఆక్కడ మెహ్రంగార్త్‌ ఫోర్ట్, జశ్వంత్‌ తాడ తదితర ప్రాంతాల సందర్శన ఉంటుంది. 4వ రోజు జోద్‌పూర్‌ నుంచి ఉదయ్‌పూర్‌ చేరుకుంటారు. రెండు రోజుల పాటు ఉదయ్‌పూర్‌తో పాటు చుట్టుపక్కల ప్రాంతాలను సందర్శించి టూర్‌లో 6వ రోజు తిరిగి హైదరాబాద్‌ చేరుకుంటారు.   చార్జీలు ఇలా.. అన్ని సదుపాయాలతో కలిపి ఒక్కరికి రూ.35,950. ఇద్దరికి కలిపి బుక్‌ చేసుకొంటే ఒక్కొక్కరికి రూ.27,700 చొప్పున చార్జీలు ఉంటాయి. ముగ్గురికి కలిపి బుక్‌ చేసుకుంటే రూ.26,000 చొప్పున చార్జీ ఉంటుంది. పిల్లలకు రూ.23,450 చొప్పున ఉంటుంది.  రన్‌ఆఫ్‌ కచ్‌..  నవంబర్‌ 16 నుంచి 18 వరకు కొనసాగే ఈ పర్యటనలో రన్‌ ఆఫ్‌ కచ్‌ వేడుకలను వీక్షించవచ్చు. శంషాబాద్‌ అంతర్జాతీయ విమానాశ్రయం నుంచి  16న ఉదయం 8.35 గంటలకు ఫ్లైట్‌ (జీ8–551)లో బయలుదేరి 10.30 గంటలకు అహ్మదాబాద్‌ చేరుకుంటారు. మధ్యాహ్నం 2.50 గంటలకు అహ్మదాబాద్‌ నుంచి ఫ్లైట్‌ (2టీ711)లో బయలుదేరి మధ్యాహ్నం 3.45 గంటలకు కాండ్లా చేరుకుంటారు. తిరుగు ప్రయాణంలో 18న సాయంత్రం 4.05 గంటలకు ఫ్లైట్‌ (2టీ717)లో కాండ్లా నుంచి బయలుదేరి సాయంత్రం 5 గంటలకు అహ్మదాబాద్‌ చేరుకుంటారు. అక్కడి నుంచి ఫ్లైట్‌ (జీ8–552)లో రాత్రి 8.35 గంటలకు బయలుదేరి 10.20 గంటలకు హైదరాబాద్‌ చేరుకుంటారు.   చార్జీలు ఇలా.. ఈ పర్యటన చార్జీ ఇద్దరికి కలిపి బుక్‌ చేసుకుంటే ఒక్కొక్కరికి రూ.29,000 చొప్పున, ముగ్గురికి కలిపి బుక్‌ చేసుకుంటే రూ. 27,563 చొప్పున ఉంటుంది.

మందగమనంలో ఉన్న వృద్ధికి జోష్‌నివ్వడానికి ప్రభుత్వం ప్రకటించిన ప్యాకేజీ స్టాక్‌ మార్కెట్‌పై సానుకూల ప్రభావం చూపించింది. వాణిజ్య ఉద్రిక్తతల నివారణ నిమిత్తం అమెరికా–చైనాల మధ్య తాజాగా చర్చలు ప్రారంభం కానున్నాయన్న వార్తలు మధ్యాహ్నం తర్వాత వెలువడ్డాయి. దీంతో కొనుగోళ్లు మరింత జోరుగా సాగాయి. సెన్సెక్స్‌ 37,000 పాయింట్లు, నిఫ్టీ 11,000 పాయింట్లపైకి ఎగబాకాయి. లోహ షేర్లు మినహా మిగిలిన అన్ని రంగాల షేర్లు పెరిగాయి. బీఎస్‌ఈ సెన్సెక్స్‌ 793 పాయింట్లు పెరిగి 37,494 పాయింట్ల వద్ద, ఎన్‌ఎస్‌ఈ నిఫ్టీ 229 పాయింట్లు పెరిగి 11,058  పాయింట్ల వద్ద ముగిశాయి. సెన్సెక్స్, నిఫ్టీలు ఒక్క రోజులో ఇన్నేసి పాయింట్లు పెరగడం గత మూడు నెలల్లో ఇదే మొదటిసారి. ఆసియాలోని ప్రధాన స్టాక్‌ మార్కెట్‌ సూచీలు 3 శాతం మేర పతనమైనా, మన స్టాక్‌ సూచీలు 2 శాతం మేర లాభపడటం విశేషం.   భారీ లాభాలతో బోణి... మందగమనం నుంచి మరింత వృద్ధి దిశకు ఆర్థిక వ్యవస్థను పట్టాలెక్కించడానికి కొన్ని చర్యలను ఆర్థిక మంత్రి నిర్మలా సీతారామన్‌ గత శుక్రవారం సాయంత్రం ప్రకటించారు. ఈ చర్యలే కాకుండా సరైన సమయంలో మరిన్ని చర్యలు కూడా తీసుకుంటామని ఆమె అభయం ఇచ్చారు. ఇక అమెరికా–చైనాలు పరస్పరం సుంకాలు విధించుకున్న నేపథ్యంలో సోమవారం ఆసియా మార్కెట్లు భారీ నష్టాల్లో ట్రేడవుతున్నా, ప్యాకేజీ జోష్‌తో మన మార్కెట్‌ మాత్రం భారీ లాభాల్లో ఆరంభమైంది. సెన్సెక్స్‌ 663 పాయింట్లు, నిఫ్టీ 171  పాయింట్ల లాభాలతో ట్రేడింగ్‌ను ప్రారంభించాయి.  వెంటనే సెన్సెక్స్‌ 843 పాయింట్లు, నిఫ్టీ 259  పాయింట్ల లాభాలను తాకాయి. కానీ ప్రపంచ మార్కెట్ల పతనం కారణంగా ఈ లాభాలన్నీ ఆవిరై సెన్సెక్స్, నిఫ్టీలు నష్టాల్లోకి జారిపోయాయి. సెన్సెక్స్‌ ఇంట్రాడేలో  208 పాయింట్లు, నిఫ్టీ 72 పాయింట్ల మేర నష్టపోయాయి. వాణిజ్య ఉద్రిక్తతల నివారణ నిమిత్తం అమెరికా–చైనాల మధ్య మళ్లీ చర్చలు జరగనున్నాయన్న వార్తలతో స్టాక్‌ మార్కెట్‌ మళ్లీ లాభాల బాట పట్టింది. మొత్తం మీద రోజంతా సెన్సెక్స్‌1,051 పాయింట్ల రేంజ్‌లో కదలాడింది. ఆసియా మార్కెట్లు భారీగా నష్టపోగా, యూరప్‌ మార్కె ట్లు లాభాల్లో ముగిశాయి.   మరిన్ని విశేషాలు.... ► యస్‌ బ్యాంక్‌ షేర్‌ 6.3 శాతం పెరిగి రూ.63 వద్ద ముగిసింది. సెన్సెక్స్‌లో బాగా పెరిగిన షేర్‌ ఇదే.   ► స్టాక్‌ మార్కెట్‌ లాభాల కారణంగా   పదికి పైగా షేర్లు ఏడాది గరిష్ట స్థాయిలకు చేరాయి. బాటా ఇండియా, ఫోర్స్‌ మోటార్స్, జీఎస్‌కే కన్సూమర్‌ ఈ జాబితాలో ఉన్నాయి. మరో వైపు అలోక్‌ ఇండస్ట్రీస్, అబన్‌ ఆఫ్‌షోర్, డీబీ రియల్టీ, సీజీ పవర్, ఈక్లర్క్స్‌ సర్వీసెస్, ఖదిమ్‌ ఇండియా వంటి 180కు పైగా షేర్లు ఏడాది కనిష్ట స్థాయిలకు పడిపోయాయి.   బ్యాంక్, హెచ్‌ఎఫ్‌సీ  షేర్ల జోరు మొండి బకాయిలతో కుదేలైన ప్రభుత్వ రంగ బ్యాంక్‌లను ఆదుకోవడానికి తాజాగా రూ.70,000 కోట్ల మూలధన నిధులందించగలమని కేంద్రం ఆభయం ఇవ్వడంతో బ్యాంక్‌ షేర్లు జోరుగా పెరిగాయి.  ఈ నిధుల కారణంగా రూ.5 లక్షల కోట్ల మేర లిక్విడిటీ అందుబాటులోకి వస్తుందని అంచనా. ఫలితంగా మరిన్ని రుణాలు అందుబాటులోకి వచ్చి, వ్యవస్థలో లిక్విడిటీ సమస్య ఒకింత తీరగలదన్న అంచనాలతో బ్యాంక్‌ షేర్లలో జోరుగా కొనుగోళ్లు సాగాయి. సెంట్రల్‌ బ్యాంక్‌ ఆఫ్‌ ఇండియా 10 శాతం, అలహాబాద్‌ బ్యాంక్‌ 8 శాతం, బ్యాంక్‌ ఆఫ్‌ మహారాష్ట్ర 6 శాతం, బ్యాంక్‌ ఆఫ్‌ ఇండియా 4 శాతం, యూనియన్‌ బ్యాంక్‌ ఆఫ్‌ ఇండియా 3.6 శాతం, ఎస్‌బీఐ 3 శాతం, పంజాబ్‌ నేషనల్‌ బ్యాంక్‌ 3..4 శాతం, కెనరా బ్యాంక్‌ 3.3 శాతం, బ్యాంక్‌ ఆఫ్‌ బరోడా 1.7 శాతం  చొప్పున లాభపడ్డాయి. బ్యాంక్‌ షేర్లతో పాటు హౌసింగ్‌ ఫైనాన్స్‌ షేర్లు కూడా జోరుగా పెరిగాయి. హెచ్‌ఎఫ్‌సీలకు నేషనల్‌ హౌసింగ్‌ బ్యాంక్‌(ఎన్‌హెచ్‌బీ) రూ.20,000 కోట్ల మేర నిధులు అందజేయనున్నది. ఈ నిర్ణయం కారణంగా హెచ్‌ఎఫ్‌సీలు లాభపడ్డాయి. ఎమ్‌ అండ్‌ ఎమ్‌ ఫైనాన్షియల్‌ సర్వీసెస్‌ 5 శాతం, హెచ్‌డీఎఫ్‌సీ 4 శాతం, ఇండియాబుల్స్‌ హౌసింగ్‌ ఫైనాన్స్‌3 శాతం మేర ఎగిశాయి. లాభాలు ఎందుకంటే... ► ఎట్టకేలకు ఉద్దీపన ప్యాకేజీ... విదేశీ పోర్ట్‌ఫోలియో ఇన్వెస్టర్లపై విధించిన సూపర్‌ రిచ్‌ సర్‌చార్జీని రద్దు చేస్తామని ఆర్థిక మంత్రి నిర్మలా సీతారామన్‌ ఉద్దీపన ప్యాకేజీలో భాగంగా ప్రకటించారు. అంతేకాకుండా వాహన రంగానికి ఊరటనిచ్చే నిర్ణయాలను, బ్యాంక్‌లకు రూ.70,000 కోట్ల మూలధన నిధుల అందించడం, తదితర నిర్ణయాల కారణంగా ఇన్వెస్టర్ల సెంటిమెంట్‌ బలపడింది.   ► మళ్లీ అమెరికా–చైనాల చర్చలు.... అమెరికా–చైనాలు తాజాగా పరస్పరం సుంకాలు విధించుకున్నాయి. వాణిజ్య ఉద్రిక్తతల నివారణ నిమిత్తం మళ్లీ చర్చలు ఆరంభం కాగలవని అమెరికా అధ్యక్షుడు ట్వీట్‌ చేయడం మన మార్కెట్‌పై సానుకూల ప్రభావం చూపించింది.   ► చల్లబడ్డ చమురు ధరలు... చమురు ధరలు తగ్గాయి. బ్రెంట్, నైమెక్స్‌ ముడి చమురు ధరలు దాదాపు 1 శాతం మేర తగ్గాయి.   ► ఆర్‌బీఐ బోర్డ్‌ సమావేశం... ఆర్‌బీఐ మిగులు నిధులపై అధ్యయనం చేసిన బిమల్‌ జలాన్‌ కమిటీ సమర్పించిన నివేదికపై చర్చించడానికి సోమవారం ఆర్‌బీఐ బోర్డ్‌ సమావేశమైంది. మార్కెట్‌ ముగిసే సమయానికి ఎలాంటి నిర్ణయం వెలువడకపోయినప్పటికీ, సానుకూల నిర్ణయం ఉండొచ్చన్న అంచనాలు మార్కెట్‌కు కలసివచ్చాయి.   ► పెరిగిన రేటింగ్‌ అంతర్జాతీయ బ్రోకరేజ్‌ సంస్థ, నొముర.. భారత్‌ రేటింగ్‌ను ‘ఓవర్‌వెయిట్‌’కు అప్‌గ్రేడ్‌ చేసింది. ప్రపంపవ్యాప్తంగా అనిశ్చితి నెలకొన్నప్పటికీ, దేశీయంగా సానుకూల పరిణామాలు చోటు చేసుకుంటుండటంతో భారత్‌ రేటింగ్‌ను నొముర అప్‌గ్రేడ్‌ చేసింది. మరోవైపు  ఈ ఏడాది డిసెంబర్‌ నాటికి సెన్సెక్స్‌ 40,500 పాయింట్లకు చేరగలదని మరో బ్రోకరేజ్‌ సంస్థ, బీఎన్‌పీ పారిబా వెల్లడించడం కూడా సెంటిమెంట్‌పై సానుకూల ప్రభావం చూపించింది.   ► షార్ట్‌ కవరింగ్‌ కొనుగోళ్లు... ఆగస్టు  సిరీస్‌ డెరివేటివ్స్‌(ఫ్యూచర్స్‌ అండ్‌  ఆప్షన్స్‌) కాంట్రాక్టులు ఈ వారంలోనే ముగియనున్న నేపథ్యంలో సానుకూల ప్యాకేజీ కారణంగా షార్ట్‌ కవరింగ్‌ కొనుగోళ్లు చోటు చేసుకున్నాయని నిపుణులంటున్నారు. ఆ మూడు షేర్ల వల్లే భారీ లాభాలు హెచ్‌డీఎఫ్‌సీ బ్యాంక్, హెచ్‌డీఎఫ్‌సీ, ఐసీఐసీఐ బ్యాంక్‌ ఈ మూడు షేర్లు 4–5 శాతం రేంజ్‌లో లాభపడ్డాయి. సెన్సెక్స్‌ మొత్తం లాభంలో ఈ మూడు షేర్ల వాటాయే 61 శాతంగా  ఉండటం విశేషం. మొత్తం 793 పాయింట్ల సెన్సెక్స్‌ లాభంలో హెచ్‌డీఎఫ్‌సీ వాటా 195 పాయింట్లు, హెచ్‌డీఎఫ్‌సీ బ్యాంక్‌ వాటా 180 పాయింట్లు, ఐసీఐసీఐ బ్యాంక్‌ వాటా 102 పాయింట్లుగా ఉన్నాయి. వెరసి ఈ 3 షేర్ల వాటా 477 పాయింట్లుగా ఉంది. ఇన్వెస్టర్ల సంపద 2.41 లక్షల కోట్లు అప్‌ స్టాక్‌ మార్కెట్‌ భారీ లాభాల కారణంగా ఇన్వెస్టర్ల సంపద రూ.2.41 లక్షల కోట్లు పెరిగింది. ఇన్వెస్టర్ల సంపదగా పరిగణించే బీఎస్‌ఈలో లిస్టైన మొత్తం కంపెనీల మార్కెట్‌ విలువ రూ.2.41 లక్షల కోట్లు పెరిగి రూ.1,40,33,462 కోట్లకు పెరిగింది.

విదేశీ పోర్టుఫోలియో ఇన్వెస్టర్లపై బడ్జెట్లో విధించిన పన్నును తగ్గించవచ్చని... మందగమన ప్రభావంతో కునారిల్లిన రంగాలకు ప్యాకేజీ ప్రకటిస్తారనే ఆశలతో కొద్దిరోజులుగా పెరుగుతున్న మార్కెట్లు గురువారం ఒక్కసారిగా కుప్పకూలాయి. ఎలాంటి ప్యాకేజీ ఉండబోదని ప్రభుత్వ వర్గాలు పరోక్షంగా వెల్లడించడంతో మార్కెట్లో అమ్మకాలు వెల్లువెత్తాయి. అంతర్జాతీయ సంకేతాలు బలహీనంగా ఉండటం, డాలర్‌తో రూపాయి మారకం విలువ ఎనిమిది నెలల కనిష్టానికి పడిపోవడం దీనికి తోడయ్యాయి. ఫలితంగా బీఎస్‌ఈ సెన్సెక్స్‌ 36,500 పాయింట్లు, ఎన్‌ఎస్‌ఈ నిఫ్టీ 10,800 పాయింట్ల దిగువకు పడిపోయాయి. ప్రధానంగా బ్యాంక్, వాహన, లోహ షేర్లు నష్టపోయాయి. రూపాయి పతనం కారణంగా ఐటీ రంగ షేర్లు మాత్రం లాభపడ్డాయి. సెన్సెక్స్‌ 587 పాయింట్లు పతనమై 36,473 పాయింట్ల వద్ద, నిఫ్టీ 177 పాయింట్లు తగ్గి 10,741 పాయింట్ల వద్ద ముగిశాయి. ఈ ఏడాది మార్చి తర్వాత సెన్సెక్స్, నిఫ్టీలకు ఇదే కనిష్ట స్థాయి. వరుసగా మూడో రోజూ సూచీలు నష్టాల్లోనే ముగిశాయి.   పతనానికి ప్రధాన కారణాలు.... ప్యాకేజీ ఆశలు హుళక్కి డిమాండ్‌ తగ్గి కుదేలైన రంగాలను ఆదుకోవడానికి ప్రభుత్వం ప్యాకేజీ ఇవ్వగలదన్న ఆశలతో ఇటీవల స్టాక్‌ సూచీలు పరిమిత శ్రేణిలో కదలాడుతూ వచ్చాయి. కానీ ప్యాకేజీ ఇవ్వడం అనైతికం అంటూ ప్రధాన ఆర్థిక సలహాదారు సుబ్రమణ్యన్‌ వ్యాఖ్యానించడంతో ప్యాకేజీ ఆశలు అడుగంటాయి. దీంతో బ్లూచిప్‌లతో సహా అన్ని రంగాల షేర్లలో అమ్మకాలు వెల్లువెత్తాయి.     జోష్‌నివ్వని సెబీ నిర్ణయాలు... ఎఫ్‌పీఐల రిజిస్ట్రేషన్‌ ప్రక్రియను సెబీ సరళతరం చేసింది. అయితే సూపర్‌ రిచ్‌ సర్‌ చార్జీపై ఎలాంటి  స్పష్టత లేకపోవడం నిరాశపరిచింది. బడ్జెట్‌లో ఈ సర్‌చార్జీ ప్రతిపాదన వెలువడినప్పటినుంచి కొనసాగుతున్న విదేశీ ఇన్వెస్టర్ల అమ్మకాలకు  సెబీ నిర్ణయం ఎలాంటి అడ్డుకట్ట వేయలేకపోయింది. ఎఫ్‌పీఐలు జూలైలో రూ.17,000 కోట్లు, ఈ నెలలో రూ.10,000 కోట్ల మేర నిధులను వెనక్కి తీసుకున్నారు. బలహీన అంతర్జాతీయ సంకేతాలు   రేట్ల కోత విషయమై అమెరికా ఫెడరల్‌ రిజర్వ్‌ దూకుడుగా వ్యవహరించకపోవచ్చని ఆ సంస్థ తాజా మినట్స్‌ వెల్లడించాయి. ఫలితంగా భారత్‌ వంటి వర్థమాన దేశాలకు విదేశీ నిధుల ప్రవాహంపై ప్రభావం పడుతుంది. మరోవైపు చైనా కరెన్సీ యువాన్‌ 11 ఏళ్ల కనిష్ట స్థాయికి పడిపోయింది.  ఈ కారణాలన్నింటి వల్ల ప్రపంచ మార్కెట్లు పతనమయ్యాయి.  చైనా షాంఘై సూచీ, జపాన్‌ నికాయ్‌ సూచీలు మినహా మిగిలిన అన్ని ఆసియా మార్కెట్లు నష్టాల్లో ముగిశాయి. యూరప్‌ మార్కె ట్లు నష్టాల్లో ఆరంభమై, నష్టాల్లోనే ముగిశాయి.   రూపాయి... దిగువ పయనం   విదేశీ ఇన్వెస్టర్ల పెట్టుబడుల ఉపసంహరణ కొనసాగుతుండటం, స్టాక్‌ మార్కెట్‌ బలహీనంగా ట్రేడవుతుండటంతో డాలర్‌తో రూపాయి మారకం విలువ క్షీణిస్తోంది. ఇంట్రాడేలో డాలర్‌తో రూపాయి మారకం 40 పైసలు తగ్గి 71.96ను తాకింది. ఈ ఏడాది ఇదే కనిష్ట స్థాయి. మరోవైపు ముడి చమురు ధరలు 0.65 శాతం మేర పెరగడం రూపాయిపై ఒత్తిడిని పెంచింది.   సాంకేతిక కారణాలు   కీలక మద్దతు స్థాయిలు... 10,906, 10,800, 10,750 పాయింట్లను నిఫ్టీ సూచీ కోల్పోయింది. దీంతో అమ్మకాలు ఒత్తిడి పెరిగింది. నిఫ్టీ తదుపరి మద్దతు 10,580–19,455  పాయింట్ల వద్ద ఉందని టెక్నికల్‌ ఎనలిస్ట్‌లు అంటున్నారు. 11,120 పాయింట్లపైన స్థిరపడగలిగితేనే నిఫ్టీ బలం పుంజుకుంటుందని వారంటున్నారు. మరోవైపు నిఫ్టీ 10,782 పాయింట్ల దిగువకు దిగి వచ్చిందని, ఇలియట్‌  వేవ్‌ థియరీలో ఐదో లెగ్‌ పతనాన్ని ఇది నిర్ధారిస్తోందని టెక్నికల్‌ ఎనలిస్ట్‌ల అభిప్రాయం.   మరిన్ని విశేషాలు... ►  యస్‌ బ్యాంక్‌ షేర్‌ నష్టాలు నాలుగో రోజూ కొనసాగాయి. 14 శాతం నష్టంతో రూ.56.30 వద్ద ముగిసింది. సెన్సెక్స్‌లో బాగా నష్టపోయిన షేర్‌ ఇదే. ఆర్థిక అవకతవకలు జరిగిన సీజీ కన్సూమర్‌ కంపెనీలో ఈ బ్యాంక్‌కు కూడా వాటా ఉండటంతో ఈ షేర్‌ పతనమవుతోంది. గత నాలుగు రోజుల్లో ఈ షేర్‌ 27 శాతం నష్టపోయింది.   ►  31 సెన్సెక్స్‌ షేర్లలో నాలుగు షేర్లు మాత్రమే లాభపడ్డాయి. టెక్‌ మహీంద్రా, టీసీఎస్, హిందుస్తాన్‌ యునిలివర్, హెచ్‌సీఎల్‌ టెక్‌– ఈ నాలుగు షేర్లు మాత్రమే పెరిగాయి. మిగిలిన 27 షేర్లు నష్టపోయాయి.   ►   ఇక నిఫ్టీలో బ్రిటానియా, డాక్టర్‌ రెడ్డీస్‌ ల్యాబ్స్, టెక్‌ మహీంద్రా, టీసీఎస్, హెచ్‌యూఎల్, హెచ్‌సీఎల్‌ టెక్నాలజీస్‌ షేర్లు 1 –2 శాతం మేర లాభపడగా, మిగిలిన 44 షేర్లు నష్టాల్లోనే ముగిశాయి.   ►  డీహెచ్‌ఎఫ్‌ఎల్‌ రుణదాతలు తమ రుణాల్లో కొంత భాగాన్ని ఈక్విటీగా మార్చుకునే దిశగా ఆలోచిస్తున్నారన్న వార్తల కారణంగా డీహెచ్‌ఎఫ్‌ఎల్‌ షేర్‌ 13 శాతం నష్టంతో రూ.39.70 వద్ద ముగిసింది.   ►  రుణ భారం తగ్గించుకోవడానికి ప్రాధాన్యత ఇస్తూ ప్రమోటర్లు్ల చేస్తున్న ప్రయత్నాలు ఇన్వెస్టర్లలో విశ్వాసాన్ని నింపుతుండటంతో కాఫీ డే ఎంటర్‌ప్రైజెస్‌ షేర్‌ 5 శాతం లాభం తో రూ.76.40 వద్ద ముగిసింది. గత నాలు గు రోజుల్లో ఈ షేర్‌ 21 శాతం ఎగసింది.   ►  మార్కెట్‌ భారీగా పతనమైనా, హిందుస్తాన్‌ యూని లివర్‌ (హెచ్‌యూఎల్‌) ఇంట్రాడేలో  ఆల్‌టైమ్‌ హై, రూ.1,879ను తాకింది.  నెల కాలంలో ఈ షేర్‌ 12 శాతం పెరిగింది. ►   టాటా మోటార్స్, ఓఎన్‌జీసీ, కోల్‌ ఇండియా, టాటా కాఫీ, సెయిల్‌ వంటి దిగ్గజ షేర్లు ఐదేళ్ల కనిష్ట స్థాయిలకు క్షీణించాయి. వీటితో పాటు మరో 140 షేర్లు ఈ స్థాయికి చేరాయి. డీఎల్‌ఎఫ్, టాటా స్టీల్, ఐటీసీ,  రేమండ్‌ వంటి 270 షేర్లు రెండేళ్ల కనిష్టానికి పతనమయ్యాయి. మరో 400 షేర్లు ఏడాది కనిష్టానికి పడిపోయాయి. అలహాబాద్‌ బ్యాంక్, అవంతి ఫీడ్స్, బ్యాంక్‌ ఆఫ్‌ బరోడా,  ఐషర్‌ మోటార్స్, తదితర షేర్లు  ఈ జాబితాలో ఉన్నాయి. మరోవైపు డెన్‌ నెట్‌వర్క్స్, నెస్లే ఇండియాలు  ఏడాది గరిష్ట స్థాయిలను తాకాయి.      ప్యాకేజీ ఇవ్వడం అనైతికం.. కష్టాల్లో ఉన్న కంపెనీలను ఆదుకోవడానికి పన్ను చెల్లింపుదార్ల సొమ్ములను ఉపయోగించడం అనైతికమని ప్రధాన ఆర్థిక సలహాదారు కృష్ణమూర్తి సుబ్రమణ్యన్‌ వ్యాఖ్యానించారు. ఇలాంటి చర్య ఆర్థిక వ్యవస్థకు శాపం లాంటిదన్నారు. మరోవైపు తక్కువ వడ్డీరేట్లు, ప్రైవేట్‌ రంగానికి రుణ లభ్యత... ఈ రెండూ ప్యాకేజీ కంటే ఉత్తమమైనవని విద్యుత్తు శాఖ కార్యదర్శి సుభాష్‌ చంద్ర గార్గ్‌ వ్యాఖ్యానించారు. వీరిద్దరి వ్యాఖ్యలూ ప్రభుత్వం ప్యాకేజీ ఇవ్వవచ్చన్న ఆశలను అడియాసలు చేశాయి. మరోవైపు ఈ క్యూ1లో జీడీపీ వృద్ధి మరింతగా తగ్గగలదని (5.5 శాతానికి )గత నెల వరకూ ఆర్థిక కార్యదర్శిగా పనిచేసిన గార్గ్‌ పేర్కొనడం మరింత ప్రతికూల ప్రభావం చూపించింది.   697 రేంజ్‌లో సెన్సెక్స్‌... ఆసియా మార్కెట్లు మిశ్రమంగా ఉండటంతో సెన్సెక్స్‌ స్వల్ప లాభాలతో ఆరంభమైంది. ప్యాకేజీ ఆశలు ఆడియాసలు కావడం, రూపాయి క్షీణించడం తదితర కారణాలతో అమ్మకాలు వెల్లువెత్తాయి. ఒక దశలో 28 పాయింట్లు లాభపడిన సెన్సెక్స్, మరో దశలో 669 పాయింట్లు పతనమైంది. మొత్తం మీద రోజంతా 697 పాయింట్ల రేంజ్‌లో కదలాడింది. ఇక నిఫ్టీ ఇంట్రాడేలో 201 పాయింట్ల వరకూ నష్టపోయింది.  ఇక నిఫ్టీ బ్యాంక్‌ ఇంట్రాడేలో 800 పాయింట్లు నష్టపోయింది.    దెబ్బతిన్న సెంటిమెంట్‌ డాలర్‌తో రూపాయి మారకం విలువ ఈ ఏడాది కనిష్టానికి పడిపోవడం... స్టాక్‌ మార్కెట్‌ భారీగా నష్టపోవడానికి ఒక కారణమని షేర్‌ఖాన్‌ బై బీఎన్‌పీ పారిబా ఎనలిస్ట్‌ హేమాంగ్‌ జణి పేర్కొన్నారు. డిమాండ్‌ లేక కుదేలైన రంగాలను ఆదుకునే విషయమై ప్రభుత్వ వర్గాల నుంచి ఎలాంటి ప్యాకేజీ ప్రకటనలు రాకపోవడం ప్రతికూల ప్రభావం చూపించిందని తెలియజేశారు. మరోవైపు భారత ఆర్థిక వ్యవస్థకు ప్యాకేజీ అవసరం లేదని ప్రధాన ఆర్థిక సలహాదారు కృష్ణమూర్తి సుబ్రమణ్యన్‌ వ్యాఖ్యానించటం ఇన్వెస్టర్ల సెంటిమెంట్‌ను దెబ్బతీసిందన్నారు.  

హైదరాబాద్, బిజినెస్‌ బ్యూరో: పానీయాల ప్యాకేజింగ్‌కు అల్యూమినియం క్యాన్లను వాడటం పెరుగుతోందని అల్యూమినియం బెవరేజెస్‌ క్యాన్‌ అసోసియేషన్‌ ఆఫ్‌ ఇండియా (ఏబీసీఏఐ) స్పష్టంచేసింది. కల్తీకి ఆస్కారం లేకపోవడం, పానీయాల జీవిత కాలం ఎక్కువ ఉండడం, ప్లాస్టిక్‌ పట్ల విముఖత ఇందుకు కారణమని వెల్లడించింది. దేశవ్యాప్తంగా ఏటా అల్యూమినియంతో తయారైన 200 కోట్ల పానీయాల క్యాన్లు విక్రయం అవుతున్నాయని బాల్‌ బెవరేజ్‌ ప్యాకేజింగ్‌ ఇండియా ఎండీ అమిత్‌ లహోటి తెలిపారు. ఆదిత్య బిర్లా గ్రూప్‌ కన్సూ్యమర్‌ ఇన్‌సైట్స్, బ్రాండ్‌ డెవలప్‌మెంట్‌ గ్రూప్‌ హెడ్‌ ప్రకాశ్‌ నెడుంగడితో కలిసి మంగళవారమిక్కడ మీడియాతో మాట్లాడారు. ‘ఏటా అల్యూమినియం క్యాన్ల వినియోగం వృద్ధి రేటు 9–10% ఉంటోంది. ఈ క్యాన్లలో 50–60% బీర్ల ప్యాకేజింగ్‌కు, మిగిలినవి ఇతర పానీయాల కోసం వాడుతున్నారు. గ్లాస్‌ ప్యాకేజింగ్‌ నుం చి పరిశ్రమ ఎక్కువగా అల్యూమినియం వైపు మళ్లుతోంది’ అని వివరించారు. బాల్‌ బెవరేజ్‌కు మహారాష్ట్రలోని తలోజ, ఏపీలోని శ్రీసిటీలో తయారీ కేంద్రాలున్నాయి. భవిష్యత్‌లో డిమాండ్‌ పెరిగితే హైదరాబాద్‌లో క్యాన్ల తయారీ ప్లాంటు ఏర్పాటు అంశాన్ని పరిశీలిస్తామని అమిత్‌ వెల్లడించారు. 1880లో ప్రారంభమైన బాల్‌ కార్పొరేషన్‌ ఏటా 10,000 కోట్ల క్యాన్లను ప్రపంచవ్యాప్తంగా విక్రయిస్తోంది.

న్యూఢిల్లీ: చక్కెర రంగానికి రూ.5,538 కోట్ల మేర ప్యాకేజీ ఇచ్చే ప్రతిపాదనకు కేంద్ర కేబినెట్‌ ఆమోదం తెలియజేసింది. చెరకు పండించే వారికి ఇచ్చే ఉత్పత్తి సాయం, ఎగుమతి చేసే మిల్లులకు ఇచ్చే రవాణా సబ్సిడీ రెండు రెట్లకు పైగా పెరిగింది. మిగులు చక్కెర నిల్వల సమస్యకు పరిష్కారం చూపే క్రమంలో భాగంగా... ప్రధానమంత్రి నరేంద్ర మోదీ అధ్యక్షతన జరిగిన ఆర్థిక వ్యవహారాల కేబినెట్‌ కమిటీ ఈ నిర్ణయం తీసుకుంది. నాలుగు నెలల వ్యవధిలో చక్కెర పరిశ్రమకు కేంద్రం ప్రకటించిన మూడో సాయం ఇది. ఇప్పటికే షుగర్‌కేన్‌ నుంచి ఉత్పత్తి చేసే ఇథనాల్‌కు అధిక ధరలు నిర్ణయించడంతోపాటు, ఇథనాల్‌ ఉత్పత్తి సామర్థ్యం పెంచుకునేందుకు ఆర్థిక సాయం అందించడం వంటి చర్యల్ని కేంద్రం గతంలో ప్రకటించింది. అతి త్వరలోనే పలు రాష్ట్రాల్లో ఎన్నికలు, వచ్చే ఏడాది సాధారణ ఎన్నికల నేపథ్యంలో ఈ రంగానికి సంబంధించిన సమస్యల పరిష్కారానికి కేంద్రం ప్రత్యేక శ్రద్ధ పెట్టింది. అధిక ఉత్పత్తికి పరిష్కారం  ‘‘గతేడాది, ఈ సంవత్సరం కూడా చక్కెర తయారీ అధికంగా ఉంది. వచ్చే ఏడాది కూడా ఎక్కువగానే ఉంటుందని అంచనా. దీంతో అధిక ఉత్పత్తి సమస్యను పరిష్కరించేందుకు ఆర్థిక వ్యవహారాల కేబినెట్‌ కమిటీ ఓ సమగ్ర విధానానికి ఆమోదం తెలిపింది’’ అని కేంద్ర ఆర్థిక మంత్రి అరుణ్‌జైట్లీ సమావేశం అనంతరం మీడియాకు తెలిపారు. చెరకు ఉత్పత్తి, ఎగుమతి వ్యయాల తగ్గింపునకు మొత్తం రూ.5,538 కోట్ల రూపాయిల సాయం అందించనున్నట్టు చెప్పారు. కేబినెట్‌ తీసుకున్న నిర్ణయాలతో దేశీయ మార్కెట్‌ స్థిరపడడంతోపాటు చెరకు రైతులకు మిల్లులు చెల్లింపులు చేయగలవని కేంద్ర మంత్రి రామ్‌విలాస్‌ పాశ్వాన్‌ తెలిపారు. ప్యాకేజీలోని అంశాలు... 2018–19 మార్కెటింగ్‌ సంవత్సరానికి క్వింటాల్‌ చెరకు క్రషింగ్‌కు గాను ప్రభుత్వం రూ.13.88 సాయం అందిస్తుంది. 2017–18 మార్కెటింగ్‌ సంవత్సరానికి ఈ సాయం రూ.5.50గానే ఉంది. ఈ ఒక్క సాయానికే రూ.4,163 కోట్ల మేర కేంద్రంపై భారం పడుతుంది. 2018–19 మార్కెటింగ్‌ సంవత్సరం (అక్టోబర్‌–సెప్టెంబర్‌)లో 5 మిలియన్‌ టన్నుల ఎగుమతులకు గాను అంతర్గత రవాణా, నిర్వహణ చార్జీల రూపంలో మిల్లులకు పరిహారం లభించనుంది. పోర్ట్‌లకు 100 కిలోమీటర్ల పరిధిలో ఉన్న మిల్లులు, అవి ఎగుమతి కోసం చేసే రవాణా వ్యయాలపై ప్రతీ టన్నుకు రూ.1,000 సబ్సిడీగా అందుతుంది. 100 కిలోమీటర్లకు పైగా దూరంలో ఉంటే టన్నుకు సబ్సిడీ రూ.2,500 లభిస్తుంది. తీర రాష్ట్రాల్లోని మిల్లులకు ఈ నిబంధన వర్తిస్తుంది. ఇతర రాష్ట్రాల్లోని మిల్లులకు టన్నుపై రూ.3,000 లేదా వాస్తవంగా అయిన వ్యయం... ఈ రెండింటిలో ఏది తక్కువ అయితే అంతమేర సబ్సిడీ లభిస్తుంది. ఇందుకోసం ప్రభుత్వంపై రూ.1,375 కోట్ల భారం పడుతుంది. అయితే, ఈ రెండు  ప్రయోజనాలను మిల్లులకు నేరుగా ఇవ్వకుండా, అవి రైతులకు చెల్లించాల్సిన బకాయిలు తీర్చేందుకు వారి ఖాతాల్లో జమ చేయనున్నట్టు ప్రభుత్వం తెలిపింది. చక్కెర కర్మాగారాలు  రైతులకు రూ.13,567 కోట్ల  బకాయిలు (యూపీలోని మిల్లులకే రూ.9,817 కోట్లు) చెల్లించాల్సి ఉంది. అవి తీర్చడంతోపాటు, ఎగుమతులు పెంపునకు కేంద్రం చర్యలు వీలు కల్పించనున్నాయి. నూతన టెలికం పాలసీకి  పచ్చజెండా నూతన టెలికం విధానం ‘నేషనల్‌ డిజిటల్‌ కమ్యూనికేషన్స్‌ పాలసీ (ఎన్‌డీసీపీ) 2018’కి కేంద్ర కేబినెట్‌ ఆమోదం తెలిపింది. 100 బిలియన్‌ డాలర్ల పెట్టుబడులను రాబట్టడంతోపాటు 2022 నాటికి 40 లక్షల ఉద్యోగాల కల్పన ఈ విధానం లక్ష్యాలుగా ఉన్నాయి. కమ్యూనికేషన్‌ వ్యవస్థలు అంతర్జాతీయంగా చాలా వేగంగా మారుతున్నాయని... ముఖ్యంగా 5జీ, ఇంటర్నెట్‌ ఆఫ్‌ థింగ్స్, మెషీన్‌ టు మెషీన్‌ కమ్యూనికేషన్‌ విభాగాల్లో ఈ పరిస్థితి ఉందని కేంద్ర టెలికం మంత్రి మనోజ్‌ సిన్హా తెలిపారు. జీడీపీలో టెలికం రంగం వాటా ప్రస్తుతం ఆరు శాతంగా ఉంటే, అది ఎనిమిది శాతానికి పెరుగుతుందని అంచనా వేస్తున్నట్టు మంత్రి మనోజ్‌ సిన్హా చెప్పారు. 100 బిలియన్‌ డాలర్ల పెట్టుబడులు తరలివస్తాయని అంచనా వేస్తున్నామన్నారు. సమాచార సదుపాయాలను మరింత బలోపేతం చేయడం, 5జీ టెక్నాలజీ, ఆప్టికల్‌ ఫైబర్‌ ద్వారా అందరికీ అధిక వేగంతో కూడిన బ్రాడ్‌ బ్యాండ్‌ సేవలను అందుబాటులో ఉంచడం, 40 లక్షల ఉద్యోగాల కల్పన, ఐసీటీ సూచీలో భారత ర్యాంకును 50కు తీసుకురావడం నూతన విధానం ప్రధాన ఉద్దేశాలుగా ఉన్నాయి.   జీఎస్‌టీఎన్‌ ఇక పూర్తిగా ప్రభుత్వ సంస్థ జీఎస్‌టీకి ఐటీ వ్యవస్థను అందించే జీఎస్‌టీ నెట్‌వర్క్‌ (జీఎస్‌టీఎన్‌)ను నూరు శాతం ప్రభుత్వ సంస్థగా మార్చే ప్రతిపాదనకు కేంద్ర కేబినెట్‌ బుధవారం అనుమతి తెలిపినట్టు కేంద్ర ఆర్థిక మంత్రి అరుణ్‌ జైట్లీ తెలిపారు. జీఎస్‌టీఎన్‌ను పునర్‌వ్యవస్థీకరించిన అనంతరం కేంద్ర, రాష్ట్ర ప్రభుత్వాల మధ్య యాజమాన్యాన్ని సమంగా వేరు విభజించనున్నట్టు చెప్పారు. ప్రస్తుతం జీఎస్‌టీఎన్‌లో కేంద్రం, రాష్ట్రాలకు కలిపి 49 శాతం వాటా ఉంది. మిగిలిన 51 శాతం వాటా హెచ్‌డీఎఫ్‌సీ, హెచ్‌డీఎఫ్‌సీ బ్యాంకు, ఐసీఐసీఐ బ్యాంకు, ఎన్‌ఎస్‌ఈ స్ట్రాటజిక్‌ ఇన్వెస్ట్‌మెంట్‌ కంపెనీ, ఎల్‌ఐసీ హౌసింగ్‌ ఫైనాన్స్‌ కంపెనీలకు ఉంది.  ఐటీడీసీ హోటళ్ల విక్రయాలు పెట్టుబడుల ఉపసంహరణ ప్రక్రియలో భాగంగా జమ్మూ కశ్మీర్, బిహార్‌ రాష్ట్రాల్లో ఐటీడీసీకి ఉన్న రెండు హోటళ్లను ఆయా రాష్ట్ర ప్రభుత్వాలకు విక్రయించాలని ఆర్థిక వ్యవహారాల కేంద్ర కేబినెట్‌ కమిటీ నిర్ణయించింది.   

న్యూఢిల్లీ/కొచ్చి: ప్రకృతి ప్రకోపానికి తీవ్రంగా దెబ్బతిన్న కేరళకు పూర్తిస్థాయిలో ఆర్థిక సాయం లేదా ప్యాకేజీ అందించేందుకు కనీసం 3 నుంచి 6 నెలల సమయం పట్టే అవకాశముందని హోంశాఖ ఉన్నతాధికారి ఒకరు తెలిపారు. నష్టాన్ని పూర్తిగా అంచనా వేయడం దగ్గరి నుంచి నిధుల విడుదల వరకూ ఇదో సుదీర్ఘ ప్రక్రియ అని వెల్లడించారు. విపత్తుల సందర్భంగా నిధుల విడుదలపై ప్రస్తుతం అమల్లో ఉన్న మార్గదర్శకాల ప్రకారం.. సాధారణ రాష్ట్రాల విపత్తు సహాయ నిధి(ఎస్డీఆర్‌ఎఫ్‌)కి 75 శాతం, ప్రత్యేక హోదా ఉన్న రాష్ట్రాలకు 90 శాతం నిధులను కేంద్రం అందజేస్తుందన్నారు.   ప్రకృతి విపత్తులు సంభవించినప్పుడు ఆయా రాష్ట్రాలు తీవ్రంగా దెబ్బతిన్నాయని కేంద్రం భావిస్తే సదరు రాష్ట్రాలకు ఇవ్వాల్సిన సాయంలో గరిష్టంగా 25 శాతం నిధుల్ని ముందస్తుగా విడుదల చేయొచ్చు. ఈ మొత్తాన్ని ఆ తర్వాతి వాయిదాలో సర్దుబాటు చేస్తారు.  భారీ వర్షాలు, వరదలతో నష్టపోయిన కేరళ పునర్నిర్మాణానికి నెల రోజుల వేతనాన్ని విరాళంగా ఇవ్వాలని దేశ, విదేశాల్లో ఉన్న మలయాళీలకు ఆ రాష్ట్ర సీఎం విజయన్‌ పిలుపునిచ్చారు. ఓ నెల వేతనం మొత్తాన్ని వదులుకోవడం కష్టమైన విషయమనీ, నెలకు 3 రోజుల వేతనం చొప్పున పది నెలల పాటు అందించి ప్రజలను ఆదుకోవాలన్నారు. కేరళ కోసం గాంధీజీ విరాళాలు సేకరించిన వేళ.. తిరువనంతపురం: దాదాపు వందేళ్ల క్రితం  కూడా కేరళలో ఇప్పటి స్థాయిలో వరదలు విధ్వంసం సృష్టించాయి. దీంతో మహాత్మా గాంధీ కేరళ ప్రజలను ఆదుకోవాలని దేశ ప్రజలకు పిలుపునివ్వగా చాలామంది ఉదారంగా స్పందించారు. 1924, జూలైలో మలబార్‌ (కేరళ)లో వరదలు విలయతాండవం సృష్టించాయి. ఈ నేపథ్యంలో ఊహకందని నష్టం సంభవించిందని యంగ్‌ ఇండియా, నవజీవన్‌ పత్రికల్లో గాంధీజీ వ్యాసాలు రాశారు. మలయాళీలను ఆదుకోవడానికి ముందుకు రావాలని కోరారు. దీంతో చాలామంది స్త్రీలు తమ బంగారు ఆభరణాలు, దాచుకున్న నగదును దానం చేయగా, మరికొందరు రోజుకు ఒకపూట భోజనం మానేసి మిగిల్చిన సొమ్మును సహాయ నిధికి అందించారు. ఈ విషయాన్ని గాంధీజీ స్వయంగా తాను రాసిన కథనాల్లో ప్రస్తావించారు. ఓ చిన్నారి అయితే మూడు పైసలను దొంగలిం చి వరద బాధితుల కోసం ఇచ్చిందని గాంధీ వెల్లడించారు. 6,994 రూపాయల 13 అణాల 3 పైసలు వసూలైనట్లు చెప్పారు. 

పోలవరం : ప్రభుత్వ నిబంధనలు, అధికారుల నిర్లక్ష్యం పోలవరం ముంపు గ్రామాల ప్రజల పాలిట శాపంగా మారాయి. పోలవరం పునరావాస చట్టంలో లేని కొన్ని నిబంధనలను ఓ ఉన్నతాధికారి అమలు చేయడం, దీనికి ప్రభుత్వం వత్తాసు పలకడంతో ముంపు గ్రామాల్లో యువతుల వివాహాలు నిలిచిపోయాయి. ఏడాదిగా ముంపు గ్రామాల్లో పెళ్లిబాజాలు మోగడం లేదు. ఎప్పటివరకు ఈ పరిస్థితి ఉంటుందో తెలియక, యువతుల వివాహ వయస్సు దాటిపోతుండటంతో తల్లిదండ్రులు ఆవేదన వ్యక్తం చేస్తున్నారు. అధికారుల తీరుపై సర్వత్రా ఆందోళన ప్రాజెక్టు నిర్మాణం వల్ల పోలవరం మండలంలోని 19 గ్రామాలు, కుక్కునూరు మండలంలోని 89 గ్రామాలు, వేలేరుపాడు మండలంలోని 60 గ్రామాలు ముంపునకు గురవుతున్నాయి. ఈ గ్రామాల్లోని నిర్వాసితులకు ఆర్‌అండ్‌ఆర్‌ ప్యాకేజ్‌ అమలు చేసేందుకు పోలవరం మండలంలోని ముంపు గ్రామాల్లో అధికారులు 2017 జూన్‌ 30వ తేదీని కట్‌ ఆఫ్‌ డేట్‌గా నిర్ణయించారు. గతంలో చేసిన సోషియో ఎకనమిక్‌ సర్వే(ఎస్‌ఈఎస్‌ డేటా)లో పేర్లు ఉన్నప్పటికీ, కట్‌ ఆఫ్‌ డేట్‌ నాటికి 18 ఏళ్లు నిండిన, వివాహం కాని యువతులకు మాత్రమే పునరావాస ప్యాకేజ్‌ అందిస్తామని అధికారులు గ్రామసభలో వెల్లడించారు. ముందుగా డేటాలో పేరు ఉంటే వివాహమైనా ప్యాకేజ్‌ ఇస్తామని చెప్పిన అధికారులు గ్రామసభలో మాట మర్చారు. వివాహమైనా ప్యాకేజ్‌ వస్తుందని ముందు చెప్పడంతో అప్పట్లో యువతుల వివాహాలు చేశారు. ఆతరువాత మాటమార్చిన అధికారులు డేటాలో ఉన్న  వివాహమైన దాదాపు 500 మంది యువతుల పేర్లను తొలగించారు. వివాహమైతే ప్యాకేజీ రాదన్న నిబంధనతో దాదాపు 450 మంది యువతుల వివాహాలు ఏడాదిగా నిలిచిపోయాయి. ఆందోళన చెందుతున్న తల్లిదండ్రులు ఇదిలా ఉంటే ఎప్పుడు గ్రామాలు ఖాళీ చేయిస్తారో, ఎప్పుడు ప్యాకేజ్‌ అమలు చేస్తారో తెలియక, ప్యాకేజ్‌ వదులుకుని వివాహాలు చేయలేక యువతుల తల్లిదండ్రులు ఆందోళన చెందుతున్నారు. కుక్కునూరు, వేలేరుపాడు మండలాల్లో 2016 జూన్‌లో సోషియో ఎకనమిక్‌ సర్వే చేశారు. అప్పటికి 18 ఏళ్లు నిండిన యువతులకు మాత్రమే ప్యాకేజ్‌ ఇస్తామని అధికారులు ప్రకటించారు. అప్పటికే వివాహమైన వారికి గాని, కట్‌ ఆఫ్‌ డేట్‌ తరువాత 18 ఏళ్లు నిండిన వారికి గాని ప్యాకేజ్‌ వర్తించదని స్పష్టం చేశారు. ఈవిధంగా దాదాపు 2 వేల మంది యువతులకు ప్యాకేజీ వర్తించే పరిస్థితి లేదు. పునరావాస కేంద్రాలు సిద్ధం చేయకుండా, గ్రామాలు ఖాళీ చేయించకుండా కట్‌ ఆఫ్‌ డేట్‌ నిర్ణయించటంపై నిర్వాసితులు తీవ్ర ఆగ్రహం వ్యక్తం చేస్తున్నారు. అయోమయంలో ఉన్నాం నాకు ఇద్దరమ్మాయిలు. పెద్ద అమ్మాయి వయసు 24 ఏళ్లు. వివాహం అయితే పునరా వాస ప్యాకేజ్‌ రాదని చెప్పడంతో చేయలేదు. ప్యాకేజ్‌ ఎప్పుడు ఇస్తారో, వివాహం ఎప్పుడు చేయాలో తెలియని అయోమయంలో ఉన్నాం.            – జలగం కన్నయ్య, తల్లవరం నాకు ముగ్గురు కుమార్తెలు నాకు ముగ్గురు కుమార్తెలు ఉన్నారు. భర్త లేరు. పెద్దమ్మాయి వయస్సు 25 ఏళ్లు.  వివాహమైతే ప్యాకేజ్‌ రాదని చెప్పారు. దీంతో ఇంకా వివాహం చేయలేదు. ఎప్పుడు ప్యాకేజ్‌ ఇస్తారో తెలియడం లేదు. – మాడే అక్కమ్మ, తల్లవరం పేరు తొలగించారు నాకు ఇద్దరు అమ్మాయిలు. గతంలో చేసిన డేటాలో పేరు ఉందని పెద్దమ్మాయి వివాహం చేశాను. ఇప్పుడు డేటా నుంచి పేరు తొలగించి ప్యాకేజీ రాదని చెబుతున్నారు. ఇది చాలా అన్యాయం. – మడకం సింగారమ్మ, ములగలగూడెం వివాహం ఆపేశాం నాకు ఒక అమ్మాయి. వయస్సు 20 ఏళ్లు. పెళ్లి సంబంధం కుదిరింది. వివా హమైతే ప్యాకేజ్‌ ఇవ్వనంటున్నారు. దాంతో వివాహం ఆపేశాం. ప్యాకేజ్‌ వస్తుందని లాంఛనాలు కూడా ఎక్కువ అడుగుతున్నారు. – మడకం నాగమణి, గాజులగొంది

ఢిల్లీ: టీడీపీ నేతలు ఇంకా ప్యాకేజీ గురించి మాట్లాడటం సిగ్గుచేటని వైఎస్సార్‌సీపీ ఒంగోలు ఎంపీ వైవీ సుబ్బారెడ్డి విమర్శించారు. ఢిల్లీలో విలేకరులతో మాట్లాడుతూ..టీడీపీ లాలూచీ రాజకీయాలు మరోసారి బయటపడ్డాయని ధ్వజమెత్తారు. టీడీపీ అంతర్గతంగా ఎన్డీయే ప్రభుత్వంలోనే ఉందని ఆరోపించారు. టీడీపీ అవిశ్వాసం అంతా డ్రామా అని తేలిపోయిందని వ్యాఖ్యానించారు. టీడీపీ నేతలు పైకి హోదా అంటూ ప్యాకేజీ, పోలవరం నిధుల కోసం పైరవీ చేస్తున్నారని మండిపడ్డారు. పార్టీకి తెలియకుండా తాము బీజేపీ నేతలను కలిశామని టీడీపీ నాయకులు చెప్పడం ఒట్టి డ్రామా అని కొట్టిపారేశారు. టీడీపీ నాయకులు ప్రజలను పచ్చి మోసం చేస్తున్నారని విమర్శించారు. తొలి నుంచి ఇప్పటిదాకా తాము ప్రత్యేక హోదాపై నిలబడ్డామని, భవిష్యత్‌లో కూడా నిలబడతామని చెప్పారు.

చంద్రబాబు ‘ప్యాకేజీ’ అనే ఎండమావి వెనకాలపడి నాలుగేళ్ల నుంచీ పరుగులు పెడుతున్నారు. దానివల్ల దాహం పెరిగిందిగానీ ఎక్కడా తడి తగల్లేదు. బాగా ఎల్తైనవి, చాలా లోతైనవి మామూలు దృష్టికి అంతుచిక్కవు. ఉదాహరణకి భూగోళం. అది గుండ్రంగా ఉంటుందని, నారింజపండు లాగానో, రుద్రాక్ష కాయలా గానో ఉంటుందనే సత్యం మామూలు కంటితో చూసి నిర్ధారించలేం. నిజం నిరూపించాలంటే చాలా ఎత్తుమీద నుంచైనా చూడాలి, లేదా అత్యాధునిక టెలిస్కోపునైనా వాడాలి. రాజకీయం తెలుసు కాబట్టి చక్రం తిప్పుతానని ఊరికే అతి విశ్వాసంతో ముందుకు వెళ్లకూడదు. శాస్త్ర పురాణాలు క్షుణ్ణంగా కాకపోయినా పైపైన అయినా చదవాలి. దేవుడు పది అవతారాలెత్తాడు. కానీ ఏ రెండూ ఒక దాన్ని పోలి ఒకటి లేవు. చేపకి, తాబేలుకి, నరసింహానికి సాపత్యం ఏవన్నా ఉందీ? లేదని భావం. వామనావతారం మరో చమత్కారం. భూమికి జానెడు ఎత్తున వటువుగా నడిచి వచ్చి మూడు వేళ్లు చూపించి మూడడుగుల దానం ఇమ్మన్నాడు. బలి చక్రవర్తికి తెలిసి చావలా– అవి మూడేళ్లు కావు తిరునామం. ఆంతర్యం అంతుపట్టక తీసుకో, కొలుచుకో అన్నాడు. అంతే! వామన పురాణంగా వాసికెక్కింది. ఒకే ఒక డాట్‌ని విశదపరిస్తే కేంద్ర బడ్జెట్‌ సవివరంగా వచ్చినట్టు– వామనుడు త్రివిక్రముడి డిజిటలైజ్‌ వెర్షన్‌. చంద్రబాబు కూడా ఇక్కడే పప్పులో కాలేశాడు. మోదీని ముందు ధరించి పసుపు పచ్చ జెండా ఊపుకుంటూ ముందుకు కూతలు వేసుకుంటూ సాగి పోవచ్చనుకున్నాడు. ఇప్పుడు పట్టాల దారి కనిపించడంలేదు. ‘నేనున్నానని’ అభయ మిస్తూ కనిపించిన వెంకయ్యనాయుడుని సమున్నతమైన కొండ గుహలో కూర్చోపె ట్టారు. ఇది కూడా మోదీ పుణ్యమే! చంద్రబాబు అందరూ చెబుతున్నా విన కుండా ‘ప్యాకేజీ’ అనే ఎండమావి వెనకాల పడి నాలుగేళ్ల నుంచీ పరుగులు పెడుతు న్నారు. దానివల్ల దాహం పెరిగిందిగానీ ఎక్కడా తడి తగల్లేదు. ఇప్పుడు మళ్లీ తూచ్‌ అనేసి ప్రత్యేక హోదాయే ముద్దు, అది అయిదుకోట్ల చిల్లర తెలుగువారి హక్కు అని గర్జిస్తున్నారు. ‘ప్యాకేజీ’ చాలా చాలా లాభమన్నారు మొన్నటిదాకా. నిన్నట్నించి గళం మార్చి స్వరం మార్చి ప్రసంగిస్తున్నారు. ఎన్నడూ లేనిది, మోదీని గట్టిగా ప్రశ్నిస్తున్నారు. ఆయన ‘దేశముదురండీ’ అని నాలుగేళ్ల నాడే ఒక సంఘ్‌ పెద్ద అన్నారు– ఏ భావంతో అన్నారో గానీ. అరటితోటలో ఆంజనేయస్వామి కొలువై ఉంటాడని పుస్తకంలో ఉందని తోట లన్నీ గాలిస్తే దొరుకుతాడా? దొరకడని భావం. త్రేతాయుగంలో ఆంజనేయస్వామి రామబంటుగా రామాయణం నిండా కొలువు తీరాడు. ద్వాపరం వచ్చే సరికి జెండా మీద బొమ్మై, జెండాపై కపిరాజుగా గాలిలో రెపరెపలాడాడు. కలియుగం వచ్చే సరికి కిరసనాయిల్‌ డబ్బాల మీద, ట్రాన్స్‌పోర్ట్‌ లారీలపైన ట్రేడ్‌మార్క్‌ గుర్తుగా స్వామి సేవలందిస్తున్నాడు. సంఘ్‌లో పుట్టి సంఘ్‌లో పెరిగిన సంఘీయుడు మోదీ. ఆయన నాయకత్వంలో అయోధ్య బృహత్తర రామమందిరం ప్రస్తుతం రైలు స్టేషన్‌గా అవతరించబోతోంది. మన కల నెరవేరబోతోంది. అందుకని చంద్ర బాబు మనుషుల్ని జాగ్రత్తగా అంచనా వేసుకోవాలి. ఆట్టే వ్యవధి కూడా లేదు. (వ్యాసకర్త ప్రముఖ కథకుడు) శ్రీరమణ


 మనం స్వతహాగా టూర్‌ ప్లాన్‌ చేసుకొని తిరిగి రావడానికి, ట్రావెల్స్‌ వారు ప్రకటించే ప్యాకేజ్‌లను ఎంచుకొని కొత్త ప్రదేశాలు చూసి రావడానికి చాలా వ్యత్యాసం ఉంటుంది. ప్యాకేజ్‌ ట్రావెల్‌ డీల్స్‌లో మనకు ఖర్చు తక్కువవుతుంది. ప్యాకేజ్‌ టూర్‌లో ఎక్కువ మంది ప్రయాణికులు వెళ్తారు. అంటే ఉదాహరణకు క్యాబ్‌ను షేర్‌ చేసుకుంటే తక్కువ చార్జ్‌ అవుతుంది. అదే ఒక్కరే వెళితే ఎక్కువ చార్జ్‌ చెల్లించాలి. ఇదే సూత్రాన్ని ప్యాకేజ్‌ టూర్‌కి కూడా అన్వయించుకోవాలి. అలాగే ప్యాకేజ్‌ టూర్‌ డీల్‌లో టూర్‌ను ఆఫర్‌ చేసే సంస్థ సందర్శించనున్న ప్రాంతాల్లోని చాలా కంపెనీలతో భాగస్వామ్యాన్ని కలిగి ఉంటుంది.
 అప్పుడు ఆయా కంపెనీలు అందించే రాయితీలను టూర్‌ నిర్వహించే సంస్థ టూరిస్ట్‌లకు బదిలీ చేస్తుంది. అప్పుడు టూరిస్ట్‌లకు ఖర్చు తగ్గుతుంది. కాక్స్‌ అండ్‌ కింగ్స్‌ కంపెనీ పది రోజుల యూరప్‌ టూర్‌ ప్యాకేజ్‌ను ప్రకటించిందనుకుందాం. ఫ్రాన్స్, ఇటలీ, స్విట్జర్లాండ్, యూకే ప్రాంతాల సందర్శన కూడా ఇందులో భాగమే అనుకోండి. ఈ ప్యాకేజ్‌ విలువ ఒక వ్యక్తికి రూ.1.57 లక్షలుగా ఉందనుకోండి. మనం ఈ టూర్‌ ప్యాకేజ్‌ను ఎంచుకోకుండా సొంతంగా అదే ప్రాంతాలకు వెళితే రూ.2 లక్షలకు పైనే ఖర్చవుతుంది. అందుకే ప్యాకేజ్‌ ట్రావెల్‌ డీల్స్‌ చాలా మందికి అనువుగా ఉంటాయి. అయితే ఇక్కడ టూర్‌ ఆపరేటర్‌ నిర్దేశించిన నియమాలను పాటించాల్సి ఉంటుంది.


 కేంద్ర మంత్రి వెంకయ్య పునరుద్ఘాటన
 సాక్షి, న్యూఢిల్లీ: ఏపీకి ప్రత్యేక హోదా ముగిసిన అధ్యాయమని కేంద్ర మంత్రి ఎం.వెంకయ్యనాయుడు పునరుద్ఘాటించారు. ప్యాకేజీ రూపంలో రాష్ట్రానికి కేంద్రం నిధులందిస్తుందన్నారు. ఈ మేరకు గురువారం ఆయన ఢిల్లీలో విలేకరులతో మాట్లా డుతూ.. ఏపీకి ప్రత్యేక హోదా ఇచ్చి ఉంటే ఎంత మేరకు నిధులు వచ్చేవో చెప్పడం కష్టమేనన్నారు. మిగిలిన రాష్ట్రాలకు వెళ్తున్న నిధుల ఆధారంగా ఏపీకి నిధులు అందించేందుకు కేంద్రం ప్రణాళిక వేసిందన్నారు. పోలవరం ప్రాజెక్ట్‌ నిర్మాణ వ్యయం కేంద్రమే భరిస్తుందన్నారు. విద్యుత్‌ కేంద్రాల నిర్మాణ వ్యయాన్ని రాష్ట్రం భరించాలని, లేకుంటే ఉత్పత్తయ్యే విద్యుత్‌లో జాతీయ గ్రిడ్‌కు వాటా ఇవ్వాల్సుంటుందని వెంకయ్య అన్నారు. ఏపీకి రైల్వే జోన్‌ వ్యవహారం త్వరలోనే కొలిక్కి వస్తుందన్నారు.
 
 జైట్లీ, వెంకయ్యలకు ధన్యవాదాలు: టీడీపీ ఎంపీలు
 ఏపీకి కేంద్రం ప్రకటించిన ప్రత్యేక సాయాన్ని ఆమోదించడంలో కృషి చేసినందుకు కేంద్ర మంత్రులు అరుణ్‌ జైట్లీ, వెంకయ్య నాయుడులకు టీడీపీ నేతలు ధన్యవాదాలు తెలిపారు. కేంద్ర మంత్రి సుజనా చౌదరి ఆధ్వర్యంలో గురువారం పార్లమెంటులో ఎంపీలు కొనకళ్ల నారాయణ, అవంతి శ్రీనివాస్, మురళీమోహన్, నిమ్మల కిష్టప్ప, కేశినేని నాని కేంద్ర మంత్రులను కలసి అభినందనలు తెలిపారు.


 ఏలూరు (సెంట్రల్‌) : సీఎం చంద్రబాబు రాజకీయ, స్వప్రయోజనాల కోసం రాష్ట్ర ప్రజలను కేంద్రం వద్ద తాకట్టు పెట్టి ప్యాకేజీలకు ఆహ్వానం పలుకుతున్నారని, ప్యాకేజీలకు చట్టబద్ధత ఉందా అని సీపీఐ రాష్ట్ర కార్యదర్శి కె.రామకృష్ణ ప్రశ్నిం చారు. శ్రీకాకుళం జిల్లా నుంచి చేపట్టిన ప్రజా చైతన్య బస్సు యాత్ర ఆదివారం రాత్రి ఏలూరు చేరుకుంది. సోమవారం ఉదయం స్థానిక సీపీఐ కార్యాలయంలో రామకృష్ణ విలేకరులతో మా ట్లాడారు. దేశంలో బీజేపీ ప్రభుత్వం అధికారంలోకి వచ్చిన తర్వాత దళితులు, మైనార్టీలపై దాడులు పెరిగి పోతున్నాయని ధ్వజమెత్తారు. రాష్ట్ర ప్రజలంతా హోదా కోసం పోరాడుతుంటే సీఎం చంద్రబాబు మాత్రం పోలీసులతో ఉద్యమాన్ని అణచివేస్తున్నారని, ఈ విషయాన్ని ప్రజలంతా గమనిస్తున్నారన్నారు. త్వరలో కేంద్రమంత్రి వెంకయ్యనాయుడు,  సీఎం చంద్రబాబుపై ఇద్దరు మోసగాళ్లు అనే సినిమా వస్తుందని హేళన చేశారు. కేంద్ర బడ్జెట్‌లో పోలవరానికి నిధులు కేటాయించారా అని రాష్ట్ర ప్రభుత్వాన్ని నిలదేశారు. రాష్ట్రానికి ప్రత్యేక హోదా కోరుతూ ఈనెల 9 నుంచి విశాఖలో నిరాహార దీక్ష చేయనున్నట్టు రామకృష్ణ ప్రకటించారు. 
 ఇది కాంట్రాక్ట్, అవినీతి ప్రభుత్వం
 రాష్ట్రంలో టీడీపీ ప్రభుత్వం కాంట్రాక్ట్, అవినీతి ప్రభుత్వమని రామకృష్ణ అన్నారు. టీడీపీ మంత్రులు, ఎమ్మెల్యేలు దోచుకునే పనిలో ఉంటూ కోట్లు సంపాదిస్తున్నారని, కొందరు రౌడీల్లా ప్రవర్తిస్తున్నా సీఎం చంద్రబాబు పట్టించుకోవడం లేదని విమర్శిం చారు. రాష్ట్ర మంత్రివర్గంలో మైనార్టీలు, గిరిజనులకు స్థానం కల్పించిన తర్వాతే లోకేష్‌కు స్థానం కల్పించాలని లేకుంటే ఉద్యమిస్తామని హెచ్చరించారు. ప్రతిపక్ష ఎమ్మెల్యేలను కొనుగోలు చేసేందుకు రూ.5 కోట్ల నుంచి రూ.10 కోట్ల వరకు ఖర్చు చేస్తున్నారంటే అవినీతి ఎలా ఉందో అర్థమవుతుందన్నారు. చివరకు ఉపాధ్యాయ ఎమ్మెల్సీ ఎన్నికల్లో కూడా చంద్రబాబు ప్రలోభాలకు గురిచేస్తున్నారని విమర్శించారు. నాయకులు జేవీ సత్యనారాయణ, జి.ఓబులెస్, డేగా ప్రభాకర్‌ పాల్గొన్నారు.  
  


 – బూత్‌ కమిటీల నిర్మాణానికి పాటుపడాలి
 – పార్టీని గ్రామస్థాయిలో బలోపేతం చేయాలి
 – బీజేపీ రాష్ట్ర కార్యవర్గ సమావేశంలో  ఆపార్టీ రాష్ట్ర అధ్యక్షుడు హరిబాబు 
 కర్నూలు(టౌన్‌): ప్రజా సంక్షేమానికి కేంద్ర ప్రభుత్వం ప్రాధాన్యమిస్తుందని భారతీయ జనతా పార్టీ రాష్ట్ర అధ్యక్షుడు హరిబాబు అనా​‍్నరు. హోదా కంటే ఎక్కువగా  ప్రత్యేక ఆర్థిక ప్యాకేజీ ద్వారా  రాష్ట్రాన్ని అభివ​ృద్ధి చేసేందుకు  కేంద్రం కట్టుబడి ఉందని చెపా​‍్పరు. మంగళవారం కర్నూలు నగరంలోని వెంకటరమణ కాలనీలో ఉన్న  తనీష్‌ కన్వెన్షన్‌ సమావేశ హాలులో ఆపార్టీ రాష్ట్ర కార్యవర్గ సమావేశం ప్రారంభమైంది. ముందుగా పండిత దీన్‌దయాళ్‌ చిత్ర పటానికి పూలమాల వేసి నివాళులర్పించారు.  
  
 అనంతరం పార్టీ రాష్ట్ర అధ్యక్షుడు హరిబాబు మాట్లాడుతూ పెద్ద నోట్లర ద్దుతో చిన్నపాటి ఇబ్బందులు వచ్చినా దేశ ప్రజలు అండగా నిలిచారని చెప్పారు. దేశంలో ప్రస్తుతం ఉగ్రవాదం, తీవ్రవాదం, నకిలీ కరెన్సీ  తగ్గుముఖం పట్టిందన్నారు.  పోలవరం ప్రాజెక్టు నిర్మాణానికి  కేంద్రం 90 శాతం నిధులు కేటాయించిందన్నారు.  అలాగే వెనుకబడిన 7 జిల్లాల అభివృద్ధికి ఏడాదికి రూ. 50కోట్ల చొప్పున నిధులు ఇస్తుందన్నారు.  రాజకీయ ప్రయోజనం కోసం కొంత మంది చేసే హోదా ఉద్యమాలపై  ప్రజలు అప్రమత్తంగా ఉండాలన్నారు.  పార్టీ బలోపేతానికి నాయకులు క​ృషి చేయాలన్నారు.  ప్రతి నియోజకవర్గంలో పోలింగ్‌ బూత్‌ కమిటీలను నియమించాలని సూచించారు.
  
 సమావేశంలో  పార్టీ జిల్లా అధ్యక్షుడు హరీష్‌ బాబు, పార్టీ కేంద్ర కమిటీ సంఘటన కార్యదర్శి సతీష్‌,  రాష్ట్ర మంత్రులు కామినేని శ్రీనివాసు, పైడికొండల మాణిక్యాలరావు, ఎమ్మెల్సీలు సోమువీర్రాజు, కంతెటి సత్యనారాయణ, మాజీ మంత్రులు పురందేశ్వరీ, కావూరి సాంబశివరావు, కన్నా లక్ష్మీనారాయణ, మాజీ ఎమ్మెల్యే కాటసాని రాంభూపాల్‌ రెడ్డి , పార్టీ రాష్ట్ర ఉపాధ్యక్షుడు కపిలేశ్వరయ్య, రాష్ట్ర కార్యవర్గ సభ్యులు సందడి సుధాకర్, రంగస్వామి, యోగనంద్‌చౌదరి, కర్నూలు ఎమ్మెల్యే ఎస్వీమోహన్‌రెడ్డి తదితరులు పాల్గొన్నారు. 
  


 రాజంపేట: గండికోట ప్రాజెక్టు కింద ముంపుకు గురయ్యే  గ్రామాలకు పునరావాసం ప్యాకేజి సరిదిద్ధి బాధితులకు న్యాయం చేయాలని మాజీ ఎంపీ వైఎస్‌ వివేకానందరెడ్డి డిమాండ్‌ చేశారు.  ఆదివారం వైఎస్సార్‌ సీపీ రాష్ట్ర సంయుక్త కార్యదర్శి ఆకేపాటి మురళీరెడ్డి స్వగృహంలో ఏర్పాటు చేసిన విలేకర్ల సమావేశంలో ఆయన ముంపుబాధితులకు జరుగుతున్న అన్యాయాలపై నిరసన గళం విప్పారు. గ్రామాల్లోకి నీళ్లు రావడంతోఊర్లు వదలుతున్నా ఇంతవరకూ పరిహారం చెల్లించలేదన్నారు.  ప్రాజెక్టు కింద 22 గ్రామాలు ముంపునకు గురయ్యాయన్నారు. అందులో మొదటగా చౌటుపల్లె, గండ్లూరు, ఓబన్నపేట, కె.బొమ్మెపల్లె గ్రామాల్లో ఇప్పటి నీటి నిల్వ ఉందన్నారు. పండుగ రోజులు వారికి ముంపుకష్టాలు తప్పలేదన్నారు. సతీష్‌రెడ్డి గడ్డం గీయించుకోవడం కోసం  ముంపు గ్రామాలను ప్రజలను ముంచేసి, తన పట్టుదల నెరవేర్చేందుకు ప్రయత్నించడమే తప్ప ముంపుబాధితులకు పరిహారం ఇచ్చి ఖాళీ చేయిస్తామనే ఆలోచన ఎక్కడకాలేదన్నారు.  ముఖ్యమంత్రి చంద్రబాబు సతీష్‌రెడ్డిపై గడ్డం ఉన్న ప్రేమ, ముంపువాసులపై మాత్రంలేకపోవడం శోచనీయమన్నారు. గత దివంగత సీఎం వైఎస్‌రాజశేఖరెడ్డి హయాంలో గండికోట ప్రాజెక్టు పనులు 90 శాతం పూర్తి అయిందని, ఇప్పుడు గేట్లు ఎత్తడం గొప్పగా సీఎం చెప్పుకుంటున్నారని విమర్శించారు.  సీఎం చంద్రబాబునాయుడు గండికోట ప్రాజెక్టుకు రెండు సార్లు శిలాఫలకం వేసినా ఏరోజు కూడా గండికోట ప్రాజెక్టు ఆలోచనరాలేదన్నారు.2019లో ప్రతి ఎకరాకు సాగునీరు, ప్రాజెక్టులు పూర్తి చేయాలనే యోచన జగన్‌మోహన్‌రెడ్డికి ఉందన్నారు. ప్రజలకు మేలుచేసే పాలకులు రావాలని ప్రజలు ఎదురుచూస్తున్నారన్నారు.  వైఎస్సార్‌సీపీ జిల్లా అధ్యక్షుడు ఆకేపాటి అమర్‌నాధరెడ్డి మాట్లాడుతూ జిల్లాకు అభివృద్ధి, సంక్షేమం చూడకుండా ఎంపీటీసీలను బలవంతంగా చేర్చుకోవడం, వారు మళ్లీతిరిగి సొంతగూటికి చేరడం జరుగుతోందన్నారు. కార్యక్రమంలో ఎంపీపీ ఆకేపాటి రంగారెడ్డి, వైఎస్సార్‌సీపీ రాష్ట్ర సంయుక్త కార్యదర్శి చొప్పా ఎల్లారెడ్డి, కాకతీయ విద్యాసంస్థల అధినేత రమణారెడ్డి పాల్గొన్నారు.  
 
 
  


 సాక్షి, హైదరాబాద్‌: ఉద్యోగులు, జర్నలిస్టు లకు 12 కార్పొరేట్‌ ఆస్పత్రుల్లో నగదు రహిత వైద్య పథకాన్ని అమలు చేయడానికి 40 శాతం వరకు ప్యాకేజీ పెంచిన ప్రభుత్వం... ఇప్పుడు ప్రైవేటు నెట్‌వర్క్‌ ఆస్పత్రులకూ త్వరలో ప్యాకేజీ పెంచాలని నిర్ణయించింది. ఆయా నెట్‌వర్క్‌ ఆస్పత్రులకు గ్రేడింగ్‌లు ఇచ్చాక ప్యాకేజీ పెంపుపై నిర్ణయం తీసుకో వాలని నిర్ణయించింది. గ్రేడింగ్‌ కోసం ఉద్యో గులు, జర్నలిస్టుల ఆరోగ్య పథకం (ఈజే హెచ్‌ఎస్‌) సీఈవో డాక్టర్‌ కల్వకుంట్ల పద్మ ఆధ్వర్యంలో కమిటీ వేయాలని నిర్ణయిం చింది. కమిటీలో కాళోజీ నారాయణరావు ఆరోగ్య వర్సిటీ వీసీ డాక్టర్‌ కరుణాకర్‌రెడ్డి, నిమ్స్‌ డైరెక్టర్‌ డాక్టర్‌ మనోహర్‌లు సభ్యులు గా ఉంటారు. ఆ కమిటీ 230 నెట్‌వర్క్‌ ఆస్పత్రులను అధ్యయనం చేసి నెలరోజుల్లో నివేదిక ఇవ్వనుంది.
 
  ఆస్పత్రులను ఎ, బి, సిలుగా వర్గీకరించి దాని ప్రకారం ప్యాకేజీ పెంచాలని వైద్య ఆరోగ్యశాఖ నిర్ణ యించింది. ఈ ప్యాకేజీ ఆరోగ్యశ్రీలోని పేదరోగులకు ఇది వర్తించదని వైద్య, ఆరోగ్య శాఖ వర్గాలు తెలిపాయి. ఉద్యోగులకు నాణ్యమైన వైద్య సేవలు అందించాలంటే ఆరోగ్యశ్రీ ప్యాకేజీ సరిపోదని కార్పొరేట్‌ ఆస్పత్రులు రెండేళ్లుగా  వైద్యసేవలు ఇవ్వడానికి నిరాకరించిన సంగతి తెలిసిందే. ఈ నేపథ్యంలో తాజాగా కార్పొ రేట్లకు ప్యాకేజీ పెంచిన ప్రభుత్వం నెట్‌వర్క్‌ ఆస్పత్రులకూ పెంచాలని నిర్ణయించింది. నెట్‌వర్క్‌ ఆస్పత్రుల్లో వసతులు, స్పెషలిస్టు వైద్యులు, అందించే వైద్యసేవలు తదితర అంశాలను పరిగణనలోకి తీసుకొని వాటిని వర్గీకరించాక గ్రేడింగ్‌ల ప్రకారం వాటికి ప్యాకేజీ పెంచాలని నిర్ణయించారు.


 సాక్షి ప్రతినిధి, కడప: గండికోట ముంపువాసులు దశాబ్దాల తరబడి పరిహారం ప్యాకేజీ కోసం నీరీక్షిస్తున్నారు. సాక్షాత్తు కలెక్టర్‌ సమక్షంలో అధికారపార్టీ నాయకులంతా చర్చించి ముంపువాసులకు ప్యాకేజీ నిర్ణయించారు. ఇక ప్రభుత్వ ఉత్తర్వులు రావడమే తరువాయి అనుకున్న తరుణంలో పీటముడి పడింది. చర్చల్లో ఆర్భాటంగా వ్యవహారించిన టీడీపీ నాయకులు ముఖం చాటేశారు. నిర్వాసితులకు పెద్దదిక్కులాంటి కలెక్టర్‌ చేతులెత్తేయంతో దిక్కుతోచని పరిస్థితి ఏర్పడింది. వివరాల్లోకి వెళితే.. పునరావాసం ఫ్యాకేజీ కోసం గండికోట ముంపువాసులు పోరాటం చేశారు. ఎట్టకేలకు గత అక్టోబర్‌ 8న కలెక్టరేట్‌లో కలెక్టర్‌ సత్యనారాయణ నేతృత్వంలో సమావేశం నిర్వహించారు. 2016 సెప్టెంబర్‌ 30 కటాఫ్‌డేట్‌గా పరిగణించి, అర్హులందరీకీ ప్యాకేజీ సొమ్ము చెల్లిస్తామని స్పష్టం చేశారు. తర్వాతే గండికోటలో నీరు నిల్వ చేస్తామని చెప్పడంతో ముంపువాసులు ఆనందపడ్డారు. స్వయంగా కలెక్టర్‌ హామీ ఇవ్వడంతో వారికి భరోసా దక్కినట్లైంది. రెండు నెలలు గడిచిపోయాక సమస్య మళ్లీ మొదటికొచ్చింది. ప్యాకేజీ ఇవ్వకుండానే నీరు నింపే చర్యలకు ప్రభుత్వ పెద్దలు సన్నద్ధమయ్యారు. మరోరెండు రోజుల్లో ముంపుగ్రామమైన చౌటపల్లెలోకి గండికోట నీళ్లు రానున్నాయి.
 5 టీఎంసీలు నిల్వచేసేందుకు సన్నద్ధం
 గండికోట రిజర్వాయర్‌లో 5 టీఎంసీల నీరు నిల్వచేయాలనే లక్ష్యంతో పాలకులున్నారు. నీరు నిల్వ చేయడం జిల్లాకు అవసరమే అయినప్పటికీ త్యాగధనులైనా ముంపువాసులకు ప్యాకేజీ ఇవ్వకుండానే నట్టేట ముంచాలనుకోవడాన్ని పలువురు తప్పుబడుతున్నారు. నిర్ణయం అయిపోయాక తమను మానసిక క్షోభకు గురిచేయడం ఏ మేరకు సమంజసమని చౌటపల్లి గ్రామస్తులు ప్రశ్నిస్తున్నారు. ఎలాగైనా 5 టీఎంసీలు నీరు నిల్వ చేసి పైడిపాళెం ప్రాజెక్టు లిఫ్ట్‌ చేయాలనే తలంపుతో ఉన్న యంత్రాంగం, అదే దృక్పథం ముంపువాసుల పట్ల కూడా ఉండాలి కదా! అని హక్కుల నేతలు నిలదీస్తున్నారు. పైడిపాళెంకు నీళ్లు లిఫ్ట్‌చేసి టీడీపీ నేత ఎమ్మెల్సీ సతీష్‌రెడ్డి గడ్డం గీయించాలనే ఆలోచన ఉన్నప్పుడు ముంపువాసులకు పునరావసం ప్యాకేజీ ఇవ్వడంలో తాత్సారం చేయడం ఎందుకనీ పలువురు ప్రశ్నిస్తున్నారు.
 ముంపులో ముంచిన ఆ ఇద్దరు!
 మాజీమంత్రి రామసుబ్బారెడ్డి, ఎమ్మెల్యే ఆదినారాయణరెడ్డి ముంపువాసులను నట్టేట ముంచేస్తున్నారని పలువురు ఆరోపిస్తున్నారు. ప్రొటోకాల్‌కు విరుద్ధంగా సమావేశం నిర్వహించి తామే పరిహారం ప్యాకేజీలు ఇప్పించామని చెప్పుకునేందుకు మొత్తం టీడీపీ నాయకులంతా ఆశీనులయ్యారు. కలెక్టర్‌ చెంతన రాజ్యసభ సభ్యుడు సీఎం రమేష్, శాసనమండలి డిప్యూటీ చైర్మన్‌ సతీష్‌రెడ్డి, పౌరసరఫరాల సంస్థ చైర్మన్‌ లింగారెడ్డి, ఎమ్మెల్యే ఆదినారాయణరెడ్డి, మాజీమంత్రి రామసుబ్బారెడ్డిలు ముంపు గ్రామాల ప్రజలతో చర్చలు నిర్వహించారు. ప్యాకేజీకి ఒప్పించారు. ఎట్టకేలకు న్యాయం లభించిందని భావించగా రెండు నెలలు ఆ ఊసే ఎత్తకుండా ప్యాకేజీ విషయం ఆలోచించకుండా నీరు నిల్వ చేయడం ఆరంభించారు. తమ పరిస్థితి ఏమిటని ముంపువాసులు ప్రశ్నిస్తే ఎవ్వరికి వారు చేతులెత్తేస్తున్నారు. అండగా ఉండాల్సిన జమ్మలమడుగు నేతలు ముఖం చాటేశారు. కలెక్టర్‌ సైతం రాజకీయ నాయకుల వలే మాటలు చెప్పడం ఆరంభించారు. ప్యాకేజీ ఇచ్చేంత వరకూ నీరు నిల్వ చేయమని స్వయంగా కలెక్టర్‌ హామీ ఇచ్చి తాజాగా తానేమీ చేయలేనని చేతులెత్తేయడాన్ని నిర్వాసితులు తప్పుబడుతున్నారు. 2016 సెప్టెంబర్‌ 30 కట్‌ఆఫ్‌డేట్‌ ప్రకారం అదనంగా 3,325 యూనిట్లకు ప్యాకేజీ వర్తిస్తుంది. వారందరికీ తక్షణమే నగదు చెల్లించకపోయిన కనీసం ప్రభుత్వ ఉత్తర్వులైనా జారీ చేయాలి కదా... అని పలువురు నిలదీస్తున్నారు. అవేవి పట్టించుకోకుండా మీచావు మీరు చావండి...అన్నట్లుగా ఆ ఇద్దరు నాయకులు ఉండిపోయారని ఆరోపణలు వెల్లువెత్తుతున్నాయి. నమ్మి వెంట నడిచిన నేరానికి ఆ ఇద్దరు నిర్వాసితులను నట్టేట ముంచుతున్నారని ముంపువాసులు ఆవేదన వ్యక్తం చేస్తున్నారు.
 
 
 
 
  


 - ప్యాకేజి పేరిట మోసం
 - ప్రత్యేక హోదాతోనే భవిష్యత్‌ 
 - 25 కర్నూలులో యువభేరి 
 - వైఎస్‌ఆర్‌సీపీ జిల్లా అధ్యక్షుడు గౌరు వెంకటరెడ్డి
  
 కర్నూలు(ఓల్డ్‌సిటీ): స్వప్రయోజనాల కోసం ప్రత్యేక హోదాను  ముఖ్యమంత్రి చంద్రబాబు నాయుడు కేంద్రానికి తాకట్టు పెట్టారని వైఎస్‌ఆర్‌సీపీ జిల్లా అధ్యక్షుడు గౌరు వెంకటరెడ్డి ఆరోపించారు. శుక్రవారం స్థానిక కృష్ణకాంత్‌ ప్లాజాలోని పార్టీ జిల్లా కార్యాలయంలో విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ.. ప్యాకేజి పేరిట కేంద్ర, రాష్ట్ర ప్రభుత్వాలు ప్రజలను మోసం చేస్తున్నాయన్నారు. ప్రత్యేక హోదాతోనే రాష్ట్రాభివృద్ధి జరుగుతుందన్నారు. హోదా వస్తే పరిశ్రమలు ఏర్పాటై ఉపాధి అవకాశాలకు మార్గం ఏర్పడుతుందన్నారు. తద్వారా నిరుద్యోగ యువతకు ఉద్యోగాలు లభిస్తాయని తెలిపారు. హోదా ప్రయోజనాలు ప్రతి ఒక్కరికీ తెలియజేయాల్సిన అవసరం ఉందన్నారు. ఈ అంశంపై యువకులు, విద్యార్థులు.. ప్రజలను చైతన్య వంతం చేయాలని సూచించారు. ఇందులో భాగంగానే కర్నూలులో ఈనెల 25న గుత్తి జాతీయ రహదారిలో వీజేఆర్‌ కన్వెషన్‌ సెంటర్‌లో యువభేరి కార్యక్రమం ఏర్పాటు చేశామన్నారు. తమ పార్టీ అధినేత వైఎస్‌ జగన్‌మోహన్‌రెడ్డి.. విద్యార్థులు, యువకులతో ముఖాముఖి నిర్వహిస్తారని తెలిపారు. రాష్ట్ర ప్రయోజనాలను దృష్టిలో పెట్టుకుని, పార్టీలకు అతీతంగా పాల్గొని యువభేరిని జయప్రదం చేయాలని పిలుపునిచ్చారు. కార్యక్రమంలో యువభేరి ప్రోగ్రామ్‌ కో–ఆర్డినేటర్‌ తలశిల రఘురామ్, పార్టీ జిల్లా పరిశీలకుడు అనంతవెంకట్రామిరెడ్డి, అదనపు పరిశీలకుడు రవీంద్రనాథ్‌రెడ్డి, రాష్ట్ర ప్రధాన కార్యదర్శి బి.వై.రామయ్య, ఎమ్మెల్యేలు ఐజయ్య, సాయిప్రసాద్‌రెడ్డి, బాలనాగిరెడ్డి, గౌరు చరితారెడ్డి, మాజీ ఎమ్మెల్యే మురళీకృష్ణ, నియోజకవర్గ ఇన్‌చార్జీలు హఫీజ్‌ ఖాన్, చెరుకులపాడు నారాయణరెడ్డి, కాటసాని రామిరెడ్డి, బుడ్డా శేషారెడ్డి, నగర అధ్యక్షుడు పి.జి.నరసింహులు యాదవ్, మైనారిటీసెల్‌ జిల్లా అధ్యక్షుడు ఫిరోజ్, విద్యార్థి విభాగం రాష్ట్ర ప్రధాన కార్యదర్శి రాకేశ్‌రెడ్డి, జిల్లా అధ్యక్షుడు అనిల్‌కుమార్, నగర అధ్యక్షుడు గోపినాథ్‌ యాదవ్, దొడ్డిపాడు మాబ్బాష తదితరులు పాల్గొన్నారు.
  
 అదేం కోరిక
 నెల్లూరు జిల్లాలో పుట్టిన కేంద్ర మంత్రి వెంకయ్యనాయుడు, చిత్తూరు జిల్లాలో పుట్టిన ముఖ్యమంత్రి చంద్రబాబు నాయుడు..అమెరికాలో పుట్టింటే బాగుండునని కోరుకుంటూ ఇటీవల చేసిన ప్రకటన విడ్డూరంగా ఉందని పీఏసీ ఛైర్మన్, డోన్‌ శాసన సభ్యుడు బుగ్గన రాజేంద్రనాథ్‌రెడ్డి అన్నారు. దీన్నిబట్టి వారికి ఇక్కడి అభివృద్ధి గురించి చిత్తశుద్ధి లేదని తెలుస్తోందన్నారు. హోదాను విస్మరించి.. ప్యాకేజీతో పార్టీని పటిష్టం చేసుకునే దుర్మార్గపు ఆలోచన చంద్రబాబుకు ఉందేమోనని సందేహం వ్యక్తం చేశారు. హోదా అంశాన్ని రాష్ట్ర పునర్‌వ్యవస్థీకరణ చట్టంలో పెట్టాల్సిన అవసరమేలేదని తేల్చిచెప్పారు. ప్రత్యేక హోదా ఆంధ్రుల హక్కు అని స్పష్టం చేశారు. తమ పార్టీ అధినేత వైఎస్‌ జగన్‌మోహన్‌రెడ్డి నాయకత్వంలో ప్రజల పక్షాన పోరాటం చేస్తున్నామని, ప్రత్యేక హోదా ప్రాధాన్యతను గ్రామగ్రామాన చాటాల్సిన అవసరం ఉందని తెలిపారు.
  
 వెనక్కి తగ్గే ప్రసక్తే లేదు
 ప్రత్యేక హోదా నినాదంతో మొదట్నుంచీ వైఎస్‌ఆర్‌సీపీ పోరాడుతోందని, ఎట్టి పరిస్థితుల్లోనూ వెనక్కి తగ్గేది లేదని నందికొట్కూరు శాసన సభ్యుడు ఐజయ్య పేర్కొన్నారు. ప్రత్యేక హోదాపై ఉద్యమిస్తే జైలుకు పంపిస్తానని, పీడీయాక్టు పెడతానని ముఖ్యమంత్రి చంద్రబాబు నాయుడు హెచ్చరించడం అప్రజాస్వామికమన్నారు.  కర్నూలులో 25న జరిగే యువభేరి కార్యక్రమాన్ని జయప్రదం చేయాలని పిలుపునిచ్చారు.
  
 హోదా వస్తేనే విద్యార్థుల భవిష్యత్తు: సలాంబాబు, విద్యార్థి విభాగం రాష్ట్ర అధ్యక్షుడు
 రాష్ట్రానికి హోదా వస్తేనే విద్యార్థులు, యువకుల భవిష్యత్తు బాగు పడుతుందనే ఉద్దేశంతోనే ప్రతిపక్ష నేత జగన్‌మోహన్‌రెడ్డి పోరాడుతున్నారని విద్యార్థి విభాగం రాష్ట్ర అధ్యక్షుడు సలాంబాబు పేర్కొన్నారు. అధికారంలోకి వచ్చి రెండున్నర ఏళ్లు గడుస్తున్నా హోదా తేలేకపోగా, ప్యాకేజీకి సీఎం చంద్రబాబు వెంపర్లాడుతుండటం మోసపూరితమన్నారు. హోదా సాధనలో విద్యార్థులదే కీలకపాత్ర అన్నారు. కర్నూలులో యువభేరిని విద్యార్థులు విజయవంతం చేయాలన్నారు. అనంతరం అతిథుల చేతుల మీదుగా యువభేరి పోస్టర్‌ విడుదల చేశారు.
  


 నెల్లూరు సిటీ: చిల్లర ప్యాకేజీల కోసం కేంద్ర ప్రభుత్వంతో టీడీపీ రాజీపడిందని డీసీసీ అధ్యక్షుడు పనబాక కృష్ణయ్య మండిపడ్డారు. ఇందిరాభవన్‌లో శుక్రవారం విలేకరులతో మాట్లాడారు. హోదా కాదు, ప్యాకేజీ చాలని టీడీపీ చెప్పడం దారుణమన్నారు. ఎన్నికల సమయంలో 600 హామీలను ఇచ్చి అధికారంలోకి వచ్చిన టీడీపీ, వాటిని అమలు చేయడంలో కాలయాపన చేస్తోందని ధ్వజమెత్తారు. విభజన చట్టంలో పెట్టిన అంశాలను అమలు చేస్తూ, ప్రత్యేక హోదాను ప్రకటించాలని డిమాండ్‌ చేశారు. ప్రత్యేక హోదాను సాధించేంత వరకూ కాంగ్రెస్‌ పార్టీ పోరాటం చేస్తుందని తెలిపారు. అక్టోబర్‌ 14వ తేదీన నెల్లూరు నగరంలో టీడీపీ 600 హామీలు, ప్రత్యేక హోదాపై బ్యాలెట్‌ను నిర్వహించనున్నామని వివరించారు. జిల్లాలోని అన్ని నియోజకవర్గాలు, మండలాల్లో బ్యాలెట్‌ను నిర్వహిస్తామని వెల్లడించారు. కాంగ్రెస్‌ సీనియర్‌ నాయకులు సీవీ శేషారెడ్డి, దేవకుమార్‌రెడ్డి, భవానీ నాగేంద్రప్రసాద్, చెంచలబాబుయాదవ్, పత్తి సీతారామ్‌బాబు, ఫయాజ్, ఆసిఫ్‌ బాషా, బాలసుధాకర్, తదితరులు పాల్గొన్నారు.


 సీపీఐ నగర కార్యదర్శి దోనేపూడి శంకర్‌ 
  
 కృష్ణలంక : ముఖ్యమంత్రి చంద్రబాబు, ఆయన మంత్రులు, ఎంపీలు తమ జేబులు నింపుకొనేందుకే ప్యాకేజీల పాట పాడుతున్నారని సీపీఐ నగర కార్యదర్శి దోనేపూడి శంకర్‌ విమర్శించారు. ప్రత్యేక హోదాపై సీపీఐ ఆధ్వర్యాన కృష్ణలంక చలసానినగర్‌ సిద్దెం కృష్ణారెడ్డి భవన్‌ వద్ద గురువారం ప్రజాబ్యాలెట్‌ కార్యక్రమం నిర్వహించారు. మాజీ ఎమ్మెల్యే నాసర్‌వలీ ఈ కార్యక్రమాన్ని ప్రారంభించారు. శంకర్‌ మాట్లాడుతూ రాష్ట్రం అభివృద్ధి చెందాలంటే ప్రత్యేక హోదా ఒక్కటే మార్గమని చెప్పారు. రాష్ట్రానికి ప్రత్యేక హోదా పదేళ్లు కావాలన్న వెంకయ్య నాయుడు, 15 ఏళ్లు కావాలన్న చంద్రబాబు ఇప్పడు హోదా అవసరం లేదని కల్లబొల్లి మాటలు చెప్పడం వారి ఊసరవెల్లి రాజకీయాలకు నిదర్శనమన్నారు. సీపీఐ నగర కార్యకవర్గ సభ్యులు సంగుల పేరయ్య, బొక్క ప్రభాకర్, మాజీ కార్పొరేటర్‌ రాయ రంగమ్య తదితరులు పాల్గొన్నారు.
  
 గుణదలలో... 
 గుణదల : సీపీఐ నగర సమతి చేపట్టిన ప్రజా బ్యాలెట్‌ కార్యక్రమం గురువారం గుణదల సెంటర్‌లో నిర్వహించారు. ఈ సందర్భంగా సీపీఐ నగర కార్యదర్శి దోనేపూడి శంకర్‌ మాట్లాడుతూ లోటు బడ్జెట్‌లో ఉన్న రాష్ట్రం అభివృద్ధి చెందాలన్నా, రాష్ట్రానికి పరిశ్రమలు రావాలన్నా, నిరుద్యోగ యువతకు ఉపాధి అవకాశాలు లభించాలన్నా.. ప్రత్యేక హోదా వల్లే సాధ్యమని వివరించారు. ఈ కార్యక్రమంలో సీపీఐ నగర కార్యవర్గ సభ్యుడు ఎల్‌.దుర్గారావు, 2వ డివిజన్‌ కార్యదర్శి ఆనందరావు, నాలుగో డివిజన్‌ కార్యదర్శి ఎన్‌వీ రాఘవయ్య తదితరులు పాల్గొన్నారు.


 సాక్షి, హైదరాబాద్: పాలమూరు ఎత్తిపోతల పథకంలోని వివిధ ప్యాకేజీల్లో మార్పులకు నీటి పారుదల శాఖ గ్రీన్‌సిగ్నల్ ఇచ్చింది. ప్యాకేజీ-1, ప్యాకేజీ-16లకు సంబంధించి కొత్త డిజైన్లు, ప్రాథమ్యాలకు తగినట్లుగా మార్పులకు ఆమోదం తెలిపింది. మొత్తంగా ఈ మార్పులతో రూ.100 కోట్ల నుంచి రూ.130 కోట్ల వరకు అదనపు భారం పడే అవకాశముంది. పాలమూరు ప్రాజెక్టులోని ఒకటో ప్యాకేజీలో స్టేజ్-1 పంపింగ్ స్టేషన్‌ను తొలుత భూ ఉపరితలంపై నిర్మించాలని నిర్ణయించారు.
 అయితే దీని నిర్మాణ ప్రాంతం అటవీ భూమి పరిధిలోకి వస్తుండడంతో.. అటవీ శాఖ అనుమతులు తీసుకోవాల్సి ఉంటుంది. దాంతో ప్రాజెక్టు నిర్మాణం జాప్యమయ్యే అవకాశం ఉండడంతో పంపింగ్ స్టేషన్ నిర్మాణ ప్రాంతాన్ని మార్చాలని భావించారు. నిర్మాణ స్థలం మార్పు, పెరిగే వ్యయం, ఇతర సానుకూల, ప్రతికూలతలను అంచనా వేసేందుకు నీటి పారుదల శాఖ ఇంజనీర్లతో ప్రభుత్వం కమిటీని వేసింది. పంప్‌హౌజ్‌ను అదే స్థలంలో భూగర్భంలో నిర్మించాలని.. దీనిద్వారా అటవీ, భూసేకరణ సమస్య తప్పుతుందని పేర్కొంటూ ఆ కమిటీ తమ నివేదిక సమర్పించింది.
 కానీ తుది నిర్ణయం తీసుకునే ముందు నేషనల్ ఇన్‌స్టిట్యూట్ ఆఫ్ రాక్ మెకానిక్స్ (ఎన్‌ఐఆర్‌ఎం)తో ప్రభుత్వం అధ్యయనం చేయించింది. ఎన్‌ఐఆర్‌ఎం కూడా కూడా ఓకే చెప్పడంతో భూగర్భ పంప్‌హౌజ్ నిర్మించేందుకు నీటి పారుదల శాఖ ఉన్నత స్థాయి కమిటీ మొగ్గు చూపింది. ఈ మార్పు కారణంగా ప్రాజెక్టుపై రూ.50 కోట్ల మేర అదనపు భారం పడే అవకాశముంది.
  ప్యాకేజీ-16 లోనూ..: ఇక రూ.3,250 కోట్ల అంచనాతో చేపట్టిన ప్యాకేజీ-16లో తొలుత ఓపెన్ చానల్, టన్నెల్‌లను ప్రతిపాదిస్తూ కాల్వల నిర్మాణానికి డిజైన్ రూపొందించారు. ఇందులో భూసేకరణ, రైల్వే క్రాసింగులు వంటి సమస్యలు నెలకొన్నాయి. దీంతో డిజైన్ మార్చాలని నిర్ణయించి అధ్యయనం చేయించారు. ఈ మేరకు ఓపెన్ చానల్ కాకుండా మొత్తంగా టన్నెల్ నిర్మాణం చేపట్టాలని నిర్ణయించారు.  ఈ మార్పులతో ప్రభుత్వంపై రూ.80 కోట్ల అదనపు భారం పడుతుందని అంచనా.


 న్యూఢిల్లీ : నష్టాల్లో కూరుకుపోయిన ప్రభుత్వ రంగ సంస్థ హిందూస్తాన్ కేబుల్స్ లిమిటెడ్(హెచ్సీఎల్) మూతకు గ్రీన్ సిగ్నల్ ఇచ్చిన కేబినెట్, ఉద్యోగుల వేతనాలకు బుధవారం స్పెషల్ ప్యాకేజీ ప్రకటించింది. ఈ మూత నేపథ్యంలో ఉద్యోగులకు వేతనాలు చెల్లించడానికి, రిటైర్మెంట్ పథకాలకు, ప్రభుత్వ రుణాన్ని ఈక్విటీలోకి మార్చుకునేందుకు అవసరమైన రూ.4,777.05 కోట్ల ప్యాకేజీని  కేంద్రప్రభుత్వం ఆమోదించింది. ప్రధానమంత్రి నరేంద్రమోదీ నేతృత్వంలో నేడు జరిగిన కేబినెట్ సమావేశంలో హెచ్సీఎల్ను మూసేందుకు ఆమోదించారు. కంపెనీల చట్టం 1956/2013, పరిశ్రమల వివాదాల చట్టం 1947, ఇతర చట్టాల కింద దీన్ని మూసివేస్తున్నట్టు కేంద్ర ఓ ప్రకటనలో తెలిపింది. వీఆర్ఎస్/వీఎస్ఎస్ ప్యాకేజ్ కింద 2007వ పే స్కేల్ను ఆఫర్ చేస్తున్నట్టు వెల్లడించింది.
  
 ఈ ప్యాకేజీని నగదు కింద రూ.1,309.90 కోట్లు, నగదురహిత కింద రూ.3,467.15 కోట్లను కంపెనీలోకి ప్రవేశపెట్టనుంది. కేంద్ర ప్రభుత్వ రంగంలోని టెలికాం శాఖకు కావలసిన కేబుల్స్ను తయారుచేసే సంస్థగా హెచ్సీఎల్ ఉండేంది. వైర్‌లెస్ ఫోన్‌లు మార్కెట్లోకి రావడంతో ల్యాండ్ ఫోన్లు, వాటికి కేబుల్స్ అవసరం దారుణంగా పడిపోవడంతో  హెచ్‌సీఎల్ మూసివేత స్థితికి చేరింది. 1952లో ఏర్పాటైన ఈ సంస్థ, నాలుగు తయారీ యూనిట్లు రుప్నరైన్ పూర్, నరేంద్రపూర్ (పశ్చిమ బెంగాల్), హైదరాబాద్ (తెలంగాణ),నాని (ఉత్తరప్రదేశ్)లలో తన కార్యకలాపాలు నిర్వహిస్తోంది. 2015 ఫిబ్రవరిలోనే కంపెనీని మూసివేయడానికి కేంద్రం సిద్ధమైనా ఉద్యోగుల ఆందోళనలతో వెనక్కి తగ్గింది.అయితే అదే ఏడాది ఏప్రిల్ నుంచి ఉద్యోగులకు జీతాలు చెల్లించడంలేదు. 


 కావలి : రాష్ట్రానికి కేంద్ర ప్రభుత్వం ఇస్తామని చెబుతున్న ప్రత్యేక ప్యాకేజీ ఏం ఒరగదని, ఇది ప్రజలను మోసం చేయడమేనని కాంగ్రెస్‌ పార్టీ రాష్ట్ర ప్రధానకార్యదర్శి పి.చెంచలబాబు యాదవ్‌ అన్నారు. స్థానిక ఆర్‌అండ్‌బీ అతిథిగహంలో బుధవారం నిర్వహించిన విలేకరుల సమావేశంలో ఆయన మాట్లాడారు. విశాఖపట్నంలో హుద్‌హుద్‌ తుపాన్‌ వల్ల జరిగిన నష్టానికి రూ.1500 కోట్లు ఇస్తామన్న కేంద్రం రూ.650 కోట్లు ఇచ్చి చేతులు దులుపుకొందని గుర్తుచేశారు. ప్రత్యేక ప్యాకేజీ ద్వారా ఆంధ్రులను మోసం చేస్తే సీఎం చంద్రబాబు నాయుడు దానిని స్వాగతించడం దారుణమన్నారు. హాదా వస్తే రాష్ట్రంలో పరిశ్రమలు ఏర్పడి యువతకు ఉద్యోగ అవకాశాలు ఏర్పడుతాయన్నారు. ఈ నెల 28వ తేదీన తిరుపతిలో పీసీసీ అధ్యక్షుడు రఘువీరారెడ్డి ఆధ్వర్యంలో ప్రజా బ్యాలెట్‌ నిర్వహిస్తున్నామని చెప్పారు. ఈ సమావేశంలో పార్టీ నేతలు శివశేఖర్‌ రెడ్డి, అనుమాలశెట్టి వాసు, ఇంటూరి శ్రీహరి పాల్గొన్నారు.
  
  


  
  మాజీ మంత్రి వడ్డే 
  
 మచిలీపట్నం :
   భూసమీకరణలో భూములు ఇచ్చిన రైతులకు ప్యాకేజీ పేరుతో ప్రభుత్వం అరచేతిలో వైకుంఠం చూపుతోందని మాజీ మంత్రి వడ్డే శోభనాద్రీశ్వరరావు పేర్కొన్నారు. మచిలీపట్నంలో బుధవారం ఆయన విలేకరులతో మాట్లాడుతూ భూసేకరణ నోటిఫికేషన్‌ అమలులో ఉన్న సమయంలోనే మచిలీపట్నం ఏరియా డెవలప్‌మెంట్‌ అథారిటీ (ఎంఏడీఏ) పేరుతో భూసమీకరణను ప్రభుత్వం తెరపైకి తేవడం రైతులను మోసగించడమేనన్నారు. భూసమీకరణను తెరపైకి తెచ్చి కొందరు మంత్రులు తమ అనుచరులతో మచిలీపట్నంలో భూములు కొనుగోలు చేయించారని ఆరోపించారు. రాష్ట్ర ప్రభుత్వం భూసేకరణ చట్టంలో మార్పులు చేసేందుకు ప్రయత్నించడం రైతాంగ వ్యతిరేఖ చర్యేనన్నారు.    
 రైతులను ముంచి పారిశ్రామికవేత్తలకు ప్రయోజనమా?..
 సన్న, చిన్నకారు రైతుల నుంచి భూములు తీసుకుని బడా పారిశ్రామికవేత్తలకు ప్రయోజనం కలిగిస్తారా? అని ప్రశ్నించారు. పారిశ్రామిక కారిడార్‌ పేరుతో ఈ ప్రాంతాన్ని అభివృద్ధి చేస్తామని చెబుతున్న పాలకులు.. మచిలీపట్నంలోని ప్రధాన రహదారులను సైతం అభివృద్ధి చేయలేకపోయారన్నారు. ప్రభుత్వంపై రైతులు చేసే పోరాటానికి అండగా ఉంటానని చెప్పారు. పోర్టు, పారిశ్రామిక కారిడార్‌ పేరుతో ప్రభుత్వం చేస్తున్న భూదందాపై ముద్రించిన కరపత్రాలను అన్ని గ్రామాల్లోనూ ప్రజలకు అందజేసి వారిని చైతన్యవంతం చేస్తామన్నారు.
  


 టీడీపీ ఎంపీ రాయపాటికి భారీ లబ్ధి చేకూర్చిన ఏపీ సీఎం చంద్రబాబు నాయుడు
 * పోలవరం హెడ్‌వర్క్స్ అంచనా వ్యయం రూ.1,481 కోట్లు పెంపు
 * 7న పోలవరం బాధ్యతలు రాష్ట్ర సర్కార్‌కు అప్పగించిన కేంద్రం
 * 24 గంటలు గడవక ముందే అంచనా వ్యయం పెంచుతూ ఉత్తర్వులు
 * అంతా పక్కా ప్రణాళికతో నడిపించిన చంద్రబాబు
 
 సాక్షి, హైదరాబాద్: ఐదు కోట్ల మంది ప్రజా ప్రయోజనాలకు సంబంధించిన ప్రత్యేక హోదాను కేంద్రం వద్ద తాకట్టు పెట్టినందుకు గానూ ఏపీ ప్రభుత్వ పెద్దలకు దక్కిన మొదటి ‘ప్యాకేజీ’ ఇది.
 
 కేంద్ర ప్రభుత్వం పోలవరం ప్రాజెక్టు నిర్మాణ బాధ్యతలను అప్పగించి 24 గంటలు కూడా గడవక ముందే.. ఆ ప్రాజెక్టు హెడ్‌వర్క్స్(ప్రధాన పనులు) కాంట్రాక్టర్ అయిన టీడీపీ ఎంపీ రాయపాటి సాంబశివరావుకు  ఏపీ ప్రభుత్వం రూ.1,481 కోట్ల భారీ లబ్ధి చేకూర్చింది. కేంద్రమే పోలవరం ప్రాజెక్టు నిర్మాణ బాధ్యతలు తీసుకుంటే కమీషన్లు కొట్టేసే అవకాశం ఉండదని, అందుకే చంద్రబాబు సర్కారు ప్రత్యేక ప్యాకేజీ వైపు మొగ్గు చూపిందనడానికి ఇదొక నిదర్శనం. కేంద్ర ఆర్థిక మంత్రి అరుణ్ జైట్లీ బుధవారం(7న) రాత్రి ప్యాకేజీ ప్రకటించగానే.. గురువారం(8న) పోలవరం హెడ్‌వర్క్స్ అంచనా వ్యయాన్ని రూ.5,535.41 కోట్లకు పెం చుతూ ఏపీ ప్రభుత్వం ఉత్తర్వులు(జీవో 96) జారీ చేసింది.
  
 ఐదు కోట్ల మంది ఆంధ్రుల స్వప్నం పోలవరం ప్రాజెక్టు. రాష్ట్రాన్ని సస్యశ్యామలం చేసే ఈ ప్రాజెక్టు పనులను చేపట్టి, వేగంగా పూర్తి చేసేందుకు రెండేళ్లుగా మొగ్గుచూపని ప్రభుత్వం.. ప్రజాధనాన్ని కొల్లగొట్టడానికి మాత్రం మొదటి నుంచీ వ్యూహాత్మకంగా పావులు కదుపుతోంది. పోలవరం హెడవర్క్స్ పనుల అంచనా వ్యయం రూ.4,717 కోట్లు కాగా, టీడీపీ ఎంపీ రాయపాటి సాంబశివరావుకు చెందిన ట్రాన్స్‌ట్రాయ్(ఇండియా) ప్రైవేట్ లిమిటెడ్.. రష్యా, ఒమన్‌లకు చెందిన జేఎస్‌సీ, యూఈఎస్‌లతో జట్టుకట్టి, 14.05 శాతం తక్కువ ధరలకు అంటే రూ.4,054 కోట్లకు పోలవరం హెడ్ వర్క్స్ పనులు చేజిక్కించుకుంది. ఈ పనులు 60 నెలల్లో పూర్తి చేసేలా 2013, మార్చి 2న కాంట్రాక్టర్‌తో ప్రభుత్వం ఒప్పందం చేసుకుంది.
  
 నాడు తస్మదీయుడు..
 నేడు అస్మదీయుడు
 అయితే పోలవరం హెడ్ వర్క్స్ పనులు చేసే సత్తా ట్రాన్స్‌ట్రాయ్‌కు లేదని.. ఆ సంస్థపై అనర్హత వేటు వేయాలని, పనులు అప్పగించొద్దంటూ అప్పట్లో ఎస్‌ఎస్‌ఎల్‌సీ(స్టేట్ లెవల్ స్టాండింగ్ కమిటీ) నివేదిక ఇచ్చింది. రాయపాటి అప్పట్లో కాంగ్రెస్ పార్లమెంట్ సభ్యుడు. దీంతో పోలవరం హెడ్‌వర్స్ పనులు రాయపాటికి ఎలా అప్పగిస్తారంటూ అప్పటి విపక్ష నేతగా చంద్రబాబు తీవ్ర స్థాయిలో అభ్యంతరాలు వ్యక్తం చేశారు. అనంతరం రాయపాటి సైకిలెక్కారు.
 
 దీంతో చంద్రబాబుకు రాయపాటి సన్నిహితుడిగా మారిపోయారు. కేవలం ప్రాజెక్టులు పనులు కొట్టేసేందుకే ఎంపీ రాయపాటి రష్యా, ఒమన్ దేశాలకు చెందిన సంస్థల సహకారం తీసుకోవడంతో క్షేత్రస్థాయిలో ఆ సంస్థల చిరునామా కన్పించలేదు. 2015, అక్టోబర్ 10 వరకూ అంటే.. 32 నెలల్లో కేవలం రూ.232.42 కోట్ల విలువైన పనులే పూర్తి చేశారు. ఈ నేపథ్యంలో పనుల ప్రగతిపై పీపీఏ(పోలవరం ప్రాజెక్టు అథారిటీ) పదే పదే అసంతృప్తి వ్యక్తం చేసింది.
 
 అలాగే కాంట్రాక్టర్‌కు పనులు చేసే సత్తా లేదని, తక్షణమే తొలగించాలని ఈఎన్‌సీ ఎం.వెంకటేశ్వరరావు నేతృత్వంలోని నిపుణుల కమిటీ కూడా సూచించింది. కానీ ఈ కమిటీ నివేదికను బుట్టదాఖలు చేసిన ముఖ్యమంత్రి  చంద్రబాబు నాయుడు.. రాయపాటికి భారీ ఎత్తున దోచిపెట్టేందుకు పావులు కదుపుతూ వచ్చారు. ఈ క్రమంలోనే పోలవరం ప్రాజెక్టు నిర్మాణ పనులను రాష్ట్ర ప్రభుత్వానికే అప్పగించాలంటూ కేంద్రానికి పదే పదే లేఖలు రాస్తూ వచ్చారు. పీపీఏని నామమాత్రంగా మార్చి, రాయపాటితో కలసి నిధులు కొల్లగొట్టాలన్నది ఆ లేఖల ఎత్తుగడగా తెలుస్తోంది.
  
 ఏపీకి అప్పగించగానే దోపిడీపర్వం..
 పనులు వేగవంతం చేయాలంటే తాజా(2015-16) ఎస్‌ఎస్‌ఆర్ మేరకు అంచనా వ్యయాన్ని పెంచాలని, హెడ్‌వర్క్స్ పనులు సబ్ కాంట్రాక్టర్లకు అప్పగించాలని, వారిని కూడా ప్రధాన కాంట్రాక్టరే ఎంచుకోవచ్చంటూ రాయపాటి సాంబశివరావుపై ఆంధ్రప్రదేశ్ ముఖ్యమంత్రి చంద్రబాబు నాయుడు వల్లమాలిన ప్రేమ కురిపించారు. ఆ మేరకు 2015, అక్టోబర్ 10న కేబినెట్‌తో ఆమోదముద్ర వేయించారు. సబ్ కాంట్రాక్టర్‌కు అప్పగించే సమయంలో ఒప్పందం చేసుకోవాలని, ‘ఎస్క్రో’ అకౌంట్‌ను ఏర్పాటు చేసి బిల్లులు చెల్లించాలని కేబినెట్ షరతు విధించింది.
 
 కేబినెట్ తీసుకున్న నిర్ణయం మేరకు అంచనా వ్యయాన్ని పెంచుతూ పోలవరం ఈఎన్‌సీ ఏప్రిల్ 30న మొదటి సారి, ఆగస్టు 9న రెండో సారి ప్రతిపాదనలు పంపారు. ఈ ప్రతిపాదనలను తొక్కిపట్టిన ముఖ్యమంత్రి చంద్రబాబు.. పోలవరం ప్రాజెక్టు నిర్మాణ పనులను రాష్ట్ర ప్రభుత్వానికి అప్పగించగానే వాటిపై ఆమోదముద్ర వేసేశారు. ప్రభుత్వ ఆదేశాల మేరకు పోలవరం హెడ్‌వర్క్స్ అంచనా వ్యయాన్ని  రూ.5,767.83 కోట్లకు పెంచారు. ఇందులో 2015, అక్టోబర్ 10 వరకు పూర్తి చేసిన పనుల విలువ కేవలం రూ.232.42 కోట్లు కాగా, మిగతా పనుల విలువ రూ.5,535.41 కోట్లు. వీటిని పరిగణనలోకి తీసుకుంటే హెడ్‌వర్క్స్ అంచనా వ్యయం ఒకేసారి రూ.1,481.41 కోట్లు పెంచినట్లు స్పష్టమవుతోంది.


 
 పట్టిసీమ ప్యాకేజీ ఇక్కడెందుకు అమలు చేయరు..?
 
 జాతీయ ప్రాజెక్టుపై ఎందుకంత నిర్లక్ష్యం
 
 మెరుగైన ప్యాకేజీ తరువాతే పనులు చేపట్టాలి
 
 అఖిలపక్ష రౌండ్‌ టేబుల్‌ సమావేశం డిమాండ్‌
 
 కాకినాడ సిటీ :
 పోలవరం ముంపు బాధితులకు పునరావాస ప్యాకేజీ చెల్లింపులకు సంబంధించి రీ సర్వే నిర్వహించి బాధితులకు న్యాయం చేయాలని అఖిల పక్ష రౌండ్‌ టేబుల్‌ సమావేశం డిమాండ్‌ చేసింది. సోమవారం కాకినాడ ఆర్‌అండ్‌బీ అతిథి గృహంలో సీపీఐ ఆధ్వర్యంలో పోలవరం నిర్వాసితుల సమస్యలపై అఖిలపక్ష రౌండ్‌టేబుల్‌ సమావేశం జరిగింది. నిర్వాసితుల సమస్యలపై సమావేశంలో వివిధ రాజకీయ పార్టీల నాయకులు మాట్లాడారు. ఈ సందర్భంగా వైఎస్సార్‌ కాంగ్రెస్‌ పార్టీ జిల్లా అధ్యక్షుడు  కురసాల కన్నబాబు మాట్లాడుతూ పోలవరం ప్రాజెక్టు విషయంలో రాష్ట్ర ప్రభుత్వం గొప్పలకు పోతోందన్నారు. ముంపు బాధితులను నిర్లక్ష్యం చేస్తూ ప్రాజెక్టు కాంట్రాక్ట్‌ సంస్థలకు అండగా ఉంటోందని విమర్శించారు. బాధితులకు మెరుగైన ప్యాకేజీ కల్పించే విషయంలో ముఖ్యమంత్రి చంద్రబాబు మీనమేషాలు లెక్కిస్తున్నారని, పోలవరం ప్రాజెక్టు గుత్తేదారులకు లాభాలు చేకూర్చేవిధంగా అంచనాలను పెంచేందుకు వెనుకాడటంలేదన్నారు. త్వరలో వైఎస్సార్‌ కాంగ్రెస్‌ పార్టీ అధినేత వై.ఎస్‌.జగన్‌ మోహన్‌ రెడ్డి జిల్లాలోని ముంపు ప్రాంతాల్లో  పర్యటనను ఖరారు చేస్తామన్నారు. మాజీ ఎంపీ ఉండవల్లి అరుణ్‌కుమార్‌ మాట్లాడుతూ కేంద్రమంత్రి అరుణ్‌ జైట్లీ పోలవరం ప్రాజెక్టును రాష్ట్ర ప్రభుత్వానికి అప్పగిస్తున్నట్టు ప్రకటించిన మర్నాడే రాష్ట్ర ప్రభుత్వం పోలవరం కాంట్రాక్టర్లకు 2014–15 ధరలను వర్తింపజేస్తూ పాత పనులకు కూడా అంచనాలు పెంచుతూ జీఓ 96 జారీ చేసిందన్నారు. అయితే కనీసం ముంపు బాధితులకు పునరావాసాన్ని పెంచే ఆలోచన చేయకపోవడం చూస్తే ప్రభుత్వతీరు అర్ధమవుతుందని మండిపడ్డారు. మాజీ ఎంపీ మిడియం బాబూరావు మాట్లాడుతూ పట్టిసీమ పునరావాసంలో ఎకరాకు రూ.52లక్షలు కూడా ఇచ్చారని, పోలవరం పునరావాసానికి వచ్చేటప్పటికి రూ.5 లక్షలు ఇవ్వడానికి తర్జనభర్జన ఎందుకు పడుతోందన్నారు. 
 పా్యకేజీ తరువాతే పనులు చేపట్టాలి...
 పోలవరం బాధితులకు మెరుగైన ప్యాకేజీ ప్రకటించిన తరువాతనే ప్రాజెక్టు పనులు వేగవంతం చేయాలని, ఆర్‌అండ్‌ఆర్‌ ప్యాకేజీ పరిహారాన్ని పట్టిసీమ తరహాలోనే పోలవరం బాధితులకు ఇవ్వాలని, ఎకరానికి రూ.15 లక్షలు చెల్లించాలని, 18 సంవత్సరాలు నిండిన యువతను ప్రత్యేకంగా గుర్తించి రూ.10 లక్షలు చెల్లించాలని, ఆరు సంవత్సరాల క్రితం చెల్లించిన పరిహారం భూములకు కూడా ప్రస్తుతం ఇచ్చే పరిహారాన్ని వర్తింప చేయాలని డిమాండ్‌ చేస్తూ తీర్మానించారు. మెరుగైన ప్యాకేజీ ప్రకటించే విషయంలో ప్రభుత్వం స్పందించకుంటే అమరావతిలో ముఖ్యమంత్రి కార్యాలయాన్ని ముట్టడిస్తామని హెచ్చరించారు. సీపీఐ జిల్లా కార్యదర్శి అధ్యక్షతన జరిగిన సమావేశంలో సీపీఎం జిల్లా అధ్యక్షుడు దువ్వా శేషబాబ్జి, బీజేపీ జిల్లా అధ్యక్షుడు వై.మాలకొండయ్య, కాంగ్రెస్‌ బీసీ సెల్‌ రాష్ట్ర నాయకులు నురుకుర్తి వెంకటేశ్వర్లు, పోలవరం నిర్వాసితుల అఖిలపక్ష నాయకులు కె.మంగరాజు, ఎం.దుర్గాప్రసాద్, ఇంటి పూర్‌ణయ్య, పొడియం అప్పారావు, కుంజా మోహనరావు తదితరులు పాల్గొన్నారు.
  


 – ఏపీ అథోగతికి ఆయనే కారణం
 – మాటలు మార్చడంలో వెంకయ్య దిట్ట 
 – జిల్లా కాంగ్రెస్‌ అధ్యక్షుడు ధనేకుల ధ్వజం 
  
 నూజివీడు :
 రాష్ట్రం అథోగతి పాలవ్వడానికి ముఖ్యమంత్రి చంద్రబాబే కారణమని డీసీసీ అధ్యక్షులు ధనేకుల మురళీ మోహన్‌రావు ధ్వజమెత్తారు. ఆదివారం ఇక్కడ జరిగిన జిల్లా కాంగ్రెస్‌ సమావేశంలో ధనేకుల మాట్లాడుతూ ప్రతిపక్ష నాయకుడిగా ఉన్నప్పుడు ముందూ, వెనుక ఆలోచించకుండా విభజన చేయమని లేఖ ఇచ్చిన చంద్రబాబు, ఇప్పుడు ముఖ్యమంత్రిగా ఉండి  కేంద్రప్రభుత్వం ఇచ్చే ప్యాకేజీకి అంగీకరించడం చారిత్రక తప్పిదమన్నారు. విభజన బిల్లు సమయంలోనే రాష్ట్రానికి ఏం కావాలనే దానిపై చంద్రబాబు నోరు మెదపకుండా నేడు ప్యాకేజీల కోసం అర్రులు చాచడం రాష్ట్రప్రజల దౌర్భాగ్యమన్నారు. ప్రత్యేక ప్యాకేజీ అనేది కేవలం కేంద్రం ఇచ్చే డబ్బులను కమీషన్ల రూపంలో పంచుకోవడానికే తప్పితే రాష్ట్రానికి ఏమాత్రం ఉపయోగపడదన్నారు. రాష్ట్రానికి చంద్రబాబు తీరని ద్రోహం చేస్తున్నారన్నారు. రాష్ట్రానికి ఏం సాధించారని ఢిల్లీలో సన్మానాలు చేస్తున్నారో రాష్ట్ర ప్రజలకు బీజేపీ నాయకులు సమాధానం చెప్పాలన్నారు. రాష్ట్రానికి చెందిన కేంద్రమంత్రి వెంకయ్యనాయుడు కూడా ఇష్టారాజ్యంగా మాటమారుస్తారని ప్రజలకు అర్థమైందన్నారు.  సమావేశంలో పీసీసీ కార్యదర్శి వింతా సంజీవరెడ్డి,  బీడీ రవికుమార్, పాతూరి రవి, డీసీసీ ప్రధాన కార్యదర్శి పరిమి సాగర్‌కుమార్, ఎస్సీ సెల్‌ జిల్లా అధ్యక్షుడు చాట్ల విలాస్‌బాబు తదితరులు మాట్లాడుతూ టీడీపీ బీజేపీ ఏపీకి తీరని ద్రోహం చేస్తున్నాయని ధ్వజమెత్తారు. 
  
  


 సాక్షి, హైదరాబాద్:  ‘‘రాష్ట్రం క్లిష్ట పరిస్థితుల్లో ఉంది. ముందుగా కేంద్రం ఇచ్చింది తీసుకుంటాం. ఆ తర్వాత కావాల్సింది అడుగుతాం’’ అని సీఎం చంద్రబాబు  చెప్పారు. రాష్ట్రానికి కేంద్రం ప్రకటించిన ప్యాకేజీ, తదనంతర పరిణామాలపై ఆయన గురువారం శాసన మండలిలో సుదీర్ఘ వివరణ ఇచ్చారు. సాంకేతిక కారణాల వల్ల ఏపీకి ప్రత్యేక హోదా ఇవ్వలేమని కేంద్రం చెప్పిందన్నారు. హోదా వల్ల కలిగే లాభాలన్నీ ఇస్తామని హామీ ఇచ్చిం దన్నారు. అయితే, ఈ హామీలకు చట్టబద్ధత కల్పించాలని, దీనికొక సమయం కేటాయించి ఆలోగా చెయ్యాలని కేంద్రాన్ని కోరుతానన్నారు.
  
 రెవెన్యూ లోటు భర్తీ చేస్తామన్నారు కదా!
 ‘‘పోలవరం ప్రాజెక్టు కోసం ఇప్పటివరకూ రూ.1,800 కోట్లు ఖర్చు చేశాం. దీనికి పూర్తిస్థాయిలో సాయం అందజేస్తామని కేంద్రం హామీ ఇచ్చింది. తిరుపతిలో నరేంద్ర మోదీ, వెంకయ్య నాయుడు, నేను ప్రత్యేక హోదా గురించి చెప్పింది వాస్తవమే. కానీ, సాంకేతిక సమస్యలున్నాయి. అయినా హోదా వల్ల కలిగే ప్రయోజనాలతో సమానంగా ప్యాకేజీ ఇస్తామని కేంద్రం హామీ ఇచ్చింది. కొత్త రాజధాని నిర్మాణానికి ఇప్పటివరకూ కేంద్రం రూ.1,500 కోట్లు ఇచ్చింది. మరో రూ.1,000 కోట్లు సకాలంలో ఇవ్వాలని కోరాం. 2014-15 ఆర్థిక సంవత్సరంలో రెవెన్యూ లోటు భర్తీకి కేంద్రం రూ.3,979.50 కోట్లు ఇచ్చింది. మిగతా సొమ్మును కూడా వాయిదాల రూపంలో ఇస్తామని చెప్పింది. ప్యాకేజీ కింద వెనుకబడిన ప్రాంతాలకు 1,050 కోట్లు ఇస్తామంది’’ అని తెలిపారు.
  
 హోదాతో లాభాలేంటో చెప్పండి?
 ప్రత్యేక హోదా పేరు ఎత్తాలంటేనే ముఖ్యమంత్రి భయపడుతున్నారని ప్రతిపక్ష సభ్యులు సి.రామచంద్రయ్య తదితరులు చంద్రబాబు ప్రసంగానికి అడ్డు తగిలారు. మీరు ప్రత్యేక హోదా అని మాట్లాడుతున్నారు, అసలు హోదా వల్ల కలిగే లాభాలేంటో చెప్పండి? అంటూ చంద్రబాబు వారిపై మండిపడ్డారు. కాగా ఆంధ్రప్రదేశ్‌లో శాసనసభ స్థానాలను 175 నుంచి 225కు పెంచాలని కేంద్రాన్ని కోరామని చంద్రబాబు గురువారం శాసన మండలిలో చెప్పారు.


 న్యూఢిల్లీ: ఏపీకి ప్రత్యేకహోదా ఇచ్చే అవకాశం లేదని కేంద్రమంత్రి వెంకయ్యనాయుడు అన్నారు. ఏపీ అభివృద్ధి విషయంలో తాము కట్టుబడి ఉన్నామని చెప్పారు. తమపై కాంగ్రెస్ పార్టీకి విమర్శలు చేసే అర్హత లేదని ఆగ్రహం వ్యక్తం చేశారు. దూరదృష్టి లేకుండానే కాంగ్రెస్ రాష్ట్రాన్ని విభజించిందని ఆరోపించారు. ఆంధ్రప్రదేశ్కు ప్యాకేజీ ప్రకటించిన విషయం తెలిసిందే. దీనిపై తీవ్ర స్థాయిలో విమర్శలు వస్తున్న నేపథ్యంలో గురువారం వెంకయ్యనాయుడు మీడియాతో మాట్లాడారు. మొదటి కేబినెట్ భేటీలోనే తెలంగాణలోని ఏడు మండలాలను పోలవరం ప్రాజెక్టుకోసం ఏపీలో కలిపామని చెప్పారు.
 
 ఐదేళ్లలో రెవన్యూలోటు భర్తీ చేస్తామని తెలిపారు. 14వ ఆర్థికసంఘం సిఫార్సు ప్రకారం 42శాతం రాష్ట్రాలకు బదలాయించాలని, ఈ సంఘం సిఫార్సు వల్లే ప్రత్యేక హోదా అనేది లేకుండా పోయిందని వివరించారు. విస్తృత చర్చల తర్వాతే ప్రత్యేక హోదాపై ఓ నిర్ణయానికి వచ్చామని, దీనిపై తాను వ్యక్తిగత అభిప్రాయం చెప్పకూడదని తెలిపారు. తెలుగు ప్రజలు ఈ విషయం అర్థం చేసుకోవాలని అన్నారు. తెలుగు ప్రజలకు పోలవరం జీవనధార అని, గత ప్రభుత్వం ఈ ప్రాజెక్టు గురించి పూర్తిగా చెప్పకపోవడంతో తాను స్వయంగా కొత్త ప్రభుత్వం రాగానే బిల్లులో చేర్చి ప్రత్యేకంగా ఆమోదింపజేయించానని అన్నారు.
 
 నిధుల విషయంలో రాష్ట్రాల మధ్య విభేదాలు ఉండవని తెలిపారు. 34 ఏళ్లలో పూర్తికానీ ప్రాజెక్టు ఏడాదిన్నరలో ఎలా పూర్తవుతుందని, పోలవరానికయ్యే పూర్తి వ్యయం కేంద్రమే బరిస్తుందని, ఈ హామీకి చట్టబద్ధత కల్పిస్తామని తెలిపారు. తమ చిత్తశుద్ధికి పోలవరం తార్కాణమని అన్నారు. జోన్ అంశాన్ని రైల్వే శాఖ అధ్యయనం చేస్తోందని తెలిపారు. తమపై దుష్ప్రచారం చేస్తున్నందుకే ఈ వివరణ ఇస్తున్నానని చెప్పారు.


 – పీఏసీ చైర్మన్‌ బుగ్గన రాజేంద్రనాథ్‌రెడ్డి
  
 డోన్‌:
 తనతో పాటు అనుచరులకు దోచి పెట్టేందుకే ముఖ్యమంత్రి చంద్రబాబు నాయుడు ప్యాకేజీ జపం చేస్తున్నారని పీఏసీ చైర్మన్, డోన్‌ ఎమ్మెల్యే బుగ్గన రాజేంద్రనాథ్‌రెడ్డి అన్నారు. ప్రత్యేక హోదా సాధనకు వైఎస్‌ఆర్‌ కాంగ్రెస్‌ పార్టీ అధ్యక్షులు వైఎస్‌ జగన్‌మోహన్‌రెడ్డి పిలుపులో భాగంగా మంగళవారం కర్నూలు జిల్లా డోన్‌లో చేపట్టిన బంద్‌లో ఆయన పాల్గొన్నారు. ఈ సందర్భంగా మాట్లాడుతూ ఏపీకి ప్రత్యేక హోదా ఇవ్వబోమని కేంద్ర ఆర్థిక మంత్రి అరుణ్‌జైట్లీ రాజ్యసభలో కుండబద్ధలు కొట్టిన తర్వాత కూడా చంద్రబాబు ప్రజలను నమ్మించే ప్రయత్నం చేయడం విడ్డూరంగా ఉందన్నారు. ఓటుకు నోటు కేసులో అడ్డంగా దొరికిపోయిన చంద్రబాబు ఆ బురద నుంచి బయటపడేందుకు కేంద్రానికి ఊడిగం చేస్తున్నాడన్నారు. ఆచరణ సాధ్యం కాని హామీలతో అధికారంలోకి వచ్చిన ఆయన నేడు హోదా విషయంలోనూ తన అసలు స్వరూపం బయట పెట్టాడన్నారు. ఎన్నికలకు ముందు 15ఏళ్ల పాటు ప్రత్యేక ప్యాకేజీ కావాలని డిమాండ్‌ చేసిన బాబు.. ఇప్పుడు ఆ మాట విస్మరించి మాట్లాడటం శోచనీయమన్నారు. రాష్ట్ర సర్వతోముఖాభివద్ధి హోదాతోనే సాధ్యమనే విషయాన్ని ముఖ్యమంత్రితో పాటు ఆ పార్టీ నేతలు గుర్తుంచుకోవాలన్నారు. హోదా కోసం పార్టీలకు అతీతంగా పోరాడాల్సిన అవసరం ఎంతయినా ఉందన్నారు.
  


  - లైనింగ్ కాలువలో పెరిగిన కంపచెట్లు
  - నీరు రాకముందే కొన్ని ప్రాంతాల్లో దెబ్బతిన్న లైనింగ్లు
  పులివెందుల రూరల్ :
  దాదాపు పదేళ్ల నుంచి పులివెందుల బ్రాంచ్ కెనాల్(పీబీసీ) ఆధునీకరణ పనులు కొనసాగుతూనే ఉన్నాయి. 2006లో దివంగత సీఎం వైఎస్ రాజశేఖరరెడ్డి పీబీసీ ఆయకట్టు పరిధిలోని ప్రతి ఎకరాకు నీరు అందించేందుకు వీలుగా కాలువల ఆధునీకరణకు శ్రీకారం చుట్టారు. పీబీసీ ఆయకట్టు పరిధిలో కాలువలు 68కి.మీ ఉండగా.. 55,579ఎకరాల ఆయకట్టు పరిధి ఉంది. ఈ పరిధిలో మొత్తంగా మూడు ప్యాకేజీలుగా విభజించి పనులు ప్రారంభించారు. 93 ప్యాకేజీలో తుంపెర డీప్కట్, బైపాస్ చానెల్, మెయిన్ కెనాల్లు కలిసి 23.2కి.మీ ఆధునీకరణ కోసం రూ32.69కోట్ల నిధులు మంజూరు కాగా.. ఇప్పటివరకు రూ28.08కోట్లు చేయగా.. 12.50శాతం పనులు పెండింగ్లో ఉన్నాయి.
 
 అదేవిధంగా 92ప్యాకేజీలో 33కి.మీ నుంచి 68కిలోమీటరు వరకు కాలువలు లైనింగ్ వేయాల్సి ఉంది. ఇందుకు రూ44.04కోట్ల నిధులు మంజూరు కాగా.. దాదాపు రూ43.41కోట్లు ఖర్చు చేయగా.. 1.5శాతం పనులు మిగిలిపోయాయి. 93బిలో రూ73.06కోట్లు మంజూరు కాగా.. రూ55.47కోట్లు పనులు చేయడంతో 24.1శాతం పనులు నిలిచిపోయాయి. 92ఏలో రూ55.77కోట్లకు రూ30.73కోట్లు ఖర్చు చేయగా.. 32శాతం పనులు, 93ఏలో రూ38.81కోట్లకు రూ18.91కోట్లు చేయడంతో 50శాతం పనులు అసంపూర్తిగా నిలిచిపోయాయి.
  
 
 లైనింగ్ వేసిన కాలువల్లో మొలిచిన కంపచెట్లు :
  కాలువలను అధునీకరణలో భాగంగా కాలువలకు లైనింగ్ వేసిన నీరు సక్రమంగా రాకపోవడం, కాలువల సమీపంలోని పొలాలనుంచి మట్టి కోతకు గురి కావడంతో కాలువల్లో మట్టి రాళ్లతో ఉన్నాయి. దీంతో కాలువల్లో కంపచెట్లు పెరిగిపోయాయి. 6-8కి.మీ మధ్యలో అనంతపురం జిల్లా వెంకటాంపల్లె వద్ద కాలువలు లైనింగ్ వీసే సమయంలో పైనుంచి మట్టి జారిపడుతుండటంతో పనులు చేసేందుకు 6నెలల క్రితం ఎక్స్ఫర్ట్ కమిటీ పరిశీలన చేసిన పనులు ప్రారంభానికి నోచుకోలేదు.
 
 దెబ్బతింటున్న లైనింగ్లు.. :
  పీబీసీ కాలువల ఆధునీకరణలో భాగంగా పాలూరు డిస్ట్రిబ్యూటరీ కెనాల్ పరిధిలో ఏర్పాటు చేసిన లైనింగ్లు చాలాచోట్ల దెబ్బతిన్నాయి. కొన్నిచోట్ల భూమి కోతకు గురి కావడంతో కాలువల రంథ్రాలు పడ్డాయి. నీరు రాకముందే దెబ్బతింటుండటంతో రైతులు అసంతప్తి వ్యక్తం చేస్తున్నారు.
 
 త్వరలో పెండింగ్ పనులకు టెండర్లు పిలిచే అవకాశం :
  పీబీసీ ఆధునీకరణలో భాగంగా పెండింగ్లో ఉన్న పనులకు సంబంధించి నివేదికలను ఉన్నతాధికారులకు పంపించాం. పెండింగ్లో ఉన్న పనులను తిరిగి టెండర్లకు పిలిచి పనులు చేయిస్తాం. ఈ ఏడాది చివరి నాటికి పూర్తి చేయాలన్నదే లక్ష్యం.
          - కిరణ్ కుమార్(పీబీసీ ఈఈ), పులివెందుల
  


 2015-16లో టెక్‌మహీంద్రా వైస్ చైర్మన్ అత్యధిక ఆర్జన
  న్యూఢిల్లీ: ఐటీ కంపెనీ టెక్ మహీంద్రా వైస్ చైర్మన్ వినీత్ నయ్యర్ 2015-16 సంవత్సరంలో అందుకున్న ప్యాకేజీ అక్షరాలా రూ.181.74కోట్లు. దేశంలో అత్యధికంగా పారితోషికం అందుకున్న ఎగ్జిక్యూటివ్‌గా ఆయన రికార్డు సృష్టించారు. ఈ వేతన ప్యాకేజీలో స్టాక్ ఆప్షన్లను నగదుగా మార్చుకున్న మొత్తం కూడా కలిపి ఉంది. వేతనం రూపంలో రూ.1.27 కోట్లు రాగా... మిగిలిన మొత్తం స్టాక్ ఆప్షన్లను విక్రయించడం వల్ల సమకూరినట్టు కంపెనీ వార్షిక నివేదిక తెలియజేసింది. టెక్‌మహీంద్రా ఎగ్జిక్యూటివ్ వైస్ చైర్మన్‌గా నయ్యర్ 2015 ఆగస్ట్ 9న పదవీ విరమణ చేయగా... ఆయనకున్న అనుభవం దృష్ట్యా తిరిగి అడిషనల్ డైరక్టర్‌గా నియమించి వైస్ చైర్మన్ హోదా కట్టబెట్టారు. కాగా, టెక్ మహీంద్రా ఎండీగా ఉన్న సీపీ గుర్నానీ సైతం గత ఆర్థిక సంవత్సరంలో రూ.45.27 కోట్ల వేతనాన్ని అందుకున్నారు.


 ► అనంతగిరి ముంపునిర్వాసితుల ఆవేదన
 ► సంతకాల సేకరణకు వచ్చిన   అధికారులపై ఆగ్రహం
 ► తగిన పరిహారం ఇవ్వాలంటూ బైఠాయింపు
  
  
 ఇల్లంతకుంట: నిర్వాసితులందరికీ తగిన ప రిహారం చెల్లిస్తేనే రిజర్వాయర్ నిర్మాణానికి సహకరిస్తామని, లేదంటే తమ శవాలపైనే ని ర్మాణం చేసుకోండంటూ ఇల్లంతకుంట మం డలం అనంతగిరిలో నిర్వాసితులు అధికారులతో వాగ్వాదానికి దిగారు. కాళేశ్వరం ఎత్తిపోతల పదోప్యాకేజీలో భాగంగా 3.5 టీఎంసీల సామర్థ్యంతో నిర్మిస్తున్న రిజర్వాయర్‌లో భూ ములు, ఇళ్ళు కోల్పోతున్న నిర్వాసితులు అనంతగిరిలో శనివారం సంతకాల సేకరణ కోసం వచ్చిన భూసేకరణ విభాగం స్పెషల్ డెప్యూటీ కలెక్టర్ నటరాజ్, తహసీల్దార్ సుమాచౌదరిపై ఆగ్రహం వ్యక్తంచేశారు.
 
 గ్రామపంచాయతీ వద్ద ఏర్పాటు చేసిన సభలో ఎకరాకు రూ.10 లక్షల చొప్పున, ఇళ్లు, బావులు, చె ట్లకు తగిన పరిహారం చెల్లిస్తేనే తాము సహకరిస్తామని నిర్వాసితులు అధికారులకు తేల్చిచెప్పారు. ఎకరాకు రూ. 6 లక్షలతోపాటు ఇళ్ళ కు కొలతల ప్రకారం పరిహారం అందిస్తామ ని, బావులు, బోర్లను కూడా సర్వే చేసి లోతు ను బట్టి పరిహారం ఇస్తామని అధికారులు చెప్పారు. అనంతగిరి రిజర్వాయర్‌లోనే భూ ములు కోల్పోతున్న చిన్నకోడూరు మండలం కొచ్చగుట్టపల్లి, చల్కలపల్లి, అల్లీపూర్ గ్రామా ల్లో ముంపు నిర్వాసితుల బావులకు రూ. 2 లక్షలు మాత్రమే పరిహారం ఇస్తున్నారని, ఇళ్ళ కు రూ. 2 లక్షల నుంచి రూ. 5లక్షలు దాటడం లేదని ఆగ్రహం వ్యక్తం చేశారు.
 
 అందరికీ ఆమోదయోగ్యమైన పరిహారం, పునరావాసం కల్పించాలని డిమాండ్ చేశారు. అధికారులు అంగీకరించకపోవడంతో గ్రామపంచాయతీ ఎదుట బైఠాయించి అధికారులను అడ్డుకున్నారు. జెడ్పీటీసీ సిద్ధం వేణు కలుగజేసుకుని కలెక్టర్‌తో మాట్లాడి అందరికీ ఆమోదయోగ్యమైన పరిహారం వచ్చేలా కృషి చేస్తానని హామీ ఇవ్వడంతో వారు శాంతించారు. కార్యక్రమంలో సర్పంచ్ శ్రీమతి, ఎంపీటీసీ బాణవ్వ, తదితరులు పాల్గొన్నారు.


 అనంతపురం అర్బన్: హంద్రీ-నీవా పనులు వేగవంతం చేయాలని ప్రాజెక్టు ఇంజనీర్లను కలెక్టర్ కోన శశిధర్ ఆదేశించారు. సోమవారం కలెక్టరేట్‌లోని మినీ కాన్ఫరెన్స్ హాల్‌లో హంద్రీ-నీ వా పనుల పురోగతిపై ఆ శాఖ అధికారులతో సమీక్షించారు. కలెక్టర్ మాట్లాడుతూ ఈ ఏడాదిలోగా ప్రాజెక్టు పూర్తి చేయాలనే లక్ష్యంతో  ముఖ్యమంత్రి ఉన్నారన్నారు. ఆ దిశగా అధికారులు పనిచేయాలన్నారు. ప్యాకేజీల వారీగా పనుల పురోగతి వివరాలను అడిగి తెలుసుకున్నారు.
 
 ప్రాజెక్టు డిజైన్లను ప్యాకేజీల వారీగా మూడు రోజుల్లో అనుమతి మంజూరు చేయించుకుని నివేదిక ఇవ్వాలని ఆదేశించారు. అక్విడెక్టుల నిర్మాణం పూర్తి చేయాలని చెప్పారు. రైల్వే క్రాసింగ్‌లను జాగ్రత్తగా పరిశీలించి పటిష్ట చర్యలు చేపట్టాలన్నారు. పెండింగ్‌లో ఉన్న భూ సేకరణ పనులు వేగవంతం చేయాలని ప్రత్యేక డిప్యూటీ కలెక్టర్ రామ్మోహన్‌ను ఆదేశించారు. హంద్రీ-నీవా పూర్తి చేసి బుక్కపట్నం చెరువుకి నీరిస్తే జిల్లా రైతాంగాన్ని కరువు బారిన నుంచి కాపాడుకోవచ్చన్నారు. సమావేశంలో సీఈ జలందర్, ఎస్‌ఈ సుధాకర్‌బాబు, ఈఈ సుభాష్‌చంద్రారెడ్డి ఇతర అధికారులు పాల్గొన్నారు.


 ► పాలమూరు ఎత్తిపోతల ఆగినా ఈ పనులు ఆగొద్దు
 ► జూలైలో 2లక్షల ఎకరాలకు నీరివ్వడ మే లక్ష్యం
 ► రూ.1950 కోట్లు సిద్ధంగా ఉన్నాయి
 ► పనుల నిర్వహణలో అలసత్వం వద్దు
 ► ప్రతి సోమవారం పురోగతిపై సమావేశం నిర్వహించాలి
 ► రాష్ట్ర భారీ నీటిపారుదల శాఖ మంత్రి హరీష్‌రావు
  
  
  సాక్షి ప్రతినిధి, మహబూబ్‌నగర్  : వచ్చే జూలై నెలలో రెండు లక్షల ఎకరాల ఆయకట్టుకు నీరందించే లక్ష్యంగా యుద్దప్రాతిపదికన జిల్లాలో పెండింగ్ ప్రాజెక్టులను పూర్తి చేయాలని రాష్ట్ర భారీ నీటి పారుదల శాఖ మంత్రి హరీష్‌రావు అధికారులను ఆదేశించారు. ఆదివారం హైదరాబాద్ నుంచి మంత్రి జూపల్లి కృష్ణారావు, ప్రణాళికా సంఘం ఉపాధ్యక్షుడు నిరంజన్‌రెడ్డి, ప్రభుత్వ సలహాదారులు విద్యాసాగర్‌రావు, పెంటారెడ్డి, ఇరిగేషన్ ప్రిన్సిపల్ సెక్రెటరీ జోషి, ఈఎన్‌సీ మురళీధర్‌రావుతో కలిసి మంత్రి హరీష్‌రావు వీడియో కాన్ఫరెన్‌‌స ద్వారా జిల్లా అధికారులతో సమీక్షించారు. ప్రాజెక్టులు, ప్యాకేజీల వారిగా ఇంజనీరింగ్ అధికారులు, ఏజెన్సీలతో పనుల పురోగతిపై సమీక్షించారు. పాల మూరు జిల్లాలోని పెండింగ్ ప్రాజెక్టులైన కల్వకుర్తి, భీమా, నెట్టెంపాడు, కోయిల్‌సాగర్ ఎత్తిపోతల పథకాల ద్వారా 2లక్షల ఎకరాలకు సాగునీరు అందించేందుకు ప్రభుత్వం చిత్తశుద్ధితో ఉందని అన్నారు.
 
 95 శాతం పూర్తయి మిగతా 5శాతం పనులు పెండింగ్‌లో ఉండడం కారణంగా ప్రాజెక్టులు అనుకున్న లక్ష్యాన్ని చేరుకోలేదని, పనులు పూర్తి చేసేందుకు ప్రభుత్వం రూ.1950 కోట్లు కేటాయించిందన్నారు. జిల్లాలోని పెండింగ్ ప్రాజెక్టులను పూర్తి చేసేందుకు డబ్బులు ఇవ్వడంలేదనే దష్ర్పచారం జరుగుతుందని, అధికారులు సమన్వయంతో పనిచేసి పనులు పూర్తి చేయాలన్నారు. డబ్బులు, అనుమతులు ఇచ్చేందుకు ప్రభుత్వం సిద్ధంగా ఉందని పనులు సాఫీగా నిర్వహించి జూలై నెలలోగా పూర్తి చేయాలని ఆదేశించారు.
 
 భూసేకరణ ప్రక్రియను వేగవంతం చేసి పనులు సాఫీగా సాగే విధంగా చర్యలు తీసుకోవాలని జేసీ రాంకిషన్‌ను ఆదేశించారు. ప్రాజెక్టులకు నిధులు ఇచ్చినా పూర్తిచేయడంలో కాంట్రాక్టర్లు, ఇంజనీర్లు అలసత్వం ప్రదర్శిస్తే చర్యలు తప్పవన్నారు. ప్యాకేజీ వారీగా పనులు నిర్వహిస్తున్న కాంట్రాక్టర్లు, ఇంజనీర్లు వాట్సప్ గ్రూపులోకి రావాలని ఎక్కడ ఏ సమస్య వచ్చినా మెసేజ్ ఇవ్వాలని సూచించారు.
 
  గడువులోగా పూర్తిచేయకుంటే చర్యలు
 నిర్ణయించిన గడువులోగా పనులు చేయకపోతే తెలంగాణలో ఎక్కడా పనులు చేయకుండా చర్యలు తీసుకుంటామన్నారు. ప్రాజెక్టులను ఎలా పూర్తి చేయాలో ఈ రోజే ఎంతరాత్రయినా అధికారులకు టార్గెట్‌లు ఇచ్చి ప్రణాళికను సిద్ధం చేసుకోవాలని జిల్లా ప్రాజెక్టుల సీఈ ఖగేందర్‌ను మంత్రి ఆదేశించారు. ఇసుక సమస్య రాకుండా అసైన్డ్, పట్టా భూముల్లో అనుమతులు మంజూరు చేయాలని జేసీని ఆదేశించారు. పాలమూరు జిల్లాలోని పెండింగ్ ప్రాజెక్టులను దృష్టిలో ఉంచుకొనే రాష్ట్రంలోని అన్ని ప్రాజెక్టుల పరిధిలోని కాంట్రాక్టర్లకు అడ్వాన్సులు ఇచ్చామన్నారు.
 
 పాలమూరు ఎత్తిపోతల పనులు ఆగినా పెండింగ్ ప్రాజెక్టుల పనులు ఆగొద్దని మంత్రి సూచించారు. ప్రతి సోమవారం జిల్లా కేంద్రంలో జాయింట్ కలెక్టర్ సమక్షంలో సమావేశం నిర్వహించుకొని ప్రాజెక్టు పనుల తీరుపై చర్చించాలని ఆదేశించారు. డిండి వరకు నీరిస్తేనే కేఎల్‌ఐ పూర్తయినట్లు అని అన్నారు. అంతకుముందు ప్యాకేజీ వారిగా పురోగతిపై చర్చించారు. ఈ సమావేశంలో డీఆర్‌ఓ భాస్కర్, పాలమూరు-రంగారె డ్డి ఎత్తిపోతల ప్రాజెక్టు సీఈ లింగరాజు, ఎస్‌ఈలు పీజేపీ రఘునాథ్‌రావు, కేఎల్‌ఐ భద్రయ్య, పీఆర్‌ఎల్ నర్సింహ, ఈఈలు, కాంట్రాక్టర్లు పాల్గొన్నారు.


 అప్పటి వరకు ఇక్కడి నుంచి కదిలేది లేదు
 స్పష్టం చేసిన మణుగూరు ఓసీ నిర్వాసితులు
  
 మణుగూరు(ఖమ్మం) : మణుగూరు ఓపెన్‌కాస్ట్ ప్రాజెక్టు కింద ఎగ్గడిగూడెం, పద్మగూడెం, కొమ్ముగూడెం, మల్లేపల్లి గ్రామాలు ముంపునకు గురవుతున్నారుు. నిర్వాసితులందరికీ పరిహారం అందలేదు. శనివారం ఓసీ ప్రాజెక్టు అధికారి తన్నీరు వెంకటేశ్వరరావు, సెక్యూరిటీ అధికారి శ్రీనివాస్ సిబ్బందితో కలిసి ఎగ్గడిగూడెం వచ్చారు. ప్యాకేజీ తీసుకున్నవారు ఇళ్లు ఖాళీ చేసి వెళ్లాల ని, లేకుంటే డోజర్‌తో కూల్చేస్తామని చెప్పడంతో గ్రామస్తులు ఆందోళన చెందారు. గ్రామంలో ఇంకా 30 కుటుంబాలకు ప్యాకే జీ అందాల్సి ఉందని, చెల్లిస్తేనే అందరం వెళ్తామని చెప్పారు. ఈ క్రమంలో సింగరేణి అధికారులకు, గ్రామస్తులకు మధ్య వాగ్వా దం జరిగింది. మణుగూరు సీఐ పెద్దన్నకుమార్ వచ్చి వారితో మాట్లాడారు.
 
 ప్యాకేజీ వచ్చిన వారు వెళితే మిగిలిన వారు బిక్కుబిక్కుమంటూ భయంతో బతకాల్సి వస్తుందని ఆవేదన వ్యక్తం చేశారు. ప్యాకేజీ డబ్బుతో పినపాక మండలం ఐలాపురంలో భూములు కొనుక్కుంటే ఇతరులు గుడిసెలు వేస్తున్నారని, మా పరిస్థితి రెంటికి చెడ్డ రేవడిగా మారిందని బాధితులు వాపోయూ రు. సీపీఐ జిల్లా కార్యవర్గ సభ్యుడు అయోధ్య మాట్లాడుతూ ఏడేళ్లుగా సింగరేణి, రెవెన్యూ అధికారులు గ్రామస్తులను ఇబ్బంది పెడుతున్నారని, అందరికీ పరిహారం అందిన తర్వాతే గ్రామం ఖాళీ అవుతుందని స్పష్టం చేశారు.
  
 మైనారిటీ తీరినా ప్యాకేజీ ఇవ్వడం లేదు
 చిన్నతనంలోనే నా తల్లిదండ్రులు చనిపోయారు. అప్పటి నుంచి అమ్మమ్మ ఎగ్గడి పుల్లమ్మ వద్దే ఉంటున్నాను. భూసేకరణ సమయంలో నా వయసు 17 ఏళ్లు ఉండడంతో ఆర్‌అండ్‌ఆర్ ప్యాకేజీ ఇవ్వలేదు. ఇప్పుడు 22 ఏళ్లు. మైనారిటీ తీరినా ప్యాకేజీ ఇవ్వడంలేదు.  - ముడిదెం నవీన్, ఎగ్గడిగూడెం


 కళ్లకు గంతలు కట్టుకొని ఎంఆర్‌పీఎస్ నిరసన
  
 కర్నూలు(అర్బన్): ఎస్సీ వర్గీకరణ సాధన  కోసం చేస్తున్న పోరాటంలో నాయకులను అరెస్టు చేసి ఉద్యమాలను ఆపాలేరని  ఎంఆర్‌పీఎస్ జిల్లా ఉపాధ్యక్షుడు కమతం పరశురాం మాదిగ అన్నారు. ఎంఆర్‌పీఎస్ వ్యవస్థాపకుడు మందకృష్ణమాదిగ అరెస్ట్‌ను వ్యతిరేకిస్తూ శుక్రవారం ఆ సమితి పట్టణ ఇన్‌చార్జ్ రవి మాదిగ అధ్యక్షతన నేతలు, కార్యకర్తలు స్థానిక పాతబస్టాండ్ అంబేడ్కర్ విగ్రహం ఎదుట కళ్లకు గంతలు కట్టుకొని నిరసన తెలిపారు . ఈ సందర్భంగా ఆయన మాట్లాడుతూ వర్గీకరణ సాధనకు ప్రాణ త్యాగాలకైనా సిద్ధమన్నారు. కొందరు మాదిగ నేతలు ముఖ్యమంత్రి చంద్రబాబు, మంత్రి రావెల కిశోర్‌బాబుతో ప్యాకేజీలు కుదుర్చుకుని వర్గీకరణకు అడ్డుపడుతున్నారని ఆరోపించారు. 
 
 జిల్లా అధ్యక్షుడు సుభాష్ చంద్రమాదిగ మాట్లాడుతు వర్గీకరణ విషయంలో  ముఖ్యమంత్రి నిర్లక్ష్యాన్ని ఎండగడతామన్నారు.  ఆయన ఇచ్చిన మాటను నిలబెట్టుకునే వరకు ఆందోళనలు కొనసాగిస్తామని హెచ్చరించారు. ఈ కార్యక్రమంలో ఎంఆర్‌పీఎస్ నాయకులు రామకృష్ణమాదిగ, బీవీ రమణ మాదిగ, రమణమ్మ, సత్యమ్మ, లక్ష్మమ్మ, తిమోతి, ప్రభుదాసు, వెంకటేష్ తదితరులు పాల్గొన్నారు.
  
  మంద కృష్ణను విమర్శించే అర్హత లేదు
 మందకృష్ణమాదిగను విమర్శించే అర్హత మాల విద్యార్థి సంఘం నాయకులకు లేదని ఎంఎస్‌ఎఫ్ రాష్ట్ర కోఆర్డినేటర్ పరమేశ్‌మాదిగ అన్నారు.  ముఖ్యమంత్రి చంద్రబాబు వద్ద ప్యాకేజీలు ఎవరు మాట్లాడుకున్నారో ప్రజలందరికీ తెలుసన్నారు. మాల మాదిగ


 ⇒ రూ.70 వేలకు మా బతుకులను పణంగా  పెట్టమంటారా?
 ⇒ 45 కంపెనీల పైపులైన్‌కు ప్యాకేజీ ఇదేనా?
 ⇒ పైపులైన్‌తో  మాకు భవిష్యత్తే ఉండదు
 ⇒ డిమాండ్లు నెరవేర్చే వరకు అనుమతిచ్చే ప్రసక్తే లేదు
 ⇒ కలెక్టర్ ఎదుట కుండబద్దలు కొట్టిన పూడిమడక  గ్రామస్తులు
  
  
 విశాఖపట్నం:  ‘45 కంపెనీల వ్యర్థాలను మా గ్రామం వద్ద సముద్రంలో కలిపేందుకు పైపులైన్ వేస్తా మంటున్నారు. రసాయన వ్యర్థాలు సముద్రంలో కలిస్తే ఇక మాకు జీవనోపాధి ఎక్కడ ఉంటుంది. ఈ ప్రాంతంలో ఎక్కడైనా మత్స్యసంపద కాదు కదా.. కనీసం చేప పిల్లకూడా దొరకదు. మేం ఎలాబతకాలి. మా పిల్లల్ని ఎలా పోషించుకోవాలో మీరే చెప్పండి. మీరిచ్చే రూ.70 వేలకు మా వందేళ్ల జీవితాన్ని పణంగా పెట్టమంటారా?’ అంటూ అచ్యుతాపురం మండలం పూడిమడక గ్రామస్తులు తీవ్ర స్థాయిలో మండిపడ్డారు. ప్రతిసారి ఇలా కలెక్టరేట్‌లో సమావేశాలు పెట్టడం.. ప్యాకేజీ ఇస్తాం.. పైపులైన్ నిర్మాణానికి అడ్డుపడొద్దంటూ ఒత్తిడితేవడంసరి కాదు. మాప్రాంతంలో కాలుష్యం వెదజల్లే పరిశ్రమల ఏర్పాటుకు, కలుషిత వ్యర్థాలను మా గ్రామం వద్ద సముద్రంలో కలిపేందుకు అత్యుత్సాహం చూపే మీరు.. మా భవిష్యత్ కోసం ఆలోచించరా? అంటూ ప్రశ్నించారు.
 
 కలెక్టరేట్ కార్యాలయంలో  మంగళవారం పూడిమడక పైపులైన్ నిర్మాణ విషయమై మత్స్యకార సంఘాల నాయకులతో కలెక్టర్ డాక్టర్ ఎన్.యువరాజ్ ప్రత్యేక సమావేశం నిర్వహించారు. సమావేశంలో పూడిమడక గ్రామస్తుల తరపున మత్స్యకార సంఘాల నాయకులు మాట్లాడుతూ పైపులైన్ ఏర్పాటుకు తాము వ్యతి రేకం కాదని.. మా బతుకులకు భరోసా ఇవ్వమని మాత్రమే కోరుతున్నామని చెప్పారు. రూ.70 వేల ప్యాకేజీకి మేమంతా ఒప్పంకుంటున్నట్టు ప్రకటనలు ఇవ్వడం ఎంతవరకు సమంజసమని, 45 కంపెనీలకు చెందిన పైపులైన్‌కు ఇచ్చే ప్యాకేజీ ఇదేనా అని వారు ప్రశ్నించారు. తక్షణమే మా గ్రామాన్ని పూర్తిగా దత్తత తీసుకొని అన్ని రంగాల్లో అభివృద్ధి చేయాలని డిమాండ్ చేశారు. పదవతరగతి విద్యార్హత ఉన్న ప్రతీ ఒక్కరికి రూ.6 వేల కనీస వేతనంతో ఆయా కంపెనీల్లో ఉద్యోగ అవకాశాలు కల్పించాలని,  ట్రైనింగ్ పూర్తిచేసుకున్న 600 మందికి ఉపాధి కల్పించాలన్నారు. విద్యార్హత లేని 40ఏళ్ల నిండిన వారికి రిహేబిటేషన్ కార్డు ఇప్పించాలని కోరారు. ఏపీఎస్‌ఈజెడ్ పరిధిలో కనీసం 4వేల స్టయిఫండ్‌తో అన్నిరకాల ఇండస్ట్రియల్ ట్రైనింగ్ ఇనిస్టిట్యూట్ ఏర్పాటుచేయాలని, ఇక్కడ ట్రైనింగ్ పూర్తి చేసిన ప్రతీ ఒక్కరికి స్థానిక పరిశ్రమల్లో ఉద్యోగాలు కల్పించాలని డిమాండ్ చేశారు. కులవృత్తుల వారికి పర్మినెంట్ వర్క్ కార్డు ఇప్పించాలని, అగ్రిమెంట్ ప్రకారమే కాకుండా ఏటా 150 నుంచి 200 మంది స్థాని క యువతకు ఉద్యోగ అవకాశాలు కల్పించాలన్నారు.
 
 పైపులైన్ ద్వారా వచ్చే వ్యర్థాల వలన ఎన్టీపీసీ కంపెనీ ద్వారా వచ్చే కాలుష్యం బారిన పడి అనారోగ్యాల పాలవుతున్న గ్రామస్తుల కోసం ఓ ఉచిత మల్టీస్పెషాలిటీ ఆస్పత్రి నిర్మించాలన్నారు. గ్రామంలోని పిల్లలకు కేజీ నుంచి పీజీ వరకు ఉచిత విద్య అందించాలని, ప్రకృతి వైపరీత్యాల నుంచి కాపాడేందుకు రక్షణ గోడతో పాటు  జెట్టీ నిర్మించాలని కోరారు.
  
 ప్రతి ఒక్కరికి ఉద్యోగం: పైపులైన్ నిర్మాణ విషయంలో మత్స్యకార కుటుంబానికి ప్రత్యేక ప్యాకేజీ కింద రూ.70వేలు ఇస్తామని, ప్రతీ కుటుంబంలో అర్హులైన ఒకరికి ఉద్యోగ అవకాశం కల్పిస్తామని కలెక్టర్ హామీ ఇచ్చారు. ఇప్పటికే సర్వే పూర్తయిందని. గ్రామంలో 398 మంది డిగ్రీ చదువు కున్నట్టు గుర్తించామని, మరికొంత మంది యువతకు సాంకేతిక విద్యార్హతలను బట్టి ఉద్యోగ అవకాశాలు కల్పిస్తామన్నారు. జెట్టీ నిర్మాణానికి అవసరమైన డీపీఆర్  తయారీకి ఏజెన్సీని త్వరలో ఖరారుచేస్తామని చెప్పారు. ఇతర డిమాండ్లను ప్రభుత్వానికి నివేదిస్తామని, సీజన్ దాటిపోకుండా ఆఫ్‌షోర్ పైపులైన్ నిర్మాణానికి గ్రామస్తులు అనుమతించాలని కలెక్టర్ విజ్ఞప్తి చేసినా, మత్స్యకార సంఘ నాయకులు మాత్రం ససేమిరా అన్నారు. ప్యాకేజీ మొత్తాన్ని పెంచాల్సిందేనని, తాము సూచించిన డిమాండ్లను పరిష్కరించేంత వరకు పైపులైన్ నిర్మాణాన్ని అడ్డుకుంటామని తేల్చి చెప్పారు. ఈ సమావేశంలో కలెక్టర్ జె.నివాస్, అనకాపల్లి ఆర్డీవో పద్మావతి, ఎస్‌డీసీ సత్తిబాబు, ఏపీఐఐసీ జెడ్‌ఎం యతిరాజు, మత్స్యశాఖ జేడీ కోటేశ్వరరావు, వైఎస్సార్‌సీపీ యలమంచిలి సమన్వయకర్త ప్రగడ నాగేశ్వరరావు, స్థానిక మత్స్యకార నాయకులు చినరాజలు, చేపల శ్రీరాములు, మేరుగ బాపు నాయుడు తదితరులు పాల్గొన్నారు.
  
  


 సాక్షి, హైదరాబాద్: ప్రభుత్వం ప్రతిష్టాత్మకంగా చేపట్టిన ప్రాణహిత-చేవెళ్ల ప్రాజెక్టు ప్యాకేజీ 9లో భాగంగా మిడ్‌మానేరు నుంచి అప్పర్ మానేరు వరకు ఉన్న పనుల్లో మార్పులు చేస్తూ ఉన్నతస్థాయి కమిటీ చేసిన సిఫార్సులను ఆమోదిస్తూ ప్రభుత్వం బుధవారం ఉత్తర్వులిచ్చింది. వచ్చే రెండేళ్లలో ఈ పనులు పూర్తిచేసేలా మార్పులను ఆమోదిస్తున్నట్లు పేర్కొంది. ప్రాణహిత-చేవెళ్ల ప్రతిపాదిత డిజైన్‌లో పలు మార్పులకు శ్రీకారం చుట్టిన ప్రభుత్వం... ఎల్లంపల్లి నుంచి కొమరవెల్లి మల్లన్నసాగర్ వరకు పలు మార్పులు చేసింది.
  వీటి మధ్యలో ఉండే అనంతగిరి రిజర్వాయర్ సామర్థ్యాన్ని 1.7 టీఎంసీల నుంచి 3.5 టీఎంసీలకు పెంచగా, ఇమామాబాద్ సామర్థ్యాన్ని 1.5 టీఎంసీల నుంచి 0.8 టీఎంసీలకు తగ్గించింది. కొమరవెల్లి మల్లన్నసాగర్ సామర్థ్యాన్ని 1.50 టీఎంసీ నుంచి 50 టీఎంసీలకు పెంచింది. తాజాగా మిడ్‌మానేరు, అప్పర్ మానేరు మధ్యలో ఉన్న మలక్‌పేట బ్యారేజీ సామర్థ్యాన్ని 0.35 టీఎంసీల నుంచి 3 టీఎంసీలకు పెంచిం ది. నిజానికి ప్యాకేజీ 9 కింద మొత్తంగా 80 వేల ఎకరాల ఆయకట్టుకు నీరివ్వాలన్నది ప్రభుత్వ లక్ష్యం. ఈ పనులకు మొత్తంగా రూ.714.96 కోట్ల అంచనాతో పనులు చేపట్టగా... రూ. 62 కోట్ల మేర పనులు పూర్తయ్యాయి.


 బిహార్ ఎన్నికల తుది దశ పోలింగ్...అదే రోజు ఎగ్జిట్ పోల్స్ హడావుడి...దానిపై చర్చోపచర్చలు... ఆ తర్వాత ఆదివారం జరిగిన ఓట్ల లెక్కింపు సందడిపై దేశమంతా దృష్టి నిలిపిన సమయంలో ప్రధాని నరేంద్ర మోదీ జమ్మూ-కశ్మీర్ పర్యటన ముగిసింది. శ్రీనగర్‌లో ఆయన ఒక బహిరంగ సభలో కూడా మాట్లాడారు. ఆ సందర్భంగా రాష్ట్రానికి రూ. 80,000 కోట్ల భారీ ఆర్థిక ప్యాకేజీని ప్రకటించారు.
 
 ‘ఇది ఇక్కడతో ముగిసేది కాదు...ప్రారంభం మాత్రమే’నని కూడా చెప్పి ఉత్సాహ పరచడానికి ప్రయత్నించారు. జమ్మూ-కశ్మీర్ చాలా తక్కువ వ్యవధిలోనే రెండుసార్లు వరద తాకిడికి లోనై అనేక ఇబ్బందుల్ని చవిచూసింది. నిరుడు సెప్టెంబర్‌లో, మొన్న ఏప్రిల్‌లో కుండపోతగా వర్షాలు, ఆపై నదులు, సరస్సులు ఉప్పొంగి శ్రీనగర్‌సహా పట్టణాలు, గ్రామాలు మునిగిపోయాయి. మొదటి వరదల్లో 200 మంది మృత్యు వాతపడ్డారు. రెండోసారి ఆ స్థాయిలో ప్రాణ నష్టం లేకపోవచ్చుగానీ లక్షలమంది ప్రజలు సర్వం కోల్పోయి చెప్పనలవికాని అగచాట్లు పడ్డారు. ఈ నేపథ్యంలోమోదీ పర్యటనపై ఆ రాష్ట్ర ప్రజలు చాలా ఆశలు పెట్టుకున్నారు.   
 
 జమ్మూ-కశ్మీర్ రాష్ట్రం నిత్యం సమస్యలతో సతమతమయ్యే ప్రాంతం. సరిహద్దు రాష్ట్రం కావడంవల్లా, పాకిస్తాన్ వైపునుంచి తరచుగా చొరబాట్లు ఉండటంవల్లా ఉద్రిక్తతలు అధికం. ఉపాధి కల్పనలో, మౌలిక సదుపాయాల్లో ఎంతో వెనకబడి ఉండటం యువతలో తీవ్ర అసంతృప్తిని రేకెత్తిస్తున్నది. పుష్కలంగా వనరులున్నా వాటిని వినియోగించుకోవడంలో నిస్సహాయంగా మిగలడంవల్ల ఆర్థికాభివృద్ధికి ఆ రాష్ట్రం ఆమడ దూరంలో ఉంటున్నది. పరస్పర విరుద్ధ అభిప్రాయాలున్న పీడీపీ, బీజేపీలు కూటమిగా ఏర్పడి ప్రభుత్వాన్ని ఏర్పర్చినప్పుడు ఈ పరిస్థితిలో మార్పు వస్తుందని అందరూ ఆశించారు. ప్రస్తుతం రాష్ట్రాన్ని పట్టి పీడిస్తున్న సమస్యలకు మెరుగైన పరిష్కారాన్ని అన్వేషించడం సాధ్యమవుతుందని  భావించారు. జమ్మూలో అధిక స్థానాలు గెలుచుకున్న బీజేపీ... కశ్మీర్‌లో జనామోదం పొందిన పీడీపీలు సమష్టిగా రెండు ప్రాంతాల అభివృద్ధికీ కృషి చేస్తాయని విశ్వసించారు.
 
 కానీ, ఆచరణలో అది సాధ్యమవుతున్న సూచనలు కనబడటం లేదు. వివిధ అంశాల్లో ఇద్దరూ భిన్న ధ్రువాలుగా వ్యవహరించడం, అందువల్ల తరచు పొరపొచ్చాలు ఏర్పడటం మామూలైంది. కశ్మీర్ వరదల్లో సర్వం కోల్పోయిన ప్రజల్ని ఆదుకోవడంలో కూడా ఇలాంటివి ఆటంకంగా మారాయా...లేక ప్రభుత్వ యంత్రాంగంలో సహజంగా ఉండే అలసత్వం కారణంగా ఆలస్యమైందా అన్నది ఎవరికీ తెలియదుగానీ సామాన్య పౌరులైతే ఈనాటికి కూడా సాయం కోసం ఎదురుచూస్తున్నారు. ఇలాంటి సమయంలో నరేంద్ర మోదీ ఆర్భాటంగా ఆర్థిక ప్యాకేజీని ప్రకటించారు. అంతేకాదు...దీన్ని త్వరగా వ్యయపరిచి మరింత సాయాన్ని అడిగే బాధ్యతను ముఖ్యమంత్రి ముఫ్తీ మహ్మద్ సయీద్‌పైనే ఉంచారు.
 
 మోదీ ప్రకటించిన సాయం ఈ నేపథ్యంలో కశ్మీర్ ప్రజలకు మోదం కలిగించాలి. కానీ  దాదాపు అందరూ పెదవి విరుస్తున్నారు. అందుకు కారణాలు న్నాయి. వరదల అనంతరం రాష్ట్రానికి సంభవించిన నష్టాన్ని ఏకరువు పెడుతూ ఆ రాష్ట్ర ప్రభుత్వం రూ. 44,500 కోట్లు అర్థిస్తూ కేంద్రానికి అప్పట్లోనే ప్రతిపాదనలు పంపింది. దీన్ని ప్రత్యేక సాయంగా అందించాలని కోరింది. బాధిత కుటుంబాల సహాయ, పునరావాసాలకు ఈ సొమ్మును వినియోగించాల్సిన అవసరం ఉన్నదని వివరించింది. కానీ ఆ విషయంలో రాష్ట్ర ప్రభుత్వానికి నిర్దిష్టమైన సమాధానం లభించలేదు. ఇప్పుడు మోదీ ప్రకటించిన ఆర్థిక ప్యాకేజీలో కూడా అందుకు సంబంధించి ఎంత కేటాయించారో లేదు.
 
 పైగా ఆ ప్యాకేజీ నిండా దాదాపు పూర్తి కావచ్చిన ప్రాజెక్టులూ, ఇంకా పనులు కొనసాగుతున్న ప్రాజెక్టులూ... ఉపాధి కల్పన కోసం కేంద్ర, రాష్ట్ర ప్రభుత్వాలకు చెందిన వివిధ సంస్థలు చేపట్టిన ప్రాజెక్టులూ గుదిగుచ్చి దాన్ని పెంచి చూపారని విమర్శలు వెల్లువెత్తుతున్నాయి. నాలుగేళ్లనాడు కేటాయించిన నిధుల్ని చూపడంవల్ల తమకు ఒరిగేదేమిటని కూడా అక్కడివారు ప్రశ్నిస్తున్నారు. మొన్న ఆగస్టులో బిహార్ ఎన్నికలు ప్రకటించడానికి ముందు ఆ రాష్ట్రానికి ప్రకటించిన లక్షా 65 వేల కోట్ల రూపాయల ప్యాకేజీ విషయంలోనూ ఇలాంటి విమర్శలే తలెత్తిన సంగతిని ఇక్కడ ప్రస్తావించు కోవాలి. వరదల వల్ల కశ్మీర్‌కు కలిగిన నష్టం సామాన్యమైనది కాదు.
 
 లక్షల ఇళ్లు కూలి పోయాయి. రోడ్లు ధ్వంసమయ్యాయి. కమ్యూనికేషన్ల సదుపాయాలు దెబ్బతిన్నాయి. సామాన్య జనం ఎన్నో సమస్యలను ఎదుర్కొంటున్నారు. వరదల సమయంలో మోదీ స్వయంగా ఆ ప్రాంతంలో పర్యటించి అక్కడి పరిస్థితిని చూశారు. అది జాతీయ విపత్తు అని కూడా ప్రకటించారు. అలాంటపుడు వరద సాయం అందించడంలో ఇంత జాప్యం చోటుచేసుకోవడం మాత్రమే కాదు...ఎప్పుడో ప్రకటించిన ప్రాజెక్టులన్నిటినీ చేర్చి భారీ మొత్తంలో సాయం అందిస్తున్నట్టు చెప్పడం ఆశ్చర్యం కలిగిస్తుంది.
 
 మోదీ జరిపిన పర్యటనకూ, గత ప్రధానులు జరిపిన పర్యటనలకూ మౌలికంగా తేడా ఉంది. వాజపేయి, పీవీ, మన్మోహన్ సింగ్‌లు వెళ్లినప్పుడల్లా జమ్మూ-కశ్మీర్ సమస్యకు రాజకీయ పరిష్కారం సాధించడానికి కృషి చేస్తామన్న హామీ ఇచ్చేవారు. అవి సాకారమయ్యాయా, లేదా అన్న సంగతలా ఉంచి కశ్మీర్ ప్రజలకు వాటివల్ల ఎంతో కొంత ఆశ పుట్టేది. ఏదో జరుగుతుందన్న భరోసా కలిగేది. మోదీ మాత్రం అందుకు భిన్నంగా ఆర్థిక ప్యాకేజీని ప్రకటించడం....కేంద్రంనుంచి రాష్ట్రానికి అన్నివిధాలా సాయం అందుతుందన్న హామీ ఇవ్వడం తప్ప రాజకీయ పరిష్కారం గురించి మాట్లాడలేదు.
 
 అయితే వాజపేయి కశ్మీర్ వెళ్లినప్పుడు ఇచ్చిన ‘ప్రజాస్వామ్యం-కశ్మీరీ ఆకాంక్షలు-మానవతావాదం’ అన్న నినాదాన్ని మోదీ గుర్తుచేశారు. నిజానికి ఈ అంశాల్లో ప్రత్యేక శ్రద్ధపెట్టి పరిష్కారానికి కృషి చేయగలిగితే అక్కడి ప్రజల విశ్వాసాన్ని చూరగొనడం సులభమవుతుంది. జమ్మూ- కశ్మీర్ రూపురేఖలే మారిపోతాయి. గతంతో పోలిస్తే కశ్మీర్‌లో మిలిటెన్సీ తగ్గుముఖం పట్టింది. స్వల్పంగానైనా పరిస్థితులు మెరుగుపడ్డాయి. ఇలాంటి సమయంలో అక్కడి ప్రజలకు మరింత చేరువకావడం ఎలాగన్న అంశంపై దృష్టి సారించాలి. వారికి గతంలో లభించిన హామీలేమిటో, వాటిలో తక్షణం అమలు చేయదగ్గవి ఏమేమి ఉన్నాయో చూడాలి. రాగలకాలంలోనైనా ఆ దిశగా కేంద్ర, రాష్ట్ర ప్రభుత్వాలు రెండూ దృష్టి సారించాలి.


 సాక్షి, న్యూఢిల్లీ: ఆంధ్రప్రదేశ్‌కు ప్రధానమంత్రి సూచించిన రోడ్ మ్యాప్‌లో పేర్కొన్న విధంగా నిధులు, ప్యాకేజీ, ఇతర అంశాలపై నివేదికను త్వరగా ఇవ్వాలని ముఖ్యమంత్రి చంద్రబాబు నాయుడు నీతి ఆయోగ్ సంస్థ వైస్ చైర్మన్ అరవింద్ పణగారియాను కోరారు. శుక్రవారం ఢిల్లీ పర్యటనకు వచ్చిన ముఖ్యమంత్రి.. మధ్యాహ్నం నీతిఆయోగ్‌లో పణగారియాతో సమావేశమయ్యారు. విభజన చట్టంలోని హామీల అమలుకు కేంద్రం చట్టబద్ధంగా ఇవ్వాల్సిన నిధులు, వెనకబడిన ప్రాంతాల అభివృద్ధికి ప్రత్యేక ప్యాకేజీ తదితర అన్ని అంశాలతో కూడిన ఆర్థిక సిఫారసుల నివేదికకు నీతి ఆయోగ్ తుది మెరుగులు దిద్దుతోంది.
 
 దీన్ని వేగవంతం చేయాలని చంద్రబాబు కోరారు. సాధ్యమైనంత త్వరగా పూర్తి చేస్తామని పణగారియా, సీఎంకు వివరించా రు. సాయంత్రం ఇక్కడి విజ్ఞాన్‌భవన్‌లో జరుగుతున్న ‘ఢిల్లీ ఎకనమిక్స్ కాంక్లేవ్-2015’లో పాల్గొని సీఎం ప్రసంగించారు. అనంతరం సీఐఐ ప్రతినిధులతోనూ భేటీ అయ్యారు.
  
 జామ్‌తో పేదరిక నిర్మూలన సాధ్యం
 ఆర్థిక విధానాలు స్వచ్ఛ రాజకీయాలకు నాంది పలుకుతాయని, సాంకేతిక పరిజ్ఞానం సాయంతో జన్‌ధన్, ఆధార్, మొబైల్ అనుసంధానం (జామ్) పేదరిక నిర్మూలనకు దోహదపడడం ఇందుకు తార్కాణమని చంద్రబాబు పేర్కొన్నారు. పేదరిక నిర్మూలన కోసం వేల కోట్ల సబ్సిడీలు, రాయితీలు ఇస్తున్నా.. వాటి లక్ష్యం నెరవేరడం లేదని వివరించారు. ఎరువులపై వెచ్చిస్తున్న రూ.73,790 కోట్ల సబ్సిడీ.. ఎరువుల తయారీదారులకే ప్రయోజనకారిగా మారిందన్నారు. ప్రజాపంపిణీ వ్యవస్థ, ఉపకార వేతనాల పంపిణీ కూడా లీకేజీ పాలవుతోందని ఆవేదన వ్యక్తంచేశారు.
  
 8.58 లక్షల బోగస్ కార్డులు ఏరివేశాం
 ‘దళారులు, లీకేజీలు అరికట్టేందుకు కఠిన చర్యలు తీసుకున్నాం. 8.58 లక్షల బోగస్ కార్డులను ఏరివేశాం. 8.17 లక్షల ఉపాధి లబ్ధిదారుల అక్రమ కార్డులను తొలగించాం. అలాగే 1.5 లక్షల పెన్షనర్లను తొలగించాం. ఆధార్ ఆధారిత చెల్లింపుల ద్వారా ప్రస్తుత ఆర్థిక సంవత్సరమే దాదాపు రూ. 744 కోట్లు ఆదా చేశాం. రానున్న సంవత్సరాల్లో ఇది మరింత పెరుగుతుంది’ అని చంద్రబాబు పేర్కొన్నారు.
  
 సీఐఐ ప్రతినిధులు భేటీ..
 ఫిబ్రవరి 18, 19, 20, 21 తేదీల్లో విశాఖలో సీఐఐ ఆధ్వర్యంలో నిర్వహించే అంతర్జాతీయ బయోటెక్నాలజీ సదస్సుకు హాజరు కావాలని కోరుతూ సీఐఐ ప్రతినిధులు ఇక్కడ ముఖ్యమంత్రిని కలిశారు.
  
 బాక్సైట్‌పై  చర్చిస్తాం : సీఎం
  బాక్సైట్ తవ్వకాలకు సంబంధించి కేంద్ర పర్యావరణ శాఖ నుంచి ఏపీఎండీసీకి అనుమతులు వచ్చాయని, తవ్వకాలపై అందరితో చర్చిస్తామని ఏపీ సీఎం చంద్రబాబు చెప్పారు. దీన్ని ప్రతిపక్షాలు రాజకీయం చేస్తున్నాయని  విమర్శించారు. గిరిజనుల ప్రయోజనాలు కాపాడుతామని, అందుకు ఎలా చేయాలో అలా చేస్తామని చెప్పారు.  శుక్రవారం ఢిల్లీ పర్యటనలో భాగంగా పలు సమావేశాల్లో సీఎం పాల్గొన్నారు. అనంతరం రాత్రి  విలేకరులతో మాట్లాడారు.


 - ఇసీబీ  ప్యాకేజీ  ప్రభావం
 - సెన్సెక్స్ 183 పాయింట్లు అప్
 యూరోపియన్ సెంట్రల్ బ్యాంక్ (ఇసీబీ) త్వరలో ఉద్దీపన ప్యాకేజీని ప్రకటించే సంకేతాలనివ్వడంతో శుక్రవారం ప్రపంచ మార్కెట్లన్నీ ర్యాలీ జరిపాయి. ఇదే క్రమంలో భారత్ మార్కెట్ రెండు నెలల గరిష్టస్థాయి వద్ద ముగిసింది. బీఎస్‌ఈ సెన్సెక్స్ 183 పాయింట్ల పెరుగుదలతో 27,471 పాయింట్ల వద్ద, ఎన్‌ఎస్‌ఈ నిఫ్టీ 44 పాయింట్ల వృద్ధితో 8,295 పాయింట్ల వద్ద క్లోజయ్యాయి. డాలరుతో రూపాయి మారకపు విలువ సైతం 64,82 స్థాయికి పుంజుకోవడంతో సెంటిమెంట్ మరింత మెరుగుపడింది. ఆర్థిక వ్యవస్థను పునరుత్తేజపర్చడానికి మరిన్ని రేట్ల తగ్గింపులు వుంటాయంటూ ఈసీబీ ప్రెసిడెంట్ మారియో డ్రాఘి గురువారం సాయంత్రం సంకేతాలిచ్చారు. దాంతో అమెరికా మార్కెట్ పెద్ద ఎత్తున ర్యాలీ జరిపింది. ఈ ప్రభావంతో శుక్రవారం మన మార్కెట్ కూడా ఎగసింది. స్టాక్ సూచీ లు వరుసగా నాల్గవ వారం లాభాల్లో ముగిశాయి.
 
 ఐటీసీ అప్: ఇంకా క్యూ2 ఫలితాల్ని ప్రకటించాల్సివున్న ఎఫ్‌ఎంసీజీ దిగ్గజం ఐటీసీ షేరు 2.81 శాతం పెరిగి ఆరు నెలల గరిష్టస్థాయి రూ. 358 వద్ద ముగిసింది. రెండు ప్రధాన సూచీల్లోనూ అధిక వెయిటేజీ కలిగినందున, ఈ షేరు పెరుగుదలతో సూచీలు కూడా పైస్థాయిలో ముగియగలిగాయి.


 ప్రత్యేక హోదా కోసం వైఎస్సార్‌సీపీ పట్టుబిగించింది. ఉద్యమాన్ని తీవ్రతరం చేసింది. బలమైన సంకల్పంతో పార్టీ శ్రేణులు కదం తొక్కుతున్నాయి. ఉద్యమ కార్యాచరణను అమలుచేస్తున్నాయి. ప్యాకేజి రాజకీయాలు చెల్లబోవని ఎలుగెత్తిచెబుతున్నాయి.
 
 హోదా ప్రకటించేవరకూ తమ నేత సారథ్యంలో ఉద్యమాన్ని కొనసాగిస్తామని ఘంటాపథంగా ప్రకటిస్తున్నాయి. మంగళవారం జిల్లావ్యాప్తంగా పార్టీనేతలు..శ్రేణులు కొవ్వొత్తులు..కాగడాలు చేతబూని ప్రదర్శనలు నిర్వహించారు..
  


 * ఏఎన్‌ఐ వార్తాసంస్థ ఇంటర్వ్యూలో వైఎస్ జగన్‌మోహన్‌రెడ్డి
 * ఓటుకు కోట్లు కేసులో అడ్డంగా దొరికిపోయిన బాబు
 * దాన్నుంచి బైటపడడం కోసమే హోదాపై ఒత్తిడి తేవడం లేదు
 * విభజన చట్టంలో హామీలకే ప్యాకేజీ పేరు
 * హోదా నిరాకరిస్తూ మోసం చేస్తున్నారు...
 * మా పోరాటం ఆపేది లేదు..
 హైదరాబాద్: పార్లమెంటు సాక్షిగా ఇచ్చిన ప్రత్యేక హోదా హామీ అమలు కాకపోవడానికి కారణం ఆంధ్రప్రదేశ్ ముఖ్యమంత్రి చంద్రబాబేనని వైఎస్‌ఆర్ కాంగ్రెస్ పార్టీ అధినేత, ప్రతిపక్ష నేత వైఎస్ జగన్‌మోహన్‌రెడ్డి వ్యాఖ్యానించారు.
 
 ఓటుకు కోట్లు కేసులో అడ్డంగా దొరికిపోయిన చంద్రబాబు దాన్నుంచి బైటపడడం కోసం ప్రత్యేక హోదా అంశాన్ని ఫణంగా పెట్టారని జగన్ విమర్శించారు.  విభజన వల్ల తీవ్రంగా నష్టపోయిన ఆంధ్రప్రదేశ్‌కి ప్రత్యేక హోదాతోనే సాంత్వన కలుగుతుందని ఆయన పేర్కొన్నారు. గురువారం నాడు జగన్‌మోహన్‌రెడ్డి ఏఎన్‌ఐ వార్తాసంస్థకు ఇంటర్వ్యూ ఇచ్చారు. ప్రత్యేక హోదా కోరుతూ ఏడు రోజుల పాటు నిరవధిక నిరాహార దీక్ష, ఆసుపత్రిలో చికిత్స అనంతరం హైదరాబాద్‌లోని తన నివాసంలో ఆయన తొలిసారిగా మాట్లాడారు.
 
 ఇంటర్వ్యూ వివరాలు ఆయన మాటల్లోనే... ‘‘నిరవధిక నిరాహార దీక్ష ఎందుకు చేశాం? ఈ దీక్షకు కారణాలున్నాయి. పార్లమెంటు సాక్షిగా ఆనాడు అధికార పక్షం, మొత్తం ప్రతిపక్షం ఏకమయ్యాయి. విభజనకు అనుకూలంగా ఓటేశాయి. పార్లమెంటు వేదికగా ఆనాడు ప్రత్యేక హోదాకు అన్ని పక్షాలు హామీ ఇచ్చాయి. ఇవాళ అవే పక్షాలు మాట తప్పుతున్నాయి. అలాంటపుడు ఇక పార్లమెంటుకు విశ్వసనీయత ఎక్కడుంటుంది? మేం అడుగుతున్న మౌలికమైన ప్రశ్న ఇది.  రాష్ర్టవిభజనతో హైదరాబాద్‌ను కోల్పోవడం వల్ల ఆంధ్రప్రదేశ్ నష్టపోతోంది.
 
 ఎందుకంటే హైదరాబాద్ నుంచే 60శాతం ఆదాయం వస్తుంది. 95శాతానికి పైగా సాఫ్ట్‌వేర్ సంస్థలు, 70శాతానికి పైగా మాన్యుఫ్యాక్చరింగ్ సంస్థలు హైదరాబాద్‌లోనే ఉన్నాయి. వాటిలో ఉపాథి అవకాశాలు కూడా కోల్పోయాం. వీటన్నిటినీ కోల్పోవడం వల్లనే ఆంధ్రప్రదేశ్‌కి ప్రత్యేక హోదా హామీ ఇచ్చారు. అయితే ఇపుడు దాని గురించి ఎవరూ మాట్లాడడం లేదు. ఇపుడు ప్రత్యేక ప్యాకేజీ గురించి మాట్లాడుతున్నారు. ఇదేమి న్యాయమో అర్ధం కావడం లేదు. రాష్ర్ట విభజన సమయంలో అనేక హామీలు ఇచ్చారు. పోలవరం నిర్మిస్తామన్నారు.
 
 రాజధాని నిర్మాణానికి డబ్బు ఇస్తామన్నారు. కేంద్రసంస్థలను ఇస్తామన్నారు. ఎయిర్‌పోర్టులు కడతామన్నారు.. ఇలా అనేక హామీలు ఇచ్చారు. ఈ హామీలన్నీ విభజన చట్టంలోనే ఉన్నాయి. ఇపుడు అందరూ మాటమారుస్తున్నారు. ఆ హామీలకే కొత్త పేరు పెడుతున్నారు. దానికి ప్రత్యేక ప్యాకేజీ అనే కొత్త పేరు తగిలించారు. ఇది ఎంతవరకు న్యాయం? ఒక పక్క ప్రత్యేక హోదాను నిరాకరిస్తూ మరో పక్క అబద్దాలాడుతూ మోసం చేస్తున్నారు. విభజన చట్టంలో హామీ ఇచ్చిన వాటికే కొత్తగా ప్రత్యేక ప్యాకేజీ అనే పేరు పెట్టడం మోసగించడమే. మాకు ఆకాంక్ష ఉంది. మేం పోరాడతాం. మా దురదృష్టమేమిటంటే ముఖ్యమంత్రి చంద్రబాబు పోరాడడం లేదు.
 
 కేంద్ర ప్రభుత్వం ప్రత్యేక హోదా ఇవ్వాలి. కేంద్ర ప్రభుత్వంపై రాష్ర్ట ప్రభుత్వం ఒత్తిడి తేవాలి. కానీ చంద్రబాబు  కేంద్ర ప్రభుత్వంపై ఎందుకు వత్తిడి చేయడం లేదు? ఇప్పటికి 18 నెలలు గడచిపోయాయి. ఇప్పటికీ చంద్రబాబు కేంద్ర ప్రభుత్వంపై ఒత్తిడి తేవడం లేదు. ఒకనెల గడువిస్తున్నా.. ప్రత్యేక హోదా ఇవ్వకపోతే మా మంత్రులను కేంద్రం నుంచి ఉపసంహరిస్తా అని చంద్రబాబు ఎందుకు అల్టిమేటమ్ ఇవ్వడం లేదు.
 
 చంద్రబాబు నాయుడు కేంద్రంపై ఎందుకు ఒత్తిడి తీసుకురావడం లేదన్నది బహిరంగ రహస్యమే. ఎందుకంటే ఆయన ఓటుకు కోట్లు కేసులో ఆడియోటేపులతో సహా అడ్డంగా దొరికిపోయారు. ఆంధ్రప్రదేశ్‌లో అనేక కుంభకోణాలలో సంపాదించిన డబ్బును తెలంగాణలో ఎమ్మెల్యేలను కొనుగోలు చేయడానికి ఉపయోగిస్తూ ఆయన దొరికిపోయారు. ఆ కేసునుంచి బైటపడడం కోసమే ఆయన హోదా కోసం కేంద్రంపై ఒత్తిడి తీసుకురావడం లేదు’’.


 ‘‘ప్రత్యేక హోదా కాకుంటే.. ప్యాకేజీ.. హోదా కంటే ఎక్కువే డబ్బులొస్తాయట. ఎందుకు కాదనాలి?..’’ ముఖ్యమంత్రి సహా కొందరు పెద్దల నోటి నుంచి రాలుతున్న ముత్యాలివి. ఈ మాటల గారడీకి మోసపోతే ఆంధ్రప్రదేశ్ అభివృద్ధి పయనం తీవ్ర ఒడిదుడుకులకు లోనుకాక తప్పదని మేధావులు హెచ్చరిస్తున్నారు. ప్యాకేజీ పేరుతో ఇవ్వజూపే నిధులపై ఇప్పటికే ఆంధ్రప్రదేశ్‌కు చట్టబద్ధమైన హక్కుంది. విభజన గాయాలను మాన్పగల మంత్రం కేవలం ప్రత్యేక హోదా మాత్రమే.
 
 హోదా వల్ల రాష్ట్రంలో పారిశ్రామిక పునాదులు లేస్తాయి. ఉపాధికి బాటలు వేస్తాయి. రాష్ట్ర ప్రగతికి ఇప్పుడు ప్రత్యేక హోదానే రాచమార్గమని నిపుణులు చెబుతున్నారు. ‘ప్రత్యేకమైన హోదా’తో తలెత్తుకుని నిలబడదామని పిలుపునిస్తున్నారు.
  
 * ఏపీకి ఆసరా, ఆలంబన ప్రత్యేక హోదానే  
 * అది చట్టబద్ధమైన హక్కు
 సాక్షి, హైదరాబాద్: మాట.. మంత్రం.. ప్రత్యేక హోదానే. అభివృద్ధికి, ఉద్యోగ, ఉపాధి కల్పనకు మార్గం అదొక్కటే. ప్రత్యేక హోదాకు ప్రత్యామ్నాయంగా ప్యాకేజీని తెర మీదకు తీసుకురావడం.. రాష్ట్ర విభజన అంతటి నిర్హేతుక, అశాస్త్రీయ వాదన. ఏడాదిన్నర క్రితం ఆంధ్రప్రదేశ్ ప్రజలు ఒకటి తలిస్తే.. కేంద్రం మరొకటి చేసింది.
 
 ప్రజల ఆకాంక్షలకు విరుద్ధంగా రాష్ట్ర విభజన చేసింది. కనీసం రాజధాని కూడా లేకుండా 13 జిల్లాలతో నూతన ఆంధ్రప్రదేశ్ నిర్హేతు క ఆవిర్భావం జరిగింది. ఫలితంగా పారిశ్రామికంగా దేశంలోని మిగతా రాష్ట్రాలతో పోలిస్తే.. బాగా వెనుకబడిపోయింది. పరిశ్రమలు వస్తేనే ఉద్యోగాల కల్పన సాధ్యమవుతుంది. ఉపాధి అవకాశాలు మెరుగుపడతాయి. అభివృద్ధికి బాటలు పడతాయి. మరి పరిశ్రమలను ఆకర్షించడం ఎలా?
 
 అసలే ఆర్థిక లోటుతో అల్లాడుతున్న రాష్ట్రం.. మౌలిక సదుపాయాల కల్పనకు భారీగా ఖర్చు చేయడం సాధ్యమా? విభజన బిల్లు మీద రాజ్యసభలో చర్చ జరిగినప్పుడు.. పెద్దల సభ సాక్షిగా అప్పటి ప్రధానమంత్రి మన్మోహన్‌సింగ్.. రాష్ట్రానికి ఐదేళ్లపాటు ప్రత్యేక హోదా ఇస్తామని హామీ ఇచ్చారు. ప్రత్యేక హోదా అంశాన్ని విభజన చట్టంలో చేర్చాల్సిన అవసరం లేదని, ప్రధానమంత్రిగా హామీ ఇస్తున్నాననీ స్పష్టం చేశారు.
 
 ఐదేళ్లు కాదు.. పదేళ్లు ఇవ్వాలని బీజేపీ నేత, ఇప్పటి కేంద్ర మంత్రి వెంకయ్యనాయుడు సభలో గట్టిగా పట్టుబట్టారు. ఆ తర్వాత జరిగిన కేంద్ర మంత్రిమండలి సమావేశం ఆంధ్రప్రదేశ్‌కు ప్రత్యేక హోదా ఇస్తూ తీర్మానించింది. అ తర్వా త ఎన్నికలు రావడం, ప్రభుత్వాలు మారిపోవడం జరిగిపోయింది. ప్రత్యేక హోదా పదేళ్లు కావాలన్న బీజేపీ అధికార పీఠాన్ని అధిష్టించిం ది. కాలం గిర్రున తిరిగి ఏడాదిన్నర గడిచిపోయింది.
 
 కానీ ప్రత్యేక హోదా హామీ వాస్తవరూ పం దాల్చలేదు. గట్టిగా కేంద్రాన్ని నిలదీయాల్సిన రాష్ట్ర ప్రభుత్వం.. మీనమేషాలు లెక్కబెడుతోంది. ప్రత్యేక హోదా ఇవ్వకపోయినా.. ప్యాకేజీ ఇచ్చినా సరిపోతుందం టూ ముఖ్యమంత్రి చంద్రబాబు నాయుడు సన్నాయి నొక్కులు నొక్కుతున్నారు. హోదా కోసం పట్టుబట్టి సాధిస్తే రాష్ట్రం జాతకమే మారిపోతుందంటూ మేధావులు, వివిధ రంగాల నిపుణులు చెబుతున్నా.. ప్రభుత్వానికి చెవికెక్కడం లేదు.
 
 యువతకు ఉద్యోగాలు వస్తాయని, ఆర్థికాభివృద్ధి సాధ్యమవుతుందని, మౌలిక సదుపాయాల కల్పనకు అవకాశం వస్తుందని, ఆర్థికంగా కాస్త వెసులుబాటు కలిగితే సంక్షేమ పథకాలను సజావుగా అమలు చేయవచ్చని చెబుతున్నారు. ఉద్యోగాల కోసం ఎదురు చూస్తున్న నిరుద్యోగ యువతకు ఉద్యోగం కావాలన్నా, స్వయం ఉపాధితో సొంత కాళ్ల మీద నిలబడాలనుకుంటున్న వారికి చేయూత లభించాలన్నా, సంక్షేమ పథకాల సమర్థ అమలుతో సామాన్యుల జీవితాల్లో వెలుగులు నింపాలన్నా, విభజన కష్టాల నుంచి గట్టెక్కి అన్ని రంగాల్లో వృద్ధి బాట పట్టాలన్నా.. కేంద్రం ఆసరా తప్పనిసరి.
 
 ప్యాకేజీలతో నామమాత్రంగా విదిలించే నిధులను నమ్ముకోవడం కంటే భారీ ప్రోత్సాహకాలు, గ్రాంట్లు లభించే ప్రత్యేక హోదా సాధించుకోవాలని మేధావులు సూచిస్తున్నారు. హోదాకు ప్యాకేజీ అదనంగా ఉండాలే తప్ప.. ప్రత్యామ్నాయంగా ఉండకూడదని స్పష్టం చేస్తున్నారు. విభజన చట్టంలో ఉన్న హామీలు నెరవేర్చడానికి ఇటూ నిధులు ఇవ్వాల్సిందే. రాష్ట్రానికి ప్రత్యేక హోదా వల్ల ఒనగూడే ప్రయోజనాలను ప్రతిపక్ష నేత వై.ఎస్.జగన్‌మోహన్‌రెడ్డి శాసనసభ లోపల, వెలుపల పలుమార్లు వివరించారు. రాష్ట్రానికి హోదా ఊపిరి పోస్తుందని చెప్పారు.
  
 ఒనగూడే ప్రయోజనాలెన్నో..
 సాధారణ రాష్ట్రాలకు కేంద్రం ఇచ్చే గ్రాంట్లు 30 శాతం దాటవు. మిగతా 70 శాతాన్ని రాష్ట్రాలే భరించాలి. ప్రత్యేక హోదా ఉన్న రాష్ట్రాలకు 90 శాతం గ్రాంట్లుగా కేంద్ర సాయం అందుతుంది. మిగతా 10 శాతాన్ని రాష్ట్రం భరిస్తే సరిపోతుంది. అదీ  సమకూర్చుకోవడానికి రాష్ట్ర ఆర్థిక పరిస్థితి సహకరించకపోతే.. కేంద్రమే సమకూరుస్తుంది. గ్రాం ట్లుగా ఇచ్చే సాయాన్ని తిరిగి చెల్లించాల్సిన అవసరం లేదు. సత్వర సాగునీటి ప్రయోజనం(ఏఐబీపీ) కింద మంజూరైన ప్రాజెక్టులకూ ఇది వర్తిస్తుంది. 90 శాతం ఖర్చును కేంద్రమే భరిస్తుంది.
 
 * పారిశ్రామిక యూనిట్లకు నూటికి నూరు శాతం ఎక్సైజ్ డ్యూటీ మినహాయింపు లభిస్తుంది. దీంతో  పరిశ్రమలు ఏర్పాటు చేయడానికి పారిశ్రామికవేత్తలు, ఔత్సాహికులు ముందుకు వస్తారు. పారిశ్రామిక వృద్ధి వేగవంతం కావడానికి ఇది దోహదం చేస్తుంది.
 
 * ఆదాయపు పన్ను చట్టంలోని సెక్షన్-80(సి) కింద కార్పొరేట్ ఆదాయపు పన్ను పూర్తి మినహాయింపు ఇవ్వడానికి ప్రత్యేక హోదా అవకాశం కల్పిస్తుంది. హోదా ఉన్నం త కాలం.. ఆదాయపు పన్ను పూర్తి మినహాయింపు ఉంటుంది. తర్వాత కూడా కేంద్ర ప్రభుత్వం నిర్ణయం మేరకు 25-50 శాతం మినహాయింపు ఇచ్చే అవకాశం ఉంది.
 
 * ప్లాంటు, యంత్రాల మీద పెట్టే పెట్టుబడిలో 30 శాతం రాయితీ లభిస్తుంది. కొత్తగా ఏర్పాటయ్యే పరిశ్రమలతో పాటు ప్రత్యేక హోదా ప్రకటించిన తర్వాత విస్తరణ చేపట్టే పాత పరిశ్రమలకూ ఇది వర్తిస్తుంది. ఔత్సాహికులు సొంతంగా పరిశ్రమలు ఏర్పాటు చేయడానికి ఈ నిర్ణయాలు దోహ దం చేస్తాయి. మధ్య, చిన్న తరహా పరిశ్రమలు విరివిగా ఏర్పాటుకు ఇలాంటి రాయితీలు పనికొస్తాయి.సపరిశ్రమల స్థాపన కోసం తీసుకునే వర్కింగ్ కేపిటల్‌పై 3 శాతం వడ్డీ రాయితీ లభిస్తుంది.సపరిశ్రమలకు 20 ఏళ్లకు తగ్గకుండా విద్యుత్ ఛార్జీలపై 50 శాతం రాయితీ ఇస్తుంది. ఇవి కాకుండా ఇన్సూరెన్స్, రవాణా వ్యయంపైనా రాయితీలు ఉంటాయి.
 
 * పోత్సాహకాలు, పన్ను రాయితీలు ఉంటే ప్రతిష్టాత్మక పారిశ్రామిక సంస్థలు భారీ పెట్టుబడులతో రాష్ట్రానికి రావడానికి మార్గం ఉంటుంది.నిరుద్యోగ యువతకు ఉద్యోగాలు లభించడంతో పాటు రాష్ట్ర ఆర్థిక పరిస్థితి  గణనీయంగా మెరుగుపడుతుంది.
 
 * విదేశీ రుణాల భారాన్ని కేంద్రమే భరిస్తుంది. రుణంలో 90 శాతం కేంద్రమే తిరిగి చెల్లిస్తుంది. వడ్డీనీ కేంద్రమే భరిస్తుంది. విశాఖపట్నం-చెన్నై పారిశ్రామిక కారిడార్ ఏర్పాటుకు రూ.5,000 కోట్ల రుణాన్ని ఆసియన్ డెవలప్‌మెంట్ బ్యాంక్ నుంచి తీసుకోవాలనే ప్రతిపాదన ఉంది. విశాఖపట్నం, విజయవాడ మెట్రో రైళ్ల ప్రాజెక్టుకు దాదాపు రూ.8 వేల కోట్లు ఖర్చవుతాయని అంచనా. ఈ రెండు ప్రాజెక్టులకు కూడా విదేశీ ఏజెన్సీల నుంచి రుణం పొందనున్నారు.
 
 విశాఖ-చెన్నై పారిశ్రామిక కారిడార్, విశాఖ, విజయవాడ మెట్రో రైళ్లు.. విభజన చట్టంలో ఉన్న హామీలే. 90 శాతం రుణం కేంద్రమే భరిస్తే.. విశాఖ-చెన్నై పారిశ్రామిక కారిడార్‌లో ఎంతో మంది ఔత్సాహిక పారిశ్రామికవేత్తలకు అవకాశం లభిస్తుంది. భారీగా ఉద్యోగాలూ వస్తాయి. కారిడార్ వెంబడి అనుబంధ పరిశ్రమలు వస్తాయి. ఉపాధి  యువత ముందుకు వస్తుంది.స    కేంద్ర సూక్ష్మ, చిన్న, మధ్య తరహా పరిశ్రమల శాఖ ఏర్పాటు చేసే సమీకృత మౌలిక సదుపాయాల కల్పన కేంద్రాల ఏర్పాటులో పెట్టుబడుల తీరును ప్రత్యేక హోదా మారుస్తుంది.
 
 సాధారణ రాష్ట్రాల్లో ఏర్పాటు చేస్తే కేంద్ర, రాష్ట్ర పెట్టుబడుల నిష్పత్తి 2:3 ఉంటుంది. హోదా ఉంటే.. 4:1 నిష్పత్తిలో ఉంటుంది. ఫలితంగా రాష్ట్రంలోని వివిధ ప్రాంతాల్లో రాష్ట్ర ప్రభుత్వం తక్కువ పెట్టుబడితో  కేంద్రాలు ఏర్పాటుకు అవకాశం ఉంటుంది.గ్రామీణ ప్రాంతాల్లోనూ పెద్ద సంఖ్యలో సూక్ష్మ, చిన్న, మధ్య తరహా పరిశ్రమలు వస్తాయి. తక్కువ నైపుణ్యం ఉన్న వారికీ ఉద్యోగాలు, ఉపాధి కల్పించడంలో ఈ పరిశ్రమలు దోహదం చేస్తాయి.
 
 * ఆహార శుద్ధి పరిశ్రమల ఏర్పాటును కేంద్రం ప్రోత్సహిస్తోంది.వీటికి రాష్ట్రంలో విస్తృత అవకాశాలు ఉన్నాయి. హోదా దక్కితే.. ప్రోత్సాహకాలు, రాయితీలు పెరుగుతాయి. ఔత్సాహిక పారిశ్రామికవేత్తలకు పరిశ్రమల ఏర్పాటుకు మార్గం ఏర్పడుతుంది.గ్రామీణ ప్రాంతాల్లో ఈ తరహా పరిశ్రమలు భారీగా వస్తాయి.గ్రామీణ యువతకు,మహిళలకు ఉపాధి పెరుగుతుంది.
  
 కేంద్ర పథకాలు
 ఇటీవలి కాలంలో 14వ ఆర్థిక సంఘం సిఫారసుల మేరకు కేంద్ర ప్రాయోజిత పథకాలను కొన్నింటిని తొలగించినప్పటికీ ఇప్పటికీ అనేక పథకాలు కేంద్రం అమలు చేస్తోంది. ఆయా రాష్ట్రాలు చేసే ఒత్తిడి మేరకు వాటి కేటాయింపులు రాష్ట్రాల వారీగా ఉంటున్నాయి. ఇందులో కనిష్టంగా ఏటా రూ.9 వేల కోట్లకు తగ్గకుండా ఆయా పథకాల కోసం కేంద్రం కేటాయిస్తోంది. రాష్ట్రం ఒత్తిడి చేస్తే రూ.15 వేల కోట్లకు తగ్గకుండా ప్రయోజం పొందడానికి వీలుంది. కనిష్టంగా లెక్కలేసినా ఐదేళ్లలో రూ.45 వేల కోట్ల మేరకు రాష్ట్రానికి విధిగా కేంద్రం నుంచి నిధులు రావలసి ఉంటుందని ఆర్థిక నిపుణులు చెబుతున్నారు.
  
 2 లక్షల కోట్లు రావాల్సిందే
 రాష్ట్రాన్ని విభజించడం ద్వారా ఆంధ్రప్రదేశ్‌కు ఎంతో నష్టం జరగ్గా, ఆ నష్టాన్ని పూడ్చడానికి పార్లమెంట్ సాక్షిగా విభజన చట్టంలో అనేక హామీలు ఇచ్చారు. ప్రత్యేక హోదా ఇస్తామన్న హామీతో పాటు అనేక వాగ్దానాలు చేశారు. ఆ హామీలిచ్చి ఏడాదిన్నర కావొస్తున్నప్పటికీ రాష్ట్ర ప్రభుత్వ రాజీధోరణి, మెతకవైఖరి, సాగిలబడుతున్న వైనంతో ఇంతవరకు ఒక్క అడుగు ముందుకు పడలేదు.
 
 ప్రత్యేక హోదా కావలసిందేనంటూ రాష్ట్ర ప్రజల నుంచి తీవ్ర నిరసనలు వ్యక్తమవుతున్న నేపథ్యంలో ఇప్పుడు ప్రజలను మరోసారి మోసం చేయడానికి కసరత్తు ప్రారంభమైనట్టు చెబుతున్నారు. రాష్ట్రాన్ని విడదీసినప్పుడు ఏడాదిన్నర కిందట ఇచ్చిన హామీలన్నింటినీ ఒకచోట కూర్చి వాటికి ఎంత ఖర్చవుతుందో లెక్కతీసి దాన్నే ఒక ప్యాకేజీగా ప్రకటించడానికి ప్రయత్నాలు ముమ్మరమైనట్టు విశ్వసనీయ సమాచారం. విభజన చట్టంలో ఇచ్చిన హామీలన్నింటి ని నెరవేర్చడానికి వాటన్నింటికీ లక్షా 50 వేల కోట్ల రూపాయల మేరకు వ్యయం అవుతుందని అంచనా.
 
 వీటికి తోడు అన్ని రాష్ట్రాలకు ఇచ్చినట్టుగానే కేంద్రం నుంచి ఆయా పథకాలకు లభించే నిధులను కలిపితే వచ్చే అయిదేళ్ల కాలంలో దాదాపు 2 లక్షల కోట్ల రూపాయల మేరకు రాష్ట్రానికి ఇవ్వాల్సిందే. అయితే వీటినే అటు తిప్పి... ఇటు తిప్పి... దీనికి కొంచెం అటుఇటుగా కేంద్రం నుంచి ఒక ప్యాకేజీ ఇస్తున్నట్టు ప్రకటన చేయించాలన్న ఆలోచనతో రాష్ట్ర ప్రభుత్వం ఉంది. తద్వారా ప్రత్యేక హోదా నుంచి ప్రజల దృష్టిని మళ్లించడానికి వీలవుతుందని ఆలోచనకు వచ్చినట్టు తెలుస్తోంది. ఈ మేరకు ఇప్పటికే రాష్ట్ర ప్రభుత్వం కేంద్రానికి ఓ నివేదిక సమర్పించింది.
 
 ఇవి కేవలం విభజన చట్టంలో ఇచ్చిన హామీలకు సంబంధించినవే. ఇప్పటికే ఆ నిధులు మంజూరు కావలసి ఉంది. చట్టం చేయడం ద్వారా హక్కుగా లభించిన హామీలకు గడిచిన ఏడాదిన్నర కాలంగా ఒక్క శాతం కూడా నెరవేరలేదు. ఈ నిర్లక్ష్య ధోరణులపై ప్రజల్లో పెద్దఎత్తున నిరసన లు, ఆందోళనలు వెల్లువెత్తుతున్న తరుణంలో ప్యాకేజీ పేరు తో కొత్త ఎత్తుగడను తెరమీదకు తెచ్చారు. రాష్ట్రానికి ప్రత్యేక హోదా ఇవ్వడానికి కేంద్రం ముందు ఇప్పుడు ఎలాంటి అడ్డం కులు లేవు.రాజకీయ సంకల్పంతో ప్రత్యేక హోదా ఇవ్వొ చ్చు. దాన్ని సాధించడానికి రాష్ట్ర ప్రభుత్వం గడిచిన 15 నెలలుగా కేంద్రంపై ఒత్తిడి చేయడంలో పూర్తిగా విఫలమైంది.విభజన చట్టంలో... : రాష్ట్రాన్ని విభజించినప్పుడు చేసిన ఆంధ్రప్రదేశ్ పునర్వ్యవస్థీకరణ చట్టం-2014 లో విడిపోయిన ఆంధ్రప్రదేశ్ రాష్ట్రానికి ఆ చట్టంలో కేంద్రం పలు హామీలను ఇచ్చింది. చట్ట రూపంలో వచ్చిన హామీలైనందున వాటిని కేంద్ర ప్రభుత్వం తప్పనిసరిగా నెరవేర్చాల్సి ఉంది. అయితే వాటిని ఎప్పటిలోగా నెరవేర్చాలి? వాటిని సాధించుకోవడం వంటి అంశాలన్నీ రాష్ట్ర ప్రభుత్వం తెచ్చే ఒత్తిడిపై ఆధారపడి ఉంటుంది.
 
 చట్ట రూపంలో ఆంధ్రప్రదేశ్ రాష్ట్రానికి దక్కిన హామీల్లో కొన్ని నేరుగా (ఉదాహరణకు విద్యా సంస్థలు) ఏర్పాటు చేస్తామని, కొన్నింటిని కేంద్రమే చేపట్టి పూర్తి చేస్తామని (ఉదా. పోలవరం నీటిపారుదల ప్రాజెక్టు), మరికొన్నింటి విషయంలో సాధ్యాసాధ్యాలు అధ్యయనం చేసి నిర్ణయం తీసుకుంటామని ఉంది. రాష్ట్రానికి రావలసిన నిధులతో వాటన్నింటిని నెరవేర్చడానికి వచ్చే ఐదేళ్లలో రాష్ట్రానికి దాదాపు 2 లక్షల కోట్ల రూపాయలు రావాలి.
 
 రాజధాని అభివృద్ధికి....
  పునర్వ్యవస్థీకరణ చట్టం 2014లోని పార్ట్ 10 సెక్షన్ 94 లో ఆంధ్రప్రదేశ్‌లో నూతన రాజధాని ఏర్పాటు విషయంలో మౌలిక సదుపాయాలు, ఆర్థికాభివృద్ధికి, పారిశ్రామిక ప్రగతికి తోడ్పాటును అందిస్తామని పేర్కొంది. అందులో సెక్షన్ 94 (3) ప్రకారం విభజిత ఏపీలో రాజ్‌భవన్, హైకోర్టు, సచివాలయం, శాసనసభ, శాసనమండలితో పాటు ఇతర అత్యవసర మౌలిక సదుపాయల కల్పనలో ప్రత్యేక ఆర్థిక సహాయం అందిస్తామని పేర్కొంది.
 
 గుంటూరు జిల్లాలో రాజధాని ఏర్పాటు చేయాలని నిర్ణయించిన తర్వాత రాజధాని మౌలిక సదుపాయాల కల్పన కోసం ఆర్థిక సహాయం అందించాల్సిందిగా రాష్ట్ర ప్రభుత్వం పలు ప్రతిపాదనలు కేంద్రం ముందుంచింది. రాజధానిలో కీలక నిర్మాణాల కోసం 15,175 కోట్ల మేరకు ప్రతిపాదనలు పంపింది. (ఈ మొత్తం వచ్చే ఐదేళ్ల కాలంలో సమకూర్చడానికి వీలుగా ప్రభుత్వం చేసిన ప్రతిపాదనలు) వాటి వివరాలు...


  ఏపీ ప్రజలపై అలవిమాలిన భారం పడకుండా ఉండాలంటే 15 ఏళ్ల ప్రత్యేక హోదా, ప్యాకేజీ రెండూ ఉండాల్సిందే. రాజకీయాలకు అతీతంగా ప్రజలు ఉద్యమించి కేంద్రం మెడలు వంచాల్సిందే. లేదంటే ఏపీకి వర్తమానం, భవిష్యత్ రెండూ లేనట్లే.
  
  ఆంధ్రప్రదేశ్ రాష్ట్ర భవిష్యత్ ఇప్పుడు కేంద్రం దయాదాక్షి ణ్యాల మీద ఆధారపడి ఉంది. ఇక్కడి ప్రజలు తమ భవిత వ్యంపై చెందుతున్న ఆందోళ నపై కనీస ఆలోచన కూడా చేయడంలేదు. ఢిల్లీలోని మోదీ సర్కార్ ప్రత్యేక హోదాపై ఆశ లు కల్పిస్తూనే మంచి ప్యాకేజీ ఉంటుందని కాకమ్మ కబుర్లు చెబుతోంది. అప్పటి కాం గ్రెస్, ఇప్పటి బీజేపీ ప్రభుత్వాల ధోరణి ఏపీపై ఒకేలా ఉంది. కాంగ్రెస్ ప్రభుత్వం ఏపీని గొంతు నులిమి విసి రేస్తే బీజేపీ ప్రభుత్వం కొన ఊపిరిలో ఉన్న ఏపీని నాటు వైద్యంతోనో, ఆర్‌ఎంపీతోనో వైద్యం చేయించాలి అని ఆలోచిస్తోంది. ప్రత్యేక హోదా కల్పించకపోతే రాష్ట్రం అం ధకారంలోకి కూరుకుపోతుందన్న భయాందోళనలలో పలువురుప్రాణత్యాగాలకు సిద్ధమవుతున్నారు.
  
  టీడీపీ ప్రభుత్వం కంటి తుడుపు చర్యగా ప్రధానిని కలసి విజ్ఞా పన పత్రాలు ఇవ్వడం వరకే పరిమితమైంది. కేంద్రాన్ని గట్టిగా నిలదీసే పరిస్థితి కనబడటంలేదు. కనీసం రాష్ట్రం లో అఖిలపక్షం ఏర్పాటు చేసి కేంద్రంపై ఒత్తిడి తీసుకు వచ్చే ఉద్దేశం కూడా లేదు. మరోపక్క చంద్రబాబు ప్యాకే జీ వస్తుందని ప్రజలను మభ్యపెడుతున్నారు. కేంద్రాన్ని నిలదీసి ఏపీ డిమాండ్లను సాధించుకోవలసింది పోయి మోదీకి సలాములు చేసి వచ్చేస్తున్నారు. అఖిలపక్షాన్ని వేసి కేంద్రంపై ఒత్తిడి తేవాల్సిన రాష్ట్ర ప్రభుత్వం పూర్తిగా చేతులెత్తేసే దిశగా నడుస్తోంది. ఇన్నే ళ్లూ పెట్టుబడులన్నీ హైదరాబాద్ పరిసర ప్రాంతాల్లోనే జరిగాయి.
  
   పరిశ్రమలు, వాణిజ్యం, ఐటీ కంపెనీలు, కేం ద్ర ప్రభుత్వ కార్యాలయాలు, హైకోర్టు, అసెంబ్లీ, సెక్రటే రియట్, సూపర్ స్పెషాలిటీ ఆసుపత్రులు, విశ్వ విద్యా లయాలు, ఒకటేమిటి? సమస్తం జంట నగరాల్లోనే ఏర్పాటయ్యాయి. ఏపీలో కూడా అలాంటి అభివృద్ధి సాధించాలంటే ఒక్క ప్యాకేజీల వల్ల మాత్రమే సాధ్యం కాదు. ప్యాకేజీ అన్నది వెనుకబడి ఉన్న కొన్ని జిల్లాలకు పరిమితమవుతుంది. రాష్ట్రంలోని అన్ని జిల్లాల్లోనూ సమగ్ర అభివృద్ధి జరగదు.
 
 ఉత్తరప్రదేశ్‌లో ముందేల్‌ఖం డ్ అభివృద్ధికి కేంద్రం 2009లో ప్యాకేజీ ఇచ్చినా అక్కడ జరిగిన అభివృద్ధి శూన్యం. 2009 నుంచి 2012 వరకూ రూ.1,212 కోట్లు విడుదలచేస్తే కేవలం 744 కోట్ల రూపా యలు మాత్రమే ఖర్చు చేశారు. ఈ నిధులు కూడా కేవ లం నీటి ఎద్దడి నివారణకు, నీటిపారుదల వ్యవస్థకు మాత్రం ఖర్చు చేయాలనే నిబంధన ఉంది. పైగా కేం ద్రం ఇచ్చే ప్యాకేజీ అందరికీ తెలిసిందే. చూడ్డానికి భారీగా లక్ష కోట్లుగానో, రెండు లక్షల కోట్లుగానో కనిపి స్తుంది. కానీ దాని లోతులకు వెళ్తేగాని అసలు రంగు బయటపడదు. ఉదాహరణకు 50 వేల కోట్లతో జాతీయ రహదారులు అభివృద్ధి అంటారు. మనం సంబర పడ తాం. కానీ ఈ 50 వేల కోట్లలో ఒక్క రూపాయి కూడా కేంద్రం ఖర్చు చేయదు. ప్రైవేటు కంపెనీయే పీపీపీ కింద కాంట్రాక్టు వేసుకొని రోడ్డు నిర్మిస్తుంది. దాన్ని కేం ద్ర సాయం అని అనగలమా?
  
  కేంద్రం మొత్తం ఆదాయం నుంచి 30 శాతం ప్రత్యే క హోదా రాష్ట్రాలకు కేటాయిస్తుంది. సాధారణ కేంద్ర సహాయం, అదనపు కేంద్ర సహాయం ప్రత్యేక కేంద్ర సహాయం అనే మూడు పద్దుల కింద గ్రాంటుల రూపం లో నిధులు ప్రతియేటా వస్తాయి. ఏ రకమైన పద్దుల కిం ద నిధులు విడుదల చేసినా అవి 90 శాతం గ్రాంటుల కిందకే వస్తాయి. రాష్ట్రాలు తిరిగి ఈ మొత్తాలను చెల్లించ నవసరం లేదు. ప్రత్యేక హోదా కలిగిన రాష్ట్రాలకు అవస రం మేర రుణాలను పొందే స్వేచ్ఛ కూడా ఉంటుంది. 90 శాతం గ్రాంటు, 10 శాతం రుణాల ఫార్ములాను కేం ద్ర ప్రాయోజిత పథకాలు, విదేశీ సాయంతో నడిచే పథ కాలకు వర్తింపజేస్తారు. ప్రత్యేక హోదా కలిగిన రాష్ట్రా లకు పలు రాయితీలు, పన్ను మినహాయింపులు, ఎక్సై జ్, కస్టమ్స్, ఆదాయపు పన్ను రేట్లు, కార్పొరేట్ పన్ను రేట్లలో మినహాయింపులు ఉంటాయి.
  
  దేశంలోని అన్ని రాష్ట్రాలకు వెళ్లే నిధుల మొత్తం 2014-15లో 3 లక్షల 2 వేల కోట్ల రూపాయలు. రాష్ట్రాల వాటాను 42 శాతానికి పెంచిన తరువాత ఈ మొత్తం 2015-16లో రూ.3 లక్షల 71 వేల కోట్లకు పెరిగింది. అలాగే ఆర్థిక గ్రాంటుల ద్వారా రాష్ట్రాలకు 2014-15లో 55 వేల కోట్లు వస్తే, 2015-16లో 77 వేల కోట్లకు పెరి గింది. అంటే మొత్తం ఈ రెండు పద్దుల కింద రూ. 89 వేల కోట్ల మేరకు రాష్ట్రాలకు వచ్చే నిధులు పెరిగాయన్న మాట. దీన్నే కేంద్రం భూతద్దంలో చూపించి ప్రచారం చేసుకుంటోంది. కానీ ప్రతియేటా విడుదలయ్యే ప్లాన్ గ్రాంటులో కేంద్రం భారీ కోతను విధించింది. 2014- 15లో ఈ మొత్తం 2 లక్షల 61 వేల కోట్లు కాగా, 2015- 16లో ఇది లక్షా 39 వేల కోట్లకు తగ్గిపోయింది. అంటే ఒక లక్షా 22 వేల కోట్ల రూపాయల నిధులు తగ్గిపోయా యి. అదనపు నిధుల మాట దేవుడెరుగు రాష్ట్రాలకు రావలసిన అసలు నిధులే తగ్గిపోయాయి.
  
  రాష్ట్రం సర్వతోముఖాభివృద్ధి చెందాలంటే 15 ఏళ్ల ప్రత్యేక హోదా, ప్యాకేజీ రెండూ ఉండాల్సిందే. ఇప్పటికే ప్రత్యేక హోదా కోసం ప్రతిపక్ష నాయకుడు వైఎస్ జగన్ ఢిల్లీలో ధర్నా చేశారు. అసెంబ్లీలో కూడా తన వాదనలు వినిపించారు. సెప్టెంబర్ 15 లోగా హోదా ప్రకటించక పోతే గుంటూరులో నిరవధిక నిరాహారదీక్ష చేపడతానని ప్రకటించారు.
 
 కాంగ్రెస్, ఉభయ కమ్యూనిస్టు పార్టీలు రాష్ట్ర వ్యాప్తంగా ప్రత్యేక హోదా కోసం ఉద్యమాలు చేస్తు న్నాయి. కానీ రాష్ట్ర ప్రభుత్వం ఈ విషయంలో ముం దుకు నడవడం లేదు. ఈ సమయంలో ప్రజలు రాష్ట్ర ప్రయోజనాలను దృష్టిలో పెట్టుకుని రాజకీయాలకు అతీతంగా ఉద్యమించి కేంద్రం మెడలు వంచాల్సిందే. లేదంటే ఏపీకి వర్తమానం, భవిష్యత్ రెండూ లేనట్లే.
  వ్యాసకర్త సీనియర్ పాత్రికేయులు, మొబైల్:9348550909
  - వి.వి.రమణమూర్తి


 టీడీపీలోకి మాజీ మంత్రి డొక్కా
 సాక్షి, హైదరాబాద్: ఆంధ్రప్రదేశ్ రాజధాని నుంచి ఆదాయం వచ్చే వరకూ రాష్ట్రానికి కేంద్రం సాయం అందించాలని ముఖ్యమంత్రి చంద్రబాబునాయుడు కోరారు. పొరుగు రాష్ట్రాలకు వాటి రాజధానుల నుంచి 40 శాతం పైగా ఆదాయం వస్తోందని వివరించారు. మాజీ మంత్రి, కాంగ్రెస్ నేత డొక్కా మాణిక్య వరప్రసాద్, మైనారిటీ కార్పొరేషన్ చైర్మన్ ఎండీ హిదాయత్‌తో సహా పలువురు ఆదివారం టీడీపీలో చేరారు.
 
 వారికి చంద్రబాబు కండువా కప్పి పార్టీలో చేర్చుకున్నారు. ఈ సందర్భంగా చంద్రబాబు మాట్లాడుతూ రాష్ట్రానికి ప్రత్యేక హోదా, ప్యాకేజీతో పాటు విభజన చట్టంలో పేర్కొన్న అన్ని అంశాలను కేంద్రం అమలు చేయాల్సిందేనన్నారు. రాష్ట్ర విభజన తరువాత ఉత్పన్నమైన సమస్యల పరిష్కారానికి అందరి సహకారం కావాలన్నారు.
  


 - ప్రత్యేక హోదాతోనే రాష్ట్రాభివృద్ధి
 - ఎమ్మెల్యే బాలనాగిరెడ్డి
 - బంద్ పోస్టర్లు విడుదల
 కోసిగి: ప్యాకేజీతో రాష్ట్రానికి ఒరిగేదేమీ ఉండదని, ప్రత్యేక హోదాతోనే అభివృద్ధి సాధ్యమని మంత్రాలయం ఎమ్మెల్యే బాలనాగిరెడ్డి అన్నారు. ఈ నెల 29న వైఎస్సార్‌సీపీ తలపెట్టిన బంద్‌కు సంబంధించిన పోస్టర్లను గురువారం ఆయన కోసిగిలో కార్యకర్తలు, వామపక్షాల పార్టీ నాయకులతో కలిసి ఆవిష్కరించారు. సీఎం చంద్రబాబు ప్రత్యేక ప్యాకేజీతో సంతృప్తి చెందేలా ఉన్నారని, కేంద్రప్రభుత్వం కూడా అదే ఆలోచనతో ఉందన్నారు. అయితే దాని వల్ల రాష్ట్రానికి ఎలాంటి ప్రయోజనం ఉండదన్నారు. దీన్ని దృష్టిలో ఉంచుకుని రాజకీయాలకు అతీతంగా నాయకులు, ప్రజలు ఉద్యమాలకు కలిసి రావాలని పిలుపునిచ్చారు.
 
 శనివారం వైఎస్సార్ కాంగ్రెస్ పార్టీ అధినేత జగన్ మోహన్ రెడ్డి నేతృత్వంలో చేపట్టే రాష్ర్ట వ్యాప్త బంద్‌ను విద్యార్థి సంఘాలు, వామ పక్షాల పార్టీ నాయకులు, కార్మిక సంఘాలు, వ్యాపారస్తులు, మహిళా సంఘాలు కలిసికట్టుగా విజయవంతం చేయాలని పిలుపునిచ్చారు. బాబు వస్తే జాబు వస్తుందని టీడీపీ నాయకులు ఎన్నికల ముందు ప్రచారం చేశారని, అయితే ఇందుకు విరుద్ధంగా చంద్రబాబు ప్రభుత్వం ఉన్న ఉద్యోగులను తొలగిస్తోందన్నారు. ఐకేపీ వీబీకేలు, ఆదర్శ రైతులు, డీలర్లు, ఫీల్డుఅసిస్టెంట్లపై వేటు వేస్తూ పోతున్నారని ఆవేదన వ్యక్తం చేశారు. కార్యక్రమంలో వైఎస్సార్ సీపీ జిల్లా ప్రధాన కార్యదర్శి పురుషోత్తమ రెడ్డి, మండల ఇన్‌చార్జ్ నాయకులు రాంపురం మురళీరెడ్డి, ఎంపీపీ నాడుగేని భీమక్క, జెడ్పీటీసీ సభ్యులు మంగమ్మ, ఆర్లబండ సహకార సంఘం అధ్యక్షులు మహాంతేష్ స్వామి, నాయకులు పాల్గొన్నారు.
  
 బంద్ నుంచి మంత్రాలయం, కౌతాళంకు మినహాయింపు :
 మంత్రాలయంలో శ్రీ రాఘవేంద్ర స్వామి ఆరాధానోత్సవాలు, కౌతాళంలో ఖాదర్ లింగా స్వామి ఉరుసు ఉత్సవాలు, ఉరుకుందలో శ్రీ నరసింహా స్వామి ఉత్సవాలను పురస్కరించుకుని ఈనెల29న బంద్‌ను మినహాయింపు ఇస్తున్నామని ఎమ్మెల్యే తెలిపారు.


 ♦ బిహార్ సీఎం నితీశ్ కుమార్ ధ్వజం
 ♦ పథకాలకు ఇచ్చిన నిధులను కొత్తగా ఇస్తున్నట్టు చూపారు
 ♦ కేవలం ఎన్నికలను దృష్టిలో ఉంచుకొనే ప్రకటించారు
 ♦ అంకెలతో ప్రజలను భ్రమింప చేయాలని చూశారు
 ♦ ప్యాకేజీ గుట్టును ప్రజాకోర్టులో బహిర్గతం చేస్తాం
  
 పట్నా: కేవలం అసెంబ్లీ ఎన్నికలను దృష్టిలో ఉంచుకొనే ప్రధాని నరేంద్రమోదీ బిహార్‌కు రూ.1.25 లక్షల కోట్లు ప్యాకేజీ ప్రకటించారని ముఖ్యమంత్రి నితీశ్ కుమార్ విమర్శించారు. రాష్ట్రంలో ప్రస్తుతం నడుస్తున్న పథకాలకు కేటాయించిన నిధులనే ప్యాకేజీలో చూపారని దుయ్యబట్టారు. రూ.1.25 లక్షల కోట్లలో వాస్తవంగా రాష్ట్రానికి దక్కే మొత్తం రూ.10,368 కోట్లు మాత్రమేనని చెప్పారు. అది కూడా ఎప్పుడు ఇస్తారో, నిధులు విడుదలకు మార్గదర్శకాలేమిటో చెప్పలేదని ఎద్దేవా చేశారు. బుధవారమిక్కడ ఆర్థిక మంత్రి బిజేంద్ర ప్రసాద్ యాదవ్‌తో కలిసి నితీశ్ విలేకరుల సమావేశంలో మాట్లాడారు. ‘రూ.1.25 లక్షల కోట్ల ప్యాకేజీలో 87%.. అంటే సుమారు రూ.1.08 లక్షల కోట్లు ప్రస్తుతం నడుస్తున్న, గతంలో ప్రకటించిన పథకాలకు కేటాయించిన నిధులే!
 
 
 ఇప్పటివరకు క్షేత్రస్థాయిలో ఎలాంటి ప్రణాళిక కూడా లేని ప్రతిపాదిత పనులకు ప్యాకేజీలో రూ.6 వేల కోట్లను చూపారు. ఒక్కమాటలో చెప్పాలంటే బిహార్‌ను, రాష్ట్ర గౌరవాన్ని వేలం వేసినట్టుగా.. ఎన్నికల్లో నెగ్గాలన్న ఉద్దేశంతో ఈ ప్యాకేజీ ప్రకటించారు. ఇది రాష్ట్రంపై వేసిన ఓ జోక్! కేవలం అంకెలతో భ్రమింప చేసే ప్రయత్నం చేసి ప్రజల విశ్వాసాన్ని దెబ్బతీశారు’ అని నితీశ్ మండిపడ్డారు. ప్యాకేజీ నిజ స్వరూపాన్ని ప్రజాకోర్టులో చూపుతామన్నారు.
 
 ముందు గుజరాత్ సంగతి చూడండి
 ప్యాకేజీతో బిహార్ దశనే మార్చేస్తానన్న మోదీ వ్యాఖ్యలపైనా నితీశ్ విమర్శలు సంధించారు. ‘మీ సొంత రాష్ట్రం(గుజరాత్) పటేళ్ల రిజర్వేషన్ల ఆందోళనతో అట్టుడుకుతోంది. ముందుగా మీ రాష్ట్రం సంగతి చూసుకోండి’ అని వ్యాఖ్యానించారు. ప్యాకేజీలో చేర్చిన వివిధ ప్రాజెక్టుల వివరాలను ఒక్కొక్కటిగా వివరించిన ఆయన.. వాటిని ఫేస్‌బుక్, ట్వీటర్‌లో కూడా పెట్టారు. ప్యాకేజీలో రూ.54 వేల కోట్ల విలువైన 41 జాతీయ రహదారుల ప్రాజెక్టులను చూపారని, ఇందులో రూ.47 వేల కోట్లు ఇంతకుముందే మంజూరయ్యాయని, ఇప్పుడు కేవలం రూ.7 వేల కోట్లు అదనంగా చేర్చారన్నారు. అలాగే గ్రామీణాభివృద్ధి ప్రాజెక్టులకు సంబంధించి ప్యాకేజీలో రూ.13,820 కోట్లు చూపారని, ఆ నిధులు కూడా ఇప్పటికే మంజూరయ్యాయని చెప్పారు. సహజవాయువు, పెట్రోలియం రంగంలో రూ.21,476 కోట్లు చూపారని, అందులో రూ.21,127 కోట్లు ఇప్పటికే మంజూరయ్యాయని వివరించారు. ఇప్పుడు కేవలం రూ.224 కోట్లు అదనంగా కేటాయించారన్నారు.


 హోదా సాధిస్తారా?.. ప్యాకేజీ మాయ చేస్తారా?
 * ప్యాకేజీవైపే మొగ్గు చూపుతున్నట్లు విశ్వసనీయ సమాచారం
 * విభజన హామీల అమలుకు రూ.2 లక్షల కోట్లు కోరాలని నిర్ణయం?
 * రాజధాని నిర్మాణానికి ప్రస్తుతం రూ.4 వేల కోట్లు ఇవ్వాలని విజ్ఞప్తి  
 * కేంద్రాన్ని నిలదీయలేని నిస్సహాయత
 * ‘ఓటుకు కోట్లు’తో బాబు రాజీ ధోరణి
 * హోదాపై స్పష్టత కోసం రాష్ట్ర ప్రజల ఎదురుచూపులు
 సాక్షి, హైదరాబాద్: ఆంధ్రప్రదేశ్ సమగ్రాభివృద్ధి సాధించడానికి అత్యంత కీలకమైన ప్రత్యేక హోదా సాధించుకోవడం కంటే రాష్ట్రానికి ప్రత్యేక ప్యాకేజీ ఇస్తే చాలన్నట్లు ప్రభుత్వ తీరు కనిపిస్తోంది.
 
 సీఎం చంద్రబాబు  మంగళవారం ప్రధాని నరేంద్రమోదీతో ఢిల్లీలో సమావేశమవుతున్న నేపథ్యంలో రాష్ట్రంలోని అయిదు కోట్ల మంది ప్రజలు ప్రత్యేక హోదా కోసం ఎంతో ఆశగా ఎదురుచూస్తున్నారు. గడిచిన 15 నెలలుగా కేంద్రం దాటవేస్తున్న హోదా పై ఈసారైనా స్పష్టత వస్తుందని ఆశిస్తున్నారు. రాష్ట్ర ప్రభుత్వం దృష్టి మాత్రం ప్యాకేజీపైనే ఉన్నట్లు అధికారవర్గాల సమాచారం. అదీ విభజన చట్టంలో చేసిన హామీలకు సంబంధించిందే తప్ప కొత్తగా ఉండదని తెలుస్తోంది.
  
 వైఎస్సార్‌సీపీ బంద్ పిలుపుతో...
 రాష్ట్ర విభజన సందర్భంగా అప్పటి ప్రధానమంత్రి మన్మోహన్ సింగ్ రాజ్యసభ సాక్షిగా ఆంధ్రప్రదేశ్‌కు ప్రత్యేక హోదా ఇస్తామని స్పష్టమైన ప్రకటన చేసిన విషయం తెలిసిందే. అప్పటి నుంచి ఏడాదిన్నర కాలంగా దానిపై ఒక్క అడుగు కూడా ముందుకు పడలేదు. తాజా పరిణామాల నేపథ్యంలో రాష్ట్రంలోని తెలుగుదేశం ప్రభుత్వం రాజీ ధోరణిని ప్రదర్శిస్తోంది.కేంద్రాన్ని గట్టిగా నిలదీయలేకపోతోంది.
 
 రాష్ట్రంలో ఏకైక ప్రతిపక్షమైన వైఎస్సార్ కాంగ్రెస్ పార్టీ ఈ నెల 29న రాష్ట్ర బంద్‌కు పిలుపునివ్వడంతో సీఎం కొంత హడావుడి చేస్తున్నారు తప్ప హోదా సాధన దిశగా చిత్తశుద్ధితో ప్రయత్నిస్తున్న దాఖలాలైతే కనిపించడం లేదని సర్వత్రా వ్యక్తమవుతోంది. ప్రధానికి సమర్పించే విజ్ఞాపన పత్రాల్లో ప్రత్యేక హోదా అంశాన్ని నామమాత్రంగా ప్రస్తావించినప్పటికీ  పెద్దగా పట్టుబట్టే అవకాశం లేదని తెలుస్తోంది.
 
 చంద్రబాబు ‘ఓటుకు కోట్లు’ కేసులో ఇరుక్కుపోయిన నేపథ్యంలో కేంద్రం సుముఖంగా లేని హోదా అంశం జోలికి పోకుండా విభజన చట్టంలోని హామీలన్నింటి  అమలుకయ్యే వ్యయాన్ని కలిపి పెద్ద ప్యాకేజీగా కనిపించేటట్లుగా ప్రకటింపజేసుకుంటే మేలన్న తలంపుతో ప్రభుత్వ పెద్దలు ఉన్నట్లు సమాచారం.
  
 ప్యాకేజీతో ప్రజల దృష్టి మళ్లింపు
 ప్రధాని మోదీ ఇటీవలి కాలంలో బిహార్‌కు భారీ ప్యాకేజీ ప్రకటించిన నేపథ్యంలో.. విభజన  చట్టంలో పొందుపరిచిన హామీలన్నింటినీ కూర్చి గంపగుత్తగా ఆంధ్రప్రదేశ్‌కూ ఒక ప్యాకేజీ ప్రకటించాలని ముఖ్యమంత్రి కోరబోతున్నట్లు తెలుస్తోంది. విభజన చట్టంలో ఇచ్చిన హామీలు, రాయితీలతో పాటు రాజధాని నిర్మాణానికి చేయూతనివ్వడం వంటి మొత్తం అంశాలన్నింటినీ కలిపి ఒకే ప్యాకేజీ కింద ప్రకటన చేయాలని విజ్ఞప్తి చేయనున్నట్లు సమాచారం.
 
 ప్యాకేజీ ప్రకటన చేయించడం ద్వారా ప్రత్యేక హోదా అంశం నుంచి ప్రజల దృష్టిని మళ్లించవచ్చన్న ఆలోచనతో ప్రభుత్వం ఉన్నట్లు తెలుస్తోంది. ప్రత్యేక హోదా కింద లభించే గ్రాంట్లను రాష్ట్ర ప్రభుత్వం ఇష్టానుసారంగా ఎవరికి పడితే వారికన్నట్లు ఖర్చుచేయడానికి వీలుండదు. ప్యాకేజీ ప్రకటించిన పక్షంలో తద్వారా ఆయా ప్రాజెక్టులకు లభించే నిధులను ప్రభుత్వ పెద్దలకు అనుకూలమైన కాంట్రాక్టర్లకు కట్టబెట్టడానికి వీలవుతుందని రాజకీయ వర్గాల కథనం.
  
 బిహార్‌కన్నా ఎక్కువగా ఉంటే చాలు
 ముఖ్యమంత్రి చంద్రబాబు మంగళవారం ఢిల్లీలో ప్రధాని మోదీతో ‘ప్రత్యేక’ంగా భేటీ కానున్నారు. ఈ సందర్భంగా రాష్ట్ర విభజన చట్టంలోని అంశాలన్నింటికీ కలిపి రూ.2 లక్షల కోట్ల ప్రత్యేక ప్యాకేజీ ఇవ్వాల్సిందిగా ప్రధానిని కోరనున్నట్లు ఉన్నతస్థాయి వర్గాల సమాచారం. విభజన చట్టంలో ఇచ్చిన హామీలను వచ్చే అయిదేళ్లలో నెరవేర్చడానికి అయ్యే మొత్తం ఖర్చును కలిపి బిహార్‌కన్నా ఎక్కువ  ప్యాకేజీ ప్రకటించినట్లు కనబడితే అదే చాలన్న ఉద్దేశంతో ప్రభుత్వం ఉన్నట్లు సమాచారం.
 
 అందులోనే పారిశ్రామిక రాయితీలు, నూతన రాజధాని నిర్మాణం, రాష్ట్రంలో వెనుకబడిన ప్రాంతాల అభివృద్ధి, విద్యా, వైద్య రంగాలకు చెందిన జాతీయ సంస్థల ఏర్పాటు, గత ఆర్థిక సంవత్సరంలో ఏర్పడిన రెవెన్యూ లోటు భర్తీ... తదితర అంశాలతోపాటు ప్రస్తుతం రాష్ట్రంలోని పెండింగ్ ప్రాజెక్టులన్నీ ఉంటాయని సమాచారం. నూతన రాజధానిలో మౌలిక వసతుల కల్పనకు రూ. వెయ్యి కోట్లు, భవనాల నిర్మాణాలకు రూ.500 కోట్లను గత ఆర్థిక సంవత్సరంలో కేంద్ర ప్రభుత్వం విడుదల చేసిన విషయం తెలిసిందే. ప్రస్తుత ఆర్థిక సంవత్సరంలో నూతన రాజధాని నిర్మాణం కోసం రూ.4,000 కోట్లను విడుదల చేయాల్సిందిగా కేంద్రాన్ని కోరనున్నారు.
 
 చంద్రబాబు ప్రభుత్వం గతంలో ప్రధాని నరేంద్ర మోదీని, కేంద్ర మంత్రులను కలిసి, లేఖలు రాసి కోరిన కొన్ని అంశాలు..
 * విభజన చట్టంపై చర్చ సందర్భంగా రాజ్యసభలో గతేడాది ఫిబ్రవరి 20న అప్పటి ప్రధాని మన్మోహన్‌సింగ్ ఏపీకి ప్రత్యేక హోదా కల్పిస్తామని హామీ ఇచ్చినందున 15 ఏళ్లపాటు రాష్ట్రానికి స్పెషల్ కేటగిరీ హోదా కల్పించాలి.  రాష్ట్ర విభజన చట్టం సెక్షన్ 94(1) ప్రకారం రాష్ట్రంలో పారిశ్రామిక రంగాన్ని ప్రోత్సహించేందుకు 15 ఏళ్లపాటు నూటికి నూరు శాతం పారిశ్రామిక పెట్టుబడులపై పన్ను రాయితీలు ఇవ్వాలి.
 * వెనుకబడిన ప్రాంతాల అభివృద్ధి కింద రాష్ట్ర విభజన చట్టంలోని సెక్షన్లు 46(2), (3) ప్రకారం రాయలసీమ, ఉత్తరాంధ్ర జిల్లాల అభివృద్ధికి ప్రత్యేక ప్యాకేజీ ఇవ్వాలి. ఐదేళ్లలో రూ.24,350 కోట్ల ఆర్థిక సాయం అందించాలి.
 * గత ఆర్థిక సంవత్సరంలో ఏర్పడిన రెవెన్యూ లోటు భర్తీ కింద రూ.15,691 కోట్లు మంజూరు చేయాలి.  పలు పథకాలు, కార్యక్రమాల కింద కేంద్ర ప్రభుత్వం రుణంగా మంజూరు చేసిన రూ. 10,090 కోట్లను గ్రాంట్‌గా మార్చా లి.
 * హైదరాబాద్ తరహాలో కొత్త రాజధాని నిర్మాణానికి పదేళ్లలో రూ.4 లక్షల కోట్ల నుంచి రూ.5 లక్షల కోట్ల వ్యయం అవుతుంది. ఇందులో భాగంగా విజయవాడ-గుంటూరు-తెనాలి చుట్టూ ఔటర్ రింగ్ రోడ్డు నిర్మాణానికి తొలి దశలో రూ.19,700 కోట్లు కేటాయించాలి.
 * రాష్ట్రంలో 2,897 కిలోమీటర్ల మేర గల 14 రాష్ట్ర రహదారులను జాతీయ రహదారుల స్థాయికి పెంచాలి.  నూతన రాజధానికి 30 టీఎంసీల తాగునీరు అవసరం. కృష్ణా నదిలో ఎవరికీ కేటాయించని నీటి నుంచి 30 టీఎంసీలను నూతన రాజధానికి కేటాయించాలి.
 * కొత్త రైల్వే జోన్‌ను విశాఖలో ఏర్పాటు చేయాలి.  
  
 ఢిల్లీకి వెళ్లిన సీఎం చంద్రబాబు
 సాక్షి, విజయవాడ బ్యూరో: ముఖ్యమంత్రి చంద్రబాబు సోమవారం సాయంత్రం గన్నవరం ఎయిర్‌పోర్టు నుంచి ప్రత్యేక విమానంలో ఢిల్లీకి బయల్దేరి వెళ్లారు. ఆయన మంగళవారం ప్రధాని మోదీతో భేటీకానున్నారు. ఏపీకి ప్రత్యేక హోదా, ప్యాకేజీ అంశాలపై ప్రధానితో చంద్రబాబు చర్చించే అవకాశం ఉంది.


  ఏపీ బంద్‌కు ముందురోజే ప్రకటన వచ్చేలా సన్నాహాలు
  కేంద్రంతో ఢిల్లీలో మంతనాలు ప్రారంభించిన రాష్ట్ర ఉన్నతాధికారి
  ‘ఓటుకు కోట్లు’తో ప్రత్యేక హోదాపై కేంద్రంతో పోరాడలేక ‘భారీ’ ప్యాకేజీ
  పేరుతో జనాన్ని మభ్యపెట్టి బయట పడాలనే కుతంత్రం
  ప్రత్యేక హోదా సెంటిమెంట్‌గా మారుతున్న పరిస్థితులు
  ఢిల్లీలో వైఎస్సార్ కాంగ్రెస్ పార్టీ ధర్నా,
  29న బంద్ పిలుపుతో వేడెక్కిన వాతావరణం
 ప్యాకేజీ కనికట్టుతో ప్రత్యేక హోదా తాకట్టు తంత్రం
  విభజన చట్టంలోని హామీలన్నింటినీ గుదిగుచ్చి లెక్కించి భారీ సైజులో చూపే ప్రయత్నాలు
  
  
  
  సాక్షి, న్యూఢిల్లీ:
  రాష్ట్ర విభజన సందర్భంగా ఆంధ్రప్రదేశ్‌కు దక్కిన ప్రత్యేక హోదాను పక్కనబెట్టి ప్రత్యేక ప్యాకేజీ పేరుతో మభ్యపెట్టేందుకు టీడీపీ ప్రభుత్వం సన్నద్ధమవుతున్నట్లు తెలుస్తోంది. విభజనతో నష్టపోతున్న ఏపీకి ఊతమిచ్చేందుకు కేంద్రప్రభుత్వం విభజన చట్టంలో అనేక ప్రాజెక్టులు పొందుపరచడంతోపాటు ప్రత్యేకహోదా కూడా ఇచ్చిన సంగతి తెలిసిందే. అయితే విభజన జరిగి 15 నెలలు కావొస్తున్నప్పటికీ రాష్ట్రానికి ప్రత్యేక  హోదా కోసం ఎలాంటి పోరాటం చేయకపోగా కేంద్రం ముందు సాగిలపడ్డారంటూ చంద్రబాబు ప్రభుత్వం తీవ్ర విమర్శలను ఎదుర్కొంటోంది. ఓటుకు కోట్లు కేసు వ్యవహారం చుట్టుకున్న తర్వాత హోదా విషయాన్ని కేంద్రం ముందు ప్రస్తావించడానికి కూడా చంద్రబాబు ధైర్యం చేయడంలేదన్న విమర్శలూ ఉన్నాయి. రాష్ట్ర అభివృద్ధికి అత్యంత కీలకమైన ప్రత్యేక హోదా విషయంలో ప్రతిపక్ష వైఎస్సార్ కాంగ్రెస్ పార్టీ ఇటీవలి కాలంలో ఢిల్లీలో నిరసన దీక్ష చేయడం, ఈ నెల 29 న రాష్ట్ర బంద్‌కు పిలుపునివ్వడం తెలిసిందే. ఈ బంద్‌కు అన్ని సంఘాలు, వర్గాలు, రాజకీయ పక్షాల నుంచి పెద్ద ఎత్తున మద్దతు లభిస్తున్న నేపథ్యంలో చంద్రబాబు ప్రభుత్వం ఏదో ఒకటి చేయాలన్న ఆలోచనలో పడింది. విభజన చట్టంలో ఇచ్చిన హామీలన్నింటికీ వేర్వేరుగా కేటాయింపులు జరగకుండా... అవి పూర్తయ్యేవరకూ పెట్టాల్సిన ఖర్చంతటినీ.. ఒకేసారి ప్రత్యేక ప్యాకేజీలో భారీగా చూపించి... ప్రజలను మభ్యపెట్టేందుకు ప్లాన్ వేశారు. అందులో భాగంగా బంద్‌కు ముందురోజే కేంద్రంతో ప్యాకేజీ ప్రకటింపజేసి తామేదో సాధించేశామన్న భ్రమ కల్పించాలన్న ప్రయత్నాలు ఊపందుకున్నాయి.
 
 ఈ మేరకు ప్రకటించే ప్యాకేజీ భారీగా కనిపించడానికి వీలుగా రాష్ట్ర ఆర్థిక శాఖ ముఖ్య కార్యదర్శి పీవీ రమేషన్‌ను ప్రభుత్వం ఢిల్లీ పంపింది. ఆయన శనివారం సాయంత్రం కేంద్ర ఆర్థిక శాఖ అధికారులతో సమావేశమయ్యారు. రెవెన్యూ, వ్యయ విభాగం ఉన్నతాధికారులు ఈ సమావేశంలో పాల్గొన్నారు. ఆంధ్రప్రదేశ్ పునర్వ్యవస్థీకరణ చట్టంలో పొందుపరిచిన అంశాలన్నింటినీ కలిపి సమగ్రంగా ప్రభుత్వం రూపొందించిన ఒక నివేదికను ఈ సందర్భంగా కేంద్రానికి అందజేశారు. శాఖల వారీగా రాష్ట్ర ఆర్థిక అవసరాలు, రాజధాని నిర్మాణం, వాస్తవిక రెవెన్యూలోటు భర్తీకి వనరులు, ఆంధ్రప్రదేశ్ పునర్ వ్యవస్థీకరణ చట్టంలో పొందుపరిచిన నిబంధనల్లో ఇంకా అమలు కాని హామీలు, వాటికి రానున్న ఐదేళ్లలో వెచ్చించాల్సిన వ్యయం తదితర అంశాలపై చర్చించారు. విభజన చట్టంలో ఇచ్చిన అనేక హామీలను ఒకే చోట చేర్చి బీహార్ తరహాలో భారీ ప్యాకేజీని ఒకేసారి ప్రకటించాలని కోరుతున్న ప్రభుత్వం అందుకు అనుగుణంగా నివేదికను అందజేసినట్టు తెలిసింది.
  
  అన్నింటికీ గంప గుత్త?
  ఆంధ్రప్రదేశ్‌కు ప్రత్యేక హోదా ఇచ్చే విషయంలో స్వయంగా ఆనాటి ప్రధానమంత్రి పార్లమెంట్‌లోనే హామీ ఇవ్వగా ఏడాదిన్నర గడుస్తున్నా ఆ విషయంలో ఒక్క అడుగు ముందుకు పడలేదు. అయితే పార్లమెంట్‌లో ఇచ్చిన హామీని నిలుపుకునే విషయంలో కేంద్ర ప్రభుత్వం అనేక రకాలుగా చెబుతూ కాలయాపన చేస్తుండగా కేంద్రాన్ని ఒప్పించడంలో చంద్రబాబు ప్రభుత్వం ఘోరంగా విఫలమైంది. వెనుకబడిన జిల్లాలకు ఒక్కో జిల్లాకు 50 కోట్ల రూపాయల చొప్పున, అలాగే కొన్ని జాతీయస్థాయి విద్యా సంస్థల ఏర్పాటుకు కేంద్రం అరకొర కేటాయింపులు జరిపినా నోరుమెదపలేదు. ప్రత్యేక హోదాపై కేంద్రంపై ఒత్తిడి చేయలేని పరిస్థితుల్లో ప్రజల నుంచి వస్తున్న విమర్శల నుంచి బయటపడటానికి వీలుగా విభజన చట్టంలో ఇచ్చిన హామీలన్నింటిపైనా ఒకేసారి భారీ ప్యాకేజీగా ప్రకటించాలంటూ చంద్రబాబు రాజీ ధోరణి మొదలుపెట్టారు. ఆంధ్రప్రదేశ్ పునర్ వ్యవస్థీకరణ  చట్టంలో నూతన ఆంధ్రప్రదేశ్ రాష్ట్రానికి ఇచ్చిన హామీలన్నింటినీ నెరవేర్చేందుకు అయ్యే వ్యయాన్ని ‘స్పెషల్ ప్యాకేజీ’లో చూపించి ప్రజలను మభ్యపెట్టేందుకు సిద్ధమయ్యారు. కడపలో స్టీల్ ప్లాంటు, విశాఖలో పెట్రో కెమికల్ కాంప్లెక్స్, విశాఖ, తిరుపతి, విజయవాడలోని విమానాశ్రయాలను అంతర్జాతీయస్థాయికి అభివృద్ధి చేయడం, విశాఖ నగరంలో, విజయవాడ-తెనాలి-గుంటూరు మెట్రోపాలిటన్ డెవలప్‌మెంట్ అథారిటీ పరిధిలో మెట్రో రైలు వసతి ఏర్పాటుచేయడం, విశాఖ-చెన్నై పారిశ్రామిక కారిడార్‌ను అభింవృద్ధి చేయడం వంటి అంశాలను పునర్ వ్యవస్థీకరణ చట్టంలోని 13వ షెడ్యూలులో పొందుపరిచారు. వీటన్నింటినీ ఒకే ప్యాకేజీలో చూపించడం ద్వారా రాష్ట్రానికి భారీ ఎత్తున ప్రయోజనం కలగబోతున్నట్టు ప్రజల్లో భావన కల్పించవచ్చన్నది ప్రభుత్వ ఆలోచనగా కనబడుతోంది.
 
 విభజన చట్టంలో ఇచ్చిన హామీలతోపాటు పోలవరం ప్రాజెక్టును జాతీయ ప్రాజెక్టుగా చేపడుతామని చెప్పిన విషయం తెలిసిందే. ఇప్పుడు పోలవరం ప్రాజెక్టు నిధులతోపాటు ఇతర ప్రాజెక్టులకయ్యే మొత్తం నిధులను కూడా కలిపి ఒకేసారి ప్రకటించడంవల్ల భారీ ప్యాకేజీ సాధించామని చెప్పుకోవాలన్న ఆలోచనతో ప్రభుత్వం ఉన్నట్టు తెలుస్తోంది. ఐఐటీ, ఐఐఎం వంటి జాతీయ విద్యా సంస్థలకయ్యే వ్యయాన్ని కూడా ఇదే ప్యాకేజీలో చూపిస్తున్నట్టు తెలుస్తోంది. ఇవన్నీ విభజన చట్టంలో ఉన్నవే అయినప్పటికీ అన్నిటినీ కలిపి భారీగా చూపి మసిపూసి మారేడుకాయ చేయాలన్న ప్రయత్నం చేస్తున్నట్లు సమాచారం. ప్రధాని నరేంద్రమోదీ బీహార్‌కు భారీ ప్యాకేజీ ప్రకటించిన నేపథ్యంలో... తాము కూడా రాష్ట్రానికి అలాంటి భారీ ప్యాకేజీ సాధించామని మభ్యపెట్టాలన్న దిశగా ప్రయత్నాలు ముమ్మరం చేసినట్టు అధికార వర్గాలు చెప్పాయి. అయితే బీహార్‌కు ప్రకటించిన భారీ ప్యాకేజీపై ఆ రాష్ట్ర ముఖ్యమంత్రితోపాటు మిగిలిన అన్ని పక్షాలు తీవ్రంగా వ్యతిరేకించాయి. బీహార్ ప్రగతికి ప్రత్యేక హోదా ఒక్కటే మార్గమని, ప్రత్యేక హోదా ఇవ్వాల్సిందేనని డిమాండ్ చేశాయి. అంటే ప్యాకేజీకన్నా ప్రత్యేక హోదా ఇవ్వడంవల్ల రాష్ట్రానికి ఒనగూరే ప్రయోజనాలెన్ని ఉంటాయో వారి డిమాండ్‌ను బట్టి అర్థమవుతోంది. కానీ రాష్ట్ర ముఖ్యమంత్రి మాత్రం తాను కేసులనుంచి బయటపడేందుకు రాష్ట్ర ప్రయోజనాలను, ప్రత్యేకహోదాను తాకట్టుపెట్టేందుకు సిద్ధమయ్యారని తెలుస్తోంది.
  
  
  
  ప్రత్యేక ప్యాకేజీ వల్ల టీడీపీకి లబ్ధి
  తెనాలిలో మంత్రి గోపాలకృష్ణారెడ్డి సంచలన వ్యాఖ్యలు
  మారీసుపేట (తెనాలి): కేంద్ర ప్రభుత్వం ఆంధ్రప్రదేశ్‌కు ప్రత్యేక ప్యాకేజీ ఇస్తే ముందు లాభపడేది టీడీపీయేనని, ఆ తర్వాత ఆంధ్రులని రాష్ట్ర అటవీ, పర్యావరణం శాఖల మంత్రి బొజ్జల గోపాలకృష్ణారెడ్డి సంచలన వ్యాఖ్యలు చేశారు. గుంటూరు జిల్లా తెనాలిలో శనివారం ఏర్పాటు చేసిన ఇన్‌స్పైర్ వైజ్ఞానిక ప్రదర్శనను ఆయన జ్యోతి ప్రజ్వలన చేసి ప్రారంభించారు. ఈ సందర్భంగా ఆయన విలేకరులతో మాట్లాడుతూ... కేంద్రంలోని బీజేపీ ప్రభుత్వం రూ.లక్ష కోట్లు ఇవ్వటానికి అంగీకరించినట్లు సమాచారం ఉందని చెప్పారు. ఇంకా ఎక్కువ ఇచ్చినా ఆశ్చర్యపడాల్సిన అవసరం లేదన్నారు. తమకు కేంద్ర ప్రభుత్వంపై పూర్తి నమ్మకం ఉందని తెలిపారు. పేదలకు సంక్షేమ ఫలాలు అందించేందుకు యాచించటానికైనా,  దోచిపెట్టడానికి కూడ వెనుకాడబోమన్నారు. అటవీ సంపదను రక్షించేందుకు, భూ ఆక్రమణలను అరికట్టేందుకు చర్యలు తీసుకుంటున్నట్లు ఆయన తెలిపారు.


 ఏ రాష్ట్రాన్నయినా కేంద్రం చల్లగా చూసి, ప్రత్యేక శ్రద్ధ పెట్టి నిధులందిస్తాననడం హర్షించదగిన విషయం. అభివృద్ధి చెందడానికి అవసరమైన వనరులు పుష్కలంగా ఉండి, ఆ వనరుల వినియోగానికి తోడ్పడే ప్రాజెక్టులకు నిధులు కరువై దేశంలో ఎన్నో రాష్ట్రాలు ఇబ్బందులు పడుతున్నాయి. అలాంటి సమస్యలను గుర్తించి, వాటిని తీరుస్తామంటే... భవిష్యత్తును దివ్యంగా తీర్చిదిద్దుతామంటే కాదనేవా రెవరు? కనుక బిహార్‌లో మంగళవారం జరిగిన ఒక బహిరంగసభలో ఆ రాష్ట్రానికి రూ. 1.25 లక్షల కోట్ల ప్రత్యేక ప్యాకేజీ ఇస్తామని ప్రధాని నరేంద్ర మోదీ చేసిన ప్రకటనకు ఎవరూ అభ్యంతరం చెప్పరు. అందుకు ఎంచుకున్న సమయంపైనే... అలాంటి స్థితిలో ఉన్న ఇతర రాష్ట్రాల గురించి పట్టించుకోకపోవడంపైనే ఎవరైనా ప్రశ్నిస్తారు. ఆంతర్యాన్ని నిలదీస్తారు.
 
 అధికార పగ్గాలు చేపట్టాక నరేంద్ర మోదీ చాలా తరచుగా ‘సహకార ఫెడరలిజం’ గురించి మాట్లాడారు. దానికి అనుగుణంగా తమ రాష్ట్రాల అభివృద్ధికి అవసరమైన ప్రణాళికలను తామే రూపొందించుకోవ డానికి తగిన స్వేచ్ఛనివ్వాలని అయిదు నెలలక్రితం జరిగిన నీతి ఆయోగ్ పాలక మండలి సమావేశంలో ముఖ్యమంత్రులందరూ డిమాండ్ చేశారు. అలా కోరిన వారిలో కాంగ్రెస్‌కు చెందిన కేరళ ముఖ్యమంత్రి ఊమెన్ చాందీ మొదలుకొని బీజేపీ సీఎంలు వసుంధర రాజే సింధియా (రాజస్థాన్), మనోహర్‌లాల్ ఖట్టార్ (హర్యానా) వరకూ చాలామంది ఉన్నారు. ఏ ఏ రంగాల్లో అభివృద్ధి చేయదల్చు కున్నారో కేంద్రంలోని పాలకులు ప్రకటించడం కాక... ఎక్కడెక్కడ ఏం అవసరాలు న్నాయో... వాటి విషయంలో చేయాల్సిందేమిటో మమ్మల్నే చెప్పనివ్వాలన్నది ఆ సీఎంల వాదన.
 
  ఇప్పుడు ప్రకటించిన బిహార్ ప్యాకేజీ ఆ రకంగా రూపుదిద్దుకున్నది కాదు. అలా ప్రకటించేముందు మీ అవసరాలేమిటి...మీ ప్రతిపాదనలేమిటని ఆ రాష్ట్ర ముఖ్యమంత్రి నితీశ్‌కుమార్‌ను అడిగిందీ లేదు.  కేవలం మరికొన్నాళ్లలో ఎన్నికలు జరగబోతున్నాయన్న ఏకైక కారణంతో మాత్రమే ఈ ప్యాకేజీని ప్రకటించారన్నది నిజం. ఏ రాష్ట్రాన్ని అభివృద్ధి చేయడానికైనా, అందుకు అవసరమైన ప్యాకేజీలు ఇవ్వడానికైనా ఆ రాష్ట్రం స్థితిగతులు మాత్రమే ప్రాతిపదిక కావాలి తప్ప అక్కడ జరిగే ఎన్నికలు కాకూడదని ఎవరైనా అంగీకరిస్తారు. మోదీ ఇటీవల తరచు అంటున్నట్టు చాలా వెనకబడినాయంటున్న బిమారు రాష్ట్రాల్లో బిహార్ కూడా ఒకటి. కనుక దాన్ని అభివృద్ధి చేయాల్సిందే. అక్కడి ప్రజల జీవన ప్రమాణాలను మెరుగుపరచాల్సిందే.
 
 ఆ కారణాలే గీటురాయి కాదల్చుకుంటే దేశంలో ఇంకా చాలా రాష్ట్రాలూ... చాలా రాష్ట్రాల్లోని ప్రాంతాలూ బాగా వెనకబడి ఉన్నాయి. ఈమధ్యే విడుదలైన సామాజిక-ఆర్ధిక కుల గణన(ఎస్‌ఈసీసీ) గణాంకాలను గమనిస్తే ఈ సంగతి వెల్లడవుతుంది. అయితే ఈ గణాంకాలు రూపొందించడానికి అనుసరించిన ప్రాతిపదికలపై చాలా మందికి అభ్యంతరం ఉంది. ఎందుకంటే... రిఫ్రిజిరేటర్ లేదా టెలిఫోన్(ల్యాండ్‌లైన్) లేదా నెలకు రూ. 10,000 కన్నా తక్కువ నెలసరి ఆదాయం పొందే కుటుంబాలు ఎన్ని ఉన్నాయని లెక్కలు తీసి... మూడింటిలో ఏ ఒక్కటి లేకపోయినా ఆ కుటుంబాలు వెనకబడి ఉన్నట్టు లెక్కేశారు. పోనీ దాని ప్రకారమే చూసుకున్నా బీజేపీ ఏలుబడిలోని ఛత్తీస్‌గఢ్ చాలా అంశాల్లో అట్టడుగున ఉంది. ఆ తర్వాత ఒడిశా, జార్ఖండ్‌లున్నాయి. మధ్యప్రదేశ్ సైతం అభివృద్ధి లేమితో ఇబ్బందులు పడుతోంది. ఈ రాష్ట్రాల్లో అసలే అభివృద్ధి జరగలేదనుకోవాలా... లేక అమలు చేస్తున్న అభివృద్ధి నమూనాలు లోపభూయిష్టమైనవనుకోవాలా? మరోపక్క సంపన్న రాష్ట్రాలుగా పరిగణిస్తున్న చోట సైతం అత్యంత వెనకబడిన ప్రాంతాలున్నాయి. రాష్ట్రాల అభివృద్ధే దేశాభివృద్ధి అవుతుందనీ... వెనకబడిన ప్రాంతాలున్నంతవరకూ దేశ సర్వతోముఖాభివృద్ధి సాధ్యంకాదనీ అనుకున్నప్పుడు అందుకు సంబంధించిన సమగ్ర వ్యూహం అవసరమవుతుంది. ఆ వ్యూహం కోసం కేంద్రం రాష్ట్రాలతో చర్చించి, వాటి అవగాహనలో లోపమున్నా, తమ విధానాల్లో లోపమున్నా సవరించుకోవాల్సి ఉంటుంది. బిహార్ విషయంలో ఇదేమీ జరగలేదు.
 
   ఎన్నికలవల్ల ఒరిగేదేమీ ఉండదని, సామాన్య పౌరుల జీవితాలేమీ మారవని కొందరు నిర్లిప్తంగా మాట్లాడతారుగానీ... వాటికుండే ఉపయోగాలు వాటికున్నాయి. ఇప్పుడు ప్రకటించిన భారీ ఆర్థిక ప్యాకేజీ అయినా... మొదటినుంచీ ప్రతిష్టాత్మకంగా తీసుకున్న భూసేకరణ సవరణ బిల్లును పక్కనబెట్టడమైనా రాబోయే బిహార్ ఎన్నికలను దృష్టిలో పెట్టుకునే అన్నది నిజం. మరి ఇప్పట్లో ఎన్నికలు లేని రాష్ట్రాల మాటేమిటి? అవి అభివృద్ధి చెందాల్సిన అవసరం లేదా? నిరుడు సార్వత్రిక ఎన్నికల సందర్భంగా బీజేపీ ప్రచారానికి సారథ్యం వహించిన నరేంద్ర మోదీ ఆంధ్రప్రదేశ్‌లో టీడీపీతో కలిసి అనేక బహిరంగ సభలు నిర్వహించి అధికారంలోకి రాగానే రాష్ట్రానికి ప్రత్యేక హోదా ఇస్తామని చెప్పారు. రాష్ట్రాభివృద్ధికి చర్యలు తీసుకుంటామని హామీ ఇచ్చారు. కానీ ఆచరణలో ఇంతవరకూ ఒరిగిందేమీ లేదు. ఏపీకి ప్రత్యేక హోదా ఇస్తే మిగిలిన రాష్ట్రాలు కూడా డిమాండ్ చేస్తాయని కొన్నాళ్లూ... ఇవ్వడానికి కట్టుబడి ఉన్నామని కొన్నాళ్లూ చెబుతూ పొద్దుపుచ్చు తున్నారు. ఇప్పటికి 14 నెలలవుతున్నా ప్రత్యేక హోదా మాట అటుంచి ఇతరత్రా హామీలు కూడా సరిగా నెరవేర్చలేకపోయారు.
 
   పరిమాణం రీత్యా చూస్తే బిహార్ ప్యాకేజీ భారీగానే ఉంది. అందులో పేర్కొన్న ప్రాజెక్టులన్నీ సాకారమైతే బిహార్‌లో గణనీయమైన అభివృద్ధే జరగొచ్చు. అయితే అక్కడ జరిగే ఎన్నికలను ఎలాగైనా గెలిచితీరాలన్న మోదీ దృఢ నిశ్చయాన్నే అది ఎలుగెత్తి చాటుతోంది. కేవలం బిహార్ అభివృద్ధే ప్రధాన ధ్యేయమైతే ప్యాకేజీని ప్రకటించడానికి 14 నెలల సమయం తీసుకోనవసరం లేదు.  కనీసం ఆంధ్రప్రదేశ్ విషయంలోనైనా ఈ ఒరవడికి భిన్నంగా ఆలోచించి ఇచ్చిన హామీలను నిలబెట్టుకోవలసిన అవసరం ఉన్నదని నరేంద్రమోదీ గుర్తించాలి.
  


 కర్నూలు: విభజన చట్టంలో పేర్కొన్నమేరకు ఆంధ్రప్రదేశ్కు ప్రత్యేక హోదా కల్పించాలని డిమాండ్ చేస్తూ ఆగస్టు 29న తలపెట్టిన రాష్ట్ర బంద్ను విజయవంతం చేయాలని కర్నూలు జిల్లా వైఎస్సార్ సీపీ నాయకులు పిలుపునిచ్చారు. ప్రత్యేక హోదా తప్ప ప్యాకేజీలకు అంగీకరించేదిలేదని స్పష్టం చేశారు. హోదా డిమాండ్ను నిర్వీర్యం చేయడానికే టీడీపీ ప్రభుత్వం ప్యాకేజీ అంశాన్నితెరపైకి తెచ్చిందని దుయ్యబట్టారు.
 
 కేవలం స్వలాభం కోసమే టీడీపీ ప్యాకేజీ అంటూ నాటకాలాడుతోందని విమర్శించారు. కర్నూలు పట్టణంలో బుధవారం నిర్వహించిన ఈ సమావేశంలో పార్టీ రాష్ట్ర ప్రధాన కార్యదర్శి అనంత వెంకట్రామిరెడ్డి, ఎంపీ బుట్టా రేణుక, బుడ్డా రాజశేఖర్ రెడ్డి, బుగ్గన రాజేంద్రనాథ్ రెడ్డి, ఎస్వీ మోహన్ రెడ్డి, ఐజయ్య, గుమ్మలూరి జయరాం, గౌరు చరిత, మాజీ ఎమ్మెల్యే కాటసాని తదితరులు పాల్గొన్నారు.


 డేట్‌లైన్ హైదరాబాద్
 ప్రత్యేక హోదాకు, ప్యాకేజీలకు మధ్య ఉన్న తేడా ప్రభుత్వంలోని పెద్దలకు, వారి తరఫున లేదా వారిని కాపాడటానికి ప్రయత్నిస్తున్న పెద్దలకు, ఆ వర్గం మీడియాకు తెలియదనుకోవాలా? ప్రత్యేక హోదా వల్ల వచ్చే రాయితీల కారణంగా ఏర్పడే ఉద్యోగ ఉపాధి అవకాశాలకు, ప్యాకేజీల ద్వారా వచ్చే నిధులకు నడుమ ఉండే తేడాను ఎందుకు విస్మరిస్తున్నారు? ప్రత్యేక హోదా ద్వారా వచ్చేది అభివృద్ధి కాగా, ప్యాకేజీల ద్వారా వచ్చే నిధులు తాత్కాలిక ప్రయోజనాలనే నెరవేరుస్తాయి. అందులో ఎంత సద్వినియోగం అవుతుందో ఎవరు మాత్రం ఎలా చెప్పగలరు?
 
  నరేంద్ర మోదీ మహరాజ్ బిహార్ రాష్ర్టం మీద వరాల జల్లు కురిపించారు. ఆయన ఈ దేశానికి ప్రధానమంత్రి కదా, మహరాజ్ అంటారేమిటి అనే సందేహం వద్దు. ఆయన తాను ప్రజాస్వామ్య భారతదేశంలో ఉన్నానని కానీ, ఆ దేశానికి అయిదేళ్లపాటు ప్రధానమంత్రిగా ఉండి తమ తరఫున పరిపాలన చెయ్యమని ప్రజలు ఓట్లేసి గెలిపించారని కానీ అనుకుంటున్నట్టు లేరు. బిహార్ పర్యటనలో భాగంగా ఆయన చేసిన ప్రసంగం, ఆయన హావభా వాలూ రాజరిక వ్యవస్థ ప్రతినిధిని తలపిస్తాయే తప్ప, ప్రజాస్వామ్యాన్ని గౌరవిస్తున్న నాయకుడు ఉపన్యసిస్తున్న తీరులో మాత్రం కనిపించవు. బిహార్‌కు ఆర్థికసాయం ఎంత కావాలి అని అడిగిన మోదీ, జనం చప్పట్లు, ఈలల మోత పెరిగిన కొద్దీ ఆ మొత్తాన్ని పెంచుకుంటూ పోయారు. ఆయన బిహార్‌కు ఒక ఆర్థిక ప్యాకేజీ ఇవ్వాలనుకున్నారు. దాని కోసం ఆయన 50 వేల కోట్ల రూపాయల నుండి మొదలు పెట్టి లక్షా ఇరవై ఐదు వేల కోట్ల సాయం ప్రకటించారు.
 
  ఆ కోట్లు ఎవరివి?
  బిహార్‌కు బోలెడు డబ్బు అవసరమే కావచ్చు. కేంద్ర సహాయం కూడా చాలా అవసరమే కావచ్చు. కానీ ఇక్కడ రెండు విషయాలు మాట్లాడుకోవాలి. ఒకటి, బిహార్‌కు  సాయంగా అందిస్తానని మోదీ చెబుతున్న లక్షా ఇరవై ఐదువేల కోట్లు ఎవరి డబ్బు? ఎక్కడి నుండి వచ్చింది? రెండు, ఏ ప్రాతిపదికన, ఎవరి ఆమోదంతో ఈ సాయం ప్రకటించారు? ఈ ప్రశ్నలు ఎందుకు వెయ్యాల్సి వస్తున్నదంటే రాష్ర్ట విభజన సమయంలో ఆంధ్రప్రదేశ్ రాష్ట్రానికి ఇస్తామన్న ప్రత్యేక హోదా ఊసు ఎత్తితేనే కేంద్రంలోని పెద్దలు లేవనెత్తే అభ్యంతరాల జాబితా, చూపే కుంటిసాకుల జాబితా చేంతాడంత ఉంటుంది. మరి, బిహార్‌కు లక్షా ఇరవై ఐదు వేల కోట్ల ఆర్థిక సాయాన్ని ప్రకటించేటప్పుడు ఈ సమస్యలేవీ అడ్డురాలేదా? లేకపోతే 2014 ఎన్నికల సమయంలో ఆంధ్ర ప్రదేశ్ ప్రజలకు ప్రత్యేక హోదా విషయంలో ఇచ్చిన ఉత్తుత్తి హామీగానే బిహార్‌కు ప్రకటించిన సహాయాన్ని కూడా పరిగణించాలా? ఈ అనుమా నాలు ఎందుకొస్తాయంటే బిహార్ శాసనసభకు ఎన్నికలు జరగబోతున్నాయి కాబట్టి.
 
 ఎన్నికల తరువాత ఓడిపోతే సరే సరి, మమ్మల్ని గెలిపిస్తే ఈ సాయం అందేది అని తప్పించుకోవచ్చు. గెలిచినా కూడా ఎగ్గొట్టెయ్యవచ్చు. ఆంధ్ర ప్రదేశ్ రాష్ట్రానికి బీజేపీ నాయకత్వంలోని ఎన్డీయే ప్రభుత్వం చేసింది అదే కదా! ప్రత్యేక హోదా ఐదేళ్లు సరిపోదు పదేళ్లు కావాల్సిందే అని రాజ్యసభలో వీరంగం వేసిన వెంకయ్యనాయుడు కేంద్ర ప్రభుత్వంలో కీలక మంత్రి. పదేళ్లు కూడా సరిపోవు పదిహేనేళ్లు ఇవ్వాల్సిందేనన్న తెలుగుదేశం పార్టీ కూడా అక్కడ ప్రభుత్వంలో భాగస్వామి, ఇక్కడ ఆంధ్రప్రదేశ్ ప్రభుత్వంలో బీజేపీని భాగస్వామిగా చేర్చుకున్నదే.
 
  ఆంధ్ర ప్రజలకు ఏం చెబుతారు?
  ప్రధానమంత్రి నరేంద్ర మోదీ తన పార్టీని ఎన్నికలలో గెలిపించడానికి  బిహార్‌లో ఇంకా ఇటువంటి సర్కస్‌లు ఎన్నయినా చెయ్యొచ్చు. ఒక్కటి మాత్రం బీజేపీ పెద్దలు గుర్తించుకోవాలి. పద్నాలుగు మాసాలు గడిచి పోతున్నా ఆంధ్రప్రదేశ్‌కు ఇచ్చిన హామీని నెరవేర్చక పోగా, ఢిల్లీ నుండి గల్లీ దాకా బీజేపీ, టీడీపీ పెద్దలు, చిన్నలు మాట్లాడుతున్న మాటలు ఆ రాష్ర్ట ప్రజల మనోధైర్యాన్ని ఎంతగా దెబ్బతీశాయో తిరుపతిలో మునికోటి ఆత్మా హుతితో అయినా గుర్తించకపోతే అధికార టీడీపీ సరే, స్వతంత్రంగా రాజ కీయ ఎదుగుదల కోసం ప్రయత్నిస్తున్న బీజేపీకి కూడా భంగపాటు తప్పదు. బిహార్‌కు నరేంద్ర మోదీ చేసిన వాగ్దానం తరువాత ఆంధ్రప్రదేశ్‌లో అధికా రంలో ఉన్న తెలుగుదేశం పార్టీ నాయకత్వం ప్రజలకు ఏం జవాబు చెబు తుందో చూడాలి.
 
 ఎందుకంటే ఆంధ్రప్రదేశ్‌కు ప్రత్యేక హోదా కోసం ప్రతి పక్షాలు చేస్తున్న ఆందోళనను పట్టించుకోకుండా ఇప్పటి దాకా రకరకాల కార ణాలు చెబుతూ కాలయాపన చేశారు. ముఖ్యమైన ఈ సమస్య మీద అఖిల పక్షాన్ని దగ్గరికి తీసుకుని, చర్చించడానికి ఏనాడూ ప్రయత్నం చేయలేదు. పైగా కాసేపు ప్రణాళికా సంఘం రద్దయి, నీతి ఆయోగ్ వచ్చిందంటారు. మరి కాసేపు ఆర్ధిక సంఘం బూచిని చూపిస్తారు. ఇంకాసేపు ఇక ఏ రాష్ట్రానికీ ప్రత్యేక హోదా ఇచ్చేది లేదని పార్లమెంట్‌లో ప్రకటనలు చేయిస్తారు. మళ్లీ ప్రత్యేక హోదా మీద పట్ట్టుదల ఎందుకు, ప్రత్యేక ప్యాకేజీల ద్వారా బోలెడు నిధులు తెస్తాం అంటారు. ఏదీ, మరి ఏ సాయమూ అందలేదేమిటంటే, బిహార్ ఎన్నికల భూతాన్ని చూపిస్తారు. ఇప్పుడు ప్రధానమంత్రే స్వయంగా బిహార్‌కు చేయబోయే సాయాన్ని ప్రకటించాక ఏం చెబుతారు?
  ప్రత్యేక హోదా ఎక్కడ? ప్యాకేజీ ఎక్కడ?
  అసలు ఈ ప్రత్యేక హోదా కోసం పట్టుదల ఎందుకు? మనకు కావలసినన్ని నిధులు తెచ్చుకుంటే చాలదా అని వాదిస్తున్న పెద్దలు కొందరు ఉన్నారు. మీడియాలోని ఒక వర్గం కూడా ఈ అంశాన్నే గట్టిగా ప్రచారం చేస్తున్నది. తెలుగుదేశం ప్రభుత్వం కూడా ఒక దశ వరకు ప్రజలను మానసికంగా ప్యాకే జీలకు సిద్ధం చేసే ప్రయత్నమే చేసింది. ఇదొక విచిత్రమయిన వాదన. జనాన్ని మోసం చేసే మాటలు ఇవి. ప్రత్యేక హోదాకు, ప్యాకేజీలకు మధ్య ఉన్న తేడా ప్రభుత్వంలోని పెద్దలకు, వారి తరఫున లేదా వారిని కాపాడ టానికి ప్రయత్నిస్తున్న పెద్దలకు, ఆ వర్గం మీడియాకు తెలియదనుకోవాలా? ప్రత్యేక హోదా వల్ల వచ్చే రాయితీల కారణంగా ఏర్పడే ఉద్యోగ ఉపాధి అవ కాశాలకు, ప్యాకేజీల ద్వారా వచ్చే నిధులకు నడుమ ఉండే తేడాను ఎందుకు విస్మరిస్తున్నారు? ప్రత్యేక హోదా ద్వారా వచ్చేది అభివృద్ధి కాగా, ప్యాకేజీల ద్వారా వచ్చే నిధులు తాత్కాలిక ప్రయోజనాలనే నెరవేరుస్తాయి. అందులో ఎంత సద్వినియోగం అవుతుందో ఎవరు మాత్రం ఎలా చెప్పగలరు? అయినా ప్యాకేజీల జపమే చేస్తూ వచ్చిన ప్రభుత్వ పెద్దలు చివరికి కేంద్రాన్ని కొంచెం గట్టిగా అడిగినట్టు జనానికి చూపించుకోక తప్పలేదు. ఇదంతా ఎందుకు జరుగుతున్నది అంటే మళ్లీ ఇందులో రాజకీయ క్రీడ. కేంద్రంలో అధికారంలో ఉన్న బీజేపీ, రాష్ర్టంలో అధికారంలో ఉన్న టీడీపీ ప్రజల ముందు ఒకరినొకరు పలచన చేసుకోడానికి చేస్తున్న ప్రయత్నంలో భాగమే ఇదంతా అన్న వాదన కూడా వినబడుతున్నది.
 
  ఏకాంతంలో ఏం చర్చిస్తారు?
  ఏదిఏమైనా, కమ్యూనిస్టులు, కాంగ్రెస్ వారూ రోడ్డెక్కాక,  ప్రత్యేక హోదా కోసం తొలి నాటి నుండే పోరాటం చేస్తున్న ప్రతిపక్ష నేత జగన్‌మోహన్‌రెడ్డి నాయకత్వంలో వైఎస్సార్ కాంగ్రెస్ ఉద్యమం జంతర్ మంతర్ చేరాక, మునికోటి ఆత్మాహుతి చేసుకున్నాక ఎట్టకేలకు ప్రధాన మంత్రి నరేంద్రమోదీ నుండి రాష్ర్ట ముఖ్యమంత్రి చంద్రబాబు నాయుడుకు ఫోన్‌లో ఆహ్వానం అందింది. చూశారా! ‘మీరే ఇచ్చిన మాటను నిలబెట్టుకోండి!’ అని చెప్పడా నికి మనుషులు  చావాలన్న మాట. కనీసం ఇప్పుడైనా పిలిచారు సంతోషం. రేపు, అంటే ఇరవయ్యవ తేదీన ముఖ్యమంత్రి చంద్రబాబునాయుడుకు ప్రధానమంత్రి అపాయింట్‌మెంట్ ఇచ్చారు, ప్రత్యేక హోదా గురించి చర్చించడానికి.
 
 తామిద్దరూ జంటగా ఎన్నికల ప్రచార వేదికలెక్కి ఇచ్చిన మాట ప్రత్యేక హోదా. దాని మీద మళ్లీ ఏకాంతంలో ఏం చర్చిస్తారు? బిహార్ తరహాలో ఆంధ్రప్రదేశ్ మీద లక్ష కోట్ల కాసుల వాగ్దాన వర్షం కురిపిస్తారా? బిహార్ విషయంలో ఇది ఎవరి సొమ్ము అని ఎట్లా అంటున్నామో ఆంధ్రప్రదేశ్ విషయంలో కూడా అదే అనవలసివస్తుంది. ఆహ్వానం తెప్పించుకుని మరీ ఢిల్లీ వెళుతున్న ముఖ్యమంత్రికి బాగా తెలుసు- కేంద్రం నుండి ఆంధ్ర ప్రదేశ్‌కు రాబోయే సాయం ఏమిటో. అయినను పోయిరావలె హస్తినకు. కాబట్టి వెళతారు, వస్తారు.
  
 (వ్యాసకర్త దేవులపల్లి అమర్)


 నిర్దాక్షిణ్యంగా పోలవరం నిర్వాసితుల ఇళ్లు కూల్చివేత
 దేవీపట్నం (తూర్పుగోదావరి): పోలవరం నిర్వాసిత గ్రామం అంగుళూరుపై అధికారులు కర్కశంగా వ్యవహరించారు. పచ్చని చెట్లతో కళకళలాడే పల్లెను పది నిమిషాల్లో మరుభూమిగా మార్చేశారు. మంగళవారం ఉదయం రంపచోడవరం ఆర్డీవో సత్యవాణి ఆదేశాల మేరకు అధికారులు పోలీసు బలగాలతో అంగుళూరులో బీభత్సం సృష్టించారు.  భారీ యంత్రాలతో ఇళ్లను కూల్చివేశారు.  పిల్లలు, వృద్ధులు అని చూడకుండా లాగిపడేశారు. దీంతో నిరుపేదలు భయంతో వణికిపోయారు.
 రెవెన్యూ, పోలీసు బలగాలు తెల్లవారుజామునే సమీప కాలనీల గిరిజనులను కదలనివ్వకుండా నిర్బంధించారు. ముంపు గ్రామంలో నివసిస్తున్న 24 కుటుంబాలను బలవంతంగా ఖాళీ చేయించారు. ఈ ఘటనతో హతాశులైన మహిళలు సొమ్మసిల్లి పడిపోయారు. నిర్వాసితులకు అందజేయాల్సిన ప్యాకేజీ ఇవ్వకుండా, భూమికి భూమి పరిహారం అందించకుండా అధికారులు అప్రజాస్వామికంగా వ్యవహరించారని స్థానికులు ఆగ్రహం వ్యక్తం చేశారు.


 హైదరాబాద్: ఆంధ్రప్రదేశ్ రాష్ట్రానికి సింగపూర్ తరహా రాజధాని ఏ మేరకు అవసరమో పాలకులు పునస్సమీక్షించుకోవాలంటూ రాజధాని ప్రతిపాదిత గ్రామాల పర్యటనలో వ్యాఖ్యలు చేసిన సినీనటుడు, జనసేన పార్టీ అధ్యక్షుడు పవన్‌కల్యాణ్ హైదరాబాద్ రాగానే ‘చంద్రబాబు రైతులకిచ్చిన ప్యాకేజీ చాలా బాగుంద’ని కితాబిచ్చారు. సాధారణ ఎన్నికల తరువాత రాజకీయ అంశాలపై మాట్లాడేందుకు శుక్రవారమిక్కడ తన నివాసంలో విలేకరుల సమావేశం ఏర్పాటు చేసిన ఆయన కొన్ని ఆసక్తికర వ్యాఖ్యలు చేశారు. డ్వాక్రా, రైతు రుణాల మాఫీ హామీని అమలు చేయాలని ముఖ్యమంత్రి చంద్రబాబు ఎంతో నిజాయితీగా ఉన్నారని, అయితే అందుకు నిధులు సరిపోయినన్ని లేవని పవన్ బాధపడ్డారు. కేంద్రంలో అధికారంలో ఉన్న బీజేపీ విషయంలో మాత్రం రాష్ట్రానికి ప్రత్యేకహోదా ఇస్తామన్న ‘మాట తప్పింది’ అని ఆయన విమర్శలు గుప్పించారు. పోలవరం ముంపు మండలాలను ఆంధ్రాలో కలిపే విషయంలో అధికారంలోకి రాగానే ఆర్డినెన్స్ జారీచేసిన బీజేపీ ప్రభుత్వం అంతే తొందరగా రాష్ట్రానికి ప్రత్యేక హోదా ఇవ్వడానికి ముందుకు రావట్లేదని ఆగ్రహం వెలిబుచ్చారు. ప్రత్యేక హోదా ఇవ్వడానికి ఆ పార్టీ నేతలు ఏవో సమస్యలు చెబుతున్నారని, హామీ ఇచ్చిన సమయంలో సమస్యలు వస్తాయని తెలియదా? అని ప్రశ్నించారు.  
 
 2019లోబాబు అధికారంలోకి రాకపోతే..
 తానైతే చంద్రబాబే 2020 తరువాత కూడా ముఖ్యమంత్రిగా ఉండాలని కోరుకుంటున్నానని, ఒకవేళ 2019లో టీడీపీ అధికారంలోకి రానిపక్షంలో రాజధానికి భూములిచ్చిన రైతులకు రాజ్యాంగపరంగా ఎలాంటి భద్రత ఉంటుందో చంద్రబాబు ప్రభుత్వం స్పష్టం చేయాలని పవన్ అన్నారు. తుళ్లూరు మండలంలో పలు గ్రామాలకు చెందిన అనేకమంది రైతులు తనకు ఫోన్లు చేసి.. ఈ విషయంపై ప్రభుత్వాన్ని ప్రశ్నించాలని సూచించారన్నారు. ప్రతిపక్షనేత జగన్‌మోహన్‌రెడ్డి తాము అధికారంలోకొస్తే మీ భూములు వెనక్కి ఇస్తామంటూ  రైతులకిచ్చిన హామీని పవన్ ప్రస్తావిస్తూ.. ప్రభుత్వాలు మారినా స్వచ్ఛందంగా భూములిచ్చిన రైతులకు రాజ్యాంగపరంగా ఉండే భద్రత ఏమిటని ప్రశ్నించారు. రైతులకు అన్యాయం జరిగితే ఆమరణ దీక్ష చేస్తానన్న మాటకు కట్టుబడి ఉన్నారా? అన్న ప్రశ్నకు చేతులు అడ్డంగా ఊపుతూ సమాధానం దాటవేశారు. కాగా రాష్ట్రానికి ప్రత్యేక హోదా తెచ్చే విషయంలో టీడీపీ, వైఎస్సార్‌సీపీ ఎంపీలదే బాధ్యతని పవన్‌కల్యాణ్ అన్నారు. తాను నిరసన వ్యక్తం చేయడం తప్ప గట్టిగా మాట్లాడడానికి ఎంపీని కాదు కదా అని పేర్కొన్నారు.
  
 తెలంగాణ ఉప ఎన్నికల్లో నేనే పోటీ చేయొచ్చు
 తెలంగాణ ప్రాంతంలో త్వరలో జరగబోయే ఉప ఎన్నికల్లో స్వయంగా తానే పోటీ చేసే అవకాశం ఉందని సినీనటుడు, జనసేన పార్టీ అధ్యక్షుడు పవన్‌కల్యాణ్ ప్రకటించారు. గ్రేటర్ హైదరాబాద్ ఎన్నికల్లో జనసేన పార్టీ పోటీ చేసే అంశంపై ఇప్పటికైతే నిర్ణయం తీసుకోలేదని.. అయితే కొందరు మంత్రులు పార్టీలు మారిన దృష్ట్యా ఈ లోగానే తెలంగాణలో జరిగే ఏ ఎన్నికలోనైనా జనసేన పార్టీ తప్పక పోటీ చేస్తుందని ఆయన చెప్పారు. మీరే ఆ ఎన్నికల్లో పోటీ చేస్తారా? అన్న ప్రశ్నకు ‘అవకాశముంది’ అని పవన్ బదులిచ్చారు.
  
 అక్కడొక మాట.. ఇక్కడొక మాట..
 ఏపీ రాజధాని ప్రాంతంలో పర్యటించిన జనసేన అధినేత పవన్ కల్యాణ్ అక్కడి రైతులకు అండగా ఉంటానని చెప్పిన మాటలను హైదరాబాద్‌లో శుక్రవారం నిర్వహించిన మీడియా సమావేశంలో మార్చేశారు. ఆయన అందుకున్న కొత్త పల్లవి ఇలా...
  
 రైతులతో పవన్: రాజధానికోసం భూములు ఇవ్వలేమన్న రైతులను వదిలివేయడం మంచిది. ప్రభుత్వం మొండిగా సమీకరణకు దిగితే ఊరుకోను. బాధిత రైతులపక్షాన పోరాటం చేస్తా.
 హైదరాబాద్‌లో: రాజధాని భూ సమీకరణకోసం రైతులకిచ్చిన ప్యాకేజీ చాలా బాగుంది.
 రైతులతో పవన్: 33 వేల ఎకరాల్లో సింగపూర్ తరహా రాజధాని ఏ మేరకు అవసరమో పాలకులు పునస్సమీక్షించుకోవాలి. భూసేకరణ పేరిట ప్రభుత్వం బెదిరిస్తే ఎవరూ భయపడవద్దు.
 హైదరాబాద్‌లో: రాజధానికి ఎన్నివేల ఎకరాలు ఉండాలనే దాని జోలికి నేను పోవడం లేదు. అయితే మొత్తం భూములన్నింటిలో రైతులను పంటలు వేసుకోవద్దని చెప్పడం కాకుండా పనులు జరిగే దానినిబట్టి దశలవారీగా పంటలు వేసుకోవాలని చెప్పడం మంచిది.
 రైతులతో పవన్:భూములివ్వడం ఇష్టంలేని రైతులెవ్వరూ భయపడొద్దు. ప్రభుత్వం భూసేకరణకు వస్తే ఆమరణదీక్ష చేస్తా. ఐదారు వేల ఎకరాలతో చక్కని రాజధాని కట్టుకోవాల్సిందిపోయి 33 వేల ఎకరాలతో సింగపూర్ తరహా రాజధాని ఎందుకు?
 హైదరాబాద్‌లో: రైతులకు అన్యాయం జరిగితే ఆమరణ దీక్ష చేస్తామన్న మాటకు కట్టుబడి ఉన్నారా? అని హైదరాబాద్‌లో అడగ్గా చేతులు అడ్డంగా ఊపుతూ సమాధానం దాటవేత.
 రైతులతో పవన్: త్వరలోనే ఢిల్లీ వెళ్తా. తెలుగు జాతికిచ్చిన మాటను కేంద్రం నిలబెట్టుకోవాలని కేంద్రప్రభుత్వ పెద్దలకు చెబుతా. యూపీఏలాగా ఎన్డీఏ సర్కారు కూడా మాటతప్పితే ఏం చేయాలో తర్వాత చెబుతా
 హైదరాబాద్‌లో: రాష్ట్రానికి ప్రత్యేక హోదా ఇచ్చే అంశం విషయంలో టీడీపీ, వైఎస్సార్‌సీపీ ఎంపీలదే బాధ్యత. విలేకరుల సమావేశం పెట్టో, ధర్నా చేసి నిరసన వ్యక్తం చేయడం తప్ప గట్టిగా మాట్లాడడానికి నేను పార్లమెంట్ సభ్యుడిని కాదు కదా.
 రైతులతో పవన్: 50 చదరపు మైళ్ల విస్తీర్ణంలో రాజధాని అవసరమా అని సర్కారు ఆలోచించాలి
 హైదరాబాద్‌లో: రాజధానికోసం ఇప్పటికే 95 శాతం భూముల రైతులు స్వచ్ఛందంగా ఇవ్వడానికి ముందుకొచ్చినందున వారి విషయం నేను మాట్లాడడం లేదు.


     రేపటి నుంచి జగన్  ‘రైతు భరోసా యాత్ర’
     వైఎస్సార్ సీపీ అధికార ప్రతినిధి పార్థసారథి
 సాక్షి, హైదరాబాద్: ఇటీవల జరిగిన అసెంబ్లీ సమావేశాల్లో రాష్ట్రంలో రైతు ఆత్మహత్యలు ఎక్కడ జరిగాయని మాట్లాడిన సీఎం చంద్రబాబు.. ఇప్పుడు రైతు కుటుంబాలకు రూ. 5 లక్షల పరిహారం ప్రకటించడం వైఎస్సార్ కాంగ్రెస్ పార్టీ అధ్యక్షుడు జగన్‌మోహన్‌రెడ్డి సాధించిన విజయమని ఆ పార్టీ అధికార ప్రతినిధి కె. పార్థసారథి పేర్కొన్నారు. వైఎస్ జగన్.. ఆదివారం నుంచి అనంతపురంలో రైతు భరోసా యాత్ర ప్రారంభించనున్న నేపథ్యంలోనే బాబు ప్రభుత్వం ఈ ప్రకటన చేసిందన్నారు. ఈ మేరకు శుక్రవారం హైదరాబాద్‌లో విలేకరులతో మాట్లాడారు. వైఎస్సార్ సీపీ అధికారంలోకి రాకపోయినా జగన్‌మోహన్‌రెడ్డి కృషి, పోరాటాల వల్ల రాష్ట్రంలో రైతాంగానికి న్యాయం జరుగుతున్నందుకు సంతోషంగా ఉందన్నారు. ‘రైతులు ఆత్మహత్యలు చేసుకుంటున్నారని వైఎస్సార్ సీపీ అసెంబ్లీలో చెబితే.. ఎక్కడ చేసుకుంటున్నారంటూ చంద్రబాబు ఎద్దేవా చేశారు. అనంతపురానికి చెందిన మంత్రి, చీఫ్ విప్‌లు అసలు ఆత్మహత్యలే జరగలేదన్నారు. ఇంకో సందర్భంలో వ్యవసాయ మంత్రి కేవలం 8 మంది చనిపోతే, వైఎస్సార్ సీపీ మాత్రం 40 నుంచి 50 మంది చనిపోయినట్టు చెబుతోందంటూ విమర్శించారు. ఇప్పుడు అనంతపురం కలెక్టర్ 29 మంది రైతులు, 11 మంది చేనేత కార్మికులు ఆత్మహత్య చేసుకున్నారని అధికారికంగా ప్రకటించారు. జగన్ కృషితోనే ప్యాకేజీ రూపంలో రైతుకు న్యాయం జరుగుతోంది’ అని సారథి చెప్పారు.
 మైండ్‌సెట్ మార్చుకోవడం సంతోషం
 సీఎం చంద్రబాబు తన మైండ్‌సెట్ మార్చుకుని దివంగత వైఎస్ తరహాలో రైతులకు పరిహారం ప్రకటించడంపై తమ పార్టీ సంతోషంగా ఉందని సారథి తెలిపారు. జగన్.. ‘ఉద్యమం’ అన్నప్పుడల్లా ప్రభుత్వం ఏదో ఒకటి చేసేందుకు ప్రయత్నమైనా చేస్తోందని చెప్పారు. తాజాగా రైతు భరోసా యాత్రకు జగన్ సిద్ధమవగానే ప్యాకేజీ ప్రకటించారన్నారు. ‘నీరు-చెట్టు’ కార్యక్రమం.. పంచాయితీలు, మున్సిపాలిటీలకు సర్కారు ఇవ్వాల్సిన నిధులు ఎగ్గొట్టడానికేనని సారథి దుయ్యబట్టారు.
 రిఫరెండానికి సిద్ధమా?
 తిరుపతి ఉప ఎన్నికలో.. చనిపొయిన ఎమ్మెల్యే కుటుంబంపై సానుభూతితో వైఎస్సార్ సీపీ పోటీ చేయని కారణంగా టీడీపీ విజయం సాధిస్తే.. దాన్ని పాలనకు రిఫరెండమని గొప్పగా చెప్పడం విడ్డూరమని సారథి అన్నారు. టీడీపీకి తమ పాలనపై నమ్మకముంటే 10 స్థానాల్లో మంత్రులు, ఎమ్మెల్యేలు రాజీనామా చేస్తే అక్కడ పోటీకి తాము సిద్ధమని సవాల్ చేశారు.
  


 అడ్డగోలు విభజన తర్వాత ఆంధ్రప్రదేశ్ ఆర్థిక ఇబ్బందుల్లో కూరు కుపోయింది. కొత్తగా రాష్ట్రం ఏర్పడి నిండా ఏడాది నిండలేదు. బాలా రిష్టాలు, తప్పటడుగుల దశ ఇంకా దాటనే లేదు. ఈ సమయం లోనే కేంద్రప్రభుత్వం ఎక్కువగా ఆదుకోవలసి ఉంటుంది. అది కేంద్రం బాధ్యతే కాదు. ఈ రాష్ట్ర ప్రజల హక్కు కూడా. ఆ మేరకు మునుపటి ప్రధాని మన్మోహన్ సింగ్ నాడు పార్లమెంటు వేదికగా హామీ కూడా ఇచ్చారు. అయితే ఇప్పుడు ఆశించినంత స్పందన కేంద్రం నుంచి లేకపోవటం దారుణం. వేల కోట్ల రూపాయల చేయూతకి పూచీ పడి అందులో పదో వంతు కూడా విదిల్చకపోవడం, ప్రత్యేక హోదా విష యమై మౌనం దాల్చడం, ఇతరహామీలను ఉపేక్షించడం రాష్ట్ర ప్రయో జనాలకు తీవ్ర భంగకరం. తీరా ప్రజల నుంచి ఒత్తిడి సెగ తగలడం మొదలయ్యేసరికి ప్రత్యేకహోదా సాధ్యం కాదని కేంద్రం మంత్రులు సన్నాయి నొక్కులు మొదలెట్టారు. రాష్ట్ర భవితకు బంగారు ప్యాకేజీ ప్రకటించిన కేంద్రం తీరా అమలు చేయాల్సిన సమయంలో బఠాణీల ప్యాకేజీతో సరిపుచ్చటానికి ప్రయత్నించడాన్ని అందరూ ఖండించాలి. రాజకీయాలకు అతీతంగా అన్ని పక్షాలూ రాష్ట్ర హక్కులకై కలిసి రావాలి. ఇందులో అధికార పక్షానికి, ముఖ్యమంత్రికి మరింత బాధ్యత ఉంది.
 
 - డాక్టర్ డి.వి.జి. శంకరరావు  మాజీ ఎంపీ, పార్వతీపురం, విజయనగరం


  పీసీసీ చీఫ్ రఘువీరా ధ్వజం
  అనకాపల్లి రూరల్: నవ్యాంధ్ర కోసం ఎన్నికలకు ముందు బీజేపీ ప్రకటించిన  5 లక్షల కోట్ల ప్యాకేజీ సాధనలో రాష్ట్ర ముఖ్యమంత్రి చంద్రబాబునాయుడు విఫలమయ్యారని ఆంధ్రప్రదేశ్ పీసీసీ అధ్యక్షుడు రఘువీరారెడ్డి ధ్వజమెత్తారు. అనకాపల్లి నాలుగు రోడ్ల జంక్షన్‌లో నవ్యాంధ్ర హితం కోసం కోటి సంతకాల కార్యక్రమాన్ని ఆదివారం ఆయన ప్రారంభించారు. ముందుగా కొన్ని వ్యాపార సముదాయాల వద్దకు  కాంగ్రెస్ నేతలు  వెళ్లి సంతకాల సేకరణ కార్యక్రమాన్ని ప్రారంభించారు.
  
  అనంతరం జరిగిన సభలో రఘువీరా మాట్లాడుతూ  బీజేపీ అధికారంలోకి వస్తే వెంటనే 5 లక్షల కోట్ల ప్యాకేజీని ఇస్తామని చెప్పి ఓట్లు సంపాదించుకున్నారని గుర్తుచేశారు. అలాగే నవ్యాంధ్రప్రదేశ్‌కు ప్రత్యేక హోదా ఐదేళ్లు కల్పించి, మరో ఐదేళ్లు పొడిగిస్తామని  చేసిన వాగ్దానాన్ని కేంద్రంలోని  బీజేపీ ప్రభుత్యం తుంగలోకి తొక్కిందని విమర్శించారు. వీటిని సాధించుకోవడంలో  చంద్రబాబు విఫలమయ్యారన్నారు. పోలవరం ప్రాజెక్ట్‌కు 10వేల కేటాయింపులు చేసి, ప్రాజెక్టుకు అథారిటీని ప్రకటించాలన్నారు.
  
  ఉత్తరాంధ్ర జిల్లాలకు ప్రత్యేక ప్యాకేజీ ప్రకటిస్తామన్న హామీని కూడా పట్టించుకోలేదన్నారు. చంద్రబాబు అధికారంలోకి వచ్చిన తర్వాత సంక్షేమ పథకాలకు మంగళం పాడుతున్నారని దుయ్యబట్టారు. స్వయంగా జిల్లా టీడీపీ అధ్యక్షుడు సొంతపార్టీ నేత ఆడారి తులసీరావుపై సీబీఐ దర్యాప్తునకు డిమాండ్ చేసినా నిమ్మకు నీరెత్తినట్లు ఉండిపోవడం ముఖ్యమంత్రి బాధ్యతారాహిత్యానికి నిదర్శనమన్నారు. ఈ సందర్భంగా సభలో  ప్రత్యేక హోదా-ఆంధ్రుల హక్కు అని పెద్ద ఎత్తున నినాదాలు చేశారు.  
  
  శాసనమండలి కాంగ్రెస్ పక్షనేత రామచంద్రయ్య మాట్లాడుతూ  విభజన కారణంగా ఏర్పడిన ఆర్థిక లోటును కేంద్రమే పూర్తిగా భరించాలన్నారు. అనంతరం తుమ్మపాల సుగర్ ప్యాక్టరీ రైతుల బకాయిలు, కార్మికుల జీతాలు చెల్లించాని నెహ్రుచౌక్ జంక్షన్‌లో మానవహారంగా ఏర్పడి నినాదాలు చేశారు. కార్యక్రమంలో కాంగ్రెస్  నాయకులు బాలరాజు, కొండ్రు మురళి, ద్రోణంరాజు శ్రీనివాస్, దంతులూరి దిలీప్ కుమార్ తదితరులు పాల్గొన్నారు.


 హైదరాబాద్: ఆంధ్రప్రదేశ్‌కు కేంద్ర ప్రభుత్వం ప్రకటించిన అభివృద్ధి ప్యాకేజీపై రాష్ట్ర ప్రభుత్వం అయోమయంలో పడింది. కేంద్ర ప్రకటనపై సీఎం చంద్రబాబు గురువారం కొందరు మంత్రులు, అధికారులతో సమీక్షించారు. రాష్ట్ర ప్రజల ఆశలపై కేంద్రం నీళ్లు చల్లిందని ఈ సందర్భంగా సీఎం  వ్యాఖ్యానించినట్లు తెలిసింది.రాష్ట్ర ఆర్థిక పరిస్థితి అంతంత మాత్రంగా ఉన్న తరుణంలో కేంద్రం నుంచి భారీ ప్యాకేజీ వస్తుందని ఆశించినట్టు పేర్కొన్నారు.
 రాష్ట్రంలో ఉన్న పరిస్థితులను ప్రధానమంత్రిని కలిసి వివరించి అదనపు సహాయాన్ని కోరనున్నట్టు సీఎం చెప్పారు. అనంతరం ఆర్థిక మంత్రి యనమల రామకష్ణుడు విలేకరులతో మాట్లాడుతూ.. రాష్ట్రాన్ని నడిపించేందుకు రూ.కోట్లలో అప్పు చేయాల్సిన పరిస్థితి ఏర్పడిందన్నారు. సచివాలయంలో గురువారం ఆయన విలేకరులతో మాట్లాడుతూ ఖజానా మొత్తం ఖాళీ అయ్యిందన్నారు. ఇబ్బందులను కేంద్రం దృష్టికి తీసుకెళ్లేందుకు ఈ నెల 8, 9 తేదీల్లో ముఖ్యమంత్రితో పాటు తాను ఢిల్లీ వెళ్తున్నట్లు తెలిపారు.


 {పత్యేక ప్యాకేజీకి హ్యాండ్ ఇచ్చిన కేంద్రం
 గట్టిగా డిమాండ్ చేయలేకపోయిన టీడీపీ
 మాట మార్చిన బీజేపీ
  
 తిరుపతి: రాయలసీమ జిల్లాలకు ఒకొక్కదానికి రూ.50 కోట్లను మాత్రమే కేంద్రం విదిల్చింది. రాష్ట్ర విభజన సమయంలో రాష్ట్రానికి ప్రత్యేక  హోదా ఇస్తామని అప్పటి ప్రభుత్వం పార్లమెంట్‌లో హామీ ఇచ్చింది. రాయలసీమ, ఉత్తరాంధ్ర జిల్లాలకు బుందేల్‌ఖండ్ తరహాలో ప్రత్యేక ప్యాకేజీ ఇస్తామని చెప్పింది. ఎన్నికల తర్వాత ఇలాంటి ప్యాకేజీ ఇస్తే దేశంలో పలు ప్రాంతాలకు ఇవ్వాల్సి వస్తుందని లింకు పెట్టింది. ప్రత్యేక ప్యాకేజీపై మాట మార్చింది. ఈ తరహా ప్యాకేజీ ఇచ్చి ఉంటే జిల్లాలో అభివృద్ధి పనులకు తొలివిడతలోనే కనీసం దాదాపు రూ.500 కోట్లకు పైగా వచ్చేవి. ప్రత్యేక ప్యాకేజీ గురించి టీడీపీ కేంద్రప్రభుత్వాన్ని  గట్టిగా డిమాండ్ చేయలేకపోతోంది. బీజేపీ నాయకులు సైతం కేంద్రాన్ని ప్రశ్నించలేకపోతున్నారు. దీంతో కేంద్ర ప్రభుత్వం రూ.50 కోట్లు ఇచ్చి మమ అనిపించింది.
  
 పెండింగ్‌లో పలు ప్రాజెక్టులు
 
 ప్రత్యేకంగా రాష్ట్ర విభజన సమయంలో పార్లమెంట్‌లో బిల్లుపై చ ర్చ సందర్భంగా అప్పటి ప్రధానమంత్రి మన్మోహన్‌సింగ్ వెనుకబడిన ప్రాంతాల అభివృద్ధికి ప్రత్యేకంగా నిధులు కేటాయిస్తామని చెప్పారు. రాయలసీమ ప్రాంతంలో తాగు, సాగు నీటితోపాటు మౌలిక వసతులు కల్పించడం కోసం భారీగా నిధులు ఇస్తామని పేర్కొన్నారు. ఇప్పుడు ప్రభుత్వం జిల్లాకు కేవలం రూ.50 కోట్ల నిధులు మాత్రమే కేటాయించడంతో అవి ఏమూలకు సరిపోయే ప్రసక్తి లేదు. ముఖ్యంగా జిల్లాలో తాగునీటి సమస్య తీవ్రంగా ఉంది. ప్రధాన ప్రాజెక్టులైన హంద్రీనీవా, గాలేరు - నగరి వంటి ప్రాజెక్టు పనులు అర్ధంతరంగా ఆగిపోయాయి. వీటిని పూర్తి చేయడం కోసం వేల కోట్ల రూపాయలు అవసరమవుతాయి. ప్రభుత్వం ప్రకటించిన నామమాత్రపు నిధులతో జిల్లావాసులకు తీవ్ర అన్యాయం జరిగే అవకాశం ఉంది. ఇప్పటికైనా టీడీ పీ గట్టిగా కేంద్రాన్ని నిలదీసి ప్రత్యేక హోదా లభించేలా చేయాల్సిన ఆవశ్యకత ఉంది.


 చీమకుర్తి: సాగర్ ఆధునికీకరణ పనుల్లో అంతులేని జాప్యం చోటుచేసుకుంటోంది. కాలపరిమితి పూర్తికావస్తున్నా అన్నీ సగం సగం పనులే తప్ప పూర్తయినవి లేకపోవడం రైతులను ఆందోళనలకు గురిచేస్తోంది. పూర్తి వివరాల్లోకి వెళితే ...చీమకుర్తి ఇరిగేషన్ డివిజన్ పరిధిలో ఏడు ప్యాకేజీల్లో రూ. 94.18 కోట్లు విలువచేసే ఆధునికీకరణ పనులు జరుగుతున్నాయి. వాటిలో ఓబీసీ కాలువతో పాటు ఆరు డిస్ట్రిబ్యూటరీ కాలువలకు సంబంధించిన మేజర్లున్నాయి.
 
 రూ.15.72 కోట్లతో ఓబీసీ, 18.8 కోట్లతో దర్శి పరిధిలోని వీరాయపాలెం మేజరు, రూ.17 కోట్లతో కరవది మేజరు, రూ. 8.91 కోట్లతో కారుమంచి మేజరు, రూ. 8.56 కోట్లతో ఈతముక్కల,చిలకపాడు మేజరు, రూ. 10.05 కోట్లుతో అల్లూరు, ఈతముక్కల మేజరు, రూ. 15.14 కోట్లతో కొప్పోలు, త్రోవగుంట మేజర్లుపై ఆధునికీకరణ పనులు జరుగుతున్నాయి. ఆయా పనులు చేసేందుకు వాటికి గరిష్టంగా 39 నెలలు కాలం ఉంది. ఇప్పటికే 33 నెలలు పూర్తయింది. కాలువ కట్టలను బలోపేతం చేయడం, లైనింగ్‌లు ఏర్పాటు చేయటం, ఆఫ్‌టేక్‌లు రిపేర్లు, షట్టర్‌లు మరమ్మతులు వంటి ఆధునికీకరణ పనులు చేయాల్సిఉంది.
 
 గత 33 నెలల కాలంలో ఇప్పటి వరకు 75వ ప్యాకేజీలో 43వ డిస్ట్రిబ్యూటరీకి చెందిన వీరాయపాలెం మేజరుపై రూ. 18.8 కోట్లకుగాను కేవలం రూ.8.1 కోట్లు విలువ చేసే పనులు మాత్రమే జరిగాయి. ఇంకా రూ.10.69 కోట్లు విలువ చేసే పనులను రానున్న ఆరు నెలల్లో చేయాల్సి ఉంది. అంటే ఇప్పటి వరకు కేవలం 43 శాతం పనులు మాత్రమే జరిగాయి. 78వ ప్యాకేజీ, 46వ డీసీ ఈతముక్కల, చిలకపాడు మేజరుపై రూ.8.56 కోట్లకుగాను కేవలం రూ. 3.19 కోట్లతో 37.2 శాతం పనులు మాత్రమే జరగటం గమనార్హం.
 
 79వ ప్యాకేజీ, 47వ డీసీ అల్లూరు-ఈతముక్కల మేజరుపై రూ.10.05 కోట్లకిగాను కేవలం రూ. 3.03 కోట్లు విలువచేసే పనులతో 30 శాతంతో అట్టడుగు స్థాయిలో ఉంది. 80వ ప్యాకేజీలో 48వ డీసీ కొప్పోలు-త్రోవగుంట మేజరుపై రూ.15.14 కోట్లకిగాను రూ.6.8 కోట్లతో 45 శాతం పనులు మాత్రమే జరిగాయి. 76వ ప్యాకేజీలో 44 డీసీ కరవది మేజరులో రూ. 17 కోట్లకుగాను 16.52 కోట్లు విలువచేసే పనులు పూర్తయి కాస్త మెరుగుగా ఉంది. 77వ ప్యాకేజీ, 45వ డీసీ కారుమంచి మేజరులో రూ. 8.91 కోట్లకిగాను రూ.7.6 కోట్లు పనులుతో 85 శాతం జరిగాయి.
 
 24వ ప్యాకేజీ ఓబీసీపై రూ. 15.72 కోట్లకిగాను రూ. 12.77 కోట్లతో 81.22 శాతం పనులు జరిగాయని ఇరిగేషన్ శాఖ కార్యాలయం గణాంకాలు ధ్రువీకరిస్తున్నాయి. మిగిలిన పనులు చేసేందుకు 2015 జూన్ వరకు మాత్రమే గడువు ఉండటంతో 33 నెలల్లో సగం పనులు కూడా చేయని మేజర్లుపై కాంట్రాక్టర్లు మిగిలిన 6 నెలల్లో దాదాపు సగానికిపైగా ఉన్న పనులు పూర్తి చేయడం సాధ్యమేనా? అంటూ రైతులు ఆందోళనలు చెందుతున్నారు. ప్రస్తుతం సాగర్‌నీరు విడుదల చేసిన నేపధ్యంలో పనులు ఇప్పుడు చేయడం వీలుకాదు.
 
 అవి నిలిచిపోవడానికి కనీసం మరో మూడు నెలలు అంటే మార్చి నెలాఖరు పడుతుంది. ఇక మార్చి తర్వాత పనులు చేసేందుకు కేవలం మూడు నెలల గడువు మాత్రమే ఉంటుంది. అప్పటికి 90 శాతం పనులు పూర్తయిఉంటే మిగిలిన పది శాతం చేయడానికి అవకాశం ఉంటుంది. దాదాపుగా మిగిలిన సగం పనులు ఆ కొద్ది వ్యవధిలో ఎలా సాధ్యమవుతుందని స్ధానిక రైతులు అనుమానాలు వ్యక్తం చేస్తున్నారు. గత మూడు సంవత్సరాల నుంచి పూర్తికాకపోవడంతో శివారు ప్రాంతాల్లోని భూములకు జలాలను తీసుకుపోవడంలో రైతులకు అవాంతరాలు ఏర్పడుతున్నాయని, వాటిని త్వరగా పూర్తి చేయాలని ఈ ప్రాంత రైతన్నలు కోరుతున్నారు.


 శాన్‌ఫ్రాన్సిస్కో: సీఈవో సత్య నాదెళ్లకు 8.4 కోట్ల డాలర్ల ప్యాకేజీ(సుమారు రూ. 520 కోట్లు) ఇచ్చేందుకు మైక్రోసాఫ్ట్ వాటాదారులు అనుమతించారు. అయితే సత్యకు అతిగా చెల్లిస్తున్నారంటూ పెట్టుబడిదారుల సలహా గ్రూప్ ఒకటి వ్యాఖ్యానించిన నేపథ్యంలో 72% మంది వాటాదారులు మాత్రమే అనుకూలంగా ఓటు వేశారు. సాధారణంగా సీఈవోలకు ప్యాకేజీ విషయంలో సగటున 91.5% వోటింగ్ మద్దతు లభిస్తుందని ఈ సందర్భంగా ఐఎస్‌ఎస్ ఎగ్జిక్యూటివ్ కంపెనీ అనలిటిక్స్ సంస్థ పేర్కొంది.
 
 కాగా, ఈ ప్యాకేజీ ద్వారా గడిచిన ఏడాదికి అమెరికా సీఈవోలలో అత్యధిక ప్యాకేజీ పొందుతున్న వ్యక్తిగా సత్య నిలవడం విశేషం. అయితే తొలి ఏడాదికి గరిష్టస్థాయిలో వేతనం(ప్యాకేజీ) పొందిన వ్యక్తులలో యాపిల్ సీఈవో టిమ్ కుక్ తొలిస్థానంలో ఉన్నారు. 2011లో సీఈవో అయిన కుక్‌కు 37.8 కోట్ల డాలర్ల ప్యాకేజీ లభించింది. ఈ బాటలో గతేడాది ఒరాకిల్ సీఈవో లారీ ఎల్లిసన్ స్టాక్ ఆప్షన్‌లతో కలిపి 67.3 కోట్ల డాలర్లు అందుకున్నారు. ఇక మైక్రోసాఫ్ట్ మాజీ సీఈవో స్టీవ్ బామర్ 2013లో కేవలం 1.3 మిలియన్ డాలర్ల ప్యాకేజీ పొందినప్పటికీ, 16 బిలియన్ డాలర్ల విలువైన షేర్లను కలిగి ఉన్న సంగతి ప్రస్తావనార్హం.


 
 ఛత్తీస్‌గఢ్ విద్యుత్ కోసం తప్పని నిరీక్షణ
 
 సాక్షి, హైదరాబాద్: ‘పవర్ గ్రిడ్ కార్పొరేషన్ లిమిటెడ్ రెండులైన్లు నిర్మిస్తోంది. 4500 మెగావాట్ల విద్యుత్ ప్రసారం చేసే సామర్థ్యంతో అంగుల్-పలాస, వార్ధా-డిచ్‌పల్లి లైన్లు నిర్మాణంలో ఉన్నాయి. అంగుల్-పలాస లైన్ ఐదారు నెలల్లో పూర్తవుతుంది. దీంతో ఛత్తీస్‌గఢ్ నుంచి వెయ్యి మెగావాట్ల విద్యుత్ అందుబాటులోకి వస్తుంది. ఇక డిచ్‌పల్లి లైను మరో 18 నెలలు పడుతుంది.’ అని తెలంగాణ ముఖ్యమంత్రి కె.చంద్రశేఖరరావు ఇటీవలఅసెంబ్లీలో ప్రకటించారు. అయితే, ఆంధ్రప్రదేశ్‌లోని శ్రీకాకుళం జిల్లా పలాస నుంచి తెలంగాణకు విద్యుత్ రావడానికి ఆ లైన్ వేగంగా పూర్తవుతుందా..? అని పరిశీలిస్తే,  పవర్‌గ్రిడ్ కార్పొరేషన్ చేపట్టిన లైన్ల నిర్మాణం మరో ఏడాదిన్నరలోపు పూర్తయ్యేలా లేదని తేలింది. ఒడిశాలో ఉన్న అంగుల్ నుంచి పలాసకు దాదాపు 370 కిలోమీటర్లు. రెండేళ్ల కిందటే పవర్‌గ్రిడ్ శ్రీకాకుళం ప్యాకేజీ పేరిట ఈ పనులకు టెండర్లు పిలిచింది. వచ్చే ఏడాది జూలై నాటికి దీనిని పూర్తి చేయాల్సి ఉంది. కానీ వేగంగా జరగడం లేదని ఏప్రిల్‌లో జరిగిన జాయింట్ కో ఆర్డినేషన్ కమిటీ మీటింగ్‌లో చర్చ జరిగింది.
  
 వేమగిరి ప్యాకేజీదీ అదే పరిస్థితి...
 
 అక్కడి నుంచి  రాజమండ్రి మీదుగా ఖమ్మం, హైదరాబాద్ వరకు మరో 780 కిలోమీటర్లు లైన్ల నిర్మాణం మొదలైంది. వేమగిరి ప్యాకేజీ పేరిట ఉన్న ఈ లైన్ల నిర్మాణం ఒప్పందం ప్రకారం వచ్చే ఏడాది ఏప్రిల్ నాటికి పూర్తి కావాలి. అయితే ఇవి కూడా గడువులోగా పూర్తయ్యేలా లేవు. అభ్యంతరాలు, సామర్థ్యం పెంపు అంశాలు  సెంట్రల్ ఎలక్ట్రిసిటీ రెగ్యులటరీ కమిషన్ పరిధిలో ఆలస్యం కావడంతో పనులు ఆగిన ట్టు తెలుస్తోంది. అనుమతులన్నీ లభించి ఈ రెండు కారిడార్‌లు వేగంగా పూర్తయినా, వచ్చే ఏడాది చివరి వరకు పూర్తయ్యే అవకాశం లేదని అధికారులు అభిప్రాయపడుతున్నారు.
  
 మహేశ్వరం లైన్‌కు రెండున్నరేళ్లు ....
 
 ప్రస్తుతం మహారాష్ట్రలోని వార్ధా, అక్కడినుంచి నిజామాబాద్ జిల్లా డిచ్‌పల్లి మీదుగా మహేశ్వరం వరకు లైన్ల నిర్మాణం పురోగతిలో ఉంది.  ఇప్పటికే వార్ధాదాకా లైన్ పూర్తయింది. అక్కడి నుంచి మహేశ్వరం దాకా 560 కిలోమీటర్ల లైన్ ఇంకా టెండర్ల దశలోనే ఉంది. వెంటనే పనులు ప్రారంభించినా,  నిర్మాణం పూర్తయ్యే సరికి కనీసం రెండున్నరేళ్లు పడుతుందని ఇంజనీర్లు చెబుతున్నారు. అప్పటి వరకు ఛత్తీస్‌గఢ్ నుంచి విద్యుత్ కొనుగోలుకు అవకాశం లేనట్టే. రాయచూర్-షోలాపూర్ లైన్ నిర్మాణం ఇప్పటికే పూర్తయినప్పటికీ కారిడార్‌ను బుక్ చేసుకోవడంలో ఉమ్మడిప్రభుత్వం విఫలమైంది. గతంలో ఉత్తరాది రాష్ట్రాలతో విద్యుత్ కొనుగోలు ఒప్పందాలు చేసుకోకపోవడ ఇప్పుడు శాపంగా పరిణమించింది. తమిళనాడు ప్రభుత్వం రెండేళ్ల కిందటే 4500 మెగావాట్లకు కారిడార్‌ను రిజర్వు చేసుకుంది. ఛత్తీస్‌గఢ్‌తో ఒప్పందం చేసుకున్న వెంటనే కారిడార్‌ను రిజర్వు చేసుకుంటే కొత్తలైన్లు పూర్తయ్యేదాకా ఎదురుచూపులు తప్పవనే వాదనలున్నాయి. ఈ లెక్కన ఛత్తీస్‌గఢ్ విద్యుత్ ఎప్పుడు వస్తుందోనని అధికారులు పెదవి విరుస్తున్నారు.
  


 కార్తీకమాస సంరంభానికి బెజవాడలోని   భవానీద్వీపం ముస్తాబైంది. ఏపీటీడీసీ ఆధ్వర్యంలో నడుస్తున్న ఈ ద్వీపం కృష్ణానదీపాయలో.. పచ్చటి పచ్చిక బయళ్లలో.. చల్లటి వాతావరణంలో ఆహ్లాదకరంగా గడపడానికి అనువైన స్థలం. అందుకే.. ఏటా వందల సంఖ్యలో వనసమారాధకులు ఇక్కడికి వస్తుంటారు. అయితే, ఇక్కడ అడుగు పెట్టేపర్యాటకులకు మాత్రం అడుగడుగునా సమస్యలే స్వాగతం పలుకుతున్నాయి. మరో నాలుగు రోజుల్లో కార్తీకమాసం ప్రారంభం కానున్న నేపథ్యంలో భవానీద్వీపాన్ని పర్యాటకంగా అభివృద్ధి చేసేందుకు తీసుకోవాల్సిన పంచసూత్రాలివీ..
 - సాక్షి, విజయవాడ
  
 1-  ప్యాకేజీల్లో మార్పు అవసరం
  
 ఈ కార్తీకమాసంలో వందల సంఖ్యలో భవానీద్వీపానికి రానున్నారు. లక్షల్లో ఆదాయం రానుంది. అయితే, ఏపీటీడీసీ అధికారులు ఇంతవరకు ఎటువంటి ఏర్పాట్లు చేయలేదు. ప్యాకేజీల గురించి ప్రచారం చేసే ప్రయత్నం చేయలదు. యూత్రికుల కోసం ఏపీటీడీసీ రెండు ప్యాకేజీలు సిద్ధం చేసింది. ఒక్కొక్కరికీ రూ.200 చెల్లిస్తే భవానీద్వీపానికి బోటింగ్‌తో పాటు ద్వీపంలో తాలి (భోజనం) ఏర్పాటు చేస్తారు. రూ.280 చెల్లిస్తే బోటింగ్, తాలితో పాటు ఐస్‌క్రీమ్, స్వీట్, సలాడ్ ఇస్తారు. రూ.50 చెల్లిస్తే కేవలం బోటింగ్ సౌకర్యం మాత్రమే ఉంటుంది. ఇలా మొక్కుబడి ప్యాకేజీల కంటే.. పర్యాటకులకు భవానీద్వీపంలో ఆటలు పోటీలు, వివిధ రకాల సాంస్కృతిక కార్యక్రమాలు నిర్వహించి, విజేతలకు బహుమతులు అందజేస్తే బాగుంటుంది. ద్వీపంలోనే హస్తకళాకారుల షాపులను ఏర్పాటుచేస్తే పర్యాటకులు షాపింగ్ చేసే వెసులుబాటు కూడా కలుగుతుంది.
  
 2-  మరిన్ని సౌకర్యాలు కల్పించాలి
  
 కార్తీకమాసంలో భవానీద్వీపానికి వచ్చే పర్యాటకులకు సౌకర్యాలు కల్పించడంపై అధికారులు దృష్టి సారించాల్సిన అవసరం ఉంది. ముఖ్యంగా తగినన్ని మరుగుదొడ్లు నిర్మించాలి. ద్వీపానికి వచ్చిన వారంతా మినరల్ వాటర్ కొనుగోలు చేసుకోలేకపోవచ్చు. అందువల్ల తాగునీటి సౌకర్యం కల్పించాలి.  గత ఏడాది పర్యాటకుల రద్దీ ఒక్కసారిగా పెరగడంతో భోజనాల వద్ద తోపులాట జరిగింది. అలాకాకుండా ద్వీపంలోనే నాలుగైదు చోట్ల భోజన ఏర్పాట్లు చేయాలి. పర్యాటకులందరికీ సరిపడా భోజనాలు సిద్ధం చేయూలి. ఎండలో ఇబ్బంది పడకుండా షామియానాలు సిద్ధంచేస్తే ఉపయుక్తంగా ఉంటుంది. నదివైపు చిన్నారులు  వెళ్లకుండా సెక్యూరిటీని పెంచాలి.
  
  3- అధికారులు శ్రద్ధ పెట్టాలి
  
 ఏవిధమైన సౌకర్యాలు లేకపోయినా కార్తీకమాసంలో భవానీద్వీపానికి లక్షకుపైగా పర్యాటకులు వస్తారని లెక్కలు చెబుతున్నాయి. శని, ఆదివారాలు, సెలవు రోజుల్లో ఐదు నుంచి పదివేలమంది, సాధారణ రోజుల్లో వెయ్యిమంది  వరకు పర్యాటకులు వస్తారు. గత ఏడాది కార్తీకమాసానికి ఏమాత్రం ప్రచారం చేయకపోయినా రూ.16లక్షల ఆదాయం వచ్చింది. ఈ ఏడాది ఏమాత్రం శ్రద్ధ చూపినా రూ.25లక్షలు దాటే అవకాశం ఉంది. అయితే ఆ దిశగా ప్రయత్నాలు చేయడం మంచిది.
  
  4-  ప్రచారమే ప్రధానాస్త్రం
  
 పర్యాటకుల కోసం ఏపీటీడీసీ అధికారులు జిల్లావ్యాప్తంగా ప్రచారం నిర్వహించాలి. కొత్త ప్యాకేజీలను జనం ముందుకు తీసుకెళ్లాలి. వనభోజనాలకు అధికంగా వచ్చే ఉద్యోగుల కోసం జిల్లాలోని ప్రభుత్వ కార్యాలయూలు, కార్పొరేట్ సంస్థల్లో ప్రచారం నిర్వహించాలి. ద్వీపంలో ఆహ్లాదంగా గడిపేందుకు ఉన్న అవకాశాలను వివరించాలి. కార్పొరేట్ విద్యాసంస్థల సిబ్బంది, విద్యార్థులకు స్పెషల్ ప్యాకేజీ ప్రకటిస్తే మంచిది. ఏపీటీడీసీ బస్సును జిల్లాలోని వివిధ ప్రాంతాల నుంచి నడిపితే ఆదాయం పెరుగుతుంది.
  
  5- బోటులో ప్రత్యేక కార్యక్రమాలు ఏర్పాటుచేయూలి
  
 భవానీద్వీపానికి వచ్చే చాలామంది పర్యాటకులు బోటు షికారుకు అధిక ప్రాధాన్యత ఇస్తారు. ప్రస్తుతం భవానీపురంలోని బరంపార్కు వద్ద ప్రారంభమయ్యే బోటు సుమారు 10   నిమిషాల్లో భవానీద్వీపానికి చేరుస్తుంది. అలాకాకుండా.. టికెట్ రేటు పెంచయినా సరే.. బోటు నదిలో రెండు మూడు రౌండ్లు తిరిగేలా బోటు ఏర్పాటు చేస్తే బాగుంటుంది. మధ్యమధ్యలో సాంస్కృతిక నృత్య ప్రదర్శనలు, బోటులోనే రకరకాల పోటీలు, విజేతలకు బహుమతులు అందిస్తే పర్యాటకుల సంఖ్య మరింత పెరిగే అవకాశం ఉంది. పై అంశాలపై దృష్టి పెడితే.. భవానీ ద్వీపానికి వచ్చే సందర్శకుల సంఖ్య పెరిగే అవకాశం ఉంది.


 
 కదలని హంద్రీ-నీవా
 
  ఆరు నెలల్లో చేసింది రూ.24 కోట్ల పనులే
 
  అందులో రూ.4.51 కోట్ల బిల్లులు పెండింగ్
 
 బి.కొత్తకోట: జిల్లా రైతాంగానికి వరప్రసాదిని అయిన ఏవీఆర్ హంద్రీ-నీవా సుజల స్రవంతి ప్రాజెక్టు పనులు నత్తకంటే నిదానంగా సాగుతున్నాయి. గత ఆర్థిక సంవత్సరంలో అంతోఇంతో ముందుకుసాగాయి. ప్రస్తు తం నామమాత్రంగానే సాగుతున్నాయి. కేవలం 10 శాతం పనులే నడుస్తున్నాయి.
 
 మదనపల్లె సర్కిల్ పరిధిలోని చిత్తూరు, అనంతపురం జిల్లాల్లో 32 ప్యాకేజీల్లో మెకానికల్, ఎత్తిపోతల, ప్రధాన, బ్రాంచ్ కెనాళ్ల, ఉపకాలువల పనులు పూర్తి చేయాల్సి ఉంది. ఈ పనులన్నీ అటకెక్కాయి. ప్రభుత్వం నిర్ధిష్టమైన చర్యలకు ఆదేశాలివ్వకపోవడంతో అధికారులు నిస్సహాయ స్థితిలో ఉన్నారు. 2013 డిసెంబర్ నాటికే ప్రాజెక్టు గడువు ముగిసింది. ఈ ప్రాజెక్టుకు ప్రభుత్వమిస్తున్న ప్రాధాన్యత ఏమిటో ఈ ఆర్థిక సంవత్సరంలో కేటాయించిన నిధులే చెబుతున్నాయి. నిధులు నిలిచిపోవడంతో పనులు చేపట్టలేక అధికారులు చేతులెత్తేశారు.
  
 ఆరు నెలల్లో రూ.24 కోట్ల పనులే..
 
 ప్రాజెక్టు రెండో దశ పనుల్లో భాగంగా మదనపల్లె సర్కిల్ పరిధిలో రూ.2,906.41కోట్ల పనులు చేయాల్సి ఉంది. ఈ సెప్టెంబర్ నాటికి రూ.2,178.89కోట్ల పనులు పూర్తి చేశారు. ఈ పను లు ఇప్పటికే పూర్తి కావాలి. అయితే ప్రత్యేక రాష్ట్ర ఉద్యమాలతో పనులు మందగించాయి. ప్రస్తుతం దాదాపుగా పనులు నిలిచిపోయినట్లు కనిపిస్తున్నాయి. ఏప్రిల్ నుంచి సెప్టెంబర్ వరకు రూ.24.59 కోట్ల పనులు మాత్రమే చేశారు. వీటికి ప్రభుత్వం రూ.4.51 కోట్ల బిల్లులు పెండింగ్‌లో ఉంచింది. 720 కిలోమీటర్ల కాలువలకు 611 కిలోమీటర్లు మాత్రమే పూర్తయింది. ప్రధాన కాలువ 205 కిలోమీటర్లలో 159.57 కిలోమీటర్లు పూర్తి చేశారు.
  
 ఆ ప్యాకేజీలను పట్టించుకునే దిక్కులేదు..
 
 మదనపల్లె సర్కిల్ పరిధిలోని 9 ప్యాకేజీల్లో పనులు చేపట్టని ఏజెన్సీలపై ప్రభుత్వం ఏ నిర్ణయమూ తీసుకోలేకపోతోంది. ఉన్నతాధికారులు ప్రభుత్వం దృష్టికి తీసుకెళ్లినా స్పందన లేదు. ఒక్కో ఏజెన్సీకి 10 నుంచి 20 నోటీసులిచ్చినా కదలికలేదు. మొదటి దశ పనులపై సమీక్షించిన ప్రభుత్వం రెండో దశ పనులపై ఆదేశాలివ్వడంలో జాప్యం చేస్తోందన్న వాదన వినిపిస్తోంది. అందుకే 9 ప్యాకేజీలను రద్దు చేయాలన్న అధికారుల ప్రతిపాదనలను పట్టించుకోవడంలేదని అధికారులు అంటున్నారు.
  
 భూ సేకరణదీ అదే దారి
 
 ప్రాజెక్టు కోసం 22,947 ఎకరాలు సేకరించాలన్నది లక్ష్యం. ఇందులోనూ జాప్యం కనిపిస్తోంది. ప్రాజెక్టు పనులు చేపట్టి తొమ్మిదేళ్లు గడిచినా 17,960 ఎకరాలను మాత్రమే సేకరించారు. 4,987 ఎకరాలు సేకరించాల్సి ఉంది. కాలువల నుంచి రైతుల భూములకు నీరందేలా ఉప కాలువలను తవ్వాలి. ప్రభుత్వంతో ఒప్పందం చేసుకున్న కాంట్రాక్టర్లు వీటి జోలికి పోవడం లేదు. ఒకటి రెండు చోట్ల మినహాయిస్తే ఎక్కడా జరగడం లేదు. వ్యయాన్ని పెంచాలన్న డిమాండ్‌తో పనులు చేయడంలేదు.
  


 సాక్షి, హైదరాబాద్: కేంద్రం నుంచి తెలంగాణకు ప్రత్యేక ప్యాకేజీ కోరడానికోసం రాష్ట్ర ప్రభుత్వం నివేదిక సిద్ధం చేస్తోంది. ఏటా దాదాపు నాలుగు వేల కోట్ల చొప్పున ఐదేళ్ల కాలానికి రూ.20 వేల కోట్ల మేరకు ప్రత్యేక ఆర్థిక ప్యాకేజీ ఇవ్వాలని ఆ నివేదికలో కోరనున్నట్లు విశ్వసనీయ సమాచారం. రాష్ట్ర విభజన చట్టంలోని సెక్షన్ 92.2 ప్రకారం తెలంగాణ రాష్ట్రంలో వెనుకబడిన జిల్లాల్లో అభివృద్ధి కోసం ప్రత్యేక ప్యాకేజీ ఇవ్వనున్నట్లు స్పష్టంగా పేర్కొన్న నేపథ్యంలో రాష్ట్ర ప్రభుత్వం నివేదికను సిద్ధం చేస్తోంది. తెలంగాణ రాష్ట్ర ప్రభుత్వ ప్రాధమ్యాలకు అనుగుణంగా మౌలిక సదుపాయాల కల్పన కోసం ప్రత్యేక ప్యాకేజీ ప్రకటించాలని కోరనుంది.
  
  రాష్ట్రంలో తొమ్మిది జిల్లాలు వెనుకబడి ఉన్న విషయాన్ని కేంద్ర ప్రణాళిక, ఆర్థిక శాఖలకు సమర్పించనున్న ఆ నివేదికలో ప్రస్తావించనుంది. తాగునీటి గ్రిడ్, రహదారులు, వ్యవసాయ అభివృద్ధి, విద్య, వైద్యం, చిన్ననీటిపారుదల అభివృద్ధి, స్వయం సహాయక సంఘాలను చైతన్యపరచడం వంటి కార్యక్రమాలతోపాటు, రాష్ట్రం అభివృద్ధికి ఈ ప్యాకేజీ అవసరమని సర్కారు కేంద్రానికి వివరించనుంది. 2005లో వెనుకబడిన ప్రాంతాల అభివృద్ధి నిధి కార్యక్రమాన్ని ప్రారంభించినప్పుడు దేశ వ్యాప్తంగా 250 జిల్లాలను ఎంపిక చేస్తే.. అందులో తెలంగాణలోని తొమ్మిది జిల్లాలు ఉన్నాయుని, అలాగే ఉపాధి హామీ పథకం కింద తొలిదశలో 187 జిల్లాలను ఎంపిక చేస్తే.. తెలంగాణలోని తొమ్మిది జిల్లాలు ఈ పథకం కింద ఎంపికయ్యూయున్న విషయాన్ని వివరించనుంది. తీవ్ర వర్షాభావ పరిస్థితుల నేపథ్యంలో గతంలో తెలంగాణలో ఎక్కువ మంది రైతులు ఆత్మహత్యలు చేసుకున్నారని, ఈ ప్రాంతంలో వ్యవసాయ వనరులను పెంచడం ద్వారా రైతుల సామాజిక, ఆర్థిక పరిస్థితిని మెరుగుపరచడానికి వీలవుతుందని స్పష్టంచేయునుంది. తాజా లెక్కల ప్రకారం 11 శాతం మేర కు గిరిజనుల జనాభా అభివృద్ధి కోసం చేపట్టాల్సిన పనులకు కూడా నిధులు కావాల్సిన అవసరాన్ని నివేదికలో పొందుపర్చనున్నారు.
  
  


 ఏపీకి ప్రత్యేక హోదాపై కేంద్ర ప్రభుత్వ యోచన!
  
 {పత్యేక ప్యాకేజీలూ, పన్ను రాయితీల ప్రకటనా ఆ తరువాతే
 మిగిలిన రాష్ట్రాల ఒత్తిళ్లు తప్పించుకునేందుకే ఈ మార్గం
 కానీ స్పెషల్ స్టేటస్ ముందే ఇస్తే రాష్ట్రానికి మేలు    
  
 న్యూఢిల్లీ: ఏపీ ప్రత్యేక హోదా ఇంకా ఎం దుకు అమలు కాలేదు? పన్ను మినహాయిం పులు ఇంకా ఎప్పుడు ప్రకటిస్తారు? ప్రత్యేక ప్యాకేజీలు ఎప్పుడు ఖరారు చేస్తారు? ఇలా అనేక ప్రశ్నలు రాష్ట్రం మదిలో మెదులుతుండగానే మరోవైపు ఏపీకి మాత్రమే ఎందుకు ఇవ్వాలి? అలా ఇస్తే పొరుగున ఉన్న మేం నష్టపోమా? అంటూ కేంద్రంపై ఒత్తిళ్లు వస్తున్నాయి. ఎన్డీఏ వ్యతిరేక కూటమి పార్టీలు అధికారంలో ఉన్న రాష్ట్రాలు ఈ వెసులుబాట్ల కోసం డిమాండ్ చేస్తున్నాయి. మరోవైపు ఏపీ రెవెన్యూలోటుతో ముందుకు సాగలేని పరిస్థితి కనిపిస్తోంది. ఈనేపథ్యంలో ఆంధ్రప్రదేశ్ రాష్ట్ర ఆర్థిక మనుగడకు పద్నాలుగో ఆర్థిక సంఘం సిఫారసులు కీలకం కానున్నాయి. ఈ నేపథ్యంలో ఈ ఆర్థిక సంఘం ముందు ఆంధ్రప్రదేశ్ తన పరిస్థితిని సరైన రీతిలో వివరించాల్సిన అవసరం ఉంది. రాష్ట్రాల ఆర్థిక స్థితిగతులను పూర్తిగా అధ్యయనం చేసి ఆయా రాష్ట్రాలకు అవసరమైన రీతిలో కేంద్ర నిధులను, ఇతర సహాయాలను ఈ కమిషన్ సిఫారసు చేస్తుంది.
 
 12, 13 తేదీల్లో ఏపీలో పర్యటన..
 
 2013 జనవరి 2న ఆర్‌బీఐ మాజీ గవర్నర్ డాక్టర్ వై.వి.రెడ్డి చైర్మన్‌గా, మరో నలుగురు సభ్యులుగా ఏర్పడిన ఈ 14వ ఆర్థిక సంఘం అక్టోబర్ 31లోపు అవార్డు(సిఫారసుల నివేదిక) ఇవ్వాల్సి ఉంది. ఈ అవార్డు వచ్చే ఆర్థిక సంవత్సరం నుంచి ఐదేళ్ల పాటు అమలులో ఉంటుంది. పునర్వ్యవస్థీకరణ చట్టం-2014 ద్వారా రెండు రాష్ట్రాలు అవతరించాక జూన్ 2న రాష్ట్రపతి మరో నోటిఫికేషన్ జారీచేశారు. 14వ ఆర్థిక సంఘం ఆంధ్రప్రదేశ్, తెలంగాణ రాష్ట్రాలకు కూడా సిఫారసులు చేయాలని ఆ నోటిఫికేషన్‌లో పేర్కొన్నారు. ఈ నేపథ్యంలో 14వ ఆర్థిక సంఘం ఈ నెల 12, 13 తేదీల్లో ఏపీలో పర్యటించబోతోంది. తరువాత తెలంగాణలోనూ పర్యటించే అవకాశం ఉంది.
 
 ఆచితూచి అడుగులు..
 
 ఆంధ్రప్రదేశ్ పునర్‌వ్యవస్థీకరణ బిల్లు-2014 రాజ్యసభలో ఆమోదం పొందే వేళ ఆంధ్రప్రదేశ్ రాష్ట్రానికి స్పెషల్ కేటగిరీ స్టేటస్ ఇస్తామని అప్పటి ప్రధానమంత్రి మన్మోహన్ సింగ్ ప్రకటన చేశారు. అయితే దీనిని కేంద్ర మంత్రివర్గం మార్చి 2నే ఆమోదించి అమలుచేయాలని ప్రణాళిక సంఘాన్ని ఆదేశించినప్పటికీ.. అది అమలు కాలేదు. సాంకేతికంగా అది జాతీయ అభివృద్ధి మండలి(ఎన్డీసీ) ధ్రువీకరణ పొందాలి. ఇందులో అన్ని రాష్ట్రాలు భాగస్వాములుగా ఉన్నాయి. ఇప్పటికే పలు రాష్ట్రాలు తమకు ప్రత్యేక హోదా ఇవ్వాలని డిమాండ్ చేస్తున్న నేపథ్యంలో ఈ ధ్రువీకరణ అంత సులువయ్యేలా కనిపించడం లేదు. మిగిలిన రాష్ట్రాల నుంచి రాజకీయ ఒత్తిళ్లు తప్పించుకునేందుకు కేంద్రం ఆచితూచి అడుగులు వేస్తోంది. ఆర్థిక సంఘం అధ్యయనం తరువాత వాస్తవాలన్నీ వెలుగులోకి వచ్చాక నాటి హామీలను అమలుచేసేందుకు నైతిక బలం ఉంటుందన్న దిశగా కేంద్రం ఆలోచిస్తున్నట్టు తెలుస్తోంది. అప్పుడే ప్రత్యేక ప్యాకేజీలు, రాయితీలు ప్రకటించాలని చూస్తోంది.
  
 ముందే స్పెషల్ కేటగిరీ స్టేటస్ ప్రకటిస్తే...
  
 వాస్తవానికి 14వ ఆర్థిక సంఘం తుది నివేదిక ప్రకటించకముందే కేంద్రం ఆంధ్రప్రదేశ్‌కు ప్రత్యేక స్టేటస్ ప్రకటిస్తే మరికొన్ని లా భాలు ఉన్నాయి. 13వ ఆర్థిక సంఘం స్పెషల్ కేటగిరీ స్టేటస్ రాష్ట్రాలపై కాస్త ఉదారత చూపినట్టు అవగతమవుతోంది. ఆ కమిషన్ స్పెషల్ కేటగిరీ స్టేటస్ రాష్ట్రాలకు ద్రవ్య జవాబుదారీ బడ్జెట్ నిర్వహణ(ఎఫ్‌ఆర్‌బీఎం) చట్టం నిబంధన ల్లో కొంత మినహాయింపులు ఇచ్చింది. అంతేకాకుండా.. జనరల్ కేటగిరీ స్టేటస్ రాష్ట్రాలు రెవెన్యూ లోటు కలిగి ఉన్నప్పటికీ ప్రణాళికేతర రెవెన్యూలోటు గ్రాంటు(ఎన్‌పీఆర్‌డీ)ను పొందలేకపోయాయి. అంటే రెవె న్యూ లోటు భారీగా ఉన్న ఏపీ.. ప్రత్యేక హోదా పొందకపోతే ఎన్‌పీఆర్‌డీని పొందే అవకాశం కోల్పోయే ప్రమాదంలో ఉంది. అందువల్ల 14వ ఆర్థిక సంఘం అవార్డు రాకముందే స్పెషల్ కేటగిరీ స్టేటస్ ఇస్తే మేలని, ఈ ఎన్‌పీఆర్‌డీ నిధులు దక్కే అవకాశం ఉందని ఆర్థిక నిపుణులు చెబుతున్నారు.


 ఉలవపాడు, న్యూస్‌లైన్ : నాయకులంటే కార్యకర్తలకు అండగా ఉండాలి. వారి సమస్యలు పరిష్కరిస్తూ నేనున్నానంటూ భరోసా ఇవ్వాలి. కానీ, ప్రస్తుత నేతలు తమ వద్ద ఉన్న నాయకులు, కార్యకర్తలను అడ్డం పెట్టుకుని ప్యాకేజీల కోసం పాకులాడుతున్నారు. ఉలవపాడు మండలంలోని ఇలాంటి నాయకుల తీరుపై కార్యకర్తలు అసంతృప్తి వ్యక్తం చేస్తున్నారు.
 
  మండలంలో కాంగ్రెస్ పార్టీ ఖాళీ అయింది. మానుగుంట మహీధర్‌రెడ్డి కూడా ఆ పార్టీ శ్రేణులను ఏమాత్రం పట్టించుకోకపోవడంతో అయోమయంలో ఉన్న కాంగ్రెస్ నాయకుల కోసం టీడీపీ నేతలు వేట ప్రారంభించారు. టీడీపీ నుంచి నెల్లూరు పార్లమెంట్ స్థానానికి పోటీచేస్తున్న ఆదాల ప్రభాకర్‌రెడ్డి వర్గంగా మారి ఆ పార్టీలో చేరాలని, అలాచేస్తే ప్యాకేజీలు ఇప్పిస్తామని కొందరు టీడీపీ నాయకులు.. కాంగ్రెస్ నాయకుల ఇళ్లచుట్టూ తిరుగుతున్నారు.
 
 ఇప్పటి వరకు స్థానికంగా టీడీపీ నేత దివి శివరాంకు వ్యతిరేకంగా పనిచేసినందున.. ఆయనతో సంబంధం లేకుండా నేరుగా కావలి వెళ్లి ఆదాల ఆధ్వర్యంలో టీడీపీలో చేరాలని ఒత్తిడి చేస్తున్నారు. దీంతో ప్యాకేజీల కోసం కావలి, కందుకూరు వెళ్తున్న కాంగ్రెస్ నాయకులను చూసి వారికి వద్ద ఉన్న కార్యకర్తలకు ఏమీ అర్థం కావడం లేదు. తమను అడ్డం పెట్టుకుని ప్యాకేజీల కోసం నాయకులు ఎగబడటాన్ని వారు జీర్ణించుకోలేకపోతున్నారు. తాము ఏ పార్టీలోకీ రామని తెగేసి చెబుతున్నారు. కానీ, కందుకూరు నియోజకవర్గంలో మంచి ఊపుమీదున్న వైఎస్‌ఆర్ సీపీని తట్టుకోవాలంటే తటస్థంగా ఉన్న కాంగ్రెస్ నాయకులకు వల వెయ్యాలని టీడీపీ నాయకులు నానాకష్టాలు పడుతున్నారు.
 
 గతంలో ఎప్పుడూ ప్యాకేజీలు ఇవ్వని శివరాం కూడా ఇప్పుడు ఎంతైనా ఇవ్వడానికి సిద్ధపడుతున్నట్లు సమాచారం. మండల పరిధిలోని పలువురు కాంగ్రెస్ నాయకులతో పాటు టీడీపీ నాయకులు ఇప్పటికే వైఎస్‌ఆర్ సీపీ తీర్థం పుచ్చుకున్నారు. ఈ నేపథ్యంలో ఎటూకాకుండా పోయిన దాదాపు 20 మంది కాంగ్రెస్ నాయకులను ఆదాల అనుచరులు కలిసి ప్యాకేజీలు ప్రకటించారు.
 
  ఈ ప్యాకేజీలకు కొందరు సుముఖత వ్యక్తం చేయగా, మరికొందరు మాత్రం అధిక మొత్తంలో డిమాండ్ చేసినట్లు సమాచారం. 100 ఓట్లున్న ఓ నాయకునికి 50 వేల రూపాయలు ఆఫర్ చేయగా.. ఆ నాయకుడు లక్ష రూపాయలు డిమాండ్ చేసినట్లు తెలిసింది.
 
  ఈ విషయాన్ని గమనించిన కార్యకర్తలు, ప్రజలు తమ నాయకులకు షాక్ ఇవ్వడానికి సిద్ధమయ్యారు. తమను అడ్డం పెట్టుకుని ప్యాకేజీలు పుచ్చుకుంటున్న వారివెంట వెళ్లేది లేదని వారంతా స్పష్టం చేస్తున్నారు. దీంతో ఇప్పటికే ప్యాకేజీలు మాట్లాడుకున్న కొందరు నేతలు.. తమ వెనుక ఎవరూ రాకపోతుండటంతో తలలు పట్టుకుని కూర్చున్నారు.


 చాలా సంస్థల్లో వాటి వాటి ప్యాకేజీలను బట్టి కొన్ని పరీక్షలు అదనంగా ఉండవచ్చు. మరికొన్ని ఉండకపోవచ్చు. ఇక్కడ పేర్కొన్నవి సాధారణంగా లభ్యమయ్యే ముఖ్య పరీక్షలు.
      
 బ్లడ్ షుగర్ ఫాస్టింగ్(పరగడుపున), పోస్ట్ లంచ్ (ఆహారం తీసుకున్న తర్వాత)
      
 హెమోగ్రామ్  బ్లడ్ గ్రూప్‌ను నిర్ధారించే పరీక్ష (ఆర్‌హెచ్ ఫ్యాక్టర్స్‌తో)
      
 లిపిడ్ ప్రొఫైల్ (డెరైక్ట్ ఎల్‌డిఎల్)  బ్లడ్ యూరియా  సీరమ్ క్రయోటనైన్
      
 లివర్ ఫంక్షన్ టెస్ట్     కంప్లీట్ యూరిన్ స్టడీ     స్టూల్ రొటీన్ చెక్  టు డి ఎకో
      
 థైరాయిడ్ స్టిములేటింగ్ హార్మోన్ (టిఎస్‌హెచ్)  ఇ.సి.జి(ఎలక్ట్రో కార్డియోగ్రామ్)
  
 ఎక్స్-రే చెస్ట్ పిఎ వ్యూ  అల్ట్రాసౌండ్ (హోల్ అబ్డామిన్)  బాడీ మాస్ ఇండెక్స్
      
 ఫిజీషియన్‌ను సంప్రదించి సలహాలు, సూచనలు తీసుకోవడం
      
 డైటీషియన్‌ను సంప్రదించి పాటించాల్సిన ఆహార నియమాలను తెలుసుకోవడం
  


 విజయనగరం: రాష్ట్ర విభజన నేపధ్యంలో సీమాంధ్రకు ప్యాకేజీ అనే పదాన్ని వాడటం సరికాదని పీసీసీ అధ్యక్షుడు బొత్స సత్యనారాయణ అన్నారు. ఆయన శనివారమిక్కడ విలేకర్లతో మాట్లాడుతూ ప్యాకేజీ అనేది వ్యాపారంలో వాడే పదమని..... ఈ పదాన్ని మీడియానే వెనక్కి తీసుకోవాలన్నారు. తాము పోరాడుతుంది హక్కుల కోసమే కానీ... ప్యాకేజీ కోసం కాదని బొత్స వ్యాఖ్యానించారు.
 సీమాంధ్ర ప్రజల మనోభావాలను గుర్తించి కేంద్ర మంత్రివర్గ బృందం (జీవోఎం) విభజన ప్రక్రియను ఆపాలని ఆకాంక్షిస్తున్నట్లు ఆయన అన్నారు. విభజన పక్రియ నేపథ్యంలో జీవోఎం పేర్కొన్న అంశాలపై ఇటు తెలంగాణ, అటు సీమాంధ్ర ప్రజల మనోభావాలను గతంలో కేంద్ర బృందానికి మెయిల్ చేసినట్లు తెలిపారు.


 విభజన దిశగా సీమాంధ్ర కేంద్ర మంత్రుల కొత్త పల్లవి
 రూ.4 లక్షల కోట్లు కోరిన చంద్రబాబు బాటలో కాంగ్రెస్ మంత్రుల డిమాండ్లు
 జీవోఎం సభ్యులు మొయిలీ, చిదంబరంలతో కావూరి, శీలం, పురందేశ్వరి, చిరంజీవి భేటీ
 విభజన వల్ల తలెత్తే సమస్యలకు పరిష్కారం చెప్పాలని విజ్ఞప్తి
 సీమాంధ్రలో కొత్త రాజధానికి ఎన్ని నిధులిస్తారంటూ ప్రశ్న
 తగిన పరిష్కరాలు చూపి ప్యాకేజీలిస్తే ప్రజలను ఒప్పించగలమని వెల్లడి
 దొరకని ప్రధాని అపాయింట్‌మెంట్
  
 సాక్షి, న్యూఢిల్లీ: రాష్ట్రాన్ని సమైక్యంగా ఉంచడమే తప్ప మరో ఇతర ప్రతిపాదనకు తలొగ్గేది లేదంటూ డాంబికాలు పలుకుతూ వచ్చిన సీమాంధ్ర కేంద్ర మంత్రులు.. అధిష్టానం డెరైక్షన్లో విభజన దిశగా అడుగులు వేస్తున్నారు. తమది సమైక్యవాదం కాదని, సమస్యావాదమని చెబుతూ.. ప్యాకేజీవాదన మొదలుపెట్టారు. సీమాంధ్రలో కొత్త రాజధాని నిర్మాణానికి నాలుగైదు లక్షల కోట్ల రూపాయలిస్తే రాష్ట్రాన్ని విభజించేసుకోవచ్చన్న టీడీపీ అధినేత చంద్రబాబు నాయుడు బాటలో కాంగ్రెస్ మంత్రులు డిమాండ్లు మొదలుపెట్టారు. సీమాంధ్రలో కొత్త రాజధానికి ఎన్ని నిధులిస్తారంటూ జీవోఎం సభ్యులను ప్రశ్నించారు. విభజనతో సీమాంధ్రలో అనేక సమస్యలు ఉత్పన్నమవుతాయని, వాటిని ఎలా పరిష్కరిస్తారో ముందుగా స్పష్టత ఇచ్చాకే ప్రక్రియను ముందుకు తీసుకెళ్లాలని వారు జీవోఎంకు విజ్ఞప్తి చేశారు. తగిన పరిష్కారం చూపితే, తగిన ప్యాకేజీలు ఇస్తే విభజనకు అంగీకరించేలా ప్రజలను తాము ఒప్పించగలమని వెల్లడించారు.
 గురువారం జీవోఎం కీలక సమావేశానికి ముందు జీవోఎం సభ్యులు వీరప్ప మొయిలీ, చిదంబరంలతో కేంద్ర మంత్రులు కావూరి సాంబశివరావు, పురందేశ్వరి, చిరంజీవి, జేడీ శీలం విడివిడిగా భేటీ అయ్యారు. పార్టీ నేతలుగా, ప్రభుత్వంలో భాగస్వాములుగా తెలంగాణపై కేంద్రం తీసుకున్న నిర్ణయానికి కట్టుబడతామని, అయితే విభజన అనంతరం విద్య, ఉద్యోగ, ఉపాధి, సాగు నీటి రంగాల్లో సీమాంధ్రకు ఎలా న్యాయం చేస్తారో ప్రజలకు చెప్పాల్సిన బాధ్యత కేంద్రంపై ఉందన్నారు. సీమాంధ్రను అన్ని విధాలా ఆదుకునేందుకు ఎలాంటి ప్యాకేజీలు ప్రకటిస్తారో ముందుగానే వెల్లడించాలని విన్నవించారు. హైదరాబాద్‌లో సీమాంధ్రుల భద్రతకు తీసుకునే చర్యలేంటి? సీమాంధ్రలో కొత్తగా నిర్మించే రాజధానికి ఏ మాత్రం నిధులు కేటాయిస్తారు? పోలవరంపై తెలంగాణవాదులు లేవనెత్తిన అభ్యంతరాలకు పరిష్కారాలు ఏంటీ? కొత్తగా చేపట్టే అభివృద్ధి కార్యక్రమాలకు నిధుల కేటాయింపులు ఎలా? అన్న అంశాలపై స్పష్టత ఇవ్వాల్సిన అవసరం కేంద్రంపై ఎంతైనా ఉందన్నారు. ఇక ఇవే అంశాలను ప్రధాని మన్మోహన్ సింగ్‌ను కలిసి విన్నవిద్దామని మంత్రులు భావించినా ఆయన అపాయింట్‌మెంట్ దొరకలేదు.
  
 సమస్యల పరిష్కారంవైపే మా ప్రయత్నం: జేడీ శీలం
 మొయిలీతో భేటీ అనంతరం జేడీ శీలం మీడియాతో మాట్లాడారు. తమది సమైక్యతావాదం కాదని సమస్యావాదమని జేడీ శీలం స్పష్టం చేశారు. అయితే సమైక్యతా వాదం, సమస్యావాదం వేరుకాదని అన్నారు. విభజన  అనంతరం సమస్యల పరిష్కారంవైపుగా తాము ప్రయత్నం చేస్తున్నామని, వాటికి పరిష్కారాలు చూపాలని జీవోఎం సభ్యులను కోరామన్నారు. తగిన పరిష్కారం చూపితే ప్రజలను తాము ఒప్పించగలమన్నారు. ఉద్యోగాలు రావని విద్యార్థులు, నీళ్లు రావని రైతులు, భద్రత ఉండదని హైదరాబాద్‌లోనీ సీమాంధ్రులు భయాందోళనలతో ఉన్నారని, వారి భయాలను తొలగించేలా జీవోఎం చర్యలు చేపట్టాలన్నారు. విభజన జరిగినా తెలుగు ప్రజలు భవిష్యత్తులో వైషమ్యాలు పెంచుకోకుండా సామరస్యపూర్వకంగా ఉండేలా జీవోఎం చర్యలు తీసుకోవాలన్నారు. ప్రాంతాలుగా విడిపోయినా ప్రజలుగా ఇరు ప్రాంతాలు కలిసుండాలని కోరారు. తాము జీవోఎంకు ఎలాంటి నివేదికలు ఇవ్వడం లేదని, ఎలాంటి ప్యాకేజీలూ కోరడం లేదని చెప్పారు.
  
 భయాందోళనలు తొలగించాలి: చిరంజీవి
 విద్యార్థులు, ఉద్యోగులు, పెట్టుబడిదారులు అంతా హైదరాబాద్‌నే నమ్ముకొని ఉన్నారని, ప్రస్తుత విభజన ప్రకటనతో వారిలో తీవ్ర భయాందోళనలు నెలకొన్నాయని, వాటిని ముందుగా నివృత్తి చేయాల్సిన బాధ్యత జీవోఎంపై ఉందని కేంద్ర మంత్రి చిరంజీవి అన్నారు. హైదరాబాద్‌లోని సీమాంధ్రుల అనుమానాలను నివృత్తి చేసేలా, సీమాంధ్రుల ప్రయోజనాలను పరిరక్షించేలా ఎలాంటి చర్యలు తీసుకుంటున్నారో కేంద్రం సమాధానం చెప్పాలని ఆయన డిమాండ్ చేశారు. రెండు ప్రాంతాలకు న్యాయం చేయాలనే తాము కోరుతున్నామని, ప్యాకేజీలు కోరడం లేదని చెప్పుకొచ్చారు. శుక్రవారం నాటి సమన్వయ కమిటీ సమావేశంలోనూ ఈ అంశాన్ని ప్రస్తావిస్తామన్నారు.


 ఇన్నాళ్ల సమైక్యవాదమంతా బూటకమే
 వ్యతిరేకతను తట్టుకోవడానికి ‘ప్యాకేజీ’ డ్రామా
 సోనియా డెరైక్షన్.. చంద్రబాబు అడుగుజాడల్లో..
 సీమాంధ్ర అభివృద్ధికి ప్యాకేజీ కోరాలని నిర్ణయం
 నేడు ప్రధానికి, రేపు జీవోఎంకు వినతిపత్రం
 సీమాంధ్రకు చెందిన కేంద్ర మంత్రుల సమైక్యవాదం బూటకమేనని, ఆ ముసుగులో వారు ఇన్నాళ్లుగా చెప్పిన మాటలన్నీ నీటి మూటలేనని తేలిపోయింది. విభజనకు అనుకూలంగా కేంద్ర మంత్రుల బృందం ముందుకు వెళ్లాలని మంగళవారం వారు తీసుకున్న నిర్ణయంతో వారి అసలు రూపం బయటపడింది. దాంతో, సోనియాగాంధీ డెరైక్షన్‌లో విభజన ప్రక్రియలో ఒక్కో ఘట్టంలో ఒక్కోలా సీమాంధ్ర కేం ద్ర మంత్రులు ఆడిన నాటకాలకు కూడా తెరపడింది.
 సోనియా డెరైక్షన్‌లో, టీడీపీ అధ్యక్షుడు చంద్రబాబు అడుగుజాడల్లో పకడ్బందీ స్క్రీన్‌ప్లేతో ఈ నాటకాన్ని రక్తి కట్టించడంలో సీమాంధ్ర కేంద్ర మంత్రులు ఇంతకాలంగా తమ వంతు పాత్రను విజయవంతంగా పోషించారని పరిశీలకులు విశ్లేషిస్తున్నారు. రాష్ట్ర విభజనకు బహిరంగంగా అంగీకారం తెలపాలని మం త్రులు కావూరి సాంబశివరావు, ఎంఎం పల్లంరాజు, పనబాక లక్ష్మి, డి.పురందేశ్వరి, కిల్లికృపారాణి నిర్ణయించారు. వారంతా మంగళవారం కావూరి కార్యాలయంలో సమావేశమై భావి కార్యాచరణపై చర్చిం చారు. విభజనకు అంగీకరిస్తూ జీవోఎం ముందుకు వెళ్లడానికి అవసరమైన భూమిక తయారీకి కసరత్తు చేశారు. విభజనను సమర్థించడంతో పాటు సీమాంధ్రకు మెరుగైన ప్యాకేజీ సాధనకు ప్రయత్నించాలని నిర్ణయించారు. దానికోసం గట్టిగా ప్రయత్నిస్తున్నామనే సంకేతాలు పంపించడం ద్వారా... ప్రజల్లో తమ పట్ల వ్యక్తమవుతున్న వ్యతిరేకతను తగ్గించాలని ప్రణాళిక రూపొందించారు. సీమాంధ్రకు భారీగా ప్రతిష్టాత్మక విద్యాసంస్థలు, మౌలిక సదుపాయాల కల్పన ప్రాజెక్టులు, నిధులు, పన్నుల మినహాయింపు, ఉపాధి కల్పన ప్రాజెక్టులు తదితరాలు ఇవ్వాలంటూ వినతిపత్రం రూపొందించాలని నిర్ణయించారు. ఈ జాబితాను బుధవారం ప్రధానమంత్రి మన్మోహన్‌సింగ్‌ను కలిసి అందజేయనున్నారు. గురువారం నాటి జీవోఎం భేటీలో కూడా దాన్ని సమర్పించాలని నిర్ణయించారు. జీవోఎంకు నివేదిక ఇవ్వడంపై ఎలాంటి చర్చా చేయలేదని భేటీ అనంతరం పనబాక చెప్పారు. సమైక్యాంధ్ర కోసం మరోమారు ప్రధాని, సోనియా, రాహుల్‌లను కలుస్తామన్నారు.
  
  దిగ్విజయ్‌తో శీలం, కేవీపీ మంతనాలు
  కాంగ్రెస్ రాష్ట్ర వ్యవహారాల ఇన్‌చార్జి దిగ్విజయ్‌సింగ్‌తో శీలం, ఎంపీ కేవీపీ రామచంద్రరావు మంగళవారం విడిగా భేటీ అయ్యారు. అసెంబ్లీ తీర్మానం లేకుండా విభజన ప్రక్రియపై కేంద్రం ముందుకెళ్లడాన్ని రాష్ట్ర కాంగ్రెస్ నేతలు తప్పుబడుతున్నారని చెప్పారు. కనీసం బిల్లునైనా అసెంబ్లీకి పంపుతారా, లేదా అన్న అనుమానం వ్యక్తమవుతోందన్నారు. దీనిపై స్పష్టత ఇవ్వాలని కోరినట్టు తెలిసింది. విభజనతో ముడిపడిన ప్రధాన సమస్యలపై ఎలాంటి స్పష్టత ఇవ్వకుండానే వేగంగా ప్రక్రియను ముగించడాన్ని తప్పుబట్టారంటున్నారు. సీమాంధ్రకు సమన్యాయం ఎలా చేస్తారో చెప్పకుండా, ఏమేం కావాలో చెప్పాలంటే ఎవరూ ముందుకు రారని చెప్పారని సమాచారం. సీమాంధ్రకు న్యాయం చేసే అన్ని అంశాల ప్రస్తావనా పీసీసీ తరఫున జీవోఎంకు ఇచ్చే నివేదికలోనే ఉంటుందని దిగ్విజయ్ వారికి హామీ ఇచ్చినట్టు తెలిసింది. తెలుగుజాతి ఔన్నత్యం, పురోగతి సమైక్యాంధ్రలోనే సాధ్యమని అనంతరం కేవీపీ మీడియాతో అన్నారు.
  
  మంత్రుల విన్నపాలివీ..
  - హైదరాబాద్‌పై అన్ని ప్రాంతాల ప్రజలకూ సమాన హక్కు కల్పించాలి. అందుకు దాన్ని కేంద్రపాలిత ప్రాంతంగా ప్రకటించాలి
  - సీమాంధ్రలో ప్రతిష్టాత్మక విద్యాసంస్థలు ఏర్పాటు చేయాలి
  - జల వివాదాల పరిష్కారానికి చట్టబద్ధమైన ప్రత్యేక వ్యవస్థ ఏర్పాటు చేయాలి
  - సీమాంధ్ర రాజధాని ఏర్పాటుకు కేంద్రం భారీగా ఆర్థిక సాయం అందించాలి
  - రెండు దశాబ్దాల పాటు సీమాంధ్రకు పన్నుల నుంచి మినహాయింపు ఇవ్వాలి
  - 20 ఏళ్ల పాటు కేంద్రం నుంచి ఏటా నిర్దిష్ట మొత్తంలో సీమాంధ్రకు నిధులు వచ్చేలా స్పష్టమైన హామీ ఇవ్వాలి
  - ఎయిమ్స్ (ఆలిండియా ఇన్‌స్టిట్యూట్ ఆఫ్ మెడికల్ సెన్సైస్) తరహాలో ప్రత్యేక వైద్య, పరిశోధన విద్యా సంస్థలను నెలకొల్పాలి
  - వాల్తేరును ప్రత్యేక రైల్వే డివిజనుగా ప్రకటించాలి
  - తిరుపతి, విజయవాడ విమానాశ్రయాలను అంతర్జాతీయ స్థాయికి అభివృద్ధి చేయాలి
  - పెట్రోలియం, కెమికల్స్ అండ్ పెట్రో కెమికల్స్ ఇన్వెస్ట్‌మెంట్ రీజియన్(పీసీపీఐఆర్) అభివృద్ధికి తగిన నిధులివ్వాలి
  - విశాఖకు మెట్రో రైల్ ప్రాజెక్టు మంజూరు చేయాలి
  - రాయలసీమ, ఉత్తర కోస్తా జిల్లాల వెనకబాటుతనం నిర్మూలనకు ప్రత్యేక ప్యాకేజీలు ప్రకటించాలి
  - విశాఖ, అనంతపురం జిల్లాల్లో ఐటీఐఆర్ నెలకొల్పాలి


  
   న్యూఢిల్లీ: అమ్మకాలు పడిపోతుండటంతో కుదేలైన వాహన రంగాన్ని ఆదుకోవడానికి ప్యాకేజీ అవసరమని భారీ పరిశ్రమల శాఖ మంత్రి ప్రఫుల్ పటేల్ మంగళవారం పునరుద్ఘాటించారు. వాహన అమ్మకాలు అంతకంతకూ పడిపోతుండడం పట్ల ఆయన ఆందోళన వ్యక్తం చేశారు.  గత 9 నెలలుగా అమ్మకాలు తగ్గుతున్నాయని, దీంతో ఉద్యోగాలు పోతున్నాయని ఆవేదన వ్యక్తం చేశారు. ఇక్కడ జరిగిన సీఐఐ సమావేశంలో ఆయన మాట్లాడారు. కొత్త ఉద్యోగాలివ్వాల్సిన ఈ తరుణంతో ఉన్న ఉద్యోగాలు పోతున్నాయని పేర్కొన్నారు. ఈ విషయాలన్నింటినీ ఆర్థిక మంత్రిత్వ శాఖ దృష్టికి తీసుకెళ్లామని, వాళ్ల సమస్యలు వాళ్లకున్నాయని వివరించారు. 
  
  భారీగా పెరిగిపోతున్న కరెంట్ అకౌంట్ లోటు(క్యాడ్) పట్ల ఆర్థిక మంత్రిత్వ శాఖ ఆందోళన చెందుతోందని పేర్కొన్నారు. ఏది ఏమైనప్పటికీ, ఏ రూపంలోనైనా ఎంతో కొంత ఉపశమనం కలిగించే చర్యలు తీసుకోవాలని కోరారు. ఈ విషయమై ఆర్థిక  మంత్రిత్వ శాఖతో సంప్రదింపులు కొనసాగుతున్నాయని పేర్కొన్నారు. తయారీరంగ జీడీపీలో వాహన రంగం వాటా 25 శాతమని, భారీగా ఉద్యోగాలు కల్పిస్తోన్న రంగాల్లో ఇదొకటని పటేల్ చెప్పారు. భారత్‌లో ఆహార భద్రత ఎంత అవసరమో, వాహన రంగ వృద్ధి కూడా అంతే అవసరమని పేర్కొన్నారు.  
  
  జూలైలో 7.4 శాతం క్షీణత 
  ఆర్థిక మందగమనం, కన్సూమర్ సెంటిమెంట్ బలహీనంగా ఉండడం వంటి కారణాల వల్ల గత నెలలో కార్ల అమ్మకాలు 7.4 శాతం తగ్గాయి. అన్ని కేటగిరిల వాహనాల అమ్మకాలు 14,45,112 నుంచి 2.08 శాతం క్షీణించి 14,15,102కు తగ్గాయి. ఆటో రంగాన్ని ఆదుకోవడానికి ప్యాకేజీ కావాలంటూ ఇంతకు ముందే సొసైటీ ఆఫ్ ఇండియన్ ఆటోమొబైల్ మాన్యుఫాక్చరర్స్(సియాం) కోరింది. 2008 నాటి సంక్షోభ సమయంలో ఇచ్చిన తరహా ప్యాకేజీని ఇవ్వాలని సియాం సూచిస్తోంది. అప్పుడు చిన్న కార్లు, టూవీలర్లు, వాణిజ్య వాహనాలపై  ప్రభుత్వం ఎక్సైజ్ సుంకాన్ని 8 శాతానికి తగ్గించింది. 


  విశ్లేషణ: సీమ సహజ సంపదను- వ్యవసాయ వనరులు, ఖనిజసంపద సమగ్రంగా అంచనా వేసి సమగ్రాభివృద్ధికి ప్యాకేజీ రూపొందించాలి. అందుకు నిపుణుల కమిటీ వేయాలి. సమన్యాయం జరగకపోతే, యథాస్థితి కొనసాగడం కంటే గత్యంతరం లేదు.
  
  సమన్యాయం చేయలేకపోతే, యథాస్థితి కొనసాగాలన్నదే సీమాంధ్రుల వైఖరి. అది న్యా యమైనది, సమంజసమైనది. సీమాంధ్రుల మనోగతం విచా రించకుండా కాంగ్రెస్ వర్కింగ్ కమిటీ చేసిన విభజన నిర్ణయం వారికి పిడుగుపాటుగా తాకింది. అందుకే ఆబాలగోపాలం విజృంభణ. సీమాంధ్రుల నుంచి పెల్లుబికిన ప్రతిస్పం దనను బట్టి తమ నిర్ణయాన్ని పునరాలోచించకుండా నిరంకుశంగా వ్యవహరించడం దుర్మార్గపుచర్య.
  
  2014 పార్లమెంటు ఎన్నికలో తిరిగి గద్దెనెక్కే ఉద్దేశం తోనే రాష్ట్ర విభజన ప్రక్రియకు కాంగ్రెస్ అధిష్టానం తెర లేపింది. తెలంగాణలో అత్యధిక స్థానాలు కైవసం చేసుకోవాలనే తలంపే ఈ తొందరపాటు చర్యకు కాంగ్రెస్ వర్కింగ్ కమిటీని పురికొల్పింది. ఈ విషయం సీమాంధ్ర లోని పండితులకే కాదు పామరులకు కూడా అర్థమై పోయింది. అందుకే వారంతా ఏకమై సోనియా మీద నిప్పులు చెరు గుతున్నారు. సోనియా రేటింగ్ అమాంతం పడిపోయిందంటే అందుకు కారణం అదే. కాంగ్రెస్ నాయ కులంతా సోనియా కింద గులాములుగా మారినందు వల్లనే దేశానికి ఈ దుర్గతి పట్టింది. శ్రీకృష్ణ కమిటీ రాష్ట్రాన్ని ఐక్యంగా ఉంచడమే మేలని ఒకటికి పదిసార్లు ఉద్ఘాటించినా సోనియా పెడచెవిన పెట్టింది. రాష్ట్రాన్ని విభజించి సమస్యలను తలకెత్తుకోవడమంటే ప్రజాకవి వేమన చెప్పినట్లు నేల మీది రాయి నెత్తికెత్తినట్లుగా ఉంటుంది.
  
  రాజధాని అందరిదీ...
  ఆంధ్రప్రదేశ్ ఏర్పడిన ఈ 57 ఏళ్లలోనే ముఖ్యంగా సీమాం ధ్రులు తమ సర్వస్వాన్ని ధారపోయడం వల్లనే హైదరా బాద్ ఇబ్బడిముబ్బడిగా అభివృద్ధి చెంది, దేశంలోనే అగ్ర శ్రేణి నగరంగా గుర్తింపునకు వచ్చింది. నైజాం కాలంలో తెలుగు భాషకు గౌరవం ఉండేది కాదు. తెలుగు మాట్లాడే వారిని ఎగతాళి చేసేవారు. తెలుగుభాషా వికాసం, విశా లాంధ్ర నిర్మాణం, తెలంగాణ సాయుధ పోరాట లక్ష్యా లుగా కూడా సాగింది ఎలా విస్మరిస్తాం? సినీ పరిశ్రమ చెన్నై నుంచి హైదరాబాద్‌కు తరలించిన తర్వాత వేలాది మంది సినీ ఆర్టిస్టులు, సాంకేతిక సిబ్బంది వల్ల తెలుగు భాష, సంస్కృతి పరిఢవిల్లాయి. సీమాంధ్రలోని ప్రతి గ్రామం నుంచి హైదరాబాద్‌కు వచ్చి తమ సొంత నగ రంగా ఇక్కడ జీవనాధారం ఏర్పాటు చేసుకున్నారంటే అతిశయోక్తి కాదు. ఒక్క ప్రభుత్వోద్యోగాల్లో తప్ప తక్కిన అన్ని రంగాల్లో ఎటువంటి వివక్ష ఉండరాదు. అందుకు కేంద్రం చట్టబద్ధ హామీ ఇవ్వాల్సి ఉంటుంది. సీమాంధ్ర ఉద్యోగుల కుటుంబ సభ్యులు, వారి భార్యలు, పిల్లలు ఇక్కడ చదువులు, ఉద్యోగాలు చేస్తున్నారు. సీమాంధ్ర ఉద్యోగ సంఘాలతో చర్చించి వారికి తృప్తికరమైన రీతిలో పరిష్కారం కనుగొనాలి.
  
  తెలంగాణ నేతల నుండి కొన్ని అపశ్రుతులు వినబడు తున్నాయి. వారు రెచ్చగొట్టే ప్రకటనలు చేసున్నారు. ఆంధ్రప్రదేశ్ ప్రభుత్వ ఆదాయంలో దాదాపు సగభాగం హైదరాబాద్, రంగారెడ్డి జిల్లాల నుంచి వస్తున్నట్లు గణాం కాలు తెలుపుతున్నాయి. గ్రేటర్ హైదరాబాద్ ప్రాంతంలో సీమాంధ్రులు నెలకొల్పిన పరిశ్రమలు, 23 జిల్లాలకు రాజధానిగా ఉన్నందువల్ల కేంద్రం నుంచి వచ్చిన పరిశ్ర మలు ఈ ప్రాంతంలోనే వెలిశాయి. గ్రేటర్ హైదరాబాద్ నుంచి 1956కు ముందు ఆదాయమెంత, ఇప్పుడు ఆదా యం ఎంత అన్నది తెలుసుకోవడం కష్టంకాదు. కాబట్టి, సీమాంధ్రలో ఆదాయం పెరిగేంతవరకు గ్రేటర్ హైదరా బాద్ ఆదాయాన్ని జనాభా ప్రాతిపదిక మీద పంపకం కోరడం న్యాయమైనదే. అందుకు కేంద్రం నిపుణుల కమిటీ వేసి పరిశీలించి నిర్ణయించాలి.
  
  విభజన అనివార్యమైతే ఇక మీదట కేంద్ర ప్రభుత్వం గానీ, ప్రైవేట్ పారిశ్రామికాధిపతులు గానీ నెలకొల్పే పరి శ్రమలను, వాణిజ్య సంస్థలను సీమాంధ్రలోనే నెలకొల్పే టట్లు హామీ లభించాలి. మంచినీరు, విద్యుత్, రవాణా, అంతర్జాతీయ విమానాశ్రయం వంటి మౌలిక వసతులు ఏర్పాటు కావాలి. సమన్యాయానికి నిర్దిష్ట రూపంలో హామీ లభించి, సీమాంధ్ర ఉద్యోగ, విద్యార్థి, రాజకీయ వర్గాలకు, ప్రజాసంఘాలకు తృప్తికలిగిన తర్వాతనే విభ జన ప్రక్రియకు మలి అడుగులు వేయాలి తప్ప, అంత వరకు దానిని కోల్డ్ స్టోరేజీలో పెట్టాలి.
 
  నీటి లభ్యతకు హామీ
  నదీ జలాల లభ్యత దుర్భిక్ష ప్రాంతాలకు జీవన్మరణ సమ స్యగా ఉంది. ఎందుకంటే ఆ ప్రాంతాల్లో నిర్మించే ప్రాజె క్టులన్నీ కృష్ణ మిగులు జలాల ఆధారంగా నిర్మిస్తున్నవే. రెండు, మూడు రాష్ట్రాలైతే నదీ జలాల వివాదాలు రావణ కాష్టంగా మారకతప్పదు. ఒకే రాష్ట్రం అయితే సమన్వ యంతో సర్దుబాట్లు జరుగుతాయి. పోలవరం జాతీయ ప్రాజెక్టుగా చేపడతామని మాత్రమే కాంగ్రెస్ వర్కింగ్ కమిటీ చెప్పి తతిమ్మా నీటి సమస్యలను మభ్యపెట్టింది. వైఎస్ మరణానంతరం పోలవరంతో సహా జలయజ్ఞం ప్రాజెక్టులన్నీ పడకవేశాయి. వైఎస్ హయాంలో తవ్వించిన పోలవరం కాల్వలు పూడిపోతున్నాయి. గండికోట రిజర్వా యర్ పూర్తయినా దానికి నీళ్లు వచ్చే మార్గం పూర్తిగాక నిలిచిపోయింది. దుమ్ముగూడెం-నాగార్జునసాగర్ టెయి ల్‌పాండ్ పథకం దుర్భిక్ష ప్రాంతాలకు కీలకమైన పథకం. విభజన జరిగితే దాని భవిష్యత్తు ఎలా ఉంటుందో తెలి యదు. ఈ ఏడాది గోదావరి జలాలు సుమారు 3,000 టీఎంసీలు సముద్రం పాలయ్యాయి. ఇందులో పది లేదా పదిహేను శాతం ప్రకాశం బ్యారేజీ, నాగార్జునసాగర్ డ్యాం ఎడమ వైపు ఆయకట్టుకు ఉపయోగిస్తే, దానివల్ల మిగిలే కృష్ణా జలాలు దుర్భిక్ష ప్రాంతాలకు ఉపయోగ పెట్టుకోవచ్చు. వైఎస్ ఈ దృష్టితోనే ఉభయతారకంగా జలయజ్ఞాన్ని రూపొందిం చాడు.
  
  సీమ భయాలు తొలగించాలి!
  1937లో శ్రీబాగ్ ఒడంబడిక జరిగినప్పుడు ఆంధ్ర రాష్ట్రం ఏర్పడిన వెంటనే కృష్ణానదీ జలాలను వినియోగించడంలో రాయలసీమకు ప్రథమ ప్రాధాన్యం ఇవ్వాలనే షరతు కీలకమైనది. ఈ ఒప్పందం ప్రకారమే 1952లో కృష్ణా- పెన్నారు ప్రాజెక్టు, 1953లో కర్నూలులో ముఖ్య పట్టణం రూపుదిద్దుకున్నాయి. కృష్ణ-పెన్నారులోని సిద్ధేశ్వరం, గండికోట ప్రాజెక్టులు రాయలసీమకు కీలకమైనవి. కృష్ణ- పెన్నారులో భాగమైన సోమశిల ద్వారా మద్రాసు రాష్ట్రా నికి కృష్ణ నీరు తరలించే కుట్ర అందులో ఇమిడి ఉన్నందు వల్ల, అన్ని ప్రాంతాల వారి ఆందోళన మూలంగా కృష్ణ- పెన్నారు రద్దయి, దాని స్థానంలో నాగార్జునసాగర్ వచ్చిం ది. కృష్ణ-పెన్నారుతోపాటు సిద్ధేశ్వరం, గండికోట కూడా రద్దయ్యాయి. ఇది సీమవాసులకు శాపంగా పరిణమిం చింది. కానీ, నాగార్జునసాగర్ వల్ల కోస్తా, తెలంగాణ లాభ పడ్డాయి. బచావత్ కేటాయింపుల్లో కూడా సీమ నష్టప డింది. నాగార్జునసాగర్‌వల్ల లాభపడిన కోస్తా, తెలం గాణవారు సీమ ప్రాజెక్టులకు కృష్ణ నికర జలాలు అందిం చడానికి ముందుకు రావాలి. ఇది వారి నైతిక బాధ్యత.
  
  బచావత్ తీర్పు ద్వారా మరోవిధంగా కూడా సీమ నష్టపోయింది. తుంగభద్ర ప్రాజెక్టు కట్టకముందు తుంగ భద్ర నీరు కేసీ కెనాల్‌కు పుష్కలంగా యథేచ్ఛగా పారేవి. ఈ కాలువ కింద కర్నూలు-కడప జిల్లాలలో ఉన్న 2.75 లక్షల ఎకరాల ఆయకట్టుకు ఎట్టి పరిస్థితుల్లోనూ నీరు అందాలి. రాష్ట్రాల పునర్విభజన వల్ల రాయలసీమలో ఉన్న తుంగభద్ర రిజర్వాయర్ కర్ణాటకలోకి వెళ్లిపోయింది. దీని వల్ల అనంతపురం, కడప, కర్నూలు జిల్లాలనుద్దేశించిన తుంగభద్ర ఎగువ, దిగువ కాల్వల కింద ఆయకట్టు తరచు నీటి ఎద్దడికి గురవుతోంది. ఆ కాల్వలు కొంత దూరం కర్ణా టక ద్వారా రావలసి ఉన్నందువల్ల సీమకు ఉద్దేశించిన నీరు మార్గమధ్యంలో మళ్లింపునకు గురవుతున్నది. కేసీ కెనాల్‌కు అవసరమైన 40 టీఎంసీల నీటికి తుంగభద్ర రిజ ర్వాయర్‌లలో కేటాయింపు లేనందువల్ల, తుంగభద్ర దిగు వన పడే వర్షపు నీటిని మాత్రమే బచావత్ కేటాయించినం దువల్ల నిశ్చిత జలాధారంగా ఉన్న కేసీ కెనాల్ బచావత్ పుణ్యమా అని అనిశ్చిత జలాధారంగా మారింది.
  
  చంద్రబాబు హయాంలో కేసీ కెనాల్ ఎండిపోయిం ది. వైఎస్ వచ్చిన తర్వాత కేసీ కెనాల్‌కు నీటి ఎద్దడి ఎదురైనప్పుడు శ్రీశైలం నుంచి కృష్ణ నీటిని పోతిరెడ్డిపాడు హెడ్ రెగ్యులేటర్ ద్వారా వదిలే ఏర్పాటు చేశాడు. శ్రీశైలం రిజర్వాయర్ హైడెల్ ప్రాజెక్టుకు ఉద్దేశించి కట్టినా, కాల క్రమంగా సాగునీటి అవసరం ఒత్తిడివల్ల అది బహుళార్థ సాధక ప్రాజెక్టు రూపుదిద్దుకొంది. ప్రస్తుతం దాని ఆధారంగా తెలంగాణ, సీమాంధ్ర వైపు అనేక ప్రాజెక్టులు రూపుదిద్దుకుంటున్నాయి. విద్యుత్తును థర్మల్ ద్వారా ఉత్పత్తి చేసుకోవచ్చుగానీ, సాగునీరు లేకపోతే ఆ ప్రాంత మంతా ఎడారిగా మారుతుంది. విభజన గురించి ఆలో చించే వారు సాగునీటి సమస్య ఎంత ప్రాముఖ్యమైనదో ఒక క్షణం కూడా ఆలోచించిన పాపాన పోలేదు. సీమ ప్రాజెక్టులకు నికర జలాల లభ్యతకు హామీ ఇవ్వకుండా విభజన నిర్ణయం ముందుకు సాగరాదు.
  
  వెనుకబడిన ప్రాంతాలకు ప్యాకేజీలు
  రాజధాని, సాగునీరు తర్వాత సీమాంధ్రలోని వెనుకబడిన ప్రాంతాల అభివృద్ధికి ప్యాకేజీలు అవసరమే. తెలంగాణ కంటే కూడా రాయలసీమ వెనుకబడిన ప్రాంతంగా ఉందని శ్రీకృష్ణ కమిటీ తెగేసి చెప్పింది. ఉత్తరాంధ్ర కూడా ఇంచుమించు సీమతో పాటు వెనుకబడిన ప్రాంతమే.
  
 వైఎస్ సంకల్పించిన ఉత్తరాంధ్ర సుజలస్రవంతికి జాతీయ ప్రాజెక్టు హోదా కల్పించి పూర్తి చేయడం ఆ ప్యాకేజీలోని ముఖ్య భాగంగా ఉండాలి. జలయజ్ఞం పూర్తయిన తర్వాత కూడా సీమలోని అత్యధిక భాగం దుర్భిక్షప్రాంతంగానే ఉంటుంది. అనంతపురం జిల్లా రాష్ట్రంలోనే అట్టడుగున ఉంది.
  
   వైఎస్ ఇది గుర్తించే సీమలోని ప్రతి జిల్లాలోనూ ఉపాధికి అవకాశం కల్పిస్తూ ఒక భారీ పరిశ్రమకు పథకం వేశారు. సత్వర సమగ్ర పారిశ్రామికీకరణ ఒక్కటే వెనుక బాటుకు పరిష్కారం. వైఎస్ కడప-బెంగళూరు రైలు మార్గానికి బీజం వేశాడు. అది కూడా అటకెక్కినట్లుంది. సీమ సహజ సంపదను- వ్యవసాయ వనరులు, ఖనిజసం పద - సమగ్రంగా అంచనా వేసి సమగ్రాభివృద్ధికి ప్యాకేజీ రూపొందించాలి. అందుకు నిపుణుల కమిటీ వేయాలి. సమన్యాయం జరగకపోతే, యథాస్థితి కొనసాగడం కంటే గత్యంతరం లేదు.  


  మేళ్లచెరువు, న్యూస్‌లైన్ :మాకు తీవ్ర అన్యాయం జరిగింది.. ప్యాకేజీలో వివక్ష చూపించారు.. మాగోడు ఎవరూ పట్టించుకోరా అంటూ పులిచింత ముంపు గ్రామాల బాధితులు ఆవేదనవ్యక్తం చేశారు. తెలంగాణ మట్టి మనిషి పాండురంగారావు ఆధ్వర్యంలో ఆదివారం మండలంలోని వెల్లటూరులో పులిచింతల ముంపు గ్రామాల ప్రజలతో ప్రజాసంఘాల నాయకులు ముఖాముఖి కార్యక్రమాన్ని నిర్వహించారు. ఈ సందర్భంగా ఆయా గ్రామాల బాధితులు మాట్లాడారు. ముంపునకు గురయ్యే బాధితులకు ఇచ్చిన ప్యాకేజీలో గుంటూరు జిల్లా వారికి ఓ రకంగా తమకు ఓ రకంగా కేటాయించారని ఆవేదనవ్యక్తం చేశారు. నక్కగూడెం గ్రామం చుట్టూ ప్రాజెక్ట్ నీరు చేరుతున్నందున ఆ గ్రామాన్ని కూడా మంపు గ్రామంగా ప్రకటించాలని విన్నవించారు.
  
   18 ఏళ్లు నిండిన ప్రతి ఒక్కరికీ ఇంటి స్థలం కేటాయించి ఇల్లు నిర్మించి ఇవ్వాలని డిమాండ్ చేశారు. నెమలిపురి గ్రామ శివారులో రెండో పునరావస కేంద్రాన్ని ఏర్పాటు చేయాలని అధికారులకు విజ్ఞాప్తి చేసినా పట్టించుకోవడం లేదన్నారు. అనంతరం పలు తీర్మానాలు చేశారు. ముంపు వాసుల సమస్యలపై  ప్రభుత్వంపై పోరాటం చేసి న్యాయం జరిగే విధంగా చూస్తామని ప్రజాసంఘాల నాయకులు హామీయిచ్చారు. కార్యక్రమంలో మానవ హక్కులవేదిక, జల సాధన సమితి, తెలంగాణా మట్టిమనుషులు, ప్రజాసంఘాల  నాయకులు జీవన్‌కుమార్, దుశ్చర్ల సత్యనారాయణ, పి.సుబ్బారావు, వసంతలక్ష్మీ, పురుషోత్తం, కార్తీక్, బాబయ్య, రామ్మోహన్‌రావు, ఆంధ్రజ్యోతి ఎడిటర్ శ్రీనివాస్,   రేటోజు ఉమాకాంత్, సీతారెడ్డి, శ్రీనివాసరెడ్డి, రవీంద్ర నాయక్, కార్తీక్, శ్రీను, నర్సింహారావు పాల్గొన్నారు.